S05566E · GMLW-004978

An Ornament for That Which Illuminates, Totally, the True Thought, an Explanation of "Entering the Middle Way," fromAssorted Writings found in the Collected Works of the Holy and Omniscient One

RJE BTZUN THAMS CAD MKHYEN PA'I GSUNG 'BUM THOR BU LAS DBU MA LA 'JUG PA'I RNAM BSHAD DGONGS PA'I DON RAB TU GSAL BA'I RGYAN
נושאיםTopics:Middle-Way PhilosophyEmptinessno self-naturethe Ten Levelsthe Two RealitiesCompassion
מחברauthor
HIS HOLINESS THE SECOND DALAI LAMA, GYALWA GENDUN GYATSORGYAL BA DGE 'DUN RGYA MTSO1476-1542
נמצא בfound inMIDDLE-WAY PHILOSOPHY (MADHYAMIKA PRASANGIKA SCHOOL)
מהדורהrecensionnot applicable - a collected works, not a canon edition
פוליוfolios1a–125a
צורהformprose
מצב תרגוםtranslationno English of the text
גשה מייקל לימד אותו בGeshe Michael taught it inDiamond Cutter Classics · Illumination of the True Thought
כיסוי המילון לכותרתdictionary coverage of the title100%
ז'אנרgenreCommentarya RNAM BSHAD — a full explanation
פירוש עלa commentary onDBU MA LA 'JUG PA — Entering the Middle Waythe title says so, and the folder gives the English
הקלאסיקהthe classicMadhyamakavatara
אסכולהlineageGelugthe Second Dalai Lama
מקום החיבורplace of compositionGanden Puntsok Lingthe colophon: DGA' LDAN PHUN TSOGS GLING DU PAR DU BSGRUBS — where the blocks were cut
אנשים ומקומותpeople and places namedSDE SNOD 'DZIN PA YON TAN MCHOGthe colophon names the scribe
רמת קושיleveladvanced scholastic
תלות קדםread firstEntering the Middle Way itselfthe commentary expounds it and never introduces it
הכותרת אומתה מול הטקסטtitle verified against the textyesthe first line repeats the long title in full

הקבציםThe files

S05566E_RJE BTZUN THAMS CAD MKHYEN PA'I GSUNG 'BUM THOR BU LAS DBU MA LA 'JUG PA'I RNAM BSHAD DGONGS PA'I DON RAB TU GSAL BA'I RGYAN_An Ornament for That Which Illuminates, Totally, the True Thought, an Explanation of "Entering the Middle Way," from +.txt/DBU MA_MIDDLE-WAY PHILOSOPHY (MADHYAMIKA PRASANGIKA SCHOOL)/DBU MA LA 'JUG PA'I 'GREL PA_COMMENTARIES ON 'ENTERING THE MIDDLE WAY' (MADHYAMAKA AVATARA)/RGYAL BA DGE 'DUN RGYA MTSO_HIS HOLINESS THE SECOND DALAI LAMA, GYALWA GENDUN GYATSO (1476-1542)

הטקסטThe text

טיבטיתTibetanS05566E_RJE BTZUN THAMS CAD MKHYEN PA'I GSUNG 'BUM THOR BU LAS DBU MA LA 'JUG PA'I RNAM BSHAD DGONGS PA'I DON RAB TU GSAL BA'I RGYAN_An Ornament for That Which Illuminates, Totally, the True Thought, an Explanation of "Entering the Middle Way," from +.txt349,923 תוויםcharacters
001a

, ,RJE BTZUN THAMS CAD MKHYEN PA'I GSUNG 'BUM THOR BU LAS DBU MA LA 'JUG PA'I RNAM BSHAD DGONGS PA'I DON RAB TU GSAL BA'I RGYAN ZHES BYA BA BZHUGS SO,,

001b

, ,DBU MA LA 'JUG PA'I DGONGS PA'I DON GSAL BAR BYED PA'I BSTAN BCOS DGONGS PA RAB TU GSAL BA'I RGYAN ZHES BYA BA, RGYAL BA THAMS CAD KYI YAB GCIG 'JAM PA'I DBYANGS KYI ZHABS KYI PADMOR DUS THAMS CAD DU PHYAG 'TSAL LO, ,TSOGS GNYIS BDUD RTZI'I CHU GTER GYEN 'PHYUR BSOD NAMS BRGYA PA'I DBU BA RAB GSAL GSER GYI RI NGOGS CHAGS PA GANG, ,MTSAMS SPRIN GSAR PA'I RTZE DGA' LA CHAGS PHYOGS KUN RGYAN PHYIR MTHA' DAG NAM MKHA'I NOR BU MA LUS SPRO BA NA, ,GANG DE'I DGE MTSAN 'GRO LA MTSON SLAD BRGYAD KHRI BZHI STONG STONG DANG RTEN 'BYUNG DBYAR SKYES RNGA SGRA SGROGS PA BZHIN, ,NYI MA'I GNYEN GYI ZHABS RDUL DRI MED MTHA' DAG TSANGS DBANG ZUR PHUD DANG 'GROGS GANG DER BDAG KYANG PHYAG BGYID DO, ,'JAM DBYANGS ZHABS SEN 'CHAR KA'I 'OD, ,GANG GI GTZUG PHUD LA 'PHOS PA, ,DE SNYING ME LONG DVANGS PAR NI, ,SHES

002a

, ,BYA'I GNAS KUN CIS MI 'CHAR, ,NGES DON CHU GLANG BDAG PO LA, ,DBANG SGYUR KLU SGRUB KLU YI DBANG, ,GANG GI GTZUG RGYAN LAS GZHAN NA, ,'JIG RTEN GSUM GYI RIN CEN GANG, ,RGYAL SRAS SA BCU'I ZLA BA NI, ,GRAGS PA'I 'OD DKAR PHRENG BA CAN, ,THUB BSTAN RGYA MTSO 'PHEL BYED DE, ,KLU SGRUB LUGS BZANG KUN DA'I GNYEN, ,MAR ME MDZAD DPAL 'PHRIN LAS KYI, ,NYI 'OD PHYOGS 'DIR ZHUGS PA LAS, ,THUB BSTAN 'DAB BRGYA DGOD PA GANG, ,'PHAGS PA'I YUL LA'ANG CO 'DRIR GYUR, ,RDZOGS LDAN DUS 'DIR 'ONGS PA BZHIN, ,THUB BSTAN GLING BZHI MA LUS LA, ,DBANG MDZAD CHOS KYI 'KHOR LOS SGYUR, ,BLO BZANG ZHES BYAR GRAGS PA DKAR, ,BLO GROS DAR MA'I LANG TSO LA, ,LEGS BSHAD RIN CEN RGYAN 'PHRENG CAN, ,'GRO LA DGE LEGS MTSON PA'I MIG ,SA GSUM 'GRO 'DI'I DPAL DU GYUR, ,MKHAS SHING GRUB PA'I COD PAN NI,,

002b

'DOD DGU'I CHAR 'BEBS NOR BU BZANG, ,LEGS PA'I LAM STON DAM CHOS KYI, ,'BYOR PAS BDAG BLO CI YANG TSIM, ,RGYUD LNGA'I KLONG 'KHOR ZAB MOR LHUNG GYUR SDUG BSNGAL CHU SRIN TSOGS RNAMS KYIS, ,RAB TU GTZES SHING MA RIG MUN NAG 'THIBS POR ZHUGS PA'I 'GRO BA RNAMS, ,SKU GSUM RIN CEN GLING DU 'KHRID SLAD LEGS BSHAD GRU CHEN 'DI SBYIN GYIS, ,BLO GSAL SKAL BZANG DON MTHUN TSOGS RNAMS GNAS 'DIR DANG BA LHUR BYOS SHIG, 'DIR 'JIG RTEN THAMS CAD KYI MA 'DRIS PA'I MDZA' BSHES CHEN PO SA GSUM GYI SGRON ME SANGS RGYAS BCOM LDAN 'DAS ZHES GRAGS PA'I BA DAN DKAR PO SA GSUM NA G-YO BA DE NYID KYIS, GDUL BYA'I RIM PA DANG MTHUN PAR DMAN PA LA MOS PA RNAMS SLA CHAGS BRAL GYI SPYOD PA, RGYA CHEN PO LA MOS PA RNAMS LA SA DANG PHA ROL TU PHYIN PA'I THEG PA, ZAB MO LA LHAG PAR MOS PA RNAMS LA CHAGS BCAS KYI SPYOD PAS CHOS KYI 'KHOR LO LEGS PAR BSKOR BAR MDZAD LA, DE THAMS CAD KYANG BSDU NA GNYIS SU 'DUS TE, RGYU PHA ROL TU PHYIN PA'I THEG PA DANG, 'BRAS BU RDO RJE'I THEG PA'O, ,PHA ROL TU PHYIN PA'I THEG PA'I CHOS KYI RNAM GRANGS MTHA' YAS PA DAG LAS, SNYING PO DANG MCHOG DANG RAB DANG GTZO BOR GYUR PA NI SHES RAB KYI PHA ROL TU PHYIN PA'I MDO SDE RIN PO CHE NYID YIN TE, DON GNYIS MTHAR PHYIN PA'I SANGS RGYAS KYI GO 'PHANG LTA SMOS KYANG CI DGOS, 'KHOR BA'I NYER 'TSE MTHA' DAG DANG BRAL BA'I MYA NGAN LAS 'DAS PA'I GO 'PHANG TZAM THOB PA LA YANG STONG NYID PHRA MO NGES PAR RTOGS DGOS PA'I PHYIR DANG, BCOM LDAN

003a

, ,'DAS KYI GSUNG RAB RNAMS KYANG DNGOS DANG BRGYUD PAS GDUL BYA DE KHO NA NYID LA BKRI BA'I THABS SHA STAG TU GSUNGS PA'I PHYIR TE, 'PHAGS PA YUL 'KHOR SKYONG GI ZHUS PA LAS, STONG PA ZHI BA SKYE BA MED PA'I TSUL, ,MI SHES PAS NI 'GRO BA 'KHYAMS GYUR PA, ,DE DAG THUGS RJE MNGA' BAS THABS TSUL DANG, ,RIGS PA BRGYA DAG GIS NI 'DZUD PAR MDZAD, ,CES GSUNGS PA LTAR RO, ,DES NA GROL BA DON GNYER RNAMS KYIS DE KHO NA NYID PHRA MO RTOGS PA LA 'BAD DGOS SHING, DE YANG BKA'I DGONGS PA 'GREL BA LA TSAD MAR GYUR PA'I SHING RTA'I SROL 'BYED DAG GI RJES SU 'BRANGS NAS BTZAL BAR BYA BA YIN TE, PHYIS KYI GDUL BYA BLO GROS DANG BRTZON PA SHAS CHUNG BA BYIS PA'I NGANG TSUL CAN DAG GIS DE DAG GI RJES SU MA 'BRANGS PAR BKA'I DGONGS PA RANG DBANG DU RTOGS PAR MI NUS PA'I PHYIR, DES NA BKA'I DGONGS PA 'GREL BA LA TSAD MAR GYUR PA'I SHING RTA'I SROL 'BYED NI GNYIS TE, SA GSUM BRNYES PA 'PHAGS PA THOGS MED KYIS RGYAL BA MA PHAM PA LA BRTEN NAS RNAM PAR RIG PA TZAM GYI SHING RTA'I SROL PHYE BA DANG, RJE BTZUN 'JAM DPAL DBYANGS KYI MAN NGAG LA BRTEN NAS, SANGS RGYAS GNYIS PA KLU SGRUB ZHABS KYIS DBU MA CHEN PO'I SROL PHYE BA STE DA LTA DBU SEMS ZHES GRAGS PA LTAR RO, ,DE NYID LA SHING RTA'I SROL 'BYED CES KYANG BYA STE, 'JIG RTEN NA RGYAL PO SOGS SKYES BU STOBS LDAN ZHIG GIS GROGS GZHAN LA MA LTOS PAR SNGON MED PA'I LAM SROL ZHIG THOG MAR PHYE BA NA, DE LA THOG MA'I LAM SROL 'BYED PA POR GRAGS PA LTAR DE GNYIS KYIS KYANG 'DZAM

003b

BU'I GLING DU MI'I BYAD GZUGS CAN GYI 'GREL BYED GZHAN LA MA LTOS PAR BKA'I DGONGS PA RANG DBANG DU BKRAL BA'I PHYIR RO, ,'O NA KLU SGRUB DANG THOGS MED GNYIS BKA'I DGONGS PA 'GREL BA LA TSAD MAR GYUR PA GA LAS SHES NYAM NA, STON PA RANG NYID KYIS LUNG BSTAN PA YIN TE, THOGS MED CES BYA'I DGE SLONG NI, ,BSTAN BCOS DE NI DON LA MKHAS, ,MDO SDE DRANG DON NGES PA'I DON, ,RNAM PA MANG PO RAB TU 'BYED, ,CES SOGS KYIS THOGS MED LUNG BSTAN CING, LANG GSHEGS LAS, LHO PHYOGS BE TA'I YUL DU NI, ,DGE SLONG DPAL LDAN ZHES GRAGS PA, ,DE MING KLU ZHES 'BOD PA STE, ,YOD DANG MED PA'I PHYOGS 'JIG PA, ,NGA YI BSTAN PA 'JIG RTEN DU, ,BLA MED THEG CHEN RAB BSHAD NAS, ,RAB TU DGA' BA'I SA BSGRUBS TE,, BDE BA CAN DU DE 'GRO'O, ,ZHES DANG, GZHAN YANG MDO SDE SPRIN CHEN PO, RNGA BO CHE'I MDO, 'JAM DPAL RTZA RGYUD, DUS KYI 'KHOR LO'I RGYUD PHYI MA SOGS MDO RGYUD DU MA NAS KLU SGRUB KYIS NGES DON 'GREL BAR LUNG BSTAN PA'I PHYIR RO, ,SLOB DPON DE GNYIS KYIS THEG PA CHEN PO'I BKA'I DGONGS PA RANG DBANG DU 'GREL BA'I SHING RTA'I SROL PHYE NA, MDO GANG LA BRTEN NAS PHYE, DGONGS 'GREL GYI BSTAN BCOS KYANG JI LTAR MDZAD SNYAM NA, THOGS MED KYIS NI GTZO BOR MDO SDE DGONGS 'GREL LA BRTEN NAS YIN ZHING BSTAN BCOS KYANG RGYAS PA'I BSTAN BCOS SA SDE LNGA, BSDUS PA'I BSTAN BCOS SDOM RNAM GNYIS SOGS MDZAD DE, DE DAG GIS BKA'I DGONGS PA JI LTAR BKRAL BA'I TSUL SOGS BOD KYI MKHAS PA SNGA MA RNAMS KYIS JI LTA BA BZHIN

004a

, ,DGONGS PA MA RNYED PA, RJE NYID KYIS DRANG NGES RNAM 'BYED DU CHES NGO MTSAR BA'I BSHAD PA'I SROL BTOD PA DANG, DE'I DGONGS PA'I LCI BAS DKA' BA RNAMS MKHAS GRUB THAMS CAD MKHYEN PAS SKAL BZANG MIG 'BYED DU GSAL BAR MDZAD CING, BDAG GIS KYANG DRANG NGES RNAM 'BYED KYI BKA' 'GREL DU PHYOGS TZAM BRJOD ZIN PA LTAR RO, ,'PHAGS PA KLU SGRUB KYIS NI GTZO BOR BLO GROS MI ZAD PA'I MDO LA BRTEN NAS YIN LA, RTZA SHE SOGS RIGS TSOGS RNAMS KYANG BKA'I DRANG NGES DBYE BA'I CHED DU YIN TE, TSIG GSAL LAS, DE LTA BUR STON PA'I DGOS PA MI SHES PAS 'DIR DE KHO NA'I BSTAN PA NI GANG ZHIG YIN, DGONGS PA CAN NI GANG ZHIG YIN SNYAM DU GANG ZHIG THE TSOM DU GYUR PA DANG, GANG ZHIG BLO ZHAN PA NYID KYIS DRANG BA'I DON GYI BSTAN PA LA NGES PA'I DON DU RTOGS PA DAG GI GNYIS KA'I YANG THE TSOM DANG, LOG PA'I SHES PA DAG RIGS PA DANG LUNG GNYIS KYI SGO NAS GSAL BAR BYA BA'I PHYIR SLOB DPON GYIS 'DI BRTZAMS PA YIN NO ZHES DANG, YANG GANG GI PHYIR RTEN CING 'BREL PAR 'BYUNG BA 'GAG PA LA SOGS PA DAG THOB PAR GYUR PA DE NYID KYI DRANG BA DANG NGES PA'I DON GYI MDO'I RNAM PAR DBYE BA BSTAN PA'I PHYIR DBU MA'I BSTAN BCOS 'DI MDZAD PA YIN NO ZHES GSUNGS PA LTAR RO, ,NGES DON 'GREL BA LA YANG RIGS PA DANG LUNG GI SGO NAS 'GREL BA'I TSUL GNYIS LAS, DANG PO NI RTZA SHES SOGS RIGS TSOGS RNAMS TE, DE YANG YUL STONG NYID PHRA MO RIGS PAS BSGRUB PA DANG, YUL CAN DE RTOGS PA'I LTA BA THAR PA DANG THAMS CAD MKHYEN PA GNYIS

004b

KA'I RTZA BAR STON PA GNYIS SU 'DUS LA, DANG PO LA DGAG BYA RANG BZHIN GYIS GRUB PA'I BSGRUB PA PHAR 'GOG PA DANG, RANG BZHIN MED KYANG RANG LUGS LA BYA BYED THAMS CAD 'THAD PAR STON PA GNYIS SU 'DUS PA LAS, DANG PO LA YANG RANG BZHIN GYIS GRUB PA'I BSGRUB BYA GTZO BOR 'GOG PA RTZA BA SHES RAB DANG, SGRUB BYED RTOG GE'I TSIG DON BCU DRUG SOGS 'GOG PA ZHIB MO RNAM 'THAG GNYIS SO, ,RANG BZHIN MED KYANG BYA BYED 'THAD PA'I TSUL STON PA LA GNYIS TE, BYA BYED SPYIR 'THAD TSUL STON PA RTZA SHE'I RAB BYED BDUN PA LAS 'PHROS PA STONG NYID DU BDUN CU PA DANG, DGAG SGRUB KYI BYA BYED BYE BRAG TU 'THAD TSUL STON PAR RAB BYED DANG PO LAS 'PHROS PA RTZOD BZLOG STE, DE DAG GIS YUL STONG NYID PHRA MO RIGS PAS BSGRUBS NAS YUL CAN DE RTOGS PA'I LTA BA THAR PA TZAM GYI RTZA BAR STON PA RIGS PA DRUG CU PA DANG, THAMS CAD MKHYEN PA'I YANG RTZA BAR STON PA RIN PO CHE'I 'PHRENG BA STE DA LTA RIGS PA'I TSOGS DRUG TU GRAGS PA LTAR RO, ,DE LTAR STONG NYID PHRA MO GTAN LA PHAB PA YANG, BCOM LDAN 'DAS KYI MDO'I DGONGS PA YIN GYI KLU SGRUB KYIS RANG BZOR NI MA YIN NO, ,ZHES BSTAN PAR BZHED NAS NGES DON GYI LUNG DANG SBYAR BA'I PHYIR MDO KUN LAS BTUS PA MDZAD DE, TSIG GSAL DU NI RAB BYED PHAL MO CHE LA NGES DON GYI LUNG SBYOR SMOS PA DANG GNAD GCIG STE, 'DI DAG LA BLA MA YAB SRAS KYIS STONG NYID DAM NGES DON LUNG GIS BSGRUB PA ZHES PA'I THA SNYAD MDZAD PA YIN, SLOB DPON DE NYID KYI DGONGS PA 'GREL BA LA SNGAGS DANG PHAR PHYIN GYI THEG PA GNYIS KA'I SGO NAS GTZO BOR

005a

, ,GYUR PA NI SRAS KYI THU BO 'PHAGS PA LHA YIN LA, DES DBU MA'I BSTAN BCOS RNAL 'BYOR SPYOD PA BZHI BRGYA PA MDZAD DE, YAB SRAS 'DI GNYIS RJES 'BRANG DAG GIS YID CHES PA'I GNAS SU KHYAD PAR MED PAR 'DZIN PAS BOD SNGA MAS GZHUNG PHYI MO'I DBU MA PA'I THA SNYAD KYANG MDZAD LA, DE GNYIS KYI RJES 'BRANG LA THAL RANG GI PHYOGS GNYIS LAS, RANG RGYUD PA LA LEGS LDAN RJES 'BRANG DANG BCAS PA DANG, 'PHAGS GROL DANG ZHI 'TSO RJES 'BRANG DANG BCAS PA'I PHYOGS GNYIS LAS, LEGS LDAN GYIS RTZA SHE'I 'GREL PA SHES RAB SGRON ME RANG GZHUNG DU BRTZAMS PA DBU MA SNYING PO RANG 'GREL RTOG GE 'BAR BA DANG BCAS PA MDZAD CING, YE SHES SNYING POS DE'I RJES SU 'BRANG NAS DBU MA BDEN GNYIS MDZAD, DE GNYIS KA'ANG PHYI DON THA SNYAD DU ZHAL GYIS BZHES SHING RANG RIG MI BZHED PAS BOD SNGA MAS MDO SDE SPYOD PA'I DBU MA PA ZHES THA SNYAD BTAGS SO, ,ZHI BA 'TSOS NI THA SNYAD DU PHYI DON MED CING RANG RIG YOD PA DANG, SHES PA BDEN PAR MA GRUB PA'I DBU MA'I SROL PHYE NAS DBU MA RGYAN MDZAD CING KA MA LA SH'I LAS DBU MA SNANG BA DANG SGOM RIM GSUM MDZAD LA, 'PHAGS SENG SANGS RGYAS YE SHES ZHABS, AA BHYA KA RA'I GZHUNG RNAMS KYANG LTA BA'I 'JOG TSUL ZHI 'TSO LTAR BZHED DE, BOD SNGA MAS RNAL 'BYOR SPYOD PA'I DBU MA PAR BRDA SBYAR RO, ,THAL 'GYUR BA'I PHYOGS LA, SLOB DPON SANGS RGYAS BSKYANGS KYIS RTZA SHE'I 'GREL PA BUDDHA P'A LI TA MDZAD NAS 'PHAGS PA'I DGONGS PA THAL 'GYUR DU THOG MAR BKRAL ZHING, DE LTA NA YANG THAL 'GYUR 'THAD

005b

CING RANG RGYUD MI 'THAD PA SOGS KYI RNAM DBYE MA MDZAD DE, DE'I RJES SU DPAL LDAN ZLA BAS RTZA SHE'I 'GREL PA TSIG GSAL MDZAD NAS 'PHAGS PA'I DGONGS PA THAL 'GYUR DU GNAS SHING RANG RGYUD MI 'THAD PA'I GSAL KHA BTOD NAS SHING RTA'I SROL PHYE BA YIN LA, DE BZHIN DU RIGS PA DRUG CU PA'I 'GREL PA DANG, BZHI BRGYA PA'I 'GREL PA GNYIS DANG, RANG GZHUNG DU BRTZAMS PA 'JUG PA RANG 'GREL DANG BCAS PA MDZAD DE, MKHAS MCHOG DPA' BO DANG ZHI BA LHA GNYIS KYANG DE DAG DANG MTHUN PA'I PHYOGS SO, ,'DI DAG LA 'JIG RTEN GRAGS TE SPYOD PA'I DBU MA PA'I THA SNYAD KYANG MDZAD DE, THOG MAR SANGS RGYAS BSKYANGS KYIS 'PHAGS PA'I DGONGS PA THAL 'GYUR DU BKRAL LA, DE NYID LEGS LDAN GYIS BKAG NAS RANG RGYUD KYI SROL PHYE BAS 'DI GNYIS RJES 'BRANG DANG BCAS PA LA BOD SNGA MAS PHYOGS YONGS SU 'DZIN PA'I DBU MA PA'I THA SNYAD BYAS SNANG NGO, ,DE YANG RGYA GAR NA RTZA SHE LA 'GREL PA BRGYAD YOD PAR GRAGS TE, GA LAS 'JIGS MED, DE BA SHAR MA, GU NA SHR'I, GU NA MA TI, STHI RA MA TI, SANGS RGYAS BSKYANGS, LEGS LDAN 'BYED, ZLA BA GRAGS PA'I 'GREL PA RNAMS SO, ,DE DAG NI SPYI'I RNAM GZHAG PHYOGS TZAM ZHIG SMOS PA STE RGYAS PAR NI GZHAN DU SHES PAR BYA'O,, SMRAS PA, DGE LEGS SBRANG RTZI'I KHUR GYIS NGAL BA CAN, , SMIN LEGS THUB BSTAN PAD DKAR MDZES PA'I TSAL, ,'PHAGS YUL MKHAS MANG LEGS BSHAD 'OD STONG GIS, ,RNAM PAR PHYE BA'I DRI BZANG AE MA MTSAR, ,BAR SKABS KYI TSIGS SU BCAD PA'O,, DE LTAR SPYI'I RNAM PAR GZHAG PA MDO TZAM ZHIG

006a

, ,BSTAN NAS, DA NI 'PHAGS MCHOG KLU SGRUB YAB SRAS KYI RJES SU 'BRANGS NAS DE KHO NA NYID GTAN LA 'BEBS PA DNGOS LA 'JUG PAR BYA STE, DE YANG GZHAN LUGS 'GOG PA SOGS KYI SPROS PA RGYAS PAR MI BYED CING DA LTA'I SKYE BO DAG GI BLO DANG 'TSAM PA TZAM ZHIG 'JUG PA'I RNAM BSHAD CHEN MO'I MTHA' DPYOD TSUL RNAMS LA GZHI BYAS, DPAL LDAN ZLA BA'I 'GREL CHEN GSUM DANG, STONG THUN SKAL BZANG MIG 'BYED SOGS MKHAS PA RNAMS KYI LEGS BSHAD LA BRTEN NAS GO SLA BA'I NGAG GIS BSHAD PAR BYA LA, DE YANG DON DU GNYER BA PO DAG GZHUNG GI GO RIM DANG SBYAR NA BLO LA 'CHAR BDE ZHING PHAN CHE BAR 'GYUR RO ZHES SMRA BA'I NGOR DBU MA LA 'JUG PA'I GZHUNG GI GO RIM DANG MTHUN PAR BSHAD PAR BYA'O,, DES NA 'DI LA GNYIS, BSTAN BCOS 'DI'I BSHAD BYA NGOS BZUNG, DE NYID 'DIS JI LTAR 'GREL BA'I TSUL LO,, DANG PO NI, DE YANG GANG DAG BSTAN BCOS 'DI'I BSHAD BYA'I MDO DANG BSTAN BCOS JI LTA BU SNYAM NA, DE YANG GTZO BOR YUM RGYAS 'BRING BSDUS GSUM SOGS 'DI'I BSHAD BYA'I MDOR RIGS TE, 'DIR STONG NYID PHRA MO GTAN LA PHAB PA RNAMS RTZA BA SHES RAB KYI DGONGS PA PHYIN CI MA LOG PAR BKRAL BA YIN LA, BSTAN BCOS RTZA BA SHES RAB SOGS RIGS TSOGS RNAMS KYIS GTZO CHER SHER PHYIN GYI MDO'I DNGOS BSTAN STONG PA NYID KYI CHA RNAMS RTZAL DU BTON NAS 'CHAD PA'I PHYIR RO, ,GZHAN YANG BKA'I DBANG DU BYAS NA MDO SDE SA BCU PA'I DGONGS PA GTZO BOR 'GREL BAR BYED DE, 'DIR SA BCU'I RNAM GZHAG SPYIR GTAN LA PHAB PA RNAMS

006b

DANG KHYAD PAR SA DRUG PAR SHES RAB KYI PHA ROL TU PHYIN PA'I NYAMS LEN LHAG TSUL BSTAN PA RNAMS BSTAN BCOS 'DIR LEGS PAR BKRAL BA'I PHYIR RO, ,BSTAN BCOS KYI DBANG DU BYAS NA GTZO BOR RTZA SHE'I DGONGS PA 'GREL ZHING RGYA CHE BA'I LAM GYI RIM PA RNAMS RIN CEN 'PHRENG BA SOGS LA BRTEN NAS KYANG 'CHAD PAR MDZAD DO, ,DE LTA NA, BSTAN BCOS 'DI LA DBU MA LA 'JUG PA ZHES BRJOD NA, 'JUG BYA'I DBU MA JI LTA BU, DE LA BSTAN BCOS 'DI JI LTAR 'JUG CE NA, SPYIR DBU MA DNGOS NI SPROS PA'I MTHA' THAMS CAD DANG BRAL BA'I DE BZHIN NYID YIN LA, DE NYID YUL DU BYED PA'I LAM DANG, BRJOD BYAR BYED PA'I MDO DANG BSTAN BCOS SOGS LA DBU MA'I THA SNYAD BYAS PA MANG DU YOD NA YANG 'DIR 'JUG BYA'I YUL GYI DBU MA NI DBU MA'I BSTAN BCOS NYID YIN TE, 'GREL PAR DBU MA'I BSTAN BCOS LA 'JUG PAR BYA BA'I PHYIR DBU MA LA 'JUG PA RTZOM PAR 'DOD PAS ZHES GSUNGS PA'I PHYIR, BSTAN BCOS KYANG RTZA SHE NYID YIN GYI GZHUNG GZHAN NI MA YIN TE, 'GREL PAR RTZA SHE KHUNGS SU MDZAD PA NA DBU MA LAS ZHES SMOS SHING RIN CEN 'PHRENG BA SOGS LA RANG MING GIS SMOS PA'I PHYIR, BSTAN BCOS 'DIS RTZA BA SHES RAB KYI DGONGS PA 'GREL BA LA 'JUG PA'I TSUL GYI SGO NI GNYIS TE, ZAB PA'I SGO NAS 'JUG PA'I TSUL DANG, RGYA CHE BA'I SGO NAS 'JUG PA'I TSUL LO, ,DE YANG BSTAN BCOS 'DIS RTZA BA SHES RAB LA ZAB PA'I SGO NAS 'JUG PA'I TSUL YOD DE, RTZA BA SHES RAB KYI DON DBU MA PA GZHAN DANG SEMS TZAM PA SOGS KYIS BKRAL BA DANG THUN MONG MA YIN PA'I TSUL GYIS

007a

, ,RTZA BA SHES RAB KYI DGONGS PA 'GREL BA LA 'JUG PA'I PHYIR TE, RANG 'GREL LAS, LUGS 'DI NI THUN MONG MA YIN PA'O ZHES MKHAS PA RNAMS KYIS NGES PAR BYA'O, ,ZHES DANG, DE NYID MA RTOGS PAS CHOS ZAB MO 'DI SPANGS PAS DE'I PHYIR BSTAN BCOS KYI DE KHO NA NYID PHYIN CI MA LOG PAR BSTAN PAR BYA BA'I PHYIR DBU MA'I BSTAN BCOS LA 'JUG PA 'DI SBYAR BA YIN NO, ,ZHES GSUNGS PA LTAR RO, ,'O NA SEMS TZAM PA DANG DBU MA PA GZHAN GYIS RTZA SHE'I DGONGS PA BKRAL BA'I TSUL JI LTA BU, 'DIS RTZA SHE'I DGONGS PA BKRAL BA DE RNAMS DANG THUN MONG MA YIN PAR 'GYUR TSUL GANG LAS SHES SNYAM NA, DE YANG SLOB DPON SHANTI PAS RTZA SHE'I DGONGS PA LTA BA'I CHA NAS KYANG SEMS TZAM DU BKRAL BAR GRAGS PA DANG, GNAS BRTAN CHOS SKYONG GIS BZHI BRGYA PA SEMS TZAM DU BKRAL BA LTA BU 'PHAGS PA YAB SRAS KYI DGONGS PA RNAM RIG DU BKRAL BA DANG, YANG LTA BA'I CHA NAS SEMS TZAM LAS GONG DU GYUR PA'I DBU MAR BKRAL YANG THA SNYAD KYI RNAM GZHAG MANG PO ZHIG SEMS TZAM PA DANG MTHUN PAR MDZAD PA ZHI 'TSO YAB SRAS LTA BU DANG, DBU MA PA KHA CIG SEMS TZAM DANG SGO BSTUN NAS RANG RIG DANG KUN GZHI GNYIS KA'ANG KHAS LEN PA YOD PAR BSHAD LA, LEGS LDAN 'BYED SOGS RANG GI MTSAN NYID KYIS GRUB PA DANG, RANG RGYUD KYI RTAGS DANG DAM BCA' SOGS ZHAL GYIS BZHES SHING, BDEN 'DZIN SHES SGRIB DANG, NYAN RANG 'PHAGS PA LA CHOS KYI BDAG MED PHRA MO RTOGS PA MED PAR BZHED PA SOGS DBU MA PA GZHAN GYIS 'PHAGS PA'I DGONGS PA BKRAL BA'I TSUL YIN

007b

LA; 'DIR DGONGS PA BKRAL BA'I TSUL NI DE RNAMS DANG THUN MONG MA YIN PAR GYUR PA'I SGO GTZO BO NI CHOS RNAMS LA RANG GI MTSAN NYID KYIS GRUB PA'I NGO BO NYID THA SNYAD DU'ANG RDUL TZAM MED PA DANG, MING RKYANG BTAGS YOD TZAM LA 'KHOR 'DAS KYI BYA BYED THAMS CAD BSNYON MED DU 'JOG PA'I TSUL 'DI NYID 'PHAGS PA YAB SRAS KYI DGONGS PA MTHAR THUG TU BKRAL BA LA BRTEN NAS, THA SNYAD DU PHYI DON KHAS LEN PA DANG, KUN GZHI DANG RANG RIG KHAS MI LEN PA SOGS SEMS TZAM PA BYE BRAG TU DGAG PA'I SKABS NAS BSTAN PA LTAR GYI SEMS TZAM PA RNAMS DANG THUN MONG MA YIN PAR DGONGS PA 'GREL BA'I TSUL DANG, BDEN 'DZIN NYON SGRIB TU BZHED PA DANG, NYAN RANG 'PHAGS PA LA STONG NYID PHRA MO RTOGS PA NGES PAR DGOS PA DANG, DUS GSUM GYI 'JOG TSUL THUN MONG MA YIN PA SOGS DBU MA PA GONG DU BSHAD PA'I GZHAN DE RNAMS DANG THUN MONG MA YIN PA'I TSUL DU BKRAL BA'I SGO NAS ZAB PA'I SGO NAS DGONGS PA 'GREL BA LA 'JUG PA YIN NO, ,RANG RGYUD KYI RTAGS DANG DAM BCA' RTZAL DU BTON NAS 'GOG PA TSIG GSAL MA GTOGS 'DI RTZA 'GREL NA MI GSAL YANG MTHA' BZHI'I SKYE BA 'GOG PA SOGS THAL 'GYUR DANG GZHAN GRAGS GTAN TSIGS KYI SGO NAS MDZAD PA MA GTOGS RANG RGYUD KYI RTAGS DANG SGRUB NGAG SOGS 'GOD PAR MI MDZAD PAS DBU MA PA GZHAN DANG THUN MONG MA YIN PA'I ZAB KHYAD DO,, GNYIS PA RGYA CHE BA'I SGO NAS 'JUG PA'I TSUL NI, BSTAN BCOS 'DIR SO SO SKYE BO'I CHOS GSUM 'PHAGS PA SLOB PA'I SA BCU, 'BRAS BU SANGS RGYAS KYI SA'I RNAM GZHAG SOGS

008a

, ,RGYA CHE BA'I THABS KYI CHA RNAMS GTAN LA PHAB PA'I SGO NAS 'JUG PA YIN NO,, GNYIS PA DE NYID 'DIS JI LTAR 'GREL BA'I TSUL LA GSUM, BSHAD PA LA 'JUG PA'I BYA BA MCHOD BRJOD LAS BRTZAMS TE SO SO SKYE BO'I CHOS GSUM GYI MTHA' DPYAD PA, SA BCU SO SO'I RNAM GZHAG LAS BRTZAMS TE PHAR PHYIN BCU'I NYAMS LEN RGYAS PAR BSHAD PA, DE LTAR NYAMS SU BLANGS PA'I 'BRAS BU SANGS RGYAS KYI SA'I RNAM GZHAG BSHAD PA'O,, DANG PO NI, 'JUG 'GREL LAS DBU MA'I BSTAN BCOS LA 'JUG PAR BYA BA'I PHYIR DBU MA LA 'JUG PA RTZOM PAR 'DOD PAS, YANG DAG PAR RDZOGS PA'I SANGS RGYAS DANG, BYANG CHUB SEMS DPA' RNAM PAS KYANG THOG MAR BCOM LDAN 'DAS SNYING RJE CHEN PO SANGS RGYAS NYID KYI RGYU PHUN SUM TSOGS PA DANG PO SEMS CAN 'KHOR BA'I BTZON RAR BSDAMS PA SKYABS MED PA DPAG TU MED PA YONGS SU SKYOB PA'I MTSAN NYID CAN LA BSTOD PAR BYAS PA NYID DU BSTAN PA'I PHYIR, NYAN THOS SANGS RGYAS 'BRING RNAMS THUB DBANG SKYES, ,ZHES SOGS TSIGS SU BCAD PA GNYIS SMOS SO ZHES MTSAMS SBYAR LA, DE'I DON NI, DGOS PA DBU MA'I BSTAN BCOS LA 'JUG PAR BYA BA'I PHYIR ZLA BA'I ZHABS KYIS DBU MA LA 'JUG PA RTZOM PAR 'DOD PAS GZHUNG GZHAN LAS MCHOD BRJOD KYI YUL DU MDZAD PA'I NYAN RANG GNYIS MCHOD BRJOD KYI YUL DU MA BKOD PAR MA ZAD YANG DAG PAR RDZOGS PA'I SANGS RGYAS DANG, BYANG CHUB SEMS DPA' RNAMS LAS KYANG THOG MAR RGYU'I GTZO BO LA 'BRAS BU'I MING GIS BTAGS PA'I BCOM LDAN 'DAS MA SNYING RJE CHEN PO LA BSTOD PAR MDZAD

008b

PA'I RGYU MTSAN YOD DE, SNYING RJE CHEN PO DE SANGS RGYAS KYI RGYU PHUN SUM TSOGS PA DANG PO SEMS CAN 'KHOR BA'I BTZON RAR BSDAMS PA SKYABS MED PA MA LUS PA YONGS SU SKYOB PA'I MTSAN NYID CAN YIN PAS DE LA BSTOD PAR 'OS SO ZHES BSTAN PAR BYA BA'I CHED YIN PA'I PHYIR, DES NA 'DI DAG GI DON BSHAD PA LA GSUM, NYAN RANG THUB DBANG LAS 'KHRUNGS TSUL, THUB DBANG BYANG SEMS LAS 'KHRUNGS TSUL, BYANG SEMS KYI RGYU'I GTZO BO GSUM NGOS BZUNG BA'O,, DANG PO LA GNYIS, NYAN RANG GI SGRA BSHAD, DE THUB DBANG LAS 'KHRUNGS PA'I TSUL DNGOS SO,, DANG PO NI, NYAN RANG GNYIS THUB DBANG LAS 'KHRUNGS NA DE DAG GI SGRA BSHAD TSUL JI LTA BU ZHE NA, NYAN THOS ZHES PA'I SGRA BSHAD DU YOD DE, YANG DAG PA'I GDAMS NGAG SANGS RGYAS LAS MNYAN NAS DE NYAMS SU BLANGS PA'I 'BRAS BU BYANG CHUB THOB PA NA DON DE GZHAN LA THOS PAR BYED PAS DE LTAR TU BRJOD PA'I PHYIR, THOS PAR BYED PA'I TSUL YANG YOD DE, 'DI LTAR BYA BA BYAS SO 'DI LAS SRID PA GZHAN MI SHES SO, ,ZHES SOGS KYI SGO NAS THOS PAR BYED PA'I PHYIR, GZUGS MED KHAMS PA'I NYAN THOS RNAMS LA SGRA 'DI BSHAD DU MED KYANG 'JUG PA MI 'GAL TE, SKAM LAS SKYES PA'I PADMA LA MTSO SKYES KYI SGRA DNGOS MING DU 'JUG PA BZHIN NO,, NYAN THOS KYI SKAD DOD SHRA BA KA THOS SGROGS LA 'JUG PA LTAR NA, DE LTAR BRJOD PA'I RGYU MTSAN YOD DE, SANGS RGYAS SU BGROD PA'I THEG CHEN GYI LAM GZHAN LAS THOS NAS RANG NYID NYAMS SU MI LEN KYANG DE DON DU GNYER BA'I THEG CHEN GYI RIGS CAN LA SGROGS PAR BYED PA'I PHYIR TE,

009a

, ,DAM CHOS PAD DKAR LAS, MGON PO DE RING BDAG CAG NYAN THOS GYUR, BYANG CHUB DAM PA YANG DAG BSGRAG PAR BGYI, ,BYANG CHUB PA YI SGRA YANG RAB TU BRJOD, ,DE BAS BDAG CAG NYAN THOS MI BZAD 'DRA,, ZHES 'BYUNG BA LTAR YIN LA; BYANG CHUB SEMS DPA' RNAMS LA NI BTAGS PA TZAM STE NYAN THOS RNAMS LA NI THOS SGROGS DNGOS SO, ,RANG SANGS RGYAS LA SKABS 'DIR SANGS RGYAS 'BRING POR BSHAD KYANG SANGS RGYAS KYI SKAD DOD TA TVA BUDDHA ZHES PA'I SGRA DE KHO NA NYID RTOGS PA LA YANG 'JUG PAS SKABS 'DIR, NYAN THOS DE NYID RTOGS 'BRING THUB DBANG SKYES, ,ZHES SBYAR NA SKABS SU BAB PA YIN LA, RANG RGYAL LA DE NYID RTOGS PA 'BRING PO ZHES BRJOD PA'I RGYU MTSAN YOD DE, THUGS RJE CHEN PO DANG RNAM PA THAMS CAD MKHYEN PA'I YE SHES SOGS MED PAS SANGS RGYAS LAS RTOGS TSUL DMAN ZHING DBANG PO'I RIM PA DANG BSKAL PA BRGYAR LAM GYI GOMS PA BSRING NUS PA SOGS KYI BSOD NAMS DANG YE SHES BRTAN PA GONG DU 'PHEL BA'I KHYAD PAR GYIS NYAN THOS LAS LHAG PAS DE LTAR BRJOD PA'I PHYIR, RANG SANGS RGYAS ZHES PA'I SGRA BSHAD DU YOD DE, SRID PA THA MA PA'I TSE SLOB DPON GZHAN GYIS BSTAN PA LA MI BLTOS PAR RANG GI BYANG CHUB MNGON DU BYED PAS DE LTAR BRJOD PA'I PHYIR, GNYIS PA NI, NYAN RANG DE DAG CHOS CAN, THUB DBANG LAS 'KHRUNGS PA YIN TE, THUB PA'I DBANG POS RTEN 'BREL GYI DON ZAB MO STONG PA NYID BSTAN PA'I DON NYAMS SU BLANGS PA LAS NYAN THOS 'GA' ZHIG GIS NI TSE DE NYID LA RANG GI BYANG CHUB MNGON DU BYED LA RANG RGYAL GYI RIGS CAN

009b

RNAMS KYIS RTEN 'BREL ZAB MO'I CHOS THOS PA'I TSE DE NYID LA DGRA BCOM MA THOB KYANG MYONG NGES KYI LAS STOBS LDAN BSAGS PA BZHIN DU SKYE BA GZHAN DU NGES PAR RANG GI BYANG CHUB MNGON DU BYED PA'I PHYIR, GNYIS PA NI, NYAN THOS DANG RANG SANGS RGYAS RNAMS NI SGO GSUM MI MTHUN PA'I PHYOGS LAS BSDAMS PAS THUB PA YIN LA DE DAG LA BKAS DBANG SGYUR BA DANG, GONG NA MED PA'I CHOS KYI DBANG PHYUG PHUN SUM TSOGS PA MNGA' BAS THUB PA'I DBANG PO ZHES BRJOD PAS SANGS RGYAS BCOM LDAN 'DAS RNAMS NI BYANG CHUB SEMS DPA' LAS 'KHRUNGS TE, RANG DANG RGYUD GCIG PA'I BYANG SEMS KYIS NYER LEN DANG, RANG LAS RGYUD THA DAD PA'I BYANG SEMS 'GA' ZHIG GIS LHAN CIG BYED RKYEN BYAS PA LAS 'KHRUNGS PA'I PHYIR, RTAGS DANG PO GRUB STE; DE BZHIN GSHEGS PA'I GNAS SKABS NI BYANG CHUB SEMS DPA'I GNAS SKABS SNGON DU 'GRO BA CAN YIN PA'I PHYIR, GNYIS PA GRUB STE, SNGON MGON PO 'JAM PA'I DBYANGS BYANG CHUB SEMS DPAR GYUR PA NYID KYIS BDAG CAG GI STON PA SOGS SANGS RGYAS CHES MANG PO ZHIG BYANG CHUB KYI SEMS THOG MAR BSKYED DU BCUG PAR MDO SDE LAS GSUNGS PA'I PHYIR, DES NA SKABS 'DIR GTZO BOR BYANG SEMS LA BSNGAGS PA'I RGYU MTSAN YOD DE, LAS DANG PO PA'I BYANG SEMS DE SANGS RGYAS KYI RGYU PHUN SUM TSOGS PA DANG PO BRLING BA STE GCES PA YIN PA'I PHYIR DANG, RGYU BYANG SEMS LA BSNGAGS PAS 'BRAS BU SANGS RGYAS LA'ANG DON GYIS BSNGAGS PAR 'GYUR BA DANG, NAD THAMS CAD SEL BA'I SMAN GYI LJON SHING DON DU GNYER BAS MYU GU'I GNAS

010a

, ,SKABS SU LHAG PAR GTZIS SU BYED DGOS PA BZHIN DU RGUD PA THAMS CAD SEL BA'I SANGS RGYAS KYI LJON SHING DON DU GNYER BAS KYANG DE'I MYU GU LA LHAG PAR GCES SPRAS SU BYA DGOS PA'I PHYIR DANG, BYANG SEMS KYI BSNGAGS PAS GSUNGS PA'I DUS DER NYE BAR GYUR PA'I THEG PA GSUM GYI RIGS CAN GYI 'KHOR RNAMS THEG PA CHEN PO NYID LA NGES PAR SBYAR BAR BYA BA YIN PA'I PHYIR TE, JI SKAD DU 'PHAGS PA DKON COG BRTZEGS PA'I MDO LAS, 'OD SRUNGS 'DI LTA STE, DPER NA ZLA BA TSES PA LA PHYAG 'TSAL BA LTAR NYA BA LA MA YIN NO, ,'OD SRUNGS, DE BZHIN DU GANG DAG NGA LA RAB TU DAD PA DE DAG GIS BYANG CHUB SEMS DPA' RNAMS LA PHYAG BYA YI, DE BZHIN GSHEGS PA RNAMS LA NI DE LTAR MA YIN NO,, DE CI'I PHYIR ZHE NA, BYANG CHUB SEMS DPA' LAS NI DE BZHIN GSHEGS PA RNAMS 'BYUNG NGO, ,DE BZHIN GSHEGS PA RNAMS LAS NI NYAN THOS DANG RANG SANGS RGYAS THAMS CAD 'BYUNG NGO, ,ZHES GSUNGS PA'I PHYIR RO,, GSUM PA NI, NYAN RANG GNYIS THUB DBANG LAS DANG DE BYANG SEMS LAS 'KHRUNGS NA, BYANG SEMS DE DAG GI RGYU GANG ZHE NA, SNYING RJE CHEN PO DANG GNAS LUGS RTOGS PA'I SHES RAB 'OG NAS 'CHAD PAR 'GYUR BA'I BYANG CHUB KYI SEMS GSUM NI CHOS CAN, BYANG CHUB SEMS DPA' RNAMS KYI RGYU YIN TE, DE SKYED BYED YIN PA'I PHYIR, DES NA SKABS 'DIR BYANG CHUB SEMS DPA'I RGYU'I GTZO BO GSUM BSHAD PA LA GSUM, NGO BO NGOS BZUNG, DE LA DOGS PA DPYAD RGYU GZHAN GNYIS KYI'ANG RTZA BA SNYING RJER BSTAN PA'O,, DANG PO LA GSUM LAS, SNYING RJE LA

010b

MTSAN NYID DBYE BA'O,, DANG PO NI, DMIGS YUL GYI SEMS CAN SDUG BSNGAL DANG BRAL BAR 'DOD PA'I RNAM PA CAN GYI SEMS BYUNG NGO,, GNYIS PA LA SNYING RJE'I DBYE BA SPYIR BSTAN, SNYING RJE CHEN PO BYE BRAG TU BSTAN PA'O,, DANG PO NI, SPYIR SNYING RJE LA DBYE NA DU MAR YOD DE, SNYING RJE TSAD MED, MAS BU LA DMIGS PA'I SNYING RJE LTA BU, SNYING RJE TZAM ZHIG DANG GSUM DU YOD PA'I PHYIR, DES NA SNYING RJE TZAM RGYUD LA SKYE MA MYONG BA'I SEMS CAN MED CING SNYING RJE TSAD MED RGYUD LA SKYE MA MYONG BA'I SEMS CAN YANG MED DE, TSANGS GNAS SU SKYE MA MYONG BA'I SEMS CAN MED PA GANG ZHIG DER SKYE BA LA NGES PAR SNYING RJE TSAD MED RGYUD LA SKYES PA ZHIG DGOS PA'I PHYIR TE, DE LA TSAD MED BZHI KA RGYUD LA SKYES PA ZHIG NGES PAR DGOS PA'I PHYIR, DES NA DE DAG LA TSANGS PA'I GNAS PA BZHI ZHES GSUNGS RAB LAS KYANG 'BYUNG BA YIN NO, ,DES NA RANG GI BDAG RKYEN BSAM GTAN GYI DNGOS GZHI'I SEMS LA BRTEN NAS SKYES PAS RAB TU PHYE BA'I SNYING RJE ZHES PA SNYING RJE TSAD MED DNGOS KYI 'JOG BYED DU BYAS NA LEGS PAR MNGON ZHING SPYIR TSAD MED BZHI PO 'DI DAG LA YANG BSGOM PA'I GNAS SKABS DANG, BSGOMS NAS MTSAN NYID PA RGYUD LA SKYES PA'I GNAS SKABS GNYIS SO SOR PHYED DGOS SO, ,DBYE NA TSAD MED BZHI KA LA SEMS CAN TZAM LA DMIGS PA CHOS DANG DMIGS MED LA DMIGS PA GSUM GSUM DU BYAMS CHOS RNAMS LAS 'BYUNG NGO, ,'O NA SNYING RJE CHEN PO DANG TSAD MED 'GAL LAM ZHE NA, MU BZHIR YOD DE, BYANG CHUB SEMS DPA'I RGYUD KYI SNYING RJE TSAD MED PA DE GNYIS KA

011a

, ,DANG, NYAN RANG DGRA BCOM PA'I RGYUD KYI SNYING RJE TSAD MED NI TSAD MED YIN KYANG CHEN PO MA YIN PA'I MU DANG, BYANG SEMS KYI THOG MA'I RGYU'I GTZO BO GSUM GYI NANG TSAN GYI SNYING RJE NI CHEN PO YIN LA TSAD MED MA YIN PA'I MU DANG, MAS BU LA DMIGS PA'I SNYING RJE LTA BU NI GNYIS KA MA YIN PA'I MUR GZHAG DGOS PAS SO,, GNYIS PA LA MTSAN NYID DANG, DBYE BA, SA MTSAMS SO,, DANG PO NI, DMIGS PA RIS SU MA CHAD PA'I SEMS CAN LA DMIGS NAS RNAM PA SDUG BSNGAL DANG BRAL BAR RANG GIS BSGRUB PAR 'DOD PA'I RNAM PA CAN SNYING RJE CHEN PO'I MTSAN NYID DU RIGS TE, t'IKA CHEN LAS, 'DI'I SNYING RJE GSUM NI DMIGS PA GSUM PO GANG LA DMIGS KYANG SEMS CAN THAMS CAD SDUG BSNGAL MTHA' DAG LAS BSKYAB PAR 'DOD PA'I RNAM PA CAN YIN PAS NYAN RANG GI SNYING RJE DANG KHYAD PAR SHIN TU CHE'O, ,ZHES GSUNGS PA LTAR RO,, GNYIS PA NI, DBYE NA GSUM LAS, DMIGS PA SDUG BSNGAL GYIS MNAR BAS KHYAD PAR DU BYAS PA'I SEMS CAN TZAM LA DMIGS NAS RNAM PA SDUG BSNGAL DANG BRAL BAR 'DOD PA'I SNYING RJE CHEN PO DE SEMS CAN TZAM LA DMIGS PA'I SNYING RJE'I MTSAN NYID, MI RTAG PA DANG BDAG MED RAGS PA GANG RUNG GIS KHYAD PAR DU BYAS PA'I SEMS CAN LA DMIGS PAS RAB TU PHYE BA'I SNYING RJE CHEN PO DE CHOS LA DMIGS PA'I SNYING RJE CHEN PO'I MTSAN NYID, BDAG MED PHRA MOS KHYAD PAR DU BYAS PA'I SEMS CAN LA DMIGS PAS RAB TU PHYE BA'I SNYING RJE CHEN PO ZHES PA DMIGS MED LA DMIGS PA'I SNYING RJE CHEN PO'I MTSAN NYID DO, ,DES NA SNYING RJE

011b

GSUM PO RNAMS DMIGS PA'I SGO NAS MI 'BYED DE, GSUM KA'ANG DMIGS YUL GYI SEMS CAN SDUG BSNGAL DANG BRAL BAR 'DOD PA'I RNAM PA CAN DU MTSUNGS PA'I PHYIR, GSUM PA NI, 'O NA SNYING RJE GSUM KA SANGS RGYAS KYI SA'I BAR DU 'JUG GAM SNYAM NA, 'DI LA BZHED TSUL MI MTHUN PA MANG YANG, DMIGS MED KYI SNYING RJE MTSAN NYID PA STONG PA NYID KYI LTA BA RNYED MA MYONG BA RNAMS LA MED CING, LAM MA ZHUGS NAS MA DAG SA BDUN TSUN CHAD DU SNYING RJE GSUM KA 'JUG PA LA 'GAL BA MED LA, DAG SA YAN CHAD KYI SNYING RJE LA DMIGS MED KYI SNYING RJES KHYAD PAR BYAS NA LEGS PAR MNGON TE, SA BRGYAD PA NAS BDEN 'DZIN ZAD PAR SPANGS PAS BDEN SNANG TZAM 'BYUNG YANG BDEN ZHEN 'GAGS PAS BDAG MED PHRA MO RTOGS PA'I SHES RAB KYI RTZIS MA ZIN PA'I SNYING RJE GZHAG DKA' BA'I PHYIR RO,, GNYIS PA BYANG CHUB KYI SEMS KYANG DBYE BAR BYA STE, SKABS 'DIR BSTAN PA'I BYANG CHUB KYI SEMS NI 'GREL PAR MDO DRANGS PA LAS BSTAN PA BZHIN YIN PAR GSUNGS LA, MDO LAS, RANG GI CHOS KYI DE KHO NA NYID 'DI SEMS CAN RNAMS KYIS KHONG DU CHUD PAR BYA'O SNYAM NAS SEMS GANG SKYES PA DE NI BYANG CHUB KYI SEMS ZHES BYA'O, ,ZHES DANG, YANG 'GREL PAR, BDAG GIS 'JIG RTEN 'DI MTHA' DAG SDUG BSNGAL NAS BTON TE, SANGS RGYAS NYID LA NGES PAR SBYAR BAR BYA'O SNYAM DU NGES PAR SEMS BSKYED PAR BYED DO, ,ZHES GSUNGS PA GNYIS LAS NI SEMS BSKYED KYI CHED DU BYA BA'I PHYOGS GCIG TZAM LA DMIGS PA DANG, 'GREL PAS BSHAD PA GNYIS KA LA RANG GI THOB BYA

012a

, ,BYANG CHUB LA DMIGS PA MED PAS SEMS BSKYED KYI MTSAN NYID MA RDZOGS LA, 'GREL PAR SNYING RJE LA BRTEN NAS BYANG CHUB KYI SEMS SKYE BAR STON PA'I SKABS SU, DAM PA'I CHOS KYI BDUD RTZI'I RO PHUL DU BYUNG BA 'BYUNG BA'I RGYU PHYIN CI LOG GI RTOG PA MTHA' DAG LOG PA'I MTSAN NYID, 'GRO BA YONGS KYI GNYEN NYID KYI RANG BZHIN DU GYUR PA SANGS RGYAS NYID YANG DAG PAR THOB PAR 'DOD PA YIN NO, ,ZHES THOB BYA BYANG CHUB LA DMIGS PAR GSAL BAR BSHAD PAS, CHED DU BYA BA SEMS CAN THAMS CAD KYI DON DU THOB BYA BLA NA MED PA'I BYANG CHUB THOB PAR 'DOD PA'I SEMS BSKYED MTSAN NYID RDZOGS PA LA 'DOD DGOS TE, MNGON RTOGS RGYAN LAS, SEMS BSKYED PA NI GZHAN DON PHYIR, ,YANG DAG RDZOGS PA'I BYANG CHUB 'DOD, ,CES GSUNGS PA DANG LUGS 'DIR KHYAD PAR MED PA'I PHYIR, GNAS LUGS RTOGS PA'I SHES RAB NI 'OG NAS RGYAS PAR 'CHAD LA, DE LTAR CHOS GSUM PO DE BYANG SEMS KYI RGYUR 'JOG PA'I RGYU MTSAN YANG YOD DE, RIN CEN 'PHRENG BAR, BDAG NYID DANG NI 'JIG RTEN 'DIS, ,BLA MED BYANG CHUB 'THOB 'DOD NA, ,DE YI RTZA BA BYANG CHUB SEMS, ,RI DBANG RGYAL PO LTAR BRTAN DANG, ,PHYOGS MTHA' GTUGS PA'I SNYING RJE DANG, ,GNYIS LA MI BRTEN YE SHES LAGS, ,ZHES GSUNGS PA LA BRTEN NAS DE LTAR BZHAG PA'I PHYIR, LUNG DES CHOS GSUM PO BLA NA MED PA'I BYANG CHUB KYI RTZA BAR BSTAN GYI BYANG SEMS KYI RTZA BAR DNGOS SU MA BSTAN KYANG MA 'BREL BA'I SKYON MED DE, BLA NA MED PA'I BYANG CHUB KYI THOG MA'I RGYU'I GTZO BO GSUM STON PA'I SKABS YIN

012b

PAS BYANG SEMS KYI GTZO BO'I RGYU YIN PAR SKABS STOBS KYIS SHES PAR 'GYUR BA'I PHYIR, CHOS GSUM BYANG SEMS KYI RGYUR STON PA 'DI YANG NYAN RANG THUB DBANG LAS DANG, THUB DBANG BYANG SEMS LAS 'KHRUNGS NA BYANG SEMS RGYU GANG LAS 'KHRUNGS ZHES DPYOD PA'I SKABS YIN PAS BYANG SEMS KYI RNAM 'JOG GI RGYUR MI RUNG BAS SKYED BYED KYI RGYUR BZHAG DGOS LA, DE LTAR NA BYANG SEMS DE'I MA MTHA' THEG CHEN LAM DU ZHUGS MA THAG PA LA BYED DAM MI BYED, BYED NA THEG CHEN SEMS BSKYED DE'I RGYUR 'JOG PA MI 'THAD DE, SEMS DE MTSAN NYID PA RGYUD LA SKYES PA DANG DE RGYUD LDAN GYI GANG ZAG BYANG SEMS SU GYUR PA DUS MNYAM PA'I PHYIR, DE BZHIN DU GNAS LUGS RTOGS PA'I SHES RAB THOG MA'I RGYUR 'JOG PA YANG MI 'THAD DE, SEMS BSKYED NAS SPYOD PA PHYIN DRUG LA BSLAB DGOS PAS GNAS LUGS RTOGS PA'I SHES RAB LA YANG SLOB PA YIN PA'I PHYIR, MI BYED NA ZLA BA TSES PA LTA BU'I BYANG SEMS DANG SMAN GYI LJON SHING GI MYU GU LTA BU'I BYANG SEMS SU BSHAD PA DANG 'GAL BAR 'GYUR RO ZHE NA, DE'I BYANG SEMS KYI MA MTHA' THEG CHEN LAM DU ZHUGS MA THAG PA LA BYED KYANG SKABS 'DIR BYANG CHUB KYI SEMS DE'I THOG MA'I SKYED BYED KYI RGYUR BZHAG PA LA SKYON MED DE, 'DI'I SKABS KYI BYANG CHUB KYI SEMS BSGOM PA'I GNAS SKABS KYI BYANG CHUB KYI SEMS LA YID 'GYUR GYI MYONG BA LEGS PAR 'THON PA'I GNAS SKABS LA 'JOG GI BSGOMS PA LA BRTEN NAS SKYES PA'I THEG CHEN SEMS BSKYED DNGOS MIN PA'I PHYIR, DE BZHIN DU GNAS LUGS RTOGS PA'I SHES RAB BYANG SEMS DE'I THOG

013a

, ,MA'I RGYUR BZHAG PA LA'ANG SKYON MED DE, THEG CHEN GYI RIGS CAN DBANG RNON GYIS SNGON DU DE KHO NA NYID KYI LTA BA BTZAL NAS, DE LA BRTEN NAS BYANG CHUB TU SEMS BSKYED PA'I PHYIR, DE'I TSUL YANG GDUL BYA THEG CHEN GYI RIGS CAN DBANG RNON DE THEG CHEN RIGS SAD PA'I STOBS KYIS SEMS CAN LA DMIGS PA'I SNYING RJE KHYAD PAR CAN NGANG GIS SKYE LA, THEG CHEN GYI SDE SNOD RGYA CHEN PO LA THOS BSAM GYIS ZHUGS PA NA BDAG TU 'DZIN PA'I DBANG GIS RANG DANG GZHAN PA'I SO SO SKYE BO RNAMS 'KHOR BA'I SDUG BSNGAL GYIS MNAR BAR MTHONG STE, BDAG 'DZIN SPONG BAR NUS MI NUS BRTAGS PA NA SEMS RANG BZHIN GYIS STONG ZHING CHAGS SOGS KYI DRI MA SEMS KYI RANG BZHIN LA MA ZHUGS PAS STONG NYID DE RTOGS SHING GOMS PAR BYAS PA LAS BDEN 'DZIN BAG CHAGS DANG BCAS PA SPONG NUS PA DANG, DE MA LUS PAR SPANGS PA'I 'GOG BDEN MNGON DU BYED NUS SU MTHONG NAS BDAG 'DZIN GYI DBANG GIS 'KHOR BAR LHUNG BA'I SEMS CAN RNAMS LA SNYING RJE CHEN PO BSKYED DE, DE'I DBANG GIS BYANG CHUB TU SEMS BSKYED PAR BYED LA DBANG PO RTUL POS NI SNGON DU DE KHO NA NYID RTOGS MI NUS PAS, SEMS BSKYED PA'I 'OG TU YANG DAG PA'I GNAS LUGS KYI DON SHES PA 'TSOL BA SOGS SPYOD PA LA SLOB PA YIN TE, DBU MA RGYAN LAS, YANG DAG SHES 'TSOL SNGON BTANG STE, ,DON DAM PA RNAM PAR NGES GYUR NAS, ,LTA NGAN THIBS GNAS 'JIG RTEN LA, ,SNYING RJE KUN TU BSKYED NAS SU, ,'GRO DON BYED PAR DPA' GYUR PA, ,BYANG CHUB BLO RGYAS MKHAS PA NI, ,BLO DANG SNYING RJES BRGYAN PA YI, ,THUB

013b

PA'I BRTUL ZHUGS YANG DAG SPYOD, ,YANG DAG DAD PA'I RJES 'BRANG BA, ,RDZOGS PA'I BYANG CHUB SEMS BSKYED NAS, ,THUB PA'I BRTUL ZHUGS BLANGS BYAS TE, ,DE NI YANG DAG SHES 'TSOL BRTZON, ,ZHES 'BYUNG BA LTAR YIN PA'I PHYIR, DES NA LAM MA ZHUGS KYI GNAS SKABS NA'ANG LAM DU THOG MAR ZHUGS PA'I BYANG SEMS KYI RGYUR GYUR PA'I SNYING RJE DE LA SNYING RJE GSUM GA YOD DE, DMIGS MED KYI SNYING RJE YOD PA NI BSHAD MA THAG PAS SHES NA GZHAN GNYIS LTA CI SMOS PA'I PHYIR RO, ,DE LTAR GONG DU BSHAD PA LAS BYANG CHUB KYI SEMS DANG, GNAS LUGS RTOGS PA'I YE SHES KYI RTZA BA YANG SNYING RJE LA RAG LAS PAR GRUB LA, PHYI ROL GYI LO THOG LA THOG MAR BSKYED PA LA SA BON DANG, BAR DU SPEL BA LA CHU DANG, THA MAR 'BRAS BU SMIN PA GAL CHE BA LTAR SNYING RJE CHEN PO NYID THOG MAR SEMS BSKYED PA YANG DES SEMS RANG DBANG MED PAR BSKYED PA LA RAG LAS SHING, BAR DU THEG DMAN DU MI LTUNG BAR RGYAL SRAS KYI SPYOD PA MTHAR PHYIN PA YANG SNYING RJE LA RAG LAS, MTHAR SANGS RGYAS NAS KYANG THEG DMAN DGRA BCOM PA LTAR NYER ZHI'I DBYINGS SU MI 'JUG PAR THUGS RJE CHEN PO'I BDAG RKYEN GYIS CHOS KYI 'KHOR LO BSKOR TE 'PHAGS PA GSUM GYI TSOGS GCIG NAS GCIG TU BRGYUD PA RGYUN MI 'CHAD PAR 'PHEL BA YANG SNYING RJE CHEN PO LA RAG LAS PAS SNYING RJE CHEN PO NYID BLA NA MED PA'I BYANG CHUB KYI GO 'PHANG LA THOG MTHA' BAR GSUM DU GAL CHE BAS ZLA BA'I ZHABS KYIS SNYING RJE CHEN PO LA BSTOD PHYAG MDZAD PA YIN LA, SNYING RJE CHEN PO LA SO SOR PHYE NAS BSTOD PA'I SEMS CAN LA DMIGS

014a

, ,PA'I SNYING RJE LA PHYAG 'TSAL BA'I SKABS SU 'GRO BA 'KHOR BAR 'KHYAMS TSUL ZO CHUN GYI 'KHRUL 'KHOR DANG CHOS MTHUN TSUL DRUG GI SGO NAS CHOS MTHUN PAR GSUNGS PA NI, THOG MAR RANG NYID DE LTAR 'KHOR BAR 'KHYAMS TSUL BSAMS SHING DE LA BRTEN NAS NGES 'BYUNG DRAG PO SKYES PA NA RANG NYAMS LA DPAGS NAS SEMS CAN GZHAN GYI STENG DU DE LTAR BSAMS PAS SNYING RJE CHEN PO BSKYED PAS NA DE'I THABS SU GSUNGS PA YIN LA, SNYING RJE PHYI MA GNYIS KYI SKABS SU, 'GRO BA G-YO BA CHU YI NANG GI ZLA BA LTAR, ,ZHES SOGS RKANG PA GNYIS KYIS SNYING RJE GNYIS KYI DMIGS PA'I KHYAD PAR BSTAN PA YIN TE GO SLA BAS RGYAS PAR MA SPROS SO,, GNYIS PA SA BCU SO SO'I RNAM GZHAG LAS BRTZAMS TE PHAR PHYIN BCU'I NYAMS LEN RGYAS PAR BSHAD PA LA GNYIS, RGYU'I SA DANG, 'BRAS BU'I SA'O,, DANG PO LA GSUM, LUGS 'DI'I NYAMS SU LEN TSUL SPYIR BSTAN PA, BYE BRAG TU SO SO SKYE BO'I SAR NYAMS SU LEN TSUL BSHAD PA, BYANG SEMS 'PHAGS PA'I SA'I RNAM GZHAG BSTAN PA'O,, DANG PO NI, BSTAN BCOS 'DIR THEG CHEN GYI ZAB PA DANG RGYA CHE BA'I LAM GYI RIM PA RNAMS MGON PO KLU SGRUB KYI RJES SU 'BRANGS NAS GTAN LA 'BEBS NA, DE'I LUGS KYI SANGS RGYAS KYI SAR BGROD PA'I LAM GYI RIM PA DE JI LTA BU ZHE NA, KLU SGRUB ZHABS LA SOGS PA'I LUGS THOS BSAM GYIS GTAN LA 'BEBS PA NI RANG GIS YANG DAG PA'I LAM NYAMS SU LEN TSUL LA NGES PA CHEN PO RNYED NAS LAM LTAR SNANG RNAMS KYIS BKRI BAR MI NUS PA'I CHED YIN PAS RGYUN LDAN DU LAM GYI RIM PAR 'CHAR THUB PA

014b

ZHIG NGES PAR DGOS TE, GZHUNG LUGS CHEN MO RNAMS LA JI TZAM SBYANGS KYANG NYAMS LEN GYI GNAD MI RNYED PAR NYAMS LEN GZHAN NAS 'TSOL BA NI GZHUNG LUGS GDAMS PAR MA SHAR BA'I SKYON YIN PA'I PHYIR, DES NA MGON PO KLU SGRUB KYIS ZAB PA DANG RGYA CHE BA'I LAM GYI CHA PHYOGS RE BSHAD PA MANG YANG DE GNYIS KA LAS BRTZAMS PA'I LAM GYI LUS STON PA'I GZHUNG NI GSUM STE RIN CEN 'PHRENG BA LAS SNYING RJE CHEN PO GTZO BOR SNGON DU 'GRO BAS BYANG CHUB KYI MCHOG TU SEMS BSKYED DE PHA ROL TU PHYIN PA DRUG GI LAM YONGS SU RDZOGS PA LA BSLABS PAS BYANG SEMS KYI SA BCU BGROD DE 'BRAS BU SANGS RGYAS KYI SA'I YE SHES MNGON DU BYED TSUL, DE YI RTZA BA BYANG CHUB SEMS, ,ZHES PA DANG, SNYING RJE SNGON BTANG SPYOD KUN DANG, ,ZHES SOGS DANG, DE LA BYANG CHUB SEMS DPA' YI, ,YON TAN MDOR BSTAN BYA BA NI, ,SBYIN DANG DE BZHIN BZOD BRTZON 'GRUS, ,ZHES SOGS KYIS LEGS PAR BSHAD LA, CHOS DBYINGS BSTOD PA LAS KYANG SKYABS SU SONG NAS SEMS BSKYED PA DANG, PHAR PHYIN BCUS KHAMS RGYAS PAR BYED PA DANG, BYANG SEMS KYI SA BCU'I RNAM GZHAG SOGS RAGS PA ZHIG GSUNGS NAS, DE'I DON MDO KUN LAS BTUS PA LAS RGYAS PAR BSHAD PA DANG, DE DAG GI DON RGYAL SRAS CHEN PO ZHI BA LHAS SPYIR BSLAB SPYOD GNYIS KA DANG, KHYAD PAR DU MDO KUN LAS BTUS KYI DON GYI 'GREL PA BSLAB BTUS LAS, THOG MAR DAL 'BYOR DON CHE ZHING RNYED DKA' BA'I TSUL BSAMS NAS DAL 'BYOR GYI RTEN LA SNYING PO LEN 'DOD DRAG PO BSKYED, DE NAS DKAR CHOS KYI RTZA BA DAD PA

015a

, ,SPYI DANG KHYAD PAR DU THEG PA CHEN PO'I YON TAN BSAM PA'I DAD PA BRTAN PO BSKYED NAS, DES DRANGS PA'I THEG CHEN GYI LAM LA SLOB 'DOD KYI 'DUN PA DRAG POS BYANG CHUB KYI MCHOG TU SEMS BSKYED DE, 'JUG SDOM GZUNG NAS RGYAL SRAS KYI SPYOD PA'I GNAS RNAMS BTANG BSRUNGS DAG SPEL BCU GNYIS SU BSDUS NAS NYAMS SU LEN TSUL RGYAS SHING GSAL BAR BSHAD PAS MDO KUN LAS BTUS KYI DGONGS PA LEGS PAR BKRAL BA DANG, DPAL LDAN 'PHAGS PA LHAS BZHI BRGYA PAR YANG ZAB PA DANG RGYA CHE BA'I LAM GYI LUS GSUNGS SHING, DBU MA SNYING PO DANG, DBU MA RGYAN DANG, DBU MA'I SGOM RIM GSUM LAS BTUS TE GSUNGS PA'I LAM GYI LUS RNAMS KYANG 'DRA BAS DE DAG LAS JI LTAR 'BYUNG BA LTAR GYI ZAB PA DANG RGYA CHE BA'I LAM GYI RIM PA RNAMS LA BSLAB PAR BYA BA YIN NO, ,DE YANG DPAL MAR ME MDZAD YE SHES KYI GDAMS NGAG BYANG CHUB LAM GYI RIM PAR BSTAN PA YONGS RDZOGS KYI GNAD THAMS CAD SKYES BU GSUM GYI LAM DU BSDUS NAS STAN THOG GCIG TU NYAMS SU LEN PA'I TSUL TE RGYAS PAR BYANG CHUB KYI LAM RIM PA GNYIS LAS SHES PAR BYA'O,, GNYIS PA NI, MCHOD BRJOD KYI SKABS SU GANG BSGOMS PA LA BRTEN NAS BYANG SEMS SU 'GYUR BA'I RGYU'I GTZO BO GSUM BSTAN PAS MOS SPYOD KYI SAR YANG SNYING RJE CHEN POS BYANG CHUB KYI MCHOG TU SEMS BSKYED DE GNAS LUGS RTOGS PA'I SHES RAB DANG, DE GTZO BOR BYAS PA'I PHAR PHYIN GZHAN RNAMS TE TSOGS GNYIS ZUNG DU 'BREL BA'I LAM LA THABS SHES YA MA BRAL BAR BSLAB PAR BYA BA YIN NO, ,DES NA BYANG

015b

SEMS SO SKYE'I GNAS SKABS KYI NYAMS LEN RNAMS GTZO BOR MCHOD BRJOD KYI SKABS SU BSHAD PA YIN NO,, GSUM PA LA GSUM, SA BCU THUN MONG BA'I RNAM GZHAG ,SA SO SO'I RANG BZHIN, SA BCU'I YON TAN BSTAN PA'O,, DANG PO NI, 'JUG 'GREL LAS, BYANG CHUB SEMS DPA' RNAMS KYI ZAG PA MED PA'I YE SHES SNYING RJE LA SOGS PAS YONGS SU ZIN PA NYID CHAR RNAM PAR PHYE BA NA, SA ZHES BYA BA'I MING 'THOB STE YON TAN GYI GNAS SU GYUR PA'I PHYIR RO, ,ZHES GSUNGS LA, DE YANG BYANG CHUB SEMS DPA' RNAMS KYI ZAG PA MED PA'I YE SHES ZHES PAS, BYANG 'PHAGS KYI SA'I NGO BO BDEN 'DZIN BAG CHAGS DANG BCAS PA'I ZAG PA MED PA'I MNYAM GZHAG YE SHES LA NGOS BZUNG, SNYING RJE LA SOGS PAS YONGS SU ZIN PA NYID CES PAS ZIN BYED KYI GROGS THEG PA CHEN PO'I THABS KYI CHA KHYAD PAR CAN DE BSTAN CING, CHAR RNAM PAR PHYE BA NA ZHES PAS DE 'DRA BA'I YE SHES NYID LA YON TAN GYI GRANGS 'PHEL TSUL SOGS KYI CHA SHAS SU RNAM PAR PHYE NAS BYANG 'PHAGS KYI SA BCUR 'JOG PA DANG, SA ZHES BYA BA'I MING 'THOB STE YON TAN GYI GNAS SU GYUR PA'I PHYIR RO ZHES PAS, SA'I SKAD DOD BHU MI ZHES PA RTEN BYED PA LA 'JUG PAS BCU PO DE RNAMS LAS ZHES BRJOD PA'I RGYU MTSAN YOD DE, YON TAN GYI GNAS SAM RTEN DU GYUR PA'I PHYIR ZHES SGRA BSHAD PA YIN LA, DE LAS SNYING RJE CHEN PO DANG BYANG CHUB BYANG CHUB SOGS PA THABS KYI CHA MTHA' YAS PAS ZIN PA'I SGO NAS RDZOGS PA'I BYANG CHUB KYI GNAS LUGS LA GNYIS SNANG NUB PA'I MNYAM GZHAG GTZO BOR GYUR PA'I YE SHES GANG ZHIG ,YO F

016a

, ,TAN GYI RTEN BYED PAS RAB TU PHYE BA'I GTZO BO YID KYI RNAM RIG DE BYANG 'PHAGS KYI SA'AM DON DAM PA'I SEMS BSKYED KYI MTSAN NYID, DE LA DBYE NA BYANG 'PHAGS KYI SA BCUR YOD DE, RIN CEN 'PHRENG BAR, JI LTAR NYAN THOS THEG PA LA, ,NYAN THOS SA NI BRGYAD BSHAD PA, ,DE BZHIN THEG PA CHEN PO LA, ,BYANG CHUB SEMS DPA'I SA BCU 'O, ,ZHES PA BCU DANG BCU GCIG PA'I RNAM GZHAG RAGS PA ZHIG GSUNGS PA RNAMS LA GZHI MDZAD, SA BCU PA'I MDO LA'ANG BRTEN NAS DE LTAR PHYE BA'I PHYIR RO, ,DE LTAR 'BYED PA'I RGYU MTSAN YANG YOD DE, ,SA DANG PO LA YON TAN BRGYA PHRAG BCU GNYIS, GNYIS PA LA STONG PHRAG BCU GNYIS SOGS YON TAN GYI GRANGS 'PHEL BA'I KHYAD PAR, SA 'OG MA 'OG MA LAS GONG MA GONG MAR RANG GI NGO SKAL GYI DRI MA SBYONG BA'I STOBS DANG, LAM BGROD PA'I STOBS GONG NAS GONG DU 'PHEL BA SOGS MTHU GONG DU 'PHEL BA'I KHYAD PAR, SA DANG POR SBYIN PA'I PHAR PHYIN DANG, GNYIS PAR TSUL KHRIMS KYI PHAR PHYIN LHAG PA SOGS PHAR PHYIN LHAG PA'I KHYAD PAR, SA DANG POR 'DZAM BU GLING LA DBANG BA'I RGYAL POR SKYE BA DANG, GNYIS PAR GLING BZHI LA DBANG BA'I RGYAL POR SKYE BA SOGS RNAM SMIN GYI SKYE BA GONG NAS GONG DU 'PHEL BA'I KHYAD PAR TE KHYAD CHOS BZHI'I SGO NAS DE LTAR DU PHYE BA'I PHYIR TE, 'JUG 'GREL LAS, GONG NAS GONG DU YON TAN GYI GRANGS DANG, MTHU PHUL DU BYUNG BA THOB PA DANG SBYIN PA LA SOGS PA PHA ROL TU PHYIN PA BKLAGS PA DANG, RNAM PAR SMIN PA 'PHEL BA'I BYE BRAG GIS SA RAB TU DGA' BA LA SOGS PA'I RNAM PAR DBYE BAS DBYE BA RNAM PA BCUR,

016b

ZHES GSUNGS PA LTAR RO, ,DES NA SA SO SO'I MI RTOG YE SHES DANG, YON TAN GYI GRANGS LA SOGS PA'I NUS PA MCHOG DMAN GYI KHYAD PAR CHEN PO YOD PAS SA RNAMS SO SOR 'JOG KYANG SA'I NGO BO MNYAM GZHAG KHO NA LA MI BYA STE, SA SO SO'I RJES THOB KYI YON TAN RNAMS KYANG SA DE DANG DER BSDU DGOS PA'I PHYIR, DE LTAR NA GONG DU BSHAD PA LTAR GYI KHYAD PAR BZHI'I SGO NAS SA SO SOR PHYE YANG DON DAM PA'I SA 'DI RNAMS LA, RANG GI NGO BO'I DMIGS RNAM MI 'ONG BA'I KHYAD PAR GYIS BYAS PA'I DBYE BA NI MED DE, SA BCU PA'I MDO LAS, JI LTAR BAR SNANG BYA RJES MKHAS RNAMS KYIS, ,BRJOD PAR NUS MA YIN ZHING MI MTHONG BA, ,DE LTAR RGYAL BA'I SRAS ZHES SA KUN KYANG, ,BRJOD MI NUS NA MNYAN PAR GA LA NUS, ,ZHES NAM MKHA' LA BYAS BGROD KYANG BYA'I RJES 'JIG RTEN GYI MKHAS PA RNAMS KYIS NGAG TU BRJOD PA DANG BLOS MTHONG BA MA YIN PA BZHIN DU, ,'PHAGS PA'I SA RNAMS KYIS NAM MKHA' LTA BU'I CHOS NYID LA BGROD KYANG DE'I BGROD TSUL 'PHAGS PA RNAMS KYIS JI LTAR NYAMS SU MYONG BA GNAS TSUL JI LTA BA BZHIN DU 'CHAD PA PO 'PHAGS PAS KYANG BRJOD PAR MI NUS NYAN PA PO RNAMS KYIS GZIGS PA JI LTA BA BZHIN MNYAN PAR YANG MI NUS PAR GSUNGS PA'I PHYIR RO, ,GNYIS PA LA GSUM, RAB TU DGA' BA SOGS LNGA BSHAD, DRUG PA MNGON DU GYUR PA BSHAD, RING DU SONG BA SOGS BZHI BSHAD PA'O,, DANG PO LA LNGA LAS, SA DANG PO RAB TU DGA' BA BSHAD PA LA GSUM, KHYAD GZHI SA'I NGO BO MDOR BSTAN, KHYAD CHOS SA'I YON TAN RGYAS PAR BSHAD, SA'I YON

017a

, ,TAN BRJOD PA'I SGO NAS MJUG BSDU BA'O,, DANG PO NI, RGYAL BA'I SRAS PO 'DI YI SEMS GANG 'GRO BA RNAMS, ,ZHES SOGS SHLOO KA GCIG GIS 'CHAD LA, 'JUG 'GREL LAS, DE DAG GI SNYING RJE SEMS CAN LA DMIGS PA DANG, CHOS LA DMIGS PA DANG, DMIGS PA MED PA GANG YIN PA DE RNAMS LA RAB TU BTUD NAS BYANG CHUB SEMS DPA' RNAMS KYI BYANG CHUB KYI SEMS KYI DBYE BA BRJOD PAR 'DOD PAS DE BYANG CHUB KYI SEMS DANG PO'I DBANG DU BYAS NAS, RGYAL BA'I SRAS PO 'DI YI ZHES SOGS TSIGS BCAD GCIG SMOS SO ZHES GSUNGS PA LTAR RO, ,DE YANG BSTAN BCOS 'DI'I GDUL BYAS SNGAR BSHAD PA'I SNYING RJE CHEN POS DRANGS PA'I STONG PA NYID KYI LTA BA DANG BYANG CHUB KYI SEMS SOGS SO SO SKYE BO'I CHOS GSUM GYI YON TAN RNAMS TSOGS SBYOR GNYIS SU GOMS PAR BYAS PA LA BRTEN NAS LAM GONG MA CI ZHIG THOB PAR 'GYUR SNYAM NA, BDAG MED PA'I DON GSAR DU MNGON SUM DU RTOGS PA'I BYANG SEMS KYI DON DAM PA'I SA DANG PO THOB PAR 'GYUR RO ZHES KHONG NAS DRANGS, 'O NA SA DANG PO'I NGO BO DE JI LTA BU SNYAM NA, GZHUNG 'DI NYID KYIS STON PAR BYED DE, GZHUNG DON NI RNAM BSHAD DU 'BYUNG BA LTAR RO,, GNYIS PA LA GSUM, RANG RGYUD MDZES PAR BYED PA'I YON TAN, GZHAN RGYUD ZIL GYIS GNON PA'I YON TAN, SA 'DIR LHAG PA'I YON TAN BSHAD PA'O,, DANG PO NI, SA DANG PO'I NGO BO DE LTA BU YIN NA, DE'I YON TAN GYI KHYAD PAR JI LTA BU SNYAM NA, THOG MAR RANG RGYUD MDZES PAR BYED PA'I YON TAN BRGYAD DANG LDAN NO ZHES PA NI, DE NAS BZUNG STE DE NI THOB PAR

017b

GYUR PA YIS, ,ZHES PA NAS, DE TSE 'DI YIS SO SO SKYE BO'I SA RNAMS THAMS CAD ZAD, ,CES PA'I BAR GYI YON TAN SO SOR BSHAD NAS, 'DI NI 'PHAGS PA BRGYAD PA JI LTA DE LTAR NYE BAR BSTAN, ,ZHES PAS DON BSDUS TE STON PA YIN LA 'DI'I SKABS SU, THAL 'GYUR BA'I LUGS LA BDEN 'DZIN NYON SGRIB TU BZHED PAS, BDEN 'DZIN PHRA MO 'DI NYID LA KHAMS GSUM GYIS BSDUS PA BRTZI BA YANG SHIN TU DKA' STE, 'DOD PA'I PHUNG PO LA DMIGS NAS RANG GI MTSAN NYID KYIS GRUB PAR 'DZIN PA DANG, GZUGS KHAMS KYI PHUNG PO LA DMIGS NAS RANG GI MTSAN NYID KYIS GRUB PAR 'DZIN PA'I BDEN 'DZIN GNYIS LA PHRA RAGS KYI KHYAD PAR GZHAG DKA' BA'I PHYIR TE, DE GNYIS LA PHRA RAGS KYI KHYAD PAR YOD NA GSER BUM DANG RDZA BUM LA DMIGS NAS RANG GI MTSAN NYID KYIS GRUB PAR 'DZIN PA GNYIS LA'ANG PHRA RAGS YOD PAR THAL BAR 'GYUR RO,, DES NA SPANG BYA 'DI MTHONG LAM DANG SGOM LAM GYI SPANGS PA SOGS KYI CHA NAS SKYES BU ZUNG BZHI, GANG ZAG YA BRGYAD KYI 'JOG TSUL SOGS BSHAD PA SHIN TU YANG DKA' LA, MNGON PA GNYIS NAS BSHAD PA LTAR GYI NYON MONGS RAGS PA DE RNAMS LA KHAMS GSUM GYI SA BSDUS BRTZIS PA'I SGO NAS MTHONG SPANG DANG SGOM SPANG SOGS SPANGS PA'I RIM PA LA BRTEN NAS RANG RGYUD PA'I SKABS LTAR ZHUGS GNAS KYI RNAM GZHAG BYAS NA DA LTA GRAGS CHE BAS SLA NA YANG DMIGS RNAM CAN GYI NYON MONGS 'DI DAG RE ZHIG SPANGS PAS 'KHOR BA LAS GROL BA DANG, DGRA BCOM THOB PA SOGS DON LA MED PAR 'OG TU 'CHAD DGOS SHING RAGS PA'I MI RTAG SOGS

018a

, ,MNGON SUM DU RTOGS PA 'JIG RTEN LAS 'DAS PA'I MTHONG LAM SOGS SU YANG MI BZHED PAS SHIN TU DKA' GNAD CHE BAR SNANG LA, TSIG GSAL DU MTHONG SPANG KUN SBYOR GSUM SPANGS PA LA RGYUN ZHUGS DANG, 'DOD PA'I NYON MONGS PHAL CHER MA LUS PAR SPANGS PA LA 'BRAS BU BAR PA GNYIS DANG, KHAMS GONG MA'I NYON MONGS SPANGS PA LA DGRA BCOM DU RANG LUGS LA YANG BZHED PA 'DRA ZHIG BSHAD PAR SNANG ZHING, DE LA YANG MTHONG SPANG DANG SGOM SPANG MNGON GYUR RNAMS RE ZHIG SPANGS PA TZAM GYIS DE DAG SPANGS PAR 'JOG MI NUS PA DANG, SA BON SPANGS PAR 'JOG PA LA NI BDEN 'DZIN MTHONG SPANG DANG SGOM SPANG SPANGS PA ZHIG DGOS PA 'DRA BAS RNAM DPYOD CAN RNAMS KYIS GNAS 'DI LA ZHIB TU DPYAD PAR BYA'O,, GNYIS PA LA GNYIS, SA 'DIR NYAN RANG RIGS KYI SGO NAS ZIL GYIS GNON PA'I TSUL DANG, SA BDUN PAR NYAN RANG BLO'I SGO NAS ZIL GYIS GNON PA'I TSUL LO,, DANG PO NI, SA DANG POR RANG RGYUD MDZES PAR BYED PA'I YON TAN DE LTA BU THOB PAR MA ZAD SA 'DI NAS NYAN RANG DGRA BCOM PA RNAMS RIGS KYI SGO NAS ZIL GYIS GNON PA STE SNYING RJE CHEN PO DANG KUN RDZOB BYANG CHUB KYI SEMS SOGS THABS KHYAD PAR CAN GYI SGO NAS ZIL GYIS GNON PA'I YON TAN YANG THOB BO ZHES STON PA LA, RDZOGS PA'I BYANG CHUB SEMS LTA DANG PO LA GNAS KYANG, ,ZHES SOGS GSUNGS LA, 'DI YANG BYAMS PA'I RNAM PAR THAR PA LAS, RIGS KYI BU, 'DI LTA STE, DPER NA RGYAL PO'I BU SKYES NAS RING PO MA LON PA RGYAL PO'I MTSAN DANG LDAN PA NI BLON PO'I TSOGS RGAN PO

018b

GTZO BOR GYUR PA THAMS CAD KYANG RIGS KYI BDAG NYID CHE BA'I DBANG GIS ZIL GYIS GNON TE, DE BZHIN DU BYANG CHUB SEMS DPA' LAS DANG PO PA BYANG CHUB TU SEMS BSKYED NAS RING PO MA LON PA DE BZHIN GSHEGS PA CHOS KYI RGYAL PO'I RIGS SU SKYES PAS KYANG BYANG CHUB KYI SEMS DANG SNYING RJE'I DBANG GIS NYAN THOS DANG RANG SANGS RGYAS YUN RING DU TSANGS PAR SPYOD PA RNAMS ZIL GYIS GNON TE, RIGS KYI BU, 'DI LTA STE, DPER NA NAM MKHA' LDING GI DBANG PO CHEN PO'I PHRUG GU SKYES NAS RING PO MA LON PA'I GSHOG PA'I RLUNG GI SHUGS DANG MIG YONGS SU DAG PA'I YON TAN GANG YIN PA DE NI DE LAS GZHAN PA'I BYA'I TSOGS MA LUS PA RGAS PAR GYUR PA THAMS CAD LA YOD PA MA YIN NO, ,DE BZHIN DU BYANG CHUB SEMS DPA' SEMS DANG PO BSKYED PA DE BZHIN GSHEGS PA NAM MKHA' LDING GI DBANG PO CHEN PO'I RIGS KYI RGYUD DU YANG DAG PAR BYUNG BA, NAM MKHA' LDING GI DBANG PO'I PHRUG GU THAMS CAD MKHYEN PA NYID DU SEMS BSKYED PA'I GSHOG PA'I STOBS KYIS PHA ROL GNON PA DANG, LHAG PA'I BSAM PA YONGS SU DAG PA'I MIG GI YON TAN GANG YIN PA DE NI BSKAL PA BRGYA STONG DU NGES PAR BYUNG BA'I NYAN THOS DANG RANG SANGS RGYAS THAMS CAD LA YOD PA MA YIN NO ZHES SA GNYIS PA SOGS SU MA ZAD SA DANG PO LA GNAS PA'I BYANG SEMS KYIS KYANG NYAN THOS DANG RANG SANGS RGYAS THAMS CAD KUN RDZOB BYANG CHUB KYI SEMS DANG SNYING RJE CHEN PO'I DBANG GIS ZIL GYIS GNON NUS PA DPE DANG BCAS PA GSUNGS PA LTAR RO, ,DE YANG DPE DON DANG PO GNYIS KYI DON BSDU NA, BYANG SEMS LAS DANG PO BA

019a

, ,DON DAM PA'I BYANG CHUB KYI SEMS RANG RGYUD LA BSKYED MA THAG LAS DANG PO BA DES NYAN RANG DGRA BCOM PA RNAMS DON DAM SEMS BSKYED KYI SGO NAS ZIL GYIS GNON MA NUS KYANG KUN RDZOB BYANG CHUB KYI SEMS DANG SNYING RJE CHEN PO SOGS THABS KHYAD PAR CAN GYI SGO NAS ZIL GYIS GNON NUS PA YIN TE, RGYAL PO'I BU SKYES NAS RING PO MA LON PA RGYAL PO'I MTSAN DANG LDAN PAS BLON PO'I TSOGS RNAMS RANG GI BLO'I STOBS BSKYED PAS ZIL GYIS GNON MI NUS KYANG RIGS KYI BDAG NYID CHE BA'I DBANG GIS ZIL GYIS GNON NUS PA BZHIN DU YIN PA'I PHYIR RO, ,DPE DON PHYI MA GNYIS KYI DON NI SGRUB CHOS SNGAR LTAR LA, NAM MKHA' LDING GI PHRUG GU SKYES NAS RING PO MA LON PA'I GSHOG PA'I RLUNG GI SHUGS DANG, MIG YONGS SU DAG PA'I YON TAN NI DE LAS GZHAN PA'I BYA'I TSOGS GZHAN DAG LA MED PA BZHIN DU BYANG SEMS SA DANG PO PA'I BYANG CHUB KYI SEMS DANG, SNYING RJE CHEN PO SOGS THABS (KYI) CHA MTHA' YAS PAS NYAN RANG PHA ROL GYI STOBS GNON NUS PA DANG, DES ZIN PA'I DON DAM PA'I BYANG CHUB KYI SEMS KYI MIG YONGS SU DAG PA'I YON TAN GANG YIN PA DE NI NYAN THOS DANG RANG SANGS RGYAS THAMS CAD LA YOD PA MA YIN PA'I PHYIR, GNYIS PA NI, SA DANG PO'I GNAS SKABS NAS KUN RDZOB SEMS BSKYED KYI SGO NAS NYAN RANG RNAMS ZIL GYIS GNON NUS NA, DON DAM BYANG CHUB KYI SEMS KYI SGO NAS KYANG NYAN RANG RNAMS ZIL GYIS GNON NUS PAR NAM ZHIG 'GYUR SNYAM NA, SA BDUN GYI BAR DU SONG BA THOB PA DE'I TSE DON DAM SEMS BSKYED KYI SGO NAS KYANG ZIL GYIS GNON PAR NUS

019b

SO ZHES DOGS PA GCOD PA'I YAN LAG TU, DE NI RING DU SONG BAS BLO YANG LHAG PAR 'GYUR, ,ZHES PA'I GZHUNG 'DI SMOS LA, BYANG SEMS SA DANG PO BA CHOS CAN, KHYOD KYIS STONG NYID RTOGS PA'I BLO'I SGO NAS NYAN RANG DGRA BCOM ZIL GYIS GNON PA'I DUS YOD DE, KHYOD KYIS SA BDUN PA RING DU SONG BA THOB PA NA, STONG NYID RTOGS PA'I BLO'I SGO NAS KYANG NYAN RANG DGRA BCOM ZIL GYIS GNON NUS PA YIN PA'I PHYIR, DES NA 'DI'I SKABS SU MTHA' DPYAD PA LA GNYIS, DNGOS KYI DON DANG, DE LAS 'PHROS NAS NYAN RANG LA CHOS KYI BDAG MED RTOGS PA YOD PAR BSGRUB PA'O,, DANG PO LA GNYIS, BSHAD BYA'I MDO DGOD, MDO'I DON BSHAD PA'O,, DANG PO NI, SA BCU PA'I MDO LAS, KYE RGYAL BA'I SRAS DAG 'DI LTA STE, DPER NA RGYAL PO'I RIGS SU SKYES PA'I BU RGYAL PO'I MTSAN DANG LDAN PA NI SKYES PA TZAM GYIS RGYAL PO'I BYIN GYIS BLON PO'I TSOGS THAMS CAD ZIL GYIS GNON GYI, RANG GI BLO'I STOBS KYIS RNAM PAR DPYAD PAS NI MA YIN NO, ,NAM DE NAR SON PAR GYUR PA DE'I TSE RANG GI BLO'I STOBS BSKYED PAS, BLON PO'I BYA BA THAMS CAD LAS SHIN TU 'DAS PA YIN NO, ,KYE RGYAL BA'I SRAS DAG ,DE BZHIN DU BYANG CHUB SEMS DPA' YANG SEMS BSKYED MA THAG TU LHAG PA'I BSAM PA'I CHE BA NYID KYIS NYAN THOS DANG RANG SANGS RGYAS THAMS CAD ZIL GYIS GNON GYI, RANG GI BLO'I STOBS KYIS RNAM PAR DPYAD PA NI MA YIN NO, ,BYANG CHUB SEMS DPA'I SA BDUN PA 'DI LA GNAS PA'I BYANG CHUB SEMS DPA' NI RANG GI YUL SHES PA'I CHE BA LA GNAS PAS NYAN THOS DANG RANG SANGS RGYAS

020a

, ,KYI BYA BA THAMS CAD LAS SHIN TU 'DAS PA YIN NO ZHES GSUNGS, GNYIS PA NI, KYE RGYAL BA'I SRAS ZHES PA NAS, DPYAD PA NI MA YIN NO, ,ZHES PA'I BAR GYI DON NI, BYANG SEMS SA DANG PO BA CHOS CAN, KHYOD KYIS DON DAM PA'I SEMS BSKYED SA DANG PO THOB MA THAG TU LHAG BSAM DANG, KUN RDZOB SEMS BSKYED KYI DBANG GIS NYAN RANG DGRA BCOM ZIL GYIS GNON NUS KYANG RANG GI BLO'I STOBS BSKYED PA STE DON DAM SEMS BSKYED KYI SGO NAS ZIL GYIS GNON NUS PA MA YIN TE, KHYOD KYIS NYAN RANG DGRA BCOM ZIL GYIS GNON PA'I BLO'I STOBS 'GOG PA YANG DAG PA'I MTHA' LA GNYIS SNANG NUB PA'I SGO NAS SKAD CIG MA DE LA SNYOMS PAR 'JUG LDANG BYED PA'I NUS PA MA THOB PA'I PHYIR, DPER NA RGYAL PO'I BU SKYES MA THAG PAS RANG GI BLON PO'I TSOGS RIGS KYI SGO NAS ZIL GYIS GNON NUS KYANG BLO'I SGO NAS MI NUS PA BZHIN ZHES PA DANG, BYANG CHUB SEMS DPA'I ZHES PA MAN CHAD LA, DE CHOS CAN, KHYOD KYIS SA BDUN PA RING DU SONG BA THOB PA NA DON DAM SEMS BSKYED KYI SGO NAS KYANG NYAN RANG DGRA BCOM ZIL GYIS GNON NUS TE, DE'I TSE NYAN RANG DGRA BCOM ZIL GYIS GNON NUS PA'I BLO'I STOBS RANG GI YUL 'GOG PA YANG DAG PA'I MTHA' LA GNYIS SNANG NUB PA'I SGO NAS SKAD CIG MA RE LA SNYOMS PAR 'JUG LDANG BYED NUS PA THOB PA'I PHYIR, ,DPER NA NA TSOD RDZOGS PA'I RGYAL PO'I BUS RANG GI BLO'I STOBS KYIS KYANG BLON PO'I TSOGS RNAMS ZIL GYIS GNON NUS PA BZHIN NO, ,'O NA SA DANG PO NAS NYAN RANG DGRA BCOM DON DAM SEMS BSKYED KYI SGO NAS ZIL GYIS GNON

020b

MI NUS SHING, BDUN PA NAS NUS PA DE 'GOG PA YANG DAG PA'I MTHA' LA DUS SKAD CIG MA RE LA SNYOMS PAR 'JUG LDANG BYED NUS PA'I SGO NAS YIN NA, DE'I 'GOG PA JI LTAR BU, DE LA 'JUG LDANG BYED TSUL DE GANG SNYAM NA, SEMS BSKYED BDUN PA'I 'GREL PAR, 'GOG PA LA SNYOMS PAR 'JUG PA NI YANG DAG PA'I MTHA' LA SNYOMS PAR 'JUG PA YIN PAS DE BZHIN NYID LA 'GOG PA ZHES BRJOD DE, 'DIR SPROS PA THAMS CAD 'GOG PAR 'BYUNG BA'I PHYIR RO, ,SA BDUN PA RING DU SONG BA 'DIR NI SA DRUG PAR THOB PA'I 'GOG PA DE LA BYANG CHUB SEMS DPA' SKAD CIG DANG SKAD CIG LA SNYOMS PAR 'JUG PAR 'GYUR TE, JI SKAD DU, RGYAL BA'I SRAS BYANG CHUB SEMS DPA'I SA DRUG PA YAN CHAD BYANG CHUB SEMS DPA' 'GOG PA LA SNYOMS PAR 'JUG PA STE, BYANG CHUB SEMS DPA'I SA BDUN PA 'DI LA GNAS PA'I BYANG CHUB SEMS DPA' NI SEMS KYI SKAD CIG DANG SEMS KYI SKAD CIG LA YANG 'GOG PA LA SNYOMS PAR 'JUG CING LDANG STE, 'GOG PA MNGON SUM DU BYAS SO ZHES NI MI BYA'O, ,ZHES RGYAS PAR GSUNGS SO, ,ZHES DRANGS PA 'DI'I DON CUNG ZAD BSHAD NA, DE YANG SKABS 'DI'I 'GOG PA NI SA DRUG PAR SHER PHYIN GYI NYAMS LEN LHAG PA'I STOBS KYIS THOB PA YIN TE, SA LNGA PAR BSAM GTAN GYI PHAR PHYIN GYI NYAMS LEN CHES PHUL DU BYUNG BA'I STOBS KYIS SA DRUG PAR SHER PHYIN GYI NYAMS LEN CHES PHUL DU BYUNG BA THOB PA YIN LA, DE'I STOBS KYIS SA LNGA PA MAN CHAD KYI SPANG BYA MA LUS PAR SPANGS PAS KHYAD PAR DU BYAS SHING, SHER PHYIN LHAG PA'I STOBS KYIS THOB PA'I DE BZHIN NYID

021a

, ,NI SKABS 'DI'I YUL GYI 'GOG PA YIN LA DE LA SA DRUG PAR SNYOMS PAR 'JUG LDANG GI SGO NAS 'DRIS PAR BYAS PA DANG SA BDUN PAR MTSAN MED KYI TING NGE 'DZIN THOB PAS CHOS NYID LA GNYIS SNANG NUB PA'I MKHYEN PA MNGON SUM DU BYED PA LA STONG NYID KYI DON SPYI SNANG BA'I MTSAN MA CUNG ZAD TZAM YANG BRGYUD MI DGOS PAR BYA RDZOGS KYI SKAD CIG MA THUNG NGU RE LA SNYOMS PAR 'JUG CING SKAD CIG MA RE LA LDANG NUS PA THOB LA, SA BRGYAD PAR DE LTA BU'I SNYOMS PAR 'JUG LDANG BYED PA LA 'BAD RTZOL NYE BAR ZHI BAS MTSAN MED RTZOL MED GYI TING NGE 'DZIN THOB PA YIN ZHING, DE'I STOBS KYIS NGAM NGAM SHUGS KYIS 'GOG PA DE NYID LA SNYOMS PAR 'JUG PAS SLAR MI LDANG BA'I TSUL GYIS DE LA SNYOMS PAR ZHUGS DVOGS NAS, RGYAL BA RNAMS KYIS DE LAS SLONG BAR MDZAD PA'ANG YIN TE, NYI KHRI SNANG BAR GDAMS NGAG GI SKABS SU SA BRGYAD PAR DGONGS PA CAN GYI MYA NGAN LAS 'DAS PA BKAG PAR GSUNGS PA DANG, RDZOGS SMIN SBYANG GSUM MA BYAS PAR YANG DAG MTHA' MNGON DU MI BYA BAR GSUNGS PA RNAMS DANG 'DI GNAD GCIG STE, DE LTA BU'I GNAS SKABS NA RGYAL BA'I THUGS CHOS SKU'I NYER LEN STONG NYID LA GNYIS SNANG NUB PA'I MKHYEN PA MNGON DU GYUR PA'I DUS DER GZUGS SKU'I NYER LEN MNGON GYUR MA TSANG BAS YIN LA, SNGAGS BLA MED KYI SKABS SU LHAN SKYES KYI BDE BAS STONG NYID LA BSKAL PA'I BAR DU GNYIS SNANG NUB PA'I SGO NAS KYANG MNYAM PAR BZHAG CHOG PAR GSUNGS TE, YUL CAN KHYAD ZHUGS PA DANG, GZUGS SKU'I NYER LEN MNGON GYUR DU YOD MED KYI YIN PAR MNGON

021b

NO;; GNYIS PA NYAN RANG LA CHOS KYI BDAG MED RTOGS PA YOD PAR SGRUB PA LA GNYIS, 'JUG 'GREL DU BSHAD PA'I LUNG RIGS KYIS BSGRUB PA, DER MA BSHAD PA'I LUNG GIS BSGRUB PA'O,, DANG PO LA GSUM, RIGS PAS BSGRUB, LUNG GIS BSGRUB, RTZOD PA SPANGS PA'O,, DANG PO NI, SA BCU PA'I LUNG DE'I RJES THOGS DE MA THAG TU 'JUG 'GREL LAS, LUNG 'DI LAS NI NYAN THOS DANG RANG SANGS RGYAS THAMS CAD LA YANG CHOS THAMS CAD RANG BZHIN MED PAR SHES PA YANG YOD DO ZHES GSAL BAR NGES TE ZHES SA BCU PA'I MDO'I LUNG DES SA DANG POR NYAN RANG KUN RDZOB SEMS BSKYED KYI SGO NAS ZIL GYIS GNON NUS KYANG DON DAM SEMS BSKYED KYI SGO NAS ZIL GYIS GNON MI NUS PA'I KHYAD PAR PHYE NAS GSUNGS PA LA NYAN RANG 'PHAGS PA LA STONG NYID PHRA MO MNGON SUM DU RTOGS PA YOD PAR GSAL BAR SHES TE, DE MED NA SA DANG PO PA'I BYANG SEMS DE 'JIG RTEN PA'I CHAGS BRAL RNAMS STONG NYID RTOGS PA'I BLOS ZIL GYIS GNON PA BZHIN NYAN RANG RNAMS CI'I PHYIR ZIL GYIS GNON PAR MI NUS TE, KHYOD KYIS STONG NYID PHRA MO MNGON SUM DU RTOGS, NYAN RANG LA DE MED PA'I PHYIR, ZHES PA YIN LA, DES NA SA DANG PO NAS KYANG NYAN RANG BLO'I SGO NAS KYANG ZIL GYIS GNON NUS PAR SMRA BA NI SKABS KYI DON LAS NYAMS PA'O, ,DE LTAR DAM BCA' BKOD NAS DE SGRUB PA'I RIGS PA NI, 'JUG 'GREL LAS, MA YIN NA DNGOS PO RANG BZHIN MED PAR YONGS SU SHES PA DANG BRAL BA'I PHYIR, 'JIG RTEN PA'I 'DOD CHAGS DANG BRAL BA LTAR DE DAG KYANG SEMS DANG PO BSKYED PA'I BYANG CHUB

022a

, ,SEMS DPAS KYANG RANG GI BLOS RNAM PAR DPYAD PAS KYANG ZIL GYIS GNON PAR 'GYUR LA ZHES PAS RIGS PA DANG PO DANG, YANG, PHYI ROL PA BZHIN DU 'DI DAG GIS KHAMS GSUM NA SPYOD PA'I PHRA RGYAS THAMS CAD SPANGS PAR YANG MI 'GYUR RO ZHES PAS RIGS PA GNYIS PA DANG, GZUGS LA SOGS PA'I RANG GI NGO BO LA DMIGS PAS PHYIN CI LOG TU GYUR PA'I PHYIR GANG ZAG GI BDAG MED PAR YANG RTOGS PAR MI 'GYUR TE, BDAG TU GDAGS PA'I RGYU PHUNG PO LA DMIGS PA'I PHYIR RO; ;ZHES PAS RIGS PA GSUM PA BSTAN LA, DE YANG DANG PO'I DON NI, NYAN RANG LA CHOS KYI BDAG MED PHRA MO RTOGS PA MED NA, CI YANG MED MAN CHAD LA 'JIG RTEN PA'I LAM GYI 'DOD CHAGS DANG BRAL BA RNAMS LTAR NYAN RANG DE DAG KYANG SEMS DANG PO BSKYED PA'I BYANG CHUB SEMS DPA' STE SA DANG PO BAS KYANG RANG GI BLOS RNAM PAR DPYAD PA STE DON DAM SEMS BSKYED KYI SGO NAS KYANG ZIL GYIS GNON NUS PAR 'GYUR BAR THAL, BYANG SEMS SA DANG PO PAS STONG NYID MNGON SUM DU RTOGS, NYAN RANG RNAMS DNGOS PO RANG BZHIN MED PAR YONGS SU SHES PA DANG BRAL BA'I PHYIR, RIGS PA GNYIS PA NI PHYI ROL PA'I CHAGS BRAL DE RNAMS BZHIN DU NYAN RANG DGRA BCOM PA 'DI DAG GIS KHAMS GSUM NA SPYOD PA'I PHRA RGYAS KYI NYON MONGS PA THAMS CAD SPANGS PAR YANG MI 'GYUR BAR THAL, NYON MONGS PA DE THAMS CAD KYI RTZA BA BDEN 'DZIN DANG 'DZIN STANGS DNGOS SU 'GAL BA'I LAM RGYUD LA MA BSKYED PA'I PHYIR, GSUM PA NI, NYAN RANG DE DAG GIS GANG ZAG GI BDAG MED PA RDZOGS PAR RTOGS

022b

PA YANG MI 'GYUR BAR THAL, DE RNAMS KYIS GANG ZAG RANG BZHIN GYIS MED PA MA RTOGS PA'I PHYIR TE, GANG ZAG GI BDAG TU GDAGS PA'I RGYU PHUNG PO LA RANG GI MTSAN NYID KYIS GRUB PAR 'DZIN PA'I SGO NAS GZUGS LA SOGS PA'I PHUNG PO'I RANG GI NGO BO LA RANG GI NGO BOS GRUB PAR DMIGS PAS YUL GYIS GNAS LUGS LAS PHYIN CI LOG TU GYUR PA'I PHYIR, KHYAB STE, GDAGS GZHI PHUNG PO LA BDEN PAR 'DZIN PA'I ZHEN YUL SUN MA PHYUNG BAR BTAGS CHOS GANG ZAG LA DMIGS NAS BDEN PAR 'DZIN PA'I BDEN 'DZIN GYI ZHEN YUL SUN 'BYIN PAR MI NUS PA'I PHYIR, DE LA KHO NA RE, KHAMS GSUM GYI NYON MONGS PA SPONG BA LA GANG ZAG DANG PHUNG PO BDEN MED DU RTOGS MI DGOS PAR THAL, GANG ZAG RANG RKYA THUB PA'I RDZAS SU MED PAR RTOGS PA GOMS PAR BYAS PAS DE SPONG NUS PA'I PHYIR TE, DE 'DRA'I BDAG MED DE THOS BSAM GYIS GTAN LA PHAB NAS BSGOMS PAS NYAMS SU LEN PA 'ONG BA GANG ZHIG ,DE BYUNG NA DE MNGON SUM DU RTOGS PA'I MTHONG LAM DANG RTOGS ZIN GOMS PA'I SGOM LAM 'BYUNG LA, DE BYUNG NA DES MTHONG SPANG DANG SGOM SPANG GI NYON MONGS MA LUS PA SPANGS PA YANG 'BYUNG BA'I PHYIR, THOS BSAM GYIS GTAN LA PHAB NAS BSGOMS PAS MNGON SUM DU RTOGS PA YANG 'BYUNG STE, DE LTAR DU RNAL 'BYOR MNGON SUM SGRUB PA'I RIGS PAS 'GRUB PA'I PHYIR RO, ,ZHE NA, BSHAD PAR BYA STE, DE 'DRA BA'I GANG ZAG GI BDAG MED DE THOS BSAM GYIS GTAN LA PHAB PA DANG, BSGOMS PAS MNGON SUM DU RTOGS PA MI 'ONG ZHES KHO BO CAG KYANG MI SMRA YI, DE MNGON SUM DU

023a

, ,RTOGS PA BYUNG YANG DE TZAM GYIS MTHONG LAM THOB PA DANG RTOGS ZIN GOMS PA'I SGOM LAM DANG, DE GNYIS KYIS MTHONG SPANG DANG SGOM SPANG SPONG BA'I RNAM GZHAG KHAS BLANG DU MI RUNG NGO, ,GAL TE RUNG NA, DE 'DRA'I MTHONG LAM CHOS CAN, BDEN PA MNGON RTOGS SU THAL, MTHONG LAM YIN PA'I PHYIR, RTAGS KHAS, 'DOD NA, KHYOD KYIS BDEN PA'I GNAS LUGS MNGON SUM DU RTOGS PAR THAL, 'DOD PA'I PHYIR, 'DOD NA, GANG ZAG GI GNAS LUGS MTHAR THUG MNGON SUM DU RTOGS PAR THAL, 'DOD PA GANG ZHIG GANG ZAG GI BDAG MED RTOGS PA'I MTHONG LAM YIN PA'I PHYIR, 'DOD NA, GANG ZAG PHUNG PO DANG MTSAN NYID MI MTHUN PA'I RANG RKYA THUB PA'I RDZAS SU MED PA GANG ZAG GI GNAS LUGS MTHAR THUG TU THAL, 'DOD PA'I PHYIR, 'DOD NA, GRUB MTHAS RGYUD MA BSLAD PA'I 'BU SRIN SOGS 'BAD MED DU GROL BAR 'GYUR ZHING PHUNG SOGS RANG RKYA BA'I RDZAS SU MED PA DE PHUNG SOGS KYI GNAS LUGS MTHAR THUG TU THAL, 'DOD PA'I PHYIR, 'DOD NA, DNGOS SU 'GAL ZHING, NYAN RANG DGRA BCOM PAS KYANG PHUNG SOGS KYI GNAS LUGS RTOGS PAR THAL BAS RTZA BA'I DAM BCA' NYAMS SO ZHES t'IKA CHEN GYI BZHED PA STE DA DUNG 'CHAD PAR 'GYUR RO, ,DE LA KHO NA RE, KHO BO CAG GI LUGS LA KHYOD KYIS DGAG PA DE LTAR BRJOD NA YANG, RANG RKYA BA'I GANG ZAG GI BDAG MED DANG, DE RTOGS PAS NYON SGRIB MA LUS PAR SPONG NUS PA DANG, DE'I DBANG DU BYAS PA'I LAM LNGA'I RNAM GZHAG SOGS RGYAS PAR STON PA'I MDO DANG TSAD LDAN GYI BSTAN BCOS RNAMS DANG JI

023b

LTAR MI 'GAL ZHE NA, SKYON MED DE, DE 'DRA'I RNAM GZHAG STON PA'I GSUNG RAB RNAMS DPAL LDAN ZLA BA'I LUGS LA DRANG DON DU BYA DGOS PA'I PHYIR TE, SEMS TZAM PA'I SKABS SU GSUNGS PA'I GZUNG 'DZIN RDZAS GZHAN GYIS STONG PA'I STONG NYID DANG, DE MNGON SUM DU RTOGS PA DANG, RTOGS ZIN GOMS PA'I MTHONG SGOM GYI LAM GYI SA BCU RIM GYIS BGROD CING SGRIB GNYIS MA LUS PAR SPONG NUS PA'I RNAM GZHAG RNAMS SKABS 'DIR DRANG DON DU 'GREL DGOS PA GANG ZHIG ,RGYU MTSAN MTSUNGS PA'I PHYIR RO, ,DES NA RANG RKYA THUB PA'I GANG ZAG GIS STONG PA'I RAGS PA'I GANG ZAG GI BDAG MED DANG, GZUNG 'DZIN RDZAS GZHAN GYIS STONG PA'I RAGS PA'I CHOS KYI BDAG MED RTOGS PA'I LAM GNYIS KA SKABS 'DIR ZHI RAGS KYI RNAM PA CAN GYI 'JIG RTEN PA'I BSAM GZUGS MED GNON SOGS KYI LAM DANG 'DRA BAR YANG YANG GSUNGS PA'I RGYU MTSAN YOD DE, DE GSUM GAS KYANG MNGON PA GNYIS NAS BSHAD PA LTAR GYI NYON MONGS MNGON GYUR RE ZHIG MGO GNON NUS PAR YANG MTSUNGS, NYON MONGS GANG GI'ANG SA BON SPONG MI NUS PAR MTSUNGS PA'I PHYIR RO,, GNYIS PA LUNG GIS BSGRUB PA LA GNYIS, RIN CEN 'PHRENG BA'I LUNG GIS BSGRUB, THEG DMAN RANG LA GRAGS PA'I LUNG GIS BSGRUB PA'O,, DANG PO NI, NYAN RANG LA CHOS KYI BDAG MED PHRA MO RTOGS PA YOD PA NYID 'PHAGS PA KLU SGRUB KYI BZHED PA YIN TE, RIN CEN 'PHRENG BAR, JI SRID PHUNG POR 'DZIN YOD PA, ,DE SRID DE LA NGAR 'DZIN YOD, ,NGAR 'DZIN YOD NA YANG LAS TE, ,DE LAS YANG NI SKYE BA YIN, ,LAM GSUM THOG MTHA'

024a

, ,DBUS MED PA, ,'KHOR BA'I DKYIL 'KHOR MGAL ME YI, ,DKYIL 'KHOR LTA BUR PHAN TSUN GYI, ,RGYU CAN 'DI NI 'KHOR BAR 'GYUR, ,DE NA RANG GZHAN GNYIS KA DANG, ,DUS GSUM NYID DU'ANG MA THOB PHYIR, ,NGAR 'DZIN PA NI ZAD PAR 'GYUR, ,DE LAS LAS DANG SKYE BA YANG, ,ZHES SOGS GSUNGS PA 'DIS GSAL BAR BSTAN PA'I PHYIR TE, LUNG DES DNGOS BSTAN LA PHUNG PO LA BDEN 'DZIN GYI ZHEN YUL SUN MA PHYUNG NA NGAR 'DZIN GYI ZHEN YUL SUN DBYUNG MI NUS SHING, ,DE MA NUS NA NGAR 'DZIN GYI DBANG GIS LAS BSAGS NAS 'KHOR BAR SKYE DGOS PAS PHUNG PO LA BDEN 'DZIN GYI ZHEN YUL SUN MA PHYUNG BAR DU 'KHOR BA LAS GROL MI NUS PAR BSGRUBS PAS SHUGS LA NYAN RANG DGRA BCOM PA 'KHOR BA LAS GROL ZIN PAS NGAR 'DZIN ZAD PAR SPANGS PAR GRUB LA, DE GRUB NA PHUNG PO BDEN 'DZIN GYI ZHEN YUL SUN PHYUNG NAS DE ZAD PAR SPANGS PA YANG GRUB STE, GDAGS GZHI PHUNG PO LA BDEN 'DZIN GYI ZHEN YUL SUN MA PHYUNG BAR DU BTAGS CHOS GANG ZAG LA BDEN PAR 'DZIN PA'I ZHEN YUL SUN MA PHYUNG BAR SNGAR BSGRUBS ZIN PA'I PHYIR DANG, NGAR 'DZIN DANG PHUNG PO BDEN 'DZIN SPANG DKA' SLA'I KHYAD PAR MED PA'I PHYIR, DE LTAR NA NYAN RANG GI PHUNG SOGS RANG BZHIN MED PA'I CHOS KYI BDAG MED RTOGS PA 'BAD MED DU GRUB STE; DE MA RTOGS NA PHUNG PO BDEN 'DZIN SPONG MI NUS PA'I PHYIR TE, RNAM 'GREL LAS, 'DI YUL SUN DBYUNG MED PAR NI, ,DE SPONG BAR NI NUS MA YIN, ,ZHES GSUNGS PA LTAR RO, ,LAM GSUM THOG MTHA' DBUS MED PA, ,ZHES SOGS KYIS NI

024b

NGAR 'DZIN GYI ZHEN YUL SUN MA PHYUNG BAR DU NYON MONGS PA DANG, LAS DANG, SKYE BA'I KUN NYON GSUM PO GO RIM MED PAR GCIG LA BRTEN NAS GCIG SKYE BAS 'KHOR BAR BSTAN NAS, DE 'DRA'I 'KHOR BA ZAD PA LA NGAR 'DZIN SPANG DGOS PA DANG, DE SPONG BA'I THABS NI, RTEN 'BREL DE NI RANG GZHAN GNYIS KA LAS SKYE BA MED LA, DE YANG DUS GSUM GAR YANG RANG BZHIN GYIS SKYE BA MA THOB PA STE MED PAR MTHONG BA'AM MA MTHONG BA RTOGS PA GOMS PAR BYAS PA LAS SPONG NUS PA'I PHYIR ZHES PA NI, DE NI RANG GZHAN GNYIS KA DANG, ,ZHES SOGS KYIS 'CHAD DO, ,DE YANG NGAR 'DZIN GYI ZHEN YUL SUN MA PHYUNG NA DE'I DBANG GIS LAS BSAGS NAS 'KHOR BAR SKYE DGOS KYI NGAR 'DZIN YOD PA TZAM GYI LAS DBANG GIS 'KHOR BAR SKYE MI DGOS TE, SA BDUN PA'I BAR DU NGAR 'DZIN YOD KYANG LAS NYON GYI DBANG GIS SA DANG PO NAS KYANG 'KHOR BAR MI SKYE BA'I PHYIR TE, 'PHAGS PAS NA DANG RGA BA DANG, ,SKYE BA'I SDUG BSNGAL RTZAD NAS SPANGS, ,ZHES GSUNGS PA LTAR RO,, GNYIS PA NI NYAN RANG LA CHOS KYI BDAG MED RTOGS PAR THEG DMAN RANG LA GRAGS PA'I LUNG GIS KYANG GRUB STE, 'JUG 'GREL LAS, NYAN THOS LA BSTAN PA'I MDO LAS KYANG, NYAN THOS RNAMS KYI NYON MONGS PA SPANGS PA'I PHYIR, GZUGS NI DBU BA RDOS PA 'DRA, TSOR BA CHU YI CHU BUR 'DRA, ,'DU SHES SMIG RGYU LTA BU STE, ,'DU BYED RNAMS NI CHU SHING BZHIN, ,RNAM PAR SHES PA SGYU MA LTAR, ,NYI MA'I GNYEN GYIS BKA' STZAL TE, ,ZHES DBU BA RDOS PA SOGS DES RNAM PA LNGA'I SGO NAS PHUNG PO RANG BZHIN MED PAR GTAN LA

025a

, ,PHAB NAS GSUNGS PA'I PHYIR RO, ,'O NA RANG RGYUD PA MAN CHAD KYIS LUNG 'DI'I DON JI LTAR 'DOD SNYAM NA, RANG RGYUD PA DANG SEMS TZAM PAS NI PHUNG SOGS RANG RKYA THUB PA'I RDZAS YOD KYIS STONG PA'I RAGS PA'I BDAG MED BSTAN PAR 'DOD CING NYAN THOS SDE GNYIS KYIS 'DUS BYAS RANG GRUB DUS KYI SKAD CIG GNYIS PAR SDOD PAS STONG PA'I PHRA BA'I MI RTAG PA TZAM ZHIG BSTAN PAR BZHED DO, ,THEG DMAN GYI SDE SNOD LAS CHOS KYI BDAG MED BSTAN PAR MGON PO KLU SGRUB KYIS KYANG GSUNGS TE, THEG PA CHE LAS SKYE MED BSTAN, ,GZHAN GYI ZAD PA STONG PA NYID, ,ZAD DANG MI SKYE DON DU NI, ,GCIG PA DE PHYIR BZOD PAR GYIS, ,ZHES THEG DMAN GYI MDO LAS NYON SGRIB ZAD PAR SPANGS PA'I DGRA BCOM PAS DE 'DRA'I 'GOG BDEN NAM, MYANG 'DAS LA GNYIS SNANG NUB PA'I SGO NAS MNYAM PAR BZHAG PA'I DON GNYIS SNANG GI SPROS PA NYE BAR ZHI BA'I SGO NAS PHUNG SOGS GDOD MA NAS RANG BZHIN GYIS ZAD PA'I 'GOG PA MNGON DU BYAS PA NYID LHAG MED KYI MYANG 'DAS MNGON DU BYAS PA'I DON DU GSUNGS PA'I PHUNG SOGS RANG BZHIN GYIS ZAD PA'I ZAD PA DANG, THEG CHEN LAS PHUNG SOGS RANG BZHIN GYIS SKYE MED DU GSUNGS PA'I SKYE MED GNYIS DON GCIG PAS NYAN THOS SDE PA KHYED CAG THEG CHEN LAS DE LTAR BSHAD PA LA MI BZOD PAR MA BYED CIG CES GSUNGS PA'I PHYIR, 'DI NI RIGS PA DRUG CU PA'I 'GREL PAR DRANGS PA'I THEG DMAN GYI MDO LAS, GANG SDUG BSNGAL 'DI MA LUS PAR SPANGS PA, NGES PAR SPANGS PA, BYANG BAR GYUR PA, ZAD PA, 'DOD CHAGS DANG BRAL BA, 'GOG PA, NYE BAR ZHI

025b

BA; NUS (NUB) PA, SDUG BSNGAL GZHAN GYIS MTSAMS MI SBYOR ZHING MI 'BYUNG MI SKYE BA 'DI NI ZHI BA, 'DI NI GYA NOM PA STE, 'DI LTA STE, PHUNG PO THAMS CAD NGES PAR SPANGS PA, SRID PA ZAD PA, 'DOD CHAGS DANG BRAL BA, 'GOG PA MYA NGAN LAS 'DAS PA'O, ,ZHES GSUNGS LA, DE'I DON 'GREL BA NA, 'DI ZHES PA'I NYE TSIG GIS GSUNGS PA'I PHYIR, DA LTAR GYI RANG RGYUD KYI SDUG BSNGAL LAM PHUNG PO KHO NA'I DBANG DU MDZAD NAS MA LUS PAR SPANGS PA NAS, NUB PA'I BAR DANG, MA 'ONGS PA'I SDUG BSNGAL GYI DBANG DU MDZAD NAS SDUG BSNGAL GZHAN MTSAMS MI SBYOR BA NAS, MYA NGAN LAS 'DAS PA'O, ,ZHES PA'I BAR GSUNGS LA, DE YANG DNGOS SMRA BA RNAMS LTAR NA, LHAG MED KYI MYANG 'DAS MNGON DU BYAS PA'I TSE PHUNG PO MA LUS PAR ZAD PAR GSUNGS PA'I DON PHUNG PO RNAMS GDOD MA NAS RANG BZHIN GYIS ZAD PA LA BYAR MI RUNG STE, PHUNG SOGS RANG BZHIN GYIS GRUB PAR KHAS BLANGS PA'I PHYIR, DES NA LAM GYIS MA LUS PAR SPANGS PA'I STOBS KYIS PHUNG PO RNAMS RGYUN CHAD PA LA BSHAD DGOS SHING DE LTAR DU 'CHAD PAR YANG BYED LA, DE LTA NA LUGS DE LA LHAG MED KYI MYANG 'DAS MNGON DU BYAS PA'I GANG ZAG MI SRID PAR THAL, LHAG MED MYA 'DAS MNGON DU BYAS PA'I TSE MNGON DU BYED PA PO'I GANG ZAG MED PA DANG, GANG ZAG YOD PA'I TSE MYANG 'DAS MNGON DU MA BYAS PAR 'DOD DGOS PA'I PHYIR TE, DE MNGON DU BYAS PA'I TSE 'DUS BYAS DANG PHUNG PO'I 'JUG PA THAMS CAD RGYUN CHAD PAR KHAS BLANGS PA GANG ZHIG ,GANG ZAG KYANG 'DUS BYAS YIN PA'I PHYIR DANG, GANG ZAG YOD

026a

, ,NA DE'I PHUNG PO YANG NGES PAR YOD DGOS PA'I PHYIR, DES NA DNGOS SMRA BAS MDO DE'I DON JI LTA BAR BSHAD MI NUS PAS, RANG LUGS LA, RGYUD BLA MA LAS, NYON MONGS GDOD NAS ZAD PHYIR RO, ,ZHES GSUNGS PA LTAR, PHUNG PO GDOD MA NAS RANG BZHIN GYIS ZAD PA'AM, SKYE BA MED PA LA BSHAD PAS GONG DU BSHAD PA LTAR LEGS PAR BSHAD PAS CHOG PA'I PHYIR, RTZA SHE LAS KYANG, BCOM LDAN DNGOS DANG DNGOS MED PA, ,MKHYEN PAS KA TY'A YA NA YI, ,GDAMS NGAG LAS NI YOD PA DANG, ,MED PA GNYIS KA'ANG DGAG PA MDZAD, ,CES GSUNGS PA 'DIS KYANG PHUNG PO RANG BZHIN GYIS YOD PA DANG, GTAN MED PA'I MTHA' GNYIS BKAG PA'I SGO NAS CHOS KYI BDAG MED BSTAN PAR GSUNGS TE, 'DI NI LUNG PHRAN TSEGS KYI MDO TSIG NA SNANG NGO,, GSUM PA RTZOD PA SPANG BA NI, 'GREL PAR, GANG ZHIG GAL TE NYAN THOS KYI THEG PA LAS KYANG CHOS LA BDAG MED PA BSTAN NA DE'I TSE THEG PA CHEN PO BSTAN PA DON MED PAR 'GYUR RO SNYAM DU SEMS PA DE'I LUGS DE YANG 'DI LTAR RIGS PA DANG LUNG DANG 'GAL BAR RTOGS SO, ,ZHES GSUNGS PA'I PHYOGS SNGA MA SMRA BA PO NI SLOB DPON LEGS LDAN 'BYED YIN TE, DES SHES RAB SGRON MER THEG DMAN GYI SDE SNOD LAS CHOS KYI BDAG MED BSTAN NA THEG CHEN BSTAN PA DON MED DU 'GYUR RO ZHES SANGS RGYAS BSKYANGS KYIS RAB BYED BDUN PA'I 'GREL PAR THEG DMAN GYI MDO LAS CHOS KYI BDAG MED BSTAN PAR GSUNGS PA BKAG PA'I PHYIR, DE LTAR NA SPYIR THEG CHEN BSTAN PA DON MED DU 'GYUR ZHES SMRA'AM, BYE BRAG TU THEG CHEN LAS

026b

CHOS KYI BDAG MED BSTAN PA DON MED DU 'GYUR RO ZHES PA GANG YIN BRTAG DRANG, DANG PO LTAR NA, THAL 'GYUR DE LA KHYAB PA YOD NA CHOS KYI BDAG MED BSTAN PA ZHIG KHO NA THEG CHEN GSUNGS PA'I DGOS PAR 'GYUR LA, DE YANG MA YIN TE, THEG CHEN GYI SDE SNOD LAS NI BYANG SEMS KYI SA DANG, SPYOD PA PHYIN DRUG RLABS PO CHE'I BSNGO BA SMON LAM DANG, SNYING RJE CHEN PO SOGS THABS KYI CHA MTHA' YAS PA DANG BYANG SEMS KYI MTHU BSAM GYIS MI KHYAB PA DAG KYANG BSTAN PA'I PHYIR TE, RIN CEN 'PHRENG BA LAS, NYAN THOS THEG PA DE LAS NI, ,BYANG CHUB SEMS DPA'I SMON LAM DANG, ,SPYOD PA YONGS BSNGO MA BSHAD DES, ,BYANG CHUB SEMS DPAR GA LA 'GYUR, ,BYANG CHUB SPYOD LA GNAS PA'I DON, ,MDO SDE LAS NI BKA' MA STZAL, ,THEG PA CHE LAS BKA' STZAL PA, ,DE PHYIR MKHAS PA RNAMS KYIS BZUNG, ,ZHES GSUNGS PA'I PHYIR, GNYIS PA LTAR NA YANG KHYAB PA MA NGES TE, NYAN THOS KYI SDE SNOD LAS NI CHOS KYI BDAG MED MDOR BSDUS PA TZAM ZHIG BSTAN PAR ZAD LA, THEG CHEN LAS NI DE NYID RIGS PA'I RNAM GRANGS MTHA' YAS PAS SHIN TU RGYAS PAR GTAN LA 'BEBS PA'I PHYIR RO, ,DE LTAR YANG 'JIG RTEN LAS 'DAS PAR BSTOD PA LAS, MTSAN MA MED PA MA RTOGS PAR, ,KHYOD KYIS THAR PA MED PAR GSUNGS, ,DE PHYIR KHYOD KYIS THEG CHEN LAS, ,DE NI TSANG BAR BSTAN PA LAGS, ,ZHES GSUNGS PA'I PHYIR RO, ,'DIR MTSAN MED MA RTOGS PAR THAR PA MI THOB PAR GSUNGS PAS KYANG NYAN RANG LA CHOS KYI BDAG MED RTOGS PA YOD PAR GRUB BO, ,'O NA THEG PA CHE CHUNG GNYIS LAS

027a

, ,CHOS KYI BDAG MED RDZOGS PAR BSTAN MA BSTAN DANG, DE GNYIS KYI LAM DU RDZOGS PAR SGOM MI SGOM SOGS KYI KHYAD PAR BSHAD PA'I DON GANG SNYAM NA, DE'I DON THEG CHEN PAS SHES BYA'I GSAL BA'I DBYE BA MTHA' DAG GI STENG DU BDEN MED GTAN LA PHAB NAS BSGOM ZHING THEG DMAN GYIS DE LTAR MI BSGOM PA LTA BU NI MA YIN TE, GZHI BUM PA LTA BU ZHIG GI STENG DU BDEN MED TSAD MAS NGES NA CHOS CAN GZHAN GYI STENG DU BDEN PAR GRUB MA GRUB LA BLO KHA PHYOGS PA TZAM GYIS SNGAR GYI RIGS PA'I BYED PAS BDEN MED DU NGES NUS PA'I PHYIR, DES NA 'DI YIN TE, THEG CHEN PA NI DE KHO NA NYID DU LA BLO SHIN TU RGYAS PA ZHIG DGOS PAS, RTZA SHE SOGS LAS GSUNGS PA LTAR GZHI RE RE'I STENG DU'ANG RIGS PA'I RNAM GRANGS MTHA' YAS PA'I SGO NAS BDAG MED NGES PAR BYED LA, THEG DMAN LA NI DE KHO NA NYID LA BLO SHIN TU RGYAS PA MI DGOS PAS MDOR BSDUS PA TZAM ZHIG BSGOMS PAS CHOG PA'I PHYIR RO, ,DE 'DRA BA'I KHYAD PAR 'ONG BA'I RGYU MTSAN NI SHES SGRIB SPONG BA LHUR LEN MI LEN GYI DBANG GIS YIN LA, DE'I PHYIR THEG PA CHE CHUNG GI SDE SNOD GNYIS LAS CHOS KYI BDAG MED RGYAS PAR STON MI STON GYI KHYAD PAR 'BYUNG BA YANG CHED DU BYA BA'I GDUL BYA'I DBANG LAS YIN NO, ,SPROS PAS CHOG GO, GNYIS PA 'JUG 'GREL DU MA BSHAD PA'I LUNG RIGS KYIS SGRUB PA LA GSUM, THEG CHEN GYI MDO'I LUNG GIS SGRUB, SPYOD 'JUG MDZAD PA'I LUGS KYANG LUGS 'DI DANG MTHUN PAR BSTAN, DE LA RTZOD PA SPANG BA'O,, DANG PO NI, LHAG BSAM BRTAN PAS ZHUS PA'I MDO TSIG GSAL DU DRANGS PA

027b

LAS, DPER NA MI LA LA ZHIG GIS SGYU MA MKHAN GYI ROL MO BYUNG BA'I TSE, SGYU MA MKHAN GYIS SPRUL PA'I BUD MED MTHONG NAS 'DOD CHAGS KYI SEMS BSKYED DE, DE 'DOD CHAGS KYI SEMS DKRIS NAS 'KHOR GYIS 'JIGS SHING BAG TSA STE, STAN LAS LANGS NAS SONG STE DE SONG NAS KYANG BUD MED DE NYID LA MI SDUG PAR YID LA BYED CING MI RTAG PA DANG SDUG BSNGAL BA DANG STONG PA DANG BDAG MED PAR YID LA BYED NA, RIGS KYI BU, DE JI SNYAM DU SEMS, MI DE YANG DAG PAR ZHUGS PA YIN NAM 'ON TE LOG PAR ZHUGS PA YIN, GSOL PA, BCOM LDAN 'DAS, GANG LA BUD MED MA MCHIS PA LA MI SDUG PAR YID LA BYED CING, MI RTAG PA DANG SDUG BSNGAL BA DANG STONG PA DANG BDAG MED PAR YID LA BGYID PA'I MI DE'I MNGON PAR BRTZON PA DE NI LOG PA LAGS SO, ,BCOM LDAN 'DAS KYIS BKA' STZAL PA, RIGS KYI BU, 'DI NA DGE SLONG DANG, DGE SLONG MA DANG, DGE BSNYEN DANG DGE BSNYEN MA KHA CIG MA SKYES SHING MA BYUNG BA'I CHOS RNAMS LA MI SDUG PAR YID LA BYED CING MI RTAG PA DANG SDUG BSNGAL BA DANG STONG PA DANG BDAG MED PAR YID LA BYED PA GANG YIN PA DE DAG KYANG DE DANG 'DRA BAR BLTA BAR BYA'O, ,NGA NI MI BLUN PO DE DAG LA LAM SGOM PA YIN NO, ,ZHES MI SMRA STE DE DAG NI LOG PAR ZHUGS PA ZHES BYA'O, ,ZHES SHIN TU GSAL BAR GSUNGS TE, PHUNG SOGS RANG GI MTSAN NYID KYIS GRUB PA'I NGO BO NYID YOD PAR BZUNG NAS MI RTAG SOGS SNGAR YID LA BYED PA DANG, SGYU MA'I BUD MED LA BUD MED DNGOS SU BZUNG NAS MI RTAG SOGS SU YID LA BYED PA 'DRA BAS DE 'DRA BA'I LAM

028a

, ,GYIS 'KHOR BA LAS GROL MI NUS PAR GSUNGS PAS KYANG NYAN RANG LA CHOS KYI BDAG MED RTOGS PA YOD PAR GRUB STE, DE KHO NA NYID RTOGS PA'I LTA BA MA RNYED PA'I GANG ZAG GI BDEN PAR GRUB MA GRUB GANG GIS KYANG KHYAD PAR DU MA BYAS PAR PHUNG SOGS LA DMIGS NAS, MI RTAG SOGS SU YID LA BYAS PAS KYANG BDEN 'DZIN GYI ZHEN YUL SUN MA PHYUNG BAS 'KHOR BA LAS GROL BAR MI NUS NA DE DAG BDEN GRUB TU BZUNG NAS DE LTAR BSGOM PA NI ZHEN YUL LA 'KHRUL PA'I LOG SHES YIN PAS 'KHOR BA LAS GROL BA LTA CI SMOS PA'I PHYIR RO, ,YANG 'PHAGS PA BSAM GTAN PA'I DPE MKHYUD KYI MDO TSIG GSAL DU DRANGS PA LAS KYANG, 'JAM DPAL, 'PHAGS PA'I BDEN PA RNAMS YANG DAG PA JI LTA BA BZHIN DU MA MTHONG BAS SEMS CAN PHYIN CI LOG BZHIS SEMS PHYIN CI LOG TU GYUR PA RNAMS 'KHOR BA YANG DAG PA MA YIN PA 'DI LAS 'DA' BAR MI 'GYUR RO ZHES GSUNGS PA LA, 'JAM DPAL GYIS, BCOM LDAN 'DAS, GANG LA NYE BAR DMIGS PAS SEMS CAN RNAMS 'KHOR BA LAS 'DA' BAR MI 'GYUR BAR BSTAN DU GSOL, ZHES STON PAS BDEN BZHI YANG DAG PA JI LTA BA BZHIN DU MA SHES PAS 'KHOR BA LAS MI GROL BAR GSUNGS PA LA, RJE BTZUN GYIS BDEN BZHI LA JI LTAR DMIGS PAS 'KHOR BA LAS MI THAR BSHAD PA ZHUS PA'I LAN DU, BDAG NI 'KHOR BA LAS 'DA' BA DANG, MYA NGAN LAS 'DAS PA THOB PAR 'GYUR RO SNYAM DU BDEN PAR ZHEN PA'I TSUL GYIS RTOGS PAR BYED PAS MI RTAG PA LA SOGS PA BSGOMS PA NA RANG GI MTSAN NYID KYIS GRUB PAR ZHEN PA'I SGO NAS

028b

MI RTAG SOGS BDEN PA'I RNAM PA RNAMS BSGOMS PAS GSAL BAR SNANG BA NA, BDAG GIS SDUG BSNGAL SHES SO, ,KUN 'BYUNG SPANGS SO, ,'GOG PA MNGON DU BYAS SO, ,LAM BSGOM MO SNYAM NAS, BDAG NI DGRA BCOM PAR GYUR TO SNYAM PA 'BYUNG BAR GSUNGS TE, DE YANG SNGAR BSHAD PA LTAR DMIGS RNAM CAN GYI NYON MONGS MNGON GYUR RE ZHIG SPANGS PA LA ZAG PA THAMS CAD ZAD DO SNYAM DU BZUNG STE DE 'CHI BA'I DUS KYI TSE RANG LAS NYON GYI DBANG GIS SKYE BA LEN PAR MTHONG BA NA THAR LAM LA YID BRTAN MI RUNG BAR 'DUG SNYAM DU THE TSOM ZOS PAS SEMS CAN DMYAL BA CHEN POR LTUNG BAR GSUNGS SO, ,DE YANG MI RTAG SOGS BCU DRUG BDEN PAR ZHEN PA'I SGO NAS SGOM PA'I GANG ZAG GI RIGS 'GA' ZHIG LA YIN GYI THAMS CAD LA DES KHYAB PA NI MA YIN TE, DE 'DRA BA'I RIGS KYI GANG ZAG THAMS CAD LA SANGS RGYAS LA THE TSOM ZA BA'I BLO SKYE BA'I NGES PA MED PA'I PHYIR, DE NAS 'JAM DPAL GYIS BDEN PA BZHI PO JI LTAR RTOGS PAR BGYI ZHES ZHUS PA NI, SNGAR 'KHOR BA LAS GROL BA LA BDEN BZHI YANG DAG PA JI LTA BA BZHIN SHES DGOS PAR GSUNGS PA'I DON DRIS PA YIN LA, DE'I LAN DU 'JAM DPAL, GANG GIS 'DU BYED THAMS CAD MA SKYES PAR MTHONG BA DES NI SDUG BSNGAL YONGS SU SHES PA YIN NO, ,GANG GIS CHOS THAMS CAD 'BYUNG BA MED PAR MTHONG BA DES NI KUN 'BYUNG BA SPANGS PA YIN NO, ,GANG GIS CHOS THAMS CAD GTAN MYA NGAN LAS 'DAS PAR MTHONG BA DES NI 'GOG PA MNGON DU BYAS PA YIN NO, ,GANG GIS CHOS THAMS CAD SHIN TU MA SKYES PAR MTHONG BA

029a

, ,DES NI LAM BSGOM PA YIN NO ZHES GSUNGS NAS LAM DES LEN PA MED PAR MYA NGAN LAS 'DAS PAR GSUNGS TE, LUNG DE'I DON YANG PHUNG SOGS KYI 'DU BYED RNAMS RANG BZHIN GYIS MA SKYES PAR MTHONG BAS SDUG BSNGAL SHES PA DANG, LAS NYON SOGS KYI RGYU LAS SDUG BSNGAL SOGS KYI 'BRAS BU RANG BZHIN GYIS 'BYUNG BA MED PAR MTHONG BAS KUN 'BYUNG SPANGS PA DANG, CHOS THAMS CAD GTAN NAS TE RANG BZHIN GYIS MYA NGAN LAS 'DAS PA'I DON MNGON SUM DU RTOGS PA'I 'GOG PA MNGON DU BYED PA DANG, CHOS THAMS CAD SHIN TU RANG BZHIN GYIS MA SKYES PAR MTHONG BA SGOM PA NYID LAM BSGOM PAR GSUNGS PA YIN TE, MDOR NA DES BDEN BZHI RANG BZHIN GYIS GRUB PA MED PAR RTOGS SHING GOMS PAR BYAS PA LAS BDEN 'DZIN SPANGS NAS 'KHOR BA LAS GROL BAR BSTAN PA'I PHYIR, RDO RJE GCOD PA LAS KYANG, RAB 'BYOR, 'DI JI SNYAM DU SEMS, RGYUN DU ZHUGS PA 'DI SNYAM DU, BDAG GIS RGYUN DU ZHUGS PA'I 'BRAS BU THOB BO SNYAM DU SEMS SAM, ZHES SOGS BCOM LDAN 'DAS DANG RAB 'BYOR GYIS DRIS LAN MDZAD PA LAS KYANG GSAL BAR BSTAN TE, RGYUN ZHUGS SOGS 'BRAS BU BZHI THOB MKHAN GYI GANG ZAG DANG THOB BYA'I 'BRAS BU BZHI LA BDEN PAR BZUNG NA GANG ZAG DANG CHOS KYI BDAG 'DZIN DU 'GYUR ZHING DE DAG RANG BZHIN MED PAR SHES PA'I SHES RAB KYIS 'DZIN PA DE DAG GI ZHEN YUL DRUNGS PHYUNG BA LAS NYAN RANG GI BYANG CHUB THOB PAR GSAL BAR BSTAN PA'I PHYIR, GNYIS PA NI, TSUL 'DI NI RGYAL SRAS ZHI BA LHA'I BZHED PA'ANG YIN TE, SPYOD 'JUG LAS, BDEN

029b

PA MTHONG BAS GROL 'GYUR GYI, ,STONG NYID MTHONG BAS CI ZHIG BYA, ,ZHES 'KHOR BA LAS GROL BA LA STONG NYID PHRA MO MA MTHONG BAS CI ZHIG BYA STE MED PAR THAL, (ZHES 'KHOR BA LAS GROL BA LA STONG NYID PHRA MO MTHONG BAS CI ZHIG BYA STE DGOS PA MED PAR THAL,) RAGS PA'I BDEN BZHI MI RTAG SOGS BCU DRUG MNGON SUM DU MTHONG ZHING GOMS PAR BYAS PAS 'KHOR BA LAS GROL BAR 'GYUR BA'I PHYIR, ZHES PHYOGS SNGA MA BRJOD NAS, 'DI 'GOG PA LA LUNG RIGS GNYIS LAS, LUNG GIS 'GOG PA NI, GANG PHYIR LUNG LAS LAM 'DI NI, ,MED PAR BYANG CHUB MED PAR GSUNGS, ,ZHES PA STE, PHYOGS SNGA MA DE MI 'THAD PAR THAL, RGYU MTSAN GANG GI PHYIR YUM RGYAS 'BRING BSDUS PA GSUM GYI LUNG LAS STONG NYID PHRA MO RTOGS PA'I LAM 'DI NI MED PAR BYANG CHUB GSUM PO GANG YANG 'THOB PA MED PAR GSUNGS PA'I PHYIR, GSUNGS TSUL NI, YUM RGYAS PA LAS, RGYUN DU ZHUGS PA'I SA LA SLOB PAR 'DOD PAS KYANG SHES RAB KYI PHA ROL TU PHYIN PA LA BSLAB PAR BYA'O ZHES SOGS DANG, BRGYAD STONG PA LAS, NYAN THOS KYI SA LA SLOB PAR 'DOD PAS KYANG SHES RAB KYI PHA ROL TU PHYIN PA LA BSLAB PAR BYA'O, ,ZHES SOGS DANG, SPYOD 'JUG 'GREL CHEN LAS, YUM GYI MDO LAS DNGOS PO'I 'DU SHES CAN LA THAR PA MED PAR GSUNGS PA LA BSHAD PA SOGS SO, ,RIGS PAS 'GOG PA NI, BSTAN RTZA DGE SLONG NYID YIN NA, ,DGE SLONG NYID KYANG DKA' BAR GNAS, ,SEMS NI DMIGS DANG BCAS RNAMS KYI, ,MYA NGAN 'DAS PA'ANG DKA' BAR GNAS, ,ZHES PA STE GZHAN YANG DE MI 'THAD PAR THAL, STONG NYID PHRA MO RTOGS PA

030a

, ,MED NA BSTAN PA'I RTZA BA DON DAM PA'I DGE SLONG YIN NA DON DAM PA'I DGE SLONG NYID KYANG GZHAG DKA' BA'I PHYIR TE, SEMS NI MTSAN 'DZIN GYI DMIGS PA DANG BCAS PA RNAMS KYIS MYA NGAN LAS 'DAS PA THOB DKA' BAR GNAS PA'I PHYIR, DE NAS NYON MONGS SPANGS PAS GROL NA DES, ,ZHES RAGS PA'I MI RTAG SOGS BCU DRUG RTOGS PA'I LAM GYIS MNGON PA GNYIS NAS BSHAD PA'I NYON MONGS MNGON GYUR SPANGS PAS 'KHOR BA LAS GROL BAR 'JOG NA ZHES PHYOGS SNGA MA BRJOD NAS, GNOD BYED NI, DE LTAR NA DMIGS RNAM CAN GYI NYON MONGS MNGON GYUR DE RNAMS RE ZHIG SPANGS PA DE'I DE MA THAG TU YANG SRID DU NYING MTSAMS SBYOR BA RGYUN CHAD PAR 'GYUR BAR THAL, PHYOGS SNGA MA DE'I PHYIR ZHES PA NI, DE'I DE MA THAG TU DER 'GYUR RO ZHES PA'I DON NO, ,'DOD MI NUS TE, DE 'DRA'I NYON MONGS MNGON GYUR RE ZHIG MED KYANG DE DAG LA YANG SRID DU NYING MTSAMS SBYOR BA'I LAS KYI NUS PA MTHU CAN DU MTHONG BA'I PHYIR, ZHES PA NI, NYON MONGS MED KYANG DE DAG LA, ,LAS KYI NUS PA MTHONG BA YIN ZHES PA'I DON NO, ,DE LA KHO NA RE, RTAGS MA GRUB STE, RAGS PA'I MI RTAG SOGS BCU DRUG RTOGS PA'I LAM GYI MNGON PA GNYIS NAS BSHAD PA'I NYON MONGS MNGON GYUR MED PA'I GANG ZAG DE LA LAS KYIS BZHAG PA'I BAG CHAGS YANG SRID PHYI MA BSKYED PA'I NUS PA MTHU CAN DU 'GYUR BA LA RE ZHIG SRED LEN GYIS GSOS 'DEBS DGOS PA LAS DE MED PA'I PHYIR, ZHES PA NI, RE ZHIG NYER LEN SRED PA NI, ,MED CES NGES PA NYID CE NA ZHES PA'I DON TE, PHYOGS SNGA MA SMRA BA PO NI SEMS

030b

TZAM PA DANG RANG RGYUD PA GNYIS YIN TE, CHUD MI ZA DANG THOB PA LAS 'BRAS KYI 'BREL BA'I RTEN DU 'DOD PA'I BYE BRAG SMRA BA RNAMS BAG CHAGS SRED LEN GYIS GSOS 'DEBS PAR MI 'DOD CING KHA CHE BYE BRAG SMRA BA DANG MDO SDE PA YANG DE MI 'DOD PA NI, MDZOD LAS, SNGON DANG PHYI MTHAR GNYIS GNYIS DANG, ,BAR DU BRGYAD YONGS RDZOGS LDAN LA, ,ZHES PA RTZA 'GREL LAS SHES SO, ,DE 'GOG PA NI, SRED 'DI NYON MONGS CAN MIN YANG, ,KUN RMONGS BZHIN DU CI STE MED, ,CES PA STE, DE MI 'THAD PAR THAL, GANG ZAG DE'I RGYUD KYI KUN RMONGS TE MA RIG PA DE MNGON PA MDZOD SOGS NAS BSHAD PA'I NYON MONGS CAN GYI MA RIG PA MIN YANG NYON MONGS CAN MA YIN PA'I MA RIG PAR KHYED RANG 'DOD PA BZHIN DU STONG NYID MA RTOGS KYANG MI RTAG SOGS BCU DRUG RTOGS PA'I LAM GYI MNGON PA MDZOD LTA BU NAS BSHAD PA'I NYON MONGS RANG RGYUD LA MED PA'I GANG ZAG DE'I RGYUD KYI SRED PA 'DI DE NAS BSHAD PA'I NYON MONGS CAN MIN YANG DE'I RGYUD LA BDEN 'DZIN GYIS DRANGS PA'I LAS LA GSOS 'DEBS BYED KYI SRID PA CI STE MED DE YOD PA'I PHYIR, DE YOD PA'I SGRUB BYED NI, TSOR BA'I RKYEN GYIS SRED PA YIN, ,TSOR BA DE RNAMS LA YANG YOD, ,CES PA STE, DE 'DRA'I GANG ZAG DE RNAMS CHOS CAN, KHYOD KYI RGYUD LA LAS LA GSOS 'DEBS BYED KYI BDEN 'DZIN GYIS DRANGS PA'I SRID (SRED) PA YOD DE, BDEN PAR ZHEN PA'I TSOR BA YOD PA'I PHYIR, KHYAB STE, BDEN PAR ZHEN PA'I TSOR BA'I RKYEN GYIS SRED PA 'DREN PA'I PHYIR, RANG LUGS KYI TSOR BA LA BDEN ZHEN GYI SRED PA SPONG TSUL NI, GANG TSE TSOR

031a

, ,SOGS 'GAL MED CING, ,TSOR BA'ANG YOD PA MA YIN PA, ,DE TSE GNAS SKABS 'DI MTHONG NAS, ,SRED PA CI PHYIR LDOG MI 'GYUR, ,ZHES PA STE, TSOR BA LA BDEN ZHEN GYI SRED PA 'GOG PA'I THABS YOD DE, GANG GI TSE TSOR BA PO 'GA' RANG BZHIN GYIS MED CING TSOR BA'ANG RANG BZHIN GYIS YOD PA MA YIN PA'I GNAS SKABS 'DI MTHONG NAS, DE'I TSE TSOR BA LA BDEN ZHEN GYI SRED PA 'DI CI'I PHYIR LDOG PAR MI 'GYUR TE 'GYUR BA'I PHYIR, 'DIS NI, GNAS DANG BCAS PA'I SEMS LDAN LA, ,NYON MONGS DUG CHEN CIS MI 'BYUNG, ,ZHES GSUNGS PA LTAR STONG NYID PHRA MO MA RTOGS PAR TSOR BA LA BDEN ZHEN SPONG MI NUS PAR BSTAN NO, ,DE NAS, DMIGS PA DANG NI BCAS PA'I SEMS, ,ZHES PA RKANG PA DRUG GI DON NI, SNGAR BSHAD PA DE BAS NA 'KHOR BA LAS GROL BAR 'DOD PAS RANG BZHIN MED PA'I STONG NYID PHRA MO BSGOM PAR RIGS TE, BDEN PAR DMIGS PA DANG NI BCAS PA'I SEMS LA RAGS PA'I MI RTAG SOGS RTOGS PA'I LAM GYIS DMIGS RNAM CAN GYI NYON MONGS MNGON GYUR RE ZHIG SPANGS PA'I KHYAD PAR 'GA' ZHIG LA NI GNAS PAR GYUR KYANG STONG NYID PHRA MO RTOGS PA DANG BRAL BA'I SEMS LA RE ZHIG 'GAGS PA'I NYON MONGS MNGON GYUR RNAMS SLAR YANG SKYE BAR 'GYUR BA'I PHYIR, DPER NA 'DU SHES MED PA'I SNYOMS 'JUG RGYUD LA LDAN BZHIN PA'I SO SKYE'I RGYUD LA THUN MONG BA'I NYON MONGS MNGON GYUR RE ZHIG MED KYANG SLAR 'BYUNG BA BZHIN NO, ,RAGS PA'I MI RTAG SOGS BCU DRUG RTOGS PA'I LAM GYIS KYANG MNGON PA GNYIS NAS BSHAD PA LTAR GYI NYON MONGS

031b

MNGON GYUR 'GO GNON PA TZAM MA GTOGS NYON MONGS GANG GI YANG SA BON SPONG MI NUS PAR BZHED PA YIN LA, DE'I RGYU MTSAN YANG NGAR 'DZIN LHAN SKYES DANG 'DZIN STANGS DNGOS SU 'GAL BA'I NGA RANG BZHIN MED PAR RTOGS PA'I LTA BA MA RNYED PA DE SRID DU NGAR 'DZIN GYI ZHEN YUL SUN MI PHYIN LA DE LTA NA LAM GZHAN JI TZAM BSGOMS KYANG THAR PA THOB MI NUS TE, NYON MONGS PA THAMS CAD GANG LAS 'PHEL BA'I RTZA BA BDAG 'DZIN PHRA MO'I ZHEN YUL LA CUNG ZAD KYANG MI GNOD PA'I PHYIR, ZHES 'PHAGS YUL GYI THAL 'GYUR BA'I SHING RTA CHEN PO THAMS CAD DBYANGS GCIG DANG DGONGS PA GCIG GO ,DE'I PHYIR 'PHAGS LAM 'THOB PA LA NYON MONGS KUN BTAGS KYI SA BON NGES PAR SPONG DGOS PAS RAGS PA'I MI RTAG SOGS MNGON SUM DU RTOGS PA TZAM GYIS 'PHAGS LAM THOB PAR MI 'JOG CING DE 'DRA LAM MA ZHUGS NAS KYANG YOD LA, DE'I CHA NAS 'JIG RTEN PA'I BSAM GTAN GZUGS MED DANG 'DRA BAR GSUNGS KYI, 'DIS 'KHOR BA MTHA' DAG LAS YID 'BYUNG BAR NUS SHING BDAG MED PHRA MOR BKRI BA'I THABS BLA NA MED PA YIN PAS DE LAS KHYAD PAR SHIN TU CHE'O, ,DES NA THAL 'GYUR BA'I LUGS 'DIR NYAN RANG LA CHOS KYI BDAG MED PHRA MO RTOGS PA NGES PAR DGOS PA DANG, DGAG BYA'I BDAG GNYIS DANG BDAG 'DZIN GNYIS DANG BDAG MED GNYIS RNAMS LA PHRA RAGS KYI KHYAD PAR MED PA DANG BDAG 'DZIN GNYIS NYON SGRIB TU BZHED PA RNAMS KYANG RANG GI MTSAN NYID KYIS GRUB PA MED PA LA THUG STE, RANG GI MTSAN NYID KYIS GRUB PA NI DGAG BYA PHRA SHOS YIN PAS GZHI CHOS DANG GANG ZAG

032a

, ,GI STENG DU DE LTAR DU GRUB PAR 'DZIN PA'I BDAG 'DZIN GNYIS LA PHRA RAGS KYI KHYAD PAR MED CING PHUNG SOGS BDEN PAR MED PA'AM RANG GI MTSAN NYID KYIS MED PA CHOS KYI BDAG MED DU 'JOG NA GANG ZAG RANG BZHIN MED PA GANG ZAG GI BDAG MED DU NGES PAR GZHAG DGOS SHING, DES NA BDAG 'DZIN GNYIS KYI ZHEN YUL LA 'GOG DKA' SLA DANG, DE'I ZHEN YUL BKAG PA'I BDAG MED GNYIS LA'ANG PHRA RAGS KYI KHYAD PAR MED LA, DE'I DON GYI GANG ZAG GI BDAG 'DZIN NYON MONGS CAN GYI MA RIG PA DANG YAN LAG BCU GNYIS KYI DANG PO DANG 'KHOR BA'I RTZA BA YIN PA BZHIN DU CHOS KYI BDAG 'DZIN YANG DE DANG 'DRA BAS DE GNYIS KA'ANG NYON SGRIB TU BZHED PA DANG, DE'I SA BON MA SPANGS PAR NYAN RANG DGRA BCOM PA'I GO 'PHANG KYANG MI 'THOB CING DE SPONG BA LA SNGAR BSHAD PA LTAR STONG NYID PHRA MO RTOGS PAS DE'I ZHEN YUL SUN DBYUNG BA'I SGO NAS NGES PAR SPANG DGOS SO,, GSUM PA RTZOD PA SPANG BA NI, DE LA KHO NA RE, KHYOD KYIS BSHAD PA DE DAG DANG, RGYAL BA MA PHAM PAS MNGON RTOGS RGYAN DU, GZUNG DON RTOGS PA SPONG PHYIR DANG, ,ZHES SOGS KYI SKABS SU RANG RGYAL GYI LAM GYIS GZUNG BA LA BDEN ZHEN SPONG NUS KYANG, 'DZIN PA LA BDEN ZHEN SPONG MI NUS PAR GSUNGS PA DANG, NYON MONGS SHES BYA LAM GSUM GYI; ;ZHES PA'I SKABS SU GZUNG BA LA BDEN ZHEN SHES SGRIB TU GSUNGS PA DANG, SKABS GSUM PAR NYAN RANG GI CHOS KYI BDAG MED MA RTOGS PAR GSUNGS PA RNAMS DANG JI LTAR MI 'GAL ZHE NA, SKYON MED DE, SKABS 'DIR DE 'DRA'I RNAM GZHAG

032b

GSUNGS PA RNAMS DBANG PO DANG RGYUD MA SMIN PA'I GDUL BYA'I RIGS 'GA' ZHIG RJES SU BZUNG BA'I PHYIR DU GSUNGS PAS SGRA JI BZHIN PAR MI 'DOD PAS KHAS BLANG DU MI RUNG BA DANG, MNGON RTOGS RGYAN LAS NYAN RANG LA CHOS KYI BDAG MED RTOGS PA YOD PAR GSUNGS PA RNAMS RGYAN MDZAD PA PO'I BZHED PA MTHAR THUG DANG 'DIR YANG SGRA (JI) BZHIN PAR 'DOD PA'I PHYIR, MNGON RTOGS RGYAN RTZA BA'I DGONGS PA NI NYAN RANG 'PHAGS PA LA CHOS KYI BDAG MED RTOGS MYONG BAS KHYAB PAR BZHED DE, CHOS KYI DBYINGS LA DBYER MED PHYIR, ,RIGS NI THA DAD RUNG MA YIN, ,BRTEN PA'I CHOS KYI BYE BRAG GIS, ,DE YI DBYE BA YONGS SU BRJOD, ,CES DMIGS BYED 'PHAGS PA GSUM GA'I 'PHAGS LAM GYI DMIGS RTEN RANG RGYUD KYI SEMS BDEN STONG LA DMIGS PAR MTSUNGS PAS, DMIGS YUL CHOS NYID LA MI 'DRA BA'I DBYE BA MED KYANG DMIGS BYED MKHYEN PA GSUM GYI CHOS NYID DE LA DMIGS PA NA 'PHAGS CHOS KYI RGYUR 'GYUR TSUL MI 'DRA BA GSUM GYI DBYE BAS CHOS NYID LA THEG PA GSUM GYI RIGS KYI DBYE BA BYED PAR GSUNGS SHING, DE'I 'GREL PAR 'PHAGS SENG GIS KYANG DE DANG MTHUN PAR BSHAD PA'I PHYIR RO, ,'PHAGS SENG GI 'GREL PA'I DGONGS PA LA NI 'PHAGS PA LA CHOS KYI BDAG MED RTOGS MYONG GIS KHYAB PAR SLOB DPON 'PHAGS PA BZHED PAR BYA DGOS TE, DE THEG CHEN 'PHAGS PA YIN PAS THAL 'GYUR BA DANG BZHED TSUL KHYAD PAR MED DGOS PA'I PHYIR, SLOB DPON SENG GE BZANG PO'I LUGS LA NYAN RANG 'PHAGS PA LA CHOS KYI BDAG MED RTOGS MA RTOGS KYI TSUL GNYIS YOD

033a

, ,PAR RGYAL TSAB RIN PO CHE BZHED CING, STONG THUN MDZAD PAS NI 'GREL PA GNYIS KYI DON RTZA BA DANG 'DRA BAR GSUNGS SO, ,YANG KHO NA RE, RGYUD BLA MAR, NYI MA'I DKYIL 'KHOR 'OD 'BAR BA, ,MIG MED PAS NI MTHONG BA MED, ,CES DANG, DE'I 'GREL PAR, MDOR BSDU NA GANG ZAG BZHI PO 'DI NI DE BZHIN GSHEGS PA'I SNYING PO MTHONG BA LA MIG DANG MI LDAN PAR RNAM PAR GZHAG PA YIN TE, BZHI GANG ZHE NA, 'DI LTA STE, SO SO SKYE BO DANG, NYAN THOS DANG, RANG SANGS RGYAS DANG, THEG PA LA GSAR DU ZHUGS PA'I BYANG CHUB SEMS DPA' STE ZHES GSUNGS PA'I DON JI LTAR DRANGS SHE NA, DE LTAR GSUNGS PAS MI GNOD DE, RTZA 'GREL DE DAG GIS, SO SO SKYE BO DANG, NYAN THOS DANG, RANG RGYAL TSOGS SBYOR BA GNYIS DANG, THEG PA LA GSAR DU ZHUGS PA'I BYANG SEMS SO SKYE STE BZHI PO DE, DE BZHIN GSHEGS PA'I SNYING PO SEMS BDEN STONG MNGON SUM DU BLTA BA LA MIG DANG MI LDAN PAR GSUNGS PA TZAM YIN PA'I PHYIR TE, DE'I GONG NYID DU, RANG BYUNG RNAMS KYIS DON DAM DE, , DAD PA NYID KYIS RTOGS BYA YIN, ,ZHES DE DAG GIS KYANG DE BZHIN GSHEGS PA'I SNYING PO DAD PAS TE DON SPYI'I TSUL GYIS RTOGS NUS PAR GSUNGS PA'I PHYIR RO, ,DE LTA NA, DE NI RING DU SONG BAR BLO YANG LHAG PAR 'GYUR, ,ZHES PA'I SKABS KYI MTHA' DPYAD PA LAS BRTZAMS TE RJE BLA MA'I DGONGS PA DPYIS PHYIN PAR BSHAD ZIN TO,, GSUM PA SA 'DIR LHAG PA'I YON TAN LA, SA DANG PO LA GNAS PA'I SBYIN PA BSHAD, RTEN DMAN PA RNAMS KYI SBYIN PA BSHAD, BYANG SEMS KYI SBYIN PA BSHAD, SBYIN

033b

PA'I PHAR PHYIN GYI DBYE BA BSHAD PA DANG BZHI LAS, DANG PO NI, DE TSE DE LA RDZOGS SANGS BYANG CHUB RGYU, ,ZHES SOGS KYIS 'CHAD, GNYIS PA NI, SKYE BO 'DI KUN BDE BA MNGON 'DOD CING, ,ZHES SOGS DANG, GSUM PA NI, 'GRO LA PHAN PAR DAM BCAS YID CAN RNAMS, ,ZHES SOGS DANG, BZHI PA NI, SBYIN PA SBYIN BYA LEN PO GTONG POS GTONG, ,ZHES SOGS SHLOO KA GCIG GIS 'CHAD PAR BYED DE, DE YANG TSOGS SBYOR NAS BZUNG STE SA BCU PA'I BAR GYI BYANG SEMS KYI NYAMS LEN THAMS CAD KYANG PHAR PHYIN BCU'AM DRUG GI NYAMS LEN GYIS BSDUS PAS SA BCU'I MNYAM GZHAG DANG, RJES THOB KYI YON TAN THAMS CAD KYANG PHAR PHYIN BCU LHAG TSUL GYI NANG DU 'DUS LA, DE YANG SA DANG PO 'DIR PHAR PHYIN BCU'I NANG NAS SBYIN PA'I PHAR PHYIN LHAG PAR STON PAS SA 'DI'I MNYAM GZHAG DANG RJES THOB KYI YON TAN RNAMS KYANG GTZO BOR PHAR PHYIN DE NYID LHAG PAS 'THOB PA DANG, BYANG SEMS 'DI'I NYAMS LEN GYI'ANG GTZO BO YIN LA, DES NA SBYIN PA'I PHAR PHYIN GYI NYAMS LEN CUNG ZAD BSHAD NA; DE YANG SPYIR SBYIN PA'I NGO BO NI GTONG BA'I SEMS PA MTSUNGS LDAN DANG BCAS PAR 'DOD CING SKABS 'DI'I BYANG CHUB SEMS DPA'I SBYIN PA'I NGO BO NI GTONG BA'I SEMS PA MTSUNGS LDAN DANG BCAS PA CHOS BZHI LDAN NO, ,CHOS BZHI NI MI MTHUN PHYOGS SER SNA NYAMS PA, GROGS STONG NYID RTOGS PA'I SHES RAB KYIS ZIN PA, BYED LAS SEMS CAN GYI 'DOD PA RDZOGS PAR BYED PA, 'BRAS BU SEMS CAN RNAMS BYANG CHUB LA 'GOD PA RNAMS SO, ,DBYE NA, 'KHOR GSUM BDEN STONG DU MNGON

034a

, ,SUM DU RTOGS PA'I SHES RAB KYIS ZIN PA 'JIG RTEN LAS 'DAS PA'I SBYIN PA DANG, DES MA ZIN PA 'JIG RTEN PA'I SBYIN PA GNYIS DANG, 'DIR BGROD PA 'BRAS BU'I SBYIN PA'I PHAR PHYIN DANG, 'DIS BGROD PA LAM GYI SBYIN PA'I PHAR PHYIN GNYIS SU YANG 'DUS SHING, SBYIN BYA'I SGO NAS DBYE NA DE RNAMS RE RE LA'ANG ZANG ZING GI SBYIN PA, MI 'JIGS PA'I SBYIN PA, CHOS KYI SBYIN PA, BYAMS PA'I SBYIN PA STE BZHI BZHIR YOD DE, GTANG BYA'I DNGOS PO NI LUS LONGS SPYOD DGE RTZA GSUM DU 'DUS LA, GTONG BA'I TSUL YANG LUS NI RANG GIS DNGOS SU GTONG NUS PA DANG, BTANG BA'I DGAG BYA LAS GZHAN DON 'GRUB PA'I DGOS PA GTZO CHE BAR MTHONG NA DNGOS SU GTONG LA, DE BZHIN DU LONGS SPYOD KYANG RANG LA YOD NA DNGOS SU GTONG BA DANG, MED NA LUS LONGS SPYOD DGE RTZA GSUM GA LA SER SNA'I KUN 'DZIN GYI DRI MA BSAL NAS GTONG SEMS LEGS PAR SBYANGS PAS SBYIN PA'I PHAR PHYIN GYI NYAMS LEN LA LEGS PAR BSLAB PAR 'GYUR TE, SBYIN PA'I NGO BO GTONG SEMS DANG, DE MTHAR PHYIN PA NYID SBYIN PA'I PHAR PHYIN RDZOGS PA'I DON DU RGYAL BA'I SRAS PO ZHI BA LHAS GSUNGS PA LTAR RO, ,DE DAG KYANG BYANG SEMS SO SKYE'I DBANG DU BYAS KYI SA THOB NAS NI LUS DANG LONGS SPYOD JI TZAM GTONG YANG YO BYAD KYIS THOGS PA DANG SDUG BSNGAL 'BYUNG BA MA YIN NO, ,SA 'DIR SBYIN PA'I PHAR PHYIN GYI NYAMS LEN LHAG PA'I DON NI, SA DANG PO THOB NAS LONGS SPYOD LA SER SNA'I KUN 'DZIN MI 'BYUNG BAS SBYIN PA'I NYAMS LEN CHES PHUL DU BYUNG ZHING DE'I TSOD TZAM DU PHAR PHYIN LHAG PA'I NYAMS

034b

LEN PHUL DU BYUNG BA MA YIN PA'I DON NO,, GSUM PA NI, DE LTAR RGYAL BA'I SRAS KYI ZHES SOGS SHLOO KA GCIG STE, BYANG SEMS KYI SA DANG PO 'DI ZLA BA'I DKYIL 'KHOR DANG CHOS MTSUNGS PA YIN TE, RTEN MTHON PO SA DANG PO BA'I RGYUD KYI MKHA' LA GNAS PA RTEN GYI KHYAD PAR, YE SHES KYI RTEN DE LA MDZES PA BSKYED PA'I KHYAD PAR, MTHONG SPANG GI MUN PA 'JOMS PA'I KHYAD PAR GSUM DANG LDAN PA'I PHYIR, 'DIR SMRAS PA, YID NI STONG NYID ZAB MO'I BDUD RTZIS NGOMS, ,NGAG NI LEGS BSHAD GLU DBYANGS SGROG LA MKHAS, ,LUS NI STONG PA DAM PA'I RGYAN GYIS MDZES, ,RAB DGA'I SAR GNAS RGYAL SRAS AE MA MTSAR, ,DBU MA'I BSTAN BCOS DGONGS PA RAB TU GSAL BA'I RGYAN LAS DON DAM PA'I SEMS BSKYED PA DANG PO BSHAD ZIN TO,, ` ,,GNYIS PA SA GNYIS PA DRI MA MED PA BSHAD PA LA, DE YANG DON TSAN GNYIS SU 'DUS TE, SA'I YON TAN RGYAS PAR BSHAD PA DANG, SA'I NGES TSIG BSHAD PA'I SGO NAS ZLA BA'I 'OD DANG CHOS MTSUNGS PAR BSTAN PA'O, ,DANG PO LA BZHI STE; SA 'DIR TSUL KHRIMS LHAG PAR BSTAN PA, TSUL KHRIMS MI MTHUN PHYOGS DANG MA 'DRES PA'I DPE, TSUL KHRIMS KYI PHAR PHYIN GYI DBYE BA BSTAN PA'O,, DANG PO NI, SA DANG POR SBYIN PA'I PHAR PHYIN GYI NYAMS LEN LHAG PAR NYAMS SU BLANGS PA LAS YON TAN GONG MA CI ZHIG 'THOB PA YIN ZHE NA, SA GNYIS PA DRI MA MED PA THOB PAR 'GYUR ZHES KHONG NAS DRANGS, 'O NA SA DE LA PHAR PHYIN BCU'I NANG NAS GANG GI NYAMS LEN LHAG PA YIN ZHE NA, TSUL KHRIMS KYI NYAMS LEN LHAG PAR 'THOB CES

035a

, ,STON PA LA, DE TSUL PHUN TSOGS YON TAN DAG LDAN PHYIR, ,ZHES PA RKANG PA GNYIS DANG, SA DANG PO NAS KYANG MI DGE BCU SPONG GI TSUL KHRIMS PHUL DU BYUNG BA YOD PA MA YIN NAM, SA 'DI DANG KHYAD PAR CI ZHIG YOD CE NA, SA DANG PO LAS CHES LHAG PAR STON PA NI, LUS NGAG YID KYI ZHES SOGS DANG, DGE BA'I LAM 'DI ZHES SOGS GSUNGS, STON KA'I ZLA LTAR ZHES SOGS RKANG PA GNYIS KYIS, STON KA'I ZLA BA'I TSA GDUNG ZHI BAR BYED PA DANG, 'OD DKAR PO'I 'PHRENG BAS MDZES PA LTAR SA GNYIS PA BA DE DBANG PO'I SGO BSDAMS PA'I ZHI BA DANG, LUS KYI MDANGS 'OD CHAGS PA'I RGYAN GYIS MDZES PAR STON LA, 'O NA SO SO THAR PA'I DBANG DU BYAS PA'I BCAS RANG GI KHA NA MA THO BAS MA GOS PA TZAM GYIS TSUL KHRIMS RNAM PAR DAG PAR 'GYUR RAM ZHE NA, 'KHOR GSUM DU BDEN PAR ZHEN NA DE TZAM GYIS BYANG SEMS KYI TSUL KHRIMS RNAM PAR DAG PAR MI 'GYUR TE, SA GNYIS PA 'DIR NI TSUL KHRIMS KYI 'KHOR GSUM BDEN STONG DU MNGON SUM DU RTOGS PA'I SHES RAB KYI SGO NAS TSUL KHRIMS CHES RNAM PAR DAG PA YIN PA'I PHYIR, ZHES STON PA NI, GAL TE DE NI KHRIMS DAG RANG BZHIN LTA, ,ZHES PA'I TSIGS SU BCAD PA GCIG GO ,DES NA BYANG SEMS KYI TSUL KHRIMS RNAM PAR DAG PA LA 'KHOR GSUM MI DMIGS PAR RTOGS PA'I SHES RAB KYIS ZIN PA NGES PAR DGOS PAS DE LTAR BSTAN GYI SPYIR BTANG DU MA YIN TE, DE KHO NA NYID KYI LTA BA MA RNYED PA'I DGE SLONG TSUL KHRIMS RNAM PAR DAG PA DANG LDAN PA SHIN TU MANG BA'I PHYIR RO,, GNYIS PA NI, SA GNYIS PA NAS TSUL

035b

KHRIMS KYI PHAR PHYIN GTZO BOR NYAMS SU LEN PA YIN NA TSUL KHRIMS DE YON TAN JI LTA BU DANG LDAN PA YIN ZHE NA, SBYIN 'BRAS BDE 'GRO'I RTEN LA LONGS SPYOD PA TSUL KHRIMS LA RAG LAS PA DANG, SBYIN 'BRAS LA SKYE BA BRGYUD MAR LONGS SPYOD PA TSUL KHRIMS LA RAG LAS PA DANG, NGAN SONG GI SDUG BSNGAL LAS THAR BA TSUL KHRIMS LA RAG LAS PA DANG, BDE 'GRO'I RTEN THOB NAS DE LTA BU'I RTEN LA SBYIN 'BRAS LA SKYE BA BRGYUD MAR LONGS SPYAD CHOG PA TSUL KHRIMS LA RAG LAS PA'I DON GYIS BCOM LDAN 'DAS KYIS SBYIN PA'I GTAM GYI RJES SU TSUL KHRIMS KYI GTAM MDZAD PA'I RGYU MTSAN DANG, MNGON MTHO NGES LEGS GNYIS KA'I RGYUR TSUL KHRIMS DGOS PA STE YON TAN KHYAD PAR CAN LNGA DANG LDAN NO ZHES RIM PA LTAR STON PA NI, SBYIN PAS LONGS SPYOD DAG NI 'GRO NGAN NA'ANG, ,ZHES PA NAS, MNGON MTHO'I RGYU NI TSUL KHRIMS LAS GZHAN MED, ,CES PA'I BAR GYI STON NO,, GSUM PA NI, BYANG SEMS SA GNYIS PA BA DE'I THUGS RGYUD KYI TSUL KHRIMS CHES RNAM PAR DAG PAS 'CHAL TSUL DANG MA 'DRES PA'I DPE JI LTA BU ZHE NA, JI LTAR RGYA MTSO RO DANG LHAN CIG TU, ,ZHES PA TSIGS SU BCAD PA GCIG GIS DE'I DPE STON PAR BYED DO,, BZHI PA NI, TSUL KHRIMS KYI PHAR PHYIN DE LA DBYE NA DU YOD CE NA, 'JIG RTEN LAS 'DAS MA 'DAS GNYIS SU YOD PA NI, GANG GIS GANG ZHIG GANG LA SPONG BYED PA, ,ZHES SOGS KYIS 'CHAD DE, DE LA BYANG SEMS KYI TSUL KHRIMS KYI NGO BO NI SPONG BA'I SEMS PA MTSUNGS LDAN DANG BCAS PA CHOS BZHI LDAN NO, ,CHOS BZHI NI MI MTHUN PHYOGS 'CHAL TSUL NYAMS PA SOGS YIN LA,

036a

, ,DBYE NA SNGAR LTAR 'JIG RTEN LAS 'DAS MA 'DAS GNYIS DANG, LAM DANG 'BRAS BU'I TSUL KHRIMS KYI PHAR PHYIN GNYIS SU YOD LA, YANG SDOM PA'I TSUL KHRIMS, DGE BA CHOS SDUD, SEMS CAN DON BYED KYI TSUL KHRIMS DANG GSUM DU YANG YOD PA DE DAG LAS SDOM PA'I TSUL KHRIMS LA SLOB PA'I TSUL NI RTEN GYI DBANG GIS SO SO THAR PA'I SKABS KYI LUS NGAG GI SPONG BA CI RIGS PA DANG BYANG SEMS RANG GI SKABS SU KHAS BLANGS PA'I RTZA LTUNG DANG NYES BYAS RNAMS LEGS PAR SPONG BA YIN LA; GZHI GSUM GYI DGE RTZA PHRA MO YAN CHAD KHYAD DU MI GSOD PAR DANG DU LEN PA NI DGE BA CHOS SDUD LA SLOB PA'I TSUL DANG, RANG YAL BAR DOR NAS GZHAN DON LA 'JUG PA NI SEMS CAN DON BYED KYI TSUL KHRIMS LA SLOB PA'I TSUL YIN NO,, GNYIS PA DON BSDUS TE SA'I NGES TSIG BSHAD PA'I SGO NAS SGO NAS STON KA'I ZLA BA'I 'OD DANG CHOS MTSUNGS PAR BSTAN PA NI, RGYAL SRAS ZLA BA LAS BYUNG ZHES SOGS TE, SA DANG PO ZLA BA'I DKYIL 'KHOR DANG CHOS MTSUNGS PA DANG, GNYIS PA ZLA BA'I 'OD DANG CHOS MTSUNGS PAR BSTAN PA YIN TE, STON KA'I ZLA BA'I 'OD ZER SHIN TU BSIL BAS TSA BA'I SDUG BSNGAL SEL BAR BYED PA BZHIN 'DIR YANG 'CHAL TSUL GYI TSA GDUNG THAMS CAD ZHI BAR BYED PA'I PHYIR RO,, ,,SMRAS PA, RGYAL BA'I SRAS KYI YID MKHA' YID BZHIN MTSOR, ,TSUL KHRIMS PHUN TSOGS ZLA SHEL NGANG MOS RTZEN, ,'CHAL TSUL MUN NAG DBUGS BRAL RING DU SPANGS, ,PHAN BDE'I GO 'BYED GZHAN PHAN RLABS 'PHRENG G-YO, ,DGONGS PA RAB TU GSAL BA'I RGYAN LAS SEMS BSKYED PA GNYIS

036b

PA'I BSHAD PA'O,, ` ,,GSUM PA SA GSUM PA 'OD BYED PA BSHAD PA LA GSUM, KHYAD GZHI SA'I NGES TSIG ,KHYAD CHOS SA'I YON TAN DANG PHAR PHYIN DANG PO GSUM GYI KHYAD PAR GYI CHOS, SA'I YON TAN BRJOD PA'I SGO NAS MJUG BSDU BA'O,, DANG PO NI, BSHAD MA THAG PA LTAR SA GNYIS PAR TSUL KHRIMS KYI PHAR PHYIN NYAMS SU BLANGS PA LAS YON TAN GONG MA CI ZHIG THOB PAR 'GYUR SNYAM NA, SA GSUM PA 'OD BYED PA THOB PAR 'GYUR RO, ,ZHES KHONGS NAS DRANGS, SA 'DI LA 'OD BYED PA ZHES BRJOD PA'I RGYU MTSAN GANG ZHE NA, DE'I RGYU MTSAN YOD DE, MNYAM GZHAG TU GNYIS SNANG GI BUD SHING MA LUS PA SREG PA'I YE SHES KYI ME 'OD 'BYUNG BA'I PHYIR DANG, RJES THOB TU NYI MA 'CHAR KA'I MDANGS DANG ZANGS KYI 'OD 'DRA BA'I SGYU MA LTA BU'I SNANG BA KHYAD PAR CAN 'BYUNG BA'I PHYIR, ZHES PA NI SHES BYA'I BUD SHING MA LUS SREG PA'I ME, ,ZHES SOGS TSIGS SU BCAD PA GCIG GIS 'CHAD LA, DE YANG MNYAM GZHAG TU GNYIS SNANG 'KHRUL PA'I SHES SGRIB KYIS BSLAD PA MED PAR BSTAN GYI 'DI NAS SHES SGRIB SPONG BA NI MA YIN NO,, GNYIS PA LA BZHI, SA 'DIR BZOD PA LHAG PAR BSTAN, BZOD PA GZHAN JI LTAR BSTAN PA'I TSUL, BZOD PA'I PHAR PHYIN GYI DBYE BA, SA 'DIR 'BYUNG BA'I DAG PA'I YON TAN GZHAN BSTAN PA'O,, DANG PO NI, GAL TE GNAS MIN 'KHRUG PA 'GA' YIS DE'I, ,ZHES SOGS KYIS BSTAN LA, TSIGS SU BCAD PA 'DIS NI SNYING RJE'I SGO NAS BZOD PA LHAG TSUL DANG, BDAG MED MTHONG BA'I BYANG CHUB SEMS DPA' LA, ,ZHES SOGS KYIS SHES RAB KHYAD PAR CAN

037a

, ,GYI SGO NAS BZOD PA LHAG TSUL STON NO,, GNYIS PA LA BZOD PA'I MI MTHUN PHYOGS KHONG KHRO DGAG PA DANG, GNYEN PO BZOD PA BSTEN TSUL GNYIS, DANG PO NI, GNOD PA BYAS PAS GAL TE DER BKON NA, ,ZHES PA NAS, MI BZOD PA YIS MYUR DU NGAN 'GROR SKYUR BAR BYED, ,CES PA'I BAR GYIS SPYIR KHONG KHRO'I NYES DMIGS DANG, GANG PHYIR RGYAL SRAS RNAMS LA KHROS PA YIS, ,ZHES SOGS TSIGS BCAD GCIG GIS KHYAD PAR BYANG SEMS LA KHROS PA'I NYES DMIGS BSTAN LA, DE YANG SKABS 'DI DAG TU KHONG KHROS DGE RTZA 'JOMS PAR BSHAD NA, GZHOM BYA'I DGE RTZA JI LTA BU, YUL RTEN GYI KHYAD PAR NI GANG, DGE RTZA 'JOMS PA'I TSUL NI JI LTA BU ZHE NA, 'DIR YANG, SBYIN DANG KHRIMS BYUNG ZHES SBYIN PA LAS BYUNG BA DANG TSUL KHRIMS LAS BYUNG BA GNYIS DNGOS SU SMOS SHING BSGOM BYUNG GI DGE RTZA MA SMOS, SPYOD 'JUG TU YANG, SBYIN DANG BDE GSHEGS MCHOD LA SOGS, ,ZHES BSOD NAMS KYI TSOGS KYIS BSDUS PA'I DGE RTZA LAS YE SHES KYI TSOGS KYIS BSDUS PA'I DGE RTZA MA SMOS PAS, BSOD NAMS KYI TSOGS KYIS BSDUS PA'I DGE RTZA RNAMS SO, ,YUL RTEN NI SPYIR YUL KHYAD PAR CAN LA DMIGS PA'I KHONG KHRO THAMS CAD KYIS KYANG DGE RTZA 'JOMS PAR BYED DE, THAMS CAD YOD SMRA'I GZHUNG BSLAB BTUS SU DRANGS PA LAS, DGE TSUL SLONG TSANGS PAR MTSUNGS PAR SPYOD PA PHAN TSUN KHROS PA LAS KYANG DGE RTZA 'JOMS PAR BSHAD PA'I PHYIR, ,SKABS 'DIR NI YUL BYANG CHUB SEMS DPA' YAN CHAD LA DMIGS PA'I KHONG KHRO DANG, GANG LA DGE RTZA 'JOMS PA'I RTEN NI

037b

LUNG BSTAN MA THOB PA'I BYANG SEMS MAN CHAD DE, THEG CHEN GYI SBYOR LAM DROD LA GNAS PA'I SEMS DPA' LA'ANG DGE RTZA 'JOMS PA'I KHONG KHRO MI 'BYUNG BAR PHYIR MI LDOG GI RTAGS LAS SHES LA, DES NA NYAN THOS KYI SBYOR LAM DROD NAS KYANG DGE RTZA 'JOMS PAR SRID PAR SEMS SO, ,BCOM PA'I DON NI BAR CHAD MED LAM GYI SPANG BYA'I SA BON BCOM PA LTAR MA YIN GYI DGE RTZA DE'I 'BRAS BU BDE BA 'BYIN PA'I NUS PA DANG, SA LAM GYI RTOGS PA GONG MA BSKYED PA'I NUS PA 'JOMS PA'I DON YIN LA; DE YANG YUL RTEN BYANG SEMS YIN MIN DANG, BYANG SEMS LA'ANG RTOGS PA MTHO BAS DMA' BA DANG, DMA' BAS MTHO BA DANG, PHAN TSUN MNYAM PA SOGS CI RIGS PA'I DBANG GIS DGE RTZA 'JOMS PA'I PHUL CHE CHUNG YANG CI RIGS SU YOD DO,, GZHAN YANG NAM SNYING GI MDOR, RTZA LTUNG RNAMS KYIS SNGON BSKYED PA'I DGE RTZA 'JOMS PA DANG, BSLAB BTUS LAS RNYED BKUR LA LHAG PAR ZHEN PAS KHYIM LA BLTA BA DANG, MNGON PA'I NGA RGYAL GYIS KHENGS PA DANG, CHOS SPONG BAS KYANG DGE RTZA 'JOMS PAR BSHAD LA, LHAG PAR LOG LTA DANG BYANG SEMS LA KHROS PAS DGE RTZA 'JOMS PAR BYED PAS 'DI DAG SPONG BA LA 'BAD DGOS TE, RGYAS PAR MDO KUN LAS BTUS DANG, BSLAB BTUS SOGS LAS SHES PAR BYA'O,, GNYIS PA GNYEN PO BZOD PA BSTEN PA'I TSUL NI, BZOD PAS BSHAD ZIN DANG 'GAL YON TAN RNAMS BYED DO, ,ZHES SOGS KYIS STON PAR BYED LA, GSUM PA BZOD PA'I PHAR PHYIN GYI DBYE BA NI, RDZOGS SANGS RGYAS KYI ZHES SOGS TE GO SLA'O, ,SKABS 'DIR BYANG SEMS KYI

038a

, ,BZOD PA'I NGO BO NI, MI 'KHRUG PA'I SEMS DPA' CHOS BZHI LDAN MTSUNGS LDAN DANG BCAS PA STE, DBYE NA SNGAR LTAR 'JIG RTEN LAS 'DAS MA 'DAS GNYIS DANG, LAM DANG 'BRAS BU'I PHAR PHYIN GNYIS DANG, SDUG BSNGAL DANG LEN, CHOS LA NGES SEMS, GNOD PA LAS JI MI SNYAM PA'I BZOD PA STE GSUM YOD DO,, BZHI PA NI, SA DER RGYAS SRAS BSAM GTAN MNGON SHES DANG, ,ZHES SOGS TE BYANG SEMS KYI SA GSUM PA DER BZOD PA'I PHAR PHYIN LHAG PA DE BZHIN DU BSAM GTAN BZHI DANG, GZUGS MED PA'I SNYOMS PAR 'JUG PA BZHI DANG, TSAD MED PA BZHI DANG, MNGON PAR SHES PA LNGA RNAMS KYANG THOB PAR 'GYUR BA YIN LA, BSAM GTAN GZUGS MED 'DI DAG LA SNYOMS PAR 'JUG LDANG BYED KYANG DE DAG GI DBANG GIS KHAMS GONG MA RNAMS SU SKYE BAR MI 'GYUR TE, RGYAL SRAS KYI SPYOD PA GANG DU RDZOGS PAR 'GYUR BA DANG, GZHAN DON RLABS PO CHE BSGRUB PA'I RTEN RNAMS SU SNYING RJE DANG SMON LAM GYI DBANG GIS BSAM BZHIN DU SKYE BA YIN GYI LAS NYON GYI DBANG GIS SKYE BA LEN PA SPANGS PA'I PHYIR, 'DIR BSAM GTAN GZUGS MED KYI SNYOMS 'JUG RNAMS KYI RNAM GZHAG TZAM SKABS SU BAB NA'ANG NYUNG MA MTHA' MI CHOD CING MANG NA YI GE'I KHUR HA CANG LCI BAR DGONGS PAS RE ZHIG GZHAN DU SHES PAR BYA'O, ,'DIR TSAD MED BZHI DANG MNGON SHES DRUG GI NGO BO TZAM ZHIG BSHAD NA, TSAD MED BZHI PO 'DI DAG KYANG MDO SDE RGYAN LAS, BDE DANG SDUG BSNGAL DE RGYU LAS, ,BYANG CHUB SEMS DPA'I SNYING RJE STE, ,RGYU DANG BSHES GNYEN RANG BZHIN LAS, ,

038b

BYANG CHUB SEMS DPA'I SNYING RJE'O, ,ZHES GSUNGS PA LTAR, SNYING RJE LTA BU LA MTSON NA, DMIGS YUL GYI SEMS CAN GYI SDUG BSNGAL LA DMIGS PA DMIGS PA'I RKYEN DANG, RANG GI SEMS STENG GI SNYING RJE'I SA BON LTA BU RGYU'I RKYEN DANG, SNYING RJE CHEN PO BSKYED PA'I THABS STON PA'I DGE BA'I BSHES GNYEN LTA BU BDAG PO'I RKYEN DANG, SNYING RJE CHEN PO SKYE BA'I SNGA LOGS DE MA THAG GI YID BYED LTA BU DE MA THAG PA'I RKYEN TE TSAD MED BZHI KA'ANG RKYEN BZHI LAS SKYE BAR BSHAD LA, 'DI DAG KHYAD CHOS BZHI BZHI DANG LDAN TE, MI MTHUN PHYOGS SPANGS PA'I KHYAD PAR, GROGS GNYEN PO THOB PA'I KHYAD PAR, DMIGS PA'I KHYAD PAR, ('DIR MA YIG TU KHYAD CHOS BZHI TSANG MI 'DUG KYANG LAS KYI KHYAD PAR ZHES DBYIG GNYEN GYI MDO RGYAN 'GREL PAR GSAL,) RGYAN LAS, BSTAN (BRTAN) PA'I TSANGS DBANG MI MTHUN SPANGS, ,RNAM PAR MI RTOG YE SHES LDAN, ,DMIGS PA RNAM PA GSUM LA 'JUG , SEMS CAN RNAMS NI YONGS SMIN BYED, ,CES GSUNGS PAS SO, ,DE NI THUN MONG GI NGO BO'I DBANG DU BYAS LA, SO SO'I NGO BO'I DBANG DU BYAS NA 'DI DAG KYANG GNAS DMIGS PA RNAMS (RNAM PA) NGO BO GROGS TE KHYAD CHOS LNGA'I SGO NAS SHES PAR BYA BA YIN TE, GNAS SAM, RTEN NI BSAM GTAN LA BRTEN PA DANG, DMIGS PA SEMS CAN LA DMIGS PA DANG, RNAM PA BDE BA DANG LDAN 'DOD KYI RNAM PA CAN SOGS DANG, NGO BO TING NGE 'DZIN DANG SHES RAB GANG YIN PA DANG, GROGS DE RNAMS DANG MTSUNGS PAR LDAN PA'I SEMS SEMS BYUNG STE KHYAD CHOS LNGA DANG LDAN TE, KUN LAS BTUS LAS, BYAMS PA GANG

039a

, ,ZHE NA, BSAM GTAN LA BRTEN TE SEMS CAN RNAMS BDE BA DANG PHRAD PAR SHOG CIG PA'I BSAM PA'I GNAS PA YANG DAG PAR 'BYOR BA'I TING NGE 'DZIN DANG SHES RAB GANG YIN PA DANG, DE DAG DANG MTSUNGS PAR LDAN PA'I SEMS DANG SEMS LAS BYUNG BA'I CHOS RNAMS SO, ,ZHES DANG, TSAD MED PA LHAG MA RNAMS LA YANG DE BZHIN DU GSUNGS PA'I PHYIR, DES NA BSAM GTAN GYI DNGOS GZHI'I SEMS LA BRTEN NAS DMIGS PA SEMS CAN LA DMIGS NAS RNAM PA BDE BA DANG LDAN PAR 'DOD PA'I RNAM PA CAN BYAMS PA TSAD MED KYI NGO BO DANG, DE BZHIN DU SNYING RJE SDUG BSNGAL DANG BRAL BAR 'DOD PA'I RNAM PA CAN DANG, DGA' BA TSAD MED NI BDE BA DANG MI 'BRAL BAR 'DOD PA'I RNAM PA CAN DANG, BTANG SNYOMS NI SEMS CAN RNAMS LA NYE RING MED PAR PHAN PA'I RNAM PA CAN NO, ,'DI BZHI PO RE RE LA'ANG SEMS CAN TZAM LA DMIGS PA, CHOS LA DMIGS PA, DMIGS MED LA DMIGS PA GSUM GSUM DU BSHAD CING SA MTSAMS NI TSAD MED BZHI GA'ANG LAM MA ZHUGS NAS SANGS RGYAS KYI SA'I BAR NA YOD DE, KUN LAS BTUS LAS, YON TAN 'DI RNAMS JI LTAR MNGON PAR SGRUB CE NA, PHYI ROL PA'AM, NYAN THOS SAM, RANG SANGS RGYAS SAM, BYANG CHUB SEMS DPA' 'AM, DE BZHIN GSHEGS PA'ANG RUNG STE, DAG PA'I BSAM GTAN BZHI LA BRTEN NAS TSAD MED PA RNAMS MNGON PAR BSGRUB BO, ,ZHES GSUNGS PA'I PHYIR, DES NA NYAN RANG LA SNYING RJE TSAD MED YOD KYANG SNYING RJE CHEN PO NI MED DE, SEMS CAN GYI SDUG BSNGAL LA DMIGS NAS DE DANG BRAL BA TZAM

039b

YOD, SEMS CAN GYI SDUG BSNGAL THAMS CAD SEL BA'I KHUR 'KHYER BAR NUS PA'I SNYING RJE MED PA'I PHYIR RO, ,DES NA BYANG CHUB SEMS DPA'I SNYING RJE DANG BYAMS PA TSAD MED SOGS NI SNYING RJE CHEN PO DANG TSAD MED GNYIS KA'I GZHI MTHUN DU 'DOD DE; GONG DU PHYOGS TZAM BRJOD ZIN TO,, GNYIS PA MNGON SHES DRUG LA RTEN, NGO BO, KHYAD PAR, BYED LAS, SA MTSAMS, DGOS PA DANG DRUG LAS, DANG PO LA, LUS RTEN NI, DE YANG SBYOR BYUNG GIS GAR DU BSGRUBS PA'I DBANG DU BYAS NA, MNGON SHES DANG PO LNGA 'DOD PA'I RTEN CAN DANG, DRUG PA KHAMS GSUM GA'I RTEN LA BSGRUB TU YOD LA, GANG ZAG GI DBANG DU BYAS NA DANG PO LNGA PHYI ROL PA'I RGYUD LA'ANG YOD DE, TSAD MED BZHI RGYUD LDAN GYI PHYI ROL PA YOD PA DANG MTSUNGS PA'I PHYIR, MNGON SHES DRUG PA NI 'PHAGS PA KHO NA'I RTEN CAN YIN TE, DE THOB PA LA NYON MONGS PA'I SA BON SPANG DGOS LA, NYON MONGS SPANGS PA'I SO SKYE GZHI MA GRUB PA'I PHYIR, SEMS RTEN NI MNGON SHES DANG PO LNGA BSAM GTAN BZHI GA LA BRTEN PA YOD CING DRUG PA RAB MTHA'I BSAM GTAN LA BRTEN PA YIN TE, KUN LAS BTUS LAS, YON TAN 'DI RNAMS JI LTAR MNGON PAR SGRUB CE NA, ,PHYI ROL PA'AM, NYAN THOS SAM, BYANG CHUB SEMS DPA'AM, DE BZHIN GSHEGS PA YANG RUNG STE DAG PA'I BSAM GTAN BZHI LA BRTEN NAS TSAD MED PA RNAMS MNGON PAR BSGRUB BO, ,TSAD MED PA RNAMS JI LTA BAR MNGON PAR SHES PA LNGA YANG DE BZHIN NO, ,ZHES DANG, YON TAN LHAG MA RNAMS NYAN THOS SAM, BYANG CHUB SEMS DPA' YANG RUNG STE, RAB KYI

040a

, ,MTHAR PHYIN PA'I BSAM GTAN BZHI LA BRTEN NAS MNGON PAR BSGRUB CES BSAM GTAN BZHI KA LA RAB MTHA' BSHAD CING KHA CIG SPEL SGOM GYI MTHA'I BSAM GTAN DANG, KHA CIG BSAM GTAN BZHI PA KHO NA LA 'JOG PAR BYED DO, ,NGO BO NI BSAM GTAN GYI DNGOS GZHI'I SEMS LA BRTEN NAS SPRUL SGYUR SNA TSOGS PA STON PA'I BYED LAS KYIS KHYAD PAR DU BYAS PA'I TING NGE 'DZIN SHES RAB MTSUNGS LDAN DANG BCAS PA RDZU 'PHRUL GYI NGO BO DANG, DE LA BRTEN NAS 'JIG RTEN GYI KHAMS DU MA'I GZUGS PHRA RAGS MNGON SUM DU SHES PA'I TING NGE 'DZIN SHES RAB MTSUNGS LDAN DANG BCAS PA LHA'I MIG GI MNGON SHES KYI NGO BO DANG, DE LA BRTEN NAS 'JIG RTEN GYI KHAMS KYI SGRA PHRA RAGS MNGON SUM DU THOS PA'I TING NGE 'DZIN SHES RAB MTSUNGS LDAN DANG BCAS PA LHA'I RNA BA'I MNGON SHES KYI NGO BO, GZHAN GYI SEMS KYI SPYOD PA JI LTA BA BZHIN SHES PA'I TING NGE 'DZIN SHES RAB MTSUNGS DANG LDAN DANG BCAS PA GZHAN SEMS SHES PA'I MNGON SHES KYI NGO BO DANG, RANG GZHAN GYI TSE RABS SNGA MA BRGYA STONG SOGS JI LTA BA BZHIN MNGON SUM DU SHES PA'I TING NGE 'DZIN SHES RAB MTSUNGS DANG LDAN DANG BCAS PA SNGON GNAS RJES DRAN GYI MNGON SHES KYI NGO BO DANG, RANG DANG GZHAN GYI MAR NYING MTSAMS SBYOR BA'I GNAS DANG 'CHI 'PHO SOGS MNGON SUM DU SHES PA'I TING NGE 'DZIN SHES RAB MTSUNGS DANG LDAN DANG BCAS PA 'CHI 'PHO DANG SKYE BA SHES PA'I MNGON SHES KYI NGO BO DANG, MTHONG SPANG DANG SGOM SPANG SOGS RANG RGYUD KYI ZAG PA LA DE LTAR MNGON SUM DU SHES PA'I TING NGE 'DZIN SHES RAB MTSUNGS LDAN

040b

DANG BCAS PA ZAG ZAD KYI MNGON SHES KYI NGO BO YIN NO, ,KHYAD PAR NI MNGON SHES DANG PO GNYIS DBANG SHES DANG, LHAG MA BZHI YID SHES SU BYA LA, DE DAG LAS MIG DANG RNA BA'I MNGON SHES NI LUNG MA BSTAN DANG, LHAG MAR NAMS DGE BA YIN TE, MDZOD LAS, MIG DANG RNA BA'I MNGON SHES NI, ,LUNG DU MA BSTAN LHAG RNAMS DGE ,ZHES SO, ,RDZU 'PHRUL GYI MNGON SHES LA, MDZOD LAS, RDZU 'PHRUL GSANG SNGAG SMAN DAG DANG, ,LAS LAS SKYES PA RNAM PA LNGA, ,ZHES GSUNGS PA LTAR RNAM PA LNGAR YOD CING GZHAN MA DANG PO GSUM NI SKYE BAS THOB PA DANG LAS LAS SKYES PA DANG, SBYOR BYUNG SOGS CI RIGS SU YOD LA, DRUG PA NI MNGON SHES DANG POS RDZU 'PHRUL GYI MTHU LA BRTEN NAS MA DAD PA RNAMS DAD PA BYED, GNYIS PAS GZHAN GYI SPYOD TSUL SHES PA'I SGO NAS RANG GI GDUL BYA RNAMS MI DGE BA LAS LDOG NAS DGE BA LA SBYOR BAR BYED, GSUM PAS GZHAN GYI SEMS SHES PA'I SGO NAS CHOS STON PA'I SNOD NGOS 'DZIN PAR BYED, PHYI MA GSUM GYIS BDAG TU BLTA BA DANG, MTHA' GNYIS LA GNAS PA BSAL TE GDUL BYA RNAMS NGA RGYAL DANG BRAL BA'I SGO NAS LAM STON PA'I SNOD RUNG DU BYED PA DANG, 'PHAGS PA RNAMS DGYES PA DANG, LHA DANG MI RNAMS KYIS PHYAG BYA BAR 'OS PA DANG, LUNG BSTAN 'THOB PA SOGS KYI BYED LAS DANG LDAN PA STE, RGYAN LAS, 'DAB GSHOG KUN TU RGYAS PA'I BYA BZHIN DU, ,SEMS CAN SMIN PAR BYED PA NUS PA DANG, ,SANGS RGYAS LAS NI SHIN TU BSNGAGS PA THOB, ,SKYE RGYU RNAMS LA TSIG GZUNG 'OS PAR 'GYUR, ,ZHES DANG, GANG GIS 'PHAGS DANG LHA

041a

, ,DANG TSANGS PA YI,, GNAS PA DPE MED RGYA CHEN RTAG TU GNAS, ,PHYOGS SU DE SONG SANGS RGYAS SEMS CAN RNAMS, ,YANG DAG 'TSO BYED RNAM PAR DAG PA SPYOD, ,CES SO, ,SA MTSAMS NI MNGON SHES DANG PO LNGA BSAM GTAN GYI DNGOS GZHI THOB PA'I LAM DU MA ZHUGS PA NAS 'PHAGS PA'I BAR DU YOD LA, DRUG PA NI BSAM GTAN GYI DNGOS GZHI THOB PA'I THEG DMAN DGRA BCOM 'GA' ZHIG DANG THEG CHEN DGRA BCOM RNAMS LA YOD DO, ,DGOS PA NI DE DAG RANG RGYUD LA BSKYED PA LA DGOS PA KHYAD PAR CAN YOD DE, RANG GZHAN GYI DON GNYIS MYUR DU MTHAR PHYIN PAR BYA BA'I CHED YIN PA'I PHYIR RO, ,'DI DAG GI RNAM GZHAG RGYAS PAR NI MNGON PA GNYIS DANG BSTAN BCOS MNGON PAR RTOG PA'I RGYAN GYI SKABS LAS SHES PAR BYA'O, ,SA GSUM PA 'DIR 'DOD CHAGS DANG ZHE SDANG ZAD PAR 'GYUR BA 'THOB BO ZHES PA'I DANG GI SGRAS NI GTI MUG KYANG BZUNG STE, DE DAG SA 'DIR SPONG BAR GSUNGS PA NI SA BON SPONG BA LA DGONGS LA, DE YANG SA 'DI NYID KYI NGO SKAL GYI SPANG BYA DE RNAMS SPANGS PA'I DON NO, ,'DIR RNAM BSHAD LAS, DE YANG SGOM SPANG LHAN SKYES CHE 'BRING DRUG SA GNYIS PA NAS BDUN PA'I BAR GYI SPONG BA'I SA 'DI'I SPANG BYA LA DGONGS SO, ,'GREL PA MDZAD PAS NYON MONGS KUN BRTAGS SA DANG PO NAS DANG, LHAN SKYES SA GNYIS PA NAS SPONG BAR GSAL BAR MA GSUNGS KYANG SA BRGYAD PA MA THOB BAR DU NYON MONGS THAMS CAD KYI SA BON ZAD PA MED PA DANG, ZHES SOGS GSUNGS PAS NI RANG RGYUD PA SOGS KYI SKABS SU YANG THEG CHEN SGOM LAM GYI SPANG BYA CHE 'BRING

041b

CHUNG NGU'I DBYE BAS DGUR BZHAG NAS, SPANG BYA'I GRANGS LA LTOS NAS SGOM LAM YANG DE SNYED DU 'JOG PA YIN LA, DE BZHIN DU LUGS 'DI LA'ANG SGOM SPANG GI SGRIB PA LA GRANGS DGU DANG, DE'I GRANGS LA LTOS NAS SGOM LAM YANG DGU'I GRANGS NGES 'DOD DGOS KYI NYON SGRIB SPONG BA LA SGOM LAM DGU LA SOGS PA NI BYAR MI RUNG STE, DE 'DRA'I RNAM GZHAG TSAD LDAN GANG GIS KYANG MA BSHAD CING RNAM BSHAD LAS KYANG MI GSAL LA RIGS PAS 'GRUB PA YANG MA YIN PA'I PHYIR, DES NA 'DIR SGOM SPANG BDEN 'DZIN LA CHE 'BRING DRUG TU GSUNGS PA NI DGOS PA KHYAD PAR CAN DANG LDAN PA'I TSIG DE RANG RGYUD PA'I SKABS LTAR DE LA BZHED NA, CHE 'BRING CHUNG NGU DGU ZHES SMOS RIGS KYI, CHE 'BRING DRUG CES SMOS MI RIGS TE, DE GNYIS LA TSIG LA TSEGS CHE CHUNG YANG MED CING, DGOS PA LHAG PO GZHAN YANG MED PA'I PHYIR, DES NA DGONGS PA 'DI LTAR YIN TE, SPYIR THEG CHEN SGOM LAM GYI SPANG BYA SGOM SPANG DE LA BDEN 'DZIN NYON SGRIB KYIS BSDUS PA CHE 'BRING DRUG DANG CHUNG NGU SKOR GSUM BDEN 'DZIN GYI BAG CHAGS SHES SGRIB TU 'JOG DGOS PA DANG, DE'I 'BRAS BU GNYIS SNANG 'KHRUL PA'I CHA RNAMS LA BZHAG NAS, DANG PO DRUG SA DANG PO'I SMAD NAS TZAM STE BDUN PA'I MTHA'I BAR CHAD MED LAM GYI BAR GYIS RIM PAR SPONG STE, SKABS 'DIR t'IKA CHEN LAS, SA BRGYAD PA MA THOB KYI BAR DU NYON MONGS THAMS CAD KYI SA BON ZAD PA MED PA DANG, SA BRGYAD PA MA THOB BAR DU BDEN 'DZIN ZAD PAR SPANGS PA MI 'BYUNG BAR GSUNGS LA GONG DU RNAM BSHAD BAR MA'I SHOG BU BCU GNYIS PA'I

042a

, ,RGYAB KYI 'PHRENG LNGA PAR, SA BDUN PA'I BAR DU MA RIG PAS BSLAD PA YOD LA, SA BRGYAD PA NAS DANG DGRA BCOM PA GNYIS LA NI SLOD BYED KYI MA RIG PA ZAD PAS DES BSLAD PA MED KYI MA RIG PA'I BAG CHAGS KYIS BSLAD PA YOD DO ZHES, SA BRGYAD PA NAS ZHES THOG MA'I TSIG SMOS PAS NI, SA BRGYAD PA THOB MA THAG NAS KYANG NYON SGRIB KYIS BSLAD PA MED PAR GSAL BAR GSUNGS SHING BDUN PA'I BAR DU BSLAD PA YOD PA YANG GSAL BAR GSUNGS PA DANG, SA DANG PO'I THOG MA DANG MTHA' MA GNYIS KAR BAR CHAD MED LAM RE DANG, SA BCU PA'I MTHAR RGYUN MTHA'I BAR CHAD MED LAM BZHAG PA NI SA LHAG MA RNAMS LA YANG RIGS MTSUNGS SHING, DE LTA NA BDUN PA'I MTHA' BAR CHAD MED LAM GYI BDEN 'DZIN GYI SPANG GNYEN BYED PA LAS 'OS MED PA'I PHYIR, DE BZHIN DU RNAM BSHAD SHOG BU RE BRGYAD PA'I PHYI NGOS KYI YIG 'PHRENG MTHA' MAR, DE BZHIN DU CHOS RNAMS BDEN GRUB TU 'DZIN PA'I RNAM RTOG LA SGOM SPANG CHE 'BRING DGUR BYAS NAS, GNYEN PO SGOM LAM DGU DANG SBYOR BA YANG GZUNG 'DZIN RDZAS THA DAD DU 'DZIN PA'I RNAM RTOG LA SGOM SPANG CHE 'BRING DGUR BYAS NAS, SGOM LAM DGU DANG SPANG GNYEN DU SBYOR BAR BSHAD PA BZHIN DU, RE ZHIG LA CHOS KYI BDAG MED PHRA RAGS GNYIS KA RDZOGS PAR RTOGS MI NUS PA'I GDUL BYA 'GA' ZHIG GI NGOR GSUNGS PA'I DRANG DON DU SHES PAR BYA'O ZHES GSUNGS PAS KYANG RANG RGYUD PA'I SKABS LTAR SGOM SPANG BDEN 'DZIN CHE 'BRING DGUR 'BYED PA SOGS LUGS 'DIR MI BZHED PA CHES GSAL LO, ,SBYIN SOGS CHOS GSUM 'DI DAG

042b

ZHES SOGS SHLOO KA GCIG GIS NI SNGAR BSHAD PA'I PHAR PHYIN DANG PO GSUM PO 'DI RTEN GYI KHYAD PAR GANG LA BSNGAGS PA, NGO BO TSOGS GNYIS PO GANG DU GTOGS, BYED LAS GANG BYED PA RNAMS 'CHAD DE GO SLA'O,, GSUM PA SA'I YON TAN BRJOD PA'I SGO NAS MJUG BSDU BA NI, RGYAL BA'I SRAS PO NYI MA LA GNAS ZHES SOGS TE, SA 'DI NYI MA'I 'OD DANG CHOS MTSUNGS PAR BSTAN NO,, SMRAS PA, BZOD PAR DKA' BA MNYAM GZHAG ME 'OD KYIS, ,NYON MONGS BUD SHING SREG BYED SBYIN SREG MKHAN,, SNGON MED DRANG SRONG DE LA KHRO BA'I SKABS, ,LTA BYED MIG STONG LDAN YANG RNYED PAR DKA', ,DGONGS PA RAB TU GSAL BA'I RGYAN LAS, SEMS BSKYED PA GSUM PA'I BSHAD PA'O,, ` ,,BZHI PA SA BZHI PA 'OD 'PHRO BA BSHAD PA LA GNYIS, SA 'DIR BRTZON 'GRUS LHAG PAR BSTAN PA, SA'I NGES TSIG DANG SPANGS PA'I KHYAD PAR BSHAD PA'O,, DANG PO NI, SA GSUM PAR BZOD PA'I PHAR PHYIN NYAMS SU BLANGS PA LAS YON TAN GONG MA CI ZHIG 'THOB PAR 'GYUR ZHE NA, SA BZHI PA 'OD 'PHRO BA THOB PAR 'GYUR RO ZHES KHONG NAS DRANGS, 'O NA SA DER PHAR PHYIN BCU LAS GANG GI NYAMS LEN LHAG ,SA 'DI LA 'OD 'PHRO BA ZHES BRJOD PA'I RGYU MTSAN JI LTA BU SNYAM NA, DANG PO NI, YON TAN MA LUS BRTZON 'GRUS RJES 'GRO ZHING, ,ZHES SOGS DANG, GNYIS PA NI, DER NI BDE GSHEGS SRAS LA, ZHES SOGS KYIS 'CHAD LA, SKABS 'DIR BYANG CHUB SEMS DPA'I BRTZON 'GRUS KYI NGO BO TZAM ZHIG BRJOD NA, DGE BA LA SPRO BA'I SEMS PA MTSUNGS LDAN DANG BCAS PA CHOS BZHI LDAN NO, ,DBYE NA, 'JIG

043a

, ,RTEN LAS 'DAS MA 'DAS GNYIS DANG, GO CHA'I BRTZON 'GRUS SOGS GSUM DU DBYE BA'ANG GO SLA'O,, GNYIS PA SA'I NGES TSIG NI, DER NI BDE GSHEGS SRAS LA ZHES SOGS KYIS 'CHAD PAR BYED LA, BYANG CHUB PHYOGS LHAG BSGOMS PA LAS SKYES PA'I, ,ZHES PA'I TSIG SMOS PAS NI, SA 'DIR BYANG CHUB PHYOGS MTHUN SHES PA'I SHES RAB KYI BSLAB PA CHES PHUL DU BYUNG BAR STON LA, DE YANG SA DANG POR STONG NYID MNGON SUM DU RTOGS PAS BSLAB PA GSUM LA SLOB PA'I RTEN KHYAD PAR CAN THOB, SA GNYIS PAR LHAG PA TSUL KHRIMS KYI BSLAB PA CHES PHUL DU BYUNG BA DANG, SA GSUM PAR TING NGE 'DZIN GYI BSLAB PA DANG, 'DI YAN CHAD DU SHES RAB KYI BSLAB PA PHUL DU BYUNG BA YIN LA, DE YANG SA 'DIR BYANG CHUB PHYOGS MTHUN SHES PA'I SHES RAB DANG, LNGA PAR BDEN BZHI PHRA RAGS LA MKHAS PA'I SHES RAB DANG, DRUG PAR RTEN 'BREL SHES PA'I SHES RAB KYI BSLAB PA CHES PHUL DU BYUNG BA THOB PA YIN NO, ,RANG DU LTA BA DANG 'BREL YONGS SU ZAD, ,CES GSUNGS PAS NI SA 'DI'I SPANG BYA'I KHYAD PAR STON TE, SA 'DIR RANG GI NGO SKAL GYI 'JIG LTA PHRA RAGS SOGS GANG ZAG GI BDAG 'DZIN DANG CHOS KYI BDAG 'DZIN RNAMS ZAD PAR SPANGS PAR GSUNGS LA, DE LTA NA GANG ZAG RANG RKYA THUB PA'I RDZAS YOD DU 'DZIN PA'I GANG ZAG GI BDAG 'DZIN LA KUN BRTAGS KYIS MA KHYAB STE, SA 'DI'I NGO SKAL GYI SPANG BYAR GYUR PA'I YANG DE 'DRA BA'I GANG ZAG GI BDAG 'DZIN YOD PA'I PHYIR, SKABS 'DIR SPROS PA LA RGYAS PAR BYED NA BYANG PHYOGS SO BDUN GYI RNAM GZHAG SOGS KYANG BYA DGOS

043b

NA YANG MANG BAR DOGS PAS RE ZHIG DE TZAM LAS MA SPROS SO,, SMRAS PA, YE SHES 'OD STONG 'PHRO BA PADMA'I GNYEN, ,RMAD BYUNG BRTZON 'GRUS MGYOGS 'GRO'I SHUGS 'CHANG BA, ,BZHI PA'I SAR GNAS RGYAL BA'I SRAS KHYOD LA, ,RTA BDUN RGYAL POS BSGRUN TU CI ZHIG YOD, ,DGONGS PA RAB TU GSAL BA'I RGYAN LAS SEMS BSKYED PA BZHI PA'I BSHAD PA'O,, ` ,,LNGA PA SA LNGA PA SBYANG DKA' BA BSHAD PA LAS BRTZAMS TE BSAM GTAN GYI PHAR PHYIN GYI NYAMS LEN BSHAD PA LA, SA'I NGES TSIG DANG, BSAM GTAN LHAG CING BDEN BZHI LA MKHAS PAR BSTAN PA GNYIS LAS, DANG PO NI, BDAG NYID CHE DE ZHES SOGS TE, SA BZHI PAR BRTZON 'GRUS KYI PHAR PHYIN LHAG PAR NYAMS SU BLANGS PA LAS YON TAN GONG MA CI ZHIG 'THOB CE NA, SA LNGA PA SBYANG DKA' BA THOB PAR 'GYUR RO ZHES KHONG NAS DRANGS, SA 'DI LA SBYANG DKA' BA ZHES BRJOD PA'I RGYU MTSAN CI YIN SNYAM NA, 'JIG RTEN GYI KHAMS THAMS CAD NA GNAS PA'I LHA'I BU'I BDUD RNAMS KYIS KYANG SA 'DI LA PHAM PAR BYAR MI NUS PAS DE LTAR BSHAD DO ZHES RKANG PA DE GNYIS KYIS STON LA, SA 'DIR PHAR PHYIN GANG GI NYAMS LEN LHAG CE NA, BSAM GTAN GYI PHAR PHYIN GYI NYAMS LEN CHES LHAG CES STON PA NI, BSAM GTAN LHAG CING ZHES SOGS SO, ,SKABS 'DIR BYANG CHUB SEMS DPA'I BSAM GTAN GYI NGO BO NI SEMS RTZE GCIG PA MTSUNGS LDAN DANG BCAS PA CHOS BZHI LDAN SOGS TE DBYE BA'I SGO SOGS KYANG RTOGS SLA'O, ,SA 'DIR BDEN BZHI SHES PA'I SHES RAB LHAG PAS BDEN PA PHRA RAGS LA MKHAS PAR GSUNGS LA, DES NA BDEN

044a

, ,PA BZHI'I RNAM PA RNAMS LA'ANG PHRA RAGS KYI KHYAD PAR DBYE DGOS SHING, RAGS PA'I 'JOG TSUL NI MNGON PAR RTOGS PA'I RGYAN GYI SKABS DANG 'DRA BA GRAGS CHE BA'I PHYIR RTOGS SLA, PHRA MO'I DBANG DU BYAS NAS BDEN PA BZHI'I NGO BO TZAM ZHIG BRJOD NA, KUN NAS NYON MONGS PHYOGS KYI BDEN PA GANG ZHIG, RANG GI KHYAD CHOS SU GYUR PA'I STONG BDAG MED GNYIS MNGON SUM DU RTOGS PA 'PHAGS LAM THOB PA LA NGES PAR LTOS DGOS PA'I RIGS SU GNAS PA PHRA BA'I SDUG BSNGAL GYI BDEN PA'I MTSAN NYID, BDEN 'DZIN DANG DES DRANGS PA'I ZAG BCAS KYI LAS PHRA MO GANG RUNG 'KHOR BCAS KYIS BSDUS PA'I KUN NAS NYON MONGS PHYOGS KYI BDEN PA GANG ZHIG ,RGYU KUN 'BYUNG SOGS KHYAD CHOS BZHI LDAN GYI RIGS SU GNAS PA PHRA BA'I KUN 'BYUNG BDEN PA'I MTSAN NYID, STONG NYID MNGON SUM DU RTOGS PA'I LAM BDEN GYI STOBS KYIS THOB PA'I DE BZHIN NYID GANG ZHIG, 'GOG PA ZHI BA SOGS KHYAD CHOS BZHI LDAN GYI RIGS SU GNAS PA DANG, STONG NYID MNGON SUM DU RTOGS PA'I 'PHAGS RGYUD KYI MKHYEN PA GANG ZHIG ,LAM RIG SGRUB SOGS KHYAD CHOS BZHI LDAN GYI RIGS SU GNAS PA PHRA BA'I 'GOG LAM GYI BDEN PA GNYIS KYI MTSAN NYID DO,, SMRAS PA, SBYANG BAR DKA' BA RANG RGYUD NYON MONGS KYANG,, DPA' BO KHYOD KYIS SBYONG LA THOGS MED NA, ,YID SRUBS BDAG PO'I DPUNG GIS MGON PO KHYED, ,PHAM PAR MI NUS DE LA SU ZHIG MTSAR, ,DGONGS PA RAB TU GSAL BA'I RGYAN LAS SEMS BSKYED PA LNGA PA'I BSHAD PA'O,, ` ,,RGYAL BA KUN GYI YAB TU GYUR KYANG RGYAL SRAS GZHON NU'I

044b

TSUL GYIS 'GYING, ,SRID PA'I 'CHING LAS RING DU GROL YANG SRID MTHAR GZHAN GYI DON LA BRTZON, ,CHOS KUN GSAL BAR THUGS SU CHUD KYANG CHOS NYID DON STON GLEGS BAM 'DZIN, ,LHAG PA'I LHA DES TSE RABS KUN TU BDAG BLO LHAG PAR SKYONG GYUR CIG, GNYIS PA SA DRUG PA MNGON DU GYUR PA BSHAD PA LA BZHI, SA'I NGES TSIG DANG SHER PHYIN LHAG PAR BSTAN PA, SHER PHYIN GYI BSNGAGS PA, ZAB MO RTEN 'BYUNG GZIGS PA'I DE KHO NA NYID BSTAN PA, SA'I YON TAN BRJOD PA'I SGO NAS MJUG BSDU BA'O,, DANG PO NI, SA LNGA PAR BSAM GTAN GYI PHAR PHYIN LHAG PAR NYAMS SU BLANGS PA LAS YON TAN GONG MA CI ZHIG 'THOB CE NA, SA DRUG PA MNGON DU GYUR PA THOB PAR 'GYUR RO ZHES KHONG NAS DRANGS, 'O NA SA DRUG PA 'DI LA MNGON DU GYUR PA ZHES BRJOD PA'I RGYU MTSAN NI CI, SA 'DIR PHAR PHYIN BCU'I NANG NAS GANG GI NYAMS LEN LHAG CE NA, MNGON DU PHYOGS PA ZHES SOGS RKANG PA GNYIS KYIS SA'I NGES TSIG DANG, 'DIR BRTEN 'BYUNG BA'I ZHES SOGS RKANG PA GNYIS KYIS SHER PHYIN GYI NYAMS LEN LHAG PAR STON TE, BYANG 'PHAGS KYI SA DRUG PA CHOS CAN, KHYOD LA MNGON DU GYUR PA ZHES BYA STE, STOBS SOGS SANGS RGYAS KYI YON TAN RNAMS MNGON DU 'GYUR BAR NYE BA DANG, SHER PHYIN GYI NYAMS LEN LHAG PA'I MTHUS BDEN BZHI DANG RTEN 'BREL GYI GNAS LUGS MNGON DU GYUR PA THOB PAS DE LTAR BRJOD PA'I PHYIR, DE CHOS CAN, KHYOD LA PHAR PHYIN BCU'I NANG NAS SHER PHYIN GYI NYAMS LEN LHAG STE, 'GOG PA'I SNYOMS 'JUG THUN MONG MA YIN PA GSAR DU THOB PA'I SA DE KHYOD YIN PA'I

045a

, ,PHYIR ZHES PA STE SKABS 'DIR BYANG CHUB SEMS DPA'I SHES RAB KYI MTSAN NYID CHOS RAB TU RNAM 'BYED MTSUNGS LDAN DANG BCAS PA CHOS BZHI LDAN NO, ,CHOS BZHI NI MI MTHUN PHYOGS SHER 'CHAL NYAMS PA SOGS YIN LA, DBYE NA, BYANG CHUB PHYOGS MTHUN DANG, BDEN BZHI DANG RTEN 'BREL SHES PA'I SHES RAB GSUM DANG, YANG 'JIG RTEN PA DANG, 'JIG RTEN LAS 'DAS PA DANG, 'JIG RTEN LAS 'DAS PA CHEN PO'I SHES RAB GSUM DANG, 'DIS BGROD PA LAM DANG, 'DIR BGROD PA 'BRAS BU'I SHER PHYIN SOGS DU MA ZHIG GSUNGS SO, ,DE DAG LAS SA 'DIR NI RTEN 'BREL SHES PA'I SHER PHYIN GYI NYAMS LEN LHAG CING SHES RAB THAMS CAD KYI MCHOG TU GYUR PA YANG DE NYID DO,, 'O NA SA DRUG PAR GSAR DU THOB PA'I 'GOG SNYOMS DE JI LTA BU ZHE NA, DE YANG SPYIR THAL 'GYUR BA'I LUGS KYI 'GOG PA'I SNYOMS 'JUG CES PA 'PHAGS RGYUD KYI ZAG PA MED PA'I MNYAM GZHAG ZHIG LA 'DOD LA, DE LA THUN MONG DANG THUN MONG MA YIN PA GNYIS LAS, THUN MONG MA YIN PA NI NGES PAR SA DRUG PA NAS 'THOB DGOS TE, 'GREL PAR, BYANG CHUB SEMS DPA'I SA LNGA PAR BSAM GTAN GYI PHA ROL TU PHYIN PA YONGS SU DAG PA THOB PAS SA DRUG PAR MNYAM PAR GZHAG PA'I SEMS LA GNAS SHING, RTEN CING 'BREL PAR 'BYUNG BA'I ZAB MO'I DE NYID MTHONG BA'I BYANG CHUB SEMS DPA' NI, SHES RAB KYI PHA ROL TU PHYIN PA YONGS SU DAG PAS 'GOG PA THOB 'GYUR GYI SNGA ROL TU NI MA YIN TE, SHES RAB LHAG PAR GYUR PA MED PA'I PHYIR TE, SBYIN PA LA SOGS PA PHA ROL TU PHYIN PA PHUL DU

045b

BYUNG BA DANG LDAN PAS NI 'GOG PA 'THOB PAR MI NUS SO ZHES GSUNGS LA, DE'I DON CUNG ZAD BSHAD NA, SA DRUG PAR CHOS NYID LA RTZE GCIG TU MNYAM PAR GZHAG PA'I SEMS LA GNAS SHING, RKYEN NYID 'DI PA TZAM GYI RTEN CING 'BREL PAR 'BYUNG BA'I ZAB MO'I DE KHO NA NYID MNGON SUM DU MTHONG BA'I BYANG CHUB SEMS DPAS NI SKABS 'DI NAS 'GOG PA'I SNYOMS 'JUG THUN MONG MIN PA THOB PAR 'GYUR TE, SA 'DIR SHES RAB KYI PHA ROL TU PHYIN PA'I NYAMS LEN CHES LHAG CING YONGS SU DAG PA'I STOBS KYIS DE THOB PAR 'GYUR BA'I PHYIR, SA 'DIR SHER PHYIN LHAG PA'I RGYU MTSAN YANG YOD DE, BYANG CHUB SEMS DPA'I SA LNGA PAR BSAM GTAN GYI PHA ROL TU PHYIN PA YONGS SU DAG PA THOB LA ZHI GNAS KHYAD ZHUGS PA TZAM GYIS LHAG MTHONG YANG KHYAD ZHUGS PAR 'GYUR BAS DE'I STOBS KYIS SA 'DIR SHER PHYIN LHAG PAR THOB PA'I PHYIR, 'DI'I SNGA ROL SA LNGA PA YAN CHAD DU 'GOG PA'I SNYOMS 'JUG THUN MONG MA YIN PA THOB PA MA YIN TE, DE DAG TU SHES RAB KYI PHA ROL TU PHYIN PA LHAG PAR GYUR PA MED PA GANG ZHIG, SBYIN PA LA SOGS PA PHA ROL TU PHYIN PA DANG PO LNGA'I NYAMS LEN PHUL DU BYUNG BA DANG LDAN PA TZAM GYIS NI 'GOG PA'I SNYOMS 'JUG THUN MONG MA YIN PA THOB PAR MI NUS PA'I PHYIR, ZHES PA YIN LA, DES NA SKABS 'DI'I SNYOMS PAR 'JUG YUL GYI 'GOG PA NI SA LNGA PA MAN CHAD KYI SPANG BYA SPANGS PA'I KHYAD PAR DU BYAS SHING SHER PHYIN GYI NYAMS LEN LHAG PA'I STOBS KYIS SA DRUG PA 'DIR GSAR DU THOB PA'I DE BZHIN NYID DAM YANG DAG PA'I MTHA' YIN LA, DES NA SKABS 'DI'I 'GOG

046a

, ,SNYOMS KYI MTSAN NYID NI, SA LNGA PA MAN CHAD KYI SPANG BYA SPANGS PAS KHYAD PAR DU BYAS PA'I DE BZHIN NYID LA GNYIS SNANG NUB PA'I MKHYEN PA GANG ZHIG ,RANG NYID THOB PA SHER PHYIN GYI NYAMS LEN LHAG PA LA NGES PAR BLTOS DGOS PA'I SNYOMS PAR 'JUG PA'O,, GNYIS PA NI, JI LTAR LONG BA'I TSOGS KUN BDE BLAG TU, ,ZHES SOGS SHLOO KA GCIG GIS SHER PHYIN GYI BSNGAGS PA 'CHAD DE GO SLA'O,, GSUM PA ZAB MO RTEN 'BYUNG GZIGS PA'I DE KHO NA NYID BSHAD PA LA, DE YANG SA DRUG PA 'DIR ZAB MO RTEN 'BYUNG JI LTA BA BZHIN DU GZIGS PA'I SHER PHYIN LHAG PA'I TSUL DE NYID YON TAN DE LTA BU DANG LDAN ZHING 'DIR 'CHAD PAR BYED NA, ZLA BA GRAGS PAS RANG DBANG DU BYAS NAS 'CHAD PAR BYED DAM ZHE NA, RANG DBANG DU BYAS NAS 'CHAD PA MA YIN GYI MGON PO KLU SGRUB KYIS RTEN 'BREL GYI DE KHO NA NYID DE MNGON SUM DU GZIGS NAS GSUNGS PA'I RJES SU 'BRANGS NAS 'CHAD CES PA NI, JI LTAR DE YIS CHES ZAB CES SOGS DANG, DE BSHAD PAR BYA BA'I GDUL BYA DE JI LTA BU ZHE NA; SO SO SKYE BO'I DUS NA ZHES SOGS KYIS SNOD LDAN GYI GDUL BYA NGOS BZUNG ZHING DE LA BSHAD PA LAS YON TAN JI LTA BU 'BYUNG ZHE NA, DE LA DE YI RJES SU 'GRO BA'I ZHES SOGS KYIS YON TAN 'BYUNG TSUL STON LA, RGYU MTSAN DE BAS NA RTEN 'BYUNG GI DE KHO NA NYID MNYAN PAR RIGS SO ZHES 'DOMS PA NI, ZAB CING RGYA CHE'I ZHES SOGS TE SNOD LDAN LA MNYAN PAR BSKUL BA'O,, DES NA 'DIR RTEN 'BYUNG GI DE KHO NA NYID GZIGS TSUL DNGOS BSHAD PA LA GNYIS, BDAG MED GNYIS RIGS PAS

046b

BSGRUB PA, SGRUB PA'I STONG NYID KYI RAB DBYE BSHAD PA'O,, DANG PO LA GNYIS, CHOS KYI BDAG MED RIGS PAS BSGRUB PA DANG, GANG ZAG GI BDAG MED RIGS PAS BSGRUB PA'O,, DANG PO NI, 'GREL PA LAS, DE LA CHOS RNAMS KYI YANG DAG PA JI LTA BA NYID BSTAN PA LA 'DI NI RE ZHIG LUNG YIN TE, JI SKAD DU 'PHAGS PA SA BCU PA LAS, KYE RGYAL BA'I SRAS DANG, BYANG CHUB SEMS DPA'I SA LNGA PA LA LAM SHIN TU YONGS SU RDZOGS PA'I BYANG CHUB SEMS DPA' DE, BYANG CHUB SEMS DPA'I SA DRUG PA LA 'JUG STE, CHOS MNYAM PA NYID BCUS 'JUG GO ,BCU GANG ZHE NA, 'DI LTA STE, CHOS THAMS CAD MTSAN MA MED PAR MNYAM PA NYID DANG, CHOS THAMS CAD MTSAN NYID MED PAR MNYAM PA NYID DANG, DE BZHIN DU SKYE BA MED PA DANG, MA SKYES PA DANG, DBEN PA DANG, GDOD MA NAS RNAM PAR DAG PA DANG, SPROS PA MED PA DANG, BLANG BA MED PA DANG, DOR BA MED PA MNYAM PA NYID DANG, CHOS THAMS CAD SGYU MA DANG, RMI LAM DANG, MIG YOR DANG, BRAG CHA DANG, CHU ZLA DANG, GZUGS BRNYAN DANG, SPRUL PA LTA BUR MNYAM PA NYID DANG, CHOS THAMS CAD DNGOS PO DANG DNGOS PO MED PA GNYIS SU MED PAR MNYAM PA NYID DE, CHOS THAMS CAD KYI RANG BZHIN DE LTAR RAB TU RTOGS PA NA, RNO ZHING RJES SU MTHUN PA'I BZOD PAS BYANG CHUB SEMS DPA'I SA DRUG PA MNGON DU GYUR PA RJES SU 'THOB STE, ZHES GSUNGS PA LTA BU'O ZHES BYANG SEMS SA LNGA PA BAS SA DRUG PA LA 'JUG PA'I TSE MNYAM PA NYID BCU'I SGO NAS 'JUG PAR BSHAD LA, DE YANG MTSAN MA MED PAR MNYAM PA NYID NAS, SPROS PA MED PAR

047a

, ,MNYAM PA NYID MAN CHAD LA BDUN DANG, DE'I STENG DU BLANG DOR MED PA MNYAM PA NYID GCIG TU BYAS PA SGYU MA LTA BU SOGS BDUN DU MNYAM PA NYID GCIG TU BYAS PA DANG, DNGOS PO DANG DNGOS PO MED PAR MNYAM PA NYID GCIG TU BYAS PA STE DE LTAR NA MNYAM PA NYID BCUS 'JUG PA YIN LA, DE 'DRA'I MNYAM NYID BCU NI YUL RTEN CING 'BREL BAR 'BYUNG BA'I GNAS LUGS YIN ZHING DE BCU MNGON DU BYAS PA'I SGO NAS SA DRUG PA LA 'JUG PA NI RKYEN NYID 'DI PA TZAM GYI RTEN 'BYUNG GI DE KHO NA NYID MNGON SUM DU RTOGS PA'I SHER PHYIN GYI NYAMS LEN LHAG PA'I SGO NAS 'JUG PA'I DON YIN LA, MNYAM PA NYID BCU'I NANG NAS KYANG SKYE BA MED PAR MNYAM PA NYID RTOGS NA GZHAN RNAMS RTOGS SLA BAS SEMS BSKYED 'DIR DE NYID RTZAL DU BTON NAS 'CHAD PAR BYED DE, 'GREL PA LAS, DE'I PHYIR 'DIR CHOS SKYE BA MED PAR MNYAM PA NYID KHO NA RIGS PAS BSTAN PA NYID KYIS CHOS MNYAM PA NYID GZHAN BSTAN PA SLA BAR DGONGS TE SLOB DPON GYIS DBU MA'I BSTAN BCOS KYI DANG POR, BDAG LAS MA YIN GZHAN LAS MIN, ,GNYIS LAS MA YIN RGYU MED MIN, ,DNGOS PO GANG DAG GANG NANG YANG, ,SKYE BA NAM YANG YOD MA YIN, ,ZHES NYE BAR BKOD PA YIN NO, ,ZHES GSUNGS PA LTAR RO,, 'O NA MNYAM PA NYID BCU PO DE'I DON JI LTA BU ZHE NA, DE YANG DANG PO GNYIS NI SPYIR BSTAN PA YIN TE, SA DRUG PA BAS RTEN 'BREL GYI DE KHO NA NYID MNGON SUM DU GZIGS PA'I MNYAM GZHAG GI NGO NA CHOS RNAMS KYI MTSAN MA MI 'DRA BA DANG MTSAN NYID MI 'DRA BA RNAMS RANG BZHIN GYIS STONG PAR RO MNYAM

047b

DU GZIGS PA YIN PA'I PHYIR, GZHAN BRGYAD NI SPYIR BSTAN PA'I DON DE NYID KHYAD PAR DU PHYE NAS STON PA YIN LA, DE YANG SKYE BA MED PA NAS, GDOD MA NAS RNAM PAR DAG PA MNYAM PA NYID KYI BAR DRUG GI DON BSHAD DU YOD DE, CHOS RNAMS RANG BZHIN GYIS SKYE BA MED PA DANG, DUS NAM DU YANG RANG BZHIN GYIS MA SKYES PA DANG, RANG BZHIN GYIS SKYE BAR 'GYUR BA DANG, SKYES PAS DBEN PA STE STONG PA DANG, DE 'DRA'I STONG NYID DE YANG LUNG RIGS KYIS GSAR DU BYAS PA LTA BU MA YIN GYI, YE GDOD MA NAS RANG BZHIN GYIS RNAM PAR DAG PAR MNYAM PA NYID DU GNAS PA'I DON YIN PA'I PHYIR, BDUN PA DANG BRGYAD PA NI DE LTAR GZIGS PA'I MNYAM GZHAG GI NGO NA GNYIS SNANG GI SPROS PA MED CING, SGRA RTOG GI RANG BZHIN GYIS GRUB PAR SPRO BAR YANG MI NUS LA, RANG BZHIN GYIS GRUB PA'I BLANG DOR MED PAR STON ZHING, DGU PA NI SNGAR BSHAD PA'I DON DE RNAMS MTSON BYED KYI DPE STON PA YIN TE, SGYU MA DANG RMI LAM SOGS DPE BDUN GYIS DE RNAMS RANG BZHIN GYIS STONG PAR MNYAM PA NYID DU MTSON PAR BYED PA'I PHYIR, BCU PA'I DON YANG YOD DE, CHOS GANG LA YANG DNGOS PO DANG DNGOS PO MED PA'I NGO BOR RANG BZHIN GYIS GRUB PA RDUL TZAM YANG MED PAR MNYAM PA NYID DU GZIGS PA'I DON YIN PA'I PHYIR, DE LTAR MNYAM PA NYID BCU'I SGO NAS BYANG CHUB SEMS DPA' SA DRUG PA BAS RTEN 'BREL GYI DE KHO NA NYID GZIGS PA'I SHES RAB NI YON TAN KHYAD PAR CAN DANG LDAN TE, SPANG BYA 'JOMS PA DANG YON TAN RDZOGS PAR BYED PA LA RNO BA STE SHES RAB MYUR BA DANG, SA BRGYAD PAR MI SKYE BA'I CHOS

048a

, ,LA BZOD PA THOB PA DANG RJES SU MTHUN PA STE RING POR MI THOGS PAR DE NYID MNGON DU BYED NUS PA'I PHYIR, DES NA MNYAM NYID BCU'I NANG NAS CHOS THAMS CAD RANG BZHIN GYIS SKYE BA MED PAR MNYAM PA NYID GTAN LA PHAB PA'I SGO NAS CHOS KYI BDAG MED GTAN LA 'BEBS PA LA GNYIS, DON DAM LA DPYOD PA'I RTAGS KYI DGAG BYA NGOS BZUNG BA DANG, DE BKAG PA'I SGO NAS CHOS KYI BDAG MED GTAN LA DBAB PA'O,, DANG PO LA GNYIS, RANG RGYUD PA'I LUGS DANG, THAL 'GYUR BA'I LUGS SO,, DANG PO DE KHO NA NYID KYI LTA BA GTAN LA 'BEBS PA LA, DON DAM LA DPYOD PA'I RTAGS KYI DGAG BYA NGOS ZIN PA NGES PAR GAL CHE STE, SPYOD 'JUG LAS, BRTAGS PA'I DNGOS LA MA REG PAR, ,DE YI DNGOS MED 'DZIN MA YIN, , ZHES DON LA MA GRUB BZHIN DU BDAG 'DZIN GYIS SGRO BTAGS PA'I DNGOS PO STE DGAG BYA LA MA REG PA STE DGAG BYA DE'I SPYI BLO LA MA SHAR BAR DE BKAG PA'I DNGOS MED DE BDEN MED KYI DON 'DZIN PA'AM RTOGS PAR 'GYUR BA MA YIN PA'I PHYIR, ZHES DGAG BYA NGOS 'DZIN NGES PAR DGOS PAR BSHAD PA'I PHYIR, DES NA SPYIR DGAG BYA LA GNYIS TE, LAM GYI DGAG BYA DANG, RIGS PA'I DGAG BYA GNYIS LAS, DANG PO NI, SGRIB PA GNYIS LTA BU STE, THA SNYAD DU GZHI GRUB PA DANG 'GOG TSUL YANG SHES BYA LA SRID PA 'GOG PA LTA BU MA YIN GYI, GNYEN POS SHES RGYUD LA SLAR SKYE MI RUNG DU BYAS PA'I TSUL GYIS 'GOG PAR BYED DO,, GNYIS PA LA YANG GNYIS SU YOD DE, THA SNYAD LA DPYOD PA'I RIGS PA'I DGAG BYA DANG, DON DAM LA DPYOD PA'I RIGS

048b

PA'I DGAG BYA GNYIS SU YOD PA'I PHYIR, DANG PO NI, SGRA RTAG PA DANG DU LDAN GYI LA DANG ME MED KYI TSOGS DON LTA BU STE, RTAGS YANG DAG GI BSGRUB BYA'I LOG PHYOGS LA DGAG BYAR BYAS PA'O,, GNYIS PA LA THOG MAR RANG RGYUD PA'I LUGS KYI DGAG BYA NGOS 'DZIN TSUL NGOS BZUNG NA, RANG RGYUD PA'I GZHUNG KHUNGS THUB GZHAN LAS DGAG BYA NGOS 'DZIN GSAL BAR MA BSHAD PAS, DBU MA SNANG BA LAS DE'I LUGS KYI KUN RDZOB TU YOD TSUL BSHAD PA DE'I DON LEGS PAR SHES NA DE TZAM MA YIN PA'I YOD PA ZHIG BYUNG NA DON DAM PAR YOD PA'AM, BDEN GRUB TU CHES GSAL LA, DE BSHAD NA, DE NYID LAS, DNGOS PO YANG DAG PAR NGO BO NYID MED PA DAG LA YANG DE LAS LDOG PA'I RNAM PAR SGRO 'DOGS PA'I 'KHRUL PA'I BLO GANG YIN PA DE NI KUN RDZOB CES BYA STE 'DI'AM 'DIS DE KHO NA NYID SGRIB PA LTA BUR BYED CING 'GEBS PA LTA BUR BYED PA'I PHYIR RO, ,DE SKAD DU YANG MDO LAS, DNGOS RNAMS SKYE BA KUN RDZOB TU, ,DAM PA'I DON DU RANG BZHIN MED, ,RANG BZHIN MED LA 'KHRUL PA GANG, ,DE NI YANG DAG KUN RDZOB 'DOD, ,CES GSUNGS SO, ,DE LAS BYUNG BA'I PHYIR DES NYE BAR BSTAN PA MTHONG BA'I DNGOS PO BRDZUN PA THAMS CAD NI KUN RDZOB PA KHO NA YIN ZHES BYA'O, ,DE YANG THOG MA MED PA'I 'KHRUL PA'I BAG CHAGS YONGS SU SMIN PA'I DBANG GIS BYUNG LA, DES KYANG BAG CHAGS THAMS CAD LA YANG DAG PAR DNGOS PO'I BDAG NYID LTA BUR NYE BAR BSTAN PA MTHONG BAR 'GYUR TE, DE'I PHYIR DE DAG GI BSAM PA'I DBANG GIS DNGOS PO RDZUN PA'I NGO BO THAMS CAD NI KUN RDZOB TU YOD PA KHO NA'O

049a

, ,ZHES BYA'O, ,ZHES GSUNGS LA, DE'I DON CUNG ZAD BSHAD NA, DNGOS PO ZHES PA NAS, PHYIR RO'I BAR GYI DON NI, DNGOS PO RNAMS YANG DAG PAR RAM BDEN PAR GRUB PA'I NGO BO NYID MED PA DAG LA YANG DE LAS LDOG PA'I BDEN PAR GRUB PA'I RNAM PAR ZHEN CING SGRO 'DOGS PA'I BLO 'KHRUL PA GANG YIN PA DE NI CHOS CAN, BLO KUN RDZOB PA ZHES BYA STE, BLO 'DI'AM 'DIS RKYEN BYAS PA DAG GIS BDEN PAR MED PA'I DNGOS PO'I DE KHO NA NYID MTHONG BA LA SGRIB PA LTA BUR BYED CING MA RIG PA'I LING TOG GIS BLO'I MIG 'GEBS PA LTA BUR BYED PA'I PHYIR, DE'I SHES BYED DU MDO DRANGS PA'I DON NI PHYI NANG GI DNGOS PO RNAMS SKYE BA NI KUN RDZOB TZAM DU YIN TE, DAM PA'I DON DU STE DON DAM PAR RANG BZHIN GYIS SKYE BA MED PA'I PHYIR, DON DAM PAR RANG BZHIN MED PA LA BDEN GRUB TU 'KHRUL PA'I BLO GANG YIN PA DE NI BLO KUN RDZOB CES BYA STE, YANG DAG PA GNAS LUGS KYI DON LA SGRIB PA LTA BUR BYED PA'I PHYIR, ZHES PA DANG, DE LAS BYUNG BA'I PHYIR NAS, MTHONG BAR 'GYUR TE ZHES PA'I BAR GYIS NI DE 'DRA'I BDEN 'DZIN GYI BLO DE LHAN SKYES KYI 'DZIN PAR BSTAN TE, BDEN 'DZIN DES NYE BAR BSTAN PA STE DE'I DBANG GIS BDEN GRUB TU MTHONG BA'I DNGOS PO RDZUN PA THAMS CAD NI KUN RDZOB CES BYA STE BLO KUN RDZOB PA BDEN 'DZIN DES BSGRIBS PA KHO NA'I DBANG LAS BYUNG BAS DE LTAR BRJOD PA'I PHYIR, BDEN 'DZIN DES KYANG GRUB MTHAS BLO BSGYUR MA BSGYUR GYI SROG CHAGS THAMS CAD LA YANG DAG PAR TE BDEN PAR GRUB PA'I DNGOS PO'I BDAG NYID LTA BUR NYE BAR BSTAN PA YID KYI SHES PAS MTHONG

049b

BAR 'GYUR BA'I RGYU MTSAN YOD DE, BDEN 'DZIN DE YANG GRUB MTHAS KUN BTAGS PA LAS GSAR DU BYUNG BA MA YIN GYI THOG MA MED PA'I 'KHRUL PA'I BAG CHAGS YONGS SU SMIN PA'I DBANG GIS BYUNG BA'I LHAN SKYES KYI 'DZIN PA YIN PAS DE LTAR MTHONG ZHING ZHEN PA YIN PA'I PHYIR, DE'I PHYIR MAN CHAD KYI DON NI, GZUGS SOGS DNGOS PO RDZUN PA'I NGO BO THAMS CAD NI KUN RDZOB TU YOD PA KHO NA'O ZHES BYA BA'I DON DAM PAR MED DE, SROG CHAGS DE DAG GI BSAM PA'AM BLO'I DBANG GIS YOD PAR BZHAG PA TZAM YIN PA'I PHYIR ZHES PA YIN PAS, DES NA BSAM PA'I DBANG GIS YOD PAR BZHAG PA TZAM DU KUN RDZOB TU GRUB PA'I GRUB TSAD DU BSHAD, BLO YANG GANG YIN GYIS MI 'JOG PA NI, RNAM BSHAD LAS, DE YANG TSAD MAS MI GNOD PA'I BLO'I DBANG GIS BZHAG PA RNAMS THA SNYAD DU YOD PAR 'DOD KYI BLO'I DBANG GIS GANG BZHAG THAMS CAD THA SNYAD DU YOD PAR MI 'DOD DE, ZHES GSAL BAR GSUNGS PAS BLO GNOD MED KYI DBANG GIS 'JOG PA YIN LA, GNOD MED KYI DON YANG BLO DON DE NYID LA MA 'KHRUL PA ZHIG DGOS PAR BZHED DE, DNGOS PO DE'I DON GYI SDOD LUGS JI LTAR YOD PA LTAR 'JAL NUS PA ZHIG DGOS PA'I PHYIR, DES NA BUM 'DZIN MNGON SUM LTA BU BUM PA LA MA 'KHRUL PA YIN TE, DE LA BUM PA RANG NGOS NAS GRUB PAR SNANG BA DE BUM PA KHO RA'I KUN RDZOB PA'I SDOD LUGS YIN CING, DE BZHIN DU MYU GU RANG NGOS NAS SA BON LAS SKYE BA YANG BLO'I DBANG GIS BZHAG PA YIN YANG MYU GU RANG GI KUN RDZOB PA'I SDOD LUGS YIN PA'I PHYIR, DES NA MYU GU SKYE BA BLO'I DBANG GIS BZHAG

050a

, ,PA YIN YANG SA BON LAS RANG NGOS NAS SKYE BA MI 'GAL TE, RANG RGYUD PA'I SKABS SU SGYU MA DPER BYED PA NA, SGYU MA'I SNGAGS RDZAS KYIS BSLAD PA'I LTAD MO BA RNAMS LA GZHI DER RDEL SHING RTA GLANG DU SNANG BA'I TSE SNGAGS RDZAS KYIS BSLAD PA'I DBANG GIS SNANG BA TZAM DU MA ZAD, SPRUL GZHI'I NGOS NAS KYANG RTA GLANG DU SNANG BA DANG 'DRA BA'I PHYIR RO, ,DES NA BLO GNOD MED LA SNANG BA'I DBANG GIS BZHAG PA TZAM MA YIN PAR YUL RANG GI SDOD LUGS KYI NGOS NAS GRUB PA ZHIG BYUNG NA DE LA DON DAM LA DPYOD PA'I RTAGS KYI DGAG BYA PHRA MO DANG, DON DAM PAR GRUB PA, YANG DAG PAR GRUB PA, DE KHO NA NYID DU GRUB PA ZHES KYANG BYA'O, ,DES NA RANG RGYUD PA RNAMS BUM 'DZIN MNGON SUM LA BUM PA RANG NGOS NAS GRUB PAR SNANG BA BUM PA'I KUN RDZOB PA'I SDOD LUGS SU BZHED LA, THAL 'GYUR BA RNAMS DE LTAR SNANG BA NI DGAG BYA PHRA MO'I SNANG TSUL KHO NA YIN PAS THAL RANG GNYIS LA DON DAM LA DPYOD PA'I RTAGS KYI DGAG BYA LA PHRA RAGS KYI KHYAD PAR SHIN TU CHE STE, DA DUNG 'CHAD PAR 'GYUR RO, ,DE BZHIN DU ZHI BA 'TSOS RGYAN GYI RANG 'GREL LAS, BYIS PA'I GNAS SKABS NAS BZUNG STE, THAMS CAD MKHYEN PA'I YE SHES KYI BAR DU MYONG BA, GANG MA BRTAGS GCIG PU NA YID DU 'ONG BA'I RANG BZHIN KHO BOS BKAG PA MED DE, ZHES RIGS PAS MA BRTAGS PA'I GNAS SKABS NI BYIS PA NAS SANGS RGYAS KYI BAR GYI MYONG BAS GRUB PA'I YUL GYI RANG BZHIN YOD PAR YANG GSUNGS SO, ,DE 'GOG PA'I RIGS PA NI, DBU MA RGYAN LAS, BDAG DANG GZHAN SMRA'I DNGOS 'DI DAG ,YANG

050b

DAG PAR NI GCIG PA DANG, ,DU MA'I RANG BZHIN BRAL BA'I PHYIR, ,RANG BZHIN MED DE GZUGS BRNYAN BZHIN, ,ZHES GCIG DU BRAL GYI RIGS PA NYID GSUNGS LA, ,GTAN TSIGS 'DI NI THA SNYAD 'BA' ZHIG BSGRUB PA YIN TE, BDEN PA'I GCIG DANG DU MA DANG BRAL BAR NGES PA NAS BDEN MED KYI DON TSAD MAS NGES PA'I PHYIR TE, RGYAN RANG 'GREL LAS, GTAN TSIGS 'DI LA DAM BCAS PA'I DON GYI PHYOGS GCIG PA YANG MED DE, GRUB PA'I YUL GYIS YUL CAN GYI SHES PA DANG SGRA'I THA SNYAD RNAMS BSGRUB PA'I PHYIR TE, DPER NA, 'DI NI BA GLANG STE, LKOG SHAL LA SOGS PA 'DUS PA'I BDAG NYID YIN PA'I PHYIR RO ZHES BYA BA LTA BU'O ZHES GCIG DU BRAL GYI GTAN TSIGS 'DI DAM BCA' DANG RTAGS GCIG PAS MA GRUB PA'I GTAN TSIGS SU 'GYUR RO SNYAM DU DOGS PA LA, DE'I SKYON MED DE, GCIG DU BRAL GYI RTAGS KYI DON GRUB PAS BDEN MED KYI DON BLO NGOR GRUB ZIN KYANG, GRUB PA'I YUL GYIS 'DI NI BDEN PAR MED DO SNYAM PA'I YUL CAN SHES PA DANG, BDEN PAR MED CES PA'I SGRA'I THA SNYAD RNAMS BSGRUB PA'I DON YOD PA'I PHYIR TE, DPER NA, NOG LKOG SHAL DANG LDAN PA'I SEMS CAN MTHONG BA NA BA GLANG GI DON GRUB KYANG BRDA MI SHES PA LA 'DI NI BA GLANG NGO ZHES BRDA SBYAR BA DON YOD PA BZHIN NO, ,ZHES GSUNGS PA LTAR RO, ,'DI'I RTAGS DGOD PA DANG, PHYOGS KHYAB BSGRUB PA SOGS NI RANG RGYUD PA'I LUGS MNGON PAR RTOGS PA'I RGYAN SOGS KYI SKABS SU GRAGS CHE ZHING, THAL 'GYUR BA'I SKABS KYI RTAGS 'DI'I RNAM GZHAG NI LTA KHRID CHEN MOR RAB BYED BCO BRGYAD PA'I DON BSHAD

051a

, ,PA'I SKABS SU BSHAD ZIN TO,, GNYIS PA LA NI THAL 'GYUR BA'I LUGS 'DI LA CHOS RNAMS RTOG PA'I DBANG GIS BZHAG PA'I RTOG BTAGS TZAM DU THA SNYAD DU 'JOG TSUL SHES NA, RTOG PAS BTAGS PA TZAM MA YIN PAR RANG NGOS SAM YUL GYI STENG NAS GRUB PA ZHIG BYUNG NA, BDEN PAR GRUB PA SOGS SNGAR GYI DE RNAMS DANG RANG BZHIN GYIS GRUB PA DANG, NGO BOS GRUB PA DANG, RANG GI MTSAN NYID KYIS GRUB PA DANG, RDZAS SU GRUB PA SOGS 'JOG PAS DGAG BYA PHRA MO BDE BLAG TU NGOS ZIN PAR 'GYUR BA LA DGONGS NAS, RNAM BSHAD CHEN MOR, CHOS RNAMS RTOG PA'I DBANG GIS 'JOG TSUL RGYAS PAR GSUNGS PAS DE'I DON BSDUS TE BSTAN NA 'DI LTAR YIN TE, NYE BAR 'KHOR GYIS ZHUS PA LAS KYANG, SNA TSOGS YID DGA' ME TOG KHA BYE ZHING, ,ZHES SOGS KYIS CHOS RNAMS RTOG PA'I DBANG GIS BZHAG PA TZAM DU GSUNGS SHING, DE BZHIN DU MGON PO KLU SGRUB KYIS KYANG RIGS PA DRUG CU PAR, 'JIG RTEN MA RIG RKYEN CAN DU, ,ZHES SOGS DANG, RIN CEN 'PHRENG BAR, SKYES BU SA MIN CHU MA YIN, ,ZHES SOGS DANG, GZUGS KYI DNGOS PO MING TZAM PHYIR, ,NAM MKHA' YANG NI MING TZAM MO, ,ZHES SOGS KYIS PHUNG SOGS KYI CHOS DANG GANG ZAG RNAMS RANG RANG GI GDAGS GZHI LA RTOG PAS BTAGS PA TZAM 'BA' ZHIG TU BSHAD LA, DE'I 'JOG TSUL YANG, BZHI BRGYA PAR, RTOG PA MED PAR 'DOD CHAGS LA, ,SOGS LA YOD NYID YOD MIN NA, ,ZHES SOGS DANG, DE'I 'GREL PAR, RTOG PA YOD PA KHO NAS YOD PA NYID DANG, RTOG PA MED PAR YOD PA NYID MED PA DE DAG

051b

NI GOR MA CHAG PAR THAG PA BSDOGS PA LA BTAGS PA'I SBRUL LTAR RANG GI NGO BOS MA GRUB PAR NGES SO ZHES GSUNGS LA, 'GREL PA'I DON NI, RANG NYID 'DOGS BYED KYI RTOG PA YOD PA KHO NAS RANG NYID YOD PA NYID DU 'JOG DGOS SHING, RANG NYID 'DOGS BYED KYI RTOG PA MED PAR RANG NYID YOD PA NYID DU GZHAG TU MED PA'I CHOS DE DAG THAMS CAD NI GOR MA CHAG PA STE GDON MI ZA BAR THAG PA KHRA BO BSDOGS PA STE 'KHYIL BA LA MUN PA CUNG ZAD BABS PA'I TSE KHA DOG KHRA BO DANG, DBYIBS 'KHYIL BA SOGS LA BRTEN NAS BTAGS PA'I SBRUL LTAR RANG GI NGO BOS CUNG ZAD KYANG MA GRUB PAR NGES SO ZHES BYA BA YIN TE, DE'I TSE SBRUL 'DZIN GYI BLOS SBRUL DU BTAGS KYANG BTAGS TZAM DE KA MA GTOGS THAG PA'I CHA SHAS RE RE BA DANG, TSOGS PA DANG, DE DAG LAS DON GZHAN PA'I DE NA SBRUL GYI MTSAN GZHI GZUNG RGYU CUNG ZAD KYANG MED PA LTAR KHAMS DRUG 'DUS PA LA GANG ZAG TU BTAGS KYANG KHAMS DRUG RE RE BA DANG, TSOGS PA GANG YANG GANG ZAG GI MTSAN GZHIR MED CING DE LAS DON GZHAN PA'I KUN GZHI SOGS GANG ZAG GI MTSAN GZHIR MI BZHED KYANG MING RKYANG BTAGS YOD TZAM LA GANG ZAG 'JOG LEGS PAR SHES PA'I PHYIR, DES NI PHUNG SOGS KYI CHOS GZHAN RNAMS LA'ANG MTSON PA YIN TE, TING NGE 'DZIN RGYAL PO LAS, JI LTAR KHYOD KYIS BDAG GI 'DU SHES NI, ,ZHES SOGS DANG, 'PHAGS PA SDUD PA LAS KYANG, BDAG JI 'DRA BA DE 'DRAR SEMS CAN THAMS CAD SHES, ,SEMS CAN THAMS CAD CI 'DRA DE 'DRAR CHOS KUN SHES, ,ZHES GSUNGS PA LTAR YIN PA'I PHYIR, DE LTAR NA

052a

, ,THAL RANG GNYIS DON DAM LA DPYOD PA'I RTAGS KYI DGAG BYA LA PHRA RAGS KYI KHYAD PAR LA DE LTAR BYUNG BA YANG RTZA BA RANG GI MTSAN NYID KYIS GRUB PA ZHAL GYIS BZHES MI BZHES LA THUG PA YIN NO,, GNYIS PA LA BZHI, MTHA' BZHI'I SKYE BA BDEN PA GNYIS KAR DGAG PA, DE LTAR BKAG PA LA RTZOD PA SPANG BA, RTEN 'BYUNG GI SKYE BA NYID KYIS MTHAR 'DZIN GYI LOG RTOG 'GOG TSUL, RIGS PAS DPYAD PA BYAS PA'I 'BRAS BU NGOS BZUNG BA'O,, DANG PO LA GSUM, RANG BZHIN GYIS SKYE BA MED PA'I DAM BCA' GZHAG PA, DE RIGS PAS BSGRUB PA'I SGRUB BYED BSTAN PA, MTHA' BZHI'I SKYE BA BKAG PAS GRUB PA'I DON NO,, DANG PO NI 'GREL PA LAS, DE'I PHYIR 'DIR CHOS SKYE BA MED PA MNYAM PA NYID KHO NAS RIGS PAS BSTAN PA NYID KYIS CHOS MNYAM PA NYID GZHAN BSTAN PAR SLA BAR DGONGS TE, SLOB DPON GYIS DBU MA'I BSTAN BCOS KYI DANG POR, BDAG LAS MA YIN GZHAN LAS MIN, ,GNYIS LAS MA YIN RGYU MED MIN, ,DNGOS PO GANG DANG GANG NA YANG, ,SKYE BA NAM YANG YOD MA YIN, ,ZHES NYE BAR BKOD PA YIN NO, ,NAM YANG ZHES BYA BA NI GZHAR YANG ZHES BYA BA'I DON NO, ,GANG NA YANG ZHES BYA BA'I SGRA 'GAR YANG GI SGRA'I RNAM GRANGS RTEN GYI TSIG GIS NI YUL DANG DUS DANG GRUB PA'I MTHA' BSHAD DO, ,GANG DAG GI SGRA BRTEN PA'I TSIG NI PHYI DANG NANG GI DNGOS PO BRJOD PA'O, ,DE BAS NA PHYI DANG NANG GI DNGOS PO RNAMS NI YUL DANG, DUS DANG, GRUB PA'I MTHA' 'GAR YANG, BDAG LAS SKYE BA SRID PA MA YIN NO ZHES 'DI LTAR SBYAR BAR BYA'O, ,'DIR MA YIN ZHES BYA BA

052b

'DI YOD PA NYID KYI SGRUB BYED RANG LAS SKYE BA DANG 'BREL GYI, YOD PA DANG NI MA YIN TE, DE BKAG PA DON GYIS 'GRUB PA'I PHYIR RO, ,DE BZHIN DAM BCA' GSUM CHAR LA YANG SBYAR BAR BYA'O, ,ZHES GSUNGS SO, ,DE YANG BDAG MED GNYIS LAS SGOM PA'I TSE THOG MAR GANG ZAG GI BDAG MED DANG, DE NAS CHOS KYI BDAG MED BSGOM PA DON CHE BAR BSHAD KYANG, BSHAD PA'I GO RIM GYI DBANG DU BYAS NA BSTAN BCOS 'DIR THOG MAR CHOS KYI BDAG MED GTAN LA 'BEBS SHING, CHOS LA'ANG 'DUS BYAS DANG 'DUS MA BYAS GNYIS LAS, RANG SDE DNGOS POR SMRA BA LA SOGS PA RNAMS 'DUS BYAS KYI STENG DU SKYE GNAS 'JIG GSUM SOGS MTHONG BA LAS RANG BZHIN GYIS GRUB PAR SGRO 'DOGS PA MANG ZHING, 'DUS BYAS RANG BZHIN GYIS MED PAR RTOGS NA 'DUS MA BYAS RANG BZHIN GYIS MED PAR BDE BLAG TU RTOGS PAR 'GYUR BA DANG, 'DUS BYAS KYANG RANG BZHIN GYIS SKYE BA KHEGS NA RANG BZHIN GYIS GNAS 'GAG SOGS 'BAD MED DU KHEGS PAR 'GYUR ZHING, DE YANG MTHA' BZHI'I SKYE BA BKAG NA RANG BZHIN GYIS SKYE BA KHEGS PAR 'GYUR BAS RTZA BA SHES RAB TU YANG, BDAG LAS MA YIN GZHAN LAS MIN, ,ZHES SOGS KYIS THOG MAR DON DE NYID GTAN LA 'BEBS PAR MDZAD LA, 'DIR YANG DE'I DGONGS PA 'GREL BA DANG, MNYAM NYID BCU'I NANG NAS CHOS THAMS CAD SKYE BA MED PAR MNYAM PA NYID BSTAN PAR BZHED NAS MTHA' BZHI'I SKYE BA 'GOG TSUL RGYAS PAR 'CHAD LA, GONG GI 'GREL PA'I TSIG DON CUNG ZAD BSHAD NA, NAM YANG ZHES BYA BA'I SGRA NI GZHAR YANG ZHES

053a

, ,BYA BA'I SGRA'I RNAM GRANGS YIN PAS, GANG NA YANG ZHES PA'I SGRA 'GAR YANG GI SGRA'I RNAM GRANGS TE GANG DU YANG MI SKYE BA'I GZHI STON PA'I RTEN GYI TSIG STE, YUL DANG DUS DANG GRUB PA'I MTHA' GANG NA YANG ZHES BYA BA'I DON DANG, GZHI DE GSUM DU GANG ZHIG, MI SKYE BA'I GANG YANG GI SGRA BRTEN PA'I TSIG GIS NI PHYI DANG NANG GI DNGOS PO BRJOD PA STE, DE LTAR NA PHYI DANG NANG GI DNGOS PO RNAMS YUL DANG DUS DANG GRUB PA'I MTHA' 'GAR YANG BDAG LAS SKYE BA SRID PA MA YIN NO, ,ZHES DANG, DE BZHIN DU DAM BCA' PHYI MA GZHAN GSUM LA'ANG SBYAR BAR BYA BA YIN GYI, RKANG PA PHYI MA GNYIS BSGRUB CHOS SU BYAS NAS DANG PO GNYIS RTAGS SU BKOD PA'I SGO NAS RANG BZHIN GYIS SKYE BA YOD PA MA YIN TE, MTHA' BZHI LAS SKYE BA MED PA'I PHYIR RO ZHES SBYOR BA LTA BU GZHUNG GI DON MA YIN TE, 'DIR MA YIN ZHES BYA BA'I SGRA RANG BZHIN GYIS YOD PA'AM SKYE BA NYID KYI SGRUB BYED RANG LAS SKYE BA SOGS DANG 'BREL BAS SNGAR LTAR SBYAR BAR BYA BA YIN GYI RANG BZHIN GYIS YOD PA'AM SKYE BA YOD PA MA YIN TE, ZHES SBYOR BA LTA BU SKABS 'DIR GZHUNG GI DON MA YIN TE, 'DIR MTHA' BZHI'I SKYE BA MED PA'I DAM BCA' TZAM ZHIG GZHAG PAR BZHED NAS, RTZA SHER, BDAG LAS MA YIN GZHAN LAS MIN, ,ZHES PA'I GZHUNG SMOS SHING, 'DIR YANG, DE NYID DE LAS 'BYUNG MIN ZHES SOGS KYIS DAM BCA' DE NYID BRJOD PA'I PHYIR, DE LTAR MTHA' BZHI'I SKYE BA 'GOG PA'I DAM BCA' BZHAG NAS DE SGRUB BYED KYI RIGS PA RNAMS BSTAN PAS RANG BZHIN GYIS YOD PA DANG SKYE BA MI KHEGS PA'I SKYON MED DE,

053b

MTHA' BZHI'I SKYE BA BKAG PA NYID KYIS RANG BZHIN GYIS SKYE BA BKAG PA DON GYIS 'GRUB PA'I PHYIR, GNYIS PA LA BZHI, BDAG SKYE DGAG ,GZHAN SKYE DGAG ,GNYIS KA LAS SKYE BA DGAG ,RGYU MED LAS SKYE BA DGAG PA'O,, DANG PO NI, DE NI DE LAS 'BYUNG NA ZHES PA NAS, THAL BAR 'GYUR PHYIR RO, ,ZHES PA'I BAR GYIS 'CHAD LA, 'DI LA YANG 'GREL PA MDZAD PA'I RIGS PAS DGAG PA DANG, RTZA BA SHES RAB KYI RIGS PAS DGAG PA GNYIS LAS, DANG PO NI, 'DIR 'GREL PA MDZAD PA NI BUDDHA P'A LI TA YIN PAS DE'I RIGS PAS 'GOG PA'I DON YIN NO, ,'DI LA THOG MAR BDAG SKYE 'DOD PA'I PHYOGS SNGA MA'I LUGS CUNG ZAD BRJOD NA, SKABS 'DIR BDAG SKYE KHAS LEN PA PO NI GRANGS CAN YIN LA, DE YANG DRANG SRONG SER SKYA'I RJES SU 'BRANG BAS SER SKYA PA DANG, SHES BYA LA NYER LNGAR GRANGS NGES PAR 'DOD PAS GRANGS CAN DANG, DE'I SGO NAS DNGOS PO'I DE KHO NA NYID RTOGS PAR 'DOD PAS GSAL BYED PA ZHES KYANG BYA LA, SHES BYA NYER LNGA NI KHO RANG GI GZHUNG LAS, RTZA BA'I RANG BZHIN RNAM PAR 'GYUR MIN LA, ,CHEN PO SOGS BDUN RANG BZHIN RNAM 'GYUR ZHING, ,BCU DRUG PO NI RNAM PAR 'GYUR BA STE,, SKYES BU RANG BZHIN MA YIN RNAM 'GYUR MIN, ,ZHES PA RNAMS TE, DE LA RGYU KHO NA YIN PA, 'BRAS BU KHO NA YIN PA, RGYU 'BRAS GNYIS KA YIN PA, GNYIS KA MA YIN PA STE MU BZHI LAS, DANG PO NI, SPYI, GTZO BO, RANG BZHIN ZHES PA'I MING GI RNAM GRANGS CAN DE NYID DANG, GNYIS PA NI, DBANG PO BCU DRUG DANG DE TZAM LNGA STE RNAM 'GYUR BCU DRUG GO ,GSUM PA NI, BLO'AM CHEN

054a

, ,PO DANG NGA RGYAL SOGS BDUN NO, ,BZHI PA NI, BDAG SHES RIG SKYES BU ZHES MING GI RNAM GRANGS CAN DE LA 'DOD LA, DES NA GTZO BO NI 'BRAS BU THAMS CAD KYI RANG BZHIN DANG RGYU'I NUS PA'I NGO BOR MI GSAL BA'I TSUL GYIS YOD PAR 'DOD PAS MYU GU LA RGYU SA BON GYI RANG BZHIN DANG, 'BRAS BU MYU GU GNYIS RANG BZHIN NAM BDAG NYID GCIG PA DANG, MYU GU'I RANG BZHIN DE NYID SA BON GYI GNAS SKABS NA YOD PAR 'DOD LA, 'BRAS BU THAMS CAD RANG RANG GI RGYU'I BDAG NYID DU YOD PA KHO NAR SKYE BA YIN TE, RGYU'I BDAG NYID DU MED BZHIN DU SKYE NA RI BONG GI RVA YANG SKYE BAR 'GYUR RO, ,ZHES SMRA'O, 'DI 'GOG PA LA 'DIR, DE NI DE LAS 'BYUNG NA ZHES SOGS DANG, SLOB DPON SANGS RGYAS BSKYANGS KYI BDAG SKYE 'GOG PA'I RIGS PA RNAMS GNAD GCIG PAS DE BSHAD PA LA, TSIG GSAL DU RANG LUGS DANG, GZHAN LUGS GNYIS LAS, DANG PO NI, 'THAD PA GANG GIS ZHES PA NAS, DBU MA LA 'JUG PA SOGS KYI SGO NAS NGES PAR BYA'O ZHES ZLA BA GRAGS PA RANG NYID KYI RIGS PA DANG, SLOB DPON SANGS RGYAS BSKYANGS KYIS KYANG ZHES SOGS KYI SLOB DPON GYI LUGS 'GOD PAR MDZAD DE, DE YANG TSIG GSAL LAS, SLOB DPON SANGS RGYAS BSKYANGS KYIS KYANG, DNGOS PO RNAMS BDAG LAS SKYE BA MED DE, DE DAG GI SKYE BA DON MED PA NYID DU 'GYUR BA'I PHYIR DANG, SHIN TU THAL BAR 'GYUR BA'I PHYIR RO, ,DNGOS PO BDAG GIS BDAG NYID DU YOD PA RNAMS LA NI YANG SKYE BA LA DGOS PA MED DO, ,CI STE YOD KYANG SKYE NA NAM YANG MI SKYE BAR MI 'GYUR RO, ,ZHES GSUNGS

054b

SO ZHES BSHAD LA, DE'I DON NI, SLOB DPON SANGS RGYAS BSKYANGS KYIS KYANG DNGOS PO RNAMS BDAG LAS SKYE BA MED DE, ZHES DAM BCA' BRJOD NAS, DE BSGRUB PA NA, GRANGS CAN LA 'GAL BA BRJOD PA'I THAL 'GYUR GYI SGO NAS BDAG SKYE YOD PA LA GNOD PA STON PA NI, PHYI NANG GI DNGOS PO DE DAG CHOS CAN, KHYOD KYI SKYE BA DON MED PA NYID DU 'GYUR BAR THAL, RANG GI BDAG NYID DU RGYU'I DUS NA RDZOGS PAR GRUB ZIN PA'I PHYIR, DE LA MA KHYAB NA, DE CHOS CAN, SHIN TU THAL BAR 'GYUR BA DE KHYOD KYI SKYE BA THUG MED DU THAL, SKYES ZIN SLAR YANG RGYU LAS SKYE DGOS PA'I PHYIR, RTAGS GNYIS GRANGS CAN GYIS KHAS BLANGS ZHES PA NI 'GREL TSIG DANG PO GNYIS KYI DON DANG, PHYI MA GNYIS NI RGYAS PAR 'CHAD PA STE, DNGOS PO BDAG GI BDAG NYID DU ZHES SOGS KYI DON NI, DNGOS PO RNAMS LA NI CHOS CAN, YANG RGYU RKYEN LAS SKYE BA LA DGOS PA MED PAR THAL, RGYU'I DUS SU BDAG GI BDAG NYID YOD PA'I PHYIR, DE LA MA KHYAB NA, CI STE SOGS TE, DE CHOS CAN, NAM YANG MI SKYE BAR MI 'GYUR BAR THAL, RGYU'I BDAG NYID DU YOD KYANG SLAR YANG SKYE BA'I PHYIR, ZHES PA STE, DON BSDU NA, MYU GU CHOS CAN, SLAR YANG SA BON LAS SKYE BA DON MED DU THAL, SA BON GYI BDAG NYID DU GRUB ZIN PA'I PHYIR, ZHES PA, 'GREL TSIG DANG PO BSTAN BSHAD GNYIS KYI DON DANG, DE LA MA KHYAB NA, DE CHOS CAN, KHYOD KYI SKYE BA THUG MED DU THAL, RGYU DUS SU RDZOGS PAR GRUB ZIN SLAR YANG SA BON LAS SKYE BA YON YOD PA'I PHYIR, ZHES PA NI 'GREL TSIG PHYI MA BSTAN BSHAD GNYIS KYI DON TE, SLOB DPON SANGS RGYAS

055a

, ,BSKYANGS DANG DPAL LDAN ZLA BA GNYIS KA'I DGONGS PA GCIG PA'I BDAG SKYE 'GOG PA'I RIGS PA'O,, GNYIS PA LA GNYIS, GZHAN LA SKYON BRJOD PAR MI 'THAD PAR BSTAN, RANG LUGS BZHAG PA MI 'THAD PAR BSTAN PA'O,, DANG PO LA GNYIS, GZHAN GYI SKYON BRJOD PA'I TSUL DANG, DE RANG LA MI 'JUG PA'I RGYU MTSAN NO,, DANG PO NI TSIG GSAL LAS, 'DI LA KHA CIG GIS, DE NI RIGS PA MA YIN TE, GTAN TSIGS DANG, DPE MA BRJOD PA'I PHYIR DANG, GZHAN GYIS SMRAS PA'I NYES PA MA BSAL BA'I PHYIR RO, ,THAL BAR 'GYUR BA'I TSIG YIN PA'I PHYIR SKABS KYI DON LA BZLOG PAS BSGRUB PAR BYA BA DANG, DE'I CHOS BZLOG PA'I DON MNGON PAS, DNGOS PO RNAMS GZHAN LAS SKYE BAR 'GYUR BA DANG, SKYE BA 'BRAS BU DANG BCAS PA NYID DU 'GYUR BA DANG, SKYE BA THUG PA YOD PAR 'GYUR BA'I PHYIR GRUB PA'I MTHA' DANG 'GAL BAR 'GYUR ZHES SKYON SMRAS TE, ZHES GSUNGS LA, DE'I DON NI, SLOB DPON SANGS RGYAS BSKYANGS KYIS BDAG SKYE 'GOG PA'I TSIG 'DI LA, LEGS LDAN 'BYED SOGS KHA CIG GIS SNGAR GYI TSIG DE NI RIGS PA MA YIN TE, BDAG SKYE 'GOG NUS KYI GTAN TSIGS DANG DPE BRJOD DGOS PA LAS MA BRJOD PA'I PHYIR DANG, GZHAN GRANGS CAN GYIS KHYOD KYI BDAG GI BDAG NYID LAS SKYE BA MED CES PA 'DI, 'BRAS DUS MNGON GSAL GYI MYU GU LTA BU LA 'DOD DAM, RGYU DUS MI GSAL BA'I MYU GU LTA BU LA 'DOD BRTAG DRANG NA, DANG PO LTAR NA MI RIGS TE, 'BRAS DUS MNGON GSAL GYI MYU GU SLAR YANG SKYE DGOS PAR MI 'DOD PAS GRUB ZIN BSGRUBS PAR 'GYUR

055b

LA; GNYIS PA LTAR NA KHYAB PA 'GAL BAR 'GYUR BAS DE LTA BU'I NYES PA GSAL (BSAL) DGOS PA LAS MA BSAL BA'I PHYIR, THAL BAR 'GYUR BA'I TSIG YIN PA'I PHYIR ZHES PA LA, SHES RAB SGRON MER, GLAGS YOD PA'I TSIG YIN PA'I PHYIR, ZHES 'BYUNG LA, GZHAN YANG KHYOD KYI DE MI RIGS TE, GZHAN GYI KLAN KA'I GLAGS DANG BCAS PA'I TSIG YIN PA'I PHYIR, GLAGS JI LTAR YOD NA, DNGOS ZIN LTAR SPYIR SKYE BA DON MED DANG THUG MED TZAM RTAGS SU BYED NA PHYOGS CHOS MI 'GRUB LA, BDAG LAS SKYE NA, SKYE BA DON MED DANG THUG MED 'GYUR BA RTAGS SU 'GOD NA, PHYOGS CHOS GRUB NA BSGRUB BYA GRUB PAR 'GYUR BA DANG, 'GYUR BA'I PHYIR ZHES PA'I TSIG GI NUS PA LAS, MYU GU BDAG LAS SKYE NA SKYE BA DON MED DANG THUG MED DU 'GYUR BA LAS, SKYE BA DON BCAS DANG THUG BCAS YIN PA'I PHYIR ZHES THON PAS DNGOS ZIN GYI RTAGS DE NYID LOG NAS SKYE BA DON BCAS DANG THUG BCAS RTAGS SU 'GOD PAR MNGON LA, DE LTA NA DNGOS ZIN GYI DAM BCA' YANG BZLOG DGOS SHING, DE LA RTAGS SKYE BA DON MED DANG THUG MED LOG NAS SKYE BA DON BCAS DANG THUG BCAS SU 'GYUR BA LTAR BDAG LAS SKYE BA MED DE, ZHES PA LOG NAS GZHAN LAS SKYE STE ZHES BYAR MED PAS BDAG SKYE RNAM PAR BCAD TZAM DE LOG NAS, MA YIN DGAG CIG BSGRUB PA'I CHOS SU 'GYUR LA, MYU GU SKYE BA DON BCAS DANG THUG BCAS SU KHAS BLANGS PAS MYU GU SKYE BAR KHAS BLANGS, BDAG SKYE DNGOS SU BKAG CING, SKYE BA LA BDAG SKYE DANG GZHAN SKYE GNYIS SU KHA TSON CHOD PAS CHOS GZHAN GZHAN SKYE LTA BU 'PHANGS PAR 'GYUR LA,

056a

, ,DE LTAR NA BDAG SKYE MED PAR BSGRUB PA'I DAM BCA' MED DGAG TZAM DU 'DOD PA'I RANG GI GRUB PA'I MTHA' DANG 'GAL BAR 'GYUR RO, ,ZHES SKYON BRJOD PAR MDZAD DE, LEGS LDAN GYIS SANGS RGYAS BSKYANGS RANG RGYUD MI BZHED PA MA DGONGS SHING, SNGAR GYI SANGS RGYAS BSKYANGS KYI 'GREL TSIG DE DAG GIS KYANG 'GAL BRJOD KYI THAL 'GYUR GYI SGO NAS BDAG SKYE BKAG PA MA DGONGS PAR BDAG SKYE 'GOG BYED KYI SBYOR NGAG BSTAN PA GZHIR BYAS NAS SKYON DE LTAR BZUNG BA YIN LA, LEGS LDAN GYI DGONGS PA LA RANG DANG MTHUN PAR SANGS RGYAS BSKYANGS KYANG GZHAN SKYE THA SNYAD DU BZHED PA GZHIR BZHAG NAS SKYE BA LA BDAG SKYE DANG GZHAN SKYE GNYIS SU KHA TSON CHOD PAR YANG GSUNGS SO,, GNYIS PA LA GNYIS, SKYON DANG PO GNYIS MI 'JUG PA'I TSUL DANG, GSUM PA MI 'JUG PA'I TSUL LO,, DANG PO LA RANG RGYUD KYI DBANG DU BYAS PA'I SKYON MED TSUL DANG, GZHAN GRAGS KYI DBANG DU BYAS PA'I SKYON MED TSUL GNYIS, DANG PO LA GSUM LAS, RANG RGYUD KYI GTAN TSIGS BRJOD PA LA DGOS PA MED PAR BSTAN PA NI, TSIG GSAL LAS, SKYON 'DI DAG THAMS CAD NI RIGS PA MA YIN PAR KHO BO CAG GIS MTHONG NGO ZHES LEGS LDAN GYIS SLOB DPON SANGS RGYAS BSKYANGS LA SKYON BRJOD PA 'DI DAG THAMS CAD NI RIGS PA MA YIN PAR KHO BO CAG GIS MTHONG NGO ZHES MTSAMS SBYAR NAS, MI RIGS PA'I TSUL JI LTAR ZHE NA, TSIG GSAL LAS, DE LA RE ZHIG GTAN TSIGS DANG DPE MA BRJOD PA'I PHYIR DANG, ZHES GANG SMRAS PA DE NI MI RIGS SO, ,CI'I PHYIR ZHE NA, GANG GI PHYIR BDAG

056b

LAS ZHES BYA BA NI YOD PA RGYU NYID DANG, DE NYID SKYE'O ZHES SMRAS PA YIN LA, YOD PA NI YANG SKYE BA LA DGOS PA MA MTHONG ZHING THUG PA MED PAR YANG MTHONG LA, KHYOD KYIS SKYES PA SLAR YANG SKYE BAR MI 'DOD CING THUG PA MED PAR YANG MI 'DOD DO, ,DE'I PHYIR KHYED CAG GI RTZOD PA NI 'THAD PA DANG BRAL BA DANG, RANG GIS KHAS BLANGS PA DANG 'GAL BA YIN NO ZHES PHA ROL PO BDAG LAS SKYE BAR 'DOD PA LA 'DRI BAR BYED PA YIN TE, GANG LAS GTAN TSIGS DANG DPE BKOD PA 'BRAS BU DANG BCAS PAR 'GYUR BA 'DI TZAM ZHIG GIS BRTZAD PA NA CI PHA ROL PO KHAS LEN PAR MI BYED DAM ZHES GSUNGS LA, DE'I DON CUNG ZAD BSHAD NA, DE LA RE ZHIG SLOB DPON SANGS RGYAS BSKYANGS LA GTAN TSIGS DANG DPE MA BRJOD PA'I PHYIR ZHES SKYON DU SMRA BA MI RIGS SO, ,CI'I PHYIR ZHE NA, RGYU MTSAN GANG GI PHYIR GRANGS CAN PAS BDAG LAS SKYE'O ZHES BYA BA'I DON NI, 'BRAS DUS SU YOD PA'I RANG BZHIN NI, GTZO BO 'BRAS BU'I RGYU NYID DANG, RGYU DUS SU YOD PA'I MYU GU DE NYID SLAR YANG SA BON LAS SKYE'O ZHES SMRA BA YIN LA, DE LTAR NA, MYU GU CHOS CAN, SA BON LAS SLAR YANG SKYE BA LA DGOS PA MA MTHONG BAR THAL, RGYU'I BDAG NYID DU YOD PA'I PHYIR, DE LA MA KHYAB NA, KHYOD KYI SKYE BA THUG PA MED PAR YANG MTHONG BAR THAL, RANG GI NGO BO GRUB ZIN SLAR YANG SKYE DGOS PA'I PHYIR, ZHES SMRAS PA NA, GRANGS CAN KHYOD KYIS SKYES ZIN PA RNAMS SLAR YANG SKYE BAR MI 'DOD CING SKYE BA THUG PA MED PAR YANG MI 'DOD DO, ,DE'I PHYIR GRANGS CAN KHYED CAG GIS BDAG SKYE YOD CES BSGRUB CING SANGS RGYAS PA LA RTZOD PAR BYED PA NI

057a

, ,RIGS PA'I 'THAD PA DANG BRAL BA DANG, RANG GIS KHAS BLANGS DANG YANG 'GAL BA YIN TE, BDAG SKYE YOD PA LA SGRUB BYED RNAM DAG MED PA'I PHYIR DANG, SKYES ZIN SKYE BAR MI 'DOD PA DANG, RGYU'I BDAG NYID DU YOD PA SKYE BAR KHAS LEN PA GNYIS 'GAL BA'I PHYIR ZHES PHA ROL PO BDAG LAS SKYE BAR 'DOD PA LA NGAG 'JAM PO'I SGO NAS 'DRI BAR BYED PA YIN TE, DE LTAR NA RGYU MTSAN GANG LAS BDAG SKYE 'GOG BYED KYI GTAN TSIGS DANG PO BKOD PA LA 'BRAS BU LHAG PO DANG BCAS PAR 'GYUR BA MED PAR THAL, GONG DU BSTAN PA'I 'GAL BRJOD KYI THAL 'GYUR 'DI DAG TZAM ZHIG GIS BRTZAD PA NA, PHA ROL PO GRANGS CAN GYI CI'I PHYIR BDAG SKYE MED PAR KHAS LEN PAR MI BYED DAM STE BYED NUS PA'I PHYIR, GNYIS PA NUS PA MED PAR BSTAN PA NI; TSIG GSAL LAS, 'ON TE PHA ROL PO RANG GIS KHAS BLANGS PA DANG 'GAL BAS BRTZAD PAS KYANG MI BZLOG NA NI DE'I TSE NGO TSA MED PA NYID KYIS GTAN TSIGS DANG DPE GNYIS KYIS KYANG BZLOG PAR MI 'GYUR BA NYID DO, ,KHO BO CAG NI SMYON PA DANG LHAN CIG RTZOD PA YANG MA YIN NO, ,DE'I PHYIR SLOB DPON NI GNAS MA YIN PAR YANG RJES SU DPAG PA 'TSANG BAR BYED PA NA BDAG NYID RJES SU DPAG PA LA DGA' BA NYID MNGON PAR BYED PA YIN NO, ,ZHES TE, DON NI, 'ON NI, 'ON TE PHA ROL PO GRANGS CAN RANG GIS KHAS BLANGS PA DANG 'GAL BA BSTAN PA'I THAL 'GYUR GYI SGO NAS BRTZAD PAS KYANG BDAG SKYE YOD PAR 'DZIN PA'I LOG RTOG MI BZLOG CING BDAG SKYE MED PAR KHAS MI LEN NA, GTAN TSIGS DANG DPE GNYIS KYIS KYANG LOG RTOG DE BZLOG PAR MI

057b

'GYUR BA NYID YIN PAR THAL, DE'I TSE PHYI RGOL NGO TSA MED PA NYID KYIS BSNYON 'DINGS PAR ZHUGS PA GANG ZHIG ,KHO BO CAG NI DNGOS SU SMYON PA DANG LHAN CIG TU RTZOD PA YANG MA YIN PA'I PHYIR, RGYU MTSAN DE'I PHYIR SLOB DPON LEGS LDAN NI BDAG NYID RANG RGYUD KYI RJES SU DPAG PA LA DGA' BA NYID TZAM ZHIG MNGON PAR GSAL BAR BYED PA YIN TE, BDAG SKYE 'GOG PA 'GAL BRJOD KYI THAL 'GYUR GYIS NUS BZHIN DU YANG GNAS MA YIN PA GTAN TSIGS DANG DPE BRJOD DGOS SO ZHES RJES SU DPAG PA DGOS PA MED BZHIN DU 'TSANG BAR BYED PAS NA'O, ,GSUM PA KHAS LEN MI RIGS PAR BSTAN PA NI, TSIG GSAL LAS, DBU MA PA YIN NA NI RANG RGYUD KYI RJES SU DPAG PAR BYA BA RIGS PA MA YIN TE, PHYOGS GZHAN KHAS BLANGS PA MED PA'I PHYIR RO; ;ZHES SO, ,GZHAN YANG, DBU MA PA YIN NA RANG RGYUD KYI RJES DPAG DANG DE'I RTEN GTAN TSIGS LA SOGS PA KHAS LEN PAR RIGS PA MA YIN TE, RANG RGYUD KYI GTAN TSIGS NI TSUL GSUM RTOGS PAS BTAGS PA TZAM MA YIN PAR GTAN TSIGS DE'I YUL GYI STENG DU GRUB PA ZHIG LA 'DOD LA, DBU MA PAS RANG BZHIN GYIS GRUB PA'I PHYOGS BZHIN KHAS BLANGS PA DON MED PA'I PHYIR RO, ,ZHES BSHAD NAS, DE'I SHES BYED DU 'PHAGS PA LHAS, YOD DANG MED DANG YOD MED CES, ,ZHES SOGS DANG, RTZOD BZLOG LAS, GAL TE NGAS DAM BCAS 'GA' YOD, ,CES SOGS DRANGS TE, DE DAG GIS KYANG DBU MA PA LA RANG GI MTSAN NYID KYIS GRUB PA'I DAM BCA' DANG GTAN TSIGS SOGS MED PAR STON PA YIN LA, BOD MANG PO ZHIG 'DI TZAM

058a

, ,LA'ANG 'KHRUL NAS THAL 'GYUR BA RANG LUGS LA DAM BCA' DANG KHAS LEN SOGS MED CES SMRA NA YANG, DE DAG 'GOG TSUL, RJE YAB SRAS KYIS RGYAS PAR BSTAN ZIN PAS MA SPROS SO, ,DE NAS TSIG GSAL LAS, GANG GI TSE DE LTAR DBU MA PAS RANG RGYUD KYI RJES SU DPAG PA MI BRJOD PA YIN PA DE'I TSE ZHES PA NAS, DE'I LAN BRJOD PAR BYA BA MA YIN NO ZHES PA'I BAR GYI DON NI, GANG GI TSE SNGAR BSHAD PA DE LTAR DBU MA PAS RANG RGYUD KYI GTAN TSIGS SKABS 'DIR MI BRJOD PA DE'I TSE GRANGS CAN GYIS KHYOD KYI DAM BCA'I DON BDAG LAS SKYE BA MED CES PA 'DI 'BRAS BUS MNGON GSAL GYI MYU GU LA 'DOD NA GRUB ZIN LA, RGYU DUS MI GSAL BA'I MYU GU LA 'DOD NA KHYAB PA 'GAL TE, SKYE BA THAMS CAD RGYU'I DUS NA YOD PA KHO NA SKYE BA'I PHYIR ZHES PA LTA BU'I GZHAN GYIS SMRAS PA'I NYES PA BSAL DGOS PA MIN TE SLOB DPON SANGS RGYAS BSKYANGS KYIS, MIG SOGS NANG GI SKYE MCHED RNAMS CHOS CAN, DON DAM PAR NA BDAG LAS SKYE BA MED DE, YOD PA'I PHYIR, ZHES PA LTA BU'I RANG RGYUD KYI RTAGS KHAS BLANGS NA, DE 'DRA'I BRTAG PA 'JUG NA YANG, SANGS RGYAS BSKYANGS KYIS RANG RGYUD KYI GTAN TSIGS KHAS BLANGS PAS DE'I LAN BRJOD PAR BYA BA MA YIN NO ZHES PA STE 'GREL TSIG TSANG BAR MA DRANGS SO, ,MDOR BSDU NA, SANGS RGYAS BSKYANGS KYIS RANG RGYUD KYI GTAN TSIGS LA GZHAN GYIS SMRAS PA'I NYES PA MA BSAL BA'I CHA NAS SKYON MED DE, RANG RGYUD KHAS MA BLANGS PA'I PHYIR ZHES PA'O,, GNYIS PA GZHAN GRAGS KYI DBANG DU BYAS PA'I SKYON MED TSUL LA, GZHAN GRAGS KYI

058b

GTAN TSIGS MA BRJOD PA'I SKYON MED PA'I TSUL DANG, DE LA NYES PA MA BSAL BA'I CHA NAS SKYON MED TSUL GNYIS LAS, DANG PO LA, GZHAN GRAGS NGES PAR BRJOD MI DGOS PAR BSTAN PA DANG, BRJOD DGOS NA YANG SLOB DPON SANGS RGYAS BSKYANGS KYIS DE'I GTAN TSIGS BSHAD PA'I TSUL LA GNYIS LAS, DANG PO NI TSIG GSAL LAS, CI STE YANG DBU MA PA RNAMS KYI LTAR NA ZHES PA NAS, DE MA BRJOD PA'I PHYIR DANG, DE'I NYES PA MA BSAL BA'I PHYIR NYES PA DE NYID DU 'GYUR RO SNYAM NA, ZHES PA'I BAR GYI DON NI, DE LA SLOB DPON LEGS LDAN 'BYED NA RE, RANG RGYUD KYI GTAN TSIGS KHAS MI LEN PAS SKABS 'DIR BDAG SKYE 'GOG PA LA RANG RGYUD KYI DPE RTAGS MI BRJOD KYANG DE 'GOG NUS KYI GZHAN GRAGS KYI DPE DANG GTAN TSIGS BRJOD DGOS PA LAS DE MA BRJOD PA'I PHYIR DANG, DE LA GZHAN GYIS SMRAS PA'I NYES PA BSAL DGOS PA LAS MA BSAL BA'I PHYIR, SNGAR GYI SKYON SO NA GNAS SO ZHE NA, ZHES PA YIN LA, DE'I LAN LA GZHAN GRAGS NGES PAR BRJOD MI DGOS PAR BSTAN PA NI, TSIG GSAL LAS, BSHAD PAR BYA STE ZHES PA NAS, 'DIR RJES SU DPAG PAS GNOD PA BRJOD PA DGOS PA GO CI ZHIG YOD CES PA'I BAR TE, DON BSDU NA, 'DIR BDAG SKYE 'GOG PA LA DE 'GOG NUS KYI GZHAN GRAGS KYI GTAN TSIGS MA BRJOD PA'I CHA NAS KYANG SANGS RGYAS BSKYANGS LA SKYON YOD PA MA YIN TE, BDAG SKYE 'GOG PA LA DE NGES PAR BRJOD MI DGOS PA'I PHYIR TE, GRANGS CAN LA BDAG SKYE YOD PA'I SGRUB BYED RNAM DAG MED PA NYID 'DI'I SUN 'BYIN YIN PAS, 'DIR RJES SU DPAG

059a

, ,PA'I GNOD PA BRJOD PA LA DGOS PA CI YOD DE MED PA'I PHYIR ZHES PA YIN LA, GNYIS PA NI, DE NYID LAS, CI STE YANG RANG GI RJES SU DPAG PAS 'GAL BA GDON MI ZA BAR BRJOD PAR BYA BA YIN NO, ,ZHE NA, DE YANG SLOB DPON SANGS RGYAS BSKYANGS KYIS BRJOD PA NYID YIN NO ZHES PA NAS, SKYE BA YOD PA MA YIN NO ZHES PA'I BAR GYI, SANGS RGYAS BSKYANGS KYIS GZHAN GRAGS KYI GTAN TSIGS NGES PAR BRJOD DGOS NA YANG BRJOD PA YIN TE, SANGS RGYAS BSKYANGS KYIS BDAG SKYE 'GOG PA'I TSIG ,DNGOS PO BDAG GI BDAG NYID LAS SKYE BA MED DE, DE DAG GI SKYE BA DON MED PA NYID DU 'GYUR BA'I PHYIR DANG, ZHES PA'I 'GREL TSIG DANG PO BSTAN BSHAD GNYIS KYIS BDAG SKYE 'GOG NUS KYI GZHAN GRAGS KYI GTAN TSIGS BSTAN PA'I PHYIR, 'O NA DE BSTAN PA'I GZHAN GRAGS KYI RTAGS SBYOR DE JI LTA BU ZHE NA, MYU GU CHOS CAN, GRUB ZIN SLAR YANG SA BON LAS MI SKYE STE, YOD PA'I PHYIR, DPER NA MNGON GSAL GYI MYU GU BZHIN ZHES PA'O, ,'DI YANG DENG SANG BA RNAMS DANG BSTUN NAS SKYON CHOD PA DANG THA SNYAD ZOR YANG BA'I CHED DU YIN GYI, 'DIR DGONGS PA NI, GRANGS CAN GYIS SA BON GYI DUS NA YOD PAR 'DOD PA'I MYU GU CHOS CAN, SLAR YANG SA BON LAS MI SKYE STE, YOD PA'I PHYIR, DPER NA GRANGS CAN PA DAG GI MDUN NA GNAS PA'I MNGON GSAL GYI BUM PA BZHIN ZHES 'GOD PAR BYA BA YIN LA, DE LTAR NA ZHES PA NAS, CI STE BRJOD PAR BYED CES PA'I BAR GYI DON NI, LEGS LDAN GYIS SLOB DPON SANGS RGYAS BSKYANGS LA RANG RGYUD KYI GTAN TSIGS KHAS MI LEN PAS

059b

DE MI BRJOD NA YANG GRANGS CAN RANG LA GRAGS PA'I GTAN TSIGS DANG DPE MA BRJOD PA'I PHYIR NYES PAR 'GYUR RO, ,ZHES CI STE BRJOD PAR BYED DE BYED MI RIGS PAR THAL, GONG DU BKOD MA THAG PA'I GTAN TSIGS NYE BAR SBYAR BAS GRANGS CAN RANG LA GRAGS PA'I SBYOR BA'I NGAG GSAL BAR BYAS PA YANG DAG LAS SKYE BA DGAG PA LA MI 'KHRUL BA'I GTAN TSIGS YOD PA NYID GTAN TSIGS DANG, MNGON GSAL GYI BUM PA MTHUN DPER BYAS NAS GRANGS CAN LA RANG NYID LA GRAGS PA'I RJES SU DPAG PAS 'GAL BA BRJOD PAR MDZAD PA YIN TE YIN PA'I PHYIR, GNYIS PA NI, DE LA GZHAN GYIS SMRAS PA'I NYES PA MA BSAL BA'I CHA NAS SKYON YOD PA MA YIN TE, GRANGS CAN PA DAG MNGON GSAL GYI BUM PA SLAR YANG GSAL BAR BYED DGOS PAR MI 'DOD PA DE NYID 'DIR MTHUN DPE DANG RGYU'I NUS PA'I NGO BOR GYUR CING MNGON PAR GSAL BA MA YIN PA'I BUM PA SLAR YANG SKYE BA DGAG PA BSGRUB PAR BYAS NAS YOD PA RTAGS SU BKOD, GZHAN GYIS SMRAS PA'I DE LA NYES PA BSAL MI DGOS PA'I PHYIR, ZHES PA NI GZHAN GYIS SMRAS PA'I NYES PA MA BSAL BA YANG MA YIN NO ZHES PA NAS, DE'I PHYIR SUN 'BYIN PA 'DI DAG NI 'BREL BA MED PA NYID DO ZHES SHES PAR BYA'O, ,ZHES PA'I BAR GYI DON DE RTOGS PAR SLA'O, ,DE NAS BUM PA LA SOGS PA ZHES PA NAS, CUNG ZAD KYANG MI SRID DO ZHES PA'I BAR NI DE LAS 'PHROS PA'I DON NO, ,SKYON GSUM PA MED TSUL NI, ,THAL BAR 'GYUR BA BZLOG PA'I DON DANG YANG PHA ROL PO NYID 'BREL BA YIN GYI KHO BO CAG LA NI MA YIN TE, RANG LA DAM BCA' BA MED PA'I

060a

, ,PHYIR RO, ,ZHES SOGS KYI DON NI, ,DE YANG SNGAR BSHAD PA LTAR DNGOS SU BKOD TSOD DE NI SANGS RGYAS BSKYANGS KYIS 'GAL BRJOD KYI THAL 'GYUR MDZAD PA YIN GYI, BDAG SKYE 'GOG PA'I SBYOR BA MA YIN ZHING, RANG RGYUD KYI GTAN TSIGS KYANG MI BZHED PAS, DE DAG GI BZLOG DON 'PHANGS PA'I SGO NAS SANGS RGYAS BSKYANGS LA SKYON 'JUG PA MED DE, LEGS LDAN GYIS BZLOG DON 'PHEN DGOS PAR BSHAD PA'I SBYOR BA NI SANGS RGYAS BSKYANGS KYI DGONGS PA MIN PA'I PHYIR, 'O NA SNGAR GYI 'GAL BA BRJOD PA'I THAL 'GYUR DE'I BZLOG DON KHAS LEN DGOS PAR MTSUNGS SO SNYAM NA, MYU GU CHOS CAN, SLAR YANG SKYE BA DON MED DU THAL, RGYU DUS SU RDZOGS PAR GRUB ZIN PA'I PHYIR, DE LA MA KHYAB NA, DE CHOS CAN, SLAR YANG SKYE BA THUG MED DU THAL, RGYU DUS SU GRUB ZIN SLAR YANG SKYE DGOS PA'I PHYIR ZHES PA'I THAL BAR 'GYUR BA BZLOG PA'I DON DANG PHA ROL PO GRANGS CAN PA NYID 'BREL BA YIN GYI KHO BO CAG LA NI 'BREL BA MA YIN TE, RANG LA SLAR YANG SKYE BA DON BCAS DANG THUG BCAS KYI DAM BCA' DANG KHAS LEN MED PA'I PHYIR, DES NA KHO BO CAG LA THAL 'GYUR GYI BZLOG DON KHAS BLANGS PA'I SGO NAS GRUB MTHA' DANG 'GAL BA GA LA YOD DE MED PAR THAL, RGYU MTSAN GONG DU BSHAD MA THAG PA DE'I PHYIR, ZHES PA DANG, THAL BA LAS BZLOG PA BSGRUBS PAS ZHES PA NAS, GA LA YOD CES PA'I BAR GYI DON NI RGYU MTSAN GANG LAS THAL 'GYUR GYI BZLOG DON KHAS BLANGS PA'I SGO NAS SKYON DU 'GYUR RO ZHES SLOB DPON SANGS RGYAS BSKYANGS LA GZHAN GYI GLAGS RNYED PAR 'GYUR BA GA LA YOD

060b

DE MED PAR THAL, THAL BA LAS BZLOG PA BSGRUBS PAS PHA ROL PO GRANGS CAN LA NYES PA MANG PO JI TZAM DU 'GYUR BA DE TZAM NI KHO BO CAG SNGA RGOL MNGON PAR 'DOD PA KHO NA YIN PA'I PHYIR, DE NAS RANG BZHIN MED PAR SMRA BAS ZHES PA NAS, YOD PA MA YIN NO ZHES PA'I BAR GYI DON NI, RANG BZHIN MED PAR SMRA BA'I DBU MA PAS DNGOS PO RANG BZHIN DANG BCAS PAR SMRA BA GRANGS CAN NAM, DNGOS SMRA BA SOGS LA 'GAL BA BRJOD PA'I THAL BA BSGRUBS PAS TE 'PHANGS PA NA THAL BA LAS BZLOG PA'I DON NGES PAR KHAS LEN DGOS PAR GA LA 'GYUR TE MI 'GYUR BAR THAL, SGRA RNAMS NI DBYIG PA CAN DANG ZHAGS PA CAN BZHIN DU SMRA BA PO RANG DBANG MED PAR BYED PA MA YIN GYI, SMRA BA PO'I BRJOD 'DOD KYI RJES SU BYED KYI SMRA BA PO MI 'DOD BZHIN DU BRJOD 'DOD THAMS CAD 'PHEN DGOS PA MA YIN PA'I PHYIR TE, DON DE STON PA'I NUS PA RANG LA JI LTAR YOD PA SMRA BA PO'I BRJOD 'DOD LTAR 'PHEN PA TZAM YIN PA'I PHYIR, DES NA SKABS 'DIR THAL BA BZLOG PA LAS GZHAN SKYE 'PHEN PA SOGS MI 'DOD BZHIN DU KHAS LEN DGOS PA'I DON CAN DU GA LA 'GYUR BAR YOD DE MED PAR THAL, DE LTAR THAL BA BSGRUBS PA NI PHA ROL PO GRANGS CAN GYIS BDAG SKYE YOD PAR DAM BCA' BA 'GOG PA TZAM GYI 'BRAS BU CAN YIN PA'I PHYIR RO, ,THAL 'GYUR GYI SGO NAS GZHAN GYI LOG RTOG 'GOG PA NI, SLOB DPON SANGS RGYAS BSKYANGS 'BA' ZHIG TU MA ZAD MGON PO KLU SGRUB YANG BZHED DE, RTZA SHE LAS, NAM MKHA'I MTSAN NYID SNGA ROL NA, ,ZHES SOGS DANG, GZUGS KYI RGYU NI MA GTOGS PAR, ,ZHES SOGS

061a

, ,DANG, DE BZHIN DU, MYA NGAN 'DAS PA DNGOS PO MIN, ,ZHES SOGS KYIS PHAL CHER THAL BA BSGRUB PA KHO NA'I SGO NAS GZHAN GYI PHYOGS GSAL BAR MDZAD PA'I PHYIR, GNYIS PA RANG LUGS GZHAG PA MI 'THAD PAR BSTAN PA NI, TSIG GSAL LAS, GZHAN YANG RTOG GE PA 'DIS BDAG NYID RTOG GE'I BSTAN BCOS LA SHIN TU MKHAS PA TZAM ZHIG BSTAN PAR 'DOD PAS DBU MA'I LTA BA KHAS LEN BZHIN DU'ANG RANG RGYUD KYI SBYOR BA'I NGAG BRJOD PA GANG YIN PA DE NI CHES SHIN TU NYES PA DU MA'I TSOGS KYI GNAS SU RTOGS TE ZHES GSUNGS NAS, SLOB DPON LEGS LDAN 'BYED RANG LUGS KYI BDAG SKYE 'GOG PA'I SBYOR NGAG NGOS 'DZIN PA NI DE'I DE MA THAG TU JI LTAR ZHE NA, DE LA RE ZHIG GANG 'DI SKAD DU 'DI SBYOR BA'I TSIG TU 'GYUR BA NI, DON DAM PAR NANG GI SKYE MCHED RNAMS BDAG LAS SKYE BA MED PAR NGES TE, YOD PA'I PHYIR, DPER NA, SHES PA YOD PA NYID BZHIN NO ZHES SMRAS PA YIN LA ZHES MIG SOGS NANG GI SKYE MCHED RNAMS CHOS CAN, DON DAM PAR BDAG LAS SKYE BA MED DE, YOD PA'I PHYIR, DPER NA SHES PA YOD PA NYID BZHIN ZHES PA'I LEGS LDAN RANG LUGS KYI SBYOR NGAG NGOS BZUNG NAS, DE 'GOG PA NI, 'DIR DON DAM PAR ZHES BYA BA'I KHYAD PAR CI'I PHYIR NYE BAR BKOD PA YIN ZHES SOGS RGYA CHER GSUNGS TE, 'DI DAG LAS BRTZAMS TE RANG RGYUD 'GOG PA'I TSUL DANG, DE YANG GTZO BOR CHOS CAN MTHUN SNANG BA 'GOG TSUL LA RAG LAS PAS DE CUNG ZAD BSHAD NA, 'DIR MIG SOGS DON DAM PAR BDAG LAS SKYE BA MED DE ZHES PA'I DON DAM GYI KHYAD PAR 'DI BSGRUB

061b

BYA'I CHOS LA SBYOR RAM, CHOS CAN GYI KHYAD PAR LA SBYOR, DANG PO LTAR BSGRUB BYA'I CHOS KYI KHYAD PAR LA SBYOR ZHE NA, 'DIR BDAG SKYE 'GOG PA LA DE 'DRA'I DON DAM GYI KHYAD PAR SBYOR MI RIGS TE, DE LTAR SBYAR BA LA SNGA RGOL RANG LA BLTOS NAS KYANG DGOS PA MED, PHYI RGOL GRANGS CAN LA BLTOS NAS KYANG DGOS PA MED, 'JIG RTEN RANG GA BA LA BLTOS NAS KYANG DGOS PA MED PA'I PHYIR, DANG PO GRUB STE, LEGS LDAN RANG NYID BDAG SKYE THA SNYAD DU YANG KHAS MI LEN PA'I PHYIR, GNYIS PA GRUB STE, MU STEGS NGAN PA'I LUGS DE BDEN PA GNYIS CHAR DU BKAG NA LEGS PA'I PHYIR, GSUM PA GRUB STE, 'JIG RTEN PA RNAMS RGYU LAS 'BRAS BU 'BYUNG BA'I RNAM GZHAG TZAM ZHIG BYED KYI BDAG LAS SKYE'AM GZHAN LAS SKYE ZHES DPYAD PA MI BYED PA'I PHYIR, ZHES PA NI, TSIG GSAL LAS, 'DIR DON DAM PAR ZHES BYA BA'I KHYAD PAR CI'I PHYIR NYE BAR BKOD PA YIN ZHES PA NAS, DON MED PA NYID DO ZHES BYA BAR NGES SO ZHES PA'I BAR GYIS BSHAD NAS, BRTAG PA GNYIS PA LTAR CHOS DANG CHOS CAN KHYAD PAR DU SBYOR BA 'GOG PA NI TSIG GSAL LAS, GZHAN YANG GAL TE KUN RDZOB TU SKYE BA DGAG PAR 'DOD NAS, ZHES PA MAN CHAD KYIS STON TE, BDAG SKYE 'GOG PA'I SKABS 'DIR MIG SOGS CHOS CAN DU 'DZIN NA, DON DE DON DAM PA'I MIG SOGS CHOS CAN DU 'DZIN NAM, KUN RDZOB PA'I MIG SOGS CHOS CAN DU 'DZIN NAM, DE GNYIS KA'I KHYAD PAR DOR BA'I MIG SOGS TZAM ZHIG CHOS CAN DU 'DZIN PA LAS GANG YIN, LEGS LDAN NA RE, DANG PO LTAR YIN NO ZHE NA, DE NI MI RIGS TE, DE LTA NA SNGA

062a

, ,RGOL RANG LA BLTOS TE CHOS CAN GZHI MA GRUB PA'I PHYOGS SAM, RTAGS KYI SKYON DU 'GYUR BA'I PHYIR TE, RANG GI DON DAM PA'I MIG SOGS MED PAR KHAS BLANGS PA'I PHYIR ZHES PA NI, TSIG GSAL LAS, GZHAN YANG GAL TE ZHES PA NAS, KHAS MA BLANGS PA'I PHYIR RO ZHES PA'I BAR GYI DON DANG, GNYIS PA LTAR NA YANG MI RIGS TE, GZHAN PHYI RGOL GRANGS CAN LA BLTOS NAS CHOS CAN GZHI MA GRUB PA'I SKYON DU 'GYUR BA'I PHYIR DANG, GZHAN YANG MIG SOGS KUN RDZOB PA RNAMS CHOS CAN, DON DAM PAR SKYE BA MED DE, ZHES BRJOD RIGS PA LAS DE LTAR YANG MA BRJOD PA'I PHYIR, ZHES PA NI, TSIG GSAL LAS, GAL TE KUN RDZOB TU ZHES PA NAS, 'DI NI MI RIGS SO ZHES PA'I BAR GYI DON NO, ,DE LA LEGS LDAN NA RE, SANGS RGYAS PAS BYE BRAG PA LA SGRA MI RTAG PAR BSGRUB PA LA 'BYUNG 'GYUR GYI KHYAD PAR DU BYAS PA'I SGRA CHOS CAN DU BZUNG NA BYE BRAG PA LA MA GRUB CING NAM MKHA'I YON TAN GYI KHYAD PAR DU BYAS PA'I SGRA CHOS CAN DU BZUNG NA SANGS RGYAS PA LA MA GRUB PAS, DE GNYIS KYI KHYAD PAR DOR BA'I SGRA TZAM CHOS CAN DU 'DZIN PA BZHIN DU 'DIR YANG, KUN RDZOB DANG DON DAM GYI KHYAD PAR DOR BA'I MIG SOGS TZAM ZHIG CHOS CAN DU 'DZIN PAS CHOS CAN MA GRUB PA'I NYES PA MED DO ZHE NA, ZHES PA NI, TSIG GSAL LAS, CI STE JI LTAR SGRA MI RTAG CES BYA BA LA CHOS DANG CHOS CAN GNYIS KYI SPYI NYID GZUNG BA YIN GYI KHYAD PAR NI MA YIN TE ZHES PA NAS, KHYAD PAR DOR BA'I CHOS CAN TZAM ZHIG 'DZIN PAR 'GYUR RO ZHE NA ZHES PA'I BAR GYI DON NO, ,DE 'GOG PA NI, TSIG GSAL LAS,

062b

'DI LTAR GANG GI TSE 'DIR SKYE BA BKAG PA BSGRUB BYA'I CHOS SU 'DOD PA DE'I TSE DE KHO NAR DE'I RTEN CHOS CAN PHYIN CI LOG TZAM GYI BDAG GI DNGOS PO RNYED PA NI NYAMS PAR GYUR PA 'DIS RANG NYID KYIS KHAS BLANGS PA NYID DO, ,PHYIN CI LOG DANG PHYIN CI MA LOG PA DAG NI THA DAD PA NYID DO, ,ZHES MDOR BSTAN NAS, DE'I PHYIR GANG GI TSE ZHES PA MAN CHAD KYIS RGYAS PAR BSHAD PA YIN PAS 'GREL TSIG 'DI NYID RTOGS DKA' BAS CUNG ZAD BSHAD NA, MIG DBANG TZAM DE YOD PA'I RTAGS KYI MIG DBANG DON DAM PAR MI SKYE BAR BSGRUB PA'I RANG RGYUD KYI RTEN CHOS CAN GNYIS KA LA GRUB PAR GZHAG TU MI RUNG STE, RGYU MTSAN 'DI LTAR SKABS 'DIR DON DAM PA'I SKYE BA BKAG PA BSGRUB BYA'I CHOS SU 'DOD PA DE'I TSE DE KHO NAR RTEN CHOS CAN MIG DBANG DE TZAM PA'I TSE RNYED PA MA YIN PAR YUL CAN PHYIN CI LOG TZAM GYI BDAG GI DNGOS PO YOD PAR RNYED PA NI MI RUNG BAR LEGS LDAN 'DI RANG NYID KYIS KHAS BLANGS PA'I PHYIR, KHYAB STE, DE LTA NA MIG DBANG DE YUL CAN PHYIN CI MA LOG PA MIG DBANG GI RANG BZHIN LA MA 'KHRUL BA'I RNYED DON DU 'DOD DGOS SHING, DE 'DOD NA, MIG DBANG GRANGS CAN GYI MIG SOGS 'JAL BA'I SHES PA PHYIN CI LOG DE'I YUL DU MED DGOS PA'I PHYIR TE, PHYIN CI LOG DANG PHYIN CI MA LOG PA'I SHES PA GNYIS KYI SNANG NGO NA YOD PA'I YUL GNYIS THA DAD PA STE 'GAL BA'I PHYIR RO ZHES PA NI 'GREL TSIG LA 'BRU BSNAN PA YIN LA, SLAR YANG CUNG ZAD GO SLA BAR BRJOD NA, RANG RGYUD PA RNAMS KYI LUGS LA CHOS CAN MIG SOGS 'JAL BA'I TSAD MA DE MIG SOGS KYI RANG BZHIN LA

063a

, ,MA 'KHRUL BA'I SHES PAR KHAS LEN PA DE LTAR NA, SHES BYA CHOS CAN, MIG SOGS 'JAL BA'I TSAD MA DE LA MIG SOGS RANG MTSAN GYIS GRUB PAR SNANG BA DE SNANG BA LTAR DU GRUB PAR THAL, MIG SOGS 'JAL BA'I TSAD MA DE LA MIG SOGS RANG MTSAN GYIS GRUB PAR SNANG BA NI GANG ZHIG, DE 'DRA'I TSAD MA DE MIG SOGS KYI YIN LUGS LA MA 'KHRUL BA'I TSAD MA YIN PA'I PHYIR, 'DOD NA, MIG SOGS RANG MTSAN GYIS GRUB PA DE MIG SOGS KYI GNAS LUGS SAM RANG BZHIN DU THAL, 'DOD PA'I PHYIR, 'DOD NA, MIG SOGS 'JAL BA'I TSAD MA DE MIG SOGS KYI GNAS LUGS 'JAL BA'I TSAD MA YIN PAR THAL, 'DOD PA'I PHYIR, 'DOD NA, MIG SOGS CHOS CAN, GRANGS CAN GYI SHES PA PHYIN CI LOG GI RNYED DON MA YIN PAR THAL, PHYIN CI MA LOG PA GNAS LUGS 'JAL BA'I TSAD MA'I RNYED DON YIN PA'I PHYIR, KHYAB STE, SHES PA PHYIN CI LOG DANG SHES PA PHYIN CI MA LOG PA GNYIS KYI RNYED DON THA DAD PA STE 'GAL BA'I PHYIR, LHAG MTHONG CHEN MO DANG STONG THUN DU 'DI LTAR BSHAD DE, DBU MA PAS DNGOS SMRA BA'I NGOR MIG SOGS BDEN PA'I SKYE MED DU BSGRUB PA'I TSE BDEN RDZUN GANG GIS KHYAD PAR DU MA BYAS PA'I MIG SPYI TZAM ZHIG GNYIS KA LA MTHUN SNANG DU GRUB PA'I CHOS CAN DU 'DZIN PAR RIGS PA MA YIN TE, 'DI LTAR DE KHO NAR BDEN PA'I SKYE BA MED PA DE'I RTEN CHOS CAN MIG LA SOGS PA NYAMS PAR GYUR PA STE DON DAM LA DPYOD PA'I RIGS SHES KYI NGO'AM, DE KHO NAR MA GRUB PAR LEGS LDAN 'BYED 'DIS RANG NYID KYIS KHAS BLANGS PA NYID YIN PA'I PHYIR, DER

063b

THAL, GANG GI TSE MIG SOGS CHOS CAN DU BYAS NAS BDEN PA'I SKYE BA BKAG PA BSGRUB BYA'I CHOS SU 'DOD PA DE'I TSE STE DE'I PHYIR, DE LTAR NA DBU MA PAS MIG SOGS DE NYID MA RIG PAS BSLAD PA'I SHES PA PHYIN CI LOG TZAM GYIS BDAG GI DNGOS PO RNYED PA YIN PAR KHAS LEN DGOS LA, DNGOS SMRA BA RNAMS MIG SOGS 'KHRUL RGYUS MA BSLAD PA'I PHYIN CI MA LOG PA'I SHES PA'I RNYED DON DU 'DOD PAS CHOS CAN MIG SOGS MTHUN SNANG DU GRUB PA MA YIN TE, PHYIN CI LOG GI SHES PAS RNYED PA'I DON DANG, PHYIN CI MA LOG PA'I SHES PAS RNYED PA'I DON DAG NI PHAN TSUN SPANG BA'I SGO NAS THA DAD PA YIN ZHES PA'O, ,LEGS LDAN GYIS DON DAM DPYOD BYED KYI RIGS NGOR CHOS CAN JI SNYED PA MA GRUB PAR ZHAL GYIS BZHES TE, YE SHES SNYING PO'I BDEN GNYIS RANG 'GREL LAS, DE NYID KYI PHYIR MDO SDE LAS 'GA' YANG MTHONG BA MED PA NI DE KHO NA NYID CES GSUNGS SO, ,ZHES BSHAD PAS YAB SRAS GNYIS BZHED PA GCIG PA'I PHYIR, DES NA THAL 'GYUR BA DANG, RANG RGYUD PA MAN CHAD LA CHOS CAN MTHUN SNANG BA MED DE, RANG RGYUD PA MAN CHAD KYI LUGS LA CHOS DE LA TSAD MAR SONG NA CHOS DE LA MA 'KHRUL BA ZHIG NGES PAR DGOS PAR BZHED LA, THAL 'GYUR BA'I LUGS LA CHOS DE LA 'KHRUL BA DANG CHOS DE LA TSAD MAR SONG BA MI 'GAL BAR BZHED PA'I PHYIR TE, DE LTAR MA YIN NA SO SO SKYE BO'I SHES PAS YUL GANG YANG 'JOG MI NUS PAR 'GYUR BA'I PHYIR TE, SO SO SKYE BO'I SHES PA YIN NA 'KHRUL BAS KHYAB PA'I PHYIR TE, DE YIN NA BDEN 'DZIN BAG CHAGS DANG BCAS PA'I SLAD PA ZHUGS PAS KHYAB

064a

, ,PA'I PHYIR, DES NA THAL 'GYUR BA'I LUGS LA SO SO SKYE BO'I RGYUD KYI BUM 'DZIN MNGON SUM LA BUM PA RANG MTSAN GYIS GRUB PAR SNANG BAS, DE DE LA 'KHRUL YANG BUM 'DZIN MNGON SUM GYIS BUM PA 'JOG NUS PAR BZHED LA, RANG RGYUD PA MAN CHAD BUM 'DZIN MNGON SUM BUM PA LA 'KHRUL NA BUM PA 'JOG MI NUS PAR BZHED DO, ,DE LTAR BSHAD PA LA KHO NA RE, DE LTAR NA THAL 'GYUR BA DANG RNAM RIG PA GNYIS LA CHOS CAN MTHUN SNANG BA YOD PAR 'GYUR TE, DE GNYIS KA'ANG SO SKYE'I BUM 'DZIN MNGON SUM BUM PA LA 'KHRUL PAR BZHED PA'I PHYIR ZHE NA, DE'I SKYON MED DE, RNAM RIG PA RNAMS BUM 'DZIN MNGON SUM BUM PA PHYI ROL DON DU SNANG BA LTA BU LA 'KHRUL BAR BZHED KYANG BUM PA RANG GI MTSAN NYID KYIS GRUB PA LA MA 'KHRUL BAR BZHED PA'I PHYIR TE, BUM PA RANG GI MTSAN NYID KYIS GRUB PAR 'DOD PA'I PHYIR, DE LTAR NA RANG RGYUD KYI RTAGS 'GOG PA NI CHOS CAN MTHUN SNANG BA 'GOG TSUL 'DI LA THUG LA, DE YANG THA SNYAD DU RANG MTSAN GYIS GRUB PA KHAS LEN MI LEN LA THUG STE, RANG RGYUD PA MAN CHAD CHOS CAN MYU GU LTA BU LA TSAD MAR SONG NA DE RANG GI MTSAN NYID KYIS GRUB PA LA TSAD MAR SONG BAS KHYAB PAR 'DOD CING, THAL 'GYUR BA RNAMS MYU GU RANG MTSAN GYIS GRUB PA LA TSAD MAR SONG BA MI SRID PAR BZHED PA'I PHYIR 'DI'I CHOS CAN MTHUN SNANG BA 'GOG TSUL GYI 'PHROS DON RNAMS NI DRANG NGES RNAM 'BYED KYI DKA' 'GREL DU BSHAD ZIN TO,, GNYIS PA NI RANG SDE DNGOS POR SMRA BA RNAMS NA RE, RANG GI BDAG NYID DU GRUB ZIN SLAR YANG SKYE BA DON MED

064b

PAS BDAG LAS SKYE BA MI RIGS SHING, DE MED PAS GNYIS KA LAS SKYE BA 'DI MI RIGS LA, RGYU MED DU SKYE BA NI SHIN TU THA CHAD PAS DGAG PAR YANG RIGS NA, GZHAN DAG LA LTA GA LA ZHIG, CES GZHAN SKYE 'GOG MI RIGS TE, BCOM LDAN 'DAS KYI MDO LAS, DNGOS PO RNAMS RANG GI MTSAN NYID KYIS GZHAN DU GYUR PA'I RKYEN BZHI LAS SKYE BAR GSUNGS PA'I PHYIR, DES NA MI 'DOD BZHIN DU YANG GZHAN LAS SKYE BA KHAS BLANG BAR BYA'O ZHE NA, DE DGAG PA LA GNYIS, GZHAN SKYE 'DOD PA'I PHYOGS SPYIR DGAG ,SEMS TZAM PA'I LUGS BYE BRAG TU DGAG PA'O,, DANG PO LA LNGA, GZHAN SKYE DGAG PA DNGOS, BKAG PA LA 'JIG RTEN GYI GNOD PA SPANG BA, DE LTAR BKAG PA'I YON TAN BSTAN PA, RANG BZHIN GYIS SKYE BA 'GAR YANG MED PAR BSTAN PA; BDEN PA GNYIS CHAR DU YANG RANG BZHIN GYIS SKYE BA BKAG PA'I YON TAN BSTAN PA'O,, DANG PO LA SPYIR DGAG ,BYE BRAG TU PHYE NAS DGAG, 'BRAS BU LA MU BZHIR DPYAD NAS DGAG PA GSUM LAS, DANG PO NI, GAL TE GZHAN LA BRTEN NAS, ZHES SOGS DANG, GNYIS PA LA YANG RGYU 'BRAS SNGA PHYI BA LA GZHAN SKYE DGAG PA DANG, DUS MNYAM PA LA GZHAN SKYE DGAG PA GNYIS LAS, DANG PO NI, MYU GU SA BON DANG NI ZHES SOGS DANG, GNYIS PA NI, GAL TE MIG GI BLO LA ZHES SOGS KYIS STON PAR BYED DO, ,SPYIR DGAG PA NI, GZHAN LA BRTEN NAS GAL TE GZHAN ZHIG 'BYUNG BAR 'GYUR NA NI, ,ZHES SOGS SHLOO KA GCIG GIS DNGOS SU GZHAN SKYE 'GOG BYED KYI 'GAL BRJOD KYI THAL 'GYUR GNYIS DANG, DE'I SHUGS LA GZHAN SKYE 'GOG PA'I

065a

, ,GZHAN GRAGS KYI GTAN TSIGS GNYIS KYANG STON PAR BYED DE, DE YANG GZHAN SKYE'I DON RGYU 'BRAS THA SNYAD DU GZHAN YIN PA LA MI BYED KYI, RANG BZHIN GYIS GRUB PA'AM RANG GI NGO BOS GRUB PA'I RGYU GZHAN LAS DE 'DRA'I 'BRAS BU GZHAN SKYE BAR 'DOD PA YIN LA, 'DI 'GOG PA LA RTZA SHER, RGYU DANG 'BRAS BU GZHAN NYID NA, ,RGYU DANG RGYU MIN MTSUNGS PAR 'GYUR, ,ZHES GSUNGS PA'I RIGS PA DE NYID 'DIR RGYAS PAR 'CHAD PAR BYED DE, DE YANG SA MYUG GNYIS RANG BZHIN GYIS GZHAN YIN NA, DE GNYIS CHA THAMS CAD NAS THAMS CAD DU GZHAN DU THAL, RANG BZHIN GYIS GRUB PA'I GZHAN YIN PA'I PHYIR, DE'I KHYAB 'BREL NI CHA THAMS CAD DU GZHAN MA YIN PAR CHA 'GA' ZHIG NAS GZHAN YIN ZHING 'GA' ZHIG NAS GZHAN MA YIN NA, GZHAN MA YIN PA'I PHYOGS DE LA GZHAN DU 'JOG PA'I RGYU MTSAN DE MA TSANG BA'I DBANG GIS GZHAN MA YIN PAR SONG LA, DE LTA NA DE GNYIS GZHAN DU 'JOG PA DE RGYU MTSAN LA BLTOS NAS BZHAG PAR SONG BAS, DE LTA NA DE GNYIS RANG BZHIN GYIS GZHAN MA YIN PAR THAL, BLTOS NAS GRUB PA'I GZHAN YIN PA'I PHYIR, CHA THAMS CAD NAS THAMS CAD DU GZHAN YIN NA GTAN NAS 'BREL MED KYI GZHAN DU 'GYUR ZHING, MYU GU DE RANG GI SA BON DANG GTAN NAS 'BREL BA MED BZHIN DU DE LAS RKYEN RGYU 'BRAS KYI NGES PA 'CHOL BAR THAL BA NI HA CANG THAL BA DANG PO DANG MI MTHUN PA'I RGYU LAS MI MTHUN PA'I 'BRAS BU SKYE BAR THAL BA NI THAL 'GYUR GNYIS PAS STON TE, DE YANG SA LU'I MYU GU CHOS CAN, KHYOD SA LU'I SA BON LAS SKYE BA BZHIN DU RIGS MTHUN PA

065b

NAS KYI SA BON SOGS DANG, RIGS MI MTHUN PA SNAM BU DANG RDO BA SOGS LAS KYANG SKYE BAR THAL, KHYOD SA BON DANG GTAN NAS 'BREL BA MED BZHIN DU SKYE BA NI GANG ZHIG, GZHAN DE RNAMS DANG 'BR3EL BA MED PAR MTSUNGS PA'I PHYIR, DE LTAR THAL BA LAS SA LU'I MYU GU CHOS CAN, RANG LAS RANG BZHIN GYIS GZHAN PA'I SA BON LAS MI SKYE STE, SA BON DANG BZHIN GYIS GZHAN MA YIN PA'I PHYIR, ZHES PA THAL BA DANG PA'I DON DANG, GNYIS PA NI, GSAL BYED ME LCE 'BAR BA CHOS CAN, KHYOD LAS SNANG BA 'BYUNG BA BZHIN DU RANG GI NGO SKAL GYI GSAL BYA'I MUN PA DE YANG 'BYUNG BAR THAL, DE GNYIS KA DANG 'BREL MED KYI GZHAN DU MTSUNGS PA'I PHYIR, DE LTAR THAL BA LAS ME LCE 'BAR BA CHOS CAN, KHYOD LAS RANG GI NGO SKAL GYI MUN PA MI 'BYUNG STE; KHYOD SNANG BA'I NGOR RGYU RKYEN LA BLTOS NAS BYUNG BA'I PHYIR, SLOB DPON SANGS RGYAS BSKYANGS KYIS KYANG DNGOS PO RNAMS GZHAN LAS SKYE BA MED DE, THAMS CAD LAS THAMS CAD SKYE BAR 'GYUR BA'I PHYIR, ZHES THAL 'GYUR GYI SGO NAS GZHAN SKYE 'GOG PAR MDZAD DO,, GNYIS PA BYE BRAG TU DGAG PA LA, RGYU 'BRAS SNGA PHYI BA LA GZHAN SKYE DGAG PA DANG, DUS MNYAM PA LA GZHAN SKYE DGAG PA GNYIS LAS, DANG PO NI, MYU GU SA BON DANG, ZHES SOGS DANG, GNYIS PA NI, GAL TE MIG GI BLO LA ZHES SOGS KYIS 'CHAD LA, RNAM BSHAD KYI TSIG DON GZHAN RNAMS RTOGS PAR SLA ZHING, SKYE BA 'DI NI BYED PO MED PAR RIGS PA'I NGO BO'ANG MIN, ,ZHES PA'I 'PHUL MTSAMS CUNG ZAD BRJOD NA, MYU GU SKYE BZHIN PA'I DUS NA MYU GU DE SKYE BA'I BYA BA

066a

, ,YOD KYANG DUS DER BYED PA PO MYU GU MED PA TZAM ZHIG RANG GZHAN GNYIS KAS KHAS LEN KYANG MYU GU SKYE BA'I BYA BA RANG MTSAN GYIS GRUB PA'I DUS DER YOD NA DUS DER BYED PO MYU GU YANG YOD DGOS TE, RANG BZHIN GYIS GRUB PA'I BYA BA DANG BYED PA POR SONG PHYIN DUS NAM YANG DE LTAR 'GYUR DGOS LA, DE LTAR NA MYU GU SKYE BA'I BYA BA YOD PA'I DUS THAMS CAD DU, BYED PA PO MYU GU NYID KYANG YOD DGOS PA LAS MYU GU SKYE BZHIN PA'I DUS DER SKYE BA'I BYA BA YOD KYANG BYED PA PO MYU GU SKYE BA'I BYA BA RANG BZHIN MED PAR STON PA YIN NO, ,GSUM PA 'BRAS BU LA MU BZHIR DPYAD NAS 'GOG PA NI, SKYED PAR BYED PA BSKYED BYA GZHAN BSKYED PA DE RGYU YIN NA, ,ZHES SOGS SO,, GNYIS PA LA GNYIS, 'JIG RTEN GYI GRAGS PAS GZHAN SKYE KHAS BLANGS NAS 'JIG RTEN GYI GNOD PA SPANG BA, 'JIG RTEN GYI THA SNYAD DU'ANG GZHAN SKYE MED PAS 'JIG RTEN GYI GNOD PA SPANG BA'O,, DANG PO LA 'JIG RTEN GYI GNOD PA'I RTZOD PA DANG, DES MI GNOD PA'I LAN GNYIS LAS, DANG PO NI, GANG GIS RANG LTA LA GNAS ZHES SOGS TE, RANG 'GREL LAS, GAL TE SKYE BA RAB TU GRUB PAR BYA BA'I PHYIR RIGS PA GANG DANG DE NI BUD SHING SKAM PO MAR GYIS BRAN PA LTAR KHYOD KYI BLO'I MES MA LUS PAR BSREGS PAS KHYOD KYI SHES RAB KYI ME SPOR BA LHUR BYED PA'I RIGS PA'I BUD SHING BSKUL BAS CHOG GO ,GAL TE RIGS PA NYE BAR MA BRTEN PAR BRJOD PAR 'DOD PA'I DON GRUB PAR MI 'GYUR BA MA YIN NAM ZHE NA, DE NI YOD PA MA YIN NO, ,DON GANG ZHIG 'JIG RTEN NYID LAS GRUB PA DE NI RIGS PAS CI YANG

066b

BYA BA MED DE, 'JIG RTEN GYI MTHONG BA NI SHIN TU STOBS DANG LDAN PA'I PHYIR RO, ,ZHES SMRAS PA ZHES MTSAMS SBYAR NAS, PHYOGS SNGA MA'I GZHUNG DE NYID BKOD LA, DE'I DON NI, GZHAN SKYE 'DOD PA DAG NA RE, GZHAN SKYE YOD PAR BSGRUB PA'I RIGS PA GSAR DU KHO BO CAG MA BKOD DO, ,SNGAR BKOD PA DAG KYANG MAR GYIS BRAN PA'I BUD SHING SKAM PO MES BSREGS PA BZHIN DU KHYOD KYI BLO GROS KYI MES MA LUS PAR BSREGS PAS SLAR RIGS PA SMRAS KYANG KHYOD KYI RIGS PA'I ME SPOR BA'I YAN LAG TZAM DU ZAD PA'I PHYIR, GAL TE RIGS PA MA BSTAN NA 'DOD PA'I DON GZHAN SKYE MI 'GRUB PA MA YIN NAM ZHE NA, DE'I SKYON MED DE, 'JIG RTEN GYI MTHONG BA MNGON SUM GYIS GRUB PA DER NI RIGS PAS CI ZHIG BYA STE 'JIG RTEN GYI MTHONG BA NI SHIN TU STOBS DANG LDAN PA'I PHYIR, DES NA 'JIG RTEN GYI MTHONG BA MNGON SUM GYIS GZHAN SKYE LEGS PAR GRUB PAS DE SGRUB BYED KYI RIGS PA GZHAN 'GOD PA LA BLTOS MI DGOS SO ZHE NA ZHES PA'O, ,RTZOD PA 'DI NI DNGOS PO RNAMS RANG BZHIN GYIS SKYE BA BKAG PA NA DE SPYIR SKYE BA BKAG PAR GO ZHING SKYE 'GAG SOGS KYI RNAM GZHAG KHAS BLANGS PHYIN DE RANG BZHIN GYIS GRUB PA DANG, RANG BZHIN GYIS MED PA LA SKYE 'GAG SOGS GZHAG TU MED PA'I BDEN GNYIS GZHI GCIG LA 'DUR MI RUNG BA'I RTZOD PA'O, ,DE'I PHYIR RTZOD PA 'DI'I LAN MDZAD PA NA YANG, THOG MAR YUL BDEN PA GNYIS KYI RNAM GZHAG RGYAS PAR BRJOD NAS GZHI GCIG GI STENG DU YANG BDEN PA GNYIS KA 'JOG PA MI 'GAL BA'I SGO NAS LAN MDZAD PAR BZHED DE, THOG MAR YUL BDEN PA GNYIS

067a

, ,DANG YUL CAN DE RTOGS PA'I TSAD MA GNYIS KYI RNAM DBYE RNAMS BSHAD PA'I SGO NAS DON DAM DPYOD BYED KYI YUL DON DAM PA'I BDEN PA LA 'JIG RTEN PA'I THA SNYAD PA'I TSAD MAS MI GNOD CING THA SNYAD PA'I TSAD MA'I YUL LA YANG DE KHO NA NYID LA DPYOD PA'I RIGS PAS MI GNOD PA DPE'I SGO NAS LEGS PAR BSGRUBS TE, GZHAN SKYE BKAG PA NI DNGOS PO RANG BZHIN GYIS SKYE BA BKAG PA YIN PAS DON DAM DPYOD BYED KYI YUL YIN LA, 'JIG RTEN PA'I THA SNYAD PA'I SHES PAS MYU GU SOGS SA BON SOGS LAS SKYE BAR MTHONG BA NI KUN RDZOB TZAM GYI SKYE BA YIN PAS DES DE LA GNOD PAR MI NUS SO ZHES LAN MDZAD PA YIN LA, 'DI YANG DON TSAN GNYIS SU 'DUS TE, GNYIS PA LA GZHAN SKYE BKAG PA LA SKYON MED PA'I TSUL DANG, SKYON MED PAR MA ZAD YON TAN YOD PAR BSTAN PA GNYIS LAS, DANG PO NI, GZHAN LAS SKYE BA 'JIG RTEN LAS KYANG MED, ,CES SOGS YAN CHAD DANG, GNYIS PA NI, GANG PHYIR MYU GU SA BON LAS GZHAN MIN, ,ZHES SOGS MAN CHAD KYIS 'CHAD DO,, DANG PO LA YANG GNYIS TE, DON DAM LA DPYOD PA'I SKABS SU GZHAN SKYE BKAG PAS 'JIG RTEN GYIS MI GNOD PAR BSTAN PA DANG, 'JIG RTEN THA SNYAD DU'ANG GZHAN SKYE BKAG PA LA 'JIG RTEN GYIS GNOD PA MED TSUL GNYIS LAS, DANG PO NI, GAL TE SEL NA 'JIG RTEN GYIS GNOD 'GYUR, ,ZHES PA YAN CHAD DANG, GNYIS PA NI, GANG PHYIR 'JIG RTEN SA BON TZAM BTAB NAS, ,ZHES SOGS SO, ,DANG PO LA GNYIS LAS, GZHAN SKYE BKAG PA LA 'JIG RTEN GYIS MI GNOD PA'I RGYU MTSAN, GNOD PAR 'DOD

067b

PA LA GNOD BYED KYI RIGS PA BSTAN PA'O,, DANG PO LA GSUM, BDEN GNYIS SPYI'I RNAM GZHAG ,SKABS KYI DON LA SBYAR BA, BDEN GNYIS SO SO'I RANG BZHIN NO,, DANG PO NI, 'GREL PA LAS, GANG ZHIG BSTAN BCOS KYI DON PHYIN CI MA LOG PA MA RTOGS SHING THOG MA MED PA'I 'KHOR BAR DNGOS PO'I BAG CHAGS YONGS SU SMIN PA, DNGOS PO LA MNGON PAR ZHEN PA'I MDZA' BO DANG BRAL BA, THOS PA DANG BRAL BA, 'JIG RTEN GYIS GNOD PA'I BRDOL THABS LA BRTEN PA 'DI NI 'JIG RTEN GYI BYUNG TSUL SHIN TU MANG ZHING RGYA CHE BA MA BSHAD PAR 'JIG RTEN GYI GNOD PA'I BLA BRDOL LAS BZLOG PAR MI NUS PAS 'JIG RTEN GYI GNOD PAR BYA BA'I YUL KHYAD PAR CAN BSTAN PAR BYA BA'I PHYIR, RE ZHIG BDEN PA GNYIS KYI RNAM PAR GZHAG PA'I DBANG DU BYAS NAS BSHAD PA ZHES GSUNGS LA, DE'I DON CUNG ZAD BSHAD NA, GANG ZHIG BSTAN BCOS TE GSUNG RAB KYI DON PHYIN CI MA LOG PA MA RTOGS SHING THOG MA MED PA'I 'KHOR BAR DNGOS PO LA BDEN PAR 'DZIN PA'I BAG CHAGS YONGS SU SMIN PA DNGOS PO LA MNGON PAR ZHEN PA STE, DNGOS POR 'DZIN PA'I MDZA' BO DANG DUS RTAG TU BRAL BAR GYUR PA'I THABS ZAB MO STONG PA NYID TZAM THOS PA DANG BRAL BAS GZHAN SKYE BKAG PA LA 'JIG RTEN GYIS GNOD PAR 'GYUR RO ZHES BRDOL THABS LA BRTEN PA STE BLA BRDOL SMRA BA 'DI NI 'JIG RTEN GYI BYUNG TSUL SHIN TU MANG ZHING RGYA CHE BA MA BSHAD PAR 'JIG RTEN GYIS GNOD PAR 'GYUR RO ZHES PA'I BLA BRDOL SMRA BA 'DI LAS BZLOG PAR MI NUS PAS 'JIG RTEN GYIS GNOD PAR BYA BA STE GNOD PAR 'GYUR BA'I YUL GYI KHYAD PAR

068a

, ,CAN DANG, DES MI GNOD PA'I YUL GYI KHYAD PAR DAG BSTAN PAR BYA DGOS PAS THOG MAR BDEN PA GNYIS KYI RNAM PAR GZHAG PA'I DBANG DU BYAS NAS, DNGOS KUN YANG DAG RDZUN PAR MTHONG BA YI, ,ZHES SOGS GSUNGS, GZHUNG GI DON NI, PHYI NANG GI DNGOS PO KUN CHOS CAN, RANG RANG GI STENG NA NGO BO GNYIS GNYIS 'DZIN PAR 'GYUR TE, YANG DAG MTHONG BA RIGS SHES TSAD MAS RANG GI DNGOS PO RNYED PA'I DON DANG RDZUN PA MTHONG BA THA SNYAD PA'I TSAD MAS RNYED PA'I DON GYI NGO BO GNYIS DANG LDAN PA'I PHYIR, YANG DAG MTHONG BA RIGS SHES TSAD MAS RNYED PA'I YUL MYU GU BDEN STONG GANG YIN PA DE CHOS CAN, DE KHO NA NYID DON DAM PA'I BDEN PA YIN TE, MTHAR THUG DPYOD PA'I RIGS SHES GANG LA MTHAR THUG DPYOD PAR SONG BA'I YUL YIN PA'I PHYIR, MTHONG BA RDZUN PA THA SNYAD PA'I TSAD MAS RNYED PA'I DON GYI MYU GU NI CHOS CAN, KUN RDZOB KYI BDEN PAR GSUNGS TE, THA SNYAD PA'I TSAD MA GANG LA THA SNYAD PA'I TSAD MAR SONG BA'I YUL YIN PA'I PHYIR, DES NA SKABS 'DIR BDEN PA GNYIS KYI RNAM GZHAG GTAN LA 'BEBS PA LA BZHI, BDEN GNYIS KYI DBYE GZHI, SGRA DON, GCIG THA DAD, SO SO'I NGO BO BSHAD PA'O,, DANG PO NI, BDEN GNYIS KYI DBYE GZHI LA BOD 'DIR TSUL MI 'DRA BA MANG DU BYUNG YANG, 'DIR NI SHES BYA TZAM LA BYA STE, YAB SRAS MJAL BA'I MDO BSLAB BTUS SU DRANGS PA LAS, DE BZHIN GSHEGS PAS KUN RDZOB DANG DON DAM PA GNYIS THUGS SU CHUD DE, SHES PAR BYA BA YANG KUN RDZOB DANG DON DAM PA'I BDEN PA 'DIR ZAD DE, DE YANG BCOM LDAN

068b

'DAS KYIS STONG PA NYID DU RAB TU GZIGS, RAB TU MKHYEN, LEGS PAR MNGON DU BYAS PAS DE'I PHYIR THAMS CAD MKHYEN PA ZHES BYA'O, ,ZHES GSUNGS PA LA, DE YANG SHES PAR BYA BA YANG ZHES PAS SHES BYA DBYE GZHI DANG, KUN RDZOB DANG DON DAM PA'I BDEN PA ZHES PAS DE LA DBYE NA BDEN PA GNYIS SU YOD PA DANG, 'DIR ZAD DE ZHES PAS, DE YANG YOD TZAM GYI DBYE BA MA YIN PAR GRANGS NGES PA DANG, DE YANG BCOM LDAN 'DAS KYIS ZHES PA MAN CHAD KYI BDEN PA GNYIS KA DE BZHIN GSHEGS PAS THUGS SU CHUD PA LA BLTOS NAS THAMS CAD MKHYEN PAR BZHAG PAR STON LA, 'DIS NI BOD SNGA MA GANG DAG DON DAM BDEN PA SHES BYA MA YIN PA SPYOD 'JUG GI DGONGS PAR 'DOD PA LEGS PAR BKAG STE, 'DIR BDEN PA GNYIS KA DE BZHIN GSHEGS PAS THUGS SU CHUD PAR GSAL BAR BSHAD CING, DE NYID RGYAL SRAS ZHI BA LHAS BSLAB BTUS SU LEGS PAR DRANGS PA'I PHYIR DANG, GZHAN YANG RNAM PA THAMS CAD MKHYEN PA'I YE SHES KYIS MA GZIGS PA'I PHYIR, GNAS LUGS DE BZHIN NYID CHOS CAN KUN RDZOB PA RNAMS KYI STENG NA MED PAR 'GYUR BA DANG, DE LTA NA KA BUM SOGS JI LTAR SNANG BA 'DI NYID GNAS LUGS SU THAL BAS, 'JIG RTEN DE NYID MTHONG BAS 'PHAGS GZHAN GYIS, ,CI DGOS 'PHAGS PA'I LAM GYIS CI ZHIG BYA,, ZHES DPAL LDAN ZLA BAS TSIG GSAL DU 'PHANGS PA RNAMS LA KHYED CAG LTAR NA 'DOD LAN 'DEBS RIGS PAR 'GYUR RO, ,'O NA, SPYOD 'JUG LAS, KUN RDZOB DANG NI DON DAM STE, ,'DI NI BDEN PA GNYIS SU 'DOD, ,DON DAM BLO YI SPYOD YUL

069a

, ,MIN,, BLO NI KUN RDZOB YIN PAR 'DOD, ,CES GSUNGS PA JI LTAR DRANG ZHE NA, DE'I DON NI, RKANG PA DANG PO GNYIS KYIS MTSON BYA BDEN PA GNYIS NGOS BZUNG NAS, RKANG PA PHYI MA GNYIS KYIS BDEN GNYIS KYI MTSAN NYID STON PA STE, DE YANG SHES BYA DBYE GZHI, DE LA BDEN PA GNYIS SU PHYE BA'I DON DAM BDEN PA'I MTSAN NYID, GNYIS SNANG 'KHRUL PA'I BLO'I SPYOD YUL MIN PA GANG ZHIG RANG MNGON SUM GYIS RTOGS PA'I MNGON SUM GYI GNYIS SNANG NUB PA'I TSUL GYIS RTOGS PAR BYA BA DANG, GNYIS SNANG 'KHRUL PA'I BLO'I SPYOD YUL GANG ZHIG, BLO DES RANG NYID GNYIS SNANG DANG BCAS PA'I TSUL GYIS RTOGS PAR BYA BA NI KUN RDZOB BDEN PA'I MTSAN NYID DU BSTAN PAR 'DOD CES BSTAN PA YIN PA'I PHYIR, SPYOD 'JUG LAS DE LTAR GSUNGS PA YANG, YAB SRAS MJAL BA'I MDO BSLAB BTUS SU DRANGS PA LAS, DE LA KUN RDZOB NI 'JIG RTEN GYI SPYOD PAR DE BZHIN GSHEGS PAS GZIGS SO, ,DON DAM PA GANG YIN PA DE NI BRJOD DU MED PA STE SHES PAR BYA BA MA YIN PA ZHES SOGS GSUNGS PA'I DON BKOD PAR SNANG STE, 'OG TU BDEN GNYIS LA 'JUG PA'I MDO DRANGS PA DANG DON GCIG GO ,SHES BYA LA BDEN PA GNYIS SU GRANGS NGES TE, DE LA BDEN RDZUN GNYIS SU GRANGS NGES PA'I PHYIR TE, BUM PA LTA BU'I CHOS GCIG RDZUN PA BSLU BA'I CHOS CAN DU YONGS GCOD LA GRUB PA NA MI BSLU BA GNAS LUGS KYI DON YIN PA RNAM BCAD LA KHEGS DGOS PA'I PHYIR TE, BSLU MI BSLU GNYIS PHAN TSUN SPANGS PA'I DNGOS 'GAL YIN PA'I PHYIR, DE LTAR YANG DBU MA SNANG BA LAS, PHAN TSUN SPANGS TE

069b

GNAS PA'I MTSAN NYID KYI CHOS DAG NI CIG SHOS DGAG PA GZHAN BSGRUB PA MED NA MED PA YIN PA'I PHYIR, GNYIS KA MA YIN PA'I PHYOGS SU GTOGS PA YANG RIGS PA MA YIN NO, ,ZHES DANG, GANG ZHIG YONGS SU GCOD PA GANG RNAM PAR GCAD PA MED NA MED PA DE DAG GNYIS NI PHAN TSUN SPANGS TE GNAS PA'I MTSAN NYID YIN NO, ,GANG DAG PHAN TSUN SPANGS TE GNAS PA'I MTSAN NYID YIN PA DE DAG NI RNAM PA THAMS CAD LA KHYAB PAR BYED PA DAG YIN NO, ,GANG DAG RNAM PA THAMS CAD LA KHYAB PAR BYED PA YIN PA DE DAG NI PHUNG PO GZHAN SEL BAR BYED PA DAG YIN TE, DPER NA LUS CAN DANG, LUS CAN MA YIN PA LA SOGS PA'I BYE BRAG LTA BU'O, ,ZHES DANG, YAB SRAS MJAL BA'I MDO LAS KYANG, GANG ZHIG KUN RDZOB DE BZHIN DON DAM STE; ;BDEN PA GSUM PA NAM YANG MA MCHIS SO, ,ZHES BDEN PA GNYIS SU MA 'DUS PA'I BDEN PA GSUM PA MED PAR GSUNGS PA'I PHYIR, 'O NA 'PHAGS PA'I BDEN PA BZHIR GSUNGS PAS BDEN PA GNYIS SU JI LTAR 'DU SNYAM NA, LEGS PAR 'DU STE; 'GOG BDEN DON DAM BDEN PA DANG GZHAN GSUM KUN RDZOB BDEN PAR 'DU BA'I PHYIR TE, 'JUG 'GREL LAS, DE LA SDUG BSNGAL DANG, KUN 'BYUNG BA DANG, LAM GYI BDEN PA NI KUN RDZOB KYI BDEN PA'I KHONGS SU GTOGS SO, ,'GOG PA'I BDEN PA DON DAM PA'I RANG GI NGO BO'O ZHES GSUNGS PA'I PHYIR, GNYIS PA NI DON DAM BDEN PA'I SGRA BSHAD DU YOD DE, DAM PA'AM YANG DAG PA GNAS LUGS KYI DON YIN PAS DON DAM DANG, SNANG TSUL DANG GNAS TSUL MI MTHUN PA'I SGO NAS BSLU BA

070a

, ,MA YIN PAR BDEN PAS BDEN PA ZHES BSHAD PA'I PHYIR TE, TSIG GSAL LAS, DON YANG DE YIN LA DAM PA YANG YIN PAS DON DAM PA'O, ,DE NYID BDEN PA YIN PAS DON DAM PA'I BDEN PA'O ZHES GSUNGS PA LTAR RO, ,KUN RDZOB BDEN PA'I SGRA DON NI, KUN RDZOB DANG SGRIB BYED GNYIS SKAD DOD GCIG PAS BDEN 'DZIN LA YANG SGRIB BYED CES BYA STE, DNGOS PO'I GNAS LUGS MTHONG BA LA SGRIB PAR BYED PA'I PHYIR, DES NA BLO KUN RDZOB PA BDEN 'DZIN DE'I NGOR BDEN PAS KUN RDZOB KYI BDEN PA ZHES SGRA BSHAD DO, ,GSUM PA NI, BDEN PA GNYIS KA LA'ANG NGO BO YOD LA, GCIG THA DAD GANG YANG MA YIN PA'I NGO BO MI SRID PAS NGO BO GCIG LA LDOG PA THA DAD PA BYAS MI RTAG LTA BU YIN, ,CHOS CAN KUN RDZOB PA RNAMS RANG BZHIN GYIS STONG PA YIN PAS DE RNAMS LAS NGO BO THA DAD PA'I CHOS NYID DE BZHIN NYID YOD PA MA YIN ZHING CHOS NYID DE BZHIN NYID KYANG STONG GZHI CHOS CAN KUN RDZOB PA ZHIG RANG BZHIN GYIS STONG PA LA 'JUG DGOS PA'I PHYIR TE, BYANG CHUB SEMS 'GREL LAS, KUN RDZOB LAS NI THA DAD PAR, ,DE NYID DMIGS PA MA YIN TE, ,KUN RDZOB STONG PA NYID DU BSHAD, ,STONG NYID KHO NA KUN RDZOB MIN (YIN), ,MED NA MI 'BYUNG NGES PA'I PHYIR, ,ZHES GSUNGS SO,, BZHI PA LA MTSAN NYID DANG, DBYE BA BSHAD PA'O,, DANG PO NI, DON DAM BDEN PA'I NGO BO NGOS 'DZIN PA NA, 'GREL PA LAS, DE LA DON DAM PA NI YANG DAG PAR GZIGS PA RNAMS KYIS YE SHES KYI KHYAD PAR GYI YUL NYID KYIS BDAG GI NGO BO RNYED PA YIN GYI, RANG GI BDAG NYID KYIS GRUB PA NI MA YIN TE,

070b

'DI NI NGO BO GCIG YIN NO, ,ZHES GSUNGS LA, DE'I DON NI, DE LA DON DAM PA'I BDEN PA NI YANG DAG PA GNAS LUGS JI LTA BA GZIGS PA RNAMS KYIS JI LTA BA GZIGS PA'I YE SHES KYI KHYAD PAR GYI YUL NYID DU GYUR PA NYID KYIS BDAG GI NGO BO RNYED PA YIN GYI, RANG GI BDAG NYID KYIS GRUB PA NI MA YIN TE, BDEN PAR GRUB PA MA YIN PA'I PHYIR RO, ,ZHES PA YIN LA, YE SHES KYI KHYAD PAR ZHES PAS NI YE SHES GANG YIN GYIS RNYED PA YIN PAR YE SHES KYI KHYAD PAR TE BYE BRAG PA ZHIG LA BYA DGOS TE, DE YANG JI LTA BA 'JAL PA'I YE SHES KYIS RNYED PA'I DON DE NYID LA DON DAM BDEN PAR 'JOG PA'I PHYIR, ,DES NA YANG DAG MTHONG BA RIGS SHES TSAD MAS RNYED PA'I DON GANG ZHIG ,DE KHYOD LA BLTOS NAS RIGS SHES TSAD MAR SONG BA DON DAM BDEN PA'I MTSAN NYID YIN TE, RNAM BSHAD LAS, DE'I PHYIR SANGS RGYAS KYI MKHYEN TSUL YANG BSDUS PA'I DBANG DU BYED NA NA NI YANG DAG PAR MTHONG BA'I RIGS SHES TSAD MAS RNYED PA DANG, YUL DE RIGS SHES TSAD MA YIN PA NI DON DAM BDEN PA'I MTSAN NYID YIN LA, DES KUN RDZOB BDEN PA'I MTSAN NYID KYANG SHES PAR BYA'O, ,ZHES GSUNGS PA'I DGONGS PA DPYIS PHYIN PA'O, ,THA SNYAD ZOR YANG BAR BYAS NA, MTHAR THUG DPYOD PA'I RIGS SHES GANG LA MTHAR THUG DPYOD PA'I RIGS SHES SU SONG BA DON DAM BDEN PA'I MTSAN NYID DO, ,KUN RDZOB BDEN PA'I NGO BO NI, 'JUG 'GREL LAS, GZHAN NI SO SO SKYE BO MA RIG PA'I RAB RIB KYI LING TOG GIS BLO'I MIG MA LUS PAR KHEBS PA RNAMS KYI MTHONG BA RDZUN PA'I STOBS LAS BDAG GIS YOD PA RNYED

071a

, ,PA YIN TE, BYIS PA RNAMS KYIS MTHONG BA'I YUL DU 'GYUR BA JI LTA BA DE LTA BU'I RANG BZHIN DU RANG GI NGO BOS 'GYUR BA NI MA YIN NO, ,DE'I PHYIR DNGOS PO THAMS CAD RANG BZHIN DE GNYIS 'DZIN PA YIN NO,, ZHES GSUNGS LA, DE'I DON NI, DON DAM BDEN PA DE LAS GZHAN KUN RDZOB KYI BDEN PA SO SO SKYE BO BDEN 'DZIN MA RIG PA'I RAB RIB KYI LING TOG GIS BLO'I MIG MA LUS PAR KHEBS PA RNAMS KYI MTHONG BA RDZUN PA THA SNYAD PA'I SHES PA'I STOBS LAS TE SHES PAS BDAG GI NGO BO YOD PA RNYED PA NYID KUN RDZOB KYI BDEN PA'I NGO BOR BSHAD LA, BYIS PA SO SO SKYE BO RNAMS KYI THA SNYAD PA'I SHES PAS MTHONG BA'I YUL DU 'GYUR BA JI LTA BA DE LTA BU'I RANG BZHIN DU KUN RDZOB PA RNAMS RANG GI NGO BOS 'GYUR BA NI MA YIN TE, DE RNAMS KYI YIN TSUL LAM RANG BZHIN MTHAR THUG PA NI 'PHAGS PA'I MNYAM GZHAG GI YE SHES KYIS GZIGS PA LTAR GNAS PA'I PHYIR ZHES PA YIN PAS, DES NA THA SNYAD PA'I TSAD MA'I RNYED DON GANG ZHIG ,DE KHYOD LA BLTOS TE THA SNYAD PA'I TSAD MAR SONG BA KUN RDZOB BDEN PA'I MTSAN NYID DU BYED PA RNAM BSHAD KYI DGONGS PA YIN LA, THA SNYAD ZOR YANG BAR BYAS NA, THA SNYAD PA'I TSAD MA GANG LA THA SNYAD PA'I TSAD MAR SONG BA DE KUN RDZOB BDEN PA'I MTSAN NYID DO,, GNYIS PA NI LUGS 'DI LA SPYIR SHES BYA LA BDEN PA GNYIS SU PHYE BA BZHIN DU YANG LOG GNYIS SU'ANG 'BYED DE, DE LA BDEN RDZUN GNYIS SU 'BYED PA'I PHYIR, DE LTAR PHYE BA'I YUL YANG DAG PA DANG BDEN PA GNYIS DON GCIG KYANG LOG PA DANG RDZUN PA DON GCIG PAR MTHA' GCIG TU MA NGES

071b

TE; RI BONG GI RVA LTA BU SKABS 'DI'I LOG PA YIN (MIN) YANG RDZUN PA YIN PA'I PHYIR, SKABS 'DI'I YUL YANG DAG PA DANG BDEN PA DE LA YANG LOG GIS 'BYED MI RIGS TE, THA SNYAD PA'I SHES PA'I NGO LA BLTOS NAS KYANG MI RIGS, GNAS LUGS DPYOD PA'I RIGS SHES KYIS KYANG 'BYED MI RIGS PA'I PHYIR, DANG PO GRUB STE, YUL YANG DAG PA'AM BDEN PA DE NYID 'JIG RTEN SHES NGO LA BLTOS NAS KYANG MI 'JOG PA'I PHYIR, GNYIS PA GRUB STE, DE 'DRA'I RIGS SHES KYI NGO LA BLTOS NAS YANG DAG PA'AM BDEN PA KHO NA 'JOG GI LOG PA'AM RDZUN PA MI 'JOG PA'I PHYIR, DES NA DON DAM PA'I BDEN PA LA CHOS CAN KUN RDZOB PA RNAMS LTAR NGO BO LA MI 'DRA BA'I DBYE BA BYAR MED DE, DNGOS BCAS DBYE BA 'GA' YANG DE NYID LA MED DE YI PHYIR, ,ZHES GSUNGS PA LTAR CHOS RNAMS KYI GNAS LUGS DE BZHIN NYID KYI NGO BO LA MI 'DRA BA'I DBYE BA CUNG ZAD KYANG MED PA'I PHYIR, DE LTA NA YANG STONG GZHI CHOS CAN GYI SGO NAS DU MAR DBYER YOD DE, RGYAS PAR PHYE NA STONG NYID BCU DRUG ,DE LAS BSDU NA STONG NYID BZHI DANG, LEGS PAR BSDU NA BDAG MED PA GNYIS SU YOD PA'I PHYIR, KUN RDZOB KYI BDEN PA LA SPYIR BTANG LA YANG LOG GNYIS SU MI 'BYED DE, DE LA BDEN RDZUN GNYIS SU MI 'BYED PA'I PHYIR TE, KUN RDZOB PA'I CHOS YIN NA SNANG TSUL DANG GNAS TSUL MI MTHUN PA'I RDZUN PA YIN DGOS PA'I PHYIR, DE BZHIN DU 'PHAGS PA'AM DBU MA PA RANG LUGS DANG, YANG DAG MTHONG BA RIGS SHES KYI NGO LA BLTOS NAS KYANG MI 'BYED DE, 'JIG RTEN NYID LAS BDEN YIN ZHES PA'I 'GREL PAR, DE'I

072a

, ,PHYIR DE LTAR 'JIG RTEN GYI DBANG PO LA GNOD PA MANG BA'I DBANG PO DRUG CHAR GYIS GZUNG BAR BYA BA'I DON RTOGS PA DE NI 'JIG RTEN NYID LAS BDEN PA YIN GYI 'PHAGS PA LA BLTOS NAS NI MA YIN NO ZHES GSUNGS LA, DE YANG NYID LAS ZHES SMOS PAS NI 'PHAGS PA'I MNYAM GZHAG GI GZIGS NGO'AM DBU MA PA RANG GI LUGS LA DE LTAR MI 'BYED PA'I DON NO, ,'O NA, DE LTAR BSTAN PA'I 'JIG RTEN PA'I SHES NGO ZHES PA DE JI 'DRA ZHIG YIN SNYAM NA, 'DI LA LAM RIM CHUNG BAR THA SNYAD PA'I TSAD MA'AM 'JIG RTEN GYI SHES NGO ZHES BKOD PA LA THA SNYAD PA'I TSAD MAS YANG LOG GNYIS SU 'JOG CES PAR GO NAS 'DI'I RJES 'BRANG KHA CIG YI GE MA DAG PAR SMRA NA YANG, DON LA 'DI LTAR YIN TE, YUL BDEN PA GNYIS 'JOG PA LA YUL CAN SO SO BA GNYIS BSHAD PA'I KUN RDZOB KYI BDEN PA SHES NGO GANG LA BLTOS NAS 'JOG PA'I 'JIG RTEN GYI SHES NGO DE NYID YIN LA, DE'I NGO LA BLTOS NAS YUL YANG DAG PA DANG LOG PA GNYIS SU 'BYED CES PA YANG BLO DE NYID KYIS YUL DE NYID KYI YUL DE NYID LA YANG DAG PA DANG LOG PAR 'JAL ZHES PA LTA BU'I DON MA YIN GYI, BLO DE'I SHES NGO STE DE'I NGOR GZHAG PA'I RDZUN PA GZHIR BYAS LA'ANG DE GNYIS LAS BDEN RDZUN GYI KHYAD PAR STON PA STE, DPER NA SKYES BU'I BYAD BZHIN DANG DE'I GZUGS BRNYAN GNYIS LA SPYIR BDEN RDZUN GYI KHYAD PAR MED KYANG RDZUN PA'AM LOG PA GZHIR BYAS PA'I BDEN RDZUN GYI KHYAD PAR YOD PA BZHIN NO, ,DES NA SKABS 'DI'I 'JIG RTEN GYI SHES NGO ZHES PA LA THA SNYAD PA'I TSAD MA DANG 'JIG RTEN THA SNYAD PA'I BLO RANG GA BA GNYIS

072b

KA YOD KYANG SHES NGO DE LA BLTOS NA YANG DAG PA DANG LOG PA'I KHYAD PAR YOD PAS SHES PA DES YANG DAG PA DANG LOG PAR SPYIR 'JOG NUS MI DGOS TE, DPER NA RGAN PO BRDA BYANG GI SHES NGO LA BLTOS NAS BYAD BZHIN DANG DE'I GZUGS BRNYAN GNYIS LA BDEN RDZUN GYI KHYAD PAR YOD KYANG, SHES PA DES DE GNYIS LA SPYIR BDEN RDZUN GYI KHYAD 'BYED MI NUS PA BZHIN NO, ,DES NA SKABS 'DIR 'JIG RTEN PA'I SHES PA 'KHRUL PA DE'I NGO LA BLTOS NAS YUL YUL CAN GNYIS KA LA YANG LOG GNYIS SU 'BYED DE; 'PHRAL GYI 'KHRUL RGYUS MA BSLAD PA'I DBANG PO DRUG DANG DE'I SHES PA RNAMS NI YUL CAN YANG DAG PA DANG, 'PHRAL GYI 'KHRUL RGYUS BSLAD PA'I DBANG PO DRUG DANG, DE LA BRTEN PA'I SHES PA RNAMS YUL CAN LOG PA YIN LA, DE BZHIN DU 'PHRAL GYI 'KHRUL RGYU'I GNOD PA MED PA'I DBANG PO DRUG GI SHES PA'I YUL GZUGS SOGS RNAMS YUL YANG DAG PA DANG, 'PHRAL GYI 'KHRUL RGYUS BSLAD PA'I SHES PA 'KHRUL PA'I YUL GZUGS BRNYAN DANG, BRAG CA DANG, SMIG RGYU'I CHU DANG, RMI LAM GYI SNANG BA DANG, SGYU MA'I RTA GLANG SOGS DANG, GRUB MTHA' LOG PA DANG, GTAN TSIGS LTAR SNANG SOGS LA BRTEN NAS RTAG GCIG RANG DBANG CAN GYI BDAG DANG GTZO BO SOGS SU BTAGS PA RNAMS YUL LOG PAR 'JOG PA'I PHYIR, YUL DE RNAMS LA YANG LOG GI KHYAD PAR DE LTAR 'JOG PA'I RGYU MTSAN YANG YOD DE, 'JIG RTEN GYI SHES PA 'KHRUL PA'I NGO DER GZUGS BRNYAN BYAD BZHIN DU SNANG YANG SNANG BA LTAR DU MED PA DANG, BYAD BZHIN BYAD BZHIN DU SNANG YANG SNANG BA LTAR YOD PA'I KHYAD PAR SHES

073a

, ,NGO DE NYID LA BLTOS NAS GZHAG TU YOD PA'I PHYIR, DES LHAG MA GZHAN RNAMS KYANG MTSON LA, 'DIR BSHAD PA'I 'JIG RTEN PA'I SHES PA NI SPYIR STONG NYID LA BLO KHA MA PHYOGS PA'I SHES PA STE, DE LA YANG TSAD MA DANG TSAD MIN GYI BLO GNYIS DANG, GRUB MTHA' LA ZHUGS MA ZHUGS KYI BLO GNYIS GNYIS SU DBYER YOD PAS MU STEGS BYED RNAMS KYIS BTAGS PA'I RTAG GCIG RANG DBANG CAN GYI BDAG DANG GTZO BO LA SOGS PA RNAMS JI LTAR BTAGS PA LTAR DU MED PAR GRUB MTHA' LA MA ZHUGS PA'I SO SO SKYE BO RANG GA BA'I BLOS RTOGS PAR MI NUS KYANG DE RNAMS 'DIR BSTAN GYI YUL LOG PA MA YIN PA'I SKYON MED DE, DE KHO NA NYID LA BLO KHA MA PHYOGS PA'I THA SNYAD PA'I TSAD MAS DE LTAR RTOGS NUS PA'I PHYIR, BDAG 'DZIN LHAN SKYES GNYIS KYIS GZUNG BA'I DON LTA BU NI 'PHRAL GYI 'KHRUL RGYU'I GNOD PA MED PA'I DBANG POS GZUNG BA'I DON YIN LA, DE LTA NA SKABS 'DIR BSTAN GYI YUL YANG DAG PA YIN NA THA SNYAD DU YOD PAS MA KHYAB STE, BDAG 'DZIN PHRA MO GNYIS KYI ZHEN YUL GYI BDAG LTA BU SKABS 'DI'I 'JIG RTEN SHES NGO LA BLTOS TE YUL YANG DAG PA YIN YANG THA SNYAD DU GZHI MA GRUB PA'I PHYIR, 'O NA THAL 'GYUR BA RANG LUGS LA YANG DAG PA DANG RDZUN PA 'GAL BAS, YANG DAG KUN RDZOB MI 'DOD KYANG KUN RDZOB GANG YIN LOG PA YIN PAS LOG PA'I KUN RDZOB CI'I PHYIR KHAS MI LEN SNYAM NA, DE'I RGYU MTSAN YOD DE, SKYES BU'I BYAD BZHIN NAM DE'I GZUGS BRNYAN LTA BU DE STONG NYID LA BLO KHA MA PHYOGS PA'I THA SNYAD PA'I TSAD MAS KUN RDZOB TU 'JOG MI NUS PA'I PHYIR TE, DES DE GNYIS

073b

RDZUN PAR 'JOG MI NUS PA'I PHYIR TE, DE 'DRA'I BLO DES DE GNYIS KYI STENG DU BDEN GRUB MI KHEGS PA'I PHYIR, DES NA THAL RANG GNYIS LA KUN RDZOB KYI BDEN PA'I DBYE BA BYED TSUL LA YANG KHYAD PAR YOD DE, THAL 'GYUR BA RNAMS RANG LUGS LA KUN RDZOB LA YANG LOG GNYIS SU MI 'BYED KYANG 'JIG RTEN PA'I SHES NGO LA BLTOS NAS YUL YUL CAN GNYIS KA LA YANG LOG GI DBYE BA 'BYED LA, RANG RGYUD PA RNAMS YUL LA YANG LOG GNYIS SU 'BYED KYANG YUL CAN SHES PA LA YANG LOG GI DBYE BA MI 'BYED PA'I PHYIR TE, YUL CAN GYI SHES PA YIN NA, RANG SNANG YUL DU BYED PA'I BLO LA JI LTAR SNANG BA LTAR MA GRUB PAS KHYAB PAR BZHED PA'I PHYIR, DE LTA BU'I KHYAD PAR BYUNG BA YANG RTZA BA RANG MTSAN GYIS GRUB PA KHAS LEN MI LEN LA THUG STE, THAL 'GYUR BA RNAMS GZUGS SOGS 'DZIN PA'I SHES PA LA GZUGS SOGS RANG MTSAN GYIS GRUB PAR SNANG BA SNANG BA LTAR DU MA GRUB PAR BZHED CING, RANG RGYUD PA RNAMS GZUGS 'DZIN DBANG SHES LA GZUGS RANG MTSAN GYIS GRUB PAR SNANG BA SNANG BA LTAR GRUB PAR BZHED PA'I PHYIR, GNYIS PA SKABS KYI DON LA SBYAR BA NA, MIG NI RAB RIB CAN GYIS DMIGS PA YIS, ,ZHES SOGS TE GONG DU BDEN PA GNYIS KYI RNAM GZHAG LEGS PAR BSHAD PA LTAR 'DIR GZHAN SKYE BKAG PA LA 'JIG RTEN GYI MTHONG BA MNGON SUM GYIS MI GNOD DE, ,GZHAN SKYE DGAG PA NI, 'JIG RTEN PA'I THA SNYAD PA'I SHES PA'I YUL TZAM MA YIN GYI DNGOS PO RNAMS RANG BZHIN GYI SKYE BA BKAG PA'I 'PHAGS PA'I ZAG PA MED PA'I MNYAM GZHAG GI YUL YIN LA, DE LA 'JIG RTEN PAS SA BON

074a

, ,LAS MYU GU SKYE BAR MTHONG BA TZAM ZHIG GIS GNOD PAR MI NUS PA'I PHYIR, DPER NA RAB RIB CAN GYI SKRA BSHAD DU DMIGS PAS RAB RIB MED PA'I SHES PA'I YUL LA MI GNOD PA BZHIN ZHES SNGAR GYI RTZOD PA DNGOS KYI LAN BTAB PAS SKABS KYI DON LA SBYAR BA YIN NO,, GSUM PA LA KUN RDZOB KYI BDEN PA DANG DON DAM PA'I BDEN PA GNYIS LAS, THOG MAR KUN RDZOB KYI BDEN PA NI, GTI MUG RANG BZHIN SGRIB PHYIR KUN RDZOB STE, ,ZHES SOGS KYIS KUN RDZOB BDEN PA GANG GI NGOR 'JOG PA'I BLO KUN RDZOB PA NGOS BZUNG NAS, DES RDZUN PA'I CHOS RNAMS RANG BZHIN GYIS MED BZHIN DU BCOS PA KUN RDZOB KYI BDEN PA DANG, DE DAG KYANG BDEN 'DZIN SPANGS PA'I GANG ZAG GSUM LA BDEN PAR SNANG YANG BDEN PAR MI ZHEN PA'I TSUL RNAMS RIM PA LTAR STON PAR BYED PA STE, SKABS 'DIR RNAM BSHAD DU LUGS 'DI'I THUN MONG MA YIN PA'I NYON MONGS KYI RNAM GZHAG GSUNGS PAS LUGS 'DI'I SGRIB PA GNYIS KYI RNAM GZHAG CUNG ZAD BRJOD NA, DE YANG RANG RGYUD PA RNAMS KYI LUGS LA CHOS RNAMS LA BDEN PAR 'DZIN PA'I BDEN 'DZIN NI NYON MONGS CAN MA YIN PA'I MA RIG PA DANG SHES SGRIB KYI SA BON DANG, BDEN 'DZIN LA'ANG KUN BTAGS DANG, LHAN SKYES GNYIS LAS, KUN BTAGS SA BON DANG BCAS PA THEG PA CHEN PO'I MTHONG LAM DU SPONG ZHING, LHAN SKYES LA CHE 'BRING CHUNG NGU'I DBYE BAS DGUR BYAS NAS SGOM LAM DGU'I RIM PA BZHIN SPONG BAR BZHED CING, NYON SGRIB NI MNGON PA GNYIS DANG THUN MONG BA'I RTZA NYON DRUG DANG, NYE NYON NYI SHU SOGS RNAMS LA BZHED PA DANG,

074b

NYON MONGS CAN GYI MA RIG PA NI GANG ZAG RANG RKYA THUB PA'I RDZAS YOD DU 'DZIN PA'I 'JIG LTA LA BZHED CING, THEG CHEN GYI GRUB MTHA' SMRA BA 'GA' ZHIG NYON MONGS CAN GYI MA RIG PA LAS 'BRAS DANG BDEN BZHI SOGS LA RMONGS PA'I MI GSAL BA'I CHA TZAM YIN PA DANG, DE DANG 'JIG LTA 'GAL BAR BZHED PA DAG KYANG YOD DE, 'DI PA'I LUGS KYI NYON MONGS CAN GYI MA RIG PA NI BDAG MED PA'I DE KHO NA NYID RTOGS PA'I RIG PA YE SHES KYI MI MTHUN PHYOGS DANG, DE YANG RIG PA DE MED TZAM DANG DE LAS GZHAN TZAM MA YIN GYI 'GAL ZLA MI MTHUN PHYOGS CHOS DANG GANG ZAG RANG BZHIN GYIS GRUB PAR 'DZIN PA'I BDEN 'DZIN YIN LA, DE YANG NYON MONGS CAN GYI MA RIG PAR BZHED PA NI, 'GREL PA LAS, DE LA 'DIS SEMS CAN RNAMS JI LTAR GNAS PA'I DNGOS PO BLTA BA LA RMONGS PAR BYED PAS GTI MUG STE, MA RIG PA DNGOS PO'I RANG GI NGO BO YOD PA MA YIN PA SGRO 'DOGS PAR BYED PA RANG BZHIN MTHONG BA LA SGRIB PA'I BDAG NYID CAN NI KUN RDZOB BO, ,ZHES DANG, DE LTAR NA RE ZHIG SRID PA'I YAN LAG GIS YONGS SU BSDUS PA NYON MONGS CAN GYI MA RIG PA'I DBANG GIS KUN RDZOB KYI BDEN PA RNAM PAR GZHAG GO ZHES GSUNGS LA, 'GREL TSIG DANG PO'I DON NI GONG DU BSHAD PA DE LTA BU'I BDEN 'DZIN DE LA GTI MUG GAM MA RIG PA ZHES BYA STE, 'DIS SEMS CAN RNAMS RANG BZHIN GYIS STONG PA NYID DU GDOD MA NAS JI LTAR GNAS PA'I DNGOS PO'I GNAS LUGS BLTA BA LA RMONGS PAR BYED PAS NA'O, ,MA RIG PA DE LA BLO KUN RDZOB PA ZHES KYANG BYA STE, DNGOS PO'I RANG GI NGO BO RANG BZHIN

075a

, ,GYIS YOD PA MA YIN PA LA RANG BZHIN GYIS GRUB PAR SGRO 'DOGS PAR BYED PAS DNGOS PO'I RANG BZHIN MTHONG BA LA SGRIB PA'I BDAG NYID CAN YIN PA'I PHYIR, ZHES PA DANG, PHYI MA'I DON NI, BUM SOGS RNAMS LA KUN RDZOB KYI BDEN PA ZHES BYA STE, DE LA RE ZHIG SRID PA'I YAN LAG GIS YONGS SU BSDUS PA NYON MONGS CAN GYI MA RIG PA BDEN 'DZIN DE'I DBANG GIS TE DE'I NGOR BDEN PAS DE LTAR RNAM PAR GZHAG PA'I PHYIR, ZHES PA YIN LA, DE BZHIN DU BZHI BRGYA PA'I 'GREL PA LAS, RNAM PAR SHES PA DNGOS PO'I NGO BO LHAG PAR SGRO 'DOGS PAR BYED PA MI SHES PA'I DBANG GIS DNGOS PO RNAMS LA CHAGS PA DANG LDAN ZHING 'KHOR BAR 'JUG PA'I SA BON DU 'GYUR BA RNAM PA THAMS CAD DU 'GAGS PA LAS 'KHOR BA 'GAGS PA RNAM PAR GZHAG GO ZHES BSTAN PA'I PHYIR BSHAD PA, SRID PA'I SA BON RNAM SHES TE, ,YUL RNAMS DE YI SPYOD YUL LO, ,YUL LA BDAG MED MTHONG NA NI, ,SRID PA'I SA BON 'GAG PAR 'GYUR,, JI SKAD BSHAD PA'I TSUL GYIS YUL RANG BZHIN GYIS MED PAR MTHONG BAS CHAGS PA'I RGYU SRID PA'I SA BON DU GYUR PA RNAM PA THAMS CAD DU LOG PA LAS NYAN THOS DANG, RANG SANGS RGYAS DANG, MI SKYE BA'I CHOS LA BZOD PA THOB PA'I BYANG CHUB SEMS DPA' RNAMS LA 'KHOR BAR LDOG PAR RNAM PAR GZHAG GI ZHES DANG, YANG, LUS LA LUS DBANG JI BZHIN DU, ,ZHES SOGS KYI 'GREL PAR, GTI MUG NI DE RNAMS LA JI LTAR BDEN PAR RTOGS PA LAS RMONGS PA NYID KYIS PHYIR DNGOS PO BDEN PA'I RANG GI NGO BOR LHAG PAR SGRO 'DOGS PAR RAB TU 'JUG GO ZHES

075b

GSUNGS SHING, 'GREL TSIG DANG PO MTSAMS SBYAR GYI DON NI, SRID PA'I SA BON RNAM SHES TE, ,ZHES SOGS KYI GZHUNG SMOS PA LA DGOS PA YOD DE, RNAM PAR SHES PA DNGOS PO'I NGO BO RANG BZHIN GYIS GRUB PAR LHAG PAR SGRO 'DOGS PAR BYED PA NYON MONGS CAN GYI MI SHES PA'I DBANG GIS DNGOS PO RNAMS LA BDEN PAR CHAGS PA LDAN ZHING LUS CAN RNAMS 'KHOR BAR 'JUG PA STE, SKYE BA'I SA BON DU 'GYUR BA BDEN 'DZIN DE NYID RNAM PA THAMS CAD DU 'GAGS PA SE SA BON SPANGS PA LAS 'KHOR BA 'GAGS PA'AM SPANGS PAR RNAM PAR GZHAG GO ZHES BSTAN PAR BYA BA'I CHED YIN PA'I PHYIR, RTZA BA'I DON NI, BDEN PAR 'DZIN PA'I RNAM PAR SHES PA NI SRID PA'I SA BON YIN TE, GZUGS SOGS YUL RNAMS DE'I SPYOD YUL DU BYAS PA'I SGO NAS BDEN PAR LHAG PAR SGRO BTAGS PA'I DBANG GIS 'KHOR BAR NYING MTSAMS SBYOR BA'I PHYIR, SRID PA'I SA BON DE NYID 'GAGS PA STE LDOG PAR 'GYUR BA'I THABS YOD DE, YUL GZUGS SOGS CHOS DANG GANG ZAG LA BDEN 'DZIN DES ZHEN PA LTAR GYI BDEN 'DZIN GYI YUL GYI BDAG MED PAR MTHONG ZHING GOMS PAR BYAS PAS LDOG PAR 'GYUR BA'I PHYIR, PHYI 'GREL GYI DON NI, DES NA NYAN THOS DANG RANG SANGS RGYAS DGRA BCOM PA GNYIS DANG MI SKYE BA'I CHOS LA BZOD PA CHEN PO THOB PA'I DAG SA LA GNAS PA'I BYANG CHUB SEMS DPA' RNAMS LA 'KHOR BA LDOG PA'AM SPANGS PAR RNAM PAR GZHAG STE, DE RNAMS KYIS YUL RANG BZHIN MED PAR MTHONG BAS SRID PA'I RGYU CHAGS PA'I RTZA BA SRID PA'I SA BON DU GYUR PA BDEN 'DZIN SA BON DANG BCAS PA RNAM PA THAMS

076a

, ,CAD DU LOG PA STE SPANGS PA'I PHYIR RO ZHES PA STE, DE DAG GIS BDEN 'DZIN 'KHOR BA'I RTZA BAR GYUR PA'I MA RIG PA DANG, YAN LAG BCU GNYIS KYI DANG PO DANG, RANG BZHIN MED PA'I STONG NYID BSGOMS PAS DE'I SA BON SPONG BAR BSHAD DO; ;CHAGS SOGS NYON MONGS GZHAN RNAMS KYANG BDEN 'DZIN GYI GTI MUG LAS 'JUG TSUL NI, BZHI BRGYA PA LAS, LUS LA LUS DBANG JI BZHIN DU, ,GTI MUG KUN LA GNAS 'GYUR TE, ,ZHES PA'I 'GREL PAR, GTI MUG NI DE RNAMS JI LTAR BDEN PAR RTOGS PA LAS RMONGS PA NYID KYI PHYIR DNGOS PO BDEN PA'I RANG GI NGO BOR LHAG PAR SGRO 'DOGS PAR RAB TU 'JUG GO ,'DOD CHAGS LA SOGS PA DAG KYANG GTI MUG GIS KUN TU BRTAGS PA'I DNGOS PO'I RANG BZHIN KHO NA LA SDUG PA DANG MI SDUG PA LA SOGS PA'I KHYAD PAR SGRO 'DOGS PAR 'JUG PA NYID KYI PHYIR GTI MUG LAS THA MI DAD PAR 'JUG PAR 'GYUR ZHING, GTI MUG LA BRTEN PAR YANG 'GYUR TE, GTI MUG GTZO BO NYID KYI PHYIR, ZHES GSUNGS LA, DE YANG 'JUG GO YAN CHAD KYI DON NI, GTI MUG BDEN 'DZIN NI CHOS CAN, DNGOS PO RNAMS LA BDEN PA'I RANG GI NGO BOR MA GRUB BZHIN DU LHAG PAR SGRO 'DOGS PAR RAB TU 'JUG STE, PHYI NANG GI DNGOS PO DE RNAMS JI LTAR SNANG BA LTAR BDEN PAR RTOGS PA LAS KUN TU RMONGS PA NYID KYI DBANG LAS DE LTAR 'JUG PA YIN PA'I PHYIR, 'DOD CHAGS LA SOGS PA ZHES PA MAN CHAD KYI DON NI, 'DOD CHAGS DANG LA SOGS PA ZHE SDANG LA SOGS PA DAG KYANG BDEN 'DZIN GYI GTI MUG DE NYID KYI RTZA BA BYAS PA LAS YUL LA 'JUG CING

076b

SKYE BA YIN TE, GTI MUG BDEN 'DZIN GYIS BDEN PAR KUN TU BTAGS PA'I DNGOS PO'I RANG BZHIN KHO NA LA SDUG PA LA SOGS PA NGO BOS GRUB PAR ZHEN PA'I SGO NAS KHYAD PAR SGRO 'DOGS PA'I TSUL MIN YID BYED LAS GTI MUG DE NYID LAS THA MI DAD PA STE DMIGS RNAM MTSUNGS PAR 'JUG CING RAB TU SKYE BAR 'GYUR BA'I PHYIR, CHAGS SOGS DE RNAMS GTI MUG LA BRTEN PAR YANG 'GYUR TE, GTI MUG YOD NA DE DAG 'BYUNG ZHING, GTI MUG 'GAGS NA DE DAG KYANG 'GAGS PAS GTI MUG GTZO BO YIN PA'I PHYIR, JI SKAD BSHAD PA'I TSUL 'DI NI MGON PO KLU SGRUB KYI BZHED PA DAM PA STE, DNGOS PO LA BDEN PAR 'DZIN PA 'KHOR BA'I RTZA BA'I MA RIG PAR STONG NYID BDUN CU PA LAS GSUNGS SHING, RIGS PA DRUG CU PA LAS KYANG, GANG YANG RUNG BA'I GNAS RNYED NA, ,NYON MONGS SBRUL GDUG G-YO CAN GYIS, ,ZIN PAR 'GYUR RO GANG GI SEMS, ,GNAS MED DE DAG ZIN MI 'GYUR, ,ZHES DANG, GNAS DANG BCAS PA'I SEMS LDAN LA, ,NYON MONGS DUG CHEN CIS MI 'BYUNG, ,ZHES GSUNGS LA; TSIGS BCAD DANG PO'I DON NI, GZUGS SOGS KYI CHOS RNAMS LA RANG BZHIN GYIS GRUB PAR ZHEN PA'I SGO NAS GANG YANG RUNG BA'I MTSAN MAR 'DZIN PA'I GNAS RNYED PAR GYUR NA LUS CAN RNAMS 'KHOR BAR 'CHING STE, DE LTA NA BDEN 'DZIN DES RTZA BA BYAS PA'I NYON MONGS PA'I SBRUL GDUG PA G-YO CAN GYI DUG GIS ZIN PAR 'GYUR BA'I PHYIR, 'KHOR BA LAS THAR BA'I THABS YOD DE, GANG GI SEMS BDEN 'DZIN GYI GNAS PA MED PA STE DMIGS GTAD BSHIG PA DE DAG NYON MONGS KYI SBRUL

077a

, ,GYIS ZIN PAR MI 'GYUR BA'I PHYIR ZHES PA YIN LA, RKANG PA PHYI MA GNYIS KYI DON YANG DE DANG 'DRA BA'I PHYIR TE, RKANG PA PHYI MA GNYIS KYI MTSAMS SBYAR DU GANG ZAG GZUGS LA SOGS PA RNAMS KYI RANG BZHIN DMIGS KYANG NYON MONGS PA RNAMS SPONG BAR 'DOD PA DE DAG LA NI NYON MONGS PA SPONG BA MI SRID PA NYID CES BSTAN PA'I PHYIR GSUNGS PA ZHES 'GREL PAR MTSAMS SBYAR LA, DE'I DON YANG GZUGS LA SOGS PA RNAMS KYI NGO BO GRUB PA'I RANG BZHIN DMIGS SHING ZHEN PA'I SGO NAS NYON MONGS PA RNAMS SPONG BAR 'DOD PA DE DAG LA NYON MONGS PA'I SA BON SPONG BA MI SRID PA NYID YIN TE, NYON MONGS PA THAMS CAD KYI RTZA BA BDEN 'DZIN GYI ZHEN YUL SUN MA PHYUNG BA'I PHYIR ZHES PA YIN PA'I PHYIR, DE BZHIN DU PHYI 'GREL DU YANG BDEN 'DZIN GYI RTZA BA BYAS PA LAS CHAGS SDANG GI NYON MONGS RNAMS SKYE BAR BSHAD DE, SNGAR GYI BZHI BRGYA PA'I 'GREL PA DANG DON GCIG TU SNANG NGO, ,DE LTAR NA BDEN 'DZIN DANG, DES DRANGS PA'I RANG RANG GI YUL LA RANG MTSAN GYIS GRUB PAR BZHED PA'I RTZA BA DANG NYE BA'I NYON MONGS PA RNAMS NI SKABS 'DI'I THUN MONG MA YIN PA'I NYON MONGS PA'I SGRIB PA RNAMS SO, ,'O NA LUGS 'DI'I SHES SGRIB KYI NGOS 'DZIN JI LTAR BYA SNYAM NA, 'GREL PA LAS, DE LA MA RIG PA'I BAG CHAGS NI SHES BYA YONGS SU GCOD PA'I GEGS SU GYUR PA YIN LA, 'DOD CHAGS LA SOGS PA'I BAG CHAGS YOD PA NI LUS DANG NGAG GI 'JUG PA DE LTA BU'I RGYU YANG YIN TE, MA RIG PA DANG 'DOD CHAGS LA SOGS PA'I BAG CHAGS DE YANG RNAM PA THAMS CAD MKHYEN PA DANG SANGS

077b

RGYAS KHO NA LA LDOG PAR 'GYUR GYI GZHAN DAG LA NI MA YIN NO, ,ZHES GSUNGS LA, DE YANG YIN LA ZHES PA YAN CHAD KYI DON NI, DE LA SHES SGRIB NGOS BZUNG DU YOD DE, MA RIG PA BDEN 'DZIN GYI BAG CHAGS BDEN 'DZIN GYI SA BON MA YIN PA NI SHES BYA BDEN PA GNYIS CIG CAR DU MNGON SUM DU BLO GCIG GI YONGS SU GCOD PA'I GEGS SU GYUR PA'I SGRIB PA YIN PA'I PHYIR, 'DOD CHAGS LA SOGS PA'I BAG CHAGS SHES SGRIB KYIS BSDUS PA DE LTA BU YOD PA NI LUS DANG NGAG DAG GI 'JUG PA DGRA BCOM PA RNAMS LA YOD PA SPRE'U LTAR MCHONG BA DANG, GZHAN LA RMANGS MO ZHES ZER BA LA SOGS PA'I RGYU YANG YIN TE, DE LA BRTEN NAS DE 'DRA BA'I LUS NGAG GI GNAS NGAN LEN 'BYUNG BA'I PHYIR, LHAG MA NI MA RIG PA BDEN 'DZIN DANG 'DOD CHAGS LA SOGS PA'I BAG CHAGS SHES SGRIB KYIS BSDUS PA DE YANG MA LUS PAR SPANGS PA NYAN RANG DGRA BCOM PA GNYIS DANG BYANG SEMS SOGS GZHAN DAG LA NI MA YIN TE, RNAM PA THAMS CAD MKHYEN PA DANG SANGS RGYAS KHO NA LA MA LUS PAR LDOG CING SPANGS PAR 'GYUR BA NYID YIN PA'I PHYIR, DES NA SKABS 'DIR SGRIB PA GNYIS KYI NGO BO TZAM ZHIG SMOS NA, THAR PA DANG THAMS CAD MKHYEN PA GNYIS KYI NANG NAS GTZO BOR THAR PA TZAM THOB PA LA GEGS BYED KYI SGRIB PA'I RIGS SU GNAS PA NYON SGRIB KYI MTSAN NYID, DE GNYIS KYI NANG NAS GTZO BOR THAMS CAD MKHYEN PA LA GEGS BYED KYI SGRIB PA'I RIGS SU GNAS PA SHES SGRIB KYI MTSAN NYID, DANG PO LA DBYE NA, KUN BTAGS DANG, LHAN SKYES GNYIS, GRUB MTHAS BSLAD PA'I DBANG GIS BYUNG BA'I NYON

078a

, ,MONGS PA MTSUNGS LDAN DANG BCAS PA'AM DES BSKYED PA'I SA BON GANG RUNG GI CHAR GYUR PA DANG PO'I MTSAN NYID, GRUB MTHAS BSLAD PA LA MA BLTOS PAR THOG MA MED PA NAS RJES SU ZHUGS PA'I NYON MONGS PA MTSUNGS LDAN DANG BCAS PA DANG DE'I BAG CHAGS NYON MONGS PA'I SA BON GYI CHAR GYUR PA GANG RUNG DE GNYIS PA'I MTSAN NYID, DE GNYIS RE RE LA'ANG MNGON GYUR DANG SA BON GNYIS GNYIS LAS, NYON SGRIB KUN BTAGS GANG ZHIG DMIGS RNAM 'DZIN PA'I BLO KUN BTAGS MNGON GYUR GYI MTSAN NYID, DMIGS RNAM MI 'DZIN YANG RANG 'BRAS NYON SGRIB KUN BTAGS BSKYED PA'I NYER LEN GYI NUS PA'I NGO BOR GNAS PA DE SA BON GYI MTSAN NYID, LHAN SKYES GNYIS KYI MTSAN NYID KYANG DES MTSON NAS SHES PAR BYA'O,, SHES SGRIB LA DBYE NA MNGON GYUR DANG, SA BON GNYIS, DGRA BCOM PA GNYIS DANG DAG SA'I BYANG SEMS KYI RGYUD LA 'BYUNG BA'I SGRIB PA'I RIGS SU GNAS PA GANG ZHIG DMIGS RNAM 'DZIN PA'I SGRIB PA'I NYER LEN MI BYED PA'I GNYIS SNANG 'KHRUL PA'I CHA DANG PO'I MTSAN NYID, BDEN 'DZIN GYIS BZHAG PA'I BAG CHAGS PHRA MO GANG ZHIG GNYIS SNANG 'KHRUL PA'I CHA DE NYID SKYED NUS PA'I NGO BOR GNAS PA GNYIS PA'I MTSAN NYID YIN NO, ,KUN RDZOB BDEN PA'I NGO BO STON PA'I GZHUNG GI ZUR DU, BCOS MAR GYUR PA'I DNGOS NI KUN RDZOB TU, ,ZHES GSUNGS LA, DE'I DON 'GREL PAR, DE YANG NYAN THOS DANG, RANG SANGS RGYAS DANG, BYANG CHUB SEMS DPA' NYON MONGS CAN GYI MA RIG PA SPANGS PA, 'DU BYED GZUGS BRNYAN LA SOGS PA YOD PA NYID

078b

DANG 'DRA BAR GZIGS PA RNAMS LA NI BCOS PA'I RANG BZHIN YIN GYI BDEN PA NI MA YIN TE, BDEN PAR MNGON PAR RLOM PA MED PA'I PHYIR RO, ,ZHES GSUNGS LA, 'BRU SNON PA TZAM ZHIG BYAS NA, DE YANG NYAN THOS DANG RANG SANGS RGYAS DGRA BCOM PA GNYIS DANG DAG SA'I BYANG CHUB SEMS DPA' NYON MONGS CAN GYI MA RIG PA'I SA BON SPANGS PA RNAMS KYI RJES THOB KYI BLO KUN RDZOB PA'I CHOS BCOS MA'I RANG BZHIN YIN GYI STE YIN TE, DE RNAMS KYI 'DU BYED KUN RDZOB RNAMS GZUGS BRNYAN LA SOGS PA DANG 'DRA BAR KUN RDZOB TZAM DU GZIGS KYI BDEN PAR NI MA YIN PA'I PHYIR TE, DE RNAMS LA BDEN PAR SNANG YANG BDEN PAR MNGON PAR RLOM PA STE ZHEN PA MED PA'I PHYIR, ZHES DE RNAMS LA KUN RDZOB PA'I CHOS RNAMS RANG BZHIN GYIS GRUB PA LTA BUR SNANG YANG SNANG BA LTAR GRUB PAR MI 'DZIN PAS PHYI NANG GI CHOS RNAMS GANG ZAG GSUM PO DE'I KUN RDZOB KYI NGOR BDEN PAR MA GRUB PAR BSGRUBS PA TZAM YIN GYI DE RNAMS KYI NGOR KUN RDZOB KYI BDEN PA MA YIN ZHES BSGRUB PA NI MA YIN NO, ,LHAG MA RNAMS NI SLA BAR SNANG NGO, ,GNYIS PA DON DAM BDEN PA'I NGO BO NI, RAB RIB MTHU YIS SKRA SHAD LA SOGS PA'I, ,ZHES SOGS TE, DON NI, CHOS RNAMS KYI RANG BZHIN NAM GNAS LUGS MTHAR THUG PA NI DE NYID GNYIS SNANG NUB PA'I SGO NAS GZIGS PA'I 'PHAGS PA'I JI LTA BA RTOGS PA'I MNYAM GZHAG GIS JI LTAR GZIGS PA LTAR GNAS KYI TSUR MTHONG RNAMS KYI BLO LA SNANG BA LTAR MA YIN TE, DPER NA, MIG RAB RIB KYIS BSLAD PA'I MTHU YIS BZA' BTUNG GI SNOD LA SOGS PA'I GZHI 'BA' ZHIG TU

079a

, ,SKRA SHAD LA SOGS PA'I NGO BO LOG PA GANG ZHIG RNAM PAR BRTAGS PA NA BDAG NYID GANG DU MIG DAG PAS GZHI DER SKRA SHAD LA DMIGS PA DE GZHI DE'I GNAS TSUL YIN GYI RAB RIB CAN GYIS MTHONG BA LTAR MA YIN PA DPE DE BZHIN DU YIN PA'I PHYIR, NGAG DON NI, MYU GU CHOS CAN, KHYOD KYI STENG GI DON DAM PA'I NGO BO NGOS BZUNG DU YOD DE, KHYOD KYI GNAS LUGS LA GNYIS SNANG NUB PA'I JI LTA BA GZIGS PA'I YE SHES KYIS JI LTAR GZIGS PA DE NYID YIN PA'I PHYIR, 'DI'I SKABS SU RANG 'GREL LAS, GAL TE RNAM PA DE LTA BU'I RANG BZHIN NI MTHONG BA MED PA NYID MA YIN NAM, DE'I PHYIR JI LTAR DE DAG GIS GZIGS SHE NA, BDEN MOD KYI 'ON KYANG MA GZIGS PA'I TSUL GYIS DE DAG GIS GZIGS SO ZHES BRJOD CES GSUNGS NAS, DE'I SHES BYED DU JI SKAD DU 'PHAGS PA BDEN PA GNYIS LA 'JUG PA LAS, LHA'I BU, GAL TE DON DAM PAR NA DON DAM PA'I BDEN PA LUS DANG NGAG DANG YID KYI RANG BZHIN DU 'GYUR BA NI DON DAM PA'I BDEN PA ZHES BYA BA'I GRANGS SU MI 'GRO STE KUN RDZOB KYI BDEN PA NYID DU 'GYUR RO, ,'ON KYANG LHA'I BU, DON DAM PAR NA DON DAM PA'I BDEN PA NI THA SNYAD THAMS CAD LAS 'DAS PA, BYE BRAG MED PA MA SKYES PA ZHES SOGS DRANGS SO, ,'DI'I DON RNAM BSHAD DU 'CHAD PA NI, GAL TE RAB RIB MED PA'I MIG GIS ZHES SOGS NAS, 'JIG RTEN GYI GNOD PA MA YIN NO ZHES PA'I BAR RGYA CHER GSUNGS PA RNAMS KYI DGONGS PA BSDUS TE BSTAN NA, GAL TE KHO NA RE, RAB RIB MED PA'I MIG GIS RAB RIB CAN LA SKRA SHAD SNANG BA'I GZHI DER SKRA SHAD DU SNANG

079b

BA TZAM YANG MA MTHONG BA BZHIN DU SANGS RGYAS KYIS MA RIG PAS BSLAD PA'I PHUNG SOGS KUN RDZOB PA MA GZIGS NA DE RNAMS MED PAR 'GYUR TE, YOD NA SANGS RGYAS KYIS GZIGS DGOS PA'I PHYIR, PHUNG SOGS KUN RDZOB PA DE RNAMS GTAN MED NA SANGS RGYAS THOB PA YANG MED PAR 'GYUR TE, DANG POR SEMS BSKYED PA'I LAS DANG PO PA'I GANG ZAG NI MA RIG PAS BSLAD PA'I SHES PA CAN YIN PAS SEMS BSKYED KYI CHED DU BYA BA'I YUL SEMS CAN DANG, DMIGS PA'I YUL GYI BYANG CHUB SOGS KYANG MED PAR 'GYUR BA'I PHYIR RO, ,ZHE NA, DE'I SKYON MED PA'I TSUL BSHAD NA, SANGS RGYAS KYI YE SHES KYIS SHES BYA MKHYEN PA'I TSUL LA GNYIS SU YOD DE, DON DAM BDEN PA'I SHES BYA MKHYEN TSUL DANG, KUN RDZOB BDEN PA'I SHES BYA MKHYEN TSUL GNYIS YOD PA'I PHYIR, DANG PO NI, PHUNG SOGS KUN RDZOB PA'I SNANG BA RNAMS MA GZIGS PA'I TSUL GYIS DE RNAMS KYI DE KHO NA NYID MKHYEN PA YIN TE, DPER NA MYU GU LA BLTOS TE JI LTA BA GZIGS PA'I RNAM MKHYEN GYIS MYU GU MA GZIGS PA'I TSUL GYIS MYU GU'I CHOS NYID GZIGS PA'I PHYIR, DON 'DI NYID STON PA NI SNGAR DRANGS PA'I, GAL TE GNYIS SU SNANG BA THAMS CAD NUB PA ZHES SOGS KYI 'GREL PA STE, DON NI, GAL TE CHOS NYID LA MKHA' DBYINGS SU SPRIN THIM PA LTAR GNYIS SU SNANG BA RNAM PA THAMS CAD DU NUB PA RNAM PA DE LTA BU'I RANG BZHIN NI CI YANG MTHONG BA MED PA MA YIN NAM, DES NA JI LTAR SANGS RGYAS DE DAG GIS DON DAM PA'I BDEN PA GZIGS SHE NA, DE KHO NA NYID MNGON SUM DU GZIGS PA'I NGOR DE LTAR GNYIS SNANG NUB PAS

080a

, ,KUN RDZOB PA'I CHOS RNAMS GZIGS PA LTAR YUL YUL CAN GNYIS KYI TSUL GYIS MI GZIGS PA NI BDEN MOD KYI, DE LTA NA YANG JI LTA BA MA GZIGS PA'I SKYON MED DE, JI LTA BA GZIGS PA'I YE SHES KYI NGOR PHUNG SOGS MA GZIGS PA'I TSUL GYIS DE RNAMS KYI DE KHO NA NYID GZIGS PA'I PHYIR TE, PHUNG SOGS RNAMS SANGS RGYAS KYIS JI LTA BA GZIGS PA'I GZIGS NGO DER MA GRUB PA DE NYID PHUNG SOGS DE DAG GI DE KHO NA NYID YIN PA'I PHYIR TE, RANG 'GREL LAS, DNGOS PO BYAS PA CAN LA MA REG PAR RANG BZHIN 'BA' ZHIG MNGON SUM DU MDZAD PAS, DE NYID THUGS SU CHUD PA'I PHYIR SANGS RGYAS ZHES BRJOD DO ZHES DE KHO NA NYID GZIGS PA'I YE SHES DES DNGOS PO BYAS PA CAN PHUNG SOGS LA MA REG PAR DE'I RANG BZHIN NAM GNAS LUGS 'BA' ZHIG MNGON SUM DU MDZAD PA'I SGO NAS DE KHO NA NYID THUGS SU CHUD PA'I PHYIR, DE BZHIN DU MA MTHONG BA NI MTHONG BA DAM PA'O, ,ZHES GSUNGS PA'I DON YANG CI YANG MI MTHONG BAR BZHED PA MA YIN TE, SANGS RGYAS KYIS JI LTA BA GZIGS PA'I NGOR CHOS CAN PHUNG SOGS MA MTHONG ZHING MA GRUB PA DE NYID PHUNG SOGS KYI GNAS LUGS MTHONG BA YIN PA'I PHYIR, 'DI'I SHES BYED DU BDEN GNYIS LA 'JUG PA'I MDO DRANGS PA'I DON YANG, DON DAM PAR TE SANGS RGYAS KYIS JI LTA BA GZIGS PA'I NGOR DER DON DAM PA'I BDEN PA DE PHUNG SOGS KUN RDZOB PA RNAMS MA GZIGS PA'I TSUL GYIS PHUNG SOGS KYI DE KHO NA NYID GNYIS SNANG NUB PA'I TSUL GYIS GZIGS PA MA YIN PAR PHUNG SOGS KUN RDZOB PA RNAMS THA SNYAD PA'I SHES NGOR SNANG BA LTAR LUS

080b

NGAG YID GSUM GYI YUL DU 'GYUR NA GZIGS NGO DER SPROS PA DANG MA BRAL BAS DON DAM BDEN PAR MI 'GYUR GYI KUN RDZOB TU 'GYUR BA'I DON NO,, GNYIS PA KUN RDZOB BDEN PA'I SHES BYA MKHYEN PA'I TSUL NI, DE YUL DU BYED PA'I YE SHES LA KUN RDZOB PA'I CHOS RNAMS SNANG BA'I SGO NAS MKHYEN PA YIN TE, MI SNANG YANG RTOGS PA'I SHUGS RTOGS SANGS RGYAS LA GZHAG TU MED PA'I PHYIR, DES NA JI SNYED PA MKHYEN PA'I YE SHES DE'I NGOR KUN RDZOB PA'I CHOS RNAMS YUL DANG YUL CAN GNYIS SU SNANG BA'I TSUL GYIS MKHYEN PA YIN TE, YE SHES DES KUN RDZOB PA'I CHOS RNAMS GNYIS SNANG DANG BCAS PA'I TSUL GYIS YUL DU MDZAD PA'I PHYIR, 'O NA RNAM MKHYEN GYIS RNAM MKHYEN RANG NYID GNYIS SNANG NUB PAS SAM GNYIS SNANG DANG BCAS PAS GZIGS SHE NA, GNYIS SNANG NUB PA'I TSUL GYIS MA GZIGS TE, DE LTA NA DE DON DAM BDEN PAR 'GYUR BA'I PHYIR, DES NA GNYIS SNANG DANG BCAS PA'I TSUL GYIS GZIGS TE, DE NYID KUN RDZOB BDEN PA YIN PA'I PHYIR, RNAM MKHYEN LA RNAM MKHYEN RANG NYID KYIS RNAM PA SHAR ZHING RNAM MKHYEN GYIS RNAM MKHYEN GNYIS SNANG DANG BCAS PA'I SGO NAS GZIGS KYANG, RNAM MKHYEN GYIS RNAM MKHYEN YUL YUL CAN THA DAD PA'I TSUL GYIS NI MA GZIGS TE, RNAM MKHYEN RANG DANG RANG NYID THA DAD DU MED PA'I PHYIR, DE LTA NA YANG RNAM MKHYEN GNYIS SNANG DANG BCAS PA'I TSUL GYIS GZIGS PAR MI 'GYUR BA'I SKYON MED DE, DES DE KUN RDZOB BDEN PA'I RNAM PA CAN DU GZIGS PA'I PHYIR, SANGS RGYAS KYIS JI SNYED PA MKHYEN PA'I YE SHES LA MA RIG PA'I BAG CHAGS

081a

, ,KYIS BSLAD NAS PHUNG SOGS SNANG BA MA YIN YANG TSUR MTHONG RNAMS KYI SHES PA DES BSLAD PA LA PHUNG SOGS SU SNANG BA DE SANGS RGYAS LA YANG NGES PAR SNANG DGOS TE, SNANG BA DE THA SNYAD DU YOD PA NI GANG ZHIG ,DE YOD NA JI SNYED PA MKHYEN PA'I RNAM MKHYEN GYIS GZIGS (DGOS) PA'I PHYIR, SANGS RGYAS MA THOB KYI BAR DU BLO GCIG GIS SKAD CIG MA GCIG LA CHOS CAN KUN RDZOB PA RNAMS DANG DE RNAMS KYI CHOS NYID GNYIS KA DNGOS SU MNGON SUM DU MI MKHYEN PA MI 'ONG BAS MKHYEN PA DE GNYIS RES 'JOG GI TSUL DU SKYE BA YIN TE, BYANG SEMS 'PHAGS PA RNAMS KYIS MNYAM GZHAG TU JI LTA BA GNYIS SNANG NUB PA'I TSUL GYIS GZIGS SHING, DE LAS LANGS PA'I RJES THOB KYI MKHYEN PAS JI SNYED PA'I CHOS GNYIS SNANG DANG BCAS PA'I SGO NAS YUL DU BYED PA'I PHYIR, SHES SGRIB MA LUS PAR SPANGS NAS SANGS RGYAS PA NA DUS RTAG TU CHOS NYID LA GNYIS SNANG NUB PA'I SGO NAS MNYAM PAR GZHAG BZHIN PA'I NGANG DU BZHUGS PAS DE LAS BZHENGS PA'I MNYAM RJES RES 'JOG MED PA'I PHYIR DANG, BDEN GNYIS RANG 'GREL LAS, MKHYEN PA'I SKAD CIG GCIG GIS KYANG, ,SHES BYA'I DKYIL 'KHOR KUN KHYAB CAN, ,ZHES GSUNGS PA LTAR MNYAM GZHAG GI YE SHES LAS NGO BO THA DAD PA'I JI SNYED PA MKHYEN PA'I RJES THOB KYI YE SHES MED PA'I PHYIR NA, YE SHES SKAD CIG MA GCIG GIS KYANG BDEN PA GNYIS KYI SHES BYA THAMS CAD MKHYEN PAR NGES TE, DE'I TSE YE SHES GCIG GIS SHES BYA THAMS CAD CHAGS THOGS SPANGS PA'I TSUL GYIS MNGON SUM DU GZIGS PA'I PHYIR, DES NA YE SHES SKAD

081b

CIG MA GCIG PU DE NYID CHOS NYID LA BLTOS TE JI LTA BA MKHYEN PA YIN TE, CHOS NYID LA GNYIS SNANG NUB PA'I SGO NAS YUL DU BYED PA'I YE SHES YIN PA'I PHYIR, CHOS CAN KUN RDZOB PA RNAMS LA BLTOS TE JI SNYED PA MKHYEN PA YIN TE, YUL YUL CAN SO SOR SNANG BA'I SGO NAS JI SNYED PA'I SHES BYA THAMS CAD MNGON SUM DU GZIGS PA'I PHYIR, SANGS RGYAS KYI SAR MNYAM RJES RES 'JOG MED KYANG MNYAM GZHAG YE SHES DANG RJES THOB YE SHES GNYIS KA YOD DE, RGYUD BLA MA LAS, SHES RAB YE SHES RNAM GROL RNAMS, ,GSAL DANG 'PHRO DANG DAG PHYIR DANG, ,THA DAD MED PHYIR 'OD DANG ZER, ,NYI MA'I DKYIL 'KHOR RNAMS DANG MTSUNGS, ,ZHES DANG, DE'I 'GREL PAR, SANGS RGYAS KYI RGYUD LA MNGA' BA'I 'JIG RTEN LAS 'DAS PA'I RNAM PAR MI RTOG PA'I SHES RAB NI SHES BYA'I DE KHO NA NYID DAM PA'I MUN PA SEL BAR NYE BAR GNAS PA'I PHYIR 'OD GSAL BA DANG MTSUNG SO, ,DE'I RJES LA THOB PA SHES BYA THAMS CAD KYI YE SHES NI SHES BYA'I DNGOS PO MA LUS PA RNAM PA THAMS CAD LA 'JUG PAS NA 'OD ZER GYI DRA BA 'PHRO BA DANG CHOS MTSUNGS SO ZHES GSUNGS LA, 'GREL PA DE'I DON NI, SANGS RGYAS KYI YE SHES DE NYID JI LTA BA LA BLTOS TE MNYAM GZHAG YE SHES YIN TE, SANGS RGYAS KYI RGYUD LA MNGA' BA'I 'JIG RTEN LAS 'DAS PA RNAM PAR MI RTOG PA'I JI LTA BA GZIGS PA'I SHES RAB NI SHES BYA'I DE KHO NA NYID DAM PA'I YUL LA DUS RTAG TU GNYIS SNANG NUB PA'I SGO NAS SGRIB GNYIS KYI MUN PA SEL BAR TE SPANGS PA'I NGO BOR NYE BAR GNAS PA'I PHYIR NYI MA'I DKYIL 'KHOR 'OD GSAL BA DANG CHOS

082a

, ,MTSUNGS PA'I PHYIR, DE NYID JI SNYED PA LA BLTOS TE DE'I RJES LA THOB PA'I YE SHES YIN TE, JI SNYED PA'I SHES BYA THAMS CAD MNGON SUM DU GZIGS PA'I YUL CAN GYI YE SHES NI SHES BYA'I DNGOS PO MA LUS PA RNAM PA THAMS CAD LA CHAGS THOGS SPANGS PAR GZIGS PA LA 'JUG PAS NA NYI MA'I 'OD ZER GYI DRA BA KUN NAS 'PHRO BA DANG CHOS MTSUNGS PA'I PHYIR, 'DIS NI SANGS RGYAS KYI THUGS RGYUD LA YE SHES MED PAR 'DOD PA DANG, JI SNYED PA MKHYEN PA'I SANGS RGYAS KYI YE SHES GDUL BYA'I RGYUD KYIS BSDUS PAR 'DOD PA SOGS LEGS PAR BKAG STE, SANGS RGYAS KYI RGYUD LA MNGA' BA'I RNAM PAR MI RTOG PA'I BDAG NYID CAN MNYAM GZHAG YE SHES DANG, DE'I RJES LA THOB PA STE DE'I STOBS KYIS DRANGS PA'I JI SNYED PA MKHYEN PA'I YE SHES RJES THOB YE SHES DANG, DE GNYIS NYI MA'I DKYIL 'KHOR DANG DE LAS 'OD ZER 'PHRO BA GNYIS DANG CHOS MTSUNGS PAR BSTAN PA'I PHYIR, GNYIS PA GZHAN SKYE BKAG PA LA 'JIG RTEN GYI GNOD PAR 'DOD PA LA GNOD BYED NI, GAL TE 'JIG RTEN TSAD MA YIN NA NI, ,ZHES SOGS TE, GZHAN SKYE BKAG PA LA 'JIG RTEN GYI MTHONG BA MNGON SUM GYIS GNOD NA DNGOS PO'I DE KHO NA NYID 'JIG RTEN GYIS MNGON SUM GYI GRUB DGOS PAS DE KHO NA NYID MNGON SUM DU RTOGS PA'I PHYIR DU 'PHAGS LAM BSGOM PA DGOS PA MED PAR 'GYUR RO ZHES PAS STON LA, GZHAN SKYE BKAG PA LA 'JIG RTEN GYI MNGON SUM GYIS MI GNOD NA 'JIG RTEN PA'I MNGON SUM GYIS GNOD PA'I YUL DE GANG SNYAM NA, DE NGOS 'DZIN PA NI, 'JIG RTEN DON NI ZHES SOGS RKANG PA

082b

GNYIS TE, BUM PA NOR RDZAS MA YIN PAR DAM BCAS PA LTA BU LA 'JIG RTEN GYIS GNOD PAR STON PA'O, ,DE LTAR NA 'DI YAN CHAD DU DON DAM LA DPYOD PA'I SKABS SU 'JIG RTEN GYIS MI GNOD PAR BSTAN NAS, GNYIS PA 'JIG RTEN THA SNYAD DU YANG GZHAN SKYE BKAG PA LA 'JIG RTEN GYIS MI GNOD PAR STON PA NI, GANG PHYIR 'JIG RTEN SA BON TZAM BTAB NAS, ,ZHES SOGS SHLOO KA GCIG STE, 'DI'I MTSAMS SBYAR DU DE LTAR 'JIG RTEN GYI GRAGS PAS GZHAN LAS SKYE BA KHAS BLANGS KYANG 'JIG RTEN GYIS GNOD PA YONGS SU SPANGS TE, DE NI 'JIG RTEN LA YANG GZHAN LAS SKYE BA YOD PA MA YIN PAS DE'I LTA BA LA GNAS NAS KYANG GZHAN LAS SKYE BA DGAG PAR 'DOD PA LA 'JIG RTEN GYIS GNOD PA YOD PA MA YIN NO ZHES BSTAN PA'I PHYIR BSHAD PA ZHES GSUNGS LA, DE'I DGONGS PA NI 'DI YAN CHAD DU DON DAM DPYOD PA'I SKABS SU GZHAN SKYE BKAG PA LA 'JIG RTEN GYIS MI GNOD PAR BSTAN NAS, DER MA ZAD 'JIG RTEN GYI THA SNYAD DU YANG GZHAN SKYE BKAG PA LA 'JIG RTEN GYIS MI GNOD DE, RGYU 'BRAS GNYIS RANG BZHIN GYIS GRUB PA'I GZHAN DU 'DZIN PA 'JIG RTEN RANG GA BA'I BLO LHAN SKYES LA MED PA'I PHYIR ZHES GZHUNG 'DIS STON ZHES 'CHAD DO,, GSUM PA NI GZHAN SKYES BKAG PA LA SKYON MED PAR MA ZAD YON TAN YOD PAR BSTAN PA LA YANG GNYIS TE, RTAG CHAD KYI LTA BA SPANG SLA BA'I YON TAN DANG, LAS 'BRAS KYI 'BREL BA CHES 'THAD PA'I YON TAN NO,, DANG PO LA BSTAN, BSHAD, DON BSDU BA GSUM LAS, THOG MAR MDOR BSTAN PA'I TSUL GYIS DNGOS PO RANG BZHIN GYIS SKYE BA LA

083a

, ,RIGS PA'I GNOD BYED BSTAN PA'I SGO NAS BKAG CING, THA SNYAD DU SKYE BA MA BKAG PA LA BRTEN NAS DNGOS PO RNAMS RANG GRUB DUS KYI SKAD CIG GNYIS PAR GNAS PAR 'DZIN PA'I RTAG LTA DANG, SKAD CIG GNYIS PAR RGYUN CHAD PA'I CHAD PAR LTA BA LAS GROL ZHES STON PA NI, GANG PHYIR MYU GU SA BON LAS GZHAN MIN, ,ZHES SOGS TE, RGYA CHER ROL PA LAS, SA BON YOD NA MYU GU JI BZHIN DU, ,ZHES SOGS GSUNGS PA LTAR RO,, GNYIS PA NI, GANG PHYIR DNGOS PO 'DI DAG RNAM DPYAD NA, ,ZHES PA'I SNGA 'GREL DU PHYOGS SNGA BRJOD PA NA, 'DIR SMRAS PA, DON DAM PAR SKYE BA MED PAS BDAG DANG GZHAN LAS SKYE BA DGAG PAR RAG MOD, ,GZUGS DANG TSOR BA LA SOGS PA GANG DAG MNGON SUM DANG RJES SU DPAG PA DAG GIS DMIGS PA DE DAG GI RANG BZHIN NI GDON MI ZA BAR GZHAN LAS SKYE BAR 'GYUR RO, ,CI STE DE LTAR MI 'DOD NA NI BDEN PA GNYIS CI STE BRJOD DE BDEN PA GCIG KHO NAR 'GYUR RO, ,DE'I PHYIR GZHAN LAS SKYE BA YOD PA NYID DO, ,ZHES BKOD LA, DE'I DON NI, DON DAM PAR DNGOS PO SKYE BA MED PAS BDAG DANG GZHAN LAS SKYE BA DGAG PAR RAG MOD DE RIGS SU CHUG NA YANG THA SNYAD DU GZHAN SKYE 'GOG PAR MI RIGS TE, GZUGS DANG TSOR BA LA SOGS PA 'BRAS BU'I CHOS GANG DAG MNGON SUM DANG RJES SU DPAG PA DAG GI TSAD MAS DMIGS PA DE DAG GI RANG BZHIN NI GDON MI ZA BAR GZHAN LAS SKYE BAR 'GYUR BA YIN PA'I PHYIR TE, CI STE DE LTAR MI 'DOD NA NI BDEN PA GNYIS SU CI STE BRJOD DE BRJOD MI RIGS PAR THAL, DON DAM BDEN PA

083b

GCIG PU KHO NAR 'GYUR GYI KUN RDZOB KYI BDEN PA MED PA'I PHYIR TE, DNGOS PO LA RANG BZHIN GYIS GRUB PA'I SKYE 'GAG SOGS MED NA SKYE 'GAG SOGS GTAN MED PAR 'GYUR ZHING DE LTA NA DNGOS PO MED PAR 'GYUR LA, DNGOS PO MED NA 'DUS MA BYAS RNAMS KYANG MED PAR 'GYUR BAS KUN RDZOB KYI BDEN PA MED PAR 'GYUR BA'I PHYIR RO, ,DE'I PHYIR GZHAN LAS SKYE BA DON DAM PAR MED KYANG THA SNYAD DU YOD DO ZHES PA STE DE'I PHYOGS SNGA SMRA BA PO NI RANG RGYUD PA RNAMS TE, SEMS TZAM PA SOGS DNGOS SMRA BA RNAMS NI DON DAM PAR GZHAN SKYE KHAS LEN PAS RANG RGYUD PA LAS 'OS GZHAN MED PA'I PHYIR, 'DI NI RANG RGYUD PA RNAMS KYI THA SNYAD DU GZHAN SKYE RANG RANG GI MTSAN NYID KYIS GRUB PA KHAS LEN PA'I KHUNGS GSAL SHOS SO,, DES NA 'DI DGAG PA LA GNYIS, DNGOS PO RANG BZHIN GYIS SKYE BA DGAG ,RANG BZHIN GYIS MI SKYE YANG KUN RDZOB PA TZAM DU SKYE BA YOD PA DPE'I SGO NAS BSTAN PA GNYIS LAS, PHYI MA NI, DNGOS PO STONG PA GZUGS BRNYAN LA SOGS PA, ,ZHES SOGS KYIS 'CHAD, DANG PO LA GSUM STE, STONG NYID DNGOS PO'I 'JIG RGYUR THAL BAS DGAG ,THA SNYAD BDEN PA RIGS PAS DPYAD BZOD DU THAL BAS DGAG DON DAM PA'I SKYE BA MI KHEGS PAR THAL BAS DGAG PA RNAMS LAS DANG PO NI, GAL TE RANG GI MTSAN NYID BRTEN 'GYUR NA, ,ZHES SOGS DANG, GNYIS PA NI, GANG PHYIR DNGOS PO 'DI DAG RNAMS DPYAD NA, ,ZHES SOGS DANG, GSUM PA NI, DE NYID SKABS SU RIGS PA GANG ZHIG GIS, ,ZHES SOGS KYIS 'CHAD DO,, GSUM PA DE DAG GI DON BSDU BA NI,

084a

, ,BDEN PA GNYIS SU'ANG RANG BZHIN MED PA'I PHYIR, ,ZHES PA RKANG PA GNYIS TE, KUN RDZOB DANG DON DAM GNYIS KA RANG BZHIN GYIS SKYE BA BKAG PAS RTAG MTHA' LAS GROL ZHING, ,RTEN 'BREL GYI SKYE BA TZAM ZHIG KHAS BLANGS PAS CHAD MTHAR MI LTUNG BA'I YON TAN STON PA STE DNGOS POR SMRA BA RNAMS DANG RANG RGYUD PA LTAR 'BRAS BU SKYE NA RANG BZHIN GYIS SKYE DGOS SHING, RANG BZHIN GYIS MI SKYE NA GTAN NAS MI SKYE BAR 'DOD PA RNAMS RTAG CHAD KYI MTHA' GNYIS LAS MI 'DA' BA'I PHYIR TE, RTZA SHE LAS, GANG GI RANG BZHIN GYIS YOD PA, ,DE NI MED PA MIN PAS RTAG ,SNGON BYUNG DA LTAR MED CES PA, ,DES NA CHAD PAR THAL BAR 'GYUR, ,ZHES DANG, BZHI BRGYA BA'I 'GREL PAR, DNGOS PO YOD PAR SMRA BA LTAR NA NI, JI SRID DU DNGOS PO DE'I YOD PA NYID YIN PA DE SRID DU DE LTAR RANG GI NGO BO YANG YOD PA NYID YIN LA, GANG GI TSE RANG GI NGO BO DANG BRAL BA DE'I TSE DE LA DNGOS PO DE RNAMS (RNAM PA) THAMS CAD DU MED PA'I PHYIR BONG BU'I RVA DANG 'DRA BAS GNYIS SU SMRA BA LAS MA 'DAS PA'I PHYIR 'DI'I MNGON PAR 'DOD PA THAMS CAD 'GRIGS DKA' BAR 'GYUR RO ZHES GSUNGS LA, DON NI PHYI NANG GI DNGOS PO RNAMS DNGOS PO STE RANG BZHIN GYIS YOD PAR SMRA BA'I RANG SDE DNGOS POR SMRA BA DANG RANG RGYUD PA RNAMS KYI 'DOD PA LTAR NA DON DAM PA'I BDEN PA RNAM PAR BZHAG NA, KUN RDZOB KYI BDEN PA'I RNAM GZHAG LAS NYAMS SHING, KUN RDZOB KYI BDEN PA RNAM PAR BZHAG NA DON DAM PA'I BDEN PA LAS NYAMS PAS RTAG CHAD GNYIS KYI G-YANG SAR LHUNG ZHING BDEN GNYIS KYI RNAM GZHAG

084b

MNGON PAR 'JOG PAR 'DOD PA THAMS CAD 'GRIG DKA' BAR 'GYUR TE, JI SRID DU DNGOS PO DE'I YOD PA DE NYID YIN PAR 'DOD PA STE KHAS BLANGS PA DE SRID DU DE LTAR RANG GI NGO BOS SAM RANG BZHIN GYI KYANG YOD PA YIN PA NYID DU 'DOD PAS RTAG MTHAR LHUNG LA, GANG GI TSE RANG GI NGO BOS GRUB PA DANG BRAL BAR KHAS BLANGS PA DE'I TSE DE LA DNGOS PO DE BONG BU'I RVA DANG 'DRA BAR RNAM PA THAMS CAD DU MED PA'I PHYIR CHAD PA'I MTHAR LHUNG BAR 'GYUR BA'I PHYIR, DES NA BSHAD MA THAG PA'I TSUL DE DAG GIS NI RANG MTSAN GYIS GRUB PA KHAS LEN PA'I GRUB MTHA' GONG 'OG RNAMS KYI 'DOD PA LA DMIGS PHUG PA'I DGAG PA BRJOD NAS 'DI PA'I KHYAD CHOS KYI GTZO BO RANG GI MTSAN NYID KYIS GRUB PA THA SNYAD DU'ANG KHAS MI LEN PA'I TSUL DE NYID BSHAD PA YIN NO,, GNYIS PA LAS 'BRAS KYI 'BREL BA CHES 'THAD PA'I YON TAN LA GNYIS, DNGOS DANG, RTZOD PA SPANG BA'O,, DANG PO NI, GANG PHYIR RANG BZHIN GYIS DE MI 'GAG PA, ,ZHES SOGS TE, DE YANG DNGOS PO RANG MTSAN GYIS GRUB PA DGAG PA LA RTAG CHAD KYI MTHA' GNYIS DANG BRAL BA'I YON TAN YOD PAR MA ZAD LAS 'BRAS KYI 'BREL BA'I RTEN DU KUN GZHI SOGS KHAS MA BLANGS KYANG LAS DANG 'BRAS BU'I 'BREL PA CHES 'THAD PA YIN NO ZHES STON PAR BYED DO, ,DE YANG LA 'BRAS KHAS LEN PA'I PHYI ROL PA RNAMS KYIS SKYE BA SNGA PHYI'I DGE MI DGE'I LAS 'BRAS KYI RTEN DU RTAG GCIG RANG DBANG CAN GYI BDAG DE NYID 'DOD CING, RANG SDE CHE BYE BRAG SMRA BA MA GTOGS PA BYE BRAG SMRA BA RNAMS LAS KYI THOB PA DANG CHUD MI ZA GNYIS GANG ZAG

085a

, ,GI MTSAN GZHIR KHAS MI LEN KYANG LAGS GSOG PA PO'I GANG ZAG GI RGYUD STENG DU LAS ZHIG RJES SU YANG DE GNYIS RGYUN MA CHAD PAR YOD PAS RNAM SMIN 'BYIN PA SKABS SU BAB PA NA THOB PA DANG CHUD MI ZA GNYIS LAS 'BRAS BU 'BYIN PAR 'DOD LA; PHYI ROL PA RNAMS BDAG RTAGS PA DE NYID DANG, RANG SDE 'GA' ZHIG GIS PHUNG PO'I RGYUD DANG, KUN GZHI 'DOD PA RNAMS DE NYID GANG ZAG GI MTSAN GZHIR 'DOD LA, THEG CHEN GYI GRUB MTHA' SMRA BA 'GA' ZHIG YID KYI RNAM SHES DER 'DOD CING, DE RNAMS KYI STENG DU DGE SDIG GIS LAS GANG DANG GANG 'GAGS KYANG 'BRAS BU 'BYIN PA'I NUS PAR RE BZHAG YOD PAS LAS LAS 'BRAS BU 'BYIN PAR 'DOD KYI BDAG DANG KUN GZHI SOGS KYI RNAM SMIN GYI 'BRAS BU 'BYIN PAR NI MI 'DOD LA, DGE MI DGE'I LAS BSAGS PA'I DE MA THAG TU ZHIG CING PHYIS BSKAL PA LA SOGS PAS RAB TU BCAD KYANG 'BRAS BU 'BYIN PA'I RNAM GZHAG NI 'DOD DGOS LA, DE'I TSE RGYU LAS MED PAS LAS 'BRAS KYI 'BREL BA JI LTAR 'THAD SNYAM PA DANG, LAS KYI ZHIG PAS 'BRAS BU BSKYED PA DANG BTAGS YOD MING RKYANG TZAM LA GANG ZAG SOGS 'JOG MA SHES PAS DE LTAR KHAS LEN DGOS PA BYUNG BA YIN LA, DE YANG LAS RANG BZHIN GYIS ZHIG PAR 'DOD PA LA ZHIG PA DNGOS POR BZHAG TU MED PAS DE LTAR 'DOD PA'O, ,RANG GI LUGS NI, LAS RANG BZHIN GYIS SKYE BA SNGAR (RANG) BZHIN GYIS SKYE BA BKAG PAS KHEGS LA, DE LTA NA LAS RANG BZHIN GYIS MA 'GAGS PAS LAS KYI ZHIG PA ZHES PA YANG SNGAR BSAGS PA'I LAS SKAD CIG GNYIS PAR 'GAGS PA'I CHA TZAM LA BTAGS

085b

NAS BZHAG PA YIN ZHING, DE 'DRA'I ZHIG PA DNGOS PO DANG DES 'BRAS BU 'BYIN PAR 'DOD PAS 'DI YANG THA SNYAD DU RANG GI MTSAN NYID KYIS GRUB PA BKAG PA'I YON TAN NO, ,SKABS 'DIR RNAM BSHAD LAS 'PHAGS PA'I 'GREL TSUL LA, RANG GI MTSAN NYID KYIS GRUB PA RDUL TZAM MED KYANG BYA BYED THAMS CAD BZHAG PAS CHOG PA'I 'GREL TSUL GYI LUGS THUN MONG MA YIN PA 'DI LA BRTEN NAS RNAM PAR DAG PA'I GRUB MTHA' 'GREL BYED GZHAN DANG THUN MONG MA YIN PA MANG DU YOD DE ZHES THAL 'GYUR BA'I KHYAD CHOS KYI GTZO BOR NGOS BZUNG NAS, DE LA BRTEN PA'I SGO GZHAN DAG NI DE NYID LAS, DE GANG ZHE NA, RE ZHIG GTZO BO RNAMS BRJOD NA, TSOGS DRUG LAS NGO BO THA DAD PA'I KUN GZHI'I RNAM SHES DANG, RANG RIG 'GOG LUGS THUN MONG MA YIN PA DANG, RANG RGYUD KYI SBYOR BAS PHYI RGOL GYI RGYUD LA DE KHO NA NYID KYI LTA BA BSKYED PA KHAS MI LEN PA GSUM DANG, SHES PA KHAS LEN PA BZHIN DU PHYI ROL GYI DON YANG KHAS BLANGS DGOS PA DANG, NYAN RANG LA DNGOS PO RANG BZHIN MED PA RTOGS PA YOD PA DANG, CHOS KYI BDAG 'DZIN NYON MONGS SU 'JOG PA DANG, ZHIG PA DNGOS PO YIN PA DANG, DE'I RGYU MTSAN GYIS DUS GSUM GYI 'JOG TSUL THUN MONG MA YIN PA SOGS YIN NO ZHES GSUNGS LA, DE THAMS CAD KYI RTZA BA RANG MTSAN GYIS GRUB PA MI BZHED PA LA THUG PAR GSUNGS TE, 'DI LA BRTEN NAS RANG RE'I RJES 'BRANG MANG DAG ,THAL 'GYUR BA'I THUN MONG MA YIN PA'I DGAG PHYOGS KYI GRUB MTHA' BZHI DANG, SGRUB PHYOGS KYI GRUB MTHA' BZHI ZHES SOGS KYI THA SNYAD BYED NA YANG, DE'I

086a

, ,SOGS KHONG NAS 'DON RGYU MANG DU SNANG BAS GRANGS NGES KYANG DKA' ZHING RANG MTSAN GYIS GRUB PA MI BZHED PA NI THAMS CAD KYI RTZA BA YIN PAS YA GYAL DU 'DREN PA'ANG MI RIGS SO, ,GANG PHYIR ZHES SOGS KYI GZHUNG DON NI, SHES BYA CHOS CAN, SEMS CAN GYI RGYUD LA LAR LAS GNYIS BYAS PA 'GAGS NAS YUN RING DU LON PA LAS KYANG DE GNYIS KYI 'BRAS BU MI 'KHRUL BAR 'BYUNG BAR 'GYUR BAR RIGS PAR GYIS SHIG STE 'BYUNG BA YIN TE, LAS 'BRAS KYI RTEN DU KUN GZHI SOGS KHAS MA BLANGS KYANG LAS LAS 'BRAS BU 'DI 'BYUNG BAR NUS PA'I PHYIR TE, GANG GI PHYIR LAS DE RANG BZHIN GYIS MI 'GAG CING DE'I ZHIG PA DNGOS POR MI 'GAL BA DE'I PHYIR, NGAG DON NI, SHES BYA CHOS CAN, LAS 'BRAS KYI RTEN DU KUN GZHI SOGS KHAS MA BLANGS KYANG LAS BYAS PA 'GAGS NAS YUN RING DU LON PA LAS KYANG 'BRAS BU 'BYUNG BA'I RGYU MTSAN YOD DE, DGE SDIG GI LAS RANG BZHIN GYIS MI 'GAG CING ZHIG PA DNGOS PO YIN PAS, NGA TZAM GYI STENG DU LAS GNYIS KYI BAG CHAGS BZHAG PA'I RGYUN LAS 'BRAS BU NGES PAR 'BYUNG BA'I PHYIR, 'DI'I SKABS SU MTHA' DPYAD PA LA GNYIS, 'GAG PA RANG BZHIN GYIS MED PA KUN GZHI KHAS MI LEN PA'I RGYU MTSAN DU 'GRO TSUL DANG, KUN GZHI KHAS MI LEN YANG BAG CHAGS KYI GZHI 'JOG PA'I TSUL LO,, DANG PO NI, GAL TE LAS LA RANG BZHIN GYIS GRUB PA'I 'GAG PA MED KYANG RANG GI LUGS LA YANG, LA LAR LAS 'GAGS, ZHES DANG, 'GAG CING RANG BZHIN YOD MIN PA'I, ,ZHES GSUNGS PAS, THA SNYAD TZAM DU ZAD PAR BSTAN,,

086b

ZHES PA LTAR, LAS BYAS PA'I 'OG TU DE DAG 'GAG PAR NI 'DOD DGOS LA, ZHIG PA DNGOS POR MED CING KUN GZHI SOGS KYANG MI 'DOD NA, LAS 'GAGS NAS YUN RING DU LON PA LAS 'BRAS BU 'BYUNG BA MI 'THAD PAR RTZOD PA SO NA GNAS PAS SNGAR GYI LAN DE DAG GIS MI CHOG CE NA, DE'I SKYON MED DE, GANG PHYIR RANG BZHIN GYIS DE MI 'GAG PA, ,DE'I PHYIR ZHES PA'I RGYU MTSAN, LAS RANG BZHIN GYIS MI 'GAG PA'I DON GYI LAS ZHIG PA'I ZHIG PA LAS PHYIS KYI 'BRAS BU 'BYUNG BAR 'GRUB PAS LAN ZUR DU MA BRJOD DO, ,DNGOS PO RANG BZHIN GYIS GRUB PAR 'DOD PA'I PHYOGS LA ZHIG PA DNGOS POR 'JOG TU MED DE, DPER NA MYU GU'I DNGOS PO LTA BU GCIG ZHIG NA MYU GU'I CHA SHAS KYI DNGOS PO THAMS CAD NGES PAR ZHIG DGOS PA'I PHYIR, CHA 'GA' ZHIG NAS ZHIG PA TZAM GYIS DE RANG BZHIN GYIS ZHIG PAR 'JOG MI NUS PA'I PHYIR TE, CHA 'GA' ZHIG NAS ZHIG ,'GA' ZHIG NAS MA ZHIG PA'I CHA BYUNG NA, MA ZHIG PA'I CHA DE LA ZHIG PAR 'JOG PA'I RGYU MTSAN MA TSANG BA'I DBANG GIS MA ZHIG PAR SONG LA, DE LTA NA MYU GU ZHIG PA DE RGYU MTSAN LA BLTOS NAS GRUB PAR SONG BAS RANG BZHIN GYIS MA GRUB PAR 'GYUR BA'I PHYIR, MYU GU'I CHA THAMS CAD ZHIG NA MYU GU'I CHA SHAS KYI DNGOS PO THAMS CAD NI LOG ,DE LAS GZHAN PA BUM PA LA SOGS PA'I DNGOS PO GZHAN GANG YANG MA THOB PAS DE NYID DNGOS POR GZHAG TU MED DO, ,THAL 'GYUR BA'I LUGS LA DE DANG MI MTSUNGS PA'I TSUL BSHAD NA THOG MAR DUS GSUM SPYI'I RNAM GZHAG CUNG ZAD BSHAD PA DANG, 'DAS MA 'ONGS RNAMS DNGOS

087a

, ,POR BSGRUB PA'I TSUL LO,, DANG PO NI, BYE BRAG SMRA BA RNAMS MYU GU LA SOGS PA RE RE LA YANG DUS GSUM DU 'JOG PAS MYU GU MA 'ONGS PA DANG MYU GU 'DAS PA'I DUS SU YANG MYU GU YOD PAR 'DOD LA, TSUL DE NYID DNGOS PO THAMS CAD KYI STENG DU KHAS LEN ZHING DE'I 'JOG TSUL LA, BTZUN PA CHOS SKYABS DANG, DBYANGS SGROG DANG, DBYIG BSHES DANG, SANGS RGYAS LHA RNAMS MI MTHUN PA'I TSUL DANG, DE RNAMS LA DGAG GZHAG SOGS GZHAN LAS SHES PAR BYA LA, 'DIR RANG LUGS BSDUS TE BRJOD NA, MYU GU LA CHOS MTSON NA, MYU GU SKYES ZIN RANG DUS LAS THAR ZIN PA'I CHA MYU GU'I 'DAS PA'I MTSAN NYID, MYU GU SKYE 'GYUR RKYEN MA TSANG BA'I DBANG GIS MA SKYES PA'I CHA DE'I MA 'ONGS PA'I MTSAN NYID, MYU GU SKYES LA MA 'GAG PA DE'I DA LTA BA'I MTSAN NYID, GNYIS PA NI, THOG MAR 'DAS PA'AM ZHIG PA DNGOS POR BSGRUB PA LA LUNG RIGS GNYIS GSUNGS PA'I LUNG NI, SA BCU PA'I MDO LAS, SKYE BA'I RKYEN GYIS RGA SHI ZHES GSUNGS LA, DE NYID KYI ZHIG PA DNGOS POR GRUB STE, SEMS CAN DE SHI BA NI SEMS CAN DE NYID ZHIG PA'AM 'GAG PA YIN LA, DE NYID SKYE BA'I RKYEN GYIS BSKYED PAR GSUNGS PA'I PHYIR, YANG DE NYID LAS, 'CHI BA YANG BYA BA GNYIS SU NYE BAR GNAS PA YIN TE, 'DU BYED 'JIG PAR YANG BYED PA DANG YONGS SU MI SHES PA RGYUN MI 'CHAD PA'I RGYU YANG 'BYIN PA'O ZHES 'CHI BAS BYA BA GNYIS BYED PAR GSUNGS LA, DES KYANG DNGOS POR GRUB STE, DES SHI BA RGYUS BYED PA DANG, SHI BA'I RKYEN GYIS MA RIG PA BSKYED PAR YANG GSUNGS PA'I PHYIR, DON 'DI

087b

NI KLU SGRUB KYI DGONGS PA YANG YIN TE, RTZA SHE LAS, DNGOS DANG DNGOS MED 'DUS BYAS YIN, ,ZHES BUM PA'I DNGOS PO DANG ZHIG PA'I BUM PA'I DNGOS MED GNYIS KA 'DUS BYAS SU GSUNGS PA'I PHYIR DANG, RIGS PA DRUG CU PA LAS KYANG, RGYU ZAD NYID LAS ZHI BA NI, ,ZAD CES BYA BAR DMIGS PA STE, ,ZHES RGYU SNUM ZAD PA 'BRAS BU MAR ME SHI BA'I RGYUR GSUNGS PA'I PHYIR, RIGS PAS KYANG ZHIG PA DNGOS POR GRUB STE, MYU GU RANG GRUB DUS KYI SKAD CIG GNYIS PAR ZHIG PA YANG RGYUS BSKYED DGOS PAR MTSUNGS PA'I PHYIR, DE BZHIN DU MA 'ONGS PA YANG DNGOS PO YIN TE, DGUN DUS SU MYU GU MA SKYES PA DE DUS DE RKYEN MA TSANG BA'I DBANG GIS BYUNG BA'I PHYIR, DE LTA NA DUS GSUM GA DNGOS POR GRUB STE, 'DAS MA 'ONGS GNYIS DNGOS PO YIN NA DA LTAR BA DNGOS PO YIN PA LTA CI SMOS PA'I PHYIR, MYU GU SKAD CIG DANG PO SKAD CIG GNYIS PAR ZHIG PA NI DNGOS SU DGAG BYA BCAD NAS RTOGS DGOS PAS DGAG PA NI YIN LA, MED DGAG NI MA YIN PAS MA YIN DGAG STE ZHIG RGYU DE BCAD PA TZAM MA YIN PAR BCAD PA'I SHUL DU CHOS GZHAN DNGOS PO ZHIG BLO YUL DU 'PHANGS PA'I PHYIR, DPER NA 'BRAS KYI ZHING BTZAS MA BRNGAS ZIN PAR BSTAN PA NA LO THOG DE NYID BCAD PA'I SOG RTZVA LA SOGS PA BLO YUL DU 'PHEN PA BZHIN NO,, GNYIS PA NI, KUN GZHI KHAS MI LEN YANG DGE MI DGE'I LAS KYI BAG CHAGS 'JOG PA DANG, BAG CHAGS DE SMIN PA LAS LAS KYI 'BRAS BU 'BYUNG BAR 'DOD DGOS TE, 'JUG 'GREL LAS, THOG MA MED PA'I 'KHOR BAR DNGOS PO'I BAG CHAGS BZHAG PA

088a

, ,YONGS SU SMIN PA DNGOS PO LA MNGON PAR ZHEN PA ZHES DANG, GZHAN YANG DE 'DRA BA MANG DU GSUNGS PA'I PHYIR, DE YANG BAG CHAGS 'JOG PA'I GZHI MED PAR MI RUNG BAS GZHI DE GANG ZHE NA, KUN GZHI KHAS LEN PA RNAMS KYI LTAR NA NYON YID KYIS NGA'O SNYAM DU DMIGS PA'I GZHIR GYUR PA'I KUN GZHI RNAM SHES BAG CHAGS KYI GNAS SU 'DOD PA BZHIN DU, LUGS 'DIS KYANG NGA'O SNYAM PA TZAM GYIS BLO LHAN SKYES GANG LA BRTEN NAS SKYE BA'I DMIGS YUL GYI NGA TZAM DE NYID LAS KYI BAG CHAGS BSGO BA'I GZHIR BZHED DO, ,'O NA 'JUG 'GREL LAS, SEMS KYI RGYUD BAG CHAGS KYI GZHIR GSUNGS PA JI LTAR YIN ZHE NA, DE DANG MI 'GAL TE, NGA TZAM DE NYID SEMS RNAM PAR SHES PA GDAGS GZHIR BYAS NAS DE LA BRTEN NAS BTAGS PA'I RGYU YIN PAS SEMS KYI RGYU ZHES BZHAG CHOG PA'I PHYIR DANG, SEMS NYID KYI RIGS 'DRA LA DE'I RGYUD CES 'JOG PA LTAR NA YANG MI 'GAL TE, RES 'GA' DE NYID BAG CHAGS BSGO BA'I GZHIR 'GYUR BA'I PHYIR, 'O NA NGA TZAM DANG SEMS KYI RGYUD BAG CHAGS BSGO BA'I GZHIR BYAS NAS, DE'I STENG DU LAS KYI BAG CHAGS 'JOG PA YIN NA, SPYIR BAG CHAGS BSGO BA ZHES BSHAD PA'I DON DE JI (LTA) BU SNYAM NA, DE LA MA RIG PA'I BAG CHAGS 'JOG TSUL NI, 'JUG 'GREL LAS, GANG GI SEMS KYI RGYUD 'BAGS PAR BYED CING SKYO BAR (BSGO BAR) BYED LA RJES SU BGROD PAR BYED PA DE NI BAG CHAGS TE, NYON MONGS PA'I MUR THUG PA DANG, GOMS PA DANG, RTZA BA DANG, BAG CHAGS ZHES BYA BA NI RNAM GRANGS DAG GO ,DE NI ZAG PA MED PA'I

088b

LAM GYI NYON MONGS PA SPANGS SU ZIN KYANG NYAN THOS DANG RANG SANGS RGYAS KYIS SPANG BAR MI NUS TE, TIL MAR DANG ME TOG LA SOGS PA BSAL DU ZIN KYANG BUM PA DANG SNAM BU LA SOGS PA RNAMS LA DE DANG PHRAD PAS YON TAN PHRA MO DMIGS PA BZHIN NO; ;ZHES GSUNGS LA, DON CUNG ZAD BSHAD NA, BAG CHAGS TE, ZHES PA YAN GYIS BAG CHAGS SPYI'I GO DON TE, THOG MA MED PA NAS SEMS KYI STENG DU NYON MONGS PA DANG, DGE MI DGE'I LAS SOGS KYI GOMS PA YUN RING DU BSTEN PA'I SA BON GYI CHA LTA BU LA BAG CHAGS ZHES BYA STE, DE LTAR THOG MA MED PA NAS NYON MONGS DANG, DGE MI DGE'I LAS GANG GIS SEMS KYI RGYUD 'BAGS PA STE BRLAN PAR BYED CING DE'I DRIS SEMS STENG DU BSGO BAR BYED LA, SEMS DANG MI 'BRAL BAR GOMS PA LA LAS RJES SU BGROD PAR BYED PA DE LTAR BRJOD PA'I PHYIR, DE NAS NYON MONGS PA'I ZHES SOGS KYI DON NI, GONG DU BSHAD PA'I TSUL DE LTA BUS THOG MED NAS SEMS STENG DU NYON MONGS PA'I BAG CHAGS DE LA MING GI RNAM GRANGS GZHAN YANG YOD DE, NYON MONGS PA'I MU'AM MTHAR THUG PA DANG, GOMS PA DANG, RTZA BA DANG, BAG CHAGS ZHES BYA BA RNAMS MING GI RNAM GRANGS YIN PA'I PHYIR, DE NI ZAG PA MED PA'I LAM GYI NYON MONGS PA SPANGS SU ZIN KYANG, NYAN THOS DANG RANG SANGS RGYAS KYIS SPANG BAR MI NUS PA'I RGYU MTSAN YOD DE, DE 'DRA'I BAG CHAGS DE SPONG BA LA GNYEN PO STONG NYID MNGON SUM DU RTOGS PA'I YE SHES YOD PA TZAM GYIS MI CHOG GI BSOD NAMS KYI TSOGS MTHA' YAS PA'I GROGS KYIS ZIN PA LA NGES PAR BLTOS PA'I PHYIR, 'DI

089a

, ,NI NYON MONGS PA'I SA BON LA BAG CHAGS SU BZHAG PA MA YIN PA'I SHES SGRIB KYIS BSDUS PA'I BAG CHAGS LA DGONGS SO, ,NYON MONGS MA LUS PAR SPANGS KYANG DE 'DRA'I BAG CHAGS DE SPONG MI NUS PA'I DPE YANG YOD DE, TIL MAR GYIS SNAM BU LA SOGS PA DANG, GUR GUM LA SOGS PA'I ME TOG GI DRIS BUM PA LA YUN RING DU SBAGS PA RNAMS DANG, DRI MA RAGS PA RNAMS BSAL DU ZIN KYANG, DA DUNG DE RNAMS LA DE DANG PHRAD PA'I YON TAN PHRA MO SNUM GYI DRI DANG ME TOG GI DRI SOGS CUNG ZAD DMIGS PA BZHIN YIN PA'I PHYIR, 'O NA MTHONG LAM BAR CHAD MED LAM GYI SKABS NA MTHONG SPANG MED KYANG SGOM SPANG GI BAG LA NYAL YOD DGOS LA, DE'I TSE YID KYI SHES PA STONG NYID LA GNYIS SNANG NUB PA'I ZAG MED PAS SGOM SPANG GI SGRIB PA'I BAG CHAGS BSGO GZHIR MI 'THAD LA, DBANG SHES KYANG DE'I RTEN DU MED CING GZUGS KYANG DE'I RTEN DU MI RIGS LA, KUN GZHI SOGS KYANG KHAS MI LEN PAS DE'I RTEN MED PAR 'GYUR RO SNYAM NA SKYON MED DE, DE'I TSE MTHONG LAM PA DE'I PHUNG PO'I STENG GI NGA TZAM ZHIG SGOM SPANG GI BAG LA NYAL GYI RTEN YIN PA'I PHYIR, DES NA LUGS 'DI LA PHUNG PO TSOGS PA LA BRTEN NAS BTAGS PA TZAM GYIS GANG ZAG 'JOG PA'I TSUL 'DI MA SHES NA, GZUGS MED DANG PO GSUM GYI GANG ZAG GIS STONG NYID MNGON SUM DU RTOGS PA'I GNAS SKABS SU, GANG ZAG DE'I RGYUD KYIS BSDUS PA'I ZAG BCAS KYI SHES PA MED CING MNYAM GZHAG GI YE SHES DE DAG GZUGS MED KYI GANG ZAG TU MI 'JOG KYANG, GANG ZAG DE DAG GIS STONG NYID MNGON SUM DU RTOGS

089b

PA'I GNAS SKABS NA GANG ZAG MED PAR MI 'GYUR BA DANG, SRID RTZE BAS STONG NYID MNGON SUM DU RTOGS PA'I GNAS SKABS NA SRID RTZE'I SAS BSDUS KYI ZAG BCAS ZAG MED KYI SHES PA MED LA, CI YANG MED PA'I SHES PA SRID RTZE'I GANG ZAG TU MI RUNG YANG GZUGS MED DANG PO GSUM GYIS STONG NYID MNGON SUM DU RTOGS PA'I GNAS SKABS SU GANG ZAG DANG PO GSUM 'JOG PA DANG, SRID RTZE BAS STONG NYID MNGON SUM DU RTOGS PA'I GNAS SKABS SU SRID RTZE'I GANG ZAG KYANG BDE BLAG TU 'JOG NUS TE, DANG PO GSUM GYIS STONG NYID MNGON SUM DU RTOGS PA'I GNAS SKABS SU DE DE DAG GI ZAG MED KYI MNYAM GZHAG DE DAG GDAGS GZHIR BYAS NAS GANG ZAG DE BDAG TU 'DOGS PA DANG, SRID RTZE BAS STONG NYID MNGON SUM DU RTOGS PA'I GNAS SKABS SU CI YANG MED KYI SAS BSDUS KYI STONG NYID MNGON SUM DU RTOGS PA'I YE SHES DE GNYIS GDAGS GZHIR BYAS NAS SRID RTZE'I GANG ZAG KYANG LEGS PAR GZHAG CHOG PA'I PHYIR, DON 'DI NYID LA DGONGS NAS RNAM BSHAD LAS, LUGS 'DI'I GANG ZAG GI 'JOG TSUL THUN MONG MA YIN PA SHES NA, ZHES PA NAS, SHING RTA CHEN PO DAG GI LUGS LA BRTEN NAS SMRAS PA YIN NO ZHES GSUNGS PA'I BAR GYI DGONGS PA DPYIS PHYIN PA'O, ,SNGAR LAS 'GAG PA LAS 'BRAS BU 'BYUNG BAR BSHAD PA'I DON DE NYID DPE'I SGO NAS 'CHAD PA NI, RMI LAM RMIS PA'I YUL DAG MTHONG NAS NI, ,ZHES SOGS SO,, GNYIS PA LA RNAM SMIN 'BYIN PA THUG MED DU THAL BA'I RTZOD PA SPANG BA DANG, KUN GZHI YOD PAR GSUNGS PA'I LUNG DANG 'GAL BA'I RTZOD PA SPANG BA GNYIS

090a

, ,LAS, DANG PO NI, JI LTAR YUL NI YUL MIN NYID GSUNGS KYANG, ,(JI LTAR YUL NI YOD NYID MIN MTSUNGS KYANG, ,) ZHES GSUNGS TE, 'DI'I MTSAMS SBYAR DU 'GREL PA LAS, CI STE GAL TE RANG BZHIN GYIS MA SKYES PA LA ZAD PA MED PAS RNAM PAR SMIN PAR 'DOD NA DE LTA YIN PA DANG, JI LTAR MA 'GAGS PA'I PHYIR RNAM PAR SMIN PAR BYAS ZIN PA LAS KYANG RNAM PAR SMIN PA YIN PA DANG, DE LA LAS ZAG PA MED PA'I PHYIR RNAM PAR SMIN ZIN PA LAS KYANG YANG RNAM PAR SMIN PAR 'GYUR BA'I PHYIR THUG PA MED PA'I SKYON DU 'GYUR SNYAM NA, DE NI YOD PA MA YIN TE ZHES GSUNGS LA, DON NI, KHO NA RE, CI STE GAL TE LAS RANG BZHIN GYIS MA SKYES PA LA RANG BZHIN GYIS ZAD PA MED PAS LAS BSAGS PA'ANG 'GAGS NAS BSKAL PAS BAR DU BCAD PAS KYANG RNAM PAR SMIN PA'I 'BRAS BU 'BYIN PAR 'DOD NA, RNAM PAR SMIN PAR BYAS ZIN PA LAS KYANG STE RNAM PAR SMIN PA'I 'BRAS BU PHYUNG ZIN PA'I LAS LAS KYANG SLAR YANG RNAM PAR SMIN PA'I 'BRAS BU 'BYIN PAR THAL, KHYOD 'DOD PA DE LTA YIN PA DANG JI LTAR RANG BZHIN GYIS MA 'GAGS PA'I PHYIR, ZHES PA'I RGYU MTSAN 'DIR YANG MTSUNGS PA'I PHYIR, DE LA 'DOD NA, LAS KYI RNAM SMIN 'BYIN TSUL THUG PA MED PAR 'GYUR BAR THAL, LAS RANG BZHIN GYIS ZAD PA MED PA'I PHYIR RNAM PAR SMIN PA'I 'BRAS BU PHYUNG ZIN PA LAS KYANG YANG RNAM PAR SMIN PA'I 'BRAS BU 'BYIN PAR 'GYUR BA'I PHYIR, ZHE NA, DE'I SKYON MED DE, RANG BZHIN GYIS SKYE 'GAG MED PAR GSUNGS KYANG, RNAM SMIN PHYUNG MA ZIN PA'I LAS RNAMS KYIS RANG GI 'BRAS

090b

BU 'BYIN CING PHYUNG ZIN PAS SLAR YANG 'BRAS BU 'BYIN PA MA YIN PA'I PHYIR, DPER NA MIG RAB RIB KYIS BSLAD PA LA SNANG BA'I SKRA SHAD DANG BONG BU'I RVA SOGS MED PAR MTSUNGS KYANG, RAB RIB CAN LA SKRA SHAD KYI RNAM PAR SNANG GI, BONG BU'I RVA SOGS KYI RNAM PAR MI SNANG BA BZHIN ZHES, JI LTA YUL NI YOD PA MA YIN, ZHES PA'I TSIGS SU BCAD PA GCIG GIS BSTAN NAS, DES NA DGE MI DGE'I LAS GNYIS KYIS RNAM SMIN GYI 'BRAS BU 'BYIN TSUL SO SOR NGES SO ZHES STON PA NI, DE PHYIR RNAM SMIN MI DGE NAG PO'I LAS, ,ZHES SOGS TE, 'DI'I MTSAMS SBYAR DU, DPE 'DIS LAS RNAMS MA NGES PA YIN PA 'BA' ZHIG TU MA ZAD KYI RNAM PAR SMIN PA YANG NGES PA YIN NO ZHES BSHAD PA ZHES DKAR NAG GI LAS GNYIS SO SOR NGES PA BZHIN DU DGE BA'I LAS KYIS BDE 'GRO'I PHUNG PO 'PHEN PA DANG 'BRAS BU BDE BA BSKYED CING, MI DGE BA'I LAS KYIS NGAN 'GRO'I PHUNG PO 'PHEN PA DANG 'BRAS BU SDUG BSNGAL BSKYED PA'I LAS 'BRAS BSLU BA MED PA'I TSUL DE NYID STON PA'O, ,'DIR DE LTAR GSUNGS SHING, MDZOD LAS KYANG, RNAM SMIN RGYU NI MI DGE DANG, ,DGE BA ZAG BCAS RNAMS KHO NA, ,ZHES GSUNGS LA, DGE BA DANG MI DGE BA'I LAS KYI ZHIG PAS SPYIR 'BRAS BU BSKYED KYANG LAS GNYIS KYI RNAM SMIN 'BYIN PAR KHAS BLANGS NA DGE BA'I ZHIG PA DGE BA DANG MI DGE BA'I ZHIG PA MI DGE BAR 'GYUR LA, DE LTAR NA DGE BA'I LAS KYI ZHIG PA CHOS CAN, DGE BA'I LAS MA YIN PAR THAL, DGE BA'I LAS DE NYID 'GAGS PA'I CHA TZAM LA BZHAG PA'I PHYIR SNYAM DU DOGS LA, SPYIR LAS RANG BZHIN

091a

, ,GYIS MA ZHIG CING ZHIG PA DNGOS POR GRUB PA LA BRTEN NAS SPYIR ZHIG PAS 'BRAS BU BSKYED PA DANG, DGE BA'I LAS BYAS PA'I SKAD CIG GNYIS PAR ZHIG KYANG DE'I RIGS 'DRA PHYI MA RNAMS NGA TZAM GYI STENG DU BAG CHAGS BSGOS PA'I TSUL GYIS RGYUN NAR GYIS GNAS PAS, LAS RE RES KYANG SKYE BA BRGYA PHRAG DU MA'I BAR DU 'BRAS BU 'BYIN PA DANG, BSKAL PAS BAR DU BCAD PA'I LAS KYIS KYANG RNAM SMIN GYI 'BRAS BU 'BYIN PA LA MI 'GAL BA'I LAS 'BRAS KYI RNAM GZHAG CHES 'THAD PA YIN GYI GRUB MTHA' 'OG MA LTAR DGE SDIG GI LAS RANG BZHIN GYIS 'GAGS NA DE'I CHA THAMS CAD NAS 'GAGS DGOS PAS KHONG RANG RNAMS KUN GZHI SOGS KYI STENG DU LAS KYI BAG CHAGS BSGO BAR 'DOD KYANG, 'DI PA'I RIGS LAM GYIS DPYAD PA'I TSE DE LTAR 'GAGS PA LA RGYUN GZHAG TU MED PA LAS 'BRAS KYI TSUL LTA BU BZHAG TU MED PA DPAL LDAN ZLA BA DANG RJE NYID KYI THUN MONG MA YIN PA'I BZHED PAR SEMS TE DPYAD PAR BYA'O,, GNYIS PA NI, KUN GZHI YOD KYANG GANG ZAG NYID YOD LA, ,ZHES SOGS TE, 'DI'I SNGA 'GREL DU, GAL TE DE LTAR LAS RNAMS KYI 'BRAS BU 'BREL BA RNAM PAR BZHAG NA, 'O NA 'PHAGS PA LANG DKAR GSHEGS PA LA SOGS PA RNAMS LAS, KUN GZHI RNAM PAR SHES PA CHOS MTHA' YAS PA'I NUS PA'I KHYAD PAR GYI GZHI SA BON THAMS CAD RLABS RNAMS LA RGYA MTSO LTAR DNGOS PO THAMS CAD SKYE BA'I RGYU GSUNGS PA GANG YIN PA DE CI RNAM PA THAMS CAD DU MED PA ZHIG GAM ZHE NA, ZHES KUN GZHI MED KYANG LAS 'BRAS KYI 'BREL BA 'JOG NUS NA, LANG GSHEGS DANG, DGONGS

091b

'GREL DANG, THEG PA CHEN PO CHOS MNGON PA'I MDO RNAMS LAS KUN GZHI'I RNAM SHES ZHES BYA BA SA BON THAMS CAD PA RGYA MTSO LAS RLABS DBYUNG BA LTAR PHYI NANG GI DNGOS PO THAMS CAD SKYE BA'I RGYUR GSUNGS PA DE JI LTAR DRANG ZHE NA, ZHES PHYOGS SNGA MA BKOD PA YIN LA, LAN DU 'GREL PA LAS, DE LTAR NI MA YIN TE, DE SKAD DU NYE BAR BSTAN PAS GDUL BYA RNAMS LA DE YOD PA NYID DU BSTAN PA'I PHYIR RO, ,ZHES GSUNGS LA, DON NI, KUN GZHI MED PAR BSTAN PA LA GONG DU BSHAD PA'I MDO LUNG DE RNAMS KYIS GNOD PA DE LTA NA NI MA YIN TE, DE DAG LA KUN GZHI ZHES BSHAD PA DE SANGS RGYAS RANG NYID KYI BZHED PA MA YIN GYI, DE SKAD DU KUN GZHI YOD PA LTAR DU NYE BAR BSTAN PAS GDUL BAR BYA BA RNAMS LA KUN GZHI DE YOD PA NYID DU BSTAN PA'I DGONGS PA CAN YIN PA'I PHYIR, 'O NA DE'I DGONGS GZHI DE JI LTA BU ZHE NA, 'GREL PA LAS, DNGOS PO THAMS CAD KYI RANG BZHIN RJES SU ZHUGS PA'I PHYIR STONG PA NYID KHO NA KUN GZHI RNAM PAR SHES PA'I SGRAS BSTAN PAR RIGS PAR BYA'O ZHES PA STE; DGONGS GZHI RANG BZHIN GYIS STONG PA NYID KHO NA LA KUN GZHI RNAM PAR SHES PA ZHES PA'I SGRAS BSTAN PAR RIGS PAR BYA LA, DE LA DE LTA BU'I SGRAS STON PA'I RGYU MTSAN YANG YOD DE, RANG BZHIN STONG PA NYID DE DNGOS PO THAMS CAD KYI RANG BZHIN NAM GNAS LUGS MTHAR THUG PAR RJES SU ZHUGS PA STE KHYAB PA'I RGYU MTSAN GYIS DE LTAR BSTAN PA'I PHYIR, YANG DE NYID LAS KUN GZHI RNAM PAR SHES PA 'BA' ZHIG YOD PAR MA ZAD KYI GANG ZAG KYANG YOD DE, DES GDUL BA'I SKYE BO LA DE YOD PA NYID

092a

, ,DU BSTAN PAS RJES SU 'DZIN PA'I PHYIR RO, ,ZHES DGOS PA'I DBANG GIS KUN GZHI YOD PAR BSTAN PAR MA ZAD, GANG ZAG GI BDAG YOD PAR BSTAN PA'I SGO NAS GDUL BAR BYA BA'I GDUL BYA LA GANG ZAG GI BDAG KYANG YOD PAR STON PA GSUNGS LA, 'DIS NI RANG LUGS LA KUN GZHI MI BZHED PAR GSAL BAR BSTAN TE, KUN GZHI YOD PAR STON PA'I MDO GANG ZAG GI BDAG YOD PAR STON PA'I MDO DANG 'DRA BA'I DGONGS PA CAN DU GSUNGS PA'I PHYIR RO, ,GANG ZAG GI BDAG YOD PAR STON PA'I MDO NI, DE NYID DU JI SKAD DU, DGE SLONG DAG ,PHUNG PO LNGA NI KHUR RO, ,KHUR 'KHUR BA NI GANG ZAG GO ,ZHES GSUNGS PA LTA BU'O ZHES NGOS BZUNG LA, 'DIS GANG ZAG GI BDAG YOD PAR BSTAN TE, KHUR LAS DON GZHAN PA'I KHUR 'KHUR BA PO YOD PA LTAR, PHUNG PO LNGA LAS DON GZHAN PA'I GANG ZAG RDZAS YOD YOD PAR DON GYIS BSTAN PA'I PHYIR RO, ,KUN GZHI SOGS YOD PAR BSTAN PA'I DGOS PA NI, 'GREL PA LAS, GDUL BYA GANG DAG YUN RING POR MU STEGS KYI LTA BA LA GOMS PAR BYAS PAS CHOS NYID ZAB MO LA 'JUG PAR MI NUS SHING BDAG MED DO, ,'BYUNG BAR MI 'GYUR RO ZHES JI SKAD BSTAN PA'I CHOS NYID THOS NAS SKRAG PA THOG MA KHO NAR STON PA'I NYE BAR BSTAN PA LA G-YANG SA DANG 'DRA BAR SEMS PA DE DAG DE LA RGYAB KYIS PHYOGS PAS DON CHEN PO BSGRUB PAR MI 'GYUR RO, ,CHES THOG MAR KUN GZHI RNAM PAR SHES PA LA SOGS PA BSTAN PAS NI MU STEGS KYI LUGS BSAL NAS DON CHEN PO 'DREN PAR 'GYUR ZHING, PHYIS NAS GSUNG RAB KYI DON PHYIN CI MA LOG

092b

PAR RIG PA RNAMS RANG NYID KYIS DE DAG SPONG BAR 'GYUR BAS YON TAN KHO NA 'BYUNG GI SKYON NI MA YIN NO ZHES GSUNGS NAS, DE'I SHES BYED DU BRGYA PA LAS, GANG ZHIG GANG LA GANG DGA' BA, ,ZHES SOGS GSUNGS PA DRANGS TE 'GREL TSIG GSAL BAS 'BRU GNYER BA MI DGOS PAR SNANG NGO, ,SHER PHYIN 'BUM PA SOGS SU RNAM SHES TSOGS DRUG LAS MANG BA MA BSHAD PAS, MDO LAS KYANG KUN GZHI RNAM SHES BSHAD PA DANG MA BSHAD PA'I TSUL GNYIS YOD LA, DE DAG GI DON 'GREL BA NA, RGYAL BA MA PHAM PAS KYANG 'BYED GNYIS MDO SDE RGYAN DANG BCAS PAR KUN GZHI YOD CING PHYI DON MED PA'I TSUL BSHAD LA, MNGON RTOGS RGYAN DANG RGYUD BLA MA LAS KUN GZHI'I RNAM PAR SHES PA MA BZHAG PA DANG, PHYI DON MA BKAG PA'I PHYOGS GNYIS BSHAD KYANG TSUL PHYI MA NYID RJE BTZUN GYI DGONGS PA YIN TE, 'PHAGS PA THOGS MED KYIS KYANG THEG BSDUS SU, KUN GZHI RNAM SHES YOD PA'I SGRUB BYED DU DRANGS PA'I, THOG MA MED PA'I DUS KYI KHAMS, ,ZHES SOGS KYI CHOS MNGON PA'I MDO'I LUNG RGYUD BLA MA'I 'GREL PAR SEMS CAN LA DE BZHIN GSHEGS PA'I KHAMS GRUB PA SNYING POR GYUR PA YOD MOD KYI SEMS CAN DE DAG GIS SHES PA NI MA YIN NO, ,ZHES SEMS CAN LA CHOS NYID KYI RIGS YOD PA'I SGRUB BYED DU DE NYID DRANGS PA'I PHYIR RO, ,DE LA KHO NA RE; 'DIR KUN GZHI RNAM SHES MI BZHED NA, BYANG CHUB SEMS 'GREL LAS, JI LTAR KHAB LEN DANG NYE BAS, ,LCAGS NI MYUR DU YONGS SU 'KHOR, ,DE LA SEMS NI YOD MIN TE, ,SEMS DANG LDAN ZHING SNANG BAR 'GYUR, ,DE BZHIN KUN GZHI RNAM

093a

, ,SHES NI, ,BDEN MIN BDEN PA BZHIN DU NI, ,GANG TSE 'GRO 'ONG G-YO BAR 'GYUR, ,DE TSE SRID PA 'DZIN PAR BYED, ,JI LTAR RGYA MTSO LA NI SHING, ,SEMS NI MED KYANG G-YO BAR 'GYUR, ,DE BZHIN KUN GZHI RNAM SHES NI, ,LUS LA BRTEN NAS G-YO BA YIN, ,ZHES KUN GZHI RNAM SHES KYI SRID PA PHYI MA'I LUS LEN PAR GSUNGS PA DANG 'GAL LO ZHE NA, DE DANG 'GAL BA'I SKYON MED DE, LUNG DE RNAMS KYIS KUN GZHI RNAM SHES RANG GI MTSAN NYID KYIS GRUB PA KHAS LEN PAR STON PA MA YIN PA'I PHYIR TE, DE RNAMS KYIS PHYI DON BKAG NAS SEMS RANG BZHIN GYIS GRUB PA MA BKAG PA'I SEMS TZAM GSUNGS PA DRANG DON DU STON PA DANG, RNAM RIG PA RNAMS SEMS KYI CHOS NYID YONGS GRUB RANG BZHIN GYIS GRUB PAR 'DOD PA BKAG PA NA SEMS BDEN PAR MED NA 'JIG RTEN SNGA MA NAS 'DIR 'ONGS PA DANG, 'DI NAS PHYI MAR 'GRO BA'I G-YO BA'I BYA BA MI 'THAD DO SNYAM PA'I RTZOD PA KHONG NA GNAS PA'I LAN DU LCAGS DANG SHING LA SEMS MED KYANG YOD PA LTAR G-YO BA BZHIN DU KUN GZHI RANG BZHIN GYIS MED KYANG RANG BZHIN GYIS YOD PA LTAR 'GRO 'ONG GI G-YO BA DANG BCAS PAR SNANG NGO, ,ZHES STON PA TZAM YIN PA'I PHYIR, 'O NA KUN GZHI RANG BZHIN GYIS GRUB PA KHAS MI LEN YANG TSOGS DRUG LAS NGO BO THA DAD PA'I KUN GZHI SGYU MA LTA BU DE DAG GIS YOD PAR BSTAN CING KHAS LEN DGOS SO SNYAM NA, DE YANG MI BZHED DE, DE 'DRA'I KUN GZHI KHAS LEN NA KUN GZHI BAG CHAGS SMIN PA LAS PHYI ROL GYI DON SNANG BA TZAM MA GTOGS PHYI ROL GYI DON MED PAR BZHED DGOS PA LAS DE LTAR

093b

MI BZHED DE, DE NYID LAS, SHES PAS SHES BYA RTOGS PA STE, SHES BYA MED PAR SHES PA MED, ,DE LTA NA NI RIG BYA DANG, ,RIG BYED MED CES CIS MI 'THAD, ,CES DON SHES GNYIS DON DAM DU MED MNYAM DANG THA SNYAD DU YOD MNYAM YIN PAS BDEN GNYIS GANG DU YANG DE GNYIS LA YOD MED KYI KHYAD PAR 'BYED PA MI 'THAD PAR GSUNGS PA'I PHYIR RO, ,DE'I PHYIR YID KYI SHES PA LAS NGO BO THA DAD PA'I KUN GZHI MI BZHED PAS 'DIR KUN GZHI ZHES GSUNGS PA NI SPYIR SEMS GSAL RIG TZAM LA KUN GZHIR BZHAG PA DANG KHYAD PAR DU YID KYI SHES PA LA YIN TE, SEMS RANG BZHIN GYIS GRUB PA BKAG PA LA BYA BYED MI 'THAD PAR SMRA BA'I LAN DU, DE RANG BZHIN GYIS MED KYANG BYA BYED 'THAD PA'I TSUL STON PA'I SKABS YIN PA'I PHYIR DANG, SRID PAR LUS LEN PA'I SEMS YID KYI RNAM SHES YIN ZHING DE NYID KUN BYANG GI CHOS THAMS CAD KYI GZHI YIN PA'I PHYIR, LHAG MA NI GO SLA'O, ,'JIG TSOGS LTA DANG BRAL YANG SANGS RGYAS KYIS, ,ZHES SOGS KYI 'GREL PAR SANGS RGYAS LA NGA DANG NGA YIR 'DZIN PA'I RTOG PA MED KYANG DE'I RTOG PA YOD PA LTAR NGA DANG NGA YI ZHES BSTAN PA BZHIN DU CHOS RNAMS RANG BZHIN GYIS MED KYANG RANG BZHIN GYIS GRUB PA LTAR BSTAN PA NI DRANG DON YIN GYI, RANG BZHIN GYIS MED PA NYID SANGS RGYAS KYI DGONGS PA YIN PAR BSHAD NAS SANGS RGYAS RNAMS RANG LUGS LA JI LTA BA BZHIN DU MI BZHED KYANG THA SNYAD KYI RNAM GZHAG 'JIG RTEN DANG MTHUN PAR 'JUG PA'I TSUL YANG SHAR GYI RI BO'I SDE PA DANG MTHUN PA'I TSIGS SU BCAD PA DRANGS PA LAS, GAL TE 'JIG RTEN RNAM

094a

, ,'DREN RNAMS, 'JIG RTEN MTHUN PAR MI 'JUG NA, ,SANGS RGYAS CHOS NYID GANG YIN DANG, ,SANGS RGYAS SUS KYANG SHES MI 'GYUR, ,PHUNG PO DAG DANG KHAMS RNAMS DANG, ,SKYE MCHED RANG BZHIN GCIG BZHED LA, ,KHAMS GSUM PO DAG STON MDZAD PA, ,'DI NI 'JIG RTEN MTHUN 'JUG YIN, MING MED PA YI CHOS KYI RNAMS, ,BSAM DU MED PA'I MING DAG GIS, ,SEMS CAN RNAMS LA YONGS BRJOD PA, ,'DI NI 'JIG RTEN MTHUN 'JUG YIN, ,DNGOS MED NYE BAR STON MDZAD CING, ,SANGS RGYAS RANG BZHIN LA BZHUGS PAS, ,DNGOS MED 'GA' YANG 'DIR MED PA, ,'DI NI 'JIG RTEN MTHUN 'JUG YIN, ,DON DANG DON MED MI GZIGS LA, ,'GOG PA DANG NI DAM PA'I DON, ,SMRA BA RNAMS KYI MCHOG GSUNGS PA, ,'DI NI 'JIG RTEN MTHUN 'JUG YIN, ,ZHIG PA MED CING SKYE MED LA, ,CHOS KYI DBYINGS DANG MNYAM GYUR KYANG, ,SREG PA'I BSKAL PA STON MDZAD PA, ,'DI NI 'JIG RTEN MTHUN 'JUG YIN, ,DUS GSUM DAG TU SEMS CAN GYI, ,RANG BZHIN DMIGS PA MA YIN LA, ,SEMS CAN KHAMS KYANG STON MDZAD PA,, 'DI NI 'JIG RTEN MTHUN 'JUG YIN, ,ZHES GSUNGS, DON DE CUNG ZAD BSHAD NA, SANGS RGYAS RNAMS SKU GSUNG THUGS KYI MDZAD PA RNAMS RANG DBANG DU MA YIN PAR GDUL BYA'I 'JIG RTEN DANG MTHUN PAR 'JUG DGOS TE, GAL TE 'JIG RTEN RNAM 'DREN RGYAL BA RNAMS, 'JIG RTEN DANG MTHUN PAR MI 'JUG NA GDUL BYA RNAMS KYIS SANGS RGYAS KYI CHOS NYID GANG YIN PA KHUNG DU CHUD PAR MI 'GYUR ZHING, SANGS RGYAS SUS SHES PA STE

094b

RTOGS PA DANG THOB PAR MI 'GYUR BA'I PHYIR, SANGS RGYAS RNAMS 'JIG RTEN DANG MTHUN PAR 'JUG DGOS NA, DE'I TSUL JI LTA BU ZHE NA PHUNG PO DAG DANG, ZHES SOGS TE, 'JIG RTEN DANG MTHUN PAR 'JUG PA'I TSUL YANG YOD DE, PHUNG PO DAG DANG KHAMS RNAMS DANG SKYE MCHED BCU GNYIS SOGS KYIS BSDUS PA'I CHOS THAMS CAD KYI GNAS LUGS SAM RANG BZHIN STONG PA NYID GCIG TU DBYER MED BZHED KYANG KHAMS GSUM PO DAG GI GDUL BYA LA DE DAG GI RANG DANG SPYI'I MTSAN NYID RNAMS MA 'DRES PAR KHAMS DANG BSAM PA SKAD RIGS SOGS JI LTA BA DANG MTHUN PAR STON PAR MDZAD PA 'DI NI 'JIG RTEN DANG MTHUN PAR 'JUG PA'I TSUL YIN PA'I PHYIR, GZHAN YANG YOD DE, MING MED PA YI CHOS RNAMS TE BRJOD DU MED PA'I DNGOS PO'I CHOS RNAMS LA BSAM DU MED PA DE BSAM GYIS MI KHYAB PA'I MING SNA TSOGS PA DAG GI RANG RANG GI THA SNYAD DANG MTHUN PAR BRTAGS NAS SEMS CAN RNAMS LA YONGS SU BRJOD PAR YANG MDZAD PA'I PHYIR, GZHAN YANG YOD DE, DNGOS MED KYI CHOS RNAMS KYANG NYE BAR STON PAR MDZAD CING SANGS RGYAS DE'I RANG BZHIN NAM GNAS LUGS LA GNYIS SNANG NUB PA'I TSUL GYIS BZHUGS PA'I JI LTA BA GZIGS PA'I GZIGS NGO 'DIR DNGOS MED 'GA' YANG MED PA 'DI YANG DE YIN PA'I PHYIR, GZHAN YANG YOD DE; DON DANG DON MED PA GNYIS RANG BZHIN GYIS GRUB PAR MI GZIGS LA, DE LTA NA YANG 'GOG PA MYA NGAN LAS 'DAS PA DANG DE THOB PA'I THABS DAM PA'I DON GYI BDEN PA RTEN 'BREL GYI DON DU STON CING GSUNGS PAS SMRA BA RNAMS KYI MCHOG TU GYUR

095a

, ,PA DE YIN PA'I PHYIR, GZHAN YANG YOD DE, RANG BZHIN GYIS ZHIG PA MED CING SKYE BA MED LA, CHOS KYI DBYINGS DANG GNYIS SNANG NUB PAS DUS RTAG TU RO MNYAM PAR GYUR KYANG, SREG PA'I BSKAL PA SOGS BSKAL PA'I CHAGS 'JIG RNAMS JI LTA BA BZHIN DU STON PAR MDZAD PA NI DE YIN PA'I PHYIR, DE DAG NI GTZO BOR CHOS KYI BDAG MED PHRA MO STON PA'O, ,GANG ZAG GI BDAG MED STON PA'I TSUL NI, GZHAN YANG YOD DE, DUS GSUM DAG TU SEMS CAN GYI NGO BOS GRUB PA'I RANG BZHIN DMIGS PA MA YIN LA, DE LTA NA YANG SEMS CAN MTHA' YAS PA RNAMS KYI KHAMS DANG, BSAM PA DANG, BAG LA NYAL SOGS KYI DBYE BA RNAMS CHAGS THOGS SPANGS PAS GZIGS NAS GDUL BYA LA MA 'DRES PAR STON PAR MDZAD PA YANG DE YIN PA'I PHYIR, DE RNAMS KYI GZHAN SKYE 'DOD PA'I PHYOGS SPYIR BKAG NAS, GNYIS PA SEMS TZAM PA'I LUGS BYE BRAG TU DGAG PA NI, DE YANG RNAM BSHAD DU, SEMS TZAM PA'I LUGS BYE BRAG TU DGAG CES GSUNGS PA NI SPYIR DBU SEMS MI MTHUN PA'I 'DOD PA'I KHYAD PAR 'GA' ZHIG 'GOG PA TZAM MA YIN GYI, SEMS TZAM PAS SA DRUG PAR SHER PHYIN LHAG PAR GSUNGS PA DE RTEN 'BREL RANG BZHIN GYIS SKYE MED DU RTOGS PA'I SHER PHYIN LHAG PA'I TSUL DE LTA MA YIN PAR, SEMS TZAM PAR RANG NYID 'DOD PA'I THUN MONG MA YIN PA'I BSHAD TSUL LAS BRTZAMS TE GZHAN SKYE 'DOD TSUL KHYAD PAR BA ZHIG 'GOG PA STE, 'DI'I MTSAMS SBYAR DU 'GREL PAR, DE'I PHYIR DE LTAR RNAM PAR SHES PA SMRA BA DBU MA PA'I LUGS JI SKAD BSTAN PA MI BZOD CING RANG GI

095b

RNAM PAR RTOG PAS SBYAR BA'I LUGS BRJOD PA'I SGO NAS DON DAG 'JOG PAR BYED PA RNAMS KYIS JI SKAD DU BSHAD PA'I LUGS GSAL BAR BYA BA'I PHYIR SMRAS PA ZHES GSUNGS PA LTAR RO, ,DES NA 'DI LA GNYIS, SEMS TZAM PA'I LUGS BRJOD PA DANG, DE DGAG PA'O, ,DANG PO NI, GZUNG BA MED PAR 'DZIN PA MA MTHONG ZHING, ,ZHES SOGS TE, RNAM RIG PA RNAMS NA RE, KHYED 'DOD PA LTAR SA DRUG PA BAS RTEN 'BREL RANG BZHIN GYIS SKYE MED DU RTOGS PA DE NYID SA DER SHER PHYIN LHAG PA'I DON YIN TE; SA DRUG PA BAS KHAMS GSUM PO 'DI THAMS CAD PHYI ROL GYI DON GYIS STONG PA'I SEMS RNAM PAR RIG PA TZAM GYI BDAG NYID SA DER RTEN 'BREL GYI GNAS LUGS RTOGS PA'I DON YIN PA'I PHYIR, PHYI ROL GYI DON MED NA DON SNANG GI SHES PA SKYE BA 'GAL LO SNYAM NA, DE MI 'GAL TE, KUN GZHI'I STENG GI BAG CHAGS KYI NUS PA SMIN PA LAS RANG BZHIN GYIS GRUB PA'I DON SNANG GI SHES PA SKYE BAR 'GYUR BA'I PHYIR, DE 'DRA BA'I GZHAN DBANG DE YANG KHYAD CHOS GSUM DANG LDAN TE, NGO BO'I KHYAD PAR RANG BZHIN GYIS GRUB PA, RGYU'I KHYAD PAR KUN GZHI'I BAG CHAGS SMIN PA LAS BYUNG BA, YUL CAN GYI KHYAD PAR KUN BTAGS 'DOGS BYED KYI SGRA RTOG GI SPROS PA'I JI LTA BA BZHIN MA YIN PA'I BRJOD DU MED PA'I DNGOS PO YIN PA STE KHYAD PAR GSUM DANG LDAN PA'I PHYIR, ZHES ZER RO,, GNYIS PA DE DGAG PA LA GSUM, GZHAN DBANG GI SHES PA RANG BZHIN GYIS GRUB PA'I BSGRUB BYA DGAG SGRUB BYED KYI TSAD MA DGAG ,SGRUB BYED KYI LUNG DGAG PA'O,, DANG PO NI, 'DI NAS BZUNG STE, BLO YANG MED

096a

, ,CING DON 'DI SHES PAR GYIS, ,ZHES PA'I BAR DANG, GNYIS PA NI, GAL TE GZUNG MED 'DZIN PA NYID BRAL ZHING, ,ZHES PA NAS, PHYI NAS STOBS LDAN BDAG GIS BSTEN PAR BYA, ,ZHES PA'I BAR DANG, GSUM PA NI, MNGON GYUR MNGON PHYOGS, ZHES PA MAN CHAD DO,, SKABS 'DIR 'GREL PA LAS, DPER NA DBANG PHYUG LA SOGS PA RGYUR SMRA BA RNAMS, BA NI BA SGRA RNAMS KYI RGYU, ,CHU SHEL CHU RNAMS KYI BZHIN DANG, BRLAG SHA YAL GA RNAMS KYI LTAR, ,DE NI LUS CAN KUN GYI RGYU, ,ZHES DBANG PHYUG LA SOGS PA 'GRO BA'I BYED PA PO NYID DU SMRA BAR BYED PA DE BZHIN DU, KUN GZHI RNAM PAR SHES PA SMRA BA RNAMS KYANG KUN GZHI RNAM PAR SHES PA DNGOS PO MTHA' DAG GI DMIGS PA'I SA BON GYI RTEN NYID KYIS SA BON THAMS CAD LA SMRA BAR BYED DE, GANG DBANG PHYUG RTAG LA KUN GZHI RNAM PAR SHES PA MI RTAG GO ZHES BYA BA 'DI NI KHYAD PAR RO, ,ZHES GSUNGS SO, ,DON NI, DPER NA, DBANG PHYUG LA SOGS PA SNOD BCUD KYI BYED PA POR SMRA BA RNAMS, BA SGRA RNAMS KYI RGYU YIN ZHING, ,DE BZHIN CHU SHEL CHU RNAMS KYI DANG, ,BRLAG SHA'I SHING RANG GI YAL GA RNAMS KYI RGYU YIN PA LTAR DBANG PHYUG DANG LA SOGS PA GTZO BO SOGS 'GRO BA'I BYED PA PO NYID DU SMRA BAR BYED PA DE BZHIN DU, KUN GZHI RNAM PAR SHES PA SMRA BA RNAM RIG PA RNAMS KYANG KUN GZHI RNAM PAR SHES PA ZHES PA RNAM PAR SHES PA'I DMIGS PA'I DNGOS PO MTHA' DAG GI SA BON THAMS CAD PA SMRA BAR BYED DE, DE'I BAG CHAGS KYI NUS PA SMIN PA LAS RNAM SHES KYI DMIGS PA'I RTEN GZUGS SOGS SU SNANG BA'I GZHAN DBANG GI SHES

096b

PA DE NYID SKYED PAR BYED PA'I PHYIR, DE LTA NA YANG DE GNYIS RNAM PA KUN TU MTSUNGS PA MA YIN TE, GANG DAG DBANG PHYUG RGYUR SMRA BA RNAMS DBANG PHYUG RTAG GO ZHES 'DOD LA KUN GZHI RNAM PAR SHES PA 'DOD PAS DE MI RTAG GO ZHES SMRA BA TZAM 'DI GNYIS KYI KHYAD PAR YIN PA'I PHYIR RO, ,SKABS 'DIR RNAM BSHAD LAS, 'O NA 'GREL PAR SEMS TZAM PA'I 'DOD PA BRJOD PA NA, ZHES PA NAS, MA BRIS SO ZHES PA'I BAR GYIS SKABS 'DIR SNGAR PHYOGS SNGA MA BRJOD PA DE DAG THEG BSDUS DANG, GTAN LA DBAB PAR BSDU BA SOGS SU SEMS TZAM PA RANG GI 'DOD PA BSHAD PA RNAMS BKOD PA DANG, RNAM RIG PA'I SKABS SU PHYI ROL DON GYIS BSDUS PA'I GZUGS SGRA SOGS 'JOG PA'I TSUL 'CHAD DE ZHIB PAR MA BSHAD DO,, DES NA GZHAN DBANG GI SHES PA RANG BZHIN GYIS GRUB PA'I BSGRUB BYA DGAG PA 'DI LA GSUM STE, DPE DGAG ,DON DGAG ,DE LA LUNG RIGS DANG 'GAL BA SPANG BA'O,, DANG PO LA RMI LAM DANG SKRA SHAD KYI DPE GNYIS LAS, DANG PO NI PHYI ROL GYI DON MED PAR DON SNANG GI SHES PA RANG BZHIN GYIS SKYE BA'I DPE JI LTA BU ZHES DRIS PA LA, KHO NA RE, RMI LAM NA PHYI ROL GYI GLANG PO CHE MED KYANG KHANG MIG CHUNG NGUR NYAL BA'I TSE DE NA RMI LAM GYI SHES PA LA GLANG CHEN GYI KHYU 'KHRIGS PAR SNANG BA'I SHES PA SKYE BA BZHIN NO ZHE NA, SPYIR DE 'DRA'I SHES PA 'KHRUL PA SKYE YANG DE GZHAN DBANG GI SHES PA RANG BZHIN GYIS GRUB PA SKYE BA'I DPER MI RIGS TE, RMI LAM GYI YUL DBANG RNAM SHES GSUM GA RDZUN PAR MTSUNGS PA'I PHYIR, ZHES STON PA PHYI ROL MED SEMS, ZHES PA NAS, GTI MUG

097a

, ,GNYID ZAD LAS DE DE BZHIN NO, ,ZHES PA'I BAR RO,, GNYIS PA NI, RAB RIB CAN LA MED BZHIN DU SKRA SHAD 'DZAG PAR SNANG BA'I SHES PA SKYE BA DE MTHUN DPE'O SNYAM NA, DBANG PO RAB RIB BCAS PA BLO GANG GIS, ,ZHES SOGS KYIS 'GOG PAR BYED DO,, GNYIS PA DON DGAG PA LA, NUS PA RANG BZHIN GYIS GRUB PA LAS RNAM SHES SKYE BA DGAG PA DANG, SLAR YANG PHYI ROL MED PAR RNAM SHES YOD TSUL BRJOD PA DGAG PA GNYIS TE, DE DAG NI, GANG PHYIR MTHONG BA DAG LA BLO NUS NI, ,ZHES PA NAS, RTZOD 'DI SEL BYED CES PA'I BAR GYIS 'CHAD DO,, GSUM PA DE LA LUNG RIGS DANG 'GAL BA SPANG BA LA, LUNG DANG 'GAL BA SPANG BA DANG, RIGS PA DANG 'GAL BA SPANG BA GNYIS LAS, DANG PO NI, SANGS RGYAS RNAMS KYIS NI, ,ZHES SOGS RKANG PA PHYED DANG GNYIS SO,, GNYIS PA LA YANG, MI SDUG PA'I TING NGE 'DZIN DANG 'GAL BA DANG, RAB RIB CAN DANG MTSUNGS PA'I SHES PA GZHAN YANG MTSON TE BSTAN PA GNYIS LAS, DANG PO NI, RNAL 'BYOR PA YI BLA MA'I MAN NGAG LAS, ,ZHES SOGS DANG, GNYIS PA NI, RAB RIB DANG LDAN DBANG PO CAN MTSUNGS PA, ,ZHES SOGS TE, GZHUNG DON NI, SHES BYA CHOS CAN, RAB RIB CAN LA SKRA SHAD DU SNANG BA DANG MTSUNGS PA'I SGYU MA DANG GZUGS SOGS DANG, CHU KLUNG LA YI DVAGS 'GA' ZHIG GIS RNAG KHRAG GI RNAM PAR MTHONG BA SOGS KYANG PHYI ROL MED PA'I SHES PA RANG BZHIN GYIS GRUB PA'I DPE MA YIN TE, DE 'DRA'I SNANG CHA'I YUL DANG SNANG BA'I YUL CAN GYI SHES PA GNYIS KYANG RANG BZHIN GYIS MED MNYAM DANG

097b

THA SNYAD TZAM DU YOD MNYAM YIN PA'I PHYIR, 'DI NI THEG BSDUS LAS, YI DVAGS DUD 'GRO MI RNAMS DANG, ,LHA RNAMS JI LTAR RIGS RIGS SU, ,DNGOS GCIG YID NI THA DAD PHYIR, ,DON MA GRUB PAR 'DOD PA YIN, ,ZHES GSUNGS, DE'I DON NI, GNYIS SNANG GI BAG CHAGS KYIS BSLAD PA LA BRTEN NAS GZUGS SGRA SOGS PHYI ROL GYI DON DU SNANG YANG SNANG BA LTAR MA GRUB PAR 'DOD PA YIN TE, GANGG'A'I DNGOS PO GCIG NYID KYANG YI DVAGS 'GA' ZHIG GIS RNAG KHRAG ,NYA SOGS DUD 'GRO 'GA' ZHIG GIS GNAS DANG, MI RNAMS KYIS CHU DVANGS SHING BSIL BA DANG, 'DOD LHA 'GA' ZHIG GIS BDUD RTZI DANG, NAM MKHA' MTHA' YAS SKYE MCHED LA GNAS PA SOGS KYIS GZUGS KYI 'DU SHES BSHIG PAS, NAM MKHA'I RNAM PAR SNANG BA YOD PA NI GANG ZHIG ,DE SNANG TSUL LTAR PHYI ROL DON DU GRUB NA GANGG'A DE NYID RNAG KHRAG DANG NAM MKHA' LA SOGS KYI GZHI MTHUN DU 'GYUR BA'I PHYIR, ZHES PA YIN LA, DE LA GANG DAG 'DI SNYAM DU, 'GRO BA DE DAG GI MTHONG TSUL THA DAD PA DE LTA BU DAG YOD NA, DE RNAMS NI THA SNYAD PA'I BLO TSAD MA YIN LA, GANGG'A'I LTA BU GZHI GCIG MI MTHUN PA DE DAG TU TSAD MAS GRUB NA, RNAG KHRAG DANG RNAG KHRAG MA YIN PA GNYIS MI 'GAL BAR 'GYUR ZHING, DE LTA NA TSAD MAS GRUB PA LA YANG YID BRTAN MI RUNG BAR 'GYUR RO ZHE NA, DOGS PA 'DI'I LAN LA RNAM BSHAD LAS, 'O NA JI LTAR ZHE NA, THOG MAR DPE BSHAD PAR BYA STE, ZHES PA NAS, THAG GCOD MA SNGA ZHIG CES PA'I BAR DU GSUNGS LA, DGONGS PA BSDUS TE BSTAN NA 'DI LTAR YIN TE, GANGG'A'I KLUNG GCIG GI

098a

, ,STENG DU YI DVAGS SHIG LA DE DAG GI LAS KYI DBANG GIS DE'I CHA SHAS GCIG RNAG KHRAG DANG, DE BZHIN DU MI LA CHU DVANGS SHING BSIL BA DANG, LHA 'GA' ZHIG LA BDUD RTZI DANG, 'GA' ZHIG LA NAM MKHA' SOGS SU SNANG BA NA DE LTAR SNANG BA'I 'GRO BA DE DAG GI LAS KYIS DBANG LAS, GANGG'A'I KLUNG GI CHA SHAS GANG DANG GANG RNAG KHRAG SOGS DE DANG DER SNANG ZHING SNANG BA LTAR GYI DON LA DE DAG GI BLO THA SNYAD PA'I TSAD MA YIN YANG YI DVAGS LA RNAG KHRAG TU SNANG BA'I CHA DE NYID MI LA SNANG MI DGOS SHING, DE BZHIN DU LHA LA BDUD RTZIR SNANG BA'I CHA DE YANG YI DVAGS SOGS LA SNANG MI DGOS TE, LCAGS GONG ME 'BAR BA LA LAG PAS REG KYANG MI 'TSIG PA'I GSANG SNGAGS DANG LDAN PA ZHIG GIS DE LA REG PA NA DE LA TSA BA'I REG BYA DE MI SNANG ZHING DE 'DRA'I RIG SNGAGS DE DANG MI LDAN PAS DE LA REG PA NA LAG PA BSREG CING DE GNYIS KAS LCAGS GONG DE'I STENG GI REG BYA LUS SHES TSAD MA'I YUL DU NYAMS SU MYONG BA MAN NGAG DANG LDAN PA'I LUS SHES KYIS NYAMS SU MYONG BA'I REG BYA DE NYID CIG SHOS KYIS MYONG MI DGOS PA'I DPE DE BZHIN DU YIN PA'I PHYIR TE, GDUL BYA'I RIGS 'GA' ZHIG LA RI RAB GRU BZHIR SNANG ZHING 'GA' ZHIG LA ZLUM POR SNANG NA DE GNYIS KA YANG CHA CAN RI RAB GCIG NYID KYI CHA SHAS RANG RANG GI LAS KYI DBANG LAS DE LTAR SNANG BA YIN YANG GCIG LA JI LTAR SNANG BA DE NYID CIG SHOS LA SNANG MI DGOS PA DANG, YI DVAGS KYI RIGS 'GA' ZHIG LA DGUN NYI MA'I REG BYA YANG BSIL BAR SNANG LA DBYAR ZLA BA'I REG BYA SREG PAR SNANG ZHING, DE LTAR SNANG BA'I LUS

098b

SHES YUL DE DAG LA TSAD MA YIN YANG, DE MI LA SOGS PA LA SNANG MI DGOS PA NI SEMS CAN GYI LAS BSAM GYIS MI KHYAB PA'I DBANG GIS YIN PA'I PHYIR, GNYIS PA SGRUB BYED KYI TSAD MA DGAG PA NI DA LTA RANG RIG 'GOG PA ZHES YONGS SU GRAGS PA STE, 'DI LA GSUM, RANG RIG 'GOG PA DNGOS, DE LTAR KHAS LEN PA LA GNOD BYED, RANG LA MTSUNGS PA SPANG BA'O,, DANG PO NI, GAL TE GZUNG MED 'DZIN PA NYID BRAL ZHING, ,ZHES PA NAS, GZHAN LA MO GSHAM BUS GNOD CI ZHIG BSKYAL, ,ZHES PA'I BAR RO, ,GAL TE GZUNG MED, CES PA'I MTSAMS SBYAR DU 'GREL PAR, DE'I PHYIR PHYI ROL MED PAR RNAM PAR SHES PA MI SRID PAR BSTAN NAS DNGOS PO TZAM ZHIG TU YOD PA 'DI DGAG PAR BYA BA'I PHYIR BSHAD PA, ZHES GSUNGS, DON NI, DE LTAR PHYI ROL MED PAR RNAM PAR SHES PA MI SRID PAR BSTAN NAS, GAL TE GZUNG MED 'DZIN PA NYID BRAL ZHING, ,ZHES SOGS KYI GZHUNG SMOS PA LA DGOS PA YOD DE, PHYI ROL GYI DON MED PAS KHYAD PAR GZHAN DBANG GI SHES PA'I DNGOS PO TZAM ZHIG RANG BZHIN GYIS GRUB PA DGAG PAR BYA BA'I CHED YIN PA'I PHYIR, 'DI'I PHYI 'GREL DU GAL TE GZUNG BA DANG 'DZIN PA ZHES BYA BA GNYIS KYIS STONG PA GZHAN DBANG YOD NA DE YOD PA DE KHYOD KYI SHES PA GANG GIS DMIGS, DE NYID KYIS DE NYID 'DZIN PA NI MI 'THAD DE, RANG GI BDAG NYID LA BYED PAR 'GAL BA'I PHYIR RO, ,'DI LTAR RAL GRI'I SO DE NYID KYIS DE NYID MI GCOD LA, SOR MO'I RTZE DE NYID KYIS DE NYID LA MI REG CING LEGS PAR BSLAB PA G-YER ZHING YANG ZOR CAN GYIS KYANG RANG GI PHRAG PA

099a

, ,LA ZHON PAR MI NUS SHING, MES RANG GI BDAG NYID MI SREG LA MIG GIS RANG GI BDAG NYID LA BLTA BA MA YIN NO, ,DE NI SHES PA GZHAN GYIS 'DZIN PA YANG MA YIN TE, RANG GI GRUB PA'I MTHA' DANG 'GAL BA'I PHYIR TE, GAL TE RNAM PAR RIG PA GZHAN ZHIG RNAM PAR RIG PA'I YUL MIN NA RNAM PAR RIG PA TZAM NYID NYAMS PAR 'GYUR RO ZHES 'BYUNG BA'I PHYIR RO, ,DE'I PHYIR DE LTAR DE'I 'DZIN PA RNAM PA THAMS CAD DU YOD PA MA YIN LA, MA GZUNG BA LA NI YOD PA GNYID KYANG MED DE ZHES GSUNGS LA, SHIN TU GSAL BAS 'BRU ZHIB TU GNYER MI DGOS SHING DGONGS PA BSDUS TE BSTAN NA, GZUNG 'DZIN RDZAS THA DAD PA GNYIS KYIS STONG PA'I GZHAN DBANG GI SHES PA RANG BZHIN GYIS GRUB PA ZHIG YOD NA, DE YUL CAN GANG GIS 'GRUB PA'I SHES PA DE NYID NGOS 'DZIN PAR RIGS TE, SHES PAS MA GZUNG BAR YOD CES SMRAR MI RUNG BA'I PHYIR, SHES PA DE NYID KYIS DE NYID 'DZIN PAR MI RIGS TE, RANG NYID RANG LA BYA BYED 'GAL BA'I PHYIR TE, RAL GRI'I SO DE NYID KYIS DE NYID MI GCOD PA NAS BZUNG STE, MIG RANG GIS RANG NYID LA MI BLTA BA'I BAR GYI DPE DE BZHIN DU YIN PA'I PHYIR, RANG LAS DON GZHAN PA'I SHES PAS 'DZIN PA YANG MA YIN TE, DE LTA NA RNAM RIG PA RANG GI GRUB PA'I MTHA' DANG 'GAL BA'I PHYIR TE, GAL TE 'BRAS BU'I GNAS GYUR MA THOB PA'I SKABS SU RNAM PAR RIG PA DON GZHAN ZHIG RNAM PAR RIG PA'I SNANG YUL YIN NA RNAM PAR RIG PA TZAM NYID DU SMRA BA NYAMS PAR 'GYUR RO ZHES GSUNGS PA'I PHYIR, DE DAG DANG MTHUN PAR LANG GSHEGS LAS KYANG, JI

099b

LTAR RAL GRIS RANG GI SO, ,GCOD PAR MI BYED SOR MOS NI, ,RANG LA REG PAR MI BYED LTAR, ,RANG RIG SEMS KYIS DE BZHIN NO, ,ZHES GSUNGS LA, DE DAG NI RANG RIG 'GOG PA'I RIGS PA STE, DE YANG RANG RIG KHAS LEN PA RNAMS KYIS SNGON 'DZIN MNGON SUM LTA BU RANG NYID KYIS RANG RIG PAR 'DOD PA MA YIN YANG DE'I STENG NA GNYIS SNANG THAMS CAD DANG BRAL BA'I 'DZIN RNAM YAN GAR BA YOD PA DE KHO RANG GIS KHO RANG RIG PAR 'DOD PAS, RIGS PA'I GNOD PA DE DAG 'JUG PA YIN NO, ,SEMS TZAM PAS DE 'DRA'I RANG RIG KHAS BLANGS PA'I KHUNGS KYANG RTOG GE 'BAR BA LAS, SEMS TZAM PAS RNAM SHES NI GNYIS SU SNANG STE, YUL DU SNANG BA'I RNAM SHES NI KYI PHYI ROL GYI YUL GYI RNAM PAR GYUR NAS RANG SNANG BA'I RNAM SHES KYI YUL DU 'GYUR RO ZHE NA ZHES PA'I LAN DU, YUL DU SNANG LAS GZHAN GYUR PA'I, ,SEMS NYID JI 'DRA BA ZHIG SNANG, ,ZHES DE 'DRA'I RANG RIG 'DOD PA NI 'THAD DE, YUL SNGO SOGS KYI RNAM LDAN DU SKYES PA'I SHES PA LAS GZHAN PA STE DE DANG BRAL BA'I NGANG NYID DU SNANG BA'I 'DZIN RNAM YAN GAR BA DE 'DRA MA DMIGS PA'I PHYIR, GNYIS PA LA GZHAN LUGS BRJOD PA DANG, DE DGAG PA GNYIS, DANG PO NI, 'GREL PAR, 'DIR KHA CIG GIS MDO SDE PA'I PHYOGS KHAS BLANGS NAS RANG RIG RAB TU BSGRUB PA'I PHYIR JI LTAR ME SKYES PA NYID NA RANG GI BDAG NYID DANG, BUM PA LA SOGS BDAG GNYIS SU MI 'JUG PAR CIG CAR GSAL BAR BYED LA, SGRAS KYANG RANG GI BDAG NYID DANG DON STON PAR BYED PA DE BZHIN DU RNAM PAR SHES PA YANG NYE BAR SKYE BA NYID

100a

, ,NA GNYIS SU MI 'JUG PA RANG GI BDAG NYID YUL SO SOR YANG DAG PAR RIG PAR BYED PA YIN NO, ,DE'I PHYIR RANG RIG PA ZHES BYA BA NI YOD PA KHO NA YIN NO, ,GANG ZHIG MI 'DOD PA DES KYANG GDON MI ZA BAR RANG RIG KHAS BLANG BAR BYA DGOS TE, GZHAN DU MTHONG NGO ZHES DUS PHYIS 'BYUNG BA'I DRAN PA'I YUL DRAN PA NYID DANG, NGAS MTHONG NGO SNYAM DU YUL GYI NYAMS SU MYONG BA DRAN PAR MI 'GYUR RO, ,DE CI'I PHYIR ZHE NA, DRAN PA NI NYAMS SU MYONG BA'I YUL CAN YIN NA SHES PA YANG NYAMS SU MA MYONG BAS DRAN PA YOD PAR MI 'GYUR RO, ,ZHES SOGS GSUNGS LA, DE DAG GI DON NI, 'DIR KHA CIG GI STE SEMS TZAM PAS MDO SDE PA'I PHYOGS KHAS BLANGS NAS RANG RIG YOD PAR BSGRUB PA'I PHYIR SGRUB BYED 'DI LTAR BRJOD DE, RANG RIG PA ZHES BYA BA NI YOD PA KHO NA YIN TE, JI LTAR ME NI SKYES PA NYID NA RANG DANG BUM PA LA SOGS PA DAG RIM GYIS GNYIS SU GSAL BA LA MI 'JUG PAR CIG CAR GSAL BAR BYED CING BUM PA ZHES BRJOD PA'I SGRAS KYANG RANG LA DMIGS PA DANG, DE'I BRJOD BYA'I DON BUM PA LA DMIGS PA'I BLO GNYIS KA CIG CAR SKYED PAR BYED PA BZHIN DU RNAM SHES KYANG RANG DANG YUL GNYIS KA CIG CAR RIG PAR BYED PA'I PHYIR, RANG RIG MI 'DOD PA DES KYANG NGES PAR KHAS BLANG DGOS TE, DE LAS GZHAN DU NA SNGON PO 'DI MTHONG NGO SNYAM DU YUL GYI NYAMS SU MYONG BA DRAN PA STE YUL CAN DRAN PAR MI 'GYUR BA'I PHYIR TE, DRAN PA NI NGES PAR MYONG BA LAS SKYE DGOS PA'I PHYIR, DES NA SNGON 'DZIN GYIS SNGON PO MYONG BA'I TSE YUL SNGON PO LA MYONG BYED YOD PA BZHIN

100b

DU YUL CAN SNGON 'DZIN LA YANG MYONG BYED YOD DE, SNGON PO 'DI MTHONG NGO SNYAM DU YUL DRAN PA DANG, SNGON PO 'DI NGAS MTHONG NGO SNYAM DU YUL CAN SNGON 'DZIN DRAN PA YOD PA'I PHYIR, DES NA SNGON 'DZIN LA MYONG BYED YOD PAR GRUB LA, MYONG BA LA RANG MYONG DANG GZHAN MYONG GNYIS SU KHA TSON CHOD LA, SNGON 'DZIN LTA BU DE RANG LAS DON GZHAN PA'I SHES PAS MYONG BAR 'DOD NA THUG MED DU THAL BA DANG, YUL GZHAN YONGS SU MI GCOD PAR THAL BA'I RIGS PAS KHEGS PAS RANG MYONG YOD PAR 'GRUB LA, DE GRUB NA RANG RIG YOD PAR 'BAD MED DU GRUB BO ZHES SMRA'O,, GNYIS PA LA GSUM, GZHAN LUGS DGAG PA DNGOS, RANG LUGS LA RANG RIG MED KYANG DRAN PA SKYE BA'I TSUL, DE LTAR DGAG PA LA RTZOD PA SPANGS PA'I SGO NAS LUGS 'DI'I TSAD MA'I RNAM GZHAG CUNG ZAD BSHAD PA'O,, DANG PO NI, PHYIS YUL YUL CAN DRAN PA'I RTAGS LAS SNGAR GYI SNGO 'DZIN LA MYONG BYED RANG RIG YOD PAR SGRUB NA, RANG MTSAN GYIS GRUB PA'I DRAN PA RTAGS SU 'GOD DAM, DRAN PA TZAM 'GOD, DANG PO LTAR NA, DE 'DRA'I DRAN PA CHOS CAN, SNGON 'DZIN LA MYONG BYED RANG RIG YOD PAR SGRUB PA'I RTAGS YANG DAG MA YIN PAR THAL, KHYOD RANG MA GRUB PA'I PHYIR, DPER NA SGRA MI RTAG SGRUB LA MIG SHES KYI GZUNG BYA RTAGS SU BKOD PA BZHIN, 'ON TE 'JIG RTEN GYI THA SNYAD TZAM GYIS DBANG DU BYAS SO ZHE NA, DE'I DBANG DU BYAS NAS KYANG DRAN PA'I RTAGS LAS KYANG RANG RIG TU GRUB PA YOD PA MA YIN PAR THAL, ME GRUB NA DU BA DE'I 'BRAS BUR SHES PAS DU BA'I RTAGS LAS ME TZAM DPOG PA BZHIN DU

101a

, ,RANG RIG GRUB NA DE'I 'BRAS BU DRAN PA 'GRUB PAS DE LTAR SGRUB RIGS NA YANG RANG RIG DE NGED LA MA GRUB PA'I PHYIR, GZHAN YANG DRAN PA'I RTAGS LAS MYONG BA TZAM THA SNYAD DU DPOG RIGS KYANG RANG MYONG YOD PAR SGRUB MI NUS PAR THAL, SGRUB PA'I KHYAB 'BREL MA NGES PA'I PHYIR TE, CHU TZAM LAS CHU SHEL DANG, ME TZAM LAS ME SHEL DPOG PA BZHIN DU 'GYUR BA'I PHYIR, GZHAN YANG MYONG BA LA RANG MYONG DANG GZHAN MYONG GNYIS SU KHA TSON CHOD PA MA YIN TE, MAR ME RANG GIS RANG GSAL BAR MI BYED CING GSAL BYED DON GZHAN GYIS GSAL BAR YANG MI BYED KYANG, GSAL TZAM GYI NGO BOR GRUB PA BZHIN DU SNGON 'DZIN RANG NYID KYIS RANG NYID LA MYONG ZHING SHES PA DON GZHAN GYIS MYONG BAR MI BYED KYANG MYONG TZAM GYI NGO BOR GRUB PA MI LDOG PA'I PHYIR, GAL TE MAR ME RANG GIS RANG GSAL BAR BYED DO ZHE NA, DE LTA NA MUN PA YANG RANG GIS RANG SGRIB PAR 'GYUR BAR THAL, MAR ME RANG GIS RANG GSAL BAR BYED PA'I PHYIR, 'DOD NA, MUN KHUNG DU BUM PA MI MTHONG BA BZHIN MUN PA YANG MI MTHONG BAR THAL, MUN PA RANG GIS RANG NYID BSGRIBS ZIN PA'I PHYIR, DE LTAR YANG RTZA SHE LAS, MAR ME RANG DANG GZHAN GYIS DNGOS, ,GAL TE SNANG BAR BYED GYUR NA, ,MUN PA'ANG RANG DANG GZHAN GYI DNGOS, ,SGRIB PAR 'GYUR BA THE TSOM MED, ,CES GSUNGS PA LTAR RO, ,GZHAN YANG SNGAR SNGON 'DZIN LA YOD PA'I YUL YUL CAN RNAMS PHYIS KYI DRAN SHES KYI DRAN PA'ANG MI 'THAD PAR THAL, PHYIS KYI DRAN SHES DANG, SNGAR GYI YUL MYONG GI SHES PA GNYIS RANG BZHIN GYIS GRUB PA'I GZHAN YIN PA'I PHYIR,

101b

KHYAB PA YOD DE, DE 'DRA'I GZHAN YIN NA GTAN NAS 'BREL MED KYI GZHAN YIN DGOS SHING, DE GNYIS 'BREL BA BZHIN DU SNGAR GYI YUL MYONG PHYIS KYI DRAN SHES KYIS DRAN NA BYAMS PAS NYAMS SU MYONG BA'I YUL NYER SBAS KYIS DRAN PAR YANG THAL BAR 'GYUR BA'I PHYIR, GNYIS PA LA GZHUNG 'DI NYID NAS BSHAD PA'I LUGS DANG, SPYOD 'JUG GI LUGS SO, ,DANG PO NI, GAL TE RANG RIG MI 'DOD PA KHYOD KYI LTAR NA DRAN PA SKYE BA'I LUGS JI LTAR YIN ZHE NA, RANG LUGS KYI RANG RIG MED KYANG DRAN PA SKYE BA'I TSUL 'THAD PAR STON PA NI, GANG PHYIR GANG GIS YUL MYONG GYUR DE LAS, ,ZHES SOGS TE, DON NI, KHA SANG GI SNGON 'DZIN LA DUS DER MYONG BYED RANG RIG MED KYANG DE RING GI DUS SU SNGON 'DZIN DRAN PA'I DRAN SHES SKYE BA MI 'GAL TE, KHA SANG GI SNGO 'DZIN DE DANG DE RING GI SNGON 'DZIN DRAN PA'I DRAN SHES GNYIS RANG MTSAN GYIS GRUB PA'I GZHAN MA YIN ZHING GNYIS KA YUL SNGON PO LA 'JUG PAR YANG MTSUNGS PA'I PHYIR, RANG RIG MED KYANG DRAN PA SKYE BA'I TSUL 'DI YANG 'JIG RTEN THA SNYAD KYI TSUL TZAM DU YIN TE, DE KHO NA NYID LA DPYOD PA'I RIGS PAS BTZAL NA MI RNYED PAS DE'I NGOR GZHAG PAR BYA BA MA YIN PA'I PHYIR, ZHES PA YIN LA, RANG LUGS LA'ANG DPER NA BYAMS PA LTA BU NA NING MTHONG NAS (PHYIS KYI) SKABS SU SLAR YANG DE MTHONG BA NA BYAMS PA 'DI SLAR YANG MTHONG NGO ZHES YUL DANG, NGAS SNGAR YANG MTHONG NGO ZHES YUL CAN DRAN PA'I TSUL DE KHAS LEN YANG NA NING MTHONG BA'I GNAS SKABS SU DE MTHONG BA'I SHES PA'I STENG NA MYONG BYED RANG RIG YOD PA'I DBANG

102a

, ,GIS MA YIN GYI, NA NING MTHONG BA'I MYONG BA DRAN PA'I YUL DE NYID DA LO DRAN PAS KYANG DPYOD PA'I DON GYIS NA DRAN MYONG GNYIS PO DE YUL GCIG LA 'JUG PAR MTSUNGS PA'I RGYU MTSAN GYIS DE 'DRA BA'I YUL YUL CAN DRAN PA'I DRAN PA SKYES PA YIN NO, ,DES NA SNGAR RANG GIS MTHONG BA'I DON DE NYID SLAR YANG RANG GIS DRAN ZHES PA LTA BU'I THA SNYAD RANG GIS KYANG KHAS LEN LA DE KHAS BLANGS KYANG SNGAR BKAG PA'I RANG RIG DANG MI 'DRA BA'I TSUL YANG GONG DU BSHAD PA'I TSUL 'DI LA BRTEN NAS SHES PAR BYA'O, ,GNYIS PA NI, RANG RIG MED KYANG DRAN PA SKYE BA'I TSUL GYI LUGS CHEN PO GNYIS YOD PA'I DPAL LDAN ZHI BA LHA'I LUGS NI, SPYOD 'JUG LAS, GAL TE RANG RIG YOD MIN NA, ,RNAM SHES DRAN PA JI LTAR 'GYUR, ,ZHES GSUNGS LA, PHYOGS SNGA MA'I LUGS RGYAS PAR BSHAD ZIN CING GZHUNG 'DI'I TSIG DON NI, SHES BYA CHOS CAN, SNGAR SNGON 'DZIN RNAM PAR SHES PAS YUL SNGON PO SPYAD PA'I TSUL PHYIS DRAN SHES KYIS DRAN PAR JI LTAR 'GYUR TE MI 'GYUR BAR THAL, GAL TE KHYOD DBU MA PA'I LUGS LA DUS DER SNGON 'DZIN LA MYONG BYED RANG RIG YOD PA MA YIN PA'I PHYIR, ZHES PA YIN LA, DE LA KHYAB PA MED PA'I LAN BTAB PA'I SGO NAS RANG LUGS LA RANG BZHIN MED KYANG DRAN PA SKYE BA'I TSUL STON PA NI, GZHAN MYONG BA DANG 'BREL BA LAS, ,DRAN GYUR BYI BA'I DUG BZHIN NO, ,ZHES GSUNGS LA, DON NI, SNGAR GYI THAL BA LA MA KHYAB STE, SNGAR SNGON 'DZIN GYIS YUL SNGON PO LTA BU MYONG BA LAS PHYIS YUL CAN SNGON 'DZIN GYIS YUL SNGON PO SPYAD PA'I TSUL GYIS YUL CAN DRAN PA SKYE BA NA

102b

SNGAR GYI SNGO 'DZIN GYIS SHES PA SPANGS NAS DRAN PA SKYE BA MA YIN GYI SNGAR GZUGS SNGON PO 'DI NYID MTHONG NGO ZHES YUL YUL CAN GNYIS 'BREL BA LAS TE 'BREL BAR DRAN PA'I PHYIR, DPER NA, DGUN GYI DUS SU BYI BAS LUS LA RMUGS PA NA BYI DUG ZHUGS YOD KYANG RMUGS (PA) MYONG GI DUG MA MYONG LA, PHYIS 'BRUG GI SGRA THOS PA NA SNGAR ZHUGS PA'I DUG LANGS TE NA BA'I TSE RMUGS PA'I TSE DUG ZHUGS PAR 'DUG SNYAM DU DRAN YANG SNGAR RMUGS MA THAG PA'I TSE DUG MA MYONG BA BZHIN NO, ,DE GNYIS DPE DON MTSUNGS PA YIN TE, SNGAR BYI BAS RMUGS PA NI SNGON 'DZIN GYIS SNGON PO MYONG BA DANG 'DRA, RMUGS PA DANG DUS GCIG TU DUG ZHUGS PA NI YUL SNGON PO GZUNG BA'I DUS DER YOD PA'I YUL CAN SNGON 'DZIN GYIS SNGON PO NYAMS SU MYONG BA DANG 'DRA, DE'I TSE SNGON 'DZIN RANG GIS RANG MA MYONG BA NI RMUGS PA'I TSE DUG NYAMS SU (MA) MYONG BA DANG 'DRA LA, PHYIS BYI BAS RMUGS PA DRAN PA NI SNGAR SNGON 'DZIN GYIS YUL SNGON PO MYONG BA DRAN PA DANG 'DRA, YUL MYONG DRAN PA NYID KYIS SNGAR GYI YUL CAN KHO RANG GIS KHO RANG MA MYONG BAR DRAN PA NI BYI BAS RMUGS PA DRAN PA NYID KYIS SNGAR RMUGS PA'I SKABS SU DUG ZHUGS PA MA MYONG YANG DE'I TSE ZHUGS PAR 'DUG SNYAM DU DRAN PA DANG 'DRA BA'I PHYIR, GSUM PA NI, RANG LUGS LA YANG SNGON 'DZIN LA SOGS PA YUL YUL CAN GYI RNAM GZHAG THAMS CAD NI 'DOD DGOS LA, DE LTA NA, 'DI YIS YOD PA GANG GIS SHES PAR 'GYUR, ,MA GZUNG BAR YANG YOD CES BYAR MI RUNG, ,ZHES GZHAN LA SMRAS PA DE RANG NYID LA YANG MTSUNGS PAR 'GYUR TE, DPER NA

103a

, ,SNGON 'DZIN LTA BU DE RANG GIS YOD PAR SHES NA RANG RIG KHAS BLANG DGOS LA, SHES PA DON GZHAN GYIS RIG PA YANG MI 'THAD PA'I PHYIR, ZHE NA, 'DI'I LAN BTAB PA LA RANG LUGS KYI TSAD MA DANG, DES GZHAL BYA 'GRUB PA'I BSHAD PA NYID LAS BDE BLAG TU RTOGS PAR 'GYUR BAS DE NYID BSHAD NA, DE YANG TSIG GSAL LAS, DE DAG KYANG PHAN TSUN BLTOS PAS 'GRUB PAR 'GYUR TE, TSAD MA DAG YOD NA GZHAL BYA'I DON DAG TU 'GYUR LA, GZHAL BYA'I DON DAG YOD NA TSAD MA DAG TU 'GYUR GYI, TSAD MA DANG GZHAL BYA GNYIS NGO BO NYID KYIS GRUB PA NI MA YIN NO, ,ZHES GSUNGS LA, DE'I DON NI, TSAD MA DANG GZHAL BYA DE DAG KYANG PHAN TSUN BLTOS PAS 'GRUB PAR 'GYUR TE, DPER NA SNGO 'DZIN LA SOGS PA'I TSAD MA DAG NA SNGON PO LA SOGS PA'I GZHAL BYA RNAMS KYIS DE DAG LA RANG 'DRA'I RNAM PA GTAD PA'I SGO NAS GZHAL BYA'I DON DAG TU 'GYUR BA STE DE 'GRUB LA, SNGO SOGS KYI GZHAL BYA'I DON DAG YOD NA DE DAG GZHAL BA NYID KYIS SNGO 'DZIN LA SOGS PA'I TSAD MA DAG 'JAL BYED DU 'GRUB PAR 'GYUR GYI 'GRUB BYED KYI TSAD MA GZHAN BTZAL MI DGOS PA'I PHYIR, DES NA TSAD MA DANG GZHAL BYA GNYIS NGO BO NYID KYIS GRUB PA NI YOD PA MA YIN TE, DE DAG PHAN TSUN BLTOS NAS GRUB PA'I PHYIR, ZHES PA YIN LA, DES NA TSAD MA DANG GZHAL BYA PHAN TSUN BLTOS GRUB TU BSHAD PA DES TSAD MA'I MTSAN NYID NI, RANG GIS GZHAL BYA LA BLTOS NAS MI BSLU BAR BZHAG PA TZAM GYIS RAB TU PHYE BA'I RIG PA'O, ,'DIR TZAM GYI SGRAS NI KUN RDZOB THAMS CAD BSLU BA'I CHOS CAN

103b

YIN NA TSAD MA JI LTAR MI BSLU BA YIN SNYAM NA, TSAD MA YANG KUN RDZOB YIN PAS SNANG TSUL DANG GNAS TSUL MTHUN PA'I MI BSLU BA MA YIN YANG RANG GI GZHAL BYA JI LTAR GZHAL BA LTAR GRUB PA LA BLTOS NAS MI BSLU BAR BZHAG PA TZAM DU BSTAN PA'O, ,RANG RGYUD PA MAN CHAD KYI LUGS LA DON DE LA TSAD MA YIN NA DON DE NYID LA MI 'KHRUL BA ZHIG DGOS PAR 'DOD CING, DE NYID MI BSLU BA'I DON DU YANG BZHED MOD KYANG 'DIR NI DE LTAR MI BZHED DE, TSUR MTHONG GI TSAD MA RNAMS DANG, 'PHAGS PA SLOB PA RNAMS KYIS THA SNYAD DPYOD BYED KYI TSAD MA RNAMS 'KHRUL YANG RANG RANG GI GZHAL BYA 'JAL NUS SU BZHED PA'I PHYIR, DE LA DBYE NA MNGON RJES GNYIS, LUNG TSAD MA, DPE NYER 'JAL GYI TSAD MA STE BZHIR YOD PA YIN TE, RTZOD BZLOG LAS, GAL TE DNGOS RNAMS MNGON SUM GYIS, ,DMIGS NAS ZLOG PAR BYED YIN NA, ,GANG GIS DNGOS RNAMS DMIGS 'GYUR BA, ,MNGON SUM DE NI MED PA YIN, ,RJES DPAG LUNG DANG DPE 'JAL DANG, ,DPES BSGRUB BYA BA'I DON GANG YIN, ,MNGON SUM GYIS NI LAN BTAB BO, ,ZHES TSAD MA BZHI'I GRANGS TZAM DANG, TSAD MAS GZHAL BYA 'JAL TSUL DANG, TSAD MA GANG GIS 'GRUB PA SOGS LA BRTAGS NAS, DE DAG LA RANG BZHIN GYIS GRUB PA 'GOG PA'I TSUL GSUNGS PA LA BRTEN NAS TSIG GSAL DU YANG TSAD MA BZHIR BSHAD DO, ,RANG MTSAN ZHAL GYIS BZHES PA'I SDE BDUN GYI SKABS LTAR GZHAL BYA LA RANG SPYI GNYIS SU GRANGS NGES PAR MI BZHED KYANG, 'DIR YANG GZHAL BYA LA MNGON LKOG GNYIS SU GRANGS NGES PAS TSAD MA LA DE GNYIS SU NGES

104a

, ,PAR BZHED DE, TSIG GSAL LAS, TSAD MA'I GRANGS 'JUG PA GZHAL BYA'I GZHAN GYI DBANG YIN PA'I PHYIR, GZHAL BYA'I RNAM PA'I RJES SU BYED PA TZAM GYIS RANG GI NGO BO YOD PAR RNYED PA'I TSAD MA DAG GI RANG GI NGO BO RNAM PAR 'JOG PA'I PHYIR, ZHES GSUNGS PA'I PHYIR, 'GREL TSIG DE NYID KYI DON NI, TSAD MA LA MNGON RJES GNYIS SU GRANGS NGES TE, TSAD MA'I GZHAL BYA LA MNGON LKOG GNYIS SU GRANGS NGES PA'I PHYIR, DE LA KHYAB PA YOD DE, TSAD MA'I GRANGS 'JUG PA STE GRANGS NGES PA GZHAL BYA'I GRANGS NGES PA'I GZHAN GYI DBANG NYID LAS YIN PA'I PHYIR, DES NA GZHAL BYA DE NYID GZHAL BA LA LTOS NAS TSAD MA RANG GI NGO BO GRUB PA YIN GYI RANG RIG LTA BU 'GRUB BYED LOGS PA MI DGOS TE, TSAD MA MNGON RJES GNYIS PO DE LA GZHAL BYA MNGON LKOG GNYIS KYI RNAM PA SHAR BA'I DBANG GIS DE 'JAL BYED KYI TSAD MA GNYIS KYI YANG RANG GI NGO BO YOD PAR 'JOG NUS PA'I PHYIR TE, GZHAL BYA SNGON PO SOGS JI 'DRA BA DE 'DRA BA'I RNAM PA'I RJES SU YUL CAN SNGON 'DZIN SOGS KYANG BYED PA'I SGO NAS GZHAL BYA DE DAG GZHAL BAS GZHAL BYA GRUB LA, DE GRUB PAS TSAD MA YANG LEGS PAR GRUB PAR 'GYUR BA'I TSE, 'DI NI 'PHAGS PA NYID KYIS, GAL TE RANG LAS TSAD MA GRUB, ,GZHAL BYA RNAMS LA MA LTOS PAR, ,KHYOD KYI TSAD MA GRUB 'GYUR 'DI, ,GZHAN LA MI LTOS RAB 'GRUB 'GYUR, ,ZHES GSUNGS PA'I DGONGS PA STE, DE'I DON NI, TSAD MA GRUB PA LA GZHAL BYA GRUB PA TZAM GYIS MI CHOG PAR TSAD MA RANG LAS TE RANG RIG GI TSAD MA 'GRUB PA GZHAN DAG GI LUGS LTAR

104b

YIN, GZHAL BYA SNGO SOGS GZHAL BA LA MA LTOS PAR SNGON 'DZIN SOGS TSAD MAS GRUB PAR 'GYUR BAR THAL, TSAD MA RANG LAS TSAD MAR 'GRUB PA'I PHYIR, 'DOD NA, PHYI NANG GI DNGOS PO RNAMS RGYU RKYEN GZHAN LA MA LTOS PAR RAB TU 'GRUB PAR 'GYUR BAR THAL, TSAD MA GZHAL BYA LA MA LTOS PAR RANG GIS RANG NYID 'GRUB PA GANG ZHIG, DE LTA NA DNGOS PO GZHAN RNAMS LA'ANG MTSUNGS PA'I PHYIR, RTAGS DANG PO KHEGS, 'O NA TSAD MA LA MNGON RJES GNYIS SU GRANGS NGES NA, TSIG GSAL LAS, DE'I PHYIR DE LTAR TSAD MA BZHI LAS 'JIG RTEN GYI DON ROGS PAR RNAM PAR 'JOG PA YIN NO ZHES GSUNGS PA DANG, RANG GIS KYANG GONG DU BZHIR PHYE BA RNAMS MNGON RJES GNYIS SU JI LTAR 'DU ZHE NA, DE GNYIS SU MI 'DU BA'I SKYON MED DE, DPE NYER 'JAL GYI TSAD MA DANG LUNG TSAD MA GNYIS RJES SU DPAG PA'I TSAD MAR LEGS PAR 'DUS PA'I PHYIR TE, DANG PO NI BA GLANG GI DPES BA MEN DPOG PA LTAR DPES RANG DANG 'DRA BA'I DON RJES SU DPOG PA YIN LA, PHYI MA NI, DPYAD PA GSUM GYIS DAG PA'I LUNG GIS SHIN TU LKOG GYUR GYI GZHAL BYA'I GNAS DPOG PA YID CHES RJES DPAG YIN PA'I PHYIR, DE LTAR NA TSAD MA GNYIS LAS MNGON SUM GYI TSAD MA NGOS 'DZIN PA NI, TSIG GSAL LAS, GAL TE MTSAN GZHI'AM RANG GI MTSAN NYID DAM SPYI'I MTSAN NYID KYANG RUNG STE, 'JIG RTEN NA YOD NA NI THAMS CAD MNGON SUM DU DMIGS PAR BYA BA YIN PA'I PHYIR LKOG TU MA GYUR PA YIN TE, DE'I PHYIR DE'I YUL CAN GYI RNAM PAR SHES PA DANG LHAN CIG MNGON SUM NYID DU RNAM PAR GZHAG GO

105a

, ,ZHES GSUNGS, DE'I DON NI, GAL TE MTSAN NYID GNYIS 'JUG PA'I GZHI'AM RTEN MTSAN GZHI ZHES BSHAD PA GZHAL BYA TZAM DANG, DNGOS POR SMRA BA RNAMS KYIS 'DOD PA'I RANG GI MTSAN NYID DAM SPYI'I MTSAN NYID KYANG RUNG STE DE DAG TU DNGOS SMRA BAS KHAS BLANGS PA'I DON DE RNAMS 'JIG RTEN NA YOD NA NI DE RNAMS GANG LAS SNANG BA'I SHES PA DE LA LKOG TU MA GYUR PA YIN TE, YUL DE 'JIG RTEN NA YOD NA NI SHES PA LA YUL DE'I SNANG BA 'CHAR BAS KHYAB LAS, SHES PA DES YUL DU SNANG BA DE THAMS CAD MNGON SUM DMIGS PAR BYA BA YIN PA'I PHYIR, DES NA SKABS 'DIR MNGON SUM NGOS BZUNG DU YOD DE, RGYU MTSAN GONG DU BSHAD ZIN PA DE'I PHYIR YUL DU SNANG BA DE'I YUL CAN GYI SHES PA MNGON SUM TSAD MA YIN PA DANG LHAN CIG TU YUL DU SNANG BA DE MNGON SUM NYID DU RNAM PAR GZHAG PAR BYA BA YIN PA'I PHYIR ZHES PA YIN LA, DES NA LUGS 'DIS GZUGS SGRA LA SOGS PA'I YUL LA MNGON SUM GYI SGRA DNGOS MING DANG, DE DAG 'DZIN PA'I YUL CAN GYI SHES PA LA BTAGS MING DU BSTAN PA YIN TE, TSIG GSAL LAS, ZLA BA GNYIS LA SOGS PA DAG NI RAB RIB CAN MA YIN PA'I SHES PA LA LTOS NAS MNGON SUM NYID MA YIN LA, RAB RIB CAN LA SOGS PA LA LTOS NAS NI MNGON SUM NYID KHO NA'O ZHES ZLA GCIG ZLA GNYIS SU SNANG BA SOGS 'JIG RTEN RANG GA BA LA LTOS TE, GZHAL BYA MNGON SUM PA YIN MIN GYI KHYAD PAR YOD KYANG RANG LUGS LA ZLA BA GNYIS SNANG SOGS KYANG GZHAL BYA MNGON SUM PA MNGON GYUR DU BZHED PA YIN NO, ,YUL SNANG DE LA MNGON SUM TSAD MA

105b

YIN NA MNGON SUM TSAD MA YIN PAS MA KHYAB STE, YUL DE RANG GANG LA SNANG BA'I SHES PA DE LA MNGON GYUR YIN NA YUL DE SPYIR MNGON GYUR YIN PAS MA KHYAB PA'I PHYIR RO, ,DES NA MNGON SUM GYI TSAD MA'I MTSAN NYID, YUL MNGON SUM PA LA LTOS NAS MI BSLU BAR BZHAG PAS RAB TU PHYE BA'I RIG PA'O, ,DES NA ZLA BA GNYIS SNANG GI DBANG SHES DANG BDAG 'DZIN GNYIS SOGS KYANG RANG ZLA GNYIS DANG BDAG GNYIS SU SNANG BA SOGS LA TSAD MA YIN TE, SNANG BA DE DAG YOD PA'I DBANG GIS DE DAG GIS DE DAG SNANG BA'I YUL CAN RNAMS KYANG GRUB PAR 'JOG PA'I PHYIR, DE LTA NA YANG ZLA GNYIS DANG BDAG GNYIS SOGS LA TSAD MA MA YIN PA NI RTOGS SLA LA, DE BZHIN DU TSUR MTHONG LA GZUGS GZUGS SU SNANG ZHING GZUGS RANG BZHIN GYIS GRUB PAR YANG SNANG LA, SNANG BA DE GNYIS KA LA TSAD MA YIN YANG GZUGS RANG BZHIN GYIS GRUB PA LA TSAD MA MA YIN PA DANG, GZUGS RANG BZHIN GYIS GRUB PAR TSAD MAS MA GZHAL BA SOGS KYANG SHES PAR BYA'O, ,MNGON SUM GYI TSAD MA LA DBYE NA, GZHUNG GZHAN NAS BSHAD PA'I RANG RIG MNGON SUM NI BKAG ZIN LA, DES NA DBANG PO'I MNGON SUM DANG, YID KYI MNGON SUM DANG, RNAL 'BYOR MNGON SUM GSUM DU YOD LA, YID KYI MNGON SUM YANG SDE BDUN NAS BSHAD PA LTAR MI BZHED DE, BZHI BRGYA PA'I 'GREL PA LAS, GZUGS SOGS YUL LNGA RE RE BZHIN DBANG PO DANG YID KYI SHES PAR GSUNGS PA'I DON 'CHAD PA NA RNAM PAR SHES PA GNYIS KYIS DON GCIG RNAM PAR SHES PA MA YIN TE, GCIG NI YUL GYI RNAM PAR DNGOS SPYOD PAR

106a

, ,BYED PA STE, GANG DANG POR SKYE BA'O,, GNYIS PA NI, DNGOS SU BYED PA NYID DU RNAM PAR SHES PA MA YIN TE, DBANG PO'I RNAM PAR SHES PA'I STOBS KYIS DE LTAR RTOG CING SKYE BA NA DES KYANG DON DE RNAM PAR SHES SO ZHES NYE BAR 'DOGS SO, ,ZHES GSUNGS LA, DON NI, SNGON 'DZIN DBANG PO'I RNAM PAR SHES PA DANG DES DRANGS PA'I SNGON PO DRAN PA'I YID KYI SHES PA GNYIS KYIS DON SNGON PO ZHIG DUS GCIG TU RNAM PAR SHES PA MA YIN TE, GCIG SNGON 'DZIN DBANG PO'I RNAM PAR SHES PA NI GANG DANG POR TE THOG MAR SNGON PO 'JAL BYED DU SKYES NAS YUL SNGON PO'I RNAM PA RANG LA DNGOS SU SHAR BA'I SGO NAS SGRO 'DOGS GCOD PAR BYED PA YIN LA, GNYIS PA SNGON PO DRAN PA'I YID KYI SHES PA NI DNGOS SU RANG LA SNGON PO'I RNAM PAR SHAR BA'I SGO NAS RANG STOBS KYIS SNGON PO LA SGRO 'DOGS GCOD PAR BYED PA NYID DU RNAM PAR SHES PA MA YIN GYI, SNGON 'DZIN DBANG PO'I RNAM PAR SHES PA'I STOBS KYIS DRANGS PA'I SGO NAS DE'I YUL SNGON PO LA DE LTAR RTOG CING DRAN PA'I SGO NAS SKYE BA NA DRAN SHES DES KYANG DON SNGON PO DE RNAM PAR SHES SO ZHES THA SNYAD NYE BAR 'DOGS PAR BYED PA YIN PA'I PHYIR, ZHES PA YIN LA, YANG DE NYID LAS, TSOR BA LA SOGS PA LTAR NYAMS SU MYONG BA'I RNAM PA CAN YANG MA YIN LA, GZUGS DANG, SGRA LA SOGS PA BZHIN DBANG PO'I SGO NAS YONGS SU SPYAD PAR BYA BA YANG MA YIN NO ZHES YUL MNGON GYUR 'JAL BA LA DBANG SHES KYIS GZUGS SGRA SOGS SPYOD PA LTA BU DANG, TSOR BA BDE SDUG LA SOGS PA LTAR NANG DU NYAMS SU MYONG BA'I SGO NAS YONGS SU SPYOD PA'I TSUL GNYIS

106b

BSHAD LA, DE'I PHYI MA NI YID SHES 'KHOR GYI TSOR BA BDE SDUG BTANG SNYOMS GSUM YUL DU BYED PA'I YID KYI SHES PA DE NYID YID KYI MNGON SUM DU 'JOG PA YIN TE, DE NYID DBANG SNGON DANG RNAL 'BYOR MNGON SUM MA YIN ZHING, KHA NANG LTA'I RIG BYA DANG RIG BYED THA DAD PAR GNYIS SNANG NUB PA'I 'DZIN RNAM YAN GAR BA'I RANG RIG BKAG ZIN PA'I PHYIR RO, ,MNYAM GZHAG RNAM PAR MI RTOG PA'I YE SHES KYIS RANG GI GZHAL BYA CHOS NYID GRUB PA NA SNGAR BSHAD PA LTAR 'GRUB BYED GZHAN LA LTOS MI DGOS TE, YUL CHOS NYID GZHAL BA LA LTOS NAS YUL CAN YE SHES DE NYID GRUB PA'I PHYIR, DE LTA NA, DBANG MNGON GYI MTSAN NYID, RANG GI BDAG RKYEN DBANG PO GZUGS CAN PA LAS DNGOS SU SKYES PA'I SGO NAS GZHAL BYA MNGON SUM PA LA MI BSLU BAR BZHAG PAS RAB TU PHYE BA, YID KYI MNGON SUM GYI TSAD MA'I MTSAN NYID, RANG GI THUN MONG MA YIN PA'I BDAG RKYEN YID DBANG LAS DNGOS SU SKYES SHING TING NGE 'DZIN LA MA BRTEN PAR GZHAL BYA MNGON SUM PA LA LTOS NAS MI BSLU BAR BZHAG PAS RAB TU PHYE BA, RNAL 'BYOR MNGON SUM GYI MTSAN NYID, RANG GI THUN MONG MA YIN PA'I BDAG RKYEN ZHI LHAG ZUNG 'BREL GYI TING NGE 'DZIN LA BRTEN NAS YUL BDEN PA'I RNAM PA'AM BDAG MED PHRA RAGS GANG YANG RUNG BA MNGON SUM DU GZHAL BA LA LTOS NAS MI BSLU BAR BZHAG PAS RAB TU PHYE BA'I RTOG BRAL GYI SHES PA'O, ,RJES SU DPAG PA'I TSAD MA NI TSIG GSAL LAS, LKOG TU GYUR PA'I YUL CAN RTAGS BSGRUB PAR BYA BA MI 'KHRUL BA LAS SKYES PA'I SHES PA NI RJES SU DPAG PA'O, ,ZHES GSUNGS LA,

107a

, ,DES NA RJES DPAG TSAD MA'I MTSAN NYID, TSUL GSUM PA'I RTAGS BSGRUB BYA LA MI 'KHRUL BA SOGS LA BRTEN NAS GZHAL BYA LKOG GYUR GZHAL BA LA LTOS NAS MI BSLU BAR BZHAG PAS RAB TU PHYE BA'O, ,SOGS PA SMOS PAS NI SNGAR BDAG SKYE 'GOG SKABS SU BSHAD PA LTAR DPER NA GRANGS CAN LTA BU'I NGOR BDAG SKYE 'GOG NUS KYI 'GAL BRJOD KYI THAL 'GYUR 'PHANGS PA LA BRTEN NAS DE'I RGYUD LA BDAG SKYE YOD PAR 'DZIN PA LOG STE BDAG SKYE MED PAR NGES PA'I TSAD MA SKYES PA LTA BU YANG RJES DPAG GI KHONGS SU BSDU BA'I DON NO, ,LUNG TSAD MA NI, TSIG GSAL LAS, DBANG PO LAS 'DAS PA NI DON MNGON SUM DU RIG CING YID CHES PAR GYUR PA DAG GI TSIG YIN PA DE NI LUNG NGO ZHES BSHAD LA, DON NI, SKABS 'DIR LUNG TSAD MA NGOS BZUNG DU YOD DE, TSUR MTHONG GI DBANG PO'I SPYOD YUL LAS 'DAS PA'I SHIN TU LKOG GYUR GYI DON SHES PAR BYED PA LA DE MNGON SUM DU RIG PA'I SANGS RGYAS LA SOGS PA'I YID CHES PAR GYUR PA DAG GI TSIG STE DPYAD GSUM GYIS DAG PA'I LUNG GI RTAGS LA BRTEN NAS DE DAG DPOG PAR BYED PA MA YIN PA'I PHYIR, DPE NYER 'JAL NI, TSIG GSAL LAS, 'DRA BA LAS NYAMS SU MYONG BA'I DON RTOGS PA NI, NYE BAR 'JAL BA STE, DPER NA BA MEN NI BA LANG DANG 'DRA'O, ,ZHES BSHAD PA LTAR YIN LA, DE GNYIS RJES DPAG TU 'DU BA NI GONG DU BSTAN ZIN TO,, GSUM PA SGRUB BYED KYI LUNG DGAG PA NI, KHO NA RE, PHYI ROL MED PA'I SEMS RANG BZHIN GYIS YOD PAR BSGRUB PA'I RIGS PA RNAMS KHYOD KYIS BKAG KYANG LUNG LA BRTEN NAS

107b

LEGS PAR 'GRUB STE, SA BCU PA LAS, KYE RGYAL BA'I SRAS DAG DE 'DI SNYAM DU SEMS TE, 'DI LTAR KHAMS GSUM PO 'DI NI SEMS TZAM ZHES DANG, LANG GSHEGS LAS, PHYI ROL SNANG BA YOD MED DE, ,SEMS NI SNA TSOGS RNAMS SU SNANG, LUS DANG LONGS SPYOD GNAS 'DRA BA, ,SEMS TZAM DU NI NGAS BSHAD DO, ,ZHES GSUNGS PA'I PHYIR, ,ZHE NA, 'DI'I LAN LA GNYIS, SA BCU PA'I LUNG GI DGONGS PA BSHAD, LANG GSHEGS KYI DGONGS PA BSHAD PA'O,, DANG PO NI, SA BCU PA'I LUNG DES BDAG RTAG PA SOGS BYED PA PO DON GZHAN BKAG NAS, SNOD BCUD RNAMS BYED PA LA SEMS TZAM ZHIG GTZO BOR GYUR PAR BSTAN GYI PHYI ROL GYI DON BKAG PA MA YIN NO ZHES 'CHAD PA NI, MNGON GYUR MNGON PHYOGS BYANG CHUB SEMS DPA' YIS, ,ZHES PA NAS, DE NYID MA SKYES 'JIG RTEN SKYES RIG BYA, ,ZHES PA'I BAR RO,, GNYIS PA NI, LANG GSHEGS KYI LUNG DES PHYI ROL MED PA'I SEMS TZAM BSTAN KYANG DGONGS PA CAN DU 'CHAD PA NI, MDO SDE GANG LAS PHYI ROL SNANG YOD MIN, ,ZHES PA NAS, STONG NYID DON CAN NGES DON SHES PAR GYIS, ,ZHES PA'I BAR TE, DE YANG LUNG RIGS GNYIS KYI SGO NAS DRANG DON DU 'GREL BA LAS, RIGS PA NI PHYI ROL GYI GZUGS SOGS DANG NANG GI SEMS GNYIS RANG BZHIN GYIS MED MNYAM DANG THA SNYAD DU YOD PAR MTSUNGS PA DANG, DE LTA NA YANG GZUGS SOGS LA BDEN PAR ZHEN PA'I GANG ZAG GI CHAGS PA BZLOG PA'I PHYIR PHYI ROL MED PAR GSUNGS PA YIN NO ZHES STON PA RNAMS YIN LA, LUNG NI LANG GSHEGS LAS, JI LTAR NAD PA NAD PA (RNA BA) LA, ,

108a

, ,SMAN PAS SMAN NI GTONG BA LTAR, ,SANGS RGYAS DE BZHIN SEMS CAN LA, ,SEMS TZAM DU YANG RAB TU GSUNGS, ,ZHES GSUNGS LA, 'DIR 'GREL PA LAS, YANG LUNG 'DI DRANG BA'I DON YIN GYI NGES PA'I DON MA YIN NO ZHES BYA BA GA LAS NGES SHE NA LUNG DANG RIGS PA LAS SO ZHES SNGAR DRANGS PA'I, PHYI ROL SNANG BA YOD MED DE,, ZHES SOGS KYI LUNG DE LUNG RIGS GNYIS KYI SGO NAS DRANG DON DU BSHAD PA LA, LUNG NI, JI LTAR NAD PA NAD PA LA, ,ZHES SOGS DRANGS MA THAG PA DE NYID KYIS PHYI ROL MED PA'I SEMS TZAM BSTAN PA DE NYID DRANG DON DU BSTAN ZHING DE KHO NAR YANG MA ZAD MOD GZHAN YANG DES DRANG DON DU STON PA NI, 'GREL PA LAS, MDO 'DI DRANG DON YIN PA 'BA' ZHIG TU MA ZAD KYI GZHAN YANG, RNAM PA DE LTA'I MDO SDE GZHAN YANG NI, ,DRANG DON NYID DU LUNG 'DIS GSAL BAR BYED, ,RNAM PA DE LTA BU'I MDO SDE DE GANG YIN ZHE NA, JI SKAD DU DGONGS PA NGES PAR 'GREL PA'I MDO LAS, BRTAGS PA DANG, GZHAN GYI DBANG DANG, YONGS SU GRUB PA ZHES BYA BA RANG BZHIN GSUM BSTAN PA LAS BRTAGS PA MED PA NYID DANG, GZHAN GYI DBANG YOD PA NYID DANG, DE BZHIN DU, BDEN PA'I RNAM PAR SHES PA ZAB CING PHRA, ,SA BON THAMS CAD CHU YI RGYUN LTAR 'BAB, ,BDAG TU RTOG PAR GYUR NA MI RUNG ZHES, , BYIS PA RNAMS LA NGAS NI DE MA BSTAN, ,ZHES BYA BA LA SOGS PA STE, 'DI, JI LTAR NAD PA NAD PA LA,, SMAN PAS SMAN RNAMS GTONG BA LTAR, ,SANGS RGYAS DE BZHIN SEMS CAN LA, ,SEMS TZAM DU YANG RAB TU GSUNGS, ,ZHES BYA BA'I LUNG 'DIS

108b

DRANG DON NYID DU GSAL BAR BYED DO ZHES LUNG DE NYID KYIS DRANG DON DU 'GREL RGYU'I MDO SDE'I RNAM PA GZHAN NI BZHIR NGES TE, 'GREL PAS DNGOS SU BSTAN PA DGONGS 'GREL LAS GZHAN DBANG RANG GI MTSAN NYID KYIS YOD PAR BSTAN PA DANG, KUN GZHI YOD PAR BSTAN PA GNYIS DANG, SOGS PAS BSDUS PA DGONGS 'GREL LAS PHYI ROL MED PAR BSTAN PA DANG MTHAR THUG THEG PA GSUM DU GRUB PAR BSTAN PA RNAMS YIN TE, 'DIR DRANG DON DU 'GREL RGYU'I MDO YIN NA RNAM RIG PAS NGES DON DU KHAS LEN PA 'DI PAS DRANG DON DGONGS PA CAN DU 'GREL DGOS PA ZHIG NGES PAR DGOS PA'I PHYIR, DGONGS 'GREL LAS PHYI ROL MED PAR BSTAN PA NI, THEG BSDUS LAS, BCOM LDAN 'DAS TING NGE 'DZIN GYI YUL GYI GZUGS BRNYAN DE CI SEMS DE LAS THA DAD PA ZHES BGYI'AM, THA DAD PA MA LAGS ZHES BGYI BCOM LDAN 'DAS KYIS BKA' STZAL PA, BYAMS PA THA DAD PA MA YIN ZHES BYA'O, ,DE CI'I PHYIR ZHE NA, RNAM PAR SHES PA NI DMIGS PA RNAM PAR RIG PA TZAM GYIS RAB TU PHYE BA CAN YIN NO ZHES NGAS BSHAD DO, ,ZHES DRANGS PA LTAR YIN LA, DE LAS MTHAR THUG THEG PA GSUM DU BSHAD PA NI 'PHAGS PA NYID KYIS MDO KUN LAS BTUS PA LAS MTHAR THUG THEG PA GCIG TU BSGRUBS PAS DRANG DON DU RTOGS NUS PAR DGONGS NAS, 'JUG 'GREL DU MA SMOS SHING LHAG MA GSUM GYIS PHYI ROL MED PA'I SEMS TZAM BSTAN PA DRANG DON DU LUNG GIS GSAL BAR BYED PA NI LANG GSHEGS KYI LUNG DE NYID KYIS DANG, KUN GZHI YOD PAR STON PA DRANG DON DU 'GREL BA'I TSUL NI, 'GREL PAR, DE

109a

, ,BZHIN DU BCOM LDAN 'DAS KYIS MDO BRJOD PA LAS DE BZHIN GSHEGS PA'I SNYING PO GSUNGS PA DE ZHES SOGS TE, STONG GSUM DAR YUG CHEN PO'I MDO SOGS NAS RTAG BRTAN GYI SNYING PO GSUNGS PA LANG GSHEGS LAS DRANG DON DU BKRAL BA LA BRTEN NAS DGONGS 'GREL LAS KUN GZHI YOD PAR GSUNGS PA YANG DRANG DON DU GRUB BO ZHES DE GNYIS DPE DON DU SBYAR NAS SMOS PA YIN TE, DE GNYIS KA DGONGS GZHI SEMS CAN GYI CHOS NYID LA DGONGS NAS SGRA ZIN GZHAN DU STON PAR MTSUNGS PAS DE LTAR BSHAD PA'I PHYIR, DE GNYIS DGONGS GZHI GCIG PA'I RGYU MTSAN GANG SNYAM NA, RGYAN STUG PO BKOD PA LAS, SA RNAMS SNA TSOGS KUN GZHI STE, ,BDE GSHEGS SNYING PO DGE BA'ANG 'DI, ,SNYING PO DE LA KUN GZHI'I SGRAS, ,DE BZHIN GSHEGS RNAMS STON PAR MDZAD, ,SNYING PO KUN GZHIR BSGRAGS PA YANG, ,BLO ZHAN RNAMS KYIS MI SHES SO, ,ZHES GSUNGS SHING, LANG GSHEGS LAS KYANG, DE BZHIN GSHEGS PA'I SNYING PO KUN GZHI RNAM PAR SHES PAR BSGRAGS PA RNAM PAR SHES PA BDUN DANG BCAS PA ZHES DE GNYIS MING GI RNAM GRANGS SU LAN DU MAR GSUNGS PA LTAR RO, ,GONG DU BSHAD PA'I PHYI ROL MED PA'I SEMS TZAM DU GSUNGS PA DRANG DON DU 'GREL BAS PHYI ROL GYI DON KHAS LEN YANG MDO SDE PA 'DOD PA LTAR GYI PHYI DON NI MI BZHED DE, RDUL PHRAN CHA MED BSAGS PA'I RAGS PA DANG PHYI DON KHAS MI LEN PA'I PHYIR, DES NA 'JIG RTEN GYI THA SNYAD BSNYON MED LA PHYI SNOD DANG NANG BCUD CES GRAGS PA LTAR RI RA BA KHANG KHYIM SOGS LA PHYI ROL GYI DON ZHES RTOG PA'I DBANG GIS BTAGS

109b

PA TZAM ZHIG KHAS LEN PA YIN TE, NGO BOS GRUB PA'I PHYI ROL GYI DON MED PA'I PHYIR, SKABS 'DIR THAL 'GYUR BA RANG LUGS KYI DRANG NGES KYI RNAM GZHAG MDO TZAM BRJOD NA, CHOS GANG DANG GANG GI RANG BZHIN NAM GSHIS LUGS MTHAR THUG PA DE LA CHOS DE DANG DE'I BCOS MA'AM KUN RDZOB PA'I NGO BO GANG YIN PA DE LA DRANG BA'I DON ZHES BYA STE, CHOS DE DANG DE'I RANG BZHIN NAM GNAS LUGS DE TZAM DU MA NGES PAR DE LAS GZHAN DU DRANG DGOS PA'I PHYIR, DES NA GZUGS LTA BU'I DON DAM MAM GSHIS LUGS RANG BZHIN STONG PA NYID STON PA'I MDO DE NGES DON GYI MDO YIN TE, GZUGS KYI NGES DON BSTAN BYA'I GTZO BOR BYAS NAS STON PA'I PHYIR, GZUGS KUN RDZOB PA'I NGO BO'AM DE'I SKYE 'GAG GNAS GSUM SOGS STON PA LA DRANG BA'I DON ZHES BYA STE, DE'I NGES DON MTHAR THUG MI STON PAR DRANG BA'I DON BRJOD PAR BYED PA'I PHYIR, DES NA NGES DON MTHAR THUG BRJOD BYA'I GTZO BOR BYAS NAS STON PA'I MDO NGES DON GYI MDO'I MTSAN NYID, DRANG BA'I DON TZAM ZHIG BRJOD BYA'I GTZO BOR BYAS NAS STON PA'I MDO DRANG DON GYI MDO'I MTSAN NYID DU RIGS TE, 'JUG 'GREL DU SNGAR BSHAD PA'I SEMS TZAM PAS NGES DON DU KHAS BLANGS PA'I MDO SDE (DE NYID) LUNG RIGS GNYIS KYI SGO NAS DRANG DON DU BKRAL BA'I 'OG TU SHES RAB CAN DAG GIS GZHAN YANG DE NYID DU BRTAG PAR BYA'O ZHES BSHAD PA ZHES MDO LA DRANG NGES 'BYED NUS PA'I SHES RAB CAN DAG GIS DE DAG LAS MDO GZHAN LA YANG DRANG NGES SO SOR PHYE STE DE BZHIN NYID DU BRTAG PAR BYA'O, ,ZHES GSUNGS NAS RANG LUGS KYI DRANG NGES

110a

, ,'JOG PA'I TSUL NI, DE LTAR LUNG GI LO RGYUS SHES BYA TE, ,ZHES SOGS SMOS TE, DON NI, ,SHES BYA CHOS CAN, MKHAS PAS MDO LA DRANG NGES JI LTAR 'BYED PA'I TSUL YOD DE, DRANG NGES KYI RNAM GZHAG PHYIN CI MA LOG PAR SHES PAR BYAS NAS STONG NYID PHRA MO BRJOD BYA'I GTZO BOR MI BYED PA'I MDO RNAMS DRANG DON DU SHES NAS DGONGS PA GZHAN DU DRANG BAR BYA ZHING, STONG NYID PHRA MO DE NYID BRJOD BYA'I GTZO BOR BYED PA'I MDO RNAMS NGES DON DU SHES PAR BYA BAR RIGS PA'I PHYIR, 'DI'I 'GREL PAR, DE BZHIN DU 'PHAGS PA BLO GROS MI ZAD PA LA SOGS PA'I MDO SDE DAG LAS RGYA CHER BSTAN PAR YANG RTOGS PAR BYA'O, ,PHYOGS TZAM ZHIG NI BRJOD PAR BYA STE, DPER NA SBRUL NI THAG PAR BSDOGS PA LA RTEN CING 'BREL PAR 'BYUNG BA LA BTAGS PA YIN TE, DE DE LA YOD PAR YIN PA'I PHYIR RO, ,DE SBRUL DNGOS LA NI YONGS SU GRUB PA YIN TE, KUN TU MA BTAGS PA'I PHYIR RO, ,DE BZHIN DU RANG BZHIN YANG GZHAN GYI DBANG BYAS PA CAN LA NI KUN TU BTAGS PA YIN TE, RANG BZHIN DAG NI BCOS MIN DANG, ,GZHAN LA LTOS PA MED PA YIN, ,ZHES 'BYUNG BAS NGO BO NYID NI BYAS PA CAN LA MA YIN NO, ,GZUNG BZHIN PA'I RTEN CING 'BREL PAR 'BYUNG BA BYAS PA CAN GZUGS BRNYAN DANG 'DRA BA LA BTAGS PA GANG YIN PA DE NI SANGS RGYAS KYI SPYOD YUL LA NI DNGOS YIN TE, KUN TU MA BTAGS PA'I PHYIR TE, DNGOS PO BYAS PA CAN LA MA REG PAR RANG BZHIN 'BA' ZHIG MNGON SUM DU MDZAD PAS DE NYID THUGS SU CHUD PA'I PHYIR SANGS RGYAS ZHES BRJOD DO, ,DE'I PHYIR DE LTAR BTAGS

110b

PA DANG, GZHAN GYI DBANG DANG, YONGS SU GRUB PA ZHES BYA BA'I NGO BO NYID GSUM RNAM PAR BZHAG PA RTOGS PAR BYAS NAS MDO'I DGONGS PA RNAM PAR BSHAD PAR BYA'O ZHES GSUNGS LA, DE'I DON CUNG ZAD BSHAD NA, SNGAR STON PA BDE BAR GSHEGS PAS BSTAN PA LTAR, ZHES SOGS TING NGE 'DZIN RGYAL PO'I MDO'I LUNG 'GREL PAR DRANGS MA THAG PA DANG, DE BZHIN DU 'PHAGS PA BLO GROS MI ZAD PA LA SOGS PA'I MDO SDE GANG LAS DRANG NGES KYI RNAM GZHAG RGYA CHER BSTAN PA YANG RTOGS PAR BYA LA, PHYOGS TZAM ZHIG NI DGONGS 'GREL LAS MTSAN NYID GSUM GYI RNAM GZHAG BSTAN PA RNAMS DRANG DON DU BKRAL NAS, RANG LUGS KYI NGO BO NYID GSUM GYI 'JOG TSUL BSHAD PA LAS BDE BLAG TU RTOGS PAR 'GYUR BAS BRJOD PAR BYAS TE, DPER NA SBRUL NI THAG PA KHRA BO BSDOGS PA'I STENG DU RTEN CING 'BREL PAR 'BYUNG BA STE DE LA BRTEN NAS SBRUL LO SNYAM DU BZUNG BA NA THAG PA DE LA NI KUN TU BTAGS PA TZAM KHO NA YIN TE, SBRUL DE THAG PA DE LA YOD PA MA YIN PA'I PHYIR, SBRUL DE SBRUL DNGOS TE DE'I PHUNG PO'I STENG DU NI YONGS SU GRUB PA YIN TE, KUN TU MA BTAGS PA DE BTAGS PA RKYANG PA MA YIN PAR DNGOS GNAS LA SBRUL DU GRUB PA'I PHYIR, DPE DE BZHIN DU RANG BZHIN NAM GSHIS LUGS SAM NGES DON DE YANG GZHAN GYI DBANG BYAS PA CAN LA NI KUN TU BTAGS PA YIN TE, RANG BZHIN DAG NI BCOS MIN DANG, ,GZHAN LA LTOS PA MED PA YIN, ,ZHES 'BYUNG BAS NGES DON GYI NGO BO NYID DE NI BYAS PA CAN MA YIN PA'I PHYIR TE, DNGOS PO DE RNAMS RANG BZHIN NAM GSHIS LUGS DER MA GRUB PA BZHIN

111a

, ,DU BTAGS PA YIN PA'I PHYIR TE, BYAS PA CAN DANG RANG BZHIN 'GAL BA'I PHYIR, GONG DU JI LTAR BZUNG BZHIN PA'I RTEN CING 'BREL PAR 'BYUNG BA RGYU RKYEN GYIS BYAS PA CAN GNAS TSUL DANG SNANG TSUL MI MTHUN PA'I GZUGS BRNYAN DANG 'DRA BA GZUGS SOGS LA KUN BRTAGS PAR BZHAG PA'I RANG BZHIN NAM GNAS LUGS GANG YIN PA DE NI SANGS RGYAS KYI JI LTA BA MKHYEN PA'I DNGOS KYI SPYOD YUL DE LA NI KUN BRTAGS PA MA YIN PAR YONGS SU GRUB PA DNGOS YIN TE, BYAS PA CAN DE RNAMS KYI RANG BZHIN NAM GNAS LUGS YE SHES DES JI LTAR GZIGS PA LTAR GNAS PA'I PHYIR, YE SHES DES GNAS LUGS JI LTAR MNGON SUM DU MDZAD PA'I TSUL YANG YOD DE, DNGOS PO BYAS PA CAN GZHAN DBANG LA MA REG PA STE JI LTA BA GZIGS PA'I GZIGS NGO DER MA GZIGS PA'I TSUL GYIS RANG BZHIN NAM GNAS LUGS 'BA' ZHIG MNGON SUM DU MDZAD PA'I TSUL GYIS GZHAN DBANG GI DE KHO NA NYID THUGS SU CHUD PA LA LTOS NAS BUDDHA'I SGRA LAS SANGS RGYAS ZHES BRJOD PA YIN PA'I PHYIR, DE LTAR GZUGS SOGS GZHAN DBANG DANG, DE RANG BZHIN NAM GNAS LUGS SU GRUB PA KUN BTAGS DANG, GZUGS SOGS KYI GNAS LUGS JI LTA BA MKHYEN PA'I RNAM MKHYEN GYI YUL DE NYID YONGS GRUB TU RTOGS PAR BYAS NAS MDO'I DRANG NGES KYI DGONGS PA RNAM PAR BYA BA (PHYE BA) YIN TE, DE LTAR BSHAD PA LA BRTEN NAS DGONGS 'GREL LAS BSHAD PA'I TSUL DE NYID DRANG DON DANG, BYAMS ZHUS KYI LE'UR GSUNGS PA'I TSUL DE NYID NGES DON DU RTOGS PAR BYA BA YIN PA'I PHYIR, BYAMS ZHUS KYI LE'UR NI GZUGS

111b

NAS RNAM MKHYEN GYI BAR GYI CHOS RE RE'I STENG DU YANG MTSAN NYID GSUM GSUM GYI RNAM GZHAG MDZAD DE, GZUGS LA RNAM PAR BTAGS PA'I GZUGS, KUN BRTAGS PA'I GZUGS, CHOS NYID KYI GZUGS GSUM DU PHYE BA'I GZUGS NI RNAM BTAGS DANG, DE RANG BZHIN GYIS GRUB PA KUN BTAGS DANG, DE RANG BZHIN GYIS STONG PA CHOS NYID KYI GZUGS TE, DES RNAM MKHYEN GYI BAR DU BSGRE BAR BYA LA, DRANG NGES RNAM 'BYED KYI DKA' 'GREL DU'ANG PHYOGS TZAM BRJOD ZIN LA DE LTAR NA GZHAN SKYE 'GOG PA BRJOD ZIN TO, ,GNYIS SKYE DGAG PA NI, GNYIS LAS SKYE BA'ANG RIGS PA'I NGO BO MA YIN GANG GI PHYIR, ,ZHES SOGS DANG, GAL TE RGYU MED KHO NAR SKYE BAR LTA ZHIG 'GYUR NA NI, ,ZHES SOGS KYIS RGYU MED LAS SKYES (SKYE BA) 'GOG STE RTOGS SLA LA, DE NAS, GANG GI PHYIR NA BDAG DANG GZHAN DANG GNYIS KA LAS SKYE DANG, ,RGYU LA MA LTOS YOD PA MIN PAS DNGOS RNAMS RANG BZHIN BRAL, ,ZHES PAS, PHYI NANG GI DNGOS PO RNAMS CHOS CAN, RANG BZHIN GYIS MI SKYE STE, BDAG DANG GZHAN DANG GNYIS KA DANG RGYU MED LAS MI SKYE BA'I PHYIR, ZHES DON BSDUS TE MTHA' BZHI'I SKYE BA 'GOG PA'I GZHAN GRAGS KYI RTAGS SBYOR BSTAN PA YIN NO,, GNYIS PA DE LTAR BSTAN PA LA RTZOD PA SPANG BA NI, CHOS KYI BDAG 'GOG PA'I SKABS 'DIR RANG BZHIN GYIS GRUB PA'I NGO BO NYID BKAG NAS THA SNYAD MING RKYANG BTAGS YOD TZAM LA BYA BYED 'THAD PA'I BDEN GNYIS ZUNG DU 'BREL BA'I TSUL STON PAR BZHED NAS, 'DUS BYAS RANG BZHIN GYIS SKYE BA MED PAR BSTAN PA LA RTZOD PA SPANGS TE SPYIR THA

112a

, ,SNYAD TZAM DU 'DUS BYAS KYI NGO BO DANG, BYE BRAG TU RGYU 'BRAS KYI BYA BYED 'THAD PA'I TSUL STON PA LA, RTZOD SPANG MAN CHAD KYI GZHUNG LHAG MA RNAMS SBYAR BAR BYA BA YIN NO,, GSUM PA NI KHYOD KYIS MTHA' BZHI LAS SKYE BA THAMS CAD BKAG NA MA RIG PAS 'DU BYED SOGS DANG, SA BON LAS MYU GU SOGS KUN RDZOB TU SKYE BAR JI LTAR GZHAG PAR NUS SHE NA, GANG PHYIR RGYU MED PA DANG DBANG PHYUG GI, ZHES SOGS SHLOO KA GNYIS KYIS MTHA' BZHI LAS MI SKYE BA NYID KYIS BRTEN NAS SKYE BA 'THAD PA'I TSUL GYIS RTEN 'BREL GYI RIGS PA NYID STON PAR BYED DE, 'DI'I SNGA 'GREL DU, 'DIR SMRAS PA, GAL TE KHYOD KYIS BDAG DANG GZHAN DANG GNYIS KA DANG RGYU MED PA LAS SKYE BA PHYOGS GNYIS KAR YANG BKAG NA, MA RIG PA DANG, 'DU BYED DANG, SA BON LA SOGS PA DAG LAS RNAM PAR SHES PA DANG, MYU GU LA SOGS PA KUN RDZOB TU SKYE BA DE JI LTAR NGES PAR BYA, DE BRJOD PAR BYA STE, ZHES GSUNGS LA, SKABS 'DIR PHYIR RGOL BAS SMRAS PA, GAL TE DBU MA PA KHYOD KYIS MTHA' BZHI LAS SKYE BA KUN RDZOB DANG DON DAM PA'I PHYOGS GNYIS KAR YANG BKAG NA MA RIG PA'I RKYEN CAN GYI 'DU BYED LAS RNAM PAR SHES PA SOGS DANG, SA BON LA SOGS PA DAG LAS MYUG GU LA SOGS PA KUN RDZOB TU SKYE BAR 'JOG PA'I TSUL DE JI LTAR NGES PAR BYA ZHE NA, DE'I LAN BRJOD PAR BYA STE ZHES MTSAMS SBYAR NAS, GANG PHYIR RGYU MED PA DANG DBANG PHYUG GI ,ZHES SOGS SHLOO KA GCIG BKOD NAS, DE'I PHYIR 'GREL DU, GANG GI PHYIR JI SKAD BSHAD PA'I TSUL GYIS DNGOS PO RNAMS SKYE BA RANG BZHIN LAS

112b

'BYUNG BA YOD PA LA (MA?) YIN LA, DBANG PHYUG DANG, DUS DANG, RDUL DANG, RANG BZHIN DANG, SKYES BU DANG, SRED MED KYI BU LA SOGS PA RNAMS LAS KYANG MA YIN ZHING, BDAG DANG GZHAN DANG GNYIS KA LAS SKYE BA YANG MA YIN PA DE'I PHYIR 'DI LA BRTEN NAS 'DI 'BYUNG BA ZHIG STE DE TZAM ZHIG LA 'JIG RTEN GYI THA SNYAD MI BCAD PA'I DON DU BRTEN NO, ,ZHES GSUNGS LA, DON NI, RGYU MTSAN GANG GI PHYIR GONG DU JI SKAD RGYAS PAR BSHAD PA'I TSUL GYIS DNGOS PO RNAMS KYI SKYE BA RANG BZHIN LAS BYUNG BA STE RANG BZHIN GYIS SKYE BA YOD PA MA YIN TE, DBANG PHYUG NAS SRED MED KYI BU STE KHYAB 'JUG GI BAR GYI MI MTHUN PA'I RGYU RNAMS LAS SKYE BA MA YIN PAR BSTAN ZIN PA'I PHYIR, DE LTA NA YANG MA RIG PA'I RKYEN CAN GYI 'DU BYED 'DI LA BRTEN NAS RNAM SHES SOGS 'DI 'BYUNG ZHES PA TZAM DANG, SA BON 'DI LA BRTEN NAS MYU GU 'DI 'BYUNG ZHES PA TZAM GYI RKYEN NYID SNANG TSOD 'DI PA TZAM RTEN 'BREL GYI SKYE BA KHAS LEN TE, DE TZAM GYI RNAM GZHAG CIG LA BRTEN NAS 'JIG RTEN GYI SKYE 'GAG SOGS KYI THA SNYAD MI BCAD PA STE KHYAD DU MI GSOD PA'I DON DU RTEN 'BREL GYI SKYE BA TZAM LA BRTEN NO STE KHAS LEN PA'I PHYIR, DES NA RTEN 'BREL GYI SKYE BA DANG BLTOS GRUB RTEN CING 'BREL PAR 'BYUNG BA 'JOG PA'I TSUL 'DI NI GDON MI ZA BAR KHAS BLANGS DGOS TE; JI SKAD DU BCOM LDAN 'DAS KYIS BRDA NI 'DI YIN TE, 'DI LTA STE, 'DI YOD NA 'DI 'BYUNG 'DI SKYES PAS 'DI SKYE STE, GANG 'DI MA RIG PA'I RKYEN GYIS 'DU BYED RNAMS ZHES BYA BA LA SOGS PA ZHES SOGS DANG, DE BZHIN DU, 'DI YOD PAS NI

113a

, ,'DI 'BYUNG DPER NA, RING PO YOD NA THUNG NGU BZHIN, 'DI SKYES PAS NA 'DI SKYE DPER NA, MAR ME 'BYUNG BAS 'OD BZHIN NO, ,ZHES GSUNGS PA RNAMS DRANGS TE THUNG NGU LA BLTOS NAS RING PO DANG RING PO LA BLTOS NAS THUNG NGUR 'JOG GI THUNG NGU DANG RING PO RANG BZHIN GYIS GRUB PA'I NGO BO NYID MED PA DANG, MAR ME LA BLTOS NAS MAR ME'I 'OD 'BYUNG BA BZHIN DU RGYU 'BRAS RANG BZHIN GYIS GRUB PA MED KYANG RGYU SO SO LA BRTEN NAS 'BRAS BU SO SO MA 'CHOL BAR 'BYUNG BAR LEGS PAR GSUNGS PA'I PHYIR, DON 'DI NYID 'PHAGS PA'I DGONGS PA YANG YIN TE, RTZA SHE LAS, BYED PA LAS LA BRTEN BYAS SHING, ,LAS KYANG BYED PO DE NYID LA, ,BRTEN NAS 'BYUNG BA MA GTOGS PAR, ,'GRUB PA'I RGYU NI MA MTHONG NGO, ,ZHES LAS LA BLTOS NAS BYED PA PO DANG, BYED PA PO LA BLTOS NAS KYANG LAS BZHAG GI LAS DANG BYED PA PO GNYIS KA LA BLTOS NAS GRUB PA'I NGO BO TZAM MA GTOGS PA RANG BZHIN GYIS GRUB PA'I NGO BO NYID MED PAR GSUNGS PA'I PHYIR, DES NA RTEN 'BREL GYI RIGS PA 'DIS NI LTA BA NGAN PA'I DRA BA MTHA' DAG GCOD PAR BYED PA YIN TE, GANG PHYIR DNGOS PO BRTEN NAS RAB 'BYUNG BAS, ,ZHES SOGS KYI SNGA 'GREL DU, DE LTAR RKYEN NYID 'DI PA TZAM GYIS RTEN CING 'BREL PAR 'BYUNG BA BSHAD PA NA, RGYU MED PA LAS SKYE BA LA SOGS PA'I RTOG PA 'DI DAG MI SRID PA 'GA' ZHIG TU MA ZAD KYI, RTAG PA DANG CHAD PA DANG, RTAG PA DANG MI RTAG PA DANG, DNGOS PO DANG DNGOS PO MED PA GNYIS LA SOGS PA RTOG PA GZHAN DAG KYANG MI SRID PA NYID DO ZHES BSTAN PA'I PHYIR BSHAD

113b

PA; ZHES DANG, PHYI 'GREL DU, GANG GI PHYIR 'DI LA BRTEN NAS 'DI 'BYUNG NGO ZHES BYA BA'I RIGS PA 'DI TZAM ZHIG GIS DNGOS PO KUN RDZOB PA RNAMS KYIS BDAG GI DNGOS PO YOD PA 'THOB KYI GZHAN DU MA YIN PA DE'I PHYIR RTEN CING 'BREL PAR 'BYUNG BA'I RKYEN NYID 'DI PA NYID KYI RIGS PA 'DIS JI SKAD BSHAD PA'I LTA BA NGAN PA'I DRA BA MTHA' DAG GCOD PA YIN NO ZHES GSUNGS LA, DE DAG GI DON NI, GANG GI PHYIR RTEN 'BREL GYI RIGS PA'I TSUL NI 'DI YIN TE, SA LU'I MYU GU 'DI CHOS CAN, RANG BZHIN GYIS MI SKYE STE, SA LU'I SA BON 'DI LA BRTEN NAS 'BYUNG BA TZAM MA YIN PA'I PHYIR, RTEN 'BREL GYI RIGS PA 'DI TZAM ZHIG GIS DNGOS PO KUN RDZOB PA RNAMS KYI BDAG GI DNGOS PO'AM NGO BO YOD PA TZAM ZHIG TU 'JOG NUS PA 'THOB KYI GZHAN DU NI MA YIN TE, RANG GI NGO BOS NI GRUB PA CUNG ZAD KYANG MED PA'I PHYIR, DE'I PHYIR RKYEN NYID SNANG TSOD 'DI PA TZAM GYI RTEN 'BREL GYI RIGS PA 'DIS LTA BA NGAN PA'I DRA BA MTHA' DAG GCOD PAR BYED PA YIN TE, GONG DU JI SKAD BSHAD PA'I 'DUS BYAS MTHA' BZHI LAS SKYE BAR 'DZIN PA BZLOG PA 'BA' ZHIG TU MA ZAD, RTAG CHAD KYI MTHA' GNYIS KA DUS GCIG TU SEL BAR BYED PA'I PHYIR TE, RTEN 'BREL GYI GTAN TSIGS KYIS THA SNYAD DU MED PAR 'DZIN PA BZLOG LA, RANG BZHIN MED PA'I SGRUB CHOS BLO YUL DU SONG BA LAS RANG BZHIN GYIS GRUB PAR 'DZIN PA BZLOG PA'I PHYIR, DE LTAR YANG 'GREL PA LAS, JI LTAR RKYEN NYID 'DI PA TZAM ZHIG RTEN CING 'BREL PAR 'BYUNG BA'I DON DU RNAM PAR 'JOG PAS NI DNGOS PO 'GA' LA YANG RANG BZHIN KHAS

114a

, ,MA BLANGS TE, ZHES GSUNGS NAS, SHES BYED DU, DE DANG DE BRTEN GANG 'BYUNG BA, ,RANG GI NGO BOR DE MA SKYES, ,RANG GI NGO BOR MA SKYES GANG, ,DE NI SKYES ZHES JI SKAD BYA, ,ZHES DANG, RTEN CING 'BREL PAR 'BYUNG BA GANG, ,DE NI STONG PA NYID DU BSHAD, ,DER NI RGYUR BYAS GDAGS PA STE, ,DE NI DBU MA'I LAM YIN NO, ,ZHES RIGS PA DRUG CU PA DANG, RTZA SHE'I LUNG SHES BYED DU DRANGS SHING, MDO SDE LAS KYANG, GANG ZHIG RKYEN LAS SKYES PA DE MA SKYES, ,DE LA SKYE BA'I RANG BZHIN YOD MA YIN, ,RKYEN LA RAG LAS GANG DE STONG PAR BSHAD, ,GANG ZHIG STONG NYID SHES TE BAG YOD YIN, ,ZHES SOGS GSUNGS PA RNAMS SHES BYED DU DRANGS NAS, RTEN 'BREL GYI GTAN TSIGS NYID LEGS PAR BSHAD DO, ,'GREL PA'I DON NI, DBU MA PAS PHYI NANG GI DNGOS PO 'GA' LA YANG NGO BOS GRUB PA'I RANG BZHIN KHAS MA BLANGS TE, RGYU MTSAN 'DI LTAR RANG BZHIN GYIS STONG PA NYID RKYEN NYID 'DI PA TZAM ZHIG GI RTEN CING 'BREL PAR 'BYUNG BA'I SGRA'I DON DU RNAM PAR 'JOG PA'I PHYIR, ZHES PA YIN LA, RIGS PA DRUG CU PA DANG RTZA SHE'I GZHUNG DE NYID KYIS KYANG CHOS RNAMS RANG RANG GI RGYU RKYEN LA BRTEN NAS 'BYUNG BA DANG, RANG RANG GI GDAGS GZHI LA BLTOS NAS GRUB PA'I RGYU MTSAN GYIS RANG BZHIN GYIS MA GRUB PAR BSHAD LA, MDO TSIG DE'I DON NI, ,MYU GU CHOS CAN, RANG BZHIN GYIS MA SKYES TE, RGYU RKYEN LA BRTEN NAS SKYE BA'I PHYIR, KHYAB PA YOD DE, GANG ZHIG RKYEN LA BRTEN NAS SKYE BA DE LA RANG BZHIN GYIS SKYE BA YOD PA MA YIN PA'I PHYIR TE, RGYU RKYEN LA RAG LAS PA'AM BLTOS

114b

NAS GRUB PA GANG YIN PA DE RANG BZHIN GYIS STONG PAR BSHAD PA'I PHYIR, GANG ZHIG DE 'DRA BA'I STONG PA NYID SHES PA LA DGOS PA YOD DE, DE LTAR SHES PA DE NI NYES PA THAMS CAD KYI RTZA BA BDAG TU 'DZIN PA DRUNGS 'BYIN PA'I GNYEN PO BAG YOD PA LA ZHUGS PA YIN PA'I PHYIR, DES NA, DE MA SKYES ZHES GSUNGS PA RANG BZHIN GYIS MA SKYES TE ZHES DGAG BYA'I KHYAD PAR NGES PAR SBYAR DGOS TE, LANG GSHEGS TSIG GSAL DU DRANGS PA LAS KYANG, BLO GROS CHEN PO, RANG BZHIN GYIS MA SKYES PA LA DGONGS NAS NGAS CHOS THAMS CAD MA SKYES PA'O ZHES BSTAN TE, ZHES SANGS RGYAS RANG NYID KYIS RANG GI DGONGS PA RANG GIS BLANGS PA'I PHYIR, DE'I PHYIR RIGS PA'I RGYAL PO RTEN CING 'BREL 'BYUNG GI RIGS PA NYID KYI RANG BZHIN GYIS SKYE BA 'GOG PA 'DI NYID BCOM LDAN 'DAS KYIS GSUNGS PAS THUGS PHROGS NAS RTZA BA SHES RAB DANG RIGS PA DRUG CU PA LA SOGS PA RANG BZHIN STONG PA RTEN 'BYUNG GI DON DU GSUNGS PA NYID KYI SGO NAS BCOM LDAN 'DAS LA BSTOD PA MDZAD PAR SHES PAR BYA'O, ,'DI DAG NI DE KHO NA NYID KYI LTA BA GTAN LA 'BEBS PA'I RIGS PA'I RGYAL PO YIN PAS LEGS PAR BSHAD DO,, BZHI PA NI DBU MA'I BSTAN BCOS 'DI RNAMS SU DNGOS PO RANG BZHIN GYIS GRUB PA 'GOG PA SOGS BRGAL LAN 'DI LTA BU DAG BYAS PA'I 'BRAS BU'AM DGOS PA GANG ZHE NA, MTHAR 'DZIN GYI RNAM RTOG SPANG BA'I PHYIR DU YIN GYI PHA ROL PO PHYIR RGOL ZIL GYIS GNON PA'I TSOD TZAM DU NI MA YIN NO ZHES STON PA NI, SO SO SKYE BO RNAMS NI RTOG PAS BCINGS, ,ZHES PA NAS, RNAM DPYOD PA NI MYUR DU

115a

, ,GROL BAR 'GYUR, ,ZHES PA'I BAR RO,, GNYIS PA GANG ZAG GI BDAG MED RIGS PAS BSGRUB PA LA GSUM, THAR 'DOD KYIS THOG MAR BDAG RANG BZHIN GYIS GRUB PA DGAG DGOS PAR BSTAN PA, BDAG DANG BDAG GI BA RANG BZHIN GYIS GRUB PA JI LTAR 'GOG PA'I TSUL, BDAG DANG SHING RTA'I DPYAD PA DNGOS PO GZHAN LA RIGS BSGRE BA'I TSUL LO,, DANG PO NI, NYON MONGS SKYON RNAMS MA LUS 'JIG TSOGS LA, ,ZHES SOGS SHLOO KA GCIG STE, 'DI'I 'GREL PAR, DE LA 'JIG TSOGS LA LTA BA NI NGA DANG NGA YI SNYAM PA DE LTA BU'I RNAM PAR ZHUGS PA SHES RAB NYON MONGS PA CAN NO, ,DE LAS BYUNG BAS NA 'JIG TSOGS LA LTA BA LAS BYUNG BA'O, ,DE DAG KYANG GANG DAG GCIG CE NA, NYON MONGS PA DANG SKYON RNAMS SO, ,ZHES SOGS GSUNGS LA, DE'I DON NI, DE LA 'JIG TSOGS LA LTA BA NGOS BZUNG DU YOD DE, RANG RGYUD KYI NGA DANG NGA YI BA GANG RUNG LA DMIGS NAS NGA DANG NGA YI SNYAM DU RANG GI MTSAN NYID KYIS GRUB PA DE LTA BU'I RNAM PAR ZHUGS PA STE SGRO 'DOGS PA'I SHES RAB NYON MONGS CAN YIN PA'I PHYIR, DE LAS BYUNG BAS NI 'JIG TSOGS LA LTA BA LAS BYUNG BA YIN LA, DE DAG KYANG NGOS BZUNG DU YOD DE, CHAGS SOGS NYON MONGS PA RNAMS DANG DE LA BRTEN NAS BYUNG BA'I SKYE RGA NA 'CHI SOGS 'KHOR BA'I SKYON RNAMS YIN PA'I PHYIR, ZHES PA YIN LA, 'KHOR BA'I SDUG BSNGAL DANG, DE'I RTZA BA CHAGS SOGS RNAMS SPONG BAR 'DOD PAS RANG RGYUD KYI 'JIG LTA LHAN SKYES KYI SA BON SPONG DGOS PA YANG DE NYID LAS, DE LA NYON MONGS PA DANG SKYON MA LUS PA YONGS SU

115b

SPONG BAR 'DOD PAS 'JIG TSOGS LA LTA BA KHO NA SPANG BAR BYA BA YIN LA, DE YANG BDAG GIS BDAG MED PA NYID KHONG DU CHUD PA LAS SPONG BAR 'GYUR BAS RNAL 'BYOR PAS BDAG KHO NA 'GOG PAR BYED DO, ,ZHES GSUNGS, DE'I DON NI, CHAGS SOGS KYI NYON MONGS PA DANG, DES RTZA BA BYAS PA'I 'KHOR BA'I SDUG BSNGAL GYI SKYON MA LUS PA SPANG BAR 'DOD PAS RANG RGYUD KYI 'JIG TSOGS LA LTA BA KHO NA THOG MAR SPANG BAR BYA BA YIN TE, DE RNAMS KYI RTZA BA MTHAR THUG PA DE YIN PA'I PHYIR, DES NA THAR 'DOD KYI RNAL 'BYOR PAS THOG MAR 'JIG LTA LHAN SKYES KYI ZHEN YUL DU GYUR PA'I BDAG KHO NA 'GOG PAR BYED RIGS TE, DE YANG BDAG GI STE NGA'I STENG NA 'JIG LTA LHAN SKYES DES GZUNG BA LTAR GYI BDAG MED PA NYID KHONG DU CHUD PA LAS 'JIG LTA DE'I SA BON SPONG BAR 'GYUR BA YIN PA'I PHYIR ZHES PA DANG, DE'I 'PHRO NYID NAS, DE BKAG PA LAS 'JIG TSOGS LA LTA BA SPANGS PAR GYUR PA NA NYON MONGS PA DANG SKYON MA LUS PA LDOG PAS NA BDAG RNAM PAR DPYAD PA THAR PA BSGRUB PA'I THABS YIN TE, DE'I PHYIR GANG ZHIG 'JIG TSOGS LA LTA BA'I DMIGS PAR GYUR PA BDAG CES BYA BA 'DI CI ZHIG CES RNAL 'BYOR BA JE THOG MAR BDAG KHO NA LA RNAM PAR DPYOD PAR BYED DO, ,ZHES GSUNGS PA'I DON NI, DES NA THAR 'DOD KYIS GANG ZHIG 'JIG TSOGS LA LTA BA'I DMIGS PAR GYUR PA NGA'AM BDAG CES BYA BA 'DI RANG BZHIN GYIS GRUB BAM MA GRUB CI ZHIG CES RNAL 'BYOR PAS JE THOG MAR BDAG KHO NA LA RNAM PAR DPYOD PAR BYED RIGS PA YIN TE, 'JIG LTA'I ZHEN YUL DE BKAG PA LAS

116a

, ,DE MA LUS PAR SPANGS PAR GYUR PA NA, DES RTZA BA BYAS PA'I NYON MONGS PA DANG 'KHOR BA'I SKYON MA LUS PA LDOG PAS NA NGA'AM BDAG RIGS PAS RNAM PAR DPYAD NAS RANG BZHIN GYIS GRUB PA 'GOG PA NI THAR PA BSGRUB PA'I THABS KYI SGO MTHAR THUG PA YIN PA STE DE'I PHYIR RO, ,ZHES PA YIN PAS THAR 'DOD RNAMS KYIS NGAR 'DZIN LHAN SKYES KYI ZHEN YUL BKAG PA'I GANG ZAG GI BDAG MED BSGOM PAR BYA DGOS SHING, RANG SDE GRUB MTHA' SMRA BA THAMS CAD KYI LUGS LA YANG NGAR 'DZIN LHAN SKYES KYI DMIGS PA'I YUL DU GYUR PA'I NGA'AM BDAG NI THA SNYAD DU YOD PAR KHAS LEN DGOS TE, NGA'AM BDAG THA SNYAD TZAM DU YANG MED NA LAS GSOG PA PO DANG RNAM SMIN MYONG BA PO DANG NGA'AM BDAG GI SKYE BA SNGA PHYI DANG MCHOG DMAN SOGS DANG, NGAS GZUGS MTHONG NGO, ,SGRA THOS SO ZHES SOGS THA SNYAD KYI RNAM GZHAG THAMS CAD GZHAG TU MED PAR 'GYUR BA'I PHYIR, 'JUG 'GREL LAS KYANG, YANG GANG LAS BYED PA PO NI MA DMIGS KYI, LAS KYANG YOD LA RNAM PAR SMIN PA'ANG YOD DO ZHES BRJOD PA DE LAS NI BYED PA PO RANG BZHIN DU GYUR PA BKAG PAR SHES PAR BYA YI, BRTEN NAS GDAGS PAR BYA BA THA SNYAD KYI YAN LAG TU GYUR PA YANG BKAG GO ZHES BYA BA NI SHES PAR MI BYA'O, ,DE SKAD DU YANG MA RIG PA DANG RJES SU 'BREL BA'I GANG ZAG 'DI NI BSOD NAMS MNGON PAR 'DU BYA BA YANG MNGON PAR 'DU BYED DO ZHES RGYA CHER GSUNGS SO, ,ZHES BSHAD LA, DON BSDU NA DGE SDIG GI LAS KYI BYED PA PO MA DMIGS PAR BSHAD PAS NI BYED PA PO RANG BZHIN GYIS GRUB PA BKAG GI THA

116b

SNYAD KYI YAN LAG TU GYUR PA BRTEN NAS BTAGS PA TZAM GYI NGA'AM GANG ZAG THA SNYAD DU YOD PA BKAG PA MA YIN TE, MA RIG PA DANG RJES SU 'BREL BA'I NGA'AM GANG ZAG BSOD NAMS KYI LAS LA BSAGS PA 'DU BYED PA PO DANG GSOG PA POR MDO LAS BSHAD PA'I PHYIR, GNYIS PA LA BDAG RANG BZHIN GYIS GRUB PA DGAG PA DANG, BDAG GI BA RANG BZHIN GYIS GRUB PA DGAG PA GNYIS, DANG PO LA YANG GNYIS TE, BDAG RANG GI NGO BOS GRUB PA DGAG PA DANG, BRTEN NAS BTAGS TZAM GYIS GRUB PAR BSTAN PA'O,, DANG PO NI, DE PHYIR BDAG MED DNGOS CHOS DANG BRAL PHYIR, ,ZHES PA YAN CHAD DANG, GNYIS PA NI, DE PHYIR NGAR 'DZIN RTEN NI DNGOS YIN NA, ,ZHES PA NAS, MA BRTAGS GRAGS PAR GTI MUG LAS YIN NO, ,ZHES PA'I BAR RO,, DANG PO LA YANG BDAG PHUNG GCIG THA DAD SOGS SU YOD PA'I PHYOGS DGAG PA DANG, GANG DU YANG BRJOD DU MED PA'I BDAG DGAG PA GNYIS LAS, DANG PO NI, RTZE MO MTHO BAR GYUR PA 'DI DAG GO ,ZHES PA YAN CHAD DANG, GNYIS PA NI, KHA CIG DE NYID GZHAN NYID RTAG MI RTAG ,CES SOGS SO,, DANG PO 'DI LA RNAM DPYAD RNAM PA LNGA'I SGO NAS BDAG RANG BZHIN GYIS GRUB PA 'GOG PAR BYED PA LAS, GCIG THA DAD KYI PHYOGS DGAG PA DANG, LHAG MA GSUM DGAG PA'I TSUL GNYIS KYI, DANG PO NI; KYE MA GZHAN GYI GNAM POR 'GYUR NYID DO, ,ZHES PA YAN CHAD DANG, GNYIS PA NI, PHUNG PO BDAG YOD MA YIN BDAG LA YANG, ,ZHES PA MAN CHAD DO,, DANG PO LA GNYIS, BDAG PHUNG NGO BO THA DAD PAR 'DOD PA GZHAN SDE'I LUGS DGAG PA

117a

, ,DANG, NGO BO GCIG PA RANG SDE'I LUGS DGAG PA GNYIS LAS, DANG PO NI, ZA PO RTAG DNGOS ZHES SOGS KYIS GZHAN SDE'I LUGS BRJOD NAS, MO GSHAM BU LTAR SKYE BA DANG BRAL PHYIR, ,ZHES SOGS KYIS 'GOG PAR BYED DE, DE YANG GRANGS CAN PA DAG BDAG KHYAD CHOS LNGA LDAN DANG BYE BRAG PAS BDAG YON TAN DGU LDAN TE GNYIS KAS KYANG BDAG PHUNG PO DANG MTSAN NYID MI MTHUN ZHING PHUNG PO LAS RDZAS GZHAN PA'I RTAG GCIG RANG DBANG CAN DU 'DOD LA, DE DAG NI, DE 'DRA BA'I BDAG DE NI CHOS CAN, YOD PA MA YIN TE, MA SKYES PA'I PHYIR, DPER NA MO GSHAM GYI BU BZHIN, NGAR 'DZIN GYI YUL DU GYUR PA'I NGAR YANG MI RUNG STE, MA SKYES PA'I PHYIR, ZHES SOGS KYI RIGS PAS 'GOG STE, 'GREL PA LAS, RANG NYID KYI RJES SU DPAG PA DANG 'GAL BA'I PHYIR JI SKAD SMRAS PA'I BDAG NI YOD PA MA YIN PA NYID DO, ,MA SKYES PA'I PHYIR TE MO GSHAM GYI BU BZHIN NO, ,'DI NI NGAR 'DZIN PA'I YUL DU'ANG MI RUNG STE, MA SKYES PA NYID KYI PHYIR RO, ,'DI NI DE KHO NA NYID DU YOD PA NYID DANG NGAR 'DZIN PA'I YUL NYID DU MI RIGS PA 'BA' ZHIG TU MA ZAD DE, KUN RDZOB TU YANG 'DI GNYIS CHAR YANG YOD PA MA YIN NO ZHES SHES PAR BYA'O ZHES GSUNGS PA LTAR RO, ,'O NA BDAG LTA LHAN SKYES KYI DMIGS YUL GYI BDAG GI MTSAN GZHIR RANG SDE DAG JI LTAR 'DOD CE NA, MANG BKUR BA KHA CIG PHUNG PO LNGA CHAR DANG, KHA CIG SEMS GCIG PU BDAG GI MTSAN GZHIR 'DOD LA, KHA CHE BYE BRAG SMRA BA DANG LUNG GI RJES 'BRANG GI MDO SDE PA RNAMS PHUNG PO'I RGYUN NYID DER 'DOD LA, SDE BDUN

117b

SOGS BSHAD PA'I MDO SDE PA DANG SEMS TZAM PA DAG YID KYI RNAM SHES NYID GANG ZAG GI MTSAN GZHI DANG, SLOB DPON LEGS LDAN 'BYED YAB SRAS KYANG DE DANG MTHUN LA, SEMS TZAM PA PHAL CHE BA DAG NI KUN GZHI RNAM SHES NYID GANG ZAG GI MTSAN GZHIR 'DOD DE, RGYAS PAR STONG THUN CHEN MOR BLTA BAR BYA'O, ,GZHUNG DU 'DI DAG GI 'DOD PA BRJOD PA NA, KHA CIG BDAG LTA'I RTEN DU PHUNG PO NI, ,ZHES SOGS TE, DE YANG PHUNG PO LAS LOGS SU GYUR PA'I BDAG MED CING MING RKYANG BTAGS YOD TZAM LA GANG ZAG 'JOG MA SHES PAS PHUNG PO NYID BDAG GI MTSAN GZHIR 'DOD PA STE DE LTA NA YANG BDAG BTAGS YOD DU KHAS MI LEN PA NI RANG SDE LA GNAS MA BU PA LAS GZHAN MED DO, ,DE DAG 'GOG PA'I TSUL LA PHUNG PO BDAG TU 'DOD PA DGAG PA DANG, BDAG MED RTOGS PAS BDAG LTA SPONG MI NUS PAR THAL BA GNYIS LAS, DANG PO NI, DE PHYIR NGAR 'DZIN BLO DE RNAMS LA MIN, ,ZHES PA'I BAR DANG, GNYIS PA NI, BDAG MED RTOGS TSE RTAG PA'I BDAG SPONG ZHING, ,ZHES SOGS SO,, DANG PO LA YANG PHUNG PO BDAG TU 'DOD PA LA GNOD BYED DANG, SGRUB BYED DGAG PA GNYIS LAS, DANG PO NI, SKYE 'GYUR DE YI NGO BO RTOGS MED PHYIR, ,ZHES PA'I BAR DANG, GNYIS PA NI, GANG PHYIR STON PAS PHUNG PO BDAG GO ZHES, ,ZHES SOGS SO,, DANG PO 'DI LA'ANG BDAG MANG PO SOGS SU THAL BA, LUNG MA BSTAN GYI DRI BA LA LAN MDZAD RIGS PAR THAL BA, PHUNG PO MED PA BDAG MED RTOGS PA'I DON DU THAL BA GSUM GYI SGO NAS STON PAR MDZAD PA LAS, DANG PO LA RIGS PA'I RTZA BA LNGA YOD DE,

118a

, ,BDAG MANG POR THAL BA, BDAG RDZAS YOD DU THAL BA, BDAG 'DZIN PHYIN CI MA LOG PAR THAL BA, LHAG MED DU ZHUGS PA'I TSE BDAG CHAD PAR THAL BA, LHAG MED KYI SNGA ROL TU BDAG SKYE 'JIG BYED PAR THAL BA RNAMS SO, ,DE LA THAL 'GYUR DANG PO DANG GNYIS PA LA 'DOD LAN 'DEBS NA BCOM LDAN 'DAS KYI LUNG DANG DNGOS SU 'GAL BAR 'GYUR LA, BZHI PA LA 'DEBS NA PHA ROL PO NYID LA GRAGS PA'I MTHAR 'DZIN KHAS BLANGS PAS KHAS BLANGS DANG 'GAL BAR 'GYUR ZHING, GSUM PA LA'ANG DE DANG MTSUNGS LA, LNGA PA LA 'DOD NA, DE LTAR SKYE 'JIG BYED PA'I BDAG SKAD CIG SNGA PHYI NGO BO NYID KYIS GRUB PA'I SO SO BAR 'GYUR BAS BYED PA PO MED PA DANG, LAS MA BYAS PA DANG PHRAD PA SOGS KYI NYES PA RNAMS 'JUG PAR 'GYUR TE, RIGS PA'I 'PHUL MTSAMS ZHIB TU SHES PA LA RAG LAS SO, ,GNYIS PA NI, 'JIG RTEN MTHA' LDAN, ZHES SOGS TE, PHUNG PO NYID BDAG YIN NA BDAG DANG 'JIG RTEN MTHA' DANG LDAN MI LDAN SOGS KYIS BCOM LDAN 'DAS LA RDZOGS BYED LA SOGS PAS DRI BA ZHUS PA LA SKABS DER LAN STON RIGS PAR 'GYUR TE, RDZOGS BYED SOGS PHUNG PO MI RTAG PA DANG SKYE BA MI PHYI MAR YANG SKYE BA'I RGYUN 'JUG PA SOGS SU STON PA'I SNOD DU MI RUNG BA MED PA'I PHYIR, RIGS PA GSUM PA NI, KHYOD KYI RNAL 'BYOR BDAG MED MTHONG BA LA,, ZHES SOGS TE, 'DI'I RIGS PA'I 'PHEN TSUL SHES NA PHUNG PO LA BTAGS PA'I NGA TZAM DANG MTSUNGS PAR THAL BAR SPONG MI NUS PAS GNAD 'DI 'DI LTAR SHES DGOS TE, SNGAR RANG GZHAN GYI SDE PA'I BDAG GI 'DOD TSUL

118b

BRJOD PA THAMS CAD KYANG NGAR 'DZIN LHAN SKYES KYI DMIGS RNAM GNYIS LAS, DMIGS PA'I YUL DU GYUR PA'I BDAG DE NYID NGOS BZUNG BA YIN LA, PHUNG PO NYID DE KA'I MTSAN GZHIR 'DOD PA LA RNAL 'BYOR PAS BDAG MED MNGON SUM DU MTHONG BA'I DON PHUNG PO MED PAR MNGON SUM DU MTHONG BA LA BYED RIGS PAR 'GYUR TE, DE'I NGAR 'DZIN GYIS DMIGS PA'I BDAG RANG BZHIN MED PAR MTHONG BA GANG ZHIG ,PHUNG PO NYID DE'I DMIGS PAR GYUR PA'I BDAG RANG BZHIN GYIS GRUB PA DE YIN PAR KHYOD KYIS KHAS BLANGS PA'I PHYIR, GNYIS PA RTEN DANG BRTEN PA SOGS LHAG MA GSUM DGAG PA NI, PHUNG POR BDAG YOD MA YIN, ZHES SOGS KYIS 'CHAD LA, DE LA RNAM DPYAD RNAM PA LNGA NI, BDAG PHUNG GNYIS RANG BZHIN GYIS NGO BO GCIG PA DANG THA DAD PA GNYIS DANG, PHUNG PO LA BDAG RANG BZHIN GYIS BRTEN PA, BDAG LA PHUNG PO RANG BZHIN GYIS BRTEN PA, BDAG PHUNG PO DANG RANG BZHIN DU LDAN PA STE RNAM PA LNGA PO 'DI NI 'DI DANG RTZA SHE GNYIS KAR GSUNGS SHING, DE'I STENG DU PHUNG PO'I TSOGS PA BDAG YIN PA DANG, DBYIBS BDAG YIN PA STE DE LTAR DPYOD PA LA RNAM DPYAD RNAM PA BDUN ZHES BYA ZHING BDUN PO 'DI DAG KYANG GCIG TU BRAL GYI RIGS PAR 'DUS TE, RANG BZHIN GYIS GRUB PA'I RTEN BRTEN PA GNYIS NGES PAR NGO BO THA DAD LA BYA DGOS PA DANG, LDAN PA LA NGO BO GCIG PA'I LDAN TSUL DANG NGO BO THA DAD PA'I LDAN TSUL GNYIS LAS MA 'DAS PAS GCIG THA DAD KYI PHYOGS GANG RUNG DU 'DU ZHING DBYIBS DANG TSOGS PA GNYIS NGO BO GCIG PA'I NANG DU LEGS PAR 'DUS PA'I PHYIR RO, ,DES

119a

, ,NA BDAG PHUNG GNYIS RNAM DPYAD RNAM PA BDUN GYI SGO NAS RANG BZHIN GYIS MED PAR GTAN LA 'BEBS PA NI GCIG TU BRAL GYI RIGS PA DE NYID RGYAS PAR BSHAD PA YIN LA, MDOR BSDU NA GCIG DU BRAL GYI RIGS PAR 'DU STE, RAB BYED BCO BRGYAD PA'I TSIG GSAL DU JI SKAD GSUNGS PA LTAR RO, ,GNAS MA BU PA'I SDE PA'I 'DOD TSUL 'GOG PA NI RTOGS SLA LA, GNYIS PA BRTEN NAS BTAGS PA TZAM DU SHING RTA DANG 'DRA BAR BSTAN PA NI, BDAG SHIN RTA DANG 'DRA BAR BTAGS YOD TZAM DU MDOR BSTAN, DPE SHING RTA NYID BTAGS YOD DU SGRUB TSUL RGYAS PAR BSHAD, SLAR YANG DPE DON SBYAR BAS DON BSDU BA GSUM GYI SGO NAS 'CHAD PAR SHES PAR BYA'O, ,GNYIS PA BDAG GI BA RANG BZHIN GYIS GRUB PA DGAG PA NI, GANG PHYIR BYED PO MED CAN ZHES SOGS TSIGS BCAD GCIG STE, BDAG PHUNG LA BTAGS PA TZAM GYIS NGA LA 'JOG PA BZHIN DU BDAG GI BA YANG MIG SNA SOGS GDAGS GZHIR BYAS NAS BTAGS PA'I NGA YI BA TZAM LA BYA STE GO SLA'O,, GSUM PA BDAG DANG SHING RTA'I DPYAD PA DNGOS PO GZHAN LA'ANG BSGRE BAR BSTAN PA NI, SNGAR BDAG DANG SHING RTA GNYIS RNAM PA BDUN GYIS BTZAL BA'I TSE RANG GI PHUNG PO DANG CHA SHAS KYI STENG DU MI RNYED CING MA BTAGS SHING MA DPYAD PAR PHUNG PO DANG, CHA SHAS LA BRTEN NAS MING GIS BTAGS PA TZAM DU GRUB PAR BSTAN PA DE NYID BUM PA DANG SNAM BU SOGS 'JIG RTEN PA'I DNGOS PO MA LUS PA LA SBYAR BAR BYA'O, ,ZHES STON PA NI, BUM PA SNAM BU RE LDE DMAG DANG NI, ZHES PA MAN CHAD RTZOD SPANG DANG BCAS PA RNAMS SO,,

119b

GNYIS PA DES GRUB PA'I STONG NYID KYI RAB DBYE BSHAD PA NI, BDAG MED 'DI NI 'GRO BA RNAMS DGROL PHYIR, ,ZHES SOGS BSTAN BSHAD KYI SGO NAS 'CHAD DE GNYIS KA RGYAS PAR BSHAD ZIN PAS MA SPROS SO,, GSUM PA SA'I YON TAN BRJOD PA'I SGO NAS MJUG BSDU BA NI, DE LTAR BLO GROS ZER GYIS SNANG BA GSAL BYAS PA, ,ZHES SOGS SHLOO KA GSUM STE, DANG POS SA DRUG PA 'DIR BRTEN 'BREL RANG BZHIN SKYE MED DU RTOGS PA'I SHER PHYIN LHAG PA RTOGS PAS 'GOG PAR SNYOMS PAR 'JUG PA DANG, GNYIS PAS DE LTA NA YANG SNYING RJE CHEN POS ZHI BA'I MTHAR MI LTUNG BA DANG THABS SHES KYI LAM GYI RIM PA GNYIS KYI GSHOG YANGS DKAR PO RGYAS PAS RGYAL BA'I YON TAN GYI RGYA MTSO CHEN PO'I PHA ROL TU 'GRO BA NGANG PA'I RGYAL PO'I GZUGS SU BKOD PA'I GZUGS CAN GYI RGYAN NO,, SMRAS PA, SPROS KUN NYER ZHI LHA LAM YANG DAG MTHA', ,THABS SHES 'DAB GSHOG RGYAS PA'I ZLOS GAR GYIS, ,RNAM PAR ROL PAS SRID ZHI'I MTHA' SPANGS PA, ,NGANG PA'I DED DPON MCHOG DE BSNGAGS PAR 'OS,, DGONGS PA RAB TU GSAL PA'I RGYAN LAS SEMS BSKYED PA DRUG PA'I RNAM PAR BSHAD PA'O,, ` ,,GSUM PA RING DU SONG BA SOGS LHAG MA BZHI BSHAD PA LA, SA BDUN PA'I GNAS SKABS SU SA DRUG PAR SHER PHYIN GYI NYAMS LEN LHAG PA'I STOBS KYIS GSAR DU THOB PA'I 'GOG PA DE NYID LA SNYOMS PAR 'JUG LDANG GI SGO NAS 'DRIS PAR BYAS PAS SA BDUN PAR SKAD CIG MA RE LA SNYOMS PAR 'JUG CING SKAD CIG MA RE LA LDANG BA'I TSUL NI BSHAD ZIN LA, PHAR PHYIN BCU'I NANG NAS THABS KYI PHAR PHYIN LHAG PAR

120a

, ,BSTAN NO,, ` ,,SA BRGYAD PAR DE BZHIN DU SMON LAM GYI PHAR PHYIN LHAG PA'I KHYAD PAR DANG, 'GOG PA LAS SLONG BA'I KHYAD PAR, NYON SGRIB ZAD PAR SPANGS PA'I KHYAD PAR, DBANG BCU THOB PA'I KHYAD PAR RNAMS BSTAN PA LAS GZHAN RNAMS RTOGS PAR SLA LA, 'GOG PA LAS SLONG BA'I TSUL NI, SA BCU PA'I MDO LAS, KYE RGYAL BA'I SRAS DAG ,DE LTAR BYANG CHUB SEMS DPA'I SA MI G-YO BA 'DI LA GNAS PA'I BYANG CHUB SEMS DPA' SNGON GYI SMON LAM GYI STOBS BSKYED PA DANG, CHOS KYI SGO'I RGYUN DE LA GNAS PA DE LA SANGS RGYAS BCOM LDAN 'DAS RNAMS DE BZHIN GSHEGS PA'I YE SHES NYE BAR BSGRUB PAR MDZAD DE, DE LA 'DI SKAD CES KYANG BKA' STZAL TO, ,RIGS KYI BU, LEGS LEGS SO, SANGS RGYAS KYI CHOS RJES SU RTOGS PAR BYA BA LA 'DI NI DON DAM PA'I BZOD PA YANG YIN LA, 'ON KYANG RIGS KYI BU, GANG NGED KYI STOBS BCU DANG MI 'JIGS PA BZHI LA SOGS PA SANGS RGYAS KYI CHOS MA 'DRES PA PHUN SUM TSOGS PA DE KHYOD LA MED KYI, SANGS RGYAS KYI CHOS PHUN SUM TSOGS PA DE YONGS SU BTZAL BA'I PHYIR SBYOR BA BYOS SHIG ,BRTZON 'GRUS RTZOMS SHIG ,BZOD PA'I SGO 'DI NYID KYANG MA 'DOR ZHIG ,RIGS KYI BU, KHYOD KYIS DE LTAR ZHI BA'I RNAM PAR THAR PA LA GNAS PA THOB KYANG BYIS PA SO SO SKYE BO MA ZHI BA; RAB TU MA ZHI BA, NYON MONGS PA SNA TSOGS KUN TU 'BYUNG BAR GYUR PA, RNAM PAR RTOG PA SNA TSOGS KYIS YID DBYEN CO BA 'DI DAG LA SOMS SHIG ,GZHAN YANG RIGS KYI BU, SNGON GYI SMON LAM DANG, SEMS CAN GYI DON THOB PAR BYA BA DANG YE

120b

SHES KYI SGO BSAM GYIS MI KHYAB PA DRAN PAR GYIS SHIG ,YANG RIGS KYI BU, 'DI NI CHOS RNAMS KYI CHOS NYID DO, ,DE BZHIN GSHEGS PA RNAMS BYUNG YANG RUNG MA BYUNG YANG RUNG CHOS KYI DBYINGS 'DI NI GNAS PA NYID DE, 'DI LTAR CHOS THAMS CAD STONG PA NYID DANG CHOS THAMS CAD GNYIS SU MED PA'O, ,'DIS NI DE BZHIN GSHEGS PA RNAMS NYI TSE RAB TU DBYE BAR BYA BA MA YIN GYI, NYAN THOS DANG RANG SANGS RGYAS THAMS CAD KYIS KYANG RNAM PAR MI RTOG PA'I CHOS NYID 'DI THOB BO ZHES DANG, GAL TE SANGS RGYAS BCOM LDAN 'DAS DE DAG GIS BYANG CHUB SEMS DPA' DE LA THAMS CAD MKHYEN PA'I YE SHES MNGON PAR BSGRUB PA'I SGO RNAMS SU GZHUG PA MA MDZAD DU ZIN NA DE DE NYID KYI TSE YONGS SU MYA NGAN LAS 'DA' BAR 'GYUR TE SEMS CAN THAMS CAD KYI DON BYA BA YANG RGYUN CHAD PAR 'GYUR RO ZHES GSUNGS SO, ,DE DAG GI SA BRGYAD PAR RNAM PAR MI RTOG PA'I YE SHES LA DBANG SGYUR THOB NAS DE TZAM LA MNYAM PAR GZHAG PA NA, DE LAS BSLANGS NAS SANGS RGYAS KYI STOBS LA SOGS PA'I RGYUR RJES THOB TU TSOGS GSOG PA LA BSKUL BA YIN ZHING GSOG RGYU'I TSOGS NI BSOD NAMS KYI TSOGS GZUGS SKU SGRUB BYED YIN PAS STOBS BCU SOGS SANGS RGYAS KYI MA 'DRES PA'I CHOS RNAMS DANG, KHYAD PAR GZUGS SKU GNYIS BSGRUB PA'I NYER LEN GYI PHYIR BSKUL BA STE 'DI LAS BRTZAMS PA'I DKA' BA'I GNAS CUNG ZAD BSHAD ZIN TO,, ` ,,SA DGU PA LA NI PHAR PHYIN BCU'I NANG NAS STOBS KYI PHAR PHYIN LHAG PA DANG SO SO YANG DAG RIG BZHI THOB PAR BSHAD LA, STOBS KYI PHAR PHYIN LA STOBS

121a

, ,BCU BSHAD PA NI, THUB PA DGONGS RGYAN LAS, DE LA GSAL BA'I STOBS NI NYON MONGS PA KUN TU SPYOD PA MED PA'I PHYIR RO, ,ZHES PA NAS, DE BZHIN GSHEGS PA THAMS CAD KYIS BYIN GYIS BRLABS PA'I STOBS NI RNAM PA THAMS CAD MKHYEN PA'I YE SHES LA MNGON DU PHYOGS PAR GYUR PA NYID KYI PHYIR RO ZHES PA'I BAR DRANGS PA RNAMS RNAM BSHAD DU BSHAD PA LTAR RO, ,SA BCU PAR NI DE THOB MA THAG TU PHYOGS BCU'I SANGS RGYAS RNAMS LAS 'OD ZER CHEN PO'I DBANG BSKUR BA THOB PA DANG, PHAR PHYIN BCU'I NANG NAS YE SHES KYI PHAR PHYIN LHAG PA DANG, CHAR SPRIN RNAMS LAS CHAR PHAB PAS LO THOG SPEL BA BZHIN DU, RGYAL SRAS 'DIS KYANG LHUN GYIS GRUB PAR DAM PA'I CHOS KYI CHAR PHAB PAS GDUL BYA RNAMS KYI DGE BA'I LO THOG 'PHEL BAR MDZAD PAS SA 'DI LA YANG CHOS KYI SPRIN ZHES SGRA BSHAD PA RNAMS SO,, SMRAS PA, TSOGS GNYIS RTA DMAR SHING RTA LA GNAS PA'I, ,RGYAL SRAS DPA' BO SA BCU'I ZLA BA NI, ,LHUN GRUB DAM CHOS BDUD RTZI'I 'OD DKAR GYIS, ,SA GSUM CIG CAR 'GONGS MDZAD DE RMAD DO, ,DGONGS PA RAB TU GSAL BA'I RGYAN LAS RING DU SONG BA SOGS LHAG MA BZHI BSHAD ZIN TO,, ` ,,GSUM PA SA BCU'I YON TAN NI, DE TSE 'DI YIS SANGS RGYAS BRGYA MTHONG ZHING, ,ZHES SOGS TE, SA DANG POR YON TAN BRGYA PHRAG BCU GNYIS, SA GNYIS PAR STONG PHRAG BCU GNYIS, GSUM PAR 'BUM PHRAG BCU GNYIS THOB PA DANG, BDUN PAR KHRAG KHRIG 'BUM PHRAG GNYIS THOB PA'I BAR DANG, BRGYAD PA NAS BZUNG STE GRANGS KYI GNAS KYIS BGRANG BAR MI NUS PAS

121b

'JIG RTEN GYI KHAMS KYI RDUL PHRA RAB KYIS YONGS SU BGRANG BAR BSHAD PA RNAMS TE RGYAS PAR RNAM BSHAD LAS SHES PAR BYA LA, SA BCU PAR LUS KYI BA SPU'I KHUNG BU RE RER YANG SANGS RGYAS DANG BYANG SEMS BGRANG BA LAS 'DAS PA DANG, 'GRO BA RGYUD LNGA'I SNOD BCUD KYI 'JIG RTEN RNAMS KYANG STON NUS PAR BSHAD DE, ZA MA TOG BKOD PA'I RGYAL PO DANG, GLEGS BAM RIN PO CHE SOGS LAS 'PHAGS PA SPYAN RAS GZIGS DBANG PHYUG LA BSHAD PA DANG TSUL MTSUNGS PA'O, ,SA BCU'I YON TAN RNAMS BSHAD ZIN TO,, GNYIS PA 'BRAS BU'I SA BSHAD PA LA GSUM, DANG POR SANGS RGYAS PA'I TSUL, SKU DANG YON TAN GYI RNAM GZHAG SPRUL PA'I SKU BSTAN NAS 'PHRIN LAS MDZAD PA'I TSUL LO,, DANG PO NI, GANG PHYIR NAM MKHA' DRI MA MED LA ZLA SNANG GSAL BAR 'GYUR BA'I PHYIR, ,ZHES SOGS TE, DE YANG SA BCU PA'I YE SHES BRNYES NAS RANG GIS SANGS RGYAS KYI CHOS RNAMS MNGON DU MDZAD NUS PAR MKHYEN PA NA STOBS BCU MNGA' BA'I SANGS RGYAS KYI YE SHES RANG RGYUD LA MNGON DU MDZAD PA'I PHYIR, 'BAD PA'I LAS GNYIS SNANG 'KHRUL PA'I BAG CHAGS PHRA MO MA LUS PAR SPANGS TE, THOG MAR GNAS 'OG MIN STUG PO BKOD PA KHO NAR DRAN PA NYER GZHAG LA SOGS PA'I SLOB LAM GYI YON TAN THAMS CAD MTHAR PHYIN PA'I 'BRAS BU DAG PA GNYIS LDAN GYI DBYINGS LA SLAR LDANG BA MED PA'I TSUL GYIS MNYAM PAR BZHAG PA'I NGANG NAS JI SNYED PA'I SHES BYA THAMS CAD CHAGS THOGS SPANGS PAS GZIGS PA'I BLA NA MED PA'I RNAM PA THAMS CAD MKHYEN PA'I YE SHES MNGON DU MDZAD PA'I SGO NAS SANGS RGYAS

122a

, ,PA YIN NO, ,DE YANG THOG MAR PHAR PHYIN THEG PA'I LAM LA BRTEN NAS SANGS RGYAS PA'I GNAS 'OG MIN YIN PA LA DGONGS NAS DE LTAR GSUNGS LA, SNGON SANGS RGYAS ZIN GSAR DU 'TSANG RGYA BA'I TSUL STON PA'I GNAS NI 'DOD PA KHAMS SOGS TE MTHA' GCIG TU MA NGES SHING 'DI LA DE KHO NA NYID RTOGS PA MI 'THAD PA'I RTZOD PA SPANG BA DANG, MKHYEN PA PO MI 'THAD PA'I RTZOD PA SPANG BA GNYIS GSUNGS PA LA BRTEN NAS SANGS RGYAS KYIS JI LTA BA DANG JI SNYED PA'I SHES BYA MKHYEN PA'I TSUL NI BRJOD ZIN TO,, GNYIS PA LA CHOS KYI SKU DANG, LONGS SPYOD RDZOGS PA'I SKU DANG, RGYU MTHUN PA'I SPRUL PA'I SKU RNAMS LAS, CHOS KYI SKU NI, SHES BYA'I BUD SHING SKAM PO MA LUS PA, ,ZHES SOGS TE, YUL DAG PA GNYIS LDAN GYI DBYINGS MTHAR THUG DANG RO GCIG TU ZHUGS PA'I YE SHES SKABS 'DIR BSTAN PA CHOS KYI SKU'I MTSAN NYID DE, RDO RJE GCOD PA LAS, SANGS RGYAS RNAMS NI CHOS NYID BLTA, ,'DREN PA RNAMS NI CHOS KYI SKU, ,CHOS NYID SHES BYA MA YIN PAS, ,'DI NI RNAM PAR SHES MI NUS, ,ZHES SANGS RGYAS RNAMS NI DUS KUN TU CHOS NYID LA GNYIS SNANG NUB PA'I SGO NAS BLTA BA STE MNYAM PAR BZHAG PA DANG, 'DREN PA RNAMS KYI DON DAM PA'I SKU NI CHOS KYI SKU DANG, CHOS NYID DE MKHYEN PA NA YANG GNYIS SU SNANG BA'I TSUL GYIS SHES PAR BYA BA MA YIN PAR GSUNGS PA LTAR RO, ,DE LTA NA SANGS RGYAS KYI SAR YE SHES KYI DE KHO NA NYID KYI DON LA RNAM PA THAMS CAD DU DE GZIGS PA'I YUL CAN GYI YE SHES DE YANG SEMS DANG SEMS LAS BYUNG BA'I RNAM RTOG THAMS CAD 'GAGS SHING

122b

ZAD PA LAS RNAM PAR MI RTOG PA'I YE SHES DANG DE KHO NA NYID GNYIS CHU LA CHU BZHAG PA BZHIN DBYER MI PHYED PAR ZHUGS PA'I BDAG NYID CAN YIN LA, DE 'DRA'I CHOS SKU DE MNGON DU MDZAD PA'I RTEN YANG YOD DE, DANG POR CHOS KYI SKU DE NI LONGS SPYOD RDZOGS PA'I SKU YIS MNGON SUM DU MDZAD PA STE BRNYES PAR KUN RDZOB TU RNAM PAR GZHAG PAR BYA BA YIN PA'I PHYIR, DES NA 'DIR, SEMS 'GAGS PA ZHES GSUNGS PA'I DON YANG, TSIG GSAL LAS, MDO LAS DON DAM PA'I BDEN PA GANG ZHE NA, GANG LA SEMS KYI RGYU BA YANG MED NA YI GE RNAMS LTA SMOS KYANG CI DGOS ZHES GSUNGS PA'I PHYIR, DE LTAR NA RNAM PAR RTOG PA MED PA YIN NO ZHES GSUNGS PA LTAR SEMS SEMS BYUNG GIS BSDUS PA'I RNAM RTOG DANG BRAL BA'I DON NO,, LONGS SPYOD RDZOGS PA'I SKU NI, ZHI SKU DPAG BSAM SHING LTA GSAL GYUR CING, ,ZHES SOGS SHLOO KA GCIG GIS 'CHAD DE, DE YANG RKANG PA DANG PO GNYIS KYIS SNGAR BSHAD MA THAG PA'I CHOS SKU ZHI BA'I SKU DE NYID RNAM PAR MI RTOG PA YIN YANG SEMS CAN LA LONGS SPYOD RDZOGS PA'I GZUGS SKU MTHAR THUG DE NYID GSAL BAR SNANG BA'I SGO NAS DPAG BSAM GYI SHING DANG YID BZHIN GYI NOR BU LTAR GDUL BYA'I DON BSGRUB PAR MDZAD PA DANG, RKANG PA GSUM PAS, SKU DE NYID NAM MKHA' JI SRID DU RTAG TU BZHUGS NAS SEMS CAN GYI DON MDZAD PA DANG, BZHI PAS DE NYID GDUL BYA BYANG SEMS 'PHAGS PA YAN CHAD LA MNGON SUM DU SNANG BA'I SGO NAS DON MDZAD PAR BSTAN TE, DE LTAR NA BYANG SEMS 'PHAGS PA YAN CHAD KYI MNGON SUM GYI SPYOD YUL DU GYUR PA'I

123a

, ,PHRA BA'I GZUGS SKU MTHAR THUG LONGS SPYOD RDZOGS SKU'I MTSAN NYID DO, ,SKYABS 'GRO BDUN CU PA LAS KYANG, SANGS RGYAS NYID KYI GZUGS KYI SKU, ,MTSAN DANG DPE BYAD DAG GIS 'BAR, ,'GRO BA RANG GI MOS PA YI, ,DBANG GI SNA TSOGS SKU 'DZIN GANG, ,BSOD NAMS TSOGS NI TSAD MED LAS, ,'KHRUNGS PA DE NI RGYAL BA'I SRAS, ,SA BCU LA NI GNAS RNAMS KYIS, ,MTHONG BAR GYUR NA SKU DE YIS, ,CHOS KYI RDZOGS LONGS SPYOD 'DI NI, ,RGYAL BA RNAMS KYI SPYOD PA YIN, ,ZHES GSUNGS SO, ,CHOS LONGS KYI SKU DE GNYIS RGYU MTHUN PA'AM BDAG RKYEN LAS GDUL BYA'I MOS PA SNA TSOGS PA DANG MTHUN PAR BSTAN PA SPRUL PA'I SKU TZAM GYI MTSAN NYID, SO SO SKYE BO LAS DAG YAN CHAD LA MNGON SUM DU SNANG NAS DON MDZAD PA'I RIGS SU GNAS PA'I RAGS PA'I GZUGS SKU MTHAR THUG MCHOG GI SPRUL SKU'I MTSAN NYID, DE LA RGYAL BA 'OD DPAG MED LTA BU DAG PA'I ZHING GI SPRUL SKU DANG, BDAG CAG GI STON PA LTA BU MA DAG PA'I ZHING DU MDZAD PA BCU GNYIS SOGS KYI TSUL STON PA GNYIS SO;; GSUM PA LA SANGS RGYAS KYI SKU DE'I YON TAN CUNG ZAD BSHAD PA DANG, MDZAD PA 'PHRIN LAS KYI RNAM GZHAG GO, DANG PO NI, SANGS RGYAS DE RNAMS KYI SKU'I RNAM 'PHRUL DANG YON TAN BSAM GYIS MI KHYAB STE, DE 'DRA'I SKU GCIG NYID LA YANG SANGS RGYAS RANG GI THOG MA MED PA NAS KYI SKYES RABS SOGS BYUNG BA'I MTHA' MTHA' DAG DANG, KHYAD PAR BYANG CHUB TU THUGS BSKYED NAS PHA ROL TU PHYIN PA DRUG PO RE RE LA YANG BSKAL PA DU MAR SPYAD PA'I GNAS SKABS KYI ZHING DANG, MCHOD PA'I

123b

YUL SANGS RGYAS 'KHOR GYI DKYIL 'KHOR DANG BCAS PA DANG, RANG NYID KYI LUS DANG, RIG PA DANG, (RIGS DANG,) CHO 'BRANG DANG, SBYIN PA LA SOGS PA LA DUS JI TZAM TSUL JI LTAR SPYAD PA SOGS KYI SNGON BYUNG MTHA' DAG ME LONG GI GZUGS BRNYAN BZHIN DU MA 'DRES SHING BKRA BAR DUS GCIG TU STON PAR MDZAD LA, DER MA ZAD PA SPU'I KHUNG GCIG TU YANG DE LTAR STON ZHING, DE DAG TU MA ZAD DA LTA'I GRANGS MED PA'I SKU DANG, ZHING DANG, BYANG SEMS DANG NYAN THOS LA SOGS PA'I 'DUS PA'I 'KHOR DANG, MDZAD PA DANG, SKU TSE'I TSAD SOGS DANG, MA 'ONGS PA'I DE LTA BU'I GNAS SKABS THAMS CAD DANG, DER MA ZAD RANG NYID LAS GZHAN PA'I SANGS RGYAS THAMS CAD KYI 'DAS MA 'ONGS DA LTAR GYI RNAM PAR THAR PA'I TSUL GONG DU BSHAD PA THAMS CAD DANG, BYANG SEMS RNAMS DANG, DUS GSUM GYI NYAN THOS DANG RANG SANGS RGYAS THAMS CAD KYI SPYOD TSUL DANG, RGYUD LNGA LA SOGS PA'I 'GRO BA THAMS CAD KYI GNAS LUS DANG SPYOD TSUL THAMS CAD KYANG BA SPU'I KHUNG BU GCIG TU YANG MA 'DRES PA GSAL BAR STON NUS PA'I PHYIR, GSUNG GI YON TAN BSAM GYIS MI KHYAB STE, 'JIG RTEN GYI KHAMS THAMS CAD DUS GCIG TU GNAS GCIG TU 'DUS NAS RANG RANG GI MOS PA MI 'DRA BA RES SKAD RIGS MI 'DRA BAS DRI BA ZHUS PA NA YANG RNAM PA THAMS CAD PA'I GSUNG GIS RANG RANG GI SKAD DU DUS GCIG TU THE TSOM THAMS CAD GCOD PAR MDZAD PA DANG, CHOS KYI 'KHOR LO BSKOR BA LTA ZHOG LONGS SPRUL GYI SKU DE DAG GI SKU'I CHA SHAS THAMS CAD NAS KYANG CHOS KYI 'KHOR LO BSKOR

124a

, ,BAR MDZAD LA, SKU DE DAG GI MTHUS NAM MKHA' DANG, RTZI SHING NAGS TSAL SOGS LAS KYANG CHOS KYI SGRA 'BYUNG BAS, GDUL BYA RNAMS KYI CHOS NYID ZAB MO RTOGS PAR MDZAD NA GZHAN LTA CI SMOS PA'I PHYIR, THUGS KYI YON TAN BSAM GYIS MI KHYAB STE, CHOS KYI SKU LAS DUS RTAG TU G-YO BA MED BZHIN DU YANG THUGS RJE CHEN POS SEMS CAN THAMS CAD LA DUS RTAG TU KHYAB CING MKHYEN PA'I YE SHES SKAD CIG MA GCIG GIS KYANG STOBS BCU MNGA' BA'I SGO NAS JI LTA BA DANG JI SNYED PA'I SHES BYA THAMS CAD LA KHYAB PAR GONG DU BSHAD ZIN PA LTAR YIN PA'I PHYIR, GNYIS PA NI, SANGS RGYAS KYI BZHED PA LA MNGA' SGYUR BA'I SGO NAS GZHAN DON 'PHRIN LAS MDZAD PA'I TSUL BSAM GYIS MI KHYAB STE, YUL GYI DBANG DU BYAS NA RDUL PHRA MO GCIG GI KHYON LA NAM MKHA'I MTHA' KHYAB PA'I DAG MA DAG GI ZHING KHAMS THAMS CAD STON PAR MDZAD LA, RDUL PHRA MO GCIG GIS KYANG ZHING KHAMS THAMS CAD KHYAB PAR MDZAD KYANG RDUL PHRA BA RAGS PAR YANG MI 'GYUR ZHING, ZHING RNAMS PHRA BAR YANG MI 'GYUR ZHING, DUS KYI DBANG DU BYAS NA DUS SKAD CIG MA GCIG LA YANG SKU GRANGS MED PAS ZHING GRANGS MED DU MDZAD PA BCU GNYIS LA SOGS PA'I MDZAD PA'I TSUL GRANGS MED PA STON PA'I GRANGS KYI MTHA' NI 'DZAM GLING BYE BA PHRAG BRGYA SOGS 'DZAM BU'I GLING MA LUS PA'I RDUL GYI GRANGS LA YANG GRANGS DE SNYED MED LA, DE LTA BU'I TSUL GYIS DUS NAM MKHA' JI SRID KYI BAR DU LHUN GYIS GRUB PA DANG, RGYUN MI 'CHAD PA'I 'PHRIN LAS KYIS 'GRO BA THAMS CAD SMIN GROL GYI LAM LA 'GOD PAR MDZAD PA'I

124b

PHYIR RO,, SMRAS PA, MDO DANG SNGAGS KYI NYAL 'GRO MA LUS GANG DU NGAL GSO'I GNAS GYUR PA, ,NGES DON NOR BU'I TSOGS KYIS YONGS GANG LEGS BSHAD RIN CEN 'BYUNG BA'I GNAS, ,ZAB DANG RGYA CHE'I KHA DOG GIS 'JIGS MKHA' YI THOGS REG SPANGS SO ZHES, ,PHYOGS KYI BU MOS MU COR ZLOS LDAN AE MA SA 'DI SKAL BA BZANG, ,KLU SGRUB DGONGS DON SHAR GYI RI BO'I RTZER, ,RGYAL SRAS ZLA BA NGANG MO'I 'GROS KYIS 'JIGS, ,GRAGS DKAR LEGS BSHAD BDUD RTZI'I ZER 'PHRENG GIS, ,THUB BSTAN MCHOG DGA'I RAL PA CI YANG MDZES, ,THAL 'GYUR LUGS BZANG NYIN MO'I DBANG PHYUG NI, ,JO BO YAB SRAS 'PHRIN LAS RTA LJANG GIS, ,BOD YUL LHA YI LAM LA MDZES NA YANG, ,MA DAG BSHAD PA'I SPRIN TSOGS DAG GIS BSGRIBS, ,BLO BZANG DRI MED RIGS PA'I DRI BZHON GYIS, ,LOG PA'I GZHUNG LUGS CHU 'DZIN 'PHRENG BA DANG, ,SRID PA'I MUN NAG LHAN CIG BCOM PA LAS, ,PHAN BDE SBRANG RTZI'I GNYEN GCIG MKHA' LA MDZES, ,RGYAL DBANG DBANG PO'I TOG GI MDUN SA CHER, ,RNAM DAG SMON LAM STONG GIS LEGS BSGRUBS PAS, ,BLO BZANG CHOS KYI RGYAL PO'I BANG MDZOD KUN, ,DENG DUS BDAG BLO'I LONGS SPYOD NYID DU GYUR, ,DE SLAD CHA SHAS RES KYANG SRID ZHI YI, ,DBUL BA KUN SEL MTHA' BRAL YID BZHIN NOR, ,SNGON MED LEGS BSHAD RGYAL MTSAN RTZER BKOD NAS, ,BGRANG YAS BLO GSAL DGA' STON 'DI BSGRUBS SO, ,'DIR 'BAD DGE LEGS STON KA'I ZLA 'OD NI, ,SA GSUM MA LUS CIG CAR 'GENGS PA DES, ,DUS MTHA' 'DIR YANG THUB BSTAN KU MUTA TSAL, ,RDZOGS

125a

, ,LDAN DUS BZHIN CHES CHER RGYAS GYUR CIG ,AA TI SHA DANG 'JAM DPAL SNYING PO YI, ZHABS SEN SPYI BO'I RGYAN DU MI 'BRAL ZHING, ,NGOMS MED GSUNGS PA BDUD RTZI 'THUNGS PA LAS, ,MA LUS 'GRO BA'I SKYABS SU BDAG GYUR CIG, DBU MA'I BSTAN BCOS DGONGS PA RAB TU GSAL BA'I RGYAN ZHES BYA BA 'DI NI, 'GRO BA'I 'DREN PA PHO SGANG DKA' BCU PA DGE LEGS BZANG PO SOGS BSTAN PA'I RTZA LAG SDE SNOD 'DZIN PA DU MAS KYANG SNGA PHYIR NAN TAN DU BSKUL ZHING, RGYAL BA'I GSUNG RAB LA BLO'I SNANG BA CAN NANG SO LTAG PHU BA BSOD NAMS CHOS KYI RGYA MTSOS GSER GYI MAndAL DANG BCAS TE NAN CHER GSOL BA BTAB PA LA BRTEN NAS, RANG GI NA TSOD PHRA MO'I SKABS SU BRJED BYANG DU BTAB PA'I ZIN BRIS PHRAN BU YOD PA LA GZHI BYAS, 'GREL PA DANG RNAM BSHAD KYI DGONGS PA JI LTA BAR MKHYEN RAB KYI DBANG PHYUG 'JAM DBYANGS DGA' BA'I BLO GROS KYI ZHAL SNGA NAS DANG, MKHAS SHING GRUB PA'I DBANG PHYUG RJE BTZUN NOR BZANG RGYA MTSO'I ZHABS RDUL SPYI BOS LEN PA, CHOS SMRA BA'I BTZUN PA DGE 'DUN RGYA MTSO DPAL BZANG POS RGYAL BA'I LO CHU STOD ZLA BA'I PHYOGS GNYIS PA'I DGA' BA DANG PO'I TSES LA, CHOS GRVA CHEN PO DPAL LDAN 'BRAS SPUNGS KYI DGA' LDAN PHO BRANG ME TOG MNGON PAR BKRA BA'I TSAL DU NYE BAR SBYAR BA'I YI GE PA NI SDE SNOD 'DZIN PA YON TAN MCHOG GIS BGYIS PA 'DIS KYANG RGYAL BA'I BSTAN PA YUN RING DU GNAS PAR BYED NUS PAR GYUR CIG, ,,DGA' LDAN PHUN TSOGS GLING DU PAR DU BSGRUBS, MANG+GA LAm,,