, ,RJE BTZUN THAMS CAD MKHYEN PA'I GSUNG 'BUM THOR BU LAS BLA MA'I RNAL 'BYOR, BLA MA MCHOD PA, KHRID KYI SKOR DANG BCAS PA BZHUGS SO,,
, ,BLA MA DAM PA RNAMS LA PHYAG 'TSAL LO, ,DE YANG PO TO BA CHEN PO'I GSUNG SGROS BE BUM SNGON PO LAS, MAN NGAG THAMS CAD BSDUS PA'I 'GO NI, BSHES GNYEN DAM PA MI BTANG BA YIN, ZHES GSUNGS PA LTAR DNGOS GRUB THAMS CAD KYI RTZA BA PHAN BDE THAMS CAD KYI 'BYUNG GNAS BLA MA DAM PA LA DE THAMS CAD RAG LAS PA NYID KYI BLA MA SANGS RGYAS KUN 'DUS KYI NGO BOR BLTAS NAS GSOL BA 'DEBS PA NI, RANG GI SPYI BOR SENG GE BRGYAD KYIS BTEG PA'I RIN PO CHE'I KHRI YANGS SHING RGYA CHE BA, DE'I STENG DU SNA TSOGS PADMA DANG ZLA BA'I GDAN LA NGO BO RANG GI DRIN CAN RTZA BA'I BLA MA YIN PA LA RNAM PA RGYAL BA RDO RJE 'CHANG SKU MDOG SNGON PO ZHAL GCIG PHYAG GNYIS KYIS RDO RJE DANG DRIL BU THUGS KAR BSNOL TE 'DZIN PA, RIN PO CHE'I RGYAN DANG DAR SNA TSOGS KYI NA BZA' CAN, ZHABS RDO RJE SKYIL KRUNG GIS BZHUGS PA, SKU MTSAN DANG DPE BYAD KYIS BRGYAN PA,
, ,GSUNG GSUNG DBYANGS YAN LAG DRUG CU DANG LDAN PA, THUGS SHES BYA THAMS CAD MNGON SUM DU MKHYEN PA, RANG LA DGYES BZHIN DU GZIGS PA, ZHAL 'DZUM BAG DANG BCAS PA, DE'I SPYI BOR AOm, MGRIN PAR A'A:, THUGS KAR H'Um, THUGS KA'I H'Um LAS 'OD ZER 'PHROS PAS RTZA BRGYUD KYI BLA MA RNAMS DANG RGYAL BA SRAS BCAS SOGS 'PHAGS PA'I DKYIL 'KHOR THAMS CAD SPYAN DRANGS, DE LA THIM PAS DE NYID BLA MA KUN 'DUS KYI NGO BO, YI DAM KUN 'DUS, CHOS SKYONG KUN 'DUS KYI NGO BOR SNYING THAG PA NAS BSAMS LA, SANGS RGYAS THAMS CAD 'DUS PA'I SKU, ,ZHES SOGS KYIS PHYAG BYA, RIM PA LNGA PA LAS, MCHOD PA THAMS CAD YONGS SPANGS NAS, ,BLA MA MCHOD PA RAB TU BRTZAM, ,DE MNYES PAS NI KUN MKHYEN GYI, ,YE SHES DAM PA THOB PAR 'GYUR, ,ZHES GSUNGS PA LTAR RGYAL BA THAMS CAD MCHOD PA BAS RDO RJE SLOB DPON GYI BA SPU'I KHUNG BU GCIG
MCHOD PA BSOD NAMS CHE BAR RDO RJE 'CHANG RANG NYID KYIS LAN GRANGS DU MAR GSUNGS PAS MAndAL RGYAS PAR DBUL, TSOGS GSOG SGRIB SBYONG GI RTEN DU BLA MA BAS LHAG PA MED PAS YAN LAG BDUN PA RGYAS PAR BYAS LA, DUS DENG NAS BZUNG STE BYANG CHUB MA THOB KYI BAR DU RE SA BLA MA MA GTOGS GZHAN MED SNYAM DU BSAMS LA BLO LING GIS BKAL, GSOL BA SHUGS DRAG TU BTAB PAS BLA MA'I SPYI BO'I AOm LAS 'OD DANG BDUD RTZI DKAR PO BYUNG, SPYI BOR THIM, LUS KYI SDIG SGRIB DAG BUM PA'I DBANG THOB, MGRIN PA'I A'A: LAS 'OD DANG BDUD RTZI DMAR PO BYUNG, MGRIN PAR THIM, NGAG GI SDIG SGRIB DAG GSANG DBANG THOB, THUGS KA'I H'Um LAS 'OD DANG BDUD RTZI SNGON PO BYUNG, SNYING GAR THIM, YID KYI SDIG SGRIB DAG SHES RAB YE SHES KYI DBANG THOB, SKU'I CHA DANG BA SPU'I BU GA THAMS CAD NAS 'OD DANG BDUD RTZI DKAR DMAR MTHING GSUM BYUNG, RANG GI GNAS GSUM DU THIM, SGO GSUM GYI DRI MA DAG SKU GSUNG THUGS KYI BYIN RLABS ZHUGS, DBANG BZHI PA THOB PAR BSAM MO,, SLAR YANG, BLA MA RIN PO CHE, BDAG GI BLO CHOS SU 'GRO BAR BYIN GYIS BRLAB TU GSOL, CHOS LAM DU 'GRO BAR BYIN GYIS BRLAB TU GSOL, CHOS LA BAR CHAD MI 'BYUNG BAR BYIN GYIS BRLAB TU GSOL, PHYIN CI LOG GI BLO SNA MTHA' DAG 'GAG PAR BYIN GYIS BRLAB TU GSOL, PHYIN CI MA LOG PA'I BLO SNA KHYAD PAR CAN MYUR DU RGYUD LA SKYE BAR BYIN GYIS BRLAB TU GSOL, NGES 'BYUNG DANG BYANG CHUB KYI SEMS DANG LTA BA RNAM PAR DAG PA MYUR DU RGYUD LA SKYE BAR BYIN GYIS BRLAB TU GSOL, LAM RIM
, ,PA GNYIS KYI RTOGS PA ZAB MO MYUR DU RGYUD LA SKYE BAR BYIN GYIS BRLAB TU GSOL, ZHES 'DOD DON LA DMIGS PHUG PA'I GSOL BA BTAB PAS DE LTAR BYIN GYIS BRLAB PA'I DON DU DGYES BZHIN DU RANG GI SPYI BO NAS BLA MA NYID 'OD DU MER GYIS ZHU, RANG GI LUS LA SIM GYIS THIM PAS RANG GI LUS NGAG YID GSUM DANG BLA MA'I SKU GSUNG THUGS DBYER MED DU GYUR PAR BSAM ZHING, 'CHI KHA MA'I 'PHO BA'I DMIGS PA LTA BU BYED NA YANG BLA MA'I RNAL 'BYOR SNGAR LTAR SPYI BOR BSGOMS LA, RANG GI LUS KYI DKYIL DRANG POR RTZA DBU MA SBOM PHRA MDA' SMYUG TZAM, YAR SNA TSANGS BUG TU THAL LE BA ZHIG BSGOM, RANG GI SEMS NYID SNYING GAR THIG LE DKAR PO SRAN MA TZAM 'OD KYI RANG BZHIN CAN 'PHUR LA KHAD PA ZHIG TU BSGOMS LA, BLA MA RIN PO CHE, BDAG DAG PA MKHA' SPYOD KYI GNAS SU DRANG DU GSOL, THUGS BDE BA CHEN PO CHOS KYI DBYINGS SU RO GCIG PAR MDZAD DU GSOL, ZHES GSOL BA BTAB PAS BLA MA'I THUGS KA NAS 'OD ZER LCAGS KYU LTA BU ZHIG BYUNG STE RANG GI TSANGS BUG NAS ZHUGS, RANG GI SEMS THIG LE DKAR POR GSAL BA LA PHOG PAS GYEN DU DRANGS PAR BSAM ZHING 'OG RLUNG DRAG TU 'THEN, HIG BRJOD PAS DE NYID AA WA DH'U T'I'I NANG NA YAR DKAR YER TE SONG STE TSANGS BUG NAS RGYANGS TE THON, BLA MA'I THUGS KAR SIM GYIS THIM PAS BLA MA'I THUGS CHOS KYI SKU'I BDAG NYID DANG RANG GI SEMS RO GCIG TU DBYER MED PAR BSAMS LA 'PHO BAR BYA STE, DE NI GLEGS BAM RIN PO CHE LAS, RAB NI CHOS DBYINGS CHEN POR 'PHO, ,'BRING NI BLA MA'I THUGS
KAR 'PHO, ,ZHES GSUNGS PA GNYIS KA'I DON DANG MTHUN ZHING, NI GU'I CHOS DRUG LAS KYANG, BYIN RLABS BLA MA'I 'PHO BA GCES, ,ZHES KYANG GSUNGS PA'I MAN NGAG DANG MTHUN PA STE BLA MA'I RNAL 'BYOR LA BRTEN PA'I 'PHO BA'I MAN NGAG YIN NO, , LAS LA SBYOR BA'I TSE MA GTOGS PAR 'PHO BA SBYONG BA'I GNAS SKABS SU RNAM SHES TSANGS BUG LA REG PA TZAM MA GTOGS TSANGS BUG NAS THON PAR MI BSAM MO, ,DE LTAR BLA MA'I RNAL 'BYOR BSGOMS PA'I RJES SU TSE RABS THAMS CAD DU LEGS TSOGS THAMS CAD KYI RTZA BA BSHES GNYEN DAM PAS RJES SU 'DZIN PA'I SMON LAM RNAM PAR DAG PA GDAB PAR BYA'O ZHES PA 'DI RGYA DBON PO DON GRUB DPAL LDAN GYIS BSKUL BA'I NGOR BTZUN PA DGE 'DUN RGYA MTSO'I DPAL GYIS BKRA SHIS LHUN POR SMRAS PA'O,, ,, ` BLA MA DAM PA RNAMS LA PHYAG 'TSAL LO, ,DE YANG RJE NYID KYIS, YON TAN KUN GYI GZHIR GYUR DRIN CAN RJE, ,ZHES PA DANG, 'JIG RTEN 'JIG RTEN 'DAS PA'I DGE LEGS KYI, ,YON TAN KUN GYI RTZA BA DRIN CAN RJE, ,ZHES PA DANG, BE BUM SNGON PO LAS, MAN NGAG THAMS CAD BSDUS PA'I 'GO NI, BSHES GNYEN DAM PA MI BTANG BA YIN, ZHES GSUNGS PA LTAR DNGOS GRUB THAMS CAD BLA MA DAM PA LA RAG LAS PAS BLA MA BSTEN TSUL MA 'PHYUGS PA GAL CHE BA YIN, DE YANG DAM PA RNAMS KYI BZHED PA'I SGO MI 'DRA BA MANG NA YANG BLA MA LA DAD PA SOGS YON TAN GYI BLO SKYE DKA' ZHING SKYON RTOG GI BLO SKYE SLA BA'I SNYIGS MA'I DUS 'DIR 'BROM CHOS KYI RGYAL POS, NGAS TSAM TSOM DU BLA MA BSTEN MA MYONG, BSTEN NAS SKAD CIG KYANG YAL BAR 'DOR MA MYONG, ZHES GSUNGS PA LTAR TSAM TSOM DU MI
, ,BSTEN, BSTEN NAS SROG DANG SDO BA CIG DGOS, DE YANG THOG MAR BRTAG DPYAD LEGS PAR BYAS TSOL DGOS LA, CI 'DRA ZHIG TSOL NA, THEG CHEN GYI BSHES GNYEN CHOS BCU DANG LDAN ZHING, RGYUD SDE NAS BSHAD PA'I RDO RJE SLOB DPON MTSAN NYID DANG LDAN PA ZHIG TSOL DGOS, DE YANG, RTZOD LDAN DBANG GIS BLA MA SKYON DANG YON TAN 'DRES, ,ZHES GSUNGS PA LTAR, MTSAN NYID THAMS CAD DANG LDAN PA RNYED DKA' NA'ANG, MTSAN NYID PHAL CHER TSANG BA SOGS YON TAN GTZO CHE BA ZHIG BSTEN DGOS TE, GUR GUM DANG, GLA RTZI DANG, SGOG PA SOGS SO SO'I SNOD LA SO SO'I DRI 'BYUNG BA LTAR SKYES BU SKYON CAN DANG PHRAD NA DE'I SKYON GYIS GOS SLA ZHING YON TAN CAN GYI YON TAN JI LTA BA BZHIN GOS DKA' BA NA YANG CHA SHAS KYIS GOS PAR 'GYUR BAS SO, ,DE LTAR BRTAG DPYAD BYAS TE LEGS PAR BTZAL NAS CHOS DANG GDAMS NGAG GI BKA' DRIN NOD DE, DE NAS BSAM PA'I SGO NAS BSTEN TSUL NI, BLA MA'I YON TAN RTAG TU BSAM, ,SKYON LA NAM YANG BSAM MI BYA, ,YON TAN BSAMS PAS DNGOS GRUB 'THOB, ,SKYON GYIS DNGOS GRUB NYAMS PAR BYED, ,CES GSUNGS PA LTAR BLA MA'I YON TAN GYI NGOS NAS BSAMS PA'I DAD PA SNA CIG SKYES PA TSUN CHAD MCHOG THUN MONG GI DNGOS GRUB 'GRUB PA'I RGYU YIN PAS RANG LA SNANG TSOD KYI BLA MA'I SKU GSUNG THUGS KYI YON TAN RNAMS DANG, GZHAN YANG PHYOGS BCU'I SANGS RGYAS THAMS CAD KYANG SPRUL PA'I GZUGS SNA TSOGS PAS SEMS CAN KYI DON MDZAD PAS MCHOG GI SPRUL PA'I SKU NAS BZUNG STE BYA RI DVAGS TSUN CHAD KYI GZUGS
SNA TSOGS SU STON PA LAS, DENG SANG GDUL BYA LA LAM MA NOR BAR STON PA'I BLA MA DAM PA'I GZUGS SU SPRUL NAS SEMS CAN GYI DON MDZAD PA RNAMS SPRUL PA'I MCHOG YIN PAS RANG GI BLA MA DE SKYE 'PHAGS GANG YIN YANG RUNG STE, RANG NGOS NAS SANGS RGYAS THAMS CAD KYI MKHYEN BRTZE GCIG TU BSDUS NAS BLA MA 'DIR SPRUL BA YIN SNYAM PA LTA BU'I DAD PA BYA DGOS, BLA MA'I SKYON GYI NGOS NAS MA DAD PA SKAD CIG MA GCIG SKYES PA YANG DNGOS GRUB KYI GEGS BYED PA YIN PAS SKYON RTOG YE BYAR MI RUNG, SKYON GYI RNAM PA CUNG ZAD MTHONG YANG RANG SNANG MA DAG PA'I MTHONG TSUL MA GTOGS BLA MA LA SKYON DE LTA BU GTAN NAS MI MNGA', SNGON GYI DAM PA RNAMS KYI RNAM THAR LA'ANG 'PHAGS PA THOGS MED KYIS RJE BTZUN BYAMS PA BSGRUBS PAS THOG MAR KHYI MO SMAD KHOG 'BUS G-YENGS PAR GZIGS PA DANG, N'A RO PAS TEE LO PA SHIG ME LA SREG PAR GZIGS PA DANG, MEE TRI PAS SHA WA RI PA PHAG GSOD PAR MTHONG BA SOGS KYI GTAM RGYUD KYANG YOD, DER MA ZAD SANGS RGYAS RNAMS KYANG SKYON THAMS CAD SPANGS ZIN KYANG CHAGS SOGS KYI SKYON DANG LDAN PA RNAMS RJES SU BZUNG BA'I PHYIR SKYON DE DAG DANG LDAN PA LTA BUR STON PA BZHIN YIN PA'ANG SRID SNYAM DU BSAMS LA SKYON RTOG YE MA BYUNG BA LA 'BAD, DKA' DRIN RJES SU DRAN PA'I GUS PA BYA BA NI, 'KHOR 'DAS KYI BDE BA THAMS CAD KYANG BLA MA'I BKA' DRIN 'BA' ZHIG YIN TE, BDE BA ZHIG YIN PHYIN RGYU DGE BA SPYAD PA LAS BYUNG BAS KHYAB LA, DE YANG RANG GIS BSGRUBS PA ZHIG DGOS SHING BLANG DOR STON PA'I BLA MA ZHIG DANG MA PHRAD NA DGE BSGRUB
, ,PA DANG SDIG PA SPONG BA GANG YANG 'ONG SA MED PA'I DON GYIS SO, ,SNYAM DU BSAMS LA RANG LA BDE DGE GANG YOD BLA MA'I BKA' DRIN NYAG GCIG TU SHES PAR BYA'O, ,SBYOR BA'I SGO NAS BSTEN PA'I TSUL NI, BLA MA MNYES BYED GANG YIN BYA, MI MNYES BYA BA THAMS CAD SPANG, ,ZHES GSUNGS PA LTAR MNYES PA SGRUB, MI MNYES PA SPONG BA YIN LA, MNYES PA SGRUB PA'I SGO LA YANG GTZO BOR BKA' BZHIN SGRUB PA'I MCHOD PA YIN PAS BLA MAS BSTAN PA LTAR GYI BLANG DOR NYAMS LEN LA BKA' BZHIN DU SGRUB PA DANG, GZHAN YANG BYANG CHUB SEMS DPA' RTAG TU NGU DANG NOR BZANG SOGS DANG, N'A RO PAS TEE LO PA BSTEN PA DANG, 'BROM GYIS JO BO CHEN PO DANG BLA MA SE BTZUN BSTEN PA DANG, MI LAS MAR PA BSTEN PA SOGS DAM PA GONG MA RNAMS KYI RNAM THAR LTAR BLTA BAR BYA'O, ,ZANG ZING YANG RANG LA YOD PHYIN, 'DI NI RANG BYUNG BCOM LDAN 'DAS, ,LHAG PA'I LHA NI GCIG PU NYID, ,MAN NGAG RAB TU STER BA'I PHYIR, ,RDO RJE SLOB DPON DE BAS LHAG ,CES RANG GI MCHOD PA DANG BSNYEN BKUR BA'I ZHING DU RDO RJE 'CHANG BAS KYANG LHAG PA DANG, SANGS RGYAS THAMS CAD MCHOD PA BAS, , BLA MA'I BA SPU GCIG MCHOD LHAG ,CES PA LAR MDO RGYUD THAMS CAD KYI DGONGS PA YIN PAS CI YOD PA'I BSNYEN BKUR BA DANG 'BUL BA SOGS BYA'O,, BLA MA'I RNAL 'BYOR DNGOS GZHI SGOM PA'I TSUL LA YANG BLA MA DE LA SANGS RGYAS DNGOS SU MTHONG BA'I MOS GUS BCOS MIN SKYE BA ZHIG YOD NA DA LTA RANG LA SNANG TSOD LTAR BSGOMS KYANG RUNG MOD, BLA MA RDO RJE 'CHANG SOGS SU SGOM PA'I BLA MA'I RNAL 'BYOR
DAM PA RNAMS KYI PHYAG LEN LAS 'BYUNG BA LTAR GSUNG RAB KYI'ANG DGONGS PA YIN PAS MDUN GYI NAM MKHAR SENG GE CHEN PO BRGYAD KYIS BTEG PA'I RIN PO CHE'I KHRI YANGS SHING RGYA CHE BA'I STENG DU SNA TSOGS PADMA DANG NYI MA DANG ZLA BA'I STENG DU NGO BO RANG GI DRIN CAN RTZA BA'I BLA MA YIN PA LA RNAM PA RIGS DRUG PA RGYAL BA RDO RJE 'CHANG CHEN PO SKU MDOG SNGON PO ZHAL GCIG PHYAG GNYIS KYIS RDO RJE DANG DRIL BU THUGS KAR BSNOL NAS 'DZIN PA, RDO RJE'I SKYIL MO KRUNG GIS BZHUGS PA LA YUM RDO RJE DBYINGS KYI DBANG PHYUG MA SNGON MO RDO RJE DANG DRIL BU 'DZIN PAS 'KHYUD PA, GNYIS KA'ANG RIN PO CHE'I RGYAN BRGYAD KYIS BRGYAN PA, DAR SNA TSOGS KYI NA BZA' CAN, MTSAN BZANG PO SUM CU RTZA GNYIS DANG DPE BYAD BZANG PO BRGYAD CUS BRGYAN PA, DE'I SPYI BOR AOm DKAR PO, MGRIN PAR A'A: DMAR PO, THUGS KAR H'Um SNGON PO, THUGS KA'I H'Um LAS 'OD 'PHROS, BLA MA RDO RJE 'CHANG GI RNAM PA CAN LA MKHA' KHYAB KYI BLA MA YI DAM, SKYABS GSUM BKA' SDOD DANG BCAS PAS BSKOR BA SPYAN DRANGS, DZA: H'Um BAm HO: DE LA THIM GNYIS SU MED PAR GYUR PAS BLA MA KUN 'DUS, YI DAM KUN 'DUS, CHOS SKYONG KUN 'DUS, SKYABS GSUM KUN 'DUS KYI NGO BOR GYUR PAR BSAMS LA, SANGS RGYAS THAMS CAD 'DUS PA'I SKU, ,ZHES SOGS KYIS PHYAG BYA, MCHOD PA THAMS CAD YONGS SPANGS NAS, ,BLA MA MCHOD PA RAB TU BRTZAM, ,DE MNYES PAS NI KUN MKHYEN PA'I, ,YE SHES DAM PA THOB PAR 'GYUR, ,ZHES MCHOD PA THAMS CAD KYI NANG NAS BLA MA MCHOD PA DON CHE BAR BSHAD PA LTAR YIN PAS MAndAL RGYAS PAR
, ,DBUL, PHYI NANG GSANG BA DE KHO NA NYID KYIS MCHOD PAR BYAS TE, RGYAS PAR SPRO NA BLA MA MCHOD PA'I CHO GA LOGS NA YOD PA LTAR BYA'O, ,DE NAS GDUNG SHUGS DRAG POS BLA MA SPYI DANG SO SO'I GSOL 'DEBS BYA ZHING KHYAD PAR DU YANG, BLA MA RIN PO CHE, BDAG GI BLO CHOS SU 'GRO BAR BYIN GYIS BRLAB TU GSOL, DE BZHIN DU, CHOS LAM DU 'GRO BAR BYIN GYIS BRLAB TU GSOL, CHOS LA BAR CHAD MI 'BYUNG BAR BYIN GYIS BRLAB DU GSOL, PHYIN CI LOG GI BLO SNA THAMS CAD 'GAG PAR BYIN GYIS BRLAB TU GSOL, PHYIN CI MA LOG PA'I BLO SNA KHYAD PAR CAN RGYUD LA SKYE BAR BYIN GYIS BRLAB TU GSOL, BYAMS PA DANG SNYING RJE BYANG CHUB KYI SEMS GNAS LUGS RTOGS PA'I LTA BA RIM GNYIS KYI RTOGS PA ZAB MO MYUR DU RGYUD LA SKYE BAR BYIN GYIS BRLAB TU GSOL, THOG MED NAS BSAGS PA'I SDIG SGRIB THAMS CAD DAG PAR BYIN GYIS BRLAB TU GSOL, CI BSAMS PA'I DON THAMS CAD YID BZHIN DU 'GRUB PAR BYIN GYIS BRLAB TU GSOL, ZHES SOGS GNAS SKABS DANG MTHAR THUG GI 'DOD DON LA GSOL BA BTAB PAS BLA MA'I SPYI BO'I AOm LAS 'OD DANG BDUD RTZI DKAR PO BYUNG, RANG GI SPYI BOR THIM, LUS KYI SDIG SGRIB DAG BUM PA'I DBANG THOB, SKU RDO RJE'I DNGOS GRUB THOB PAR BSAM, DE BZHIN DU MGRIN PA, THUGS KA GNAS GSUM GA'I YI GE LAS 'OD DANG BDUD RTZI DMAR PO, SNGON PO, DKAR DMAR MTHING GSUM BYUNG, MGRIN PA, SNYING GA GNAS GSUM GAR THIM PAS NGAG YID, LUS NGAG YID GSUM GYI SGRIB PA'I BAG CHAGS DAG GSUNG, THUGS, SKU GSUNG
THUGS THAMS CAD KYI BYIN RLABS ZHUGS, GSANG DBANG, SHES RAB YE SHES, DBANG BZHI PA THOB, GSUNG RDO RJE, THUGS RDO RJE, RDO RJE GSUM DBYER MI PHYED PA'I DNGOS GRUB THOB PAR BSAM ZHING, MTHAR BLA MA RANG LA BYIN GYIS BRLAB PA'I DON DU RANG GI SPYI BOR BYON, DGYES BZHIN DU 'OD DU ZHU, RANG LA THIM PAS BLA MA'I SKU GSUNG THUGS DANG RANG GI LUS NGAG YID GSUM DBYER MI PHYED PAR BSAM MO, BLA MA'I RNAL 'BYOR GO SLA BAR DGE 'DUN RGYA MTSO'I DPAL GYIS DPAL LDAN 'BRAS SPUNGS KYI GZIMS KHANG DGA' LDAN PHO BRANG DU BRIS PA'O,, ,, ` RDO RJE SLOB DPON TSUL BZHIN DU MCHOD PA'I CHO GA DNGOS GRUB MA LUS PA'I 'BYUNG GNAS ZHES BYA BA, DPAL LDAN BLA MA DAM PA'I ZHABS KYI PADMOR DUS THAMS CAD DU PHYAG 'TSAL LO, ,GANG GI DRIN LAS SKU GSUM GO 'PHANG YANG, ,SKAD CIG NYID LA LAG RTZER STZOL MDZAD PA, ,BLA MA'I ZHABS LA GUS PAS PHYAG 'TSAL NAS, ,DE NYID MCHOD PA'I RIM PA CUNG ZAD BSHAD, ,DE YANG DPAL SDOM PA 'BYUNG BA'I RGYUD LAS, ,MCHOD PA THAMS CAD YONGS SPANGS NAS, ,BLA MA MCHOD PA YANG DAG BRTZAM, ,DE MNYES PAS NI KUN MKHYEN GYI, ,YE SHES MCHOG NI THOB PAR 'GYUR, ,ZHES MCHOD PA THAMS CAD KYI NANG NAS BLA MA MCHOD PA DON CHE BAR BSHAD LA, SGYU 'PHRUL DRA BA LAS KYANG, SHIN TU KHYAD PAR GYUR PA NYID, ,RTAG PAR BLA MA LA NI DBUL, ,DE BYIN SANGS RGYAS THAMS CAD LA, ,RTAG TU BYIN PA NYID DU 'GYUR, ,ZHES BLA MA MCHOD PAS SANGS RGYAS THAMS CAD LA MCHOD PAR 'GYUR BA SOGS RGYUD DANG TSAD LDAN GYI GZHUNG RNAMS LAS LAN CIG MA YIN
, ,PAR BSHAD LA, 'DI NI RANG BYUNG BCOM LDAN 'DAS, ,LHAG PA'I LHA NI GCIG PU NYID, ,MAN NGAG RAB TU STER BA'I PHYIR, ,RDO RJE SLOB DPON DE BAS LHAG ,CES RANG GI BSOD NAMS KYI ZHING DU RDO RJE 'CHANG BAS BLA MA NYID LHAG PAR BSHAD PAS BLA MA NI TSOGS KYI ZHING GONG NA MED PA YIN ZHING, DNGOS SU BZHUGS PA'I TSE BSAM SBYOR GNYIS KYIS TSUL BZHIN DU BSTEN PA DANG, BKUR STI RNYED PA DAG DANG RIM GRO DANG, ,SGRUB PA'I SGO NAS BSHES GNYEN RTAG TU BSTEN, ,ZHES GSUNGS PAR LTAR PHYAG 'TSAL BA DANG, SNGON DU LDANG BA DANG, GDAN STOB PA SOGS BKUR STI DANG, RANG LA GANG YOD KYI BDOG PA THAMS CAD 'BUL BA SOGS RNYED PA STOB PA DANG, CHOS LDAN GYI BKA' THAMS CAD TSUL BZHIN SGRUB PA'I SGO NAS BLA MA MNYES PAR BYA BA YIN LA, BLA MA ZHING GZHAN DU GSHEGS PA'AM, MA GSHEGS KYANG GNAS KYIS BSKAL BA SOGS KYI TSE LTA BU'AM, RANG NYID KYI RGYUN GYI RNAL 'BYOR DU BYA BAS KYANG RUNG STE BLA MA MCHOD PA'I TSUL LA GSUM, BLA MA'I RNAL 'BYOR JI LTAR BSGOM PA'I TSUL, DE LA MCHOD BSTOD SOGS BYA BA'I TSUL, MJUG TING NGE 'DZIN GYI DBANG BZHI BLANG ZHING SMON LAM SOGS BYA BA'I TSUL LO, ,DANG PO NI, RDO RJE DRIL BU BYIN GYIS BRLAB PA BYAS LA, GSANG BDE 'JIGS GSUM SOGS SKABS GANG YIN DANG 'BREL BA'I NANG MCHOD DANG MCHOD PA BYIN GYIS BRLABS, MDUN GYI NAM MKHAR SKAD CIG GIS RDO RJE'I SA GZHI, RA BA, GUR BLA RE, ME RI DANG BCAS PA'I DBUS SU THAR PA CHEN PO'I GZHAL MED KHANG GRU BZHI PA SGO BZHI PA LA SOGS PA
MTSAN NYID THAMS CAD YONGS SU RDZOGS PA'I DBUS SU SENG GES BTEG PA'I RIN PO CHE'I KHRI YANGS SHING RGYA CHE BA'I STENG DU SNA TSOGS PADMA DANG NYI MA DANG ZLA BA'I STENG DU NGO BO RANG GI DRIN CAN RTZA BA'I BLA MA YIN PA LA RNAM PA RGYAL BA RDO RJE 'CHANG SKU MDOG SNGON PO ZHAL GCIG PHYAG GNYIS KYIS RDO RJE DANG DRIL BU THUGS KAR BSNOL TE 'DZIN PA, YUM RDO RJE DBYINGS KYI DBANG PHYUG MA SNGON MO ZHAL GCIG PHYAG GNYIS KYIS RDO RJE DANG DRIL BU 'DZIN PAS 'KHYUD PA, GNYIS KA'ANG RIN PO CHE'I RGYAN BRGYAD KYIS BRGYAN CING LHA RDZAS KYI GOS KYI NA BZA' CAN, ZHABS RDO RJE SKYIL KRUNG GIS BZHUGS PA, MTSAN BZANG PO SUM CU GNYIS DANG DPE BYAD BZANG PO BRGYAD CUS BRGYAN PA, DE'I SPYI BOR AOm DKAR PO, MGRIN PAR A'A: DMAR PO, THUGS KAR H'Um SNGON PO, ZHES PA LTA BU'I TSUL GYIS BSKYED, GZHAN DU NA DPAL GSANG BA 'DUS PA LTA BU'I DBANG DU BYAS NA, RDO RJE SLOB DPON LUS 'DI LA, ,RGYAL BA'I SKU NI RIM BZHIN GNAS, ,ZHES GSUNGS PA LTAR BLA MA RDO RJE 'CHANG SNGON PO ZHAL GSUM PHYAG DRUG PA YUM BCAS SU BSKYED PA'I SKU LA LHA SA GNYIS TSANG BA'I LUS DKYIL 'KHOR 'GOD PA SOGS KYANG RUNG STE, SKABS DANG SBYAR BA BYAS PAS CHOG DE NAS THUGS KA'I H'Um LAS 'OD ZER 'PHROS, RTZA BRGYUD KYI BLA MA YI DAM DKYIL 'KHOR GYI LHA TSOGS, SANGS RGYAS DANG BYANG CHUB SEMS DPA', NYAN THOS DANG RANG SANGS RGYAS, MKHA' 'GRO CHOS SKYONG SRUNG MA'I TSOGS THAMS CAD SPYAN DRANGS, DZA: H'Um BAm HO: ZHES DE LTAR BSTIMS PAS BLA MA KUN 'DUS, YI DAM KUN 'DUS, CHOS SKYONG KUN 'DUS, SKYABS GSUM
, ,KUN 'DUS KYI NGO BOR BLTAS LA RTZE GCIG PA'I GDUNG SHUGS DRAG PO BYA'O, ,SPYAN 'DREN PA'I TSE SPROS PA LA DGA' NA, RGYAL BA KUN GYI MKHYEN BRTZE GCIG BSDUS NAS, ,MA DAG ZHING GI 'GRO BA THAMS CAD LA, ,MA LUS RGYAL BA'I MDZAD PA SGRUB MDZAD PA, ,RTZA BRGYUD BLA MA THAMS CAD GNAS 'DIR GSHEGS, ,LHUN GRUB BDE CHEN DMIGS MED CHOS SKU'I BDAG ,GSHEGS DANG BZHUGS PA'I MTSAN MA KUN BRAL YANG, ,CHU NANG ZLA BA DBANG PO'I GZHU BZHIN DU, ,GDUL BYA'I MOS PA JI BZHIN GSHEGS SU GSOL, ,RATNA GU RU SA PA RI W'A RA BADZRA SA MA YA DZA: ZHES PAS SPYAN DRANGS, YE SHES RANG BZHIN RIN CEN GZHAL MED DBUS, ,GSER GYI MYU GU BKRAM PA'I GDONG LNGA'I KHRI, ,CHU SKYES LTE BAR NYI ZLA'I DKYIL 'KHOR LA, ,ZHABS SEN 'OD CHAGS BRTAN PAR BZHUGS SU GSOL, ,RATNA GU RU SA PA RI W'A RA PRA WA RA SAD KA RAm AARGHAm PRA T'I TZTSA YE SV'A H'A, AOm PADMA KA MA LA YE STVAm, ZHES MCHOD YON PHUL LA GDAN LA BZHUGS SU GSOL, PHYAG BYA BA NI, RAB 'BYAMS ZHING GI 'KHOR LO MA LUS DNGOS, ,KHYAB BDAG DPAL LDAN RDO RJE SEMS DPA' NYID, ,SKYABS GSUM KUN 'DUS ZHING DANG SKYABS KYI PHUL, ,BLA MA'I ZHABS LA RTAG TU PHYAG 'TSAL LO, ,GANG GI DRIN GYIS BDE BA CHEN PO'I GNAS, ,SKU GSUM GO 'PHANG THUN MONG DNGOS GRUB BCAS, ,SKAD CIG NYID LA STER MDZAD BSAM 'PHEL DBANG, ,ZLA MED RDO RJE CAN ZHABS PAD LA 'DUD, ,BLANG DOR GNAS KUN STON PA'I SGRON ME STE, ,MA RIG MUN SEL NYIN MO'I DBANG PHYUG MCHOG ,NYON MONGS TSA GDUNG SEL MDZAD MTSAN MO'I
MGON, ,MTSUNGS MED BLA MA MCHOG LA PHYAG 'TSAL LO, ,RNAM GROL LAM DU 'KHRID PA'I DED DPON TE, ,SDUG BSNGAL NAD SEL SMAN PA CHEN PO MCHOG ,'JIGS PA KUN SKYOB PHAN BDE KUN STZOL BA, ,BLA MA RNAMS LA RTAG TU GUS PHYAG 'TSAL, ,ZHES PAS PHYAG BYA'O, ,GNYIS PA LA MCHOD PA DBUL BA, BSTOD CING GSOL BA GDAB TSUL LO, ,DANG PO LA PHYI NANG GSANG BA'I MCHOD PA RNAMS LAS PHYI'I MCHOD PA THOG MAR DBUL BA NI, AOm BADZRA BH'U MI S'A: H'Um, DBANG CHEN GSER GYI SA GZHI, AOm BADZRA RE KHE A'A: H'Um, LCAGS RI MU KHYUD KYIS BSKOR BA'I DBUS SU RI'I RGYAL PO RI RAB, SHAR LUS 'PHAGS PO, LHO 'DZAM BU GLING, NUB BA LANG SPYOD, BYANG SGRA MI SNYAN, SHAR DU LUS DANG LUS 'PHAGS, LHOR RNGA YAB DANG GZHAN, NUB TU G-YO LDAN DANG LAM MCHOG 'GRO, BYANG DU SGRA MI SNYAN DANG SGRA MI SNYAN GYI ZLA, SHAR DU RTA MCHOG RIN PO CHE, LHOR GLANG PO RIN PO CHE, NUB TU KHYIM BDAG RIN PO CHE, BYANG DU BTZUN MO RIN PO CHE, SHAR LHOR 'KHOR LO RIN PO CHE, LHO NUB TU NOR BU RIN PO CHE, NUB BYANG DU DMAG DPON RIN PO CHE, BYANG SHAR DU GTER CHEN PO, SHAR DU ZLA BA, NUB TU NYI MA, LHA DANG MI'I DPAL 'BYOR PHUN SUM TSOGS PA, LUS LONGS SPYOD DUS GSUM DGE BA'I DNGOS PO DANG BCAS PA DRIN CAN RTZA BA'I BLA MA BRGYUD PAR BCAS PA'I DPAL LDAN BLA MA DAM PA SKYABS GSUM KUN 'DUS KYI BDAG NYID CAN LA DBUL BAR BGYI'O, ,BDAG GZHAN LUS NGAG YID GSUM SOGS DANG, GRANGS MED DPAG TSAD KHYON LDAN MGYOGS 'GRO'I STENG, ,BYE BA PHRAG BRGYA'I CHU DANG GSER GYI GZHIR,,
, ,LHUN PO'I DBANG PO GLING BZHI GLING PHRAN BCAS, ,LHA LAM MDZES BYED NYI ZLA'I SNANG BA YANG, ,DE SNYED GRANGS LDAN LCAGS RI MU KHYUD BCAS, ,RIN CEN BDUN DANG 'DOD DGU'I GTER CHEN PO, ,BDAG LUS LONGS SPYOD DUS GSUM DGE BA'I TSOGS, ,KUN BZANG MCHOD PA'I SPRIN DANG LHAN CIG TU, ,MA LUS ZHING GI DAM PA SKYABS KYI MCHOG ,RGYAL BA KUN LAS LHAG PA'I BKA' DRIN CAN, ,RAB 'BYAMS RGYAL BA KUN DNGOS BLA MA LA, ,DBUL LO MCHOG DANG THUN MONG DNGOS GRUB KUN,, DA LTA NYID DU BDAG LA STZAL DU GSOL, ,ZHES PAS MAndAL DBUL, DE NAS CHU BZHI DBUL BA NI, DAG CING DRI MED YID 'ONG BA'I, ,ZHES YONGS GRAGS LTAR RAM, YANG NA, GSER GYI 'DAB STONG 'KHRIGS PA'I 'OD RIS CAN, ,YANGS PA'I SNOD DU RAB GTAMS BDUD RTZI'I MTSO, ,DAL GYI RLABS PHRENG DBU BA'I 'DZUM DKAR CAN, ,MA LUS ZHING KUN GANG BA'I MCHOD YON TSOGS, ,SGRIB GNYIS RNYOG PA'I DRI MA KUN BRAL YANG, ,DAD PAS BLA MA MCHOG LA SKU KHRUS GSOL, ,'GRO KUN SEMS KYI RDO RJE SGRIB BRAL GYI, ,RGYAL BA'I THUGS KYI RDO RJE THOB PAR SHOG ,AOm RATNA GU RU SARBA BUD DHA BO DHI SA TVA SA PA RI W'A RA AARGHAm PRA T'ITZTSA YE SV'A H'A, DE BZHIN DU MCHOD YON GYI GNAS SU ZHABS BSIL SOGS DANG, ARGHAm GYI GNAS SU P'A D+YAm SOGS SBYAR TE, SNGAGS DANG PHYAG RGYAS DBUL BA'AM, YANG NA TSIGS BCAD RKYANG PAS KYANG DBUL LO, ,GSER GYI 'OD 'KHRIGS LHA RDZAS MANDHA RA, ,YONGS 'DU SA HA GA RA'I ME TOG DANG, ,PADMA AUTPAL KU MUD AU DUM SOGS, ,MCHOD 'OS ME TOG KUN KYANG KHYED LA DBUL, x ,TZAN
DAN GA BUR AA KA RU LA SOGS, ,RIN CEN SNOD DU 'BAR BA'I MES BSREGS PAS, ,DU BA'I SPRIN PHUNG LHA YI LAM KUN TU, ,KHYAB PA'I DRI BZANG KUN KYANG KHYED LA DBUL, x ,JI SNYED NYI ZLA NOR BU'I SNANG BA DANG, ,'OD ZER BZHAD LDAN GSER GYI SNOD YANGS SU, ,DRI ZHIM RTZI MAR 'BRU MAR SNA TSOGS LAS, ,RAB 'BAR SGRON ME RNAMS KYANG KHYED LA DBUL, x ,SNA TSOGS 'PHRA BKOD DBYIBS LEGS SNOD RNAMS SU, ,GA PUR GUR GUM TZAN DAN GYIS BSGOS PA'I, ,DRI BZANG ZHING KUN CIG CAR 'GENGS BYED PA, ,YID 'ONG DRI CHAB TSOGS KYANG KHYED LA DBUL, x ,LHA DANG MI YI RNAM DKAR GYIS BSKRUN PA'I, ,BZA' DANG BTUNG BA RO BRGYA'I PHUN TSOGS CAN, ,MDZES SHING YID 'ONG KHYAD PAR SNA TSOGS PA, ,STONG GSUM KHYON KUN BKANG STE KHYED LA DBUL, x ,'THUNGS NA LCE BDE BLO GSAL SHES RAB 'PHEL, ,GUR GUM MDOG CAN GA BUR NGAD PA CAN, ,RO BRGYA'I DPAL 'DZIN JA DKAR BTUNG BA SOGS, ,KHA NA MA THO SPANGS PA'I MCHOD PAS MCHOD, x ,DRUG LDAN LA SOGS MDZES MA'I GLU DBYANGS DANG, ,SNYAN PA'I GDANGS KYI 'GYUR BA STONG PHRAG CAN, ,RNA BA'I BCUD LEN RGYAS BYED LHA DANG MI'I, ,SNA TSOGS ROL MO RNAMS KYANG KHYED LA DBUL, x , 'DI DAG NI TSIG SBYOR GSAR DU BSGRIGS PA YIN TE, RJE THAMS CAD MKHYEN PAS BDE GSANG GI MCHOD PHRENG RNAMS SU MDZAD PA'I, TING 'DZIN PIR LEGS MA SOGS DANG, GSANG BA'I 'KHOR LO AINDRA N'I LA LTAR, ,ZHES SOGS KYANG BYA'O, ,'DOD YON LNGA DBUL BA NI, GANG SHAR GZUGS KYI SNANG BA MA LUS PA, ZLA ZHAL AUTPAL MIG CAN 'JO SGEG MA, ,PHYOGS KUN
, ,NGO MTSAR GAR GYI RI MO BZHIN, ,GZUGS KYI RDO RJE MAR BSGOMS KHYED LA DBUL, x ,GANG SHAR SGRA YI SNANG BA MA LUS PA, ,DRI ZA'I PI WANG RDUNG ZHING RNA BA YI, ,BCUD LEN GLU DBYANGS GRE 'GYUR 'BUM PHRAG CAN, ,SGRA YI RDO RJE MAR BSGOMS KHYED LA DBUL, x ,GANG SHAR DRI YI SNANG BA MA LUS PA, ,LUS DANG KHA NAS GA BUR DRI BZANG CAN, ,GUR GUM DOG PAS PHYOGS KYI 'KHOR LO 'GENGS, ,DRI YI RDO RJE MAR BSGOMS KHYED LA DBUL, x ,GANG SHAR RO YI SNANG BA MA LUS PA, ,BIM PA LTAR DMAR MA MCHU'I SBRANG RTZI DANG, ,RO BRGYA'I BCUD LDAN LHA YI ZHAL ZAS 'DZIN, ,RO YI RDO RJE MAR BSGOMS KHYED LA DBUL, x ,GANG SHAR REG BYA'I SNANG BA MA LUS PA, ,'JAM MNYEN 'KHRIL CHAGS PADMA'I LUS PHRA MA, ,SNA TSOGS LHA RDZAS NA BZA'I LHAB LHUB 'DZIN, ,REG BYA'I RDO RJE MAR BSGOMS KHYED LA DBUL, x ,DE NAS RGYAL SRID SNA BDUN DBUL BA NI, ,GSER SBYANGS LAS BYAS MU KHYUD RTZIBS STONG CAN, ,NYI MA'I GZI BYIN PHAM BYED GANG GI MTHUS, ,GLING BZHI'I DPAL LA 'DOD DGUR DBANG BYED PA'I, ,'KHOR LO RIN CEN NAM MKHA' BKANG STE DBUL, x ,MTHO RIS BDAG PO'I COD PAN DU 'OS SHING, ,DRI MA KUN BRAL GZI 'BAR BEEd'UR+YA, ,SA STENG 'DOD DGU'I CHAR GYIS 'GENGS BYED PA, ,NOR BU RIN CEN NAM MKHA' BKANG STE DBUL, x ,'CHI MED MDZES MA'I TSOGS RNAMS LAN BRGYAR YANG, ,PHAM BYED GZUGS DANG LANG TSO'I DPAL YON CAN, ,MTHONG BAS BDE LTER KUN GYI YID 'PHROG MA, ,BTZUN MO RIN CEN NAM MKHA' BKANG STE DBUL, x ,YON TAN DRUG SHES PHUR BU'I KHENGS PA
'PHROG ,'TSE BA MED PAR NOR 'DZIN DBANG DU BYED, ,SA CHEN SKYONG BA'I BYA BA KUN LA MKHAS, ,BLON PO RIN CEN NAM MKHA' BKANG STE DBUL, x ,GANGS RI'I DBANG POR DOGS (DOG) PA DANG LDAN ZHING, ,GSER GYI DRA BAS GDONG MDZES SPYI GTZUG MTHO, ,PHA ROL DGRA 'JOMS MGYOGS 'GRO CANG SHES PA, ,GLANG PO RIN CEN NAM MKHA' BKANG STE DBUL, x ,STONG GSUM YUD KYIS SKOR BYED BANG 'GROS LDAN, ,RIN CEN SGA SRAB NOR BU'I LAN TSAR 'PHYANG, ,MDONGS LDAN MGRIN PA'I SPU LTAR LTA NA SDUG ,RTA MCHOG RIN CEN NAM MKHA' BKANG STE DBUL, x ,GANG GI DPAL GYIS RMUGS 'DZIN DBANG PO YANG, ,NGES PAR SKYENGS BYED 'BRU DANG RIN CEN GYI, ,BANG MDZOD NAM YANG ZAD PA MED PA CAN, ,KHYIM BDAG RIN CEN NAM MKHA' BKANG STE DBUL, x ,NAM MKHA'I MTHAS KHYAB GANG+G'A'I RDUL SNYED KYI, ,'JIG RTEN KHAMS NA LHA DANG MI YI RDZAS, ,YID 'ONG MCHOD PAR 'OS PA CI MCHIS PA, ,SKYABS MGON THUGS RJE'I GTER LA DBUL BAR BGYI, ,MU TIG DO SHAL 'OD TSOGS GA BUR CAN, ,ZLA SHEL BA GAM MTHO LDAN GSER MCHOG GI ,KHANG BRTZEGS YID 'ONG NAM MKHA' GANG BA YANG, ,SKYABS MGON THUGS RJE'I GTER LA DBUL BAR BGYI, ,SNA TSOGS RIN CEN 'PHRA BKOD GDONG LNGA'I KHRI, ,'JA' TSON LTAR BKRA'I DAR GYI LDA LDI DANG, ,MKHA' NGOS KHYAB PAR LHA RDZAS BLA RE BRES, ,SNA TSOGS TSON GYIS LEGS PAR KHA BSGYUR BA'I, ,LHA RDZAS NA BZA'I KHYAD PAR SNA TSOGS DANG, ,GZHAL MED LHA DANG MI YI RIN CEN TSOGS, ,MDZES PA'I RGYAN MANG DU BYAS KHYED LA DBUL, ,RDO RJE'I SKU LA SNYUN NAD
, ,DANG BRAL YANG, ,KHA DOG RO NUS SMIN PA'I KHYAD PAR CAN, ,SNA TSOGS SMAN GYI KHYAD PAR RNAMS PHUL BAS, ,'GRO KUN NAD MED NYON MONGS LAS GROL SHOG ,GZHAN YANG DAG PA'I ZHING KHAMS GRANGS MED NA, ,SRAS BCAS RGYAL BA'I RNAM DKAR GYIS BSKRUN PA'I, ,'JIG RTEN LAS 'DAS SNOD BCUD 'BYOR PA KUN, ,PHUL BAS 'GRO KUN DAG PA'I ZHING BGROD SHOG ,DE DAG NI ZANG ZING GI MCHOD PA YIN LA, SGRUB PA'I MCHOD PA NI, RNAM MANG 'GRO BA'I YID KYI NOR 'DZIN LA, ,DKAR PO'I LAS LAM BCU YI SA BON LAS, ,LEGS 'KHRUNGS LHA DANG MI YI BDE BA'I 'BRAS, ,YONGS SU SMIN PA'I DGE TSOGS RNAMS KYANG DBUL, ,'JIGS RUNG 'KHOR BA CHU SRIN 'BYUNG GNAS LAS, ,MTHO RIS GRU CHEN NGES 'BYUNG RLUNG SHUGS KYIS,, LEGS BSKYOD RNAM GROL RIN CEN GLING MCHOG LA, ,'DOD DGUR SPYOD PA'I DGE TSOGS RNAMS KYANG DBUL, ,RAB BRTAN PHUL BYUNG DAD PA'I NOR 'DZIN GZHIR, ,DKAR PO'I LAM BCU DAG PA'I 'GRAM GZHI BRTAN, ,RGYA CHEN MANG THOS RIN CEN RTZIG NGOS LA, ,SNA TSOGS RIG GNAS TSON BRGYAS BKRA BYAS SHING, ,TING 'DZIN SGO BRGYA MNGON SHES DRA MIG CAN, ,LHAG BSAM BYANG CHUB SEMS KYI KA CHEN STONG, ,RAB TU 'KHRANG LDAN SNYING STOBS KA GZHU LA, ,RAB BRTEN GZHAN PHAN GDUNG CHEN TSOGS KYIS BRES, ,RGYA CHEN RGYAL SRAS SPYOD PA'I LCAM RNAMS DANG, ,RNAM MANG THABS LA MKHAS PA'I DRAL MAS MDZES, ,GRANGS MED LUNG DANG RTOGS PA'I BANG MDZOD CAN, ,TSUL KHRIMS HA RI TZAN DAN NGAD LDAN ZHING, ,SNYOMS 'JUG DGU YI RO BRGYA'I
ZHAL ZAS DANG, ,SHES RAB SGRON ME'I SNANG BA STONG 'BAR ZHING, ,BDE BAR GZIMS PA'I BSAM GTAN GDAN KHRI LA, BZOD MCHOG REG NA BDE BA'I GOS KYIS BSKYABS, ,BRAN 'KHOR BRTZON 'GRUS MDZANGS LDAN STONG PHRAG 'KHYUG ,'GRO BA'I RE SKONG SBYIN PA'I DPAG BSAM DANG, ,BSDU BA RNAM BZHI'I SGO CHEN LEGS PHYE ZHING, ,LAM LNGA'I THOG GIS JE MTHOR GYUR PA'I RTZER, ,KUN MKHYEN YE SHES NOR BU'I TOG GIS MDZES, ,THEG MCHOG CHOS KYI PHO BRANG NYAMS DGA' BA, ,THEG CHEN CHOS KYI RGYAL PO KHYED LA DBUL, ,ZAB GSAL DBYER MED BEEd'UR+YA YI GZHIR, ,RGYUD SDE RNAM BZHI'I RIN CEN RA BAS BSKOR, ,RNAM DAG DBANG GI SGO CHEN LEGS PAR PHYE, ,RDO RJE'I DAM TSIG RTZA BA RAB BRTAN CING, ,BSNYEN SGRUB RNAM MANG YAL GA'I KHYON YANGS LA, , GRUB CHEN BRGYAD KYI LO 'DAB KYIS KLUBS SHING, ,'PHRIN LAS RNAM BZHI'I ME TOG PHON PO DANG, ,MCHOG GI DNGOS GRUB 'BRAS BUS G-YUR ZA BA'I, ,DPAG BSAM RKANG 'THUNG PHRENG BAS YONGS SU BSKOR, MTSAMS MED LA SOGS LAS KYI SGRIB PA YANG, ,SKAD CIG NYID LA DAG BYED CHUS GANG BA'I, ,THABS MANG RMAD BYUNG RDZING BU BGRANG YAS LDAN, ,RNAM MANG SKYE 'GRO'I BUNG BA TSIM MDZAD PA'I, ,SNA TSOGS SGRUB THABS ME TOG TSOGS 'BAR ZHING, ,DPA' BO'I TSOGS RNAMS MDZES PA'I GAR BYED PA, ,MKHA' 'GRO BYE BA SNYAN PA'I GLU DBYANGS LEN, ,BKA' SDOD SRUNG MA'I TSOGS RNAMS BAR CHAD SRUNG, ,GRANGS MED SGRUB PA PHO MO'I GNYIS SKYES TSOGS, ,'JIGS BRAL DON GNYIS BAG PHEBS RTZE DAGS ROL, ,SKYE SHI BAR DO'I MA DAG 'KHRUL
, ,PA'I GRONG, ,SKU GSUM RIN CEN KHANG BZANG DU SGYUR ZHING, ,STONG NYID BCU DRUG MDZES MA'I LANG TSO LA, ,BCU DRUG DGA' BA'I GZHON NUS RNAM PAR 'KHYUD, ,'OD GSAL 'CHI MED LAM BZANG NYAMS DGA' BA, ,SGYU 'PHRUL DRA BA'I 'JA' TSON DRA BAS KHYAB, ,DBANG PHYUG BRGYAD KYI GZA' TSOGS MDANGS GSAL ZHING, ,DKYIL 'KHOR 'KHOR LO BYE BA'I RGYU SKAR BKRA, ,RDO RJE THEG PA'I SKYED TSAL BLA NA MED, ,KUN KYANG RDO RJE 'CHANG DBANG KHYED LA DBUL, ,MDOR NA RANG NYID THOS BSAM SGOM PA LA, ,'BAD DANG 'CHAD RTZOD RTZOM PAS THUB BSTAN LA, ,RI MOR BGYID DANG GZHAN PHAN LHUR LEN PA'I, ,DGE TSOGS RMAD BYUNG THAMS CAD KHYED LA DBUL, ,BDAG LUS 'JIG RTEN KHAMS KUN RDUL SNYED KYI, ,GRANGS MNYAM DU SPRUL KHYED KYI BRAN DU DBUL, ,'KHOR BA JI SRID BKA' 'BANGS SU BZUNG NAS, ,BKA' BZHIN BSGRUBS PAS MGON KHYOD DGYES BYED SHOG ,GZHAN YANG DAG PA'I SAR GNAS RGYAL SRAS KYI, ,TING 'DZIN RNYOG BRAL CHU GTER LAS 'KHRUNGS PA'I, ,KUN BZANG MCHOD SPRIN 'DAB BRGYA'I PHRENG BA YIS, ,MA LUS ZHING KUN KHYAB PAR BYAS TE DBUL, ,NANG GI MCHOD PA NI, BDE GSHEGS RIGS LNGA YAB YUM DNGOS GYUR PA, ,LCAGS KYU LNGA DANG RIN CEN SGRON MA LNGA, ,SBYANGS RTOGS SBAR BYAS AE MA 'O BDUD RTZI'I MTSO, ,AE MA'O SKYABS KYI DAM PA KHYED LA DBUL, ,GSANG MCHOD NI, ,BLA MA LHAG PA'I LHA YI BDAG NYID GANG, ,MDZES LDAN SGYU MA'I PHYAG RGYA DANG SBYAR BA'I, ,AE MA'O LHAN SKYES BDE CHEN BLA NA MED, ,ZAG MED BDE BA'I DGA' STON RGYAS PHYIR DBUL,,
DE KHO NA NYID KYI MCHOD PA NI, ,RANG BZHIN SPROS DANG BRAL BA'I CHOS KYI DBYINGS, ,SMRA BSAM BRJOD MED LHAN SKYES BDE BA'I NYAMS, ,AE MA'O 'KHOR 'DAS CHOS KUN RO GCIG PA, ,DMIGS MED CHOS SKU'I BDAG NYID KHYED LA DBUL, ,ZHES PHYI NANG GSANG BA DE KHO NA NYID KYI MCHOD PA RNAMS KYIS LEGS PAR MCHOD PAR BYA'O, ,GNYIS PA LA BSTOD PA DANG, ,GSOL BA 'DEBS PA'I TSUL LO, ,DANG PO LA PHYI NANG GSANG BA DE KHO NA NYID KYI BSTOD PA LAS, PHYI'I BSTOD PA NI, PHYOGS BCU'I ZHING GI RGYAL BA MA LUS PA, ,NGUR SMRIG ZOL LA NYER BRTEN MA DAG PA'I, ,ZHING KHAMS KUN TU RGYAL BA'I MDZAD PA CAN, ,DUS GSUM RGYAL BA KUN DNGOS KHYOD LA 'DUD, ,DMIGS MED LHUN GRUB CHOS SKU'I BDAG NYID CAN, ,BRGYAD KHRI BZHI STONG CHOS KYI BANG MDZOD DE, ,'GRO BA'I KHAMS DANG BSAM PA'I RIM PA BZHIN, ,NYER 'JUG DAM CHOS RIN CEN KHYOD LA 'DUD, ,CHAGS THOGS DMAN PA'I 'CHING BA RING DU GROL, ,JI LTA JI SNYED NANG DON YANG DAG GZIGS, ,'PHAGS TSOGS DGE 'DUN 'DUS PA MA LUS PA'I, ,MCHOG GYUR ZHING GI DAM PA KHYOD LA 'DUD, ,MA LUS PHAN BDE KUN GYI 'BYUNG GNAS TE, ,DNGOS GRUB KUN GYI CHAR 'BEBS YI DAM LHA, ,BAR CHAD KUN SEL CHOS SKYONG KUN GYI DNGOS, ,SKYABS GNAS KUN 'DUS KHYOD LA RTAG TU 'DUD,, NANG GI BSTOD PA NI, ,AE MA'O LHAN SKYES RANG BZHIN PHUNG PO LNGA, ,RIGS LNGA'I DKYIL 'KHOR BYE BA PHRAG RNAMS TE, ,KHAMS BZHI YUM BZHI YUL LNGA RDO RJE MA, ,RNAM LNGA'I ZLOS GAR BGRANG YAS DE NYID DO, ,SKYE MCHED SEMS DPA'I TSOGS SU 'JA' TSON
, ,LTAR, ,DE BZHIN MGON KHYOD YAN LAG KHRO BO'I TSOGS, ,'KHYOG LDAN SMIN MA SMA RA RAB 'BAR BAS, ,BGEGS KUN 'JOMS PAR MDZAD LA BSTOD PAR BGYI, ,NYID KYI PHUNG PO KHAMS DANG SKYE MCHED KUN, ,NGES PAR LHA DANG LHA MO'I BDAG NYID DE, ,GRANGS MED RAB 'BYAMS RGYAL BA'I 'KHOR LO RU, ,SNYING NAS YID CHES DANG BAS PHYAG 'TSAL LO, ,GSANG BA'I BSTOD PA NI, ,'GRO BA'I DON PHYIR DAG DANG MA DAG PA'I, ,SKU GSUM RGYAN GYI 'KHOR LO SNA TSOGS KYANG, ,SGRIB BRAL BCU DRUG DGA' BA'I BDAG NYID CAN, ,LHAN CIG SKYES PA'I BDE CHEN KHYED LA 'DUD, ,BRJOD BRAL CHOS SKU KUN GSAL MDZES MA'I NGANG, ,BEM PO'I CHOS LAS RAB 'DAS DBANG PO'I TSON, ,DVANGS PA'I ROL MO JI BZHIN KHA SBYOR GYI, ,YAN LAG BDUN GYI SNANG BRNYAN CI YANG 'CHAR, ,DE KHO NA NYID KYI BSTOD PA NI, ,BLTAR MED BRJOD BRAL SUS KYANG MTSON DU MED, ,SPROS KUN NYER ZHI SGRIB PA KUN LAS GROL, ,CHOS KUN RANG BZHIN BRTAN G-YO KUN LA KHYAB, ,STONG NYID SNYING RJE'I BDAG NYID KHYOD LA 'DUD, ,JI SNYED RGYAL BA'I 'KHOR LO MTHA' DAG DANG, ,DAG DANG MA DAG 'GRO BA MA LUS DANG, ,BRTAN G-YO'I DNGOS KUN KHYOD THUGS BDE BA CHER, ,DBYER MED DON DAM BYANG CHUB SEMS LA 'DUD, ,AE MA'O MGON KHYOD MTHONG DANG THOS PA DANG,, DRAN CING REG DANG MTSAN TZAM 'DZIN PA YANG, ,RDO RJE 'CHANG DBANG RANG NYID DANG MTSUNGS PAR, ,BSNGAGS 'OS LAN BRGYAR BSNGAGS LA PHYAG 'TSAL LO, ,'DI DAG NI TSIG SBYOR GSAR DU BSGRIGS PA STE, ,DUS GSUM RDO RJE'I THUGS YIN SRID DANG
THAR GYUR GANG, ,ZHES SOGS DANG, ,KHONG STONG KHYOD KYI SKU LA MED, ,CES SOGS RGYUD DANG GRUB CHEN GYI GZHUNG TSAD LDAN NAS 'BYUNG BA'I BSTOD PA RNAMS KYIS KYANG BSTOD, ,RANG NYID TSOGS GSOG PA DANG SGRIB PA SBYONG BA'I ZHING DU SANGS RGYAS THAMS CAD PAS RDO RJE SLOB DPON LHAG PAR BSHAD PA DANG, ,BSAGS SBYANG GI SDOM YAN LAG BDUN PA LAS CHE BA MED PAS PHYAG 'TSAL BA DANG MCHOD PA'I YAN LAG RGYAS PAR BSHAD ZIN LA, ,YAN LAG PHYI MA RNAMS DANG 'DOD DON LA GSOL BA GDAB CING SMON LAM DU BYA BA'I TSUL NI, ,SNGAR GYI TSIG GI 'PHRO NYID NAS, ,RANG BZHIN 'OD GSAL GSER LTAR DAG PA'I SEMS, ,RMI LAM SGYU 'DRAR GLO BUR DRI MA YIS, ,LAN MANG BSGRIBS 'DI BSHAGS BYA BSHAGS YUL SOGS, ,RANG BZHIN STONG PA'I DBYINGS SU DAG PAR BGYI, ,YID BZHIN NOR LTAR RTOG PA KUN BRAL YANG, ,BEEd'UR SA GZHIR LHA DBANG SNANG BRNYAN BZHIN, ,'BAD MED LHUN GRUB DON GNYIS MDZAD PA LA, ,LAN CIG MIN PAR RJES SU YI RANG NGO, ,GZHAN YANG PHYOGS DANG PHYOGS BRAL 'JIG RTEN NA, ,MCHOD 'OS ZHING GI DAM PA BLA MA LA, ,DAD LDAN TSOGS KYI DAD PAS NYER BSKRUN PA'I, ,DGE TSOGS KUN LA'ANG LHAG PAR RJES YI RANG, ,GANG+G'A'I BYE SNYED MA LUS ZHING KUN TU, ,JI SNYED 'GRO BA'I KHAMS DANG BSAM PA BZHIN, ,GANG 'TSAM SPRUL PA'I ROL PA SNA TSOGS KYIS, ,ZAB YANGS CHOS 'KHOR RTAG TU BSKOR DU GSOL, ,'CHI MED RDO RJE'I SKU BRNYES BLA MA LA, ,SKYE 'CHI MED KYANG GDUL BYA'I GZHAN SNANG NGOR, ,MYA NGAN MI 'DA' RTAG PAR BZHUGS NAS KYANG, ,'GRO KUN
, ,SANGS RGYAS SA LA GZHAG TU GSOL, ,PHYOGS BCU'I RGYAL BA THAMS CAD MCHOD PA BAS, ,GANG GI BA SPU'I KHUNG BU GCIG MCHOD PA'ANG, ,GZHAL DU MED PA'I BSOD NAMS LHAG 'THOB CING, ,BSOD NAMS ZHING DU RDO RJE SEMS DPA' BAS, ,PHUL DU BYUNG ZHING RDO RJE SLOB MA YIS, ,RIGS DRUG DE BZHIN GSHEGS PAR BLTA BAR BYA, ,RDO RJE SLOB DPON DAD LDAN SLOB MA YIS, ,MCHOD TSE RAB 'BYAMS RGYAL BA'I 'KHOR LO KUN, ,DE YI LUS ZHUGS MCHOD PA LEN NO ZHES, ,RDO RJE 'CHANG GIS LAN BRGYAR BSNGAGS MTHONG NAS, ,NGOS PO KUN GYIS TSUL BZHIN MCHOD BYAS PAS, ,'GRO KUN THEG MCHOG BSHES DANG MI 'BRAL ZHING, ,MYUR DU RDO RJE 'DZIN PA'I SA THOB SHOG ,RGYAL BA KUN LAS LHAG PA'I SKYABS KYI MCHOG ,SKYABS GNAS KUN 'DUS KHYED LA MCHOD BYAS PAS, ,DENG NAS BZUNG STE SRID PA THAMS CAD DU, ,'BRAL BA MED PAR RJES SU GZUNG DU GSOL, ,YID BZHIN NOR LTAR DON CHE'I DAL 'BYOR 'DI, ,SHIN TU RNYED DKA' 'JIG SLAR SHES GYUR NAS, ,TSE 'DI'I CHOS BRGYAD SNANG BA KUN DOR TE, ,NYIN MTSAN CHOS KYIS 'DA' BAR BYIN GYIS RLOBS, ,ME 'OBS LTA BUR BZOD DKA'I 'KHOR BA 'DIR, ,THOG MED DUS NAS 'KHYAMS PA DRAN GYUR TE, ,SRID LAS THAR 'DOD SHUGS DRAG NGES 'BYUNG GIS, ,SNYING GI BUM BZANG GANG BAR BYIN GYIS RLOBS, ,'GRO KUN DRIN CAN PHA MAR SHES GYUR NAS, ,SHUGS DRAG SNYING RJE CHEN PO'I GZHAN DBANG GIS, ,BDAG PAS GZHAN GCES BYANG CHUB SEMS LDAN ZHING, ,RGYAL SRAS SPYOD LA SLOB PAR BYIN GYIS RLOBS, ,TSE 'DI
NYID LA RDO RJE 'CHANG GI SAR, ,'KHRID BYED RIM GNYIS ZAB MO'I RNAL 'BYOR GYIS, ,SKYE SHI BAR DO RGYAL BA'I SKU GSUM DU, ,TSE 'DI NYID LA SGYUR BAR BYIN GYIS RLOBS, ,TSIGS BCAD GCIG TZAM THOS PA'I BLA MA YANG, ,SANGS RGYAS DNGOS SU MTHONG BA'I MOS GUS KYIS, ,GNAS SKABS MTHAR THUG 'DOD PA'I DON RNAMS KUN, ,'BAD MED NYID DU 'GRUB PAR BYIN GYIS RLOBS, ,'GRO KUN BSHES GNYEN DAM PA'I MGON GYIS BZUNG, ,RTAG TU DGE BA'I SEMS KYIS RGYUD GANG ZHING, ,MA NOR LAM BZANG THOS DANG NYAMS LEN GYIS, ,DON GNYIS LHUN GYIS GRUB PA'I BKRA SHIS SHOG GSUM PA NI, BLA MA'I GNAS GSUM GYI YI GE GSUM LAS 'OD ZER DKAR DMAR MTHING GSUM RIM CAN DANG CIG CAR BYUNG, ,RANG GZHAN SEMS CAN THAMS CAD KYI SPYI BO SOGS GNAS GSUM SO SO DANG, THAMS CAD DU THIM PAS SGO GSUM GYI DRI MA GSUM SO SO DANG, DE RNAMS KYI BAG CHAGS THAMS CAD DAG RDO RJE GSUM SO SO DANG, THUN MONG GI DNGOS GRUB THOB, SKU GSUNG THUGS KYI BYIN RLABS THAMS CAD ZHUGS, ,BUM DBANG GSANG DBANG SHES RAB YE SHES DBANG BZHI PA RNAMS THOB, SLAR YANG 'DOD DON LA GSOL BA BTAB PAS BLA MA RANG GI SPYI BOR BYON 'OD DU ZHU BA RANG LA THIM PAS RANG GI LUS NGAG YID GSUM DANG BLA MA'I SKU GSUNG THUGS DBYER MED DU GYUR PAR BSAM, YANG NA 'DI SKAD BRJOD DE, DE LTAR SKYABS GNAS RE SA GZHAN SPANGS NAS, ,GDUNG SHUGS DRAG POS GSOL BA BTAB PA LAS, ,RDO RJE 'CHANG DBANG BLA MA'I GNAS GSUM GYI, ,YIG 'BRU GSUM LAS 'OD ZER KHA
, ,DOG GSUM, ,RANG GZHAN 'GRO BA KUN GYI GNAS GSUM THIM, ,SGRIB PA GSUM DAG DNGOS GRUB RNAM GSUM THOB, ,BUM PA GSANG BA SHES RAB YE SHES DANG, ,BZHI PA'I DBANG THOB BLA MA RDO RJE 'CHANG, ,DZA: H'Um BAm HO: RANG DANG RO GCIG GYUR, ,SLAR YANG SNYING GA'I PADMO'I ZE 'BRU LA, ,RTAG PAR KHYOD BZHUGS BYIN GYIS BRLAB TU GSOL, ,ZHES KYANG BYA'O,, DE LTAR BLA MA MCHOD PA'I RIM PA CUNG ZAD BSDEBS PA 'DI GRUB CHEN GLING RAS SA SOGS PA'I BLA MA SNGA MAS MDZAD PA MANG DU 'DUG NA'ANG, TSIG SBYOR GSAR PA 'BA' ZHIG BSGRIGS TE, BRAG DKAR NAS NANG SO CHOS RGYAL CHEN PO 'JAM DPAL TSE RING RGYAL PO'I GSUNG GIS NAN CHER BSKUL BA'I NGOR BLA MA DAM PA'I BKA' 'BANGS DGE 'DUN RGYA MTSO DPAL BZANG POS 'BRU MANG PO'I LO KHRUMS KYI ZLA BA'I PHYOGS DANG PO'I DGA' BA GNYIS PA'I TSES LA CHOS 'KHOR RGYAL GYI DBEN GNAS DAM PAR SBYAR BA 'DI YANG THEG PA MCHOG GI DGE BA'I BSHES GNYEN GYIS DGYES BZHIN DU RJES SU 'DZIN PA'I RGYUR GYUR CIG, ,, ` ZAB LAM NI GU'I CHOS DRUG GI KHRID YIG YE SHES MKHA' 'GRO'I ZHAL GYI LUNG ZHES BYA BA, ,BLA MA DAM PA'I ZHABS KYI PADMOR DUS THAMS CAD DU PHYAG 'TSAL LO, ,SHES BYA'I 'KHOR LO MA LUS BDE BA CHER, ,SDOM MDZAD DPA' BO LHAN CIG SKYES PA'I GAR, ,MDZES SDUG RJE BTZUN MA DANG SBYOR MKHAS PA, ,BLA MA HE RU KA DPAL LA PHYAG 'TSAL, ,ZUNG 'JUG SGYU MA'I RANG BZHIN MKHA' 'GRO'I GTZO, ,DBANG PHYUG BRGYAD LDAN KHYUNG PO RNAL 'BYOR DANG, ,MKHA' 'GROS LUNG BSTAN GDAMS PA'I SROL 'DZIN PA, ,BRGYUD PA'I BLA MA RNAMS LA PHYAG 'TSAL LO, ,RGYAL BA KUN GYI YAB GCIG MKHYEN PA'I GTER, ,DUS MTHAR NGUR SMRIG
ZOL LA BRTEN PA GANG, ,BLO BZANG RGYAL BA GRAGS PA'I BA DAN CAN, ,SRAS DANG BCAS LA SNYING NAS PHYAG BGYID DO, ,NYI SHU RTZA BZHI'I YUL DU RTAG BZHUGS NAS, ,RNAL 'BYOR BU BZHIN SKYONG BA'I BYA RA MKHAN, ,GNAS GSUM MKHA' 'GRO MYUR MDZAD MGON POR BCAS, ,GNAS 'DIR BGEGS KUN GZHOM PA'I 'PHRIN LAS MDZOD, ,GNYIS MED RGYUD RNAMS KUN GYI SNYING PO MCHOG ,GRUB PA'I DBANG PHYUG DU MA GSHEGS PA'I LAM, ,ZAB LAM MTHAR THUG NI GU'I CHOS DRUG CES, ,YONGS SU GRAGS PA'I NAM NGAG 'DIR BSHAD BYA, ,SKYES BU GSUM GYI LAM GYIS RGYUD SBYANGS SHING, ,DBANG GIS LEGS SMIN DAM TSIG SDOM LA GNAS, ,TSE GCIG NYID LA RDO RJE 'CHANG GI SAR, ,BGROD 'DOD SKAL LDAN TSOGS RNAMS GUS PAS NYON, ,DE YANG KHYUNG PO RANG NYID KYI GSUNG LAS JI SKAD DU, ,BAN CHUNG BDAG GI SKYE SA GANGS DKAR MDA', ,SNYE MO RA MANG RJE RIGS KHYUNG PO YIN, ,PHA RU SMOS PA KHYUNG RGYAL STAG SKYES DANG, ,MA RU SMOS PA MGO BZA' BKRA SHIS SKYID, ,DE NYID RUM DU BDAG NYID ZHUGS PA'I TSE, ,PHA MA YUL MI BDE SKYID LDAN PAR GYUR, ,STAG GI LO LA MA YI RUM NAS BTZAS, ,DE TSE RGYA GAR GRUB THOB AA MO GHAS, ,'DI NI SPRUL PA'I SKU STE RGYA GAR 'GRO, ,PAndI TA DANG GRUB THOB THAMS CAD KYI, ,THUGS BCUD BSDUS NAS 'GRO RNAMS SMIN GROL MDZAD, ,SNA TSOGS SPRUL PAS GDUL BYA 'DUL BAR 'GYUR, ,THEG CHEN SNYING PO MTHA' BRAL CHOS SGRA SGROG ,MTHAR THUG GSANG SNGAGS BDE STONG DBYER MED KYI, ,SENG GE'I NGA RO PHYOGS BCUR SGROG PAR 'GYUR, ,DE YI LUS NI BDE MCHOG
, ,'KHOR LO STE, ,GSUNG NI MA H'A MA YA'I BDAG NYID 'GYUR, ,THUGS NI DPAL LDAN DGYES PA RDO RJE STE, ,SPRUL PA'I GNAS MCHOG GSANG BA 'DUS PA LA, ,GSANG GNAS BDE SKYONG GSHIN RJE'I GSHED DU 'GYUR, ,DKYIL 'KHOR DE RNAMS LUS LA BKOD NAS KYANG, ,GDUL BYA RNAMS LA DNGOS SU STON PAR BYED, ,GZHAN YANG YI DAM SNA TSOGS GZUGS BSGYUR NAS, ,GDUL DKA'I SKYE BO DPAG MED 'DUL BAR BYED, ,LO NI BRGYA DANG LNGA BCU 'TSO BAR 'GYUR, ,DE YI MTHAR NI MDZAD PA BRTUL BA'I TSE, ,LTAS DANG RDZU 'PHRUL SNA TSOGS STON PAR 'GYUR, ,DE NAS ZHING KHAMS RNAM DAG BDE BA CAN, ,RGYAL BA KUN BSNGAGS ZHING DER SANGS RGYAS NAS, ,THEG CHEN CHOS KYI 'KHOR LO SKOR BAR 'GYUR, ,PHYI RABS DAD LDAN 'GRO BA THAMS CAD KUN, ,RGYAL BA'I ZHING DER 'GRO BAR THE TSOM MED, ,DE SKAD GSUNGS NAS BLA MA GRUB THOB DE, ,MKHA' LA BYA BZHIN RGYA GAR YUL DU GSHEGS, ,LO LNGA LON NAS PHA MAS LUNG BSTAN BSHAD, ,LO BCU LON NAS YIG RTZIS MKHAS PAR SHES, ,BCU GNYIS LO LA PHA MES BAG CHAGS KYIS, ,SEMS PHYOGS BON BSLABS RDZOGS CHEN PHYAG CHEN BSLABS, ,DE NAS RIN CEN GSER PHYE PHANGS MED KHYER, ,GCES PA'I SROG LA MA BLTAS DKA' SPYAD NAS, ,RGYA DANG BAL PO'I YUL DU LAN BDUN PHYIN, ,RGYA GAR MKHAS PA BRGYA DANG LNGA BCU BSTEN, ,KHYAD PAR MKHAS SHING GRUB THOB LNGA BCU DANG, ,RTZA BA'I BLA MA KHYAD 'PHAGS RNAM BZHI BSTEN, ,LONGS SKU DRUG PA RDO RJE 'CHANG CHEN LA, ,DNGOS SU CHOS GSAN YE SHES MKHA' 'GRO GNYIS, ,MNYES PAR BYAS
NAS MTHAR THUG GDAMS NGAG ZHUS, ,SGRO 'DOGS CHOD NAS RTZE GCIG BSGRUBS PA YIS, ,MCHOG DANG THUN MONG DNGOS GRUB RNAM GNYIS THOB, ,CES 'BYUNG BA LTAR GYI THUN MONG DANG, THUN MONG MA YIN PA'I RNAM PAR THAR PA BSAM GYIS MI KHYAB PA DANG LDAN PA'I GRUB PA'I DBANG PHYUG DE NYID KYIS GSER SRANG LNGA BRGYA KHYER NAS RGYA GAR SHAR NUB LHO BYANG SOGS PHYOGS KUN TU RGYU ZHING, GRUB THOB BLA MA SANGS RGYAS DANG DNGOS SU MJAL BA SU YOD CES DRIS PAS, PAndI TA DANG GRUB THOB RNAMS MTHUN PAR, N'A RO PAndI TA'I LCAM MO YE SHES KYI MKHA' 'GRO NI GU MA BYA BA DAG PA'I SA GSUM LA GNAS PA, RDO RJE 'CHANG CHEN PO LA DNGOS SU CHOS NYAN NUS PA ZHIG YOD ZER BA DANG, DE GNAS GANG NA BZHUGS BYAS PAS, SNANG BA DAG NA GAR YANG ZHAL MTHONG LA, SNANG BA MA DAG NA BTZAL BAS MI RNYED DE, DAG PA'I SA LA GNAS PA DANG 'JA' LUS SU GYUR PA'I PHYIR RO, ,'ON KYANG DUR KHROD CHEN PO SO SA GLING GI SENG LDENG GI NAGS GSEB TU d'A KI MA'I TSOGS 'KHOR GYI DPON LA RES 'GA' 'BYON NO ZER RO, ,d'A KI MA'I MTSAN THOS PA TZAM GYIS MCHI MA 'KHRUG CING BA SPU LDANG BA'I MOS GUS SKYES NAS DUR KHROD SO SA GLING GI NAGS GSEB NA YAR LA NA MO BUD DH'A YA'I GSOL BA 'DEBS KYIN PHYIN PA DANG, SHING TA LA BDUN SRID TZAM GYI NAM MKHA' LA MKHA' 'GRO MA SKU MDOG SMUG NAG TU YOD PA, RUS PAS BRGYAN PA, PHYAG NA KHA tV'Am GA DANG THOD PA BSNAMS PA, GCIG DANG DU MA LA SOGS PA'I GZUGS SNA TSOGS SU STON CING GAR SGYUR BA MTHONG NAS, ,d'A KI MA NI GU MA YIN PAR 'DUG SNYAM STE
, ,PHYAG BTZAL SKOR BA DU MA BYAS NAS, YANG DAG PA'I GDAMS PA ZHU 'TSAL BYAS PAS, NGA NI SHA ZA'I d'A KI MA YIN, NGA'I 'KHOR RNAMS BYUNG NA ZAR 'ONG BAS DA LTA RANG MYUR BAR BROS SHIG GSUNG NGO, ,DE NAS KYANG PHYAG DANG SKOR BA BYAS NAS, GSANG SNGAGS KYI GDAMS PA ZHU 'TSAL BYAS PAS, ,THEG PA CHEN PO GSANG SNGAGS ZHU BA LA GSER DGOS PA YIN, GSER YOD NA BYA YI GSUNGS NAS GSER SRANG LNGA BRGYA PHUL BA DANG NAGS GSEB LA GTOR RO, ,'DI NGES PAR SHA ZA'I MKHA' 'GRO MA YIN NAM GSER LA PHANGS PA MI 'DUG SNYAM PA DANG, MKHA' 'GRO MA DES SPYAN NAM MKHA' LA HRIG GZIGS PA DANG 'KHOR d'A KI MA DPAG TU MED PA NAM MKHA' LA BYON NAS 'GA' ZHIG GIS GZHAL YAS KHANG RIM PA GSUM SKAD CIG LA BZHENGS, 'GA' ZHIG GIS RDUL TSON GYI DKYIL 'KHOR BZHENGS, 'GA' ZHIG GIS TSOGS KYI YO BYAD BSAGS NAS TSES BCO LNGA'I NAM SROD LA SGYU LUS RMI LAM GYI DBANG BSKUR NAS DBANG THOB PA DANG, BOD KYI BAN CHUNG YAR 'DENGS DANG GSUNGS NAS DPAG TSAD GSUM d'A KI MA'I RDZU 'PHRUL LA BRTEN NAS YUD TZAM GYIS BGROD PA DANG, GSER GYI RI MI CHE TZAM PA ZHIG GI STENG GI NAM MKHA' LA d'A KI MA'I TSOGS KYIS BSKOR NAS GAR SGYUR ZHING 'DUG GO ,RI DE'I PHYOGS BZHI NA MAR GSER GYI CHU RGYUN BZHI 'BAB KYIN 'DUG NAS, GSER GYI RI 'DI RGYA GAR NA YOD DAM, MKHA' 'GRO MAS SPRUL PA YIN ZHUS PAS, 'KHOR BA'I RGYA MTSOR SKYUR BA YI, ,CHAGS SDANG RTOG PA SNA TSOGS 'DI, ,RANG BZHIN MED PAR RTOGS TZA NA, ,THAMS CAD GSER GLING YIN
NO BU, ,SGYU MA LTA BU'I CHOS RNAMS LA, ,SGYU MA LTA BUR BSGOMS BYAS NA, ,SGYU MA LTA BUR MNGON 'TSANG RGYA, ,MOS GUS STOBS LAS 'BYUNG BAR 'GYUR, ,DA NGAS BYIN GYIS BRLABS KYI RMI LAM ZUNGS SHIG GSUNGS NAS BZUNG BAS ZIN NAS LHA DANG LHA MA YIN GYI GNAS SU PHYIN PAS LHA MA YIN SHIN TU CHE BA ZHIG GIS KHYUR MID BYAS PA DANG MKHA' 'GRO MA NAM MKHA' LA BYON NAS BU GNYID MA SAD PAR GYIS SHIG GSUNGS NAS DUS DE NYID DU CHOS DRUG GI 'KHRID TSAR BAR MDZAD DE, GNYID THUM GCIG LA CHOS DRUG GI 'KHRID TSAR BA RGYA GAR NA KHYOD LAS MED DO GSUNG NGO, ,DE NAS DNGOS SU KHRID TSAR GSUM DANG, RDO RJE'I TSIG RKANG DANG, SGYU MA LAM RIM GSUNGS, RGYUD SDE LNGA'I DBANG DANG, SGRUB THABS DANG GDAMS PA RNAMS GSUNGS, DGYES RDOR SPRUL PA'I LHA DGU DANG, MTSON CHA CAN LHA BCU GSUM DU DBANG BSKUR, BRTAG GNYIS DANG GUR GSUNGS, SAm PU tA SGRUB THABS DANG BCAS PA DANG, MTSON CHA CAN GYI BSKYED RIM RGYAS BSDUS DANG, DE KHO NA NYID BZHI'I GDAMS NGAG GSUNGS, BDE MCHOG DRUG CU RTZA GNYIS DANG, BCU GSUM DANG, LHA LNGA'I DKYIL 'KHOR DU DBANG BSKUR, RGYUD DANG SGRUB THABS MANG DU GSUNGS, MTSON CHA CAN DANG DUS 'KHOR GYI GDAMS NGAG DANG, DE KHO NA NYID BZHI'I ZHAL GDAMS GSUNGS, MKHA' SPYOD MA DKAR DMAR DANG, RGYUD SDE BZHI'I GRIB SEL DANG, BDE MCHOG RIM LNGA'I RDZOGS RIM DANG, THIG LE'I RDZOGS RIM RNAMS GSUNGS SO, ,RGYUD RDO RJE MKHA' 'GRO'I LAS TSOGS GTAN LA PHAB NAS GSUNGS SO, ,MDOR NA YE SHES MKHA'
, ,'GRO MA 'DI NYID KYIS RGYUD SGRUB THABS GDAMS PA DANG BCAS PA DPAG TU MED PA GSUNGS SO, ,DE LA MKHA' 'GRO MA'I ZHAL NAS, CHOS DRUG GI DBANG GDAMS NGAG DANG BCAS PA 'DI RJE BTZUN LVA WA PA DANG NGA GNYIS MA GTOGS RGYA GAR NA YANG SHES PA MED PAS MI RABS BDUN DU CHIG BRGYUD LAS MA SPEL CIG DE NAS KYANG RIM PAS BYIN GYIS RLOB CING LUNG STON PAR 'GYUR RO, ,ZHES GSUNGS SHING GDAMS NGAG RDZOGS PAR GNANG BA YIN NO, ,DE LTAR KHUNGS BTZUN ZHING YID CHES PA, TSE GCIG LA SANGS RGYAS KYI GO 'PHANG BDE BLAG TU STER BA'I ZAB LAM NI GU'I CHOS DRUG CES YONGS SU GRAGS PA'I GDAMS PA 'DI GANG BSHAD PAR BYA BA'I CHOS SO,, DE BSHAD PA LA GNYIS, GANG LA BRTEN NAS LAM 'DI SGOM PA'I SNGON 'GRO DANG, DE LA BRTEN NAS LAM JI LTAR BSGOM PA'O,, DANG PO LA GNYIS, THUN MONG GI SNGON 'GRO DANG, THUN MONG MA YIN PA BLA MED KYI THEG PA'I SNGON 'GRO'O,, DANG PO NI, LAM 'DI LA PHA ROL TU PHYIN PA'I THEG PA DANG SNGAGS KYI THEG PA GNYIS KYI THUN MONG GI LAM LA BLO SBYONG BA'I RIM PA RNAMS NGES PAR DGOS TE, BRTAG GNYIS LAS, DANG POR GSO SBYONG SBYIN PAR BYA, ,ZHES PA NAS, DE YI RJES SU DBU MA BSTAN, ,CES PA'I BAR GYIS THEG CHEN GNYIS KYI THUN MONG GI NYAMS LEN GYI RIM PA RNAMS BSTAN LA, 'DI NYID KYI RDO RJE'I TSIG RKANG LAS KYANG, DBANG BZHIS SMIN BYAS DAD DANG BRTZON 'GRUS LDAN, ,MI RTAG SKYO SHAS NYES DMIGS SNGON 'GRO BAS, ,LAM MCHOG 'DI LA GANG GIS 'BAD GYUR NA, ,ZLA DRUG LO 'AM TSE 'DIR 'TSANG RGYA
'GYUR, ,ZHES NAM 'CHI NGES MED KYI 'CHI BA MI RTAG PA SGOM PA SOGS SKYES BU CHUNG NGU DANG THUN MONG BA'I CHOS SKOR DANG, 'KHOR BA MTHA' DAG SDUG BSNGAL GYI RANG BZHIN DU MTHONG BA'I NGES 'BYUNG DANG SKYO SHAS DRAG POS YID BSKYOD DE THAR PA DON DU GNYER BA'I SKYES BU 'BRING DANG THUN MONG BA'I CHOS SKOR LA SLOB PA SNGON DU 'GRO BAS BYANG CHUB MCHOG TU SEMS BSKYED DE RGYAL SRAS KYI SPYOD PA LA SLOB PA SOGS THEG CHEN THUN MONG BA'I LAM LA BLO SBYANGS NAS LAM GYI MCHOG 'DI NYID LA 'BAD DGOS PAR GSUNGS PA'I PHYIR RO, ,DE LA BLO JI LTAR SBYANG BA'I RIM PA NI JO BO YAB SRAS KYI MAN NGAG BSTAN PA YONGS RDZOGS KYI DON STAN THOG GCIG TU NYAMS SU LEN PA'I LAM GYI CHA YONGS SU RDZOGS PA SKYES BU GSUM GYI LAM GYI RIM PA LA SLOB PA YIN TE, CHOS KYI RGYAL PO TZONG KHA PA NYID KYIS MDZAD PA'I BYANG CHUB LAM GYI RIM PA RNAM PA GNYIS LAS SHES PAR BYA'O,, GNYIS PA LA GNYIS, DBANG RDZOGS PAR THOB DGOS PAR BSTAN PA DANG, DAM TSIG DANG SDOM PA LA SLOB DGOS PAR BSTAN PA'O,, DANG PO NI BSHAD MA THAG PA'I RDO RJE'I TSIG RKANG LAS, DBANG GIS LEGS SMIN, ZHES GSUNGS PA LTAR LAM 'DI NYAMS SU LEN PA LA DBANG GIS RGYUD SMIN PAR BYAS PA ZHIG DGOS TE, PHYAG CHEN THIG LE'I GNYIS PA LAS, DANG POR RE ZHIG GANG TSE SLOB,, LAN CIG DBANG RNAMS KYIS NI BSKUR, ,DE TSE GSANG CHEN BSHAD PA YI, ,NGES PAR SNOD DU GYUR PA'O, ,DBANG MED NA NI DNGOS GRUB MED, ,BYE MA BTZIR LA MAR MED LTAR, ,GANG ZHIG RGYUD LUNG NGA RGYAL GYIS, ,DBANG BSKUR MED PAR 'CHAD BYED
, ,PA; ;SLOB DPON SLOB MA SHI MA THAG ,DNGOS GRUB THOB KYANG DMYAL BAR 'GRO, ,DE BAS 'BAD PA THAMS CAD KYIS, ,BLA MA LA NI DBANG NOD ZHU, ,ZHES SOGS DANG, GZHAN YANG RGYUD DU MA NAS DE KHO NA BZHIN 'BYUNG BAS RIM GNYIS KYI LAM NYAMS SU LEN PA LA DKYIL 'KHOR MTSAN NYID DANG LDAN PAR DBANG BZHI YONGS SU RDZOGS PA THOB PA NGES PAR DGOS LA, KHYAD PAR DU LAM 'DI NYAMS SU LEN PA LA NI DPAL DUS 'BYUNG GI RGYUD LAS, DE NAS YANG DAG BSHAD PAR BYA, ,SKU NI KYE YI RDO RJE LA, ,GSUNG NI SGYU 'PHRUL RDO RJE LA, ,THUGS NI 'KHOR LO SDOM PA CHE, ,'PHRIN LAS RDO RJE 'JIGS BYED LA, ,BDAG NYID GSANG BA 'DUS PAR BRJOD, ,MA 'ONGS SEMS CAN DON DU NI, ,THABS 'DI BDAG GIS BSTAN PA YIN, ,THABS KYI RIM PA 'DI DAG NI, ,KUN GYI THUN MONG MA YIN TE, ,DKYIL 'KHOR GCIG TU BSDUS DBANG BSKUR, ,BSNGAGS PA BRJOD PA'I RNAL 'BYOR PA, ,RGYUD SDE RNAM PA LNGAR GANG BSTAN, ,KLA KLO'I SKAD KYIS 'DI SBAS PA, ,THUB PA'I ZHAL GYI GSANG BA 'DI,, SNYING PO KUN GYI DON GYI RGYUD, ,BKA' THUB SPYOD BYED THUN MONG MIN, ,ZHES 'BYUNG BA LTAR SHANGS PA RANG GI LUGS KYI RGYUD SDE LNGA'I DKYIL 'KHOR DU DBANG BSKUR BAR BYA BA YIN LA, DE LTAR BYED PA'I RGYU MTSAN YANG N'A RO DANG NI GU'I CHOS DRUG 'DI DAG BLA MED KYI RGYUD RE RE LA BRTEN PA'I RDZOGS RIM MIN PAR PHA RGYUD DANG MA RGYUD KYI PHYOGS MANG PO ZHIG GI LAM GYI CHA BSDUS NAS BSTAN PAR 'DUG PAS DE'I GNAD KYIS YIN LA, ,DE MA THOB NA BDE DGYES GANG YANG RUNG BA'I DKYIL 'KHOR DU DBANG
RDZOGS PAR THOB PA ZHIG DGOS SO, ,GTUM MO LA SOGS PA CHOS DRUG SO SO'I BKA' RNAMS NI DE RNAMS THOB PAS LAM DE DANG DE'I RTOGS PA MYUR DU RDZOGS PAR SKYE BA'I RTEN 'BREL KHYAD PAR CAN RE YOD PAS MDZAD PA YIN GYI SMIN BYED KYI DBANG DNGOS GZHI MA YIN LA, DBANG DE DAG JI LTAR BSKUR BA'I RNAM GZHAG SOGS NI LOGS SU SHES PAR BYA'O, ,GNYIS PA NI BDE MCHOG RTZA RGYUD LAS, SHIN TU MNYAM BZHAG SGRUB PA POS, ,DAM TSIG RTAG TU BSKYANG BAR BYA, ,ZHES DANG, MNYAM SBYOR LAS, DKYIL 'KHOR DU NI MA ZHUGS DANG, ,DAM TSIG RNAMS NI SPANGS PA DANG, GSANG BA'I DE NYID MI SHES PAS, BSGRUBS KYANG CI YANG MI 'GRUB BO, ,ZHES DKYIL 'KHOR DU ZHUGS PA SNGON DU 'GRO BA'I DBANG MA THOB PA DANG, DAM TSIG MI SRUNG BA DANG, RIM GNYIS KYI GSANG BA'I GNAD MI SHES PAS BSGRUBS KYANG DNGOS GRUB CI YANG MI 'GRUB PAR BSHAD PAS SNGAGS KYI BSLAB BYA RNAMS NYAN NAS DAM TSIG SPYI DANG KHYAD PAR RTZA LTUNG GIS MA GOS PA LA SROG DANG BSDOS TE 'BAD PAR BYA'O,, GNYIS PA DE LA BRTEN NAS LAM JI LTAR SGOM PA'I TSUL LA GNYIS, BSKYED RIM LA SLOB PA'I TSUL DANG, RDZOGS RIM LA SLOB PA'I TSUL LO,, DANG PO NI MGON PO KLU SGRUB KYIS, BSKYED PA'I RIM LA LEGS GNAS SHING, ,RDZOGS PA'I RIM PA 'DOD RNAMS LA,, THABS 'DI RDZOGS PA'I SANGS RGYAS KYIS, ,SKAS KYI RIM PA LTA BUR GSUNGS, ,ZHES BSHAD PA LTAR MA MTHA' BDE MCHOG LHA LNGA YAN GYI SBYANG GZHI SKYE SHI BAR DO YID NGO TZAM DU SBYANGS NAS, YID NGO TZAM GYI SKU GSUM DU BSGYUR BA'I SGO NAS SBYANG GZHI DE
, ,DAG DNGOS SU SBYANGS NAS SKU GSUM DU DNGOS SU SGYUR BAR BYED PA'I RDZOGS RIM ZAB MO'I RGYUD SMIN BYED SKU GSUM LAM 'KHYER GYI GNAD TSANG BA'I BSKYED RIM PHRA RAGS LA NGES PAR SLOB DGOS SHING, DE YANG DKYIL 'KHOR GYI 'KHOR LO JI TZAM RGYAS PA'I SGOM PA GRUB NA SBYANG GZHI SBYONG BA DANG, RDZOGS RIM GYI RGYUD SMIN BYED DU 'GYUR BA'I NUS PA'I PHUL CHE BA YIN NO,, GNYIS PA RDZOGS RIM LA SLOB PA'I TSUL LA GNYIS, SNGON 'GRO STONG RA'I CHOS SKOR DANG, DNGOS GZHI'O,, DANG PO LA RDO RJE'I TSIG RKANG LAS, BCUD BSDUS DAG BYED STONG RA'I GNAD GSUM DANG, ,ZHES DANG, DAG BYED AA'I STONG RA, STONG RA NAD GDON DAG BYED, RTAGS GSUM STONG RA'I KHYAD PAR ZHES DANG, THEM YIG LAS, DAG BYED AA YI STONG RA LA; ;GSOL 'DEBS GSUM LA DMIGS PA GSUM, ,ZHES GSUNGS LA, DE YANG BCUD BSDUS PA'I DON NI GSUNG RAB THAMS CAD KYI SNYING PO SHER PHYIN DANG, DE YANG 'BUM GYI DON BSDUS PA NYI KHRI, DE'I DON BSDUS PA BRGYAD STONG PA, DE'I DON BSDUS PA SDUD PA, DE'I DON BSDUS PA SHER PHYIN YI GE GCIG MA YIN LA, MTSAN BRJOD LAS, 'DI LTAR SANGS RGYAS BCOM LDAN 'DAS, ,RDZOGS PA'I SANGS RGYAS AA LAS BYUNG, ,AA NI YIG 'BRU KUN GYI MCHOG ,CES GSUNGS PA LTAR YIN LA, 'DI NYAMS SU LEN PA LA SNGON 'GRO BLA MA'I RNAL 'BYOR, DNGOS GZHI NYAMS SU LEN TSUL, RTAGS GSUM STONG RA'I KHYAD PAR BSHAD PA'O,, DANG PO NI, RANG GI SPYI BOR SENG GES BTEG PA'I RIN PO CHE'I KHRI'I STENG DU PAD ZLA'I GDAN LA NGO BO RANG GI
RTZA BA'I BLA MA YIN PA LA RNAM PA RGYAL BA RDO RJE 'CHANG SKU MDOG 'CHANG SKU MDOG DKAR PO ZHAL GCIG PHYAG GNYIS KYIS RDO RJE DANG DRIL BU THUGS KAR BSNOL NAS 'DZIN PA, RIN PO CHE'I RGYAN DANG DAR NA TSOGS KYI NA BZA' CAN, MTSAN DANG DPE BYAD KYIS BRGYAN PA, RANG 'DRA'I YUM RDO RJE DBYINGS KYI DBANG PHYUG MAS 'KHYUD PA, DE'I SPYI BOR AOm DKAR PO, MGRIN PAR AA: DMAR PO, THUGS KAR H'Um SNGON PO, DE LAS 'OD ZER 'PHROS BRGYUD PA'I BLA MA RNAMS DANG YI DAM DKYIL 'KHOR GYI LHA TSOGS SANGS RGYAS DANG BYANG CHUB SEMS DPA' GNAS GSUM GYI DPA' BO MKHA' 'GRO CHOS SKYONG SRUNG MA YE SHES PA'I TSOGS KYIS BSKOR BA SPYAN DRANGS, DE LA THIM PAS GNYIS SU MED PAR BSAMS LA DZA: H'Um BAm HO: ZHES BRJOD, DE NAS BLA MA SKYABS GSUM KUN 'DUS KYI NGO BOR BLTAS LA, SANGS RGYAS THAMS CAD 'DUS PA'I SKU, ,ZHES SOGS KYIS PHYAG 'TSAL, MCHOD PA DANG BSNYEN BKUR BA'I ZHING GONG NA MED PA'I TSUL LA LUNG RIGS MTHA' YAS PAS NGES SHES DRANGS TE, MAndAL RGYAS PA DANG, PHYI NANG GSANG BA DE KHO NA NYID KYI MCHOD PAS KYANG MNYES PAR BYAS NAS, ,BLA MA RIN PO CHE, BDAG GIS THOG MA MED PA NAS BSAGS PA'I SDIG LTUNG DAM TSIG NYAMS CHAG THAMS CAD BYANG ZHING DAG PAR BYIN GYIS BRLAB TU GSOL, NAD GDON BAR CHAD THAMS CAD ZHI BAR BYIN GYIS BRLAB TU GSOL, SA LAM GYI RTOGS PA THAMS CAD MYUR DU RGYUD LA SKYE BAR BYIN GYIS BRLAB TU GSOL, ZHES GSOL BA BTAB PAS BLA MA'I GNAS GSUM GYI YI GE GSUM LAS 'OD ZER DKAR DMAR MTHING GSUM BYUNG BAS RANG GI SPYI
, ,BO; MGRIN PA, SNYING GA RNAMS SU RIM GYIS THIM PA DANG, CIG CAR THIM PA LAS RIM PA LTAR BLA MA'I SKU GSUNG THUGS SO SO DANG THUN MONG GI BYIN RLABS ZHUGS, ,DBANG BZHI RIM PA LTAR THOB, ,LUS NGAG YID GSUM SO SO'I DRI MA DANG, DE RNAMS KYI BAG CHAGS PHRA MO RNAMS BYANG ZHING DAG RDO RJE GSUM GYI DNGOS GRUB THOB, ,MTHAR BLA MA 'OD DU ZHU BA RANG GI TSANGS BUG NAS ZHUGS, RANG YI DAM DU GSAL BA'I TSANGS BUG LA NYE BAR AA DKAR PO 'OD KYI RANG BZHIN CAN ZHIG TU GYUR PAR BSAM MO, ,BLA MA'I RNAL 'BYOR RGYAS PAR NI RJE NYID KYIS MDZAD PA'I N'A RO CHOS DRUG GI KHRID YIG SOGS LAS SHES PAR BYA'O, ,GNYIS PA NI, RANG HE RU KAR GSAL BA'I SMIN PHRAG TU CHOS 'BYUNG DKAR PO ZUR GSUM PA, ZUR GNYIS RNA BA G-YAS G-YON DANG RTZE MO PHRA BA LCE RTZA'I STENG DU ZUG PA, PHRU MA PHUS BTAB PA LTA BU BDE BAR SNANG ZHING BDE BAR 'CHAR BA ZHIG BSGOMS LA, ,NGAG TU YANG AA AA ZHES BZLAS PA SPYI BO'I AA DE LAS NGO BO SANGS RGYAS THAMS CAD KYI BDE STONG GI YE SHES RNAM PA BDUD RTZI DKAR PO'I RNAM PAR DKAR CHIL GYIS BABS, LUS KYI NANG THAMS CAD KHENGS, ,SGO GSUM GYI SDIG LTUNG DAM TSIG NYAMS CHAG THAMS CAD DUD KHU DANG SOL KHU DANG, RNAG KHRAG SOGS KYI RNAM PAR LUS KYI BA SPU'I BU GA THAMS CAD NAS NAG NYIL GYIS PHYIR DAG ,SEMS BDE STONG DBYER MED KYI YE SHES KYI NGO BOR GYUR PAR BSGOM PAR BYA STE, SMIN PHRAG GI CHOS 'BYUNG PHYAG RGYA'I SKYE GNAS KYI RNAM PAR YOD PAS YUL CAN LHAN SKYES KYI BDE BA CHEN PO'I YE SHES MTSON, AAS NI CHOS
THAMS CAD RANG BZHIN GYIS SKYE BA MED PA'I SGO MTSON PAS YUL STONG PA NYID MTSON LA, YANG CHOS 'BYUNG BHA GA'I DBYIBS SU YOD PAS YUL CAN LHAN SKYES DANG ZUR GSUM GYIS RNAM THAR SGO GSUM GYIS BSDUS PA'I YUL STONG PA NYID LEGS PAR MTSON PAS SO, ,DES NA, RANG RGYUD DRI MA NYAMS CHAG 'DAG ,'DI NI STONG PA'I MTSAN NYID YIN, ,ZHES 'BYUNG BA LTAR KHRID GZHAN GYI SKABS SU RDO RJE SEMS DPA'I SGOM BZLAS BYED PA'I DOD YIN LA, 'DI'I BLA MA GONG MA RNAMS SDIG LTUNG 'DAG PA LA 'DI BAS ZAB PA GZHAN MED PAR BZHED DO, ,NAD DANG GDON DAG PAR BYED PA'I STONG RA NI, ,NAD LA RLUNG 'KHRIS GRANG BA'I NAD SOGS LAS RLUNG LA AA DANG CHOS 'BYUNG DMAR SER LAS BDUD RTZI ZHUN MAR GYI MDOG LTA BU DANG, TSA BA LA DE GNYIS DKAR PO LAS BDUD RTZI GA BUR GYI RGYUN LTA BU DANG, GRANG BA LA DE GNYIS DMAR PO LAS BDUD RTZI ZANGS ZHUN KHOL MA LTA BU DANG, GDON LA DE GNYIS NAG PO LAS NGO BO BDUD RTZI LA RNAM PA KHRO CHUNG GI (KHRO CHU'I) RNAM PA DPAG TU MED PA BYUNG BAS, RIM PA LTAR NAD RNAMS RNAG KHRAG CHU SER SOGS KYI RNAM PA DANG, GDON RNAMS 'BU SRIN DANG SDIG PA RA CAN SOGS KYI RNAM PAR NAG NYIL GYIS PHYIR DAG LUS SHEL GONG G-YA' DAG PA LTA BUR GYUR PAR BSAM, GSUM PA NI, SDIG SGRIB DAG PA'I RTAGS SU NAM MKHA' LA 'PHUR BA SOGS DANG, NAD DAG PA'I RTAGS SU RNAG KHRAG SOGS 'DZAG PA DANG SKYUGS PA SOGS DANG, GDON DAG PA'I RTAGS SU SROG CHAGS MANG PO RANG GI LUS KYI NANG NAS PHYI ROL TU THON PA SOGS 'BYUNG NGO, ,GNYIS PA
, ,DNGOS GZHI LA GZHI DNGOS PO'I GNAS TSUL, LAM BGROD PA'I RIM PA, 'BRAS BU MNGON DU BYED TSUL LO, DANG PO NI, LUS SEMS SO SO DANG THUN MONG GI GNAS TSUL PHRA RAGS RNAMS ZHIB PAR BSHAD NAS BRDA SPROD PA YIN TE, RDZOGS RIM GYI DMIGS PA RNAMS RDO RJE'I LUS LA GNAD DU BSNUN PA LAS SKYE DGOS, ,DE LA GNAD DU BSNUN PA DANG BSNUN TSUL SHES DGOS, DE LA GZHI'I LUS SEMS KYI GNAS TSUL SHES PA GAL CHE BA YIN PAS SO, ,KHYAD PAR CHOS DRUG SO SO'I SKABS SU DMIGS PAS LUS KYI GANG DANG GANG DU BSNUN TSUL SOGS NI ZHIB PAR RJE NYID KYI N'A RO CHOS DRUG GI KHRID YIG TU GSUNGS PA RNAMS DANG SHAS CHER GNAD GCIG GO ,GNYIS PA LAM BGROD PA'I RIM PA BSHAD PA LA GNYIS, LAM DNGOS DANG, LAM LA BOGS 'BYIN PA'I SPYOD PA BSHAD PA'O,, DE LA DRUG THABS LAM BDE DROD RANG 'BAR, SGYU LUS CHAGS SDANG RANG GROL, ,RMI LAM NYING 'KHRUL RANG DAG ,'OD GSAL GTI MUG RANG SANGS, 'PHO BA MA BSGOM SANGS RGYAS, BAR DO RGYAL BA LONGS SKU'O,, DANG PO LA GNYIS, SNGON 'GRO LUS GNAD ME'I STONG RA DANG, DNGOS GZHI'O, ,DANG PO NI, THOG MAR BLA MA'I RNAL 'BYOR SPYI 'GRO GONG DU BSHAD PA LTAR LA, KHYAD PAR 'DI MAN CHAD DU BLA MA RDO RJE 'CHANG SNGON POR BSGOMS LA, BDE DROD KYI TING NGE 'DZIN MYUR DU RGYUD LA SKYE BAR GSOL BA GDAB, TING NGE 'DZIN GYI DBANG BZHI LEN PA SOGS BYA'O, ,DE NAS BCA' BA LUS KYI GNAD ME THAB DRUG CHINGS SU BYA, RLUNG RO PHYIR LEGS PAR BSAL TE, RANG RJE BTZUN RDO RJE RNAL 'BYOR MA SKU MDOG
DMAR MO ZANGS SHU MER BSREGS PA LTA BU, PHYAG G-YAS GRI GUG 'PHYAR ZHING, G-YON THOD KHRAG 'DZIN PA, KHONG PA'I NANG SOR MO'I SBUBS TSUN PHRU MA PHUS BTAB PA LTA BU STONG SANG THOGS RDUGS DANG BRAL BA NAM MKHA'I 'JA' TSON LTA BUR BSGOM MO,, GNYIS PA LA GTUM MO ZAS SU ZA BA, GOS SU GYON PA, STAN DU 'DINGS PA, RLUNG LTAR ZHON PA, GEGS RANG GROL, ,SRID PA'I DBANG ZHU BA DANG DRUG BSHAD KYANG, GTZO BO GTUM MO ZAS SU ZA BA LA THUN MONG DANG, THUN MONG MA YIN PA RTZA GSUM 'KHOR LO BZHI LDAN GYI LAM NYAMS SU LEN PA'I TSUL LO, ,DANG PO NI, RANG LUS GNAD GONG LTAR LA, RJE BTZUN MAR BSGOMS PA'I LTE BA'I BUG PA'I 'OG TZAM GYI PHYOGS BZHIR ME COG SGONG TZAM BZHI BSGOMS LA, STENG RLUNG SNA BUG GNYIS NAS BRNGUBS TE, LTE 'OG TU CHIR GYIS MNAN, 'OG RLUNG 'THEN 'BEBS BYAS PAS ME BZHI LAS GTUM MO'I ME MDOG DMAR BA REG BYA TSA BA LUS KYI NANG THAMS CAD KHYAB PAR DMAR CHIL GYIS GANG BAS BDE DROD KHYAD PAR CAN SKYES PAR BSAMS LA, STENG 'OG GI RLUNG GNYIS KHA SBYAR DU BYAS LA MI BDE BA MI SKYED TZAM DU GZUNG, MA THUB NA SNA BUG NAS RLUNG DAL BUS GTANG NGO, ,YANG LUS KYI DKYIL DRANG POR SGAL TSIGS LA NYE BAR RTZA DBU MA SBOM PHRA GRO SOG TZAM YAR SNA SMIN MTSAMS DANG, ,MAR SNA LTE BA'I BUG PA'I CUNG ZAD 'OG TZAM DU ZUG PA, DE'I G-YAS SU RO MA DANG G-YON DU RKYANG MA GNYIS DBU MA DANG GSHIBS NAS GNAS PA, YAR SNA SNA BUG GNYIS DANG, MAR SNA DH'U T'I'I MAR SNA'I NANG DU ZUG PA'I RTZA GSUM 'DZOM GYI DBU MA'I NANG TZAM DU NYI GDAN
, ,SRAN MA PHYED GSHAGS TZAM GYI STENG DU YI GE RAm YIG DMAR PO GTUM MO'I ME 'BAR LA KHAD PA, CHE CHUNG NAS TZAM ZHIG BSAM, LTE 'OG TU CHOS 'BYUNG ZUR GSUM PA GDENGS KA CHE BA GYEN DU PHYOGS SHIG, RTZE MO PHRA BA SUM MDOR ZUG PA; DE'I NANG DU RLUNG GI DKYIL 'KHOR GZHU LTA BU SI RI RI G-YO BA BSGOMS LA, SNGAR BZHIN STENG RLUNG MNAN, 'OG RLUNG 'THEN TE 'BEBS BYAS PAS 'OG RLUNG G-YOS TE, RAm YIG LAS GTUM MO'I ME KHA DOG DMAR BA REG BYA TSA BA SHIN TU PHRA BA DH'U T'I'I NANG NAS 'BAR BAS BDE DROD KYI NYAMS KHYAD PAR CAN SKYES PAR BSAMS LA SNGAR BZHIN RLUNG GZUNG BA DANG GTANG BAR BYA'O,, GNYIS PA LA GNYIS, BSHAD BYA'I LUNG 'GOD PA, DE'I DON NYAMS SU LEN PA'I TSUL LO,, DANG PO NI, RDO RJE'I TSIG RKANG LAS, RANG LUS THABS LDAN RTZA GSUM 'KHOR LO BZHI, ,AA HAm 'BAR 'DZAG SKAD CIG DGA' BZHIS BRGYAN, ,SHES RAB KA KHA MU KHA'I SNYOMS 'JUG GIS, ,ZAG BCAS ZAG MED DGA' BZHI RIM BZHIN NO, ,RI BONG DBAB GZUNG BZLOG DGRAM RLUNG DANG BSRE, ,ZAG MED YE SHES CHEN POS BRGYAN PAR BYA, ,ZHES GSUNGS SO, ,GNYIS PA LA GNYIS, RANG LUS THABS LDAN GYI LAM DANG, GZHAN LUS PHYAG RGYA'I LAM MO, ,DANG PO LA GNYIS, GTUM MO BSGOMS NAS SROG DBU MAR GZHUG PA DANG, BCUG PA LA BRTEN NAS NYAMS MYONG SKYE BA'I RIM PA BSHAD PA'O, ,DANG PO LA GSUM, RTZA GSAL BTAB NAS SGOM PA DANG, YI GE GSAL BTAB NAS SGOM PA DANG, RLUNG BUM PA CAN SGOM PA'I TSUL LO, ,DANG PO NI, BLA MA'I RNAL
'BYOR SNGON DU BTANG NAS, RIM LNGA BSDUS PA GSAL BA LAS, LUS DANG DUS DANG YUL RLUNG GI ,GNAD NI RNAM PA BZHIR SHES BYA, ,ZHES GSUNGS PA LTAR GNAD BZHI TSANG BA'I SGO NAS NYAMS SU LEN PA LA BSGOM PA'I DUS NI SNGA DRO RIG PA DVANGS PA'I DUS SAM PHYI DRO (BDE) DROD 'PHEL BA'I DUS SOGS NAM SGOM SPRO BA'I DUS SU SGOM PA YIN LA, ,LUS KYI GNAD NI RKANG PA RE MIG TU BSNOL, SGAL TSIGS DRANG POR BSRANG, MGRIN PA CUNG ZAD GUG ,MIG SNA RTZER DBAB, LCE RTZE RKANG LA SBYAR, SO DANG MCHU RANG LUGS SU GZHAG ,LAG PA MNYAM GZHAG GI PHYAG RGYA LTE 'OG TU BCAR, SGOM THAG GYON PA SOGS BYA'O, ,RLUNG GI GNAD NI RLUNG RO PHYIR BSAL, RLUNG GI RGYU BA HA CANG DRAG ZHAN DU GYUR PA SPANGS LA RANG LUGS SU GZHAG GO ,DMIGS PA GSAL GDAB PA NI, HE RU KA YAB YUM DU GSAL BA'I LUS KYI DKYIL DRANG PO SGAL TSIGS LA CUNG ZAD NYE BAR DBUS SU DBU MA, G-YAS SU RO MA, G-YON DU RKYANG MA, GSUM GA'ANG SBOM PHRA GRO SOG TZAM MAR SNA SNGAR BSHAD PA LTAR SGOM PA NI RTZA'I GTZO BO GSUM GSAL GDAB PA'O, ,'KHOR LO BZHI GSAL GDAB PA NI LTE BA SPRUL PA'I 'KHOR LO DBYIBS AE GRU GSUM GYI RNAM PA CAN RTZA 'DAB RE BZHI PA KHA DOG DMAR PO KHA GYEN DU PHYOGS PA, SNYING GA CHOS KYI 'KHOR LO RTZA 'DABS BRGYAD PA PHYI DBYIBS WAm YIG ZLUM PO'I RNAM PA CAN KHA DOG DKAR PO KHA 'OG TU PHYOGS PA, MGRIN PA LONGS SPYOD KYI 'KHOR LO RTZA 'DAB BCU DRUG PA KHA DOG DMAR PO PHYI DBYIBS WAm YIG ZLUM PO'I RNAM PA CAN KHA GYEN DU LTA BA, SPYI BO BDE CHEN GYI 'KHOR LO PHYI DBYIBS AE GRU
, ,GSUM GYI RNAM PA CAN RTZA 'DAB SO GNYIS PA KHA DOG SNA TSOGS PA KHA 'OG TU PHYOGS PA BSGOMS LA, SNYING GA YAN CHAD GSAL 'DEBS THEBS RE BYAS LA, DE NAS GTZO CHER SNYING GA MAN CHAD GSAL GDAB CING, KHYAD PAR RTZA GSUM GYI 'DUS SAR NAN TAN BYAS LA GSAL BTAB NAS BSGOM STE, GRUB CHEN LVA WA PA'I GZHUNG LAS RTZA'I GSAL SNANG BSGRUB PAR BSHAD PA LTAR BYA'O, ,GNYIS PA YI GE GSAL BTAB NAS SGOM PA NI, GTUM MO'I SKABS SU RTZA GSUM DANG, 'KHOR LO BZHI DANG, DE DAG LA YI GE BKOD NAS SGOM PA NI BRTAG GNYIS DANG SAm PU tA SOGS KYI DGONGS PA YIN ZHING, NAG PO SPYOD PA SOGS GRUB CHEN MANG POS KYANG BSHAD LA, YI GE 'GOD PA LA RGYAS BSDUS GNYIS LAS RGYAS PA NI 'KHOR LO'I LTE BA DANG 'DAB MA GNYIS KA LA YI GE BKOD NAS SGOM PA YIN YANG, PHYOGS 'DI'I MAN NGAG LAS MA BSHAD PAS, BSDUS PA 'KHOR LO BZHI'I LTE BAR YI GE BZHI SGOM PA YIN TE, BSHAD RGYUD LAS GSAL BAR GSUNGS SHING GRUB CHEN DU MA'I GZHUNG LAS KYANG BYUNG BAS SO, ,JI LTAR SGOM PA'I TSUL NI, LTE BA SPRUL PA'I 'KHOR LO'I RTZA 'KHOR GYI DBUS KYI DH'U T'I'I NANG DU NYI GDAN SRAN MA PHYED GSHAGS TZAM GYI STENG DU YI GE RGYA YIG GI AA THUNG GZAB MA'I SHAD KYI RNAM PA CAN KHA DOG DMAR PO MGO GYEN DU BSTAN PA GTUM MO'I ME'I RANG BZHIN CAN 'OD SHIN TU 'TSER BA TSAD YUNGS KAR SBOM PO'I 'BRU TZAM MGO BOR ZLA TSES THIG LE N'A DAS MTSAN PA, SNYING GA CHOS KYI 'KHOR LO'I DH'U T'I'I NANG DU ZLA GDAN LA H'Um YIG SNGON PO MGO THUR DU LTA BA, BYANG SEMS KHA BA
LTA BUR 'DZAG PA, MGRIN PA'I 'KHOR LO'I DH'U T'I'I NANG DU ZLA GDAN LA AOm YIG DMAR PO MGO GYEN DU BSTAN PA, SPYI BO'I RTZA 'KHOR GYI DH'U T'I'I NANG DU ZLA GDAN LA HAm YIG DKAR PO MGO THUR DU LTA BA BYANG SEMS KHA BA LTA BUR 'DZAG PA, THAMS CAD KYANG CHE CHUNG YUNGS KAR SBOM PO'I TSAD TZAM 'OD SHIN TU 'TSER BA MGO BOR ZLA TSES THIG LE N'A DAS BRGYAN PA BSGOMS LA, DE YANG RTZA 'KHOR DE DAG GI LTE BA NA RO RKYANG GIS DBU MA LA LU GU RGYUD DU 'KHYUD PA'I RTZA MDUD RE YOD LA, DE NA RO RKYANG NAS DH'A T'IR 'JUG PA'I SGO RE YANG YOD PAS RTZA MDUD KYIS BCINGS PA'I DH'A T'I'I NANG DER YI GE RNAMS SGOM PA YIN NO, ,DE LTAR GSAL BTAB NAS RANG GI SEMS THOG MAR LTE BA'I AA THUNG NYID LA DRIL NAS GZUNG DGOS TE, 'DI'I LAM GYI RMANG RDO'AM GZHUNG SHING MTHAR THUG PA NI GTUM MO YIN LA, GTUM MO'I RTZA BA'I GNAS MTHAR THUG PA LTE BA'I RTZA 'KHOR NYID YIN PAS LTE BA'I AA THUNG LA RTZE GCIG TU DMIGS TE SGOM PA NYID GTUM MO 'BAR BA LA SHIN TU GNAD CHE BA'I PHYIR RO, ,SEMS JI LTAR 'DZIN PA'I TSUL YANG DMIGS RTEN GYI THIG LE LA RANG GI SEMS ZHUGS PA BZHIN DU GZUNG BAR BYA BA YIN LA, DE YANG SEMS 'DZIN LUGS LEGS PO ZHIG BYUNG NA DMIGS RTEN DE NYID RANG GI SEMS LAS LOGS SU MI SNANG ZHING, SEMS DANG DBYER MED DU 'DRES PA'I SGO NAS NGA RGYAL 'PHOS PA BZHIN DU 'BYUNG NGO, ,DMIGS RTEN GYI YI GE RNAMS JI LTAR CHUNG ZHING GSAL BA LA SEMS ZIN NA RLUNG 'DU SLA LA, 'OD SHIN TU 'TSER BAR BSGOMS PAS BYING BA GCOD SLA ZHING, MGO BOR ZLA TSES THIG
, ,LE N'A DA DANG BCAS PA BSGOMS PA DANG, BYANG SEMS KHA BA LTA BU 'DZAG PA'I RNAM PA CAN DU BSGOMS PAS BDE BA'I NYAMS SKYE SLA BA'I DGOS PA YOD DO, ,DE NAS RDO RJE'I TSIG RKANG LAS, RLUNG DANG BSRE ZHES BSHAD PAS BUM PA CAN DANG SBRAGS NAS SGOM PA'I TSUL NI DANG POR RLUNG RNGUB PA'I TSE KHA NAS MI RNGUB PAR SNA BUG NAS DAL BUS BRNGUBS LA PHYIR MI GTONG BAR CHIR GYIS MNAN PAS RO RKYANG GI RTZA GNYIS RLUNG GIS KHRIGS TE GANG BAR BSAMS LA, MCHIL MA ZHIG SGRA MED DU MID DE LTE BAR CHIR MNAN PAS RO RKYANG GI RLUNG RNAMS AA THUNG LA SIB KYIS THIM PAR BSAMS LA, 'OG SGO GNYIS NAS 'OG RLUNG 'JAM PO ZHIG DAL GYIS 'THEN NAS SROG THUR KHA SBYAR TE MI BDE BA MI SKYED TZAM DU GZUNG ZHING MI THUB PA NA DBU MA'I NANG DU BDE HRIL GYIS SONG BAR BSAMS LA KHA NAS MA SHOR BAR SNA BUG NAS DAL BUS GTONG, BUM PA CAN SGOM PA NI LTO STONG DANG, ZAS ZOS PA'I RJES YIN NA ZHU NAS BDER SONG BA'I SKABS SU BSGOM LA, BAR MA CHAD DU HA CANG YUN RING MI BYA BAR NGAL GSO ZHING BSGOM MO, ,DE LTAR BUM PA CAN BYANG BA'I MTSAMS NAS BUM PA CAN GYI RLUNG SBYOR SGOM BZHIN PA'I NGANG NAS LTE BA DANG SNYING GA DANG MGRIN PA DANG SPYI BO'I RTZA 'KHOR BZHI'I LTE BAR RTZA MDUD KYIS DKRIS PA'I DBUS SU SNGAR GYI YI GE BZHI GSAL BTAB LA GSANG GNAS KYI RTZA 'KHOR LA GNAS PA'I THUR SEL G-YOS TE LTE BA'I AA THUNG LA PHOG PAS DE LAS 'BAR BA'I GTUM MO'I ME'I 'OD ZER DH'U T'I'I NANG NAS GYEN DU SONG STE, HAm AOm H'Um GSUM BZHUS PA LTE BA AA THUNG LA BABS TE DE DANG DBYER
MED DU GYUR TE, LHAN CIG SKYES DGA'I RANG BZHIN GYI THIG LER BLTAS LA SEMS RTZE GCIG TU GZUNG STE ZIN PA NA AA LA GTUM MO'I ME PHRA MO ME LCE GCIG TU 'BAR BA LTAR GNAS PAR BSGOM ZHING, DE'I 'OD KYIS 'KHOR LO GONG MA'I GNAS NAS BYANG SEMS ZHU BA LTE BA'I AA THUNG LA THIM PAR BSAMS LA, AA THUNG LA SEMS RTZE GCIG PAS BRTAN PA THOB PA'I MTSAN MA MTHONG BA DE SRID DU BSGOM MO, ,DE LTAR BSGOM PA'I GTUM MO 'DI CHOS DRUG GI LAM GZHAN RNAMS KYI RMANG RDO YIN TE, DE YANG RIM LNGA BSDUS PA GSAL BA LAS, GTUM MO'I RNAL 'BYOR RLUNG GIS TE, ,BDE CHEN SEMS LA DMIGS PA'O, ,ZHES GSUNGS PA LTAR 'DUS PA SOGS KYI SKABS SU RDOR BZLAS KYI SGO NAS RLUNG SNYING GAR SDUD CING SNYING GA'I RTZA MDUD GROL BAR BYED PA'I BYED LAS NI 'DIR GTUM MOS BYED LA, DE DANG PHYAG RGYA SROG RTZOL DU SONG BA LAS RLUNG THAMS CAD 'CHI RIM JI LTAR BA BZHIN DU SNYING GA'I MI SHIGS PA'I THIG LE LA THIM PA'I BDE BA CHEN PO'I YE SHES NI 'DUS PA NAS BSHAD PA'I SEMS DMIGS KYI RIM PA YIN LA, DE LAS GZHI'I 'CHI BA 'OD GSAL LAS BAR DO 'GRUB PA JI LTA BA BZHIN DU RLUNG SEMS TZAM LAS DNGOS GNAS LA SGYU MA'I SKUR BZHENGS PA 'BYUNG BAS SGYU LUS KYI RMANG RDOBS GTUM MO YIN ZHING, RMI LAM YANG RLUNG STOBS KYIS 'DZIN PA DANG 'DUN STOBS KYI 'DZIN PA GNYIS LAS GTZO BO NI RLUNG STOBS KYIS 'DZIN PA YIN LA, DE LA GNYID KYI 'OD GSAL ZIN DGOS SHING, ,DE LAS SAD DUS SU RLUNG DH'U T'IR THIM PA'I RTOGS PA RNYED PA ZHIG DGOS PAS 'DIR RLUNG THOG MAR DH'U T'IR SDUD
, ,PA NI GTUM MO'I RNAL 'BYOR GYIS BYED PAS RMI LAM GYI RMANG RDO YANG GTUM MO'O, ,'OD GSAL LA DPE DANG DON GYI 'OD GSAL GNYIS LAS, CHOS DRUG GI GRANGS SU BGRANG BA'I 'OD GSAL NI GO RIM YANG SGYU LUS KYI RJES SU 'BYUNG BA DANG, RMOG LCOG PAS, SGYU MA 'OD GSAL GZHUG PA LA, THABS DANG DUS DANG LUS DANG NI, ,DMIGS PA'I GNAD DU SHES PAR BYA, ,ZHES SGYU LUS GNAD BZHIS 'OD GSAL DU BCUG STE 'OD GSAL MNGON DU BYED PAR BSHAD PAS DON GYI 'OD GSAL YIN LA, DPE DANG DON GYI 'OD GSAL GANG YIN YANG RLUNG BSGOMS STOBS KYIS DBU MAR ZHUGS GNAS THIM GSUM BYED PA LAS BYUNG BA'I LHAN SKYES YIN DGOS PAS DE THAMS CAD KYI RMANG RDO YANG GTUM MO'O, ,'PHO BA LA YANG GTZO BO RLUNG BSGOMS STOBS KYIS 'PHO BA YIN ZHING DE LA BSGOMS STOBS KYIS RLUNG DH'U T'IR CHUD PA'I RTOGS PA RNYED DGOS PA DANG, BAR DO LA RAB 'BRING THA MA GSUM LAS RAB DANG 'BRING GNYIS LA 'OG TU 'CHAD PA LTAR BSGOMS STOBS KYIS RLUNG DH'U T'IR ZHUGS GNAS THIM GSUM BYAS PA'I RTOGS PA THOB DGOS PAS DE GNYIS KYI RMANG RDO YANG GTUM MO YIN LA, SPYIR NI LHAN SKYES KYI BDE CHEN MTSAN NYID TSANG BA ZHIG 'DREN PA BLA MED KYI RDZOGS RIM GYI LAM THAMS CAD KYI DNGOS GZHI YIN ZHING, DE LA DH'U T'I'I NANG NAS KHAMS ZHU BA NGES PAR DGOS LA, DE LA DH'U T'I'I NANG GI GTUM MO KHYAD PAR CAN 'BAR BA NGES PAR DGOS PAS RDZOGS RIM GYI LAM THAMS CAD KYI RMANG RDO YANG GTUM MO NYID YIN NO, GNYIS PA LA GNYIS, STONG PA BZHI'I NYAMS MYONG SKYONG BA'I TSUL DANG,
DGA' BA BZHI'I NYAMS MYONG SKYONG BA'I TSUL LO,, DANG PO NI, DE LTAR AA THUNG LA SEMS BZUNG BA LAS NYIN ZHAG PHRUGS GCIG LA CHA DRUG TU BGOS PA'I THUN CHE TZAM 'KHYONGS PA'I MTSAMS NAS RLUNG SEMS 'JUG PA GCIG PA'I GNAD KYIS SEMS BZUNG SA DER RLUNG YANG 'DU BAR 'GYUR BAS RLUNG DBU MAR CHUD PA'I RTAGS NI DMIGS PA LA SEMS NAM BZUNG RES KYI RLUNG MNYAM RGYU SHED MTSUNGS SU 'BYUNG BA DANG, GNAS PA'I RTAGS NI STENG GI SNA SGO'I RGYU BA JE ZHAN DU SONG BA'I MTHAR RGYU BA PHRA MO YANG LOG PA YIN LA, 'DI LA KHYAD PAR ZHIB TU SHES DGOS PAR SNANG BA GZHAN LAS SHES PAR BYA ZHING, THIM PA'I RTAGS LA RAGS PA DANG PHRA BA GNYIS LAS RAGS PA LA SA CHU LA THIM PAS SMIG RGYU LTA BU, CHU ME LA THIM PAS DU BA LTA BU, ME RLUNG LA THIM PAS MKHA' SNANG ME KHYER LTA BU, RLUNG RNAM PAR SHES PA LA THIM PAS MAR ME 'BAR BA LTA BU RNAMS 'BYUNG BA YIN LA, PHRA BA THIM PA LA STON GYI NAM MKHA' G-YA' DAG PA LA ZLA 'OD KYIS KHYAB PA LTA BU DANG, NYI 'OD KYIS KHYAB PA LTA BU DANG, SROD KYI MUN PA MTHUG POS KHYAB PA LTA BU DANG, SLOD BYED KYI RKYEN GSUM DANG BRAL BA'I NAM MKHA'I RANG MDOG LTA BU RNAMS SNANG MCHED THOB GSUM 'OD GSAL DANG BCAS PA'I RTAGS SU RIM PA LTAR 'CHAR BA YIN TE, KHYUNG POS MDZAD PAR GRAGS PA'I BAR DO GSUM GYI GDAMS PA LAS, DE NAS 'BYUNG BA THIM PA NI, YE SHES ROL BA DANG GNYIS MED RNAM PAR RGYAL BA'I RGYUD LAS, DANG PO SA NI CHU LA THIM, ,CHU YANG ME LA THIM GYUR TE, ,ME NI RLUNG LA THIM GYUR NAS, ,RLUNG YANG RNAM PAR SHES LA THIM,,
, ,RNAM SHES BZUNG BA DE NYID LAS, ,'OD GSAL BAR YANG 'JUG PAR 'GYUR, ,ZHES DANG PO SA CHU LA THIM PA'I RTAGS LUS KYI STOBS NYAMS NAS 'GRO ,CHU ME LA THIM PAS GSHER BA'I CHA RNAMS SKEM MO, ,ME RLUNG LA THIM PAS DROD MTHA' NAS SDUD DO, ,RLUNG RNAM PAR SHES PA LA THIM PAS DBUGS RGYU BA 'CHAD DO, ,RNAM PAR SHES PA 'OD GSAL BAR THIM PAS YE SHES 'CHAR TE, SNANG BA DANG, MCHED PA DANG, NYE BAR THOB PA'O, ,ZHES 'BYUNG BA RIM GYIS THIM PA'I PHYI'I RTAGS SA CHU LA THIM PA'I SKABS SU LUS KYI STOBS NYAMS NAS BYING BA SOGS SU 'GYUR BA DANG, SNANG MCHED THOB GSUM RIM GYIS THIM PA LAS 'OD GSAL MNGON DU BYED PAR BSHAD LA, NANG RTAGS KYANG GNYIS MED RNAM RGYAL LAS, DANG PO SMIG RGYU LTA BU STE; ;DANG PO'I SMIG RGYU DE NYID KYANG, ,'OD ZER LNGA DANG LDAN PAR MTHONG, ,GNYIS PA ZLA BA LTA BU DANG, ,GSUM PA NYI MA LTA BU DANG, ,BZHI PA MUN PA LTA BU DANG, ,LNGA PA SPRIN MED NAM MKHA' LAS, ,MI RTOG MTHA' DBUS MED PAR 'CHAR, ,ZHES GSUNGS PA DRANGS NAS BSHAD LA, GRUB CHEN LVA WA PAS KYANG, DANG PO RI DVAGS SRED BZHIN SNANG BA STE, ,MTSAN MA GNYIS PA DUD KHA'I RNAM PA CAN, ,GSUM PA SRIN BU ME KHYER DANG 'DRA BA, ,BZHI PA SGRON ME 'BAR BA LTA BUR GSAL, ,MTSAN MA LNGA PA RNAM PAR MA BTAGS PA, ,SPRIN BRAL NAM MKHA' LTA BUR SNANG BA YIN, ,ZHES BSHAD DO, ,DE LTAR NA SA CHU LA THIM PAS SMIG RGYU LTA BU'I NYAMS SHAR BA NAS, RLUNG RNAM SHES LA THIM PAS MAR ME 'BAR BA LTA BU'I NYAMS 'CHAR BA'I BAR RAGS PA
THIM RIM DANG, KUN RTOG GI RLUNG RNAMS SNANG BA LA THIM PAS SNANG BA'I RANG DUS SU STON GYI NAM MKHA' G-YA' DAG PA LA ZLA 'OD KYIS KHYAB PA LTA BU'I NYAMS 'CHAR BA NAS, 'OD GSAL RANG DUS SU SLOD BYED KYI RKYEN GSUM DANG BRAL BA'I THO RANGS KYI NAM MKHA'I RANG MDOG LTA BU STONG SANG GI NYAMS KHYAD PAR CAN 'CHAR BA RNAMS RIM PA LTAR NGOS ZIN PAR BYAS NAS SKYONG BA DANG, 'OD GSAL GYI SKABS SU KHYAD PAR DU YANG STONG NYID RTOGS PA'I LTA BA DRAN PAR BYAS NAS YUN RING DU BSKYANG NGO,, GNYIS PA NI LTE BA'I GTUM MO KHYAD PAR CAN 'BAR BA LA BRTEN NAS SPYI BO'I HAm YIG TU GRAGS PA'I BYANG CHUB KYI SEMS ZHU BA DH'U T'I'I NANG NAS RIM GYIS BABS PA LAS SPYI BO NAS MGRIN PAR SLEB PAS DGA' BA, MGRIN PA NAS SNYING GAR SLEB PAS MCHOG DGA', SNYING GA NAS LTE BAR SLEB PAS KHYAD PAR GYI DGA' BA, LTE BA NAS NOR BU'I RTZER SLEB PAS LHAN CIG SKYES PA'I DGA' BA RNAMS RIM GYIS SKYE BA NI LUGS LAS 'BYUNG BA'I RIM PA YIN TE, RDO RJE PHRENG BA LAS, DE RJES LUGS 'BYUNG BSHAD BYA STE,, BDE CHEN 'KHOR LO SPYI BO LA, ,DE NI DGA' BAR BSHAD PA YIN, ,LONGS SPYOD 'KHOR LO MCHOG DGA' DANG, ,BRAL DGA' CHOS KYI 'KHOR LOR GNAS, ,SPRUL PA'I 'KHOR LO LHAN CIG SKYES, ,DGA' BA NYAMS SU MYONG BAR BYED, ,CES GSUNGS PA LTAR YIN LA, DE YANG KHAMS KHYAD PAR CAN ZHU BA LTE BA MAN CHAD KYI DH'U T'I'I NANG DU SLEB PA NA DH'U T'I'I NANG GI LUS DBANG KHYAD PAR CAN DANG PHRAD PA LAS REG BYA KHYAD PAR CAN ZHIG SKYE LA, DH'U T'I'I NANG GI LUS DBANG DES BDAG RKYEN DANG GZUNG DON
, ,BYAS PA LAS THOG MAR DBANG SHES 'KHOR GYI BDE BA KHYAD PAR CAN SKYE LA, DES DE MA THAG RKYEN BYAS PA LAS YID KYI SHES PA BDE BA CHEN PO'I NGO BOR SKYES TE DES STONG PA NYID KYI LTA BA PHU THAG CHOD PA DRAN PAR BYAS PA LAS SEMS STONG PA NYID RTOGS PA'I LHAN SKYES KYI BDE BA'I NGO BOR BSKYED DE YUN RING DU BSKYANG NGO, ,DE YANG DH'U T'I'I NANG NAS KHAMS ZHU BA'I LHAN SKYES MTSAN NYID PA YIN NA LHAN SKYES JI SRID MA RDZOGS BAR KHAMS PHYI ROL TU G-YO BA'I RLUNG RNAMS THIM PA'I STOBS KYIS KHAMS GYEN DU LDOG PA'I DMIGS PA DANG 'KHRUL 'KHOR SOGS MA BYAS KYANG KHAMS PHYIR MI 'PHO LA, LHAN SKYES LAS RLUNG G-YO BAR RTZOM PA NA LAS DANG PO PAS KHAMS GYEN DU LDOG PA'I DMIGS PA DANG RTZOL BA CUNG ZAD BYA DGOS ZHING, DE LTA NA YANG KHAMS GYEN DU LOG PA SPYI BO'I HAm YIG NYID LA THIM PAR BSAM PA MA GTOGS LUS KYI RTZA GNAS RNAMS SU DGRAM PA SOGS MA BYAS KYANG NAD SKYED PA SOGS KYI DGAG BYA MI 'BYUNG NGO, ,SPYIR NI GTUM MO 'BAR BA LA YANG GSANG GNAS DANG LTE BA DANG DH'U T'I'I PHYI DANG NANG DANG, LUS KYI NANG DANG, SHA LPAGS MTSAMS KYI GTUM MO 'BAR BA SOGS RIM PA JI SNYED CIG 'BYUNG LA, DE DANG RJES SU MTHUN PAR KHAMS ZHU BA LA YANG RIM PA JI SNYED CIG 'ONG BAS DE RNAMS KYI KHYAD PAR SHES PAR BYAS LA DH'U T'I'I NANG NAS ZHU BA MA YIN PA'I KHAMS 'BAB PA LA NI LUS KYI GNAS MTHO SA NAS 'BAD RTZOL DRAG POS LDOG PA DANG, LDOG NAS KYANG LUS KYI RTZA GNAS RNAMS SU DGRAM PA SOGS BYA DGOS SO, ,LUGS LDOG GI DGA' BZHI SKYE BA'I RIM PA NI RDO RJE PHRENG BA
LAS, SPRUL PA'I 'KHOR LOR DGA' BA DANG, ,MCHOG DGA' CHOS KYI 'KHOR LOR GNAS, ,LONGS SPYOD BRAL BA'I DGA' BA DANG, ,LHAN CIG SKYES PA BDE BA CHE, ,LUGS LDOG RIM PA ZHES NI GSUNGS, ,ZHES BSHAD PA LTAR YIN LA, 'DI DANG MTHUN PAR PHYAG CHEN THIG LE LAS KYANG BSHAD LA, YAR MAR GYI DGA' BA BZHI PO RE RE LA BZHI BZHIR PHYE BA'I ZLA BA'I CHA NAS DGA' BA BCU DRUG DANG, BYANG SEMS 'BAB PA NA KHRAG DANG BCAS PA 'BAB PA LAS GSUM GSUM DU PHYE BAS NYI MA'I CHA NAS DGA' BA BCU GNYIS SU BSHAD LA, MAS BRTAN GYI DGA' BA BZHI NI LHAN SKYES NYID LA DGA' BA BZHIR PHYE BAS YAS KYI DGA' BA BZHI LAS BDE BA'I NYAMS CHE LA, MAS BRTAN GYI LHAN SKYES RDZOGS NAS KHAMS PHYIR DBANG MED DU 'PHO BA MI SRID PAS BDE BA BRTAN PAR YANG GSUNGS TE, PHYAG CHEN THIG LE LAS, GANG DE PHYI NAS BRTAN GYUR PA, ,DE TSE MGON PO 'GRO MI 'GYUR, ,ZHES SO, ,DE YANG STONG PA BZHI DANG DGA' BA BZHI JI LTAR SKYONG BA'I TSUL SOGS NI RGYAS PAR GZHAN DU SHES PAR BYA LA, LHAN SKYES DANG 'OD GSAL LAS LDANG BAR RTZOM PA NA SNGA MO NAS 'PHEN PA BTANG STE YID NGOR RLUNG SEMS TZAM LAS HE RU KA'I LHA'I SKUR LDANG BA DANG, DE NYID SLAR YANG PHUNG PO RNYING PA LA 'JUG PA SOGS BSRE BA'I NYAMS LEN GYI GNAD RNAMS LA MKHAS PAR BYA'O,, GNYIS PA NI, GZHAN LUS PHYAG RGYA'I LAM NI RIM LNGA LAS, SGYU MA DAG NI THAMS CAD LAS, ,BUD MED SGYU MA KHYAD PAR 'PHAGS, ,SNANG BA GSUM GYI MTSAN NYID NI, ,GSAL BAR 'DI LAS MTSON PAR 'GYUR, ,ZHES GSUNGS PA LTAR PHYI'I RKYEN PHYAG
, ,RGYA LA BRTEN NAS BDE CHEN 'DREN PA SKABS SU BAB PA'I RDZOGS RIM GYI RTOGS PA MTHON POR SLEB PA NA PADMA CAN LA SOGS PA PHYAG RGYA RIGS BZHI GANG RUNG MTSAN NYID DANG LDAN PA SMIN CING GROL BAR BYAS PA NI LAS KYI PHYAG RGYA DANG SHES RAB MA ZHES BSHAD PA YIN LA, DE DANG KA KHA MU KHA'I SNYOMS 'JUG STE, PHYAG RGYA SROG RTZOL GYI MAN NGAG GI GNAD LEGS PAR SHES PAS MNYAM PAR SBYAR BA LAS LHAN SKYES KYI BDE CHEN LHAG PAR 'BAR BA DANG, RLUNG THAMS CAD 'CHI RIM BZHIN DU THIM PA LAS BYUNG BA'I 'OD GSAL KHYAD PAR CAN MNGON DU BYED PA YIN LA, 'DIS PHYAG RGYA SROG RTZOL GYI SKABS SU MA ZAD SPYOD PA GSUM GYI SKABS SU PHYAG RGYA DANG SBYOR BA YANG MTSON NAS BSTAN PA YIN TE, DE YANG NYE BAR MI MKHO BAS ZHIB PAR MA BSHAD DO; ;RTZA GSUM 'KHOR LO BZHI LDAN GYI GTUM MO KHYAD PAR CAN BSHAD ZIN TO, ,GTUM MO GOS SU GYON PA DANG STAN DU 'DINGS PA NI SNGAR GYI ME DMIGS THUN MONG BA'I STENG NAS, BDE BA'I MAL DU PUS BRANG SBYAR, KLOG MA PUS MO LA BKAL, LAG PA BSNOL BAS MKHAL RTZA LA BKAB NAS RLUNG 'DZIN PA GOS SU GYON PA DANG, RKANG PA G-YON PA'I SGYID MO KHUNG GIS G-YAS PA'I BOL GONG MNAN TE, KHYI NYAL SGOR MO BYAS RLUNG 'DZIN PA STAN DU 'DINGS PAR BSHAD DO, ,RLUNG RTA RU ZHON PA'I MAN NGAG LA BLA MA'I GTUM MO SGOM PA NI, LUS GNAD THAB MGAL GYI PHYAG RGYA BCAS TE LAG PA GNYIS BSNOL BA BRAL SHA LA 'JU, LUS GNAD ME'I STONG STONG RA'I NGANG NAS LTE BA'I 'OG TU NYI GDAN LA BLA MA TSE DPAG MED TSON GANG PA LCAGS BSREGS 'BAR BA LTA BU ZHIG
BSAM STE SPYI GTZUG RGYA MTHONGS KHA PHYE BA LTAR BSAMS NAS STENG GI NAM MKHA' SANGS RGYAS BYANG SEMS KYIS GANG BA'I THUGS KA NAS YE SHES KYI BDUD RTZI ZHUN MAR GYI RNAM PA CAN BABS, TSANGS BUG NAS ZHUGS BLA MA'I SKU LA BABS PAS YE SHES KYI ME SOR SGRA DANG BCAS 'BAR BAS LUS KYI NANG THAMS CAD GANG BAR BSAMS LA RLUNG DANG 'BEBS KYI 'KHRUL 'KHOR SOGS SNGAR BZHIN BYA'O, ,RLUNG RTAR ZHON PA'I DMIGS PA DNGOS NI 'GRO BA'I TSE LAG PA GNYIS KHU TSUR BCANGS NAS MCHAN KHUNG 'OG DANG RKANG MTHIL GNYIS NAS RLUNG GI LHA MO DKAR LJANG RLUNG GSHOG CAN GNYIS KYIS BTEG NAS NAM MKHA' LA KHYER BAR BSAMS LA BAR RLUNG BUM PA CAN NYER GCIG BZUNG NAS PHYIN NA 'GROS RTA MCHOG DANG MNYAM PA 'BYUNG NGO, ,SRID PA'I DBANG ZHU BA NI, BLA MA RDO RJE 'CHANG DKAR PO YAB YUM SPYI BOR BSGOMS PA LA MAndAL PHUL TE, BDAG LA DBANG BZHI RDZOGS PAR BSKUR DU GSOL, ZHES GSOL BA BTAB PAS BLA MA YAB YUM GYI SBYOR MTSAMS NAS BYANG CHUB KYI SEMS KYI BDUD RTZI RANG GI TSANGS BUG NAS BABS PAS SPYI BO MGRIN PA SNYING GA RKANG MTHIL YAN RIM PA LTAR GANG BA LA BUM PA GSANG BA SHES RAB YE SHES DBANG BZHI PA RNAMS THOB PAR BSAM PA YIN NO, ,GTUM MO'I RNAL 'BYOR BSHAD ZIN TO,, GNYIS PA SGYU LUS LA RDO RJE'I TSIG RKANG LAS, SGYU LUS BDEN MED DBANG PO RAB 'BRING GSUM, ,'BRAL MED MOS GUS RANG LUS CIR SNANG KUN, ,SNANG STONG ZHEN BRAL LHA SKU'I LAM 'KHYER BYA, ,CHAGS SDANG RANG GROL BCU BZHI'I SA THOB 'GYUR, ,ZHES GSUNGS PAS DE'I DON BSHAD
, ,PA LA GSUM, GTUM MO'I RJES SU SGYU LUS 'CHAD PA'I RGYU MTSAN, SBAS DON GYI SGYU MA NGOS BZUNG BA, BLA MA RNAMS KYI KHRID YIG LAS BYUNG BA'I TSUL CUNG ZAD BSHAD PA'O, DANG PO NI, GTUM MO'I RJES SU SGYU LUS 'CHAD PA'I RGYU MTSAN YOD DE, NANG GI RKYEN GTUM MO'I RNAL 'BYOR DANG, PHYI'I RKYEN PHYAG RGYA SROG RTZOL DU SONG BA LA BRTEN NAS 'CHI RIM JI LTA BA BZHIN DU RLUNG THAMS CAD BSDUS NAS THIM PA'I 'OD GSAL GYI YE SHES LAS GZHI'I 'CHI BA 'OD GSAL BZHON PA RLUNG DANG BCAS PA LAS BAR DO'I LUS GRUB PA JI LTA BA BZHIN DU 'OD GSAL GYI BZHON PA'I RLUNG GIS NYER LEN DANG SEMS KYIS LHAN CIG BYED RKYEN BYAS PA LAS DNGOS GNAS LA HE RU KA'I SKUR BZHENGS PA 'BYUNG BA'I PHYIR RO,, GNYIS PA LA GNYIS, DNGOS DANG, DE LUGS 'DI'I BLA MA RNAMS KYI BZHED PAR BSTAN PA'O,, DANG PO NI CHOS DRUG GI SGYU LUS DANG 'OD GSAL GNYIS DPAL LDAN 'DUS PA'I RGYUD DON 'PHAGS PA YAB SRAS KYIS BKRAL BA LAS SHES PAR BYA DGOS PA YIN ZHING, DE'I GDAMS PA'I SROL NI, SROG DBU MAR BCUG PA LAS ZHUGS GNAS THIM GSUM PHUL DU BYUNG BA MA THOB PAR SEMS DBEN GYI SNANG MCHED THOB GSUM GYI TING NGE 'DZIN MTSAN NYID RDZOGS PA MI SKYE LA, SEMS DBEN MTHAR THUG GI RLUNG SEMS LAS SGYU MA'I SKU MTSAN NYID PA SGRUB PA YIN ZHING, MAR LUGS KYI MAN NGAG RIM LNGA BSDUS PA GSAL BA LAS KYANG, DANG PO SMIG RGYU LTA BU'I NYAMS, ,'OD ZER LNGA DANG BCAS PA 'CHAR, ,GNYIS PA ZLA BA LTA BU DANG, ,GSUM PA NYI MA'I 'OD KYIS 'KHRIGS, ,MTSAMS
SNANG LAS NI THOB PA STE, ,ZHES SGYU LUS GANG LAS BSGRUB PA'I SEMS DBEN GYI STONG PA GSUM GYI NGOS 'DZIN DANG, RLUNG SEMS TZAM LAS BYUNG BA YI, ,SGYU MA'I LUS NI SNANG BCAS, ,ZHES SGYU LUS DNGOS KYI NGOS 'DZIN RNAMS GSAL BAR 'BYUNG BA BZHIN 'DIR YANG SNGAR DRANGS PA'I RDO RJE'I TSIG RKANG GI DON NI, SGYU LUS BDEN MED CES PA NI SGYU MA LTAR SNANG YANG RANG BZHIN MED PA'I LHA'I SKU ZHIG LA SGYU LUS SU 'JOG PA'I DON DANG, DBANG PO RAB 'BRING THA MA GSUM NI SGOM PA PO RTEN GYI GANG ZAG GI RIM PA DANG, 'BRAL MED MOS GUS ZHES PA NI BLA MA LA 'BRAL MED KYI MOS GUS DRAG POS MNYES PA GSUM GYIS TSUL BZHIN BSTEN PA'I MTHUS BLA MA'I MAN NGAG GIS BDAG BYIN BRLAB KYI RIM PA DE NYID MNGON DU BYA DGOS PA DANG, RANG LUS LHA SKU'I LAM 'KHYER NI YID NGO TZAM MA YIN GYI DNGOS GNAS LA RLUNG SEMS TZAM LAS LHA'I SKUR BZHENGS PA DANG, SNANG STONG ZHEN BRAL NI, SGYU MA LTA BU'I SKU ZHES BSHAD PA'I SGRA'I DON LTA BU YIN LA, CIR SNANG KUN LA'ANG DE LTAR DU SGOM PA NI, SGYU MA LTA BU'I TING 'DZIN GNAS, ,THAMS CAD DE DANG 'DRA BAR MTHONG, ,ZHES GSUNGS PA LTAR YIN LA, CHAGS SDANG RANG GROL BCU BZHI'I SA THOB 'GYUR, ,ZHES PA NI SNYING GA'I RLUNG SEMS PHRA MO 'DI BDAG TU GDAGS PA'I GZHI MTHAR THUG PA YIN PAS, 'DI'I STENG NAS BDAG RANG NGOS PA ZHIG YOD PAR BZUNG BA LAS CHAGS SDANG GI RNAM RTOG 'BYUNG BA YIN ZHING, DE BSGOMS STOBS KYIS RLUNG DBU MAR ZHUGS GNAS THIM GSUM BYAS PA'I DPE'I 'OD GSAL KHYAD PAR CAN LAS DNGOS GNAS LA LHA'I
, ,SKUR BZHENGS PA DANG, ,DON GYI 'OD GSAL LAS DAG PA'I SGYU MA'I SKUR BZHENGS PA'I SGYU MA LTA BU'I TING 'DZIN GYI STOBS KYIS CHAGS SDANG GI NYON MONGS PA'I 'CHING BA RANG GROL DU BYAS PA LAS BCU BZHI'I SA 'THOB PA STE 'BRAS BU RDO RJE 'CHANG MNGON DU BYED PA'I DON NO,, GNYIS PA NI, RDO RJE'I TSIG RKANG GI DON NI BSHAD MA THAG PA LTAR YIN LA, ,KHYUNG PO'I BAR DO GSUM GYI GDAMS PA LAS KYANG, DE LA RNAL 'BYOR PAS SBYANG GZHI BAR DO'I LUS GSUM LA SBYONG BYED BSKYED RDZOGS RMI LAM 'OD GSAL TE, ZHES BSHAD NAS, DE'I SHES BYED DU YE SHES ROL PA'I RGYUD LAS, BAR DO DAG PA'I LUS GSUM PO, ,BSKYED RDZOGS RMI LAM 'OD GSAL SBYANG, ,ZHES DANG, BRTAG GNYIS LAS, JI LTAR SGYU MA RMI LAM DANG, ,JI LTAR BAR MA'I SRID YIN PA, ,ZHES PA DRANGS TE, GZHI'I BAR DO SBYANG GZHI DANG, DE BSKYED RDZOGS KYI LAM GNYIS KYIS SBYONG BAR BSHAD PAS RNAM SMIN GYI LUS ZHES BSHAD PA DA LTA'I LUS 'DI LHA'I SKUR BSGOMS PAS SBYONG BA DANG, RMI LAM GYI LUS LA BAG CHAGS KYI LUS ZHES BSHAD NAS, DE RMI LAM RLUNG STOBS KYIS 'DZIN PA'I MAN NGAG GIS SBYONG BA DANG, BAR DO'I LUS LA YID KYI LUS ZHES BSHAD NAS, DE'I TSE RIM GYIS JI LTA BA'I LAM GYI 'OD GSAL LAS SGYU MA'I SKUR BZHENGS PA'I SGYU LUS KYIS SBYONG BAR BSHAD LA, GONG DU DRANGS PA'I BRTAG GNYIS KYI LUNG DE NI MA RGYUD SKOR GYI SBAS DON GYI SGYU LUS STON PA'I TSIG GSAL SHOS SU SNANG BA'I PHYIR RO, ,RMOG LCOG PAS KYANG, YID KYI LUS LA SGYU MA'I SKU, ,SDUG BSNGAL KUN DANG BRAL BA YIN, ,DE NI SGYU MA'I
TING 'DZIN NO, ,ZHES BLA MED KYI SKABS KYI SGYU MA LTA BU'I TING 'DZIN SGYU LUS LA NGOS BZUNG NAS, DE JI LTA BU YIN PA YANG, SGYU MA MTSAN NYID GSUM LDAN TE, ,YAN LAG NYING LAG RDZOGS PA NI, ,ME LONG NANG GI GZUGS BRNYAN BZHIN, ,SPYOD YUL KUN LA KHYAB PA NYID, ,CHU YI NANG GI ZLA BA BZHIN, ,SNGAGS KYI ZHI BA LA SOGS PA, ,SO SO DAG TU GRUB PA NI, ,NAM MKHA' LA NI 'JA' TSON 'DRA, ,ZHES YAN LAG DANG NYING LAG RDZOGS PA'I LHA'I SKU DNGOS GNAS LA GZUGS BRNYAN DANG 'JA' TSON SOGS SGYU MA'I DPE RNAMS KYIS MTSON PA'I BDAG NYID CAN DU BSHAD LA, BAR DO DANG SGYU LUS GNYIS KA LA KHYUNG PO DANG RMOG LCOG PAS YID KYI LUS SU BSHAD DO, ,GZHAN YANG DVANGS MA LNGA 'DUS 'OD KYI LUS, ,ZHES SGYU LUS KYI NGO BO BSHAD LA, DVANGS MA LNGA NI SROG 'DZIN GTZO BOR GYUR PA'I RLUNG LNGA DANG, DE RNAMS LA 'DUS PA SKOR NAS GDONG GI SNA RTZER 'OD KYI THIG LE'I SROG RTZOL BSGOM PA ZHES PA LTA BU 'OD KYI THA SNYAD KYIS KYANG RGYUD DANG 'PHAGS PA YAB SRAS KYI GZHUNG DANG, DE LA BRTEN PA'I MAN NGAG MANG PO NAS BSHAD PAS SROG 'DZIN GTZO BOR GYUR PA'I RLUNG LNGA'I NYER LEN LAS BSGRUB PAR BSHAD PA YIN NO, ,GZHAN YANG MNYAM GZHAG GI SGYU MA 'CHAD PA NA, MNYAM GZHAG NYID KYI DUS SU YANG, ,RMI LAM SHES PA YID KYI LUS, ,RANG SNANG GOMS PAR SBYANGS PA LAS, ,CIR YANG BSGYUR DU BTUB PA YIN, ,YID KYIS LHA YI SKU BSGOMS PAS, ,DE YI DUS NA SHA KHRAG MED, ,'JA' TSON LTA BU LHA YI SKU, ,SHIN TU GSAL BAR 'BYUNG BA YIN, ,ZHES DANG, RMI LAM SGYU MA DANG, MNYAM
, ,GZHAG GI SGYU MA GNYIS KA'I SKABS SU NANG GI PHYAG RGYA BZHIS RGYAS 'DEBS 'CHAD PA NA, PHYAG RGYA BZHI LA PHYI NANG GNYIS, ,NANG GI PHYAG RGYAS SBYANG THABS NI, ,'KHRUL PA'I GNYID KYI DUS TZAM NA, ,CHAGS SDANG RMI LAM SHAR BA'I DUS,, RMI LAM SHES PA SGYU MAR RTOGS, ,YID KYI LUS SU GRUB TZAM NA, ,SGYU MAR RTOGS PA'I DAM TSIG YIN, ,BAG CHAGS LUS LA SGYU MA'I RGYA, ,THEBS PA SGYU MA'I DAM TSIG YIN, ,LAS KYI PHYAG RGYA BSTAN PA NI, ,YA GI RDZOGS PA'I SANGS RGYAS NAS, ,'JAG MA'I SRIN BU YAN CHAD DU, ,SGYU MA'I RTZAL NI SBYANGS PA LAS, ,GZUNG 'DZIN 'BREL THAG CHAD PA DANG, ,RANG SNANG SGYU MAR 'BYONGS TZAM NA, ,YON TAN THAMS CAD SKYES PA'I GZHI, ,LAS RNAMS THAMS CAD BYED PAS NA, ,LAS KYI PHYAG RGYA ZHES SU BSHAD, ,CHOS KYI PHYAG RGYA'I NGO BO NI, ,RMI LAM BDE GSAL CHUD TZAM NA, ,STONG GSAL BDE BA'I NYAMS MYONG CAN, ,RANG GI RIG PA DE LTAR BSHAD, ,N'A RO CHEN PO'I ZHAL NAS KYANG, ,BDE DANG GSAL DANG MI RTOG GSUM, ,LHAN CIG SKYES PA'I MTSAN NYID CAN, ,DE NI CHOS KYI PHYAG RGYA YIN, ,PHYAG RGYA CHEN POR BSTAN PA NI, ,BDE DANG GSAL DANG MI RTOG GSUM, ,SGYU MA'I LUS DANG LDAN PA LA, ,DE RNAMS DBYER MED ZUNG 'JUG PAS, ,PHYAG RGYA CHEN PO ZHES SU BSTAN, ,ZHES BSHAD LA, BSRE BA GSUM GYI GDAMS NGAG NI, ,NYAMS MYONG BDE BA NYAMS SU MYONG, ,DON GYI SGYU MA GTAN LA 'BEBS, ,ZHES BSRE BA GSUM GYI THA SNYAD DANG, SGOM TSUL YANG MTSON PA TZAM DU GSUNGS SO, ,'DI DAG NI SNGON GYI GRUB CHEN GONG MA RNAMS KYI MAN NGAG
LA YOD KYANG PHYIS KYI N'A RO NI GU'I CHOS DRUG PA RNAMS KYIS MAN NGAG GI GNAD MA THON PAR SNANG BAS MDO TZAM ZHIG BKOD PA YIN NO,, GNYIS PA LA GSUM, SGYU LUS DBANG PO RAB BLA MA GROGS SU BSTEN PA, 'BRING TSIG GZHAN GYIS BAR MA CHOD PAR 'KHRID PA, THA MA MAL GCIG TU TING NGE 'DZIN SKYED PA'O,, DANG PO LA GNYIS TE, GSOL 'DEBS BLA MA'I LAM 'KHYER DANG, SPYIR SNANG BDEN MED KYI LAM 'KHYER RO,, DANG PO NI, BLA MA'I RNAL 'BYOR BSGOMS TE DGOS MED RGYUD LA SKYE BA, SGYU LUS RMI LAM 'BYONGS PA, 'OD GSAL PHYAG RGYA CHEN PO MNGON DU 'GYUR BA STE, GSOL BA GSUM BTAB NAS BSGOMS PA'I BLA MA SOGS THAMS CAD SGYU MA LTA BUR LTA BA'O,, GNYIS PA NI, DA LTA'I SNANG BA MA DAG PA'I SNOD BCUD DANG, DE RNAMS HE RU KA'I RTEN BRTEN PAR BSGOMS TE SGYU MA LTA BUR 'CHAR BA LA BSLAB BO,, GNYIS PA 'BRING TSIG GZHAN GYIS BAR MA CHOD PAR 'KHRID PA NI, KHYE'U RAB SNANG GIS ZHUS PA'I MDO LAS, CHOS RNAMS SGYU MA RMI LAM ZHES, ,GANG GIS TSIG BRJOD DRANG GYUR NA; ;SRID PA'I 'CHING BA LAS GROL NAS, ,TSE 'DI NYID DU SANGS RGYAS 'GYUR, ,ZHES GSUNGS PA LTAR RTAG TU SGYU MA LTA BU'I DON SGOM ZHING NGAG TU'ANG, CHOS RNAMS SGYU MA LTA BU RMI LAM LTA BU ZHES BRJOD PA STE, 'DI LA'ANG RANG LUS LHA SKU'I LAM 'KHYER NI NI GU MA'I ZHAL NAS, CIR SNANG SGOM DU MA SHES NA, ,GNYEN PO BSTEN GYIS GA NA LANG, ,YUL NGAN SPANGS PAS GA LA SPONGS, ,SGYU MAR RTOGS PAS RANG SAR GROL, ,ZHES GSUNGS PA LTAR CIR SNANG SGYU MA'I LAM 'KHYER RO,, GSUM PA THA
, ,MA MAL GCIG TU TING NGE 'DZIN SKYED PA NI 'GRO 'DUG DANG, 'PHO SKYAS DANG, BLO SNA DANG, LOG LTA MANG PO STE DE BZHI DGE SBYOR GYI SAD YIN PAS SPANGS LA BSGOM MO,, GSUM PA NI, 'GRO DRUG SGYU MAR 'CHAR BYED NI RANG YI DAM DU GSAL BA'I LTE BA'I 'OG TU CHOS 'BYUNG PHYI DKAR LA NANG DMAR BA'I NANG DU 'GRO DRUG SEMS CAN 'OD DU LTEM LTEM BSAM, 'OG RLUNG DRAG TU BSKUM, 'DI RNAMS RANG BZHIN MED PA'I CHOS RNAMS RANG BZHIN GYIS GRUB PAR BZUNG BAS 'KHOR BAR 'KHYAMS PA SNYING RE RJE, SGYU MA LTA BU RMI LAM LTA BU SNANG LA RANG BZHIN MED PA YIN SNYAM DU SGOM PA'O, ,NAD GDON SGYU MA'I LAM 'KHYER NI, NAD GDON THAMS CAD BLA MA DANG YI DAM DU BSGOM, DE YANG BDEN MED SGYU MA LTA BUR BSGOMS TE, SNA BUG G-YAS NAS LTE 'OG GI CHOS 'BYUNG DU DRANGS LA, CHOS 'BYUNG GI KHA 'UB KYIS BSDUS LA 'KHRUL 'KHOR SOGS BYA'O, ,'CHAR BYED YON TAN DRUG LDAN NI, SNGAR LTAR BSGOMS DUS THIG LE RANG THUB PA, RMI LAM 'BYONGS PA, 'GRO DRUG GI YUL SNANG, SEMS CAN SMIN GROL, SGYU MA RANG SHAR, RMI LAM RANG ZIN RNAMS SO, ,'DI DAG NI SPYI DON GYI SGYU MA SGOM TSUL DU SNANG STE, BLA MA RNAMS KYI KHRID YIG LAS 'BYUNG BA ZUR TZAM BKOD PA YIN LA, DE LTAR NA SGYU LUS BSHAD ZIN TO,, GSUM PA RMI LAM NYING 'KHRUL RANG DAG BSHAD PA LA GNYIS, SGYU LUS KYIS RJES SU RMI LAM 'CHAD PA'I RGYU MTSAN DANG, RMI LAM GYI GDAMS PA DNGOS SO,, DANG PO NI RDO RJE'I TSIG RKANG LAS, GANG GIS BSAM PA THAMS CAD YONGS SPANGS NAS, ,RMI LAM 'DUN PA'I
GNAD LA 'BRAL MED BYA, ,NYING 'KHRUL RANG DAG SGYU MA LAM RIM GYI, ,YON TAN NYIN MTSAN DUS SU RANG SHAR 'BYUNG, ,ZHES PA'I DON BSHAD PAR BYA BA YIN LA, DE YANG SGYU LUS KYI RJES SU RMI LAM 'CHAD PA'I RGYU MTSAN YOD DE, RMI LAM GYI GDAMS PA NI GTZO BOR RMI LAM RLUNG STOBS KYIS 'DZIN PA NYID YIN ZHING, DE YANG GNYID CHOS SKU, RMI LAM LONGS SKU, SAD PA SPRUL SKU DANG BSRE BA'I GNYID DUS KYI BSRE BA RNAMS YIN LA, DE SGYU LUS KYI GDAMS PA'I YAN LAG YIN PA'I PHYIR RO,, GNYIS PA RMI LAM GYI GDAMS PA DNGOS LA, GTZO BO NI RMI LAM RLUNG STOBS KYIS 'DZIN PA YIN ZHING, DE'I GDAMS PA'I GTZO BO YANG GNYID KYI 'OD GSAL 'DZIN PA YIN LA, 'DI DANG 'OD GSAL GYI SKABS GNYIS KA LAS ZUR TZAM 'CHAD PAR 'GYUR LA, 'DIR 'DUN STOBS KYIS 'DZIN PA'I TSUL BLA MA'I MAN NGAG LAS 'BYUNG BA LTAR BSHAD NA 'DI LA DRUG ,RMI LAM GZUNG BA, SBYANG BA, SPEL BA, SPRUL SGYUR, YUL SNANG, RMI LAM GYI DE KHO NA NYID SGOM PA'O,, DANG PO NI, THOG MAR BLA MA'I RNAL 'BYOR BSGOMS LA, RMI LAM LEGS PAR ZIN PA DANG, ZIN NAS KYANG RMI LAM GYI DGE SBYOR RNAMS SKYONG NUS PA'I GSOL BA DRAG TU GDAB BO, ,'DZIN PA'I TSUL LA NYIN PAR DRAN PA RGYUN CHAGS KYIS GZUNG BA DANG, MTSAN MO MAN NGAG BTZAN THABS KYIS GZUNG BA GNYIS LAS, DANG PO NI, DA LTAR GYI SNANG BA 'DI THAMS CAD LA 'DI RNAMS THAMS CAD RMI LAM GYI SNANG BA YIN, RMI LAM LA RMI LAM DU NGO SHES PAR BYA DGOS SNYAM PA'I DRAN 'DUN RGYUN CHAGS SU BYAS NA MTSAN MO RMI LAM GYI SKABS SU'ANG
, ,'DI RNAMS RMI LAM GYI SNANG BAR 'DUG SNYAM DU RMI LAM LA RMI LAM DU NGO SHES PAR 'GYUR TE, NYIN PAR BAG CHAGS GANG SHAS CHE BA DE NYID MTSAN MO RMI LAM DU'ANG 'BYUNG BA'I PHYIR RO,, GNYIS PA LA THIG LE DKAR DMAR LA BRTEN NAS GZUNG BA DANG, DES MA ZIN NA GNAD 'PHYUGS MED DGU LA BRTEN NAS GZUNG BA'I TSUL LO, ,DANG PO NI, RANG YI DAM DU GSAL BA'I NGANG NAS GTUM MO'I SKABS BZHIN RTZA AA WA DH'U T'I DANG, LTE BA'I AA THUNG SPYI BO'I HAm YIG DANG BCAS PA GSAL BTAB LA SPYI BO'I HAm YIG LAS THIG LE DKAR PO SRAN MA CHUNG SHOS TZAM DANG, LTE BA'I AA THUNG LAS THIG LE DMAR PO DE TZAM ZHIG BYUNG STE, GNYIS KA'ANG 'OD SHIN TU 'TSER BA'I RNAM PA CAN SNYING GAR SGOR RO RO 'KHOR BA LA DMIGS SHING GNYID DU SONG BA NA RMI LAM 'CHAR, DE'I TSE RMI LAM RMI LAM DU NGO SHES PAR BYA DGOS SNYAM PA'I DRAN 'DUN DRAG TU GTAD, GNYID DU 'GRO KHAR MGRIN PA'I DH'U T'I'I NANG DU THIG LE GNYIS 'KHOR BA LA SEMS GTAD DE DRAN 'DUN SNGAR LTAR BYAS LA GZUNG NGO,, GNYIS PA LA GNAD 'PHYUGS MED DGU LAS DUS KYI GNAD GSUM NI THO RANGS NAM LANGS NYI SHAR RNAMS LA GZUNG NGO, ,LUS KYI 'DUG STANGS KYI GNAD NI SKYIL KRUNG TZOG PU SENG GE'I NYAL STABS GSUM MO,, DMIGS PA'I GNAD LA GSUM LAS, DANG PO NI RANG YI DAM DU GSAL BA'I MGRIN PA'I DH'U T'I'I NANG DU ZLA GDAN LA BLA MA HE RU KA DMAR SKYA RANG 'DRA'I RJE BTZUN MA LA 'KHYUD PA, ZHAL GCIG PHYAG GNYIS PA, DE'I THUGS KAR NYI GDAN LA H'Um YIG SNGON PO 'OD KYI RANG BZHIN CAN YUNGS 'BRU TZAM
BSGOMS LA H'Um GI 'OD ZER GYIS BLA MA HE RU KA GSAL BAR BYAS, DE'I SKU'I 'OD KYIS RANG YI DAM DU GSAL BAR BYAS PA LA DMIGS PA GTAD DE DRAN 'DUN RTZE GCIG TU GTAD DO,, DMIGS PA'I GNAD GNYIS PA NI SNOD BCUD THAMS CAD RANG LA THIM, RANG MGRIN PA'I BLA MA LA THIM, DE H'Um LA THIM ZHING H'Um YANG N'A DA'I BAR RIM GYIS THIM NAS N'A DA'ANG 'JA' YAL BA LTAR GYUR PA LA DMIGS NAS DRAN 'DUN SNGAR LTAR BYAS LA GZUNG NGO,, DMIGS PA'I GNAD GSUM PA NI YE SHES RGYA MTSO LAS, 'GRO BA KUN GYI MGRIN PAR SKYES, ,YI GE AAm BCAS GNAS PA NYID, ,CES GSUNGS PA LTAR MGRIN PA'I DH'U T'I'I NANG DU PADMA DMAR PO 'DAB MA BZHI PA'I LTE BAR YI GE AAm DMAR PO SHIN TU 'TSER BA YUNGS KAR SBOM PO'I TSAD TZAM LA SEMS ZHUGS PA BZHIN BYAS LA BZUNG STE DRAN 'DUN SNGAR LTAR BYA, SKABS DER RTOG PA PHYI ROL TU 'GRO BA BKAG NAS GNYID DU 'GO MA SONG STE RMI LAM 'CHAR BAR RTZOM PA NA YUL SNANG GANG SHAR YANG RMI LAM DU NGOS ZIN PAR BYAS LA, GNYID MA BYUNG YANG MIG MI 'BYED PAR 'OG RLUNG BSKUMS TE, GANG ZIN PA DE 'DUN PAS MANG POR SPEL BA SOGS BYAS PAS RMI LAM RMIS TSAD ZIN, ZIN TSAD SBYONG SPEL NUS PA 'BYUNG NGO GSUNG NGO, SNGAR GYI GTUM MO LA GNAD DU BSNUN PAS RLUNG DBU MAR SDUD NUS PA'I MTSAMS NAS, RMI LAM 'DZIN PA'I DMIGS PA'I GNAD GSUM PO DE LEGS PAR BSGOMS NA RMI LAM RLUNG STOBS KYIS 'DZIN PA'I THABS KHYAD PAR CAN DU 'GYUR BA DANG, 'DI'I DMIGS PA'I GNAD LA BRTEN NAS GNYID KYI 'OD GSAL ZIN PAR 'GYUR BA'I GNAD KHYAD
, ,PAR CAN ZHIG KYANG YOD DO,, GNYIS PA SBYANG BA LA BZHI LAS, LUS KYIS SEMS SBYANG BA NI, RMI LAM ZIN PA NA 'OG NA G-YANG SA CHEN PO YOD PA'I STENG DU LUS GNAD BCAS LA, G-YANG SA CHEN PO DE'I MDA' GANG TZAM GYI NAM MKHA' LA RANG GI LUS HE RU KA YAB YUM DU BSGOMS PAS G-YANG SA DE LA MAR BLTAS PA DANG, YA NGA TING BYUNG BA DANG DMIGS PAS RMI LAM YIN SNYAM PA'I DRAN 'DUN GYI NGANG NAS G-YANG SA DE LA CHOD KYIS LHUNG BAR BSAM PA SOGS BYA'O,, GNYIS PA SEMS KYIS LUS SBYANG BA NI RANG GI LUS KYI BA SPU'I BU GA RNAMS SU H'Um SNGON PO MGO NANG DU LTA BA PHYED NUB RE BSAMS TE DE'I 'OD KYIS LUS KYI NANG NGO MER GYIS GANG BA DANG, STONG SANG SONG BAR BSGOM MO,, GSUM PA BDAG MED MAS SBYANG BA NI, RANG GI MDUN DU BDAG MED MA SNGON MO GRI GUG DANG THOD PA 'DZIN PA BSGOMS TE AOm A'A: SV'A H'A, ZHES PA'I BZLAS PA BYAS LA, DE'I SKU LAS 'OD ZER SNGON PO BYUNG, RANG GI GSANG GNAS NAS ZHUGS, DE NAS BDAG MED MA NYID KYANG GSANG GNAS NAS ZHUGS, 'OD DU ZHU BAS LUS THAMS CAD SNGO MER GYIS GANG, MTHAR RANG GI LUS KYANG SNGO YAL TE 'JA' TSON YAL BA LTAR STONG SANG DU GYUR PAR BSAM MO,, BZHI PA 'DUN PAS SBYANG BA NI, RMI LAM ZIN PA NA NGA'I RNAM SMIN GYI LUS DE NI MAL NA YOD, LUS 'DI NI RMI LAM GYI LUS YIN, SNANG BA 'DI RNAMS KYANG RMI LAM GYI SNANG BA YIN SNYAM DU BSAMS LA DGA' LDAN DANG BDE BA CAN DANG MNGON DGA' SOGS DAG MA DAG GI ZHING DU 'GRO BA DANG, SANGS RGYAS DANG BYANG SEMS KYI ZHAL LTA BA DANG, DE DAG
LA CHOS NYAN PA SOGS BYA'O,, GSUM PA NI, RMI LAM GYI LUS GCIG GNYIS DANG, GNYIS BZHI DANG, DE YANG MTHAR BRGYA STONG SOGS SU SPEL LO,, BZHI PA NI, GSHIN RJE 'DUL BA LA GSHIN RJE'I GSHED DANG, KLU 'DUL BA LA BYA KHYUNG, RGYAL PO 'DUL BA LA RTA MGRIN SOGS GANG 'DUL DU SPRUL BA DANG, SA CHU DANG, CHU ME DANG, ME RLUNG LA SOGS PA 'BYUNG BA PHRA RAGS SU SPRUL BA DANG SGYUR BA SOGS BYA'O, LNGA PA YUL SNANG NI, DE LTAR RMI LAM LEGS PAR ZIN PA NA DAG MA DAG GI ZHING DU SEMS CAN RNAMS KYI SPYOD TSUL DANG 'CHI 'PHO BA DANG SKYE BA SOGS YUL SNANG RNAMS JI LTA BA BZHIN GTAN LA 'BEBS NUS PA ZHIG 'BYUNG BA YIN LA, 'DI LA LAM GYI TSIGS SHIG PHYED DGOS PAR SNANG NGO,, DRUG PA NI, DE LTAR RMI LAM ZIN PA NA RANG HE RU KA YAB YUM DU BSGOMS TE THUGS KA'I H'Um YIG LAS 'OD ZER 'PHROS, SNOD THAMS CAD GZHAL YAS KHANG DU BYAS PA 'OD DU ZHU, BCUD THAMS CAD HE RU KA'I LHA TSOGS SU GSAL BA LA THIM, DE RNAMS RANG YAB YUM DANG, YUM YAB DANG, YAB THUGS KA'I H'Um DANG, DE N'A DA LA THIM ZHING, N'A DA YANG MI DMIGS PAR BSAMS LA SEMS LTA THOG TU GZHAG GO ,GEGS SEL LA RMI LAM 'KHRUL NAS MI ZIN PA'I 'KHRUL 'BYAMS, ZIN 'PHRAL GNYID SAD 'ONG BA'I SAD 'BYAMS, KHAMS SMAD DU LHUNG BA LAS CHAGS SEMS KYIS 'KHRUL BA'I BDE 'BYAMS, RMI LAM YE MI 'ONG BA'I STONG 'BYAMS TE, DE RNAMS KYI GNYEN PO RMI LAM ZIN PAR BYA SNYAM PA'I 'DUN PA DRAG PO DANG, GNYID SAD KYANG MIG MI 'BYED PAR SNGAR GYI RMI LAM GYI YUL RTOG
, ,PA DANG, THIG LE STENG DU 'DREN PA DANG, RMI LAM MANG PO RMI ZHING DE YANG NGOS ZIN PAR BYA SNYAM PA'I DRAN 'DUN DRAG PO BYA'O, ,ZHES BLA MA RNAMS GSUNG NGO, ,RMI LAM BSHAD ZIN TO,, BZHI PA 'OD GSAL GTI MUG RANG SANGS NI RDO RJE'I TSIG RKANG LAS, BDE GSAL 'CHAR BYED BLA MA'I MOS GUS DANG, ,BDE CHEN ZAG BCAS ZAG MED LTA STANGS KYIS, ,BDE GSAL MI RTOG DBYER MED RANG SHAR 'BYUNG, ,SBYOR DNGOS RJES GSUM DUS GNAD BRGYAN PAR BYA, ,ZHES GSUNGS PAS, DE YANG RKANG PA DANG POS 'OD GSAL 'CHAR BA'I RGYU DANG, GNYIS PAS NGO BO LHAN SKYES KYI BDE CHEN LA YUL STONG PA NYID LA GNYIS SNANG NUB MA NUB KYI DBYE BA LAS DPE DANG DON GYI 'OD GSAL GNYIS SU PHYE BA DANG, GSUM PAS 'OD GSAL GYI LAM GYI NGO BO JI LTA BU YIN PA DANG, BZHI PAS 'OD GSAL GYI LAM LA SBYOR DNGOS RJES GSUM GYI 'JOG TSUL STON TO, ,'DI'I DON NYAMS SU LEN PA LA SBYOR CHOS DRUG GI GRANGS SU 'DREN RGYU'I 'OD GSAL NI RMOG LCOG PAS, SGYU MA 'OD GSAL 'JUG PA LA, ,ZHES SOGS BSHAD PA LTAR, MA DAG PA'I SGYU MA'I SKU 'OD GSAL DU DAG PAR BYAS PA'I 'DUS PA SKOR NAS RIM PA BZHI PA'I 'OD GSAL ZHES BSHAD PA DE NYID YIN LA, 'DIR MAN NGAG LAS BYUNG BA'I 'OD GSAL SGOM TSUL CUNG ZAD BSHAD NA, BLA MA RNAMS KYI MAN NGAG LAS AA YIG LA BRTEN NAS 'OD GSAL 'CHAR BYED DANG, BDAG MED MA LA BRTEN PA'I 'OD GSAL 'CHAR BYED CES PA'I DMIGS SKOR GNYIS 'DUG PA 'DI RDZOGS RIM GYI THUN MONG MA YIN PA'I 'OD GSAL SGOM TSUL DU MI 'DUG PAS
BLA MA LA BRTEN NAS 'OD GSAL 'CHAR BYED DAM, H'Um YIG GI 'OD GSAL 'CHAR BYED CES BSHAD PA'I DMIGS SKOR DE MAN NGAG GIS CUNG ZAD BRGYAN NAS BSHAD NA, RANG HE RU KA YAB YUM DU GSAL BA'I NOR BU'I RTZE NAS TSANGS BUG GI BAR GYI DH'U T'I'I NANG THAMS CAD BYANG SEMS KHA BA LTA BU 'DZAG PA'I RNAM PAR BSGOMS PA'I SNYING GA CHOS KYI 'KHOR LO'I DH'U T'I'I NANG DU NGO BO RTZA BA'I BLA MA YIN PA LA RNAM PA THIG LE DKAR LA DMAR BA'I MDANGS CHAGS PA'I DBUS SU H'Um YIG DKAR PO YUNGS KAR SBOM PO'I TSAD TZAM 'OD SHIN TU 'PHRO BA DNGUL CHU'I MDOG LTA BU LHAN SKYES KYI BDE BA'I RANG BZHIN BSGOMS LA DE LA SEMS ZHUGS PA BZHIN BZUNG STE DE LAS 'OD ZER 'PHROS PAS SNOD BCUD THAMS CAD 'OD DU ZHU RANG LA THIM, RANG YANG YUM YAB DANG, YAB SPYI BO NAS MAR 'OD DU ZHU, RKANG MTHIL NAS YAR 'OD DU ZHU STE THIG LE H'Um YIG DANG BCAS PA LA THIM, DE YANG THIG LE H'Um YIG DANG, H'Um GI AU HA DANG, HA MGO BO, MGO BO ZLA TSES, DE THIG LE, DE N'A DA LA THIM ZHING, N'A DA YANG MI DMIGS PAR BSAMS LA GNAS DER DMIGS PA GTAD LA RTZE GCIG TU BSGOMS PA LAS SNYING GAR RLUNG ZHUGS GNAS THIM GSUM BYAS PA LAS 'OD GSAL GYI YE SHES 'CHAR BAR 'GYUR LA, DE YANG THOG MAR GTUM MO LA GNAD DU BSNUN PAS RLUNG ZHUGS GNAS THIM GSUM DANG LHAN SKYES 'DREN NUS PA'I MTSAMS NAS 'DI BSGOM PA YIN ZHING, DE LTAR BSGOMS NA 'OD GSAL 'CHAR BA'I GNAS MTHAR THUG PA SNYING GA YIN PAS LUS KYI GNAS GZHAN DU DMIGS PA GTAD PA DANG MI 'DRA BA'I ZHUGS
, ,GNAS THIM GSUM PHUL DU BYUNG BA ZHIG 'BYUNG ZHING, LHAN SKYES KYI BDE BA CHEN PO'I YE SHES KYANG STONG PA BZHI DGA' BA BZHI'I NGO BOR BSKYED PA'I SGO NAS LEGS PAR 'CHAR LA, DE'I TSE STONG PA NYID KYI LTA BA PHU THAG CHOD PA DANG YUL YUL CAN DU SBYAR TE SKYONG BA DANG, 'OD GSAL LAS LDANG BAR RTZOM PA NA RLUNG SEMS TZAM LAS HE RU KA'I SKUR LDANG BA DANG, DE NYID SLAR YANG PHUNG PO RNYING PA HE RU KA'I LHA'I SKUR BSGOMS PA LA YE SHES SEMS DPA'I TSUL DU ZHUGS TE YUL SNANG RNAMS SHAR BA NA GANG SNANG STONG PA, STONG PA BDE BA, BDE BA LHA'I SKUR 'CHAR BA LA BSLAB PAR BYA STE, RJES KYI YUL SNANG THAMS CAD LA MNYAM GZHAG GI BDE BA CHEN PO'I YE SHES KYIS RGYAS BTAB STE DE'I RNAM ROL TU BSGOMS PAS MNYAM GZHAG GI BDE STONG GI YE SHES LHAG PAR 'BAR BA LA BOGS KHYAD PAR CAN STER NUS PA YIN NO, ,GNYID KYI 'OD GSAL SBYONG BA'I TSUL NI, SAD DUS SU DE LTAR BSGOMS PA LAS ZHUGS GNAS THIM GSUM 'DREN NUS PA'I MTSAMS NAS GNYID LOG PA DANG, BSHAD MA THAG PA'I RJES GZHIG GI SDUD RIM DE SGOM PA SBRAGS PAS GZHI DUS LA YANG RLUNG RAGS PA NANG DU LOG PA LAS STONG PA BZHI CHA 'DRA 'CHAR BA ZHIG YOD PA DANG, SNYING GA'I RTZA 'KHOR GNYID KYI GNAS SKABS SKYED PA'I THIG LE'I GNAS YIN PAS SAD DUS KYI SKABS LAS KYANG CHES PHUL DU BYUNG BA'I ZHUGS GNAS THIM GSUM 'DREN NUS PA 'BYUNG LA DE'I TSE SNGAR LTAR BSGOM PA DANG, RMI LAM 'CHAR BAR RTZOM PA NA RLUNG SEMS TZAM LAS LHA'I SKUR LDANG BA DANG, GNYID SAD PAR RTZOM PA NA DE NYID PHUNG PO RNYING PA LA
'JUG PA SOGS BYA'O, ,RDZOGS RIM GYI LAG RJES ZHIB PAR NI DPAL LDAN 'DUS PA'I SKOR LA BRTEN NAS DA LTA THAMS CAD LA GRAGS CHE BAR SNANG BAS LUGS DE DANG KHYAD MED PA'I PHYIR MA BSHAD DO, ,'OD GSAL BSHAD ZIN TO,, LNGA PA 'PHO BA BSHAD PA LA RDO RJE'I TSIG RKANG LAS, 'PHO BYA 'PHO BYED BRAL BA YANG RAB STE, ,'BRING DANG THA MAS CHAGS SDANG SPANGS BYAS NAS, ,DGA' ZHING MOS GUS DMIGS PA RTZE GCIG GIS, ,GYEN DU 'PHANG ZHING SMON LAM BRGYAN PAR BYA, ,ZHES GSUNGS PAS DE'I DON NYAMS SU LEN TSUL CUNG ZAD BRJOD NA, RNAM SHES GONG DU 'PHO BA'I GDAMS NGAG 'DI RNAL 'BYOR BLA MED KYI RGYUD KYI KHYAD CHOS CHEN PO ZHIG YIN PAS BDE DGYES GNYIS KA'I THUN MONG GI BSHAD RGYUD SAm PU tA DANG, BDE MCHOG GI THUN MONG MA YIN PA'I BSHAD RGYUD RDO RJE MKHA' 'GRO DANG SDOM 'BYUNG GNYIS DANG, GDAN BZHI'I RTZA RGYUD DANG, 'JAM DPAL ZHAL LUNG SOGS LAS ZHIB PAR BSHAD PAS DE RNAMS GUNG LEGS PAR BSGRIGS NAS MAN NGAG GI GNAD RDZOGS PAR THON PA ZHIG DGOS TE; RGYAS PAR RJE NYID KYIS 'PHO BA'I RNAM BSHAD CHEN MOR BKA' STZAL PA LAS SHES PAR BYA'O, ,'PHO BA'I PHAN YON NI RDO RJE MKHA' 'GRO LAS, NYIN RE BRAM ZE GSOD PA DANG, ,MTSAMS MED LNGA NI BYED PA DANG, ,RKU 'PHROG 'DOD LA SPYOD PA YANG,, LAM 'DI YIS NI DAG 'GYUR TE, ,SDIG PAS GOS PAR MI 'GYUR ZHING, ,SRID PA'I SKYON LAS RING DU 'GRO, ,ZHES DANG, DE DANG MTHUN PAR KHA SBYOR DANG GDAN BZHI LAS KYANG GSUNGS PAS PHAN YON SHIN TU CHE BA'I PHYIR 'BAD DGOS LA, 'PHO BA
, ,LAS LA SBYOR BA'I DUS KYANG RDO RJE MKHA' 'GRO LAS, DUS LA BAB NA 'PHO BYA STE, ,DUS MIN LHA RNAMS GSOD PAR 'GYUR, ,LHA RNAMS BSAD PA TZAM GYIS NI, ,DMYAL BAR NGES PAR SREG PAR 'GYUR, ,DE BAS 'CHI BA'I MTSAN MA NI,, MKHAS PAS 'BAD DE SHES PAR BYA, ,ZHES GSUNGS PAS PHYI NANG GI 'CHI LTAS RNAMS SHAR BA DANG 'CHI BLU BYAS KYANG MI ZLOG PA'I RTAGS MTHONG NA 'PHO BA BYA BA'I DUS YIN LA, GDAN BZHI LAS, RIMS LA SOGS PAS MA PHOG PAR, ,'PHO BA SBYONG BA MCHOG YIN NO, ,ZHES BSHAD PAS 'PHO BA SBYONG BA NI NAD KYIS MA PHOG PA'I GONG NAS BYA DGOS SHING, NAD KYIS BTAB NA JI LTAR 'DOD PA BZHIN 'PHO MI NUS LA, RDO RJE MKHA' 'GRO LAS, BUM PA CAN GYIS SGO BCINGS NAS, ,SGO YI BU GU DAG PAR 'GYUR, ,ZHES DANG, GDAN BZHI DANG SAm PU tA LAS KYANG DE DANG MTHUN PAR GSUNGS PAS BUM PA CAN BSGOMS PAS DBANG PO LA SOGS PA'I SGOR 'JUG PA'I RLUNG NANG DU LEGS PAR SDUD NUS PA ZHIG DGOS LA, SPYI GTZUG GSER GYI SGO MA GTOGS PA'I SGO BRGYAD NAS RNAM SHES 'PHO BA BKAG NAS SPYI GTZUG GSER GYI SGO NAS 'PHOS TE SNGAGS SPYOD PA'I RIG 'DZIN GYI RTEN MCHOG TU 'PHO BAR BYA BA YIN NO,, 'DI'I MAN NGAG LAS, CHOS SKU DE BZHIN NYID KYI 'PHO BA, BYIN RLABS BLA MA'I 'PHO BA, ZUNG 'JUG YI DAM GYI 'PHO BA, 'PHYUGS MED MKHA' SPYOD KYI 'PHO BA STE BZHI BSHAD KYANG BLA MA RNAMS KYI PHYAG LEN 'PHYUGS MED MKHA' SPYOD KYI 'PHO BA LA MDZAD PAS DE BSHAD NA THOG MAR BLA MA'I RNAL 'BYOR BSGOMS LA JI LTAR 'DOD PA BZHIN DAG PA'I
ZHING DU 'PHO NUS PAR GSOL BA DRAG TU GDAB, DE NAS RKANG PA SKYIL KRUNG BCA', LAG PA GNYIS PUS MO LA BKAB STE, RANG HE RU KAR GSAL BA'I LUS KYI DKYIL DRANG POR RTZA DBU MA SBOM PHRA GRO SOG TZAM PA YAS SNA TSANGS BUG DANG, MAS SNA LTE 'OG SOR BZHIR ZUG PA, LTE 'OG TU CHOS 'BYUNG PHYI DKAR LA NANG DMAR BA ZUR GSUM PA'I ZUR GNYIS MKHAL KHUNG G-YAS G-YON DANG, RTZE MO PHRA BA GSANG GNAS SU ZUG PA, DH'U T'I'I MAR SNA'I NANG TZAM DU RANG GI SEMS AA DKAR PO 'OD KYI RANG BZHIN CAN 'PHUR LA KHAD PA ZHIG BSGOM, RANG GI SPYI BOR MNGON RTOGS BZHIN RJE BTZUN MKHA' SPYOD MA DKAR DMAR GANG YANG RUNG BA BSGOMS LA YE SHES PA DGUG GZHUG DBANG BSKUR RGYAS GDAB MCHOD BSTOD BZLAS PA SOGS BYAS LA, DE RANG GI RTZA BA'I BLA MA DANG DBYER MED DU BSGOMS TE, MA RDO RJE RNAL 'BYOR MA, BDAG DAG PA BDE STONG MKHA' SPYOD KYI GNAS SU 'KHRID PAR MDZAD DU GSOL, YI DAM RDO RJE RNAL 'BYOR MA, BDAG DAG PA BDE STONG MKHA' SPYOD KYI GNAS SU 'KHRID PAR MDZAD DU GSOL, RJE BTZUN RDO RJE RNAL 'BYOR MA, BDAG DAG PA BDE STONG MKHA' SPYOD KYI GNAS SU 'KHRID PAR MDZAD DU GSOL, SANGS RGYAS RDO RJE RNAL 'BYOR MA, BDAG DAG PA BDE STONG MKHA' SPYOD KYI GNAS SU 'KHRID PAR MDZAD DU GSOL, ZHES GSOL BA SHUGS DRAG TU GDAB, DE NAS STENG RLUNG DAL GYIS BRNGUBS LA LTE 'OG TU MNAN, 'OG RLUNG DRAG TU 'THEN TE LTE 'OG AA YIG BSGOMS PA'I SAR KHA SBYAR DU BYAS LA BUM PA CAN BSGOM, SPYI BO'I RJE BTZUN MA'I THUGS KA NAS 'OD ZER LCAGS KYU LTA BU
, ,BYUNG, AA YIG LA PHOG PAS GYEN DU DRANGS PAR BSAMS NAS RKED PA NYEG NYEG PA GSUM BYAS LA 'OG RLUNG 'THEN HIG BRJOD PAS RANG SEMS AA DKAR POR GSAL BA DE DH'U T'I'I LAM NAS HRIL TE SONG, TSANGS BUG LA REG PA DANG RLUNG 'OG TU PHAB PAS RLUNG DANG 'GROGS NAS DKAR HRIL GYIS MAR BYUNG SNGAR GYI GNAS SU GNAS PAR BSAM MO, ,DE LTA BU'I DMIGS PA LAN MANG DU BYAS PA'I MTHAR SPYI BO'I RJE BTZUN MA'I THUGS KA NAS YE SHES KYI BDUD RTZI'I RGYUN BABS AA LA THIM PAR BSAMS LA SNGAR BZHIN BUM PA CAN BDUN NAM NYER GCIG RE BSGOM MO, ,DE NI 'PHO BA ZAB NA TSE LA CUNG ZAD GZAN PAR GRAGS PAS TSE SGRUB TU 'GYUR BA YIN LA, DE LTAR SBYANGS PA LAS 'PHO BA 'BYONGS PA'I RTAGS NI SPYI BO SKRANGS PA DANG ZA BA DANG 'PHRIG PA SOGS 'BYUNG LA, SNGAR BSHAD PA LTAR LAS LA SBYOR BA'I SKABS LA BAB PA NA LUS LONGS SPYOD THAMS CAD LA CHAGS ZHEN MED PAR BYA STE, RDZAS KYI'ANG 'PHO BA BYED NA, RANG DANG BUD MED THIG LE YIS, ,RLUNG SEMS GNYIS PO YAR LA 'DREN,, TSA LAS RTZA KHA 'BYED PAR BYED, ,MI YI KLAD PAS BAR CHAD SRUNG, ,ZHES BSHAD PAS RDZAS BZHI PO DE LAG MTHIL DU MNYES LA SNGAGS MANG DU BTAB STE SPYI GTZUG TU BYUG CES BLA MA RNAMS GSUNG LA, 'DI 'DUN STOBS KYIS 'PHO BA LA BYA'O, ,RLUNG STOBS KYIS 'PHO BA LA NI MI DGOS SO, ,DE NAS SBYI BOR RJE BTZUN MA BSGOMS PA LA GSOL BA DRAG TU GDAB, ,DMIGS PA SNGAR LTAR BYAS 'OG RLUNG DRAG TU 'THEN ZHING HIG BRJOD PAS RANG SEMS AA DKAR POR GSAL BA DE TSANGS BUG NAS RGYANGS
KYIS 'THON, RJE BTZUN MA'I GSANG GNAS DMAR SING NGE BAR ZHUGS, THUGS KAR THIM PAS BLA MA DANG YI DAM DBYER MED KYIS THUGS BDE STONG GI YE SHES DANG RANG GI SEMS DBYER MED DU GYUR PAR BSAM MO, ,DE LTAR BSGOMS PAS 'PHO BA BZHI GA'I GNAD TSANG BAR 'GYUR LA, 'DUN STOBS KYIS 'PHO BA BYED PA LA MTHA' GCIG TU RANG GANG DU 'PHO 'DOD PA'I ZHING DER 'PHO NUS PA'I NGES PA MED KYANG PHAN YON CHEN PO NI YOD DO, ,'DI LA MAN NGAG GI GNAD PHRAN TSEGS 'GA' ZHIG SNANG BA NI ZHIB TU MA BSHAD DO, ,'PHO BA BSHAD ZIN TO,, DRUG PA BAR DO BSHAD PA LA RDO RJE'I TSIG RKANG LAS, GZUGS SGRA SA CHU SNANG MCHED LA SOGS PA'I, ,THIM 'GROS RANG BZHIN BRGYAD CUR SHES PAR BYA, ,ZHES GSUNGS LA, DE LA RAB 'BRING THA MA'I NYAMS LEN GSUM LAS BAR DO RAB KYI NYAMS LEN NI THA MAL PA RNAMS LA 'CHI BA 'OD GSAL RANG KHA BA 'ONG RGYU DE RNAL 'BYOR PAS LAM BSGOMS STOBS KYIS 'DUS PA BA RNAMS LA SEMS DBEN MTHAR THUG TU GRAGS PA'I LAM GYI NGO BOR BSKYED LA, THA MAL PA LA BAR DO 'BYUNG BA'I DOD LA 'OD GSAL DE'I RLUNG SEMS LAS 'DUS PA BA RNAMS LA RIM PA GSUM PA'I SGYU LUS ZHES GRAGS PA YID NGO TZAM MIN PAR DNGOS GNAS LA MTSAN DPES SPRAS PA'I HE RU KA'I SKUR BZHENGS PA STE, 'DI TSE RABS SNGA MA RNAMS SU SNGAGS LAM LA SLOB MA MYONG BA YIN NA 'BRING BAR DOR 'TSANG RGYA BA ZHES BSHAD PA DE NYID YIN, 'BRING NI TSE 'DIR BSGOMS STOBS KYIS RLUNG DBU MAR ZHUGS GNAS THIM GSUM LEGS PO BYED NUS PA ZHIG GIS GZUGS SGRA SOGS RAGS
, ,PA NYI SHU RTZA LNGA DANG KHYAD PAR SNANG MCHED THOB GSUM RIM GYIS BRGYUD NAS 'CHI BA 'OD GSAL MNGON DU BYED PA NA GZHI'I 'CHI BA 'OD GSAL MA'I 'OD GSAL DE DANG BSGOMS PA'I LAM GYI 'OD GSAL BU'I 'OD GSAL DE BSRES TE GZHI'I 'OD GSAL DE NYID LAM GYI 'OD GSAL GYI NGO BOR SKYED NUS PA YIN TE, KHRID YIG YID CHES GSUM LDAN LAS, GZHI'I 'CHI BA 'OD GSAL MA'I 'OD GSAL YIN PAS 'OD GSAL MA BU BSRE THUB PA LA DA LTA SAD DUS SU SROG DBU MAR ZHUGS GNAS THIM GSUM BYAS PA LAS STONG PA BZHI DANG, KHYAD PAR DU THAMS CAD STONG PA LA GOMS PA DANG, GNYID DUS SU GNYID JI LTAR MTHUG KYANG 'OD GSAL DANG BSRE THUB NA RLUNG STOBS KYIS DA GZOD 'CHI BA 'OD GSAL MA BU BSRE NUS ZHES SOGS GSUNGS PA LTAR RO,, 'DI LA YANG LAM GYI RTOGS PA MTHO DMAN GYI DBANG LAS RIM PA JI SNYED CIG 'BYUNG BA YIN NO, ,DE NAS DE 'DRA BA'I 'OD GSAL LAS DNGOS GNAS LA BAR DO'I LUS MTSAN NYID PA YIN YANG YID NGOR LHA'I SKUR LANGS PA STE, 'DI LA'ANG BZANG NGAN GYI RIM PA DU MA YOD LA, BAR DO THA MA NI THOG MAR BAR DO LA BAR DOR NGO SHES PAR BYED PA'I THABS RNAMS NYAMS SU BLANGS NAS MOS PA YID BYED KYI TSUL GYIS GZHI'I 'CHI BA 'OD GSAL LAM GYI 'OD GSAL DU SGYUR ZHING DE LAS BAR DO'I LUS GRUB PA NA GZOD BAR DO'I NYAMS LEN SKYONG BA ZHIG LA BLA MA SNGA MA RNAMS 'CHAD DO, ,BAR DO BSHAD ZIN TO,, GNYIS PA LAM LA BOGS 'BYIN PA'I SPYOD PA BSHAD PA NI, DE YANG DUS KYI 'KHOR LO SEMS 'GREL SKOR GSUM DANG BCAS PA'I
LAM GYI SROL MA GTOGS PA BLA MED KYI LAM GYI SROL GZHAN THAMS CAD LA LAM LA BOGS 'BYIN PA'I SPYOD PA DGOS LA, DE YANG BSKYED RIM PHRA RAGS MTHAR PHYIN NAS THUN MONG GI DNGOS GRUB GRUB CHEN BRGYAD BSGRUB PA'I DON DU SPYOD PA BYED PA DANG, RDZOGS RIM PA'I SPYOD PA LA MA DAG PA'I SGYU LUS KYI DON DU SPYOD PA BYED PA DANG, SGYU LUS PAS DON GYI 'OD GSAL MNGON DU BYED KHAR SLOB PA'I ZUNG 'JUG GI DON DU SPYOD PA BYED PA DANG, SLOB PA'I ZUNG 'JUG PAS MI SLOB PA'I ZUNG 'JUG GI DON DU SPYOD PA BYED PA STE RDZOGS RIM PA'I SPYOD PA GSUM DANG, DE RE RE LA'ANG RNAL 'BYOR PA'I RIM PAS SPROS BCAS SPROS MED SHI TU SPROS MED KYI SPYOD PA GSUM DU DBYE BA SOGS RGYAS PAR RJE NYID KYI GSUNG RAB LAS SHES PAR BYA'O,, GSUM PA 'BRAS BU MNGON DU BYED PA'I TSUL NI RDO RJE'I TSIG RKANG LAS, LAM MCHOG 'DI LA GANG GIS 'BAD GYUR NA, ,ZLA DRUG LO 'AM TSE 'DIR SANGS RGYAS 'GYUR, ,ZHES DANG, LAM GYI MCHOG GYUR 'DI NYID NYAMS LEN RNAMS, ,GZHAN GYI DUS MIN 'DI 'AM BAR MA DOR, ,BDE STONG DBYER MED RANG LA RANG SHAR NAS, ,RNAM PAR DAG PA'I MKHA' SPYOD NYID DU 'GRO, ZHES GSUNGS PA LTAR RIN PO CHE LTA BU'I GANG ZAG SHIN TU DBANG PO RNON POS NI LAM LA ZHUGS PA'I TSE 'DI NYID DANG, SGRUB PA PO GZHAN GYIS BAR DO DANG SKYE BA BDUN DANG BCU DRUG LA SOGS PA DUS SHIN TU MYUR BAR KHA SBYOR YAN LAG BDUN LDAN GYI SKU DANG THUGS LHAN SKYES KYI BDE BAS STONG NYID RTOGS PA MTHAR THUG PA'I 'OD GSAL GYI YE SHES ZUNG DU 'JUG PA'I MI SLOB PA'I ZUNG 'JUG
, ,MNGON DU BYAS NAS NAM MKHA' JI SRID MA STONGS KYI BAR DU LHUN GYIS GRUB PA DANG RGYUN MI 'CHAD PA'I 'PHRIN LAS KYIS 'GRO BA RNAMS SMIN GROL GYI LAM LA 'GOD PAR MDZAD PA YIN NO, ,RAB YANGS RGYUD SDE'I KUN GSAL DO RA LAS, ,LAM GYI GNAD KUN RDZOGS PA'I NYIN BYED NI, ,LEGS PAR BSHAD TSE PHYOGS 'DI'I KHRID YIG GI ,RGYU SKAR TSOGS RNAMS DBYINGS SU BROS PA BZHIN, ,RDO RJE 'CHANG DBANG GSANG CHEN LAM GYI GNAD, ,DPAL LDAN YE SHES MKHA' 'GRO'I THUGS KYI BCUD,, DBANG PHYUG BRGYAD LDAN KHYUNG PO RNAL 'BYOR SOGS, ,RIN CEN BDUN LDAN PHYAG LAS BRGYUD DE 'ONGS, ,DE LTA'I LAM BZANG DBANG GI RGYAL PO 'DI, ,THOS DANG BSAM PAS BYI DOR LEGS BYAS TE, ,RTZE GCIG SGRUB PA'I RGYAL MTSAN RTZER MCHOD NA,, DON GNYIS 'DOD RGU'I DPAL DE THOB PAR 'GYUR, ,ZAB LAM MCHOG 'DI BDAG GIS GSAL BYAS PA'I, ,RNAM DKAR DRI MED GANGG'A'I CHU RGYUN GYIS, ,'GRO BA'I YID KYI RNYOG PA KUN BKRUS NAS, ,SGRIB BRAL THUGS KYI RDO RJE NYID GYUR CIG ,BDAG KYANG SRID MTSOR LHUNG BA'I 'GRO BA RNAMS, ,SHIN TU MA RUNGS GYUR KYANG MI 'DOR BAR, ,THABS LA MKHAS PAS 'DI LTA'I LAM BZANG GIS, ,SKU GSUM RGYAL BA'I GRONG DU KHRID GYUR CIG, ZAB LAM NI GU'I CHOS DRUG GI KHRID YIG YE SHES MKHA' 'GRO'I ZHAL LUNG ZHES BYA BA 'DI NI DBUS GTZANG GI DON DU GNYER BA'I BSTAN PA'I RTZA LAG BSHES GNYEN CHEN PO DU MAS YANG YANG BSKUL BA LA BRTEN NAS RDO RJE'I TSIG RKANG GI DON BLA MA RNAMS KYI KHRID YIG LAS 'BYUNG BA LA GZHI BYAS, KHYUNG PO DANG RMOG LCOG PA SOGS KYI GSUNG BGROS DANG, KHYAD PAR CHOS KYI RGYAL PO TZONG KHA PA CHEN PO
YAB SRAS KYI GDAMS PA LA BRTEN NAS LAM GYI CHA YONGS SU RDZOGS SHING ZUR PHYIN PA DANG, SHIN TU 'DRIL BAR RDO RJE 'CHANG CHEN PO A'A NANTA DHVA TSA'I ZHABS RDUL SPYI BOS LEN PA CHOS SMRA BA'I BTZUN PA DGE 'DUN RGYA MTSO'I DPAL GYIS CHOS GRVA CHEN PO DPAL LDAN 'BRAS SPUNGS KYI GZIMS KHANG DU LEGS PAR SBYAR BA'I YI GE PA NI RNAM DPYOD YANGS PA'I MIG CAN PHYOGS LAS RNAM PAR RGYAL BAS BGYIS PA 'DIS KYANG RGYAL BA'I BSTAN PA PHYOGS DUS KUN TU RGYAS PAR BYED NUS PAR GYUR CIG, ,, ` ZAB LAM NI GU'I CHOS DRUG GI DMIGS RIM MDOR BSDUS PA GNAD DON GSAL BA'I ME LONG ZHES BYA BA, MGON PO 'JAM PA'I DBYANGS LA PHYAG 'TSAL LO, ,AINDRA N'I LA'I LHUN PO LTAR BRJID RIN CEN RGYAN PHRENG RNAM PAR G-YO, ,CHAGS DANG BRAL YANG CHAGS PA'I NYAMS LDAN DGA' MA'I MGRIN PAR DAM DU 'KHYUD, ,BDE CHEN BDUD RTZI'I BTUNG BAS RAB MYOS THUGS NI SPROS PA'I MTSAN MAS DBEN, ,DBANG PHYUG BRGYAD LDAN RDO RJE 'CHANG DBANG DAD PA'I DBANG GIS SPYI BOR BSTEN, ,LHAN SKYES BDE BA'I ROS GANG DPA' MO'I GZUGS, ,GSANG BA'I CHU SKYES DPA' BO'I BRTAN PA 'PHROG ,RNAL 'BYOR MA KHYOD KHO NAR YID GTAD KYIS, ,'KHYUD PA'I MDZA' BA SBYIN PA'I BKA' DRIN STZOL, ,YE SHES MKHA' 'GRO GRUB MCHOG KHYUNG PO SOGS, ,BRGYUD PA'I BLA MA RNAMS DANG BKA' DRIN CAN, ,AA MO GHA DANG RJE BTZUN AA NANTA'I, ,ZHABS RDUL ZOL MED GUS PAS SPYI BOS 'DZIN, ,SNGON MED LEGS BSHAD RIN CEN BYE BA'I GTER, ,BLO BZANG CHU GTER GRAGS PA'I RLABS PHRENG CAN, ,RGYAL BA KUN DNGOS RJE BTZUN TZONG KHA PA, ,BKA' DRIN MNYAM MED DE LA PHYAG 'TSAL NAS, ,DPAL LDAN YE SHES
, ,MKHA' 'GRO'I THUGS KYI BCUD, ,GRUB PA'I DBANG PO DU MAS BGROD PA'I LAM, ,CHOS DRUG LOG RTOG DRI MAS MA BSLAD PAR, ,MGON DE'I BZHED PA JI BZHIN BSHAD PAR BYA, ,'DIR ZAB LAM NI GU'I CHOS DRUG CES GRAGS PA YE SHES KYI MKHA' 'GRO MA NI GU MAS RDO RJE 'CHANG CHEN PO KHYUNG PO RNAL 'BYOR LA DNGOS SU GNANG BA'I ZHAL GYI GDAMS PA, ,DPAL LDAN SHANGS PA BKA' BRGYUD CES PA'I PHYOGS LA BYON PA'I MKHAS GRUB RNAMS KYI 'JUG NGOGS MTHAR THUG PA DE NYID 'DIR NYAMS SU LEN PA'I TSUL RANG LUGS MDOR BSDUS TE BRJOD PAR BYA LA, 'DI'I PHYOGS LA DOGS PA'I MTHA' DPYOD TSUL SO SO'I DMIGS RIM RGYAS PA RGYUD DANG GRUB CHEN GYI GZHUNG GI KHUNGS DANG SBYAR BA BOD KYI BLA MA SO SO'I LUGS 'GOD PA DANG BCAS PA ZHIG NGES PAR DGOS PAR SNANG BAS KHRID TSUL RGYAS PA'I YI GE LOGS SU 'GOD PAR 'DOD PAS DER BLTA BAR BYOS SHIG ,DES NA 'DI LA GNYIS, LAM 'DI'I SNGON 'GRO DANG, LAM GYI NYAMS LEN DNGOS SO, DANG PO NI LAM GYI RTZA BA BSHES GNYEN BSTEN TSUL NAS BZUNG STE SKYES BU CHUNG 'BRING CHEN PO GSUM GYI SGO NAS LAM THUN MONG BAS RGYUD LEGS PAR SBYANGS SHING BDE DGYES GANG RUNG GI DBANG BZHI MTSAN NYID TSANG BA LEGS PAR THOB PA DANG, DBANG DUS SU KHAS BLANGS PA'I DAM TSIG DANG SDOM PA RNAMS LA GCES SPRAS SU BYED PA NI LAM 'DI'I YANG SNGON 'GROR MED MI RUNG DU DGOS TE, DE LTAR BYAS NAS LAM 'DI BSGOMS NA ZLA BA DRUG LA SOGS PAR MCHOG GI DNGOS GRUB 'THOB KYI, DE LAS GZHAN DU BSKAL PAR BSGOMS KYANG RDZOGS
RIM GYI RTOGS PA SKYE MI SRID PA'I PHYIR RO,, DE LTAR YANG RDO RJE'I TSIG RKANG NYID LAS, DBANG GIS LEGS SMIN DAD BRTZON SHES RAB LDAN, ,MI RTAG NYES DMIGS SKYO SHAS SNGON 'GRO BAS, ,LAM MCHOG 'DI LA GANG GIS 'BAD GYUR NA, ,ZLA DRUG LO 'AM TSE 'DIR SANGS RGYAS 'GYUR, ,ZHES GSAL BAR GSUNGS SO,, GNYIS PA LA BSKYED RIM LA SLOB TSUL DANG, RDZOGS RIM LA SLOB TSUL GNYIS LAS, DANG PO NI LAM 'DI NYAMS SU LEN PA LA YANG SNGON DU MA MTHA' YANG BDE MCHOG LHA LNGA TZAM GYI BSKYED RIM SKU GSUM LAM 'KHYER GYI GNAD TSANG BA ZHIG GI SGOM TSUL NGES PAR DGOS KYI, BDE MCHOG LHAN SKYES DANG KYE RDOR LHAN SKYES TZAM ZHIG BSGOMS PAS MI CHOG STE, BSKYED RIM GYI SKU GSUM LAM 'KHYER GYIS SGRUB PA PO RANG NYID KYI SBYANG GZHI SKYE SHI BAR DO GSUM YID NGO'I SKU GSUM DU BSGYUR BA'I SGO NAS RGYUD SMIN PAR BYAS TE RDZOGS RIM GYI SKU GSUM LAM 'KHYER GYIS SGRUB PA PO RANG NYID KYI THA MAL GYI SKYE SHI BAR DO GSUM DNGOS GNAS LA SBYANGS NAS DNGOS GNAS KYI SKU GSUM DU BSGYUR BA'I SGO NAS GROL BAR BYED MI NUS PA'I PHYIR RO, ,BSKYED RIM LA SLOB PA NA YANG DA LTA'I THA MAL GYI NGA LA SOGS PA'I SNANG ZHEN 'DI SVA BH'A WA'I SNGAGS DON DRAN PA'I SGO NAS DAG PAR BYAS TE SH'U N+YA T'A'I SNGAGS DON LTAR BDE STONG DBYER MED KYI RGYAL BA'I THUGS CHOS SKU LA NGA RGYAL 'JOG CING DE NAS YE SHES DE NYID RNAM PA LHAR GSAL BA LA DMIGS NAS NGA'O SNYAM DU SGOM PA YIN TE, DA LTA'I BSKYED RIM SGOM PA 'DI DAG NI SHAS CHER THA MAL GYI SNANG ZHEN DRAG PA ZHIG BSKYED RIM DU 'DOD PAR SNANG NGO,,
, ,GNYIS PA RDZOGS RIM LA GZHI DNGOS PO'I GNAS TSUL, LAM 'GROD PA'I RIM PA, 'BRAS BU MNGON DU BYED TSUL LO,, DANG PO LA'ANG LUS SEMS GNYIS LAS, DANG PO LA'ANG RAGS PA NI 'BYUNG BA DANG 'BYUNG GYUR LAS GRUB PA'I LUS RAGS PA 'DI NYID DANG, PHRA BA GNAS PA RTZA, G-YO BA RLUNG, ,BKOD PA BYANG CHUB KYI SEMS DKAR DMAR RNAMS DANG, SHIN TU PHRA BA NI SHIN TU PHRA BA'I RLUNG SEMS KYI RLUNG NGO, ,SEMS LA YANG RAGS PA SGO LNGA'I DBANG SHES DANG, PHRA BA RANG BZHIN BRGYAD CU'I RNAM RTOG ,SHIN TU PHRA BA SHIN TU PHRA BA'I RLUNG SEMS KYI SEMS SO, ,BLA MED KYI RDZOGS RIM SGOM PA NA GZHI DNGOS PO'I GNAS TSUL LA MKHAS DGOS TE, RDZOGS RIM GYI LAM RNAMS RDO RJE'I LUS LA GNAD DU BSNUN PA LAS SKYE DGOS, DE LA BSNUN SA DANG BSNUN TSUL SHES DGOS SO, DE LA GZHI'I LUS SEMS KYI GNAS TSUL LA MKHAS DGOS PA'I PHYIR RO, ,DES NA RTZA 'KHOR RNAMS KYI LTE BA'I DH'U T'I'I DBUS DANG DBU MA'I YAR SNA MAR SNA RNAMS GNAD DU BSNUN SA DANG, KHYAD PAR GDAMS PA 'DI'I THOG MAR GNAD DU BSNUN SA NI LTE BA'I RTZA 'KHOR GYI DBUS KYI DH'U T'I'I NANG NYID YIN NO,, GNYIS PA LAM 'GROD PA'I RIM PA LA SNGON 'GRO STONG RA'I CHOS SKOR DANG DNGOS GZHI GNYIS LAS, DANG PO LA DAG BYED AA'I STONG RA, STONG RA NAD GDON DAG BYED, RTAGS GSUM STONG RA'I KHYAD PAR RNAMS NI KHRID YIG SNGA MA DAG TU 'BYUNG BA LTAR YIN LA, DAG BYED AA'I STONG RA'I SKABS SU SPYI BO'I AA LAS BDUD RTZI DKAR PO'I RGYUN BYUNG BA DE NYID NGO BO BDE STONG DBYER MED KYI YE SHES, RNAM PA BDUD
RTZIR MOS PA DANG, BDUD RTZI'I RGYUN DES LUS KHENGS PAS YID STONG NYID RTOGS PA'I LHAN SKYES KYI BDE BA'I NGO BOR KHYUR GYIS SONG BAR SGOM DGOS TE, AA NI CHOS THAMS CAD RANG BZHIN GYIS SKYE BA MED PA'I STONG PA NYID DANG, SMIN PHRAG GI CHOS 'BYUNG NI YUL CAN LHAN SKYES KYI BDE CHEN MTSON PA YIN PA'I PHYIR DANG, SPYI BO NAS BDUD RTZI'I RGYUN BABS PAR MOS PA TZAM GYIS SGRIB PA'I 'DZIN STANGS LA CUNG ZAD KYANG MI GNOD PA'I PHYIR, 'DI DAG LA DKA' GNAD CHUNG BAS RGYAS PAR MA SPROS SO,, DNGOS GZHI LA DRUG LAS, THABS LAM BDE DROD RANG 'BAR LA RTZE GCIG GI KHUNGS DGOD, DE'I DON NYAMS SU LEN PA'I TSUL LO, DANG PO RDO RJE'I TSIG RKANG LAS, RANG LUS THABS LDAN RTZA GSUM 'KHOR LO BZHI, ,AA HAm 'BAR 'DZAG SKAD CIG DGA' BZHIS BRGYAN, ,SHES RAB KA KA MU KHA'I SNYOMS 'JUG GIS, ,ZAG BCAS ZAG MED DGA' BZHI RIM BZHIN TE, ,RI BONG DBAB GZUNG BZLOG DGRAM RLUNG DANG BSRE, ,ZAG MED YE SHES CHEN POS BRGYAN PAR BYA, ,ZHES GSUNGS SO, ,GNYIS PA LA SROG DBU MAR 'JUG PA'I THABS, DE LAS NYAMS MYONG SKYE BA'I RIM PA BSHAD PA'O, DANG PO LA SNGON 'GRO BLA MA'I RNAL 'BYOR DANG, DNGOS GZHI GNYIS KYI DANG PO NI RANG GI SPYI BOR RTZA BA'I BLA MA RDO RJE 'CHANG GI RNAM PAR BSGOMS PA LA LUS LONGS SPYOD THAMS CAD LTOS MED DU PHUL NAS BDE DROD KYI TING NGE 'DZIN KHYAD PAR CAN SKYE BAR GSOL BA DRAG TU 'DEBS PA'O,, DNGOS GZHI LA DANG PO RTZA'I GTZO BO GSUM GSAL GDAB PA NI, RANG LUS RNAM SNANG GI CHOS BDUN LDAN DU BYAS, RLUNG RO LEGS
, ,PAR BSAL, RANG HE RU KA ZHAL GCIG PHYAG GNYIS PAR GSAL BA'I LUS KYI NANG DRANG PO SGAL TSIGS LA CUNG ZAD NYE BAR RTZA DBU MA SBOM PHRA GRO SOGS PHRA SHOS TZAM PA YAR SNA TSANGS BUG DANG MAR SNA LTE BA'I 'OG TZAM DU ZUG PA, DE'I G-YAS SU RO MA DANG G-YON DU RKYANG MA GNYIS DBU MA DANG GSHIBS TE GNAS PA'I YAR SNA SNA BUG GNYIS DANG MAR SNA LTE BA'I DH'U T'I'I NANG DU ZUG PAR BSAM MO, ,DE YANG DGOS PA'I DBANG GIS DE LTAR BSGOM GYI, RTZA GSUM GYI MAR SNA LTE 'OG NAS ZAD PA MA YIN NO, ,'KHOR LO BZHI GSAL GDAB PA NI LTE BAR LTE BA SPRUL PA'I 'KHOR LO RTZA 'DAB DRUG CU RTZA BZHI PA PHYI DBYIBS AE GRU GSUM GYI RNAM PA CAN KHA GYEN DU LTA BA, SNYING GAR SNYING GA CHOS KYI 'KHOR LO RTZA 'DAB BRGYAD PA PHYI DBYIBS WAm YIG ZLUM PO'I RNAM PA CAN KHA THUR DU LTA BA, MGRIN PAR MGRIN PA LONGS SPYOD KYI 'KHOR LO RTZA 'DAB BCU DRUG PA WAm YIG ZLUM PO'I RNAM PA CAN KHA GYEN DU LTA BA, SPYI BOR SPYI BO BDE CHEN GYI 'KHOR LO RTZA 'DAB SO GNYIS PA AE GRU GSUM GYI RNAM PA CAN KHA THUR DU LTA BA RNAMS GSAL GDAB BO, ,RTZA 'KHOR AE WAm GYI RNAM PAR GSAL BTAB PA LA DGOS PA YOD DE, SNGAGS BLA MED KYI RDZOGS RIM GYI LAM RNAMS LUS LA GNAD DU BSNUN PA'I THABS SHES KYI SBYOR TSUL KHYAD PAR CAN LA BRTEN NAS SKYE DGOS, AE WAm GYIS DE LEGS PAR MTSON PA'I PHYIR RO, ,RTZA 'KHOR GYI LTE BAR YI GE DGOD TSUL NI LTE BA SPRUL PA'I 'KHOR LO'I RTZA 'KHOR GYI DBUS KYI DH'U T'I'I NANG DU ZLA GDAN LA AA THUNG SHAD KYI RNAM PA CAN KHA DOG DMAR PO YUNGS KAR SBOM PO'I TSAD TZAM MGO BO
GYEN DU BSTAN PA GTUM MO'I ME 'BAR LA KHAD PA, DE BZHIN DU SNYING GA'I RTZA 'KHOR GYI DBUS KYI DH'U T'I'I NANG DU ZLA GDAN H'Um YIG SNGON PO MGO THUR DU BSTAN PA BYANG SEMS KHA LA LTA BU 'DZAG PA, MGRIN PAR AOm YIG DMAR PO MGO GYEN BSTAN GTUM MO'I ME 'BAR LA KHAD PA, SPYI BOR HAm YIG DKAR PO MGO THUR DU BSTAN PA BYANG SEMS KHA BA LTA BUR 'DZAG PA, THAMS CAD KYANG ZLA GDAN LA GNAS SHING 'OD SHIN TU 'TSER BA'I RNAM PA CAN DU BSGOM MO, ,DE NAS DMIGS PA GTOD PA'I TSUL NI, LTE BA'I RTZA BA 'KHOR GYI DBUS KYI AA THUNG SHAD KYI RNAM PA CAN NYID LA RANG GI SEMS ZHUGS PA BZHIN DU BZUNG NAS SGOM PA LA THOG MAR 'BAD DGOS TE, LAM 'DI'I RMANG RDO'AM GZHUNG SHING MTHAR THUG PA NI GTUM MO YIN LA, GTUM MO'I RTOGS PA SKYE BA LA LTE BAR GNAD DU BSNUN PA GNAD CHE BA'I PHYIR RO, ,DE'I RGYU MTSAN YANG 'DIR MA ZAD MA RGYUD THAMS CAD KYIS GTZO BOR LHAN SKYES KYI BDE BAS STONG NYID MNGON SUM DU RTOGS PA MTHAR THUG PA'I RGYAL BA'I THUGS CHOS SKU SGRUB TSUL NYID RTZAL DU 'DON ZHING DE LA THOG MAR LHAN SKYES KYI BDE BA SGRUB DGOS, DE LA SPYI BO'I HAm YIG DH'U T'I'I NANG DU ZHU BA ZHIG DGOS, DE LA SPYIR DH'U T'I'I NANG DANG, KHYAD PAR LTE BA'I GTUM MO 'BAR BA ZHIG DGOS PA YIN ZHING, DE'I PHYIR LHAN SKYES KYI BDE BAS STONG NYID DON SPYI'I TSUL GYIS RTOGS PA'I DPE'I 'OD GSAL DANG, MNGON SUM DU RTOGS PA'I DON GYI 'OD GSAL GYI'ANG RTZA BA GTUM MO YIN ZHING, DPE'I 'OD GSAL 'DUS PA BA RNAMS LA SEMS DBEN MTHAR THUG TU GRAGS PA LAS RIM PA GSUM PA'I SGYU
, ,LUS DANG, DON GYI 'OD GSAL LAS DAG PA'I SGYU LUS SGRUB DGOS PAS SGYU LUS KYI RMANG RDO GTUM MO DANG, RMI LAM RLUNG STOBS KYIS 'DZIN PA DANG RLUNG STOBS KYIS 'PHO BA BYED PA LA YANG BSGOMS STOBS KYIS RLUNG DH'U T'IR SDUD PA'I ZHUGS GNAS THIM GSUM GYI RTOGS PA 'DREN NUS PA DGOS PAS GTUM MO NI LAM GYI RMANG RDOR MED MI RUNG YIN MOD, DA LTA'I NI GU N'A RO'I CHOS DRUG PA DAG LA NI DON 'DI LKOG TU GYUR PA KHO NA YIN NO,, GNYIS PA NYAMS MYONG SKYE BA'I RIM PA LA GNYIS LAS STONG PA BZHI'I NYAMS MYONG SKYE TSUL NI DE LTAR DMIGS RTEN GYI THIG LE LA SEMS GZUNG BAS RLUNG SEMS 'JUG PA GCIG PA'I GNAD KYIS SEMS BZUNG SA DER RLUNG YANG 'DU BAR 'GYUR LA, DE LA RLUNG DBU MAR TSUD PA'I RTAGS SU STENG RLUNG SNA BUG GNYIS NAS MNYAM RGYU SHED MTSUNGS NGES PA CAN DU THENGS PA, GNAS PA'I RTAGS SU SNA SGO'I RGYU BA PHRA MO YANG LOG PA, THIM PA'I RTAGS SU SA CHU LA THIM PAS SMIG RGYU LTA BU DANG, CHU ME LA THIM PAS DU BA LTA BU, ME RLUNG LA THIM PAS ME KHYER, RLUNG RNAM SHES LA THIM PAS MAR ME 'BAR BA LTA BU STE, RAGS PA THIM PA'I RTAGS KUN RTOG GI RLUNG SNANG BA LA THIM PAS SNANG BA'I RANG DUS SU STON GYI NAM MKHA' LA ZLA 'OD KYIS KHYAB PA LTA BU, DE MCHED PA LA THIM PAS DE LA NYI 'OD KYIS KHYAB PA LTA BU; DE NYER THOB LA THIM PAS DE LA MUN PA'I SMAG MTHUG POS KHYAB PA LTA BU, DE 'OD GSAL DU THIM PAS 'OD GSAL GYI RANG DUS SU SLOD BYED KYI RKYEN GSUM DANG BRAL BA'I THO RANGS KYI NAM MKHA'I RANG MDOG LTA BU'I NYAMS SNANG 'CHAR BA RNAMS NGOS
ZIN PAR BYAS LA BDE STONG SBYAR TE BSKYANG BAR BYA'O, ,DGA' BA BZHI'I NYAMS MYONG SKYE TSUL NI LTE BA'I AA THUNG NYID LA SEMS BZUNG BA DANG RLUNG 'DUS TE GNAS DE'I GTUM MO 'BAR BAS SPYI BO'I KHAMS ZHU BA SPYI BO NAS MGRIN PAR SLEB PA NA DGA' BA, DE NAS SNYING GAR SLEB PAS MCHOG DGA', LTE BAR KHYAD DGA', NOR BU'I RTZER LHAN SKYES DRANGS TE LUGS 'BYUNG GI DGA' BA BZHI DANG, SLAR NOR BU'I RTZE NAS LTE BAR SLEB PAS DGA' BA, DE BZHIN DU SPYI BO'I BAR DU LHAN SKYES TE LUGS LDOG GI DGA' BA BZHI DRANGS LA STONG NYID KYI LTA BA PHU THAG CHOD PA DANG SBYAR NAS SKYONG DGOS TE, RANG BZHIN MED RTOGS KYI LTA BA DANG BRAL BA'I BDE BAS TSOR BA LA BDEN ZHEN GYI SRED PA DRANGS TE 'KHOR BA'I RGYU BYED PA'I PHYIR RO, DE LTAR DH'U T'I'I NANG NAS KHAMS ZHU BA NOR BU'I RTZER BZUNG BA'I LHAN SKYES YIN NA LHAN SKYES KYI BDE BA MA RDZOGS BAR LA KHAMS PHYIR MI 'PHO ZHING DE LAS RLUNG G-YO BAR BRTZAMS PA NA LAS DANG PO PAS KHAMS GYEN DU LDOG PA'I RTZOL BA CUNG ZAD RE DGOS SO,, GNYIS PA PHYI'I RKYEN LAS RGYA LA BRTEN TSUL NI NANG GI RKYEN GTUM MO'I RNAL 'BYOR GYIS SROG DBU MAR ZHUGS GNAS THIM GSUM GYI RTOGS PA LEGS PO 'DREN NUS KYANG RLUNG THAMS CAD 'CHI RIM JI LTA BA BZHIN DU MI SHIGS PA LA THIM PA'I DPE'I 'OD GSAL MTSAN NYID PA 'DREN MA NUS NA DE 'DREN PA SKABS SU BAB PA'I DUS DER PHYAG RGYA RIGS BZHI GANG RUNG DANG 'DUS DGOS TE, SGYU MA DAG NI THAMS CAD PAS, ,BUD MED SGYU MA KHYAD PAR 'PHAGS, ,SNANG BA GSUM GYI MTSAN NYID NI, ,GSAL BAR 'DI LAS MTSON
, ,PAR 'GYUR, ,ZHES GSUNGS PA LTAR TE, ZHIB PAR 'DIR MI 'CHAD DO, ,GZHAN YANG GTUM MO ZAS SU ZA BA SOGS KYI GO DON YANG GZHAN DU BSHAD PAR BYA'O,, SMRAS PA, PHYOGS 'DI'I GTUM MO LAM GYI GNAD, ,YE SHES MKHA' 'GRO'I BZHED PA BZHIN, ,MTHONG BA'I BLO GROS MIG YANGS PA, ,GZHAN ZHIG YOD NA DA SMROS SHIG ,GTUM MO'I RNAL 'BYOR BSHAD ZIN TO, RLUNG DANG BSRE ZHES GSUNGS PA'I BUM PA CAN GYI RNAL 'BYOR NI GTZO BOR SROG THUR GNYIS LTE BA'I DH'U T'I'I NANG DU DMIGS PAS KHA SBYAR DU 'DZIN PA YIN ZHING, RNGUB DANG DGANG DANG GZHIL BA DANG, ,MDA' LTAR 'PHANG DANG RNAM BZHI'O,, ZHES GSUNGS PA LTAR NYAMS SU LEN PA LTAR NA'ANG DUS GSUM RGYAL BA THAMS CAD KYI NGO BO RGYAL BA BLO BZANG GRAGS PA'I DPAL GYIS N'A RO CHOS DRUG GI KHRID YIG TU GSUNGS PA LTAR RO,, CHOS DRUG GI GNYIS PA SGYU LUS CHAGS SDANG RANG GROL LA GTUM MO'I RJES SU SGYU LUS 'CHAD PA'I RGYU MTSAN, SGYU LUS KYI RNAM GZHAG DNGOS, SGRA BSHAD PA'O,, DANG PO NI GTUM MO'I 'OG TU SGYU LUS 'CHAD RIGS TE, NANG GI RKYEN GTUM MO'I RNAL 'BYOR DANG, PHYI'I RKYEN PHYAG RGYA SROG RTZOL DU SONG BA LA BRTEN NAS KHYAB BYED KYI RLUNG PHRA MO YANG MA LUS PAR MI SHIGS PA'I THIG LE LA THIM PA'I DPE'I 'OD GSAL MTHAR THUG LAS BDAG BYIN BRLAB KYI RIM PA SGYU LUS SU LDANG BA 'BYUNG BA'I PHYIR RO,, GNYIS PA LA SGYU LUS KYI BSGRUB GZHI NI SPYIR SEMS DBEN GYI STONG PA BZHI'I BZHON PA'I RLUNG DANG, KHYAD PAR 'OD GSAL GYI BZHON PA'I RLUNG 'OD ZER LNGA PAS NYER LEN DANG 'OD GSAL
GYI SEMS DES LHAN CIG BYED RKYEN BYAS PA LAS BYUNG STE, GZHI DUS KYI 'CHI BA 'OD GSAL BZHON PA RLUNG DANG BCAS PA LAS BAR DO'I LUS DE 'BYUNG BA GANG ZHIG, DE GNYIS KYI BSGRUB GZHI 'DRA BA'I PHYIR RO, ,GANG DU LDANG BA NI, THOG MAR SNYING GA'I RTZA 'KHOR GYI DBUS SU LDANG STE, GZHI DUS KYI BAR DO DE LTAR LDANG BA GANG ZHIG ,DE GNYIS LDANG BA'I GNAS MTSUNGS PA'I PHYIR DANG, DPE'I 'OD GSAL MTHAR THUG PA DE LAS RLUNG G-YOS PA'I LUGS LDOG GI NYER THOB DE SGYU LUS PA DE'I SEMS DANG PO GANG ZHIG NYER THOB SNYING GA'I DBUS SU 'CHAR BA'I PHYIR RO, ,MA 'ONGS PA'I SGYU LUS KYI NGO BO GZHAG TU YOD DE, RLUNG SEMS TZAM LAS GRUB PA'I LUS SEMS NGO BO DBYER MED PA'I DNGOS GNAS PA'I RDO RJE 'CHANG GI LHA SKU DE YIN PA'I PHYIR RO,, GSUM PA NI SNYING GA'I RLUNG PHRA MO 'DI NYID BDAG TU 'DOGS PA'I GZHI MTHAR THUG PA YIN PAS DE'I STENG NA BDAG RANG NGOS PA GCES GCES THANG THANG ZHIG YOD PAR BZUNG BAS CHAGS SDANG THAMS CAD 'BYUNG BA YIN LA, DE RNAL 'BYOR PAS LAM BSGOMS STOBS KYIS BDE STONG DBYER MED KYI YE SHES DNGOS GNAS PA'I LHA'I SKUR LDANG BAR BYAS PA NA SGYU MA LTA BU'I TING NGE 'DZIN GYI DE'I STOBS KYI CHAGS SDANG THAMS CAD RANG ZHI BAR BYED NUS PAS SGYU LUS CHAGS SDANG RANG GROL ZHES GSUNGS SO, ,SGYU LUS BSHAD ZIN TO,, GSUM PA RMI LAM NYING 'KHRUL RANG DAG LA SGYU LUS KYI 'OG TU RMI LAM 'CHAD PA'I RGYU MTSAN, RMI LAM GYI GDAMS PA DNGOS SO,, DANG PO NI DE'I RGYU MTSAN YOD DE, RMI LAM NI SGYU LUS KYI GDAMS PA'I YAN LAG YIN PA'I PHYIR RO,,
, ,GNYIS PA LA RMI LAM GZUNG BA, SBYANG ZHING SPEL BA DANG SPRUL SGYUR BYED TSUL, RMI LAM GYI DE KHO NA NYID SGOM PA'O, ,DANG PO LA'ANG SPYIR RMI LAM 'DZIN PA'I TSUL GNYIS SU YOD DE, RLUNG STOBS KYIS 'DZIN PA DANG, 'DUN STOBS KYIS 'DZIN PA GNYIS YOD PA'I PHYIR RO,, DANG PO NI 'OD GSAL GYI SKABS SU 'CHAD LA, 'DUN STOBS KYIS 'DZIN PA LA NYIN PAR DRAN PA RGYUN CHAGS KYIS 'DZIN PA DANG, MTSAN MO MAN NGAG BTZAN THABS KYIS 'DZIN PA GNYIS LAS, DANG PO NI DA LTAR GYI SNANG BA 'DI THAMS CAD LA RMI LAM GYI SNANG BA'O SNYAM DU GOMS PAR BYAS PAS RMI LAM DU'ANG NYIN PAR GYI BAG CHAGS KYI DBANG GIS RMI LAM NGOS ZIN PAR 'GYUR TE, DPER NA NYIN PAR JA SKOL BA'I LAS BYED PA DAG LA MTSAN MO'ANG DE LTAR RMI BA BZHIN NO,, GNYIS PA LA THIG LE DKAR DMAR LA BRTEN NAS GZUNG BA SOGS MANG DU YOD PA LAS, DANG PO NI GNYID LA 'GRO KHAR MGRIN PA'I GNAS SU THIG LE DKAR DMAR SRAN MA TZAM 'OD 'TSER BA GNYIS SGO RO RO 'KHOR BA LA SEMS GZUNG LA SGYU MA DANG RMI LAM GYI DRAN 'DUN DU RE BA'I NGANG NAS GNYID LOG PA YIN LA, HA CANG GNYID CHES PAS MA ZIN NA GNYID DU 'GRO KHAR THIG LE GNYIS RLUNG PHYIR RGYU BA DANG 'GROGS TE SMIN PHRAG TU 'KHOR BA LA SEMS GZUNG NGO, ,DUS KYANG THO RANGS DANG NYI MA RTZE SHAR SOGS LA GZUNG NGO, ,MGRIN PA'I YI GE LA BRTEN NAS 'DZIN TSUL NI RJE BLA MA'I N'A RO'I KHRID YIG LTAR YIN LA, 'DZIN TSUL GZHAN RNAMS NI 'DIR MA BKOD DO,, GNYIS PA RMI LAM ZIN PA NA SANGS RGYAS KYI ZHING LTA BA SOGS SBYANG BA DANG, LUS MANG
POR SPRUL BA DANG, SNA TSOGS SU SGYUR BA RNAMS SO,, GSUM PA NI RANG RDO RJE 'CHANG DU GSAL BA'I SNYING GA'I SA BON GYI 'OD ZER GYIS SNOD BCUD KYI SNANG BA THAMS CAD BSDUS TE RANG LA THIM, RANG YANG SNYING GA'I SA BON LA BSDUS TE LTA THOG TU GZHAG GO, RMI LAM BSHAD ZIN TO,, 'OD GSAL LA GNYID KYI 'OD GSAL SBYONG TSUL NI SAD DUS SU SROG DH'U T'IR BSDUS PA'I ZHUGS GNAS THIM GSUM GYI RTOGS PA 'GO MA RNYED PA NAS SKYONG LA, DE'I TSUL NI SNYING GA'I SDUD RIM GYI DMIGS PA DANG GNYID LOG PA SBRAGS PA YIN LA, DE YANG SNANG BA BSDUS PA'I TSE SPYIR SNANG BA TZAM BSDUS PA MA YIN PAR RANG BZHIN STONG PA'I NGANG DU BSDUS PA'I SKYONG TSUL ZHIG DANG, DE LAS RLUNG SEMS TZAM LAS RANG HE RU KA'I SKUR LDANG BA'I 'DUN PA DANG, DE LTAR LANGS PA'I NGANG NAS SLAR YANG SDUD RIM SGOM PA LA 'JUG GO ,SPYIR 'OD GSAL LA YANG DPE DANG DON GYI 'OD GSAL GNYIS DANG, DPE'I 'OD GSAL LA YANG MCHOG DMAN GYI RIM PA JI SNYED CIG YOD PA YIN NO, ,'OD GSAL BSHAD ZIN TO, 'PHO BA LA SPYIR 'PHO BA DANG GRONG 'JUG GNYIS LAM GYI YAN LAG YIN LA, 'PHO BA BYED PA'I RTEN GYI GANG ZAG NI TSE 'DI DANG BAR DOR MCHOG 'GRUB PA'I LAM GYI RTOGS PA MA RNYED PA'I RNAL 'BYOR PA ZHIG GIS BYED LA, DUS NI PHYI NANG GI 'CHI LTAS KYIS ZIN CING 'CHI BLU BYAS KYANG MI BZLOG PA DE'I TSE BYED PA YIN LA, DE'I GDAMS PA LA YANG PHYOGS 'DI'I 'PHO BA ZAB PA NI 'PHYUGS MED MKHA' SPYOD KYI 'PHO BA YIN PAS DE NYAMS SU LEN PA'I TSUL NI RANG GI LTE BA'I 'OG TU CHOS 'BYUNG ZUR GSUM RTZE MO PHRA BA THUR
, ,DU ZUG CING GDENGS KA CHE BA GYEN DU PHYOGS PA'I NANG DU RLUNG GI DKYIL 'KHOR SI RI RI G-YO BA GZHU'I DBYIBS CAN ZHIG BSGOM, DE'I STENG DU DH'U T'I'I MAR SNA'I NANG DU RANG SEMS AA DKAR PO 'PHUR LA KHAD PA ZHIG BSGOMS LA, DH'U T'I'I YAR SNA TSANGS BUG TU ZUG PA'I TSANGS BUG DANG RDO RJE RNAL 'BYOR MA'I GSANG GNAS KHA DA CHAD DU BZHUGS PA'I MKHA' SPYOD MA BSGOMS NAS MKHA' SPYOD DU 'KHRID PAR GSOL BA BTAB PAS DE'I GSANG GNAS NAS 'OD ZER LCAGS KYU LTA BU BYUNG BA AA LA PHOG ,RANG DBANG MED PAR DH'U T'I'I NANG NAS DRANGS PAR BSAMS LA HIG BRJOD CING 'OG RLUNG DRAG TU 'THEN PAS DE MKHA' SPYOD MA'I GSANG GNAS SU RGYANGS KYIS ZHUGS PAR BSAM PA YIN LA, 'PHO BA SBYONG BA'I TSE RNAM SHES SPYI BO NAS 'THON PAR MI BSAM MO, ,DE YANG RLUNG STOBS KYIS 'PHO BA NA RANG GANG 'DOD PA DER 'PHO NUS KYI, 'DUN STOBS KYIS BYED PA LA DE'I NGES PA MED LA, 'ON KYANG PHAN YON CHEN PO YOD DO, ,'PHO BA BSHAD ZIN TO,, BAR DO LA SPYIR RMI LAM BAR DO, SGYU LUS BAR DO, GZHI DUS KYI BAR DO STE BAR DO'I MING BTAGS PA GSUM YOD LA, DANG PO GNYIS LA NI BAR DO'I MING BTAGS PA TZAM DU ZAD DO, 'DIR BAR DO'I NYAMS LEN NI RAB 'BRING THA MA GSUM LAS RAB NI GZHI DUS KYI 'CHI BA 'OD GSAL LAM DUS KYI DPE'I 'OD GSAL KHYAD PAR CAN DU BSGYUR NAS DE LAS RLUNG SEMS PHRA MO DNGOS GNAS PA'I RDO RJE 'CHANG GI SKUR LANGS PA STE, GANG ZAG 'DI TSE RABS SNGA MA SNGAGS LA 'JUG MA MYONG NA 'BRING BAR DOR 'TSANG RGYA BA ZHES GSUNGS PA DE
YIN NO, ,'BRING NI GZHI DUS KYI 'CHI BA 'OD GSAL YID NGO TZAM GYI 'OD GSAL DU BSGYUR ZHING DE LAS LUGS LDOG TU LDANG BA NA BAR DO DNGOS GNAS PA YIN YANG YID NGOR RDO RJE 'CHANG GI SKUR LANGS PA ZHIG STE, 'DIS KYANG RING POR MI THOGS PAR RDO RJE 'CHANG GI GO 'PHANG MNGON DU BYED DO, ,THA MA NI BAR DO LA BAR DOR NGO SHES PA'I THABS THOG MAR NYAMS SU BLANGS PAS BAR DO'I LUS BLANGS PA NA BAR DO NA SKYES 'DUG SNYAM DU NGO SHES TE BAR DO'I NYAMS LEN SKYONG BA ZHIG GO ,BAR DO BSDUS TE BSHAD ZIN TO,, GSUM PA NI DE LTAR LAM THUN MONG BAS RGYUD SBYANGS SHING DBANG GIS RGYUD SMIN PAR BYAS, DAM TSIG DANG SDOM PA LA GCES SPRAS SU BYAS TE SNGAR BSHAD PA'I LAM RNAMS LA BSLABS PAS RAB TSE 'DI, 'BRING BAR DO, THA MA SKYE BA BRGYUD NAS MI SLOB PA'I ZUNG 'JUG MNGON DU BYAS NAS NAM MKHA' MA STONGS BAR DU SEMS CAN GYI DON BYED PA YIN NO, ,DE LTAR SNGON DU BSHAD PAR DAM BCAS PAR LTAR MDOR BSDUS PA TZAM ZHIG BSHAD ZIN LA, RGYAS PAR NI GZHAN DU 'CHAD DO,, 'DIR SMRAS PA, NA TSOD GSAR PA'I ZLA TSES CHES PHRA YANG, ,RMAD BYUNG BLO GROS 'OD DKAR STONG SPROS PAS, ,PHYI NANG SHES BYA'I GZUGS KUN SNANG BYED PA, ,GROGS DAG 'DI YI YA MTSAN BSAM PAR GYIS, ,RGYA CHEN TSIG GI SPROS PA'I KHUR BLANGS KYANG, ,ZAB MO'I DON GYIS GNAS KUN 'DIR GSAL BAS, ,'DI TZAM GYIS KYANG CHOS DRUG DGONGS DON LA, ,SNGON MED LTA BA'I MIG YANGS BYIN NAM SNYAM, ,LAM GYI YAN LAG TZAM LA SNYING PO ZHES, ,ZLA BA'I GZUGS BRNYAN ZLA BAR MA 'KHRUL BAR,
, ,MYUR DU SANGS RGYAS 'GRUB PA'I THABS GANG ZHES, ,BSAMS PAS DAL 'BYOR DON LDAN MDZAD NA LEGS, SNGON MED LAM 'DI'I GNAD RNAMS 'DIR BKOD PAS, ,NONGS NA GNAS GSUM MKHA' 'GRO'I TSOGS LA 'CHAGS, ,'DI LAS 'ONGS PA'I RAB DKAR DGE BA'I DNGOS, ,BDE CHEN CHOS KYI SKU DE THOB PHYIR BSNGO, ,ZHES CHOS DRUG GI 'KHRID TSUL MDOR BSDUS PA GNAD DON GSAL BA'I ME LONG ZHES BYA BA 'DI NI PHYOGS 'DI LA 'DOD 'DUN CAN MTHA' YAS PAS BSKUL BA'I NGOR, RJE BTZUN CHOS KYI RGYAL PO RGYAL BA BLO BZANG GRAGS PA'I DPAL YAB SRAS KYI LEGS PAR BSHAD PA'I BKA' DRIN LA BRTEN NAS BTZUN PA DGE 'DUN RGYA MTSO'I DPAL GYIS RI BO BDE CHEN GYI CHOS GRVA CHEN POR SBYAR BA'O,, ,, ` SNYING PO'I DON GSUM GYI DMIGS RIM DGA' LDAN DU BGROD PA'I THEM SKAS ZHES BYA BA; 'PHAGS PA SPYAN RAS GZIGS DBANG PHYUG LA PHYAG 'TSAL LO, ,GRANGS MED RGYAL BA RNAMS KYI MKHYEN BRTZE NI, ,GANG 'DUL THABS KYIS CIR YANG 'CHAR BA LA, ,SPYAN RAS GZIGS ZHES GRAGS PA'I BA DAN CAN, ,SRID GSUM 'GRO BA'I GNYEN GCIG KHYOD PHYAG 'TSAL, ,'DI NA MDO DANG RGYUD SDE'I GSUNG RAB DON, ,'DI DANG 'CHI KHA BAR DO'I NYAMS LEN DU, ,LEGS PAR DRIL NAS STON PA'I GDAMS PA MCHOG ,GO SLA'I NGAG GI PHRENG BA 'DI SPEL LO, ,'PHAGS PA SPYAN RAS GZIGS DBANG PHYUG GI ZHAL GDAMS, GRUB PA'I DBANG PHYUG MI TRA DZO KIS KHRO PHU LO TZTSA BA BYAMS PA DPAL LA CHOS KYI SKYES SU STZAL BA SNYING PO'I DON GSUM ZHES GRAGS PA'I GDAMS PA LA RJE BTZUN MI TRA'I RNAM THAR GDAMS NGAG GI CHE BA SNGON 'GRO'I NYAMS LEN SOGS
NI BLA MA SNGA MA DAG GI KHRID YIG TU RGYAS PAR 'BYUNG BAS DE DAG TU SHES PAR BYA LA, 'DIR NI DNGOS GZHI'I DMIGS RIM RNAMS SHIN TU GO SLA BA'I NGAG GI BSHAD PAR BYA STE, 'DI LA GNYIS, RTZA TSIG GI KHUNGS DGOD PA DANG, DE'I DON NYAMS SU LEN PA'I TSUL LO,, DANG PO NI RTZA TSIG LAS, TSE 'DIR RGYUN GYI YI DAM BSGOM, ,'CHI KHAR 'PHO BA'I MAN NGAG BSGOM, ,BAR DOR BSRE BA BSGOM BYA STE, ,RGYUN DU SGOM PA KUN GYI GNAD, ,CES GSUNGS PA STE, RKANG PA DANG POS TSE 'DI DANG, GNYIS PAS 'CHI KHA DANG, GSUM PAS BAR DO'I NYAMS LEN STON CING, BZHI PA NI THAMS CAD LA SBYAR BAR BYA STE, DE YANG 'PHO BA DANG BSRE BA GNYIS 'CHI KHA DANG BAR DOR DGOS PA'I NYAMS LEN YIN YANG, DER JI LTAR 'DOD PA BZHIN PHAN THOGS PA LA DA LTA NYID NAS RANG NYAMS SU LEN PA ZHIG DGOS SHING, NYAMS SU LEN TSUL YANG NYIN GCIG HA CANG MI DRAG ,NYIN GCIG MI ZHAN PAR CHU BO'I RGYUN BZHIN DU NAR GYIS NYAMS SU LEN DGOS PA'I DON NO,, GNYIS PA LA BZHI, TSE 'DI'I NYAMS LEN RGYUN GYI YI DAM DU BYA BA'I TSUL, 'CHI KHA'I NYAMS LEN 'PHO BA BSHAD PA, BAR DO'I NYAMS LEN BSRE BA BSHAD PA, ZHAR LA LTA SGOM SPYOD PA'I GNAD BSTAN PA'O,, DANG PO NI RTZA TSIG LAS, MI RTAG SDUG BSNGAL DRAN BYAS NAS, ,SNYING RJE CHEN PO RAB BSKYED DE, ,SPYI BOR BLA MA SNYING GAR LHA, ,RANG SEMS SKYE MED BSGOM PAR BYA, ,ZHES PA STE, 'DI'I DON NYAMS SU LEN PA LA BZHI, RKYEN SKUL MAR GDAB PA'I MAN NGAG ,DNGOS GZHI BYANG CHUB KYI SEMS SGOM PA'I MAN NGAG ,THABS BLA MA YI DAM
, ,LA GSOL BA GDAB PA'I MAN NGAG ,NGO BO RANG SEMS SKYE MED SGOM PA'I MAN NGAG GO, DANG PO NI TSIG RKANG DANG POS STON TE, DE LA YANG, MI RTAG DRAN BYAS TE ZHES DANG, SDUG BSNGAL DRAN BYAS TE, ZHES SBYAR BAS SNGA MAS TSE 'DI LA ZHEN PA ZLOG PA'I RGYUR NAM 'CHI NGES MED KYI 'CHI BA MI RTAG PA SGOM PA DANG, PHYI MAS 'KHOR BA MTHA' DAG SDUG BSNGAL GYI RANG BZHIN DU SHES PA'I SGO NAS 'KHOR BA'I PHUN TSOGS MTHA' DAG LA ZHEN PA LOG STE 'KHOR BA LAS THAR 'DOD KYI BLO BCOS MA MA YIN PA SKYE BA'I THABS BSTAN TE, DE GNYIS KYIS MTSON NAS SKYES BU CHUNG NGU DANG THUN MONG BA'I LAM GYI RIM PA LA BLO SBYONG TSUL DANG, SKYES BU 'BRING DANG THUN MONG BA'I LAM GYI RIM PA LA BLO SBYONG BA'I TSUL GYI DMIGS SKOR MTHA' DAG SKABS 'DIR NYAMS SU BLANG BAR BYA STE, 'DIR DE DAG BKOD NA MANGS SU DOGS PAS RGYAL BA BLO BZANG GRAGS PA'I DPAL GYIS MDZAD PA'I BYANG CHUB LAM GYI RIM PA NYID LAS SHES PAR BYA'O,, GNYIS PA NI, SNYING RJE CHEN PO RAB BSKYED DE, ,ZHES PAS STON TE, RANG 'KHOR BA LAS THAR BA TZAM DON DU MI GNYER BAR SEMS CAN THAMS CAD KYI PHAN BDE SGRUB PA'I KHUR RANG NYID GCIG PU'I BLO'I STENG DU LING GIS BLANGS NAS DE'I PHYIR DU BYANG CHUB KYI MCHOG TU SEMS BSKYED DE RGYAL SRAS KYI SPYOD PA RNAMS LA SLOB 'DOD KYI BLO DRAG TU SBYONG BA STE, 'DI LA YANG RGYU 'BRAS MAN NGAG BDUN MA'I SGO NAS BYANG CHUB KYI SEMS LA BLO SBYONG BA DANG BDAG GZHAN BRJE BA'I SGO NAS BYANG CHUB KYI SEMS LA BLO SBYONG BA'I TSUL GNYIS SU YOD DE, DE DAG KYANG BYANG CHUB LAM
GYI RIM PA DANG, THEG PA CHEN PO BLO SBYONG GI GDAMS NGAG RNAMS LAS KHONG DU CHUD PAR BYA'O,, GSUM PA THABS BLA MA YI DAM LA GSOL BA GDAB PA'I MAN NGAG NI, DE YANG RANG NYID BYANG CHUB KYI MCHOG TU SEMS BSKYED DE TSOGS GNYIS MTHAR PHYIN NAS SANGS RGYAS PA'I TSE SEMS CAN THAMS CAD 'KHOR BA LAS SGROL BA LAS 'OS MED KYANG, DA LTA RANG NYID LA DE LTA BU'I NUS PA MI 'DUG PAS 'KHOR BA DANG NGAN SONG GI SDUG BSNGAL BZOD PAR DKA' BA 'DI LAS SEMS CAN THAMS CAD DA LTA NYID DU SKYOB PA'I SKYABS SHIG DGOS PAR 'DUG ,DE YANG 'PHAGS PA SPYAN RAS GZIGS DBANG PHYUG BSKAL BZANG GI SANGS RGYAS STONG DANG BCAS PA LA ZHU ZHING GSOL BA GDAB DGOS SNYAM DU BSAMS LA, RANG GI SPYI BOR SHEL DKAR PO'I MCHOD RTEN DRI MA MED PA SGO STONG DANG LDAN ZHING PHYI BLTAS NANG GSAL BA 'OD KYI RANG BZHIN CAN BUM PA'I NANG DU PADMA DANG ZLA BA'I DKYIL 'KHOR GYI STENG DU NGO BO DRIN CAN RTZA BA'I BLA MA YIN PA LA RNAM PA RJE BTZUN 'PHAGS PA SPYAN RAS GZIGS DBANG PHYUG SKU MDOG GANGS RI LTAR DKAR BA, ZHAL GCIG PHYAG BZHI PA, PHYAG DANG PO GNYIS THUGS KAR THAL MO SBYAR BA, G-YAS 'OG MAS NOR BU CHU SHEL GYI PHRENG BA DANG, G-YON 'OG MAS ME TOG PADMA DKAR PO BSNAMS PA, ZHABS RDO RJE'I SKYIL KRUNG GIS BZHUGS SHING RIN PO CHE'I RGYAN DANG DAR SNA TSOGS KYI NA BZA' CAN MTSAN DPES BRGYAN PA'I LHA'I SKU SNANG LA RANG BZHIN MED PA NAM MKHA'I 'JA' TSON LTA BU 'OD ZER GYI PHUNG PO CHEN PO'I DBUS NA BZHUGS PA ZHIG BSGOM, SGO STONG LA BSKAL BZANG GI SANGS
, ,RGYAS STONG, DE YANG SHAR PHYOGS PA THAMS CAD RNAM SNANG GI RNAM PA SKU MDOG DKAR PO, LHO PHYOGS PA THAMS CAD RIN 'BYUNG GI RNAM PA SKU MDOG SER PO, NUB PHYOGS PA THAMS CAD SNANG BA MTHA' YAS KYI RNAM PA SKU MDOG DMAR PO, BYANG PHYOGS PA THAMS CAD DON YOD GRUB PA'I RNAM PA SKU MDOG LJANG GU SHA STAG TU SGOM PA NI SPYI BOR BLA MA SGOM PA'I TSUL YIN LA, KHRID YIG 'GA' ZHIG TU SPYAN RAS GZIGS KHAR SA PA nI SGOM PA MDZAD KYANG DON LA KHYAD PAR MED CING, DA LTAR YIG DRUG 'DREN PA DAG LA PHYAG BZHI PA'I SGOM BZLAS BYED PA MANG BAS DE LTAR BKOD PA'O, ,SNYING GAR LHA SGOM PA'I TSUL NI, RANG GI SNYING PADMA DMAR PO 'DAB MA STONG DANG LDAN PA KHA GYEN DU SHAG GIS BYE BA ZHIG BSGOM, DE'I LTE BAR ZLA BA'I DKYIL 'KHOR GYI STENG DU RANG GI SEMS DANG DBYER MED PA'I YI DAM THUGS RJE CHEN PO SPYI BOR BSGOMS PA DE NYID JI LTA BA BZHIN 'DAB MA STONG LA AA DKAR PO DRI MA MED PA 'OD KYI RANG BZHIN CAN DKAR LA 'TSER BA STONG BSGOM ZHING, SPYAN RAS GZIGS KYI THUGS KAR ZLA GDAN LA HR'I: DKAR PO'I MTHAR YI GE DRUG MA'I SNGAGS PHRENG MU TIG STAR LA BRGYUS PA LTA BUS BSKOR BA DANG BCAS PA LEGS PAR BSGOMS LA DE NAS SPYI BO'I BLA MA SPYAN RAS GZIGS BSKAL BZANG GI SANGS RGYAS STONG DANG BCAS PA LA DMIGS PA'I DAD PA SHUGS DRAG PO MIG NAS MCHI MA 'KHRUG LUS KYI BA SPU G-YO, YID GDUNG SHUGS RTZE GCIG PA DANG BCAS PAS BLA MA YI DAM THUGS RJE CAN, BDAG GI PHA MA RIGS DRUG GI SEMS CAN 'KHOR BA SDUG BSNGAL GYI RGYA MTSO CHEN POR BYING BA,
MGON MED PA, SKYABS MED PA, 'PHONGS SHING SDUG BSNGAL BA 'DI RNAMS 'KHOR BA SDUG BSNGAL GYI MTSO CHEN PO 'DI LAS DA LTA NYID DU BSGRAL DU GSOL, MYUR BA NYID DU BSGRAL DU GSOL, 'DUG SA 'DI NYID DU BSGRAL DU GSOL, ZHES GDUNG SHUGS DRAG POS GSOL BA BTAB PAS SPYI BO'I SPYAN RAS GZIGS KYI SKU LAS 'OD ZER 'PHROS, SNYING GA'I SPYAN RAS GZIGS LA PHOG BSKAL BZANG GI SANGS RGYAS STONG GI SKU LAS 'OD ZER 'PHROS, SNYING GA'I AA STONG LA PHOG PAS SNYING GA'I SPYAN RAS GZIGS AA STONG DANG BCAS PA LAS NGO BO DE RNAMS KYI GNYIS SU MED PA'I YE SHES YIN PA LA RNAM PA BDUD RTZI DKAR PO'I RGYUN DPAG TU MED PA SKYA CHIL GYIS BABS PAS LUS KYI NANG THAMS CAD MER GYIS GANG, SGO GSUM GYI SDIG SGRIB BAG CHAGS DANG BCAS PA THAMS CAD DUD KHU DANG SOL KHU DANG SDIG PA RVA CAN GYI RNAM PAR LUS KYI BA SPU'I BU GA DANG DBANG PO'I SGO THAMS CAD NAS NAG NUR GYIS PHYIR DAG LUS SHEL GONG G-YA' DAG PA LTA BU'I SPYAN RAS GZIGS KYI SKU MTSAN DPE GSAL RDZOGS SU GYUR, BDUD RTZI'I RGYUN DE NYID BA SPU'I BU GA DANG DBANG PO'I SGO RNAMS NAS PHYIR THON, THOG MAR DMYAL BA'I 'JIG RTEN DU SONG BAS DMYAL BA'I GNAS THAMS CAD MER GYIS GANG, DMYAL BA PA RNAMS KYI TSA GRANG GI SDUG BSNGAL DANG, DE DAG GI RGYU LAS DANG NYON MONGS PA THAMS CAD RTZA BA NAS BYANG ZHING DAG PAR GYUR TE, DE DAG GI SNOD KYI 'JIG RTEN LCAGS BSREGS KYI SA GZHI DANG, LCAGS KHANG ME 'BAR BA DANG, 'KHYAGS PA'I SBUBS MUN NAG MI BZAD PA LA SOGS PA SNOD KYI 'JIG RTEN THAMS
, ,CAD SKAD CIG GIS MED PAR GYUR TE DAG PA'I ZHING BDE BA CAN LTA BU RIN PO CHE'I RANG BZHIN CAN THA GRU CHE BA YANGS PA REG NA 'JAM ZHING BDE BA SHA STAG TU GYUR, BCUD KYI SEMS CAN THAMS CAD KYANG 'PHAGS PA SPYAN RAS GZIGS DBANG PHYUG GI LHA'I SKU SNANG LA RANG BZHIN MED PA NAM MKHA'I 'JA' TSON LTA BU SHA STAG TU GYUR PAR BSGOM, DE BZHIN DU BDUD RTZI'I RGYUN DE NYID RIM PA LTAR YI DVAGS, DUD 'GRO, LHA MA YIN, MI, 'DOD LHA, GZUGS, GZUGS MED KYI LHA'I GNAS THAMS CAD DU'ANG RIM PA LTAR SONG BAS YI DVAGS RNAMS KYI BKRES SKOM GYI SDUG BSNGAL, DUD 'GRO RNAMS KYI GCIG LA GCIG ZA DANG GLEN LKUGS SOGS KYI SDUG BSNGAL, LHA MA YIN RNAMS KYI 'THAB RTZOD KYI SDUG BSNGAL, MI RNAMS KYI SKYE RGA NA 'CHI'I SDUG BSNGAL, 'DOD LHA RNAMS KYI 'CHI 'PHO BA DANG 'OG TU LTUNG BA'I SDUG BSNGAL, GZUGS GZUGS MED RNAMS KYI KHYAB PA 'DU BYED KYI SDUG BSNGAL LA SOGS PA RNAMS DANG, DE DAG GI RGYU LAS DANG NYON MONGS PA THAMS CAD BYANG ZHING DAG NAS SNGAR LTAR DE DAG GANG NA GNAS PA'I SNOD KYI 'JIG RTEN THAMS CAD DAG PA'I ZHING BDE BA CAN LTA BU SHA STAG DANG, BCUD KYI SEMS CAN THAMS CAD 'PHAGS PA SPYAN RAS GZIGS KYI LHA'I SKU SHA STAG TU GYUR PAR BSGOM MO, ,DE NAS YIG DRUG BZLA BAR 'DOD NA, RANG 'PHAGS PAR GSAL BA'I ZHAL NAS MA nI'I SGRA BSGRAGS PA DANG SEMS CAN THAMS CAD SPYAN RAS GZIGS SU GYUR PA RNAMS KYI ZHAL NAS KYANG MA nI'I SNGAGS KYI SGRA SNANG SRID G-YO BA LTA BU KUN GYIS SGROG PAR MOS LA CI NUS
BZLAS TE MTHAR THUN 'JOG PA NA RANG GI SNYING GA'I YI DAM GYI THUGS KA'I HR'I: LAS 'OD 'PHROS, SNOD KYI 'JIG RTEN THAMS CAD BDE BA CAN LTA BUR GSAL BA LA PHOG DE RNAMS KYANG 'OD DU MER GYIS ZHU NAS BCUD KYI SEMS CAN RNAMS SPYAN RAS GZIGS SU GSAL BA LA THIM, DE YANG 'OD DU MER GYIS ZHU NAS RANG LA THIM, SPYI BO'I SPYAN RAS GZIGS 'OD DU ZHU SNYING GA'I SPYAN RAS GZIGS LA THIM, BSKAL BZANG GI SANGS RGYAS STONG SNYING GA'I AA STONG LA THIM, MCHOD RTEN NAM MKHA' LA 'JA' YAL BA LTAR GYUR, RANG SPYAN RAS GZIGS SU GSAL BA YANG SNYING GA'I PAD 'DAB AA DANG BCAS PA DANG, DE YANG DBUS KYI SPYAN RAS GZIGS DANG, DE YANG THUGS KA'I SNGAGS PHRENG GDAN DANG BCAS PA, DE YANG DBUS KYI HR'I: LA THIM ZHING, MTHAR DE NYID KYANG MI DMIGS PAR BSAMS LA LTA BA'I STENG DU MNYAM PAR GZHAG GO ,BZHI PA RANG SEMS SKYE MED SGOM TSUL LA GANG ZAG GI BDAG MED NYAMS SU LEN TSUL DANG, CHOS KYI BDAG MED NYAMS SU LEN TSUL GNYIS LAS, 'DIR MDO TZAM ZHIG SMOS NA, DE YANG THOG MAR RANG CAG RNAMS KYI RGYUD LA NGA'O SNYAM DU 'DZIN PA'I BLO SHUGS DRAG PO THOL GYIS 'BYUNG BA ZHIG YOD PAS BLO DE LA NGA JI LTAR SNANG BA BLTAS PA NA RANG GI PHUNG PO LNGA'I STENG DU NGA ZHES PHAR BTAGS PA TZAM DANG SNANG TZAM RKYANG PA MIN PAR PHUNG PO LNGA'I STENG NA BLO DES YUL DU BYED RGYU'I NGA ZHIG DANG PO NAS GRUB GRUB PAR YOD PA LTA BUR 'CHAR GYIN YOD DE, GDUNG 'DEGS KYI DON BYED NUS PA MTHONG BA'I TSE DE LA KA BA'O SNYAM PA'I BLO THOL GYIS SKYES PA'I BLO DE LA KA BA JI LTAR SNANG
, ,BA BLTAS PA'I TSE SHING DE'I STENG DU BLO DES KA BA'O SNYAM DU PHAR BTAGS PA TZAM MA YIN PAR SHING DE KA'I YUL GYI STENG NAS KA BAR GRUB PA LTA BUR SNANG BA BZHIN NO, ,DE LTAR GRUB PA LTA BUR SNANG YANG PHUNG PO LNGA'I YUL GYI STENG NA NGA ZHES BYA BA GRUB GRUB PA ZHIG GTAN NAS MED DE, DPER NA KA BA YANG GDUNG 'DEGS PA'I SHING DE LA RTOG PAS PHAR BTAGS PA MA GTOGS SHING DE'I YUL GYI STENG NAS KA BAR GRUB PA GTAN NAS MED PA'I PHYIR TE, RANG GIS DE LA KA BA ZHES PA'I THA SNYAD MA BYAS PA DE SRID DU KA BA'O SNYAM PA'I BLO SKYE BA DANG KA BA'I THA SNYAD BYED PA MED PAS KA BAR MA GRUB LA PHYIS DE'I STENG DU KA BA ZHES PHAR BTAGS PA NAS BZUNG STE DE MTHONG BA LA KA BA MTHONG BA LA SOGS PA'I THA SNYAD 'BYUNG BAS KA BA NI SHING DE'I STENG DU PHAR BTAGS PA TZAM DU ZAD KYI DE'I NGOS NAS KA BAR GRUB RGYU CUNG ZAD KYANG MED LA, DE BZHIN DU BYIS PA MA LAS SKYES MA THAG 'GA' ZHIG LA BKRA SHIS SOGS SU MING BTAGS PA'I TSE KHO MTHONG BA NA 'DI BKRA SHIS SO SNYAM PA DANG, DE YANG BYIS PA DE KA'I NGOS NAS BKRA SHIS SU GRUB PA LTAR 'CHAR YANG DE KA'I NGOS NAS BKRA SHIS SU MA GRUB STE, GRUB NA KHO LA MING DE LTAR MA BTAGS PA'I SNGA ROL TU YANG KHO MTHONG BA NA 'DI BKRA SHIS SO SNYAM PA'I BLO SKYE RIGS PA LAS DE LTAR SKYE BA MED PA'I PHYIR, DES NA BKRA SHIS ZHES BYA BA YANG BYIS PA DE LA BLOS BTAGS PA TZAM DU GRUB LA, DPE DE DAG GIS MTSON NAS NGA DANG PHUNG PO LA SOGS PA CHOS THAMS CAD KYANG RANG RANG GI GDAGS GZHI'I STENG DU 'DOGS BYED KYI RTOG PAS PHAR BTAGS PA TZAM DU ZAD KYI
YUL GYI STENG NAS GRUB PA CUNG ZAD KYANG MED PAR CHAM GYIS GTAN LA PHAB LA MNYAM GZHAG TU BSGOM ZHING RJES THOB TU YUL SNANG GANG SHAR THAMS CAD SNANG YANG SNANG BA LTAR RANG NGOS NAS GRUB PAS STONG PA'I SGYU MA LTA BUR 'CHAR BA LA BSLAB BO, ,'DIR LTA BA NYAMS SU LEN TSUL NYUNG NGU ZHIG SHIN TU GO SLA BAR BSHAD KYI RGYAS PAR LTA KHRID KYI YI GE LOGS SU YOD PA LAS SHES PAR BYA'O, ,GNYIS PA 'CHI KHA'I GDAMS NGAG GI SNYING PO 'PHO BA NYAMS SU LEN PA'I TSUL NI RTZA TSIG LAS, RANG LUS MCHOD SBYIN BYAS NAS NI, ,LTOS PA THAMS CAD RAB SPANGS TE, ,'OD KYI SBU GU'I SBYOR BA YIS, ,SEMS NI DGA' LDAN GNAS SU 'PHANG, ,ZHES GSUNGS TE, 'DI'I DON NYAMS SU LEN PA LA 'PHO BA 'GRUB PA'I 'GAL RKYEN BSAL BA, MTHUN RKYEN BSGRUB PA, 'PHO BA'I DMIGS PA DNGOS DANG GSUM LAS, DANG PO NI TSE 'DI'I GNAS LUS LONGS SPYOD LA CHAGS SHING ZHEN NA BYA NAM MKHA' LA 'PHUR BA'I GSHOG PA LA RDO BTAGS PA DANG 'DRA BAR DGA' LDAN SOGS SU 'PHO BAR 'DOD KYANG JI LTAR 'DOD PA BZHIN 'PHO BA'I GEGS YIN PAS DE'I GNYEN POR LUS LA CHAGS ZHEN 'GOG PA LA THOG MAR SGYU LUS TSOGS SU 'BUL BA NI, RKANG PA DANG POS STON PAS TSOGS ZHING GSAL GDAB PA NI MDUN GYI NAM MKHAR SENG GE BRGYAD KYIS BTEGS PA'I RIN PO CHE'I KHRI YANGS SHING RGYA CHE BA'I STENG DU PADMA DANG ZLA BA'I GDAN LA DRIN CAN RTZA BA'I BLA MA DE NYID RJE BTZUN SPYAN RAS GZIGS KYI RNAM PA CAN GONG DU BSGOMS PA JI LTA BA BZHIN BSGOM, DE'I DBU'I THAD LA RTZA BRGYUD KYI BLA MA RNAMS DANG, SKU STOD KYI THAD LA RGYUD SDE BZHI
, ,DANG 'BREL BA'I YI DAM DKYIL 'KHOR GYI LHA TSOGS SANGS RGYAS DANG BYANG CHUB SEMS DPA' THAMS CAD DANG, SKU SMAD KYI THAD LA NYAN THOS DANG RANG SANGS RGYAS MKHA' 'GRO CHOS SKYONG SRUNG MA THAMS CAD SPRIN GYI PHUNG PO BZHIN DU 'KHRIGS PA; DE BZHIN DU KHRI'I 'OG ZUR NA PHAR LA GNOD BYED LAN CHAGS KYI MGRON RNAMS DANG, KHRI'I 'OG NA MAR TSE 'DI'I DRIN CAN GYI PHA MAS THOG DRANGS 'GRO BA RIGS DRUG SEMS CAN THAMS CAD BAR MTSAMS MED PAR BZHUGS PAR MOS TE, MDOR NA MGRON DE RNAMS KYIS SA DANG BAR SNANG NAM MKHA'I KHYON THAMS CAD TIL GYI GANG BU LTAR GANG BAR BSGOMS LA DE NAS TSOGS GSOG TSUL NI, ,GA RE NGAS 'KHOR BA 'DIR SPYIR SEMS CAN GYI LUS GRANGS MED PA ZHIG BLANGS, KHYAD PAR MI RANG GI LUS KYANG GRANGS MED PA ZHIG BLANGS TE THAMS CAD KYANG DON MED DANG CHUD ZOS 'BA' ZHIG TU SONG BA MA GTOGS DON LDAN GYI SNYING PO LON PA ZHIG YE MA BYUNG BAR 'DUG TSE 'DI'I LUS GOG PO 'DI BLANGS NAS KYANG SNGAR PHAN CHOS RNAM DAG SGRUB NUS PA ZHIG NI YE MA BYUNG, LUS 'DI 'TSO BA'I THABS SU SDIG PA'I LAS NI SNA TSOGS PA ZHIG BYAS, DA 'CHI BA'I TSE LUS 'DI NI 'BROG STONG BZHIN DU SHUL DU BLDUS (LUS), 'DI'I PHYIR DU BSAGS PA'I SDIG PA'I LAS DE DAG GIS NI SKYE BA PHYI MAR NGAN SONG GI SDUG BSNGAL BZOD GLAGS MED PA SKYED, DES NA LUS 'DI LA CHAGS PAR MI 'OS PAS 'DI LA BRTEN NAS TSOGS RLABS PO CHE BDE BLAG TU RDZOGS PA ZHIG BYA, DE YANG YI DAM THUGS RJE CHEN PO LA GSOL BA GDAB DGOS SNYAM DU BSAMS LA, RANG
GI SEMS NYID SNYING GAR SPYAN RAS GZIGS KYI SKU MTSON GANG BA ZHIG TU HRIL GYIS DRIL BA SNYING GA NAS RGYANGS KYIS THON NAS MDUN GYI NAM MKHAR GNAS PAS SNGAR GYI PHUNG PO RNYING PA LA BLTAS PA NA DKAR BA TSO BA MDZES PA YID DU 'ONG BA SNUM BAG DANG LDAN PA ZHIG 'DUG PAR BSAMS NAS MDUN GYI BLA MA SPYAN RAS GZIGS KYI RNAM PA CAN LA, BLA MA YI DAM THUGS RJE CAN, BDAG GI LUS 'DI LA BRTEN NAS TSOGS RLABS PO CHE BDE BLAG TU RDZOGS PAR MDZAD DU GSOL, ZHES GSOL BA BTAB PAS DE'I ZHAL NAS AOm A'A: H'Um ZHES GSUNGS PAS MI MGO'I SGYED BU RI RAB TZAM GSUM BYUNG, DE NAS YI DAM GYI THUGS KA NAS MKHA' 'GRO MA GRI GUG THOGS PA ZHIG SPROS TE, DES RANG GI LUS RNYING PA'I SMIN MTSAMS YAN GYI THOD PA GRI GUG GIS LING GIS BKOG NAS SGYED BU DE GSUM GYI STENG DU DMAR CHAL GYIS BKAB PAS STONG GSUM GYI 'JIG RTEN LAS KYANG YANGS PAR BSAM, SLAR YANG MKHA' 'GRO MA GRI GUG THOGS PA MANG PO BYUNG STE LUS RNYING PA'I SHA KHRAG RUS PA RNAMS RIM GYIS GTUBS NAS THOD PAR BLUGS PAS THOD PA SHA KHRAG GIS BYUR GYI KHENGS, SLAR YANG YI DAM GYI ZHAL NAS AOm A'A: H'Um ZHES GSUNGS PAS SHA KHRAG DE THAMS CAD ZAG PA MED PA'I YE SHES KYI BDUD RTZI KHA DOG KYANG NYI MA 'CHAR KA'I MDOG LTAR DMAR SER DU GYUR PA, DRI NGAD TSOR BAS KYANG RGYAL BA SRAS BCAS KYI THUGS RGYUD BDE BAS TSIM PA DANG, RIGS DRUG GI SDUG BSNGAL SEL NUS PAR GYUR PAR MOS LA, DE NAS RANG GI THUGS KA NAS MKHA' 'GRO MA THOD PA THOGS PA NAM MKHA'I KHAMS GANG BA SPROS TE DE RNAMS
, ,KYIS PHYAG GI THOD PAS BDUD RTZI ZAD MI SHES PA BZHIN DU LUM GYIS BCUS NAS RTZA BRGYUD KYIS BLA MA YI DAM SANGS RGYAS BYANG SEMS NYAN RANG MKHA' 'GRO CHOS SKYONG DANG BCAS PA LA BDUD RTZI PHUL BAS THUGS RGYUD ZAG PA MED PA'I BDE BA CHEN POS TSIM ZHING MNYES, TSOGS RLABS PO CHE BDE BLAG TU RDZOGS PAR BSAM, DE BZHIN DU GNOD BYED LAN CHAGS KYI MGRON RNAMS LA BYIN PAS DE RNAMS KYI LAN CHAGS KHYER, BU LON DAG ,SHA 'KHON BYANG, THAMS CAD KYANG SPYAN RAS GZIGS SU GYUR, ,DE NAS DRIN CAN GYI PHA MAS THOG DRANGS RIGS DRUG GI SEMS CAN THAMS CAD LA BYIN PAS DE THAMS CAD KYANG RIGS DRUG SO SO'I SDUG BSNGAL DANG, DE DAG GI RGYU LAS DANG NYON MONGS PA THAMS CAD BYANG ZHING DAG NAS SNGAR BZHIN DU SNOD KYI 'JIG RTEN THAMS CAD DAG PA'I ZHING BDE BA CAN LTA BU SHA STAG DANG, BCUD KYI SEMS CAN THAMS CAD SPYAN RAS GZIGS SU GYUR PAR BSAMS LA YIG DRUG BZLA BA SOGS SNGAR LTAR BYA STE, MTHAR SNOD THAMS CAD 'OD DU ZHU NAS BCUD KYI SEMS CAN RNAMS DANG, DE YANG RANG LA THIM ZHING MDUN GYI NAM MKHAR BZHUGS PA'I RTZA BA'I BLA MA LA BRGYUD PA'I BLA MA NAS MKHA' 'GRO CHOS SKYONG GI BAR GYIS BSKOR BA RNAMS KYANG RANG LA BYIN GYIS RLOB PA'I TSUL DU RANG LA THIM, MTHAR RANG YANG MI DMIGS PAR BSAMS TE MCHOD YUL, MCHOD RDZAS, MCHOD PA 'BUL BA PO'I GANG ZAG, MCHOD PA'I TSUL LA SOGS PA RNAMS RANG BZHIN GYIS GRUB PA RDUL TZAM YANG MED PA'I STONG PA NYID DU BSAMS LA 'KHOR GSUM MI DMIGS PAR RTOGS PA'I
SHES RAB KYIS RGYAS GDAB BO, ,DE LTAR BYAS PAS LUS LA CHAGS ZHEN DANG BRAL YANG DA DUNG GNYEN BSHES DANG NOR LONGS SPYOD SOGS LA CHAGS ZHEN DANG MA BRAL BAR SNANG NA DE 'GOG PA'I TSUL RKANG PA GNYIS PAS STON PA, DE YANG TSE 'DI'I GNYEN BSHES SOGS MANG YANG TSE SNGA MA'I LAS KYI DBANG GIS SHING LO RLUNG GIS SPUNGS PA LTAR YUD TZAM ZHIG 'DUS PAR ZAD KYI, MTHAR DE DAG GIS KYANG RANG 'DOR, RANG GIS KYANG DE DAG 'DOR TE, 'CHI BA'I TSE GNYEN DANG GROGS NYE BA GCIG DANG YANG 'GROGS DBANG MI 'ONG BAR RANG NYID GCIG PUR 'GRO DGOS TSUL BSAMS LA DE DAG LA MA CHAGS PAR BYA, NOR LONGS SPYOD RNAMS KYANG 'CHI BA'I TSE SHUL DU LUS TE RANG NYID MAR GYI KHROD NAS SPU BTON PA BZHIN DU 'GRO DGOS PA'I TSUL SHES PAR BYAS LA ZHEN CHAGS MED PAR DKON COG MCHOD PA DANG DGE 'DUN GYI BSNYEN BKUR SOGS DMIGS SU 'GRO BA'I DGE PHYOGS SU BTANG LA CHAGS ZHEN CUNG ZAD KYANG MED PAR BYA'O, ,GNYIS PA 'PHO BA 'GRUB PA'I MTHUN RKYEN NI DGA' LDAN DU SKYE BA'I 'DUN PA DRAG TU SBYANG, DER SKYE BA'I SMON LAM 'DEBS, DGE RTZA RNAMS KYANG DE'I RGYUR BSNGO BA RNAMS YIN NO, ,GSUM PA 'PHO BA'I DMIGS PA DNGOS NI RKANG PA THA MA GNYIS KYIS STON PAS DGA' LDAN CHOS KYI PHO BRANG ZHES BYA BA, RIN PO CHE'I KHANG BZANG GI 'PHRENG BAS BSKOR BA'I DBUS NA CHOS KYIS MTHO BA'I PHO BRANG DANG PHO BRANG RGYAL MTSAN MTHON PO ZHES BYA BA DBRJE BTZUN BYAMS PA BZHUGS PA'I RIN PO CHE'I PHO BRANG PHUN SUM TSOGS PA, DE'I MDUN NA YID DGA' CHOS 'DZIN ZHES BYA BA RJE BTZUN
, ,GYIS CHOS STON PA'I MDUN SA RIN PO CHE'I RANG BZHIN YANGS SHING SHIN TU NYAMS DGA' BA'I DBUS NA SENG GE'I KHRI CHOS BZANG PO LA RGYAL BA MA PHAM PA DE NYID SKU GSER GYI LHUN PO LTAR BRJID CHAGS SHING NYI MA 'BUM GYI 'OD ZER DANG LDAN PA; RANG RE 'DZAM BU GLING PA'I NGOS LA ZHAL PHYOGS PAR BZHUGS NAS, 'KHOR BYANG CHUB SEMS DPA'I TSOGS GRANGS MED PA LA SHES RAB KYI PHA ROL TU PHYIN PA'I TSUL LUGS LHUG LHUG 'DOMS PA RANG GIS KYANG MNGON SUM MTHONG BAR MOS LA RTZE GCIG TU GDUNG SHUGS DRAG POS, RGYAL BA MA PHAM PA THUGS RJE CHEN PO DANG LDAN PA, BDAG 'KHOR BA DANG NGAN SONG GI 'JIGS PA LAS BSKYABS TE DGA' LDAN GYI GNAS SU DA LTA NYID DU DRANG DU GSOL, MYUR BA NYID DU DRANG DU GSOL, 'DUG SA 'DI NYID DU DRANG DU GSOL, ZHES GSOL BA BTAB PAS RJE BTZUN GYI THUGS KA NAS 'OD ZER GYI SBU GU PHU DUNG BRKYANGS PA LTA BU NAR GYIS BYUNG, RANG GI SPYI BO TSANGS BUG RGYA MTHONGS KHA PHYE BA 'DRA BA LA THAL GYIS ZUG ,RANG GI SEMS NYID SNYING GAR SPYAN RAS GZIGS KYI LHA'I SKU MTSON GANG BA ZHIG TU HRIL GYIS DRIL BA DES RANG GI TSANGS BUG RGYA MTHONG KHA PHYE BA LTA BU NAS 'OD KYI SBU GU'I LAM NA YAR BLTAS PAS RJE BTZUN GYI THUGS KA GSER GYI MAndAL PHYIS PA LA NYI MA'I 'OD KYIS PHOG PA BZHIN DU SER LHAG GE BA DE MNGON SUM DU MTHONG BAR MOS LA 'OD ZER GYI SBU GU DE LA LAM GYI 'DU SHES, RANG NYID LAM DE LA 'GRO BA'I 'DU SHES, RJE BTZUN GYI THUGS KAR 'PHO BA'I 'DU SHES GSUM BZHAG LA SLAR YANG 'DUN PA DRAG POS SNGAR LTAR GSOL BA BTAB PAS
RJE BTZUN GYI THUGS KA NAS 'OD ZER LCAGS KYU LTA BU ZHIG 'OD KYI SBU GU'I NANG NAS MAR NAR GYIS BYUNG, RANG GI TSANGS BUG NAS ZHUGS TE RANG GI SEMS NYID SPYAN RAS GZIGS SU GSAL BA LA PHOG PAS LCAGS KYUS DRANGS PA BZHIN GYEN DU HRIL GYIS BYUNG, TSANGS BUG NAS RGYANGS KYIS THON, 'OD KYI SBU GU'I LAM NAS SKAR MDA' 'PHANGS PA BZHIN THOGS PA MED PAR SONG STE RJE BTZUN GYI THUGS KAR SIM GYIS THIM PAS RJE BTZUN GYI THUGS DANG RANG GI SEMS RO GCIG TU 'DRES PAR BSAMS LA DE GA'I NGANG LA DAR CIG GZHAG ,SLAR YANG THUGS KA NAS THON, RJE BTZUN GYI CHOS STON PA'I MDUN SA DE NYID DU PADMA 'DAB MA STONG LDAN ZHIG GI DBUS SU LHA'I BU RNAM DPYOD DANG BLO GROS MCHOG TU GYUR PA, THEG PA CHEN PO'I CHOS LA 'DOD DGUR SPYOD PA'I SKAL BA CAN ZHIG TU SKYE BA BLANGS NAS RJE BTZUN GYI GSUNG GI BDUD RTZI NGOMS PA MED PAR 'THUNG BAR MOS SO,, GSUM PA BAR DO'I NYAMS LEN GYI SNYING PO BSRE BA NI RTZA TSIG LAS, 'DI NYID BAR DOR SHES BYAS NAS, ,PHYI NANG GSANG BA BSGYUR BYAS TE, ,STONG NYID SNYING RJE'I RNAL 'BYOR GYIS, ,MKHAS PAS NYING MTSAMS SBYAR BAR BYA, ,ZHES GSUNGS, ,DE YANG RKANG PA DANG POS BAR DO LA DOR NGO SHES PA'I THABS STON PAS DE'I TSUL NI DA LTA'I YUL SNANG 'DI THAMS CAD LA 'DI RNAMS THAMS CAD BAR DO'I 'KHRUL SNANG YIN PAS BAR DO LA BAR DOR NGO SHES PAR BYA DGOS SNYAM YANG YANG BSGOMS PAS DA GZOD BAR DOR SKYES PA NA, DA NGA BAR DOR SKYES 'DUG SNANG BA 'DI THAMS CAD BAR DO'I SNANG BAR 'DUG SNYAM DU BAR DO LA BAR
, ,DOR NGO SHES PAR 'GYUR TE RMI LAM 'DZIN PA NA YANG NYIN PAR DRAN PA RGYUN CHAGS KYIS 'DZIN PA BZHIN NO, ,RKANG PA GNYIS PAS BAR DO'I NYAMS LEN DNGOS STON TE, DE YANG PHYI SGYUR BA NI, DA LTA NAS PHYI SNOD KYI 'JIG RTEN SA RDO SHING GSUM SOGS KYI RANG BZHIN 'DI DAG SNANG BA'I TSE 'DI DAG NGA RANG BAR DOR GNAS PA'I 'KHRUL SNANG YIN GYI DON LA 'DI BZHIN GRUB PA MED SNYAM DU BSAMS LA, SNANG BA MA DAG PA DE TSO'I RJES SU BLO MI 'BRANG BAR DE RNAMS DAG PA'I ZHING BDE BA CAN LTA BU SHA STAG TU BSGYUR LA BSGOM, DE BZHIN DU NANG SGYUR BA NI, NANG BCUD KYI SEMS CAN MI DANG DUD 'GRO LA SOGS PA SNA TSOGS PA SNANG BA'I TSE DE RNAMS 'PHAGS PA SPYAN RAS GZIGS KYI LHA'I SKUR BSGYUR LA BSGOM, GSANG BA SGYUR BA NI, DE LTA BU'I SNOD BCUD GNYIS KA'ANG RANG NGOS NAS GRUB PA LTA BUR SNANG BA'I TSE 'DI LTAR SNANG BA NI RANG GI SEMS BDEN 'DZIN BAG CHAGS DANG BCAS PAS BSLAD PA'I DBANG GIS 'DI LTAR SNANG BA MA GTOGS SNANG BA LTAR RANG NGOS NAS GRUB PA RDUL TZAM YANG MED SNYAM DU BSGOM, DE LTAR BSGOMS PAS BAR DOR SKYES PA NA DMYAL BA'I GNAS DANG GSHIN RJE'I 'JIG RTEN SOGS MA DAG PA'I SNOD KYI SNANG BA SHAR BA NA DE DAG BDE BA CAN GYI ZHING LTA BU DANG, GSHED MA RAL GRI GDENGS PA SOGS KYIS RANG 'DED PA SOGS BCUD KYI SNANG BA RNAMS SPYAN RAS GZIGS KYI SKU DANG, DE THAMS CAD KYANG SNANG BA LTAR RANG BZHIN GYIS GRUB PAS STONG PAR NGANG GIS 'CHAR BAR 'GYUR RO, ,RKANG PA THA MA GNYIS KYIS BSAM BZHIN DU SRID PAR SKYE BA LEN TSUL STON TE, DE'I
TSUL NI, RANG CHOS SGRUB PA'I DAL 'BYOR TSANG BA'I LUS RNAM DAG TU SKYE BA LEN PA NA RANG BAR DOR GNAS PA'I PHA MA NYAL PO BYED PA MTHONG BA'I TSE PHOR SKYE 'GYUR GYI DBANG DU BYAS NA PHA LA DMIGS PA'I ZHE SDANG DANG MA LA DMIGS PA'I 'DOD CHAGS KYI SEMS SKYES PA NA SDANG BA SKYE YUL GYI PHA DE THOG MED NAS KYI DRIN CAN YIN TSUL SOGS BSAMS LA DE LA DMIGS PA'I SNYING RJE DRAG PO BSGOMS LA ZHE SDANG DE ZLOG PAR BYED, CHAGS YUL GYI MA DE SNANG YANG SNANG BA LTAR RANG NGOS NAS GRUB PAS STONG PAR BSGOMS LA 'DOD CHAGS DE ZLOG PAR BYED, DE NAS BDAG GIS MA 'DI'I MNGAL DU SKYE BA BLANGS LA LAM 'PHRO MA RNAMS NYAMS SU BLANG, SEMS CAN GYI DON RGYA CHEN PO BSGRUB SNYAM PA'I 'PHEN PA DANG LDAN PAS SKYE BA 'DZIN PA YIN NO, ,BZHI PA ZHAR LA LTA SGOM SPYOD PA'I GNAD BSTAN PA NI, GANG SHAR NGOS 'DZIN LTA BA'I GNAD, ,DE LA MA YENGS SGOM PA'I GNAD, ,DRAN PA RO SNYOMS SPYOD PA'I GNAD, ,GRUB THOB CHEN PO'I GDAMS PA'O, ,ZHES GSUNGS TE, ,GANG SHAR RANG NGOS NAS GRUB PA LTAR SNANG BA DE NGOS ZIN PAR BYAS LA SNANG BA LTAR MA GRUB PAR GTAN LA 'BEBS PA NI LTA BA'I GNAD DANG GTAN LA PHAB PA'I DON DE NYID LA RTZE GCIG TU MA YENGS PAR SGOM PA NI SGOM PA'I GNAD DANG, 'KHOR 'DAS KYI CHOS THAMS CAD RANG BZHIN GYIS STONG PA NYID DU RO MNYAM PAR DRAN PA'I NGANG NAS GZHAN DON DU RGYAL SRAS KYI SPYOD PA LA SLOB PA NI SPYOD PA'I GNAD YIN PA'I DON DANG, GRUB THOB CHEN PO'I GDAMS PA'O, ,ZHES PA NI GONG DU BSHAD PA RNAMS RJE BTZUN MI TRA'I GDAMS PAR STON PA STE,
, ,SHO LO KA 'DI RJE BTZUN MI TRA'I GSUNG MA YIN PAR MNGON NO, ,DE LTAR NA SNYING PO'I DON GSUM DU GRAGS PA'I NYAMS LEN GYI RIM PA RNAMS SHIN TU GO SLA ZHING 'KHYER BDE BAR BSHAD ZIN TO, ,PAD DKAR 'DZIN PA'I THUGS KYI CHU MTSO LAS, ,LEGS PAR 'ONGS PA'I ZAB LAM MU TIG GI ,DO SHAL SDEB LEGS SRAD BU LA BKOD PA, ,'DI NI SKAL BZANG DPAL MO'I MGRIN PA'I RGYAN, ,'DIR 'BAD LAS BYUNG RNAM DKAR DGE LEGS KYIS, ,'GRO KUN NGAN 'GRO'I G-YANG SA LAS GROL TE,, DGA' LDAN NOR BU'I GZHAL MED NYAMS DGA' BAR, ,THEG MCHOG BDUD RTZI'I DPAL LA SPYOD GYUR CIG ,CES SNYING PO DON GSUM GYI KHRID YIG GO BDE BAR BKOD PA 'DI NI BSTAN PA DANG BSTAN 'DZIN LA MI PHYED PA'I DAD PA MCHOG DANG LDAN ZHING SBYIN PA'I PHYAG RING DU BRKYANGS NAS PHONGS PA'I SKYE BO RNAMS DBUGS 'BYIN PAR MDZAD PA SKYE RGU'I BDAG MO CHEN MO DPAL LDAN YE SHES CHOS SGRON GYI THUGS DAM ZAB MO SPEL BA'I SLAD DU CHOS SMRA BA'I BTZUN PA DGE 'DUN RGYA MTSO'I DPAL GYIS PHO BRANG 'OL KHA STAG RTZER SBYAR BA'I YI GE PA NI SANGS RGYAS MGON PO ZHES BYA BAS BGYIS SO,, ,, ` 'PHYUGS MED MKHA' SPYOD KYI 'PHO BA NYAMS SU LEN PA'I TSUL NI, RANG YI DAM DU GSAL BA'I LUS KYI DKYIL DRANG PO SGAL TSIGS LA CUNG ZAD NYE BAR RTZA DBU MA SBOM PHRA GRO SOGS TZAM PA YAR SNA TSANGS BUG DANG MAR SNA LTE 'OG SOR BZHIR GNAS PA, GSANG GNAS SU CHOS 'BYUNG ZUR GSUM PA PHYI DKAR LA NANG DMAR BA, DE'I NANG DU RLUNG GI DKYIL 'KHOR SI RI RI G-YO BA GZHU LTA BU DH'U T'I'I MAR SNA'I BUG PA'I NANG TZAM DU RANG GI SEMS NYID YI GE AA DKAR PO 'OD KYI RANG BZHIN CAN 'PHUR LA KHAD PA ZHIG
BSGOM, RANG GI SPYI BOR PAD ZLA'I STENG DU RJE BTZUN RDO RJE RNAL 'BYOR MA SKU MDOG DKAR MO GRI GUG DANG THOD PA 'PHYAR THABS SU 'DZIN PA, ZHABS GNYIS RGYAB NAS PHRAG PAR BKAL BA, THOD SKAM LNGA'I DBU RGYAN DANG, SKAM PO LNGA BCU'I DO SHAL CAN, PHYAG RGYA LNGAS BRGYAN PA, DBU SKRA SIL BUR GROL BAS SKU STOD KHEBS SHING NU 'BUR RAB TU RGYAS PA, GCER MO'I GZUGS CAN, GSANG BA'I CHU SKYES DMAR SING NGE BA RANG GI TSANGS BUG GI THAD DU GNAS PA, DE'I SPYI BOR AOm, MGRIN PAR A'A: THUGS KAR H'Um, THUGS KA'I H'Um LAS 'OD ZER 'PHROS PAS RANG BZHIN GYI GNAS NAS BSGOMS PA DANG 'DRA BA'I YE SHES PA SPYAN DRANGS, DZA: H'Um BAm HO: GNYIS SU MED PAR GYUR, SLAR YANG THUGS KA'I H'Um LAS 'OD ZER 'PHROS PAS DBANG GI LHA RNAMS SPYAN DRANGS, KHYED RNAMS KYIS 'DI LA MNGON PAR DBANG BSKUR DU GSOL ZHES GSOL BA BTAB PAS BDUD RTZI'I CHU RGYUN GYIS SPYI BO NAS DBANG BSKUR, RNAM PAR SNANG MDZAD KYIS DBU BRGYAN PAR GYUR, DE NAS NANG MCHOD DANG MCHOD PA BYIN GYIS BRLABS LA; AOm BADZRA W'A RA HI SA PA RI W'A RA AARGHAm NAS, SHAPTA PRA T'I TZTSA H'Um SV'AH'A ZHES PA'I BAR GYIS MCHOD PA DANG NANG MCHOD KYANG DBUL, RGYAL BA KUN DNGOS LHAN CIG SKYES PA'I DBYINGS, ,SGYU MA'I GAR GYIS ROL BA LHA MO'I GZUGS, ,GNAS GSUM MKHA' 'GRO'I DBANG PHYUG DNGOS GRUB KYI, ,'BYUNG GNAS BCOM LDAN 'DAS MA KHYOD PHYAG 'TSAL, ,ZHES BSTOD PAS THUGS KA'I ZLA BA'I DKYIL 'KHOR GYI STENG DU HR'I: YIG DKAR PO'I MTHAR AOm GSUM MA'I SNGAGS KYI YI GE MU TIG GI PHRENG BA LTA BUS BSKOR BA
, ,LAS 'OD ZER 'PHROS, GNAS GSUM GYI DPA' BO MKHA' 'GRO THAMS CAD KYI SKU GSUNG THUGS KYI YON TAN RNAMS BSDUS, THUGS KA'I SNGAGS PHRENG LA THIM PAS BDUD RTZI'I RGYUN BABS, GSANG GNAS NAS THON, RANG GI TSANGS BUG NAS ZHUGS TE LUS THAMS CAD GANG, DRI MA THAMS CAD DAG ,SEMS BDE STONG DBYER MED KYI NGO BOR GYUR PAR BSAMS LA, AOm AOm AOm SARBA BUDDHA d'A KI N'I BADZRA WARnnA N'I, BADZRA BE RO TZA NA YE H'Um H'Um H'Um PHAt PHAt PHAt SV'A H'A, ZHES PA CI MANG DU BZLAS LA MKHA' SPYOD DU 'KHRID PA'I GSOL BA GDAB PA NI, DUS GSUM SANGS RGYAS KUN GYI NGO BO NYID, ,ZAB DANG RGYA CHE'I CHOS RNAMS KUN GYI MDZOD, ,'PHAGS MCHOG DGE 'DUN KUN GYI GTZUG GI RGYAN, ,GSOL BA 'DEBS SO BLA MA RIN PO CHE, ,DAG PA MKHA' SPYOD GNAS SU 'KHRID DU GSOL, ,BDE STONG DBYER MED YE SHES BSKYED DU GSOL, ,GNAD GCOD BAR DO'I 'JIGS LAS BSKYAB TU GSOL, ,RE SA GZHAN NA MED DO THUGS RJES ZUNGS, ,RKANG PA THA MA BZHI 'OG MA KUN LA'ANG 'GRE'O, ,DUG GSUM NAD KYIS GZIR BA'I SMAN PA MCHOG ,NGAN 'GRO'I G-YANG LA LHUNG BA'I 'CHOL SA STE, ,MTHO RIS THAR PAR 'KHRID PA'I DED DPON MCHOG ,GSOL BA 'DEBS SO BLA MA RIN PO CHE, ,BLANG DOR GNAS KUN GSAL BA'I SGRON ME MCHOG ,'GRO LA LAM BZANG MTSON PA'I MIG GCIG PU, ,DNGOS GRUB MA LUS STZOL BA'I YID BZHIN NOR, ,GSOL BA 'DEBS SO BLA MA RIN PO CHE, ,ZAG MED LHAN SKYES BDE BA'I ROS GANG ZHING, ,DPA' BO'I BRTAN PA 'PHROG MKHAS MKHA' 'GRO'I GZUGS, ,MA LUS
PHYOGS BCU'I RGYAL BA BSKYED MDZAD YUM, ,GSOL BA 'DEBS SO RJE BTZUN RNAL 'BYOR MA, ,YID 'PHROG ZLA TSES LTA BUR DKAR BA'I SKU, ,PHUL BYUNG RUS PA RIN CHEN RGYAN GYIS SPRAS, ,MIG GI BDUD RTZI GSAR PA'I LANG TSO CAN, ,GSOL BA 'DEBS SO RJE BTZUN RNAL 'BYOR MA, ,ME TOG PHON PO LTA BUR NU 'BUR MTHO, ,GSANG BA'I CHU SKYES DNGOS GRUB SBRANG RTZI'I GNAS, ,SKAL BZANG RNAMS LA 'KHYUD PA'I MDZA' BA STER, ,GSOL BA 'DEBS SO RJE BTZUN RNAL 'BYOR MA, ,ZHES GSOL BA BTAB PAS, ,THUGS KA NAS 'OD ZER LCAGS KYU LTA BU BYUNG, ,RANG GI TSANGS BUG NAS DH'U T'I'I LAM DU ZHUGS TE RANG SEMS AA DKAR POR GSAL BA LA PHOG STE GYEN DU DRANGS, 'OG RLUNG DRAG TU 'THEN CING HIKA BRJOD PAS 'OG GI RLUNG GI DKYIL 'KHOR YANG G-YOS TE SEMS AA DKAR POR GSAL BA DE NYID DH'U T'I'I LAM NAS HRIL GYIS SKAR MDA' 'PHANGS PA BZHIN TSANGS BUG NAS RGYANGS KYIS THON, RJE BTZUN MA'I BHA GA DMAR SING NGE BA'I NANG DU ZHUGS, THUGS BDE BA CHEN PO'I YE SHES DANG RO GCIG TU GYUR PAR BSAM PA YIN ZHING, 'PHO BA SBYONG BA'I TSE TSANGS BUG NAS SLAR DH'U T'I'I LAM NAS HRIL GYIS 'ONGS NAS SNGAR GYI SAR GNAS PAR BSAM STE, DE LTA BU'I 'GRO 'ONG MANG DU BSGOMS PA'I MTHAR TSE BSRING BA'I THABS SU THUN MONG BA'I BUM PA CAN CI NUS SU BSGOM PAR BSHAD DO, ,ZAB LAM RDO RJE'I 'PHO BA'I NYAMS LEN GYIS, ,MKHA' SPYOD GNAS SU DPA' BO MKHA' 'GRO'I DBUS, ,LEGS SKYES HE RU KA YI GO 'PHANG MCHOG ,MNGON DU GYUR NAS 'GRO KUN SGROL BAR SHOG ,CES PA 'DI SNGAGS
, ,'CHANG NAM MKHA' RNAM RGYAL GYIS BSKUL BA'I NGOR SH'AKYA'I BTZUN PA DGE 'DUN RGYA MTSO'I DPAL GYIS SMRAS PA'I YI GE PA NI LUNG RIGS SMRA BA CHOS KYI TSE DBANG NGO,, ,, ` MGON PO SNYING ZHUGS 'PHO BA DANG BCAS PA'I DMIGS RIM RGYUN GYI RNAL 'BYOR DU BYA BA'I TSUL NI, RANG GI SNYING PADMA DMAR PO 'DAB MA BRGYAD PA KHA GYEN DU PHYOGS PA'I NANG DU NYI MA DANG TSOGS KYI BDAG PO'I GDAN LA DPAL MYUR DU MDZAD YE SHES KYI MGON PO SKU MDOG MTHING NAG ZHAL GCIG PHYAG DRUG PA, ZHES PA NAS, ZHABS G-YAS BSKUMS SHING G-YON BRKYANGS PA'I TSUL GYIS BZHUGS PA, ,RANG GI SPYI BOR PAm LAS SNA TSOGS PADMA DANG RAm LAS NYI MA'I DKYIL 'KHOR GYI STENG DU GAm LAS TSOGS BDAG GLANG SNA DKAR PO GLANG PO CHE'I GDONG PA CAN ZHES PA NAS, SKU LAS SKYES PA'I YE SHES KYI ME DPUNG RAB TU 'BAR BA'I DBUS NA BZHUGS PA, DE'I SPYI BOR AOm, MGRIN PAR A'A: THUGS KAR H'Um, THUGS KA'I H'Um LAS 'OD ZER 'PHROS PAS SHAR LHO BSIL BA'I TSAL GYI DUR KHROD SHING TZAN DAN RKANG CIG GI DRUNG NAS YE SHES KYI MGON PO SKAD CIG GIS SPYAN DRANGS, SHR'I MA H'A K'A LA YE AE HYE HI, Ksh'Im RING PO NYER GCIG BRJOD LA SPYAN DRANGS, DZA: H'Um BAm HO: GNYIS SU MED PAR GYUR, AOm SHR'I MA H'A K'A LA YE AARGHAm PRA T'I TZTSA YE SV'AH'A, DE BZHIN DU SHAPTA'I BAR GYI MCHOD PA DANG, BLA MA BRGYUD PA'I MTSAN GYI MTHA' DANG SNYING PO'I SNGAGS KYI MTHAR AOm A'A: H'Um BTAGS LA NANG MCHOD DBUL, ,MGON PO'I SPYI GTZUG TU DRIN CAN RTZA BA'I BLA MA DE NYID SKU MDOG SER PO NYI MA 'BUM GYI MDANGS DANG LDAN PA, PHYAG G-YAS YID BZHIN GYI NOR BU THUGS KAR
'DZIN CING G-YON GSER GYI DRIL BU DKUR BRTEN PA, RIN PO CHE'I RGYAN DPAG TU MED PAS SPRAS PA, RDO RJE 'CHANG DANG BRGYUD PA'I BLA MA RNAMS KYI NGO BOR GYUR PA'I SKU LAS 'OD 'PHROS, MGON PO LA PHOG ,MGON PO 'OD DANG BDE BA'I RANG BZHIN DU 'BAR, ,'UR 'UR SIL SIL GAR MDZAD, MGON PO'I SKU LAS 'OD 'PHROS BLA MA LA PHOG ,BLA MA 'OD KYI RANG BZHIN DU MER MER DRIL BU'I SGRA SGROG PA'I BLA MA NYID MGON PO, ,MGON PA NYID BLA MA, BLA DANG MGON PO DBYER MED PA'I BDAG NYID CAN DU GYUR, BDAG DANG NAM MKHA'I MTHA' DANG MNYAM PA'I SEMS CAN THAMS CAD SKU BZHI'I BDAG NYID DRIN CAN RTZA BA'I BLA MA RIN PO CHE LA GSOL BA 'DEBS SO, ,ZHES PA NAS, MGON PO BLA MA DBYER MED LA GSOL BA 'DEBS SO ZHES PA'I BAR BRGYUD PA'I GSOL 'DEBS SPYI DANG, KHYAD PAR BLA MA MGON PO DBYER MED KYI GSOL 'DEBS MANG DU BYAS LA, NA MO BHUDH'A LA, ZHES PA NAS, 'DUG SA 'DI NYID DU BYIN GYIS RLOBS SHIG CES PA'I BAR LAN GSUM BRJOD PAS MGON PO BLA MA DANG BCAS PA RANG GI SPYI BO TSANGS PA'I BU GA NAS ZHUGS, RTZA AA WA DH'U T'I'I NANG NAS GAR MDZAD CING BYON, SNYING GA'I MGON PO LA THIM PAS BLA MA DANG MGON PO RANG GI SEMS GSUM PO GCIG TU GYUR PAR BSAMS TE DE LA NGA RGYAL BZHAG NAS MGON PO'I THUGS KAR NYI MA'I DKYIL 'KHOR GYI STENG DU H'Um YIG GI MTHAR SNYING PO DANG RTZA SNGAGS KYIS BSKOR BA LA DMIGS NAS BZLAS PA BYA, MCHOD GTOR 'BUL BA DANG BSTOD PA SOGS KYANG 'DI NYID LA BYAS PAS 'GRUB BO, ,DE NAS RANG GI SPYI BOR RJE BTZUN RDO RJE
, ,RNAL 'BYOR MA SKU MDOG DKAR MO ZHAL GCIG PHYAG GNYIS G-YAS GRI GUG DANG G-YON THOD PA BDUD RTZIS GANG BA 'DZIN CING ZHABS GNYIS RGYAB NAS PHRAG PAR BKAL BA, THOD SKAM LNGA'I DBU RGYAN DANG SKAM PO LNGA BCU'I DO SHAL CAN, PHYAG RGYA LNGAS BRGYAN PA, NU 'BUR RAB TU RGYAS SHING GSANG GNAS KYI CHOS 'BYUNG DMAR SING NGE BA DANG RANG GI TSANGS BUG KHA DA CHAD DU YOD PAR BSGOMS TE, RANG GI THUGS KA'I SA BON GYI 'OD ZER GYIS MKHA' SPYOD KYI GNAS NAS RJE BTZUN MA SPYAN DRANGS, THIM PAS GNYIS SU MED PAR GYUR PAR BSAM, DE NAS RJE BTZUN RDO RJE RNAL 'BYOR MA, ,BDAG DAG PA BDE STONG MKHA' SPYOD KYI GNAS SU 'KHRID PAR MDZAD DU GSOL, YI DAM RDO RJE RNAL 'BYOR MA, BDAG DAG PA BDE STONG MKHA' SPYOD KYI GNAS SU 'KHRID PAR MDZAD DU GSOL, SANGS RGYAS RDO RJE RNAL 'BYOR MA, BDAG DAG PA BDE STONG MKHA' SPYOD KYI GNAS SU 'KHRID PAR MDZAD DU GSOL, ZHES GSOL BA BTAB PAS RJE BTZUN MA'I THUGS KA NAS 'OD ZER LCAGS KYU LTA BU 'PHROS PA GSANG GNAS NAS RANG GI TSANGS BUG TU ZHUGS, AA WA DH'U T'I'I NANG NAS NAR GYIS BYUNG NAS RANG GI SEMS SNYING GA'I MGON POR GSAL BA LA PHOG PAS SNYING GA'I PADMA 'DAB BRGYAD KHA SHAG GIS BYE, MGON PO AA WA DH'U T'I'I LAM NAS HRIL LI LI BYON, SPYI BO'I TSANGS BUG LA THUG PA DANG, SLAR YANG AA WA DH'U T'I'I LAM NAS MAR BYON SNYING GA'I PADMA'I LTE BAR PHEBS PA DANG PADMA 'DAB BRGYAD KHA 'UB KYIS ZUM PAR BSGOM STE, DE LTA BU'I TSUL GYI DMIGS PA YANG YANG SBYANG, MTHAR 'PHO BA'I DUS LA BAB PA NA MGON
PO SPYI BO'I TSANGS BUG NAS RGYANGS TE THON, RJE BTZUN MA'I GSANG GNAS DMAR SING NGE BAR ZHUGS PAS RANG GI SEMS BLA MA YI DAM MGON PO RNAMS DANG DBYER MED DU 'DRES TE RJE BTZUN MA RDZU 'PHRUL GYIS MKHA' SPYOD DU GSHEGS PAR BSAM PA YIN ZHING, DE LTA BU'I DMIGS PA RNAMS BSKYANGS RES KYI MTHAR, BLA MA MGON PO DBYER MED LA, ,BDAG NI GUS PAS SKYABS SU MCHI, ,BDAG NI SEMS CAN THAMS CAD KYI, ,NYON MONGS MA LUS SEL BAR SHOG ,CES LAN MANG DU BRJOD DO, ,MKHA' SPYOD SUM DRIL GYI GDAMS PA ZAB MO GZHAN DANG THUN MONG MA LAGS PAS SHIN TU GSANG ZHING NYAMS SU BLANG BAR BYA'O, ,ZHES PA 'DI YANG RJE NYID KYIS MDZAD PA'O,, ,, ` ZAB MO DBU MA'I LTA BA GTAN LA DBAB PA THAR 'DOD KYI 'JUG NGOGS ZHES BYA BA; RJE BTZUN 'JAM PA'I DBYANGS LA PHYAG 'TSAL LO, ,TSOGS GNYIS GSER GYI CHU SKYES LAS, ,LEGS 'KHRUNGS KUN MKHYEN SH'AKYA'I GTZO, ,RIG DANG ZHABS SU LDAN PA YI, ,DON GYI TSANGS DBANG KHYOD PHYAG 'TSAL, ,'GRO NA RAB RMONGS LHA MIN GYI,, GRONG KHYER SUM BRTZEGS CHES MTHO BA, ,GNYIS MED YE SHES MDA' BO CHE, ,SREG MDZAD 'JAM PA'I DBYANGS LA 'DUD, ,RTEN 'BYUNG RIGS TSUL LAG NYAL GYIS, ,MTHAR LTA'I SMIN PA GSOD BYED GANG, ,KLU SGRUB CHOS KUN MNGON SUM DU, ,GZIGS PA'I 'DREN BYED STONG LDAN RGYAL, ,MTHA' MED SHES BYA'I CHU SRIN BDAG ,BLO BZANG ZHAL DU HUB GCIG GIS, ,DRANGS SO BDAG 'DZIN LHA MIN CHE, ,SKAD CIG NYID LA ZHI MDZAD RGYAL, ,THUB CHEN RANG BYUNG THUGS KYI BCUD, ,'JAM DBYANGS BDE
, ,'BYUNG RAL PA'I KLONG, ,'KHYIL BA LAS BABS DRANG SRONG CHE, ,KLU SGRUB 'DZA' HU'I ZHAL SGO LAS, ,BLO BZANG MKHYEN YANGS NOR 'DZIN CHER, ,LEGS 'ONGS RGYUN GSUM LDAN PA 'DIS, ,SDIG LTA'I DUG CAN BU YI TSOGS, ,SKAD CIG NYID LA DAG GYIS LA, SKU GSUM GO 'PHANG TSANGS GNAS KYI, ,BLA MED BDE LA LONGS SPYOD MDZOD,, 'DIR RJE BTZUN 'JAM PA'I DBYANGS KYIS BDAG CAG GI BLA MA MNYAM MED TZONG KHA PA CHEN PO LA DNGOS SU DGYES BZHIN DU STZAL BA'I THUN MONG MA YIN PA'I ZHAL GDAMS ZAB PA BAS KYANG CHES ZAB PA, ZAB MO DBU MA'I LTA BA ZHES YONGS SU GRAGS PA DE NYID SKAL BA DANG LDAN ZHING, SHING RTA CHEN PO DAG GI RIGS LAM LA LEGS PAR SBYANGS PA'I BLO GROS CAN GYI DON DU GNYER BA PO DAG LA DAL BUS GLENG BAR BYA STE, DE LA MKHAS GRUB THAMS CAD MKHYEN PA SOGS NAS BRGYUD PA RNAMS LA SNGON 'GRO BLA MA'I RNAL 'BYOR DANG DNGOS GZHI GNYIS KYI SGO NAS 'KHRID PA MA GTOGS DRAN PA BZHI LDAN SOGS KYI SGO NAS 'KHRID TSUL MDZAD PA'I SROL CHER MI SNANG LA; RGYAL BA'I SRAS PO SHES RAB SENG GE NAS BRGYUD PA DAG NI DRAN PA BZHI LDAN GYI SGO NAS 'KHRID PAR MDZAD DE, SGO DE GNYIS GANG NAS 'KHRID KYANG RUNG, RJE NYID LA RJE BTZUN 'JAM PA'I DBYANGS KYIS BLA MA DANG YI DAM DBYER MED DU BYAS NAS GSOL BA SHUGS DRAG TU 'DEBS PA DANG, BSAGS SBYANG SHUGS DRAG LA YUN RING BA LA 'BAD PA DANG, GZHUNG LUGS KYI DON LA RIGS PAS ZHIB TU DPYAD PA RNAMS SUM DRIL DU GYIS LA NYAMS SU LONGS SHIG DANG, RING POR MI THOGS PAR LTA BA'I GNAD
RNAMS RNYED PAR 'GYUR RO ZHES GANG BKA' STZAL PA LTAR NYAMS SU LEN DGOS PAS THOG MAR BLA MA DANG RJE BTZUN DBYER MED DU BYAS TE BYIN RLABS NYE BRGYUD SOGS KYI SGO NAS GSOL BA SHUGS DRAG TU 'DEBS PA DANG, YAN LAG BDUN PA'I SGO NAS BSAG SBYANG LA 'BAD PA DRAG TU BYED PA NI LTA BA RTOGS PA'I GNAD DAM PA'O, ,DE NAS DAL 'BYOR RNYED DKA' DON CHE BSAM PA, 'CHI BA MI RTAG PA, LAS RGYU 'BRAS, ,'KHOR BA'I NYES DMIGS SGOM PA SOGS SKYES BU CHUNG 'BRING GI LAM RNAMS LA SLOB PA NI THEG PA CHE CHUNG GANG GI LTA BA'I NYAMS LEN GANG BYED KYANG MED MI RUNG DU DGOS LA, KHYAD PAR THEG CHEN GYI LTA BA'I NYAMS LEN DU 'GYUR BA LA NI SNYING RJE CHEN PO DANG BYANG CHUB KYI SEMS KYIS ZIN PA DGOS MOD KYI SNGON 'GRO 'DI DAG NI GRAGS CHE BAS ZHIB PAR MA BSHAD DO,, DA NI LTA BA'I NYAMS LEN DNGOS GZHI BRJOD PAR BYA STE, 'DI LA GNYIS, GANG ZAG GI BDAG MED NYAMS SU LEN TSUL DANG, CHOS KYI BDAG MED NYAMS SU LEN TSUL LO,, DANG PO LA GNYIS, GANG ZAG GI BDAG MED GTAN LA DBAB PA DANG, PHAB NAS JI LTAR SKYONG BA'I TSUL LO,, DANG PO NI TSAD LDAN GYI GSUNG RAB PHAL CHE BAR BDAG MED GNYIS LAS BSHAD PA'I RIM PA LA THOG MAR CHOS KYI BDAG MED DANG DE NAS GANG ZAG GI BDAG MED BSHAD PA MANG YANG SGOM PA'I TSE NI THOG MAR GANG ZAG GI BDAG MED SGOM PA GAL CHE BA YIN TE, 'JUG PA LAS, NYON MONGS SKYON RNAMS MA LUS 'JIG TSOGS LA, ,LTA LAS BYUNG BAR BLO YIS MTHONG GYUR CING, ,ZHES SOGS DANG, RAB BYED BCO BRGYAD PA'I
, ,'GREL PA TSIG GSAL LAS, GAL TE PHUNG PO BDAG YIN NA, ,ZHES SOGS KYI SNGA 'GREL DU, 'DI NA RNAL 'BYOR PA DE KHO NA NYID LA 'JUG PAR 'DOD CING, NYON MONGS PA DANG SKYON MA LUS PAR SPONG BAR 'DOD PA NI 'KHOR BA 'DI CI'I RTZA BA CAN YIN, ZHES DE LTAR NYE BAR RTOG PAR BYED LA, DE DE LTAR NYE BAR RTOG PA NA 'KHOR BA 'JIG TSOGS LA LTA BA'I RTZA BA CAN DU MTHONG ZHING, BDAG NI 'JIG TSOGS LA LTA BA DE'I DMIGS PA YIN PAR MTHONG LA, BDAG MA DMIGS PAS 'JIG TSOGS LA LTA BA SPONG ZHING, DE SPANGS PAS NYON MONGS PA DANG SKYON MA LUS PA LDOG PAR MTHONG BAS GANG ZHIG BDAG TU 'DZIN PA'I YUL BDAG CES BYA BA 'DI NI CI ZHIG CES CHES THOG MAR BDAG KHO NA LA NYE BAR RTOG PAR BYED DO, ,ZHES GSUNGS PA LTAR RO, ,BDAG MED GNYIS GTAN LA 'BEBS PA'I RIGS PA'I RNAM GRANGS KYANG RTZA SHE SOGS DBU MA'I GZHUNG RNAMS SU JI SNYED CIG GSUNGS KYANG CHOS KYI BDAG MED GTAN LA 'BEBS PA'I RIGS PA'I GTZO BO NI MTHA' BZHI SKYE 'GOG GI RIGS PA NYID YIN TE, PHUNG SOGS KYI CHOS LA 'DUS BYAS DANG 'DUS MA BYAS GNYIS LAS, 'DUS BYAS RAB TU MA GRUB PAS, ,'DUS MA BYAS NI JI LTAR GRUB, ,CES 'DUS BYAS RANG BZHIN GYIS GRUB PA KHEGS PA NA 'DUS MA BYAS DE LTAR GRUB PA 'BAD MED DU KHEGS PAR GSUNGS SHING, 'DUS BYAS RANG BZHIN GYIS SKYE BA KHEGS PA NA RANG BZHIN GYIS GNAS 'GAG SOGS 'BAD MED DU KHEGS PA DANG, MTHA' BZHI'I SKYE BA BKAG PAS RANG BZHIN GYIS SKYE BA KHEGS PAR 'GYUR BA'I PHYIR MTHA' BZHI'I SKYE
'GOG GI RIGS PA'I RTZA BA YANG RTEN 'BREL GYI RIGS PA LA THUG STE, 'DUS BYAS BRTEN NAS SKYE BA'I RGYU MTSAN GYIS MTHA' BZHI LAS MI SKYE BA'I PHYIR RO, ,DE BZHIN DU GANG ZAG GI BDAG MED SGRUB PA'I RIGS PA'I GTZO BO NI RNAM LNGA'AM RNAM BDUN GYI RIGS PA YIN TE, ME DANG BUD SHING BRTAG PA'I RAB BYED DANG DE BZHIN GSHEGS PA BRTAG PA'I RAB BYED DU RNAM LNGA'I RIGS PA GSUNGS SHING, 'JUG PAR DBYIBS DANG TSOGS PA GNYIS BSNAN NAS RNAM BDUN GYI RIGS PA GSUNGS PA'I PHYIR, DE DAG GI GNAD KYANG GCIG DU BRAL GYI RIGS PAR 'DUS TE, RAB BYED BCO BRGYAD PA'I TSIG GSAL LAS, DE LA RTEN DANG BRTEN PA DANG DE DANG LDAN PA'I PHYOGS RNAMS KYANG GCIG NYID DANG GZHAN NYID KYI PHYOGS KYI KHONGS SU 'DUS PA'I PHYIR DANG MDOR BSDUS NAS BRJOD PAR 'DOD PA'I PHYIR GCIG NYID DANG GZHAN NYID KYI PHYOGS BKAG PA NYID KYIS BDAG DGAG PAR BZHED NAS ZHES GSUNGS PA LTAR YIN LA, GCIG DU BRAL GYI RIGS PA'I RTZA BA YANG RTEN 'BREL GYI RIGS PA LA THUG PA DANG, RTEN 'BREL GYI RTAGS GCIG NYID KYI DNGOS KYI BYED PA LA BRTEN NAS RTAG CHAD KYI MTHA' GNYIS KA DUS GCIG TU SEL BAS RIGS PA'I RGYAL PO RTEN CING 'BREL 'BYUNG ZHES BSNGAGS PA RGYA CHER GSUNGS KYANG 'DIR NI GCIG DU BRAL GYI RIGS PA NYID BSHAD PAR BYA STE, LHAG MTHONG CHE CHUNG SOGS RJE YAB SRAS KYI GSUNG RAB RNAMS SU GNAD BZHI'I DPYAD PA LA BRTEN NAS LTA BA GTAN LA PHAB CING DE NI GCIG DU BRAL GYI DBANG DU BYAS KYI BDAG MED GTAN LA 'BEBS PA'I RIGS PA THAMS CAD LA DES MA KHYAB
, ,PA NYID KYIS TE, RTEN 'BREL GYI RIGS PA LTA BU LA GNAD GSUM DANG, RNAM BDUN GYI RIGS PA LA GNAD DGU LA SOGS PA TSANG DGOS PA'I PHYIR RO, ,DES NA 'DI LA GNAD BZHI TSANG DGOS TE, DANG POR NGAR 'DZIN LHAN SKYES KYIS NGA JI LTAR BZUNG BA'I TSUL NGES PA'I GNAD, DE NAS KHYAB PA NGES PA'I GNAD, BDEN PA'I GCIG BRAL NGES PA'I GNAD, DU BRAL NGES PA'I GNAD RNAMS SO,, DANG PO NI, GZHAN PHYOGS KYI DBU MA PA LA PHAL CHER DANG, LUGS 'DI'I RJES 'BRANG 'GA' ZHIG KYANG DGAG BYA NGOS 'DZIN PA LA DE TZAM GYI NAN TAN MI BYED PAR SNANG NA YANG, SPYOD 'JUG LAS, BTAGS PA'I DNGOS LA MA REG PAR, ,DE YI DNGOS MED 'DZIN MA YIN, ,ZHES DGAG BYA RANG BZHIN GYIS GRUB PA'I SPYI BLO LA MA SHAR BAR DE BKAG PA'I RANG BZHIN MED PA'I DON RTOGS MI NUS PAR GSUNGS SHING, SNGAR DRANGS PA'I TSIG GSAL LAS KYANG, GANG ZHIG BDAG TU 'DZIN PA'I YUL BDAG CES BYA BA 'DI NI CI ZHIG CES CHES THOG MAR BDAG KHO NA LA NYE BAR RTOG PAR BYED DO, ,ZHES GANG ZAG RANG RGYUD LA NGA'O SNYAM DU 'DZIN PA'I BLO SHUGS CAN SNYING GI DKYIL NAS DAM SBRING GIS 'DZIN PA ZHIG THOL GYIS SKYES PA NA, LTA BA SGOM PA'I RNAL 'BYOR PAS BDAG TU 'DZIN PA'I BLO DE'I ZHEN YUL LAM 'DZIN STANGS KYI YUL GYI BDAG GAM NGA DE JI LTA BU ZHIG CES LTA BA GTAN LA 'BEBS PA'I TSE THOG MAR NGAR 'DZIN GYIS YUL NGA'AM BDAG JI LTAR BZUNG TSUL KHO NA LA NYE BAR RTOG PAR BYED DO, ,ZHES THOG MAR DGAG BYA NGOS 'DZIN DGOS PA DANG, JI LTAR 'DZIN PA'I TSUL YANG CHES GSAL
BAR GSUNGS PA LTAR YIN PAS SHIN TU GAL CHE BA YIN YANG, THAL 'GYUR BA'I LUGS LA CHOS DANG GANG ZAG GI STENG DU YANG PHAR MING GIS BTAGS PA TZAM MA YIN PAR RANG NGOS NAS GRUB PA ZHIG BYUNG NA DON DAM LA DPYOD PA'I RTAGS KYI DGAG BYA YIN NO, ,ZHES RANG RE'I RJES 'BRANG GI DBU MA PA THAMS CAD LA RLUNG LTAR GRAGS KYANG TSIG RIS DE TZAM RKYANG PAR MA ZAD PA'I NANG GI MYONG BA LA BKAR NAS DGAG BYA'I 'CHAR TSUL CHAR GYIS NGOS ZIN PA SHIN TU NYUNG ZHING, DE'I STOBS KYIS DGAG BYA'I 'CHAR TSUL PHRA MO LA NGO SPRAD NAS DE BKAG PA NA PHAL MO CHE'I BLOR MI SHONG ZHING, 'GA' ZHIG LA CHAD LTA SKYES DOGS PA'I NYES DMIGS CHE BAR SNANG BA DANG, RANG RANG GI NANG DU MYONG THOG NAS CI 'CHAR LTA BA DANG, YANG DAG PA'I BSHES GNYEN GYI MAN NGAG LAS RTOGS PAR BYA BA KHO NA YIN PAS THAMS CAD LA THUN MONG DU BSNYAD PAR BYA BA MIN YANG THEG PA CHE CHUNG GI LAM THAMS CAD KYI SROG DAM PA 'DI THAR 'DOD THAMS CAD KYIS JI LTA BA BZHIN KHONG DU CHUD PAR GYUR NA CI MA RUNG SNYAM DU YID LA BRNAGS TE CUNG ZAD GSAL BAR BSHAD PAR BYA STE, DE YANG LTA BA'I 'KHRID TSUL MANG PO ZHIG TU DANG POR GANG ZAG RANG RKYA BAR 'DZIN PA'I RAGS PA'I 'DZIN TSUL 'CHAR DU BCUG NAS DE'I 'OG TU DGAG BYA PHRA MO NGOS BZUNG STE, 'GOG PA'I TSE STABS SU 'GOG PA'I RNAM GZHAG MDZAD KYANG, 'DIR NI DGAG BYA PHRA MO NGOS ZIN NAS DE KHEGS NA RAGS PA ZHAR LA KHEGS PAR 'GYUR BAS TSEGS CHUNG BA'I PHYIR DGAG BYA PHRA MO'I 'CHAR TSUL BSHAD PAR BYA'O, ,DE LA THOG MAR NGAR 'DZIN LHAN
, ,SKYES NGOS GZUNG NA SPYIR NGA'O SNYAM DU 'DZIN PA'I BLO LA RIGS GSUM STE, MING GI BTAGS PA TZAM GYIS KHYAD PAR DU BYAS NAS DE LTAR 'DZIN PA DANG, RANG BZHIN GYIS GRUB PAS KHYAD PAR DU BYAS NAS NGA'O SNYAM DU 'DZIN PA DANG, DE GNYIS GANG GIS KYANG KHYAD PAR DU MA BYAS PAR DE LTAR 'DZIN PA STE RNAM PA GSUM LAS DANG PO NI DBU MA'I LTA BA RNYED PHYIN CHAD KYI GANG ZAG LAS GZHAN LA MI 'BYUNG LA, GNYIS PA NI NGAR 'DZIN LHAN SKYES SU GRAGS PA'I 'DZIN TSUL DANG, GSUM PA NI SO SO SKYE BO RNAMS KYI RGYUD LA 'BYUNG BA'I NGA 'JOG PA'I THA SNYAD PA'I TSAD MA YIN LA, DES NA RANG CAG RNAMS LA GNYID 'THUG PO LOG BZHIN PA'I GNAS SKABS TSUN CHAD NA YANG NGA'O SNYAM DU SNYING GI DKYIL NAS DAM SPRING GIS 'DZIN PA'I BLO SHUGS CAN THOL GYIS 'BYUNG BA ZHIG RGYUN LDAN DU YOD CING, KHYAD PAR DU RANG CAG RNAMS LA RANG GIS NYES PA DE LTA BU MA BYAS KYANG KHYOD KYIS NYES PA 'DI 'DRA ZHIG BYAS SO ZHES NAN GYIS BSNYON BTZUGS PA LTA BU'I TSE NGAS DE LTA BU'I NYES PA GANG DU BYAS, DON MED DU BSNYON DE LTA BU 'DZUGS PA CI YIN ZHES YUS DAG PA'I TSUL GYIS GANG DU'ANG NGA DANG NGA ZHES SMRA ZHING BLO LA'ANG RAM RAM (NGAM NGAM) 'DZIN PA LTA BU ZHIG GI TSE NA NGAR 'DZIN LHAN SKYES KYI 'DZIN TSUL SHIN TU GSAL BAR YOD DO, ,BLO DE 'DRA ZHIG SKYES PA NA GA RE BLO 'DIS NGA DE GANG DU BZUNG, JI LTAR DU BZUNG SNYAM DU BLO KHA NANG DU KHYUR GYIS PHYOGS NAS BLTA BAR BYA LA, DE YANG BLO RTING MA SHUGS CHES NA BLO SNGA MA'I SHUGS 'GAGS NAS STONG SANG NGE BA 'DRA BA ZHIG MA GTOGS 'DZIN TSUL JI LTA
BA BZHIN NGES MI THUB PAS BLO BYINGS NGA'O SNYAM DU 'DZIN PA'I BLO DE GA'I SHUGS LAS MA G-YOS PA'I NGANG NAS BLO'I ZUR GYIS DE'I 'DZIN TSUL LA BLTA BAR BYA STE, DPER NA MI GNYIS LAM LA BSHIBS NAS 'GRO BA'I TSE MIG DNGOS GZHI LAM LA LTA BA DANG, MIG ZUR GYIS GROGS LA LTA BA MI 'GAL BA BZHIN NO, ,DE LTAR BLTAS PA'I TSE RANG GI PHUNG PO LNGA LAS GZHAN PA'I KA BA DANG BUM PA SOGS PHYI ROL GYI DNGOS PO ZHIG GI STENG DU NGA'O SNYAM DU BZUNG BA LTA BU MA YIN GYI, RANG GI PHUNG PO LNGA'I STENG DU YIN LA; DE YANG GZUGS PHUNG LTA BU RE RE BZHIN NAS DMIGS NAS NGA'O SNYAM DU 'DZIN PA LHAN SKYES KYI 'DZIN TSUL LA MED KYANG PHUNG PO LNGA SO SOR MA PHYE BA SBOB SE BA DE'I STENG DU NGA ZHES BLOS PHAR BTAGS PA TZAM MA YIN PA'I BLOS PHAR MA BTAGS GONG NAS KYANG 'DOGS RGYU'I NGA TSUGS SE BA ZHIG YOD PAR BZUNG YOD DE, DPER NA RANG RE RNAMS KYIS GDUNG 'DEGS KYI DON BYED NUS PA LTA BU MTHONG BA'I TSE DE LA KA BA ZHES PHAR BTAGS PA RKYANG PA TZAM YIN PA'I DON SPYI MI 'CHAR BAR SHING PHRENG PHRENG (HRENG HRENG) PO DE'I NGOS NAS KA BAR GRUB GRUB PA ZHIG LA BLOS KYANG KA BA'O SNYAM DU BZUNG BA LTA BUR 'CHAR BA MYONG BAS GRUB PAS SO, ,'O NA GDUNG 'DEGS PA'I SHING LA KA BA ZHES THA SNYAD BYAS PA'I TSE SGRA BLOS PHAR THA SNYAD BYAS PA RKYANG PA MA GTOGS SHING DE GA'I NGOS NAS KA BAR MA GRUB PA YIN NAM ZHE NA, SHIN TU YIN TE, DE'I NGOS NAS KA BAR GRUB RGYU ZHIG YOD NA KHO DANG POR SHING GI RA BA NA GNAS SHING YAL GA LO 'DAB DANG LDAN PA SOGS KYI TSE NA'ANG KA BAR GRUB DGOS PA LAS, DE'I TSE KHO KA BAR
, ,MA GRUB PA'I PHYIR TE, DE'I TSE NA 'DI KA BA'O SNYAM DU BLO LA 'CHAR BA DANG, 'DI KA BA YIN NO ZHES TSIG TU 'DOGS PA GTAN MED PA'I PHYIR, DER MA ZAD SHING GI RA BA NAS BCAD NAS KYANG JI SRID GDUNG 'DEGS PA'I BYA BA MI BYED CING KA BA ZHES THA SNYAD MA BYAS PA DE SRID DU DE LA DMIGS NAS 'DI KA BA'O SNYAM PA'O BLO SKYE BA DANG, KA BA ZHES THA SNYAD BYED PA GANG YANG MED PAS KA BAR MA GRUB LA, PHYIS GDUNG 'DEGS PA'I BYA BA BYED CING, DE'I STENG DU KA BA ZHES PHAR BTAGS PA NAS BZUNG STE SHING DE MTHONG BA LA KA BA MTHONG NGO ZHES SOGS THA SNYAD 'BYUNG BAS SHING DE'I STENG DU KA BA ZHES PHAR BTAGS PA RKYANG PA MA GTOGS SHING DE'I NGOS NAS KA BAR GRUB RGYU CUNG ZAD KYANG MED PA YIN NO, ,DE LTAR THA SNYAD BYAS NAS KYANG THA SNYAD BSNYON MED DU GRAGS PA'I YUL DUS DER GDUNG 'DEGS PA'I SHING DE LA KA BA ZHES GRAGS PA YIN GYI 'JIG RTEN GYI KHAMS RIGS MI GCIG PA DANG, BRDA MI GCIG PA SOGS KYI DBANG GIS THA SNYAD DU DE LTAR MA GRAGS PA RNAMS KYIS NI DE MTHONG BA SOGS KYI TSE KA BA'I THA SNYAD BYED PA MED PAS SHING DE'I NGOS NAS KA BAR GRUB RGYU CUNG ZAD KYANG MED PA YIN NO, ,DE NI KA BA LA MTSON PA TZAM YIN GYI THAMS CAD LA RIGS BSGRE BAR BYA STE, RNAM DPYOD DANG LDAN PA DAG LA ZUR TZAM MO, ,'O NA SHING DE LA KA BA ZHES THA SNYAD BTAGS PA'I RJES NAS DE KA BA YIN NAM MA YIN ZHE NA, RJE NYID KYIS GZHI GCIG LA LTOS PA'I GDAGS GZHI BTAGS CHOS SU MI 'THAD PAR GSUNGS PAS SHING DE NYID KA BA'I GDAGS GZHI YIN GYI KA BA MIN LA KA BA NI DE LA BTAGS PA
TZAM DU 'DOD PA YIN NO, ,KHO NA RE, THAL 'GYUR BA'I LUGS KYI THA SNYAD 'JOG PA THAMS CAD PHAL CHER 'JIG RTEN GYI THA SNYAD DON MTHUN KHO NA DANG BSTUN NAS 'JOG PA YIN PAS 'JIG RTEN GYI THA SNYAD LA DE MTHONG BA LA KA BA MTHONG BA SOGS SU GRAGS SHING, DER MA ZAD DE KA BA MA YIN NA KA BA MTHONG BA MI SRID PAR 'GYUR TE, SHING DE KA BA MA YIN NA DE'I STENG GI MING TZAM DE TSUR MTHONG GI MIG SHES KYI YUL MA YIN PA'I PHYIR, BDEN MOD KYI DE LTAR NA KHYED CAG GI LUGS LA SKYES BU LHAS BYIN GYI GZUGS DE SKYES BU LHAS BYIN DU 'DOD DGOS TE, JI SKAD SMRAS PA BZHIN 'DIR YANG MTSUNGS PA'I PHYIR RO, ,DE LA KHO NA RE, DE'I SKYON MED DE, LHAS BYIN GYI GZUGS LHAS BYIN MA YIN YANG DE MTHONG BAS LHAS BYIN MTHONG BAR 'JOG PA MI 'GAL BA'I PHYIR TE, LHAS BYIN GYI LAG PA LHAS BYIN MA YIN YANG DE NA BAS LHAS BYIN NA BAR 'JOG NUS PA'I PHYIR ZHE NA, DE NI KA BA LA YANG SHIN TU MTSUNGS PA YIN TE, SHING DE KA BA MA YIN YANG KA BA'I GZUGS YIN PAS DE MTHONG BA LA KA BA MTHONG BAR 'JOG PA SHIN TU 'THAD PA'I PHYIR RO, ,DER MA ZAD MIG GIS MTHONG BA'I GDUNG 'DEGS PA'I SHING 'DI KA BA YIN NA MIG GIS MTHONG BA'I SHING RTA'I GZUGS DE YANG SHING RTAR 'GYUR LA, DE YIN PAR 'DOD NA NI RNAM BDUN GYI RIGS PA'I RNAM GZHAG MA CHAGS PAR GSAL LO, ,RNAM RIG PA'I SKABS SU GZUGS PHUNG GZUGS KYI NGO BO DANG KHYAD PAR GYI THA SNYAD KYI GZHIR GZUGS RUNG KHO RANG GI NGOS NAS GRUB PA LTA BUR GZUGS 'DZIN DBANG SHES LA SNANG ZHING, DE'I STOBS KYIS SO SO SKYE BO'I GZUGS
, ,'DZIN DBANG SHES 'KHRUL BA DANG, DBANG SHES DES DRANGS PA'I RTOG PAS KYANG JI LTAR SNANG BA DE BZHIN DU GRUB PAR ZHEN CING RTOG PA DE CHOS KYI BDAG 'DZIN DU GYUR PA'I LOG SHES DANG, RTOG PA DE'I 'DZIN STANGS KYI YUL DANG DBANG SHES DE LA SNANG BA LTAR GRUB PA 'GOG PA GNAD GCIG LA, DE BYANG SA, BSDU BA, THEG BSDUS RNAMS NAS GSUNGS PA'I RIGS PA GSUM GSUM GYIS BKAG PAS RNAM PAR RIG PA TZAM GYI DE KHO NA NYID LA 'JUG PA DANG BRJOD DU MED PA'I DNGOS PO'I STENG DU 'DOGS BYED KYI SGRA RTOG GIS NGO BO DANG KHYAD PAR DU BTAGS TSUL SOGS DPYIS PHYIN PA ZHIG GO NA GONG DU BSHAD PA RNAMS LA NGES PA LHAG PAR STER ZHING THAL 'GYUR BA'I LTA BA RTOGS PA'I LAM STEGS DAM PA YIN NA YANG JI LTA BA BZHIN RTOGS PA NYUNG BAR SNANG BAS DRANG NGES RNAM 'BYED KYI DKA' 'GREL DU DPYOD PA'I SGO TZAM ZHIG BSHAD ZIN TO, ,'DI DAG NI CHOS GANG DANG GANG GI STENG DU MING GIS PHAR BTAGS PA TZAM MA YIN PAR YUL STENG NA GRUB PAR 'DZIN PA'I BLO'I 'DZIN TSUL RJE CHER GYI GO BA DANG, CHOS THAMS CAD MING TZAM DANG RANG BZHIN STONG PAR 'CHAR TSUL THAMS CAD LA NGES PA STER BAR BYED DE, 'OG MA RNAMS SU YANG DRAN PAR BYA'O,, GNYIS PA KHYAB PA NGES PA'I GNAD NI, DENG SANG GI DBU MA PA RNAMS NGA DE RANG BZHIN GYIS MED DE, RANG BZHIN GYIS GCIG DANG DU MA GANG RUNG DU MED PA'I PHYIR, ZHES SOGS KYI GCIG DU BRAL GYI RTAGS KYI DPYOD TSUL NI TSIG TU BRJOD BDE BA'I ZOR YANG BA TZAM DU ZAD PAS NANG DU MYONG BA LA BKAR NAS 'DI LTAR BSAM PAR
BYA STE, NGA'O SNYAM DU SNYING GI DKYIL NAS DAM SBRING GIS 'DZIN PA'I BLO DES BZUNG BA LTAR GYI NGA ZHIG RANG GI PHUNG PO LNGA PO 'DI'I STENG NA YOD NA, YANG NA 'DI RNAMS DANG GCIG TU YOD DGOS, YANG NA THA DAD DU YOD DGOS KYI YOD TSUL PHUNG GSUM MI SRID PAR THAG SBAD KYIS GCOD PA STE, TSIG GSAL LAS, BDAG TU 'DZIN PA'I YUL DE YANG PHUNG PO'I RANG BZHIN CAN NAM, PHUNG PO LAS THA DAD PA ZHIG TU 'GYUR DRANG (GRANG) ZHES KHYAB PA NGES PA'I GNAD GSUNGS PA LTAR TE, RANG RE RNAMS LA CHOS CI 'DRA ZHIG BLO LA 'CHAR YANG, YANG NA GCIG GI RNAM PAR 'CHAR, YANG NA DU MA'I RNAM PAR 'CHAR GYI DE GNYIS LAS GZHAN PA'I 'CHAR TSUL PHUNG GSUM PA MED PAR MYONG BAS GRUB LA, DE'I DON GYIS GDAGS GZHI JI 'DRA ZHIG GI STENG DU BTAGS CHOS JI 'DRA ZHIG BZHAG KYANG DE GNYIS BLO LA 'CHAR BA'I TSE GCIG DANG THA DAD GANG YANG MIN PA'I 'CHAR TSUL GTAN MI SRID DE, CHOS DE ZLA BCAS SU BLO NGOR YONGS GCOD LA GRUB PA NA ZLA MED YIN PA RNAM GCAD LA KHEGS PA MYONG BAS GRUB PA'I PHYIR RO; ;'DI NI GCIG DU BRAL GYI KHYAB PA NGES PA GCIG DANG DU MA PHAN TSUN SPANGS PA'I DNGOS 'GAL DU RTOGS PA'I TSAD MA LA RAG LAS PAR GSUNGS PA DE NYID MYONG BA LA BKAR BA'I 'CHAR TSUL YIN NO, ,GNAD GSUM PA BDEN PA'I GCIG BRAL NGES PA'I GNAD NI, DE 'DRA'I NGA DE RANG GI PHUNG PO LNGA PO DANG GCIG TU GRUB BO SNYAM NA, 'DI LA RIGS PA GSUM LAS, DANG PO BDAG KHAS BLANGS PA DON MED DU THAL BA NI, NGA'AM BDAG NI PHUNG PO'I NYE BAR LEN PA PO, PHUNG PO RNAMS NGA'AM BDAG GI
, ,BLANG BYAR 'DOD PA YIN PA LA, DE 'DRA'I NGA PHUNG PO RNAMS DANG GCIG YIN NA NI RANG BZHIN GYIS GCIG PAS THAMS CAD NAS THAMS CAD DU GCIG YIN DGOS, DE YIN NA CHA MED GCIG YIN DGOS, CHA MED GCIG LA NYE BAR LEN PA PO DANG, BLANG BYA THA DAD PA GNYIS GZHAG TU MED PA'I PHYIR NA YANG NGA DE PHUNG PO RNAMS DANG GCIG TU MA GRUB BO SNYAM DU BSAM PA STE, RTZA SHE LAS, NYE BAR LEN PA MA GTOGS PAR, ,ZHES SOGS KYIS BSTAN PA'I RIGS PA'O,, GNYIS PA BDAG MANG POR THAL BA NI, DE 'DRA'I NGA DE PHUNG PO RNAMS DANG RANG BZHIN GYIS GCIG YIN NA, YANG NA GANG ZAG GCIG LA PHUNG PO MI 'DRA BA LNGA YOD PA BZHIN DU NGA GCIG PU DE NYID SHES RGYUD THA DAD PA'I NGA LNGAR THAL BA DANG, YANG NA NGA GCIG YIN PA BZHIN DU PHUNG PO LNGA PO YANG CHA MED GCIG TU 'GYUR BA'I PHYIR NA YANG DE LTAR MA GRUB BO SNYAM DU BSAM STE, GAL TE PHUNG PO BDAG NA DE PHYIR DE, ,ZHES SOGS 'JUG PA RTZA 'GREL LAS GSAL BAR GSUNGS PA'I RIGS PA'O,, GSUM PA BDAG SKYE 'JIG CAN DU THAL BA NI, GZHAN YANG NGA DE PHUNG PO RNAMS DANG RANG BZHIN GYIS GCIG YIN NA, PHUNG PO RNAMS SKAD CIG SNGA PHYIR SKYE 'JIG BYED PA BZHIN DU NGA DE YANG SKAD CIG SNGA PHYIR SKYE 'JIG BYED PAR 'GYUR RO, ,DE 'DOD NA, THA SNYAD DU NGA TZAM SKAD CIG SNGA PHYIR SKYE 'JIG BYED PA LA NYES PA MED KYANG DE 'DRA'I NGA DE SKYE 'JIG BYED NA RANG BZHIN GYIS SKYE 'JIG BYED PAR SONG BAS, DE LTA NA DE LTAR SKYE 'JIG BYED PA'I SKAD CIG SNGA PHYI SO SO BA RNAMS GCIG GAM THA DAD, DANG PO LTAR NA SKYE BA PHYI MA'I
NGA DANG TSE 'DI'I NGA GNYIS KYANG CHA MED GCIG TU THAL BA SOGS SU 'GYUR LA, THA DAD YIN NA RANG BZHIN GYI THA DAD DU SONG BAS CHA THAMS CAD NAS THAMS CAD DU THA DAD DU 'GYUR ZHING DE LTA NA GTAN NAS 'BREL MED PA'I THA DAD DU 'GYUR BAS NGA DE'I TSE DE'I DUS NA 'DI 'DRA ZHIG TU GYUR TO, ,ZHES SKYE BA DRAN PA MI 'THAD PAR 'GYUR TE, SKYE BA SNGA PHYI'I NGA GNYIS PO DE GTAN NAS 'BREL MED YIN PA'I PHYIR, DPER NA LHAS BYIN GYI RGYUD LA NGA DE'I TSE DE'I DUS NA MCHOD SBYIN DU GYUR TO, ,ZHES SKYE BA DRAN PAR MI 'GYUR BA BZHIN NO, ,GZHAN YANG TSE 'DIR LHAR SKYE 'GYUR GYI LAS BSAGS NAS PHYIS LHA'I BDE 'BRAS LA LONGS SPYOD PA'I TSE LONGS SPYOD PA PO'I GANG ZAG DE LAS MA BYAS PA DANG PHRAD PAR 'GYUR TE, KHOS LHAR SKYE BA'I LAS MA BSAGS BZHIN DU LHA'I BDE BA MYONG BA'I PHYIR TE, SNGAR LAS GSOG PA PO'I GANG ZAG DE DANG PHYIS RNAM SMIN MYONG BA PO'I GANG ZAG GNYIS GTAN NAS 'BREL MED PA'I PHYIR, DPER NA BYAMS PAS BSAGS PA'I LAS KYI RNAM SMIN NYER SBAS KYIS LONGS MI SPYOD PA BZHIN NO, ,SNGAR LAS GSOG PA PO'I GANG ZAG DES LAS BYAS PA CHUD ZOS PAR 'GYUR TE, DES LHAR SKYE BA'I LAS BSAGS BZHIN DU RNAM SMIN GZHAN GYIS LONGS SPYAD NAS RANG GIS NYAMS SU MA MYONG BA'I PHYIR TE, SNGAR LTAR SKYE BA SNGA PHYI'I GANG ZAG GNYIS GTAN NAS 'BREL MED PA'I PHYIR RO, ,BDAG PHUNG RANG BZHIN GCIG PA'I PHYOGS LA NYES PA DE LTA BU MTHONG BA'I PHYIR NA YANG DE LTAR MA GRUB BO SNYAM DU BSAM STE, 'DI NI RTZA SHE LAS, GAL TE PHUNG PO BDAG YIN NA, ,ZHES SOGS DANG, DE'I
, ,'GREL PA TSIG GSAL LAS, GAL TE PHUNG PO BDAG YIN NO ZHES RTOG NA NI, DES NA SKYE BA DANG 'JIG PA CAN DU 'GYUR TE, PHUNG PO RNAMS SKYE BA DANG 'JIG PA LA BRTEN PA'I PHYIR RO, ,BDAG NI DE LTAR 'DOD PA YANG MA YIN TE, NYES PA DU MAR THAL BA'I PHYIR RO, ,ZHES SOGS KYIS BSTAN PA'I RIGS PA YIN NO, ,GNAD BZHI PA BDEN PA'I DU BRAL NGES PA'I GNAD NI, DE 'DRA'I NGA DE RANG GI PHUNG PO RNAMS DANG GCIG TU MA GRUB KYANG THA DAD DU GRUB BO SNYAM NA, DE LTAR NA RANG BZHIN GYIS THA DAD DU SONG BAS CHA THAMS CAD NAS THAMS CAD DU THA DAD DU 'GYUR ZHING, DE YIN NA 'BREL BA GTAN NAS MED PA'I THA DAD DU 'GYUR BAS PHUNG PO RNAMS RE RE BZHIN NAS BLOS BSAL BA'I 'OG TU YANG BLO DES BZUNG BA LTAR GYI NGA DE 'DI'O ZHES BSTAN RGYU ZHIG RNYED DGOS PA LAS DE 'DRA MI RNYED PA'I PHYIR THA DAD DU MA GRUB BO SNYAM DU YID LA BYED PA STE, TSIG GSAL LAS, GAL TE PHUNG PO LAS BDAG THA DAD NA DE PHUNG PO MA YIN PA'I MTSAN NYID CAN DU 'GYUR TE, PHUNG PO LNGA NI GZUGS SU RUNG BA DANG, NYAMS SU MYONG BA DANG, MTSAN MAR 'DZIN PA DANG, MNGON PAR 'DU BYED PA DANG, YUL SO SOR RNAM PAR RIG PA'I MTSAN NYID CAN YIN NA, BDAG NI GZUGS LAS RNAM PAR SHES PA BZHIN DU PHUNG PO DAG LAS THA DAD PAR 'DOD PA NA MTSAN NYID THA DAD PAR GRUB PAR 'GYUR LA, MTSAN NYID THA DAD PAR GRUB PA NI GZUGS LAS SEMS LTAR GZUNG BAR 'GYUR NA 'DZIN PA YANG MA YIN NO, ,DE'I PHYIR PHUNG PO LAS THA DAD PAR YANG YOD PA MA YIN NO, ,ZHES PHUNG PO LNGA NANG PHAN TSUN THA
DAD PAS GZUGS PHUNG LAS RNAM SHES KYI PHUNG PO LOGS SU GZUNG DU YOD PA LTAR NGA DE YANG PHUNG PO RNAMS LAS RANG BZHIN GYIS THA DAD NA DE LAS LOGS SU 'DI'O ZHES GZUNG DU YOD DGOS PAR GSUNGS PA'I RIGS PA'O, ,GZHAN YANG NGA DANG PHUNG PO GTAN NAS 'BREL MED KYI THA DAD YIN NA NGA DE PHUNG PO 'DUS BYAS SU MTSON PA'I MTSAN NYID RNAMS DANG YANG MI LDAN PAR 'GYUR TE, DPER NA RTA BA LANG DANG 'BREL BA MED PAS RTA BA LANG GI MTSAN NYID DANG MI LDAN PA BZHIN NO SNYAM DU SEMS PA STE; TSIG GSAL LAS, JI LTAR BA LANG LAS GZHAN PA'I RTA BA LANG GI MTSAN NYID CAN DU MI 'GYUR BA DE BZHIN DU BDAG KYANG PHUNG PO LAS THA DAD PAR RTOG NA PHUNG PO'I MTSAN NYID MED PAR 'GYUR RO, ,ZHES GSUNGS PA'I RIGS PA'O, ,DE LTAR GNAD BZHI'I DPYAD PA LA BRTEN NAS PHUNG PO LNGA'I STENG NA DE 'DRA BA'I NGA MED PAR LHANG GIS NGES PA NA DBU MA'I LTA BA DANG POR RNYED PA DANG, RIGS SHES RJES DPAG DANG POR SKYES PA ZHES BYA LA, DE YANG TSE SNGA MA NAS STONG PA NYID LA GOMS PA'I BAG CHAGS YONGS SU SMIN PA LA NI DBUL POS GTER RNYED PA LTA BU'I DGA' SPRO KHYAD PAR CAN DE'I TSE 'BYUNG STE, SO SO SKYE BO'I DUS NA'ANG STONG PA NYID THOS NAS, ,NANG DU RAB TU DGA' BA YANG DANG YANG DU 'BYUNG, ,ZHES GSUNGS PA LTAR YIN LA, SNGAR STONG PA NYID LA 'DRIS PAR MA BYAS PA RNAMS LA NI NOR BU RIN PO CHE LAG NA YOD PA GLO BUR STOR BA LTA BU'I NGA'AM BDAG GTAN MED DU SONG SNYAM DU SKRAG YE RE BA'I NGANG DU RTOGS PA 'BYUNG STE, SNGAR THOG MED NAS PHUNG PO'I YUL STENG NA NGA ZHIG GRUB RGYU
, ,YOD PA 'DRA BA ZHIG TU BZUNG BAS NGA YOD YOD MO ZHIG BYUNG BA LA, DE BKAG PA NA SKRAG PA DE LTAR SKYE BA YIN NO,, GNYIS PA GTAN LA PHAB NAS JI LTAR SKYONG BA'I TSUL LA GNYIS, MNYAM GZHAG NAM MKHA' LTA BU'I SKYONG TSUL DANG, RJES THOB SGYU MA LTA BU'I SKYONG TSUL LO,, DANG PO NI, SPYIR SO SO SKYE BO'I SKABS KYI LTA BA'I SKYONG TSUL LA LAS DANG PO PAS STONG NYID LA THOS BSAM GYIS MYONG BA 'DON TSUL DANG, RIGS SHES RJES DPAG GI NGES SHES KYI RGYUN SKYONG TSUL ZHES PA GNYIS GNAD GCIG PAS GCIG TU BYAS PA DANG, DE'I STENG DU STONG NYID LA DMIGS PA'I ZHI GNAS KYI SKYONG TSUL, STONG NYID LA DMIGS PA'I LHAG MTHONG GI SKYONG TSUL, SNGAGS BLA MED PA'I BDE STONG SBYAR BA'I SKYONG TSUL TE BZHI YOD PAR RJE BTZUN GYIS BLA MA DBU MA PA LA GNANG PA'I MAN NGAG DAG LAS 'BYUNG BA LAS, 'DIR NI SKYONG TSUL DANG PO TZAM ZHIG BSHAD NA, DE YANG MKHAS GRUB THAMS CAD MKHYEN PA NAS BRGYUD PA DAG NI, GNAD BZHI'I DPYAD PA LA BRTEN NAS PHUNG PO'I STENG DU NGA'O SNYAM DU SNYING GI DKYIL NAS DAM SPRING GIS 'DZIN PA'I BLO DES BZUNG BA LTAR GYI NGA MED PA LHANG GIS NGES PA NA NGES SHES DE KA SHUGS CHUNG DU MA SONG BAR RGYUN MTHUD CING, CUNG ZAD SHUGS CHUNG DU 'GRO LA KHAD PA NA BLO BYINGS NGES SHES DE LAS MA G-YOS PA'I NGANG NAS BLO'I ZUR GYIS SNGAR GYI GNAD BZHI'I DPYAD PA RNAMS DRAN PA TZAM BYAS PAS NGES SHES DE'I SHUGS SOR CHUD PAR 'GYUR BA LA LAS DANG PO PA'I SKABS SU DE LTAR YANG YANG GOMS PAR BYAS PAS MTSAMS SHIG NAS HA CANG DRAN SHES BSTEN PA LA MI
LTOS SPAR NGES SHES DE YUN RING DU 'THUNG (GZUNG) THUB PA ZHIG 'BYUNG LA, MTSAMS DE NAS STONG NYID LA DMIGS PA'I ZHI GNAS KYI SKYONG TSUL BYED PA YIN ZHING, SKYONG TSUL 'DI KHO NA RJE NYID DANG MKHAS GRUB RIN PO CHE'I BZHED PA YIN GYI NGA SNANG TSUL LTAR MED SNYAM DU SGOM PA DANG, DGAG BYA'I NGA DE BLO LA SHAR BAR BYAS NAS SNANG TSUL DE LTAR GRUB PA MED SNYAM DU SGOM PA SOGS NI PHYIN CI LOG GI SKYONG TSUL YIN NO ZHES GSUNG NGO, ,MKHAS GRUB SHES RAB SENG GE NAS BRGYUD PA DAG NI, RTEN 'BREL GYI RIGS PA'AM SNGAR GYI GNAD BZHI'I DPYAD PA LTA BU'I SGO NAS NGAR 'DZIN GYI 'DZIN TSUL DANG, DES BZUNG BA LTAR MA GRUB PA LA NGES SHES DRANGS NAS SKYONG BA'I TSE SNANG TSUL DE LTAR GRUB PA MED SNYAM DU SGOM PAR BZHED MOD, KHO BO NI SPYIR SKYONG TSUL GNYIS KA YANG MI RUNG ZHES MI SMRA ZHING LHAG PAR NGAR 'DZIN LHAN SKYES KYIS BZUNG BA LTAR GYI NGA MED PAR LAN CIG LHANG GI TSAD MAS NGES NAS, PHYIS DGAG BYA'I 'CHAR TSUL GSAL BTAB STE, TSUL DE LTAR GRUB PA MED SNYAM DU SGOM PA NI LTA BA'I SKYONG TSUL RNAL MA KHO NA YIN NO, ,DE LAS GZHAN DU DGAG BYA NGOS MA ZIN PA'AM, ZIN KYANG MA KHEGS PAR RANG LA SNANG TSUL LTAR MED SNYAM DU SGOM PA DANG, DER MA ZAD 'GA' ZHIG GIS NGAG TU BZLAS PA BYED PA DAG NI RANG GI SHES RAB KYI MTSANG STON PAR ZAD DO, ,YANG KHA CIG ,LTA BA'I DMIGS PA LA 'JUG RES KYI GNAD BZHI'I DPYAD PA TUG GU SBRENG DU (LU GU RGYUD DU) BYED DGOS PAR SMRA BA'ANG DON SPYI MA SHAR BA YIN TE, DANG POR LTA BA GTAN LA 'BEBS PA'I TSE DE LTAR DGOS
, ,KYANG, PHYIS LTA BA LA LEGS PAR BYANG BA'I SKABS SHIG NAS KUN RDZOB PA'I SNANG BA GANG SHAR YANG SHAR BA TZAM NYID NAS SNANG BA LTAR MA GRUB PAR CHAM GYIS GTAN LA 'BEBS NUS PA ZHIG 'BYUNG BA'I PHYIR RO, ,DPER NA SKYES BU RANG BZHIN DRANG PO ZHIG GANG ZAG G-YO CAN ZHIG DANG RGYUS MED DU GROGS MCHED BYAS NAS RE ZHIG SHIN TU MDZA' BAR GYUR TE BLO LINGS KYIS BKAL BA NA MTSAMS SHIG NAS GROGS DES KHREL BOR TE RTZA BA NAS BSLUS PA'I TSE SNGAR PHAN KHO LA BLO GTAD THUB PAR 'DZIN PA DE LOG NAS PHYIS DE MTHONG TZAM NYID NAS, 'DI NI BLO GTAD MI THUB PA'I SKYES BU SKYON CAN ZHIG GO SNYAM DU RANG SHUGS KYIS 'BYUNG BA BZHIN NO, ,DE LTA MA YIN PAR LTA BA SKYONG BA'I SKABS KUN TU SNGAR BSHAD PA'I GNAD BZHI'I DPYAD PA BRENG CHAGS SU DGOS NA RDZOGS RIM PA'I RNAL 'BYOR PAS LHAN CIG SKYES PA'I BDE CHEN DRANGS TE DES LTA THOG TU 'JOG PA'I TSE RNAM RTOG G-YO BA'I RLUNG RNAMS DH'U T'IR THIM NAS LTA BA GTAN LA 'BEBS BYED KYI RIGS PA'I GNAD RNAMS LA DPYOD PA 'JUG PA MI 'BYUNG BAS JI LTAR BYA BSAM DGOS SO, ,BSHAD MA THAG PA'I LTA BA'I SKYONG TSUL 'DI LA MNYAM GZHAG NAM MKHA' LTA BU'I STONG TSUL ZHES BRJOD PA NI, NAM MKHA' ZHES PA BAR GYI SNANG BA SKYA SENG PO'I STENG DU DGAG BYA THOGS REG DANG BRAL BA TZAM LA BZHAG PA LTAR NGAR 'DZIN GYI 'DZIN STANGS KYI YUL BKAG TZAM GYI MED DGAG DE NYID BLO'I YUL DU BYAS PA MA GTOGS CHOS GZHAN GANG YANG BLO DE'I YUL DU MI BYED PAS DE LTAR BSHAD DO,, GNYIS PA RJES THOB SGYU MA LTA BU'I LTA BA SKYONG TSUL NI, DE LTAR
DGAG BYA BKAG SHUL NA LHAG MAR LUS PA CI 'DUG BLTAS PAS DA DUNG NGA'I MING TZAM ZHIG SNANG BA TZAM MA KHEGS PAR YOD PA DE LA SGYU MA LTA BUR NGES SHES 'DREN CING DER MA ZAD KUN RDZOB PA'I SNANG BA CI SHAR YANG, SNANG YANG SNANG BA LTAR GRUB PAS STONG PA'I SGYU MA LTA BUR YID LA BYA STE, DE YANG MNYAM GZHAG TU LTA BA SGOM PA'I DRAN 'DUN SHUGS DRAG PA LA BRTEN NAS NAN GYIS 'CHOS MI DGOS PA LA RTEN 'BREL GYI SNANG BA RNAMS SGYU MA LTA BUR RANG SHUGS KYIS 'CHAR BA ZHIG DGOS PA YIN NO, ,GANG ZAG GI BDAG MED NYAMS SU LEN TSUL BSHAD ZIN TO,, ` ,,GNYIS PA CHOS KYI BDAG MED NYAMS SU LEN TSUL LA GSUM, CHOS KYI BDAG MED GTAN LA DBAB PA, PHAB NAS JI LTAR SKYONG BA'I TSUL, LUGS 'DI'I THA SNYAD 'JOG TSUL LA DOGS PA DPYAD PA'O,, DANG PO LA GNYIS, 'DUS BYAS LA DPYAD PA DANG, 'DUS MA BYAS LA DPYAD PA'O,, DANG PO LA BEM PO, SHES PA, LDAN MIN 'DU BYED LA DPYAD PA GSUM LAS, DANG PO NI THOG MAR RANG GI LUS 'DI'I STENG DU DPYAD NA, DE YANG YAN LAG LNGA TSANG GI SHA RUS RDOS BCAS 'DI'I STENG DU 'DI NGA'I LUS SNYAM DU BLOS PHAR BTAGS PA RKYANG PA MA YIN PAR SHA RUS RDOS BCAS KYI PHUNG PO DE'I STENG NAS LUS SU GRUB GRUB PA ZHIG YOD PA LTA BUR RANG CAG RNAMS LA BSNYON MED DU 'CHAR BA DE NI DGAG BYA'I 'CHAR TSUL YIN TE, PHUNG PO DE'I STENG NAS RANG GI LUS SU GRUB RGYU CUNG ZAD KYANG MED PA'I PHYIR TE, DE GRUB RGYU ZHIG YOD NA PHUNG PO 'DI PHA MA'I KHU KHRAG LAS GRUB PA YIN PAS RANG GI RNAM SHES DANG RTEN BRTEN PAR MA 'BREL BA'I
, ,GNAS SKABS KYI RNAM SHES 'JUG PA'I GZHIR GYUR PA'I KHU KHRAG GI THIGS PA DE YANG RANG GI LUS SU GRUB DGOS PA LAS DER MA GRUB PA'I PHYIR RO, ,DER MA ZAD YAN LAG LNGA TSANG GI PHUNG PO 'DI'I STENG NA LUS YUL STENG NAS GRUB PA ZHIG YOD NA YAN LAG LNGA PO RNAMS DANG GCIG GAM THA DAD, GCIG NA YANG NA YAN LAG MI 'DRA BA LNGA YOD PA BZHIN DU LUS GCIG PU DE NYID YAN LAG LNGA TSANG GI LUS THA DAD PA LNGAR THAL BA'AM, YANG NA LUS GCIG LAS MED PA BZHIN DU YAN LAG LNGA PO RNAMS KYANG CHA MED GCIG TU 'GYUR TE, DE RNAMS DANG RANG BZHIN GYIS GCIG YIN PA'I PHYIR, THA DAD DU MA GRUB STE, DE GRUB NA RANG BZHIN GYIS THA DAD DU SONG BAS KA BA LAS LOGS SU BUM PA GZUNG DU YOD PA LTAR LUS KYI YAN LAG LNGA DANG STOD SMAD KYI CHA RNAMS LAS LOGS SU LUS 'DI'O ZHES DMIGS RGYU ZHIG YOD DGOS PA LAS MA DMIGS PA'I PHYIR, DES NA SHA RUS RDOS BCAS KYI PHUNG PO 'DI'I STENG NAS LUS SU GRUB RGYU CUNG ZAD KYANG MI 'DUG SNYAM DU NGES PA NA SNGAR LTAR BSKYANG NGO, ,DE BZHIN DU RI RA BA KHANG KHYIM LA SOGS PA RNAMS KYANG RANG RANG GI GDAGS GZHI SA RDO SHING GSUM SOGS KYI STENG DU 'DOGS BYED KYI RTOG PAS 'DI NI RI'O, ,'DI KHANG KHYIM MO ZHES PHAR BTAGS RKYANG PA YIN YANG, SMIG RGYU LA CHUR 'DZIN PA'I SHES PA LA SMIG RGYU CHUR MA GRUB BZHIN DU CHU'I RNAM PAR SNANG BA LTAR RANG CAG MA RIG PAS BSLAD PA'I SHES PA CAN RNAMS LA GDAGS GZHI DE DANG DE'I NGOS NAS RI RA BA KHANG KHYIM SOGS SU GRUB PAR SNANG YANG SNANG BA LTAR MA GRUB STE, DE GRUB NA RI RA BA
KHANG KHYIM SOGS KYI THA SNYAD GTAN MI SHES PA RNAMS KYIS KYANG DE DAG MTHONG TZAM NYID NAS 'DI DAG NI RI LA SOGS PA'O SNYAM PA'I BLO SKYE BAR 'GYUR BA LAS DE 'DRA MI SKYE BA'I PHYIR, LTO LDIR BA LTA BU'I DNGOS PO GCIG NYID LA KA LA SHA DANG BUM PA SOGS MING DU MA BTAGS PA'I TSE MING DE PHAR BTAGS RKYANG PA MA YI PAR LTO LDING BA'I NGOS NAS BUM PA DANG KA LA SHA SOGS SU GRUB NA LTO LDIR BA'I DNGOS PO GCIG NYID NYID KYANG DON THA DAD PA MANG POR 'GYUR BA DANG, DE BZHIN DU DNGOS PO THA DAD PA GNYIS LA MING GCIG THUN MONG DU BTAGS PA'I TSE DE GNYIS MING GCIG PA LTAR DON YANG GCIG PAR THAL BA SOGS SU 'GYUR RO, ,GZHAN YANG RI LTA BU GCIG NYID RANG GI GDAGS GZHI SA RDO SHING GSUM SOGS KYI STENG DU RANG BZHIN GYIS GRUB NA DE RNAMS DANG GCIG GAM THA DAD, GCIG TU GRUB NA DE RNAMS DANG CHA MED GCIG TU 'GYUR BAS YANG NA RI GCIG PU DE NYID KYANG RANG GI GDAGS GZHI SA RDO SHING GSUM SOGS JI SNYED YOD PA DE SNYED KYI RI THA DAD PA RNAMS SU 'GYUR BA'AM, YANG NA RI GCIG PU DE NYID YIN PA BZHIN DU SA RDO SHING GSUM DE RNAMS KYANG CHA MED GCIG TU THAL BAR 'GYUR LA, THA DAD DU GRUB NA SA RDO SHING GSUM SOGS JI SNYED YOD PA RNAMS BLOS RE RE NAS BSAL BA'I 'OG TU YANG RI DE 'DI'O ZHES BSTAN RGYU ZHIG RNYED DGOS PA LAS DE 'DRA MI RNYED PA'I RGYU MTSAN GYIS KYANG GDAGS GZHI DE DAG GI STENG NA RI ZHES BYA BA YUL STENG DU GRUB PA GTAN MI 'DUG SNYAM DU LHANG GIS NGES SHES DRANG BAR BYA'O,, GNYIS PA SHES PA LA DPYAD PA NI, DPER NA DE RING GI SHES PA LTA BU
, ,ZHIG LA MTSON NA DE YANG DE RING GI SNGA DRO DANG PHYI DRO'I SHES PA GNYIS KYI STENG DU DE RING GI SHES PA ZHES PHAR BTAGS PA TZAM MA YIN PAR YUL STENG NAS GRUB PA ZHIG YOD NA SNGA PHYI'I SHES PA GNYIS GCIG GAM THA DAD, GCIG NA CHA MED GCIG TU 'GYUR BAS DE RING GI SNGA DRO'I SHES PA'I STENG NA PHYI DRO'I SHES PA'ANG YOD PAR THAL BA SOGS SU 'GYUR ZHING, THA DAD DU GRUB NA SNGA DRO PHYI DRO'I SHES PA GNYIS PO DE RE RE NAS BLOS BSAL BA'I 'OG TU YANG DE RING GI SHES PA DE 'DI'O ZHES BSTAN RGYU ZHIG RNYED DGOS PA LAS DE 'DRA MI RNYED PA'I PHYIR NA DE RING GI SHES PA ZHES BYA BA YUL STENG NAS GRUB PA CUNG ZAD KYANG MI 'DUG SNYAM DU SEMS PA LTA BU RGYUN LA LTOS DE DPYOD PA'AM, YANG NA TSIG GSAL LAS, TSAD MA DAG YOD NA GZHAL BYA'I DON DAG TU 'GYUR LA, GZHAL BYA'I DON DAG YOD NA TSAD MA DAG TU 'GYUR GYI TSAD MA DANG GZHAL BYA GNYIS NGO BO NYID KYIS GRUB PA NI YOD PA MA YIN NO, ,ZHES GSUNGS PA LTAR YUL SNGON PO LA LTOS NAS YUL CAN SNGO 'DZIN DANG YUL CAN SNGO 'DZIN LA LTOS NAS YUL SNGON PO GRUB DGOS PA LTAR YUL YUL CAN PHAN TSUN LTOS NAS GRUB PA'I RGYU MTSAN GYIS KYANG YUL DANG YUL CAN GNYIS KA RANG NGOS NAS MA GRUB PAR RTOGS NUS PA YIN NO,, GSUM PA LDAN MIN 'DU BYED LA DPYAD PA NI, GANG ZAG DANG DUS LA SOGS PA LDAN MIN 'DU BYED KYIS BSDUS PA YIN PAS GANG ZAG RANG BZHIN MED PAR GTAN LA PHAB ZIN CING, DUS LA LO GCIG LTA BU RANG BZHIN GYIS GRUB NA DE NYID GDAGS GZHI ZLA BA BCU GNYIS PO DE RNAMS DANG GCIG GAM THA DAD, GCIG
NA LO GCIG PU DE NYID LO THA DAD PA BCU GNYIS SU 'GYUR BA'AM, YANG NA ZLA BA BCU GNYIS PO THAMS CAD KYANG CHA MED GCIG TU 'GYUR BA SOGS KYIS GNOD LA, THA DAD DU GRUB NA ZLA BA BCU GNYIS PO DE DAG RE RE BZHIN BLOS BSAL BA'I 'OG TU YANG LO GCIG PU DE NYID 'DI'O ZHES BSTAN RGYU RNYED DGOS PA SOGS SNGAR GYI RIGS 'GROS SBYAR RO,, GNYIS PA 'DUS MA BYAS LA DPYAD PA NI, THOG MAR NAM MKHA' LTA BU'I STENG DU DPYAD NA, KHANG PA'I RGYA MTHONGS KYI NAM MKHA' LTA BU LA NI SHAR NUB DANG LHO BYANG SOGS KYI CHA JI SNYED CIG YOD PA LAS CHAD DE RNAMS DANG RANG BZHIN GYIS GCIG THA DAD DPYOD PA'AM, YANG NA NAM MKHA' NI BAR GYI SNANG BA SKYA SENG PO'I STENG DU DGAG BYA THOGS REG DANG BRAL BA TZAM LA BZHAG PA YIN PAS NAM MKHA' DE'I STENG NA THOGS REG DANG BCAS PA'I CHOS JI SNYED PA DE SNYED KYI THOGS REG DANG BRAL BA'I CHA YOD PAS CHA DE RNAMS DANG RANG BZHIN GYIS GCIG GAM THA DAD SNGAR BZHIN BRTAG GO ,DE BZHIN DU 'GOG BDEN LTA BU LA RANG RANG GI NGO SKAL GYI SPANG BYA JI SNYED CIG YOD PA RNAMS SPANGS PA'I BRAL BA'I CHA RNAMS DANG CHA CAN 'GOG BDEN DE RANG BZHIN GYIS GCIG DANG THA DAD SNGAR LTAR DPYOD PA DANG, DON DAM BDEN PA LTA BU LA NI DGAG BYA RANG NGOS GRUB PA BKAG PA'I CHA RNAMS DANG SNGAR BZHIN DPYOD PA'AM, YANG NA CHOS CAN DANG CHOS NYID RNAMS KYANG PHAN TSUN LTOS NAS GRUB PA'I RIGS PAS KYANG RANG BZHIN MED PAR GTAN LA DBAB PAR BYA STE, MDOR NA CHOS THAMS CAD KYANG RANG RANG GI GDAGS GZHI DE'I STENG DU 'DOGS BYED KYI RTOGS PAS
, ,PHAR BTAGS TZAM RKYANG PA YIN LA, DE'I DON GYIS YUL STENG NAS GRUB RGYU CUNG ZAD KYANG MED PA YIN ZHING, DE LTAR BRTEN NAS BTAGS PA DANG, BRTEN 'BYUNG GNYIS DON GCIG YIN PA LA BRTEN NAS BTAGS TZAM ZHES PA'I TZAM SGRAS NI YUL STENG NGAM, DON STENG NAS GRUB PA 'GOG PA YIN PAS RTZA SHE LAS, RTEN CING 'BREL BAR 'BYUNG BA GANG, ,DE NI STONG PA NYID DU BSHAD, ,DE NI BRTEN NAS GDAGS PA STE, ,DE NYID DBU MA'I LAM YIN NO, ,ZHES GSUNGS SO,, GNYIS PA JI LTAR SKYONG BA'I TSUL NI, SNGAR LTAR MNYAM GZHAG NAM MKHA' LTA BU DANG RJES THOB SGYU MA LTA BU'I SKYONG TSUL GNYIS KYIS SGO NAS SKYONG BA YIN ZHING, DE YANG MNYAM GZHAG GI SKYONG TSUL GYI SKABS SU DGAG BYA LHAG MA MA LUS PAR KHEGS PA'I NGES PA SHUGS CAN ZHIG BYUNG NA RJES THOB KYI SNANG BA RNAMS DE LAS LANGS PA'I RJES DE MA THAG TU SGYU MA LTA BUR RANG SHUGS KYIS 'CHAR ZHING DE 'DRA BA DE SGYU MA LTA BU'I LTA BA'I SKYONG TSUL LA MED MI RUNG DU DGOS PA'ANG YIN NO, ,SKYONG TSUL GZHAN RNAMS NI MANGS SU DOGS PAS YI GER MA BKOD DO, ,DE LTAR NA BDAG MED DE GNYIS GTAN LA PHAB NAS NYAMS SU LEN TSUL BSHAD TO,, GSUM PA LUGS 'DI'I THA SNYAD 'JOG TSUL LA DOGS PA DPYAD PA NI, THAL 'GYUR BA'I LUGS LA CHOS THAMS CAD RANG RANG GI GDAGS GZHI'I STENG DU MING DANG RTOG PAS PHAR BTAGS TZAM DU 'JOG PA'I TSUL DE JI LTA BU ZHE NA, RIGS PA DRUG CU PA LAS, 'JIG RTEN MA RIG RKYEN CAN DU, ,GANG PHYIR RDZOGS PA'I SANGS RGYAS GSUNG, ,DE YI PHYIR NA 'JIG RTEN 'DI,,
RNAM RTOG YIN ZHES CIS MI 'THAD, CES DANG, DE'I 'GREL PA LAS, 'JIG RTEN 'DI RNAM PAR RTOG PA YIN NO, ,ZHES CI STE MI 'THAD DE, 'JIG RTEN 'DI RTOG PA TZAM NYID DU 'THAD PA KHO NA YIN NO SNYAM DU DGONGS SO, ,ZHES 'JIG RTEN RNAMS RANG GI NGO BOS MA GRUB PAR RTOG PAS BTAGS TZAM DU BSHAD LA, RTOG PAS BTAGS TZAM DU 'JOG TSUL JI LTA BU YIN PA YANG, BZHI BRGYA PA LAS, RTOG PA MED PAR 'DOD CHAGS LA, ,SOGS LA YOD NYID YOD MIN NA, ,YANG DAG DON DANG RTOG PA ZHES,, BLO DANG DANG LDAN PAS SU ZHIG 'DZIN, ,ZHES DANG, DE'I 'GREL PAR RTOG PA YOD PA KHO NAS YOD PA NYID DANG, RTOG PA MED PAR YOD PA NYID MED PA DE DAG NI GOR MA CHAG PAR THAG PA BSDOGS PA LA BTAGS PA'I SBRUL LTAR RNAM PA THAMS CAD DU RANG GI NGO BOS MA GRUB PAR NGES SO, ,ZHES RANG NYID 'DOGS BYED KYI RTOG PAS YOD PAR BZHAG PA KHO NA'I DBANG LAS RANG NYID YOD PAR 'JOG DGOS SHING, RANG NYID 'DOGS BYED KYI RTOG PA MED PAR RANG NYID YOD PA NYID DU GZHAG TU MED PA'I CHOS DE DAG NI RNAM PA THAMS CAD DU RANG GI NGO BOS MA GRUB PAR NGES TE, DPER NA THAG PA KHRA BO BSDOGS PA'I STENG DU SBRUL 'DZIN GYI BLOS SBRUL DU BTAGS PA BZHIN NO, ,ZHES GSUNGS LA, DE'I DPE DON SBYOR TSUL YANG DUS NAM ZA ZI LTA BU'I DUS SU THAG PA KHA DOG KHRA BO DANG, DBYIBS 'KHYIL BA SOGS KYI SGO NAS SBRUL DANG 'DRA BAR SNANG BA'I TSE SKYES BU KHA CIG LA SBRUL LO SNYAM PA'I BLO SKYE ZHING BLO DES KUN NAS BSLANG NAS DE LA SBRUL GYI THA SNYAD BYED PA YANG 'BYUNG MOD KYI, DE NI DE'I STENG GI SBRUL GYI THA SNYAD
, ,BYAS TZAM DE KA MA GTOGS THAG KHRA'I CHA SHAS RE RE BA DANG, TSOGS PA GANG YANG SBRUL GYI MTSAN GZHIR GZUNG DU MED CING, DE DAG LAS DON GZHAN DU YANG DE'I STENG NAS SBRUL GYI MTSAN GZHIR GZUNG RGYU CUNG ZAD KYANG MED LA; DPE DE BZHIN DU PHUNG PO'I STENG DU GANG ZAG GI THA SNYAD BYAS PA'I TSE YANG THA SNYAD BYAS TZAM DE KA MA GTOGS, PHUNG PO RNAMS RE RE BA DANG TSOGS PA GANG YANG GANG ZAG GI MTSAN GZHIR GZUNG RGYU MED CING DE RNAMS LAS DON GZHAN DU YANG GANG ZAG GI MTSAN GZHIR CUNG ZAD KYANG MED PAS THAG KHRA'I STENG DU SBRUL RTOG PAS BTAGS PA DANG, PHUNG PO'I STENG DU GANG ZAG RTOG PAS BTAGS PA GNYIS RTOG PAS BTAGS TSUL LA KHYAD PAR CUNG ZAD KYANG MED PA YIN NO, ,DE LTAR NA BTAGS PA'I DON YANG THA DAD DU YOD MED MTSUNGS PAR 'GYUR RO SNYAM NA, 'DI LA KHA CIG ,DE MI MTSUNGS PA'I SHES BYED DU, PHUNG PO GANG ZAG GI GDAGS GZHI YIN LA, THAG KHRA SBRUL GYI GDAGS GZHI MA YIN PAS BTAGS PA'I DON GNYIS KYANG YOD MED MI MTSUNGS PA YIN NO,, ZHES SMRA BA NI RIGS PA MA YIN TE, KHYED KYI LUGS LA PHUNG PO GDAGS GZHIR BYAS NAS GANG ZAG DE'I STENG DU BTAGS PA TZAM GYI PHUNG PO GANG ZAG DE'I GDAGS GZHIR 'JOG PA'AM, DE TZAM MA YIN PAR PHUNG PO KHO RANG GI NGOS NAS GANG ZAG GI GDAGS GZHIR GRUB PA GANG YIN, DANG PO LTAR NA NI, THAG KHRA GDAGS GZHIR BYAS NAS SBRUL DU 'DOGS PA YANG YOD PAS, DE GNYIS SHIN TU MTSUNGS PAR 'GYUR LA, GNYIS PA LTAR NA NI, DA DUNG DGAG BYA MA KHEGS PAR SNANG BAS, CI SMRAS KYANG YUL
STENG NAS GRUB PA ZHE LA 'TSANGS TE 'DUG GO ,DES NA DE GNYIS THA SNYAD DU YOD MED MI MTSUNGS PA NI, PHUNG PO'I STENG DU GANG ZAG 'DOGS BYED KYI BLO DE THA SNYAD PA'I TSAD MA YIN PAS, DES PHUNG PO'I STENG DU GANG ZAG BTAGS GO CHOD CING, THAG KHRA'I STENG DU SBRUL 'DOGS BYED KYI BLO DE LOG SHES YIN PAS, THAG KHRA'I STENG DU SBRUL BTAGS KYANG BTAGS GO MI CHOD LA, BLO DE GNYIS LA THA SNYAD PA'I TSAD MA YIN MIN GYI KHYAD PAR YANG PHYIS KYI THA SNYAD PA'I TSAD MA'I GNOD PA YOD MED KYI NGOS NAS YIN TE, PHUNG PO'I STENG DU GANG ZAG GI THA SNYAD TZAM ZHIG BYAS PA LA PHYIS 'JIG RTEN PA'I THA SNYAD PA'I TSAD MA'I GNOD PA MI 'BYUNG LA, THAG KHRA'I STENG DU SBRUL GYI THA SNYAD BYAS PA LA PHYIS 'JIG RTEN RANG KHA BA'I BLOS KYANG GNOD PA'I RGYU MTSAN GYIS YIN NO; ;DE GNYIS LA 'JIG RTEN PA'I THA SNYAD PA'I TSAD MED MA'I GNOD PA 'BYUNG MI 'BYUNG GI KHYAD PAR DE LTA BU 'BYUNG BA YANG 'JIG RTEN GYI THA SNYAD DON MTHUN LA GRAGS MA GRAGS KYI DBANG GIS YIN TE, PHUNG PO'I STENG DU GANG ZAG GI THA SNYAD TZAM ZHIG 'JIG RTEN PA'I THA SNYAD DON MTHUN LA GRAGS SHING, THAG KHRA'I STENG DU SBRUL YOD PAR 'JIG RTEN PA'I THA SNYAD LA MA GRAGS PA'I PHYIR RO, ,PHUNG PO'I STENG DU GANG ZAG GI THA SNYAD TZAM ZHIG 'JIG RTEN PA'I THA SNYAD DON MTHUN LA GRAGS TE; GANG ZAG GI GZUGS DANG LAG PA GANG ZAG MA YIN YANG GANG ZAG GI GZUGS MTHONG BA LA GANG ZAG MTHONG BA DANG, GANG ZAG GI LAG PA NA BA LA GANG ZAG NA BA SOGS SU 'JIG RTEN NA GRAGS PA'I PHYIR RO, ,DES NA RIN CEN WPHRENG BA LAS, SKYES BU SA MIN CHU MA YIN,,
, ,ZHES SOGS GSUNGS PA LTAR KHAMS DRUG DANG PHUNG PO LNGA'I STENG DU GANG ZAG BTAGS PA'I TSE, DE DAG GI STENG NAS GANG ZAG TU GRUB RGYU CUNG ZAD MED KYANG MING TZAM DE KAS GANG ZAG GI GO CHOD CING, DE KA LAS GSOG PA PO DANG, RNAM SMIN MYONG BA POR YANG 'JOG PA YIN NO, ,DE'I PHYIR THAL 'GYUR BA'I LUGS KYI THA SNYAD 'JOG TSUL NI 'JIG RTEN GYI THA SNYAD DON MTHUN KHO NA DANG SGO BSTUN NAS 'JOG PA YIN NO, ,DE YANG RIGS PA DRUG CU PA'I 'GREL PA LAS, GZHAN YANG 'JIG RTEN LA GRAGS PA'I DON NI 'JIG RTEN NA GRAGS PA KHO NAS RNAM PAR GZHAG PAR BYA YI 'THAD PAS NI MA YIN TE, 'JIG RTEN PA'I THA SNYAD THAMS CAD 'THAD PA DANG 'GAL BA'I PHYIR RO, ,ZHES DANG, YANG DE NYID LAS, 'JIG RTEN PA'I DNGOS PO RNAMS DPYAD CING RNAM PAR DPYAD NAS KHAS BLANG BAR BYA BA MA YIN GYI, 'O NA CI ZHE NA, 'JIG RTEN NA JI LTAR GRAGS PA LTAR RO, ,ZHES GSUNGS PA LTAR 'JIG RTEN PA'I THA SNYAD LOG PA KHA YAR MA GTOGS PA YUL DUS DE DANG DER THA SNYAD DON MTHUN LA BSNYON MED DU GRAGS PA DAG NI DE KHO NA LTAR KHAS BLANG BA YIN NO, ,DE LTA NA RGYA GAR DANG BOD LA SOGS PA LTA BU YUL SO SO BA DANG SKAD RIGS SO SO BA RNAMS LA YUL DANG SKAD RIGS MI GCIG PA'I DBANG GIS LTO LDIR BA LTA BU'I DNGOS PO GCIG NYID LA KA LA SHA DANG BUM PA ZHES PA LTA BU MING THA DAD PA BTAGS PA DANG, YANG 'JIG RTEN GYI KHAMS RIGS MI GCIG PA'I DBANG GIS RANG CAG RNAMS LA BUM PA ZHES GRAGS PA'I DNGOS PO 'DI LA GZHAN DU KA BA ZHES GRAGS PA YANG SRID PAS DE'I TSE DE
DAG GI THA SNYAD 'JOG TSUL JI LTAR BYA ZHE NA, YUL GANG DANG GANG DU THA SNYAD DE DANG DE BSNYON MED DU GRAGS PA'I YUL DE DAG TU NI THA SNYAD JI LTAR GRAGS PA LTAR THA SNYAD BYAS PA LA YUL DUS DE KA'I 'JIG RTEN PA'I THA SNYAD KYIS GRUB CING MI GNOD PAS JI LTAR GRAGS PA LTAR DU 'JOG DGOS TE, DNGOS PO THAMS CAD KYI THA SNYAD RANG CAG BOD RNAMS LA GRAGS PA KHO NA LTAR 'JIG RTEN GYI KHAMS THAMS CAD DU BYED PAR 'DOD NA NI HA CANG THAL LA, RANG CAG RNAMS LTO LDIR BA LA BUM PA'I THA SNYAD BYED PA LA 'JIG RTEN GZHAN DU KA BAR GRAGS PA YONG SRID KYANG DES MI GNOD PA BZHIN DU GZHAN LA'ANG MTSUNGS PA'I PHYIR DANG, SANGS RGYAS RNAMS KYANG 'JIG RTEN GYI KHAMS MI 'DRA BA'I SEMS CAN RNAMS LA CHOS STON PA NA SKAD RIGS KYANG 'GRO BA RANG RANG DANG MTHUN PA DANG, DNGOS PO RNAMS KYI MING DANG BRDA RNAMS KYANG 'GRO BA RANG RANG LA JI LTAR GRAGS PA DANG SGO BSTUN NAS 'DOMS PAR MDZAD KYI SKAD RIGS GCIG KHO NA DANG, BRDA RNAMS KYANG GCIG KHO NA DANG SGO BSTUN PAR BYAS NAS STON PAR MI MDZAD PA'I PHYIR RO, ,TSIG GSAL LAS, 'PHAGS PA RNAMS NI 'JIG RTEN GYI THA SNYAD KYI 'THAD PA MI GSUNG GI ,'ON KYANG 'JIG RTEN KHO NA LA RAB TU GRAGS PA'I 'THAD PA GANG YIN PA DE DAG GZHAN RTOGS PAR BYA BA'I PHYIR ZHAL GYIS BZHES NAS DE NYID KYIS 'JIG RTEN KHONG DU CHUD PAR MDZAD DO ZHES 'PHAGS PA RNAMS RANG LUGS LA 'JIG RTEN GYI THA SNYAD JI LTAR GNAS PA BZHIN GYI SGO NAS 'THAD PAS DE KHO NA NYID GTAN LA 'BEBS PA'I RIGS PA MI GSUNG YANG, 'ON KYANG 'JIG RTEN
, ,GYI SHES NGOR 'JIG RTEN KHO NA LA RAB TU GRAGS PA'I 'THAD PA GANG YIN PA DE DAG THA SNYAD JI LTAR GRAGS PA LTAR ZHAL GYIS BZHES NAS DE DAG GI SGO NAS 'JIG RTEN GYI SKYE BOS GNAS LUGS KHONG DU CHUD PAR MDZAD LA, DE'I DGOS PA NI GZHAN GYIS GNAS LUGS JI LTA BA BZHIN RTOGS PAR BYA BA'I PHYIR DU DE LTAR MDZAD PA YIN NO, ,ZHES GSUNGS TE, 'DI NI THAL 'GYUR BA'I RANG LUGS LA KUN RDZOB LA YANG LOG GNYIS SU MI 'BYED KYANG, 'JIG RTEN SHES NGO LA LTOS NAS YANG LOG GI DBYE BA BYED PA DANG 'DRA'O, ,GZHAN YANG DE BZHIN GSHEGS PAS GDUL BYA'I DON DU CHU DVANGS SHING BSIL BAR SPRUL PA'I TSE 'JIG RTEN RANG KHA BA LA CHU MTSAN NYID PAR SNANG ZHING, DE LA CHU'I THA SNYAD BYAS PA LA 'JIG RTEN PA'I THA SNYAD PA'I TSAD MA'I GNOD PA YANG MED PAS DE NGES PAR CHU MTSAN NYID PAR 'DOD DGOS TE, DE TZAM GYIS CHU MTSAN NYID PAR 'JOG MI NUS NA CHU'I THA SNYAD JI LTAR 'JOG PA BSAM DGOS SO ZHE NA, DE NI SHIN TU BDEN MOD KYI, DE LTAR KHAS BLANGS NA NI SANGS RGYAS DANG 'BYUNG BA BZHI GA'I GZHI MTHUN YANG 'DOD DGOS PAR SNANG LA, DE BZHIN GSHEGS PAS BYA DANG RI DVAGS SOGS SU SPRUL BA LA'ANG GONG GI RIGS PA DE MTSUNGS PAS JI LTAR BYED PA RNAMS KYANG RNAM DPYOD DANG LDAN PA DAG GIS DPYAD PAR BYA'O, ,DA LTA KHA CIG ,'BROG PA SANGS RGYAS SANGS RGYAS SU BZHED PAR SNANG BA LA'ANG DE SANGS RGYAS SU KHAS BLANGS NA NI SANGS RGYAS 'THOB PA LA LAM SGOM PA'I RTZOL BA MI DGOS PAR 'GYUR BA DANG, KHANG PA 'GA' ZHIG LA BDE BA CAN DANG MNGON
DGA' SOGS SU THA SNYAD GRAGS PA'I TSE DE DAG TU PHYIN PAS BDE BA CAN SOGS SU PHYIN PA'I GO CHOD PAR 'GYUR RO SNYAM DU DOGS LA, YANG DE SANGS RGYAS MA YIN PAR KHAS BLANGS PA'I TSE NI 'BROG PA DE LA SANGS RGYAS SU MING BTAGS, THAMS CAD KYIS DA LTA SANGS RGYAS GANG NA 'DUG ,KHANG PA'I PHYI NA 'DUG GAM, NANG NA 'DUG CES SOGS DE LA SANGS RGYAS KYI THA SNYAD BSNYON MED DU GRAGS PA DE TZAM GYIS SANGS RGYAS SU 'JOG MI NUS NA DA LTA SKYES BU LHAS BYIN MCHOD SBYIN ZHES SOGS SKYA SER SO SO LA PHA MA DANG MKHAN SLOB GYIS BRDA SBYAR BA JI SNYED CIG YOD PA THAMS CAD KYANG YUL DUS DE DAG TU THA SNYAD JI LTAR SBYAR BA LTAR GRAGS KYANG GRAGS GO MI CHOD PAR 'GYUR BAS CAL YAM TZAM MA YIN PAR ZHIB TU BSAM PAR BYA BA KHO NA'O, ,'DI DAG LAS BRTZAMS TE BRJOD PAR BGYI BA MANG DU MCHIS NA YANG RE ZHIG DE TZAM MO, ,DE LTAR CHOS DANG GANG ZAG GANG GI STENG NA YANG RANG NGOS NAS GRUB PA RDUL TZAM YANG MED PA DANG, THA SNYAD DU MING TZAM LA LAS 'BRAS SOGS BYA BYED THAMS CAD BSNYON MED DU 'JOG SHES PA NI THAL 'GYUR BA'I THUN MONG MIN PA'I KHYAD CHOS SU SNANG LA, DON 'DI NI JO BO YAB SRAS KYI BZHED PA'I SNYING PO'ANG YIN TE, GLEGS BAM RIN PO CHE'I LTA BA'I GLU 'BROM GYIS GSUNGS PA LAS, DA NGAS STONG LTA BA DBYINGS SU THAL, ,NGA 'DZIN MED GZUNG BA DBYINGS SU THAL, ,ZHES NGA'AM GANG ZAG DANG, GZUNG BA DANG, 'DZIN PAS BSDUS PA'I CHOS RNAMS RANG BZHIN GYIS STONG PAR GSUNGS NAS, KYE MI SNANG DGU SNANG DPAG MED KYANG, ,ZHES SOGS RANG BZHIN
, ,GYIS GRUB PA 'GOG PA'I RIGS PA DANG, 'BROM SHEL GYI ME TOG RANG MDANGS LA, ,SKU BDEN MED SNANG BA'I SANGS RGYAS BYON, ,ZHES SOGS KYIS DE'I MTHUN DPE BSTAN NAS, DON BSDU BA NA, KYE MA DPYAD SNA TSOGS MDZES MDZES 'DRA, ,HA DPYAD NA MI GDA' JI LTAR LAGS, ,AA SKYE MED RANG GIS BSTAN PAS LAN, ,ZHES MA BRTAGS MA DPYAD PA'I TSE CHOS THAMS CAD YOD PA DANG, DON DAM DPYOD BYED KYI RIGS PAS BTZAL BA NA CUNG ZAD MA GRUB PAR GSUNGS LA, RANG BZHIN GYIS STONG PA'I RGYU MTSAN GYIS LAS 'BRAS SOGS MED PAR 'DZIN PA 'GOG PA'I TSUL YANG DE NYID LAS, KYEE NYON DANG CHOS BYED BSAM SHES KUN, ,MI SMYON PA LA LA 'DI SKAD ZER, ,CHOS THAMS CAD STONG PA'I GNAS LUGS YIN, ,DON DE LA LAS DANG RGYU 'BRAS MED, ,NGA KHA SGOR GANG BYUNG RTOG MED ZA, ,KHONG RTOG BCAS RNAMS NI PHUNG ZHES ZER, ,MI KHO BO DE LAS BZLOG STE SMRA, ,ZHES SOGS RGYAS PAR GSUNGS NAS, CHOS THAMS CAD RANG BZHIN GYIS STONG PA KHO NAS RDZUN PA'I RGYU LAS RDZUN PA'I 'BRAS BU 'BYUNG BAS LAS 'BRAS SOGS LHAG PAR 'THAD PA'I SHES BYED KYANG, CHOS THAMS CAD RDZUN PA'I SNANG BA YANG, ,GZUGS MED NA GZUGS BRNYAN GA LAS 'BYUNG, ,DE RGYU SONG RDZUN YANG 'BRAS 'BYUNG BAS, ,LAS KHYAD DU MI GSOD NYAMS LEN PA'I, ,NGA LTA BA BRGYUD PA'I BKA' GDAMS YIN, ,ZHES GSUNGS LA, DE BZHIN DU 'DAM GYI BRDZES CANG GI GNANG BA'I TSOMS SU JO BOS KYANG, RMI LAM YUL GYI BZANG NGAN RNAMS, ,RMI LAM BLO LA BDEN PAR SNANG, ,RMI LAM BDEN PAS
STONG NA YANG, ,'KHRUL SHES CAN DE BDEN PAR 'KHRUL, ,DE BZHIN 'DI YUL MA LUS PA'ANG, ,BDEN PAS STONG YANG DER 'DZIN BLOS, ,BDEN PA NYID DU MNGON PAR 'KHRUL, ,ZHES GNYID KYIS BSLAD PA'I SHES PA 'KHRUL PA LA RMI LAM GYI SNANG BA SNA TSOGS PA ZHIG SHAR BA'I TSE JI LTAR SNANG BA LTAR GYI DON DU MED KYANG, SHES PA 'KHRUL PA YOD YOD MO GRUB GRUB MO LTAR SNANG ZHING SNANG BA LTAR GRUB PAR ZHEN PA BZHIN DU BDEN 'DZIN GYI BLO LA CHOS RNAMS RANG NGOS NAS GRUB PAR SNANG ZHING SNANG BA LTAR DU GRUB PAR ZHEN PAR YANG GSUNGS NAS, DES NA MKHAS PAS RMI LAM GYI DPES CHOS THAMS CAD RANG BZHIN MED PAR YID LA BYA TSUL YANG DE NYID LAS, MKHAS PA RMI LAM DPER LEN PA, ,JI LTAR SAD DUS SHES PA LA, ,RMI LAM YUL GYI BZANG NGAN RNAMS, ,YID LA WA LER SNANG GYUR KYANG, ,DE LA BRTEN NAS 'DI SNYAM DU, ,PHAR YUL GCIG KYANG MA GRUB PA, ,DON MED KHO BOS CIR YANG GZUNG, ,DA DUNG RNAM PA WA LER GDA', ,DE NAS MKHAS PAS 'DI SNYAM DU, ,CHOS RNAMS THAMS CAD 'DI DANG 'DRA, ,GTAD MED CIG LA GTAD PAR BZUNG, ,BDEN MED CIG LA BDEN PAR BZUNG, ,ZHES SOGS DANG, THA SNYAD THAMS CAD MING DANG RTOG PAS BTAGS TZAM KHO NA YIN PA YANG DE NYID LAS, DES NA BDE SDUG LA SOGS PA, ,RNAM RTOG JI TZAM 'DUS GYUR KYANG, ,SNANG BA TZAM ZHIG KHO NAR ZAD, BDEN PA SRID PA TZAM ZHIG STOR, ,ZHES GSUNGS PA'I PHYIR, MING TZAM DE LA RGYU 'BRAS 'JOG PA YANG, SNANG BA'I LAS 'BRAS MI SLU BA'I, ,SNANG TZAM 'BREL BAS BKA' GDAMS YIN, ,ZHES
, ,GSUNGS, 'DI DAG NI MTSON PA TZAM STE RGYAS PAR GLEGS BAM RIN PO CHE NYID LAS SHES PAR BYA'O, ,'DI DAG DANG MTHUN PAR RJE BTZUN MI LAS KYANG, TSE RING SKOR GSUM GYI MGUR DU, KHYED BLO DMAN RNAMS KYI BSAM NGO DANG, ,BSTUN NAS SANGS RGYAS KUN MKHYEN GYIS, ,THAMS CAD YOD CES GSUNGS PA YIN, ,ZHES SANGS RGYAS KYIS KYANG 'JIG RTEN SHES NGO DANG BSTUN NAS THA SNYAD 'JOG PAR MDZAD KYI DON DAM PAR RAM, BDEN PAR RAM, RANG BZHIN GYIS GRUB PA'I DBANG DU BYAS NAS RDUL TZAM YANG MED PA NI, DON DAM BDEN PA'I DBANG DU NI, ,BGEGS LAS SANGS RGYAS NYID KYANG MED, ,CES SOGS KYIS GZUGS NAS RNAM MKHYEN GYI BAR GYI GZHI LAM 'BRAS BUS BSDUS PA'I CHOS THAMS CAD RANG BZHIN GYIS MED PAR GSUNGS NAS, DE LTAR NA DE RNAMS GTAN NAS MED PA YIN NAM SNYAM NA, MING DANG TSIG GIS BTAGS PA TZAM ZHES GTAN MED PA MA YIN PAR MING TZAM ZHIG YOD PAR GSUNGS LA, MING TZAM DE MED DU MI RUNG BA DANG, DE LA RGYU 'BRAS SOGS BYA BYED THAMS CAD 'THAD PA'I SHES BYED KYANG, AE MA SEMS CAN MED GYUR NA, ,DUS GSUM SANGS RGYAS CI LAS BYUNG, ,RGYU MED 'BRAS BU MI SRID PAS, ,KUN RDZOB BDEN PA'I DBANG DU NI, ,'KHOR BA DANG NI MYA NGAN 'DAS, ,THAMS CAD YOD CES THUB PAS GSUNGS, ZHES SOGS GSUNGS LA, DE LTA BU'I MING TZAM GYI KUN RDZOB DANG DE RANG BZHIN GYIS STONG PA'I DON DAM GNYIS BYAS MI RTAG LTAR NGO BO GCIG PA DANG, 'JUG 'GREL LAS, DNGOS PO BYAS PA CAN LA MA REG PAR RANG BZHIN
'BA' ZHIG MNGON DU MDZAD PAS DE'I PHYIR SANGS RGYAS ZHES BYA'O, ,ZHES GSUNGS PA LTAR CHOS NYID GZIGS PA'I RIGS SHES KYI NGOR CHOS CAN KUN RDZOB PA MI SNANG BAR GSUNGS SO, ,DE BZHIN DU RJE BTZUN GRAGS PA RGYAL MTSAN GYIS KYANG, GAL TE DON DAM PAR YOD CE NA, YOD PA'I MTHAR LHUNG BA'I PHYIR DBU MA'I LAM MA YIN NO, ,'O NA KHYED DON DAM PAR MED PAR 'DOD PA'I PHYIR MED PA'I MTHAR LHUNG BAR 'GYUR RO ZHE NA, KHO BO CAG NI DON DAM PAR MED PAS MED PAR MI 'DOD DO, ,'O NA JI LTAR 'DOD CE NA, KHO BO CAG NI KUN RDZOB TU JI LTAR GNAS PA DE LTAR 'DOD DE, KUN RDZOB TU NI CHAD PA'I MTHA' LAS GROL LA, DON DAM PAR NI GANG YANG MA GRUB PAS MTHA' THAMS CAD DANG BRAL BA DBU MA'I LAM ZHES BYA'O, ,ZHES GSUNGS TE, DE LTAR JI SKAD BSHAD PA'I LTA BA'I RNAM GZHAG 'DI NI 'PHAGS PA KLU SGRUB YAB SRAS KYI DGONGS PA SANGS RGYAS BSKYANGS, DPAL LDAN ZLA BA, ZHI BA LHA SOGS KYIS BKRAL BA'I LUGS THUN MONG MIN PA, RGYA BOD KYI MKHAS GRUB GONG MA RNAMS KYI BZHED PA BLA NA MED PA STE, THAR PA DANG THAMS CAD MKHYEN PA DON DU GNYER BA RNAMS KYI 'JUG NGOGS MTHAR THUG PA YIN PAS SKAL BA DANG LDAN PA DAG GIS DUS RTAG TU NYAMS LEN GYI SNYING POR MDZAD DE DAR ZHING RGYAS LA YUN RING DU GNAS PA'I THABS LA BRTZON PA LHUR LEN PAR BYA'O, 'DIR SMRAS PA, GANG YANG 'DI NA KUN TU RMONGS PA'I SNGAGS KYIS 'DEBS BYED BDAG 'DZIN CHE 'DI NGES PAR SGYU MA MKHAN NYID DE, ,JI LTAR SNANG BA'I DON DU MED KYANG SNA TSOGS SU 'CHAR YUL GYI DGA' STON SGYU
, ,MA'I ROL RTZED KHO NA'O, ,RMI LAM JI BZHIN KUN NAS 'KHRUL PA'I MU COR LHUR LEN SKYE BO 'DI DAG SGYU MAS RMONGS PAR BYAS RNAMS SO, ,SGYU MA ZHES BYA 'KHOR BA 'DI STE SKYE BO RING NAS DUB PAR GYUR PA'I NGAL GSO'I GNAS DE 'DI KHO NA,, DE LTA MOD KYI SKAL BA DMAN PA RNAMS, ,LAM 'DI 'DOR ZHING TSUL 'DIR ZHUGS RNAMS KYANG, ,RTOG GER ZHEN DANG LHAN SKYES 'CHING BA YIS, ,'DI NA KHRON PA'I RUS SBAL BZHIN DU SPYOD, ,GANG ZHIG THOS PA'I DNGOS 'DZIN GNYIS 'THUNG GI ,SNYING NI 'DAR BYED STONG NYID SENG GE'I SGRA, ,SNYOM LAS MAL DU CHUD KYANG SKUL BYED KYIS, ,RANG DBANG PHROGS TSE LHA YI RNGA BZHIN BSGRAGS, ,GTAM 'DI BRJOD LAS BDAG YID LAG LDAN NI, ,DUG LNGA'I CHANG GIS RAB MYOS BAG MED DU, ,RMONGS LAS CI DGAR SPYOD 'DI PHYIN CHAD NI, ,RTEN 'BREL RIGS TSUL LCAGS KYU'I DBANG GYUR CIG ,TSE RABS KUN TU JO BO YAB SRAS DANG, ,DBYER MED CHOS KYI RGYAL PO TZONG KHA PA'I, ,CHOS TSUL BSHAD SGRUB DPUNG PA'I KA BA LA, ,BRTEN BYED CHOS KYI 'KHOR LO SGYUR THOB SHOG ,CES DE KHO NA NYID KYI GTAM DU BYA BA 'DI NI PHYOGS 'DI LA MOS PA'I SDE SNOD 'DZIN PA DU MAS RING NAS BSKUL ZHING MKHA' LTAR YANGS PA'I BLO GROS KYI SNANG BA CAN SDE SNOD 'DZIN PA KUN DGA' BLA MAS 'PHRAL DU BSKUL BA'I BYED PA LA BRTEN NAS CHOS SMRA BA'I BTZUN PA DGE 'DUN RGYA MTSO'I DPAL GYIS GANGS CAN BSTAN PA'I 'BYUNG GNAS, RI BO PO TA LA DANG KHYAD PAR MA MCHIS PA'I RVA SGRENG RGYAL BA'I DBEN GNAS KYI TZAN DAN GYI NAGS STUG PO'I 'DABS SU KHRO BO'I LO GRO ZHUN CAN GYI DGA' BA DANG PO LA NYE BAR SBYAR BA'I 'DIS KYANG BSTAN PA RIN PO CHE DAR ZHING RGYAS LA YUN RING DU GNAS PAR GYUR
CIG, ,, ` ZAB MO DBU MA'I LTA BA NYAMS SU LEN PA'I TSUL MDOR BSDUS PA SNYING GI MUN SEL ZHES BYA BA, MGON PO 'JAM PA'I DBYANGS LA PHYAG 'TSAL LO, NYI MA'I 'OD STONG RTZE DGA' DANG 'GROGS MTSAMS SPRIN GSAR PA'I PHUNG PO 'AM,, RAB BRJID GSER GYI RI BO'I NGOS LA BRGYA BYIN GZHU YIS 'KHYUD PA BZHIN, ,'JAM DBYANGS ZHABS SEN ME TOG PHON PO LHA BRGYA'I MGO BOR GAR BYED PA, ,BDAG GI SNYING LA GSAL BAR 'PHOS PAS MTHAR LTA'I MUN NAG 'PHROG GYUR CIG ,RGYAL BAS LUNG BSTAN KLU SGRUB YAB SRAS DANG, ,RGYAL BA KUN DNGOS BLO BZANG GRAGS PA'I DPAL, ,SRAS DANG BCAS LA SNYING NAS PHYAG BYAS NAS, ,MTHA' BRAL LTA BA'I NYAMS LEN GSAL BAR BYA, ,'DIR RANG CAG RNAMS KYI BLA MA RGYAL BA TZONG KHA PA CHEN PO LA RJE BTZUN 'JAM PA'I DBYANGS KYIS DNGOS KUN GNANG BA'I ZHAL GDAMS SNGAGS MTSAN NYID GNYIS KA'I LAM GYI SROG MTHAR THUG PA, DA LTA ZAB MO DBU MA'I LTA KHRID CES GRAGS PA DE NYID SHIN TU NYUNG NGU'I TSIG GIS GO SLA BA GTZO BOR BYAS TE BSHAD PAR BYA'O,, 'DI LA GNYIS, SNGON 'GRO DANG, DNGOS GZHI'O,, DANG PO NI RJE BTZUN 'JAM PA'I DBYANGS DANG BLA MA DBYER MED DU MOS PA LA YAN LAG BDUN PA'I SGO NAS BSAGS SBYANG SHUGS DRAG DANG, BYIN RLABS NYE BRGYUD SOGS KYIS LAM GYI RTOGS PA MYUR DU RGYUD LA SKYE BAR GSOL BA 'DEBS PA STE, 'DI LA BLA MA MTHO BRTZEGS SU SGOM PA, MDUN GYI NAM MKHAR SGOM PA, SNYING GAR SGOM PA SOGS MANG DU SNANG NGO,, DNGOS GZHI LA GANG ZAG GI BDAG MED NYAMS SU LEN TSUL DANG,
, ,CHOS KYI BDAG MED NYAMS SU LEN TSUL LO,, DANG PO LA GANG ZAG GI BDAG MED GTAN LA DBAB PA DANG, PHAB NAS JI LTAR SKYONG BA'I TSUL GNYIS, DANG PO NI GSUNG RAB RNAMS SU BDAG MED GNYIS LAS CHOS KYI BDAG MED DANG POR GSUNGS PA SHAS CHE YANG, SGOM PA'I TSE GANG ZAG GI BDAG MED THOG MAR SGOM PA DON CHE BAR GSUNGS PAS DE'I DBANG DU BYAS NAS 'DIR YANG GANG ZAG GI BDAG MED NYAMS SU LEN TSUL DANG POR 'CHAD DO, ,DE LA GNAD BZHI TSANG NA DBU MA'I LTA BA RNYED PAR GSUNGS PAS THOG MAR NGAR 'DZIN LHAN SKYES KYIS NGA JI LTAR BZUNG BA'I TSUL NGES PA'I GNAD NI, RANG CAG RNAMS LA GNYID 'THUG PO LOG PA'I GNAS SKABS MAN CHAD NA YANG NGA'O SNYAM DU SNYING GI THAD NAS DAM SPRING GIS 'DZIN PA'I BLO 'DI NGAR 'DZIN LHAN SKYES YIN PAS 'DIS NGA GANG DU BZUNG, JI 'DRA ZHIG TU BZUNG SNYAM DU BLO DE'I 'DZIN TSUL LA ZUR GYIS BRTAGS PA NA, GZUNG SA RANG GI LUS SEMS TSOGS PA 'DI'I STENG DU BZUNG TSUL PHAR MING GIS BTAGS PA TZAM MA YIN PAR BTAGS PA'I DON GYI NGA YUL STENG NAS GRUB PA ZHIG TSUGS SE YOD PA LTA BUR BZUNG YOD DE, DPER NA MTSAN MO KA BA SOGS LA REG PA'I TSE 'DI KA BA'O SNYAM DU 'DZIN PA'I BLOS PHAR GZHAG PA TZAM LA MA LTOS PAR BLO DES 'JOG RGYU'I GO SA GNON NUS KYI KA BA YUL STENG NAS GRUB PA ZHIG TSUGS SE YOD PAR 'DZIN PA BZHIN NO,, GNAD GNYIS PA KHYAB PA NGES PA'I GNAD NI, DE 'DRA BA'I NGA ZHIG LUS SEMS GNYIS PO 'DI'I STENG NA YOD NA LUS SEMS GNYIS DANG GCIG THA DAD GANG RUNG
DU GRUB DGOS PAR THAG GCOD PA STE, 'DI NI GCIG DANG DU MA PHAN TSUN SPANGS 'GAL LA BRTEN PA'I TSAD MAS GRUB DGOS SO,, GNAD GSUM PA BDEN PA'I GCIG BRAL NGES PA'I GNAD NI, BDEN 'DZIN LHAN SKYES KYIS BZUNG BA LTAR GYI NGA DE LUS SEMS GNYIS DANG GCIG TU MA GRUB STE, LUS DANG YANG GCIG TU MA GRUB, SEMS DANG YANG GCIG TU MA GRUB PAS SO, ,LUS DANG GCIG TU MA GRUB STE, NGA'I LUS ZHES TSIG TU BRJOD PA'I TSE YANG NGA LAS LUS THA DAD DU BRJOD CING, BLO LA'ANG DE LTAR SNANG BA'I PHYIR DANG, LUS 'DI ZHIG PA'I 'OG TU YANG NGA YANG SRID DU SKYE BA LEN PA MTHONG BA'I PHYIR NGA LUS DANG GCIG TU MA GRUB SNYAM DU BSAM MO, ,DE BZHIN DU SEMS DANG YANG GCIG TU MA GRUB STE, NGA'I SEMS ZHES TSIG TU BRJOD PA'I TSE YANG NGA LAS SEMS THA DAD DU BRJOD CING, BLO LA YANG DE LTAR 'CHAR BA'I PHYIR DANG, SEMS RTEN MED YAN GAR DU GNAS PA'I GANG ZAG MI SRID PA'I PHYIR, GZHUNG LUGS LA ZHIB TU SBYANGS PA RNAMS LA 'PHUL MTSAMS KYI RIGS PA RNAMS NUS PA STER BA'I PHUL CHE YANG, RE ZHIG LAS DANG PO BA RNAMS LA 'DI TZAM ZHIG 'CHAR BDE BAR MNGON NO,, GNAD BZHI PA NI NGAR 'DZIN LHAN SKYES KYIS BZUNG BA LTAR GYI NGA DE LUS SEMS GNYIS DANG THA DAD DU GRUB BO SNYAM NA, SPYIR THA DAD TZAM LA 'BREL MED KYI THA DAD YIN MI DGOS KYANG RANG BZHIN GYIS GRUB PA'I THA DAD LA GTAN NAS 'BREL BA MED PA ZHIG DGOS PAS LUS SEMS GNYIS BLOS BSAL BA'I 'OG TU'ANG DE 'DRA BA'I NGA DE 'DI YIN NO ZHES BSTAN RGYU ZHIG RNYED DGOS PA LAS DE 'DRA MI RNYED
, ,PA'I PHYIR THA DAD DU MA GRUB BO SNYAM DU BSAM MO, ,DE LTAR GNAD BZHI'I DPYAD PA LA BRTEN NAS LUS SEMS GNYIS KYI STENG NA NGAR 'DZIN LHAN SKYES KYIS BZUNG BA LTAR GYI NGA DE 'DRA GTAN MI 'DUG SNYAM DU LHANG GIS NGES PA NA DE'I TSE DBU MA'I LTA BA DANG POR RNYED PA ZHES BYA'O, ,'DI LA TSE RABS SNGA MA RNAMS SU LTA BA LA 'DRIS PAR BYAS PA RNAMS LA SNGAR STOR BA'I DNGOS PO SHIN TU GCES PA ZHIG GSAR DU RNYED PA LTA BU'I SPRO BA DANG, STONG NYID LA TSE RABS SNGA MA RNAMS SU BAG CHAGS MA BZHAG PAR TSE 'DIR GSAR DU RNYED PA YIN NA DNGOS PO SHIN TU GCES PA ZHIG GLO BUR DU STOR BA LTA BU'I SKRAG DNGANGS CHEN PO 'BYUNG BA ZHIG DGOS TE, DE GNYIS GANG RUNG MA BYUNG NA DGAG BYA NGOS MA ZIN PA'AM, ZIN KYANG LEGS PAR MA KHEGS PA'I RTAGS YIN NO,, SKYONG TSUL LA MNYAM GZHAG NAM MKHA' LTA BU'I SKYONG TSUL DANG, RJES THOB SGYU MA LTA BU'I SKYONG TSUL GNYIS, DANG PO NI, NAM MKHA' DE DGAG BYA THOGS REG DANG BRAL TZAM GYI CHA LA BZHAG PA BZHIN DU 'DIR YANG DGAG BYA RANG NGOS NAS GRUB PA BKAG TZAM GYI CHA LA RTZE GCIG TU SEMS PAR BYED PA YIN PAS 'DI LA GTZO BO NI BLO BYINGS SNGAR RNYED PA'I 'DZIN STANGS LAS MA G-YOS PA'I NGANG NAS 'DZIN STANGS DE CUNG ZAD SHUGS CHUNG DU 'GRO LA KHAD PA'I TSE BLO'I ZUR GYIS SNGAR GYI GNAD BZHI'I DPYAD PA RNAMS DRAN TZAM RE BYAS TE NGES SHES DE'I RGYUN CI NUS SU 'THUD LA BSKYANG BAR BYA'O, ,LUGS 'DI'I RJES 'BRANG KHA CIG NGA RANG BZHIN GYIS MED SNYAM DU BLO LA SGOM ZHING TSIG TU YANG DE LTAR BRJOD PA DANG, KHA CIG NGAR 'DZIN
LHAN SKYES KYIS BZUNG BA LTAR GYI NGA DE BLO'I PHUGS LA BZHAG NAS NGA SNANG TSUL LTAR MED SNYAM DU SGOM PAR BZHED PA YANG YOD DO,, RJES THOB SGYU MA LTA BU'I SKYONG TSUL NI, GNAD BZHI'I DPYAD PA LA BRTEN NAS RANG NGOS NAS GRUB PA'I NGA BKAG PA DE'I SHUL NA DA DUNG LHAG MA LUS PA CI 'DUG BLTAS PAS 'GRO 'CHAG NYAL GSUM SOGS KYI SPYOD LAM LA 'JUG PA'I NGA'I SNANG BA TZAM ZHIG YOD PA LA SGYU MA LTA BUR NGES SHES DRANGS LA BSKYANG BAR BYA'O, ,YANG RI RA BA KHANG KHYIM LA SOGS PA'I SNANG BA CI SHAR YANG RANG CAG RNAMS LA RANG NGOS NAS GRUB PAR SNANG BA SHA STAG YIN PAS SNANG YANG SNANG BA LTAR MA GRUB PA'I SNANG STONG TSOGS PA'I SGYU MA LTA BUR NGES SHES DRANGS LA BSKYANG BAR BYA'O, ,GANG ZAG GI BDAG MED NYAMS SU LEN TSUL BSHAD ZIN TO,, GNYIS PA CHOS KYI BDAG MED NYAMS SU LEN TSUL LA, GTAN LA DBAB PA DANG, PHAB NAS JI LTAR SKYONG BA'I TSUL GNYIS, DANG PO LA 'DUS BYAS LA DPYAD PA DANG, 'DUS MA BYAS LA DPYAD PA GNYIS, DANG PO LA BEM SHES LDAN MIN 'DU BYED GSUM LAS BEM PO LA THOG MAR RANG GI LUS 'DI'I STENG DU DPYAD NA GNAD BZHI LAS THOG MAR DGAG BYA NGOS 'DZIN TSUL GYI GNAD NI, NGA'I LUS SNYAM DU SNYING GI DKYIL DU DAM SPRING GIS 'DZIN PA'I BLO 'DIS LUS DE GANG DU BZUNG, JI LTAR BZUNG BRTAGS PA NA; GZUNG SA SPYI GTZUG NAS RKANG MTHIL GYI BAR GYI YAN LAG LNGA TSANG GI GZUGS PO 'DI'I STENG DU LUS ZHES PHAR MING GIS BTAGS PA TZAM MA YIN PAR BTAGS PA'I DON GYI LUS YUL STENG NAS TSUR TSUGS THUB PA ZHIG TU BZUNG YOD DE, BLO DE'I
, ,'CHAR TSUL LA BRTAGS LA DGAG BYA NGOS ZIN PAR BYA'O, ,DE RJES BLO DES BZUNG BA LTAR GYI LUS SHIG GZUGS PO 'DI'I STENG NA YOD NA GZUGS PO 'DI'I STOD SMAD GNYIS DANG GCIG THA DAD GANG RUNG DU YOD DGOS PAR THAG GCOD PA NI KHYAB PA NGES PA'I GNAD DO, ,GCIG TU GRUB NA LUS GCIG PU 'DI NYID YAN LAG LNGA TSANG GI LUS GNYIS SU 'GYUR BA DANG, MGO BO'I STENG NA RKANG PA YOD PAR THAL BA SOGS KYIS GNOD PA'I PHYIR GCIG TU MA GRUB BO SNYAM DU THAG GCOD PA NI BDEN PA'I GCIG BRAL NGES PA'I GNAD DO, ,THA DAD DU GRUB NA LUS KYI STOD SMAD GNYIS RE RE NAS BLOS BSAL BA'I 'OG TU YANG YAN LAG LNGA TSANG GI LUS 'DI'O ZHES BSTAN RGYU RNYED DGOS PA LAS DE 'DRA MI RNYED PA'I PHYIR THA DAD DU MA GRUB BO SNYAM DU THAG GCOD PA NI BDEN PA'I DU BRAL NGES PA'I GNAD DO, ,DE BZHIN DU RI RA BA KHANG KHYIM LA SOGS PA RNAMS LA RANG GI YAN LAG SA RDO SHING GSUM SOGS KYI STENG DU GCIG THA DAD BRTAGS LA SNGAR LTAR DPYAD DO,, GNYIS PA SHES PA LA DPYOD TSUL NI, DE RING GI SHES PA LTA BU RANG NGOS NAS GRUB NA SNGA DRO PHYI DRO'I SHES PA GNYIS KYI STENG DU GCIG THA DAD BRTAGS LA SNGAR LTAR DPYAD, GZHAN YANG YUL LA LTOS NAS YUL CAN GYI SHES PA DANG, YUL CAN GYI SHES PA LA LTOS NAS YUL GZHAG DGOS TE, DPER NA YUL SNGON PO LA LTOS NAS SNGON 'DZIN SHES PA DANG, SNGON 'DZIN SHES PA LA LTOS NAS SNGON PO 'JOG DGOS PA BZHIN NO, ,DES NA YUL YUL CAN RNAMS PHAN TSUN LTOS NAS GRUB PA'I PHYIR RANG NGOS NAS GRUB PA CUNG ZAD TZAM YANG MED PAR THAG GCAD DO,,
(GSUM PA) LDAN MIN 'DU BYED LA DPYAD PA NI, DPER NA DUS LTA BU LA MTSON NA, LO GCIG CES PA ZLA BA BCU GNYIS LA BTAGS NAS BZHAG PA YIN PAS ZLA BA BCU GNYIS PO'I STENG NA LO RANG NGOS NAS GRUB PA ZHIG YOD NA ZLA BA BCU GNYIS PO RNAMS DANG GCIG THA DAD BRTAGS LA SNGAR LTAR DPYAD DO, ,'DUS MA BYAS LA DPYAD NA, DE YANG DANG PO NAM MKHA' LTA BU LA DPER MTSON NA NAM MKHA' DE LA SHAR NUB KYI CHA GNYIS SU BGOS LA DE GNYIS KYI STENG DU GCIG THA DAD BRTAGS LA SNGAR LTAR DPYAD, CHOS NYID DON DAM BDEN PA LTA BU NI CHOS CAN KUN RDZOB PA RNAMS LA LTOS NAS GRUB PA'I PHYIR RANG BZHIN GYIS MA GRUB PAR THAG BCAD CING, 'GOG BDEN LTA BU NI RANG SPANG BYA SPANGS PA'I CHA JI SNYED CIG LA LTOS NAS GRUB PA'I PHYIR RANG NGOS NAS MA GRUB SNYAM DU THAG BCAD DO, ,MDOR NA CHA MED SHES BYA LA MI SRID PA'I PHYIR GZHI GRUB NA CHA BCAS YIN PAS KHYAB LA, DE'I PHYIR SHES BYA YIN NO COG LA CHA DANG CHA CAN GNYIS GNYIS YOD PAS DE GNYIS GCIG THA DAD BRTAGS LA GCIG DU BRAL GYI RIGS PAS RANG BZHIN MED PAR GTAN LA 'BEBS PA'AM, YANG NA CHA BCAS RNAMS RANG BZHIN GYIS MA GRUB STE, CHA CAN DE LA LTOS NAS BZHAG PA'I PHYIR DANG, CHA CAN DE YANG RANG BZHIN GYIS MA GRUB STE, RANG GI GDAGS GZHIR GYUR PA'I CHA SHAS RNAMS LA LTOS NAS BZHAG PA'I PHYIR, ZHES DPYAD CHOG PAS DE KHO NA NYID LA 'JUG PA'I BLO GROS SHIN TU RGYAS PAR BYA'O, ,DE LTAR GNAD BZHI'I DPYAD PA'I SGO NAS LTA BA GTAN LA 'BEBS PA NI GCIG DU BRAL GYI RIGS PAS DPYOD PA'I DBANG DU BYAS PA YIN
, ,GYI, BDAG MED GTAN LA 'BEBS PA'I RIGS PA THAMS CAD LA BSGRE BAR BYA BA MA YIN TE, RTEN 'BREL GYI GTAN TSIGS LTA BUS DPYOD PA'I TSE GNAD GSUM DANG, RNAM BDUN GYI RIGS PA LTA BUS DPYOD PA'I TSE GNAD DGU 'ONG BA'I PHYIR, SKYONG TSUL LA MNYAM GZHAG NAM MKHA' LTA BU'I SKYONG TSUL DANG RJES THOB SGYU MA LTA BU'I SKYONG TSUL GNYIS KYI SGO NAS SNGAR BSHAD PA LTAR SKYONG BA YIN LA, SPYIR SO SKYE'I DUS KYI LTA BA'I SKYONG TSUL LA LAS DANG PO PAS STONG NYID LA THOS BSAM GYIS MYONG BA 'DON TSUL LAM, RIGS SHES RJES DPAG GI NGES SHES KYI RGYUN SKYONG TSUL ZHES PA GNYIS DON GCIG TU BYAS PA DANG, STONG NYID LA DMIGS PA'I ZHI GNAS KYI SKYONG TSUL, STONG NYID LA DMIGS PA'I LHAG MTHONG GI SKYONG TSUL, SNGAGS BLA MED KYI BDE STONG SBYOR BA'I TSUL TE BZHIR GSUNGS SO, ,DE LTAR NA 'DI NI LAS DANG PO PAS GO SLA BA DANG 'KHYER BDE BA GTZO BOR BYAS NAS 'KHRID TSUL NYUNG NGU ZHIG BKOD PA YIN LA, DGAG BYA NGOS 'DZIN GYI SKABS DANG, DE 'GOG PA'I RIGS PA'I SPYOD TSUL DPYAD NAS SKYONG TSUL THA SNYAD 'JOG MTSAMS DANG BCAS PA RNAMS LA DOGS PA'I MTHA' DPYOD TSUL RGYAS PAR NI LOGS SU BSHAD PAR BYA'O,, ` ,,SMRAS PA, RNAM DPYOD 'OD STONG 'PHRO BA PADMO'I GNYEN, ,DGONGS DON ZAB MO'I MKHA' LA RAB 'PHAGS TE, ,LEGS BSHAD BDUD RTZI'I DUS STON 'GYED PA NI, ,KVA YE SNGON BSAGS BSOD NAMS BYED POS BSKRUN, ,RDO RJE'I TSIG LA RDO RJE 'CHANG NYID KYIS, ,MTHA' DRUG TSUL BZHIS BKRAL LA MTSAR CI YOD, ,YAB RJE BLA MA'I DGONGS DON CHES PHRA
BA; ;NYAMS CHUNG BDAG 'DRA'I BLO YIS RNAM PAR PHYE, ,KYE KYE GTING ZAB SRID PA'I CHU GTER NYES BRGYA'I RLABS KYI PHRENG BA CAN, ,SDUG BSNGAL CHU SRIN 'DZIN KHRI'I TSOGS KYIS BDE BA'I NOR BU 'PHROG 'GYUR BAR, ,RING NAS 'KHYAMS PAS DUB PA'I GROGS DAG BDAG MED RTOGS PA'I GRU CHEN GYIS, ,KUN MKHYEN NOR BU'I GLING DU BGROD SLAD TSUL 'DIR DANG BA LHUR BYOS SHIG, CES LTA BA'I 'KHRID TSUL SHIN TU NYUNG NGU'I GTAM DU BYAS PA 'DI NI CHOS 'DI DANG RJE THAMS CAD MKHYEN PA YAB SRAS LA MCHOG TU DAD PA'I SKAL BA CAN NANG SO SKYA RGYAL BA'I GSUNG GIS NYE BAR BSKUL NAS BTZUN PA DGE 'DUN RGYA MTSO'I DPAL GYIS PHUN TSOGS MTHA' DAG 'DU BA'I GZHIS CHEN BYA 'DABS ZHES BYA BAR NYE BAR SBYAR BA'O,, ,, ` 'JAM PA'I DBYANGS DANG RJE BTZUN TZONG KHA PA, ,DBYER MED ZHABS KYI PADMOR PHYAG 'TSAL NAS, ,MTHA' BRAL LTA BA NYAMS SU LEN PA'I TSUL, ,NYUNG NGU'I GTAM DU BYA BA 'DI LTAR RO, ,DE YANG BLA MA DANG YI DAM DBYER MED DU BYAS NAS GSOL BA 'DEBS SHING BSAGS SBYANG GI RIM PA LA 'BAD PA SOGS SNGON 'GRO RNAMS SNGON DU BTANG NAS DNGOS GZHI NYAMS SU LEN TSUL BDAG MED GNYIS LAS, DANG PO GANG ZAG GI BDAG MED NYAMS SU LEN TSUL NI, THOG MAR RANG RGYUD LA NGA'O SNYAM PA'I BLO SHUGS DRAG PO ZHIG THOL TE SKYES BYUNG BA NA, BLO DE LA NGA'I SNANG BA JI LTAR 'CHAR BLO KHA NANG DU PHYOGS NAS BLTAS PA NA RANG GI PHUNG PO LNGA'I STENG DU NGA ZHES RTOG PAS PHAR BTAGS PA TZAM RKYANG PA MA YIN PA'I NGA ZHIG RANG NGOS NAS GRUB PA LTAR SNANG STE, DPER NA RANG CAG RNAMS LA KA BA LTA BU'I RNAM PAR 'CHAR BA'I TSE NA YANG GDUNG 'DEGS
, ,PA'I SHING DE'I STENG DU RTOG PAS PHAR KA BA ZHES BTAGS PA MA YIN PAR SHING DE'I NGOS NAS KA BAR GRUB PA ZHIG LA BLOS KYANG DE LTAR BZUNG BA LTAR SNANG BA MYONG BAS GRUB PA LTAR YIN NO, ,DE LTAR DGAG BYA NGOS BZUNG NAS DE 'GOG PA'I TSUL NI, PHUNG PO LNGA'I STENG NA NGA ZHES DANG PO NAS GRUB PA ZHIG MED DE, PHUNG PO LNGA'I STENG DU NGA DE RTOG PAS PHAR BTAGS TZAM RKYANG PA YIN PA'I PHYIR RO, ,DPER NA KA BA ZHES GDUNG 'DEGS PA'I SHING DE'I STENG DU PHAR BTAGS PA TZAM MA GTOGS, SHING DE'I NGOS NAS KA BAR GRUB RGYU CUNG ZAD KYANG MED PA BZHIN NO, ,SHING DE'I NGOS NAS KA BAR GRUB RGYU CUNG ZAD KYANG MED DE, YOD NA SHING DE MA BCAD GONG YAL GA LO 'DAB DANG LDAN PA'I TSE DANG BCAD NAS KYANG KA BA'I THA SNYAD MA BYAS PA YAN CHAD DU YANG KA BAR GRUB DGOS PA LAS KA BAR MA GRUB PA'I PHYIR TE, DE YAN CHOD DU DE LA DMIGS NAS 'DI DAG BKRA SHIS DANG BSAM GRUB SOGS SU PHAR BTAGS RKYANG PA MA YIN PAR DE'I TSE RANG NGOS NAS KYANG BKRA SHIS DANG BSAM GRUB SOGS SU YIN LA, DE BZHIN DU BYIS PA 'GA' ZHIG LA BKRA SHIS DANG BSAM GRUB CES SOGS KYI MING BTAGS PA NA DE DAG BKRA SHIS DANG BSAM GRUB SOGS SU PHAR BTAGS RKYANG PA MA YIN PAR DE'I TSE RANG NGOS NAS KYANG BKRA SHIS DANG BSAM GRUB SOGS SU GRUB RGYU ZHIG YOD PA LTA BUR SNANG MOD KYI DE DAG GI NGOS NAS BKRA SHIS DANG BSAM GRUB SOGS SU GRUB PA NI YE MED DE, YOD NA DE DAG MA LAS SKYES MA THAG MING DE 'DRA MA BTAGS GONG DU YANG DE DAG MTHONG TZAM NAS 'DI NI BKRA SHIS SO, ,'DI NI
BSAM GRUB BO SNYAM PA'I BLO SKYE DGOS PA LAS DE 'DRA BA'I BLO SKYE BA MED PA'I PHYIR RO, ,DE DAG GIS MTSON NAS RANG GI PHUNG PO LNGA RE RE BA DANG TSOGS PA GANG YANG MIN ZHING DE DAG LAS DON GZHAN PA'I GRUB RGYU CUNG ZAD KYANG MED PA'I PHYIR PHUNG PO LNGA'I STENG DU NGA ZHES PHAR BTAGS PA TZAM 'BA' ZHIG TU ZAD LA, DE'I PHYIR NGA SNANG TSUL LTAR GRUB PA CUNG ZAD KYANG MED SNYAN DU BSGOM PAR BYA'O,, GNYIS PA CHOS KYI BDAG MED NYAMS SU LEN PA'I TSUL NI, DE BZHIN DU PHUNG SOGS KYI CHOS THAMS CAD KYANG GDAGS GZHI SO SO'I NGOS NAS JI LTAR BTAGS PA LTAR GYI DON DE DANG DER GRUB PA CUNG ZAD KYANG MED PAS 'DI RNAMS SNANG TSUL LTAR GRUB PA CUNG ZAD KYANG MED SNYAM DU BSGOM ZHING, RJES THOB TU GANG SHAR GYI SNANG BA THAMS CAD SNANG YANG SNANG BA LTAR DU MED PA'I SGYU MA LTA BUR BSGOM PAR BYA'O,, SMRAS PA, RMI LAM YUL DU RTA DANG GLANG PO SOGS, ,JI SNYED YOD YOD LTA BUR SNANG ZHING ZHEN, ,SAD TSE GRUB PA RDUL TZAM MA MCHIS PA, ,CHOS RNAMS THAMS CAD DE LTAR NYAMS SU LONGS, ,SGYU MA MKHAN GYIS SPRUL PA'I SRIN PO'I GZUGS, ,MED BZHIN SNANG BAS 'GA' ZHIG SKRAG BYED LTAR, ,RING NAS GOMS PA 'KHRUL PA'I BAG CHAGS 'DIS, ,THOG MED DUS NAS SEMS KYI SKYES BU 'KHRUL, ,'KHOR BA MYA NGAN 'DAS SOGS CHOS RNAMS KYI,, RI MO 'GOD BYED RNAM RTOG 'DI KHO NA, ,NGO BOS GRUB PA CHA TZAM MA MCHIS PA'I, ,DBU MA'I LAM 'DI SKAD BZANG 'GA' YIS RNYED, ,'DI NI THUB BSTAN BYI DOR MKHAN, ,BSAM GRUB DPAL BZANG NYAMS LEN DU, ,MANG POR SNGAR BKOD CHES NYUNG
, ,NGU'I, ,GO SLA'I NGAG GI MCHOD SBYIN NO,, ,, ` MGON PO 'JAM PA'I DBYANGS LA PHYAG 'TSAL LO, ,'JAM PA'I DBYANGS DANG 'PHAGS MCHOG KLU SGRUB DANG, ,MNYAM MED CHOS KYI RGYAL PO TZONG KHA PA, ,DBYER MED ZHABS KYI PADMOR PHYAG BYAS NAS, ,MTHA' BRAL LTA BA'I NYAMS LEN BRJOD PAR BYA, ,DE LA ZAB MO STONG PA NYID KYI LTA BA NYAMS SU LEN TSUL LA THOG MAR DGAG BYA NGOS GZUNG BA, DE JI LTAR 'GOG PA'I TSUL, MNYAM GZHAG DANG RJES THOB TU SKYONG TSUL SOGS NI SNGA PHYIR GZHAN DU BSHAD ZIN LA, 'DIR NI DBU MA THAL 'GYUR BA'I THUN MONG MA YIN PA'I KHYAD CHOS, SNANG BAS YOD MTHA' SEL BA DANG, STONG PAS MED MTHA' SEL BA'I DON CUNG ZHIG BRJOD NA, MYU GU CHOS CAN, RANG BZHIN GYIS MED DE, RTEN 'BREL YIN PA'I PHYIR, ZHES BKOD PA'I TSE MYU GU CHOS CAN, MED DE ZHES MA BRJOD PAR, RANG BZHIN GYIS MED DE, ZHES DGAG BYA'I KHYAD PAR SBYAR BAS NI MYU GU RANG BZHIN GYIS MED PA YIN GYI GTAN MED PA MA YIN PAR RTOGS NUS PAS STONG PAS MED MTHA' SEL BA'I DON YIN LA, RTEN 'BREL YIN PA'I PHYIR ZHES PA'I RTAGS KYIS NI MYU GU RANG GI RGYU RKYEN LA BRTEN NAS SAM, LTOS NAS GRUB PAR GO NUS PAS RANG BZHIN GYIS GRUB NA RGYU RKYEN LA LTOS MI DGOS PA'I DON GYIS RANG BZHIN GYIS MED PAR SHES LA, DE NI SNANG BAS YOD MTHA' SEL BA'I DON NO, ,DE'I PHYIR RTEN 'BREL GYI RTAGS KYI BYED PAS RTAG CHAD KYI MTHA' GNYIS DUS GCIG TU 'GOG NUS PA'I RIGS PA'I RGYAL PO RTEN 'BREL ZHES KYANG GSUNGS SO, ,DE DAG GI DON YANG CUNG ZAD
SPROS TE BSHAD NA, CHOS RNAMS LA RANG BZHIN GYIS GRUB PA'AM, NGO BOS GRUB PA MED PAR GSUNGS PA NI, DE DAG RI BONG GI RVA BZHIN DU GZHI MA GRUB PA'I DON MA YIN GYI, PHUNG PO TSOGS PA LA BRTEN NAS GANG ZAG CES BTAGS PA DANG, SHING RTA'I YAN LAG TSOGS PA'I STENG DU SHING RTA'I THA SNYAD BTAGS PA LTAR GZUGS NAS RNAM MKHYEN GYI BAR GYI CHOS THAMS CAD KYANG RANG RANG GI GDAGS GZHI RE'I STENG DU RTOG PAS PHAR BTAGS NAS BZHAG PA 'BA' ZHIG MA GTOGS, GDAGS GZHI SO SO'I STENG NAS TSUR GRUB PA NI YE MED DE, DPER NA MTHO YOR LA MIR 'DZIN PA'I BLOS MTHO YOR GYI STENG DU MI ZHES PHAR BTAGS PA MA GTOGS MTHO YOR GYI STENG NA MIR GRUB RGYU GTAN NAS MED PA BZHIN NO, ,DE YIN TE, DA LTA YANG SKYES BU 'GA' ZHIG DANG PO NAS LHAS BYIN DANG, BSOD NAMS SU MA GRUB KYANG, PHA MA DANG MKHAN SLOB SOGS KYIS MING GI BRDA DE LTAR SBYAR BA LAS PHYIS DE DAG MTHONG NA LHAS BYIN DANG BSOD NAMS ZHES SOGS SU 'DZIN PA'I BLO SKYE BAR MTHONG BA'I PHYIR RO, ,DE KHO NA BZHIN DU CHOS THAMS CAD KYANG 'DI DANG 'DI'O ZHES RTOG PAS PHAR BZHAG PA 'BA' ZHIG YIN GYI, SO SO'I YUL STENG NAS GRUB PA YE MED LA, DE NI DE DAG RANG BZHIN GYIS MED PA'I DON YIN GYI, GZHI MA GRUB PA'I DON MA YIN TE, DE DAG RTOG PAS PHAR BTAGS TZAM DU YOD PAS YOD GO CHOD PA'I PHYIR RO, ,DES NA MING TZAM DANG RTOG PA'I RI MO TZAM DE KA LA LAS 'BRAS 'KHOR 'DAS SPANG BLANG SOGS THA SNYAD THAMS CAD BSNYON MED DU 'JOG SHES NA CHAD PA'I MTHAR MI LTUNG ZHING NGO BOS GRUB PA
, ,RDUL TZAM YANG MED PAR NGES PAS RTAG PA'I MTHA' LAS GROL BAR 'GYUR ZHING, DE'I DON GYI 'KHOR 'DAS SOGS RANG BZHIN MED PA'I TSUL LA NGES PA GTING TSUGS PA ZHIG 'DRONGS NA THA SNYAD DU MING TZAM LA LAS 'BRAS MI SLU BA LA SOGS PA'I RTEN 'BREL GYI TSUL LA NGES PA LHAG PAR 'DRONGS PA'I RGYU BYED CING, CHOS RNAMS RTOG BTAGS 'BA' ZHIG LA NGES SHES GTING TSUGS SHIG RNYED NA DE DAG YUL GYI STENG NAS RDUL TZAM YANG MED PA'I NGES PA BLA NA MED PA SKYE BAR 'GYUR LA, DE 'DRA ZHIG BYUNG NA SNANG BAS YOD MTHA' DANG STONG PAS MED MTHA' SEL BAR 'GYUR ZHING RANG BZHIN GYIS STONG PA RTEN 'BREL GYI DON DU 'BAD MED DU 'CHAR BAR 'GYUR RO, ,'DI NA DANG PO'I LAS CAN 'GA' ZHIG LA, ,'DI TZAM GYIS KYANG CUNG ZAD PHAN 'GYUR ZHES, ,LHAG BSAM DKAR BAS YI GER BKOD PA'I MTHUS, ,'GRO KUN MTHA' BRAL LTA DANG MI 'BRAL SHOG, CES PA 'DI NI YON BTZUN DGE LEGS RGYA MTSOS 'DI 'DRA ZHIG BGYID DGOS ZHES BSKUL BA'I DON DU SNYOM LAS PA DGE 'DUN RGYA MTSOS RGYA RI LCOG DKAR DU BRIS PA'O,, ,, ` BLA MA DAM PA'I ZHABS LA DUS THAMS CAD DU PHYAG 'TSAL LO, GANG GI ZHABS SEN SPYI BOR REG PAS KYANG, ,SRID PA'I 'JIGS 'PHROG DON GNYIS 'DOD DGU'I DPAL, ,SKAD CIG NYID LA LAG RTZER STZOL MDZAD PA, ,YAB RJE BLA MA'I ZHABS LA PHYAG 'TSAL LO, ,YIN LUGS MTHAR THUG RTOGS PA LTA BA STE, ,BYING RGOD BRAL BA'I NYAMS MYONG SGOM PA YIN, ,THABS SHES ZUNG DU 'BREL BA SPYOD PA STE, ,SKU GSUM LHUN GYIS GRUB PA 'BRAS BUR 'DOD, ,RKYEN GYIS MA BCOS NGO BO 'GYUR BA
MED, ,RANG BZHIN RNAM DAG GSHIS LA BZANG NGAN BRAL, ,KUN KHYAB KUN GYI RANG BZHIN GDOD MA'I GSHIS, ,SPROS PA'I MTHA' BRAL RTOGS PA LTA BA YIN, ,RNAM RTOG PIR GYIS RI MO BRIS TZAM LAS, ,YUL GYI STENG NAS GRUB PA MA MCHIS KYANG, ,MING TZAM NYID LA 'KHOR 'DAS BYA BYED KUN, ,'THAD PAR SHES PA GNAS LUGS MTHONG BA LAGS, ,JI LTA BA DANG JI SNYED DON RNAMS LA, ,SO SOR DPYOD DANG RI DBANG BZHIN DU 'JOG ,'DOD DGUR DBANG SGYUR BYING RGOD DANG BRAL BAS, ,TING 'DZIN SGO BRGYA 'BYED DE SGOM PAR 'DOD, ,G-YO MED SHIN TU BRTAN PA'I ZHI GNAS DANG, ,YIN LUGS SO SOR DPYOD PA'I LHAG MTHONG GNYIS, ,ZUNG DU 'BREL BAS SGRIB GNYIS SA BON KUN, ,SPONG BAR 'DOD DE SGOM CHEN PA ZHES BYA, ,'KHOR BA MYA NGAN 'DAS PA THAMS CAD KYI, ,GDOD MA'I GSHIS LA DBYE BA MA MCHIS KYANG, ,THA SNYAD LAS 'BRAS BSLU BA MED SHES NAS, ,PHYIN DRUG NYAMS SU LEN PA SPYOD PA YIN, ,GZHI YI LTA BA SNANG STONG ZUNG 'JUG STE, ,LAM GYI NYAMS LEN TSOGS GNYIS ZUNG DU 'BREL,, 'BRAS BU SKU GNYIS ZUNG 'JUG LHUN GYIS GRUB, ,RGYAL BA DGYES PA'I LTA SGOM SPYOD 'BRAS LAGS,, ZHES LTA SGOM SPYOD PA'I RNAM DBYE TSIGS SU BCAD PA, RI KHROD NA GNAS PA'I BSAM GTAN PAS BSKUL BA'I NGOR CHOS SMRA BA DGE 'DUN RGYA MTSO'I DPAL GYIS 'OL KHA GZHIS KAR SMRAS PA'O,, ,, ` RJE BTZUN 'JAM PA'I DBYANGS LA PHYAG 'TSAL LO, 'JAM DBYANGS KLU SGRUB ZHABS DANG TZONG KHA PA, ,DBYER MED ZHABS KYI PADMOR SNYING NAS 'DUD, ,DON GNYER SKAL BZANG RGYUD LA MTHA' BRAL GYI, ,LTA BA RNAM DAG MYUR DU SKYED DU
, ,GSOL, ,RJE BTZUN 'JAM PA'I DBYANGS KYIS MNYAM MED TZONG KHA PA CHEN PO LA DNGOS SU STZAL BA'I ZHAL GDAMS MTHA' BRAL DBU MA'I LTA BA NYAMS SU LEN TSUL MDO TZAM ZHIG BRJOD NA, BLA MA DANG RJE BTZUN 'JAM DBYANGS DBYER MED DU BSGOMS NAS GSOL BA YUN RING DU 'DEBS PA'I BLA MA'I RNAL 'BYOR SNGON DU BTANG STE, THOG MAR RANG RGYUD LA NGA NGA SNYAM PA'I BLO THOL THOL YANG YANG SKYE BA ZHIG YOD PAS 'DI LA NGA DE JI LTAR SNANG BLTAS PA NA, RANG GI LUS SEMS GNYIS PO 'DI'I STENG DU RTOG PAS NGA ZHES PHAR BTAGS PA MA YIN PAR NGA ZHIG LUS SEMS GNYIS PO 'DI'I STENG NA DANG PO NAS GRUB GRUB PA ZHIG YOD PA LTA BUR SNANG STE, DPER NA GDUNG 'DEGS PA'I SHING 'DI KA BA'O SNYAM PA'I BLO ZHIG SKYES PA'I TSE BLO DE LA KA BA JI LTAR SNANG BLTAS PA NA, KA BA ZHES SHING DE'I STENG DU RANG GI BLOS BTAGS PA MIN PAR SHING DE KA'I NGOS NAS KA BAR GRUB PAR SNANG BA BZHIN NO, ,SNANG TSUL DE NI RANG NGOS NAS GRUB PA'I SNANG TSUL YIN GYI, DON LA DE BLOS PHAR BTAGS RKYANG PA MA GTOGS NGA ZHES BYA BA YUL STENG NAS GRUB PA YE MED DE, LUS 'DI YANG NGA MA YIN, SEMS 'DI YANG NGA MA YIN, 'DI GNYIS LAS DON GZHAN DU NGA ZHES MTSAN GZHI GZUNG RGYU YANG MED PA'I PHYIR, DES NA RANG RGYUD KYI BLO LA SNANG BA LTAR GYI NGA DE MED SNYAM DU BSGOM PAR BYA'O, ,DPER NA MTHO YOR GYI STENG DU MI'O SNYAM DU BLOS BTAGS PA DANG THAG KHRA'I STENG DU SBRUL LO SNYAM DU BLOS BTAGS PA'I TSE BLO DE GNYIS KYIS PHAR BTAGS RKYANG PA MA YIN PAR DE GNYIS KYI STENG DU MI DANG SBRUL GYI MTSAN GZHI GZUNG RGYU
YE MED PA BZHIN NO, ,DE LTAR SGOM PA'I TSUL 'DI NI GANG ZAG GI BDAG MED SGOM PA'I TSUL YIN NO, ,CHOS KYI BDAG MED SGOM TSUL NI, RANG GI LUS 'DI LA MTSON NA MGO BO SOGS YAN LAG LNGA TSANG GI STENG DU RANG GI LUS ZHES PHAR BTAGS RKYANG PA TZAM MA GTOGS LUS YUL STENG NAS GRUB PA YE MED DE, MGO BO LA SOGS PA'I YAN LAG LNGA RE RE YANG LUS MA YIN, TSOGS PA YANG MA YIN LA, DE DAG RNAMS LAS DON GZHAN NA YE MED PAS, DES NA SNANG BA LTAR GYI LUS DE 'DRA YE NAS MED SNYAM DU BSGOM PAR BYA'O,, DE BZHIN DU RI LTA BU YANG KHO RANG GI CHA SHAS SA RDO SHING GSUM SOGS RE RE NAS KYANG RI MA YIN ZHING, DE DAG RNAMS LAS DON GZHAN NA YANG RI ZHES BYA BA MED PAS RI DE PHAR NGED RANG GI RTOG PAS BZOS PA 'BA' ZHIG TU ZAD KYI YUL STENG NAS GTAN NAS MED SNYAM DU BSGOM PAR BYA ZHING, NANG GI SEMS RGYUD LTA BU LA DPYOD NA YANG, DPER NA DE RING GI SEMS ZHES PA LTA BU SNGA DRO NAS PHYI DRO'I BAR GYI SHES PA SKAD CIG MA SBRENG CHAGS SU NA RA RA SKYE BA 'DI'I STENG DU DE RING GI SEMS ZHES PHAR BTAGS PA MA GTOGS SKAD CIG MA DE RNAMS RE RE BA DANG TSOGS PA GANG YANG DE RING GI SEMS MIN LA, DE RNAMS LAS DON GZHAN YANG DE RING GI SEMS ZHES BYA BA YE MED SNYAM DU SHES PAR BYA'O, ,'DI DAG GIS MTSON NAS 'KHOR 'DAS KYI CHOS THAMS CAD GDAGS GZHI'I STENG DU PHAR RTOG PAS BTAGS PA 'BA' ZHIG MA GTOGS, YUL STENG NAS GRUB PA YE MED SNYAM DU BSGOM PAR BYA ZHING THA SNYAD DU MING TZAM DE KA LA SGYU MA LTA BU RMI LAM LTA BUR NGES SHES DRANGS LA,
, ,LAS 'BRAS KYI BLANG DOR LA MKHAS PAR BYA'O, ,SRAS BCAS RGYAL BA RNAMS KYI THUGS RJE DANG, ,MGON PO 'JAM PA'I DBYANGS KYI BYIN RLABS DANG, ,RTZA BRGYUD BLA MA'I BKA' DRIN KHO NA LAS, ,MTHA' BRAL LTA BA MYUR DU RTOGS PAR SHOG , JI LTAR MDANG SUM GNYID KYIS LOG PA NA, ,DGRA DANG GNYEN SOGS SNANG BA GANG SHAR YANG, ,SAD TSE GRUB PA RDUL TZAM MA MCHIS PA, ,CHOS RNAMS THAMS CAD DE BZHIN RTOGS PAR SHOG ,SGYU MA MKHAN GYIS RTA DANG GLANG PO SOGS, ,JI SNYED YOD YOD LTA BUR SPRUL NA YANG, ,DON LA GRUB PA CUNG ZAD MA MCHIS PA, ,CHOS KUN RTAG TU DE BZHIN 'CHAR BAR SHOG ,DE LTAR RTOG PAS BTAGS TZAM 'BA' ZHIG LAS, ,YUL GYI STENG NAS GRUB PA SKAD CIG KYANG, ,MED PAR RTOGS PA LTA BA'I NYAMS LEN GYIS, ,SRID PA'I RTZA BA DRUNGS NAS 'BYIN PAR SHOG ,CHOS KUN RANG BZHIN RNAM PAR DAG PA DANG, ,THA SNYAD RTEN 'BREL BSLU BA MA MCHIS PA'I, ,BDEN PA DE YIS GNAS LUGS ZAB MO'I DON, ,JI BZHIN MNGON DU 'GYUR BA'I BKRA SHIS SHOG, CES PA 'DI NI BSTAN PA DANG BSTAN PA 'DZIN PA LA MI PHYED PA'I DAD PA CAN BYANG SEMS CHEN MO DPAL LDAN NOR 'DZIN SGRON MA'I THUGS DAM DU SHIN TU GO BDE BAR DGE 'DUN RGYA MTSO'I DPAL GYIS PHO BRANG 'OL KHA STAG RTZER BRIS PA'O,, ,, ` GANG THUGS BDE BA CHEN PO'I CHU MTSO LAS,, RTEN DANG BRTEN PA'I 'KHOR LO'I CHU KLUNG 'BUM, ,SPRO DANG SDU MDZAD DPAL LDAN BSNYEMS MA'I BDAG ,BYANG CHUB SEMS KYI RDO RJE DES SKYONGS SHIG ,BLO BZANG DRI MED MKHYEN PA'I ME LONG LA, ,SHES BYA'I GZUGS KUN GSAL BA GRAGS PA'I DPAL, ,RNA
BA'I BDUD RTZIR 'THUNG TSE DAD PA YI, ,SPU LONG G-YOS SO BRTZE BA'I LCAGS KYUS ZUNGS, ,DUS MTHA' 'DIR YANG RJE BTZUN 'JAM PA'I DBYANGS, ,'GRO LA LEGS BSHAD DGA' STON STZOL BA'I SLAD, ,BLO GROS MKHA' LTAR YANGS PA'I BSHES GNYEN GYI,, RNAM PAR SHAR BA BDAG GI MGON DU GYUR,, 'DIR DPAL GSANG BA 'DUS PA'I DKA' BA'I GNAD KYI BSDUS DON RJE NYID KYIS MDZAD PA 'CHAD PA LA GNYIS, 'DUS PA'I GNAD DON RTOGS PA 'PHAGS PA'I MAN NGAG LA RAG LAS PA'I TSUL, DES BKRAL BA'I DKA' BA'I GNAD GTAN LA DBAB PA'O,, DANG PO NI, 'PHAGS PA ZHES SOGS TE, 'DUS PA'I GNAD DON RTOGS PAR 'DOD PAS KLU SGRUB KYI GDAMS PA GCES PAR GZUNG RIGS TE, 'PHAGS PA YAB SRAS KYI GTAM RIM LNGA, SGRON GSAL SOGS LA BRTEN NAS DPAL LDAN 'DUS PA'I GNAD DON, RGYAL BAS MTHA' DRUG DANG TSUL BZHIS RGYAS BTAB PA KHROL BAR MA GYUR NA RDO RJE THEG PA'I GNAD DON RNYED PAR MI 'GYUR PA DE'I PHYIR, GNYIS PA LA GSUM, MDOR BSTAN PA, RGYAS PAR BSHAD PA, DON BSDU BA'O, ,DANG PO LA 'DUS PA'I GNAD DON KLU SGRUB KYIS BKRAL BA'I SROL 'DI LA YANG CHES RTOGS DKA' BA'I GNAS NI GNYIS SU MTHONG STE, LAM 'DI'I THUN MONG MIN PA'I THOB BYA ZUNG 'JUG GI GO BA DANG, DE THOB BYED KYI LAM DE TSE GCIG LA RDZOGS PAR SKYE BA LAS KYI PHYAG RGYA BSTEN PA LA NI NGES PAR LTOS PA'I TSUL GNYIS SU YOD PA'I PHYIR RO,, GNYIS PA LA GNYIS, LAM 'DI'I THOB BYA BSHAD, LAM 'DIR PHYAG RGYA LA LTOS DGOS PAR BSTAN PA'O,, DANG PO LA
, ,GSUM, LAM 'DI'I THUN MONG MA YIN PA'I THOB BYA RTOGS DGOS PA'I GNAD, DE RTOGS PA'I PHAN YON, LAM 'DIR GUS PAS DE NGES PAR TSOL DGOS PAR BSTAN PA'O, DANG PO NI, LAM 'DIR GUS PA'I RNAL 'BYOR PAS 'DI'I THUN MONG MA YIN PA'I THOB BYA NGES PAR RTOGS DGOS TE, JI SRID GNAD DON DANG PO'I THUN MONG MA YIN PA'I THOB BYA ZUNG 'JUG GI GNAS TSUL NGES PAR MA GYUR PA DE SRID DU NI DE THOB BYED KYI LAM BZANG RTOGS PAR MI 'GYUR LA, GANG TSE DANG PO THUN MONG MA YIN PA'I THOB BYA ZUNG 'JUG GI GNAS TSUL NGES PAR GYUR NA DE'I TSE THOB BYED KYI LAM DE BDE BLAG NYID DU RTOGS PAR 'GYUR BA'I PHYIR, DE LTAR YIN PA'I GNAD NI RIM LNGA'I GO RIM NGES PA'I SKABS SU GSUNGS PA LTAR RO, ,GNYIS PA NI, 'O NA DE LTAR RTOGS PA LA PHAN YON DANG DGOS PA CI YOD SNYAM NA, YOD DE, DE LTAR RTOGS PA LA BRTEN NAS 'DUS PA'I RIM PA GNYIS KYI LAM DU 'JUG DGOS PA LA THUN MONG MA YIN PA'I NGES PA RNYED PAR 'GYUR ZHING DE 'DRA'I GANG ZAG DE LA THABS SHES DBYER MI PHYED PAS 'JUG PA'I RDO RJE THEG PA LA GUS PA DANG, DER 'JUG PA LA DGA' BA DANG SPRO BA RGYA CHEN PO SKYES PA YIS BLA NA MED PA'I THEG PA'I RIGS KYI NUS PA NI YANG DANG YANG DU YONGS SU RGYAS PA'I PHYIR RO, ,DE LTAR RTOGS PA LA BRTEN NAS NI BSKYED RIM MCHOG GI DNGOS GRUB KYI RGYU MA YIN PAR 'DZIN PA DANG, PHAR PHYIN THEG PA DANG RGYUD SDE 'OG MA'I LAM RKYANG PAS MCHOG GI DNGOS GRUB 'THOB NUS PAR 'DZIN PA RNAMS KYANG ZLOG GO ,GSUM PA NI, BLO LDAN GSANG BA 'DUS PA'I
LAM 'DIR GUS PA KHYED CAG RTZA BA BOR NAS YAL GA MA TSOL BAR, THOG MAR THUN MONG MA YIN PA'I BSGRUB BYA ZUNG 'JUG GI GO BA LEGS PAR GUS PAS TSOL RIGS TE, GSANG BA 'DUS PA'I GNAD DON RTOGS PA DE RTOGS PA LA RAG LAS PA DE'I PHYIR, DE YANG 'PHAGS PA KLU SGRUB KYI RJES SU 'BRANGS NAS RTOGS PAR BYA DGOS TE, GNAD DON DE KLU SGRUB KYI LUGS LAS GZHAN DU RDZOGS PAR 'BYUNG BA MA YIN PA'I PHYIR RO, ,ZHES THUGS BRTZE BA CHEN POS KUN NAS BSLANG STE, RJE BLA MAS RANG CAG RNAMS LA GDAMS PA'O, ,DKA' BA'I GNAD DANG PO BSHAD ZIN TO,, GNYIS PA LA GNYIS, RGYAS PAR BSHAD, DON BSDU BA'O, ,DANG PO LA BZHI, LAM RDZOGS PAR SKYE BA LA LAS KYI PHYAG RGYA BSTEN DGOS PA'I RGYU MTSAN, RGYU MTSAN DE NYID KYANG RIGS PAS SGRUB PA, PHYAG RGYA DANG MNYAM PAR SBYAR BA'I CHAGS PA LAM BYED LAM GYI MCHOG TU BSTAN, PHYAG RGYA BSTEN PA'I YUL DUS SOGS LA MKHAS PAR GDAMS PA'O,, DANG PO NI, LAS KYI PHYAG RGYA BSTEN PA'I DUS LA BAB PA'I LAM 'DI'I SGRUB PA POS PHYAG RGYA'I MCHOG PADMA CAN LA SOGS PA DANG, SGRUB PA PO RANG GI LUS KUN TU 'DUS PAR GYUR TE RDO RJE DANG PADMA SBYOR BA'I SNYOMS 'JUG GIS TE, SNYOMS PAR ZHUGS NAS YUL CAN LHAN SKYES KYI BDE BA CHEN POS YUL STONG NYID NGES PA'I LAM GYI RANG BZHIN TSOL RIGS TE, DE MA BTZAL NA 'DUS PA'I LAM BZANG LAM GZHAN LAS MYUR BA'I MTHAR THUG GANG LAS YIN TE RGYU MTSAN GZHAN MED PA'I PHYIR RO,, GNYIS PA NI, TSE GCIG LA SANGS RGYAS SGRUB PA POS NGAG DBEN GYIS SNYING GA'I RTZA MDUD
, ,MA LUS PA GROL BA'I RJES SU SEMS DBEN GYI RTOGS PA MTSAN NYID TSANG BA 'DREN PA LAS RGYA LA RAG LAS TE, SEMS DBEN GYIS STONG PA BZHI'I TING NGE 'DZIN MTHAR THUG SKYE BA LAS KYI PHYAG RGYA BZANG MO'I RJES SU 'GRO LDOG BYED PA DE'I PHYIR, DE'I TSUL YANG RIGS PAS SGRUB DGOS TE, DE RNAM DAG GI RIGS PAS SGRUB PAR MA NUS NA PHO NYA'I STE, PHYAG RGYA BSTEN PA'I LAM LA DGA' BA TZAM DU ZAD PAR 'GYUR BA'I PHYIR, DES NA DUS DE'I TSE LAS RGYA BSTEN DGOS PAR RIGS PAS GRUB STE, SEMS DBEN GYI RTOGS PA MTSAN NYID TSANG BA DE KHYAB BYED KYI RLUNG PHRA MO YANG MA LUS PAR SNYING GA'I MI SHIGS PA'I THIG LE LA BSDUS NAS THIM PA LAS SKYE DGOS, TSE GCIG GIS 'TSANG RGYA BA'I SGRUB PA POS LAS KYI PHYAG RGYA LA MA BRTEN PAR KHYAB BYED KYI RLUNG PHRA MO YANG MA LUS PAR SNYING GA'I MI SHIGS PA'I THIG LE LA SDUD MI NUS PA'I PHYIR RO, ,PHYAG RGYA ZAB MO'I RJES SU 'GRO LDOG BYED PA'I DON YANG 'DI NYID YIN TE, RIM LNGA LAS KYANG DON 'DI LA DGONGS NAS, SGYU MA DAG NI THAMS CAD LAS, ,BUD MED SGYU MA KHYAD PAR 'PHAGS, ZHES GSUNGS SO,, GSUM PA NI, SPYIR 'DOD YON LAM DU BYED PA LAM 'DI'I KHYAD CHOS TE DE'I NANG NAS KYANG GTZO BOR RIG MA'I 'DOD YON DANG, DE'I YANG PHUL DU BYUNG BA NI CHOS 'BYUNG STE PHYAG RGYA'I SKYE GNAS KYI REG BYA STE DE YIN LA, REG BYA DES BSKYED PA'I LHAN SKYES KYI BDE BA LAM DU BYED NUS PA'I LAM DE LAM GYI PHUL DU BYUNG BA YIN TE, DE LTAR BSGRUBS ZIN PA'I PHYIR DANG, RGYUD SDE 'OG MA SOGS LA DE 'DRA BA'I LAM MED PA'I PHYIR RO, ,BZHI PA
NI, 'O NA LAS RGYA NAM 'DOD DU BSTEN PAS CHOG GAM SNYAM NA MI CHOG STE, PHYAG RGYA BSTEN TSUL DE LAM DU BYED PA LA DE LTAR LAM DU BYED PA'I RTEN DANG DUS SNGAR BSHAD PA DANG, PHYAG RGYAS KYANG LHAN SKYES KYI BDE CHEN MTSON NUS PA'I YUL GYI KHYAD PAR MTHA' DAG MA TSOGS PAR DBANG PO GNYIS SBYOR GYI BDE BA LA SRED PA'I GTZO BOR 'DZIN PA NI KYE MA NGAN 'GRO MI BZAD PA'I ME CHEN PO'I BUD SHING YIN PA'I PHYIR, GNYIS PA DON BSDU BA NI, TSE GCIG LA RDO RJE 'CHANG GI GO 'PHANG 'THOB PAR NUS PA'I RNAL 'BYOR PAS LAS KYI PHYAG RGYA BZANG MO LAS BDE CHEN MTSON PAR BYA DGOS TE, SGRUB PA PO GANG ZHIG THUN MONG LAM GYIS RGYUD SBYANGS SHING SMIN BYED DBANG GIS LEGS PAR SMIN PA, DAM TSIG DANG SDOM PA YONGS SU DAG PA, DRAN PA GCIG PA'I BSKYED RIM GYI RNAL 'BYOR MTHAR PHYIN CING LUS DBEN NGAG DBEN SEMS DBEN TE RDO RJE GSUM GYI TING NGE 'DZIN RNYED PA'I RNAL 'BYOR BA DES KUN RDZOB SGYU MA DANG DON DAM 'OD GSAL GYI BDEN PA GNYIS SO SO BA DANG DBYER MED ZUNG 'JUG GI LAM GYIS CHOS DANG GZUGS KYI SKU GNYIS PO NI MTHONG CHOS TE TSE 'DI NYID LA MNGON DU 'GYUR BA'I NYE RGYUR BDE BA CHEN PO'I LAM DE NYID 'JUG PAS NA'O,, GSUM PA DON BSDU BA NI, DE LTAR RDO RJE THEG PA'I THOB PAR BYA BA DANG, DE MYUR DU 'THOB PA'I NYE RGYU LAS KYI PHYAG RGYA BSTEN PA'I GNAD KYI DKA' GNAS 'DIR GZUNG STE BSHAD PA'I DGONGS PA YOD DE, GANG ZHIG GNAD DE DAG NGES NA RGYUD KYI SNYING PO'I DON MTHA' DAG NGES PAR 'GYUR BA'I PHYIR RO, ,DE LTAR RNAL 'BYOR BLA NA MED PA'I GNAD
, ,THAMS CAD NGES PA'I RGYU THUN MONG MIN PA'I 'BRAS BU NGES PAR BYA BA DANG, DER BGROD PA PHYAG RGYA DANG 'DUS PA LA LTOS DGOS PA'I RGYU MTSAN NGES PAR BYA DGOS SO, ,ZHES DKA' BA'I GNAD BSTAN PA RJE BLA MAS GSUNGS PA PHYOGS TZAM BSHAD ZIN TO,, 'DIR SMRAS PA, GZHAN DANG MI MNYAM RNAM DPYOD BYED PA YIS, ,BSGRUBS PA'I LEGS BSHAD PHRA MO'I CHA SHAS TZAM, ,YI GE'I GZUGS GYIS SHOG BU'I ME LONG LA, ,GSAL BAR 'PHOS PA'I RI MO AE MA MTSAR, ,BLO GROS 'DAB MA'I RLUNG SHUGS MI DMAN ZHING, ,LEGS BSHAD MGRIN PA'I RDZA RNGA RDUNG BZHIN DU, ,BLO BZANG DGONGS DON YID BZHIN MTSO CHEN POR, ,'DOD DGUR 'JUG PA'I MTHU LDAN SKAL BA BZANG, ,SLAR YANG TSE RABS KUN TU DAM PA'I MGON, ,YAB SRAS BLA MA'I LUGS DANG MI 'BRAL ZHING, ,LOG PA'I LAM DANG DE YI SROL 'DZIN PA, ,SDIG PA'I BSHES DANG PHRAD PAR MA GYUR CIG ,CES PA 'DI NI RDO RJE RGYAL MTSAN ZHES BYA BA'I RANG GI SLOB MAS NAN GYIS BSKUL BA'I NGOR BGYIS NAS BYA BRAL GYI BTZUN PA DGE 'DUN RGYA MTSO DPAL BZANG POS NYE BAR SBYAR BA'I GNAS NI DPAL LDAN 'BRAS SPUNGS SO,, ,, ` AA TI SHA DANG MNYAM MED TZONG KHA PA, ,DBYER MED ZHABS KYI PADMOR PHYAG 'TSAL NAS, ,BYANG CHUB SEMS GNYIS SGOM TSUL CUNG ZAD CIG ,GO SLA'I NGAG GI PHRENG BAR 'DIR SPEL LO,, THOG MAR BYAMS PA DANG SNYING RJE LA BRTEN NAS GTONG LEN BYANG CHUB KYI SEMS SGOM TSUL NI RANG GI TSE 'DI'I MA DE NYID RNAM PA JI LTA BA BZHIN DU MDUN DU BSAMS TE, 'DIS BDAG ZLA DGU NGO BCU'I BAR DU MNGAL DU BZUNG, DE'I SKABS SU YANG SDUG
BSNGAL DU MA MYONG, DE NAS LUS THAMS CAD 'JIG LA THUG PA'I SDUG BSNGAL GYI TSOR BA DRAG PO DANG BCAS BTZAS PA LA, RANG GI SDUG BSNGAL KHYAD DU BSAD DE BSNYOD MED PA'I 'BU 'DRA BA SPU ZING NGE BA ZHIG LUS KYI DROD LA BCAR, NU ZHOS BSKYANGS ZAS KHAS BSNYOD, SNABS KHAS PHYIS, ,MI GTZANG BA LAG PAS PHYIS, ,BZHIN GYI 'DZUM GYIS BSUS, MTSAN MO'ANG RANG GI GNYID KYI BDE BA BKAG NAS MA MNAN MA 'TSUBS PAR BYAS, BU DE NA BA LAS RANG NA BA DANG, BU SHI BA LAS RANG SHI BA LA 'DAM, CHER SONG NAS BZA' BTUNG MNGAR DGU RANG GIS ZA MA NUS, ,GZHAN LA STER MA NUS PA THAMS CAD DANG, GOS DRO 'JAM YANG BA THAMS CAD BYIN, LANG TSO RDZOGS NAS SDIG SDUG GTAM NGAN LA MA RTZEGS PAR TSE 'DI PHYI THAMS CAD KHYAD DU BSAD NAS BSGRUBS PA'I NOR LONGS SPYOD THAMS CAD BYIN PAS DRIN CHE, DER MA ZAD BLA MA DAM PA DANG MJAL, DAM PA'I CHOS THOS 'DI PHYI'I LEGS TSOGS KYI GZHI THINGS PA 'DI YANG MA 'DI'I DRIN YIN SNYAM DU BSAMS PA NA, DE GZHAN LAS PHANGS PA; SNYING DU SDUG PA, YID DU 'ONG BA ZHIG 'ONG, DE NAS MA DE'I LUS SEMS KYI STENG NA SKYE RGA NA 'CHI'I SDUG BSNGAL SOGS YOD TSUL, SHI NAS RANG DBANG MED PAR NGAN SONG DU SKYE DGOS TSUL SOGS BSAMS PA NA PHA MA BU DUNGS CAN GYIS BU ME'I DONG DU LHUNG BA MTHONG BA LTAR BZOD BLAGS MED PA'I SNYING RJE SKYE BA ZHIG 'ONG, DE'I TSE MA 'DI LA PHAN PA SGRUB PA DANG, GNOD PA SEL BA DE NGA LA MI 'BAB NA SU LA 'BAB, NGAS MI BYED NA SUS BYED, DE YANG GANG GIS GNOD NA SDUG BSNGAL DANG MI
, ,DGE BA'I GNOD, DE YANG SDUG BSNGAL GYIS DNGOS SU GNOD CING MI DGE BAS BRGYUD NAS GNOD PAS DE THAMS CAD BDAG GIS BLANGS PAR BSAMS LA RLUNG NANG DU RNGUB PA DANG MNYAM DU MA DE'I LUS SEMS KYI STENG NA DA LTA SDUG BSNGAL YOD PA THAMS CAD DANG, MA 'ONGS PA NA MYONGS 'GYUR GYI RGYU LAS DANG NYON MONGS PA THAMS CAD SKYI GRIS GZHAR BA BZHIN DU MA LUS PAR RANG GI SNYING GI DKYIL DU NAG BUN GYIS BYUNG BAS DE SDUG BSNGAL RGYU BCAS THAMS CAD DANG BRAL, DE BZHIN DU GANG GIS PHAN NA BDE BA DANG DGE BAS PHAN TE BDE BAS DNGOS SU PHAN CING DGE BAS BRGYUD NAS PHAN PAS DE THAMS CAD 'DI LA GTANG BAR BYA'O, ,SNYAM DU BSAM LA DBUGS PHYIR 'GRO BA DANG LHAN CIG TU MA DE'I SNYING GI DKYIL DU DKAR PHUNG GIS SONG BAS DGE LEGS PHUN SUM TSOGS PAS TSIM, SANGS RGYAS PAR BSAM, DE NAS MAS GTZO BYAS PA'I GNYEN GYI PHYOGS THAMS CAD LA 'DI THAMS CAD KYIS KYANG TSE 'DI'I MA BZHIN DU LAN GRANGS DU MAR MA BYAS, BYAS RES KYI DRIN GYIS BSKYANGS TSUL SNGAR RANG GI MA LA JI LTAR BSAMS PA LTAR BSAMS PA'I MA DANG 'DRA BA'I YID 'ONG DU MTHONG BA NA SDUG BSNGAL GYIS MNAR TSUL BDE BAS PHONGS TSUL BSAMS TE BZOD BLAGS MED PA'I BYAMS SNYING RJE BSKYED LA GTONG LEN SNGAR LTAR BSGOM, DE NAS DGRA GNYEN BAR MA'I PHYOGS KYI SEMS CAN THAMS CAD LA 'DI RNAMS KYANG SKYE SHI 'PHOS PA'I DBANG GIS NGO MA SHES PA MA GTOGS TSE 'DI'I MA DANG 'DRA BAR YANG DANG YANG DU MA BYAS, PHAN MTHA' DAG BTAGS, GNOD PA MTHA' DAG LAS BSKYABS
TSUL SNGAR LTAR BSAMS LA, DMYAL BA LA TSA GRANG, YI DVAGS LA BKRES SKOM, DUD 'GRO LA GCIG LA GCIG ZA SOGS, MI LA SKYE RGA NA 'CHI, LHA MA YIN LA 'THAB RTZOD, 'DOD LHA RNAMS LA 'CHI 'PHO, KHAMS GONG MA RNAMS KYI 'DU BYED KYI SDUG BSNGAL SOGS LA DMIGS NAS GTONG LEN SNGAR LTAR BYA, DE NAS DGRA'I PHYOGS RNAMS LA 'DI RNAMS SKYE SHI 'PHOS PAS NGO MA SHES PA DANG, RANG GI LAS DANG KHO RANG RNAMS KYI RGYUD NYON MONGS PA'I GZHAN DBANG DU SONG BA LA BRTEN NAS RANG DBANG MED PAR GNOD PA BYED PA YANG RANG GI TSE 'DI'I MA SMYO NAS RANG LA KHA NAS THON TSAD ZER, LAG PAS ZIN TSAD RDEG PA NA BU DE LA SEMS MED NA MA GTOGS NGA'I MA MA SMYO BA'I SKABS SU BRTZE DUNG DE 'DRA ZHIG YOD PA LA, DA GNAS SKABS 'DI 'DRAR SONG SNYAM DU LHAG PAR SNYING RJE SKYE BAR 'GYUR BA LTAR DE DAG RNAMS LA YANG DE DANG 'DRA BAR BSAMS LA DBUGS 'GRO 'ONG DANG BSTUN GTONG LEN SNGAR BZHIN BSGOM, MDOR NA SANGS RGYAS DANG RANG GI RTZA BA'I BLA MA MA GTOGS, BYANG SEMS SA BCU PA BA DANG NYAN RANG DGRA BCOM PA RNAMS LA YANG DE DAG GI GNAS NGAN LEN GYI SGRIB PA PHRA MO RNAMS RANG GI RGYUD STENG DU LEN PA DANG, BDE BA RNAMS SNGAR BZHIN GTANG BAR BYA, SANGS RGYAS DANG BLA MA NI SANGS RGYAS SKYON KUN ZAD YIN PAS SKYON LEN RGYU MED CING, BLA MA LA SKYON RTOG TU MI RUNG BAS SKYON YOD KYANG LEN PA'I DMIGS PA MI BYA LA, RANG GI BDE LEGS THAMS CAD MCHOD PA'I TSUL DU 'BUL DU RANG NGO, ,DE NAS SEMS CAN THAMS CAD KYI DON RDZOGS PAR BYED PA'I NUS PA DA LTA RANG
, ,LA MED CING, DER MA ZAD BYANG SEMS SA BCU PA RNAMS LA'ANG MED, SU LA YOD NA YANG DAG PAR RDZOGS PA'I SANGS RGYAS NYAG GCIG LA YOD PA'I TSUL BSAM LA, SEMS CAN THAMS CAD KYI DON DU SANGS RGYAS KYI GO 'PHANG THOB PAR BYA SNYAM PA'I BYANG CHUB KYI SEMS BCOS MIN GYI MYONG BA SKYES SKYES KYI BAR DU SHUGS DRAG BSGOM MO, ,DE NAS DON DAM BYANG CHUB KYI SEMS SGOM PA'I TSUL NI, NGA'O SNYAM PA'I BLO ZHIG THOL TE SKYES PA NA DE LA NGA JI LTAR SNANG BLTAS PA'I TSE BLO DE LA SNANG RGYU'I NGA DANG PO NAS LUS SEMS KYI STENG DU TSUGS SE GRUB PA LTA BU SNANG YANG, DON SNANG TSUL LTAR GRUB PA MED DE, RTOG PAS PHAR BTAGS PA RKYANG PA YIN PA'I PHYIR, DPER NA LA KHA MTHON PO'I STENG GI MTHO YOR MIR SNANG BA'I TSE SNANG TZAM DE KA MA GTOGS, MTHO YOR GYI CHA SHAS RE RE BA DANG, TSOGS PA DANG, DE RNAMS KYI DON GZHAN NA'ANG MI'I MTSAN GZHIR GZUNG RGYU CUNG ZAD KYANG MED PA DE BZHIN DU LUS SEMS GNYIS KYI STENG DU'ANG NGA ZHES BTAGS PA TZAM DE GA MA GTOGS, LUS SEMS RE RE BA'ANG NGA MA YIN LA, TSOGS PA'ANG NGA MA YIN ZHING, DE GNYIS LAS DON GZHAN DU NGA'I MTSAN GZHIR GZUNG RGYU CUNG ZAD MED PAS NGA SNANG TSUL LTAR MED SNYAM DU BSGOM, DE BZHIN DU 'KHOR 'DAS KYI CHOS THAMS CAD KYANG RANG RANG GI GDAGS GZHI'I STENG DU RTOG PAS 'DI DANG 'DI ZHES PHAR BTAGS PA RKYANG PA MA GTOGS, YUL STENG NAS GRUB PA CUNG ZAD KYANG MED PA'I TSUL LA NGES PA YUN RING DU BSGOM ZHING, RJES THOB TU BDAG DANG 'KHOR 'DAS THAMS CAD KYANG SGYU MA RMI LAM
LTA BUR SNANG YANG RANG BZHIN GYIS STONG PA DANG, RANG BZHIN MED PA NYID KYIS MING RKYANG BTAGS YOD TZAM LA LAS 'BRAS DANG KUN BYANG GI RNAM GZHAG THAMS CAD 'THAD PA'I STONG PA DANG RTEN 'BREL ZUNG DU 'BREL BA'AM DON GCIG PA'I TSUL LA MKHAS PAR BYA'O, ,'DI NI MTHO RIS DPAL MO'I NYAMS LEN DU, ,GO SLA'I NGAG GI BSDUS NAS BSHAD PA STE, ,SKU GNYIS LAG RJES 'JOG BYED THEG MCHOG GI ,SNYING PO MCHOG 'DI NYAMS SU LEN 'TSAL LO, ,ZHES PA 'DI NI DRUNG NAS KUN DGA' DBANG MOS BSKUL BA'I NGOR DGE 'DUN RGYA MTSO'I DPAL GYIS BKOD PA'I YI GE PA NI PHYI NANG RIG GNAS MTHA' DAG GI DBANG PHYUG BKRA SHIS TSE'I DBANG PO'O,, ,, ` 'PHAGS PA SPYAN RAS GZIGS DBANG P0HYUG LA PHYAG 'TSAL LO, 'PHAGS PAS RJES BZUNG DGE SLONG DPAL MO DANG, , GRUB CHEN SNYAN NAS BRGYUD PA'I DMAR KHRID CES, ,BOD 'DIR GRAGS PA'I LAM GYI SROL GNYIS LAS, ,PHYI MA'I NYAMS LEN MDOR BSDUS 'DI LTAR RO, ,BLA MA'I RNAL 'BYOR TSUL BZHIN BSGOMS PA LAS, ,ZAB MO'I LAM BZANG SKYE BA'I RGYUD SMIN CING, ,STOBS BZHI TSANG BA'I RDOR SEMS SGOM BZLAS KYIS, ,'GAL RKYEN SDIG LTUNG THOG MA NYID DU SBYANG, ,DE NAS SVA BH'A WA YI SNGAGS KYI DON, ,DRAN PAS YUL SNANG THAMS CAD STONG PAR SBYANG, ,STONG PA'I NGANG LAS DRI MED PAD ZLA'I STENG, ,RANG SEMS HR'I: LAS PAD DKAR 'DAB BRGYAD NI, ,YU BA HR'I: YIG GIS MTSAN DE NYID LAS, ,'OD 'PHROS DON BYAS 'DUS LAS RANG NYID NI, ,GANGS RI LTAR DKAR 'PHAGS MCHOG SPYAN RAS GZIGS, ,RTZA BA'I PHYAG GNYIS THUGS KAR THAL SBYAR ZHING,
, ,'OG MAS SHEL PHRENG CHU SKYES DKAR PO BSNAMS, ,DAR GYI NA BZA' RIN CHEN RGYAN PHRENG CAN, ,RDO RJE'I SKYIL KRUNG GIS BZHUGS GNAS GSUM DU, ,'BRU GSUM GYIS MTSAN THUGS KA'I HR'I: YIG LAS, 'OD 'PHROS RDO RJE GSUM GYI LHA YI TSOGS, ,'PHAGS PA'I SKU YI RNAM PAR RANG LUS LA, ,THIM PAS RANG LUS YI DAM KUN 'DUS DANG, ,SPYI BOR BLA MA SNANG BA MTHA' YAS KYI, ,SKU LA RTZA BRGYUD BLA MA MA LUS PA, ,BSTIMS PAS BLA MA KUN 'DUS NYID DU BSAM, DE BZHIN SNYING GAR ZLA STENG HR'I: YIG MTHAR, ,'KHOD PA'I YI GE DRUG PA'I SNGAGS PHRENG LA, ,YI DAM KUN GYI SNYING PO NYE SNYING DANG, ,PHRENG SNGAGS LA SOGS KUN THIM THAMS CAD KYI, ,SNYING PO 'DUS PA'I BDAG NYID CAN DU BSAM, ,SNOD KYI 'JIG RTEN MTHA' DAG GZHAL YAS KHANG, ,BCUD KYI 'GRO KUN 'PHAGS MCHOG SPYAN RAS GZIGS, ,SGRAR SNANG THAMS CAD YI GE DRUG MA'I GDANGS, ,RANG SEMS STONG NYID SNYING RJE 'DU 'BRAL MED, ,DE LTAR KUN 'DUS GSUM DANG 'KHYER SO GSUM, ,'BRAL MED NGANG NAS YI GE DRUG MA'I SNGAGS, ,TSUL BZHIN ZLO BA MTSAN BCAS RNAL 'BYOR RO, ,'DI NA SNANG ZHING SRID PA'I CHOS RNAMS KUN, ,RMI LAM SNANG BA SGYU MA MIG 'KHRUL BZHIN, ,SNANG YANG NGO BOS GRUB PA RDUL TZAM YANG, ,MED PAR SGOM PA MTSAN MED RNAL 'BYOR RO, ,DE NAS ZAS GOS GNAS MAL THAMS CAD KYANG, ,'BRU GSUM BRJOD PAS DE DAG RIM PA BZHIN, ,STONG PA NYID DANG BDUD RTZI LHA YI GOS, ,GZHAL YAS KHANG DANG DE DAG NAM MKHA'I KHAMS, ,GANG BAR SEMS PA LHA YI RNAL 'BYOR DANG, ,LDAN
PAS SRED ZHEN BRAL BAS LONGS SPYOD PA, ,DE NI THUN MTSAMS NYID KYI RNAL 'BYOR YIN, ,NYAL TSE RANG NYID LHAR BSAM SPYI BOR NI, ,BLA MA KUN 'DUS BCOM LDAN 'OD DPAG MED, ,SNYING GA'I DH'U T'IR YI DAM KUN 'DUS HR'I:, GNYID DU 'GRO TSE GNYIS KA'ANG THIG LE'I GZUGS, ,SNYING GAR KHA SBYAR DE LA SEMS GZUNG BAS, ,GNYID KYI 'OD GSAL 'CHAR TSE MGRIN PA'I DBUS, ,RMI LAM SGYU MA'I RNAM ROL CI YANG 'BYUNG, ,GNYID CHEN SGOM DU BSGYUR BA'I MAN NGAG GO, DH'U T'I'I MAR SNANG THIG LE SNGO DMAR DBUS, ,RANG SEMS THIG LE DKAR PO YUNGS 'BRU TZAM, ,'OG GI RLUNG 'THEN HI KA DRAG BRJOD PAS, ,SKAR MDA' BZHIN DU SNYING DBUS YI DAM GYI, ,THUGS KAR THIM TSE RANG SEMS SPYAN RAS GZIGS, ,DBYER MED DE NYID SLAR YANG DH'U T'I NAS, ,TSANGS BUG LAM SONG KAshA YIG HAm YIG BCAS, ,STENG GI MKHA' LA 'PHAR ZHING SPYI BOR NI, ,BZHUGS PA'I BLA MA SNANG BA MTHA' YAS KYI, ,THUGS KA'I 'OD ZER LCAGS KYUS REG TZAM LAS, ,RANG SEMS YI DAM DBYER MED TSANGS BUG NAS, , RGYANGS TE THON NAS BLA MA'I THUGS KAR THIM, ,BLA MA RDZU 'PHRUL STOBS KYIS NAM MKHA' LAS, ,BDE BA CAN DU THOGS MED GSHEGS PAR BSAM, ,DE NI SDIG CAN BTZAN THABS 'TSANG RGYA BA'I, ,ZAB LAM 'PHO BA'I RNAL 'BYOR DE NYID DO, ,SPRIN GSEB GLOG 'GYU'I TSUL DANG CHU KLUNG LAS, ,NYA LDANG BZHIN DU 'CHI BA 'OD GSAL GYI, ,RLUNG SEMS NYID LAS BAR DO GRUB PA NA, ,RANG LUS SNOD BCUD LHA YI GZHAL YAS DANG, ,NGAG NI SNGAGS KYI DKYIL 'KHOR RANG GI SEMS, ,DE BZHIN NYID DANG
, ,DBYER MED CHOS NYID KYI, ,DKYIL 'KHOR GSUM DANG 'BRAL MED NGANG NYID NAS, ,DAG PA'I ZHING NGAM LHA MI'I SKYE GNAS SU, ,BSAMS BZHIN CHOS LA SPYOD PA'I LUS KYI RTEN, ,'DZIN PA GANG DE BAR DO'I NYAMS LEN NO, ,DE LTAR ZAB MO'I LAM GYI GNAD RNAMS KUN, ,TSANG ZHING GSAL LA SHIN TU GO SLA BAR, ,DAD BRTZON LDAN PA RGYAL MTSAN DPAL DE LA, ,DGE 'DUN RGYA MTSO'I DPAL GYIS LEGS PAR GDAMS, ,DAM CHOS SBRANG RTZI 'BYUNG BA'I GNAS, ,CHU SKYES RNAM PAR RGYAS PA'I THANG, ,THEG PA CHEN PO'I PHO BRANG NAS, ,ZAB MO'I DBYANGS SU BSGRAGS PA YIN,, ,, ` BLA MA RNAMS LA PHYAG 'TSAL LO, ,BDAG 'DZIN CHOD PAR BYIN GYIS RLOBS, ,MDUN GYI NAM MKHAR PAD SDONG LA, ,BLA MA LAB KYI SGRON MA LA, ,MKHA' 'GRO SDE LNGA BRGYUD PA YI, ,BLA MA RNAMS DANG DKON COG GSUM, ,MKHA' 'GRO CHOS SKYONG TSOGS BCAS BSAM, ,DE NAS BEM RIG PHRAL BYAS SHING, ,DBYINGS DANG RIG PA DBYER MED DANG, ,RANG NYID KHROS MA NAG MOR BSGOM, ,PHYAG G-YAS 'BAR BA'I GRI GUG GIS, ,RI RAB DANG MNYAM PHUNG PO YI, ,THOD PA PHRAL NAS MI MGO NI, ,RLON PA'I SGYED BU GSUM LA BKAL, ,DE NANG SHA KHRAG THAMS CAD BLUGS, ,AOm A'A: H'Um GIS BDUD RTZIR BYAS, ,THOD PA THOGS PA'I LHA MO'I TSOGS, ,NAM MKHA' GANG BAS, RAB TU MCHOD, ,DE NAS GNOD BYED GDON BGEGS DANG, ,RIGS DRUG KUN LA RAB TU SBYIN, ,'KHOR GSUM DMIGS PA MED PAR BYA, ,RTZE GCIG CHOS KYI SKU RU BSNGO, ,SLAR YANG SNGAR BZHIN BEM RIG PHRAL, ,DBYINGS RIG BSRES NAS RNAL 'BYOR
MAS, ,PHYAG G-YAS 'BAR BA'I GRI GUG GIS, ,RANG GI PHUNG PO KHA PHYE NAS, ,SHA DANG RUS PA RI RAB TZAM, ,KHRAG NI RGYA MTSO CHEN POR MTSUNGS, ,SRID PA'I RTZE MO NAS BZUNG STE, ,MNAR MED DMYAL BA YAN CHAD KYI, ,SNANG SRID LHA SRIN THAMS CAD BSDUS, ,SHA ZOS KHRAG 'THUNGS RUS PA MUR, ,THAMS CAD BDUD RTZIS TSIM PAR BSAM, ,GZHAN YANG 'DRE GDON MA LUS PA, ,PHA MAR BSAMS LA BYAMS BRTZE BSGOM, ,BLA MA BSAMS LA MCHOD PA DBUL, ,YI DAM DU BSAMS DNGOS GRUB ZHU, CHOS SKYONG DU BSAMS 'PHRIN LAS BCOL, ,PHYI NANG GSANG BA'I BSLONGS (LHONG) TSAD DANG, ,TSAR TSAD CHOD TSAD NGOS ZIN BYA, ,BDAG 'DZIN 'KHRI BA GCOD PA DANG, ,RANG NYID GCES 'DZIN BCAD BYAS TE, ,CHOS KUN KHYAD PAR 'DRE GDON SOGS, ,YUL GYI STENG NAS RDUL TZAM YANG, ,GRUB PA MED SNYAM BLO THAG BCAD, ,DMIGS MED NGANG NAS DGE BA DE, ,KUN DANG THUN MONG BYANG CHUB BSNGO, ,ZHES GCOD KYI RTZA TSIG MDOR BSDUS PA 'DI YANG 'OL KHA GZHIS KAR BGYIS PA'O,, ,, MANG+GALAm,,