, ,RJE BTZUN THAMS CAD MKHYEN PA'I GSUNG 'BUM THOR BU LAS KHYAB BDAG RDO RJE 'CHANG CHEN PO'I NGO BO GRUB PA'I DBANG PHYUG RJE BTZUN BLA MA KUN DGA' RGYAL MTSAN DPAL BZANG PO'I NGO MTSAR BA'I RNAM THAR MDO TZAM DU BRJOD PA NOR BU'I THEM SKAS ZHES BYA BA BZHUGS SO,,
, ,KHYAB BDAG RDO RJE 'CHANG CHEN PO'I NGO BO GRUB PA'I DBANG PHYUG RJE BTZUN BLA MA KUN DGA' RGYAL MTSAN DPAL BZANG PO'I NGO MTSAR BA'I RNAM PAR THAR PA MDO TZAM DU BRJOD PA NOR BU'I THEM SKAS ZHES BYA BA, RJE BTZUN DPAL LDAN BLA MA DAM PA'I ZHABS KYI PADMOR PHYAG 'TSAL LO, ,RGYAL BA KUN GYI MKHYEN BRTZE'I RANG BZHIN 'DOD RGU'I YID BZHIN RIN CEN GANG, ,TSOGS GNYIS SHEL GYI BA GAM DANG LDAN LUNG RTOGS MNGON DGA'I GZHAL MED CHER, ,SKU GSUM RGYAL MTSAN RTZE MOR LEGS SON DPAL LDAN 'PHRIN LAS BZANG PO'I CHAR, ,YANGS PA'I NOR 'DZIN KUN NAS 'GENGS DE NAM YANG NYAMS PA MED GYUR CIG ,SPRIN BRAL KUN GSAL MDZES MA'I LANG TSO ZLA NYI RGYU SKAR TSOGS KYIS BKRA, ,GTING ZAB CHU SRIN BDAG PO DES KYANG JI SNYED RLABS KYI PHRENG BA G-YO, ,SPROS KUN NYER ZHI CHOS SKU'I NGANG LAS RTOG PA MED BZHIN SPRUL PA'I SKU, ,BGRANG YAS MI YI GZUGS
, ,KYIS ROL 'DI 'JIG RTEN GSUM NA NGO MTSAR GNAS, ,GRUB RIGS SHAR GYI RI BO'I RTZER, ,RGYAL SRAS KUN DGA'I ZLA BA NI, ,'PHRIN LAS BZANG PO'I BSIL ZER CAN, ,SGRUB BRGYUD BSTAN PA'I KU MUD GNYEN, ,DON YOD SGRUB PA'I RGYAL MTSAN NI, ,SRID RTZE'I BAR DU SGRENG MKHAS PA, ,GANG DE DUS GSUM MKHYEN PA ZHES, ,GRAGS PA 'JIG RTEN GSUM NA DKAR, ,MKHYEN RAB KUN DGA'I GZHAL MED KHANG, ,LEGS BSHAD RIN CEN TSOGS KYIS GANG, ,BSTAN PA'I RGYAL MTSAN MTHON PO CAN, ,DENG 'DIR SKAL BZANG YONGS KYI MGON, ,GANG GI DRIN LAS SKU GSUM GO 'PHANG YANG, ,SKAL BZANG GDUL BYA'I LAG RTZER SKAD CIG GIS, ,SBYIN MDZAD DE NI AE MA'O SKYABS KYI MCHOG ,BSTOD CING BSNGAGS 'OS DE LAS GZHAN NA GANG, ,DE SLAD BLA MA MCHOG GI YON TAN GYI, ,RIN CEN 'BYUNG GNAS PHA MTHA' BRAL BA LAS, ,NGO MTSAR 'OD CHAGS
SDEB LEGS MU TIG PHRENG, ,SKAL BZANG MDZES MA'I MGUL RGYAN BDAG GIS SPEL, ,GANG GI RNAM DPYOD YANGS PA'I CHU MTHONGS NGOS, ,GRANGS MED LEGS BSHAD DBYAR SKYES PHRENG BA CAN, ,SNYAN TSIG 'BRUG SGRA DAL GYIS DGOD PA NA, ,THAR 'DOD GTZUG PHUD CAN RNAMS GAR BYOS SHIG, DE LA 'DIR BDAG CAG GI BLA MA GRUB PA'I DBANG PHYUG KUN DGA' RGYAL MTSAN DPAL BZANG PO'I ZHAL SNGA NAS KYI SKU GSUNG THUGS KYI RNAM PAR THAR PA RGYA MTSO LTA BU DAG LAS PHYOGS TZAM ZHIG BRJOD NA, DE YANG BLA MA 'DI NYID GANG LAS 'KHRUNGS PA'I RIGS NI, SNGON CHOS SKYONG BA'I RGYAL PO KHRI SRONG LDE BTZAN GYIS DPAL BSAM YAS LHUN GYIS GRUB PA'I GTZUG LAG KHANG BZHENGS PA'I DUS SU, RJE SREG PO KHYUNG BZHI LHA JO BO LCAM DANG LNGA, 'BANGS RA SLOG CAN, BSE 'A ZHA GNYIS DANG BCAS PA RNAMS MDO KHAMS NAS CHAD NAS G-YAS RU SHANGS SU CHAGS, DE RNAMS KYIS BYANG 'JAG THANG GI CHOS SDE CHEN PO BCOM, SLOB DPON PADMA 'BYUNG GNAS KYIS RNAM SRAS SENG SNGON CAN GYI DMAG BSKUL NAS, DE RNAMS DANG LHAN CIG PAS G-YU'I THUB PA SOGS RTEN MCHOD CHA RNAMS BLANGS SHING, 'BA' TA HOR GYI SGOM GRVA BCOM NAS RGYAL PO SPE DKAR BSAM YAS KYI GTZUG LAG KHANG GI SRUNG MAR SPYAN DRANGS, GTZUG LAG KHANG RNAMS KYANG RDZOGS PAR BZHENGS, DE DAG LAS MCHOD GNAS LA SNGA BA SREG STON DAR MA ZHES BYA BA'I BRGYUD PA LA SREG STON SGOM BTZUN DANG SREG STON CHAR 'BEBS ZHES BYA BA BYUNG STE DE GNYIS KYIS DPAL RGA LO'I PHYAG PHYI BYAS, RGYA GAR RDO RJE GDAN DU RTZA MI SANGS RGYAS GRAGS LA CHOS
, ,MANG DU GSAN, GO MA LA MI TRA'I GTZUG LAG KHANG GI SGO LA LCAGS GZER BRGYAB NAS LO BCU GSUM SGRUB PA MDZAD PAS MGON PO PHYAG BZHI PA'I ZHAL GZIGS, DE NAS BOD DU BYON, GNAM MTSO PHYUG MO LA SGRUB PA MDZAD PAS GRUB PA THOB, DE NAS SREG STON CHAR 'BEBS KYIS RIGS KYI SRAS SKRUN PA'I CHO GA MDZAD PA LAS, GRUB PA'I GDUNG RGYUD RIM PAR BYON TE RTZE GDONG PHU SHAR DU CHAGS PA LAS KUN MKHYEN KUN DGA' BZANG PO 'KHRUNGS, BLA MA DE NI THOG MAR BDAG PO CHEN PO DBANG RNAM SRAS RGYAL MTSAN GYI DPON YIG MDZAD, DE NAS 'KHOR BA LA SKYO BA SKYES TE BSAM SDINGS SU CHOS BROS MDZAD NAS RAB TU BYUNG, SPRUL SKU BSAM SDINGS PA CHEN PO DANG, SGRUB CHEN MGON PO DPAL SOGS LAS DVAGS SHANGS KYI BKA' BRGYUD GNYIS LA SOGS PA'I GDAMS PA DPAG TU MED PA GSAN TE RTZE GCIG TU SGRUB PA MDZAD PAS GRUB PA BRNYES, DE LA SRAS MANG DU BYUNG BA RNAMS KYI NANG NAS 'GRAN ZLA DANG BRAL BA NI DRAN MCHOG DON YOD RGYAL MTSAN YIN TE, MGON PO DE NI BDAG PAS GZHAN GCES PAR 'DZIN PA'I BYANG CHUB KYI SEMS THUGS LA MNGA' BA, LHAG PA'I LHA DU MAS RJES SU BZUNG ZHING, DPA' BO DANG MKHA' 'GRO SPRIN BZHIN DU 'DU BA, DPAL YE SHES KYI MGON PO PHYAG DRUG PA LA SOGS PA CHOS SKYONG SRUNG MA RNAMS KYIS BRAN BZHIN DU LAS BYED CING, MNGON PAR SHES PA THOGS PA MED PA MNGA' BA SOGS DPAG TU MED PA'I YON TAN RIN PO CHE'I GTER DU GYUR PA STE, BLA MA YAB SRAS DE GNYIS KYI RNAM PAR THAR PA'I YI GE RGYAS PA LOGS NA YOD PAS 'DIR ZHIB PAR
MA SMOS LA, MDOR NA BDAG CAG GI DPAL LDAN BLA MA 'DI NI GONG DU BRJOD PA DE LTA BU'I GRUB PA'I DBANG PHYUG RIM PAR BYON PA'I RIGS SU 'KHRUNGS PA YIN NO, ,GDUNG RUS NI SREG YIN ZHING, YAB NI GONG DU SMOS PA'I RNAL 'BYOR GYI DBANG PHYUG DON YOD RGYAL MTSAN DE NYID DANG, YUM NI MA GCIG SANGS RGYAS RGYAL MO ZHES BYA BA YIN LA, MA GCIG DE NI GZHON NU NAS CHOS SGOR ZHUGS, DRAN MCHOG DON YOD RGYAL MTSAN LA SOGS PA BLA MA DAM PA MANG PO'I GDAMS PAS THUGS RGYUD TSIM PAR MDZAD, DGUNG LO SO GNYIS PA LA RJE 'DI PA 'KHRUNGS NAS RING POR MA LON PA LA RJE DON YOD PAS SRU MO BLO GROS LA GTAD NAS SKYED SRING DU BCUG STE, YOL DKAR DU DGUNG LO BRGYAD CU BZHES KYI BAR SGRUB PA RTZE GCIG TU MDZAD, DPAL 'KHOR LO SDOM PA DRIL BU PA'I BSNYEN SGRUB, ZHI BYED LAM LNGA'I BSNYEN PA, MA nI DUNG PHYUR GNYIS LA SOGS PA THUGS DAM BSAM GYIS MI KHYAB PA MDZAD, DUNG SO YANG MANG DU 'KHRUNGS, KHYAD PAR MA nI DUNG PHYUR GCIG TZAM SONG BA'I MTSAMS SU SPYAN GNYIS KA 'GRIBS NAS YUN RING DU SONG BA LA NUB GCIG MNAL LAM DU 'PHAGS PA SPYAN RAS GZIGS DBANG PHYAG GIS SMAN PHYE MA DKAR PO ZHIG SPYAN LA BTAB PA'I SNANG BA BYUNG BAS DE'I SANG NYIN RANG NAS SPYAN RANG BYE STE SHIN TU GSAL BAR GYUR, MYA NGAN LAS 'DA' BAR NYE BA NA YANG MA 'ONGS PA'I 'BYUNG 'GYUR DGONGS PA'I ZHAL TA MDZAD PA SOGS NGO MTSAR BA DU MA YOD KYANG MNGAS SU DOGS PAS MA SMOS LA, MYA NGAN LAS 'DA' BA'I TSE RJE DON YOD RGYAL MTSAN DNGOS SU BYON NAS MKHA' SPYOD DU SHOG
, ,CIG CES BKA' GNANG BA'I GZIGS SNANG SHAR BA DANG, DE'I TSE GZHAN 'GA' ZHIG GI NYAMS DANG RMI LAM DU YANG, MA GCIG SENG GE LA CHIBS, DPA' BO MKHA' 'GRO DU MAS BSKOR NAS YOL DKAR GYI THAD KYI STENG GI NAM MKHA' LA DAR LAM GYI STENG NAS MKHA' SPYOD DU GSHEGS PA SOGS BYUNG SNANG ZHING, SKU GSHEGS PA'I DUS SU NAM MKHA' G-YA' DAG PA DANG, 'JA'I GUR PHUB PA SOGS NGO MTSAR BA'I LTAS BSAM GYIS MI KHYAB PA BYUNG STE, RJE RANG NYID KYI ZHAL NAS KYANG, NGA'I MA DE MKHA' SPYOD DU GSHEGS PAR THE TSOM MED CES YANG YANG GSUNG NGO, ,DE LTA BU'I YUM GYI LHUMS SU RJE 'DI PA ZHUGS PA'I DUS SU YANG SNGA GUNG SKU KHAMS CUNG ZAD MI BDE BA YOD PA LA, DE NAS BZUNG STE LUS SEMS ZAG MED KYI BDE BA KHYAD PAR CAN DANG LDAN PA DANG, MNAL LAM DU YANG NYI ZLA SHAR BA DANG, SKU RKED LA DAR DKAR POS 'KHRIL BA DANG, SRAS NGO MTSAR CAN ZHIG 'BYUNG BAS GCES SPRAS CHE BAR GYIS SHIG CES PA'I SGRA 'BYUNG BA SOGS LTAS KHYAD PAR CAN MANG PO YANG DANG YANG DU BYUNG ZHING, BLTAMS PA'I TSE YANG YUM THUGS DAM GYI RIM PA LA BZHUGS PA'I NGANG NAS SNYUNG BA SOGS MI BDE BA'I RNAM PA CUNG ZAD KYANG MED DO ZHES THOS SO, ,GANG DU BLTAMS PA'I GNAS NI, MKHAS GRUB KYI SKYE BO BGRANG BA LAS 'DAS PA'I 'BYUNG GNAS G-YAS RU GTZANG GI RTA NAG CES GRAGS PA, CHOS DGE BCU 'DZOM PA'I YUL GYI CHA LUGS GNYIS KYI DPAL 'BYOR KHA NA MA THO BA MED PA LA SKYE BO RNAMS 'DOD RGUR SPYOD CING DAM PA DU MA'I ZHABS KYI PAD MO YANG YANG BKOD PA'I MTHU LAS
BKRA SHIS DANG DGE MTSAN DU MA'I DPAL DANG LDAN PAR BYAS PA SA LUNG PA ZHES BYA BA'I DBEN GNAS YOL DKAR DPAL GYI BDE CHEN ZHES GRAGS PA, BCOM LDAN 'DAS KYI GSUNG RAB RNAMS LAS RNAM GRANGS DU MAR BSNGAGS PA'I DBEN PA'I YON TAN THAMS CAD DANG LDAN PA'I GRUB PA'I GNAS MCHOG TU GYUR PA DE NYID DU YONGS 'DZIN ZHES BYA BA CHU PHO BYI BA'I LO LA GONG DU BRJOD PA'I TSUL GYIS YAB YUM KHYAD PAR CAN DE GNYIS KYI SRAS SU SKU BLTAMS TE, BLTAMS MA THAG TU YANG ZHAL GYI DKYIL 'KHOR ZLA BA NYA GANG BA LTA BUR DBYIBS LEGS SHING BLTA NA SDUG PA, YAN LAG DANG NYING LAG LA SOGS PA SKU'I CHA THAMS CAD KYANG SHIN TU MDZES PAS SUM CU RTZA GSUM PA'I LHA'I BU GZHON NU GLO BUR DU MI'I 'JIG RTEN DU LHAGS PA LTAR GYUR TE, MCHOG TU MDZES PA'I SKU'I PADMO LA SKYE BO MTHA' DAG GI MIG GI BUNG BAS MTSAR SDUG GI SBRANG RTZI NGOMS PA MED PAR 'THUNG ZHING, AA LA LA 'DI NI LHA'I BU DNGOS NYID DO, ,ZHES DGA' BA'I CA CO 'OG MIN GYI MTHAR THUG PAR GYUR TO,, 'DIR SMRAS PA, BGRANG YAS MKHAS GRUB ZHABS MTHIL GUR GUM TSON, ,REG PAS 'PHAGS PA'I YUL LA'ANG CO 'DRI BA, ,RNAM MANG GRONG KHYER RIN CEN BA GAM GYI, ,'OD TSOGS GA BUR RTZE DGA' DGOD PA CAN, ,SA LA GNAS KYANG MTHO RIS 'JIG RTEN GYI, ,'DRAN ZLA ('GRAN ZLA) RTA NAG CES BYA'I SA'I THIG LE, ,CHOS KYIS MTHO BA'I PHO BRANG BYANG PHYOGS 'DIR, ,DAL GYIS ZHUGS 'DRA DBEN PA'I BSTI GNAS CHER, ,'JIG RTEN MIG GYUR RGYAL SRAS CHU MDANGS GANG, ,GRUB PA'I PHO NYA YUM GYI CHU 'DZIN LAS, ,'ONGS
, ,TSE DPAG YAS YON TAN ZLA 'OD KYI, ,DBUS SON ZLA RIS GZHAN BZHIN RNAM PAR MDZES, ,ZHES BYA BA NI, RJE BTZUN GRUB PA'I DBANG PHYUG KUN DGA' RGYAL MTSAN DPAL BZANG PO'I NGO MTSAR BA'I GTAM BRJOD PA NOR BU'I THEM SKAS LAS, THOG MAR SKU BLTAMS PA'I MDZAD PA BRJOD PA'I THEM SKAS TE DANG PO'O,, ` ,,DE LTAR SKU BLTAMS MA THAG PA'I GNAS SKABS SU, DRAN MCHOG DON YOD RGYAL MTSAN PA'I DGONGS PA LA, RE ZHIG BLA MA 'DI PA RANG GI SRAS MIN PA'I TSUL DU MDZAD NA LEGS PA 'DRA SNYAM DU DGONGS PA'I TSE, MDO SNGAGS RAB 'BYAMS LA MKHYEN PA RGYAS SHING GSHIN RJE'I GSHED DMAR PO'I GRUB PA BRNYES PA SNAR THANG GI MKHAS GRUB CHEN PO SKYES MCHOG A'A NAN CHOS RJE ZHES MTSAN YONGS SU GRAGS PA DE NYID KYI ZHAL NAS, NGAS DA LTA MA PHYIN NA 'ON PA DES GO MA CHOD CHEN PO BYED PA YOD DO, ,ZHES GSUNGS NAS YOL DKAR NYID DU THAL MAR PHEBS TE RJE DON YOD PA LA YANG, 'DI KHYED RANG GI SRAS KYANG YIN ZHING, 'GRO MGON DAM PA RGYA GAR GYI SRAS KYI THU BO DAM PA KUN DGA'I SKYE BA YIN PAS BDAG RKYEN DANG GCES SPRAS CHE BAR GYIS SHIG CES BKA' GNANG ZHING, RJE 'DI PA LA DPAL YE SHES KYI MGON PO PHYAG DRUG PA'I RJES GNANG SOGS BKA' LUNG DANG BYIN RLABS MANG DU MDZAD, DE NAS BZUNG STE DRAN MCHOG RIN PO CHES KYANG RANG GI SRAS SU MDZAD NAS, KLU'I DBANG PO'I COD PAN LAS 'ONGS PA'I YID BZHIN GYI NOR BU RIN PO CHE PHYAG TU THOB PA LTAR GCES SPRAS CHEN POS TSUL BZHIN DU BSKYANGS, DE LTAR BLTAMS MA THAG NAS BZUNG STE SKU NAS GZHON NU'I
GNAS SKABS DE NYID DU YANG, 'JIG RTEN PA'I BYIS PA GZHAN LTAR BAG MED PAR NGU BA DANG, CHOS DANG MI MTHUN PA'I RTZED MO LA RNAM PAR G-YENG BA LHUR LEN PA SOGS SPANGS TE, RANG BZHIN GYIS BAG YOD PA'I GOS KYIS NI KLUBS, NGO TSA DANG KHREL YOD KYI SKE RAGS NI BCINGS, DRAN PA DANG SHES BZHIN PHUN SUM TSOGS PA'I GROGS DANG BCAS TE SNGON LAN CIG MIN PAR GOMS PA'I CHOS KYI BAG CHAGS BZANG PO'I SKYED MOS TSAL RNAMS SU CHOS DANG LDAN PA'I RTZED 'JOS ROL BAR MDZAD LA, RNAM DPYOD KYI DBANG PO YONGS SU GSAL ZHING, RJE BTZUN 'JAM DPAL DBYANGS KYIS TSE RABS DU MAR RJES SU BZUNG BA DANG, THOG MA MED PA NAS KYI SRID PA'I GNAS SKABS RNAMS SU GOMS PA'I MTHU PHUL DU BYUNG BA'I BYED PA LAS KLOG DANG YI GE LA SOGS PA'I GTZUG LAG RNAMS NI SLOB DPON GZHAN LA SLOB PA'I RTZOL BA LA MA LTOS PAR YANG CHES MKHAS PA'I PHUL DU PHYIN PAR GYUR TO, ,GNAS SKABS DE DAG TU YANG RANG GI YAB DUS GSUM MKHYEN PA DE NYID KYIS DPAL 'KHOR LO SDOM PA DANG RTA MGRIN YANG GSANG KHROS PA LA SOGS PA'I DKYIL 'KHOR DU BCUG NAS RGYUD YONGS SU SMIN PAR MDZAD CING, GSANG MTSAN YANG SGEG PA'I RDO RJE ZHES BYA BAR BTAGS, YE SHES KYI MGON PO PHYAG DRUG PA, CHOS BDAG CHEN PO AA GHO RA, CHOS SKYONG DREGS PA LCAM SRING LA SOGS PA BKA' SRUNG RNAMS KYI RJES GNANG YANG LEGS PAR MDZAD, DE BZHIN DU RANG BYUNG GNYIS SU MED PA'I YE SHES KYIS ZUNG 'JUG RGYAL BA'I GO 'PHANG MTHON POR 'DZEGS PA BYA BTANG CHU'I RNAL 'BYOR ZHES GRAGS PAS KYANG
, ,DBANG BYIN RLABS MANG DU MDZAD DE, BSTAN PA SPYI DANG, KHYAD PAR SGRUB BRGYUD KYI BSTAN PA'I RGYAL MTSAN SGRENG BA LA 'GRAN ZLA DANG BRAL BA ZHIG 'BYUNG BAR BYIN GYIS BRLABS SO, ,A'A NANDA ZHES GRAGS PA'I BA DAN NI, ,SRID PA'I RTZE MOR 'PHUR LDING ZLOS GAR MKHAN, ,GRUB PA'I DBANG POS COD PAN BTUD NAS KYANG, ,RGYAL SRAS KUN DGA'I ZLA BAR KHYOD LUNG BSTAN, ,GSUNG RAB KLOG SOGS MTHA' MED SHES BYA'I KHYON, ,KHYOD THUGS MKHYEN PA'I RVA BAR CHUD PA NA, ,RAB TU SKYENGS LDAN BRTAN G-YO'I DNGOS PO KUN, ,RANG BZHIN STONG PA'I DBYINGS SU BROS SAM SNYAM, ,KUN GYI BSHES GNYEN SLOB DPON DANG BRAL YANG, ,GTZUG LAG NOR 'DZIN MA LUS BLO GROS KYI, ,GOM PA GCIG GIS GSAL BAR 'GONGS PA NA, ,NYI MA'I GNYEN DE'ANG ZHI BA'I DBYINGS SU GZIMS, ,ZHES BYA BA NI RJE BTZUN GRUB PA'I DBANG PHYUG KUN DGA' RGYAL MTSAN DPAL BZANG PO'I NGO MTSAR BA'I GTAM BRJOD PA NOR BU'I THEM SKAS LAS GZHON NU NYID KYI GNAS SKABS BRJOD PA'I THEM SKAS TE GNYIS PA'O,, ` ,,DE NAS DGUNG LO BDUN BZHES PA NA, DUS KYI PHO NYA ZHES BYA BA SA PHO RTA'I LO LA RTA NAG BDE BA CAN DU CHOS KYI RJE GNAS BRTAN RGYAL MTSAN DPAL BZANG POS MKHAN PO DANG, DE NYID KYI DBON PO BSHES GNYEN MKHAS PA DPAL LDAN BZANG PO PAS SLOB DPON MDZAD DE DGE TSUL GYI SDOM PA LEGS PAR BZHES, MTSAN YANG KUN DGA' RGYAL MTSAN DPAL BZANG PO ZHES BYA BAR GSOL TE, YON TAN THAMS CAD KYI RTZA BA SO SOR THAR PA'I TSUL KHRIMS LHA'I BDUD RTZI RO BRGYA DANG
LDAN PAS THUGS KYI BUM BZANG MNGON PAR GTAMS TE, THUN MTSAMS KYI CHU 'DZIN GZHON NU DANG MTSUNGS PA'I NGUR SMRIG GI GOS KYIS NI YANG DAG PAR KLUBS, MCHOG TU ZHI ZHING DUL BA'I DPAL GYIS 'PHAGS PA 'OD SRUNG CHEN PO DANG NYE BAR 'KHOR LTA BUR LHA DANG BCAS PA'I 'JIG RTEN THAMS CAD KYI YON GNAS BLA NA MA MCHIS PAR GYUR TO, ,CHOS RJE BDE BA CAN PA DE NYID KYANG RJE BTZUN 'JAM PA'I DBYANGS DKAR POS DNGOS SU RJES SU BZUNG BAS GTZUG LAG MTHA' DAG LA THOGS PA MED PA'I SHES RAB KYI SNANG BA MCHOG DANG LDAN ZHING, NANG GI THUGS DAM ZAB MO LA MNGA' BRNYES PAS DUS RTAG TU YANG RIM GNYIS KYI TING NGE 'DZIN ZAB MO LAS NAM YANG G-YO BA MED PA'I NGANG TSUL CAN, GZHAN GYIS DRING MI 'JOG PA'I BRTUL ZHUGS DANG RNAM DPYOD MCHOG DANG LDAN PA; SHIN TU LKOG TU GYUR PA'I GNAS RNAMS KYANG JI LTA BA BZHIN DGONGS NAS GZHAN LA STON PA'I MNGON PAR SHES PA THOGS PA MED PA MNGA' BA SOGS YON TAN DU MA'I GTER DU GYUR PA ZHIG YIN LA, SLOB DPON DPAL LDAN BZANG PO PA DE YANG SGO GSUM GYI KUN SPYOD LA NYES LTUNG PHRA MOS KYANG DUS RTAG TU GOS PA MI SRID PA'I TSUL KHRIMS KYIS YANG DAG PAR BSDAMS PA'I SKU CAN, MDO SNGAGS KYI GZHUNG DU MA LA'ANG BLO GROS KYI SNANG BA RGYAS PAS MKHAS PA'I SKYE BOS BSNGAGS PAR 'OS PA ZHIG STE, RJE 'DI PAS KYANG MKHAN SLOB 'DI GNYIS KYI ZHABS LA THOG MAR GTUGS NAS BSTAN PA RIN PO CHE'I SGOR ZHUGS SHING, 'OG NAS 'BYUNG BA LTAR MDO SNGAGS KYI CHOS MTHA' YAS PA'I BKA' DRIN MNOS PAS 'GRAN ZLA DANG BRAL
, ,BA'I YONGS 'DZIN DU YANG YANG BSNGAGS SHING MCHOG TU GUS PA LHUR MDZAD PA YIN NO,, SMRAS PA, MTHON MTHING LCANG LO GSAR PA'I ZUR PHUD GANG, ,'DREG BYED KHA LAS NYON MONGS ZIL GYIS NI, ,DOR TSE DRAN PA'I LUS CAN DU GU LA; ;MTSAMS KYI GUR GUM GSAR DU 'PHOS PA BZHIN, ,SMIN LEGS YID SRUBS MYOS BUM GZUNG 'OS PA, ,BCU PHRAG 'DAB 'PHRENG G-YO BA'I CHU SKYES LAS, ,GNAG SNUM LHUNG BZED BAR GYI BUNG BA NI, ,NGES PAR CHAGS BRAL 'DOMS BYED BLA MAR GYUR, ,SNYING NI TSANGS SPYOD BDUD RTZIS GANG GYUR PA'I, ,GSER GYI SA 'DZIN BZHIN DU DE MTHONG NAS, ,NGUR MO RGYAGS PA'I KHYU BZHIN DRANG SRONG TSOGS, ,LHUN PO'I BANG RIM NGOS SU BROS PA BZHIN, ,ZHES BYA BA NI RJE BTZUN GRUB PA'I DBANG PHYUG KUN DGA' RGYAL MTSAN DPAL BZANG PO'I NGO MTSAR BA'I GTAM BRJOD PA NOR BU'I THEM SKAS LAS BSTAN PA'I SGOR ZHUGS PA'I THEM SKAS TE GSUM PA'O,, ` ,,DE LTAR RAB TU BYUNG BA'I RJES NAS RANG GI YAB DUS GSUM MKHYEN PA'I BKA' LUNG GIS RE ZHIG CHOS RJE BDE BA CAN PA'I PHYAG PHYIR SONG LA, 'BROG RI BO CHE DGA' LDAN RNAM PAR RGYAL BA'I GLING NAS BRGYUD PA'I LEGS PAR BSHAD PA RIN PO CHE'I SKYES BLANG BAR GYIS SHIG CES BKA' GNANG NAS BDE BA CAN DU PHEBS TE SHES RAB KYI PHA ROL TU PHYIN PA'I BSTAN BCOS MNGON PAR RTOGS PA'I RGYAN 'GREL PA DANG BCAS PA LA THUGS SBYONG 'DRIS PAR MDZAD PA DANG, SNGAGS PHYOGS KYI PHYAG LEN RNAMS LA'ANG GSAN SBYONG MDZAD PAR DGONGS PA'I TSE CHOS RJE BDE BA CAN PA'I ZHAL NAS, KHYED KYI
DA LTA'I YON TAN 'DI RNAMS KYIS DA GZOD RTA NAG PHU YA GIR PHAN AE THOGS MI SHES PAS DA LO NAS KHYED RANG RDO RJE GDAN PA'I PHA CHOS RNAMS NYAN, PHYAG LEN 'DRA SBYANGS PA DRAG CES GSUNGS NAS, DPON SLOB BRGYA LHAG CIG GIS SA'I SMAN LUNG DU CHOS BAR LA PHEBS, RDO RJE GDAN NAS PHYAG DPE RNAMS ZHUS, SA LUGS KYI BDE MCHOG DANG KUN RIG MGON PO'I GTOR CHOG PHUB CHUNG BA'I LUGS RNAMS THUGS LA 'DZIN PA'I SGANG LA RDO RJE GDAN NAS DRAN MCHOG RIN PO PHEBS TE GZIGS RTOG GNANG 'PHRO'I PHYAG DPE RNAMS PHYAG TU BSNAMS NAS CHOS RJE BDE BA CAN PA'I DRUNG DU BYON, BLA MA KHYED LA 'DI RNAMS SLOB TU BTANG BA MIN, MA 'ONGS PA NA RTA NAG PHU 'DIR YANG GZHI DANG TSUGS LA BRTEN PA'I DGA' LDAN PA'I SNGAGS KYI PHYAG LEN DANG BSKYED RDZOGS KYI MAN NGAG, BSLAB BYA LAM RIM SOGS LA BSHAD NYAN DANG NYAMS LEN BYED PA ZHIG YONG DU RE BA YIN PAS BDAG GI BU 'DI LA YANG BLA MA KHYED RANG GI THUGS LA JI LTAR MNGA' BA'I MAN NGAG DANG PHYAG LEN RNAMS SLOB PA ZHIG MDZAD DGOS GSUNGS NAS DPE CHA RNAMS KYANG RJE RANG NYID KYI PHYAG TU BZHES, DE NAS KUN RIG DANG MGON PO'I MNGON RTOGS MNYEL DU BCUG ,BDE MCHOG SGRUB THABS KYI GTZO BO BSKYED PA'I SKABS PHYAG DANG PO GNYIS KYIS RDO RJE DANG DRIL BU BZUNG NAS YUM LA 'KHYUD CING, 'OG MA GNYIS KYIS GLANG PO CHE'I PAGS PA 'DZIN PA ZHES PA 'PHRO LA 'JOG DGOS PA BYUNG, DE'I TSE SLOB DPON DPAL BZANG BA'I ZHAL NAS KYANG, CHOS RJE DON YOD PA DE GANG ZAG DBANG PO RNO LA THUGS RAB YANGS PA, SBYANGS PA'I SHUGS CHE ZHING,
, ,MA 'ONGS PA MKHYEN PA'I SKYES BU DAM PA ZHIG 'DUG PAS THUGS KYI DGONGS PA MTHAR BSKYAL BA DRAG GSUNGS NAS, SLAR YANG DPON SLOB RNAMS BDE BA CAN DU PHEBS TE CHOS KYI RGYAL PO TZONG KHA PA CHEN POS MDZAD PA'I GSANG BA 'DUS PA'I 'GREL PA'I MCHAN BU, SA BCAD, MTHA' GCOD SOGS DANG, 'KHOR LO BDE MCHOG GI RGYUD KYI t'I KA CHEN MO, GSANG BDE GNYIS KYIS THOG DRANGS PA'I DKYIL 'KHOR CHEN PO RNAMS KYI SGRUB DKYIL BRIS THIG GAR DBYANGS RNAMS DANG MKHAS GRUB CHOS KYI RGYAL POS MDZAD PA'I YE SHES KYI MGON PO'I GTOR CHOG GTOR SGRUB GTOR CHEN RNAMS KYI PHYAG LEN ZHIB PAR DPYAD, SLAR RDO RJE GDAN DU STON BZHUGS KYI CHOS BAR LA PHEBS TE, DE DUS DRAN MCHOG RIN PO CHES SKU MTSAMS SE BA'I NGANG NAS CHOS RJE SKYA RA BA DPON SLOB LA MGON PO TSE BDAG DANG, GSANG SGRUB MCHIN KHA LA SOGS PA'I DBANG DANG RJES GNANG MANG PO MDZAD CING 'DUG PA'I GTOR SHOMS DANG, MAndAL 'BRI BA SOGS KYI MCHOD G-YOG DANG, GYER DBYANGS SOGS PHYAG PHYI MDZAD PAS SHIN TU DGYES NAS, 'O LAGS SO NGA MNOS PA DE DA YONG BAR 'DUG, NA NING DUS 'DI 'DRA ZHIG BYAS NA 'ONG BAR YOD PA LA, DA DUNG BSKYED RDZOGS KYI MAN NGAG RNAMS MTHA' CHOD PA ZHIG SLOBS LA SHOG ,DA GZOD RDO RJE GDAN PA'I BTZUN CHUNG RNAMS KYI SLOB DPON BYED DGOS PA YIN NO ZHES GSUNGS NAS GTANG RAG TU SRAB CHEN GYI CHOS GOS LEGS PA ZHIG KYANG GNANG NGO, ,ZHES GSUNG NGO, ,DE'I DON GYIS RJE'I ZHAL SNGA NAS RGYU MTSAN 'DI LTAR YIN YANG, MA GO BA'I RGYUD PHYOGS
LHUNG GIS DKRUGS PA KHA CIG ,KHO BO CAG RANG GI PHA CHOS DANG GRUB MTHA' LA RTZIS MI BYED PAR RANG 'TSAM GYIS BLA MA DANG GRUB MTHA' GSAR PA GZHAN BTZAL NAS GDUL BYA RNAMS KYI YID SGYUR BAR BYED DO ZHES SMRA BA NI MA BRTAGS PAR RANG GI DE NYID STON PA YIN TE, KHO BO LTA CI SMOS, DENG SANG RTA NAG PHU'I BLA MA DGE 'DUN CHOS MDZAD SGRUB PA PHO MO DRAG TU RE BA THAMS CAD GZHI DANG TSUGS LA BRTEN PA'I DGA' LDAN PA'I LUGS KYI PHYAG LEN DANG, BSKYED RDZOGS KYI MAN NGAG LA THOS BSAM SGOM PA LHUR BYED CING, THA NA BTZUN MA RES KYANG GSANG BDE 'JIGS GSUM DUS 'KHOR DANG BCAS PA'I SGRUB DKYIL BLO LA 'DZIN PA DANG, BSKYED RDZOGS KYI ZIN THUN, BSLAB BYA GONG 'OG GI SDOM TSIG RNAMS KHA TON DU BYED CING, SBYIN BDAG RNAMS KYANG TSUL DE LTA BU LA DAD PAS GZHI GSUM GYI PHYAG LEN RANG RANG GI KHYIM TSUN CHOD DU 'DZUGS PA DANG, SKYE BO PHAL PA RNAMS KYANG CHOS LA DAD PAS RANG RANG GI BYIS PA RNAMS RAB TU BYUNG STE GRVA SA CHEN PO RNAMS SU MDO SNGAGS KYI SLOB GNYER LA RDZONG BA DANG, BLA GOS DANG MTHANG GOS DANG GDING BA DANG LHUNG BZED DANG CHU TSAGS SOGS RAB TU BYUNG BA'I RTAGS CHA LUGS RNAMS LA MTHONG DANG RTZIS JE CHER SONG LA, MDOR NA PHYAG 'TSAL BA DANG MCHOD PA GSHOM PA, SKOR BA BYED PA, SMON LAM 'DEBS PA, SGRUB MCHOD 'DZUGS PA SOGS KYI SROL RMAD DU BYUNG BA TSUGS PA 'DI NI RJE BTZUN TZONG KHA PA CHEN PO NYID KYI SNYAN PA'I DRI BZANG GRAGS PA'I DRI BZHON GYIS SPYAN DRANGS PAS BDAG GI BLA MA RJE BTZUN 'JAM PA'I DBYANGS KYI RNAM 'PHRUL MKHAN PO RIN PO CHE
, ,BDE BA CAN PA KHU DBON PHYOGS 'DI NYID DU YANG YANG PHEBS NAS DAM PA'I CHOS KYI CHAR PA RGYUN MI 'CHAD PAR PHAB PA'I BKA' DRIN LAS SKYE RGU RNAMS KYI PHAN BDE'I LO TOG CHES CHER RGYAS PAR MDZAD PA YIN LA, DE LA THAMS CAD KYANG, YID GDON GYIS BSGYUR NAS RANG RANG GI PHA MES RGAN PO'I CHOS BRGYUD DANG GRUB MTHA' BLOS BTANG STE CHOS MIN PA 'DI LTA BU LA ZHUGS NAS GDUL BYA RNAMS KYI YID SGYUR ZHING 'JIG RTEN SLU BAR BYED PA'O, ,ZHES SNYING KHAMS BSKYED DE SMRA BAR BYED MOD, RANG GI MDUN MA LA RE ZHIG KHA NANG DU BSLOG LA ZHIB TU BSAM PAR GYIS SHIG CES GSUNGS TE, 'DI DAG NI GTING DPAG PAR DKA' BA'I MKHYEN RAB KYIS BSTAN PA'I GNAD DGONGS PA'I GSUNG DU SNANG BAS BKA' LUNG JI LTA BA BZHIN BRIS PA'O,, BLO BZANG 'DZAM BU TRI SHA'I RKANG 'THUNG GI ,'BRAS BZANG SNGON MED LEGS BSHAD RO BRGYA PA, ,MA DROS DBANG PO GZHAN BZHIN MGON KHYOD KYIS, ,'DOD RGUR SPYAD BYA'I TZI tA NYID DU GYUR, ,RGYAS PA RGAN PO'I LUGS 'DZIN DRANG SRONG GI ,SPYI BOR 'JIGS MED ZHABS SEN NGAL GSO BA, ,PHUL BYUNG RNAM DPYOD MDZES MA'I MTSAR SDUG NI, ,MKHAS RNAMS SNYING LA DPYID KYI DGA' STON NYID, ,YAB RJE DRI BRAL THUGS KYI ME LONG LA, ,CHES PHRA'I LAM GYI GNAD KUN MNGON SUM DU, ,SNANG TSE MNGON SHES LNGA LDAN DRANG SRONG RNAMS, ,GSER GYI RI NGOGS 'BROS LAS 'OS CI YOD, ,GZHAN YANG CHOS RJE BDE BA CAN PA'I DRUNG DU SMON SEMS CHO GAS GZUNG BA, 'JUG SDOM BSLAB BYA DANG BCAS PA, BDE MCHOG DGYES RDOR LA SOGS PA'I DBANG, SGRUB THABS
RGYA MTSO LA SOGS PA'I RJES GNANG, LAM RIM BLO SBYONG, ZHI BYED LA SOGS PA'I KHRID, RJE BTZUN TZONG KHA PA CHEN POS MDZAD PA'I LAM RIM CHE CHUNG, BLO SBYONG DON BDUN MA'I 'GREL PA RGYAL SRAS THOGS MED PAS MDZAD PA DANG, MDO SHES RAB SNYING PO 'GREL PA DANG BCAS PA, SO THAR GYI MDO'I LUNG, DPAL GSANG BA 'DUS PA MI BSKYOD PA'I DBANG, RJE TZONG KHA PA CHEN PO NAS BRGYUD PA'I 'JAM RDOR GYI DBANG, RIM LNGA'I KHRID, 'KHOR LO BDE MCHOG LO DRIL (L'U DRIL) GYI DBANG, BDE MCHOG GI RTZA RGYUD RJE'I t'IKA CHEN DANG BCAS PA'I BSHAD LUNG, L'U YI PA'I SGRUB THABS KYI BSHAD PA 'DOD PA 'JO BA, RDZOGS RIM RNAL 'BYOR CHEN PO, DRIL BU RIM LNGA'I KHRID YIG ,DRIL BU SKOR GSUM GYI RGYA GZHUNG RNAMS KYI LUNG, BDE MCHOG BSHAD RGYUD RNAL 'BYOR MA KUN TU SPYOD PA'I RGYUD DANG, DE'I 'GREL PA 'JAM DPAL RDO RJES MDZAD PA'I LUNG, 'DUS PA'I RTZA RGYUD PHYI MA DANG BCAS PA, BSHAD RGYUD RDO RJE PHRENG BA, DGONGS PA LUNG STON, LHA MO BZHIS ZHUS PA, YE SHES RDO RJE KUN LAS BTUS, RIM PA LNGA PA, RNAM GZHAG RIM PA LA SOGS PA'I LUNG, RJE NYID KYIS MDZAD PA'I RIM LNGA GSAL SGRON GDAN RDZOGS DANG BCAS PA, MKHAS GRUB CHOS RJES MDZAD PA'I BSKYED RIM t'I KA RNAMS KYI BSHAD LUNG, KYEE RDO RJE THOD PA CAN GYI DBANG, BDAG MED LHA MO BCO LNGA'I DBANG, BRTAG GNYIS KYI RGYUD MKHAS GRUB THAMS CAD MKHYEN PAS MDZAD PA'I t'IKA CHEN DANG BCAS PA, PHYAG NA RDO RJE 'KHOR LO CHEN PO'I DBANG, GSHED DMAR LHA LNGA'I DBANG, MA H'A MA YA'I DBANG, PHYAG NA RDO RJE RAS CHUNG
, ,LUGS KYI CHOS SKOR LA, RGYUD KYI STONG THUN SLOB DPON RGYA ZHA LU PHUG PAS MDZAD PA, RTZA RGYUD GSANG BA BSTAN PA'I LE'U NYER GCIG PA, GTUM PO PHYI SGRUB KYI t'I KA, PHYAG RDOR GOS SNGON CAN DANG KHYUNG GI SGRUB THABS SLOB DPON LAS KYI RDO RJES MDZAD PA, KHYUNG GI GSANG SGRUB WA LA TZAN DRAS MDZAD PA, GTUM PO GSANG SGRUB KYI SA BCAD, PHYI SGRUB SLOB DPON LAS KYI RDO RJES MDZAD PA, BCOM LDAN 'DAS 'KHOR LO BZHI PA'I SGRUB THABS LAS KYI RDO RJES MDZAD PA LA SOGS PA SO SOR BGRANGS NA; KHAMS GSUM RNAM RGYAL, NAG PO CHEN PO, BDUD RTZI 'KHYIL PA, GNOD SBYIN NOR 'DZIN GYI SGRUB THABS TE BZHI DANG, TSOGS 'KHOR GYI CHO GA LAS KYI RDO RJES MDZAD PA, NANG SGRUB KYI MAN NGAG LAS BZHI'I SBYIN SREG, RDO RJE 'DZIN PA'I GTOR MA'I CHO GA RNAMS RJE BTZUN SHONG LO PAS MDZAD PA, GTUM PO PHUR GCIG MA'I LO RGYUS, GTUM PO'I SGRUB THABS DAM TSIG RDO RJES MDZAD PA, MI RGOD BCING THABS, GTUM CHUNG ME 'BAR GYI SGRUB THABS, GTUM PO KHROS PA CHEN PO'I GZUNGS, PHYUGS KYI SRUNG BA, GTUM PO GSANG SGRUB KYI LAG LEN, LAS TSOGS SGRUB PA, GSANG BA BSTAN PA, GSANG BA BSTAN PA'I RGYUD THAMS CAD KYI SPYI'I CHO GA, PHYAG NA RDO RJE'I DKYIL 'KHOR GYI CHO GA, SLOB MA'I SMIN THABS N'A RO PA'I LUGS DANG DE'I ZHAL GDAMS GNYIS, BSTOD PA WA LA TZANDRAS MDZAD PA, PHYAG RDOR GYIS KLU MA DROS PA BTUL BA'I GLENG GZHI, SNGAGS BDAG GI RGYUD KYI RTOG PA, DE BZHIN GSHEGS PAS KLU SOGS MA MED DAM TSIG PA LA GTOR MA 'BUL PA PAndI TA PADMA DKAR POS MDZAD PA, NAD
GDON BRTAG PA BADZRA BO DHIS MDZAD PA, KHRO BO KHAMS GSUM RNAM RGYAL GYIS GDON 'JOMS PA'I MAN NGAG DANG, BDUD RTZI 'KHYIL PAS KLU MA RUNGS PA GZHOM PA PADMA RDO RJES MDZAD PA, NAG PO CHEN PO'I BSNYEN SGRUB KYI MAN NGAG, DZAMBHA LAS DBUL BA SEL BA'I MAN NGAG, KLU GNYAN SA BDAG GSUM GYI GDON GROL GYI CHO GA PHYOGS GCIG TU BSDEBS PA RNAMS DANG, RGYA GZHUNG DE RNAMS LA BRTEN NAS CHOS RJE BDE BA CAN PA RANG NYID KYIS MDZAD PA'I PHYAG NA RDO RJE'I DBANG, SGRUB THABS MCHOD PHRENG, TSOGS 'KHOR, LAS BZHI'I SBYIN SREG, GDON GROL KLU GTOR RNAMS DANG, 'JAM DBYANGS CHOS SKOR, SPYAN RAS GZIGS RGYAL PO LUGS KYI DBANG, SGROL MA LAS SNA TSOGS PA'I RGYUD LE'U SUM CU SO LNGA DANG, PHYAG 'TSAL NYER GCIG, MTSAN BRGYA RTZA'I BSTOD PA, THUGS RJE CHEN PO'I DMAR KHRID TSEM BU LUGS, RTEN 'BREL SNYING PO, SPYAN RAS GZIGS DPAL MO LUGS KYI DBANG, SUM PA LOTZTSA BA'I SNYAN BRGYUD, SKYID SDUG LAM 'KHYER, BCOM LDAN 'DAS KUN RIG GI DBANG, GZUNGS GRVA LNGA'I DBANG, 'JAM DPAL SENG LDAN RIGS BSDUS KYI DBANG, MTSAN BRJOD KYI LUNG, TSE DPAG MED NANG SGRUB, GSANG SGRUB, DE KHO NA NYID RMAD BYUNG GI SGRUB PA RNAMS MA GCIG GRUB PA'I RGYAL MO NAS BRGYUD PA, GRUB RGYAL MA'I TSE 'KHRID, RNAM 'JOMS LHA GCIG BUM GCIG GI RJES GNANG, RNAM 'JOMS SNUR LUGS KYI DBANG, SHANGS PA'I RGYUD SDE LNGA'I DBANG, SGRUB THABS RGYA MTSO'I RJES GNANG, ZHI BYED BRGYUD PA PHYI MA CHA LAG DANG BCAS PA LA SOGS PA ZAB PA DANG RGYA CHE BA'I GDAMS PA DPAG
, ,TU MED PA YONGS 'DZIN DAM PA'I ZHABS PAD MNYES PA GSUM GYI SGO NAS YUN RING DU BSTEN TE LEGS PAR GSAN NO, ,DAM PA'I ZHABS SEN ZLA BA'I 'OD, ,SPYI BO'I GZHI LA LHUNG GYUR PA, ,DE YI MOD LA KUN RMONGS KYI, ,MUN PA'I DGRA SDE RING DU SONG, ,GZHUNG LUGS NYI ZLA'I RNA CHA DANG, ,MAN NGAG RGYU SKAR DO SHAL CAN, ,SNGO BSANGS MA 'DIS 'CHI MED LAM, ,KHENGS PA THUNG NGUR BYED PA BZHIN, ,LEGS BSHAD MA LI'I DOG PA CAN, ,RNAM DPYOD TZU TA'I RKANG 'THUNG GI ,DRI BZANG BLO GSAL BUNG BA'I TSOGS, ,MGRON DU 'BOD LA RINGS PA BZHIN, ,DE LTAR BDE BA CAN DU THUGS SBYONG LA BZHUGS PA'I SKABS SHIG TU THAMS CAD MKHYEN PA BO DONG PHYOGS LAS RNAM RGYAL GYI ZHAL SNGA NAS RTA NAG RI KHUD DU CHOS KYI 'KHOR LO BSKOR BAR PHEBS PA'I ZHABS DRUNG DU MJAL, TSOGS CHOS GSAN CING SGOS SU YE SHES KHYUNG KHRA'I RJES GNANG LA SOGS PA GSAN, DE NAS DGUNG LO BCU GCIG LA NYE BA'I SKABS SU CHOS RJE BDE BA CAN PA'I PHYAG PHYI MDZAD, PHO BRANG CHEN PO BSAM GRUB RTZER RJE BTZUN TZONG KHA PA CHEN PO'I SRAS KYI THU BO MKHAS GRUB SHES RAB SENG GE YAB SRAS RNAMS NANG SO 'PHYONGS RGYAS PAS CHOS BAR BTEG NAS CHOS 'KHOR BSKOR BA'I ZHABS DRUNG DU PHEBS, RJE BTZUN SHES RAB SENG GE'I DRUNG DU ZAB MO DBU MA'I LTA KHRID, BYANG CHUB LAM GYI RIM PA, BRTAG GNYIS KYI RGYUD MKHAS GRUB THAMS CAD MKHYEN PA'I t'IKA CHEN GYI STENG NAS BSHAD PA MDZAD PA RNAMS GSAN CING, DE DUS SKU NA SHIN TU PHRA BA'I DON GYIS SKU GZUGS GZHON PA LA DGONGS NAS N+YEE TA ZHES BLA DVAGS KYIS 'BOD
PAR MDZAD CING, THUGS LA SHIN TU 'DOGS PA ZHIG BYUNG ZHES GSUNG NGO, ,DE DUS THAMS CAD MKHYEN PA DGE 'DUN GRUB PA DPAL BZANG PO'I DRUNG DU YANG CHOS KYI 'BREL BA GSAN CING, PHYIS RJE BTZUN SHES RAB SENG GE DBUS SU GZHAN DON LA DGONGS PA'I TSUL BSTAN NAS THAMS CAD MKHYEN PA RTA NAG RI KHUD DU BZHUGS PA'I DUS SHIG, RJE 'DI PAS THUD RKYAL ZHIG PHUL NAS RJE BTZUN GYI DGONGS PA RDZOGS THABS KYI BSNGO BA ZHUS PAS RJE THAMS CAD MKHYEN PA'I GSUNG NAS, NYID RJE BTZUN SHES RAB SENG GE'I GRVA PA YIN NA RJE BTZUN LA CHOS JI LTA BU NYAN GSUNG, LTA KHRID LAM RIM SOGS NYAN LAGS ZHUS PAS, TSIG RIS BLO LA 'JAGS 'DUG NA 'DIR GSHOR DANG GSUNG BA LA, LTA KHRID JI LTAR GSAN PA BZHIN TSIG RIS GTZANG SANGS KYIS BSHAR BAS SHIN TU MNYES NAS NGED KYI RJE BTZUN CHEN PO DE'I ZHABS LA GTUGS PA RNAMS LA 'DI 'DRA RE YONG GIN YOD PA YIN GSUNG NAS DGYES DGYES MANG DU MDZAD, THUGS DAM PHYAG 'PHRENG ZHIG BYIN RLABS KYI RTEN DU GNANG NGO ZHES GSUNG NGO, ,DE NAS BZUNG STE DPON SLOB THUGS SHIN TU GCUGS PAR GYUR TE, PHYIS KYANG BKRA SHIS LHUN PO DANG RTA NAG PHYOGS SU CHAB TSAN SOGS LA YANG PHEBS PA'I TSE, 'JAM DBYANGS CHOS SKOR DANG, 'CHAD KHA BA, SPYAN SNGA BSOD NAMS LHUN GRUB PAS MDZAD PA'I BLO SBYONG SNYAN BRGYUD CHEN MO, RJES MDZAD PA'I N'A RO CHOS DRUG GI KHRID YIG YID CHES GSUM LDAN, BLO SBYONG MTSON CHA 'KHOR LO, RMA BYA DUG 'JOMS, SGROL DKAR TSE SGRUB KYI RJES GNANG, DPAL LDAN DMAG ZOR RGYAL MO'I RJES GNANG, RMI LAM
, ,LHA MO'I SGRUB SKOR SOGS DANG, YE SHES KHYUNG KHRA'I SGRUB THABS, CHAR 'BEBS KYI GDAMS PA DANG, MKHA' 'GRO SENG GE'I GDONG CAN GTZO 'KHOR GSUM GYI BZLAS LUNG, CHOS SKYONG BEG TZE LCAM SRING GI SNGAGS RJE RANG GIS ZHUS DAG MDZAD PA'I LUNG SOGS MANG DU GSAN NO, ,YANG BDE BA CAN NA THUGS SBYONG LA BZHUGS PA'I DUS SU MKHYEN RAB DBANG PHYUG GRAGS PA BZANG PO DPON SLOB RNAMS CHOS BAR LA PHEBS PA LA 'DUL BA PHAR PHYIN SOGS CHOS MANG DU GSAN CING, DE NAS BZUNG STE CHOS BAR LA 'BREL MI KHA SHAS KYIS PHYAG PHYI MDZAD NAS MDO PHYOGS KYI GZHUNG CHEN MO RNAMS LA YANG GSAN PA GZIGS RTOG ZHIB PAR MDZAD DO, ,DE LTAR SKU NA PHRA BA'I GSAN SBYONG GI SKABS SU LAN CIG GI TSE RGYAL KHAMS SU THAN PA CHEN PO BYUNG BA LA CHOS RJE BDE BA CAN PA DANG DPON SLOB RNAMS YANG YUL GYI MTHA'I RI KHROD LA GNYAN KHROD KYI THUGS DAM MDZAD CING BZHUGS PA LA, CHOS RJE'I ZHAL NAS, KHYED KYIS CHAR PA ZHIG PHAB NA JI LTAR YONG ZHES BKA' GNANG BA LA, BDAG GIS DO NUB CHAR CHEN PO PHAB STE CHOS RJE'I SBUBS RA CHUS KHYER NAS GROG RONG NAS LEN DGOS PA ZHIG BYA'O, ,ZHES ZHAL GYIS BZHES, YUL PA RNAMS LA YANG, DO NUB PHYUGS LUG SNGA BAR SDUS, WA RTZA RNAMS SDOMS ZHES PHYUGS RDZI RNAMS LA 'PHRIN DU BSKUR TE, BRAG RUS SBAL 'DRA BA CHU MIG DANG BCAS PA ZHIG YOD PA'I SAR PHEBS, THUGS DAM MDZAD PAS DE'I NUB SER BA CHOL LE BA'I CHAR DRAG PO BSAM GYIS MI KHYAB PA GLO BUR DU BABS TE, BLA MA'I SPYAN RA YANG JI LTAR GSUNG BA BZHIN DU CHUS KHYER
RONG NAS LEN DGOS BYUNG BAS CHOS RJE SHIN TU DGYES TE, MKHA' LDING GI PHRU GU MA'I KHONG NAS 'DAB GSHOG RGYAS PA BZHIN DU GRUB PA THOB THOB PAR 'DUG ,NGO MTSAR CHE ZHES BSNGAGS PA MANG DU MDZAD DO, ,MI BZAD 'GRO RNAMS NYES SPYOD GZUGS CAN BZHIN, ,TSA ZER ZOL GYIS 'DZIN MA'I LO TOG RNAMS, ,THAL BAR BYAS TSE THUGS RJE'I LHA LAM LAS, ,GLO BUR NYID DU DBYAR SKYES SNGON PO'I PHRENG, ,SRID GSUM GLOG GI MTSON CHAS 'DEBS PA BZHIN, ,'BRUG SGRA PHYOGS KUN DGOD PA'I GAD MO BZHIN, ,SKYE RGU'I BSOD NAMS BZHIN DU BDUD RTZI'I CHAR, ,DRAG TU PHAB TSE 'GRO 'DI'I RE BA DANG, ,MNYAM DU 'DZIN MA'I KHYON KUN GANG BAR BYAS, ,NA TSOD GSAR PA'I ZLA TSES CHES PHRA YANG, ,GRUB PA'I MTSAN MA'I 'OD DKAR STONG 'GYED PA,, GANG 'DI'I NGO MTSAR BSNGAGS BYED AUTPAL PHRENG, ,PHYOGS KYI BU MO'I MGRIN PAR GAR BYED DO, ,DE LTAR BDE BA CAN LA SOGS PA RNAMS SU GSAN SBYONG RAGS PA MDZAD NAS, DA DUNG YANG DBUS GTZANG GI GRVA SA CHEN MO RNAMS SU RNAM DPYOD PADMO'I 'DAB STONG RGYAS PAS MKHAS PA NYIN MO'I DBANG PHYUG MTHA' DAG GI LEGS BSHAD KYI 'OD STONG MA LUS PA 'THUNGS TE, SKAL BZANG BUNG BA MTHA' DAG GI NYER 'TSO DANG, PHYOGS THAMS CAD LAS RNAM PAR RGYAL BA'I GRAGS PA'I DRI BSUNG GIS SRID PA'I RTZE MO'I BAR DU KHYAB PA ZHIG MDZAD PAR DGONGS PA LA, RJE 'DI PAS DGUNG LO BCU DRUG BZHES PA RAB BYUNG GI LO MGO'I ZLA BA LA DRAN MCHOG DON YOD RGYAL MTSAN PA'I ZHAL SNGA NAS SKU KHAMS MNYEL BA'I TSUL BSTAN TE RJE 'DI PA'ANG ZHABS DRUNG DU PHEBS
, ,DGOS PA BYUNG, 'PHRAL GYI BSNYUNGS G-YOG DANG, SKU RIM 'PHROD BSTEN ZHU BA SOGS LA BRTZON PA RMAD DU BYUNG BAS THUGS DGYES PAR MDZAD, ZLA BA DE'I TSES BRGYAD KYI NYIN DRAN MCHOG RIN PO CHE'I ZHAL NAS, DA PHA RJES BUS 'DZIN PA LA GANG BYUNG BYUNG BYAS PAS MI CHOG PAS RANG GI BLA MA DANG GRUB MTHA' BLOS MA GTONG, GZHAN GYI CHOS DANG GANG ZAG LA SKUR BA MA GDAB, NGA'I NOR GYI SNYING PO SDIG GI DRAG SHOS RJE NAM MKHA'I RNAL 'BYOR PA'I PHYAG MTSAN RDO RJE DRIL BU, NANG MCHOD KA P'A LA DANG KHRO'I BUM PA, GSER GYI A'A LI K'A LI RNAMS DANG, MGON PO'I DAM RDZAS RNAMS SNYING LA GCES PAR NYA RA GYIS, DPE CHA 'DI RNAMS LA YANGS SU BYAS NA DUS NGAN GYI MIS GTOD MKHAN MI 'ONG BAS GTE PA MED PAR SGO MAN LA 'DAR MA 'JUG ,GRVA PA DANG DGON PAS YID SUN PA BYUNG NA SGRUB PA PO SANGS RGYAS BZANG PO DANG LAG SBREL LA MI TSE RI KHROD DU SKYEL BA LA BLO RTZE GTOD, GZHAN DGON PA RNYING PA'I BDAG 'DZIN, GSAR PA'I GZHI 'DINGS PA SOGS DUS NGAN GYI BLO RGYA CHES KYANG SDUG PA LAS MED DO, ,MI NGAN GYI RNGAN CHAN GAR YONG MI SHES PAS CHOS SKYONG GI GTOR MA DANG BSNYEN SGRUB LA BRTZON PAR GYIS GSUNGS NAS BKA' BSGO ZHING DAM LA BZHAG PA LAN GSUM MDZAD, LAR NGA BAS KYANG KHYOD TSE RING ZHING GDUL BYA RGYA CHE BA ZHIG YONG, DUS DANG RNAM PA THAMS CAD DU NGA RANG GIS BYIN GYIS RLOB PA YIN NO, ,ZHES GSUNGS NAS RJE 'DI BA'I DBU THUGS KAR BZHAG PA'I STENG NAS DBU THOD DANG PHYAG GIS BKAB STE BYIN RLABS KYI 'PHO BA RGYAS PA ZHIG MDZAD, DE NAS TSES
BCU LA GRUB PA'I DBANG PHYUG DE NYID CHOS KYI SKU'I NGANG DU GZUGS KYI SKU'I SNANG BA BSDUS TE ZHI BAR GSHEGS PA'I TSUL BSTAN NAS THUGS KYI DGONGS PA YONGS SU GANG BAR MDZAD PA'I TSUL LA SOGS PA RNAMS NI DRAN MCHOG RIN PO CHE'I RNAM THAR RJE RANG NYID KYIS MDZAD PAR GSAL BA LTAR YIN LA, DE NAS ZHAL CHEMS KYI BKA' LUNG JI LTAR MDZAD PA LTAR BDE BA CAN GYIS THOG DRANGS DGON PA CHE CHUNG BCU GSUM TZAM GYI ZHAL BDAG MDZAD PAR GSOL BA 'DEBS PA BYUNG NA'ANG MA GNANG BAR 'DI NYID DU YAB GRUB PA'I DBANG PHYUG DE NYID KYI CHOS KYI GDAN SENG GE'I KHRI LA ZHABS SEN MNGON PAR BKOD DE SGRUB BRGYUD KYI BSTAN PA 'DZIN PA RNAMS KYI GTZUG GI NOR BUR YUN RING DU BZHUGS SHING RJES 'JUG RNAMS KYI DBUGS 'BYIN PAR MDZAD PA YIN NO; ;YAB RJE MKHYEN BRTZE'I CON PAN DKAR PO NI, ,MGON KHYOD SPYI BOR BKOD NAS DBANG BSKUR BA, ,DE TSE STON KA'I SPRIN DKAR ZUR PHUD DANG, ,RAB 'GROGS RIN CEN RI BO'I DPAL PHROGS GYUR, ,PHUL BYUNG YON TAN NOR BU'I RKANG STEGS KYIS, ,'JIGS MED CHOS KYI GDAN KHRI LA 'DZEGS PA, ,GANG DER BGRANG YAS GRUB PA'I COD PAN GYIS, ,ZHABS SEN NOR BU'I ME LONG CI YANG MDZES, ,DE TSE 'DZUM DKAR ZHAL GYI CHU SKYES LA, ,PHUL BYUNG LEGS BSHAD SBRANG RTZI'I BCUD CHAGS PAS, ,SKAL BZANG RKANG DRUG LDAN PA'I TSOGS RNAMS KUN, ,RAB DGA'I GAR GYIS CHU MTHONGS 'GOG PA BZHIN, ,DE LTAR DGON PA'I GDAN SA MDZAD NAS THOG MAR LO GCIG TZAM GYI BAR DU SKU MTSAMS LA BZHUGS TE, SNGA GONG LEGS PAR GSAN
, ,PA'I YI DAM CHOS SKYONG RNAMS KYI BSNYEN SGRUB DANG, THUN MONG DANG THUN MONG MA YIN PA'I LAM GYI GNAD RNAMS LA NYAMS LEN 'GRUS PAR MDZAD, LHAG PA'I LHA RNAMS DANG BKA' SRUNG RNAMS KYIS BYIN GYIS BRLABS PA'I MTSAN MA KHYAD PAR CAN MANG DU BYUNG ZHING, DE NAS MDO PHYOGS KYI GSAN PA RNAMS BZHED PA BZHIN 'GRUB PA'I 'GAL RKYEN DU CUNG ZAD GYUR KYANG, DA DUNG GTZO BOR SNGAGS PHYOGS LA BRTEN PA'I THOS PA 'TSOL BAR DGONGS NAS, RGYUD SDE RIN PO CHE NAS GSUNGS PA'I RDO RJE'I SLOB DPON DU 'OS PA'I MTSAN NYID MTHA' DAG DANG LDAN ZHING, KHYAD PAR BKA' LUNG MAN NGAG THAMS CAD KYI BDAG POR GYUR PA SEMS DPA' CHEN PO 'DUL DKAR BA DANG, YONGS SU RDZOGS PA'I PAndI TA BZANG PO BKRA SHIS LA SOGS PA BSTAN PA'I BDAG PO DU MAS KYANG ZHABS RDUL SPYI BOS BLANGS PA CHOS KYI RJE DPAL 'BYOR RGYAL MTSAN PA'I DRUNG DU BLO SBYONG DON BDUN MA'I 'GREL PA RGYAL SRAS THOGS MED PAS MDZAD PA DANG, BLO SBYONG ZIN BRIS CHEN MOR GRAGS PA 'GRO MGON DPAL LDAN YE SHES KYIS MDZAD PA DANG, BLO SBYONG YID BZHIN NOR BU, SEMS PA'I RIM PA, MTHA' 'KHOB 'DUL BA RNAMS DANG, SA BZANG PAn CHEN GYIS MDZAD PA'I CHOS SPYOD RAB GSAL GYI LUNG, RNAM RGYAL 'JOMS DRI MED DANG BCAS PA'I LUNG, SLOB DPON CHEN PO AA BHYA KA RAS MDZAD PA'I PHRENG BA SKOR GSUM CHA LAG DANG BCAS PA, 'JIGS BYED BCU GSUM MA, ZHE DGU MA, RO LANGS BRGYAD SKOR RNAMS KYI DBANG, KYE RDO RJE THOD PA CAN GYI DBANG, BDE MCHOG SDOM 'BYUNG GI DBANG, NAG PO
DANG, DRIL BU LHA LNGA'I DBANG, N'A RO MKHA' SPYOD KYI DBANG, DE'I SGRUB THABS, SIN DHU RA'I SGRUB PA, GNOD SBYIN MO'I KHOL MO SGRUB PA, PRA 'BEBS LUGS, RTZA DBU MA'I KHRID, 'PHO BA, LAG MCHOD, BDE MCHOG RNAMS DANG, SGROL MA NYER GCIG DANG, SGROL MA LUS DKYIL GYI DBANG, TSE DPAG MED LHA DGU MA'I DBANG, 'CHI MED RNGA SGRA'I DBANG, BCOM LDAN 'DAS DUS KYI 'KHOR LO'I DBANG, 'JIGS BYED ZHE DGU MA, GRUB RGYAL MA'I TSE KHRID, LAM 'BRAS BU DANG BCAS PA'I CHA LAG YONGS SU RDZOGS PA, GDUGS DKAR GYI DBANG, LO MA GYON MA DANG RTA MGRIN GSANG SGRUB, DPAL LDAN DMAG ZOR GYI RGYAL MO, GUR GYI MGON PO RNAMS KYI RJES GNANG, RTA MGRIN LCAGS RAL CAN GYI RJES GNANG, 'KHOR LO CHEN PO'I DBANG, MI 'KHRUGS PA'I DBANG, ZA BYED RDO RJE MKHA' 'GRO'I SBYIN SREG ,YI GE BRGYA PA'I KHRUS CHOG ,GTZUG GTOR RNAM RGYAL GYI RJES GNANG SOGS BKA' LUNG MAN NGAG MTHA' YAS PA GSAN TO, ,DE BZHIN DU 'PHAGS MCHOG KUN DGA' RGYAL MTSAN ZHES BYA BA 'PHAGS PA SPYAN RAS GZIGS DANG PHYAG NA RDO RJE 'KHOR LO CHEN PO LA SOGS PA ZHAL MNGON SUM DU GZIGS PA ZHIG LA SMYUNG GNAS KYI CHOS SKOR RNAMS DANG, 'KHOR CHEN GYI DBANG, KHONG RANG GIS 'KHOR LO CHEN PO NYID LA THOB PA'I NYE BRGYUD DANG BCAS PA GSAN, GONG DU BRJOD PA LTAR BDE MCHOG DANG YANG GSANG GI DBANG, YANG GSANG GI YIG SNA TSANG MA'I LUNG GCOD YUL ZAB DON GYI SKOR, YE SHES MGON PO DANG, NI GU SU KHA RNAMS KYI CHOS SKOR, AU RGYAN BSNYEN SGRUB CHA LAG YONGS SU
, ,RDZOGS PA, ZHI BYED, RAS CHUNG SNYAN BRGYUD, YANG DGON PA'I RI CHOS SKOR, N'A RO CHOS DRUG SOGS YAB MES NAS BRGYUD PA'I CHOS SKOR RNAMS DRAN MCHOG DON YOD RGYAL MTSAN PA RANG NYID KYI DRUNG DU RDZOGS PAR GSAN KYANG, DE DUS SKU NAS HA CANG PHRAS PA'I DON GYIS THUGS YUL DU NGES MI NGES CUNG ZAD BYUNG BA RNAMS LA BSKYAR CAG GI TSUL DU GSAN PAR DGONGS TE RJE DON YOD PA RANG NYID KYI BU CHEN, BKA' BRGYUD KYI BSTAN 'DZIN CHEN PO MKHYEN RAB YON TAN DPAL 'BYUNG BA'I DRUNG DU NI GU CHOS DRUG CHA LAG YONGS SU RDZOGS PA, N'A RO CHOS DRUG ,PHYAG CHEN GYI SKOR, RAS CHUNG SNYAN BRGYUD, RDZOGS CHEN 'OD GSAL GYI KHRID, BKA' BRGYAD DBANG MO CHE, ZHI KHRO GNYIS, GU RU ZHI DRAG GI DBANG SOGS DANG, DPAL MGON ZHAL GYI RJES GNANG YANG GSAN TO, ,DE BZHIN DU RJE DON YOD PA'I BU CHEN GRUB CHEN SANGS RGYAS BZANG PO'I DRUNG DU YANG DVAGS SHANGS KYI CHOS SKOR MANG DU GSAN CING, 'JAM DPAL N'A GA RAKshA'I SGRUB SKOR RNAMS KYANG GSAN TO, YANG RJE 'DI PAS DGUNG LO SO LNGA PA MI ZAD PA'I LO DPYID ZLA 'BRING PO NAG PA'I NYA LA RI MKHAR CHOS SDER RDO RJE'I SLOB DPON CHEN PO BSHES GNYEN LEGS PA BZANG PO LA DPAL DUS KYI 'KHOR LO'I SKU GSUNG THUGS YONGS SU RDZOGS PA'I RDUL TSON GYI DKYIL 'KHOR DU BYIS PA'I DBANG BDUN, MCHOG DBANG GSUM, RDO RJE SLOB DPON BDAG PO CHEN PO'I DBANG DANG BCAS PA LEGS PAR GSAN CING DBU MA'I LTA KHRID KYANG GSAN, MKHAS GRUB THAMS CAD MKHYEN PA'I BU CHEN GO 'JO CHOS RJE ZHES GRAGS PA YE SHES KYI MGON PO
PHYAG DRUG PA 'KHOR BCAS KYI ZHAL MNGON SUM DU GZIGS SHING GRUB PA BRNYES PA CHOS RJE BZANG PO RGYAL MTSAN PA'I DRUNG DU RGYUD SDE LNGA'I DBANG GIS THOG DRANGS PA'I SHANGS PA'I NI GU CHOS DRUG DANG PHYAG CHEN SKOR RNAMS KYI SMIN BYED BKA', GROL BYED KYI LAM LA SOGS PA GDAMS PA CHA LAG YONGS SU RDZOGS PA, DPAL RDO RJE 'JIGS BYED BCU GSUM MA'I DBANG, BSKYED RDZOGS KYI BSHAD PA KHRID LA SOGS PA, RTZA BSHAD KYI RGYUD KYI LUNG, RVA LUGS DANG RJE YAB SRAS NAS BRGYUD PA'I ZHI RGYAS DBANG DRAG GI 'KHRUL 'KHOR, SHOG DRIL DMAR NAG SOGS LAS TSOGS CHA LAG YONGS SU RDZOGS PA DENG SANG BOD NA BRGYUD PA YOD DO COG RNAMS DANG, 'JAM DPAL NAG PO'I SGRUB SKOR TSANG MA, GSANG BA BSAM GYIS MI KHYAB PA'I KHRID MKHAS GRUB THAMS CAD MKHYEN PA NAS BRGYUD PA'I MGON PO'I BKA' CHEN BCU GSUM, LAS GSUM RNAM GZHAG BE BUM NAG PO'I GTOR CHEN, 'KHOR RNAMS KYI SGOS SGRUB SOGS MGON PO'I CHOS SKOR CHA LAG YONGS SU RDZOGS PA DANG, DUS 'KHOR RGYUD 'GREL GYI LUNG, BSKYED RDZOGS KYI BSHAD PA, KHYAD PAR RNAL 'BYOR YAN LAG DRUG GI KHRID LA SOGS PA ZAB PA DANG RGYA CHE BA'I GDAMS PA DPAG TU MED PA GSAN CING, CHOS RJE NYID KYANG THUGS SHIN TU DGYES PA'I NGANG NAS MKHAS GRUB CHOS RJE'I YIG CA'I STENG NAS DUS KYI 'KHOR LO'I SGRUB MCHOD 'DZUGS DGOS PA SOGS KYI BKA' GNANG YANG MDZAD DO, ,DE BZHIN DU MKHAS GRUB RIN CEN BSHES GNYEN PA LA NI GU CHOS DRUG GI GDAMS PA GSAN CING, LAM GYI GNAD RNAMS LA 'BEL BA'I BKA' MCHID
, ,KYANG MDZAD PAS THUGS SHIN TU PHROGS PAR GYUR TO, ,STAG TSANG LO TZTSA BA SHES RAB RIN CEN PA'I DRUNG DU YANG YE SHES KHYUNG KHRA'I RJES GNANG DAM TSIG RDO RJE'I BZLAS LUNG, SENG GDONG MA'I RJES GNANG SOGS GSAN CING, SREG SHING DU; RIN PO CHE RDO RJE DPAL BZANG BA LA RNAM SRAS SER CHEN, DRAG BYED, MDUNG DMAR CAN SOGS KYI RJES GNANG, RNAM SRAS SKOR GYI GDAMS PA YIG CA RNAMS KYI LUNG DANG BCAS PA GSAN, DE'I TSE RJE 'DI PA PHYIR 'BYON PAR CHAS PA NA RIN PO CHE PA'I MDUNG DMAR CAN GYI THUGS DAM THANG SKU ZHIG RLUNG SOGS KYI SKYOD BYED GTAN NAS MED PA LA RDO RGYANG GANG TZAM DU 'PHUR NAS RJE 'DI PA'I DBU'I STENG DU LHUNG BA SOGS NGO MTSAR BA'I LTAS BSAM GYIS MI KHYAB PA YANG BYUNG NGO, ,SHANGS MTHO THOR YANG MTHA' BZHI CHOS DPAL BA DANG, RNAL 'BYOR MA RANG BYUNG RGYAL MO LA SOGS PA LA YANG GCOD STAN THOG GCIG MA LA SOGS PA DBANG DANG GDAMS PA MANG DU GSAN CING, ZLA BA RI PA'I MKHAN CHEN ZHIG LA SA PHUR GYI SKOR RNAMS DANG, BRAG RI MKHAN CHEN SENG GE RGYAL MTSAN PA LA CHOS SKYONG ZHAL GYI RJES GNANG YANG GSAN NO, ,DE NAS BKRA SHIS LHUN PO DPAL GYI SDE CHEN PHYOGS THAMS CAD LAS RNAM PAR RGYAL BA'I GLING DU THAMS CAD MKHYEN PA DGE 'DUN GRUB PA DPAL BZANG POS MKHAN PO DANG, YONGS SU RDZOGS PA'I PAndI TA CHEN PO BZANG PO BKRA SHIS PAS LAS KYI SLOB DPON DANG, MKHAS PA'I DBANG PO DPAL LDAN CHOS SKYONG ZHES BYA BAS GSANG STE STON PA'I SLOB DPON MDZAD DE DGE 'DUN GRANGS TSANG BA'I DBUS SU BSNYEN PAR RDZOGS
PA DGE SLONG GI SDOM PA YANG DAG PAR BZHES SO, ,GZHAN YANG SEMS DPA' CHEN PO 'DUL 'DZIN BLO GROS SBAS PA'I ZHAL SNGA NAS LA 'JAD PHYOGS DANG RTA NAG GI SA DKAR GDONG LA SOGS PA RNAMS SU PHYAG PHYI MDZAD NAS BYANG CHUB LAM GYI RIM PA, LTA KHRID, 'DUS PA SOGS KYI BSKYED RDZOGS KYI MAN NGAG GCOD YUL, 'DUL BA'I BSLAB BYA SOGS MANG DU GSAN CING, SA DKAR GDONG DU PHYAG PHYIR BZHUGS PA'I SKABS SHIG TU THAN PA CHEN PO BYUNG BA'I SKABS SU RJE'I ZHAL NAS, KHYED KYIS CHAR 'BEBS SHIG MDZAD NA JI LTAR YONG GSUNGS PA LAS, BKA' DANG DU BLANGS TE CHAR 'BEBS MDZAD PAS NUB GCIG RANG LA GLO BUR DU CHAR CHEN PO BSAM GYIS MI KHYAB PA BYUNG, CHOS RJE'I ZHAL NAS KYANG, KHYED GRUB THOB RANG DU 'DUG GSUNGS DGYES DGYES DANG BSNGAGS PA BSAM GYIS MI KHYAB PA MDZAD, MDOR NA GONG DU SMOS PA DE DAG GIS GTZO MDZAD PA'I YONGS 'DZIN DAM PA BCU PHRAG GSUM LHAG PA LAS MDO SNGAGS KYI CHOS BSAM GYIS MI KHYAB PA GSAN TE RGYA BOD KYI MKHAS GRUB GRANGS LAS 'DAS PA'I GANGS RI LAS 'ONGS PA'I GDAMS PA'I CHU KLUNG MTHA' DAG GANG DU 'BAB PA'I THEG PA CHE CHUNG MTHA' DAG GI CHOS KYI RGYA MTSO CHEN POR GYUR PA STE, 'DIR NI CHE LONG TZAM ZHIG BRJOD PAR ZAD KYI ZHIB PAR NI RJE NYID KYI GSAN YIG LA SOGS PA LAS SHES PAR BYA'O, ,'DIR SMRAS PA, PHUL BYUNG DAD PA'I RTZIBS STONG SNGON 'GRO BA'I, ,'DUN PA BRTZON 'GRUS DRAN DANG SHES RAB KYI, ,YAN LAG BZHI LDAN DPUNG PA'I SHUGS 'CHANG BA, ,KHYOD KYIS BSTAN PA'I SA CHEN DBANG DU BYAS, ,CHU SRIN
, ,BDAG PO PHA MTHA' DANG BRAL YANG, ,CHA YIS NYAL 'GRO'I RGYUN KUN DER GZHOL BA, ,DE NI MKHAS DANG GRUB PA'I LEGS BSHAD KYI, ,KLUNG 'BUM SDUD BYED KHYOD THUGS ZLA BAS 'PHEL, ,'PHROG BYED MIG STONG LDAN YANG BSHOL MED MAR,, CHAGS LAS DRANG SRONG DMOD PAS BSKRUN PA STE, ,LEGS SPYAD GOMS PA'I MTHU LAS CHOS KYI SPYAN, ,PADMA'I 'DAB LDAN RGYAS LA SU YIS 'GRAN, ,GDENGS CAN RAL PA'I KLONG DU NOR LHA NI, ,GNYID GYUR YONGS 'DU'I SRING MO'I GDUNG DBYANGS BZHIN,, NGO MTSAR THUB PA'I LEGS BSHAD SGRA BRGYA PAS, ,KHYOD THUGS CHU SKYAR MDZES MA'I BRTAN PA PHROGS, ,ZHES BYA BA NI RJE BTZUN GRUB PA'I DBANG PHYUG KUN DGA' RGYAL MTSAN DPAL BZANG PO'I NGO MTSAR BA'I GTAM BRJOD PA NOR BU'I THEM SKAS LAS GSUNG RAB LA GSAN PA JI LTAR MDZAD PA'I THEM SKAS TE BZHI PA'O,, `,,DE LTAR YONGS 'DZIN MKHAS PA RNAMS KYI DRUNG DU MDO SNGAGS KYI GDAMS PA BDUD RTZI'I CHU BOS THUGS KYI BUM BZANG MNGON PAR GTAMS PAR MDZAD NAS, JI SKAD DU, THOS PA'I RJES 'JUG SGRUB PA SNYING POR BYED, ,SKYE BA'I RDZONG LAS TSEGS CHUNG THAR BAR 'GYUR, ,ZHES DANG, MANG DU THOS PA NAGS KYI NANG DAG TU, ,LANG TSO YOL BA RNAMS KYI GNAS PA BDE, ,ZHES GSUNGS PA LTAR DBEN PA'I BSTI GNAS DAM PA RNAMS SU 'KHRUL PA MED PA'I LAM GYI GNAD RNAMS LA RTZE GCIG TU SGRUB PA SNYING POR MDZAD DGOS DGONGS PA'I THUGS MDUN DRAG PO CHU BO'I GZHUNG LTA BU DUS RGYUN DU MNGA' BA DANG, KHYAD PAR DU RGYAL KHAMS SU THAN PA CHEN PO BYUNG BA LA SKYE BO MANG POS CHAR
DBAB PAR GSOL BA BTAB PA'I DON DU NYUGS KYI MTHONG SMON NA THOG TU CHAR 'BEBS PA LA PHEBS, CHU MIG GNYAN PO RNAMS SU'ANG RIL BU SKYEL BA SOGS MDZAD PA LAS, NA RGYA BO'I CHU MIG TU RIL BU MA SKYEL CIG BKA' GNANG YANG 'KHOR 'GA' ZHIG GIS BSKYAL 'DUG PAS DE'I NUB MNAL LAM DU CHU MIG DE NAS SHVA 'OD CHEN PO ZHIG BYUNG BA'I SNA LA SBAL PA ZHIG KYANG BYUNG BA LA 'BROS PA'I TSUL MDZAD KYANG 'BROS MA THUB PAR SBAL PA DE NYID SKU SKYED, (SKU SKED) KYI MKHAL KHUNG NAS ZHUGS TE KHONG PAR SONG BA'I MNAL LAM ZHIG BYUNG, DE NAS BZUNG STE DBU SKRA DANG SPYAN SMI SOGS KYANG BYI ZHING SKU LUS SKRANGS PA SOGS SA BDAG GI NAD KYI GNOD PA MNGON TSAN DU GYUR PA BYUNG BA LA, NAD 'DI LTA BUS ZIN PHYIN CHAD THAR THON YONG BA DKA' BAS DBEN PA'I GNAS SHIG TU MA SHI BAR SGRUB PA RTZE GCIG PA BYED DGOS, DE'I GNAS KYANG RTZA SHOD MTHO THO DKAR PO NYID BZANG BAR DGONGS TE RJE NYID KYIS DGUNG LO BZHI BCU BZHES PA LCAGS MO YOS KYI LO LA MTHO THO DKAR PO'I GNAS DER PHYAGS PHEBS TE; NYIN MO BSAGS SBYANG GI RIM PA DANG, MTSAN MO BSKYED RDZOGS KYI TING NGE 'DZIN LA RTZE GCIG TU GZHOL BAR MDZAD CING, THUN MTSAMS RNAMS SU SNGAR GYI SNYUNG GZHI DE'I GNYEN POR DGONGS TE YE SHES KHYUNG KHRA'I SGOM BZLAS LA 'GRUS PAR MDZAD, DE YANG THUGS DAM LA BZHUGS PA'I THOG MA NAS BZUNG STE NYAMS DANG MNAL LAM RNAMS SU YANG SNGAR SKU LUS LA ZHUGS PA'I SBAL PA DE NYID SKABS SU SNGAR ZHUGS PA'I KHUNG DE NYID NAS MGO MYANG BYED CING, SLAR YANG GNAS DER THIM 'GRO BA SOGS
, ,YANG YANG 'BYUNG BA ZHIG YOD PA LAS KHYUNG KHRA'I BSNYEN PA SA YA GCIG TZAM SONG BA'I SKABS SHIG GI TSE MNAL LAM DU CHOS RJE DKON BZANG BA YIN NAM ZER BA ZHIG GIS BTZAN DUG LAS BYAS PA'I KHYUNG GI GZUGS SHIG PHYAG TU PHUL NAS, 'DI ZHAL DU MID PAR ZHU ZER BA LA, 'DI BTZAN DUG LAS BYAS PAR 'DUG PAS KHONG PAR SONG NA MI RUNG NGAM SNYAM NAS THE TSOM DANG BCAS BZHIN PAS ZHAL DU MID PA NA DE NYID YE SHES KYI KHYUNG KHRA BO DNGOS SU GYUR TE SBAL PA DE SNGAR ZHUGS PA'I KHUNG DE NAS BTON TE KHYER NAS MA LUS PA ZOS SONG BA'I MNAL LAM ZHIG BYUNG, DE NAS MNAL SAD MA KHAD SKU LUS THAMS CAD RNGUL BA LA SNGAR DANG MI 'DRA BA'I BDE NYAMS BSAM GYIS MI KHYAB PA ZHIG BYUNG ZHING, DE'I SANG NYIN GZIMS MAL GYI 'OG NAS SBAL PA ZHIG THON TE THUGS DAM GTOR MA'I GTOR CHU 'BO BA'I KHUNG ZHIG YOD PA NGOS LA SONG BA RTOGS LDAN RIN BSKYABS LA SOGS PAS MNGON SUM DU MTHONG NAS SPANG TSAL ZHIG GI 'OG TU BZHAG NAS PHYIS ZHAG 'GA' ZHIG NAS BLTAS PA NA CI YANG MI SNANG NGO, ,ZHES GRAGS TE, DE'I DON GYIS RJE NYID KYI ZHAL NAS, NGA LA STENG GDON 'OG GDON BAR GDON GSUM GA RDUGS PA ZHIG YIN ZHES SOGS KYANG GSUNG NGO, ,MDOR NA DE NAS BZUNG STE DBU SKRA DANG SPYAN SMI BYI BA SOGS KYANG SLAR SKYES, SNYUN LEGS PAR DVANGS TE ZLA BA SGRA GCAN LAS GROL BA BZHIN DU GYUR, DE NA YOD PA'I SGRUB PA PO RNAMS LA GANG LA GANG 'TSAMS KYI CHOS KYANG GSUNGS, THUGS DAM SHIN TU 'PHEL ZHING DBEN PA'I GNAS DE NYID KYI YON TAN GYIS THUGS SHIN TU PHROGS PAR
GYUR TE GNAS BSTOD KYI MGUR DANG, GNAS DE'I GZHI BDAG RNAMS LA GTOR MA 'BUL ZHING 'PHRIN LAS 'CHOL BA'I MGUR DANG, DE'I SGRUB PA PO PHO MO RNAMS LA LAM GYI NYAMS LEN RNAMS CHA TSANG BAR DRIL NAS GDAMS PA'I MGUR DANG, GNAS DER SGOM RTZE GCIG TU MDZAD PA LA PHYI NANG GI RTEN 'BREL 'DZOMS PAS SPRO BA 'PHEL BA'I GTAM RIN PO CHE'I 'PHRENG BA ZHES BYA BA'I MGUR, DE NYID KYI DUR KHROD CHEN PO KA MA LA BDE BA CAN PA ZHES BYA BAR PHEBS PA NA GRUB PA'I DBANG PHYUG AA MO GHA DHVA DZA LA DPA' BO MKHA' 'GRO'I TSOGS BSAM GYIS MI KHYAB PAS BSKOR BA'I GZIGS SNANG MNGON DU GYUR NAS DE LAS BRTZAMS PA'I MGUR SOGS TSIG SBYOR RMAD DU BYUNG ZHING DON DPAG PAR DKA' BA'I NYAMS KYI SKYUGS PA (NYAMS KYIS PHYUG PA) DU MA YANG SKAL BA DANG LDAN PA RNAMS DAD PA 'PHEL BA'I RTEN DU LEGS PAR GSUNGS SO, ,HA RI'I RKANG 'THUNG RLUNG BZHON GYIS BSKYOD CING, ,RI DVAGS GZHON NU'I MIG ZUR AUTPAL DAG ,SPRO BZHIN RNGA MA'I RLUNG YAB G-YO BA CAN, ,MA LA YA YI RI BO GANGS CAN 'DIR, ,DAL GYIS 'ONGS 'DRA DBEN PA'I BSTI GNAS SU, ,GANG GI GSHOG RTZE G-YO BA'I 'THOR RLUNG GIS, ,RIN CEN RI BO MKHAR NYAL GRONG KHYER BCAS, ,RAB TU 'DAR BYED RGYAL BA'I YE SHES LNGA, ,'DAB BZANG DBANG PO'I GAR GYIS RNAM ROL BAS, ,MI BZAD SDER MO'I KYO BAS LAG 'GRO'I SNYING, ,PHYE MAR BYAS TSE RGYAL SRAS 'OD DKAR CAN, ,NYER 'TSE'I MUN CAN DGRA LAS RGYAL BAR GYUR, ,DE LTAR GNAS DER YE SHES KHYUNG KHRA'I GRUB PA BRNYES PA NAS BZUNG STE DUS NAM GYI TSE YANG CHAR
, ,'BEBS PAR GSOL BA 'DEBS PA BYUNG BA NA THOGS MED DU CHAR 'BEBS PAR NUS LA, KLU GDUG PA CAN DANG SA BDAG GNYAN PO LA SOGS PA GANG GIS KYANG BAR GCOD KYI MTSAN MA CUNG ZAD BYUNG BA'I GTAM GLENG RGYU MED PA YIN NO, ,DE NAS BYA RGOD AA LA PHUG TU PHEBS, GNAS DE NI AU RGYAN PADMA 'BYUNG GNAS DANG DRAN MCHOG AA MO GHA DHVA DZA LA SOGS PAS BYIN GYIS BRLABS SHING RANG BZHIN GYIS RIG PA DVANGS LA DGE SBYOR 'PHEL BA, GZHI BDAG RNAMS KYANG DKAR PO'I PHYOGS LA MNGON PAR DGA' ZHING DPA' BO DANG MKHA' 'GRO SPRIN BZHIN 'DU BA SOGS DBEN PA'I GNAS KYI YON TAN DU MA DANG LDAN PAR DGONGS NAS YUN RING DU BZHUGS, LAM GYI RTZA BA BSHES GNYEN BSTEN TSUL NAS BZUNG STE ZHI LHAG GI BAR GYI BYANG CHUB LAM GYI RIM PA'I DMIGS SKOR RNAMS DANG, DPAL 'KHOR LO SDOM PA DANG RDO RJE 'JIGS BYED LA SOGS PA'I BSKYED RIM LA THUN BZHI'I RNAL 'BYOR CHAG MED DU MDZAD CING ZAB LAM NI GU CHOS DRUG GI DMIGS SKOR RNAMS THUGS NYAMS SU BZHES, DE'I TSE NYA PA THOGS CIG GIS DANG POR DPON SLOB PA LA MTHO 'TSAMS PAR BRTZAMS KYANG THUGS DAM GYI SHUGS KYIS GLAGS MA RNYED, DE'I DGONG MO DE RNAMS KYI DBON PO DMAR RIL BA ZER BA ZHIG 'CHI NAD KYIS THEBS PA LA RJE 'DI PA GDAN DRANGS NAS SNGAS MGOR PHEBS TE KHO'I DON DU BAR DO 'PHRANG SGROL GYI GSOL 'DEBS TSIG DON PHUN SUM TSOGS PA ZHIG 'PHRAL DU THUGS RTZOM MDZAD, BLA MA MGON PO DBYER MED KYI GSOL 'DEBS DANG 'PHO BA'I DMIGS PA GSAL BTAB PAS 'PHO BA LEGS PAR
THEBS TE KHO'I RNAM SHES MIG G-YAS PA NAS THON PA'I RTAGS BYUNG BAS NYA PA RNAMS KYANG DAD PA MI PHYED PA DANG LDAN PAR GYUR TO, ,GZHAN YANG SOG PO 'DZUL KHUNG, MES PO DPRAL BA, MNGON TSANG, SNYIL PHU MDA', SA DANG NYUGS KYI PHU LA SOGS PA'I RI KHROD RNAMS SU DBYAR RE DGUN RE TZAM KHOR MO YUG TU BZHUGS NAS GONG DU BRJOD PA LTAR GYI THUGS DAM GYI RIM PA LA RTZE GCIG TU BRTZON PAR MDZAD CING, GNYAN KHROD BRGYA RTZA SOGS KYI SGO NAS SPYOD YUL GYI THUGS DAM YANG MTHAR PHYIN PAR MDZAD DE SGRUB PA SNYING POR MDZAD PA YIN NO, ,DBEN PA'I GNAS DAG TU THUGS DAM GYI RIM PA JI LTAR 'KHRUNGS PA DANG NGO MTSAR BA'I RTAGS JI LTAR BYUNG BA SOGS PHYOGS TZAM ZHIG BRJOD NA, DE YANG SNGA MO'I DUS NYID DU CHOS RJE BDE BA CAN PA BRGYA MTHA' DANG, CHOS RJE YON TAN PA SHO MA LUNG DANG, RJE 'DI PA LUNG BZANG NA BZHUGS PA'I TSE CHOS RJE BDE BA CAN PA'I GSUNG GIS, GNANGS NYIN NGED RANG RNAMS TSES BCU BYED PAS KHYED KYIS 'KHOR LO BDE MCHOG GI CHO GA 'DI ZUNGS SHIG CES BKA' GNANG BA LA, SNGAR THUGS LA 'DZIN MA MYONG YANG BDE MCHOG L'U YI PA'I CHO GA CHA LAG TSANG MA TSES DGU'I NYIN RANG LA SHIN TU BYANG BAR THUGS SU CHUD NAS SANG NYIN BYANG 'DREN GTZANG MAR PHER BA BYUNG BAS THAMS CAD YID CHES NGO MTSAR DU GYUR, LAN CIG NYUGS KYI NA KHRA NA BZHUGS NAS RDO RJE MKHA' 'GRO'I SBYIN SREG MANG DU MDZAD PAS MNAL LAM DU NYUGS LUNG PA'I NANG THAMS CAD BCOM LDAN 'DAS MI 'KHRUGS PA'I SKUS TIL GYI GANG BU LTAR GANG BA DANG, DAR LAM LAS NAM MKHA'
, ,LA THOGS MED DU GSHEGS PA SOGS KYI MNAL LTAS BYUNG, BYA RGOD AA LA PHUG TU BZHUGS DUS RDO RJE 'JIGS BYED DPA' BO GCIG PA ZHIG THUGS KA'I THAD KYI AA WA DH'U T'I'I NANG DU MNGON SUM LTA BUR YANG YANG GSAL BAR 'CHAR BA DANG, NI GU'I RMI LAM GYI GDAMS PA LA RTZAL 'BYONGS TE ZHING KHAMS DU MAR GSHEGS NAS SANGS RGYAS BYANG SEMS MANG PO'I ZHAL GZIGS PA DANG, SPRUL SGYUR SNA TSOGS NUS PA DANG, THA NA PHYAG PHYI BA RNAMS KYI LUS DANG SEMS KYI SPYOD TSUL SOGS KYANG JI LTA BA BZHIN GZIGS SHING, KHYAD PAR DU YANG RLUNG DBU MAR CHUD PA LAS LAM DUS KYI STONG PA BZHI JI LTA BA BZHIN NGOS ZIN PA BYUNG NGO, ,ZHES GSUNGS TE, DE YANG SNGA MO'I DUS BDE CHEN DU CHOS RJE YON TAN PA'I DRUNG DU PHYAG CHEN GYI KHRID GSAN PA'I TSE JI LTAR NGO SPRAD PA LTAR GYI DON LA BYING RGOD DANG BRAL BAR NYIN 'KHYONGS PA TZAM DU SEMS GNAS PA DANG, GTUM MO'I DROD 'BAR BA'I DON GYIS TSA THOG SGRUB PA MO ZHES PA ZHIG GI NANG DU CHU RA MA LA GOS GSUM TZAM G-YOGS KYANG 'KHYAGS NAS MI THUB PA LA RJE 'DI PAS SKU RGYAB GTAD NAS CUNG ZAD BZHUGS PAS 'KHYAGS PA RANG DROS TE PHYIN CHAD GTAN NAS MI 'KHYAGS PAR GYUR TO, ,ZHES GSUNGS TE, DE DAG KYANG BOD KYI GRUB THOB TU GRAGS PA PHAL CHER GYI RTOGS PA'I MTHAR THUG SHOS DE NYID THUGS LA 'KHRUNGS PAR SNANG BAS CHES YA MTSAN MOD KYI, 'ON KYANG GONG DU BRJOD PA LTAR BSGOMS STOBS KYIS RLUNG DBU MAR ZHUGS GNAS THIM GSUM BYED NUS PA DE LTA BU, DE DAG GIS CHA TZAM DU YANG BSGRUN PAR MI NUS PA'I RTOGS PA'I YON
TAN MI SLOB PA'I ZUNG 'JUG GI GO 'PHANG TSE 'DI NYID LA 'DREN PA'I LAM GYI RIGS THUGS RGYUD LA 'KHRUNGS PAR SNANG BAS CHES DPAG PAR DKA' BA'I RNAM THAR DU SHES PAR BYA'O, ,GZHAN YANG YI DAM CHOS SKYONG DU MAS RJES SU BZUNG BA DANG, MNGON PAR MKHYEN PA THOGS PA MED PA MNGA' BA SOGS KYI NGO MTSAR BA'I GTAM JI SNYED CIG MCHIS NA'ANG MA LUS PA BRJOD KYIS MI LANG ZHING, PHYOGS MTSON PA TZAM ZHIG 'OG TU 'GRO DON MDZAD TSUL GYI SKABS SU BRJOD PAR BYA'O, ,BYA RGOD AA LA PHUG LA SOGS PA'I RI KHROD RNAMS SU BZHUGS PA'I TSE GNAS SO SO'I GNAS BSTOD DANG, SGRUB PA PO PHO MO RNAMS LA GDAMS PA, RANG NYID LA GDAMS PA, GANG ZAG SO SO LA GDAMS PA, 'BRONG LA SOGS PA'I RI DVAGS RNAMS LA GDAMS PA SOGS KYI GSUNG MGUR DON PHUN SUM TSOGS PA, TSIG SBYOR RMAD DU BYUNG BA MANG DU SNANG NA YANG MGUR 'BUM LOGS SU BSGRIGS PAR BLTA BAR BYA'O,, SMRAS PA, SUM RTZEN DGA' MA'I MIG GI AUTPA LA, ,BRKUS PA'I RI DVAGS MO RNAMS MGRIN 'KHYOG CING,, GA BUR DRI BZANG G-YO BA'I RLUNG BZHON GYIS, ,'BIGS BYED RI BO PHYOGS 'DIR BKUG PA BZHIN, ,MKHA' LA SPRIN DKAR GSAR PA'I PHANG PHUNG DU, ,'KHRUL PA'I 'DAB BZANG TSOGS RNAMS GAR BYED CING, ,YID 'ONG MYOS PA'I SGRA 'BYIN GNYIS SKYES KYI; ;'PHRENG BAS LEGS PAR 'ONGS SAM 'DRI BA BZHIN, ,LHUN STUG ZLA SHEL BA GAM BRTZEGS PA'I NGOS, ,BSOD NAMS BRGYA PA'I MIG 'PHRUL MANDHA RA'I, ,GZI 'BAR CIR YANG 'CHAR BA'I SNANG BRNYAN GYIS, ,RAB GSAL NOR BU'I ME LONG NYE BA
, ,BZHIN, ,BRTAN G-YO'I DNGOS KUN BDE STONG ROL PAR NI, ,'CHAR BA'I TING 'DZIN SGO BRGYA 'BYED MTHONG NAS, ,NYON MONGS MUN PA'I TSOGS BZHIN MDA' LNGA PA, ,STOBS LDAN BZHIN DU MYA NGAN SA 'OG ZHUGS, ,ZLA NYI MTSAMS KYI MUN PA'I SGRIB G-YOGS DANG, ,BRAL BA'I MKHA' DBYINGS RTAG TU GNYID GYUR LAS, ,SAD TSE KHYOD SKU RIN CEN ZA MA TOG ,SGYU 'PHRUL DRA BA'I NOR BUS CI YANG MDZES, ,ZHES BYA BA NI RJE BTZUN GRUB PA'I DBANG PHYUG KUN DGA' RGYAL MTSAN DPAL BZANG PO'I NGO MTSAR BA'I GTAM BRJOD PA NOR BU'I THEM SKAS LAS RTZE GCIG TU SGRUB PA MDZAD PA'I THEM SKAS TE LNGA PA'O,, ` ,,DE LTAR RANG DON PHUN SUM TSOGS PA'I RNAM PAR THAR PA MDO TZAM DU BRJOD NAS, DA NI BSTAN PA DANG SEMS CAN GYI DON JI LTAR MDZAD PA'I TSUL CUNG ZAD BRJOD PAR BYA STE, DE YANG DRAN MCHOG RIN PO CHE MYA NGAN LAS 'DA' BA'I TSUL BSTAN, RJE 'DI PA GDAN SAR PHEBS NAS RING PO MA LON PA NA GANGS CAN GYI GRUB THOB CHEN PO 'GU RU RNON RTZE ZHES BYA BAS BYIN GYIS BRLABS SHING, BYA BTANG CHU'I RNAL 'BYOR DANG DRAN MCHOG DON YOD RGYAL MTSAN GYIS THOG MAR CHOS 'KHOR BSKOR BA'I GNAS NYUGS KYI RIN CEN GLING DU SGRUB PA MO TSUL KHRIMS 'BUM GYIS GDAN DRANGS NAS SKYA SER GYI TSOGS MTHA' YAS PA LA ZHI BYED LAM LNGA'I KHRID YONGS SU RDZOGS PAR GNANG, CHOS NYAN PA THAMS CAD KYANG MKHYEN RAB DPAG PAR DKA' ZHING GDUL BYA'I RNA BAR SKYEL MKHAS PA SOGS KYI SGO NAS CHOS KYI RO KHA NA MA THO BA MED PAS YONGS SU TSIMS TE MI PHYED PA'I DAD PA DANG
LDAN PAR GYUR NAS SA SGANG PA SOGS NYUGS STOD SMAD KYI YON BDAG RNAMS KYIS KYANG ZHABS TOG PHUL DU BYUNG BA BSGRUBS, THA NA TSOGS SU BSNGO BA MDZAD PAS KYANG DANG POR RANG GI 'OG TU MI 'JUG PA'I BLA MA RNAMS KYANG, SKU NAS GZHON NU 'DI 'DRA NAS MKHYEN RAB 'DI LTA BU MNGA' BA ZHES DPAG PAR DKA' BA'I NGO MTSAR GYI GNAS SU 'DZIN CING ZHABS RDUL SPYI BOS BLANGS SO, ,ZHES GRAG GO ,DE YANG GONG DU BKOD PA LTAR RJE A'A NAN TA PAS DAM PA KUN DGA'I RNAM 'PHRUL DU LUNG BSTAN CING, RJE RANG NYID KYIS RDO RJE GDAN DU LAM LNGA'I BSNYEN PA MDZAD PA'I TSE NA YANG MNAL LAM GYI TSUL DU GRUB CHEN KHYUNG PO RNAL 'BYOR NYID DNGOS SU PHEBS TE BO DHI TZE'I PHRENG BA BRGYA RTZA GCIG GNANG ZHING, ZHI BYED KYI CHOS KYI BDAG PO NI KHYOD YIN NO ZHES LUNG BSTAN PA MNGON DU GYUR PA SOGS KYI BYED PA LAS CHOS KYI BDUD RTZI THOG MAR STZAL BA YANG ZHI BYED YIN ZHING, PHYI NAS KYANG ZHI BYED KYI GDAMS PA LA BRTEN NAS PHAN THOGS BSAM GYIS MI KHYAB PA ZHIG BYUNG BA YIN NO, ,DE NAS RDO RJE GDAN DU DGE 'DUN PHO MO RNAMS KYIS THOG DRANGS PA'I CHOS NYAN MANG PO LA SPYAN RAS GZIGS KYI DMAR KHRID DANG BLO SBYONG LA SOGS PA GNANG, DE'I TSE CHOS GRVA NAS PHO YONG PHAG MO BSKYABS ZHES PA ZHIG GIS RJE 'DI PA SPYAN RAS GZIGS DNGOS SU MTHONG NAS NYAMS 'BAR BA SOGS NGO MTSAR BA MANG DU BYUNG, DE NAS BZUNG STE SKAL BA DANG LDAN PA'I TSOGS DU MA LA BYANG CHUB LAM GYI RIM PA, BLO SBYONG ZAB DON SOGS KYI KHRID DU MA DANG, RTA MGRIN YANG GSANG KHROS PA DANG, GSANG BDE 'JIGS GSUM SOGS KYI DBANG
, ,DANG RJES GNANG MANG PO LO SBREL DU GNANG, KHYAD PAR DU CHOS RJE BZANG PO RGYAL MTSAN PAS BKA' GNANG BA LA BRTEN NAS DPAL DUS KYI 'KHOR LO'I SGRUB MCHOD CIG 'DZUGS PAR BZHED DE SGRUB DKYIL RNAMS THUGS LA 'DZIN PAR DGONGS PA'I TSE SNGAGS MANG BA SOGS KYIS THOG MAR CUNG ZAD 'DZIN DKA' TZAM BYUNG, DE NAS MNAL LAM DU LAN CIG GI TSE RI MKHAR GYI 'DU KHANG YIN ZER BA ZHIG NA SKU GSUNG THUGS YONGS RDZOGS KYI RDUL TSON GYI DKYIL 'KHOR ZHIG SNANG BA LA RJE 'DI PAS DKYIL 'KHOR GYI STENG DU THEGS PAS RDUL TSON GYI RI MO CUNG ZAD KYANG MA ZUB PA'I NGANG NAS DKYIL 'KHOR GYI DBUS SU PHEBS PA NA BDE CHEN 'KHOR LO'I LTE BAR RJE NYID GSER GYI RNAM BCU DBANG LDAN ZHIG TU LAM GYIS GYUR NAS NUS MA BRGYAD KYI DBUS NA BZHUGS 'DUG PA DANG, CHOS RJE BZANG PO RGYAL MTSAN PAS DE NYID DU DUS KYI 'KHOR LO'I DBANG RDZOGS PAR GNANG BA'I MNAL LAM ZHIG BYUNG, DE NAS BZUNG STE BLO GROS KYI PADMO KHA BYE NAS MKHAS GRUB RJES MDZAD PA'I DUS 'KHOR GYI SGRUB THABS ZHAG BCU DRUG GIS THUGS SU CHUD DO, ,DE NAS LO SBREL MAR DUS 'KHOR GYI SGRUB MCHOD KYANG MDZAD CING, SKAL BA DANG LDAN PA 'GA' ZHIG LA DBANG YONGS SU RDZOGS PAR MDZAD DO, ,MKHAS GRUB DU MA'I THUGS BCUD 'OD STONG GI ,THIGS PAS LEGS BRAN MKHYEN YANGS 'DAB BRGYA PA, ,MI ZAD LEGS BSHAD SBRANG RTZI'I 'BYUNG GNAS DE, ,SKAL BZANG RKANG DRUG LDAN PA'I NYER 'TSOR GYUR, ,MDO DANG RGYUD SDE'I CHU GTER LAS 'ONGS SHING, ,MTHA' DAG SHES BYA'I MKHA' LAM KUN KHYAB PA'I, ,
SNGON MED BLO GROS DBYAR SKYES 'PHRENG BA LAS, ,LEGS BSHAD BDUD RTZI'I GRU CHAR CI YANG PHAB, ,YANG RDO RJE GDAN DU RNAL 'BYOR YAN LAG GI MTSAN MO'I RNAL 'BYOR LA GTZO BOR MDZAD PA'I SKABS SHIG GI TSE SPYIR YANG SOR SDUD KYI MTSAN RTAGS RNAMS GSAL BAR 'CHAR BA DANG, KHYAD PAR DU RTAGS SNANG (DAG SNANG) LA KYE RDOR MTSON CHA CAN GYI LHA TSOGS RNAMS YANG YANG GSAL BAR 'CHAR BA ZHIG BYUNG GSUNG ZHING, 'JAM DBYANGS BLA MA'I RNAL 'BYOR LA GTZO BOR MDZAD PA'I SKABS SHIG GI TSE MNAL LAM DU 'JAM DBYANGS GTZO 'KHOR LNGA PO CHES GSAL BA LA RJE RANG NYID SOG PO'I RGYAL POR GYUR NAS SENG GE'I KHA MTHUR NAS 'JUS TE RJE BTZUN GYI ZHAL GYI DKYIL 'KHOR LA GZIGS PA SOGS NGO MTSAR BA'I MNAL LTAS DU MA YANG DE DAG GI TSE NA BYUNG SNANG NGO, ,DE NAS LCAGS PHO STAG GI LO LA BO DONG AE'I CHEN PO NAM MKHA' BZANG PO ZHES BYA BAS GDAN DRANGS NAS BYANG RI DGA' LDAN DU PHEBS, NI GU CHOS DRUG GI CHOS SKOR RNAMS RDZOGS PAR GNANG, CHOS NYAN YANG MTHA' YAS PA BYUNG ZHING KHYAD PAR DU 'GA' ZHIG LA NYAMS KHYAD PAR CAN 'BAR BA SOGS YA MTSAN PA'I SGO DU MA BYUNG, DE NAS BYA RGOD GSHONGS SU PHEBS, SKYE BO'I TSOGS STONG PHRAG DU MA 'DUS PA LA BSNYUNG GNAS DANG, TSE RTA SBRAGS MA'I DBANG MO CHE SOGS GNANG, MKHAN CHEN SPYI BO LHAS PA'I DBANG BUM BAR SNANG MA ZHES GRAGS PA DE YANG SHUGS KYIS PHYAG TU BABS, DE NAS SNYING RIR PHYAG PHEBS, CHEN PO BAS THOG DRANGS SKAL LDAN MANG PO LA AU RGYAN BSNYEN SGRUB RDZOGS PAR GNANG ZHING, RTA MGRIN YANG GSANG
, ,GI DBANG GNANG BAS SLOB MA 'GA' ZHIG GIS RJE NYID RTA MGRIN DNGOS SU MTHONG BA SOGS NGO MTSAR BA BYUNG ZHING, RJE RANG NYID KYIS KYANG MNAL LAM GYI NGANG NAS DPAL RTA MGRIN ZHAL PHYAG YONGS SU RDZOGS PA'I SKUR BZHENGS TE DE LAS KYANG SPRUL PA'I KHRO BO NAM MKHA'I KHAMS GANG BAR SPROS NAS BRTUL ZHUGS KYI RTA BRO MDZAD PA SOGS YA MTSAN PA'I LTAS KHYAD PAR CAN MNGON DU GYUR, DE NAS BRAG RAM DU PHEBS, CHOS SKYONG LA MCHOD GTOR RGYAS PAR MDZAD PAS DNGOS SU DANG MNAL LAM SOGS SU JI LTAR BSGO BA'I LAS THAMS CAD BSGRUB PAR ZHAL GYIS BZHES PA SOGS GRUB PA'I MTSAN MA BSAM GYIS MI KHYAB PA BYUNG, DE NAS JO NANG DU PHEBS, GNAS MJAL MDZAD CING DE NA BZHUGS PA'I THUGS DAM PA MANG PO LA 'DOD CHOS DU MA GNANG, DE NAS SNYING PO RDZONG DU PHEBS, DON GNYER CAN MANG PO LA GCOD KHRID RDZOGS PAR GNANG, DE LTAR GNAS DE DAG TU BSTAN PA DANG SEMS CAN GYI DON DPAG TU MED PA MDZAD, SLAR RDO RJE GDAN DU PHYAG PHEBS, DE LTAR BRAG RAM DU CHOS SKYONG GIS NYID KYI 'PHRIN LAS BSGRUB PAR ZHAL GYIS BZHES PA LA BRTEN NAS BSNYEN SGRUB RKANG TSUGS PA ZHIG MDZAD PAR DGONGS TE SA'I BRAG DMAR DU SKU MTSAMS DAM PAR BCAD NAS THUGS DAM LA BZHUGS PAS MNAL LAM DU MDUN GYI NA THOG GI RDZING DE NYID KHRAG GI MTSO CHEN PO ZHIG TU GYUR CING, LUS LA GO TSANG MA BGOS SHING RU MTSON GYIS NYI ZLA 'GRIBS PA LTA BU'I MI NYAG GI RTA PA'I DMAG GIS LUNG PA KHENGS PA SOGS MANG DU BYUNG ZHING, KHYAD PAR DU CHOS SKYONG RANG NYID KYIS, SNYIL GYI
ZHANG LCAM DKAR LEGS KYI RTZAR SONG LA SGRUBS SHIG CES LUNG BSTAN PA DANG, SNGAR BRAG RAM DU'ANG, G-YA' DMAR KHYUNG GSHOG TU SGRUB PA GYIS, DER NGA 'ONG ZHES GSUNG BA ZHIG YOD PAS DE GNYIS DON GCIG PAR DGONGS TE G-YA' DMAR KHYUNG GSHOG TU SGRUB PA MDZAD PAS ZHAL MNGON SUM DU GZIGS PA YIN NO, ,ZHES GRAG GO ,DE'I DON GYIS RJE 'DI PA'I SKU GSUNG THUGS LA 'GAL BA BGYIS PA SOGS LA CHED DU GTAD PA'I LAS SBYOR SOGS MA MDZAD KYANG MNGON TSAN CAN GYI RTAGS DANG MTSAN MA 'PHRAL DU 'BYUNG BA'I LO RGYUS KYANG SHIN TU MANG STE, ZUR TSO LHA CHUNG BA'I BYA KHA BA ZHES PA ZHIG GIS SPE BAR NAS BLA MA BKRA SHIS PA'I RTA RJE 'DI PA'I CHIBS LA G-YAR NAS BZHAG PA BRKUS, RGYA 'DRE'I GCOD 'BREG RNAMS KYANG DGONGS PAR SON PA MA BYAS PA LA RJE 'DI PA'I MNAL LAM DU RDO RJE GDAN GYI GONG KHA NA RJE'I ZHAL SNGA NAS KYANG BZHUGS 'DUG PA LA, DGUN SA'I ZHING STENG NA CE SPYANG DMAR PO CHEN PO ZHIG 'DUG PA DE BRGYUGS NAS ZUR TSO NA RA'I STENG NA LUG KHYU ZHIG SNANG BA'I KHROD NAS LUG CIG KHYER NAS SA'I CHU PHA RI LA BYAS DGON PA PHYOGS LA KHYER BYUNG BA LA RJE NYID KYIS KYANG SGUG SDOD MDZAD PA'I TSUL GYIS RGYA SGO'I MDUN DU PHEBS PA NA SNGAR GYI SPYANG KHU DE MI DMAR PO CHEN PO PHYAM TSE GYON PA PHYAM TSE'I THU BA'I PHAG NA SNGAR GYI LUG RO DE YIN GYU BA (RGYU BA) KHYER BA ZHIG TU GYUR PA DANG BSDEBS NAS GZIMS KHANG MDUN DU PHEBS PA DANG DE NA RDO LEB DKAR PO ZHIG YOD PA'I STENG DU MI DES PHYAM TSE'I PHAG NAS MI'I RO ZHIG BTON NAS BZHAG SONG BA'I MNAL LAM BYUNG, DE NAS ZHAG
, ,'GYANGS TZAM MED PAR BYA MA RDO RA ZHES BYA BA ZHIG 'DAS, DE NAS BZUNG STE 'DI PA'I RIGS RGYUD CHAD PA LA THUG NAS GUS BTUD BZOD GSOL SOGS PHUL CING, KHONG TSO'I RGYA 'DRE'I GROGS BYED MI 'GA' ZHIG LA'ANG RTAGS DANG MTSAN MA MANG PO BYUNG NAS GUS PAS BTUD CING, PHYIS MI PHYED PA'I DAD PA DANG LDAN PAR GYUR, DE BZHIN DU RTZA BRGYAD PAS RJE 'DI PA'I SKU LA BSNGO BAR BRTZAMS PAS MNAL LAM DU RTZA BRGYAD KYI LCAGS RI'I STENG DANG KHANG PA'I STENG RNAMS NA THUG DMAR POS KHENGS 'DUG PA LA THUG DE RNAMS KYIS 'KHRABS TE KHANG PA DANG LCAGS RI RNAMS THAL BAR BYAS, DE NAS THUG GZHAN RNAMS DKYIL GYI THUG CHE BA ZHIG LA THIM PA SOGS BYUNG, DE'I LO ZLA'I DUS TSOD LA MNAL LAM JI LTA BA BZHIN RTZA BRGYAD PA YUL BTON, KHANG GZHIS RNAMS KYANG SA BRDAL DU SONG ZHING BAN DE 'GA' ZHIG GIS KYANG SKU SROG LA BSNGO BAR BRTZAMS PAS SRIN BYAS KHANG THOG TU DGOD PA DANG, KHRAG SKYUGS TE GLO BUR DU 'DAS SHING, KHA CIG SRANG BAR DU KENG RUS DANG MNGON SUM DU PHRAD DE RNAM RTOG LANGS BZHIN PA'I NGANG NAS DE MA THAG SHI BA'I LO RGYUS KYANG SNANG NGO, ,YANG 'DI NAS KYI MGON G-YAG CIG THAG KHANG MO CHE PA'I JAG PAS KHYER NAS BSAD DE MGO BAR KHANG DANG RNGA MA DANG PAGS PA 'OG KHANG DU BZHAG PAS MGO BOS BAR KHANG DU NGAR SGRA BYAS PA DANG, RNGA MAS 'OG TU 'KHRABS TE 'OG KHANG GI KA BA SGYEL NAS THOG BRDIBS TE MI MANG PO SHI BAS RTOG PA LANGS, PHYIS GUS PAS 'DUD PA DANG BZOD GSOL SOGS KYANG LEGS PAR PHUL LO, ,'DI DAG NI MDO TZAM BRJOD PA STE
ZHIB PAR BRJOD KYIS MI LANG NGO, ,DE BZHIN DU DPAL YE SHES KYI MGON PO PHYAG DRUG PA NI YAB MES GONG MA NAS KYI BKA' SRUNG GI GTZO BOR SNANG LA, LHAG PAR DU YANG RJE 'DI PAS GRUB PA'I MTSAN MA PHUL DU BYUNG BA'I LO RGYUS KYANG MANG STE, 'DRE GROG DGON GSAR DU BLA MA BKRAS DON PA BSNYUNG NAS RJE 'DI PA GDAN 'DREN ZHUS, MGON PO'I RJES GNANG ZHIG GNANG BAS DE'I TSE GZIGS SNANG LA ZA RA'I PHU NAS YE SHES KYI MGON PO STENG GI NAM MKHA' LA PHEBS TE, DA LAN GYI NAD PA 'DI NAD LAS MYUR DU GROL BAR 'GYUR RO, ,ZHES LUNG BSTAN PAS DE KHO NA BZHIN DU GYUR, LAN CIG RKYANG PHU PHYOGS SU DKAR THOG LA PHEBS PA'I TSE CHIBS MDZO GNYIS BOR NAS PHYAG PHYI BA RNAMS KYIS 'TSOL DKA' BAR BYUNG STE RTAB RTAB POR GYUR PA NA ZHAL SNGA NAS, MDANG YE SHES KYI MGON PO RMI LAM DU BYON BYUNG STE, MDZO GNYIS PO MI'U MCHED BDUN GYI RI BRAG SA NA YOD GSUNG BAS DER TSOL ZHES BKA' GNANG BA LTAR BTZAL BAS LEGS PAR RNYED, LAN CIG SKYID PHUG TU ZHI BYED KYI KHRID GNANG BA'I SKABS SHIG GI TSE YE SHES KYI MGON PO'I GTOR SGRUB CIG MDZAD PA'I DUS GLO BUR DU SA G-YO BA DANG, SGRA CHEN PO GRAG PA SOGS LTAS DANG CHO 'PHRUL CHEN PO DANG, KHYAD PAR LCE NAG HRIL ZER BA'I BTZUN MA RTZA BZANG BA ZHIG LA GNOD SBYIN KshE TRA P'A LA BABS NAS GAR RNAM 'GYUR DU MA DANG LUNG BSTAN DU MA BYED PA SOGS NGO MTSAR BA BYUNG, YANG BDE BA CAN DU CHOS RJE GO 'JO BA BZHUGS NAS DKAR GUR ZHIG 'TSEM BZHED PA DE'I ZHAL BKOD LA RJE 'DI PHEBS PA ZHIG BYUNG NA DGONGS PA'I TSE LHUN GRUB
, ,RTZER RJE 'DI PA'I MNAL LAM DU TRAKSHAD RKANG THANG GI TSUL GYIS MDUNG DMAR PO KHYER BA ZHIG RJE SRONG STENG NA TSUR BYUNG STE MDUNG DE RJE 'DI PA'I PHYAG TU GTAD NAS, CHOS RJE'I BKA' LUNG LA KHYED LA MYUR DU BDE BA CAN DU BYON CIG GSUNG, ZHES GSUNG BA'I MNAL LAM ZHIG BYUNG BAS, DE MA THAG BDE BA CAN DU BYON PAS CHOS RJE BZANG RGYAL BA'I GSUNG NAS, KHYOD 'BOD MKHAN GTONG BA LA THUG YOD PAS DA LAN SHIN TU SKABS SU BAB PA ZHIG BYUNG GSUNG DGYES DGYES MDZAD, MKHAS GRUB KHYUNG PO'I SKU BZHENGS PA'I SKABS SU YANG BAR CHAD BZLOG PA SOGS KYI DON DU TRAKSHAD KYI GLO BUR LAS BCOL GYI GTOR MA ZHIG SROD KYI GNAS SKABS SU MDZAD PA DE'I DPAL 'BAR RLUNG GIS KYANG MA BSAD PAR NAM LANGS KYI BAR 'BAR BZHIN PAR GNAS TE THAMS CAD YA MTSAN GYI GNAS SU GYUR PA BYUNG NGO, ,DE'I DON GYIS YE SHES KYI MGON PO LA BTZUGS PA'I MGON G-YAG CIG PHO YONG BA'I RU BA SA PA NANG PA'I CHAGS KHA NA YOD PA'I TSE LHUN GRUB RTZE PA'I 'BROG PA AA RIN PA ZER BA ZHIG GIS BRKUS NAS GTZUG RGYAN DU GSOD PAR BRTZAMS TE GRI BTON PAS, NGA MTSON 'DI LTA BU'I 'OG TU 'CHI DGOS PA YONG SNYAM PA MA BYUNG ZHES MGON G-YAG GIS KHA LABS, MGON PO ZHAR BA ZER BA ZHIG RNAM RTOG ZOS NAS MGON G-YAG 'BUL DU 'ONGS, GUS BTUD DANG BZOD GSOL BYAS SO, ,DE BZHIN DU DPAL LDAN DMAR ZOR RGYAL MOS KYANG LAN CIG MNAL LAM DU CHIBS KYI DRE'U LA BSKYON TE NAM MKHA'I MTHONGS LA GDAN DRANGS PA DANG, LAN CIG GI TSE SHEL DKAR GYI 'PHRENG BA PHYAG TU PHUL BA
SOGS MNAL LAM DU NGO MTSAR BA'I CHO 'PHRUL DU MA BSTAN CING, CHOS RJE DKON BZANG BA BSNYEL BA'I SKABS SHIG TU NAM MKHA' MDZOD DU RJE 'DI PAS PHEBS ZHAG TU BZHUGS PA'I MNAL LAM DU RNAM SRAS SER CHEN GYIS PHYAG G-YAS KYI RGYAL MTSAN LAN GSUM GYI BAR NAM MKHAR 'PHYAR BA'I MNAL LAM BYUNG BAS, DA LAM SNYUNG GZHI 'DI LAS MYUR DU GROL ZHING SKU TSE MTHAR PHYIN ZHIG 'ONG ZHES LUNG BSTAN PAS DE KHO NA BZHIN BYUNG NGO, ,LAN CIG SLOB MA 'GA' ZHIG LA DAM CAN CHOS KYI RGYAL PO'I RJES GNANG MDZAD PA'I TSE DAM CAN GYI SKU'I SNANG BA DNGOS SU 'BYUNG PO ZHIG GIS 'KHRID PAR BRTZAMS PA NA DAM CAN GYIS 'BYUNG PO ZHIG GIS 'KHRID PAR BRTZAMS PA NA DAM CAN GYIS BSKYABS TE SRUNG BAR MDZAD PA DANG, CHOS MDZAD 'JAM YE BA SOGS KYIS SKYID SBUG TU CHOS SKYONG ZHAL GYI RJES GNANG ZHUS PAS DE'I SNGA NUB MNAL LAM DU A'A TZ'AR+YA ZHIG GIS DUNG CHEN GYI PHRENG BA ZHIG PHYAG TU PHUL NAS, PHYIN CHAD SNGAGS MANG DU ZLOS SHIG CES GSUNG BA'I MNAL LAM GSUNG BA SOGS MDOR NA DPAL YE SHES KYI MGON PO PHYAG DRUG PAS THOG DRANGS PA'I CHOS SKYONG SRUNG MA MTHA' YAS PA'I SKU DANG GSUNG GI GNANG BA MNGON DU GYUR PA DANG, BRAN BZHIN DU 'PHRIN LAS SGRUB PA SOGS KYI LO RGYUS JI SNYED CIG MCHIS NA YANG PHYOGS TZAM ZHIG SMOS PA YIN NO, ,RTA LJANG SHING RTAS MA DRANGS SHING, ,SHAR RI'I RTZE LAS MA BYUNG YANG, ,'GRO 'DI CIG CAR SNANG BYED PA'I, ,NAM MKHA'I NOR BU 'DI NGO MTSAR, ,MDZES SO NYI ZLA'I SNANG BAS LHA YI LAM, YONGS 'DU'I RKANG 'THUNG MCHOG GIS MTHO RIS
, ,DANG, ,DRI ZHIM 'DAB BRGYA'I PHRENG BAS YID BZHIN MTSO, ,KHYOD KYIS (KHYOD NI) SKAL LDAN 'GRO 'DI'I COD PAN NO, ,ZHI ZHING DUL BA'I CHU YIS GANG GYUR KHYOD SKU BDUD RTZI'I CHU GTER MIN NAM KHRO BO'I GAR GYIS JI LTAR ROL, ,ZAB YANGS MGRIN PA'I RDZA RNGA SGROG MKHAS KHYOD GSUNG NGANG PA'I DED DPON MIN NAM DRAG SNGAGS 'BRUG SGRA JI LTAR BZHED, ,SPROS PA'I SPRIN TSOGS NYE BAR ZHI BA KHYOD THUGS NAM MKHA'I KLONG YANGS MIN NAM BDUD DPUNG PHYE MAR JI LTAR 'THAG ,MA LUS PHAN BDE'I LO TOG SKYED BYED MDZAD PA RGYA MTSO'I GOS CAN MIN NAM 'JIGS PA'I RTA BRO JI LTAR MDZAD, ,DE NAS RDO RJE GDAN NYID DU YANG RTA MGRIN YANG GSANG GI DBANG YONGS SU RDZOGS PA, LAM RIM, GSANG BDE SOGS KYI BSKYED RDZOGS, ,DPE CHOS RIN SPUNGS, GCOD YUL SKOR SOGS GSUNG CHOS MANG DU GSUNGS SHING, DGUN PHAL CHE BA NYUGS KYI SKYID SBUG SOGS SU BZHUGS NAS SKAL BA DANG LDAN PA RNAMS LA GANG LA GANG 'OS KYI 'DOD CHOS LHUG PAR STZOL BZHIN PA'I NGANG NAS DRAN MCHOG DON YOD PA'I PHYI RTEN DU MKHAS GRUB KHYUNG PO'I SKU 'DRA LI MA SKU TSAD CHE ZHING BYON LEGS PA NGO MTSAR BA DANG, GZIMS MAL THAD SKU GTZANG KHANG GI DRAN MCHOG RIN PO CHE'I SMAN SKU'I SKU TSAD MA SOGS MANG DU BZHENGS SHING, MKHAS GRUB KHYUNG PO'I SKU BZHENGS PA'I TSE SPRA BTON PAS SPRA TSIL LAS YID BZHIN NOR BU BSAM 'PHEL GYI GZUGS RANG BYON DU BYUNG BA DANG, SKU TSE DGUNG LO BRGYAD CU THUB CING SKU SKYE BA PHYI MA LA BDE BA CAN DU 'KHRUNG BA SOGS LUNG BSTAN NGO MTSAR BA BYUNG ZHING, DE NAS
RING POR MA LON PA NA MGON PO YID BZHIN GYI NOR BU'I SKU DANG, LCAGS PHO BYI BA'I LO LA RJE BTZUN TZONG KHA PA CHEN PO DANG DRAN MCHOG RIN PO CHE'I SKU RNAMS SKU TSAD CHE ZHING BYIN RLABS KYI GZI 'OD 'BAR BA DANG BCAS PA BZHENGS, CHU PHO STAG GI LO LA YE SHES KYI MGON PO PHYAG DRUG PA'I LO SKU RTZE KHRU GANG PA ZHIG BZHENGS NAS RJE NYID KYI RAB GNAS RGYAS PAR MDZAD PAS YE SHES PA DNGOS SU THIM PA'I GZIGS SNANG KHYAD PAR CAN BYANG ZHING, GONG DU BRJOD PA LTAR CHOS SKYONG 'DI NYID LA MCHOG TU MNGA' BRNYES PA'I DON GYI LHUN GRUB RTZE'I BDE GSAL DU RJE 'DI PAS NANG BA'I SKU RIM LA MGON PO'I GTOR SGRUB SOGS MDZAD CING BZHUGS PA'I TSE DBU MDZAD NAM MKHA' RGYAL MTSAN GYIS PHYAG PHYI BYED KYIN YOD PAS KHONG GIS GTOR PHYE LEN DU PHYIN NAS 'KHOR YONGS PA'I TSE PHYAG PHYI BA GZHAN 'ONG DON MED PA LA STENG NA ZHABS BRGYA DI RI RI 'DUG PA CI ZHIG YIN SNYAM DU CUNG ZAD 'GRO MA NUS, DE NAS PHYIN PA NA SKU MDUN NA CI YANG MI 'DUG PAS DA LTA'I GSUNG SGROS DI RIR GNANG BA'I ZLA BO DE JI LTA BU LAGS ZHUS PAS, KHYOD KYIS KYANG DE 'DRA TSOR BA YIN NAM, YE SHES KYI MGON PO PHEBS NAS, 'DI NA CHAG SGO'I RNAM PA 'TSUB TZAM 'DUG PAS MYUR DU DGON PAR SONG GSUNG BYUNG BA YIN, LAR YE SHES KYI MGON PO 'DI DANG NGED GNYIS MI LAB LAB YOD PA YIN ZHES GSUNG ZHES KYANG GRAGS SO, ,DE BZHIN SKYID SBUG TU BZHUGS NAS THUGS DKRUG MI 'GA' ZHIG LA DRAG PO'I LAS SBYOR ZHIG MDZAD PA DGONGS YOD PA'I TSE MGON PA'I LCAM LHA MO RE MA TI PHEBS NAS, DE 'DRA'I LAS SBYOR
, ,NGANG SONG GI RGYU YIN PAS MA BYED, NAG PHYOGS KYI BSAM SBYOR NGAN PA NGAS ZHI BAR BYED PA YIN NO, ,ZHES GSUNGS SO, ,DE NAS CHU MO YIS KYI LO LA BLA MA TSOGS PA DPON SLOB RNAMS BYON NAS GSOL BA BTAB PA LA BRTEN AU RGYAN BSNYEN SGRUB CHA LAG YONGS SU RDZOGS PA DANG GZHAN YANG DBANG RJES GNANG MANG DU GNANG, SHING PHO 'BRUG GI LO LA 'DU KHANG GI SHING CHA RNAMS SNGAR NGAN PO RANG LAS MED PA LA MA LUS PA BRJES TE BZANG KHYON DANG LDAN PAR MDZAD CING RJE NAM MKHA'I RNAL 'BYOR GYI RNAM THAR BKOD PA BCOM LDAN 'DAS SMAN PA'I RGYAL PO DANG TSE DPAG TU MED PA'I ZHING KHAMS RNAMS GSAR DU BZHENGS, CHOS NYAN GYI SOGS MANG PO LA BLA MA RNAMS KYI RNAM THAR GYIS THOG DRANGS PA'I ZHI BYED KYI GDAMS PA CHA LAG YONGS SU RDZOGS PA; GLEGS BAM YI GE CHEN MO'I DBANG SOGS DANG BCAS PA LEGS PAR GNANG BAS SKAL BA DANG LDAN PA RNAMS CHOS KYI 'BYOR PA DAM PAS TSIM PAR MDZAD, ME PHO RTA'I LO LA DPAL LDAN DMAG ZOR GYI RGYAL MO, CHOS SKYONG BEG TZE LCAM SRING RNAMS DANG, SNGAR MGON KHANG NA YE SHES KYIS MGON PO LCAM DRAL DANG GNOD SBYIN KshE TRA P'A LA STE GTZO 'KHOR GSUM GYI SKU LAS MED PA LA GNOD SBYIN LHAG MA GSUM GYI SKU DANG BCAS PA DAR SKU BYON LEGS SHING NGO MTSAR BA BZHENGS, DE'I TSE RTEN DE RNAMS BZHENG 'PHRENG YONG BA'I TSE SKU MTSAMS BCAD RGYA SOGS MED PA PHYI MI MANG TZAM BYUNG BA'I NUB GCIG MNAL LAM DU DPAL LDAN DMAG ZOR GYI RGYAL MO PHEBS TE, KHYED KYIS NGA'I YAN LAG DANG NYING LAG RNAMS MA TSANG BA'I SKABS SU MI SU BYUNG LTAR
BCUG NAS ZHES BKA' BKYON CING RJE NYID LHA MO'I PHYAG TU BLANGS NAS NAM MKHA' LA SGO NGA SKYUR BA BZHIN DU MDZAD PA'I MNAL LAM ZHIG BYUNG, DE NAS SKU KHAMS CUNG ZAD BSNYEL BA LA SKU MTSAMS LEGS PAR BCAD DE BSKANG BSHAGS LA GTZO BOR BRTEN PAS BSNYUN LAG GROL BAR GYUR TO, ,GZHAN YANG BLA MA YI DAM CHOS SKYONG SOGS KYI GSER SKU MI MA DAR SKU THANG KA LA SOS JI SNYED CIG GSAR DU BZHENGS, 'O BRGYAL BA'I GNAS NAS SKU BLU BA SOGS MDZAD PAS, SNGA GONG DU DRAG MCHOG RIN PO CHES BZHENGS PA'I BRIS SKU CHEN PO GSUM TZAM ZHIG GIS THOG DRANGS PA'I 'BUR DOD DANG BRIS SKU 'GA' ZUNG LAS MED PA LA PHYIS RTEN GSUM RNAMS MTHA' YAS PAR 'PHEL ZHING GSAR BZHENGS RNAMS A YANG RAB GNAS RGYUD SDE DANG MTHUN PAR LEGS PAR MDZAD DE, YON CHAB, ME TOG SPOS, DKAR ME, ZHAL ZAS, ROL MO LA SOGS PA'I MCHOD PA BZANG ZHING GYA NOM PA BKOD PA RMAD DU BYUNG BA DANG BCAS DBYAR DGUN STOD DPYID KHOR MO YUG TU GTZO BOR RJE RANG NYID KYIS PHYAG LA DAR (BDAR) ZHING, GZHAN DAG KYANG BYED DU 'JUG PA SOGS KYI SGO NAS RGYAL BA SRAS BCAS DGYES PA RMAD DU BYUNG BA SKYED PA'I THABS LA 'GRAN PA'I ZLA THAMS CAD DANG BRAL BA'I BRTZON PA LHUR MDZAD PAS DGE BA'I BSHES GNYEN PHU CHUNG BA CHEN PO LA SOGS PA BKA' GDAMS PA GONG MA RNAMS KYI PHYAG BZHES KYI SROL BZANG PO SKYONG BAR MDZAD PA YIN ZHING, DE'I THUGS RJE LAS RJE RANG NYID BZHUGS PA YAN CHAD DU SA PHYOGS 'DI DAG TU YANG LO LEGS PA DANG, CHAR DUS SU 'BAB CING 'BRU PHYUGS 'PHEL
, ,BA SOGS BKRA SHING DANG DGE MTSAN MTHA' YAS PA'I BKA' DRIN RMAD DU BYUNG BAS KHYAB PAR MDZAD PA YIN NO, ,PHUL BYUNG MKHYEN DGONGS DAG PA'I ME LONG NGO, ,BSOD NAMS BRGYA PA'I MTSAR SDUG GANG SNANG BA, ,DE DAG MTHO RIS BZO BO LAS KUN PAS, ,PHYOGS 'DIR MIG GI BDUD RTZIR SPUNGS PA BZHIN, ,DAD PA ZLA SHEL NOR BU'I GZHAL MED CHER, ,SRAS BCAS RGYAL BA'I SKU GZUGS BGRANG YAS KYI, ,MDUN SAR MKHA' KHYAB MCHOD SPRIN DRA BA CAN, ,'DI NI KUN TU BZANG PO'I RNAM SPRUL LO, ,SPROS KUN NYER BZHI'I 'CHI MED SKYED TSAL DU, ,RMAD BYUNG BSOD NAMS RDZOGS PA'I DRI BZANG CAN, ,RGYAL SRAS SPYOD PA'I 'DAB STONG DGOD PA DE, ,MTHA' DAG SKYE RGU BUNG BA'I GNYEN DU GYUR, ,DE NAS ME PHO RTA'I LO NAS BZUNG STE LO SUM SBREL GYI BAR DU DGUN SKYID PHUG TU BZHUGS NAS SKYA BTZUN MANG PO LA CHE KHRID, BYANG CHUB LAM RIM, ZAB DON SKOR, ZHING BYED LA SOGS PA GSUNG CHOS MANG DU GSUNGS, KHYAD PAR SA PHO SPRE'U'I LO LA RJE'I SKU LA LAM RIM BRGYUD PAS BSKOR BA'I BRIS SKU ZHIG BZHENGS, LHA BRIS PA DPON CHOS GRAGS PAS GSER BRIS MDZAD PA'I SKABS ME TOG GI CHAR MTHA' YAS PA KHANG PA'I THOG LAS THAL BYUNG BABS TE SKU'I CHA SHAS RNAMS LA CHAGS, DE DUS RJE'I ZHAL NAS, SUL KHRIMS GTANG LA ME TOG 'BAB, ,ZER BA YIN PAS RANG RE YON MCHOD TSUL KHRIMS GTANG GRAGS PA YIN LAS CHE ZHES KYAL KA YANG GSUNG, DE NAS BKRA SHIS LHUN POR PHEBS TE 'JAM DBYANGS CHOS SKOR DANG, MGON PO SKOR SOGS KYI RJES GNANG DANG, NI GU CHOS DRUG
DANG, PHYAG CHEN SOGS KYI DMIGS SKOR YANG GSUNGS, GNAS RNYING NAS 'PHAGS PA SPYAN RAS GZIGS DBANG BYUG GI RNAM SPROL DON GYI SLAD DU MTSAN NAS SMOS TE MKHAN PO RIN PO CHE KUN DGA' BDE LEGS RIN CEN RGYAL MTSAN DPAL BZANG PO'I DRUG DU MGON PO 'KHOR BRGYAD KYI RJES GNANG, SNYING ZHUGS KYI DMIGS SKOR SOGS LEGS PAR GNAS TO, ,DE NAS LCAGS PHO KHYI'I LO LA DBYAR SOS BLA MA SKYA RA BAS GDAN DRANGS NAS SKYA RA CHOS SDINGS SU PHEBS DER SGRUB PA PO PHO MO MANG PO LA NI GU CHOS DRUG DANG SU KHA'I CHOS DRUG SOGS ZAB CHOS MANG DU GNANG ZHING, DE DUS RI KHAD MTHO BA'I DON GYIS KHA BA NANG MA MANG PO SBREL MAR BABS PA LA PHYAG PHYI BA RNAMS KYIS SNGA BAR LANGS NAS GZIMS GUR GYI GANGS 'PHYAG TU PHYIN PAS 'PHYAG RGYU MI 'DUG PAS, JI LTAR LAGS ZHUS PAS, d'A KI MA RES PHYAGS 'GRO YIN 'DUG PA YIN NO, ,ZHES KYANG GSUNG NGO, ,DE NAS YANG THAG GI SGAL PO DGON GSAR DU RNAM RGYAL BAS SPYAN DRANGS TE PHEBS, ZAB DON DMAR KHRID SOGS MANG DU GSUNGS SHING, GNAS DER PHEBS GDONG DU DE'I GZHIR BZHUGS PA 'GA' ZHIG LA CHOS SKYONG GI CHO 'PHRUL NGO MTSAR BA DU MA BYUNG ZHES GLENG, DE NAS SHING MO YOS KYI LO BLA MA TSOS PAS GDAN 'DREN ZHUS, TSOGS BRAG DKAR DPAL RIR PHEBS, DER CHOS NYAN MTHA' YAS PA LA ZHI BYED CHA LAG TSANG MA, ZAB DON, PHA RGOD KUN DGA' BZANG PO'I MGUR 'BUM RNAMS THAR SOS GSUNG CHOS MANG DU GSUNGS SHING, DE'I LO PHYI MA LA BLA MA TSOGS PA GSHEGS PA MNGON MKHYEN GYIS DGONGS NAS, NGED LO PHYI
, ,MA LA 'DIR SLEBS DGOS PA 'DUG CES SOS GSUNGS PA RNAMS DE KHO NA BZHIN DU GYUR CING, DE DUS SA BOD 'BROG GI MI THUGS RJE BZANG MO, BSOD DPAL, 'BROG PA GCIG RNAMS 'DAS YOD PA 'DUG CES BKA' GNANG BAS DE NAS ZHAG MANG MA SONG BAR DE TSO'I BYANG BU 'BUL MKHAN SKU MDUN DU SLEB PAS 'KHOR THAMS CAD NGO MTSAR DU GYUR, DE NA SHIN TU LKOG TU GYUR PA'I GNAS RNAMS MNGON MKHYEN GYIS THOGS MED DU DGONGS NAS GSUNGS PA'I LO RGYUS MANG DU SNANG STE; NYUGS SU SGRUB PA MO DPAL 'BUM GYIS RJE RIN PO CHE 'DI SNGA GONG PHYAG DBANG KHYAD 'PHAGS GNANG GIN YOD PA LA DA CHE LUGS GNANG NAS PHYAG DBANG THAD DKAR MI GNANG BA 'DUG CES PHAG TU LAB PAS DE'I SANG NYIN RJE'I ZHAL NAS KHYOD LA PHYAG DBANG KHYAD 'PHAGS MA BYUNG ZER BA G-YA' GSUNG NAS PHYAG MGO THOG TU BZHAG PAS LHAG PAR DAD PA SKYES, YANG RIN CEN PHUG NAS DRANG DGE BAS RJE 'DI SKYID PHUG NA BZHUGS DUS SHA KHOG GCIG DANG MAR DRIL GCI 'BUL GRABS BYAS PA LA DRUNG SOG PAS DA LDAN MAR 'DI 'THEN ZHES BZHAG NAS KHONG RNAM GNYIS KYIS SKU MDUN DU MJAL DU PHYIN DUS DRUNG DGE BA LA SPYAN CES TE GZIGS NAS, KHYOD KYI GROS THOG TU MA BYUNG AANG GSUNGS PAS GNYIS KA DAD PA RANG DBANG MED PAR SKYES, YANG BTZUN MA BKRA SHIS RGYAL MO ZER BA ZHIG GIS RIN CEN RTZE'I LHO SOG NAS JA ZHIG BRKUS NAS CHOS MDZAD BSOD NAMS RGYAL MO LA BCOL, DES DE NAS BTON NAS CHOS MDZAD 'OD GSAL RGYAL MO LA GTAD DE RJE'I DRUNG DU ZHUS PAS, JA ZHIM, RKUN MA
LA'ANG RKUN MA BYUNG AA, HA HA ZHES GSUNGS PAS THAMS CAD DAD PAR GYUR CING, YANG CHOS MDZAD MA CHOS SGRON BZANG MO DANG SGRUB PA MO DPAL 'BUM GNYIS KYIS RJE'I ZHAL SNGA NAS YOL DKAR NA BZHUGS PA LA MJAL BAR YONGS TE RNAM RGYAL SGANG DU TSA BA BYAS, DER SGRUB PA MOS, CHOS MDZAD MA, TSA BA GDAN NON PA BYAS PA DRAG AA MA SANGS RGYAS RGYAL MO PHYAG 'PHRA BAS YA GI RU GDAN NON PA MI 'ONG ZHES GLENGS NAS SKU MDUN DU PHYIN DUS SU DRO GNANG, RJE'I ZHAL NAS, AA MA PHYAG 'PHRAS PAS GDAN MI NON NO BSKYAR MA ZO ZHES GSUNGS PAS GNYIS KA NGO MTSAR DU GYUR PA SOGS BRJOD LAS 'DAS PA ZHIG GNANG STE 'DIR MTSON PA TZAM ZHIG SMOS PA YIN NO, ,DE LTAR TSOGS SU 'GRO DON RGYA CHE BAR MDZAD, DE NAS KHRO PHUR PHEBS, DPON SLOB MANG POS RJE BTZUN GYI DRUNG DU MCHOD PA DANG SMON LAM RGYA CHEN PO MDZAD, DE NAS BRAG RAM MKHAN PO DKA' BCU PA SMRA SENG BAS GDAN 'DREN ZHUS BRAG RAM DU PHEBS, RTA MGRIN YANG SANG GI DBANG GIS THOG DRANGS PA'I CHOS SKOR MANG DU GNANG, DE NAS BO DONG BKRA SHIS SGANG DU PHEBS TE SKYE BO'I TSOGS MANG PO LA TSE RTA SBRAGS MA'I TSE DBANG GNANG, DE DUS SENG GI RTZE NAS BDAG MO DRUNG GIS PHEBS DGOS PA'I GDAN 'DREN BYUNG NA'ANG, STOBS KYI 'KHOR LO SGYUR BA CHEN PO DON YOD RDO RJE RGYAL PO'I DRUNG GIS NANG PA RI MKHAR BA GDAN 'DREN DU MNGAGS TE BSAM GRUB RTZER SPYAN DRANGS GSAR RNYING GNYIS KA'I PHYOGS LA BRTEN PA'I CHOS KYI BKA' MCHID MANG DU MDZAD PAS THUGS PHROGS PAR GYUR, RTA MGRIN YANG GSANG DANG CHOS SKYONG BEG TZE
, ,SKOR SOGS KYI GDAMS NGAG YIG CHA'I RTZAD GCOD MANG DU MDZAD, DE NAS THAG GI BRAG CHEN DU PHEBS NAS SNYING PO DON GSUM SOGS GSUNG CHOS MANG DU GNANG NGO, ,YANG LEGS PA SPEL DU GSANG BA 'DUS PA'I SGRUB MCHOD LA PHEBS PA'I SKABS SHIG GI TSE LO TOG RNAMS NYI MA'I GDUNG BAS LHAG PAR GTZES TE CHAR 'BEBS PAR GSOL BA BTAB PA LAS NYIN ZHIG 'TSENGS LHAS SU PHEBS, PHYAG PHYI BA RNAMS CHU MIG 'CHOS SU BCUG STE RJE NYID CUNG ZAD MNAL BA NA GZIMS MAL DU 'PHRANG GI KLU BDUD DE RTA PA NAG PO ZHIG TU SPRUL NAS BAR CHAD BYA BA'I PHYIR BYUNG BA LA CHOS SKYONG BEG TZE LCAM SRING CE SPYANG CHEN PO GNYIS SU SPRUL TE THUR LA DED NAS TSAR BCAD PA'I MNAL LAM ZHIG BYUNG GSUNG ZHING, DO NUB CHAR CHEN PO KHA BA CHAGS PA ZHIG YONGS GSUNGS BKA' GNANG BAS DE KHO NA BZHIN BYUNG NGO, ,DE YANG RJE 'DI NYID BZHUGS KYI RIN (RING) LA DBYAR DUS SU THAN PA'I GNOD A BYUNG BA NA RTA NAG GI STOD SMAD RNAMS SU LO LO BZHIN CHAR 'BEBS MDZAD PAS ZHAG RE RE GNYIS GNYIS LAS 'GYANGS MI SRID PAR CHAR BSAM GYIS MI KHYAB PA PHAB STE LO TOG PHUN SUM TSOGS PAR MDZAD PA 'DI TZAM GYI BKA' DRIN YANG YONGS KYIS BSAB PAR SLA BA MIN NO, ,DE BZHIN DU SKYE BO GANG DAG DUS KYI PHO NYAS GLO BUR DU KHRID DE TSE'I DUS BYAS PA RNAMS KYANG RJE 'DI NYID KYI THUGS DAM RIN PO CHE'I SKYABS 'OG TU CHUD PAR MDZAD, RGYUD SDE'I CHO GA RNAM PAR DAG PAS DE DAG GI SDIG SGRIB SBYANGS SHING GNAS SPOR BA SOGS MDZAD PA LAS SDIG CAN PHAL CHER YANG NGAN SONG GI G-YANG SA LAS BSKYABS
TE MNGON MTHO'I RTEN KHYAD PAR CAN RNYED NAS SKYE BA DRAN PA GRANGS LAS 'DAS PA ZHIG BYUNG BA THAMS CAD KYIS MNGON SUM DU GYUR PA YIN LA, DE'I DON GYIS GSHIN PO RNAMS KYI CHED DU DMIGS TE 'BREL BA SHUL NAS MCHIS PA RNAMS KYIS RDZAS NOR SHAS CHER SKU MDUN NYID DU PHUL ZHING, RTA RDZI GCIG NYID KYI LAG TU 'GRIMS PA'I RTA RANG LA YANG BRGYA DANG BCU TZAM ZHIG BYUNG SNANG NGO, ,DE NAS KHRAG SKYUG CES BYA BA CHU MO PHAG GI STON RGYAB DBUS PHYOGS NAS MJAL DU YONGS TE BDAG CAG RNAMS KYIS GSOL BA BTAB PA LA RGYUD SDE LNGA'I DBANG GI THOG DRANGS PA'I SHANGS PA'I NI GU DANG PHYAG CHEN SOGS KYI SNGAR MA THOB PA'I BKA' LUNG PHAL CHE BA PHYAG RGYA CHEN PO RNAL 'BYOR BZHI RIM GYI KHRID, KUN RIG DGYES RDOR THOD PA CAN, 'KHOR LO CHEN PO, GDUGS DKAR RNAMS KYI DBANG, SGRUB THABS RGYA MTSO'I RJES GNANG CHA LAG TSANG BA, KHRO BO SME BRTZEGS, YI DAM GYI SNGAGS BTU'I RJES GNANG, 'KHRUL 'KHOR GYI PHYAG KHRID DANG LUNG LA SOGS PA RNAMS DANG, RTE'U LO PA LA SOGS PA'I LAS TSOGS KYI SHIG DRIL PHAL CHE BA'I LUNG, BIR SRUNG, BIR SGRUB, CHOS BDAG AA GHO RA, TSE RING MCHED LNGA'I RJES GNANG SOGS BKA' LUNG RJES GNANG MTHA' YAS PA DANG, SDE SNOD 'DZIN PA KUN DGA' BLA MA PA SOGS SNGAR MA THOB PA 'GA' ZHIG GI DON DU CHOS SKYONG DREGS PA LCAM SRING GI RJES GNANG YANG MDZAD, LEGS PA SPEL NAS BZUNG STE LHUN GRUB GLING YAN CHAD KYI RTA NAG PHU MDA' PHAL CHE BAR PHEBS TE GANG LA GANG 'OS KYI CHOS KYI BKA' DRIN STZAL BA DANG, THA NA ZHAL MTHONG BA DANG GSUNG THOS
, ,PA; PHYAG DBANG DANG BYIN RLABS THOB PA SOGS KYI SGO NAS KYANG SKYE BO'I TSOGS DU MA SMIN GROL GYI LAM LA 'GOD PAR MDZAD DO, ,'DIR SMRAS PA, LEGS BSHAD CHU KLUNG MA LUS 'DU BA'I GZHI, ,MKHYEN RAB RTA GDONG ME NI RAB 'BAR ZHING, ,SKAL BZANG LAG 'GRO'I TSOGS KYIS BSTEN BYA BA, ,MTSO CHEN NGUR SMRIG ZOL LA BRTEN PA BZHIN, ,YID CAN SNYING LA 'KHU BA'I SLOB MA YI, ,GRONG KHYER BZHIN DU KUN RMONGS MTHOR BRTZEGS PA, ,LEGS BSHAD NYAG PHRAN G-YO BAS PHYE MA LEB,, DUS MTHA'I ME DANG PHRAD PA BZHIN DU BYAS, ,MGUL NAG RAL PA'I KLONG BZHIN THUGS RJE'I DNGOS, ,DAG BYED THABS MKHAS DZA HU'I BU MO NI, ,'CHOL PA'I SPUN BZHIN NYAM THAG 'GRO 'DI YI, ,RMAD BYUNG THAR PA'I ZAM STEGS NYID DU GYUR, ,NOR 'DZIN MUN PA'I GO SKABS 'PHROG BYED CING, ,MCHOG TU DKAR BAR MTSUNGS KYANG MGON KHYOD KYI, ,MDZAD PA RI BONG CAN MIN LUS CAN GYI, ,NYES SPYOD TSANG TSING MA LUS SREG PHYIR RO, ,MTHA' DAG SKYE RGU STENG DU 'DEGS BYED CING, ,MA LUS PHAN BDE'I LO TOG SKRUN PA 'DI, ,NOR GYI BLO GROS MA 'AM MGON KHYOD CES, ,BDAG YID THE TSOM KHYOGS LA 'PHYANG MO YUG ,JI SNYED KHAMS DANG BSAM PA'I RI MO 'DI, ,DPAG DKA' DBANG PO'I GZHU LTAR RNAM BKRA BA, ,'PHROG BYED MIG STONG LDAN PAS MA MTHONG YANG, ,KHYOD THUGS DAG PA'I SHEL LA MNGON SUM MO, ,SHUGS DRAG SDUG BSNGAL GSUM GYI RLABS PHRENG CAN, ,'JIGS RUNG MI BZAD SRID PA'I KLONG 'KHOR DU, ,THOG MED DUS NAS NUB PA'I SKYE BO KUN, ,MGON KHYOD THUGS RJE'I GRU YIS
SGROL GYUR CIG ,CES BYA BA NI RJE BTZUN GRUB PA'I DBANG PHYUG KUN DGA' RGYAL MTSAN DPAL BZANG PO'I ZHAL SNGA NAS KYI NGO MTSAR BA'I GTAM BRJOD PA NOR BU'I THEM SKAS LAS BSTAN PA DANG SEMS CAN GYI DON RGYA CHER MDZAD PA'I THEM SKAS TE DRUG PA'O,, ` ,,DE NAS KHRO BO ZHES PA SHING MO GLANG GI LO'I STON LA BAB PA NA SKU DNGOS KYIS GDUL BAR BYA BA'I SKAL BA DANG LDAN PA RNAMS LA GSUNG GI THA MA STZAL BAR BZHED PA DANG, STOD SMAD KYI SA PHYOGS RNAMS SU ZHABS KYI PADMO NYE BAR BKOD PA LAS BKRA SHIS KYI DGE MTSAN RGYA CHER 'BYUNG BAR DGONGS TE, DA LO MIN PA ME TOG BYED PA MI YONG BAS RTA NAG PHU SKOR RNAMS SU ME TOG CIG BYED CES BKA' GNANG NAS NYUGS YAN RNAMS SU PHEBS, DE YANG SA SGANG DU PHEBS DUS CHOS MDZAD 'JAM YE BA LA; KHYED DAM TSIG GTZANG BAS MA 'ONGS PA BYUNG NA NGED KYI SKU GDUNG GI ZHABS TOG BYED DGOS SO ZHES BKA' GNANG STE NYUGS KYI ME TOG GRUB NAS DPAL RGYAS SU PHEBS, NANG PAS ZHABS TOG PHUL DU BYUNG BA MDZAD, DE DUS MNAL LAM DU DRAN MCHOG RIN PO CHE PHEBS NAS, DAM NYAMS KYI DKYIL DU MA SDOD PAR 'PHO BA THOB CES BKA' GNANG BA'I MNAL LAM ZHIG BYUNG ZHING, DE NAS LHUN GRUB RTZE LEGS PA SPEL RNAMS SU RIM PAS HEBS TE LHUN GRUB RTZE NAS NANG PAS THOG DRANGS SBYIN BDAG BU SLOB RNAMS KYIS RNYED BKUR DRI MA MED PAS MCHOD NAS DGON PAR PHYAGS PHEBS, MGO ZLA'I SGRUB MCHOD GROL 'PHRAL NAS CUNG ZAD SKU BSNYUNG BA'I TSUL BSTAN BZHIN PA'I NGANG NAS SA'I RDZONG DU PHEBS TE NANG PA ZHAL NGO RNAMS LA DBANG RJES GNANG
, ,SOGS DU MA GNANG, NANG PAS KYANG SKU KHAMS KYI 'PHROD BSTEN ZHU BA SOGS ZHABS TOG LEGS PAR BSGRUBS SHING, DE DUS MNAL DU SONG LA MA SONG ZHIG GI SKABS SU, DA DPE CHA LHA RTEN RNAMS LA BSDU TSOMS SHIG BYAS NA RAN ZER BA'I SGRA LHANG BA ZHIG KYANG SNYAN DU BYUNG ZHES GSUNG, DE NAS SKU KHAMS DVANGS BSKYED CHE BAR MA BYUNG BAR DGON PA NYID DU PHEBS TE RDO RJE GDAN PA'I DGE 'DUN RNAMS KYIS ZLA SPREL DU CHOS SKYONG GI GTOR SGRUB, TSA TSA 'BUM THER SOGS SKU RIM LA 'BAD PA CHER BYAS SHING, RI MKHAR, MKHA' SPYOD, LEGS PA SPEL SOGS SU'ANG SKU RIM SPONG THAG SOGS RGYA CHEN PO BSGRUBS, DE MTHUN DU DBUS PHYOGS SU YANG DGE LDAN RVA SGRENG SOGS SU MANG JA BZANG PO BSGRUBS TE GSUNG RAB KLOG 'DON, TSA TSA 'BUM THER SOGS SKU RIM LA 'BAD PA CHER BGYIS NA YANG DVANGS BSKYED TZAM MA BYUNG BA'I SKABS SHIG GI TSE DRAN MCHOG RIN PO CHE PHEBS NAS, DA 'PHO BA THOB 'PHO BA THOB CES LAN GSUM GYI BAR DU GSUNGS NAS DBU SKYA YER GYIS GSHEGS SONG BA DANG, YANG LAN CIG AA MA KUN DGA' DPAL MOS RTA DKAR PO ZHIG KHRID NAS BYON BYUNG STE, BLA MA MKHA' SPYOD DU SPYAN 'DREN DU YONGS PA YIN ZHES ZHU BA'I MNAL LAM DANG, YANG MNAL LAM DU MI ZHIG GIS, SNGAR MKHAS GRUB KHYUNG PO'I DUS KYI MDA' LNGA PO DE 'DI YIN NO ZER MDA' LNGA PHYAG TU PHUL BA ZHIG BYUNG GSUNG STE DE NA SNGAR DGUNG LO BRGYAD CU THUB PA'I LUNG BSTAN GYI STENG NAS LO LNGA DUS CIG TU RDZOGS PA'I LTAS SU MNGON NO, ,DE LTAR GLANG GI LO RDZOGS NAS, ZAD PA ZHES BYA BA ME PHO
STAG GI LO SHAR BA'I HOR ZLA DANG PO'I TSES BCO BRGYAD TZAM GYI SKABS SU, CHOS PA 'CHI BA'I SKABS SU GANG LA YANG MA CHAGS PA ZHIG DGOS PA YIN GSUNG NAS PHYAG DPE DANG THUGS DAM THANG SKU SOGS GTOS CHE BA YANG DGON PA'I DGE 'DUN RNAMS LA GNANG SBYIN MDZAD, NAD PA LA NGA LAS SKYID PA MI YONG, GNAS KHANG BDE MO NI YOD, YO BYAD GANG LA'ANG MA THOGS TZAM DANG, G-YOG BYED MKHAN SOGS KYANG LEGS PO YOD PA YIN ZHES THUGS BDE BA'I BKA' LUNG YANG YANG GNANG, DE TSO'I SKABS SU LAN CIG MNAL LAM LA BUD MED SHIN TU MCHOR BA'I KHROM CHEN PO DO RA BYAS PA'I DBUS NA BUD MED MTSAN LDAN ZHIG GIS BYANG DRANGS (BYANG 'DREN) NAS KAm KA NI'I SNGAGS KYI SGRA DBYANGS SU BSGRAGS TE, 'DIR TSOGS PA YI 'GRO BA LA, ,KAm KA NI YI SGRA BSGRAGS PAS, ,NYON MONGS DRI MA KUN BYANG NAS, ,MNGON DGA'I ZHING DU SKYE BAR 'GYUR, ,ZHES GLU DBYANGS SU BYAS NAS 'THEN PA ZHIG BYUNG GSUNG STE DE NI SNGA GONG NAS BCOM LDAN 'DAS MI 'KHRUGS PA LA THUGS DAM GYI MTHIL DU MDZAD NAS MNGON DGA'I ZHING DU 'KHRUNG BA'I THUGS 'DUN DRAG PO DANG, DE'I RTEN 'BREL BSGRIG PA'I CHED DU BCOM LDAN 'DAS MI 'KHRUGS PA'I LI SKU ZHIG KYANG BZHENGS PA MDZAD DE, DE'I THUGS KYI SMON PA 'GRUB PA'I LTAS SU MNGON LA, YANG MNAL LAM DU BCOM LDAN 'DAS DMAG ZOR RGYAL MO'I ZHING YIN ZER BA ZHIG TU PHEBS NAS DER RJE NYID MNGON PAR RDZOGS PAR 'TSANG RGYA BA'I TSUL STON PA DANG, DUS BZHI'I LHA MO RNAMS KYIS MCHOD PA DANG BKUR STI CHEN PO BYED PA'I MNAL LAM DGONG GCIG
, ,LA LAN GSUM GYI BAR BSKYAR GYIN BYUNG ZHING, YANG MNAL LAM ZHIG TU RJE BTZUN 'JAM PA'I DBYANGS KYI ZHING DU PHEBS NAS 'TSANG RGYA BA'I MDZAD PA STON PA'I MNAL LAM ZHIG KYANG BYUNG STE, DE'I TSE RJE'I ZHAL NAS, 'JAM DBYANGS BLA MA'I RNAL 'BYOR 'DI DGE SBYOR GYI MTHIL DU BYAS PAS YIN PA 'DRA ZHES SOGS GSUNG ZER TE, DE YANG SNGA MO'I DUS NYID NAS THO RANGS KYI SKABS SU MGON PO LHA BZHI'I TING NGE 'DZIN GYI DBANG BLANG BA DANG, SNYING ZHUGS MKHA' SPYOD DKAR PO'I 'PHO BA DANG BCAS PA, DE NAS 'JAM DBYANGS BLA MA'I RNAL 'BYOR TING NGE 'DZIN GYI DBANG BLANG BA DANG, YI DAM GYI BSAM GTAN NYAL CHOG GI SRUNG BA, 'KHOR LO SDOM PA L'U DRIL GANG RUNG GI SGRUB DKYIL CHAG MED, ZA BYED RDO RJE MKHA' 'GRO'I SBYIN SREG BCOM LDAN 'DAS RDO RJE MI 'KHRUGS PA'I CHO GA ,DKAR GTOR CHA BZHI LA SOGS GTOR MA'I RIM PA DU MA DANG, BLA MA SANGS RGYAS BYANG SEMS RNAMS KYI BSTOD PA SMON LAM SOGS MANG DU MDZAD CING, DKON COG GI RTEN RNAMS KYI DRUNG DU MCHOD PA MTHA' YAS PA PHYAG BDAR TE 'BUL BA SOGS MDZAD LA, TSA BA THON NAS GTOR MA BRGYA RTZA CHAB GTOR, KLU GTOR DRUG CU MA SOGS GTOR MA'I RIM PA MANG DU MDZAD CING, SMAN PA'I RGYAL PO'I MTSAN BRGYA RTZA, GUNG GI GNAS SKABS NAS BZUNG STE DPAL RDO RJE 'JIGS BYED BCU GSUM MA'I BDAG BSKYED RDZOGS PAR MDZAD DE, ZHI KHRO SBRAGS SGRUB KYI MAN NGAG GI STENG NAS AA RA PA TZA NA KHRI RE DANG, SPYAN RAS GZIGS KYI SGOM BZLAS DANG MA nI KHRI RE TZAM MA CHAG PAR MDZAD CING, PHYIS DUNG PHYUR
SONG BA NA DUNG SO YANG LEGS PAR 'KHRUNGS, PHYI DRO YI DAM GYI BZLAS PA RGYUN RING DU MDZAD CING YI GE BZHI PA DANG, SENG GDONG MA SOGS ZLOG PA'I RIM PA DANG, SROD LA GSANG BDE 'JIGS GSUM, DGYES RDOR, RTA MGRIN, MGON PO DKAR NAG RNAM SRAS, PHYAG BZHI PA, GUR ZHAL, DPAL LDAN DMAG ZOR MA, CHOS BDAG AA GHO RA, CHOS SKYONG BEG TZE, DAM CAN CHOS RGYAL, TSE RING MCHED LNGA, BRTAN MA BCU GNYIS SOGS GZHI BDAG RNAMS DANG BCAS PA'I GTOR 'BUL RGYAS PA, MA GCIG GI GCOD YUL GYI DMIGS SKOR, BLO SBYONG GTONG LEN GYI DMIGS PA, LTA BA'I DMIGS RNAM SKYONG BA, N'A RO NI GU'I CHOS DRUG BDE MCHOG L'U DRIL SOGS KYI BSKYED RDZOGS DMIGS RNAM SKYONG BA SOGS THUGS DAM GYI SGRIGS RIM CHAG MED DU MDZAD PA RNAMS KYANG DE DUS SU'ANG CUNG BSDUS PA TZAM MA GTOGS MA CHAG PA MDZAD CING DE DUS ZHABS DRUNG NA YOD PA RNAMS LA BKA' LUNG LA, SNGA GONG YIN NA 'DUS PA'I BSRE BA'I SKOR RNAMS GOMS PO YOD PAS BSKYANGS NA'ANG YONG BA YOD DE, DUS PHYIS NA SO RGAS PA DANG, 'PHRAL GYI G-YENG BAS KHYER BA SOGS KYIS 'DOD PA BZHIN 'ONG BA CUNG DKA' BAS, YAB MES GONG MA RNAMS KYANG YE SHES KYI MGON PO'I SGO NAS 'PHO BA MDZAD PAS DE BZHIN DU MGON PO'I 'PHO BA 'DI LAG THOG TU KHEL NGO SHES PA ZHIG YOD TZA NA, GTUGS PA'I RNAM PA BYUNG NA KHYED RANG RNAMS YE SHES KYI MGON PO'I SKU 'DRA RNAMS SPYAN DRONGS, MCHOD GTOR GANG LCOGS SHOMS LA MDUN BSKYED RGYAS PAR BSGRUBS NAS BLA MA MGON PO DBYER MED KYI GSOL 'DEBS GDANGS
, ,RING DU GYIS LA RNA BA'I BU GAR LHANG GIS SGROG PA DANG, DE BZHIN GSHEGS PA'I RING BSREL, MKHA' SPYOD KYI RIL BU BSGRUBS BSGRUBS PA DANG BCAS PA RNAMS LCE'I STENG DU ZHOG ,MGON PO KRIG ZHABS MA'I GOS THANG ZHIG KYANG 'PHRAL DU BZHENG DGOS SO ZHES BKA' GNANG, NYER BDUN GYI NYIN BLA MA DPAL LDAN 'PHEL LA, DI RING TSES DU YIN ZHES RTZAD GCOD GNANG DUS, DE RING NYER BDUN LAGS ZHUS PAS, DE GTUGS 'DUG CES GSUNGS TE, DE NI GNAM GANG LA GZHAN DON LA DGONGS PAR THUGS RTZE GTAD PAR MNGON NO, ,DE NAS ZLA BA DE'I GNAM GANG GI NYIN SKU MDUN NA YOD PA RNAMS KYIS SNGA GONG NAS BKA' LUNG GNANG BA BZHIN MCHOD GSHOM SOGS LEGS PAR BYAS, YI DAM GYI BDAG BSKYED RDZOGS PAR BSGOMS, YE SHES KYI MGON PO'I MNGON RTOGS, SPYAN 'DREN, MCHOD 'BUL RNAMS TSAR NAS BLA MA MGON PO DBYER MED KYI GSOL 'DEBS 'THEN PA'I DRIN CAN RTZA BA'I BLA MA LA GSOL BA 'DEBS SO ZHES PA'I SKABS SU ZHAL DBUGS NANG DU DRANGS TE ZHABS RDO RJE'I SKYIL KRUNG DU BZHUGS PA'I NGANG NAS STONG PA GSUM RIM GYIS THIM STE, CHOS THAMS CAD GNAS LUGS STONG PA NYID DANG RO GCIG PA'I BDE BA CHEN PO'I YE SHES KYI RANG BZHIN CHOS SKU'I NGANG DU MNYAM PAR BZHAG PAR GYUR TO, ,'DIR SMRAS PA, THUGS RJE'I CHAR ZIM SNYOMS PAR G-YO BA CAN, ,YONGS 'DZIN DBYAR SKYES DBANG PO DBYINGS SU THIM, ,THAR 'DOD CHU SKYAR RE BA 'BRAS MED BYAS, ,MYA NGAN CHO NGES 'DEBS LAS 'OS CI YOD, ,SHUGS RING RLUNG GIS SBAR BA'I SDUG BSNGAL MED,,
SNYING GI CHU GTER KHOL BA'I CHU THIGS DAG ,MIG GI 'DAB MA'I NGOS LAS 'BAB PA NI, ,BZHIN GYI DRI MA 'KHRU BAR BRTZON PA BZHIN, ,KYI HUD DAM PA NYIN MO'I MGON, ,ZHI BA NUB KYI RI RTZER 'DZEGS, ,MYA NGAN MUN PA'I KHANG KHYIM DU, ,MYOS PA BZHIN DU RING ZHIG 'KHYAMS, ,DGA' LDAN 'CHI MED TSOGS RNAMS KYIS, ,'JIG RTEN MIG GCIG DE PHROGS NAS, ,ME TOG CHAR PA'I ZIL DAG GIS, ,BYIS PA BZHIN DU BDAG CAG 'BRID, ,DE YIS SUM RTZEN DGA' MA RNAMS, SKYENGS PAS BZHIN RAS DUD GYUR NAS, ,'JA' TSON GSAR PA'I DU GU LAS, ,MTHO RIS 'JIG RTEN BSGRIBS PA BZHIN, ,'DZIN MA'I GTZUG GI YID BZHIN NOR, ,GLO BUR NYID DU STOR BA NA, ,SHUGS DRAG GDUNG BA'I DRI BZHON GYIS, ,BSKYOD NAS YANG YANG 'DOR BZHIN, , DE TSE 'BYUNG PO KUN GYI YUM, ,KYI HUD 'DI NI NYAM THAG CES, ,SPRIN BRAL KUN GSAL MDZES MA NI, ,SMRE SNGAGS CHO NGES SGROG PA BZHIN, ,DE LTAR BRTAN DANG G-YO BA'I DNGOS PO KUN, ,SNYING LA GDUNG BA'I GNAS SKABS BSTEN MTHONG NAS, ,BDE CHEN BDUD RTZIS RAB MYOS ZLA ZHAL GYI, ,'DZUM DKAR BDUD RTZI'I CHAR PA CI YANG PHAB, ,SKU GSUM GO 'PHANG MTHON PO'I GZHAL MED CHER, ,SRID PA'I NYI MA BRTOL NAS GSHEGS GYUR PA, ,NE TZO GZHAN BZHIN DRANG SRONG MCHOG DE YI, ,THUGS RJE'I GZIGS PA 'BRAL BA MED GYUR CIG ,CES BYA BA NI RJE BTZUN GRUB PA'I DBANG PHYUG KUN DGA' RGYAL MTSAN DPAL BZANG PO'I ZHAL SNGA NAS KYI NGO MTSAR BA'I GTAM BRJOD PA NOR BU'I THEM SKAS LAS CHOS KYI SKU MNGON DU MDZAD PA'I THEM SKAS TE BDUN PA'O,, ` ,,DE NAS
, ,HOR ZLA GNYIS PA'I TSES GCIG NAS BCO LNGA'I BAR CHO 'PHRUL CHEN PO'I DUS CHEN GYI RING LA THUGS DAM LA BZHUGS, DE'I TSE DGON PA'I STENG GI NAM MKHA' LA 'JA' TSON GYI GUR DANG, PHYOGS MTSAMS RNAMS SU LDA LDI LTAR BRES PA LA SOGS NGO MTSAR BA'I LTAS DU MA DANG, ME TOG GI CHAR YANG LAN MANG BYUNG NGO, ,DE LTAR THUGS DAM LA BZHUGS NAS DGUNG ZHAG MA RDZOGS KYI BAR DU RJE RANG GI ZHAL NAS KYANG, NGED 'DAS NAS DGUNG ZHAG GI RING LA GSANG BDE 'JIGS GSUM GYI SGRUB MCHOD RE DANG, YE SHES MGON POS THOG DRANGS PA'I CHOS SKYONG RNAMS KYI GTOR 'BUL RNAMS KYANG MA CHAG PAR GYIS ZHES BKA' GNANG BA DANG ,THUN PAR SDE SNOD 'DZIN PA SH'ANTI PA DANG, CHOS MDZAD 'JAM YE BA LA SOGS PA DAM TSIG DANG SDOM PA LA GNAS SHING LHA'I RNAL 'BYOR LA GOMS PA'I RDO RJE'I SLOB MA RNAMS KYIS DPAL GSANG BA 'DUS PA DANG RDO RJE 'JIGS BYED KYI SGRUB MCHOD RNAM PAR DAG PA CHOS SKYONG RNAMS KYI GTOR 'BUL DANG BCAS PA RGYUN LDAN DU BYAS SHING BLA MA DANG DKYIL 'KHOR GYI GTZO BO THA MI DAD PA LA PHYI NANG GSANG BA DE KHO NA NYID KYI MCHOD PAS MNYES PAR BYAS TE THUGS KYI DGONGS PA YONGS SU DGANG BA DANG, DE'I MTHU LAS BSTAN PA DANG SEMS CAN LA PHAN PA RGYA CHEN PO 'BYUNG BA'I SMON LAM DANG GSOL BA 'DEBS PA RGYA CHER MDZAD, CHOS RJE BDE BA CAN PAS THOG DRANGS PA'I DGE 'DUN BRGYA PHRAG DU MA LA ZHABS 'BRING BA RNAMS KYIS DO DAM BGYIS NAS SNGA JA DGONG JA ZA MA DUS BZHI LA SOGS PA'I ZHABS TOG RMAD DU BYUNG BA BGYIS TE DGONGS RDZOGS SNGA NUR DU
BSGRUBS SHING, STOD SMAD KYI GRVA BU SLOB RNAMS KYIS KYANG SKU GDUNG GI ZHABS DRUNG DANG 'DU KHANG RNAMS SU DKAR ME'I PHRENG BA GSER GYI MCHOD SDONG STAR LA BSGRIGS PA LTAR TSAR DU DNGAR BAS THOG DRANGS PA'I MCHOD PA PHUL DU BYUNG BAS DGYES PA RMAD DU BYUNG BA BSKYED PAR BYAS SO, ,DE NAS SNGA GONG NAS BKA' LUNG GNANG BA LTAR DPON CHOS GRAGS PA GDAN DRANGS TE MGON PO'I GOS THANG GI SKYA RIS BTAB NAS SKU GDUNG SPYAN SNGAR GDAN DRANGS TE DKAR ME KONG BU GANG PHUL BAS NYIN ZHAG PHRUGS GNYIS SBREL NAS BZUNG, DE NAS CHO 'PHRUL CHEN PO'I TSES BCO LNGA'I NYIN THUGS DAM LAS BZHENGS PA DANG, SNGA GONG NAS BKA' LUNG GNANG BA LTAR CHOS MDZAD 'JAM YE BAS ZHABS TOG TSUL BZHIN DU BGYIS NAS SKU GDUNG RE ZHIG SHING LAS BSGRUBS PA'I MCHOD RTEN KHANG BU MA ZHIG GI NANG DU BZHUGS SU GSOL LO, ,DE NAS 'PHRAL GYI YO BYAD RNAMS DBUS PHYOGS NYID NAS DRANGS SHING, DGON PA'I DGE 'DUN RNAMS KYIS THOG DRANGS STOD SMAD DANG PHYOGS MTHA'I GRVA BU SLOB SBYIN BDAG RNAMS KYIS KYANG THUGS KHUR CHE BAR MDZAD NAS DGON SO SO'I BLA MA RNAMS KYIS GTZO MDZAD DGE 'DUN PHO MO DRUG BRGYA LHAG TZAM LA ZHAG GSUM SBREL GYI BAR DU ZHABS TOG SKYA BO'I SBYIN GTONG DANG BCAS PA KHA NA MA THO BA MED PAR BGYIS TE BLA MA NYID LA RTZE GCIG TU GSOL BA 'DEBS PA DANG DAD PA SGOM PA LHUR BYED PA'I NGOS NAS THUGS KYI DGONGS PA YONGS SU GANG BAR BYAS SHING, GZIMS MAL BRIS SKU RJE RANG NYID KYI SKU 'DRA GSER THANG THOG TSAD MA YANG LEGS PAR BZHENGS SHING GSER GSOL BA'I TSE KHA DOG SNA LNGA
, ,PA'I 'JA' TSON GYI DRA BAS NAM MKHA'I LAM BLA RE LTAR KHYAB PAR BRES PA DANG, DKAR PHYOGS LA MNGON PAR DGA' BA'I LHA'I TSOGS DAG GIS SKU GDUNG LA MNGON PAR MCHOD PA'I SLAD DU ME TOG GI CHAR LEGS PAR PHAB STE 'DZIN MA'I KHYON KUN TU KHYAB PAR BYAS SO, ,DE LTAR DGONGS PA RDZOGS THABS RNAMS LEGS PAR GRUB NAS BDAG CAG DPON SLOB RNAMS DBUS SU SLEB PAR BGYIS TE YAR KLUNGS DANG AE DVAGS SOGS KYI SBYIN BDAG BU SLOB RNAMS KYIS GSER ZANGS SOGS KYI 'BUL BA RMAD DU BYUNG BA BSGRUBS PA LA BRTEN NAS RAB BYUNG GI LO'I DBYAR SOS RNAMS 'OL KHA STAG RTZE'I PHO BRANG CHEN POR MI'I DBANG PO NOR 'DZIN CHOS KYI RGYAL PO YUM SRAS RNAMS KYIS DAD PA DANG GTONG BA BSAM GYIS MI KHYAB PAS 'PHRAL GYI MKHO DGU'I YO BYAD RNAMS LEGS PAR GNANG ZHING, KHYAD PAR DU NANG SO BYANG SEMS CHEN MO DPAL LDAN NOR 'DZIN SGROL MAS RIN PO CHE ZHO BCU GNYIS LHAG TZAM GYI SKU GSER DANG, HOR SHEL GYI TOG NGO MTSAR CAN RNAMS PHUL TE BZO RIG PA MKHAS PA GNAS BRTAN RIN CEN GSAL BA GROGS MCHED RNAMS KYIS GSER ZANGS LAS BSGRUBS PA'I RNAM RGYAL MCHOD RTEN THOG TSAD MA BYON LEGS SHING NGO MTSAR BA LEGS PAR GRUB STE SMIN DRUG GI ZLA BA'I DKAR PHYOGS LA GRUB PA'I GNAS CHEN 'DI NYID DU SPYAN DRANGS SHING, HOR ZLA BCU PA'I NYER GCIG LA SKU GDUNG RIN PO CHE GDUNG KHANG DU SPYAN DRANGS TE RTZA BA'I RDO RJE SLOB MA RNAMS KYIS DPAL RDO RJE 'JIGS BYED KYI SGO NAS SBYIN SREG LEGS PAR PHUL TE DRI BZANG PO DANG LDAN PA'I KHA NA MA THO BA MED PA'I BSREG RDZAS
RNAMS LAS MNGON PAR 'BAR BA'I ZHUGS LA PHUL NAS GDUNG KHANG GI DRUNG DU MCHOD PA'I SPRIN MTHA' YAS PA TSAR DU DNGAR BA'I SGO NAS GSOL BA BTAB NAS GDUNG KHANG ZHAL PHYE BA DANG GDUNG THAMS CAD SKYE BO RNAMS MTHUN SNANG GRUB PAR NGO MTSAR BA'I RING BSREL GYI PHUNG PO CHEN PO DANG, RKANG GI SBUBS SHIG LA ZHUN THIGS KYI RNAM PAR RJE BTZUN RDO RJE RNAL 'BYOR MA'I SKU 'BUR DU DOD PA SKYE MCHED RNAMS YONGS SU RDZOGS SHING ZHABS 'OG NA SHEL LTAR DVANGS PA'I RING BSREL CHEN PO DANG BCAS PA SKYE BO MTHA' DAG NGO MTSAR DU BYED PA DANG, AA LA SOGS PA'I YIG 'BRU'I RNAM PA DANG, GDUNG RNAMS KYANG GDUNG LOG 'BA' ZHIG TU GYUR CING, RING BSREL KYANG NGO MTSAR BA'I KHA DOG DU MA DANG LDAN PAR SNANG NGO, ,GDUNG ZHUGS LA PHUL BA'I NYIN PAR NAS BZUNG STE GNAM GANG GI BAR DU NAM MKHA' G-YA' DAG CING ME TOG GI CHAR 'BAB PA DANG, DGUN DUS KYI GRANG BA'I REG PA YANG YE SHES KYI ME RAB TU 'BAR BA LA SKRAG PA LHUR LEN PA'I SGO NAS 'KHOR YUG CHEN PO'I PHA ROL TU BROS PA BZHIN DU GYUR TO,, SMRAS PA, TSOGS GNYIS NOR BU'I RANG BZHIN ZA MA TOG ,MA LUS RGYAL BA'I RING BSREL MDZOD GYUR CES, ,GCIG TU DGE LA GOMS PA'I LEGS BYAS KYI, ,'BRAS BU 'GRO LA MNGON SUM GSAL BAR BYAS, ,LHAN SKYES BDE BA'I DNGOS GYUR PHUNG KHAMS RNAMS, ,NGES PAR LHA DANG LHA MO'I RANG BZHIN ZHES, ,MA DAG THE TSOM KHYOGS LA 'CHANG RNAMS LA, ,MI PHYED DANG BA'I NOR 'DI KHYOD KYIS BSGRUBS, ,KHYOD SKU'I CHA SHAS SPRIN DKAR PHUNG PO LAS, ,MU TIG TSOGS BZHIN RING BSREL
, ,CHAR DU PHAB, ,DRANG SRONG LHUNG BA'I NAGS KYI DPAL MO NI, ,PHYOGS 'DIR LTAD MO'I SLAD DU 'ONGS PA BZHIN, ,SKYE 'CHI MGAL ME'I RJES MTHUN SRID PA'I GRONG, ,TING 'DZIN PIR GYIS SKU GSUM DBANG PO'I TSON, ,RNAM BKRA MCHOD RTEN RANG BZHIN GZHAL MED DU, ,NGES PAR BYOS ZHES 'GRO LA BSLAB PA BYAS, ,LEGS GSUNG CHU GTER SNYING PO'I RIN CEN SEMS, ,BDUD RTZI'I BUM BZANG BSTEN PA DANG BRAL BA, ,BDAG DON LA CHAGS TSANG TSING SBRUL GDUG GI ,GNAS LA 'PHYA BA GSAL BYED GAD MO BZHIN, ,GA BUR THIGS PA'I DON MTHUN SPU LONG GI ,RTZE DGA' DGOD BYED DGUN GYI REG BYA NI, ,YE SHES LNGA YI ME DPUNG 'BAR MTHONG NAS, ,SPRIN BRAL NAM MKHA'I DBYINGS SU THIM PA BZHIN, ,DE LTAR NGO MTSAR BA'I RNAM PAR THAR PA SGYU MA'I GAR GYIS MCHOG TU DVANGS BZHIN PA'I NGANG NAS RING BSREL GYI PHUNG PO DANG BCAS PA'I SKU GDUNG PHAL CHE BA MCHOD RTEN BUM PAR BZHUGS SHING, DE BZHIN GSHEGS PA'I RING BSREL GYIS THOG DRANGS PA'I BYIN RLABS RTEN MANG PO DANG BCAS TE MCHOD RTEN GYI GZUNGS GZHUG RNAMS DAM PA RNAMS KYI PHYAG LEN JI LTA BA BZHIN DU BGYIS TE, RGYAL BA TZONG KHA PA CHEN PO YONGS SU MYA NGAN LAS 'DAS PA'I TSUL BSTAN PA'I DUS CHEN GZA' SKAR DANG 'PHROD SBYOR PHUN SUM TSOGS PA'I TSES LA RGYUD SDE DANG MTHUN PA'I RAB TU GNAS PA TSUL BZHIN DU BYAS SHING, DE DAG GI 'PHRAL GYI PHYAG LEN RNAMS SDE SNOD 'DZIN PA KUN DGA' BLA MA BAS DANG BA CHEN POS BSGRUBS LA, MKHA' SPYOD NAS CHOS RJE BLO GROS RNAM RGYAL BAS THOG DRANGS PA'I DGE 'DUN
BRGYA PHRAG DU MA DANG SKYE BO'I TSOGS 'DUS PA RNAMS LA RAB TU GNAS PA'I DGA' STON BZANG PO RMAD DU BYUNG BA DBUS GTZANG GI ZHABS 'BRING BA RNAMS KYIS DO DAM DANG CHED GNYER CHEN POS TSUL BZHIN DU BSGRUBS TE, BLA MA MCHOG GI THUGS KYI DGONGS PA YONGS SU RDZOGS PAR BYAS PA LAS RMAD DU BYUNG BA'I BKRA SHIS DANG DGE MTSAN DU MA YUL GYI LJONGS 'DI DAG TU RGYUN MI 'CHAD PAR 'BYUNG BAR BYAS PA YIN NO, ,ZHES BYA BA NI RJE BTZUN GRUB PA'I DBANG PHYUG KUN DGA' RGYAL MTSAN DPAL BZANG PO'I NGO MTSAR BA'I GTAM BRJOD PA NOR BU'I THEM SKAS LAS THUGS KYI DGONGS PA YONGS SU GANG BAR BYAS TE BKRA SHIS DANG DGE LEGS RGYUN MI 'CHAD DU 'BYUNG BA'I THEM SKAS TE BRGYAD PA'O,, ` ,,'DIR SMRAS PA, GANG SKU RAB DKAR BDUD RTZI'I CHU GTER 'JO SGEG KLONG DKYIL MTSAR SDUG CHU YIS GANG GYUR PA, ,MYOS PA'I MKHUR TSOS BYI RU'I NAGS 'GRAM ZUR MIG G-YO LDAN SMIN MA'I 'KHRI SHING GAR BYED LA, ,MU TIG DO SHAL NGANG MO'I KHYU LDING NU MA MNGON DGA' YID 'PHROG TSANGS PA'I BU MO DE; ;BDUD RTZI'I 'OD CAN MKHA' LA DGOD LTAR BDAG GI SNYING LA NAM YANG 'BRAL BA MED GYUR CIG ,NGO MTSAR GZI YIS LHAM MER GYUR GANG YON TAN NOR BU JI SNYED PA, ,ZLA MED RNAM DPYOD MTHO RIS BZO BOS SDEB LEGS TSIG GI THEM SKAS NI,, RGYAN MANG RIN CEN TSOGS KYIS 'PHRA BKOD NYAMS BRGYA'I 'OD RIS G-YO BA CAN, ,BLA MA'I RNAM THAR GZHAL MED NYAMS DGAR 'DOD RGUR 'JUG 'DI BDAG GIS BYAS, ,GZHAN DANG MI MNYAM RNAM DPYOD SKYED TSAL RAB YANGS PAR, ,DBYANGS CAN
, ,LHA MO RO 'DZIN GAR GYIS ROL PA CAN, ,GANG 'DI MA BYUNG SNGON CHAD DPA' BO DGE BA'I DBANG, ,SNYAN DNGAGS DBANG PO'I GRAGS PA THOB RNAMS YID BDER GYIS, ,MDZES SDUG NYAMS BRGYA'I 'JO SGEG LHUR LEN PA, ,SNGON MED SNYAN DNGAGS MTHO RIS DPAL MO NI, ,BDAG BLO BDUD RTZI'I MTSO CHEN BSRUBS PA LAS, ,'BYUNG GI BA TSVA'I RDZING BU DAG LAS MIN, ,MTHA' DAG NOR 'DZIN DGA' MA'I RDUL GYI GRANGS, ,SHES LDAN SU ZHIG BLO YI SRANG LA 'JAL, ,MGON KHYOD NGO MTSAR YON TAN JI SNYED PA, ,BRJOD PAS DBYANGS CAN MA YANG NGAL BA NYID, ,BSKYUD PA MI MNGA' MKHYEN BRTZE'I YAL 'DAB NI, ,BKA' DRIN SNYE MA'I KHUR GYIS NGAL BA CAN, ,DRAN PA'I BDUD RTZIS SNYING LA MYOS THOB NAS, ,SDEB LEGS SNYAN DNGAGS TSIG GI MU COR GYUR, ,DAM PA'I YON TAN BSNGAGS BYED DRI BZHON GYIS, ,SNYING LA REG TSE DAD PA'I SPU LONG DAG ,LUS KYI NOR 'DZIN YANGS PAR GAR BYED PA, ,DE DAG NGO MTSAR GTAM 'DIS YI RANG BYOS, ,'DIR 'BAD LAS BYUNG RNAM DKAR RI BONG CAN, ,MTHA' DAG SKYE RGU MGRIN SNGON RAL PA'I KLONG, ,ZLA TSES DANG 'GROGS CHU LDAN ZLOS GAR GYIS, ,MDZES PAS RMONGS PA'I DGRA SDE MTHAR BYED SHOG ,DAM PA'I ZHABS SEN RAB DMAR 'CHAR KHA'I RDUL, ,BSOD NAMS BZHIN DU SPYI BO'I NAGS TSAL NGOGS, ,'PHOS LAS DON GNYIS 'DAB BRGYA DGOD GYUR TE, ,SKAL BZANG RKANG DRUG LDAN RNAMS GAR BYED SHOG ,RGYAL BA KUN GYI MKHYEN BRTZE'I MTSO CHEN LAS, ,LEGS 'ONGS BSAM 'PHEL DBANG GI RGYAL PO KHYOD, ,GDUL BYA MOS PA'I RGYAL
MTSAN RTZER BZHUGS NAS, ,DNGOS GRUB 'DOD RGU'I CHAR CHEN DBAB TU GSOL,, ZHES RJE BTZUN GRUB PA'I DBANG PHYUG RDO RJE 'CHANG KUN DGA' RGYAL MTSAN DPAL BZANG PO'I NGO MTSAR BA'I GTAM BRJOD PA NOR BU'I THEM SKAS ZHES BYA BA 'DI NI DON GNYER CAN DU MAS BSKUL BA'I NGOR BGYIS NAS ME MKHA' RGYA MTSO LA DRUG CU SKOR BRGYAD BSRES PA'I RAB BYUNG GI LO MGO CAN GYI ZLA BA'I PHYOGS GNYIS PA'I RDZOGS PA DANG PO GZA' SKAR DANG 'PHROD SBYOR PHUN SUM TSOGS PA'I TSES LA GANGS RI'I KHROD KYI SNYAN DNGAGS MKHAN THAMS CAD KYI COD PAN MANG DU THOS PA'I BTZUN PA DGE 'DUN RGYA MTSO DPAL BZANG POS GRUB PA'I GNAS RDO RJE GDAN GYI GZIMS KHANG DU NYE BAR SBYAR BA'I YI GE PA NI RNAM DPYOD YANGS PA'I LANG TSO LUNG DANG RIGS PA'I RGYAN GYIS NYE BAR MDZES PA 'JAM DPAL YE SHES ZHES BYA BAS BGYIS PA 'DIS KYANG BSTAN PA DANG SEMS CAN LA PHAN PA RGYA CHEN PO 'BYUNG BAR GYUR CIG,, ,,YE DHARM'A HETU PRABHAB'A HETUNTEsh'ANTATH'AGTO HYABADTA, TEsh'ANYTZA YO NIRONGHA AEWAm W'AD'I MAH'A SHRAMnA:,, MANG+GA LAm,,