Works Related to Reaching Close Angels, and Steps of a Ritual for Permission, from Assorted Writings Found in the Collected Works of theHoly and Omniscient One

, ,RJE BTZUN THAMS CAD MKHYEN PA'I GSUNG 'BUM THOR BU LAS YI DAM SGRUB SKOR DANG RJES GNANG GI RIM PA RNAMS BZHUGS SO,,

, ,GU RU ZHI BA'I SGOM BZLAS NYAMS SU LEN PA'I TSUL NI, RANG GU RU DRAG PO'AM RTA MGRIN GANG RUNG GI SKUR BSGOMS PA'I MDUN GYI NAM MKHAR RANG BZHIN STONG PA'I NGANG LAS PAm LAS SNA TSOGS PADMA'I SDONG PO YANGS SHING RGYA CHE BA, DE'I STENG DU SENG GES BTEG PA'I RIN PO CHE'I KHRI'I STENG DU NYI MA DANG ZLA BA'I GDAN LA GU RU DUS GSUM SANGS RGYAS SKU MDOG DKAR LA DMAR BA'I MDANGS CHAGS PA, ZHAL 'DZUM BAG DANG BCAS PA, SPYAN GNYIS ZHI MA KHRO'I TSUL DU HUR GYIS GZIGS PA, RAB TU BYUNG BA DGE SLONG RDO RJE 'DZIN PA'I CHA BYAD CAN SNAM SBYAR DANG CHOS GOS SKU LA GSOL BA, PHYAG G-YAS RDO RJE DANG, G-YON MNYAM GZHAG GI STENG NA THOD PA BDUD RTZIS GANG BA 'DZIN CING, MCHAN KHUNG NA KHA tV'Am GA BSNAMS PA, DBU LA PAn ZHVA DMAR PO GSOL BA, ZHABS RDO RJE SKYIL KRUNG GIS BZHUGS PA, DE'I 'KHOR DU RIG 'DZIN DPA' BO MKHA' 'GRO CHOS SKYONG SRUNG MA'I

, ,TSOGS BSAM GYIS MI KHYAB PAS BSKOR BA, DE'I SPYI BOR AOm, MGRIN PAR A'A: THUGS KAR H'Um, RANG GI THUGS KA'I H'Um LAS 'OD ZER 'PHROS PAS AU RGYAN GYI GNAS NAS BSGOMS PA DANG 'DRA BA'I YE SHES PA 'KHOR DANG BCAS PA SPYAN DRANGS, DZA: H'Um BAm HO: GNYIS SU MED PAR GYUR, MCHOD GTOR RNAMS BLA MED LTAR BYIN GYIS BRLABS, AOm BADZRA GU RU SA PA RI W'A RA AARGHAm NAS SHAPTA'I BAR DANG, R'U PA NAS SPARSHA'I BAR GYIS DBUL, AOm A'A: H'Um GIS NANG MCHOD PHUL LA BZLAS PA BYA BA NI, MDUN BSKYED KYI THUGS KAR ZLA BA'I STENG DU RDO RJE RTZE LNGA PA LTE BA LA H'Um GIS MTSAN PA'I MTHA' SKOR DU AOm A'A: H'Um BADZRA GU RU PADMA SIDDHI H'Um ZHES PA'I SNGAGS KYIS BSKOR BAR BSGOMS NAS, MDUN BSKYED KYI THUGS KA'I SNGAGS 'PHRENG SA BON DANG BCAS PA LA PHOG PAS THUGS RGYUD BSKUL NAS MCHOG THUN MONG GI DNGOS GRUB STZOL BAR BSAMS LA BZLAS PA MANG DU BYA'O, ,MTHAR BLA MA'I GNAS GSUM GYI YI GE

GSUM LAS 'OD ZER DKAR DMAR MTHING GSUM RIM PA BZHIN DANG CIG CAR BYUNG, RANG GI GNAS GSUM DU RIM PA LTAR DANG CIG CAR THIM PA LAS LUS NGAG YID GSUM SO SO GANG, THAMS CAD KYI SDIG SGRIB DAG BUM PA, GSANG BA, SHES RAB YE SHES, DBANG BZHI PA RNAMS THOB, RDO RJE GSUM GYI DNGOS GRUB KYANG THOB PAR BSAM MO, ,GTOR MA DBUL NA, LJAGS H'Um LAS SKYES PA'I RDO RJE DMAR PO RTZE GCIG PA 'OD KYI SBU GU CAN GYIS GTOR MA'I BCUD THAMS CAD DRANGS TE GSOL BAR BSAMS LA, SNGAGS KYI MTHAR BA LIm TA PRAT'ITZTSA H'Um SV'A H'A ZHES PA BTAGS LA DBUL, MCHOD PA DANG NANG MCHOD KYANG PHUL, H'Um, MA BCOS SPROS BRAL BLA MA CHOS KYI SKU, ,BDE CHEN LONGS SPYOD BLA MA CHOS KYI RJE, ,PAD SDONG LAS 'KHRUNGS BLA MA SPRUL PA'I SKU, ,SKU GSUM RDO RJE 'CHANG LA SPYI BOS 'DUD, ,CES PAS BSTOD DO, ,GU RU ZHI BA'I SGOM BZLAS 'DI YANG RJE BLA MA'I GSUNG LAS BYUNG BA DGE LEGS 'PHEL,, ,, ` BLA MA DANG LHAG PA'I LHA DBYER MA MCHIS PA'I ZHABS LA PHYAG 'TSAL LO, ,BLA MA DRAG PO'I THUGS SGRUB GTER KHA GONG MA'I THUGS KYI SGRUB THABS MDOR BSDUS PA'I TSUL NI 'DI YIN TE, SKYABS 'GRO SEMS BSKYED TSAD MED BZHI SGOM PA SNGON DU BTANG, SVA BH'A WA SA STONG PAR SBYANGS, STONG PA'I NGANG LAS AOm LAS RIN PO CHE'I GZHAL MED KHANG GRU BZHI SGO BZHI RTA BABS DANG BCAS SHING PHYI ROL SRUNG BA'I 'KHOR LO CHEN PO BRGYAD DANG BCAS PAS BSKOR BA'I DBUS SU CHOS 'BYUNG GRU GSUM MTHING NAG NANG DGRA BGEGS KYI KHRAG ZHAG GI RGYA MTSOS GANG BA'I STENG DU PAm LAS SNA TSOGS PADMA, RAm LAS NYI MA'I DKYIL 'KHOR GYI GDAN LA RU TRA PHO MO BSNOL BA'I

, ,STENG DU H'Um LAS BYUNG BA'I GNAM LCAGS KYI RDO RJE RTZE DGU PA H'Um GIS MTSAN PA, DE LAS 'OD ZER DPAG TU MED PA 'PHROS, DGRA BGEGS LOG 'DREN GDUG PA CAN THAMS CAD TSAR BCAD, TSUR 'DUS THIM PA YONGS SU GYUR PA LAS, RANG NYID BCOM LDAN 'DAS PADMA DRAG PO SKU MDOG DMAR PO ZHAL GCIG PHYAG GNYIS G-YAS GNAM LCAGS KYI RDO RJE RTZE DGU PA NAM MKHA' LA 'PHYAR ZHING, G-YON PAS LCAGS KYI SDIG PA NAG PO MGO DGU RVA BCO BRGYAD PA SDIG MDZUB DANG BCAS PAS 'DZIN PA, ZHAL RAB TU GDANGS SHING 'BAR BA'I MCHE BA RNON PO BZHI GTZIGS PA, DMAR LA ZLUM PA'I SPYAN GSUM SDANG MIG TU BGRAD CING SMIN MA'I MTSAMS NAS BSKAL PA'I GLOG STONG 'GYU BA SHANGS NAS DRAG PO'I 'THOR RLUNG 'TSUB CING ZHAL NAS H'Um DANG PHAt KYI SGRA 'BRUG LTAR SGROG PA, SMIN MA DANG SMA RA DMAR SER 'BAR ZHING DBU SKRA KHAM SER GYEN DU BRDZES PA, THOD SKAM LNGA'I DBU RGYAN DANG RIN PO CHE'I RTZE PHRAN GYIS BRGYAN CING THOD RLON LNGA BCU'I DO SHAL CAN, RUS PA'I RGYAN DRUG GIS BRGYAN CING KLU CHEN PO BRGYAD KYIS PHYAG ZHABS MDZES PA, GLANG PO CHE'I KO BA DANG ZHING CHEN GYI G-YANG GZHIS STOD G-YOGS SHING, STAG GI PAGS PA'I SHAM THABS CAN, SKU LA KHRAG GI THIG LE DANG ZHAG GI ZO RIS DANG THAL CHEN GYI TSOM BUS BRGYAN CING, GAR DGU'I NYAMS DANG LDAN PA, ZHABS G-YAS BSKUM ZHING G-YON BRKYANG PA'I STABS KYIS YE SHES KYI ME RAB TU 'BAR BA'I DBUS NA BZHUGS PA, DBU'I GTZUG NA NAM MKHA' LDING NAG PO LCAGS KYI MCHU SDER DANG ME'I GSHOG PA CAN, GSHOG PA'I GSEB

NAS GNAM LCAGS KYI THOG SER 'BAB PA, DE'I SPYI GTZUG TU GU RU PADMA SKU MDOG MTHING NAG PHYAG G-YAS KHA tV'Am GA DANG G-YON THOD KHRAG 'DZIN PA, ZHABS RDO RJE SKYIL KRUNG GIS BZHUGS PA, RANG GI SPYI BOR 'KHOR LO SER PO RTZIBS BZHI'I DBUS SU SKU'I LHA 'JAM DPAL SER PO G-YAS RAL GRI DANG G-YON SDIGS MDZUB 'CHANG BA, MGRIN PAR PADMA 'DAB MA BZHI PA'I DBUS SU GSUNG GI LHA RTA MGRIN DMAR PO G-YAS DBYUG PA DANG, G-YON SDIGS MDZUB MDZAD PA, THUGS KAR YE SHES KYI MCHOD RTEN SENG KHRI BANG RIM BUM PA BRE 'KHOR LO TOG DANG BCAS PA'I BUM PA'I NANG DU THUGS KYI LHA PHYAG RDOR MTHING NAG G-YAS RDO RJE DANG G-YON SDIGS MDZUB BRKYANG PA, LTE BAR CHOS 'BYUNG DMAR PO'I DBUS SU PADMA 'DAB MA BZHI PA LA DBUS SU RDO RJE PHAG MO DMAR MO GRI GUG DANG THOD KHRAG 'DZIN PA, 'DAB MA BZHI LA RIGS BZHI'I MKHA' 'GROS BSKOR BA, GSANG GNAS SU SNA TSOGS RDO RJE'I LTE BAR 'PHRIN LAS KYI KHRO BO YAKshA ME DBAL SKU MDOG SMUG NAG SHIN TU KHROS PA, G-YAS ME'I THO BA DANG G-YON LCAGS KYU 'DZIN PA, RANG GI SPYI BOR SKU RDO RJE'I NGO BO AOm DKAR PO, MGRIN PAR GSUNG RDO RJE'I NGO BO A'A: DMAR PO, THUGS KAR THUGS KA'I LHA PHYAG RDOR GYI THUGS KAR NYI GDAN LA THUGS RDO RJE'I NGO BO H'Um SNGON PO, THUGS KA'I H'Um LAS 'OD 'PHROS PAS RANG BZHIN GYI GNAS NAS BSGOMS PA DANG 'DRA BA'I YE SHES PA SPYAN DRANGS, DZA: H'Um PAm HO: GNYIS SU MED PAR GYUR, SLAR YANG THUGS KA'I H'Um LAS 'OD 'PHROS, RIGS LNGA 'KHOR BCAS SPYAN DRANGS, DE BZHIN GSHEGS PA THAMS CAD KYIS MNGON PAR

, ,DBANG SKUR DU GSOL, ZHES GSOL BA BTAB PAS DE RNAMS KYIS AOm SARBA TA TH'A GA TA AA BHIshE KA TA SA MA YA SHRI YE H'Um, ZHES DBANG BSKUR, LUS GANG, DRI MA DAG ,CHU LHAG MA SPYI GTZUG TU GNAS PA YONGS SU GYUR PA LAS SANGS RGYAS SNANG BA MTHA' YAS KYIS DBU BRGYAN PAR GYUR, MCHOD PA BLA MED BZHIN BSANGS SBYANGS BYIN GYIS BRLABS NAS, AOm GU RU PADMA KRO DHA R'A DZA SA BA RI W'A RA AARGHAm PRA T'I TZTSA YE SV'A H'A, DE BZHIN DU SHAPTA'I BAR DU SBYAR LA PHYI'I MCHOD PA DANG, H'Um, GDOD NAS RNAM DAG BDUD RTZI'I SMAN, ,YE SHES LNGA RDZOGS AA MRi TA, ,DUG LNGA SEL BA'I BDUD RTZI MCHOG ,BCOM LDAN 'KHOR DANG BCAS LA DBUL, , x SNGAGS KYI MTHAR, PANYTZA AA MRi TA KHA RAm KH'A HI, SMAN DBUL LO,, GDUG PA'I DGRA BGEGS TSOGS RNAMS DANG, ,DUG LNGA'I NYON MONGS DBYINGS SU BSGRAL, ,SHA KHRAG PHUNG PO BDUD RTZIR GYUR, ,BCOM LDAN 'KHOR DANG BCAS LA DBUL, ,x SARBA BIGH'A NA SHA TRUm KHA KH'A, KH'A HI KH'A HI, BSGRAL MCHOD DO, ,x SNGAGS KYI MTHAR AOm: A'A: H'Um BTAGS LA NANG MCHOD DBUL, RANG SNANG THABS DANG SHES RAB NI, ,RDO RJE PADMA MNYAM PAR SBYOR, ,BDE STONG LHAN CIG SKYES PA'I DNGOS, ,BCOM LDAN 'KHOR DANG BCAS LA DBUL, ,ZHES GSANG BA DANG DE KHO NA NYID KYI MCHOD PAS KYANG MCHOD LA, LHUN GRUB SGRIB BRAL BDE CHEN CHOS KYI SKU, ,DBANG PO'I GZHU LTAR DVANGS PA LONGS SPYOD RDZOGS, ,KHRO RGYAL GDUG PA 'DUL MDZAD SPRUL PA'I SKU, ,SKU GSUM DBYER MED KHYOD LA PHYAG 'TSAL LO, ,ZHES BSTOD DE BZLAS PA BYA BA'I TSUL NI, THUGS KYI LHA PHYAG NA RDO RJE'I THUGS KAR NYI MA'I DKYIL 'KHOR GYI STENG DU RDO RJE SNGON PO RTZE

LNGA PA LTE BA LA H'Um YIG DMAR LA SNGO BA'I MDANGS CAN GYI MTHAR BZLA BYA'I SNGAGS PHRENG KHA DOG DMAR PO GZUGS YI GE DBU CAN GYI RNAM PA CAN GYIS BSKOR BA, DE LAS BSKAL PA 'JIG PA'I ME'I TSA TSA LTA BU'I 'OD ZER LUS KYI NANG THAMS CAD KHYAB PAR 'PHROS, NAD GDON DGRA BGEGS SDIG SGRIB THAMS CAD SBYANGS, 'OD ZER BA SPU'I SGO NAS PHYIR 'PHROS, SNANG SRID THAMS CAD YE SHES KYI ME 'BAR BA'I KLONG DKYIL GCIG TU GYUR PAS DGRA BGEGS GDUG PA CAN THAMS CAD BYA SGRO MES BSREGS PA BZHIN DU GZHOB THUL GYIS BSREGS SHING TSAR BCAD PAR BSAMS LA, AOm A'A: H'Um AAR TZIG NIR TZIG NA MO BHA GA WA TE, AA YA MA DU RU TZA SHA NA, AOm BADZRA GA RU dA H'Um, AOm BADZRA YAKshA H'Um, AOm BADZRA RAKshA H'Um, GNOD BYED 'BYUNG PO'I SNYING LA M'A RA YA H'Um PHAt, CES MANG DU BZLA'O, ,MDUN BSKYED LA GTOR MA 'BUL TSUL SOGS NI SPYI DANG MTSUNGS,, ,, ` NA MO GU RU, GTOR MA LA BRTEN PA'I RJES GNANG MDOR BSDUS BYA BAR 'DOD NA, GTOR MA PHYAG LEN BZHIN DU BSHAMS, GONG DU BSHAD PA LTAR PADMA DRAG POR BSKYED PA NAS BZLAS PA'I BAR RDZOGS PAR BYAS LA, SLOB MAS KHRUS BYAS MAndAL PHUL, KUN MKHYEN YE SHES PHUNG PO CAN, ,ZHES SOGS LAN GSUM GYIS GSOL BA GDAB, SPYI DANG BYE BRAG GI CHOS BSHAD, DKON MCHOG GSUM LA BDAG SKYABS MCHI, ,ZHES SOGS KYIS SDOM PA GZUNG, BLA MA DANG GTOR MA GNYIS KA SLOB MA'I NGOR PADMA DRAG POR GSAL BTAB BSGOM DU GZHUG DE NAS SKU'I RJES GNANG NI, DUS GSUM SANGS RGYAS THAMS CAD KYI, ,SKU YI RDO RJE SLOB DPON GYIS, ,BDAG LA PADMA DRAG PO YI, ,SKU YI RJES GNANG STZAL DU GSOL, ,ZHES GSOL BA GDAB, SNA TSOGS PADMA DANG NYI MA

, ,DANG RU TRA PHO MO SPYI BO BSNOL BA'I STENG DU H'Um DMAR LA SNGO BA'I MDANGS CHAGS PA YONGS SU GYUR PA LAS SLOB MA PADMA DRAG POR MNGON RTOGS BZHIN DU BSKYED, LUS LA LHA RNAMS DGOD, GNAS GSUM BYIN GYIS BRLAB, RANG GI THUGS KA'I H'Um GI 'OD ZER GYIS RANG BZHIN GYIS GNAS NAS BSGOMS PA DANG 'DRA BA'I PADMA DRAG PO LA RIG 'DZIN BRGYUD PA'I BLA MA RNAMS DANG SANGS RGYAS BYANG SEMS DPA' BO MKHA' 'GRO CHOS SKYONG SRUNG MA'I TSOGS KYIS BSKOR BA SPYAN DRANGS, SPRIN GYI PHUNG PO GTIBS PA BZHIN DU BYON, SLOB MA'I LUS LA CHAR BZHIN DU BABS NAS GNYIS SU MED PAR THIM PAR BSAM, GU RU PADMA KRO DHA R'A DZA SA PA RI W'A RA SA M'A DZA: ZHES DRAG TU BRJOD, ROL MO'I SGRA BYA'O, ,GSUNG GYI RJES GNANG NI, GSUNG GI RDO RJE SLOB DPON GYIS, ,ZHES 'DON PA SPOS LA GSOL BA GDAB, BLA MA PADMA DRAG PO'I SKUR GSAL BA'I THUGS KA NAS AOm A'A: H'Um AAR TZIG ,CES SOGS KYI, SNGAGS PHRENG KHA DOG DMAR PO BYUNG, BLA MA'I SHANGS BUG G-YAS PA NAS 'THON, SLOB MA'I SNA BUG G-YON PAR ZHUGS, THUGS KAR THUGS RDO RJE PHYAG RDOR GYI THUGS KAR NYI MA'I STENG DU H'Um YIG GI MTHA' SKOR DU GNAS PA LAS 'OD ZER DUS MTHA'I ME 'OD TZAM 'PHROS, DGRA BGEGS GDUG PA CAN RNAMS TSAR BCAD PAR BSAMS LA SNGAGS KYI RJES ZLOS LAN GSUM BYA'O, ,DE NAS, BCOM LDAN BDAG LA STZAL LAGS KYI, ,BDAG LA BRTZE BAR MDZAD DU GSOL, ,ZHES GSOL BA BTAB PAS, BLA MAS ME TOG SPYI BOR BZHAG NAS, BCOM LDAN 'DI LA STZAL LAGS KYI, ,'DI LA NYE BAR MDZAD DU GSOL, ,ZHES BRJOD DO, ,THUGS KYI RJES GNANG NI, THUGS KYI RDO RJE

SLOB DPON ZHES BSGYUR LA GSOL BA BTAB PAS, BLA MA PADMA DRAG POR GSAL BA'I THUGS KA'I H'Um YIG DMAR LA SNGO BA'I MDANGS CHAGS PA LAS THUGS GNYIS SU MED PA'I YE SHES KYI RANG BZHIN GNAM LCAGS KYI RDO RJE ME RAB TU 'BAR BA NAM MKHA'I KHAMS GANG BA BYUNG, SLOB MA'I SNYING GA'I H'Um YIG LA THIM PAS PADMA DRAG PO'I THUGS DANG SLOB MA'I SEMS RO GCIG TU GYUR PAR BSAM, DE NAS, BCOM LDAN 'DAS LA STZAL LAGS KYI, ,BDAG LA NYE BAR MDZAD DU GSOL, ,ZHES GSOL BA BTAB LA, GTOR MA PADMA DRAG PO'I SKUR BSKYED PA SLOB MA'I SPYI BOR BZHAG ,BCOM LDAN 'DI LA STZAL LAGS KYI, ,'DI LA 'GO BAR MDZAD DU GSOL, ,DUS 'DI NYID NAS BZUNG NAS SU, ,BYANG CHUB SNYING POR MCHIS KYI BAR, ,LHAG PA'I LHA NI MDZAD DU GSOL, ,RKYEN NGAN BAR CHAD THAMS CAD SOL, ,BGEGS DANG LOG 'DREN RDUL DU RLOG ,MCHOG DANG THUN MONG DNGOS GRUB STZOL, ,AOm A'A: H'Um AAR TZIG CES SOGS BRJOD NAS SLOB MA'I LUS LA THIM PAS SLOB MA'I LUS NGAG YID GSUM DANG PADMA DRAG PO'I SKU GSUNG THUGS DBYER MI PHYED PAR GYUR, MJUG YON DBUL BA DANG TSOGS KYI 'KHOR LO SOGS KYANG BYA'O, ,PADMA DRAG PO'I MNGON RTOGS RJES GNANG DANG BCAS PA 'DI YANG RJE BTZUN THAMS CAD MKHYEN PAS DPAL LDAN 'BRAS SPUNGS KYI DGA' LDAN PHO BRANG DU MDZAD PA LAGS SO,, ,, ` PADMA YANG GSANG KHROS PA'I SGRUB THABS PHRIN LAS BZHI'I BANG MDZOD CES BYA BA, RJE BTZUN DPAL LDAN BLA MA DAM PA'I ZHABS KYI MADMOR GUS PAS PHYAG 'TSAL LO, ,JI SNYED SHES BYA'I SNANG BA KUN 'CHAR PHA MTHA' YAS PA'I BDE CHEN GNAS DE RGYAL BA RNAMS KYI CHOS KYI SKU,,

, ,SRID GSUM 'BYUNG PO KUN GYI MGO BOR KHROS PA'I GAR MDZAD GAR DBANG MA DANG GNYIS MED SBYOR DE LONGS SPYOD RDZOGS, ,YID 'ONG MDZES PA'I CHU SKYES LAS 'KHRUNGS MTSO LAS SKYES PA'I RDO RJE ZHES GRAGS DUS GSUM SANGS RGYAS SPRUL PA'I SKU, ,SKU GSUM DBYER MED ZHABS KYI PADMO SPYI BOR BSTEN NO BDAG GI SNYING LA NAM YANG 'BRAL BA MED GYUR CIG ,PADMA GSUNG GI LHA TSOGS LAS, ,YANG GSANG KHROS PA SGRUB PA'I THABS, ,RGYUD DANG DAM PA'I PHYAG LEN BZHIN, ,GO SLA'I NGAG GIS 'DIR BSHAD BYA,, 'DIR PADMA DBANG CHEN YANG GSANG KHROS PA'I PHRIN LAS KYI RIM PA 'CHAD PA LA GSUM, GANG DU BSGRUB PA'I GNAS KYI MTSAN NYID, SGRUB PA PO RTEN GYI GANG ZAG GI MTSAN NYID, DES NYAMS SU BLANG BAR BYA BA'I SGRUB THABS KYI RNAM GZHAG GO, DANG PO NI RGYUD LAS, DUR KHROD RI BRAG DMAR PO LA, ,NUB RI MTHO ZHING SHAR RI DMA', ,NAGS TSAL STUG PO NUB TU BLTAS, ,NAM MKHA' PADMA 'DAB BRGYAD 'DRA, ,NYI ZLA GZA' SKAR 'OD 'BAR ZHING, ,CHU PHRAN RI BRAG KUN 'DUD PAR, ,ZHES GSUNGS PA LTAR, MTSAN NYID DANG LDAN ZHING YID DANG MTHUN PA'I GNAS SU BYA'O,, GNYIS PA NI, RGYUD LAS, DBANG BGROD (NOD) DAM LDAN SLOB DPON BKUR, ,BRTZON 'GRUS LDAN PAS RTZE GCIG BSGRUB, ,CES GSUNGS PA LTAR GYI SGRUB PA POS, TSA TSA SBYIN GTONG MDO SDE GDON, ,'DUS BYAS DGE RTZA NUS TSAD BYA, ,ZHES GSUNGS PA LTAR GYI PHYI'I SNGON 'GRO RNAMS LEGS PAR BSGRUBS TE NYAMS SU BLANG NGO,, GSUM PA LA THOG MAR BYA BA'I RIM PA, BAR DU BYA BA'I RIM PA, THA MAR BYA BA'I RIM PA'O,, DANG PO LA THOG MAR SNGON 'GRO GTOR MA BYA BA'I TSUL NI, SKYABS 'GRO SEMS BSKYED TSAD MED BZHI SNGON DU 'GRO BAS, RANG SKAD CIG GIS DPAL RTA MGRIN SKU MDOG DMAR PO ZHAL GCIG PHYAG

GNYIS KYI PHYAG G-YAS SENG LDENG GI DBYUG PA 'PHYAR ZHING, G-YON THUGS KAR SDIGS MDZUB MDZAD PA, DUR KHROD KYI CHAS BRGYAD KYIS BRGYAN CING GAR GYI NYAMS DGU DANG LDAN PAR GYUR PAR BSGOMS LA, SNGON 'GRO GTOR MA PHYAG LEN BZHIN BSHAMS PA LA, RAm YAm KHAm RATNA BHANYDZA AOm A'A: H'Um, ZHES PAS GTOR MA ZAG PA MED PA'I YE SHES KYI BDUD RTZIR BYIN GYIS BRLABS LA, RANG GI THUGS KA'I HR'I: LAS 'OD 'PHROS, PHYOGS SKYONG ZHING SKYONG KLU LA SOGS PA RNAMS SPYAN DRANGS, SKAD CIG GIS 'OD GSAL DU BCUG PA LAS PADMA DBANG CHEN GYI LHA'I SKUR GYUR PA'I MGRON RNAMS KYI LJAGS H'Um LAS SKYES PA'I RDO RJE RTZE GCIG PA DMAR PO 'OD KYI SBU GU CAN DU GYUR PAS GTOR MA'I BCUD THAMS CAD DRANGS TE GSOL BAR BSAMS LA, AA K'A RO MU KHAm SOGS KYI SNGAGS LAN GSUM GYIS GTOR MA BSNGOS LA MCHOD CING NANG MCHOD KYANG PHUL NAS, RNAL 'BYOR PA BDAG CAG PADMA DBANG CHEN GYI SGRUB PA NYAMS SU LEN PA'I BAR CHAD THAMS CAD ZHI BAR MDZOD CIG ,CES 'PHRIN LAS BCOL, MGRON RNAMS RANG GNAS SU GSHEGS PAR BSAM MO, ,DE NAS MTSAMS BCAD CING SRUNG 'KHOR BYA BA NI, RANG PADMA DBANG CHEN DU GSAL BA'I THUGS KAR PADMA DMAR PO 'DAB MA BRGYAD PA'I LTE BAR NYI MA'I DKYIL 'KHOR LA GNAS PA'I HR'I: DMAR NAG LAS DUS MTHA'I ME LTA BU'I 'OD ZER DPAG TU MED PA PHYOGS BCUR 'PHROS PA'I SNA LA DPAL RTA MGRIN GYI LHA'I TSOGS NAM MKHA' GANG BA SPROS PAS BGEGS DANG LOG PAR 'DREN PA THAMS CAD PHYI'I RGYA MTSO'I PHA ROL DU BSKRAD, SLAR 'DUS PA LAS STENG 'OG PHYOGS MTSAMS THAMS CAD DU KHRO BO'I GUR BAR MTSAMS MED PAR GNAS PA,

, ,DE'I PHYI ROL TU RDO RJE'I RA BA RIM PA GSUM, DE'I PHYI ROL TU ME DANG RLUNG DANG CHU'I RA BA RIM PA GSUM GYIS BSKOR TE BGEGS RNAMS KYIS LTA BA TZAM YANG MI NUS PAR GYUR PAR BSAMS LA, ROL MO DBYANGS DANG BCAS PAS, H'Um; DPAL CHEN MI BZAD DKYIL 'KHOR NAS, ,'BAR BA'I KHRO BO ME DPUNG 'BAR, ,GDUG PA'I MTSON CHA SNA TSOGS BSNAMS, ,BGEGS DANG LOG 'DREN RDUL DU RLOG ,DBANG CHEN ME DPUNG DMAR NAG 'BAR, ,BSKAL PA DUS MTHA'I ME LTA BU, ,DBANG DRAG MTSON CHA BRAG LTAR GTAMS, ,GANG LA BAB KYANG GCOD CING SGROL, ,DBANG CHEN KHRO BO MI BZAD RNGAM, ,SRID PA'I YE SHES 'KHOR LO 'KHRIGS, ,DBANG CHEN MTSAMS LAS GANG 'DA' BA, ,RDUL PHRAN BZHIN DU RLAG PAR GYIS, AOm RAm KRO DHA RAKshA BADZRA DZVA LA RAm TIKshA BHI SHA DZVA LA RAm PHAt PHAt, RAm RAm ZHES MTSAMS GCAD DO, ,DE NAS MCHOD PA, NANG MCHOD, SMAN RAG GTOR MA DANG BCAS PHYAG LEN BZHIN BSHAMS LA, MCHOD PA BYIN GYIS BRLAB PA NI, MCHOD PA RNAMS LA RAm KRO DHA'I SNGAGS KYIS BGEGS BSKRAD, SVA BH'A WAS STONG PAR SBYANGS, STONG PA'I NGANG LAS AA LAS BYUNG BA'I THOD PA YANGS SHING RGYA CHE BA RNAMS KYI NANG DU RANG RANG GI MING YIG DANG PO THIG LES BRGYAN PA ZHU BA LAS BYUNG BA'I MCHOD YON, ZHABS BSIL, ME TOG BDUG SPOS, MAR ME, DRI, ZHAL ZAS, ROL MO LA SOGS PA RNAMS RANG BZHIN STONG PA, RNAM PA MCHOD RDZAS, BYED LAS DBANG PO DRUG GI SPYOD YUL DU ZAG MED KYI BDE BA KHYAD PAR CAN SKYED PAR GYUR PAR BSAMS PA, AOmRGHAm A'A: H'Um, DE BZHIN DU SHAPTA'I BAR DANG, R'U PA NAS, SPARSHA'I BAR DU SBYAR LA RANG

RANG GI SNGAGS DANG PHYAG RGYAS BYIN GYIS BRLAB, NANG MCHOD BYIN GYIS BRLAB PA NI, SNGAR LTAR BSANGS SBYANGS, RAm YAm KHAm ZHES BRJOD PAS RAm LAS YE SHES KYI MES BSREGS, YAm LAS RLUNG GIS GTOR, KHAm LAS CHUS BSKRUS TE MI DMIGS PAR GYUR, STONG PA'I NGANG LAS THOD PA DUM BU GCIG PA PHYI DKAR LA NANG DMAR BA'I NANG DU 'KHOR LO RTZIBS BZHI PA LTE BA DANG BCAS PA, LTE BAR PADMA DMAR PO 'DAB MA BRGYAD PA, SHAR DU NYI MA, LHOR RIN PO CHE, NUB TU ZLA BA, BYANG DU RDO RJE RGYA GRAM, DE DAG GI STENG DU BHR'Um AAm DZRIm KHAm H'Um LAS SHA LNGA DANG, LAm MAm PAm TAm BAm LAS BDUD RTZI LNGA, DE RNAMS YONGS SU GYUR PA LAS RIGS LNGA YAB YUM DU GYUR PA RNAMS SNYOMS PAR ZHUGS PA'I BYANG CHUB KYI SEMS KYI 'OD ZER GYIS 'PHAGS PA MCHOD, SEMS CAN GYI DON BYAS, SNOD BCUD THAMS CAD BSDUS NAS RIGS LNGA YAB YUM LA THIM, DE DAG 'OD DU ZHU BAS BDUD RTZI DKAR PO DRI MA MED PA'I RGYA MTSOR GYUR PA'I STENG DU ZLA GDAN LA YE SHES LNGA'I BDAG NYID AOm DKAR POS MTSAN PA, AOm A'A: H'Um LAN GSUM BRJOD, DE NAS YE SHES KYI BDUD RTZI DBAB PAR 'DOD NA, RANG GI LAG PA G-YON PA'I MTHEB SRIN GNYIS AA DANG MA LAS NYI MA DANG ZLA BAR GYUR, BDUD RTZI'I RGYA MTSO'I STENG DU PADMA 'DAB MA BZHI PA'I LTE BAR LAS KYI RTZA MGRIN SKU MDOG DMAR NAG G-YAS THUGS KAR PADMA DANG, G-YON RDO RJE RGYA GRAM BSNOL STABS SU 'DZIN PA LA GSANG BA'I YUM MI PHAM DKAR MO LCAGS KYU 'DZIN PA, KHRO GNYER CAN SER MO ZHAGS PA 'DZIN PA, RAL GCIG MA DMAR MO LCAGS SGROG 'DZIN PA, RO LANGS MA LJANG GU DRIL BU 'DZIN PA RNAMS KYIS MDUN

, ,RGYAB DANG G-YAS G-YON NAS SKU LA 'KHRIL BA, RTA MGRIN GYI DBU'I GTZUG NA RTA MGO LJANG GU'I STENG DU YI GE HR'I: DMAR PO DE NYID RANG GI MTHEB SRIN GYIS NYI ZLA GNYIS KYI BAR DU BZUNG BA LAS 'OD ZER 'PHROS, 'OG MIN NAS RGYAL BA YAB YUM SBYAN DRANGS, SNYOMS PAR ZHUGS PA'I BYANG CHUB KYI SEMS RTA MGRIN YAB YUM GYI SBYOR MTSAMS NAS BABS PAS YE SHES KYI BDUD RTZI'I RGYA MTSOR GYUR PAR BSAMS LA, AOm SARBA PANYTZA AA MRi TE H'Um, ZHES PA'I 'JAM BSNYEN BYAS TE BSGRUB BO,, SMAN PHUD DANG GTOR MA NANG MCHOD LTAR BYIN GYIS BRLAB CING BSGRUB BO, ,RAKTA BYIN GYIS BRLAB PA NI, SNGAR LTAR BSANGS SBYANGS, STONG PA'I NGANG LAS AA LAS THOD PA STONG GSUM DANG MNYAM PA'I NANG DU MA LAS NYI MA'I DKYIL 'KHOR GYI STENG DU RANG GI THUGS KA'I HR'I: LAS RAm YIG DMAR PO 'PHROS, 'OD DU ZHU BA LAS RAKTA'I RGYA MTSO RBA KLONG BSNOL MAR 'KHRUG PA TSIL CHEN GYI DAR CHAGS PA, RANG BZHIN STONG PA NYID, RNAM PA RAKTA, NGO BO YUM GYI BYANG CHUB KYI SEMS THAMS CAD KYI 'BYUNG GNAS SU GYUR PAR BSAMS LA, AOm MA H'A PADMA RAKTA H'Um, ZHES BZLAS PAS BYIN GYIS BRLAB BO, ,DE NAS TSOGS ZHING MCHOD PA NI, AOm BADZRA SA MA YA H'Um DZA: RANG GI THUGS KA'I HR'Im: LAS 'OD ZER 'PHROS PAS BLA MA DANG GNYIS SU MED PA'I YANG GSANG KHROS PA KHRAG 'THUNG LHA DGU'I DKYIL 'KHOR SANGS RGYAS DANG BYANG CHUB SEMS DPA'I TSOGS DANG BCAS PA MDUN GYI NAM MKHAR SPYAN DRANGS, 'OD ZER RANG GI SNYING GA'I HR'I: LA THIM, H'Um; DPAL CHEN KHRO BO MI BZAD PA, ,RTA MCHOG DPAL LA PHYAG 'TSAL LO, ,KHRO MO YUM LA PHYAG 'TSAL LO, ,SPRUL PA'I SKU LA

PHYAG 'TSAL LO, ,SGO MA BZHI LA PHYAG 'TSAL LO, ,ZHES PHYAG BYA, RANG GI THUGS KA'I HR'I: LAS BYUNG BA'I MCHOD PA'I LHA MO RNAMS KYIS MCHOD PAR GYUR PAR BSAMS LA, HR'I: BADZRA KRO DHA HA YA GR'I BA SA PA RI W'A RA AARGHAm PRA T'ITZTSA YE SV'A H'A, DE BZHIN DU SHAPTA 'I BAR DU SBYAR LA PHYI'I MCHOD PA DANG, AOm SARBA PANYTZA AA MRi TA LA KHA RAm KH'A HI, AOm MA H'A PADMA RAKTA AA MRi TA LA KHA RAm KH'A HI, AOm DZNY'A NA SA MA TI PU DZA TE A'A: H'Um, ZHES PA RNAMS KYIS SMAN RAG TING NGE 'DZIN DANG BCAS PAS MCHOD, H'Um; BDAG CAG MA RIG NYON MONGS SEMS CAN GYIS, ,BAG MED TSUL GYI DAM LAS 'GAL GYUR TE, ,PADMA DBANG CHEN DKYIL 'KHOR LHA TSOGS KYI, ,THUGS DANG 'GAL BA'I LAS NI CI BGYIS PA, ,THUGS RJE CHE MNGA' KHYED LA BZOD PAR GSOL, ,BZOD PAR BZHES NAS TSANGS PA'I DNGOS GRUB STZOL,, ZHES SDIG PA BSHAGS PA DANG, DKON MCHOG GSUM LA BDAG SKYABS MCHI, ,ZHES PA NAS, 'GRO LA PHAN PHYIR SANGS RGYAS 'GRUB PAR SHOG ,CES PA'I BAR GYIS SEMS BSKYED NAS LAM LA SLOB PAR DAM BCA' ZHING, SEMS CAN THAMS CAD BDE BA DANG LDAN PAR GYUR CIG SDUG BSNGAL DANG BRAL BAR GYUR CIG SDUG BSNGAL MED PA'I BDE BA DANG MI 'BRAL BAR GYUR CIG NYE RING CHAGS SDANG GNYIS DANG BRAL BA'I BTANG SNYOMS LA YUN RING DU GNAS PAR GYUR CIG CES TSAD MED BZHI BSGOM, DE NAS TSOGS ZHING RNAMS KYIS BDAG DANG GNAS MCHOD RDZAS DANG BCAS PA BYIN GYIS BRLABS PAR BSAMS NAS BYIN DBAB PA NI, H'Um; YI DAM LHA DANG DKON MCHOG GSUM GYI DNGOS, ,RTZA BRGYUD BLA MA MI MNGON DBYINGS NAS BZHENGS, ,DUR KHROD GSANG BA DBANG DRAG DKYIL 'KHOR DU, ,THOD PA RIN

, ,CHEN LAS GRUB GZHAL YAS KHANG, ,GNAM LCAGS AUR MO'I GZER CHEN TA LA LA, ,SPRUL PA'I LCANG LO MANG PO'I KHA BAD CAN, ,GSANG BA'I ME RI DMAR NAG 'TSUB MAR 'BAR, ,MI RO THOD PHRENG KENG RUS SOGS KYIS BRGYAN, ,RAKTA'I RGYA MTSO RBA RLABS CHIL LI LI, ,RUS CHEN TSOGS KYI PHUNG PO KHRAL LA LA, ,KHRAG DANG ZHAG GI 'BAB CHU ZU LU LU, ,SHA CHEN TSIL CHEN DRI NGAD THUL LU LU, ,TZITTA GSAR RNYING RGYAN MCHOG YE RE RE, ,DBANG CHEN KHRAG 'THUNG RGYAL PO 'KHOR DANG BCAS, , RGYUD SDE BRGYAD KYI LHA TSOGS MANG PO DANG, ,MA MO MKHA' 'GRO'I TSOGS DANG BCAS PA RNAMS, ,GNAS MCHOG 'DI RU BYIN GYIS BRLAB TU GSOL, ,SGRUB MCHOG BDAG LA DBANG ZHIG SKUR DU GSOL, ,BGEGS DANG LOG 'DREN BAR CHAD BSAL DU GSOL, ,MCHOG DANG THUN MONG DNGOS GRUB STZAL DU GSOL, ,GRUB PA'I RTAGS MTSAN MYUR DU BSTAN DU GSOL, ,CHOS NYID ZHI BA'I TSUL GYIS DON MDZAD PA'I, ,BCOM LDAN ZHI BA'I LHA TSOGS DBYINGS NAS BZHENGS, ,KHRO BO'I TSUL GYIS GDUG PA 'DUL MDZAD PA'I, ,'BAR BA KHRO BO'I LHA TSOGS DBYINGS NAS BZHENGS, ,SKYE MED CHOS KYI DBYINGS NAS SKU BZHENGS PA, ,'JAM DPAL SKU YI LHA TSOGS DBYINGS NAS BZHENGS, ,KHAMS GSUM DBANG DU SDUD PA'I LAS MDZAD PA'I, ,PADMA GSUNG GI LHA TSOGS DBYINGS NAS BZHENGS, ,DUS GSUM BDE GSHEGS RNAMS KYI LAS MDZAD PA'I, YANG DAG THUGS KYI LHA TSOGS DBYINGS NAS BZHENGS, ,DUG LNGA GTAN 'JOMS YE SHES LNGA SBYOR BA'I, ,BDUD RTZI YON TAN LHA TSOGS DBYINGS NAS BZHENGS,,

GDUG PA'I TSOGS RNAMS MA LUS TSAR GCOD PA'I, ,PHUR PA PHRIN LAS LHA TSOGS DBYINGS NAS BZHENGS, ,THABS DANG SHES RAB GNYIS MED DGYES ROL BA'I, ,MA MO RBOD GTONG LHA TSOGS DBYINGS NAS BZHENGS, ,BSTAN LA GNOD PA'I DGRA BGEGS TSAR GCOD PA'I, ,DMOD PA DRAG SNGAGS LHA TSOGS DBYINGS NAS BZHENGS, ,LEGS NYES STANGS 'DZIN DAM TSIG RJES GCOD PA'I, ,'JIG RTEN MCHOD BSTOD LHA TSOGS DBYINGS NAS BZHENGS, ,RTZI SHING THAMS CAD YE NAS SMAN DANG BCUD, ,SNANG SRID THAMS CAD YE NAS BYANG CHUB SEMS, ,STONG GSUM THAMS CAD YE NAS GZHAL YAS KHANG, ,RGYUD DRUG THAMS CAD YE NAS RGYAL BA'I SKU, ,SGRA DBYANGS THAMS CAD DRAG PO'I SNGAGS KYI TSIG ,GNAS MCHOG 'DI RU BYIN GYIS BRLAB TU GSOL, , ZHES SOGS SBYAR LA BYIN DBAB, DE NAS, AOm BADZRA AAm KU SHA DZA: ZHES SOGS BRJOD LA TSOGS ZHING RANG LA THIM PAS BYIN GYIS BRLABS PAR BSAM MO, ,DE RNAMS KYIS NI BSOD NAMS KYI TSOGS BSAGS PA STE, 'DZAM BU GLING PA'I MNGAL SKYES KHAMS DRUG LDAN GYIS RANG NYID 'CHI BA'I SNGON ROL DU SKYES NAS MYONG 'GYUR GYI BSOD NAMS KYI LAS 'DU BYAS PA DANG CHOS MTHUN NO, ,DE NAS YE SHES KYI TSOGS BSAGS PA NI, SNANG SRID 'KHOR 'DAS KYIS BSDUS PA'I CHOS THAMS CAD SGYU MA DANG CHU ZLA BZHIN DU RANG BZHIN GYIS GRUB PA RDUL TZAM YANG MED PA'I STONG PA NYID DU GYUR PAR BSAMS LA, SVA BH'A WA'I SNGAGS BRJOD CING, STONG NYID SNYING RJE DBYER MED KYI BYANG CHUB KYI SEMS LA YUN RING DU MNYAM PAR GZHAG GO ,DE NI LAS BSAGS PA'I 'OG TU PHUNG SOGS RIM GYIS THIM STE, 'CHI BA 'OD GSAL MNGON DU BYAS PA DANG RNAM PA MTHUN NO, ,DE RNAMS NI

, ,THOG MAR BYA BA'I RIM PA'O,, GNYIS PA BAR DU BYA BA'I RIM PA LA, GZHI RGYU'I TING NGE 'DZIN GSAL GDAB PA DANG, TING NGE 'DZIN GYI DKYIL 'KHOR BSKYED PA, YE SHES PA DGUG GZHUG BYA BA, DKYIL 'KHOR MCHOD PA'I TSUL LO,, DANG PO NI, DE LTAR SNANG BA THAMS CAD BSDUS PA'I STONG PA'I NGANG LAS RANG GI SEMS YE SHES LNGA'I BDAG NYID CAN GYI H'Um YIG GI RNAM PAR NAM MKHAR GNAS PAR GYUR PAR BSAMS TE, DE NI 'CHI BA 'OD GSAL LAS LUGS LDOG TU BAR DO'I LUS GRUB PA DANG RNAM PA MTHUN PAR BSGOM PA'O,, GNYIS PA LA, DANG PO SBYOR BA'I TING NGE 'DZIN DANG, DKYIL 'KHOR RGYAL MCHOG GI TING NGE 'DZIN GNYIS LAS, DANG PO LA'ANG, THOG MAR RTEN GZHAL YAS KHANG BSKYED PA NI, RANG GI SEMS H'Um YIG TU GNAS PA LAS AE SNGO SKYA, YAm DUD KHA, RAm DMAR PO, KHAm DMAR NAG SUm SER PO, KEm DKAR PO RNAMS RIM PA LTAR CHAD DE STENG NAS STENG DU BRTZEGS PAR GYUR, AE AAGNE MAndA LA, AE LAS NAM MKHA'I DKYIL 'KHOR SNGO SKYA GRU GSUM, YAm KARMA RAKshA MAndA LA, YAm LAS RLUNG GI DKYIL 'KHOR ZLA GAm DUD KHA, RAm DZVA LA MAndA LA, RAm LAS ME'I DKYIL 'KHOR DMAR PO GRU GSUM PA, KHAm RAKTA MAndA LA, KHAm LAS KHRAG GI RGYA MTSO DMAR NAG ZLUM PO, SUm SUKshE MAndA LA, SUm LAS SA'I DKYIL 'KHOR SER PO GRU BZHI PA, KEm MAndA LA, KEm LAS KENG RUS KYI RI RAB GRU BZHI DKAR PO, DE RNAMS STENG NAS STENG DU BRTZEGS PA; DE DAG KYANG PHYI 'BYUNG BA LNGA, NANG YE SHES LNGA, GSANG BA YUM LNGA'I MKHA' KLONG RNAM PAR DAG PA'I BDAG NYID DO, ,BHR'Um BI SHA BI SHUDDHE DZNY'A NA TZAKRA MAndA LA H'Um, RI RAB KYI STENG DU BHR'Um YIG YONGS SU GYUR PA LAS GZHAL YAS KHANG GRU BZHI SGO BZHI RTA

BABS BZHI DANG BCAS PA, PHYI NAS RIM PA BZHIN DU DMAR DKAR SER LJANG NAG PA'I RTZIG PA RIM PA LNGA DANG LDAN PA, DE'I STENG DU RIN PO CHE'I PHA GU SER PO DRA BA DANG DRA BA PHYED PAS BRGYAN PA, STENG NA RIN PO CHE'I MDA' YAB DANG PU SHUS MDZES PA, RTZIG PA'I 'GRAM NAS 'DOD YON GYI SNAM BU DMAR POS BSKOR BA LA 'DOD YON GYI LHA MO BCU GNYIS KYIS MCHOD RDZAS SNA TSOGS THOGS NAS BCOM LDAN 'DAS LA MCHOD PA, NANG THOD SKAM GYI KA BA BRGYAD KYIS BTEG CING, PAD MA'I GDUNG BZHIS MIG MANG RIS SU PHUB PA'I DBUS PHYUR BUR GYUR PA'I STENG DU PADMA'I TOG GIS MDZES PA, SGO BZHI SO SO'I 'GRAM DU KA BA BZHI BZHIS BTEG PA'I RTA BABS SNAM BU BCU GCIG DANG LDAN PA'I RTZE MOR CHOS KYI 'KHOR LO, G-YAS G-YON DU RI DVAGS PHO MO DANG BCAS PA, GZHAN YANG GDUGS DANG RGYAL MTSAN DANG 'PHAN DANG ME TOG GI PHRENG BA DANG ZLA BA RLUNG GIS BSKYOD PA DANG, RNGA YAB NOR BU'I YU BA CAN LA SOGS PAS BRGYAN PA'I GZHAL YAS KHANG GI NANG GI STENG DANG 'OG GI SA GZHI THAMS CAD SHAR DKAR, LHO SER, NUB DMAR, BYANG LJANG BA, DBUS DMAR NAG GRU GSUM ZLA GAM DMAR PO GSUM DANG BCAS PA, DE'I PHYI ROL NAS THOD PA'I PHRENG BA DKAR PO DANG GZHAL YAS KHANG GI NANG THAMS CAD KYANG THOD PA SKAM RLON GYI RTZIG PAS BSKOR BA, GZHAL YAS KHANG GI PHYI ROL TU RDO RJE'I RA BA DANG, YE SHES KYI ME RAB TU 'BAR BAS KUN NAS BSKOR BA'I PHO BRANG CHEN PO'I NANG DU 'KHOR LO RTZIBS BZHI PA'I LTE BAR GRU GSUM DMAR NAG GI STENG DU PAm PADMA MAndA LA, PAm LAS SNA TSOGS PADMA'I LTE BAR AATZANDRA

, ,MAndA LA, AA LAS ZLA BA'I DKYIL 'KHOR, DE'I STENG DU MA S'URYA MAndA LA, MA LAS NYI MA'I DKYIL 'KHOR GYI STENG DU RU TRA BAm, RU TRA PHO MO BYI CHINGS SU BSNOL BA'I GDAN, PHYOGS BZHI'I RTZIBS KYI STENG DU BA BAm, SHAR DU DRI ZA PHO MO, YA MA BAm; LHOR GRUL BUM PHO MO, N'A GA BAm, NUB TU KLU PHO MO, YAKshA BAm, BYANG DU GNOD SBYIN PHO MO BYI CHINGS SU BSNOL BA'I GDAN, SGO BZHIR ZLA BA'I GDAN DANG BCAS PAR GYUR, GDAN DBUS MA'I STENG DU RANG GI SEMS H'Um YIG GI RNAM PAR GNAS PA DE NYID BABS PA YONGS SU GYUR PA LAS HR'I: DMAR NAG DANG, MAm SNGON PO 'OD ZER DPAG TU MED PA 'PHRO BAR GYUR PAR BSAM STE, GZHI DUS LA BAR DO PHA MA'I KHU KHRAG GI DBUS SU NYING MTSAMS SBYAR BA DANG CHOS MTHUN PA'O, ,SPHA RA nA PHAt, YI GE DE GNYIS LAS 'OD ZER 'PHROS, 'PHAGS PA MCHOD, SEMS CAN GYI DON BYAS, PADMA DBANG CHEN GYI GO 'PHANG LA BKOD, SAm HA RA nA H'Um, SLAR 'DUS, TIthA BADZRA BRTAN PAR BYAS, HR'I: BADZRA KRO DHA HYA GRi WA HU LU HU LU H'Um PHAt, HR'I: DMAR PO DE YONGS SU GYUR PA LAS RANG PADMA DBANG CHEN YANG GSANG KHROS PA SKU MDOG DMAR PO ZHAL GSUM PHYAG DRUG ZHABS BZHI PA, RTZA ZHAL DMAR PO, G-YAS ZHAL DKAR PO, G-YON ZHAL LJANG GU DBU GTZUG NA RTA MGO LJANG NAG RNGOG MA DMAR PO, PHROM PHROM SER PO, ZHUR DKAR PO, RTA SKAD 'TSER ZHING, ZHAL RE RE LA DMAR LA ZLUM PA'I SPYAN GSUM GSUM DANG LDAN ZHING MCHE BA RNON PO BZHI BZHI GTZIGS PA, SMIN MA DANG SMA RA DUS MTHA'I ME LTAR 'BAR ZHING DBU SKRA KHAM NAG GYEN DU BRDZES PA, PHYAG DANG PO GNYIS KYIS PADMA DANG BAN DHA,

BAR PA GNYIS KYIS LCAGS KYU DANG ZHAGS PA, THA MA GNYIS KYIS BE CON DANG RAL GRI BSNAMS SHING, ZHING CHEN GYI G-YANG GZHI DANG GLANG PO CHE'I KO BAS STOD G-YOGS PA, STAG GI PAGS PA'I SHAM THABS CAN, THOD SKAM LNGA'I DBU RGYAN DANG, THOD PA TSAL BUS DPUNG PA BRGYAN CING, THOD RLOM LNGA BCU TSAR GSUM GYI DO SHAL CAN, SBRUL RIGS BZHI DANG RIN PO CHE'I RGYAN GYIS BRGYAN CING, KHRAG GI THIG LE DANG, ZHAG GI SOR RIS DANG, THAL CHEN GYI TSOM BUS BRGYAN PA, GAR GYI NYAMS DGU DANG LDAN ZHING, KHAMS GSUM LAS RNAM PAR RGYAL BA'I KHYUNG GSHOG CAN, ZHABS BZHI G-YAS BSKUM ZHING G-YON BRKYANG PA'I STABS KYIS YE SHES KYI ME RAB TU 'BAR BA'I DBUS NA BZHUGS PA, AOm MA H'A KRO DHI SHVA R'I H'Um PHAt, MAm SNGO NAG DE YONGS SU GYUR PA LAS YUM PADMA GAR GYI DBANG PHYUG MA SKU MDOG MTHING NAG ZHAL GCIG PHYAG GNYIS MA SPYAN GSUM SDANG MIG TU LTA BA, ZHAL RAB TU BGRAD CING MCHE BA RNAM PAR GTZIGS PA, DBU SKRA RAL PA KHAM NAG MUN PA LTAR GTIBS SHING, PHYAG G-YAS DGRA BGEGS KYI TZITTA THOGS NAS YAB LA 'KHYUD CING, G-YON THOD PA KHRAG GIS BKANG BA YAB KYI ZHAL DU STOB PA, THOD SKAM LNGA'I DBU RGYAN DANG, THOD RLON LNGA BCU'I DO SHAL CAN, G-YON PHYOGS NAS YAB KYI SKU LA 'KHRIL BA, DE NAS SKU GSUNG THUGS BYIN GYIS BRLAB PA NI, YAB YUM GNYIS KYI SPYI BOR ZLA BA'I STENG DU AOm DKAR PO, MGRIN PAR PADMA DMAR PO 'DAB MA BRGYAD PA'I LTE BAR A'A: DMAR PO, THUGS KAR NYI MA'I DKYIL 'KHOR GYI STENG DU H'Um SNGON PO RNAMS BSAMS TE, AOm A'A: H'Um ZHES BRJOD DO, ,DE NAS YE

, ,SHES LNGA'I BDAG NYID CAN GYI HE RU KA LNGAS DBANG BSKUR BA NI, RANG GI SPYI BOR THOD PA'I KHANG BU LNGA'I NANG DU SPYI GTZUG TU H'Um SNGON PO, MTSOG STENG DU AOm DKAR PO, RNA LTAG G-YAS SU SV'A SER PO, LTAG PAR A'A: DMAR PO, RNA LTAG G-YON DU H'A LJANG KHU, DE RNAMS YONGS SU GYUR PA LAS H'Um BADZRA HE RU KA AA BHI shINYTZA H'Um ZHES BRJOD PAS BADZRA HE RU KA SNGON PO RDO RJE DANG DRIL BU 'DZIN PA, BUDDHA HE RU KA DKAR PO 'KHOR LO DANG DRIL BU 'DZIN PA, RATNA HE RU KA SER PO RIN PO CHE DANG DRIL BU 'DZIN PA, PADMA HE RU KA DMAR PO PADMA DANG DRIL BU 'DZIN PA, KARMA HE RU KA LJANG GU RAL GRI DANG DRIL BU 'DZIN PA, THAMS CAD KYANG PHYAG RGYA DRUG GI RGYAS BTAB CING, DUR KHROD KYI CHAS BRGYAD DANG LDAN PAS DBU BRGYAN PAR GYUR PAR BSAM MO, ,GNYIS PA NI YAB KYI GSANG GNAS MI DMIGS PA'I NGANG LAS H'Um LAS BYUNG BA'I RDO RJE SNGON PO RTZE LNGA PA BU GA PHAt KYIS BKAG PA, YUM GYI GSANG GNAS MI DMIGS PA'I NGANG LAS, A'A: LAS BYUNG BA'I PADMA DMAR PO 'DAB MA BRGYAD PA BU GA PHAt KYIS BKAG PA, YAB YUM SNYOMS PAR ZHUGS PA'I DGA' BA'I SGRAS SANGS RGYAS THAMS CAD SPYAN DRANGS PA YAB KYI ZHAL DU ZHUGS, THUGS KAR 'OD DU ZHU BA RDO RJE'I LAM NAS YUM GYI PADMAR BABS PA'I BYANG CHUB KYI SEMS KYI THIG LE DE NYID H'Um H'Um H'Um H'Um DZA: H'Um BAm HO: STE YI GE BRGYAD PO 'OD ZER GYI PHUNG PO DANG BCAS PAR GYUR, DE RNAMS YUM GYI PADMA LAS SPROS TE PHYOGS BZHI'I RTZIBS KYI GDAN GYI STENG DANG, SGO BZHI'I NANG GI GDAN GYI STENG DU 'KHOD PA YONGS SU GYUR PA LAS SPRUL PA'I KHRO BO BZHI DANG SGO MA BZHIR GYUR PA NI, BADZRA KRO DHA

SHVA RA H'Um PHAt, SHAR RTZIBS KYI GDAN GYI STENG DU RDO RJE DBANG CHEN SKU MDOG DKAR PO ZHAL GCIG PHYAG GNYIS KYI PHYAG G-YAS RDO RJE DANG G-YON DBYUG THO BSNAMS PA, RATNA KRO DHA SHVA RA H'Um PHAt, LHO RTZIBS KYI GDAN GYI STENG DU RIN CHEN DBANG CHEN SKU MDOG SNGON PO G-YAS RIN PO CHE DANG G-YON LCAGS KYU 'DZIN PA, PADMA KRO DHA SHVA RA H'Um PHAt, NUB RTZIBS KYI GDAN GYI STENG DU PADMA DBANG CHEN SKU MDOG DMAR PO G-YAS PADMA DANG G-YON ZHAGS PA 'DZIN PA, KARMA KRO DHA SHVA RA H'Um PHAt, BYANG RTZIBS KYI GDAN GYI STENG DU LAS KYI DBANG CHEN SKU MDOG LJANG GU G-YAS RAL GRI DANG G-YON RTZE GSUM BSNAMS PA, THAMS CAD KYANG ZHAL SO SO LA DMAR LA ZLUM PA'I SPYAN GSUM GSUM DANG LDAN ZHING, ZHAL RAB TU GDANGS NAS MCHE BA RNAM PAR GTZIGS PA, DBU SKRA KHAM SER GYEN DU BRDZES PA LA SBRUL GYIS BCINGS SHING DPAL GYI CHAS BRGYAD DANG LDAN PA, ZHABS G-YAS BSKUM ZHING G-YON BRKYANG PA'I GAR STABS KYIS YE SHES KYI ME RAB TU 'BAR BA'I KLONG DKYIL NA BZHUGS PAR GYUR, AOm BADZRA SPHO tA BAm AAm GU SHA DZA: SHAR SGOR LCAGS KYU MA DKAR MO KHRAG GI RAL PA CAN, ZHAL GCIG PHYAG GNYIS KYI PHYAG G-YAS LCAGS KYU 'DZIN PA, AOm BADZRA P'A SHA H'Um, LHO SGOR ZHAGS PA MA SER MO G-YU'I RAL PA CAN G-YAS ZHAGS PA 'DZIN PA, AOm BADZRA SPHO tA BAm, NUB SGOR LCAGS SGROG MA DMAR MO MTHING GI RAL PA CAN G-YAS LCAGS SGROG 'DZIN PA, AOm BADZRA GHAndA HO: BYANG SGOR DRIL BU MA LJANG GU GSER GYI RAL PA CAN G-YAS DRIL BU 'DZIN PA, THAMS CAD KYANG G-YON SNYING 'DZIN CING MCHE BA RNAM PAR GTZIGS PA'I

, ,ZHAL CAN, DUR KHROD KYI CHAS BRGYAD KYIS BRGYAN CING, ZHABS G-YAS BSKUM ZHING G-YON BRKYANG BA'I STABS KYIS YE SHES KYI ME RAB TU 'BAR BA'I DBUS NA BZHUGS PAR BSAMS LA, H'Um; CHOS NYID NAM MKHA'I KLONG YANGS NAS, , CHOS RNAMS SNA TSOGS RANG SHAR BA, ,RANG BZHIN MED DE CHU ZLA 'DRA, ,THUGS RJE CHEN POS KUN LA KHYAB, ,SNYING PO YE SHES H'Um GI DBYIBS, ,CHEN PO LNGA YI SNYING PO LA, ,'BYUNG BA LNGA YI DVANGS MA CHAGS, ,YE SHES 'BAR BA'I GZHAL YAS KHANG, ,CHOS KYI DBYINGS KYI GNAS CHEN PO, ,'KHOR LO DBANG CHEN PHO BRANG LDAN, ,PHYI NANG MED PAR YONGS SU GSAL, ,GDAN GDING SKU BSKYED DBANG BSKUR ZHING, ,BYIN GYIS BRLAB PA RAB TU BYA, ,YAB YUM GNYIS MED SBYOR BA LAS, ,SPRUL PA'I DKYIL 'KHOR RAB TU STON, ,ZHES BRJOD LA, RTEN BRTEN PA'I DKYIL 'KHOR THAMS CAD BDE STONG DBYER MED KYI YE SHES KYI GZUNG RNAM, SNANG STONG TSOGS PA NAM MKHA'I 'JA' TSON LTA BUR YID NGOR GSAL BTAB LA 'CHAR DU GZHUG GO ,GSUM PA NI, LHA THAMS CAD KYI SPYI BOR AOm DKAR PO, MGRIN PAR A'A: DMAR PO, THUGS KAR H'Um SNGON PO, BDAG NYID KYI THUGS KA'I HR'I: LAS 'OD ZER 'PHROS PAS 'OG MIN GYI GNAS NAS YANG GSANG KHROS PA KHRAG 'THUNG LHA DGU'I DKYIL 'KHOR SKAD CIG GIS SPYAN DRANGS, BADZRA SA MA YA H'Um DZA: H'Um; CHOS KYI DBYINGS NAS SKU BZHENGS PA, ,DBANG CHEN KHROS PA'I RGYAL PO BZHENGS, ,DBUS NYID YE SHES GZHAL YAS NAS, ,PADMA RTA MCHOG GSHEGS SU GSOL, ,YUM CHEN KHRO MO GSHEGS SU GSOL, PHYOGS BZHI 'KHOR LO'I RTZIBS STENG NAS, ,SPRUL PA'I KHRO BO

GSHEGS SU GSOL, ,SGO BZHI GNAS KYI GZHAL YAS NAS, ,SGO MA RNAM BZHI GSHEGS SU GSOL, ,AE HYE HI BHAG WAN MA H'A K'A RU nI KA BADZRA DH'A TU SA PA RI W'A RA DZA: H'Um BAm HO: DAM TSIG PA SO SO DANG GNYIS SU MED PAR GYUR, SA MA YA HO: H'Um; DAM TSIG CHEN PO'I DKYIL 'KHOR 'DIR, ,YE SHES DBANG CHEN DKYIL 'KHOR MCHOG ,PHO BRANG DAM TSIG DKYIL 'KHOR 'DIR, ,DGYES BZHIN BRTAN PAR BZHUGS SU GSOL, ,SA MA YA STVAm, ZHES YE SHES PA SPYAN DRANGS, DAM TSIG PA DANG GNYIS SU MED PAR BSTIM, BZHUGS SU GSOL NAS DKYIL 'KHOR GYI LHA LA PHYAG 'TSAL BA NI, H'Um; DPAL CHEN KHRO BO MI BZAD PA, ,ZHES PA NAS, SGO SRUNG BZHI LA PHYAG 'TSAL LO, ,ZHES PA'I BAR BRJOD LA, AA TI PU HO: PRA TI DZA HO: ZHES PHYAG BYA, BZHI PA LA, MCHOD BSTOD BZLAS PA DANG BCAS PA JI LTAR BYA BA'I TSUL DANG, DNGOS GRUB BLANG BA'I TSUL DANG, LONGS SPYOD TSOGS KYI MCHOD PA BYA BA'I TSUL GSUM LAS, DANG PO LA MCHOD BSTOD BZLAS PA GSUM GYI, MCHOD PA LA YANG PHYI NANG GI MCHOD PA GNYIS LAS, PHYI'I MCHOD PA NI, RANG GI SNYING GA'I SA BON LAS BYUNG BA'I LHA MO MCHOD RDZAS THOGS PA DPAG TU MED PAS MCHOD PAR BSAMS LA, H'Um; GNYIS MED BDE CHEN DBYINGS LAS BYUNG, ,ZAG MED BDE STER MCHOD YON 'DI, ,PADMA DBANG CHEN DKYIL 'KHOR LA, ,BDAG NYID DAD PAS 'BUL LAGS KYI, ,THUGS RJES DGONGS LA BZHES SU GSOL, ,AOm NA MA: SARBA TA TH'A GA TA AARGHAm P'U DZA ME GHA SA MU DRA SPHA RA nA SA MA YA SHRI YE H'Um, DE BZHIN DU MCHOD YON GYI GNAS SU ZHABS BSIL DANG, AARGHAm GYI GNAS SU P'A DYAm SOGS BCUG STE, SHAPTA 'I BAR DU SBYAR TE DBUL, GNYIS PA NANG GI MCHOD PA LA BDUD RTZI

, ,SMAN GYI MCHOD PA, GSANG BA RAKTA'I MCHOD PA, ZAB PA SBYOR SGROL GYI MCHOD PA, DAM RDZAS GTOR MA'I MCHOD PA, DUG LNGA DAM RDZAS KYI MCHOD PA, 'DOD YON LNGA'I MCHOD PA RNAMS LAS, BDUD RTZI SMAN GYI MCHOD PA NI, MCHOD PA'I LHA MO NAM MKHA'I KHAMS GANG BA RNAMS KYIS THOD PA'I NANG NAS ZAG MED KYI BDUD RTZIS MCHOD PAR, BSAMS LA, THOG MAR RTZA BRGYUD KYI BLA MA RNAMS LA 'BUL BA NI, H'Um, RANG BYUNG GDOD NAS RNAM PAR DAG ,RTZA BRGYAD STONG LAS SBYAR BA'I SMAN, ,YE SHES LNGA RDZOGS GRUB PA'I RDZAS, ,'CHI MED BDUD RTZI RA SA YIN, ,DAM RDZAS MCHOG GI MCHOD PA 'DI, ,RTZA BRGYUD BLA MA'I TSOGS RNAMS LA, ,BDAG GIS DAD PAS 'BUL LAGS KYI, ,BZHES TE 'PHRUL GYI DNGOS GRUB STZOL, ,CHOS SKU SNANG BA MTHA' YAS ZHAL DU SARBA PANYTZA AA MRi TA LA KHA RAm KH'A HI, LONGS SKU PADMA DBANG CHEN ZHAL DU SARBA PANYTZA AA MRi TA LA KHA RAm KH'A HI, SPRUL SKU PADMA 'BYUNG GNAS ZHAL DU SARBA PANYTZA AA MRi TA LA KHA RAm KH'A HI, DPAL LDAN GRUB THOB MDAR CHAR ZHAL DU x, BO DONG PA BRTZON 'GRUS RDO RJE'I ZHAL DU x, GNYAN CHEN BSOD NAMS BRTAN PA'I ZHAL x, MKHAN CHEN CHOS RGYAL CHEN PO'I ZHAL x, KUN MKHYEN DPAL LDAN SENG GE'I x, MKHAS GRUB RIN CHEN DPAL BZANG x, GRU STON KUN DGA' BZANG PO'I x, DRAN MCHOG DON YOD RGYAL MTSAN ZHAL DU x, GRUB MCHOG KUN DGA' RGYAL MTSAN ZHAL DU x, DRIN CAN RTZA BA'I BLA MA'I ZHAL DU SARBA PANYTZA AA MRi TA LA KHA RAm KH'A HI, ZHES LAG PA G-YON PA'I MTHEB SRIN GYIS BDUD RTZI SMIN PHRAG GI THAD NAS GTOR LA MCHOD, DE NAS DKYIL 'KHOR GYI LHA RNAMS LA 'BUL BA NI, BDUD RTZI SNYING GA'I THAD NAS 'THOR ZHING,

H'Um; RANG BYUNG GDOD NAS RNAM PAR DAG ,KHRO RGYAL PADMA DBANG CHEN LA, ,x HRI: BADZRA KRO DHA HA YA GR'I WA SARBA PANYTZA AA MRi TA LA KHA RAm KH'A HI, YUM CHEN PADMA GAR DBANG LA, ,x MA H'A KRO DHI SHVA R'I SARBA PANYTZA AA MRi TA LA KHA RAm KH'A HI, SPRUL PA'I KHRO BO BZHI RNAMS LA, ,x BADZRA KRO DHA SHVA RA SOGS, SGO SRUNG CHEN MO BZHI RNAMS LA, ,BDAG GIS DAD PAS 'BUL LAGS KYI, ,BZHES NAS 'PHRUL GYI DNGOS GRUB STZOL, ,BADZRA AAm KU SHA DZA: SOGS KYI MTHAR, SARBA PANYTZA AA MRi TA LA KHA RAm KH'A HI, DE NAS RANG NYID KYIS DNGOS GRUB KYI TSUL DU BDUD RTZI BLANG BA NI, DKYIL 'KHOR PA'I LHA RNAMS KYI GNAS GSUM NAS AOm A'A: H'Um GI YI GE GSUM BYUNG BA 'OD DKAR DMAR MTHING GSUM GYI RNAM PAR ZHU BAS BDUD RTZI LA THIM PA MTHEB SRIN GYIS RANG GI LCE THOG TU BZHAG PAS DKYIL 'KHOR PA'I LHA THAMS CAD KYI SKU GSUNG THUGS KYI DNGOS GRUB THOB PAR BSAMS LA, H'Um; YE SHES KHRO BO DBANG CHEN GYI, ,SKU GSUNG THUGS KYI DNGOS GRUB MCHOG ,RNAL 'BYOR LUS NGAG YID LA THIM, ,GNYIS MED GYUR NAS BRTAN PA CHE, ,AOm A'A: H'Um K'A YA WA KA TZITTA SIDDHI PHA LA YA ZHES BRJOD, SLAR YANG, H'Um; RANG BYUNG RNAM DAG GRUB SMAN 'DI, ,RNAL 'BYOR BDAG CAG GUS PA YIS, ,PADMA DBANG CHEN DKYIL 'KHOR LA, ,MCHOD PAR 'BUL LO KHA RAm KH'A HI, ZHES PAS DKYIL 'KHOR PA'I LHA LA SMAN PHUD RKYANG PA NYID KYANG DBUL, GSANG BA RAKTA'I MCHOD PA NI, YANGS SHING RGYA CHE BA'I THOD PA'I NANG RNAMS NAS RAKTA'I RGYA MTSO PHUL BAR BSAM ZHING, RAKTA DMAR GYI MCHOD PA 'DI, ,PADMA DBANG CHEN DKYIL 'KHOR LA, MCHOD PAR 'BUL LO KHA RAm KH'A HI, HR'I: BADZRA KRO DHA HA YA GR'I WA

, ,SA PA RI W'A RA MA H'A RAKTA LA KHA RAm KH'A HI, ZAB PA SBYOR SGROL GYI MCHOD PA LA, THOG MAR SBYOR BA'I MCHOD PA NI, 'DOD YON GYI LHA MO GZUGS DANG LANG TSO PHUN SUM TSOGS PA NAM MKHA'I KHAMS GANG BA DKYIL 'KHOR BA'I LHA RNAMS LA PHUL BAS DE RNAMS DANG SNYOMS PAR ZHUGS PA LAS BDE STONG DBYER MED KYI TING NGE 'DZIN GYIS DGYES PA SKYED PAR BSAMS TE, GSANG BA THABS DANG SHES RAB LAS, ,PADMA NOR BU MNYAM SBYOR BAS, ,DGYES PA CHEN PO'I BDE CHEN DANG, ,BYANG CHUB SEMS KYI MCHOD PA 'DI, ,PADMA DBANG CHEN DKYIL 'KHOR LA, ,MCHOD PAR 'BUL LO BZHES SU GSOL, ,ZHES BRJOD, SGROL BA'I MCHOD PA NI, RANG GI THUGS KA'I SA BON GYI 'OD ZER GYIS DGRA BGEGS THAMS CAD MDUN DU BKUG PAR GYUR, H'Um; SPRUL PA'I KHRO BO 'BAR BA YIS, ,'KHOR BA'I NYON MONGS RGYA DRAL NAS, ,DUG LNGA DBYINGS SU BSGRAL BAR BYA, ,RANG GI THUGS KA'I SA BON GYI 'OD ZER LAS BYUNG BA'I LAS BYED KYI KHRO BO RNAMS KYIS DGRA BGEGS RNAMS SKAD CIG GIS BSGRAL BAR GYUR, AA MU KA M'A RA YA PHAt, CES BRJOD LA DGRA BGEGS KYI SHA KHRAG GI PHUNG PO DKYIL 'KHOR BA'I LHA RNAMS KYIS GSOL BAR BSAMS LA, H'Um; ZHING GYUR THAMS CAD RANG BZHIN BSGRAL, ,SHA KHRAG SROG DBUGS MCHOD PA 'DI, ,PADMA DBANG CHEN DKYIL 'KHOR LA, ,MCHOD PAR 'BUL LO BZHES SU GSOL, ,HR'I: PADMA TA KRID HA YA GR'I WA SARBA BIGHN'AN SHA TRUm KHA RAm KH'A HI, ZHES DBUL, DAM RDZAS GTOR MA'I MCHOD PA NI, GTOR MA NGO BO ZAG PA MED PA'I YE SHES KYI BDUD RTZI LA RNAM PA DGRA BGEGS BSGRAL BA'I SHA KHRAG GI PHUNG PO, BYED LAS ZAG PA MED PA'I BDE

BA KHYAD PAR CAN STER BAR SNGAR BSHAD PA LTAR BYIN GYIS BRLABS NAS, DKYIL 'KHOR PA'I LHA THAMS CAD KYI LJAGS H'Um LAS SKYES PA'I RDO RJE RTZE GCIG PA DMAR PO 'OD ZER GYI SBU GU CAN DU GYUR PAS GTOR MA'I BCUD THAMS CAD DRANGS TE GSOL BAR BSAM ZHING, KHYAD PAR 'DOD YON MCHOD PA'I MCHOG ,SHA KHRAG RKANG RUS GTOR MA YIS, ,KHRO RGYAL DBANG CHEN THUGS DAM BSKANG, ,YUM CHEN KHRO MO'I THUGS DAM BSKANG, ,SPRUL PA'I KHRO BO'I THUGS DAM BSKANG, ,SGO MA BZHI YI THUGS DAM BSKANG, , ZHES BRJOD LA, HR'I: BADZRA KRO DHA SOGS SNGAGS RNAMS KYI MTHAR MA H'A BA LIm TA LA KHA RAm KH'A HI ZHES BTAGS LA DBUL, 'DOD YON DRUG GI MCHOD PA NI, 'DOD YON GYI LHA MO DRUG GIS DKYIL 'KHOR GYI LHA LA MCHOD PAR BSAMS LA, GZUGS KYI LHA MO SKU MDOG DKAR, ,GZUGS KYI LONGS SPYOD SNA TSOGS 'DZIN, ,DBANG CHEN KHRO BO'I SPYAN LA 'BUL, ,BZHES NAS DNGOS GRUB STZAL DU GSOL, ,SGRA YI LHA MO SKU MDOG SNGO, ,SGRA YI LONGS SPYOD SNA TSOGS 'DZIN, ,DBANG CHEN KHRO BO'I SNYAN LA 'BUL, ,x DRI YI x, ,SER x, ,SHANGS LA x, ,RO YI x, ,DMAR x, ,LJAGS x, ,REG BYA'I LHA MO SKU MDOG LJANG, ,REG BYA'I x, ,DBANG CHEN KHRO BO'I SKU LA 'BUL, ,x CHOS DBYINGS LHA MO SKU MDOG DKAR, ,PHYAG NA CHOS KYI 'BYUNG GNAS 'DZIN, ,DBANG CHEN KHRO BO'I THUGS LA 'BUL, ,BZHES NAS DNGOS GRUB STZAL DU GSOL, ,DUG LNGA DAM RDZAS KYI MCHOD PA NI, DGRA BGEGS KYI SHA KHRAG RUS PA NANG KHROL MKHRIS PA DANG BCAS PA PHUL BAS DUG ALNGA'I DRI MA THAMS CAD DAG NAS SKU GSUNG THUGS YON TAN

, ,PHRIN LAS DANG BCAS PA'I DNGOS GRUB THOB PAR BSAMS LA, H'Um; SHA KHRAG RUS PA NANG KHROL MKHRIS, ,'DOD CHAGS ZHE SDANG GTI MUG DANG, ,NGA RGYAL PHRAG DOG MCHOD PAR 'BUL, ,SKU GSUNG THUGS DANG YON TAN DANG, ,PHRIN LAS DNGOS POR BZHES SU GSOL, ,ZHES 'BUL, DE NAS BSTOD PA BYA BA NI, ROL MO DBYANGS DANG BCAS PAS, HR'I: RANG BZHIN CHOS KYI SKU LAS RANG BYUNG BA, ,DMAR NAG GRU GSUM DBANG GI DKYIL 'KHOR NAS, ,PADMA 'KHYIL BA DBANG CHEN KHRO BO'I SKU, ,THUGS RJE THABS KYIS SPRUL SKUR BZHENGS SU GSOL, ,BDUD PHO BDUD MO BYI CHINGS BSNOL BA'I KHRI, ,CHAGS MED PADMA NYI ZLA'I GDAN STENG NA, ,DUS GSUM DBANG SGYUR YE SHES LHA YI LHA, ,DBANG CHEN PHRAG THUNG HA YA GR'I BA'I SKU, ,SKU MDOG DMAR NAG ZHAL GSUM PHYAG DRUG PA, ,ZHABS BZHI BRKYANG BSKUM RNGAM 'GYING BRJID PA'I SKU, ,SPYAN GSUM ZHAL BGRAD DBANG GI MCHE BA GTZIGS, ,SMIN MA SMRA RA AAG TSOM ME LTAR 'BAR, ,DBU SKRA KHAM NAG RAL PA GYEN DU 'BAR, ,SPYI GTZUG RTA MGO LJANG GU ZIL GNON RNGAM, ,RNGOG MA DMAR PO DBANG GI RTA SKAD 'TSER, ,G-YAS DKAR G-YON LJANG DBUS DMAR RNGAM SGRA SGROG ,SKU STOD ZHING LPAGS GLANG CHEN KO RLON GSOL, ,SKU SMAD STAG GI SHAM THABS BDUD DPUNG 'DUL, ,THOD RLON TSAR GSUM PHRENG BAS RGYAN DU MDZES, ,SBRUL CHEN RIGS BZHIS SKU BRGYAN PHYAG ZHABS SPRAS, ,DANG PO PADMA BAN DHAS DBANG DU SDUD, ,BAR PA LCAGS KYU ZHAGS PAS DMIGS PA 'GUGS, ,THA MA BE CON RAL GRIS DGRA BGEGS SGROL, ,DBANG DRAG ME DPUNG KLONG DKYIL RIN CHEN

SPRAS, ,SKU LA DUR KHROD CHAS BRGYAD RDZOGS PAR LDAN, ,DBANG CHEN GDUG PA'I SPYAN RTZA ZLOG PA YIS, ,SNANG SRID DREGS PA THAMS CAD DBANG DU SDUD, ,SHANGS NAS RLUNG NAG 'TSUB PA'I BSKAL PA 'BYUNG, ,SNANG SRID KUN 'THOR MTHU CHEN DRAG RTZAL 'DUL, ,SNYAN NAS BSKAL PA'I 'BRUG STONG DI RI RI, ,SRID PA'I CHE BTZAN THAMS CAD ZIL GYIS GNON, ,TSEMS LAS DRAG PO'I THOG CHEN PHAB PA YIS, ,SDANG DGRA GNOD BGEGS THAL BA'I RDUL DU RLOGS, ,ZHAL NAS RAKTA'I RGYA MTSO 'KHRUG CING 'KHYIL, ,BSTAN PA BSHIG PA'I DGRA LA SKYI THANG PHOB, ,KHRO RGYAL DBANG GI RTA SKAD TSER RE RE, ,THUGS RJES DBANG CHEN CHE BTZAN DBANG DU SDUD, ,PADMA DBANG CHEN KHRAG 'THUNG MI BZAD PA, ,KHYOD KYI DBANG DRAG PHRIN LAS DUS LA BAB, ,SDANG DGRA GNOD BYED THAL BA RDUL DU RLOGS, ,HR'I: KHRO RGYAL DBANG CHEN SKU YI G-YON PHYOGS NA, ,KHRO MO PADMA GAR GYI DBANG PHYUG MA, ,SKU MDOG MTHING NAG ZHAL GCIG PHYAG GNYIS MA, ,SPYAN GSUM ZHAL BGRAD DBANG GI MCHE BA GTZIGS, ,DBU SKRA RAL PA NAG PO MUN LTAR GTIBS, ,SKU LA DUR KHROD CHAS BRGYAD LEGS PAR BRGYAN, ,PHYAG G-YAS TZITTA THOGS NAS YAB LA 'KHYUD, ,PHYAG G-YON DUNG CHEN DMAR 'KHYIL GTZO LA STOB, ,KHRO MO KUN GYI DBANG PHYUG CHEN MO KHYOD, ,RNGAM PA'I NGA ROS THAMS CAD ZIL GYIS GNON, ,SPYAN NAS KHRAG 'DZAG ZHAL NAS MI RO 'DRUL, ,SNYAN NAS 'BRUG SGROG SHANGS NAS RLUNG NAG 'TSUB, ,KHYOD KYI DBANG DRAG PHRIN LAS DUS LA BAB, ,SDANG DGRA GNOD BYED THAL BA RDUL DU RLOGS, ,HR'I: YAB YUM THABS DANG SHES RAB

, ,ROL PA LAS, ,THUGS KYI SPRUL PA DBANG CHEN KHRO BO'I SKU, ,SHAR PHYOGS 'KHOR LO 'BAR BA'I RTZIBS STENG NA, ,DRI ZA PHO MO BSNOL BA'I GDAN STENG NA, ,RDO RJE DBANG CHEN DKAR PO KHRO BO'I SKU, ,ZHAL GCIG PHYAG GNYIS DUR KHROD CHAS BRGYAD RDZOGS, ,SPYAN GSUM ZHAL BGRAD MCHE GTZIGS MI RO ZA, ,DBU SKRA KHAM NAG GYEN BRDZES SBRUL GYIS BCINGS, ,PHYAG G-YAS RDO RJES DGRA BGEGS MGO LUS GSHOG ,PHYAG G-YON DBYUG THOS MYOS SHING BRGYAL BAR BYED, ,ME DPUNG KLONG NA 'GYING ZHING GAR STABS TSUL, ,RNGAM PA'I NGA RO 'BRUG STONG DI RI RI, ,THUGS KYI SPRUL PAS STONG GSUM KHYAB PAR BYED, ,KHYOD KYI DBANG DRAG PHRIN LAS DUS LA BAB, ,SDANG DGRA GNOD BYED THAL BA RDUL DU RLOGS, ,HR'I: YAB YUM THABS DANG SHES RAB ROL PA LAS, ,THUGS KYI x, ,LHO PHYOGS x, ,GRUL BUM x, ,RIN CHEN DBANG CHEN MTHING NAG KHRO BO'I SKU, ,ZHAL GCIG PHYAG GNYIS DUR KHROD CHAS BRGYAD RDZOGS, ,SPYAN GSUM x, ,DBU SKRA x, ,PHYAG G-YAS RIN CHEN DBYU GUS DGOS 'DOD SKONG,, PHYAG G-YON LCAGS KYUS BLA 'GUGS TZITTA 'BYIN, ,ME DPUNG LA SOGS PA'I TSIG 'OG MA KUN LA 'GRE, DE NAS RKANG PA DANG PO GNYIS 'DRA BA LA, NUB PHYOGS x, ,KLU DBANG x, ,PADMA DBANG CHEN DMAR SMUG x, ,RKANG PA GSUM PA 'GRE, PHYAG G-YAS PADMAS CHE BTZAN DBANG DU SDUD, ,PHYAG G-YON ZHAGS PAS LUS DANG YAN LAG 'CHING, ,BYANG PHYOGS x, ,GNOD SBYIN x, ,PHRIN LAS DBANG CHEN LJANG DMAR x, ,PHYAG G-YAS RAL GRIS RTZA DANG SROG DBUGS GCOD, ,PHYAG G-YON KHA tV'Am RTZE GSUM DUG GSUM SGROL, ,HR'I:

SHAR PHYOGS DUNG GI SGO KHYUD NAS, ,BUD MED DKAR MO 'JIGS TSUL CAN, ,KHRAG GI RAL PA SHAR RA RA, ,PHYAG NA LCAGS KYUS DGRA SNYING 'BYIN, ,RINGS PAR KHUG CIG AAm KU SHA ,LHO PHYOGS GSER x, ,SER MO x, ,G-YU YI RAL PA SHAR RA RA, , PHYAG NA ZHAGS PAS BLA TSE 'GUGS, ,CHINGS SHIG SDOMS SHIG P'A SHA H'Um, ,NUB PHYOGS ZANGS KYI SGO KHYUD NAS, ,DMAR MO x, ,MTHING GI x, ,PHYAG NA LCAGS SGROG TSE SROG BSTIM, ,RTEN LA BSTIM ZHIG SPHO tA BAm, ,BYANG PHYOGS G-YU YI SGO KHYUD NAS, , LJANG GU x, ,PHYAG NA DRIL BUS BRGYAL BAR BYED, ,MYOS PAR GYIS SHIG GHAndA HO:, ,ZHES BSTOD CING BSKUL LO, ,'DIR 'PHRO NYID DU GYING LNGA GZA' GDONG GI SKUL GSUNGS PA NI 'OG NYID DU BRIS PA'O, ,BZLAS PA BYA BA'I TSUL NI, RANG GTZO BO'I NGA RGYAL LA GNAS PA'I THUGS KAR PADMA DMAR PO 'DAB MA BRGYAD PA'I LTE BAR HR'I: DMAR PO 'DAB MA LA SNGAGS KYIS BSKOR BA DE LAS 'OD ZER DUS MTHA'I ME LTA BU DRAG CING RTZUB LA 'BAR ZHING 'KHYIL BA PHYOGS BCUR 'PHROS PAS DE BZHIN GSHEGS PA THAMS CAD LA PHYI NANG GSANG GSUM GYI MCHOD PA PHUL, SKU GSUNG THUGS KYI DNGOS GRUB THAMS CAD BSDUS NAS RANG LA THIM, SEMS CAN THAMS CAD KYI SDIG SGRIB SBYANGS, DPAL RTA MGRIN GYI GO 'PHANG LA BKOD, BAR DU GCOD PA'I DGRA BGEGS THAMS CAD BYA SGRO MES BSREGS PA BZHIN DU THAL BA'I RDUL PHRAN TZAM YANG MA LUS PAR BSREGS PAR BSAMS LA,, HR'I: BADZRA KRO DHA HA YA GR'I WA HU LU HU LU H'Um PHAt, CES 'DZAB CI NUS BZLA, YUM DANG 'KHOR RNAMS KYI BZLAS PA BYA TSUL NI, LHA RANG RANG GI THUGS KAR PADMA 'DAB MA BRGYAD PA'I LTE BAR

, ,RANG RANG GI SNGAGS KYIS BSKOR BA LA DMIGS PA SNGAR BZHIN GTAD LA, AOm MA H'A KRO DHI SHVA R'I H'Um PHAt, YUM GYI DANG, AOm BADZRA KRO DHA SHVA RA H'Um PHAt, AOm RATNA KRO DHA SHVA RA H'Um PHAt, AOm PADMA KRO DHA SHVA RA H'Um PHAt, AOm KARMA KRO DHA SHVA RA H'Um PHAt, CES KHRO BO BZHI DANG, AOm BADZRA AAm KU SHA DZA: AOm BADZRA P'A SHA H'Um, AOm BADZRA SPHO tA BAm, AOm BADZRA GHAndA HO, ZHES SGO MA BZHI'I SNGAGS RNAMS BZLA'O, ,BZLAS PA'I MTHAR YI GE BRGYA PAS LHAG CHAD KHA BKANG ZHING, MCHOD PA BSDUS PA NANG MCHOD SMAN RAG DANG BCAS PAS KYANG MCHOD LA, PADMA RIGS KYI KHRO RGYAL MCHOG ,DBANG CHEN PADMA HE RU KA ,MI BZAD KHRO BO RTA MCHOG DPAL, ,DBANG DRAG STOBS CHEN RNGAM BRJID GTUM, ,SKU MDOG DMAR NAG BRJID CING 'GYING, ,DBU GSUM RNAM THAR GSUM YANG STON, ,PHYAG DRUG RGYUD DRUG RTZAD NAS GCOD,, ZHABS BZHIS 'KHOR BA'I CHOS BZHI SGROL, ,DUR KHROD CHAS BRGYAD SKU LA RDZOGS, ,RTA MGO LJANG GU RTA SKAD 'TSER, ,ME DPUNG 'BAR BA'I KLONG NA BZHUGS, ,RNGAM PA'I NGA RO 'BRUG STONG SGROG ,DREGS PA PHO MO DBANG DU SDUD, ,DBANG CHEN SKU LA PHYAG 'TSAL LO,, ZHES 'DZAB BSTOD BYA, SPROS PA LA MI DGA' NA GONG DU'ANG BSTOD PA 'DI NYID BYA, DE LTAR BSNYEN PA BYAS PA LAS 'GRUB PA'I MTSAN MA NI, RGYUD LAS, SKU NYID DNGOS SU MTHONG BA 'AM, ,SLOB DPON NYI ZLA MGO LA 'CHAR, ,RDZAS LA ME 'BAR 'OD 'PHRO ZHING, ,SGRUB KHANG G-YO 'GYUR SGRA CHEN 'BYUNG, ,PADMA'I SDONG POR 'DUG PA DANG, ,SNANG SRID ME TOG PADMAS KHENGS, ,SANGS RGYAS NYAG GCIG CHOS NYAN PA, ,RMI LAM MNGON SUM PHYI NANG GSANG, ,MTHONG NAS DNGOS GRUB DAM RDZAS BLANG, ,DRAG PO'I LAS RNAMS KUN LA SBYAR, ,ZHES GSUNGS PAS, MTSAN MA DE DAG GANG YANG RUNG BA RNYED NAS LAS

SBYOR LA 'JUG GI GZHAN DU MI RUNG STE, MTSAN MA MA MTHONG LAS RTZOM PA, ,'JA' TSON SBAR ZIN DON MED YIN, ,ZHES GSUNGS PA LTAR RO, ,GNYIS PA DNGOS GRUB BLANG BA'I TSUL NI, H'Um: KHRO RGYAL RNGAM CHEN RTA MCHOG DPAL, ,DPAL GYI SKU GSUNG THUGS MCHOG LAS, ,MCHOG GI DNGOS GRUB YE SHES DBYIG ,DUS 'DIR BDAG LA STZAL DU GSOL,, ZHES PAS DNGOS GRUB BLANG, DUS GSUM LONGS SPYOD TSOGS KYI MCHOD PA BYA BA'I TSUL NI, TSOGS KYI YO BYAD RNAMS BSANGS SBYANGS BYIN GYIS BRLAB PA NANG MCHOD DANG GTOR MA LTAR BYAS LA, MGRON SPYAN DRANGS PA NI, RANG GI THUGS KA'I SA BON LAS 'OD ZER 'PHROS PAS, RANG BZHIN GYI GNAS NAS YANG GSANG KHROS PA LHA DGU'I DKYIL 'KHOR LA RTZA BRGYUD KYI BLA MA, YI DAM DKYIL 'KHOR GYI LHA TSOGS, GNAS GSUM MKHA' 'GRO, CHOS SKYONG SRUNG MA, YUL LHA GZHI BDAG GI TSOGS DANG BCAS PAS BSKOR BA SKAD CIG GIS SPYAN DRANGS, H'Um, RANG BZHIN RNAM DAG NGANG NYID LAS, SPRUL PA'I KHRO BO MI BZAD PA, ,PADMA DBANG CHEN DKYIL 'KHOR LHA, ,LONGS SPYOD TSOGS LA GSHEGS SU GSOL, ,AE HYE HI BHA GA WAN MAH'A K'A RU nI KA BADZRA DH'A TU SA PA RI W'A RA BADZRA SA MA YA DZA: ZHES SPYAN DRANGS LA MDUN GYI NAM MKHAR BZHUGS PAR BSAMS TE, PADMA KA MA LA YE STVAm, ZHES GDAN PHUL, DE NAS TSOGS KYI MCHOD PA BYA BA LA GSUM LAS, DANG PO BSTOD DE 'BUL BA NI, 'DOD YON GYI LHA MO RNAMS KYIS SPYAN DRANGS PA'I YE SHES PA'I MGRON RNAMS LA 'DOD PA'I YON TAN LNGA DANG LDAN PA'I TSOGS KYI MCHOD PA NAM MKHA'I KHAMS GANG BAS MCHOD PAR GYUR PAR BSAMS LA, H'Um: MDZES SDUG GZUGS KYI MCHOD PA 'DI, ,PADMA DBANG CHEN SPYAN LA

, ,'BUL, ,SPYAN GYI THUGS DAM SKONGS GYUR CIG ,GZUGS KYI MCHOD PA BZHES SU GSOL, ,SNYAN PA SGRA YI MCHOD PA 'DI, ,PADMA DBANG CHEN SNYAN LA 'BUL, ,SNYAN GYI THUGS DAM SKONGS GYUR CIG ,SGRA YI MCHOD PA BZHES SU GSOL, ,DRI ZHIM NGAD KYI MCHOD PA 'DI, ,PADMA DBANG CHEN SHANGS LA 'BUL, ,SHANGS KYI THUGS DAM SKONGS GYUR CIG ,DRI YI MCHOD PA BZHES SU GSOL, ,ZHAL ZAS RO YI MCHOD PA 'DI, ,PADMA DBANG CHEN LJAGS LA 'BUL, ,LJAGS KYI THUGS DAM SKONGS GYUR CIG ,RO YI MCHOD PA BZHES SU GSOL, ,'JAM PA REG BYA'I MCHOD PA 'DI, ,PADMA DBANG CHEN SKU LA 'BUL, ,SKU YI THUGS DAM SKONGS GYUR CIG ,REG BYA'I MCHOD PA BZHES SU GSOL,, ZHES DBUL, GNYIS PA BSHAGS TE 'BUL BA NI, SNGAR LTAR TSOGS KYI MCHOD PA PHUL NAS, RANG GI DAM TSIG NYAMS CHAG THAMS CAD DAG PAR BSAMS TE, H'Um, BDAG CAG MA RIG NYON MONGS SEMS CAN GYI, ,ZHES SOGS KYIS BSHAGS PA BYAS PAS NYAMS CHAG MA LUS PAR DAG PAR BSAM MO,, GSUM PA BSTABS TE 'BUL BA NI, RANG GI THUGS KA'I SA BON GYI 'OD ZER GYIS DGRA BGEGS THAMS CAD MDUN DU BKUG PAR GYUR, H'Um, SPRUL PA'I KHRO BO 'BAR BA YIS, ,'KHOR BA'I NYON MONGS RGYA DRAL NAS, ,DUG LNGA DBYINGS SU BSGRAL BAR BYA, ,RANG GI THUGS KA'I SA BON GYI 'OD ZER LAS BYUNG BA'I LAS BYED KYI KHRO BO PHUR BU ME 'BAR BA THOGS PA RNAMS KYIS DGRA BGEGS RNAMS SKAD CIG GIS BSGRAL BAR GYUR, AA MU KA M'A RA YA PHAt, CES BRJOD LA TSOGS DE NYID DGRA BGEGS BSGRAL BA'I SHA KHRAG GI PHUNG POR BSAMS LA, H'Um: ZHING GYUR

THAMS CAD DBYINGS SU BSGRAL, ,SHA KHRAG SROG DBUGS MCHOD PA 'DI, ,PADMA DBANG CHEN DKYIL 'KHOR LA, ,MCHOD PAR 'BUL LO BZHES SU GSOL, ,HR'I: PADM'ANTA KRITA HYA GRi WA SA PA RI W'A RA SARBA BIGHN'AN SHA TRUm GA NA TZAKRA P'U DZA LA KHA RAm KH'A HI, ,ZHES ZHAL DU BSTABS PAS DGRA BGEGS KYI SHA KHRAG MA LUS PAR GSOL BAS RGYUD BDE BA CHEN POS TSIM PAR BSAM MO, ,DE NAS TSOGS LA SGRUB PA PO RNAMS LONGS SPYOD PA'I TSUL NI, LAS KYI RDO RJES, GZIGS SHIG MDZES LDAN DAM PA'I CHOS, ,'DI LA THE TSOM BYAR MI RUNG, ,BRAM ZE KHYI DANG GDOL PA PHAG ,RANG BZHIN GCIG TU DGONGS TE ROL, ,ZHES BRJOD LA DRANG ZHING, RNAL 'BYOR PA RNAMS KYIS, BDE BAR GSHEGS PA'I CHOS KYI MCHOG ,'DOD CHAGS DRI MA MED PA 'DI, ,GZUNG 'DZIN RNAM PAR SPANGS PA YI, ,DE BZHIN NYID LA BDAG PHYAG 'TSAL, ,AA LA LA HO: ZHES BLANGS TE, LHA'I RNAL 'BYOR GYI NGANG NAS NANG GI SBYIN SREG GI TSUL DU LONGS SPYAD, DE NAS TSOGS LHAG MA RNAMS BSDUS PA LA RANG GI YA RKAN 'OD DPAG MED DANG, MA RKAN GOS DKAR MOR BSAMS TE, DE GNYIS SNYOMS PAR ZHUGS PA'I BYANG CHUB KYI SEMS KYIS GTOR BAS BDUD RTZI'I RGYA MTSO CHEN POR GYUR PAR BSAMS TE, NANG MCHOD KYI KHA PHRUS BRAN LA, HR'I: DMAR NAG GRU GSUM DBANG GI DKYIL 'KHOR NAS, ,BCOM LDAN PADMA DBANG CHEN DANG, ,YUM CHEN GAR GYI DBANG PHYUG MA, ,LHAG MA'I TSOGS KYIS BSKOR BA NI, ,BDE GSHEGS KHYUNG DANG GZA' GDONG DANG, ,MA MO SDE BRGYAD 'KHOR DANG BCAS, ,BOD KHAMS SKYONG BA'I BSTAN MA SOGS, ,LHAG MA'I MCHOD PA 'DI BZHES LA, ,RNAL 'BYOR BCOL BA'I PHRIN LAS MDZOD, ,LHAG MA'I TSOGS LA KHA RAm KH'A HI, ,ZHES PAS

, ,TSOGS KYI LHAG MA BSNGO, THA MAR BYA BA'I RIM PA LA, BKA' SDOD LA GTOR MA 'BUL BA, GTOR MA PHYI ROL TU GSHEGS SHING BSTAN MA BSKYANG BA, NYE BAR BSDU ZHING BZOD PAR GSOL NAS SHIS BRJOD PA'I TSUL LO,, DANG PO LA CHOS SKYONG LCAM SRING LA GTOR MA 'BUL TSUL NI, MCHOD GTOR RNAMS PHYAG LEN BZHIN DU BSHAMS TE BYIN GYIS BRLABS LA, CHOS SKYONG 'KHOR BCAS SKYED PA NI, SVABH'A WA SA STONG PAR SBYANGS, STONG PA'I NGANG LAS RANG GI MDUN DU RTA KHRAG DANG MI KHRAG GI RGYA MTSO CHEN PO DMAR LA DVANGS PA RBA KLONG GRU GSUM BSNOL MAR 'KHRUG PA'I DBUS SU ZANGS KYI RI GRU BZHI PA'I STENG DU PADMA NYI MA RTA RO MI RO BRTZEGS PA'I GDAN LA, PRAm DANG ZANGS GRI LAS SKYES PA'I GNOD SBYIN CHEN PO SKU MDOG DMAR PO, ZHAL GCIG PHYAG GNYIS PA, PHYAG G-YAS 'BAR BA DANG BCAS PA'I ZANGS KYI RAL GRI NAM MKHA' LA 'PHYAR BAS DAM NYAMS KYI SROG RTZA GCOD CING, G-YON MDA' GZHU DANG DGRA BGEGS KYI GLO SNYING THUGS KAR 'DZIN PA'I MCHAN KHUNG G-YON NA BSE'I RU MTSON DMAR PO BSNAMS PA, ZHAL RAB TU GDANGS SHING MCHE BA RNON PO BZHI GTZIGS NAS LJAGS RNAM PAR BSKYOD PA, SPYAN GSUM DANG LDAN ZHING KHRO GNYER SHIN TU BSDUS PA, SMIN MA DANG SMA RA DUS MTHA'I ME LTAR RAB TU 'BAR ZHING DBU SKRA KHAM SER LTAG PAR BCINGS PA, MI MGO SKAM PO LNGA'I DBU RGYAN DANG, KHRAG 'DZAG PA'I MGO BO RLON PA LNGA BCU'I DO SHAL CAN, SKU LA ZANGS KYI BEG RTZE DANG DAR GYI RAL GU DMAR POS BRGYAN CING, ZHABS LA SAG LHAM DMAR PO GSOL BA, SGEG PA DPA' BA MI SDUG PA'I GZUGS CAN G-YAS BSKUM ZHING G-YON BRKYANG PA'I GAR STABS GYIS YE

SHES KYI ME 'BAR BA'I KLONG DKYIL NA BZHUGS PA, DE'I G-YON DU MAm LAS RIG PA'I LHA MO GDONG DMAR MA SKU MDOG SNGO NAG GDONG PA BSE, SO DUNG, SMIN MA G-YU, ME'I RAL PA LA MCHONG DANG MU MEN GYIS BRGYAN CING, GSER GYI RNA RGYAN 'PHYANG BA, GCER MO SPYAN DANG ZHAL BGRAD CING, G-YAS ZANGS KYI RAL GRI DGRA LA 'PHYAR ZHING, G-YON LCAGS KYI PHUR BU BGEGS LA 'DEBS PA, DRED MO MI ZAN LA ZHON PA, GTZO BO'I G-YAS SU PRAm LAS LAS MKHAN SROG BDAG DMAR PO ZHAL GCIG PHYAG GNYIS G-YAS MDUNG DMAR 'PHYAR ZHING G-YON BTZAN GYI ZHAGS PA DGRA LA 'DEBS PA, BSE KHRAB DANG BSE RMOG GYON ZHING LCE SPYANG SMYON PA LA ZHON PA, MTSAN MO RGYU ZHING DGRA BGEGS LA 'O DOD 'BOD PA, GTZO 'KHOR GSUM GYI SHAR DU MI DMAR KHRA MA, LHOR RI TZI MI DMAR, NUB TU KRO DHI MI DMAR, BYANG DU SROG BDAG KO SHANG, SHAR LHOR AAm KRI MI DMAR, LHO NUB TU RO KRI MI DMAR, NUB BYANG TU HAm SHANG MI DMAR, BYANG SHAR DU SROG BDAG THAL BA STE, GRI THOGS BRGYAD DANG BSHAN PA NYI SHU RTZA GCIG PO THAMS CAD KYANG SKU MDOG DMAR PO, G-YAS ZANGS KYI RAL GRI 'PHYAR ZHING, G-YON LA LA RGYU MA'I LAG DOG BYED PA, LA LA GLO SNYING MCHIN PA 'BRAD PA, LA LA SNYING KHRAG KLAD PA BLDAG PA, LA LA SHA KHRAG SPAR GYIS 'DEBS PA, LA LA RUS PA RKANG MAR 'CHA' BA, LA LA PAGS PA DMAR BSHUS BYED PA, LA LA SHA GDAN DMAR PO 'DINGS PA, THAMS CAD KYANG DGRA BO'I SROG LEN PA, MI LPAGS KYI G-YANG GZHI DANG BA GLANG GI KO BA RLON PA GYON PA, GZHAN YANG BTZAN DMAR STONG, BDUD

, ,DANG GNOD SBYIN SRIN PO SUM STONG, MA MO 'BUM SDE, THE'U RANG STONG LA SOGS PA DAM CAN RGYA MTSO'I DMAG TSOGS DPAG TU MED PAS BSKOR BA'I GTZO 'KHOR THAMS CAD KYI SPYI BOR AOm, MGRIN PAR A'A: THUGS KAR H'Um, RANG GI THUGS KA'I H'Um LAS 'OD ZER 'PHROS PAS BYANG SHAR MA RU TZE'I DUR KHROD BRAG DMAR PO MCHONG LDING GI PHO BRANG NAS GNOD SBYIN DREGS PA LCAM SRING 'KHOR DANG BCAS PA SKAD CIG GIS SPYAN DRANGS, KYEE; YUL GCIG MYA NGAM 'DAS PA BDUN GYI PHA ROL NA; ;MDA' NA KHRAG MTSO PHU NA ZANGS BRAG BRTZEGS, ,MI RO RTA RO MANG PO GCAL DU BKRAM, ,MI KHRAG RTA KHRAG DU MA MTSO RU 'KHYIL, ,'KHOR YUG ZANGS RI'I 'PHRENG BAS KUN NAS BSKOR, ,BSE MKHAR SMUG PO MCHONG GI BA GAM CAN, ,THOD PA BRTZEGS PA'I GZHAL YAS CHEN PO NAS, ,CHOS SKYONG DREGS PA LCAM SRING GSHEGS SU GSOL, ,'KHOR TSOGS BSHAN PA'I TSOGS KYANG GSHEGS SU GSOL, ,ZHING BCU'I DAM NYAMS DGRA BO GDUL BA DANG, ,RNAL 'BYOR BDAG GIS LAS BCOL BSGRUB PA'I PHYIR, ,DA LTA NYID DU GNAS 'DIR GSHEGS SU GSOL, ,DA LTA NYID DU GNAS 'DIR GSHEGS NAS KYANG, ,RINGS PA'I TSUL GYIS MCHOD GTOR 'DI BZHES LA, ,NAG PO'I PHYOGS DANG GANG LA DMIGS PA YI, ,GNOD BYED DGRA BGEGS THAL BA'I RDUL DU RLOGS, ,RAKMO PRA nA A'ATMA SA PA RI W'A RA AA KARshA YA DZA: DZA: H'Um BAm HO: DAM TSIG PA DANG GNYIS SU MED PAR GYUR, PADMA KA MA LA YE STVAm, CHOS NYID ZHI BA'I NGANG LAS MA G-YOS KYANG, ,MA RUNGS GDUL PHYIR DRAG PO'I SKUR BSTAN NAS, ,MTHU

STOBS PHUN TSOGS BSTAN BA SRUNG MDZAD PA'I, ,SGROL GYING BSHAN PA DMAR PO LA PHYAG 'TSAL, ,BKA' YI 'KHOR GNAS YE SHES SRUNG MA'I TSOGS, ,RNAL 'BYOR 'DOD PA'I BDE STER GSANG BA'I YUM, ,LAS BYED BSHAN PA GTUM PO SDE LNGA DANG, ,MA MO THE RANG TSOGS LA GUS PAS 'DUD, ,CES PHYAG BYA, AOm RAKMO PRA nA A'ATMA SA PA RI W'A RA AARGHAm PRA T'I TZTSA YE SV'A H'A, DE BZHIN DU SHAPTA 'I BAR DU SBYAR LA MCHOD PA DBUL, AOm A'A: H'Um MTHAR BTAGS LA NANG MCHOD PHUL TE, RANG YI DAM DU GSAL GSAL BA'I THUGS KA'I SA BON LAS 'OD ZER 'PHROS, CHOS SKYONG LCAM SRING GI THUGS KAR NYI MA'I STENG DU RANG RANG GI SNGAGS PHRENG GIS BSKOR BA LA PHOG PAS THUGS RGYUD BSKUL, RANG DBANG MED PAR BKA' NYAN CING CI 'DOD PA'I LAS BSGRUB PAR BSAMS LA, AOm PRA nA A'ANGMA KshI RU PU RU shA LO HI TA SARBA SHA TRUm M'A RA YA H'Um PHAt, CES PA YAB KYI SNGAGS DANG, AOm RAKMO YA MA TZITTA DZVA LA RAm PRA TI DE WI H'Um SROG LA YA MA DZA: SARBA SHA TRUm M'A RA YA RBAD PHAt, CES YUM GYI SNGAGS CI MANG BZLAS PA'I MTHAR, CHOS SKYONG 'KHOR DANG BCAS PA'I LJAGS H'Um LAS SKYES PA'I RDO RJE RTZE GCIG PA DMAR PO 'OD KYI SBU GU CAN DU GYUR PAS GTOR MA'I BCUD THAMS CAD DRANGS TE GSOL BAR BSAMS LA, AOm RAKMO PRA nA A'ATMA SA PA RI W'A RA SARBA BIGHN'AN SHA TRUm AI DAm BA LIm TA KHA KHA KH'A HI KH'A HI, ZHES PA LAN BDUN GYIS GTOR MA DBUL, SLAR YANG MCHOD PA DANG NANG MCHOD PHUL NAS, KYE RGYA GAR YUL GYI DGRA LHA, MA RU TZE'I GNAS SRUNG, LI YUL CHOS KYI SRUNG MA, MA H'A DE WA'I BKA' NYAN, GSHIN RJE'I GSHED KYI BKA' SDOD, YAB GNOD SBYIN ZANGS KYI RAL PA CAN DANG,

, ,YUM SRIN MO KHRAG GI RAL PA CAN GYI SRAS GNOD SBYIN CHEN PO ZANGS KYI BEG TZE CAN, SRING MO SRID PA'I LHA MO GDONG DMAR MA, 'KHOR SROG GCOD BSHAN PA'I TSOGS DANG BCAS PA KHYED RNAMS KYIS SHA KHRAG DMAR GYI GTOR MA 'DI BZHES LA; SANGS RGYAS KYI BSTAN PA SRUNGS, DKON MCHOG GI DBU 'PHANG BSTOD, BLA MA'I SKU TSE SRINGS, RNAL 'BYOR PA BDAG GIS SANGS RGYAS MA THOB KYI BAR DU 'GAL RKYEN THAMS CAD SOL, MTHUN RKYEN THAMS CAD SGRUBS, GNOD BYED DGRA BGEGS THAMS CAD DRAG PO'I CHAD PAS SKAD CIG NYID LA THAL BA'I RDUL PHRAN BZHIN DU BRLAG PAR MDZOD CIG CES BKA' BSGO, 'OG NAS 'BUL BA LTAR GYI BSKANG RDZAS RNAMS BSANG SBYANGS BYAS LA, RANG RANG GI MING YIG DANG PO THIG LES BRGYAN PA ZHU BA LAS BYUNG BA'I GNOD SBYIN LCAM SRING MNYES PAR BYED PA'I DAM RDZAS SPYAN GZIGS MCHOD PA'I BYE BRAG BSAM GYIS MI KHYAB PA ZHIG GNOD SBYIN LCAM SRING 'KHOR DANG BCAS PA'I SPYAN LAM DU 'BYUNG ZHING RGYAS PAR GYUR CIG CES BRJOD LA, AOm SARBA BID PU RA PU RA SOGS KYI NAM MKHA' MDZOD KYI SNGAGS DANG PHYAG RGYAS BYIN GYIS BRLABS LA 'BUL BA NI, KYE; DUS GSUM RGYAL BA'I BSTAN SRUNG MTHU RTZAL CAN, ,SROG BDAG DMAR PO 'KHOR BCAS SPYAN LAM DU, ,NAM MKHA' GANG BA'I DAM RDZAS SPYAN GZIGS TSOGS, ,'BYUNG ZHING RGYAS LA THUGS DAM SKONGS GYUR CIG ,RA DMAR KHRAG CHANG MCHOD YON MTSO LTAR 'KHYIL, ,DBANG PO LNGA YI ME TOG RI LTAR SPUNGS, ,SHA CHEN TSIL CHEN DUD PA SPRIN LTAR 'KHRIGS, ,ZHUN CHEN SGRON ME NYI LTAR 'BAR BA 'DIS, ,GNOD SBYIN DREGS PA LCAM SRING

THUGS DAM BSKANG, ,LAS MKHAN SROG BDAG DMAR PO'I THUGS DAM BSKANG, ,GRI THOGS BSHAN PA'I TSOGS KYI THUGS DAM BSKANG, ,'KHOR TSOGS DAM CAN RGYA MTSO'I THUGS DAM BSKANG, ,'KHOR DANG BCAS PA'I THUGS DAM BSKONGS GYUR NAS,, RNAL 'BYOR DPON SLOB NYAMS CHAGS SOS GYUR CIG ,MI MTHUN RKYEN DANG BAR GCOD ZLOG PA DANG, ,MTHUN PA'I DNGOS GRUB MA LUS STZAL DU GSOL, ,GSER ZHUN 'KHYIL 'DRA MKHRIS PA'I DRI CHAB DANG, ,DGRA BGEGS SHA KHRAG SPUNGS PA'I ZHAL ZAS DANG, ,SNYAN BRJID ROL MO'I SGRA YIS STONG GSUM KHYAB, ,RO BRGYA LDAN PA'I GSER SKYEMS DAM PA 'DIS, ,x RNO SDUG RA G-YO SHA RGYAS DAL GYIS 'GRO, ,MDZES PA'I SPU LDAN MTSAMS SPRIN PHUNG PO BZHIN, ,'JA' TSON LTAR BKRA DAR GYI RGYAN CHA CAN,, SPYAN GZIGS BSE YI RA SKYES KHAM PA 'DIS, ,x ZHOL G-YAG KHAM PA RNAMS NI NGAR 'JO BYED, ,MDZES LDAN RTA MCHOG RNAMS NI GLOG BZHIN 'GYU, ,DUR BYA SRIN BYA'I GAR GYIS MKHA' LAM KHYAB, ,BSE KHRA DAM NYAMS KLAD LA LDING BA 'DIS, ,x SRA ZHING BRTAN PA RDO RJE'I GO KHRAB DANG, ,RNO NGAR MI BZAD SNA TSOGS MTSON CHA DANG, ,DUR BYA'I SGROS RGYAN DAR DMAR G-YO BAS MDZES, ,DGRA BGEGS SNYING LA THOG LTAR RGYUG PA 'DIS, ,x SHA KHRAG GTOR MA'I TSOGS KYIS SA GZHI GANG, ,PHYI NANG 'DOD YON TSOGS KYIS BAR SNANG GANG, ,RGYAL SRID RIN CHEN BDUN GYIS NAM MKHA' GANG, ,DNGOS BSHAMS YID KYIS SPRUL PA'I MCHOD SPRIN 'DIS, ,x SEMS NYID RANG BZHIN MKHA' LTAR RNAM DAG KYANG, ,GLO BUR NYON MONGS SPRIN GYIS G-YOGS

, ,PA'I MTHUS, ,NONGS PAR GANG GYUR BSHAGS DANG BSHAGS YUL DANG, ,BSHAGS BYA DMIGS MED NGANG DU DAG PAR BGYI, ,SGROL GYING SROG BDAG DMAR PO 'KHOR BCAS KYIS, ,GNOD BYED DGRA BGEGS THAMS CAD TSAR CHOD LA, , YID BZHIN NOR DANG DPAG BSAM SHING BZHIN DU, ,MCHOG DANG THUN MONG DNGOS GRUB CHAR DU PHOB, ,CES THUGS DAM BSKANGS NAS GTOR MA BYANG SHAR GYI GTOR STEGS KHAR BSKYAL TE, BYANG SHAR MA RU TZE YI DUR KHROD NAS, ,MCHONG DMAR BRAG LA BRTEN PA'I GNAS BCAS PA, ,SGROL GYING CHEN PO SROG BDAG DMAR PO DANG, ,SROG BDUD CHEN MO BSE YI LAN PHRAN CAN, ,LCAM SRING KHYED KYI BKA' LAS MI 'DA' BA'I, ,LAS MKHAN SROG BDAG DMAR PO 'KHOR DANG BCAS, ,SGROL BYED BSHAN PA GRI THOGS BRGYAD PO DANG, ROL BSHAN NYI SHU RTZA GCIG 'KHOR DANG BCAS, ,BDUD DANG GNOD SBYIN SRIN PO SUM STONG DANG, ,BTZAN DMAR STONG GI DMAG TSOGS 'KHOR DANG BCAS, ,MA MO 'BUM DANG THE'U RANG STONG LA SOGS, ,STON PA'I BKA' NYAN BSTAN SRUNG RGYA MTSO'I TSOGS, ,'DIR GSHEGS RGYAN GYI GTOR MA 'DI BZHES SHIG ,DGRA SHA KHRAG GI MCHOD PA 'DI BZHES SHIG ,GTZANG MA PHUD KYI GSER SKYEMS 'DI BZHES SHIG ,RA DMAR KHRAG CHANG MCHOD YON 'DI BZHES SHIG ,SNGAR BCOL LEGS PA'I GTANG RAG GNYAN PO GTONG, ,DA 'CHOL LEGS PA'I GSOL 'DEBS RTEN DU 'BUL, ,RGYAL BA'I BSTAN DANG BSTAN 'DZIN GCES PAR SKYONGS, ,RNAL 'BYOR BDAG GI GNAS LUS LONGS SPYOD DANG, ,'KHOR DANG YO BYAD BZHON PA LA SOGS PA, ,BCOL

LO LTOS SO SRUNG MA MTHU RTZAL CAN, ,NYIN GSUM BYA RA RGYANG NAS MA G-YEL CIG ,MTSAN GSUM MEL TSE DRUNG NAS MA G-YEL CIG ,RTAG TU SGRUB PA'I STONGS GROGS MA G-YEL CIG ,BLA MAS BCOL BA'I PHRIN LAS MA G-YEL CIG ,SDANG BA'I DGRA LA MNGON PA'I RTAGS STON LA, ,RNAL 'BYOR BDAG GI MGON SKYABS DPUNG GNYEN MDZOD, ,BLA MA'I SKU DGRA BSTAN PA'I SPYI DGRA DANG, ,RNAL 'BYOR SGOS DGRA SEMS CAN YONGS LA 'TSE, ,MA NYES LOG PAR LTA BA'I DGRA DANG BGEGS, ,DPAL MGON KHYOD KYIS SGROL LA BSTAN PA SRUNGS, ,ZHES SPYI BSTABS BYA'O, ,GYING LNGA GZA' GDONG LCAM DRAL LA GTOR MA 'BUL BA'I TSUL NI, GTOR MA PHYAG LEN BZHIN BSHAMS, SNGAR LTAR BYIN GYIS BRLAB PA'AM, YANG NA SNGAGS DRUG PHYAG RGYA DRUG GIS BYIN GYIS BRLABS TE, RANG GI THUGS KA'I SA BON LAS 'OD ZER 'PHROS PAS, YANG GSANG KHROS PA'I DKYIL 'KHOR NAS BKA' SDOD GYING LNGA GZA' GDONG 'KHOR BCAS SPYAN DRANGS, H'Um; PADMA DBANG CHEN DKYIL 'KHOR NAS, ,CHOS KYI DBYINGS LAS MA G-YOS KYANG, ,BSTAN PA GNYAN PO SRUNG BA DANG,, DGRA BGEGS THAL BAR RLOG PA DANG, ,RNAL 'BYOR LAS BCOL BSGRUB PA'I PHYIR, ,SROG GCOD DREGS PA GYING LNGA DANG, ,GZA' GDONG LCAM DRAL 'KHOR DANG BCAS, ,SNGON GYI DAM LAS MA 'DA' BAR, ,RINGS PA'I TSUL GYIS DA TSUR SPYON, ,AE HYE HI, BADZRA SA MA YA DZA: ZHES SPYAN DRANGS TE, RANG GI MDUN DU BZHUGS PAR MOS LA, MGRON RNAMS KYI LJAGS H'Um LAS SKYES PA'I RDO RJE RTZE GCIG PA 'OD KYI SBU GU CAN DU GYUR PAS GTOR MA'I BCUD THAMS CAD DRANGS TE GSOL BAR BSAMS LA, AOm AA K'A RO MU KHAm ZHES

, ,SOGS LAN BDUN GYIS GTOR MA BSNGOS LA, MCHOD PA NANG MCHOD SMAN RAG DANG BCAS PAS KYANG MCHOD NAS BSTOD CING BSKUL BA NI, HR'I: BCOM LDAN PADMA HE RU KA ,DBANG CHEN THUGS KYI SPRUL PA NI, ,SROG BDAG 'OD KYI RGYAL PO BYUNG, ,SKYES MCHOG 'OD KYI MI BO CHE, ,SKU LA SENG GE'I SLOG PA GSOL, ,DBU LA BYI LE DKAR PO BCINGS, ,NAM MKHA' 'JA' YI SKA RAGS CAN, ,CHIBS SU SENG GE DKAR MO CHIBS, ,LCAGS KYI SDER MOS DGRA SNYING 'BYIN, ,G-YAS PA RAL GRIS DGRA SOGS GCOD, ,G-YON PA 'OD KYI ZHAGS PA 'PHEN, ,DGRA BO'I TSE SROG DON SNYING PHYUNG, BSKUL LO DRAG TU DGRA SROG CHOD, ,SHAR GYI DKAR PO DAM TSIG CAN, ,RTA RU DKAR PO NGANG RING ZHON, SKU LA DAR DKAR RAL GU GSOL, ,DBU LA DUNG GI COD PAn CAN, ,PHYAG NA SHEL GYI ZANGS GRI THOGS, ,PHYAG G-YON ZHAGS PA DGRA LA 'DEBS, ,TSANGS PA DUNG GI THOR TSUGS CAN, ,DGRA BO'I LTO PHROL KHONG SNYING PHYUNG, ,LHO YI DGE BSNYEN DAM TSIG CAN, ,SKU LA ZA 'OG SNGO KHRA GSOL, DBU LA BSE MAN 'GYING THOD BCINGS, ,RTA NI KHAM PA LAG DKAR ZHON, ,G-YAS PA BSE YI RDO RJE THOGS, ,G-YON PA TZITTA DMAR PO THOGS, ,GYING CHEN RDO RJE GSHOGS RGOD RTZAL, ,DGRA BO'I SNYING PHYUNG SROG RTZA CHOD, ,NUB KYI BDUD NAG DAM TSIG CAN, ,SKU LA LCAGS KYI ZHUN KHRAB GSOL, ,DBU LA BDUD ZHVA LDING NAG GSOL, ,CHIBS SU BDUD RTA NAG PO CHIBS, ,PHYAG G-YAS BDUD KYI KHRAM SHING BSNAMS, ,PHYAG G-YON ZHAGS PA NAG PO 'DEBS, ,NAG PO GSOD BYED BDUD KYI BU, ,DGRA YI TSE SROG KHRAM LA THOB, ,BYANG GI SROG BDAG DAM TSIG

CAN, ,SKU LA BSE KHRAB DMAR PO GSOL, ,DBU LA BSE RMOG ZANGS RING GSOL, ,CHIBS SU BSE YI RA SKYES CHIBS, ,PHYAG G-YAS ZANGS KYI GRI RINGS BSNAMS, ,G-YON PA ZHAGS PA DGRA LA 'DEBS, ,BSE ROG SROG GCOD LAG DMAR 'GYING, , DGRA BO'I MDANGS PHROGS SROG RTZA CHOD, ,DAM NYAMS MA GTANG SHO RA RE, HR'I: PADMA'I RGYAL PO RTA MCHOG DPAL, ,KHRO RGYAL KHRAG 'THUNG HE RU KA ,THUGS KYI SPRUL PA MI BZAD PA, SKYI THANG CHU 'KHYAG MNGA' BDAG KHYOD, ,KHYAB 'JUG CHEN PO RA HU LA, ,BYI TA SE TA SGRA GCAN 'DZIN, ,DRANG SRONG CHEN PO KUN TU RGYU, ,GZA' RGOD CHEN PO SKYI THANG BDAG ,DUD KHA MGO DGU MIG GIS KHENGS, ,RO SMAD SBRUL GYIS RGYA MTSO 'KHRUG ,PHYAG G-YAS SKYI THANG 'KHOR LO BSNAMS, ,PHYAG G-YON CHU SRIN ZHAGS PA 'PHEN, , DGRA YUL LO THOG RDUL DU RLOGS, ,H'Um; PHYOGS BZHI NAM MKHA'I KLONG DKYIL NA, ,NGAN SNGAGS BDAG MO SKYI THANG PHOB, ,SHAR GYI STAG SRIN (DRAG SRIN ZER BA'ANG 'DUG) ZOR BA GDONG, ,LHO YI BAm SRIN DRED MO GDONG, ,NUB KYI KONG SRIN BA GLANG GDONG, ,BYANG GI 'BROG SRIN CHU SRIN GDONG, ,NGAN SNGAGS BDAG MO KHYED BZHI NI, ,G-YAS PA ZOR BA G-YON NAD RKYAL, ,SKYI THANG CHU RGOD MNGA' BDAG MA, ,DGRA BO'I LO THOG SNA MA LA, ,CHU RGOD 'KHYAG PA'I SKYI THANG PHOB, ,DGRA YUL THAL BA'I RDUL DU RLOGS, ,CES BSKUL LO, ,GNYIS PA GTOR MA PHYI ROL DU GSHEGS SHING BSTAN MA SKYONG BA'I TSUL NI, 'JIG RTEN DANG 'JIG RTEN LAS 'DAS PA'I GTOR MA DANG, BSTAN MA BCU GNYIS KYI GTOR MA PHYAG LEN BZHIN BSHAMS BYIN GYIS BRLABS, PHYI ROL TU KHYER, DE'ANG ZER DU BYED NA, DA NI

, ,GSHEGS SO SHA RA RA, ,ZHES SOGS KYIS GTOR SGO DBYE BA'ANG BYED, DE BZHIN MIN NA RIG 'DZIN SPYI SKUL DANG, DKON MCHOG GI SPYI SKUL SOGS BYAS NAS GTOR MA SPYI LTAR BSKYANGS, KHYAD PAR BSTAN MA BSKYANG BA NI, RANG GI THUGS KA'I HR'I: LAS 'OD 'PHROS, BOD KHAMS SKYONG BA'I BSTAN MA BCU GNYIS LA YUL LHA GZHI BDAG GIS BSKOR BA SPYAN DRANGS, AOm MA MA, ME ME, LA LA, LE LE, TA TA, TE TE, SRING 'GRO MA A'A KARshA YA DZA: ZHES PAS SPYAN DRANGS, DAR DKAR GYI GUR 'JA' 'OD 'KHYIL BA'I NANG DU BZHUGS PAR BSAMS LA, GYING LNGA GZA' GDONG GI SKABS LTAR GTOR MA BSNGOS SHING MCHOD NAS GSER SKYEMS SBRAN ROL MO DANG BCAS PAS, AOm; BDAG NYID CHEN MO RDO RJE KUN GRAGS MA, ,DPAL LDAN LHA RI RDO RJE G-YA' MA SKYONG, ,GANGS KYI YUM CHEN RDO RJE KUN TU BZANG, , 'BROG CHEN 'KHOR 'DUL RDO RJE BGEGS KYI GTZO, ,BDUD MO CHEN MO KHYED BZHI YANG, ,SNGON GYI THUGS DAM RJES DGONGS LA, ,BRAN G-YOG MANG PO'I 'KHOR DANG BCAS, ,LHAB LHUB MANG PO'I RGYAN DANG BCAS, ,SIL SNYAN ROL MO'I SGRA DANG BCAS, , 'DIR SPYON MTHUN PA'I DAM RDZAS BZHES, ,BCOL BA'I PHRIN LAS GRUB PAR MDZOD, ,GANGS DKAR SHA MED RDO RJE SPYAN GCIG MA, ,MKHA' RAG KHYUNG BTZUN RDO RJE DPAL GYI YUM, ,GSER CHEN MKHA' LDING RDO RJE KLU MO DANG, ,RMA RI RAB 'BYAMS RDO RJE GRAGS MO RGYAL, ,GNOD SBYIN CHEN MO KHYED BZHI YANG, ,x KONG BTZUN DE MO RDO RJE BOD KHAMS SKYONG, ,BTZAN LA LO RO RDO RJE SMAN GCIG MA, ,SMAN BTZUN AUG CHOS RDO RJE G-YAS MO SIL, ,G-YU YI DRIL BU RDO RJE GZUGS LEGS MA, ,SMAN MO CHEN MO

KHYED BZHI YANG, ,ZHES PA NAS, BCOL BA'I PHRIN LAS GRUB PAR MDZOD, ,CES PA'I BAR SBYAR LA GTOR MA G-YA' DANG GANGS MTHONG BA'I SAR BSKYAL, DE NAS KYANG SBROS PA LA DGA' NA DBANG PO RAB 'BRING THA MA'I RTA BRO DAG KYANG BYA'O,, GSUM PA NYE BAR BSDU ZHING BZOD PAR GSOL NAS SHIS PA BRJOD PA'I TSUL NYE BAR BSDU BA NI, GZHAL YAS KHANG GDAN DANG BCAS PA 'KHOR GYI LHA RNAMS LA THIM, 'KHOR GYI LHA RNAMS YUM LA THIM, YUM YAB LA, YAB THUGS KA'I PAD 'DAB HR'I: DANG BCAS PA LA, THUGS KA'I PAD 'DAB KYANG HR'I: LA THIM ZHING, HR'I: YANG JE PHRA JE PHRAR GYUR TE MTHAR MI DMIGS PAR BSAMS LA, DE KHO NA NYID KYI RTOGS PA'I LTA BA'I STENG DU RE ZHIG MNYAM PAR GZHAG SLAR YANG DE LAS CHU LAS NYA LDANG BA'I TSUL DU GTZO BO ZHAL GCIG PHYAG GNYIS PA'AM, ZHAL PHYAG YONGS SU RDZOGS PAR LANGS PA'I GNAS LNGAR BYA KHYUNG GI PHYAG RGYA BCAS LA, SPYI BOR AOm HYA GRi BA, MGRIN PAR BHANDHA HR'I: SNYING GAR PADMA BHANDHA HR'I: LTE BAR TZANDA RAG SHA HR'I: GSANG GNAS SU HU LU HU LU H'Um BHYO H'Um, ZHES SNGAGS RNAMS 'OD ZER GYI PHUNG PO CAN DU BSGOMS LA LUS BSRUNG, SLAR YANG MCHOD BSTOD BSDUS PA ZHIG BYAS LAS, AOm PADMA SA TVA SA MA YA ZHES SOGS SNANG BA MTHA' YAS KYI YI GE BRGYA PA LAN GSUM BRJOD DE, MA 'BYOR PA DANG NYAMS PA DANG, ZHES SOGS KYIS BZOD PAR GSOL ZHING LHAG CHAD KHA BSKANG LA THUN MTSAMS SU SNOD THAMS CAD GZHAL YAS KHANG DANG, BCUD THAMS CAD DPAL RTA MGRIN GYI LHA TSOGS SU MOS PA DANG, BZA' BTUNG RNAMS KYANG YE SHES KYI BDUD RTZIR BYIN GYIS BRLABS LA NANG GI SBYIN SREG GI TSUL DU LONGS SPYAD, MTHAR, PHUN SUM TSOGS PA MNGA' BA GSER GYI RI BO 'DRA, ,ZHES SOGS KYI BKRA SHIS KYANG RGYAS PAR BYA'O, ,GANG ZHIG YID LA DRAN PA TZAM GYIS

, ,BDUD SDE MA LUS SKRAG CING 'DAR, ,MTSAN TZAM RNA BAR LHUNG BA YIS KYANG SRID GSUM BGEGS DPUNG 'BYER ZHING 'BROS, ,SNYING NAS SKYABS SU BZUNG BA'I MOD LA 'CHI MED GO 'PHANG BDE BLAG STZOL, ,LHAG PA'I LHA DE BSNYEN CING SGRUB RNAMS KVA YE MCHOG TU SKAL BA BZANG, ,YANG GSANG KHROS PA PADMA GAR GYI GTZO, ,GSANG DON YID BZHIN RGYA MTSO'I 'JUG NGOGS NAS, ,DNGOS GRUB GNYIS KYI NOR BU LEN 'DOD NA, ,SGRUB THABS GRU CHEN 'DI LA BRTEN PAR BYOS, ,'DIR 'BAD LAS BYUNG RNAM DKAR NYI 'OD KYIS, ,NAG PHYOGS BDUD SDE'I MUN PA DRUNGS PHYUNG NAS, ,SKU GSUM 'DAB BRGYA'I TSAL DU GEGS MED PAR, ,GZHAN PHAN SBRANG RTZI'I RO LA SPYOD GYUR CIG, CES PADMA DBANG CHEN YANG GSANG KHROS PA'I SGRUB THABS PHRIN LAS BZHI'I BANG MDZOD CES BYA BA 'DI NI NANG SO CHOS RGYAL CHEN PO CHOS KYI SPYAN DANG LDAN PA NOR 'DZIN RGYAL PO'I BKAS LEGS PAR BSKUL BA LA BRTEN NAS, LAM 'DI LA BRTEN NAS GRUB PA MCHOG BRNYES PA'I DAM PA DAG GI RIGS SU BYUNG BA BTZUN PA DGE 'DUN RGYA MTSO DPAL BZANG POS 'OL KHA STAG RTZE'I PHO BRANG CHEN POR NYE BAR SBYAR BA'I YI GE PA NI SANGS RGYAS MGON PO'O, ,'DIS KYANG BSTAN PA DANG SEMS CAN LA PHAN PA RGYA CHEN PO 'BYUNG BAR GYUR CIG, ,, ` DPAL RTA MGRIN GYI RJES GNANG BYA TSUL NI, BDAG BSKYED RDZOGS PAR BSGOMS, GTOR MA LHAR BSKYED PA SOGS BYAS NAS, SLOB MA KHRUS BYAS, MAndAL PHUL, KUN MKHYEN YE SHES PHUNG PO CAN, ,ZHES SOGS KYIS GSOL BA GDAB, SPYI DANG BYE BRAG GI CHOS BSHAD, BYANG SEMS KYI SDOM PA GZUNG, DE LTAR GSOL BA BTAB CING SDOM PA GZUNG BA SNGON DU BTANG, MAndAL BSTAN PA NI, MDUN GYI GTOR MA 'DI NYID DPAL RTA MGRIN ZHES SOGS KYIS MAndAL

BSTAN, BLA MA YANG DPAL RTA MGRIN DU SGOM DU BCUG STE, BLA MA DANG MDUN BSKYED GNYIS KA'I SPYI BOR AOm DKAR PO, MGRIN PAR A'A: DMAR PO, THUGS KAR H'Um SNGON PO, LTE BAR SV'A SER PO, GSANG GNAS SU H'A LJANG GU DANG BCAS PA GSAL BTAB, DE NAS, BLA MA RIN PO CHE, BDAG LA RTA MGRIN GYI SKU'I SGO NAS BYIN GYIS BRLAB TU GSOL, SKU'I BYIN RLABS LUS LA 'JUG PAR BYIN GYIS BRLAB TU GSOL, LUS KYI NAD GDON ZHI BAR BYIN GYIS BRLAB TU GSOL, BUM PA'I DBANG BSKUR DU GSOL, ZHES GSOL BA 'DEBS SU BCUG LA, DE NAS BLA MA DANG GTOR MA YI DAM DU GSAL BA GNYIS KA'I SPYI BO'I AOm LAS RTA MGRIN SKU MDOG DKAR PO CHE BA RI RAB TZAM, CHUNG BA YUNGS KAR TZAM RDUL PHRA RAB KYI GRANGS DANG MNYAM PA DPAG TU MED PA KHA BA BU YUG 'TSUBS PA BZHIN DU SKYA BUN BUN BYUNG, KHYED RANG GI SPYI BO'I DBUS SU SIB SIB THIM PA'I MOS PA GYIS ZHES BRJOD, AOm BADZRA PADM'AN TA KRID SOGS KYI SNGAGS DRAG TU BRJOD CING, ROL MO'I SGRA BYA'O, ,DE NI SKU'I RJES GNANG NGO, ,DE BZHIN DU BLA MA RIN PO CHE, BDAG LA DPAL RTA MGRIN GYI GSUNG GI SGO NAS, THUGS KYI SGO NAS, SKU GSUNG THUGS YON TAN PHRIN LAS DANG BCAS PA'I SGO NAS, ZHES PA NAS, GSANG BA'I x, SHES RAB YE SHES KYI x, DBANG BZHI PA BSKUR DU GSOL ZHES PA'I BAR 'DON PA BSGYUR LA GSOL BA GDAB, BLA MA DANG GTOR MA YI DAM DU GSAL BA GNYIS KA'I MGRIN PA'I A'A: LAS RTA MGRIN DMAR PO, THUGS KA'I H'Um LAS RTA MGRIN SNGON PO, GNAS LNGA'I YI GE LAS RTA MGRIN DKAR DMAR MTHING SER LJANG BA'I TSOGS RIM PA BZHIN DU ME STAG PHRA MO 'PHROS PA BZHIN

, ,DMAR CHEM CHEM x, CHU'I ZEGS MA 'THOR BA BZHIN SNGO BUN BUN x, NAM MKHA'I 'JA' TSON BZHIN KHRA CHEM CHEM BYUNG, MGRIN PA, SNYING GA GNAS THAMS CAD DU SIB SIB THIM PA'I MOS PA GYIS, ZHES DANG, d'A MA RU DANG ROL MO'I SGRA DRAG TU BYA'O,, DE DAG GIS RIM PA BZHIN DU SKU GSUNG THUGS SO SO DANG, BSDOMS PA'I BYIN RLABS THOB, BUM PA GSANG BA SHES RAB YE SHES DBANG BZHI PA RNAMS THOB PA'I MOS PA GYIS, DE NAS, KHYED RANG RNAM PA'I LUS THA MAL PA 'DI GNAS GYUR, DPAL RTA MGRIN CHEN PO'I SKUR LAM GYIS GYUR PA'I MOS PA MDZOD, DE BRTAN PAR BYA BA'I DON DU GTOR MA YI DAM DU GSAL BA 'DI KHYED RANG RNAM PA'I SPYI BOR BZHAG PAS GDON BGEGS THAMS CAD DPAL RTA MGRIN GYI ZHAL DU DMAR CIR CIR GSOL, KHYED RANG RNAMS KYI SPYI BO NAS 'OD DU ZHU SIM GYIS THIM PAS, KHYED RANG GI LUS NGAG YID GSUM DANG DPAL RTA MGRIN GYI SKU GSUNG THUGS DBYER MED DU GYUR PA'I MOS PA GYIS ZHES BRDA SPRAD LA, GTOR MA SLOB MA'I MGO BOR BZHAG STE, CHOS SKU SNANG BA MTHA' YAS, LONGS SKU PADMA DBANG CHEN, SPRUL SKU PADMA 'BYUNG GNAS, DBON STON SKYER SGANG PA CHEN PO, GNYAN STON SBAS PA'I RNAL 'BYOR, 'GRO MGON CHOS RJE STON PA, MKHAS GRUB SHANGS STON CHEN PO, BYA BTANG RI KHROD RAS CHEN, RGYAL BA BYA BTANG TSUL KHRIMS SHES RAB, MKHAS GRUB TSUL KHRIMS MGON PO, 'JAM DBYANGS THUGS RJE CHOS RGYAL, RNAL 'BYOR GYI DBANG PHYUG DON YOD RGYAL MTSAN, RDO RJE 'CHANG KUN DGA' RGYAL MTSAN DPAL BZANG PO LA SOGS PA RTZA BA DANG BRGYUD PAR BCAS PA'I

DPAL LDAN BLA MA DAM PA RNAMS KYIS BYIN GYIS RLOBS SHIG SLOB MA 'DI RNAMS KYI LUS KYI NA TSA, SEMS KYI SDUG BSNGAL, BAR CHAD CHAGS SGO, NYAM NGA BA YOD PA, STENG GDON GZA', 'OG GDON KLU, BAR GDON RGYAL PO'I GNOD PA, DUS MA YIN PA'I 'CHI BA THAMS CAD LAS SRUNGS SHIG CES LAN GSUM GYI BAR BRJOD, DZA: H'Um BAm HO: ZHES BRJOD, DE NAS RANG GI THUGS KA NAS SNGAGS KYI PHRENG BA DMAR PO ME 'OD 'PHRO BA BYUNG, ZHAL NAS THON, SLOB MA'I ZHAL DU ZHUGS, SNYING GAR NYI GDAN LA HR'I: DMAR NAG GI MTHAR 'KHOD PAS LAS SNGAGS KYI 'OD ZER DRAG CING RTZUB PA, 'BAR ZHING 'KHYIL BA DUS MTHA'I ME LTA BU LUS KYI NANG DANG PHYOGS BCU'I 'JIG RTEN DU 'PHROS PAS GDON BGEGS GDUG PA CAN THAMS CAD GZHOB THUL GYIS LHAG MED DU BSREGS PAR BSAMS LA, 'DI'I RJES ZLOS GYIS SHIG CES BRJOD LA, SNGAGS LAN BDUN BZLAS PA'I MTHAR, BCOM LDAN BDAG LA STZAL LAGS KYI, ,BDAG LA NYE BAR MDZAD DU GSOL, ,LAN GSUM GYI RJES ZLOS BYED DU GZHUG PHRENG BA'AM, ME TOG MGO POR BZHAG STE, BCOM LDAN 'DI LA STZAL LAGS KYI, ,'DI LA NYE BAR MDZAD DU GSOL, ,ZHES BRJOD, DE NAS MAndAL PHUL, TSOGS LA ROL ZHING BSNGO BA DANG BKRA SHIS BYA'O, ,ZHES PA 'DI YANG LAS DANG PO PA 'GA' ZHIG LA PHAN PA'I DON DU DGE 'DUN RGYA MTSO'I DPAL GYIS SMRAS PA'O,, ,, ` NA MO GU RU, SANGS RGYAS KUN DNGOS RTZA BA'I BLA MA DANG, ,GNYIS SU MED PA DPAL LDAN KHRO BO'I RGYAL, ,PADMA DBANG CHEN ZHABS LA GUS BTUD NAS, ,DE YI SGRUB THABS TSUL BZHIN BRI BAR BYA, ,'DIR DPAL RTA MGRIN GSANG SGRUB KYI BSNYEN SGRUB BYA BAR 'DOD PAS,

, ,'DI'I DBANG BSKUR BA LEGS PAR THOB CING, DAM TSIG DANG SDOM PA TSUL BZHIN DU SRUNG BA'I GANG ZAG GIS GNAS DBEN ZHING NYAMS DGA' BAR CI 'BYOR BA'I MCHOD GTOR BZANG BAR BSHAMS LA TSUL 'DI LTAR NYAMS SU BLANG BAR BYA'O, ,AOm SVA BH'A WAS STONG PAR SBYANGS, STONG PA'I NGANG LAS PAm LAS PADMA, RAm LAS NYI MA'I DKYIL 'KHOR GYI STENG DU H'Um LAS RANG NYID BCOM LDAN 'DAS DPAL RTA MGRIN SKU MDOG DMAR PO ZHAL GSUM PHYAG DRUG ZHABS BRGYAD PA, RTZA ZHAL DMAR PO, G-YAS ZHAL LJANG GU G-YON ZHAL DKAR PO, ZHAL RE RE LA'ANG DMAR LA ZLUM PA'I SPYAN GSUM GSUM DANG LDAN ZHING, MCHE BA RNON PO BZHI BZHI GTZIGS PA, DBU RE RE'I STENG NA RTA MGO LJANG NAG RE RE RTA SKAD 'TSER ZHING, RNGOG MA DMAR PO'I GSEB NAS ME STAG 'PHROS PAS STENG TSANGS PA'I 'JIG RTEN NAS 'OG DBANG CHEN GSER GYI SA GZHI LA THUG GI BAR ME'I RVA GUR GYIS 'GENGS PA, PHYAG G-YAS KYI DANG PO NA RDO RJE, GNYIS PA NA PHAN RTZE GSUM PAS MTSAN PA'I KHA tV'Am GA GSUM PA NA RAL GRI G-YON GYI DANG PO SDIGS MDZUB, GNYIS PA NA MDUNG, GSUM PA NA RGYU MA'I ZHAGS PA BSNAMS PA, DBU RE RE LA MI MGO SKAM PO LNGA LNGA'I DBU RGYAN DANG, KHRAG 'DZAG PA'I MGO BO RLON PA LNGA BCU'I DO SHAL CAN, MI'I SKRA'I MCHOD PHYIR THOGS DANG, MI RUS KYI 'KHOR LO DANG RNA CHA LA SOGS PA RUS PA'I RGYAN GYIS BRGYAN PA, MI LPAGS KYI G-YANG GZHI DANG, GLANG PO CHE'I KO BA RLON PAS STOD G-YOGS SHING, STAG GI PAGS PA'I SHAM THABS TE DUR KHROD KYI CHAS BRGYAD KYIS BRGYAN PA, SGEG PA, DPA' BA, MI SDUG PA SOGS GAR GYI NYAMS DGU DANG

LDAN ZHING, ZHABS BRGYAD KLU CHEN PO BRGYAD KYI STENG NA BGRAD NAS YE SHES KYI ME RAB TU 'BAR BA'I DBUS NA BZHUGS PA, DE'I SPYI BOR ZLA BA LA AOm DKAR PO, MGRIN PAR PADMA LA A'A: DMAR PO, THUGS KAR NYI MA LA H'Um MTHING KHA, 'DIR YE SHES PA SPYAN 'DREN DGUG BSTIM DBANG BSKUR RGYAS BTAB MCHOD BSTOD SOGS BYED, H'Um YIG GI MTHAR BZLAS BYA'I SNGAGS KYIS BSKOR BA, DE LAS ME 'OD 'PHROS PA'I SNGAGS KYI ME LCE DRAG LA RTZUB PA'I RNAM PA CAN GYIS LUS KYI NANG THAMS CAD GANG, THOG MA MED PA NAS KYI NAD GDON SDIG SGRIB THAMS CAD BSREGS, 'OD ZER STENG DU 'PHROS PAS RGYAL BA SRAS BCAS LA MCHOD PA PHUL, DE RNAMS KYI BYIN RLABS THUGS RJE DANG MTHU STOBS NUS PA DANG PHRIN LAS PHUN SUM TSOGS PA THAMS CAD BKUG NAS RANG LA THIM, 'OG TU 'PHROS PAS SEMS CAN THAMS CAD KYI SDIG SGRIB SBYANGS, DPAL RTA MGRIN GYI GO 'PHANG LA BKOD, BAR DU 'PHROS PAS RANG LA GNOD BYED KYI GDON BGEGS THAMS CAD BSREGS THAL BA'I RDUL PHRAN TZAM YANG MED PAR BSGOM, MGUL GYI MGRIN PA GSUM DANG, PHYAG GI MKHRIG MA DRUG DANG, ZHABS KYI LONG BU BRGYAD KYI BAR THAMS CAD KHRO CHUNG MTSON CHA THOGS PA DPAG TU MED PAS GANG BA, KHRO CHUNG RNAMS KYI ZHAL NAS SNGAGS KYI SGRA 'BRUG GI SGRA LTA BUR 'UR 'UR DIR DIR SA GSUM G-YO BA TZAM DU SGROG PA, SKU'I CHA DANG BA SPU'I BU GA THAMS CAD NAS SPRUL PA'I RTA MGRIN BAR SNANG NAM MKHA' SA GZHI THAMS CAD GANG BA SPROS PAS RANG LA GNOD BYED KYI GDON BGEGS 'BYUNG PO BAR GCOD RTZOM PA GANG YIN PA DANG, KHYAD PAR PHA ROL GYI RBAD 'DRE

, ,DANG, RBOD GTONG, BYAD MA THAMS CAD STONG GSUM GYI STONG CHEN PO'I 'JIG RTEN GYI KHAMS KYI BAR TZAM DU YANG SDOD PA'I RANG DBANG MED PAR BSKRAD CING BRLAG PAR BSAMS LA, AOm BADRA PADMA'ANTA KRID BADRA KRO DHA, HYA GRi BA HU LU HU LU H'Um PHAt, SNYING PO'O, ,AOm BADZRA THUN BHYO: AOm TRIG NAN, BADZRA DZA: DZA: SA MA YA STVAm, SDE BRGYAD GSHED 'BEBS KYI DRAG SNGAGS SO, ,AOm HAm SHA TRIG TRIG NAN, TRIG HUR THUm DZA: M'A RA YA PHAt, AOm RU TRIG TRIG RU TRIG TRIG NAN, TRIG HUR THUm DZA: M'A RA YA PHAt, CES PA RNAMS MANG DU BZLA BAR BYA'O, ,THUN MTSAMS SU GTOR MA 'BUL NA, SHA CHANG SOGS KYIS BRGYAN PA, AOm AA MRi TA SA BSANGS, SVA BH'A WA SA SBYANGS, STONG PA'I NGANG LAS AA LAS BYUNG BA'I THOD PA YANGS SHING RGYA CHE BA'I NANG DU AOm A'A: H'Um ZHU BA LAS BYUNG BA'I GTOR MA YE SHES KYI BDUD RTZI'I RGYA MTSO CHEN POR GYUR PAR BSAMS LA, AOm A'A: H'Um LAN GSUM BRJOD PAS BYIN GYIS BRLAB, MDUN DU RTA MGRIN BDAG BSKYED LTAR BSGOMS LA, RANG GI THUGS KA'I H'Um LAS 'OD ZER 'PHROS PAS BSGOMS PA DANG 'DRA BA'I YE SHES PA SPYAN DRANGS, DZA: H'Um BAm HO GNYIS SU MED PAR GYUR, AOm PADMA'ANTA KRID SA PA RI W'A RA AARGHAm NAS SHAPTA'I BAR GYIS MCHOD, AOm PADMA'ANTA KRID SA PA RI W'A RA AOm A'A: H'Um, GIS NANG MCHOD DBUL, LJAGS H'Um LAS SKYES PA'I RDO RJE RTZE GCIG PA DMAR PO 'OD KYI SPU GU CAN GYIS GTOR MA'I BCUD DRANGS TE GSOL BAS DGYES SHING TSIM PAR GYUR PAR BSAMS LA, AOm PADM'ANTA KRID SA PA RI W'A RA AI DAm BA LIm TA KHA KHA, KH'A HI KH'A HI, ZHES LAN BDUN GYIS GTOR MA DBUL, 'DOD PA'I DON LA GSOL BA GDAB, PHRIN LAS BCOL, GTOR MA 'BUL BA'I SNGAGS 'DI LA

YIG CHA KHUNGS BTZUN KHA CIG NA, KH'A HI KH'A HI ZHES PA'I 'JUG TU GRiHNA GRIHNA, BHU DZA HO: RAKshA SI, SANTO, SA MA YA SV'A H'A, ZHES 'DOGS PA YANG 'DUG PAS RTOG DPYOD DGOS SO, ,DE NAS BSTOD PA NI, H'Um, 'JIGS RUNG DUS MTHA'I ME LTAR 'BAR BA'I SKU, ,MI BZAD DRAG SNGAGS NGA RO SGROG PA'I GSUNG, ,MKHYEN BRTZE NUS PA DPAG PAR DKA' BA'I THUGS, ,KHRO RGYAL DBANG PO'I SKU GSUNG THUGS LA BSTOD, ,NYI MA'I 'OD ZER 'BUM GYI GOS GYON PA'I, ,PADMA R'A GA'I LHUN PO LTA BU'I SKU, ,SRID GSUM BGEGS DPUNG PHYE MAR 'THAG BYED PA'I, ,DPAL CHEN KHRAG 'THUNG DBANG PO KHYOD LA BSTOD, ,MTSAMS SPRIN 'BYUNG PO'I KHRAG GI GOS GYON PA'I, ,RAB DKAR MCHE BA'I CHU 'DZIN G-YO BA CAN, ,NAM MKHA'I KHAMS KUN RGOD PA'I 'BRUG SGRA BZHIN, ,HA HA'I GAD RGYANGS PHYOGS MTHAR SGROG LA BSTOD, ,BYI RU'I YAL 'DAB BSKYOD LTA'I PHYAG DRUG GIS, ,RAB BZUNG MI BZAD MTSON CHA RDO RJE'I THOG ,GANG DU BTAB PAS LUS MED BDAG PO'I GRONG, ,SKAD CIG TZAM GYIS BRLAG PAR MDZAD LA BSTOD, ,DUS MTHA'I ME 'OD 'PHRO BA'I SPRIN CHEN LAS, ,BZOD DKA'I GNAM LCAGS SER CHEN 'BAB PA BZHIN, ,GRANGS MED SKU YI SPRUL PAS 'BYUNG PO'I TSOGS, ,MA LUS THAL BAR BRLAG MDZAD KHYOD LA BSTOD, ,MA LUS PHYOGS BCU'I RGYAL BAS MGON PO KHYOD, ,BSTAN DANG BSTAN 'DZIN SKYONG BAR DBANG BSKUR BA, ,BDAG CAG KHRO BO'I DBANG PO KHYOD DRAN NA, ,BAR GCOD BGEGS DPUNG THAL BAR BRLAG PAR MDZOD, ,RNAL 'BYOR DAM CHOS SGRUB LA GEGS BYED PA'I, ,BDUD KYI RIGS GYUR 'BYUNG PO THAMS CAD KYI, ,SROG

, ,RTZA CHOD LA MYUR DU GEGS MED PAR, ,SKU GSUM MNGON DU 'GYUR BA'I PHRIN LAS MDZOD, ,CES PAS BSTOD, YI GE BRGYA PA BRJOD LA NONGS PA BZOD PAR GSOL, YE SHES PA SKU YOD NA BRTAN BZHUGS BYA, MED NA GSHEGS, MJUG BSNGO BA SMON LAM SHIS BRJOD SOGS BYA'O, ,DRAN PA TZAM GYIS PHYI NANG BGEGS KYI TSOGS, ,THAL BAR RLOG BYED KHRO BO'I DBANG PO NI, ,RTA MGRIN PADMA DBANG CHEN ZHES SU GRAGS, ,DE YI SGRUB THABS SKYER SGANG LUGS SU BSHAD, ,RNAM DPYOD MKHA' LTAR YANGS PA RGYAL BA'I SRAS, ,SNYING STOBS ZLA BA RGYAS PA 'DIR 'ONGS KYI, ,STON PA'I BKA' NYAN BSTAN SRUNG RGYA MTSOS KYANG, ,TSUL BZHIN PHRIN LAS SGRUB LA MA G-YEL CIG ,DRAG PO'I BZLAS BRJOD MTHAR SON CING, ,BSKYED PA'I RIM PA RAB BRTAN PAS, ,SRID GSUM BGEGS KUN 'JOMS BYED PA, ,RNAL 'BYOR DE 'DRA SKAL BA BZANG, ,DE SKAD SMRA BA DGE 'DUN RGYA MTSO'I DPAL, ,BZANG PO DE LA LAN GCIG MA YIN PAR, ,RDO RJE RGYAL MTSAN ZHES PA'I RNAL 'BYOR PAS, ,LEGS PAR BSKUL LAS THOGS PA MED PAR SMRAS, ,'DI'I BRGYUD PA NI, CHOS SKU SNANG BA MTHA' YAS, LONGS SKU PADMA DBANG CHEN, SPRUL SKU PADMA 'BYUNG GNAS, DPON STON SKYER SGANG PA, GNYAN STON SBAS PA'I RNAL 'BYOR, 'GRO MGON CHOS RJE STON PA, MKHAS GRUB SHANGS STON CHEN PO, BYA BTANG RI KHROD RAS CHEN, BYA BTANG TSUL KHRIMS SHES RAB, MKHAS GRUB TSUL KHRIMS MGON PO, 'JAM DBYANGS THUGS RJE CHOS RGYAL, RNAL 'BYOR GYI DBANG PHYUG DON YOD RGYAL MTSAN, 'JAM DBYANGS KUN DGA' RGYAL MTSAN, DES BDAG LA'O,, ,, ` BCOM LDAN 'DAS MI G-YO BA SNGON PO SGRUB PAR 'DOD PAS SKYABS 'GRO SEMS BSKYED TSAD MED BZHI SGOM PA SNGON DU BTANG, SVA

BH'A WA SA STONG PAR SBYANGS, STONG PA'I NGANG LAS SNA TSOGS PADMA DANG NYI MA DANG BGEGS KYI RGYAL PO'I GDAN GYI STENG DU, RANG GI SEMS NYID H'Um LAS RAL GRI H'Um GIS MTSAN PA, DE LAS 'OD 'PHROS, BGEGS GDUG PA CAN THAMS CAD TSAR BCAD, TSUR 'DUS YONGS SU GYUR PA LAS, RANG NYID RJE BTZUN MI G-YO BA SKU MDOG SNGON PO ZHAL GCIG PHYAG GNYIS PA, PHYAG G-YAS SHES RAB KYI RAL GRI NAM MKHAR 'PHYAR ZHING, G-YON THUGS KAR SDIGS MDZUB KYI PHYAG RGYAS ZHAGS PA SNGON PO 'DZIN PA, ZHAL RAB TU GDANGS SHING MCHE BA RNON PO BZHI GTZIGS PA, DMAR LA ZLUM PA'I SPYAN GSUM DANG LDAN ZHING SMIN MA DANG SMA RA DMAR SER RAB TU 'BAR BA, DBU SKRA KHAM SER GYEN DU BRDZES SHING RIN PO CHE DANG SPRUL GYIS BRGYAN PA, STAG GI PAGS PA'I SHAM THABS CAN, ZHABS G-YAS BSKUM ZHING G-YON BRKYANG PA'I STABS KYIS YE SHES KYI ME 'BAR BA'I KLONG DKYIL NA BZHUGS PA, DE'I SPYI BOR AOm, MGRIN PAR A'A: THUGS KAR H'Um, THUGS KA'I H'Um LAS 'OD ZER 'PHROS, RANG BZHIN GYI GNAS NAS BSGOMS PA DANG 'DRA BA'I YE SHES PA SPYAN DRANGS, DZA: H'Um BAm HO: GNYIS SU MED PAR GYUR, SLAR YANG THUGS KA'I H'Um LAS 'OD 'PHROS, DBANG GI LHA RNAMS SPYAN DRANGS, BDAG LA MNGON PAR DBANG BSKUR DU GSOL ZHES GSOL BA BTAB PAS, AOm SARBA TA TH'A GA TA AA BHI shE KA TA SA MA YA SHR'I H'Um, ZHES DBANG BSKUR, LUS GANG, DRI MA DAG CHU LHAG MA SPYI GTZUG TU GNAS PA YONGS SU GYUR PA LAS MI BSKYOD PAS DBU BRGYAN PAR GYUR, MCHOD PA BSANGS SBYANGS BYIN GYIS BRLABS LA, AOm A'ARA+YA AA TZA LA SA

, ,PA RI W'A RA AARGHAm PRA T'I TZTZA YE SV'A H'A, DE BZHIN DU, SHAPTA'I BAR DU SBYAR LA MCHOD PA DBUL, RGYAL BA KUN GYI YE SHES SGYU MA LAS, ,GDUG PA 'DUL PHYIR KHRO BO'I SKUR BSTAN PA, ,BDUD BZHI'I RLUNG GIS MI G-YO SKYE DGU'I DPAL, ,BCOM LDAN MI G-YO MGON LA PHYAG 'TSAL LO, ,SKU MDOG MTHING NAG DBANG SNGON BRTZEGS PA YI, ,LHUN PO NYI MA'I 'OD KYIS 'KHYUD PA BZHIN, ,RIN CHEN RGYAN DANG LTOS 'GRO'I TSOGS KYIS BRGYAN, ,DRAN PAS BAR CHAD KUN SEL KHYOD LA 'DUD, ,PHYI NANG BGEGS KYI TSOGS KYIS MI BRDZI ZHING, ,TSE DANG BSOD NAMS DPAL 'BYOR RGYAS PA DANG, ,ZAB MO'I LAM GYI NYAMS LEN MTHAR PHYIN NAS, ,SKU GSUM GO 'PHANG MNGON DU 'GYUR BAR MDZOD, ,CES BSTOD, RANG GI THUGS KAR NYI GDAN LA RANG GI SEMS H'Um YIG SNGON POR GSAL BA'I MTHAR, AOm TZAndA MA H'A RO shA NA H'Um PHAt, CES PA'I SNGAGS PHRENG KHA DOG DMAR PO 'OD ZER DUS MTHA'I ME 'OD TSA BA 'PHRO BAS BSKOR BA, DE LAS 'OD 'PHROS LUS KYI NANG THAMS CAD GANG, NAD GDON SDIG SGRIB THAMS CAD DAG BA SPU'I SGO NAS PHYIR 'PHROS, SNANG SRID THAMS CAD ME 'BAR BA'I KLONG DKYIL GCIG TU GYUR, BGEGS GDUG PA CAN THAMS CAD BSREGS PAR BSAMS LA, SNGAGS MANG DU BZLA, MTHAR GTOR MA CHAB KYIS BRAN TE, AOm A'A: H'Um GIS BDUD RTZI'I RGYA MTSOR BYIN GYIS BRLABS LA, MDUN DU RANG 'DRA'I BCOM LDAN 'DAS MI G-YO BA SKAD CIG GIS SPYAN DRANGS, LJAGS H'Um LAS SKYES PA'I RDO RJE RTZE GCIG PA DKAR PO 'OD KYI SBU GU CAN DU GYUR PAS GTOR MA'I BCUD THAMS CAD DRANGS TE GSOL BAR BSAMS LA, AOm A'ARYA

AA TZA LA SA PA RI W'A RA AI DAm BA LIm TA KHA KHA KH'A HI KH'A HI ZHES LAN GSUM GYIS PHUL LA, SNGAR BZHIN MCHOD BSTOD BYA'O,, BKA' GDAMS LUGS KYI MI G-YO BA SNGON PO'I SGRUB THABS 'DI NI, BKA' BCU PA RGYAL BA'I DBANG POS BSKUL BA'I NGOR, BDE CHEN RTZER DGE 'DUN RGYA MTSO'I DPAL GYIS BGYIS PA'I YI GE PA NI CHOS KYI DPAL 'BYOR LEGS PA'O,, ,, ` 'PHAGS PA SPYAN RAS GZIGS KYI RJES GNANG BYA TSUL NI, RDUL TSON GYI PADMA DKAR PO 'DAB MA BRGYAD DAM, ME TOG GI TSOM BU YANG RUNG STE, DE 'DRA BA'I STENG DU BUM PA BUM RDZAS DANG SBYAR BA'I CHUS GANG BA, KHA RGYAN MGUL BCINGS DANG BCAS PA BZHAG DKAR GTOR GNYIS DANG MCHOD PA RNAMS BKOD PA MDZES PAR BSHAMS, RANG SPYAN RAS GZIGS BCU GCIG ZHAL LAM, ZHAL GCIG PHYAG BZHI PA'AM, KHA SARPA nI SOGS SKABS SU GANG BABS SU BSGOMS PA'I BDAG BSKYED BZLAS PA DANG BCAS PA GRUB NAS BUM PA'I NANG DU SKABS GANG YIN GYI SPYAN RAS GZIGS BDAG BSKYED LTAR BSKYED LA, YE SHES PA DGUG GZHUG DBANG BSKUR RGYAS GDAB MCHOD BSTOD SOGS BYA, BZLAS PA'I SKABS SU MDUN BSKYED KYI THUGS KAR ZLA GDAN LA HR'I: YIG GI MTHAR BCU GCIG ZHAL LA GZUNGS RING, ZHAL GCIG PHYAG BZHI PA LA YI GE DRUG PA SOGS KYIS BSKOR BA LAS BDUD RTZI'I RGYUN BABS PAS BUM PA YE SHES KYI BDUD RTZIS GANG BAR BSAMS LA SNGAGS BZLA, MTHAR MCHOD GTOR PHUL LA, SLOB MA LA BYIN GYIS BRLAB PAR GSOL BA GDAB, DE NAS SLOB MA RNAMS KHRUS BYAS, MAndAL PHUL LA, KHYOD NI MGON PO SPYAN RAS GZIGS, ,KUN LA KHYAB PA'I THUGS RJE YIS, ,'GRO BA MA LUS SGROL MDZAD PA, ,BDAG SOGS RNAMS LA SBYIN GYIS RLOBS, ,ZHES LAN GSUM GYIS GSOL BA 'DEBS SU GZHUG ,SKABS DANG BSTUN PA'I CHOS BSHAD RGYAS BSDUS GANG RIGS BYA, DKON MCHOG GSUM LA BDAG SKYABS MCHI, ,

, ,ZHES SOGS LAN GSUM GYIS SDOM PA GZUNG, DE NAS, SLOB DPON DGONGS SU GSOL, BDAG LA 'PHAGS PA SPYAN RAS GZIGS DBANG PHYUG GI SKU'I RJES GNANG STZAL DU GSOL, ZHES GSOL BA BTAB LA, SKU'I RJES GNANG BYA TSUL NI, SLOB MA RNAMS AA MRi TAS BSANGS, SVA BH'A WA SA SBYANGS, STONG PA'I NGANG LAS PAD ZLA'I STENG DU SEMS NYID HR'I: DKAR PO YONGS SU GYUR PA LAS, BCU GCIG ZHAL LAM, ZHAL GCIG PHYAG BZHI PA SOGS GANG SKABS SU BAB PAR BSKYED LA, DE'I SPYI BOR AOm, MGRIN PAR A'A: THUGS KAR H'Um, RANG GI THUGS KA'I H'Um GI 'OD ZER GYIS LHO PHYOGS PO TA LA NAS BSGOMS PA DANG 'DRA BA'I YE SHES PA SPYAN DRANGS, DE LA THIM, DZA: H'Um BAm HO:, SLAR YANG THUGS KA'I SA BON GYI 'OD ZER GYIS RIGS LNGA 'KHOR DANG BCAS PA SPYAN DRANGS, KHYED RNAMS KYIS BDAG GI RDO RJE SLOB MA 'DI RNAMS LA MNGON PAR DBANG BSKUR DU GSOL, ZHES GSOL BA BTAB PAS, DE RNAMS KYI THUGS KA NAS SPROS PA'I GOS DKAR MO SOGS LHA MO RNAMS KYIS YE SHES KYI BDUD RTZIS GANG BA'I BUM PA BZUNG NAS DBANG BSKUR BAR MOS TE, BUM PA MGO BOR BZHAG NAS, JI LTAR BLTAMS PA TZAM GYIS NI, ,ZHES SOGS DANG, AOm SARBA TA TH'A GA TA AA BHI shE KA TA SA MA YA SHR'I YE A'A: H'Um, ZHES BRJOD, BUM CHU 'THUNG DU GZHUG ,DE LTAR DBANG BSKUR BAS LUS THAMS CAD YE SHES KYI BDUD RTZIS GANG, SDIG SGRIB THAMS CAD DAG CHU'I LHAG MA SPYI GTZUG TU GNAS PA LAS 'OD DPAG MED KYIS DBU BRGYAN PAR BSAM, MDUN GYI NAM MKHAR BZHUGS PA'I DBANG LHA RNAMS KYANG SLOB MA LA THIM PAR GYUR, AARGHAm SOGS KYIS MCHOD, DE NI SKU'I RJES

GNANG NGO,, BCOM LDAN BDAG LA STZAL LAGS KYI, ,BDAG LA NYE BAR MDZAD DU GSOL, ,LAN GSUM GYIS GSOL BA BTAB PA NA, RANG GI THUGS KA'I SNGAGS PHRENG LAS SNGAGS PHRENG MAR ME GCIG LAS GNYIS CHAD KYI TSUL DU RANG GI SHANGS SBUG G-YAS PA NAS PHYIR BYUNG, SLOB MA'I SNA BUG G-YON PAR ZHUGS, SNYING GAR ZLA BA'I DKYIL 'KHOR GYI STENG DU HR'I: YIG GI MTHAR MU TIG GI PHRENG BA LTAR 'KHOD PA LAS 'OD ZER DPAG TU MED PA 'PHROS, SGO GSUM GYI SDIG SGRIB THAMS CAD BYANG BAR BSAMS LA BCU GCIG ZHAL LA GZUNGS RING LAN GSUM DANG, PHYAG BZHI PA LA YIG DRUG BDUN NAM BRGYA RTZA BRGYAD KYI RJES ZLOS BYED DU GZHUG ,RANG GI THUGS KA'I SA BON GYI 'OD ZER GYIS SANGS RGYAS THAMS CAD KYI GSUNG GI YON TAN THAMS CAD DBYANGS GSAL GYI YI GE'I RNAM PAR SPYAN DRANGS, ME TOG LA THIM PA'I ME TOG SPYI BOR BZHAG PAS, SNYING GA'I SNGAGS THAMS CAD NUS PA DANG LDAN PAR BYIN GYIS BRLABS PA'I MOS PA GYIS, BCOM LDAN 'DI LA STZAL LAGS KYI, ,'DI LA NYE BAR MDZAD DU GSOL, ,ZHES BRJOD CING ME TOG SPYI BOR 'JOG PA NI GSUNG GI RJES GNANG NGO, ,DE NAS BSGOM BYA'I LHA SGOM PA PO'I GANG ZAG PHYI NANG SNOD BCUD KYI CHOS THAMS CAD RANG BZHIN GYIS GRUB PA RDUL TZAM YANG MED PA'I STONG PA NYID DU NGO SPRAD LA SGOM DU GZHUG ,DE NI THUGS KYI RJES GNANG NGO, ,DE NAS, SKU'I RJES GNANG THOB NAS LUS KYI MI DGE BA GSUM SPONG ZHING DGE BA GSUM LA SLOB PA DANG, LUS LHA SGOM PA DANG MA BRAL BAR BYA, GSUNG GI RJES GNANG THOB NAS NGAG GI MI DGE BA BZHI SPONG ZHING DGE BA BZHI LA SLOB PA DANG,

, ,NGAG SNGAGS BZLA BA DANG MA BRAL BAR BYA, THUGS KYI RJES GNANG THOB NAS YID KYI MI DGE BA GSUM SPANGS NAS DGE BA BCU LA SLOB PA DANG, STONG NYID SNYING RJE'I SNYING PO CAN SGOM PA DANG MA BRAL BA'I SKU GSUNG THUGS KYI DAM TSIG RNAMS LA BSLAB DGOS PA YIN NO, ,DE NAS, GTZO BOS JI LTAR BKA' STZAL PA, ,DE DAG THAMS CAD BDAG GIS BGYI, ,ZHES PA LAN GSUM GYI RJES ZLOS BYED DU GZHUG MJUG GI BYA BA RNAMS SPYI MTHUN LTAR BYA'O, ,'PHAGS PA SPYAN RAS GZIGS KYI RJES GNANG BYED TSUL MDOR BSDUS PA'ANG DGE 'DUN RGYA MTSO'I DPAL GYIS DPAL LDAN 'BRAS SPUNGS SU YI GER BKOD PA'O,, ,, ` RJE BTZUN 'JAM DBYANGS DKAR PO SGRUB PAR 'DOD PAS, SKYABS 'GRO SEMS BSKYED TSAD MED BZHI SGOM PA SNGON DU BTANG NAS, SVA BH'A WA SA STONG PAR SBYANGS, STONG PA'I NGANG LAS PAm LAS 'O MA'I RGYA MTSO DVANGS SHING THOGS PA MED PA PADMO'I DRA BAS KHEBS SHING, MTHA' NE'U GSING GIS BSKOR BA LA GLANG PO CHE THAL KAR MCHE BA DRUG LDAN DU MA DAL GYIS RGYU ZHING, MTSO'I DBUS NA PADMA DKAR PO 'DAB MA STONG DANG LDAN PA'I LTE BAR AA LAS ZLA BA'I DKYIL 'KHOR DKAR BSIL NYA GANG BA, DE'I STENG DU RANG GI SEMS NYID AA DKAR PO DRI MA MED PA, DE LAS 'OD 'PHROS, 'PHAGS PA MCHOD, SEMS CAN THAMS CAD KYI MI SHES PA'I MUN PA THAMS CAD BSAL, SHES RAB KYI SNANG BA LA BKOD, TSUR 'DUS YONGS SU GYUR PA LAS RANG NYID RJE BTZUN 'JAM PA'I DBYANGS SKU MDOG DKAR PO STON KA'I ZLA BA'I MDANGS DANG LDAN PA, ZHAL GCIG PHYAG GNYIS PA, PHYAG G-YAS MCHOG SBYIN GYI PHYAG RGYAS AUTPA LA'I YU BA 'DZIN PA'I AUTPA LA SNYAN GYI THAD

KAR KHA BYE BA'I STENG DU SHES RAB KYI RAL GRI DANG, G-YON CHOS 'CHAD KYI PHYAG RGYAS PADMA DKAR PO'I YU BA THUGS KAR 'DZIN PA'I PADMA SNYAN GYI THAD KAR KHA BYE BA'I STENG DU SHER PHYIN GYI GLEGS BAM BSNAMS PA, RIN PO CHE'I RGYAN DANG DAR SNA TSOGS KYI NA BZA' CAN, ZHABS RDO RJE SKYIL KRUNG GIS BZHUGS PA, BCU DRUG LON PA'I NA TSOD CAN, 'DZUM PA ZHI BA SGEG PA'I NYAMS DANG LDAN PA, DE'I SPYI BOR AOm, MGRIN PAR A'A: THUGS KAR H'Um, RANG GI THUGS KA'I H'Um LAS 'OD 'PHROS, RANG BZHIN GYI GNAS NAS RJE BTZUN 'JAM PA'I DBYANGS LA SANGS RGYAS DANG BYANG CHUB SEMS DPA'I TSOGS KYIS BSKOR BA SPYAN DRANGS, DZA: H'Um BAm HO: RANG LA THIM PAS GNYIS SU MED PAR GYUR, SLAR YANG THUGS KA'I H'Um LAS 'OD 'PHROS, DBANG GI LHA RNAMS SPYAN DRANGS, KHYED RNAMS KYIS BDAG LA MNGON PAR DBANG SKUR DU GSOL, ZHES GSOL BA BTAB PAS DE RNAMS KYIS YE SHES KYI BDUD RTZIS GANG BA'I BUM PA THOGS NAS, AOm SARBA TA TH'A GA TA AA BHI shE KA TA SA MA YA SHRI YE A'A: H'Um, ZHES DBANG BSKUR, LUS THAMS CAD GANG, DRI MA THAMS CAD DAG CHU LHAG MA SPYI GTZUG TU GNAS PA YONGS SU GYUR PA LAS MI BSKYOD PAS DBU BRGYAN PAR BSAM MO, MCHOD PA BSANGS SBYANGS BYIN GYIS BRLABS LA, AOm A'ARYA MANYDZU SHR'I SA PA RI W'A RA AARGHAm PRA T'I TZTSA YE SV'A H'A, DE BZHIN DU, SHAPTA'I BAR GYIS MCHOD PA DBUL, RI BONG 'DZIN PA LTAR DKAR GLEGS BAM RAL GRIS PHYAG MTSAN ZHING, ,RAB MDZES SHIN TU ZHI BA'I GZHON NU ZUR PHUD LNGA LDAN PA, ,DGA' BA RGYA CHEN THAR MCHOG SPYAN NI PADMA'I 'DAB LTAR YANGS, ,BLO GROS NGAN PA SREG

, ,MDZAD 'JAM DPAL DBYANGS LA PHYAG 'TSAL LO, ,ZHES PAS BSTOD NAS, BZLAS PA BYA BA NI RANG GI SNYING GAR 'KHOR LO DKAR PO RTZIBS DRUG PA LTE BA MU KHYUD DANG BCAS PA, LTE BAR ZLA BA'I DKYIL 'KHOR GYI STENG DU RANG GI SEMS NYID AA DKAR PO, RTZIBS DRUG LA, AOm WA KYE DAm NA MA: ZHES PA'I YI GE DRUG KHA DOG DKAR PO, GZUGS YI GE DBU CAN GYI RNAM PA CAN 'OD ZER STON KA'I ZLA 'OD SHAR BA LTA BU DKAR PHROM GYIS 'PHRO BA DE LAS 'OD ZER DPAG TU MED PA 'PHROS, LUS KYI NANG THAMS CAD GANG, SGO GSUM GYI MI SHES PA'I MUN PA THAMS CAD BSAL, MKHYEN RAB 'JAM PA'I DBYANGS LTAR BLO GROS KYI SNANG BA THOGS PA MED PAR RGYAS PAR BSAMS LA, 'KHOR LO G-YAS DANG YIG 'BRU G-YON DU 'KHOR BA LA DMIGS NAS THUN RE LA KHRI TSO RE TZAM SMRA BCAD BYAS LA BZLAS PAS SHES RAB KYI SNANG BA KHYAD PAR CAN MYUR DU THOB PAR 'GYUR ZHING, GSUNG RAB KYI DON RNAMS MI BRJED PAR 'DZIN PA'I GZUNGS THOB PAR BSAM MO, ,THUN GYI MTHAR, GTOR MA DBUL BAR 'DOD NA, RIN PO CHE LA SOGS PA'I SNOD DU DKAR GTOR BSHAMS, CHAB KYIS BRAN LA, BADZRA KUndA LI SA BSANGS, SVABH'A WA SA SBYANGS, STONG PA'I NGANG LAS AOm LAS RIN PO CHE'I SNOD STONG GSUM LTAR YANGS PA'I NANG DU AOm A'A: H'Um 'OD DU ZHU BA LAS BYUNG BA'I GTOR MA ZAG PA MED PA'I BDUD RTZI'I RGYA MTSO CHEN POR GYUR PAR BSAMS LA, AOm A'A: H'Um, LAN GSUM BRJOD PAS BYIN GYIS BRLABS TE, MDUN GYI NAM MKHAR BDAG BSKYED KYI SKABS JI LTA BA BZHIN DAM TSIG PA BSKYED, MCHOD PA 'BUL BA'I BAR SNGON DU BTANG LA, DE NAS YI DAM GYI LJAGS H'Um LAS SKYES PA'I RDO RJE DKAR PO RTZE GCIG PA'I 'OD KYI SBU GUS GTOR

MA'I BCUD THAMS CAD DRANGS TE GSOL BAR BSAMS LA, AOm A'ARYA MANYDZU SHR'I SA PA RI W'A RA AI DAm BA LIm TA, KHA KHA, KH'A HI KH'A HI, ZHES PA BDUN GYIS DBUL, AARGHAm SOGS KYIS MCHOD, SNGAR BZHIN BSTOD NAS MJUG SPYI LTAR BYED PA'AM, BSDUS PA BYED NA DAM TSIG PA MA BSKYED PAR YE SHES PA NYID SPYAN DRANGS TE GTOR MA PHUL BAS KYANG CHOG GO, THUN MTSAMS SU BSTOD PA DANG, MTSAN BRJOD SOGS BRJOD CING BSAG SBYANG LA 'BAD PA DANG, BSNYEN PA'I SKABS SU KHRUS DANG GTZANG SBRA LA 'BAD PA SOGS BYA, SPYOD LAM SPYI 'GRO LTAR NYAMS SU BLANG BAR BYA'O,, MA SHA'I SBYOR BA NI, GRANGS BSNYEN MTHAR PHYIN PA'I RJES SU RGYA SRAN MES MA TSIG PA BA DMAR MO'I 'O MA DANG DRI BZANG GIS CHUS LEGS PAR SPANGS TE DAR DKAR POS LEGS PAR DRIL, NYI ZLA GZAS BZUNG BA'I TSE, BZUNG MA THAG NAS JI SRID MA GROL GYI BAR DU LCE'I 'OG TU BCUG STE SMRA BCAD KYI NGANG NAS SNGAGS BZLAS PAS MYU GU 'KHRUNGS PA NI GRUB PA'I MTSAN MAR SHES PAR BYA'O,, PHYOGS THAMS CAD LAS RNAM PAR RGYAL BA'I LAS SBYOR NI, GZHAN DANG SHAGS 'GRAN PA'I TSE'AM RTZOD PA BYED PA'I TSE, RANG RJE BTZUN DU GSAL BA'I MCHOG SBYIN GYI MTHE BONG GI RTZE LA RAL GRI'I RTZE PHYIR BSTAN PA'I 'CHANG GZUNG AA DKAR PO'I RNAM PAR GNAS PA, 'CHANG GZUNG GI AA'I 'OD ZER GYI RDO KHAB LEN GYI LCAGS LEN PA BZHIN DU KHO'I SHES RAB RNAMS DRANGS TE, 'CHANG GZUNG GI AA LA THIM PAS KHO'I SHES RAB KYANG RANG GI SHES RAB KYI GROGS SU GYUR PA DANG, RAL GRI'I RTZE LA ME RAB TU 'BAR BAS PHYIR RGOL DE NYID KYI LCE GZHOB THUL GYIS BSREGS PAR BSAMS LA SNGAGS BZLAS PAS, PHAS KYI RGOL BA MTHA' DAG LAS RNAM PAR RGYAL BA THOB PAR 'GYUR RO,, ,, ` NA MO GU RU BADZRA W'A RA HI, RJE BTZUN RDO RJE RNAL 'BYOR MA PHAG DKAR SHES RAB GSAL BYED SGRUB PAR 'DOD PAS, BDE BA'I GNAS SU SKYABS 'GRO'I SEMS BSKYED TSAD MED BZHI

, ,BSGOM PA SNGON DU BTANG NAS, AOm SVA BH'A WA SHUDDHA SARBA DHARMA SVA BH'A WA SHU DDHONYAHAm, CHOS THAMS CAD BDEN PAS STONG PA NYID DU GYUR, STONG PA'I NGANG LAS PAm LAS PADMA DMAR PO'I LTE BAR RAm LAS NYI MA'I DKYIL 'KHOR GYI STENG DU RANG GI SEMS HR'I: YIG DKAR PO LAS 'OD ZER 'PHROS, 'PHAGS PA MCHOD, SEMS CAN GYI SDIG SGRIB SBYANGS, TSUR 'DUS YONGS SU GYUR PA LAS RANG NYID RJE BTZUN RDO RJE RNAL 'BYOR MA SKU MDOG DKAR MO ZHAL GCIG PHYAG GNYIS MA, SPYAN GSUM PA KHRO ZHING 'DZUM PA'I NYAMS CAN, MCHE BA CUNG ZAD GTZIGS PA PHYAG G-YAS BA DAN GYIS MTSAN PA'I RDO RJE RTZE LNGA PA RO GDAN LA BSNUN PA'I TSUL GYIS THUR DU 'PHYANG ZHING, G-YON PAS THOD KHRAG THUGS KAR 'DZIN PA'I MCHAN KHUNG NA KHA tV'Am GA BSNAMS PA, THOD SKAM LNGA'I DBU RGYAN DANG THOD RLON LNGA BCU'I DO SHAL CAN, PHYAG RGYA LNGA DANG RIN PO CHES BRGYAN PA, ZHABS GNYIS SKYIL KRUNG PHYED PA'I GAR STABS KYIS RO'I GDAN LA BZHUGS PA'I SPYI BOR AOm DKAR PO, MGRIN PAR A'A: DMAR PO, THUGS KAR H'Um SNGON PO, DE LAS 'OD ZER 'PHROS, RANG BZHIN GYI GNAS NAS BSGOMS PA DANG 'DRA BA'I YE SHES PA SPYAN DRANGS, DZA: H'Um BAm HO: GNYIS SU MED PAR GYUR, SLAR YANG THUGS KA'I H'Um LAS 'OD 'PHROS, RIGS LNGA YAB YUM SPYAN DRANGS, KHYED RNAMS KYIS BDAG LA MNGON PAR DBANG BSKUR DU GSOL ZHES GSOL BA BTAB PAS DE RNAMS KYIS YE SHES KYI BDUD RTZI'I CHUS GANG BA'I BUM PA THOGS NAS, AOm SARBA TA TH'A GA TA AA BHI shE KA TA SA MA YA SHR'I H'Um ZHES DBANG BSKUR BA'I CHUS LUS THAMS CAD GANG, DRI MA THAMS CAD

DAG CHU'I LHAG MA SPYI GTZUG TU GNAS PA YONGS SU GYUR PA LAS MI BSKYOD PAS DBU BRGYAN PAR GYUR, AOm BADZRA W'A RA HI AARGHAm PRA T'I TZTSA YE SV'A H'A, DE BZHIN DU SNGAGS KYI THOG MTHA' 'DRA BA LA, AARGHAm GYI GNAS SU, P'ADYAm, PUshPE, DH'U PE, A'A LO KE, GANDHE, NE WE DYA, SHAPTA RNAMS BCUG NAS MCHOD, BCOM LDAN RDO RJE RNAL 'BYOR MA, ,SKU MDOG DKAR MO RGYAL BA'I YUM, ,MI SHES MUN PA 'JOMS MDZAD MA, ,RDO RJE PHAG MO KHYOD LA 'DUD, ,CES BSTOD CING, RANG GI LTE BAR SNA TSOGS PADMA DANG NYI MA'I GDAN LA GNAS PA'I HR'I: YIG DKAR PO'I SNGAGS KYI PHRENG BA RTZA DBU MA'I NANG NAS BRGYUD, ZHAL NAS 'THON TE LTE BAR ZHUGS PA'I 'OD ZER GYIS SEMS CAN THAMS CAD KYI MI SHES PA'I MUN PA BSAL, RGYAL BA SRAS BCAS THAMS CAD KYI MKHYEN BRTZE MA LUS PA BSDUS NAS HR'I: LA THIM PAS BLO GROS KYI SNANG BA THOGS MED DU RGYAS PA PAR BSAMS LA, HR'I: ZHES PA'I SNGAGS MI SKYO'I BAR DU BZLAS PAR BYA'O, ,THUN ZHABS SU GTOR MA 'BUL NA, CI 'BYOR PA'I GTOR MA BSHAMS, HA HO HR'I: LAN GSUM BRJOD PAS, KHA DOG DRI NUS KYI SKYON THAMS CAD SBYANGS, AOm A'A: H'Um LAN GSUM BRJOD PAS YE SHES KYI BDUD RTZI RGYA CHER SPEL ZHING BYIN GYIS BRLABS PAR GYUR, RANG GI THUGS KA'I HR'I: YIG GI 'OD ZER GYIS RANG DANG 'DRA BA'I RJE BTZUN RDO RJE PHAG MO LA SANGS RGYAS DANG BYANG CHUB SEMS DPA'I TSOGS KYIS BSKOR BA MDUN GYI NAM MKHAR SPYAN DRANGS, AOm BADZRA W'A RA HI SA PA RI W'A RA AARGHAm PRA T'I TZTSA YE SV'A H'A, DE BZHIN DU SHAPTA'I BAR GYIS MCHOD, RJE BTZUN MA 'KHOR DANG BCAS PA'I LJAGS RDO RJE'I 'OD ZER GYIS GTOR MA'I BCUD THAMS CAD DRANGS TE

, ,GSOL BAS MNYES SHING TSIM PAR BSAMS LA, AOm BADZRA W'A RA HI AI DAm BA LIm TA KHA KHA, KH'A HI KH'A HI, ZHES LAN BDUN NAM GSUM GYIS DBUL, GONG BZHIN AARGHAm SOGS KYIS MCHOD CING BSTOD, 'DOD DON LA GSOL BA GDAB, YIG BRGYA BRJOD, GTOR MGRON RNAMS RANG LA THIM PAS BYIN GYIS BRLABS PAR GYUR PAR BSAM, ZHES BCOM LDAN 'DAS MA RJE BTZUN MA RDO RJE RNAL 'BYOR MA PHAG MO DKAR MO SHES RAB 'PHEL BYED MA'I SGRUB THABS YID KYI MUN SEL ZHES BYA BA 'DI YANG CHOS SMRA BA'I BTZUN PA DGE 'DUN RGYA MTSO DPAL BZANG POS CHOS GRVA CHEN PO DPAL LDAN 'BRAS SPUNGS KYI GZIMS KHANG DGA' LDAN PHO BRANG DU SBYAR BA DGE, ,, ` BLA MA DANG DPAL RDO RJE SEMS DPA' LA PHYAG 'TSAL LO, ,YE SHES KYI KHYUNG KHRA BO SGRUB PAR 'DOD PAS SKYABS 'GRO SEMS BSKYED TSAD MED BZHI SGOM PA SNGON DU BTANG, SVA BH'A W'A SA STONG PAR SBYANGS, STONG PA'I NGANG LAS SNA TSOGS PADMA DANG NYI MA DANG ZLA BA DANG SGRA GCAN GYI STENG DU KLU'I RGYAL PO SOG MA MED MGO G-YAS SU BSTAN NAS GAN RKYAL DU BSGYEL BA'I STENG DU RANG GI SEMS YI GE KHROm YONGS SU GYUR PA LAS RANG NYID YE SHES KYI KHYUNG KHRA BO ZHABS GNYIS TZOG PUR BZHUGS PA, BRLA GNYIS SA'I RANG BZHIN SER PO LTE BA CHU'I RANG BZHIN DKAR PO, STOD ME'I RANG BZHIN DMAR PO MGO BO RLUNG GI RANG BZHIN NAG PO, ,SPYI BO DANG GSHOG PA KHA DOG SNA TSOGS PA NAM MKHA'I RANG BZHIN, PHYAG G-YAS SKYABS SBYIN GYI PHYAG RGYAS KLU DKAR PHYOGS LA DGA' BA RNAMS RJES SU 'DZIN CING, G-YON SDIGS MDZUB KYI PHYAG RGYAS KLU NAG PHYOGS LA DGA' BA RNAMS BSDIGS PAR MDZAD PA, RVA GNYIS KYI DBUS NA KLU'I RGYAL PO LAS PHROGS PA'I YID BZHIN GYI NOR

BUS BRGYAN PA, PHRAG PA G-YAS G-YON NA NYI MA DANG ZLA BAS BRGYAN PA, SPRIN GYI PHUNG PO LA SKU RGYAB BRTEN PA, DE'I MGRIN PAR PADMA 'DAB MA BZHI PA'I DBUS SU SANGS RGYAS KYI KHYUNG DKAR PO G-YAS 'KHOR LO, SHAR DU RDO RJE'I KHYUNG SNGON PO G-YAS RDO RJE, LHOR RIN PO CHE'I KHYUNG SER PO G-YAS RIN PO CHE, NUB TU PADMA'I KHYUNG DMAR PO G-YAS PADMA, BYANG DU LAS KYI KHYUNG LJANG GU G-YAS RAL GRI 'DZIN CING G-YON THAMS CAD RANG RANG GI KHA DOG DANG MTHUN PA'I SBRUL BZUNG NAS ZA BA, RVA DANG MCHU SDER SHIN TU MI BZAD PA DANG LDAN PA, THUGS KAR PADMA 'DAB MA BZHI PA'I DBUS SU AOm DKAR PO, SHAR DU PA SNGON PO, LHOR KshI SER PO, NUB TU SV'A DMAR PO, BYANG DU H'A LJANG GU, RANG GI SPYI BOR AOm DKAR PO, MGRIN PAR A'A: DMAR PO, THUGS KAR H'Um SNGON PO, RANG GI THUGS KA'I H'Um LAS 'OD ZER 'PHROS, RANG BZHIN GYI GNAS NAS BSGOMS PA DANG 'DRA BA'I YE SHES PA SPYAN DRANGS, DZA: H'Um BAm HO: GNYIS SU MED PAR GYUR, SLAR YANG THUGS KA'I H'Um LAS 'OD 'PHROS, RIGS LNGA 'KHOR BCAS SPYAN DRANGS, KHYED RNAMS KYIS MNGON PAR DBANG BSKUR DU GSOL ZHES GSOL BA BTAB PAS, AOm BADZRI BHA WA AA BHI shINYTZA H'Um, ZHES DBANG BSKUR, CHU'I LHAG MA SPYI GTZUG TU GNAS PA LAS RDO RJE SEMS DPAS DBU BRGYAN PAR GYUR, MCHOD PA BSANGS SBYANGS BYIN GYIS BRLABS LA, AOm BADZRA GA RU dA SA PA RI W'A RA AARGHAm PRA T'I TZTSA H'Um SV'A H'A, ZHES PA NAS SHAPTA'I BAR SBYAR LA DBUL, 'BYUNG BA LNGA YI KHA DOG SNA TSOGS 'BAR, ,NYON MONGS DUG LNGA 'JOMS PA'I SGRA CHEN SGROG ,YE SHES LNGA LDAN MKHA' LDING DBANG PO LA, ,YAN

, ,LAG LNGA YIS BTUD DE PHYAG 'TSAL LO, ,YE SHES KHYUNG LNGA'I MCHU SDER 'JIGS RUNG DANG, ,YI GE LNGA YI 'OD ZER SPRO BSDU YIS, ,'BYUNG BA LNGA LAS GYUR PA'I DUG RNAMS DANG, ,KLU RIGS LNGA YI DUG RNAMS ZHI BAR MDZOD, ,CES BSTOD, DE NAS MGRIN PA'I KHYUNG LNGA LAS RANG RANG GI RIGS 'DRA DPAG TU MED PA DANG, SNYING GA'I YI GE LNGA LAS 'OD ZER KHA DOG SNA LNGA'I TSOGS DPAG TU MED PA 'PHROS, ,BRTAN PA DANG G-YO BA'I DUG DANG KLU DANG SA BDAG GI GDON THAMS CAD BCOM, SLAR 'DUS MGRIN PA'I KHYUNG LNGA DANG, SNYING GA'I YI GE LNGA LA THIM PA'I SPRO BA DANG BSDU BA'I MDZAD PA CAN DU BSAMS LA, DPA' BO 'BRU LNGA'I BSNYEN PA BYA'O ZHES PA NI DGE 'DUN RGYA MTSO'I DPAL GYIS SBYAR BA'O,, ,, ` YE SHES KHYUNG KHRA'I RJES GNANG BYA TSUL NI, RANG NYID BDAG BSKYED BZLAS PA DANG BCAS PA RDZOGS PAR BYAS, MDUN DU PADMA 'DAB MA BRGYAD DAM, ME TOG GI TSOM BU SOGS KYI STENG DU GTOR MA'AM SKU 'DRA GANG RIGS BZHAG PA YE SHES KHYUNG KHRAR BSKYED, YE SHES PA DGUG GZHUG MCHOD BSTOD BZLAS PA SOGS GRUB PAR BYAS LA, SLOB MA RNAMS KHRUS BYAS, PHYAG DANG MAndAL SNGON DU 'GRO BAS, KUN MKHYEN YE SHES PHUNG PO CAN, ,ZHES SOGS LAN GSUM GYIS GSOL BA BTAB, DKON MCHOG GSUM LA BDAG SKYABS MCHI, ,ZHES SOGS KYIS SDOM PA GZUNG, DE NAS LHA NGO SPRAD LA GTOR MA DANG BLA MA GNYIS KA YE SHES KHYUNG KHRA DNGOS YIN SNYAM PA'I DAD PA SKYED DU BCUG DE GNYIS KA'I SPYI BOR AOm, MGRIN PAR A'A:, THUGS KAR H'Um DANG BCAS PA BSGOMS LA, SLOB DPON DGONGS SU GSOL, BDAG LA BCOM LDAN 'DAS YE SHES KHYUNG KHRA'I SKU'I RJES GNANG STZAL DU GSOL, ZHES GSOL BA 'DEBS SU GZHUG ,SLOB MA

BSANGS SBYANGS YE SHES KHYUNG KHRAR BSKYED, GNAS GSUM DU YI GE GSUM GYIS RGYAS GDAB, DE NAS BLA MA DANG YI DAM THA MI DAD PA'I THUGS KA'I SA BON GYI 'OD ZER GYIS RANG BZHIN GYI GNAS NAS BSGOMS PA DANG 'DRA BA'I YE SHES KHYUNG KHRA LA SANGS RGYAS DANG BYANG SEMS DPAG TU MED PAS BSKOR BA SPYAN DRANGS, SLOB MA'I LUS LA CHAR BABS PA BZHIN DU SIB SIB THIM PAR BSAMS LA DRIL BU DKROL, DES SKU'I RJES GNANG THOB, LUS KYI SDIG SGRIB DAG ,LUS LHAR SGOM PA'I SKAL BA CAN DU BYED DO, ,GSUNG GI RJES GNANG LA YANG GSOL BA GDAB, SLOB MA'I MGRIN PAR PADMA 'DAB MA BZHI PA'I STENG DU KHYUNG RIGS LNGA DANG, SNYING GAR PAD 'DAB BZHI PA'I STENG DU AOm PAKshI SV'AH'A, ZHES PA'I DPA' BO 'BRU LNGA MNGON RTOGS NAS 'BYUNG BA BZHIN BKOD LA, BLA MA'I MGRIN PA DANG SNYING GA'I KHYUNG LNGA DANG YI GE LNGA LAS RANG 'DRA DPAG TU MED PA BYUNG, SLOB MA'I MGRIN PA DANG SNYING GA'I DE GNYIS LA THIM PAS MGRIN PA'I KHYUNG LNGA LAS RANG 'DRA'I SPRUL PA DPAG TU MED PA DANG, SNYING GA'I YI GE LAS 'OD ZER DPAG TU MED PA 'PHROS, BRTAN PA DANG G-YO BA'I DUG DANG KLU DANG SA BDAG GI GDON THAMS CAD BCOM PAR BSAMS LA, SNGAGS KYI RJES ZLOS LAN BDUN NAM, LAN BRGYA RTZA BRGYAD SOGS BYA'O, ,DE NI GSUNG GI RJES GNANG NGO, ,THUGS KYI RJES GNANG LA GSOL BA GDAB, DE NAS SNOD BCUD THAMS CAD 'OD DU ZHU, SLOB MA LHAR GSAL BA DANG, MGRIN PA'I KHYUNG LNGA SNYING GA'I YI GE LNGA LA DANG, SLOB MA YANG SNYING GA'I YI GE LNGA LA, DE YANG 'JA' TSON LTAR YAL BAR BSAMS LA SEMS LTA THOG TU GZHAG ,DE NI THUGS KYI RJES GNANG NGO, ,DE'I NGANG LAS SNGAR

, ,LTAR GYUR PAR BSAMS LA, BCOM LDAN BDAG LA STZAL LAGS KYI, ,BDAG LA NYE BAR MDZAD DU GSOL, ,ZHES GSOL BA BTAB LA GTOR MA MGO BOR BZHAG ,BCOM LDAN 'DI LA STZAL LAGS KYI, ,ZHES SOGS BRJOD PAS LHA'I SKU GSUNG THUGS DANG SLOB MA'I LUS NGAG YID GSUM DBYER MED DU GYUR PAR BSAM MO, ,YE SHES KHYUNG KHRA'I RJES GNANG BYA BA'I TSUL 'DI NI SDE SNOD 'DZIN PA CHEN PO RJE BTZUN CHOS KYI RGYAL MTSAN PA'I GSUNG GIS BSKUL NAS DGE 'DUN RGYA MTSO'I DPAL GYIS SMRAS PA'O,, ,, ` RJE BTZUN SGROL MA YID BZHIN 'KHOR LO SGRUB PAR 'DOD PAS SKYABS 'GRO SEMS BSKYED TSAD MED BZHI SGOM PA SNGON DU BTANG, SVA BH'A WA SA STONG PAR SBYANGS, STONG PA'I NGANG LAS PAm LAS PADMA DKAR PO DANG, AA LAS ZLA BA'I DKYIL 'KHOR GYI STENG DU RANG GI SEMS NYID YI GE TAm YIG DKAR PO, DE LAS 'OD 'PHROS, SEMS CAN GYI DON BYAS, TSUR 'DUS YONGS SU GYUR PA LAS RANG NYID 'PHAGS MA YID BZHIN 'KHOR LO SKU MDOG DKAR MO ZHAL GCIG PHYAG GNYIS MA, G-YAS MCHOG SBYIN GYI PHYAG RGYA DANG, G-YON ME TOG AUTPA LA'I YU BA THUGS KAR MTHEB SRIN GYIS 'DZIN PA SNYAN GYI THAD DU KHA BYE BA'I YAL GA GSUM DU GYES PA'I DBUS MA KHA SHAG GI BYE BA, G-YAS SBUD NAS 'BRAS BU YOD PA, G-YON KHA MA BYE BA, DE GSUM GYIS DUS GSUM GYI SANGS RGYAS MTSON PA, RIN PO CHE'I RGYAN DANG DAR SNA TSOGS KYI NA BZA' CAN, ZLA BA'I DKYIL 'KHOR LA SKU DRANG POR BRTEN PA, ZHABS RDO RJE'I SKYIL KRUNG GIS BZHUGS PA, DE'I SPYI BOR AOm DKAR PO, MGRIN PAR A'A: DMAR PO, THUGS KAR H'Um SNGON PO, SNYING GAR ZLA BA'I DKYIL 'KHOR GYI STENG DU

TAm YIG DKAR PO, DE LAS 'OD 'PHROS, RANG BZHIN GYI GNAS NAS SAM, LHO PHYOGS PO TA LA NAS RJE BTZUN MA LA SANGS RGYAS DANG BYANG CHUB SEMS DPA'I TSOGS KYIS BSKOR BA SPYAN DRANGS, DZA: H'Um BAm HO: GNYIS SU MED PAR GYUR, SLAR YANG THUGS KA'I SA BON LAS 'OD 'PHROS, DBANG GI LHA RNAMS SPYAN DRANGS, KHYED RNAMS KYIS BDAG LA MNGON PAR DBANG BSKUR DU GSOL, ZHES GSOL BA BTAB PAS DE RNAMS KYIS YE SHES KYI BDUD RTZIS GANG BA'I BUM PA THOGS NAS, AOm SARBA TA TH'A GA TA AA BHI shE KA TA SA MA YA SHR'I A'A: H'Um, ZHES BDUD RTZI'I CHUS DBANG BSKUR, LUS GANG, DRI MA DAG ,CHU'I LHAG MA SPYI GTZUG TU GNAS PA YONGS SU GYUR PA LAS 'OD DPAG MED KYIS DBU BRGYAN PAR GYUR, MCHOD PA BYIN GYIS BRLABS LA, AOm A'ARYA T'A RE SA PA RI W'AR AARGHAm PRA T'I TZTSA SV'AH'A, DE BZHIN DU SHAPTA'I BAR GYIS MCHOD LA, 'KHOR BA LAS SGROL T'A RE MA, ,ZHES SOGS DANG, RAB 'BYAMS RGYAL BA'I MKHYEN BRTZE 'PHRIN LAS RNAMS, ,RAB MDZES YID 'ONG LHA MO'I SKUR BSTAN NAS, ,RAB MANG 'GRO LA TSE DANG MCHOG STZOL MA, ,RAB DKAR LHA MO AUTPAL BSNAMS LA BSTOD, ,CES PAS KYANG BSTOD, BZLAS PA BYA BA NI, RANG GI SNYING GAR 'KHOR LO RTZIBS BRGYAD PA LTE BA DANG BCAS PA, MU KHYUD RIM PA GSUM DANG LDAN PA, LTE BAR ZLA BA'I DKYIL 'KHOR GYI STENG DU RANG GI SEMS NYID TAm YIG DKAR PO, DE'I MTHAR, AOm BDAG GI TSE DANG BSOD NAMS 'PHEL BAR GYUR CIG SV'AH'A, ZHES PAS BSKOR BA, RTZIBS BRGYAD LA MDUN NAS BRTZAMS TE CHOS SKOR DU T'A RE TUTT'A RE TU RE SV'A H'A, ZHES PA'I YI GE BRGYAD, MU KHYUD NANG

, ,MA LA A'A LI G-YON SKOR, BAR MA LA K'A LI G-YAS SKOR, PHYI MA LA RTEN 'BREL SNYING POS BSKOR BA, SNGAGS THAMS CAD KYANG DBU CAN GYI RNAM PA CAN GYEN DU 'GRENG BA 'OD ZER DANG BCAS PA BSGOM, DE RNAMS LAS 'OD ZER DKAR PO'I TSOGS DKAR PHROM GYIS 'PHROS, LUS KYI NANG THAMS CAD GANG, NAD GDON SDIG SGRIB DANG TSE'I BAR CHAD ZHI BAR BYAS, 'OD ZER BA SPU'I SGO NAS PHYIR 'PHROS, LUS KYI PHYI NAS 'OD ZER DKAR PO'I GUR KHYIM 'DOM GANG KHOR YUG TZAM ZHIG GIS BSKOR BAS ZHI BA'I LAS THAMS CAD GRUB PAR BYAS SO SNYAM DU BSAM, DE BZHIN DU 'OD ZER SER PO'I TSOGS SPROS, LUS KYI NANG THAMS CAD GANG, TSE DANG BSOD NAMS THOS BSAM SGOM GSUM GYI SHES RAB LA SOGS PA RGYAS PAR BYAS, SNGAR BZHIN DKAR PO'I MTHA' NAS 'OD ZER SER PO'I GUR KHYIM GYIS BSKOR BA'I RGYAS PA'I LAS THAMS CAD GRUB PAR BSAM, YANG 'OD ZER DMAR PO'I TSOGS 'PHROS, KHAMS GSUM DBANG DU SDUD PA'I MTHU DANG LDAN PAR GYUR, PHYIR 'PHROS SER PO'I MTHA' NAS 'OD ZER DMAR PO'I GUR KHYIM GYIS BSKOR BAS DBANG GI LAS THAMS CAD GRUB PAR BSAM, YANG 'OD ZER MTHING KHA'I TSOGS 'PHROS, ,MNGON SPYOD KYI LAS THAMS CAD 'GRUB PA'I MTHU DANG LDAN PAR BYAS, PHYIR 'PHROS DMAR PO'I MTHA' NAS 'OD ZER MTHING KHA'I GUR KHYIM GYIS BSKOR BAS DRAG PO'I LAS THAMS CAD GRUB PAR BSAM, YANG LJANG GU'I GUR KHYIM GYIS BSKOR BAS LAS RAB 'BYAMS THAMS CAD GRUB PAR BSAM, MCHIN KHA'I TSOGS SPROS LUS KYI NANG THAMS CAD GANG, PHYIR

'PHROS LJANG GU'I MTHA' NAS MCHIN KHA'I GUR KHYIM 'DOM GANG KHO RA YUG TZAM ZHIG GIS BSKOR BAS DE THAMS CAD BRTAN PAR BYAS PAR BSAMS LA, AOm T'A RE TUTT'A RE TU RE BDAG GI TSE DANG BSOD NAMS 'PHEL BAR GYUR CIG ,CES SPEL TSIG DANG BCAS PA BZLA BA'AM, YANG NA SPEL TSIG DANG BCAS PA THOG MTHAR BRGYA RE TZAM BZLAS NAS, BAR DU YI GE BCU PA RANG BZLAS KYANG CHOG GO, 'OD ZER GYI GUR KHYIM RNAMS KYI NANG ME TOG AUTPA LA'I TSOGS KYIS GANG BAR BSAM MO, ,THUN MTSAMS SU DKAR GTOR BYIN GYIS BRLABS LA 'BUL ZHING, 'DOD DON LA GSOL BA 'DEBS PA SOGS BYA'O, ,SGROL DKAR YID BZHIN 'KHOR LO'I SGRUB THABS 'DI NI MKHAS GRUB NOR BZANG RGYA MTSO'I GSUNG BZHIN DU DGE 'DUN RGYA MTSO'I DPAL GYIS BDE CHEN RTZER SBYAR BA'O,, ,, ` NA MO A'ARYA T'A RE YA, SGROL DKAR YID BZHIN 'KHOR LO'I RJES GNANG BYA BAR 'DOD PAS, RE KHA DKAR POS MAndAL PAD 'DAB DKAR PO BRIS LA, DE'I STENG DU MAndA'I KHAR RJE BTZUN MA'I SKU'AM, ZLUM GTOR DKAR GTOR RIL BUS BSKOR BA GANG YANG RUNG BA BZHAG ,MTHA' MCHOD PAS BSKOR, RANG NYID RJE BTZUN MA'I BDAG BSKYED BZLAS PA DANG BCAS PA SNGON DU BTANG, AOm BADZRA KUndA LI SA MDUN BSKYED KYI MAndAL BSANGS, SVA BH'A WA SA STONG PAR SBYANGS, STONG PA'I NGANG LAS, PAD ZLA'I STENG DU GTOR MA'AM SKU GZUGS DE NYID RJE BTZUN MAR MNGON RTOGS BZHIN BSKYED, YE SHES PA DGUG GZHUG DBANG BSKUR RGYAS GDAB, MCHOD BSTOD SNGON DU 'GRO BAS MDUN BSKYED LA DMIGS PA'I BSNYEN PA CI RIGS BYA, DE NAS SLOB MA RNAMS KHRUS BYAS, PHYAG DANG MAndAL SNGON DU 'GRO BAS, DUS GSUM SANGS RGYAS THAMS CAD DANG, ,SKU GSUM YE SHES DBYER MED PA, ,'GRO BA'I 'DREN MCHOG RJE BTZUN MA'I, ,RJES GNANG DAM PA STZAL DU

, ,GSOL, ,ZHES LAN GSUM GYIS GSOL BA GDAB, SPYI 'GRO DANG, KHYAD PAR GDAMS PA 'DI'I LO RGYUS SOGS BSHAD DE SPRO BA BSKYED, SEMS CAN THAMS CAD KYI DON DU SANGS RGYAS THOB PAR BYA, DE'I PHYIR DU BYANG CHUB SEMS DPA'I SDOM PA GZUNG LA RGYAL SRAS KYI SPYOD PA LA BSLAB SNYAM PA MDZOD LA, 'DI'I RJES ZLOS MDZOD CES BRJOD LA, DKON MCHOG GSUM LA BDAG SKYABS MCHI, ,ZHES SOGS LAN GSUM GYI RJES ZLOS BYED DU GZHUG ,DE NAS MAndAL BSTAN PA NI, MDUN NA GNAS PA'I SKU 'DRA'AM GTOR MA 'DI NYID PADMA DKAR PO DANG ZLA BA'I STENG DU RJE BTZUN MA 'PHAGS MA YID BZHIN 'KHOR LO SKU MDOG DKAR PO, ZHES SOGS MNGON RTOGS BZHIN GSAL BTAB LA, DE DANG BLA MA GNYIS KA RJE BTZUN MAR SGOM DU GZHUG ,SKU'I RJES GNANG GI DON DU SNGAR GYI TSIGS BCAD KYI RKANG PA THA MA LA, SKU YI RJES GNANG STZAL DU GSOL, ,ZHES SBYAR LA GSOL BA GDAB, DE NAS SLOB MA BSANGS SBYANGS, MNGON RTOGS BZHIN RJE BTZUN MAR BSKYED NAS SGOM DU BCUG LA, BLA MA'I THUGS KAR SA BON GYI 'OD ZER GYIS RANG BZHIN GYI GNAS NAS RJE BTZUN YID BZHIN 'KHOR LO LA SANGS RGYAS DANG BYANG CHUB SEMS DPA'I TSOGS KYIS BSKOR BA SPYAN DRANGS, MDUN GYI NAM MKHAR SPRIN GYI PHUNG PO 'KHRIGS PA BZHIN DU BYON, KHYED RANG RNAMS KYI LUS LA CHAR CHEN PO BABS PA BZHIN DU SIB SIB THIM PAS RANG GI LUS DANG RJE BTZUN MA'I SKU DBYER MED DU GYUR PA'I MOS PA MDZOD, CES BRJOD LA DRIL BU DKROL, ME TOG GTOR, DES SKU'I RJES SU GNANG BA THOB, LUS KYI DRI MA DAG ,LUS LHAR SGOM PA'I SKAL BA CAN DU BYAS, 'CHI MED TSE'I DNGOS GRUB DAM PA THOB SNYAM PA MDZOD, CES BRDA

SPRAD, GSUNG GI RJES GNANG NI SNGAR GYI TSIGS BCAD KYI SKU'I ZHES PA'I GNAS SU GSUNG ZHES SOGS BCUG NAS GSOL BA GDAB, SLOB MA RJE BTZUN MAR GSAL BA'I THUGS KAR TAm YIG DKAR PO 'OD DU ZHU BA LAS 'KHOR LO DKAR PO RTZIBS BRGYAD LTE BA DANG BCAS PA MU KHYUD RIM PA GSUM DANG LDAN PA, LTE BAR ZLA BA'I DKYIL 'KHOR GYI STENG DU TAm YIG GI MTHAR AOm DANG H'A'I BAR DU SPEL TSIG SBYAR BAS BSKOR BA, RTZIBS BRGYAD LA RIM PA LTAR T'A RE TUTTA RE TU RE SV'A H'A ZHES PA'I YI GE BRGYAD, MU KHYUD NANG MA LA A'A LI, BAR MA LA K'A LI, PHYI MAR RTEN 'BREL SNYING POS BSKOR BA, BLA MA DANG MDUN BSKYED KYI LHA'I THUGS KAR YANG SNGAGS 'KHOR DE 'DRA ZHIG BSAMS NAS, DE LAS 'OD ZER DKAR PO 'PHROS, SLOB MA'I SNGAGS 'KHOR LA PHOG PAS 'OD ZER DKAR PO DPAG TU MED PA 'PHROS, NAD GDON SDIG SGRIB THAMS CAD DANG, KHYAD PAR TSE'I BAR CHAD ZHI BAR BYAS, 'OD ZER BA SPU'I SGO NAS PHYIR 'PHROS PAS SLOB MA'I SKU'I PHYI NAS 'OD ZER DKAR PO'I GUR KHYIM 'DOM GANG KHOR YUG TZAM ZHIG GIS DKAR SGYIR GYIS BSKOR BAS ZHI BA'I LAS RNAMS 'GRUB PA'I SKAL BA CAN DU BYAS, DE BZHIN DU 'OD ZER SER PO, ,DMAR PO, MTHING KHA RNAMS RIM PA BZHIN SPROS PAS SLOB MA'I SNGAGS 'KHOR LA PHOG ,DE LAS KYANG DE BZHIN 'PHROS PAS 'OD ZER DKAR PO'I GUR KHYIM GYI PHYI NAS SER PO, DMAR PO, MTHING KHA RNAMS KYIS BSKOR BAS RGYAS PA, DBANG, DRAG PO'I LAS 'GRUB PA'I SKAL BA CAN DU BYAS, DE BZHIN DU 'OD ZER LJANG GUS LAS RAB 'BYAMS DANG, MCHIN KHAS DE THAMS CAD BRTAN PAR BYAS PAR BSAMS

, ,LA; YE DHARM'A, K'A LI, A'A LI RNAMS TSAR RE DANG, SNYING PO SPEL TSIG DANG BCAS PA LAN GSUM MAM, LNGA'I RJES ZLOS BYED DU GZHUG BCOM LDAN BDAG GIS GZUNG LAGS KYIS, ,BDAG LA NYE BAR MDZAD DU GSOL, ,ZHES GSOL BA BTAB PAS BLA MA'I THUGS KA'I SA BON GYI 'OD ZER GYIS RJE BTZUN MA'I GSUNG GI BYIN RLABS RNAMS DBYANGS GSAL GYI YI GE'I RNAM PAR SPYAN DRANGS, ME TOG LA THIM PA'I ME TOG SPYI BOR BZHAG PAS SNYING GA'I SNGAGS RNAMS NUS PA DANG LDAN PAR BYAS SNYAM PA MDZOD, CES DANG, BCOM LDAN 'DI LA STZAL LAGS KYIS, ,'DI LA NYE BAR MDZAD DU GSOL, ,ZHES BRJOD, DES GSUNG GI RJES GNANG THOB, NGAG GI SDIG SGRIB DAG RANG GI NGAG DANG RJE BTZUN MA'I GSUNG DBYER MED DU GYUR SNYAM PA MDZOD CES BRDA SPRAD, THUGS KYI RJES GNANG NI, YANG THUGS KYI ZHES 'DON PA SPOS LA GSOL BA GDAB, DE NAS BLA MA'I THUGS KA'I SA BON LAS RJE BTZUN MA'I THUGS KYI BYIN RLABS THAMS CAD PHYAG MTSAN ME TOG AUTPAL DANG, BKRA SHIS RTAGS BRGYAD RGYAL SRID SNA BDUN LA SOGS PA'I RNAM PAR SPROS, SLOB MA'I SNYING GAR THIM PAS YID KYI SGO NAS BSAGS PA'I SDIG SGRIB THAMS CAD DAG THUGS KYI BYIN RLABS ZHUGS, RANG GI YID DANG RJE BTZUN MA'I THUGS DBYER MED DU GYUR PA'I MOS PA MDZOD, CES BRDA SPRAD, DE NI THUGS KYI RJES GNANG NGO, , DE NAS DBANG LHA BSTIM PA'I RJES GNANG NI, BCOM LDAN BDAG LA STZAL LAGS KYIS, ,BDAG LA 'GO BAR MDZAD DU GSOL, ,ZHES LAN GSUM GSOL BA BTAB PA LAS, GTOR MA RJE BTZUN MAR BSKYED PA SPYI BOR BZHAG ,BCOM LDAN 'DI LA STZAL LAGS KYIS,,

'DI LA 'GO BAR MDZAD DU GSOL, ,DUS 'DI NAS NI THAMS CAD DU, ,LHAG PA'I LHA NI MDZAD DU GSOL, ,DNGOS GRUB THAMS CAD STZAL DU GSOL, ,ZHES BRJOD PAS RJE BTZUN MA SLOB MA'I LUS LA THIM PAS RJE BTZUN MA'I SKU GSUNG THUGS DANG SLOB MA'I LUS NGAG YID GSUM DBYER MED DU GYUR PAR BSAM MO, ,ZHES RJE BTZUN MA'I RJES GNANG BYED TSUL 'DI NYID, YANG DGON NAS RIN PO CHE'I GDAN SA PA NGAG DBANG RGYA MTSOS NAN GYIS BSKUL BA'I NGOR, CHOS SMRA BA'I DGE SLONG DGE 'DUN RGYA MTSO'I DPAL GYIS SA GA ZLA BA'I DGA' BA DANG PO'I TSES LA DGA' LDAN PHO BRANG DU THOGS MED DU SMRAS PA'O, ,'DI'I BRGYUD PA NI RJE BTZUN MA YID BZHIN 'KHOR LO, MKHAS GRUB NOR BZANG RGYA MTSO, DES BDAG LA DGYES BZHIN DU GNANG BA'O,, ,, ` 'JIG RTEN MES PO'I ZHAL GYI CHU SKYES LAS, ,LEGS 'KHRUNGS NGANG PA'I BU MO DBYANGS CAN MA, ,BDAG GI YID MTSOR RTAG TU ROL CIG DANG, ,KHYOD NYID SGRUB PA'I RIM PA BDAG GIS BSHAD, ,DE YANG LHA MO DBYANGS CAN MA DKAR MO SGRUB PAR 'DOD PAS SKYABS 'GRO SEMS BSKYED SNGON DU BTANG, RANG SKAD CIG GIS LHA MO DBYANGS CAN MAR GSAL BA'I THUGS KA'I HR'Im LAS 'OD ZER 'PHROS, BLA MA DANG GNYIS SU MED PA'I LHA MO DBYANGS CAN MA LA SANGS RGYAS DANG BYANG CHUB SEMS DPA'I TSOGS KYIS BSKOR BA SPYAN DRANGS, MDUN GYI NAM MKHAR BZHUGS PAR MOS LA, AOm SVA RA SVA STI AARGHAm PRAT'I TZTSA H'Um SV'A H'A, DE BZHIN DU SHAPTA 'I BAR GYIS MCHOD, DKON MCHOG GSUM LA BDAG SKYABS MCHI, ,ZHES SOGS KYIS SDOM PA GZUNG, TSAD MED BZHI SGOM PA SOGS BSOD NAMS KYIS TSOGS BSAGS PA SNGON DU 'GRO BAS, YE SHES KYI TSOGS BSAGS PA NI, AOm SH'U N+YA T'A DZNY'A NA BADZRA SVA

, ,BH'A WA A'ATMA KONYA HAm, ZHES PA'I SNGAGS KYI DON DRAN PA'I SGO NAS NGAG TU BRJOD PAS, 'KHOR 'DAS KYIS BSDUS PA'I CHOS THAMS CAD RANG BZHIN GYIS GRUB PAS STONG PA NYID DANG RANG GI SEMS RO GCIG TU GYUR PAR BSAM, STONG PA'I NGANG LAS PAm LAS PADMA DKAR PO 'DAB MA BRGYAD PA'I LTE BAR AA LAS ZLA BA'I DKYIL 'KHOR DKAR BSIL NYA GANG BA'I STENG DU RANG GI SEMS NYID YI GE HR'Im DKAR PO, DE LAS 'OD 'PHROS, 'PHAGS PA MCHOD, SEMS CAN THAMS CAD KYI MI SHES PA'I MUN PA BSAL, SHES RAB KYI SNANG BA LA BKOD, TSUR 'DUS YONGS SU GYUR PA LAS RANG NYID LHA MO DBYANGS CAN MA SKU MDOG DKAR MO ZHAL GCIG PHYAG GNYIS KYI G-YON PAS DRI ZA'I PI WANG RGYUD STONG DANG LDAN PA DKU G-YON PA'I PHYOGS SU BRTEN NAS 'DZIN CING SOR GDUB KYI PHRENG BAS MDZES PA'I PHYAG G-YAS PA'I SOR MO'I CHA SHAS KYIS PI WANG RDUNG BA LA BRTZON PA, ZHABS GNYIS TZOG PUR BZHUGS SHING, DAR SNA TSOGS KYI SMAD G-YOGS DANG STOD G-YOGS CAN, RIN PO CHE'I DBU RGYAN, MGUL RGYAN, DO SHAL, GDU BU, SKA RAGS SOGS KYIS MDZES PA, DBU SKRA MTHON MTHING LTAR MDZES PA'I PHYED THUR DU GROL BA'I ZAR BUS SKU STOD KHEBS SHING PHYED GYEN DU BCINGS PA'I THOR TSUGS LA ME TOG GI PHRENG BA BCINGS SHING, RIN PO CHE'I GTZUG RGYAN DANG ZLA BA PHYED PAS MDZES PA; DE'I SPYI BOR AOm DKAR PO, MGRIN PAR A'A: DMAR PO, THUGS KAR H'Um MTHING KHAS MTSAN PA, RANG GI SNYING GYEN DU BSLANG BA'I NANG DU SROG GI NGO BO YI GE AOm DKAR PO'I N'A DA LAS 'OD ZER DKAR PO LCAGS KYU LTA BU DBUGS PHYIR RGYU BA DANG LHAN

CIG TU SNA BUG G-YAS PA NAS 'PHROS TE LHO PHYOGS KYI RGYA MTSO CHEN PO'I 'GRAM DRI ZA DGA' BA'I TSAL ZHES BYA BA NA LHA MO DBYANGS CAN MA BZHUGS PA'I SHANGS BUG G-YON PA NAS ZHUGS PA SHES RAB KYI 'KHOR LO LA LCAGS KYUS 'THEN PA BZHIN DU REG SHANGS BUG G-YAS NAS THON, SKAR MDA' 'PHANGS PA BZHIN DU MDUN GYI NAM MKHAR SPYAN DRANGS, AOm PRI TI DE W'I HR'Im PUshPE A'A: H'Um, DE BZHIN DU DH'U PE, AA LO KE GAN DHE, NEE WI DYA, SHAPTA A'A: H'Um GIS MCHOD NAS, DZA: H'Um BAm HO: ZHES BRJOD DE, DBUGS RNGUB PA DANG LHAN CIG TU 'KHOR LO 'OD KYI RNAM PAR RANG GI SNA BUG G-YON NAS ZHUGS, THUGS KA'I AAm LA THIM, DE YONGS SU GYUR PA LAS RANG GI SNYING GAR DBYANGS CAN MA'I SHES RAB KYI 'KHOR LO PADMA DKAR PO 'DAB MA BRGYAD PA'I LTE BAR ZLA BA'I DKYIL 'KHOR GYI STENG DU RANG GI SEMS NYID YI GE HR'Im DKAR PO N'A DA DANG BCAS PA GYEN DU LANGS PA'I RNAM PA CAN, MDUN NAS BRTZAMS TE 'DAB MA BRGYAD LA G-YAS SKOR GYI RIM PA BZHIN, AA A'A, AI A'I, AU A'U, Ri R'i, Li L'i, AE AEE, AO AOO, AAm AA: RNAMS 'DAB MA RE RE LA YI GE GNYIS GNYIS MAR ME'I PHRENG BA LTAR DKAR ZHING 'OD GSAL BA'I 'OD ZER GYIS LUS KYI NANG THAMS CAD BUM NANG GI MAR ME'I 'OD LTAR DKAR MER GYIS KHENGS, MI SHES PA'I MUN PA THAMS CAD SANGS, SHES BYA THAMS CAD DANG KHYAD PAR 'CHAD RTZOD RTZOM GSUM LA BLO GROS KYI SNANG BA THOGS MED DU RGYAS, LUS NGAG YID GSUM BDE BA CHEN POS KHYAB PAR BSGOM, DE LTAR BSGOMS PAS SKYO NA BZLAS PA BYA BA NI, HR'Im ZHES BRJOD PAS THUGS KA'I HR'Im GI N'A DA LAS MAR ME LAS

, ,MAR ME CHAD PA LTAR HR'Im YIG GI PHRENG BA RANG GI ZHAL NAS THON, LTE BAR ZHUGS, SNYING GA'I HR'Im LA THIM PAR BSAM ZHING, HR'Im RE RE BRJOD PA'I RING LA SKOR BA RE 'KHOR BA MGAL ME'I 'KHOR LO LTA BUR MYUR DU 'KHOR BA'I 'OD ZER GYIS THOG MED NAS KYI SDIG SGRIB THAMS CAD DANG, KHYAD PAR MI SHES PA'I MUN PA THAMS CAD BSAL, BLO GROS KYI SNANG BA THOGS MED DU RGYAS PAR BSAMS NAS BZLA, YANG 'KHOR LO'I LTE BA'I HR'Im YIG LAS 'OD ZER DPAG TU MED PA 'PHROS, PHYOGS BCU'I SANGS RGYAS DANG BYANG CHUB SEMS DPA' THAMS CAD DANG, NYAN THOS DANG RANG SANGS RGYAS THAMS CAD KYI MKHYEN PA'I YE SHES DANG, TSANGS PA DANG BRGYA BYIN DANG PAndI TA LA SOGS PA RNAMS KYI 'CHAD RTZOD RTZOM GSUM GYI SHES RAB DANG, NYI MA DANG ZLA BA, GZA' DANG RGYU SKAR, NOR BU DANG SMAN RTZI BCUD DANG LO THOG RNAMS KYI BCUD, SEMS CAN THAMS CAD KYI TSE DANG BSOD NAMS, STOBS DANG GZI BRJID LA SOGS PA RNAMS 'OD KYI RNAM PAR BSDUS TE HR'Im YIG LA THIM PAS LUS THAMS CAD 'OD KYIS GANG, 'KHOR 'DAS KYI YON TAN THAMS CAD BDAG NYID LA MNGON DU GYUR PAR BSAMS LA, TSIG GZHAN GYIS BAR MA CHOD PAR HA CANG MYUR BA DANG BUL BA SOGS KYI SKYON DANG BRAL BAR 'BUM PHRAG NYI KHRI LNGA STONG LA SOGS PA BZLA BAR GSUNGS KYANG 'BUM PHRAG LNGA'AM, RTAGS MA BYUNG GI BAR DU BZLAS PA BYA ZHING, DE'I TSE SEMS CAN THAMS CAD KYANG RANG NYID LTA BU'I LHA MO 'KHOR DANG BCAS PAR GYUR TE RANG DANG MNYAM DU SNGAGS KYI SGRA DI RI RI BSGRAGS PAS DE RNAMS KYANG SDIG SGRIB THAMS

CAD DAG NAS SHES BYA THAMS CAD LA BLO GROS KYI SNANG BA THOGS MED DU RGYAS PAR BSAMS PAS MYUR DU 'GRUB PAR 'GYUR RO, ,THUN 'JOG KHAR SNGAGS PHRENG DANG RANG GI SNYING GA'I HR'Im YIG GI 'OD KYIS SNGAR BZHIN YON TAN THAMS CAD BSDUS PAR BSAM PA DANG, KHYAD PAR 'CHAD RTZOD RTZOM PA'I SHES RAB GANG SHES 'DOD CHE BA LAN GSUM DU BSDUS PAS LUS KYI NANG THAMS CAD DKAR MER GYIS GANG BA LA DMIGS PA GTAD DE SKAD CIG GIS MI G-YO BAR DKRONG GI BSGOMS LA BSNGO BA DANG SMON LAM BYA, DE LTAR BSGRUBS PAS RTAGS 'BYUNG STE, DNGOS SU SNGAR BAS DRAN PA GSAL ZHING LCE BDE BA DANG, GZHUNG MANG DU 'DZIN NUS PA DANG, SNYAN NGAG RTZOM 'DOD PA SOGS DANG, RMI LAM DU BU MO YID DU 'ONG BA RGYAN GYIS BRGYAN PAS DKAR GSUM GYI ZAS BYIN PA DANG, SHING THOG DANG RTZI SMAN SOGS BYIN PA ZOS PA DANG, THOD LE KOR DANG SHING BZANG PO LA SOGS PA'AM, RIN PO CHE DANG ME TOG GI PHRENG BA BYIN PA DANG, NYI ZLA SHAR BA DANG, ME TOG 'THU BA DANG, CHU GTZANG MA'I RGYUN LA KHRUS BYED PA SOGS 'BYUNG NGO, ,DE LTAR BSGRUBS KYANG RTAGS MA BYUNG ZHING DMIGS PA MI GSAL NA, THUGS KA'I DBYANGS YIG RNAMS MGO NANG DU BSTAN NAS HR'Im YIG GI MGO THUR DU BSTAN PA LTE BA NAS THON, KHAR ZHUGS HR'Im LA THIM PA SOGS SNGAR BZHIN BSGOM PA'AM YANG NA YIG 'BRU RNAMS 'KHRAB PA LA DMIGS PA GTAD DE BSGOM PAR BYA STE SPOGS CHOG GI DMIGS PA'O, ,SGRUB PA BYED PA'I TSE BGEGS KYI BAR CHAD BSRUNG BA'I PHYIR RTA MGRIN LA SOGS PA KHRO BO GANG YANG RUNG BA'I SGOM BZLAS CUNG ZAD BYA ZHING, GNAS SKABS SU DBUL BA'I SDUG BSNGAL BSAL BA'I PHYIR NOR LHA GANG YANG RUNG BA RE LA GTOR MA 'BUL BA SOGS KYANG BYA'O, ,THUN MTSAMS SU GTOR MA BYA BA'I TSUL NI, SNOD GTZANG MAR DKAR GSUM GYI GTOR MA CHAB KYIS BRAN, SVA BH'A WA SA STONG PAR SBYANGS, AOm A'A: H'Um GIS BDUD RTZI'I RGYA MTSO CHEN

, ,POR BYIN GYIS BRLABS TE, MDUN DU RANG 'DRA'I DBYANGS CAN MA SPYAN DRANGS, AOm SVA RA SVA STI HR'Im AA K'A RO MU KHAm SARBA DHARM'A nAm, AADY'A NUD PA NAN TVAD AOm A'A: H'Um PHAt SV'A H'A ZHES PA LNGA'AM BDUN GYIS PHUL BAS LJAGS NAS 'OD KYI SBU GU BYUNG STE GTOR MA'I BCUD THAMS CAD GSOL BAS MNYES PAR BSAM ZHING SNGAR BZHING AARGHAm SOGS KYIS MCHOD, MA LUS RGYAL BA'I YE SHES SGYU 'PHRUL GAR, ,PHYAG NA PADMO'I TSEMS DKAR ZE 'BRU LAS, ,YID 'PHROG 'JO SGEG LHA MO'I SKUR BSTAN PA, ,NGAG DBANG LHA MO'I ZHABS LA PHYAG 'TSAL LO, ,KEE LA SHA YI PHUNG PO LTAR MDZES SKU, ,STON KA'I ZLA BA LAN BRGYAR PHYIS PA'I ZHAL, ,AUTPAL NAGS TSAL NYE BAR 'PHOS PA'I SPYAN, ,BCU DRUG LANG TSO'I DPAL MNGA' KHYOD LA 'DUD, ,ZHAL NAS DBYANGS GSAL PHRENG BA'I GLU DBYANGS DANG, ,PHYAG GNYIS DRI ZA'I PHANG 'GRO'I SGRA SNYAN GYIS, ,KUN GYI RNA BA'I BCUD LEN RGYAS MDZAD MA, ,ZHABS GNYIS TZOG BU'I TSUL GYIS 'GYING LA 'DUD, ,HR'Im YIG DBYANGS GSAL PHRENG BA'I 'OD RIS CAN, ,SHES RAB 'KHOR LO SNYING LA BRAN PAS KYANG,, 'CHAD RTZOD RTZOM LA THOGS PA MED PA'I BLO, ,STER MDZAD NGAG DBANG LHA MO KHYOD LA 'DUD, ,BSHAD PAS BLO GSAL TSOGS RNAMS DGA' BYED CING, ,RTZOD PAS PHAL RGOL MA LUS ZIL GYIS GNON, ,SDEBS LEGS RTZOM PAS MKHAS RNAMS MGU BYED PA'I, ,'CHAD RTZOD RTZOM PA'I SHES RAB BDAG LA STZOL, ,ZHES PAS BSTOD, 'DOD DON LA GSOL BA GDAB CING DBUGS NANG DU RGYU BA DANG LHAN CIG TU MDUN BSKYED KYI LHA MO RANG LA THIM PAR BSAM, BKRA SHIS KYI TSIGS BCAD DAG KYANG BYA'O, ,NGAG DBANG LHA MO DBYANGS CAN MA SGRUB PA'I

THABS KYI RIM PA ZHAL SHES DANG MAN NGAG GI GNAD YONGS SU RDZOGS PAR BKOD PA SHES RAB KYI SNANG BA RGYAS BYED CES BYA BA 'DI NI RIG GNAS MTHA' DAG LA THOGS PA MED PA'I MKHYEN RAB KYI DBANG PHYUG CHOS RGYAL CHEN PO RIN CHEN KUN DGA' CHOS SKYONG GRAGS PA RNAM RGYAL DPAL BZANG PO'I BKAS NYE BAR BSKUL BA LA BRTEN NAS BTZUN PA DGE 'DUN RGYA MTSO'I DPAL GYIS DGA' LDAN PHO BRANG DU NYE BAR SBYAR BA'I YI GE PA NI BKA' BCU PA YON TAN MCHOG GIS BGYIS PA'O,, ,, ` BLA MA DANG LHAG PA'I LHA LA PHYAG 'TSAL LO, ,BCOM LDAN 'DAS MI G-YO BA DKAR PO SGRUB PAR 'DOD PAS SKYABS 'GRO, SEMS BSKYED, TSAD MED BZHI SGOM PA SNGON DU BTANG, SVA BH'A WA SA STONG PAR SBYANGS, STONG PA'I NGANG LAS PAm LAS PADMA DKAR PO 'DAB MA BRGYAD PA'I LTE BAR RAm LAS NYI MA'I DKYIL 'KHOR GYI STENG DU RANG GI SEMS NYID H'Um YIG DKAR PO, DE LAS 'OD ZER 'PHROS, SEMS CAN THAMS CAD KYI SDIG SGRIB SBYANGS, PHYOGS BCU'I SANGS RGYAS SRAS BCAS THAMS CAD LA MCHOD, DE RNAMS KYI MKHYEN BRTZE MDZAD PA 'PHRIN LAS THAMS CAD BSDUS, H'Um LA THIM, DE YONGS SU GYUR PA LAS RANG NYID BCOM LDAN 'DAS MI G-YO BA SKU MDOG GANG RI LTAR DKAR ZHING BRJID PA, ZHAL GCIG PHYAG GNYIS G-YAS SHES RAB KYI RAL GRI NAM MKHAR 'PHYAR ZHING, G-YON PA THUGS KAR SDIGS MDZUB DANG BCAS PAS RDO RJE'I ZHABS PA 'DZIN PA, ZHABS G-YAS PA'I MTHIL GYIS NYI GDAN MNAN CING G-YON PA'I PUS MO NYI GDAN LA BTZUGS PA, DMAR LA ZLUM PA'I SPYAN GSUM DANG LDAN ZHING ZHAL GDANGS NAS MCHE BA BZHI GTZIGS PA, SMIN MA DANG SMA RA DMAR SER GYEN DU 'KHYIL ZHING DBU SKRA KHAM SER GYEN DU BRDZES PA, RIN

, ,PO CHE'I RGYAN SNA TSOGS KYIS BRGYAN CING SKU SMAD DAR GYI SHAM THABS GSOL BA, DE'I SPYI BOR AOm DKAR PO, MGRIN PAR A'A: DMAR PO, THUGS KAR H'Um SNGON PO, DE LAS 'OD 'PHROS, RANG BZHIN GYI GNAS NAS BSGOMS PA DANG 'DRA BA'I YE SHES PA SPYAN DRANGS, DZA: H'Um BAm HO: GNYIS SU MED PAR GYUR, SLAR YANG THUGS KA'I H'Um LAS 'OD 'PHROS, DBANG GI LHA RNAMS SPYAN DRANGS, KHYED RNAMS KYIS BDAG LA MNGON PAR DBANG BSKUR DU GSOL ZHES GSOL BA BTAB PAS AOm BADZRI BHA WA AA BHI shINYTZA H'Um ZHES BDUD RTZI'I CHUS DBANG BSKUR, CHU'I LHAG MA SPYI GTZUG TU GNAS PA YONGS SU GYUR PA LAS MI BSKYOD PAS DBU BRGYAN PAR BSAM, MCHOD PA BSANGS SBYANGS BYIN GYIS BRLABS LA, AOm A'ARYA AA TZA LA SA PA RI W'A RA AARGHAm PRA T'I TZTSA H'Um SV'A H'A, DE BZHIN DU SHAPTA'I BAR SBYAR LA MCHOD PA DBUL, DUS GSUM RGYAL BA KUN GYI SKU YI DNGOS, ,GANGS RI LTAR DKAR RAB BRJID KHRO BO'I SKU, ,DRAN PA TZAM GYIS SHES RAB MCHOG STZOL BA'I, ,BCOM LDAN MI G-YO MGON LA PHYAG 'TSAL LO, ,ZHES PAS BSTOD NAS, BZLAS PA BYA BA NI, RANG GI SNYING GAR ZLA BA'I DKYIL 'KHOR GYI STENG DU RANG GI SEMS NYID H'Um YIG DKAR PO, DE'I MTHA' SKOR DU AOm TZAndA MA H'A RO shA NA H'Um PHAt CES PA'I YI GE BCU PA'I SNGAGS KYI PHRENG BA GZUGS YI GE DBU CAN GYI RNAM PA CAN, KHA DOG DKAR LA DMAR BA'I MDANGS CHAGS PAS BSKOR BA, DE LAS 'OD ZER DPAG TU MED PA 'PHROS, LUS KYI NANG THAMS CAD GANG, SGO GSUM GYI MI SHES PA'I MUN PA THAMS CAD BSAL, 'OD ZER BA SPU'I SGO NAS PHYIR 'PHROS PHYOGS BCU'I RGYAL BA SRAS

BCAS MCHOD, DE RNAMS KYI MKHYEN PA'I YE SHES DANG, GZHAN YANG PAndITA RNAMS KYI 'CHAD RTZOD RTZOM GSUM GYI SHES RAB, TSANGS PA DANG BRGYA BYIN LA SOGS PA RNAMS KYI SHES RAB DANG MTHU STOBS THAMS CAD DANG, MDOR NA 'JIG RTEN DANG 'JIG RTEN LAS 'DAS PA'I SHES RAB THAMS CAD BSDUS NAS RANG GI THUGS KA'I H'Um LA THIM PAS 'CHAD RTZOD RTZOM GSUM LA BLO GROS KYI SNANG BA THOGS MED DU RGYAS PAR MOS NAS SMRA BA BCAD DE BSNYEN PA BYA'O, ,DE LTAR BSNYEN PA BYAS PAS PHYAG MTSAN GYI RAL GRI SOGS MTSON CHA RNYED PA DANG, NYI ZLA SHAR BA DANG, DUNG BUS PA DANG, RGYAL MTSAN DANG BA DAN 'PHYAR BA DANG, GOS DKAR PO DRI MA MED PA GYON PA DANG, GANGS RI MTHON PO'I RTZE LA 'DZEGS PA SOGS RMI LAM DU BYUNG NA 'GRUB PA'I MTSAN MAR BSHAD DO, ,THUN GYI MTHAR GTOR MA BYA BAR 'DOD NA, DKAR GTOR CHAB GYIS BRAN, AOm A'A: H'Um GIS BDUD RTZIR BYIN GYIS BRLABS, RANG GI THUGS KA'I SA BON GYI 'OD ZER GYIS BSGOMS PA DANG 'DRA BA'I BCOM LDAN 'DAS MI G-YO BA MDUN DU SPYAN DRANGS, DE'I LJAGS H'Um LAS SKYES PA'I RDO RJE RTZE GCIG PA 'OD KYI SBU GU CAN DU GYUR PAR BSAMS LA, AOm TZAndA MA H'A RO shA NA H'Um PHAt BA LIm TA KHA KHA, KH'A HI KH'A HI LAN GSUM MAM BDUN GYIS DBUL, AARGHAm SOGS KYIS MCHOD, SNGAR BZHIN BSTOD NAS 'DOD DON LA GSOL BA GDAB PAR BYA'O, ,MI G-YO BA DKAR PO'I SGRUB THABS MDOR BSDUS PA 'DI NI DGE 'DUN RGYA MTSO'I DPAL GYIS RNAM SRAS LHA RTZER BKOD PA'O,, ,, ` GANG GI ZHABS ZUNG NOR BU'I 'OD, ,REG PA YIS KYANG 'GRO 'DI LA, ,'CHI MED TSE DANG MCHOG STZOL BA, ,BLA MA 'KHOR LO SDOM PAR 'DUD, ,DPAL 'KHOR LO BDE MCHOG DKAR PO'I SGO NAS TSE BSRING BA'I MAN NGAG

, ,LA RANG NYID KYI TSE BSRING BA'I THABS DANG GZHAN GYI TSE BSRING BA'I THABS NYAMS SU BLANG BA'I TSUL GNYIS LAS, DANG PO NI, GNAS DBEN PAR STAN BDE BA LA 'DUG STE, SKYABS 'GRO SEMS BSKYED SNGON DU BTANG, SVA BH'A WA SA STONG PAR SBYANGS, STONG PA'I NGANG LAS PADMA DANG NYI MA'I GDAN GYI STENG DU RANG GI SEMS NYID H'Um DKAR PO DANG HR'I DMAR POR GSAL BA LAS 'OD 'PHROS, 'PHAGS PA MCHOD, SEMS CAN GYI DON BYAS, TSUR 'DUS YONGS SU GYUR PA LAS RANG NYID DPAL 'KHOR LO BDE MCHOG SKU MDOG DKAR PO, ZHAL GCIG PHYAG GNYIS PA, PHYAG GNYIS KYIS 'CHI MED TSE'I BDUD RTZIS GANG BA'I BUM PA DMAR PO RE RE 'DZIN PA, DE'I PANG DU RDO RJE RNAL 'BYOR MA SKU MDOG DMAR MO PHYAG GNYIS KYI 'CHI MED TSE'I BDUD RTZIS GANG BA'I THOD PA RE RE 'DZIN PAS 'KHYUD PA, YAB RDO RJE'I SKYIL KRUNG DANG, YUM PADMA'I SKYIL KRUNG GIS BZHUGS PA, GNYIS KA'ANG RUS PA DANG RIN PO CHE'I RGYAN GYIS SPRAS PA'I SPYI BOR AOm, MGRIN PAR A'A: THUGS KAR H'Um, THUGS KA'I H'Um LAS 'OD 'PHROS BSGOMS PA DANG 'DRA BA'I YE SHES PA SPYAN DRANGS, DZA: H'Um BAm HO: GNYIS SU MED PAR GYUR, SLAR YANG THUGS KA'I H'Um LAS 'OD 'PHROS, RIGS LNGA 'KHOR BCAS SPYAN DRANGS, KHYED RNAMS KYIS BDAG LA MNGON PAR DBANG SKUR DU GSOL, ZHES GSOL BA BTAB PAS BDUD RTZI'I CHUS SPYI BO NAS DBANG BSKUR, 'OD DPAG MED KYIS DBU BRGYAN PAR GYUR, MCHOD PA BYIN GYIS BRLABS LA, AOm AARGHAm PRA T'I TZTSA H'Um SV'A H'A, DE BZHIN DU P'A DYAm DANG, AOm BADZRA PUshPE A'A H'Um SV'A H'A, DE BZHIN DU SHAPTA'I BAR DU SBYAR LA MCHOD PA DBUL, RAB BRJID GANGS RI'I DBANG PO THUN

MTSAMS KYI, ,CHU 'DZIN GZHON NUS 'KHYUD PA LTA BU'I SKU, ,DRAN PA YIS KYANG TSE DANG MCHOG STZOL BA, ,HE RU KA DPAL YAB YUM LA PHYAG 'TSAL, ,ZHES PAS BSTOD, DE NAS BZLAS PA BYA BA NI, RANG GI THUGS KAR NYI MA'I DKYIL 'KHOR GYI STENG DU BUM PA DMAR PO 'CHI MED TSE'I BDUD RTZIS GANG BA, DE'I NANG DU RDO RJE DKAR PO RTZE LNGA PA'I LTE BAR ZLA GDAN LA RANG GI SEMS NYID H'Um YIG DKAR PO, DE'I N'A DA'I NANG DU BLA MA DANG GNYIS SU MED PA'I YI DAM BDE MCHOG YAB YUM MTSON GANG BA, DE'I PHYAG MTSAN GYI BUM PA DANG THOD PA'I NANG NAS PHYOGS BCU'I SANGS RGYAS THAMS CAD KYI YE SHES KYI RANG BZHIN 'CHI MED TSE'I BDUD RTZI'I RGYUN DKAR PO SKYA CHIL LI LI BABS, RANG SEMS H'Um YIG TU GSAL BA LA SIB SIB THIM PAS NAD GDON SDIG SGRIB THAMS CAD DAG, 'CHI MED TSE'I DNGOS GRUB THOB PAR BSAMS LA, RANG SEMS H'Um YIG DKAR POR GSAL BA'I MTHAR AOm HR'I: HA HA H'Um H'Um PHAt, TSE LA SRUNGS SHIG SV'A H'A ZHES PA'I SNGAGS 'PHRENG KHA DOG DKAR PO MU TIG GI PHRENG BA LTA BUS BSKOR BA LA RTZE GCIG TU DMIGS TE BSNYEN PA BYA, DE NAS THUN MTSAMS SU GTOR MA CHANG CHU NANG MCHOD KYIS BRAN, HA HO: HR'I: KHA DOG DRI RO NUS PA'I SKYON THAMS CAD BCOM ZHING BDUD RTZIR GYUR, AOm A'A: H'Um LAN GSUM BRJOD DE, RGYA CHER SPEL ZHING BYIN GYIS BRLABS PAR GYUR CES PAS BYIN GYIS BRLABS LA, SKAD CIG GIS RANG 'DRA'I YI DAM YAB YUM MDUN GYI NAM MKHAR SPYAN DRANGS, SNGAR BZHIN AARGHAm SOGS KYIS MCHOD LA, YI DAM GYI LJAGS LA H'Um DKAR PO LAS BYUNG BA'I RDO RJE DKAR PO RTZE GSUM PA NAS 'BRU TZAM 'KHOD PA'I RDO RJE'I 'OD ZER GYI

, ,SBU GUS DRANGS TE GSOL BAR BSAMS LA, AOm HR'I: HA HA H'Um H'Um PHAt AI DAm BA LIm KHA KHA, KH'A HI KH'A HI, ZHES PA LAN GSUM MAM BDUN GYIS DBUL, AOm A'A: H'Um BTAGS LA NANG MCHOD KYANG DBUL, SNGAR BZHIN BSTOD LA 'DOD DON LA GSOL BA GDAB, MTHAR YI DAM YAB YUM 'OD DU ZHU, RANG GI THUGS KA'I H'Um YIG LA THIM PAR BSAM MO, ,GZHAN GYI DON DU BYED NA BSGRUB BYA SNYING GA'I H'Um YIG DANG DBYER MED DU DMIGS PA GONG LTAR BYAS LA BSNYEN PA BYAS PAS RANG GZHAN GYI TSE DANG BSOD NAMS 'PHEL BAR 'GYUR RO ZHES PA 'DI YANG BTZUN PA DGE 'DUN RGYA MTSO'I DPAL GYIS BGYIS PA'O,, ,, ` GANG GI ZHABS ZUNG SNYING LA DRAN PAS KYANG, ,'CHI MED TSE DANG YE SHES MCHOG STZOL BA, ,TSE DPAG MED MGON DE LA PHYAG 'TSAL NAS, ,'CHI MED TSE YI SGRUB PA 'DIR BSHAD BYA, ,DE LA MA GCIG GRUB PA'I RGYAL MO'I LUGS KYI LHA GCIG BUM GCIG GI SGO NAS RANG GZHAN GYI DON BYA BAR 'DOD PAS, MCHOD PA RNAMS BLA MED SPYI 'GRO LTAR BYIN GYIS BRLABS NAS, TSOGS ZHING BYED NA RANG TSE DPAG MED DU GSAL BA'I THUGS KA'I SA BON GYI 'OD ZER GYIS BLA MA DANG TSE DPAG TU MED PA SPYAN DRANGS LA BDUN RNAM DAG BYA'O,, DE NAS SKYABS 'GRO SEMS BSKYED TSAD MED BZHI SGOM PA SNGON DU BTANG, SVA BH'A WA SA STONG PAR SBYANGS, STONG PA'I NGANG LAS PAm LAS PADMA DANG AA LAS ZLA BA'I GDAN GYI STENG DU RANG GI SEMS NYID YI GE HR'I: DMAR PO RING CHA TSEG DRAG DANG BCAS PA YONGS SU GYUR PA LAS RANG NYID RGYAL BA TSE DANG YE SHES DPAG TU MED PA SKU MDOG DMAR PO ZHAL GCIG ,PHYAG GNYIS MNYAM GZHAG GI STENG NA 'CHI MED TSE'I BDUD RTZIS GANG BA'I BUM PA BSNAMS PA, ZHABS RDO RJE'I SKYIL KRUNG GIS BZHUGS PA, MTSAN DPES SPRAS PA'I LONGS

SPYOD RDZOGS PA'I SKU'I RNAM PA CAN, RIN PO CHE'I RGYAN DANG DAR SNA TSOGS KYI NA BZAS KLUBS PA, DE'I SPYI BOR AOm, MGRIN PAR A'A: THUGS KAR H'Um, THUGS KA'I H'Um LAS 'OD 'PHROS, NUB PHYOGS BDE BA CAN NAS BSGOMS PA DANG 'DRA BA'I YE SHES PA SPYAN DRANGS, DZA: H'Um BAm HO: DAM TSIG PA DANG GNYIS SU MED PAR GYUR, SLAR YANG THUGS KA'I H'Um LAS 'OD 'PHROS, DBANG GI LHA RNAMS SPYAN DRANGS, KHYED RNAMS KYIS BDAG LA MNGON PAR DBANG SKUR DU GSOL, ZHES GSOL BA BTAB PAS, DE RNAMS KYIS YE SHES KYI BDUD RTZIS GANG BA'I BUM PA THOGS NAS, AOm SARBA TA TH'A GA TA AA BHI shE KA TA SA MA YA SHRI YE A'A: H'Um, ZHES DBANG BSKUR, LUS GANG, DRI MA DAG ,CHU'I LHAG MA SPYI GTZUG TU GNAS PA YONGS SU GYUR PA LAS, RANG GI BLA MA DANG DBYER MED PA'I SPRUL SKU TSE DPAG TU MED PAS DBU BRGYAN PAR GYUR, AOm AA P'A RA MI TA A'A YUR DZNY'A NA SA PA RI W'A RA AARGHAm PRA T'ITZTSA YE SV'A H'A, DE BZHIN DU SHAPTA'I BAR GYIS MCHOD, BCOM LDAN MGON PO TSE DPAG MED, ,SDIG PA'I DRI MA PHYIR BSAL NAS, ,MKHA' DANG MNYAM PA'I SKU MNGA' BA, MNYAM NYID SKU LA PHYAG 'TSAL LO, ,ZHES PAS BSTOD NAS, RIGS BDAG TSE DPAG TU MED PA'I PHYAG MTSAN BUM PA'I NANG DU ZLA BA'I DKYIL 'KHOR GYI STENG DU HR'I: 'I MTHAR SNYING PO DANG GZUNGS RING GIS BSKOR BA LAS 'OD ZER 'PHROS, RANG GI TSE MI MA YIN RNAMS KYIS PHROGS PA DANG, BRKUS PA DANG, YAR BA LA SOGS PA RNAMS BUM PA DANG THOD PA BDUD RTZIS GANG BA'I RNAM PAR BSDUS, SNGAGS PHRENG LA THIM, DE BZHIN DU 'BYUNG BA RNAMS KYI BCUD, SEMS CAN

, ,THAMS CAD KYI TSE DANG BSOD NAMS, SRID PA GSUM GYI PHUN TSOGS THAMS CAD DANG, RGYAL BA SRAS BCAS KYI SKU GSUNG THUGS KYI BYIN RLABS THAMS CAD BSDUS, SNGAGS PHRENG LA THIM, DE LAS BDUD RTZI'I RGYUN BABS, BUM PA 'CHI MED KYI BDUD RTZIS GANG BA LAS BDUD RTZI DKAR CHIL GYIS LUD NAS RANG GI SPYI BO TSANGS BUG NAS ZHUGS, LUS THAMS CAD GANG, DRI MA THAMS CAD DAG, 'CHI MED TSE'I DNGOS GRUB THOB PAR BSAMS LA, AOm AA M'A RA nI ZHES SOGS SNYING PO DANG GZUNGS RING GI BSNYEN PA BYA'O, ,DMIGS PA RGYAS PAR SGOM 'DOD NA GZHAN LA DBANG SKUR BA'I 'DON PA SPOS PAS CHOG GO ,GZHAN LA TSE DBANG SKUR TSUL NI, TSE BUM TSE CHANG TSE RIL RNAMS PHYAG LEN BZHIN DU BSHAMS, TSE BUM DBUS, TSE CHANG G-YAS, TSE RIL G-YON DU BZHAG MCHOD PA DANG GTOR MAS MTHA' BSKOR, MCHOD GTOR NANG MCHOD RNAMS BLA MED LTAR BYIN GYIS BRLABS LA, SVA BH'A WA'I SNGAGS BRJOD PA'I SGO NAS, TSE BUM MI DMIGS PA'I STONG PA NYID DU GYUR, STONG PA'I NGANG LAS BHRUm LAS RIN PO CHE'I BUM PA DMAR PO LTO BA CHE BA, MGRIN PA MTHO BA, MCHU 'PHYANG BA; LHA RDZAS KYI GOS KYIS MGUL PA DKRIS SHING DPAG BSAM SHING GIS KHA BRGYAN PA, DVANGS SHING THOGS PA MED PA, PHYI BUM PA'I RNAM PA YIN PA LA NANG LHA'I GZHAL YAS KHANG GRU BZHI SGO BZHI RTA BABS BZHI DANG LDAN PA LA SOGS PA MTSAN NYID THAMS CAD DANG LDAN PA, DE'I DBUS SU PADMA DANG ZLA BA'I GDAN GYI STENG DU HR'I: LAS RGYAL BA TSE DANG YE SHES DPAG TU MED PA ZHES PA NAS BSTOD PA'I BAR SNGAR BZHIN BYA, BZLAS PA'I DMIGS PA NI, TSE DPAG MED KYI PHYAG MTSAN BUM PA'I NANG DU ZLA BA'I DKYIL 'KHOR GYI

STENG DU HR'I:'I MTHAR SOGS SNGAR LTAR BYAS LA, SLOB MA RNAMS KYI TSE YAR BA DANG 'THOR BA LA SOGS PA DGUG PA'I DMIGS PA BYAS SHING BUM PA 'CHI MED KYI BDUD RTZIS GANG BAR GYUR PAR BSGOMS LA, GZUNGS RING DANG SNYING PO CI NUS BZLA, TSE CHANG NANG MCHOD LTAR SBYANG RTOGS SBAR GSUM BYAS LA BSGRUB, TSE RIL SMAN SNA TSOGS LAS GRUB PA'I BDUD RTZI'I RIL BUR BYAS LA 'JIG RTEN DANG 'JIG RTEN LAS 'DAS PA'I BCUD THAMS CAD BSDUS TE BSTIMS PAS 'CHI MED TSE'I RIL BUR BSAM LA DE GNYIS KA'ANG SNYING PO DANG GZUNGS RING BZLAS LA BSGRUB, GTOR MA NANG MCHOD LTAR BYIN GYIS BRLABS LA, BUM PA'I LHA LA SNGAR GYI MCHOD SNGAGS KYI MTHAR BA LIm TA BTAGS LA SPYI 'GRO LTAR DBUL, 'DOD DON LA GSOL BA GDAB, DE NAS SLOB MA RNAMS KHRUS BYAS, PHYAG DANG MAndAL SNGON DU 'GRO BAS, KUN MKHYEN YE SHES PHUNG PO CAN, ,ZHES SOGS KYIS LAN GSUM GSOL BA GDAB, SPYI DANG BYE BRAG GI CHOS BSHAD, KHYAD PAR GDAMS PA 'DI'I LO RGYUS DANG CHE BA SOGS BRJOD PAS SPRO BA BSKYED, DKON MCHOG GSUM LA BDAG SKYABS MCHI, ,ZHES SOGS KYIS SDOM PA GZUNG, MAndAL BSTAN PA NI, MDUN NA GNAS PA'I BUM PA 'DI NYID RIN PO CHE'I BUM PA DMAR PO, LTO BA CHE BA ZHES PA NAS, DAR SNA TSOGS KYI NA BZAS KLUBS PA, ZHES PA'I BAR SNGAR LTAR BRJOD NAS, DE 'DRA'I TSE DPAG TU MED PA ZHIG MNGON SUM DU MTHONG SNYAM PA DANG, BLA MA'ANG TSE DPAG TU MED PA DE 'DRA ZHIG TU SGOM DU BCUG ,SLOB MA MI DMIGS PA'I STONG PAR SBYANGS, STONG PA'I NGANG LAS PAD ZLA'I STENG DU TSE DPAG TU MED PAR BSKYED PA LA GNAS GSUM DU YI GE GSUM BKOD DE BYIN GYIS BRLAB, DE NAS DBANG BSKUR BA LA TSE BUM LA BRTEN NAS BSKUR BA, TSE CHANG LA BRTEN NAS BSKUR BA,

, ,TSE RIL LA BRTEN NAS BSKUR BA, TSE SPEL BA DANG BZHI LAS, DANG PO LA YAR BA DGUG PA, NYAMS PA GSO BA, TSE BSTIM PA DANG GSUM MO, ,DANG PO NI, BCOM LDAN 'DAS KYI PHYAG MTSAN BUM PA'I NANG DU ZLA BA'I DKYIL 'KHOR GYI STENG DU HR'I:'I MTHAR SNYING PO DANG GZUNGS RING GIS BSKOR BA LAS 'OD ZER 'PHROS, KHYED RANG RNAMS KYI TSE 'CHI BDAG GSHIN RJE, RGYAL GDON LA SOGS PA 'BYUNG PO MI MA YIN RNAMS KYIS PHROGS PA DANG BRKUS PA DANG YAR BA THAMS CAD BUM PA DANG THOD PA DANG LHUNG BZED BDUD RTZIS GANG BA'I RNAM PAR BKUG SNGAGS 'PHRENG LA THIM, DE LAS BDUD RTZI'I RGYUN BABS, BUM PA 'CHI MED KYI BDUD RTZIS GANG BAS SPYI BO NAS DBANG BSKUR, LUS KYI NANG THAMS CAD GANG ZHING PHYI THAMS CAD BKRUS PAS RDZAS KYI RDO RJE PHA LAM BZHIN DU PHAR LA DNGOS POR 'DZIN PA THAMS CAD 'JOMS SHING, TSUR LA GANG GIS KYANG GZHIG CING GZHOM PAR MI NUS PA'I 'CHI MED KYI RIG 'DZIN THOB SNYAM PA MDZOD CIG CES BRJOD LA DRIL BU DKROL, RANG DANG SLOB MA GNYIS KAS, AA M'A RA nI'I SNGAGS BRJOD, SKAL LDAN RIGS KYI BU 'DI DAG LA TSE DBANG DU GYUR CIG ,DNGOS GRUB TU GYUR CIG, TSE MI 'GYUR BA'I G-YUNG DRUNG DU GYUR CIG, MI SHIGS PA'I RDO RJER GYUR CIG, MI NUB PA'I RGYAL MTSAN DU GYUR CIG, 'CHI BA MED PA TSE'I RIG 'DZIN THOB PAR GYUR CIG, CES BRJOD LA ME TOG 'THOR RO, ,BDEN STOBS 'DI 'OG MA RNAMS KYI MTHA' THAMS CAD DU'ANG BYA'O, ,RGYAL MTSAN RTZE MO SOGS KYI SHIS BRJOD SHLOO KA GCIG BYA'O,, NYAMS PA GSO BA LA TSE NYAMS PA GSO BA, STOBS DANG BSOD NAMS NYAMS PA GSO

BA; DAM TSIG DANG SDOM PA NYAMS PA GSO BA RNAMS LAS, DANG PO NI, BCOM LDAN 'DAS KYI PHYAG MTSAN BUM PA'I NANG DU ZHES PA NAS, SNGAGS 'PHRENG LAS 'OD ZER 'PHROS PAS RGYAN NAM MKHA', BU GA NAM MKHA' LA SOGS PA NAM MKHA'I BCUD THAMS CAD 'OD DANG BDUD RTZI LJANG GU'I RNAM PAR BKUG SNGAGS 'PHRENG LA THIM, ZHES PA NAS PHYI THAMS CAD BKRUS PAS THOG MA MED PA NAS KYI NAD GDON SDIG SGRIB THAMS CAD DAG, KHYAD PAR DU'ANG YID DANG RNAM PAR SHES PA NAM MKHA'I KHAMS KYI SGO NAS TSE NYAMS PA SOR CHUD, LUS KYI ZUNGS DANG SROG GI RTEN DU GYUR PA'I 'CHI MED KYI RIG 'DZIN THOB SNYAM PA MDZOD CIG, CES DBANG BSKUR, BDEN STOBS BRJOD, PHUN SUM TSOGS PA SOGS SHLOO KA GCIG BYA'O, ,YANG SNGAGS 'PHRENG LAS 'OD ZER 'PHROS, SHAR PHYOGS KYI RLUNG DANG, LHO PHYOGS KYI RLUNG DANG, NUB PHYOGS KYI RLUNG DANG, BYANG PHYOGS KYI RLUNG DANG, STENG GI RLUNG DANG, 'OG GI RLUNG, SHAR LHO'I RLUNG, LHO NUB KYI RLUNG, NUB BYANG GI RLUNG STE, BYANG SHAR GYI RLUNG STE, RLUNG GI BCUD THAMS CAD 'OD DANG BDUD RTZI MTHING ZHUN MA'I MDOG CAN GYI RNAM PAR BKUG SNGAGS 'PHRENG LA THIM ZHES PA NAS, SDIG SGRIB THAMS CAD DAG KHYAD PAR DU'ANG SROG 'DZIN LA SOGS PA RTZA BA DANG YAN LAG GI RLUNG BCU'I SGO NAS TSE NYAMS PA THAMS CAD SOR CHUD, SRED MED KYI BU DANG GLANG PO CHE RAB BRTAN LTA BUR STOBS DANG YANG RTZAL PHUN SUM TSOGS PA DANG LDAN PA'I 'CHI MED KYI RIG 'DZIN THOB SNYAM PA MDZOD CIG, CES DBANG BSKUR, DE YIS NYE BAR BSTAN PA'I ZHES SOGS BRJOD DO, ,YANG SNGAGS 'PHRENG LAS 'OD

, ,ZER 'PHROS, NAGS TSAL LAS BYUNG BA'I ME DANG, RGYUN GZHAG GI ME DANG, RDO SOL LAS BYUNG BA'I ME DANG, ME SHEL LAS BYUNG BA'I ME DANG, SBYOR BAS BSGRUBS PA LAS BYUNG BA'I ME DANG, BSGOMS PA'I TING NGE 'DZIN GYI ME DANG, RTA GDONG GI ME LA SOGS PA 'BYUNG BA CHEN PO ME'I RO BCUD THAMS CAD 'OD DANG BDUD RTZI DMAR PO MTSAL LCO LA ME'I MDOG CAN GYI RNAM PAR BKUG SNGAGS 'PHRENG LA ZHES PA NAS, SDIG SGRIB THAMS CAD DAG KHYAD PAR DU'ANG LUS KYI DROD KYI CHA SHAS ME'I KHAMS KYI SGO NAS TSE NYAMS PA THAMS CAD SOR CHUD, LUS YID BZHIN GYI NOR BU DANG NYI MA'I SNYING PO LTA BUR BKRAG MDANGS GZI BRJID PHUN SUM TSOGS PA DANG LDAN PA'I 'CHI MED KYI RIG 'DZIN THOB SNYAM PA MDZOD, CES DBANG BSKUR, DGE 'DUN DAM PA SOGS BRJOD DO,, YANG SNGAGS 'PHRENG LAS 'OD ZER 'PHROS PAS MTSO DANG, MTSE'U DANG, LTENG KA DANG, CHU MIG DANG, LU MA DANG, BKOD MA'I CHU DANG, PHYI'I RGYA MTSO CHEN PO DANG, NANG GI ROL MTSO BDUN DANG, 'DZAM BU'I GLING GI CHU GTER MA DROS PA LA SOGS PA 'BYUNG BA CHEN PO CHU'I RO BCUD THAMS CAD 'OD DANG BDUD RTZI DKAR PO 'O MA'I MDOG CAN DU BKUG NAS SNGAGS 'PHRENG LA THIM ZHES PA NAS, SDIG SGRIB THAMS CAD DAG KHYAD PAR DU'ANG KHRAG DANG CHU SER LA SOGS PA LUS KYI CHU'I KHAMS KYI SGO NAS TSE NYAMS PA THAMS CAD SOR CHUD, LUS PADMA'I RTZA BA LTAR SNUB BAG DANG LDAN PA'I 'CHI MED KYI RIG 'DZIN THOB SNYAM PA MDZOD CIG, CES DBANG BSKUR, BGEGS RIGS STONG PHRAG BRGYAD CU ZHI BA DANG, ,ZHES SOGS BRJOD DO,,

YANG SNGAGS 'PHRENG LAS 'OD ZER 'PHROS, RI'I RGYAL PO RI RAB DANG, GSER GYI RI BDUN LA SOGS PA'I RIN PO CHE'I RI, MA LA YA LA SOGS PA'I NAGS RI, GANGS CAN LA SOGS PA'I GANGS RI, SPOS NGAD LDANG LA SOGS PA'I SPANG RI, GSER GYI BYA SKYIBS CAN LA SOGS PA'I BRAG RI, GZHAN YANG SMAN DANG, NAGS TSAL DANG, RTZI BCUD LO THOG LA SOGS PA 'BYUNG BA CHEN PO SA'I RO BCUD THAMS CAD 'OD DANG BDUD RTZI GSER ZHUN MA'I MDOG CAN GYI RNAM PAR BKUG SNGAGS 'PHRENG LA, ZHES PA NAS, SDIG SGRIB THAMS CAD DAG KHYAD PAR DU'ANG SHA DANG RUS PA LA SOGS LUS KYI SA'I KHAMS KYI SGO NAS TSE NYAMS PA THAMS CAD SOR CHUD, LUS RI'I RGYAL PO RI RAB LTA BUR SRA ZHING BRTAN PA'I 'CHI MED KYI RIG 'DZIN THOB SNYAM PA MDZOD CIG CES DBANG BSKUR, LO BRGYA THUB CING ZHES SOGS BRJOD, 'BYUNG BA'I BCUD DE LTAR BSDUS PA NI 'BYUNG BA 'DI RNAMS CHAGS PA'I TSE NAM MKHA' RLUNG ME CHU SA'I RIM PAS CHAGS PA'I GNAD KYIS SO, ,GNYIS PA STOBS DANG BSOD NAMS NYAMS PA GSO BA NI, YANG SNGAGS 'PHRENG LAS 'OD ZER 'PHROS, TSANGS PA DANG BRGYA BYIN LA SOGS PA STENG NA LHA TSE RING PO RNAMS DANG, DGA' BO DANG NYE DGA' LA SOGS PA 'OG NA KLU TSE RING PO RNAMS DANG, STONG 'KHOR LOS SGYUR BA'I RGYAL PO LA SOGS PA BAR NA MI TSE RING PO, GZHAN YANG BLA MA DGE BA'I BSHES GNYEN MKHAS BTZUN BZANG GSUM 'DZOMS PA, BYAMS SNYING RJE BYANG CHUB KYI SEMS 'BYONGS PA, STONG NYID RTOGS PA, LHA DANG MI'I 'DREN PA DAM PAR GYUR PA RNAMS DANG, 'JIG RTEN GYI KHAMS NA DBANG CHE BA, KHAS DRAG PA, DPUNG BU

, ,RTA 'DZOMS PA, TSE RING BA, LONGS SPYOD CHE BA LA SOGS PA, MDOR NA SEMS CAN THAMS CAD KYI TSE DANG BSOD NAMS, SRID PA GSUM GYI BKRAG MDANGS GZI BRJID, 'JIG RTEN KHAMS KYI DPAL 'BYOR PHUN SUM TSOGS PA THAMS CAD BKRA SHIS PA'I RTAGS BRGYAD, RGYAL SRID RIN PO CHE SNA BDUN, NYE BA'I RIN PO CHE SNA BDUN, BKRA SHIS KYI RDZAS BRGYAD LA SOGS PA'I RNAM PAR BKUG ,SNGAGS 'PHRENG LA THIM ZHES PA NAS, SDIG SGRIB THAMS CAD DAG KHYAD PAR DU'ANG STOBS DANG BSOD NAMS NYAMS PA SOR CHUD, LHA RNAMS KYI DBANG PO BRGYA BYIN, STONG GSUM MI MJED KYI BDAG PO TSANGS PA SOGS DANG SKAL BA MNYAM PA'I MCHI MED KYI RIG 'DZIN THOB SNYAM PA MDZOD CIG CES DBANG BSKUR, RGYAL BA SRAS BCAS BSOD NAMS MTHU DAG DANG, ,ZHES SOGS BRJOD DO, ,DAM TSIG DANG SDOM PA NYAMS PA GSO BA NI, YANG SNGAGS 'PHRENG LAS 'OD ZER 'PHROS PAS BCOM LDAN 'DAS RGYAL BA TSE DANG YE SHES DPAG TU MED PA LA SOGS PA TSE KHRID BRGYUD PA'I BLA MA RNAMS DANG, SANGS RGYAS BYANG SEMS, DPA' BO MKHA' 'GRO CHOS SKYONG SRUNG MA, LHA MI'I RIG 'DZIN CHEN PO THAMS CAD KYI SKU GSUNG THUGS KYI BYIN RLABS THAMS CAD SANGS RGYAS DANG BYANG SEMS LA SOGS PA'I SKU GZUGS, A'A LI K'A LI LA SOGS PA'I YIG 'BRU, RDO RJE DRIL BU LA SOGS PA'I PHYAG MTSAN GYI RNAM PAR BKUG SNGAGS 'PHRENG LA THIM ZHES PA NAS, SDIG SGRIB THAMS CAD DAG KHYAD PAR DU'ANG DAM TSIG DANG SDOM PA NYAMS PA SOR CHUD, 'CHI MED KYI RIG 'DZIN THOB SNYAM PA MDZOD CIG CES PAS DBANG BSKUR, MI

'GYUR LHUN PO SOGS BRJOD DO, ,'DI NI RGYAS PA'I DBANG DU BYAS PA YIN LA, BSDUS PA BYED NA, 'BYUNG BA CHEN PO NAM MKHA' RLUNG ME CHU SA'I BCUD THAMS CAD 'OD DANG BDUD RTZI LJANG SNGO DMAR DKAR SER BA'I RNAM PAR BKUG SNGAGS 'PHRENG LA THIM ZHES PA NAS, SDIG SGRIB THAMS CAD DAG KHYAD PAR DU'ANG LUS KYI 'BYUNG BA RNAMS KYI SGO NAS TSE NYAMS PA SOR CHUD, 'CHI MED KYI RIG 'DZIN THOB SNYAM PA MDZOD CIG CES DANG, SEMS CAN THAMS CAD KYI TSE DANG BSOD NAMS, SRID PA GSUM GYI BKRAG MDANGS GZI BRJID CES PA NAS, SDIG SGRIB THAMS CAD DAG CES SOGS DANG, PHYOGS BCU'I BLA MA RGYAL BA SRAS BCAS KYI SKU GSUNG THUGS KYI BYIN RLABS THAMS CAD SANGS RGYAS BYANG SEMS LA SOGS PA'I SKU GZUGS ZHES SOGS SKABS DANG SBYAR BAR BYA'O, ,TSE BSTIM PA NI, SLAR YANG RANG GI THUGS KA'I SA BON GYI 'OD ZER GYIS NUB PHYOGS BDE BA CAN NAS MGON PO TSE DPAG TU MED PA LA TSE KHRID BRGYUD PA'I BLA MA RNAMS DANG SANGS RGYAS BYANG SEMS THAMS CAD KYIS BSKOR BA SPYAN DRANGS, BUM NANG GI MGON PO TSE DPAG TU MED PA LA THIM, DE'ANG 'OD DU ZHU, KHYED RANG RNAMS KYI SPYI BO NAS THIM PAS RGYAL BA TSE DPAG TU MED PA'I SKU GSUNGS THUGS DANG KHYED RANG GI LUS NGAG YID GSUM RO GCIG TU GYUR, 'CHI MED TSE'I RIG 'DZIN THOB SNYAM PA MDZOD, CES BRJOD LA, BCOM LDAN 'DAS MGON PO TSE DANG YE SHES DPAG TU MED PA, MA GCIG GRUB PA'I RGYAL MO, TI PU GSANG SNGAGS KYI SDONG PO, SKYE MED RAS CHUNG RDOR GRAGS, DBANG PHYUG MI LA RAS CHEN, BKA' BRGYUD DVAGS PO LHA RJE, BDE GSHEGS KHAMS

, ,PA RDO RGYAL, 'BRI GUNG SKYU RA RIN PO CHE, CHOS RJE SPYAN SNGA BA, RGYAL BA YANG DGON PA, THUGS SRAS SPYAN SNGA RIN LDAN, KUN MKHYEN ZUR PHUG PA, 'BA' RA BA RGYAL MTSAN DPAL BZANG PO, SKYES MCHOG A'A NAN CHOS RJE, CHOS KYI RJE DPAL 'BYOR RGYAL MTSAN, RDO RJE 'CHANG KUN DGA' RGYAL MTSAN DPAL BZANG PO LA SOGS PA RTZA BA DANG BRGYUD PAR BCAS PA'I DPAL LDAN BLA MA DAM PA RNAMS KYIS BYIN GYIS RLOBS SHIG SLOB MA 'DI RNAMS KYI LUS KYI NA TSA, SEMS KYI SDUG BSNGAL, BAR CHAD DANG CHAGS SGO NYAM NGA YOD PA, STENG GDON GZA', 'OG GDON KLU, BAR GDON RGYAL PO'I GNOD PA DANG, DUS MA YIN PAR 'CHI BA'I 'JIGS PA THAMS CAD LAS SRUNGS SHIG AOm NA MO BHA GA WA TE ZHES SOGS GZUNGS RING TSAR GCIG BRJOD LA DBANG BSKUR RO, ,TSE DBANG BRGYA RTZA SOGS MANG PO BYED NA THA MA LA TSE BSTIM PA BKA' SGO TSAR GSUM DANG BCAS PA BYA ZHING, GZHAN RNAMS LA DAM TSIG DANG SDOM PA NYAMS PA GSO BA'I DMIGS PA'I MJUG TU, BUM PA'I NANG GI MGON PO TSE DPAG TU MED PA LAS MAR ME GCIG LAS GNYIS CHAD KYI TSUL DU MGON PO TSE DPAG TU MED PA RE RE CHAD NAS SLOB MA RNAMS LA THIM PAR BSAM ZHING, LONG YOD PA DANG GZABS NAS BYED NA BLA MA BRGYUD PA'I MTSAN NAS BRJOD PA'I BKA' BSGO LAN RE BYA'O, ,TSE CHANG LA BRTEN NAS DBANG BSKUR BA NI, TSE CHANG 'DI NYID KYANG THOD PA PHYI DKAR LA NANG DMAR BA YANGS SHING RGYA CHE BA'I NANG DU SHA LNGA BDUD RTZI LNGA, DE DAG GI STENG DU AOm A'A: H'Um GSUM STENG NAS STENG NAS STENG DU BRTZEGS TE GNAS PA, DE LAS 'OD ZER 'PHROS, RGYA MTSO LA SOGS PA NA GNAS PA'I BDUD RTZI DANG, PHYOGS

BCU'I DE BZHIN GSHEGS PA THAMS CAD KYI THUGS GNYIS SU MED PA'I YE SHES KYI BDUD RTZI'ANG BKUG YUL NYI SHU RTZA BZHI'I DPA' BO DANG RNAL 'BYOR MA RNAMS KYI THUGS KA'I SA BON LAS KYANG YE SHES KYI BDUD RTZI SPYAN DRANGS, YI GE GSUM GYI 'OD ZER GYIS SEMS CAN THAMS CAD TSE DPAG TU MED PA'I GO 'PHANG LA BKOD PA RNAMS KYANG BKUG NAS 'CHI MED KYI BDUD RTZI LA THIM PA'I BDUD RTZI LA ZHAL DU GSOL BAS LUS KYI RTZA NANG STONG PHRAG BDUN CU RTZA GNYIS 'CHI MED KYI BDUD RTZIS GANG, RANG BZHIN BRGYAD CU'I KUN RTOG DBYINGS SU 'GAGS, NYAMS GSAL STONG BDE BAS BRGYAN PA'I TING NGE 'DZIN NAM, YANG NA BDE STONG DBYER MED KYI TING NGE 'DZIN RGYUD LA SKYES, RTZA RLUNG THIG LE'I NUS PA NYAMS PA THAMS CAD SOR CHUD, 'CHI MED KYI RIG 'DZIN THOB, KHYAD PAR DU'ANG RDZOGS RIM LA BRTEN NAS TSE SGRUB PA'I SKAL BA DANG LDAN PAR BYAS SNYAM PA MDZOD CIG, CES BRJOD LA TSE CHANG SBYIN NO, ,TSE RIL LA BRTEN NAS DBANG BSKUR BA NI, TSE'I RIL BU 'DI RNAMS KYANG NAD RIGS BZHI BRGYA RTZA BZHI'I GNYEN POR GYUR PA'I SMAN SNA TSOGS PA BSGRUBS PA LAS BYUNG BA'I BDUD RTZI STE, RIL BU 'DI DAG LAS KYANG 'OD ZER 'PHROS PAS 'JIG RTEN DANG 'JIG RTEN LAS 'DAS PA'I BCUD LEN GYI YON TAN THAMS CAD BSDUS NAS RIL BU RNAMS LA THIM PA'I GRUB PA'I RDZAS BCUD LEN GYI BDUD RTZI RIL BU ZHAL DU GSOL BAS BZHI BRGYA RTZA BZHI'I NAD, STONG PHRAG BRGYAD BCU'I BGEGS, BAR CHAD DANG CHAGS SGO YOD PA THAMS CAD BYANG ZHING DAG 'CHI MED TSE'I RIG 'DZIN THOB, KHYAD PAR DU'ANG BCUD LEN LA BRTEN

, ,NAS TSE SGRUB PA'I SKAL BA CAN DU BYAS SNYAM PA MDZOD CIG CES DANG, BKRA SHIS TSE BRTAN DPAL GYI ZAS, ,SNYING PO BSDUS PA'I BCUD 'DI NI, ,DE RING BU YIS BZA' BAR GYIS, ,'DI ZOS SANGS RGYAS TSE DPAG MED, ,ZHAL ZAS BSTEN NA NAD KUN LAS, ,GROL 'GYUR THE TSOM BYA MI DGOS, ,ZHES TSE RIL SBYIN, TSE SPEL BA NI, KHYED RANG RNAMS KYI STENG GI NAM MKHA' LA RGYAL BA TSE DPAG TU MED PA LA TSE KHRID BRGYUD PA'I BLA MA RNAMS DANG, SANGS RGYAS BYANG SEMS, DPA' BO MKHA' 'GRO CHOS SKYONG SRUNG MA, LHA MI'I RIG 'DZIN RNAMS KYIS BSKOR BA BZHUGS NAS ME TOG GI CHAR 'BEBS, ROL MO'I SGRA SGROG BKRA SHIS KYI GLU DBYANGS KYIS SHIS PA BRJOD PA'I MOS PA MDZOD, CES BRJOD LA, SBYIN PA'I STOBS KYIS SANGS RGYAS YANG DAG 'PHAGS,, ZHES SOGS KYIS BDEN STOBS DANG SHIS PA BRJOD CING ME TOG GTOR RO, ,MA GCIG GRUB PA'I RGYAL MO NAS BRGYUD PA'I, ,RMAD BYUNG SGRUB PA'I SGO NAS RANG GZHAN DON, ,SGRUB PA'I RIM PA CUNG ZAD GSAL BYAS PAS, ,'GRO KUN 'CHI MED RIG 'DZIN THOB GYUR CIG, CES PA 'DI NI BSTAN PA'I RTZA LAG DAM PA CHOS KYI RJE DGE LEGS RNAM RGYAL BA'I GSUNG GIS BSKUL BA LA BRTEN NAS, BLA MA DAM PA'I GSUNG LAS BYUNG BA BZHIN DU DGE 'DUN RGYA MTSO'I DPAL GYIS DPAL LDAN 'BRAS SPUNGS KYI DGA' LDAN PHO BRANG DU SBYAR BA'I YI GE PA NI LUNG RIGS SMRA BA YON TAN MCHOG GIS BGYIS PA 'DIS KYANG BSTAN PA DANG SEMS CAN LA PHAN PA RGYA CHEN PO 'BYUNG BAR GYUR CIG, ,, ` BLA MA DANG BCOM LDAN 'DAS RTA MGRIN LA PHYAG 'TSAL LO, ,GRUB THOB ZLA BA RGYAL MTSAN NAS BRGYUD PA'I DPAL RTA MGRIN SGRUB PAR 'DOD PAS SKYABS 'GRO SEMS BSKYED TSAD MED BZHI SGOM

PA SNGON DU BTANG, SVA BH'A WA SA STONG PAR SBYANGS, STONG PA'I NGANG LAS SNA TSOGS PADMA MA DANG NYI MA DANG RU TRA PHO MO BSNOL BA'I GDAN GYI STENG DU RANG GI SEMS NYID YI GE HRI: DMAR NAG DE LAS 'OD 'PHROS, DGRA BGEGS GDUG PA CAN THAMS CAD TSAR BCAD, TSUR 'DUS YONGS SU GYUR PA LAS RANG NYID DPAL RTA MGRIN SKU MDOG MTHING NAG ZHAL GCIG PHYAG GNYIS PA, PHYAG G-YAS PAS GNAM LCAGS KYI RAL GRI ME 'BAR BA NAM MKHA' LA 'PHYAR ZHING, G-YON SDIGS MDZUB RAB TU SGRENG BA'I RTZE LAS ME 'BAR BAS, DGRA BGEGS KYI TSOGS BSREG PAR MDZAD PA, ZHAL RAB TU GDANGS PA'I MCHE BA RNON PO BZHI G-YAS SU GTZIGS NAS G-YON DU RNGAM PA, SPYAN GSUM DUS MTHA'I ME LTAR 'BAR ZHING SMIN MA DANG SMA RA DMAR SER GYEN DU 'KHYIL BA; DBU SKRA KHAM SER GYEN DU BRDZES PA'I DBU'I GTZUG NA RTA MGO LJANG NAG ZHUR DKAR BA, PHROM PHROM SER BA, RNGOG MA DMAR PO'I GSEB NAS ME STAG 'PHRO BA, THOD SKAM LNGA'I DBU RGYAN DANG, KHRAG 'DZAG PA'I MGO RLON LNGA BCU'I DO SHAL CAN GLANG PO CHE'I KO BA DANG ZHING CHEN GYI G-YANG GZHIS STOD G-YOGS SHING STAG GI PAGS PA'I SHAM THABS CAN, SBRUL DANG RIN PO CHE'I RGYAN GYIS BRGYAN PA, ZHABS G-YAS BSKUM ZHING G-YON BRKYANG PA'I STABS KYIS YE SHES KYI ME RAB TU 'BAR BA'I KLONG DKYIL NA BZHUGS PA, DE'I SPYI BOR AOm DKAR PO, MGRIN PAR A'A: DMAR PO, THUGS KAR H'Um SNGON PO, THUGS KA'I H'Um LAS 'OD ZER 'PHROS, BSGOMS PA DANG 'DRA BA'I YE SHES PA SPYAN DRANGS, DZA: H'Um BAm HO: RANG LA THIM PAS GNYIS SU MED PAR GYUR, SLAR

, ,YANG THUGS KA'I H'Um LAS 'OD 'PHROS, DBANG GI LHA RNAMS SPYAN DRANGS, KHYED RNAMS KYIS MNGON PAR DBANG BSKUR DU GSOL, ZHES GSOL BA BTAB PAS DE RNAMS KYIS YE SHES KYI BDUD RTZIS GANG BA'I BUM PA THOGS NAS, AOm SARBA TA TH'A GA TA AA BHI shE KA TA SA MA YA SHRI YE H'Um, ZHES GSUNG ZHING SPYI BO NAS DBANG BSKUR, LUS GANG, DRI MA DAG CHU'I LHAG MA SPYI GTZUG TU GNAS PA YONGS SU GYUR PA LAS 'OD DPAG MED KYIS DBU BRGYAN PAR GYUR, MCHOD PA BSANGS SBYANGS BYIN GYIS BRLABS LA, HR'I PADM'ANTA KRITA SA PA RI W'A RA AARGHAm PRA T'ITZTSA YE SV'A H'A, ZHES PA NAS SHAPTA 'I BAR GYIS MCHOD, SNANG BA MTHA' YAS RGYAL BA KUN GYI BDAG GDUG PA 'DUL PHYIR 'JIGS RUNG KHRO BO'I TSUL, ,DRAN PA TZAM GYIS BGEGS KUN 'JOMS MDZAD PA, ,KHRO RGYAL RTA MCHOG DPAL LA PHYAG 'TSAL LO, ,ZHES PAS BSTOD, DE NAS BZLAS PA BYA BA NI, RANG GI THUGS KAR NYI MA'I DKYIL 'KHOR GYI STENG DU RANG GI SEMS NYID YI GE HR'I: DMAR NAG DE'I MTHA' SKOR DU HR'I: PADM'ANTA KRITA BADZRA KRO DHA HYA GRi BA, SARBA SHI TA, KA LA ME DPUNG GTUBS, HA HA RBAD RBUD GTUBS, SHA HA NA RBAD GTUBS, GRi HA NA R'A DZA YA RBAD, M'A RA YA RBAD, CES PA'I SNGAGS KYI PHRENG BA KHA DOG DMAR PO, GZUGS YI GE DBU CAN GYI RNAM PA CAN, 'OD ZER DUS MTHA'I ME 'OD 'PHRO BAS BSKOR BAR BSAM, DE LAS SNGAGS KYI 'OD ZER DRAG CING RTZUB LA 'BAR ZHING 'KHYIL BA'I RNAM PA CAN LUS KYI NANG THAMS CAD DU 'PHROS, NAD GDON SDIG SGRIB THAMS CAD BSREGS, 'OD ZER BA SPU'I SGO NAS PHYIR 'PHROS, SNANG SRID THAMS CAD ME 'BAR BA'I KLONG DKYIL

GCIG TU GYUR PAS DGRA BGEGS GDUG PA CAN THAMS CAD BYA SGRO MER BSREGS PA BZHIN DU GZHOB THUL GYIS BSREGS SHING TSAR BCAD PAR BSAMS LA SMRA BA GZHAN GYIS BAR MA CHOD PAR 'BUM PHRAG GSUM LA SOGS PA'I BSNYEN PA BYA'O, ,THUN MTSAMS SU GTOR MA DBUL BAR 'DOD NA GTOR MA SHA KHRAG GIS BRGYAN PA CHANG CHU NANG MCHOD KYIS BRAN, NANG MCHOD LTAR BYIN GYIS BRLABS LA, SNGAR BDAG BSKYED LTAR MDUN DU BSKYED, DBANG BSKUR RGYAS GDAB KYI BAR BYA BA'AM, YANG NA SKAD CIG GIS MDUN GYI NAM MKHAR DPAL RTA MGRIN BSGOMS PA DANG 'DRA BA SPYAN DRANGS, LJAGS H'Um LAS SKYES PA'I RDO RJE RTZE GCIG PA 'OD ZER GYI SBU GU CAN DU GYUR PAS GTOR MA'I BCUD THAMS CAD DRANGS TE GSOL BAR BSAMS LA HR'I: PADM'ANTA KRITA HYA GRi BA SA PA RI W'A RA AI DAm BA LIm TA KHA KHA, KH'A HI KH'A HI ZHES PA GSUM MAM BDUN GYI DBUL, AARGHAm SOGS BTAGS LA MCHOD PA DANG, AOm A'A: H'Um BTAGS LA NANG MCHOD DBUL, BSTOD PA RGYAS BSDUS JI LTAR RIGS PA BYA, 'DOD DON LA GSOL BA GDAB BO, ,RTA MGRIN LCAGS RAL CAN GYI MNGON RTOGS BZLAS PA BYA BA'I TSUL DANG BCAS PA 'DI NI NANG SO CHOS RGYAL CHEN PO AA MO GHA RDO RJE RNAM RGYAL DPAL BZANG PO'I THUGS DAM SPEL BA'I SLAD DU DGE 'DUN RGYA MTSO'I DPAL GYIS PHO BRANG 'OL KHA STAG RTZER BGYIS PA'I YI GE PA NI BKA' BCU PA YON TAN MCHOG GO, ,, ` TSOGS BDAG DMAR PO LA GTOR MA 'BUL BA'I TSUL NI, GTOR MA SHA KHRAG GIS BRGYAN PA CHANG CHU NANG MCHOD KYIS BRAN, BLA MED SPYI 'GRO LTAR BYIN GYIS BRLABS NAS, DPAL LDAN TSOGS BDAG PADMA R'A GA'I MDOG ,PHYAG G-YAS DGRA STA MNGA' CHEN LCAGS KYU DANG, ,RDO RJE RAL GRI 'PHANG MDUNG 'DZIN MDZAD CING, ,G-YON PA GTUN SHING GZHU DANG KHA tV'Am GA ,

, ,KHRAG DANG SHA YIS GANG BA'I THOD PA DANG, ,BA DAN GSUM PAS BRGYAN PA'I PHUB 'DZIN CING, ,BYI BA LA GNAS GLANG PO'I GDONG PA CAN, RANG BZHIN GNAS NAS 'DIR BYON MCHOD PA BZHES, ,LJAGS H'Um LAS SKYES PA'I RDO RJE RTZE GCIG PA 'OD KYI SBU GU CAN DU GYUR, AOm GA nA PA TI SA PA RI W'A RA AI DAm BA LIm TA KHA KHA, KH'A HI KH'A HI, ZHES PA BDUN NAM GSUM GYIS GTOR MA DBUL, AARGHAm SOGS KYIS MCHOD, AOm A'A: H'Um BTAGS LA NANG MCHOD DBUL, LHA CHEN SRAS PO BYI RU'I LHUN PO BZHIN, ,RAB MDZES RTEN 'BREL DAG PA'I PHYAG MNGA' BA, ,DRAN PA TZAM GYIS NOR GYI CHAR PA 'BEBS, ,DPAL LDAN TSOGS KYI BDAG PO KHYOD LA BSTOD, ,GNOD BYED DGRA BGEGS MA LUS TSAR BCAD NAS, ,BDAG GI 'GAL RKYEN BAR CHAD KUN ZHI ZHING, ,TSE DANG DPAL 'BYOR LONGS SPYOD MNGA' THANG RGYAS, ,KHAMS GSUM DBANG DU 'DU BA'I 'PHRIN LAS MDZOD, ,BZLAS PA BYED PAR 'DOD NA RANG YI DAM DU GSAL BA'I THUGS KA'I SA BON LAS 'OD 'PHROS, TSOGS BDAG GI THUGS KAR NYI MA'I DKYIL 'KHOR GYI STENG DU GAm YIG DMAR PO'I MTHAR AOm GAm H'Um PHAt, AOm GAm GA nA SIDDHI S'A DHA ME PRA YA TZTSA SV'A H'A ZHES PAS BSKOR BA LA PHOG PAS THUGS RGYUD RANG DBANG MED PAR BSKUL, RANG GIS BCOL BA'I LAS THAMS CAD SGRUB PAR BSAM ZHING SNGAGS BZLA'O, ,'DI YANG RJE NYID KYI GSUNG LAS BYUNG BA'O,, ,, ` GANG GI MTSAN TZAM 'DZIN PA LA'ANG, ,MCHOG DANG THUN MONG DNGOS GRUB KUN, ,STZOL MDZAD PHYAG DRUG MGON PO LA, ,RTAG TU GUS PAS PHYAG 'TSAL LO, ,MGON PO YID BZHIN NOR BU SGRUB PAR 'DOD PAS CI 'BYOR PA'I MCHOD

GTOR BSHAMS LA BYIN GYIS BRLAB, RANG GI MDUN DU SKAD CIG GIS PADMA DANG NYI MA DANG TSOGS KYI BDAG PO'I GDAN GYI STENG DU MYUR MDZAD YE SHES KYI MGON PO SKU MDOG DKAR PO ZHAL GCIG PHYAG DRUG PA KHRO CHAGS KYI NYAMS CAN MCHE BA CUNG ZAD GTZIGS PA; SPYAN GSUM DANG LDAN ZHING SMIN MA DANG SMA RA DANG DBU SKRA GYEN DU 'BAR BA, PHYAG DANG PO GNYIS KYIS DBANG GI RGYAL PO DANG, THOD PA'I NANG NA RIN PO CHE'I BUM PA BZUNG NAS DGOS 'DOD STZOL BA, BAR PA GNYIS KYIS GRI GUG DANG RTZE GSUM, THA MA GNYIS KYIS d'A MA RU DANG LCAGS KYU 'DZIN PA, RIN PO CHE'I RGYAN DANG, DAR GYI NA BZAS KLUBS PAR GYUR, RANG GI THUGS KA'I H'Um LAS 'OD ZER 'PHROS PAS SHAR LHO BSIL BA'I TSAL NAS MGON PO 'KHOR DANG BCAS PA SPYAN DRANGS, GU RU MA H'A K'A LA AE HYE HI, ZHES BRJOD CING KshIm NYER GCIG BZLA, DE DAM TSIG PA LA THIM PAR BSAM MO, ,GTOR MA DBUL BA NI, GU RU MA H'A K'A LA HA RI NI SA AI DAm BA LIm TA KHA KHA, KH'A HI KH'A HI SV'A H'A, ZHES PA GSUM MAM BDUN GYIS GTOR MA PHUL BA'I RJES SU, MGON PO YID BZHIN GYI NOR BU GZI LDAN THUGS RJE CHEN PO KHYED KYIS BDAG CAG BYANG CHUB MA THOB KYI BAR DU MI NOR ZAS GSUM DBANG DU 'DU BA DANG, THOS BSAM SGOM PA'I BYA BA THAMS CAD 'BAD MED LHUN GRUB TU 'BYUNG BAR BYIN GYIS RLAB TU GSOL LO, ,ZHES 'PHRIN LAS BCOL, DE NAS BSTOD PA BYA BA NI, PHYOGS BCU DUS GSUM SANGS RGYAS THAMS CAD KYI, ,MKHYEN BRTZE GCIG BSDUS RJE BTZUN SPYAN RAS GZIGS, ,DE YI SPRUL PA PHYAG DRUG MGON PO LA, ,LUS NGAG YID GSUM GUS PAS PHYAG 'TSAL LO, ,MGON PO YID

, ,BZHIN NOR BU THUGS RJE CAN, ,SKU MDOG GANGS RI LTAR DKAR 'OD ZER 'BAR, ,ZHAL GCIG PHYAG DRUG ZHABS GNYIS NOR BDAG MNAN, ,DBUL PHONGS SDUG BSNGAL SEL LA PHYAG 'TSAL LO, ,PHYAG G-YAS DANG POS YID BZHIN NOR BU 'PHYAR, ,BAR PA GRI GUG DBUL PHONGS SDUG BSNGAL GCOD, ,THA MA CANG TES MKHA' 'GRO DBANG DU SDUD, ,KHAMS GSUM DBANG DU SDUD LA PHYAG 'TSAL LO, ,G-YON PA RIN CHEN BUM PA DKU LA BRTEN, ,BAR PA RTZE GSUM KHAMS GSUM DBANG DU SDUD, , THA MA LCAGS KYUS NGAN SONG GNAS NAS 'DREN, ,MGON PO THUGS RJE CAN LA PHYAG 'TSAL LO, ,SKU STOD RIN CHEN RGYAN GYIS RNAM PAR SPRAS, ,SKU SMAD RIN CHEN ZAR BUS RNAM PAR MDZES, ,PHYAG ZHABS THAMS CAD YID BZHIN NOR BUS SPRAS, ,'GRO BA'I RE 'DOD SKONG LA PHYAG 'TSAL LO, ,KHYOD NI YID LA DRAN PA TZAM GYIS KYANG, ,DE YI MOD LA DBUL PHONGS SDUG BSNGAL KUN, ,YID BZHIN NOR BU BZHIN DU SEL MDZAD PA'I, ,YID BZHIN NOR BU KHYOD LA PHYAG 'TSAL LO, ,KHYOD LA GUS BTUD BSTOD PA'I BYIN RLABS GYIS, ,JI SRID BYANG CHUB MA THOB BAR DU YANG, ,MGON PO KHYOD KYI THUGS RJES LEGS BZUNG NAS, ,BYANG CHUB SGRUB PA'I MTHUN RKYEN MYUR DU SGRUBS, ,'DI YI DGE BAS BDAG KYANG KHYED BZHIN DU, ,'GRO BA'I DON LA MTHU DANG LDAN PA DANG, ,THUN MONG MCHOG GI DNGOS GRUB STZOL BA LA, ,YID BZHIN NOR BU LTA BUR BDAG GYUR CIG ,CES MGON PO YID BZHIN NOR BU'I SGRUB THABS MDOR BSDUS PA 'DI NI SDE SNOD 'DZIN PA SAm GHA'I MING CAN GYIS BSKUL BA'I NGOR BGYIS PA'O,, ,, ` DPAL YE SHES KYI MGON

PO PHYAG DRUG PA'I RJES GNANG BYA TSUL NI, RANG NYID YI DAM GYI BDAG BSKYED RDZOGS PAR BYAS LA, GTOR MA MGON POR BSKYED PA SOGS MDUN BSKYED BSGRUBS NAS SLOB MA RNAMS KHRUS BYAS, PHYAG DANG MAndAL DBUL, KUN MKHYEN YE SHES PHUNG PO CAN, ,ZHES SOGS KYIS LAN GSUM GSOL BA GDAB, SPYI DANG BYE BRAG GI CHOS BSHAD LA SPRO BA BSKYED, SEMS CAN THAMS CAD KYI DON DU SANGS RGYAS KYI GO 'PHANG THOB PAR BYA, DE'I PHYIR DU BYANG CHUB SEMS DPA'I SDOM PA GZUNG LA RGYAL SRAS KYI SPYOD PA RNAMS LA BSLAB SNYAM PAS 'DI'I RJES ZLOS MDZOD CES KUN SLONG GSAL BTAB NAS, DKON MCHOG GSUM LA BDAG SKYABS MCHI, ,ZHES SOGS GSUM GYIS SDOM PA 'DZIN DU GZHUG MAndAL BSTAN PA NI, GNAS KHANG 'DI NYID DUR KHROD CHEN PO BSIL BA'I TSAL DUR KHROD KYI MTSAN NYID YONGS SU RDZOGS PA SHING TZAN DAN GYI SDONG PO RKANG GCIG PA DANG BCAS PA, DE'I DBUS SU CHOS 'BYUNG GRU GSUM MTHING NAG ME RAB TU 'BAR BA, DE'I DBUS SU SNA TSOGS PADMA DANG NYI MA DANG TSOGS KYI BDAG PO'I STENG NA DPAL YE SHES KYI MGON PO SKU MDOG MTHING NAG CES PA NAS, BAR SNANG NAM MKHA' SA GZHI THAMS CAD GANG BA'I GTZO 'KHOR RNAMS MNGON SUM DU MTHONG BA'I MOS PA MDZOD LA, BLA MA 'DI NYID YI DAM DNGOS YIN SNYAM PA DANG, GNAS KHANG 'DI NYID DUR KHROD CHEN PO BSIL BA'I TSAL DNGOS YIN SNYAM PA DANG, GTOR MA 'DI NYID DPAL YE SHES KYI MGON PO 'KHOR BCAS DNGOS YIN SNYAM PA'I MOS PA MDZOD LA GSOL BA GDAB PA 'DI'I RJES ZLOS MDZOD CIG BLA MA YE SHES MGON PO YIS, ,DBANG BZHI RDZOGS PAR SKUR DU GSOL, ,SGRIB BZHI DAG PAR MDZAD DU GSOL,,

, ,'PHRIN LAS RNAM BZHI 'GRUB PA DANG, ,SKU BZHI 'THOB PAR MDZAD DU GSOL, ,ZHES GSOL BA BTAB PA'I RJES SU RANG GI THUGS KA'I H'Um YIG GI 'OD ZER GYIS SHAR LHO BSIL BA'I TSAL GYI DUR KHROD SHING TZAN DAN RKANG GCIG PA'I DRUNG NAS NAG PO CHEN PO 'KHOR DANG BCAS PA SKAD CIG GIS SPYAN DRANGS, STENG GI NAM MKHAR SPRIN GYI PHUNG PO 'THIBS PA BZHIN BYON, KHYED RANG RNAMS KYI LUS LA CHAR CHEN PO BABS PA BZHIN SIB SIB THIM PAR SGOMS SHIG DE NAS AOm SHR'I MA H'A K'A LA SA PA RI W'A RA AE HYE HI ZHES DANG Ksh'Im RING PO NYER GCIG BRJOD CING ROL MO'I SGRA DRAG TU BYA, DE NAS BLA MA DANG MGON PO'I SPYI BOR AOm DKAR PO, MGRIN PAR A'A: DMAR PO, THUGS KAR H'Um MTHING KHA, LTE BAR SV'A SER PO, GSANG GNAS SU H'A LJANG GU DANG BCAS PA GSAL GDAB, BLA MA RIN PO CHE, BDAG LA DPAL YE SHES KYI MGON PO'I SKU'I RJES GNANG STZAL DU GSOL ZHES GSOL BA 'DEBS SU GZHUG BLA MA DANG MGON PO'I SPYI BO'I AOM LAS MGON PO DKAR PO SKU CHE BA RI RAB TZAM, CHUNG BA YUNGS KAR TZAM RDUL PHRA RAB KYI GRANGS DANG MNYAM PA KHA BA BU YUG 'TSUBS PA BZHIN DU SKYA BUN BUN BYUNG, KHYED RANG RNAMS KYI SPYI BOR SIB SIB THIM PAR SGOMS SHIG CES BRJOD LA SNGAGS DRAG TU BRJOD CING ROL MO'I SGRA BYA, DE BZHIN DU MGRIN PA'I A'A: DANG, THUGS KA'I H'Um DANG, GNAS LNGA GA'I YI GE LAS MGON PO DMAR PO DANG MTHING KHA, DKAR DMAR MTHING SER LJANG BA'I TSOGS RNAMS RIM PA BZHIN DU BYUNG, MGRIN PA, SNYING GA SLOB MA'I GNAS GSUM GAR SIB KYIS THIM PAS RIM PA LTAR, SKU DANG, GSUNG DANG,

THUGS DANG, SKU GSUNG THUGS YON TAN 'PHRIN LAS DANG BCAS PA'I BYIN RLABS ZHUGS, BUM PA, GSANG BA, SHES RAB YE SHES, DBANG BZHI PA RNAMS THOB, MTHAR SLOB MA NYID KYANG MGON POR GYUR PAR BSAM MO, ,GTOR MA MGON POR GSAL BA DE NYID SPYI BOR BZHAG STE BYIN GYIS BRLAB, NGO BO KHYED RANG RNAMS LA GNOD PA'I GDON BGEGS DE YIN PA LA RNAM PA SHA KHRAG DANG BDUD RTZI'I RNAM PAR MGON PO'I ZHAL DU DMAR CIR CIR GSOL LA GAR MDZAD CING KHYED RANG GI LUS LA THIM PAS MGON PO'I SKU GSUNG THUGS DANG KHYED RANG RNAM PA'I LUS NGAG YID GSUM DBYER MED DU GYUR PAR SGOMS SHIG CES BRJOD LA, NA MO BUDDH'A YA ZHES PA NAS, 'DUG SA 'DI NYID DU BYIN GYIS RLOBS SHIG CES PA'I BAR GTOR CHOS BZHIN DANG, DE NAS BLA MA BRGYUD PA'I MTSAN NAS BRJOD PA'I BKA' BSGO LAN GSUM BYAS PA'I MTHAR SNYING PO DANG RTZA SNGAGS BRJOD, DAM RDZAS 'CHI MED BDUD RTZI'I ZAS, ,ZO SHIG BU KHYOD RIGS SU SKYE, ,NGA YIS BSGOS PA'I BKA' MA BCAG ,SGRUB LA NAN TAN GCES SU BYA, ,ZHES DNGOS GRUB SBYIN, RANG GI THUGS KA'I H'Um LAS SNGAGS 'PHRENG THON, ZHAL NAS BYUNG, SLOB MA'I ZHAL DU ZHUGS, THUGS KAR NYI GDAN LA H'Um YIG GI MTHAR 'KHOD PAR BSAMS LA SNYING PO DANG RTZA SNGAGS SOGS KYI RJES ZLOS LAN GSUM BYA, DE NAS BLA MA MGON PO DBYER MED LA, ,ZHES SOGS LAN GSUM BRJOD, MAndAL DBUL, TSOGS LA ROL, BSNGO BA DANG BKRA SHIS BYA'O,, ,, ` NA MO GU RU, SPYAN RAS GZIGS DBANG DRAG PO'I SKUR BSTAN NAS, ,RGYAL BA'I BSTAN PA TSUL BZHIN SRUNG MDZAD CING, ,MCHOG DANG THUN MONG DNGOS GRUB KUN STZOL BA, ,BLA

, ,MA MGON PO DBYER MED ZHABS LA 'DUD, ,DE YANG MYUR MDZAD YE SHES KYI MGON PO 'DI'I LO RGYUS KYI DBANG DU BYAS NA, MKHAS GRUB KHYUNG PO RNAL 'BYOR ZHES BYA BA ZUNG 'JUG GI SKU BRNYES PA'I GRUB CHEN DE NYID KYIS KO SA LA'I DUR KHROD CHEN POR BLA MA MNGA' BDAG MEE TRI BA CHEN PO'I DRUNG DU GSER SRANG LNGA PHUL TE, BOD KHA BA CAN PA ZHES BYA BA BKREN PA, LONGS SPYOD CHUNG BA, GLO SNA MANG BA, 'DOD THAG NYE BA, CHOS BYED PA RNAMS KYANG BAR CHAD DANG RKYEN DBANG 'BA' ZHIG TU 'GRO BA ZHIG YOD PAS DE LA MCHOG BSGRUBS NA THUN MONG ZHAR LA 'ONG BA, THUN MONG BSGRUBS PAS MCHOG ZHAR LA 'ONG BA, SGRUB YUN DANG SGRUB TSEGS LA MI LTOS PAR DE MA THAG ZHAL DNGOS SU STON PA'I CHOS SKYONG KHYAD PAR CAN ZHIG THUGS LA 'DOGS PAR ZHU ZHUS PAS BLA MA'I ZHAL NAS, DE LTA YIN NA YE SHES KYI MGON PO PHYAG DRUG PA ZHES KYANG BYA, MGON PO SHING PHUNG CAN ZHES KYANG BYA, TZAN DAN GYI MGON PO ZHES KYANG BYA, THUGS RJE CHEN PO NAG PO ZHES KYANG BYA BA, MCHOG BSGRUBS PAS THUN MONG GI DNGOS GRUB ZHAR LA 'BYUNG BA, THUN MONG BSGRUBS PAS MCHOG ZHAR LA 'BYUNG BA'I CHOS SKYONG KHYAD PAR CAN ZHIG YOD PAS DE NGAS KHYOD LA GTOD PA YIN NO ZHES GSUNGS, 'O NA DE 'DRA'I THUN MONG BA MA YIN PA'I BYUNG TSUL JI LTA BU ZHUS PAS, DE YANG SNGON BLA MA 'PHAGS PA SPYAN RAS GZIGS DBANG PHYUG RI BO PO TA LA'I RTZE LA BZHUGS NAS RIGS DRUG GI SEMS CAN THAMS CAD 'KHOR BA SDUG BSNGAL GYI RGYA MTSO CHEN PO 'DI LAS BSGRAL NAS MYA NGAN LAS 'DAS PA'I SA LA MA BZHAG GI BAR DU BDAG 'TSANG

MI RGYA'O, ,DAM BCAS PA 'DI LAS 'GAL NA BDAG GI MGO TSAL PA STONG DU 'GAS PAR GYUR CIG CES DBU SNYUNG BZHES NAS DUS DRUG TU SEMS CAN GYI DON 'BA' ZHIG MDZAD PA LAS MTSAMS SHIG NAS, SEMS CAN DPAG TU MED PA ZHIG SMIN GROL GYI LAM LA BKOD ZIN, DA RANG 'KHOR BA'ANG STONGS YOD LA CHE, SEMS CAN YANG ZAD LA CHE SNYAM DU THUGS RJE'I SPYAN GYIS SEMS CAN LA GZIGS PAS 'KHOR BA'I SEMS CAN RNAMS NI GRANGS NYUNG DU MA SONG BA'I STENG DU SNYIGS MA LNGA BDO BA'I STOBS KYIS DMU RGOD PA DANG GDUL DKA' BA SHIN TU MA RUNGS PAR GZIGS NAS, SNGAR SEMS CAN DE TZAM GYI DON BYAS PA LA 'KHOR BA'I SEMS CAN RNAMS GRANGS NYUNG DU MA SONG BA'I KHAR DMU RGOD PA DANG GDUL DKA' BA 'DI 'DRAR GYUR NA, DA NI BDAG GIS SEMS CAN GCIG GI DON YANG MI NUS PA 'DUG PAS SNGAR GYI DAM BCA' DE DOR BAR BYA'O SNYAM DU DGONGS MA THAG TU SNGAR GYI DAM BCA' DANG 'GAL BA'I STOBS KYIS DBU TSAL PA STONG DU GAS, DE'I TSE RGYAL BA SNANG BA MTHA' YAS LA SOGS PA PHYOGS BCU'I SANGS RGYAS RNAMS BYON NAS, RIGS KYI BU, KHYOD KYI BSAM PA DANG SEMS BSKYED DE LTA BU BTANG BA MA LEGS PAS DA DUNG SNGAR LAS KYANG SEMS RGYA CHE BAR SKYED CIG CES BKA' STZAL PAS, SNGAR GYI DE YANG SGRUB PAR MA NUS NA DE BAS RGYA CHE BA CI ZHIG SGRUB PAR NUS SNYAM DU THUGS BRGYAL BAR GYUR PA NA SNANG BA MTHA' YAS KYIS 'PHAGS PA'I DBU TSAL PA STONG DU GAS PA DE BCU GCIG TU BYIN GYIS BRLABS PAS BCU GCIG ZHAL DU GYUR, DE NAS BRGYAL BA SANGS PA DANG DA NI SNYIGS MA LNGA BDO

, ,BA'I DUS KYI SEMS CAN MA RUNGS PA 'DI RNAMS ZHI BAS 'DUL BAR MI NUS PAS GANG LA GANG 'TSAM PA'I DRAG PO'I SKU ZHIG GIS 'DUL BA'I KHRO BO'I DBANG PO ZHIG SPRUL BAR BYA'O SNYAM DU DGONGS MA THAG THUGS KA NAS H'Um MTHING NAG CIG RGYANGS KYIS CHAD, DE YONGS SU GYUR PA LAS YE SHES KYI MGON PO PHYAG DRUG PA SKYE 'GRO'I RE BA TSUL BZHIN DU SKONG BA DBANG GI RGYAL PO LTA BU'I KHRO BO'I SKUR LAM GYIS GYUR, DE'I TSE RGYAL BA SNANG BA MTHA' YAS LA SOGS PAS BSNGAGS PA RGYA CHER MDZAD DO; ;'KHOR BZHI LHA MO DANG BCAS PA DUR KHROD CHEN PO BSIL BA'I TSAL DU SHING TZAN DAN GYI SDONG PO RKANG GCIG PA LA RTEN BCAS NAS BZHUGS PA'I TSE GRUB CHEN SHA WA RI DBANG PHYUG GIS MCHOG GI SGRUB PA MDZAD KYIN BZHUGS PA'I TSE d'A MA RU DANG DRIL BU G-YER KHA'I SGRA SA G-YO BA TZAM DU GRAG PAS CI YIN SNYAM DU BRTAGS PA NA YE SHES KYI MGON PO 'DI NYID SHING TZAN DAN GYI SDONG PO RKANG GCIG PA DE LAS 'BYON 'PHRO LA BZHUGS PA 'DRA BA, BZHUGS 'PHRO LA 'BYON PA 'DRA BA ZHIG MDZAD NAS, RIGS KYI BU, KHYOD KYIS NGA'I SGRUB THABS 'DI ZUNG ZHIG GSUNGS NAS NAG PO CHEN PO RANG GIS BYIN GYIS BRLABS PA'I SGRUB THABS 'DI GNANG, DES BDAG LA GNANG BA YIN NO ZHES LO RGYUS DANG BCAS TE GNANG BA YIN NO, ,PHYIS KHYUNG POS 'PHAN YUL JOG POR SGRUB PA MDZAD PA NA GRUB CHEN RA HU LA DE NYID CHOS SGOR SKYEL BA LA BYON, ZHI BA NOR DU SGRUB PA MGON PO YID BZHIN NOR BU'I CHOS SKOR RNAMS GNANG STE, MDOR NA BLA MA DE GNYIS LA YE SHES MGON PO'I CHOS SKOR RNAMS RDZOGS PAR GSAN PA YIN

NO; ;ZHES YE SHES MGON PO'I RJES GNANG THUGS BSKYED TSUL DANG BCAS PA 'DI'ANG DGE 'DUN RGYA MTSO'I DPAL GYIS YI GER BKOD PA'O,, ,, ` RGYAL BA KUN GYI MKHYEN BRTZE 'PHRIN LAS RNAMS, ,GDUG PA GDUL PHYIR KHROS PA'I SKUR STON YANG, ,RNAL 'BYOR CHOS BZHIN SGRUB PA'I 'DOD DON RNAMS, ,YID BZHIN NOR DANG DPAG BSAM SHING BZHIN DU, ,MCHOG DANG THUN MONG DNGOS GRUB MA LUS PA, ,DA LTA NYID DU GNAS 'DIR STZAL DU GSOL,, DPAL LDAN LHA MO 'DI'I THOG MA'I CHOS 'BYUNG LO RGYUS NI SNGON LHA DANG LHA MA YIN RNAMS G-YUL 'GYED PA'I TSE LHA RNAMS KYIS LHA MA YIN RE RE BSAD PA'I KHRAG LAS LHA MA YIN BYE BA RE 'PHEL, DE LA BRTEN NAS LHA RNAMS G-YUL PHAM PA DANG LHA MA YIN RNAMS RGYAL BAR GYUR, DE'I TSE KHYAB 'JUG GI DPRAL BAR LCAGS KYI RME BA ZHIG BYUNG BA DE PHYAG NA RDO RJES RDO RJE 'PHANGS NAS BTOL BAS LHA MO AU MA BYUNG, DE PHYAG NA RDO RJE'I BKAS LHA RNAMS LHA MA YIN LAS RGYAL BA'I PHYIR DBANG PHYUG GI CHUNG MAR BYIN, DE GNYIS 'DUS PA LAS BU GSHIN RJE MAH'A K'A LA DANG BU MO TZ'A MUN d'I GNYIS BYUNG, BU GSHIN RJE MAH'A K'A LAS LCAGS KYI GSAL SHING DPAG TSAD LNGA BRGYA PA ZHIG YOD PA DE RI RAB KYI RTZE NAS BSGRIL BAS LHA MIN GYI DMAG DPUNG BYE BA PHRAG MANG PO BSAD, BU MO TZ'A MUN d'IS LHA MIN GYI DBANG PO HE RAm KU SHA'I MGO BO BREGS NAS THOD PAS LHA MIN SHI BA'I KHRAG BCUS NAS 'THUNGS PAS LHA MIN BYE BA PHRAG MANG PO 'PHEL BA'I 'PHEL KHA CHAD, DE NAS LHA MO DE'I LTE BA LA LHA RNAMS KYI RDZONG BYAS NAS 'THAB PAS LHA MIN RNAMS PHAM, LHA RNAMS RGYAL BAR GYUR, YANG KLU DUNG

, ,'DZER CAN MKHA' LDING GI 'JIGS PA LAS BSKYABS PAS LHA MO DUNG SKYONG MA ZHES PAR YANG GRAGS, YANG SHING TA LA'I LO MA GOS SU GYON NAS 'PHAGS MA MI PHAM KHRO GNYER CAN MA'I GZUNGS 'DREN CING BSDAD PAS 'PHAGS MA LO MA GYON MA ZHES PAR GRAGS, YANG LHA DBANG PHYUG CHEN PO DE SRIN MO NA LA RTZE DANG 'DUS PA LAS 'PHAGS MA MI PHAM KHRO GNYER THAL MDOG MA ZHES PA BYUNG, MDOR NA BOD KYI LHA MO 'DI'I RIGS THAMS CAD LHA DBANG PHYUG CHEN PO DANG LHA MO DE GNYIS 'DUS PA LAS BYUNG BA SHA STAG YIN 'DUG KHYAD PAR DPAL LDAN LHA MO 'DI AU RGYAN GYI GNAS NAS PAndITA GSANG BA SHES RAB, MTSAN GZHAN A'A TZARYA DMAR PO ZHES PAS SPYAN DRANGS, GNUBS RNAM PA GNYIS LA GNANG, DE GNYIS LA ZHANG PRADZNY'A GU RUS GSAN PAR 'DUG DE NAS RIM PAR BRGYUD DE 'JAM DBYANGS 'KHON STON GYIS SPYAN DRANGS NAS BO DONG AE'I CHOS SKYONG DU BSKOS, DE NAS RIM PAR BRGYUD DE 'JAM DBYANGS CHOS BZANG DPAL BA LA THAMS CAD MKHYEN PA DGE 'DUN GRUB PAS GSAN, DE LA RDO RJE 'CHANG KUN DGA' RGYAL MTSAN GYIS GSAN, DES NA 'DI'I RJES GNANG BYA BAR 'DOD NA YID DANG MTHUN PA'I GNAS SU MCHOD PA DANG GTOR MA BKOD PA MDZES SHING GYA NOM PAR BSHAM, SLOB MA RNAMS KHRUS BYAS GOS GSAR PA GYON PA SOGS BYAS NAS 'DUG STE GSER GYI MAndAL SOGS PHUL NAS, BLA MAS, PUS BTZUGS THAL MO SBYAR BA YIS, ,NYAN SOGS 'DOD PAS GSOL GSUM GDAB, ,CES GSUNGS PA LTAR GSOL BA LAN GSUM GYI BAR DU 'DEBS PA SNGON DU 'GRO DGOS PAS GSOL BA GDAB PA 'DI'I RJES ZLOS GYIS BYAS NAS, NAG

MO GDUG CAN DREGS PA CAN, ,KUN TU KHYAB PA'I GZUGS STON MA, ,NAG MO'I GTZO MO DRE'U RTA CHIBS, ,'DIR BYON BYIN GYIS BRLAB TU GSOL, ,ZHES LAN GSUM GYI RJES ZLOS BYA, KUN SLONG 'CHOS PA SOGS SPYI'I CHOS BSHAD RNAMS YID 'KHUL BA BSHAD, DE NAS LO RGYUS BSHAD PA SOGS BYE BRAG GI CHOS RNAMS BSHAD, DE NAS SEMS CAN THAMS CAD KYI DON DU SANGS RGYAS KYI GO 'PHANG THOB PAR BYA, DE'I CHED DU BYANG CHUB SEMS DPA'I SDOM PA BZUNG LA RGYAL SRAS KYI SPYOD PA RNAMS LA TSUL BZHIN BSLAB SNYAM PA GYIS LA 'DI'I RJES ZLOS GYIS ZHES BRJOD LA, DKON MCHOG GSUM LA BDAG SKYABS MCHI, ,ZHES SOGS KYIS SDOM PA GZUNG, BLA MA RANG NYID YI DAM GYI BDAG BSKYED SHIN TU BRTAN PA'I NGANG NAS, KHYED RANG RNAMS YID MA YENGS PAR GNAS KHANG 'DI NYID BYANG SHAR MU LE DING GI RGYA MTSO DANG, BLA MA 'DI NYID BCOM LDAN 'DAS DPAL RDO RJE 'JIGS BYED CHEN PO DANG, GTOR MA 'DI NYID DPAL LDAN 'DOD KHAMS KYI DBANG PHYUG MA DNGOS YIN SNYAM PA GYIS LA NYON ZHES BRDA SPRAD, DE NAS HR'I:sht'I SA BSANGS, SVA BH'A WA SA SBYANGS, STONG PA'I NGANG LAS DPAL LDAN LHA MO SGRUB THABS BZHIN BSKYED, DE NAS GSOL BA GDAB PA NI, HE RU KA DPAL RDO RJE 'DZIN, ,DPA' BO CHEN PO DGONGS SU GSOL, ,SH'AKYA SENG GE'I BSTAN PA LA, ,BYANG CHUB MCHOG TU SEMS BSKYED DE, ,GTZO BO STON PA'I BKA' BSRUNG DANG, ,DE YI BSTAN PA BSRUNG BA'I PHYIR, ,MA MO DRAG MO LA SOGS PA, ,MTHU DANG DNGOS GRUB MYUR BA'I RGYU, ,DAM TSIG CAN DE BDAG LA STZOL, ,ZHES LAN GSUM GYIS GSOL BA GDAB, DE NAS SLOB MA RNAMS KYANG DPAL LDAN LHA MOR BSKYED, SKU'I RJES GNANG GI DON DU

, ,GSOL BA GDAB PA NI, DUS GSUM SANGS RGYAS THAMS CAD KYI, ,SKU YI RDO RJE SLOB DPON GYIS, ,BDAG LA 'DOD KHAMS DBANG PHYUG MA'I, ,SKU YI RJES GNANG STZAL DU GSOL, ,ZHES GSOL BA BTAB PAS BLA MA YI DAM DU GSAL BA DANG, GTOR MA DPAL LDAN LHA MOR GSAL BA'I THUGS KA'I SA BON LAS 'OD ZER DPAG TU MED PA 'PHROS PAS BYANG SHAR MU LE DING GI RGYA MTSO CHEN PO NAS DPAL LDAN LHA MO 'KHOR DANG BCAS PA DPAG TU MED PA BYA ROG GI SKAD GRAG BZHIN PA DANG BCAS TE DPAG TU MED PA BYON NAS SLOB MA RNAMS KYI LUS LA CHAR CHEN PO BABS PA BZHIN DU THIM PAR BSAM, DES DPAL LDAN LHA MO'I SKU'I BYIN RLABS KHYED RANG RNAM PA'I LUS LA ZHUGS, LUS KYI LAS RNAM PA GSUM LA SOGS PA LUS KYI SGO NAS BSAGS PA'I SDIG SGRIB THAMS CAD BYANG ZHING DAG PAR BYAS, BUM PA'I DBANG THOB, LHA MO'I SKU DANG KHYED RANG RNAM PA'I LUS DBYER MED DU SONG, LUS LHA SGOM PA'I SKAL BA DANG LDAN PAR BYAS, DE NAS SLOB MA RNAMS KYI LAG PA G-YAS SU BE CON DANG G-YON DU THOD KHRAG DNGOS SAM DMIGS PAS GTAD LA, MDUN BSKYED KYI LHA MO DANG SLOB MA RNAMS LAG SBREL LA, BLA MAS, DPAL LDAN LHA MO KHYOD NI MA YIN LA, SLOB MA 'DI RNAMS BU YIN PAS MA BU GNYIS 'BRAL BA MED PAR GYIS SHIG CES LAN GSUM BKA' BSGO, DUS 'DI NAS NI BZUNG NAS SU, ,BYANG CHUB SNYING POR MCHIS KYI BAR, ,LHAG PA'I LHA NI MDZAD DU GSOL, ,RKYEN NGAN BAR CHAD THAMS CAD SOL, ,MCHOG DANG THUN MONG DNGOS GRUB KUN, ,DA LTA NYID DU STZAL DU GSOL, ,ZHES BRJOD, GSUNG GI RJES GNANG GI DON DU GSOL BA 'DEBS

PA NI, GSUNG GI RDO RJE SLOB DPON GYIS, ,ZHES SOGS 'DON PA SPO, DE NAS KHYED RANG DPAL LDAN LHA MOR GSAL BA'I SNYING GA'I DBUS SU NYI GDAN LA BH+YO MTHING NAG DE'I MDUN NAS BRTZAMS TE G-YAS SKOR DU BH+YO RAKMO BH+YO ZHES SOGS SNGAGS KHA DOG NAG PO, GZUGS YI GE DBU CAN GYI RNAM PA CAN, 'OD ZER DUS MTHA'I ME 'OD 'PHRO BA ZHIG BSGOM, DE NAS SNGAR BZHIN 'OD ZER 'PHROS PAS DPAL LDAN LHA MO'I GSUNG GI BYIN RLABS THAMS CAD SNGAGS 'PHRENG GI RNAM PAR NAM MKHA'I KHAMS GANG BA BYON, KHYED RANG RNAM PA'I THUGS KA'I SNGAGS 'PHRENG LA RDO TSAN LA KHA BA BABS PA LTA BUR THIM PAR BSAM, SROG SNGAGS LAN GSUM GYI RJES ZLOS BYA, BLA MAS SROG SNGAGS BRJOD, BCOM LDAN 'DI LA STZAL LAGS KYIS, ,BCOM LDAN 'DI LA 'GO BAR MDZOD, ,SNGAGS KYI DNGOS GRUB SBYIN PA DANG, ,BRTUL ZHUGS BRTAN PAR MDZAD DU GSOL, ,ZHES BRJOD, DPAL LDAN LHA MO'I GSUNG GI BYIN RLABS KHYED RANG RNAM PA'I NGAG LA ZHUGS, NGAG GI SGO NAS BSAGS PA'I LAS SGRIB BZHI LA SOGS PA BYANG ZHING DAG PAR BYAS, GSANG BA'I DBANG THOB, LHA MO'I GSUNG DANG KHYED RANG RNAM PA'I NGAG DBYER MED DU GYUR PAR BSAM, NGAG SNGAGS BGRANG BA LA DBANG BAR BYAS SO, ,THUGS KYI RJES GNANG GI DON DU GSOL BA GDAB PA NI, THUGS KYI RDO RJE SLOB DPON GYIS, ,ZHES SOGS BRJOD, DE NAS BLA MA DANG MDUN BSKYED GNYIS KA'I SA BON LAS 'OD ZER 'PHROS, DPAL LDAN LHA MO'I THUGS KYI BYIN RLABS THAMS CAD BH+YO MTHING NAG GI RNAM PAR DPAG TU MED PA BYON, KHYED RANG RNAM PA'I THUGS KA'I BH+YO MTHING NAG DE LA THIM PAR BSAM, ROL MO'I SGRA

, ,DANG BCAS TE BLA MAS SROG SNGAGS BRJOD, DPAL LDAN LHA MO'I THUGS KYI BYIN RLABS KHYED RANG RNAM PA'I YID LA ZHUGS, YID KYI LAS GSUM LA SOGS PA YID KYI SGO NAS BSAGS PA'I SDIG SGRIB THAMS CAD BYANG ZHING DAG PAR BYAS, DE'I THUGS KYI BYIN RLABS YID LA ZHUGS PAS DE'I THUGS KYI RJES SU GNANG BA THOB, SHES RAB YE SHES KYI DBANG THOB, DE'I THUGS DANG KHYED RANG RNAM PA'I YID DBYER MED DU GYUR PAR BSAM, YID TING NGE 'DZIN SGOM PA LA DBANG BAR BYAS SO, ,DE NAS DBANG LHA BSTIM PA'I RJES GNANG NI GTOR MA LHA MOR GSAL BA BLA MAS SPYAN DRANGS, SLOB MA'I SPYI BOR BZHAG BLA MA RNAMS KYI MTSAN SMOS PA'I BKA' BSGO LAN GSUM BRJOD, SROG SNGAGS MANG DU BZLA, DAM RDZAS 'CHI MED BDUD RTZI'I ZAS, ,ZO ZHIG BU KHYOD RIGS SU SKYE, ,NGA YIS BSGO BA'I BKA' MA BCAG ,SGRUB LA NAN TAN GCES PAR GYIS, ,ZHES GTOR MA DNGOS GRUB KYI TSUL DU SBYIN, DE NAS YON DANG MAndAL PHUL NAS TSOGS KYI 'KHOR LO PHUN SUM TSOGS PA LA LONGS SPYAD, RJES BSNGO BA DANG SMON LAM SHIS BRJOD DANG BCAS PA BYA'O, ,ZHES PA 'DI'ANG DON GNYER CAN DAG LA PHAN PA'I SLAD DU DGE 'DUN RGYA MTSO'I DPAL GYIS YI GER BKOD PA'O,, ,, ` KHRO BO SME BRTZEGS SGOM PAR 'DOD PAS SKYABS 'GRO SEMS BSKYED TSAD MED BZHI SGOM PA SNGON DU BTANG NAS SVA BH'A WA SA STONG PAR SBYANGS, STONG PA'I NGANG LAS PADMA DANG NYI MA'I GDAN GYI STENG DU RANG GI SEMS NYID H'Um YIG DU BA'I MDOG CAN YONGS SU GYUR PA LAS RANG KHRO BO SME BRTZEGS SKU MDOG DUD KHA, RTZA ZHAL DUD KHA, G-YAS ZHAL DKAR ZHING G-YON ZHAL DMAR BA, PHYAG DRUG GI G-YAS DANG PO NA RDO RJE RGYA GRAM, GNYIS PA NA RDO RJE RTZE LNGA, GSUM

PA NA RDO RJE LCAGS KYU, G-YON GYI DANG POS RDO RJE DBYUG PA, GNYIS PAS RDO RJE ZHAGS PA, GSUM PAS RDO RJE SDIGS MDZUB MDZAD PA, THOD PA SKAM PO LNGA'I DBU RGYAN DANG, SKAM PO LNGA BCU'I SE RAL KHA BYAS PA, STAG GI PAGS PA'I SHAM THABS CAN, ZHABS GNYIS BGRAD PA'I STABS KYIS BZHUGS PAR BSGOMS LA, THUGS KAR ZLA BA'I DKYIL 'KHOR GYI STENG DU H'Um YIG GI MTHAR AOm BHUR KUm MAH'A PRA nA YE, AOm BHUR TZI BHUR KAm BI MA LE, AU TZU shMA KRO DHA H'Um PHAt, AOm BADZRA BHUR KUm RI LI SHU DAR SHA H'U RA SHI BI MA LE AU TZUshMA KRO DHA H'Um H'Um PHAt PHAt SV'A H'A ZHES PA'I SNGAGS GNYIS KA'AM, YANG NA DANG PO 'DIS BSKOR BA LA DMIGS TE BZLA'O ZHES PA 'DI'ANG THAMS CAD MKHYEN PAS 'OL KHA STAG RTZER GNANG BA LAS PHYI MOR BGYIS TE BRIS PA'O,, PHAN YON NGAG LAS SHES PAR BYA'O,, ,, ` YI DAM SPYI 'GRO'I RJES GNANG BYED LUGS NI, BDAG BSKYED BZLAS PA MDUN BSKYED SGRUB PA SOGS SNGON DU BTANG LA SLOB MA KHRUS BYAS MAndAL PHUL, KUN MKHYEN YE SHES PHUNG PO CAN, ,ZHES SOGS KYIS GSOL BA GDAB, SKABS DANG SBYAR BA'I SPYI DANG BYE BRAG GI CHOS BSHAD, DKON MCHOG GSUM LA BDAG SKYABS MCHI, ,ZHES SOGS KYIS SDOM PA GZUNG, SKU'AM GTOR MA LA SOGS PA LHA DE DANG DER SLOB MA LA MNGON RTOGS GSAL BTAB LA SGOM DU BCUG DUS GSUM SANGS RGYAS THAMS CAD KYI, ,SKU YI RDO RJE SLOB DPON GYIS, ,BDAG LA RJE BTZUN 'JAM DBYANGS KYI, , SKU YI RJES GNANG STZAL DU GSOL, ,ZHES PA LTA BU YI DAM GYI LHA GANG YIN DANG SBYAR NAS GSOL BA BTAB LA, SLOB MA DE BSANGS SBYANGS, STONG PA'I NGANG LAS LHA DE DANG DE'I MNGON RTOGS BZHIN BSKYED, GNAS GSUM DU YI GE GSUM BKOD, DE NAS RANG GI THUGS KA'I H'Um YIG GI 'OD ZER

, ,GYIS YI DAM GYI LHA GANG YIN DE LA SANGS RGYAS DANG BYANG CHUB SEMS DPA'I TSOGS KYIS BSKOR BA SPYAN DRANGS, SLOB MA'I LUS LA CHAR CHEN PO BABS PA BZHIN DU SIB SIB THIM PAR MOS PAS LUS KYI SDIG SGRIB THAMS CAD DAG SKU'I BYIN RLABS ZHUGS, SLOB MA'I LUS DANG YI DAM GYI SKU DBYER MED DU BSAM PA NI SKU'I RJES GNANG NGO, ,YANG DUS GSUM SANGS RGYAS THAMS CAD KYI, ,ZHES SOGS 'DON PA BSGYUR LA GSOL BA GDAB, RANG GI THUGS KA'I SA BON LAS LHA GANG YIN GYI SNGAGS KYI PHRENG BA BYUNG, RANG GI SNA BUG G-YAS NAS THON, SLOB MA'I SNA BUG G-YON NAS ZHUGS, SNYING GAR NYI MA'AM ZLA BA'I DKYIL 'KHOR GYI STENG DU SA BON GANG YIN GYI MTHAR BSKOR BA LAS 'OD ZER 'PHROS, NAD GDON SDIG SGRIB THAMS CAD BYANG BAR BSAM, SNGAGS KYI RJES ZLOS LAN MANG DU BYA BA NI GSUNG GI RJES GNANG NGO, ,THUGS KYI RJES GNANG LA SNGAR GYI 'DON PA SPOS LA GSOL BA GDAB, RANG GI THUGS KA'I SA BON LAS YI DAM GYI LHA DE DANG DE'I THUGS KYI BYIN RLABS THAMS CAD LHA GANG YIN GYI PHYAG MTSAN NAM, SA BON GYI YI GE NAM MKHA'I KHAMS GANG BA SPROS, SLOB MA'I SNYING GA'I SA BON LA THIM PAR BSAM PA SOGS NI THUGS KYI RJES GNANG GI NGO BO'O, ,DE NAS, BCOM LDAN BDAG LA STZAL LAGS KYI, ,BDAG LA NYE BAR MDZAD DU GSOL, ,ZHES LAN GSUM GSOL BA BTAB LA, SKU'AM GTOR MA SOGS SLOB MA'I MGO BOR BZHAG BCOM LDAN 'DI LA STZAL LAGS KYI, ,'DI LA NYE BAR MDZAD DU GSOL, ,DUS 'DI NAS NI BZUNG NAS NI, ,BYANG CHUB SNYING POR MCHIS KYI BAR, ,LHAG PA'I LHA NI MDZAD DU GSOL, ,RKYEN NGAN BAR

CHAD THAMS CAD SOL, ,DNGOS GRUB THAMS CAD STZAL DU GSOL, ,ZHES BRJOD PAS LHA DE DANG DE SLOB MA LA THIM PAS YI DAM LHA'I SKU GSUNG THUGS DANG SLOB MA'I LUS NGAG YID GSUM DBYER MED DU BSAM PA NI DBANG LHA BSTIM PA'I RJES GNANG NGO, ,DE NAS LHA GANG YIN GYI MNGON RTOGS DANG BZLAS LUNG BYA BA NI 'PHRIN LAS KYI RJES GNANG NGO, ,ZHES PA 'DI'ANG DGE 'DUN RGYA MTSO'I DPAL GYIS SMRAS PA'O,, ,, ` 'PHAGS PA SPYAN RAS GZIGS DBANG PHYUG GI SGOM BZLAS NYAMS SU LEN PAR 'DOD PAS SKYABS 'GRO SEMS BSKYED TSAD MED BZHI SGOM PA SNGON DU BTANG, SVA BH'A WA'I SNGAGS BRJOD PA'I SGO NAS 'KHOR 'DAS KYI CHOS THAMS CAD STONG PA NYID DU CHAM GYIS GTAN LA PHAB, STONG PA'I NGANG LAS PAm LAS PADMA DKAR PO DANG AA LAS ZLA BA'I DKYIL 'KHOR GYI STENG DU RANG GI SEMS NYID YI GE HR'I: DKAR PO RING CHA TSEG DRAG DANG BCAS PA, DE LAS 'OD ZER 'PHROS, SEMS CAN GYI DON BYAS, SEMS CAN THAMS CAD 'PHAGS PA'I GO 'PHANG LA BKOD, TSUR 'DUS YONGS SU GYUR PA LAS RANG NYID RJE BTZUN 'PHAGS PA SPYAN RAS GZIGS DBANG PHYUG SKU MDOG GANGS RI LTAR DKAR BA, ZHAL GCIG PHYAG BZHI PA, PHYAG DANG PO GNYIS THUGS KAR THAL MO SBYAR BA, G-YAS 'OG MAS NOR BU CHU SHEL GYI 'PHRENG BA BRGYA RTZA BRGYAD TSANG BA 'DZIN PA, G-YON 'OG MAS ME TOG PADMA DKAR PO 'DZIN PA'I PADMA SNYAN GYI THAD DU KHA BYE BA, ZHABS RDO RJE SKYIL KRUNG GIS BZHUGS PA, RIN PO CHE'I DBU RGYAN, SNYAN RGYAN, MGUL RGYAN, PHYAG GDUB, ZHABS GDUB LA SOGS PA RIN PO CHE'I RGYAN BRGYAD KYIS BRGYAN PA, DAR SNA TSOGS KYI NA BZA' CAN, 'DZUM PA ZHI BA SGEG PA'I NYAMS DANG LDAN PA, DE'I SPYI BOR AOm,

, ,MGRIN PAR A'A: THUGS KAR H'Um, THUGS KAR ZLA BA'I DKYIL 'KHOR GYI STENG DU HR'I: DKAR PO RING CHA TSEG DRAG DANG BCAS PA, DE LAS 'OD ZER 'PHROS, LHO PHYOGS PO TA LA NAS 'PHAGS PA SPYAN RAS GZIGS DBANG PHYUG LA SANGS RGYAS DANG BYANG CHUB SEMS DA'I TSOGS KYIS BSKOR BA SPYAN DRANGS, DZA: H'Um BAm HO: RANG LA THIM PAS GNYIS SU MED PAR GYUR, SLAR YANG THUGS KA'I HR'I: LAS 'OD ZER 'PHROS, DBANG GI LHA RNAMS SPYAN DRANGS, DE BZHIN GSHEGS PA THAMS CAD KYIS BDAG LA MNGON PAR DBANG SKUR DU GSOL ZHES GSOL BA BTAB PAS DE RNAMS KYIS YE SHES KYI BDUD RTZIS GANG BA'I RIN PO CHE'I BUM PA THOGS NAS, AOm SARBA TA TH'A GA TA AA BHI shE KA TA SA MA YA SHR'I YE A'A: H'Um ZHES BDUD RTZI'I CHUS DBANG BSKUR, LUS THAMS CAD GANG, DRI MA THAMS CAD DAG CHU'I LHAG MA SPYI GTZUG TU GNAS PA YONGS SU GYUR PA LAS SANGS RGYAS SNANG BA MTHA' YAS KYIS DBU BRGYAN PAR GYUR, MCHOD PA BSANGS SBYANGS BYIN GYIS BRLABS LA, AOm A'AR+YA LO KI SHVA RA SA PA RI W'A RA AARGHAm PRA T'ITZTSA YE SV'A H'A, DE BZHIN DU SHAPTA'I BAR DU SBYAR LA MCHOD PA DBUL, SKYON GYIS MA GOS SKU MDOG DKAR, ,ZHES SOGS KYIS BSTOD PA BYAS NAS, RANG 'PHAGS PA SPYAN RAS GZIGS DBANG PHYUG TU LAM GYIS GSAL BA'I THUGS KAR ZLA BA'I DKYIL 'KHOR DKAR KHYIL LE BA, DE'I STENG DU RANG GI SEMS NYID YI GE HR'I: DKAR PO RING CHA TSEG DRAG DANG BCAS PA, DE'I MTHA' SKOR DU, AOm MA nI PADME H'Um ZHES PA'I SNYING PO YI GE DRUG PA'I SNGAGS 'PHRENG KHA DOG DKAR PO GYEN DU 'GRENG BA, GZUGS DBU CAN GYI RNAM PA CAN, 'OD

ZER ZLA 'OD SHAR BA LTA BU DKAR PHROM GYIS 'PHRO BA, DE LAS 'OD ZER 'PHROS, LUS KYI NANG THAMS CAD GANG, SDIG SGRIB THAMS CAD SBYANGS, 'OD ZER BA SPU'I SGO NAS PHYIR 'PHROS, SEMS CAN THAMS CAD KYI SDIG SGRIB SBYANGS, 'PHAGS PA SPYAN RAS GZIGS DBANG PHYUG GI GO 'PHANG LA BKOD, PHYI GZUGS KYI SNANG BA MIG LAM DU GANG SHAR BA THAMS CAD 'PHAGS PA SPYAN RAS GZIGS DBANG PHYUG GI LHA'I SKU NAM MKHA'I 'JA' TSON LTA BU SHA STAG TU LAM GYIS 'CHAR BA SNANG BA SKU'I 'KHYER SO, SGRA RNA BAR GRAG TSAD YI GE DRUG PA'I SNGAGS KYI SGRA LHANG GIS GRAG PAR MOS PA GRAG STONG GSUNG GI 'KHYER SO, SNANG SRID 'KHOR 'DAS KYIS BSDUS PA'I CHOS THAMS CAD MING GIS BTAGS PA TZAM MA GTOGS YUL GYI STENG NAS GRUB PA RDUL TZAM YANG MED PAR LHANG GIS RTOGS PA'I STOD NYID RTOGS PA'I SHES RAB DANG SEMS CAN THAMS CAD LA DMIGS PA'I SNYING RJE CHEN PO ZUNG DU 'BREL BA'I STONG NYID SNYING RJE'I SNYING PO CAN DANG MA BRAL BA DRAN RTOG THUGS KYI 'KHYER SO STE, DE LTAR 'KHYER SO GSUM DANG MA BRAL BA'I NGANG NAS RANG SPYAN RAS GZIGS SU GSAL BA'I ZHAL NAS MA nI'I SNGAGS KYI SGRA BSGRAGS PA DANG, RIGS DRUG GI SEMS CAN THAMS CAD SPYAN RAS GZIGS KYI LHA'I SKUR GYUR PA RNAMS DANG, GZHAN YANG SA DANG BAR SNANG NAM MKHA'I KHYON THAMS CAN SPYAN RAS GZIGS KYI LHA'I SKUS TIL GYI GANG BU LTAR GANG BA, DE THAMS CAD KYI ZHAL NAS MA nI'I SGRA 'BRUG GI SGRA LTAR 'UR GYIS SGROG PAR MOS NAS AOm MA nI PADME H'Um ZHES CI NUS BZLA, DE YANG AOm NI AA AU MA GSUM BSDOMS PAS SKU GSUNG THUGS

, ,KYI RDO RJE GSUM DBYER MI PHYED PA MTSON ZHING, MTSON DON YID LA DRAN PA'I SGO NAS NGAG TU LAN GCIG BRJOD PAS BSOD NAMS LEN PAR BYED PAS NOR BU 'DZIN PA'I SNGAGS ZHES BSHAD DO, ,SNGAGS KYI MGO 'DREN NO, ,MA nI NI NOR BU, PADMA NI PADMA RANG YIN LA, DE LA PADME ZHES SBYAR BA NI BOD PA'I DON YIN PAS NOR BU PADMA ZHES SPYAN RAS GZIGS LA NYE BA'I SGO NAS BOD PA'I DON YIN PAS 'PHAGS PA SPYAN RAS GZIGS DBANG PHYUG GI THUGS RGYUD RANG LA NYE LHANG BA YOD PA LTA BUR BSGOMS NAS BZLA BA YIN ZHING, GZHAN YANG YI GE DRUG PO RE RE BZHIN GYIS RIGS DRUG GI SKYE SGO GCOD, PHA ROL TU PHYIN PA DRUG YONGS SU RDZOGS PAR BYED PA SOGS MTSON DON PHAN YON MTHA' YAS PA ZHIG GSUNGS PAS SPYIR 'PHAGS PA SPYAN RAS GZIGS DBANG PHYUG SANGS RGYAS THAMS CAD KYI THUGS RJE GCIG TU BSDUS PA'I NGO BO YIN PA DANG, KHYAD PAR DU BOD KYI LHA SKAL YIN PAS GZHAN LAS 'BREL CHE BA'I PHYIR LHAG PA'I LHAR BZUNG NAS BZLAS BRJOD LA 'BAD PAR BYA'O, ,MTHAR THUN 'JOG PA NA, SNOD BCUD THAMS CAD SPYAN RAS GZIGS SU GSAL BA RANG DANG, RANG YANG THUGS KA'I HR'I: DANG, DE YANG TSEG DRAG DE YANG NAM MKHA' LA 'JA' YAL BA LTAR GYUR PAR BSAMS TE SEMS LTA THOG TU GZHAG GO ,YANG STONG PA'I NGANG LAS RANG 'KHYER SO GSUM LDAN GYI SPYAN RAS GZIGS KYI LHA'I SKUR LAM GYIS LANGS TE 'PHRAL GYI SPYOD LAM RNAMS LA 'JUG PA DANG, BSNGO BA SMON LAM SOGS BYA'O, ,'PHAGS PA SPYAN RAS GZIGS KYI BSGOM BZLAS GO BDE BAR BKOD PA 'DI YANG BSTAN 'DZIN CHEN PO

'GA' ZHIG GIS BSKUL BA'I NGOR DGE 'DUN RGYA MTSO'I DPAL GYIS BKOD PA'O,, ,, ` CHOS SKYONG LCAM SRING GI RJES GNANG BYA BA'I TSUL NI, GTOR MA CHOS SKYONG 'KHOR BCAS SU BSKYED PA SOGS SPYI 'GRO LTAR BYAS LA, SLOB MAS KHRUS BYAS MAndAL PHUL, RDO RJE SLOB DPON DGONGS SU GSOL, ,SANGS RGYAS BSTAN PA BSRUNG BA DANG, ,ZHING BCU'I DGRA BGEGS BSGRAL BA'I PHYIR, ,CHOS SKYONG SBRAGS SGRUB BDAG LA STZOL, ,ZHES LAN GSUM GYIS GSOL BA GDAB, RGYUD KYI GLENG GZHI SOGS DANG SBYAR TE 'DI'I LO RGYUS SOGS BSHAD NAS SPRO BA BSKYED, DKON MCHOG GSUM LA BDAG SKYABS MCHI, ,SOGS KYIS SDOM PA GZUNG, GTOR MA LHAR BSKYED PA MNGON RTOGS BZHIN SLOB MA LA GSAL GDAB, SGOM DU GZHUG DE NAS SKU'I RJES GNANG NI, BLA MA RIN PO CHE, BDAG LA CHOS SKYONG LCAM SRING GI SKU'I RJES SU GNANG BA STZAL DU GSOL, ZHES GSOL BA GDAB, SLOB MA BSANGS SBYANGS CHOS SKYONG LCAM SRING DU BSKYED, GNAS GSUM BYIN GYIS BRLABS, BLA MA YI DAM DU GSAL BA'I THUGS KA'I 'OD ZER GYIS BYANG SHAR MA RU TZE'I DUR KHROD NAS CHOS SKYONG LCAM SRING 'KHOR BCAS SPYAN DRANGS, SLOB MA RNAMS LA BSTIM LA SNGAGS BRJOD CING ROL MO DKROL, SKU'I RJES GNANG NGO, ,GSUNG GI RJES GNANG GI DON DU, GSUNG GI ZHES 'DON PA BSGYUR TE GSOL BA GDAB, BLA MA YI DAM DU GSAL BA'I THUGS KA'I SA BON LAS 'OD ZER 'PHROS, CHOS SKYONG LCAM SRING GI THUGS KAR NYI GDAN LA PRAm DMAR PO DANG MAm SNGO NAG GI MTHAR RANG RANG GI SNGAGS KYIS BSKOR BA LAS SNGAGS PHRENG MAR ME GCIG LAS GNYIS CHAD KYI TSUL DU BYUNG, CHOS SKYONG LCAM SRING GI ZHAL NAS THON, SLOB MA'I ZHAL DU ZHUGS, THUGS KAR NYI GDAN GYI STENG DU SA BON GYI MTHA' BSKOR NAS GNAS PA DANG, CI 'DOD PA'I LAS SGRUB PAR

, ,BSAMS LA, AOm PRA nA AANGMA KshE RU PU RU shA LO HI TA SARBA SHA TRUm M'A RA YA H'Um PHAt SV'A H'A, ZHES PA DANG, AOm RAKMO YA MA TZITTA DZVA LA RAm PRA TI DE W'I H'Um, SROG LA YA MA DZA: SARBA SHA TRUm M'A RA YA RBAD PHAt SV'A H'A ZHES PA'I SNGAGS GNYIS KYI RJES ZLOS LAN GSUM BYED DU 'JUG PA NI GSUNG GI RJES GNANG NGO, ,THUGS KYI RJES GNANG NI, THUGS KYI ZHES GSOL BA GDAB, GTOR MA CHOS SKYONG LCAM SRING DU BSKYED PA DE SLOB MA'I SPYI BOR BZHAG CHOS SKYONG LCAM SRING 'KHOR DANG BCAS PA KHYED RNAMS KYIS RGYAL BA RDO RJE 'CHANG, GRUB THOB LVA BA DMAR PO, A'A TZAR+YA NYI MA GRAGS, PAndI TA ZLA BA NAG PO, PAn CHEN GA YA DHA RA, DE LA MAR LO GNYAN LO, GNYIS KAS THOB PAS GNYIS KA'AM GANG RUNG, RA SA'I SHUD BU BKRA SHIS 'BAR, DPAL LDAN GRUB THOB MDAR CHAR, BO DONG BRTZON 'GRUS RDO RJE, NYAN CHEN BSOD NAMS BRTAN PA, MKHAN CHEN CHOS RGYAL CHEN PO, KUN MKHYEN DPAL LDAN SENG GE, MKHAS GRUB RIN CHEN DPAL BZANG, GRU STON KUN DGA' BZANG PO, DRAN MCHOG DON YOD RGYAL MTSAN, GRUB PA'I DBANG PHYUG KUN DGA' RGYAL MTSAN DPAL BZANG PO LA SOGS PA'I RTZA BRGYUD KYI DPAL LDAN BLA MA DAM PA RNAMS KYIS BKA' DANG DAM LA BTAGS PA RNAMS KYI BKA' DANG DAM LAS MA 'DA' BAR RDO RJE SLOB MA 'DI'I PHYI BZHIN DU RJES SU 'BRONGS LA LUS DANG GRIB MA BZHIN 'GROGS TE, 'GAL RKYEN THAMS CAD SOL, MTHUN RKYEN THAMS CAD SGRUBS, DGRA BGEGS THAMS CAD THUL, JI LTAR BCOL BA'I LAS THAMS CAD GRUB PAR MDZOD CIG CES LAN GSUM BKA' BSGOS, SNGAGS GNYIS KYANG BRJOD PAS, CHOS SKYONG LCAM SRING SLOB MA RNAMS LA THIM PAR BSAM MO,, ,, SHU BHAm,,

, ,RJE BTZUN THAMS CAD MKHYEN PA'I GSUNG 'BUM THOR BU LAS YI DAM SGRUB SKOR DANG RJES GNANG GI RIM PA RNAMS BZHUGS SO,,

, ,GU RU ZHI BA'I SGOM BZLAS NYAMS SU LEN PA'I TSUL NI, RANG GU RU DRAG PO'AM RTA MGRIN GANG RUNG GI SKUR BSGOMS PA'I MDUN GYI NAM MKHAR RANG BZHIN STONG PA'I NGANG LAS PAm LAS SNA TSOGS PADMA'I SDONG PO YANGS SHING RGYA CHE BA, DE'I STENG DU SENG GES BTEG PA'I RIN PO CHE'I KHRI'I STENG DU NYI MA DANG ZLA BA'I GDAN LA GU RU DUS GSUM SANGS RGYAS SKU MDOG DKAR LA DMAR BA'I MDANGS CHAGS PA, ZHAL 'DZUM BAG DANG BCAS PA, SPYAN GNYIS ZHI MA KHRO'I TSUL DU HUR GYIS GZIGS PA, RAB TU BYUNG BA DGE SLONG RDO RJE 'DZIN PA'I CHA BYAD CAN SNAM SBYAR DANG CHOS GOS SKU LA GSOL BA, PHYAG G-YAS RDO RJE DANG, G-YON MNYAM GZHAG GI STENG NA THOD PA BDUD RTZIS GANG BA 'DZIN CING, MCHAN KHUNG NA KHA tV'Am GA BSNAMS PA, DBU LA PAn ZHVA DMAR PO GSOL BA, ZHABS RDO RJE SKYIL KRUNG GIS BZHUGS PA, DE'I 'KHOR DU RIG 'DZIN DPA' BO MKHA' 'GRO CHOS SKYONG SRUNG MA'I

, ,TSOGS BSAM GYIS MI KHYAB PAS BSKOR BA, DE'I SPYI BOR AOm, MGRIN PAR A'A: THUGS KAR H'Um, RANG GI THUGS KA'I H'Um LAS 'OD ZER 'PHROS PAS AU RGYAN GYI GNAS NAS BSGOMS PA DANG 'DRA BA'I YE SHES PA 'KHOR DANG BCAS PA SPYAN DRANGS, DZA: H'Um BAm HO: GNYIS SU MED PAR GYUR, MCHOD GTOR RNAMS BLA MED LTAR BYIN GYIS BRLABS, AOm BADZRA GU RU SA PA RI W'A RA AARGHAm NAS SHAPTA'I BAR DANG, R'U PA NAS SPARSHA'I BAR GYIS DBUL, AOm A'A: H'Um GIS NANG MCHOD PHUL LA BZLAS PA BYA BA NI, MDUN BSKYED KYI THUGS KAR ZLA BA'I STENG DU RDO RJE RTZE LNGA PA LTE BA LA H'Um GIS MTSAN PA'I MTHA' SKOR DU AOm A'A: H'Um BADZRA GU RU PADMA SIDDHI H'Um ZHES PA'I SNGAGS KYIS BSKOR BAR BSGOMS NAS, MDUN BSKYED KYI THUGS KA'I SNGAGS 'PHRENG SA BON DANG BCAS PA LA PHOG PAS THUGS RGYUD BSKUL NAS MCHOG THUN MONG GI DNGOS GRUB STZOL BAR BSAMS LA BZLAS PA MANG DU BYA'O, ,MTHAR BLA MA'I GNAS GSUM GYI YI GE

GSUM LAS 'OD ZER DKAR DMAR MTHING GSUM RIM PA BZHIN DANG CIG CAR BYUNG, RANG GI GNAS GSUM DU RIM PA LTAR DANG CIG CAR THIM PA LAS LUS NGAG YID GSUM SO SO GANG, THAMS CAD KYI SDIG SGRIB DAG BUM PA, GSANG BA, SHES RAB YE SHES, DBANG BZHI PA RNAMS THOB, RDO RJE GSUM GYI DNGOS GRUB KYANG THOB PAR BSAM MO, ,GTOR MA DBUL NA, LJAGS H'Um LAS SKYES PA'I RDO RJE DMAR PO RTZE GCIG PA 'OD KYI SBU GU CAN GYIS GTOR MA'I BCUD THAMS CAD DRANGS TE GSOL BAR BSAMS LA, SNGAGS KYI MTHAR BA LIm TA PRAT'ITZTSA H'Um SV'A H'A ZHES PA BTAGS LA DBUL, MCHOD PA DANG NANG MCHOD KYANG PHUL, H'Um, MA BCOS SPROS BRAL BLA MA CHOS KYI SKU, ,BDE CHEN LONGS SPYOD BLA MA CHOS KYI RJE, ,PAD SDONG LAS 'KHRUNGS BLA MA SPRUL PA'I SKU, ,SKU GSUM RDO RJE 'CHANG LA SPYI BOS 'DUD, ,CES PAS BSTOD DO, ,GU RU ZHI BA'I SGOM BZLAS 'DI YANG RJE BLA MA'I GSUNG LAS BYUNG BA DGE LEGS 'PHEL,, ,, ` BLA MA DANG LHAG PA'I LHA DBYER MA MCHIS PA'I ZHABS LA PHYAG 'TSAL LO, ,BLA MA DRAG PO'I THUGS SGRUB GTER KHA GONG MA'I THUGS KYI SGRUB THABS MDOR BSDUS PA'I TSUL NI 'DI YIN TE, SKYABS 'GRO SEMS BSKYED TSAD MED BZHI SGOM PA SNGON DU BTANG, SVA BH'A WA SA STONG PAR SBYANGS, STONG PA'I NGANG LAS AOm LAS RIN PO CHE'I GZHAL MED KHANG GRU BZHI SGO BZHI RTA BABS DANG BCAS SHING PHYI ROL SRUNG BA'I 'KHOR LO CHEN PO BRGYAD DANG BCAS PAS BSKOR BA'I DBUS SU CHOS 'BYUNG GRU GSUM MTHING NAG NANG DGRA BGEGS KYI KHRAG ZHAG GI RGYA MTSOS GANG BA'I STENG DU PAm LAS SNA TSOGS PADMA, RAm LAS NYI MA'I DKYIL 'KHOR GYI GDAN LA RU TRA PHO MO BSNOL BA'I

, ,STENG DU H'Um LAS BYUNG BA'I GNAM LCAGS KYI RDO RJE RTZE DGU PA H'Um GIS MTSAN PA, DE LAS 'OD ZER DPAG TU MED PA 'PHROS, DGRA BGEGS LOG 'DREN GDUG PA CAN THAMS CAD TSAR BCAD, TSUR 'DUS THIM PA YONGS SU GYUR PA LAS, RANG NYID BCOM LDAN 'DAS PADMA DRAG PO SKU MDOG DMAR PO ZHAL GCIG PHYAG GNYIS G-YAS GNAM LCAGS KYI RDO RJE RTZE DGU PA NAM MKHA' LA 'PHYAR ZHING, G-YON PAS LCAGS KYI SDIG PA NAG PO MGO DGU RVA BCO BRGYAD PA SDIG MDZUB DANG BCAS PAS 'DZIN PA, ZHAL RAB TU GDANGS SHING 'BAR BA'I MCHE BA RNON PO BZHI GTZIGS PA, DMAR LA ZLUM PA'I SPYAN GSUM SDANG MIG TU BGRAD CING SMIN MA'I MTSAMS NAS BSKAL PA'I GLOG STONG 'GYU BA SHANGS NAS DRAG PO'I 'THOR RLUNG 'TSUB CING ZHAL NAS H'Um DANG PHAt KYI SGRA 'BRUG LTAR SGROG PA, SMIN MA DANG SMA RA DMAR SER 'BAR ZHING DBU SKRA KHAM SER GYEN DU BRDZES PA, THOD SKAM LNGA'I DBU RGYAN DANG RIN PO CHE'I RTZE PHRAN GYIS BRGYAN CING THOD RLON LNGA BCU'I DO SHAL CAN, RUS PA'I RGYAN DRUG GIS BRGYAN CING KLU CHEN PO BRGYAD KYIS PHYAG ZHABS MDZES PA, GLANG PO CHE'I KO BA DANG ZHING CHEN GYI G-YANG GZHIS STOD G-YOGS SHING, STAG GI PAGS PA'I SHAM THABS CAN, SKU LA KHRAG GI THIG LE DANG ZHAG GI ZO RIS DANG THAL CHEN GYI TSOM BUS BRGYAN CING, GAR DGU'I NYAMS DANG LDAN PA, ZHABS G-YAS BSKUM ZHING G-YON BRKYANG PA'I STABS KYIS YE SHES KYI ME RAB TU 'BAR BA'I DBUS NA BZHUGS PA, DBU'I GTZUG NA NAM MKHA' LDING NAG PO LCAGS KYI MCHU SDER DANG ME'I GSHOG PA CAN, GSHOG PA'I GSEB

NAS GNAM LCAGS KYI THOG SER 'BAB PA, DE'I SPYI GTZUG TU GU RU PADMA SKU MDOG MTHING NAG PHYAG G-YAS KHA tV'Am GA DANG G-YON THOD KHRAG 'DZIN PA, ZHABS RDO RJE SKYIL KRUNG GIS BZHUGS PA, RANG GI SPYI BOR 'KHOR LO SER PO RTZIBS BZHI'I DBUS SU SKU'I LHA 'JAM DPAL SER PO G-YAS RAL GRI DANG G-YON SDIGS MDZUB 'CHANG BA, MGRIN PAR PADMA 'DAB MA BZHI PA'I DBUS SU GSUNG GI LHA RTA MGRIN DMAR PO G-YAS DBYUG PA DANG, G-YON SDIGS MDZUB MDZAD PA, THUGS KAR YE SHES KYI MCHOD RTEN SENG KHRI BANG RIM BUM PA BRE 'KHOR LO TOG DANG BCAS PA'I BUM PA'I NANG DU THUGS KYI LHA PHYAG RDOR MTHING NAG G-YAS RDO RJE DANG G-YON SDIGS MDZUB BRKYANG PA, LTE BAR CHOS 'BYUNG DMAR PO'I DBUS SU PADMA 'DAB MA BZHI PA LA DBUS SU RDO RJE PHAG MO DMAR MO GRI GUG DANG THOD KHRAG 'DZIN PA, 'DAB MA BZHI LA RIGS BZHI'I MKHA' 'GROS BSKOR BA, GSANG GNAS SU SNA TSOGS RDO RJE'I LTE BAR 'PHRIN LAS KYI KHRO BO YAKshA ME DBAL SKU MDOG SMUG NAG SHIN TU KHROS PA, G-YAS ME'I THO BA DANG G-YON LCAGS KYU 'DZIN PA, RANG GI SPYI BOR SKU RDO RJE'I NGO BO AOm DKAR PO, MGRIN PAR GSUNG RDO RJE'I NGO BO A'A: DMAR PO, THUGS KAR THUGS KA'I LHA PHYAG RDOR GYI THUGS KAR NYI GDAN LA THUGS RDO RJE'I NGO BO H'Um SNGON PO, THUGS KA'I H'Um LAS 'OD 'PHROS PAS RANG BZHIN GYI GNAS NAS BSGOMS PA DANG 'DRA BA'I YE SHES PA SPYAN DRANGS, DZA: H'Um PAm HO: GNYIS SU MED PAR GYUR, SLAR YANG THUGS KA'I H'Um LAS 'OD 'PHROS, RIGS LNGA 'KHOR BCAS SPYAN DRANGS, DE BZHIN GSHEGS PA THAMS CAD KYIS MNGON PAR

, ,DBANG SKUR DU GSOL, ZHES GSOL BA BTAB PAS DE RNAMS KYIS AOm SARBA TA TH'A GA TA AA BHIshE KA TA SA MA YA SHRI YE H'Um, ZHES DBANG BSKUR, LUS GANG, DRI MA DAG ,CHU LHAG MA SPYI GTZUG TU GNAS PA YONGS SU GYUR PA LAS SANGS RGYAS SNANG BA MTHA' YAS KYIS DBU BRGYAN PAR GYUR, MCHOD PA BLA MED BZHIN BSANGS SBYANGS BYIN GYIS BRLABS NAS, AOm GU RU PADMA KRO DHA R'A DZA SA BA RI W'A RA AARGHAm PRA T'I TZTSA YE SV'A H'A, DE BZHIN DU SHAPTA'I BAR DU SBYAR LA PHYI'I MCHOD PA DANG, H'Um, GDOD NAS RNAM DAG BDUD RTZI'I SMAN, ,YE SHES LNGA RDZOGS AA MRi TA, ,DUG LNGA SEL BA'I BDUD RTZI MCHOG ,BCOM LDAN 'KHOR DANG BCAS LA DBUL, , x SNGAGS KYI MTHAR, PANYTZA AA MRi TA KHA RAm KH'A HI, SMAN DBUL LO,, GDUG PA'I DGRA BGEGS TSOGS RNAMS DANG, ,DUG LNGA'I NYON MONGS DBYINGS SU BSGRAL, ,SHA KHRAG PHUNG PO BDUD RTZIR GYUR, ,BCOM LDAN 'KHOR DANG BCAS LA DBUL, ,x SARBA BIGH'A NA SHA TRUm KHA KH'A, KH'A HI KH'A HI, BSGRAL MCHOD DO, ,x SNGAGS KYI MTHAR AOm: A'A: H'Um BTAGS LA NANG MCHOD DBUL, RANG SNANG THABS DANG SHES RAB NI, ,RDO RJE PADMA MNYAM PAR SBYOR, ,BDE STONG LHAN CIG SKYES PA'I DNGOS, ,BCOM LDAN 'KHOR DANG BCAS LA DBUL, ,ZHES GSANG BA DANG DE KHO NA NYID KYI MCHOD PAS KYANG MCHOD LA, LHUN GRUB SGRIB BRAL BDE CHEN CHOS KYI SKU, ,DBANG PO'I GZHU LTAR DVANGS PA LONGS SPYOD RDZOGS, ,KHRO RGYAL GDUG PA 'DUL MDZAD SPRUL PA'I SKU, ,SKU GSUM DBYER MED KHYOD LA PHYAG 'TSAL LO, ,ZHES BSTOD DE BZLAS PA BYA BA'I TSUL NI, THUGS KYI LHA PHYAG NA RDO RJE'I THUGS KAR NYI MA'I DKYIL 'KHOR GYI STENG DU RDO RJE SNGON PO RTZE

LNGA PA LTE BA LA H'Um YIG DMAR LA SNGO BA'I MDANGS CAN GYI MTHAR BZLA BYA'I SNGAGS PHRENG KHA DOG DMAR PO GZUGS YI GE DBU CAN GYI RNAM PA CAN GYIS BSKOR BA, DE LAS BSKAL PA 'JIG PA'I ME'I TSA TSA LTA BU'I 'OD ZER LUS KYI NANG THAMS CAD KHYAB PAR 'PHROS, NAD GDON DGRA BGEGS SDIG SGRIB THAMS CAD SBYANGS, 'OD ZER BA SPU'I SGO NAS PHYIR 'PHROS, SNANG SRID THAMS CAD YE SHES KYI ME 'BAR BA'I KLONG DKYIL GCIG TU GYUR PAS DGRA BGEGS GDUG PA CAN THAMS CAD BYA SGRO MES BSREGS PA BZHIN DU GZHOB THUL GYIS BSREGS SHING TSAR BCAD PAR BSAMS LA, AOm A'A: H'Um AAR TZIG NIR TZIG NA MO BHA GA WA TE, AA YA MA DU RU TZA SHA NA, AOm BADZRA GA RU dA H'Um, AOm BADZRA YAKshA H'Um, AOm BADZRA RAKshA H'Um, GNOD BYED 'BYUNG PO'I SNYING LA M'A RA YA H'Um PHAt, CES MANG DU BZLA'O, ,MDUN BSKYED LA GTOR MA 'BUL TSUL SOGS NI SPYI DANG MTSUNGS,, ,, ` NA MO GU RU, GTOR MA LA BRTEN PA'I RJES GNANG MDOR BSDUS BYA BAR 'DOD NA, GTOR MA PHYAG LEN BZHIN DU BSHAMS, GONG DU BSHAD PA LTAR PADMA DRAG POR BSKYED PA NAS BZLAS PA'I BAR RDZOGS PAR BYAS LA, SLOB MAS KHRUS BYAS MAndAL PHUL, KUN MKHYEN YE SHES PHUNG PO CAN, ,ZHES SOGS LAN GSUM GYIS GSOL BA GDAB, SPYI DANG BYE BRAG GI CHOS BSHAD, DKON MCHOG GSUM LA BDAG SKYABS MCHI, ,ZHES SOGS KYIS SDOM PA GZUNG, BLA MA DANG GTOR MA GNYIS KA SLOB MA'I NGOR PADMA DRAG POR GSAL BTAB BSGOM DU GZHUG DE NAS SKU'I RJES GNANG NI, DUS GSUM SANGS RGYAS THAMS CAD KYI, ,SKU YI RDO RJE SLOB DPON GYIS, ,BDAG LA PADMA DRAG PO YI, ,SKU YI RJES GNANG STZAL DU GSOL, ,ZHES GSOL BA GDAB, SNA TSOGS PADMA DANG NYI MA

, ,DANG RU TRA PHO MO SPYI BO BSNOL BA'I STENG DU H'Um DMAR LA SNGO BA'I MDANGS CHAGS PA YONGS SU GYUR PA LAS SLOB MA PADMA DRAG POR MNGON RTOGS BZHIN DU BSKYED, LUS LA LHA RNAMS DGOD, GNAS GSUM BYIN GYIS BRLAB, RANG GI THUGS KA'I H'Um GI 'OD ZER GYIS RANG BZHIN GYIS GNAS NAS BSGOMS PA DANG 'DRA BA'I PADMA DRAG PO LA RIG 'DZIN BRGYUD PA'I BLA MA RNAMS DANG SANGS RGYAS BYANG SEMS DPA' BO MKHA' 'GRO CHOS SKYONG SRUNG MA'I TSOGS KYIS BSKOR BA SPYAN DRANGS, SPRIN GYI PHUNG PO GTIBS PA BZHIN DU BYON, SLOB MA'I LUS LA CHAR BZHIN DU BABS NAS GNYIS SU MED PAR THIM PAR BSAM, GU RU PADMA KRO DHA R'A DZA SA PA RI W'A RA SA M'A DZA: ZHES DRAG TU BRJOD, ROL MO'I SGRA BYA'O, ,GSUNG GYI RJES GNANG NI, GSUNG GI RDO RJE SLOB DPON GYIS, ,ZHES 'DON PA SPOS LA GSOL BA GDAB, BLA MA PADMA DRAG PO'I SKUR GSAL BA'I THUGS KA NAS AOm A'A: H'Um AAR TZIG ,CES SOGS KYI, SNGAGS PHRENG KHA DOG DMAR PO BYUNG, BLA MA'I SHANGS BUG G-YAS PA NAS 'THON, SLOB MA'I SNA BUG G-YON PAR ZHUGS, THUGS KAR THUGS RDO RJE PHYAG RDOR GYI THUGS KAR NYI MA'I STENG DU H'Um YIG GI MTHA' SKOR DU GNAS PA LAS 'OD ZER DUS MTHA'I ME 'OD TZAM 'PHROS, DGRA BGEGS GDUG PA CAN RNAMS TSAR BCAD PAR BSAMS LA SNGAGS KYI RJES ZLOS LAN GSUM BYA'O, ,DE NAS, BCOM LDAN BDAG LA STZAL LAGS KYI, ,BDAG LA BRTZE BAR MDZAD DU GSOL, ,ZHES GSOL BA BTAB PAS, BLA MAS ME TOG SPYI BOR BZHAG NAS, BCOM LDAN 'DI LA STZAL LAGS KYI, ,'DI LA NYE BAR MDZAD DU GSOL, ,ZHES BRJOD DO, ,THUGS KYI RJES GNANG NI, THUGS KYI RDO RJE

SLOB DPON ZHES BSGYUR LA GSOL BA BTAB PAS, BLA MA PADMA DRAG POR GSAL BA'I THUGS KA'I H'Um YIG DMAR LA SNGO BA'I MDANGS CHAGS PA LAS THUGS GNYIS SU MED PA'I YE SHES KYI RANG BZHIN GNAM LCAGS KYI RDO RJE ME RAB TU 'BAR BA NAM MKHA'I KHAMS GANG BA BYUNG, SLOB MA'I SNYING GA'I H'Um YIG LA THIM PAS PADMA DRAG PO'I THUGS DANG SLOB MA'I SEMS RO GCIG TU GYUR PAR BSAM, DE NAS, BCOM LDAN 'DAS LA STZAL LAGS KYI, ,BDAG LA NYE BAR MDZAD DU GSOL, ,ZHES GSOL BA BTAB LA, GTOR MA PADMA DRAG PO'I SKUR BSKYED PA SLOB MA'I SPYI BOR BZHAG ,BCOM LDAN 'DI LA STZAL LAGS KYI, ,'DI LA 'GO BAR MDZAD DU GSOL, ,DUS 'DI NYID NAS BZUNG NAS SU, ,BYANG CHUB SNYING POR MCHIS KYI BAR, ,LHAG PA'I LHA NI MDZAD DU GSOL, ,RKYEN NGAN BAR CHAD THAMS CAD SOL, ,BGEGS DANG LOG 'DREN RDUL DU RLOG ,MCHOG DANG THUN MONG DNGOS GRUB STZOL, ,AOm A'A: H'Um AAR TZIG CES SOGS BRJOD NAS SLOB MA'I LUS LA THIM PAS SLOB MA'I LUS NGAG YID GSUM DANG PADMA DRAG PO'I SKU GSUNG THUGS DBYER MI PHYED PAR GYUR, MJUG YON DBUL BA DANG TSOGS KYI 'KHOR LO SOGS KYANG BYA'O, ,PADMA DRAG PO'I MNGON RTOGS RJES GNANG DANG BCAS PA 'DI YANG RJE BTZUN THAMS CAD MKHYEN PAS DPAL LDAN 'BRAS SPUNGS KYI DGA' LDAN PHO BRANG DU MDZAD PA LAGS SO,, ,, ` PADMA YANG GSANG KHROS PA'I SGRUB THABS PHRIN LAS BZHI'I BANG MDZOD CES BYA BA, RJE BTZUN DPAL LDAN BLA MA DAM PA'I ZHABS KYI MADMOR GUS PAS PHYAG 'TSAL LO, ,JI SNYED SHES BYA'I SNANG BA KUN 'CHAR PHA MTHA' YAS PA'I BDE CHEN GNAS DE RGYAL BA RNAMS KYI CHOS KYI SKU,,

, ,SRID GSUM 'BYUNG PO KUN GYI MGO BOR KHROS PA'I GAR MDZAD GAR DBANG MA DANG GNYIS MED SBYOR DE LONGS SPYOD RDZOGS, ,YID 'ONG MDZES PA'I CHU SKYES LAS 'KHRUNGS MTSO LAS SKYES PA'I RDO RJE ZHES GRAGS DUS GSUM SANGS RGYAS SPRUL PA'I SKU, ,SKU GSUM DBYER MED ZHABS KYI PADMO SPYI BOR BSTEN NO BDAG GI SNYING LA NAM YANG 'BRAL BA MED GYUR CIG ,PADMA GSUNG GI LHA TSOGS LAS, ,YANG GSANG KHROS PA SGRUB PA'I THABS, ,RGYUD DANG DAM PA'I PHYAG LEN BZHIN, ,GO SLA'I NGAG GIS 'DIR BSHAD BYA,, 'DIR PADMA DBANG CHEN YANG GSANG KHROS PA'I PHRIN LAS KYI RIM PA 'CHAD PA LA GSUM, GANG DU BSGRUB PA'I GNAS KYI MTSAN NYID, SGRUB PA PO RTEN GYI GANG ZAG GI MTSAN NYID, DES NYAMS SU BLANG BAR BYA BA'I SGRUB THABS KYI RNAM GZHAG GO, DANG PO NI RGYUD LAS, DUR KHROD RI BRAG DMAR PO LA, ,NUB RI MTHO ZHING SHAR RI DMA', ,NAGS TSAL STUG PO NUB TU BLTAS, ,NAM MKHA' PADMA 'DAB BRGYAD 'DRA, ,NYI ZLA GZA' SKAR 'OD 'BAR ZHING, ,CHU PHRAN RI BRAG KUN 'DUD PAR, ,ZHES GSUNGS PA LTAR, MTSAN NYID DANG LDAN ZHING YID DANG MTHUN PA'I GNAS SU BYA'O,, GNYIS PA NI, RGYUD LAS, DBANG BGROD (NOD) DAM LDAN SLOB DPON BKUR, ,BRTZON 'GRUS LDAN PAS RTZE GCIG BSGRUB, ,CES GSUNGS PA LTAR GYI SGRUB PA POS, TSA TSA SBYIN GTONG MDO SDE GDON, ,'DUS BYAS DGE RTZA NUS TSAD BYA, ,ZHES GSUNGS PA LTAR GYI PHYI'I SNGON 'GRO RNAMS LEGS PAR BSGRUBS TE NYAMS SU BLANG NGO,, GSUM PA LA THOG MAR BYA BA'I RIM PA, BAR DU BYA BA'I RIM PA, THA MAR BYA BA'I RIM PA'O,, DANG PO LA THOG MAR SNGON 'GRO GTOR MA BYA BA'I TSUL NI, SKYABS 'GRO SEMS BSKYED TSAD MED BZHI SNGON DU 'GRO BAS, RANG SKAD CIG GIS DPAL RTA MGRIN SKU MDOG DMAR PO ZHAL GCIG PHYAG

GNYIS KYI PHYAG G-YAS SENG LDENG GI DBYUG PA 'PHYAR ZHING, G-YON THUGS KAR SDIGS MDZUB MDZAD PA, DUR KHROD KYI CHAS BRGYAD KYIS BRGYAN CING GAR GYI NYAMS DGU DANG LDAN PAR GYUR PAR BSGOMS LA, SNGON 'GRO GTOR MA PHYAG LEN BZHIN BSHAMS PA LA, RAm YAm KHAm RATNA BHANYDZA AOm A'A: H'Um, ZHES PAS GTOR MA ZAG PA MED PA'I YE SHES KYI BDUD RTZIR BYIN GYIS BRLABS LA, RANG GI THUGS KA'I HR'I: LAS 'OD 'PHROS, PHYOGS SKYONG ZHING SKYONG KLU LA SOGS PA RNAMS SPYAN DRANGS, SKAD CIG GIS 'OD GSAL DU BCUG PA LAS PADMA DBANG CHEN GYI LHA'I SKUR GYUR PA'I MGRON RNAMS KYI LJAGS H'Um LAS SKYES PA'I RDO RJE RTZE GCIG PA DMAR PO 'OD KYI SBU GU CAN DU GYUR PAS GTOR MA'I BCUD THAMS CAD DRANGS TE GSOL BAR BSAMS LA, AA K'A RO MU KHAm SOGS KYI SNGAGS LAN GSUM GYIS GTOR MA BSNGOS LA MCHOD CING NANG MCHOD KYANG PHUL NAS, RNAL 'BYOR PA BDAG CAG PADMA DBANG CHEN GYI SGRUB PA NYAMS SU LEN PA'I BAR CHAD THAMS CAD ZHI BAR MDZOD CIG ,CES 'PHRIN LAS BCOL, MGRON RNAMS RANG GNAS SU GSHEGS PAR BSAM MO, ,DE NAS MTSAMS BCAD CING SRUNG 'KHOR BYA BA NI, RANG PADMA DBANG CHEN DU GSAL BA'I THUGS KAR PADMA DMAR PO 'DAB MA BRGYAD PA'I LTE BAR NYI MA'I DKYIL 'KHOR LA GNAS PA'I HR'I: DMAR NAG LAS DUS MTHA'I ME LTA BU'I 'OD ZER DPAG TU MED PA PHYOGS BCUR 'PHROS PA'I SNA LA DPAL RTA MGRIN GYI LHA'I TSOGS NAM MKHA' GANG BA SPROS PAS BGEGS DANG LOG PAR 'DREN PA THAMS CAD PHYI'I RGYA MTSO'I PHA ROL DU BSKRAD, SLAR 'DUS PA LAS STENG 'OG PHYOGS MTSAMS THAMS CAD DU KHRO BO'I GUR BAR MTSAMS MED PAR GNAS PA,

, ,DE'I PHYI ROL TU RDO RJE'I RA BA RIM PA GSUM, DE'I PHYI ROL TU ME DANG RLUNG DANG CHU'I RA BA RIM PA GSUM GYIS BSKOR TE BGEGS RNAMS KYIS LTA BA TZAM YANG MI NUS PAR GYUR PAR BSAMS LA, ROL MO DBYANGS DANG BCAS PAS, H'Um; DPAL CHEN MI BZAD DKYIL 'KHOR NAS, ,'BAR BA'I KHRO BO ME DPUNG 'BAR, ,GDUG PA'I MTSON CHA SNA TSOGS BSNAMS, ,BGEGS DANG LOG 'DREN RDUL DU RLOG ,DBANG CHEN ME DPUNG DMAR NAG 'BAR, ,BSKAL PA DUS MTHA'I ME LTA BU, ,DBANG DRAG MTSON CHA BRAG LTAR GTAMS, ,GANG LA BAB KYANG GCOD CING SGROL, ,DBANG CHEN KHRO BO MI BZAD RNGAM, ,SRID PA'I YE SHES 'KHOR LO 'KHRIGS, ,DBANG CHEN MTSAMS LAS GANG 'DA' BA, ,RDUL PHRAN BZHIN DU RLAG PAR GYIS, AOm RAm KRO DHA RAKshA BADZRA DZVA LA RAm TIKshA BHI SHA DZVA LA RAm PHAt PHAt, RAm RAm ZHES MTSAMS GCAD DO, ,DE NAS MCHOD PA, NANG MCHOD, SMAN RAG GTOR MA DANG BCAS PHYAG LEN BZHIN BSHAMS LA, MCHOD PA BYIN GYIS BRLAB PA NI, MCHOD PA RNAMS LA RAm KRO DHA'I SNGAGS KYIS BGEGS BSKRAD, SVA BH'A WAS STONG PAR SBYANGS, STONG PA'I NGANG LAS AA LAS BYUNG BA'I THOD PA YANGS SHING RGYA CHE BA RNAMS KYI NANG DU RANG RANG GI MING YIG DANG PO THIG LES BRGYAN PA ZHU BA LAS BYUNG BA'I MCHOD YON, ZHABS BSIL, ME TOG BDUG SPOS, MAR ME, DRI, ZHAL ZAS, ROL MO LA SOGS PA RNAMS RANG BZHIN STONG PA, RNAM PA MCHOD RDZAS, BYED LAS DBANG PO DRUG GI SPYOD YUL DU ZAG MED KYI BDE BA KHYAD PAR CAN SKYED PAR GYUR PAR BSAMS PA, AOmRGHAm A'A: H'Um, DE BZHIN DU SHAPTA'I BAR DANG, R'U PA NAS, SPARSHA'I BAR DU SBYAR LA RANG

RANG GI SNGAGS DANG PHYAG RGYAS BYIN GYIS BRLAB, NANG MCHOD BYIN GYIS BRLAB PA NI, SNGAR LTAR BSANGS SBYANGS, RAm YAm KHAm ZHES BRJOD PAS RAm LAS YE SHES KYI MES BSREGS, YAm LAS RLUNG GIS GTOR, KHAm LAS CHUS BSKRUS TE MI DMIGS PAR GYUR, STONG PA'I NGANG LAS THOD PA DUM BU GCIG PA PHYI DKAR LA NANG DMAR BA'I NANG DU 'KHOR LO RTZIBS BZHI PA LTE BA DANG BCAS PA, LTE BAR PADMA DMAR PO 'DAB MA BRGYAD PA, SHAR DU NYI MA, LHOR RIN PO CHE, NUB TU ZLA BA, BYANG DU RDO RJE RGYA GRAM, DE DAG GI STENG DU BHR'Um AAm DZRIm KHAm H'Um LAS SHA LNGA DANG, LAm MAm PAm TAm BAm LAS BDUD RTZI LNGA, DE RNAMS YONGS SU GYUR PA LAS RIGS LNGA YAB YUM DU GYUR PA RNAMS SNYOMS PAR ZHUGS PA'I BYANG CHUB KYI SEMS KYI 'OD ZER GYIS 'PHAGS PA MCHOD, SEMS CAN GYI DON BYAS, SNOD BCUD THAMS CAD BSDUS NAS RIGS LNGA YAB YUM LA THIM, DE DAG 'OD DU ZHU BAS BDUD RTZI DKAR PO DRI MA MED PA'I RGYA MTSOR GYUR PA'I STENG DU ZLA GDAN LA YE SHES LNGA'I BDAG NYID AOm DKAR POS MTSAN PA, AOm A'A: H'Um LAN GSUM BRJOD, DE NAS YE SHES KYI BDUD RTZI DBAB PAR 'DOD NA, RANG GI LAG PA G-YON PA'I MTHEB SRIN GNYIS AA DANG MA LAS NYI MA DANG ZLA BAR GYUR, BDUD RTZI'I RGYA MTSO'I STENG DU PADMA 'DAB MA BZHI PA'I LTE BAR LAS KYI RTZA MGRIN SKU MDOG DMAR NAG G-YAS THUGS KAR PADMA DANG, G-YON RDO RJE RGYA GRAM BSNOL STABS SU 'DZIN PA LA GSANG BA'I YUM MI PHAM DKAR MO LCAGS KYU 'DZIN PA, KHRO GNYER CAN SER MO ZHAGS PA 'DZIN PA, RAL GCIG MA DMAR MO LCAGS SGROG 'DZIN PA, RO LANGS MA LJANG GU DRIL BU 'DZIN PA RNAMS KYIS MDUN

, ,RGYAB DANG G-YAS G-YON NAS SKU LA 'KHRIL BA, RTA MGRIN GYI DBU'I GTZUG NA RTA MGO LJANG GU'I STENG DU YI GE HR'I: DMAR PO DE NYID RANG GI MTHEB SRIN GYIS NYI ZLA GNYIS KYI BAR DU BZUNG BA LAS 'OD ZER 'PHROS, 'OG MIN NAS RGYAL BA YAB YUM SBYAN DRANGS, SNYOMS PAR ZHUGS PA'I BYANG CHUB KYI SEMS RTA MGRIN YAB YUM GYI SBYOR MTSAMS NAS BABS PAS YE SHES KYI BDUD RTZI'I RGYA MTSOR GYUR PAR BSAMS LA, AOm SARBA PANYTZA AA MRi TE H'Um, ZHES PA'I 'JAM BSNYEN BYAS TE BSGRUB BO,, SMAN PHUD DANG GTOR MA NANG MCHOD LTAR BYIN GYIS BRLAB CING BSGRUB BO, ,RAKTA BYIN GYIS BRLAB PA NI, SNGAR LTAR BSANGS SBYANGS, STONG PA'I NGANG LAS AA LAS THOD PA STONG GSUM DANG MNYAM PA'I NANG DU MA LAS NYI MA'I DKYIL 'KHOR GYI STENG DU RANG GI THUGS KA'I HR'I: LAS RAm YIG DMAR PO 'PHROS, 'OD DU ZHU BA LAS RAKTA'I RGYA MTSO RBA KLONG BSNOL MAR 'KHRUG PA TSIL CHEN GYI DAR CHAGS PA, RANG BZHIN STONG PA NYID, RNAM PA RAKTA, NGO BO YUM GYI BYANG CHUB KYI SEMS THAMS CAD KYI 'BYUNG GNAS SU GYUR PAR BSAMS LA, AOm MA H'A PADMA RAKTA H'Um, ZHES BZLAS PAS BYIN GYIS BRLAB BO, ,DE NAS TSOGS ZHING MCHOD PA NI, AOm BADZRA SA MA YA H'Um DZA: RANG GI THUGS KA'I HR'Im: LAS 'OD ZER 'PHROS PAS BLA MA DANG GNYIS SU MED PA'I YANG GSANG KHROS PA KHRAG 'THUNG LHA DGU'I DKYIL 'KHOR SANGS RGYAS DANG BYANG CHUB SEMS DPA'I TSOGS DANG BCAS PA MDUN GYI NAM MKHAR SPYAN DRANGS, 'OD ZER RANG GI SNYING GA'I HR'I: LA THIM, H'Um; DPAL CHEN KHRO BO MI BZAD PA, ,RTA MCHOG DPAL LA PHYAG 'TSAL LO, ,KHRO MO YUM LA PHYAG 'TSAL LO, ,SPRUL PA'I SKU LA

PHYAG 'TSAL LO, ,SGO MA BZHI LA PHYAG 'TSAL LO, ,ZHES PHYAG BYA, RANG GI THUGS KA'I HR'I: LAS BYUNG BA'I MCHOD PA'I LHA MO RNAMS KYIS MCHOD PAR GYUR PAR BSAMS LA, HR'I: BADZRA KRO DHA HA YA GR'I BA SA PA RI W'A RA AARGHAm PRA T'ITZTSA YE SV'A H'A, DE BZHIN DU SHAPTA 'I BAR DU SBYAR LA PHYI'I MCHOD PA DANG, AOm SARBA PANYTZA AA MRi TA LA KHA RAm KH'A HI, AOm MA H'A PADMA RAKTA AA MRi TA LA KHA RAm KH'A HI, AOm DZNY'A NA SA MA TI PU DZA TE A'A: H'Um, ZHES PA RNAMS KYIS SMAN RAG TING NGE 'DZIN DANG BCAS PAS MCHOD, H'Um; BDAG CAG MA RIG NYON MONGS SEMS CAN GYIS, ,BAG MED TSUL GYI DAM LAS 'GAL GYUR TE, ,PADMA DBANG CHEN DKYIL 'KHOR LHA TSOGS KYI, ,THUGS DANG 'GAL BA'I LAS NI CI BGYIS PA, ,THUGS RJE CHE MNGA' KHYED LA BZOD PAR GSOL, ,BZOD PAR BZHES NAS TSANGS PA'I DNGOS GRUB STZOL,, ZHES SDIG PA BSHAGS PA DANG, DKON MCHOG GSUM LA BDAG SKYABS MCHI, ,ZHES PA NAS, 'GRO LA PHAN PHYIR SANGS RGYAS 'GRUB PAR SHOG ,CES PA'I BAR GYIS SEMS BSKYED NAS LAM LA SLOB PAR DAM BCA' ZHING, SEMS CAN THAMS CAD BDE BA DANG LDAN PAR GYUR CIG SDUG BSNGAL DANG BRAL BAR GYUR CIG SDUG BSNGAL MED PA'I BDE BA DANG MI 'BRAL BAR GYUR CIG NYE RING CHAGS SDANG GNYIS DANG BRAL BA'I BTANG SNYOMS LA YUN RING DU GNAS PAR GYUR CIG CES TSAD MED BZHI BSGOM, DE NAS TSOGS ZHING RNAMS KYIS BDAG DANG GNAS MCHOD RDZAS DANG BCAS PA BYIN GYIS BRLABS PAR BSAMS NAS BYIN DBAB PA NI, H'Um; YI DAM LHA DANG DKON MCHOG GSUM GYI DNGOS, ,RTZA BRGYUD BLA MA MI MNGON DBYINGS NAS BZHENGS, ,DUR KHROD GSANG BA DBANG DRAG DKYIL 'KHOR DU, ,THOD PA RIN

, ,CHEN LAS GRUB GZHAL YAS KHANG, ,GNAM LCAGS AUR MO'I GZER CHEN TA LA LA, ,SPRUL PA'I LCANG LO MANG PO'I KHA BAD CAN, ,GSANG BA'I ME RI DMAR NAG 'TSUB MAR 'BAR, ,MI RO THOD PHRENG KENG RUS SOGS KYIS BRGYAN, ,RAKTA'I RGYA MTSO RBA RLABS CHIL LI LI, ,RUS CHEN TSOGS KYI PHUNG PO KHRAL LA LA, ,KHRAG DANG ZHAG GI 'BAB CHU ZU LU LU, ,SHA CHEN TSIL CHEN DRI NGAD THUL LU LU, ,TZITTA GSAR RNYING RGYAN MCHOG YE RE RE, ,DBANG CHEN KHRAG 'THUNG RGYAL PO 'KHOR DANG BCAS, , RGYUD SDE BRGYAD KYI LHA TSOGS MANG PO DANG, ,MA MO MKHA' 'GRO'I TSOGS DANG BCAS PA RNAMS, ,GNAS MCHOG 'DI RU BYIN GYIS BRLAB TU GSOL, ,SGRUB MCHOG BDAG LA DBANG ZHIG SKUR DU GSOL, ,BGEGS DANG LOG 'DREN BAR CHAD BSAL DU GSOL, ,MCHOG DANG THUN MONG DNGOS GRUB STZAL DU GSOL, ,GRUB PA'I RTAGS MTSAN MYUR DU BSTAN DU GSOL, ,CHOS NYID ZHI BA'I TSUL GYIS DON MDZAD PA'I, ,BCOM LDAN ZHI BA'I LHA TSOGS DBYINGS NAS BZHENGS, ,KHRO BO'I TSUL GYIS GDUG PA 'DUL MDZAD PA'I, ,'BAR BA KHRO BO'I LHA TSOGS DBYINGS NAS BZHENGS, ,SKYE MED CHOS KYI DBYINGS NAS SKU BZHENGS PA, ,'JAM DPAL SKU YI LHA TSOGS DBYINGS NAS BZHENGS, ,KHAMS GSUM DBANG DU SDUD PA'I LAS MDZAD PA'I, ,PADMA GSUNG GI LHA TSOGS DBYINGS NAS BZHENGS, ,DUS GSUM BDE GSHEGS RNAMS KYI LAS MDZAD PA'I, YANG DAG THUGS KYI LHA TSOGS DBYINGS NAS BZHENGS, ,DUG LNGA GTAN 'JOMS YE SHES LNGA SBYOR BA'I, ,BDUD RTZI YON TAN LHA TSOGS DBYINGS NAS BZHENGS,,

GDUG PA'I TSOGS RNAMS MA LUS TSAR GCOD PA'I, ,PHUR PA PHRIN LAS LHA TSOGS DBYINGS NAS BZHENGS, ,THABS DANG SHES RAB GNYIS MED DGYES ROL BA'I, ,MA MO RBOD GTONG LHA TSOGS DBYINGS NAS BZHENGS, ,BSTAN LA GNOD PA'I DGRA BGEGS TSAR GCOD PA'I, ,DMOD PA DRAG SNGAGS LHA TSOGS DBYINGS NAS BZHENGS, ,LEGS NYES STANGS 'DZIN DAM TSIG RJES GCOD PA'I, ,'JIG RTEN MCHOD BSTOD LHA TSOGS DBYINGS NAS BZHENGS, ,RTZI SHING THAMS CAD YE NAS SMAN DANG BCUD, ,SNANG SRID THAMS CAD YE NAS BYANG CHUB SEMS, ,STONG GSUM THAMS CAD YE NAS GZHAL YAS KHANG, ,RGYUD DRUG THAMS CAD YE NAS RGYAL BA'I SKU, ,SGRA DBYANGS THAMS CAD DRAG PO'I SNGAGS KYI TSIG ,GNAS MCHOG 'DI RU BYIN GYIS BRLAB TU GSOL, , ZHES SOGS SBYAR LA BYIN DBAB, DE NAS, AOm BADZRA AAm KU SHA DZA: ZHES SOGS BRJOD LA TSOGS ZHING RANG LA THIM PAS BYIN GYIS BRLABS PAR BSAM MO, ,DE RNAMS KYIS NI BSOD NAMS KYI TSOGS BSAGS PA STE, 'DZAM BU GLING PA'I MNGAL SKYES KHAMS DRUG LDAN GYIS RANG NYID 'CHI BA'I SNGON ROL DU SKYES NAS MYONG 'GYUR GYI BSOD NAMS KYI LAS 'DU BYAS PA DANG CHOS MTHUN NO, ,DE NAS YE SHES KYI TSOGS BSAGS PA NI, SNANG SRID 'KHOR 'DAS KYIS BSDUS PA'I CHOS THAMS CAD SGYU MA DANG CHU ZLA BZHIN DU RANG BZHIN GYIS GRUB PA RDUL TZAM YANG MED PA'I STONG PA NYID DU GYUR PAR BSAMS LA, SVA BH'A WA'I SNGAGS BRJOD CING, STONG NYID SNYING RJE DBYER MED KYI BYANG CHUB KYI SEMS LA YUN RING DU MNYAM PAR GZHAG GO ,DE NI LAS BSAGS PA'I 'OG TU PHUNG SOGS RIM GYIS THIM STE, 'CHI BA 'OD GSAL MNGON DU BYAS PA DANG RNAM PA MTHUN NO, ,DE RNAMS NI

, ,THOG MAR BYA BA'I RIM PA'O,, GNYIS PA BAR DU BYA BA'I RIM PA LA, GZHI RGYU'I TING NGE 'DZIN GSAL GDAB PA DANG, TING NGE 'DZIN GYI DKYIL 'KHOR BSKYED PA, YE SHES PA DGUG GZHUG BYA BA, DKYIL 'KHOR MCHOD PA'I TSUL LO,, DANG PO NI, DE LTAR SNANG BA THAMS CAD BSDUS PA'I STONG PA'I NGANG LAS RANG GI SEMS YE SHES LNGA'I BDAG NYID CAN GYI H'Um YIG GI RNAM PAR NAM MKHAR GNAS PAR GYUR PAR BSAMS TE, DE NI 'CHI BA 'OD GSAL LAS LUGS LDOG TU BAR DO'I LUS GRUB PA DANG RNAM PA MTHUN PAR BSGOM PA'O,, GNYIS PA LA, DANG PO SBYOR BA'I TING NGE 'DZIN DANG, DKYIL 'KHOR RGYAL MCHOG GI TING NGE 'DZIN GNYIS LAS, DANG PO LA'ANG, THOG MAR RTEN GZHAL YAS KHANG BSKYED PA NI, RANG GI SEMS H'Um YIG TU GNAS PA LAS AE SNGO SKYA, YAm DUD KHA, RAm DMAR PO, KHAm DMAR NAG SUm SER PO, KEm DKAR PO RNAMS RIM PA LTAR CHAD DE STENG NAS STENG DU BRTZEGS PAR GYUR, AE AAGNE MAndA LA, AE LAS NAM MKHA'I DKYIL 'KHOR SNGO SKYA GRU GSUM, YAm KARMA RAKshA MAndA LA, YAm LAS RLUNG GI DKYIL 'KHOR ZLA GAm DUD KHA, RAm DZVA LA MAndA LA, RAm LAS ME'I DKYIL 'KHOR DMAR PO GRU GSUM PA, KHAm RAKTA MAndA LA, KHAm LAS KHRAG GI RGYA MTSO DMAR NAG ZLUM PO, SUm SUKshE MAndA LA, SUm LAS SA'I DKYIL 'KHOR SER PO GRU BZHI PA, KEm MAndA LA, KEm LAS KENG RUS KYI RI RAB GRU BZHI DKAR PO, DE RNAMS STENG NAS STENG DU BRTZEGS PA; DE DAG KYANG PHYI 'BYUNG BA LNGA, NANG YE SHES LNGA, GSANG BA YUM LNGA'I MKHA' KLONG RNAM PAR DAG PA'I BDAG NYID DO, ,BHR'Um BI SHA BI SHUDDHE DZNY'A NA TZAKRA MAndA LA H'Um, RI RAB KYI STENG DU BHR'Um YIG YONGS SU GYUR PA LAS GZHAL YAS KHANG GRU BZHI SGO BZHI RTA

BABS BZHI DANG BCAS PA, PHYI NAS RIM PA BZHIN DU DMAR DKAR SER LJANG NAG PA'I RTZIG PA RIM PA LNGA DANG LDAN PA, DE'I STENG DU RIN PO CHE'I PHA GU SER PO DRA BA DANG DRA BA PHYED PAS BRGYAN PA, STENG NA RIN PO CHE'I MDA' YAB DANG PU SHUS MDZES PA, RTZIG PA'I 'GRAM NAS 'DOD YON GYI SNAM BU DMAR POS BSKOR BA LA 'DOD YON GYI LHA MO BCU GNYIS KYIS MCHOD RDZAS SNA TSOGS THOGS NAS BCOM LDAN 'DAS LA MCHOD PA, NANG THOD SKAM GYI KA BA BRGYAD KYIS BTEG CING, PAD MA'I GDUNG BZHIS MIG MANG RIS SU PHUB PA'I DBUS PHYUR BUR GYUR PA'I STENG DU PADMA'I TOG GIS MDZES PA, SGO BZHI SO SO'I 'GRAM DU KA BA BZHI BZHIS BTEG PA'I RTA BABS SNAM BU BCU GCIG DANG LDAN PA'I RTZE MOR CHOS KYI 'KHOR LO, G-YAS G-YON DU RI DVAGS PHO MO DANG BCAS PA, GZHAN YANG GDUGS DANG RGYAL MTSAN DANG 'PHAN DANG ME TOG GI PHRENG BA DANG ZLA BA RLUNG GIS BSKYOD PA DANG, RNGA YAB NOR BU'I YU BA CAN LA SOGS PAS BRGYAN PA'I GZHAL YAS KHANG GI NANG GI STENG DANG 'OG GI SA GZHI THAMS CAD SHAR DKAR, LHO SER, NUB DMAR, BYANG LJANG BA, DBUS DMAR NAG GRU GSUM ZLA GAM DMAR PO GSUM DANG BCAS PA, DE'I PHYI ROL NAS THOD PA'I PHRENG BA DKAR PO DANG GZHAL YAS KHANG GI NANG THAMS CAD KYANG THOD PA SKAM RLON GYI RTZIG PAS BSKOR BA, GZHAL YAS KHANG GI PHYI ROL TU RDO RJE'I RA BA DANG, YE SHES KYI ME RAB TU 'BAR BAS KUN NAS BSKOR BA'I PHO BRANG CHEN PO'I NANG DU 'KHOR LO RTZIBS BZHI PA'I LTE BAR GRU GSUM DMAR NAG GI STENG DU PAm PADMA MAndA LA, PAm LAS SNA TSOGS PADMA'I LTE BAR AATZANDRA

, ,MAndA LA, AA LAS ZLA BA'I DKYIL 'KHOR, DE'I STENG DU MA S'URYA MAndA LA, MA LAS NYI MA'I DKYIL 'KHOR GYI STENG DU RU TRA BAm, RU TRA PHO MO BYI CHINGS SU BSNOL BA'I GDAN, PHYOGS BZHI'I RTZIBS KYI STENG DU BA BAm, SHAR DU DRI ZA PHO MO, YA MA BAm; LHOR GRUL BUM PHO MO, N'A GA BAm, NUB TU KLU PHO MO, YAKshA BAm, BYANG DU GNOD SBYIN PHO MO BYI CHINGS SU BSNOL BA'I GDAN, SGO BZHIR ZLA BA'I GDAN DANG BCAS PAR GYUR, GDAN DBUS MA'I STENG DU RANG GI SEMS H'Um YIG GI RNAM PAR GNAS PA DE NYID BABS PA YONGS SU GYUR PA LAS HR'I: DMAR NAG DANG, MAm SNGON PO 'OD ZER DPAG TU MED PA 'PHRO BAR GYUR PAR BSAM STE, GZHI DUS LA BAR DO PHA MA'I KHU KHRAG GI DBUS SU NYING MTSAMS SBYAR BA DANG CHOS MTHUN PA'O, ,SPHA RA nA PHAt, YI GE DE GNYIS LAS 'OD ZER 'PHROS, 'PHAGS PA MCHOD, SEMS CAN GYI DON BYAS, PADMA DBANG CHEN GYI GO 'PHANG LA BKOD, SAm HA RA nA H'Um, SLAR 'DUS, TIthA BADZRA BRTAN PAR BYAS, HR'I: BADZRA KRO DHA HYA GRi WA HU LU HU LU H'Um PHAt, HR'I: DMAR PO DE YONGS SU GYUR PA LAS RANG PADMA DBANG CHEN YANG GSANG KHROS PA SKU MDOG DMAR PO ZHAL GSUM PHYAG DRUG ZHABS BZHI PA, RTZA ZHAL DMAR PO, G-YAS ZHAL DKAR PO, G-YON ZHAL LJANG GU DBU GTZUG NA RTA MGO LJANG NAG RNGOG MA DMAR PO, PHROM PHROM SER PO, ZHUR DKAR PO, RTA SKAD 'TSER ZHING, ZHAL RE RE LA DMAR LA ZLUM PA'I SPYAN GSUM GSUM DANG LDAN ZHING MCHE BA RNON PO BZHI BZHI GTZIGS PA, SMIN MA DANG SMA RA DUS MTHA'I ME LTAR 'BAR ZHING DBU SKRA KHAM NAG GYEN DU BRDZES PA, PHYAG DANG PO GNYIS KYIS PADMA DANG BAN DHA,

BAR PA GNYIS KYIS LCAGS KYU DANG ZHAGS PA, THA MA GNYIS KYIS BE CON DANG RAL GRI BSNAMS SHING, ZHING CHEN GYI G-YANG GZHI DANG GLANG PO CHE'I KO BAS STOD G-YOGS PA, STAG GI PAGS PA'I SHAM THABS CAN, THOD SKAM LNGA'I DBU RGYAN DANG, THOD PA TSAL BUS DPUNG PA BRGYAN CING, THOD RLOM LNGA BCU TSAR GSUM GYI DO SHAL CAN, SBRUL RIGS BZHI DANG RIN PO CHE'I RGYAN GYIS BRGYAN CING, KHRAG GI THIG LE DANG, ZHAG GI SOR RIS DANG, THAL CHEN GYI TSOM BUS BRGYAN PA, GAR GYI NYAMS DGU DANG LDAN ZHING, KHAMS GSUM LAS RNAM PAR RGYAL BA'I KHYUNG GSHOG CAN, ZHABS BZHI G-YAS BSKUM ZHING G-YON BRKYANG PA'I STABS KYIS YE SHES KYI ME RAB TU 'BAR BA'I DBUS NA BZHUGS PA, AOm MA H'A KRO DHI SHVA R'I H'Um PHAt, MAm SNGO NAG DE YONGS SU GYUR PA LAS YUM PADMA GAR GYI DBANG PHYUG MA SKU MDOG MTHING NAG ZHAL GCIG PHYAG GNYIS MA SPYAN GSUM SDANG MIG TU LTA BA, ZHAL RAB TU BGRAD CING MCHE BA RNAM PAR GTZIGS PA, DBU SKRA RAL PA KHAM NAG MUN PA LTAR GTIBS SHING, PHYAG G-YAS DGRA BGEGS KYI TZITTA THOGS NAS YAB LA 'KHYUD CING, G-YON THOD PA KHRAG GIS BKANG BA YAB KYI ZHAL DU STOB PA, THOD SKAM LNGA'I DBU RGYAN DANG, THOD RLON LNGA BCU'I DO SHAL CAN, G-YON PHYOGS NAS YAB KYI SKU LA 'KHRIL BA, DE NAS SKU GSUNG THUGS BYIN GYIS BRLAB PA NI, YAB YUM GNYIS KYI SPYI BOR ZLA BA'I STENG DU AOm DKAR PO, MGRIN PAR PADMA DMAR PO 'DAB MA BRGYAD PA'I LTE BAR A'A: DMAR PO, THUGS KAR NYI MA'I DKYIL 'KHOR GYI STENG DU H'Um SNGON PO RNAMS BSAMS TE, AOm A'A: H'Um ZHES BRJOD DO, ,DE NAS YE

, ,SHES LNGA'I BDAG NYID CAN GYI HE RU KA LNGAS DBANG BSKUR BA NI, RANG GI SPYI BOR THOD PA'I KHANG BU LNGA'I NANG DU SPYI GTZUG TU H'Um SNGON PO, MTSOG STENG DU AOm DKAR PO, RNA LTAG G-YAS SU SV'A SER PO, LTAG PAR A'A: DMAR PO, RNA LTAG G-YON DU H'A LJANG KHU, DE RNAMS YONGS SU GYUR PA LAS H'Um BADZRA HE RU KA AA BHI shINYTZA H'Um ZHES BRJOD PAS BADZRA HE RU KA SNGON PO RDO RJE DANG DRIL BU 'DZIN PA, BUDDHA HE RU KA DKAR PO 'KHOR LO DANG DRIL BU 'DZIN PA, RATNA HE RU KA SER PO RIN PO CHE DANG DRIL BU 'DZIN PA, PADMA HE RU KA DMAR PO PADMA DANG DRIL BU 'DZIN PA, KARMA HE RU KA LJANG GU RAL GRI DANG DRIL BU 'DZIN PA, THAMS CAD KYANG PHYAG RGYA DRUG GI RGYAS BTAB CING, DUR KHROD KYI CHAS BRGYAD DANG LDAN PAS DBU BRGYAN PAR GYUR PAR BSAM MO, ,GNYIS PA NI YAB KYI GSANG GNAS MI DMIGS PA'I NGANG LAS H'Um LAS BYUNG BA'I RDO RJE SNGON PO RTZE LNGA PA BU GA PHAt KYIS BKAG PA, YUM GYI GSANG GNAS MI DMIGS PA'I NGANG LAS, A'A: LAS BYUNG BA'I PADMA DMAR PO 'DAB MA BRGYAD PA BU GA PHAt KYIS BKAG PA, YAB YUM SNYOMS PAR ZHUGS PA'I DGA' BA'I SGRAS SANGS RGYAS THAMS CAD SPYAN DRANGS PA YAB KYI ZHAL DU ZHUGS, THUGS KAR 'OD DU ZHU BA RDO RJE'I LAM NAS YUM GYI PADMAR BABS PA'I BYANG CHUB KYI SEMS KYI THIG LE DE NYID H'Um H'Um H'Um H'Um DZA: H'Um BAm HO: STE YI GE BRGYAD PO 'OD ZER GYI PHUNG PO DANG BCAS PAR GYUR, DE RNAMS YUM GYI PADMA LAS SPROS TE PHYOGS BZHI'I RTZIBS KYI GDAN GYI STENG DANG, SGO BZHI'I NANG GI GDAN GYI STENG DU 'KHOD PA YONGS SU GYUR PA LAS SPRUL PA'I KHRO BO BZHI DANG SGO MA BZHIR GYUR PA NI, BADZRA KRO DHA

SHVA RA H'Um PHAt, SHAR RTZIBS KYI GDAN GYI STENG DU RDO RJE DBANG CHEN SKU MDOG DKAR PO ZHAL GCIG PHYAG GNYIS KYI PHYAG G-YAS RDO RJE DANG G-YON DBYUG THO BSNAMS PA, RATNA KRO DHA SHVA RA H'Um PHAt, LHO RTZIBS KYI GDAN GYI STENG DU RIN CHEN DBANG CHEN SKU MDOG SNGON PO G-YAS RIN PO CHE DANG G-YON LCAGS KYU 'DZIN PA, PADMA KRO DHA SHVA RA H'Um PHAt, NUB RTZIBS KYI GDAN GYI STENG DU PADMA DBANG CHEN SKU MDOG DMAR PO G-YAS PADMA DANG G-YON ZHAGS PA 'DZIN PA, KARMA KRO DHA SHVA RA H'Um PHAt, BYANG RTZIBS KYI GDAN GYI STENG DU LAS KYI DBANG CHEN SKU MDOG LJANG GU G-YAS RAL GRI DANG G-YON RTZE GSUM BSNAMS PA, THAMS CAD KYANG ZHAL SO SO LA DMAR LA ZLUM PA'I SPYAN GSUM GSUM DANG LDAN ZHING, ZHAL RAB TU GDANGS NAS MCHE BA RNAM PAR GTZIGS PA, DBU SKRA KHAM SER GYEN DU BRDZES PA LA SBRUL GYIS BCINGS SHING DPAL GYI CHAS BRGYAD DANG LDAN PA, ZHABS G-YAS BSKUM ZHING G-YON BRKYANG PA'I GAR STABS KYIS YE SHES KYI ME RAB TU 'BAR BA'I KLONG DKYIL NA BZHUGS PAR GYUR, AOm BADZRA SPHO tA BAm AAm GU SHA DZA: SHAR SGOR LCAGS KYU MA DKAR MO KHRAG GI RAL PA CAN, ZHAL GCIG PHYAG GNYIS KYI PHYAG G-YAS LCAGS KYU 'DZIN PA, AOm BADZRA P'A SHA H'Um, LHO SGOR ZHAGS PA MA SER MO G-YU'I RAL PA CAN G-YAS ZHAGS PA 'DZIN PA, AOm BADZRA SPHO tA BAm, NUB SGOR LCAGS SGROG MA DMAR MO MTHING GI RAL PA CAN G-YAS LCAGS SGROG 'DZIN PA, AOm BADZRA GHAndA HO: BYANG SGOR DRIL BU MA LJANG GU GSER GYI RAL PA CAN G-YAS DRIL BU 'DZIN PA, THAMS CAD KYANG G-YON SNYING 'DZIN CING MCHE BA RNAM PAR GTZIGS PA'I

, ,ZHAL CAN, DUR KHROD KYI CHAS BRGYAD KYIS BRGYAN CING, ZHABS G-YAS BSKUM ZHING G-YON BRKYANG BA'I STABS KYIS YE SHES KYI ME RAB TU 'BAR BA'I DBUS NA BZHUGS PAR BSAMS LA, H'Um; CHOS NYID NAM MKHA'I KLONG YANGS NAS, , CHOS RNAMS SNA TSOGS RANG SHAR BA, ,RANG BZHIN MED DE CHU ZLA 'DRA, ,THUGS RJE CHEN POS KUN LA KHYAB, ,SNYING PO YE SHES H'Um GI DBYIBS, ,CHEN PO LNGA YI SNYING PO LA, ,'BYUNG BA LNGA YI DVANGS MA CHAGS, ,YE SHES 'BAR BA'I GZHAL YAS KHANG, ,CHOS KYI DBYINGS KYI GNAS CHEN PO, ,'KHOR LO DBANG CHEN PHO BRANG LDAN, ,PHYI NANG MED PAR YONGS SU GSAL, ,GDAN GDING SKU BSKYED DBANG BSKUR ZHING, ,BYIN GYIS BRLAB PA RAB TU BYA, ,YAB YUM GNYIS MED SBYOR BA LAS, ,SPRUL PA'I DKYIL 'KHOR RAB TU STON, ,ZHES BRJOD LA, RTEN BRTEN PA'I DKYIL 'KHOR THAMS CAD BDE STONG DBYER MED KYI YE SHES KYI GZUNG RNAM, SNANG STONG TSOGS PA NAM MKHA'I 'JA' TSON LTA BUR YID NGOR GSAL BTAB LA 'CHAR DU GZHUG GO ,GSUM PA NI, LHA THAMS CAD KYI SPYI BOR AOm DKAR PO, MGRIN PAR A'A: DMAR PO, THUGS KAR H'Um SNGON PO, BDAG NYID KYI THUGS KA'I HR'I: LAS 'OD ZER 'PHROS PAS 'OG MIN GYI GNAS NAS YANG GSANG KHROS PA KHRAG 'THUNG LHA DGU'I DKYIL 'KHOR SKAD CIG GIS SPYAN DRANGS, BADZRA SA MA YA H'Um DZA: H'Um; CHOS KYI DBYINGS NAS SKU BZHENGS PA, ,DBANG CHEN KHROS PA'I RGYAL PO BZHENGS, ,DBUS NYID YE SHES GZHAL YAS NAS, ,PADMA RTA MCHOG GSHEGS SU GSOL, ,YUM CHEN KHRO MO GSHEGS SU GSOL, PHYOGS BZHI 'KHOR LO'I RTZIBS STENG NAS, ,SPRUL PA'I KHRO BO

GSHEGS SU GSOL, ,SGO BZHI GNAS KYI GZHAL YAS NAS, ,SGO MA RNAM BZHI GSHEGS SU GSOL, ,AE HYE HI BHAG WAN MA H'A K'A RU nI KA BADZRA DH'A TU SA PA RI W'A RA DZA: H'Um BAm HO: DAM TSIG PA SO SO DANG GNYIS SU MED PAR GYUR, SA MA YA HO: H'Um; DAM TSIG CHEN PO'I DKYIL 'KHOR 'DIR, ,YE SHES DBANG CHEN DKYIL 'KHOR MCHOG ,PHO BRANG DAM TSIG DKYIL 'KHOR 'DIR, ,DGYES BZHIN BRTAN PAR BZHUGS SU GSOL, ,SA MA YA STVAm, ZHES YE SHES PA SPYAN DRANGS, DAM TSIG PA DANG GNYIS SU MED PAR BSTIM, BZHUGS SU GSOL NAS DKYIL 'KHOR GYI LHA LA PHYAG 'TSAL BA NI, H'Um; DPAL CHEN KHRO BO MI BZAD PA, ,ZHES PA NAS, SGO SRUNG BZHI LA PHYAG 'TSAL LO, ,ZHES PA'I BAR BRJOD LA, AA TI PU HO: PRA TI DZA HO: ZHES PHYAG BYA, BZHI PA LA, MCHOD BSTOD BZLAS PA DANG BCAS PA JI LTAR BYA BA'I TSUL DANG, DNGOS GRUB BLANG BA'I TSUL DANG, LONGS SPYOD TSOGS KYI MCHOD PA BYA BA'I TSUL GSUM LAS, DANG PO LA MCHOD BSTOD BZLAS PA GSUM GYI, MCHOD PA LA YANG PHYI NANG GI MCHOD PA GNYIS LAS, PHYI'I MCHOD PA NI, RANG GI SNYING GA'I SA BON LAS BYUNG BA'I LHA MO MCHOD RDZAS THOGS PA DPAG TU MED PAS MCHOD PAR BSAMS LA, H'Um; GNYIS MED BDE CHEN DBYINGS LAS BYUNG, ,ZAG MED BDE STER MCHOD YON 'DI, ,PADMA DBANG CHEN DKYIL 'KHOR LA, ,BDAG NYID DAD PAS 'BUL LAGS KYI, ,THUGS RJES DGONGS LA BZHES SU GSOL, ,AOm NA MA: SARBA TA TH'A GA TA AARGHAm P'U DZA ME GHA SA MU DRA SPHA RA nA SA MA YA SHRI YE H'Um, DE BZHIN DU MCHOD YON GYI GNAS SU ZHABS BSIL DANG, AARGHAm GYI GNAS SU P'A DYAm SOGS BCUG STE, SHAPTA 'I BAR DU SBYAR TE DBUL, GNYIS PA NANG GI MCHOD PA LA BDUD RTZI

, ,SMAN GYI MCHOD PA, GSANG BA RAKTA'I MCHOD PA, ZAB PA SBYOR SGROL GYI MCHOD PA, DAM RDZAS GTOR MA'I MCHOD PA, DUG LNGA DAM RDZAS KYI MCHOD PA, 'DOD YON LNGA'I MCHOD PA RNAMS LAS, BDUD RTZI SMAN GYI MCHOD PA NI, MCHOD PA'I LHA MO NAM MKHA'I KHAMS GANG BA RNAMS KYIS THOD PA'I NANG NAS ZAG MED KYI BDUD RTZIS MCHOD PAR, BSAMS LA, THOG MAR RTZA BRGYUD KYI BLA MA RNAMS LA 'BUL BA NI, H'Um, RANG BYUNG GDOD NAS RNAM PAR DAG ,RTZA BRGYAD STONG LAS SBYAR BA'I SMAN, ,YE SHES LNGA RDZOGS GRUB PA'I RDZAS, ,'CHI MED BDUD RTZI RA SA YIN, ,DAM RDZAS MCHOG GI MCHOD PA 'DI, ,RTZA BRGYUD BLA MA'I TSOGS RNAMS LA, ,BDAG GIS DAD PAS 'BUL LAGS KYI, ,BZHES TE 'PHRUL GYI DNGOS GRUB STZOL, ,CHOS SKU SNANG BA MTHA' YAS ZHAL DU SARBA PANYTZA AA MRi TA LA KHA RAm KH'A HI, LONGS SKU PADMA DBANG CHEN ZHAL DU SARBA PANYTZA AA MRi TA LA KHA RAm KH'A HI, SPRUL SKU PADMA 'BYUNG GNAS ZHAL DU SARBA PANYTZA AA MRi TA LA KHA RAm KH'A HI, DPAL LDAN GRUB THOB MDAR CHAR ZHAL DU x, BO DONG PA BRTZON 'GRUS RDO RJE'I ZHAL DU x, GNYAN CHEN BSOD NAMS BRTAN PA'I ZHAL x, MKHAN CHEN CHOS RGYAL CHEN PO'I ZHAL x, KUN MKHYEN DPAL LDAN SENG GE'I x, MKHAS GRUB RIN CHEN DPAL BZANG x, GRU STON KUN DGA' BZANG PO'I x, DRAN MCHOG DON YOD RGYAL MTSAN ZHAL DU x, GRUB MCHOG KUN DGA' RGYAL MTSAN ZHAL DU x, DRIN CAN RTZA BA'I BLA MA'I ZHAL DU SARBA PANYTZA AA MRi TA LA KHA RAm KH'A HI, ZHES LAG PA G-YON PA'I MTHEB SRIN GYIS BDUD RTZI SMIN PHRAG GI THAD NAS GTOR LA MCHOD, DE NAS DKYIL 'KHOR GYI LHA RNAMS LA 'BUL BA NI, BDUD RTZI SNYING GA'I THAD NAS 'THOR ZHING,

H'Um; RANG BYUNG GDOD NAS RNAM PAR DAG ,KHRO RGYAL PADMA DBANG CHEN LA, ,x HRI: BADZRA KRO DHA HA YA GR'I WA SARBA PANYTZA AA MRi TA LA KHA RAm KH'A HI, YUM CHEN PADMA GAR DBANG LA, ,x MA H'A KRO DHI SHVA R'I SARBA PANYTZA AA MRi TA LA KHA RAm KH'A HI, SPRUL PA'I KHRO BO BZHI RNAMS LA, ,x BADZRA KRO DHA SHVA RA SOGS, SGO SRUNG CHEN MO BZHI RNAMS LA, ,BDAG GIS DAD PAS 'BUL LAGS KYI, ,BZHES NAS 'PHRUL GYI DNGOS GRUB STZOL, ,BADZRA AAm KU SHA DZA: SOGS KYI MTHAR, SARBA PANYTZA AA MRi TA LA KHA RAm KH'A HI, DE NAS RANG NYID KYIS DNGOS GRUB KYI TSUL DU BDUD RTZI BLANG BA NI, DKYIL 'KHOR PA'I LHA RNAMS KYI GNAS GSUM NAS AOm A'A: H'Um GI YI GE GSUM BYUNG BA 'OD DKAR DMAR MTHING GSUM GYI RNAM PAR ZHU BAS BDUD RTZI LA THIM PA MTHEB SRIN GYIS RANG GI LCE THOG TU BZHAG PAS DKYIL 'KHOR PA'I LHA THAMS CAD KYI SKU GSUNG THUGS KYI DNGOS GRUB THOB PAR BSAMS LA, H'Um; YE SHES KHRO BO DBANG CHEN GYI, ,SKU GSUNG THUGS KYI DNGOS GRUB MCHOG ,RNAL 'BYOR LUS NGAG YID LA THIM, ,GNYIS MED GYUR NAS BRTAN PA CHE, ,AOm A'A: H'Um K'A YA WA KA TZITTA SIDDHI PHA LA YA ZHES BRJOD, SLAR YANG, H'Um; RANG BYUNG RNAM DAG GRUB SMAN 'DI, ,RNAL 'BYOR BDAG CAG GUS PA YIS, ,PADMA DBANG CHEN DKYIL 'KHOR LA, ,MCHOD PAR 'BUL LO KHA RAm KH'A HI, ZHES PAS DKYIL 'KHOR PA'I LHA LA SMAN PHUD RKYANG PA NYID KYANG DBUL, GSANG BA RAKTA'I MCHOD PA NI, YANGS SHING RGYA CHE BA'I THOD PA'I NANG RNAMS NAS RAKTA'I RGYA MTSO PHUL BAR BSAM ZHING, RAKTA DMAR GYI MCHOD PA 'DI, ,PADMA DBANG CHEN DKYIL 'KHOR LA, MCHOD PAR 'BUL LO KHA RAm KH'A HI, HR'I: BADZRA KRO DHA HA YA GR'I WA

, ,SA PA RI W'A RA MA H'A RAKTA LA KHA RAm KH'A HI, ZAB PA SBYOR SGROL GYI MCHOD PA LA, THOG MAR SBYOR BA'I MCHOD PA NI, 'DOD YON GYI LHA MO GZUGS DANG LANG TSO PHUN SUM TSOGS PA NAM MKHA'I KHAMS GANG BA DKYIL 'KHOR BA'I LHA RNAMS LA PHUL BAS DE RNAMS DANG SNYOMS PAR ZHUGS PA LAS BDE STONG DBYER MED KYI TING NGE 'DZIN GYIS DGYES PA SKYED PAR BSAMS TE, GSANG BA THABS DANG SHES RAB LAS, ,PADMA NOR BU MNYAM SBYOR BAS, ,DGYES PA CHEN PO'I BDE CHEN DANG, ,BYANG CHUB SEMS KYI MCHOD PA 'DI, ,PADMA DBANG CHEN DKYIL 'KHOR LA, ,MCHOD PAR 'BUL LO BZHES SU GSOL, ,ZHES BRJOD, SGROL BA'I MCHOD PA NI, RANG GI THUGS KA'I SA BON GYI 'OD ZER GYIS DGRA BGEGS THAMS CAD MDUN DU BKUG PAR GYUR, H'Um; SPRUL PA'I KHRO BO 'BAR BA YIS, ,'KHOR BA'I NYON MONGS RGYA DRAL NAS, ,DUG LNGA DBYINGS SU BSGRAL BAR BYA, ,RANG GI THUGS KA'I SA BON GYI 'OD ZER LAS BYUNG BA'I LAS BYED KYI KHRO BO RNAMS KYIS DGRA BGEGS RNAMS SKAD CIG GIS BSGRAL BAR GYUR, AA MU KA M'A RA YA PHAt, CES BRJOD LA DGRA BGEGS KYI SHA KHRAG GI PHUNG PO DKYIL 'KHOR BA'I LHA RNAMS KYIS GSOL BAR BSAMS LA, H'Um; ZHING GYUR THAMS CAD RANG BZHIN BSGRAL, ,SHA KHRAG SROG DBUGS MCHOD PA 'DI, ,PADMA DBANG CHEN DKYIL 'KHOR LA, ,MCHOD PAR 'BUL LO BZHES SU GSOL, ,HR'I: PADMA TA KRID HA YA GR'I WA SARBA BIGHN'AN SHA TRUm KHA RAm KH'A HI, ZHES DBUL, DAM RDZAS GTOR MA'I MCHOD PA NI, GTOR MA NGO BO ZAG PA MED PA'I YE SHES KYI BDUD RTZI LA RNAM PA DGRA BGEGS BSGRAL BA'I SHA KHRAG GI PHUNG PO, BYED LAS ZAG PA MED PA'I BDE

BA KHYAD PAR CAN STER BAR SNGAR BSHAD PA LTAR BYIN GYIS BRLABS NAS, DKYIL 'KHOR PA'I LHA THAMS CAD KYI LJAGS H'Um LAS SKYES PA'I RDO RJE RTZE GCIG PA DMAR PO 'OD ZER GYI SBU GU CAN DU GYUR PAS GTOR MA'I BCUD THAMS CAD DRANGS TE GSOL BAR BSAM ZHING, KHYAD PAR 'DOD YON MCHOD PA'I MCHOG ,SHA KHRAG RKANG RUS GTOR MA YIS, ,KHRO RGYAL DBANG CHEN THUGS DAM BSKANG, ,YUM CHEN KHRO MO'I THUGS DAM BSKANG, ,SPRUL PA'I KHRO BO'I THUGS DAM BSKANG, ,SGO MA BZHI YI THUGS DAM BSKANG, , ZHES BRJOD LA, HR'I: BADZRA KRO DHA SOGS SNGAGS RNAMS KYI MTHAR MA H'A BA LIm TA LA KHA RAm KH'A HI ZHES BTAGS LA DBUL, 'DOD YON DRUG GI MCHOD PA NI, 'DOD YON GYI LHA MO DRUG GIS DKYIL 'KHOR GYI LHA LA MCHOD PAR BSAMS LA, GZUGS KYI LHA MO SKU MDOG DKAR, ,GZUGS KYI LONGS SPYOD SNA TSOGS 'DZIN, ,DBANG CHEN KHRO BO'I SPYAN LA 'BUL, ,BZHES NAS DNGOS GRUB STZAL DU GSOL, ,SGRA YI LHA MO SKU MDOG SNGO, ,SGRA YI LONGS SPYOD SNA TSOGS 'DZIN, ,DBANG CHEN KHRO BO'I SNYAN LA 'BUL, ,x DRI YI x, ,SER x, ,SHANGS LA x, ,RO YI x, ,DMAR x, ,LJAGS x, ,REG BYA'I LHA MO SKU MDOG LJANG, ,REG BYA'I x, ,DBANG CHEN KHRO BO'I SKU LA 'BUL, ,x CHOS DBYINGS LHA MO SKU MDOG DKAR, ,PHYAG NA CHOS KYI 'BYUNG GNAS 'DZIN, ,DBANG CHEN KHRO BO'I THUGS LA 'BUL, ,BZHES NAS DNGOS GRUB STZAL DU GSOL, ,DUG LNGA DAM RDZAS KYI MCHOD PA NI, DGRA BGEGS KYI SHA KHRAG RUS PA NANG KHROL MKHRIS PA DANG BCAS PA PHUL BAS DUG ALNGA'I DRI MA THAMS CAD DAG NAS SKU GSUNG THUGS YON TAN

, ,PHRIN LAS DANG BCAS PA'I DNGOS GRUB THOB PAR BSAMS LA, H'Um; SHA KHRAG RUS PA NANG KHROL MKHRIS, ,'DOD CHAGS ZHE SDANG GTI MUG DANG, ,NGA RGYAL PHRAG DOG MCHOD PAR 'BUL, ,SKU GSUNG THUGS DANG YON TAN DANG, ,PHRIN LAS DNGOS POR BZHES SU GSOL, ,ZHES 'BUL, DE NAS BSTOD PA BYA BA NI, ROL MO DBYANGS DANG BCAS PAS, HR'I: RANG BZHIN CHOS KYI SKU LAS RANG BYUNG BA, ,DMAR NAG GRU GSUM DBANG GI DKYIL 'KHOR NAS, ,PADMA 'KHYIL BA DBANG CHEN KHRO BO'I SKU, ,THUGS RJE THABS KYIS SPRUL SKUR BZHENGS SU GSOL, ,BDUD PHO BDUD MO BYI CHINGS BSNOL BA'I KHRI, ,CHAGS MED PADMA NYI ZLA'I GDAN STENG NA, ,DUS GSUM DBANG SGYUR YE SHES LHA YI LHA, ,DBANG CHEN PHRAG THUNG HA YA GR'I BA'I SKU, ,SKU MDOG DMAR NAG ZHAL GSUM PHYAG DRUG PA, ,ZHABS BZHI BRKYANG BSKUM RNGAM 'GYING BRJID PA'I SKU, ,SPYAN GSUM ZHAL BGRAD DBANG GI MCHE BA GTZIGS, ,SMIN MA SMRA RA AAG TSOM ME LTAR 'BAR, ,DBU SKRA KHAM NAG RAL PA GYEN DU 'BAR, ,SPYI GTZUG RTA MGO LJANG GU ZIL GNON RNGAM, ,RNGOG MA DMAR PO DBANG GI RTA SKAD 'TSER, ,G-YAS DKAR G-YON LJANG DBUS DMAR RNGAM SGRA SGROG ,SKU STOD ZHING LPAGS GLANG CHEN KO RLON GSOL, ,SKU SMAD STAG GI SHAM THABS BDUD DPUNG 'DUL, ,THOD RLON TSAR GSUM PHRENG BAS RGYAN DU MDZES, ,SBRUL CHEN RIGS BZHIS SKU BRGYAN PHYAG ZHABS SPRAS, ,DANG PO PADMA BAN DHAS DBANG DU SDUD, ,BAR PA LCAGS KYU ZHAGS PAS DMIGS PA 'GUGS, ,THA MA BE CON RAL GRIS DGRA BGEGS SGROL, ,DBANG DRAG ME DPUNG KLONG DKYIL RIN CHEN

SPRAS, ,SKU LA DUR KHROD CHAS BRGYAD RDZOGS PAR LDAN, ,DBANG CHEN GDUG PA'I SPYAN RTZA ZLOG PA YIS, ,SNANG SRID DREGS PA THAMS CAD DBANG DU SDUD, ,SHANGS NAS RLUNG NAG 'TSUB PA'I BSKAL PA 'BYUNG, ,SNANG SRID KUN 'THOR MTHU CHEN DRAG RTZAL 'DUL, ,SNYAN NAS BSKAL PA'I 'BRUG STONG DI RI RI, ,SRID PA'I CHE BTZAN THAMS CAD ZIL GYIS GNON, ,TSEMS LAS DRAG PO'I THOG CHEN PHAB PA YIS, ,SDANG DGRA GNOD BGEGS THAL BA'I RDUL DU RLOGS, ,ZHAL NAS RAKTA'I RGYA MTSO 'KHRUG CING 'KHYIL, ,BSTAN PA BSHIG PA'I DGRA LA SKYI THANG PHOB, ,KHRO RGYAL DBANG GI RTA SKAD TSER RE RE, ,THUGS RJES DBANG CHEN CHE BTZAN DBANG DU SDUD, ,PADMA DBANG CHEN KHRAG 'THUNG MI BZAD PA, ,KHYOD KYI DBANG DRAG PHRIN LAS DUS LA BAB, ,SDANG DGRA GNOD BYED THAL BA RDUL DU RLOGS, ,HR'I: KHRO RGYAL DBANG CHEN SKU YI G-YON PHYOGS NA, ,KHRO MO PADMA GAR GYI DBANG PHYUG MA, ,SKU MDOG MTHING NAG ZHAL GCIG PHYAG GNYIS MA, ,SPYAN GSUM ZHAL BGRAD DBANG GI MCHE BA GTZIGS, ,DBU SKRA RAL PA NAG PO MUN LTAR GTIBS, ,SKU LA DUR KHROD CHAS BRGYAD LEGS PAR BRGYAN, ,PHYAG G-YAS TZITTA THOGS NAS YAB LA 'KHYUD, ,PHYAG G-YON DUNG CHEN DMAR 'KHYIL GTZO LA STOB, ,KHRO MO KUN GYI DBANG PHYUG CHEN MO KHYOD, ,RNGAM PA'I NGA ROS THAMS CAD ZIL GYIS GNON, ,SPYAN NAS KHRAG 'DZAG ZHAL NAS MI RO 'DRUL, ,SNYAN NAS 'BRUG SGROG SHANGS NAS RLUNG NAG 'TSUB, ,KHYOD KYI DBANG DRAG PHRIN LAS DUS LA BAB, ,SDANG DGRA GNOD BYED THAL BA RDUL DU RLOGS, ,HR'I: YAB YUM THABS DANG SHES RAB

, ,ROL PA LAS, ,THUGS KYI SPRUL PA DBANG CHEN KHRO BO'I SKU, ,SHAR PHYOGS 'KHOR LO 'BAR BA'I RTZIBS STENG NA, ,DRI ZA PHO MO BSNOL BA'I GDAN STENG NA, ,RDO RJE DBANG CHEN DKAR PO KHRO BO'I SKU, ,ZHAL GCIG PHYAG GNYIS DUR KHROD CHAS BRGYAD RDZOGS, ,SPYAN GSUM ZHAL BGRAD MCHE GTZIGS MI RO ZA, ,DBU SKRA KHAM NAG GYEN BRDZES SBRUL GYIS BCINGS, ,PHYAG G-YAS RDO RJES DGRA BGEGS MGO LUS GSHOG ,PHYAG G-YON DBYUG THOS MYOS SHING BRGYAL BAR BYED, ,ME DPUNG KLONG NA 'GYING ZHING GAR STABS TSUL, ,RNGAM PA'I NGA RO 'BRUG STONG DI RI RI, ,THUGS KYI SPRUL PAS STONG GSUM KHYAB PAR BYED, ,KHYOD KYI DBANG DRAG PHRIN LAS DUS LA BAB, ,SDANG DGRA GNOD BYED THAL BA RDUL DU RLOGS, ,HR'I: YAB YUM THABS DANG SHES RAB ROL PA LAS, ,THUGS KYI x, ,LHO PHYOGS x, ,GRUL BUM x, ,RIN CHEN DBANG CHEN MTHING NAG KHRO BO'I SKU, ,ZHAL GCIG PHYAG GNYIS DUR KHROD CHAS BRGYAD RDZOGS, ,SPYAN GSUM x, ,DBU SKRA x, ,PHYAG G-YAS RIN CHEN DBYU GUS DGOS 'DOD SKONG,, PHYAG G-YON LCAGS KYUS BLA 'GUGS TZITTA 'BYIN, ,ME DPUNG LA SOGS PA'I TSIG 'OG MA KUN LA 'GRE, DE NAS RKANG PA DANG PO GNYIS 'DRA BA LA, NUB PHYOGS x, ,KLU DBANG x, ,PADMA DBANG CHEN DMAR SMUG x, ,RKANG PA GSUM PA 'GRE, PHYAG G-YAS PADMAS CHE BTZAN DBANG DU SDUD, ,PHYAG G-YON ZHAGS PAS LUS DANG YAN LAG 'CHING, ,BYANG PHYOGS x, ,GNOD SBYIN x, ,PHRIN LAS DBANG CHEN LJANG DMAR x, ,PHYAG G-YAS RAL GRIS RTZA DANG SROG DBUGS GCOD, ,PHYAG G-YON KHA tV'Am RTZE GSUM DUG GSUM SGROL, ,HR'I:

SHAR PHYOGS DUNG GI SGO KHYUD NAS, ,BUD MED DKAR MO 'JIGS TSUL CAN, ,KHRAG GI RAL PA SHAR RA RA, ,PHYAG NA LCAGS KYUS DGRA SNYING 'BYIN, ,RINGS PAR KHUG CIG AAm KU SHA ,LHO PHYOGS GSER x, ,SER MO x, ,G-YU YI RAL PA SHAR RA RA, , PHYAG NA ZHAGS PAS BLA TSE 'GUGS, ,CHINGS SHIG SDOMS SHIG P'A SHA H'Um, ,NUB PHYOGS ZANGS KYI SGO KHYUD NAS, ,DMAR MO x, ,MTHING GI x, ,PHYAG NA LCAGS SGROG TSE SROG BSTIM, ,RTEN LA BSTIM ZHIG SPHO tA BAm, ,BYANG PHYOGS G-YU YI SGO KHYUD NAS, , LJANG GU x, ,PHYAG NA DRIL BUS BRGYAL BAR BYED, ,MYOS PAR GYIS SHIG GHAndA HO:, ,ZHES BSTOD CING BSKUL LO, ,'DIR 'PHRO NYID DU GYING LNGA GZA' GDONG GI SKUL GSUNGS PA NI 'OG NYID DU BRIS PA'O, ,BZLAS PA BYA BA'I TSUL NI, RANG GTZO BO'I NGA RGYAL LA GNAS PA'I THUGS KAR PADMA DMAR PO 'DAB MA BRGYAD PA'I LTE BAR HR'I: DMAR PO 'DAB MA LA SNGAGS KYIS BSKOR BA DE LAS 'OD ZER DUS MTHA'I ME LTA BU DRAG CING RTZUB LA 'BAR ZHING 'KHYIL BA PHYOGS BCUR 'PHROS PAS DE BZHIN GSHEGS PA THAMS CAD LA PHYI NANG GSANG GSUM GYI MCHOD PA PHUL, SKU GSUNG THUGS KYI DNGOS GRUB THAMS CAD BSDUS NAS RANG LA THIM, SEMS CAN THAMS CAD KYI SDIG SGRIB SBYANGS, DPAL RTA MGRIN GYI GO 'PHANG LA BKOD, BAR DU GCOD PA'I DGRA BGEGS THAMS CAD BYA SGRO MES BSREGS PA BZHIN DU THAL BA'I RDUL PHRAN TZAM YANG MA LUS PAR BSREGS PAR BSAMS LA,, HR'I: BADZRA KRO DHA HA YA GR'I WA HU LU HU LU H'Um PHAt, CES 'DZAB CI NUS BZLA, YUM DANG 'KHOR RNAMS KYI BZLAS PA BYA TSUL NI, LHA RANG RANG GI THUGS KAR PADMA 'DAB MA BRGYAD PA'I LTE BAR

, ,RANG RANG GI SNGAGS KYIS BSKOR BA LA DMIGS PA SNGAR BZHIN GTAD LA, AOm MA H'A KRO DHI SHVA R'I H'Um PHAt, YUM GYI DANG, AOm BADZRA KRO DHA SHVA RA H'Um PHAt, AOm RATNA KRO DHA SHVA RA H'Um PHAt, AOm PADMA KRO DHA SHVA RA H'Um PHAt, AOm KARMA KRO DHA SHVA RA H'Um PHAt, CES KHRO BO BZHI DANG, AOm BADZRA AAm KU SHA DZA: AOm BADZRA P'A SHA H'Um, AOm BADZRA SPHO tA BAm, AOm BADZRA GHAndA HO, ZHES SGO MA BZHI'I SNGAGS RNAMS BZLA'O, ,BZLAS PA'I MTHAR YI GE BRGYA PAS LHAG CHAD KHA BKANG ZHING, MCHOD PA BSDUS PA NANG MCHOD SMAN RAG DANG BCAS PAS KYANG MCHOD LA, PADMA RIGS KYI KHRO RGYAL MCHOG ,DBANG CHEN PADMA HE RU KA ,MI BZAD KHRO BO RTA MCHOG DPAL, ,DBANG DRAG STOBS CHEN RNGAM BRJID GTUM, ,SKU MDOG DMAR NAG BRJID CING 'GYING, ,DBU GSUM RNAM THAR GSUM YANG STON, ,PHYAG DRUG RGYUD DRUG RTZAD NAS GCOD,, ZHABS BZHIS 'KHOR BA'I CHOS BZHI SGROL, ,DUR KHROD CHAS BRGYAD SKU LA RDZOGS, ,RTA MGO LJANG GU RTA SKAD 'TSER, ,ME DPUNG 'BAR BA'I KLONG NA BZHUGS, ,RNGAM PA'I NGA RO 'BRUG STONG SGROG ,DREGS PA PHO MO DBANG DU SDUD, ,DBANG CHEN SKU LA PHYAG 'TSAL LO,, ZHES 'DZAB BSTOD BYA, SPROS PA LA MI DGA' NA GONG DU'ANG BSTOD PA 'DI NYID BYA, DE LTAR BSNYEN PA BYAS PA LAS 'GRUB PA'I MTSAN MA NI, RGYUD LAS, SKU NYID DNGOS SU MTHONG BA 'AM, ,SLOB DPON NYI ZLA MGO LA 'CHAR, ,RDZAS LA ME 'BAR 'OD 'PHRO ZHING, ,SGRUB KHANG G-YO 'GYUR SGRA CHEN 'BYUNG, ,PADMA'I SDONG POR 'DUG PA DANG, ,SNANG SRID ME TOG PADMAS KHENGS, ,SANGS RGYAS NYAG GCIG CHOS NYAN PA, ,RMI LAM MNGON SUM PHYI NANG GSANG, ,MTHONG NAS DNGOS GRUB DAM RDZAS BLANG, ,DRAG PO'I LAS RNAMS KUN LA SBYAR, ,ZHES GSUNGS PAS, MTSAN MA DE DAG GANG YANG RUNG BA RNYED NAS LAS

SBYOR LA 'JUG GI GZHAN DU MI RUNG STE, MTSAN MA MA MTHONG LAS RTZOM PA, ,'JA' TSON SBAR ZIN DON MED YIN, ,ZHES GSUNGS PA LTAR RO, ,GNYIS PA DNGOS GRUB BLANG BA'I TSUL NI, H'Um: KHRO RGYAL RNGAM CHEN RTA MCHOG DPAL, ,DPAL GYI SKU GSUNG THUGS MCHOG LAS, ,MCHOG GI DNGOS GRUB YE SHES DBYIG ,DUS 'DIR BDAG LA STZAL DU GSOL,, ZHES PAS DNGOS GRUB BLANG, DUS GSUM LONGS SPYOD TSOGS KYI MCHOD PA BYA BA'I TSUL NI, TSOGS KYI YO BYAD RNAMS BSANGS SBYANGS BYIN GYIS BRLAB PA NANG MCHOD DANG GTOR MA LTAR BYAS LA, MGRON SPYAN DRANGS PA NI, RANG GI THUGS KA'I SA BON LAS 'OD ZER 'PHROS PAS, RANG BZHIN GYI GNAS NAS YANG GSANG KHROS PA LHA DGU'I DKYIL 'KHOR LA RTZA BRGYUD KYI BLA MA, YI DAM DKYIL 'KHOR GYI LHA TSOGS, GNAS GSUM MKHA' 'GRO, CHOS SKYONG SRUNG MA, YUL LHA GZHI BDAG GI TSOGS DANG BCAS PAS BSKOR BA SKAD CIG GIS SPYAN DRANGS, H'Um, RANG BZHIN RNAM DAG NGANG NYID LAS, SPRUL PA'I KHRO BO MI BZAD PA, ,PADMA DBANG CHEN DKYIL 'KHOR LHA, ,LONGS SPYOD TSOGS LA GSHEGS SU GSOL, ,AE HYE HI BHA GA WAN MAH'A K'A RU nI KA BADZRA DH'A TU SA PA RI W'A RA BADZRA SA MA YA DZA: ZHES SPYAN DRANGS LA MDUN GYI NAM MKHAR BZHUGS PAR BSAMS TE, PADMA KA MA LA YE STVAm, ZHES GDAN PHUL, DE NAS TSOGS KYI MCHOD PA BYA BA LA GSUM LAS, DANG PO BSTOD DE 'BUL BA NI, 'DOD YON GYI LHA MO RNAMS KYIS SPYAN DRANGS PA'I YE SHES PA'I MGRON RNAMS LA 'DOD PA'I YON TAN LNGA DANG LDAN PA'I TSOGS KYI MCHOD PA NAM MKHA'I KHAMS GANG BAS MCHOD PAR GYUR PAR BSAMS LA, H'Um: MDZES SDUG GZUGS KYI MCHOD PA 'DI, ,PADMA DBANG CHEN SPYAN LA

, ,'BUL, ,SPYAN GYI THUGS DAM SKONGS GYUR CIG ,GZUGS KYI MCHOD PA BZHES SU GSOL, ,SNYAN PA SGRA YI MCHOD PA 'DI, ,PADMA DBANG CHEN SNYAN LA 'BUL, ,SNYAN GYI THUGS DAM SKONGS GYUR CIG ,SGRA YI MCHOD PA BZHES SU GSOL, ,DRI ZHIM NGAD KYI MCHOD PA 'DI, ,PADMA DBANG CHEN SHANGS LA 'BUL, ,SHANGS KYI THUGS DAM SKONGS GYUR CIG ,DRI YI MCHOD PA BZHES SU GSOL, ,ZHAL ZAS RO YI MCHOD PA 'DI, ,PADMA DBANG CHEN LJAGS LA 'BUL, ,LJAGS KYI THUGS DAM SKONGS GYUR CIG ,RO YI MCHOD PA BZHES SU GSOL, ,'JAM PA REG BYA'I MCHOD PA 'DI, ,PADMA DBANG CHEN SKU LA 'BUL, ,SKU YI THUGS DAM SKONGS GYUR CIG ,REG BYA'I MCHOD PA BZHES SU GSOL,, ZHES DBUL, GNYIS PA BSHAGS TE 'BUL BA NI, SNGAR LTAR TSOGS KYI MCHOD PA PHUL NAS, RANG GI DAM TSIG NYAMS CHAG THAMS CAD DAG PAR BSAMS TE, H'Um, BDAG CAG MA RIG NYON MONGS SEMS CAN GYI, ,ZHES SOGS KYIS BSHAGS PA BYAS PAS NYAMS CHAG MA LUS PAR DAG PAR BSAM MO,, GSUM PA BSTABS TE 'BUL BA NI, RANG GI THUGS KA'I SA BON GYI 'OD ZER GYIS DGRA BGEGS THAMS CAD MDUN DU BKUG PAR GYUR, H'Um, SPRUL PA'I KHRO BO 'BAR BA YIS, ,'KHOR BA'I NYON MONGS RGYA DRAL NAS, ,DUG LNGA DBYINGS SU BSGRAL BAR BYA, ,RANG GI THUGS KA'I SA BON GYI 'OD ZER LAS BYUNG BA'I LAS BYED KYI KHRO BO PHUR BU ME 'BAR BA THOGS PA RNAMS KYIS DGRA BGEGS RNAMS SKAD CIG GIS BSGRAL BAR GYUR, AA MU KA M'A RA YA PHAt, CES BRJOD LA TSOGS DE NYID DGRA BGEGS BSGRAL BA'I SHA KHRAG GI PHUNG POR BSAMS LA, H'Um: ZHING GYUR

THAMS CAD DBYINGS SU BSGRAL, ,SHA KHRAG SROG DBUGS MCHOD PA 'DI, ,PADMA DBANG CHEN DKYIL 'KHOR LA, ,MCHOD PAR 'BUL LO BZHES SU GSOL, ,HR'I: PADM'ANTA KRITA HYA GRi WA SA PA RI W'A RA SARBA BIGHN'AN SHA TRUm GA NA TZAKRA P'U DZA LA KHA RAm KH'A HI, ,ZHES ZHAL DU BSTABS PAS DGRA BGEGS KYI SHA KHRAG MA LUS PAR GSOL BAS RGYUD BDE BA CHEN POS TSIM PAR BSAM MO, ,DE NAS TSOGS LA SGRUB PA PO RNAMS LONGS SPYOD PA'I TSUL NI, LAS KYI RDO RJES, GZIGS SHIG MDZES LDAN DAM PA'I CHOS, ,'DI LA THE TSOM BYAR MI RUNG, ,BRAM ZE KHYI DANG GDOL PA PHAG ,RANG BZHIN GCIG TU DGONGS TE ROL, ,ZHES BRJOD LA DRANG ZHING, RNAL 'BYOR PA RNAMS KYIS, BDE BAR GSHEGS PA'I CHOS KYI MCHOG ,'DOD CHAGS DRI MA MED PA 'DI, ,GZUNG 'DZIN RNAM PAR SPANGS PA YI, ,DE BZHIN NYID LA BDAG PHYAG 'TSAL, ,AA LA LA HO: ZHES BLANGS TE, LHA'I RNAL 'BYOR GYI NGANG NAS NANG GI SBYIN SREG GI TSUL DU LONGS SPYAD, DE NAS TSOGS LHAG MA RNAMS BSDUS PA LA RANG GI YA RKAN 'OD DPAG MED DANG, MA RKAN GOS DKAR MOR BSAMS TE, DE GNYIS SNYOMS PAR ZHUGS PA'I BYANG CHUB KYI SEMS KYIS GTOR BAS BDUD RTZI'I RGYA MTSO CHEN POR GYUR PAR BSAMS TE, NANG MCHOD KYI KHA PHRUS BRAN LA, HR'I: DMAR NAG GRU GSUM DBANG GI DKYIL 'KHOR NAS, ,BCOM LDAN PADMA DBANG CHEN DANG, ,YUM CHEN GAR GYI DBANG PHYUG MA, ,LHAG MA'I TSOGS KYIS BSKOR BA NI, ,BDE GSHEGS KHYUNG DANG GZA' GDONG DANG, ,MA MO SDE BRGYAD 'KHOR DANG BCAS, ,BOD KHAMS SKYONG BA'I BSTAN MA SOGS, ,LHAG MA'I MCHOD PA 'DI BZHES LA, ,RNAL 'BYOR BCOL BA'I PHRIN LAS MDZOD, ,LHAG MA'I TSOGS LA KHA RAm KH'A HI, ,ZHES PAS

, ,TSOGS KYI LHAG MA BSNGO, THA MAR BYA BA'I RIM PA LA, BKA' SDOD LA GTOR MA 'BUL BA, GTOR MA PHYI ROL TU GSHEGS SHING BSTAN MA BSKYANG BA, NYE BAR BSDU ZHING BZOD PAR GSOL NAS SHIS BRJOD PA'I TSUL LO,, DANG PO LA CHOS SKYONG LCAM SRING LA GTOR MA 'BUL TSUL NI, MCHOD GTOR RNAMS PHYAG LEN BZHIN DU BSHAMS TE BYIN GYIS BRLABS LA, CHOS SKYONG 'KHOR BCAS SKYED PA NI, SVABH'A WA SA STONG PAR SBYANGS, STONG PA'I NGANG LAS RANG GI MDUN DU RTA KHRAG DANG MI KHRAG GI RGYA MTSO CHEN PO DMAR LA DVANGS PA RBA KLONG GRU GSUM BSNOL MAR 'KHRUG PA'I DBUS SU ZANGS KYI RI GRU BZHI PA'I STENG DU PADMA NYI MA RTA RO MI RO BRTZEGS PA'I GDAN LA, PRAm DANG ZANGS GRI LAS SKYES PA'I GNOD SBYIN CHEN PO SKU MDOG DMAR PO, ZHAL GCIG PHYAG GNYIS PA, PHYAG G-YAS 'BAR BA DANG BCAS PA'I ZANGS KYI RAL GRI NAM MKHA' LA 'PHYAR BAS DAM NYAMS KYI SROG RTZA GCOD CING, G-YON MDA' GZHU DANG DGRA BGEGS KYI GLO SNYING THUGS KAR 'DZIN PA'I MCHAN KHUNG G-YON NA BSE'I RU MTSON DMAR PO BSNAMS PA, ZHAL RAB TU GDANGS SHING MCHE BA RNON PO BZHI GTZIGS NAS LJAGS RNAM PAR BSKYOD PA, SPYAN GSUM DANG LDAN ZHING KHRO GNYER SHIN TU BSDUS PA, SMIN MA DANG SMA RA DUS MTHA'I ME LTAR RAB TU 'BAR ZHING DBU SKRA KHAM SER LTAG PAR BCINGS PA, MI MGO SKAM PO LNGA'I DBU RGYAN DANG, KHRAG 'DZAG PA'I MGO BO RLON PA LNGA BCU'I DO SHAL CAN, SKU LA ZANGS KYI BEG RTZE DANG DAR GYI RAL GU DMAR POS BRGYAN CING, ZHABS LA SAG LHAM DMAR PO GSOL BA, SGEG PA DPA' BA MI SDUG PA'I GZUGS CAN G-YAS BSKUM ZHING G-YON BRKYANG PA'I GAR STABS GYIS YE

SHES KYI ME 'BAR BA'I KLONG DKYIL NA BZHUGS PA, DE'I G-YON DU MAm LAS RIG PA'I LHA MO GDONG DMAR MA SKU MDOG SNGO NAG GDONG PA BSE, SO DUNG, SMIN MA G-YU, ME'I RAL PA LA MCHONG DANG MU MEN GYIS BRGYAN CING, GSER GYI RNA RGYAN 'PHYANG BA, GCER MO SPYAN DANG ZHAL BGRAD CING, G-YAS ZANGS KYI RAL GRI DGRA LA 'PHYAR ZHING, G-YON LCAGS KYI PHUR BU BGEGS LA 'DEBS PA, DRED MO MI ZAN LA ZHON PA, GTZO BO'I G-YAS SU PRAm LAS LAS MKHAN SROG BDAG DMAR PO ZHAL GCIG PHYAG GNYIS G-YAS MDUNG DMAR 'PHYAR ZHING G-YON BTZAN GYI ZHAGS PA DGRA LA 'DEBS PA, BSE KHRAB DANG BSE RMOG GYON ZHING LCE SPYANG SMYON PA LA ZHON PA, MTSAN MO RGYU ZHING DGRA BGEGS LA 'O DOD 'BOD PA, GTZO 'KHOR GSUM GYI SHAR DU MI DMAR KHRA MA, LHOR RI TZI MI DMAR, NUB TU KRO DHI MI DMAR, BYANG DU SROG BDAG KO SHANG, SHAR LHOR AAm KRI MI DMAR, LHO NUB TU RO KRI MI DMAR, NUB BYANG TU HAm SHANG MI DMAR, BYANG SHAR DU SROG BDAG THAL BA STE, GRI THOGS BRGYAD DANG BSHAN PA NYI SHU RTZA GCIG PO THAMS CAD KYANG SKU MDOG DMAR PO, G-YAS ZANGS KYI RAL GRI 'PHYAR ZHING, G-YON LA LA RGYU MA'I LAG DOG BYED PA, LA LA GLO SNYING MCHIN PA 'BRAD PA, LA LA SNYING KHRAG KLAD PA BLDAG PA, LA LA SHA KHRAG SPAR GYIS 'DEBS PA, LA LA RUS PA RKANG MAR 'CHA' BA, LA LA PAGS PA DMAR BSHUS BYED PA, LA LA SHA GDAN DMAR PO 'DINGS PA, THAMS CAD KYANG DGRA BO'I SROG LEN PA, MI LPAGS KYI G-YANG GZHI DANG BA GLANG GI KO BA RLON PA GYON PA, GZHAN YANG BTZAN DMAR STONG, BDUD

, ,DANG GNOD SBYIN SRIN PO SUM STONG, MA MO 'BUM SDE, THE'U RANG STONG LA SOGS PA DAM CAN RGYA MTSO'I DMAG TSOGS DPAG TU MED PAS BSKOR BA'I GTZO 'KHOR THAMS CAD KYI SPYI BOR AOm, MGRIN PAR A'A: THUGS KAR H'Um, RANG GI THUGS KA'I H'Um LAS 'OD ZER 'PHROS PAS BYANG SHAR MA RU TZE'I DUR KHROD BRAG DMAR PO MCHONG LDING GI PHO BRANG NAS GNOD SBYIN DREGS PA LCAM SRING 'KHOR DANG BCAS PA SKAD CIG GIS SPYAN DRANGS, KYEE; YUL GCIG MYA NGAM 'DAS PA BDUN GYI PHA ROL NA; ;MDA' NA KHRAG MTSO PHU NA ZANGS BRAG BRTZEGS, ,MI RO RTA RO MANG PO GCAL DU BKRAM, ,MI KHRAG RTA KHRAG DU MA MTSO RU 'KHYIL, ,'KHOR YUG ZANGS RI'I 'PHRENG BAS KUN NAS BSKOR, ,BSE MKHAR SMUG PO MCHONG GI BA GAM CAN, ,THOD PA BRTZEGS PA'I GZHAL YAS CHEN PO NAS, ,CHOS SKYONG DREGS PA LCAM SRING GSHEGS SU GSOL, ,'KHOR TSOGS BSHAN PA'I TSOGS KYANG GSHEGS SU GSOL, ,ZHING BCU'I DAM NYAMS DGRA BO GDUL BA DANG, ,RNAL 'BYOR BDAG GIS LAS BCOL BSGRUB PA'I PHYIR, ,DA LTA NYID DU GNAS 'DIR GSHEGS SU GSOL, ,DA LTA NYID DU GNAS 'DIR GSHEGS NAS KYANG, ,RINGS PA'I TSUL GYIS MCHOD GTOR 'DI BZHES LA, ,NAG PO'I PHYOGS DANG GANG LA DMIGS PA YI, ,GNOD BYED DGRA BGEGS THAL BA'I RDUL DU RLOGS, ,RAKMO PRA nA A'ATMA SA PA RI W'A RA AA KARshA YA DZA: DZA: H'Um BAm HO: DAM TSIG PA DANG GNYIS SU MED PAR GYUR, PADMA KA MA LA YE STVAm, CHOS NYID ZHI BA'I NGANG LAS MA G-YOS KYANG, ,MA RUNGS GDUL PHYIR DRAG PO'I SKUR BSTAN NAS, ,MTHU

STOBS PHUN TSOGS BSTAN BA SRUNG MDZAD PA'I, ,SGROL GYING BSHAN PA DMAR PO LA PHYAG 'TSAL, ,BKA' YI 'KHOR GNAS YE SHES SRUNG MA'I TSOGS, ,RNAL 'BYOR 'DOD PA'I BDE STER GSANG BA'I YUM, ,LAS BYED BSHAN PA GTUM PO SDE LNGA DANG, ,MA MO THE RANG TSOGS LA GUS PAS 'DUD, ,CES PHYAG BYA, AOm RAKMO PRA nA A'ATMA SA PA RI W'A RA AARGHAm PRA T'I TZTSA YE SV'A H'A, DE BZHIN DU SHAPTA 'I BAR DU SBYAR LA MCHOD PA DBUL, AOm A'A: H'Um MTHAR BTAGS LA NANG MCHOD PHUL TE, RANG YI DAM DU GSAL GSAL BA'I THUGS KA'I SA BON LAS 'OD ZER 'PHROS, CHOS SKYONG LCAM SRING GI THUGS KAR NYI MA'I STENG DU RANG RANG GI SNGAGS PHRENG GIS BSKOR BA LA PHOG PAS THUGS RGYUD BSKUL, RANG DBANG MED PAR BKA' NYAN CING CI 'DOD PA'I LAS BSGRUB PAR BSAMS LA, AOm PRA nA A'ANGMA KshI RU PU RU shA LO HI TA SARBA SHA TRUm M'A RA YA H'Um PHAt, CES PA YAB KYI SNGAGS DANG, AOm RAKMO YA MA TZITTA DZVA LA RAm PRA TI DE WI H'Um SROG LA YA MA DZA: SARBA SHA TRUm M'A RA YA RBAD PHAt, CES YUM GYI SNGAGS CI MANG BZLAS PA'I MTHAR, CHOS SKYONG 'KHOR DANG BCAS PA'I LJAGS H'Um LAS SKYES PA'I RDO RJE RTZE GCIG PA DMAR PO 'OD KYI SBU GU CAN DU GYUR PAS GTOR MA'I BCUD THAMS CAD DRANGS TE GSOL BAR BSAMS LA, AOm RAKMO PRA nA A'ATMA SA PA RI W'A RA SARBA BIGHN'AN SHA TRUm AI DAm BA LIm TA KHA KHA KH'A HI KH'A HI, ZHES PA LAN BDUN GYIS GTOR MA DBUL, SLAR YANG MCHOD PA DANG NANG MCHOD PHUL NAS, KYE RGYA GAR YUL GYI DGRA LHA, MA RU TZE'I GNAS SRUNG, LI YUL CHOS KYI SRUNG MA, MA H'A DE WA'I BKA' NYAN, GSHIN RJE'I GSHED KYI BKA' SDOD, YAB GNOD SBYIN ZANGS KYI RAL PA CAN DANG,

, ,YUM SRIN MO KHRAG GI RAL PA CAN GYI SRAS GNOD SBYIN CHEN PO ZANGS KYI BEG TZE CAN, SRING MO SRID PA'I LHA MO GDONG DMAR MA, 'KHOR SROG GCOD BSHAN PA'I TSOGS DANG BCAS PA KHYED RNAMS KYIS SHA KHRAG DMAR GYI GTOR MA 'DI BZHES LA; SANGS RGYAS KYI BSTAN PA SRUNGS, DKON MCHOG GI DBU 'PHANG BSTOD, BLA MA'I SKU TSE SRINGS, RNAL 'BYOR PA BDAG GIS SANGS RGYAS MA THOB KYI BAR DU 'GAL RKYEN THAMS CAD SOL, MTHUN RKYEN THAMS CAD SGRUBS, GNOD BYED DGRA BGEGS THAMS CAD DRAG PO'I CHAD PAS SKAD CIG NYID LA THAL BA'I RDUL PHRAN BZHIN DU BRLAG PAR MDZOD CIG CES BKA' BSGO, 'OG NAS 'BUL BA LTAR GYI BSKANG RDZAS RNAMS BSANG SBYANGS BYAS LA, RANG RANG GI MING YIG DANG PO THIG LES BRGYAN PA ZHU BA LAS BYUNG BA'I GNOD SBYIN LCAM SRING MNYES PAR BYED PA'I DAM RDZAS SPYAN GZIGS MCHOD PA'I BYE BRAG BSAM GYIS MI KHYAB PA ZHIG GNOD SBYIN LCAM SRING 'KHOR DANG BCAS PA'I SPYAN LAM DU 'BYUNG ZHING RGYAS PAR GYUR CIG CES BRJOD LA, AOm SARBA BID PU RA PU RA SOGS KYI NAM MKHA' MDZOD KYI SNGAGS DANG PHYAG RGYAS BYIN GYIS BRLABS LA 'BUL BA NI, KYE; DUS GSUM RGYAL BA'I BSTAN SRUNG MTHU RTZAL CAN, ,SROG BDAG DMAR PO 'KHOR BCAS SPYAN LAM DU, ,NAM MKHA' GANG BA'I DAM RDZAS SPYAN GZIGS TSOGS, ,'BYUNG ZHING RGYAS LA THUGS DAM SKONGS GYUR CIG ,RA DMAR KHRAG CHANG MCHOD YON MTSO LTAR 'KHYIL, ,DBANG PO LNGA YI ME TOG RI LTAR SPUNGS, ,SHA CHEN TSIL CHEN DUD PA SPRIN LTAR 'KHRIGS, ,ZHUN CHEN SGRON ME NYI LTAR 'BAR BA 'DIS, ,GNOD SBYIN DREGS PA LCAM SRING

THUGS DAM BSKANG, ,LAS MKHAN SROG BDAG DMAR PO'I THUGS DAM BSKANG, ,GRI THOGS BSHAN PA'I TSOGS KYI THUGS DAM BSKANG, ,'KHOR TSOGS DAM CAN RGYA MTSO'I THUGS DAM BSKANG, ,'KHOR DANG BCAS PA'I THUGS DAM BSKONGS GYUR NAS,, RNAL 'BYOR DPON SLOB NYAMS CHAGS SOS GYUR CIG ,MI MTHUN RKYEN DANG BAR GCOD ZLOG PA DANG, ,MTHUN PA'I DNGOS GRUB MA LUS STZAL DU GSOL, ,GSER ZHUN 'KHYIL 'DRA MKHRIS PA'I DRI CHAB DANG, ,DGRA BGEGS SHA KHRAG SPUNGS PA'I ZHAL ZAS DANG, ,SNYAN BRJID ROL MO'I SGRA YIS STONG GSUM KHYAB, ,RO BRGYA LDAN PA'I GSER SKYEMS DAM PA 'DIS, ,x RNO SDUG RA G-YO SHA RGYAS DAL GYIS 'GRO, ,MDZES PA'I SPU LDAN MTSAMS SPRIN PHUNG PO BZHIN, ,'JA' TSON LTAR BKRA DAR GYI RGYAN CHA CAN,, SPYAN GZIGS BSE YI RA SKYES KHAM PA 'DIS, ,x ZHOL G-YAG KHAM PA RNAMS NI NGAR 'JO BYED, ,MDZES LDAN RTA MCHOG RNAMS NI GLOG BZHIN 'GYU, ,DUR BYA SRIN BYA'I GAR GYIS MKHA' LAM KHYAB, ,BSE KHRA DAM NYAMS KLAD LA LDING BA 'DIS, ,x SRA ZHING BRTAN PA RDO RJE'I GO KHRAB DANG, ,RNO NGAR MI BZAD SNA TSOGS MTSON CHA DANG, ,DUR BYA'I SGROS RGYAN DAR DMAR G-YO BAS MDZES, ,DGRA BGEGS SNYING LA THOG LTAR RGYUG PA 'DIS, ,x SHA KHRAG GTOR MA'I TSOGS KYIS SA GZHI GANG, ,PHYI NANG 'DOD YON TSOGS KYIS BAR SNANG GANG, ,RGYAL SRID RIN CHEN BDUN GYIS NAM MKHA' GANG, ,DNGOS BSHAMS YID KYIS SPRUL PA'I MCHOD SPRIN 'DIS, ,x SEMS NYID RANG BZHIN MKHA' LTAR RNAM DAG KYANG, ,GLO BUR NYON MONGS SPRIN GYIS G-YOGS

, ,PA'I MTHUS, ,NONGS PAR GANG GYUR BSHAGS DANG BSHAGS YUL DANG, ,BSHAGS BYA DMIGS MED NGANG DU DAG PAR BGYI, ,SGROL GYING SROG BDAG DMAR PO 'KHOR BCAS KYIS, ,GNOD BYED DGRA BGEGS THAMS CAD TSAR CHOD LA, , YID BZHIN NOR DANG DPAG BSAM SHING BZHIN DU, ,MCHOG DANG THUN MONG DNGOS GRUB CHAR DU PHOB, ,CES THUGS DAM BSKANGS NAS GTOR MA BYANG SHAR GYI GTOR STEGS KHAR BSKYAL TE, BYANG SHAR MA RU TZE YI DUR KHROD NAS, ,MCHONG DMAR BRAG LA BRTEN PA'I GNAS BCAS PA, ,SGROL GYING CHEN PO SROG BDAG DMAR PO DANG, ,SROG BDUD CHEN MO BSE YI LAN PHRAN CAN, ,LCAM SRING KHYED KYI BKA' LAS MI 'DA' BA'I, ,LAS MKHAN SROG BDAG DMAR PO 'KHOR DANG BCAS, ,SGROL BYED BSHAN PA GRI THOGS BRGYAD PO DANG, ROL BSHAN NYI SHU RTZA GCIG 'KHOR DANG BCAS, ,BDUD DANG GNOD SBYIN SRIN PO SUM STONG DANG, ,BTZAN DMAR STONG GI DMAG TSOGS 'KHOR DANG BCAS, ,MA MO 'BUM DANG THE'U RANG STONG LA SOGS, ,STON PA'I BKA' NYAN BSTAN SRUNG RGYA MTSO'I TSOGS, ,'DIR GSHEGS RGYAN GYI GTOR MA 'DI BZHES SHIG ,DGRA SHA KHRAG GI MCHOD PA 'DI BZHES SHIG ,GTZANG MA PHUD KYI GSER SKYEMS 'DI BZHES SHIG ,RA DMAR KHRAG CHANG MCHOD YON 'DI BZHES SHIG ,SNGAR BCOL LEGS PA'I GTANG RAG GNYAN PO GTONG, ,DA 'CHOL LEGS PA'I GSOL 'DEBS RTEN DU 'BUL, ,RGYAL BA'I BSTAN DANG BSTAN 'DZIN GCES PAR SKYONGS, ,RNAL 'BYOR BDAG GI GNAS LUS LONGS SPYOD DANG, ,'KHOR DANG YO BYAD BZHON PA LA SOGS PA, ,BCOL

LO LTOS SO SRUNG MA MTHU RTZAL CAN, ,NYIN GSUM BYA RA RGYANG NAS MA G-YEL CIG ,MTSAN GSUM MEL TSE DRUNG NAS MA G-YEL CIG ,RTAG TU SGRUB PA'I STONGS GROGS MA G-YEL CIG ,BLA MAS BCOL BA'I PHRIN LAS MA G-YEL CIG ,SDANG BA'I DGRA LA MNGON PA'I RTAGS STON LA, ,RNAL 'BYOR BDAG GI MGON SKYABS DPUNG GNYEN MDZOD, ,BLA MA'I SKU DGRA BSTAN PA'I SPYI DGRA DANG, ,RNAL 'BYOR SGOS DGRA SEMS CAN YONGS LA 'TSE, ,MA NYES LOG PAR LTA BA'I DGRA DANG BGEGS, ,DPAL MGON KHYOD KYIS SGROL LA BSTAN PA SRUNGS, ,ZHES SPYI BSTABS BYA'O, ,GYING LNGA GZA' GDONG LCAM DRAL LA GTOR MA 'BUL BA'I TSUL NI, GTOR MA PHYAG LEN BZHIN BSHAMS, SNGAR LTAR BYIN GYIS BRLAB PA'AM, YANG NA SNGAGS DRUG PHYAG RGYA DRUG GIS BYIN GYIS BRLABS TE, RANG GI THUGS KA'I SA BON LAS 'OD ZER 'PHROS PAS, YANG GSANG KHROS PA'I DKYIL 'KHOR NAS BKA' SDOD GYING LNGA GZA' GDONG 'KHOR BCAS SPYAN DRANGS, H'Um; PADMA DBANG CHEN DKYIL 'KHOR NAS, ,CHOS KYI DBYINGS LAS MA G-YOS KYANG, ,BSTAN PA GNYAN PO SRUNG BA DANG,, DGRA BGEGS THAL BAR RLOG PA DANG, ,RNAL 'BYOR LAS BCOL BSGRUB PA'I PHYIR, ,SROG GCOD DREGS PA GYING LNGA DANG, ,GZA' GDONG LCAM DRAL 'KHOR DANG BCAS, ,SNGON GYI DAM LAS MA 'DA' BAR, ,RINGS PA'I TSUL GYIS DA TSUR SPYON, ,AE HYE HI, BADZRA SA MA YA DZA: ZHES SPYAN DRANGS TE, RANG GI MDUN DU BZHUGS PAR MOS LA, MGRON RNAMS KYI LJAGS H'Um LAS SKYES PA'I RDO RJE RTZE GCIG PA 'OD KYI SBU GU CAN DU GYUR PAS GTOR MA'I BCUD THAMS CAD DRANGS TE GSOL BAR BSAMS LA, AOm AA K'A RO MU KHAm ZHES

, ,SOGS LAN BDUN GYIS GTOR MA BSNGOS LA, MCHOD PA NANG MCHOD SMAN RAG DANG BCAS PAS KYANG MCHOD NAS BSTOD CING BSKUL BA NI, HR'I: BCOM LDAN PADMA HE RU KA ,DBANG CHEN THUGS KYI SPRUL PA NI, ,SROG BDAG 'OD KYI RGYAL PO BYUNG, ,SKYES MCHOG 'OD KYI MI BO CHE, ,SKU LA SENG GE'I SLOG PA GSOL, ,DBU LA BYI LE DKAR PO BCINGS, ,NAM MKHA' 'JA' YI SKA RAGS CAN, ,CHIBS SU SENG GE DKAR MO CHIBS, ,LCAGS KYI SDER MOS DGRA SNYING 'BYIN, ,G-YAS PA RAL GRIS DGRA SOGS GCOD, ,G-YON PA 'OD KYI ZHAGS PA 'PHEN, ,DGRA BO'I TSE SROG DON SNYING PHYUNG, BSKUL LO DRAG TU DGRA SROG CHOD, ,SHAR GYI DKAR PO DAM TSIG CAN, ,RTA RU DKAR PO NGANG RING ZHON, SKU LA DAR DKAR RAL GU GSOL, ,DBU LA DUNG GI COD PAn CAN, ,PHYAG NA SHEL GYI ZANGS GRI THOGS, ,PHYAG G-YON ZHAGS PA DGRA LA 'DEBS, ,TSANGS PA DUNG GI THOR TSUGS CAN, ,DGRA BO'I LTO PHROL KHONG SNYING PHYUNG, ,LHO YI DGE BSNYEN DAM TSIG CAN, ,SKU LA ZA 'OG SNGO KHRA GSOL, DBU LA BSE MAN 'GYING THOD BCINGS, ,RTA NI KHAM PA LAG DKAR ZHON, ,G-YAS PA BSE YI RDO RJE THOGS, ,G-YON PA TZITTA DMAR PO THOGS, ,GYING CHEN RDO RJE GSHOGS RGOD RTZAL, ,DGRA BO'I SNYING PHYUNG SROG RTZA CHOD, ,NUB KYI BDUD NAG DAM TSIG CAN, ,SKU LA LCAGS KYI ZHUN KHRAB GSOL, ,DBU LA BDUD ZHVA LDING NAG GSOL, ,CHIBS SU BDUD RTA NAG PO CHIBS, ,PHYAG G-YAS BDUD KYI KHRAM SHING BSNAMS, ,PHYAG G-YON ZHAGS PA NAG PO 'DEBS, ,NAG PO GSOD BYED BDUD KYI BU, ,DGRA YI TSE SROG KHRAM LA THOB, ,BYANG GI SROG BDAG DAM TSIG

CAN, ,SKU LA BSE KHRAB DMAR PO GSOL, ,DBU LA BSE RMOG ZANGS RING GSOL, ,CHIBS SU BSE YI RA SKYES CHIBS, ,PHYAG G-YAS ZANGS KYI GRI RINGS BSNAMS, ,G-YON PA ZHAGS PA DGRA LA 'DEBS, ,BSE ROG SROG GCOD LAG DMAR 'GYING, , DGRA BO'I MDANGS PHROGS SROG RTZA CHOD, ,DAM NYAMS MA GTANG SHO RA RE, HR'I: PADMA'I RGYAL PO RTA MCHOG DPAL, ,KHRO RGYAL KHRAG 'THUNG HE RU KA ,THUGS KYI SPRUL PA MI BZAD PA, SKYI THANG CHU 'KHYAG MNGA' BDAG KHYOD, ,KHYAB 'JUG CHEN PO RA HU LA, ,BYI TA SE TA SGRA GCAN 'DZIN, ,DRANG SRONG CHEN PO KUN TU RGYU, ,GZA' RGOD CHEN PO SKYI THANG BDAG ,DUD KHA MGO DGU MIG GIS KHENGS, ,RO SMAD SBRUL GYIS RGYA MTSO 'KHRUG ,PHYAG G-YAS SKYI THANG 'KHOR LO BSNAMS, ,PHYAG G-YON CHU SRIN ZHAGS PA 'PHEN, , DGRA YUL LO THOG RDUL DU RLOGS, ,H'Um; PHYOGS BZHI NAM MKHA'I KLONG DKYIL NA, ,NGAN SNGAGS BDAG MO SKYI THANG PHOB, ,SHAR GYI STAG SRIN (DRAG SRIN ZER BA'ANG 'DUG) ZOR BA GDONG, ,LHO YI BAm SRIN DRED MO GDONG, ,NUB KYI KONG SRIN BA GLANG GDONG, ,BYANG GI 'BROG SRIN CHU SRIN GDONG, ,NGAN SNGAGS BDAG MO KHYED BZHI NI, ,G-YAS PA ZOR BA G-YON NAD RKYAL, ,SKYI THANG CHU RGOD MNGA' BDAG MA, ,DGRA BO'I LO THOG SNA MA LA, ,CHU RGOD 'KHYAG PA'I SKYI THANG PHOB, ,DGRA YUL THAL BA'I RDUL DU RLOGS, ,CES BSKUL LO, ,GNYIS PA GTOR MA PHYI ROL DU GSHEGS SHING BSTAN MA SKYONG BA'I TSUL NI, 'JIG RTEN DANG 'JIG RTEN LAS 'DAS PA'I GTOR MA DANG, BSTAN MA BCU GNYIS KYI GTOR MA PHYAG LEN BZHIN BSHAMS BYIN GYIS BRLABS, PHYI ROL TU KHYER, DE'ANG ZER DU BYED NA, DA NI

, ,GSHEGS SO SHA RA RA, ,ZHES SOGS KYIS GTOR SGO DBYE BA'ANG BYED, DE BZHIN MIN NA RIG 'DZIN SPYI SKUL DANG, DKON MCHOG GI SPYI SKUL SOGS BYAS NAS GTOR MA SPYI LTAR BSKYANGS, KHYAD PAR BSTAN MA BSKYANG BA NI, RANG GI THUGS KA'I HR'I: LAS 'OD 'PHROS, BOD KHAMS SKYONG BA'I BSTAN MA BCU GNYIS LA YUL LHA GZHI BDAG GIS BSKOR BA SPYAN DRANGS, AOm MA MA, ME ME, LA LA, LE LE, TA TA, TE TE, SRING 'GRO MA A'A KARshA YA DZA: ZHES PAS SPYAN DRANGS, DAR DKAR GYI GUR 'JA' 'OD 'KHYIL BA'I NANG DU BZHUGS PAR BSAMS LA, GYING LNGA GZA' GDONG GI SKABS LTAR GTOR MA BSNGOS SHING MCHOD NAS GSER SKYEMS SBRAN ROL MO DANG BCAS PAS, AOm; BDAG NYID CHEN MO RDO RJE KUN GRAGS MA, ,DPAL LDAN LHA RI RDO RJE G-YA' MA SKYONG, ,GANGS KYI YUM CHEN RDO RJE KUN TU BZANG, , 'BROG CHEN 'KHOR 'DUL RDO RJE BGEGS KYI GTZO, ,BDUD MO CHEN MO KHYED BZHI YANG, ,SNGON GYI THUGS DAM RJES DGONGS LA, ,BRAN G-YOG MANG PO'I 'KHOR DANG BCAS, ,LHAB LHUB MANG PO'I RGYAN DANG BCAS, ,SIL SNYAN ROL MO'I SGRA DANG BCAS, , 'DIR SPYON MTHUN PA'I DAM RDZAS BZHES, ,BCOL BA'I PHRIN LAS GRUB PAR MDZOD, ,GANGS DKAR SHA MED RDO RJE SPYAN GCIG MA, ,MKHA' RAG KHYUNG BTZUN RDO RJE DPAL GYI YUM, ,GSER CHEN MKHA' LDING RDO RJE KLU MO DANG, ,RMA RI RAB 'BYAMS RDO RJE GRAGS MO RGYAL, ,GNOD SBYIN CHEN MO KHYED BZHI YANG, ,x KONG BTZUN DE MO RDO RJE BOD KHAMS SKYONG, ,BTZAN LA LO RO RDO RJE SMAN GCIG MA, ,SMAN BTZUN AUG CHOS RDO RJE G-YAS MO SIL, ,G-YU YI DRIL BU RDO RJE GZUGS LEGS MA, ,SMAN MO CHEN MO

KHYED BZHI YANG, ,ZHES PA NAS, BCOL BA'I PHRIN LAS GRUB PAR MDZOD, ,CES PA'I BAR SBYAR LA GTOR MA G-YA' DANG GANGS MTHONG BA'I SAR BSKYAL, DE NAS KYANG SBROS PA LA DGA' NA DBANG PO RAB 'BRING THA MA'I RTA BRO DAG KYANG BYA'O,, GSUM PA NYE BAR BSDU ZHING BZOD PAR GSOL NAS SHIS PA BRJOD PA'I TSUL NYE BAR BSDU BA NI, GZHAL YAS KHANG GDAN DANG BCAS PA 'KHOR GYI LHA RNAMS LA THIM, 'KHOR GYI LHA RNAMS YUM LA THIM, YUM YAB LA, YAB THUGS KA'I PAD 'DAB HR'I: DANG BCAS PA LA, THUGS KA'I PAD 'DAB KYANG HR'I: LA THIM ZHING, HR'I: YANG JE PHRA JE PHRAR GYUR TE MTHAR MI DMIGS PAR BSAMS LA, DE KHO NA NYID KYI RTOGS PA'I LTA BA'I STENG DU RE ZHIG MNYAM PAR GZHAG SLAR YANG DE LAS CHU LAS NYA LDANG BA'I TSUL DU GTZO BO ZHAL GCIG PHYAG GNYIS PA'AM, ZHAL PHYAG YONGS SU RDZOGS PAR LANGS PA'I GNAS LNGAR BYA KHYUNG GI PHYAG RGYA BCAS LA, SPYI BOR AOm HYA GRi BA, MGRIN PAR BHANDHA HR'I: SNYING GAR PADMA BHANDHA HR'I: LTE BAR TZANDA RAG SHA HR'I: GSANG GNAS SU HU LU HU LU H'Um BHYO H'Um, ZHES SNGAGS RNAMS 'OD ZER GYI PHUNG PO CAN DU BSGOMS LA LUS BSRUNG, SLAR YANG MCHOD BSTOD BSDUS PA ZHIG BYAS LAS, AOm PADMA SA TVA SA MA YA ZHES SOGS SNANG BA MTHA' YAS KYI YI GE BRGYA PA LAN GSUM BRJOD DE, MA 'BYOR PA DANG NYAMS PA DANG, ZHES SOGS KYIS BZOD PAR GSOL ZHING LHAG CHAD KHA BSKANG LA THUN MTSAMS SU SNOD THAMS CAD GZHAL YAS KHANG DANG, BCUD THAMS CAD DPAL RTA MGRIN GYI LHA TSOGS SU MOS PA DANG, BZA' BTUNG RNAMS KYANG YE SHES KYI BDUD RTZIR BYIN GYIS BRLABS LA NANG GI SBYIN SREG GI TSUL DU LONGS SPYAD, MTHAR, PHUN SUM TSOGS PA MNGA' BA GSER GYI RI BO 'DRA, ,ZHES SOGS KYI BKRA SHIS KYANG RGYAS PAR BYA'O, ,GANG ZHIG YID LA DRAN PA TZAM GYIS

, ,BDUD SDE MA LUS SKRAG CING 'DAR, ,MTSAN TZAM RNA BAR LHUNG BA YIS KYANG SRID GSUM BGEGS DPUNG 'BYER ZHING 'BROS, ,SNYING NAS SKYABS SU BZUNG BA'I MOD LA 'CHI MED GO 'PHANG BDE BLAG STZOL, ,LHAG PA'I LHA DE BSNYEN CING SGRUB RNAMS KVA YE MCHOG TU SKAL BA BZANG, ,YANG GSANG KHROS PA PADMA GAR GYI GTZO, ,GSANG DON YID BZHIN RGYA MTSO'I 'JUG NGOGS NAS, ,DNGOS GRUB GNYIS KYI NOR BU LEN 'DOD NA, ,SGRUB THABS GRU CHEN 'DI LA BRTEN PAR BYOS, ,'DIR 'BAD LAS BYUNG RNAM DKAR NYI 'OD KYIS, ,NAG PHYOGS BDUD SDE'I MUN PA DRUNGS PHYUNG NAS, ,SKU GSUM 'DAB BRGYA'I TSAL DU GEGS MED PAR, ,GZHAN PHAN SBRANG RTZI'I RO LA SPYOD GYUR CIG, CES PADMA DBANG CHEN YANG GSANG KHROS PA'I SGRUB THABS PHRIN LAS BZHI'I BANG MDZOD CES BYA BA 'DI NI NANG SO CHOS RGYAL CHEN PO CHOS KYI SPYAN DANG LDAN PA NOR 'DZIN RGYAL PO'I BKAS LEGS PAR BSKUL BA LA BRTEN NAS, LAM 'DI LA BRTEN NAS GRUB PA MCHOG BRNYES PA'I DAM PA DAG GI RIGS SU BYUNG BA BTZUN PA DGE 'DUN RGYA MTSO DPAL BZANG POS 'OL KHA STAG RTZE'I PHO BRANG CHEN POR NYE BAR SBYAR BA'I YI GE PA NI SANGS RGYAS MGON PO'O, ,'DIS KYANG BSTAN PA DANG SEMS CAN LA PHAN PA RGYA CHEN PO 'BYUNG BAR GYUR CIG, ,, ` DPAL RTA MGRIN GYI RJES GNANG BYA TSUL NI, BDAG BSKYED RDZOGS PAR BSGOMS, GTOR MA LHAR BSKYED PA SOGS BYAS NAS, SLOB MA KHRUS BYAS, MAndAL PHUL, KUN MKHYEN YE SHES PHUNG PO CAN, ,ZHES SOGS KYIS GSOL BA GDAB, SPYI DANG BYE BRAG GI CHOS BSHAD, BYANG SEMS KYI SDOM PA GZUNG, DE LTAR GSOL BA BTAB CING SDOM PA GZUNG BA SNGON DU BTANG, MAndAL BSTAN PA NI, MDUN GYI GTOR MA 'DI NYID DPAL RTA MGRIN ZHES SOGS KYIS MAndAL

BSTAN, BLA MA YANG DPAL RTA MGRIN DU SGOM DU BCUG STE, BLA MA DANG MDUN BSKYED GNYIS KA'I SPYI BOR AOm DKAR PO, MGRIN PAR A'A: DMAR PO, THUGS KAR H'Um SNGON PO, LTE BAR SV'A SER PO, GSANG GNAS SU H'A LJANG GU DANG BCAS PA GSAL BTAB, DE NAS, BLA MA RIN PO CHE, BDAG LA RTA MGRIN GYI SKU'I SGO NAS BYIN GYIS BRLAB TU GSOL, SKU'I BYIN RLABS LUS LA 'JUG PAR BYIN GYIS BRLAB TU GSOL, LUS KYI NAD GDON ZHI BAR BYIN GYIS BRLAB TU GSOL, BUM PA'I DBANG BSKUR DU GSOL, ZHES GSOL BA 'DEBS SU BCUG LA, DE NAS BLA MA DANG GTOR MA YI DAM DU GSAL BA GNYIS KA'I SPYI BO'I AOm LAS RTA MGRIN SKU MDOG DKAR PO CHE BA RI RAB TZAM, CHUNG BA YUNGS KAR TZAM RDUL PHRA RAB KYI GRANGS DANG MNYAM PA DPAG TU MED PA KHA BA BU YUG 'TSUBS PA BZHIN DU SKYA BUN BUN BYUNG, KHYED RANG GI SPYI BO'I DBUS SU SIB SIB THIM PA'I MOS PA GYIS ZHES BRJOD, AOm BADZRA PADM'AN TA KRID SOGS KYI SNGAGS DRAG TU BRJOD CING, ROL MO'I SGRA BYA'O, ,DE NI SKU'I RJES GNANG NGO, ,DE BZHIN DU BLA MA RIN PO CHE, BDAG LA DPAL RTA MGRIN GYI GSUNG GI SGO NAS, THUGS KYI SGO NAS, SKU GSUNG THUGS YON TAN PHRIN LAS DANG BCAS PA'I SGO NAS, ZHES PA NAS, GSANG BA'I x, SHES RAB YE SHES KYI x, DBANG BZHI PA BSKUR DU GSOL ZHES PA'I BAR 'DON PA BSGYUR LA GSOL BA GDAB, BLA MA DANG GTOR MA YI DAM DU GSAL BA GNYIS KA'I MGRIN PA'I A'A: LAS RTA MGRIN DMAR PO, THUGS KA'I H'Um LAS RTA MGRIN SNGON PO, GNAS LNGA'I YI GE LAS RTA MGRIN DKAR DMAR MTHING SER LJANG BA'I TSOGS RIM PA BZHIN DU ME STAG PHRA MO 'PHROS PA BZHIN

, ,DMAR CHEM CHEM x, CHU'I ZEGS MA 'THOR BA BZHIN SNGO BUN BUN x, NAM MKHA'I 'JA' TSON BZHIN KHRA CHEM CHEM BYUNG, MGRIN PA, SNYING GA GNAS THAMS CAD DU SIB SIB THIM PA'I MOS PA GYIS, ZHES DANG, d'A MA RU DANG ROL MO'I SGRA DRAG TU BYA'O,, DE DAG GIS RIM PA BZHIN DU SKU GSUNG THUGS SO SO DANG, BSDOMS PA'I BYIN RLABS THOB, BUM PA GSANG BA SHES RAB YE SHES DBANG BZHI PA RNAMS THOB PA'I MOS PA GYIS, DE NAS, KHYED RANG RNAM PA'I LUS THA MAL PA 'DI GNAS GYUR, DPAL RTA MGRIN CHEN PO'I SKUR LAM GYIS GYUR PA'I MOS PA MDZOD, DE BRTAN PAR BYA BA'I DON DU GTOR MA YI DAM DU GSAL BA 'DI KHYED RANG RNAM PA'I SPYI BOR BZHAG PAS GDON BGEGS THAMS CAD DPAL RTA MGRIN GYI ZHAL DU DMAR CIR CIR GSOL, KHYED RANG RNAMS KYI SPYI BO NAS 'OD DU ZHU SIM GYIS THIM PAS, KHYED RANG GI LUS NGAG YID GSUM DANG DPAL RTA MGRIN GYI SKU GSUNG THUGS DBYER MED DU GYUR PA'I MOS PA GYIS ZHES BRDA SPRAD LA, GTOR MA SLOB MA'I MGO BOR BZHAG STE, CHOS SKU SNANG BA MTHA' YAS, LONGS SKU PADMA DBANG CHEN, SPRUL SKU PADMA 'BYUNG GNAS, DBON STON SKYER SGANG PA CHEN PO, GNYAN STON SBAS PA'I RNAL 'BYOR, 'GRO MGON CHOS RJE STON PA, MKHAS GRUB SHANGS STON CHEN PO, BYA BTANG RI KHROD RAS CHEN, RGYAL BA BYA BTANG TSUL KHRIMS SHES RAB, MKHAS GRUB TSUL KHRIMS MGON PO, 'JAM DBYANGS THUGS RJE CHOS RGYAL, RNAL 'BYOR GYI DBANG PHYUG DON YOD RGYAL MTSAN, RDO RJE 'CHANG KUN DGA' RGYAL MTSAN DPAL BZANG PO LA SOGS PA RTZA BA DANG BRGYUD PAR BCAS PA'I

DPAL LDAN BLA MA DAM PA RNAMS KYIS BYIN GYIS RLOBS SHIG SLOB MA 'DI RNAMS KYI LUS KYI NA TSA, SEMS KYI SDUG BSNGAL, BAR CHAD CHAGS SGO, NYAM NGA BA YOD PA, STENG GDON GZA', 'OG GDON KLU, BAR GDON RGYAL PO'I GNOD PA, DUS MA YIN PA'I 'CHI BA THAMS CAD LAS SRUNGS SHIG CES LAN GSUM GYI BAR BRJOD, DZA: H'Um BAm HO: ZHES BRJOD, DE NAS RANG GI THUGS KA NAS SNGAGS KYI PHRENG BA DMAR PO ME 'OD 'PHRO BA BYUNG, ZHAL NAS THON, SLOB MA'I ZHAL DU ZHUGS, SNYING GAR NYI GDAN LA HR'I: DMAR NAG GI MTHAR 'KHOD PAS LAS SNGAGS KYI 'OD ZER DRAG CING RTZUB PA, 'BAR ZHING 'KHYIL BA DUS MTHA'I ME LTA BU LUS KYI NANG DANG PHYOGS BCU'I 'JIG RTEN DU 'PHROS PAS GDON BGEGS GDUG PA CAN THAMS CAD GZHOB THUL GYIS LHAG MED DU BSREGS PAR BSAMS LA, 'DI'I RJES ZLOS GYIS SHIG CES BRJOD LA, SNGAGS LAN BDUN BZLAS PA'I MTHAR, BCOM LDAN BDAG LA STZAL LAGS KYI, ,BDAG LA NYE BAR MDZAD DU GSOL, ,LAN GSUM GYI RJES ZLOS BYED DU GZHUG PHRENG BA'AM, ME TOG MGO POR BZHAG STE, BCOM LDAN 'DI LA STZAL LAGS KYI, ,'DI LA NYE BAR MDZAD DU GSOL, ,ZHES BRJOD, DE NAS MAndAL PHUL, TSOGS LA ROL ZHING BSNGO BA DANG BKRA SHIS BYA'O, ,ZHES PA 'DI YANG LAS DANG PO PA 'GA' ZHIG LA PHAN PA'I DON DU DGE 'DUN RGYA MTSO'I DPAL GYIS SMRAS PA'O,, ,, ` NA MO GU RU, SANGS RGYAS KUN DNGOS RTZA BA'I BLA MA DANG, ,GNYIS SU MED PA DPAL LDAN KHRO BO'I RGYAL, ,PADMA DBANG CHEN ZHABS LA GUS BTUD NAS, ,DE YI SGRUB THABS TSUL BZHIN BRI BAR BYA, ,'DIR DPAL RTA MGRIN GSANG SGRUB KYI BSNYEN SGRUB BYA BAR 'DOD PAS,

, ,'DI'I DBANG BSKUR BA LEGS PAR THOB CING, DAM TSIG DANG SDOM PA TSUL BZHIN DU SRUNG BA'I GANG ZAG GIS GNAS DBEN ZHING NYAMS DGA' BAR CI 'BYOR BA'I MCHOD GTOR BZANG BAR BSHAMS LA TSUL 'DI LTAR NYAMS SU BLANG BAR BYA'O, ,AOm SVA BH'A WAS STONG PAR SBYANGS, STONG PA'I NGANG LAS PAm LAS PADMA, RAm LAS NYI MA'I DKYIL 'KHOR GYI STENG DU H'Um LAS RANG NYID BCOM LDAN 'DAS DPAL RTA MGRIN SKU MDOG DMAR PO ZHAL GSUM PHYAG DRUG ZHABS BRGYAD PA, RTZA ZHAL DMAR PO, G-YAS ZHAL LJANG GU G-YON ZHAL DKAR PO, ZHAL RE RE LA'ANG DMAR LA ZLUM PA'I SPYAN GSUM GSUM DANG LDAN ZHING, MCHE BA RNON PO BZHI BZHI GTZIGS PA, DBU RE RE'I STENG NA RTA MGO LJANG NAG RE RE RTA SKAD 'TSER ZHING, RNGOG MA DMAR PO'I GSEB NAS ME STAG 'PHROS PAS STENG TSANGS PA'I 'JIG RTEN NAS 'OG DBANG CHEN GSER GYI SA GZHI LA THUG GI BAR ME'I RVA GUR GYIS 'GENGS PA, PHYAG G-YAS KYI DANG PO NA RDO RJE, GNYIS PA NA PHAN RTZE GSUM PAS MTSAN PA'I KHA tV'Am GA GSUM PA NA RAL GRI G-YON GYI DANG PO SDIGS MDZUB, GNYIS PA NA MDUNG, GSUM PA NA RGYU MA'I ZHAGS PA BSNAMS PA, DBU RE RE LA MI MGO SKAM PO LNGA LNGA'I DBU RGYAN DANG, KHRAG 'DZAG PA'I MGO BO RLON PA LNGA BCU'I DO SHAL CAN, MI'I SKRA'I MCHOD PHYIR THOGS DANG, MI RUS KYI 'KHOR LO DANG RNA CHA LA SOGS PA RUS PA'I RGYAN GYIS BRGYAN PA, MI LPAGS KYI G-YANG GZHI DANG, GLANG PO CHE'I KO BA RLON PAS STOD G-YOGS SHING, STAG GI PAGS PA'I SHAM THABS TE DUR KHROD KYI CHAS BRGYAD KYIS BRGYAN PA, SGEG PA, DPA' BA, MI SDUG PA SOGS GAR GYI NYAMS DGU DANG

LDAN ZHING, ZHABS BRGYAD KLU CHEN PO BRGYAD KYI STENG NA BGRAD NAS YE SHES KYI ME RAB TU 'BAR BA'I DBUS NA BZHUGS PA, DE'I SPYI BOR ZLA BA LA AOm DKAR PO, MGRIN PAR PADMA LA A'A: DMAR PO, THUGS KAR NYI MA LA H'Um MTHING KHA, 'DIR YE SHES PA SPYAN 'DREN DGUG BSTIM DBANG BSKUR RGYAS BTAB MCHOD BSTOD SOGS BYED, H'Um YIG GI MTHAR BZLAS BYA'I SNGAGS KYIS BSKOR BA, DE LAS ME 'OD 'PHROS PA'I SNGAGS KYI ME LCE DRAG LA RTZUB PA'I RNAM PA CAN GYIS LUS KYI NANG THAMS CAD GANG, THOG MA MED PA NAS KYI NAD GDON SDIG SGRIB THAMS CAD BSREGS, 'OD ZER STENG DU 'PHROS PAS RGYAL BA SRAS BCAS LA MCHOD PA PHUL, DE RNAMS KYI BYIN RLABS THUGS RJE DANG MTHU STOBS NUS PA DANG PHRIN LAS PHUN SUM TSOGS PA THAMS CAD BKUG NAS RANG LA THIM, 'OG TU 'PHROS PAS SEMS CAN THAMS CAD KYI SDIG SGRIB SBYANGS, DPAL RTA MGRIN GYI GO 'PHANG LA BKOD, BAR DU 'PHROS PAS RANG LA GNOD BYED KYI GDON BGEGS THAMS CAD BSREGS THAL BA'I RDUL PHRAN TZAM YANG MED PAR BSGOM, MGUL GYI MGRIN PA GSUM DANG, PHYAG GI MKHRIG MA DRUG DANG, ZHABS KYI LONG BU BRGYAD KYI BAR THAMS CAD KHRO CHUNG MTSON CHA THOGS PA DPAG TU MED PAS GANG BA, KHRO CHUNG RNAMS KYI ZHAL NAS SNGAGS KYI SGRA 'BRUG GI SGRA LTA BUR 'UR 'UR DIR DIR SA GSUM G-YO BA TZAM DU SGROG PA, SKU'I CHA DANG BA SPU'I BU GA THAMS CAD NAS SPRUL PA'I RTA MGRIN BAR SNANG NAM MKHA' SA GZHI THAMS CAD GANG BA SPROS PAS RANG LA GNOD BYED KYI GDON BGEGS 'BYUNG PO BAR GCOD RTZOM PA GANG YIN PA DANG, KHYAD PAR PHA ROL GYI RBAD 'DRE

, ,DANG, RBOD GTONG, BYAD MA THAMS CAD STONG GSUM GYI STONG CHEN PO'I 'JIG RTEN GYI KHAMS KYI BAR TZAM DU YANG SDOD PA'I RANG DBANG MED PAR BSKRAD CING BRLAG PAR BSAMS LA, AOm BADRA PADMA'ANTA KRID BADRA KRO DHA, HYA GRi BA HU LU HU LU H'Um PHAt, SNYING PO'O, ,AOm BADZRA THUN BHYO: AOm TRIG NAN, BADZRA DZA: DZA: SA MA YA STVAm, SDE BRGYAD GSHED 'BEBS KYI DRAG SNGAGS SO, ,AOm HAm SHA TRIG TRIG NAN, TRIG HUR THUm DZA: M'A RA YA PHAt, AOm RU TRIG TRIG RU TRIG TRIG NAN, TRIG HUR THUm DZA: M'A RA YA PHAt, CES PA RNAMS MANG DU BZLA BAR BYA'O, ,THUN MTSAMS SU GTOR MA 'BUL NA, SHA CHANG SOGS KYIS BRGYAN PA, AOm AA MRi TA SA BSANGS, SVA BH'A WA SA SBYANGS, STONG PA'I NGANG LAS AA LAS BYUNG BA'I THOD PA YANGS SHING RGYA CHE BA'I NANG DU AOm A'A: H'Um ZHU BA LAS BYUNG BA'I GTOR MA YE SHES KYI BDUD RTZI'I RGYA MTSO CHEN POR GYUR PAR BSAMS LA, AOm A'A: H'Um LAN GSUM BRJOD PAS BYIN GYIS BRLAB, MDUN DU RTA MGRIN BDAG BSKYED LTAR BSGOMS LA, RANG GI THUGS KA'I H'Um LAS 'OD ZER 'PHROS PAS BSGOMS PA DANG 'DRA BA'I YE SHES PA SPYAN DRANGS, DZA: H'Um BAm HO GNYIS SU MED PAR GYUR, AOm PADMA'ANTA KRID SA PA RI W'A RA AARGHAm NAS SHAPTA'I BAR GYIS MCHOD, AOm PADMA'ANTA KRID SA PA RI W'A RA AOm A'A: H'Um, GIS NANG MCHOD DBUL, LJAGS H'Um LAS SKYES PA'I RDO RJE RTZE GCIG PA DMAR PO 'OD KYI SPU GU CAN GYIS GTOR MA'I BCUD DRANGS TE GSOL BAS DGYES SHING TSIM PAR GYUR PAR BSAMS LA, AOm PADM'ANTA KRID SA PA RI W'A RA AI DAm BA LIm TA KHA KHA, KH'A HI KH'A HI, ZHES LAN BDUN GYIS GTOR MA DBUL, 'DOD PA'I DON LA GSOL BA GDAB, PHRIN LAS BCOL, GTOR MA 'BUL BA'I SNGAGS 'DI LA

YIG CHA KHUNGS BTZUN KHA CIG NA, KH'A HI KH'A HI ZHES PA'I 'JUG TU GRiHNA GRIHNA, BHU DZA HO: RAKshA SI, SANTO, SA MA YA SV'A H'A, ZHES 'DOGS PA YANG 'DUG PAS RTOG DPYOD DGOS SO, ,DE NAS BSTOD PA NI, H'Um, 'JIGS RUNG DUS MTHA'I ME LTAR 'BAR BA'I SKU, ,MI BZAD DRAG SNGAGS NGA RO SGROG PA'I GSUNG, ,MKHYEN BRTZE NUS PA DPAG PAR DKA' BA'I THUGS, ,KHRO RGYAL DBANG PO'I SKU GSUNG THUGS LA BSTOD, ,NYI MA'I 'OD ZER 'BUM GYI GOS GYON PA'I, ,PADMA R'A GA'I LHUN PO LTA BU'I SKU, ,SRID GSUM BGEGS DPUNG PHYE MAR 'THAG BYED PA'I, ,DPAL CHEN KHRAG 'THUNG DBANG PO KHYOD LA BSTOD, ,MTSAMS SPRIN 'BYUNG PO'I KHRAG GI GOS GYON PA'I, ,RAB DKAR MCHE BA'I CHU 'DZIN G-YO BA CAN, ,NAM MKHA'I KHAMS KUN RGOD PA'I 'BRUG SGRA BZHIN, ,HA HA'I GAD RGYANGS PHYOGS MTHAR SGROG LA BSTOD, ,BYI RU'I YAL 'DAB BSKYOD LTA'I PHYAG DRUG GIS, ,RAB BZUNG MI BZAD MTSON CHA RDO RJE'I THOG ,GANG DU BTAB PAS LUS MED BDAG PO'I GRONG, ,SKAD CIG TZAM GYIS BRLAG PAR MDZAD LA BSTOD, ,DUS MTHA'I ME 'OD 'PHRO BA'I SPRIN CHEN LAS, ,BZOD DKA'I GNAM LCAGS SER CHEN 'BAB PA BZHIN, ,GRANGS MED SKU YI SPRUL PAS 'BYUNG PO'I TSOGS, ,MA LUS THAL BAR BRLAG MDZAD KHYOD LA BSTOD, ,MA LUS PHYOGS BCU'I RGYAL BAS MGON PO KHYOD, ,BSTAN DANG BSTAN 'DZIN SKYONG BAR DBANG BSKUR BA, ,BDAG CAG KHRO BO'I DBANG PO KHYOD DRAN NA, ,BAR GCOD BGEGS DPUNG THAL BAR BRLAG PAR MDZOD, ,RNAL 'BYOR DAM CHOS SGRUB LA GEGS BYED PA'I, ,BDUD KYI RIGS GYUR 'BYUNG PO THAMS CAD KYI, ,SROG

, ,RTZA CHOD LA MYUR DU GEGS MED PAR, ,SKU GSUM MNGON DU 'GYUR BA'I PHRIN LAS MDZOD, ,CES PAS BSTOD, YI GE BRGYA PA BRJOD LA NONGS PA BZOD PAR GSOL, YE SHES PA SKU YOD NA BRTAN BZHUGS BYA, MED NA GSHEGS, MJUG BSNGO BA SMON LAM SHIS BRJOD SOGS BYA'O, ,DRAN PA TZAM GYIS PHYI NANG BGEGS KYI TSOGS, ,THAL BAR RLOG BYED KHRO BO'I DBANG PO NI, ,RTA MGRIN PADMA DBANG CHEN ZHES SU GRAGS, ,DE YI SGRUB THABS SKYER SGANG LUGS SU BSHAD, ,RNAM DPYOD MKHA' LTAR YANGS PA RGYAL BA'I SRAS, ,SNYING STOBS ZLA BA RGYAS PA 'DIR 'ONGS KYI, ,STON PA'I BKA' NYAN BSTAN SRUNG RGYA MTSOS KYANG, ,TSUL BZHIN PHRIN LAS SGRUB LA MA G-YEL CIG ,DRAG PO'I BZLAS BRJOD MTHAR SON CING, ,BSKYED PA'I RIM PA RAB BRTAN PAS, ,SRID GSUM BGEGS KUN 'JOMS BYED PA, ,RNAL 'BYOR DE 'DRA SKAL BA BZANG, ,DE SKAD SMRA BA DGE 'DUN RGYA MTSO'I DPAL, ,BZANG PO DE LA LAN GCIG MA YIN PAR, ,RDO RJE RGYAL MTSAN ZHES PA'I RNAL 'BYOR PAS, ,LEGS PAR BSKUL LAS THOGS PA MED PAR SMRAS, ,'DI'I BRGYUD PA NI, CHOS SKU SNANG BA MTHA' YAS, LONGS SKU PADMA DBANG CHEN, SPRUL SKU PADMA 'BYUNG GNAS, DPON STON SKYER SGANG PA, GNYAN STON SBAS PA'I RNAL 'BYOR, 'GRO MGON CHOS RJE STON PA, MKHAS GRUB SHANGS STON CHEN PO, BYA BTANG RI KHROD RAS CHEN, BYA BTANG TSUL KHRIMS SHES RAB, MKHAS GRUB TSUL KHRIMS MGON PO, 'JAM DBYANGS THUGS RJE CHOS RGYAL, RNAL 'BYOR GYI DBANG PHYUG DON YOD RGYAL MTSAN, 'JAM DBYANGS KUN DGA' RGYAL MTSAN, DES BDAG LA'O,, ,, ` BCOM LDAN 'DAS MI G-YO BA SNGON PO SGRUB PAR 'DOD PAS SKYABS 'GRO SEMS BSKYED TSAD MED BZHI SGOM PA SNGON DU BTANG, SVA

BH'A WA SA STONG PAR SBYANGS, STONG PA'I NGANG LAS SNA TSOGS PADMA DANG NYI MA DANG BGEGS KYI RGYAL PO'I GDAN GYI STENG DU, RANG GI SEMS NYID H'Um LAS RAL GRI H'Um GIS MTSAN PA, DE LAS 'OD 'PHROS, BGEGS GDUG PA CAN THAMS CAD TSAR BCAD, TSUR 'DUS YONGS SU GYUR PA LAS, RANG NYID RJE BTZUN MI G-YO BA SKU MDOG SNGON PO ZHAL GCIG PHYAG GNYIS PA, PHYAG G-YAS SHES RAB KYI RAL GRI NAM MKHAR 'PHYAR ZHING, G-YON THUGS KAR SDIGS MDZUB KYI PHYAG RGYAS ZHAGS PA SNGON PO 'DZIN PA, ZHAL RAB TU GDANGS SHING MCHE BA RNON PO BZHI GTZIGS PA, DMAR LA ZLUM PA'I SPYAN GSUM DANG LDAN ZHING SMIN MA DANG SMA RA DMAR SER RAB TU 'BAR BA, DBU SKRA KHAM SER GYEN DU BRDZES SHING RIN PO CHE DANG SPRUL GYIS BRGYAN PA, STAG GI PAGS PA'I SHAM THABS CAN, ZHABS G-YAS BSKUM ZHING G-YON BRKYANG PA'I STABS KYIS YE SHES KYI ME 'BAR BA'I KLONG DKYIL NA BZHUGS PA, DE'I SPYI BOR AOm, MGRIN PAR A'A: THUGS KAR H'Um, THUGS KA'I H'Um LAS 'OD ZER 'PHROS, RANG BZHIN GYI GNAS NAS BSGOMS PA DANG 'DRA BA'I YE SHES PA SPYAN DRANGS, DZA: H'Um BAm HO: GNYIS SU MED PAR GYUR, SLAR YANG THUGS KA'I H'Um LAS 'OD 'PHROS, DBANG GI LHA RNAMS SPYAN DRANGS, BDAG LA MNGON PAR DBANG BSKUR DU GSOL ZHES GSOL BA BTAB PAS, AOm SARBA TA TH'A GA TA AA BHI shE KA TA SA MA YA SHR'I H'Um, ZHES DBANG BSKUR, LUS GANG, DRI MA DAG CHU LHAG MA SPYI GTZUG TU GNAS PA YONGS SU GYUR PA LAS MI BSKYOD PAS DBU BRGYAN PAR GYUR, MCHOD PA BSANGS SBYANGS BYIN GYIS BRLABS LA, AOm A'ARA+YA AA TZA LA SA

, ,PA RI W'A RA AARGHAm PRA T'I TZTZA YE SV'A H'A, DE BZHIN DU, SHAPTA'I BAR DU SBYAR LA MCHOD PA DBUL, RGYAL BA KUN GYI YE SHES SGYU MA LAS, ,GDUG PA 'DUL PHYIR KHRO BO'I SKUR BSTAN PA, ,BDUD BZHI'I RLUNG GIS MI G-YO SKYE DGU'I DPAL, ,BCOM LDAN MI G-YO MGON LA PHYAG 'TSAL LO, ,SKU MDOG MTHING NAG DBANG SNGON BRTZEGS PA YI, ,LHUN PO NYI MA'I 'OD KYIS 'KHYUD PA BZHIN, ,RIN CHEN RGYAN DANG LTOS 'GRO'I TSOGS KYIS BRGYAN, ,DRAN PAS BAR CHAD KUN SEL KHYOD LA 'DUD, ,PHYI NANG BGEGS KYI TSOGS KYIS MI BRDZI ZHING, ,TSE DANG BSOD NAMS DPAL 'BYOR RGYAS PA DANG, ,ZAB MO'I LAM GYI NYAMS LEN MTHAR PHYIN NAS, ,SKU GSUM GO 'PHANG MNGON DU 'GYUR BAR MDZOD, ,CES BSTOD, RANG GI THUGS KAR NYI GDAN LA RANG GI SEMS H'Um YIG SNGON POR GSAL BA'I MTHAR, AOm TZAndA MA H'A RO shA NA H'Um PHAt, CES PA'I SNGAGS PHRENG KHA DOG DMAR PO 'OD ZER DUS MTHA'I ME 'OD TSA BA 'PHRO BAS BSKOR BA, DE LAS 'OD 'PHROS LUS KYI NANG THAMS CAD GANG, NAD GDON SDIG SGRIB THAMS CAD DAG BA SPU'I SGO NAS PHYIR 'PHROS, SNANG SRID THAMS CAD ME 'BAR BA'I KLONG DKYIL GCIG TU GYUR, BGEGS GDUG PA CAN THAMS CAD BSREGS PAR BSAMS LA, SNGAGS MANG DU BZLA, MTHAR GTOR MA CHAB KYIS BRAN TE, AOm A'A: H'Um GIS BDUD RTZI'I RGYA MTSOR BYIN GYIS BRLABS LA, MDUN DU RANG 'DRA'I BCOM LDAN 'DAS MI G-YO BA SKAD CIG GIS SPYAN DRANGS, LJAGS H'Um LAS SKYES PA'I RDO RJE RTZE GCIG PA DKAR PO 'OD KYI SBU GU CAN DU GYUR PAS GTOR MA'I BCUD THAMS CAD DRANGS TE GSOL BAR BSAMS LA, AOm A'ARYA

AA TZA LA SA PA RI W'A RA AI DAm BA LIm TA KHA KHA KH'A HI KH'A HI ZHES LAN GSUM GYIS PHUL LA, SNGAR BZHIN MCHOD BSTOD BYA'O,, BKA' GDAMS LUGS KYI MI G-YO BA SNGON PO'I SGRUB THABS 'DI NI, BKA' BCU PA RGYAL BA'I DBANG POS BSKUL BA'I NGOR, BDE CHEN RTZER DGE 'DUN RGYA MTSO'I DPAL GYIS BGYIS PA'I YI GE PA NI CHOS KYI DPAL 'BYOR LEGS PA'O,, ,, ` 'PHAGS PA SPYAN RAS GZIGS KYI RJES GNANG BYA TSUL NI, RDUL TSON GYI PADMA DKAR PO 'DAB MA BRGYAD DAM, ME TOG GI TSOM BU YANG RUNG STE, DE 'DRA BA'I STENG DU BUM PA BUM RDZAS DANG SBYAR BA'I CHUS GANG BA, KHA RGYAN MGUL BCINGS DANG BCAS PA BZHAG DKAR GTOR GNYIS DANG MCHOD PA RNAMS BKOD PA MDZES PAR BSHAMS, RANG SPYAN RAS GZIGS BCU GCIG ZHAL LAM, ZHAL GCIG PHYAG BZHI PA'AM, KHA SARPA nI SOGS SKABS SU GANG BABS SU BSGOMS PA'I BDAG BSKYED BZLAS PA DANG BCAS PA GRUB NAS BUM PA'I NANG DU SKABS GANG YIN GYI SPYAN RAS GZIGS BDAG BSKYED LTAR BSKYED LA, YE SHES PA DGUG GZHUG DBANG BSKUR RGYAS GDAB MCHOD BSTOD SOGS BYA, BZLAS PA'I SKABS SU MDUN BSKYED KYI THUGS KAR ZLA GDAN LA HR'I: YIG GI MTHAR BCU GCIG ZHAL LA GZUNGS RING, ZHAL GCIG PHYAG BZHI PA LA YI GE DRUG PA SOGS KYIS BSKOR BA LAS BDUD RTZI'I RGYUN BABS PAS BUM PA YE SHES KYI BDUD RTZIS GANG BAR BSAMS LA SNGAGS BZLA, MTHAR MCHOD GTOR PHUL LA, SLOB MA LA BYIN GYIS BRLAB PAR GSOL BA GDAB, DE NAS SLOB MA RNAMS KHRUS BYAS, MAndAL PHUL LA, KHYOD NI MGON PO SPYAN RAS GZIGS, ,KUN LA KHYAB PA'I THUGS RJE YIS, ,'GRO BA MA LUS SGROL MDZAD PA, ,BDAG SOGS RNAMS LA SBYIN GYIS RLOBS, ,ZHES LAN GSUM GYIS GSOL BA 'DEBS SU GZHUG ,SKABS DANG BSTUN PA'I CHOS BSHAD RGYAS BSDUS GANG RIGS BYA, DKON MCHOG GSUM LA BDAG SKYABS MCHI, ,

, ,ZHES SOGS LAN GSUM GYIS SDOM PA GZUNG, DE NAS, SLOB DPON DGONGS SU GSOL, BDAG LA 'PHAGS PA SPYAN RAS GZIGS DBANG PHYUG GI SKU'I RJES GNANG STZAL DU GSOL, ZHES GSOL BA BTAB LA, SKU'I RJES GNANG BYA TSUL NI, SLOB MA RNAMS AA MRi TAS BSANGS, SVA BH'A WA SA SBYANGS, STONG PA'I NGANG LAS PAD ZLA'I STENG DU SEMS NYID HR'I: DKAR PO YONGS SU GYUR PA LAS, BCU GCIG ZHAL LAM, ZHAL GCIG PHYAG BZHI PA SOGS GANG SKABS SU BAB PAR BSKYED LA, DE'I SPYI BOR AOm, MGRIN PAR A'A: THUGS KAR H'Um, RANG GI THUGS KA'I H'Um GI 'OD ZER GYIS LHO PHYOGS PO TA LA NAS BSGOMS PA DANG 'DRA BA'I YE SHES PA SPYAN DRANGS, DE LA THIM, DZA: H'Um BAm HO:, SLAR YANG THUGS KA'I SA BON GYI 'OD ZER GYIS RIGS LNGA 'KHOR DANG BCAS PA SPYAN DRANGS, KHYED RNAMS KYIS BDAG GI RDO RJE SLOB MA 'DI RNAMS LA MNGON PAR DBANG BSKUR DU GSOL, ZHES GSOL BA BTAB PAS, DE RNAMS KYI THUGS KA NAS SPROS PA'I GOS DKAR MO SOGS LHA MO RNAMS KYIS YE SHES KYI BDUD RTZIS GANG BA'I BUM PA BZUNG NAS DBANG BSKUR BAR MOS TE, BUM PA MGO BOR BZHAG NAS, JI LTAR BLTAMS PA TZAM GYIS NI, ,ZHES SOGS DANG, AOm SARBA TA TH'A GA TA AA BHI shE KA TA SA MA YA SHR'I YE A'A: H'Um, ZHES BRJOD, BUM CHU 'THUNG DU GZHUG ,DE LTAR DBANG BSKUR BAS LUS THAMS CAD YE SHES KYI BDUD RTZIS GANG, SDIG SGRIB THAMS CAD DAG CHU'I LHAG MA SPYI GTZUG TU GNAS PA LAS 'OD DPAG MED KYIS DBU BRGYAN PAR BSAM, MDUN GYI NAM MKHAR BZHUGS PA'I DBANG LHA RNAMS KYANG SLOB MA LA THIM PAR GYUR, AARGHAm SOGS KYIS MCHOD, DE NI SKU'I RJES

GNANG NGO,, BCOM LDAN BDAG LA STZAL LAGS KYI, ,BDAG LA NYE BAR MDZAD DU GSOL, ,LAN GSUM GYIS GSOL BA BTAB PA NA, RANG GI THUGS KA'I SNGAGS PHRENG LAS SNGAGS PHRENG MAR ME GCIG LAS GNYIS CHAD KYI TSUL DU RANG GI SHANGS SBUG G-YAS PA NAS PHYIR BYUNG, SLOB MA'I SNA BUG G-YON PAR ZHUGS, SNYING GAR ZLA BA'I DKYIL 'KHOR GYI STENG DU HR'I: YIG GI MTHAR MU TIG GI PHRENG BA LTAR 'KHOD PA LAS 'OD ZER DPAG TU MED PA 'PHROS, SGO GSUM GYI SDIG SGRIB THAMS CAD BYANG BAR BSAMS LA BCU GCIG ZHAL LA GZUNGS RING LAN GSUM DANG, PHYAG BZHI PA LA YIG DRUG BDUN NAM BRGYA RTZA BRGYAD KYI RJES ZLOS BYED DU GZHUG ,RANG GI THUGS KA'I SA BON GYI 'OD ZER GYIS SANGS RGYAS THAMS CAD KYI GSUNG GI YON TAN THAMS CAD DBYANGS GSAL GYI YI GE'I RNAM PAR SPYAN DRANGS, ME TOG LA THIM PA'I ME TOG SPYI BOR BZHAG PAS, SNYING GA'I SNGAGS THAMS CAD NUS PA DANG LDAN PAR BYIN GYIS BRLABS PA'I MOS PA GYIS, BCOM LDAN 'DI LA STZAL LAGS KYI, ,'DI LA NYE BAR MDZAD DU GSOL, ,ZHES BRJOD CING ME TOG SPYI BOR 'JOG PA NI GSUNG GI RJES GNANG NGO, ,DE NAS BSGOM BYA'I LHA SGOM PA PO'I GANG ZAG PHYI NANG SNOD BCUD KYI CHOS THAMS CAD RANG BZHIN GYIS GRUB PA RDUL TZAM YANG MED PA'I STONG PA NYID DU NGO SPRAD LA SGOM DU GZHUG ,DE NI THUGS KYI RJES GNANG NGO, ,DE NAS, SKU'I RJES GNANG THOB NAS LUS KYI MI DGE BA GSUM SPONG ZHING DGE BA GSUM LA SLOB PA DANG, LUS LHA SGOM PA DANG MA BRAL BAR BYA, GSUNG GI RJES GNANG THOB NAS NGAG GI MI DGE BA BZHI SPONG ZHING DGE BA BZHI LA SLOB PA DANG,

, ,NGAG SNGAGS BZLA BA DANG MA BRAL BAR BYA, THUGS KYI RJES GNANG THOB NAS YID KYI MI DGE BA GSUM SPANGS NAS DGE BA BCU LA SLOB PA DANG, STONG NYID SNYING RJE'I SNYING PO CAN SGOM PA DANG MA BRAL BA'I SKU GSUNG THUGS KYI DAM TSIG RNAMS LA BSLAB DGOS PA YIN NO, ,DE NAS, GTZO BOS JI LTAR BKA' STZAL PA, ,DE DAG THAMS CAD BDAG GIS BGYI, ,ZHES PA LAN GSUM GYI RJES ZLOS BYED DU GZHUG MJUG GI BYA BA RNAMS SPYI MTHUN LTAR BYA'O, ,'PHAGS PA SPYAN RAS GZIGS KYI RJES GNANG BYED TSUL MDOR BSDUS PA'ANG DGE 'DUN RGYA MTSO'I DPAL GYIS DPAL LDAN 'BRAS SPUNGS SU YI GER BKOD PA'O,, ,, ` RJE BTZUN 'JAM DBYANGS DKAR PO SGRUB PAR 'DOD PAS, SKYABS 'GRO SEMS BSKYED TSAD MED BZHI SGOM PA SNGON DU BTANG NAS, SVA BH'A WA SA STONG PAR SBYANGS, STONG PA'I NGANG LAS PAm LAS 'O MA'I RGYA MTSO DVANGS SHING THOGS PA MED PA PADMO'I DRA BAS KHEBS SHING, MTHA' NE'U GSING GIS BSKOR BA LA GLANG PO CHE THAL KAR MCHE BA DRUG LDAN DU MA DAL GYIS RGYU ZHING, MTSO'I DBUS NA PADMA DKAR PO 'DAB MA STONG DANG LDAN PA'I LTE BAR AA LAS ZLA BA'I DKYIL 'KHOR DKAR BSIL NYA GANG BA, DE'I STENG DU RANG GI SEMS NYID AA DKAR PO DRI MA MED PA, DE LAS 'OD 'PHROS, 'PHAGS PA MCHOD, SEMS CAN THAMS CAD KYI MI SHES PA'I MUN PA THAMS CAD BSAL, SHES RAB KYI SNANG BA LA BKOD, TSUR 'DUS YONGS SU GYUR PA LAS RANG NYID RJE BTZUN 'JAM PA'I DBYANGS SKU MDOG DKAR PO STON KA'I ZLA BA'I MDANGS DANG LDAN PA, ZHAL GCIG PHYAG GNYIS PA, PHYAG G-YAS MCHOG SBYIN GYI PHYAG RGYAS AUTPA LA'I YU BA 'DZIN PA'I AUTPA LA SNYAN GYI THAD

KAR KHA BYE BA'I STENG DU SHES RAB KYI RAL GRI DANG, G-YON CHOS 'CHAD KYI PHYAG RGYAS PADMA DKAR PO'I YU BA THUGS KAR 'DZIN PA'I PADMA SNYAN GYI THAD KAR KHA BYE BA'I STENG DU SHER PHYIN GYI GLEGS BAM BSNAMS PA, RIN PO CHE'I RGYAN DANG DAR SNA TSOGS KYI NA BZA' CAN, ZHABS RDO RJE SKYIL KRUNG GIS BZHUGS PA, BCU DRUG LON PA'I NA TSOD CAN, 'DZUM PA ZHI BA SGEG PA'I NYAMS DANG LDAN PA, DE'I SPYI BOR AOm, MGRIN PAR A'A: THUGS KAR H'Um, RANG GI THUGS KA'I H'Um LAS 'OD 'PHROS, RANG BZHIN GYI GNAS NAS RJE BTZUN 'JAM PA'I DBYANGS LA SANGS RGYAS DANG BYANG CHUB SEMS DPA'I TSOGS KYIS BSKOR BA SPYAN DRANGS, DZA: H'Um BAm HO: RANG LA THIM PAS GNYIS SU MED PAR GYUR, SLAR YANG THUGS KA'I H'Um LAS 'OD 'PHROS, DBANG GI LHA RNAMS SPYAN DRANGS, KHYED RNAMS KYIS BDAG LA MNGON PAR DBANG SKUR DU GSOL, ZHES GSOL BA BTAB PAS DE RNAMS KYIS YE SHES KYI BDUD RTZIS GANG BA'I BUM PA THOGS NAS, AOm SARBA TA TH'A GA TA AA BHI shE KA TA SA MA YA SHRI YE A'A: H'Um, ZHES DBANG BSKUR, LUS THAMS CAD GANG, DRI MA THAMS CAD DAG CHU LHAG MA SPYI GTZUG TU GNAS PA YONGS SU GYUR PA LAS MI BSKYOD PAS DBU BRGYAN PAR BSAM MO, MCHOD PA BSANGS SBYANGS BYIN GYIS BRLABS LA, AOm A'ARYA MANYDZU SHR'I SA PA RI W'A RA AARGHAm PRA T'I TZTSA YE SV'A H'A, DE BZHIN DU, SHAPTA'I BAR GYIS MCHOD PA DBUL, RI BONG 'DZIN PA LTAR DKAR GLEGS BAM RAL GRIS PHYAG MTSAN ZHING, ,RAB MDZES SHIN TU ZHI BA'I GZHON NU ZUR PHUD LNGA LDAN PA, ,DGA' BA RGYA CHEN THAR MCHOG SPYAN NI PADMA'I 'DAB LTAR YANGS, ,BLO GROS NGAN PA SREG

, ,MDZAD 'JAM DPAL DBYANGS LA PHYAG 'TSAL LO, ,ZHES PAS BSTOD NAS, BZLAS PA BYA BA NI RANG GI SNYING GAR 'KHOR LO DKAR PO RTZIBS DRUG PA LTE BA MU KHYUD DANG BCAS PA, LTE BAR ZLA BA'I DKYIL 'KHOR GYI STENG DU RANG GI SEMS NYID AA DKAR PO, RTZIBS DRUG LA, AOm WA KYE DAm NA MA: ZHES PA'I YI GE DRUG KHA DOG DKAR PO, GZUGS YI GE DBU CAN GYI RNAM PA CAN 'OD ZER STON KA'I ZLA 'OD SHAR BA LTA BU DKAR PHROM GYIS 'PHRO BA DE LAS 'OD ZER DPAG TU MED PA 'PHROS, LUS KYI NANG THAMS CAD GANG, SGO GSUM GYI MI SHES PA'I MUN PA THAMS CAD BSAL, MKHYEN RAB 'JAM PA'I DBYANGS LTAR BLO GROS KYI SNANG BA THOGS PA MED PAR RGYAS PAR BSAMS LA, 'KHOR LO G-YAS DANG YIG 'BRU G-YON DU 'KHOR BA LA DMIGS NAS THUN RE LA KHRI TSO RE TZAM SMRA BCAD BYAS LA BZLAS PAS SHES RAB KYI SNANG BA KHYAD PAR CAN MYUR DU THOB PAR 'GYUR ZHING, GSUNG RAB KYI DON RNAMS MI BRJED PAR 'DZIN PA'I GZUNGS THOB PAR BSAM MO, ,THUN GYI MTHAR, GTOR MA DBUL BAR 'DOD NA, RIN PO CHE LA SOGS PA'I SNOD DU DKAR GTOR BSHAMS, CHAB KYIS BRAN LA, BADZRA KUndA LI SA BSANGS, SVABH'A WA SA SBYANGS, STONG PA'I NGANG LAS AOm LAS RIN PO CHE'I SNOD STONG GSUM LTAR YANGS PA'I NANG DU AOm A'A: H'Um 'OD DU ZHU BA LAS BYUNG BA'I GTOR MA ZAG PA MED PA'I BDUD RTZI'I RGYA MTSO CHEN POR GYUR PAR BSAMS LA, AOm A'A: H'Um, LAN GSUM BRJOD PAS BYIN GYIS BRLABS TE, MDUN GYI NAM MKHAR BDAG BSKYED KYI SKABS JI LTA BA BZHIN DAM TSIG PA BSKYED, MCHOD PA 'BUL BA'I BAR SNGON DU BTANG LA, DE NAS YI DAM GYI LJAGS H'Um LAS SKYES PA'I RDO RJE DKAR PO RTZE GCIG PA'I 'OD KYI SBU GUS GTOR

MA'I BCUD THAMS CAD DRANGS TE GSOL BAR BSAMS LA, AOm A'ARYA MANYDZU SHR'I SA PA RI W'A RA AI DAm BA LIm TA, KHA KHA, KH'A HI KH'A HI, ZHES PA BDUN GYIS DBUL, AARGHAm SOGS KYIS MCHOD, SNGAR BZHIN BSTOD NAS MJUG SPYI LTAR BYED PA'AM, BSDUS PA BYED NA DAM TSIG PA MA BSKYED PAR YE SHES PA NYID SPYAN DRANGS TE GTOR MA PHUL BAS KYANG CHOG GO, THUN MTSAMS SU BSTOD PA DANG, MTSAN BRJOD SOGS BRJOD CING BSAG SBYANG LA 'BAD PA DANG, BSNYEN PA'I SKABS SU KHRUS DANG GTZANG SBRA LA 'BAD PA SOGS BYA, SPYOD LAM SPYI 'GRO LTAR NYAMS SU BLANG BAR BYA'O,, MA SHA'I SBYOR BA NI, GRANGS BSNYEN MTHAR PHYIN PA'I RJES SU RGYA SRAN MES MA TSIG PA BA DMAR MO'I 'O MA DANG DRI BZANG GIS CHUS LEGS PAR SPANGS TE DAR DKAR POS LEGS PAR DRIL, NYI ZLA GZAS BZUNG BA'I TSE, BZUNG MA THAG NAS JI SRID MA GROL GYI BAR DU LCE'I 'OG TU BCUG STE SMRA BCAD KYI NGANG NAS SNGAGS BZLAS PAS MYU GU 'KHRUNGS PA NI GRUB PA'I MTSAN MAR SHES PAR BYA'O,, PHYOGS THAMS CAD LAS RNAM PAR RGYAL BA'I LAS SBYOR NI, GZHAN DANG SHAGS 'GRAN PA'I TSE'AM RTZOD PA BYED PA'I TSE, RANG RJE BTZUN DU GSAL BA'I MCHOG SBYIN GYI MTHE BONG GI RTZE LA RAL GRI'I RTZE PHYIR BSTAN PA'I 'CHANG GZUNG AA DKAR PO'I RNAM PAR GNAS PA, 'CHANG GZUNG GI AA'I 'OD ZER GYI RDO KHAB LEN GYI LCAGS LEN PA BZHIN DU KHO'I SHES RAB RNAMS DRANGS TE, 'CHANG GZUNG GI AA LA THIM PAS KHO'I SHES RAB KYANG RANG GI SHES RAB KYI GROGS SU GYUR PA DANG, RAL GRI'I RTZE LA ME RAB TU 'BAR BAS PHYIR RGOL DE NYID KYI LCE GZHOB THUL GYIS BSREGS PAR BSAMS LA SNGAGS BZLAS PAS, PHAS KYI RGOL BA MTHA' DAG LAS RNAM PAR RGYAL BA THOB PAR 'GYUR RO,, ,, ` NA MO GU RU BADZRA W'A RA HI, RJE BTZUN RDO RJE RNAL 'BYOR MA PHAG DKAR SHES RAB GSAL BYED SGRUB PAR 'DOD PAS, BDE BA'I GNAS SU SKYABS 'GRO'I SEMS BSKYED TSAD MED BZHI

, ,BSGOM PA SNGON DU BTANG NAS, AOm SVA BH'A WA SHUDDHA SARBA DHARMA SVA BH'A WA SHU DDHONYAHAm, CHOS THAMS CAD BDEN PAS STONG PA NYID DU GYUR, STONG PA'I NGANG LAS PAm LAS PADMA DMAR PO'I LTE BAR RAm LAS NYI MA'I DKYIL 'KHOR GYI STENG DU RANG GI SEMS HR'I: YIG DKAR PO LAS 'OD ZER 'PHROS, 'PHAGS PA MCHOD, SEMS CAN GYI SDIG SGRIB SBYANGS, TSUR 'DUS YONGS SU GYUR PA LAS RANG NYID RJE BTZUN RDO RJE RNAL 'BYOR MA SKU MDOG DKAR MO ZHAL GCIG PHYAG GNYIS MA, SPYAN GSUM PA KHRO ZHING 'DZUM PA'I NYAMS CAN, MCHE BA CUNG ZAD GTZIGS PA PHYAG G-YAS BA DAN GYIS MTSAN PA'I RDO RJE RTZE LNGA PA RO GDAN LA BSNUN PA'I TSUL GYIS THUR DU 'PHYANG ZHING, G-YON PAS THOD KHRAG THUGS KAR 'DZIN PA'I MCHAN KHUNG NA KHA tV'Am GA BSNAMS PA, THOD SKAM LNGA'I DBU RGYAN DANG THOD RLON LNGA BCU'I DO SHAL CAN, PHYAG RGYA LNGA DANG RIN PO CHES BRGYAN PA, ZHABS GNYIS SKYIL KRUNG PHYED PA'I GAR STABS KYIS RO'I GDAN LA BZHUGS PA'I SPYI BOR AOm DKAR PO, MGRIN PAR A'A: DMAR PO, THUGS KAR H'Um SNGON PO, DE LAS 'OD ZER 'PHROS, RANG BZHIN GYI GNAS NAS BSGOMS PA DANG 'DRA BA'I YE SHES PA SPYAN DRANGS, DZA: H'Um BAm HO: GNYIS SU MED PAR GYUR, SLAR YANG THUGS KA'I H'Um LAS 'OD 'PHROS, RIGS LNGA YAB YUM SPYAN DRANGS, KHYED RNAMS KYIS BDAG LA MNGON PAR DBANG BSKUR DU GSOL ZHES GSOL BA BTAB PAS DE RNAMS KYIS YE SHES KYI BDUD RTZI'I CHUS GANG BA'I BUM PA THOGS NAS, AOm SARBA TA TH'A GA TA AA BHI shE KA TA SA MA YA SHR'I H'Um ZHES DBANG BSKUR BA'I CHUS LUS THAMS CAD GANG, DRI MA THAMS CAD

DAG CHU'I LHAG MA SPYI GTZUG TU GNAS PA YONGS SU GYUR PA LAS MI BSKYOD PAS DBU BRGYAN PAR GYUR, AOm BADZRA W'A RA HI AARGHAm PRA T'I TZTSA YE SV'A H'A, DE BZHIN DU SNGAGS KYI THOG MTHA' 'DRA BA LA, AARGHAm GYI GNAS SU, P'ADYAm, PUshPE, DH'U PE, A'A LO KE, GANDHE, NE WE DYA, SHAPTA RNAMS BCUG NAS MCHOD, BCOM LDAN RDO RJE RNAL 'BYOR MA, ,SKU MDOG DKAR MO RGYAL BA'I YUM, ,MI SHES MUN PA 'JOMS MDZAD MA, ,RDO RJE PHAG MO KHYOD LA 'DUD, ,CES BSTOD CING, RANG GI LTE BAR SNA TSOGS PADMA DANG NYI MA'I GDAN LA GNAS PA'I HR'I: YIG DKAR PO'I SNGAGS KYI PHRENG BA RTZA DBU MA'I NANG NAS BRGYUD, ZHAL NAS 'THON TE LTE BAR ZHUGS PA'I 'OD ZER GYIS SEMS CAN THAMS CAD KYI MI SHES PA'I MUN PA BSAL, RGYAL BA SRAS BCAS THAMS CAD KYI MKHYEN BRTZE MA LUS PA BSDUS NAS HR'I: LA THIM PAS BLO GROS KYI SNANG BA THOGS MED DU RGYAS PA PAR BSAMS LA, HR'I: ZHES PA'I SNGAGS MI SKYO'I BAR DU BZLAS PAR BYA'O, ,THUN ZHABS SU GTOR MA 'BUL NA, CI 'BYOR PA'I GTOR MA BSHAMS, HA HO HR'I: LAN GSUM BRJOD PAS, KHA DOG DRI NUS KYI SKYON THAMS CAD SBYANGS, AOm A'A: H'Um LAN GSUM BRJOD PAS YE SHES KYI BDUD RTZI RGYA CHER SPEL ZHING BYIN GYIS BRLABS PAR GYUR, RANG GI THUGS KA'I HR'I: YIG GI 'OD ZER GYIS RANG DANG 'DRA BA'I RJE BTZUN RDO RJE PHAG MO LA SANGS RGYAS DANG BYANG CHUB SEMS DPA'I TSOGS KYIS BSKOR BA MDUN GYI NAM MKHAR SPYAN DRANGS, AOm BADZRA W'A RA HI SA PA RI W'A RA AARGHAm PRA T'I TZTSA YE SV'A H'A, DE BZHIN DU SHAPTA'I BAR GYIS MCHOD, RJE BTZUN MA 'KHOR DANG BCAS PA'I LJAGS RDO RJE'I 'OD ZER GYIS GTOR MA'I BCUD THAMS CAD DRANGS TE

, ,GSOL BAS MNYES SHING TSIM PAR BSAMS LA, AOm BADZRA W'A RA HI AI DAm BA LIm TA KHA KHA, KH'A HI KH'A HI, ZHES LAN BDUN NAM GSUM GYIS DBUL, GONG BZHIN AARGHAm SOGS KYIS MCHOD CING BSTOD, 'DOD DON LA GSOL BA GDAB, YIG BRGYA BRJOD, GTOR MGRON RNAMS RANG LA THIM PAS BYIN GYIS BRLABS PAR GYUR PAR BSAM, ZHES BCOM LDAN 'DAS MA RJE BTZUN MA RDO RJE RNAL 'BYOR MA PHAG MO DKAR MO SHES RAB 'PHEL BYED MA'I SGRUB THABS YID KYI MUN SEL ZHES BYA BA 'DI YANG CHOS SMRA BA'I BTZUN PA DGE 'DUN RGYA MTSO DPAL BZANG POS CHOS GRVA CHEN PO DPAL LDAN 'BRAS SPUNGS KYI GZIMS KHANG DGA' LDAN PHO BRANG DU SBYAR BA DGE, ,, ` BLA MA DANG DPAL RDO RJE SEMS DPA' LA PHYAG 'TSAL LO, ,YE SHES KYI KHYUNG KHRA BO SGRUB PAR 'DOD PAS SKYABS 'GRO SEMS BSKYED TSAD MED BZHI SGOM PA SNGON DU BTANG, SVA BH'A W'A SA STONG PAR SBYANGS, STONG PA'I NGANG LAS SNA TSOGS PADMA DANG NYI MA DANG ZLA BA DANG SGRA GCAN GYI STENG DU KLU'I RGYAL PO SOG MA MED MGO G-YAS SU BSTAN NAS GAN RKYAL DU BSGYEL BA'I STENG DU RANG GI SEMS YI GE KHROm YONGS SU GYUR PA LAS RANG NYID YE SHES KYI KHYUNG KHRA BO ZHABS GNYIS TZOG PUR BZHUGS PA, BRLA GNYIS SA'I RANG BZHIN SER PO LTE BA CHU'I RANG BZHIN DKAR PO, STOD ME'I RANG BZHIN DMAR PO MGO BO RLUNG GI RANG BZHIN NAG PO, ,SPYI BO DANG GSHOG PA KHA DOG SNA TSOGS PA NAM MKHA'I RANG BZHIN, PHYAG G-YAS SKYABS SBYIN GYI PHYAG RGYAS KLU DKAR PHYOGS LA DGA' BA RNAMS RJES SU 'DZIN CING, G-YON SDIGS MDZUB KYI PHYAG RGYAS KLU NAG PHYOGS LA DGA' BA RNAMS BSDIGS PAR MDZAD PA, RVA GNYIS KYI DBUS NA KLU'I RGYAL PO LAS PHROGS PA'I YID BZHIN GYI NOR

BUS BRGYAN PA, PHRAG PA G-YAS G-YON NA NYI MA DANG ZLA BAS BRGYAN PA, SPRIN GYI PHUNG PO LA SKU RGYAB BRTEN PA, DE'I MGRIN PAR PADMA 'DAB MA BZHI PA'I DBUS SU SANGS RGYAS KYI KHYUNG DKAR PO G-YAS 'KHOR LO, SHAR DU RDO RJE'I KHYUNG SNGON PO G-YAS RDO RJE, LHOR RIN PO CHE'I KHYUNG SER PO G-YAS RIN PO CHE, NUB TU PADMA'I KHYUNG DMAR PO G-YAS PADMA, BYANG DU LAS KYI KHYUNG LJANG GU G-YAS RAL GRI 'DZIN CING G-YON THAMS CAD RANG RANG GI KHA DOG DANG MTHUN PA'I SBRUL BZUNG NAS ZA BA, RVA DANG MCHU SDER SHIN TU MI BZAD PA DANG LDAN PA, THUGS KAR PADMA 'DAB MA BZHI PA'I DBUS SU AOm DKAR PO, SHAR DU PA SNGON PO, LHOR KshI SER PO, NUB TU SV'A DMAR PO, BYANG DU H'A LJANG GU, RANG GI SPYI BOR AOm DKAR PO, MGRIN PAR A'A: DMAR PO, THUGS KAR H'Um SNGON PO, RANG GI THUGS KA'I H'Um LAS 'OD ZER 'PHROS, RANG BZHIN GYI GNAS NAS BSGOMS PA DANG 'DRA BA'I YE SHES PA SPYAN DRANGS, DZA: H'Um BAm HO: GNYIS SU MED PAR GYUR, SLAR YANG THUGS KA'I H'Um LAS 'OD 'PHROS, RIGS LNGA 'KHOR BCAS SPYAN DRANGS, KHYED RNAMS KYIS MNGON PAR DBANG BSKUR DU GSOL ZHES GSOL BA BTAB PAS, AOm BADZRI BHA WA AA BHI shINYTZA H'Um, ZHES DBANG BSKUR, CHU'I LHAG MA SPYI GTZUG TU GNAS PA LAS RDO RJE SEMS DPAS DBU BRGYAN PAR GYUR, MCHOD PA BSANGS SBYANGS BYIN GYIS BRLABS LA, AOm BADZRA GA RU dA SA PA RI W'A RA AARGHAm PRA T'I TZTSA H'Um SV'A H'A, ZHES PA NAS SHAPTA'I BAR SBYAR LA DBUL, 'BYUNG BA LNGA YI KHA DOG SNA TSOGS 'BAR, ,NYON MONGS DUG LNGA 'JOMS PA'I SGRA CHEN SGROG ,YE SHES LNGA LDAN MKHA' LDING DBANG PO LA, ,YAN

, ,LAG LNGA YIS BTUD DE PHYAG 'TSAL LO, ,YE SHES KHYUNG LNGA'I MCHU SDER 'JIGS RUNG DANG, ,YI GE LNGA YI 'OD ZER SPRO BSDU YIS, ,'BYUNG BA LNGA LAS GYUR PA'I DUG RNAMS DANG, ,KLU RIGS LNGA YI DUG RNAMS ZHI BAR MDZOD, ,CES BSTOD, DE NAS MGRIN PA'I KHYUNG LNGA LAS RANG RANG GI RIGS 'DRA DPAG TU MED PA DANG, SNYING GA'I YI GE LNGA LAS 'OD ZER KHA DOG SNA LNGA'I TSOGS DPAG TU MED PA 'PHROS, ,BRTAN PA DANG G-YO BA'I DUG DANG KLU DANG SA BDAG GI GDON THAMS CAD BCOM, SLAR 'DUS MGRIN PA'I KHYUNG LNGA DANG, SNYING GA'I YI GE LNGA LA THIM PA'I SPRO BA DANG BSDU BA'I MDZAD PA CAN DU BSAMS LA, DPA' BO 'BRU LNGA'I BSNYEN PA BYA'O ZHES PA NI DGE 'DUN RGYA MTSO'I DPAL GYIS SBYAR BA'O,, ,, ` YE SHES KHYUNG KHRA'I RJES GNANG BYA TSUL NI, RANG NYID BDAG BSKYED BZLAS PA DANG BCAS PA RDZOGS PAR BYAS, MDUN DU PADMA 'DAB MA BRGYAD DAM, ME TOG GI TSOM BU SOGS KYI STENG DU GTOR MA'AM SKU 'DRA GANG RIGS BZHAG PA YE SHES KHYUNG KHRAR BSKYED, YE SHES PA DGUG GZHUG MCHOD BSTOD BZLAS PA SOGS GRUB PAR BYAS LA, SLOB MA RNAMS KHRUS BYAS, PHYAG DANG MAndAL SNGON DU 'GRO BAS, KUN MKHYEN YE SHES PHUNG PO CAN, ,ZHES SOGS LAN GSUM GYIS GSOL BA BTAB, DKON MCHOG GSUM LA BDAG SKYABS MCHI, ,ZHES SOGS KYIS SDOM PA GZUNG, DE NAS LHA NGO SPRAD LA GTOR MA DANG BLA MA GNYIS KA YE SHES KHYUNG KHRA DNGOS YIN SNYAM PA'I DAD PA SKYED DU BCUG DE GNYIS KA'I SPYI BOR AOm, MGRIN PAR A'A:, THUGS KAR H'Um DANG BCAS PA BSGOMS LA, SLOB DPON DGONGS SU GSOL, BDAG LA BCOM LDAN 'DAS YE SHES KHYUNG KHRA'I SKU'I RJES GNANG STZAL DU GSOL, ZHES GSOL BA 'DEBS SU GZHUG ,SLOB MA

BSANGS SBYANGS YE SHES KHYUNG KHRAR BSKYED, GNAS GSUM DU YI GE GSUM GYIS RGYAS GDAB, DE NAS BLA MA DANG YI DAM THA MI DAD PA'I THUGS KA'I SA BON GYI 'OD ZER GYIS RANG BZHIN GYI GNAS NAS BSGOMS PA DANG 'DRA BA'I YE SHES KHYUNG KHRA LA SANGS RGYAS DANG BYANG SEMS DPAG TU MED PAS BSKOR BA SPYAN DRANGS, SLOB MA'I LUS LA CHAR BABS PA BZHIN DU SIB SIB THIM PAR BSAMS LA DRIL BU DKROL, DES SKU'I RJES GNANG THOB, LUS KYI SDIG SGRIB DAG ,LUS LHAR SGOM PA'I SKAL BA CAN DU BYED DO, ,GSUNG GI RJES GNANG LA YANG GSOL BA GDAB, SLOB MA'I MGRIN PAR PADMA 'DAB MA BZHI PA'I STENG DU KHYUNG RIGS LNGA DANG, SNYING GAR PAD 'DAB BZHI PA'I STENG DU AOm PAKshI SV'AH'A, ZHES PA'I DPA' BO 'BRU LNGA MNGON RTOGS NAS 'BYUNG BA BZHIN BKOD LA, BLA MA'I MGRIN PA DANG SNYING GA'I KHYUNG LNGA DANG YI GE LNGA LAS RANG 'DRA DPAG TU MED PA BYUNG, SLOB MA'I MGRIN PA DANG SNYING GA'I DE GNYIS LA THIM PAS MGRIN PA'I KHYUNG LNGA LAS RANG 'DRA'I SPRUL PA DPAG TU MED PA DANG, SNYING GA'I YI GE LAS 'OD ZER DPAG TU MED PA 'PHROS, BRTAN PA DANG G-YO BA'I DUG DANG KLU DANG SA BDAG GI GDON THAMS CAD BCOM PAR BSAMS LA, SNGAGS KYI RJES ZLOS LAN BDUN NAM, LAN BRGYA RTZA BRGYAD SOGS BYA'O, ,DE NI GSUNG GI RJES GNANG NGO, ,THUGS KYI RJES GNANG LA GSOL BA GDAB, DE NAS SNOD BCUD THAMS CAD 'OD DU ZHU, SLOB MA LHAR GSAL BA DANG, MGRIN PA'I KHYUNG LNGA SNYING GA'I YI GE LNGA LA DANG, SLOB MA YANG SNYING GA'I YI GE LNGA LA, DE YANG 'JA' TSON LTAR YAL BAR BSAMS LA SEMS LTA THOG TU GZHAG ,DE NI THUGS KYI RJES GNANG NGO, ,DE'I NGANG LAS SNGAR

, ,LTAR GYUR PAR BSAMS LA, BCOM LDAN BDAG LA STZAL LAGS KYI, ,BDAG LA NYE BAR MDZAD DU GSOL, ,ZHES GSOL BA BTAB LA GTOR MA MGO BOR BZHAG ,BCOM LDAN 'DI LA STZAL LAGS KYI, ,ZHES SOGS BRJOD PAS LHA'I SKU GSUNG THUGS DANG SLOB MA'I LUS NGAG YID GSUM DBYER MED DU GYUR PAR BSAM MO, ,YE SHES KHYUNG KHRA'I RJES GNANG BYA BA'I TSUL 'DI NI SDE SNOD 'DZIN PA CHEN PO RJE BTZUN CHOS KYI RGYAL MTSAN PA'I GSUNG GIS BSKUL NAS DGE 'DUN RGYA MTSO'I DPAL GYIS SMRAS PA'O,, ,, ` RJE BTZUN SGROL MA YID BZHIN 'KHOR LO SGRUB PAR 'DOD PAS SKYABS 'GRO SEMS BSKYED TSAD MED BZHI SGOM PA SNGON DU BTANG, SVA BH'A WA SA STONG PAR SBYANGS, STONG PA'I NGANG LAS PAm LAS PADMA DKAR PO DANG, AA LAS ZLA BA'I DKYIL 'KHOR GYI STENG DU RANG GI SEMS NYID YI GE TAm YIG DKAR PO, DE LAS 'OD 'PHROS, SEMS CAN GYI DON BYAS, TSUR 'DUS YONGS SU GYUR PA LAS RANG NYID 'PHAGS MA YID BZHIN 'KHOR LO SKU MDOG DKAR MO ZHAL GCIG PHYAG GNYIS MA, G-YAS MCHOG SBYIN GYI PHYAG RGYA DANG, G-YON ME TOG AUTPA LA'I YU BA THUGS KAR MTHEB SRIN GYIS 'DZIN PA SNYAN GYI THAD DU KHA BYE BA'I YAL GA GSUM DU GYES PA'I DBUS MA KHA SHAG GI BYE BA, G-YAS SBUD NAS 'BRAS BU YOD PA, G-YON KHA MA BYE BA, DE GSUM GYIS DUS GSUM GYI SANGS RGYAS MTSON PA, RIN PO CHE'I RGYAN DANG DAR SNA TSOGS KYI NA BZA' CAN, ZLA BA'I DKYIL 'KHOR LA SKU DRANG POR BRTEN PA, ZHABS RDO RJE'I SKYIL KRUNG GIS BZHUGS PA, DE'I SPYI BOR AOm DKAR PO, MGRIN PAR A'A: DMAR PO, THUGS KAR H'Um SNGON PO, SNYING GAR ZLA BA'I DKYIL 'KHOR GYI STENG DU

TAm YIG DKAR PO, DE LAS 'OD 'PHROS, RANG BZHIN GYI GNAS NAS SAM, LHO PHYOGS PO TA LA NAS RJE BTZUN MA LA SANGS RGYAS DANG BYANG CHUB SEMS DPA'I TSOGS KYIS BSKOR BA SPYAN DRANGS, DZA: H'Um BAm HO: GNYIS SU MED PAR GYUR, SLAR YANG THUGS KA'I SA BON LAS 'OD 'PHROS, DBANG GI LHA RNAMS SPYAN DRANGS, KHYED RNAMS KYIS BDAG LA MNGON PAR DBANG BSKUR DU GSOL, ZHES GSOL BA BTAB PAS DE RNAMS KYIS YE SHES KYI BDUD RTZIS GANG BA'I BUM PA THOGS NAS, AOm SARBA TA TH'A GA TA AA BHI shE KA TA SA MA YA SHR'I A'A: H'Um, ZHES BDUD RTZI'I CHUS DBANG BSKUR, LUS GANG, DRI MA DAG ,CHU'I LHAG MA SPYI GTZUG TU GNAS PA YONGS SU GYUR PA LAS 'OD DPAG MED KYIS DBU BRGYAN PAR GYUR, MCHOD PA BYIN GYIS BRLABS LA, AOm A'ARYA T'A RE SA PA RI W'AR AARGHAm PRA T'I TZTSA SV'AH'A, DE BZHIN DU SHAPTA'I BAR GYIS MCHOD LA, 'KHOR BA LAS SGROL T'A RE MA, ,ZHES SOGS DANG, RAB 'BYAMS RGYAL BA'I MKHYEN BRTZE 'PHRIN LAS RNAMS, ,RAB MDZES YID 'ONG LHA MO'I SKUR BSTAN NAS, ,RAB MANG 'GRO LA TSE DANG MCHOG STZOL MA, ,RAB DKAR LHA MO AUTPAL BSNAMS LA BSTOD, ,CES PAS KYANG BSTOD, BZLAS PA BYA BA NI, RANG GI SNYING GAR 'KHOR LO RTZIBS BRGYAD PA LTE BA DANG BCAS PA, MU KHYUD RIM PA GSUM DANG LDAN PA, LTE BAR ZLA BA'I DKYIL 'KHOR GYI STENG DU RANG GI SEMS NYID TAm YIG DKAR PO, DE'I MTHAR, AOm BDAG GI TSE DANG BSOD NAMS 'PHEL BAR GYUR CIG SV'AH'A, ZHES PAS BSKOR BA, RTZIBS BRGYAD LA MDUN NAS BRTZAMS TE CHOS SKOR DU T'A RE TUTT'A RE TU RE SV'A H'A, ZHES PA'I YI GE BRGYAD, MU KHYUD NANG

, ,MA LA A'A LI G-YON SKOR, BAR MA LA K'A LI G-YAS SKOR, PHYI MA LA RTEN 'BREL SNYING POS BSKOR BA, SNGAGS THAMS CAD KYANG DBU CAN GYI RNAM PA CAN GYEN DU 'GRENG BA 'OD ZER DANG BCAS PA BSGOM, DE RNAMS LAS 'OD ZER DKAR PO'I TSOGS DKAR PHROM GYIS 'PHROS, LUS KYI NANG THAMS CAD GANG, NAD GDON SDIG SGRIB DANG TSE'I BAR CHAD ZHI BAR BYAS, 'OD ZER BA SPU'I SGO NAS PHYIR 'PHROS, LUS KYI PHYI NAS 'OD ZER DKAR PO'I GUR KHYIM 'DOM GANG KHOR YUG TZAM ZHIG GIS BSKOR BAS ZHI BA'I LAS THAMS CAD GRUB PAR BYAS SO SNYAM DU BSAM, DE BZHIN DU 'OD ZER SER PO'I TSOGS SPROS, LUS KYI NANG THAMS CAD GANG, TSE DANG BSOD NAMS THOS BSAM SGOM GSUM GYI SHES RAB LA SOGS PA RGYAS PAR BYAS, SNGAR BZHIN DKAR PO'I MTHA' NAS 'OD ZER SER PO'I GUR KHYIM GYIS BSKOR BA'I RGYAS PA'I LAS THAMS CAD GRUB PAR BSAM, YANG 'OD ZER DMAR PO'I TSOGS 'PHROS, KHAMS GSUM DBANG DU SDUD PA'I MTHU DANG LDAN PAR GYUR, PHYIR 'PHROS SER PO'I MTHA' NAS 'OD ZER DMAR PO'I GUR KHYIM GYIS BSKOR BAS DBANG GI LAS THAMS CAD GRUB PAR BSAM, YANG 'OD ZER MTHING KHA'I TSOGS 'PHROS, ,MNGON SPYOD KYI LAS THAMS CAD 'GRUB PA'I MTHU DANG LDAN PAR BYAS, PHYIR 'PHROS DMAR PO'I MTHA' NAS 'OD ZER MTHING KHA'I GUR KHYIM GYIS BSKOR BAS DRAG PO'I LAS THAMS CAD GRUB PAR BSAM, YANG LJANG GU'I GUR KHYIM GYIS BSKOR BAS LAS RAB 'BYAMS THAMS CAD GRUB PAR BSAM, MCHIN KHA'I TSOGS SPROS LUS KYI NANG THAMS CAD GANG, PHYIR

'PHROS LJANG GU'I MTHA' NAS MCHIN KHA'I GUR KHYIM 'DOM GANG KHO RA YUG TZAM ZHIG GIS BSKOR BAS DE THAMS CAD BRTAN PAR BYAS PAR BSAMS LA, AOm T'A RE TUTT'A RE TU RE BDAG GI TSE DANG BSOD NAMS 'PHEL BAR GYUR CIG ,CES SPEL TSIG DANG BCAS PA BZLA BA'AM, YANG NA SPEL TSIG DANG BCAS PA THOG MTHAR BRGYA RE TZAM BZLAS NAS, BAR DU YI GE BCU PA RANG BZLAS KYANG CHOG GO, 'OD ZER GYI GUR KHYIM RNAMS KYI NANG ME TOG AUTPA LA'I TSOGS KYIS GANG BAR BSAM MO, ,THUN MTSAMS SU DKAR GTOR BYIN GYIS BRLABS LA 'BUL ZHING, 'DOD DON LA GSOL BA 'DEBS PA SOGS BYA'O, ,SGROL DKAR YID BZHIN 'KHOR LO'I SGRUB THABS 'DI NI MKHAS GRUB NOR BZANG RGYA MTSO'I GSUNG BZHIN DU DGE 'DUN RGYA MTSO'I DPAL GYIS BDE CHEN RTZER SBYAR BA'O,, ,, ` NA MO A'ARYA T'A RE YA, SGROL DKAR YID BZHIN 'KHOR LO'I RJES GNANG BYA BAR 'DOD PAS, RE KHA DKAR POS MAndAL PAD 'DAB DKAR PO BRIS LA, DE'I STENG DU MAndA'I KHAR RJE BTZUN MA'I SKU'AM, ZLUM GTOR DKAR GTOR RIL BUS BSKOR BA GANG YANG RUNG BA BZHAG ,MTHA' MCHOD PAS BSKOR, RANG NYID RJE BTZUN MA'I BDAG BSKYED BZLAS PA DANG BCAS PA SNGON DU BTANG, AOm BADZRA KUndA LI SA MDUN BSKYED KYI MAndAL BSANGS, SVA BH'A WA SA STONG PAR SBYANGS, STONG PA'I NGANG LAS, PAD ZLA'I STENG DU GTOR MA'AM SKU GZUGS DE NYID RJE BTZUN MAR MNGON RTOGS BZHIN BSKYED, YE SHES PA DGUG GZHUG DBANG BSKUR RGYAS GDAB, MCHOD BSTOD SNGON DU 'GRO BAS MDUN BSKYED LA DMIGS PA'I BSNYEN PA CI RIGS BYA, DE NAS SLOB MA RNAMS KHRUS BYAS, PHYAG DANG MAndAL SNGON DU 'GRO BAS, DUS GSUM SANGS RGYAS THAMS CAD DANG, ,SKU GSUM YE SHES DBYER MED PA, ,'GRO BA'I 'DREN MCHOG RJE BTZUN MA'I, ,RJES GNANG DAM PA STZAL DU

, ,GSOL, ,ZHES LAN GSUM GYIS GSOL BA GDAB, SPYI 'GRO DANG, KHYAD PAR GDAMS PA 'DI'I LO RGYUS SOGS BSHAD DE SPRO BA BSKYED, SEMS CAN THAMS CAD KYI DON DU SANGS RGYAS THOB PAR BYA, DE'I PHYIR DU BYANG CHUB SEMS DPA'I SDOM PA GZUNG LA RGYAL SRAS KYI SPYOD PA LA BSLAB SNYAM PA MDZOD LA, 'DI'I RJES ZLOS MDZOD CES BRJOD LA, DKON MCHOG GSUM LA BDAG SKYABS MCHI, ,ZHES SOGS LAN GSUM GYI RJES ZLOS BYED DU GZHUG ,DE NAS MAndAL BSTAN PA NI, MDUN NA GNAS PA'I SKU 'DRA'AM GTOR MA 'DI NYID PADMA DKAR PO DANG ZLA BA'I STENG DU RJE BTZUN MA 'PHAGS MA YID BZHIN 'KHOR LO SKU MDOG DKAR PO, ZHES SOGS MNGON RTOGS BZHIN GSAL BTAB LA, DE DANG BLA MA GNYIS KA RJE BTZUN MAR SGOM DU GZHUG ,SKU'I RJES GNANG GI DON DU SNGAR GYI TSIGS BCAD KYI RKANG PA THA MA LA, SKU YI RJES GNANG STZAL DU GSOL, ,ZHES SBYAR LA GSOL BA GDAB, DE NAS SLOB MA BSANGS SBYANGS, MNGON RTOGS BZHIN RJE BTZUN MAR BSKYED NAS SGOM DU BCUG LA, BLA MA'I THUGS KAR SA BON GYI 'OD ZER GYIS RANG BZHIN GYI GNAS NAS RJE BTZUN YID BZHIN 'KHOR LO LA SANGS RGYAS DANG BYANG CHUB SEMS DPA'I TSOGS KYIS BSKOR BA SPYAN DRANGS, MDUN GYI NAM MKHAR SPRIN GYI PHUNG PO 'KHRIGS PA BZHIN DU BYON, KHYED RANG RNAMS KYI LUS LA CHAR CHEN PO BABS PA BZHIN DU SIB SIB THIM PAS RANG GI LUS DANG RJE BTZUN MA'I SKU DBYER MED DU GYUR PA'I MOS PA MDZOD, CES BRJOD LA DRIL BU DKROL, ME TOG GTOR, DES SKU'I RJES SU GNANG BA THOB, LUS KYI DRI MA DAG ,LUS LHAR SGOM PA'I SKAL BA CAN DU BYAS, 'CHI MED TSE'I DNGOS GRUB DAM PA THOB SNYAM PA MDZOD, CES BRDA

SPRAD, GSUNG GI RJES GNANG NI SNGAR GYI TSIGS BCAD KYI SKU'I ZHES PA'I GNAS SU GSUNG ZHES SOGS BCUG NAS GSOL BA GDAB, SLOB MA RJE BTZUN MAR GSAL BA'I THUGS KAR TAm YIG DKAR PO 'OD DU ZHU BA LAS 'KHOR LO DKAR PO RTZIBS BRGYAD LTE BA DANG BCAS PA MU KHYUD RIM PA GSUM DANG LDAN PA, LTE BAR ZLA BA'I DKYIL 'KHOR GYI STENG DU TAm YIG GI MTHAR AOm DANG H'A'I BAR DU SPEL TSIG SBYAR BAS BSKOR BA, RTZIBS BRGYAD LA RIM PA LTAR T'A RE TUTTA RE TU RE SV'A H'A ZHES PA'I YI GE BRGYAD, MU KHYUD NANG MA LA A'A LI, BAR MA LA K'A LI, PHYI MAR RTEN 'BREL SNYING POS BSKOR BA, BLA MA DANG MDUN BSKYED KYI LHA'I THUGS KAR YANG SNGAGS 'KHOR DE 'DRA ZHIG BSAMS NAS, DE LAS 'OD ZER DKAR PO 'PHROS, SLOB MA'I SNGAGS 'KHOR LA PHOG PAS 'OD ZER DKAR PO DPAG TU MED PA 'PHROS, NAD GDON SDIG SGRIB THAMS CAD DANG, KHYAD PAR TSE'I BAR CHAD ZHI BAR BYAS, 'OD ZER BA SPU'I SGO NAS PHYIR 'PHROS PAS SLOB MA'I SKU'I PHYI NAS 'OD ZER DKAR PO'I GUR KHYIM 'DOM GANG KHOR YUG TZAM ZHIG GIS DKAR SGYIR GYIS BSKOR BAS ZHI BA'I LAS RNAMS 'GRUB PA'I SKAL BA CAN DU BYAS, DE BZHIN DU 'OD ZER SER PO, ,DMAR PO, MTHING KHA RNAMS RIM PA BZHIN SPROS PAS SLOB MA'I SNGAGS 'KHOR LA PHOG ,DE LAS KYANG DE BZHIN 'PHROS PAS 'OD ZER DKAR PO'I GUR KHYIM GYI PHYI NAS SER PO, DMAR PO, MTHING KHA RNAMS KYIS BSKOR BAS RGYAS PA, DBANG, DRAG PO'I LAS 'GRUB PA'I SKAL BA CAN DU BYAS, DE BZHIN DU 'OD ZER LJANG GUS LAS RAB 'BYAMS DANG, MCHIN KHAS DE THAMS CAD BRTAN PAR BYAS PAR BSAMS

, ,LA; YE DHARM'A, K'A LI, A'A LI RNAMS TSAR RE DANG, SNYING PO SPEL TSIG DANG BCAS PA LAN GSUM MAM, LNGA'I RJES ZLOS BYED DU GZHUG BCOM LDAN BDAG GIS GZUNG LAGS KYIS, ,BDAG LA NYE BAR MDZAD DU GSOL, ,ZHES GSOL BA BTAB PAS BLA MA'I THUGS KA'I SA BON GYI 'OD ZER GYIS RJE BTZUN MA'I GSUNG GI BYIN RLABS RNAMS DBYANGS GSAL GYI YI GE'I RNAM PAR SPYAN DRANGS, ME TOG LA THIM PA'I ME TOG SPYI BOR BZHAG PAS SNYING GA'I SNGAGS RNAMS NUS PA DANG LDAN PAR BYAS SNYAM PA MDZOD, CES DANG, BCOM LDAN 'DI LA STZAL LAGS KYIS, ,'DI LA NYE BAR MDZAD DU GSOL, ,ZHES BRJOD, DES GSUNG GI RJES GNANG THOB, NGAG GI SDIG SGRIB DAG RANG GI NGAG DANG RJE BTZUN MA'I GSUNG DBYER MED DU GYUR SNYAM PA MDZOD CES BRDA SPRAD, THUGS KYI RJES GNANG NI, YANG THUGS KYI ZHES 'DON PA SPOS LA GSOL BA GDAB, DE NAS BLA MA'I THUGS KA'I SA BON LAS RJE BTZUN MA'I THUGS KYI BYIN RLABS THAMS CAD PHYAG MTSAN ME TOG AUTPAL DANG, BKRA SHIS RTAGS BRGYAD RGYAL SRID SNA BDUN LA SOGS PA'I RNAM PAR SPROS, SLOB MA'I SNYING GAR THIM PAS YID KYI SGO NAS BSAGS PA'I SDIG SGRIB THAMS CAD DAG THUGS KYI BYIN RLABS ZHUGS, RANG GI YID DANG RJE BTZUN MA'I THUGS DBYER MED DU GYUR PA'I MOS PA MDZOD, CES BRDA SPRAD, DE NI THUGS KYI RJES GNANG NGO, , DE NAS DBANG LHA BSTIM PA'I RJES GNANG NI, BCOM LDAN BDAG LA STZAL LAGS KYIS, ,BDAG LA 'GO BAR MDZAD DU GSOL, ,ZHES LAN GSUM GSOL BA BTAB PA LAS, GTOR MA RJE BTZUN MAR BSKYED PA SPYI BOR BZHAG ,BCOM LDAN 'DI LA STZAL LAGS KYIS,,

'DI LA 'GO BAR MDZAD DU GSOL, ,DUS 'DI NAS NI THAMS CAD DU, ,LHAG PA'I LHA NI MDZAD DU GSOL, ,DNGOS GRUB THAMS CAD STZAL DU GSOL, ,ZHES BRJOD PAS RJE BTZUN MA SLOB MA'I LUS LA THIM PAS RJE BTZUN MA'I SKU GSUNG THUGS DANG SLOB MA'I LUS NGAG YID GSUM DBYER MED DU GYUR PAR BSAM MO, ,ZHES RJE BTZUN MA'I RJES GNANG BYED TSUL 'DI NYID, YANG DGON NAS RIN PO CHE'I GDAN SA PA NGAG DBANG RGYA MTSOS NAN GYIS BSKUL BA'I NGOR, CHOS SMRA BA'I DGE SLONG DGE 'DUN RGYA MTSO'I DPAL GYIS SA GA ZLA BA'I DGA' BA DANG PO'I TSES LA DGA' LDAN PHO BRANG DU THOGS MED DU SMRAS PA'O, ,'DI'I BRGYUD PA NI RJE BTZUN MA YID BZHIN 'KHOR LO, MKHAS GRUB NOR BZANG RGYA MTSO, DES BDAG LA DGYES BZHIN DU GNANG BA'O,, ,, ` 'JIG RTEN MES PO'I ZHAL GYI CHU SKYES LAS, ,LEGS 'KHRUNGS NGANG PA'I BU MO DBYANGS CAN MA, ,BDAG GI YID MTSOR RTAG TU ROL CIG DANG, ,KHYOD NYID SGRUB PA'I RIM PA BDAG GIS BSHAD, ,DE YANG LHA MO DBYANGS CAN MA DKAR MO SGRUB PAR 'DOD PAS SKYABS 'GRO SEMS BSKYED SNGON DU BTANG, RANG SKAD CIG GIS LHA MO DBYANGS CAN MAR GSAL BA'I THUGS KA'I HR'Im LAS 'OD ZER 'PHROS, BLA MA DANG GNYIS SU MED PA'I LHA MO DBYANGS CAN MA LA SANGS RGYAS DANG BYANG CHUB SEMS DPA'I TSOGS KYIS BSKOR BA SPYAN DRANGS, MDUN GYI NAM MKHAR BZHUGS PAR MOS LA, AOm SVA RA SVA STI AARGHAm PRAT'I TZTSA H'Um SV'A H'A, DE BZHIN DU SHAPTA 'I BAR GYIS MCHOD, DKON MCHOG GSUM LA BDAG SKYABS MCHI, ,ZHES SOGS KYIS SDOM PA GZUNG, TSAD MED BZHI SGOM PA SOGS BSOD NAMS KYIS TSOGS BSAGS PA SNGON DU 'GRO BAS, YE SHES KYI TSOGS BSAGS PA NI, AOm SH'U N+YA T'A DZNY'A NA BADZRA SVA

, ,BH'A WA A'ATMA KONYA HAm, ZHES PA'I SNGAGS KYI DON DRAN PA'I SGO NAS NGAG TU BRJOD PAS, 'KHOR 'DAS KYIS BSDUS PA'I CHOS THAMS CAD RANG BZHIN GYIS GRUB PAS STONG PA NYID DANG RANG GI SEMS RO GCIG TU GYUR PAR BSAM, STONG PA'I NGANG LAS PAm LAS PADMA DKAR PO 'DAB MA BRGYAD PA'I LTE BAR AA LAS ZLA BA'I DKYIL 'KHOR DKAR BSIL NYA GANG BA'I STENG DU RANG GI SEMS NYID YI GE HR'Im DKAR PO, DE LAS 'OD 'PHROS, 'PHAGS PA MCHOD, SEMS CAN THAMS CAD KYI MI SHES PA'I MUN PA BSAL, SHES RAB KYI SNANG BA LA BKOD, TSUR 'DUS YONGS SU GYUR PA LAS RANG NYID LHA MO DBYANGS CAN MA SKU MDOG DKAR MO ZHAL GCIG PHYAG GNYIS KYI G-YON PAS DRI ZA'I PI WANG RGYUD STONG DANG LDAN PA DKU G-YON PA'I PHYOGS SU BRTEN NAS 'DZIN CING SOR GDUB KYI PHRENG BAS MDZES PA'I PHYAG G-YAS PA'I SOR MO'I CHA SHAS KYIS PI WANG RDUNG BA LA BRTZON PA, ZHABS GNYIS TZOG PUR BZHUGS SHING, DAR SNA TSOGS KYI SMAD G-YOGS DANG STOD G-YOGS CAN, RIN PO CHE'I DBU RGYAN, MGUL RGYAN, DO SHAL, GDU BU, SKA RAGS SOGS KYIS MDZES PA, DBU SKRA MTHON MTHING LTAR MDZES PA'I PHYED THUR DU GROL BA'I ZAR BUS SKU STOD KHEBS SHING PHYED GYEN DU BCINGS PA'I THOR TSUGS LA ME TOG GI PHRENG BA BCINGS SHING, RIN PO CHE'I GTZUG RGYAN DANG ZLA BA PHYED PAS MDZES PA; DE'I SPYI BOR AOm DKAR PO, MGRIN PAR A'A: DMAR PO, THUGS KAR H'Um MTHING KHAS MTSAN PA, RANG GI SNYING GYEN DU BSLANG BA'I NANG DU SROG GI NGO BO YI GE AOm DKAR PO'I N'A DA LAS 'OD ZER DKAR PO LCAGS KYU LTA BU DBUGS PHYIR RGYU BA DANG LHAN

CIG TU SNA BUG G-YAS PA NAS 'PHROS TE LHO PHYOGS KYI RGYA MTSO CHEN PO'I 'GRAM DRI ZA DGA' BA'I TSAL ZHES BYA BA NA LHA MO DBYANGS CAN MA BZHUGS PA'I SHANGS BUG G-YON PA NAS ZHUGS PA SHES RAB KYI 'KHOR LO LA LCAGS KYUS 'THEN PA BZHIN DU REG SHANGS BUG G-YAS NAS THON, SKAR MDA' 'PHANGS PA BZHIN DU MDUN GYI NAM MKHAR SPYAN DRANGS, AOm PRI TI DE W'I HR'Im PUshPE A'A: H'Um, DE BZHIN DU DH'U PE, AA LO KE GAN DHE, NEE WI DYA, SHAPTA A'A: H'Um GIS MCHOD NAS, DZA: H'Um BAm HO: ZHES BRJOD DE, DBUGS RNGUB PA DANG LHAN CIG TU 'KHOR LO 'OD KYI RNAM PAR RANG GI SNA BUG G-YON NAS ZHUGS, THUGS KA'I AAm LA THIM, DE YONGS SU GYUR PA LAS RANG GI SNYING GAR DBYANGS CAN MA'I SHES RAB KYI 'KHOR LO PADMA DKAR PO 'DAB MA BRGYAD PA'I LTE BAR ZLA BA'I DKYIL 'KHOR GYI STENG DU RANG GI SEMS NYID YI GE HR'Im DKAR PO N'A DA DANG BCAS PA GYEN DU LANGS PA'I RNAM PA CAN, MDUN NAS BRTZAMS TE 'DAB MA BRGYAD LA G-YAS SKOR GYI RIM PA BZHIN, AA A'A, AI A'I, AU A'U, Ri R'i, Li L'i, AE AEE, AO AOO, AAm AA: RNAMS 'DAB MA RE RE LA YI GE GNYIS GNYIS MAR ME'I PHRENG BA LTAR DKAR ZHING 'OD GSAL BA'I 'OD ZER GYIS LUS KYI NANG THAMS CAD BUM NANG GI MAR ME'I 'OD LTAR DKAR MER GYIS KHENGS, MI SHES PA'I MUN PA THAMS CAD SANGS, SHES BYA THAMS CAD DANG KHYAD PAR 'CHAD RTZOD RTZOM GSUM LA BLO GROS KYI SNANG BA THOGS MED DU RGYAS, LUS NGAG YID GSUM BDE BA CHEN POS KHYAB PAR BSGOM, DE LTAR BSGOMS PAS SKYO NA BZLAS PA BYA BA NI, HR'Im ZHES BRJOD PAS THUGS KA'I HR'Im GI N'A DA LAS MAR ME LAS

, ,MAR ME CHAD PA LTAR HR'Im YIG GI PHRENG BA RANG GI ZHAL NAS THON, LTE BAR ZHUGS, SNYING GA'I HR'Im LA THIM PAR BSAM ZHING, HR'Im RE RE BRJOD PA'I RING LA SKOR BA RE 'KHOR BA MGAL ME'I 'KHOR LO LTA BUR MYUR DU 'KHOR BA'I 'OD ZER GYIS THOG MED NAS KYI SDIG SGRIB THAMS CAD DANG, KHYAD PAR MI SHES PA'I MUN PA THAMS CAD BSAL, BLO GROS KYI SNANG BA THOGS MED DU RGYAS PAR BSAMS NAS BZLA, YANG 'KHOR LO'I LTE BA'I HR'Im YIG LAS 'OD ZER DPAG TU MED PA 'PHROS, PHYOGS BCU'I SANGS RGYAS DANG BYANG CHUB SEMS DPA' THAMS CAD DANG, NYAN THOS DANG RANG SANGS RGYAS THAMS CAD KYI MKHYEN PA'I YE SHES DANG, TSANGS PA DANG BRGYA BYIN DANG PAndI TA LA SOGS PA RNAMS KYI 'CHAD RTZOD RTZOM GSUM GYI SHES RAB DANG, NYI MA DANG ZLA BA, GZA' DANG RGYU SKAR, NOR BU DANG SMAN RTZI BCUD DANG LO THOG RNAMS KYI BCUD, SEMS CAN THAMS CAD KYI TSE DANG BSOD NAMS, STOBS DANG GZI BRJID LA SOGS PA RNAMS 'OD KYI RNAM PAR BSDUS TE HR'Im YIG LA THIM PAS LUS THAMS CAD 'OD KYIS GANG, 'KHOR 'DAS KYI YON TAN THAMS CAD BDAG NYID LA MNGON DU GYUR PAR BSAMS LA, TSIG GZHAN GYIS BAR MA CHOD PAR HA CANG MYUR BA DANG BUL BA SOGS KYI SKYON DANG BRAL BAR 'BUM PHRAG NYI KHRI LNGA STONG LA SOGS PA BZLA BAR GSUNGS KYANG 'BUM PHRAG LNGA'AM, RTAGS MA BYUNG GI BAR DU BZLAS PA BYA ZHING, DE'I TSE SEMS CAN THAMS CAD KYANG RANG NYID LTA BU'I LHA MO 'KHOR DANG BCAS PAR GYUR TE RANG DANG MNYAM DU SNGAGS KYI SGRA DI RI RI BSGRAGS PAS DE RNAMS KYANG SDIG SGRIB THAMS

CAD DAG NAS SHES BYA THAMS CAD LA BLO GROS KYI SNANG BA THOGS MED DU RGYAS PAR BSAMS PAS MYUR DU 'GRUB PAR 'GYUR RO, ,THUN 'JOG KHAR SNGAGS PHRENG DANG RANG GI SNYING GA'I HR'Im YIG GI 'OD KYIS SNGAR BZHIN YON TAN THAMS CAD BSDUS PAR BSAM PA DANG, KHYAD PAR 'CHAD RTZOD RTZOM PA'I SHES RAB GANG SHES 'DOD CHE BA LAN GSUM DU BSDUS PAS LUS KYI NANG THAMS CAD DKAR MER GYIS GANG BA LA DMIGS PA GTAD DE SKAD CIG GIS MI G-YO BAR DKRONG GI BSGOMS LA BSNGO BA DANG SMON LAM BYA, DE LTAR BSGRUBS PAS RTAGS 'BYUNG STE, DNGOS SU SNGAR BAS DRAN PA GSAL ZHING LCE BDE BA DANG, GZHUNG MANG DU 'DZIN NUS PA DANG, SNYAN NGAG RTZOM 'DOD PA SOGS DANG, RMI LAM DU BU MO YID DU 'ONG BA RGYAN GYIS BRGYAN PAS DKAR GSUM GYI ZAS BYIN PA DANG, SHING THOG DANG RTZI SMAN SOGS BYIN PA ZOS PA DANG, THOD LE KOR DANG SHING BZANG PO LA SOGS PA'AM, RIN PO CHE DANG ME TOG GI PHRENG BA BYIN PA DANG, NYI ZLA SHAR BA DANG, ME TOG 'THU BA DANG, CHU GTZANG MA'I RGYUN LA KHRUS BYED PA SOGS 'BYUNG NGO, ,DE LTAR BSGRUBS KYANG RTAGS MA BYUNG ZHING DMIGS PA MI GSAL NA, THUGS KA'I DBYANGS YIG RNAMS MGO NANG DU BSTAN NAS HR'Im YIG GI MGO THUR DU BSTAN PA LTE BA NAS THON, KHAR ZHUGS HR'Im LA THIM PA SOGS SNGAR BZHIN BSGOM PA'AM YANG NA YIG 'BRU RNAMS 'KHRAB PA LA DMIGS PA GTAD DE BSGOM PAR BYA STE SPOGS CHOG GI DMIGS PA'O, ,SGRUB PA BYED PA'I TSE BGEGS KYI BAR CHAD BSRUNG BA'I PHYIR RTA MGRIN LA SOGS PA KHRO BO GANG YANG RUNG BA'I SGOM BZLAS CUNG ZAD BYA ZHING, GNAS SKABS SU DBUL BA'I SDUG BSNGAL BSAL BA'I PHYIR NOR LHA GANG YANG RUNG BA RE LA GTOR MA 'BUL BA SOGS KYANG BYA'O, ,THUN MTSAMS SU GTOR MA BYA BA'I TSUL NI, SNOD GTZANG MAR DKAR GSUM GYI GTOR MA CHAB KYIS BRAN, SVA BH'A WA SA STONG PAR SBYANGS, AOm A'A: H'Um GIS BDUD RTZI'I RGYA MTSO CHEN

, ,POR BYIN GYIS BRLABS TE, MDUN DU RANG 'DRA'I DBYANGS CAN MA SPYAN DRANGS, AOm SVA RA SVA STI HR'Im AA K'A RO MU KHAm SARBA DHARM'A nAm, AADY'A NUD PA NAN TVAD AOm A'A: H'Um PHAt SV'A H'A ZHES PA LNGA'AM BDUN GYIS PHUL BAS LJAGS NAS 'OD KYI SBU GU BYUNG STE GTOR MA'I BCUD THAMS CAD GSOL BAS MNYES PAR BSAM ZHING SNGAR BZHING AARGHAm SOGS KYIS MCHOD, MA LUS RGYAL BA'I YE SHES SGYU 'PHRUL GAR, ,PHYAG NA PADMO'I TSEMS DKAR ZE 'BRU LAS, ,YID 'PHROG 'JO SGEG LHA MO'I SKUR BSTAN PA, ,NGAG DBANG LHA MO'I ZHABS LA PHYAG 'TSAL LO, ,KEE LA SHA YI PHUNG PO LTAR MDZES SKU, ,STON KA'I ZLA BA LAN BRGYAR PHYIS PA'I ZHAL, ,AUTPAL NAGS TSAL NYE BAR 'PHOS PA'I SPYAN, ,BCU DRUG LANG TSO'I DPAL MNGA' KHYOD LA 'DUD, ,ZHAL NAS DBYANGS GSAL PHRENG BA'I GLU DBYANGS DANG, ,PHYAG GNYIS DRI ZA'I PHANG 'GRO'I SGRA SNYAN GYIS, ,KUN GYI RNA BA'I BCUD LEN RGYAS MDZAD MA, ,ZHABS GNYIS TZOG BU'I TSUL GYIS 'GYING LA 'DUD, ,HR'Im YIG DBYANGS GSAL PHRENG BA'I 'OD RIS CAN, ,SHES RAB 'KHOR LO SNYING LA BRAN PAS KYANG,, 'CHAD RTZOD RTZOM LA THOGS PA MED PA'I BLO, ,STER MDZAD NGAG DBANG LHA MO KHYOD LA 'DUD, ,BSHAD PAS BLO GSAL TSOGS RNAMS DGA' BYED CING, ,RTZOD PAS PHAL RGOL MA LUS ZIL GYIS GNON, ,SDEBS LEGS RTZOM PAS MKHAS RNAMS MGU BYED PA'I, ,'CHAD RTZOD RTZOM PA'I SHES RAB BDAG LA STZOL, ,ZHES PAS BSTOD, 'DOD DON LA GSOL BA GDAB CING DBUGS NANG DU RGYU BA DANG LHAN CIG TU MDUN BSKYED KYI LHA MO RANG LA THIM PAR BSAM, BKRA SHIS KYI TSIGS BCAD DAG KYANG BYA'O, ,NGAG DBANG LHA MO DBYANGS CAN MA SGRUB PA'I

THABS KYI RIM PA ZHAL SHES DANG MAN NGAG GI GNAD YONGS SU RDZOGS PAR BKOD PA SHES RAB KYI SNANG BA RGYAS BYED CES BYA BA 'DI NI RIG GNAS MTHA' DAG LA THOGS PA MED PA'I MKHYEN RAB KYI DBANG PHYUG CHOS RGYAL CHEN PO RIN CHEN KUN DGA' CHOS SKYONG GRAGS PA RNAM RGYAL DPAL BZANG PO'I BKAS NYE BAR BSKUL BA LA BRTEN NAS BTZUN PA DGE 'DUN RGYA MTSO'I DPAL GYIS DGA' LDAN PHO BRANG DU NYE BAR SBYAR BA'I YI GE PA NI BKA' BCU PA YON TAN MCHOG GIS BGYIS PA'O,, ,, ` BLA MA DANG LHAG PA'I LHA LA PHYAG 'TSAL LO, ,BCOM LDAN 'DAS MI G-YO BA DKAR PO SGRUB PAR 'DOD PAS SKYABS 'GRO, SEMS BSKYED, TSAD MED BZHI SGOM PA SNGON DU BTANG, SVA BH'A WA SA STONG PAR SBYANGS, STONG PA'I NGANG LAS PAm LAS PADMA DKAR PO 'DAB MA BRGYAD PA'I LTE BAR RAm LAS NYI MA'I DKYIL 'KHOR GYI STENG DU RANG GI SEMS NYID H'Um YIG DKAR PO, DE LAS 'OD ZER 'PHROS, SEMS CAN THAMS CAD KYI SDIG SGRIB SBYANGS, PHYOGS BCU'I SANGS RGYAS SRAS BCAS THAMS CAD LA MCHOD, DE RNAMS KYI MKHYEN BRTZE MDZAD PA 'PHRIN LAS THAMS CAD BSDUS, H'Um LA THIM, DE YONGS SU GYUR PA LAS RANG NYID BCOM LDAN 'DAS MI G-YO BA SKU MDOG GANG RI LTAR DKAR ZHING BRJID PA, ZHAL GCIG PHYAG GNYIS G-YAS SHES RAB KYI RAL GRI NAM MKHAR 'PHYAR ZHING, G-YON PA THUGS KAR SDIGS MDZUB DANG BCAS PAS RDO RJE'I ZHABS PA 'DZIN PA, ZHABS G-YAS PA'I MTHIL GYIS NYI GDAN MNAN CING G-YON PA'I PUS MO NYI GDAN LA BTZUGS PA, DMAR LA ZLUM PA'I SPYAN GSUM DANG LDAN ZHING ZHAL GDANGS NAS MCHE BA BZHI GTZIGS PA, SMIN MA DANG SMA RA DMAR SER GYEN DU 'KHYIL ZHING DBU SKRA KHAM SER GYEN DU BRDZES PA, RIN

, ,PO CHE'I RGYAN SNA TSOGS KYIS BRGYAN CING SKU SMAD DAR GYI SHAM THABS GSOL BA, DE'I SPYI BOR AOm DKAR PO, MGRIN PAR A'A: DMAR PO, THUGS KAR H'Um SNGON PO, DE LAS 'OD 'PHROS, RANG BZHIN GYI GNAS NAS BSGOMS PA DANG 'DRA BA'I YE SHES PA SPYAN DRANGS, DZA: H'Um BAm HO: GNYIS SU MED PAR GYUR, SLAR YANG THUGS KA'I H'Um LAS 'OD 'PHROS, DBANG GI LHA RNAMS SPYAN DRANGS, KHYED RNAMS KYIS BDAG LA MNGON PAR DBANG BSKUR DU GSOL ZHES GSOL BA BTAB PAS AOm BADZRI BHA WA AA BHI shINYTZA H'Um ZHES BDUD RTZI'I CHUS DBANG BSKUR, CHU'I LHAG MA SPYI GTZUG TU GNAS PA YONGS SU GYUR PA LAS MI BSKYOD PAS DBU BRGYAN PAR BSAM, MCHOD PA BSANGS SBYANGS BYIN GYIS BRLABS LA, AOm A'ARYA AA TZA LA SA PA RI W'A RA AARGHAm PRA T'I TZTSA H'Um SV'A H'A, DE BZHIN DU SHAPTA'I BAR SBYAR LA MCHOD PA DBUL, DUS GSUM RGYAL BA KUN GYI SKU YI DNGOS, ,GANGS RI LTAR DKAR RAB BRJID KHRO BO'I SKU, ,DRAN PA TZAM GYIS SHES RAB MCHOG STZOL BA'I, ,BCOM LDAN MI G-YO MGON LA PHYAG 'TSAL LO, ,ZHES PAS BSTOD NAS, BZLAS PA BYA BA NI, RANG GI SNYING GAR ZLA BA'I DKYIL 'KHOR GYI STENG DU RANG GI SEMS NYID H'Um YIG DKAR PO, DE'I MTHA' SKOR DU AOm TZAndA MA H'A RO shA NA H'Um PHAt CES PA'I YI GE BCU PA'I SNGAGS KYI PHRENG BA GZUGS YI GE DBU CAN GYI RNAM PA CAN, KHA DOG DKAR LA DMAR BA'I MDANGS CHAGS PAS BSKOR BA, DE LAS 'OD ZER DPAG TU MED PA 'PHROS, LUS KYI NANG THAMS CAD GANG, SGO GSUM GYI MI SHES PA'I MUN PA THAMS CAD BSAL, 'OD ZER BA SPU'I SGO NAS PHYIR 'PHROS PHYOGS BCU'I RGYAL BA SRAS

BCAS MCHOD, DE RNAMS KYI MKHYEN PA'I YE SHES DANG, GZHAN YANG PAndITA RNAMS KYI 'CHAD RTZOD RTZOM GSUM GYI SHES RAB, TSANGS PA DANG BRGYA BYIN LA SOGS PA RNAMS KYI SHES RAB DANG MTHU STOBS THAMS CAD DANG, MDOR NA 'JIG RTEN DANG 'JIG RTEN LAS 'DAS PA'I SHES RAB THAMS CAD BSDUS NAS RANG GI THUGS KA'I H'Um LA THIM PAS 'CHAD RTZOD RTZOM GSUM LA BLO GROS KYI SNANG BA THOGS MED DU RGYAS PAR MOS NAS SMRA BA BCAD DE BSNYEN PA BYA'O, ,DE LTAR BSNYEN PA BYAS PAS PHYAG MTSAN GYI RAL GRI SOGS MTSON CHA RNYED PA DANG, NYI ZLA SHAR BA DANG, DUNG BUS PA DANG, RGYAL MTSAN DANG BA DAN 'PHYAR BA DANG, GOS DKAR PO DRI MA MED PA GYON PA DANG, GANGS RI MTHON PO'I RTZE LA 'DZEGS PA SOGS RMI LAM DU BYUNG NA 'GRUB PA'I MTSAN MAR BSHAD DO, ,THUN GYI MTHAR GTOR MA BYA BAR 'DOD NA, DKAR GTOR CHAB GYIS BRAN, AOm A'A: H'Um GIS BDUD RTZIR BYIN GYIS BRLABS, RANG GI THUGS KA'I SA BON GYI 'OD ZER GYIS BSGOMS PA DANG 'DRA BA'I BCOM LDAN 'DAS MI G-YO BA MDUN DU SPYAN DRANGS, DE'I LJAGS H'Um LAS SKYES PA'I RDO RJE RTZE GCIG PA 'OD KYI SBU GU CAN DU GYUR PAR BSAMS LA, AOm TZAndA MA H'A RO shA NA H'Um PHAt BA LIm TA KHA KHA, KH'A HI KH'A HI LAN GSUM MAM BDUN GYIS DBUL, AARGHAm SOGS KYIS MCHOD, SNGAR BZHIN BSTOD NAS 'DOD DON LA GSOL BA GDAB PAR BYA'O, ,MI G-YO BA DKAR PO'I SGRUB THABS MDOR BSDUS PA 'DI NI DGE 'DUN RGYA MTSO'I DPAL GYIS RNAM SRAS LHA RTZER BKOD PA'O,, ,, ` GANG GI ZHABS ZUNG NOR BU'I 'OD, ,REG PA YIS KYANG 'GRO 'DI LA, ,'CHI MED TSE DANG MCHOG STZOL BA, ,BLA MA 'KHOR LO SDOM PAR 'DUD, ,DPAL 'KHOR LO BDE MCHOG DKAR PO'I SGO NAS TSE BSRING BA'I MAN NGAG

, ,LA RANG NYID KYI TSE BSRING BA'I THABS DANG GZHAN GYI TSE BSRING BA'I THABS NYAMS SU BLANG BA'I TSUL GNYIS LAS, DANG PO NI, GNAS DBEN PAR STAN BDE BA LA 'DUG STE, SKYABS 'GRO SEMS BSKYED SNGON DU BTANG, SVA BH'A WA SA STONG PAR SBYANGS, STONG PA'I NGANG LAS PADMA DANG NYI MA'I GDAN GYI STENG DU RANG GI SEMS NYID H'Um DKAR PO DANG HR'I DMAR POR GSAL BA LAS 'OD 'PHROS, 'PHAGS PA MCHOD, SEMS CAN GYI DON BYAS, TSUR 'DUS YONGS SU GYUR PA LAS RANG NYID DPAL 'KHOR LO BDE MCHOG SKU MDOG DKAR PO, ZHAL GCIG PHYAG GNYIS PA, PHYAG GNYIS KYIS 'CHI MED TSE'I BDUD RTZIS GANG BA'I BUM PA DMAR PO RE RE 'DZIN PA, DE'I PANG DU RDO RJE RNAL 'BYOR MA SKU MDOG DMAR MO PHYAG GNYIS KYI 'CHI MED TSE'I BDUD RTZIS GANG BA'I THOD PA RE RE 'DZIN PAS 'KHYUD PA, YAB RDO RJE'I SKYIL KRUNG DANG, YUM PADMA'I SKYIL KRUNG GIS BZHUGS PA, GNYIS KA'ANG RUS PA DANG RIN PO CHE'I RGYAN GYIS SPRAS PA'I SPYI BOR AOm, MGRIN PAR A'A: THUGS KAR H'Um, THUGS KA'I H'Um LAS 'OD 'PHROS BSGOMS PA DANG 'DRA BA'I YE SHES PA SPYAN DRANGS, DZA: H'Um BAm HO: GNYIS SU MED PAR GYUR, SLAR YANG THUGS KA'I H'Um LAS 'OD 'PHROS, RIGS LNGA 'KHOR BCAS SPYAN DRANGS, KHYED RNAMS KYIS BDAG LA MNGON PAR DBANG SKUR DU GSOL, ZHES GSOL BA BTAB PAS BDUD RTZI'I CHUS SPYI BO NAS DBANG BSKUR, 'OD DPAG MED KYIS DBU BRGYAN PAR GYUR, MCHOD PA BYIN GYIS BRLABS LA, AOm AARGHAm PRA T'I TZTSA H'Um SV'A H'A, DE BZHIN DU P'A DYAm DANG, AOm BADZRA PUshPE A'A H'Um SV'A H'A, DE BZHIN DU SHAPTA'I BAR DU SBYAR LA MCHOD PA DBUL, RAB BRJID GANGS RI'I DBANG PO THUN

MTSAMS KYI, ,CHU 'DZIN GZHON NUS 'KHYUD PA LTA BU'I SKU, ,DRAN PA YIS KYANG TSE DANG MCHOG STZOL BA, ,HE RU KA DPAL YAB YUM LA PHYAG 'TSAL, ,ZHES PAS BSTOD, DE NAS BZLAS PA BYA BA NI, RANG GI THUGS KAR NYI MA'I DKYIL 'KHOR GYI STENG DU BUM PA DMAR PO 'CHI MED TSE'I BDUD RTZIS GANG BA, DE'I NANG DU RDO RJE DKAR PO RTZE LNGA PA'I LTE BAR ZLA GDAN LA RANG GI SEMS NYID H'Um YIG DKAR PO, DE'I N'A DA'I NANG DU BLA MA DANG GNYIS SU MED PA'I YI DAM BDE MCHOG YAB YUM MTSON GANG BA, DE'I PHYAG MTSAN GYI BUM PA DANG THOD PA'I NANG NAS PHYOGS BCU'I SANGS RGYAS THAMS CAD KYI YE SHES KYI RANG BZHIN 'CHI MED TSE'I BDUD RTZI'I RGYUN DKAR PO SKYA CHIL LI LI BABS, RANG SEMS H'Um YIG TU GSAL BA LA SIB SIB THIM PAS NAD GDON SDIG SGRIB THAMS CAD DAG, 'CHI MED TSE'I DNGOS GRUB THOB PAR BSAMS LA, RANG SEMS H'Um YIG DKAR POR GSAL BA'I MTHAR AOm HR'I: HA HA H'Um H'Um PHAt, TSE LA SRUNGS SHIG SV'A H'A ZHES PA'I SNGAGS 'PHRENG KHA DOG DKAR PO MU TIG GI PHRENG BA LTA BUS BSKOR BA LA RTZE GCIG TU DMIGS TE BSNYEN PA BYA, DE NAS THUN MTSAMS SU GTOR MA CHANG CHU NANG MCHOD KYIS BRAN, HA HO: HR'I: KHA DOG DRI RO NUS PA'I SKYON THAMS CAD BCOM ZHING BDUD RTZIR GYUR, AOm A'A: H'Um LAN GSUM BRJOD DE, RGYA CHER SPEL ZHING BYIN GYIS BRLABS PAR GYUR CES PAS BYIN GYIS BRLABS LA, SKAD CIG GIS RANG 'DRA'I YI DAM YAB YUM MDUN GYI NAM MKHAR SPYAN DRANGS, SNGAR BZHIN AARGHAm SOGS KYIS MCHOD LA, YI DAM GYI LJAGS LA H'Um DKAR PO LAS BYUNG BA'I RDO RJE DKAR PO RTZE GSUM PA NAS 'BRU TZAM 'KHOD PA'I RDO RJE'I 'OD ZER GYI

, ,SBU GUS DRANGS TE GSOL BAR BSAMS LA, AOm HR'I: HA HA H'Um H'Um PHAt AI DAm BA LIm KHA KHA, KH'A HI KH'A HI, ZHES PA LAN GSUM MAM BDUN GYIS DBUL, AOm A'A: H'Um BTAGS LA NANG MCHOD KYANG DBUL, SNGAR BZHIN BSTOD LA 'DOD DON LA GSOL BA GDAB, MTHAR YI DAM YAB YUM 'OD DU ZHU, RANG GI THUGS KA'I H'Um YIG LA THIM PAR BSAM MO, ,GZHAN GYI DON DU BYED NA BSGRUB BYA SNYING GA'I H'Um YIG DANG DBYER MED DU DMIGS PA GONG LTAR BYAS LA BSNYEN PA BYAS PAS RANG GZHAN GYI TSE DANG BSOD NAMS 'PHEL BAR 'GYUR RO ZHES PA 'DI YANG BTZUN PA DGE 'DUN RGYA MTSO'I DPAL GYIS BGYIS PA'O,, ,, ` GANG GI ZHABS ZUNG SNYING LA DRAN PAS KYANG, ,'CHI MED TSE DANG YE SHES MCHOG STZOL BA, ,TSE DPAG MED MGON DE LA PHYAG 'TSAL NAS, ,'CHI MED TSE YI SGRUB PA 'DIR BSHAD BYA, ,DE LA MA GCIG GRUB PA'I RGYAL MO'I LUGS KYI LHA GCIG BUM GCIG GI SGO NAS RANG GZHAN GYI DON BYA BAR 'DOD PAS, MCHOD PA RNAMS BLA MED SPYI 'GRO LTAR BYIN GYIS BRLABS NAS, TSOGS ZHING BYED NA RANG TSE DPAG MED DU GSAL BA'I THUGS KA'I SA BON GYI 'OD ZER GYIS BLA MA DANG TSE DPAG TU MED PA SPYAN DRANGS LA BDUN RNAM DAG BYA'O,, DE NAS SKYABS 'GRO SEMS BSKYED TSAD MED BZHI SGOM PA SNGON DU BTANG, SVA BH'A WA SA STONG PAR SBYANGS, STONG PA'I NGANG LAS PAm LAS PADMA DANG AA LAS ZLA BA'I GDAN GYI STENG DU RANG GI SEMS NYID YI GE HR'I: DMAR PO RING CHA TSEG DRAG DANG BCAS PA YONGS SU GYUR PA LAS RANG NYID RGYAL BA TSE DANG YE SHES DPAG TU MED PA SKU MDOG DMAR PO ZHAL GCIG ,PHYAG GNYIS MNYAM GZHAG GI STENG NA 'CHI MED TSE'I BDUD RTZIS GANG BA'I BUM PA BSNAMS PA, ZHABS RDO RJE'I SKYIL KRUNG GIS BZHUGS PA, MTSAN DPES SPRAS PA'I LONGS

SPYOD RDZOGS PA'I SKU'I RNAM PA CAN, RIN PO CHE'I RGYAN DANG DAR SNA TSOGS KYI NA BZAS KLUBS PA, DE'I SPYI BOR AOm, MGRIN PAR A'A: THUGS KAR H'Um, THUGS KA'I H'Um LAS 'OD 'PHROS, NUB PHYOGS BDE BA CAN NAS BSGOMS PA DANG 'DRA BA'I YE SHES PA SPYAN DRANGS, DZA: H'Um BAm HO: DAM TSIG PA DANG GNYIS SU MED PAR GYUR, SLAR YANG THUGS KA'I H'Um LAS 'OD 'PHROS, DBANG GI LHA RNAMS SPYAN DRANGS, KHYED RNAMS KYIS BDAG LA MNGON PAR DBANG SKUR DU GSOL, ZHES GSOL BA BTAB PAS, DE RNAMS KYIS YE SHES KYI BDUD RTZIS GANG BA'I BUM PA THOGS NAS, AOm SARBA TA TH'A GA TA AA BHI shE KA TA SA MA YA SHRI YE A'A: H'Um, ZHES DBANG BSKUR, LUS GANG, DRI MA DAG ,CHU'I LHAG MA SPYI GTZUG TU GNAS PA YONGS SU GYUR PA LAS, RANG GI BLA MA DANG DBYER MED PA'I SPRUL SKU TSE DPAG TU MED PAS DBU BRGYAN PAR GYUR, AOm AA P'A RA MI TA A'A YUR DZNY'A NA SA PA RI W'A RA AARGHAm PRA T'ITZTSA YE SV'A H'A, DE BZHIN DU SHAPTA'I BAR GYIS MCHOD, BCOM LDAN MGON PO TSE DPAG MED, ,SDIG PA'I DRI MA PHYIR BSAL NAS, ,MKHA' DANG MNYAM PA'I SKU MNGA' BA, MNYAM NYID SKU LA PHYAG 'TSAL LO, ,ZHES PAS BSTOD NAS, RIGS BDAG TSE DPAG TU MED PA'I PHYAG MTSAN BUM PA'I NANG DU ZLA BA'I DKYIL 'KHOR GYI STENG DU HR'I: 'I MTHAR SNYING PO DANG GZUNGS RING GIS BSKOR BA LAS 'OD ZER 'PHROS, RANG GI TSE MI MA YIN RNAMS KYIS PHROGS PA DANG, BRKUS PA DANG, YAR BA LA SOGS PA RNAMS BUM PA DANG THOD PA BDUD RTZIS GANG BA'I RNAM PAR BSDUS, SNGAGS PHRENG LA THIM, DE BZHIN DU 'BYUNG BA RNAMS KYI BCUD, SEMS CAN

, ,THAMS CAD KYI TSE DANG BSOD NAMS, SRID PA GSUM GYI PHUN TSOGS THAMS CAD DANG, RGYAL BA SRAS BCAS KYI SKU GSUNG THUGS KYI BYIN RLABS THAMS CAD BSDUS, SNGAGS PHRENG LA THIM, DE LAS BDUD RTZI'I RGYUN BABS, BUM PA 'CHI MED KYI BDUD RTZIS GANG BA LAS BDUD RTZI DKAR CHIL GYIS LUD NAS RANG GI SPYI BO TSANGS BUG NAS ZHUGS, LUS THAMS CAD GANG, DRI MA THAMS CAD DAG, 'CHI MED TSE'I DNGOS GRUB THOB PAR BSAMS LA, AOm AA M'A RA nI ZHES SOGS SNYING PO DANG GZUNGS RING GI BSNYEN PA BYA'O, ,DMIGS PA RGYAS PAR SGOM 'DOD NA GZHAN LA DBANG SKUR BA'I 'DON PA SPOS PAS CHOG GO ,GZHAN LA TSE DBANG SKUR TSUL NI, TSE BUM TSE CHANG TSE RIL RNAMS PHYAG LEN BZHIN DU BSHAMS, TSE BUM DBUS, TSE CHANG G-YAS, TSE RIL G-YON DU BZHAG MCHOD PA DANG GTOR MAS MTHA' BSKOR, MCHOD GTOR NANG MCHOD RNAMS BLA MED LTAR BYIN GYIS BRLABS LA, SVA BH'A WA'I SNGAGS BRJOD PA'I SGO NAS, TSE BUM MI DMIGS PA'I STONG PA NYID DU GYUR, STONG PA'I NGANG LAS BHRUm LAS RIN PO CHE'I BUM PA DMAR PO LTO BA CHE BA, MGRIN PA MTHO BA, MCHU 'PHYANG BA; LHA RDZAS KYI GOS KYIS MGUL PA DKRIS SHING DPAG BSAM SHING GIS KHA BRGYAN PA, DVANGS SHING THOGS PA MED PA, PHYI BUM PA'I RNAM PA YIN PA LA NANG LHA'I GZHAL YAS KHANG GRU BZHI SGO BZHI RTA BABS BZHI DANG LDAN PA LA SOGS PA MTSAN NYID THAMS CAD DANG LDAN PA, DE'I DBUS SU PADMA DANG ZLA BA'I GDAN GYI STENG DU HR'I: LAS RGYAL BA TSE DANG YE SHES DPAG TU MED PA ZHES PA NAS BSTOD PA'I BAR SNGAR BZHIN BYA, BZLAS PA'I DMIGS PA NI, TSE DPAG MED KYI PHYAG MTSAN BUM PA'I NANG DU ZLA BA'I DKYIL 'KHOR GYI

STENG DU HR'I:'I MTHAR SOGS SNGAR LTAR BYAS LA, SLOB MA RNAMS KYI TSE YAR BA DANG 'THOR BA LA SOGS PA DGUG PA'I DMIGS PA BYAS SHING BUM PA 'CHI MED KYI BDUD RTZIS GANG BAR GYUR PAR BSGOMS LA, GZUNGS RING DANG SNYING PO CI NUS BZLA, TSE CHANG NANG MCHOD LTAR SBYANG RTOGS SBAR GSUM BYAS LA BSGRUB, TSE RIL SMAN SNA TSOGS LAS GRUB PA'I BDUD RTZI'I RIL BUR BYAS LA 'JIG RTEN DANG 'JIG RTEN LAS 'DAS PA'I BCUD THAMS CAD BSDUS TE BSTIMS PAS 'CHI MED TSE'I RIL BUR BSAM LA DE GNYIS KA'ANG SNYING PO DANG GZUNGS RING BZLAS LA BSGRUB, GTOR MA NANG MCHOD LTAR BYIN GYIS BRLABS LA, BUM PA'I LHA LA SNGAR GYI MCHOD SNGAGS KYI MTHAR BA LIm TA BTAGS LA SPYI 'GRO LTAR DBUL, 'DOD DON LA GSOL BA GDAB, DE NAS SLOB MA RNAMS KHRUS BYAS, PHYAG DANG MAndAL SNGON DU 'GRO BAS, KUN MKHYEN YE SHES PHUNG PO CAN, ,ZHES SOGS KYIS LAN GSUM GSOL BA GDAB, SPYI DANG BYE BRAG GI CHOS BSHAD, KHYAD PAR GDAMS PA 'DI'I LO RGYUS DANG CHE BA SOGS BRJOD PAS SPRO BA BSKYED, DKON MCHOG GSUM LA BDAG SKYABS MCHI, ,ZHES SOGS KYIS SDOM PA GZUNG, MAndAL BSTAN PA NI, MDUN NA GNAS PA'I BUM PA 'DI NYID RIN PO CHE'I BUM PA DMAR PO, LTO BA CHE BA ZHES PA NAS, DAR SNA TSOGS KYI NA BZAS KLUBS PA, ZHES PA'I BAR SNGAR LTAR BRJOD NAS, DE 'DRA'I TSE DPAG TU MED PA ZHIG MNGON SUM DU MTHONG SNYAM PA DANG, BLA MA'ANG TSE DPAG TU MED PA DE 'DRA ZHIG TU SGOM DU BCUG ,SLOB MA MI DMIGS PA'I STONG PAR SBYANGS, STONG PA'I NGANG LAS PAD ZLA'I STENG DU TSE DPAG TU MED PAR BSKYED PA LA GNAS GSUM DU YI GE GSUM BKOD DE BYIN GYIS BRLAB, DE NAS DBANG BSKUR BA LA TSE BUM LA BRTEN NAS BSKUR BA, TSE CHANG LA BRTEN NAS BSKUR BA,

, ,TSE RIL LA BRTEN NAS BSKUR BA, TSE SPEL BA DANG BZHI LAS, DANG PO LA YAR BA DGUG PA, NYAMS PA GSO BA, TSE BSTIM PA DANG GSUM MO, ,DANG PO NI, BCOM LDAN 'DAS KYI PHYAG MTSAN BUM PA'I NANG DU ZLA BA'I DKYIL 'KHOR GYI STENG DU HR'I:'I MTHAR SNYING PO DANG GZUNGS RING GIS BSKOR BA LAS 'OD ZER 'PHROS, KHYED RANG RNAMS KYI TSE 'CHI BDAG GSHIN RJE, RGYAL GDON LA SOGS PA 'BYUNG PO MI MA YIN RNAMS KYIS PHROGS PA DANG BRKUS PA DANG YAR BA THAMS CAD BUM PA DANG THOD PA DANG LHUNG BZED BDUD RTZIS GANG BA'I RNAM PAR BKUG SNGAGS 'PHRENG LA THIM, DE LAS BDUD RTZI'I RGYUN BABS, BUM PA 'CHI MED KYI BDUD RTZIS GANG BAS SPYI BO NAS DBANG BSKUR, LUS KYI NANG THAMS CAD GANG ZHING PHYI THAMS CAD BKRUS PAS RDZAS KYI RDO RJE PHA LAM BZHIN DU PHAR LA DNGOS POR 'DZIN PA THAMS CAD 'JOMS SHING, TSUR LA GANG GIS KYANG GZHIG CING GZHOM PAR MI NUS PA'I 'CHI MED KYI RIG 'DZIN THOB SNYAM PA MDZOD CIG CES BRJOD LA DRIL BU DKROL, RANG DANG SLOB MA GNYIS KAS, AA M'A RA nI'I SNGAGS BRJOD, SKAL LDAN RIGS KYI BU 'DI DAG LA TSE DBANG DU GYUR CIG ,DNGOS GRUB TU GYUR CIG, TSE MI 'GYUR BA'I G-YUNG DRUNG DU GYUR CIG, MI SHIGS PA'I RDO RJER GYUR CIG, MI NUB PA'I RGYAL MTSAN DU GYUR CIG, 'CHI BA MED PA TSE'I RIG 'DZIN THOB PAR GYUR CIG, CES BRJOD LA ME TOG 'THOR RO, ,BDEN STOBS 'DI 'OG MA RNAMS KYI MTHA' THAMS CAD DU'ANG BYA'O, ,RGYAL MTSAN RTZE MO SOGS KYI SHIS BRJOD SHLOO KA GCIG BYA'O,, NYAMS PA GSO BA LA TSE NYAMS PA GSO BA, STOBS DANG BSOD NAMS NYAMS PA GSO

BA; DAM TSIG DANG SDOM PA NYAMS PA GSO BA RNAMS LAS, DANG PO NI, BCOM LDAN 'DAS KYI PHYAG MTSAN BUM PA'I NANG DU ZHES PA NAS, SNGAGS 'PHRENG LAS 'OD ZER 'PHROS PAS RGYAN NAM MKHA', BU GA NAM MKHA' LA SOGS PA NAM MKHA'I BCUD THAMS CAD 'OD DANG BDUD RTZI LJANG GU'I RNAM PAR BKUG SNGAGS 'PHRENG LA THIM, ZHES PA NAS PHYI THAMS CAD BKRUS PAS THOG MA MED PA NAS KYI NAD GDON SDIG SGRIB THAMS CAD DAG, KHYAD PAR DU'ANG YID DANG RNAM PAR SHES PA NAM MKHA'I KHAMS KYI SGO NAS TSE NYAMS PA SOR CHUD, LUS KYI ZUNGS DANG SROG GI RTEN DU GYUR PA'I 'CHI MED KYI RIG 'DZIN THOB SNYAM PA MDZOD CIG, CES DBANG BSKUR, BDEN STOBS BRJOD, PHUN SUM TSOGS PA SOGS SHLOO KA GCIG BYA'O, ,YANG SNGAGS 'PHRENG LAS 'OD ZER 'PHROS, SHAR PHYOGS KYI RLUNG DANG, LHO PHYOGS KYI RLUNG DANG, NUB PHYOGS KYI RLUNG DANG, BYANG PHYOGS KYI RLUNG DANG, STENG GI RLUNG DANG, 'OG GI RLUNG, SHAR LHO'I RLUNG, LHO NUB KYI RLUNG, NUB BYANG GI RLUNG STE, BYANG SHAR GYI RLUNG STE, RLUNG GI BCUD THAMS CAD 'OD DANG BDUD RTZI MTHING ZHUN MA'I MDOG CAN GYI RNAM PAR BKUG SNGAGS 'PHRENG LA THIM ZHES PA NAS, SDIG SGRIB THAMS CAD DAG KHYAD PAR DU'ANG SROG 'DZIN LA SOGS PA RTZA BA DANG YAN LAG GI RLUNG BCU'I SGO NAS TSE NYAMS PA THAMS CAD SOR CHUD, SRED MED KYI BU DANG GLANG PO CHE RAB BRTAN LTA BUR STOBS DANG YANG RTZAL PHUN SUM TSOGS PA DANG LDAN PA'I 'CHI MED KYI RIG 'DZIN THOB SNYAM PA MDZOD CIG, CES DBANG BSKUR, DE YIS NYE BAR BSTAN PA'I ZHES SOGS BRJOD DO, ,YANG SNGAGS 'PHRENG LAS 'OD

, ,ZER 'PHROS, NAGS TSAL LAS BYUNG BA'I ME DANG, RGYUN GZHAG GI ME DANG, RDO SOL LAS BYUNG BA'I ME DANG, ME SHEL LAS BYUNG BA'I ME DANG, SBYOR BAS BSGRUBS PA LAS BYUNG BA'I ME DANG, BSGOMS PA'I TING NGE 'DZIN GYI ME DANG, RTA GDONG GI ME LA SOGS PA 'BYUNG BA CHEN PO ME'I RO BCUD THAMS CAD 'OD DANG BDUD RTZI DMAR PO MTSAL LCO LA ME'I MDOG CAN GYI RNAM PAR BKUG SNGAGS 'PHRENG LA ZHES PA NAS, SDIG SGRIB THAMS CAD DAG KHYAD PAR DU'ANG LUS KYI DROD KYI CHA SHAS ME'I KHAMS KYI SGO NAS TSE NYAMS PA THAMS CAD SOR CHUD, LUS YID BZHIN GYI NOR BU DANG NYI MA'I SNYING PO LTA BUR BKRAG MDANGS GZI BRJID PHUN SUM TSOGS PA DANG LDAN PA'I 'CHI MED KYI RIG 'DZIN THOB SNYAM PA MDZOD, CES DBANG BSKUR, DGE 'DUN DAM PA SOGS BRJOD DO,, YANG SNGAGS 'PHRENG LAS 'OD ZER 'PHROS PAS MTSO DANG, MTSE'U DANG, LTENG KA DANG, CHU MIG DANG, LU MA DANG, BKOD MA'I CHU DANG, PHYI'I RGYA MTSO CHEN PO DANG, NANG GI ROL MTSO BDUN DANG, 'DZAM BU'I GLING GI CHU GTER MA DROS PA LA SOGS PA 'BYUNG BA CHEN PO CHU'I RO BCUD THAMS CAD 'OD DANG BDUD RTZI DKAR PO 'O MA'I MDOG CAN DU BKUG NAS SNGAGS 'PHRENG LA THIM ZHES PA NAS, SDIG SGRIB THAMS CAD DAG KHYAD PAR DU'ANG KHRAG DANG CHU SER LA SOGS PA LUS KYI CHU'I KHAMS KYI SGO NAS TSE NYAMS PA THAMS CAD SOR CHUD, LUS PADMA'I RTZA BA LTAR SNUB BAG DANG LDAN PA'I 'CHI MED KYI RIG 'DZIN THOB SNYAM PA MDZOD CIG, CES DBANG BSKUR, BGEGS RIGS STONG PHRAG BRGYAD CU ZHI BA DANG, ,ZHES SOGS BRJOD DO,,

YANG SNGAGS 'PHRENG LAS 'OD ZER 'PHROS, RI'I RGYAL PO RI RAB DANG, GSER GYI RI BDUN LA SOGS PA'I RIN PO CHE'I RI, MA LA YA LA SOGS PA'I NAGS RI, GANGS CAN LA SOGS PA'I GANGS RI, SPOS NGAD LDANG LA SOGS PA'I SPANG RI, GSER GYI BYA SKYIBS CAN LA SOGS PA'I BRAG RI, GZHAN YANG SMAN DANG, NAGS TSAL DANG, RTZI BCUD LO THOG LA SOGS PA 'BYUNG BA CHEN PO SA'I RO BCUD THAMS CAD 'OD DANG BDUD RTZI GSER ZHUN MA'I MDOG CAN GYI RNAM PAR BKUG SNGAGS 'PHRENG LA, ZHES PA NAS, SDIG SGRIB THAMS CAD DAG KHYAD PAR DU'ANG SHA DANG RUS PA LA SOGS LUS KYI SA'I KHAMS KYI SGO NAS TSE NYAMS PA THAMS CAD SOR CHUD, LUS RI'I RGYAL PO RI RAB LTA BUR SRA ZHING BRTAN PA'I 'CHI MED KYI RIG 'DZIN THOB SNYAM PA MDZOD CIG CES DBANG BSKUR, LO BRGYA THUB CING ZHES SOGS BRJOD, 'BYUNG BA'I BCUD DE LTAR BSDUS PA NI 'BYUNG BA 'DI RNAMS CHAGS PA'I TSE NAM MKHA' RLUNG ME CHU SA'I RIM PAS CHAGS PA'I GNAD KYIS SO, ,GNYIS PA STOBS DANG BSOD NAMS NYAMS PA GSO BA NI, YANG SNGAGS 'PHRENG LAS 'OD ZER 'PHROS, TSANGS PA DANG BRGYA BYIN LA SOGS PA STENG NA LHA TSE RING PO RNAMS DANG, DGA' BO DANG NYE DGA' LA SOGS PA 'OG NA KLU TSE RING PO RNAMS DANG, STONG 'KHOR LOS SGYUR BA'I RGYAL PO LA SOGS PA BAR NA MI TSE RING PO, GZHAN YANG BLA MA DGE BA'I BSHES GNYEN MKHAS BTZUN BZANG GSUM 'DZOMS PA, BYAMS SNYING RJE BYANG CHUB KYI SEMS 'BYONGS PA, STONG NYID RTOGS PA, LHA DANG MI'I 'DREN PA DAM PAR GYUR PA RNAMS DANG, 'JIG RTEN GYI KHAMS NA DBANG CHE BA, KHAS DRAG PA, DPUNG BU

, ,RTA 'DZOMS PA, TSE RING BA, LONGS SPYOD CHE BA LA SOGS PA, MDOR NA SEMS CAN THAMS CAD KYI TSE DANG BSOD NAMS, SRID PA GSUM GYI BKRAG MDANGS GZI BRJID, 'JIG RTEN KHAMS KYI DPAL 'BYOR PHUN SUM TSOGS PA THAMS CAD BKRA SHIS PA'I RTAGS BRGYAD, RGYAL SRID RIN PO CHE SNA BDUN, NYE BA'I RIN PO CHE SNA BDUN, BKRA SHIS KYI RDZAS BRGYAD LA SOGS PA'I RNAM PAR BKUG ,SNGAGS 'PHRENG LA THIM ZHES PA NAS, SDIG SGRIB THAMS CAD DAG KHYAD PAR DU'ANG STOBS DANG BSOD NAMS NYAMS PA SOR CHUD, LHA RNAMS KYI DBANG PO BRGYA BYIN, STONG GSUM MI MJED KYI BDAG PO TSANGS PA SOGS DANG SKAL BA MNYAM PA'I MCHI MED KYI RIG 'DZIN THOB SNYAM PA MDZOD CIG CES DBANG BSKUR, RGYAL BA SRAS BCAS BSOD NAMS MTHU DAG DANG, ,ZHES SOGS BRJOD DO, ,DAM TSIG DANG SDOM PA NYAMS PA GSO BA NI, YANG SNGAGS 'PHRENG LAS 'OD ZER 'PHROS PAS BCOM LDAN 'DAS RGYAL BA TSE DANG YE SHES DPAG TU MED PA LA SOGS PA TSE KHRID BRGYUD PA'I BLA MA RNAMS DANG, SANGS RGYAS BYANG SEMS, DPA' BO MKHA' 'GRO CHOS SKYONG SRUNG MA, LHA MI'I RIG 'DZIN CHEN PO THAMS CAD KYI SKU GSUNG THUGS KYI BYIN RLABS THAMS CAD SANGS RGYAS DANG BYANG SEMS LA SOGS PA'I SKU GZUGS, A'A LI K'A LI LA SOGS PA'I YIG 'BRU, RDO RJE DRIL BU LA SOGS PA'I PHYAG MTSAN GYI RNAM PAR BKUG SNGAGS 'PHRENG LA THIM ZHES PA NAS, SDIG SGRIB THAMS CAD DAG KHYAD PAR DU'ANG DAM TSIG DANG SDOM PA NYAMS PA SOR CHUD, 'CHI MED KYI RIG 'DZIN THOB SNYAM PA MDZOD CIG CES PAS DBANG BSKUR, MI

'GYUR LHUN PO SOGS BRJOD DO, ,'DI NI RGYAS PA'I DBANG DU BYAS PA YIN LA, BSDUS PA BYED NA, 'BYUNG BA CHEN PO NAM MKHA' RLUNG ME CHU SA'I BCUD THAMS CAD 'OD DANG BDUD RTZI LJANG SNGO DMAR DKAR SER BA'I RNAM PAR BKUG SNGAGS 'PHRENG LA THIM ZHES PA NAS, SDIG SGRIB THAMS CAD DAG KHYAD PAR DU'ANG LUS KYI 'BYUNG BA RNAMS KYI SGO NAS TSE NYAMS PA SOR CHUD, 'CHI MED KYI RIG 'DZIN THOB SNYAM PA MDZOD CIG CES DANG, SEMS CAN THAMS CAD KYI TSE DANG BSOD NAMS, SRID PA GSUM GYI BKRAG MDANGS GZI BRJID CES PA NAS, SDIG SGRIB THAMS CAD DAG CES SOGS DANG, PHYOGS BCU'I BLA MA RGYAL BA SRAS BCAS KYI SKU GSUNG THUGS KYI BYIN RLABS THAMS CAD SANGS RGYAS BYANG SEMS LA SOGS PA'I SKU GZUGS ZHES SOGS SKABS DANG SBYAR BAR BYA'O, ,TSE BSTIM PA NI, SLAR YANG RANG GI THUGS KA'I SA BON GYI 'OD ZER GYIS NUB PHYOGS BDE BA CAN NAS MGON PO TSE DPAG TU MED PA LA TSE KHRID BRGYUD PA'I BLA MA RNAMS DANG SANGS RGYAS BYANG SEMS THAMS CAD KYIS BSKOR BA SPYAN DRANGS, BUM NANG GI MGON PO TSE DPAG TU MED PA LA THIM, DE'ANG 'OD DU ZHU, KHYED RANG RNAMS KYI SPYI BO NAS THIM PAS RGYAL BA TSE DPAG TU MED PA'I SKU GSUNGS THUGS DANG KHYED RANG GI LUS NGAG YID GSUM RO GCIG TU GYUR, 'CHI MED TSE'I RIG 'DZIN THOB SNYAM PA MDZOD, CES BRJOD LA, BCOM LDAN 'DAS MGON PO TSE DANG YE SHES DPAG TU MED PA, MA GCIG GRUB PA'I RGYAL MO, TI PU GSANG SNGAGS KYI SDONG PO, SKYE MED RAS CHUNG RDOR GRAGS, DBANG PHYUG MI LA RAS CHEN, BKA' BRGYUD DVAGS PO LHA RJE, BDE GSHEGS KHAMS

, ,PA RDO RGYAL, 'BRI GUNG SKYU RA RIN PO CHE, CHOS RJE SPYAN SNGA BA, RGYAL BA YANG DGON PA, THUGS SRAS SPYAN SNGA RIN LDAN, KUN MKHYEN ZUR PHUG PA, 'BA' RA BA RGYAL MTSAN DPAL BZANG PO, SKYES MCHOG A'A NAN CHOS RJE, CHOS KYI RJE DPAL 'BYOR RGYAL MTSAN, RDO RJE 'CHANG KUN DGA' RGYAL MTSAN DPAL BZANG PO LA SOGS PA RTZA BA DANG BRGYUD PAR BCAS PA'I DPAL LDAN BLA MA DAM PA RNAMS KYIS BYIN GYIS RLOBS SHIG SLOB MA 'DI RNAMS KYI LUS KYI NA TSA, SEMS KYI SDUG BSNGAL, BAR CHAD DANG CHAGS SGO NYAM NGA YOD PA, STENG GDON GZA', 'OG GDON KLU, BAR GDON RGYAL PO'I GNOD PA DANG, DUS MA YIN PAR 'CHI BA'I 'JIGS PA THAMS CAD LAS SRUNGS SHIG AOm NA MO BHA GA WA TE ZHES SOGS GZUNGS RING TSAR GCIG BRJOD LA DBANG BSKUR RO, ,TSE DBANG BRGYA RTZA SOGS MANG PO BYED NA THA MA LA TSE BSTIM PA BKA' SGO TSAR GSUM DANG BCAS PA BYA ZHING, GZHAN RNAMS LA DAM TSIG DANG SDOM PA NYAMS PA GSO BA'I DMIGS PA'I MJUG TU, BUM PA'I NANG GI MGON PO TSE DPAG TU MED PA LAS MAR ME GCIG LAS GNYIS CHAD KYI TSUL DU MGON PO TSE DPAG TU MED PA RE RE CHAD NAS SLOB MA RNAMS LA THIM PAR BSAM ZHING, LONG YOD PA DANG GZABS NAS BYED NA BLA MA BRGYUD PA'I MTSAN NAS BRJOD PA'I BKA' BSGO LAN RE BYA'O, ,TSE CHANG LA BRTEN NAS DBANG BSKUR BA NI, TSE CHANG 'DI NYID KYANG THOD PA PHYI DKAR LA NANG DMAR BA YANGS SHING RGYA CHE BA'I NANG DU SHA LNGA BDUD RTZI LNGA, DE DAG GI STENG DU AOm A'A: H'Um GSUM STENG NAS STENG NAS STENG DU BRTZEGS TE GNAS PA, DE LAS 'OD ZER 'PHROS, RGYA MTSO LA SOGS PA NA GNAS PA'I BDUD RTZI DANG, PHYOGS

BCU'I DE BZHIN GSHEGS PA THAMS CAD KYI THUGS GNYIS SU MED PA'I YE SHES KYI BDUD RTZI'ANG BKUG YUL NYI SHU RTZA BZHI'I DPA' BO DANG RNAL 'BYOR MA RNAMS KYI THUGS KA'I SA BON LAS KYANG YE SHES KYI BDUD RTZI SPYAN DRANGS, YI GE GSUM GYI 'OD ZER GYIS SEMS CAN THAMS CAD TSE DPAG TU MED PA'I GO 'PHANG LA BKOD PA RNAMS KYANG BKUG NAS 'CHI MED KYI BDUD RTZI LA THIM PA'I BDUD RTZI LA ZHAL DU GSOL BAS LUS KYI RTZA NANG STONG PHRAG BDUN CU RTZA GNYIS 'CHI MED KYI BDUD RTZIS GANG, RANG BZHIN BRGYAD CU'I KUN RTOG DBYINGS SU 'GAGS, NYAMS GSAL STONG BDE BAS BRGYAN PA'I TING NGE 'DZIN NAM, YANG NA BDE STONG DBYER MED KYI TING NGE 'DZIN RGYUD LA SKYES, RTZA RLUNG THIG LE'I NUS PA NYAMS PA THAMS CAD SOR CHUD, 'CHI MED KYI RIG 'DZIN THOB, KHYAD PAR DU'ANG RDZOGS RIM LA BRTEN NAS TSE SGRUB PA'I SKAL BA DANG LDAN PAR BYAS SNYAM PA MDZOD CIG, CES BRJOD LA TSE CHANG SBYIN NO, ,TSE RIL LA BRTEN NAS DBANG BSKUR BA NI, TSE'I RIL BU 'DI RNAMS KYANG NAD RIGS BZHI BRGYA RTZA BZHI'I GNYEN POR GYUR PA'I SMAN SNA TSOGS PA BSGRUBS PA LAS BYUNG BA'I BDUD RTZI STE, RIL BU 'DI DAG LAS KYANG 'OD ZER 'PHROS PAS 'JIG RTEN DANG 'JIG RTEN LAS 'DAS PA'I BCUD LEN GYI YON TAN THAMS CAD BSDUS NAS RIL BU RNAMS LA THIM PA'I GRUB PA'I RDZAS BCUD LEN GYI BDUD RTZI RIL BU ZHAL DU GSOL BAS BZHI BRGYA RTZA BZHI'I NAD, STONG PHRAG BRGYAD BCU'I BGEGS, BAR CHAD DANG CHAGS SGO YOD PA THAMS CAD BYANG ZHING DAG 'CHI MED TSE'I RIG 'DZIN THOB, KHYAD PAR DU'ANG BCUD LEN LA BRTEN

, ,NAS TSE SGRUB PA'I SKAL BA CAN DU BYAS SNYAM PA MDZOD CIG CES DANG, BKRA SHIS TSE BRTAN DPAL GYI ZAS, ,SNYING PO BSDUS PA'I BCUD 'DI NI, ,DE RING BU YIS BZA' BAR GYIS, ,'DI ZOS SANGS RGYAS TSE DPAG MED, ,ZHAL ZAS BSTEN NA NAD KUN LAS, ,GROL 'GYUR THE TSOM BYA MI DGOS, ,ZHES TSE RIL SBYIN, TSE SPEL BA NI, KHYED RANG RNAMS KYI STENG GI NAM MKHA' LA RGYAL BA TSE DPAG TU MED PA LA TSE KHRID BRGYUD PA'I BLA MA RNAMS DANG, SANGS RGYAS BYANG SEMS, DPA' BO MKHA' 'GRO CHOS SKYONG SRUNG MA, LHA MI'I RIG 'DZIN RNAMS KYIS BSKOR BA BZHUGS NAS ME TOG GI CHAR 'BEBS, ROL MO'I SGRA SGROG BKRA SHIS KYI GLU DBYANGS KYIS SHIS PA BRJOD PA'I MOS PA MDZOD, CES BRJOD LA, SBYIN PA'I STOBS KYIS SANGS RGYAS YANG DAG 'PHAGS,, ZHES SOGS KYIS BDEN STOBS DANG SHIS PA BRJOD CING ME TOG GTOR RO, ,MA GCIG GRUB PA'I RGYAL MO NAS BRGYUD PA'I, ,RMAD BYUNG SGRUB PA'I SGO NAS RANG GZHAN DON, ,SGRUB PA'I RIM PA CUNG ZAD GSAL BYAS PAS, ,'GRO KUN 'CHI MED RIG 'DZIN THOB GYUR CIG, CES PA 'DI NI BSTAN PA'I RTZA LAG DAM PA CHOS KYI RJE DGE LEGS RNAM RGYAL BA'I GSUNG GIS BSKUL BA LA BRTEN NAS, BLA MA DAM PA'I GSUNG LAS BYUNG BA BZHIN DU DGE 'DUN RGYA MTSO'I DPAL GYIS DPAL LDAN 'BRAS SPUNGS KYI DGA' LDAN PHO BRANG DU SBYAR BA'I YI GE PA NI LUNG RIGS SMRA BA YON TAN MCHOG GIS BGYIS PA 'DIS KYANG BSTAN PA DANG SEMS CAN LA PHAN PA RGYA CHEN PO 'BYUNG BAR GYUR CIG, ,, ` BLA MA DANG BCOM LDAN 'DAS RTA MGRIN LA PHYAG 'TSAL LO, ,GRUB THOB ZLA BA RGYAL MTSAN NAS BRGYUD PA'I DPAL RTA MGRIN SGRUB PAR 'DOD PAS SKYABS 'GRO SEMS BSKYED TSAD MED BZHI SGOM

PA SNGON DU BTANG, SVA BH'A WA SA STONG PAR SBYANGS, STONG PA'I NGANG LAS SNA TSOGS PADMA MA DANG NYI MA DANG RU TRA PHO MO BSNOL BA'I GDAN GYI STENG DU RANG GI SEMS NYID YI GE HRI: DMAR NAG DE LAS 'OD 'PHROS, DGRA BGEGS GDUG PA CAN THAMS CAD TSAR BCAD, TSUR 'DUS YONGS SU GYUR PA LAS RANG NYID DPAL RTA MGRIN SKU MDOG MTHING NAG ZHAL GCIG PHYAG GNYIS PA, PHYAG G-YAS PAS GNAM LCAGS KYI RAL GRI ME 'BAR BA NAM MKHA' LA 'PHYAR ZHING, G-YON SDIGS MDZUB RAB TU SGRENG BA'I RTZE LAS ME 'BAR BAS, DGRA BGEGS KYI TSOGS BSREG PAR MDZAD PA, ZHAL RAB TU GDANGS PA'I MCHE BA RNON PO BZHI G-YAS SU GTZIGS NAS G-YON DU RNGAM PA, SPYAN GSUM DUS MTHA'I ME LTAR 'BAR ZHING SMIN MA DANG SMA RA DMAR SER GYEN DU 'KHYIL BA; DBU SKRA KHAM SER GYEN DU BRDZES PA'I DBU'I GTZUG NA RTA MGO LJANG NAG ZHUR DKAR BA, PHROM PHROM SER BA, RNGOG MA DMAR PO'I GSEB NAS ME STAG 'PHRO BA, THOD SKAM LNGA'I DBU RGYAN DANG, KHRAG 'DZAG PA'I MGO RLON LNGA BCU'I DO SHAL CAN GLANG PO CHE'I KO BA DANG ZHING CHEN GYI G-YANG GZHIS STOD G-YOGS SHING STAG GI PAGS PA'I SHAM THABS CAN, SBRUL DANG RIN PO CHE'I RGYAN GYIS BRGYAN PA, ZHABS G-YAS BSKUM ZHING G-YON BRKYANG PA'I STABS KYIS YE SHES KYI ME RAB TU 'BAR BA'I KLONG DKYIL NA BZHUGS PA, DE'I SPYI BOR AOm DKAR PO, MGRIN PAR A'A: DMAR PO, THUGS KAR H'Um SNGON PO, THUGS KA'I H'Um LAS 'OD ZER 'PHROS, BSGOMS PA DANG 'DRA BA'I YE SHES PA SPYAN DRANGS, DZA: H'Um BAm HO: RANG LA THIM PAS GNYIS SU MED PAR GYUR, SLAR

, ,YANG THUGS KA'I H'Um LAS 'OD 'PHROS, DBANG GI LHA RNAMS SPYAN DRANGS, KHYED RNAMS KYIS MNGON PAR DBANG BSKUR DU GSOL, ZHES GSOL BA BTAB PAS DE RNAMS KYIS YE SHES KYI BDUD RTZIS GANG BA'I BUM PA THOGS NAS, AOm SARBA TA TH'A GA TA AA BHI shE KA TA SA MA YA SHRI YE H'Um, ZHES GSUNG ZHING SPYI BO NAS DBANG BSKUR, LUS GANG, DRI MA DAG CHU'I LHAG MA SPYI GTZUG TU GNAS PA YONGS SU GYUR PA LAS 'OD DPAG MED KYIS DBU BRGYAN PAR GYUR, MCHOD PA BSANGS SBYANGS BYIN GYIS BRLABS LA, HR'I PADM'ANTA KRITA SA PA RI W'A RA AARGHAm PRA T'ITZTSA YE SV'A H'A, ZHES PA NAS SHAPTA 'I BAR GYIS MCHOD, SNANG BA MTHA' YAS RGYAL BA KUN GYI BDAG GDUG PA 'DUL PHYIR 'JIGS RUNG KHRO BO'I TSUL, ,DRAN PA TZAM GYIS BGEGS KUN 'JOMS MDZAD PA, ,KHRO RGYAL RTA MCHOG DPAL LA PHYAG 'TSAL LO, ,ZHES PAS BSTOD, DE NAS BZLAS PA BYA BA NI, RANG GI THUGS KAR NYI MA'I DKYIL 'KHOR GYI STENG DU RANG GI SEMS NYID YI GE HR'I: DMAR NAG DE'I MTHA' SKOR DU HR'I: PADM'ANTA KRITA BADZRA KRO DHA HYA GRi BA, SARBA SHI TA, KA LA ME DPUNG GTUBS, HA HA RBAD RBUD GTUBS, SHA HA NA RBAD GTUBS, GRi HA NA R'A DZA YA RBAD, M'A RA YA RBAD, CES PA'I SNGAGS KYI PHRENG BA KHA DOG DMAR PO, GZUGS YI GE DBU CAN GYI RNAM PA CAN, 'OD ZER DUS MTHA'I ME 'OD 'PHRO BAS BSKOR BAR BSAM, DE LAS SNGAGS KYI 'OD ZER DRAG CING RTZUB LA 'BAR ZHING 'KHYIL BA'I RNAM PA CAN LUS KYI NANG THAMS CAD DU 'PHROS, NAD GDON SDIG SGRIB THAMS CAD BSREGS, 'OD ZER BA SPU'I SGO NAS PHYIR 'PHROS, SNANG SRID THAMS CAD ME 'BAR BA'I KLONG DKYIL

GCIG TU GYUR PAS DGRA BGEGS GDUG PA CAN THAMS CAD BYA SGRO MER BSREGS PA BZHIN DU GZHOB THUL GYIS BSREGS SHING TSAR BCAD PAR BSAMS LA SMRA BA GZHAN GYIS BAR MA CHOD PAR 'BUM PHRAG GSUM LA SOGS PA'I BSNYEN PA BYA'O, ,THUN MTSAMS SU GTOR MA DBUL BAR 'DOD NA GTOR MA SHA KHRAG GIS BRGYAN PA CHANG CHU NANG MCHOD KYIS BRAN, NANG MCHOD LTAR BYIN GYIS BRLABS LA, SNGAR BDAG BSKYED LTAR MDUN DU BSKYED, DBANG BSKUR RGYAS GDAB KYI BAR BYA BA'AM, YANG NA SKAD CIG GIS MDUN GYI NAM MKHAR DPAL RTA MGRIN BSGOMS PA DANG 'DRA BA SPYAN DRANGS, LJAGS H'Um LAS SKYES PA'I RDO RJE RTZE GCIG PA 'OD ZER GYI SBU GU CAN DU GYUR PAS GTOR MA'I BCUD THAMS CAD DRANGS TE GSOL BAR BSAMS LA HR'I: PADM'ANTA KRITA HYA GRi BA SA PA RI W'A RA AI DAm BA LIm TA KHA KHA, KH'A HI KH'A HI ZHES PA GSUM MAM BDUN GYI DBUL, AARGHAm SOGS BTAGS LA MCHOD PA DANG, AOm A'A: H'Um BTAGS LA NANG MCHOD DBUL, BSTOD PA RGYAS BSDUS JI LTAR RIGS PA BYA, 'DOD DON LA GSOL BA GDAB BO, ,RTA MGRIN LCAGS RAL CAN GYI MNGON RTOGS BZLAS PA BYA BA'I TSUL DANG BCAS PA 'DI NI NANG SO CHOS RGYAL CHEN PO AA MO GHA RDO RJE RNAM RGYAL DPAL BZANG PO'I THUGS DAM SPEL BA'I SLAD DU DGE 'DUN RGYA MTSO'I DPAL GYIS PHO BRANG 'OL KHA STAG RTZER BGYIS PA'I YI GE PA NI BKA' BCU PA YON TAN MCHOG GO, ,, ` TSOGS BDAG DMAR PO LA GTOR MA 'BUL BA'I TSUL NI, GTOR MA SHA KHRAG GIS BRGYAN PA CHANG CHU NANG MCHOD KYIS BRAN, BLA MED SPYI 'GRO LTAR BYIN GYIS BRLABS NAS, DPAL LDAN TSOGS BDAG PADMA R'A GA'I MDOG ,PHYAG G-YAS DGRA STA MNGA' CHEN LCAGS KYU DANG, ,RDO RJE RAL GRI 'PHANG MDUNG 'DZIN MDZAD CING, ,G-YON PA GTUN SHING GZHU DANG KHA tV'Am GA ,

, ,KHRAG DANG SHA YIS GANG BA'I THOD PA DANG, ,BA DAN GSUM PAS BRGYAN PA'I PHUB 'DZIN CING, ,BYI BA LA GNAS GLANG PO'I GDONG PA CAN, RANG BZHIN GNAS NAS 'DIR BYON MCHOD PA BZHES, ,LJAGS H'Um LAS SKYES PA'I RDO RJE RTZE GCIG PA 'OD KYI SBU GU CAN DU GYUR, AOm GA nA PA TI SA PA RI W'A RA AI DAm BA LIm TA KHA KHA, KH'A HI KH'A HI, ZHES PA BDUN NAM GSUM GYIS GTOR MA DBUL, AARGHAm SOGS KYIS MCHOD, AOm A'A: H'Um BTAGS LA NANG MCHOD DBUL, LHA CHEN SRAS PO BYI RU'I LHUN PO BZHIN, ,RAB MDZES RTEN 'BREL DAG PA'I PHYAG MNGA' BA, ,DRAN PA TZAM GYIS NOR GYI CHAR PA 'BEBS, ,DPAL LDAN TSOGS KYI BDAG PO KHYOD LA BSTOD, ,GNOD BYED DGRA BGEGS MA LUS TSAR BCAD NAS, ,BDAG GI 'GAL RKYEN BAR CHAD KUN ZHI ZHING, ,TSE DANG DPAL 'BYOR LONGS SPYOD MNGA' THANG RGYAS, ,KHAMS GSUM DBANG DU 'DU BA'I 'PHRIN LAS MDZOD, ,BZLAS PA BYED PAR 'DOD NA RANG YI DAM DU GSAL BA'I THUGS KA'I SA BON LAS 'OD 'PHROS, TSOGS BDAG GI THUGS KAR NYI MA'I DKYIL 'KHOR GYI STENG DU GAm YIG DMAR PO'I MTHAR AOm GAm H'Um PHAt, AOm GAm GA nA SIDDHI S'A DHA ME PRA YA TZTSA SV'A H'A ZHES PAS BSKOR BA LA PHOG PAS THUGS RGYUD RANG DBANG MED PAR BSKUL, RANG GIS BCOL BA'I LAS THAMS CAD SGRUB PAR BSAM ZHING SNGAGS BZLA'O, ,'DI YANG RJE NYID KYI GSUNG LAS BYUNG BA'O,, ,, ` GANG GI MTSAN TZAM 'DZIN PA LA'ANG, ,MCHOG DANG THUN MONG DNGOS GRUB KUN, ,STZOL MDZAD PHYAG DRUG MGON PO LA, ,RTAG TU GUS PAS PHYAG 'TSAL LO, ,MGON PO YID BZHIN NOR BU SGRUB PAR 'DOD PAS CI 'BYOR PA'I MCHOD

GTOR BSHAMS LA BYIN GYIS BRLAB, RANG GI MDUN DU SKAD CIG GIS PADMA DANG NYI MA DANG TSOGS KYI BDAG PO'I GDAN GYI STENG DU MYUR MDZAD YE SHES KYI MGON PO SKU MDOG DKAR PO ZHAL GCIG PHYAG DRUG PA KHRO CHAGS KYI NYAMS CAN MCHE BA CUNG ZAD GTZIGS PA; SPYAN GSUM DANG LDAN ZHING SMIN MA DANG SMA RA DANG DBU SKRA GYEN DU 'BAR BA, PHYAG DANG PO GNYIS KYIS DBANG GI RGYAL PO DANG, THOD PA'I NANG NA RIN PO CHE'I BUM PA BZUNG NAS DGOS 'DOD STZOL BA, BAR PA GNYIS KYIS GRI GUG DANG RTZE GSUM, THA MA GNYIS KYIS d'A MA RU DANG LCAGS KYU 'DZIN PA, RIN PO CHE'I RGYAN DANG, DAR GYI NA BZAS KLUBS PAR GYUR, RANG GI THUGS KA'I H'Um LAS 'OD ZER 'PHROS PAS SHAR LHO BSIL BA'I TSAL NAS MGON PO 'KHOR DANG BCAS PA SPYAN DRANGS, GU RU MA H'A K'A LA AE HYE HI, ZHES BRJOD CING KshIm NYER GCIG BZLA, DE DAM TSIG PA LA THIM PAR BSAM MO, ,GTOR MA DBUL BA NI, GU RU MA H'A K'A LA HA RI NI SA AI DAm BA LIm TA KHA KHA, KH'A HI KH'A HI SV'A H'A, ZHES PA GSUM MAM BDUN GYIS GTOR MA PHUL BA'I RJES SU, MGON PO YID BZHIN GYI NOR BU GZI LDAN THUGS RJE CHEN PO KHYED KYIS BDAG CAG BYANG CHUB MA THOB KYI BAR DU MI NOR ZAS GSUM DBANG DU 'DU BA DANG, THOS BSAM SGOM PA'I BYA BA THAMS CAD 'BAD MED LHUN GRUB TU 'BYUNG BAR BYIN GYIS RLAB TU GSOL LO, ,ZHES 'PHRIN LAS BCOL, DE NAS BSTOD PA BYA BA NI, PHYOGS BCU DUS GSUM SANGS RGYAS THAMS CAD KYI, ,MKHYEN BRTZE GCIG BSDUS RJE BTZUN SPYAN RAS GZIGS, ,DE YI SPRUL PA PHYAG DRUG MGON PO LA, ,LUS NGAG YID GSUM GUS PAS PHYAG 'TSAL LO, ,MGON PO YID

, ,BZHIN NOR BU THUGS RJE CAN, ,SKU MDOG GANGS RI LTAR DKAR 'OD ZER 'BAR, ,ZHAL GCIG PHYAG DRUG ZHABS GNYIS NOR BDAG MNAN, ,DBUL PHONGS SDUG BSNGAL SEL LA PHYAG 'TSAL LO, ,PHYAG G-YAS DANG POS YID BZHIN NOR BU 'PHYAR, ,BAR PA GRI GUG DBUL PHONGS SDUG BSNGAL GCOD, ,THA MA CANG TES MKHA' 'GRO DBANG DU SDUD, ,KHAMS GSUM DBANG DU SDUD LA PHYAG 'TSAL LO, ,G-YON PA RIN CHEN BUM PA DKU LA BRTEN, ,BAR PA RTZE GSUM KHAMS GSUM DBANG DU SDUD, , THA MA LCAGS KYUS NGAN SONG GNAS NAS 'DREN, ,MGON PO THUGS RJE CAN LA PHYAG 'TSAL LO, ,SKU STOD RIN CHEN RGYAN GYIS RNAM PAR SPRAS, ,SKU SMAD RIN CHEN ZAR BUS RNAM PAR MDZES, ,PHYAG ZHABS THAMS CAD YID BZHIN NOR BUS SPRAS, ,'GRO BA'I RE 'DOD SKONG LA PHYAG 'TSAL LO, ,KHYOD NI YID LA DRAN PA TZAM GYIS KYANG, ,DE YI MOD LA DBUL PHONGS SDUG BSNGAL KUN, ,YID BZHIN NOR BU BZHIN DU SEL MDZAD PA'I, ,YID BZHIN NOR BU KHYOD LA PHYAG 'TSAL LO, ,KHYOD LA GUS BTUD BSTOD PA'I BYIN RLABS GYIS, ,JI SRID BYANG CHUB MA THOB BAR DU YANG, ,MGON PO KHYOD KYI THUGS RJES LEGS BZUNG NAS, ,BYANG CHUB SGRUB PA'I MTHUN RKYEN MYUR DU SGRUBS, ,'DI YI DGE BAS BDAG KYANG KHYED BZHIN DU, ,'GRO BA'I DON LA MTHU DANG LDAN PA DANG, ,THUN MONG MCHOG GI DNGOS GRUB STZOL BA LA, ,YID BZHIN NOR BU LTA BUR BDAG GYUR CIG ,CES MGON PO YID BZHIN NOR BU'I SGRUB THABS MDOR BSDUS PA 'DI NI SDE SNOD 'DZIN PA SAm GHA'I MING CAN GYIS BSKUL BA'I NGOR BGYIS PA'O,, ,, ` DPAL YE SHES KYI MGON

PO PHYAG DRUG PA'I RJES GNANG BYA TSUL NI, RANG NYID YI DAM GYI BDAG BSKYED RDZOGS PAR BYAS LA, GTOR MA MGON POR BSKYED PA SOGS MDUN BSKYED BSGRUBS NAS SLOB MA RNAMS KHRUS BYAS, PHYAG DANG MAndAL DBUL, KUN MKHYEN YE SHES PHUNG PO CAN, ,ZHES SOGS KYIS LAN GSUM GSOL BA GDAB, SPYI DANG BYE BRAG GI CHOS BSHAD LA SPRO BA BSKYED, SEMS CAN THAMS CAD KYI DON DU SANGS RGYAS KYI GO 'PHANG THOB PAR BYA, DE'I PHYIR DU BYANG CHUB SEMS DPA'I SDOM PA GZUNG LA RGYAL SRAS KYI SPYOD PA RNAMS LA BSLAB SNYAM PAS 'DI'I RJES ZLOS MDZOD CES KUN SLONG GSAL BTAB NAS, DKON MCHOG GSUM LA BDAG SKYABS MCHI, ,ZHES SOGS GSUM GYIS SDOM PA 'DZIN DU GZHUG MAndAL BSTAN PA NI, GNAS KHANG 'DI NYID DUR KHROD CHEN PO BSIL BA'I TSAL DUR KHROD KYI MTSAN NYID YONGS SU RDZOGS PA SHING TZAN DAN GYI SDONG PO RKANG GCIG PA DANG BCAS PA, DE'I DBUS SU CHOS 'BYUNG GRU GSUM MTHING NAG ME RAB TU 'BAR BA, DE'I DBUS SU SNA TSOGS PADMA DANG NYI MA DANG TSOGS KYI BDAG PO'I STENG NA DPAL YE SHES KYI MGON PO SKU MDOG MTHING NAG CES PA NAS, BAR SNANG NAM MKHA' SA GZHI THAMS CAD GANG BA'I GTZO 'KHOR RNAMS MNGON SUM DU MTHONG BA'I MOS PA MDZOD LA, BLA MA 'DI NYID YI DAM DNGOS YIN SNYAM PA DANG, GNAS KHANG 'DI NYID DUR KHROD CHEN PO BSIL BA'I TSAL DNGOS YIN SNYAM PA DANG, GTOR MA 'DI NYID DPAL YE SHES KYI MGON PO 'KHOR BCAS DNGOS YIN SNYAM PA'I MOS PA MDZOD LA GSOL BA GDAB PA 'DI'I RJES ZLOS MDZOD CIG BLA MA YE SHES MGON PO YIS, ,DBANG BZHI RDZOGS PAR SKUR DU GSOL, ,SGRIB BZHI DAG PAR MDZAD DU GSOL,,

, ,'PHRIN LAS RNAM BZHI 'GRUB PA DANG, ,SKU BZHI 'THOB PAR MDZAD DU GSOL, ,ZHES GSOL BA BTAB PA'I RJES SU RANG GI THUGS KA'I H'Um YIG GI 'OD ZER GYIS SHAR LHO BSIL BA'I TSAL GYI DUR KHROD SHING TZAN DAN RKANG GCIG PA'I DRUNG NAS NAG PO CHEN PO 'KHOR DANG BCAS PA SKAD CIG GIS SPYAN DRANGS, STENG GI NAM MKHAR SPRIN GYI PHUNG PO 'THIBS PA BZHIN BYON, KHYED RANG RNAMS KYI LUS LA CHAR CHEN PO BABS PA BZHIN SIB SIB THIM PAR SGOMS SHIG DE NAS AOm SHR'I MA H'A K'A LA SA PA RI W'A RA AE HYE HI ZHES DANG Ksh'Im RING PO NYER GCIG BRJOD CING ROL MO'I SGRA DRAG TU BYA, DE NAS BLA MA DANG MGON PO'I SPYI BOR AOm DKAR PO, MGRIN PAR A'A: DMAR PO, THUGS KAR H'Um MTHING KHA, LTE BAR SV'A SER PO, GSANG GNAS SU H'A LJANG GU DANG BCAS PA GSAL GDAB, BLA MA RIN PO CHE, BDAG LA DPAL YE SHES KYI MGON PO'I SKU'I RJES GNANG STZAL DU GSOL ZHES GSOL BA 'DEBS SU GZHUG BLA MA DANG MGON PO'I SPYI BO'I AOM LAS MGON PO DKAR PO SKU CHE BA RI RAB TZAM, CHUNG BA YUNGS KAR TZAM RDUL PHRA RAB KYI GRANGS DANG MNYAM PA KHA BA BU YUG 'TSUBS PA BZHIN DU SKYA BUN BUN BYUNG, KHYED RANG RNAMS KYI SPYI BOR SIB SIB THIM PAR SGOMS SHIG CES BRJOD LA SNGAGS DRAG TU BRJOD CING ROL MO'I SGRA BYA, DE BZHIN DU MGRIN PA'I A'A: DANG, THUGS KA'I H'Um DANG, GNAS LNGA GA'I YI GE LAS MGON PO DMAR PO DANG MTHING KHA, DKAR DMAR MTHING SER LJANG BA'I TSOGS RNAMS RIM PA BZHIN DU BYUNG, MGRIN PA, SNYING GA SLOB MA'I GNAS GSUM GAR SIB KYIS THIM PAS RIM PA LTAR, SKU DANG, GSUNG DANG,

THUGS DANG, SKU GSUNG THUGS YON TAN 'PHRIN LAS DANG BCAS PA'I BYIN RLABS ZHUGS, BUM PA, GSANG BA, SHES RAB YE SHES, DBANG BZHI PA RNAMS THOB, MTHAR SLOB MA NYID KYANG MGON POR GYUR PAR BSAM MO, ,GTOR MA MGON POR GSAL BA DE NYID SPYI BOR BZHAG STE BYIN GYIS BRLAB, NGO BO KHYED RANG RNAMS LA GNOD PA'I GDON BGEGS DE YIN PA LA RNAM PA SHA KHRAG DANG BDUD RTZI'I RNAM PAR MGON PO'I ZHAL DU DMAR CIR CIR GSOL LA GAR MDZAD CING KHYED RANG GI LUS LA THIM PAS MGON PO'I SKU GSUNG THUGS DANG KHYED RANG RNAM PA'I LUS NGAG YID GSUM DBYER MED DU GYUR PAR SGOMS SHIG CES BRJOD LA, NA MO BUDDH'A YA ZHES PA NAS, 'DUG SA 'DI NYID DU BYIN GYIS RLOBS SHIG CES PA'I BAR GTOR CHOS BZHIN DANG, DE NAS BLA MA BRGYUD PA'I MTSAN NAS BRJOD PA'I BKA' BSGO LAN GSUM BYAS PA'I MTHAR SNYING PO DANG RTZA SNGAGS BRJOD, DAM RDZAS 'CHI MED BDUD RTZI'I ZAS, ,ZO SHIG BU KHYOD RIGS SU SKYE, ,NGA YIS BSGOS PA'I BKA' MA BCAG ,SGRUB LA NAN TAN GCES SU BYA, ,ZHES DNGOS GRUB SBYIN, RANG GI THUGS KA'I H'Um LAS SNGAGS 'PHRENG THON, ZHAL NAS BYUNG, SLOB MA'I ZHAL DU ZHUGS, THUGS KAR NYI GDAN LA H'Um YIG GI MTHAR 'KHOD PAR BSAMS LA SNYING PO DANG RTZA SNGAGS SOGS KYI RJES ZLOS LAN GSUM BYA, DE NAS BLA MA MGON PO DBYER MED LA, ,ZHES SOGS LAN GSUM BRJOD, MAndAL DBUL, TSOGS LA ROL, BSNGO BA DANG BKRA SHIS BYA'O,, ,, ` NA MO GU RU, SPYAN RAS GZIGS DBANG DRAG PO'I SKUR BSTAN NAS, ,RGYAL BA'I BSTAN PA TSUL BZHIN SRUNG MDZAD CING, ,MCHOG DANG THUN MONG DNGOS GRUB KUN STZOL BA, ,BLA

, ,MA MGON PO DBYER MED ZHABS LA 'DUD, ,DE YANG MYUR MDZAD YE SHES KYI MGON PO 'DI'I LO RGYUS KYI DBANG DU BYAS NA, MKHAS GRUB KHYUNG PO RNAL 'BYOR ZHES BYA BA ZUNG 'JUG GI SKU BRNYES PA'I GRUB CHEN DE NYID KYIS KO SA LA'I DUR KHROD CHEN POR BLA MA MNGA' BDAG MEE TRI BA CHEN PO'I DRUNG DU GSER SRANG LNGA PHUL TE, BOD KHA BA CAN PA ZHES BYA BA BKREN PA, LONGS SPYOD CHUNG BA, GLO SNA MANG BA, 'DOD THAG NYE BA, CHOS BYED PA RNAMS KYANG BAR CHAD DANG RKYEN DBANG 'BA' ZHIG TU 'GRO BA ZHIG YOD PAS DE LA MCHOG BSGRUBS NA THUN MONG ZHAR LA 'ONG BA, THUN MONG BSGRUBS PAS MCHOG ZHAR LA 'ONG BA, SGRUB YUN DANG SGRUB TSEGS LA MI LTOS PAR DE MA THAG ZHAL DNGOS SU STON PA'I CHOS SKYONG KHYAD PAR CAN ZHIG THUGS LA 'DOGS PAR ZHU ZHUS PAS BLA MA'I ZHAL NAS, DE LTA YIN NA YE SHES KYI MGON PO PHYAG DRUG PA ZHES KYANG BYA, MGON PO SHING PHUNG CAN ZHES KYANG BYA, TZAN DAN GYI MGON PO ZHES KYANG BYA, THUGS RJE CHEN PO NAG PO ZHES KYANG BYA BA, MCHOG BSGRUBS PAS THUN MONG GI DNGOS GRUB ZHAR LA 'BYUNG BA, THUN MONG BSGRUBS PAS MCHOG ZHAR LA 'BYUNG BA'I CHOS SKYONG KHYAD PAR CAN ZHIG YOD PAS DE NGAS KHYOD LA GTOD PA YIN NO ZHES GSUNGS, 'O NA DE 'DRA'I THUN MONG BA MA YIN PA'I BYUNG TSUL JI LTA BU ZHUS PAS, DE YANG SNGON BLA MA 'PHAGS PA SPYAN RAS GZIGS DBANG PHYUG RI BO PO TA LA'I RTZE LA BZHUGS NAS RIGS DRUG GI SEMS CAN THAMS CAD 'KHOR BA SDUG BSNGAL GYI RGYA MTSO CHEN PO 'DI LAS BSGRAL NAS MYA NGAN LAS 'DAS PA'I SA LA MA BZHAG GI BAR DU BDAG 'TSANG

MI RGYA'O, ,DAM BCAS PA 'DI LAS 'GAL NA BDAG GI MGO TSAL PA STONG DU 'GAS PAR GYUR CIG CES DBU SNYUNG BZHES NAS DUS DRUG TU SEMS CAN GYI DON 'BA' ZHIG MDZAD PA LAS MTSAMS SHIG NAS, SEMS CAN DPAG TU MED PA ZHIG SMIN GROL GYI LAM LA BKOD ZIN, DA RANG 'KHOR BA'ANG STONGS YOD LA CHE, SEMS CAN YANG ZAD LA CHE SNYAM DU THUGS RJE'I SPYAN GYIS SEMS CAN LA GZIGS PAS 'KHOR BA'I SEMS CAN RNAMS NI GRANGS NYUNG DU MA SONG BA'I STENG DU SNYIGS MA LNGA BDO BA'I STOBS KYIS DMU RGOD PA DANG GDUL DKA' BA SHIN TU MA RUNGS PAR GZIGS NAS, SNGAR SEMS CAN DE TZAM GYI DON BYAS PA LA 'KHOR BA'I SEMS CAN RNAMS GRANGS NYUNG DU MA SONG BA'I KHAR DMU RGOD PA DANG GDUL DKA' BA 'DI 'DRAR GYUR NA, DA NI BDAG GIS SEMS CAN GCIG GI DON YANG MI NUS PA 'DUG PAS SNGAR GYI DAM BCA' DE DOR BAR BYA'O SNYAM DU DGONGS MA THAG TU SNGAR GYI DAM BCA' DANG 'GAL BA'I STOBS KYIS DBU TSAL PA STONG DU GAS, DE'I TSE RGYAL BA SNANG BA MTHA' YAS LA SOGS PA PHYOGS BCU'I SANGS RGYAS RNAMS BYON NAS, RIGS KYI BU, KHYOD KYI BSAM PA DANG SEMS BSKYED DE LTA BU BTANG BA MA LEGS PAS DA DUNG SNGAR LAS KYANG SEMS RGYA CHE BAR SKYED CIG CES BKA' STZAL PAS, SNGAR GYI DE YANG SGRUB PAR MA NUS NA DE BAS RGYA CHE BA CI ZHIG SGRUB PAR NUS SNYAM DU THUGS BRGYAL BAR GYUR PA NA SNANG BA MTHA' YAS KYIS 'PHAGS PA'I DBU TSAL PA STONG DU GAS PA DE BCU GCIG TU BYIN GYIS BRLABS PAS BCU GCIG ZHAL DU GYUR, DE NAS BRGYAL BA SANGS PA DANG DA NI SNYIGS MA LNGA BDO

, ,BA'I DUS KYI SEMS CAN MA RUNGS PA 'DI RNAMS ZHI BAS 'DUL BAR MI NUS PAS GANG LA GANG 'TSAM PA'I DRAG PO'I SKU ZHIG GIS 'DUL BA'I KHRO BO'I DBANG PO ZHIG SPRUL BAR BYA'O SNYAM DU DGONGS MA THAG THUGS KA NAS H'Um MTHING NAG CIG RGYANGS KYIS CHAD, DE YONGS SU GYUR PA LAS YE SHES KYI MGON PO PHYAG DRUG PA SKYE 'GRO'I RE BA TSUL BZHIN DU SKONG BA DBANG GI RGYAL PO LTA BU'I KHRO BO'I SKUR LAM GYIS GYUR, DE'I TSE RGYAL BA SNANG BA MTHA' YAS LA SOGS PAS BSNGAGS PA RGYA CHER MDZAD DO; ;'KHOR BZHI LHA MO DANG BCAS PA DUR KHROD CHEN PO BSIL BA'I TSAL DU SHING TZAN DAN GYI SDONG PO RKANG GCIG PA LA RTEN BCAS NAS BZHUGS PA'I TSE GRUB CHEN SHA WA RI DBANG PHYUG GIS MCHOG GI SGRUB PA MDZAD KYIN BZHUGS PA'I TSE d'A MA RU DANG DRIL BU G-YER KHA'I SGRA SA G-YO BA TZAM DU GRAG PAS CI YIN SNYAM DU BRTAGS PA NA YE SHES KYI MGON PO 'DI NYID SHING TZAN DAN GYI SDONG PO RKANG GCIG PA DE LAS 'BYON 'PHRO LA BZHUGS PA 'DRA BA, BZHUGS 'PHRO LA 'BYON PA 'DRA BA ZHIG MDZAD NAS, RIGS KYI BU, KHYOD KYIS NGA'I SGRUB THABS 'DI ZUNG ZHIG GSUNGS NAS NAG PO CHEN PO RANG GIS BYIN GYIS BRLABS PA'I SGRUB THABS 'DI GNANG, DES BDAG LA GNANG BA YIN NO ZHES LO RGYUS DANG BCAS TE GNANG BA YIN NO, ,PHYIS KHYUNG POS 'PHAN YUL JOG POR SGRUB PA MDZAD PA NA GRUB CHEN RA HU LA DE NYID CHOS SGOR SKYEL BA LA BYON, ZHI BA NOR DU SGRUB PA MGON PO YID BZHIN NOR BU'I CHOS SKOR RNAMS GNANG STE, MDOR NA BLA MA DE GNYIS LA YE SHES MGON PO'I CHOS SKOR RNAMS RDZOGS PAR GSAN PA YIN

NO; ;ZHES YE SHES MGON PO'I RJES GNANG THUGS BSKYED TSUL DANG BCAS PA 'DI'ANG DGE 'DUN RGYA MTSO'I DPAL GYIS YI GER BKOD PA'O,, ,, ` RGYAL BA KUN GYI MKHYEN BRTZE 'PHRIN LAS RNAMS, ,GDUG PA GDUL PHYIR KHROS PA'I SKUR STON YANG, ,RNAL 'BYOR CHOS BZHIN SGRUB PA'I 'DOD DON RNAMS, ,YID BZHIN NOR DANG DPAG BSAM SHING BZHIN DU, ,MCHOG DANG THUN MONG DNGOS GRUB MA LUS PA, ,DA LTA NYID DU GNAS 'DIR STZAL DU GSOL,, DPAL LDAN LHA MO 'DI'I THOG MA'I CHOS 'BYUNG LO RGYUS NI SNGON LHA DANG LHA MA YIN RNAMS G-YUL 'GYED PA'I TSE LHA RNAMS KYIS LHA MA YIN RE RE BSAD PA'I KHRAG LAS LHA MA YIN BYE BA RE 'PHEL, DE LA BRTEN NAS LHA RNAMS G-YUL PHAM PA DANG LHA MA YIN RNAMS RGYAL BAR GYUR, DE'I TSE KHYAB 'JUG GI DPRAL BAR LCAGS KYI RME BA ZHIG BYUNG BA DE PHYAG NA RDO RJES RDO RJE 'PHANGS NAS BTOL BAS LHA MO AU MA BYUNG, DE PHYAG NA RDO RJE'I BKAS LHA RNAMS LHA MA YIN LAS RGYAL BA'I PHYIR DBANG PHYUG GI CHUNG MAR BYIN, DE GNYIS 'DUS PA LAS BU GSHIN RJE MAH'A K'A LA DANG BU MO TZ'A MUN d'I GNYIS BYUNG, BU GSHIN RJE MAH'A K'A LAS LCAGS KYI GSAL SHING DPAG TSAD LNGA BRGYA PA ZHIG YOD PA DE RI RAB KYI RTZE NAS BSGRIL BAS LHA MIN GYI DMAG DPUNG BYE BA PHRAG MANG PO BSAD, BU MO TZ'A MUN d'IS LHA MIN GYI DBANG PO HE RAm KU SHA'I MGO BO BREGS NAS THOD PAS LHA MIN SHI BA'I KHRAG BCUS NAS 'THUNGS PAS LHA MIN BYE BA PHRAG MANG PO 'PHEL BA'I 'PHEL KHA CHAD, DE NAS LHA MO DE'I LTE BA LA LHA RNAMS KYI RDZONG BYAS NAS 'THAB PAS LHA MIN RNAMS PHAM, LHA RNAMS RGYAL BAR GYUR, YANG KLU DUNG

, ,'DZER CAN MKHA' LDING GI 'JIGS PA LAS BSKYABS PAS LHA MO DUNG SKYONG MA ZHES PAR YANG GRAGS, YANG SHING TA LA'I LO MA GOS SU GYON NAS 'PHAGS MA MI PHAM KHRO GNYER CAN MA'I GZUNGS 'DREN CING BSDAD PAS 'PHAGS MA LO MA GYON MA ZHES PAR GRAGS, YANG LHA DBANG PHYUG CHEN PO DE SRIN MO NA LA RTZE DANG 'DUS PA LAS 'PHAGS MA MI PHAM KHRO GNYER THAL MDOG MA ZHES PA BYUNG, MDOR NA BOD KYI LHA MO 'DI'I RIGS THAMS CAD LHA DBANG PHYUG CHEN PO DANG LHA MO DE GNYIS 'DUS PA LAS BYUNG BA SHA STAG YIN 'DUG KHYAD PAR DPAL LDAN LHA MO 'DI AU RGYAN GYI GNAS NAS PAndITA GSANG BA SHES RAB, MTSAN GZHAN A'A TZARYA DMAR PO ZHES PAS SPYAN DRANGS, GNUBS RNAM PA GNYIS LA GNANG, DE GNYIS LA ZHANG PRADZNY'A GU RUS GSAN PAR 'DUG DE NAS RIM PAR BRGYUD DE 'JAM DBYANGS 'KHON STON GYIS SPYAN DRANGS NAS BO DONG AE'I CHOS SKYONG DU BSKOS, DE NAS RIM PAR BRGYUD DE 'JAM DBYANGS CHOS BZANG DPAL BA LA THAMS CAD MKHYEN PA DGE 'DUN GRUB PAS GSAN, DE LA RDO RJE 'CHANG KUN DGA' RGYAL MTSAN GYIS GSAN, DES NA 'DI'I RJES GNANG BYA BAR 'DOD NA YID DANG MTHUN PA'I GNAS SU MCHOD PA DANG GTOR MA BKOD PA MDZES SHING GYA NOM PAR BSHAM, SLOB MA RNAMS KHRUS BYAS GOS GSAR PA GYON PA SOGS BYAS NAS 'DUG STE GSER GYI MAndAL SOGS PHUL NAS, BLA MAS, PUS BTZUGS THAL MO SBYAR BA YIS, ,NYAN SOGS 'DOD PAS GSOL GSUM GDAB, ,CES GSUNGS PA LTAR GSOL BA LAN GSUM GYI BAR DU 'DEBS PA SNGON DU 'GRO DGOS PAS GSOL BA GDAB PA 'DI'I RJES ZLOS GYIS BYAS NAS, NAG

MO GDUG CAN DREGS PA CAN, ,KUN TU KHYAB PA'I GZUGS STON MA, ,NAG MO'I GTZO MO DRE'U RTA CHIBS, ,'DIR BYON BYIN GYIS BRLAB TU GSOL, ,ZHES LAN GSUM GYI RJES ZLOS BYA, KUN SLONG 'CHOS PA SOGS SPYI'I CHOS BSHAD RNAMS YID 'KHUL BA BSHAD, DE NAS LO RGYUS BSHAD PA SOGS BYE BRAG GI CHOS RNAMS BSHAD, DE NAS SEMS CAN THAMS CAD KYI DON DU SANGS RGYAS KYI GO 'PHANG THOB PAR BYA, DE'I CHED DU BYANG CHUB SEMS DPA'I SDOM PA BZUNG LA RGYAL SRAS KYI SPYOD PA RNAMS LA TSUL BZHIN BSLAB SNYAM PA GYIS LA 'DI'I RJES ZLOS GYIS ZHES BRJOD LA, DKON MCHOG GSUM LA BDAG SKYABS MCHI, ,ZHES SOGS KYIS SDOM PA GZUNG, BLA MA RANG NYID YI DAM GYI BDAG BSKYED SHIN TU BRTAN PA'I NGANG NAS, KHYED RANG RNAMS YID MA YENGS PAR GNAS KHANG 'DI NYID BYANG SHAR MU LE DING GI RGYA MTSO DANG, BLA MA 'DI NYID BCOM LDAN 'DAS DPAL RDO RJE 'JIGS BYED CHEN PO DANG, GTOR MA 'DI NYID DPAL LDAN 'DOD KHAMS KYI DBANG PHYUG MA DNGOS YIN SNYAM PA GYIS LA NYON ZHES BRDA SPRAD, DE NAS HR'I:sht'I SA BSANGS, SVA BH'A WA SA SBYANGS, STONG PA'I NGANG LAS DPAL LDAN LHA MO SGRUB THABS BZHIN BSKYED, DE NAS GSOL BA GDAB PA NI, HE RU KA DPAL RDO RJE 'DZIN, ,DPA' BO CHEN PO DGONGS SU GSOL, ,SH'AKYA SENG GE'I BSTAN PA LA, ,BYANG CHUB MCHOG TU SEMS BSKYED DE, ,GTZO BO STON PA'I BKA' BSRUNG DANG, ,DE YI BSTAN PA BSRUNG BA'I PHYIR, ,MA MO DRAG MO LA SOGS PA, ,MTHU DANG DNGOS GRUB MYUR BA'I RGYU, ,DAM TSIG CAN DE BDAG LA STZOL, ,ZHES LAN GSUM GYIS GSOL BA GDAB, DE NAS SLOB MA RNAMS KYANG DPAL LDAN LHA MOR BSKYED, SKU'I RJES GNANG GI DON DU

, ,GSOL BA GDAB PA NI, DUS GSUM SANGS RGYAS THAMS CAD KYI, ,SKU YI RDO RJE SLOB DPON GYIS, ,BDAG LA 'DOD KHAMS DBANG PHYUG MA'I, ,SKU YI RJES GNANG STZAL DU GSOL, ,ZHES GSOL BA BTAB PAS BLA MA YI DAM DU GSAL BA DANG, GTOR MA DPAL LDAN LHA MOR GSAL BA'I THUGS KA'I SA BON LAS 'OD ZER DPAG TU MED PA 'PHROS PAS BYANG SHAR MU LE DING GI RGYA MTSO CHEN PO NAS DPAL LDAN LHA MO 'KHOR DANG BCAS PA DPAG TU MED PA BYA ROG GI SKAD GRAG BZHIN PA DANG BCAS TE DPAG TU MED PA BYON NAS SLOB MA RNAMS KYI LUS LA CHAR CHEN PO BABS PA BZHIN DU THIM PAR BSAM, DES DPAL LDAN LHA MO'I SKU'I BYIN RLABS KHYED RANG RNAM PA'I LUS LA ZHUGS, LUS KYI LAS RNAM PA GSUM LA SOGS PA LUS KYI SGO NAS BSAGS PA'I SDIG SGRIB THAMS CAD BYANG ZHING DAG PAR BYAS, BUM PA'I DBANG THOB, LHA MO'I SKU DANG KHYED RANG RNAM PA'I LUS DBYER MED DU SONG, LUS LHA SGOM PA'I SKAL BA DANG LDAN PAR BYAS, DE NAS SLOB MA RNAMS KYI LAG PA G-YAS SU BE CON DANG G-YON DU THOD KHRAG DNGOS SAM DMIGS PAS GTAD LA, MDUN BSKYED KYI LHA MO DANG SLOB MA RNAMS LAG SBREL LA, BLA MAS, DPAL LDAN LHA MO KHYOD NI MA YIN LA, SLOB MA 'DI RNAMS BU YIN PAS MA BU GNYIS 'BRAL BA MED PAR GYIS SHIG CES LAN GSUM BKA' BSGO, DUS 'DI NAS NI BZUNG NAS SU, ,BYANG CHUB SNYING POR MCHIS KYI BAR, ,LHAG PA'I LHA NI MDZAD DU GSOL, ,RKYEN NGAN BAR CHAD THAMS CAD SOL, ,MCHOG DANG THUN MONG DNGOS GRUB KUN, ,DA LTA NYID DU STZAL DU GSOL, ,ZHES BRJOD, GSUNG GI RJES GNANG GI DON DU GSOL BA 'DEBS

PA NI, GSUNG GI RDO RJE SLOB DPON GYIS, ,ZHES SOGS 'DON PA SPO, DE NAS KHYED RANG DPAL LDAN LHA MOR GSAL BA'I SNYING GA'I DBUS SU NYI GDAN LA BH+YO MTHING NAG DE'I MDUN NAS BRTZAMS TE G-YAS SKOR DU BH+YO RAKMO BH+YO ZHES SOGS SNGAGS KHA DOG NAG PO, GZUGS YI GE DBU CAN GYI RNAM PA CAN, 'OD ZER DUS MTHA'I ME 'OD 'PHRO BA ZHIG BSGOM, DE NAS SNGAR BZHIN 'OD ZER 'PHROS PAS DPAL LDAN LHA MO'I GSUNG GI BYIN RLABS THAMS CAD SNGAGS 'PHRENG GI RNAM PAR NAM MKHA'I KHAMS GANG BA BYON, KHYED RANG RNAM PA'I THUGS KA'I SNGAGS 'PHRENG LA RDO TSAN LA KHA BA BABS PA LTA BUR THIM PAR BSAM, SROG SNGAGS LAN GSUM GYI RJES ZLOS BYA, BLA MAS SROG SNGAGS BRJOD, BCOM LDAN 'DI LA STZAL LAGS KYIS, ,BCOM LDAN 'DI LA 'GO BAR MDZOD, ,SNGAGS KYI DNGOS GRUB SBYIN PA DANG, ,BRTUL ZHUGS BRTAN PAR MDZAD DU GSOL, ,ZHES BRJOD, DPAL LDAN LHA MO'I GSUNG GI BYIN RLABS KHYED RANG RNAM PA'I NGAG LA ZHUGS, NGAG GI SGO NAS BSAGS PA'I LAS SGRIB BZHI LA SOGS PA BYANG ZHING DAG PAR BYAS, GSANG BA'I DBANG THOB, LHA MO'I GSUNG DANG KHYED RANG RNAM PA'I NGAG DBYER MED DU GYUR PAR BSAM, NGAG SNGAGS BGRANG BA LA DBANG BAR BYAS SO, ,THUGS KYI RJES GNANG GI DON DU GSOL BA GDAB PA NI, THUGS KYI RDO RJE SLOB DPON GYIS, ,ZHES SOGS BRJOD, DE NAS BLA MA DANG MDUN BSKYED GNYIS KA'I SA BON LAS 'OD ZER 'PHROS, DPAL LDAN LHA MO'I THUGS KYI BYIN RLABS THAMS CAD BH+YO MTHING NAG GI RNAM PAR DPAG TU MED PA BYON, KHYED RANG RNAM PA'I THUGS KA'I BH+YO MTHING NAG DE LA THIM PAR BSAM, ROL MO'I SGRA

, ,DANG BCAS TE BLA MAS SROG SNGAGS BRJOD, DPAL LDAN LHA MO'I THUGS KYI BYIN RLABS KHYED RANG RNAM PA'I YID LA ZHUGS, YID KYI LAS GSUM LA SOGS PA YID KYI SGO NAS BSAGS PA'I SDIG SGRIB THAMS CAD BYANG ZHING DAG PAR BYAS, DE'I THUGS KYI BYIN RLABS YID LA ZHUGS PAS DE'I THUGS KYI RJES SU GNANG BA THOB, SHES RAB YE SHES KYI DBANG THOB, DE'I THUGS DANG KHYED RANG RNAM PA'I YID DBYER MED DU GYUR PAR BSAM, YID TING NGE 'DZIN SGOM PA LA DBANG BAR BYAS SO, ,DE NAS DBANG LHA BSTIM PA'I RJES GNANG NI GTOR MA LHA MOR GSAL BA BLA MAS SPYAN DRANGS, SLOB MA'I SPYI BOR BZHAG BLA MA RNAMS KYI MTSAN SMOS PA'I BKA' BSGO LAN GSUM BRJOD, SROG SNGAGS MANG DU BZLA, DAM RDZAS 'CHI MED BDUD RTZI'I ZAS, ,ZO ZHIG BU KHYOD RIGS SU SKYE, ,NGA YIS BSGO BA'I BKA' MA BCAG ,SGRUB LA NAN TAN GCES PAR GYIS, ,ZHES GTOR MA DNGOS GRUB KYI TSUL DU SBYIN, DE NAS YON DANG MAndAL PHUL NAS TSOGS KYI 'KHOR LO PHUN SUM TSOGS PA LA LONGS SPYAD, RJES BSNGO BA DANG SMON LAM SHIS BRJOD DANG BCAS PA BYA'O, ,ZHES PA 'DI'ANG DON GNYER CAN DAG LA PHAN PA'I SLAD DU DGE 'DUN RGYA MTSO'I DPAL GYIS YI GER BKOD PA'O,, ,, ` KHRO BO SME BRTZEGS SGOM PAR 'DOD PAS SKYABS 'GRO SEMS BSKYED TSAD MED BZHI SGOM PA SNGON DU BTANG NAS SVA BH'A WA SA STONG PAR SBYANGS, STONG PA'I NGANG LAS PADMA DANG NYI MA'I GDAN GYI STENG DU RANG GI SEMS NYID H'Um YIG DU BA'I MDOG CAN YONGS SU GYUR PA LAS RANG KHRO BO SME BRTZEGS SKU MDOG DUD KHA, RTZA ZHAL DUD KHA, G-YAS ZHAL DKAR ZHING G-YON ZHAL DMAR BA, PHYAG DRUG GI G-YAS DANG PO NA RDO RJE RGYA GRAM, GNYIS PA NA RDO RJE RTZE LNGA, GSUM

PA NA RDO RJE LCAGS KYU, G-YON GYI DANG POS RDO RJE DBYUG PA, GNYIS PAS RDO RJE ZHAGS PA, GSUM PAS RDO RJE SDIGS MDZUB MDZAD PA, THOD PA SKAM PO LNGA'I DBU RGYAN DANG, SKAM PO LNGA BCU'I SE RAL KHA BYAS PA, STAG GI PAGS PA'I SHAM THABS CAN, ZHABS GNYIS BGRAD PA'I STABS KYIS BZHUGS PAR BSGOMS LA, THUGS KAR ZLA BA'I DKYIL 'KHOR GYI STENG DU H'Um YIG GI MTHAR AOm BHUR KUm MAH'A PRA nA YE, AOm BHUR TZI BHUR KAm BI MA LE, AU TZU shMA KRO DHA H'Um PHAt, AOm BADZRA BHUR KUm RI LI SHU DAR SHA H'U RA SHI BI MA LE AU TZUshMA KRO DHA H'Um H'Um PHAt PHAt SV'A H'A ZHES PA'I SNGAGS GNYIS KA'AM, YANG NA DANG PO 'DIS BSKOR BA LA DMIGS TE BZLA'O ZHES PA 'DI'ANG THAMS CAD MKHYEN PAS 'OL KHA STAG RTZER GNANG BA LAS PHYI MOR BGYIS TE BRIS PA'O,, PHAN YON NGAG LAS SHES PAR BYA'O,, ,, ` YI DAM SPYI 'GRO'I RJES GNANG BYED LUGS NI, BDAG BSKYED BZLAS PA MDUN BSKYED SGRUB PA SOGS SNGON DU BTANG LA SLOB MA KHRUS BYAS MAndAL PHUL, KUN MKHYEN YE SHES PHUNG PO CAN, ,ZHES SOGS KYIS GSOL BA GDAB, SKABS DANG SBYAR BA'I SPYI DANG BYE BRAG GI CHOS BSHAD, DKON MCHOG GSUM LA BDAG SKYABS MCHI, ,ZHES SOGS KYIS SDOM PA GZUNG, SKU'AM GTOR MA LA SOGS PA LHA DE DANG DER SLOB MA LA MNGON RTOGS GSAL BTAB LA SGOM DU BCUG DUS GSUM SANGS RGYAS THAMS CAD KYI, ,SKU YI RDO RJE SLOB DPON GYIS, ,BDAG LA RJE BTZUN 'JAM DBYANGS KYI, , SKU YI RJES GNANG STZAL DU GSOL, ,ZHES PA LTA BU YI DAM GYI LHA GANG YIN DANG SBYAR NAS GSOL BA BTAB LA, SLOB MA DE BSANGS SBYANGS, STONG PA'I NGANG LAS LHA DE DANG DE'I MNGON RTOGS BZHIN BSKYED, GNAS GSUM DU YI GE GSUM BKOD, DE NAS RANG GI THUGS KA'I H'Um YIG GI 'OD ZER

, ,GYIS YI DAM GYI LHA GANG YIN DE LA SANGS RGYAS DANG BYANG CHUB SEMS DPA'I TSOGS KYIS BSKOR BA SPYAN DRANGS, SLOB MA'I LUS LA CHAR CHEN PO BABS PA BZHIN DU SIB SIB THIM PAR MOS PAS LUS KYI SDIG SGRIB THAMS CAD DAG SKU'I BYIN RLABS ZHUGS, SLOB MA'I LUS DANG YI DAM GYI SKU DBYER MED DU BSAM PA NI SKU'I RJES GNANG NGO, ,YANG DUS GSUM SANGS RGYAS THAMS CAD KYI, ,ZHES SOGS 'DON PA BSGYUR LA GSOL BA GDAB, RANG GI THUGS KA'I SA BON LAS LHA GANG YIN GYI SNGAGS KYI PHRENG BA BYUNG, RANG GI SNA BUG G-YAS NAS THON, SLOB MA'I SNA BUG G-YON NAS ZHUGS, SNYING GAR NYI MA'AM ZLA BA'I DKYIL 'KHOR GYI STENG DU SA BON GANG YIN GYI MTHAR BSKOR BA LAS 'OD ZER 'PHROS, NAD GDON SDIG SGRIB THAMS CAD BYANG BAR BSAM, SNGAGS KYI RJES ZLOS LAN MANG DU BYA BA NI GSUNG GI RJES GNANG NGO, ,THUGS KYI RJES GNANG LA SNGAR GYI 'DON PA SPOS LA GSOL BA GDAB, RANG GI THUGS KA'I SA BON LAS YI DAM GYI LHA DE DANG DE'I THUGS KYI BYIN RLABS THAMS CAD LHA GANG YIN GYI PHYAG MTSAN NAM, SA BON GYI YI GE NAM MKHA'I KHAMS GANG BA SPROS, SLOB MA'I SNYING GA'I SA BON LA THIM PAR BSAM PA SOGS NI THUGS KYI RJES GNANG GI NGO BO'O, ,DE NAS, BCOM LDAN BDAG LA STZAL LAGS KYI, ,BDAG LA NYE BAR MDZAD DU GSOL, ,ZHES LAN GSUM GSOL BA BTAB LA, SKU'AM GTOR MA SOGS SLOB MA'I MGO BOR BZHAG BCOM LDAN 'DI LA STZAL LAGS KYI, ,'DI LA NYE BAR MDZAD DU GSOL, ,DUS 'DI NAS NI BZUNG NAS NI, ,BYANG CHUB SNYING POR MCHIS KYI BAR, ,LHAG PA'I LHA NI MDZAD DU GSOL, ,RKYEN NGAN BAR

CHAD THAMS CAD SOL, ,DNGOS GRUB THAMS CAD STZAL DU GSOL, ,ZHES BRJOD PAS LHA DE DANG DE SLOB MA LA THIM PAS YI DAM LHA'I SKU GSUNG THUGS DANG SLOB MA'I LUS NGAG YID GSUM DBYER MED DU BSAM PA NI DBANG LHA BSTIM PA'I RJES GNANG NGO, ,DE NAS LHA GANG YIN GYI MNGON RTOGS DANG BZLAS LUNG BYA BA NI 'PHRIN LAS KYI RJES GNANG NGO, ,ZHES PA 'DI'ANG DGE 'DUN RGYA MTSO'I DPAL GYIS SMRAS PA'O,, ,, ` 'PHAGS PA SPYAN RAS GZIGS DBANG PHYUG GI SGOM BZLAS NYAMS SU LEN PAR 'DOD PAS SKYABS 'GRO SEMS BSKYED TSAD MED BZHI SGOM PA SNGON DU BTANG, SVA BH'A WA'I SNGAGS BRJOD PA'I SGO NAS 'KHOR 'DAS KYI CHOS THAMS CAD STONG PA NYID DU CHAM GYIS GTAN LA PHAB, STONG PA'I NGANG LAS PAm LAS PADMA DKAR PO DANG AA LAS ZLA BA'I DKYIL 'KHOR GYI STENG DU RANG GI SEMS NYID YI GE HR'I: DKAR PO RING CHA TSEG DRAG DANG BCAS PA, DE LAS 'OD ZER 'PHROS, SEMS CAN GYI DON BYAS, SEMS CAN THAMS CAD 'PHAGS PA'I GO 'PHANG LA BKOD, TSUR 'DUS YONGS SU GYUR PA LAS RANG NYID RJE BTZUN 'PHAGS PA SPYAN RAS GZIGS DBANG PHYUG SKU MDOG GANGS RI LTAR DKAR BA, ZHAL GCIG PHYAG BZHI PA, PHYAG DANG PO GNYIS THUGS KAR THAL MO SBYAR BA, G-YAS 'OG MAS NOR BU CHU SHEL GYI 'PHRENG BA BRGYA RTZA BRGYAD TSANG BA 'DZIN PA, G-YON 'OG MAS ME TOG PADMA DKAR PO 'DZIN PA'I PADMA SNYAN GYI THAD DU KHA BYE BA, ZHABS RDO RJE SKYIL KRUNG GIS BZHUGS PA, RIN PO CHE'I DBU RGYAN, SNYAN RGYAN, MGUL RGYAN, PHYAG GDUB, ZHABS GDUB LA SOGS PA RIN PO CHE'I RGYAN BRGYAD KYIS BRGYAN PA, DAR SNA TSOGS KYI NA BZA' CAN, 'DZUM PA ZHI BA SGEG PA'I NYAMS DANG LDAN PA, DE'I SPYI BOR AOm,

, ,MGRIN PAR A'A: THUGS KAR H'Um, THUGS KAR ZLA BA'I DKYIL 'KHOR GYI STENG DU HR'I: DKAR PO RING CHA TSEG DRAG DANG BCAS PA, DE LAS 'OD ZER 'PHROS, LHO PHYOGS PO TA LA NAS 'PHAGS PA SPYAN RAS GZIGS DBANG PHYUG LA SANGS RGYAS DANG BYANG CHUB SEMS DA'I TSOGS KYIS BSKOR BA SPYAN DRANGS, DZA: H'Um BAm HO: RANG LA THIM PAS GNYIS SU MED PAR GYUR, SLAR YANG THUGS KA'I HR'I: LAS 'OD ZER 'PHROS, DBANG GI LHA RNAMS SPYAN DRANGS, DE BZHIN GSHEGS PA THAMS CAD KYIS BDAG LA MNGON PAR DBANG SKUR DU GSOL ZHES GSOL BA BTAB PAS DE RNAMS KYIS YE SHES KYI BDUD RTZIS GANG BA'I RIN PO CHE'I BUM PA THOGS NAS, AOm SARBA TA TH'A GA TA AA BHI shE KA TA SA MA YA SHR'I YE A'A: H'Um ZHES BDUD RTZI'I CHUS DBANG BSKUR, LUS THAMS CAD GANG, DRI MA THAMS CAD DAG CHU'I LHAG MA SPYI GTZUG TU GNAS PA YONGS SU GYUR PA LAS SANGS RGYAS SNANG BA MTHA' YAS KYIS DBU BRGYAN PAR GYUR, MCHOD PA BSANGS SBYANGS BYIN GYIS BRLABS LA, AOm A'AR+YA LO KI SHVA RA SA PA RI W'A RA AARGHAm PRA T'ITZTSA YE SV'A H'A, DE BZHIN DU SHAPTA'I BAR DU SBYAR LA MCHOD PA DBUL, SKYON GYIS MA GOS SKU MDOG DKAR, ,ZHES SOGS KYIS BSTOD PA BYAS NAS, RANG 'PHAGS PA SPYAN RAS GZIGS DBANG PHYUG TU LAM GYIS GSAL BA'I THUGS KAR ZLA BA'I DKYIL 'KHOR DKAR KHYIL LE BA, DE'I STENG DU RANG GI SEMS NYID YI GE HR'I: DKAR PO RING CHA TSEG DRAG DANG BCAS PA, DE'I MTHA' SKOR DU, AOm MA nI PADME H'Um ZHES PA'I SNYING PO YI GE DRUG PA'I SNGAGS 'PHRENG KHA DOG DKAR PO GYEN DU 'GRENG BA, GZUGS DBU CAN GYI RNAM PA CAN, 'OD

ZER ZLA 'OD SHAR BA LTA BU DKAR PHROM GYIS 'PHRO BA, DE LAS 'OD ZER 'PHROS, LUS KYI NANG THAMS CAD GANG, SDIG SGRIB THAMS CAD SBYANGS, 'OD ZER BA SPU'I SGO NAS PHYIR 'PHROS, SEMS CAN THAMS CAD KYI SDIG SGRIB SBYANGS, 'PHAGS PA SPYAN RAS GZIGS DBANG PHYUG GI GO 'PHANG LA BKOD, PHYI GZUGS KYI SNANG BA MIG LAM DU GANG SHAR BA THAMS CAD 'PHAGS PA SPYAN RAS GZIGS DBANG PHYUG GI LHA'I SKU NAM MKHA'I 'JA' TSON LTA BU SHA STAG TU LAM GYIS 'CHAR BA SNANG BA SKU'I 'KHYER SO, SGRA RNA BAR GRAG TSAD YI GE DRUG PA'I SNGAGS KYI SGRA LHANG GIS GRAG PAR MOS PA GRAG STONG GSUNG GI 'KHYER SO, SNANG SRID 'KHOR 'DAS KYIS BSDUS PA'I CHOS THAMS CAD MING GIS BTAGS PA TZAM MA GTOGS YUL GYI STENG NAS GRUB PA RDUL TZAM YANG MED PAR LHANG GIS RTOGS PA'I STOD NYID RTOGS PA'I SHES RAB DANG SEMS CAN THAMS CAD LA DMIGS PA'I SNYING RJE CHEN PO ZUNG DU 'BREL BA'I STONG NYID SNYING RJE'I SNYING PO CAN DANG MA BRAL BA DRAN RTOG THUGS KYI 'KHYER SO STE, DE LTAR 'KHYER SO GSUM DANG MA BRAL BA'I NGANG NAS RANG SPYAN RAS GZIGS SU GSAL BA'I ZHAL NAS MA nI'I SNGAGS KYI SGRA BSGRAGS PA DANG, RIGS DRUG GI SEMS CAN THAMS CAD SPYAN RAS GZIGS KYI LHA'I SKUR GYUR PA RNAMS DANG, GZHAN YANG SA DANG BAR SNANG NAM MKHA'I KHYON THAMS CAN SPYAN RAS GZIGS KYI LHA'I SKUS TIL GYI GANG BU LTAR GANG BA, DE THAMS CAD KYI ZHAL NAS MA nI'I SGRA 'BRUG GI SGRA LTAR 'UR GYIS SGROG PAR MOS NAS AOm MA nI PADME H'Um ZHES CI NUS BZLA, DE YANG AOm NI AA AU MA GSUM BSDOMS PAS SKU GSUNG THUGS

, ,KYI RDO RJE GSUM DBYER MI PHYED PA MTSON ZHING, MTSON DON YID LA DRAN PA'I SGO NAS NGAG TU LAN GCIG BRJOD PAS BSOD NAMS LEN PAR BYED PAS NOR BU 'DZIN PA'I SNGAGS ZHES BSHAD DO, ,SNGAGS KYI MGO 'DREN NO, ,MA nI NI NOR BU, PADMA NI PADMA RANG YIN LA, DE LA PADME ZHES SBYAR BA NI BOD PA'I DON YIN PAS NOR BU PADMA ZHES SPYAN RAS GZIGS LA NYE BA'I SGO NAS BOD PA'I DON YIN PAS 'PHAGS PA SPYAN RAS GZIGS DBANG PHYUG GI THUGS RGYUD RANG LA NYE LHANG BA YOD PA LTA BUR BSGOMS NAS BZLA BA YIN ZHING, GZHAN YANG YI GE DRUG PO RE RE BZHIN GYIS RIGS DRUG GI SKYE SGO GCOD, PHA ROL TU PHYIN PA DRUG YONGS SU RDZOGS PAR BYED PA SOGS MTSON DON PHAN YON MTHA' YAS PA ZHIG GSUNGS PAS SPYIR 'PHAGS PA SPYAN RAS GZIGS DBANG PHYUG SANGS RGYAS THAMS CAD KYI THUGS RJE GCIG TU BSDUS PA'I NGO BO YIN PA DANG, KHYAD PAR DU BOD KYI LHA SKAL YIN PAS GZHAN LAS 'BREL CHE BA'I PHYIR LHAG PA'I LHAR BZUNG NAS BZLAS BRJOD LA 'BAD PAR BYA'O, ,MTHAR THUN 'JOG PA NA, SNOD BCUD THAMS CAD SPYAN RAS GZIGS SU GSAL BA RANG DANG, RANG YANG THUGS KA'I HR'I: DANG, DE YANG TSEG DRAG DE YANG NAM MKHA' LA 'JA' YAL BA LTAR GYUR PAR BSAMS TE SEMS LTA THOG TU GZHAG GO ,YANG STONG PA'I NGANG LAS RANG 'KHYER SO GSUM LDAN GYI SPYAN RAS GZIGS KYI LHA'I SKUR LAM GYIS LANGS TE 'PHRAL GYI SPYOD LAM RNAMS LA 'JUG PA DANG, BSNGO BA SMON LAM SOGS BYA'O, ,'PHAGS PA SPYAN RAS GZIGS KYI BSGOM BZLAS GO BDE BAR BKOD PA 'DI YANG BSTAN 'DZIN CHEN PO

'GA' ZHIG GIS BSKUL BA'I NGOR DGE 'DUN RGYA MTSO'I DPAL GYIS BKOD PA'O,, ,, ` CHOS SKYONG LCAM SRING GI RJES GNANG BYA BA'I TSUL NI, GTOR MA CHOS SKYONG 'KHOR BCAS SU BSKYED PA SOGS SPYI 'GRO LTAR BYAS LA, SLOB MAS KHRUS BYAS MAndAL PHUL, RDO RJE SLOB DPON DGONGS SU GSOL, ,SANGS RGYAS BSTAN PA BSRUNG BA DANG, ,ZHING BCU'I DGRA BGEGS BSGRAL BA'I PHYIR, ,CHOS SKYONG SBRAGS SGRUB BDAG LA STZOL, ,ZHES LAN GSUM GYIS GSOL BA GDAB, RGYUD KYI GLENG GZHI SOGS DANG SBYAR TE 'DI'I LO RGYUS SOGS BSHAD NAS SPRO BA BSKYED, DKON MCHOG GSUM LA BDAG SKYABS MCHI, ,SOGS KYIS SDOM PA GZUNG, GTOR MA LHAR BSKYED PA MNGON RTOGS BZHIN SLOB MA LA GSAL GDAB, SGOM DU GZHUG DE NAS SKU'I RJES GNANG NI, BLA MA RIN PO CHE, BDAG LA CHOS SKYONG LCAM SRING GI SKU'I RJES SU GNANG BA STZAL DU GSOL, ZHES GSOL BA GDAB, SLOB MA BSANGS SBYANGS CHOS SKYONG LCAM SRING DU BSKYED, GNAS GSUM BYIN GYIS BRLABS, BLA MA YI DAM DU GSAL BA'I THUGS KA'I 'OD ZER GYIS BYANG SHAR MA RU TZE'I DUR KHROD NAS CHOS SKYONG LCAM SRING 'KHOR BCAS SPYAN DRANGS, SLOB MA RNAMS LA BSTIM LA SNGAGS BRJOD CING ROL MO DKROL, SKU'I RJES GNANG NGO, ,GSUNG GI RJES GNANG GI DON DU, GSUNG GI ZHES 'DON PA BSGYUR TE GSOL BA GDAB, BLA MA YI DAM DU GSAL BA'I THUGS KA'I SA BON LAS 'OD ZER 'PHROS, CHOS SKYONG LCAM SRING GI THUGS KAR NYI GDAN LA PRAm DMAR PO DANG MAm SNGO NAG GI MTHAR RANG RANG GI SNGAGS KYIS BSKOR BA LAS SNGAGS PHRENG MAR ME GCIG LAS GNYIS CHAD KYI TSUL DU BYUNG, CHOS SKYONG LCAM SRING GI ZHAL NAS THON, SLOB MA'I ZHAL DU ZHUGS, THUGS KAR NYI GDAN GYI STENG DU SA BON GYI MTHA' BSKOR NAS GNAS PA DANG, CI 'DOD PA'I LAS SGRUB PAR

, ,BSAMS LA, AOm PRA nA AANGMA KshE RU PU RU shA LO HI TA SARBA SHA TRUm M'A RA YA H'Um PHAt SV'A H'A, ZHES PA DANG, AOm RAKMO YA MA TZITTA DZVA LA RAm PRA TI DE W'I H'Um, SROG LA YA MA DZA: SARBA SHA TRUm M'A RA YA RBAD PHAt SV'A H'A ZHES PA'I SNGAGS GNYIS KYI RJES ZLOS LAN GSUM BYED DU 'JUG PA NI GSUNG GI RJES GNANG NGO, ,THUGS KYI RJES GNANG NI, THUGS KYI ZHES GSOL BA GDAB, GTOR MA CHOS SKYONG LCAM SRING DU BSKYED PA DE SLOB MA'I SPYI BOR BZHAG CHOS SKYONG LCAM SRING 'KHOR DANG BCAS PA KHYED RNAMS KYIS RGYAL BA RDO RJE 'CHANG, GRUB THOB LVA BA DMAR PO, A'A TZAR+YA NYI MA GRAGS, PAndI TA ZLA BA NAG PO, PAn CHEN GA YA DHA RA, DE LA MAR LO GNYAN LO, GNYIS KAS THOB PAS GNYIS KA'AM GANG RUNG, RA SA'I SHUD BU BKRA SHIS 'BAR, DPAL LDAN GRUB THOB MDAR CHAR, BO DONG BRTZON 'GRUS RDO RJE, NYAN CHEN BSOD NAMS BRTAN PA, MKHAN CHEN CHOS RGYAL CHEN PO, KUN MKHYEN DPAL LDAN SENG GE, MKHAS GRUB RIN CHEN DPAL BZANG, GRU STON KUN DGA' BZANG PO, DRAN MCHOG DON YOD RGYAL MTSAN, GRUB PA'I DBANG PHYUG KUN DGA' RGYAL MTSAN DPAL BZANG PO LA SOGS PA'I RTZA BRGYUD KYI DPAL LDAN BLA MA DAM PA RNAMS KYIS BKA' DANG DAM LA BTAGS PA RNAMS KYI BKA' DANG DAM LAS MA 'DA' BAR RDO RJE SLOB MA 'DI'I PHYI BZHIN DU RJES SU 'BRONGS LA LUS DANG GRIB MA BZHIN 'GROGS TE, 'GAL RKYEN THAMS CAD SOL, MTHUN RKYEN THAMS CAD SGRUBS, DGRA BGEGS THAMS CAD THUL, JI LTAR BCOL BA'I LAS THAMS CAD GRUB PAR MDZOD CIG CES LAN GSUM BKA' BSGOS, SNGAGS GNYIS KYANG BRJOD PAS, CHOS SKYONG LCAM SRING SLOB MA RNAMS LA THIM PAR BSAM MO,, ,, SHU BHAm,,