, ,RJE BTZUN THAMS CAD MKHYEN PA'I GSUNG 'BUM THOR BU LAS DRIL BU LHA LNGA'I SGRUB THABS DNGOS GRUB KYI BANG MDZOD CES BYA BA BZHUGS SO, ,
, ,DPAL 'KHOR LO SDOM PA DRIL BU LUGS KYI LHA LNGA'I SGRUB THABS DNGOS GRUB KYI BANG MDZOD CES BYA BA, BLA MA DANG DPAL 'KHOR LO SDOM PA LA PHYAG 'TSAL LO, ,MA LUS RGYAL BA'I LHAN SKYES YE SHES NI, , RNAM KUN MCHOG LDAN DPA' BO'I GAR MDZAD PA, ,BLA MA HE RU KA DPAL LA BTUD NAS, ,DE YI SGRUB THABS MKHAS PA'I LUGS BZHIN BYA, ,DPAL 'KHOR LO BDE MCHOG LHA LNGA'I SGRUB THABS NYAMS SU LEN PAR 'DOD PAS RANG NYID STAN BDE BA LA 'DUG STE, PHYI NANG GI MCHOD PA RDO RJE DRIL BU SOGS YO BYAD RNAMS TSOGS PAR BYAS NAS, THOG MAR NANG MCHOD BYIN GYIS BRLAB PA NI, RANG NYID SKAD CIG GIS HE RU KA SNGON PO ZHAL GCIG PHYAG GNYIS PA RDO RJE DANG DRIL BU 'DZIN PAR GYUR, AOm KHANdA RO HI H'Um H'Um PHAt, AOm SVA BHA WA SHUDDHA SARBA DHARMA SVA BHA WA SHUDDHONYA HAm, STONG PA'I NGANG LAS YAm LAS RLUNG GI DKYIL 'KHOR SNGON PO GZHU'I DBYIBS CAN RGYAL MTSAN GYIS MTSAN PA DE'I STENG DU RAm LAS ME'I DKYIL
, ,'KHOR DMAR PO GRU GSUM PA ME 'BAR BAS MTSAN PA, DE'I STENG DU AOm A'A: H'Um GSUM LAS BYUNG BA'I MI MGO RLON PA'I SGYED PU LA GNAS PA'I AA DKAR PO LAS BYUNG BA'I THOD PA DUM BU GCIG PA PHYI DKAR LA NANG DMAR BA'I NANG GI SHAR DU AOm DKAR PO LAS BYUNG BA'I DRI CHEN AOm GYIS MTSAN PA, BYANG DU KHAm LJANG KHU LAS BYUNG BA'I SHA CHEN KHAm GIS MDZAD PA, NUB TU AAm DMAR PO LAS BYUNG BA'I BYANG SEMS AAm GIS MTSAN PA, LHOR TRAm SER PO LAS BYUNG BA'I RAKTA TRAm GIS MTSAN PA, DBUS SU H'Um SNGON PO LAS BYUNG BA'I DRI CHU H'Um GIS MTSAN PA, MER LAm DKAR PO LAS BYUNG BA'I BA GLANG GI SHA LAm GIS MTSAN PA, BDEN BRAL DU MAm SNGON PO LAS BYUNG BA'I KHYI'I SHA MAm GYIS MTSAN PA, RLUNG DU PAm DMAR PO LAS BYUNG BA'I GLANG PO CHE'I SHA PAm GYIS MTSAN PA, DBANG LDAN DU TAm LJANG KHU LAS BYUNG BA'I RTA'I SHA TAm GIS MTSAN PA, RLUNG G-YOS PA LAS ME 'BAR BA'I DROD KYIS RDZAS
YI GE DANG BCAS PA RNAMS ZHU NAS NYI MA 'CHAR KA'I MDOG LTAR DMAR SER DU GYUR, DE'I STENG DU H'Um DKAR PO LAS BYUNG BA'I KHA tV'Am GA DKAR PO BYANG CHUB SEMS KYI BDUD RTZI'I RANG BZHIN CAN MGO BO THUR DU BLTAS PA THOD PAR LHUNG STE ZHU BAS, BCUD DE DAG DNGUL CHU'I MDOG CAN BSIL BAR GYUR, AOm AA A'A, AI A'I, AU A'U, Ri R'i, Li L'i, AE AEE, AO AOO, AAm AA: KA KHA GA GHA NGA, TZA TSA DZA DZHA NYA, tA thA dA dHA nA, TA THA DA DHA NA, PA PHA BA BHA MA, YA RA LA WA, SHA shA SA HA KshA H'Um H'Um PHAt, YI GE DE NYID KHA DOG SNA TSOGS PA BDUD RTZI'I STENG DU GNAS PA YONGS SU GYUR PA LAS, AOm DKAR PO A'A: DMAR PO H'Um SNGON PO GSUM STENG NAS STENG DU GNAS PA LAS 'OD ZER 'PHROS PAS, PHYOGS BCU NA BZHUGS PA'I DPA' BO DANG DPA' MO'I DBANG PHYUG MA RNAMS KYI THUGS KA'I SA BON LAS YE SHES KYI BDUD RTZI BKUG PA AOm A'A: H'Um LA THIM, DE GSUM YANG RIM GYIS ZHU BA THOD PAR THIM PAR GYUR, AOm A'A: H'Um LAN GSUM BRJOD, SNGON 'GRO GTOR MA'ANG NANG MCHOD LTAR BYIN GYIS BRLABS, BSDUS PA BYED NA HA HO HR'I: KHA DOG DRI RO NUS PA'I SKYON THAMS CAD BCOM ZHING BDUD RTZI'I RANG BZHIN DU GYUR, AOm A'A: H'Um LAN GSUM, RGYA CHER SPEL ZHING BYIN GYIS BRLABS PAR GYUR, ZHES BRJOD PAS KYANG RUNG, SNGON 'GRO GTOR MA'I MCHOD PA BYIN GYIS BRLAB PA NI, KHAndA RO HIS BSANGS, SVA BHA WAS SBYANGS, STONG PA'I NGANG LAS KAm LAS BYUNG BA'I THOD PA YANGS SHING RGYA CHE BA RNAMS KYI NANG DU H'Um LAS BYUNG BA'I MCHOD YON, ZHABS BSIL, ME TOG BDUG SPOS, MAR ME, DRI, ZHAL ZAS ROL MO RNAMS RANG BZHIN STONG NYID, RNAM PA MCHOD RDZAS
, ,SO SO'I RNAM PA CAN, BYED LAS DBANG PO DRUG GI SPYOD YUL DU ZAG PA MED PA'I BDE BA KHYAD PAR CAN STER BAR GYUR, AOm AARGHAm A'A: H'Um, AOm P'A DYAm A'A: H'Um, AOm BADZRA PUshPE A'A: H'Um, AOm BADZRA DH'U PE A'A: H'Um, AOm BADZRA D'I PAm A'A: H'Um, AOm BADZRA GANDHE A'A: H'Um, AOm BADZRA NEE WI TE A'A: H'Um, AOm BADZRA SHAPTA A'A: H'Um, DE NAS 'BAR BA'I PHYAG RGYA DANG BCAS PAS, PHEEm RANG GI THUGS KAR NYI GDAN LA GNAS PA'I H'Um YIG LAS 'PHROS PA'I 'OD ZER GYIS, DUR KHROD BRGYAD NA GNAS PA'I PHYOGS SKYONG DANG ZHING SKYONG LA SOGS PA THAMS CAD SPYAN DRANGS TE PHYOGS MTSAMS BRGYAD DU 'KHOD PA SKAD CIG GIS 'OD GSAL DU BCUG PA LAS BDE MCHOG GI LHA YAB YUM GYI SKUR BZHENGS PA'I MGRON RNAMS KYI LJAGS H'Um DKAR PO LAS BYUNG BA'I RDO RJE RTZE GSUM PA DKAR PO NAS 'BRU TZAM 'KHOD PA'I 'OD ZER GYI SBU GUS DRANGS NAS GSOL BAR GYUR, AOm KHA KHA, KH'A HI KH'A HI, SARBA YAKshA RAKshA SA, BHU TA, PRE TA, PI SHA TZA, AUNM'A DA, AA PASM'A RA, BADZRA d'A KA d'A KIN+Y'E DA YA, AI MAm BA LIm GRiHNA TU, SA MA YA RAKshNTU, MA MA SARBA SIDDHI MME PRA YA TZTSANTU, YA THEE BAm, YA THE shtAm, BHU DZA THA, BI BA THA, DZI GHA THA, MA TI KRA MA THA, MA MA SARBA K'ARTA YA, SA TA SU KHAm, BI SHUDDHA YE, SA HA YI KA BHA WANTU, H'Um H'Um PHAt PHAt SV'A H'A, LAN GNYIS KYIS PHYOGS G-YON DANG MTSAMS G-YAS SKOR DU GNAS PA LA 'BUL, AOm AARGHAm PRA TI TZTSA SV'A H'A, AOm P'A D+YAm PRA TI TZTSA SV'A H'A, AOm BADZRA PUshPE, DE BZHIN DU DH'U PE, D'I PAm, GANDHE, NEE WI TE, SHAPTA A'A: H'Um, PHYOGS SKYONG DANG ZHING SKYONG LA SOGS PA RNAMS KYI ZHAL DU AOm A'A: H'Um, LHA YI TSOGS RNAMS MA LUS DANG, ,KLU YI TSOGS RNAMS x, GNOD SBYIN
TSOGS x, SRIN PO'I TSOGS x, 'BYUNG PO'I x, YI DVAGS x, SHA ZA'I x, SMYO BYED x, BRJED BYED x, MKHA' 'GRO'I x, MA MO'I x, MA LUS PA NI THAMS CAD DAG ,'DIR GSHEGS BDAG LA DGONGS SU GSOL, ,BSTAN PA BSRUNG DANG 'GRO BA'I DON MDZAD PHYIR, ,THUGS DAM BCAS SHING ZHAL GYIS 'CHES PA RNAMS, ,DPAL CHEN BKA' SDOD YID LTAR MGYOGS PA YI, ,'JIGS PA'I GZUGS CAN DRAG GTUM MI BZAD PA, ,GDUG PA 'DUL MDZAD NAG PO'I PHYOGS RNAMS 'JOMS, ,RNAL 'BYOR LAS LA 'BRAS BU STER MDZAD CING, ,MTHU STOBS BYIN RLABS BSAM GYIS MI KHYAB PA'I, ,GNOD SBYIN TSOGS SOGS BRGYAD LA PHYAG 'TSAL LO, ,SDE BRGYAD BTZUN MO SRAS DANG G-YOG BCAS PAS, ,DNGOS GRUB KUN GYI BKA' DRIN BDAG LA STZOL, ,RNAL 'BYOR BDAG CAG 'KHOR BCAS LA, ,NAD MED TSE DANG DBANG PHYUG DANG, ,DPAL DANG GRAGS DANG SKAL BA BZANG, ,LONGS SPYOD RGYA CHEN KUN THOB CING, ,ZHI DANG RGYAS LA SOGS PA YI, ,LAS KYI DNGOS GRUB BDAG LA STZOL, ,SRUNG MAS RTAG TU GROGS MDZOD CIG ,DUS MI 'CHI DANG NAD RNAMS DANG, ,GDON DANG BGEGS RNAMS ZHI BA DANG, ,RMI LAM NGAN DANG BCAS MA NGAN, ,BYA BYED NGAN PA MED PAR MDZOD, ,'JIG RTEN BDE ZHING LO LEGS DANG, ,'BRU SNA RGYAS SHING CHOS 'PHEL DANG, ,BDE LEGS THAMS CAD 'BYUNG BA DANG, ,YID LA 'DOD PA KUN 'GRUB SHOG ,YIG BRGYA BZLAS, BADZRA MU: 'JIG RTEN PA RNAMS RANG GNAS SU GSHEGS PAR GYUR, BDAG BSKYED KYI MCHOD PA SNGON 'GRO GTOR MA'I SKABS LTAR BSANGS SBYANGS BYIN GYIS
, ,BRLABS, YIG BRGYA'I BZLAS PA BYED NA, SANGS RGYAS CHOS DANG DGE 'DUN LA, ,RTAG PAR BDAG NI SKYABS SU MCHI, ,THEG PA GSUM PO THAMS CAD DANG, ,RNAL 'BYOR GSANG SNGAGS MKHA' 'GRO MA, ,DPA' BO DPA' MO DBANG LHA MO, ,BYANG CHUB SEMS DPA' BDAG NYID CHE, ,KHYAD PAR DU YANG SLOB DPON LA, ,RTAG TU SKYABS SU MCHI BAR BGYI, ,SEMS CAN KUN GYI DON GYI PHYIR, ,BDAG NI HE RU KAR GYUR NAS, ,SEMS CAN THAMS CAD HE RU KA'I, ,GO 'PHANG MCHOG LA 'GOD PAR BGYI,, RANG GI SPYI BOR PAm LAS PADMA A'A: LAS ZLA BA'I STENG DU H'Um LAS RDO RJE DKAR PO RTZE LNGA PA LTE BA LA H'Um GIS MTSAN PA DE LAS 'OD 'PHROS 'DUS YONGS SU GYUR PA LAS, RDO RJE SEMS DPA' DKAR PO RDO RJE DANG DRIL BU 'DZIN PA, YUM RDO RJE SNYEMS MA DKAR PO GRI GUG DANG THOD PA 'DZIN PAS 'KHYUD PA, RIN PO CHE'I RGYAN SNA TSOGS KYIS BRGYAN CING, RDO RJE'I SKYIL KRUNG GIS BZHUGS PA'I SPYI BOR AOm, MGRIN PAR A'A: THUGS KAR H'Um, THUGS KAR ZLA BA'I DKYIL 'KHOR GYI STENG DU H'Um DKAR PO'I MTHAR YI GE BRGYA PA'I SNGAGS KYIS BSKOR BA DE LAS 'OD ZER 'PHROS RANG 'DRA'I YE SHES PA SPYAN DRANGS, DZA: H'Um BAm HO: SLAR YANG H'Um LAS 'OD ZER 'PHROS, DBANG GI LHA RNAMS SPYAN DRANGS, DE BZHIN GSHEGS PA THAMS CAD KYIS DBANG BSKUR DU GSOL, ZHES GSOL BA BTAB PAS DE RNAMS KYIS YE SHES KYI BDUD RTZIS GANG BA'I BUM PA THOGS NAS, AOm SARBA TA TH'A GA TA AA BHI shE KA TA SA MA YA SHR'I YE H'Um, ZHES DBANG BSKUR MI BSKYOD PAS DBU BRGYAN PAR GYUR, BCOM LDAN 'DAS RDO RJE SEMS
DPA', BDAG GZHAN SEMS CAN THAMS CAD KYI SDIG SGRIG DANG DAM TSIG NYAMS CHAG THAMS CAD BYANG ZHING DAG PAR MDZAD DU GSOL, ZHES GSOL BA BTAB PAS THUGS KA'I SNGAGS 'PHRENG H'Um DANG BCAS PA LAS 'OD ZER 'PHROS, SEMS CAN THAMS CAD KYI SDIG SGRIB SBYANGS, RGYAL BA SRAS BCAS LA MNYES PA'I MCHOD PA PHUL, DE RNAMS KYI YON TAN THAMS CAD 'OD KYI RNAM PAR BSDUS NAS THUGS KA'I H'Um LA THIM PAR GYUR, DE NAS DE LAS BDUD RTZI DKAR DMAR MTHING GSUM YAB YUM GYI SBYOR MTSAMS NAS BABS, RANG GI TSANGS BUG NAS ZHUGS LUS THAMS CAD GANG SDIG SGRIB DANG DAM TSIG NYAMS CHAG THAMS CAD DAG PAR BSAMS LA, AOm BADZRA HE RU KA SA MA YA MA NU P'A LA YA HE RU KA TVE NO PA TIshthA, DRi dHO ME BHA WA, SU TO shYO ME BHA WA, SU PO shYO ME BHA WA, AA NU RAKTO ME BHA WA, SARBA SIDDHI ME PRA YA TZTSA, SARBA KARM'A SU TZA ME, TZITTAm SHR'I YAm: KU RU H'Um, HA HA HA HA HO: BHA GA W'AN BADZRA HE RU KA M'A ME MUNYTZA, HE RU KO BHA WA MAH'A SA MA YA SA TVA A'A: H'Um PHAt, NYER GCIG LA SOGS PA MANG DU BZLAS PA'I MTHAR, BDAG NI MI SHES RMONGS PA YIS, ,DAM TSIG LAS NI 'GAL ZHING NYAMS, ,BLA MA MGON POS SKYABS MDZOD CIG ,GTZO BO RDO RJE 'DZIN PA STE, ,THUGS RJE CHEN PO'I BDAG NYID CAN, ,'GRO BA'I GTZO LA BDAG SKYABS MCHI, ,RDO RJE SEMS DPA'I ZHAL NAS RIGS KYI BU KHYOD KYI SDIG SGRIB DANG DAM TSIGS NYAMS CHAG THAMS CAD DAG GO ZHES GSUNGS NAS RANG LA THIM PAS RANG GI SGO GSUM DANG RDO RJE SEMS DPA'I SKU GSUNG THUGS DBYER MED DU GYUR, DE NAS DAG PA GSUM GYI RNAL 'BYOR NI, SHR'I HE RU KA, HE
, ,NI KUN GYI 'BYUNG GNAS SU GYUR PA'I SEMS TE RGYU'I BDAG NYID DU RTAG PAR BYA BAS STONG PA'I CHOS KYI BDAG MED PA DANG, RU NI GANG ZAG GI BDAG TU 'DZIN PA'I RNAM RTOG GI DRA BAS BKOD PA'I BDAG DANG BRAL BA'I GANG ZAG GI BDAG MED PA DANG, KA NI DE KHO NA NYID KYI YUL YUL CAN GNYIS MI MTHUN PAR SO SOR GNYIS SU MI GNAS PA DANG, SHR'I NI YUL STONG PA NYID JI 'DRA BA DE BZHIN DU RJES SU ZHUGS PA'I GNYIS SU MED PA'I YE SHES AE WAm GYI DON NO, ,STONG PA'I NGANG LAS RANG NYID SKAD CIG GIS HE RU KA SNGON PO ZHAL GCIG PHYAG GNYIS PA RDO RJE DANG DRIL BU 'DZIN PA G-YAS BRKYANG GIS BZHUGS PA LA, YUM RDO RJE PHAG MO DMAR MO GRI GUG DANG THOD PA 'DZIN PAS 'KHYUD PAR GYUR, SH'I HE RU KONYA HAm, LAN GSUM BRJOD, DE NAS MGO BOR AOm DANG MTHAR H'Um H'Um PHAt DANG LDAN PA'I A'A LI K'A LI, LAN GSUM BRJOD NAS, RANG NYID LTE BA'I PHYOGS SU SNGAGS 'PHRENG 'OD ZER DANG BCAS PA G-YON BSKOR DU LAN GSUM BSKOR TE GNAS PA LAS, LHA LNGA'I TSOGS 'PHROS PA SNA BUG G-YAS PA NAS 'THON TE PHYOGS BCUR 'PHROS PAS BGEGS THAMS CAD BSKRAD, SLAR BYON RANG GI SNA BUG G-YON PA NAS ZHUGS LTE BA'I SNGAGS 'PHRENG LA THIM PAR GYUR, DE NAS TSOGS ZHING NI, RANG HE RU KAR GNAS PA'I THUGS KAR PAm SER PO LAS SNA TSOGS PADMA'I LTE BAR AA LAS BYUNG BA'I ZLA BA'I DKYIL 'KHOR GYI STENG DU DPAL MCHOG DANG PO'I YI GE H'Um SNGON PO YE SHES LNGA'I RANG BZHIN CAN 'OD ZER KHA DOG LNGA 'PHRO BA'I 'OD ZER GYIS RANG GI SPYI BO NAS RKANG PA'I BAR GANG STE, THOG MA MED PA NAS KYI SGO GSUM GYI DRI
MA RNAMS SBYANGS PAS LUS SHEL SGONG BZHIN DU DAG PAR GYUR TE, BA SPU'I SGO NAS PHYIR 'PHROS PA'I 'OD ZER GYIS 'GRO BA KUN GYI LUS SBYANGS, SGO GSUM DAG PAR BYAS, SPRIN SGRA'I YI GE'I 'OD DES BLA MA RDO RJE 'CHANG GI RNAM PA CAN DANG, SNGON NAS GRUB PA'I 'KHOR LO SDOM PA'I DKYIL 'KHOR GYI LHA TSOGS DANG, GZHAN YANG SANGS RGYAS DANG, BYANG CHUB SEMS DPA' DANG, LHA DANG LHA MO DANG, KHRO BOS NAM MKHA'I KHAMS TIL GYI GANG BU LTAR GANG BA MDUN GYI NAM MKHAR SPYAN DRANGS, GANG GI DRIN GYI BDE CHEN GNAS, ,SKAD CIG GIS NI THOB 'GYUR BA, ,BLA MA RIN CHEN LTA BU YI, ,RDO RJE CAN ZHABS PAD LA 'DUD, ,HE RU KA DPAL DPA' BO CHE, ,RNAM DAG RDO RJE'I DBANG PHYUG DANG, ,RJES CHAGS CHAGS PA CHE RNAMS KYI, ,RDO RJE PHAG MO DE LA 'DUD, ,DPAL LDAN RDO RJE MKHA' 'GRO MA, ,MKHA' 'GRO MA YIS 'KHOR LO SGYUR, ,YE SHES LNGA DANG SKU GSUM NYID, ,'GRO BA SKYOB LA PHYAG 'TSAL LO, ,JI SNYED RDO RJE MKHA' 'GRO MA, ,KUN TU RTOG PA'I 'CHING GCOD CING, ,'JIG RTEN BYA BA LA 'JUG MA, ,DE SNYED RNAMS LA PHYAG 'TSAL LO, ,ZHES PHYAG BYA, RANG GI THUGS KA'I H'Um LAS BYUNG BA'I MCHOD PA'I LHA MO RNAMS KYIS MCHOD PAR GYUR, SNGON 'GRO GTOR MA'I SKABS LTAR CHU GNYIS DANG NYER SPYOD LNGAS MCHOD NAS, AOm A'A: BADZRA A'A DAR SHE H'Um, AOm A'A: BADZRA WI nI H'Um, AOm A'A: BADZRA GANDHE H'Um, AOm A'A: BADZRA RA SE H'Um, AOm A'A: BADZRA SPARSHE H'Um, AOm A'A: BADZRA DHARME H'Um, ZHES SBYAR LA MCHOD, THUGS KA'I H'Um LAS BYUNG BA'I SNYING PO'I RNAL 'BYOR MA BZHIS THOD PA'I NANG GI BDUD RTZI LNGAS MCHOD PAR GYUR, AOm SARBA BADZRA KI MA NI SARBA
, ,BHAKshA SHO DHA YA GUHYA BADZRI NI SV'A H'A, YAB YUM SNYOMS PAR ZHUGS TE BDE BA CHEN PO BSKYED PAS LHA THAMS CAD KYIS KYANG BDE BA CHEN PO NYAMS SU MYONG BAR GYUR, DKON MCHOG GSUM LA BDAG SKYABS MCHI, ,SDIG PA THAMS CAD SO SOR BSHAGS, ,'GRO BA'I DGE LA RJES YI RANG, ,SANGS RGYAS BYANG CHUB YID KYIS GZUNG, ,SANGS RGYAS CHOS DANG TSOGS MCHOG LA, ,BYANG CHUB BAR DU SKYABS SU MCHI, ,RANG GZHAN DON NI RAB BSGRUB PHYIR, ,BYANG CHUB SEMS NI BSKYED PAR BGYI, , BYANG CHUB MCHOG TU SEMS NI BSKYED BGYIS NAS, ,SEMS CAN THAMS CAD BDAG GI MGRON DU GNYER, ,BYANG CHUB SPYOD MCHOG YID 'ONG SPYAD PAR BGYI, ,'GRO LA PHAN PHYIR SANGS RGYAS 'GRUB PAR SHOG ,SEMS CAN THAMS CAD KYI SGRIB PA THAMS CAD BSAL BA'I PHYIR NAM MKHA'I MTHAS GTUGS PA'I SANGS RGYAS THAMS CAD LA CHOS KYI 'KHOR LO BSKOR BAR BSKUL LO, ,RGYAL BA MYA NGAN LAS 'DA' BAR BZHED PA RNAMS 'GRO BA KUN LA PHAN PA DANG BDE BA'I DON DU BSKAL PA ZHING GI RDUL SNYED DU BZHUGS PAR GSOL BA 'DEBS SO, ,BGROD DKA' SRID PA'I RGYA MTSO LAS, ,BDAG GIS 'GRO RNAMS BSGRAL BA'I PHYIR, ,RANG GI BDAG NYID SKAD CIG MA, ,SANGS RGYAS RNAMS LA DBUL BAR BGYI, ,SEMS CAN THAMS CAD KHYAD PAR DU 'PHAGS PA'I BDE BA DANG LDAN PAR GYUR CIG ,SDUG BSNGAL DANG SDUG BSNGAL GYI RGYU THAMS CAD DANG BRAL BAR GYUR CIG ,THOB ZIN PA'I BDE BA DANG MI 'BRAL BAR GYUR CIG NYON MONGS PA DANG NYE BA'I NYON MONGS PA THAMS CAD DANG BRAL BAR GYUR CIG BCOM LDAN
'DAS 'KHOR LO SDOM PA'I LHA TSOGS RNAMS KYIS BDAG LA BYIN GYIS BRLAB TU GSOL, YIG BRGYA TSAR GCIG BRJOD LA, TSOGS ZHING RNAMS 'OD DU GYUR TE RANG GI SMIN MTSAMS NAS ZHUGS PAS BYIN GYIS BRLABS PAR GYUR, CES 'DZAM BU GLING PA'I SNGAGS SPYOD PA'I RTEN GYI MI'I LUS THOB PA'I RGYUR BSOD NAMS KYI LAS KYI SA PA BA LTAR BSOD NAMS KYI TSOGS BSAGS, CHOS THAMS CAD NGO BO NYID KYIS GRUB PA MED LA KUN RTOG GIS BTAGS PA TZAM GYI SGYU MA LTA BUR GYUR, AOm SV'A H'A WA SHUDDHA SARBA DHARM'A SV'A BH'A WA SHUDDHONYHAm, THUGS KA'I H'Um GI 'OD ZER GYIS BRTAN G-YO THAMS CAD SBYANGS TE 'OD DU GYUR PA RANG LA THIM ZHING RANG YANG STOD SMAD NAS RIM GYIS THUGS KA'I H'Um LA THIM, H'Um GI A'U NI HA'I LUS LA, DE MGO BO LA, DE ZLA TSES LA, DE THIG LE LA, DE N'A DA LA, N'A DA YANG 'OD GSAL DU THIM PAR GYUR, AOm SHUN+Y'A TA DZNY'A NA BADZRA SV'A BH'A WA AATMA KONYHAm, CHOS THAMS CAD RAB TU GNAS PA MED PA NAM MKHA' DRI MA MED PA'I 'OD GSAL DU GYUR, DE NI LAS BSAGS PA'I MTHAR 'CHI BA 'OD GSAL MNGON DU BYAS PA DANG CHOS MTHUN PAR BSGOM PA 'CHI BA CHOS SKUR 'KHYER BA'I RNAL 'BYOR, DE LTAR SNANG BA THAMS CAD BSDUS PA'I STONG PA'I NGANG LAS RANG GI SEMS N'A DA'I GZUGS GYEN DU 'GRENG BA SHIN TU PHRA BA DKAR LA DMAR BA'I MDANGS CHAGS PA NAM MKHAR GNAS PAR GYUR, DE NI 'CHI BA 'OD GSAL LAS BAR DON GRUB PA DANG CHOS MTHUN PAR BSGOM PA LONGS SKU'I LAM KHYER, DE NAS SRUNG 'KHOR NI, AOm SUm BHA NI SUm BHA NI H'Um H'Um PHAt, SHAR DU SNGAGS DE NYID KHA DOG NAG PO, AOm GRiHNA GRiHnA H'Um H'Um PHAt, BYANG DU SNGAGS DE NYID KHA DOG LJANG KHU, AOm GRiHnA P'A YA GRiHnA P'A YA H'Um H'Um PHAt, NUB
, ,TU SNGAGS DE NYID KHA DOG DMAR PO, AOm AA NA YA HO: BHA GA W'AN BIDY'A R'A DZA H'Um H'Um PHAt, LHOR SNGAGS DE NYID KHA DOG SER PO RNAMS 'KHOD PAR GYUR, SNGAGS DE RNAMS LAS RANG RANG GI KHA DOG CAN GYI 'OD ZER 'PHROS PAS TSANGS PA'I 'JIG RTEN NAS GSER GYI SA GZHI LA THUG BAR KHYAB PA'I 'OD ZER 'BAR BA'I GZUGS CHEN POS KHYAB PA RNAMS SU GYUR, SNGAGS 'OD ZER DANG BCAS PA YONGS SU GYUR PA LAS, SHAR NAG BYANG LJANG, NUB DMAR, LHO SER BA'I SNA TSOGS RDO RJE'I RA BA GRU BZHI PA TSANGS PA'I 'JIG RTEN NAS GSER GYI SA GZHI LA THUG GI BAR DU KHYAB PAR GYUR, RA BA GRUB PA DANG DUS MNYAM DU H'Um LAS SNA TSOGS RDO RJE'I LTE BA LA H'Um GIS MTSAN PA'I H'Um GI 'OD ZER LAS GSER GYI SA GZHI LA THUG PA'I 'OG GI SA GZHI SNA TSOGS RDO RJE'I RANG BZHIN DU GYUR, SNA TSOGS RDO RJE'I H'Um GI 'OD ZER LAS PHYI ROL TU STENG DANG LOGS KUN TU KHYAB PAR RDO RJE RTZE LNGA PA'I RNAM PA CAN GYI MDA'I DRA BA DANG, DE'I 'OG TU RDO RJE'I GUR, GUR GYI 'OG RA BA'I STENG DU RDO RJE'I BLA RE RNAMS BAR MTSAMS MED PAR DUM BU GCIG TU GYUR PA'I PHYI ROL TU RDO RJE'I ME 'JIG DUS ME LTA BUS BSKOR BAR GYUR, AOm ME DI N'I BADZRI BHA WA BADZRA BANDHA H'UM, AOm BADZRA PR'A KA RA H'Um PAm H'Um, AOm BADZRA PANYTZA RA H'Um PAm H'Um, AOm BADZRA BI T'A NA H'Um KHAm H'Um, AOm BADZRA S'A RA DZ'A LA TRAm SAm TRAm, AOm BADZRA DZVA LA AA NA L'ARKA H'Um H'Um H'Um, SUm BHA NI SOGS SNGAGS BZHI SNGAR BZHIN BRJOD NAS, RNAM PA THAMS CAD DU 'GRO BA BGEGS DANG BRAL BAR GYUR, SRUNG 'KHOR GYI DBUS SU YAm SNGON PO LAS RLUNG GI DKYIL 'KHOR GZHU LTA BU G-YAS G-YON GNYIS SU RGYAL MTSAN
GYIS MTSAN PA, DE'I STENG DU RAm DMAR PO LAS ME'I DKYIL 'KHOR DMAR PO GRU GSUM PA GRVA GSUM DU RAm GYIS MTSAN PA, DE'I STENG DU BAm DKAR PO LAS CHU'I DKYIL 'KHOR DKAR PO ZLUM PO DBUS SU ZLUM PO BUM PAS MTSAN PA, DE'I STENG DU LAm SER PO LAS SA'I DKYIL 'KHOR SER PO GRU BZHI PA GRVA BZHIR RDO RJE RTZE GSUM PAS MTSAN PA, DE'I STENG DU SUm LAS RI RAB LHUN PO GRU BZHI PA RIN PO CHE SNA BZHI'I RANG BZHIN CAN, STENG GI PHYOGS MTSAMS SU LCOG BRGYAD KYIS MDZES PA, DE'I STENG DU PAm SER PO LAS SNA TSOGS PADMA, DE'I LTE BAR H'Um LAS SNA TSOGS RDO RJE, DE'I LTE BAR BAm LAS LTE BA DANG TSAD MNYAM PA'I SNA TSOGS PADMA 'DAB MA BRGYAD PA'I LTE BA DANG GE SAR DANG LDAN PA, PHYOGS BZHI'I 'DAB MA DMAR, ME RLUNG GNYIS SER, BDEN BRAL LJANG, DBANG LDAN NAG LTE BA LJANG, GE SAR SER BA, SNA TSOGS PADMA CHUNG NGU'I DBUS SU MTSAN SO GNYIS KYI NGO BO, AA A'A, AI A'I, AU A'U, Ri R'i, Li L'i, AE AEE, AO AOO, AAm AA: STE DBYANGS DKAR PO BCU DRUG PA PHRAG CIG G-YAS BSKOR DANG, SLAR YANG AA A'A: NAS, AAm AA: STE DBYANGS DKAR PO BCU DRUG PA PHRAG GCIG G-YON BSKOR DU RIM PA GCIG GIS 'KHOD, DE'I PHYI ROL TU DPE BYAD BRGYAD CU'I NGO BO, KA KHA GA GHA NGA, TZA TSA DZA DZHA NYA, tA thA dA dHA nA, TA THA DA DHA DHA NA, PA PHA BA BHA BHA MA, YA YA RA RA LA LA WA SHA shA SA HA KshA STE GSAL BYED DMAR PO BZHI BCU PA PHRAG GCIG G-YAS BSKOR DANG, SLAR YANG KA KHA NAS KshA STE GSAL BYED DMAR PO B ZHI BCU PA PHRAG GCIG G-YON BSKOR DU RIM PA GCIG GIS 'KHOD, DE GNYIS YONGS SU GYUR
, ,PA LAS ZLA BA'I DKYIL 'KHOR YONGS SU RDZOGS PA DKAR LA DMAR BA'I MDANGS CAN LA DBYANGS GSAL RNAMS GZUGS BRNYAN SHAR BA BZHIN DU SNANG BA'I A'A LI DANG ZLA BA'I KHA DOG DKAR BA'I CHA NI ME LONG LTA BU'I YE SHES DANG, K'A LI DANG ZLA BA'I KHA DOG DMAR BA'I CHA NI MNYAM PA NYID KYI YE SHES, RANG NAM MKHA'I N'A DAS ZLA BA DKAR LA DMAR BA'I MDANGS CAN MTHONG BA NA BDAG GIS SANGS RGYAS YAB YUM GYI BYANG CHUB KYI SEMS DKAR DMAR GYI NGO BOR GYUR PA'I DBUS SU SKYE BA BLANGS LA SEMS CAN GYI DON BYA'O SNYAM PA'I 'PHEN PA DANG LDAN PAS ZLA BA'I DBUS SU N'A DA ZHUGS PA LAS, 'DI NI BAR DO PHA MA'I KHU KHRAG GI DBUS SU SKYE BA BLANGS PA DANG CHOS MTHUN PAS STE SKYE BA SBYONG BYED SPRUL SKU'I LAM 'KHYER, RIM GYIS N'A DA LAS THIG LE, DE LAS ZLA PHYED, DE LAS LHA'I MGO BO, DE LAS LHA'I LUS, DE LAS A'U GRUB PA'I TSUL GYIS DKAR LA DMAR BA'I MDANGS CAN H'Um YIG RGYU RDO RJE 'DZIN PA'I RANG BZHIN CAN DU RDZOGS PA NI, SO SOR RTOG PA'I YE SHES, H'Um LAS KHA DOG SNA LNGA PA'I 'OD ZER 'PHRO BA'I RTZE MO LAS LHA LNGA'I LHA TSOGS RNAMS 'THON TE 'GRO BA RNAMS LHA LNGA'I GO 'PHANG LA BKOD PA DANG, SNGON THOG MA MED PA NAS GRUB PA'I DPA' BO DANG RNAL 'BYOR MA LA SOGS PA PHYOGS BCU NA BZHUGS PA LHAN CIG SPYAN DRANGS PA DANG MNYAM PAR SBYAR BA SNGON DU 'GRO BAS ZHU NAS H'Um YIG GI N'A DA LA THIM ZHING, H'Um YIG LHAN SKYES KYI DGA' BA'I RANG BZHIN CAN DU GYUR PA NI, BYA BA GRUB PA'I YE SHES, AOm A'A: H'Um, AOm SARBA BI RA YO KI N'I K'A W'AKA TZITTA BADZRA SV'A BHA WA AATMA KONYHAm, AOm BADZRA SHUDDHA SARBA DHARMA
BADZRA SHUDDHONYHAm, ZLA BA DBYANGS GSAL H'Um DANG BCAS PA YONGS SU GYUR PA LAS, RTEN DANG BRTEN PA'I DKYIL 'KHOR DUS GCIG TU GRUB PA NI CHOS KYI DBYINGS KYI YE SHES TE, DE YANG KHANG PA BRTZEGS PA'I GZHAL YAS KHANG GRU BZHI PA SGO BZHI PA, PHYI NAS RIM PA BZHIN DKAR SER DMAR LJANG SNGO BA'I RTZIG PA RIM PA LNGA DANG LDAN PA'I RIN PO CHE'I RTZIG PAS BSKOR BA'I STENG NA, RIN PO CHE'I PHA GU GZHI DMAR PO LA RIN PO CHE ZUR GSUM PA DANG GRU BZHI PA LA SOGS PAS SPRAS PA, DE'I STENG NA GNAS PA'I GSER GYI SKE RAGS BZHI'I PHYI NGOS SU CHU SRIN GYI KHA NAS MU TIG GI DO SHAL DANG, DO SHAL PHYED PA 'PHYANG BA, DE'I PHYI NGOS SU BYA 'DAB LA 'PHYANG BA'I RIN PO CHE'I SHAR BU, DE'I STENG DU PADMA 'DAB MA PHYED PA'I DBYIBS CAN GYI 'DA' YAB LA GNAS PA'I GSER GYI BUM PA NAS 'THON PA'I RGYAL MTSAN DANG BA DAN BRGYAD BRGYAD KYIS MDZES PAR BYAS PA, PHYI'I STENG GI ZUR BZHI LA GDUGS BZHIS BRGYAN PA, RTZIG PA'I 'GRAM NAS 'DOD YON GYI SNAM BU DMAR POS BSKOR BA LA BZHUGS STABS SDANG KHA DOG SNA TSOGS PA'I LHA MO RNAMS KYIS MCHOD PA BYED BZHIN PA, SGO DANG SGO KHYUD KYI MTSAMS DANG RTZIG PA'I PHYI NANG GI ZUR BZHIR ZLA PHYED LA GNAS PA'I RIN PO CHE DMAR PO'I STENG DU RDO RJES BRGYAN PA, SGO BZHI SO SO'I MDUN DU STEGS BU GRU BZHI PA'I STENG DU BUM PA LA GNAS PA'I KA BA BZHI BZHIS BTEGS PA'I RTA BABS SNAM BU BCU GCIG DANG LDAN PA'I RTZE MOR CHOS KYI 'KHOR LO'I G-YAS G-YON DU RI DVAGS PHO MO DANG BCAS PA, RTA BABS KYI G-YAS G-YON DU BUM PA BZANG PO LAS SKYES PA'I DPAG
, ,BSAM GYI SHING LA RGYAL SRID RIN PO CHE SNA BDUN DANG, BAR BAR DU GRUB PA THOB PA DANG, SPRIN GYI GSEB NAS BYUNG BA'I LHA ME TOG GI PHRENG BA BZUNG BA RNAMS KYIS KUN NAS MDZES PAR BYAS PA, DE'I PHYI ROL TU SNA TSOGS RDO RJE'I RA BAS BSKOR BA LA SOGS PA'I SRUNG 'KHOR, DE'I PHYI ROL TU BSKAL PA 'JIG DUS KYI ME LTA BU'I KHA DOG SNA LNGA PA'I RDO RJE'I ME RI STENG DANG LOGS KUN TU KHYAB PAR G-YON BSKOR DU 'KHYIL ZHING 'BAR BA, DE'I PHYI ROL TU DUR KHROD BRGYAD, DE NA GNAS PA'I SHING BRGYAD, DE'I RTZA BA NA PHYOGS SKYONG BRGYAD, SHING GI STOD KYI YAL GA'I GSEB NAS LUS PHYED 'THON PA'I ZHING SKYONG BRGYAD, THUGS RJE'I CHU BRGYAD, DE LA GNAS PA'I KLU BRGYAD, CHU DE'I STENG GI NAM MKHA' LA GNAS PA'I SPRIN BRGYAD, RI BRGYAD, DE LA GNAS PA'I MCHOD RTEN DANG PO BRGYAD, ,GZHAN YANG YE SHES KYI ME BRGYAD DANG, KHVA DANG, 'UG PA DANG, BYA RGOD DANG, CE SPYANG DANG, 'OL BA PHO MO DANG, SBRUL BA LANG GI MGO CAN LA SOGS PA PHYOGS SU RGYU ZHING, GNOD SBYIN DANG, RO LANGS DANG, SRIN PO RNAMS KYIS K'I LI K'I LI'I SGRA CHEN PO SGROGS PA, GRUB PA THOB PA DANG, RIG PA 'DZIN PA DANG, DAM TSIG SPYOD PA'I RNAL 'BYOR PA DANG RNAL 'BYOR MAS BCOM LDAN 'DAS LA RTZE GCIG TU LTA BA DANG, GCER BU SKRA BSHIG PA, PHYAG RGYA LNGAS BRGYAN PA, CANG TE'U DANG THOD PA DANG KHA tV'Am GA 'DZIN PA, THOD PAS SPYI BOR BRGYAN PA, RGOD CING DUR KHROD DU 'JUG PA RNAMS KYIS NGO MTSAR BAR BYED PA'O, ,GZHAL YAS KHANG GI NANG DU KA BA BRGYAD KYIS BTEGS PA'I GDUNG GIS MDZES PAR
PHUB PA'I RTZE MOR RDO RJE NOR BU RIN PO CHE'I TOG GIS SPRAS PA, GZHAL YAS KHANG GI NANG GI STENG 'OG RNAMS SHAR DKAR, BYANG LJANG, NUB DMAR, LHO SER, DBUS SNGO BA, DE'I DBUS SU SNA TSOGS PADMA DANG, NYI MA'I DKYIL 'KHOR, PHYOGS BZHI'I 'DAB MAR NYI MA DANG RO'I GDAN RE RE, DBUS KYI PADMA'I LTE BAR NYI MA'I GDAN LA, RANG NYID BCOM LDAN 'DAS DPAL HE RU KA SKU MDOG MTHING KHA ZHAL BZHI PA'I RTZA ZHAL NAG, G-YON ZHAL LJANG, RGYAB ZHAL DMAR, G-YAS ZHAL SER BA, ZHAL RE RE YANG SPYAN GSUM PA, PHYAG BCU GNYIS PA, DPRAL BAR RDO RJE RTZE LNGA PA'I 'PHRENG BA 'DZIN PA, ZHABS G-YAS BRKYANGS PAS 'JIGS BYED NAG PO LAG PA BZHI PA'I DANG PO GNYIS THAL MO SBYAR BA, G-YAS LHAG MA d'A MA RU, G-YON LHAG MA RAL GRI 'DZIN PA'I MGO BO MNAN PA, G-YON BSKUMS PAS DUS MTSAN MA DMAR MO LAG PA BZHI PA'I DANG PO GNYIS THAL MO SBYAR BA, LHAG MA GNYIS THOD PA DANG KHA tV'Am GA 'DZIN PA'I NU MA MNAN PA, GDAN GNYIS KA'ANG GDONG GCIG PA, MIG GSUM PA, PHYAG RGYA LNGAS BRGYAN PA, BCOM LDAN 'DAS KYI PHYAG DANG PO GNYIS KYIS RDO RJE PHAG MO LA 'KHYUD PA'I G-YAS PAS RDO RJE RTZE LNGA PA DANG G-YON PAS DRIL BU 'DZIN PA, DE'I 'OG MA GNYIS KYIS GLANG PO CHE'I PAGS PA RLON PA KHRAG DANG BCAS PA'I NA BZA' PHYAG G-YAS PAS LAG PA G-YON PA DANG, G-YON PAS RKANG PA G-YON PA'I PAGS PA SDIGS MDZUB DANG BCAS TE PHYAG GIS BRGYANGS TE 'DZIN PA'I SDIGS MDZUB KYI RTZE GNYIS SMIN MA'I THAD SOR GNAS PA, G-YAS KYI GSUM PA NA d'A MA RU, BZHI PA NA DGRA STA, LNGA
, ,PA NA GRI GUG ,DRUG PA NA MDUNG RTZE GSUM BGRENG BA, G-YON PA'I PHYAG GSUM PA NA RDO RJES MTSAN PA'I KHA tV'Am GA BZHI PA NA KHRAG GIS GANG BA'I THOD PA, LNGA PA NA RDO RJE'I ZHAGS PA, DRUG PA NA TSANGS PA'I MGO BO GDONG BZHI PA BSNAMS PA; SNA TSOGS RDO RJES MTSAN PA'I RAL PA'I THOR COG CAN, DBU RE RE LA RDO RJE NAG PO'I 'PHRENG BA STOD SMAD DU GNAS PA GNYIS LA BRGYUS PA'I THOD PA SKAM PO LNGA LAS BRGYAN PA, DBU'I G-YON DU ZLA BA PHYED PA 'PHYANG BA, ZHAL RNAM PAR 'GYUR BA, MCHE BA BZHI BZHI GTZIGS SHING 'JIGS SU RUNG BA, SGEG PA, DPA' BA, MI SDUG PA STE, SKU'I NYAMS GSUM DANG, RGOD PA, DRAG SHUL, 'JIGS SU RUNG BA STE GSUNG GI NYAMS GSUM DANG, SNYING RJE DANG, RNGAM PA DANG, ZHI BA STE THUGS KYI NYAMS GSUM STE NYAMS DGU DANG LDAN PA, STAG GI PAGS PA'I SHAM THABS CAN, MI'I RGYU MA LA BRGYUS PA'I MI MGO RLON PA LNGA BCU'I 'PHRENG BA 'PHYANG BA, PHYAG RGYA LNGAS RGYAS BTAB PA, MI RUS KYI THAL BAS LUS THAMS CAD BYUGS PA'O, ,BCOM LDAN 'DAS LA MNGON DU PHYOGS PAR BCOM LDAN 'DAS MA RDO RJE PHAG MO SKU MDOG DMAR MO, ZHAL GCIG MA PHYAG GNYIS MA, SPYAN GSUM MA, GCER MO SKRA GROL BA, THOD PA'I DUM BUS BRGYAN PA'I 'OG PAG CAN, PHYAG G-YON PAS YAB KYI MGUL NAS 'KHYUD PA'I THOD PA NA BDUD BZHI LA SOGS PA'I KHRAG GIS GANG BA BSNAMS SHING, G-YAS PAS PHYOGS BCU'I GDUG PA CAN KUN LA GRI GUG DANG BCAS PA'I SDIGS MDZUB KYIS SDIGS PAR MDZAD PA, 'JIG DUS KYI ME LTAR 'BAR BA, BYIN PA GNYIS KYIS YAB KYI
BRLA'I STENG NAS LEGS PAR 'KHRIL BA, BDE BA CHEN PO'I RANG BZHIN THUGS RJE CHEN PO'I BDAG NYID CAN, PHYAG RGYA LNGAS BRGYAN PA, MI MGO SKAM PO LNGA'I THOD DANG, MI MGO SKAM PO LNGA BCU'I DO SHAL CAN, GNYIS KA'ANG YE SHES KYI ME RAB TU 'BAR BA'I DBUS NA BZHUGS PA, PHYOGS BZHI'I GDAN LA, SHAR DU MKHA' 'GRO MA NAG MO, BYANG DU L'A MA LJANG KHU, NUB TU KHAndA RO H'I DMAR MO, LHOR GZUGS CAN MA SER MO, THAMS CAD KYANG ZHAL GCIG MA, SPYAN GSUM MA, MCHE BA RNAM PAR GTZIGS PA'I ZHAL CAN, GCER MO SKRA GROL BA, PHYAG BZHI'I G-YAS GNYIS GRI GUG DANG d'A MA RU, G-YON PAS THOD PA DANG KHA tV'Am GA 'DZIN PA, G-YAS BRKYANGS KYIS BZHUGS PA, PHYAG RGYA LNGAS BRGYAN PA, THOD SKAM LNGA'I DBU RGYAN DANG, THOD SKAM LNGA BCU'I DO SHAL CAN, MTSAMS BZHI'I GDAN LA BUM PA BDUD RTZIS GANG BA'I STENG DU KA P'A LA BYANG CHUB KYI SEMS KYIS GANG BA RE RE, YAB KYI GSANG GNAS MI DMIGS PA LAS H'Um DKAR PO LAS RDO RJE DKAR PO RTZE LNGA PA, BY'A DMAR PO LAS BYUNG BA'I NOR BU DMAR PO RTZE MOR BY'A SER POS MTSAN PA, YUM GYI GSANG GNAS MI DMIGS PA LAS A'A: LAS BYUNG BA'I PADMA DMAR PO 'DAB MA GSUM PA, DY'A DKAR PO LAS BYUNG BA'I BYANG CHUB KYI SEMS MTSON PA'I LTE BA DKAR PO, RTZE MO DY'A SER POS MTSAN PA, YAB KYI LTE BAR ZLA GDAN LA, AOm BADZRA BEE RO TZA NA YE H'Um H'Um PHAt SV'A H'A, THUGS KAR ZLA GDAN LA, AOm SARBA BUDDHA dA KI NI YE BADZRA WARnA N'I YE H'Um H'Um PHAt SV'A H'A, MGRIN PAR NYI GDAN LA, AOm SHR'I BADZRA HE HE RU RU KAm H'Um H'Um PHAt, d'A KI NI DZVA LA SAm BHA RAm SV'A H'A, DPRAL BAR
, ,NYI GDAN LA, AOm HR'I: HA HA H'Um H'Um PHAt, YUM GYI LTE BAR NYI GDAN LA, AOm SHR'I NAS SV'A H'A, THUGS KAR NYI GDAN LA, AOm HR'I: NAS PHAt SV'A H'A, MGRIN PAR ZLA GDAN LA, AOm BADZRA NAS SV'A H'A, DPRAL BAR ZLA GDAN LA, AOm SARBA NAS SV'A H'A, SNGAGS THAMS CAD KHA DOG DMAR PO 'OD ZER 'PHRO BA G-YON BSKOR DU GNAS PA, SNGAGS RNAMS KYANG ZHAL SBYOR BA PHAN TSUN DU 'KHYUD PA'I RNAM PA CAN DU GYUR, AOm SHR'I MAH'A SU KHA BADZRA HE HE RU RU KAm A'A: H'Um H'Um PHAt SV'A H'A, SNYOMS PAR ZHUGS PAS, BYANG SEMS SPYI BO NAS MGRIN PAR SLEB PA NA DGA' BA, MGRIN PA NAS SNYING GAR SLEB PA NA MCHOG DGA', SNYING GA NAS LTE BAR SLEB PA NA KHYAD PAR GYI DGA' BA, LTE BA NAS NOR BU'I RTZER SLEB PA NA LHAN SKYES KYI YE SHES SKYES PAS RTEN DANG BRTEN PA'I DKYIL 'KHOR GNYIS KYANG BDE STONG DBYER MED KYI NGO BOR GYUR CING, DE LTAR BDE STONG DBYER MED DU SBYAR BA DE NYID BYANG CHUB KYI PHYOGS KYI CHOS KYI NGO BOR GYUR PA LHA LNGAR SHAR BA NI, LUS DRAN PA NYE BAR GZHAG PA MKHA' 'GRO MA, TSOR BA DRAN PA NYE BAR GZHAG PA L'A MA, CHOS DRAN PA NYE BAR GZHAG PA DUM SKYES MA, SEMS DRAN PA NYE BAR GZHAG PA GZUGS CAN MA, YANG DAG PA'I TING NGE 'DZIN NI DPAL HE RU KA STE LHA RNAMS SNANG LA RANG BZHIN MED PA ME LONG GI GZUGS BRNYAN BZHIN DU GYUR, GO CHA'I LHA RGYAS PA BSGOM PA'AM NYUNG ZHING LAG TU BLANG BDE BAR 'DOD NA, RANG GI THUGS KAR ZLA BA LA RDOR SEMS KYI NGO BO AOm HA DKAR PO, MGO BOR RNAM SNANG GI NGO BO NA MA HI SER PO, SPYI GTZUG TU NYI MA LA PADMA GAR DBANG GI NGO BO SV'A H'A H'Um DMAR PO, PHRAG PA
GNYIS SU NYI MA LA DPAL HE RU KA'I NGO BO BOOshdA HE NAG PO, MIG GNYIS SU NYI MA LA RDO RJE NYI MA'I NGO BO H'Um H'Um HO DMAR SER, DPRAL BAR NYI MA LA RTA MCHOG GI NGO BO PHAt HAm LJANG GU, GTZO BO'I LTE BAR NYI MA LA RDO RJE PHAG MO'I NGO BO AOm BAm DMAR PO, SNYING GAR NYI MA LA GSHIN RJE MA'I NGO BO HAm YOm SNGON PO, MGRIN PAR ZLA BA LA RMONGS BYED MA'I NGO BO HRIm MOm DKAR PO, MGO BOR NYI MA LA SKYOD BYED MA'I NGO BO HRIm HRIm SER PO, SPYI GTZUG TU NYI MA LA SKRAG BYED MA'I NGO BO H'Um H'Um LJANG GU, DPRAL BAR NYI MA LA TZAndI KA'I NGO BO PHAt PHAt DUD KHA RNAMS KYIS MTSAN PAR GYUR, DE NAS YE SHES PA SPYAN DRANGS PA NI, PHEEm RANG GI THUGS KAR NYI MA LA GNAS PA'I H'Um YIG LAS 'PHROS PA'I 'OD ZER GYIS PHYOGS BCU'I 'JIG RTEN GYI KHAMS NA BZHUGS PA'I DPA' BO DANG DPA' MO'I DBANG PHYUG MA'I YE SHES PA'I 'KHOR DANG, DBANG GI LHA MCHOD PA'I LHA MO DANG BCAS PA MDUN GYI NAM MKHAR SPYAN DRANGS, 'OD ZER RANG GI SNYING GA'I H'Um LA THIM PAR GYUR, H'Um, AOm AARGHAm PRA TI TZTSA H'Um SV'A H'A, BADZRA AAm GU SHA DZA: BADZRA P'A SHA H'Um, BADZRA SPHO tA BAm, BADZRA GAndA HO, LHA RNAMS KYI SPYI BOR ZLA BA LA AOm DKAR PO, MGRIN PAR PADMA LA A'A: DMAR PO, THUGS KAR NYI MA LA H'Um SNGON PO, AOm YO GA SHUDDHA SARBA DHARMA YO GA SHUDDHANYHAm, DAM TSIG PA DANG YE SHES PA RO MNYAM DU SBYAR BA NI CHOS THAMS CAD KYI DE KHO NA NYID DANG, BDE BA CHEN PO'I YE SHES GNYIS NGO BO DBYER MED YIN LA, DE YANG GTZO BO YAB YUM DU SHAR BA'I CHA SHAS SO,, AOm A'A: H'Um SARBA BI RA YO GI NI BADZRA SHUDDHONYAHAm, AOm AARGHAm PRA TI TZTSA SV'A H'A, DE BZHIN GSHEGS PA THAMS CAD KYIS BDAG LA MNGON PAR DBANG BSKUR DU GSOL ZHES GSOL
, ,BA BTAB PAS, SGO MTSAMS MA BRGYAD KYIS BGEGS BSKRAD, DPA' BO RNAMS KYIS SHIS PA BRJOD, DPA' MO RNAMS KYIS RDO RJE'I GLU LEN, GTZO BOS DBANG BSKUR BA'I DGONGS PA MDZAD, YUM BZHI PHAG MO DANG BCAS PAS RIN PO CHE'I BUM PA BDUD RTZIS GANG BA BZUNG NAS, JI LTAR BLTAMS PA TZAM GYIS NI, ,DE BZHIN GSHEGS PAS KHRUS GSOL LTAR, ,LHA YI CHU NI DAG PA YIS, ,DE BZHIN BDAG GIS KHRUS BGYI'O, ,AOm SARBA TA TH'A GA TA AA BHI shE KA TA SA MA YA SHR'I YE H'Um, ZHES GSUNGS SHING BDUD RTZI'I CHU RGYUN GYIS SPYI BO NAS DBANG BSKUR BAS, RANG DANG LHA RNAMS BDE BA CHEN PO'I BDAG NYID DU GYUR PA'I SPYI BO NAS SKU LA ZHUGS PA'I CHU'I LHAG MA SPYI GTZUG TU GNAS PA YONGS SU GYUR PA LAS, GTZO BO LA RDO RJE SEMS DPA', PHAG MO LA MI BSKYOD PA, MKHA' 'GRO MA LA RNAM SNANG, L'A MA LA DON GRUB, DUM SKYES MA LA 'OD DPAG MED, GZUGS CAN MA LA RIN 'BYUNG GIS DBU BRGYAN TE, DBANG GI LHA RNAMS RANG LA THIM PAR GYUR, DE NAS BYIN GYIS BRLABS PA'I MCHOD PA RNAMS 'BUL BA NI, AOm AARGHAm PRA TI TZTSA SV'A H'A, AOm PA DYAm PRA TI TZTSA SV'A H'A, AOm AANYTZA MA N'Am PRA TI TZTSA SV'A H'A, AOm PROKshA nAm PRA TI TZTSA SV'A H'A, AOm BADZRA PUshPE AA: H'Um SV'A H'A, SHAPTA'I BAR GYIS MCHOD, AOm A'A: BADZRA A'A DARSHE H'Um NAS, DHARME H'Um GI BAR GYIS RIG MA BCU DRUG GIS MCHOD, RIG MA BCU DRUG LA SOGS MCHOD PA RGYAS PAR BYED KYANG RUNG NGO, ,NANG MCHOD NI, MGRON RNAMS KYI LJAGS H'Um DKAR PO LAS BYUNG BA'I RDO RJE DKAR PO RTZE GSUM PA NAS 'BRU TZAM 'KHOD PA'I RDO RJE'I 'OD KYI SBU GUS DRANGS NAS GSOL BAR GYUR, MCHOD DO PHYOGS BCU DUS
GSUM GYI DE BZHIN GSHEGS PA THAMS CAD KYI SKU GSUNG THUGS YON TAN 'PHRIN LAS THAMS CAD KYI NGO BOR GYUR PA, CHOS KYI PHUNG PO STONG PHRAG BRGYAD BCU RTZA BZHI'I 'BYUNG GNAS, 'PHAGS PA'I DGE 'DUN THAMS CAD KYI MNGA' BDAG DRIN CAN RTZA BA'I BLA MA RIN PO CHE'I ZHAL DU AOm A'A H'Um, RGYAL BA RDO RJE 'CHANG GI ZHAL DU x, RJE BTZUN RDO RJE RNAL 'BYOR MA'I ZHAL DU x, GRUB CHEN DRIL BU PA'I x, RUS SBAL ZHABS KYI x, DZA LAnDHA RA'I x, NAG PO SPYOD PA'I x, GU HYA PA'I x, RNAM RGYAL ZHABS KYI x, TILLI PA'I x, N'A RO PA'I x, PHAM THING BA SKU MCHED KYI x, KLOG SKYA SHES RAB BRTZEGS KYI x, MAL GYO BLO GROS GRAGS KYI x, SA CHEN KUN DGA' SNYING PO'I x, SLOB DPON BSOD NAMS RTZE MO'I x, RJE BTZUN GRAGS PA RGYAL MTSAN GYI x, CHOS RJE SA SKYA PAndI TA'I x, BO DONG RIN PO CHE'I x, KHRO PHU RIN PO CHE'I x, YANG RTZE BA RIN CEN SENG GE'I x, CHOS RJE BU STON RIN CEN GRUB KYI x, THUGS SRAS RIN CEN RNAM RGYAL GYI x, KUN MKHYEN SHES RAB DPAL BZANG PO'I x, MKHAN CHEN DPAL 'BYOR RGYAL MTSAN GYI x, PAn CHEN YE SHES RTZE MO'I x, GRUB PA'I DBANG PHYUG A'A NANDA DHVA DZA'I ZHAL DU AOm A'A: H'Um, GZHAN YANG DBANG BSKUR RGYUD BSHAD MAN NGAG BSTAN PA'I BLA MA DAM PA BRGYUD PA DANG BCAS PA'I ZHAL DU AOm A'A: H'Um, AOm HRI: HA HA H'Um H'Um PHAt AOm A'A: H'Um, AOm BADZRA BEE RO TZA NA YE H'Um H'Um PHAt SV'A H'A AOm A'A: H'Um, AOm d'A KI NI YE H'Um H'Um PHAt AOm A'A: H'Um, AOm L'A ME H'Um H'Um PHAt AOm A'A: H'Um, AOm KHAndA RO H'I H'Um H'Um PHAt x, A AMm R'U PI nI YE H'Um H'Um PHAt x, GZHAN YANG RGYUD SDE CHEN PO BZHI DANG
, ,'BREL BA'I YI DA DKYIL 'KHOR GYI LHA TSOGS RNAMS KYI x, SNGON SANGS RGYAS MTHONG BA, DAM PA'I CHOS THOS PA, 'PHAGS PA'I DGE 'DUN LA BRTEN PA, BSTAN PA DANG 'KHOR RNAM BZHI SKYONG BAR ZHAL GYIS BZHES PA'I BLA MA GONG MA RNAMS KYIS BSTEN CING BSGRUBS PA'I SRUNG MA DAM TSIG CAN RNAMS KYI x, YUL SUM CU SO GNYIS, GNAS NYI SHU RTZA BZHI, DUR KHROD CHEN PO BRGYAD NA GNAS PA'I DPA' BO DANG RNAL 'BYOR MA, PHYOGS SKYONG DANG ZHING SKYONG DANG KLU LA SOGS PA RNAMS KYI x, GZHI BDAG GNYUG MAR GNAS PA DANG SEMS CAN THAMS CAD LHAR GYUR PA RNAMS KYI ZHAL DU AOm A'A: H'Um, AOm AA MRi TA SVA DA NA BADZRA SVA BHA WA AATMA KONYAHAm, MGRON RNAMS YE SHES KYI BDUD RTZIS MNYES PAR GYUR, AOm SARBA BADZRA K'A MI NI GU HYA BADZRI NI SV'A H'A, AOm SHR'I MAH'A SU KHA BADZRA HE HE RU RU KAm A'A: H'Um H'Um PHAt SV'A H'A, GNAS BZHI DANG GSANG GNAS BYIN GYIS BRLABS TE, YAB YUM SNYOMS PAR ZHUGS PAS BYANG SEMS ZHU BA SPYI BO NAS MGRIN PAR SLEB PA NA DGA' BA NAS, NOR BU'I RTZER SLEB PA NA LHAN SKYES KYI YE SHES SKYES PAS LHA THAMS CAD KYIS KYANG BDE BA CHEN PO NYAMS SU MYONG BAR GYUR, DKYIL 'KHOR BA'I LHA RNAMS LHAN SKYES KYI BDE BA DANG, STONG PA NYID DBYER MED PA'I TING NGE 'DZIN LA SNYOMS PAR ZHUGS PAS DE KHO NA NYID KYI MCHOD PAS MNYES PAR GYUR, DE NAS SNGAGS KYI MCHOD PA NI, YAB YUM GNYIS KYI SNYING PO DANG NYE SNYING BRJED PA'I MTHAR, AOm d'A KI NI H'Um H'Um PHAt, AOm L'A ME H'Um H'Um PHAt, AOm KHAndA RO H'I H'Um H'Um PHAt, AOm R'U PI nI H'Um H'Um PHAt, DE NAS BSTOD PA NI, AOm BCOM LDAN DPA' BO'I DBANG PHYUG LA PHYAG 'TSAL, ,
BSKAL PA CHEN PO'I ME DANG MNYAM PA'I 'OD, ,RAL BA'I COD PAn MI BZAD PA DANG LDAN, ,MCHE BA RNAM PAR GTZIGS PA 'JIGS PA'I ZHAL, ,STONG PHRAG PHYAG NI 'BAR BA'I 'OD ZER CAN, ,DGRA STA ZHAGS GDENGS MDUNG DANG KHA tR'Am 'DZIN, ,STAG GI PAGS PA'I NA BZA' 'DZIN PA CAN, ,SKU CHEN DUD KHA BGEGS MTHAR MDZAD LA 'DUD, ,H'Um H'Um PHAt SBYAR, DE BZHIN DU YUM GYI RKANG BRGYAD NI, AOm BCOM LDAN 'DAS MA RDO RJE PHAG MO LA PHYAG 'TSAL, ,'PHAGS MA RIG MA'I DBANG PHYUG KHAMS GSUM GYIS MI THUB, ,'BYUNG PO'I 'JIGS PA THAMS CAD RDO RJE CHEN POS 'JOMS, ,RDO RJE'I GDAN BZHUGS GZHAN GYIS MI THUB DBANG BYED SPYAN, GTUM MO KHRO MO'I GZUGS KYIS TSANGS PA SKEM PAR MDZAD, ,BDUD RNAMS SKRAG CING SKEM BYED GZHAN GYI PHYOGS LAS RGYAL, ,RMUGS BYED RENGS BYED RMONGS BYED KUN LAS RNAM PAR RGYAL, ,RDO RJE PHAG MO SBYOR CHEN 'DOD DBANG MA LA 'DUD, ,H'Um H'Um PHAt, CES YAB YUM GYI RKANG BRGYAD BOD SKAD DAM, SNGAGS GANG RUNG GIS BSTOD, DE NAS BZLAS PA BYA BA NI, BGRANG 'PHRENG LA NANG MCHOD KYIS GTOR TE, ,BSANGS SBYANGS, STONG PA'I NGANG LAS BGRANG 'PHRENG GSUNG RDO RJE PADMA GAR DBANG DMAR PO ZHAL GCIG PHYAG BZHI'I G-YAS GNYIS PADMA DANG d'A MA RU, G-YON GNYIS DRIL BU DANG THOD PA DANG BCAS PA'I KHA tV'Am GA 'DZIN PAR GYUR PA'I SPYI BOR AOm MGRIN PAR A'A: THUGS KAR H'Um, DE LAS 'OD ZER 'PHROS, RANG 'DRA'I YE SHES PA SPYAN DRANG, DZA: H'Um BAm HO, GNYIS SU MED PAR GYUR, AOm AARGHAm PRA TI TZATSA YE SV'A H'A, DE BZHIN DU P'Am DYAm DANG, AOmM BADZRA PUshPE A'A: H'Um SV'A H'A, DE BZHI DU SHPATA'I BAR GYIS MCHOD,
, ,SNGAGS KYI MTHAR AOm A'A: H'Um, SBYAR NANG MCHOD PHUL, AOm SV'A H'A H'Um H'Um PHAt, NYER GCIG BZLAS, PADMA GAR DBANG 'OD DU ZHU BA LAS BYUNG BA'I BGRANG 'PHRENG DU GYUR, CES BRJOD, LHA RANG RANG GI THUGS KAR NYI GDAN LA GNAS PA'I H'Um YIG GI MTHAR BZLAS BYA'I SNGAGS KYIS BSKOR BA LAS DKYIL 'KHOR GYI LHA TSOGS SPROS, 'GRO BA'I DON BYAS SLAR 'DUS TE H'Um YIG LA THIM PA'I SPRO BA DANG BSDU BA'I MDZAD PA CAN DU GYUR PAR BSAMS LA, YAB YUM GNYIS KYI SNYING PO DANG NYE SNYING, LHA MO BZHI'I SNGAGS SNGAR BSHAD PA RNAMS BZLA, BZLAS PA'I TSE LHA THAMS CAD KYI ZHAL NAS SNGAGS KYI SGRA 'BYUNG BAR MOS PAR BYA'O, ,BZLAS PA'I MTHAR GTOR MA BYA BA'I TSUL NI, 'JIG RTEN DANG 'JIG RTEN LAS 'DAS PA'I GTOR MA PHYAG LEN LTAR BSHAMS, NANG MCHOD LTAR BSANGS SBYANGS BYIN GYIS BRLABS, ,PHEEm RANG GI THUGS KAR NYI GDAN LA GNAS PA'I H'Um YIG LAS 'PHROS PA'I 'OD ZER GYIS, DUR KHROD BRGYAD NA GNAS PA'I PHYOGS SKYONG DANG ZHING SKYONG LA SOGS PAS BSKOR BA'I 'KHOR LO BDE MCHOG GI DKYIL 'KHOR MDUN GYI NAM MKHAR SPYAN DRANGS, CHU GNYIS NYER SPYOD ROL MOS MCHOD, LHA RNAMS KYI LJAGS H'Um DKAR PO LAS BYUNG BA'I RDO RJE RTZE GSUM PA DKAR PO NAS 'BRU TZAM 'KHOD PA'I 'OD ZER GYI SBU GUS DRANGS NAS GSOL BAR GYUR PAR BSAMS LA, AOm BADZRA AA RA LI HO: DZA: H'Um BAm HO: BADZRA d'A KI N+YA SA MA YA STVAm DRI SHYA HO: TSAR GCIG GIS GTZO BO, GNYIS PAS YUM, GSUM PAS RNAL 'BYOR MA BZHI LA 'BUL, SNGAR LTAR CHU GNYIS NYER SPYOD ROL MO DANG BCAS PA DANG, YUM GYI SNYING PO DANG, NYE SNYING DANG, SNYING PO'I RNAL 'BYOR MA BZHI'I SNGAGS KYI MTHAR AOm A'A: H'Um BTAGS LA NANG MCHOD 'BUL, DE NAS RKANG BRGYAD KYI
BSTOD PA NI, AOm NA MO BHA GA WA TE WI RA SH'A YA H'Um H'Um PHAt, AOm MAH'A KALP'A SNI SAm NI BH'A YA H'Um H'Um PHAt, AOm DZA t'A MU KU tOtKA t'A YA H'Um H'Um PHAt, AOm DAmshdA KA RA LO GRA BH'I shA nA MU KH'A YA H'Um H'Um PHAt, AOm SA HA PRA BHU DZA BH'A SU R'A YA H'Um H'Um PHAt, AOm PA RA SH'U P'A SHO DYA TA SHU LA KHA tV'Am GA DH'A RA nI H'Um H'Um PHAt, AOm BYA GHRA DZI N'A MA WA RA DHA R'A H'Um H'Um PHAt, AOm MAH'A DHUMBRANTA KA RA WA PU sh'A YA H'Um H'Um PHAt, AOm NA MO BHA GA WA T'I BADZRA W'A R'A HI BAm HUm H'Um PHAt, AOm NA MO AARYA AA PA RA DZI TA TREE LOKYA MA TE BI DYE SHVA R'I H'Um H'Um PHAt, AOm NA MA: SARBA BHU TA BH YA BA HE MA H'A BADZRE HUm H'Um PHAt, AOm NA MO BADZR'ASA NNI AA B'A RA DZI TI B'A SHAm KA RI NE TRA HUm H'Um PHAt, AOm NA MO BHRA MA nI SHO shA nI RO shA nI KRO DHA KA RA LE HUm H'Um PHAt, AOm NA MASTR'A SA NI M'A RA NI PRA BHA DA NI AA B'A RA DZA YE HUm H'Um PHAt, AOm NA MO BI DZA YE DZAMBHA NI STAMBHA NI MO HA NI HUm H'Um PHAt, AOm NA MO BADZRA W'A R'A HAm MAH'A YO GI NI KA ME SHVA RI KHA GE H'Um H'Um PHAt, CES PA'AM, SNGAR BOD SKAD DU BSGYUR BA GANG RUNG GIS BSTOD, SRID PA DANG MNYAM ZHI BA'I CHAGS 'JOMS KUN TU RTOG PA 'JOMS, ,KHYOD NI DNGOS PO MTHA' DAG MKHA' LTAR GZIGS PA DANG LDAN PA, ,MGON PO SHIN TU BRTZE BA LCI BA'I CHUS BRLAN THUGS KYI CHUS, ,MDZOD CIG LHA MO RNAMS KYIS SHIN TU BDAG LA RJES BRTZER MDZOD, ,CES 'DOD DON LA GSOL BA GDAB, DE NAS DUR KHROD BRGYAD NA GNAS PA'I PHYOGS SKYONG DANG ZHING SKYONG LA SOGS PA SKAD CIG GIS 'OD GSAL DU BCUG PA LAS BDE MCHOG GI NAS GSOL BAR GYUR, ZHES DANG, AOm KHA KH'A NAS, YIG BRGYA'I BAR SNGON 'GRO GTOR MA'I SKABS LTAR LA, DE NAS LHA YI TSOGS RNAMS MA LUS DANG NAS YID LA 'DOD PA KUN
, ,'GRUB SHOG ,YIG BRGYA'I MTHAR AOm YO GA SHUDDHA SARBA DHARM'A YO GA SHUDDHONYAHAm, AOm BADZRA MU: 'JIG RTEN PA RNAMS RANG GNAS SU GSHEGS SHING, DKYIL 'KHOR GYI LHA RNAMS BDAG NYID LA THIM PAR GYUR, DE NAS NYER BSDU BYA BA NI, RANG GI THUGS KA'I H'Um LAS 'OD ZER 'PHROS PAS RTEN DANG BRTEN PA'I DKYIL 'KHOR RNAMS SNANG BAR BYAS TE, 'OD DU GYUR PA'I SRUNG 'KHOR DUR KHROD DANG BCAS PA GZHAL YAS KHANG LA THIM, MTSAMS KYI BUM PA THOD PA DANG BCAS PA BZHI SNYING PO'I RNAL 'BYOR MA BZHI LA, DE BZHI YANG GTZO BO'I ZHAL BZHI LA THIM, GZHAL YAS KHANG GTZO BO YAB YUM LA, GTZO BO YAB YUM YANG THUGS KA'I H'Um YIG LA THIM, H'Um YIG YONGS SU GYUR PA LAS, HE RU KA SNGON PO ZHAL GCIG PHYAG GNYIS RDO RJE DANG DRIL BU 'DZIN PA YUM DANG BCAS PAR GYUR PA'I THUGS KAR ZLA BA LA RDOR SEMS KYI NGO BO AOm HA DKAR PO ZHES PA NAS, PHAt PHAt DUD KHA RNAMS KYIS MTSAN PAR GYUR, DE NAS AOm SUMBHA SOGS ZHAL BZHI PA'I SNGAGS BRJOD DE, SRID PA GSUM 'BAR SKU NI RJES CHAGS DUL BAR LDAN, ,'OD ZER SNGON PO STONG LDAN NYI MA BRGYA STONG LDAN, ,RNAM MANG SKU DANG CHA LUGS RJES CHAGS SEMS PAR LDAN, ,HE RU KA DPAL DE DANG LHAN CIG GAR BYED SHOG ,LHA MO TSAD MA DAM TSIG TSAD MA DANG, ,DES BRJOD GSUNG YANG MCHOG TU TSAD MA STE, ,BDEN PA 'DI DAG GIS NI LHA MO RNAMS, ,BDAG CAG RJES SU 'DZIN PA'I RGYUR GYUR CIG ,SEMS CAN KUN GYI DON GYI PHYIR, ,BDAG NI HE RU KAR GYUR NAS, ,SEMS CAN THAMS CAD HE RU KA'I, ,GO 'PHANG MCHOG LA 'GOD PAR SHOG ,CES
BKRA SHIS DANG SMON LAM BYA ZHING, KHA ZAS LA 'JUG PA NA, KHA ZAS KYI SKYED CHOG DANG, 'BUL TSUL RGYAS PAR 'GRUB NA LEGS SHING, MA GRUB NA, HA HO HRI: KHA DOG DRI RO NUS PA'I SKYON THAMS CAD BCOM ZHING BDUD RTZIR GYUR, AOm A'A: H'Um, LAN GSUM DANG, RGYA CHER SPEL ZHING BYIN GYIS BRLAB PAR GYUR, CES BRJOD LA SNYING GA'I H'Um YIG LHA LNGA 'DUS PA'I BDAG NYID DU BSAM LA, DE LA MCHOD PAS BDE BA CHEN POS MNYES PAR BSAM ZHING NANG GI SBYIN SREG GI TSUL DU LONGS SPYOD, THUN MTSAMS KYI SPYOD LAM KUN TU YANG LHA'I NGA RGYAL DANG MA BRAL BAR BYA'O, ,NYAL BA'I TSE SNGAR GYI NYER BSDU'I DMIGS PA LTAR LA, H'Um GI A'U NI HA LA, HA'I LUS MGO BO LA, DE ZLA TSES LA, DE THIG LE LA, DE N'A DA LA, N'A DA YANG MI DMIGS PAR GYUR PAR BSAMS LA NYAL ZHING, LDANG BA'I TSE SNYING PO'I RNAL 'BYOR MA BZHIS GLUS BSKUL BAR MOS NAS, HE RU KA YAB YUM GYI SKUR LDANG BA DANG, KHRUS KYI TSE DBANG BSKUR RGYAS BTAB KYI SKABS KYI DMIGS PA LTAR LHA MO RNAMS KYIS RANG LA KHRUS GSOL BAR MOS PAR BYA'O,, ,,DNGOS GRUB RIN CEN BYE BAS GANG GYUR PA'I, ,BDE MCHOG SBAS RGYUD YID BZHIN RGYA MTSO NAS, ,LHA LNGA'I SGRUB THABS DBANG GI RGYAL PO NI, ,SKAL BZANG 'DOD RGU'I DPAL DU BDAG GIS BLANGS, ,DE YI DGE BAS TSE RABS THAMS CAD DU, ,BCOM LDAN YAB YUM GNYIS KYIS RJES BZUNG STE, ,BRGYA PHRAG DKA' BA SPYAD LA MA LTOS PAR, ,SKU GSUM GO 'PHANG MYUR DU THOB GYUR CIG, CES DRIL BU LUGS KYI LHA LNGA'I SGRUB THABS NGAG TU 'DON BDE BA GTZO BOR BYAS TE BRJOD PA 'DI NI, GONG DKAR NAS DPON SA BDAG MO NOR 'DZIN CHOS BZHIN SKYONG BA'I RGYAL MOS BSKUL BA LA BRTEN NAS BTZUN PA DGE 'DUN RGYA MTSO'I DPAL GYIS CHOS 'KHOR RGYAL BKRA SHIS LHUN GYIS GRUB PA'I GTZUG
, ,LAG KHANG DU SBYAR BA'I YI GE PA NI CHOS KYI DPAL 'BYOR LEGS PAS BGYIS PA 'DI KYANG RGYAL BA'I BSTAN PA PHYOGS DUS THAMS CAD DU RGYAS PAR BYED NUS PAR GYUR CIG, ,,MANGGALAm,