, ,RJE BTZUN THAMS CAD MKHYEN PA'I GSUNG 'BUM THOR BU LAS BDE MCHOG DRIL BU LUGS KYI SBYIN SREG BZHUGS SO, ,
, ,BLA MA DANG DPAL 'KHOR LO SDOM PA'I ZHABS LA GUS PAS PHYAG 'TSAL LO, ,BDE CHEN YE SHES ME LCE YIS, ,SGRIB GNYIS BUD SHING KUN SREG PA, ,BLA MA 'KHOR LO SDOM PA YI, ,ZHABS KYI PADMOR PHYAG 'TSAL LO, ,'DIR BCOM LDAN 'DAS 'KHOR LO BDE MCHOG DRIL BU PA'I LUGS KYI SBYIN SREG GI CHO GA CUNG ZAD BRJOD PAR BYA'O, ,DE YANG LAS BZHI'I DBANG DU BYAS PA LAS 'DIR ZHI BA KHO NA'I BYA TSUL CUNG ZAD BRJOD NA, RANG NYID BDAG BSKYED RGYAS PA'AM MA GRUB NA DAG PA GSUM BSKYED TZAM SNGON DU BTANG NAS, LAG PA G-YAS RDO RJE DANG BCAS PA SA LA BZHAG NAS, AOm A'A: H'Um, AOm HA NA HA NA KRO DHA H'Um PHAt, CES BRJOD PAS BGEGS BCOM ZHING SA'I NYES SKYON SBYANGS PAR BSAM PA KUN RDZOB DANG, SA'I SKYON THAMS CAD RANG BZHIN GYIS STONG PAR BSGOMS PAS DON DAM PA'I SBYANG BA BYAS NAS, THAB BRI BA LA SA GZHI DKAR POS BYUGS PAS SAM, RANG BZHIN GYIS DKAR BA'I STENG DU THOG MAR DBUS BTZAL TSANGS ZUR GYI THIG BTAB, DE NAS THIG SKUD KHRU PHYED PA
, ,ZHIG GIS DBUS NAS ZLUM POR BSKOR BAR BYA'O, ,DE NAS THIG SKUD KHRU PHYED PA DE LA SOR BZHI BSNAN NAS ZLUM POR BSKOR BAR BYA ZHING, DE'I STENG DU SOR BZHI BSNAN NAS SLAR YANG DBUS NAS ZLUM POR BSKOR BAR BYA'O, ,DE NAS TSANGS THIG GI STENG NAS SOR GNYIS GNYIS PHYIR GZHAL BA'I MTSAMS SU BYA RJES BTZAL TE ZUR THIG NAS ZUR THIG GI BAR THIG SKUD BRKYANGS NAS GRU BZHIR GDAB PAR BYA'O, ,KHA KHYER LA RDO RJE'I 'PHRENG BAS BSKOR BAR BYA ZHING, PHYI'I GRVA BZHI PA'I ZUR BZHIR ZLA BA PHYED PA'I STENG RDO RJE RTZE GSUM PAS MTSAN PA BRI, THAB KYI DBUS SU PADMA DKAR PO 'DAB MA BRGYAD PA'I LTE BAR RDO RJE RTZE LNGA PA SRID DU SOR BRGYAD PA, DPANGS SU SOR GCIG PA BYA'O, ,DE NAS ZLUM THIG NANG MA'I STENG NAS BUD SHING SKAM PO SROG CHAGS MED CING DRI ZHIM PA ZLUM POR BRTZIGS TE, THAB KHUNG DANG BUD SHING GI RTZIG PA LA SA DKAR POS BYUG CING, PHYI ROL TU BA'I LCI BA DANG, BDUD RTZI DKAR POS BYUGS LA ME TOG DKAR PO'I SIL MA DGRAM PAR BYA'O, ,DE NAS CHU BZHI DANG BZED ZHAL GSUM DANG, BSANG GTOR GYI KU SHA'I CHUN PO DANG BCAS PA MAN 'JI
LA SOGS PA'I STENG DU G-YON PHYOGS SU 'GOD, BSANG CHU'AM LAS BUM KYANG G-YON DU 'GOD, G-YAS SU THOG MAR SREG RDZAS RNAMS 'BUL BA'I RIM PA BZHIN BSGRIGS, DE'I NANG ROL DU 'JIG RTEN PA'I ME LHA'I SREG RDZAS RIM PA BZHIN BKOD PA'I MTHAR DE'I GTOR MA YANG BSHAMS, DE'I NANG ROL DU 'JIG RTEN LAS 'DAS PA LA 'BUL BA'I MCHOD RDZAS CHU BZHI MA GTOGS PA RNAMS RIM BZHIN 'GOD, MAR KHU DANG DGANG BLUGS DANG RDOR DRIL NANG MCHOD DANG BCAS PA MDUN DU GZHAG ,ME GSO BA'I CHAS DANG THAB KYI KHA KHYER LA 'GOD RGYU'I KU SHA YANG STA GON BYAS LA, RDZAS THAMS CAD LA NANG MCHOD KYIS BRAN, GRUB NA SLOB DPON DANG MCHOD YON DANG GZAR BU LA SOGS PA'I GDAN YANG PADMA DKAR PO 'DAB BRGYAD SOGS BYA'O, ,DE LTAR CHO GA'I YAN LAG RNAMS TSOGS PAR BYAS NAS, BDAG BSKYED KYI LHA'I RNAL 'BYOR DANG LDAN PAS 'JAM ZHING BDE BA'I STAN LA PADMA'I 'DUG STANGS KYI KHA SHAR DU PHYOGS PAR 'DUG STE, NANG MCHOD BYIN GYIS BRLABS, LAS BUM YOD NA YOD NA DES CHOG LA MED NA BSANG CHU BSGRUB, DE NAS SMRA BA GZHAN BCAD DE, RDO RJE NI THABS DANG DRIL BU NI SHES RAB STE, DE GNYIS KA'ANG DON DAM PA'I BYANG CHUB KYI SEMS KYI RANG BZHIN NO SNYAM DU BSAM MO,, AOm SARBA TA TH'A GA TA SIDDHI BADZRA SA M'A YA TIshthA AE shA STVAm DH'A RA Y'A MI HI HI HI HI HI H'Um H'Um H'Um PHAt SV'A H'A, ZHES BRJOD DE LAG PA G-YAS PA'I MTHE BONG DANG MING MED KYIS RDO RJE THUGS KAR BZUNG, AOm BADZRA GHAndA H'Um, ZHES BRJOD DE G-YON PA'I MTHE BONG DANG MING MED KYIS DRIL BU G-YON GYI DKUR KHA GYEN DU BSTAN LA BZUNG, RDO RJE SEMS DPA' LA SOGS PA RNAMS MNYES PAR BYA'O SNYAM DU BSAMS LA, H'Um SEMS CAN RMONGS DANG 'BREL BA YI, ,RDO RJE GSOR BA MDZES PA YIS, ,RNAM THAR CHOS KYI BYA BAS TE, ,SPRO DANG BCAS PAS RDO RJE BZUNG, ,H'Um H'Um H'Um HO HO
, ,HO, ZHES BRJOD CING RDO RJE GSOR BAR BYA'O,, DE NAS RDO RJE G-YAS KYI DKUR BZUNG LA, AOm BADZRA DHARM'A RA nI TA PRA RA nI TA SAm PRA RA nI TA SARBA BUDDHA KshE TRA PRA TZA LI NI PRADZNY'A P'A RA MI TA N'A DA SVA BHA WE BADZRA SA TVA HRi DA YA SANTO shA NI H'Um H'Um H'Um HO HO HO: SV'A H'A, ZHES BRJOD CING DRIL BU'I NANG GI PHYOGS BRGYAD DU LCE BSKYOD PAS DKROL BAR BYA'O, ,'DI NAS SBYIN SREG MA TSAR GYI BAR DU LAG PA RDOR DRIL DANG MA BRAL BAR BYAS LA, AOm KHAndA RO H'I H'Um H'Um H'Um PHAt, CES BRJOD DE, LAG PA G-YAS PAS KHA RGYAN NAM KU SHA'I RTZE MOS LAS BUM GYI CHU'AM BSANG CHU BLANGS NAS, THAB DANG MCHOD RDZAS SOGS LA BSANG GTOR BYA ZHING, DE BZHIN DU NANG MCHOD KYIS KYANG BSANG GTOR BYA'O, ,DE NAS ME LHA'I MCHOD RDZAS RNAMS LA SNGAR GYI LAS SNGAGS BRJOD PAS NANG MCHOD GTOR TE BSANGS, SVA BHA WAS STONG PAR SBYANGS, STONG PA'I NGANG LAS AA LAS BYUNG BA'I THOD PA YANGS SHING RGYA CHE BA RNAMS KYI NANG DU H'Um H'Um ZHU BA LAS BYUNG BA'I MCHOD RDZAS RNAMS RANG BZHIN STONG NYID CES PA DANG, AOm SHAPTA A'A: H'Um, ZHES PA'I BAR CHU BZHI DANG BCAS PA'I MCHOD RDZAS RNAMS SNGAGS DANG PHYAG RGYAS BYIN GYIS BRLABS, DE NAS LAG PA GNYIS RDO RJE KHU TSUR LAS GUNG MO GNYIS RTZE SPRAD PA'I PHYAG RGYAS SREG RDZAS RNAMS LA REG CING, AOm SV'A H'A, ZHES PAS BKRUS PAR BSAM, AOm A'A: SV'A H'AS YAm SHING DANG, AOm SHR'I SV'A H'AS BZHUN MAR DANG, AOm DZRIm SV'A H'AS 'BRU DANG, AOm KU RU KU RU SV'A H'A, DE DAG LAS GZHAN PA'I SREG RDZAS RNAMS KYI MTSAN NYID DANG MI LDAN PA'I NYES SKYON THAMS CAD SBYANGS SHING DAG NAS BDUD RTZI LNGA'I NGO BO GYUR PAR BSAM, DE NAS 'O MA CAN GYI SHING NGAM, GTZUB SHING LAS BYUNG BA'AM, ME THA MAL PA'AM DGON PA'I ME RNAMS GANG YANG RUNG BA LA, AOm A'A: H'Um ZHES LAN GSUM BRJOD DE SNOD DU BZHAG LA, ZHUN MAR
GYI SGRON ME SBAR ZHING LAS SNGAGS BRJOD LA, BSANG CHU DANG NANG MCHOD KYIS G-YON BSKOR DU LAN GSUM GSUM BSANG, DE NAS SGRON ME DE GTZANG ZHING SHIN TU BSKAMS PA'I RTZA'I CHUN PO DANG BCAS PA THAB KYI NANG DU BCUG LA, AOm BADZRA DZVA LA DZVA LA H'Um, ZHES BRJOD LA ME'I GZI BYIN BSKYED, H'Um ZHES BRJOD CING RLUNG G-YAB KYIS ME SBAR, LAS SNGAGS TSAR BDUN BRJOD LA MAR KHU BLUGS GZAR BDUN BLUGS PAS ME GSO, DE NAS KU SHA RNAMS LAG TU BZUNG LA, AOm BADZRA SA TVA ZHES LAN BDUN BRJOD PAS KU SHA BYIN GYIS BRLABS LA, AOm KU SHA 'DI NI GTZANG ZHING DGE ,TSANGS PA LHA RNAMS DAG BYED YIN, ,DKON COG GSUM PO MNYES BYED PA, ,SA LAS SKYES PA'I 'DAB MA'I SNYING, ,BDAG GI BGEGS RNAMS THAMS CAD NI, ,ZHI DANG BKRA SHIS MDZAD DU GSOL, ,ZHES BRJOD CING KU SHA SNGO LJANG DRI MA MED PA MA GAS SHING, MA GRUG PA HA CANG YANG MI RING BA GNYIS GNYIS RTZE MO GSHIBS PA RANG GI G-YON NGOS NAS BRTZAMS TE THAB KYI KHA KHYER LA RANG GANG LA KHA BLTAS PA'I PHYOGS SHAR DU BYAS PA'I LUGS KYI RTZE MO SHAR DANG LHO DANG NUB DANG BYANG DU BSTAN LA SNGA MA'I RTZE MOS PHYI MA'I RTZA BA NON PAR DGRAM ZHING, THAB KHUNG DU RTZE MO SHAR DU BSTAN PA'I KU SHA BA GLANG GI RNA BA LTA BU HA CANG YANG MI RING BAS G-YOGS, KU SHA 'GOD PA TSAR BA DANG, RDOR DRIL 'DZIN PA'I LAG PA THAL MO SBYAR NAS, BCOM LDAN 'DAS RDO RJE SEMS DPA' BGEGS THAMS CAD ZHI BA DANG BKRA SHIS PAR MDZAD DU GSOL, ZHES GSOL BA BTAB STE SBYOR BA'I CHO GA'O, ,DNGOS GZHI LA THOG MAR 'JIG RTEN PA'I ME LHA MCHOD PA NI, KHAndA RO H'I BRJOD LA BSANG CHUS THAB BSANGS TE, SVA BH'A WA BRJOD LA, THAB STONG PA NYID DU GYUR, STONG PA'I NGANG LAS H'Um DKAR PO ZHU BA LAS BYUNG BA'I YE SHES KYI THAB KHA DOG DKAR ZHING DBYIBS ZLUM PO MU RAN KHA
, ,KHYER DANG BCAS PA, KHA KHYER LA RDO RJE'I 'PHRENG BAS BSKOR BA GRVA BZHIR ZLA PHYED RDO RJES MTSAN PA DVANGS SHING THOGS PA MED PAR GYUR, THAB KYI NANG DU RAm LAS SKYES PA'I ME GRU GSUM GYI DBUS SU SNA TSOGS PADMA DANG ZLA BA'I STENG DU RAm LAS PADMA DKAR PO RAm GYIS MTSAN PA YONGS SU GYUR PA LAS ME LHA SKU MDOG DKAR PO SHIN TU ZHI BA'I NYAMS CAN ZHAL GCIG PHYAG BZHI'I G-YAS GNYIS PAD DKAR DANG SHEL 'PHRENG, G-YON GNYIS RIL BA DANG DUNG 'DZIN PA DAR DKAR PO'I NA BZA' DANG RIN PO CHE'I RGYAN GYIS BRGYAN PA'I THUGS KAR ME GRU GSUM PA RAm GYIS MTSAN PA, THUGS KA'I SA BON LAS 'OD ZER 'PHROS PA'I SNA LA KHRO BO 'DOD RGYAL GYIS SHAR LHO NAS BSGOMS PA DANG 'DRA BA'I ME LHA YE SHES PA DRANG SRONG GI 'KHOR GYIS BSKOR BA SPYAN DRANGS PAR BSAM LA, LAG PA G-YAS MI 'JIGS PA'I PHYAG RGYAS MTHE BONG G-YAB CING, AOm TSUR BYON TSUR BYON 'BYUNG PO CHE, ,LHA YI DRANG SRONG BRAM ZE MCHOG ,SREG BLUGS ZHAL ZAS BZHES SLAD DU, ,'DIR NI YANG DAG BSNYEN PAR MDZOD,, AOm tAKKI H'Um DZA: THAB KYI ME MTSAMS KYI KHA KHYER GYI KU SHA'I GDAN LA BZHUGS PAR GYUR, AOm KHAndA RO H'I H'Um H'Um PHAt, CES BRJOD CING BSANG CHU GTOR LA PHYIR 'BRANG GI BGEGS BSKRAD, 'OG NAS DA LTA NYID DU 'BYUNG BA'I CHU BZHI PHUL TE, DZA: H'Um BAm HO: DAM TSIG PA DANG GNYIS SU MED PAR GYUR, AOm A'A: HR'I: PRA WA RA SAD KA RAm PROKshA nAm PRA TI TZTSA H'Um SV'A H'A, ZHES PAS KU SHA'I CHUN POS ZHAL BSIL GYI SNOD NAS BZED ZHAL DANG POR LAN GSUM BSANG GTOR DBUL LO, ,SNOD DE NYID NAS MDZUB MOS ME TOG BLANGS TE KHU TSUR 'OG TU BSTAN NAS MTHE'U CHUNG NAS RIM GYIS BKROL BA'I PHYAG RGYAS AANYTZA
MA nAm GYIS BZED ZHAL DANG POR ZHAL BSIL DANG, RDO RJE SNYIM PA KHA GYEN DU PHYE BA'I PHYAG RGYAS, AARGHAm ZHES SBYAR BAS BZED ZHAL GNYIS PAR MCHOD YON DANG KHU TSUR BCINGS TE, CHU NANG NAS ME TOG BLANGS PAS LAN GSUM BSKOR TE KHU TSUR GYEN DU BSTAN PA'I MDZUB MO NAS RIM GYIS BKROL BA'I PHYAG RGYAS P'A DYAm ZHES SBYAR BAS BZED ZHAL GSUM PAR ZHABS BSIL DBUL ZHING, AOm AAGNE YE A'A D'I BYA A'A D'I BYA A'A BI SHA A'A BI SHA MA H'A SHR'I YE HA BYA KA BYA B'A H'U N'A YA BADZRA PUshPE A'A: H'Um, DE BZHIN DU SBYAR TE SHAPTA'I BAR DANG, AOm A'A: H'Um BTAGS LA NANG MCHOD PHUL, DRIL STABS DANG BCAS PAS, 'JIG RTEN DBANG PHYUG TSANGS DBANG MGON GYI SRAS, ,ME LHA'I RGYAL PO tAKKIS DBANG BSKUR BA, ,SHES RAB MCHOG GIS NYON MONGS THAMS CAD SREG ,'DZIN BYED ME LHA NYID LA RNAM PAR 'DUD, ,TSANGS PA 'JIG RTEN MGON GYI SRAS, ,ME LHA'I RGYAL PO DRANG SRONG MCHOG ,'BYUNG PO YONGS SU BSKYANG BA'I PHYIR, ,THUGS RJE'I DBANG GIS SKU SPRUL PA, ,RIG SNGAGS GRUB PA'I DRANG SRONG TSUL, ,NYON MONGS SREG PA'I SHES RAB 'OD, ,BSKAL PA'I ME BZHIN GZI BRJID 'BAR, ,MNGON SHES RDZU 'PHRUL ZHABS DANG LDAN, ,THABS KYIS SPRUL PA'I THEG PA BCIBS, ,RIG SNGAGS GSUNG ZHING BGRANG 'PHRENG 'DZIN, ,BDUD RTZI'I BCUD LDAN GUndE BSNAMS, ,CHOS KYI BDUD RTZI YONGS LA BSIL, ,NYES PA'I SKYON BRAL TSANGS PAR SPYOD, ,'JIG RTEN GNAS KYANG MYA NGAN 'DAS, ,ZHI BA BRNYES KYANG THUGS RJE CHE, ,DE BAS BSTOD DE PHYAG KYANG 'TSAL, ,ZHES PAS BSTOD DE, AOm BADZRA AA NA LA MAH'A BHU TA DZVA LA DZVA LA YA SARBA BHA SMIN KU RU SARBA DUshtAN H'Um PHAt TRI SHYA DZA: H'Um BAm HO: SA MA YA STVAm SA MA YA HAm, ZHES LAN
, ,GSUM GYIS DAM TSIG BSGRAGS, ME LHA'I LJAGS RDO RJE RTZE GCIG PA DKAR PO LA RAm YIG DANG, DGANG BLUGS KYI KHA LA H'Um YIG 'OD ZER DANG BCAS PAS MTSAN PAR GYUR PAR BSAMS NAS, LAG PA G-YON PA KHU TSUR BCINGS PA'I STENG NAS MTHE BOS BKAB PA DE BZHIN GSHEGS PA'I KHU TSUR LAS MDZUB MO BRKYANGS TE GAN RKYAL DU BZHAG PAS DGANG GZAR MAR GYIS BKANG BA BZUNG, G-YAS PA YANG DE BZHIN GSHEGS PA'I KHU TSUR BYAS PA'I MDZUB MO BRKYANGS PA THUR DU SBUB PAS BLUGS GZAR GYI YU BA BZUNG BA G-YON PA'I MDZUB MO'I THAD KAR G-YAS PA'I KHU TSUR BZHAG NAS DGANG GZAR GYI KHAR BLUGS GZAR GYI MGO BZHAG STE 'DZIN PA BYANG CHUB MCHOG GI PHYAG RGYAS LAG PA GNYIS PUS MO'I NANG NAS PHYIR MI 'DA' BAR G-YON DU BSKOR TE ME LHA'I ZHAL CUNG ZAD GDANGS PAR DGANG BLUGS GSUM MAM BDUN NAM ME LHA'I SNGAGS SAM DGANG BLUGS KYI SNGAGS SAM, MAR GYI SREG BLUGS KYI SNGAGS GSUM PO GANG RUNG GIS 'BUL BA LA DANG PO NI, AOm AAGNA YE A'A D'I BYA, ZHES SOGS ME LHA'I SNGAGS KYI MJUG TU, BDAG CAG 'KHOR DANG BCAS PA'I 'BYOR PA PHUN SUM TSOGS PA LA BAR DU GCOD PA DANG SDOM PA GSUM DANG 'GAL BA'I BCAS PA DANG, RANG BZHIN GYIS KHA NA MA THO BA DANG, NAD GDON THAMS CAD DANG CHO GA LHAG CHAD KYI NYES PA THAMS CAD SHANTIm KU RU YE SV'A H'A, ZHES BTAGS LA DBUL, GNYIS PA NI, AOm NA MA: SA MANTA BUD DH'A NAm AAGNA YE SV'A H'A, ZHES PA LA SPEL TSIG SBYAR BA DANG, GSUM PA NI, AOm AAGNA YE SV'A H'A, ZHES PA SPEL TSIG SBYAR RO, ,SKABS 'DIR ME LA GEGS YOD MED SOGS BRTAGS NAS YOD NA SEL BA'I TSUL SOGS NI DNGOS GRUB RGYA MTSO LAS SHES PAR BYA'O, ,DE NAS DRI ZHIM ZHING TSER MA MED PA'I 'O MA CAN GYI SHING GI RTZE MO'I PHYOGS SRID DU SOR BCU GNYIS PA, SPOMS SU MTHE'U
CHUNG GI TSAD RLAN DANG BCAS PA MNYAM POR BCAD CING MA GAS PA RTZE MO GNYIS MAR DANG SBRANG RTZIR SNYUGS PA GNYIS GNYIS SBYAR BA'AM, YANG NA RKYANG PA LAG PA G-YAS PA'I MTHEB SRIN GYIS MCHOG SBYIN PA'I PHYAG RGYAS RTZE MO LHA LA BSTAN NAS 'BUL BA NI, YAM SHING RNAMS BYANG CHUB KYI SHING GI RANG BZHIN GYI BDUD RTZI'I NGO BOR GYUR, AOm AAGNA YE NAS, H'A N'A YA ZHES PA'I BAR SNGAR LTAR LA, AOm BO DHI PRiKshA YA, BDAG CAG DPON SLOB CES PA NAS, BKRA MI SHIS PA DANG GZI BRJID PHUN SUM TSOGS PA LA BAR DU GCOD PA THAMS CAD SHANTIm KU RU YE SV'A H'A, MAR KHU LA, AOm AAGNA YE NAS, AOm AAGNA YE, BDAG CAG DPON SLOB CES PA NAS, BKRA MI SHIS PA DANG 'BYOR PA PHUN SUM TSOGS PA LA BAR DU GCOD PA THAMS CAD SHANTIm KU RU YE SV'A H'A, TIL LA, AOm AAGNA YE, ZHES PA NAS, B'A H'A H'A YA AOm SARBA P'A BAm DA HA NA BADZRA YA, BDAG CAG DPON SLOB CES PA NAS, BKRA MI SHIS PA DANG SDIG PA THAMS CAD SHANTIm KU RU YE SV'A H'A, DE NAS DUR BA GNYIS GNYIS SBYAR NAS 'BUL ZHING, AOm AAGNA YE ZHES PA NAS, B'A H'A H'A YA SLOB CES PA NAS, BKRA MI SHIS PA DANG BSOD NAMS RGYAS PA LA SHIS PA DANG TSE MTHAR PHYIN PA LA BAR DU GCOD PA THAMS CAD SHANTIm KU RU YE SV'A H'A, DE NAS 'BRAS MA GRUG PA LA, AOm AAGNA YE ZHES PA NAS, B'A H'A N'A YA AOm BADZRA PUshtA YA, BDAG CAG DPON SLOB CES PA NAS, BKRA MI SHIS PA DANG BSOD NAMS RGYAS PA LA BAR DU GCOD PA THAMS CAD SHANTIm KU RU YE SV'A H'A, DE NAS ZHO GZAN LA, AOm AAGNA YE ZHES PA NAS, B'A H'A N'A YA AOm SARBA SAm P'A TE, BDAG CAG DPON SLOB CES PA NAS, BKRA MI SHIS PA DANG BDE BA MCHOG LA BAR DU GCOD PA THAMS CAD SHANTIm KU RU YE SV'A H'A, DE NAS KU SHA GNYIS
, ,GNYIS SBYAR NAS DBUL ZHING, AOm AAGNA YE ZHES PA NAS, B'A H'A N'A YA AOm AA PRA TI HA TA BADZR'A YA, BDAG CAG DPON SLOB CES PA NAS, BKRA MI SHIS PA DANG BSRUNG BA MCHOG LA BAR DU GCOD PA DANG GRIB DANG MI GTZANG BA THAMS CAD SHANTIm KU RU YE SV'A H'A; YUNGS KAR LA, AOm AAGNA YE NAS, B'A H'A N'A YA AOm SARBA AARTHA SIDDHA YE, BDAG CAG DPON SLOB CES PA NAS, BKRA MI SHES PA DANG BGEGS THAMS CAD SHANTIm KU RU YE SV'A H'A, DE NAS SO BA LA, AOm AAGNA YE NAS, B'A H'A N'A YA AOm BADZRA BI DZ'A YA, BDAG CAG DPON SLOB CES PA NAS, BKRA MI SHIS PA DANG NOR DANG 'BRU RGYAS PA LA BAR DU GCOD PA THAMS CAD SHANTIm KU RU YE SV'A H'A, DE NAS NAS LA, AOm AAGNA YE NAS, B'A H'A N'A YA AOm MAH'A BE GA YA, BDAG CAG DPON SLOB CES PA NAS, BKRA MI SHIS PA DANG MYUR BA'I SHUGS PHUN SUM TSOGS PA LA BAR DU GCOD PA THAMS CAD SHANTIm KU RU YE SV'A H'A, DE NAS SRAN MA LA, AOm AAGNA YE NAS, B'A H'A N'A AOm MAH'A B'A L'A L'A YA, BDAG CAG DPON SLOB CES PA NAS, BKRA MI SHIS PA DANG STOBS RGYAS PA LA BAR DU GCOD PA THAMS CAD SHANTIm KU RU YE SV'A H'A, DE NAS GRO LA, AOm AAGNA YE NAS, B'A H'A N'A YA AOm BADZRA GHASMA RI, BDAG CAG DPON SLOB CES PA NAS, BKRA MI SHIS PA DANG NAD THAMS CAD SHANTIm KU RU YE SV'A H'A, GZHAN YANG ZHO 'O MA 'BRAS GZAN 'BRAS YOS TZANDAN PRI YANG KU THANG CHU DRI ZHIM PO'I ME TOG RNAMS KYANG 'DIR ME LHA'I SNGAGS DANG, BZLAS PA'I SKABS SU LHA GTZO 'KHOR RANG RANG GI SNGAGS KYIS DBUL LO,, DE LTAR SREG RDZAS RNAMS SNYAN PA'I GDANGS KYIS PHUL NAS, AOm A'A: HR'I: PRA WA RA SAD KA RAm AANYTZA MA nAm PRA TI TZTZA H'Um SV'A H'AS ZHABS BSIL DANG, DE BZHIN DU, PROKshA nAm GYIS BSANG GTOR
'BUL, DE NAS 'JIG RTEN LAS 'DAS PA'I ME LHA LA SREG RDZAS 'BUL BA'I MCHOD RDZAS DANG SREG RDZAS RNAMS SNGAR BZHIN SNGAGS DANG PHYAG RGYAS BYIN GYIS BRLABS, 'JIG RTEN PA'I ME LHA'I THUGS KAR ME GRU GSUM 'BAR BA'I DBUS SU BHRUm LAS GZHAL YAS KHANG GRU BZHI SGO BZHI PA, ZHES PA NAS, DBUS SNGO BA, ZHES PA'I BAR SGRUB THABS BZHIN LA, DE'I NANG GI PHYI ROL GYI PHYOGS MTSAMS BRGYAD DU RO'I GDAN, DE NANG DU SKU'I 'KHOR LO DKAR PO RTZIBS BRGYAD PA'I MU KHYUD LA 'KHOR LO'I 'PHRENG BA DANG, DE'I LTE BAR GSUNG GI 'KHOR LO DMAR PO RTZIBS BRGYAD PA'I MU KHYUD LA PADMA'I 'PHRENG BA DANG, DE'I LTE BAR THUGS KYI 'KHOR LO SNGON PO RTZIBS BRGYAD PA'I MU KHYUD LA RDO RJE'I 'PHRENG BA DANG, DE'I LTE BAR BDE CHEN GYI 'KHOR LO SNA TSOGS PADMA 'DAB MA BRGYAD PA'I MU KHYUD LA GRI GUG GI 'PHRENG BAS BSKOR BA, DBUS KYI PADMA'I LTE BAR NYI MA'I GDAN LA H'Um BAm, BDE CHEN GYI 'KHOR LO'I PHYOGS KYI 'DAB MA BZHI LA Ri R'i Li L'i BZHI, THUGS 'KHOR GYI RTZIBS BRGYAD LA, KAm KHAm GAm GHAm TZAm TSAm DZAm BRGYAD, GSUNG I 'KHOR LO'I RTZIBS BRGYAD LA DZNYAm NYAm tAm dAm thAm dHAm nAm TAm BRGYAD, SKU 'KHOR GYI RTZIBS BRGYAD LA THAm DAm DHAm NAm PAm PHAm BAm BHAm BRGYAD, SGO BZHI DANG MTSAMS BZHIR YAm RAm LAm WAm SHAm shAm SAm HAm BRGYAD RNAMS YONGS SU GYUR PA LAS LHA DRUG CU RTZA GNYIS YONGS SU RDZOGS PAR GYUR PA NI, DBUS SU BCOM LDAN 'DAS DPAL HE RU KA SKU MDOG DKAR PO, ZHES PA NAS, BYANG SHAR DU GSHIN RJE 'JOMS MA'I BAR LHA THAMS CAD KYANG SKU MDOG DKAR POR BSKYED LA, GO BGO YE SHES PA GZHUG DBANG BSKUR RGYAS BTAB PA'I BAR SGRUB THABS BZHIN BYA'O, ,YANG NA LHA'I SKU MDOG ZHAL PHYAG RNAMS SGRUB THABS JI LTA
, ,BA BZHIN LA LHA THAMS CAD KYI SKU LAS 'OD ZER DKAR PO'I TSOGS 'PHRO BA BSGOMS PAS KYANG RUNG NGO, ,DE NAS CHU BZHI NYER SPYOD, RIG MA BCU DRUG GIS MCHOD CING, NANG MCHOD 'BUL, RKANG BRGYAD KYIS BSTOD NAS, LHA RNAMS KYI LJAGS H'Um DKAR PO LAS BYUNG BA'I RDO RJE RTZE GSUM PA DKAR PO NAS 'BRU TZAM BKOD PA'I RDO RJE'I 'OD ZER GYI SBU GUS DRANGS NAS GSOL BAR GYUR PAR BSAM LA, SREG RDZAS RNAMS 'BUL BA'I THOG MAR, AOm SHR'I BADZRA HE HE RU RU KAm H'Um H'Um PHAt d'A KIN'I DZVA LA SHAm BA RAm SV'A H'A, BDAG CAG DPON SLOB CES PA NAS, BKRA MI SHIS PA THAMS CAD SHANTIm KU RU YE SV'A H'A, DGANG BLUGS BDUN PHUL NAS GSOL BA BTAB PAS 'PHRIN LAS MDZAD PAR ZHAL GYIS BZHES PAR GYUR PAR BSAM, DE NAS SREG RDZAS RNAMS 'BUL BA LA GRUB NA LHA'I SNGAGS DANG SREG RDZAS KYI SNGAGS DANG SPEL TSIG GSUM SBYAR BA DANG SREG RDZAS RE RE MNYAM DU 'BUL LA, DE LTAR MA GRUB NA SREG RDZAS DANG PO LA GSUM GA SBYAR, DE MAN CHAD LHA'I SNGAGS RE RE DANG SPEL TSIG RE RE SBYAR LA 'BUL, DE YANG MA GRUB NA, BDUN BDUN GYI MTHAR RE RE SBYAR BA DANG, DE YANG DKA' NA THOG MTHA' GNYIS SU LHA'I SNGAGS SREG RDZAS KYI SNGAGS SPEL TSIG GSUM GA SBYAR TE, GZHAN RNAMS LHA'I SNGAGS RE DANG, SREG RDZAS RE DUS MTSUNGS SU BYAS NAS 'BUL ZHING, SREG RDZAS KYI GTZO BO YAm SHING DANG ZHUN MAR 'BUL THEGS RE DANG SNGAGS RE SBYAR BA SBYIN SREG RE RE'I GRANGS SU RTZI BA YIN PAS, MAR KHU BLUGS GZAR RE RE GRANGS RE RER BGRANG PAR BYA YI, BLUGS GZAR RE RE LA GRANGS KHA NAS THON TSAD BYAS NAS LHA LA SLU BA'I BSAM PAS RANG NGAN SONG BSGRUB PAR MI BYA LA, SREG RDZAS 'BUL BA'I GRANGS NI, SREG BLUGS GCIG GAM, GSUM MAM, BDUN NAM, NYER GCIG GAM, BRGYA DANG STONG LA SOGS PA 'BUL BAR BYA'O, ,ZHES SH'ANTI PAS BSHAD PA LTAR NGES PA MED DO, ,YAm
SHING DANG MAR GTZO BO YIN PAS MANG BA DANG, GZHAN RNAMS DE LAS NYUNG BA DANG, GTZO BOR SDIG PA ZHI BAR 'DOD NA, TIL MANG BA DANG, TSE'I BAR CHAD ZHI BAR 'DOD NA DUR BA MANG BA SOGS 'BUL BAR BYA'O, ,LHA'I SNGAGS DANG SBYOR BA'I TSUL NI, AOm HR'I: HA HA H'Um H'Um PHAt, AOm BO DHI PRiKsh'A YA, BDAG CAG DPON SLOB CES SOGS SREG RDZAS 'BUL BA'I CHO GA GZHAN RNAMS SNGAR JI LTA BA BZHIN NO, ,'KHOR RNAMS KYI SNGAGS KYANG, AOm BADZRA BEE RO TZA n'I YE H'Um H'Um PHAt, AOm BO DHI PRiKsh'A YA NAS, AOm YA MA MA THA NI H'Um H'Um PHAt, AOm BO DHI PRiKsh'A YA, ZHES PA NAS, BKRA MI SHIS PA THAMS CAD SHANTIm KU RU YE SV'A H'A, ZHES PA'I BAR TE, SREG RDZAS RNAMS LHA RE RE LA GSUM MAM BDUN NAM, NYER GCIG LA SOGS PA CI 'BYOR BA PHUL, DE LTAR SREG RDZAS RNAMS PHUL TSAR BA DANG, LHA RNAMS KYI THUGS KA NAS SPROS PA'I SANGS RGYAS RNAMS KYIS BUM PA DKAR PO BDUD RTZIS GANG BA THOGS NAS BSGRUB BYA ZLA BA'I DKYIL 'KHOR LA GNAS PA LA KHRUS BYAS PAS SDIG SGRIB DANG NAD GDON LA SOGS PA DAG NAS LUS SHEL LTAR DAG PAR GYUR PAR BSAM, DE NAS MAR DGANG BLUGS GSUM MAM BDUN LA SOGS PA GTZO BO'I SNGAGS KYIS 'BUL ZHING, AOm A'A: HR'I: SOGS KYIS MCHOD YON, BSANG GTOR, ZHABS BSIL GSUM 'BUL, AOm BADZRA WA SA SYA SV'A H'A, ZHES PAS GOS GSAR PA ME NANG DU DBUL ZHING, NA BZA' PHUL BAR BSAM, AOm BADZRA TAMBU LA YE SV'A H'A, ZHES PAS SO RTZI DBUL, DE NAS NYER SPYOD, RIG MA BCU DRUG DANG BCAS PAS MCHOD LA, NANG MCHOD KYANG DBUL, RKANG BRGYAD KYIS BSTOD NAS PHYAG BYAS NAS MCHOD YON DBUL, GANG YANG BDAG BLO RMONGS PA YIS, ,ZHES SOGS KYIS NONGS PA BZOD PAR GSOL, HE RU KA'I YIG BRGYA BRJOD LA, BDAG LA DNGOS GRUB MCHOG STZOL LA, ZHES SOGS KYIS YE SHES PA RNAMS RANG BZHIN GYI GNAS SU
, ,GSHEGS, DAM TSIG PA RNAMS BDAG NYID LA THIM PAR GYUR, CES BRJOD, DE NAS SLAR YANG THAB KYI ME LHA LA PHYI NANG GI MCHOD PAS MCHOD NAS, BSANG GTOR DANG, ZHAL BSIL DANG, SO RTZI DANG GOS GSAR PA PHUL NAS SREG RDZAS LHAG MA RNAMS KYANG LAN BDUN BDUN PHUL, SKABS 'DIR ME LHA'I SNGAGS KYIS DGANG BLUGS GSUM MAM BDUN PHUL, SLAR YANG ZHAL BSIL DANG, BSANG GTOR DANG, MCHOD PAS MCHOD DE, 'JIG RTEN DBANG PHYUG ,SOGS KYIS SNGAR BZHIN BSTOD, ,GTOR MA SGRUB THABS BZHIN BYIN GYIS BRLABS NAS, AOm AAGNA YE SOGS ME LHA'I SNGAGS LA A'A K'A RO BTAGS LA LAN GSUM GYIS PHUL TE, NYER SPYOD LNGA DANG NANG MCHOD KYIS MCHOD NAS, ME STE BSREG BYA ZA BA'I LHA, ,ZHES SOGS KYIS BSTOD NAS, MCHOD SBYIN GTOR MA 'DI SNOMS LA, ,ZHES SOGS KYIS 'PHRIN LAS BCOL, ,MCHOD YON PHUL TE BZOD PAR GSOL, 'DOD DON LA 'PHRIN LAS BCOL, AOm BADZRA SA TVA AA, ZHES MANG DU BRJOD NAS, RANG GI DON DANG GZHAN GYI DON, ,SGRUB BYED BSREG BYA ZA BA GSHEGS, ,JI BZHIN DUS SU TSUR BYON ZHING, ,BDAG GI DNGOS GRUB THAMS CAD BSGRUBS, ,ZHES PAS BSKUL NAS, AOm MU: ZHES BRJOD CING, ME LHA YE SHES PA RANG BZHIN GYI GNAS SU GSHEGS, DAM TSIG ME 'BAR BA'I RNAM PAR BSAM, DE NAS RANG DANG YUM GYI GO CHA SOGS GSUM GSAL BTAB STE, BSRUNG BA BYA ZHING SMON LAM DANG SHIS BRJOD RGYAS PAR BYA'O, ,DPAL LDAN 'KHOR LO SDOM PA'I SBYIN SREG GI ,PHYAG LEN DRI MED CUNG ZAD 'DIR BKOD PAS, SPRUL PA'I 'KHOR LO'I THAB TU TZAndA LI, ,HAm YIG MAR GYI THIGS PAS LEGS BRAN PAS, ,BDE STONG LHAN CIG SKYES PA'I YE SHES MED, ,GNYIS SNANG 'KHRUL PA'I BUD SHING KUN BSREGS NAS, ,
SKU GSUM RIN CEN GZHAL MED NYAMS DGA' BAR, ,'GRO KUN BLA MED BDE LA SPYOD GYUR CIG ,BSTAN PA'I SBYIN BDAG CHEN PO 'KHOR BCAS KYANG, ,SKU TSE RING ZHING CHAB SRID RGYAS PA DANG,, ZAB LAM RDO RJE THEG PA'I DGA' STON GYIS, ,CHOS RGYAL RIGS LDAN RNAMS DANG MTSUNGS PAR SHOG,, 'KHOR LO BDE MCHOG DRIL BU PA'I LUGS KYI SBYIN SREG GI CHO GA CUNG ZAD BSDEBS PA 'DI NI, BSTAN PA'I SBYIN BDAG CHEN PO NANG SO DON GRUB MGON PO'I GSUNG GIS BSKUL BA LA BRTEN NAS, MKHAS GRUB THAMS CAD MKHYEN PAS MDZAD PA'I 'DUS PA'I SBYIN SREG GI CHO GA LA GZHI BYAS, 'DI'I THUN MONG MA YIN PA'I KHYAD PAR RNAMS KHA BSKANGS NAS, CHOS SMRA BA'I BTZUN PA DGE 'DUN RGYA MTSO'I DPAL GYIS THON BSAM 'GRUB MTHONG SMON GYI GZHIS KAR NAG PA ZLA BA'I TSES BCO LNGA LA SBYAR BA'I YI GE PA NI TSE DPAL ZHES BYA BAS BGYIS PA 'DIS KYANG BSTAN PA DANG SEMS CAN LA PHAN PA RGYA CHEN PO 'BYUNG BAR GYUR CIG, ,,MANGGA LAm,,