GSUNG 'BUM GYI SKOR *, ,RGYAL PO ZLA BA BZANG PO'I RNAM 'PHRUL TA'I SI TU CHEN PO RNAM RGYAL GRAGS PA'I DRI BA BZHUGS SO,,
, ,SVA STI PRA DZ'A BHYA: SNGON BSAGS DGE TSOGS CHU GTER CHEN PO LA, ,DAD CING 'DUN PAS BSRUBS PA LAS GRUB PA'I, ,'GRO BA'I DPAL DU SHAR BA'I 'OD STONG CAN, , 'PHRIN LAS BZANG KHYOD RTAG TU RGYAL GYUR CIG ,THOS PA RGYA MTSO'I BTUNG BAS MI NGOMS SHING, ,BSAM PA YID KYI RI MO CI YANG SHES, ,SGOM BYUNG RTOGS PA MCHOG TU GYUR PA KHYOD, , SNYAN PA'I GRAGS PA SRID RTZE'I BAR DU GA-YO, ,KHA CIG MKHAS KYANG MNGON PA'I NGA RGYAL DANG, ,GZHAN 'GA' GA-YO SGYU'I ZOL LA BRTEN MTHONG BAS, ,GZU BOR GNAS PA KHYOD LA DRI BA'I TSIG, CUNG ZAD BRJOD PA 'DI LA SKABS PHYE ZHIG, DE LA 'DIR THE TSOM GCOD PA'I DRI BA 'GA' ZHIG BRJOD PAR BYA STE, MNGON RTOGS RGYAN LAS, SBYANGS PA YANG DAG SDOM BSTEN DANG,
, ,ZHES PA'I 'GREL PA SLOB DPON SENG GE BZANG POS MDZAD PA LAS, BSOD SNYOMS PA LA SOGS PA ZHES SBYANGS PA'I YON TAN BCU GNYIS LA MDZAD BYUNG, 'DI LTAR GZHUNG GI DGONGS PA YIN NA, YUM RGYAS 'BRING BSDUS GSUM DU SBYANGS PA'I YON TAN BCU GNYIS GSUNG RIGS PA LAS MA BYUNG BAS, 'DI'I SKABS KYI 'GREL PA 'DI GZHUNG GI DGONGS PAR JI LTAR GNAS, SBYANGS PA'I YON TAN BCU GNYIS LA'ANG, SLOB DPON SO SO'I t'I KA PHAL CHE BAR, GOS KYI DBANG DU BYAS PA DANG, ZAS KYI DBANG DU BYAS PA ZER BA SOGS MDOR BSDUS LAS MA GSUNGS, DE DAG SO SO'I NGOS 'DZIN NI SLA LA, GANG GIS NA DER 'JOG, GANG GIS 'JIG, SKABS DBYE BA, GNANG BA JI LTAR YOD GRANG, SO SO THAR PA RIGS BRGYAD NI, YONGS SU GRAGS MOD, RIGS BCUR BSHAD PA YOD DAM MED, DGE SLONG RDO RJE 'DZIN PA'I RGYUD LA NYAN THOS SO THAR GYI SDOM PA YOD DAM MED, YOD NA SGRUB BYED DANG, MED NA DE'I RGYUD LA DE MED PA
LUNG RIGS KYIS JI LTAR SGRUB, 'DUL BA MDO RTZA'I MA BYIN LEN GYI TSAD STON PA'I SKABS KYI, KA KA NI DANG, MA SHA KA DANG, KARSHA PA NA, ZHES GSUNGS PA 'DI GSUM DNGOS PO GANG GI MING YIN, 'DUL BA LUNG LAS, RNAM GSUM DAG PA'I SHA GNANG BA NI, RTZOD PA MED LA, MDO GZHAN LAS, NYAN THOS PA LA SHA BKAG STE, RJES BCAS SU GO BA KHYED JI LTAR 'DOD, CHO 'PHRUL CHEN PO BSTAN PA'I ZLA BA'I NGOS 'DZIN MCHU DANG DBO'I ZLA BA LA BYED PA'I LUGS GNYIS BYUNG BA KHYED GANG 'DOD, 'THAD BA'I PHYOGS LA SGRUB BYED, MI 'THAD PA'I PHYOGS LA GNOD BYED JI LTAR RJOD, RTZA SHE'I 'GREL BA GA LAS 'JIGS MED RANG 'GREL YIN PA SNGON NAS RTZOD MED YIN PA LA, DING SANG RANG 'GREL MA YIN PAR 'DOD PA MANG BA ZHIG BYUNG BA, RANG 'GREL MA YIN NA, 'GREL PA 'DI MDZAD PA PO SU YIN, RANG 'GREL MA YIN PA KHA SGRUB BYED LTAR SNANG MIN PA BKOD PAR RIGS, SNGA RABS KYIS RIGS TSOGS DRUG LA THA SNYAD GRUB PA BGRANGS SHING, DING SANG RIGS TSOGS DRUG LA RIN CHEN PHRENG BA BGRANGS PA JI LTAR RIGS, DING SANG GI DBU MA PA 'DOD PA LTAR, GZHI GRUB NA, RTEN CING 'BREL 'BYUNG YIN PAS KHYAB BAM JI LTAR 'DOD, BYANG CHUB SEMS DPA'I SPYOD 'JUG LAS, KHONG KHROS BSKAL PA STONG DU BSAGS PA'I DGE RTZA 'JOMS PAR GSUNGS PA DANG,
, ,'JUG PAR BSKAL PA BRGYAR BSAGS PA'I DGE RTZA 'JOMS PAR BSHAD PA, BSKAL PA STONG DANG BRGYAR GSUNGS PA GANG LA DGONGS, DGE RTZA GCOD PAR GSUNGS PA RNAM SMIN RGYANG SRING BA LA DGONGS SAM DGE BA'I SA BON GCOD PA GANG YIN, SNGO BAS ZIN PA'I DGE RTZA GCOD DAM MI GCOD JI LTAR BZHED, MDZOD NAS GSUNGS PA'I RI GLING RGYA MTSO SOGS KYIS 'OG GZHI'I CHU GSER KHYAB PAR MNON PA 'DI LA RGYU MTSAN CI YOD, 'JIG RTEN 'CHAGS PA'I RLUNG GI DKYIL 'KHOR GYI STENG DU CHU'I RGYUN MTHA' YAS PA 'BAB PAR GSUNGS PA PHYI ROL TU MI 'BO BA NI, SNGA RABS PA 'GA' ZHIG LAS KYI MTHU YIS YIN PAR 'DOD, KHA CIG MA ZHU BA LONG DU MI LTUNG BA BZHIN DU RTEN 'BREL GYI DBANG GIS YIN ZHES ZER BA LA KHYED 'DI GNYIS GANG 'DOD, DE LAS GZHAN PA'I SGRUB BYED YOD DAM MED, STONG GSUM GYI KHOR YUG CHEN PO'I DBANGS TSAD JI LTAR YOD PAR RIGS, GZUGS MED KHAMS PA LA DUS 'KHOR NAS GNAS GZHAN LOGS PA GSAL BAR GSUNGS, PHAR PHYIN THEG PA NAS GZUGS MED KHAMS PA LA GNAS GZHAN LOGS PA AE GSUNGS, BSKAL CHEN LA MI LA'I GRANGS JI TZAM YONG BA DUS 'KHOR NAS BRTZI BA'I TSUL GSAL BAR GSUNGS MOD, PHAR PHYIN THEG PA LAS BSKAL CHEN LA MI LO'I GRANGS JI TZAM YONG BA BRTZI BA'I TSUL BSHAD DAM MA BSHAD, MDO LAS, 'DI NAS SHAR PHYOGS SU 'JIG RTEN GYI KHAMS GDG'A'I KLUNG GI BYE MA SNYED 'DAS
PA NA 'JIG RTEN GYI KHAMS 'DI ZHES BYA BA YOD DE, ZHES BYA BA LA SOGS PA GANG+G'A'I KLUNG GI BYE MA SNYED KYI GRANGS KYIS GSUNGS PA SHIN TU MANG BAR BYUNG BA, GANG+G'A'I KLUNG GI BYE MA SNYED DE GRANGS KYI GNAS GZHAN JI TZAM ZHIG LA DGONGS PA YIN, ZHES PA STE DRI BA CUNG ZAD BRJOD ZIN TO, ,MDO DANG RGYUD SDE'I GSHOG PA'I RLABS CHEN THOB, ,BDEN GNYIS 'GROS KYIS CI YANG SGEG PA CAN, ,MKHAS MANG CHU BYA'I DBUS NA MNGON MTHO BA'I, ,NGANG PA'I RGYAL PO 'DI NI BSTAN PA'I DPAL, ,LEGS BSHAD MGRIN PA'I DRIL CHEN SGROG PA KHYOD, ,KA LA PING KA'I SNYAN PA LHUR LEN PAS, ,DRIS LAN TSANGS PA'I DBYANGS KYI RJES 'GRO BA, ,RNA BA'I BCUD LEN CHED DU SGROG PAR MDZOD, ,RNAM RGYAL GRAGS PA'I BLO GROS CHU MTSO LAS, ,'PHRIN YIG CHU 'DZIN DKAR PO'I PHRENG BA BYUNG, ,PHO NYA'I DRI BZHON DPAL LA RAB BRTEN NAS, ,BKRA SHIS LHUN PO'I PAD MTSO'I NGOGS SU SONG, ,DON BZANG DBANG PO'I GZHU MDZES MCHOG TU BKRA, ,SNYAN TSIG BDUD RTZI'I CHAR ZIM DAL BUS 'BAB,, LEGS BSHAD 'BRUG SGRA'I SGRA DBYANGS BSGRAGS PA NA, ,MKHAS MANG GTZUG PHUD CAN RNAMS DGA' BAR 'GYUR, ,MYOS LDAN GYI LO KHRUMS KYI ZLA BA'I TSES GSUM LA NGAM RING NAS PHUL BA DGE LEGS 'PHEL,, MANG+GA LAm,, ,,