Personal Instructions for the Practice of Developing the Good Heart in the Greater Way

GSUNG 'BUM GYI SKOR *, ,THEG PA CHEN PO BLO SBYONG GI GDAMS PA BZHUGS SO,,

, ,BLA MA DANG YI DAM DBYER MED PA LA PHYAG 'TSAL LO, ,THEG PA CHEN PO'I BLO SBYONG GI GDAMS PA 'DI LA GSUM LAS, DANG PO CHOS KHUNGS BTZUN PAR BYA BA'I PHYIR DU BLA MA BRGYUD PA'I RIM PA NI, JO BO CHEN PO LHA CIG NYID LA BLO SBYONG BRGYUD PA'I RIM PA GSUM STE, GSER GLING PA NAS BRGYUD PA, BLA MA BYAMS PA'I RNAL 'BYOR PA NAS BRGYUD PA, BLA MA DHA RMA RAKshI TA NAS BRGYUD PA LAS, BDAG GZHAN BRJE BA'I SGO NAS BLO SBYONG GI MAN NGAG BDUD RTZI'I SNYING PO 'DI NI, GSER GLING PA NAS BRGYUD PA YIN TE, RTZA TSIG LAS, MAN NGAG BDUD RTZI'I SNYING PO 'DI, ,GSER GLING PA NAS BRGYUD PA YIN, ZHES PA'I RTZA TSIG GIS STON TE, STON PA SANGS RGYAS NAS GSER GLING PA'I BAR DU BRGYUD CING, GSER GLING PA NAS RIM BZHIN BRGYUD

, ,DO; DE YANG RANG GI RTZA BA'I BLA MA RIN PO CHE GRUB PA SHES RAB PA NAS BRGYUD PA, SPYAN SNGA BSOD NAMS LHUN GRUB PA NAS BRGYUD PA, SEMS DPA' CHEN PO RGYAL SRAS PA'I LUGS BLA MA THUGS RJE DPAL BA LAS BRGYUD PA, BYANG SEMS 'CHAD KHA PA'I LUGS KYI BLO SBYONG BA'I MAN NGAG SPYOD 'JUG GI BSAM GTAN LE'UR BSTAN PA'I BDAG GZHAN BRJE BA'I SGO NAS BLO SBYONG TSUL, RI BO DGA' LDAN MGO 'DINGS PA'I TSE RJE RIN PO CHE 'OL KHA STAG RTZER BYON PA'I DUS, BYANG RTZE BLA MA NAM MKHA' DPAL LDAN PA SOGS LA ZHIB PAR GNANG BA BYANG RTZE PA NAS BRGYUD PA'I TSUL BZHI LAS, 'DIR NI PHYI MA'O, ,GNYIS PA CHOS LA GUS PA BSKYED PA'I PHYIR DU GDAMS NGAG GI TSE BA BRJOD PA NI, RTZA TSIG LAS, RDO RJE NYI MA LJON SHING BZHIN, ,TSIG DON LA SOGS SHES PAR BYA, ZHES BLO SBYONG GI RTZA TSIG RNAMS RDO RJE RIN PO CHE BZHIN DU SHES PAR BYA STE, RDO RJE RIN PO CHE NI DBYIBS GRU BZHI PA, CHAG PA'I DUM BU RNAMS KYANG DBYIBS GRU BZHI PA, RE RES KYANG GSER GYI RGYAN KHYAD PAR DU 'PHAGS

PA RNAMS ZIL GYIS GNON CING RDO RJE RIN PO CHE'I MING YANG MI 'DOR LA, DBUL BA THAMS CAD KYANG SEL BAR BYED PA DE BZHIN DU, RTZA TSIG GI DUM BU GCIG GI DON LA MYONG BA SKYES PAS KYANG, NYAN RANG GI YON TAN KHYAD PAR DU 'PHAGS PA THAMS CAD ZIL GYIS GNON CING, DE SPYOD PA NAN TAN DANG BRAL YANG BYANG CHUB SEMS DPA'I MING YANG MI 'DOR LA, 'KHOR BA'I DBUL BA THAMS CAD KYANG SEL BAR BYED DO, ,DE'I DON RNAMS NYI MA BZHIN DU SHES PAR BYA STE, NYI MA'I SNE GCIG SHAR NA YANG GLING GI MUN PA SEL NUS SHING, DE'I RJES SU MYUR BAR RANGS PO 'CHAR BA LTAR, RTZA TSIG GI DUM BU GCIG LA GO BA SKYES PAS KYANG RANG GCES 'DZIN LA SOGS PA'I NYON MONGS PA'I NAD SEL NUS SHING, DE'I RJES SU MYUR BAR RTZA TSIG RANGS PO'I DON LA GO BA SKYE BA'I PHYIR, DE'I TSIG DON GNYIS KA SMAN GYI LJON SHING BZHIN DU SHES PAR BYA STE, SMAN GYI LJON SHING RANGS POS KYANG NAD SEL, DE'I DUM BUS KYANG NAD SEL NUS PA LTAR, RTZA TSIG RANGS POS KYANG RANG GCES 'DZIN GYIS THOG DRANGS PA'I NYON MONGS PA DANG SHES BYA'I SGRIB PA'I NAD SEL BA'I THABS STON, DUM BUS KYANG DE STON, DON RANGS PO LA GO BA SKYES PAS KYANG DE 'DRA'I NAD SEL NUS SHING, DE'I DUM BU NYAMS SU BLANGS PAS KYANG DE SEL NUS PAS SO, ,GSUM PA GDAMS PA DNGOS LA BDUN LAS, DANG PO SNGON 'GRO RTEN GYI CHOS BSAM PA LA, RTZA TSIG TU,

, ,DANG PO SNGON 'GRO DAG LA BSLAB, CES 'BYUNG LA, 'DI LA RGYUD LA BYIN RLABS 'JUG PA'I THABS BLA MA'I RNAL 'BYOR BSGOM PA DANG, RGYUD SNOD RUNG DU BYED PA'I THABS GNYIS LAS, DANG PO NI, BDAG CAG GI STON PAS DANG PO BYANG CHUB MCHOG TU THUGS BSKYED, BAR DU BSKAL PA GRANGS MED GSUM DU TSOGS BSAGS, MTHAR RDO RJE GDAN GYI SPO LA MNGON PAR RDZOGS PAR SANGS RGYAS NAS, GDUL BYA LA CHOS KYI PHUNG PO BRGYAD KHRI BZHI STONG GSUNGS PA THAMS CAD THEG CHEN GYI SDE SNOD DANG THEG DMAN GYI SDE SNOD GNYIS SU 'DUS, DANG POS RANG GCES 'DZIN MI 'GOG PAR DGAG GZHI BDAG TU 'DZIN PA DGAG BYAR BYAS NAS DE SPANGS PA'I THAR PA THOB PAR BYED PA'I THABS STON; GNYIS PAS RANG GCES PAR 'DZIN PA SPANGS NAS GZHAN GCES PAR BZUNGS TE, SEMS CAN GYI DON DU SANGS RGYAS THOB PAR BYED PA'I THABS STON, THABS DE DAG NYAMS SU LEN PA YANG DGE BA'I BSHES GNYEN LA RAG LAS SHING, KHYAD PAR DU THEG CHEN GYI LAM NYAMS SU LEN PA THEG PA CHEN PO'I DGE BA'I BSHES GNYEN BSTEN TSUL PHYIN CI MA LOG PAR SHES NAS BSTEN PA LA RAG LAS, BSTEN TSUL PHYIN CI MA LOG PA NI BLA MA LA THA MAL BAR 'DZIN PA'I 'DU SHES SPANGS NAS SANGS RGYAS DNGOS KYI 'DU SHES BSKYED DE, DES GANG GSUNGS SGRUB PAR BYED PA NI DE YIN PAS THOG MAR BLA MA'I RNAL 'BYOR BSGOM PA NI TSUL MANG STE, MDUN GYI NAM MKHAR SENG GE CHEN PO BRGYAD KYIS BTEG

PA'I RIN PO CHE'I KHRI YANGS SHING RGYA CHE BA'I STENG DU, RTZA BRGYUD KYI BLA MA LA SANGS RGYAS SOGS BSTIMS NAS BSGOM PA DANG, RANG GI SPYI BOR BSGOM PA GNYIS, PHYI MA LA YANG RANG GI SPYI BOR RTZA BA'I BLA MA, MTHAR STON PA SANGS RGYAS TE BLA MA MTHO BRTZEGS SU BSGOM PA DANG, YANG RANG GI SPYI BOR RTZA BA'I BLA MA DKYIL DU BYAS NAS, DE LA BRGYUD PA'I BLA MA SANGS RGYAS BYANG CHUB SEMS DPA' NYAN RANG CHOS SKYONG SRUNG MA RNAMS KYIS MTHA' NAS BSKOR TE, KHROM TSOGS SU BSGOMS LA SPYI BOR AOm DKAR PO, MGRIN PAR A'A: DMAR PO, THUGS KAR H'Um SNGON PO, THUGS KA'I H'Um LAS 'OD 'PHROS, RTZA BRGYUD KYI BLA MA, SANGS RGYAS BYANG SEMS, NYAN RANG CHOS SKYONG SRUNG MA SPYAN DRANGS, AOm SARBA TA TH'A GA TA AARGHAm PRA T'ITZTSA SV'A H'A ZHES SOGS MCHOD PA PHUL, DZA: H'Um BAm HO: SKU STOD KYI CHA LA BLA MA, SANGS RGYAS BYANG SEMS, SKU SMAD KYI CHA LA NYAN RANG CHOS SRUNG RNAMS THIM PAR BSGOM PA, YANG RANG GI SPYI BOR BZHUGS PA'I BLA MA DE DANG PO NAS SANGS RGYAS KUN 'DUS KYI NGO BOR BSGOM PA SOGS DU MA YOD PA'I NANG NAS, 'DIR PHYI MA'I DBANG DU BYAS PA NI, RANG GI SPYI BOR SENG GE CHEN PO BRGYAD KYIS BTEG PA'I RIN PO CHE'I KHRI YANGS SHING RGYA CHE BA'I STENG DU, SNA TSOGS PADMA DANG ZLA BA'I GDAN LA RANG GI RTZA BA'I BLA MA SKU MDOG DMAR PO, ZHABS RDO RJE SKYIL KRUNG GIS BZHUGS PA, PHYAG GNYIS MNYAM GZHAG MDZAD PA, SKU MTSAN DANG DPE BYAD KYIS BRGYAN PA, GSUNG DBYANGS YAN LAG DRUG CU DANG LDAN PA, THUGS

, ,BYAMS SNYING RJE BYANG CHUB KYI SEMS DANG, SHES BYA JI LTA BA DANG JI SNYED PA MKHYEN PA'I YE SHES DANG LDAN PA, ZHAL 'DZUM PA DANG BCAS PAS RANG LA DGYES BZHIN DU GZIGS PA, DANG PO NAS BLA MA KUN 'DUS, YI DAM KUN 'DUS, SANGS RGYAS KUN 'DUS, CHOS SKYONG KUN 'DUS KYI NGO BOR BZHUGS PAR BSAMS LA, DE LA AARGHAm LA SOGS PAS MCHOD PA DANG, GANG GI DRIN GYI BDE CHEN NYID, CES SOGS SPYI BSTOD DANG, BYE BRAG GI BSTOD PA DANG, JI SNYED SU DAG CES SOGS BZANG SPYOD NAS 'BYUNG BA'I YAN LAG BDUN PA DANG MAndAL PHUL, DE NAS YANG RANG GI RTZA BA'I BLA MA DE BLA MA KUN 'DUS SOGS SU GSAL BTAB STE, RANG NYID 'KHOR BA'I SDUG BSNGAL GYIS 'JIGS PA DANG BLA MA LA DE LAS SKYOB PA'I NUS PA YOD PAR YID CHES PAR BYAS TE, DUS DA NAS BZUNGS TE SKYID SDUG LEGS NYES MTHO DMAN CI BYUNG YANG, BLA MA RIN PO CHE MIN PA RE SA MED SNYAM DU BSAMS NAS, BLA MA SANGS RGYAS RIN PO CHE LA SKYABS SU MCHI'O, ,CHOS RJE SANGS RGYAS RIN PO CHE LA SKYABS SU MCHI'O, ,BLA MA CHOS KYI SKU LA SKYABS SU MCHI'O, ,BLA MA LONGS SPYOD RDZOGS PA'I SKU LA SKYABS SU MCHI'O, ,BLA MA MCHOG GI SPRUL PA'I SKU LA SKYABS SU MCHI'O, ZHES TSIG TZAM MIN PAR SKYABS SU 'GRO, DE NAS, SANGS RGYAS KUN GYI NGO BO BLA MA RIN PO CHE LA GSOL BA 'DEBS SO, ,DAM CHOS BDUD RTZI'I 'BYUNG GNAS BLA MA RIN PO CHE LA GSOL BA 'DEBS SO, ,SRID GSUM 'DREN PA'I GTZO BO BLA MA RIN

PO CHE LA GSOL BA 'DEBS SO, ,BDAG GI RE SA'I SKYABS GNAS BLA MA RIN PO CHE LA GSOL BA 'DEBS SO, ,BDAG GI RGYUD LA PHYIN CI LOG GI BLO SNA THAMS CAD 'GAG PAR BYIN GYIS RLOBS, PHYIN CI MA LOG PA'I BLO SNA THAMS CAD SKYE BAR BYIN GYIS RLOBS, BYANG CHUB KYI SEMS RNAM PA GNYIS MYUR DU RGYUD LA SKYE BAR, TSE 'DI DANG, 'CHI KA DANG, BAR DO DANG, TSE PHYI MA THAMS CAD DU BYANG CHUB KYI SEMS RNAM PA GNYIS MI NYAMS SHING MNGON DU 'GYUR BAR, RKYEN NGAN PAR CHAD CI BYUNG YANG BYANG CHUB KYI SEMS RNAM PA GNYIS 'BYONGS PA'I GROGS SU 'KHYER NUS PAR BYIN GYIS BRLAB TU GSOL, CES MIG NAS MCHI MA 'DZAG PA DANG, LUS KYI BA SPU LDAN PA DANG, LUS KYIS ZUNGS MI THUB PA SOGS BYUNG BYUNG SNYING KHONG RUS PA'I DKYIL NAS GSOL 'DEBS LAN MANG DU BYA'O, ,DE LA BRTEN NAS BLA MA'I SPYI BO NAS 'OD ZER DKAR PO BYUNG, RANG GI SPYI BO'I GNAS SU THIM, BLA MA'I SKU'I BYIN RLABS ZHUGS, TSE THOG MED NAS BSAGS PA'I SGRiB PA THAMS CAD DAG, MGRIN PA NAS 'OD ZER DMAR PO, THUGS KA NAS 'OD ZER SNGON PO, BLA MA'I GNAS GSUM NAS 'OD ZER GSUM, LUS NGAG YID GSUM GYI SGRiB PA BAG CHAGS DANG BCAS PA THAMS CAD DAG ,YANG SKYABS 'GRO NAS GSOL BTAB KYI BAR SNGAR BZHIN BYAS PAS, RANG GI SBYI BO'I BLA MA 'OD DU MER ZHU NAS, RANG GI SPYI BO'I TSANGS BUG KHA BYE BA NAS MAR ZHUGS NAS SNYING KHAR RANG GI SEMS DANG DBYER MED DU 'DRES PA'I NGANG LA SEMS RTZE GCIG

, ,TU YUN RING BAR GZHAG GO, GNYIS PA LA BZHI YOD PA'I DANG PO DAL 'BYOR RNYED DKA' BSAM PA LA BZHI LAS, DANG PO DAL 'BYOR GYI NGO BO SEMS PA NI, DAL BA BRGYAD DANG, 'BYOR PA BCU'O, ,DANG PO NI MI KHOM PA BRGYAD SPANGS PA'O, ,MI KHOM PA BRGYAD NI, MI MIN PA'I 'GRO BAS BSDUS PA BZHI, MI'I 'GRO BAS BSDUS PA BZHI'O, ,DANG PO NI, LAS NYON GYIS 'PHANGS PA'I NGAN SONG BA GSUM, 'DOD YON GYIS HA CANG GA-YENGS PA'I 'DOD KHAMS KYI LHA DANG, 'DU SHES MED PA'I SEMS CAN DANG, GZUGS GZUGS MED DU SKYES PA'I SO SKYE STE LHA TSE RING PO DANG BZHI'O, ,GNYIS PA NI, RDZOGS LDAN GYI DUS KYI MI BZHIN DU, SANGS RGYAS 'JIG RTEN DU MA BYON PA DANG, BYON KYANG RANG NYID 'KHOR RNAM BZHI MI RGYU BA'I YUL MTHA' 'KHOB TU SKYES PA DANG, YUL DBUS SU SKYES KYANG YID DBANG DANG LCE DBANG LA SKYON ZHUGS PA'I DBANG PO MA TSANG BA DANG, DBANG PO TSANG YANG LAS 'BRAS LA SKUR PA 'DEBS PA'I LOG PAR LTA BA 'DZIN PA'O, ,DE DAG LA MI KHOM PA ZHES BYA STE, DAM PA'I CHOS SGRUB PA LA MI KHOM PA YIN TE, DANG PO RNAMS NI, DAM PA'I CHOS DANG CHOS MIN PA'I BLANG DOR MI SHES, PHYI MA NI, CHOS SGRUB PA LA MI MOS PA'I PHYIR RO, ,'BYOR PA BCU LA, RANG 'BYOR LNGA DANG, GZHAN 'BYOR LNGA'O, ,DANG PO NI, MI NYID DBUS SKYES DBANG PO TSANG, ,LAS MTHA' MA LOG GNAS LA DAD, CES GSUNGS PA LTAR, MIR GYUR

PA DANG, YUL DBUS SU SKYES PA DANG, MIG LA SOGS PA'I DBANG PO TSANG BA DANG, MTSAMS MED MA BYAS PA'I LAS KYI MTHA' MA LOG PA DANG, DKAR PO'I CHOS NYID KYI GNAS BSLAB PA GSUM BRJOD BYAR STON PA'I 'DUL BA SDE SNOD GSUM LA DAD PA'O, ,LNGA PO DE LA RANG 'BYOR ZHES BYA STE, CHOS SGRUB PA'I CHA RKYEN YIN ZHING RANG RGYUD KYIS BSDUS PA'I PHYIR RO, ,GZHAN 'BYOR LNGA NI, SANGS RGYAS BYON DANG DAM CHOS GSUNGS, ,BSTAN PA GNAS DANG DE RJES 'JUG ,GZHAN PHYIR SNYING NI BRTZE BA'O, ZHES GSUNGS PA LTAR, SANGS RGYAS 'JIG RTEN DU BYON PA DANG, DES CHOS GSUNGS PA DANG, DE'I BSTAN PA DANG DE'I BSTAN PA'I RJES SU 'JUG PA DANG, RANG NYID CHOS TSUL BZHIN DU SGRUB PA LA CHOS GOS SOGS STER BA'I SBYIN BDAG YOD PA'O, ,LNGA PO DE LA GZHAN 'BYOR ZHES BYA STE, CHOS SGRUB PA'I CHA RKYEN YIN ZHING, GTZO CHER GZHAN RGYUD KYIS BSDUS PA'I PHYIR, GNYIS PA DAL 'BYOR RNYED PA DON CHE PAR BSTAN PA NA, DE LTA BU'I DAL 'BYOR RNYED PA DON CHE STE, MTHAR THUG GI DON SGRUB PA LA BLTOS NAS KYANG DON CHE, GNAS SKABS KYI DON SGRUB PA LA BLTOS NAS KYANG DON CHE, DANG PO YIN TE, THAMS CAD MKHYEN PA SGRUB PA LA YANG DON CHE, THAR PA SGRUB PA LA YANG DON CHE BA YIN NO, ,DANG PO YIN TE, DAL 'BYOR MI'I RTEN LA THAMS CAD MKHYEN PA SGRUB NUS PA TZAM 'GRO BA GZHAN GYI RTEN LA SGRUB MI NUS PA'I PHYIR, GNYIS PA YIN TE, MI'I RTEN LA MTHONG LAM SKYE PA YIN GYI, MI'I RTEN LA LA

, ,GOMS PA'I 'DOD PA'I LHA KHA CIG MA GTOGS KHAMS GONG MA'I RTEN LA MTHONG LAM SKYE BA MED PA'I PHYIR, GNAS SKABS LA BLTOS NAS KYANG DE YIN TE, GNAS SKABS SU LUS DANG LONGS SPYOD 'KHOR PHUN TSOGS DGOS, DE DAG GI RGYUR TSUL KHRIMS SRUNG BA, SBYIN PA GTONG BA, BZOD PA SGOM DGOS, DE DAG SGOM PA'I RTEN GYI MCHOG KYANG DAL 'BYOR GYI MI LUS YIN PA'I PHYIR RO, ,GSUM PA DAL 'BYOR RNYED PAR DKA' BA BSTAN PA NI, DAL 'BYOR RNYED DKA' STE, RGYU'I SGO NAS RNYED DKA', RANG GI NGO BO'I SGO NAS KYANG RNYED DKA' BA'I PHYIR RO, ,DANG PO YIN TE, DAL 'BYOR GYI MI LUS THOB PA LA TSUL KHRIMS RNAM PAR DAG PA SRUNG DGOS, DE SRUNG BA SRID MTHA' TZAM DU SONG ZHING NGAN 'GRO'I RGYU MI DGE BA LA YANG YANG 'JUG PA'I PHYIR RO, ,GNYIS PA YIN TE, 'GRO BA RIS MI MTHUN LA BLTOS NAS BDE 'GRO YANG SRID MTHA' TZAM DU SONG, KHYAD PAR DU DAL 'BYOR GYI MI LUS SRID MTHA' TZAM DU SONG BA'I PHYIR RO, ,BZHI PA DES NA DAL 'BYOR GYI RTEN LA SNYING PO LEN DGOS PAR GDAMS PA NI, DON CHE ZHING SHIN TU RNYED PAR DKA' BA'I DAL 'BYOR GYI MI LUS THOB PA'I DUS 'DIR DE'I RTEN LA SNYING PO BLANG BAR BYA, SNYING PO LEN PA'I MCHOG KYANG YANG DAG PAR RDZOGS PA'I SANGS RGYAS KYI GO 'PHANG ZHES SOGS SO, ,DAL 'BYOR GYI RTEN LA SNYING PO BLANG BA'I PHYIR BSKUL BA NI, CHOS BZHIS SHES PAR BYA STE, RANG CAG RNAMS KYIS DAM PA'I CHOS SGRUB PAR BYA DGOS TE,

RANG GZHAN THAMS CAD BDE BA BSGRUB PAR 'DOD PA DANG, SDUG BSNGAL SEL BAR 'DOD PA MTSUNGS LA, DE YANG DAM PA'I CHOS SGRUB PA LA RAG LAS SHING, DAM PA'I CHOS SGRUB PAR NUS PA YIN TE, PHYI'I RKYEN DGE BA'I BSHES GNYEN DANG MJAL, NANG GI RKYEN DAL 'BYOR GYI LUS TSANG BA'I PHYIR, DE YANG TSE 'DIR SGRUB DGOS PA YIN TE, SKYE BA PHYI MAR DAL 'BYOR RNYED PAR DKA' BA'I PHYIR, DE YANG NGA LTA NAS SGRUB DGOS TE, NAM 'CHI NGES PA MED PA'I PHYIR, 'CHI BA MI RTAG PA BSAM PA LA NGES PAR 'CHI BA BSAM DGOS TE, DE MA BSAMS NA NYES DMIGS CHE ZHING BSAMS NA PHAN YON CHE BA'I PHYIR, DANG PO YIN TE, MTHAR 'CHI SNYAM PA KUN LA YOD ZHING, DE RING MI 'CHI DE RING MI 'CHI SNYAM PA 'CHI KHAM CHUN LA YOD LA, DE'I GNYEN POR 'CHI BA MI RTAG PA MA BSAMS NA TSE 'DIR SDOD GRABS BYED BYED NAS TSE PHYI MA PHAN CHAD KYI DON DU THAR PA DANG THAMS CAD MKHYEN PA SGRUB PA DANG, DE'I DON DU THOS BSAM SGOM GSUM BYED PA LA MI 'JUG PA DANG, GAL TE DE LA 'JUG PA'I BLO YOD NA'ANG PHYI BSHOL GYI LE LOS DUS 'DA' BA DANG, CHE 'DI'I RNYED SKUR LA SRED PA'I DBANG GIS NYON MONGS PA DANG, DE'I DBANG GIS SDIG PA MI DGE BA'I LAS BSAGS NAS 'KHOR BA'I SDUG BSNGAL MYONG BAR 'GYUR BA'I PHYIR RO, ,'CHI BA MI RTAG PA BSAMS PA PHAN YON CHE STE, 'CHI BA MI RTAG PA DRAN PA'I BLO RNAL MA SKYES NAS DE RING SANG RANG 'CHI BAR THAG CHOD NA, TSE 'DI'I GNYEN BSHES SOGS PA SRED PA LOG NAS

, ,PHYI MA'I DON DU SBYIN PA GTONG BA SOGS LA 'JUG PA'I PHYIR RO, ,'O NA 'CHI BA MI RTAG PA'I BLO JI LTAR BU BSGOM ZHE NA, NYON MONGS MA SPANGS KYI BAR DU 'KHOR BAR SKYE BA RE SHIG DGAG MI NUS PAS DE LA SKRAG PA'I BLO BSGOM PA MIN GYI, NGAN 'GRO'I RGYU 'GOG PA DANG, BDE 'GRO'I RGYU MA BSGRUBS PAR 'CHI BAS SKRAG PA'I BLO BSGOM PA YIN TE, THABS DE BSGRUB PAR BYAR YOD, BSGRUBS NA PHAN YON CHE ZHING MA BSGRUBS NA 'GYOD PA DANG BCAS BZHIN DU 'CHI BAR 'GYUR BA'I PHYIR, DES NA 'CHI BA MI RTAG PA BSAM PA LA NGES PAR 'CHI BA BSAM PA DANG, NAM 'CHI NGES MED BSAM PA, 'CHI BA'I TSE CHOS MIN PA GZHAN GANG GIS KYANG MI PHAN PA'I TSUL BSAM PA'O, ,DANG PO LA GSUM LAS, 'CHI BDAG NGES BAR YONG STE, LUS GANG BLANGS KYANG 'CHI BA LAS MA 'DAS, YUL GANG DU GNAS KYANG 'CHI BA LAS MA 'DAS, DUS NAM GYI TSE'ANG 'CHI BA LAS MA 'DAS PA'I PHYIR RO, ,DANG PO YIN TE, NYAN THOS DANG RANG SANGS RGYAS DANG, MCHOG GI SPRUL PA'I SKU YANG MYA NGAN LAS 'DA' BA'I TSUL STON NA, SKYE BO PHAL PA RNAMS LTA SMOS KYANG CI DGOS TE, CHED DU BRJOD PA'I TSOMS LAS, SANGS RGYAS RNAMS DANG RANG SANGS RGYAS, ,SANGS RGYAS RNAMS KYI NYAN THOS KYANG SKU LUS 'DI NI SPONG MDZAD NA, ,SKYE BO PHAL PA SMOS CI DGOS, ZHES SO, ,GNYIS PA YIN TE, DE NYID LAS, GANG DU GNAS NA 'CHI BAS MI TSUGS PA'I, ,SA PHYOGS DE NI YOD PA MA YIN TE, ,BAR SNANG LA MED RGYA MTSO'I GTING NA

MED, ,RI BO RNAMS KYI GSEB TU ZHUGS NA'ANG MIN, ZHES SO, ,GSUM PA YIN TE, SNGAR BYUNG BA'I SEMS CAN RNAMS KYANG SHI, DA LTAR DANG MA 'ONGS PA'I SEMS CAN RNAMS KYANG 'CHI BA'I PHYIR TE, DE NYID LAS, BYUNG DANG 'BYUNG BAR 'GYUR BA JI SNYED PA, ,DE DAG 'JIG RTEN GZHAN DU 'GRO BA DANG, ,DE KUN MKHAS PAS MI RTAG RTOGS BGYIS TE, ,CHOS LA NGES PAR GNAS GYIS SPYAD PA SPYOD, CES SO, ,'CHI BA 'ONG BA RKYEN GANG GIS KYANG BZLOG MI NUS TE, MGYOGS PA DANG, STOBS DANG; NOR GYIS DANG, RDZAS DANG, SNGAGS DANG, SMAN LA SOGS PAS KYANG BZLOG TU MED PA'I PHYIR RO, ,GNYIS PA TSE LA SNON PA MED CING 'BRID BYED PAR MA CHANG DU YOD PAS DE BSAM PA NI, NGES PAR 'CHI STE RTAGS DE'I PHYIR TE, LO BRGYA TZAM THUB PA'I DBANG DU BYAS KYANG, ZLA BA SONG BAS LO 'DZAD, NYIN ZHAG SONG BAS ZLA BA 'DZAD, DE YANG NYIN MO DANG MTSAN MO SONG BAS 'DZAD, DE YANG SNGA DRO DANG PHYI DRO LA SOGS PA SONG BAS 'DZAD PA'I PHYIR RO, ,GSUM PA GSON PA'I TSE NA YANG CHOS BYA LONG MED PAR 'CHI BA BSAM PA NI, LO BRGYA TSUN CHAD THUB PAR NGES KYANG LONG YOD BYAR MI RUNG STE, DE'I PHYED GNYID DANG, LO BCU BYIS PA DANG, LO NYI SHU RGAS NAS DGE PA LAS SBYOR MI BZOD PA DANG, GZHAN YANG MYA NGAN DANG, SDUG BSNGAL BA DANG, YID MI BDE BA DANG, NA TSA LA SOGS PAS GEGS BYED PA'I PHYIR RO, ,DES NA LO BRGYA TSUN CHAD DU 'CHI BAR THAG CHOD CING, NYI MA GANG LA 'CHI THAG MA CHOD LA, DE RING 'CHI BAR YANG MA NGES

, ,MI 'CHI BAR MA NGES KYANG, BLOS 'CHI BA'I PHYOGS BZUNGS NAS, DE RING NGES PAR 'CHI SNYAM PA'I BSAM PA BYA STE, DE LTAR BYAS NA TSE PHYI MA'I DON DU BSHAGS BSNGAM SOGS LA 'JUG PAR 'GYUR BYA'I PHYIR RO GNYIS PA NAM 'CHI NGES MED BSAM PA LA, 'DZAM BU GLING PA'I TSE LA NGES PA MED PAS NAM 'CHI NGES MED BSAM PA, 'CHI RKYEN MANG ZHING GSON RKYEN NYUNG BAS NAM 'CHI NGES MED BSAM PA, LUS 'DI NYAMS CHUNG BAS DE LTAR BSAM PA'O, , DANG PO NI, RANG CAG RNAMS NAM 'CHI NGES PA MED DE, SGRA MI SNYAN MA GTOGS PA'I TSE LA NGES PA MED CING, KHYAD PAR DU 'DZAM BU GLING PA'I TSE LA NGES PA MED DE, BSKAL BA DANG PO NI, TSE LO DPAG MED THUB PA BYUNG, MTHAR RING MTHA' LA'ANG TSE LO BCU LAS MI THUB PA'I PHYIR, GNYIS PA NI, DE YIN TE, 'CHI RKYEN MANG ZHING GSON RKYEN NYUNG LA, GSON RKYEN RNAMS KYANG 'CHI RKYEN DU 'GYUR PA YOD PA'I PHYIR RO, ,DANG PO YIN TE, RANG CAG RNAMS LA SEMS YOD KYI GNOD PA DANG, SEMS MED KYI GNOD PA GNYIS, DANG PO LA YANG MIS, MI MA YIN PAS, DUD 'GRO GDUG PA CAN GYIS GNOD PA DANG, GNYIS PA LA YANG, PHYI ROL GYI 'BYUNG BA CHEN PO BZHI DANG, NANG GI RLUNG MKHRIS BAD KAN LA SOGS PAS 'BYUNG BA 'KHRUGS PAS GNOD PA BYAS NAS 'CHI BAR 'GYUR BA'I PHYIR RO, ,GSON RKYEN RNAMS KYANG 'CHI RKYEN DU 'GOR BA'I SKABS YOD DE, BZA' BTUNG GNAS KHANG GNYEN BSHES LA SOGS PA RNAMS 'CHI RKYEN

DU DGYUNG BA YOD PA'I PHYIR TE, BZA' BTUNG MANGS DRAGS PA DANG, NYUNG PA DANG, MI 'PHROD PA ZOS PA DANG, GNAS KHANG RDIB PA LA SOGS PA DANG, GNYEN BSHES LA SOGS PAS BSLUS NAS 'CHI BAR 'GYUR BA DU MA YOD CING, SKYES TZAM NAS 'CHI BA LA MNGON DU PHYOGS PA'I PHYIR, GSUM PA NI, DE YIN TE, LUS 'DI NYAMS CHUNG BAS GNOD BYED CHUNG DUS KYANG TSUGS PAR SLA BA'I PHYIR, GSUM PA 'CHI BA'I TSE CHOS MIN PA GANG GIS KYANG MI PHAN PA'I TSUL BSAM PA NI; DE YIN TE, DE'I TSE GNYEN BSHES DU MA YOD KYANG RANG NYID GCIG PUR 'GRO, BZA' BTUNG DU MA YOD KYANG LAG PA STONG PAR 'GRO, GOS GYA NOM PA DU MA YONG KYANG GCER BU 'GRO, LHAN CIG SKYES PA'I SHA RUS KYANG SO SOR 'GYES NA GZHAN RNAMS LTA CI SMOS, DE'I TSE GANG RJES SU 'BRANG NA DGE SDIG GI LAS RJES SU 'BRANG NGO, ,SDIG PA MI DGE BA RJES SU 'BRANG BAS GNOD DE, MI DGE BA LAS SDUG BSNGAL 'BYUNG BA'I PHYIR, DE'I TSE DAM PA'I CHOS GCIG PU MGON DANG SKYABS DANG DPUNG GNYEN GCIG PUR 'GYUR BA YIN PAS, DE LTA NAS CHOS BSGRUB PAR BYA'O, ,GSUM PA LAS 'BRAS BSAM PA NI, NAM 'CHI NGES PA MED LA, SHI NAS CI MED CANG MED DU MI 'GRO, THAR PA THOB PA'I GDENG YANG MED DE; NYON MONGS MA SPANGS KYI BAR DU 'KHOR BAR SKYE BA LEN DGOS, SKYE BA LEN PA'I GNAS BDE 'GRO DANG NGAN 'GRO GNYIS SU KHA TSON CHOD LA, NGAN SONG GSUM DU BDAG SKYES NA CI LTAR 'GYUR SNYAM DU NGAN SONG GI SDUG BSNGAL NYI MA RE RE BZHIN

, ,DRAN PAR BYA DGOS TE, MGON PO KLU SGRUB KYIS, RAB TU TSA ZHING GRANG BA YI, ,DMYAL BA NYI MA GCIG BZHIN DRAN, ,BKRES SKOM DAG GIS RID PA YI, ,YI DVAGS RNAMS KYANG DRAN PAR BYA, ,RMONGS PA'I SDUG BSNGAL RAB MANG BA'I, ,DUD 'GRO BLTA ZHING DRAN PAR BYA, ZHES GSUNGS SO, ,NYIN RE BZHIN DE DRAN PAR BYAS PA LA DGOS PA YOD DE, SDUG BSNGAL GYIS YID 'BYUNG NAS NGA RGYAL DANG DREGS PA SEL BA DANG, THAR PA DON GNYER GYI BLO SKYE BA DANG, SDUG BSNGAL GYI RGYU MI DGE BAR NGES NAS, MI DGE BA LA SPONG 'DOD KYI BLO SKYED PA DANG, SDUG BSNGAL MI 'DOD PA NI, BDE BA 'DOD PA YIN PAS, BDE BA'I RGYU DGE BA LA SPYOD 'DOD KYI BLO SKYED PA DANG, RANG NYAMS LA DPAGS NAS SDUG BSNGAL GYIS MNAR BA'I SEMS CAN LA DMIGS NAS SNYING RJE SKYE BA DANG, RANG NYID 'KHOR BA'I SDUG BSNGAL GYIS 'JIGS NAS DKON MCHOG GSUM LA SKYABS 'GRO SHUGS DRAG BSKYED PA'I DGOS PA YOD PA'I PHYIR TE; SBYOD 'JUG LAS, SDUG BSNGAL MED PAR YID 'BYUNG MIN, ,DE BAS SEMS KHYOD BRTAN PAR MNOS, ,GZHAN YANG SDUG BSNGAL YON TAN NI, ,SKYO BAS DREGS PA SEL BAR BYID, CES PA NAS, SDIG LA 'DZEM ZHING DGE LA DGA', ,BDAG NI, ZHES PA NAS, KUN TU BZANG LA BDAG NYID 'BUL, ZHES SOGS GSUNGS SO, ,'O NA NGAN SONG GSUM GYI SDUG BSNGAL JI LTAR BSAM ZHE NA, 'DIR DMYAL BA DANG, DUD 'GRO DANG, YI DVAGS KYI SDUG BSNGAL

BSAM PA'O, ,DANG PO LA TSA DMYAL GYI SDUG BSNGAL BSAM PA, GRANG DMYAL GYI SDUG BSNGAL BSAM PA, NYI TSE BA'I SDUG BSNGAL BSAM PA GSUM, DANG PO NI, TSA DMYAL DE LA BRGYAD YOD PA LAS, SNGON GYI LAS LAS BYUNG BA'I MTSON CHA RNAMS PHAN TSUN BSNUN PA LAS SA LA 'GYEL TE BRGYAL BA NA, NAM MKHA' LAS YANG BSOS PAR GYUR CIG, CES PA'I SGRA LAS BSOS PA DANG YANG SNGAR BZHIN DU GYUR PA'I YANG SOS PA DANG, DMYAL SRUNGS RNAMS KYIS LUS LA THIG NAG PO BTAB STE, SOG LES 'DRA ZHING STE'US GCOD PA'I THIG NAG PA DANG, PHAN CHUN 'DUS PA LA RIR LUG GI GDONG PA CAN GYIS 'JOMS PA DANG, LCAGS KYI 'KHRUL 'KHOR GYI NANG DU BCUG STE BUR SHING 'TSIR BA BZHIN DU 'TSIR BA DANG; LCAGS KYI PHA WONG GIS STENG NAS GDON PA'I BSDUS 'JOMS PA DANG, LCAGS KYI KHANG PA ME 'BAR BA'I NANG DU SREG PA'I SDUG BSNGAL MYONG NAS CHO NGAS 'DON PAS NA DU 'BOD DANG, LCAGS KYI KHANG PA ME 'BAR BA NYIS RIM GYI NANG DU SREG PA'I SDUG BSNGAL CHEN PO MYONG NAS CHO NGES 'DON BAS NA, DU 'BOD CHEN PO DANG, LCAGS BSREGS KYI SA GZHI LA SREG CING DMYAL SRUNGS RNAMS KYIS GSAL SHING ME 'BAR BA 'PHONGS NAS BTZUGS TE SPYI BO'I BAR DU PHUG PAS BU GA RNAMS NAS ME 'BAR BAS NA TSA BA DANG, DES LCAGS KYI GSAL SHING ME RAB TU 'BAR BA RTZE GSUM PA 'PHONGS NAS BCUG STE SBYI BO DANG DPUNG PA GNYIS KYI BAR DU PHUG PAS BU GA RNAMS NAS ME RAB TU 'BAR BA DANG, LCAGS ZANGS 'GYUR

, ,BYED KYI THAL BAS BKANG BA'I NANG DU BSKOL BAS SHA DANG PAGS PA DANG, KHRAG RNAMS ZHIG STE KENG RUS 'BA' ZHIG LUS PA NA PHYI ROL DU BTON PAS, BSOS NAS YANG SNGAR BZHIN DU GYUR PA'I RAB TU TSA BA DANG, PHYOGS BZHI NAS ME BYUNG NAS RANG GI LUS DANG DBYER MED DU GYUR TE, ME'I RANG BZHIN LA SKAD LHANG LHANG TZAM SHES PA'I MNAR MED RNAMS SO, ,'O NA DE DAG TU JI TZAM GNAS ZHE NA, MI RNAMS KYI LO LNGA BCU LA RGYAL CHEN RIS BZHI PA'I NYIN ZHAG GCIG TU BYAS, DE SUM CU LA ZLA BA, DE BCU GNYIS LA LOR BYAS PA'I LO LNGA BRGYA, RGYAL CHEN RIS BZHI PA'I TSE TSAD, DE THAMS CAD LA ZHAG GCIG, DE SUM CU LA ZLA BA, DE BCU GNYIS LA LOR BYAS PA'I RANG LO LNGA BRGYA YANG SOS PA'I TSE TSANG YIN PA NAS, RAB TU TSA BA BAR BSKAL PHYED, MNAR MED PAS BAR BSKAL GCIG THUB PA YIN NO, ,DE LTA BU'I TSA DMYAL GYI SDUG BSNGAL DE RANG STENG DU BYUNG NA BZOD DKA' STE YUN RING LA NGOS DRAG PA'I PHYIR, DPER NA DA LTA ME MAR MUR GYI NANG DU ZHAG GCIG TZAM LAG PA BZHAG PA'I SDUG BSNGAL YANG BZOD DKA' NA, TSA DMYAL GYI SDUG BSNGAL LTA SMOS KYANG CI DOGS, DES NA 'KHOR BA'I SDUG BSNGAL GYI NANG NAS DMYAL BA'I SDUG BSNGAL BZOD DKA' ZHING, KHYAD PAR DU MNAR MED PA'I DMYAL BA'I SDUG BSNGAL BZOD DKA' STE, BSHES SPRINGS LAS, BDE BA KUN GYI NANG NA SRED ZAD PA, ,BDE BA'I BDAG POR BGYID PA JI LTA BAR, ,DE BZHIN SDUG BSNGAL KUN GYI NANG NA NI, ,MNAR MED

DMYAL BA'I SDUG BSNGAL RAB MI BZAD, ,'DI NA NYIN GCIG MDUNG THUNG SUM BRGYA YIS, ,RAB TU DRAG BTAB SDUG BSNGAL GANG LAGS PA, ,DES NI DMYAL BA'I SDUG BSNGAL CHUNG DU LA'ANG, ,'OL YANG MI BGYI CHAR YANG MI PHOD DO, ZHES GSUNGS SO; ;DER MI SKYE BA'I GDENG YANG MED DE, SDIG PA MI DGE BA CHER SBYANG PA LAS DMYAL BAR SKYE BA YIN LA, RANG CAG RNAMS KYANG DA LTAR YANG MI DGE BA SGO DU MA NAS GSOG CING TSE THOG MED NAS BSAGS PA GNYEN POS MA BCOM ZHING, RNAM SMIN PHYUNG MA ZIN PA DU MA YOD PA'I PHYIR RO, ,TSA DMYAL BRGYAD PO DE DAG GI NGOS BZHIN NA, ME MA MUR PUS MO NUB TZAM LA RKANG PA BZHAG PA'I TSE SHA RUS 'JIG CING, BTEG PA'I TSE BSOS PA DANG, DE DANG 'DABS CHAGS PA NA, RO MYAGS KYI 'DAM RKED PA NUB TZAM LA 'BU MCHU RNON MGO DKAR LA LUS NAG PAS RKANG GI BAR DU 'BIGS PA DANG, DE DANG 'DABS CHAGS PA NA, SBU GRI GTAMS PA'I LAM PO CHE LA RKANG PA BZHAG PA'I TSE GCOD CING BTEG PA'I TSE BSOS PA DANG, RAL GRI LO MA'I NAGS TSAL GYI RAL GRI RNAMS LHUNG NAS LUS GCOD PA DANG, KHYI SRE PO LCAGS KYI MCHE BA CAN GYIS 'BIGS PA DANG, DE LA BRTEN NAS SHAL MA LI'I SDONG PO LA 'DZEGS PAS TSER MA RNAMS KHA 'THUR DU BLTAS NAS 'BIGS PA DANG STENG DU PHYIN PA NA BYA KHA TA LCAGS KYI MCHU CAN GYIS MIN 'DON PA LA SOGS PA'I GNOD PAS, YANG 'THUR DU BABS PA NA TSER MA RNAMS KHA GYEN DU BLTAS NAS 'BIGS PA DANG, DE DANG 'DABS CHAGS PA NA, THAL TSAN GYI CHU BO RAB MED

, ,BRGAL BA NA SNOD CHEN PO'I NANG DU MANG DU BLUGS NAS BSKOL BA'I NANG DU 'BRAS NYAG MA GCIG BCUG BA BZHIN DU STENG 'OG TU 'KHOR BA YOD, DE NAS GZHAN DU 'GRO BA DMYAL SRUNGS MTSON CHA THOGS PA RNAMS KYIS 'GOG PAR BYED PA YIN NO, ,GNYIS PA GRANG DMYAL GYI SDUG BSNGAL BSAM PA NI, TSA DMYAL RNAMS KYI BYANG PHYOGS KYI THAD 'KHYAG PA'I SPUBS MUN KHUNG NA GRANG DMYAL BRGYAD YOD PA LAS, GRANG BAS NYEN NAS CHU BUR BYUNG BA'I CHU PUR CAN DANG, GRANG BAS NYEN NAS SO THAM BA DANG, AA CHU ZER BA DANG, KYI HUD ZER BA DANG, GRANG BAS NYEN NAS KHA DOG SNGON POR GYUR TE, TSAL PA LNGA LA SOGS PAR GYAS PA'I AU TPAL LTAR GAS BA DANG ,DE LAS KYANG 'DAS NAS KHA DOG DMAR POR GYUR TE TSAL PA BRGYAD LA SOGS PAR GYES PA'I PADMA LTAR GAS PA DANG, DE LAS KYANG 'DAS TE, BRGYA TSAL STONG TSAL LA SOGS PAR GYES NAS, GLO SNYING TSUN CHAD MTHONG BA'I PADMA LTAR CHER GAS PA'O, ,DE DAG TU YUN JI TZAM GNAS ZHE NA, TIL RJANG MA GA DHA'I KHAL BRGYAD CU PA TIL GYIS PHYUR BUR BKANG STE, LO BRGYA BRGYA NAS TIL RE PHYUNG BAS ZAD BAR GYUR PA NI, CHU BUR CAN GYI TSE TSAD YIN LA, GZHAN RNAMS NI, GONG NAS GONG DU NYI SHUR BSGYUR BAR BYA STE, CHU BUR CAN RDOL BA'I CHE TSAD YIN PA NAS, PADMA LTAR GAS PA'I TSE NYI SHU LA PADMA LTAR CHER GAS PA'I TSE TSANG GCIG YIN NO, ,YUN RING LA DOS DRAG PA'I SDUG BSNGAL DE RANG STENG DU BYUNG NA BZOD PAR DKA' BA YIN TE,

DPER NA, DA LTA GOS MED PAR 'KHYAG PA'I SBUBS SU ZHAG GCIG TZAM LAS PA'I SDUG BSNGAL YANG BZOD PAR DKA' NA, GRANG DMYAL GYI SDUG BSNGAL LTA SMOS KYANG CI DGOS, DER MI SKYE BA'I GDENG YANG MED DE, MI DGE BA STOBS CAN BSAGS PA DANG, SKU GZUGS KYI NA BZA' KHYAR BA DANG, LOG LTA BYAS PA LAS DER SKYE BA GANG ZHIG, DE DAG DA LTA YANG GSOG CING SNGAR TSE THOG MED NAS BSAGS PA DUM ZHIG YOD PA'I PHYIR, GSUM PA NYI TSE BA'I SDUG BSNGAL BSAM PA NI, NYI TSE BA NI, TSA DMYAL GRANG DMYAL RNAMS KYI 'GRAM DANG, CHU DANG THANG DANG, RI LA SOGS PA RNAMS NA GNAS PAR GSUNGS PAS TSE DANG GNAS NGES PA MED LA, SDUG BSNGAL NI, LUNG LA BRTEN NAS SHES PAR BYA'O, ,GNYIS PA DUD 'GRO'I SDUG BSNGAL BSAM PA NI, DUD 'GRO RNAMS KYI RTZA BA'I GNAS NI, PHYI'I RGYA MTSO NA CHANG DAR MA'I SPANG MA LHAGS PA BZHIN DU YOD LA, LHA DANG MI'I YUL NA YOD PA RNAMS NI, DE LAS 'PHROS PA'I KHA 'THOR BA YIN NO, ,DE DAG GI SDUG BSNGAL CI TZAM ZHE NA, CHE BA RNAMS KYIS CHUNG BA RNAMS KHYUR MID BYAS NAS ZA BA, CHUNG BA MANG PO RUB NAS CHE BA ZA BA DANG, KHA CIG BLA DANG, MU TIG DANG, RUS PA DANG, SHA DANG PAGS PA'I CHED DU 'CHI BA DANG, KHA CIG LAG PA DANG, RDOG PA DANG, DBYUG PA DANG, LCAG DANG, LCAGS KYUS BTAB STE BKOL BA DANG, KHAL MI THEG BZHIN DU 'GEL BA DANG, SNA 'BUGS PA DANG, RNGON PAS GTZES PA LA SOGS PA'I SDUG BSNGAL YOD DO, ,DER

, ,JI TZAM GNAS ZHE NA, DUD 'GRO'I TSE TSAD NGES PA MED LA, TSE RING SHOS KYIS BAR BSKAL GCIG THUB BO, ,DE LTA BU'I DUD 'GRO'I SDUG BSNGAL DE RANG STENG DU BYUNG NA BZOD DKA' STE, DA LTA SBRANG BU'I 'TSE BA TZAM YANG BZOD DKA' BA'I PHYIR RO, ,DER MI SKYE BA'I GDENG YANG MED DE, SDIG PA MI DGE BA 'BRING DU SPYAD PA LAS DER SKYE LA, MI DGE BSGO DU MA NAS GSOG CING SNGAR THOG MED NAS BSAGS PA DU MA YOD PA'I PHYIR RO, ,GSUM PA YI DVAGS KYI SDUG BSNGAL BSAM PA NI, YI DVAGS KYI RTZA BA'I GNAS, RGYAL PO'I KHAB CES PA 'DZAM BU GLING 'DI'I 'OG DPAG TSAD LNGA BRGYAS BCAD PA NA YOD LA, LHA DANG MI'I YUL NA YOD PA RNAMS NI, DE LAS 'PHROS PA'I KHA 'THOR PA YIN NO, ,YI DVAGS KYI RIS SUM CU SO DRUG YOD KYANG, BSDU NA, PHYI'I SGRIB PA CAN, NANG GI SGRIB BA CAN, SGRIB PA CAN GYI SGRIB BA CAN NO, ,DANG PO NI, CHU MIG DANG MTSE'U SOGS KYI 'GRAM DU PHYIN PA NA, RAL GRI DANG MDUNG THUNG LA SOGS PA THOGS PAS 'GOG PA DANG, CHU LA SOGS PA RANG KHRAG TU GYUR NAS LONGS SPYOD MI 'DOD PA'O, ,GNYIS PA NI, KHA KHAB KYI MIG TZAM LA LTO BA RI RAB KYI GTOS TZAM DU GYUR PA LA BRTEN NAS, PHYI ROL NAS 'GOG PA SOGS MED KYANG LONGS SPYOD MI NUS PA'O, ,GSUM PA NI, BZA' BTUNG LONGS SPYOD PA NA ME 'BAR TE SREG PA DANG, KHA CIG BSHAD GCI LA SOGS PA'I MI GTZANG BA LONGS SPYOD KYI, BZANG PO MI RNYED PA DANG, KHA CIG BSHAD GCI LA SOGS

MI GTZANG BA TZAM YANG LONGS SPYOD RGYU MI RNYED PA DANG, KHA CIG RANG GI KHRAG LA ZA YI, ZAS BZANG PO LONGS SPYOD MI NUS PA DANG, KHA CIG LA SO GA ZLA BA'I 'OD ZER KYANG TSA LA, DGUN NI NYI MA'ANG GRANG BA DANG, KHA CIG BLTAS PA TZAM GYIS LJON SHING 'BRAS BU MED PAR 'GYUR PAR BYED PA DANG, CHU KLUNG RNAMS SKAMS PAR 'GYUR BA'I SDUG BSNGAL YOD DE, DE DAG BSHES SGRINGS LAS RGYAS PAR GSUNGS SO, ,DE RA YUN JI TZAM GNAS ZHE NA, MI RNAMS KYI ZLA BA GCIG LA ZHAG GCIG, DE SUM CU LA ZLA BA, DE BCU GNYIS LA LO GCIG TU BYAS PA'I RANG LO LNGA BRGYA YI DVAGS KYI TSE TSAD DO, ,DE LTA BU'I SDUG BSNGAL DE RANG STENG DU BYUNG NA BZOD DKA' STE, DA LTA NYI MA LNGA DRUG ZAS BCAD PA'I SDUG BSNGAL YANG BZOD DKA' NA, YI DVAGS KYI SDUG BSNGAL LTA CI SMOS, DER MI SKYE BA'I GDENG YANG MED DE, SDIG PA MI DGE BA'I SGO CHUNG DU SPYAD PA, CHOS DANG ZANG ZING SOGS LA SER SNA BYAS PA LAS DER SKYE BA GANG ZHIG, DE DAG SGO DU MA NAS GSOG CING SNGAR BSAGS DU MA YOD PA'I PHYIR, DES NA NGAN SONG GSUM GYI RGYU SDIG PA MI DGE BA SPANGS BAR BYA, BDE BA'I RGYU DGE BA SPYAD PAR BYA, DGE PA'I MCHOG KYANG BYANG CHUB KYI SEMS RNAM PA GNYIS YIN PAS BYANG CHUB KYI SEMS RNAM PA GNYIS NYAMS SU BLANG BAR BYA'O, ,NAM 'CHI NGES PA MED, SHI BA'I 'OG TU NGAN SONG GSUM GYI SDUG BSNGAL NYAMS SU MYONG BA LA 'JIGS NAS DKON MCHOG GSUM LA SKYABS SU 'GRO BA DANG,

, ,LAS 'BRAS LA YID CHES PA'I DAD PA BSKYED DGOS LA, DE LA THOG MAR BSTAN PA LA 'JUG PA'I SGO DAM PA SKYABS 'GRO 'CHAD PA LA, GANG LA BRTEN NAS SKYABS SU 'GRO BA, SKYABS SU 'GRO BA'I YUL DE LA SKYABS SU 'GRO BA'I TSUL, SKYABS SU 'GRO BA'I BSLAB BYA'O, ,DANG PO NI, RANG NYID NGAN SONG GI SDUG BSNGAL GYIS 'JIGS PA DANG ,DKON MCHOG GSUM LA DE LAS SKYOB PA'I NUS PA YOD PAR SHES PA LA BRTEN NAS SKYABS SU 'GRO BA'O, ,GNYIS PA NI, 'O NA SKYABS SU 'GRO BA'I YUL JI LTA BU ZHE NA, BSTOD PA BRGYA LNGA BCU PA LAS, GANG LA NYES PA THAMS CAD KUN, ,GTAN NAS YONG YE MI MNGA' ZHING, ,GANG ZHIG LA NI YON TAN KUN, ,RNAM PA KUN TU GNAS GYUR PA, ,GAL TE SEMS SHIG YOD NA NI, ,DE BSTOD DE NI BKUR BA DANG, ,DE YI BSTAN LA GNAS PA'I RIGS, ZHES GSUNGS PA LTAR NYES PA KUN ZAD, YON TAN KUN LDAN SANGS RGYAS DEL SKYABS SU 'GRO'O, ,DE SKYABS SU 'OS PA'I RGYU MTSAN CI ZHEN, YANG DAG PAR RDZOGS PA'I SANGS RGYAS NYID SKYABS SU 'OS PA YIN GYI, DBANG PHYUG LA SOGS SKYABS SU 'OS PA MA YIN TE, RANG NYID 'JIGS PA THAMS CAD LAS GROL BA DANG, GZHAN 'JIGS PA LAS SKYOB PA'I THABS LA MKHAS PA DANG, BRTZE BA SNYING RJE CHEN PO DANG LDAN ZHING SEMS CAN THAMS CAD LA NYE RING MED PAR PHAN PA MDZAD PA DE SKYABS SU 'OS PA GANG ZHIG, DE SANGS RGYAS LA MNGA' BA YIN GYIS DBANG PHYUG SOGS LA MED PA'I

PHYIR; DES NA SANGS RGYAS KYI BSTAN PA CHOS DANG SLOB MA DGE 'DUN YANG SKYABS SU 'OS PA'O, ,GSUM PA LA YON TAN SHES PAS SKYABS SU 'GRO BA, KHYAD PAR SHES PAS SKYABS SU 'GRO BA, KHAS LEN PAS SKYABS SU 'GRO BA, GZHAN DU MI SMRA BAS SKYABS SU 'GRO BA'O, ,DANG PO LA, SANGS RGYAS, CHOS, DGE 'DUN GYI YON TAN BSAM PA'O, ,DANG PO LA, SKU DANG, GSUNG DANG, THUGS DANG, 'PHRIN LAS KYI YON TAN BSAMS PAS SKYABS SU 'GRO BA'I DANG PO NI, MTSAN DANG DPE BYAD KYI YON TAN BSAM PA YIN TE, SPEL MAR BSTOD PA LAS, KHYOD SKU MTSAN GYIS SPRAS GYUR PA, ,MDZES GYUR MIG GI BDUD RTZI NI, ,SPRIN MED STON KA'I NAM MKHA' LA, ,SKAR MA'I TSOGS KYIS SPRAS PA 'DRA, ZHES GSUNG PA BZHIN NO, ,GNYIS PA NI, 'JIG RTEN GYI KHAMS KYI SEMS CAN THAMS CAD KYIS DUS GCIG LA DRI BA MI 'DRA BA RE RE DRIS KYANG SEMS KYI SKAD CIG MA GCIG LA THUGS SU CHUD NAS GSUNGS DBYANGS GCIG GIS SO SOR LAN 'DEBS LA, DE YANG SEMS CAN RNAMS KYI RANG RANG GI SKAD DU MTHUN PAR GO NUS PA'I YON TAN MNGA' STE, BDEN BA BO'I LE'U LAS, 'DI LTAR SEMS CAN KUN GYI NGES PA'I TSIG ,MANG POS DUS GCIG NYID DU ZHU ZHUS NA, ,SEMS KYI SKAD CIG GCIG LA THUGS CHUD NAS, ,GSUNG DBYANGS GCIG GIS LAN KYANG SO SOR 'DEBS, ZHES GSUNGS PA BZHIN NO, ,GSUM PA LA, MKHYEN PA'I YON TAN DANG, BRTZE BA'I YON TAN GNYIS, DANG PO NI, SHES BYA THAMS

, ,CAD LAG MTHIL DU SGYU NGU RA BZHAG PA BZHIN DU THOGS MED DU MNGON SUM DU MKHYEN PAS, MKHYEN PAS SHES BYA THAMS CAD LA KHYAB LA, DE LAS GZHAN PA RNAMS KYIS NI SHES BYA RGYA CHE LA, SHES BYED RGYA CHUNG BA YIN TE, BSNGAGS 'OS BSNGAGS BSTOD LAS, KHYOD 'BA' ZHIG GI YE SHES KYIS, ,SHES BYA THAMS CAD KHYAB LAGS KYI, ,KHYOD LAS GZHAN PA THAMS CAD KYI, ,SHES BYA KHO NA LHAG PA LAGS, ZHES SO, ,GNYIS PA NI, SEMS CAN RNAMS NYON MONGS PAS RANG DBANG MED PAR BCING PA BZHIN DU, SANGS RGYAS KYANG THUGS RJES RANG DBANG MED PAR BSNGAMS PAS SEMS CAN LA THUGS RJE RGYUN CHAD MED PAR 'JUG PA YIN TE, BRGYA LNGA BCU PA LAS, 'GRO BA 'DI DAG THAMS CAD NI, ,KHYAD MED NYON MONGS RNAMS KYIS BCING, ,KHYOD NI 'GRO BA'I NYON MONGS RNAMS, ,SGROL MDZAD YUN RING THUGS RJES BSNGAMS, ,KHYOD LA DANG POR PHYAG BGYI'AM, ,'ON TE GANG GIS 'KHOR BAR KHYOD, ,RKYEN MKHYEN YUN RING DE LTA BUR, ,BZHUGS MDZAD THUGS RJE CHE LA BGYI, ZHES SO, ,BZHI PA 'PHRIN LAS KYI YON TAN BSAM PA NI, SKU GSUNG THUGS KYI 'PHRIN LAS LHUN GYIS GRUB PA DANG, RGYUN MI 'CHAD PA GNYIS KYI SGO NAS SEMS CAN LA PHAN PA MDZAD BA YIN TE, SEMS CAN GYI NGOS NAS LAM LA BKRIR RUNG BA YIN NA, SANGS RGYAS KYI NGOS NAS PHUN SUM TSOGS PA DANG MA SPRAD PA MED DE, RGUD PA LAS MA BSKYABS PA YANG MED PAS, MDOR

NA BGYI BAR 'OS PA THAMS CAD MDZAD PA YIN NO, ,GNYIS PA CHOS KYI YON TAN BSAM PA NI, SANGS RGYAS LA GUS PA RGYU MTSAN DU BYAS NAS, YON TAN MTHA' YAS PA MNGA' BA'I SANGS RGYAS DE LUNG GI CHOS LA THOS BSAM BYAS PA DANG MNGON PAR RTOGS PA'I CHOS 'GOG PA MNGON DU BYAS PA DANG, LAM BSGOMS PA LAS BYUNG BA YIN NO SNYAM DU SEMS PAR BYED DO, ,GSUM PA DGE 'DUN GYI YON TAN BSAM PA NI, CHOS LA GUS PA RGYU MTSAN DU BYAS NAS 'PHAGS PA'I GANG ZAG 'DI RNAMS NI, DAM PA'I CHOS TSUL BZHIN DU SGRUB PAR BYED PA YI NO SNYAM DU SEMS PAR BYED DO, ,GNYIS PAL, DKON MCHOG GSUM GYI NANG PHAN TSUN MI 'DRA BA'I KHYAD PAR SHES PAS SKYABS SU 'GRO BA STE, THUN MONG MIN PA'I MTSAN NYID KYI KHYAD PAR NI, SANGS RGYAS NI, MNGON PAR RDZOGS PAR BYANG CHUB PA DANG, ,CHOS DE'I 'BRAS BU DANG, DGE 'DUN NI, CHOS TSUL BZHIN DU SGRUB PA'I KHYAD PAR RO, ,'PHRIN LAS KYI KHYAD PAR NI, RIM PA BZHIN DU LUNG 'BOGS PA DANG; NYON MONGS DANG SDUG BSNGAL SPONG BA DANG, SPRO BAR BYED PA'I KHYAD PAR RO, ,MOS BA'I KHYAD PAR NI, RIM PA BZHIN DU BSNYEN BKUR DANG, MNGON DU BYA BA DANG, LHAN CIG TU 'DUS PAS MOS PAR BYA BA'I KHYAD PAR RO, ,SGRUB PA'I KHYAD PAR NI, RIM PA BZHIN DU MCHOD PA DANG RIM GRO, RNAL 'BYOR GOMS PAR BYED PA DANG, CHOS DANG ZANG ZING GI LONGS SPYOD THUN MONG DU LONGS SPYOD PAS BSGRUB PAR BYA BA'I KHYAD PAR RO, ,RJES SU DRAN PA'I KHYAD PAR NI, 'DI LTAR

, ,SANGS RGYAS BCOM LDAN 'DAS ZHES SOGS KYI YON TAN GYI KHYAD PAR RO, ,BSOD NAMS 'PHEL BA'I KHYAD PAR NI, GANG ZAG GCIG GI DBANG DU BYAS PA DANG, CHOS KYI DBANG DU BYAS PA DANG, GANG ZAG DU MA'I DBANG DU BYAS PA'I BSOD NAMS MCHOG 'PHEL BA'I KHYAD PAR RO, ,GSUM PA KHAS LEN PAS SKYABS SU 'GRO BA NI, SANGS RGYAS LA SKYABS STON PA PO DANG, CHOS LA SKYABS RANG GI NGO BO DANG, DGE 'DUN LA SKYABS SGRUB PA'I GROGS SU KHAS LEN PAS SKYABS SU 'GRO BA YIN NO, ,BZHI PA GZHAN DU MI SMRA PAS SKYABS SU 'GRO PA NI, PHYI NANG GI DKON MCHOG GSUM GYI MCHOG DMAN GYI KHYAD PAR SHES NAS NANG PA'I DKON MCHOG GSUM LA SKYABS SU 'GRO BA YIN GYI, PHYI ROL PA'I STON PA SOGS LA SKYABS SU 'GRO BA MA YIN NO, ,DE LA STON PA'I KHYAD PAR NI, ,YANG DAG PAR RDZOGS PA'I SANGS RGYAS NI, SKYON THAMS CAD SPANGS, YON TAN THAMS CAD DANG LDAN PA YIN LA, PHYI ROL PA'I STON PA NI; DE LTA BU MIN TE, KHYAD PAR 'PHAGS BSTOD LAS, BDAG NI STON PA GZHAN SPANGS NAS, ,BCOM LDAN KHYOD LA SKYABS MCHIS PA, ,DE CI'I SLAD DU ZHE NA KHYOD, ,SKYON MI MNGA' LA YON TAN LDAN, ZHES DANG, MU STEGS BYED KYI GZHUNG LUGS LA, ,JI LTA JI LTAR RNAM BSAMS PA, ,DE LTA DE LTAR MGON KHYOD LA, ,BDAG GI YID NI DAD PAR GYUR, CES SO, ,NANG PA'I BSTAN PA NI, LAM BDE BAS 'BRAS BU BDE BA THOB PA YIN

LA; PHYI ROL PA'I BSTAN PA NI, DE LTA BU MA YIN, DES SLOB MA'I KHYAD PAR YANG 'GRUB BO, ,BZHI PA SKYABS 'GRO'I BSLAB BYA LA, BSDU BA LAS 'BYUNG BA'I TSUL DANG, MAN NGAG LAS 'BYUNG BA'I TSUL LAS, DANG PO LA BZHIN TSAN GNYIS SU YOD PA'I DANG PO LA, SKYES BU DAM PA LA BRTEN PA DANG, DAM PA'I CHOS NYAN PA DANG, TSUL BZHIN YID LA BYED PA DANG, CHOS KYI RJES SU MTHUN PA'I CHOS SGRUB PA DANG BZHI'O, ,DANG PO NI, SANGS RGYAS LA SKYABS SU SONG NAS BSHE GNYEN DAM PA LAM GYI RTZA BAR MTHONG NAS TSUL BZHIN DU BSTEN DGOS TE, SANGS RGYAS LA SKYABS SU SONG BA NI, LAM STON PA PO LA SKYABS SI 'DZIN PA YIN PA GANG ZHIG, DE DANG RJES SU MTHUN PAR SGRUB PA NI, LAM STON PA LA RJES SU SGRUB PA YIN PA'I PHYIR, DE NAS GNYIS KYIS NI ,CHOS LA SKYABS SU SONG NAS DAM PA SANGS RGYAS DANG NYAN THOS KYIS GSUNG PA'I CHOS TSUL BZHIN YID LA BYED DOGS PA YIN TE, CHOS LA SKYABS SU SONG BA NI, LUNG DANG RTOGS PA'I CHOS MNGON DU BYA BAR 'DZIN PA YIN LA, DE DANG RJES SU MTHUN PAR SGRUB PA NI, DAM PA'I CHOS NYAN PA DANG, TSUL BZHIN YID LA BYED DGOS PA YIN PA'I PHYIR, PHYI MAS NI, DGE 'DUN LA SKYABS SU SONG NAS LAM SGRUB PA DANG MTHUN PAR SGRUB DGOS PA YIN TE, DGE 'DUN LA SKYABS SU SONG PAm NA, LAM SGRUB PA LA GROGS SU 'DZIN PA YIN LA, DE DANG RJES SU MTHUN PAR SGRUB PA NI, LAM SGRUB PA DANG MTHUN PAR SGRUB PA YIN PA'I PHYIR, BZHI CHAN GNYIS

, ,PA LA, DBANG PO MI RGOD PAR BYA BA DANG, BSLAB PA YANG DAG PAR BLANG BAR BYA BA DANG, SEMS CAN LA SNYING RJE BAR BYA BA DANG, DUS RTAG TU DKON MCHOG MCHOD PAR BYA BA DANG BZHI'O, ,DANG PO NI, SEMS PHYI ROL DU 'PHROS PA'I NYES DMIGS BSAMS NAS 'GOG PAR BYED PA'O, ,GNYIS PA NI, SANGS RGYAS KYI BSLAB PA BCAS PA CI NUS KYIS LEN PA'O, ,GSUM PA NI, SANGS RGYAS KYI BSTAN PA SNYING RJES PHYE BA YIN PAS, SEMS CAN LA SNYING RJE BSKYED NAS MI 'TSE BAR BYED PA YIN, BZHI PA NI, NYIN RE BZHIN DKON MCHOG LA MCHOD PA 'BUL BA YIN NO, ,GNYIS PA LA SO SO'I BSLAB BYA DANG, THUN MONG GI BSLAB BYA GNYIS, DANG PO SGRUB PA'I BSLAB BYA DANG, DGAG PA'I BSLAB BYA GNYIS, DANG PO NI, MYA NGAN LAS 'DAS PA'I MDO LAS GSUNGS PA BZHIN DU, GANG ZHIG GSUM LA ZHES SOGS, DAM PA'I CHOS ZHES PA DANG, DGE 'DUN LA YANG ZHES SOGS GSUNGS PA LTAR, SANGS RGYAS LA SKYABS SU SONG NAS LHA GZHAN LA PHYAG MI BYA BA NI, 'JIG RTEN PA'I LHA DRAG PO DANG, KHYAB 'JUG LA SOGS PA LA YANG SKYABS SU MA SONG NA, YI DVAGS KYI RIS SU GYUR PA'I BTZAN LA SKYABS SU MI 'GRO BA LTA CI SMOS, DE YANG DKON MCHOG LA YID MA CHES NAS 'JIG RTEN PA'I LHA LA GTAN GYI SKYABS 'CHAR MI RUNG BA YIN GYI, CHOS SGRUB PA'I MTHUN RKYEN SGRUB PA 'CHOL BA LTA BU RUNG NGO, ,SEMS CAN LA GNOD 'TSE MI BYED PA NI,

CHOS LA SKYABS SU SONG NAS SEMS CAN LA BCING PA DANG, BRDEG PA DANG, GO RAR GZHUG PA DANG, SNA 'BIGS PA DANG, KHAL MI THEG BZHIN DU 'GEL BA LA SOGS PA'I 'TSE BA SPANGS NAS, SNYING BRTZE BAS SKYONG BAR BYED PA YIN NO,, MU STEGS CAN DANG MI 'GROGS PA NI, DGE 'DUN LA SKYABS SU SONG NAS DKON MCHOG LA YID MI CHES PAR SKUR BA 'DEBS PA RNAMS DANG MTHUN PAR MI BYED PA YIN NO, ,GNYIS PA NI, SANGS RGYAS LA SKYABS SU SONG NAS, SANGS RGYAS KYI SKU GZUGS RI MOR BRIS PA SOGS CI 'DRA YANG 'PHYAS MI GDAGS PA DANG, BRNYAS THABS DANG GTER PAR 'JUG PA SOGS MGUS PA SPANGS NAS, SANGS RGYAS DANG 'DRA BAR GUS PAR 'DZIN PA YIN TE, BSHES SBRINGS LAS, JI LTAR BDE GSHEGS SKU GZUGS SHING LAS KYANG, ,BGYIS PA CI 'DRA 'ANG RUNG STE MKHAS PAS MCHOD, ZHES SO, ,DES NA SANGS RGYAS KYI SKU GZUGS LA 'DI DANG 'DI 'DRA'O ZHES 'PHYAS GDAGS PA DANG, CHEN PO SGRUB PA DANG, RGYU BZANG PO LAS SGRUB PA LA, 'DI LTA BU SGRUB PAR MI NUS SO ZHES BZLOG PAR MI BYA STE, SHING BU SER SKYAS SLOB PA DANG MI SLOB PA'I DGE 'DUN DU MA LA, GLANG PO'I MGO CAN KHYOD KYIS CHOS DANG CHOS MA YIN PA CI SHES, ZHES BYA BA SOGS MGO BRNYAN MI 'DRA BA BCO BRGYAD KYI SGO NAS SKUR PA BTAB PAS, MGO BRNYAN MI 'DRA BA BCO BRGYAD BYAS PA'I CHU SRIN NYA'I RIS CAN DU SKYES PA DANG, SANGS RGYAS 'KHOR BA 'JIG MYA NGAN LAS 'DAS PA'I RJES SU, RGYAL PO MDZES LDAN GYIS MCHOD RTEN CHEN PO ZHIG RTZIG

, ,TU BCUG PA LA, LAS BYED PA'I MI ZHIG GIS, 'DI LTA BU'I MCHOD RTEN CHEN PO RTZIG MI NUS SO ZHES LAN GNYIS KYI BAR DU SKUR BA BTAB PAS, DE NAS MCHOD RTEN ZIN PA DANG 'GYOD NAS, GSER GYI DRIL BU PHUL BAS, MDOG NGAN ZHING LUS CHUNG LA SKAD SNYAN PA'I SNYAN PA BZANG LDAN DU SKYES PAR GSUNGS PA'I PHYIR RO, ,CHOS LA SKYABS SU SONG NAS, CHOS TSIGS SU BCAD PA GCIG TZAM LA YANG BRNYAS THABS DANG, GLEGS BAM GTENG PAR 'JUG PA DANG, ZONG DU GTONG BA DANG, SA SGRE PO LA 'JOG PA DANG, 'O BRGYAL SAR 'JOG PA DANG, LHA MA DANG SBRAGS NAS 'KHUR BA SOGS MGUS PA SPANGS NAS, CHOS DNGOS DANG 'DRA BAR GUS PAR 'DZIN PA'O, , DGE 'DUN LA SKYABS SU SONG NAS, GOS SER PO GYON PA YAN CHAD LA BRNYAS THABS DANG, KHYED TSANG DANG NGED TSANG ZHES PA LTA BU RIS SU BCAD NAS SKUR PA 'DEBS PA'I MA GUS PA SPANGS NAS 'PHAGS PA'I DGE 'DUN DNGOS DANG 'DRA BAR GUS PAR 'DZIN PA'O, ,DE LTAR RANG NYID KYIS DKON MCHOG GSUM LA GUS PAR BZUNGS PA LA BRTEN NAS, RANG LA YANG GZHAN GYIS SHIN TU GUS PAR 'GYUR TE, TING NGE 'DZIN RGYAL PO LAS, CI 'DRA BA YI LAS BYAS PA,, 'BRAS BU DE 'DRA THOB PAR 'GYUR, ZHES GSUNGS PA'I PHYIR, GNYIS PA THUN MONG GI BSLAB BYA LA, DANG PO DKON MCHOG GSUM GYI KHYAD PAR DANG YON TAN SHES PAS YANG DANG YANG DU SKYABS SU 'GRO BA NI, PHYI NANG GI DKON MCHOG

GSUM GYI MCHOG DMAN GYI KHYAD PAR DANG, DKON MCHOG GSUM PO NANG PHAN TSUN GYI KHYAD PAR DANG YON TAN SHES NAS YANG DANG YANG DU SKYABS SU 'GRO BA'O, ,GSUM PA BKA' DRIN CHEN PO RJES SU DRAN PA'I SGO NAS DUS RTAG TU DKON MCHOG MCHOD PA LA BRTZON ZHING BZA' BTUNG GI PHUD 'BUL BA NI, RANG LA BDE BA CI BYUNG YANG DKON MCHOG GSUM GYI BKA' DRIN DU SHES NAS DUS RTAG TU DKON MCHOG MCHOD PA LA GNYIS TE, 'DI LA MTSON PA BYA BA DANG, MCHOD PA'I BSAM PA GNYIS LAS, DANG PO LA'ANG BCU LAS, DANG PO SANGS RGYAS KYI SKU LA MCHOD PA NI, SANGS RGYAS KYI SKU GZUGS DNGOS LA MCHOD PA'O, ,MCHOD RTEN LA MCHOD PA NI, SANGS RGYAS KYI MCHOD RTEN LA MCHOD PA 'BUL BA'O, ,MNGON SUM PA'I MCHOD PA NI, SANGS RGYAS KYI SKU DNGOS DANG DE'I MCHOD RTEN MNGON DU GYUR PA RNAMS LA MCHOD PA'O, ,MNGON SUM DU MA GYUR PA'I MCHOD PA NI, RANG LA MNGON SUM DU MA GYUR PA'I SANGS RGYAS KYI SKU DANG MCHOD RTEN RNAMS LA DMIGS NAS MCHOD PA'O, ,RANG LA MNGON DU GYUR PA'I SANGS RGYAS KYI SKU DANG, DE'I MCHOD RTEN RNAMS LA MCHOD PA 'BUL BA'I TSE YANG GCIG GI CHOS NYID GANG YIN PA DE THAMS CAD KYI CHOS NYID YIN PAS RANG LA MNGON DU GYUR PA'I SANGS RGYAS KYI SKU GZUGS DANG; MCHOD RTEN 'DI LA YANG 'BUL, DUS GSUM GYI SANGS RGYAS THAMS CAD DANG PHYOGS BCU'I MCHOD RTEN THAMS CAD LA YANG 'BUL LO SNYAM NAS PHUL NA SNGAR GYI DE LAS KYANG BSOD NAMS KHYAD PAR DU 'PHAGS PA THOB PO, ,RANG GIS

, ,MCHOD PA NI, SNYOMS LAS DANG, LE LO DANG, BAG MED PA'I DBANG GIS GZHAN 'BUL DU MI 'JUG PAR, RANG GIS LAG BDAR TE MCHOD PA 'BUL BA'O, ,GZHAN 'BUL DU 'JUG PA NI, RANG LA DNGOS PO CUNG ZAD YOD LA, SEMS CAN PHONGS SHING SDUG BSNGAL BA MTHONG BA NA, 'DI MCHOD PA 'BUL DU BCUG NA BDE BAR 'GYUR RO SNYAM NAS SNYING RJES KUN NAS BSLANGS TE, GZHAN MCHOD PA 'BUL DU 'JUG PA'O, ,DE'I TSE NA YANG RANG GI LAG BDAR TE YANG MCHOD PA 'BUL, GZHAN YANG MCHOD PA 'BUL DU 'JUG NA SNGA MA LAS KYANG BSOD NAMS KHYAD PAR DU 'PHAGS PA 'THOB BO, ,RNYED BKUR GYI MCHOD PA NI, ME TOG DANG BDUG SPOS DANG MAR ME DANG DRI MCHOG DANG ZHAL ZAS DANG ROL MO DANG, NA BZA' DANG, RGYAN DANG, GDU BU SOGS MCHOD PA 'BUL BA'O, ,RGYA CHE BA'I MCHOD PA NI, RNYED BKUR GYI MCHOD PA, DE YANG RGYUN RING DU 'BUL BSTE, BZANG PO DANG, MANG BA RANG, MNGON DU GYUR MA GYUR DANG, RANG DANG GZHAN DANG MOS PA DRAG POS 'BUL BA DANG, PHUL BA'I DGE BA'I RTZA BA DE YANG BLA MED BYANG CHUB TU BSNGO BA'O, ,NYON RMONGS CAN MIN PA'I MCHOD PA NI, SNYOMS LAS DANG, LE LO DANG, BAG MED PA'I DBANG DU MA SONG BAR RANG GIS LAG BDAR TE 'BUL BA DANG, GZHAN 'BUL DU 'JUG PA DANG, MOS PA DRAG POS 'BUL BA DANG, SEMS PHYIN CI LOG GI YUL LA MA YENGS PAR 'BUL BA DANG, NYON MONGS PA'I DBANG

DU MA SONG BAR 'BUL BA DANG, DKON MCHOG MCHOD PA LA BRTEN NAS GZHAN GYIS RANG LA RNYED BKUR YONG DU RE BA MED PAR 'BUL BA DANG, DNGOS PO MTHUN PA 'BUL BA'O, ,'DI RU DNGOS PO MI MTHUN PA GANG ZHE NA, BA BLAS BYUG PA DANG, MAR KHUS 'KHRUD PA DANG, GU GUL GYIS BDUG PA DANG, AAR KA'I ME TOG 'BUL BA LTA BU DNGOS PO MI MTHUN PA 'BUL BA'O, ,RNYED BKUR GYI MCHOD PA 'BUL MI BDEN YANG, RANG GIS BSGRUBS PA DANG, GZHAN LAS BSLANGS PA MED NA DUS GSUM GYI SANGS RGYAS KYI MCHOD PA LA RJES SU YI RANG 'BUL BA DANG, 'JIG RTEN BDAG POS YONGS SU MA BZUNGS PA'I ME TOG DANG 'BRAS BU DANG LJON SHING DANG, CHU GCANG MA DANG NOR BU LA SOGS PA RNAMS DBUL LO, ,BCU PA SGRUB PA'I MCHOD PA NI, TSAD MED BZHI DANG, CHOS KYI SDOM BZHI DANG, DKON MCHOG GSUM DANG, PHAR PHYIN RJES SU DRAN PA DANG, STONG PA NYID SGOM PA DANG, BYANG CHUB PHYOGS MTHUN SGOM PA DANG, PHA ROL TU PHYIN PA DANG, BSDU BA'I DNGOS PO BZHI SGOM PA'O, ,GNYIS PA MCHOD PA'I BSAM PA NI, MCHOD PA BCU PO DES DKON MCHOG GSUM MCHOD PA NA, MCHOD PA CHUNG DU PHUL BA LA BRTEN NAS KYANG BSOD NAMS DPAG TU MED PA 'BYUNG SNYAM DU BSAM PA'O, ,DE 'BYUNG BA'I RGYU RKYEN NI, YON TAN GYI ZHING GONG DU MED PA DANG, PHAN 'DOGS KYI ZHING GONG NA MED PA DANG, SEMS CAN KUN GYI MCHOG YIN PA DANG, AU DUm WA RA'I ME TOG LTAR 'JIG RTEN DU 'BYUNG BA DKON PA DANG, STONG GSUM GYI 'JIG RTEN

, ,GYI KHAMS SU SANGS RGYAS GCIG LAS MI 'BYUNG BAS 'GRAN ZLA MED PA DANG, 'JIG RTEN DANG 'JIG RTEN LAS 'DAS PA'I YON TAN THAMS CAD KYI GZHI YIN PAS SO, ,GZHAN YANG BZA' BTUNG LA RGYUN DU LONGS SPYOD PA'I TSE, PHUD KYIS DKON MCHOG MCHOD NA TSOGS BDE BLAG TU RDZOGS PAR 'GYUR BAS RANG GANG LA LONGS SPYOD PA'I PHUD KYIS MCHOD PAR BYA'O, ,GSUM PA SNYING RJE CHEN PO RJES SU DRAN PA'I SGO NAS GZHAN YANG SKYABS 'GRO LA SBYAR BA'O, ,BZHI PA RANG LA BYA BA CI BYED PA DANG DGOS PA GANG YONG BA DKON MCHOG LA SKYABS SU SONG NAS MCHOD PA PHUL TE, GSOL BA BTAB NAS SGRUB PA MA GTOGS, DE DANG MI MTHUN PA 'JIG RTEN PA'I BON LA SOGS PAS MI SGRUB PA'O, ,LNGA PA PHAN YON SHES NAS NYIN LAN GSUM MTSAN LAN GSUM DU SKYABS SU 'GRO BA LA NI, PHAN YON SHES DGOS PAS, 'DI LA BSDU BA NAS 'BYUNG BA DANG, MAN NGAG NAS 'BYUNG BA GNYIS, DANG PO LA BZHI TSAN GNYIS YOD PA'I DANG PO NI, BSOD NAMS RGYA CHEN PO 'THOB BA DANG, DGA' BA DANG MCHOG TU BDE BA 'THOB PA DANG, TING NGE 'DZIN DANG SHES RAB KHYAD PAR CAN 'THOB PAR 'GYUR BA'O, ,BSOD NAMS RGYA CHEN PO 'THOB PA'I PHAN YON YOD DE, 'CHI MED RDA SGRA'I GZUNGS LAS, SANGS RGYAS BCOM LDAN BSAM MI KHYAB, ,DAM PA'I CHOS KYANG BSAM MI KHYAB, ,'PHAGS PA'I DGE 'DUN BSAM MI KHYAB, ,BSAM MI KHYAB LA DAD RNAMS KYI, ,RNAM PAR SMIN PA'ANG

BSAM MI KHYAB, CES DANG, BAR PHYIN BSBUS PAS LAS, SKYABS SONG BSOD NAMS GZUGS YOD NA, ,PHUL GYI BAR RO, ,GNYIS PA DGA' BA DANG MCHOG TU BDE BA 'THOB PA'I PHAN YON NI, DRAN PA'I TSOMS LAS, GANG ZHIG NYIN DAD MTSAN RNAMS SU, ,SANGS RGYAS RJES SU DRAN BYED CING, ,GANG DAG SANGS RGYAS SKYABS 'GRO NA, ,DE DAG MI YI RNYAD PA YIN, ZHES DKON MCHOG GSUM KA LA SBYAR NAS GSUNGS PA LTAR RTEN 'DI LTA BU LA SKYABS SU 'GRO RU YOD PA NI; BDAG GIS MI'I RNYED PA LEGS PAR RNYED SNYAM DU DGA' BA DANG MCHOG TU BDE BA 'THOB PAR 'GYUR RO, ,GSUM PA DANG BZHI PA NI, NGES 'BYUNG GI BSAM PAS DKON MCHOG GSUM LA SKYABS SU SONG BA LA BRTEN NAS, TSUL KHRIMS KYI BSLAB PA 'THOB, DE LA BRTEN NAS SEMS KYI BSLAB PA, DE LA BRTEN NAS SHES RAB KYI BSLAB PA THOB NAS RNAM PAR GROL BA 'THOB PAR 'GYUR BA'I PHAN YON YOD DO, ,BZHI TSAN GNYIS PAN, SRUNG PA CHEN POR 'GYUR BA DANG, SNGAR BSABS PA'I MI 'DOD PA 'BYIN PA'I SGRIB PA RNAMS DAG PAR 'GYUR BA DANG, RANG NYID SKYES BU DAM PA'I NANG DU CHUD PA DANG, SANGS RGYAS DANG GROGS TSANGS PA MTSUNGS PAR SPYOD PA RNAMS DANG, LHA RNAMS DGA' BAR 'GYUR BA'O, ,GNYIS PA MAN NGAG LAS 'BYUNG BA LA BRGYAD YOD PA LAS, DANG PO NANG PA SANGS RGYAS BAR TSUD PA'I PHAN YON NI, ,SKYABS 'GROS NANG PA SANGS RGYAS PAR TSUD PA'I PHAN YON YOD DE, SANGS RGYAS LA SKYABS STON PA PO DANG, CHOS LA SKYABS

, ,DNGOS DANG, DGE 'DUN LA SKYABS SGRUB PA'I GROGS SU YID CHES PA YIN NA THOG MAR NANG BA SANGS RGYAS PAR TSUD PA YIN GYI, DKON MCHOG GSUM LA YID CHES PA MED NA, DGE BA GZHAN CI BYED KYANG NANG PA SANGS RGYAS PAR MI CHUD PA'I PHYIR, GNYIS PA SDOM PA THAMS CAD KYI RTEN BYED PA'I PHAN YON YOD DE, DKON MCHOG GSUM LA SKYABS SU 'GRO BAS NGES 'BYUNG GI BSAM PA BSKYED NAS, SO SO THAR PA'I SDOM PA RNAMS SKYE BAR 'GYUR PA'I PHYIR, GSUM BSNGAR BSAGS PA'I LAS SGRIB RNAMS DAG PAR 'GYUR PA'I PHAN YON YOD DE, PHAG TU SKYE 'GYUR GYI LHA'I BU ZHIG GIS DKON MCHOG GSUM LA SKYABS 'GRO BYAS PAS PA PHAG TU MA SKYES PA LTA BU, DE'I RGYU MTSAN YANG SKYABS 'GROS NGAN SONG GI RGYU SDIG PA RNAMS DAG PAR 'GYUR BA'I PHYIR RO, ,DE SKAD DU YANG MDO LAS, GANG NGAG SANGS RGYAS SKYABS SONG BA, ,DE DAG NGAN 'GRO 'GRO MI 'GYUR, ,MI YI LUS NI SPANGS NAS SU, ,DE DAG LHA YI LUS 'THOB BO, ZHES DKON MCHOG GSUM GA LA SBYAR NAS GSUNGS SO, ,BZHI PA BSOD NAMS RGYA CHEN PO GSOG PA'I PHAN YON YOD DE, 'CHI MED RNGA SGRA'I GZUNGS LAS, SANGS RGYAS BCOM LDAN BSAM MI KHYAB, CES SNGAR DRANGS PA LTA BU'O, ,LNGA PA NGAN SONG DU MI SKYE PA'I PHAN YON YOD DE, GANG DAG SANGS RGYAS SKYABS SONG BA, CES SNGAR DRANGS PA LTA BU, DRUG PA MI DANG MI MA YIN GYI BAR CHAD KYIS MI 'TSE BA'I PHAN YON YOD DE, MDO LAS, 'JIGS PAS

SKRAG PA'I MI RNAMS NI, ,PHAL CHER RI DANG NAGS TSAL DANG, ,KUN DGA' DANG NI MCHOD GNAS KYI, ,LJON SHING RNAMS LA SKYABS 'GRO STE, ,SKYABS DE GTZO BO MA YIN ZHING, ,SKYABS DE MCHOG TU GYUR PA'ANG MIN, ,SKYABS DE LA NI BRTEN NAS SU, ,SDUG BSNGAL KUN LAS MI GROL LO, ,GANG TSE GANG ZHIG SANGS RGYAS DANG, ,CHOS DANG DGE 'DUN SKYABS SONG NAS, ,SDUG BSNGAL SDUG BSNGAL KUN 'BYUNG DANG, ,SDUG BSNGAL MA LUS 'GAG PA DANG, ,'PHAGS LAM YAN LAG BRGYAD BDE BA, ,MYA NGAN 'DAS PAR 'GRO 'GYUR DANG, ,'PHAGS PA'I BDEN PA BZHI PO DAG ,SHES RAB KYIS NI LTA BYED PA'I, ,SKYABS DE GTZO BOR GYUR PA STE, ,SKYABS DE MCHOG TU GYUR PA'ANG YIN, ,SKYABS DE LA NI BRTEN NAS NI, ,SDUG BSNGAL KUN LAS GROL BAR 'GYUR, ZHES SO, ,BDUN PA BSAM PA THAMS CAD YID BZHIN DU 'GRUB PA'I PHAN YON YOD DE, CHOS LDAN GYI BYA BA CI BYED KYANG DKON MCHOG GSUM LA SKYABS SU SONG, MCHOD PA PHUL NAS 'DOD PA'I DON LA GSOL BA BTAB PAS BSAM PA THAMS CAD YID BZHIN DU 'GRUB PAR 'GYUR PA'I PHYIR RO, ,BRGYAD PA MTHAR 'TSANG RGYA BA'I PHAN YON YOD DE, DAD PAS MI KHOM ZAD PAR 'GYUR, CES GSUNGS PA LTAR DON MCHOG GSUM LA DAD NAS SKYABS SU SONG BA LA BRTEN NAS DAL 'BYOR GYI MI LUS THOB, RTEN DE LA LAM KHYAD PAR CAN RNYED NAS MTHAR 'TSANG RGYA BAR 'GYUR BA'I PHYIR RO, ,DES NA PHAN YON DE DAG SHES NAS NYI MA RE RE BZHIN NYIN LAN GSUM MTSAN LAN GSUM

, ,DU DKON MCHOG GSUM LA SKYABS SU 'GRO BAR BYA'O, ,DRUG PA BZHAD GAD KYI PHYIR RAM, SROG GI PHYIR YANG DKON MCHOG GSUM BLOS MI GTONG BA NI, LUS SROG LONGS SPYOD RNAMS DANG GDON MI ZA BAR 'BRAL LA, DKON MCHOG GSUM BLOS BTANG NA TSE RABS DU MAR SDUG BSNGAL NYAMS SU MYONG BAR 'GYUR BAS, DUS NAM YANG DKON MCHOG GSUM BLOS MI GTANG ZHING KU RE'I PHYIR YANG DKON MCHOG BLOS GTANG BAR MI BYA'O, ,NGAN SONG GSUM GYI SDUG BSNGAL LA 'JIGS PA SKYES PA'I TSE SDUG BSNGAL MI 'DOD BDE BA 'DOD PA NA, MI DGE BA LAS SDUG BSNGAL DANG, DGE BA LAS BDE BA 'BYUNG BA'I TSUL LA YID CHES KYI DAD PA SKYE TSUL BSAM PAR BYA STE, SPYOD 'JUG LAS, MI DGE BA LAS SDUG BSNGAL 'BYUNG, ,'DI LAS JI LTAR NGES THAR ZHES, ,NYI MTSAN KUN TU BDAG GIS NI, ,'DI NYID 'BA' ZHIG BSAM PA'I RIGS, ZHES GSUNGS PA LTA BU DANG, DGE BA'I CHOS RNAMS THAMS CAD KYI, ,RTZA BA MOS PAR THUB PAS GSUNGS, ,DE YI RTZA BA DRAG TU NI, ,RNAM SMIN SDUG BSNGAL BSGOM PAS SO, ,GSUNGS SO, ,YID CHES KYI DAD PA GANG LA BRTEN NAS SKYE ZHE NA, SANGS RGYAS KYI LUNG LA BRTEN NAS BSKYED PAR BYA STE, SANGS RGYAS BCOM LDAN 'DAS DES LAS RGYU 'BRAS PHRA ZHING PHRA BA RNAMS MNGON SUM DU MKHYEN CING BRTZE BA SNYING RJE CHEN PO DANG LDAN PAS RDZUN GSUNG BA MI SRID PA'I PHYIR RO, ,MI DGE BA LAS SDUG BSNGAL DANG

DGE BA LAS BDE BA 'BYUNG BAR MTHONG NAS MI DGE BA SPANG BAR BYA ZHING DGE BA BSGRUB PAR BYA, 'ON KYANG BAG MED PA LA SOGS PA'I DBANG GIS MI DGE BA BYAS NA, GNYEN PO STOBS BZHI'I SGO NAS BSHAGS PAR BYA STE, CHOS BZHI BSTAN PA'I MDO LAS, BYAMS PA BYANG CHUB SEMS DPA' SEMS DPA' CHEN PO CHOS BZHI DANG LDAN NA SDIG PA BYAS SHING BSAGS PA THAMS CAD ZIL GYIS GNON PAR 'GYUR TE, BZHI GANG ZHE NA, RNAM PAR SUN 'BYIN PA DANG, GNYEN PO KUN TU SPYOD PA DANG, NYES PA LAS LDOG PA DANG, RTEN GYI STOBS SO, ZHES GSUNGS PA'I PHYIR RO, ,DANG PO NI, MI DGE BAS RNAM SMIN DANG RGYU MTHUN DANG, BDAG PO'I 'BRAS BU MI 'DOD PA'I 'BYIN PA'I TSUL BSAMS NAS, 'GYOD PA BSKYED PA'O, ,GNYIS PA LA DRUG LAS, MDO SDE LA BRTEN PA NI, SHES RAB KYI PHA ROL TU PHYIN PA LA SOGS PA'I MDO SDE ZAB MO RNAMS 'DZIN PA DANG, KLOG PA LA SOGS PA'O, ,GNYIS PA STONG PA NYID BSGOM PA LA BRTEN PA NI, STONG PA NYID LA SOGS PA SDIG PA'I GNYEN PO YIN TE, DE LA MOS NAS BSGOMS PAR BYAS PA LAS, SDIG PA'I RTZA BA GANG ZAG GI BDAG 'DZIN SPONG BAR 'GYUR BA'I PHYIR, GSUM PA BZLAS BRJOD LA BRTEN PA NI, YI GE BRGYA PA LA SOGS PA'I GZUNGS SNGAGS KHYAD PAR CAN CHO GA BZHIN DU BZLAS BRJOD BYED PA STE, DPUNG BZANG GIS ZHUS PA LAS, SOS KA NAGS ME MCHED PA'I ME LCE YIS, ,SGRIM MI DGOS PAR CHANG TSING KUN SREG LTAR, ,GZUNGS SNGAGS

, ,ME LA TSUL KHRIMS RLUNG SBAR TE, ,BRTZON 'GRUS CHEN PO'I ME LCES SDIG PA SREG ,CES SOGS GSUNGS PA'I PHYIR, DE YANG RMI LAM DU SDIG PA DAG PA'I MTSAN MA MA BYUNG GI BAR DU BZLAS BRJOD BYED PA'O, ,BZHI PA SKU GZUGS LA BRTEN PA NI, SANGS RGYAS LA DAD NAS SKU GZUGS DANG MCHOD RTEN BZHENG BA LTA BU'O, ,LNGA PA MCHOD PA LA BRTEN PA NI, SDIG PA DAG PAR BYA BA'I PHYIR DU SANGS RGYAS DANG DE'I SKU GZUGS LA MCHOD PA 'BUL BA LTA BU'O, ,DRUG PA MTSAN LA BRTEN PA NI, SANGS RGYAS DANG BYANG SEMS MTHU CHEN PO RNAMS KYI MTSAN 'DON PA DANG, DRAN PA LA SOGS PA LTA BU'O, ,GSUM PA NI, PHYIN CHAD SDIG PA MI DGE BA GTAN NAS MI BYED PA'I SDOM SEMS BYED PA STE, DE LTA BU'I SDOM SEMS MED NA SDIG PA BSHAGS PA TSIG TZAM DU 'GYUR BA'I PHYIR, BZHI PA NI, DKON MCHOG GSUM LA SKYABS SU 'GRO BA DANG, BYANG CHUB KYI SEMS SGOM PA LA SOGS PA'O, , 'O NA GNYEN PO STOBS BZHIS SDIG PA 'DAG TSUL DE JI LTA BU ZHE NA, BSHAGS MKHAN STOBS CHE CHUNG DANG, GNYEN PO STOBS BZHI TSANG MA TSANG DANG, BSAM PA DRAG ZHAN DANG, YUN RING THUNG LA SOGS PA'I SGO NAS, SDUG BSNGAL CHEN PO MYONG BAR 'GYUR BA'I RGYU CHUNG DU MYONG BAR 'GYUR BA'I RGYU DANG, NGAN SONG DU SKYES KYANG SDUG BSNGAL MI MYONG BA DANG, RTEN DE LA MGO BO NA BA TZAM GYIS DAG PA DANG, YUN RING PO MYONG BAR 'GYUR BA, YUN THUNG DU

MYONG BAR 'GYUR BA SOGS MTHA' GCIG TU MA NGES SO, ,STOBS BZHI TSANG BA'I BSHAGS PAS SDIG PA 'DAG NA, MDO LAS, LUS CAN DAG GI LAS RNAMS NI, ,BSKAL PA BRGYAR YANG CHUD MI ZA, ZHES GSUNGS PA DANG 'GAL LO ZHE NA MI 'GAL TE, DE NI STOBS BZHI DANG MA 'BREL BA'I LAS KYI RNAM SMIN NGES PA LA DGONGS PA'I PHYIR RO, ,'O NA LAS KYI RNAM PAR SMIN PA NI, GANG LA YANG MA GTOGS ZHES GSUNGS PA DANG 'GAL ZHE NA, MI 'GAL TE, DE NI DMUS LONG LA SOGS PA RNAM SMIN PHYUNG ZIN PA RNAMS DA LTA'I GNYEN POS BZLOG DKA' BA LA DGONGS PA'I PHYIR RO, ,'O NA LAS RGYU 'BRAS SEMS PA DE YUN JI TZAM DU BSGOM ZHE NA, DA LTA CHE 'DI'I BYA BA GTZO BOR SGRUB CING PHYI MA'I BYA BA ZHAR LA SGRUB PA DE LAS BZLOG CING, PHYI MA'I BYA BA GTZO BOR SGRUB CING TSE 'DI'I BYA BA ZHAR LA SGRUB PA'I BLO RNAL MA MA SKYES KYI BAR DU BSGOM MO, ,'KHOR PA'I NYES DMIGS BSAM PA NI, 'ON NGAN SONG GI RGYU MI DGE BA SPANGS TE, BDE 'GRO'I RGYU DGE BA BSGRUBS NAS LHA MI'I GO 'PHANG THOB PA TZAM GYIS CHOG GAM ZHE NA, MI CHOG STE, DES KYANG BTZAN SA ZIN PA MA YIN TE, 'KHOR BA MTHA' DAG SDUG BSNGAL GYI RANG BZHIN YIN PAS, 'KHOR BA'I SDUG BSNGAL SPANGS PA'I THAR PA THOB PAR BYA DGOS PA'I PHYIR RO, ,'KHOR BA MTHA' DAG SDUG BSNGAL GYI RANG BZHIN YIN PA'I RGYU MTSAN CI ZHE NA, NGAN 'GRO'I SDUG BSNGAL BSHAD ZIN, BDE 'GRO'I SDUG BSNGAL BSAM PA LA, MI'I SDUG

, ,BSDUL BSAM PA, LHA MA YIN GYI SDUG BSNGAL BSAM PA, LHA'I SDUG BSNGAL BSAM PA'O, ,DANG PO NI, SKYE RGA NA 'CHI DANG, DGRA MI SDUG PA DANG PHRAD PA DANG, GNYEN SDUG PA DANG BRAL BA'I SDUG BSNGAL DANG, BKRES SKOM DANG TSA GRANG LA SOGS PA'I SDUG BSNGAL NGAN SONG GSUM NA YOD PA DANG CHA MTSUNGS MI RNAMS LA YANG YOD DE, CHOGS KYI GTAM LAS, NGAN 'GRO'I SDUG BSNGAL MA LUS PA, ,MI RNAMS DAG LA'ANG YOD PAR SNANG, ,DE YANG MI'I MCHOG LA YID KYI SDUG BSNGAL DANG, THA MAL RNAMS LA LUS LAS SKYES PA'I SDUG BSNGAL GNYIS KYIS NYIN RE BZHIN DU GDUNG BAR BYED DE, BZHI BRGYA PA LAS, MCHOG LA YID KYI SDUG BSNGAL TE, ,THA MAL RNAMS LA LUS SKYES SO, ,SDUG BSNGAL GNYIS KYIS 'JIG RTEN 'DI, ,NYIN RE NYIN RE 'JOMS PAR BYED, CES SO, ,GNYIS PA NI, BSHES SBRINGS LAS, LHA MIN DAG NA'ANG RANG BZHIN GYIS LHA YI, ,DPAL LA SDANG PHYIR YID KYI SDUG BSNGAL CHE, ,DE DAG BLO DANG LDAN YANG 'GRO BA YI, ,SGRIB PAS BDEN PA MTHONG BA MA MCHIS SO, ZHES PA LTAR, LHA MA YIN RNAMS RANG GI BU MO LA SER SNA DANG, LHA'I PHUN SUM TSOGS PA LA PHRAG DOG PA'I DBANG GIS LHA DANG 'THABS PA LA BRTEN NAS, YAN LAG NYID LAG GCOD PA'I SDUG BSNGAL DANG, LHAM YIN GYI RTEN LA BDEN PA MTHONG BA'I SKAL BA MED DO, ,GSUM PA LA, 'DOD PA'I LHA'I SDUG BSNGAL BSAM PA DANG, KHAMS GONG

MA'I LHA'I SDUG BSNGAL BSAM PA'O, ,DANG PO NI, MTHO RIS DAG NA'ANG BDE CHEN DE DAG GI ,'CHI 'PHO'I SDUG BSNGAL NYID NI DE BAS CHE, ZHES GSUNGS PA LTAR 'DOD LHA RNAMS LA 'DOD PA'I YON TAN GYI BDE BA CHEN PO YOD KYANG, DE LAS 'CHI 'PHO BA'I 'CHI LTAS LNGA'I SDUG BSNGAL NYID NI 'DI LTAR, KHA DOG GZHAN DU 'GYUR BA DANG, ME TOG GI PHRENG BA RNYINGS PA DANG, STEN LA MI DGA' BA DANG, GOS LA DRI MA CHAGS PA DANG, LUS LA SNGON MED PA'I RDUL DRING BA 'BYUNG BA'AM, YANG NA LUS LA SNGON MED PA'I RDUL 'BYUNG PA'O, ,GNYIS PA GZUGS GZUGS MED DU SKYES PA'I LHA RNAMS SDUG BSNGAL GYI RANG BZHIN LAS MA 'DAS TE, DE DAG GIS MI DGE BA SPANGS PAS TSOR BA SDUG BSNGAL MED KYANG, NYON MONGS PA DANG BCAS SHING 'CHI 'PHO DANG, GNAS PA LA DBANG MA THOB PAS SDUG BSNGAL GYI GNAS NGAN LEN DANG BCAS SHING MDA' NAM MKHA' LA 'PHANGS PA SHUGS ZAD PA NA SLAR YANG SA LA LTUNG BAR 'GYUR BA BZHIN DU, KHAMS GONG MAR 'PHEN BYED KYI LAS ZAD PA SLAR YANG NGAN SONG GSUM DU SKYES NAS SDUG BSNGAL MYONG BAR 'GYUR BA'I PHYIR RO, ,DE LTAR KHAMS GSUM 'KHOR BA GANG DU SKYES KYANG SDUG BSNGAL GYI GNAS, GANG DANG 'GROGS KYANG SDUG BSNGAL GYI GROGS, ,GANG LA LONGS SPYAD KYANG SDUG BSNGAL GYI LONGS SPYOD LAS MA 'DAS PAS, 'KHOR BA MTHA' DAG SDUG BSNGAL GYI RANG BZHIN YIN PAS 'KHOR BA'I SDUG BSNGAL SPANGS PA'I THAR PA THOB PAR BYA'O, ,'O NA 'KHOR BA'I SDUG

, ,BSNGAL SPONG BA LA SDUG BSNGAL GYI RGYU NGOS ZIN DGOS PAS DE GANG YIN ZHE NA, ZAG PA DANG BCAS PA'I LAS DANG NYON MONGS PA SDUG BSNGAL GYI RGYU YIN NO, ,DE'I NANG NAS KYANG NYON MONGS PA SDUG BSNGAL GYI RGYU'I GTZO BO YIN TE, NYON MONGS PA MED NA LAS YOD KYANG 'KHOR BAR SKYE BA MI LEN, DE YOD NA DE'I DBANG GIS LAS GSAR DU BSAGS NAS, 'KHOR BAR SKYE BA'I PHYIR RO, ,'O NA NYON MONGS PA DE GANG GIS SPONG ZHEN, BSLANG PA RIN PO CHE GSUM NYAMS SU BLANGS PA LA BRTEN NAS DE SPONG BAR 'GYUR RO, ,GNYIS PA DNGOS GZHI BYANG CHUB KYI SEMS SBYANG BA LA, 'ON BSLAB PA RIN PO CHE GSUM LA BSLABS PA LA BRTEN NAS, RANG NYID GCIG BUS THAR PA THOB PA TZAM GYIS CHOG GAM ZHE NA, DE THOB NA YANG 'KHOR BA'I DPAL LTAR SLAR LDOG PA MA YIN GYIS, 'ON KYANG SPANG RTOGS KYI YON TAN PHYOGS RE BA YIN PAS, DON GNYIS MTHAR MA THUG LA, DES NA MTHAR THEG PA CHEN PO'I LAM DU 'JUG DGOS PAS BLO DANG LDAN PA RNAMS KYIS DANG PO NAS THEG PA CHEN PO'I LAM DU 'JUG PAR BYA ZHING, THEG CHEN DU 'JUG PA'I SGO YANG THEG CHEN SEMS SKYED YIN PAS, DANG POR THEG PA CHEN POR SEMS BSKYED PA LA 'JUG PAR BYA'O, ,THEG CHEN SEMS SKYED THEG CHEN DU 'JUG PA'I SGO YIN TE, TING NGE 'DZIN DANG SHES RAB LA SOGS PA'I YON TAN GZHAN MED KYANG THEG CHEN SEMS SKYED MTSAN NYID TSANG BA RGYUD LA SKYES NA THEG PA CHEN PO BAR TSUD LA,

TING NGE 'DZIN DANG SHES RAB LA SOGS PA'I YON TAN DU MA YOD KYANG, THEG CHEN SEMS SKYED LAS NYAMS NA, THEG CHEN LAS NYAMS PAR 'GYUR BA'I PHYIR, DES NA THEG CHEN SEMS SKYED KYIS ZIN PAS DUD 'GRO LA ZAN CHANG GCIG TZAM BYIN PA YANG BYANG CHUB SEMS DPA'I SPYOD BAR 'GYUR ZHING, DES NA ZIN NA TING NGE 'DZIN DANG SHES RAB SGOM PA DANG, LHA SGOM PA DANG, RTZA RLUNG THIG LE SOGS SGOM PA YANG BYANG CHUB SEMS DPA'I SPYOD PAR MI 'GYUR BAS, THEG PA CHEN PO PA BYED PAR 'DOD PA RNAMS KYIS, THOG MAR BYANG CHUB KYI MCHOG TU SEMS BSKYED PA LA 'JUG PAR BYA'O, ,'DI LA KUN RDZOB BYANG CHUB KYI SEMS SBYANG BA DANG, DON DAM BYANG CHUB KYI SEMS SBYANG BA GNYIS, DANG PO LA, RGYU GANG LA BRTEN NAS SKYE BA, SEMS SBYONG BA'I RIM PA, SEMS DE SKYES PA'I TSAD, SEMS SKYED CHOGS GZUNG PA'I TSUL LO, ,DANG PO NI, BSLAB BSDUS SU RKYEN BZHI LA BRTEN NAS SKYE BA, RGYU BZHI LA BRTEN NAS SKYE BA, STOBS BZHI LA BRTEN NAS SKYE BA'I TSUL GSUM GSUNGS PA LAS, DANG PO NI, SANGS RGYAS DANG BYANG SEMS RNAMS KYI MTHU PHUL TU PHYIN PA RANG GIS THOS PA DANG MTHONG PA LA BRTEN NAS, BDAG GIS KYANG 'DI LTA BU THOB NA SNYAM NAS SEMS SKYED PA DANG, DE LTA BU MED KYANG GSUNG RAB NYAN PA LAS SANGS RGYAS KYI YON TAN THOS NAS SEMS SKYED PA DANG, DE LTA BU MED KYANG THEG CHEN GYI BSTAN PA NUB PA MA BZOD NAS SEMS SKYED PA DANG, DE LTA BU MED KYANG NYAN RANG GI BYANG CHUB TU SEMS SKYED

, ,PA YANG DKON NA, BYANG CHUB MCHOG TU SEMS SKYED PA DE BAS KYANG DKON NO SNYAM NAS, DKON PA'I 'DU SHES KYIS SEMS SKYED PA'O, ,GNYIS PA NI, THEG CHEN GYI RIGS SAD PA DANG, DGE BA'I BSHES GNYEN GYIS YONGS SU ZIN PA DANG, SEMS CAN LA DMIGS PA'I SNYING RJE DANG, GZHAN DON GYI DKA' SPYAD LAS MI SKYO BA LA BRTEN NAS SEMS SKYED PA'O, ,GSUM PA NI, RANG GI MTHUS SANGS RGYAS THOB 'DOD KYI BLO SKYED PA RANG GI STOBS KYIS SKYED PA DANG, DGE BA'I BSHES GNYEN GYI MTHUS SANGS RGYAS THOB 'DOD KYI BLO SKYED PA GZHAN STOBS KYIS SKYED PA DANG, TSE SNGA MAR SBYOR BA BYAS PA'I STOBS KYIS DE SKYED BA, RGYU'I STOBS KYIS SKYED PA DANG, TSE 'DIR GOMS PAR BYAS PA'I STOBS KYIS DE SKYED PA, SBYOR BA'I STOBS KYIS SKYED PA'O,, GNYIS PA SEMS DE SBYANG BA'I RIM PA DNGOS LA, RGYU 'BRAS MAN NGAG BDUN MA LA BLO SBYANGS PA'I SGO NAS BYANG CHUB KYI MCHOG TU SEMS BSKYED PA DANG, BDAG GZHAN BRJE BA'I RIM PA LA BLO SBYANG BA'I SGO NAS BYANG CHUB KYI MCHOG TU SEMS BSKYED PA'O, ,DANG PO NI, RGYU 'BRAS BDUN NI, SEMS CAN THAMS CAD MAR SHES PA, DRIN DRAN PA, DRIN DU GZO BA, YID 'ONG GI RNAM PA CAN GYI BYAMS PA, SNYING RJE, LHAG BSAM, SEMS SKYED, DE LA BRTEN NAS BLA NA MED PA'I BYANG CHUB 'THOB BO, ,'DI LA RIGS PA DANG, NGES PA BSKYED PA DANG, RIM CAN DU SBYANG BA DNGOS, DANG PO LA, SNYING RJE

CHEN PO THEG CHEN LAM GYI RTZA BAR BSTAN PA DANG, GZHAN RNAMS DE'I RGYU 'BRAS BU 'GYUR CHUL LO, ,DANG PO NI, THEG PA CHEN PO LA SNYING RJE CHEN PO DANG POR GAL CHE BA YIN TE, SEMS CAN THAMS CAD 'KHRO BA'I SDUG BSNGAL LAS BSGRAL BA'I KHUR 'DZIN PA NI SNYING RJE CHEN PO LA RAG LAS LA, DE LTA BU'I KHUR 'DZIN PA DE MED NA THEG PA CHEN POR MI CHUD PA'I PHYIR, DANG PO GRUB STE, SNYING RJE CHEN PO'I DBANG GIS SEMS CAN THAMS CAD 'KHOR BA LAS BSGRAL PAR BYA'O SNYAM DU DAM BCA' BAR 'GYUR LA, SNYING RJE DMAN NA DE LTAR DAM 'CHA' BA MI 'ONG BA'I PHYIR, DE SKAD DU BLO GROS MI ZAD PAS BSTAN PA LAS, BYANG CHUB SEMS DPA'I SNYING RJE CHEN PO NI, THEG PA CHEN PO YANG DAG PAR 'GRUB PA'I SNGON DU 'GRO BA YIN NO, ZHES DANG, GA YA GO RI'I MDO LAS KYANG, 'JAM DPAL BYANG CHUB SEMS DPA' RNAMS KYI SPYOD PA'I RTZOM PA NI SNYING RJE CHEN PO'O, ZHES GSUNGS PA'I PHYIR, SNYING RJE CHEN PO DE THEG PA CHEN PO LA BAR DU YANG GAL CHE BA YIN TE, SNYING RJE CHEN PO'I DBANG GIS LAN GCIG 'GRO BA SGROL BAR DAM BCAS KYANG, BAR SKABS SU SNYING RJE CHEN PO YANG DANG YANG DU MA BSGOMS NA, SEMS CAN GRANGS MANG ZHING BYED PA NGAN PA DANG, BSLAB BYA GRANGS MANG ZHING BYA DKA' LA YUN RING DU BSGRUB DGOS PAS, SEMS ZHUMS NAS THEG DMAN DU LTUNG BAR 'GYUR LA, SNYING RJE CHEN PO YANG DANG YANG DU BSGOMS NA RANG GI BDE SDUG LA MI LTA ZHING, GZHAN DON GYI DKA' SPYAD LA MI SKYO BAS TSOGS BDE BLAG TU RDZOGS

, ,PAR 'GYUR BA'I PHYIR, SNYING RJE CHEN PO THEG PA CHEN PO LA MTHAR YANG GAL CHE BA YIN TE, LAN GCIG SANGS RGYAS KYI GO 'PHANG THOB KYANG SNYING RJE CHEN PO DANG BRAL NA, NYAN RANG BZHIN DU ZHI BA'I MTHAR LTUNG PAR 'GYUR LA, SNYING RJE CHEN PO'I DBANG GIS 'KHOR BA JI SRID MA STONGS KYI BAR DU GZHAN DON RGYUN MI 'CHAD DU 'BYUNG BA'I PHYIR, DES NA SNYING RJE CHEN PO THEG PA CHEN PO'I LAM GYI RTZA BA YIN TE, PHYI'I LO TOG LA THOG MAR GAL CHE BAS BON DANG, BAR DU GAL CHE BA CHU DANG, MTHAR GAL CHE BA 'BRAS BU SMIN PA BZHIN DU, SNYING RJE CHEN PO YANG THEG PA CHEN PO LA THOG MTHA' BAR GSUM DU GAL CHE BA YIN PA'I PHYIR, DE SKAD DU YANG 'JUG BA LAS, GANG PHYIR BRTZE NYID RGYAL BA'I LO TOG PHUN TSOGS 'DI, ,SA BON DANG NI SPEL LA CHU 'DRA YUN RING DU, ,LONGS SPYOD GNAS LA SMIN PA LTA BUR 'DOD GYUR PA, ,DE PHYIR BDAG GIS THOG MAR SNYING RJE BSTOD PAR BGYI, ZHES GSUNGS SO, ,GNYIS PA LA, MAR SHES NAS YID 'ONG GI BYAMS PA'I BAR RGYUR 'GYUR TSUL DANG, LHAG BSAM DANG SEMS SKYED 'BRAS BUR 'GYUR TSUL LO, ,DANG PO NI, SEMS CAN GYI SDUG BSNGAL YANG DANG YANG DU BSAMS KYANG BRTZE BA CHEN PO SKYED NUS MOD SKYE SLA ZHING SHUGS DRAG LA BRTAN PAR SKYE BA LA SEMS CAN LA YID 'ONG GI RNAM PA CAN GYI BYAMS PA BSGOM DGOS TE, DA LTA DGRA LA SDUG BSNGAL BAR MTHONG BA NA MI BZOD PA MED KYI STENG DU DGA' BA SKYE BA DANG, DGRA GNYEN GANG

YANG MA YIN PA'I BAR MA LA SDUG BSNGAL BAR MTHONG BA NA DGA' BA MED KYANG PHAL CHER YAL BAR 'DOR BA NI, YID 'OD GI BLO MED PAS LAN PA YIN LA, GNYEN LA SDUG BSNGAL MTHONG BA NA MI BZOD PA'I BLO SKYE ZHING, DE YANG YID DU 'ONG TSABS CHE BA TZAM GYIS MI BZOD PA'I BLO YANG SHUGS DRAG PA SKYE BA'I PHYIR, DES NA SEMS CAN GNYEN DU SGOM PA NI, YID 'OD GI RNAM PA CAN GYI BYAMS PA BSKYED PA'I PHYIR DU YIN TE, GNYEN GYI MCHOG KYANG MA YIN PAS, SEMS CAN THAMS CAD MAR SHES PA LAS DRIN DRAN PA, DE LAS DRIN DU GZO BA, DE LAS YID 'ONG GI BYAMS PA, DE LAS SEMS CAN GYI SDUG BSNGAL LA MI BZOD PA'I SNYING RJE CHEN PO 'BYUNG NGO, ,GNYIS PA LHAG BSAM DANG SEMS SKYED 'BRAS BUR 'GYUR TSUL NI, KHO NA RE, SNYING RJE DANG SEMS SKYED KYI BAR DU LHAG BSAM BSGOM MI DGOS PAR THAL, SEMS CAN SDUG BSNGAL DANG BRAL BAR 'DOD PA'I SNYING RJE BSGOMS PA LAS SEMS SKYED SKYE BA'I PHYIR ZHE NA, DE GNYIS KYI BAR DU LHAG BSAM BSGOM DGOS TE, SEMS CAN SDUG BSNGAL DANG BRAL 'DOD KYI SNYING RJE YOD KYANG, SEMS CAN THAMS CAD SDUG BSNGAL DANG BRAL BA DE BDAG GIS BYA'O SNYAM DU KHUR RANG NYID KYIS 'KHYER BA'I LHAG BSAM MED NA SEMS SKYED PA DE MI 'BYUNG BA'I PHYIR RO, ,LHAG BSAM BSGOM TSUL JI LTAR YIN ZHE NA, SEMS CAN THAMS CAD BDE BA DANG LDAN PA DANG, SDUG BSNGAL DANG BRAL BA DE BDAG GIS BYA DGOS PA YIN TE, SEMS CAN

, ,THAMS CAD KYIS THOG MA MED PA NAS BDAG GI MA BYAS, DE YANG, YANG DANG YANG DU BYAS, NAM BYAS RES KYIS PHAN BTAGS GNOD PA LAS BSKYABS PA'I DRIN CAN YIN PAS SO, ,'O NA BDAG GIS SEMS CAN THAMS CAD KYI DON BYED NUS SAM MI NUS SNYAM NA, BDAG GI DA LTA'I LUS 'DIS SEMS CAN GCIG GI DON YANG JI LTA BA BZHIN DU BYED MI NUS NA, SEMS CAN THAMS CAD KYI DON BYED PA LTA CI SMOS, DER MA ZANG RANG GI DON YANG JI LTA BA BZHIN BYED MI NUS NA, GZHAN GYI DON LTA SMOS KYANG CI DGOS, DER MA ZAD NYAN RANG DGRA BCOM BAS KYANG SEMS CAN NYUNG SHAS THAR PA'I BDE BA LA 'GOD NUS KYANG, SPANGS RTOGS KYI YON TAN PHYOGS RE BA YIN PAS, SEMS CAN THAMS CAD RNAM PA THAMS CAD MKHYEN PA'I SA LA 'GOD MI NUS SO, ,'O NA GANG GIS SEMS CAN THAMS CAD KYI DON BYED NUS SNYAM NA, YANG DAG PAR RDZOGS PA'I SANGS RGYAS KYI GO 'PHANG THOB NAS SEMS CAN THAMS CAD KYI DON BYED NUS PA YIN TE, DES SKYON THAMS CAD SPANGS, YON TAN THAMS CAD DANG LDAN PAS, 'OD ZER SNA RE TZAM BKYE BA DANG, RDZU 'PHRUL SNA RE TZAM BSTAN PA DANG, CHOS SNA RE TZAM GSUNGS PAS KYANG SEMS CAN DPAG TU MED PA SMIN GROL GYI LAM LA 'GOD NUS PA'I PHYIR RO, ,DES NA BDAG GIS SEMS CAN THAMS CAD KYI DON DU YANG DAG PAR RDZOGS PA'I SANGS RGYAS KYI GO 'PHANG THOB PAR BYA'O SNYAM DU SEMS BSKYED PAR BYA'O, ,GNYIS PA RIM

CAN DU SBYANG BA DNGOS LA, GZHAN DON DON GNYER GYI BLO SBYANG BA DANG, BYANG CHUB DON GNYER GYI BLO SBYANG BA DANG, SBYANGS PA'I 'BRAS BU SEMS SKYED NGOS GZUNG BA'O, ,DANG PO LA BLO DE SKYE BA'I GZHI BSGRUB PA DANG, BLO DE BSKYED PA DNGOS GNYIS, DANG PO LA SEMS CAN LA SEMS SNYOMS PA BSGRUB PA DANG, THAMS CAD YID 'OD GI RNAM PA CAN DU BSGRUB PA GNYIS, DANG PO NI, SEMS CAN THAMS CAD BDE BA DANG LDAN PA DANG, SDUG BSNGAL DANG BRAL 'DOD KYI BYAMS SNYING RJE SKYE BA LA THOG MAR CHAGS SDANG GIS RIS SU BCAD BA DE SPANG DGOS TE, DE MA SPANGS NA BYAMS PA DANG SNYING RJE PHYOGS RIS CAN DU 'GYUR GYIS, PHYOGS RIS MED PAR SEMS CAN THAMS CAD LA DMIGS PA'I BYAMS SNYING RJE MI SKYE BA'I PHYIR RO, ,BTANG SNYOMS KYI NGO BO NI, GSUM YOD PA'I CHAD MED BTANG SNYOMS SO, ,SEMS CAN GYI NGOS NAS THAMS CAD SNYOMS PA DANG, RANG GI NGOS NAS SEMS CAN THAMS CAD SNYOMS PA GNYIS KYI NANG NAS PHYI MA BSGOM, SGOM TSUL NI, SEMS CAN THAMS CAD LA NYE RING MED PA'I SEMS SNYOMS PAR BSGOM PAR BYA STE, SEMS CAN GYI NGOS NAS THAMS CAD BDE BA 'DOD CING SDUG BSNGAL MI 'DOD PAR MTSUNGS, RANG GI NGOS NAS SEMS CAN THAMS CAD KYIS THOG MA MED PA NAS MA BYAS, YANG DANG YANG DU BYAS, NAM BYAS RES KYIS PHAN BTAGS GNOD PA LAS BSKYABS PA'I DRIN CAN YIN PAR MTSUNGS PAS SO, ,KHYAD PAR DU DGRA DANG GNYEN YIN

, ,PA RGYU MTSAN DU BYAS NAS CHAGS SDANG GI RIS SU BCAD PA SPANG DGOS TE, DGRA GNYEN YANG MTHA' GCIG TU MA NGES PA'I PHYIR RO, ,SGOM PA'I RIM PA NI, THOG MAR DGRA GNYEN GANG YANG MA YIN BA'I BAR MA LA BSGOM, DE LA 'BYONGS NAS RANG GI MA LA SOGS PA'I MDZA' BSHES LA BSGOM, DE NAS DGRA LA BSGOM, DE NAS RIM GYIS SEMS CAN THAMS CAD LA BSGOM MO, ,GNYIS PA THAMS CAD YID 'ONG GI RNAM PA CAN DU SGRUB PA LA MAR SHES BSGOM PA, DRIN DRAN BSGOM PA, DRIN GZO BSGOM PA'O, ,DANG PO NI, SEMS CAN THAMS CAD KYIS THOG MA MED PA NAS BDAG GI MA BYAS, DE YANG, YANG DANG YANG DU BYAS TE, SBYIR 'KHOR BA LA THOG MA'I MTHA' MED PAS, BDAG GI SKYE 'CHI LA YANG THOG MA MED, DE MED PAS LUS 'DI MA BLANGS ZHES BYA BA'AM, SA PHYOGS 'DIR MA SKYES ZHES BYA BA SANGS RGYAS KYIS KYANG MA GZIGS PA'I PHYIR, DE SKAD DU YANG MDO LAS; SNGON YUN RING PO 'DAS PA NA GANG DU KHYED RNAMS MA SKYES PA DANG, MA SONG BA DANG, MA SHI BA'I SA PHYOGS DE NI NGAS MTHONG BAR DKA'O, ,YUN RING PO 'DAS PA NA GANG KHYED KYI PHA'AM MA'AM PHO NU'AM, SRING MO'AM, SLOB DPON NAM, MKHAN PO'AM, BLA MA'AM BLA MA'I GNAS LTA BUR MA GYUR PA DE NI NGAS MTHONG BAR DKA'O ZHES GSUNGS SO, ,GNYIS PA NI, THOG MAR RANG GI RTZA BA'I MA LA DMIGS NAS BSGOMS NA SKYE SLA BAR GSUNGS PAS,

THOG MAR RANG GI RTZA BA'I MA MDUN DU GSAL BAR DMIGS NAS, 'DIS THOG MA MED PA NAS BDAG GI MA BYAS, DE YANG, YANG DANG YANG DU BYAS, NAM BYAS RES KYIS PHAN BTAGS GNOD PA LAS BSKYABS SHING, KHYAD BAR DU TSE 'DIR BDAG MNGAL DU YUN RING BZUNGS NAS, MCHOD BA DANG, RGYUG PA DANG, KHUR LCI BA 'KHUR PA DANG, BZA' BTUNG HA CANG DRO BA DANG GRANG BA LONGS SPYOD PA BDAG MNGAL NA GNAS PA LA GNOD DOGS NAS SPONG BA SOGS BRTZE BAS BSKYANGS, MNGAL NAS BTZAS PA'I TSE, SPU SER ZING NGE BA'I 'BU LTA BU YOD PA SOR MO BCU'I RTZE MO LA BLANGS, SHA'I DROD LA BCER, ZAS KHAS BSNYOD, SNABS DANG BSHANG GCI LAG PAS PHYIS, DE NAS LAB SHES PA LA DGA' TSOR BYAS, BKRES SKOM GYI TSE BZA' BTUNG DANG, GRANG BA'I TSE GOS DANG, PHONGS PA'I TSE GTAM NGAN BDE SDUG LA MA 'DZEMS PAR BSAGS PA'I NOR RDZAS RANG GIS SPYAD MI NUS PA RNAMS KYANG PHANGS MED DU BYIN, KHYAD PAR DU BDAG LA TSE 'DIR DAL 'BYOR GYI MI LUS BYIN NAS, SANGS RGYAS KYI BSTAN PA DANG MJAL, THOS BSAM SGOM GSUM GYI SGO NAS THAR PA DANG THAMS CAD MKHYEN PA'I LAM BSGRUBS CHOG PA'I SKAL BA YOD PA BYAS, BDAG NA BA SOGS BYUNG BA'I TSE BU NA BA LAS, MA RANG NA BA DANG, BU SHI BA LAS MA RANG SHI BA DANG, BU SDUG PA LAS MA RANG SDUG PA 'DAM, BU MIN BA SOGS KYI THABS LA 'BAD PA SGO DU MA NAS BYED PAS DRIN SHIN TU CHE SNYAM DU BSGOM

, ,MA'I DRIN DRAN PA'I BLO RNAL MA SKYES PA'I TSE PHA LA SOGS PA'I MDZA' BSHES LA BSGOM, DE LA 'BYONGS NAS DGRA LA, DE LA 'BYONGS NAS BAR MA LA, DE NAS RIM GYIS SEMS CAN THAMS CAD LA KHYAB PAR BSGOM MO, ,GSUM PA NI, SKYE SHI 'PHOS PAS NGO MA SHES PA MA GTOGS THOG MA MED PA NAS YANG DANG YANG DU MA BYAS NAS, DRIN GYIS BSKYANGS PA'I DRIN CAN GYI MA MGON SKYABS MED PA 'DI RNAMS YAL BAR DOR NAS, RANG GCIG PU CI THAR BYED PA DE LAS KHREL CHUNG BA MED DE, SLOB SPRINGS LAS, NYE DU 'KHOR BA'I RGYA MTSO'I NANG DU CHUD GYUR CING, ,KLONG GI NANG DU CHUD PA LTA BUR SNANG BZHIN DU, ,SKYE SHI 'PHOS PAS NGO MA SHES PA DE DOR NAS, , GAL TE GCIG THAR BYED NA DE LAS KHREL BOR MED, CES GSUNGS SO, ,DES NA DRIN CAN GYI MA YAL BAR 'DOR BA NI, MA RABS RNAMS LA YANG MI RIGS NA, BDAG GI TSUL DANG GA LA MTHUN SNYAM DU BSAMS NAS DRIN LAN 'JAL DGOS SO, ,DRIN LAN JI LTA BU 'JAL SNYAM NA, THOG MA MED PA NAS MAR GYUR SEMS CAN RNAMS KYIS 'KHOR BA'I BDE 'BRAS JI TZAM MYONG YANG DES MA BSLUS PA MED PAS, THAR PA MYA NGAN LAS 'DAS PA'I GO 'PHANG LA DGOD PAR BYA'O, ,DE YANG RGYA MTSO RI RAB DANG BCAS PA KHUR MI CHE YI, BYAS PA MI GZO BA KHUR CHE ZHING BYAS SHES DRIN GZO MKHAS PAS RAB TU BSNGAGS TE, KLU'I RGYAL PO RNGA SGRA'I TSIGS BCAD LAS, RGYA MTSO DANG NI RI RAB

DANG; ;SA RNAMS BDAG GI KHUR MIN GYIS, ,BYAS PA MI GZO GANG YIN PA, ,DE NI BDAG GI KHUR CHEN YIN, ,MI GANG SEMS NI MI RGOD CING, ,BYAS PA SHES SHING BYAS PA TSOR, ,BYAS PA CHUD SON MI BYED PA, ,DE DAG MKHAS PAS RAB TU BSNGAGS, ZHES GSUNGS SO, ,GNYIS PA BLO DE BSKYED PA DNGOS LA, BYAMS PA DON GNYER, SNYING RJE DON GNYER, LHAG BSAM DON GNYER GYI BLO BSGOM PA GSUM LAS, DANG PO NI, DMIGS PA BDE BAS PHONGS PA'I SEMS CAN 'DI RNAMS BDE BA DANG LDAN NA, BDE BA DANG LDAN PAR GYUR CIG ,BDE BA DANG LDAN PAR BYA'O SNYAM PA'I RNAM PA CAN NO, ,BYAMS PA BSGOM PA'I PHAN YON NI, TING NGE 'DZIN RGYAL PO LAS, BYE BA KHRAG KHRIG DKRIGS PA'I 'JIG RTEN NA, ,MCHOD PA RNAM MANG DPAG MED JI SNYED PA, ,SKYES MCHOG RNAMS LA NYIN RE RTAG MCHOD PAS, ,BYAMS PA'I SEMS LA GRANGS DANG CHAR MI PHOD, CES DANG ,SANGS RGYAS DBANG PHYUG RGYAL PO'I 'JIG RTEN GYI KHAMS KYI SEMS CAN RNAMS 'GOG PA LA SNYOMS PAR 'JUG PA'I BDE BA DANG LDAN CING, ZHING DER LO BYE BA BRGYA STONG DU TSANGS PAR SPYOD PA SPYAD PA BAS, ZHING 'DIR SE GOL GTOG PA'I YUN TZAM BYAMS PA'I TING NGE 'DZIN BSGOMS NA DE LAS BSOD NAMS CHES 'PHEL BAR GSUNGS PA DANG, RIN CHEN PHRENG BA LAS, BYAMS PA SGOM PA'I GANG ZAG LA LHA DANG MI RNAMS DGA' BAR 'GYUR BA DANG, SRUNG BA CHEN POR 'GYUR PA LA SOGS

, ,PA'I PHAN YON GSUNGS SO, ,BSGOM PA'I RIM PA NI, DANG POR RANG GI MA LA, DE LA 'BYONGS NAS PA LA SOGS PA'I MDZA' BSHES LA, DE NAS BAR MA LA, DE NAS DGRA CHUNG 'BRING CHE GSUM RIM BZHIN; DE NAS SEMS CAN THAMS CAD LA RIM GYIS KHYAB PAR BSGOM, SGOM TSUL NI, YID 'ONG GI DRIN CAN GYI MA RNAMS BDE BAS PHONGS TSUL BSAMS NAS, 'DI RNAMS BDE BA DANG LDAN NA, BDE BA DANG LDAN PAR GYUR CIG, BDE BA DANG LDAN PAR BYA'O SNYAM DU BSGOM, BLO DE SKYES PA'I TSAD NI, MA BU GCIG PA CHUNG DU LA BDE BA DANG LDAN 'DOD KYI BLO RANG GI NGANG GIS 'BYUNG BA BZHIN DU, SEMS CAN THAMS CAD LA BDE BA DANG LDAN 'DOD KYI BLO RANG GI NGANG GIS 'BYUNG BA'O, ,GNYIS PA NI, SDUG BSNGAL GYIS MNAR BA'I SEMS CAN RNAMS SO, ,RNAM PA 'DI RNAMS SDUG BSNGAL DANG BRAL NA, SDUG BSNGAL DANG BRAL BAR GYUR CIG, SDUG BSNGAL DANG BRAL BAR BYA'O SNYAM PA RNAMS SO; ;PHAN YON NI SNGAR DANG 'DRA ZHING BSGOM PA'I RIM PA'ANG 'DRA'O, ,SGOM TSUL NI, SEMS CAN RNAMS SDUG BSNGAL GYIS MNAR BA'I TSUL BSAMS NAS, 'DI RNAMS SDUG BSNGAL DANG BRAL NA, SDUG BSNGAL DANG BRAL BAR GYUR CIG, SDUG BSNGAL DANG BRAL BAR BYA'O SNYAM DU BSGOM, SNYING RJE CHEN PO SKYES PA'I TSAD NI, MA BU GCIG PA CHUNG DU NA BA NA SDUG BSNGAL DANG BRAL 'DOD KYI BLO RANG GA DANG GIS SKYE BA BZHIN DU SEMS CAN THAMS CAD LA SDUG BSNGAL

DANG BRAL 'DOD KYI BLO RANG GI NGANG GIS SKYE BA'O, ,GSUM PA NI, BDE BAS PHONGS PA DANG, SDUG BSNGAL GYIS MNAR BA'I SEMS CAN RNAMS LA DMIGS NAS, 'DI RNAMS JI LTAR BDE BA DANG LDAN PAR BYA, JI LTAR SDUG BSNGAL DANG BRAL BAR BYA, BDE BA DANG LDAN PA DANG, SDUG BSNGAL DANG BRAL BA DE BDAG GIS BYA'O SNYAM PA'I RNAM PA CAN NO, ,GNYIS BA BYANG CHUB DON GNYER GYI BLO BA SKYED PA NI, BDAG GIS SEMS CAN THAMS CAD KYI DON BSGRUB DGOS LA, SANGS RGYAS MA GTOGS PAS SGRUB MI NUS PAR MTHONG NAS, BDAG GIS SEMS CAN THAMS CAD KYI DON DU YANG DAG PAR RDZOGS PA'I SANGS RGYAS KYI GO 'PHANG THOB PAR BYA'O SNYAM DU SEMS BSKYED PA'ANG YIN MOD, SANGS RGYAS KYI SKU DANG GSUNG DANG THUGS DANG 'PHRIN LAS KYI YON TAN BSAMS NAS DAD PA BSKYED NAS SANGS RGYAS DON GNYER GYI BLO SKYED PA DANG, RANG DON MTHAR THUG PA THOB PA LA YANG SANGS RGYAS THOB DGOS PAR MTHONG NAS, SANGS RGYAS DON GNYER GYI BLO SKYED PA'O, ,GSUM PA SBYANGS PA'I 'BRAS BU SEMS SKYED NGOS GZUNG BA NI, BDAG GIS SEMS CAN THAMS CAD KYI DON BYA'O SNYAM PA TZAM GYIS KYANG THEG CHEN SEMS SKYID KYI MTSAN NYID YONGS SU RDZOGS PA MIN TE, DES CHED DU BYA BA GZHAN DON LA DMIGS KYANG, THOB BYA BYANG CHUB LA MA DMIGS PA'I PHYIR, BDAG GIS YANG DAG PAR RDZOGS PA'I SANGS RGYAS KYI GO 'PHANG THOB PAR YA'O SNYAM PA TZAM GYIS KYANG THEG CHEN SEMS

, ,SKYED KYI MTSAN NYID YONGS SU RDZOGS PA MIN TE, DES THOB BYA BYANG CHUB LA DMIGS KYANG CHED DU BYA BA GZHAN DON LA MA DMIGS PA'I PHYIR, DES NA BDAG GIS SEMS CAN THAMS CAD KYI DON DU SANGS RGYAS KYI GO 'PHANG THOB PAR BYA'O SNYAM PA'I SEMS MYONG BA KHYAD PAR CAN SKYES PA DE'I TSE THEG CHEN SEMS SKYED MTSAN NYID TSANG BA SKYED PA'O, ,DE SKAD DU'ANG, MNGON RTOGS RGYAN LAS, SEMS SKYED PA NI GZHAN DON PHYIR,, YANG DAG RDZOGS PA'I BYANG CHUB 'DOD, CES GSUNGS PA LTAR RO, ,DBYE NA, SPYOD 'JUG LAS, BYANG CHUB SEMS DE MDOR BSDU NA, ZHES SOGS SHLOO KA GNYIS GSUNGS PA LTAR, THEG CHEN GYI SMON PA SEMS SKYED DANG, THEG CHEN GYI 'JUG PA SEMS SKYED GNYIS SA, ,DE GNYIS KYI KHYAD PAR YANG, THEG CHEN SEMS SKYED YIN PA GZHIR BYAS NAS, SBYIN PA LA SOGS PA'I SPYOD PA LA SLOB KYANG 'DRA, MI SLOB KYANG 'DRA, 'JUG SDOM MA BZUNGS PAR SMON PA SEMS SKYED DANG, DE BZUNGS PA 'JUG PA SEMS SKYED KYI MTSAN NYID YIN TE, SGOM RIM DANG PO LAS, 'GRO BA MTHA' DAG LA PHAN PA'I PHYIR SANGS RGYAS SU GYUR CIG, CES, GANG THOG MAR DON DU GNYER BA DE NI, SMON PA'I SEMS SO, ,GANG YAN CHAD SDOM PA BZUNGS NAS TSOGS RNAMS LA ZHUGS PA DE NI, 'JUG PA'I SEMS SO, ZHES GSUNGS SO, ,GNYIS PA BDAG GZHAN BRJE BA'I RIM PA LA BLO SBYANGS PA'I SGO NAS BSKYED PA LA

BDAG GZHAN BRJES PA'I PHAN YON, MA BRJES PA'I NYES DMIGS, BDAG GZHAN BRJE BA'I BLO GOMS NA BSKYED PAR NUS PA, BDAG GZHAN BRJE BA BSGOM PA'I RIM PA DNGOS DANG GSUM LAS, DANG PO NI, DANG PO NI, RANG GCES PAR 'DZIN PA RGUD PA THAMS CAD KYI 'BYUNG GNAS DANG, GZHAN GCES PAR 'DZIN PA PHUN SUM TSOGS PA THAMS CAD KYI 'BYUNG GNAS YIN TE, SPYOD 'JUG LAS, GANG ZHIG BDAG DANG GZHAN RNAMS NI, ,MYUR DU BSKYA BA PAR 'DOD PA DES, , BDAG DANG GZHAN DU BRJE BYA BA, ,GSANG BA'I DAM PA SPYAD PAR BYA, ZHES DANG, 'JIG RTEN BDE BA JI SNYED PA, ,DE KUN GZHAN BDE 'DOD LAS BYUNG, ,'JIG RTEN SDUG BSNGAL JI SNYED PA, ,DE KUN RANG BDE 'DOD LAS BYUNG, ,MANG DU BSHAD LTA CI ZHIG DGOS, ,BYIS PA RANG GI DON BYED DANG, ,THUB PA GZHAN GYI DON MDZAD PA, ,'DI GNYIS KYI NI KHYAD PAR LTOS, ZHES DANG, BDAG BDE GZHAN GYI SDUG BSNGAL DAG ,YANG DAG BRJE BA MA BYAS NA, ,SANGS RGYAS NYID DU MI 'GRUB CING, ,'KHOR BA NA YANG BDE BA MED, CES GSUNGS SO, ,GNYIS PA NI, RANG GCES PAR 'DZIN PA SPANGS NAS, GZHAN GCES PAR 'DZIN PA YIN TE, RANG GCES PAR 'DZIN PA RGUD PA THAMS CAD KYI 'BYUNG GNAS DANG, GZHAN GCES PAR 'DZIN PA PHUN SUM TSOGS PA THAMS CAD KYI 'BYUNG GNAS YIN PA'I PHYIR, KHO NA RE, DE YIN KYANG DE LTA BU'I BLO SKYE DKA' BAS GOMS PAR BYED MI NUS SO ZHE NA, DE SKYE DKA' YANG

, ,BSGOMS PAR BYAS NA BSKYED NUS TE, BLO GOMS PA'I RJES SU 'JUG PA'I PHYIR TE, DE SKAD DU YANG, DKA' LAS PHYIR BZLOG MI BYA STE, ,'DI LTAR GOMS PA'I MTHU YIS NI, ,GANG GIS MING THOS 'JIGS PA YANG, ,DE NYID MED NA MI DGA' 'GYUR, ZHES SNGAR RANG GI DGRA BYED PA'I MING THOS PAS 'JIGS PA CIG, PHYIS DE DANG MTHUN PAR BYAS PA NA DE NYID MED NA MI DGA' BAR 'GYUR BA BZHIN NO, ,DES NA RANG GCES PAR BZUNGS NAS RANG GI BDE BA SGRUB CING SDUG BSNGAL SEL BA LTAR DU, GZHAN GCES PAR BZUNGS NAS GZHAN GYI BDE BA SGRUB CING SDUG BSNGAL SEL RIGS TE, RANG GZHAN THAMS CAD BDE BA 'DOD CING SDUG BSNGAL MI 'DOD PAR MTSUNGS PA'I PHYIR, KHO NA RE, GZHAN GYI SDUG BSNGAL BDAG GIS SEL MI DGOS TE DES PDAG LA MI GNOD PA'I PHYIR, GZHAN GYI BDE BA BDAG GIS SGRUB MI DGOS TE DES BDAG LA MI PHAN PA'I PHYIR DANG, BDAG GI SDUG BSNGAL BDAG GIS SEL DGOS TE, DES BDAG LA GNOD PA'I PHYIR, BDAG GI BDE BA BDAG GIS SGRUB DGOS TE, DES BDAG LA PHAN PA'I PHYIR ZER NA, 'O NA TSE PHYI MAR BDAG BDE BA'I PHYIR DU TSE 'DIR DGE BA SGRUB PA DANG, PHYI MAR SDUG BSNGAL BSAL BA'I PHYIR DU TSE 'DIR MI DGE BA SPONG BA DON MED PAR THAL, TSE PHYI MA'I BDAG GI BDE SDUG GIS CHE 'DIR BDAG LA PHAN GNOD MED PA'I PHYIR TE, TSE 'DI'I BDAG YOD PA'I DUS NA TSE PHYI MA'I BDAG MA SKYES

TSE PHYI MA'I BDAG SKYES PA'I TSE, TSE 'DI'I BDAG 'GAGS NAS MED PA'I PHYIR DANG, GZHAN YANG RKANG PA'I SDUG BSNGAL LAG PAS SEL BA MI 'THAD PAR THAL, RKANG PA'I SDUG BSNGAL GYIS LAG PA LA MI GNOD PA'I PHYIR, KHO NA RE, MI MTSUNGS TE, BDAG SNGA PHYI RGYUD GCIG CING RKANG LAG GNYIS TSOGS PA GCIG PA'I PHYIR ZHE NA, DE YANG RGYUD DANG TSOGS PA CES BYA BA YANG BDEN PAR GRUB PA CUNG ZAD KYANG MED DE, RGYUD SKAD CIG SNGA PHYI LA BLTOS PA DANG, TSOGS PA YANG TSOGS PA CAN LA BLTOS NAS 'JOG PA'I PHYIR RO, ,'O NA BDAG DANG GZHAN DU BRJE BYA BA, ZHES BSHAD PA'I BDAG GZHAN BRJE BA'I DON DE GANG ZHE NA, GANG ZAG GZHAN LHA SBYIN LTA BU LA 'DI BDAG GO SNYAM PA DANG, DE'I MIG LA SOGS PA LA BDAG GI'O SNYAM DU 'DZIN PA NI MA YIN GYIS, SNGAR RANG LA GCES PAR 'DZIN PA DANG, GZHAN YAL BAR 'DOR BA'I BLO YOD PA DE GNYIS GO BRJES NAS GZHAN GCES PAR 'DZIN CING RANG YAL BAR 'DOR BA'I BLO SKYED PA'O, ,BDAG BDE GZHAN GYI SDUG BSNGAL BRJE BA'I DON YANG, GZHAN GCES PAR BZUNGS NAS GZHAN GYI BDE BA SGRUB CING SDUG BSNGAL SEL BA DANG, RANG YAL BAR DOR NAS RANG GI SDUG BSNGAL MI SEL ZHING BDE BA MI SGRUB PA'I DON TO, ,GSUM PA LA, LE LAN THAMS CAD GCIG LA BDA', NAS, RANG GCES PAR 'DZIN PA SPONG BA DANG, KUN LA BKRA DRIN CHE BAR BSGOMS NAS, GZHAN GCES PAR 'DZIN PA'I BLO BSKYED PA DANG,

, ,DE LA BRTEN NAS BDAG GZHAN BRJE BA BSGOM TSUL DNGOS SO, ,DANG PO LA RTZA TSIG TU, LE LAN THAMS CAD GCIG LA BDA', ZHES GSUNGS PAS RANG LA MI DANG MI MA YIN GYI GNOD 'TSE DANG, 'JIGS PA DANG NA TSA LA SOGS PA'I SDUG BSNGAL CI BYUNG YANG GZHAN LA LE LAN MI 'DED PAR, RANG GCES 'DZIN KHO NA LA LE LAN BDA' BAR BYA STE, THOG MA MED PA NAS RANG GCES PAR BZUNGS PA LA BRTEN NAS BDAG GI BDE BA LA CHAGS PA DANG, DE LA BRTEN NAS BDAG GI BDE BA SGRUB CING SDUG BSNGAL BSAL BA'I PHYIR DU SGO GSUM GYI MI DGE BA'I LAS RNAM PA SNA TSOGS BYAS NAS 'DOD PA'I DON MA THOB CING MI 'DOD PA'I DON THOB PAR 'GYUR BA'I PHYIR, DE SKAD DU YANG, 'JIG RTEN DAG NA 'TSE BA GANG YOD DANG, ,'JIG DANG SDUG BSNGAL JI SNYED YOD GYUR PA, ,DE KUN BDAG TU 'DZIN PA LAS GYUR NA, ,'DRE CHEN DES KO BDAG LA CI ZHIG BYA, ZHES GSUNGS SO, ,THOG MA MED PA NAS RANG GCES PAR 'DZIN PAS SDUG BSNGAL GYI RGYU BYAS PAR MA ZAD, DA LTAR YANG SDUG BSNGAL THAMS CAD RANG GCES 'DZIN GYIS BSKYED PA YIN TE, RANG GCES PAR BZUNGS NAS BDAG GI BDE BA BSGRUB PA'I PHYIR DU GA-YO SGYU KHRAM GSUM LA SOGS PA'I MI DGE BA BSAGS PA LA BRTEN NAS 'KHON DANG RTZOD PA THAMS CAD 'BYUNG BA'I PHYIR, DA DUNG RANG GCES PAR 'DZIN PA MA SPANGS NA DE YIS MI DGE BA SNA TSOGS BSAGS NAS 'KHOR BA MTHA'

MED DU SDUG BSNGAL MYONG BAR 'GYUR BAS, DES NA RANG GCES PAR 'DZIN PA LA DGRA'I GTZO BOR BLTAS NAS CI NAS KYANG RANG GCES PAR 'DZIN PA SPANG BAR BYA'O, ,GZHAN YANG KHYOD RANG GCES PAR BZUNGS NAS BDAG GI BDE BA BSGRUB PA'I PHYIR DU BSKAL PA GRANGS MED 'DAS PAR GYUR KYANG NGAL BA CHEN PO DE LTA BUS KHYOD KYI SDUG BSNGAL 'BA' ZHIG BSGRUBS KYIS SANGS RGYAS MA THOB LA DANG PO NAS GZHAN GCES PAR BZUNGS NAS GZHAN GYI DON BSGRUBS NA DA TZAM SANGS RGYAS KYI GO 'PHANG THOB YOD PAS, SNGAR RANG LA GCES PAR BZUNGS NAS RANG GI BDE BA SGRUB CING SDUG BSNGAL SEL BAR BYAS PA LTAR, DA GZHAN GCES PAR BZUNGS NAS GZHAN GYI BDE BA SGRUB CING SDUG BSNGAL SEL BA LA 'JUG PAR BYA'O, ,GNYIS PA NI, KUN LA BKA' DRIN CHE BAR BSGOM TSUL NI, THOG MAR RANG GI RTZA BA'I MA LA DMIGS NAS, 'DIS THOG MA MED PA NAS MA BYAS, YANG DANG YANG DU BYAS, NAM BYAS RES KYIS PHAN BTAGS GNOD PA LAS BSKYABS PA'I DRIN CAN YIN PAS, BDAG GIS KYANG LAN DU PHAN BTAGS GNOD PA LAS BSKYAB PAR BYA ,GANG GIS PHAN NA, BDE BA DANG DGE BAS PHAN, DE YANG BDE BAS DNGOS SU PHAN, DGE BAS MTHONG CHOS DANG SKYES NAS DANG, LAN GRANGS GZHAN LA MYONG 'GYUR GYI 'BRAS BU YID DU 'ONG BA 'BYIN PAS BRGYUD NAS PHAN NO, ,GANG GIS GNOD NA SDIG PA DANG SDUG BSNGAL GYIS GNOD, DE YANG SDUG BSNGAL GYIS DNGOS SU GNOD CING, SDIG

, ,PAS 'BRAS BU YID DU MI 'ONG BA 'BYIN PAS BRGYUD NAS GNOD DO, ,DE LTAR BSGOMS NAS DE NAS RANG GI PHA LA SOGS PA'I MDZA' BSHES DANG, DE NAS BAR MA DANG, DE NAS DGRA BO DANG, DE NAS RIM GYIS SEMS CAN THAMS CAD LA KHYAB PAR BKA' DRIN CHE BAR BSGOM MO, ,RANG GCES 'DZIN SPANGS GZHAN GCES 'DZIN BSKYED NAS GTONG LEN SPEL MAR BSGOM PA LA THOG MAR LEN PA NI, GZHI GANG LA LEN NA SNOD BCUD LA LEN, GANG LEN NA DE DAG GI SKYON LEN, JI LTAR LEN NA SNOD KYI RDO BA DANG TSE RAM DANG, GSEG MA DANG, GYO MO DANG, GCOD RONG DANG, NGAM GROG DANG, DGUN DUS SU HA CANG GRANG DRAGS PA DANG, DBYAR HA CANG TSA DRAGS PA DANG, CHAR DUS SU MI 'BAB PA LA SOGS PA'I SKYON RNAMS SKYI GRIS BZHAR BA BZHIN DU SNOD KYI STENG DU YE MA LAS PAR RANG GI SNYING KHAR NAG PHUNG BYUNG NAS, GZHO BA RDOG PAS MNAN PA LTAR DU RANG GCES 'DZIN GYI 'GONG PO PHUNG BAR GYUR PA'I DMIGS PA BYED, DE NAS BCUD, DMYAL BA'I TSA GRANG GI SDUG BSNGAL DANG, DE'I TSE THOG MED NAS BSAGS PA'I SDIG PA DANG, DUD 'GRO'I GCIG LA GCIG ZA DANG, YI DVAGS KYI BKRES SKOM DANG, MI'I SKYE RGA NA 'CHI LA SOGS PA DANG, LHA MA YIN GYI 'THAB RTZOD DANG, 'DOD LHA'I 'CHI LTAS DANG NYE BA'I 'CHI LTAS KYI SDUG BSNGAL DANG, KHAMS GONG MA'I LHA'I KHYAB PA 'DU BYED KYI SDUG BSNGAL DANG, NYON SGRIB DANG, NYAN RANG GI SHES SGRIB DANG, SA BCU PA'I

BYANG SEMS KYI GNAS NGAN LEN GYI SGRIB PA LEN, YANG DAG PAR RDZOGS PA'I SANGS RGYAS DANG RTZA BA'I BLA MA LA MI LEN TE, DANG PO LA NI, SKYON LEN RGYU GTAN NAS MED LA, RTZA BA'I BLA MA SANGS RGYAS SU BSGOM LA, DE LTAR SGOM PA DANG SKYON LEN PA 'GAL BA'I PHYIR RO, ,'O NA BLA MA LA YANG TSEMS BUD BA DANG GNYER MA BYUNG BA DANG, SKRA DKAR BA DANG, GZUGS SGUR BA DANG, BSNYUNG BA LA SOGS PA'I SKYON 'DUG PA SNYAM NA, RANG GI YID MA DAG PA LA SNANG BA TZAM YIN GYI; DON GYI STENG NAS BLA MA LA DE LTA BU'I SKYON GANG LA YOD SNYAM DU BSGOM MO, ,DE YANG RES 'GA' TSA DMYAL BA LA BKAR NAS LEN, DE'I NANG NAS KYANG YANG SOS PA LA BKAR NAS LEN PA SOGS BYED, RES 'GA' SEMS CAN GYI SDIG PA DANG SDUG BSNGAL THAMS CAD LEN PA SOGS SBYI TZAM NAS BYED, YANG RES 'DOD CHAGS CAN GYI SEMS CAN RNAMS KYI 'DOD CHAGS LEN, RES 'GA' ZHE SDANG, GTI MUG, KHONG KHRO, NGA RGYAL, THE TSOM, PHRAG DOG SER SNA SOGS LEN, LEN TSUL SNGAR DANG 'DRA, GTONG BA LA GZHI GANG LA GTONG NA, SNOD BCUD LA, GANG GTONG NA, RANG GI BDE BA, LUS LONGS SPYOD, DUS GSUM GYI DGE BA'I RTZA BA THAMS CAD DANG, SANGS RGYAS DANG BYANG SEMS KYI BDE DGE THAMS CAD KYANG BTANG BAS CHOG STE, DE SEMS CAN LA BSNGOS PA YIN PA'I PHYIR, DE YANG LUS DANG LONGS SPYOD DA LTAR BA GTONG BA YIN GYIS, 'DAS PA'I LUS DANG LONGS SPYOD DANG, TSE PHYI MA'I LUS

, ,LONGS SPYOD GTONG BA MA YIN TE, 'DAS PA 'GAGS, MA 'ONGS PA MA SKYES PA'I PHYIR, 'O NA 'DAS MA 'ONGS KYI DGE RTZA YANG GTANG DU MI RUNG BAR THAL, 'DAS PA 'GAGS, MA 'ONGS PA MA SKYES PA'I PHYIR; ZHEN SKYON MED DE, 'DAS MA 'ONGS KYI DGE RTZA RANG GI NGO BO 'DAS MA 'ONGS PA DA LTA MA SKYES KYANG, SEMS RGYUD KYI STENG DU 'BRAS BU YID 'ONG 'BYIN NUS DANG, 'BYIN RUNG GI TSUL DU YOD PA DE GTONG BA YIN PA'I PHYIR, LUS LONGS SPYOD KYIS 'BRAS BU YID 'ONG 'BYIN NUS DANG 'BYIN RUNG MA YIN TE, LUNG MA BSTAN YIN PA'I PHYIR, GTONG TSUL LA, SNOD LA DE DAG BTANG BAS SNOD KYI SKYON THAMS CAD DANG BRAL NAS, BEEd'U RYA'I SA GZHI LA GSER GYI MIG MANG RIS SU BRIS PA SOGS DAG PA'I ZHING KHAMS SU GYUR PA'I DMIGS PA BYED, BCUD LA YANG THOG MAR RTZA BA'I MA LA GTONG, DE NAS PHA LA SOGS PA'I SEMS CAN THAMS CAD LA RIM GYIS GTONG, DE YANG RES 'GA' TSA DMYAL GYI SEMS CAN RNAMS LA GTONG PA SOGS BYED, NYAN RANG DGRA BCOM DANG, SA BCU PA'I BYANG SEMS LA YANG BTANG BAS, DE DAG SHES SGRIB SPANGS PA'I BDE BA DANG LDAN NAS SANGS RGYAS PA'I DMIGS PA BYED, SANGS RGYAS DANG RANG GI RTZA BA'I BLA MA LA YANG BTANG BAS THUGS KYI DGONGS PA RDZOGS PAR GYUR, THUGS KYI DGONGS PA YANG SEMS CAN THAMS CAD BDE BA THAMS CAD DANG LDAN PA DANG, SDUG BSNGAL THAMS CAD DANG BRAL BA DE YIN PAS DE

LTAR GYUR PA'I DMIGS PA BYED DO, ,RTZA TSIG TU, GTONG LEN GNYIS PO SPEL MAR BSGOM, ZHES DANG, RTZA TSIG KHA CIG TU, DNGOS GZHI GTONG LEN SPEL MAR BSGOM, ,LEN PA'I GO RIMS RANG NAS BRTZAM, ZHES 'BYUNG BAS; DA LTA RANG LA NA TSA LA SOGS PA'I SDUG BSNGAL DANG, 'DOD CHAGS LA SOGS PA'I NYON MONGS PA RGYUD THOG TU BYUNG BA'I TSE, TSE PHYI MA PHAN CHANG DU 'BYUNG RGYU RNAMS YE MA LAS PA DA LTA'I RGYUD THOG TU SMIN PA'I DMIGS PA BYAS NAS DGA' BA BSGOM, DE BYANG NAS RANG GI RTZA BA'I MA MDUN DU GSAL PAR DMIGS NAS, 'DIS THOG MA MED PA NAS MA BYAS, YANG DANG YANG DU BYAS, NAM BYAS RES KYIS PHAN BTAGS, GNOD PA LAS BSKYABS PA'I DRIN CAN YIN, DER MA ZAD DA LTAR GYI GNAS SKABS SU MDAL DU YUN RING DU BZUNGS NAS BRTZE BAS BSKYANGS, BTZAS PA'I TSE SNGAR LTAR BRTZE BAS BSKYANGS, YANG DAG PAR RDZOGS PA'I SANGS RGYAS KYI GO 'PHANG THOB PA'I THABS SU GYUR PA'I DAM PA'I CHOS NYAN PAS CHOG PA'I DAL 'BYOR GYI MI LUS RIN PO CHE THOB PA YANG MA'I DRIN YIN, DER MA ZAD MA 'ONGS PAR YANG 'DIS BDAG GI MA BYAS NAS BRTZE BAS SKYONG BAS DRIN SHIN TU CHE, DE'I LAN DU BDAG GIS KYANG PHAN GDAGS PA DANG, GNOD PA LAS BSKYAB PAR BYA, GANG GIS GNOD NA SDIG PA DANG SDUG BSNGAL GYIS GNOD, DE YANG SDUG BSNGAL GYIS DNGOS SU GNOD CING, SDIG PAS BRGYUD NAS GNOD PAS 'DI'I SDIG PA DANG SDUG

, ,BSNGAL THAMS CAD BSAL BAR BYA'O, ,GANG GIS PHAN NA BDE PA DANG DGE BAS PHAN, DE YANG BDE BAS DNGOS SU PHAN CING, DGE BAS BRGYUD NAS PHAN PAS, 'DI DGE BA DANG BDE BA THAMS CAD DANG LDAN PAR BYA SNYAM PA'I BLO SHUGS DRAG BSKYED NAS, MA'I SDIG PA DANG SDUG BSNGAL THAMS CAD SKYI GRIS BZHAR BA BZHIN DU RGYUD THOG TU YE MA LAS PAR RANG GI SNYING KHAR NAG PHUNG BYUNG BAS, MA SDUG BSNGAL THAMS CAD DANG BRAL, RANG GCES 'DZIN BCOM, DE NAS RANG GI BDE BA DANG DGE BA THAMS CAD RANG GI RGYUD LA MA LUS PAR MA'I RGYUD THOG TU SIM PAS, MA BDE BA THAMS CAD DANG LDAN NAS SANGS RGYAS PAR GYUR PA'I DMIGS PA BYED, DE YANG THOG MAR DMIGS SKOR LNGA DRUG TZAM BYAS KYIN SBYONG, DE BYANG NAS RANG GI PHA LA SOGS PA'I MDZA' BSHES MDUN DU GSAL BAR DMIGS TE, 'DIS THOG MA MED PA NAS MA BYAS SNYAM PA SOGS KYI BLO BSKYED NAS SNGAR LTAR SBYONG NGO, ,RTZA TSIG HU, 'BYONGS NAS RLUNG LA BSKYON PAR BYA, ZHES GSUNGS PAS, DE LTAR 'BYONGS NAS RLUNG LA BSKYON NAS BSGOM PAR BYA STE, DE YANG RLUNG SNA BUG TU NANG DU 'JUG PA'I TSE MA'I SDIG PA DANG SDUG BSNGAL THAMS CAD RLUNG LA ZHON NAS RANG GI SNYING STENG DU NAG PHUNG BYUNG NAS, MA SDUG BSNGAL THAMS CAD DANG BRAL, RANG GCES 'DZIN GZHOB RDOG PAS MNAN PA BZHIN DU BCOM, RLUNG NANG DU 'JUG PA'I YUN TZAM SNYING KHAR GNAS SU BCUG, DE NAS RLUNG PHYIR LA 'GRO BA'I TSE

RANG GI BDE DGE THAMS CAD YE MA LAS PAR MA'I RGYUD THOG TU SIM PAS, MA BDE BA THAMS CAD DANG LDAN NAS SANGS RGYAS PA'I DMIGS PA BYED, SNGAR LTAR DMIGS SKOR NYUNGS SE NYUNGS SE BYAS NAS LEGS PAR SBYONG, RES 'GA' 'BYONGS PA NA SNYING KHAR RLUNG GNAS PA YUN RING DU GTONG, DE LTAR BYAS PAS TING NGE 'DZIN SKYE SLA BA'I YON TAN YOD, RLUNG LA BSKYON PA MA GTOGS SNGA MA DANG KHYAD MED, KHYAD PAR DU RANG GI GNOD BYED LTA BU LA DMIGS NAS SGOM NA, DE RANG GI MDUN DU GSAL BAR DMIGS NAS, 'DIS THOG MA MED PA NAS BDAG GI MA BYAS PA SOGS KYI BLO BSKYED NAS SNGAR LTAR DE'I SDIG SDUG BSAM NGAN SBYOR RTZUB THAMS CAD DE'I RGYUD THOG TU YE MA LAS PA'I DMIGS PA BSGOM, THUN 'JOG PA'I TSE CI YANG MI DMIGS PA'I NGANG LA 'JOG, STONG NYID KYI LTA BA RGYUD LA YOD NA NI, RANG BZHIN GYIS GRUB PAS STONG PA'I NGANG LA 'JOG, DE YANG RANG GI LUS LONGS SPYOD GTONG BA YANG, LUS SHA KHRAG MI 'DOD PA RNAMS LA LUS GANG LA GANG 'DOD KYI YID BZHIN GYI NOR BUR SONG BA'I DMIGS PA BYAS NAS GTONG, SHA KHRAG 'DOD PA RNAMS LA NI, SHA KHRAG BTANG BAS KYANG CHOG, RLUNG LA BSKYON NAS BSGOMS PAS RNAM RTOG BCAD NAS TING NGE 'DZIN GRUB PA'I DGOS PA YOD, RLUNG LA BSKYON NAS THOG MAR LEN PA DANG, DE NAS GTONG BA BSGOMS, PA LA DGOS PA YOD DE, SKYE BA'I TSE RLUNG NANG DU 'JUG PA DANG, 'CHI BA'I TSE RLUNG PHYIR LA 'GRO BAS SKYE 'CHI LA BLO 'DRIS PA DANG, 'DUS BYAS MI RTAG PAR RTOGS

, ,PA'I CHED YOD PA'I PHYIR, SEMS CAN GYI SDUG BSNGAL RANG LA LEN PA DANG, RANG GI BDE BA SEMS CAN LA GTONG BA'I DMIGS PA BSGOMS PA LA DGOS PA MED DE, DE LTAR BSGOMS PAS SEMS CAN GYI SDUG BSNGAL RANG GI RGYUD THOG TU 'BYUNG BA DANG, RANG GI BDE BA SEMS CAN THAMS CAD KYI RGYUD THOG TU GTONG MI NUS PA'I PHYIR ZHE NA, RTZA TSIG TU, RTZIGS SU MA CHE RNAMS RTOG SPONGS, ,RABS BDUN LA SOGS DPE LTA MANG, ,MDZA' BO'I BU MO'I GTAM RGYUD SOGS, ,MAN NGAG 'DI YI GLENG GZHI YIN, ZHES GSUNGS PAS SKYON MED DE, DON LA GTONG LEN DE LTA BU BYED MI NUS KYANG, DE LA YANG DAG PAR RDZOGS PA'I SANGS RGYAS KYI GO 'PHANG THOB PAR BYED PA'I PHAN YON CHEN PO YOD PA'I PHYIR, DPER NA, BDAG CAG GI STON PA LA SOGS PA'I SANGS RGYAS RNAMS KYIS BDAG GZHAN BRJE BA'I BLO SBYANGS PA LA BRTEN NAS SANGS RGYAS KYI GO 'PHANG MNGON DU MDZAD PA DANG, KHYAD PAR DU BDAG CAG GI STON PA DED DPON MDZA' BO'I BU MOR 'KHRUNGS PA'I TSE, BDAG GZHAN BRJE BA'I BLO THUGS RGYUD LA 'KHRUNGS PA'I GTAM RGYUD BZHIN NO, ,RTZA TSIG TU, YUL GSUM DUG GSUM DGE RTZA GSUM, ,RJES KYI MAN NGAG MDOR BSDUS PA, ,SPYOD LAM KUN TU TSIG GIS SBYANGS, ZHES GSUNGS PAS, MNYAM GZHAG TU BDAG GZHAN BRJE BA BSGOMS PA'I RJES THOB TU, RANG NYID LA YUL YID DU 'ONG BA LA DMIGS NAS 'DOD CHAGS SKYES BYUNG NA,

'JIG RTEN GYI KHAMS NA YUL YID DU 'ONG PA LA DMIGS NAS 'DOD CHAGS SKYES PA MANG PO YOD PAS, DE THAMS CAD KYI 'DOD CHAGS BDAG LA SMIN PAR GYUR CIG SNYAM DU, DE'I 'DOD CHAGS RNAMS YE MA LAS PAR RANG GI SNYING STENG DU BYUNG NAS, RANG GCES 'DZIN BCOM, DE 'DOD CHAGS MED PA'I DGE BA'I RTZA BA DANG LDAN PA'I DMIGS PA BYED, DES GZHAN GNYIS LA YANG 'GRE STE, BLA MA'I RNAL 'BYOR NAS 'DI'I PAR GYI RJES KYI SPYOD LAM KUN TU, DAL 'BYOR 'DI NI RNYED PA SHIN TU DKA', ZHES SOGS DANG, BDAG LA DE DAG SDIG SMIN CING, BDAG DGE MA LUS DER SMIN SHOG, CES DANG, BDAG BDE GZHAN GYI SDUG BSNGAL DAG ,CES SOGS TSIG GIS SPYANG NGO, ,DE LTAR SBYANGS PAS GZHAN KHA ZER BA'I DGAG BYA 'DUG NA, 'OG NAS, 'DUN PA BSGYUR LA RANG SOR GZHAG ,CES 'BYUNG BA LTAR DU YID LA SBYANGS NAS LUS NGAG GI SPYOD PA RANG SOR GZHAG GO ,BDAG GZHAN BRJE BA'I RIM PA BSGOM PA 'DI LA RGYU 'BRAS BDUN MA NAS BSHAD PA'I, MAR SHES LHAG BSAM GYI BAR TSANG LA LHAG DANG BCAS PA YIN TE, SEMS CAN THAMS CAD LA DMIGS NAS 'DIS BDAG GI MA BYAS SNYAM PAS MAR SHES TSANG, NAM BYAS RES KYIS PHAN BTAGS GNOD PA LAS BSKYABS SNYAM PAS DRIN DRAN PA TSANG, LAN DU BDAG GIS KYANG PHAN PA SGRUB, GNOD PA LAS SKYOB SNYAM PAS DRIN DU GZO BA TSANG, 'DI LA GANG GIS PHAN NA BDE BA DANG DGE BAS PHAN PAS, 'DI

, ,BDE BA THAMS CAD DANG LDAN PAR BYA'O SNYAM PAS BYAMS PA TSANG, 'DI LA GANG GIS GNOD NA SDIG PA DANG SDUG BSNGAL GYIS GNOD PAS, 'DI'I SDIG PA DANG SDUG BSNGAL THAMS CAD BSAL BAR BYA'O SNYAM PAS SNYING RJE TSANG, BDE BA DANG LDAN PA DANG, SDUG BSNGAL DANG BRAL BA DE BDAG GIS BYA'O SNYAM PAS LHAG BSAM TSANG BAS KHYAD PAR 'PHAGS SO, ,RTZA TSIG TU, SANGS RGYAS SGRUB SNYAM SMON PA'I SEMS, ,LEGS PAR GOMS PA MTHAR PHYIN BYA, ZHES GSUNGS PAS, BDAG GZHAN BRJE BA'I RIM PA LA BLO SBYANGS PAS, SEMS CAN THAMS CAD BDE BA DANG LDAN PA DANG, SDUG BSNGAL DANG BRAL BAR BYA 'DOD SKYES PA'I TSE, BDAG GIS SEMS CAN THAMS CAD KYI DON BYED PAR NUS SAM MI NUS DBYAD PA NA, BDAG GI DA LTA'I LUS 'DIS SEMS CAN GCIG GI DON YANG BYED MI NUS NA, SEMS CAN THAMS CAD KYI DON LTA SMOS KYANG CI DGOS, DER MA ZAD RANG GI DON YANG JI LTA BA BZHIN DU MI NUS NA; GZHAN GYI DON LTA CI SMOS, DER MA ZAD NYAN RANG DGRA BCOM PA'I GO 'PHANG THOB KYANG SEMS CAN NYUNG SHAS SHIG THAR PA'I BDE BA LA 'GOD NUS KYANG, SPANG RTOGS KYI YON TAN PHYOGS RE BA YIN PAS, SEMS CAN THAMS CAD KYI DON RDZOGS PAR BYED MI NUS LA, GANG GIS BYED NUS SNYAM NA, YANG DAG PAR RDZOGS PA'I SANGS RGYAS KYI GO 'PHANG THOB NAS DE BYED NUS TE, DPER NA 'OD ZER SNA RE TZAM BKYE BA DANG, RDZU 'PHRUL SNA RE TZAM BSTAN PA DANG,

CHOS SNA RE TZAM GSUNGS PAS KYANG SEMS CAN DPAG TU MED PA SMIN GROL GYI LAM LA 'GOD PAS, DES NA SANGS RGYAS MA THOB BAR SEMS CAN THAMS CAD KYI DON BYED MI NUS, THOB NAS NUS PAS BDAG GIS SEMS CAN THAMS CAD KYI DON DU YANG DAG PAR RDZOGS PA'I SANGS RGYAS KYI GO 'PHANG THOB PAR BYA'O SNYAM DU SMON PA BYANG CHUB KYI MCHOG TU SEMS BSKYED PAR BYA, DE NAS 'JUG PA'I BSLAB BYA RNAMS SROG BSDOS BYAS NAS SLOB NUS NA 'JUG PA'I SDOM PA BZUNGS NAS, 'JUG PA BYANG CHUB KYI MCHOG TU SEMS BSKYED PAR BGYI'O, ,SEMS DE SKYES PA'I TSAD NI, SEMS CAN THAMS CAD KYI DON DU YANG DAG PAR RDZOGS PA'I SANGS RGYAS KYI GO 'PHANG THOB PAR BYA'O SNYAM PA'I BLO RANG GI NGANG GIS 'BYUNG BA NI, SKYES PA'I TSAD DO, ,BZHI PA SEMS BSKYED TSOGS GZUNG BA'I TSUL LA, SEMS BSKYED MA THOB PA THOB PAR BYED PA'I THABS, THOB PA MI NYAMS PAR SRUNG BA'I THABS, NYAMS NA PHYIR BCOS PA'I THABS DANG GSUM LAS, DANG PO LA, GANG LA BLANG BA'I YUL, GANG GIS LEN PA'I RTEN, JI LTAR LEN PA'I CHO GA DANG GSUM, DANG PO NI, DGRA LAS RNAM RGYAL GYIS, DGE BA'I BSHES GNYEN BYANG CHUB SEMS DPA'I SDOM PA DANG LDAN PA'I THAD DU SONG NAS ZHES GSUNGS PAS, DGE BA'I BSHES GNYEN BYANG CHUB SEMS DPA'I SDOM PA DANG LDAN PA'I DRUNG DU LEN, GNYIS PA NI, BSAM PA DANG LUS KYI SGO NAS SMON SEMS SKYED RUNG BA'I LHA LA SOGS PA YANG SEMS SKYED SKYE BA'I RTEN DU RUNG MOD, 'DIR NI,

, ,LAM GYI RIM PA LA BLO SBYANGS PA'I SGO NAS SEMS SKYED LA MYONG BA CUNG ZAD THON PA'I GANG ZAG CIG GIS LEN NO, ,GSUM PA LA SBYOR BA'I CHO GA, DNGOS GZHI'I CHO GA, MJUG GI CHO GA'O, ,DANG PO LA SKYABS 'GRO KHYAD PAR BA BYA BA, TSOGS GSOG PA, BSAM PA SBYANG BA'O, ,DANG PO LA, GNAS BRGYAN CING RTEN DGRAM STE MCHOD PA BSHAM PA, GSOL BA BTAB NAS SKYABS SU 'GRO BA, SKYABS 'GRO'I BSLAB BYA BRJOD PA'O, , DANG PO NI, GNAS KHANG SKYANG NUL DANG, BA BYUNG LNGAS BYUGS, DRI BZANG POS BYUGS PA DANG ME TOG SIL MA BKRAM PA BYAS, SANGS RGYAS KYI SKU GZUGS DANG, CHOS SDUD PA LTA BU'I GLEGS BAM DANG, BYANG SEMS 'PHAGS PA'I SKU GZUGS MTSAN NYID PA'I RTEN KHRI DANG KHRI'U LA SOGS PA'I STENG DU BZHUGS SU SOL TE, DGE BA'I BSHES GNYEN GYI GDAN YANG BSHAM, ME TOG DANG BDUG SPOS LA SOGS PA'I MCHOD PA DANG, MAndAL PHUL LA, GNYIS PA NI, BLA MA LA SANGS RGYAS SU MOS PA BYAS, PUS MO BTZUGS, THAL MO SBYAR NAS GSOL BA GDAB PA NI, JI LTAR SNGON GYI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS DANG, SA CHEN PO LA RAB TU BZHUGS PA'I BYANG CHUB SEMS DPA' CHEN PO RNAMS KYIS BLA NA MED PA YANG DAG PAR RDZOGS PA'I BYANG CHUB TU THUGS BSKYED PA DE BZHIN DU, BDAG MING 'DI ZHES BGYI BA YANG SLOB DPON GYIS BLA NA MED PA YANG DAG PAR RDZOGS

PA'I BYANG CHUB TU SEMS BSKYED DU GSOL ZHES LAN GSUM RJES ZLOS BYED DO, ,SKYABS SU 'GRO BA NI, DUS 'DI NAS BZUNGS TE JI SRID BYANG CHUB SNYING PO LA MCHIS KYI BAR DU SEMS CAN THAMS CAD BSKYAB PA'I PHYIR DU, SANGS RGYAS LA SKYABS STON PA DANG, CHOS LA SKYABS DNGOS, DGE 'DUN LA SKYABS SGRUB PA'I GROGS SU YID CHES PAR BYAS TE, SLOB DPON DGONGS SU GSOL, BDAG MING 'DI ZHES BGYI BA DUS 'DI NAS BZUNGS TE JI SRID BYANG CHUB SNYING PO LA MCHIS KYI BAR DU, RKANG GNYIS RNAMS KYI MCHOG, SANGS RGYAS RNAMS LA SKYABS SU MCHI'O, ,CHOS RNAMS KYI MCHOG, ZHI BA 'DOD CHAGS DANG BRAL BA'I CHOS RNAMS LA SKYABS SU MCHI'O, ,TSOGS RNAMS KYI MCHOG, BYANG CHUB SEMS DPA' 'PHAGS PA PHYIR MI LDOG PA'I DGE 'DUN RNAMS LA SKYABS SU MCHI'O, ZHES LAN GSUM BRJOD, SLOB DPON DGONGS GSOL NAS MCHIS KYI BAR DU ZHES PA PHYI MA GNYIS LA'ANG SBYAR, GSUM PA NI, SLOB DPON GYIS SNGAR BSHAD PA'I SKYABS 'GRO'I BSLAB BYA RNAMS BRJOD PAR BYA'O, ,GNYIS PA TSOGS GSAG PA NI, RTZA BRGYUD KYI BLA MA RNAMS DANG, SANGS RGYAS BYANG CHUB SEMS DPA' RNAMS LA, JI SNYED SU DAG PHYOGS BCU'I 'JIG RTEN NA, ZHES SOGS BZANG SPYOD NAS 'BYUNG BA'I YAN LAG BDUN PA 'BUL LO, ,GSUM PA BSAM PA SBYANG BA NI, SEMS CAN THAMS CAD BDE BA DANG LDAN 'DOD KYI BYAMS PA DANG, SDUG BSNGAL DANG BRAL 'DOD KYI SNYING RJE GSAL 'DABS PA'O, ,

, ,GNYIS PA DNGOS GZHI'I CHO GA NI, PHYOGS BCU RNAMS NA BZHUGS PA'I SANGS RGYAS DANG BYANG CHUB SEMS DPA' THAMS CAD BDAG LA DGONGS SU GSOL, SLOB DPON BDAG LA DGONGS SU GSOL, BDAG MING 'DI ZHES BGYI BAS SKYE BA 'DI DANG SKYE BA GZHAN DANG GZHAN DAG TU SBYIN PA'I RANG BZHIN DANG, TSUL KHRIMS KYI RANG BZHIN DANG, SGOM PA'I RANG BZHIN GYI DGE BA'I RTZA BA RANG GIS BGYIS PA DANG, BGYID DU STZAL BA DANG, BGYIS PA LA RJES SU YI RANG BA'I DGE BA'I RTZA BA DES, JI LTAR SNGON GYI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS DANG, SA CHEN PO LA RAB TU BZHUGS PA'I BYANG CHUB SEMS DPA' CHEN PO RNAMS KYIS BLA NA MED PA YANG DAG PAR RDZOGS PA'I BYANG CHUB TU THUGS BSKYED PAR MDZAD PA DE BZHIN DU, BDAG MING 'DI ZHES BGYI BA YANG DUS 'DI NAS BZUNGS TE JI SRID BYANG CHUB SNYING PO LA MCHIS KYI BAR DU, BLA NA MED PA YANG DAG PAR RDZOGS PA'I BYANG CHUB CHEN PO LA SEMS BSKYED PAR BGYI'O, ,SEMS CAN MA BSGRAL BA RNAMS BSGRAL BAR BGYI'O, ,MA GROL BA RNAMS DGROL BAR BGYI'O, ,DBUGS MA BYIN PA RNAMS DBUGS DBYUNG PAR BGYI'O, ,YONGS SU MYA NGAN LAS MA 'DAS PA RNAMS YONGS SU MYA NGAN LAS 'DA' BAR BGYI'O, ,ZHES LAN GSUM BRJOD, DE YANG SLOB DPON LA SEMS SKYED DNGOS SU LEN PA'I DBANG DU BYAS KYI, DGE BA'I BSHES GNYEN DNGOS SU MED NA PHYOGS BCU'I SANGS RGYAS

DANG BYANG CHUB SEMS DPA' THAMS CAD DMIGS YUL DU BYAS TE, MCHOD PA PHUL NAS, SLOB DPON GYI ZHES PA'I TSIG SPANGS TE GSOL BA BTAB, SKYABS SU 'GRO BA DANG SEMS BSKYED PAR BYA, GSUM PA MJUG GI CHO GA NI, SLOB DPON GYIS 'OG NAS 'BYUNG BA'I SMON SEMS KYI BSLAB BA RNAMS BRJOD PAR BYED PA YIN NO, ,DE YANG SEMS CAN THAMS CAD KYI DON DU SANGS RGYAS KYI GO 'PHANG THOB PAR BYA'O SNYAM PA'I BLO 'DI CHO GAS MI LEN NA, SMON SEMS KYI BSLAB BYA LA SLOB NUS MI NUS 'DRA LA, DE LTA BU'I BLO DUS DA NAS BZUNGS TE BYANG CHUB SNYING PO LA MCHIS KYI BAR DU MI NYAMS PAR BYA'O SNYAM DU CHO GAS BLANGS NAS SMON SEMS KYI BSLAB BYA LA NGES PAR BSLAB DGOS SO, ,GNYIS PA THOB PA MI NYAMS PAR SRUNG BA'I THABS LA, TSE 'DIR SEMS SKYED MI NYAMS PA'I RGYU LA BSLAB PA DANG, PHYI MAR SEMS SKYED DANG MI 'BRAL BA'I RGYU LA BSLAB PA'O, ,DANG PO LA, SEMS SKYED LA SPRO BA 'PHEL BA'I PHYIR DU PHAN YON DRAN PA DANG, SEMS SKYED DNGOS 'PHEL BA'I PHYIR DU LAN DRUG TU GZUNG BA DANG, GANG GI DON DU SEMS SKYED PA'I SEMS CAN BLOS MI SPONGS BA DANG, BSOD NAMS DANG YE SHES KYI TSOGS GNYIS GSOG PA'O, ,DANG PO NI, BYANG CHUB KYI MCHOG TU SEMS BSKYED PA LA PHAN YON DU MA YOD DE, BYANG CHUB SEMS SKYES GYUR NA SKAD CIG GIS, ,'KHOR BA'I BTZON RAR BSNGAMS PA'I NYAMS THAG RNAMS, ,BDE GSHEGS RNAMS KYI SRAS ZHES BRJOD BYA ZHING, ,'JIG RTEN LHA MIR BCAS PA'I PHYAG BYAR

, ,'GYUR; ZHES GSUNGS PA LTAR, BYANG CHUB TU SEMS BSKYED MA THAG NAS LHA DANG BCAS PA'I 'JIG RTEN GYI YON GNAS SU 'GYUR BA DANG, NYAN RANG RNAMS RIGS KYI STOBS KYI ZIL GYIS GNON PA DANG, BSOD NAMS CHUNG DU BYAS PA LAS 'BRAS BU RGYA CHEN PO 'BYUNG BA DANG, NGAN 'GRO'I RGYU GSAR DU MI GSOG CING SNGAR BSAGS PA RNAMS ZAD PAR 'GYUR BA DANG, BDE 'GRO'I RGYU GSAR DU GSOG CING SNGAR BSAGS PA RNAMS GONG NAS GONG DU 'PHEL BAR 'GYUR BA DANG, BYANG CHUB KYI SEMS SKYES PA DE'I BSOD NAMS LA GAL TE GZUGS SHIG YOD NA NAM MKHA'I KHAMS SU YANG MI SHONG BA DANG, 'JIG RTEN GYI KHAMS RIN PO CHE SNA BDUN GYIS BKANGS TE SANGS RGYAS LA PHUL BA LAS KYANG BSOD NAMS CHE BA DANG, MTHAR BLA MED BYANG CHUB TU 'TSANG RGYA BA'I PHAN YON YOD DE, DPAL BYIN GYIS ZHUS PA'I MDO LAS, BYANG CHUB SEMS KYI BSOD NAMS GANG, ,GAL TE DE LA GZUGS MCHIS NA, ,NAM MKHA'I KHAMS NI KUN BKANGS TE, ,DE NI DE BAS LHAG PAR 'GYUR, ZHES GSUNGS SO, ,GNYIS PA LA SEMS SKYED MI GTONG BA'I THABS LA BSLAB PA DANG, SEMS SKYED 'PHEL BA'I THABS LA BSLAB PA GNYIS, DANG PO NI, SANGS RGYAS DANG BYANG SEMS DGE BA'I BSHES GNYEN GYI DRUNG DU SMON SEMS BLANGS NAS, DE'I RJES SU SEMS CAN GRANGS MANG ZHING BYED PA NGAN PA DANG, SPYOD PA MTHA' YAS SHING BYA DKA' BA YUN RING DU BSGRUB DGOS PAR MTHONG BAS, SEMS

ZHUMS NAS BDAG GIS SEMS CAN THAMS CAD KYI DON BYED GANG LA NUS SNYAM NAS SEMS SKYED GTANG BAR MI BYA STE, DE LTAR BYAS NA DGE SLONG LA RTZA LTUNG BYUNG BA LAS KYANG LTUNG BA LCI BA DANG, NGAN SONG DU SKYE BAR 'GYUR BA'I PHYIR TE, DE SKAD DU YANG, SEMS SKYED DE NI PHAS PHAM PAS KYANG SHIN TU LCI, ZHES DANG, DNGOS PO PHAL PA CUNG ZAD LA'ANG, ,YID KYIS SBYIN PAR BSAMS BYAS NAS, ,MI GANG SBYIN PAR MI BYED PA, ,DE YANG YI DVAGS RGYUR GSUNGS NI, ,BLA NA MED PA'I BDE BA LA, ,BSAM PA DAG PAS MGRON GNYER NAS, ,'GRO BA THAMS CAD BSLUS BYAS NA, ,BDE 'GROR CI DGAR 'GRO 'GYUR RAM, ZHES GSUNGS SO, ,DES NA BDAG LA BYANG CHUB KYI SEMS SKYES PA YA MTSAN CHE SNYAM DU BSAMS NAS; SEMS SKYED GTANG BAR MI BYA STE, ,LONG PAS PHYAG DAR PHUNG PO LAS, ZHES SOGS GSUNGS SO, ,GNYIS PA NI, SEMS SKYED MI GTONG BAS MI CHOG GIS, SEMS SKYED 'PHEL BAR BYA BA'I PHYIR DU NYIN LAN GSUM MTSAN LAN GSUM DU BLANG BAR BYA, LEN PA'I TSUL NI, SNGAR SHAD PA'I CHO GA RGYAS PAR MA GRUB NA'ANG, PHYOGS BCU NA BZHUGS PA'I SANGS RGYAS BYANG SEMS RNAMS DMIGS YUL DU BYAS NAS MCHOD PA PHUL TE BLANG BAR BYA, LEN PA'I CHO GA NI, SANGS RGYAS CHOS DANG TSOGS KYI MCHOG RNAMS LA, ,BYANG CHUB BAR DU BDAG NI SKYABS SU MCHI, ,BDAG GIS SBYIN SOGS BGYIS PA 'DI DAG GIS, ,'GRO LA PHAN PHYIR SANGS RGYAS 'GRUB PAR SHOG, ,CES LAN GSUM BRJOD

, ,DO; ;GSUM PA NI, RANG LA MI 'DOD PA BYAS PA LA BRTEN NAS DUS NAM YANG 'DI'I DON MI BYA'O SNYAM DU SEMS BSKYED PAR MI BYA'O, ,BZHI PA NI, MCHOD PA 'BUL BA LA SOGS PA'O, ,GNYIS PA PHYI MAR SEMS SKYED DANG MI 'BRAL BA'I RGYU LA BSLAB PA LA, NYAMS PAR BYED PA NAG PO'I CHOS BZHI SPANG, MI NYAMS PAR BYED PA'I DKAR PO'I CHOS BZHI LA BSLAB PA'O, ,DANG PO NI, MKHAN SLOB DANG BLA MA'I GNAS LTA BU SHES BZHIN DU RDZUN GYIS MGO SKOR BA DANG, GZHAN 'GYOD PA'I GNAS MA YIN PA LA 'GYOD PA SKYED PA DANG, THEG PA CHEN PO LA ZHUGS PA'I SEMS CAN LA ZHE SDANG GI KUN NAS BSLANGS NAS BSNGAGS PA MA YIN PA RJOD PA DANG, SEMS CAN GANG YANG RUNG BA LA BRE SRANG LA SOGS PA GA-YO SGYUS SBYOD PA'O, ,GNYIS PA SEMS CAN GANG YANG RUNG BA LA KU RE'I PHYIR YANG RDZUN SPONG BA DANG, SEMS CAN LA GA-YO SGYU MED PAR BSAM PA DRANG POR SPYOD PA DANG, BYANG SEMS LA SANGS RGYAS SU MOS NAS DE'I BSNGAGS PA PHYOGS BCU RNAMS SU SGROG PA DANG, RANG GIS SMIN PAR BYA BA'I SEMS CAN BLA MED BYANG CHUB LA 'GOD PA'O, ,GSUM PA NYAMS PA PHYIR BCOS PA'I THABS LA, KHA CIG, NYAMS PAR BYED PA NAG PO'I CHOS, SEMS CAN BLOS SPONG, SEMS CAN GYI DON BDAG GIS BYED MI NUS SNYAM PA'I BLO RNAMS THUN TSOD LAS MA 'DAS NA SEMS SKYED LAS NYAMS PA'I RGYU TZAM YIN GYIS, MI GTONG BAS SLAR YANG CHO GAS BLANG MI DGOS, THUN TSOD LAS 'DAS

NA SEMS SKYED BTANG BA YIN PAS, SLAR YANG CHO GAS BLANG DGOS ZER YANG RANG GI LUGS LA, BDAG GIS SEMS CAN GYI DON BYED MI NUS SNYAM PA'I BLO SKYES MA THAG SEMS SKYED GTONG BA YIN PAS SLAR YANG CHO GAS LEN DGOS, NYAMS PAR BYED PA NAG PO'I CHOS BZHI NI, TSE 'DIR SEMS SKYED GTONG BA'I RGYU MA YIN GYIS, PHYI MAR SEMS SKYED MNGON DU MI 'GYUR BA'I RGYU YIN PAS, DA LTA NAS SPANG BAR BYA BA YIN NO, ,GNYIS PA DON DAM BYANG CHUB KYI SEMS SBYONG NI, BRTAN PA THOB NAS GSANG BA BSTAN, ZHES 'BYUNG BAS, KUN RDZOB SEMS LA BRTAN PA THOB NAS, DNGOS SMRA BA LA GSANG BAR BYA BA'I STONG PA NYID BSTAN NAS BSGOM PAR BYA'O, ,JI LTAR BYA NA, RGYAS PAR DBU MA'I LTA KHRID ZUR NAS 'BYUNG BA BZHIN SHES PAR BYA LA, 'DIR NI RTZA TSIG TU, CHOS RNAMS RMI LAM LTA BUR BSAM, ,MA SKYES RIG PA'I GSHIS LA DPYAD, ,GNYEN PO NYID KYANG RANG SAR GROL, ,LAM GYI NGO BO KUN GZHI'I NGANG LA GZHAG ,CES 'BYUNG BA LTAR, PHYI ROL GYI RI KHANG KHYIM SKYES PA BUD MED SOGS BDEN PAR SNANG YANG, BDEN PAR MED DE, DPER NA RMI LAM GYI RI KHANG KHYIM LA SOGS PA BZHIN NO, ,PHYI ROL GYI GZUNG BA BDEN PAR MED KYANG, 'DZIN PA SHES PA BDEN PAR YOD SNYAM NA, RIG PA'I GSHIS LA DPYAD NA, DE YANG BDEN PAR MED DE, DON DAM PAR MA SKYES PA'I PHYIR, BDAG DANG GZHAN DANG GNYIS KA RGYU MED LAS MI SKYE BA'I PHYIR, GZUNG 'DZIN BDEN PAR MED KYANG DE BDEN MED DU RTOGS

, ,PA'I GNYEN PO BDEN PAR GRUB PO SNYAM NA, DE YANG BDEN PAR MED DE, GZUNG 'DZIN BDEN MED DU GRUB CING, GZUNG 'DZIN GANG RUNG DU MA 'DUS PA'I GNYEN PO MED PAS SO, ,DES NA DE LTA BU'I GNYEN PO BDEN PAR 'DZIN PA'I BLO YANG RANG SAR GROL LO, ,'O NA LAM GYI NGO BO GANG LA GZHAG CE NA, LAM GYI NGO BO KUN GZHI STE, STONG PA NYID KYI NGANG LA GZHAG GO, STONG NYID LA KUN GZHI'I SGRAS STON PA'I RGYU MTSAN YOD DE, 'KHOR 'DAS KUN GYI GZHI YIN PA'I PHYIR TE, STONG NYID MA RTOGS NA 'KHOR BAR SKYE BA DANG, RTOGS NA 'KHOR BA LAS GROL BAR 'GYUR BA'I PHYIR, KHA CIG, TSOGS DRUG LAS NGO BO THA DAD PA'I KUN GZHI'I RNAM SHES KYI NGANG LA LAM GYI NGO BO 'JOG LA; BDUN PO SEMS BYUNG RTOG PA YIN PAS SPANG, ZHES ZER BA MI MTHAD DE, KUN GZHI'I RNAM SHAS LAM RANG GI NGO BOR BSKYED PA YANG MI 'THAD, LAM GYI 'DZIN STANGS KUN GZHI'I NGANG LA 'JOG PA'ANG MI 'THAD PA'I PHYIR, DANG PO GRUB STE, KUN GZHI'I RNAM SHES 'DOD NA'ANG, DE LUNG MA BSTAN DU KHAS LEN DGOS, LAM GYI NGO BO DGE BA YIN PA'I PHYIR, GNYIS PA GRUB STE, STONG NYID RTOGS PA'I LAM GYI 'DZIN STANGS LA KUN RDZOB MI SNANG BA'I PHYIR RO, , THUN MTSAMS SGYU MA'I SKYES BUR BYA, ZHES 'BYUNG BAS, STONG NYID LA MNYAM PAR BZHAG PA LAS LANGS PA'I THUN MTSAMS SU, GZUNG 'DZIN GYI CHOS THAMS CAD BDEN PAR SNANG BYUNG BA'I TSE, 'DI RNAMS BDEN PAR

SNANG YANG BDEN PAR MED PA SGYU MA LTA BU RMI LAM LTA BU YIN SNYAM DU BSGOM, GSUM PA RKYEN NGAN BYANG CHUB KYI YAN LAG TU BSGYUR BA LA, KUN RDZOB SEMS SKYED KYI SGO NAS RKYEN NGAN BYANG CHUB KYI YAN LAG TU BSGYUR BA DANG, DON DAM SEMS SKYED KYI SGO NAS RKYEN NGAN BYANG CHUB KYI YAN LAG TU BSGYUR BA'I DANG PO NI, GONG DU DRANGS PA'I RTZA TSIG, LE LAN THAMS CAD GCIG LA BDA', ,KUN LA BKA' DRIN CHE BAR BSGOM, ZHES PA DE YIN PAS, RANG LA PHYI NAS MI DANG MI MA YIN DANG 'BYUNG BA'I GNOD PA DANG, NANG NAS NA TSA NYON MONGS SOGS KYI GNOD PA BYUNG BA'I TSE, GZHAN LA LE LAN MI 'DED PAR RANG GCES PAR 'DZIN PA 'DIS, THOG MA MED PA NAS SDUG BSNGAL SNA TSOGS PA MYONG DU BCUG, DA LTA YANG 'DIS SDUG BSNGAL DANG MI 'DOD PA DPAG MED BSKYED, DA DUNG YANG 'DI MA SPANGS NA 'KHOR BA MTHA' MED DU SDUG BSNGAL MYONG BAR 'GYUR BAS, 'DI CI NAS KYANG SPANG BAR BYA'O, ,YANG SNGAR GYI GNOD PA DE DAG BYUNG BA'I TSE, SEMS CAN THAMS CAD KYIS THOG MA MED PA NAS MA BYAS, DE YANG, YANG DANG YANG DU BYAS, NAM BYAS RES KYIS PHAN BTAGS, GNOD PA LAS BSKYABS PA'I DRIN CAN YIN, KHYAD PAR DU GNOD BYED 'DI RNAMS KYIS THOG MA MED PA NAS MA BYAS, YANG DANG YANG DU BYAS, NAM BYAS RAS KYIS PHAN BTAGS PAS DRIN CHE, 'DIS THOG MA MED PA NAS BDAG SKYONG BA'I PHYIR DU SGO GSUM SDIG PA MI DGE BA SNA TSOGS BYAS NAS DA LTA'I BAR DU SDUG BSNGAL MYONG DU

, ,BCUG, DA LTAR YANG MA YIN PA SKYE SHI 'PHOS PAS NGO MA SHES PAR 'KHRUL PA'I DBANG GIS, BDAG GI LAS NGAN PAS BSKUL NAS BDAG LA GNOD PA BYAS PAS SDUG BSNGAL GYI RGYU LA GNAS PA SNYING RE RJE; 'DI BDE BA THAMS CAD DANG LDAN PAR BYA, SDUG BSNGAL THAMS CAD DANG BRAL BAR BYA, 'DI'I DON DU SANGS RGYAS KYI GO 'PHANG THOB PAR BYA, 'DIS BDAG BYAMS SNYING RJE BYANG CHUB KYI SEMS SGOM PA'I GROGS BYAS PAS DRIN SHIN TU CHE SNYAM DU GNOD PA BYAS PA LA MI DGA' BA MED KYI STENG DU DGA' BA BSGOM MO, ,GNYIS PA NI, RANG LA SEMS CAN DANG 'BYUNG BA LTA BU'I PHYI DANG NANG NAS NA TSA DANG NYON MONGS KYI GNOD PA BYUNG BA'I TSE, 'DI DAG 'KHRUL PA'I DBANG GIS SNANG BA YIN GYIS, BDEN PAR MED DE DANG POR GANG NAS SKYES, BAR DU GANG DU GNAS, MTHAR GANG DU 'GAG DPYAD PA NA, DANG POR GANG NAS KYANG SKYE BA MED PA SKYE MED CHOS SKU, DANG POR SKYE BA MED PA LA MTHAR 'GAG RGYU MED PAS 'GAG MED LONGS SPYOD RDZOGS PA'I SKU, SKYE 'GAG MED PA LA BAR DU GNAS PA MED PAS GNAS MED SPRUL PA'I SKU, SKYE 'GAG GNAS GSUM DANG BRAL BA NGO BO NYID SKU YIN NO SNYAM DU BSGOM, DE LTAR GNOD BYA GNOD BYED SOGS BDEN MED DU SGOM PA SRUNG BA'I MCHOG YIN TE, RGYUD LAS, STONG NYID SHES PA SRUNG BA'I MCHOG YIN TE, ,SRUNG BA'I CHO GA GZHAN DAG 'DIR MI DGOS, ZHES DANG, STONG PA NYID NI BSGOMS BYAS NA, ,'CHI BDAG GIS KYANG MI

TSUGS SO, ZHES GSUNGS SO, ,STONG NYID KYI LTA BA MED NA'ANG CI YANG MED PAR BSGOMS PAS GNOD BYED SOGS KYIS MI MTHONG NGO, ,DE LTAR DU RTZA TSIG LAS, 'KHRUL SNANG SKU BZHIR 'KHYER BA YIS, ,STONG NYID SRUNG BA BLA NA MED, CES GSUNGS SO, ,BZHI PA TSE GCIG GI NYAMS LEN DRIL NAS BSTAN PA LA, RTZA TSIG TU, STOBS LNGA DAG LA SBYAR BAR BYA, ZHES 'BYUNG BAS, NYAMS LEN THAMS CAD DKAR PO SA BON GYI STOBS, 'PHEN PA'I STOBS, SUN 'BYIN PA'I STOBS, GOMS PA'I STOBS, SMON LAM GYI STOBS LNGAR BSDUS NAS SBYANG BAR BYA, DE LA DANG PO NI, LUS NGAG YID GSUM GYI DGE BA CI BYED PA THAMS CAD BYANG CHUB KYI SEMS RNAM PA GNYIS MA SKYES PA SKYED PAR BYED PA DANG, SKYES PA MI NYAMS SHING GONG NAS GONG DU 'PHEL BA'I THABS SU SGRUB PAR BYED PA YIN NO, ,GNYIS PA NI, DUS DA NAS BZUNGS TE BYANG CHUB MA THOB KYI BAR DU SEMS CAN THAMS CAD BDE BA DANG LDAN PAR BYA, SEMS CAN THAMS CAD SDUG BSNGAL DANG BRAL BAR BYA, SEMS CAN THAMS CAD KYI DON DU SANGS RGYAS KYI GO 'PHANG THOB PAR BYA SNYAM PA DANG, RANG GCES PAR 'DZIN PA 'DIS SDUG BSNGAL DANG MI 'DOD PA THAMS CAD SKYED PAS 'DI SPANG BAR BYA'O SNYAM DU 'PHEL PA GTONG BA YIN NO, ,GSUM PA NI, RANG GCES PAR 'DZIN PA 'DIS THOG MA MED PA NAS SDUG BSNGAL DPAG TU MED PA MYONG DU BCUG, DA DUNG YANG 'DI MA SPANGS NA SDUG BSNGAL DPAG TU MED PA MYONG BAR 'GYUR, DA

, ,LTAR GYI GNAS SKABS SU YANG, MKHAS PA, BTZUN PA, SGOM BZANG BA, THOS RGYA CHE BA, SGRUB PA REM PA THAMS CAD KYANG NYON MONGS PAS GROGS BYAS NAS MTHO BA LA PHRAG DOG, DMA' BA LA, BRNYAS PA, MNYAM PA LA 'GRAN SEMS BYED PA THAMS CAD KYANG RANG GCES PAR 'DZIN PAS LAN, CHOS JI TZAM BYAS KYANG THAR PA LA NYE RU MA SONG BA YANG DES LAN, GZHAN LAS RANG MGO GANG GIS MTHO BA DANG, DKYUS GANG GIS RING BA DANG, GZHAN DE LAS BZLOG PAR 'DZIN PA YANG DES LAN, GANG DU PHYIN KYANG MI BRIN PA DANG, GANG DANG 'GROGS KYANG 'KHON DANG RTZOD PA 'BYUNG BA YANG DES LAN PA YIN PAS, DE SPANG BAR BYA'O SNYAM DU SEMS SO; BZHI PA NI, SBYOR BA DANG, DNGOS DANG, RJES KYI SGO NAS BYANG CHUB KYI SEMS RNAM PA GNYIS BSGOM PAR BYA'O, ,LNGA PA NI, DKON MCHOG LA MCHOD PA DANG, CHOS SKYONG LA GTOR MA PHUL NAS, TSE 'DI DANG 'CHI KHA DANG BAR DO DANG, SKYE BA PHYI MA DANG, YANG PHYI MA PHAN CHAD KYI TSE RABS THAMS CAD DU BYANG CHUB KYI SEMS RNAM PA GNYIS MI NYAMS SHING MNGON DU 'GYUR BAR MDZAD DU GSOL, 'GAL RKYEN PAR CHAD CI BYUNG YANG BYANG CHUB KYI SEMS RNAM PA GNYIS 'BYONGS PA'I GROGS SU 'GYUR BAR MDZAD DU GSOL, CHOS 'DI STON PA'I THEG PA CHEN PO'I DGE BA'I BA SHES GNYEN DANG MJAL BAR MDZAD DU GSOL, ZHES GSOL BA GDAB, DGE BA GANG BYED KYI

MJUG TU YANG SMON LAM DE LTAR 'DEBS PA'O, ,BLO SBYONG SGOM PA'I GANG ZAG DE 'CHI BA'I TSE 'PHO BA'I MAN NGAG DE GANG GIS BYA ZHE NA, THEG CHEN 'PHO BA'I MAN NGAG NI, ,STOBS LNGA NYID YIN SPYOD LAM GCES, ZHES GSUNGS PAS DKAR PO SA BON GYI STOBS, SMON LAM GYI STOBS, SUN 'BYIN PA'I STOBS, 'PHEN PA'I STOBS, GOMS PA'I STOBS LNGA NI, DE'I MAN NGAG YIN TE, DANG PO NI, 'CHI BA LA NYE BA'I TSE YO BYAD RNAMS DGE BA GANG STOBS CHE BA'I PHYOGS SU GTANG, SNGAR BSAGS PA'I NYES LHUNG RNAMS BSHAGS, SKYABS SU 'GRO BA DANG SEMS BSKYED NAS KHAS BLANGS PA'I DAM TSIG DANG SDOM PA RNAMS SOR CHUD PAR BYAS NAS GSAG SBYANG LA 'BAD DO, ,GNYIS PA NI SNGAR DANG 'DRA, GSUM PA NI, RANG GCES PAR 'DZIN PA 'DIS THOG MA MED PA NAS SDUG BSNGAL BSKYED, DA LTAR YANG SDUG BSNGAL DANG MI 'DOD PA THAMS CAD BSKYED, DA DUNG 'DI MA SPANGS NAS SDUG BSNGAL BAR 'GYUR BAS, DA NI LUS DANG SEMS LA MA CHAGS PAR, 'DI SPANG BAR BYA'O SNYAM DU SEMS PA'O, ,BZHI PA NI, DA NAS BZUNGS NAS BYANG CHUB KYI SEMS RNAM PA GNYIS BSGOMS NAS, BAR DO'I RTEN LA 'OD GSAL CHOS KYI SKU MNGON DU BYAS TE, GZUGS SKUS GZHAN DON 'BAD MED LHUN GRUB TU BYA'O SNYAM DU 'PHEN PA GTANG NGO, ,LNGA PA NI, 'CHI KHA MA LA THUG PA'I TSE, GZHOGS GA-YAS 'OG TU PHAB, LAG PA GA-YAS LA 'GRAM PA BRTEN, SRIN MDZUB KYIS SNA BUG GA-YAS BKAG

, ,NAS, SNA BUG GA-YON NAS RLUNG RGYUR BCUG, LUS SOGS LA CHAGS PA MED PAR PHA KHYIM DU BU 'GRO BA LTAR 'CHI BA LA MI MTSER BAR RLUNG LA BSKYON NAS GTONG LEN GNYIS SPEL MAR BSGOM, DE'I RJES SU SNOD BCUD KYIS BSDUS PA'I CHOS THAMS CAD BDEN PAR MED, KHYAD PAR DU SKYE 'CHI YANG BDEN PAR MED SNYAM DU BSGOM, DE NAS CHOS GANG YANG BDEN PAR MED PA LA SEMS CAN RNAMS KYIS BDEN PAR BZUNGS NAS SDUG BSNGAL MYONG BA SNYING RE RJE SNYAM DU BYAMS SNYING RJES KUN NAS BSLANGS NAS YANG GTONG LEN SBEL MAR BSGOM MO, ,LNGA PA BLO 'BYONGS PA'I TSAD NI, RTZA TSIG TU, CHOS RNAMS DGONGS PA GCIG TU 'DUS, ZHES GSUNGS PAS, GSUNG RAB KYI CHOS RNAMS BDAG 'DZIN 'DUL BA'I PHYIR DU 'DUS PAR GSUNGS PAS, BLO 'BYONGS MA 'BYONGS DANG, CHOS CHOS SU SONG MA SONG, CHOS BDAG 'DZIN GYI GNYEN POR SONG MA SONG LA RAG LAS PAS, CHOS BDAG 'DZIN KYI GNYEN POR SONG NA BLO 'BYONGS PA YIN, 'O NA BDAG 'DZIN THUL PA'I DBANG PO DE GANG ZHE NA, GZHAN GYIS RANG LA CHOS PA KHYAD 'PHAGS SU 'DZIN PA YANG DPANG PO YIN MOD, DE DBANG PO'I GTZO BO MIN TE, GZHAN GYIS RANG GI SEMS MI SHES KYIS, KHO RANG DANG MTHUN PA'I SPYOD LAM SNA RE TZAM BSTAN PAS KYANG MGU SRID PA'I PHYIR, DES NA NANG DU BRTAGS PA'I TSE, BDAG 'DZIN JE CHUNG LA SONG BA'I RTAGS 'DUG NA DE DPANG PO'I GTZO BO YIN NO, ,

YID BDE 'BA' ZHIG RGYUN DU BSTEN, ZHES BYA BA YIN TE, BLO SBYANGS PA'I STOBS KYIS SDUG BSNGAL DANG MI 'DOD PA CI BYUNG YANG BYANG CHUB KYI SEMS RNAM PA GNYIS SBYONG BA'I GROGS SU KHYER BAS CHO GA SNYAM DU YID BDE 'BA' ZHIG RGYUN DU BSTEN NUS BDE'I TSE BLO 'BYONGS PA YIN, YENGS KYANG THUB NA 'BYONGS PA YIN, ZHES BYA BA NI, RTA RTZAL CAN RTA 'GROGS KYANG RTA THOG NAS MI LTUNG BA BZHIN DU, RANG LA GLO BUR DU MI 'OS PA'I SA NAS BRNYAS THABS KHA SMRAS, 'PHYAR KHA, SKUR 'DEBS CI BYUNG YANG, BYANG CHUB KYI SEMS RNAM PA GNYIS SGOM PA'I GROGS SU 'KHYER NUS PA DE'I TSE 'BYONGS PA YIN NO, ,BYANG BA'I TSAD NI LOG PA YIN, ZHES BYA BA NI, LAM DE LA BLO 'BYONGS PA'I TSAD NI, LAM DE'I MI MTHUN PHYOGS SU 'DZIN PA MNGON GYUR LOG PA YIN, DE YANG DAL 'BYOR RNYED DKA' LA BLO 'BYONGS PA'I TSAD NI, DAL 'BYOR GYI RTEN LA SNYING PO LEN SNYING MI 'DOD PA LOG PA YIN PA NAS, STONG NYID BSGOM PA LA BLO 'BYONGS PA NI, BDEN PAR 'DZIN PA MNGON GYUR LOG PA CES BYA BA YIN NO, ,'O NA LAM DE LA BLO 'BYONGS PA'I RTAGS MI 'KHRUL BA DE GANG YIN ZHE NA, 'BYONGS RTAGS CHEN PO LNGA LDAN YIN, ZHES PA NI, LAM DE LA BLO 'BYONGS PA'I RTAGS CHEN PO LNGA DANG LDAN PA YIN TE, BLO SBYANGS PA'I STOBS KYIS SDUG BSNGAL DANG MI 'DOD PA CI BYUNG YANG BYANG CHUB KYI SEMS RNAM PA GNYIS BSGOM PA LAS MI NYAMS PA'I BYANG CHUB SEMS DPA' CHEN PO ZHIG 'OD, LAS 'BRAS PHRA

, ,ZHING PHRA BA LA NGES PA RNYED NAS NYES LTUNG PHRA MOS KYANG MA GOS PAR SRUNG BA'I 'DUL BA 'DZIN PA CHEN PO ZHIG 'ONG, SDUG BSNGAL DANG MI 'DOD PA CI BYUNG YANG DANG DU LEN PA'I DKA' THUB PA CHEN PO ZHIG 'OD, RTAG TU LUS NGAG YID GSUM DGE SBYOR DANG MI 'BRAL BA'I SGRUB PA PO CHEN PO ZHIG 'ONG, GSUNG RAB KYI DGONGS PA'I DON GYI GTZO BO RNAMS RGYUD LA 'BYOR BA'I RNAL 'BYOR PA CHEN PO ZHIG 'ONG NGO, ,'O NA RTAGS DE 'GRUB PA'I THABS GANG YIN ZHE NA, SBYOR BA BZHI LDAN THABS KYI MCHOG ,YON TAN GZHAN LAS KHYAD PAR 'PHAGS, ZHES PA LA, DE LTA BU'I RTAGS DE 'BYUNG BA LA SDUG BSNGAL DANG MI 'DOD PA CI BYUNG YANG, DAM BA'I CHOS LA BLO GTAD NAS, KHA SANG LAS DE RING, DE RING SNGA DRO LAS PHYI DRO SKYED CHE BA BTON NAS DAM PA'I CHOS SGRUB PA LA 'BAD DGOS, DE'I CHO YANG BSAM PAS BYANG CHUB KYI SEMS RNAM PA GNYIS SGOM ZHING, SBYOR BAS GSAG SBYANG LA 'BAD DO, ,DE'I TSE MTHUN RKYEN TSANG BA SOGS LA BRTEN NAS BDE BA SKYES NAS BDE BA DE LA 'DOD PA'I BLO SKYES PA'I TSE, RANG BDE BA 'DOD PA BZHIN DU SEMS CAN THAMS CAD KYANG BDE BA 'DOD PAS RANG GI BDE BA SEMS CAN THAMS CAD LA BTANG NAS, SEMS CAN THAMS CAD BDE BA DANG LDAN PA'I DMIGS PA BYED, BDE BA 'DOD PA NI, BDE BA'I RGYU DGE BA SGRUBS SHIG PA'I BRDA YIN PAS TSOGS GSOG PA LA 'BAD, YANG BDE BA 'DOD PA NI,

SDUG BSNGAL MI 'DOD PA YIN PAS SDUG BSNGAL GYI RGYU MI DGE BA SPONGS SHIG PA'I BRDA' YIN PAS, MI DGE BA GNYEN PO STOBS BZHI'I SGO NAS BSHAGS PAR BYED, RANG RGYUD LA SDUG BSNGAL DANG MI 'DOD PA SKYES BYUNG BA'I TSE RANG SDUG BSNGAL MI 'DOD PA BZHIN DU SEMS CAN THAMS CAD KYANG SDUG BSNGAL MI 'DOD PAS, SEMS CAN THAMS CAD KYI SDUG BSNGAL RANG LA BLANGS NAS SEMS CAN THAMS CAD SDUG BSNGAL DANG BRAL BA'I DMIGS PA BYED, SDUG BSNGAL MI 'DOD PA NI, SDUG BSNGAL GYI RGYU MI DGE BA SPONGS SHIG PA'I BRDA YIN PAS, MI DGE BA GNYEN PO STOBS BZHI'I SGO NAS BSHAGS PA BYED, SDUG BSNGAL MI 'DOD PA NI, BDE BA 'DOD PAS BDE BA'I RGYU DGE BA SGRUBS SHIG PA'I BRDA YIN PAS TSOGS GSOG PA LA 'BAD PA BYED, DE LTAR BLO SBYONG BA NI, CHOS GZHAN LAS KHYAD PAR 'PHAGS PA YIN TE, SDUG BSNGAL DANG MI 'DOD PA CI BYUNG YANG BYANG CHUB KYI SEMS GNYIS SBYONG BA'I GROGS SU KHYER BAS CHOG PA'I PHYIR RO, ,DRUG PA BLO SBYONG GI DAM TSIG NI, SPYI DON GSUM LA RTAG TU BSLAB, CES GSUNGS PA NI, BLO SBYONG BSTAN PA SPYI DANG MI 'GAL BA, BLO SBYONG THO COR MA SONG BA, BLO SBYONG PHYOGS RE BAR MA SONG BA LA BSLAB BO,, DANG PO NI, BLO SBYONG BSGOM RGYU YOD NA DES CHOG GIS, PHYAG DANG SKOR BA DANG BZLAS BRJOD DANG GTOR MA SOGS BYED MI DGOS CES KHYAD DU MI GSOD PAR, SKYABS 'GRO NAS SNGAGS BLA MED KYI BAR BSLAB BYA RNAMS BSTAN PA SPYI

, ,DANG MI 'GAL BAR BSLAB BO, ,GNYIS PA NI, RANG GCES 'DZIN SBANGS PAR GZHAN GYIS GO LA RE BA DANG, THUB SPYOD CHEN PO BYAS KYANG GNOD PA MED PA'I GDENG THOB PAR GO RU RE NAS SA GNYAN RKO BA DANG, RDO GNYAN RLOB PA DANG, CHU GNYAN DKRUG PA DANG, SHING GNYAN GCOD PA SOGS BYED PA DANG, GRIB CAN DANG DAM NYAMS SOGS DANG SPYOD LAM LHAN CIG TU BYED PA SOGS SPONG BA LA SLOB PA'O, ,GSUM PA NI, LHA 'DRE'I GNOD BA BZOD KYANG MI'I GNOD PA MI BZOD PA DANG, MI'I GNOD PA BZOD KYANG LHA 'DRE'I GNOD PA MI BZOD PA DANG, CHEN PO LA GUS KYANG DMAN PA LA BRNYAS THABS BYED PA DANG, LA LA LA BYAMS KYANG LA LA LA SDANG BA LTA BU'I PHYOGS RIS SU MA SONG BA LA SLOB PA'O, ,NYAMS PA MED PA RNAM GSUM BSGOM, ZHES BYA BA NI, THEG PA CHEN PO'I LAM GYI RTZA BA DGE BA'I BSHES GNYEN YIN PAS, BLA MA LA MOS GUS NYAMS PA MED PAR SANGS RGYAS DNGOS KYI 'DU SHES BSGOM, BLO SBYONG 'DI THEG PA CHEN PO'I LAM GYI SNYING PO YIN PAS NYAMS SU LEN PA LA SPRO BA MA NYAMS PA DANG, RANG GIS KHAS BLANGS PA'I DAM TSIG DANG SDOM PA BSRUNG BA LA BAG YOD MA NYAMS PA BSGOM MO, ,DKA' BA GSUM LA BSLAB PAR BYA, ZHES BYA BA NI, NYON MONGS SKYES PA'I TSE GNYEN POS THUG PHRAD DU SLEBS PA DKA', GNYEN POS THUG PHRAD DU SLEBS KYANG BZLOG NUS PA DKA', LAN CIG BZLOG NUS KYANG SLAR MI SKYE BAR BYED NUS PA

DKA' YANG, GOMS PA'I STOBS KYIS MI DKA' BA LA BSLAB BO, ,RGYU YI GTZO BO RNAM GSUM GZUNG, ZHES BYA BA NI, SANGS RGYAS SGRUB PA'I RGYU'I GSAL BA'I DBYE BA MTHA' YAS KYANG, NANG GI RKYEN DAL 'BYOR RNYED DKA' BSAM PA NAS, STONG NYID BSGOM PA'I BAR BLA MAS BSTAN PA LTAR RGYUD LA BSKYED NUS PA DANG, PHYI RKYEN DGE BA'I BSHES GNYEN MTSAN NYID DANG LDAN PAS ZIN PA DANG, ZAS GOS DANG GNAS MAL LA SOGS PA TSANG BA SANGS RGYAS SGRUB PA'I RGYU'I GTZO BO YIN BAS; DE DAG RANG RGYUD LA TSANG MA TSANG BRTAGS NAS, TSANG NA DAM PA'I CHOS SGRUB PA LA 'BAD PA BYED, MA TSANG NA BDAG LTA BU SANGS RGYAS SGRUB PA'I RGYU TSOGS MA TSANG BA'I SEMS CAN MTHA' YAS PA RNAMS KYI SDIG PA DANG SDUG BSNGAL THAMS CAD RANG LA BLANGS NAS DE THAMS CAD SDUG BSNGAL DANG BRAL NAS CHOS SGRUB PA'I CHA RKYEN TSANG BA'I DMIGS PA BYED DO, ,'BRAL MED GSUM DANG LDAN PAR BYA, ZHES BYA BA NI, BLA MA'I ZHABS TOG DANG, LUS KYIS PHYAG DANG SKOR BA LA SOGS PA LUS KYI DGE SBYOR DANG MI 'BRAL BA DANG, KHA TON DANG BZLAS BRJOD DANG SANGS RGYAS KYI BSTOD PA 'DON PA SOGS NGAG GI DGE SBYOR DANG MI 'BRAL BA DANG, BYANG CHUB KYI SEMS SGOM PA SOGS YID KYI DGE SBYOR DANG 'BRAL BA MED PA DANG LDAN PAR BYA'O, ,YAN LAG NYAMS PA BRJOD MI BYA, ZHES PA NI, GZHAN LA 'JIG RTEN GYI NGOS NAS, ZHAR BA DANG, 'ON PA DANG, CHOS PHYOGS NAS DAM NYAMS DANG TSUL KHRIMS 'CHAL PA SOGS MI BYA STE, DE

, ,LTAR BYAS NA GZHAN LA YID MI BDE SKYE ZHING RANG GI BLO SBYONG SGOM PA'I GEGS SU 'GYUR BA'I PHYIR, GZHAN PHYOGS GANG YANG MI BSAM MO, ZHES BYA BA NI, SPYIR GYI RANG SU DANG YANG 'GROGS SU MI RUNG BA GCIG 'DUG ZER BA LTA BU MI BYA STE, RANG GI NGOS NAS BLO SBYONG BAR SONG YANG, GZHAN GYI SKYON RTOG PAR SONG BAS, BLO SBYONG DANG 'GAL BA'I PHYIR, DES NA GZHAN GYI SKYON RTOG PA DANG, SKYON BRJOD PAR MI BYA STE, DE LTAR BYAS NA GZHAN GYI SKYON 'BA' ZHIG RTOG PAR 'DOD PA DANG, BRJOD PAR 'DOD PA'I BLO SKYE BAS DE LA BLO SBYONG GNAS PA'I THABS MED PA'I PHYIR, DES NA SPYIR SEMS CAN THAMS CAD DANG, KHYAD PAR DU CHOS SGOR ZHUGS PA RNAMS DANG, THEG CHEN GYI SGOR ZHUGS PA RNAMS LA SKYON RTOG PA DANG SKYON BRJOD PAR MI BYA STE, RANG GI DGE RTZA GCOD CING NGAN SONG DU SKYE BAS RNAM SMIN YID DU MI 'ONG BA 'BYIN PA'I PHYIR, DBANG MED DU GZHAN GYI SKYON MTHONG NA, RANG SNANG BA MA NGAG PA YIN GYIS KHONG LA DE LTA BU'I SKYON GA LA YOD SNYAM DU YID LA BYED DO, ,THOG MTHA' GNYIS LA BYA BA GNYIS, ZHES BYA BA NI, SNGA DRO NAM LANGS PA'I TSE, DE RING RANG GCES PAR 'DZIN PAS MA GOS PAR BYA, GZHAN GCES PAR 'DZIN PA DANG BYANG CHUB KYI SEMS RNAM PA GNYIS DANG MA BRAL BAR BYA SNYAM DU DRAN SHES BZHIN GYIS ZIN PAR BYA, NUB MO NYAL BA'I TSE DE RING CHOS MIN GYI NYES PAS GOS SAM MA GOS SNYAM DU BRTAG, GOS NA DAL 'BYOR

SNYING PO MED PAR BYED PA RANG GIS RANG LA GNOD PA SKYEL BA BDAG LTA BU YONG BSNYAM DU 'GYOD PA BSKYED NAS BSHAGS PA BYED, MGOS NA DE RING DAL 'BYOR SNYING PO YOD PAR BYAS, MI TSE CHOS LA BSKYAL BA GO BCAD SNYAM DU DGA' BA BSGOM, DA DUNG SKYE BA THAMS CAD DU BYANG CHUB KYI SEMS RNAM PA GNYIS SGOM PA DANG MI 'BRAL BAR GYUR CIG SNYAM DU SMON LAM 'DEBS SO, ,GNYIS PO GANG BYUNG BZOD PAR BYA, ZHES PA NI, RANG LA GLO BUR DU 'KHOR LONGS SPYOD SNYAN GRAGS SOGS CHEN PO BYUNG NA KHENGS PA MED PAR MI RTAG PA SNYING PO MED PA SGYU MA LTA BU YIN SNYAM DU CHOS SGRUB PA'I GROGS SU 'KHYER SHES PAR BYA, YANG; RANG LA SHIN TU NYAMS DMA' BA 'OG NAS 'GRO BA CHU LAS MED PA LTA BU BYUNG NA'ANG, BDAG LTA BU YONG BSNYAM DU MI ZHUM PAR, GZHAN GYI SDUG BSNGAL BDAG LA LEN CING, MTHO RIS DANG NGAN SONG GI KHYAD PAR LA BLTOS NA, TSE 'DI'I 'BYOR RGUD DANG KHYAD PAR CHEN PO MIN, DAM PA'I CHOS BSGRUBS PAS CHOG PA DAL 'BYOR THOB PA DON YOD PAR BYAS SNYAM DU CHES SGRUB PA'I GROGS SU 'KHYER SHES PAR BYA'O, ,GNYIS PO TSANG NA THAMS CAD BLANG, ZHES PA NI, RANG LA NYON MONGS PA 'DOD CHAGS DANG, ZHE SDANG DANG, PHRAG DOG DANG, NGA RGYAL LA SOGS PA NYON MONGS PA GANG SKYES BYUNG BA TZAM NA SEMS CAN THAMS CAD KYI NYON MONGS PA THAMS CAD RANG LA BLANGS NAS, SEMS CAN RNAMS NYON MONGS PA DANG BRAL BA'I DMIGS PA BYED, RANG LA

, ,SDUG BSNGAL DANG MI 'DOD PA CHEN PO BYUNG NA SEMS CAN THAMS CAD KYI SDUG BSNGAL DANG MI 'DOD PA THAMS CAD RANG LA BLANGS, DE THAMS CAD SDUG BSNGAL DANG BRAL BA'I DMIGS PA BYED DO, ,GNYIS PO SROG DANG BSDOS NAS SRUNG, ZHES BYA BA NI, DAM TSIG MA BSRUNGS PA LA 'DI PHYI'I BDE SKYID THAMS CAD MI 'BYUNG BAS, CHOS SPYI'I DAM TSIG DANG, KHYAD PAR DU CHOS 'DI'I DAM TSIG SROG DANG BSDOS NAS SRUNG, CHOS SPYI'I DAM TSIG LA, KHAS BLANGS PA'I DAM TSIG DANG, BLA MA'I DAM TSIG GNYIS, DANG PO NI, RANG GIS KHAS BLANGS PA'I DAM TSIG DANG SDOM PA SROG BSDOS BYAS NAS SRUNG BA'O, ,GNYIS BA NI, BLA MA DANG DAM TSIG NYAMS NA BLA MA CI 'DRA YANG RUNG STE, PHYIN CHAD BLA MA LA BRTEN PA'I DNGOS GRUB 'THOB MI SRID PAS, BLA MA'I DAM TSIG SROG DANG BSDOS NAS BSRUNG, CHOS 'DI'I DAM TSIG NI, GZHAN LA PHAN PA'I PHYIR DU LTUNG BA GLENG DRAN BYED PA MA GTOGS, YAN LAG NYAMS BRJOD PA SOGS SROG DANG BSDOS NAS BSRUNG NGO, ,PHYOGS SU 'DZIN PA THAMS CAD SPANG, ZHES BYA BA NI, SBYIR SO SO SKYE BO'I BLO RIGS DANG YON TAN PHYOGS RE BA YIN YANG, BLO SBYONG BA'I TSE, PHAR PHYIN DRUG DANG, THOS BSAM SGOM GSUM DANG CHOS SPYOD BCU LA PHYOGS RIS MED PA'I, LA LA LA DNGOS SU BLO SBYONG, LA LA LA MOS YUL DU BYAS NAS BLO SBYONG, YUL YANG 'PHAGS PA DANG SO SO SKYE BA LA PHYOGS RIS MED PAR

THAMS CAD LA BLO SBYONG NGO, ,BKOL BA RNAMS LA RTAG TU SBYANG, ZHES BYA BA NI, SPYIR SEMS CAN THAMS CAD LA BLO SBYONG ZHING KHYAD PAR DU BKOL BA LNGA PO 'DI RNAMS LA RTAG TU SBYANG, BKOL BA LNGA NI, RANG DANG BRTEN 'DRIS CHE BA DANG, RANG GI 'GRAN BSDOS SU GYUR PA DANG, PHAR GNOD PA MA BYAS KYANG TSUR GNOD PA BYED PA DANG, TSUR GNOD PA MA BYAS KYANG MTHONG BA'I TSE YID DU MI 'ONG BA RNAMS LA BLO SBYONG 'CHOR NYEN CHE BAS DMIGS KYIS BKAR NAS BSGOM, LNGA BA NI, MKHAN SLOB DANG PHAM LA SOGS PA PHAN 'DOGS CHE BA RNAMS LA GNOD PA CUNG ZAD LAS MA BYAS KYANG RNAM SMIN LCI BA YIN PAS DMIGS KYIS BKAR NAS BSGOM MO, ,NYAMS SU BLANG BA SLA BAR BSLAB, CES PA NI, KHO NA RE, DA LTA GZHAN GYI SDIG SDUG RANG LA LEN PA DANG, RANG GI BDE DGE GZHAN LA GTANG BAR MI NUS SO, ZHE NA, LUS NGAG GI DKA' SPYAD BSTEN MI DGOS KYIS, BSAM PA 'BA' ZHIG GIS SBYANGS PAS CHOG PAS GTONG LEN BYED MI NUS PA'I SKYON MED DO, ,RAGS PA GANG YIN SNGON LA SBYANG, ZHES BYA BA NI, RANG LA NYON MONGS PA GANG CHE RANG DGE SBYOR BYED PA LA GANG GIS GNOD BRTAGS PA'I TSE RAGS PA GANG YIN DE SNGON LA SBYANG ANGO, ,DRAG 'CHUN SPONG LEN RTAG TU BYA, ZHES PA NI, MI DANG MI MA YIN PA SOGS LA DRAG 'CHUN MI BYA STE, DE LTAR BYAS NA 'PHRAL PHUGS THAMS CAD DU GNOD PA'I PHYIR RO, ,'O NA GANG LA DRAG 'CHUN BYA ZHE NA, SDUG BSNGAL THAMS CAD KYI RTZA BA RANG GCES 'DZIN LA

, ,DRAG 'CHUN BYA STE, DGE SBYOR THAMS CAD DE'I GNYEN POR 'GRO BAR BYA'O, ,DUG CAN GYI ZAS MI BSTEN, ZHES BYA BA NI, DPER NA ZAS BZANG PO DES LUS SROG 'TSO BAR BYED PA YIN PA LA, DUG 'DRES NA LUS SROG NYAMS PAR BYED PA LTAR DU, DGE BA THAMS CAD KYIS MNGON MTHO NGES LEGS KYI SROG 'TSO BAR BYED PA YIN PA LA, RANG GCES 'DZIN GYI DUG DANG 'DRES NA, MNGON MTHO NGES LEGS KYI LUS SROG NYAMS PAR BYED PAS DGE BA THAMS CAD RANG GCES 'DZIN GYI DUG DANG 'DRES PA SPONG, GZHUNG BZANG PO MA BSTEN, ZHES BYA NI, GZHAN GYIS RANG LA MI 'DOD PA BYAS PA ZHE LA 'DZEG PA'I KHO NA 'DZIN MI BYA STE, DEL BYANG CHUB SEMS DPA' BAS NYAN THOS KYANG MI 'ONG BAS SO, ,'PHRA DAM SGUG CES BYA BA NI, RANG LA GNOD PA BYAS PA'I DUS DER GNOD LAN BYAS MA BYUNG YANG, DUS PHYIS GNOD PA BYA'O SNYAM PA'I 'PHRANG SGUG PAR MI BYA'O, ,MGYOGS KYI RTZE MA GTOD, CES BYA BA NI, GZHAN LA DNGOS PO BZANG PO YOD PA GA-YO SGYU'I DBANG GIS RANG LA LEN PA'I SBYOR BA MI BYA'O, ,MDZO KHAL GLANG LA MA 'BYO, ZHES BYA BA NI, RANG GZHAN GNYIS KA LA THUN MONG DU 'BAB RGYU'I KHUR LTA BU GA-YO SGYU'I DBANG GIS GZHAN LA BSGYUR BA DANG, RANG LA KHAG NGAN 'PHOG PA GA-YO SGYU'I DBANG GIS GZHAN LA BSGYUR BAR MI BYA'O, ,SKYID KYI YAN LAG TU SDUG MI 'TSOL, ZHES BYA BA NI, DGRA SHIN RANG BSOD NAMS CHER 'GRO BA 'DUG SNYAM PA DANG, GROGS MCHED SHI NA

DPE CHA DANG LHUNG BZED SOGS RANG LA YONG BA 'DUG SNYAM PA DANG, SBYIN BDAG SHI NA RANG LA TSA BA TSOGS GSOG YONG BA 'DUG SNYAM PA LTA BU, RANG SKYID PA'I YAN LAG TU GZHAN SDUG PA 'TSOL BAR MI BYA'O, ,LTO LOG MI BYA, ZHES PA NI; 'JIG RTEN NA NAD PA GTZES PO LA SHI SGRA DANG GLUD GTONG BA NAD PA DE MI 'CHI BA'I LTO LOG YIN PA LTAR, BLO SBYONG YANG NAD ZHI PHYIR DU BSGOMS NA LTO LOG YIN PAS MI BYA'O, ,GO LOG MI BYA, ZHES PA NI, GO LOG DRUG SPANGS NAS GO MA LOG PA DRUG BYA, GO LOG DRUG NI, SANGS RGYAS KYI DGONGS PA DANG MTHUN PA'I DAM PA'I CHOS DON GNYER GYI 'DUN PA MI GTONG BAR, TSE 'DI'I PHUN TSOGS DON GNYER GYI 'DUN PA BYED PA NI, 'DUN PA GO LOG, DAM PA'I CHOS SGRUB PA'I DKA' SPYAD MI BZOD PAR DGRA 'DUL GNYEN SKYONG GI DKA' SPYAD BZOD PA NI, BZOD PA GO LOG, SDIG CAN SDUG BSNGAL GYI RGYU LA GNAS PA LA SNYING RJE MI BYED PAR, LTO GOS LA GYOD BKUR NAS CHOS SGRUB PA LA SNYING RJE SGOM PA NI, SNYING RJE GO LOG, 'GRO BA SGROL BAR DAM BCAS NAS RANG GIS SMIN PAR BYA BA'I MI DAM PA'I CHOS CHED DU GNYER DU MI 'JUG PAR TSE 'DI'I PHUN TSOGS TZAM CHED DU GNYER DU 'JUG PA NI, NYE SEMS GO LOG, RANG GZHAN GYI DGE RTZA LA RJES SU YI RANG MI BYED PAR, DGRA SDUG BSNGAL BA LA RJES SU YI RANG BA NI, RJES SU YI RANG GO LOG GO, GNAD LA MI DBAB, CES PA NI, MI MANG SAR GZHAN GYI MTSANG NAS 'BRU BA RNAM PA THAMS CAD DU MI BYA, LHA BDUD DU MI DBAB

, ,CES BYA BA NI, 'JIG RTEN NA RANG BSTEN PA'I LHAS PHAN 'DOGS SHING GNOD PA LAS SKYOB PA YIN PA LA, GAL TE MA MGUN GNOD PA BYED PA NI, LHA BDUD DU BABS PA YIN PA LTAR, BLO SBYONG BSGOM PA'I STOBS KYIS NGA RGYAL DANG RANG GCES 'DZIN CHER SONG BA NI, LHA BDUD DU BABS PA YIN PAS DER MA SONG BA BYED DO, ,YUD TZAM PA MI BYA, ZHES PA NI, LEGS NYES CUNG ZAD RE LA DGA' MI DGA'I RNAM 'GYUR SNA TSOGS STON PA'I GDOD MI RTAG PA GROGS LA GZAN PAS MI BYA, YANG NA DAM PA'I CHOS NYAMS SU LEN PA'I 'PHRO MI BYED PAR RES 'GA' GANG BYED, RES 'GA' CI BYED PA'I CHOS DES SGRUB PA LA NUS PA MI THON PAS MI BYED, RES 'JOG MI BYA, ZHES PA NI, LTA SPYOD RES 'JOG MI BYED PAR RANG BZHIN GYIS GRUB PA RDUL TZAM YANG MED PA LA, BYA BYED THAMS CAD 'THAD PA'I LTA SPYOD ZUNG 'BREL GYI LAM NYAMS SU LEN, DNGOS DANG YAN LAG GNYIS KAR SPYAD, ZHES PA NI, KUN RDZOB BYANG CHUB KYI SEMS SBYONG PA LTA BU LA, DAL 'BYOR RNYED DKA' SEMS PA SOGS SBYOR BA'I YAN LAG DANG, GTONG LEN SPEL MAR SGOM PA DNGOS GZHI DANG, CHOS THAMS CAD RANG BZHIN MED PAR SGOM PA DANG, BSNGO BA SMON LAM GYIS RGYAS 'DEBS PA SOGS RJES KYI YAN LAG TU BYA'O, ,DON DAM BYANG CHUB KYI SEMS SBYONG LTA BU LA KUN RDZOB BYANG CHUB KYI SEMS SBYONG YAN CHAD SBYOR BA'I YAN LAG DANG, STONG NYID SGOM PA DNGOS KYI YAN LAG DANG, SBYIN PA GTONG BA SOGS RJES KYI YAN LAG TU BYA'O

YUL LA PHYOGS MED DAG TU SBYANG, ,KHYAB DANG GTING 'BYONGS KUN LA GCES, ZHES BYA BA NI, YUL SEMS CAN DANG SEMS CAN MA YIN PA KUN LA PHYOGS RIS MED PAR SBYANG, DE YANG BYANG CHUB KYI SEMS RNAM PA GNYIS KYIS ZIN PAR SBYANG, DE YANG SING SKYUR LA RTZAM RTZING BTAB PA LTA BU'I KHA RU YAM ME BA MA YIN PA'I GTING 'BYONGS PA KUN LA GCES SO, ,RNAL 'BYOR THAMS CAD GCIG GIS BYA, ZHES GSUNGS PA NI, SNGAGS PA LA KHRUS KYI RNAL 'BYOR, ZAS KYi RNAL 'BYOR, NYAL BA'I RNAL 'BYOR SOGS DU MA YOD KYANG, 'DIR NI RNAL 'BYOR THAMS CAD BYANG CHUB KYI SEMS SGOM PA GCIG BUS BYA, LOG GNON THAMS CAD GCIG GIS BYA, ZHES PA NI, RANG LA SDUG BSNGAL DANG MI 'DOD PA CI BYUNG YANG LOG GNON THAMS CAD BYANG CHUB KYI SEMS SGOM PA GCIG PUS BYA'O, ,KO LONG MI SNGOM, ZHES PA NI, RANG LA GNOD PA CI BYUNG YANG, 'DIS 'DI BYAS SO ZHES SEMS LA RI MO 'BRI BA'I KO LONG MI SNGOM, GSHAGS NGAN MA RGOD, CES BYA BA NI, RANG LA GNOD PA CI BYUNG YANG PHA ROL PO'I SEMS LA GNOD PA'I TSIG RTZUB MO MI SMRA, 'OR CHE MA 'DOD, CES PA NI, GZHAN LA PHAN BTAGS PA'I PHAN LAN DNGOS SU RE BA MED KYANG, GZHAN GYIS 'OR CHE ZHES BRJOD NA SEMS DGA' SENG 'GRO, 'OR CHE MA BRJOD NA MI LA BZANG BYAS NGAN BYAS KHYAD MI 'DUG, PHAN BTAGS PA'I LAN DU 'OR CHE ZER BA TZAM YANG MI SHES PA 'DUG SNYAM PA'I 'OR CHE MA 'DOD, YUS MA SGOM, ZHES

, ,BYA BA NI, GZHAN LA PHAN BTAGS PA LA YUS BSGOMS MED DE, SEMS CAN LA DE THOB, RANG LA DE 'OS PA'I PHYIR TE, SEMS CAN GYIS THOG MED NAS MA BYAS, YANG DANG YANG DU BYAS, NAM BYAS RES KYIS PHAN BTAGS PA'I PHYIR, DER MA ZAD SEMS CAN THAMS CAD SANGS RGYAS KYI SA LA BKOD KYANG RANG GI DAM BCA' MTHAR PHYIN PAR 'GYUR BA YIN GYIS, YUS BYAS MED DE, RANG GIS SEMS BSKYED PA'I TSE RGYAL BA SRAS DANG BCAS PA DPANG POR BZHAG NAS 'GRO BA BSGRAL BAR DAM BCAS PA'I PHYIR, 'PHRAL LA GANG THUG SGOM DANG SBYAR, ZHES PA NI, SKYID PA'I DUS DANG SDUG PA'I DUS DANG, YUL GRONG DANG DGON PA SOGS DANG SPYOD LAM 'GRO 'CHAG NYAL 'DUG GI SPYOD LAM DU BLO SBYONG BSGOM PAR BYA'O, ,RKYEN GZHAN DAG LA LTOS MI BYA, ZHES PA NI, CHOS SGOR ZHUGS PA GZHAN LA NAD LA SOGS PA'I 'GAL RKYEN MED PA DANG, ZAS GOS LA SOGS PA'I MTHUN RKYEN TSANG BA LA LTOS KYANG, 'DI PA'I LUGS LA NAD LA SOGS PA'I 'GAL RKYEN 'BYUNG BA DANG, MTHUN RKYEN MA TSANG BA LA BRTEN NAS BLO SBYONG BSGOM PAR BYA'O, ,RGYU MTSAN THAMS CAD GZHOM PAR BYA, ZHES PA NI, GZHAN LA CHAGS SDANG GI RGYU MTSAN DGRA DNGOS SU GYUR PA DANG, GNOD PA'I BLO BCOM NAS NYE RING MED PAR BLO SBYANG BAR BYA'O, ,RTOG DPYOD GNYIS KYIS SHUN MTHAR BYA, ZHES PA NI, RTOG DPYOD GNYIS KYIS RANG RGYUD LA NYON MONGS PA SHAS GANG CHE, DGE SBYOR LA

GANG GIS GNOD SHUN MTHAR DPYAD NAS GANG SHAS CHE BA'I GNYEN PO BSGOM PAR BYA'O, ,DOL CHOD DU SBYANG ZHES PA NI, RANG LA NYON MONGS SKYES BYUNG BA'I TSE, GNYEN PO 'DI TZAM GYIS THUB SNYAM PA'I THE TSOM MI BYED PAR BLO SBYONG LA DMIGS PA GTAD NAS BSGOM PAR BYA'O, ,DA RES GTZO BO NYAMS SU BLANG, ZHES PA NI, SNGAR 'KHOR BAR LUS BLANGS PA THAMS CAD DON MED DU SONG, DA LAN GYI RTEN 'DI LA DON GYI GTZO BO NYAMS SU BLANG, DE YANG 'DI DANG PHYI MA GNYIS KYI NANG NAS PHYI MA'I DON GYI CHOS GTZO, DE YANG BSHAD SGRUB GNYIS LAS SGRUB PA GTZO, SGRUB PA LA YANG DU MA YOD PA LAS, BYANG CHUB KYI SEMS RNAM PA GNYIS SGOM PA GTZO BO YIN PAS DE NYAMS SU BLANG NGO, ,DON CHEN GANG YIN BLANG BAR BYA ZHES PA NI, 'O NA GTZUG LAG KHANG CHEN PO RTZIG PA DANG, LHA CHEN PO BZHED PA DON CHE'AM, SNYAM NA, CHE BA'I DES PA MED DE, DE LA BRTEN NAS GZHAN LA GNOD PA DANG, RANG GI DGE SBYOR 'CHAG MED MANG PO NYAMS PAR 'GYUR BA DANG, GROGS NGAN PA DANG 'GROGS DGOS PA DANG, SEMS CAN GYI LUS SROG LA GNOD PAR 'GYUR PA'I SKABS SRID PA'I PHYIR, 'ON GANG DON CHE SNYAM NA, DING SANG KHAS BLANGS BA'I DAM TSIG DANG SNGOM PA GTZANG MAR SRUNG BA DANG, THOS BSAM SGOM GSUM GYI SGO NAS RGYUD SBYONG BA DON CHE BA YIN PAS, GZHAN DON DU DE BYA'O, ,'BRAS BU RE BA THAMS CAD SPANG, ZHES PA NI, BLO SBYONG SGOM PA'I GANG ZAG DES DON GYI STENG NAS GNAS SKABS DANG MTHAR THUG GI 'BRAS BU THAMS CAD

, ,'BYUNG YANG, RNAL 'BYOR PA'I BLO'I DMIGS PA GTOD TSUL LA, BLO SBYONG BSGOMS PA LA BRTEN NAS RANG GI DGRA DANG, 'DRE'I GNOD PA THAMS CAD SEL BA DANG, LHA DANG MI RNAMS BYAMS PAR 'GYUR BA DANG, RNYED PA DANG BKUR STI THAMS CAD 'THOB PA DANG, PHYI MA LA LHA DANG MI'I GO 'PHANG 'THOB PA DANG, RANG NYID 'BA' ZHIG GI DON DU THAR PA DANG THAMS CAD MKHYEN PA 'THOB TU RE BA SPANGS NAS SEMS CAN GYI DON DU GTONG LEN GNYIS BSGOM MO, ,MA 'ONGS PA LA GO CHA RTAG TU BGO, ZHES PA NI, 'O NA 'BRAS BU RE BA THAMS CAD SPONG NA, LAM LA YANG BRTZON BA MI BYED DAM SNYAM NA, RANG DON DU MI BYED KYANG TSE THOG MA MED PA NAS SEMS CAN THAMS CAD KYIS MA BYAS, YANG DANG YANG DU BYAS, NAM BYAS RES KYIS PHAN SNA TSOGS NAS BTAGS, GNOD PA LAS BSKYABS PA'I DRIN CAN GYI SEMS CAN RNAMS LA SNYING RJES KUN LAS BSLANGS NAS 'DI RNAM KYI DON DU SANGS RGYAS KYI GO 'PHANG THOB PAR BYA, DE THOB PAR BYED PA LA YANG BYANG CHUB KYI SEMS RNAM PA GNYIS SGOM DGOS PAS, BYANG CHUB KYI SEMS RNAM PA GNYIS NYAMS SU BLANG BAR BYA'O SNYAM DU THUN DRUG TU GO CHA BGO BAR BYA'O, ,ZHES THEG PA CHEN PO BLO SBYONG GI GDAMS PA 'DI NI, SANGS RGYAS THAMS CAD KYI MKHYEN BRTZE'I NGO BOR GYUR PA'I SPYAN RAS GZIGS GNYIS PA RJE THAMS CAD MKHYEN PA DGE 'DUN GRUB PA DPAL BZANG PO DE NYID KYIS, SNYIGS DUS KYI SEMS CAN RNAMS LA DGONGS NAS CHOS GRVA CHEN PO 'DZAM GLING GI GTZUG RGYAN BKRA

SHIS LHUN PO DPAL GYI SDE CHEN PHYOGS THAMS CAD LAS RNAM PAR RGYAL BA'I GLING DU SBYAR BA 'DIS KYANG SANGS RGYAS KYI BSTAN PA RIN PO CHE DAR ZHING RGYAS LA YUN RING DU GNAS PA DANG, SEMS CAN THAMS CAD LA BDE SKYID KYI 'BYOR PA RGYAS PAR GYUR CIG, PA RI PRiTZTSA,, DGE'O,, BKRA SHIS,, ,,