Cream from the Cow that Grants Every Wish--A Description of an Easy Method for Training Oneself in the Path of the FirstStage of the Glorious Union of the Spheres (Chakrasanvara)

, ,DPAL 'KHOR LO SDOM PA'I RIM PA DANG PO'I LAM LA SLOB PA'I TSUL GO BDE BAR BRJOD PA 'DOD PA 'JO BA'I SNYING PO ZHES BYA BA BZHUGS SO,,

, ,DPAL 'KHOR LO SDOM PA'I RIM PA DANG PO'I LAM LA SLOB PA'I TSUL GO BDE BAR BRJOD PA 'DOD PA 'JO BA'I SNYING PO ZHES BYA BA, BLA MA DANG DPAL 'KHOR LO SDOM PA DBYER MA MCHIS PA'I ZHABS LA DUS RTAG TU PHYAG 'TSAL LO, ,GANG THUGS LHAN CIG SKYES PA'I ROL MTSO LAS, ,DPA' BO DPA' MO'I CHU KLUNG BYE BA 'BUM, ,SPRO DANG SDUD MDZAD RAB 'BYAMS 'KHOR LO'I GTZO, ,KHYAB BDAG 'KHOR LO SDOM PA LA PHYAG 'TSAL,, MIG GI RAB DGA' MA LUS BSDOMS PA BZHIN, ,MDZES SDUG LANG TSO'I DPAL NI DRAN TZAM GYIS, ,LHAN SKYES BDE BA'I MCHOG STER BCOM LDAN MA, ,MKHA' SPYOD DBANG MOS 'GRO 'DI RTAG TU SKYONGS, ,DBANG PHYUG BRGYAD KYI ROL GNAS NYAMS DGA' BAR, ,MTHONG BA'I CHOS LA 'DOD DGUR RNAM ROL BA, ,GRUB MCHOG L'U YI PA DANG DRIL BU'I ZHABS, ,LVA BA PA SOGS BLA MA RNAMS LA 'DUD, ,DUS KYI MTHAR YANG DPAL LDAN HE RU KA,

, ,NGUR SMRIG 'DZIN PA'I ZLOS GAR LHUR MDZAD PA, ,RGYAL BA GNYIS PA BLO BZANG GRAGS PA'I DPAL, ,SRAS DANG BCAS LA SNYING NAS GUS PHYAG 'TSAL, ,DPAL LDAN 'KHOR LO SDOM PA'I BSKYED RIM LAM, GRUB MCHOG L'U YI PA YI MAN NGAG MCHOG ,YAB RJE BLA MA'I DRIN GYIS GSAL MDZAD PA, ,BRTZE BA'I SEMS KYIS DENG 'DIR BSHAD PAR BYA,, 'DIR DPAL 'KHOR LO BDE MCHOG GRUB CHEN L'U YI PA'I LUGS KYI RIM PA DANG PO'I RNAM GZHAG BSHAD PA LA GNYIS, BDE MCHOG SPYI'I RNAM PAR GZHAG PA MDO TZAM BRJOD PA, MNGON RTOGS KYI DON NYAMS SU LEN PA'I RIM PA NYID BSHAD PA'O,, DANG PO LA GSUM, RTZA BSHAD KYI RGYUD NGOS BZUNG BA, DE GANG DU GSUNGS PA SOGS BSHAD PA'I GLENG BSLANG BA, GRUB CHEN GSUM GYI DGONGS 'GREL GYI GZHUNG JI LTAR BYUNG BA'I TSUL LO,, DANG PO NI, SPYIR 'KHOR LO BDE MCHOG GI PHYOGS KYI RGYUD 'DI LA RTZA BA'I RGYUD, BSHAD

PA'I RGYUD, PHYOGS MTHUN GYI RGYUD DANG GSUM LAS RTZA BA'I RGYUD LA GSUM NYID DU GNAS PA YIN TE, RTZA BA'I RGYUD RGYAS PA LE'U 'BUM YOD PAR GRAGS PA SHLOO KA 'BUM PHRAG GSUM PA, 'BRING BDE MCHOG NAM MKHA' DANG MNYAM PA ZHES SHLOO KA 'BUM PHRAG GCIG PA, BSDUS PA NYUNG NGU'I RGYUD LE'U LNGA BCU NGA GCIG PA 'DI NYID RNAMS SU GNAS PA'I PHYIR TE, HE RU KA MNGON 'BYUNG LAS, 'BUM PHRAG 'BUM PHRAG GSUM LAS PHYUNG, ,RGYUD KYI SNYING PO BSDUS PA YIN, ,ZHES DANG, MKHA' 'GRO RGYA MTSO LAS, DE LTAR NGES BRJOD 'BUM GSUM LAS, ,PHYUNG BA BDE MCHOG NYUNG NGU STE, ,AA YIG LA SOGS KshA YIG MTHAR, ,LE'U RNAMS JI LTAR RIM PA YIS, ,DE KHO NA NYID LDAN PAR SBYAR, ,ZHES 'BYUNG BA LTAR RO, ,BSHAD RGYUD LA BOD KYI BLA MA RNAMS KYI BZHED TSUL MI 'DRA BA MANG NA YANG RDO RJE MKHA' 'GRO, SDOM 'BYUNG, RNAL 'BYOR MA KUN SPYOD, MNGON BRJOD BLA MA STE THUN MONG MA YIN PA'I BSHAD RGYUD BZHI DANG, BDE DGYES THUN MONG GI BSHAD RGYUD SAMBHU tA STE LNGA YOD LA, PHAG MO MNGON 'BYUNG MNGON BRJOD LAS LOGS SU BGRANGS NA DRUG TU YOD DE, MI THUB ZLA BAS, MKHA' 'GRO 'BYUNG BA KUN SPYOD DANG, ,DE BZHIN MTSAN MCHOG BLA MA'I RGYUD, ,KHA SBYOR RGYUD DANG BZHI PO NI, ,BSHAD PA'I RGYUD DU SHES PAR BYA, ,ZHES 'BYUNG BA LTAR YIN LA, DE'I 'BYUNG BA LA SDOM 'BYUNG DANG PHAG MO MNGON 'BYUNG GNYIS SU PHYE BA'O, ,HE RU KA MNGON 'BYUNG, RNAL 'BYOR MA BZHI ZHAL SBYOR BA'I RGYUD, MKHA' 'GRO RGYA MTSO RNAMS NI PHYOGS MTHUN GYI RGYUD DU 'DOD PA YIN NO,, GNYIS PA NI, BDE MCHOG GI RTZA

, ,BA'I RGYUD DE RNAMS DANG POR RI RAB KYI RTZER GSUNGS SHING, PHYIS DPAL LDAN 'BRAS SPUNGS KYI MCHOD RTEN DU GSUNGS PA YIN LA, GSUNG BA PO SH'AKYA'I RGYAL PO CHAGS BRAL GYI SKU'I RNAM PA SPANGS NAS DKYIL 'KHOR GYI BDAG PO'I RNAM PAS GSUNGS SHING, DUS NI RTZOD PA'I DUS YIN TE, MKHA' 'GRO RGYA MTSO LAS, RTZOD PA'I DUS KYI SA NANG DU, ,BCOM LDAN MTHA' YAS PAS 'DI GSUNGS, ,ZHES GSUNGS PA BDE MCHOG GI RTZA RGYUD RGYAS BSDUS 'DI DAG LA YANG 'DRA BA'I PHYIR RO,, GSUM PA NI, BLA MED KYI SBAS RGYUD 'DI DAG GI DGONGS PA 'GREL BA'I SROL LA YANG BYANG CHUB SEMS DPA'I 'GREL PAS JI LTAR BKRAL BA DANG, 'PHAGS YUL GYI GRUB CHEN RNAMS KYIS BKRAL BA'I SROL GNYIS, DANG PO'I DBANG DU BYAS NA BDE MCHOG RTZA RGYUD NYUNG NGU'I DON PHYAG RDOR BSTOD 'GREL DU BKRAL BA LTAR YIN TE, 'DI'I LAM SROL NI DUS KYI 'KHOR LO DANG MTHUN PAR GNAS SO,, GNYIS PA LA, L'U NAG DRIL GSUM GYI GZHUNG DGONGS 'GREL DANG BCAS PAR GNAS PA LAS, GRUB CHEN L'U YI PAS BDE MCHOG GI RGYUD LA 'GREL PA NI MA MDZAD LA, RIM PA DANG PO'I LAM GTZO BOR STON CING RDZOGS RIM KYANG CUNG ZAD STON PA DPAL 'KHOR LO BDE MCHOG GI MNGON PAR RTOGS PA ZHES PA'I GZHUNG 'DI NYID MDZAD LA, 'DI LA GTZO BOR LVA BA PA'I 'GREL PA DANG, GZHAN YANG PRADZNY'A RAKshI TA DANG, BI BH'U TI TZANDRA, JO BO CHEN PO, KU M'A RA BO DHI, DPA' BO RDO RJE, AA BHYA KA RA STE, DE RNAMS KYIS MDZAD PA'I 'GREL PA BDUN YOD PAR GRAGS SO, ,L'U YI PA'I DNGOS SLOB RGYAL PO D'A RI KA PAS SGRUB

THABS 'DI'I DBANG DU BYAS PA'I DKYIL 'KHOR GYI CHO GA MDZAD LA, DE'I SLOB MA RDO RJE DRIL BU PAS RIM PA DANG PO'I DBANG DU BYAS NAS SGRUB THABS CHE CHUNG GNYIS DANG LUS DKYIL GYI CHO GA DANG, GNYIS PA'I DBANG DU BYAS NAS RIM LNGA DANG, GRUB CHEN NAG PO SPYOD PAS MDZAD PA'I GZHUNG DRUG TU GRAGS TE, LHA RE GNYIS PA'I SGRUB DKYIL GNYIS, YI GE BDUN PA'I SGRUB THABS, DE KHO NA NYID GSAL BA, DPYID THIG, RIM PA BZHI PA RNAMS SO,, GNYIS PA LA GNYIS, SGRUB THABS SPYI'I NYE BAR BSDU BA'I CHINGS BSHAD, NYAMS SU LEN TSUL DNGOS BSHAD PA'O,, DANG PO NI 'DOD 'JO LAS, RTZA RGYUD LAS SNGAR DRANGS PA LTAR STON PAS BRDA'I SKAD RGYUD DU SBAS PAS MAN NGAG SHIN TU RNYED DKA' BAR GSUNGS PA'I MJUG TU, GOS DANG PHYAG RGYA LNGA LA SOGS, ,SHES RAB YAN LAG PHUR BU GUR, ,A'A LI K'A LI ZHES BRJOD NAS, ,RGYU SOGS STONG PA SNGON 'GRO BAS, ,'JUG PA SGRA LA SOGS PA NAS, ,JI SRID BSDUS PA'I SBYOR LDAN PA, ,BDUD RTZI TSIM BYED MYA NGAN 'DAS, ,LAG PA'I MCHOD PA DBANG BSKUR BAS, ,GO CHA CHEN POS YANG DAG BSRUNG, ,SNGAGS RNAMS KUN GYIS MCHOD PAR BYA, ,DE LTAR DE NYID BCU BZHI NI, ,MDOR BSDUS NAS NI BSHAD PA YIN, ,ZHES GSUNGS PAS RTZA RGYUD KYI DON DE NYID BCU BZHIR BSDUS PA 'DI LA BRTEN NAS RGYUD KYI MAN NGAG RNYED SLA BAR STON PAS, L'U YI PA LA SOGS PAS KYANG GZHUNG DE LTAR DRANGS TE BSHAD MA BSHAD GANG YIN YANG DON GYI RIM PA DE'I STENG NAS BKRAL BA ZHIG DGOS SO ZHES GSUNGS PA'I DE NYID BCU BZHI 'DI LA RGYUD DON THAMS CAD BSDUS

, ,PA'I DBANG DU BYAS NAS BSHAD PA, NANG RDZOGS RIM LA SBYAR TE BSHAD PA, PHYI BSKYED RIM LA SBYAR TE BSHAD PA GSUM LAS, BSKYED RIM LA SBYAR TE BSHAD PA'I DBANG DU BYAS NAS BSHAD NA, GOS KYI SKAD DOD B'A SA NA ZHES PA GNAS DANG GOS GNYIS KA LA 'JUG PAR MAR DO SOGS KYIS BSHAD PAS GNAS KYI DE NYID BSTAN LA, DE LA YANG GNYIS TE, SGRUB PA POS GANG DU BSGOM PA'I GNAS DANG, LHA BSKYED PA'I GNAS GZHAL YAS KHANG GI DBANG DU BYAS PA GNYIS SO,, PHYAG RGYA LNGA'I DE NYID KYIS NI MGO BO'I NOR BU LA SOGS PA LNGA BSTAN, SHES RAB YAN LAG GI DE NYID KYIS NI SGRUB PA PO'I GROGS PHYAG RGYA DANG, PHUR BU DANG GUR GYI DE NYID KYIS NI SRUNG BA'I 'KHOR LO BSTAN CING, A'A LI K'A LI ZHES BRJOD NAS, ,ZHES PAS A'A LI'I DE NYID DANG K'A LI'I DE NYID BSTAN, RGYU SOGS STONG PA SNGON DU 'GRO BA'I DE NYID KYIS YE SHES KYI TSOGS GSOG PA DANG, RTEN BRTEN PA'I DKYIL 'KHOR SKYED PA'I SNGON DU 'GRO BA'I STONG NYID SGOM PA GNYIS KA BSTAN, 'JUG PA SGRA LA SOGS PA'I DE NYID KYIS NI BAR SRID KYI N'A DA NAM MKHAR 'JOG PA DANG, DE NYID ZLA BA LA ZHUGS PA LAS RGYU RDO RJE 'DZIN PA H'Um YIG TU SKYED PA'I BAR STON PAR BYED CING, BSDUS PA'I SBYOR BA DANG LDAN PA'I DE NYID KYIS NI 'BRAS BU'I HE RU KAR SKYED PA NAS BZUNG STE DAM TSIG PA RDZOGS PAR BSKYED, DE LA YE SHES KYI 'KHOR LO BCUG STE DBYER MED DU BYED PA'I BAR STON LA, BDUD RTZIS TSIM PAR BYED PA'I DE NYID KYIS NI NANG MCHOD KYI MCHOD PA SOGS PHYI NANG GSANG BA'I MCHOD PA BYED PA'I TSUL BSTAN, MYANG 'DAS KYI DE

NYID KYIS NI NYER BSDU BYA BA'I TSUL DANG RNAL 'BYOR CHEN PO SGOM PA'I RIM PA GNYIS STON CING, GO CHA CHEN PO'I DE NYID KYIS NI YAB YUM GNYIS LA GO CHA'I LHA GNYIS 'GOD PA DANG, SPYI BO LA SOGS PA LUS KYI GNAS NYER BZHIR P'U DZA AO AA SOGS YI GE RNAMS 'GOD PA'I CHA BSTAN LA, LAG PA'I MCHOD PA'I DE NYID KYIS NI LAG MCHOD KYIS MTSON PA'I RGYUD 'DI'I THUN MONG MA YIN PA'I G-YON PA'I KUN SPYOD SOGS THUN MONG DANG THUN MONG MA YIN PA'I DAM TSIG RNAMS LA SLOB PA'I TSUL BSTAN, DBANG BSKUR BA'I DE NYID KYIS NI SLOB MA DANG LHA LA DBANG BSKUR BA'I TSUL GNYIS KA STON CING, SNGAGS KYI MCHOD PA'I DE NYID KYIS NI 'DI PA'I THUN MONG MA YIN PA'I KHYAD CHOS SNGAGS KYI MCHOD PA BYED PA'I TSUL RNAMS STON PAR BYED DO,, GNYIS PA LA GSUM, GANG GIS SGOM PA'I RTEN, GANG DU SGOM PA'I GNAS, JI LTAR SGOM PA'I TSUL LO,, DANG PO NI, 'DI'I RIM GNYIS KYI LAM NYAMS SU LEN PA'I SNGON 'GROR LAM GYI RTZA BA BSHES GNYEN BSTEN TSUL NAS BZUNG STE SNGAGS DANG PHA ROL TU PHYIN PA'I THEG PA GNYIS KA'I THUN MONG GI LAM RNAMS JO BO CHEN PO'I LAM SGRON DU GSAL BAR MDZAD CING, DE'I DGONGS PA RJE NYID KYIS LAM RIM CHE CHUNG DU YONGS SU RDZOGS PAR BKRAL BA LTAR GYI SKYES BU GSUM GYI LAM RIM LA BLO LEGS PAR SBYANGS PA ZHIG DGOS TE, SDOM 'BYUNG LAS, BRTAN CING DUL LA BLO GROS LDAN, ,BZOD LDAN DRANG ZHING G-YO RGYU MED, ,MI DGE BCU NI YONGS SU SPANGS, ,SEMS CAN RNAMS LA BYAMS PAR LTA, ,'BAR BA'I ME DANG DUG BZHIN DU, ,GZHAN GYI NOR LA MI REG CING, ,RTAG

, ,PAR RGYUN DU BLA MA MCHOD, ,DAM CHOS LTA BAR SPRO BA DANG, ,RTAG TU SBYIN PA LA SOGS DGA', ,'JIG RTEN PHA ROL MNGON PAR 'DOD, ,DE DAG SLOB MAR RAB BSNGAGS TE, ,DKYIL 'KHOR DGE BA BSTAN PAR BYA, ,ZHES SNGAGS KYI SGOR 'JUG PA LA MI DGE BA BCU SPANGS SHING RTAG TU BLA MA MCHOD PA LA BRTZON PA DANG, BSAM PA GZHAN DON DU MCHOG GI DNGOS GRUB DON DU GNYER ZHING DE'I RGYUR PHYIN DRUG GI SPYOD PA LA SLOB 'DOD DRAG PO ZHIG DGOS PAR GSUNGS PA'I PHYIR RO, ,LAM THUN MONG BAS RGYUD SBYANGS NAS KYANG MTSAN NYID DANG LDAN PA'I RDO RJE SLOB DPON LAS 'DI'I DBANG RDZOGS PAR THOB NAS RGYUD SNOD RUNG DU BYAS SHING DBANG DUS SU KHAS BLANGS PA'I DAM TSIG DANG SDOM PA MIG GI 'BRAS BU LTA BUR SRUNG BA ZHIG NGES PAR DGOS TE; DE NYID YOD NA TSE 'DI NYID LA MCHOG 'GRUB PA SOGS 'BYUNG GI, DE LAS BZLOG NA MI 'GRUB PA'I PHYIR TE, SDOM 'BYUNG LAS, JI LTAR NYE BAR BSTAN PA BZHIN, ,PHYI NAS DAM TSIG SPYOD PAR BRTZON, ,SNOD DU BYAS PA'I RGYUN LAS NI, ,'KHOR LO LA SOGS SGOM RIM GYIS, ,YANG DAG MAN NGAG PHUN TSOGS RNAMS, ,'GRUB PAR 'GYUR RO GZHAN DU MIN, ,ZHES GSUNGS PA'I PHYIR RO, ,GNYIS PA NI MNGON BRJOD LAS, RI SUL DANG NI RI RTZE DANG, ,CHU BO CHEN PO'I NGOGS DAG DANG, ,RGYA MTSO CHEN PO'I 'GRAM DAG DANG, ,SHING GCIG DANG NI DGE BA'I GNAS, ,MA MO'I KHYIM MAM DUR KHROD DANG, ,SNA TSOGS DBEN PA'I SA PHYOGS SAM, ,LHA KHANG NGAM NI MCHOD RTEN NAM, ,KHYIM MAM BZHI MDO DAG TU NI,, SGRUB PA PO YIS SBYOR BSGRUBS NA, ,

'DOD PA KUN GYI 'BRAS BU STER, ,ZHES GSUNGS PA'I PHYIR GNAS DE RNAMS LAS SGRUB PA PO RANG NYID KYI YID DANG MTHUN PA'I GNAS SHIG TU BSGOM PAR BYA BA YIN NO,, GSUM PA LA, SGRUB THABS SPYI'I RNAM PAR GZHAG PA CUNG ZAD BSHAD PA DANG, MNGON RTOGS YID LA BYED PA'I RIM PA BSHAD PA'O,, DANG PO NI SNGAGS BLA NA MED PA'I RIM PA DANG PO'I LAM SGOM PA'I TSUL 'DI LA RGYUD SDE 'OG MA SOGS KYI LHA'I RNAL 'BYOR DANG MI 'DRA BAS THOG MAR SBYANG GZHI SRID PA SKYE 'CHI SOGS KYI RIM PA DANG RNAM PA MTHUN ZHING DE SBYONG BYED DU GYUR PA DANG, BAR DU SNANG PHYOGS DANG STONG PHYOGS KYI RDZOGS RIM RNAMS KYI LAM DANG YANG RNAM PA MTHUN ZHING DE DAG GI RTOGS PA RGYUD LA SKYE BA'I DGE RTZA SMIN BYED KHYAD PAR CAN DU 'GYUR BA DANG, 'BRAS BU'I GNAS SKABS SU CHOS GZUGS KYI SKU GNYIS DANG YANG RNAM PA MTHUN ZHING DE MYUR DU 'GRUB PA'I THABS KHYAD PAR CAN DU 'GYUR BA ZHIG DGOS LA, DE 'DRA BA'I DBANG DU BYAS NAS 'KHOR LO BDE MCHOG GI PHYOGS 'DI LA YANG RTZA RGYUD BSDUS PA 'DI LAS LHA DRUG CU RTZA GNYIS SGOM PA TZAM MA GTOGS SGRUB THABS KYI RIM PA GO RIM NGES CAN DANG, SO SOR PHYE NAS MA BSHAD PA NI BSHAD RGYUD RNAMS DANG RTZA BSHAD LEGS PAR SBYAR BA'I SGO NAS RTOGS DGOS PA'I DBANG DU BYAS PA YIN LA, DE YANG BSHAD RGYUD MNGON BRJOD BLA MA LAS SKU GSUNG THUGS DAM TSIG BDE BA CHEN PO RNAMS MTSON PA'I HE RU KA LNGAS GTZO BYAS PA'I SGRUB THABS SOGS SO DRUG DANG, SDOM 'BYUNG NAS HE RU KA ZHAL GSUM PHYAG DRUG PAS GTZO BO BYAS PA'I SGRUB THABS DANG, DE BZHIN DU RDO RJE

, ,MKHA' 'GRO DANG RNAL 'BYOR MA KUN SPYOD LAS KYANG SGRUB THABS KYI TSUL CI RIGS PA GSUNGS PA DANG, SAMBHU tA LAS BDE MCHOG RDOR SEMS KYI SGRUB THABS BSHAD PA SOGS MDOR NA GONG DU SMOS PA'I RTZA BSHAD KYI RGYUD RNAMS DANG PHYOGS MTHUN GYI RGYUD GNYIS LAS SGRUB THABS KYI RIM PA MI 'DRA BA JI SNYED CIG GSUNGS PAS DE DAG THAMS CAD KYANG GONG DU BSHAD PA LTAR SBYANG GZHI SBYONG BA DANG, RDZOGS RIM ZAB MO'I SMIN BYED KHYAD PAR CAN DU 'GYUR BA SHA STAG YIN LA, 'DIR NI DE LTA BU'I SGRUB PA'I THABS THAMS CAD KYI NANG NAS CHES MCHOG TU GYUR PA GRUB CHEN KUN TU DGE BA'I GZHUNG GI DON RJE BLA MAS DE'I RNAM BSHAD DU BKRAL BA'I RJES SU 'BRANGS NAS PHYIN CI MA LOG PAR BSHAD PAR BYA BA YIN NO,, GNYIS PA LA GNYIS, THUN GYI NGO BO LA JI LTAR BYA BA, THUN SNGA PHYI'I BAR DU JI LTAR BYA BA'O,, DANG PO LA GSUM, THUN GYI 'GOR JI LTAR BYA BA, DNGOS GZHI LA JI LTAR BYA BA, MJUG TU JI LTAR BYA BA'I TSUL LO,, DANG PO LA GNYIS, SNGON DU BYA BA'I RIM PA DANG, SNGON 'GRO'I RIM PA GNYIS SO,, DANG PO LA BZHI, NANG MCHOD BYIN GYIS BRLAB PA'I TSUL, SNGON 'GRO GTOR MA BYIN GYIS BRLAB PA'I TSUL, BDAG BSKYED KYI MCHOD PA BYIN GYIS BRLAB PA'I TSUL, RDO RJE SEMS DPA'I SGOM BZLAS JI LTAR BYA BA'I TSUL LO,, DANG PO NI 'GREL PA GSUM LAS JI LTAR BSHAD PA LTAR SGRUB PA PO RANG NYID CHAS SU 'JUG PA DANG RO'I GDAN LA 'DUG PAR MOS PA SOGS BYAS LA THOG MAR SKAD CIG GIS RANG NYID HE RU KA SNGON PO ZHAL GCIG PHYAG GNYIS PA YUM DANG BCAS PAR SGOM PA YIN

TE; RANG THA MAL GYI SNANG ZHEN DANG LDAN BZHIN PA'I NGANG NAS NANG MCHOD MCHOD GTOR BYIN GYIS RLOB MI NUS PA'I PHYIR RO, ,DE'I 'OG TU NANG MCHOD BYIN GYIS BRLABS PA'I DGOS PA NI 'OG NAS MCHOD GTOR BYIN GYIS RLOB PA SOGS KYI TSE NANG MCHOD KYIS GTOR NAS BGEGS BSANG BA SOGS BYED DGOS TE, BYIN GYIS MA BRLABS PA'I BTUNG BA THA MAL PAS DE DAG BYA MI NUS PA'I PHYIR RO, ,BYIN GYIS BRLAB PA'I TSUL LA YANG BSANG BA, SBYANG BA, BSKYED PA, BYIN GYIS BRLAB PA'I TSUL DANG BZHI LAS, DANG PO NI LAS SNGAGS BRJOD PA'I SGO NAS NANG MCHOD LA GNAS PA'I BGEGS BSAL, GNYIS PA NI SVA BHA WA'I SNGAGS BRJOD PA'I SGO NAS THA MAL GYI SNANG ZHEN BSAL TE BDE STONG DBYER MED KYI 'OD GSAL DU GZHUG PAR BYA BA YIN NO,, GSUM PA NI SGRUB THABS SU 'JIG RTEN DANG 'JIG RTEN LAS 'DAS PA'I GTOR MA BYIN GYIS RLOB PA'I SKABS SU JI LTAR 'BYUNG BA LTAR BSKYED PAR BYA BA YIN LA, DE YANG SNOD AA DKAR PO LAS BYUNG BA'I THOD PA DUM BU GCIG PA PHYI DKAR LA NANG DMAR BA'I NANG DU SKYED PA YIN TE, DRIL BU PAS, DE STENG AA LAS THOD PA'I SNOD, ,DUM BU GCIG PA NANG DMAR PO, ,ZHES DANG, GTZUG NOR LAS KYANG DE DANG MTHUN PAR 'BYUNG BA'I PHYIR RO, ,DE'I NANG DU G-YON BSKOR GYIS PHYOGS BZHI DANG DBUS SU BDUD RTZI LNGA GSHEGS PA LNGA'I NGO BOR MOS NAS BSKYED PAR BYA BA YIN TE, DE AOm KHAm AAm TRAm H'Um STE GSHEGS PA LNGA'I SA BON LAS SKYED CING YI GE DE DAG GIS MTSAN PAR BYA BA YIN PA'I PHYIR RO, ,DE NAS ME NAS BRTZAMS TE G-YAS BSKOR GYIS MTSAMS BZHI DANG DBUS

, ,SU SHA LNGA PO GSHEGS MA LNGA'I NGO BOR BSKYED PAR BYA BA YIN TE, DE RNAMS GSHEGS MA LNGA'I SA BON LAm MAm PAm TAm BAm RNAMS LAS BSKYED CING SA BON DE DAG GIS MTSAN PAR BYA BA YIN PA'I PHYIR RO, ,SGRUB THABS GYI 'GREL PA RNAMS LAS SA BON LNGA TSAN GNYIS LAS BDUD RTZI LNGA DANG SHA LNGA SKYED PAR BYED PA TZAM MA GTOGS SA BON GANG DANG GANG LAS DE DAG SKYED PA MI GSAL YANG RJE NYID KYIS SGRUB THABS SU BKOD PA NI YID BZHIN NOR BU DANG GTZUG NOR LTAR YIN LA, DE DAG TU KHAm LAS SHA CHEN SKYED PA LA BSAMS NAS SHA LNGA'I SKABS SU SHA CHEN MA BSHAD KYANG, 'DIR BDUD RTZI LNGA PA LA KLAD PA BSHAD PA NI SDOM 'BYUNG GI DGONGS PA LTAR YIN NO, ,DE'I 'OG TU RLUNG G-YOS PA LAS ME SBAR BA'I DROD KYIS RDZAS RNAMS YI GE DANG BCAS PA ZHU NAS NYI MA 'CHAR KA'I MDOG LTAR DMAR SER DU GYUR PAR BSAM MO,, (BZHI PA) BYIN GYIS BRLAB PA'I TSUL DNGOS NI, DE DAG GI STENG DU H'Um DKAR PO LAS BYUNG BA'I KHA tV'Am GA DKAR PO BYANG CHUB SEMS KYI RANG BZHIN CAN MGO BO THUR DU BSTAN PA THOD PAR LHUNG STE ZHU BAS BCUD DE DAG DNGUL CHU'I MDOG CAN BSIL BAR GYUR PAR BSAM PA'I RGYU MTSAN YOD DE, KHA tV'Am GA DE HE RU KA'I THUGS BDE STONG GI YE SHES MTSON BYED YIN PAS DE'I NGO BOR BYIN GYIS BRLAB PA'I CHED YIN PA'I PHYIR, DE NAS JI LTAR SGOM PA'I TSUL YANG YOD DE, THOG MAR AOm DANG MTHAR H'Um DANG PHAt SBYAR BA'I DBYANGS GSAL BRJOD PAS YI GE RNAMS BDUD RTZI'I STENG DU GNAS PAR BSAM ZHING, DE RNAMS YONGS SU GYUR PA LAS AOm DKAR PO A'A DMAR PO H'Um SNGON PO GSUM

STENG NAS STENG DU GNAS PAR BSAM STE, DE'I 'OD ZER GYIS RGYA MTSO SOGS LA GNAS PA'I BDUD RTZI DANG, PHYOGS BCU'I DPA' BO DANG DPA' MO'I DBANG PHYUG MA THAMS CAD KYI THUGS KA'I SA BON LAS YE SHES KYI BDUD RTZI BKUG CING, 'GRO BA RNAMS 'KHOR LO GSUM GYI LHAR BYAS PA RNAMS SNYOMS PAR 'JUG PA SNGON DU 'GRO BAS ZHU BA YI GE GSUM LA THIM ZHING, DE GSUM RIM BZHIN ZHU BA THOD PAR THIM PAR BSAMS LA YI GE GSUM PO LAN GSUM BRJOD PAS BYIN GYIS BRLAB PAR BYA BA YIN PA'I PHYIR, GNYIS PA NI, SNGON 'GRO GTOR MA BYA BAR KHYAD PAR GSAL BYED LAS BSHAD LA, GANG LA DBUL BA'I YUL NI, ZHING SKYONG LA STER BAR MKHA' 'GRO RGYA MTSO LAS GSUNGS KYANG DKAR PHYOGS SKYONG BA'I MKHA' 'GRO DANG PHYOGS SKYONG DANG MKHA' 'GRO MA DANG KLU LA SOGS PA 'JIG RTEN PA RNAMS LA DBUL BAR BYA BA YIN LA, SNGON 'GRO GTOR MA'I MCHOD GTOR BYIN GYIS BRLABS NAS THUN GYI THOG MAR DE DAG LA PHUL CING 'PHRIN LAS BCOL BA LA DGOS PA YOD DE, THUN DNGOS GZHI SGOM PA LA BGEGS KYI BAR CHAD MI 'BYUNG BA'I CHED YIN PA'I PHYIR RO,, GSUM PA BDAG BSKYED KYI MCHOD PA BYIN GYIS RLOB PA'I TSUL LA BYIN GYIS BRLAB PAR BYA BA'I MCHOD RDZAS NI SDOM 'BYUNG LAS, BSANG GTOR ZHABS BSIL MCHOD YON DAG ,CES DANG, ME TOG BDUG PA MAR ME DRI, ,DE BZHIN ZHAL ZAS DBUL BAR BYA, ,ZHES DANG, ZHAL BSIL YANG GSUNGS PAS CHU BZHI NYER SPYOD ROL MO DANG BCAS PA YIN LA, BHU BA BLO LDAN GYIS, BI MU MA RA 'DI LEGS BKANG, ,BGEGS KUN RNAM PAR SEL BAR

, ,BYED, ,CES GSUNGS PA LTAR NANG MCHOD KYIS GTOR LA BGEGS BSANG, SVA BHA WAS BDE STONG DBYER MED KYI 'OD GSAL DU BCUG LA THA MAL GYI SNANG ZHEN SBYANGS TE, DE 'DRA BA'I STONG PA'I NGANG LAS KAm LAS BYUNG BA'I THOD PA'I SNOD RNAMS SU H'Um LAS MCHOD RDZAS RNAMS RANG BZHIN STONG PA NYID, RNAM PA MCHOD RDZAS SO SO'I RNAM PA CAN, BYED LAS DBANG PO DRUG GI SPYOD YUL DU ZAG MED KYI BDE BA KHYAD PAR CAN SKYED PAR BSAMS LA, AOm A'A: H'Um DANG AARGHAm SOGS RANG RANG GI MING SPEL BAS BYIN GYIS BRLAB PAR BYA BA YIN TE, BRTAG GNYIS LAS, SNA TSOGS H'Um LAS RDZOGS PA DANG, ,ME TOG LA SOGS DBUL BAR BYA, ,ZHES SOGS GSUNGS SHING, DE'I 'GREL PA PADMA CAN LAS KYANG, SNA TSOGS H'Um LAS SKYES PA YI, ,ZHES SO SOR ME TOG LA SOGS PA H'Um LAS SKYES PA'O ZHES GSUNGS PAS SO, ,MCHOD RDZAS RNAMS H'Um YIG LAS SKYED PA'I RGYU MTSAN YANG YOD DE, H'Um YIG DE HE RU KA'I THUGS GNYIS SU MED PA'I YE SHES KYI NGO BOR GYUR PA'I SA BON YIN PAS YE SHES DE NYID MCHOD RDZAS DE DAG GI RNAM PAR SHAR BAR MOS DGOS PA'I PHYIR RO,, BZHI PA RDOR SEMS KYI SGOM BZLAS JI LTAR BYA BA'I TSUL NI THUN GYI MTHAR GSUNGS PA MANG ZHING, RANG NYID RDOR SEMS SU BSGOMS NAS BYAS PAS CHOG KYANG THUN GYI THOG MAR BYED PA DANG, DE YANG SPYI BOR RDOR SEMS BSGOMS NAS BYED PA'I TSUL BOD KYI BLA MA RNAMS KYI PHYAG BZHES LAS BYUNG BAS DE LTAR DU BYAS KYANG RUNG BAS DE'I TSUL NI SNYING PO RGYAN LAS, SANGS RGYAS KUN GYI SKU GCIG PU, ,PAD DKAR ZLA BA'I DBUS GNAS

SHING, ,RDO RJE DRIL BU RGYAN SPRAS PA'I, ,RDO RJE SEMS DPA' LEGS DMIGS SHING, ,YI GE BRGYA PA CHO GA BZHIN, ,NYI SHU RTZA NI RE RE BZLAS, ,LTUNG SOGS BYIN GYIS BRLABS GYUR PAS, ,'PHEL BA RU NI MI 'GYUR ZHES, ,GRUB PA MCHOG RNAMS KYIS BSHAD PAS, ,THUN MTSAMS SU NI SPYAD PAR BYA, ,'BUM PHRAG TU NI BZLAS GYUR NA, ,RNAM PAR DAG PA'I BDAG NYID 'GYUR, ,ZHES GSUNGS PA LTAR BZLA BAR BYA BA YIN LA, ,NYIN RE NYER GCIG RE MA CHAG PAR BZLAS NA LTUNG BA MI 'PHEL BA DANG, 'BUM PHRAG GCIG BZLAS NA RTZA BA'I LTUNG BAS GOS PA'ANG RNAM PAR DAG PAR 'GYUR BAR BSHAD DO,, BZLA BYA'I SNGAGS NI, AOm SKU RDO RJE, BADZRA RDO RJE, HE RU KA KHRAG 'THUNG, SA MA YA, DAM TSIG MA NU P'A L'A YA, RJES SU SKYONGS, HE RU KA TVE NO PA TIshthA, KHRAG 'THUNG NYID KYIS NYE BAR GNAS PAR MDZOD, dI dHO ME BHA WA, BDAG LA BRTAN PA'I DNGOS POR MDZOD, SU TO shYO ME BHA WA, BDAG LA DGYES PA'I DNGOS POR MDZOD, AA NU RAKTO ME BHA WA, BDAG LA RJES SU CHAGS PA'I DNGOS POR MDZOD, SU PO shYO ME BHA WA, BDAG LA SHIN TU RGYAS PA'I DNGOS POR MDZOD, SARBA SIDDHI ME PRA YATZTSA, DNGOS GRUB THAMS CAD BDAG LA RAB TU STZAL DU GSOL, SARBA KARMA SU TZA ME, LAS KUN LA YANG BDAG GI TZITTAm SHR'I YA, SEMS KYI DPAL DU, KU RU MDZOD, H'Um, THUGS RDO RJE, HA HA HA HA HO: YE SHES LNGA, BHA GA WAN, BCOM LDAN 'DAS, BADZRA HE RU KA MA ME MUNYTZA, RDO RJE KHRAG 'THUNG BDAG LA GROL BAR MDZOD, HE RU KO KHRAG 'THUNG, BHA WA DNGOS PO, MA H'A CHEN PO, SA

, ,MA YA DAM TSIG SATVA A'A: SEMS DPA', ZHES PA YIN LA, SNGAGS DON DNGOS ZIN TZAM NI MCHAN BUR BKOD PA TZAM DANG, BADZRA HE RU KA'I MTSON DON NI 'OG NAS SHR'I HE RU KA'I DON 'CHAD PA LTAR RO,, GNYIS PA SNGON 'GRO'I RIM PA DNGOS LA PHUNG SOGS KYI BYIN BRLAB NAS TSOGS ZHING GI MTHAR STONG NYID SGOM PA'I BAR 'DI RNAMS KYI GO RIM RGYUD GANG LAS GSUNGS SNYAM NA RTZA RGYUD NYUNG NGU 'DI LAS NI GSAL BAR MA BSHAD LA, MNGON BRJOD LAS DANG POR TSOGS ZHING DANG, DE NAS SA BON BCU BDUN LAS LHA BCU BDUN BSGOM PA DANG, DE'I 'OG TU SRUNG 'KHOR RGYAS PA SGOM PA'I THABS RNAM THAR SGO GSUM GYI SNGAGS DON BSGOM PAR BSHAD LA, SDOM 'BYUNG LAS DANG POR HE RU KA ZHAL GCIG PHYAG GNYIS PA BSGOM PA DANG, DE NAS PHUNG SOGS BYIN GYIS BRLAB PA DANG, SRUNG 'KHOR DANG TSOGS ZHING DANG DE'I MTHAR STONG NYID BSGOM PA RNAMS RIM PAR BSHAD PA'I TSUL MI 'DRA BA GNYIS LAS 'DIR NI GRUB CHEN GYI DGONGS PA SDOM 'BYUNG GI RGYUD LAS BSHAD PA'I LUGS LTAR YIN LA, DES NA 'DI LA BZHI, SGO GSUM DAG PAR BYAS NAS TSAD MED BZHI BSGOM PA, PHUNG KHAMS SKYE MCHED BYIN GYIS BRLAB PA, 'GAL RKYEN 'GOG PA'I SRUNG 'KHOR BSGOM PA, MTHUN RKYEN BSTEN PA'I PHYIR TSOGS BSAGS PA'O,, DANG PO NI, L'U YI PA'I MNGON RTOGS KYI GZHUNG LAS, RNAL 'BYOR GYI DBANG PHYUG GIS ZHES PA'I TSIG GIS MTSON NAS BSTAN PA'I DAG PA GSUM GYI RNAL 'BYOR BSGOM PA LA THOG MAR YID DAG PAR BYA BA'I TSUL NI KUN SPYOD LAS, SHR'I NI GNYIS MED YE SHES TE, ,HE

NI RGYU SOGS STONG PA NYID, ,RU NI BKOD DANG BRAL BA STE, ,KA NI GANG DU'ANG MI GNAS PA, ,ZHES GSUNGS PA'I DON YID LA BYA BA LA, HE YIG GIS PHUNG SOGS RANG BZHIN GYIS STONG PA'I CHOS KYI BDAG MED, RU YIG GIS GANG ZAG RANG BZHIN GYIS STONG PA'I GANG ZAG GI BDAG MED DE YUL BDAG MED GNYIS BSTAN LA, KA YIG GIS YUL CAN BDE BA CHEN PO'I YE SHES DANG, SHR'I YIG GIS YUL STONG PA NYID DE DANG YUL CAN BDE BA CHEN PO'I YE SHES GNYIS GNYIS SNANG PHRA MOS KYANG BAR MA CHOD PAR RO GCIG TU ZHUGS PA'I BDE STONG GI YE SHES AE WAm GYIS MTSON PA'I DON RGYAL BA'I THUGS CHOS SKU LA NGA RGYAL BZHAG NAS BSGOM PAR BYA BA YIN LA, DE LA YID DAG PAR BYED PA'I RNAL 'BYOR ZHES BYA STE, RANG GI YID BDAG GNYIS SU 'DZIN PA'I KUN RTOG GI DRI MAS DAG PAR BYED PA'I RNAL 'BYOR YIN PA'I PHYIR RO, ,DE 'DRA BA'I STONG PA'I NGANG LAS NGO BO BDE STONG DBYER MED KYI YE SHES DE NYID RNAM PA HE RU KA YAB YUM GYI SKUR SHAR BAR LANGS PA LA NGA'O SNYAM DU NGA RGYAL BZHAG NAS NGAG TU YI GE BZHI BRJOD PA NI LUS DAG PAR BYED PA'I RNAL 'BYOR YIN TE, LUS LA THA MAL GYI SNANG ZHEN 'GOG PAR BYED PA'I RNAL 'BYOR YIN PA'I PHYIR RO, ,'GO BOR AOm DANG MTHAR H'Um H'Um PHAt SBYAR BA'I DBYANGS GSAL LAN GSUM BRJOD PA LAS LTE BAR DE 'DRA BA'I SNGAGS KYI PHRENG BA G-YON SKOR DU RIM PA GSUM DU BSKOR TE GNAS PA LAS 'KHOR LO GSUM GYI LHA TSOGS SNA BUG G-YAS PA NAS SPROS TE BGEGS THAMS CAD TSAR BCAD DE SLAR SNA BUG G-YON PA NAS ZHUGS NAS LTE BA'I SNGAGS PHRENG LA THIM PAR BSAM

, ,PA NI NGAG DAG PAR BYED PA'I RNAL 'BYOR YIN TE, NGAG LA THA MAL GYI SNANG ZHEN 'GOG PA'I RNAL 'BYOR YIN PA'I PHYIR RO, ,DES NA SGRUB THABS SGOM PA'I THOG MAR DAG PA GSUM GYI RNAL 'BYOR SGOM PA'I RGYU MTSAN YANG YOD DE, 'OG NAS 'CHAD PAR 'GYUR BA LTAR GYI LAM THAMS CAD HE RU KA'I SKU GSUNG THUGS KYI RNAM ROL DU BLTAS NAS SGOM PAR SHES PAR BYA BA'I CHED YIN PA'I PHYIR RO, ,RNAL 'BYOR PHYI MA GNYIS RGYUD KYI DGONGS PA YIN TE, SDOM 'BYUNG LAS, PHYAG GNYIS HE RU KAR SBYOR LDAN, ,ZHES PAS LUS DAG BYED BSTAN LA, KUN SPYOD LAS AA LI KA LI BSHAD PA'I SKABS SU, RNAL 'BYOR PA YIS DANG POR BRJOD, ,HE RU KA DPAL GNYIS MED 'GYUR, ,ZHES GSUNGS PAS NGAG DAG BYED BSTAN PA'I PHYIR NGAG DAG PA GSUM LDAN GYI RNAL 'BYOR 'DI NI L'U NAG DRIL GSUM GYI SGRUB THABS THAMS CAD KYI THUN MONG BA'O, ,DE'I 'OG TU TSAD MED BZHI SGOM PA'I TSUL NI SDOM 'BYUNG LAS, GZHAN PHAN BSAM PA BYAMS PA STE, ,SNYING RJES GZHAN GYI SDUG BSNGAL 'JOMS, ,GZHAN BDES TSIM PA DGA' BA STE, ,SEMS CAN GZHAN SNYOMS BTANG SNYOMS SO, ,ZHES 'BYUNG BA LTAR THEG CHEN THUN MONG MA YIN PA'I TSANGS GNAS BZHI DBANG PO RTUL POS RJE NYID KYIS SGRUB THABS SU BKOD PA BZHI SO SOR PHYE STE BSGOM PA DANG, DBANG PO RNON POS BDAG GIS SEMS CAN THAMS CAD 'KHOR BA'I SDUG BSNGAL LAS BTON TE DE BZHIN NYID DANG RO GCIG PA'I BDE BA CHEN PO LA DGOD PAR BYA'O SNYAM DU BYAMS SOGS BSDUS TE BSGOM PA YIN TE, DE LTAR SGOM PA NI 'OG NAS KYI LAM THAMS CAD

THEG CHEN GYI LAM GYI NYAMS LEN DU BYA BA'I DON YIN NO, ,GNYIS PA NI RJE NYID KYI SGRUB THABS LAS 'BYUNG BA LTAR DPRAL BA LA SOGS PA'I GNAS DRUG TU BHR'Um LA SOGS PA'I SA BON DRUG LAS RNAM SNANG LA SOGS PA'I RIGS DRUG GI LHA BSKYED DE RANG GI PHUNG SOGS DANG NGO BO DBYER MED DANG, DE YANG BDE STONG GI YE SHES LHA DE DAG GI RNAM PAR SHAR BA LA DMIGS NAS NGA RGYAL DANG GSAL SNANG LA SLOB PA NI PHUNG PO DAG PAR BYED PA'AM BYIN GYIS RLOB PA'I RNAL 'BYOR ZHES BYA STE, RANG GI PHUNG PO LA THA MAL GYI SNANG ZHEN DAG PAR BYED PA'I RNAL 'BYOR YIN PA'I PHYIR RO, ,GNAS DE DAG TU SKYED PA RGYUD LAS GSAL BAR MA BSHAD KYANG KHYAD PAR GSAL BYED LAS, RIM PAS DPRAL BA LTE BA MGRIN, ,RKANG PA GNYIS DANG SPYI BO RU'O, ,ZHES BSHAD PA'I RJES SU 'BRANGS PA YIN LA, GNAS DE DAG TU SKYED PA'I RGYU MTSAN YANG YOD DE, DE YANG RNAM SNANG NI GZUGS PHUNG DAG BYED YIN LA, GZUGS PHUNG GI RTEN GYI GTZO BO KUNDA LTA BU'I BYANG CHUB KYI SEMS KYI GNAS GTZO BO DPRAL BA YIN PAS DER SGOM PA DANG, RDO RJE NYI MA NI TSOR PHUNG DAG BYED YIN LA, TSOR BA GTZO BOR DROD LA BRTEN PA YIN ZHING GTUM MO'I DROD KYI GNAS GTZO BO LTE BA YIN PAS DER SGOM PA DANG, PADMA GAR DBANG NI 'DU SHES KYI PHUNG PO DAG BYED YIN LA, DE NI RNAM SHES TSOGS DRUG DANG MTSUNGS LDAN DU 'BYUNG BAS DBANG SHES DRUG YUL LA G-YO BA'I BYED PA RTZOM PA'I GNAS NI MGRIN PA NA YOD PAS DER 'GOD PA DANG, RDO RJE RGYAL PO NI 'DU BYED KYI PHUNG PO DAG BYED YIN LA, MTSUNGS LDAN 'DU BYED KYI BZHON PA'I RLUNG DE RKANG

, ,PA DANG MTSUNGS PAS LONG BUR 'GOD PA DANG, RDO RJE SEMS DPA' NI RNAM SHES KYI PHUNG PO DAG BYED YIN LA, RNAM SHES KYI BZHON PA'I SROG 'DZIN GYI RLUNG GI RTZA BA'I GNAS SNYING GA YIN PAS DER BKOD LA, HE RU KA NI SKABS 'DIR MI BSKYOD PA'I NGO BO YIN ZHING DE PHUNG PO LNGA'I DE BZHIN NYID DAG BYED DANG, PHUNG PO PHYI MA BZHI GZUGS PHUNG LA BRTEN CING GZUGS PHUNG GI GNAS KYI GTZO BO SPYI BO YIN PAS DER SGOM PA YIN PA'I PHYIR RO, ,DE RNAMS KYI SKU MDOG NI MNGON BRJOD LAS RIM PA BZHIN DKAR SER DMAR LJANG DKAR NAG POR BSHAD PAS DE LTA BU'I KHA DOG CAN GYI SA BON DRUG YONGS SU GYUR PA LAS SKU MDOG DE LTA BU'I RNAM PA CAN GYI LHA DRUG BSKYED NAS SGOM PA YIN ZHING, DE DAG RIM PAS RNAM SNANG RIN 'BYUNG 'OD DPAG MED DON 'GRUB RDO RJE SEMS DPA' MI BSKYOD PA RNAMS YIN LA, 'DIR HE RU KA MI BSKYOD PA YIN YANG RIGS NYI TSE BAR MI 'GYUR TE, RIGS DRUG RDO RJE GSUM DU BSDUS PA NA DRUG PA RDO RJE 'CHANG MI BSKYOD PAR SDUD PAR SPYOD BSDUS LAS BSHAD PAS KYANG MI BSKYOD PA RIGS NYI TSE BAR MA NGES LA, BDE STONG GNYIS PHAN TSUN RGYAS 'DEBS PA'I RGYU MTSAN GYIS RDO RJE 'CHANG DANG MI BSKYOD PA GNYIS KYANG PHAN TSUN RGYAS 'DEBS PA'I PHYIR YANG RIGS NYI TSE BAR MA NGES PA'I PHYIR RO, ,'ON KYANG 'DI'I SKABS SU RIGS DRUG PA NYID NI RDO RJE SEMS DPA' NYID LA BYA'O, ,DE'I 'OG TU SKYE MCHED BYIN GYIS BRLAB PA LA SGRUB THABS SU 'BYUNG BA LTAR AOm LA SOGS PA'I SA BON DRUG LAS GTI MUG RDO RJE STE SA SNYING YIN LA, DE LA SOGS PA'I SEMS DPA' DRUG BSKYED

NAS RANG NYID KYI MIG SOGS DANG NGO BO DBYER MED DU BYAS, NGO BO BDE STONG DBYER MED KYI YE SHES RNAM PA LHA DE DAG TU SHAR BA'I NGA RGYAL DANG GSAL SNANG LA SLOB PA NI SKYE MCHED BYIN GYIS RLOB PA'I DON YIN TE, SKYE MCHED RNAMS LA THA MAL GYI SNANG ZHEN DAG PAR BYED PA'I RNAL 'BYOR YIN PA'I PHYIR RO, ,LUS KYI DBANG PO KUN LUS LA KHYAB PAR GNAS KYANG PHRAG DOG RDO RJE SGRIB SEL DPRAL BAR 'GOD PA'I RGYU MTSAN YANG YOD DE, LUS DBANG GI GNAS KYI GTZO BO DPRAL BA YIN PA'I PHYIR RO, ,DE NAS KHAMS BYIN GYIS BRLAB PA NI, LTE BA LA SOGS PA'I GNAS LNGAR LAm LA SOGS PA'I SA BON LNGA LAS BTUD BYED MA SOGS LNGA SKYED PA NI SPYAN SOGS YUM BZHI DANG CHOS DBYINGS RDO RJE MAR LVA BA PA DANG PRADZNY'A RAKshI TA GNYIS KYI 'GREL PAR BSHAD LA, GNAS GANG DU BSGOM PA NI KHYAD PAR GSAL BYED LAS, 'DI RNAMS RIM PAS LTE BA SNYING, ,MGRIN PA DPRAL BA GSANG GNAS SU, ,ZHES BSHAD PA LTAR YIN ZHING, DE RNAMS RANG NYID KYI SA LA SOGS PA'I KHAMS RNAMS DANG NGO BO DBYER MED DU BYAS LA NGO BO BDE STONG DBYER MED KYI YE SHES RNAM PA LHA DE DAG TU SHAR BA'I NGA RGYAL DANG GSAL SNANG LA SLOB PA NI KHAMS BYIN GYIS RLOB PA YIN TE, KHAMS LA THA MAL GYI SNANG ZHEN DAG PAR BYED PA'I RNAL 'BYOR YIN PA'I PHYIR RO, ,DE NAS AOm PRA KRI TA PA RI SHUDDHA ZHES SOGS KYI SNGAGS BRJOD PA'I SGO NAS NGA RGYAL BRTAN PO GZUNG BAR BYA BA YIN TE, SNGAGS DE'I DON NI RANG BZHIN GYIS YONGS SU DAG PA'I CHOS THAMS CAD RANG BZHIN GYIS YONGS SU DAG PA NI NGA'O SNYAM DU NGA RGYAL GZUNG BA'I DON YIN PA'I PHYIR RO,,

, ,GSUM PA LA PHYOGS 'DI'I SRUNG 'KHOR SPYI'I RNAM GZHAG CUNG ZAD BSHAD PA, SKABS SU BAB PA'I SRUNG 'KHOR JI LTAR SGOM PA'I TSUL LO,, DANG PO NI RTZA RGYUD LAS, RVA BA RNAMS NI PHYOGS SU DGOD, ,'OG TU MTSON CHA DGOD PAR BYA, ,'KHOR LO GNAS PA'I BDAG NYID MNYAM, ,STENG DU MDA' YI DRA BA CAN, ,MKHA' SPYOD DU NI GUR BYA STE, ,DE DAG GIS NI GO CHAR 'GYUR, ,DE LTAR GO BGOS SUM CU NI, ,RTZE GSUM PAS KYANG GZHIG MI NUS, ,ZHES RDO RJE'I SA GZHI RVA BA GUR MDA'I BRA BA RDO RJE'I BLA RE DANG BCAS PA'I SRUNG 'KHOR TZAM ZHIG BSGOM PAR GSUNGS LA, DE'I DON MNGON BRJOD LTAR BSHAD NA SRUNG BA'I 'KHOR LO RGYAS 'BRING BSDUS GSUM LAS RGYAS PA NI DE LTA BU'I RDO RJE'I RVA GUR GYI DBUS SU 'KHOR LO RTZIBS BCU PA'I LTE BA'I NANG DU RANG NYID RDOR SEMS DANG STENG 'OG DANG PHYOGS MTSAMS GYI RTZIBS RNAMS LA KHRO BO BCU BSKYED DE RANG RDOR SEMS SU GNAS PA, H'Um MDZAD DU BSGYUR BA'I NGA RGYAL LA GNAS NAS STOD KHRO BO BCU, SMAD PHUR BU ME 'BAR BA'I RNAM PA CAN DU GYUR PA RNAMS LA AOm SUM BHA NI ZHES SOGS KYI SNGAGS KYIS BKA' BSGOS PAS DE RNAMS KYIS PHYOGS BCU'I BGEGS RNAMS BKUG STE KHRON PA BCUR BCUG NAS PHUR BUS 'DEBS PA DANG, GTZO 'KHOR RNAMS LAS RANG 'DRA'I SPRUL PA PHYOGS BCUR SPROS PAS BGEGS LHAG MA RNAMS TSAR BCAD DE GTZO BO'I THUGS KA'I H'Um GI 'OD ZER GYIS SLAR YANG RDO RJE'I RVA GUR SOGS NYIS RIM DU BKOD NAS BSGOM PAR BSHAD LA, 'BRING SGOM PAR 'GYUR BA LTAR GYI RVA GUR PHUR GDAB DANG BCAS PA DANG, BSDUS PA RDO RJE'I SA

GZHI RVA GUR MDA'I DRA BA ME RI DANG BCAS PA BSKYED NAS SNGAGS DRUG GIS BYIN GYIS RLOB PA YIN ZHING, DE DAG LAS 'DI'I SGRUB THABS SU BKOD PA'I SRUNG 'KHOR NI 'BRING PO'I DBANG DU BYAS PA YIN NO,, GNYIS PA LA GNYIS, RDO RJE'I RVA GUR SOGS JI LTAR BYA BA'I TSUL, KHRO MO RNAMS BSKYED NAS BGEGS LA PHUR BUS GDAB PA'I TSUL LO, ,DANG PO NI RANG HE RU KA'I NGA RGYAL LA GNAS PAS LAG PA G-YON PA'I SRIN MDZUB KYIS SE GOL PHYOGS BZHIR GTOGS PA SNGON DU 'GRO BAS PHYOGS BZHI ZHAL BZHI PA'I SNGAGS 'OD ZER DANG BCAS PA SHAR NAG BYANG LJANG NUB DMAR LHO SER BA BKOD NAS DE RNAMS YONGS SU GYUR PA LAS SNA TSOGS RDO RJE'I RVA BA GRU BZHI PA TSANGS PA'I 'JIG RTEN NAS GSER GYI SA GZHI LA THUG PAR BSGOM PA DANG, SLAR YANG SNA TSOGS RDO RJE'I LTE BA'I H'Um GI 'OD ZER LAS 'OG GI SA GZHI SNA TSOGS RDO RJE'I RANG BZHIN DANG STENG DU RDO RJE RTZE LNGA BA'I RNAM PA CAN GYI MDA'I DRA BA ME 'BAR BA PHAN TSUN BSNOL MAR RGYUG PA, RVA BA'I STENG DU RDO RJE'I GUR BLA RE STE THAMS CAD KYANG BAR MTSAMS MED PAR DUM BU GCIG TU GYUR PA'I PHYIR ROL TU RDO RJE'I ME KHA DOG SNA LNGA PA G-YON BSKOR DU 'BAR ZHING 'KHYIL BAS BSKOR BAR BSAMS LA, AOm ME DI N'I ZHES SOGS KYI SNGAGS BRJOD PAS BYIN GYIS BRLAB PAR BYA BA YIN LA, SNGAGS DE DAG GI DON NI; AOm NI SNGAGS KYI MGO 'DREN PA DANG, ME DI N'I BADZRA BHA WA BADZRA BANDDHA H'Um ZHES PA NI SA GZHI RDO RJE'I RANG BZHIN DU 'CHING BA'I DON DANG, BADZRA PR'A KA RA H'Um PAm H'Um ZHES PA RDO RJE'I DRA BA STE DE NYID BYIN GYIS RLOB PA DANG, BADZRA PANYTZA RA H'Um NI RDO RJE'I GUR TE

, ,BYIN GYIS RLOB PA DANG, BADZRA BI T'A NA H'Um NI RDO RJE'I BLA RE DANG, BADZRAS RA DZVA LA TRAm NI RDO RJE'I MDA'I DRA BA DANG, BADZRA DZVA LA AA NA L'ARKA H'Um NI RDO RJE'I ME STE ME RI'I BAR DE RNAMS BYIN GYIS RLOB PA YIN LA, PAm GNYIS DANG SAm DANG KHAm RNAMS NI GUR DANG MDA'I DRA BA DANG RVA BA DANG BLA RE'I MING YIG DANG PO RNAMS YIN NO, ,GNYIS PA NI SUMBHA NI LA SOGS PA'I SNGAGS TSAN BZHI PHYOGS BZHIR BKOD PA LAS SGO MA BZHI DANG, YANG SNGAGS TSAN GNYIS GNYIS MTSAMS BZHIR BKOD PA LAS MTSAMS MA BZHI DANG, SHAR NUB KYI SNGAGS GNYIS LAS STENG 'OG TU KHVA GDONG MA DANG KHYI GDONG MA GNYIS PA RE'ANG SGRUB THABS NAS 'BYUNG BA BZHIN BSKYED DE DE LAS 'OD ZER PHYOGS BCUR 'PHROS PAS PHYOGS BCU'I BGEGS RNAMS BKUG STE RDO RJE'I RVA BA'I PHYI ROL TU H'Um RING PO LAS GRUB PA'I KHRON PA BCUR BCUG PA LA RANG HE RU KA'I NGA RGYAL GYIS AOm GHA GHA ZHES SOGS KYI SNGAGS BRJOD CING KHRO MO RNAMS LA BKA' BSGOS PAS SHAR NAS PHYOGS G-YON BSKOR DANG, ME NAS MTSAMS G-YAS BSKOR DANG, STENG 'OG GI BGEGS RNAMS KYI SPYI BOR PHYAG G-YON PA'I RANG 'DRA'I PHUR BU RNAMS BTZUGS TE G-YAS KYI RDO RJE'I THO BAS AOm BADZRA MUNGGA RA ZHES SOGS KYI RDUNG BA'I SNGAGS BRJOD NAS THO BAS PHUR BU RNAMS KYI SPYI BO NAS BRDUNGS PAS BGEGS RNAMS BDE STONG DBYER MED KYI NGO BOR SONG BAR BSAMS PA LA DGOS PA YOD DE, RANG NYID SGRUB THABS DNGOS GZHI SGOM PA LA BAR CHAD MI 'BYUNG ZHING BGEGS RNAMS LA PHAN GDAGS PA'I CHED YIN PA'I PHYIR RO, ,'O NA AOm GHA GHA ZHES SOGS KYI SNGAGS DON JI LTA BU SNYAM NA,

AOm NI SNGAGS KYI MGO 'DREN PA, GHA GHA NI GHA TA GHA TA STE GSOD BYED LA BOD PA DANG, GHA TA YA GNYIS NI CHOMS SHIG CES PA YIN TE GDUG PA CAN, SARBA NI THAMS CAD, DUshtA NI MA RUNGS PA, PHAt NI DON DE GSAL BAR BYED PA'I SA BON DANG, K'I LA YA GNYIS NI PHUR BUS THOB LA MI 'GUL BAR GYIS SHIG DANG, SARBA P'A PAm NI SDIG PA'I BSAM PA CAN THAMS CAD, PHAt NI DAGS PAR BYED PA'I DON DANG, H'Um GSUM NI DE KHO NA NYID SKUL BA YIN LA, BADZRA K'I LA YA NI RDO RJE PHUR BU LA BOD PA DANG, BADZRA DHA RA AADZNY'A PA YA NI RDO RJE 'CHANG GI BKA' NYON CIG PA DANG, K'A YA WA KA TZITTA NI BGEGS KYI LUS NGAG YID GSUM, BADZRA K'I LA YA NI SNGAR BZHIN YIN LA, H'Um NI SLAR YANG SKUL BA'I DON YIN NO, ,DE NAS KHVA GDONG MA LA SOGS PAS BGEGS LHAG MA RNAMS RGYANG RING POR BSKRAD DE RDO RJE'I RVA BA GRU BZHI PA LA THIM PAS CHU LA CHU BRDABS PAS ZEGS MA PHYIR 'THOR BA BZHIN DU 'OD ZER PHYIR 'PHROS PA LAS RDO RJE DANG PADMA DANG 'KHOR LO'I RVA BA ZLUM PO GSUM DUM BU GCIG TU GYUR PA DANG, DE'I PHYI ROL TU RDO RJE'I ME G-YON BSKOR DU 'KHYIL ZHING 'BAR BA STENG DANG LOGS KUN TU KHYAB STE 'GRO BA THAMS CAD BGEGS DANG BRAL BAR BSAMS PA LA DGOS PA YOD DE, SEMS CAN THAMS CAD BGEGS KYI BAR CHAD LAS BSRUNGS PAS THEG CHEN THUN MONG MA YIN PA'I SRUNG 'KHOR SGOM TSUL DU 'GYUR BA DANG, SLAR BGEGS GSAR DU MI 'JUG PAR MTSAMS GCAD PA'I DON DU YIN PA'I PHYIR RO, ,SPYI'I RNAM GZHAG GI SKABS SU BSHAD PA'I SRUNG 'KHOR RGYAS 'BRING BSDUS GSUM DE DAG LA SGOM TSUL GZHAN

, ,CI RIGS PA BDE MCHOG GI SKABS 'DI DAG LAS 'BYUNG YANG, DE DAG GI GNAD RNAMS DE GSUM GANG RUNG DU 'DUS SHING, SRUNG 'KHOR GYI RNAM GZHAG 'DI DAG NI L'U DRIL NAG GSUM SOGS SGRUB THABS KYI SNGON 'GRO'I RIM PA YIN LA, RGYAS BSDUS NI SGRUB PA PO'I BLO'I BYE BRAG GIS JI LTAR RIGS PAR BSGOM PAR BYA BA YIN NO, ,BZHI PA MTHUN RKYEN BSTEN PA'I PHYIR TSOGS BSAGS PA LA GNYIS, SBYANG GZHI LA 'DZAM BU GLING PA'I MI MNGAL SKYES KHAMS DRUG LDAN DU SKYE BA LEN PA'I RGYUR SKYES NAS MYONG 'GYUR GYI LAS GSOG PA DANG RNAM PA MTHUN PAR BSOD NAMS KYI TSOGS BSAGS PA DANG, DE'I 'OG TU 'CHI BA 'OD GSAL MNGON DU BYAS PA DANG CHOS MTHUN PAR 'CHI BA CHOS SKUR 'KHYER BA'I LAM 'KHYER YE SHES KYI TSOGS BSAGS PA'O, ,DANG PO LA GNYIS, TSOGS ZHING SPYAN DRANGS PA DANG, DE LA TSOGS BSAGS PA'O, ,DANG PO NI SGRUB THABS 'DI'I LUGS KYI TSOGS BSAG PA SDOM 'BYUNG LA BRTEN PA YIN TE, DE NYID LAS, 'OD ZER PHRENG BA SPRO BAR BYA, ,DE YI SNANG BA LAS MDUN DU, ,BLA MA SANGS RGYAS SOGS DANG POR, ,PHYAG 'TSAL ME TOG BDUG SPOS KYIS, ,MCHOD DE BZOD GSOL BLA NA MED, ,DKON MCHOG GSUM LA SKYABS 'GRO ZHING, ,ZHES GSUNGS PA'I RIM PA JI LTA BA BZHIN SGRUB THABS KYI GZHUNG 'DIR BKOD PA YIN PA'I PHYIR RO, ,DE LA THOG MAR TSOGS ZHING SPYAN 'DREN PA'I TSUL NI SGRUB PA PO RANG NYID HE RU KA'I NGA RGYAL LA GNAS PA'I THUGS KAR PAm SER PO LAS BYUNG BA'I SNA TSOGS PADMA'I LTE BAR AA LAS BYUNG BA'I ZLA BA'I DKYIL 'KHOR LA GNAS PA'I

H'Um YIG DNGUL CHU'I MDOG LTA BU YE SHES LNGA'I RANG BZHIN CAN GYI 'OD ZER GYIS RANG GZHAN GYI SGO GSUM DAG PAR BYAS NAS PHYIR 'PHROS PA'I 'OD ZER GYIS TSOGS ZHING SPYAN 'DREN PA YIN LA, H'Um YIG YE SHES LNGAR 'JOG PA'I TSUL YANG YOD DE, AA BHYA KA RAS AU YIG DON GRUB DANG HA'I LUS SNANG MTHA' DANG MGO BO RIN 'BYUNG DANG ZLA TSES RNAM SNANG THIG LE N'A DA DANG BCAS PA MI BSKYOD PAR BSHAD PAS RIM PA LTAR BYA GRUB SOR RTOG MNYAM NYID ME LONG CHOS DBYINGS YE SHES RNAMS SU GZHAG PAR BYA BA YIN PA'I PHYIR RO, ,SPYAN DRANGS PA'I YUL NI SGRUB PA PO RANG NYID BDE MCHOG GI DKYIL 'KHOR DU DANG POR DBANG BSKUR BA'I BLA MA SOGS DANG 'KHOR LO SDOM PA'I LHA TSOGS YIN LA, GNAS GANG NAS SPYAN 'DREN PA NI SNGAR HE RU KA'I DKYIL 'KHOR DU SANGS RGYAS PA GAR BZHUGS PA NAS SPYAN 'DREN PA DANG 'OG MIN NAS SPYAN 'DREN PA SOGS LAS 'DIR NI 'OG MIN NAS SPYAN DRANGS PAR BYA BA YIN ZHING, BLA MA DKYIL 'KHOR GYI GTZO BO DANG THA MI DAD PA DANG GTZO BO'I RIGS BDAG GI TSUL DANG DKYIL 'KHOR GYI LHA TSOGS DANG DBYER MED KYI TSUL DANG, DUR KHROD NA BZHUGS PA'I RNAM PAR SPYAN 'DREN PA SOGS MANG DU BSHAD PA RNAMS LAS GANG BYAS KYANG MI 'GAL LA, RJE NYID KYIS SGRUB THABS LAS GSUNGS PA'I TSUL NI DKYIL 'KHOR PA'I LHA TSOGS LAS LOGS SU RDO RJE 'CHANG GI RNAM PAR SPYAN 'DREN PA YIN TE, SGRUB THABS LAS, BLA MA RDO RJE 'CHANG GI RNAM PA CAN DANG 'KHOR LO SDOM PA'I LHA TSOGS ZHES THA DAD DU SMOS PA'I PHYIR RO, ,DE DAG NI SDOM 'BYUNG LAS SNGAR DRANGS PA'I, 'OD ZER PHRENG

, ,BA SPRO BAR BYA, ,DE YI SNANG BA LAS MDUN DU, ,BLA MA SANGS RGYAS SOGS DANG POR, ,ZHES GSUNGS PA'I DON NO, ,DE LTAR SPYAN DRANGS PA'I 'OG TU 'OD ZER RANG GI SNYING GAR SDUD PA'I RGYU MTSAN YANG YOD DE, RDZOGS RIM GYI SKABS SU RLUNG THAMS CAD BSGOMS STOBS KYIS SNYING GA'I DH'U T'IR BSDUS PA'I 'OD GSAL GYI RTOGS PA RGYUD LA SKYE BA'I DGE RTZA SMIN BYED DU YIN PA'I PHYIR RO, ,GNYIS PA NI THOG MAR, GANG GI DRIN GYIS ZHES SOGS KYIS BLA MA DANG, HE RU KA DPAL DPA' BO CHE; ;ZHES SOGS KYIS GTZO BO YAB YUM DANG, ,GNAS DANG NYE BA'I GNAS DANG ZHING, ,ZHES SOGS KYIS 'KHOR GYI DPA' BO DPA' MO RNAMS LA PHYAG BYA BA DANG, CHU GNYIS NYER SPYOD RIG MA BCU DRUG RNAMS KYIS SGRUB THABS LAS 'BYUNG BA BZHIN DU MCHOD PA DBUL BA YIN LA, DE DAG GI DMIGS PA YID LA BYED TSUL YANG YOD DE, AOm ZHES BRJOD PA DANG DUS MNYAM DU MCHOD PA'I LHA MO NAM MKHA'I KHAMS GANG BA SPROS, SHR'I HE RU KA AARGHAm ZHES SOGS RANG RANG GI SNGAGS KYI SKABS SU DE RNAMS KYIS MCHOD DE MCHOD YUL RNAMS BDE BA CHEN POS MNYES PAR BYAS, SV'A H'A DANG H'Um PHAt SOGS KYI SKABS SU MCHOD PA'I LHA MO RNAMS RANG RANG GI SNYING GA'I SA BON LA BSDU BAR BYA BA YIN PA'I PHYIR RO, ,DE NAS RKANG BRGYAD KYI SNGAGS KYIS BSTOD PA, DKON MCHOG GSUM LA BDAG SKYABS MCHI, ,ZHES SOGS KYIS SDIG BSHAGS YI RANG SKYABS 'GRO RNAMS SNGON DU 'GRO BAS SEMS BSKYED CING LAM LA BRTEN PAR DAM 'CHA' BA, BGROD DKA' SRID PA'I RGYA MTSO LAS, ,ZHES SOGS SHLOO KA GCIG GIS

LUS DUL BA RNAMS BSTAN, DE DAG KYANG SDOM 'BYUNG LAS, PHYAG 'TSAL ME TOG BDUG SOGS KYIS, ,MCHOD DE BZOD GSOL BLA NA MED, ,DKON MCHOG GSUM LA SKYABS 'GRO ZHING, ,ZHES SOGS GSUNGS PA'I RIM PA LTAR RO, ,DE LTAR TSOGS BSAGS PA'I 'OG TU TSOGS ZHING RNAMS RANG GNAS SU GSHEGS PA DANG MI DMIGS PAR SGOM PA DANG STONG NYID KYI NGANG DU SBYOR BA DANG RANG LA SDUD PA'I TSUL BZHIR BSHAD PA LAS 'DIR NI PHYI MA LTAR BYA BA YIN TE, TSOGS ZHING RNAMS LA YID GSAL BAR DMIGS TE NGAG TU YI GE BRGYA PA BRJOD PAS TSOGS ZHING RNAMS RANG LA THIM PAS BYIN GYIS BRLABS PAR BSAM PAR BYA BA YIN PA'I PHYIR RO, ,DE NYID NI GTZUG NOR GYI LUGS BZHIN DU MAR DOS BSHAD PA YIN LA, MNGON BRJOD LAS, MNGON GRUB PA NI BSKUL NAS NI, ,BYIN GYIS RLOB PA'ANG BYED PA YIN, ,ZHES GSUNGS PA'I DGONGS PA YANG YIN NO, ,GNYIS PA YE SHES KYI TSOGS BSAGS PA NI SNGAR GYI MCHOD PA'I 'KHOR GSUM PO RNAM PAR RIG PA'I SEMS KYIS BTAGS PA TZAM GYI RTEN 'BREL DANG, RANG HE RU KAR GNAS PA'I SPYI BO LA SOGS PA'I GNAS GSUM DU HE RU KA ZHES PA'I YI GE GSUM BKOD DE DES MTSON PA'I BDAG MED PA'I DON SNANG STONG ZUNG DU 'JUG PA SGYU MA LTA BU'O SNYAM DU BSGOMS LA, DE LTAR MA RTOGS PA'I SEMS CAN RNAMS BDAG GIS 'KHOR BA'I SDUG BSNGAL LAS THAR BAR BYA'O SNYAM DU CHOS LA DMIGS PA'I SNYING RJE BSGOMS TE, DE'I 'OG TU RTEN 'BREL GYI SNANG BA TZAM DE YANG BLO NGOR BSDUS NAS SVA BH'A WA'I SANGS DON

, ,YANG 'DI LTAR YIN TE AOm NI MCHOD PA'I 'KHOR GSUM PO RTOG PAS BTAGS PA TZAM GYI DON DANG, SARBA DHARMA NI GZUNG BAS BSDUS PA'I CHOS THAMS CAD, SVA BH'A WA SHUDDHA NI RANG BZHIN GYIS RNAM PAR DAG PA STE RANG BZHIN MED PA'I DON DANG, AA HAm NI NGA STE 'DZIN PA PO YANG GZUNG BA'I CHOS LTAR RANG BZHIN GYIS MED PA NI SVA BH'A WA SHUDDHA GNYIS PAS STON TE MDOR NA GZUNG 'DZIN GYIS BSDUS PA'I CHOS THAMS CAD RANG BZHIN GYIS RNAM PAR DAG PA DE NYID STON PA YIN PA'I PHYIR RO, ,DE'I 'OG TU SMON LAM GYI DBANG GIS, ,LANG KAS BSHAD PA LTAR SNGAR GYI HE RU KA'I YI GE GSUM YONGS SU GYUR PA LAS AOm DKAR PO A'A DMAR PO H'Um SNGON PO GSUM STENG 'OG BAR GSUM DU GNAS PAR DPA' BO RDO RJES BSHAD PA LTAR BKOD LA DE GSUM LAS 'KHOR LO GSUM GYI LHA RNAMS SPROS 'GRO BA'I DON BYAS, SNYOMS PAR 'JUG PA SNGON DU 'GRO BAS YI GE GSUM LA THIM ZHING, YI GE GSUM GYI 'OD ZER GYIS MTHO RIS DANG MI YUL DANG SA 'OG RNAMS MKHA' SPYOD SA SPYOD SA 'OG NA SPYOD PA'I GNAS KYI NGO BOR BYAS TE YI GE GSUM LA BSDU BAR MAR DOS BSHAD PA RTZA RGYUD KYI 'GREL PAR DPA' BO RDO RJES BSHAD PA DANG MTHUN ZHING, DE NAS AOm A'A: DANG DE H'Um LA THIM ZHING H'Um GI ZHABS KYU AU NI HA DANG HA'I LUS MGO BO DE ZLA TSES DE THIG LE DE YANG N'A DA LA THIM PAR BSAM ZHING N'A DA YANG SKRA'I RTZE MO BRGYA STONG GI CHA'I TSAD TZAM DU GNAS PAR BSAMS LA, SEMS CAN THAMS CAD KYIS CHOS NYID MA RTOGS PAS 'KHOR BAR 'KHYAMS PAS BDAG GIS CHOS NYID MNGON SUM DU RTOGS PAR BYAS NAS SEMS CAN RNAMS KYIS

KYANG DE KHONG DU CHUD PAR BYA'O SNYAM DU DMIGS PA MED PA'I SNYING RJE'I RGYUR GYUR PAR BSGOMS LA SH'UN+YA T'A'I SNGAGS BRJOD DE N'A DA YANG 'OD GSAL DU THIM PAR BSAM MO, ,'DIR LVA BA PA DANG PRADZNY'A RAKshI TAS DMIGS MED KYI SNYING RJE'I RGYU DANG SA BON DU GYUR PA ZHES BSHAD PA DE NYID BKOD PA YIN LA, DE LTAR BSHAD PA NI DMIGS MED KYI SNYING RJE'I GTZO BO DE KHO NA NYID MNGON SUM DU RTOGS NAS 'THOB PA LA DGONGS SHING, GONG DU BSHAD PA DE DMIGS MED KYI SNYING RJE TZAM GYI SGOM TSUL DU 'GYUR BAR KHYAD PAR GSAL BYED LAS BSHAD DO, ,'O NA SH'U N+YA T'A'I SNGAGS DON JI LTA BU ZHE NA, DE YANG 'DI LTAR YIN TE, SH'U N+YA T'A STONG NYID, DZNY'A NA YE SHES, BADZRA NI RDO RJE STE MI PHYED PA, SVA BHA WA RANG BZHIN, A'ATMA KA BDAG NYID, AA HAm NI NGA'O ZHES PA STE, MDOR NA YUL STONG PA NYID DANG YUL CAN BDE BA CHEN PO'I YE SHES DBYER MI PHYED PA'I BDAG NYID DE NGA'O ZHES RGYAL BA'I THUGS CHOS SKU LA NGA RGYAL BZHAG NAS BSGOM PAR BYA BA'I DON YIN PA'I PHYIR RO, ,DES NA SKABS 'DI'I DMIGS MED KYI SNYING RJE DNGOS SU SPYI DON GYI SNYING RJE YIN YANG MOS PA TZAM GYIS SBYONG BA LA SBAS DON DANG MTHAR THUG GI SNYING RJE GNYIS KA YOD DE, 'DOD 'JO LAS, SPYIR SNYING RJE LA SNGAGS DANG PHAR PHYIN THUN MONG BA ZHIG DANG BLA MED KYI THUN MONG MA YIN PA BDE CHEN LA BSHAD PA GNYIS YOD KYANG 'DIR DNGOS SU SPYI DON GYI SNYING RJE YIN LA, MOS PA TZAM GYIS SBYONG BA NI SBAS PA DANG MTHAR THUG GI SNYING RJE YANG YOD DO ZHES GSUNGS PA LTAR RO, ,DES NA SKABS 'DIR DE LTA BU'I SH'U N+YA T'A'I SNGAGS DON LTAR STONG NYID SGOM PA'I TSUL

, ,'DI LA 'CHI BA CHOS SKUR 'KHYER BA'I RNAL 'BYOR ZHES BYA STE, SBYANG GZHI LA 'DZAM BU GLING PA'I MI MNGAL SKYES KHAMS DRUG LDAN ZHIG PHUNG SOGS RIM GYIS THIM NAS MCHI BA 'OD GSAL MNGON DU BYED PA DANG RNAM PA MTHUN ZHING DE SBYONG BAR BYED, RDZOGS RIM GYI SKABS SU DPE DANG DON GYI 'OD GSAL DANG RNAM PA MTHUN ZHING DE 'DRA BA'I RTOGS PA RGYUD LA SKYE BA'I DGE RTZA SMIN BYED KHYAD PAR CAN DU 'GYUR, 'BRAS BU'I SKABS SU GNYIS SNANG THAMS CAD DANG BRAL BA'I RGYAL BA'I THUGS BDE BA CHEN PO'I RANG BZHIN CHOS SKU DANG RNAM PA MTHUN ZHING DA LTA NAS DE LA NGA RGYAL BZHAG STE 'BRAS BU LAM BYED KYI TSUL DU BSGOMS PAS DE MNGON DU 'GYUR BA'I NUS PA KHYAD PAR CAN 'JOG PA'I PHYIR RO, ,SBYANG GZHI LA 'CHI BA 'OD GSAL MNGON DU BYAS PA DANG CHOS MTHUN PA YANG YIN TE, AOm DKAR PO NI 'CHI BA 'OD GSAL DU 'JUG PA'I SKABS KYI SNANG BA DANG CHOS MTHUN, DE A'A: DMAR PO LA THIM PA NI SNANG BA MCHED PA LA THIM PA DANG CHOS MTHUN, DE H'Um MTHING KHA LA THIM PA NI MCHED PA NYER THOB LA THIM PA DANG CHOS MTHUN, H'Um N'A DA'I BAR DU BSDUS TE N'A DA YANG MI DMIGS PAR BSAM PA NI NYER THOB 'OD GSAL DU THIM PA DANG CHOS MTHUN PA'I PHYIR RO, ,'DIR YANG SNGAGS GNYIS KYI DON BSAMS PA'I SGO NAS STONG NYID BSGOMS PA LA DGOS PA GZHAN YANG YOD DE, DBANG RTUL GYIS STONG NYID GSAR DU RTOGS PA DANG, 'BRING GIS DRAN PA GSO BA DANG, RNON POS RTOGS ZIN BRTAN PAR BYED PA DANG, YE SHES KYI TSOGS BSAGS PA DANG, SGO GSUM LA THA MAL GYI SNANG ZHEN SBYONG BA DANG, 'OG

NAS KYI RTEN BRTEN PA'I DKYIL 'KHOR THAMS CAD STONG NYID RTOGS PA'I YE SHES KYI RNAL ROL DU 'CHAR BA STE JO BO'I 'GREL PAR GSUNGS PA DRUG DANG, DON DAM PA'I SRUNG 'KHOR DU 'GYUR BA DANG, BDEN 'DZIN GYI GNYEN POR 'GYUR BA SOGS DGOS PA MTHA' YAS PA ZHIG YOD PA'I PHYIR RO,, GNYIS PA THUN GYI DNGOS GZHI LA JI LTAR BYA BA'I TSUL LA GSUM, BAR DO LONGS SKUR 'KHYER BA'I RNAL 'BYOR STONG PA'I NGANG LAS NAM MKHAR N'A DA GZHAG PA, GZHAL YAS KHANG GANG LA GNAS PA'I RTEN BSKYED PA, DE NAS RNAL 'BYOR BZHI SGOM PA'I TSUL BSHAD PA'O,, DANG PO NI, DE LTAR SNANG BA THAMS CAD BSDUS PA'I STONG PA NYID DE'I NGANG LAS RANG GI SEMS GNYIS SU MED PA'I YE SHES DE N'A DA'I GZUGS GYEN DU 'GRENG BA SHIN TU PHRA BA DKAR LA DMAR BA'I MDANGS CHAGS PA ZHIG TU GZHAG PAR BYA BA YIN TE, DE LTAR BYED PA LVA BA PAS BSHAD CING, DE'I RJES 'BRANG PRADZNY'A RAKshI TA DANG 'KHRUL SPONG DANG DE BZHIN GSHEGS PA'I RDO RJE DANG SDOM 'BYUNG GI 'GREL PA SOGS KYIS KYANG BSHAD PA'I PHYIR RO; ;'ON KYANG DE RNAMS KYIS DE LTAR 'JOG PA'I RGYU MTSAN GSAL BAR MA BSHAD KYANG DE LTAR SGOM PA'I TSUL 'DI LA BAR DO LONGS SKUR 'KHYER BA'I RNAL 'BYOR ZHES BYA STE, SBYANG GZHI LA 'CHI BA 'OD GSAL LAS BAR DO'I LUS GRUB PA DANG RNAM PA MTHUN ZHING DE SBYONG BAR BYED, RDZOGS RIM GYI SKABS SU DAG MA DAG GI SGYU MA'I SKU GNYIS DANG RNAM PA MTHUN ZHING DE 'DRA'I RDZOGS RIM GYI RTOGS PA RGYUD LA SKYE BA'I DGE RTZA SMIN BYED KHYAD PAR CAN DU 'GYUR, 'BRAS BU'I SKABS SU LONGS SPYOD RDZOGS

, ,PA'I SKU DANG RNAM PA MTHUN ZHING, DA LTA NAS 'BRAS BU LAM BYED KYI TSUL DU BSGOMS PAS LONGS SKU DE MYUR DU 'THOB PA'I NUS PA KHYAD PAR CAN 'JOG PA'I PHYIR RO, ,DE LTAR YIN PA'I SHES BYED KYANG SDOM 'BYUNG GI LE'U GNYIS PA BSKYED RIM GYI LE'U LAS BSKYED RIM DNGOS MA BSHAD PAR DE'I SBYANG GZHI SKYE SHI BAR DO GSUM GSAL BAR BSHAD PA'I MTHAR, SRID PA SKYE BA'I RIM SHES PA, ,RDZOGS PA'I SANGS RGYAS THOB BYA'I PHYIR, ,'DI NI PHUNG PO YONGS MKHYEN PA'I, ,DE NYID GSUNG BA RNAMS KYIS BSHAD, ,CES GONG DU SBYANG GZHI GSUM PO DE BSHAD NAS DE DANG RNAM PA MTHUN PAR BSKYED PA'I RIM PA SGOM DGOS PAR BSTAN TE BSKYED RIM DNGOS LE'U BCU GSUM PAR 'CHAD CING MAN SNYE LAS, SRID PA BAR DO'I GNAS SKABS DANG 'DRA BAR KHA CIG TU HO: YIG DMAR PO GNYIS KYI BAR DU CHUD PA'I SA BON GYI YI GE'I GNAS SKABS SAM, YI GE GSUM GYI GNAS SKABS SAM, KHA CIG TU N'A DA TZAM STE ZHES BAR SRID MTSON PA'I YI GE LA SGRUB THABS KYI GZHUNG KHA CIG TU HO: YIG GNYIS KYI BAR DU CHUD PA'I SA BON DANG, KHA CIG TU HO: YIG GNYIS MED PAR YI GE GSUM TZAM DANG, KHA CIG TU N'A DA TZAM BSGOM PAR BSHAD DO ZHES 'BYUNG BA LTAR YIN PA'I PHYIR RO, ,N'A DA KHA DOG DKAR POR BYED PA NI BAR DO DANG LAM DANG 'BRAS BU'I SGYU MA'I SKU'I BSGRUB GZHI SROG 'DZIN GYI RLUNG GI RANG DBANG GI KHA DOG DKAR PO YIN PA MTSON LA, DE LA DMAR BA'I MDANGS CHAGS PA NI GZHI LA BAR DO CHAGS PAS BCINGS PA DANG, LAM DUS PA'I SGYU LUS PA'I THUGS BDE BA CHEN POS BCINGS PA MTSON

PAR BYED PA YIN NO, ,GONG DU BSHAD PA LTAR BAR DO MTSON BYED KYI YI GE LA MTHA' GCIG TU MA NGES PAR SNA TSOGS PA 'BYUNG BA'I RGYU MTSAN YOD DE, SBYANG GZHI BAR DO'I SEMS CAN GYI LUS KYI DBYIBS DANG TSAD SOGS SNA TSOGS PA ZHIG 'BYUNG BAS DE MTSON PA YIN PA'I PHYIR RO,, GNYIS PA LA GNYIS, 'BYUNG BA RIM BRTZEGS DANG RI RAB SKYED PA'I TSUL, SNA TSOGS PADMA DANG SNA TSOGS RDO RJE SKYED PA'I TSUL LO,, DANG PO NI 'BYUNG BA RIM BRTZEGS DANG RI RAB SGOM PA LA DRIL BU LHA LNGA'I SGRUB THABS YID BZHIN NOR BU LAS, BA LANG GNAS DANG STENG LDING DANG, ,LHAG MED SKEM PA RTZA DE NAS, ,DUNG CHEN PO YI RANG BZHIN BYA, ,YANG NA RUS SBAL DAG GI 'O, ,YAm RAm BAm LAm SUm RNAMS LAS, ,RLUNG ME CHU SA RI RAB NI, ,GRU BZHI RIM BZHI RTZE MO BRGYAD, ,KUN KYANG 'OD ZER 'BAR BAR BSGOM, ,ZHES 'BYUNG BA RIM BRTZEGS SGOM PA'I SKABS SU BKOD PA'I SHLOO KA DANG PO RTZA RGYUD KYI TSIG YIN PAS DES 'BYUNG BA RIM BRTZEGS BSTAN PAR BYED DGOS LA, DE LA BA LANG GI GNAS NI ZHIB MO RNAM 'THAG LAS, DAG PHYOGS SA DANG 'OD ZER DANG, ,PHYUGS DANG MIG DANG RDO RJE DANG, ,MTHO RIS CHU DANG DON DGU LA, ,MKHAS PAS GOO SGRA NGES GZUNG BYA, ,ZHES GSUNGS PA LTAR GOO SGRA NI SA LA'ANG 'JUG PAR BSHAD PAS SA DKYIL DANG, ME TOG SOGS BZHAG NA STENG DU LDING BA CHU YIN PAS CHU DKYIL DANG, GANG GIS LHAG MA MED PAR SKEM PAR BYED PA ME DKYIL DANG, RTZA DE NAS ZHES PA RTZA NANG NAS RLUNG RGYU BA YIN PAS RLUNG DKYIL DANG, YANG NA RUS SBAL DAG GI'O, ,ZHES PAS RI RAB DANG

, ,DUNG CHEN PO'I RANG BZHIN DU BYA BA NI DE THAMS CAD BDE BA CHEN PO'I YE SHES KYI NGO BOR BYA BA'I DON DANG, YAm RAm SOGS YI GE LNGA NI DKYIL 'KHOR BZHI DANG RI RAB SKYED PA'I SA BON YIN PAS DE DAG LAS SGRUB THABS SU JI LTAR BKOD PA BZHIN BSKYED DE, RLUNG DKYIL NAS RIM PA BZHIN DU RGYAL MTSAN NAM BA DAN DANG, ME 'BAR BA DANG, BUM PA DANG, GRVA BZHIR RDO RJE RTZE GSUM PAS MTSAN PA BYA STE, SDOM 'BYUNG DANG MNGON BRJOD LAS CI RIGS PAR 'BYUNG BA'I DGONGS PA SGRUB THABS KYI GZHUNG DU BKOD PA LTAR BSGOM PA YIN ZHING, RI RAB KYANG SHAR SHEL, LHO BEE d'URYA, NUB PADMA R'A GA ,BYANG GSER LAS GRUB PA'I DBYIBS GRU BZHI PA, LCOG BRGYAD KYIS RTZE MO NYE BAR MDZES PAR SGOM PA NI SDOM 'BYUNG DANG MNGON BRJOD KYI DGONGS PA YIN LA, DE LTAR BSGOMS PA LA DGOS PA KHYAD PAR CAN YOD DE, PHYI DKYIL DANG NANG LUS DKYIL GYI RTEN GYI DON DU DANG, RDZOGS RIM PA'I RDO RJE'I LUS KYI GNAS TSUL RTOGS PA'I CHED YIN PA'I PHYIR RO,, GNYIS PA NI RI RAB KYI STENG DU PAm SER PO YONGS SU GYUR PA LAS SNA TSOGS PADMA DANG, DE'I LTE BAR SNA TSOGS RDO RJE DANG, SNA TSOGS RDO RJE'I STENG DU, SHAR GYI PHYOGS GNAS 'DAB MA NYI 'OD 'DRA, ,RLUNG DANG ME PHYOGS 'DAB MA SER PO NYID, ,YI DVAGS BDAG PHYOGS DBANG LDAN DUR BA LTAR, ,LJANG DANG SRIN NAG SNA TSOGS PADMA NYID, ,CES LVA BA PA'I 'GREL PAR DRANGS PA LTAR GYI KHA DOG CAN GYI SNA TSOGS PADMA 'DAB MA BRGYAD PA CHUNG NGU RNAMS RJE NYID KYI SGRUB THABS NAS 'BYUNG BA LTAR BSGOM PAR BYA BA YIN TE, DE YANG MNGON BRJOD LAS, SNA

TSOGS PADMA DANG RDO RJE GANG YANG MA BSHAD PAR RI RAB KYI STENG DU BHR'Um LAS RNAM SNANG BSKYED NAS DE LAS GZHAL YAS KHANG BSKYED PA TZAM ZHIG BSHAD CING, KUN SPYOD LAS RI RAB KYI STENG DU PADMA LAS, SNA TSOGS RDO RJE MA BSHAD KYANG, 'KHRUL SPONG DANG SDOM 'BYUNG 'GREL PA SOGS LAS SNA TSOGS RDO RJE'I 'OG TU SNA TSOGS PADMA BYA BAR BSHAD CING, DE LTAR NGES PAR BYA DGOS TE, BSGOM BYA LA DER SNA TSOGS PADMA MED NA BRI BYA LA PAD RA 'ONG DON MED PA'I PHYIR RO, ,DE'I STENG DU RTZA RGYUD LAS, RI STENG SNA TSOGS PADMA NI, ,LTE BAR AA LI KA LI BSAM, ,ZHES GSUNGS PAS BSTAN PA'I AA LI KA LI DGOD PA'I GZHI SNA TSOGS PADMA CHUNG NGU MAR DOS BSHAD PA LTAR BSGOM PAR BYA BA YIN LA, DE NI SDOM 'BYUNG LAS KYANG, DE YI STENG DU BHR'Um BYUNG BA'I, , SNA TSOGS RDO RJE RNAM PAR BSGOM, ,DE YI STENG DU PADMA NI, ,LTE BA GE SAR LDAN PAR BSGOM, ,ZHES 'BYUNG BA LTAR RO,, GSUM PA NI DE NAS RNAL 'BYOR BZHI SGOM PA'I TSUL LA SPYI'I RNAM GZHAG DANG, SGOM TSUL DNGOS BSHAD PA'O,, DANG PO NI, DE YANG BDE MCHOG SKOR 'DIR RTEN BRTEN PA'I DKYIL 'KHOR SKYED PA'I TSUL LA BSHAD TSUL MI 'DRA BA DU MA ZHIG 'BYUNG STE, SDOM 'BYUNG LAS RTEN BRTEN PA'I DKYIL 'KHOR GNYIS KA CIG CAR DU SKYED PA'I RNAM GZHAG DANG, MNGON BRJOD DANG SAMBHU tA'I BDE MCHOG RDOR SEMS KYI SKABS LAS RTEN BRTEN PA'I DKYIL 'KHOR RIM CAN DU SKYED PA'I TSUL GNYIS BSHAD LA, GRUB CHEN NAG PO SPYOD PA'I SGRUB THABS SU NI DE'I RJES SU 'BRANGS NAS RTEN BRTEN PA'I RIM CAN DU BSKYED CING, DE LA YANG RGYU RDO RJE 'DZIN

, ,PA YAB YUM GYI RNAM PA CAN SGOM PA YOD PA DANG MED PA'I PHYOGS GNYIS LAS YOD PA'I PHYOGS DE YIN ZHING, L'U YI PA'I SGRUB THABS SU NI RTEN BRTEN PA'I DKYIL 'KHOR CIG CAR DU SKYED PA SDOM 'BYUNG GI RJES SU 'BRANGS PA'I PHYOGS YIN LA; RDO RJE DRIL BU PAS LUS DKYIL SGRUB THABS SU DE'I GSAL KHA MA MDZAD KYANG, L'U YI PA'I PHYOGS SU GTOGS PAR 'DOD 'JO LAS GSUNGS PA LTAR YIN NO, ,YANG ZHU BA GLUS SKUL YOD PA DANG MED PA'I PHYOGS GNYIS 'BYUNG BA LA L'U YI PA'I SGRUB THABS LTA BU NGO BO MNGAL SKYES DANG CHOS MTHUN GTZO BOR SBYOR BA YIN YANG, SGONG SKYES DANG YANG CHOS MTHUN SBYOR DU YOD PA RNAMS LA NI ZHU BA GLUS SKUL MI 'BYUNG LA, SBYANG GZHI LA PHA MA DANG CHOS MTHUN PA'I RGYU RDO RJE 'DZIN PA YAB YUM SGOM PA YOD PA NAG PO SPYOD PA'I SGRUB THABS LTA BU LA NI DE NYID NGES PAR DGOS TE, MNGON BRJOD LAS, MNGAL SKYES GLU YI SBYOR BA YIS, ,SGOM PA RNAMS NI YONGS SU BRTAG ,SGONG SKYES GLU NI MED PA STE, ,SGRA DANG SGRA NYAMS SPANGS PA'O, ,ZHES 'BYUNG BA LTAR YIN PA'I PHYIR, 'O NA L'U YI PA'I SGRUB THABS GTZO BOR MNGAL SKYES DANG CHOS MTHUN SBYOR NA SGO NGA LAS SKYES PA DANG CHOS MTHUN PA 'GAL LO SNYAM NA, DE'I SKYON MED DE MNGAL SKYES DANG CHOS MTHUN PA LA SGONG SKYES DANG CHOS MTHUN MED MI DGOS PA'I PHYIR RO; ;DES NA SBYANG GZHI LA BAR DO'I SEMS CAN MA'I MNGAL DU 'DZAM BU GLING PA'I MI MNGAL SKYES KHAMS DRUG LDAN ZHIG TU SKYE BA BLANGS PA DANG CHOS MTHUN SBYOR BA'I PHYIR DU 'DIR MNGON BYANG LNGA LAS SKYED PA'I TSUL GSUNGS PA YIN LA, MNGON BYANG

LNGA LAS SKYED PA'I TSUL 'DI LA YANG MI 'DRA BA'I TSUL DU MA ZHIG 'BYUNG STE, JO BO CHEN PO DANG DE BZHIN GSHEGS PA'I RDO RJE SOGS KYIS AA LI LAS ZLA BA DANG, KA LI LAS NYI MA BSKYED NAS, DE NAS SA BON DANG PHYAG MTSAN LAS BYANG CHUB PA'I TSUL BSHAD CING, SAMBHU tA LAS, ZLA BA'I DKYIL 'KHOR DBUS SU NI, ,BYANG CHUB ZLA BA GNYIS PA CAN, ,ZHES ZLA BA DKAR DMAR GNYIS SU BYED PAR BSHAD LA, BOD KYI BLA MA 'GA' ZHIG ZLA BA DMAR PO GCIG GI STENG DU SA BON LA SKYED PA SOGS MDZAD NA'ANG 'DI'I SGRUB THABS KYI 'GREL PAR LVA BA PAS, AA LI DANG KA LI'I PHRENG BA G-YON DANG G-YAS SU BSKOR BAR GNAS PA YONGS SU GYUR PA LAS DE'I GZUGS CAN GYI RNAM PA ZLA BA'I DKYIL 'KHOR GYI RNAM PAR BSAM PAR BYA'O, ,ZHES DANG, DE'I DBUS SU ZHES PA NI ZLA BA'I DBUS SU'O ZHES PA DANG, DE DAG YONGS SU GYUR PA LAS ZHES PA'I ZLA BA DANG SA BON YONGS SU GYUR PA LAS SO, ,ZHES GSUNGS PA'I SKABS THAMS CAD DU NYI MA MA BSHAD CING, ZLA BA GNYIS BYED PA'ANG TSIG ZUR LAS KYANG MI 'BYUNG BAS RJE'I SGRUB THABS SU 'GREL PA 'DI NYID KYI LUGS LTAR MDZAD PA YIN LA, ZLA BA GNYIS DANG ZLA NYI GNYIS SGOM PA SOGS LA'ANG SBYANG GZHI DANG CHOS MTHUN SBYOR TSUL YOD CING RGYUD KYI DGONGS PA'ANG YIN NO, ,'DIR ZLA BA'I KHA DOG DKAR LA DMAR BA'I MDANGS CHAGS PAR DPA' BO RDO RJES BSHAD PA LTAR YIN LA, DE'I STENG DU DBYANGS GSAL GYI PHRENG BA G-YAS BSKOR DANG G-YON BSKOR DU GNAS PA ZHES PA TZAM LAS 'GREL PA RNAMS SU MA BYUNG YANG MNGON BRJOD LAS, AA LI KA LI LUGS

, ,'BYUNG DANG, LUGS LDOG TSUL DU BYAS LA, ZHES GSUNGS PA DE LTAR SGRUB THABS GTZUG NOR LAS KYANG 'BYUNG BAS DBYANGS GSAL GNYIS SO SOR NYIS BLDAB TU BYAS PA YIN LA, DE'I TSE DBYANGS NYIS 'GYUR GYIS MTSAN SO GNYIS DANG, GSAL BYED BZHI BCU NYIS 'GYUR GYIS DPE BYAD BRGYAD CU MTSON PA YIN PAS DE'I TSE GSAL BYED SO BZHI LA YI GE DRUG SNON DGOS PAS, DE YANG MAN SNYE LAS, dA dHA YA RA LA WA DRUG BSNAN NAS MDZAD PA LTAR BYAS NA'ANG 'GAL BA MED KYANG, 'DIR NI dA dHA DA DHA YA LA RNAMS BSNAN PAR BYA BA YIN TE GTZUG NOR LAS BSHAD PA'I RJES SU 'BRANGS PA'O, ,'DIR DBYANGS SO GNYIS BYED PA'I RGYU MTSAN YANG YOD DE, YAR NGO'I TSES GCIG NAS BRTZAMS TE BCO LNGA'I BAR DU KHAMS DKAR PO'I THIG LE RKANG PA G-YON PA'I MTHE BONG NAS BRTZAMS TE SPYI GTZUG GI BAR 'DZEG PA'I CHA BCU DRUG DANG, MAR NGO LA SPYI GTZUG NAS RKANG PA G-YAS PA'I MTHE BONG GI BAR DU 'OG TU 'BAB PA'I CHA BCU DRUG YOD PAS DE LTAR BZHAG PA'I PHYIR TE, SDOM 'BYUNG LAS, DE NAS GZHAN YANG THIG LE'I GZUGS, ,'PHO BA YANG DAG BSHAD PAR BYA, ,DKAR PO'I TSES GCIG NAS BRTZAMS TE, ,JI SRID ZLA BA RDZOGS PA'I BAR, ,DKAR PO'I TSES GCIG LA AA YIG ,CES SOGS GSUNGS PA LTAR YIN PA'I PHYIR RO, ,GSAL BYED LA BRGYAD CUR BYED PA'I RGYU MTSAN YOD DE, KA LI RNAMS SA CHU ME RLUNG NAM MKHA'I KHAMS LNGAR BSDUS NAS DE RE RE LA DGA' BA BZHI BZHIR PHYE BAS NYI SHU DANG, KHAMS NYI SHU PO RE RE'ANG KHAMS DMAR PO'I RDUL RE RE DANG LDAN PAS BZHI BCU, DE

LAS SHES RAB STONG PA DANG THABS BDE BA GNYIS GNYIS SU PHYE BAS BRGYAD CUR BZHAG PA YIN PA'I PHYIR RO,, GNYIS PA SGOM TSUL DNGOS GZHI LA BZHI, SBYANG GZHI LA BAR DO GANG DU SKYE BA LEN PA'I GNAS KHU KHRAG GI THIG LE DANG RNAM PA MTHUN PAR SGOM PA'I RNAL 'BYOR, KHU KHRAG GI DBUS SU BAR DO'I RNAM SHES ZHUGS NAS MNGAL DU LUS 'PHEL BA DANG RNAM PA MTHUN PAR SGOM PA'I RJES SU RNAL 'BYOR, MNGAL NAS PHYI ROL TU BTZAS PA DANG CHOS MTHUN PA'I SKYE BA SPRUL SKUR 'KHYER BA'I RNAL 'BYOR GYI GTZO BO SHIN TU RNAL 'BYOR, RDZOGS RIM RNAL 'BYOR CHEN PO SGOM PA'I TSUL CUNG ZAD BSHAD PA'O,, DANG PO NI SNA TSOGS PADMA CHUNG NGU'I LTE BAR NANG DU DBYANGS DANG PHYI RIM LA GSAL BYED G-YAS BSKOR DANG G-YON BSKOR DU BKOD PA YONGS SU GYUR PA LAS ZLA BA'I DKYIL 'KHOR DKAR LA DMAR BA'I MDANGS CHAGS LA, DBYANGS GSAL RNAMS GZUGS BRNYAN BZHIN DU SHAR BA ZHIG TU BSGOMS PA'I AA LI DANG ZLA BA'I KHA DOG DKAR BA'I CHAS NI ME LONG LTA BU'I YE SHES LAS BYANG CHUB PA, KA LI DANG ZLA BA'I KHA DOG DMAR BA'I CHAS NI MNYAM PA NYID KYI YE SHES LAS BYANG CHUB PA YIN LA, DE LTAR SGOM PA LA RNAL 'BYOR ZHES BRJOD PA'I RGYU MTSAN YANG YOD DE, AA LI DANG KA LI GNYIS ZLA BA GCIG GI NGO BOR SBYOR BA DANG, ZLA BA GCIG NYID KYANG YE SHES KYI NGO BOR SBYOR BA'I DON YIN PA'I PHYIR RO, ,DE LTAR SGOM PA NI SBYANG GZHI LA PHA MA GNYIS KYI KHAMS DKAR DMAR GYI THIG LE RNAMS MA'I GSANG GNAS SU 'DRES PA DANG CHOS MTHUN PA YIN NO,, GNYIS PA NI, SNGAR NAM MKHAR BZHAG PA'I N'A DA

, ,DKAR LA DMAR BA'I MDANGS CAN DE NYID KYIS ZLA BA DKAR LA DMAR BA'I MDANGS CAN DE NYID MTHONG BA NA SANGS RGYAS YAB YUM GYI BYANG SEMS DKAR DMAR GYI NGO BOR GYUR PA'I ZLA BA'I DBUS SU ZHUGS LA SKYE BA BLANGS PA DANG 'DRA BA'I RANG NYID LHA'I SKUR BYAS TE SEMS CAN GYI DON BYA'O SNYAM DU 'PHEN PA DANG LDAN PAS ZLA BA DKAR LA DMAR BA'I MDANGS CAN GYI DBUS SU ZHUGS PAR SGOM DGOS TE, SDOM 'BYUNG LAS, AA LI KA LI ZHU BYAS PA'I, ,KHU KHRAG DE DAG GI DBUS SU, ,THIG LE'I GZUGS SU GNAS PAR 'GYUR, ,ZHES BAR DO MNGAL DU 'JUG PA'I TSUL BSHAD PA LTAR 'DIR YANG BSGOM PAR BYA BA YIN PA'I PHYIR RO, ,DE LTAR ZLA BA'I DBUS SU N'A DA BABS PA LAS YI GE H'Um RIM PAS RDZOGS PAR BYA BAR 'GREL PA GSUM LAS BSHAD LA, JI LTAR RDZOGS PA'I TSUL YANG YOD DE, N'A DA LAS THIG LE, DE LAS ZLA TSES, DE LAS MGO BO, DE LAS HA'I LUS, DE LAS AU GRUB PA'I TSUL GYIS H'Um YIG DKAR LA DMAR BA'I MDANGS CHAGS PA ZHIG TU BSGOM PAR BYA BA YIN PA'I PHYIR RO,, DE 'DRA BA'I H'Um YIG RDZOGS PA NI SO SOR RTOG PA'I YE SHES LAS BYANG CHUB PA YIN LA, DE RGYU RDO RJE 'DZIN PA'I RANG BZHIN CAN DU BSGOM PAR BYA BA YIN ZHING, DE LAS KHA DOG SNA LNGA PA'I 'OD ZER 'PHRO BA'I RTZE MO LAS 'KHOR LO LNGA'I LHA TSOGS 'PHROS, 'GRO BA RNAMS 'KHOR LO LNGA'I LHA TSOGS KYI GO 'PHANG LA BKOD, SNGON THOG MA MED PA NAS GRUB PA'I DPA' BO DANG RNAL 'BYOR MA LA SOGS PA PHYOGS BCU'I ZHING RNAMS NA BZHUGS PA RNAMS SPYAN DRANGS PA DANG LHAN CIG SNYOMS PAR 'JUG PA SNGON DU 'GRO

BAS ZHU BA H'Um YIG GI N'A DA LA THIM PAS H'Um YIG LHAN SKYES KYI DGA' BA'I RANG BZHIN CAN DU BSAM PA NI BYA BA GRUB PA'I YE SHES LAS BYANG CHUB PA YIN LA, YE SHES DE GNYIS LA RJES SU RNAL 'BYOR ZHES BRJOD PA'I RGYU MTSAN YOD DE, SNGAR RNAL 'BYOR DU BSHAD PA'I ZLA BA DKAR DMAR BDE BA CHEN PO'I RGYUR GNAS PA BZHIN DU 'DIR YANG DKAR LA DMAR BA'I MDANGS CAN GYI H'Um YIG KYANG BYANG CHUB KYI SEMS ZHU BA'I BDAG NYID DU GNAS PAS BDE CHEN GYI RGYUR RJES SU MTHUN PA'I DON GYIS DE LTAR BSHAD PA YIN PA'I PHYIR RO, ,DE RNAMS LAS 'BRAS BU'I HE RU KAR 'OG NAS BSHAD PA BZHIN SKYED PA YIN LA, DES NA SKABS 'DIR DE LTA BU'I MNGON BYANG LNGA'I SGO NAS SKYED PA'I TSUL 'DI LA SKYE BA SPRUL SKUR 'KHYER BA'I RNAL 'BYOR ZHES BYA STE, SBYANG GZHI LA BAR DO'I RNAM SHES PHA MA'I KHU KHRAG GI THIG LE'I DBUS SU NYING MTSAMS SBYAR NAS SKYE BA BLANGS PA DANG CHOS MTHUN PAR DE 'DRA BA'I SKYE BA DE SBYONG BAR BYED, RDZOGS RIM GYI SKABS SU DAG MA DAG GI SGYU MA'I SKUS RAGS PA'I SPRUL SKU BZUNG BA DANG RNAM PA MTHUN ZHING DE 'DRA'I RDZOGS RIM GYI RTOGS PA RGYUD LA SKYE BA'I DGE RTZA SMIN BYED KHYAD PAR CAN DU 'GYUR, 'BRAS BU'I SKABS SU LONGS SPYOD RDZOGS PA'I SKU SAR GNAS KYI BYANG CHUB SEMS DPA' YAN CHAD KYI MNGON SUM GYI SPYOD YUL DU GYUR PA DE NYID DAG MA DAG GI GDUL BYA THAMS CAD LA THUN MONG DU SNANG BA'I SGO NAS DON MDZAD PA'I SPRUL PA'I SKUR BSTAN PA DANG RNAM PA MTHUN ZHING, DA LTA NAS 'BRAS BU LAM BYED KYI TSUL DU BSGOMS PAS DE 'DRA BA'I SPRUL SKU DE MYUR DU 'THOB PA'I NUS PA 'JOG

, ,PA'I PHYIR RO, ,SBYANG GZHI LA DE LTAR RNAM PA MTHUN PA YANG YIN TE, 'BYUNG BZHI RI RAB DANG BCAS PAS NI PHA MA GNYIS KYI LUS KYI SPYI MTSON, SNA TSOGS PADMA CHUNG NGUS NI GZHI DUS KYI PHA MA GNYIS KYI RTZA 'KHOR BZHI MTSON, DBYANGS DKAR POS NI PHA'I G-YON RKYANG MA'I RTZA NAS 'BAB PA'I KHAMS DKAR PO MTSON, GSAL BYED DMAR POS NI MA'I G-YAS KYI RTZA RO MA NAS 'BAB PA'I KHAMS DMAR PO MTSON, DBYANGS GSAL GNYIS YONGS SU GYUR PA LAS ZLA BA DKAR LA DMAR BA'I MDANGS CAN DU SGOM PA NI PHA MA GNYIS KYI KHAMS DKAR DMAR RNAMS MA'I MNGAL DU 'DRES PA DANG CHOS MTHUN, ZLA BA'I DBUS SU N'A DA ZHUGS PA NI DE 'DRA BA'I THIG LE'I DBUS SU BAR DO'I RLUNG SEMS ZHUGS TE SKYE BA BLANGS PA DANG CHOS MTHUN, N'A DA LAS SNGAR BSHAD PA LTAR RIM GYIS H'Um YIG RDZOGS PA NI SDOM 'BYUNG LAS, MI BSKYOD GZUGS KYI NUR NUR PO, ,MER MER PO NI RIN CHEN 'BYUNG, ,DPAG MED MGON YANG LTAR LTAR PO, ,DON YOD GRUB PA GOR GOR PO, ,MKHRANG 'GYUR RNAM PAR SNANG MDZAD DE, ,RNAM PA LNGAR NI BSTAN PA YIN, ,ZHES SOGS GSUNGS PA LTAR MNGAL DU LUS RIM GYIS 'PHEL BA DANG CHOS MTHUN, DE RNAMS LAS 'BRAS BU'I HE RU KA RDZOGS PA NI MNGAL NAS PHYI ROL TU BTZAS PA SOGS DANG CHOS MTHUN PA YIN PA'I PHYIR, RGYUD 'DI DAG TU LHAN SKYES KYI BDE BA CHEN POS STONG NYID RTOGS PA'I BDE STONG GI YE SHES SGRUB TSUL RTZAL DU BTON NAS 'CHAD PAS DE 'DRA BA'I LAM DUS KYI BDE CHEN 'DREN PA'I THABS SHES KYI MTSON DON KHYAD PAR CAN YANG YOD DE, RDZOGS

RIM PA'I RNAL 'BYOR PAS LAS RGYA DANG SBYAR BA LAS LHAN SKYES KYI BDE CHEN 'DREN PA LA SBYOR BA SNA TSOGS PADMAS NI RNAL 'BYOR PA PHO MO GNYIS KYI RTZA 'KHOR DANG, DBYANGS KYIS YAB KYI KHAMS DKAR PO'I CHA DANG, GSAL BYED KYIS YUM GYI KHAMS DMAR PO'I CHA RNAMS MTSON ZHING, DE LAS ZLA BA DKAR LA DMAR BA'I MDANGS CHAGS PA BSKYED PAS NI KHAMS DKAR DMAR GYI 'DU 'PHROD DANG, DE'I DBUS SU N'A DA ZHUGS PA LAS H'Um YIG TU GRUB PAS NI BDE STONG GI YE SHES KHYAD PAR CAN MTSON PA'I PHYIR TE, BRTAG GNYIS LAS, ZLA BA'I STENG DU SA BON YIN, ,PHYI MAS BDUD LAS RGYAL BA BSNAN, ,GNYIS 'DUS PA LAS BDE CHEN SOGS, ,AA LI ZLA BA KA LI NYI, ,SA BON NANG DU SON GYUR PAS, ,RDO RJE SEMS DPA' ZHES BRJOD DE, ,MCHOG TU DGA' BA'I RANG BZHIN CAN, ,ZHES GSUNGS PA LTAR RO, ,AA LI DANG KA LI LAS ZLA NYI GNYIS SKYED PA DANG, ZLA BA DKAR LA DMAR BA'I MDANGS CHAGS PA SKYED PA SOGS NI MTSON DON LA SKABS 'DI DAG TU KHYAD PAR MED PAR SNGAR BSHAD ZIN TO, ,DE BZHIN DU RDZOGS RIM PA'I RNAL 'BYOR PAS NANG RDO RJE'I LUS LA GNAD DU BSNUN PAS BDE CHEN 'DREN PA YANG MTSON TE SNA TSOGS PADMAS NI RNAL 'BYOR PA'I RTZA 'KHOR BZHI DANG, GSAL BYED KYIS LTE BAR THOG MAR GNAD DU BSNUN PA LAS GTUM MO 'BAR BA DANG, DBYANGS KYIS SPYI BO'I RTZA 'KHOR NAS KHAMS DKAR PO ZHU NAS BABS PA MTSON ZHING, DE LAS ZLA BA DKAR DMAR SKYED PA NI KHAMS DKAR DMAR GYI 'DU 'PHROD DANG ZLA BA'I DBUS SU N'A DA ZHUGS PA LAS H'Um YIG BSGOMS PAS NI DE 'DRA BA'I

, ,'DU 'PHROD LA BRTEN NAS YAS BABS DANG MAS BRTAN GYI LHAN SKYES KHYAD PAR CAN 'DREN PA MTSON PA'I PHYIR RO, ,GZHAN YANG 'BYUNG BZHI RI RAB DANG BCAS PAS NI SGRUB PA PO RANG NYID DANG LAS KYI PHYAG RGYA GNYIS KA'I LUS SPYI MTSON PA DANG, H'Um YIG LA YE SHES LNGA'I RANG BZHIN DU BYAS PAS SNGAR BSHAD PA LTAR GYI PHYI PHYAG RGYA LA BRTEN PA DANG, NANG LUS LA GNAD DU BSNUN PA LA BRTEN NAS BYUNG BA'I BDE STONG GI YE SHES DE NYID LA LDOG PA'I SGO NAS PHYE NA YE SHES LNGAR YOD PA SOGS KYANG MTSON PAR BYED DE, PHYI NANG GI THABS GNYIS LA BRTEN NAS GTUM MO 'BAR BA LAS BDE CHEN 'DREN PA'I TSUL CUNG ZAD BSHAD NA, LVA BA PA'I 'GREL PA LAS, DBUGS RNAMS LTE BA'I RTZA BA NAS,, G-YAS DANG G-YON PA GNYIS DAG GIS, ,ZLA BA NYI MA RNAM PAR BSHAD, ,CHU SHING ME TOG LTA BU NI, ,LTE BA'I RTZA BA NAS 'GRENG BA, ,BA LANG RMIG 'DRA'I PADMA NI, ,BONG BU'I RNAM PAR SHES PAR BYA, ,'OG TU PHYOGS PA'I PADMA GANG, ,ZLA BA'I 'OD 'DRAS RNAM BRGYAN PA, ,DE DBUS RTAG TU STONG PA NI, ,H'Um YIG RLUNG GI RANG BZHIN CAN, ,'BAR BA MAR ME LTA BU STE, ,'OG GI RLUNG NI YONGS GANG LAS, ,SNYING GA NAS NI STENG DU RGYU, ,SPYI BO PHUG STE 'GRO BAR BSHAD, ,CES DANG, SAMBHU tA LAS, SNYING GI NANG SON PADMA NI, ,'DAB MA BRGYAD PA SNYING POR BCAS,, DE YI NANG DU SON PA'I RTZA, ,MAR ME RANG GI NGO BO CAN, ,CHU SHING GI NI ME TOG LTAR, ,BRKYANG ZHING KHA NI 'OG TU'O, ,ZHES BSHAD PA RNAMS KYI DON SNYING GA'I RTZA 'KHOR 'DAB MA BRGYAD PA DANG, DE'I DBUS NA DH'U T'I CHU SHING GI ME TOG LTAR SNGO ZHING KHA

'OG TU PHYOGS PA DANG, DE'I NANG NA ZLA BA'I 'OD DANG 'DRA BA'I H'Um YIG STE KUNDA LTA BU'I BYANG CHUB KYI SEMS GNAS LA, GZHI DUS LA DE LA 'CHI BA'I TSE MA GTOGS RLUNG 'BYUNG 'JUG MED CING, YANG LTE BA'I RTZA 'KHOR NA YANG G-YAS G-YON GYI RO RKYANG GNYIS RLUNG GIS GANG ZHING DBUS KYI DH'U T'IR RLUNG RGYU BAS STONG PAS NA BA LANG GI RMIG PA DANG 'DRA ZHING, PHYI DBYIBS GRU GSUM PA BONG BU'I GDONG PA DANG 'DRA BA'I RTZA 'DAB DRUG CU RTZA BZHI PA ZHIG YOD LA, DE'I 'OG GSANG GNAS KYI RTZA 'KHOR NA GTUM MO SKUL BYED KYI THUR SEL GYI RLUNG GNAS SHING RDZOGS RIM PA'I RNAL 'BYOR PAS PHYI PHYAG RGYA LA BRTEN PA DANG, NANG GTUM MO LA MAN NGAG BZHIN DU LTE BAR DMIGS PAS GNAD DU BSNUN PAS 'OG GI THUR SEL G-YOS TE LTE BA'I DH'U T'I'I NANG NAS GTUM MO KHYAD PAR CAN 'BAR TE SNYING GA'I DH'U T'I NAS BRGYUD DE SPYI BOR SONG BA LAS KUNDA LTA BU'I BYANG CHUB KYI SEMS ZHU BA LUGS 'BYUNG LUGS LDOG TU DRANGS PA LAS LHAN SKYES KYI BDE CHEN BSKYED DE BSGOMS STOBS KYIS RLUNG THIM PA LAS BYUNG BA'I GNYUG MA 'OD GSAL GYI SEMS BDE CHEN DE'I NGO BOR BSKYED DE YUN RING DU STONG PA NYID DANG YUL YUL CAN DU SBYAR NAS BSGOM PAR BYA BA YIN NO, ,SKABS 'DIR DKYIL 'KHOR SKAD CIG GIS SKYED PA'I SNGAGS BRJOD PAR BYED PA'I DON NI 'OG TU 'CHAD PAR 'GYUR RO;; GSUM PA LA LNGA, RTEN BRTEN PA SKYED TSUL MDOR BSTAN PA, GSAL GDAB PA RGYAS PAR BSHAD PA, PHYOGS MTHUN GYI DAG PA DANG LUS DKYIL SGOM PA'I TSUL, GO BGOS TE YE SHES PA BCUG NAS DBANG BSKUR BA, LHA RNAMS LA MCHOD CING

, ,BSTOD PA DANG DAG PA DRAN TSUL LO,, DANG PO NI, ZLA BA DBYANGS GSAL H'Um YIG DANG BCAS PA YONGS SU GYUR PA LAS RTEN BRTEN PA'I DKYIL 'KHOR THAMS CAD DUS GCIG TU GRUB PAR BSAM PA NI YE SHES LNGA'I NANG NAS CHOS KYI DBYINGS KYI YE SHES LAS BYANG CHUB PA DANG, SBYANG GZHI LA SNOD BCUD RNAM RIM GYIS GRUB PA YIN PAS JI LTA BA BZHIN DU CHOS MTHUN YANG MNGAL DU SKYE BA BLANGS NAS MNGAL DU LUS RDZOGS TE PHYI ROL TU BTZAS PA DANG 'DRA BAR SGOM PA YIN PAS SKYE BA SPRUL SKUR 'KHYER BA'I LAM 'KHYER DNGOS GZHI YIN LA, DE LTAR BSGOMS PA LA DGOS PA KHYAD PAR CAN YANG YOD DE, RDZOGS RIM GYI SKABS SU DAG MA DAG GI SGYU MA'I SKU'I RTEN DANG BRTEN PA'I DKYIL 'KHOR CIG CAR DU GRUB PA DANG RNAM PA MTHUN ZHING, DE 'DRA BA'I RDZOGS RIM GYI RTOGS PA SKYE BA'I RGYUD SMIN BYED DU 'GYUR BA DANG, GTZO BOR 'BRAS BU'I SKABS KYI LONGS SPYOD RDZOGS PA'I SKU'I RTEN BRTEN PA DUS MNYAM DU GRUB PA DANG RNAM PA MTHUN PAR DA LTA NAS 'BRAS BU LAM BYED KYI TSUL DU SGOM PA YIN PA'I PHYIR RO,, GNYIS PA LA GNYIS, RTEN GSAL GDAB PA DANG, BRTEN PA GSAL GDAB PA'O,, DANG PO LA GNYIS, DUR KHROD KYI RNAM GZHAG DANG, RTEN GZHAL YAS KHANG DNGOS SGOM PA'I TSUL LO,, DANG PO NI SDOM 'BYUNG 'GYUR RNYING LAS, RDO RJE RVA BA NANG DU NI, ,DUR KHROD BRGYAD KYIS BRGYAN PA'O, ,ZHES DANG, RDO RJE MKHA' 'GROR, TSON GYI SA YI NYIS 'GYUR DU, ,PHYI ROL 'OD KYI DKYIL 'KHOR BYA, ,'KHOR LO DE YI PHYI ROL TU, ,SHING LA SOGS PA'I DUR KHROD BYA, ,ZHES GSUNGS PA LTAR RDO RJE'I

RVA BA DANG ME RI'I PHYI ROL TU DUR KHROD BRGYAD BYA BA YIN LA, DUR KHROD KYI SKAD DOD SHVA SA TI ZHES PA LA NGES TSIG GIS BSNAN PA'I BSHAD PA BYAS PAS RO GNAS PA DANG ROS GNAS PA'I BYA BA BYED PAS NA DUR KHROD CES BYA BA YIN LA, DE 'DRA BA'I DUR KHROD NI MAN STE SNYE LAS, JI LTAR DUR KHROD NA RO RNAMS BDAG MED PA DE LTAR THAMS CAD LA'O ZHES PA BDAG MED PAR SEMS CAN THAMS CAD GNAS PA NI DUR KHROD DE, MDOR NA CHOS DANG GANG ZAG GI BDAG MED PA'I DE KHO NA NYID MTSON PAR BYED PA YIN LA, DE YANG RTEN BRTEN PA'I HE RU KA'I DKYIL 'KHOR BSGOMS PAS NGES DON GYI SNYING RJE CHEN PO DANG LHAN CIG SKYES PA'I BDE CHEN GYIS BDAG MED PA'I DE KHO NA NYID DANG RO GCIG TU ZHUGS PA'I BDE STONG GI YE SHES DE NYID MTSON PAR BYED PA YIN LA; DE 'DRA BA'I DUR KHROD BRGYAD DNGOS NI 'DI LTAR YIN TE, SDOM 'BYUNG LAS, GTUM DRAG DE BZHIN TSANG TSING DANG, ,RDO RJE 'BAR BA KENG RUS CAN, ,DBANG LDAN MAR NI MI BZAD BZHAD,, BYIN ZA RU NI BKRA SHIS MCHOG ,MUN PA DRAG PO BDEN BRAL DU, ,RLUNG PHYOGS KI LI KI LI'I SGRA, ,ZHES 'BYUNG BA RNAMS SO, ,DE 'DRA BA'I DUR KHROD BRGYAD PO RE RE NA YANG SHING DANG PHYOGS SKYONG DANG KLU DANG SPRIN GYI BDAG PO BRGYAD KYI RE RE GNAS PAS KHYAD CHOS BZHI LDAN DU SDOM 'BYUNG DU GSUNGS LA, DE BZHIN GSHEGS PA'I RDO RJE'I 'GREL PAR DE'I STENG DU ZHING SKYONG DANG RI DANG MCHOD RTEN DANG GRUB CHEN RNAMS BSNAN PAS KHYAD CHOS BRGYAD LDAN DU GSUNGS SHING, BRAM ZE RIN CHEN RDO RJES DE RNAMS KYI STENG DU YE SHES KYI ME BRGYAD DANG THUGS RJE'I CHU BRGYAD

, ,BSNAN PAS KHYAD CHOS BCU LDAN DU BYAS LA, GZHAN YANG KHVA TA DANG 'UG PA DANG CE SPYANG DANG BYA RGOD DANG 'OL BA PHO MO DANG SBRUL BA LANG GI MGO CAN LA SOGS PA PHYOGS SU RGYU BA'I RNAM PA CAN DU BSHAD DO, ,GNYIS PA NI DE'I NANG DU GDUG PA CAN RNAMS KYIS LTA BAR MI BZOD PA'I ME RI DANG RDO RJE'I RVA BA SOGS BSGOMS PA LA DGOS PA YOD DE, SGRUB THABS DNGOS GZHI SGOM PA LA BGEGS KYI BAR CHAD MI 'BYUNG BA'I CHED YIN PA'I PHYIR, DE'I NANG DU SNA TSOGS PADMA LTE BA LJANG GE SAR SER 'DAB MA RNAMS KHA DOG SNA TSOGS PA SGOM PA NI SNA TSOGS RDO RJE'I 'OG GZHI'I DON DU YIN LA, DE'I LTE BAR GZHAL YAS KHANG GI 'OG GZHI'I DON DU SNA TSOGS RDO RJE LTE BA GRU BZHI PA, RVA NYI SHU PA'AM BCU GNYIS PA, RVA'I SRID KYI TSAD RTA BABS SGO TSAD GSUM MA DANG GCIG MA LA RIM PA BZHIN RVA SGO TSAD BZHI MA DANG GNYIS MA YIN ZHING, RVA'I MDOG PHYOGS MDOG TU LVA BA PAS GSUNGS PA DANG RVA KHRA BYED PAR AA BHYAS GSUNGS PA GANG BYAS KYANG RUNG LA, DE'I STENG DU RTA BABS NI SGO TSAD GCIG MA DANG GSUM MA GANG RUNG DU BSGOM PAR NGES SHING, GNYIS KA'ANG SNAM BU BCU GCIG MA YIN NO, ,BRI BYA LA RTA BABS DANG RTZIG PA'I BAR LA SNAM BU YOD PA DANG MED PA'I PHYOGS GNYIS YOD KYANG BSGOM DON DANG BSLANGS PA'I DBANG DU BYAS NA CHA CHUNG GCIG YOD PAS KHYAB LA, GZHAL YAS KHANG GI PHYI NAS RIM PA BZHIN DU DKAR SER DMAR LJANG SNGO BA'I RTZIG PA LNGA PO BSDOMS PA'I ZHENG TSAD NI CHA PHRAN GCIG DANG, RTZIG PA RE RE'I ZHENG TSAD CHA PHRAN RE'I LNGA CHA RE YIN ZHING, DPANGS KYI TSAD CHA CHUNG

BCU GSUM, DE'I STENG DU PHA GU LA CHA PHRAN GCIG DRA PHYED LA CHA PHRAN GNYIS DANG BCAS PAS GZHAL YAS KHANG GI DPANGS CHA CHUNG BCU DRUG YIN ZHING, MDA' YAB DANG BYA 'DAB GNYIS DPANGS LA MI THE BA'I DBANG DU BYAS PA'O, ,NANG GI 'KHOR LO'I RGYA DPANGS KYI TSAD NI BDE CHEN 'KHOR LO'I LTE BA SGO TSAD GCIG DE'I 'DAB MA DANG 'KHOR LO GSUM LA CHA CHUNG GSUM RE DANG MU KHYUD LA CHA CHUNG PHYED RE YOD LA, DAM TSIG 'KHOR LO'I DPANGS KYI TSAD MA BSHAD CING, SKU GSUNG THUGS BDE CHEN GYI 'KHOR LO'I DPANGS KYI TSAD NI RIM PA BZHIN CHA CHUNG GNYIS DANG GCIG DANG PHYED DANG GCIG GI BZHI CHA STE, DE RNAMS KYI SNGA MA SNGA MA LAS PHYI MA PHYI MA RIM GYIS MTHO BA'O, ,LHA GTZO 'KHOR THAMS CAD KYI SKU'I TSAD SGO TSAD GCIG PA YIN YANG, 'KHOR LO'I DPANGS KYI TSAD DE NYID KYI DBANG GIS DAM TSIG SKU GSUNG THUGS BDE CHEN GYI LHA RNAMS RIM PAS GTZO BO'I ZHABS THAD DANG, LTE BA DANG, THUGS KA DANG, MGRIN PA DANG, MDZOD SPU'I THAD TZAM DU SKU'I TSAD KYIS SLEB PAR BSGOM PAR BYA BA YIN NO, ,'KHOR LO RNAMS KYI THOG JI LTAR DU BYA BA'I TSUL NI DAM TSIG 'KHOR LO'I ZUR GYI THOG NI GRU GCOD KYI TSUL GYIS GDUNG BTANG NAS 'BIBS PA YIN LA, SKU'I 'KHOR LO'I PHYOGS MTSAMS KYI RTZIBS RNAMS KYI BAR MTSAMS KYI THAD KYI LTE BA'I ZAD MTSAMS NAS KA BA DPANGS CHA PHRAN BCU DRUG ZHENG CHA PHRAN GCIG PA PHYOGS RER GNYIS GNYIS TE BRGYAD KYI STENG DU RDO RJE'I GDUNG ZLUM POR BTANG BA LA LCAM SNE NANG MA BKAL PHYI MA RNAMS DAM TSIG 'KHOR LO'I KHA GDANGS KYI STENG DU KA CHUNG BRE

, ,PHUL DANG BCAS PA BTZUGS PA'I STENG DU RDO RJE'I GDUNG 'KHOR MAR BYAS PA LA BKAL TE 'BIBS PA YIN LA, DE BZHIN DU GSUNG 'KHOR DANG THUGS 'KHOR GNYIS KYANG KA BA SKU 'KHOR LA BSHAD PA BZHIN DU BTZUGS PA'I STENG DU GDUNG ZLUM BSKOR DU BTANG BA LA LCAM SNE NANG MA RNAMS DANG, PHYI MA RNAMS RANG RANG GI 'OG GI THOG GI NANG GI PHYI MTHA'I STENG DU KA CHUNG BRE PHUL DANG BCAS PA'I STENG DU LCAM SNE BKAL BA'I TSUL DU PHUB, BDE CHEN 'KHOR LO'I PHYOGS MTSAMS KYI PADMA'I 'DAB MA'I BAR MTSAMS KYI THAD KYI PHYI'I MU KHYUD KYI PHYOGS RE RER KA BA GNYIS GNYIS TE BRGYAD KYI STENG DU RDO RJE'I GDUNG ZLUM BSKOR DU BTANG LA DE'I STENG DU PHYOGS BZHI'I GDUNG RE MIG TU BRES PA LA LCAM SNE BKAL BA'I TSUL GYIS PHUB STE DBUS MA'I RE MIG GI STENG DU RDO RJE NOR BU RIN PO CHE'I TOG GIS MDZES PA GUR STABS DANG MCHOD RTEN GYI DBYIBS SU BYA BA YIN ZHES BDAG GI BLA MA GSUNG NGO, ,DES NA RTEN GZHAL YAS KHANG SGOM PA'I TSUL 'DIR NI GAL CHE BA TZAM ZHIG BRJOD PA STE, ZHIB PAR 'DOD 'JO DANG BLA MA'I NGAG LAS SHES PAR BYA'O, ,RIM PA DANG PO'I SKABS 'DIR BDE STONG GI YE SHES RNAM PA DE LTA BU'I RTEN GZHAL YAS KHANG GI RNAM PAR SHAR BAR BSGOMS PA LA DGOS PA YOD DE, SBYANG GZHI LA RANG NYID MA DAG PA'I SNOD KYI 'JIG RTEN LA LONGS SPYOD DGOS PA'I LAS KYI NUS PA DE SBYONG, RDZOGS RIM GYI SKABS SU DAG MA DAG GI SGYU LUS KYI RTEN GZHAL YAS KHANG DNGOS GNAS LA GRUB PA 'BYUNG BA'I DGE RTZA SMIN BYED KHYAD PAR CAN DU 'GYUR, 'BRAS BU SANGS RGYAS KYI SA'I YE SHES RANG

SNANG GI GZHAL YAS KHANG DANG RNAM PA MTHUN ZHING, DA LTA NAS 'BRAS BU LAM BYED KYI TSUL DU BSGOMS PAS DE 'DRA BA DE MYUR DU 'GRUB PA'I NUS PA KHYAD PAR CAN 'JOG PA'I PHYIR RO, ,GNYIS PA BRTEN PA LHA GSAL GDAB PA'I TSUL LA GNYIS, GTZO BO YAB YUM GSAL GDAB PA DANG, 'KHOR GYI LHA RNAMS GSAL GDAB PA'I TSUL LO,, DANG PO NI RJE NYID KYI SGRUB THABS LAS, DBUS KYI PADMA'I LTE BAR NYI MA'I GDAN LA ZHES PA NAS MI MGO SKAM PO LNGA BCU'I DO SHAL CAN NO ZHES PA'I BAR GYIS GTZO BO YAB YUM SGOM PA BSHAD LA, DE YANG GONG DU BSHAD PA LTAR RTEN BRTEN PA'I DKYIL 'KHOR THAMS CAD DUS GCIG TU BSKYED DE SGRUB PA PO RANG GI YID NGOR GSAL 'DEBS PA NI RIM GYIS GSAL BTAB PA'I TSUL GYIS SGOM PA YIN LA, GTZO BO YAB YUM SGOM PA'I TSUL 'DI LA RTZA RGYUD LAS NI SKU MDOG MTHING NAG ZHAL BZHI PA PHAG MO DMAR MOS 'KHYUD PA TZAM LAS GSAL BAR MA BSHAD LA, BSHAD RGYUD RNAMS LAS NI MI 'DRA BA'I TSUL DU MA ZHIG BSHAD DE, MNGON BRJOD KYI BCO BRGYAD PAR GTZO BO ZHAL GSUM PHYAG DRUG PA DANG, NYER DGU PAR LHA DGU MA'I GTZO BO ZHAL DRUG PHYAG BCU GNYIS PA ZHABS G-YAS BRKYANG GIS BZHUGS PA DANG, NYI SHU PAR ZHAL BRGYAD PHYAG BCU DRUG PA DANG, ZHAL BCU GNYIS PA PHYAG NYER BZHI PA YANG BSHAD LA, DE LAS KYANG MANG BA'I ZHAL PHYAG KYANG GSUNGS SHING, SO GNYIS PA LAS LHA BCU GSUM MA'I GTZO BO LA ZHAL BZHI PHYAG BCU GNYIS SKYIL KRUNG PHYED PA'I GAR STABS KYIS DUS MTSAN MNAN PA DANG, LE'U DGU PAR ZHAL BZHI PHYAG BCU GNYIS PA G-YAS BRKYANG GIS

, ,BZHUGS PA YUM GYIS 'KHYUD PA'I YAB KYI SKU LA LHA RE GNYIS BKOD PA DANG, GZHAN YANG RDO RJE MKHA' 'GRO DANG SDOM 'BYUNG KUN SPYOD SAMBHU tA SOGS LAS KYANG SKU MDOG DANG ZHAL PHYAG GI RIM PA SNA TSOGS PA ZHIG BSHAD KYANG, L'U DRIL NAG GSUM GYI SGRUB THABS SU GTZO BO ZHAL BZHI PHYAG BCU GNYIS PA DPRAL BAR RDO RJE RTZE LNGA PA'I PHRENG BA 'DZIN PA, ZHAL RE RE LA SPYAN GSUM GSUM PA, ZHABS G-YAS BRKYANG GIS 'JIGS BYED DANG, G-YON BSKUMS PAS DUS MTSAN MNAN PA SOGS SU BSHAD PA NI KUN SPYOD LAS, PHYAG GNYIS YANG DAG 'KHYUD PA DANG, ,GNYIS KYIS GLANG PO'I PAGS PA 'DZIN, ,DGRA STA MDUNG RTZE GSUM GRI GUG ,d'A MA RU NI G-YAS PAS 'PHYAR, ,KHA tV'Am GA DANG THOD PA'I KHRAG ,ZHAGS PA MGO BO 'PHYAR BA STE, , G-YON PA RU NI YANG DAG BSHAD, ,CES PHYAG RGYA DANG PHYAG MTSAN GYI RIM PA'I NGES CAN MA SMOS KYANG DON LA L'U YI PA'I SGRUB THABS NAS 'BYUNG BA BZHIN YIN LA, MNGON BRJOD KYI LE'U BDUN PA LAS PHYAG MTSAN GNYIS DANG, DAM TSIG GI RDO RJE PHAG MOS 'KHYUD CES PA MA GTOGS ZHAL GYI GRANGS DANG DE'I MDOG DANG SKU MDOG PHYAG MTSAN LHAG MA DANG RAL PA'I THOR TSUGS SOGS 'DI BZHIN DU BSHAD LA, G-YON PA'I PHYAG DRUG PAS TSANGS MGO BSNAMS PA LA BDUD BZHI'I MGO BSNAMS PAR BSHAD CING, YUM GYI PHYAG G-YAS PAS RDO RJE 'DZIN PAR MNGON BRJOD KYI SKABS MANG POR GSUNGS LA, SDOM 'BYUNG LAS DRIL BU PA'I SGRUB THABS LTAR GRI GUG BSNAMS PAR BSHAD DE, PHYAG RGYA DRUG GIS BRGYAN PAR GSUNGS PA'I PHYAG RGYA DRUG NI MGUL RGYAN

DANG GDU BU DANG RNA CHA DANG SPYI GTZUG TU RNAM PAR BRGYAN PA'I NOR BU DANG MCHOD PHYIR THOGS DANG THAL CHEN RNAMS SO, ,YAB YUM GYI SKU'I MNGON RTOGS DNGOS NI SGRUB THABS SU 'BYUNG BA BZHIN YIN LA, 'DIR ZHAL PHYAG PHYAG MTSAN RGYAN SOGS KYI MTSON DON CUNG ZAD BSHAD NA, YAB YUM MNYAM PAR SBYAR BAS NI BSGOM BYA'I STONG NYID LA SNGAGS DANG PHAR PHYIN GYI THEG CHEN GNYIS KHYAD PAR MED KYANG, YUL CAN THUN MONG MA YIN PA LHAN SKYES KYI BDE BA CHEN POS STONG NYID BSGOM PA'I THABS SHES KHYAD PAR CAN DBYER MED DU SBYAR BA 'DI PA'I KHYAD CHOS YIN PAS DE NYID MTSON PA DANG, DE LTA BU'I BDE CHEN YANG PHYI'I RTEN PHYAG RGYA DANG MNYAM PAR SBYAR BA LA RAG LAS PAR BSTAN PA'I PHYIR YIN LA, DBU'I G-YON GYI ZLA BA PHYED PAS NI SPYI BO'I KHAMS DKAR PO DANG, PHYI NANG GI THABS KHYAD PAR CAN GNYIS LA BRTEN NAS DE NYID ZHU BAS LUS KYI GNAS RNAMS SU KHYAB PA NI MI RUS KYI THAL BAS LUS THAMS CAD BYUGS PAS MTSON, DE LAS SEMS LHAN SKYES KYI BDE BA'I NGO BOR SKYES PA NI KHA tV'Am GAS MTSON ZHING, RTOGS BYA'I YUL STONG PA NYID DE LA LDOG PAS PHYE NA RNAM THAR BZHI RE YOD PA NI ZHAL BZHIS MTSON LA, PHYAG DANG PO GNYIS KYIS RDO DRIL 'DZIN PAS YUM LA 'KHYUD PAS NI BDE STONG GI THABS SHES DBYER MED DU SBYAR BA MTSON, DE 'DRA BA'I BDE BAS STONG NYID RTOGS PA'I YE SHES KYIS GTI MUG BDEN 'DZIN SPANGS PA NI GLANG PO CHE'I PAGS PAS MTSON ZHING, d'A MA RU DANG DGRA STA DANG GRI GUG DANG MDUNG RTZE GSUM PA BZHIS NI MCHOG TU DGA' BA'I SGRAS SANGS RGYAS THAMS CAD KYI THUGS RGYUD

, ,SKUL BA DANG, BDE STONG GI YE SHES KYIS SGO GSUM GYI SKYON DANG MTHAR 'DZIN GYI RNAM RTOG GCOD PA DANG, KHAMS GSUM GYI NYON MONGS PA RNAMS 'BIGS PA MTSON PAR BYED LA, G-YON PA'I PHYAG LHAG MA'I PHYAG MTSAN THOD PA DANG RDO RJE'I ZHAGS PA DANG TSANGS PA'I MGO RNAMS KYIS NI BDE CHEN GYI ROS GANG BA DANG, RANG GZHAN GYI RGYUD BDE BA CHEN PO'I YE SHES KYIS 'CHING BA DANG, TSANGS PA MI GNAS PA'I MYA NGAN LAS 'DAS PA MNGON DU BYAS PA RNAMS MTSON PAR BYED CING, DPRAL BA'I RDO RJE RTZE LNGA PA'I PHRENG BAS YE SHES LNGA DANG, AA LI KA LI DAG PA'I MGO PHRENG LNGA BCUS BDE CHEN GYI YE SHES DE LA THABS DE NYID DANG SHES RAB STONG PA NYID RTOGS PA'I BDAG NYID CAN GNYIS SU YOD PAR MTSON, 'BRAS DUS KYI BDE BA CHEN PO'I YE SHES KYIS SHES BYA THAMS CAD MNGON SUM DU MKHYEN PA NI SPYAN GSUM GYIS MTSON PA'I DON YIN LA, STAG LPAGS KYI SHAM THABS GROL BAS CHAGS SOGS DANG BRAL BA DANG, ZHAL RNAM PAR 'GYUR BAS LOG LTA KUN LAS LOG PA DANG, MCHE BA GTZIGS PAS BDUD BZHI BCOM PA DANG, PHYAG BCU GNYIS KYIS MA RIG PA SOGS RTEN 'BREL BCU GNYIS SPANGS PA DANG, THOD SKAM GYI DBU RGYAN GYIS ZHI MTHA' SPANGS PA'I 'OD GSAL LAS ZUNG 'JUG GI SKUR BZHENGS PA DANG, SPYI BO'I SNA TSOGS RDO RJES PHRIN LAS BZHIS SEMS CAN GYI DON MDZAD PA DANG, PHYAG RGYA DRUG GIS PHAR PHYIN DRUG DANG, SGEG PA LA SOGS PA'I SKU GSUNG THUGS KYI NYAMS DGUS BDE BA CHEN PO'I YE SHES DE NYID LA YUM BZHI'I NGO BOR GYUR PA'I MI RTOG PA'I ZHI GNAS KYI CHA DANG, RIGS

LNGA'I NGO BOR GYUR PA'I SO SOR RTOG PA'I SHES RAB LHAG MTHONG GI CHA GNYIS YOD PA DE MTSON PA DANG, RAL PA GYEN DU BRDZES PA YON TAN GONG DU 'PHEL BA MTSON, ZHABS 'OG TU DRAG PO YUM BCAS MNAN PAS NI RTAG CHAD KYI MTHA' GNYIS MNAN PA DANG, DE LTAR MNAN PA LAS MI 'DA' BAS 'GRO BA KUN ZIL GYIS MNAN PA MTSON LA, DE LTA BU'I MTSON DON DANG DAG PA DRAN PA'I SGO NAS RIM PA DANG PO'I SKABS 'DIR NAN TAN DU SGOM DGOS TE, DE LTAR BSGOMS PAS RGYUD SMIN PAR BYAS PA LA BRTEN NAS SKU'I CHA SHAS DE DANG DES MTSON PA'I RIM PA GNYIS PA'I SKABS KYI BDE STONG GI YE SHES DANG, SPANGS RTOGS KYI CHA SO SO DANG, DE DAG DNGOS SU MTSON BYED KHYAD PAR CAN DANG LDAN PA'I DAG MA DAG GI SGYU MA'I SKU RNAMS 'GRUB LA, DE LA BRTEN NAS 'BRAS DUS KYI SKU BZHI'I YON TAN RNAMS 'GRUB PAR 'GYUR BA'I PHYIR RO, ,DE LTAR GTZO BO YAB YUM GSAL BTAB NAS BSGOMS MA THAG TU MKHA' GSANG BYIN GYIS BRLAB PA SOGS BYAS NAS SNYOMS PAR ZHUGS PA LAS BDE CHEN 'DREN PA'I TSUL SGRUB THABS SU GSUNGS PA NI KHYAD PAR GSAL BYED DANG 'KHRUL SPONG DANG PRADZNY'A RAKshI TA SOGS KYIS BSHAD PA LTAR BKOD PA YIN LA, DE YANG YAB YUM GNYIS KYI LTE BA LA SOGS PA'I GNAS BZHIR ZLA NYI'I DKYIL 'KHOR RNAMS ME LONG GYEN DU BSLANG BA LTAR BKOD LA, DE'I NGOS PHYIR BSTAN PA LA NYI GDAN LA YAB KYI SNYING PO DANG NYE SNYING, ZLA GDAN LA YUM GYI SNYING PO DANG NYE SNYING 'GOD PA SOGS SGRUB THABS NAS 'BYUNG BA LTAR BYA DGOS PA NI, KUN SPYOD LAS, SNGAGS PAS DPA' BO RNAL 'BYOR MA

, ,BYIN BRLAB, ,YI GE DHA NI SNA RTZER YANG DAG SBYAR, ,BY'A NI MTSAN GYI LTE BAR RNAM PAR DGOD, ,LTE BA SNYING GA KHA DANG DPRAL BA RU, ,SNGAGS KYI TSOGS DANG BCAS PAS BYIN GYIS BRLAB, ,LTE BA SNYING RAR RNAL 'BYOR MA, ,SANGS RGYAS MKHA' 'GRO MA YIS TE, ,CE DANG SPYI BO GNYIS SU NI, ,DPA' BOS BYIN GYIS BRLAB PAR BYA, ,RNAL 'BYOR MA DANG DPA' GNYIS MED, ,CES PAS GSAL BAR BSTAN PA YIN LA, DE LTAR GSANG GNAS DANG GNAS BZHI BYIN GYIS BRLABS TE YAB YUM SNYOMS PAR ZHUGS PA LAS YAS BABS KYI DGA' BA BZHI LEGS PAR BSKYED DE BDE STONG DBYER MED DU SBYAR NAS BSGOMS PA LA DGOS PA YOD DE, RDZOGS RIM GYI SKABS KYI BDE STONG GI YE SHES KHYAD PAR CAN 'GRUB PA'I RGYUD SMIN BYED DU 'GYUR BA DANG, DA LTA MOS PA YID BYED KYIS BSGOMS PAS KYANG RIM PA DANG PO'I SKABS KYI LUGS 'BYUNG GI DGA' BA BZHI DNGOS GNAS LA 'GRUB PAR 'GYUR BA DANG, DE DAG 'GRUB PA'I GZHI'I GNAS DE DANG DE'I RTZA RLUNG THIG LE RNAMS BYIN GYIS BRLAB PA DANG, SNGAGS SKYES DANG ZHING SKYES DANG LHAN SKYES KYI PHO NYA MO KHYAD PAR CAN RNAMS DANG MYUR DU 'DU BA RNYED PAR 'GYUR BA DANG, BSKYED RIM GYI SKABS KYI RTEN BRTEN PA'I DKYIL 'KHOR THAMS CAD BDE STONG GI YE SHES KYI RNAM ROL DU 'CHAR BAS LHA'I RNAL 'BYOR KHYAD PAR CAN DU 'GYUR BA SOGS KYI DGOS PA YOD PA'I PHYIR TE, KUN SPYOD LAS, DANG POR DGA' BA DPA' BO STE, ,MCHOG TU DGA' BA RNAL 'BYOR MA, ,RAB TU DGA' BA MA LUS NYID, ,BDE DE THABS DE KUN RIG PA'O, ,MTHO RIS SA STENG SA 'OG TU, ,

SKAD CIG GIS NI LUS GCIG 'GYUR, ,ZHES GSUNGS PA LTAR YIN PA'I PHYIR RO, ,GNYIS PA 'KHOR RNAMS GSAL GDAB PA'I TSUL NI, 'KHOR LO LNGA LAS THOG MAR BDE CHEN GYI 'KHOR LO PADMA 'DAB MA BRGYAD PA'I SHAR LA SOGS PA PHYOGS BZHIR G-YON BSKOR GYIS MKHA' 'GRO MA LA SOGS PA SGRUB PA PO LA MCHOG DANG THUN MONG GI DNGOS GRUB STER BAR BYED PA BZHI SGRUB THABS NAS 'BYUNG BA BZHIN BSKYED PAR BYA BA YIN LA, 'DI BZHI'I SKU MDOG ZHAL PHYAG GI GRANGS DANG PHYAG MTSAN DANG BZHUGS TSUL NI PHAL CHER MNGON BRJOD KYI LE'U BZHI PA LAS GSUNGS PA LA BRTEN PA YIN ZHING, MTSAMS BZHIR ZLA GDAN LA BDUD RTZI LNGAS GANG BA'I THOD PA BZHI BSAM PAR BYA BA YIN TE, KUN SPYOD LAS, PHYOGS BRAL GYI NI BZHI PO DAG ,LNGA YIS GANG BA'I THOD PA NYID, ,CES PA DANG, SDOM 'BYUNG LAS KYANG DE DANG MTHUN PAR BSHAD PA'I PHYIR RO, ,DE NAS 'KHOR LO GSUM GYI SKYED TSUL NI, 'KHOR LO'I RTZIBS NYER BZHI LA P'U LLI RA MA YA LA SOGS PA YUL NYER BZHI'I MING GIS BTAGS NAS DE RNAMS SU KHAndA KA P'A LA SOGS DPA' BO DANG, RAB GTUM MA SOGS DPA' MO NYER BZHI MNGON RTOGS NAS 'BYUNG BA BZHIN BSKYED NAS BSGOMS PA'I DGOS PA NI YUL NYER BZHI PO DE DAG NA BZHUGS PA'I DPA' BO DANG RNAL 'BYOR MA RNAMS KYIS RANG NYID KYI RGYUD DNGOS SU BYIN GYIS RLOB PAR 'GYUR BA'I DGOS PA KHYAD PAR CAN BGYI CHED YIN LA, MNGON BRJOD LAS THUGS GSUNG SKU'I LHA DE RNAMS NI RIM PAS MKHA' LA SPYOD PA DANG SA LA SPYOD PA DANG SA 'OG NA SPYOD PA DANG, ZHES DANG, KUN SPYOD DU, DE DAG TU

, ,RGYU BA ZHES GSUNGS PA'I DON YANG YOD DE, SNGON THOD PA'I DUM BU LA SOGS PA'I MING CAN GYI LHA DANG DRI ZA BZHI NAM MKHA' LA SPYOD PAS P'U LLI RA MA LA YA SOGS YUL BRGYAD BZUNG BA DANG, MYU GU CAN LA SOGS PA'I MING CAN GYI GNOD SBYIN BZHI DANG, SRIN PO BZHI SA LA SPYOD PAS K'A MA RU PA LA SOGS YUL BRGYAD BZUNG BA DANG, STOBS PO CHE LA SOGS PA'I MING CAN GYI KLU BZHI DANG, LHA MA YIN BZHI SA 'OG NA SPYOD PAS PRE TA P'U RI LA SOGS PA'I YUL BRGYAD BZUNG BA RNAMS RIM PA BZHIN DU THUGS GSUNG SKU'I LHA YAB YUM RNAMS KYIS BTUL NAS MING DANG CHA LUGS 'DRA BAR MDZAD PAS 'DUL BYED LA GDUL BYA'I MING DU BTAGS NAS BSTAN PA YIN PA'I PHYIR RO, ,'KHOR LO GSUM GYI LHA YAB YUM RNAMS KYI SKU MDOG SOGS NI MNGON BRJOD LAS, YANG NA SKU GSUNG THUGS KYI NI, ,CI 'DOD MDOG NI DBYE BA BYA, ,ZHES GSUNGS PA LA BRTEN NAS YIN LA, DPA' BO RNAMS ZHAL GCIG PHYAG BZHI PA DANG, PHYAG MTSAN 'DZIN TSUL SOGS SHAS CHER MNGON BRJOD LE'U BZHI PA LAS GSUNGS PA LA BRTEN CING, RNAL 'BYOR MA NYER BZHI'I ZHAL PHYAG GI GRANGS DANG PHYAG MTSAN KUN SPYOD DANG MTHUN LA, DPA' BO RNAMS KYI G-YAS DANG POS RDO RJE 'DZIN PA'ANG KUN SPYOD LA BRTEN PA YIN ZHING, DRIL BU ZHABS KYIS 'KHOR GYI LHA THAMS CAD KYANG ZHAL GCIG PHYAG GNYIS PA DANG, DPA' BO RNAMS PHYAG MTSAN RDOR DRIL 'DZIN PA DANG, YUM RNAMS GRI THOD 'DZIN PAR BSHAD PA'ANG RNAL 'BYOR MA KUN SPYOD LA BRTEN NAS SO, ,KUN SPYOD LAS, DPA' BO NYI SHU RTZA BZHI NI, ,PHYAG RGYA

LNGA LA SOGS PAS BRGYAN, ,ZHES GSUNGS SHING, HE RU KA DPAL LA SOGS KUN, ,G-YAS BRKYANG BA YI STABS DANG LDAN, ,MGUR CHU GDU BU GDUB SKOR DANG, ,ZHES SOGS KYIS PHYAG RGYA DRUG GIS BRGYAN PAR YANG BSHAD PAS DE DAG GIS BRGYAN PAR BYA BA YIN LA, DAM TSIG 'KHOR LO'I KHVA GDONG MA SOGS BZHI DANG GSHIN RJE BRTAN MA SOGS BZHI PHYOGS MTSAMS SU 'GOD PA NI SNGON DE DAG GI MING CAN MI'AM CI MO BZHI DANG PHRA MEN MA BZHIS DUR KHROD BRGYAD DAM 'THUNG SPYOD DANG NYE BA'I 'THUNG SPYOD SOGS BZUNG NAS GNAS PA'I TSE SGO MTSAMS MA BRGYAD KYIS MTSAN DANG CHA LUGS DE DAG DANG 'DRA BAR MDZAD NAS BTUL BAS GDUL BYA'I MING GIS 'DUL BYED LA BTAGS NAS BSTAN PA YIN LA, BSGOMS PA'I DGOS PA NI DE DAG GIS SGRUB PA PO RANG NYID BYIN GYIS RLOB PA DANG DNGOS GRUB KHYAD PAR CAN STER BA'I CHED DO, ,DPA' BO RNAL 'BYOR MA KUN GYI, ,DPRAL BAR RDO RJE'I PHRENG BA'O, ,ZHES LHA RNAMS KYI DPRAL BAR RDO RJE RTZE LNGA PA'I PHRENG BA 'DZIN PA DANG, LHA THAMS CAD KYI PHYAG DANG PO GNYIS KYIS RDOR DRIL 'DZIN PAR MDZAD PA SOGS KYI JO BO CHEN PO'I 'GREL PAR RNAL 'BYOR GYI DBANG PHYUG L'U YI PAS RIGS DRUG PA HE RU KA'I SGRUB THABS RTZA BA'I DKYIL 'KHOR CHEN PO MDZAD PA'I DON RGYUD LTAR BKRAL BA ZHES L'U YI PA'I LUGS KYI SGRUB THABS 'DI RIGS DRUG PA'I SGRUB THABS DANG, DKYIL 'KHOR GYI NANG NAS RTZA BA'I DKYIL 'KHOR CHEN POR GSUNGS PA LTAR DE NYID KYI DBANG DU BYAS PA YIN LA, DRIL BU ZHABS KYIS RE GNYIS PA'I SGRUB THABS KYANG RIGS DRUG PA'I DBANG DU BYAS SO, ,'KHOR

, ,LO GSUM GYI LHA RNAMS RNAM SNANG MTHA' MI BSKYOD PA'I RIGS SU 'JOG PA'I DON GYIS DE DAG SKU GSUNG THUGS SU 'JOG PAR YANG BSHAD CING, DKYIL 'KHOR 'DI RIGS BSDUS KYI DKYIL 'KHOR YANG YIN LA, HE RU KA'I DKYIL 'KHOR RNAMS KYI NANG NAS GTZO BO DANG MCHOG KYANG YIN NO,, GSUM PA PHYOGS MTHUN GYI DAG PA DANG LUS DKYIL SGOM PA'I TSUL LA GNYIS, PHYOGS MTHUN GYI DAG PA SGOM PA'I TSUL DANG, LUS DKYIL SGOM PA'I TSUL LO,, DANG PO NI BYANG CHUB PHYOGS MTHUN GYI DAG PA 'DI DAG SGOM PA'I SKABS MTHA' GCIG TU MA NGES TE, MNGON BRJOD LAS, MA NGAL BAR DU LHA SGOM PA DANG SNGAGS BZLAS PAR BYAS NAS NGAL NA DAG PA BSGOM PAR BSHAD LA, L'U YI PA'I SKABS 'DI DANG, DRIL BU PAS LUS DKYIL GYI LHA SGOM PA RDZOGS MA THAG DAG PA BSGOM PAR BSHAD CING, NAG PO PAS LHA RDZOGS PAR SGOM PA DANG DE LA YE SHES PA BCUG NAS DBANG BSKUR TE MCHOD PA BYAS PA'I 'JUG THOGS SU BSGOM PAR BSHAD PA'I PHYIR RO, ,'DI BSGOMS PA'I DGOS PA NI 'GREL PA GSUM LAS LHA'I RNAM PA LA ZHEN PA 'DOR BA DANG, THAMS CAD SHES PA NYID 'THOB PA'I PHYIR BSGOM PAR BSHAD LA, JO BO CHEN POS DGOS PA BZHI GSUNGS KYANG DE THAMS CAD KYI DON NYE BAR BSDUS NA 'DI LTAR YIN TE, PHYAG RGYA 'DU BYAS SHING MKHA' GSANG BYIN GYIS BRLABS TE SNYOMS PAR ZHUGS PA LAS DGA' BA BZHI DRANGS PA'I LHAN SKYES KYI DGA' BA'I YUL CAN DE NYID CHOS CAN BYANG PHYOGS SO BDUN RANG BZHIN MED PAR RTOGS PA'I YUL STONG PA NYID DANG NGO BO DBYER MED DU SBYAR

TE; DE 'DRA BA'I BDE STONG GI YE SHES DE NYID LHA DRUG CU RTZA GNYIS SU SHAR BAR SGOM PA DE LA BYANG PHYOGS SO BDUN GYI DAG PA SGOM PA'I THA SNYAD BYAS PA YIN LA, DE LTAR BYAS PA LA DGOS PA KHYAD PAR CAN YOD DE, LAM 'DI'I GDUL BYA'I GTZO BOS BYANG PHYOGS SO BDUN GYIS MTSON PA'I LAM THUN MONG BA RNAMS LA 'DRIS PAR BYED DGOS PAR BSTAN PA DANG, THEG PA GSUM GYI LAM GYI GNAD THAMS CAD BYED LAS KYI SGO NAS LAM 'DIR 'DUS PAR GO BA'I CHED DANG, RDZOGS RIM DANG 'BRAS BU'I SKABS SU CHOS CAN BYANG PHYOGS SO BDUN RANG BZHIN MED PAR MNGON SUM DU RTOGS PA'I BDE BA CHEN PO'I 'OD GSAL DANG LHA DRUG CU RTZA GNYIS SU SHAR BA'I LHA'I SKU NGO BO DBYER MED ZUNG 'JUG KHYAD PAR CAN 'GRUB PA'I RGYUD SMIN BYED DU 'GYUR BA'I PHYIR RO, ,SPYIR BYANG PHYOGS SO BDUN GYI DAG PA 'DI LTAR BSGOMS PA LA DGOS PA GZHAN YANG YOD DE, 'BRAS BU'I SKABS KYI BDE BA CHEN PO'I YE SHES DE NYID LHA'I 'KHOR LOR SHAR BA'I ZAB GSAL DBYER MED KYI YE SHES DANG RNAM PA MTHUN PA'I 'BRAS BU LAM DU BYED PA DANG, RIM PA GNYIS PA'I SKABS SU BDE STONG DBYER MED KYI YE SHES RGYUD LA SKYE BA'I RGYUD SMIN BYED DU 'GYUR BA DANG, RIM PA DANG PO'I SKABS SU 'DI PA'I THUN MONG MA YIN PA'I LHA SKU DANG MTSAN NYID THEG PA NAS BSHAD PA'I STONG NYID GNYIS ZAB GSAL GNYIS SU MED PAR SGOM SHES PA DANG, RIM PA DANG PO'I SKABS SU LHA'I SKU 'JA' TSON TZAM 'BA' ZHIG TU ZHEN PA SPANGS NAS BDE BA CHEN PO'I YE SHES DE NYID DU SHAR BAR SHES PA'I PHYIR DU 'DI'I GDUL BYA DBANG PO RTUL POS BYANG PHYOGS SO BDUN

, ,LHA SO BDUN DU SHAR BAR SGOM PA DANG, RNON POS BYANG PHYOGS SO BDUN RANG BZHIN MED PAR RTOGS PA'I BDE BA CHEN PO'I YE SHES DE NYID LHA DRUG CU RTZA GNYIS SU SHAR BAR SGOM SHES PAR BYA BA'I CHED YIN PA'I PHYIR RO, ,'DI DAG GI GO RIM SGOM TSUL SOGS GTZO BOR MNGON BRJOD DANG KUN SPYOD GNYIS LAS BSTAN, SAMBHU tA NAS GSUNGS PA BZHIN GRUB CHEN GYIS GZHUNG DU BKOD PA YIN LA, BYANG CHUB KYI PHYOGS KYI CHOS LA SO BDUN DU YOD CING DKYIL 'KHOR PA'I LHA LA RE GNYIS SU GSUNGS PA GRANGS MI MTHUN PA'I NYES PA MED DE, DPA' BO DANG DPA' MO NYER BZHI YAB YUM ZUNG GRANGS GCIG TU BYAS PA'I DBANG DU BYAS PA YIN LA, DE LTAR BYAS NAS DNGOS SU DPA' BO NYER BZHI DANG SBYAR BAS DON GYIS GO BAR BYA BA YIN PA'I PHYIR RO; ;CHOS GANG DANG GANG LHA GANG DANG GANG DU SBYOR BA SOGS RGYAS PAR NI SGRUB THABS DANG 'DOD 'JO LAS SHES PAR BYA'O,, GNYIS PA LA GNYIS, LUS DKYIL SPYI'I RNAM GZHAG MDO TZAM DU BRJOD PA DANG, SGOM TSUL DNGOS SO,, DANG PO NI RTZA RGYUD LAS, RNAL 'BYOR PA YI SA DANG GNAS, ,HE RU KA DPAL SKU'I YAN LAG ,THAMS CAD BRTAN G-YO'I BDAG NYID CAN, ,ZHES DANG, MTHO RIS SA STENG SA 'OG TU, ,DPA' BO'I YAN LAG BRTAN G-YO'I BDAG ,P'U LA SOGS PA GANG BSTAN PA, ,PHYI NANG BDAG NYID CAN DU GNAS, ,ZHES PA TZAM LAS LUS DKYIL RGYAS PAR GSAL BAR MA GSUNGS LA, BSHAD RGYUD MNGON BRJOD LE'U DGU PAR GZHAL YAS KHANG GI LTE BAR BSKYED PA'I HE RU KA'I LUS LA BKOD PA'I LUS DKYIL BSGOM PA DANG, DE LA DPA'

BO GCIG PA'I LUS DKYIL ZHES BSHAD DE, RTEN GYI DKYIL 'KHOR LA DGOD PA'I DBANG DU BYAS NA YAB YUM ZUNG GCIG LAS MED CING DE GNYIS KYANG GDAN GCIG LA BZHUGS PA LA DGONGS NAS DE LTAR BSHAD PA'I PHYIR RO, ,PHYI DKYIL DANG LUS DKYIL GNYIS SGOM PA'I GO RIM LA YANG MI MTHUN PA'I TSUL GNYIS TE, MNGON BRJOD KYI LE'U DGU PA DANG DE LA BRTEN PA'I SBYANG DKA' ZLA BA'I SGRUB THABS SU LUS DKYIL BSGOMS ZIN PA'I 'OG TU RTEN GYI DKYIL 'KHOR LA LHA DRUG CU RTZA GNYIS BKOD PA LTA BU LUS DKYIL SNGAR BSGOMS NAS PHYI DKYIL RJES SU SGOM PA'I LUGS DANG, SGRUB THABS 'DI LTA BU PHYI DKYIL SNGON DU BSGOMS TE DE NAS RJES SU LUS DKYIL SGOM PA DANG, NAG PO SPYOD PAS PHYI DKYIL GYI LHA DANG LUS KYI LHA DUS MNYAM DU BSGOM PAR BSHAD PA RNAMS SU YOD PA'I PHYIR RO, ,NAG PO SPYOD PA'I LUGS DE NI RDO RJE MKHA' 'GRO'I BCU BZHI PAR, PHYI DANG NANG DANG YANG DAG GNAS, ,NYI SHU RTZA BZHIR PHYE BA YI, ,SKU GSUNG THUGS KYI 'KHOR LO YIN, ,ZHES GSUNGS PA'I RJES SU 'BRANGS PA YIN LA, PHYI DKYIL DANG LUS DKYIL GNYIS KA SGOM PA NI KUN SPYOD DANG MNGON BRJOD LE'U BCU BZHI PA'I DGONGS PA YIN ZHING, PHYI DKYIL SNGON DU BSGOMS NAS LUS DKYIL PHYIS SGOM PA'ANG DE NYID KYI RJES SU 'BRANGS PA DANG, DRIL BU ZHABS KYIS PHYI DKYIL GYI LHA SGOM PA MA MDZAD PAR LUS DKYIL GYI LHA TZAM ZHIG BSHAD PA NI MNGON BRJOD LE'U DGU PA'I RJES SU 'BRANGS PA YIN NO,, GNYIS PA LA GNYIS, LUS RTEN GYI DKYIL 'KHOR DU SGOM PA'I TSUL, BRTEN PA'I DKYIL 'KHOR DU SGOM PA'I TSUL LO,, DANG

, ,PO NI, MNGON BRJOD SOGS NAS BRTEN PA'I LHA'I LUS DKYIL SGOM TSUL RGYAS PAR BSHAD NAS LUS RTEN GYI DKYIL 'KHOR DU SGOM PA'I RNAM GZHAG MA BSHAD KYANG LUS RTEN GYI DKYIL 'KHOR DU SGOM PA SNGON DU NGES PAR 'GRO DGOS TE, DPAL LDAN 'DUS PA SOGS LAS DE LTAR BSHAD PA BZHIN 'DIR MTSUNGS PA'I PHYIR RO, ,DE YANG PHYI DKYIL LUS DKYIL GNYIS KA SGOM PA L'U NAG GNYIS LTA BU DANG, LUS DKYIL GCIG PU SGOM PA MNGON BRJOD KYI LE'U DGU PA LAS GSUNGS PA LTA BU YIN NA SNGON DU PHYI DKYIL GYI GZHAL YAS KHANG BSGOMS NAS LUS DKYIL SGOM PAR 'JUG PA NA SNGAR GYI GZHAL YAS KHANG DE NYID KYI STENG NAS LUS DKYIL GYI RTEN GZHAL YAS KHANG BSKYED PA YIN GYI, SNGA MA BSDUS NAS BSKYED PA NI MA YIN TE, MDO BSRE LAS, BHR'Um LAS BSKYED PA'I GZHAL YAS KHANG GI DBUS SU SPRUL SKU RDO RJE SEMS DPA' BSKYED PA'I LUS LA LHA SO GNYIS KYI LUS DKYIL BKOD NAS DE MA BSDUS PA'I SKABS SU SNGAR BSHAD PA'I GZHAL YAS KHANG DU GNAS PAR BYA BAR BSHAD PA DE NYID 'DIR YANG 'DRA BA'I PHYIR RO, ,DES NA SKABS 'DIR DPER NA SNAM BU SKAD CIG MA SNGA MA DANG RGYA SKYEGS SKAD CIG MA SNGA MAS RIM PA BZHIN NYER LEN DANG LHAN CIG BYED RKYEN BYAS PA LA BRTEN NAS SNAM BU SKAD CIG PHYI MA DMAR POR SKYED PA BZHIN DU PHYI DKYIL GYI RLUNG DKYIL BSGOMS PA'I RGYUN DANG RNAL 'BYOR PA RANG GI RKANG PA GNYIS BSGRAD PA MNYAM DU YOD PA TSOGS PA LAS DE GNYIS KYIS NYER LEN DANG LHAN CIG BYED RKYEN BYAS PA LA BRTEN NAS RLUNG DKYIL SKAD CIG PHYI MA RNAMS 'BYUNG BAR BSGOM PA SOGS LUS

KYI CHA DE DANG DE LAS 'BYUNG BZHI RI RAB GZHAL YAS KHANG SOGS SGRUB THABS NAS 'BYUNG BA LTAR BSKYED PAR BYA BA YIN LA, DE NI THUN MONG GI BSHAD RGYUD SAMBHU tA LAS BSHAD PA YIN TE, DE NYID LAS, RKANG PA'I MTHIL DU RTZOM CHEN RLUNG, ,GZHU YI DBYIBS SU RNAM PAR GNAS, ,SUM MDO YI NI GNAS SU NI, ,DE BZHIN GRU GSUM 'BAR BA NYID, ,ZLUM PO'I RNAM PA'I GZUGS KYIS NI, ,CHU NI LTE BAR RNAM PAR GNAS, ,SNYING GAR YANG NI SA NYID DE, ,KUN NAS GRU BZHI PA NYID DO, ,SGAL TSIGS DBYU GU'I GZUGS KYIS NI, ,RI RAB RI RGYAL DE BZHIN NO, ,JI LTAR RTZOM CHEN LA SOGS RIM, ,BLA MA'I DUS BTAB RIM GYIS NI, ,DE NAS RDZOGS PA'I DKYIL 'KHOR GNAS, ,ZHES GSUNGS PA LTAR YIN LA, 'DI'I DON RIM PA GNYIS KYI DBANG DU BYAS NAS BSHAD TSUL GNYIS LAS, 'DIR BSKYED RIM PA'I LUS DKYIL GYI DBANG DU BYAS PA NYID BSHAD PAR BYA BA YIN TE, DRIL BU PAS, RKANG PA SUM MDO LTE SNYING GA ,RLUNG DANG ME CHU SA YIN NO, ,ZHES GSUNGS PA LTAR RO, ,DE LTAR RIM PA DANG PO'I SKABS SU BSGOMS PA LA DGOS PA KHYAD PAR CAN YOD DE, RDZOGS RIM DANG 'BRAS BU'I SKABS SU LUS KYI CHA DE DANG DE LUS DKYIL GYI GZHAL YAS KHANG GI CHA DE DANG DER DNGOS GNAS LA SHAR BA 'BYUNG BAS DE'I DGE RTZA SMIN BYED KHYAD PAR CAN DU 'GYUR BA'I PHYIR RO, ,DE BZHIN DU PHYI'I YUL NYER BZHI'I MING YIG GI THOG MA P'U DZA LA SOGS PA'I YI GE NYER BZHI YONGS SU GYUR PA LAS RTZIBS KHONG STONG RTZIBS SHUN GYI RNAM PA CAN NYER BAR BZHIR BSKYED, DE NYID PHYI'I YUL NYER BZHI DNGOS SU MOS NAS

, ,SGOM PA NI LHA RNAMS KYI GNAS KYI DON YIN LA, DE LTAR BSGOMS PA LA DGOS PA KHYAD PAR CAN YOD DE, YUL NYER BZHI NA BZHUGS PA'I DPA' BO RNAL 'BYOR MA RNAMS KYIS SGRUB PA PO RANG NYID KYI RTZA KHAMS THIG LE RNAMS BYIN GYIS BRLABS PA LA BRTEN NAS BSGOMS STOBS KYIS GEGS MED PAR DE RNAMS DH'U T'IR BSDUS SHING THIM PA LAS RDZOGS RIM PA'I BDE STONG GI 'OD GSAL KHYAD PAR CAN MYUR DU THOB PAR 'GYUR BA'I PHYIR RO,, GNYIS PA NI 'DIR LUS DKYIL GYI LHA RNAMS GANG LA DGOD PA'I GZHI NI 'KHOR GYI LHA MA YIN PAR NGES LA, GTZO BO YAB YUM GNYIS LAS YUM GYI DBANG DU BYAS PA YANG YOD DE, MNGON BRJOD KYI BCU GNYIS PA DANG PHAG MO MNGON 'BYUNG LAS GTZO BO PHAG MOS MDZAD PA'I LUS LA SPYI BO LA SOGS PA'I GNAS NYER BZHIR RNAL 'BYOR MA NYER BZHI BSGOM PAR BSHAD CING, DE LA BRTEN NAS AU MA PA TIS PHAG MO'I SGRUB THABS SU SNYING PO'I RNAL 'BYOR MA BZHI DANG SGO MTSAMS MA BRGYAD DE LHA BCU GNYIS BSNAN NAS SO BDUN BKOD PA'I LUS DKYIL YANG BSHAD PA'I PHYIR RO, ,DES NA LUS DKYIL DGOD PA'I GZHI NI YAB KHO NAR MA NGES LA, YAB LA 'GOD PA'I PHYOGS LA LUS KYI GNAS GANG DANG GANG LA DGOD PA NI MNGON BRJOD DANG KUN SPYOD SOGS LAS SPYI BO LA SOGS PA GNAS NYER BZHIR BSKYED PAR BSHAD LA; MNGON BRJOD KYI DGU PA LAS PHYAG MGO BCU GNYIS YONGS SU GYUR PA LAS MA MO BCU GNYIS DANG, ZHAL BZHI LAS THOD PA BZHI BSKYED PA SOGS BSHAD KYANG, 'DIR NI L'U DRIL NAG GSUM GYI LUGS LA YAB YUM GNYIS LAS YAB KHO NA LA LUS

DKYIL 'GOD CING, DE YANG L'U YI PA'I LUGS KYI RTEN BRTEN PA GNYIS KA PHYOGS GCIG TU MNGON BYANG LNGA LAS BSKYED PA'I HE RU KA'I LUS LA 'GOD PA DANG, NAG PO SPYOD PAS RGYU RDO RJE 'DZIN PA YAB YUM ZHU BA'I KHU BA LAS 'BRAS BU RDO RJE 'DZIN PA HE RU KA'I LUS LA 'GOD LA, DRIL BU PA'I LUGS LA GZHI'I HE RU KA'I LUS LA 'GOD PA YIN ZHING, JI LTAR 'GOD PA'I TSUL YANG 'DIR RJE NYID KYI SGRUB THABS SU GSUNGS PA'I RIM PA LTAR BSHAD NA THOG MAR GTZO BO YAB YUM SKYED PA'I TSUL NI SAMBHU tAR DPYID DPA' BO HE RU KA DANG, THIG LE BDAG MED MA'AM PHAG MOR BSHAD PAS SNYING GA CHOS KYI 'KHOR LO'I DH'U T'I'I NANG GI BYANG SEMS YUNGS KAR SBOM PO'I TSAD TZAM DANG DPYID H'Um YIG NGO BO DBYER MED DU GYUR PA LAS HE RU KA DANG, LTE BA SPRUL PA'I 'KHOR LO'I DBUS KYI DH'U T'I'I NANG GI DMAR CHA GTUM MO'I ME'I GZUGS KYI THIG LE YUNGS KAR SBOM PO'I TSAD TZAM YONGS SU GYUR PA LAS RDO RJE PHAG MOR BSKYED DE YAB YUM SNYOMS PAR 'JUG PA'I RNAM PA CAN DU BSGOM PAR BYA BA YIN TE, DE LTAR BSGOMS PA LA BRTEN NAS RIM PA GNYIS PA'I SKABS SU SNYING GA'I DH'U T'I'I NANG GI THIG LE DKAR DMAR 'DU 'PHROD BYAS PA LAS BYUNG BA'I LHAN SKYES KYI YE SHES KHYAD PAR CAN SKYE BA'I RGYUD SMIN BYED DU 'GYUR BA'I PHYIR TE, DPYID THIG LAS, DE YI DBUS BZHUGS DPA' BO NI, ,YUNGS KAR SBOM PO'I TSAD TZAM STE, ,H'Um GI SA BON MI SHIGS PA, ,KHA BA LTA BU 'BAB PA YIN, ,BA SANTA ZHES BYA BA STE, ,LUS CAN RNAMS KYI SNYING DGA' BYED, ,RGOD MA'I KHA NI ME YI GZUGS, ,PHAG MO TI LA KA ZHES BRJOD, ,LAS KYI

, ,RLUNG GIS BSKYOD NAS SU, ,LTE BA'I DKYIL 'KHOR NAS NI 'BAR, ,BA SANTA DANG PHRAD PAS MNYES, ,SNYOMS PAR 'JUG PAS YANG DAG BZHUGS, ,ZHES SAMBHU tA'I LUNG LAS BDAG MED MA MA BSHAD KYANG PHAG MOR 'DON PA SPOS NAS GSUNGS PA'I PHYIR RO, ,DES NA SNYING GA'I DKAR CHA'I THIG LE H'Um YIG DE LA MI SHIGS PA DANG DPA' BO DANG HE RU KA DANG DPYID KYI SGRAS KYANG BSTAN LA, DE LA DPYID KYI SGRAS STON PA'I RGYU MTSAN YANG YOD DE, DPYID DUS KYIS RTZI SHING NAGS TSAL LA SOGS PA RGYAS PA'I RTEN BYED PA BZHIN DU SNYING GA'I DH'U T'I'I NANG GI THIG LE DKAR PO DE YANG RNAL 'BYOR PAS LAM DU BLANGS NAS RIM PA DANG PO'I SKABS SU HE RU KA DANG, LTE BA'I DMAR CHA RGOD MA KHA'I ME DANG PHAG MO TI LA KA ZHES BRJOD PA'I THIG LE LAS BCOM LDAN 'DAS MA BSKYED DE, LUS DKYIL BSGOMS PAS RGYUD SMIN PAR BYAS PA LAS RDZOGS RIM GYI SKABS KYI NGES DON GYI HE RU KA'I DKYIL 'KHOR SKYED PA'I RGYUD SMIN BYED DU 'GYUR BA'I PHYIR RO, ,DE NAS BDE CHEN GYI 'KHOR LO LA LVA BA PAS SNYING GAR GNAS PA'I 'BYUNG BA BZHI'I RANG BZHIN GYI RTZA BZHI MKHA' 'GRO MA LA SOGS PA BZHIR BSKYOD PAR BSHAD LA, JO BO CHEN PO DANG 'KHRUL SPONG DANG PRADZNY'A RAKshI TAS RTZA 'KHOR BZHI'I LTE BAR RNAL 'BYOR MA BZHI 'GOD PAR MDZAD PA LAS 'DIR NI LVA BA PA'I RJES SU 'BRANGS PA YIN LA, DE'I RGYU MTSAN YANG YOD DE, SAMBHU tA LAS, 'DAB MA RNAMS KYI GZHI LA YANG, ,'BYUNG BA BZHI YI RANG BZHIN RTZA, ,MAR ME'I RANG BZHIN LTA BU NI, ,PHYOGS BZHI LA NI RNAM PAR GNAS, ,ZHES SNYING GA CHOS KYI 'KHOR LO'I PHYOGS

KYI RTZA BZHI 'BYUNG BA BZHI'I RTZA DANG SNYING GA'I DBUS KYI H'Um YIG HE RU KAR GSUNGS PA LTAR MKHA' 'GRO MA SOGS BZHI SPYAN SOGS BZHI YIN LA, DE YANG 'BYUNG BA BZHIR BSHAD PA LA BRTEN PA YIN PA'I PHYIR RO, ,DE BZHIN DU MTSAMS KYI RTZA BZHI MCHOD PA BZHI'I RTZA DANG DE LAS THOD PA BZHI BSKYED PAR BYA BA YIN TE, DRIL BU PA'I SGRUB THABS LAS, MCHOD PA BZHI YI RANG BZHIN RTZA, ,PHYOGS BRAL BDE CHEN 'KHOR LO STE, ,LAm MAm PAm TAm, ZHES 'BYUNG ZHING, SAMBHU tA LAS KYANG, RTZA RNAMS BZHI YANG MTSAMS RNAMS SU, ,RNAM PAR GNAS SHING DER SON PA'ANG, ,BDUD RTZI LNGA NI 'BAB PA STE, ,DE MCHOD RANG GI GZUGS GNAS PAS, ,DE YI NGO BO DNGOS PO LAS, ,MCHOD PA BZHI NI RNAM PAR BSHAD, ,CES 'BYUNG BA LTAR YIN PA'I PHYIR RO, ,DE NAS 'KHOR LO GSUM GYI LHA RNAMS JI LTAR BSKYED PA'I TSUL NI DRIL BU ZHABS KYIS, 'DI DAG GNAS SU RNAL 'BYOR MA, ,RTZA YI DPA' BO NYI SHU BZHI, ,LUS KYI KHAMS SU BRTAG PAR BYA, ,ZHES GSUNGS PA LTAR SPYI BO P'U LLI RA MA LA YA NAS GZUNG STE PUS MO K'U LU TA'I BAR GYI GNAS NYER BZHI'I MI PHYED MA NAS YID BZANG MA'I BAR SAMBHU tA NAS 'BYUNG BA LTAR RTZA NYER BZHI DANG, MI PHYED MA NAS 'BAB PA'I SO DANG SEN MO SKYED PA'I KHAMS NAS BZUNG STE YID BZANG MA NAS BYIS PA'I SNABS ZHES PAS MTSON PA'I SNA CHU 'BAB PA'I KHAMS KYI BAR KHAMS NYER BZHI NGO BO DBYER MED DU BYAS, BDE STONG GI YE SHES KYI NGO BOR BLTAS LA DE RNAMS YONGS SU GYUR PA LAS KHAMS NYER BZHI LAS THOD PA'I DUM BU LA SOGS PA'I DPA' BO NYER BZHI DANG, RTZA NYER

, ,BZHI PO YONGS SU GYUR PA LAS RAB GTUM MA LA SOGS PA DPA' MO NYER BZHI BSKYED NAS BSGOM PAR BYA BA YIN TE, RTZA RNAMS DPA' MOR BSKYED PA NI RDO RJE MKHA' 'GROR, NYI SHU RTZA BZHIR PHYE BA YI, ,SKU GSUNG THUGS KYI 'KHOR LO YIN,, GNAS RNAMS DAG NI THAMS CAD DU, ,RTZA RNAMS KUN NI YANG DAG BSHAD, ,YUL 'DI RNAMS KYI BU MO GANG, ,RTZA YI GZUGS KYIS GNAS SO ZHES, ,ZHES YUL NYER BZHI'I RAB GTUM MA LA SOGS PA'I BU MO RNAMS NANG GI YUL NYER BZHI'I RTZA'I GZUGS KYIS GNAS PAR BSHAD PA LTAR YIN LA, DER DPA' BO NYER BZHI RTZA NANG GI KHAMS SU GSAL BAR BSHAD PA MA BYUNG YANG, LUS DKYIL GYI SKABS SU RTZA DE DAG NAS SO DANG SEN MO SKYED PA'I KHAMS 'BAB PA SOGS KHAMS RNAMS DPA' BO RNAMS SU SKYED PAR BYED DGOS TE, RTZA LAS RNAL 'BYOR MA SKYED PA'I THABS SHES KYI 'JOG TSUL GYI RIGS PAS GRUB PA DANG, DRANGS MA THAG PA'I DRIL BU ZHABS KYI LUNG GIS KYANG GRUB PA'I PHYIR RO, ,DE 'DRA BA'I RTZA DANG KHAMS RNAMS JI LTA BU ZHE NA, SAMBHU tA LAS, P'U LLI RAR NI MI PHYED MA, ,SO DANG SEN MO 'BAB PAR BRJOD, ,ZHES PA NAS, K'U LU TAR NI YID BZANG MA, ,BYIS PA'I SNABS NI 'BAB PA MO, ,ZHES GSUNGS PA'I BAR TE 'DIR MANGS SU DOGS NAS MA DRANGS LA 'DOD 'JO LAS SHES PAR BYA'O, , 'DIR DE LTAR BSGOMS PA LA DGOS PA KHYAD PAR CAN YOD DE, RIM PA DANG PO'I SKABS SU DE LTAR BSGOMS PAS GNAS DE RNAMS KYI RTZA RLUNG THIG LE RNAMS DPA' BO DANG RNAL 'BYOR MA RNAMS KYIS BYIN GYIS BRLABS TE RIM PA GNYIS PA'I SKABS SU BSGOMS

STOBS KYIS DE RNAMS DH'U T'IR BSDUS PA LAS BDE STONG GI YE SHES KHYAD PAR CAN MYUR DU RGYUD LA SKYE BA'I RGYUD SMIN BYED YIN PA'I PHYIR RO, ,DAM TSIG 'KHOR LO'I SGO MTSAMS MA BRGYAD BSKYED PA'I TSUL NI DRIL BU PAS H'Um BRGYAD KYANG, DAM TSIG CES BYAR BSHAD PA YIN, ,ZHES H'Um BRGYAD LAS BSKYED PAR BSHAD KYANG GANG DU BSKYED PA'I GNAS MI GSAL BA LA GZHUNG CHUNG LAS, CHOS 'KHOR PHYI YI 'DAB BRGYAD LA, ,RING PO H'Um LAS KHRO BO BRGYAD, ,CES SNYING GA'I RTZA 'DAB BRGYAD PA LA NYIS RIM DU BYAS PA'I PHYI MAR H'Um RING PO BRGYAD LAS BSKYED PAR BSHAD CING, D'A RI KA PAS, PHYAG RGYA BRGYAD DAM SGO BRGYAD DO, ,LAS KYI RLUNG NGAM BYED BDAG GIS, ,KHVA GDONG GSHIN RJE MA SOGS BRGYAD, ,CES PHYAG RGYA BRGYAD DAM SGO BRGYAD DU DE DAG BSKYED PAR BSHAD LA, SGO BRGYAD NI DPYID THIG LAS, RTZA YI SGO NI KHVA GDONG MA, ,ZHES PA NAS, BZHI PA PHAG GI GDONG CAN NO, ,ZHES PA TZAM LAS GSAL BAR MA BYUNG YANG LVA BA PA'I 'GREL PAR, DE LTAR KHA DANG LTE BA DANG LTAG PA DANG BSHANG BA DANG SMIN MTSAMS DANG MIG DANG RNA BA DANG SNA RNAMS LA YANG GO BAR BYA'O, ,ZHES GSUNGS SHING, DE LTAR ZHES PA GONG DU BSHAD PA'I RNA BA LA SNYEG PAS DE 'DRA BA'I SGO BRGYAD YIN LA, DE RNAMS KYI RTZA BRGYAD H'Um RING PO DANG DBYER MED DU BYAS PA LAS NGO BO BDE STONG GI YE SHES RNAM PA SGO MTSAMS MA BRGYAD DU SHAR BA'I GSAL SNANG DANG NGA RGYAL LA BSLAB PAR BYA BA YIN TE, DPYID THIG LAS, SGO MTSAMS MA BRGYAD LUS LA BKOD PA'I MJUG THOGS SU, RTZA YI GZUGS KYIS YANG DAG GNAS, ,ZHES GSUNGS

, ,PA LTAR RO, ,DES NA RTZA BSHAD KYI RGYUD DANG GRUB CHEN GYI GZHUNG 'GA' ZHIG LAS LUS DKYIL GYI LHA RDZOGS PAR SGOM PA GSAL BAR MA BYUNG YANG LVA BA PAS KHA BKANG NAS RNAL 'BYOR DBANG PHYUG GI DGONGS PA LEGS PAR BKRAL TE LUS DKYIL RDZOGS PAR BSHAD PA 'DI NI KUN SPYOD KYI DGONGS PA YIN TE, DE'I LNGA PA LAS, JI LTAR NANG GI BDAG NYID SHES, ,PHYI YI DKYIL 'KHOR DAM PA YIN, ,RNAM DGOD JI LTAR SBYAR BA'O, ,SNYING PO THAMS CAD BSDUS PA STE, ,ZHES PHYI DKYIL LA LHA JI LTAR BKOD PA DE LTAR NANG LUS DKYIL LA DGOD PA GNYIS SBYAR BA NI BSKYED RIM GYI RNAL 'BYOR SGOM PA'I SNYING PO BSDUS PAR GSUNGS PA LTAR YIN PA'I PHYIR, DE LTAR NA PHYI NANG GI DKYIL 'KHOR GYI RTZIBS NYER BZHI YUL NYER BZHIR MOS NAS DE LA BKOD PA'I DPA' BO DMA' MO RNAMS YUL NYER BZHI'I DPA' BO DANG RNAL 'BYOR MAR DNGOS SU SGOM PA DANG G-YON PA'I KUN SPYOD LA SLOB PA NI RGYUD 'DI'I THUN MONG MA YIN PA'I KHYAD CHOS YIN LA, DE LTAR BSGOMS PA LA DGOS PA KHYAD PAR CAN YANG YOD DE, DE LA BRTEN NAS PHYI'I YUL NYER BZHI NA BZHUGS PA'I DPA' BO DANG RNAL 'BYOR MA RNAMS KYIS SGRUB PA PO RNAMS BSKYED RDZOGS KYI TING NGE 'DZIN KHYAD PAR CAN DANG LDAN PA'I NUS LDAN DU BYIN GYIS RLOB, DE LA BRTEN NAS SNGAGS SKYES KYI PHO NYA RNAMS DANG THOG MAR 'DU BA RNYED, DE NAS ZHING SKYES KYI PHO NYA RNAMS DANG 'DU BA RNYED, DE LA BRTEN NAS LHAN SKYES KYI PHO NYA MO RNAMS DANG 'DU BA RNYED PA'I SGO NAS LAM MYUR DU BGROD PAR 'GYUR BA'I PHYIR RO, ,PHO NYA'I LAM MYUR BA'I RGYU MTSAN YANG YOD DE, DE

'DRA BA'I PHO NYA MO DE RNAMS KYIS GZIGS PA TZAM GYIS KYANG SGRUB PA PO'I RGYUD BYIN GYIS BRLABS NAS RLUNG ZHUGS GNAS THIM GSUM BYAS TE 'GAL RKYEN GANG GIS KYANG BZLOG TU MED PA'I LHAN SKYES KYI BDE CHEN BSKYED LA BDE CHEN DES STONG NYID RTOGS PA'I LAM GYIS SKU GSUM MYUR DU 'THOB PA'I PHYIR, PHYAG RGYA'I 'DOD YON LA JI LTAR LONGS SPYOD PA'I TSUL YANG DE DAG GI GZUGS NAS REG BYA'I BAR LA LONGS SPYOD PA YIN LA, DE YANG SNGA MA SNGA MA LAS PHYI MA PHYI MA BDE CHEN SKYED PA'I PHUL CHE BA YIN TE, GUR LAS, BUD MED GZUGS MTHONG LAS KYANG BDE, ,GLU THOS PA LAS YANG DAG BDE, ,DRI ZHIM BSNAMS PAS BDE BA CHE, ,SKYE GNAS REG LAS BDE BA CHE, ,RO MCHOG SBYAR BA'I BTUNG BA NI, ,BDE BA SUS KYANG MI BZLOG GO ,ZHES GSUNGS PA LTAR RO; ;DE YANG PHYI'I YUL NYER BZHI DANG DE NA BZHUGS PA'I DPA' BO RNAL 'BYOR MA RNAMS LA GNAS DANG NYE BA'I GNAS LA SOGS PA'I THA SNYAD BYAS PA LA DGOS PA YOD DE, LAM 'DI'I GDUL BYA DBANG RTUL RNAMS RANG YUL LA ZHEN PA SPANG BA'I PHYIR DU PHYI'I GNAS LA SOGS PA BSTAN LA, DBANG 'BRING BSKYED RIM PA RNAMS KYIS PHYI NANG GI DKYIL 'KHOR GNYIS KYI GNAS DANG LHA SOGS LA SNGAR BSHAD PA LTAR DE 'DRA BA'I THA SNYAD BSTAN PAS SNGAR BSHAD PA'I SGOM TSUL DE DAG SHES PA'I PHYIR DANG, RDZOGS RIM PA LA YANG DBANG PO'I RIM PA GSUM LAS DBANG PO RTUL PO LA LUS KYI GNAS NYER BZHI LA SOGS PA'I THA SNYAD DANG, 'BRING LA GNAS NYER BZHI PO'I RTZA KHAMS RNAMS LA DE LTAR BZHAG PA DANG, RNON PO LA LHAN SKYES KYI BDE BAS STONG NYID RTOGS

, ,PA'I BDE STONG GI YE SHES NYID LA LDOG PA'I SGO NAS PHYE BA'I SA BCU GNYIS LA GNAS DANG NYE BA'I GNAS LA SOGS PA'I THA SNYAD KYIS BSTAN PA DE NYID SHES PA'I PHYIR DU YIN PA'I PHYIR, DES NA DRIL BU ZHABS KYIS, RI MOR GNAS PA'I LAS DANG NI, ,THIG LES MTSON DGYE'I (TSON BKYE'I) RIM PAS BSTAN, ,'GRO BA 'DI DAG RANG BZHIN GYIS, ,GRUB PA'I DKYIL 'KHOR GNYIS MED PA'O, ,BCOS MA NYID KYI NGO BO GANG, ,DE NI GDUL BYA'I DBANG LAS 'DOD, ,MKHAS PA'I BSGRUB BYA DE MIN TE; ;YANG DAG DON MTHONG GROL PHYIR RO, ,ZHES RDUL TSON DANG RAS BRIS SOGS KYI DKYIL 'KHOR GYI BSGRUB GZHI RI MO MKHAN SOGS KYIS GSAR DU SGRUB DGOS SHING, LUS DKYIL GYI BSGRUB GZHI RTZA KHAMS RNAMS LUS LA CHAGS TZAM NAS RANG BZHIN GYIS TE RANG CHAS SU GRUB PA DANG, LAM GYI SKABS SU YANG DKYIL 'KHOR GZHAN GNYIS LA GNAD DU BSNUN PAS MI GROL ZHING, LUS KYI RTZA KHAMS LA GNAD DU BSNUN PAS LHAN SKYES KYI YE SHES BSKYED DE GROL BAR 'GYUR BAS LUS DKYIL GSUNGS PA LTAR SPYIR PHYI DKYIL TZAM SGOM PA LAS LUS DKYIL SGOM PA MCHOG DANG, KHYAD PAR DU'ANG SNGAR BSHAD PA LTA BU'I L'U NAG DRIL GSUM GYI LUGS KYI LUS DKYIL SGOM PA NI RGYUD GZHAN GYI LUS DKYIL DANG, MNGON BRJOD SOGS LAS BSHAD PA LTA BU'I LUS RAGS PA LHAR BSKYED PA SOGS BDE MCHOG SKOR GYI LUS DKYIL GZHAN LAS CHES MCHOG TU GYUR PA YIN TE, 'DI LTA BUS RGYUD SMIN PAR BYAS PA LAS RDZOGS RIM ZAB MO'I RGYUD SMIN BYED DU 'GYUR BA'I PHUL 'DRA BA GZHAN LA MED PA'I PHYIR, DE YANG BSHAD

RGYUD RDO RJE PHRENG BA LAS, RANG BZHIN PHYAG CHEN RGYUD LAS NI, ,LUS KYI GNAS KYI DBYE BA YIS, ,DE NI NYI SHU RTZA BZHIR BRJOD, ,THIM DANG LONGS SPYOD BDAG PO NYID, ,GRANGS NI BDUN CU RTZA GNYIS BRJOD, ,RE RE'ANG 'KHOR NI STONG STONG NGO, ,ZHES RGYA CHEN GYI RGYUD NAM MKHA' DANG MNYAM PA'I BDE MCHOG LAS, RTZA RO RKYANG DBU MA GSUM LAS SNYING GA'I THUN TSOD KYI RTZA BRGYAD GYES PA DANG, DE LAS 'KHOR LO GSUM GYI DBYE BAS YUL NYER BZHI'I RTZA GYES NAS LUS KYI GNAS NYER BZHIR 'GRO BA DANG, DE RE RE LA'ANG SKU GSUNG THUGS KYI RTZA GSUM GSUM DU PHYE BAS BDUN CU DON GNYIS DANG, DE RE RE LAS STONG PHRAG RE RE GYES PAS STONG PHRAG BDUN CU RTZA GNYIS SU 'GYUR BAR BSHAD CING, DE 'DRA BA'I RTZA RNAMS LA STONG PHRAG NYER BZHI PA TSAN GSUM DU BYAS NAS GCIG NAS BYANG SEMS DKAR PO DANG, GCIG NAS KHRAG DANG, GCIG NAS RLUNG 'BAB PAR GSUNGS SHING, GTZO BO YANG NI BSDUS PA LAS, ,GNAS RNAMS KYI NI GRANGS SU 'GYUR, ,ZHES RTZA DE RNAMS KYI GTZO BO BSDUS PA YUL NYER BZHI'I RTZAR BSHAD PAS BYANG SEMS DKAR PO RGYU BA'I RTZA BRGYAD SKU DANG, KHRAG 'BAB PA'I RTZA BRGYAD GSUNG DANG, SEMS BZHON PA'I RLUNG DANG BCAS PA 'BAB PA BRGYAD THUGS KYI RTZA YIN LA, DES NA RTZA BDUN KHRI NYIS STONG GI RTZA BA GNAS NYER BZHI'I RTZAR 'DUS SHING, DE SNYING GA'I THUN TSOD BRGYAD KYI RTZA DANG, DE'I GTZO BO GSUM DANG RO RKYANG GNYIS KYI RTZA BA YANG DH'U T'I LA 'DUS PAS RIM PA DANG PO'I SKABS SU SNGAR BSHAD PA LTA BU'I LUS DKYIL BSGOMS PAS, RTZA RGYUD LAS, YUL 'DI DAG GI BU

, ,MO GANG, ,DPA' BO GNYIS MED RNAL 'BYOR MA, ,DE KUN 'DOD PA'I GZUGS CAN TE, ,YID KYI SHUGS KYIS 'JUG PA YIN, ,ZHES PA YID LTAR MGYOGS PA'I SHUGS KYIS GDUL BYA'I RGYUD BYIN GYIS RLOB PA LA 'JUG PAR GSUNGS LA, DE'I DON YANG RDO RJE MKHA' 'GRO LAS, YUL 'DI RNAMS KYI BU MO GANG, ,RTZA YI GZUGS KYIS GNAS SO ZHES, ,ZHES SNGAR DRANGS PA LTAR GNAS NYER BZHI'I RTZA'I NGO BOR BSGOMS PAS GSUNGS PAS DE LTAR DU BSGOMS PAS YID LA ZHUGS TE RTZA KHAMS THIG LE RNAMS BYIN GYIS BRLAB PA DANG, PHYI'I RKYEN SNGAR BSHAD PA LTAR SNGAGS SKYES SOGS KYI PHA NYO MO RNAMS DANG 'DU BA RNYED PA DANG, NANG GI RKYEN BSGOMS STOBS KYIS RIM PA GNYIS PA'I SKABS SU THOG MAR MIG SOGS KYI SGO DGU DANG, SMIN MTSAMS DANG LTE BA NAS RLUNG NANG DU LOG NAS RTZA DON GNYIS DANG, DE NAS YUL NYER BZHI'I RTZA DANG DE NAS SNYING GA'I RTZA BRGYAD DANG, DE NAS RO RKYANG GI RLUNG GI RGYU BA DH'U T'IR TSUD NAS LTE BA'I GTUM MO'I ME 'BAR TE SNYING GAR BSLEB, DE'I RKYEN GYIS SPYI BO'I BYANG SEMS ZHU BA YANG SNYING GA'I DH'U T'IR BSLEBS NAS DPYID DANG THIG LE SNYOMS PAR ZHUGS PA LAS DRIL BU ZHABS KYIS RIM PA DANG PO'I SKABS SU BSHAD PA LTAR RMONGS PA'I RAB RIB GCOD PA'I NGES DON GYI HE RU KA LHAN CIG SKYES PA'I YE SHES 'OD GSAL MNGON PAR BYANG CHUB PA'I RIM PA LA SOGS PA MYUR DU SKYE BA'I THABS KHYAD PAR CAN DU 'GYUR BA YIN ZHING, DE LTA BU'I DON GYI 'OD GSAL LAS, SDOM 'BYUNG LAS, RNON POS SKAD CIG RNAM PA YIS, ,SEMS DPA' GSUM GYI DKYIL

'KHOR GYIS, ,RDZOGS PA'I RIM PA'I RNAL 'BYOR BSGOM, ,KHAMS GSUM RANG BZHIN GZHAL YAS KHANG, ,SROG CHAGS RNAMS NI DKYIL 'KHOR PA, ,SKAD CIG RNAM PAR RNAL 'BYOR GYIS, ,DE DBUS DKYIL 'KHOR BDAG PO'O, ,DE BZHIN RGYAS GDAB DKYIL 'KHOR LO, ,MKHA' BZHIN STONG NYID DE BZHIN NO, ,BDAG MED DANG NI DE BZHIN NYID, ,SNA TSOGS THABS DANG SNYING RJE STOBS, ,ZUNG 'JUG GNYIS MED LHUN GYIS GRUB, ,DKYIL 'KHOR SNYING PO MCHOG YIN NO, ,ZHES GSUNGS PA LTAR RLUNG SEMS LAS SKAD CIG GI RNAM PA STE CHU LAS NYA LDANG BA'I TSUL DU DAG PA'I SGYU MA'I SKUR BZHENGS TE, MKHA' DBYINGS DANG STONG NYID DANG BDAG MED PA DANG DE BZHIN YID RO GCIG TU ZHUGS PA'I MTHAR THUG GI SNYING RJE 'OD GSAL BDE BA CHEN PO'I YE SHES DANG THABS SNA TSOGS PA'I LHA'I 'KHOR LO'I RNAM PA CAN GYI DAG PA'I SGYU MA'I SKU DNGOS PO GCIG PA'I ZUNG 'JUG 'GRUB PAR 'GYUR LA, DE LTA BU'I SLOB PA'I ZUNG 'JUG GIS DKYIL 'KHOR GYI SNYING PO MCHOG LEGS PAR 'GRUB PAR 'GYUR BA YIN NO, ,DE LTAR BYAS NA DRIL BU ZHABS KYI GZHUNG CHUNG LAS, DPAL LDAN 'KHOR LO SDOM PA YI, ,RNAL 'BYOR LUS KYI DKYIL 'KHOR NI, ,SEMS CAN RANG BZHIN YONGS SHES SHING, ,RDZOGS PA'I LAM 'JUG RNAMS LA'O, ,ZHES BSHAD PA YANG LEGS PAR DRANGS PAR 'GYUR RO, ,PHYI DKYIL NAS BZUNG STE LUS DKYIL RDZOGS PAR SGOM PA'I BAR 'DI SKU GSUM GYI SGRUB THABS SU GSUNGS PA'I RGYU MTSAN YANG YOD DE, PHYI DKYIL SGOM PA RAGS PA SPRUL SKU'I SGRUB THABS, BYANG CHUB PHYOGS MTHUN GYI DAG PA SGOM PA

, ,BDE BA CHEN PO'I DE KHO NA NYID KYI DON LA ZHUGS PA CHOS SKU DANG RNAM PA MTHUN PAS CHOS SKU'I RNAL 'BYOR LUS DKYIL BDE BA CHEN PO LA RDZOGS PAR LONGS SPYOD PA'I THABS PHRA BA LONGS SKU SGRUB THABS SAM RNAL 'BYOR DU BZHAG PA YIN PA'I PHYIR RO,, BZHI PA GO BGOS SHING YE SHES PA BCUG NAS DBANG BSKUR BA LA GNYIS, GO CHA BYA ZHING YE SHES PA GZHUG PA DANG, DBANG BSKUR NAS RGYAS GDAB PA'I TSUL LO,, DANG PO LA GNYIS, GO CHA BCING BA BSHAD PA DANG, YE SHES PA GZHUG PA BSHAD PA'O,, DANG PO NI, GO CHA 'DI RNAMS LHA GANG LA JI LTAR 'GOD PA YIN ZHE NA, MNGON BRJOD LAS, GO CHA GNYIS PO 'DI DAG KYANG, ,'KHOR LO KUN LA RNAM BSGOMS NAS, ,ZHES GSUNGS PA DANG, NAG PO PA'I DKYIL CHOG LAS, DPA' BO KUN DANG RNAL 'BYOR MA, ,CHO GA GSUM GYIS BRGYAN PA YIN, ,ZHES 'BYUNG BA LA BRTEN NAS LHA THAMS CAD LA GO CHA 'GOD PAR 'DOD PA MANG DU BYUNG YANG, MNGON BRJOD KYI 'GYUR GZHAN LAS, GO CHA GNYIS PO BGO BAR BYA, ,'KHOR LO THAMS CAD RNAM BSGOMS NAS, ,ZHES 'BYUNG BAS GZHUNG SNGA MA 'GYUR MA DAG PA YIN TE, 'KHOR LO THAMS CAD LA GO CHA BGO BAR STON PA MA YIN TE, DKYIL CHOG GI GZHUNG MAR DO'I 'GYUR GCIG LAS, DPA' BO KUN DANG RNAL 'BYOR MA'I, ,GO CHA ZHES 'BYUNG BAS BUM BZLAS BYED PA'I SLOB DPON RANG NYID DPA' BO DANG RNAL 'BYOR MA'I GO CHAS BRGYAN PA'I DON YIN GYI, LHA THAMS CAD LA GO BGO BA'I DON MA YIN PAS, GZHUNG SNGA MA 'GYUR MA DAG PA'I DON YIN NO, ,DES NA KUN SPYOD LAS DPA' MO'I GO CHA

BSHAD PA'I MTHAR, GO CHA DRUG NYID PHAG MO STE, ,ZHES AOm BAm SOGS KYI GO CHA DRUG PHAG MO NYID LA DGOD PAR BSHAD PAS AOm HA SOGS DRUG KYANG GTZO BO NYID LA 'GOD PAR GSAL ZHING, SDOM 'BYUNG DANG KUN SPYOD GNYIS KYI DGONGS PA'ANG DE DANG 'DRA BAR GNAS PA DANG, L'U YI PA'I GZHUNG SDOM 'BYUNG DANG MTHUN PA YIN ZHING, DRIL BU PA'I LUS DKYIL LAS GO CHA BCU GNYIS DGOD PAR GSUNGS PA TZAM MA GTOGS LHA GANG LA DGOD MI GSAL YANG, LHA LNGA'I SGRUB THABS SU GTZO BO YAB YUM BSKYED CING 'KHOR MA BSKYED PA'I GONG DU GO CHA BKOD PAS, GTZO BO YAB YUM GNYIS LA DGOD PAR GSAL LA, NAG PO SPYOD PA'I SGRUB THABS LAS KYANG GTZO BO YAB YUM LA BKOD KYI LHA GZHAN LA MA DKOD PAS BRAM ZE RIN CHEN RDO RJE DANG NYIN MO MDZAD DANG DE BZHIN GSHEGS PA'I RDO RJE SOGS KYIS LHA THAMS CAD LA GO CHA DGOD PAR BSHAD NA YANG, 'DIR L'U NAG DRIL GSUM GYI DGONGS PA LTAR GTZO BO YAB YUM NYID LA SGRUB THABS NAS 'BYUNG BA LTAR GYI LHA'I RNAM PA CAN DU DGOD PA'AM, BSDUS PA BYED NA LVA BA PA'I 'GREL PAR DPA' BO'I GO CHA KHA DOG DRUG PA'I YI GE DRUG LHA DANG DBYER MED DU BYAS NAS 'GOD PAR BSHAD PA'I MJUG TU, DE KHO NA BZHIN DU BCOM LDAN 'DAS MA LA YANG NGO, ,ZHES LHA DANG SNGAGS DRUG DBYER MED DU BYAS NAS YAB YUM GNYIS LA 'GOD PAR BSHAD PAS, SNGAGS DRUG TSAN GNYIS 'GOD KYANG RUNG STE, RGYAS BSDUS JI LTAR 'DOD PA LTAR SBYAR BAR BYA BA YIN LA, JI LTAR BSGOM PA'I TSUL NI, YAB KYI THUGS KA DANG, YUM GYI LTE BA SOGS GNAS DRUG TU ZLA GDAN DANG NYI

, ,GDAN SOGS LHA'AM SNGAGS KYI RNAM PA RNAMS NGO BO BDE STONG GI YE SHES RNAM PA ME LONG NANG GI GZUGS BRNYAN BZHIN DU SHAR BAR BSGOM PAR BYA BA YIN NO, ,L'U DRIL NAG GSUM GYI BZHED PA GONG DU BSHAD PA LTAR YIN GYI, GZHAN DU LHA 'DI RNAMS 'GOD TSUL MTHA' GCIG TU NGES PA MA YIN TE, NYIN MO MDZAD SOGS KYI LUGS LTAR LHA THAMS CAD LA 'GOD PA DANG, LHA 'DI RNAMS PHYI'I DKYIL 'KHOR LA YANG 'GOD PA DANG, LAG PA LA 'GOD PA SOGS KYANG BSHAD PA'I PHYIR RO, , DE LTA BU'I GO CHA BKOD PA LA DGOS PA KHYAD PAR CAN YOD DE, LHA'I RNAL 'BYOR SGOM PA LA BGEGS KYI BAR CHAD KYIS SKABS MI RNYED PAR BYA BA'I CHED YIN PA'I PHYIR RO,, GNYIS PA NI, SNGAGS DANG PHYAG RGYAS YE SHES PA SPYAN 'DREN PAR GSUNGS PA'I PHYAG RGYA NI 'BAR BA'I PHYAG RGYA YIN LA, DE YANG 'GREL PA SDOM 'BYUNG LAS, G-YON DANG G-YAS SU BSKOR BAR BYA, ,ZHES GSUNGS PA LTAR DANG POR G-YON DANG DE NAS G-YAS SU BSKOR BAS SNGAGS NI NGAG TU PHEEm ZHES BRJOD PA NYID YIN LA, DE LTAR BYAS LA DMIGS PA RANG DANG LHA THAMS CAD KYI THUGS KA'I NYI GDAN LA GNAS PA'I H'Um YIG GI 'OD ZER GYIS PHYOGS BCU'I 'JIG RTEN GYI KHAMS NA BZHUGS PA'I DPA' BO DANG DPA' MO'I DBANG PHYUG MA YE SHES PA'I 'KHOR LOR GYUR PA MDUN GYI NAM MKHAR SPYAN DRANGS LA 'OD ZER RANG GI SNYING GAR BSDU ZHING, RIG MA BCU DRUG GIS LEGS PAR MCHOD DE, MNGON BRJOD LAS, DZA: H'Um BAm HO: RDO RJE LCAGS KYU LA SOGS PA'I SBYOR BAS DGUG CING GZHUG STE BCINGS LA DBANG DU BSDU'O,, ZHES LUS DKYIL

RKYANG PA BSGOM PA GSUNGS PA 'DIR YANG SBYOR DU RUNG BAS JO BO CHEN PO'I 'GREL PA LAS 'BYUNG BA LTAR BADZRA AANGKU SHA DZA: ZHES BRJOD PAS YE SHES PA RNAMS DAM TSIG PA RANG RANG GI STENG DU DGUG BADZRA P'A SHA H'Um ZHES PAS DAM TSIG PA SO SO LA GZHUG BADZRA SPHO tA BAm ZHES PAS CHU LA CHU BZHAG PA LTAR DBYER MED DU BYED CING, BADZRA GHAntA HO: ZHES PAS DGYES BZHIN DU BZHUGS PAR BSAM PAR BYA STE, DE LTAR BYAS PAS BDAG DANG YE SHES PA THA DAD DU RTOG PA 'GOG PA DANG, YE SHES PA DANG DBYER MED DU NGA RGYAL BRTAN PA DANG, YE SHES PAS BYIN GYIS RLOB PA SOGS DGOS PA KHYAD PAR CAN YOD DO, ,DE NAS YO GA SHUDDHA ZHES SOGS KYI SNGAGS BRJOD CING SNGAGS DON DRAN PAR BYAS PA'I SGO NAS NGA RGYAL BRTAN PAR BYED PA YIN LA, SNGAGS DON YANG YOD DE, YO GA NI RNAL 'BYOR, SHUDDHA NI DAG PA, SARBA DHARM'A NI CHOS THAMS CAD, YO GA SHUDDHO HAm NI SNGAR BZHIN TE, MDOR NA CHOS THAMS CAD KYI YONGS SU DAG PA'I DE KHO NA NYID DANG BDE BA CHEN PO'I YE SHES DBYER MI PHYED PA YIN LA, DE NYID GTZO BO YAB YUM GYI SKUR SHAR BA DANG, DE'I SKU GSUNG THUGS KYI CHA SHAS THAMS CAD KYANG RTEN BRTEN PA'I DKYIL 'KHOR DU SHAR BA DE NYID NGA'O SNYAM DU NGA RGYAL 'DZIN PA'I DON YIN PA'I PHYIR, DE NAS AOm SARBA B'I RA YO G'I NI ZHES SOGS SKAD CIG MA'I SNGAGS BRJOD CING SNGAGS DON DRAN PA'I SGO NAS NGA RGYAL BRTAN PAR BYED PA YIN LA, SNGAGS DE'I DON YANG YOD DE, AOm NI SPYI DANG MTHUN, SARBA NI THAMS CAD, B'I RA NI DPA' BO, YO G'I NI RNAL 'BYOR MA, K'A YA WA KA TZITTA NI SKU GSUNG THUGS, SVA BH'A WA NI RANG BZHIN,

, ,A'ATMA KO NI BDAG NYID, AA HAm NI NGA'O ZHES PA STE, DPA' BO DANG RNAL 'BYOR MA THAMS CAD KYI SKU GSUNG THUGS RDO RJE'I RANG BZHIN CHOS THAMS CAD RANG BZHIN GYIS RNAM PAR DAG PA'I STONG PA NYID DANG BDE BA CHEN PO'I YE SHES DBYER MI PHYED PA'I BDAG NYID DE NGA'O SNYAM DU NGA RGYAL 'DZIN PA'I DON YIN PA'I PHYIR RO,, GNYIS PA NI, SNGAR YE SHES PA SPYAN DRANGS PA DANG DUS MNYAM DU DBANG LHA SPYAN 'DREN PA MAN NGAG YIN PAR ZLA BAS GSUNGS PA LTAR DRIL BU PAS KYANG, SNYING GA'I H'Um GI 'OD ZER GYIS, ,DKYIL 'KHOR DBANG BSKUR LHA SPYAN DRANGS, ,ZHES GSUNGS PAS YE SHES PA DANG DUS MNYAM DU DBANG LHA SPYAN 'DREN PA YIN LA, DBANG GI LHA NI JO BO CHEN POS LHA SO BDUN LA BSHAD PA LTAR BYA ZHING, DE LTAR SPYAN DRANGS LA RANG GI SNYING GA'I SA BON LAS BYUNG BA'I RIG MA BCU DRUG SOGS KYIS MCHOD NAS, DE BZHIN GSHEGS PA THAMS CAD KYIS DBANG BSKUR DU GSOL ZHES GSOL BA BTAB PAS, JO BO'I 'GREL PA NAS 'BYUNG BA LTAR SGO MTSAMS MA BRGYAD KYIS BGEGS BSKRAD, DPA' BO RNAMS KYIS SHIS PA BRJOD, DPA' MO RNAMS KYIS RDO RJE'I GLU LEN, GTZO BOS DBANG BSKUR BA'I DGONGS PA MDZAD, YUM BZHI PHAG MO DANG LNGAS PHYAG G-YON PA'I THOD PA'I BUM PA CUNG ZAD YO BAR BYAS TE, JI LTAR BLTAMS PA TZAM GYIS NI,, ZHES SOGS TSIGS BCAD DANG, AOm SARBA TA TH'A GA TA ZHES SOGS SNGAGS BRJOD PA'I SGO NAS DBANG BSKUR BAR BSAM PA YIN LA, DE NYID KYI DON YANG YOD DE, JI LTAR STE DPER NA SNGON BCOM LDAN 'DAS YUM LAS BLTAMS PA'I DUS SU DE BZHIN GSHEGS

PA KUN GYIS KHRUS GSOL BA DE BZHIN DU DBANG GI LHA YIS BDUD RTZI'I CHU RNAM PAR DAG PAS DBANG BSKUR BA'I LHA BDAG GIS DRI MA 'KHRUD PA'I KHRUS BYA'O ZHES PA TSIGS BCAD DE'I DON DANG, SARBA TA TH'A GA TA NI DE BZHIN GSHEGS PA THAMS CAD, AA BHI MNGON PAR, shE KA NI DBANG BSKUR BA, SA MA YA SHR'I YE DAM TSIG DPAL TE, DE LTA BU SNGAGS KYI DON YIN PA'I PHYIR RO, ,SKABS 'DIR LHA LA DBANG BSKUR BA LA CHU DBANG BSKUR BA TZAM LAS MA GSUNGS KYANG, DPAL LDAN AA TI SHA'I 'GREL PAR DBANG BZHI BSKUR BAR GSUNGS LA GRUB CHEN MTSO SKYES KYIS KYE RDO RJE'I 'GREL PAR DBANG BZHI BSKUR BAR MDZAD DO, ,DE'I TSUL YANG JO BO'I BZHED PA LTAR BSHAD NA, CHU DBANG BSKUR NAS DRI MA BKRUS PA LAS BUM DBANG, SNYING PO'I RNAL 'BYOR MA BZHI PHAG MO LA THIM NAS DE DANG HE RU KA SNYOMS PAR ZHUGS PA'I BYANG SEMS LCE LA BZHAG PA LAS GSANG DBANG, HE RU KAS RANG NYID LA PHAG MO PHYAG RGYAR GNANG BA LA SNYOMS PAR ZHUGS PAS RLUNG THIM PA LAS BDE BA MYONG BA NI SHES RAB YE SHES KYI DBANG, DE NAS HE RU KAS DON GYI DBANG BZHI PA TSIG GIS BSTAN PA'I DON GO BA LA DBANG BZHI PA THOB PAR 'JOG PA YIN LA, TSIG GIS JI LTAR BSTAN PA'I TSUL YANG, NAM MKHAR BZHUGS PA'I HE RU KAS BDAG NYID LA RIGS KYI BU ZHES BOS NAS, KHYOD KYIS PHYAG RGYA DANG SBYAR BA LA BRTEN NAS GNANG BA THOB PA'I YE SHES DE 'OD GSAL BAR SGOMS SHIG CES PA NAS, DE 'DRA BA'I KUN RDZOB DANG DON DAM 'OD GSAL GNYIS DBYER MI PHYED PAR ZUNG DU 'JUG PA NI BYANG CHUB KYI SEMS CHEN PO STE DBANG

, ,BZHI PA'O ZHES PA'I BAR GYIS ZUNG 'JUG GI DON BSTAN PA GO BAR BYED PA YIN LA, DE'I DON YANG YOD DE, RANG NYID LA PHAG MO PHYAG RGYAR GNANG NAS BDE BA CHEN PO'I 'OD GSAL STONG PA NYID DANG SBYAR TE BSGOMS PA'I DUS DE NYID NA DE DANG RANG GI LUS HE RU KA YAB YUM GYI LHA'I SKU 'JA' TSON LTA BUR SNANG BA GNYIS DUS MNYAM DU YOD PA DE BZHIN DU DE 'DRA'I LAM GOMS PAR BYAS PA LAS 'BRAS BU'I SKABS SU RLUNG SEMS LAS GRUB PA'I LHA SO BDUN GZUGS BRNYAN LTAR GSAL LA RDZOGS PA NAM MKHA'I 'JA' TSON LTA BU'I KUN RDZOB KYI BDEN PA SGYU MA'I SKU DANG, DON DAM 'OD GSAL GYI YE SHES KYI THUGS DBYER MI PHYED PA'I ZUNG 'JUG DE NYID DON GYI DBANG BZHI PA YIN NO, ,ZHES NGO SPROD PA YIN PA'I PHYIR RO, ,CHU DBANG BSKUR BA'I RJES SU RANG DANG LHA RNAMS BDE BA CHEN PO'I BDAG NYID DU GYUR PAR BSAM ZHING, SPYI BO NAS SKU LA ZHUGS PA'I CHU LHAG MA SPYI GTZUG TU GNAS PA YONGS SU GYUR PA LAS GTZO BO LA MI BSKYOD PA, PHAG MO LA RNAM SNANG, MKHA' 'GRO MA SOGS BZHI LA RIN 'BYUNG, 'KHOR LO GSUM GYI LHA RNAMS LA RIM PAS MI BSKYOD PA SNANG MTHA' RNAM SNANG GSUM DANG, DAM TSIG 'KHOR LO'I LHA RNAMS LA DON GRUB KYI RGYAS 'DEBS PA YIN LA, DE YANG RGYAS 'DEBS DANG PO NI RGYU LA 'BRAS BU'I RGYAS GDAB PA DANG, YUM LA RNAM SNANG GI RGYAS BTAB PA NI CHOS SKU LA GZUGS SKU'I RGYAS GDAB PA DANG, DE MAN CHAD KYI RGYAS GDAB RNAMS RIGS CAN LA RIGS KYI RGYAS GDAB PA YIN TE, MKHA' 'GRO MA SOGS BZHI RIN 'BYUNG GI RIGS DANG, THUGS 'KHOR GYI LHA

RNAMS MI BSKYOD PA'I RIGS DANG, GSUM 'KHOR GYI LHA RNAMS SNANG MTHA'I RIGS DANG, SKU 'KHOR GYI LHA RNAMS RNAM SNANG GI RIGS DANG, DAM TSIG 'KHOR LO'I LHA RNAMS DON GRUB KYI RIGS SU GZHAG PAR BYA BA YIN PA'I PHYIR RO, ,RGYAS GDAB ZIN PA'I 'OG TU DBANG LHA RNAMS RANG NYID LA BSTIM PA MNGON BRJOD KYI DGONGS PAR JO BO CHEN POS GSUNGS LA, DE LTAR DBANG BSKUR BA LA DGOS PA KHYAD PAR CAN YOD DE, BGEGS KYI BAR CHAD KYIS MI TSUGS PA DANG, SGRIB PA DANG THEG DMAN SEL BA DANG, SGOM BZLAS KYI SNOD DU RUNG BA DANG, ZHI SOGS KYI LAS SGRUB PA LA MTHU DANG LDAN PA DANG, BYANG CHUB KYI SEMS NYAMS PA GSO BA DANG, DAM TSIG DANG SDOM PA NYAMS PA GSO BA DANG, MA 'ONGS PA NA RANG NYID LA SANGS RGYAS KYIS DNGOS SU DBANG BSKUR BAR 'GYUR BA STE DGOS PA BRGYAD YOD PAR JO BO CHEN PO'I BZHED PA LTAR YIN PA'I PHYIR RO,, LNGA PA LHA RNAMS LA MCHOD CING BSTOD PA'I TSUL NI, MCHOD PA'I SKABS 'DIR L'U YI PA'I SGRUB THABS LAS SNGAGS KYI MCHOD PA TZAM LAS MA BYUNG BAS, LVA BA PAS, DE NAS MCHOD PA SNGON DU 'GRO BAS LHA MO RO MAS DRANGS PA'I BDUD RTZI MYANG BAR BYA'O, ,SNYING PO LA SOGS PA NAS RKANG PA BRGYAD KYI BAR GYI SNGAGS KYIS BSTOD PAR BYA'O, ,ZHES 'BYUNG BA LTAR PRADZNY'A RAKshI TAS KYANG BSHAD CING, DPAL LDAN AA TI SHA'I 'GREL PAR CHU GNYIS NYER SPYOD ROL MO DANG BCAS PA, 'DOD YON LNGA, GDUGS DANG RGYAL MTSAN DANG BA DAN DANG, BLA RE DANG, RIN CHEN BDUN DANG, RDO RJE'I GLU SOGS PHYI'I MCHOD PA RNAMS KYIS MCHOD PA NI BUM

, ,DBANG DANG 'BREL BA'I MCHOD PA, SBYANGS RTOGS SBAR GSUM BYAS PA'I BDUD RTZIS MCHOD PA NI GSANG DBANG DANG 'BREL BA'I MCHOD PA, YAB YUM SNYOMS PAR ZHUGS PA LAS DGA' BA BZHI BSKYED PA'I GSANG MCHOD BYA BA NI DBANG GSUM PA DANG 'BREL BA'I MCHOD PAR BSHAD LA, DBANG BZHI PA'I MCHOD PA DNGOS SU MA SMOS KYANG DE KHO NA NYID KYI MCHOD PA NI DBANG BZHI PA DANG 'BREL BA'I MCHOD PA'O, ,MCHOD PA'I TSE MCHOD PA'I LHA RNAMS KYI SKU MDOG PHYAG MTSAN SOGS NI, ME TOG MA, BDUG PA MA, MAR ME MA, BYUG PA MA, ZHAL ZAS MA RNAMS RIM PA BZHIN DKAR PO, DU BA'I MDOG DMAR SER, LJANG GU SNA TSOGS MDOG CAN, PHYAG BZHI'I DANG PO GNYIS RDOR DRIL, LHAG MA GNYIS KYIS RIN PO CHE'I SNOD RANG RANG GI MCHOD SPRIN GYIS GANG BA 'DZIN PA DANG, GZUGS, SGRA, DRI, RO, REG BYA RDO RJE MA RNAMS DKAR, SNGO, DKAR, DMAR, LJANG BA PHYAG DANG PO GNYIS KYIS KHA tV'Am GA DANG THOD PA, LHAG MA GNYIS KYIS SNGAR BZHIN ME TOG SOGS RANG RANG GI MCHOD PA 'DZIN PA STE, SNGA PHYI GNYIS KA'I PHYAG 'OG MA GNYIS PHYAG MTSAN GCIG NYID THUN MONG DU 'DZIN PA'I TSUL DU BYA LA, DRIL BU PAS, GZUGS, SGRA, DRI, RO, REG CHOS MA RNAMS ZHI BA DMAR, SNGO, SER, DMAR, LJANG, DKAR BA'I MDOG ZHAL GCIG PHYAG BZHI'I G-YON GNYIS THOD PA DANG KHA tV'Am GA G-YAS RNAMS ME LONG, PI WANG, DRI MCHOG RO MCHOG NA BZA', CHOS 'BYUNG RNAMS DANG POS 'DZIN CING, GNYIS PAS d'A MA RU 'DZIN PAR BSHAD LA, SNYING GA'I SA BON LAS SPRUL PA'I RIG MA BCU

DRUG GIS KYANG MCHOD PAR BYA BA YIN ZHING, DE DAG NI PI WANG MA, GLING BU MA, RNGA ZLUM MA, RDZA RNGA MA RNAMS SNGO, SER, DMAR, LJANG, RTZA PHYAG GNYIS KYIS RANG RANG GI ROL MO SGROG CING, LHAG MA GNYIS KYIS RDOR DRIL 'DZIN PA DANG, BZHAD MA, SGEG MO, GLU MA, GAR MA RNAMS DMAR, SNGO, SER, LJANG BA RTZA PHYAG GNYIS RNAMS RIM PA LTAR DANG POS BZHAD PA'I STANGS DANG, GNYIS PA SNYEMS PA'I TSUL GYIS RDOR DRIL BZUNG NAS DKUR BSTEN PA, GSUM PAS TING SHAG RDUNG BA, BZHI PAS PAD SKOR MDZAD PA, THAMS CAD KYANG PHYAG LHAG MA GNYIS KYIS THOD PA DANG KHA TV'Am GA 'DZIN PA, ME TOG BDUN SPOS, MAR ME, DRI CHAB MA RNAMS RIM PA BZHIN DU DKAR, DUD KHA, MAR ME'I RTZE MO LTA BU DANG, DMAR BA'I MDOG CAN, G-YAS DANG PO RNAMS KYIS ME TOG DANG, BDUG SPOS KYI SNOD DANG, MAR ME'I MCHOD SDONG DANG, DRI'I DUNG CHOS 'DZIN CING, LHAG MA GZHAN GSUM NA d'A MA RU DANG THOD PA KHA tV'Am GA 'DZIN PA, GZUGS MA, RO MA, REG BYA MA, CHOS MA RNAMS DKAR, DMAR, LJANG, DKAR BA G-YAS DANG PO RNAMS NA ME LONG, SBRANG CHANG GI SNOD, GOS SNA TSOGS, CHOS 'BYUNG 'DZIN CING, LHAG MA GSUM RNAMS NA PHYAG MTSAN SNGA MA LTAR 'DZIN PA RNAMS NI 'DI'I 'GREL PA GSUM DANG 'KHRUL SPONG LAS BSHAD LA, MNGON BRJOD LAS, ME TOG MA SER MO, DRI CHAB MA DKAR MOR BSHAD DO, ,MCHOD PA RANG RANG GI SNGAGS RNAMS NI RJE NYID KYI SGRUB THABS DANG, 'DOD 'JO LAS SHES PAR BYA ZHING, MCHOD PA BYIN GYIS RLOB PA'I TSUL NI GONG DU BSHAD ZIN TO, ,DE RNAMS

, ,NI BUM DBANG DANG 'BREL BA'I MCHOD PA YIN NO, ,GSANG DBANG DANG 'BREL BA'I NANG MCHOD 'BUL BA NI, DRIL BU PAS, BCOM LDAN 'DAS DANG RNAL 'BYOR MA RNAMS LCE, ,YI GE H'Um CHUNG RDO RJE RTZE GSUM PA, ,DKAR PO NAS 'BRU TZAM BKOD SBU GUS DRANGS, ,BDUD RTZI GSOL BAS LHA TSOGS MCHOG TSIM BLTA, ,ZHES GSUNGS PAS, LVA BA PAS LCE RTZE H'Um LAS RDO RJE DKAR POR BSKYED PAR GSUNGS PAS, DE LTAR BSKYED PA'I RJES SU, AOm AA MRi TA AU DA KA ZHES SOGS KYI SNGAGS DANG YI GE GSUM GYIS BYIN GYIS BRLABS TE BOD KYI BLA MA RNAMS KYI PHYAG BZHES LAS BYUNG BA LTAR THOG MAR DNGOS BRGYUD KYI BLA MA RNAMS KYI MTSAN GYI MTHAR YI GE GSUM BTAGS LA DBUL, DE NAS DKYIL 'KHOR GYI LHA'I SNGAGS RNAMS KYI MTHAR YI GE GSUM BTAGS LA DBUL, DUR KHROD PA PHYOGS SKYONG DANG 'BYUNG PO'I BAR RNAMS LA'ANG PHUL TE SNGAR BSHAD PA LTA BU'I LHA MO RO RDO RJE MAS BDUD RTZI BSTABS PAR BSAMS LA NANG MCHOD KYIS MCHOD DE, LHA THAMS CAD YE SHES KYI BDUD RTZIS TSIM PAR BSAMS LA, AOm AA MRi TA ZHES SOGS KYI SNGAGS BRJOD CING, BDUD RTZI MYANG ZHING NGA RGYAL GZUNG BAR BYA BA YIN LA, SNGAGS KYI DON NI AA MRi TA BDUD RTZI, SVA DA NI MNYES PA, SVA BH'A WA RANG BZHIN, A'ATMA KA NI BDAG NYID, AA HAm NI NGA'O ZHES PA'O, ,DE NAS SNYING GA'I SA BON LAS BYUNG BA'I SNYING PO'I RNAL 'BYOR MA BZHI DANG SGO MTSAMS MA BRGYAD DE LHA MO BCU GNYIS SPROS PA'I THOD PA NA GNAS PA'I BDUD RTZI LNGAS KYANG MCHOD PAR BYA ZHING, DRIL BU PAS SNYING PO'I RNAL 'BYOR MA BZHIS BDUD RTZI LNGAS MCHOD

PAR BSHAD LA, DE DAG NI GSANG DBANG DANG 'BREL BA'I MCHOD PA'O, ,GSANG MCHOD NI SNGAR BSHAD PA LTAR YAB YUM GSAL BTAB STE MKHA' GSANG BYIN GYIS RLOB PA DANG GNAS BZHIR SNGAGS KYI YI GE 'GOD PA SOGS BYAS LA, SNYOMS PAR ZHUGS NAS DGA' BA BZHI BSKYED PAS PHYI NANG GI LHA THAMS CAD KYIS KYANG BDE BA CHEN PO NYAMS SU MYONG BAR BSAM PA YIN TE, PHYI DKYIL DANG LUS DKYIL LA 'GOD PA'I LHA THAMS CAD KYANG HE RU KA'I CHA SHAS TZAM DU ZAD PA'I PHYIR RO, ,DRIL BU ZHABS KYIS, MYUR DU DNGOS GRUB BYED PAR NI, ,PHYAG RGYA'I MCHOD PA THE TSOM MED, ,CES GSUNGS PAS 'DI DANG DE KHO NA NYID KYI MCHOD PA GNYIS MCHOD PA'I GTZO BO YIN PAS LEGS PAR DMIGS PHYED PA DANG YAD YUD DU MA SONG BA'I NAN TAN CHE BAR BYA'O, ,DE KHO NA NYID KYI MCHOD PA NI MAN SNYE LAS, BLA NA MED PA'I DE KHO NA NYID KYI MCHOD PA NI BYANG CHUB KYI SEMS SGOM PA KHO NA STE, GANG MNGON PAR BRJOD PA PHYI MAR GSUNGS PA RANG BZHIN MED PA'I GNAS GOMS PA LAS, LHA YI SNYING PO SGOM BYED PA, ,DE NI MCHOD PA CHEN POR 'DOD, ,SANGS RGYAS THAMS CAD RTOGS BYED PA'O, ,ZHES GSUNGS PA DRANGS PA LTAR LHAN SKYES KYI BDE BA STONG NYID KYI RNAM LDAN DU BSKYED LA BDE STONG DBYER MI PHYED PAR SBYAR NAS YUN RING DU BSGOM ZHING, MCHOD PA'I 'KHOR GSUM PO THAMS CAD BDE STONG DBYER MED KYI NGO BOR RGYAS BTAB NAS BSGOMS PAS TSOGS GNYIS BDE BLAG TU RDZOGS PAR 'GYUR BAS DE NYID LA 'BAD PAR BYA'O, ,DE NAS YAB KYI SNYING PO DANG NYE SNYING, YUM GYI SNYING PO DANG NYE SNYING, YAB KYI SNGAGS

, ,LA TSAN PA NYER BZHIR BYAS PA'I THOG MAR AOm DANG MTHAR H'Um H'Um PHAt SBYAR BA NYER BZHI DANG, DE BZHIN DU DPA' MO NYER BZHI'I SNGAGS DANG, SGO MTSAMS MA BRGYAD DANG, SNYING PO'I RNAL 'BYOR MA BZHI'I SNGAGS RKANG BRGYAD DANG BCAS PA RNAMS BRJOD PA'I SNGAGS SO ZHES BSHAD PA NI 'GREL PA GNYIS NAS BSTOD PAR BSHAD LA, 'KHRUL SPONG LAS RKANG BRGYAD BSTOD PA DANG, GZHAN RNAMS BZLAS PA'I SNGAGS SU BSHAD DO, ,DE BZHIN GSHEGS PA'I RDO RJES RO MAS BDUD RTZI DRANGS PA'I 'OG TU RKANG BRGYAD KYIS BSTOD NAS LHA SO SO'I SNGAGS RKANG BRGYAD DANG BCAS PAS MCHOD PAR BSHAD DE, SNGAGS THAMS CAD MCHOD SNGAGS SU MDZAD LA, RTZA RGYUD LAS KYANG, SNGAGS RNAMS KUN GYIS YANG DAG MCHOD, ,CES GSUNGS PAS BSTOD PA'I SGO NAS LHA RNAMS MCHOD PA'I SNGAGS SU 'DOD PA YIN LA, SNGAGS KYI MCHOD PA LA RKANG BRGYAD THUN MONG BA DANG, LHA SO SO'I SNGAGS THUN MONG MA YIN PA'I MCHOD SNGAGS SAM BSTOD SNGAGS SU MAR DO BZHED DO, ,'O NA SNYING PO DANG NYE SNYING SOGS KYI GO RIM JI LTA BU ZHE NA, JO BO CHEN POS SNYING RJE DANG SHES RAB THABS SHES DBYER MED PA'I BYANG CHUB KYI SEMS NI LHA'I SNYING PO YIN PAS DE SKUL BAR BYED PAS SNYING PO, NYE BAR SKUL BAS NYE SNYING DANG, 'JIG RTEN PA'I SEMS LAS SKYOB PAS SNGAGS DANG, YANG DANG YANG DU BSKUL BAS SHES RAB KHYAD PAR CAN SKYED PAS RIG SNGAGS DANG, BYANG CHUB KYI SEMS MI BRJED PA'I DRAN PA SKYED PAS GZUNGS SNGAGS ZHES BSHAD DO, ,DE NAS LHA'I 'KHOR LO BSGOM ZHING DAG PA DRAN PAR BYA BA YIN LA, THOG

MAR LHA'I 'KHOR LO SGOM PA'I TSUL NI 'GREL PA GSUM LAS, DE NAS YE SHES KYI DKYIL 'KHOR LNGA DANG SKU GSUM GYI BDAG NYID GZUGS BRNYAN LTA BUR MOS PAR BYA'O ZHES GSUNGS PA NI DKYIL 'KHOR PA'I TSUL STON PA YIN LA, LHA RNAMS SKU GSUM GYI SGO NAS SGOM PA'I TSUL NI KUN SPYOD LAS, CHOS DANG LONGS SPYOD SPRUL PA YI, ,SKU GSUM DAG NI RNAM SGOM PA, ,BYANG CHUB PHYOGS NI SUM CU BDUN, ,DER NI NGES PAR 'BYUNG BAR 'GYUR, ,ZHES PAS BSTAN LA, DE YANG D'A RI KA PAS PHYI DKYIL GYI LHA SGOM PA DANG, BYANG PHYOGS SO BDUN SGOM PA DANG, LUS DKYIL SGOM PA SKU GSUM GYI RNAL 'BYOR DU GSUNGS SHING, DE'I 'JOG TSUL NI GONG DU BSHAD ZIN PA LTAR RO, ,DE YANG RIM PA DANG PO'I LAM GYI SPANG BYA'I GTZO BO NI THA MAL GYI SNANG ZHEN GNYIS YIN LA, DE YANG YID KYI SHES PA LA THA MAL GYI SNOD BCUD DU SNANG BA'I THA MAL GYI SNANG BA'I GNYEN POR LHA'I RNAM PA LA SLOB PA DANG, THA MAL GYI NGA RGYAL LAM ZHEN PA'I GNYEN POR LHA'I NGA RGYAL LA SLOB PA YIN ZHING, DE GNYIS KYIS THA MAL GYI SNANG ZHEN SPONG BA'I TSUL YANG 'JIG RTEN LAS 'DAS PA'I LAM GYIS SPANG BYA'I SA BON SPONG BA DANG, 'JIG RTEN PA'I LAM GYIS SPANG BYA MNGON GYUR SPONG BA LTAR MA YIN GYI, LHA'I RNAL 'BYOR LA MNYAM PAR BZHAG PA'I TSE RTEN BRTEN PA'I GSAL SNANG KHYAD PAR CAN GYIS YID KYI SHES PA'I NGOR THA MAL GYI SNANG BA RE ZHIG LA 'CHAR BA 'GOG PA'I NUS PA THOB PA NA THA MAL GYI SNANG BA'I GNYEN POR SONG BA'I DON DANG, DNGOS PO LA RANG LHAR MA SONG YANG LHA'I NGA RGYAL BCOS MIN SKYES PAS THA MAL GYI

, ,ZHEN PA 'GOG NUS PA NA LHA'I NGA RGYAL DE NYID THA MAL GYI ZHEN PA'I GNYEN POR SONG BA YIN ZHING, THA MAL GYI NGA RGYAL LOG NAS LHA'I NGA RGYAL DU 'PHOS PA'I TSUL YANG DPER NA YE SHES PA LEGS PAR PHEBS PA NA SNGAR GYI RANG NYID GANG YIN PA'I 'DZIN STANGS DE DOR NAS YE SHES PA'I LHA DNGOS YIN SNYAM PA'I BSAM PAR 'GYUR 'GRO BA BZHIN DU RANG NYID JI LTAR NGA RGYAL BZHAG PA LTAR DPAL HE RU KA DNGOS YIN SNYAM PA LTA BU'I BCOS MIN GYI NGA RGYAL SKYE BAR 'GYUR BAR 'DOD 'JO LAS GSUNGS SO; ;DAG PA DRAN TSUL NI, DE LTAR LHA'I 'KHOR LO BSGOMS PA'I 'OG TU BZLAS PA'I GONG DER BYA BAR BSHAD CING, DE YANG SEN MO DANG SO DAG LA KHAndA KA P'A LA'O ZHES PA NAS, DE DAG NI DPA' BO'I YAN LAG DAG PA'O ZHES PA'I BAR GYIS RTZA KHAMS RNAMS DPA' MO DANG DPA' BO'I NGO BOR MOS PA'I DAG PA DRAN PAR BYED TSUL TZAM ZHIG BSTAN LA, DE NI LUS DKYIL GYI SKABS SU BSHAD ZIN TO, ,SNGAGS DANG RGYAN CHA'I DAG PA DRAN PAR BYED TSUL NI, YAB KYI SNGAGS NAS YUM GYI SNYING PO'I BAR DU DUS MNYAM DU TSOGS PAS NYER LEN DANG LHAN CIG BYED RKYEN BYAS PA LAS BYUNG BAR MOS TE, PHYAG RGYA DRUG DANG THOD SKAM LA SOGS PA DNGOS SU YOD NA DE DAG GIS BRGYAN PA'AM, MED NA RGYAN DE RNAMS KYIS BRGYAN PAR BSGOMS TE DAG PA'I DON SNGAGS RNAMS LAS RGYAN DE RNAMS BYUNG BAR SGOM PA NYID YIN, KHA tV'Am GA HE RU KA'I SKU BDE BA CHEN PO'I NGO BOR BSGOM PA DANG, d'A MA RU'I SGRAS CHOS THAMS CAD RANG BZHIN GYIS MED PA'I STONG PA NYID KYI SGRA SGROG PAR BSGOM ZHING, HE RU KA NI NYIN MO'I SGRAS

BSTAN PA'I THABS DAG PA'I SGYU MA'I SKU MTSON PAS DE'I NGO BOR BSGOM PA DANG, RDO RJE PHAG MO NI MTSAN MO'I SGRAS BSTAN PA'I SHES RAB DON DAM 'OD GSAL GYI YE SHES MTSON PAS DE'I NGO BOR BSGOM PA DANG, DE 'DRA BA'I HE RU KA 'KHOR BA BAG CHAGS DANG BCAS PA MA LUS PA SPANGS PA LAS BYUNG BA, MYA NGAN 'DAS BYUNG DPA' BO NI, ,ZHES PA'I DON DANG, DE 'DRA BA'I HE RU KA DE YANG SGRUB PA PO RANG NYID KYI RLUNG SEMS TZAM GYI NYER LEN LAS SPRUL PA'I RIGS DRUG PA RDO RJE 'CHANG NYID YIN PA, DRUG PA SEMS KYI SPRUL PA STE, ,ZHES PA'I DON DANG, RDO RJE PHAG MO NI SEMS RANG BZHIN GYIS RNAM PAR DAG PA'I CHOS KYI DBYINGS LAS SPRUL PA'I LHA MO'I GZUGS SU BSTAN PAR SGOM DGOS PA, DAG PA CHOS KYI SPRUL PA NI, ,PHAG MO'I GZUGS SU BSTAN PA YIN, ,ZHES PA'I DON YIN LA, SHR'I NI GNYIS MED YE SHES TE, ,ZHES SOGS KYIS HE RU KA'I MTSON DON DRAN PAR BYA BAR GSUNGS PA NI GONG DU BSHAD ZIN PA LAS SHES SO, ,GZHI PHUNG KHAMS SKYE MCHED THAMS CAD KYI DE KHO NA NYID BDE BA CHEN PO'I YE SHES KYIS KHONG DU CHUD PA'I CHOS SO BDUN PHYI'I LHA SO BDUN DU SHAR BAR BSGOMS PAS GZHI SHES KYI LAM GYI GNAD BSDUS PA DANG, LHAN SKYES KYI BDE BAS STONG NYID RTOGS PA'I LAM LA SA BCUR BZHAG PA NYID LA LUS KYI GNAS DANG NYE BA'I GNAS LA SOGS PAR MOS PA'I LUS DKYIL BSGOMS PAS LAM SHES KYI GNAD BSDUS PA DANG, RNAL 'BYOR PA RANG GI GZHI LAM KHYAD PAR CAN GYI GZHIR BYAS PA'I STENG NAS KHYAD PAR GYI CHOS KYI RNAM PA GO CHA 'CHING BA SOGS BSGOMS PAS NI RNAM MKHYEN GYI LAM GYI GNAD

, ,BSDUS PAR 'GREL PA RNAMS LAS BSHAD LA, DES NI PHA ROL TU PHYIN PA'I THEG CHEN GYI GNAD THAMS CAD KYANG BYED LAS KYI SGO NAS 'DIR BSDUS PA YIN PAR SHES PAR BYA'O,, BZHI PA RNAL 'BYOR CHEN PO'I RDZOGS RIM CUNG ZAD SGOM PA'I TSUL NI, GZHUNG DU, AA LI KA LI MDUN BSAMS NAS, ,ZHES PA NAS, DE NAS GZUGS NI THOB PAR 'GYUR, ,ZHES PA'I BAR 'BYUNG BA 'DIS RDZOGS RIM STON PAR 'GREL PA BZHI GA LAS BSHAD CING, AA LI KA LI ZHES SOGS KYIS SDUD RIM BYAS PA'I MTHAR DKYIL 'KHOR GYI 'KHOR LOR LANGS NAS BZLAS PA DANG GTOR MA BYA BAR BSHAD PAS THUN GYI MTHA'I NYER BSDU RKYANG PA YIN LA, DES NA BSKYED RIM MTHAR MA PHYIN GYI BAR DU THUN RE RE LA BSKYED RIM GTZO BOR BYAS NAS RDZOGS RIM 'DI NYID ZHAR BYUNG GI TSUL DU BSGOM ZHING, BSKYED RIM MTHAR PHYIN NAS RDZOGS RIM NYID GTZO BOR BYAS TE BSGOM PA'I DBANG DU BYAS NAS BSHAD PA YIN LA, JI LTAR SGOM PA'I TSUL NI, DBYANGS GSAL NGAG TU BRJOD PAS DBYANGS GSAL GYI PHRENG BA 'OD ZER LNGA LDAN 'OD ZER GYI SNA LA 'KHOR LO GSUM GYI LHA TSOGS 'PHRO BA SNA BUG G-YAS PA'I RLUNG DANG 'GROGS NAS PHYIR 'PHROS PAS 'GRO BA RNAMS 'KHOR LO GSUM GYI LHA TSOGS KYI GO 'PHANG LA BKOD, THOG MA MED PA NAS GRUB PA'I DPA' BO DANG RNAL 'BYOR MA RNAMS DANG DE RNAMS RO MNYAM DU GYUR TE RANG GI SNA BUG G-YON NAS ZHUGS TE LTE BAR GNAS PA YONGS SU GYUR PA LAS DBYANGS GSAL GYI GZUGS BRNYAN DANG LDAN PA'I ZLA BA'I DKYIL 'KHOR DKAR LA DMAR BA'I MDANGS CAN DU GYUR PA DE'I DBUS

SU SKAD CIG GIS H'Um YIG DKAR LA DMAR BA'I MDANGS CAN DE DANG ZLA BA GNYIS YONGS SU GYUR PA LAS HE RU KA DKAR PO G-YAS BRKYANG GIS BZHUGS PA, ZHAL GCIG PHYAG GNYIS KYIS RDO RJE DANG DRIL BU BSNAMS PA NAM MKHA'I 'JA' TSON LTA BU, YUM RDO RJE PHAG MO ZHAL GCIG PHYAG GNYIS MA RDO RJE DANG THOD PA 'DZIN PAS 'KHYUD PA, YAB YUM SNYOMS PAR ZHUGS PAS GSANG GNAS GNYIS BSKYOD PA'I DGA' BA'I SGRAS 'GRO BA RNAMS BKUG STE DUR KHROD LA THIM, DE GZHAL YAS KHANG LA, GZHAL YAS KHANG DAM TSIG 'KHOR LO'I LHA DANG BCAS PA SKU 'KHOR LA, DE GSUNG 'KHOR LA, DE THUGS 'KHOR LA THIM, DE'I G-YON BSKOR GYI PHYOGS NA GNAS PA BZHI RIM PA BZHIN MKHA' 'GRO MA NAS BZUNG STE G-YON BSKOR GYI LHA MO BZHIN DANG, ME NAS BRTZAMS TE MTSAMS NA GNAS PA BZHI GZUGS CAN MA NAS BZUNG STE G-YAS BSKOR GYI LHA MO BZHI LA THIM, THOD PA BZHI YANG GZUGS CAN MA SOGS BZHI LA THIM, LHA MO BZHI YANG RANG NGOS KYI GTZO BO'I ZHAL BZHI LA THIM, DAM TSIG SEMS DPA' YAB YUM LTE BA'I YE SHES SEMS DPA' YAB YUM LA THIM, DE GNYIS KYANG SNYOMS PAR ZHUGS PAS ZHU BA YONGS SU GYUR PA LAS SINDHU RAS BYUGS PA'I MU TIG GI KHA DOG LTA BU'I H'Um YIG BDE BA CHEN PO'I RANG BZHIN CAN DU GYUR, DE'I AU HA, DE MGO BO, DE ZLA TSES, DE THIG LE, DE N'A DA LA THIM ZHING, N'A DA YANG SKRA'I RTZE MO BRGYA STONG GI CHA TZAM DU BYAS PA LA SEMS GZUNG ZHING, DBANG PO RAB KYIS N'A DA YANG MI DMIGS PAR 'OD GSAL DU BSDUS PA LA SEMS GZUNG BAR BYA'O, ,PAndI TA KHA CIG LUGS 'DI

, ,LA'ANG YE SHES SEMS DPA' LTE BA DANG SNYING GAR BSGOM PA GDAM NGA CAN DU BZHED LA, YE SHES SEMS DPA' SKYED PA NAS, N'A DA YANG MI DMIGS PAR BSAM PA'I BAR NI 'GREL PA GSUM GA LAS RNAL 'BYOR CHEN POR BSHAD CING, 'DI NAS RNAL 'BYOR CHEN PO RDZOGS PAR BSHAD LA, DE LTAR BDAG NYID RNAM PAR BSAM, ,ZHES SOGS RJES SPYOD KYI RNAL 'BYOR RNAMS KYANG SHIN TU RNAL 'BYOR DU BSHAD PAS, BZLAS PA DANG GTOR MA SOGS NI SHIN TU RNAL 'BYOR GYI KHONGS SU BSDU BA'O,, GSUM PA THUN GYI MJUG TU JI LTAR BYA BA LA GNYIS, BZLAS PA JI LTAR BYA BA DANG, GTOR MA JI LTAR BYA BA'O,, DANG PO LA RDO RJE'I BZLAS PA DANG, NGAG BZLAS GNYIS LAS, RDO RJE'I BZLAS PA BYA BA'I TSUL NI, GONG GI 'OD GSAL DU BSDUS PA'I NGANG LAS SLAR YANG RTEN BRTEN PA'I DKYIL 'KHOR YONGS SU RDZOGS PAR SKAD CIG GIS LANGS PAR DMIGS LA, RANG GI LTE BAR ZLA BA LA GNAS PA'I H'Um DKAR DMAR RAM, N'A DA DKAR LA DMAR BA'I MDANGS CAN GANG RUNG DU BSGOMS LA, RLUNG PHYIR 'BYUNG BA NA H'Um YIG GI GDANGS KYIS 'KHOR LO LNGA'I LHA TSOGS H'Um YIG GAM N'A DA LAS YANG DAG PAR SPROS TE 'GRO BA'I DON BYED PAR BSAM ZHING, SLAR NANG DU 'JUG PA NA RLUNG GI RANG GDANGS AOm YIG GI GDANGS KYIS PHRENG BA'I SKUD PA TSUR 'THEN PA BZHIN DU 'ONGS NAS LTE BA'I N'A DA'AM H'Um YIG LA THIM PA DANG, DE NAS RLUNG NANG DU CUNG ZAD BZUNG NAS GNAS PA'I RANG GDANGS A'A: YIG GI GDANGS KYIS GNAS PAR BSAM MO, ,'GREL PA SDOM 'BYUNG LAS, BLA MA DAM PA'I GDAMS PAS YANG

NAS YANG DU BZLAS PA BYA BAR BSHAD PA BZHIN 'DI DANG SNGAR GYI RNAL 'BYOR CHEN PO'I SDUD RIM GNYIS RDZOGS RIM YIN PAS SGOM TSUL GYI GNAD LEGS PAR SHES PA GAL CHE'O, ,NGAG BZLAS LA, BZLA BYA'I SNGAGS NI RTZA RGYUD LAS, SA STENG NA NI RIN CHEN BZHI, ,PHRENG BA'I SNGAGS NI DAM PA YIN, ,ZHES RIN CHEN BZHI BSHAD PA NI GTZO BO YAB YUM GYI SNYING PO GNYIS DANG, NYE SNYING GNYIS DANG, RTZA SNGAGS GNYIS DANG, GO CHA'I SNGAGS GNYIS RNAMS GRANGS RE RER BYAS PA YIN ZHING, DE RNAMS KYI NANG NAS MCHOG RTZA SNGAGS DANG, DE YANG YAB KYI RTZA SNGAGS GTZO BO YIN TE, DE'I SNGAGS KYI NGES DON BSHAD PA LAS RDZOGS RIM GYI LAM RNAMS RDZOGS PAR 'BYUNG BA RDO RJE MKHA' 'GRO LAS BSHAD PA'I PHYIR RO, ,BZLAS PA JI LTAR BYA BA'I TSUL LA DAM TSIG GI BZLAS PA, DO LI'I BZLAS PA, KHYOGS KYI BZLAS PA, GONG BU'I BZLAS PA, KHRO BO'I BZLAS PA SOGS SU YOD PA LAS DANG PO NI LHA SO SO'I THUGS KAR NYI GDAN LA TING NGE 'DZIN SEMS DPA' H'Um YIG GI MTHAR BZLA BYA'I SNGAGS KYI PHRENG BAS BSKOR BA LAS LHA SO SO'I TSOGS SPROS SEMS CAN GYI DON BYAS SLAR 'DUS TE SNGAGS PHRENG SO SO LA THIM PA SOGS SU DMIGS TE ZLO BA YIN TE, DE NI LHA SO SO'I SNYING PO'I SNGAGS KYI GRANGS BSNYEN BYED PA'I TSE BYA'O, ,DO LI'I BZLAS PA BYA BA'I TSUL NI YUM GYI RTZA SNGAGS LTA BU ZLO BA'I TSE BZLAS BYA'I SNGAGS KYI PHRENG BA RANG GI ZHAL DU ZHUGS, RDO RJE'I LAM NAS YUM GYI PADMAR ZHUGS PA DH'U T'I'I NANG BRGYUD DE ZHAL NAS THON, RANG GI ZHAL DU ZHUGS NAS SNYING GA'AM LTE BA'I DMIGS RTEN N'A DA SOGS LA THIM PAR

, ,BSAMS LA CHOS THAMS CAD MNYAM PA NYID KYI NGA RGYAL GYIS BZLA'O, ,KHYOGS KYI BZLAS PA NI SNGAGS KYI PHRENG BA RANG GI ZHAL LAM SHANGS BUG SOGS NAS THON, MDUN BSKYED KYI LHA'I ZHAL DANG SHANGS SOGS NAS ZHUGS TE THUGS KA'I SA BON SOGS LA THIM PA DANG, SLAR YANG LHA'I ZHAL LAM SHANGS BUG SOGS NAS BYUNG RANG GI DE DAG NAS ZHUGS TE THUGS KA'I SA BON SOGS LA THIM PA SOGS SU BSAM PA LTA BU STE, CHOS SKYONG SOGS LA BSNYEN PA BYED PA'I TSE BYED DGOS PA MANG ZHING, KHRO BO'I BZLAS PA NI SNGAGS PHRENG DANG POR YUM GYI ZHAL DU PHAR ZHUGS NAS SNGAR BZHIN 'KHOR BA DRAG CING RTZUB PA'I RNAM PA CAN DU BLTAS NAS SNGAGS KYI SGRA DRAG TU BRJOD PA'I TSUL GYIS ZLO BA DANG, GONG BU'I BZLAS PA NI THUGS KA'I SA BON LA SNGAGS KYI YI GE RNAMS MGO GYEN DU BSTAN PA'I RNAM PAS 'GRENG STE ZLUM POR BSKOR BA MAR ME LTAR 'OD 'BAR BA'I RNAM PA CAN LA SEMS KYIS BRIS PA BZHIN DU DMIGS NAS BZLAS PA BYED PA YIN LA, BZLAS PA DE RNAMS GANG BYED KYANG GTZO 'KHOR THAMS CAD KYI ZHAL DU YOD KYI CIG CAR DU SNGAGS KYI SGRA SGROG PAR DMIGS NAS BZLAS NA DE SNYED KYI GRANGS KYI 'GYUR KHYAD 'BYUNG BA DRIL BU PA SOGS GRUB CHEN RNAMS KYIS GSUNGS SO, ,DE YANG THUN GYI NGO BO LA SEMS MA YENGS PAR LHA'I NGA RGYAL LA GNAS PA'I NGANG NAS TSIG GZHAN GYIS BAR MA CHOD PAR BZLAS PA RNAMS BZLAS PA'I GRANGS SU GZHUG PAR BYA YI, DE LAS GZHAN GYI SKABS SU BZLAS PA RNAMS BZLAS PA'I GRANGS KYI KHA SKONG LA MI PHAN YANG, BAR CHAD SRUNG BA DANG, LAS SGRIB SBYONG BA SOGS

KYI DGOS PA DU MA ZHIG YOD PAS BSHANG GCI 'DOR BA SOGS KYI SPYOD LAM THAMS CAD DU BZLA BAR 'DI'I RGYUD LA SOGS PA TSAD LDAN DU MA ZHIG GIS GSUNGS SO, ,BZLAS PA'I GRANGS NI NAG PO SPYOD PAS, DPA' BO'I SNYING PO'I GSANG SNGAGS NI, ,KHRI PHRAG GSUM NI BZLA BAR BYA, ,DPA' BO RNAL 'BYOR MA 'KHOR LO'I, ,KHRI PHRAG GNYIS NI BSNYEN PA RAB, ,KA KA LA SOGS RNAM PA BRGYAD, ,SNYING PO'I RNAL 'BYOR MA BZHI YI, ,STONG PHRAG LNGA DANG LNGA BRGYA NI, ,SNGON DU BSNYEN PA BYAS PAS TE, ,ZHES GTZO BO LA KHRI PHRAG GSUM 'KHOR LO GSUM GYI LHA RE RE LA KHRI PHRAG GNYIS GNYIS, LHA MO GZHAN BCU GNYIS PO RE RE LA STONG PHRAG PHYED DRUG DRUG STE, GTZO MO LA KHRI PHRAG GSUM RNAMS BZLA BAR BSHAD LA, D'A RI KA PAS KYANG L'U YI PA'I DKYIL CHOG TU DE DANG 'DRA BAR GSUNGS LA, 'DI NI BSNYEN PA RGYAS PA'I DBANG DU BYAS PA YIN ZHING, 'BRING DANG THA MA NI GTZO BO LA 'BUM DANG 'KHOR RNAMS LA KHRI PHRAG RE, GNYIS KA LA THUN MONG DU YE SHES 'BEBS PA'I SNGAGS KHRI PHRAG GCIG DE RNAMS LA SPYIR BZLAS PA'I NYES PA DAG PA'I PHYIR JI TZAM DU 'TSAM PA'I SBYIN SREG DANG, YE SHES 'BEBS PA BZHAG NAS BCU CHA'I SBYIN SREG BYA BAR GSUNGS TE SNGA MA ZHI BA DANG PHYI MA LHA DBANG DU BYA BA'I DON YIN LA, GTZO BO'I SNGAGS KYANG RAB RTZA SNGAGS, DE MA GRUB NA SNYING PO'I SNGAGS ZHES GSUNGS PA LTAR BYA ZHING, BGRANG PHRENG NI LAS SO SO'I DBANG DU BYAS PA'AM, THAMS CAD MA 'DZOM NA, ZHI RGYAS DBANG DANG MNGON SPYOD LA, ,BO DE TZE NI LAS KUN BYED, ,CES GSUNGS PA LTAR DANG, PHRENG THAG GI RAS BAL

, ,SOGS GZHON NU MA MA NYAMS PAS BKAL BA LA BYED PAR RDO RJE MKHA' 'GRO LAS BSHAD CING, PHRENG BA GSUNG RDO RJE PADMA GAR DBANG DU SKYED PA SOGS BGRANG PHRENG RAB GNAS SAM BYIN GYIS RLOB PA'ANG SGRUB THABS NAS BSHAD PA BZHIN BYA'O,, BZLA BYA'I SNGAGS RNAMS KYI DON LA YAB KYI SNYING PO'I SNGAGS DON NI, AOm NI SNGAGS KYI MGO 'DREN DANG, SHR'I NI DPAL, BADZRA NI RDO RJE, HE RU KA NI NGES TSIG GIS BSHAD NA THOD KHRAG LA ROL BA, d'A K'I N'I NI MKHA' 'GRO MA, DZ'A LA NI TSOGS, SHAm BA RAm NI SDOM PA, SV'A H'A NI GZHI TSUGS SHIG CES PA STE, MDOR NA DPAL RDO RJE THOD KHRAG LA ROL BA ZHES BOS NAS, MKHA' 'GRO MA'I TSOGS THAMS CAD LHAN SKYES KYI BDE BA'I NGO BOR SDOM PA'I GZHI TSUGS SHIG CES PA DANG, NYE SNYING GI YI GE BDUN PA LA BSGYUR RGYU MED LA, HR'I: LA SOGS PA'I YI GE LNGAS YE SHES LNGA MTSON PA YIN NO, ,YUM GYI SNYING PO NI AOm BADZRA BEE RO TZA N'I YE ZHES SOGS TE BSGYUR NA RDO RJE RNAM PAR SNANG MDZAD MA ZHES PAR 'GYUR LA, NYE SNYING NI AOm SARBA BUDDHA d'A KI N'I ZHES SOGS TE, BSGYUR NA SANGS RGYAS THAMS CAD KYI RDO RJE MKHA' 'GRO MA ZHES PA TZAM ZHIG 'BYUNG ZHING, KA RA SOGS RTZA SNGAGS KYI SNGAGS DON LA DRANG NGES GNYIS LAS, DRANG DON LA, KA RA GNYIS NI GYIS GNYIS DANG, KU RU GNYIS NI MDZOD GNYIS DANG, BANDHA GNYIS NI CHINGS GNYIS SOGS TE RTOGS SLA LA, ZHIB PAR 'DOD 'JO DANG RGYUD KYI RNAM BSHAD CHEN MO LAS SHES PAR BYA'O, ,RTZA RGYUD KYI LE'U DGU PAR RTZA SNGAGS KYI DE NYID MI SHES PAR DNGOS GRUB 'DOD PA 'BRAS 'DOD PA PHUB MA RDUNG BA DANG 'DRA ZHING, SNGAGS

KYI DE NYID MI SHES PAR RNAL 'BYOR PAR 'DOD PA NGAL BA DON MED PAR GSUNGS PAS SNGAGS KYI NGES DON SHES PA GAL CHE BAS DE CUNG ZAD BSHAD NA, DE YANG THOG MAR SNGAGS BTU BA GZHI LA SBYAR NA PHYI NANG GNYIS LAS PHYI LA SPANG LEB SOGS LA CHOS 'BYUNG GRU GSUM BRIS PA'I DBUS SU A'A: YIG DANG 'DAB MA RNAMS LA DBYANGS GSAL BKOD DE DE LA RTZA SNGAGS SOGS BTU BA YIN LA, DE LTAR BTUS PA'I DRANG DON GYI SNGAGS BZLAS PAS PHYI'I BDUD TSAR GCOD PA SOGS DGOS PA RNAMS 'GRUB PA YIN NO, ,NGES DON PHYAG RGYA LA BRTEN NAS BDE CHEN 'DREN PAR SBYAR NA, PHYAG RGYA'I BHA GA NI CHOS 'BYUNG GRU GSUM PA'I NGES DON, DE'I NANG GI RTZA 'DAB BRGYAD PADMA 'DAB MA BRGYAD PA'I NGES DON, RTZA 'DAB KYI DBUS KYI DH'U T'I NI PADMA'I LTE BA'I NGES DON, DH'U T'I DANG RTZA 'DAB RNAMS LA GNAS PA'I KHAMS DKAR DMAR NI PAD 'DAB LA BKOD PA'I DBYANGS GSAL GYI NGES DON YIN LA, RDZOGS RIM PA'I RNAL 'BYOR PAS PHYAG RGYA DANG SNYOMS PAR ZHUGS PA LAS RTZA 'DAB KYI BYANG SEMS RNAMS DH'U T'IR 'DUS TE DGA' BZHI 'DREN PA NI DBYANGS GSAL LAS SNGAGS BTU BA'I NGES DON, LHAN SKYES KYI YUL STONG PA NYID DE PADMA'I DBUS KYI A'A: YIG GI NGES DON, DE LTA BU'I YUL YUL CAN MNYAM PAR SBYAR BA'I BDE STONG DBYER MED KYI LHAN SKYES KYI BDE CHEN NI BTUS PA'I SNGAGS KYI NGES DON BDE STONG DBYER MED KYI YE SHES DES NANG GI BDUD BDEN 'DZIN GYI SA BON TSAR GCOD PA NI DRANG DON GYI SNGAGS BZLAS PAS PHYI'I BDUD TSAR GCOD PA'I NGES DON NO, ,NANG RDO RJE'I LUS LA GNAD DU BSNUN PA DANG SBYAR

, ,NA RNAL 'BYOR PA'I SPYI BO DANG LTE BA'I RTZA 'KHOR GYI DBYIBS GRU GSUM DU YOD PA NI CHOS 'BYUNG GI NGES DON, MGRIN PA DANG SNYING GA'I RTZA 'KHOR ZLUM POR YOD PA NI PAD GDAN GYI DBYIBS ZLUM PO'I NGES DON, DBUS KYI DH'U T'I NI PADMA'I LTE BA'I NGES DON, DH'U T'I DANG RTZA 'DAB RNAMS KYI NANG GI KHAMS DKAR DMAR RNAMS NI RTZA 'DAB LA BKOD PA'I DBYANGS GSAL GYI NGES DON, RNAL 'BYOR PAS NANG GTUM MO LA GNAD DU BSNUN PAS SNGAR BZHIN KHAMS DKAR DMAR RNAMS DH'U T'IR 'DUS PA LA LAS LHAN SKYES KYI BDE CHEN 'DREN PA NI SNGAGS BTU BA'I NGES DON DANG YUL STONG PA NYID NI A'A: YIG GI NGES DON TE DE 'DRA BA'I BDE STONG DBYER MED DU SBYAR BA'I YE SHES NI BTUS PA'I SNGAGS KYI NGES DON, DES BDEN 'DZIN BAG CHAGS DANG BCAS PA SPONG BA BDUD TSAR GCOD PA'I NGES DON YIN LA, BTUS PA'I SNGAGS LA SBYAR NA MTSAMS MED LA SOGS PA'I LAS SGRIB YANG DANG YANG DU ZAD PAR BYED PA KA RA'I NGES DON, DE'I RTZA BA GZUNG 'DZIN BDEN PAR ZHEN PA'I BDEN 'DZIN YANG YANG ZAD PAR BYED PA KU RU'I NGES DON, DE BZHIN GSHEGS PA THAMS CAD BDE STONG GI YE SHES KYI NGANG DU RO GCIG TU YANG DANG YANG DU 'CHING BAR BYED PA BAN DHA'I NGES DON, CHOS RNAMS SGYU MA LTA BUR RTOGS PAS DNGOS 'DZIN CAN YANG YANG SKRAG PAR BYED PA TR'A SA YA'I NGES DON, DE DANG NGES DON GYI LUNG LA BRTEN NAS DON DAM DPYOD BYED KYI RIGS PAS CHOS RNAMS LA DPYAD PA NA RANG BZHIN GYIS GRUB PA CUNG ZAD KYANG MA RNYED PA'I DON DAM BDEN PA STE BDEN PA GNYIS LA YANG YANG SLOB PA'I LHAN SKYES

KYI YUL STONG PA NYID NI KshO BHA YA ZHES PA'I NGES DON, HROOm HROOm SOGS NI HA DANG DE'I RA BTAGS DANG DE GDAN DU BYED PA DANG, MGO BO ZLA TSES THIG LE DANG DRUG YOD LA, SGRUB PA PO'I GSANG GNAS KYI RDO RJE RA YIG GI NGES DON, SHES RAB MA'I BHA GA NI RA BTAGS GDAN DU BYAS PA'I NGES DON, RNAL 'BYOR PA'I LUS KUN LA KHYAB PA'I BYANG SEMS NI HA YIG GI NGES DON, SPYI BO NAS BYANG SEMS 'DZAG PA ZLA TSES KYI NGES DON, PHUNG PO LNGA DANG YE SHES LNGA DANG YUL LNGA RNAMS KYI GNYIS SNANG 'OD GSAL DU SDUD PA NI NA RO'I NGES DON, PHUNG SOGS KYI GNYIS SNANG DE THAMS CAD KYANG STONG PA NYID KYI NGANG DU 'CHING BAR BYED PA NI THIG LE'U NGES DON TE, RDZOGS RIM PA'I RNAL 'BYOR PHO MO SNYOMS PAR ZHUGS PAS SPYI BO'I BYANG SEMS BZHU STE PHUNG SOGS KYI GNYIS SNANG 'OD GSAL DU BSDUS PA LAS BYUNG BA'I LHAN SKYES KYI BDE BA CHEN POS CHOS THAMS CAD STONG PA NYID KYI RI MOR YANG DANG YANG DU 'CHING BAR BYED PA'I DON NO, ,HRA: HRA: 'I DON NI SGRUB PA PO'I LUS LA GNAS PA'I BYANG SEMS NI HA YIG GI NGES DON, PHYAG RGYA'I RAKTA NI RA BTAGS KYI NGES DON, THIG LE GNYIS 'DRES PA DE GDAN DU BYAS PA'I NGES DON, DE YUM GYI PADMAR BABS PA TSEG DRAG GI NGES DON, DE LA LONGS SPYOD PAS TSIM PA TSEG DRAG GLOR BZHAG PA'I NGES DON, PHEm PHEm GYI DON DAM BDEN PA 'OD GSAL GYI YE SHES NI ZLA TSES KYI NGES DON, DAG PA'I SGYU MA'I SKU THIG LE'I NGES DON TE DE GNYIS SKU DANG THUGS SU DBYER ME PHYED PA'I ZUNG 'JUG LA YANG DANG YANG DU SLOB PA PHEm PHEm GYI NGES DON, DON DAM BDEN PA 'OD GSAL GYI YE SHES NI PHAt PHAt

, ,KYI NGES DON, DES MTSAN 'DZIN GYI RNAM RTOG SREG PA NI DA HA DA HA'I NGES DON, DES ZAG BCAS KYI PHUNG PO TSOS SHIG PA NI PA TZA PA TZA'I NGES DON, DES MTSAN 'DZIN GYI RNAM RTOG YANG NAS YANG DU ZA BAR BYED PA NI BHAKshA BHAKshA'I NGES DON, BA SA NAS, LAMBHI NI'I BAR LHA LA BSTOD CING 'BOD PA DANG, BOS NAS GRi HNA DANG, TARDZA YA NI SDIGS LA TSAR CHOD CIG PA STE, SAPTA NAS, SARBAm BHA'I BAR GYIS SA 'OG RIM PA BDUN NA GNAS PA'I SBRUL GDUG PA DANG 'DRA BA'I MTSAN 'DZIN GYI RNAM RTOG DE NYID ZUNG LA TSAR CHOD CIG PA'I DON DANG, AA KAddHYA'I AA KA RA ZHES SBYAR BAS MNAN PA DANG, KA NI MID PA STE RNAM PA SNA TSOGS PA RNAMS RO GCIG PAR MID PA YIN LA, GANG DU MID NA dHYA NI SEMS TE DER MID PA'I DON TE, MDOR NA CHOS THAMS CAD RNAM THAR SGO GSUM GYI NGO BO'I STONG PA NYID DU GTAN LA PHAB STE, DE DANG RO GCIG PA'I 'OD GSAL GYI SEMS DER MID PAR BYED PA'I DON DANG, HRIm HRIm GI HA NI 'GRO BA THAMS CAD LA KHYAB PAR BYED PA NGES DON GYI HE RU KA LHAN CIG SKYES PA'I CHOS KYI DBYINGS KYI THABS DANG, RA BTAGS NI NYI MA STE STONG NYID RTOGS PA'I SHES RAB DANG, ME LONG LTA BU'I YE SHES LA SOGS PA LHAG MA BZHI AIS MTSON PA'I NGES DON, DE LTA BU'I SHES GNYIS NGO BO DBYER MED RO GCIG TU 'CHING PA THIG LE'I NGES DON, PHUNG KHAMS SKYE MCHED KYI RAB DBYE RNAMS LHAN SKYES KYI BDE CHEN DANG STONG NYID RTOGS PAR DBYER MI PHYED PA'I YE SHES KYI NGO BOR RO GCIG TU YANG DANG YANG DU 'CHING BA NI DZnOOm DZnOOm GYI NGES DON, YUL YUL CAN LNGA'I GZUNG 'DZIN GYI GNYIS SNANG

BDE STONG GI 'OD GSAL GYI NGO BOR BSDUS NAS YANG NAS YANG DU NYAMS SU MYONG BAR BYED PA KshM'Am KshM'Am GYI NGES DON, LUS LA KHYAB PAR GNAS PA'I KHAMS SPYI BO NAS 'DZAG PA LAS BYUNG BA'I LHAN SKYES KYI BDE BAS GNYIS SNANG STONG PA NYID KYI RI MOR YANG YANG 'CHAR BAR BYED PA HAm HAm GI NGES DON, HIm GI DBYANGS GSUM PA AI NI YE SHES GSUM PA SO SOR RTOG PA'I YE SHES RTOGS PAR 'GYUR BAS DE'I NGES DON DANG, LHAN SKYES CHOS DBYINGS YE SHES KYI NGO BOR GYUR PA YANG DANG YANG DU GOMS PA LAS NYAMS SU MYONG BAR BYED PA NI H'Um H'Um GI NGES DON, KI LI KI LI'I KA LA YI GE NGA BYIN PA'I KAm NI LHAN SKYES KYI BDE CHEN DANG, SI LI SI LI'I SA DANG AI NI BZLUMS PA'AM BSDOMS PA STE, BDE STONG GNYIS SU MED PAR BSDOMS PA'I DON DANG, DHI LI DHI LI'I DHI YIG NI GNYIS SU MED PA'I DE 'DRA BA'I BDE STONG GI YE SHES SHIN TU DAG PA'I BLO LA LONGS SPYOD PA DANG, H'Um GNYIS NI THABS KYI CHA DANG, ZLA PHYED DANG THIG LE NI SHES RAB KYI CHA STE SNGAR BSHAD PA'I BDE STONG DANG BDEN GNYIS KYI THABS SHES DBYER MI PHYED PAR SBYOR BA NI H'Um GNYIS KYI NGES DON, PHAt GNYIS DANG SV'A H'A MTHAR SBYAR TE, 'DI GNYIS LA LOGS SU t'IKA CHEN LAS NGES DON MA GSUNGS SO, ,RTZA SNGAGS KYI NGES DON BSHAD RGYUD RDO RJE MKHA' 'GRO RTZA 'GREL LAS BSHAD PA 'DI LAM GYI SNYING POR MTHONG NGO ZHES RNAM BSHAD CHEN MOR BKA' STZAL PA'I DGONGS PA BSDUS TE BSHAD PA YIN NO, ,BZLAS BYA'I SNGAGS RNAMS NI SGRUB THABS BDE CHEN GSAL BA LAS SHES PAR BYA'O,, GNYIS PA NI, GTOR MA JI LTAR BYA BA'I TSUL RGYUD LAS MI GSAL LA,

, ,SGRUB THABS KYI GZHUNG LAS KYANG 'JIG RTEN LAS 'DAS MA 'DAS KYI GTOR SNGAGS TZAM MA GTOGS CHO GA GZHAN GSAL BAR MA GSUNGS KYANG, LVA BA PAS GTOR MA'I CHO GA BSHAD PA NI GTZO BOR SDOM 'BYUNG LA BRTEN NAS YIN LA, DE NYID LAS, MYOS BYED GTOR MA MED PAR LAS, ,MYUR DU 'GRUB PAR MI 'GYUR RO, ,DES NA SNGON GYI SANGS RGYAS KYIS, ,GTOR MA'I RAB TU BSNGAGS PA GSUNGS, ,ZHES GSUNGS SHING, KUN SPYOD LAS KYANG, RANG 'DOD LAS LA SBYIN BYA BA, ,KHYAD PAR DU YANG GTOR MA SBYIN, ,MAR NGO YI NI TSES BCU DANG, ,YAR NGO YI YANG DER GYUR LA, ,MYUR DU 'BAD PAS CHANG DANG SHA YIS KYANG, ,RDO RJE LHA MO RAB TU MCHOD PAR BYA, ,ZHES GSUNGS PAS GTOR MA BYA DGOS LA, DUS NI THUN GYI THOG MTHA' DANG KHYAD PAR TSES BCU GNYIS KYI DUS SU BYA BAR BSHAD CING, GTOR MA BYIN GYIS RLOB PA'I TSUL NI GONG DU NANG MCHOD BYIN GYIS RLOB PA'I SKABS SU BSHAD ZIN PA LTAR BYA'O, ,GTOR MGRON NI 'KHOR LO LNGA'I LHA TSOGS DANG, DUR KHROD NA GNAS PA'I PHYOGS SKYONG ZHING SKYONG RNAMS SNGAR BSHAD PA'I SNGAGS DANG PHYAG RGYAS SPYAN DRANGS, LAG PA GNYIS AA LI DANG KA LI YONGS SU GYUR PA LAS NYI MA DANG ZLA BA'I DKYIL 'KHOR DU BSKYED, DE'I DBUS SU H'Um BSAMS TE, AOm A'A: N+YO ZHES SOGS KYI SNGAGS NGAG TU BRJOD CING LAG PA PHAN TSUN MNYES PAS ZLA NYI H'Um DANG BCAS PA YONGS SU GYUR PA LAS RDO RJE THAL MOR GYUR PAR BSAMS PA'I LAG MTHIL DU GTOR MA DNGOS SU BZHAG PA'AM BZHAG PAR MOS LA, LHA MO TSAD MA, ZHES SOGS KYI TSIGS BCAD

BRJOD PAS GTOR MA BZHES PAR GSOL BA GDAB, 'KHOR GSUM RANG BZHIN MED PAR RTOGS PA'I SHES RAB KYIS ZIN PA'I SGO NAS SNGAR NANG MCHOD 'BUL BA'I SKABS SU BSHAD PA LTAR LJAGS BYIN GYIS BRLABS PA'I 'OD ZER GYI SBU GU GTOR MA LA ZUG NAS GTOR MA'I BCUD THAMS CAD DRANGS TE GSOL BAR BSAMS LA, AOm BADZRA AA RA LI HO: ZHES SOGS KYIS GTZO BO YAB YUM SNYING PO'I RNAL 'BYOR MA BZHI SGO MTSAMS MA BRGYAD DANG BCAS PA DANG, GTZO BO'I RTZA SNGAGS KYIS 'KHOR LO GSUM GYI LHA LA SGRUB THABS NAS 'BYUNG BA BZHIN PHUL BA'I RJES SU ZHAL BSIL MCHOD YON SO RTZI RNAMS DBUL ZHING RIG MA BCU DRUG GIS KYANG MCHOD, RKANG BRGYAD KYIS BSTOD LA, SRID PA DANG MNYAM, ZHES SOGS SHLOO KA GCIG GIS 'DOD DON LA GSOL BA GDAB BO; ;'JIG RTEN PA'I GTOR MA LA SPYAN DRANGS PA'I PHYOGS SKYONG DANG ZHING SKYONG DANG KLU LA SOGS PA SKAD CIG GIS 'OD GSAL DU BCUG PA LAS BDE MCHOG GI LHA YAB YUM GYI SKUR MOS LA, PHYOGS G-YON DANG MTSAMS G-YAS SU BSKOR TE AOm KHA KHA ZHES SOGS LAN GNYIS KYIS GTOR MA PHUL TE SNGAR BZHIN MCHOD NAS RKANG BRGYAD KYIS BSTOD, LHA YI TSOGS RNAMS MA LUS DANG, ,ZHES SOGS KYIS 'DOD DON LA GSOL BA GDAB, CHO GA LHAG CHAD KHA DGANG BA'I DON DU YIG BRGYA BZLA ZHING, AOm YO GA SHUDDHA ZHES SOGS KYI SNGAGS BRJOD CING, SNYING GAR PAD SKOR GYI PHYAG RGYA SDUD PA NA 'KHYUD PA'I TSUL BYA ZHING 'JIG RTEN PA RNAMS GSHEGS SU GSOL BA DANG, DE NAS DKYIL 'KHOR GYI 'KHOR LO BDAG NYID LA GZHUG PAR BYA'O, ,DE NAS THUN GYI

, ,MTHAR NYER BSDU BYA BA'I TSUL NI PHYI DKYIL GYI 'KHOR GYI LHA RNAMS SNGAR BSHAD PA BZHIN BSDUS PA'I 'OG TU LUS DKYIL GYI SGO MTSAMS MA BRGYAD SKU 'KHOR DANG, DE GSUNG 'KHOR, DE THUGS 'KHOR GYI LHA DANG, DE RNAMS KYANG RNAL 'BYOR MA BZHI THOD PA DANG BCAS PA LA BSDU ZHING, DE BRGYAD NANG GI HE RU KA YAB YUM DANG, DE GNYIS KYANG SNYING GAR THIM PAS RTZA KHAMS THAMS CAD BYIN GYIS BRLABS PAR BSAMS LA LHAG MA SNGAR BZHIN BSDUS TE LDANG BA NA HE RU KA PHYAG GNYIS PA YAB YUM DU LANGS LA YAB YUM GNYIS KYI LUS LA GO CHA DRUG BKOD PA'I SRUNG BA DANG, P'U DZA LA SOGS PA'I YI GE NYER BZHI THIG LES BRGYAN PA GO CHA CHEN POS SRUNG BA BYAS LA ZHAL BZHI PA'I SNGAGS BRJOD DE PHYOGS BZHIR SE GOL GTOGS PAS BGEGS THAMS CAD TSAR GCOD PAR BSAM ZHING, SRID PA GSUM 'BAR SKU NI RJES CHAGS DUL BAR LDAN, ,ZHES SOGS DANG, LHA MO TSAD MA SOGS DANG, RIM PA GNYIS KYI LAM GYI GNAD THAMS CAD TSANG BA'I RJE NYID KYIS MDZAD PA'I SMON LAM DANG BCAS PA BYA'O,, GNYIS PA THUN GYI SNGA PHYI'I BAR DU JI LTAR BYA BA NI, DE NAS DPAL HE RU KA'I TING NGE 'DZIN LA GNAS PAS LUS KYI SGUL SKYOD DANG NGAG GI SMRA BRJOD BTANG SNYOMS PA RNAMS KYANG PHYAG RGYA BCINGS PA DANG SNGAGS BZLAS PA DANG 'DRA BA'I TSOGS RDZOGS PAR BYED DE, KUN SPYOD LAS, HE RU KA YI GO 'PHANG GNAS, ,YAN LAG GI NI SKYOD PA DANG, ,TSIG GI RAB 'BYAMS JI SNYED PA, ,DE SNYED PHYAG RGYA GSANG SNGAGS YIN, ,ZHES 'BYUNG BA LTAR YIN PA'I PHYIR, KHRUS BYED PA'I DUS SU DKYIL 'KHOR

PA'I LHA RNAMS KYIS RANG LA KHRUS GSOL BAR MOS NAS PHYAG BYA ZHING, KHA ZAS KYI DUS SU RANG GI LUS KYI DKYIL 'KHOR SKAD CIG GIS GSAL BTAB, NANG MCHOD BYIN RLABS SNGAR BSHAD PA'I TSUL GYIS BYIN GYIS BRLABS PA'AM, YANG SDOM 'BYUNG LAS, BLA MA DPA' BO RNAL 'BYOR MA, ,MCHOD CING RJES SU SPYAD PAR BYA, ,AOm A'A: H'Um ZHES PA'I SNGAGS KYIS, ,RTAG TU BYIN GYIS BRLAB BYA ZHING, ,HA HO HRI: ZHES PA'I SNGAGS KYIS, ,SBYANG BA DANG NI RTOGS PA STE, ,HA YIG KHA DOG 'PHROG PAR BYED, ,HO YIG DRI RNAMS 'PHROG PAR BYED, ,HRI: YIG NUS PA BCOM PA DANG, ,BDUD RTZI'I RNAM PA'ANG BSTEN PAR BYA, ,ZHES GSUNGS PA LTAR KHA ZAS KYI RNAL 'BYOR DANG LDAN PAS NANG GI SBYIN SREG GI TSUL DU LONGS SPYOD DGOS TE, DE LTAR MA BYAS NA DE NYID LAS, LHA GSUM LA SOGS DANG BRAL BA, ,GAL TE SRED LDAN 'THUNG GYUR NA, ,DE NI DUG 'GYUR THE TSOM MED, ,SNGAGS KYI DNGOS GRUB SKYE MI 'GYUR, ,ZHES GSUNGS SHING, ,DE BZHIN DU YONGS SPYAD NA PHAN YON YANG DE NYID LAS, GANG ZHIG CUNG ZAD BZA' BTUNG RNAMS, ,BSNGO BA BYAS NAS BZA' BAR BYA, ,'DI LTAR SPYOD PA'I RNAL 'BYOR PA, ,BU LON DU YANG MI 'GYUR RO, ,ZHES GSUNGS PAS SHIN TU GAL CHE'O, ,GZHAN YANG RTZA RGYUD LAS, DE NAS RNAL 'BYOR RGYUD DU NI, ,RNYED DKA'I DAM TSIG NGA YIS BSHAD, ,SKYES PA BUD MED G-YON NAS 'GRO, ,'DOD PA'I 'BRAS BU STER BAR BYED, ,CES SOGS DAM TSIG BRGYAD GSUNGS PA RNAMS DANG, KHYAD PAR 'DI PA'I KHYAD CHOS G-YON PA'I KUN SPYOD LA SLOB PA SOGS SPYI BYE BRAG GI DAM TSIG DANG

, ,SDOM PA LA SLOB PA NI DNGOS GRUB THAMS CAD KYI 'BYUNG GNAS SO, ,DE LTAR LAM NYAMS SU BLANGS PA'I PHAN YON NI RTZA RGYUD LAS, MI MCHOG GANG ZHIG KUN SPYOD PA, ,SDIG PA THAMS CAD RNAM DAG PAS, ,DE BZHIN GSHEGS PA'I SA 'THOB CING, ,SKYE DANG SKYE BAR BDE GSHEGS KYI, ,RIGS SKYE RGYAL PO CHOS LDAN 'GYUR, ,JI LTAR SNGON BSAGS SDIG PA YI, ,MTSAN NYID THAMS CAD DMAN PA STE, ,GANG ZHIG 'DI NA RTAG SGOM PA, ,SA LA 'DOD PA KUN DBANG PHYUG ,DPER NA MAR GYIS GANG BA'I SNOD, ,ME YI DBUS SU BZHAG PA NI, ,MAR SAR STENG DU ZHU 'GYUR ZHING, ,DE BZHIN SHR'I HE RU KA YI, ,MTSAN GYIS SDIG PA 'JIG PAR 'GYUR, ,BSAM GTAN BSAMS PA TZAM GYIS SAM, ,KLOG CING KHA TON BRIS PA YIS, ,MTHO RIS LONGS SPYOD THOB 'GYUR BA'AM, ,YANG NA 'KHOR LOS SGYUR BA 'THOB, ,CES BSKYED RIM GYIS RGYUD SMIN PAR BYAS PA'I RDZOGS RIM GYI LAM GYIS SNYIGS DUS KYI TSE GCIG LA SANGS RGYAS KYI SA 'THOB PA DANG, TSE 'DIR MA THOB KYANG THEG PA MCHOG GI RIGS SU SKYE BA DANG, CHOS 'DI SPYOD PA'I CHOS LDAN GYI RGYAL POR 'GYUR BA DANG, LAS KYI SGRIB PA KUN 'DAG PA DANG, LAM 'DI LA BSAM GTAN BYAS PA TZAM DANG, GLEGS BAM KLAGS PA DANG, KHA TON BYAS PA DANG, RGYUD KYI GLEGS BAM BRIS PAS KYANG MTHO RIS KYI DPAL SPYI DANG, KHYAD PAR 'KHOR LOS SGYUR BA'I RGYAL PO 'THOB PA DANG, TSE 'DIR G-YENG BAS MA GRUB NA YANG 'CHI BA'I TSE LAM 'DI'I RNAL 'BYOR PA LA DPAL HE RU KA YAB YUM DPA' BO RNAL 'BYOR MA'I TSOGS DANG BCAS PAS LAG NA ME

TOG DANG BDUG SPOS SNA TSOGS DANG, RGYAL MTSAN DANG, BA DAN DANG, SIL SNYAN GYI SGRA SGROG PA DANG, YID DU 'ONG BA'I GLU'I MCHOD PA SNA TSOGS KYIS BSUS TE PHYI NANG GI MKHA' SPYOD RNAM PA GNYIS SU 'KHRID PAR MDZAD CING, RTZA RGYUD LAS, DE 'DRA'I DPA' CHEN RNAL 'BYOR MA, ,SA STENG 'DI NA RNYED PAR DKA', ,ZHES PHAN YON DE LTA BU DANG LDAN PA'I LAM NYAMS SU LEN PA'I RNAL 'BYOR PA DANG RNAL 'BYOR MA SHIN TU DKON PAR BSTAN PAS 'DI 'DRA BA'I LAM LA NYAMS LEN BYA SA YOD PA'I DUS SU SHIN TU RNYED DKA' BAR SHES PAR GYIS LA LAM 'DI LA THOS BSAM SGOM GSUM GYI SGO NAS 'BAD PA DANG, LAM BZANG 'DI NYID PHYOGS DUS KUN TU RGYAS PA'I THABS LA CI NAS 'BAD PAR BYA'O,, ,,'DIR SMRAS PA, BDE MCHOG SBAS CHU'I CHU GTER LAS 'KHRUNGS 'DOD PA 'JO BA'I DPAG BSAM DANG, ,SNGON MED LEGS SHAD YAL GA STONG LDAN THUGS RJE'I ME TOG 'DZUM DKAR LAS, ,SNYING PO'I 'BRAS BZANG RO BRGYA'I DPAL 'DZIN 'DOD DGUR BLANGS TE BDAG GIS BYIN, ,SKU GSUM GO 'PHANG LAG RTZER LEN 'DOD SKAL BZANG TSOGS RNAMS YID DGAR BYOS, ,'DREN MCHOG DBANG PO'I TOG GI MDUN SA CHE, ,SMON LAM 'DAB BRGYA'I PHRENG BAS MDZES BYAS LA, ,RDO RJE 'CHANG DBANG DUS KYI THA MA 'DIR, ,NGUR SMRIG 'DZIN PA'I ZLOS GAR CI YANG MDZAD, ,MGON 'DI'I GSUNG GI RIN CHEN CHA SHAS RES, ,MCHOG TU KHENGS LDAN MKHAS PA CHES MANG YANG, ,MDO SNGAGS GSUNG GI BANG MDZOD MTHA' DAG LA, ,'DOD DGUR LONGS SPYOD SKAL BZANG GZHAN YOD MIN, ,DRI MA KUN BRAL MTHO

, ,RIS GANGG'A'I RGYUN, ,RGYUN MI 'CHAD DU SNYOMS PAR 'BAB NA YANG, ,KHVA TA'I TSOGS RNAMS DUG BZHIN RAB SPANGS NAS, ,MI GTZANG KHROD NA BTZOG CHUS CI YANG TSIM, ,YAB RJE BLA MA'I DGONGS DON PHRA ZHING ZAB, ,BDAG NI BLO GROS DMAN ZHING SBYANGS PA CHUNG, ,DE PHYIR 'KHRUL PA'I TSOGS RNAMS CI MCHIS PA, ,BLA MA LHA DANG MKHA' 'GRO'I TSOGS LA 'CHAGS, ,'DIR 'BAD LAS BYUNG DUNG DANG KUN DA DANG, ,STON ZLA'I 'OD LTAR DKAR BA'I RNAM DKAR GYIS, ,'GRO BA KUN KYANG LAM BZANG 'DIR ZHUGS NAS, ,TSE GCIG NYID LA HE RU KA THOB SHOG ,BDAG KYANG TSE RABS KUN TU BLA MA DANG, ,BCOM LDAN YAB YUM RNAMS KYIS RJES BZUNG STE, ,ZAB MO'I LAM 'DI'I RTOGS PA MTHAR SON CING, ,BSTAN DANG 'GRO BA'I DON LA BRTZON PAR SHOG, CES DPAL 'KHOR LO BDE MCHOG GI RIM PA DANG PO'I LAM LA SLOB PA'I TSUL 'DOD PA 'JO BA'I SNYING PO ZHES BYA BA 'DI NI, ZHANG RIN PO CHE'I CHOS KYI GDAN KHRI 'DZIN PA NANG SO NGAG DBANG RGYA MTSO BA'I GSUNG GIS NAN CHER BSKUL ZHING, GZHAN YANG DON GNYER CAN MANG POS BSKUL BA DANG, BDAG NYID KYANG LAM 'DI LA MCHOG TU DAD PAS KUN NAS BSLANG STE, DPAL 'KHOR LO SDOM PA'I GZUGS BRNYAN GYI RNAL 'BYOR PA CHOS SMRA BA'I BTZUN PA DGE 'DUN RGYA MTSO'I DPAL GYIS RNAM 'GYUR GYI LO'I SA GA ZLA BA'I MAR NGO'I TSES BCU LA DPAL LDAN 'BRAS SPUNGS KYI CHOS GRVA CHEN PO'I DGA' LDAN PHO BRANG ME TOG MNGON PAR BKRA BA'I LDING KHANG DU NYE BAR SBYAR BA'I YI GE PA NI RNAM DPYOD CAN BSHES GNYEN BKRA SHIS SO, ,'DIS KYANG RGYAL BA'I BSTAN PA DAR ZHING RGYAS LA YUN RING DU GNAS PAR BYED NUS PAR GYUR CIG, ,,BKRA SHIS,,