A Biography of [and by] the Lord Himself, from Assorted Writings found in the Collected Works of the Holy and Omniscient One

, ,RJE BTZUN THAMS CAD MKHYEN PA'I GSUNG 'BUM THOR BU LAS RJE NYID KYI RNAM THAR BZHUGS SO,,

, ,RGYAL BA'I RNAM 'PHRUL JO BO YAB SRAS DANG, ,RGYAL BA KUN 'DUS MNYAM MED TZONG KHA PA'I, ,ZHABS KYI PADMOR BTUD NAS GZHAN DAG GIS, ,BSKUL PHYIR RANG GI BYUNG TSUL LO RGYUS BRJOD, ,DE YANG THAMS CAD MKHYEN PA DGE 'DUN GRUB KYI SKU SKYE 'BYUNG BA'I GLENG GZHI NI, RJE BTZUN SGROL DKAR GYI GSER SKU CHEN MO LEGS PAR GRUB PA'I RJES SU BKRA SHIS LHUN PO'I SLOB DPON RNAM PA ZHABS DRUNG NA 'KHOD PA LA, DANG PO RTA NAG PHU'I BLA MA DON YOD PA ZHES BYA BA'I MNGON MKHYEN MNGA' BA ZHIG LA BRTAG PA ZHUS PAS, SKYE BA PHYI MA RGYA NAG TU SKYE GSUNG BA ZHIG BYUNG NA YANG, DE NA YANG CHOS DAR PO MED PA 'DUG PAS SKYE BA'I SHES 'DOD MED, BYUNG NA NYE SKOR 'DI 'DRA ZHIG TU SKYE BA LEN 'DOD, 'AM BU'I SKYE BA GAR YONG MI SHES PAS DRUNG PA SLOB DPON RNAM PAS MI NGAN

, ,MA MDZAD CES GSUNGS PA'I SLOB DPON RNAM PA'I KHROD NA CHOS RJE MCHOG LHA BA DE DUS BYED KYI SLOB DPON KHROD NA BZHUGS PAS DNGOS SU GSAN NAS GSUNG LAS DE LTAR THOS, 'DI PA'I RIGS NI SNGON CHOS RGYAL KHRI SRONG LDE BTZAN GYI SKABS SU RJE SREG PO KHYUNG BZHI LHA JO BO LCAM DANG LNGA 'BANGS RA SLOG CAN DANG DRUG ,BSE 'A ZHA GNYIS DANG BCAS PA RNAMS CHAD PA MDO KHAMS SGANG NAS CHAD, CHAGS PA G-YAS RU SHANGS SU CHAGS, DE RNAMS KYI NANG NAS MCHOD GNAS LA SNGA BA SREG STON DAR MA ZHES BYA BA'I RGYUD LA SREG STON SGOM BTZUN ZHES BYA BA BYUNG BAS DPAL RGA LO'I NYE GNAS BYAS, BDE MCHOG DANG MGON PO PHYAG BZHI PA'I GRUB PA BRNYES, DE DAG GI RIGS LAS RTZED GDONG PHU SHAR DU PHA RGOD KUN DGA' BZANG PO 'KHRUNGS, ,DANG POR RTZED GDONG BDAG PO DBANG RNAM SRAS RGYAL MTSAN GYI DPON YIG MDZAD, PHYIS SKYO BA SKYES NAS RAB TU BYUNG STE SPRUL SKU BSAM

SDINGS PA BSOD NAMS BLO GROS DANG 'BA' RA BA RGYAL MTSAN DPAL, RTA NAG TSA TSA MO'I GRUB CHEN MGON PO DPAL RNAMS KYI ZHABS LA GTUGS NAS DVAGS SHANGS KYI BKA' BRGYUD GSAN, RTOGS PA NAM MKHA' DANG MNYAM PAR GYUR, DE'I SRAS LA DRAN MCHOG DON YOD RGYAL MTSAN ZHES BYA BA, DUS GSUM LA CHAGS THOGS MI MNGA' BA'I MNGON SHES MNGA' BA, SNGAR GYI DVAGS SHANGS KYI BKA' BRGYUD KYI STENG DU GSANG SNGAGS RNYING MA SKOR GYI CHOS BKA' RGYA CHEN PO DANG, SA SKYA PA NAM MKHA'I RNAL 'BYOR ZHES PA PHA DAM PA'I RNAM 'PHRUL DU GRAGS PA ZHIG LAS ZHI BYED BRGYUD PA SNGA PHYI BAR GSUM GYI CHOS SKOR RNAMS GSAN, BLA MA YAB SRAS DE GNYIS KA YANG SNGAGS GSAR RNYING THAMS CAD KYI BKA' LUNG MAN NGAG SHIN TU RGYA CHE BA GSAN PA'I MKHAS SHING GRUB PA BRNYES PA YIN LA, CHOS RJE DON YOD PA'I SRAS SU GRUB MCHOG KUN DGA' RGYAL MTSAN DPAL BZANG PO 'KHRUNGS, SNGAR GYI YAB MES KYI PHA CHOS RNAMS KYI STENG DU, RJE BTZUN SHES RAB SENG GE, THAMS CAD MKHYEN PA DGE 'DUN GRUB PA YAB SRAS RNAMS DANG, BO DONG PHYOGS LAS RNAM RGYAL, CHOS RJE SHES RAB RIN CEN, CHOS RJE DPAL 'BYOR RGYAL MTSAN, CHOS RJE BZANG RGYAN BA SOGS LAS BKA' GDAMS DANG, RI BO DGE LDAN PA'I SNGAGS MTSAN NYID KYI SKOR, RDO RJE 'PHRENG BA, SGRUB THABS RGYA MTSO SOGS KYIS GTZOS PA'I SNGAGS GSAR RNYING GI DBANG RJES GNANG LUNG MAN NGAG MTHA' YAS PA GSAN, DPAL RTA MGRIN, YE SHES KYI MGON PO PHYAG DRUG PA, CHOS SKYONG BEG TZE CAN SOGS YI DAM CHOS SKYONG DU MA'I ZHAL GZIGS,

, ,BSKYED RIM GYI LHA'I RNAL 'BYOR LA BRTAN PA THOB PA DANG, NI GU'I RMI LAM LA BRTEN NAS YUL SNANG THAMS CAD GTAN LA 'BEBS NUS PA SOGS LUNG RTOGS KYI YON TAN MTHA' YAS TE, BLA MA DE DAG GI RNAM PAR THAR PA'I YI GE LOGS SU YOD PAS DE DAG TU ZHIB TU GSAL, DE LTAR NA RUS NI SREG MI ZHES RUS CHEN DU GTOGS PA ZHIG YIN LA, ZHAL SNGA NAS DE NYID KYIS DGUNG LO BZHI BCU RTZA LNGA BZHES PA'I DUS SU MA GCIG KUN DGA' DPAL MO ZHES BYA BA, SNGAR RGYAL BA RGOD TSANG PA'I DRUNG NA YOD PA'I MKHA' 'GRO MA 'GRO BA BZANG MO ZHES BYA BA'I SKYE BA YIN ZHES GZHON NU'I DUS SU SMRAS PA, GSANG BDE 'JIGS GSUM DUS KYI 'KHOR LO DANG BCAS PA'I MNGON DKYIL TSANG MA, SMAN BLA, 'JAM SDUD BZANG GSUM SOGS THUGS LA BZHUGS PA MTHA' YAS SHING, SGOM PHYOGS SKOR DANG, DGE LDAN PA PHYOGS KYI ZAB KHRID MANG PO LA'ANG NYAMS LEN MDZAD PA ZHIG GI MNGAL DU ZHUGS NAS, BOD KYI LO LTAR NA ME PHO SPRE'U LO, HOR GYI LO LTAR NA SHING MO LUG GI LO'I RGYAL GYI ZLA BA'I TSES GSUM GYI NYI MA DROS GDAL BA'I SKABS LA, RDO RJE GDAN GYI GZIMS KHANG GI SHAR PHYOGS LA SA DKAR GSOL ZIN NAS LHO PHYOGS LA SA DKAR GSOL BA'I SKABS SU YUM THUGS DAM LA GNAS BZHIN PA'I NGANG NAS SNYUN ZUG SOGS YE MED PAR SKYES TE, SKYES MA THAG MIG RIG RIG BYED CING BZHIN MCHOG TU MDZES PAS MDUN NA GNAS PA DAG LA 'DZUM STON PA DANG, KHA BKRA SHIS LHUN PO PHYOGS LA BSTAN TE LAG PA THAL MO SBYAR, LUS SHEL DKAR LTAR DVANGS SHING 'OD ZER 'PHRO BA ZHIG SKYES,

DE MA THAG YAB RIN PO CHES 'KHOR LO BDE MCHOG GI SHIS BRJOD RGYAS PAR MDZAD DE, DE YANG DANG PO MNGAL DU 'JUG PA'I TSE YUM GYI RMI LAM DU GSUNG RAB KYI GLEGS BAM GSER CHOS MANG PO NYIL NAS ZHAL DU SONG BA DANG, SHOG BU'I DUG GIS PHO NAD RNYING PA 'DI'I STENG DU PHOG NAS NA AE YONG SNYAM PA NA, DE 'DRA'I SKYON MI YONG ZHES PA RMIS PA DANG, YAB KYI MNAL LAM DU, THAMS CAD MKHYEN PA RDO RJE GDAN GYI DBEN GNAS YOL DKAR ZHES BYA BA ZHIG YOD PA DER SKU MTSAMS LA BZHUGS YOD PAS KHYED LA SKU MDUN DU SHOG ZER BANDE GZHON NU ZHIG BYUNG STE DE DANG 'GROGS NAS YOL DKAR DU BYON PAS BUG SGO'I NANG NA DBU SKYA RIL LE BZHUGS 'DUG NGED KYIS 'DIR MTSAMS SHIG BYAS PA YIN TE, NYID DA BAR MA BYUNG, DA TSES GSUM LA MTSAMS GROL YONG BAS BKRA SHIS LHUN POR SGROL MA LA, NGA'I SNAM SBYAR DANG LHUNG BZED KHYER SHOG GSUNG BA MDZOD, CES BKA' LUNG BYON PA ZHIG RMIS GSUNG, SKYE LA KHAD PA NA YUM GYI MNAL LAM DU, KHYOD LA BU ZHIG SKYE, DE LA MING SANGS RGYAS 'PHEL ZHES BYA BAR THOGS, 'DI DUS GSUM GYI SANGS RGYAS THAMS CAD KYIS BTAGS PA YIN PAS BSGYUR DU MI BTUB ZER BA ZHIG BYUNG, DE LA BRTEN NAS RAB TU MA BYUNG GONG GI MING YANG DE KA LAGS, GZHAN YANG DE DUS YUM GYI RMI LAM DU GTZUG LAG KHANG CHEN PO ZHIG LA YAB CHOS RJE NYID KYIS DUS KYI 'KHOR LO'I DKYIL 'KHOR RNAMS LHA BRIS PA MKHAS PAS 'DRI BA LTAR RDZOGS PAR BRIS PA'I RMI LAM YANG BYUNG ZHES GLENG, DE NAS LO NGO GNYIS LTA BA SMRA CUNG ZAD SHES PA NA NGAG TU T'A RE RANG

, ,'DREN PA ZHIG YOD, DE NAS GRIB CUNG ZAD BYUNG STE LCE MA BDE BAR BAR SKABS SU T'A RE MA 'GYUR BAR, SLA RE ZHES 'DREN PA YANG BYUNG, DE NAS LO GSUM LON PA'I SKABS SU CUNG ZAD YUM GYIS BKA' BKYON PA'I RNAM PA MDZAD PAS, BU TSA NGA NI MI SDOD BKRA SHIS LHUN PO LA 'GRO KHANG PA YANG 'DI BAS SKYID PA YOD, ,BU RAM ZA 'PHRO YANG YOD ZER, SKYE BA DRAN PA'I TSIG THOG MA DER 'DUG ,DE DUS YANG YUM GYIS, LAN GCIG BSLAB NYES BYAS PA LA 'THABS PAS, KHYED RANG NGA LA MA 'THAB GSOL BA THOB, NGA LA GSOL BA 'DEBS MKHAN MANG DU YOD, 'THABS NA SDIG PA YONG ZER, DE NAS, KHYOD LA GSOL BA 'DEBS MKHAN BYUNG DOGS MED, 'DEBS NA CI TZUG BYAS 'DEBS GSUNGS PAS, DE DUS, DGOS 'DOD KUN 'BYUNG NOR BU BSAM 'PHEL KHYOD, ,CES SOGS KYI TSIGS BCAD 'DI SMRAS, TSIGS BCAD RTZOM PA'I THOG MA YANG 'DI YIN, DE LA YUM DGYES PA NA, KHYED RANG LA YANG NGAS BSTOD PA ZHIG AE RTZOM SMRAS PAS, RTZOMS DANG ZHES GSUNG, AA MA KHYI LAS THU BA'I KHYI THU MA, ,AA MA KHYI THU MA LA GSOL BA 'DEBS, ,AA MA STAG LAS NGAR BA'I STAG NGAR MA, ,AA MA STAG NGAR MA LA GSOL BA 'DEBS, ,AA MA DOM LAS 'JIGS PA'I DOM 'JIGS MA, ,AA MA DOM 'JIGS MA LA GSOL BA 'DEBS, ,ZHES SMRAS SO, ,DE NAS LO LNGA LON PA'I TSE SNYIL GYI SHO MA LUNG ZER BAR YAB CHOS RJES THOG DRANGS DPON SLOB RNAMS RI SGAR MDZAD BZHUGS PA LA, DBYAR SOS 'BRUG GI SGRA ZHIG BYUNG BAS YAB KYI PANG NA YOD PAS MGO BTEG BYAS NAS BLTAS, YAB KYIS,

CI 'DRA ZHIG BYUNG GSUNGS PAS, PHA BLO BZANG GRAGS PA CHOS GSUNGS PA'I SGRA 'DRA BA ZHIG BYUNG ZER, PHA BLO BZANG GRAGS PA CHOS GSUNG DUS CI 'DRA ZHIG 'ONG GSUNGS PAS, SKAD KYI GZENGS BSTOD DE, 'O, BSHES GNYEN DUL BA ZHI BA NYER ZHI BA, ZHES SOGS KYI TSIGS BCAD 'DI TSANG MAR STON, DE NAS BZUNG STE SHAS CHER RJE'I PAR SKU CHUNG CHUNG ZHIG YOD PA DE LA PHA BLO BZANG GRAGS PA YIN ZER, ,GZHAN RDO SMUG PO BZO LEGS PO ZHIG LA'ANG PHA BLO BZANG GRAGS PA YIN ZER, GZHAN YANG RDO CHUNG ZHIG LA SGROL MA YIN ZER BA DANG, YANG BTZUN CHUNG JA KHA BA YIN ZER BA ZHIG RNAMS DUS RGYUN DU RTZED MO LA MI 'BRAL BAR 'KHYER, 'GRO BA'I TSE NA'ANG GOS KYI GDANG KHUR BYAS TE 'KHUR, SDOD SAR KHRI CHUNG MTHON PO BRTZIGS TE, DE'I STENG DU PHA BLO BZANG GRAGS PA 'JOG ,DE RNAMS LA CHAR PHOG NA NGU, GZHAN YANG RDO CHUNG MANG PO BSAGS NAS LA LA LA BLA MA BYAS, GZHAN RNAMS LA GRVA PA BYAS TE, GRVA TSANG MANG PO'I BKOD PA DANG, CHOS BSHAD NYAN DANG, RIGS LUNG BYED PA SOGS KYI RTZED MO BYED PA MA GTOGS BYIS PA GZHAN GYI RTZED MO 'DRA BA GTAN MI BYED, RES GCIG PUR MGO PHUR NAS SHES BYA 'DI LA BSAM MNO ZHIG GTONG BA YIN ZER SDOD PA ZHIG YOD, YANG LO GSUM TZAM GYI SKABS SHIG TU SKYE BA DRAN PA'I GLENG MO BYAS, DE DUS YUM GYIS KHYED GANG NAS 'DIR 'ONGS PA YIN BYAS PAS, NGA SHI NAS DBU MDZAD SANGS TSUL BAS THAG PA ZHIG GIS BKYIGS BYUNG BA DANG, YE SHES KYI MGON PO PHYAG DRUG PA 'DI LCAGS KYI LHAM ZHIG BZHES NAS BYON TE, DE DANG 'GROGS NAS

, ,NAG PO DMU'I GRU LA BYAS TE 'DIR 'ONGS PA YIN ZER BA DANG, YANG LAN CIG GI TSE, NGAS THOG MAR DGA' LDAN DU PHYIN, DE NA RJE BTZUN BYAMS PA DANG, JO BO YAB SRAS, RJE TZONG KHA PA RNAMS PHEBS, GSUNG CHOS MANG PO GSUNG GI 'DUG PA RNAMS NYAN, DE NAS, BDAG 'GRO DON LA GANG DU PHYIN NA LEGS ZHUS PAS, ME TOG PADMA GCIG DANG, SER PA RDOG PO GNYIS GNANG STE, 'DI RNAMS GANG DU SONG BAR 'GRO DON GYIS GSUNG, DE RNAMS MKHA' LA SKYUR BAS YOL DKAR DU PADMA DE BABS, SER BA GCIG DBUR STOD PHYOGS SU BABS, GCIG MDO KHAMS PHYOGS SU BABS ZHES KYANG SMRAS PAR GRAGS, PHYIS CHOS RJE RAB 'BYAMS PA SMON LAM DPAL GYIS KYANG 'DI KHO NA LTAR GSUNG STE YID BRTAN YOD MED NI CHA MED, YANG SNYIL DU RI LA BZHUGS PA'I TSE NUB CIG SROD LA GRANG RDUL DANG 'JIGS SKRAG GI NGANG NAS YAB KYI SKU PHAG TU NYAL BA'I TSE YAB KYI ZHAL NAS, CI 'DUG GSUNG, BANDE RAS CHAM DANG SAG THEB GYON PA ZHIG GIS NGA'I RKANG PA NAS 'THEN GYIN 'DUG PA LA DPAL LDAN LHA MO DRE'U LA CHIBS TE BYON NAS DRE'U LAS BABS TE KHO'I LAG PA LA BE CON BRGYAB PAS KHO LAG PA NA NAS PHUR PHUR BYED CING BROS SONG, ,LAR YANG, ,NGA DANG PO DPE CHA LTA TZA NA YANG RGYAL PO G-YU 'PHRENG CAN 'DI YANG YANG 'ONGS TE BAR CHAD BYED PA ZHIG YOD ZER, DE'I SANG NYIN NYUG NAS 'GRUL PA MANG PO ZHIG BYUNG BAS DE'I LTAS SU GO DE DAG GI TSE TSE RABS SNGA MA'I GNAS TSUL DRAN PA LA, NGA'I MA'I MING LA AA TZI BU 'DREN ZER, NGA RANG GI MING LA PADMA RDO RJE ZER BA DANG, RI LA JO

BO BZANG RA ZER BA YOD, GZHAN YANG RGYAB BZHI SKOR RDO DANG, RTZE MO SMYUNG RI ZHES BYA BA YOD, CES SOGS MANG DU SMRAS SNANG STE, THAMS CAD BRIS PA LA DGOS PA MED, DE'I TSE RTA NAG PHU NA THAMS CAD MKHYEN PA'I SKU SKYE YOD PA 'DUG ZER BA'I GRAGS PA CHEN PO BYUNG, DE'I TSE CHOS RJE CHOS 'BYOR BA'I MNAL LAM DU RE MIG BRGYA TZAM ZHIG GI NANG THAMS CAD NA, THAMS CAD MKHYEN PA'I SKU SKYE YIN ZER BA RE 'DUG ,DBUS KYI RE MIG DE NA SPRUL SKU MTHONG BA DON LDAN YIN ZER BA ZHIG 'DUG PA'I MNAL LAM DANG, YANG LAN CIG THAMS CAD MKHYEN PA RANG BYON NAS, NGAS BYAMS CHOS 'DI LA RGYAL BA BYAMS PA 'JIG RTEN DU BYON PA 'DRA BA ZHIG BYED PA YIN GSUNG PA'I MNAL LAM ZHIG BYUNG BA LA BRTEN NAS, SPRUL SKU MTHONG BA DON LDAN GANG NA BZHUGS PA DE'I DRUNG DU DGE SLONG CHOS 'BYOR DPAL BZANG GIS ZHU BA, ZHES SOGS KYI ZHU YIG GAN SPOS, GSOL JA, RGUN 'BRUM RNAMS KYI RTEN DANG BCAS PA BSKUR BYUNG BA LA, YAB KYIS ZHU LAN MDZAD PAR BRTZAMS PAS, ZHU LAN NGA RANG GIS BYED ZER NAS, BLA MA DE'I DRUNG DU, ZHU BA, GAN SPOS, GAN 'BRU, GAN JA SNGAR GNANG BA THUGS LA BTAGS, DA DUNG GNANG BA ZHU ZER BA'I ZHU LAN YANG BYAS 'DUG DE'I TSE GSOL DPON SGROL MAS SKAD CA TSOR NAS MJAL DU 'GRO DGOS SNYAM NAS, DE NUB RMI LAM BSGUGS PAS, SANGS RGYAS KYI DGONGS PA MTHAR PHYIN PAR GYUR CIG ,CES PA'I SGRA ZHIG GRAG PA RMIS, SANG NAM LANGS NAS SNGAR GYI THAMS CAD MKHYEN PA'I DPON YIG DAM PA SANGS RGYAS ZHES PA DANG 'GROGS TE SGO RTZAR

, ,DON PA NA BSAMS 'GRUB RTZE'I TSA DUNG BTANG BA DANG 'GRIG ,DE NAS SA'I RDZONG DU SLEB PA NA SA PA NANG PAS, RDO RJE GDAN NA RJE'I LUGS SKU ZHIG BZHENGS PA'I LUGS GTONG BA'I SKABS NA YOD, DE RING LA 'DI KHAR THEN LA BZHUGS GSUNG BA LA, DE MA THAG RDO RJE GDAN GZIMS KHANG STENG DU DAR 'PHYAR SOGS MTHA' YAS PA BYED KYIN 'DUG PAS RTEN 'BREL KYANG LEGS, LUGS LEGS PAR THAG CHOD ZER NAS DE MA THAG PHYIN PAS, SGROL MAS YONGS PA AE YIN, KHYOD LA SLOB DPON RNAM PAS BYAMS PO AE BYAS ZHES DRIS, 'O NA DE'I 'GRAM GYI DE GANG YIN DRIS PAS, DAM PA SANGS RGYAS YIN PA 'DUG, RTZI KHUMS RKYANG LAG ZER, DE NAS BZO BO DANG GRAL PA THAMS CAD LA NGAS 'DZAMBHA LA'I RJES GNANG BYED ZER NAS, JA 'THUNG BA'I DKAR YOL GANGS PHRUG CIG YOD PA DE SDER MA'I NANG DU GTOR MA'I TSAB LA BZHAG STE, GSOL DPON SGROL MA SOGS THAMS CAD KYI MGO LA BZHAG NAS, 'DZAMBHA LA KHAS LONG ZHIG, CES DBANG BSKUR, GCIG GI MGO BOR 'DZAMBHA LA DZA LENDRA YE SV'A H'A, ZHES DBANG BSKUR, GSOL DPON DGA' ZHING DAD NAS MCHI MA PHRUL PHRUL 'DON ZHING 'DUG, GZHAN YANG NA TSOD DE DAG GI TSE MTSAN MO DANG NYIN MO'ANG MIG TSUM BYAS PA NA SANGS RGYAS BYANG SEMS KYI SKU'I RNAM PA SOGS SNANG BA LA 'DI 'CHAR 'DI MI 'CHAR GYI DBYE BA MED PAR SNA TSOGS SHIG 'CHAR, RES 'GA' DES SKRAG PA'I RKYEN YANG BYED PA ZHIG YOD, LO BDUN LON PA'I SKABS SU YAB CHOS RJE'I YUM MA GCIG SANGS RGYAS RGYAL MO ZHES BYA BA, DGUNG LO SUM CU RTZA DRUG NAS BRGYAD CU THAM

PA'I BAR DU BUG SGO 'DAG SBYAR DANG, RI MI 'BAB MDZAD DE THUGS DAM LA BSGRIL, LAN CIG SPYAN 'GRIBS PA LA'ANG 'PHAGS PA'I THUGS RJES 'BYED MA DGOS PAR RANG BYE BA ZHIG YOD PA DE, ZHI BYED PA RNAMS KYI SROL LA YONG BA YIN ZER CHU SER GYI MNYEL GZHI SHIG NAD DANG BCAS PA ZHIG BYUNG BA NA, YAB CHOS RJE'I DRUNG YANG THUGS DAM GSAL 'DEBS LA PHEBS, DE'I TSE NGA LA, RMO MO'I BKRA SHIS LHUN PO BA, KHYED BDEN TSIG GRUB PA YIN PAS RMO MO LA LUS 'DI 'DRA LA MA CHAGS PAR MKHA' SPYOD DU SONG GSUNG SKUL MA MDZOD ZER BA DANG, MA GCIG SANGS RGYAS RGYAL MO NI, ,MKHA' SPYOD GNAS SU THEGS TZA NA, ,CHIBS SU SENG GE DKAR MO CHIBS, ,CHIBS SNA MKHA' 'GRO SDE LNGAS KHRID, ,DAR LAM DKAR PO NA RA RA, ,NAM MKHA' 'JA' DANG 'OD KYIS KHENGS, ,'KHOR DU DPA' BO DPA' MOS BSKOR, ,MKHA' SPYOD GNAS SU PHEBS TZA NA, ,DAM PA CHOS KYI KHRI LA BZHUGS, ,CHOS NI DPA' BO MKHA' 'GROS NYAN, ,RGYAL BA'I YUM LA PHYAG 'TSAL LO, ,ZHES THOGS MED DU BRTZAMS PAS SHIN TU DGYES PA NA, YANG LOG GNON 'DI LTAR BYAS TE, HA RA HU KHYU NA RA RA, ,KHRAG CHU RNAG CHU NYIL LI LI, ,SHIG DANG SRO MA'I BAN GONG CHAGS, ,SA PA'I NAD NGAN THAMS CAD 'DUS, ,'CHI 'DRE MED LA PHYAG 'TSAL LO, ,ZHES SMRAS PAS THAMS CAD BZHAD MO MDZAD, PHYIS GSHEGS PA NA GONG GI BSTOD PA DANG JI LTA BA BZHIN MTHUN PA'I GRONGS RTAGS DANG BCAS TE GSHEGS, LO BRGYAD LON PA NA BKRA SHIS LHUN POR MANG JA ZHU BA DANG BCAS RAB BYUNG LA 'GRO BA'I GRABS BYAS, DE'I TSE DGONG

, ,JA ZHIG GI MJUG TU ME LDE BA NA, SA RI DKA' BZHI PA ZER BA'I YAB CHOS RJE'I SLOB MA ZHIG GIS, H'Um LAS BYUNG BA'I NAG PO NI, ,ZER BA LA, NGAS, ZHAL GCIG PHYAG GNYIS 'JIGS PA'I GZUGS, ,ZHES DE'I LHAG MA BTON PAS, NGED LA CHOS SKYONG 'DI 'DRA'I TSE NA YOD PA YIN, CHOS SKYONG MO RENG MO GCIG LA BYED PA DANG MI 'DRA ZER BAS, NGA'I CHOS SKYONG MO RENG MO DE KHYED KYI CHOS SKYONG THAMS CAD LAS LHAG NGA DE'I BSTOD PA ZHIG RTZOM PA YIN, KHYED RANG SNAG SHOG GRABS GYIS ZER NAS BYAS 'PHRAL DU, RI RAB LHUN PO'I GDAN STENG NA, ,KshA LAS BYUNG BA'I NAG MO NI, ,ZHES SOGS KYI BSTOD PA 'DI THOGS MED DU BRTZAMS, LO LNGA DRUG NAS BZUNG STE 'DI 'DRA'I RIGS KYI TSIGS BCAD RTZOM PA LA BSAM MNO GTONG MI DGOS PAR THOGS MED DU 'ONG BA ZHIG YOD, DE'I TSE LAN CIG RMI LAM NA LAG PA GNYIS SU GDUGS DANG RGYAL MTSAN THOGS, DES GSHOG PA BYAS TE NAM MKHA' LA 'PHUR NAS RI BO PO TA LA YIN ZER BA ZHIG GI RTZE MOR PHYIN, DER SLEB DUS RI RAB KYI RNAM PAR 'DUG ,DE'I STENG NA 'KHOR LO BDE MCHOG GI PHO BRANG YONGS SU RDZOGS PA BLOS BSLANGS KYI RNAM PA CAN ZHIG 'DUG PA'I NANG DU ZHUGS, GTZO BO 'KHOR LO BDE MCHOG BZHUGS 'DUG PA'I MDUN DU PHYIN PAS, THUGS 'KHOR GYI SHAR RTZIBS KYI THA DER SDOD GSUNG, NGA LA GSER GYI 'KHOR LO ZHIG GNANG, DKYIL 'KHOR BA'I LHA TSOGS RNAMS LA'ANG GSER DANG DNGUL SOGS RIN PO CHE SNA TSOGS PA'I 'KHOR LO RE GNANG GIN 'DUG, 'KHOR LO DE KHYER BAS NAM MKHA' LA THOGS MED DU 'GRO NUS

PA ZHIG BYUNG, RI RAB KYI STENG NA RIN PO CHE MANG PO 'DUG PA 'DZAM BU GLING GI PHYOGS SU GTOR TE, 'DZAM BU GLING PA'I SEMS CAN RNAMS LA PHAN THOGS PAR GYUR CIG CES SMON LAM BTAB PA ZHIG RMIS, GNYID SAD DUS LHAG PAR YANG DGA' BA ZHIG BYUNG STE AA MA LA BSHAD, DE LA DPAGS NA 'KHOR LO BDE MCHOG LA YI DAM BYAS NA LAS 'BREL CUNG ZAD YOD PA 'DRA SNYAM PA ZHIG SHAR, DE NAS YAB CHOS RJE'I DRUNG DANG BCAS BKRA SHIS LHUN POR PHYIN, DGE 'DUN LA MANG JA ZHUS, 'DU KHANG MCHOD KHANG RNAMS MJAL BA NA 'DU KHANG DU SLEB MA KHAD KHRI KHAR 'DZEGS, RKANG PA BRKYANGS BSKUMS YOD PA BYAS, NGA DANG PO CHOS 'CHAD DUS SDOD TSUL 'DI LTAR BYED KYIN YOD PA YIN ZER SMRAS 'DUG ,GZHAN YANG GZHAN GYIS BSHAD PA LA MI LTOS PAR CHOS RJE DPAL 'BYOR BA DANG, GNAS BRTAN DGE 'DUN SGRA DBYANGS ZER BA SOGS SNGAR GYI GRVA BU SLOB RNYING PA MANG PO NGO SHES PA DANG, BDAG MO TSE RING MAS PHUL BA'I MDZO MO RGAN MO ZHIG LA, MDZO MO 'DI DA RUNG MA SHI BA 'DUG, CES SMRAS PA SOGS KYIS THAMS CAD YID CHES CHEN PO SKYES, 'ON KYANG MKHAN SLOB SOGS GANG LA 'CHOL MA DAN PA LA BRTEN, RAB BYUNG DE DUS STABS MA 'GRIG PAR RDO RJE GDAN RANG DU LOG ,KLOG DANG YI GE SOGS NI SLOB PA'I RTZOL BA MA BYAS PAR RANG BABS SU SHES, DE DAG GI SKABS SU YANG YAB CHOS RJE RIN PO CHE'I DRUNG DU BDE MCHOG L'U NAG DRIL GSUM, 'JIGS BYED BCU GSUM MA, ZHE DGU MA, RO LANGS BRGYAD BSKOR, MGON PO'I RJES GNANG, DGE LDAN PA LA GRAGS PA BCU GSUM MA DANG,

, ,SHANGS SKOR RANG GI DE LA MI THE BA DU MA DANG, MGON PO PHYAG BZHI PA, GUR, CHOS BDAG CHEN PO AA GHO RA PHYI NANG GSANG GSUM, DAM CAN CHOS KYI RGYAL PO, RNAM SRAS SKOR, DPAL LDAN DMAG ZOR RGYAL MO, CHOS SKYONG BEG RTZE LCAM DRAL SOGS CHOS SKYONG SKOR GYI RJES GNANG, YIG CA RNAMS KYI LUNG SOGS DANG, N'A RO NI GU'I CHOS DRUG GI KHRID, DVAGS SHANGS KYI PHYAG RGYA CHEN PO'I SKOR MANG PO DANG, SU KHA CHOS DRUG ZHI BYED BRGYUD PA SNGA PHYI BAR GSUM GYI CHOS SKOR, KHYAD PAR BRGYUD PA PHYI MA'I DBANG, RJES GNANG, GDAMS PA CHA LAG DANG BCAS PA, AU RGYAN BSNYEN SGRUB KYI SKOR, SPYOD YUL ZAB DON SKOR, PO TO BA'I DPE CHOS SKOR CHA LAG DANG BCAS PA, GZHAN YANG DBANG LUNG GDAMS PA MTHA' YAS PA ZHUS SHING, KHYAD PAR MGON PO'I RJES GNANG BAR CHAD KUN SEL DANG, TSE DBANG GRUB RGYAL MA, LHA DGU MA, 'CHI BLU DANG BCAS PA NI BRGYA TSAR MANG PO DANG, RTA MGRIN YANG GSANG KHROS PA'I DBANG RJES GNANG SOGS CHOS SKOR TSANG MA DANG, SHANGS LUGS KYI RTA MGRIN, N'A RO MKHA' SPYOD KYI CHOS SKOR, 'JAM DBYANGS NAG PO, 'BIR SRUNG, 'BIR SGRUB SKOR LA MKHA' 'GRO MA SENG GDONG CAN GYI SKOR SOGS SA SKYA PA'I ZAB CHOS SKOR MANG PO DANG, YE SHES KHYUNG KHRA, PHYAG RDOR GTUM PO CHE CHUNG SOGS PHYAG RDOR GYI RJES GNANG, 'KHOR LO CHEN PO'I DBANG, BKA' GDAMS LHA BZHI'I RJES GNANG, BCU GCIG ZHAL GYI CHOS SKOR, CHOS RJE RGYAL SRAS PA'I BKA' 'BUM, PHA RGOD KUN BZANG DANG CHOS RJE DON YOD PA'I BKA' 'BUM, YANG DGON PA'I RI

CHOS SKOR DU MA, 'GU RU ZHI DRAG SOGS MDOR NA DBANG RJES GNANG LUNG MAN NGAG JI SNYED CIG ZHUS SHING, GONG DU SMOS PA'I CHOS SKYONG DE RNAMS KYI MNGON RTOGS BSKANG GSO BSTOD PA CHO GA'I CHA LAG RNAMS DPE CHA LA GTAN (BRTEN NAS) 'DZIN MA MYONG ZHING, YAB CHOS RJE'I THUGS DAM PHYAGS PHYI LA BSDAD PAS RANG SHUGS KYIS SHES PAR GYUR, DE NAS LO DGU LON PA'I TSE GU GE BDAG PO BLO BZANG RAB BRTAN PA GTZANG PHYOGS SU BYON TE, THUB BSTAN KU MU DA YI TSAL, ,LEGS PAR RGYAS MDZAD BCO LNGA YI, ,ZLA BA PAn CHEN DGE 'DUN GRUB, ,NUB PHYOGS BDE BA CAN DU GSHEGS, ,DE TSE GANGS CAN BSTAN PA YI, ,KU MUD ZUM PA MA BZOD NAS, ,MKHYEN BRTZE'I 'OD DKAR DANG LDAN PA'I, ,SLAR YANG ZLA BA GSAR PA TSES, ,ZHES SOGS KYI SNYAN NGAG PHYAG RTAGS GNANG BYUNG BA LA, DE DANG MTHUN PA'I ZHU LAN YANG TSIGS BCAD DU BSDEBS PA PHUL, DE DUS GU GE BDAG PO BA LA CHOS SKYONG ZHAL BZHI PA 'DI CUNG MI DGYES PA'I CHOS SKYONG GI CHO 'PHRUL DU MA NYAMS SNANG MNGON SUM DU 'CHAR BA BYUNG, GZHAN YANG CHOS SKYONG 'DI LA GTOR MA 'BUL DGOS PA'I SKUL MA CHOS SKYONG RANG GIS MDZAD PA'I RNAM PA BYUNG BAS, YAB CHOS RJES DE GONG CHOS SKYONG 'DI'I RJES GNANG MA GSAN 'DUG KYANG 'PHRAL DU GSAN PA SOGS MDZAD NAS GNANG BA YIN, LO DE NYID LA NUB CIG SROD LA TSIGS BCAD MANG PO THOGS MED DU BRTZAMS, YI GER MA 'KHOD, THO RANGS, RGYAL MTSAN TOG GI YID BZHIN NOR BU, ,ZHES SOGS KYI TSIGS BCAD 'DI RNAMS SMRAS PA, ZHUN MAR SBAR NAS YAB KYIS PHYAG

, ,BRIS SU MDZAD DO, ,DE YAN CHAD RAB TU MA BYUNG BA'I BYIS PA'I SKABS KYI KUN SPYOD DU GDA', LO BCU LON PA'I TSE BKRA SHIS LHUN PO BA RNAMS BKA' BGROS TE SPYI SO NAS GSOL DPON SGROL MA DANG DKA' BCU PA RDOR RGYAL, DKYIL KHANG NAS CHOS MDZAD RGYAL BA, THOS BSAM GLING NAS RGYAL MTSAN DPAL BZANG, SHAR RTZE NAS CHOS MDZAD KHA RAG PA RNAMS GDAN 'DREN LA MNGAGS NAS DE RNAMS DANG LHAN CIG TU BKRA SHIS LHUN POR YONGS, RTA LO HOR ZLA DRUG PA'I TSES BZHI YONGS GRAGS KYI SANGS RGYAS KYIS CHOS KYI 'KHOR LO BSKOR BA'I DUS CHEN LA SKRA BCAD DUR SMRIG GI RGYAL MTSAN BLANGS, PAn CHEN LUNG RIGS RGYA MTSO'I DRUNG DU DGE BSNYEN YONGS RDZOGS KYI SDOM PA BLANGS, MING DGE 'DUN RGYA MTSO'I DPAL ZHES BYA BAR BTAGS, DE NAS LO DE'I DGUN CHOS KYI TSE 'PHAGS PA SPYAN RAS GZIGS DBANG PHYUG GI RNAM 'PHRUL, DON GYI SLAD DU MTSAN NAS BDE LEGS RIN CEN RGYAL MTSAN DPAL BZANG PO'I BDE LEGS RIN CEN RGYAL MTSAN DPAL BZANG PO'I ZHAL SNGA NAS RTA SGO PHYOGS LA PHEBS BZHED NAS THEGS PAS CUNG ZAD STABS MA 'GRIG PAR PHYIR PHEBS PA BKRA SHIS LHUN POR GDAN DRANGS TE DE NYID KYIS MKHAN PO, PAn CHEN LUNG RIGS RGYA MTSO'I DRUNG GIS SLOB DPON, DBU MDZAD SANGS TSUL BAS DUS GO BA MDZAD DE DGE 'DUN GRANGS TSANG BA'I DBUS SU DGE TSUL GYI SDOM PA BLANGS, GNAS RNYING PA'I LUGS KYI MGON PO 'KHOR BRGYAD KYI RJES GNANG DANG, MGON PO SNYING ZHUGS 'PHO BA DANG BCAS PA ZHUS, DE NAS BZUNG STE TSAD MA RNAM 'GREL

GYI GZHUNG BZUNG STE RGYUGS TSANG BAR CHOS RJE LA PHUL, CHOS RJE'I DRUNG DU BSDUS PA'I ZIN THUN THUN MONG BA RTAGS RIGS BLO RIGS SOGS SKYOR CHOS BYAS TE NYAN, MKHA' 'GRO MA SENG GDONG CAN GTZO 'KHOR GSUM PA'I BZLAS LUNG ZHIG KYANG ZHUS, DE NAS DE'I DBYAR PAn CHEN LUNG RIGS RGYA MTSOS GDAN SA BZHAG NAS KUN SPANGS MDZAD, STON LA BAB PA NA PAn CHEN YE SHES RTZE MO GDAN SAR PHEBS, DE NYID KYI DRUNG DU THOG MAR RJE NAS BRGYUD PA'I MGON PO BAR CHAD KUN SEL GYI RJES GNANG ZHUS, DE NAS DPYID SNAR THANG DU DPAL DUS KYI 'KHOR LO'I DBANG CHOG DBANG GONG MA DANG BCAS PA, BDAG PO CHEN PO'I DBANG MA GTOGS TSANG BAR ZHUS, GZHAN YANG MGON PO BCU GSUM GYI DBANG RJES GNANG, YIG CA RNAMS KYI LUNG, SNGAGS RIM, BDE MCHOG RGYUD t'IKA CHEN DANG BCAS PA, BRTAG GNYIS KYI RGYUD MKHAS GRUB CHOS RJE'I t'IKA DANG BCAS PA, DPAL KYE RDO RJE'I BSKYED RDZOGS SBYIN SREG SOGS KYI LUNG SOGS SNGAGS PHYOGS DU MA DANG, BKA' GDAMS GLEGS BAM CHA LAG DANG BCAS PA; JO BO'I LAM YIG RNAM THAR CHOS KYI 'BYUNG GNAS, CHOS CHUNG BRGYA RTZA PHAL CHE BA'I LUNG, RJE RIN PO CHE DANG MKHAS GRUB RJE, CHOS RJE RGYAL SRAS PA, THAMS CAD MKHYEN PA DGE 'DUN GRUB, 'DUL 'DZIN BLO GROS SBAS PA RNAMS KYI BKA' 'BUM GYI LUNG, DUS 'KHOR t'IKA CHEN GYI LUNG SOGS MANG PO DANG BCAS PA THOB CING, DKYUS LA GSUNGS PA'I DKA' CHEN BZHI'I MDZUB KHRID TZAM MA GTOGS MTSAN NYID KYI BRTZI BZHAG RANG NI 'DOD PA BZHIN MA BYUNG, DE NAS LO BCU DRUG LON PA'I STON,

, ,DE GONG RJES GNANG YAB CHOS RJE'I DRUNG DU 'JAM DBYANGS DKAR PO'I SGRUB SKOR GYI LUNG ZHUS NAS BSNYEN PA ZHIG BYAS PAS BYIN GYIS BRLABS PA'I MTSAN MA KHYAD PAR CAN BYUNG, DE DUS 'DZIN YANGS PA ZHIG LA SHES 'DOD YOD PAS BYIN RLABS LA BRTEN NAS, JO BO'I BSTOD PA SUM CU PA 'DI SNGAR MTHONG MA MYONG PA LA LAN GSUM BSGRAGS PAS BLO LA ZIN, RJE NYID KYIS MDZAD PA'I RJE BTZUN BYAMS PA'I BSTOD PA TSANGS PA'I COD PAN MA DANG RNAM RGYAL GYI BSTOD PA 'CHI MED GRUB PA GNYIS SBRAGS PA LA SHO LO KA BRGYAR NYE BA TZAM 'DUG PA NYUNG JA 'DEBS GCIG GI RING LA SHIN TU BYANG BAR BLO LA ZIN, DE BZHIN DU SHO LO KA RE RE DKA' SLA CI YIN YANG SGROG THENG RE LA MI ZIN PA MED PA BYUNG BAS SPYI DON RIGS RGYAN DANG, CHOS RJE SMON LAM DPAL BA'I RNAM 'GREL GYI t'I KA BLO LA PHAL CHER BZUNG NAS DGUN CHOS DANG PO LA BSDUS GRVA BYAS, GNYIS PA LA RIGS CHUNG LA BSGRIGS, DE DUS NGED RANG GI RTOG PA LA, KHONG ZLA BO RNAMS SLOB DPON LA BRTZI BZHAG NYAN PA'I BSHAD PA BGRO GLENG SOGS GANG SA NAS YANG DAG YOD, NGED RANG DPE CHA RANG LA BRTEN PAR SONG BAS RNGO THOGS PA ZHIG MI YONG SNYAM PA'I ZHUM PO RANG YOD KYANG, ZLA BO RNAMS LA GZHUNG GI SBYOR BA DANG 'PHROS LON TZAM RE DANG, BGRO GLENG ZIR RE BA RE MIN PA MI 'DUG PAS SPOBS PA SKYES TE DPYID CHOS DANG PO LA RIGS 'BRING BYAS, DER YANG ZLA BO RNAMS LAS NGED RANG BSHAD PA SOGS GANG SA NAS LHAG PA 'DUG PA DANG, CHOS THOG GSUM LA RIGS CHEN BYAS ZER BA ZHIG YONG BA 'DUG SNYAM PA'I SNANG SHAS DANG

SBRAGS DPYID CHOS GNYIS PA LA RIGS CHEN LA SGRIG PA TZAM BYAS, DE NAS BZUNG STE LO BCU BDUN GYI NGO TSUN RNAM 'GREL GYI RIGS GRVA 'GRIMS, DE NAS RANG BLO GANG 'GRO'I GRVA TSANG PHYI MA RNAMS KYI SPYI DON BZHIN BLTAS, KHYAD PAR DPON SLOB KYI LAS 'BREL YOD TSOD 'DUG PAS 'JAM DBYANGS LEGS PA CHOS 'BYOR GYI PHAR PHYIN 'GREL ZUR BKOL SOGS GRVA PA 'GA'I LAG NA 'DUG PA MTHONG BAS BLO LA SHIN TU 'BAB PAR BYUNG STE BLO LA BZUNG NAS LUNG CHEN RANG LA BSGRIGS, DE NAS BZUNG STE DBYAR DBU MA'I SGRIGS DANG, DGUN DPYID PHAR TSAD SPEL GYIN BYAS, LO BCU DRUG PA DANG BCU BDUN PA'I TSE SNYAN NGAG LA BLO'I SNANG BA THOB NAS RGYAL BA TZONG KHA PA'I BSTOD PA LEGS PA DE DANG, DPAL MLDAN LHA MO'I MNGON RTOGS BSKANG GSO CHUNG BA BSTOD PA DANG BCAS PA, GZHAN YANG 'JAM DBYANGS DKAR SER DBYANGS CAN MA SOGS SANGS RGYAS BYANG SEMS DU MA'I BSTOD PA DANG, GZHAN YANG RANG RANG GI BSKUL MKHAN RNAMS KYI 'DOD DANG SBYAR BA'I BLA MA MANG PO'I BSTOD PA GSOL 'DEBS SOGS MTHA' YAS PA ZHIG BRTZAMS, DE NAS LO BCU BDUN 'GRO BA'I BYI BA LO'I HOR ZLA BCU GCIG PA LA BKRA SHIS LHUN PO BA DPON SLOB RNAMS GNAS RNYING NAS CHOS RJE RIN PO CHE 'JAM DPAL SNYING POS BDAG RKYEN MDZAD DE GNAS RNYING DU CHOS BAR LA PHEBS, DER CHOS THOG GNYIS KYI BAR BZHUGS, ZHAL SNGA NAS MKHAN PO RIN PO CHES TSOGS PA LA RJE'I GSANG BA'I RNAM THAR GSUNGS, SGOS SU THAMS CAD MKHYEN PA DGE 'DUN GRUB KYI THUGS DAM CHIG BRGYUD SGROL DKAR SPYAN BDUN MA'I RJES GNANG SOGS

, ,ZHUS, DE DUS MKHAN PO RIN PO CHES GSAR DU BZHENGS PA'I GOS SKU CHEN MO TSOGS PA LA GZIGS MO GNANG, SKYA SER GYI KHROM MTHA' YAS PA 'DUS PA LA PHYAG DBANG ZHU MKHAN SOGS KYIS SKU NGAL DOGS, ZHAL SNGA NAS PAn CHEN KHRIMS PA RNAMS KYIS SKU BSRUNGS PA LAS BYIN RLABS ZHU MI THAMS CAD NGA'I PHYOGS SU BYIN RLABS ZHU BA LA 'UR TE KHRIMS PA RNAMS KYIS ZHAL SNGA NAS PAn CHEN BZHAG NAS NGA SRUNG DGOS PA BYUNG, DE LA'ANG ZHAL SNGA NAS KYI NYE GNAS RNAMS YID ZUG RNGU CAN DU GYUR, DE NAS PHYIR LAM DPAL 'KHOR BDE CHEN DU SLOB DPON RNAM PAS THOG DRANGS DGE 'DUN RNAMS KYIS BKUR STI BSAM GYIS MI KHYAB PA BYAS, CHOS LUNG YANG MANG DU BSHAD, ,'BRONG RTZER CHOS RJE CHOS BLO BA DANG, NANG SO TSE DBANG PAS LTA KHRID DANG AU RGYAN BSNYEN SGRUB, NI GU'I CHOS DRUG GI KHRID SOGS MANG DU GSAN, GDUL BYA YANG MTHA' YAS PA BYUNG, DE NAS MAN LUNG DU THAMS CAD MKHYEN PA'I BU CHEN CHOS RJE MAN LUNG PAS GDAN DRANGS, DER YANG AU RGYAN BSNYEN SGRUB, RTA MGRIN GSANG SGRUB KYI RJES GNANG SOGS GSAN, ZHABS TOG KYANG RGYA CHER MDZAD, MDOR NA NYANG STOD PHYOGS SU GDUL BYA SA 'UR LA SONG, GTZO BOR DES RKYEN BYAS, BKRA SHIS LHUN POR SDOD DUS KYANG GRVA PA SLOB GNYER BA RES KYANG JA 'DEBS LAS MA 'BYOR KYANG DRANGS, DE LA BRTEN NAS NYE GNAS RNAMS PHRAG DOG PA DANG, SNAR THANG MKHAN CHEN SHER RGYAL BAR GRAGS PA DE NGED KYI YAB CHOS RJE LA SHIN TU MI MNYES PAS, MI DE'I BU LA THAMS CAD MKHYEN PA'I SKU SKYE MI 'ONG ZHES SOGS GSUNGS

PAS RJE'I ZHAL SNGA NAS PAn CHEN YANG GNANG DKAR GTAD DE, NGA RANG GI NGOS NAS SANGS RGYAS DNGOS KYI 'DU SHES YOD CING, BSAM SBYOR GNYIS KA'I SGO NAS BSTEN TSUL DUS DENG SANG MI LA RAS PA DANG 'BROM GYI RNAM THAR BZHIN BYAS SNYAM PA YOD NA'ANG, THUGS CUNG ZAD MA MNYES PA'I TSUL STON GYIN 'DUG PAS BKRA SHIS LHUN POR SDOD RING LA'ANG THUGS LA PHOG DOGS SHA STAG BYAS, DE NAS SLOB DPON RNAM PAS KYANG BKA' BGROS, RE ZHIG BSDAD NA MI LEGS PA'I ZHAL TA BYUNG BAS, SNGAR GNAS RNYING DU CHOS BAR LA 'GRO DUS RMI LAM DU BUD MED ZHIG GIS, SNYIGS MA'I DUS 'DIR RGYAL PO'I BAR CHAD 'BYUNG, RTA LA GSOL BA THOB ZER LHANG BA ZHIG BYUNG NA'ANG, RTA MGRIN GYI BSNYEN SGRUB SOGS KYANG 'DOD PA BZHIN MA THUB, DE DUS ZHAL SNGA NAS PAn CHEN RANG LA YANG RGYAL PO'I BAR CHAD KYI RNAM PA DNGOS SU GZIGS PA DANG MNAL LAM DU SHAR BA SOGS JI SNYED CIG BYUNG 'DUG PAS, SDOD YUN RINGS NA RGYAL PO'I BAR CHAD KYI RNAM PAS ZHAL SNGA NAS NGED RANG LA RGYU MED PA'I THUGS KHREL CHEN PO 'JUG PA 'DRA BSAM PA SHAR BA DANG, SNGAR NAS KYANG CHOS RJE SMON LAM DPAL BAS DBUS PHYOGS LA CIS KYANG YONG DGOS PA'I PHYAG THAM RIM PAR PHEBS, RANG NYID KYANG 'GRO 'DOD CHER YOD NA'ANG, DE DUS NI SLOB DPON RNAM PAS MA BTANG, DA 'GRO DGOS PA 'DUG SNYAM PA SHAR TE, RDO RJE GDAN DU DGONGS PA ZHUS, CHAS KA RDZONG DAR GNANG, ZHAL SNGA NAS PAn CHEN DRUNG DU PHYI PHYAG CIG 'BUL BAR YONGS AE CHOG ZHU BA'I ZHU BA NAN GYIS PHUL NA'ANG MA SMIN PAS SNGON LAS SU GO

, ,STE; STAG LO ZLA BA GNYIS PA'I NANG DU BKRA SHIS LHUN PO NAS BTEG ,GLANG PHU NAS RTA DREL SKYEL MI SOGS KYI MTHUN RKYEN MDZAD DE, RGYUN PA'I NYE GNAS 'JAM DPAL GRAGS DANG, RAB 'BYAMS PA DAR MA PHYAGS PHYI LA KHRID DE 'BRAS SPUNGS SU SLEB, 'JAM DBYANGS LEGS PA CHOS 'BYOR GYI ZHAL SNGA NAS 'OL SNAR THEGS, PHYIR PHEBS PA DANG 'GRIG ,BSU BA DANG GDAN BZOS SOGS RTEN 'BREL LEGS PAR SGRIG PA MDZAD, DE'I TSE NUB PHYOGS NAS NYI MA'I DKYIL 'KHOR SHAR BA SOGS MNAL LAM NGO MTSAR BA'ANG BYUNG 'DUG DE DGONGS, DO NUB RTEN 'BREL ZHIG YOD PAS 'BRAS SPUNGS GZIMS KHANG RANG DU NYOL GSUNGS NAS NYAL, PHYIS GDAN SAR SLEB PA'I RTEN 'BREL DU GO DER RTZA SHES 'JUG GI BSHAD PA MDZUB KHRID DANG BCAS PA ZHUS, DE DUS RTEN 'BREL BSTOD PA'I t'I KA DE YANG BRTZAMS, DE NAS BZUNG STE LO GSUM GYI RING LA PHAR TSAD, 'DUL MDZOD, MNGON PA GONG 'OG ,MDO SDE RGYAN, RGYUD BLA MA, 'BYED RNAM GNYIS, TSAD MA MDO, DRANG NGES RNAM 'BYED SOGS MTSAN NYID KYI GZHUNG DU MA'I BSHAD PA MDZUB KHRID DANG BCAS PA, RJE YAB SRAS KYI BKA' 'BUM, RJE'I RNAM THAR CHE CHUNG, 'JAM DBYANGS CHOS RJE'I RNAM THAR, RJE BTZUN MI LA'I RNAM THAR SOGS KYI LUNG MANG PO DANG, GSANG BA 'DUS PA'I DBANG BZHI YONGS SU RDZOGS PAR ZHUS TE, 'GREL PA SGRON GSAL CHA LAG DANG BCAS PA, RGYUD KYI MDZUB KHRID, RIM LNGA GSAL SGRON, GDAN RDZOGS, BSKYED RIM GYI t'IKA SOGS YIG CA MANG PO'I BSHAD PA, GZHAN YANG, SNGAGS RIM CHEN MO, BDE

MCHOG t'IKA CHEN GYI LUNG BSHAD, BDE MCHOG 'DOD 'JO, RDZOGS RIM RNAL 'BYOR CHEN PO'I RNAM BSHAD KYI KHRID YIG SOGS DANG, N'A RO CHOS DRUG GI KHRID YIG ,DRIL BU RIM LNGA'I KHRID YIG RNAM BSHAD SOGS DANG, RGYAL TSAB RJE'I DUS 'KHOR KHRID YIG ,CHOS RJE BA SO BA'I DUS 'KHOR GYI BSKYED RDZOGS, KYEE RDO RJE'I RGYUD BRTAG PA GNYIS PA'I MKHAS GRUB CHOS RJE'I t'I KA'I STENG NAS MDZUB KHRID, GZHAN YANG, KYEE RDOR, 'KHOR CHEN, 'JIGS BYED SOGS KYI BSKYED RDZOGS KYI ZIN THUN, GSANG 'DUS BSKYED RDZOGS KYI ZIN THUN, RDZOGS RIM GYI KHRID, SNYING PO DON GSUM, LTA KHRID, LAM RIM CHEN MO SOGS MDOR NA SNGAGS MTSAN NYID KYI CHOS SKOR MTHA' YAS PA ZHIG NYAN, SNYAN NGAN ME LONG GI BSHAD PA TSAR GCIG KYANG NYAN NO, ,DE'I TSE SNGAGS MTSAN NYID KYI SKYOR CHOS DGOS PA PHAL CHER RANG GIS SKYOR MGO BYAS, MDO SDE RGYAN GYI MDZUB KHRID KYI SKABS SU NYIN RE YIG 'PHRENG BDUN MA'I GZHUNG GI SHOG BU PHYED DANG GNYIS LHAG TZAM RE'I MDZUB KHRID RGYUGS RE LA THOGS MED DU SKYOR BA BYAS, 'DUS PA'I RGYUD KYI LE'U GNYIS PA'I MGOR, KHYOD KYIS LUS SEMS LTA BU DANG, ZHES SOGS KYI MDZUB KHRID KYI SKABS SU NYIN GCIG BSHAD PA LA 'BYAMS NAS, DE RING MDZUB KHRID SKYOR THUB PA ZHIG MI YONG BA 'DRA, SANG BSDUS NAS MDZUB KHRID 'CHOS PA YIN BKA' LUNG GNANG BA LA, NGAS BSHAD PA DE LA DPAGS PA'I MDZUB KHRID CIG BCOS NAS AE SKYOR ZHUS PAS, 'O NA DE BZHIN MDZAD PAS CHOG GSUNG, NGAS LEGS PAR BSKYAR BAS SHIN TU MNYES TE, 'DI 'DRA YIN NA GSANG BA

, ,'DUS PA'I RGYUD TSAR GCIG NYAN PA RANG GIS RGYUD KYI 'CHAD NYAN CI 'DOD BYAS CHOG PA 'DUG GSUNG BSNGAGS PA YANG MDZAD, DE NAS 'BRAS SPUNGS SU SLEB PA'I STON LNGA MCHOD CHEN MO'I SKABS SU RI BO DGE LDAN DU DNGUL GDUNG RIN PO CHE MJAL BA LA PHYIN, GZIMS KHANG RTZE SHAR, RGYUD PA SOGS NAS BKUR STI DANG BDAG RKYEN BSAM GYIS MI KHYAB PA GNANG, SLOB DPON CHOS KYI RJE YE SHES BZANG PO'I DRUNG DU BLA MA'I RNAL 'BYOR ZHIG GI CHOS 'BREL ZHIG KYANG ZHUS, YANG BAR GCIG TU SE RAR SLOB DPON CHOS KYI RJE DPAL 'BYOR LHUN GRUB KYI ZHAL SNGA NAS CIS KYANG SHOG GSUNG PA PHEBS NAS, 'BRAS SPUNGS CHOS RJE'I DGONGS PA ZHUS, MJAL DU PHYIN, DANG PO CHOS 'BREL RANG GI 'DUN PA MED NA'ANG RJE'I RTOGS BRJOD KYI LUNG DANG, BAR CHAD KUN SEL GYI RJES GNANG RJE LAS GYE RE BA DKA' BZHI PA LA BRGYUD PA GNANG, DE NAS NGED RANG YANG DAD PAR BYUNG NAS, RNAM RGYAL DANG RNAM 'JOMS KYI RJES GNANG ZHIG KYANG ZHUS, DE NAS YOS LO HOR ZLA GNYIS PA'I TSES BRGYAD CHO 'PHRUL GYI DUS CHEN LA TSIGS SNGA MA'I MKHAN PO RIN PO CHE DE NYID KYIS MKHAN PO DANG, 'JAM DBYANGS LEGS PA CHOS 'BYOR GYIS LAS SLOB, RA TSAG NAS SLOB DPON RIN PO CHE SANGS RGYAS BZANG PO BAS GSANG STE STON PA'I SLOB DPON, DRUNG 'OL KHA BA SANGS RGYAS BZANG PO BAS DUS GO BA MDZAD NAS DGE 'DUN GRANGS TSANG BA'I DBUS SU DPAL LDAN 'BRAS SPUNGS SU BSNYEN PAR RDZOGS PA'I SDOM PA YANG DAG PAR BLANGS, BAR CIG TU SLOB DPON RIN PO CHE SANGS RGYAS BZANG PO'I DRUNG

DU PHYIN, PHAG MO BCU GSUM MA'I DBANG SOGS PHAG MO'I CHOS SKOR MANG DU ZHUS, RJE BTZUN MA'I SKU KHYAD PAR CAN DANG MJAL BAS BYIN GYIS BRLABS PA'I MTSAN MA CUNG ZAD KYANG BYUNG, 'BRAS SPUNGS CHOS RJE'I DRUNG DU BSLAB BYA CHEN MO'I BSHAD PA RDZOGS PAR ZHUS, DE DANG 'BREL BAR BSLAB BTUS, TSUL KHRIMS LE'U'I RNAM BSHAD, RTZA LTUNG RNAM BSHAD CHEN MO, BLA MA LNGA BCU'I PA'I t'I KA, SPYOD 'JUG, CHOS RJE BYAMS PA GLING PA'I BSHES SPRING t'I KA, PAn CHEN NAGS RIN PA NAS BRGYUD PA'I SBYOR BA YAN LAG DRUG SOGS KYANG NYAN, DE DUS SLOB GNYER 'PHRO RDZOGS PA DANG GTZANG PHYOGS KYI RI PHUG 'GOL SA ZHIG TU SGRUB PA ZHIG BYED SNYAM PA YOD PAS DE LA BSAMS PA'I 'JIG RTEN MNGON PAR DGA' BA'I ZLOS GAR ZHES BYA BA'I RANG GI RTOGS PA BRJOD PA RIM PA GNYIS KYANG BRTZAMS, GTZANG LA 'GRO BA SHAR NA RVA SGRENG MA MJAL DOGS YOS LO'I STON ZLA BA DGU PA'I DUS CHEN LA GTAD DE GYE RE BAS MTHUN RKYEN BYAS RVA SGRENG DU PHYIN, ZHAG LNGA TZAM GYI BAR DU RTEN MJAL DANG GNAS GONG 'OG RNAMS MJAL BA SOGS BYAS, RVA SGRENG PA'I SKYA SER MANG PO LA CHOS 'BREL DANG SMON LAM 'DEBS PA BYAS PAS ME TOG GI CHAR KHYAMS KYI THOG GIS MA THUB PAR NANG THAMS CAD SKYA RJIB PA BABS 'DUG ,KHONG RNAMS DAD PA CHE BA DANG GNAS BZANG BA'I STABS KYIS YIN PA 'DUG SNYAM PA SHAR, DE NAS PHYIR 'BRAS SPUNGS SU SLEB PA DANG LO TZTSA BA CHEN PO BLO LDAN SHES RAB KYI CHOS KYI GDAN KHRI 'DZIN PA PAn CHEN MCHOG LHA 'OD ZER BA DE DANG ZHU YIG 'BUL RES RE BYUNG BA'I SKABS SU NGO MTSAR BA'I MNAL LAM GYI LTAS

, ,MANG PO BYUNG 'DUG PA DANG, SNGAR THAMS CAD MKHYEN PA'I ZHAL CHEMS DRAN PAS RKYEN BYAS, 'PHYONGS RGYAS NAS CHOS RGYAL CHEN PO RDO RJE TSE BRTAN PA DANG YON MCHOD BKA' BGROS, 'PHYONGS RGYAS SU YONG DGOS PA'I GDAN 'DREN NAN CHE BAR BYUNG, DE DUS 'BRAS SPUNGS RJE'I DRUNG DU DGONGS PA ZHUS PA ZHAL NAS, MDANG NGA'I RMI LAM DU SKU MDUN NAS RIN PO CHE'I KHRI CHEN PO ZHIG GI STENG NA NA BZA' BZANG PO DANG BCAS PA BZHUGS, KHRI'I RKANG PA BZHI BUD MED RGYAN 'CHOR PO MI LAS 'DAS PA BZHIS BTEG 'DUG PAS THEGS NA 'GRO DON CHEN PO YONG BA 'DUG ,KHA SING RVA SGRENG LA THEGS DUS KYANG JO BO 'PHYING DKAR BA DANG BSTAN MA RNAMS KYIS BSU BA YANG BYUNG GSUNGS, DE NAS GZHIS KA SNE'U NAS NANG SO RNAM RGYAL BA'I DRUNG GIS MTHUN RKYEN RDZONGS STA MDZAD, 'BRUG LO'I STON GYI MJUG GSER LA LA BYAS THOG MAR BSAM YAS SU PHYIN, SANG GTZUG LAG KHANG RNAMS MJAL DGOS SNYAM DU YOD PA LA DE DGONGS RMI LAM DU DGE BA'I BSHES GNYEN GZHON NU ZHIG BYUNG NAS, MCHOD KHANG RNAMS NGAS GZIGS 'BUL ZER PHYIN PAS THAMS CAD TSANG BAR BSTAN, SANG MJAL DUS BSTAN ZIN PA LTA BUR BYUNG, GZHAN GLO BUR DU MJAL BA DE 'DRA LA DKON GNYER RNAMS KYANG 'DZOM DKA' BA YIN 'DUG PA LA DE'I NYIN THAMS CAD RANG RANG GI SGO RTZAR SGUG SDOD BYAS PA 'DRA BAR 'DUG, PHYIS BSAMS DUS BSAM YAS KYI GZHI BDAG CHEN PO 'DIS NGED RANG GI ZHABS TOG BYAS PAR 'DUG SNYAM PA SHAR, DE NAS RTZED THANG DU PHYIN, ZHAG 'GA' BSDAD, GRVA BU SLOB 'GA' LA 'DOD

CHOS KYANG STZAL, CHA BA GRU PAS GDAN DRANGS KHRA 'BRUG GI GTZUG LAG KHANG MJAL, 'PHYONGS RGYAS SU RIM PAS SLEB STE, PAn CHEN MCHOG LHA 'OD ZER GYI ZHAL NAS, KHYED NI 'BROM STON PA DNGOS YIN, NGA RNGOG LEGS PA'I SHES RAB MA YIN YANG DE'I GDAN SA PA YIN PAS NGAS GSOL BA 'DEBS PAS BKA' GDAMS GLEGS BAM ZHIG GSUNG DGOS GSUNGS PA DANG DU BLANGS TE RI BO BDE CHEN GYI DPON SLOB RNAMS LA THOG MAR RJE'I GSANG BA'I RNAM THAR TSAR GCIG BSHAD, DE NAS BKA' GDAMS GLEGS BAM YONGS SU RDZOGS PA DANG, DON GNYER CAN 'GA' LA 'JUG PA'I MDZUB KHRID BSHAD PA DANG BCAS PA, NI GU CHOS DRUG ,SNYING PO DON GSUM SOGS DANG, CHOS RJE PAn CHEN RANG LA DPAL LDAN LHA MO'I RJES GNANG, 'DUS PA'I KHRID SOGS DANG, NANG SO RDO RJE TSE BRTAN PA LA 'JAM DBYANGS CHOS SKOR, GZHAN YANG THUGS BZHED KYI RJES GNANG DU MA NANG SO MES DBON RNAM PAS GSAN, NGED RANG GIS KYANG CHOS 'KHOR RGYA CHEN PO BSKOR BA'I THOG MA DE YIN NO, ,CHOS RJE PAn CHEN GYIS THOG DRANGS THAMS CAD KYANG DAD PA'I SA LA BKOD, ME TOG GI CHAR YANG MANG DU BABS SHING, GZHAN YANG BKA' GDAMS GLEGS BAM BSHAD PA PHAL CHE BAR ME TOG GI CHAR 'BAB PA BYUNG, CHOS KYI YA MTSAN DU GO ,DE NAS ZHANG MKHAR BAS SPYAN DRANGS, SPYAN G-YAS ZHANG MKHAR SOGS SU PHYIN, SKYE BO'I TSOGS MTHA' YAS PA LA KHROM CHOS KYANG BSHAD, THAMS CAD BSNYEN GNAS SRUNG BA SOGS DGE BA'I LAM LA BKOD, DE RJES SPYAN G-YAS MKHAN CHEN BKRA SHIS LEGS PAS GDAN DRANGS TE

, ,CHOS GRVA CHEN PO RTZED THANG DU BLA MA SLOB DPON RNAMS KYIS THOG DRANGS SDE SNOD 'DZIN PA DU MA DANG, DGE 'DUN CHES MANG PO LA BKA' GDAMS GLEGS BAM, RIM LNGA GSAL SGRON GYI BSHAD PA, SNYING PO DON GSUM SOGS TSOGS CHE BA DANG, NANG DU DBANG KHRID RJES GNANG MANG DU BYAS, THAMS CAD KYANG THUGS RANGS SHING DAD PA'I SA LA BKOD, 'BUL BA BSNYEN BKUR YANG SNGAR RTZED THANG PAS BLA MA GZHAN LA 'DI 'DRA BYED MA MYONG ZER BA BYUNG, DE NAS BZUNG STE LO MANG PO'I BAR DU LO LO BZHIN SHAS CHER RTZED THANG DU DPYID SOS 'PHYOS PA'I SPYIL BUR SDOD SA BYAS, LAM RIM CHUNG BA, RJE YAB SRAS KYI BKA' 'BUM, BSLAB BTUS, 'JUG PA'I MDZUB KHRID BSHAD PA DANG BCAS PA, DRANG NGES RNAM 'BYED SOGS CHOS KYI 'KHOR LO BSKOR BAS PHYOGS DER BSTAN PA SPYI DANG, KHYAD PAR RJE'I BSTAN PA LA PHAN CHE BAR BYUNG NGO ZHES KUN MTHUN PAR GLENG, RTZED THANG DU CHOS BSHAD RES KYIS CHOS GROL MTSAMS SOGS SU DGE 'DUN GTOS CHE BA DANG BCAS KHRA 'BRUG TU SMON LAM MCHOD PA RGYA CHEN PO DANG BCAS PA BYAS SHING, 'JA' TSON GYI GUR DANG ME TOG GI CHAR LA SOGS PA NGO MTSAR BA'I LTAS MTHA' YAS PA BYUNG NGO, ,RI BO BDE CHEN DANG RTZED THANG DU CHOS BSHAD PA'I THOG MA DE LO NYI SHU RTZA GCIG PA'I SKABS YIN, DE NAS NANG SO 'PHYOS PAS 'PHYOS SU GDAN DRANGS, LO SHAS 'PHYOS TSOR PHAL MO CHER BSDAD CING, RI BO CHOS RDZONG DU DBYAR GNAS BYAS, DGE 'DUN BYINGS LA BLO SBYONG BSLAB BTUS SOGS DANG DKA' BCU PA BLO GROS TSUL KHRIMS PA SOGS DON GNYER

CAN 'GA' LA RGYUD BLA MA'I MDZUB KHRID KYANG BSHAD, DE NAS RTA LO SKYID SHOD KYI BDE GZAR CHEN MO BYUNG BA'I RJES SU LUG LO'I DPYID 'OL KHA PHYOGS SU RJE'I SGRUB GNAS KHYAD PAR CAN RNAMS MJAL BA LA PHYIN, 'OL KHA'I SPANG KHA CHU TSAN DU MKHAS GRUB NOR BZANG RGYA MTSO'I ZHAL SNGA NAS KYANG MJAL BA LA PHEBS, THAMS CAD MKHYEN PA LA SHIN TU GUS PAR 'DUG PA DANG, MNAL LAM DU'ANG NUB PHYOGS NAS NYI MA'I DKYIL 'KHOR ZHIG SHAR BYUNG 'DUG PA NAS DE RES TSUR LA PHYAG 'BUL MDZAD, NGED RANG GIS KYANG DUS KYI 'KHOR LO'I CHOS SKOR YONGS SU RDZOGS PA ZHIG ZHU 'DOD PA'I RGYU MTSAN YANG PHUL, DE NAS RDZING PHYIR DGE BA'I BSHES GNYEN MKHAS PA MKHAN CHEN SANGS RGYAS TSUL KHRIMS PAS GSOL BA BTAB STE, MKHAN CHEN PAS THOG DRANGS RDZING PHYI SOGS 'OL KHA STOD SMAD KYI DGE 'DUN GTOS CHE BA SKYE BO MI NAG PA'I TSOGS SHIN TU MANG PO DANG BCAS PA LA BKA' GDAMS GLEGS BAM BSHAD, DANG PO KHROM CHUNG DUS MCHOD KHANG RANG DU BYAS, DE NAS MCHOD KHANG DU MA SHONG BAR PHYI'I LTAG TU NA KHA CHE BA ZHIG GI STENG DU BSHAD, THAMS CAD KYANG DAD PA THOB CING DGE BA'I LAM LA BKOD, DE NAS BSAM GTAN GLING, BYANG CHUB GLING, RGYA SOGS LHA SDINGS, BYAMS PA GLING SOGS, ,RJE NYID KYIS GANG BZHUGS PA'I GNAS RNAMS MJAL, KHYAD PAR CHOS LUNG DU 'OL KHA STOD SMAD KYI SKYE BO'I TSOGS THAMS CAD 'DUS TE KHROM CHOS KYANG BSHAD, DE NAS RGYA RI RDZONG DU NANG SO ADGRA LAS RNAM RGYAL BA GSHEGS, MKHAS GRUB NOR BZANG RGYA MTSO LA NGO CHEN ZHUS TE, DE'I DGONGS RDZOGS KYI GRAL DBU

, ,LA PHYIN, AE PHYOGS KYI SKYA SER MANG PO LA CHOS KYANG BSHAD DO, LUG LO'I MJUG LA 'BRAS SPUNGS CHOS RJE MJAL BA DANG, 'BRAS SPUNGS DANG DGE LDAN DU MANG JA ZHIG ZHU BA'I PHYIR SKYID SHOD DU YONGS, NANG SO BRAG DKAR BA SRI CHOD RGYAL POS SKUL MA DANG MTHUN RKYEN MDZAD NAS, LCAGS PHO SPRE'U'I LO RANG GI LO NYI SHU RTZA LNGA PA'I STENG DU YER PAR DRANG NGES RNAM 'BYED KYI DKA' 'GREL DE DANG GRUB MTHA' SPYI'I RNAM GZHAG CIG BRTZAMS, YER PAR YANG BKA' GDAMS GLEGS BAM PHAL CHE BA BSHAD, ME TOG GI CHAR DANG, THUGS DAM PA 'GA' ZHIG GI MNAL LAM GYI LTAS NGO MTSAR BA DAG KYANG BYUNG SNANG NGO, ,DE NAS GDAN SA THEL DU PHYIN, ZHAG GSUM TZAM BSDAD, RTEN GSUM RNAMS MJAL, NGO MTSAR BA'I SGO DU MA BYUNG, DE'I DBYAR SOS RIN CHEN SGANG DU BSDAD NAS MKHAS SHING GRUB PA'I DBANG PHYUG THAMS CAD MKHYEN PA NOR BZANG RGYA MTSO'I DRUNG DU DUS KYI 'KHOR LO'I RGYUD 'GREL GYI RTZIS CHA LAG YONGS SU RDZOGS PA DANG, RJE DE NYID KYIS MDZAD PA'I DUS 'KHOR SPYI DON GYI BSHAD LUNG SOGS DANG, ZAB LAM LTA BA'I GNAD DU MA, DPAL GSANG BA 'DUS PA'I LAM RIM PA GNYIS KYI GNAD DON RDZOGS PA, SGROL DKAR YID BZHIN 'KHOR LO'I RJES GNANG LUNG SOGS MANG DU ZHUS SHING, SNGAGS MTSAN NYID THA SNYAD KYI GTZUG LAG DUS KYI 'KHOR LO'I RTZIS KYI SKOR SOGS DANG, KHYAD PAR LTA BA'I GNAD DRANG NGES RNAM 'BYED SOGS KYI DKA' BA'I GNAS MTHA' YAS PA DPON SLOB 'BEL GTAM GYI TSUL DU YANG GNANG STE, MDOR NA BLA MA DE NYID MKHAS SHING GRUB PA BRNYES

PA RDO RJE 'CHANG CHEN PO'I GO 'PHANG RING POR MI THOGS PAR MNGON SUM DU MDZAD PA'I GSANG BA'I RNAM PAR THAR PA DPAG PAR DKA' BA RNAMS KYANG MTHONG BAS RANG NYID KYANG MCHOG TU DAD CING, BLA MA DE NYID KYANG MCHOG TU DGYES PAR BYUNG, KHYAD PAR NGED RANG GI DRANG NGES RNAM 'BYED KYI DKA' 'GREL SOGS BRTZAMS PA MANG PO SPYAN LAM DU PHAB PAS KYANG THUGS SHIN TU RANGS PAR GYUR, DE'I STON RDZING PHYI MKHAN CHEN SANGS RGYAS TSUL KHRIMS PAS GSOL BA BTAB PA LA BRTEN DPON SLOB LHAN DU RVA SGRENG MJAL BA LA THEGS, PHAR LAM LO, KHRA PHU, KHAM LUNG, PHU CHUNG, PO TO, SNE'U ZUR SOGS BKA' GDAMS KYI GNAS RNAMS RIM PAS MJAL TE STAG LUNG GI MCHOD KHANG YANG MJAL, RVA SGRENG DU ZHAG BCU PHYIN BZHUGS, RVA SGRENG GI SKYA SER RNAMS LA CHOS KYANG BSHAD, DE'I TSE DROD PA NYUL LU ZHES BYA BA'I SHUG PA ZHIG BSKAMS NAS RGYUN RING DU SONG BA LA LO MA GSAR DU SKYES PA DANG, CHU MIG GSAR PA ZHIG KYANG RDOR BA SOGS BYUNG BAS THAMS CAD DAD CING NGO MTSAR BAR GYUR, DE NAS KA MA, DGE GONG, RUG PA SOGS MJAL TE SPYIL BUR PHYIN, RTEN NGO MTSAR BA 'DUG PA RNAMS ZHAL PHYE BAS DE'I NYIN 'JA' TSON GYI GUR DANG ME TOG GI CHAR MTHA' YAS PA BYUNG ZHING, BRAG RTZA MKHAN PO RIN PO CHE BGRES PA ZHIG 'DUG PAS KYANG DAD NAS LTA KHRID SOGS CHOS 'BREL KYANG GSAN, DE NAS PHYIR 'KHOR TE DGUN GYI RING LO'I BRAG GDONG DU MTSAMS BCAD DE BSDAD, DE'I TSE RMI LAM DU LUNG PA SNGAR MTHONG MA MYONG BA'I NE'U KHA SPANG LJONGS BDE MO LA BRAG DKAR PO CHOL LE BA

, ,YOD PA ZHIG 'DUG PA LA, BRAG DE RNAMS LA LAG PAS REG PAS RJES LAM LAM 'ONG GIN 'DUG, 'DI DKON COG GI THUGS RJE YIN ZER BA ZHIG RMIS, PHYIS RGYAL GYI DGON PA 'DI THEBS PA'I LTAS SU GO ,DE NAS RKYEN PHRAN TSEGS ZHIG LA BRTEN NAS RTA BRDABS KYI RNAM PAS LAG PA G-YAS PA 'DI CHAG PA ZHIG BYUNG NA'ANG ZUG RNGU MNGON PA TSER MA ZUG PA TZAM YANG MA BYUNG ZHING, ZHAG GCIG GNYID CHAG PA TZAM YANG MA BYUNG BAS THAMS CAD KYIS, SA THOB PA ZHIG YIN PA 'DUG CES GLENG BA BYUNG, DON LA DKON COG GI THUGS RJER 'DUG ,DE NAS LHA RGYA RI BAS GDAN DRANGS, DPYID SOS AE PHYOGS SU PHYIN PA'I THOG TU NANG SO NGANG SKYAL BA RIN CEN DPAL BZANG BAS GDAN 'DREN NAN CHE BAR MDZAD DE GNYAL GYI NGANG SKYAL DU SDE DRUG 'DUS PA'I LUNG GRVA CHEN MO'I GRAL DBU LA PHYIN, DGE 'DUN STONG PHRAG LHAG TZAM DANG SKYE BO'I TSOGS MTHA' YAS PA LA BYANG CHUB LAM GYI RIM PA LAS BRTZAMS PA'I KHROM CHOS DANG, DGE 'DUN RNAMS LA NGED RANG GI DRANG NGES RNAM 'BYED KYI t'IKA GANG 'GRO ZHIG GZABS BSHAD BYAS PAS DGE BSHES MKHAS PA RNAMS KYANG YID PHROGS SHING, THA NA NYIN RE BZHIN MANG JA TSA RA SOGS YAS GTAM BSNGO BA MANG PO BYED DGOS KYI 'DUG PA RNAMS KYANG RNYING PA YE MA BYAS PAR GSAR DU RTZOM PA MI 'DRA BA RKYANG PA BYAS GTAM BTANG BAS THAMS CAD KYANG BLO LAS 'DAS PA'I NGO MTSAR GYI GNAS SU BYED, RAB BYUNG BSNYEN RDZOGS KYANG BRGYA LHAG TZAM BSGRUBS PAS BSTAN PA LA PHAN PAR BYUNG, DE NAS BYA PA NANG SO TSE DBANG PAS TZVA RI'I GNAS CHEN MJAL BAR

BZHED NA CIS KYANG PHEBS PA ZHU, NGED KYI ZHABS TOG BYED GSUNG BYUNG BAS, NGED KYANG SHES 'DOD CHE BAR YOD PAS 'GRO BAR BRTZAMS, RIM PAS RI STENG BRA GOR RNAMS SU TSOGS CHOS BSHAD, CHOS RGYAL LHUN POR NANG SO SGO GCIG PAS ZHABS TOG PHUL DU PHYIN PA MDZAD, SENG GE RDZONG DU ZANGS RI GNYIS TSOGS PA'I DGE 'DUN DRUG BRGYA LHAG TZAM DANG SKYE BO'I TSOGS MTHA' YAS PA LA TSOGS CHOS BSHAD, THAMS CAD KYANG DAD PA'I SA LA BKOD, GSER PHYE 'BUM PA LA MCHOD PA 'BUL BA DANG SKOR BA SOGS BYAS, PHO BRANG YANG RTZE DANG PADMO BKOD PA SOGS SU NANG SO TSE DBANG PAS GUS MCHOD MTHA' YAS PA MDZAD DE CHOS RGYAL LA BRGYUD NAS THANG POR BAR ZHAG BYAS, JO BO LA NAS TZVA RI'I YUL STOD DU SLEB, SPANG CHUNG ZHES BYA BA G-YON GRAL BA'I SPANG MOR SLEB MA KHAD NAM MKHA' G-YA' DAG STE SPANG MO DE NYID NAS DAG PA SHEL RI SHIN TU GSAL BAR MTHONG BA DANG, TZVA RI MJAL BAR PHYIN PA'I NGED RANG GI GRVA PA MANG POS TZVA RI'I G-YU MTSOS THOG DRANGS MTSO THAMS CAD KYI CHU SNA BSDUS TE SMYUG DONG DU BLUG PA DANG MTSO RDE SIN DHU RA SOGS 'BUL DU BYUNG BAS RTEN 'BREL SHIN TU LEGS PA BYUNG, MTSO RNAMS PHAR MJAL MA DGOS PAR TSUR MJAL YONGS PA LTA BU'I SNANG BA SHAR, MTSAN LDAN THOD PA'I DRUNG BKRA SHIS SGANG DU ZHAG TU NYAL ZHING RJE BTZUN MA BCU GSUM MA'I SGRUB MCHOD DANG TSOGS MCHOD BYAS PAS RMI LAM GYI LTAS KHYAD PAR CAN YANG MTHONG, DE NAS PUR CHEN PUR CHUNG MJAL DU PHYIN PAS RI DE NYID KYI RTZE NAS NAM MKHA' G-YA' DAG NAS DAG PA SHEL RI DANG, GZHAN

, ,YANG NGO MTSAR BA'I MTSO DANG RI RNAMS KYI RTEN BSHAD DE KHA NAS PHYAG CHEN PAS BYAS CHOG PA DANG, PUR CHUNG GI RTZE NAS KLO'I YUL RNAMS KYANG 'DI LTAR YOD KYI RTEN BSHAD KYANG BYAS CHOG PA BYUNG, DE NAS SKYED TSANG ZIL CHEN SOGS MJAL, YUL SMAD LA PHYIN, GNAS 'BREL 'OS PA RNAMS BYAS, MDOR NA TZVA RI DER NAM MKHA' G-YA' DAG PA DBYAR NYIN RE TZAM YANG DKA' BA YIN 'DUG PA LA SDOD RING NYIN MO NAM MKHA' G-YA' DAG PA 'BA' ZHIG DANG MTSAN MO CHAR 'BAB PA DANG, KHYAD PAR PUR CHEN PUR CHUNG MJAL BA'I NYIN MJAL TSAR NAS NGAS MAR RI LA JI LTAR BABS PA'I RIM PA BZHIN SMUG PA ZHAL KHEBS BTANG BA BZHIN BYUNG STE YUL STOD DU SLEB PA DANG RI THAMS CAD SMUG PAS G-YOGS, CHAR BABS PAS THAMS CAD NGO MTSAR DU GYUR, DE NAS BYAR SMAD KYI JO BO BE KHA MJAL, DE'I PHU'I LA LA BYAS NAS ZANGS PO CHER ZHAG NYI SHU LHAG TZAM GYI BAR ZANGS RI GNYIS KA TSOGS PA'I DGE 'DUN MTHA' YAS PA LA CHOS KYI 'KHOR LO BSKOR, RAB BYUNG BSNYEN RDZOGS KYANG MANG DU BSGRUBS, SLAR YANG NGANG SKYAL DU PHEBS NAS DRUNG BSOD NAMS GRUB PA BAS CHOS GRO GRONG MKHAR DU SPYAN DRANGS, 'BUL BA BSNYEN BKUR CHEN PO BYAS SO, ,DE DUS LO NYI SHU RTZA DRUG 'GRO BA'I BYA LO YIN, DE NAS KHYI LO'I SOS AE NAS 'PHYOS KYI RGYAL MTSAN RTZER SLEB THOG GSUNG RAB RGYA MTSOS KYANG DER PHYAG PHYIR THOG MAR SLEB, STON DPON SLOB RNAMS THAMS CAD MKHYEN PA'I ZHAL SLOB RNYING PA DKA' BCU PA BSOD DPAL ZHES PAS LHO BRAG NAS GDAN 'DREN NAN CAN BYUNG BA DANG, GRUB CHEN PHYAG RDOR BA'I

SKU GDUNG MJAL 'DOD KYANG CHE BAR YOD PAS LHO BRAG LA BTEG ,THOG MAR 'PHYONGS RGYAS SU NANG SO ZHAL NGO RNAMS KYIS ZHABS TOG PHUL DU BYUNG BA MDZAD, DE NAS RGYA SMAN GYI PHU'I LA LA BYAS TE BKRA SHIS CHOS GLING DU THOGS ,CIG GI RING BKA' GDAMS GLEGS BAM SOGS SPYI CHOS DANG RANG RANG GI 'DOD CHOS MANG DU BSHAD, DE NAS THIG PHYIR GRUB CHEN RIN PO CHE'I SKU GDUNG DRUNG DU DKAR ME MTHA' YAS PA SOGS MCHOD PA RGYA CHEN PO PHUL, SKOR BA DANG SMON LAM MANG DU BYAS, DE NAS STONG RI NYI SHAR DU RGYAL BA TZONG KHA PAS GRUB CHEN LHO BRAG PA LA BSLAB BTUS SOGS GSUNGS PA'I BZHUGS KHRI'I STENG NAS SKYA SER 'DUS PA'I TSOGS LA CHOS BSHAD, DE'I TSE NAM MKHA' LAS CHOS KHRI LA 'JA' TSON THAL BYUNG DU ZUG PA DANG ME TOG GI CHAR MTHA' YAS PA KUN GYI MTHUN SNANG DU GRUB PA BYUNG, DE NAS BTZAN GRO SOGS SU 'GRO DON RIM PAS BYAS NAS GLA BO DGON PAR GRUB CHEN RIN PO CHE'I DBON PO RNAMS KYIS GDAN DRANGS CHOS 'KHOR BSKOR, DE'I TSE 'GA' ZHIG GI MTHONG SNANG LA BUD MED RGYAN 'CHOR PO RNAMS KYIS CHIBS PA'I RKANG PA NAS BTEG STE SA LA MI REG PAR 'GRO BA DANG, BSAM YAS KYI GZHI BDAG CHEN PO SOGS YUL LHA GZHI BDAG MANG PO CHOS GRVAR CHOS NYAN PA MTHONG ZER TE YID BRTAN DKA', GRUB CHEN LHO BRAG PA'I RNAM THAR THANG SKU GRUB CHEN PA RANG GIS ZHAL BKOD MDZAD DE SHANGS MTSAL LAS BZHENGS PA'I BYIN RLABS CAN DE YANG NGED RANG LA PHUL, DA LTA RGYAL GYI RJE BTZUN BYAMS PA'I NANG BZHUGS BYAS RGYAL NA BZHUGS, DE NAS YAR KLUNGS SU SLEB, LO NYI SHU RTZA BRGYAD

, ,'GRO BA KHRAG SKYUG CES CHU MO PHAG GI LO'I DBYAR 'PHYOS RGYAL MTSAN RTZER BYA 'DAB NAS ZHABS TOG MDZAD DE MTSAN YANG DAG PAR BRJOD PA'I RGYUD DUS KYI 'KHOR LO'I SEMS 'GREL SKOR GSUM DANG MTHUN PAR BKRAL BA'I SNGON MED PA'I LEGS BSHAD DE'I RTZOM PA GRUB PAR BYAS, RGYAL MTSAN RTZER SDOD PA'I SNGON MA'I DUS CHOS RJE KHAMS PA BA, BLO GROS GRAGS PA BA SOGS DU MA LA 'DUL BA'I t'IKA CHEN STENG NAS BSHAD PA, YI DAM GYI BSKYED RIM, BDE MCHOG GI BSKYED RDZOGS, SNYING PO DON GSUM SOGS MANG DU BSHAD CING, PHYIS RAB 'BYAMS PA BZOD PA BA, GNAS BRTAN KUN DGA' BLA MA BA SOGS LA 'DUS PA'I RGYUD KYI MDZUB KHRID BSHAD PA DANG BCAS PA SOGS CHOS MANG DU BSHAD, DE NAS PHAG LO'I STON YAB CHOS RJE RIN PO CHE DANG MJAL 'DZOM GYI BKA' BGROS SHAR NAS GTZANG PHYOGS LA BTEG, YOL RIN CEN GLING DU TSOGS PA MKHAN CHEN BLO GROS MTSUNGS MED PAS GUS PA CHEN POS ZHABS TOG MTHA' YAS PA MDZAD, DE DUS YOL PHU RI GONG GI MGON PO BAR SNANG MA MJAL DU PHYIN, DE'I TSE RMI LAM GYI LTAS LA SANG MJAL DGOS SNYAM PA'I NUB AA TZA RA SNGON PO RAS KYI SHAM THABS CAN ZHIG BYUNG NAS, SANGS RGYAS GNYAN STON RI GONG NA BZHUGS PA LA AA TZA RA ZHIG BYUNG STE, KHYED DGE SBYOR BYED PA LA DMIGS PA'I RTEN ZHIG DGOS PA YIN PAS AE BZHENG ZER BA LA, 'O NA CIS KYANG BZHENGS PA ZHU ZHUS NAS 'JIM PA DANG RIN PO CHE MANG PO SPUNGS PAS BZHENG MA DGOS PAR MGON PO'I SKU RANG BYON DU BYON, AA TZA RA DE YANG DE LA THIM PA YIN NO ZER RTEN BSHAD

BYAS PA'I RMI LAM ZHIG BYUNG, PHYIS RNAM THAR BLTAS DUS KYANG MTHUN PAR 'DUG GO ,DE NAS GLANG PHUR SLEB, GLANG PHU NAS BRGYUD DE BKRA SHIS LHUN POR MANG JA ZHU BA DANG, PAn CHEN DRUNG DU PHYAG 'BUL LA YONGS CHOG PA'I ZHU BA NAN CHER PHUL NA'ANG NYE GNAS RNAMS KYI STABS KYIS MA SMIN PAR BYANG KHA BRGYUD DE RI MKHAR DU SLOB DPON CHOS KYI RJE LUNG RIGS RGYA MTSO'I DRUNG DU MJAL, DE NAS RDO RJE GDAN DU SLEB STE YAB RIN PO CHE'I DRUNG DU SGRUB THABS RGYA MTSO CHA LAG DANG BCAS PA, KYEE RDO RJE, 'KHOR CHEN, KUN RIG ,MI 'KHRUGS PA SOGS KYI DBANG, SHANGS PA'I RGYUD SDE LNGA'I DBANG GIS THOG DRANGS PA'I NI GU'I CHOS DRUG DANG RJES SU 'BREL BA'I DBANG RJES GNANG TSANG MA, GDUGS DKAR GYI DBANG LEGS LDAN MCHED GSUM GYI RJES GNANG DANG BCAS PA, RTOG GSUM GYI t'IKA'I BSHAD PA, 'KHRUL 'KHOR RNAMS KYI LAG LEN YI DAM GYI SNGAGS BTU'I RJES GNANG DANG BCAS PA, GZHAN YANG GSHIN RJE'I GSHED SKOR GYI RJE YAB SRAS DANG RVA PA SOGS NAS BRGYUD PA'I MAN NGAG ZAB KHYAD CAN DU MA, TSE RING MCHED LNGA'I RJES GNANG SOGS SNGAR MA THOB PA'I CHOS TSAN MTHA' YAS PA ZHUS SHING, TSE RING MCHED LNGA'I RJES GNANG MDZAD PA'I SKABS SU CHOS SKYONG DNGOS SU 'KHOR BA'I LTAS KHYAD PAR CAN YANG BYUNG, RDO RJE GDAN DU RTA NAG PHU MDA' PHYOGS PHAN TSUN NAS 'DUS PA'I SKYA SER RNAMS LA BKA' GDAMS GLEGS BAM, SNYING PO DON GSUM SOGS BSHAD, GNAS DE DANG LEGS PA SPEL SOGS SU SKYE BO STONG PHRAG MANG PO BSNYEN GNAS DANG, 'PHAGS PA ZHAL BCU GCIG PA'I SMYUNG BAR GNAS PA

, ,LA BKOD, YAB RIN PO CHE'I DRUNG DU YANG BKA' LUNG NAN CHE BA PHEBS PA LA BRTEN BYANG CHUB SEMS DPA'I SDOM PA DANG LTA BA'I GNAD DU MA PHUL, RTA NAG MDA' BAR DU ZHAL SNGA NAS KYANG SKYEL THUNG GI TSUL DU PHEBS, PHU MDA' THAMS CAD DU 'GRO DON RGYA CHE BA BYAS TE SLAR DBUS PHYOGS SU SLEB, RTZED THANG DU DGE 'DUN LNGA BRGYA LHAG TZAM LA SGRUB THABS RGYA MTSO'I RJES GNANG RNAMS KYIS THOG DRANGS CHOS MANG DU BSHAD, RTZED THANG NAS RMOG THOG PA DRUNG BZANG BAS SHEL BRAG TU GDAN DRANGS, AU RGYAN PHUG PA MJAL, DE'I TSE ME TOG GI CHAR CHEN PO BABS, SHEL BRAG GI DGE 'DUN PHO MO THAMS CAD LA TSOGS CHOS BSHAD, THAMS CAD KYANG DAD PA'I SEMS DANG LDAN PAR GYUR, DE NAS AE PHYOGS SU LHA RGYA RI BAS GDAN DRANGS NAS DER YANG NANG SOS THOG DRANGS DGE BA'I BSHES GNYEN DU MA DANG BCAS PA LA SGRUB THABS RGYA MTSO BSHAD, AE'I GSAL YANGS SU ZHI BYED BRGYUD PA PHYI MA'I CHOS SKOR THOGS CIG BSHAD NAS YAR KLUNGS PHYOGS SU SLEB, DE NAS RVA SGRENG LA LAN GSUM TZAM PHYIN KYANG ZHAG HA CANG MANG BA MA BSDAD PAS THOG CIG SDOD PA'I 'DUN PA SKYES NAS THOG MAR DGE 'DUN LA MANG JA ZHU BA DANG BCAS RI BO DGE LDAN DU SLEB, DER RGYUD PA STOD SMAD LA 'BYON PA'I SDE SNOD 'DZIN PA RNAMS KYIS THOG DRANGS LUNG RIGS SMRA BA DRUG CU LHAG TZAM LA SNYING PO DON GSUM DANG, KHYAD PAR ZAB MO LTA BA'I DKA' GNAS PHAL CHER GTAN LA PHAB STE BSHAD, DE NAS ZHOGS KYI PHU LA BYAS RVA SGRENG DU SLEB NAS ZLA BA GCIG TZAM GYI RING LA MTSAMS BCAD DE, SKU 'DRA RIN PO CHE DBU

YON MA SNGAS MGOR SPYAN DRANGS NAS GSOL BA 'DEBS PA DANG, YI DAM GYI LHA MANG PO'I BSNYEN SGRUB BYAS, DE NAS BSAGS SBYANG BYAS NA LEGS PAR MTHONG STE, GUNG TSIGS THON NAS RVA SGRENG GI DGON GONG 'OG GI DGE 'DUN RNAMS KYIS THOG DRANGS CHOS NYAN GTOS CHE BA LA BKA' GDAMS GLEGS BAM GYI CHOS THUN RE BSHAD, GZhAN SNGA DGONGS BYINGS GLING SKOR BYAS, KHYAD PAR KA GNYIS MA DANG SPYAN SNGA SKU 'BUM SOGS LA SKOR BA RANG BYAS, GTZANG PHYOGS DANG 'OL KHA SOGS LA 'PHRIN LAS 'JUG PA'I SGO YOD PA'I LUNG BSTAN GSAL BA DANG, 'BROM CHOS KYI RGYAL POS BYIN GYIS BRLABS PA'I LTAS KHYAD PAR CAN DANG, RVA SGRENG GI CHOS SKYONG GZHI BDAG RNAMS KYIS RMI LAM DU NGO MTSAR BA'I LTAS MANG PO BSTAN PA DAG YOD DE MA BKOD, DE DUS RGYA MA NAS SPYAN SNGA BLO GROS 'JIGS MED PA RVA SGRENG MJAL DU BYON TE DBU RTZE RIN PO CHER SMON LAM PHYOGS GCIG TU 'DEBS PA DANG 'BEL GTAM YANG MANG DU MDZAD, DER ZLA BA GSUM TZAM BSDAD NAS JO GDAN DGON GYI LA LA BYAS TE STABS DKA'I MCHOD RTEN RNAMS MJAL, DPAL 'BAR, 'BAG TSAG SOGS SU CHOS BSHAD DE RANYDZA RAB KYI RJE BTZUN GYI SKU KHYAD PAR CAN MJAL, BYA YUL SOGS BKA' GDAMS KYI GNAS LHAG MA 'GA' MJAL TE, SPUN DRUG RDZONG DU NANG SO RNAM PAS ZHABS TOG MDZAD DE 'ON GYI LA LA BYAS 'PHYOS SU SLEB, DE DUS GTZANG PHYOGS SU YAB RIN PO CHE GZHAN DON DU DGONGS PA LA NYE BA'I MTSAN MA SHIN TU GSAL BA BYUNG STE SKU MDUN DU MI GTONG BA SOGS KYANG BYAS, DE NAS SKU KHAMS MNYEL BA'I TSUL BSTAN TE 'BOD

, ,MI YANG GNANG BYUNG BAS BYANG KHA BRGYUD DE RDO RJE GDAN DU PHYIN, DNGOS SU MJAL THUB PA NI MA BYUNG, ZHAG BCO LNGA THUGS DAM LA BZHUGS NAS GROL BA DANG 'GRIG THUGS KYI DGONGS PA YONGS SU RDZOGS PA'I THABS RNAMS LEGS PAR BSGRUBS, DE DUS GZIMS MAL BRIS SKU ZHIG BZHENGS PA LA RAB TU GNAS PA BYAS PAS ME TOG THUGS KAR CHAGS, ZHAG MANG DU MA ZAGS PAR BZUNG, 'DI 'DRA'I RIGS DBUS GTZANG DVAGS KONG SOGS SU BYUNG BA GRANGS MANG PO YOD DE MI RNAMS NGO MTSAR GYI GNAS SU BYED, NGED RANG NI YID BRTAN CHER MED SNYAM, DE NAS YAR KLUNGS 'PHYOS SU SLEB, LHA RGYA RI BAS GDAN DRANGS AE PHYOGS SU SLEB PA LA MTHA' 'KHOB BSTAN PA'I SGRON ME SLOB DPON CHOS DPAL BA DPON SLOB RNAMS KYIS DVAGS PO PHYOGS SU PHEBS DGOS PA'I GDAN 'DREN NAN CHEN BYUNG BA LA BRTEN SPUR LTANG LA LA BYAS THOG MAR DVAGS PO LA GONG SDE BRGYAD DU GRAGS PAR SLEB, BRAG STENG, BSAM GTAN GLING SOGS SU CHOS KYI 'KHOR LO RGYA CHER BSKOR, THAMS CAD KYANG BSNYEN GNAS SRUNG BA DANG SROG GCOD SPONG BA SOGS DGE BA'I LAM LA BKOD, DE NAS BYE NYIL DU SLEB, SLOB DPON CHOS DPAL BAS MTSAN NYID KYI GRVA TSANG NGED RANG LA PHUL, SGAM POR SKU 'DRA RIN PO CHE MJAL, RI PA RNAMS LA MANG JA DRANGS, ZANGS LUNG GI DVAGS PO RIN PO CHE'I BZHUGS KHRI'I STENG DU BSDAD, SKYA SER DU MA LA CHOS 'CHAD PA SOGS RTEN 'BREL LEGS TSOGS SU 'GRIG GRO MDAR NANG SO YON MCHOD RNAM PAS BSNYEN BKUR ZHING DGON GSAR ZHIG 'DUG PA'I MING DGE LDAN CHOS GLING

ZHES BYA BAR BTAGS, SLAR DVAGS PO STOD DU SLEB STE THAMS CAD KYIS RGYAL ME TOG THANG DU DGON PA 'DEBS DGOS PA'I ZHU BA NAN CHER BYUNG ZHING RTEN 'BREL GYI PAR SOGS GANG SA NAS LEGS PA BYUNG, DE RES 'DEBS PA NI MA SHAR, RGYAL DU ZHAG SA BYAS, YAR NGO'I GSO SBYONG ZHIG DANG 'GRIG BYUNG BAS GSO SBYONG BYAS TE RTEN 'BREL LEGS PAR BSGRIGS, 'OL KHA GZHIS KA NAS GDAN 'DREN BYAS TE ZHAL NGO RNAMS KYIS BKA' GDAMS GLEGS BAM SOGS CHOS BKA' MANG DU GSAN, DBYAR DER BSDAD NAS YAB CHOS RJE'I GDUNG KHANG GSER 'BUM MTHO BCU GCIG YOD PA ZHIG LEGS PAR BZHENGS, GDAN DRANGS GTZANG PHYOGS SU SLEB STE RDO RJE GDAN DU SKU GDUNG ZHUGS LA PHUL BAS ZHUN THIGS LA RDO RJE PHAG MO'I SKU SHIN TU GSAL BA 'BUR DU DOD PA ZHIG RING BSREL DANG BCAS PA, GZHAN YANG SKU GDUNG RNAMS SHEL LTAR DVANGS PA'I RING BSREL SNGON PO DU MA DANG, KHYAD PAR SNGON PO MTHA' YAS PAS BYUR BUR GTAMS PA BYON, SKU GDUNG PHAL CHER GSER 'BUM DU BZHUGS SHING RAB TU GNAS PA'I DGA' STON RGYAS PAR BYAS TE PHYI NANG GI RNAM PAR THAR PA SNYAN NGAG GI LAM LAS 'ONGS PA YANG BRTZAMS, DE NAS GLANG PHU DANG THON SOGS NAS ZHABS TOG YANG DAG MDZAD NAS YAR KLUNGS PHYOGS BRGYUD DVAGS PHYOGS SU SLEB, MTSAN NYID PA'I GRVA TSANG DPON SLOB DANG LHAN CIG PAR CHOS BAR RIM PAS BYAS, SLOB DPON CHOS DPAL BA DANG LJANG GRO DKA' BCU PAS THOG DRANGS DGE 'DUN RNAMS LA BKA' GDAMS GLEGS BAM DANG DRANG NGES RNAM 'BYED SOGS CHOS MANG DU BSHAD CING, THOS

, ,BSAM GLING DU RGYAL GYI DGON PA 'DEBS PA'I BRTAG PA BYAS PAS BZANG BAR BYUNG, BANG RIM NAS GDAN DRANGS TE NANG SO KHU DBON RAB BYUNG MDZAD PA DANG, MKHAN CHEN PA KHRI THOG TU SKO BA ME TOG 'THOR BA SOGS DANG, SKYE BO'I TSOGS MTHA' YAS PA CHOS KYI LAM LA BKOD NAS NANG SO 'OL KHA GZHIS KA BAS SBYIN BDAG GI GTZO BO MDZAD, DVAGS PO LA GONG STAG GZHER BA SDE DANG BCAS PAS SBYIN BDAG MTHIL MA BYAS, DKAR PO ZHES BYA BA SA MO SBRUL GYI LO SNRON GYI ZLA BA'I DKAR PHYOGS KYI GZA' SKAR DANG 'PHROD SBYOR PHUN SUM TSOGS PA LA RGYAL ME TOG THANG DU GRVA TSANG DANG DPON SLOB RNAMS LHAN DU PHEBS TE DGON PA'I 'GRAM 'DING BAR BRTZAMS PA NA SNGAR BSAM YAS KYI GTZUG LAG KHANG BZHENG DUS BYUNG BAR GRAGS PA'I GTZUG LAG KHANG GI 'GRAM 'DING BA TZAM BYAS PA ZHIG 'DUG PA DER 'DING NGAM, YANG RI LOGS DER 'DEBS PA THAMS CAD ZHAL MA 'CHAM PAR THE TSOM DU GYUR PA LA RTZIG 'GRAM BTINGS PA DE'I GONG TZAM DU MDZO DKAR PO ZHIG YOD PA DES RTZVA CHU LA SOGS LA LTOS PA MED PAR DE NYID DU ZHAG GCIG GZHI PHAB NAS NYAL BYUNG BAS DER BYED DGOS PAR GO STE, BRTAG PA BYAS PAS KYANG DE NYID DU BABS, BABS MA THAG MDZO DE LANGS SONG BAS SHIN TU YID CHES PAR BYUNG STE, LAG GI BLA BSKO BA DANG, LTO 'PHYE'I THIG RDO BA BTEG PA'I MTHA' LAS BYUNG BA'I RUNG KHANG GCOD PA SOGS SNGAGS MTSAN NYID KYI PHYAG LEN RNAM PAR DAG PAS GTZUG LAG KHANG DNGOS GZHI LA KA CHEN BDUN CU THAM PA, GTZANG KHANG KA CHEN BRGYAD, SGO KHANG KA BA BZHI STE KA CHEN BRGYAD CU GYA GNYIS

KYI 'GRAM BTING STE, DE'I TSE DGE 'DUN DAR ZHES PA ZHIG GIS 'GRAM BRUS PA'I 'OG NAS DUNG G-YAS 'KHYIL RANG BYON ZHIG DANG, RDO PAD 'DAB CAN BZHI YANG BYUNG NGO, ,RDO DE RNAMS BUM GTER DANG BCAS TE SLAR ZUR BZHIR 'GRAM GYI 'OG TU CHUD PAR BYAS, DBYAR THOG DE LA RTZIG PA THOG SOR 'KHYOL LA KHAD PA TZAM BYUNG, MKHAR LAS KYI TSE YANG ME TOG GI CHAR NYIN RE BZHIN 'BAB PA SOGS 'DUG CES GLENG ZHING, SA RDO RNAMS KYANG GANG DGOS DGOS 'BAD MED DU 'BYUNG BA SOGS BYUNG, BYUNG BA'I RJES SU SA RDO RNAMS GANG NAS BTON PA'I SHUL MI MNGON PA DANG, GZHI MA DAG PA'I 'BU SRIN SOGS GTAN NAS MED PA DANG, MKHAR LAS 'GO BRTZAMS PA NAS BZUNG MJUG MA RDZOGS KYI BAR MKHAR LAS KYI SKOR LA BRTEN PA'I LAS RGYAG RNAMS LA GNAD YAR SOGS GTAN MED CING, THAMS CAD KYANG RMI LTAS SU SDIG PA 'DAG PA'I RTAGS RNAMS MTHONG BA SOGS NGO MTSAR BA BYUNG, DE'I STON DPON SLOB RNAMS NYANG PO PHYOGS LA BYON TE BSHES GNYEN CHEN PO NGAG DBANG CHOS GRUB PA SOGS RI KHANG, SANG SING GI CHOS SDE GNYIS KYI BLA MA DGE 'DUN RNAMS KYIS THOG DRANGS, SANG 'DAS RU BA'I BAR GYI NYANG PO STOD SMAD THAMS CAD LA RANG RANG DANG 'TSAM PA'I CHOS GDAMS NGAG BSTAN TE DGE BA LA BKOD, DE NAS RTA LO'I DBYAR RGYAL RANG DU GZHI PHAB, DVAGS PO GRVA TSANG DPON SLOB RNAMS DANG, SGAR PA'I GRVA TSANG 'OL KHA SOGS NAS DGE 'DUN KHA 'THOR 'DUS PA DANG BCAS PA SA LAS RGYAG MI GTZO BO BYAS TE DE'I DBYAR 'DU KHANG GI THOG TSANG MAR PHUB, THIGS SA DKON PAR YOD

, ,PA LA MGON G-YAG 'GAS KHUNGS BTZAL BA 'DRA BA'I SGO NAS SNGAR LUNG PA'I MI RNAMS LA RGYUS MED PA'I THIGS SA BZANG PO YANG BYUNG, DER 'DUS PA'I SKYA SER RNAMS LA CHOS BKA' RJES GNANG YANG MANG DU BYAS NAS BANG RIM PHYOGS SU ZLA SHAS BSDAD, MKHAN CHEN PA SKU MCHED LA DPAL GSANG BA 'DUS PA'I DBANG SOGS CHOS RJES GNANG MANG DU BYAS, LUG LO'I DBYAR RGYAL DU DPON SLOB RANG GIS BDAG RKYEN BYAS NAS LUNG RIGS SMRA BA SUM BRGYA TZAM TSOGS PA'I CHOS 'KHOR ZHAG BCU LHAG BYAS TE BLO GSAL LUNG RIGS SMRA BA RNAMS 'BEL GTAM RNAM PAR NGES PA'I CHOS KYI DGA' BAS ROL BAR GYUR, DGUN AE PHYOGS SU PHYIN RGYA RI RDZONG DU HOR ZLA BCU GNYIS PA'I DGU GTOR DANG, TSES GCIG GTOR MA RNAMS RGYU BZANG ZHING SHIN TU CHE BA RGYAN BZANG POS SPRAS PA GZHAN DAG GI BLOR MI SHONG BA BYAS, CHOS SKYONG MCHOD PA'I GTOR MA LAS BDUD RTZI DPAG TU MED PA BABS TE NANG THAMS CAD BDUD RTZI'I DRI BZANG GIS GANG BA BYUNG, LO GSAR GYI TSES GCIG LA GTOR MA SHIN TU CHEN PO BYED PA 'DI THOG MAR RTA NAG RDO RJE GDAN DU YAB CHOS RJE'I BKA' BKOD PHEBS NAS BYAS PA YIN, DE NAS DA BAR JE BZANG LA SONG, DE'I DBYAR DVAGS PO'I MI TSAN RNAMS KYIS CHOS 'KHOR DANG GTZUG LAG KHANG DANG MI TSAN SO SO'I SPYI KHANG SOGS KYI MKHAR LAS GANG 'OS BYAS, RGYA RI RDZONG NAS LHA 'JIG RTEN DBANG PHYUG CHE 'DON GYI ME TOG 'THOR DU KLOGS SU SLEB, DE DUS BKRA SHIS LHUN PO NAS SLOB DPON CHOS KYI RJE PAn CHEN YE SHES RTZE MO'I ZHAL SNGA NAS KYIS, BDAG GI BLA MA

THAMS CAD MKHYEN PA DGE 'DUN GRUB PA DPAL BZANG PO DE NYID SLAR YANG BSAMS BZHIN SKYE BA BZHES PA DE'I DRUNG DU, SLOB MA'I THA CHUNG YE SHES RTZE MOS ZHU PA, ZHES SOGS GZENGS BSTOD DANG BCAS TE BKRA SHIS LHUN PO'I GDAN SAR CIS KYANG SLEB DGOS PA'I BKA' STZAL NAN CHE BA PHO NYA DANG BCAS PHEBS, SNGAR MJAL KHA JI TZAM ZHUS KYANG MI GNANG BA LA DA LAN TSUR LA 'DUD PA'I RNAM PAS 'DI 'DRA GNANG BA 'DI YANG RANG GIS BSHES GNYEN BSTEN TSUL MA LOG PA'I RTEN 'BREL DU GO SPYIR YANG MDZUB MO NANG DU BKUG NAS JI TZAM BSAMS KYANG BSHES GNYEN BSTEN TSUL LA DUS DENG SANG LA LTOS PA'I 'DI PHAN LAS 'GRO RGYU MED SNYAM PA MA GTOGS SEMS GNONG DGOS PA GCIG KYANG MED, DA LTA NGED RANG LA YON TAN TZAM MED KYANG DGE BA'I BSHES GNYEN BSTAN 'DZIN CHEN PO RNAMS KYIS THOG DRANGS CHOS 'BREL YOD DO COG SHIN TU DAD PA 'DI YANG DE GA'I RTEN 'BREL YIN SNYAM PA YOD, DE RES LA, RGYAL BA KUN GYI YE SHES NGUR SMRIG GI ,ZHES SOGS ZHU YIG SNYAN NGAG GI LAM NAS 'ONGS PA YANG RTEN CHAS BZANG PO DANG BCAS TE PHUL, BLA MA'I BKA' SGRUB MI NUS PA LA, MI NUS DE LA TSIG GIS SBYANG, ,ZHES PA LTAR GYI BSHAD SBYANG DANG BCAS PA'I ZHU LAN PHUL NA'ANG SPRE'U LO'I STON CHOS RJE NUB RA BA DPON SLOB RNAMS BKA' SHOG NAN CHEN PO DANG BCAS TE 'OL KHA GZHIS KAR GDAN 'DREN LA BYON, DANG PO NGED RANG LA DGON PA CI 'DRA ZHIG GI BDAG RKYEN BYUNG NA SNYAM PA'I SHES 'DOD MED KYANG, BKRA SHIS LHUN PO'I GDAN SA BYUNG NA BYED KYANG BYED, 'OS RIS KYANG YIN SNYAM PA'I

, ,BLO YOD NA YANG, BAR SKABS SU BSNYAD PA'I GNAS TSUL LA BRTEN BLO'I 'KHRI BA CHOD PA DANG, RGYAL GYI DGON PA YANG BTAB ZIN PAS BKRA SHIS LHUN PO'I GDAN SA NI RTZA BA NAS MI BYED, 'ON KYANG SNGAR ZHAL SNGA NAS PAn CHEN LA NGED RANG NGOS NAS BSTEN TSUL 'BROM GYIS BLA MA SE BTZUN LA BYED PA BZHIN BYAS NA'ANG, THA NA ZHAL LTA BA'I SKABS KYANG MED PA ZHIG BYUNG BAS DA MJAL NAS DPON SLOB THUGS YID DAG PA ZHIG BYUNG NA NGA RANG YANG BSAM PA RDZOGS SHING, GNAS TSUL JI LTA BA BZHIN MA GO BA'I SKYE BO MANG PO ZHIG GIS NGED DPON SLOB YUL DU BYAS NAS SDIG PA GSOG PA'I SGO YANG 'GAG PA 'DUG SNYAM PA'I BSAM PA SKYES TE 'GRO BAR CHAS, THOG MAR RTZED THANG DU LNGA MCHOD CHEN MO'I STENG DU SLEB, RTZED THANG NA SNGA GONG LNGA MCHOD CHEN MO RGYUN CHAGS SU 'DUG NA'ANG 'PHYOS PA'I SPYIL BUR NGED RANG GIS CHOS BSHAD PA NAS BZUNG STE LNGA MCHOD PA'I DGE 'DUN RNAMS KYANG GNAS DE NYID DU TSOGS PA DANG, SNGAR GLING ME SOGS MED PA LA GLENG ME MTHA' YAS PA DANG BCAS PA TSUGS YOD PAS DE RES LNGA MCHOD KYI GRAL DBU BYAS, DE NAS NANG SO BYING PAS GDAN DRANGS ZHABS TOG MTHA' YAS PA MDZAD, DE NAS DE'I LA LA BYAS 'PHYOS PHU MDAR SLEB, YAR KLUNGS MTHIL LA BRGYUD DE BSAM YAS SU DKAR PO KUN GRAGS PAS MCHOD KHANG ZHIG GSOS BYAS 'DUG PAS RAB GNAS ZHABS TOG KYANG YANG DAG BYUNG, DE NAS SER LA LA BYAS BDE CHEN RTZER SLEB, NANG SO BRAG DKAR BA YUM SRAS KYIS ZHABS TOG MDZAD, CHOS BKA' MANG DU GSAN, DE NAS CHOS 'KHOR LHA SAR SLEB,

CHEN SHRI TSUL KHRIMS DPAL DANG, GO SHRI MGON PO RIN CEN, STAG LUNG GI SHRI SOGS RGYA BAN RNAMS BYON PA DANG 'GRIG KHONG RNAMS KYIS ZHABS TOG DANG 'BUL BA MTHA' YAS PA BYAS, SLOB DPON CHOS KYI RJE DPAL 'BYOR LHUN GRUB PAS BKA' GNANG STE SE RAR GDAN DRANGS, TSOGS PAS BSU PA DANG, RTEN 'BREL YOD GSUNG NAS CHOS RJE'I BZHUGS KHRI'I STENG NAS SE RAR TSOGS PA LA CHOS 'BREL YANG BYAS, MKHAS PA DON YOD DPAL LDAN, RJE BTZUN CHOS KYI RGYAL MTSAN, CHEN PO DON GRUB PA, CHEN PO YON TAN BSHES GNYEN, RAB 'BYAMS PA TSUL KHRIMS 'OD ZER SOGS BLA MA RNAMS KYIS THOG DRANGS THAMS CAD KYIS DAD GUS BSAM GYIS MI KHYAB PA MDZAD, DE NAS 'BRAS SPUNGS SU GDAN DRANGS, DBU MDZAD DPAL 'BYOR RGYAL MTSAN DBU MA RIN CEN DAR MA, MDO SMAD PA SHES RAB BLO GROS, DKA' RAB 'BYAMS SMRA BA SANGS RGYAS LEGS PA, SLOB DPON RGYAL MTSAN LEGS PA, RAB 'BYAMS PA RIN CEN RNAM RGYAL, BDE MCHOG PA KUN DGA' RGYAL MTSAN, 'DUL BA PA RIN CEN GRAGS PA, MNGA' RIS PA DKON COG BZANG PO, CHOS RJE DBON PO DKON COG DAR, SLOB DPON DPAL LDAN 'OD ZER RNAMS KYIS GTZOS PA'I TSOGS PA THAMS CAD KYIS GSUNG CHOS GSAN, DBU ZHVA 'DINGS PA DANG DAD GUS BSAM GYIS MI KHYAB PA MDZAD, MDOR NA DE RES, RJE BTZUN TZONG KHA PA CHEN PO PHYIN CHAD NAS BLA MA SU LA YANG 'DI 'DRA MA BYUNG ZHES GLENG, DGA' LDAN KHANG GSAR DU DBON SA YUM SRAS RNAMS KYIS GSUNG CHOS GSAN, ZHABS TOG PHUL DU BYUNG BA MDZAD, DE NAS LHUN

, ,GRUB SGANG DU THON PA'I NANG SO ZHAL NGO RNAMS KYIS ZHABS TOG MTHA' YAS PA MDZAD, CHOS KYI RJE DGE LEGS RNAM RGYAL BAS GDAN DRANGS TE RGYAL BYED TSAL DU TSOGS CHOS BSHAD, DE NAS GRUB ZHIR GLANG PHU BA DPON BLON GYIS GZHI LEN ZHABS TOG MDZAD DE SBAN DU DKA' RAB 'BYAMS SMRA BA BLO GROS RGYA MTSO DANG DKA' RAB 'BYAMS SMRA BA BLO BZANG BSHES GNYEN PA GDAN 'DREN LA BYON, BKRA SHIS LHUN PO'I TSOGS PAS BSAM GRUB RTZE'I ZAM SNE NAS SER SBRENGS MDZAD, SKYE BOS BYIN RLABS ZHU BA DANG, LTAD MO BA BSAM GYIS MI KHYAB PA TSOGS, DE NAS BKRA SHIS LHUN PO'I GZIMS KHANG RGYAL MTSAN MTHON POR SLEB, ZHAL SNGA NAS PAn CHEN DRUNG GIS KYANG BZHENGS NAS PHYAG LAN MDZAD, PHYIS DE 'DRA MI GNANG BA'I ZHU BA PHUL, ZHABS LA BYIN RLABS ZHUS PAS SDOD RING ZHABS RANG LA BYIN RLABS ZHUS CHOG PA BYUNG, DE DGONGS MANG JA'I STENG DU DGE 'DUN TSOGS PA LA BLA MA'I RNAL 'BYOR GYI CHOS 'BREL BYAS, DE NAS GDAN SA BYED MI DGOS PA'I ZHU BA NAN CHER PHUL NA'ANG, DAM TSIG LA DGAR BA'I BKA' LUNG GNANG NAS RE ZHIG KHAS LEN MI 'BUL KHA MED BYUNG BAS DGE 'DUN TSOGS PA NYIS STONG LHAG PA TZAM LA MANG JA SPOS 'GYED DANG BCAS PA BYAS, ZHAL SNGA NAS KYI DRUNG DU 'BUL CHEN ZHE BSKYED PA PHUL, DE'I STENG DU RTEN 'BREL GYI GNANG SBYIN DANG BCAS ME TOG 'THOR BA GNANG STE KHRI THOG TU SLEB, ZHAL SNGA NAS GZIMS KHANG SER POR KUN SPANGS MDZAD, DGUN CHOS ZUG NAS SNGA DRO TSAD MA RNAM 'GREL LA THAMS CAD MKHYEN PA'I t'IKA'I SA BCAD GZHIR BZHAG THAR

LAM GSAL BYED DANG MKHAS GRUB t'IKA CHEN SKABS SU GANG BAB KYI STENG DU LHA SH'AG SOGS 'GREL CHEN RNAMS KYI BSHAD PAS BRGYAN TE LEGS PAR BSHAD PAS MKHAS PA THAMS CAD KYI THUGS RANG DBANG MED PAR PHROGS, GZHUNG CHOS LA DGE 'DUN PHYED DANG SUM BRGYA LHAG TZAM MA CHAG PAR BYUNG, SNGON CHAD BOD DU TSAD MA RNAM 'GREL GYI GZHUNG CHOS PHYOGS GCIG TU NYAN MKHAN 'DI BAS MANG BA MA BYUNG ZHES KUN MTHUN PAR GLENG, DE'I RJES LA MNGON PA MDZOD DANG 'JUG PA'I t'IKA CHEN GYI BSHAD PA BYAS, PHYI DRO PHAR PHYIN DANG 'DUL BA MDO RTZA BA'I MDZUB KHRID BSHAD PA DANG BCAS PA, GSANG BA 'DUS PA'I RGYUD SGRON GSAL MCHAN MA'I STENG NAS BSHAD PA MDZUB KHRID DANG BCAS PA BYAS, PHAR PHYIN GYI MDZUB KHRID LA'ANG DGE 'DUN PHYED DANG NYIS BRGYA TZAM BYUNG BA KUN KYANG CHOS 'CHAD TSUL LA THUGS KHENGS TE, ZHAL SNGA NAS PAn CHEN GYI ZHAL NAS KYANG, NYID KYI CHOS LA THAMS CAD MGU 'DUG GSUNG BA PHEBS, DE NAS PHYI DRO MKHAR RNGA BTANG STE TSOGS PA THAMS CAD LA JO BO YAB SRAS KYI GSUNG NGAG THUN MONG MA YIN PA BKA' GDAMS GLEGS BAM RIN PO CHE YONGS SU RDZOGS PAR BSHAD, RIGS LUNG LA SGRIGS PA LNGA BRGYA LHAG TZAM DANG, YONGS DRIL DGU BRGYA LHAG TZAM BYUNG, DGE 'DUN HA CANG TSOGS CHES PAS SNGAR GYI SPYIL BU RNAMS SU MI SHONG BA TZAM BYUNG STE SLOB DPON RNAM PAS ZHU BA PHUL NAS GZIMS KHANG GI PHYAG 'DEBS CHAR MA RNAMS SPYIL BU'I KHANG SAR BYIN TE SPYIL SA BZUNG BA BZHI BCU LHAG TZAM DANG, RDZOGS PAR GRUB PA'ANG NYI SHU RTZA GRANGS BYUNG STE, NA SO PHRA MO'I DUS EBKRA

, ,SHIS LHUN PO RANG NA YOD DUS SHIG RMI LAM DU, ZHAL SNGA NAS PAn CHEN YE SHES RTZE MO'I RJES SU NGED RANG GDAN SA BYED PA DANG, DE DUS KHYUNG RI TSUN DGON PA'I GLING GIS KHENGS SHING, DGE 'DUN YANG STONG DANG DGU BRGYA LHAG TZAM TSOGS PA 'ONG ZER BA'I LUNG BSTAN ZHIG BYUNG BA, DE GONG NI GONG GI GNAS TSUL LA DPAGS NA MI BDEN PA 'DUG SNYAM PA BYUNG NA'ANG, BAR SKABS SU BAR CHAD CUNG ZAD BYUNG BA MA GTOGS NGED RANG GZHI PHAB SDOD RGYU BYUNG NA NGES PAR BDEN PAR 'DUG SNYAM PA'I NGES SHES KYANG SKYES, GZHAN YANG DKA' RAB 'BYAMS SMRA BA BLO GROS RGYA MTSO DANG, BLO GROS RGYAL MTSAN PA SOGS LA 'GREL PA SGRON GSAL CHA LAG DANG BCAS PA, DRANG NGES RNAM 'BYED KYI BSHAD PA, DKA' RAB 'BYAMS SMRA BA BLO BZANG BSHES GNYEN PAS THOG DRANGS DGE BA'I BSHES GNYEN BRGYA LHAG TZAM LA RIM LNGA GSAL BA'I SGRON ME'I BSHAD PA, GZHAN YANG GANGS CAN NAS DKA' BCU 'DZIN PA TSUL BLO BA DANG CHOS SKU BA DPON SLOB LA SOGS TE LHUN PO RTZE, SENG GE RTZE'I CHOS SDE; SRIN PO RI, BO DONG AE, SNAR THANG, GNAS RNYING, ZHA LU, DPAL 'KHOR BDE CHEN SOGS MDOR NA 'JAD, RTA NAG PHU MDA', RI BO DGE 'PHEL GYI SLOB DPON RNAM PA SOGS PHYOGS RIS KYI BLA MA BYON PA RNAMS DANG, DKA' BCU RAB 'BYAMS RNAMS KYIS GTZOS PA'I DON GNYER CAN MTHA' YAS PA 'DUS TE CHOS 'JIG RTEN GNYIS KA'I PHUN TSOGS NAM MKHA' DANG MNYAM PAR BYUNG, PAn CHEN YE SHES RTZE MO'I RNAM PAR THAR PA SNYAN NGAG GI LAM LAS 'ONGS PA YANG BRTZAMS, SPYAN LAM DU

PHAB PAS MCHOG TU DGYES PA CHEN PO MDZAD, DE DUS PAn CHEN DRUNG DU THIG LE BCU DRUG PA'I DBANG, SNAR THANG GI CHOS SKYONG BZHI SBRAGS KYI RJES GNANG, GRUB RGYAL MA GSANG SGRUB KYI DBANG, MGON PO PHYAG BZHI PA GTER MA DANG STAG ZHON SOGS KYI RJES GNANG, DMAR PO SKOR GSUM SOGS ZAB CHOS KYANG MANG DU THOS, DPON SLOB 'BEL GTAM SOGS KYANG MDZAD PAS NGED RANG LA SHIN TU DGYES SHING THUGS YID GCIG TU 'DRES PA'I LEGS TSOGS CAN BYUNG NGO, ,DE RES BSNYEN RDZOGS GSAR DU BSGRUBS PA NYIS BRGYA LHAG TZAM DANG, DGE TSUL SGRUB MI BRGYA PHRAG MANG PO BYUNG, SNGAR RTEN 'BREL CUNG ZAD 'PHYUGS PA DE MA GTOGS 'DI KHAR SDOD RGYU BYUNG NA BSTAN PA DKAR LAM LA 'GRO BA 'DUG STE SNYAM PA YANG BYUNG, BKRA SHIS LHUN PO'I GDAN SAR LO SUM CU SO BDUN GYI THOG TU SLEB PA YIN, DE NAS BYA LO'I DBYAR RGYAL GYI CHOS 'KHOR NANG SO 'OL KHA BAS GTONG RGYU YIN PAS GDAN 'DREN NAN CHE BA BYUNG BA LA BRTEN RGYAL DU SLEB, 'OL KHA NAS ZHAL NGO RNAMS KYANG BYON, CHOS 'KHOR YANG BZANG BAR BYUNG NGOS, RGYAL GYI DGON PA'I CHA LA KONG LONG STOD SMAD RNAMS DANG YON MCHOD 'BREL YOD PA ZHIG MA BYUNG NA GTAN MI BTUB PAS CIS KYANG PHEBS DGOS PA'I NANG SO KUN SPANGS BLO GROS BSAM GRUB PAS GDAN 'DREN BYUNG BA LA BRTEN SKU RAB PA, GRO MDA' BA, BANG RIM PA, LCANG RA BA SOGS DVAGS PO'I SDE PA RNAMS KYIS ZHABS TOG MTHIL PHYIN PA BYAS NGOS, GRU SMAD NAS BZUNG STE DE MO LA KHA YAN GYI KONG PO'I YUL PHAL CHE BAR PHYIN, THAMS CAD KYIS SGO ZHO PHUL, GANG SLEB TU SKYA

, ,SER MTHA' YAS PA LA KHROM CHOS BSHAD, THAMS CAD KYANG BSNYEN GNAS SRUNG BA SOGS BSLAB PA'I GZHI 'DZIN PA, SROG GCOD SOGS SDIG PA SPONG BA LA BKOD, BKRA SHIS RAB BRTAN DU BSTAN 'DZIN BLO GROS DBANG PO DANG DPAL LDAN BLO GROS PAS CHOS RJE RIN CEN RNAM RGYAL BA'I PHYI RTEN DU RJE BTZUN BYAMS PA'I SKU ZANGS GSER LAS GRUB PA ZHAL RAS LA KHRU GANG LHAG TZAM GYI TSAD YOD PA ZHIG BZHENGS 'DUG PA'I RAB GNAS LA SPYAN DRANGS, DPAL GSANG BA 'DUS PA'I SGO NAS RAB TU GNAS PA BYAS PAS 'JA' TSON GYI GUR ME TOG GI CHAR SOGS MTHA' YAS PA BYUNG, BLO GSAL 'DUS PA'I TSOGS LA CHOS KYANG BSHAD, DKA' BCU PA KUN DGA' BLO LDAN PAS RI BO DGE LDAN DU GDAN DRANGS, CHOS 'KHOR BSKOR ZHING BSTAN 'DZIN DKON COG 'BYUNG GNAS PA DANG 'PHAGS PA RGYAL MTSAN PA SOGS KYIS DE MO LA KHAR GDAN DRANGS, CHOS MANG DU BSHAD, MDOR NA KONG PO PHYOGS KYI RI BO DGA' LDAN PA'I BSTAN 'DZIN RNAMS KYIS THOG DRANGS, SA SKYA PA, KARMA PA, MTSAL PA SOGS LA GTOGS PA THAMS CAD DAD CING, PHYOGS RIS MED PA'I 'GRO PHAN RGYA CHE BAR BYUNG, DE DUS SNGAR RGYAL GYI GTZUG LAG KHANG GI G-YAM GCAL 'DINGS PA'I G-YAM PA BSLANGS PAS 'OL KHA'I 'U LAG GCIG GIS G-YAM PA'I SGROM BU ZHIG 'DUG PA'I NANG NAS GNAM LCAGS KYI RAL GRI ZUNG GCIG RNYED, DE DUS NGED RANG LA PHUL NA KHO RANG LA'ANG DNGOS GRUB 'ONG BA'I RIGS SU 'DUG NA'ANG KHO'I RTOG PA LA GSER YIN PA 'DUG SNYAM DU BSAMS TE SBAS NAS 'OL KHAR KHYER, SRING MO BTZUN MA

ZHIG GI SAR GROS BYAS PAS DE NAD KYIS BTAB STE MTSAN GNYID MED PA DANG, NYIN MTSAN KUN TU LUS LA BYA ROG GI KHYU CHEN PO 'THIBS TE SHA THAMS CAD 'THOG PA'I SNANG BA SHAR, DE'I TSE PRA PHAB PAS, RGYAL NA DPAL LDAN LHA MO'I PHYAG MTSAN GYI RAL GRI YOD, DE GNAS SGO 'BYED PA'I LDE MIG YIN ZER BYUNG NAS, KHOS RAL GRI GCIG BSHIG NAS DE'I TSAB TU LCAGS KYI RAL GRI ZHIG BCOS, DE DANG GNAM LCAGS KYI RAL GRI DNGOS GCIG PU DE GTOR GSOS DANG SBRAGS, GNAS BRTAN BLO GROS RGYA MTSO BA GZHI'I BSKANG GSO RGYUN PA LA YOD PA LA PHUL 'DUG DES GTAM SNYAN 'BUL BA YANG KONG POR SLEB, RTING LA NGED RANG RGYAL DU SLEB DUS KYANG KHO BSHAGS PA DANG GTOR GSOS LA BYUNG NA'ANG, GNAM LCAGS KYI RAL GRI GCIG BSHIG PA'I STOBS KYIS PHYIS RTZA CHAD LA SONG 'DUG, GNAM LCAGS KYI RAL GRI DE DA LTA RGYAL NA BZHUGS SHING, DPAL LDAN LHA MO'I BLA MTSO GRAGS PA CAN 'DI NI, DE GONG LUG LO'I DBYAR SMAD NGED RANG LA MTSO KHYAD PAR CAN DE 'DRA YOD PA'I SNANG BA SHAR TE RTZAD DPYAD PAS, YUL MI RGYUS CAN 'DRAS, MTSO SHIN TU GNYAN PA 'GRAM DU SKAD CHE BA BTON NA YANG SER BA 'BAB PA SKAD 'DON PA ZHIG YOD ZER BA THOS NAS THOG MAR 'TSOL DU BTANG BAS KHUNGS RNYED DE NGED DPON SLOB BCU LHAG ZHIG GNAS SGO 'BYED DU PHYIN, SGO SRUNG GI MTSO CHUNG ZHIG 'DUG PA DER GTOR MA BTANG NA'ANG, SHIN TU GNYAN PAR 'DUG PA GNAD YAR MA BYUNG BA MA GTOGS RTA BRDABS SHIG KYANG BYUNG, DE NAS MTSO ZHAL LA KHAR SLEB PA'I TSE MTSO DKAR CHIL LE BA ZHIG 'DUG DER DPAL LDAN

, ,LHA MO BSKYED, SPYAN DRANGS PA NA SHAR PHYOGS NAS BU YUG CIG BYUNG STE MTSO DE LA BABS PA DANG DE MA THAG MTSO DE SNGAR BAS MDOG 'GYUR TE, RES 'JA' TSON SNA LNGA'I DRA BA DANG, RES PHO BRANG RGYA PHIBS DANG BCAS PA LNGA SBRAGS SHIG MNGON SUM LTA BUR SNANG BA DANG, YANG MTSO DE NAM MKHA'I MDOG LTA BU GNYIS SU SONG BA 'DRA BA'I NANG NAS DBYIBS GRU BZHI DANG, NAR STABS YOD PA'I RI DE'U'I RNAM PA CAN GNYIS SNGAR MED LA NAM MKHAR SNYEG PA BZHIN LANGS TE SHIN TU 'JIGS SHING LTAD MO CHE BAR BYUNG, DE GNYIS SHAS CHER GDONG CAN GNYIS KYI CHO 'PHRUL DU GO RES MTSO THABS CAN GNAM DU KHOL BA LA 'O MA'I MDOG LTA BU DANG, MDOR NA CHU RANG GA BA'I MDOG TIL TZAM MED CING, GZUGS SNANG NGO MTSAR BA JI SNYED CIG NGED THAMS CAD KYIS MTHUN PAR MTHONG, DE NAS BZUNG STE DA BAR MTSO MJAL LA MANG DUS LNGA BRGYA LHAG TZAM 'DUS PA LA YANG MTHONG SNANG MTHONG TSUL PHYOGS GCIG PAR DPAL LDAN LHA MO'I GZHAL YAS KHANG, PHYAG MTSAN, CHIBS KYI DRE'U CHE CHUNG KHA DOG MANG BA, RLUNG NAG TSUB MA, DPAG BSAM GYI SHING SOGS 'DI 'CHAR DANG 'DI MI 'CHAR GYI DBYE BA RJOD MI SHES PA, SNGAR MA MTHONG BA RNAMS KYIS GTAM THOS NA'ANG BLOR MI SHONG ZHING MTHONG NA SEMS DAD PAS RANG DBANG MED PAR BYED PA RGYUN MA CHAD PAR YOD CING, 'OL KHA BA'I RIGS GRVA'I SKABS SU NI NANG SO CHOS RJE MTSO ZHAL LA BYON DUS NGED RANG GIS KYANG PHYIN PAS MTSO NANG NAS DNGOS SU DPANGS THOG TSAD GSUM LHAG TZAM YOD PA'I RTA PA'I RNAM PA GTZO 'KHOR GSUM DANG,

MI BONGS NYIS 'GYUR SUM 'GYUR TZAM GYI LUS TSAD DANG LDAN PA'I RES DGE 'DUN GYI RNAM PA, RES SKYA BO'I RNAM PA LNGA BRGYA TZAM YOD PA 'DRA BA, RES PHYOGS GCIG TU 'DUS, RES SKOR TSOMS BYED, RES MTSO NANG LA 'GRO BA SOGS SNA TSOGS PA ZHIG DE NYIN THAMS CAD KYIS GZIGS PAR BYUNG NGO, ,DES NA GNAS 'DI DPAL LDAN LHA MOS SKYONG BAR NGES SHING, DE'I ZHI RGYAS DBANG DRAG GI 'PHRIN LAS MDZAD PA'I TSUL BRJOD KYIS MI LANG STE ZUR TZAM MO, ,NGES KYANG BKRA SHIS LHUN PO'I GDAN SA LA 'GRO BA'I SKABS NAS BZUNG DPAL LDAN LHA MO LA BSKANG GSO, GTOR MA THUN GSUM RE, DGONG RE BZHIN THUN GTOR BSHAGS PA DANG BCAS PA CHAG MA MYONG ZHING KHYI LO'I TSES GCIG GTOR MA NAS BZUNG STE YE SHES MGON PO PHYAG DRUG PA, DAM CAN CHOS KYI RGYAL PO, DPAL LDAN LHA MO, CHOS SKYONG ZHAL BZHI PA, CHOS SKYONG BEG TZE CAN RNAMS KYI BSKANG GSO YANG MA CHAG PAR TSUGS SHING, BDE MCHOG DRIL BU LUS DKYIL LA BRTEN PA'I DGE SBYOR CHAG MED 'DI YANG KONG PO 'OR ZHOD DU SLEB PA NAS RGYUN DU BYAS PA YIN NO, ,DE NAS NYANG KHA PHYOGS BRGYUD LONG NYANG SOGS SU 'GRO DON CHE BAR BYUNG, SPO BO NAS GDAN 'DREN NAN CHE BA BYUNG NA'ANG 'GRO BA MA SHAR, DE NAS NYANG POR SLEB, RI CHOS GNYIS GRUB MTHA' GCIG KYANG CHAGS SDANG SHIN TU CHE BA'I 'THAB RTZOD 'KHRUG LONG MANG BA DANG, KHYAD PAR SANG SING GI DGON PA'I SPYIL BU THAMS CAD ZHIG DGON PA STONGS PA LA THUG 'DUG PAS NGED RANG GIS BAR THANG DU SGAR PHAB, RGYU DNGOS DKA' TSEGS LA MA RTZEGS PAR MTHUN BSGRIGS TE,

, ,SLOB DPON 'JAM DBYANGS BLO GROS PA DANG GRAGS PA RGYAL MTSAN GYIS THOG DRANGS RI KHA'I TSOGS PA DANG, SANG SING GI SLOB DPON RNAM PAS THOG DRANGS TE TSOGS PA RNAMS PHYOGS GCIG TU BSAGS, NGED RANG GI GTOR 'OG LA DRANGS DAM LA BZHAG RGYAB GNYER THOG KHA NANG SO LA BCOL, DE NAS BZUNG STE RI CHOS GNYIS KAR RTZOD ZLOS MED CING 'CHAM PAS NYANG PO PHYOGS KYI RI BO DGE LDAN PA'I BSTAN PA LA SHIN TU PHAN PA BYUNG, DER BKRA SHIS LHUN PO NAS THOS BSAM GLING PA'I SLOB DPON DKA' RAB 'BYAMS SMRA BA BLO BZANG BSHES GNYEN PA DPON SLOB KYANG GDAN 'DREN LA BYON, DE NAS NYANG PO 'BRAS LA BRGYUD DE RGYAL DU ZHAG SHAS BZHUGS, DE NAS YAR KLUNGS BRGYUD SER LA LA BYAS GSANG SNGAGS MKHAR DU PHEBS, CHOS RJE BLO GROS BSHES GNYEN PA NGED KYI MKHAN PO DANG, CHOS KYI RJE CHOS KYI BSHES GNYEN PAS LAS SLOB, THOS BSAM GLING PAS GSANG STON MDZAD DE BSNYEN PAR RDZOGS, BRAG DKAR BA NANG SO YUM SRAS DANG, GSANG SNGAGS MKHAR PA DPON SLOB, RA BA STOD PA DRUNG CHEN LEGS PA BZANG PO DPON SLOB KYIS THOG DRANGS SKYA SER 'DUS PA'I TSOGS DANG BCAS PA LA CHOS MANG DU BSHAD, DE NAS DGA' LDAN RTZER ZHABS TOG MDZAD PA'I NGOS BKRA SHIS LHUN POR SLEB, SNGAR GYI DKA' CHEN BZHI DANG GSANG BA 'DUS PA'I RGYUD SOGS CHOS 'PHRO RNAMS KYI STENG DU GSANG BA 'DUS PA'I BSKYED RDZOGS KYI ZIN THUN, DBU MA 'JUG PA'I MDZUB KHRID, MKHAS GRUB NOR BZANG RGYA MTSO'I DUS 'KHOR GYI SPYI DON, NGED RANG GI MTSAN BRJOD KYI t'I KA LTA KHRID CHEN MO'I

BSHAD PA SOGS DANG, NI GU'I CHOS DRUG GI KHRID SOGS MANG PO BSHAD, SPYI CHOS LA LAM RIM CHEN MO ZHI LHAG GNYIS LA THUG PAR GZABS BSHAD DANG, ZHI LHAG GNYIS LAM RIM CHUNG BA'I THOG NAS BSHAD CING, DE DANG DUS MTSUNGS SU BKA' GDAMS GLEGS BAM YANG 'PHRO CAN DU YOD PA BSHAD, DE NAS BYI BA LO'I SO GA GNAS RNYING NAS 'PHAGS PA 'JIG RTEN DBANG PHYUG GI RNAM 'PHRUL CHOS KYI RJE RIN CHEN RDO RJE BAS NYANG STOD PHYOGS SU PHEBS DGOS PA'I GDAN 'DREN BYUNG BA LA BRTEN THOG MAR 'BRONG RTZE CHOS SDER SLEB, RAB 'BYAMS PA BLO GROS MTSUNGS MED SOGS BLA MA RNAMS KYIS THOG DRANGS SKYA SER THAMS CAD LA CHOS BSHAD, DE NAS GNAS RNYING DU PHYIN, SLOB DPON RNAM PAS THOG DRANGS TSOGS PA TSANG MAS GDUGS DAR CHA DANG BCAS TE SER SBRENGS MDZAD, SNGAR RI BO DGE LDAN KHRI THOG NAS RGYAL TSAB RIN PO CHE PHEBS PA DANG DA RES MA GTOGS GNAS RNYING GDUNG RGYUD LAS GZHAN SER SBRENGS DE 'DRA BYED MA MYONG ZER, GNAS RNYING DU CHOS RJE RIN PO CHE DANG GSER LDINGS PA 'OD ZER BZANG PO BAS THOG DRANGS BLA MA RNAMS DANG DGE 'DUN 'DUS PA RGYA MTSO'I TSOGS DANG, SKYE BO'I TSOGS STONG PHRAG MANG PO 'DUS PA LA TSOGS CHOS DANG, RANG RANG GI THUGS BZHED DANG MTHUN PA'I CHOS MANG DU BSHAD, RAB BYUNG BSNYEN RDZOGS SGRUB PA'ANG MTHA' YAS PA BYUNG ZHING GNAS RNYING GZIMS KHANG GRVA TSANG SO SO RNAMS KYIS BKRA SHIS LHUN PO'I DGE 'DUN GYI SKYO SDOR GYI MTHUN RKYEN DU MAR RKYAL BRGYA PHRAG LHAG PAS THOG DRANGS 'BUL BA ZHABS TOG MTHA' YAS PA BYUNG, NGED RANG

, ,GIS KYANG GNAS RNYING CHOS RJE'I DRUNG DU SEMS BSKYED DANG MGON PO'I 'PHUR THANG SPYI BOR BZHAG PA'I BKA' BSGO CHOS 'BREL YOD TZAM ZHIG BYAS, DE NAS DPAL 'KHOR BDE CHEN PAS GDAN 'DREN BYUNG STE, GNAS RNYING NAS SKYEL MA DANG, DPAL 'KHOR BDE CHEN GYI SLOB DPON RNAM PAS THOG DRANGS RI BO DGE LDAN PA LA GTOGS PA'I DGE 'DUN THAMS CAD BSU BA LA BYON, SA SKYA PA LA GTOGS PA RNAMS KYANG LA LA DAD PA DANG, LA LA LTAD MO'I PHYIR LHAGS TE SKYE BO'I TSOGS THAMS CAD BYIN RLABS ZHU BA LA ZHOM LOG NAS BSU SKYEL SNE 'PHROD PAS SKYA SER GYI KHROM CHEN POS SA GZHI GO MTSAMS MED PAR GANG STE NGED RANG LA BRTEN PA'I MI TSOGS DE RES KHO NA CHE, DPAL 'KHOR BDE CHEN BRGYA SGO 'GRAM DU RTA 'BAB PA NA'ANG MI KHROM RANG GI STENG MA GTOGS RTA 'BAB SA MI RNYED PA BYUNG, DPAL 'KHOR BDE CHEN DU BRANG MO CHE PA, NOR BU DGE LDAN PA, GSER KHANG GONG PA, LAS GRUB PA, LHA KHANG PA, ZHI GNAS PA, BDE 'BYOR BA SOGS DPON SLOB RNAMS KYIS RANG RANG GI GRVA KHANG DU ZHAG RE RE'I ZHABS TOG RES MOS BYAS TE 'BUL BA ZHABS TOG BZANG 'GRAN BYAS, 'BUL BA 'KHYER MI RNAMS KYIS SBRENGS BYAS PAS MCHOD RTEN CHEN MO DANG GTZUG LAG KHANG 'KHOR, GLING GSEB RI KLUNGS THAMS CAD DMIGS BRTZE MA DANG, DGOS 'DOD KUN 'BYUNG GI 'UR RGYANGS SU SONG, BRANG MO CHE PA DANG LHA KHANG PAS SPYAN DRANGS PA'I RES PHYI RU TSOGS CHOS BSHAD, SKYA SER MTHA' YAS PA 'DUS, ME TOG GI CHAR 'BAB PA SOGS MTHA' YAS PA BYUNG ZHING, SNGON CHAD GZHAN SU LA'ANG 'GRO

DON DE LTA BU MA BYUNG ZHES GLENG, GRVA TSANG RNAMS SU RANG RANG GI GRVA KHANG DU CHOS KYANG BSHAD, RGYAL MKHAR RTZE NAS SDE PA DPON BLON RNAMS KYIS KYANG BKUR STI DANG 'BUL BA BSAM GYIS MI KHYAB PA MDZAD, PHYIR PHEBS DUS SNGAR GYI KHROM DE 'DRA BYUNG NA 'THAD RTZOD BYUNG DOGS NAS RGYAL MKHAR RTZE NAS BKA' BKOD GNANG, SDE PA'I KHRIMS PA DANG, DPAL 'KHOR BDE CHEN GYI CHOS KHRIMS PA RNAMS KYANG GDAN 'DREN PA BYON NO, ,DE NAS BKRA SHIS LHUN POR SLEB, SMON LAM CHEN MO LA'ANG SKYA SER GYI TSOGS LA KHROM CHOS BSHAD, DE RJES STONG GSHER 'BROG PAS GDAN DRANGS, THAMS CAD KYANG BSNYEN GNAS SMYUNG GNAS SOGS CHOS KYI LAM LA BKOD, SLAR YANG BKRA SHIS LHUN POR SLEB, DGE SLONG DRUG CU TZAM DANG, DGE TSUL BDUN BRGYA LHAG TZAM DANG BCAS TE DBYAR GNAS MDZAD, CHOS SHIN TU 'PHEL BAR BYUNG, DE'I STON GNAS PA KHRO PHU KUN SPANGS PA SOGS KYIS GDAN 'DREN PA BYUNG BA DANG, KHRO PHU'I RJE BTZUN MJAL BA SOGS SNAR THANG BRGYUD KHRO PHUR PHYIN, RJE BTZUN GYI DRUNG DU ZHAG 'GA' SMON LAM BYAS SHING SKYA SER MTHA' YAS PA LA GANG 'TSAM GYI CHOS BSHAD, GANGS CAN CHOS RJE RGYAL BA'I SRAS PO TSUL KHRIMS STOBS 'BAR 'OD ZER BAS GANGS CAN CHOS 'PHEL DU GDAN DRANGS, CHOS RJE NYID DANG SLOB DPON RNAM PAS THOG DRANGS DGE 'DUN TSOGS PA LA SPYI CHOS DANG SGOS CHOS MANG DU BSHAD PAS THAMS CAD MCHOG TU DAD PAR GYUR TE BKRA SHIS LHUN PO DANG DGON MA BU RO GCIG TU 'DRES, BO DONG AE'I DPAL LDAN LHA MO MJAL ZHING PHYAG MTSAN RNAMS RANG BABS SU BYUNG

, ,BA SOGS RTEN 'BREL BSAM GYIS MI KHYAB, DE DANG ROG TSO, GLI DBU, 'JAD PHU MDA', RTA NAG PHU MDA' SOGS SU 'GRO DON SPYAD PA'I RNAM THAR MTHA' YAS TE ZHIB PAR MA 'KHOD, DE NAS DGE 'PHEL DU CHOS RJE LEGS BLO BA GZHAN DON LA DGONGS PA'I DGONGS RDZOGS GRAL DBU LA GDAN DRANGS, DGE 'PHEL BA'I TSOGS PA DPON SLOB RNAMS KYIS THOG DRANGS YON MCHOD THAMS CAD LA CHOS MANG DU BSHAD CING, SHANGS BAR TSIGS DANG MDA' SKOR GYI DPON SKYA RNAMS KYIS ZHABS TOG GDAN 'DREN SOGS MTHA' YAS PA MDZAD, DE NAS BKRA SHIS LHUN POR SLEB, CHOS MANG DU BSHAD CING, RJE TZONG KHA PA'I BSTAN BCOS 'DZIN CHEN PO SMAD KYI SHER BZANG ZHES GRAGS PA'I GDAN SAR CHAB MDO BYAMS PA GLING DU YONG DGOS PA'I CHAB MDO BA RANG DANG MTHA' BZHI MKHAN PO SOGS KYI ZHU YIG 'BUL BA DANG BCAS PA, RI BO CHE NAS CHOS RJE 'JIG RTEN DBANG PHYUG PA'I PHYAG THAM NAN CHE BA DANG BCAS PA'I GDAN 'DREN YANG SLEB, ZHU BA NAN CHE BA BYUNG NA'ANG, SLEB MI THUB PA'I ZHU LAN RGYU MTSAN DANG BCAS PA BYAS TE 'GRO BA MA SHAR, BKRA SHIS LHUN PO RANG DU BSDAD CHOG PA BYUNG NA BSHAD NYAN GYI 'PHRIN LAS CHER YONG BA 'DUG NA'ANG, RTEN 'BREL SNGA PHYIR 'PHYUGS PA'I STOBS KYIS RGYAL GYI 'DZIN SKYONG LA MI SLEB KHA MED BYUNG BA NAS GDAN SA BSKO GZHAG GI BKA' BGROS SHAR, PHYI NAS 'OS RIGS 'TSOL BA DANG, NANG NAS SLOB DPON RNAM PA GSUM BSKO BA GANG RIGS BRTAG PA BYAS PAS CUNG NANG NAS BSKO BA DRAG PA BYUNG, SLOB DPON RNAM PA GZHAN GNYIS LA THUGS BZHED MI 'DUG PAS

CHOS RJE LHA BTZUN BLO BZANG BSTAN PA BA MTHUN GRUB KYIS BSKO GZHAG BYAS, DE DUS 'BRAS SPUNGS KYI GDAN SA LA SLEB DGOS PA'I ZHAL SNGA NAS LHA RI BA'I BKA' SHOG DANG, 'BRAS SPUNGS SPYI SO'I ZHU YIG NAN CHE BAR BYUNG YANG KHAS LEN MA BYAS, DE NAS BKRA SHIS LHUN PO NAS PHYIR BTEG ,DGON PA PHYI RJES SKYONG BA'I RTEN 'BREL KYANG BSGRIGS, SHANGS MKHAR CHEN RTZER GDAN DRANGS, ZHABS TOG PHUL DU PHYIN PA MDZAD, SHANGS MTHONG SMON DU SDE PA GZHIS KA RIN SPUNGS PA DPON BLON DANG MJAL, BKUR STI DANG MTHONG GZOS CHE BAR MDZAD, DE NAS SNGA SOR ZHAL SNGA NAS LHA RI BA'I DRUNG DU CHOS BKA' BZHIN ZHU BA'I 'DUN PA YOD PA DANG, 'BRAS SPUNGS GDAN SA'I SKOR GYI BKA' BGROS LA LHA RIR SLEB, THON NAS ZHABS TOG PHUL DU BYUNG BA MDZAD DE LHA RIR GRUB PA'I DBANG PHYUG MKHAS BTZUN YON TAN RGYA MTSO BSTAN PA'I NYI MA RGYAL MTSAN DPAL BZANG PO'I DRUNG DU RJES NAS BRGYUD PA'I BDE MCHOG L'U DRIL GYI DBANG, RDZOGS RIM GYI KHRID, BLA MA'I RNAL 'BYOR, RNAM SNANG MNGON BYANG GI DBANG, DMAR PO SKOR GSUM, 'DZAM LA DKAR DMAR RNAMS KYI RJES GNANG, PHYAG RDOR 'GRO BZANG LUGS DANG, AU TZAR GYI RJES GNANG, RNAM SRAS SKOR GYI RJES GNANG BRGYAD, GUR ZHAL, DUR KHROD BDAG PO, LHA MO SHRA MA nA, 'JAM DPAL N'A GA RAKshA, JO BO CHEN PO NAS BRGYUD PA'I SGROL MA NYER GCIG GI RJES GNANG SOGS BKA' LUNG RJES GNANG ZAB KHRID DANG ZHAL BZHIS SKOR SOGS MANG DU ZHUS, 'BRAS SPUNGS KYI GDAN SA BYED MI NUS PA'I RGYU MTSAN SGO DU MA NAS PHUL KYANG, SNGAR

, ,NGED RANG GI RMI LAM DU, KHYOD RANG GI RJES SU LHA MO DBYANGS CAN MAS RJES SU BZUNG BA ZHIG GIS GDAN SA 'DZIN ZER BA'I LUNG BSTAN YOD PA THOG TU BABS PAS CIS KYANG MDZAD DGOS ZHES BKA' LUNG NAN CHER GNANG NAS RE ZHIG GANG LCOGS BYED PA'I KHAS LEN PHUL, 'BRAS SPUNGS SPYI SOR YANG KHAS LEN GYI GSAL KHA'I ZHU LAN LHA RI NAS BYAS, ,DE DUS RNAM SRAS PHYAG MTSAN BZHI PA'I RJES GNANG ZHU BA'I SKABS SU LTAS DANG CHO 'PHRUL MANG DU BYUNG, ZHAL SNGA NAS KYIS, 'DI SHIN TU 'GO BAR YONG BA 'DUG PAS RJES GNANG LA DAM DOG CHE BA GYIS PHEBS, DE NAS STOD LUNG DMAR SLOB DPON RNAM PAS GDAN 'DREN LA BYON, DGE 'DUN TSOGS PAS KYANG ROL CHA DANG SBRAGS SRE SBRENG MDZAD DE 'BRAS SPUNGS GZIMS KHANG DU GZHI PHAB, GZA' SKAR TSES GRANGS BZANG BA LA GONG MA CHOS RGYAL CHEN PO NGAG GI DBANG PHYUG BKRA SHIS GRAGS PA RGYAL MTSAN DPAL BZANG POS SKON 'JA' GNANG SBYIN DANG BCAS PA MDZAD, ZHAL SNGA NAS LHA RI BAS KYANG DE THOG TU MANG JA 'GYED CHAS BZANG PO GNANG STE GDAN SAR SLEB, SLOB DPON RNAM PA TSANG MAS THOG DRANGS TSOGS PA THAMS CAD LA BKA' GDAMS GLEGS BAM PHA CHOS BU CHOS TSANG BAR SPYI CHOS LA BSHAD, DON GNYER CAN RNAMS LA DRANG NGES RNAM 'BYED, 'JUG PA'I t'IKA CHEN GYI BSHAD PA, SLOB DPON RNAM PAS THOG DRANGS DGE 'DUN NYIS BRGYA SKOR LA NI GU'I CHOS DRUG GI KHRID SO SO'I DMIGS SKOR DANG BCAS PA SOGS 'DOD CHOS MANG DU BSHAD, THAMS CAD KYANG MCHOG TU DAD PA'I SPU LONG G-YO BA'I NGANG DU GYUR, DE DUS

DBUS GTZANG GI DON GNYER CAN RNAMS KYIS BSKUL NAS NI GU'I KHRID YIG KYANG BRTZAMS, DE NAS DBYAR SOS YAR KLUNGS BRGYUD NAS RGYAL DU PHYIN, MKHAR LAS 'PHRO BZHIN DANG, CHOS 'KHOR, SKYA SER RNAMS LA CHOS 'CHAD PA SOGS BYAS TE, DGUN CHOS LA 'BRAS SPUNGS SU SLEBS, 'BRAS SPUNGS KYI GDAN SAR ME MO GLANG LA SLEB, SNGAR CHOS KYI RGYAL PO TZONG KHA PA CHEN POS SMON LAM CHEN MO MDZAD PA'I RJES NAS GZHIS KA SNE'U PA'I SDE SRID GNAS KYI BAR DU 'BRAS SPUNGS PAS SMON LAM CHEN MO LTAR CHAGS SU MDZAD NA'ANG, SKYID SHOD DU KHA BDAG GZHIS KA RIN SPUNGS PAS MDZAD PA NAS BZUNG GSANG PHU BA DANG KARMA PA SOGS KYIS GLANG LO'I SMON LAM CHEN MO'I BAR LO BCU DGU MDZAD, DE NAS NGED RANG GIS SNGAR SROL LTAR 'BRAS SPUNGS PA SOGS LA GNANG DGOS PA'I ZHU GNANG PHUL, GONG MA CHEN POS KYANG DGONGS PA BZANG PO GNANG, STAG LO'I SMON LAM CHEN MO NAS 'BRAS SPUNGS NAS DGE 'DUN PHYED DANG NYIS STONG TZAM DANG SE RA NAS SUM BRGYAR NYE BA TZAM PHEBS TE SPRUL PA'I GTZUG LAG KHANG RA SA 'PHRUL SNANG DU BSTAN PA DAR ZHING RGYAS PA DANG SEMS CAN LA PHAN BDE 'BYUNG BA'I SMON LAM RNAM PAR DAG PA MDZAD, SNGAR RJE NYID KYIS SMON LAM CHEN MO'I SKABS SU SLOB DPON DPA' BOS MDZAD PA'I SKYES RABS KYI CHOS THUN RE GSUNG BA GNANG 'DUG PAS DE'I MDZAD PA'I SROL DANG MTHUN PAR SMON LAM CHEN MO LA PHEBS PA'I GRVA SA PHAN TSUN GYI DGE 'DUN RNAMS KYIS THOG DRANGS SKYA SER GYI TSOGS PA STONG PHRAG MANG PO LA SKYES RABS KYI CHOS THUN RE YANG BSHAD, DE NAS BZUNG

, ,STE SA PHO BYI BA LO 'DI'I SMON LAM GYI BAR GYI GRAL GTZO STAR CHAGS SU BYAS, MANG DUS DGE 'DUN STONG PHRAG GNYIS LHAG TZAM YANG 'DUS SHING, SKYES RABS KYI CHOS KYANG MA CHAG PAR BSHAD PAS SKYES RABS SO BZHI PA GZABS BSHAD SONG BA LTA BUR YOD, MJUG TU DGE 'DUN RNAMS LA THUGS DAM GYI RIM PA SOGS DANG SKYA SER BYINGS LA BSNYEN GNAS DANG SMYUNG BAR GNAS PA, SROD GCOD SOGS SDIG PA SPONG BA, YI GE DRUG MA SOGS KHA TON GYI RIM PA RNAMS KYI DAM BCA' LO LO BZHIN BLANGS SHING, LHA SA SPRUL PA'I GTZUG LAG KHANG YIN TSUL DANG, JO BO RNAM GNYIS RANG BYON LNGA LDAN SOGS SANGS RGYAS DNGOS DANG KHYAD MED PA, DGE 'DUN TSOGS PA RGYA MTSO'I TSOGS DANG SMON LAM LHAN CIG TU 'DEBS PA SHIN TU DON CHE BA'I TSUL SOGS BSNGAGS PA DON LA GNAS PA MANG DU BRJOD PAS SNGA DUS SMON LAM 'DEBS PA LA DGE 'DUN RNAMS DGE SKOS KYIS BSKUL KYANG TSANG BAR MI 'BYON PA LA, NGED RANG GIS SMON LAM GYI MGON BYAS PA NAS BZUNG DGE 'DUN KHYAMS GRAR MI SHONG BA TZAM DUS RGYUN DU 'BYON PA 'DI BYUNG BA YIN, ,SPYIR YANG GTZANG BO DONG, KONG PO DE MO LA KHA YAN NGED RANG GIS GANG PHYIN THAMS CAD DU KHROM CHOS BSHAD NAS PHAN BTAGS PA LA DUS DING SANG NGED RANG DRAG SHOS SU YOD SNYAM PA SHAR, SPYIR RAB BYUNG BSNYEN RDZOGS BSGRUBS PA GRANGS MED PA ZHIG SONG ZHING, THOG MAR 'PHYONGS RGYAS DANG RTZED THANG DU CHOS BSHAD PA NAS BZUNG DING SANG YAN LA NGED RANG GIS MKHAN SLOB BYAS BSNYEN PAR RDZOGS PA LA YANG STONG PHRAG BRGAL BA TZAM SONG SNYAM

PA YOD, SA PHO STAG LO DE LA GONG MA CHEN POS DGA' LDAN PHO BRANG YANG GNANG STE, LO LO BZHIN DGUN DPYID 'BRAS SPUNGS DANG, DBYAR STON SHAS CHER RGYAL DU BSDAD, 'DIR YANG BKA' GDAMS GLEGS BAM TSAR GNYIS, LAM RIM CHEN MO GZABS BSHAD TSAR GCIG SONG NAS, SLAR YANG 'GO BTZUGS TE DA LTA SKYES BU CHEN PO'I 'GO NA SLEB YOD, GZHAN YANG 'DUL BA'I GLENG 'BUM, RNAM 'GREL, 'JUG PA SOGS KYI MDZUB KHRID BSHAD PA DANG BCAS PA, YI DAM RDO RJE 'JIGS BYED KYI BSKYED RIM BSHAD PA DANG BCAS PA, RJE'I BKA' 'BUM, RIM LNGA GSAL SGRON GYI BSHAD PA, SLOB DPON RNAM PAS THOG DRANGS TE SDE SNOD 'DZIN PA DU MA LA DUS 'KHOR t'IKA CHEN GYI BSHAD PA, YANG BKRA SHIS LHUN PO NAS SHAR PA BLO GROS RGYA MTSO BA, RAB 'BYAMS PA LEGS DON PA, SGO MANG PA'I SLOB DPON GUNG RU RIN BYANG BA SOGS DON GNYER CAN DU MA LA MKHAS GRUB NOR BZANG RGYA MTSO'I DUS 'KHOR SPYI DON GYI BSHAD PA, NGED RANG GI MTSAN RJOD KYI t'IKA'I BSHAD PA, SDE SNOD 'DZIN PA CHEN PO RJE BTZUN CHOS KYI RGYAL MTSAN DPAL BZANG PO SOGS LA 'GREL PA SGRON GSAL CHA LAG DANG BCAS PA DANG, YANG YOS LO'I DPYID CHOS LA DBUR STOD DU PHYIN, SKYID SHOD KYI DGE 'DUN STONG PHRAG GCIG DANG BRGYAD BRGYA LHAG TZAM, SER 'BRAS GSANG GSUM, TSAL GUNG THANG SOGS KYI BLA MA MANG POS THOG DRANGS PA LA SGRUB THABS RGYA MTSO YONGS SU RDZOGS PAR BYAS, ,NYI SDINGS CHOS RJE DPAL LDAN 'OD ZER BAS NYI SDINGS SU SPYAN DRANGS, KHONG RANG GIS BZHENGS PA'I RTEN BRIS 'BUR RNAMS LA RAB

, ,GNAS DANG, SPYI SGOS KYI CHOS MANG DU ZHUS SHING RAB BYUNG BSNYEN RDZOGS KYANG MANG BAR BYUNG, RGYUD PA SMAD NA BSTAN 'DZIN CHEN PO CHOS SKYONG RGYA MTSO BA DANG, STOD PA BSOD NAMS GRAGS PA SOGS KYIS RANG RANG GI GRVA TSANG DU GDAN DRANGS, SPYO CHOS DANG, SGOS SU BZHED PA LTAR GYI CHOS MANG DU GSAN, YOS LO'I DBYAR SMAD RGYAL NAS DKA' BCU PA CHOS KYI TSE DBANG DPON SLOB BAR KHAMS LA RTEN CHEN BZHENG BA'I 'BUL SDUD LA BRDZANGS, LCAGS PHO GI LO'I SOS NGANG SKYAL BA NANG SO RIN CEN DPAL BZANG BAS GNYAL GYI LUNG GRVA (LUNG RVA) CHEN MO'I GRAL DBU LA GDAN DRANGS, 'GRO DON YANG CHE BAR BYUNG, ,RGYAL NA BZHUGS PA'I RJE BTZUN BYAMS PA, JO BO MI BSKYOD RDO RJE'I SKU LI DMAR LA GSER GSOL BA GSUNG BYON MA BYIN RLABS CAN 'DI GNYIS KYANG GNYAL NAS PHEBS PA YIN, DBYAR SMAD RGYAL DU BSDAD, STON LONG PO NAS YON BDAG PADMA RGYAL POS GDAN DRANGS, NYANG LONG GNYIS SU 'GRO DON RGYA CHE BAR BYUNG, ,DE NAS SNGA PHYIR 'BRI GNAG GI 'BUL BA MANG DU BYUNG BA DANG, BA GE DANG 'BAG SOGS STAG BSHER GYI YON BDAG RNAMS LA BRTEN NAS RGYAL GYI DKAR ME DANG, DGE 'DUN LA ZHO TSUL GYI RU BA YANG TSUGS, DE DUS GSUNG RAB RGYA MTSO YA MA'I NAD GZHI ZHIG GIS SHIN TU NA BAR BYUNG, SMAN BCOS RIM GRO SOGS CI BYAS KYANG MA PHAN, RGYA MDAR 'CHI BA LA NYE BA BYUNG BA NA, KHONG RANG YANG LUS LONGS SPYOD GANG LA'ANG CHAGS ZHEN MI 'DUG ,KHYAD PAR NGED RANG LA SANGS RGYAS DNGOS YIN SNYAM PA'I DAD PA LHANG BA ZHIG SKYES MA THAG TU SANGS

RGYAS MAN RI ZHES MNA' BSKYAL, NGED RANG GIS KYANG DO NUB NAS DRAG YONG ZHES LUNG BSTAN PAS NAD LAS GZHI MED DU GROL, LCAGS MO SBRUL GYI LO'I DGUN STOD RGYAL LHA KHANG DU RGYAL STOD SMAD KYI DGE 'DUN RNAMS LA BKA' GDAMS GLEGS BAM GYI CHOS MANG DU BSHAD, DBYAR BLO GLING NAS DRUNG YON TAN 'OD PAS RIGS GRVA BTANG BA'I GRAL DBU BYAS, CHU PHO RTA'I LO'I DPYID NANG SO THON PAS GOS SKU CHEN MO BZHENGS PA'I RAB GNAS LA GDAN DRANGS, ZHAL NGO RNAMS KYI THOG DRANGS SKYA SER MANG PO DANG, CHOS RJE BKRAS 'PHAGS PA DPON SLOB LA CHOS MANG DU BSHAD, CHOS RJE CHOS RGYAL BA BSNYEN RDZOGS KYANG MDZAD, CHU MO LUG GI LO LA CHU STOD KYI ZLA BA NYIS BRTZEGS BYUNG BA'I SNGA MA'I TSES BCU GSUM GZA' SKAR DANG 'PHROD SBYOR PHUN SUM TSOGS PA LA MNGA' RIS PA DGE SLONG SMON LAM SHES RAB KYIS MNGA' RIS SU 'BUL SDUD LA PHYIN TE GU GE DANG GLO BO SOGS NAS BDAG RKYEN YANG DAG PAR MDZAD PA LA BRTEN ZANGS GSER GYI 'BUL BA MANG DU BYUNG BA DANG, DBUS GTZANG NAS KYANG ZANGS GSER MANG DU BYUNG BA LA GZHI BYAS, BAL PO'I DPON MO CHE MKHAS PA NYI MA DPAL GYIS THOG DRANGS PA'I BAL PO'I BZO BO MKHAS PA DPON SLOB BDUN 'KHOR G-YOG DANG BCAS PAS RJE BTZUN MI PHAM PA'I SKU RGYAB MTHO DRUG CU'I TSAD DANG LDAN PA ZHIG BZHENG BA'I BZO THAB LEGS PAR BTZUGS, DE'I TSE THAMS CAD KYI MTHUN SNANG DU GRUB PA LA BZO RVA LA 'JA' TSON SNA LNGA THAL BYUNG YANG YANG ZUG PA DANG, 'JA' TSON GYI GUR, ME TOG GI CHAR 'BAB PA SOGS NGO MTSAR BA'I LTAS BSAM GYIS

, ,MI KHYAB PA BYUNG, BZO BO RNAMS 'PHRAL GYI ZHABS TOG NAR MA, 'DZUGS STON SGANG STON, ZHAG BCU TSIGS KYI STON MO SOGS KYIS MNYER PAR BYA, THAMS CAD KYIS KYANG DAD PAS KUN NAS BSLANGS STE BSKUL MI DGOS PAR NYIN MTSAN DU BZO LA 'BAD CING, SKU'I RGYU'I STENG NAS ZANGS NYAG GANG DU LONGS PA DANG GSER SEB GCIG LA'ANG G-YO 'GUL MI BYED PA'I KHONG RANG RNAMS KYI DAM TSIG BYAS TE LEGS PAR BZHENGS, BSTAN 'DZIN DAM PA BLO GSAL BSHES GNYEN PAS DVAGS PO STOD SMAD NA RTZIS SU CHE BA'I G-YU MO CHE ZHIG KYANG RTEN CHEN GYI MTHUN RKYEN DU PHUL, GSUNG RAB RGYA MTSOS, RTEN CHEN BZHENG BA'I ZHABS TOG KYANG NGA RANG GIS THUGS GTZER MI DGOS PA BYED, ZHAL SNGA NAS RANG GI SKU 'DRA SKU TSAD CIG BZHENGS CHOG PA DGOS ZER BAS NGED RANG GIS KYANG GNANG BA BYIN, DE'I BZO THAB ZUG DUS KYANG 'JA' TSON ZUG PA SOGS NGO MTSAR BA BYUNG 'DUG ,KHYAD PAR RTEN GYI ZHAL RAS LA GSER GSOL BA'I TSE YANG 'JA' TSON GYI GUR DANG ME TOG GI CHAR MTHA' YAS PA BAB CING, DBYAR GUNG RANG SKU GSER ZHU BA SOGS LAS GAL CHE BA'I TSE NAM DGOS SU CHAR 'BAB 'PHRO LA NAM MKHA' G-YA' DAG PA SOGS SHIN TU NGO MTSAR BA BYUNG, SA KHAD MTHO BA'I GRANG SA YIN YANG DGUN GYI TSE DBYAR LAS DRO BA BYUNG, RTEN BZHENG BA LA LO GSUM TZAM 'GOR ZHES BZO BO RNAMS KYANG GLENG BA LA, BAR CHAD KYI RNAM PA CUNG ZAD TZAM YANG MED CING SHIN TU MGYOGS PAR SGRUB STE, SHING PHO SPRE'U'I LO HOR ZLA BCU PA'I TSE KYI GZA' SKAR BZANG BA LA DKAR CHAG LOGS

LA YOD PA LTAR GZUNGS GZHUG RNAMS RGYUD SDE DANG MKHAS PA'I PHYAG LEN DANG MTHUN PAR BYAS, DPAL LDAN RDO RJE 'JIGS BYED KYI DKYIL 'KHOR ZHAL PHYE STE ZHAG BDUN GYI BAR SGRUB CING MCHOD PA DANG DBANG BLANG BA SOGS BYAS TE, TSES BCO BRGYAD KYI NYIN GZA' SKAR DANG 'PHROD SBYOR PHUN SUM TSOGS PA LA RAB TU GNAS PA'I CHO GA YONGS SU RDZOGS PAR BYAS SHING DE'I TSE YANG NGO MTSAR BA'I LTAS MTHA' YAS PA BYUNG, NANG SO RGYA RI RDZONG PAS SKU GSER LA ZHO BRGYA LHAG TZAM DANG, 'OL KHA NAS DPON SA BKRA SHIS BU 'DREN PAS KYANG SKU GSER GYI MTHUN RKYEN MDZAD, GZHAN YANG PHYI NANG NAS DAD LDAN GYI SBYIN BDAG RNAMS KYIS THO RE BA PHUL BA DANG, KHYAD PAR NGED RANG LA SNGA PHYIR 'BUL BA RNAMS CHUD MA ZOS PAR GSUNG RAB RGYA MTSOS DO DAM BYAS TE YONGS DRIL SKU GSER LA RTZIS THANG RDO'I ZHO STONG PHRAG LHAG PA DANG BCAS PA SONG ZHING, KHAMS NAS 'BUL SDUD PA DPON SLOB KYANG DKA' BCU PA YON TAN DON GRUB RTING SKUL LA BTANG BAS SKABS SU BAB PAR SLEB PA DANG, CHOS RJE 'PHRIN LAS PAS KYANG NAS KHAL STONG PHRAG LHAG TZAM GYIS 'GO BYAS KHO RANG GI PHYAG RDZAS YOD 'BUL LTA BU MDZAD PA DANG, GZHAN YANG 'OL KHA SKYID SHOD THON SOGS NAS SBYIN BDAG RNAMS KYIS DAD 'BUL GANG BYUNG RNAMS KYANG CHUD MA ZOS PAR BYAS TE, RAB GNAS KYI NYIN RANG BZO BO RNAMS KYI RDZONGS SOGS KYANG THAMS CAD MCHOG TU DGYES PAR GRUB PA BYAS SO, ,YON RDZONGS KYI KHRA MA NI ZUR NA GSAL LO, ,DE DAG GI TSE CHA DKAR NAS CHOS SMRA BA SHES RAB 'PHEL BA'I MNAL LAM DU BUD MED RGYAN BZANG

, ,PO MI LAS 'DAS PA LHA'I CHA BYAD CAN ZHIG BYUNG BA LA, GANG NAS 'ONGS DRIS PAS RGYAL NAS YONGS ZHES ZER, DA GANG DU 'GRO DRIS PAS RVA SGRENG NAS JO BO 'JAM DPAL RDO RJE RGYAL GYI RTEN CHEN GYI RAB GNAS LA SPYAN 'DREN DU 'GRO ZER, 'DIR CI LA 'ONGS BYAS PAS, KHYED LA THAMS CAD MKHYEN PA'I BKA' LUNG TSIG GSUM YOD PA SGYUR DU 'ONGS PA YIN ZER, BKA' LUNG JI LTA BU BYAS PAS, YI DAM DU BYANG CHUB KYI SEMS SGOMS, CHOS SKYONG DU NYON MONGS KYI GNYEN PO BSTEN, GCES SPRAS SANGS RGYAS KYI BSTAN PA LA GYIS, 'DI GSUM YIN ZER BA ZHIG DANG, RGYAL DU RAB GNAS KYI SKABS TZAM DU BUD MED DE 'DRA MANG PO NAS DKAR MO SDER MA BYUR BA GANG RE THOGS NAS, LUS LA CHOS GOS GSUM GYI BKRA SHIS SHOG ,NGAG LA SDE SNOD GSUM GYI BKRA SHIS SHOG ,SEMS LA BSLAB PA GSUM GYI BKRA SHIS SHOG ,CES PA'I SHIS PA BRJOD PA ZHIG BYUNG 'DUG DKA' BCU BLO GROS DPAL LDAN PA DANG KHONG DPON SLOB GNYIS KA'ANG NGED RANG DANG DAM TSIG GTZANG ZHING DAD PA THOB PA'I SLOB MAR YOD PAS YIN TSOD DU 'DUG SNGAR SKU RGYU'I 'BUL SDUD LA GNAS BRTAN YON RGYAL GTZANG PHYOGS SU BTANG BA'I SKABS SU G-YANG BA CHOS RJE PHYOGS LAS RNAM RGYAL BA'I MNAL LAM DU LHA SA'I THAD KYI NAM MKHA' LA THAG PA DKAR PO MANG DU BTANG 'DUG PA LA SKYE BO'I TSOGS GRANGS LAS 'DAS PAS 'JUS 'DUG PAS DE THAMS CAD NGED KYIS DGA' LDAN LA 'DREN PA YIN ZER, THAMS CAD 'GRO GRABS BYED KYIN 'DUG PAS, GNAS BRTAN YON RGYAL YANG THAG SNE GCIG LA 'JUS, CHOS RJE G-YANG

PA RANG YANG DGA' LDAN LA 'GRO ZER BA LA, NGA DA LAN THAMS CAD MKHYEN PA'I PHYAG PHYI RANG LA SDOD PAS MI 'GRO ZHES LAN BYAS PA ZHIG BYUNG 'DUG PAS, RJE BTZUN GYI SKU'I PHYOGS SU 'BAD PA BYAS PA DANG RGYU BTANG BA THAMS CAD DON DANG LDAN PA'I RIGS KHO NAR 'DUG NGED RANG GIS KYANG BDE CHEN LHUN GRUB CES SOGS KYI SMON LAM 'DI YANG SNGAR SKU SKYE SNGA MA'I, BYAMS PA'I SKU GZUGS PHUL BYUNG BZHENGS PA LA, ,MTHUN RKYEN SGRUB CES SOGS KYI SMON LAM DANG SBREL BA'I PHYIR DU BRTZAMS PA YIN ZHING, BKRA SHIS LHUN PO'I RJE BTZUN GYI SKU RDO RJE SKYIL KRUNG CAN DU YOD PAS 'DI BZANG PO'I BZHUGS STANGS CAN BYAS PA YIN, DBUS PHYOGS NA BZHUGS PA'I BYAMS PA'I SKU LA (LAS) 'DI SKU TSAD CHE ZHING BYON MTSAR BA'I DPER BYAS CHOG PA YOD DE GZIGS MYONG BA KUN GYI THUGS LA GSAL, DE NAS DVAGS PO GRU MDA' BAS GDAN DRANGS, 'BUL BA ZHABS TOG DANG 'GRO DON YANG CHE BAR BYUNG, ME MO BYA LO'I DBYAR RGYAL RANG DU DVAGS PO'I MTSAN NYID GRVA TSANG, SGAR PA DPON SLOB, 'OL KHA BSAM GTAN GLING PA DPON SLOB, DVAGS PO NAS BRA STENG, BSAM GTAN GLING PA DPON SLOB SOGS DVAGS STOD SMAD KYI DGON PA SO SO NAS 'DUS PA'I DGE 'DUN DANG, MDOR NA RTZED THANG PHYIN GYI DGE 'DUN RNAM DAG LNGA BRGYA LHAG TZAM DANG, SKYE BO'I TSOGS CHES MANG PO LA RAB TU GNAS PA'I DGA' STON RGYAS PAR BYAS, BYAMS PA'I SMON LAM CHOS 'KHOR DANG BCAS PA ZHAG MANG DU BYAS SO, ,RNAM SRAS LHA RTZER DPON SA BDAG MO SANGS RGYAS DPAL 'DZOM PAS KYANG SPRE'U LO NAS BZUNG SNGA PHYIR GDAN DRANGS

, ,SHING 'BUL BA ZHABS TOG MTHA' YAS PA MDZAD, KHYAD PAR SKYOR MO LUNG DU LHA CHEN DANG BKA' 'GYUR GYI 'GO TSUGS PA MDZAD PA SOGS LA RAB TU GNAS PA BYAS SHING, SKYOR MO LUNG MKHAN CHEN PA DANG, GSANG PHU GLING SMAD CHOS RJE LHA DBANG DPAL 'BYOR BA SOGS SNGAR NAS KYI ZHAL SLOB RNAMS LA CHOS MANG DU BSHAD, ME MO BYA LO DE'I HOR ZLA DANG PO'I DKAR TSES LA GTZO BOR GONG MA CHOS KYI RGYAL PO NGAG GI DBANG PHYUG BKRA SHIS GRAGS PA RGYAL MTSAN DPAL BZANG PO'I BKA' LUNG MA THEG PA DANG, NANG SO 'PHYONGS RGYAS PA DANG, DGA' LDAN PA YUM SRAS SOGS KYI ZHU NAN DANG, SE RA'I BLA MA DGE 'DUN DANG BCAS PA'I THUGS BZHED LA BRTEN SE RA THEG CHEN GLING GI GDAN SA YANG BYED DGOS PA SHAR, SNGAR 'BRAS SPUNGS SU SLEB DUS SHIG GI STON DUS SNGAGS KHANG GZIMS KHANG DANG BCAS PA LA SKOR BA MANG DU BYAS, RJE NYID LA GSOL BA BTAB PAS NUB CIG RMI LAM DU 'BRAS SPUNGS GZIMS KHANG GI RTZER SLEB 'DUG PA LA MING LA DPAL LDAN BLO GROS ZER BA YIN ZER BA'I DGE SLONG SNAM SBYAR NGUR SMRIG GYON PA ZHIG GIS DUNG DKAR LEGS PA ZHIG GTAD NAS, 'DI RJE BTZUN TZONG KHA PAS 'BRAS SPUNGS SU GNANG BA'I CHOS DUNG DE YIN, KHYOD RANG BUS ZER, BUS PAS DGE 'DUN MTHA' YAS PA 'DUS BYUNG, NGAS DE'I DBUS SU KHRI CHEN PO ZHIG GI STENG DU BSDAD, KHRI DE'I MDUN GDONG GRAL GNYIS KYI RTZE NA 'JAM DBYANGS LEGS PA CHOS 'BYOR BA DANG, SLOB DPON CHOS KYI RJE DPAL 'BYOR LHUN GRUB KYI ZHAL SNGA NAS GNYIS DBU NGED KYI KHRI'I SPANGS (DPANGS) LA SNYEG

LA KHAD DU BZHUGS 'DUG DER NGA'I BSAM PA LA GNYIS KA NGA RANG GI CHOS 'BREL YOD PA'I BLA MA YIN PA LA KHONG RNAM PA GNYIS KA'I GTZUG TU NGED RANG SDOD PA 'DI MI RIGS PA 'DUG SNYAM DU YA NGA TING NGE BA ZHIG RMIS, DE NI SER 'BRAS GNYIS KA'I BDAG BYED PA 'DI'I LTAS SU GO SE RAR YANG RJE'I RNAM THAR CHEN MO SNYING PO DON GSUM LTA KHRID RGYAS PA SOGS CHOS MANG DU BSHAD, KHYI LO'I NANG DU'ANG BKA' GDAMS GLEGS BAM PHA CHOS, BDE MCHOG 'DOD 'JO, NI GU'I CHOS DRUG 'DUS PA'I BSKYED RIM SOGS CHOS MANG DU BSHAD CING, BLA MA RNAM PAS THOG DRANGS TSOGS PA THAMS CAD KYIS CHOS GRVA MA CHAG PAR MDZAD, SNGAR SE RAR CHOS NYAN PA DE LTA BU MA BYUNG ZHES GLENG NGO, ,DE NAS ME MO PHAG GI LO'I SMON LAM GROL NAS 'BRAS SPUNGS SU CHOS MANG DU BSHAD CING, DBYAR SOS NAS RGYAL DU DPON MO CHE BSOD NAMS LHUN GRUB PA DPON SLOB RNAMS KYIS ZHAL RAS LHA KHANG LA LOGS BRIS MDZAD, MTSAN NYID GRVA TSANG GIS THOG DRANGS GZHIS BYES KYI DGE 'DUN RNAMS LA BKA' GDAMS GLEGS BAM, DRANG NGES RNAM 'BYED, RIM LNGA GSAL SGRON SOGS CHOS MANG DU BSHAD, DGE 'DUN RNAMS LA MANG JA MA CHAG PA DANG, PHOGS SOGS KYI ZHABS TOG NANG RANG NAS BSGRUBS, DE NAS SLOB DPON BSOD GRAGS PAS 'BRAS SPUNGS RIGS GRVA LA GDAN DRANGS, DGE 'DUN PHYED DANG SUM STONG TZAM TSOGS PA LA ZHABS TOG KYANG MTHA' YAS SHING CHOS KYANG MANG DU BSHAD, DGUN DPYID RGYAL DANG, DVAGS PO LA GONG 'OG SOGS SU 'GRO DON BYAS, AOR PAS GDAN DRANGS TE BANG RIM BAR

, ,PHYIN, 'GRO DON RGYA CHE BAR BYUNG, KUN 'DZIN ZHES BYA BA SA PHO BYI BA LO'I SMON LAM LA SLEB, SE RAR GLEGS BAM BU CHOS DANG, RTZA SHE'I t'IKA CHEN GYI BSHAD PA, 'BRAS SPUNGS SU LAM RIM CHEN MO'I 'PHRO DANG, RJE'I BKA' 'BUM THOR BU BA SOGS BSHAD CING, GRVA SA PHAN TSUN THAMS CAD DU CHOS 'PHEL ZHING DGE 'DUN THUGS MTHUN PA SOGS KYI NGANG NA GNAS PA 'DI LAGS SO,, ,,DGE LEGS 'PHEL,,