, ,SGROL MA PHYAG 'TSAL NYER GCIG GI t'IKKA RIN PO CHE'I PHRENG BA DANG SGROL LJANG SGRUB THABS BZHUGS,,
, ,'PHAGS PA DKON MCHOG GSUM LA PHYAG 'TSAL LO, ,DUS GSUM SANGS RGYAS KUN GYI 'PHRIN LAS MA, ,RGYAL BA'I YUM GYUR BCOM LDAN SGROL MA LA, ,LUS NGAG YID GSUM GUS PAS PHYAG 'TSAL LO, ,YANG DAG PAR RDZOGS PA'I SANGS RGYAS RNAM SNANG GIS GSUNGS PA'I PHYAG 'TSAL NYI SHU RTZA GCIG MA, JI LTAR NUS SHING 'BYED LA SHIN TU MKHAS, DE LA RGYUD 'DI SNGON GYI MKHAS PA PHAL CHE BA NI, RGYUD SDE BZHI'I NANG NAS BYA RGYUD DU GTOGS ZHES GSUNG NGO, ,DE YANG DE BZHIN GSHEGS PA THAMS CAD KYI YUM SGROL MA LA BSTOD PA CES BYA BA'I RGYUD LE'U SUM CU RTZA LNGA YOD PA'I LE'U GSUM PA LA PHYAG 'TSAL NYI SHU RTZA GCIG MA 'DI GSUNGS SO, ,'DI BYA RGYUD YIN MIN BRTAG STE, PHYAG 'TSAL NYI SHU RTZA GCIG MA 'DI, BLA
, ,MED RGYUD DU BKRAL BA'ANG 'DUG GSUNG NGO, ,'DI LA GNYIS, GLENG GZHI DANG, DNGOS BSHAD PA'O, ,DANG PO NI, DE NAS BCOM LDAN 'DAS KYIS 'JAM DPAL GZHON NUR GYUR PA LA BKA' STZAL BA, 'JAM DPAL YUM 'DI NI DUS GSUM GYI SANGS RGYAS THAMS CAD KYI YUM MO, ,'JAM DPAL DE'I PHYIR, DUS GSUM GYI SANGS RGYAS THAMS CAD KYIS BSTOD PA 'DI, 'JAM DPAL KHYOD KYI YID LA GYIS SHIG, DE NAS BCOM LDAN 'DAS KYIS BSTOD PA'I GZUNGS SNGAGS GSUNGS PA CES SO, ,GNYIS PA LA, RTZA BA'I SNGAGS KYIS BSTOD PA 'DI DANG, ,PHYAG 'TSAL BA NI NYI SHU RTZA GCIG, CES GNYIS SU PHYE BA'I, RTZA BA'I SNGAGS KYIS BSTOD PA NI, NA MA SARBA T'A TH'A GA T'A N'Am, TADYA TH'A, AOm NA MO SU KA SA NA MA T'A RE P'A RA MI TA ZHES PA 'DI YIN ZHES 'GA', ZHIG GSUNG LA, SPANG LO CHEN PO NI, AOm; PHYAG 'TSAL SGROL MA T'A RE DPA' MO, ,TUTT'A RA YIS 'JIGS PA KUN SEL, ,TU RES DON RNAMS THAMS CAD RAB STER, ,SV'AH'A YI GER BCAS
LA RAB 'DUD, CES PA RGYA DPE LA YOD PA SPANG LOS BSGYUR BA 'DI YIN GSUNG YANG, RTZA BA'I SNGAGS KYIS BSTOD PA NI, 'DIR BSTAN SNGAGS DANG SPEL BA'I BSTOD TSIG NYI SHU PO 'DI YIN LA, PHYAG 'TSAL NYI SHU RTZA GCIG NI, DE SPEL BA'I PHYAG 'TSAL NYI SHU RTZA GCIG PO 'Di YIN ZHES BLA MA RNAMS GSUNG NGO, ,DES NA, MDOR BSTAN PA RGYAS PAR BSHAD PA, PHAN YON BSTAN PA DANG GSUM, DANG PO NI, AOm RJE BTZUN MA 'PHAGS MA SGROL MA LA PHYAG 'TSAL LO, ZHES PA 'DI YIN PAS, AOm ZHES PA NI, SKYABS SU 'GRO BA'AM, MCHOD PA 'BUL BA'AM, MA DAG PA SBYONG BA'O, ,RJE BTZUN MA ZHES PA LA, RJE NI, DUS GSUM GYI SANGS RGYAS THAMS CAD BSKYED PA'I YUM GYI NANG NAS MCHOG TU GYUR PA'O,, BTZUN ZHES PA NI, PHYI LTAR NA SO THAR, NANG LTAR NA BYANG SEMS,, GSANG BA LTAR NA SNGAGS KYI SDOM PA DANG LDAN PA'O, ,'PHAGS MA NI, MTHONG SPANGS MI DGE BA LAS RING DU SONG ZHING 'KHOR 'DAS LAS 'PHAGS PA'O,, SGROL MA NI, SDUG BSNGAL GYI RGYA MTSO LAS SGROL BA'O,, MA ZHES PA NI, SEMS CAN THAMS CAD LA NYE RING MED PAR 'GRO DON MNYAM DU MDZAD PA'O,, PHYAG CES PA NI, LAS NYON GYI SDIG SGRIBS 'PHYAG PAR BYED PA'O,, 'TSAL ZHES PA NI, LUS NGAG YID GSUM GUS PAR BGYID CES PA'I DON TO,, GNYIS PA LA, LO RGYUS KYI SGO NAS BSTOD PA DANG,
, ,SKU'I RNAM PA'I SGO NAS BSTOD PA, 'PHRIN LAS KYI RNAM PA'I SGO NAS BSTOD PA DANG GSUM, DANG PO NI, PHYAG 'TSAL SGROL MA MYUR MA DPA' MO, ,SPYAN NI SKAD CIG GLOG DANG 'DRA MA, ,'JIG RTEN GSUM MGON CHU SKYES, ZHAL GYI, ,GE SAR BYE BA LAS NI BYUNG MA, ,PHYAG 'TSAL LO ZHES DRANG NGO, ,GANG LA NA, SGROL MA LA'O, ,DE GANG LAS BYUNG NA, SKAD GCIG GIS 'JIGS PA'I PHUNG PO LNGA'AM, BZHI LA BRTEN PA'I 'DOD PA DANG, GZUGS DANG, GZUGS MED PA'I KHAMS GSUM GYI MGON SKYABS 'PHAGS PA 'JIG RTEN DBANG PHYUG GIS 'GRO BA JI SNYED CIG 'KHOR BA LAS BTON KYANG, NYUNG DU MA SONG BAR GZIGS NAS, BSHUMS PA'I SPYAN CHAB KYI CHU LAS SKYES PA'I, AUTPA LA'I ZHAL GYI GE SAR BYE BA LAS BYUNG BA'O,, DES SEMS CAN GYI DON GYI MYUR BA NI, MYUR DU DE DAG 'KHOR BA LAS SGROL BA'I ZHABS TOG BGYID LAGS KYIS, SPYAN CHAB MI GTONG BAR ZHU, ZHUS NAS 'KHOR BA'I GA-YUL , NGO ZLOG PA LA DPA' MO'O,, DE BAS NA, DE'I SPYAN CHAB GNYIS SKAD CIG GIS GSAL BA'I GLOG DANG 'DRA BAS 'JIG RTEN GSUM LA GZIGS PA'O, 'DI LA PAn CHEN NYI MA SBAS PAS, RAB TU DPA' BA'I SGROL MA ZHES GSUNGS SO,, 1 GNYIS PA LA, LONGS SKU'I RNAM PA'I SGO NAS BSTOD PA DANG, CHOS SKU'I RNAM PA'I SGO NAS BSTOD PA GNYIS, DANG PO LA, ZHI BA'I RNAM PA'I SGO NAS BSTOD PA DANG, KHRO MO'I RNAM PA'I SGO NAS BSTOD PA GNYIS, DANG
PO LA, PHYAG 'TSAL DRUG YOD PA'I, DANG PO ZHAL MDANGS GSAL ZHING 'OD ZER 'PHRO BA'I SGO NAS BSTOD PA NI, PHYAG 'TSAL STON KA'I ZLA BA KUN TU, ,GANG BA BRGYA NI BRTZEGS PA'I ZHAL MA, ZHES SOGS TE, SPRIN DANG, KHUG RNA SOGS KYI SGO NAS RDUL DANG BRAL BA'I, STON KA'I ZLA BA KUN TU GANG BA, ZHES PA 'PHRO RDZOGS SHING 'BRI BA'I MGO MA TSUGS PA'I NYA GANG BA'I ZLA BA'O,, DE 'DRA BRGYA NI BRTZEGS PA BAS TE, BRGYA SPUNGS PA LAS KYANG 'OD PHYE, BA'I ZHAL DANG LDAN MA, ZHAL DE NAS SKAR MA STONG PHRAG TSOGS PA BAS KYANG RAB TU SKYE PHYE BA'I 'OD RAB 'BAR MA'O,, YANG NA, BRGYAD GNYIS PA SGRIGS ZHES 'DON PA LTAR NA, ZHAL GYI NANG NA ZLA BA LTA BU'I TSEMS BRGYAD GNYIS BCU DRUG BSGRIGS PA'I ZHAL RAS LA SKAR MA STONG PHRAG TSOGS PA BAS KYANG LHAG PA'I 'OD 'PHRO ZHES PA DANG, BRGYAD PO DE GNYIS BSGRIGS ZHES PAS, MTSAN BZANG PO SO GNYIS MTSON PA'O,, 'DI LA DKAR MO MDANGS LDAN SGROL MA ZHES BSHAD DO,, NYA GNYIS PA SKU MDOG DANG, PHYAG MTSAN DANG, RGYU'I SGO NAS BSTOD PA NI, PHYAG 'TSAL SER SDO CHU NAS SKYES KYI, ,PADMAS PHYAG NI RNAM PAR BRGYAN MA, ZHES SOGS TE, SNGO BA NI, SKU MDOG, SER NI, KHA DOG DVANGS PA MTSON PA STE; GSER MDOG CAN GYI SGROL MA ZHES 'BYUNG BAS SO, ,DE'I PHYAG GA-YON GYI SRIN LAG GIS CHU NAS SKYES PA'I PADMA STE AUTPA LAS THUGS KAR RNAM PAR BRGYAN PA STE, BZUNGS NAS SNYAN GYI THAD KAR KHA BYE BA NI, PHA ROL TU PHYIN PA
, ,BCU DAG PA'I RTAGS SO,, DE BAS NA, SBYIN PA BRTZON 'GRUS DKA' THUB STE TSUL KHRIMS, BZOD PA, BSAM GTAN SPYOD YUL TE, SHES RAB KYI PHA ROL TU PHYIN PA RNAMS SO,, ZHI BA ZHES PA, MI MTHUN PHYOGS, SER SNA, LE LO, 'CHAL TSUL, KHONG KHRO, RNAM GA-YENG, LOG PA'I LTA BA SOGS ZHI BA NI, SGRON MA'I SPYOD YUL TE, DE'I RGYU LAS BYUNG ZHES PA'O,, 3 GSUM PA, RGYAL BA DANG, RGYAL SRAS KYIS GUS PAS BSTEN PA'I SGO NAS BSTOD PA NI, PHYAG 'TSAL DE BZHIN GSHEGS PA'I GTZUG TOR, CES SOGS TE, DE BZHIN GSHEGS PA THAMS CAD KYI YUM YIN PAS DBU'I GTZUG TOR LTAR 'KHUR ZHING, DE BAS NA, TSE 'DI'I RGUD PA DANG, NYON MONGS PA'I SGRIB PA DANG, 'KHOR GSUM DU GTOGS PA SOGS SHES BYA'I SGRIB PA MTHA' YAS PA LAS RNAM PAR RGYAL BAR SPYOD MA'O, ,RGYAL SRAS KYIS BSTEN PA NI, SA BCU MA LUS PA'I NGO BO, PHA ROL TU PHYIN PA BCU THOB PA'I RGYAL BA'I SRAS BYANG CHUB SEMS DPA' RNAMS KYIS SHIN TU GUS PA'I GTZUG GIS BSTEN PA'O, ,'DI LA GTZUG TOR RGYAN PA'I SGROL MA ZHES 'BYUNG NGO,, 4 BZHI PA MI MTHUN PHYOGS GNON PA'I SGO NAS BSTOD PA NI, PHYAG 'TSAL TU TT'A RA H'Um YI GIS, ZHES, SOGS TE, TU TT'A RA H'Um ZHES PA'I GSUNG DANG, THUGS GA'I H'Um YIG NI, STONG NYID SNYING RJE MTSON PAS, DES MTHUN PHYOGS 'DOD PA DANG, PHYOGS GZUGS KHAMS DANG, NAM MKHA' GZUGS MED KHAMS TE, 'DOD PA
NGAN SONG GSUM, 'DOD PA'I LHA MI GNYIS, GZUGS DANG GZUGS MED KYI 'JIG RTEN BDUN PO, STONG NYID SNYING RJE'I SNYING PO CAN GYI ZHABS KYIS MNAN TE, LUS PA MED PAR DE DAG BDE BA LA 'GUGS PAR NUS MA'O,, 'DI LA H'Um SGRA SGROGS PA'I SGROL MA ZHES 'BYUNG NGO,, 5 LNGA PA 'JIG RTEN PA'I LHA CHEN PO RNAMS KYIS BSTOD PA NI, PHYAG 'TSAL LO, GANG LA NA, LHA DBANG BRGYA SBYIN, ME LHA, TSANGS PA, RLUNG LHA LA SOGS SNA TSOGS PA'I DBANG PHYUG STE, GTZO BO RNAMS KYIS MCHOD PA'I SGROL MA'O,, DER MA ZAD 'BYUNG PO'I GTZO BO TSOGS BDAG, RO LANGS KYI GTZO BO DBANG PHYUG CHEN PO, DRI ZA ZUR PHUD LNGA PA LA SOGS PA RNAMS DANG, GNOD SBYIN GYI GTZO BO RNAM THOS KYI SRAS 'KHOR GYI TSOGS DU MA DANG BCAS PA RNAMS KYIS MDUN NAS BSTOD MA'O,, 'DI LA RNAM PAR RGYAL BA'I SGROL MA ZHES 'BYUNG NGO,, 6 DRUG PA PHA ROL 'JOMS PA'I SGO NAS BSTONG PA NI, PHYAG 'TSAL TRAD CES BYA NGANG PHAt KYIS, ,PHA ROL 'KHRUL 'KHOR RAB TU 'JOMS MA, ZHES SOGS TE, DRAG PO'I SNGAGS KYIS PHA ROL GYIS BYAS PA'I MTHU DANG, BYAD MA LA SOGS PA'I 'KHRUL 'KHOR GYIS GNAS SKABS DANG, MTHAR THUG GI BDE BA LA BAR DU GCOD PA 'JOMS MA STE, 'DI LA RGOL BA 'JOMS PA'I SGROL MA ZHES 'BYUNG NGO,, 7 DE LTA BU'I ZHI BA'I BZHUGS TSUL NI, GA-YAS BSKUMS PA NI, STONG NYID RTOGS PA MTSON, GA-YON BRKYANGS PA NI, SNYING RJE MTSON, DE LTA BU'I STONG NYID SNYING
, ,RJE'I ZHABS SRID GSUM MNAN TE, ME 'BAR 'KHRUG PA SHIN TU 'BAR MA, ZHES PA NI, PHYI KHRO MOR GYUR PA, DA LTA YANG CUNG ZAD KHROS PA'I TSUL GYIS ME 'BAR BA'I DBUS NA 'GYINGS PA'O,, GNYIS PA KHRO MO'I RNAM PA'I SGO NAS BSTOD PA LA, PHYAG 'TSAL BDUN YOD PA'I, DANG PO BDUD DANG SGRIB GNYIS SPYOD PA'I YON TAN NI, PHYAG 'TSAL TU RE 'JIGS PA CHEN MO, ,BDUD KYI DPA' BO RNAM PAR 'JOMS MA, ZHES SOGS TE, TU RE NI, SGROL MA, 'JIGS PA CHEN MO'I, KHRO MO, BDUD KYI DPA' BO NI, NYON MONGS PA YIN PAS, DE LA SOGS PA BDUD BZHI RNAM PAR 'JOMS MA'O,, GZHAN YANG, DE LTA BU'I CHU SKYES KYI ZHAL NI, KHRO GNYER LDAN MDZAD DE, KHRO MO'I CHA LUGS MDZAD DE, KHRO MO'I CHA LUGS MDZAD PAS THAR PA THOB PA LA BAR DU GCOD PA'I DGRA BO NYON MONGS PA'I SGRIBS, THAMS CAD MKHYEN PA LA BAR DU GCOD PA'I DGAR BO SHES BYA'I SGRIB PA MA LUS PA STE, BAG CHAGS DANG BCAS PA GSOD PAR MDZAD MA'O,, 'DI LA DBANG MCHOG STER BA'I SGROL MA ZHES 'BYUNG NGO,, GNYIS PA GA-YAS GA-YON GYI PHYAG MTSAN GYI SGO NAS BSTOD PA NI, GA-YON PA'I PHYAG MTSAN PHYAG 'TSAL DKON MCHOG GSUM MTSON PHYAG RGYA'I,, SO MOS THUGS KAR RNAM PAR BRGYAN MA, ZHES PA'I MTHEB SRIN GNYIS KYIS AUTPA LA BZUNGS SHING, BDZUB MO GUNG MO, MTHE CHUNG GSUM GYI SOR MO THUGS KAR BRKYANGS PA'I TSUL GYIS RNAM PAR BRGYAN MA'O,, GA-YAS PA'I,,
PHYAG MTSAN, MA LUS PHYOGS KYI 'KHOR LOS BRGYAN PA'I, ,RANG GI 'OD KYI TSOGS RNAMS 'KHRUG MA, ,PHYAG GA-YAS KYI PHYOGS MA LUS PA MCHOG SBYIN MDZAD PA'I PHYAG GI MTHIL 'KHOR LOS BRGYAN PA'I RANG GI PHYAG MTSAN GYI 'KHOR LO'I 'OD KYIS, 'OD KYI TSOGS GZHAN RNAMS 'KHRUG PA STE ZIL GYIS GNON MA'O,, 'DI LA SENG LDENG NAGS KYI SGROL MA ZHES 'BYUNG NGO,, ^ GSUM PA DBU RGYAN DANG BZHAD SGRA'I SGO NAS BSTOD PA NI, PHYAG 'TSAL RAB TU DGA' BA BRJID PA'I,, DBU RGYAN 'OD KYI PHRENG BA SPEL MA, ZHES 'PHAGS MA'I RGYAN GYIS, RAB TU DGA' BA DAD CING MOS PA'I 'DUL BYA RNAMS KYI 'DOD PA BSKANGS NAS BRJID PA NI, 'OD GZHAN ZIL GYIS GNON PA'I 'OD KYI PHRENG BA NOR BU'I GTZUG RGYAN DANG SPEL MA'O,, SNGAGS KYI BZHAD SGRA RAB TU BZHAD PA T'AR YIS BDUD DANG, 'JIG RTEN GYI LHA CHEN BRGYAD DBANG DU MDZAD MA'O,, 'DI LA MYA NGAN SEL BA'I SGRON MA ZHES 'BYUNG NGO,, 10 BZHI PA PHYOGS SKYONG BCUS 'PHRIN LAS SGRUB PA'I SGO NAS BSTOD PA NI, , PHYAG 'TSAL SA GZHI SKYONG BA NI, PHYOGS SKYONG BCU YIN LA, TSOGS RNAMS NI, 'KHOR DANG BCAS PA THAMS CAD 'GUGS PAR NUS MA STE, DE THAMS CAD BKUG NAS 'PHRIN LAS SGRUB TU 'JUG PA'O,, KHRO GNYER GA-YO BA NI, KHRO MOR BZHUGS PA'I THUGS KA'I H'Um YIG GI 'OD ZER GYI BDE BAS, 'PHONGS ZHING SDUG BSNGAL GYIS GZIR BA THAMS CAD SDUG BSNGAL DE LAS RNAM PAR SGROL BAR MDZAD MA'O,, 'DI LA DGUG PA'I SGROL MA ZHES 'BYUNG NGO,, 11 LNGA PA DBU RGYAN GYI SGO,
, ,NAS BSTOD PA NI, PHYAG 'TSAL ZLA BA'I RTZE MOS DBU BRGYAN, ,BRGYAN PA THAMS CAD SHIN TU 'BAR MA, ZHES PA DBU RGYAN DNGOS TE, ZLA BA'I RTZE MO STE, TSES GCIG GI ZLA BAS DBU BRGYAN CING, DBU RGYAN ZLA BA THAMS CAD LAS, SDUG BSNGAL SEL BA'I 'OD ZER SHIN TU 'BAR MA'O, ,RAL PA'I KHUR NA 'OD DPAG MED LAS, ,RTAG PAR SHIN TU 'OD NI MDZAD MA, ZHES PA NI, DBU RGYAN GNYIS PA STE, SPYI GTZUG GI SKRA'I GSEB NA, SNANG BA MTHA' YAS BZHUGS PA LA, SEMS CAN GYI DON DU DUS RTAG PAR SHIN TU STE MANG POR 'OD NI, 'GYED PAR MDZAD MA'O,, 'DI LA BKRA SHIS SNANG BA'I SGROL ZHES 'BYUNG NGO,, 12 DRUG PA DRAG PO'I BZHUGS TSUL GYI SGO NAS BSTOD PA NI, PHYAG 'TSAL BSKAL PA MTHA' MA'I ME LTAR, ,'BAR BA'I PHRENG BA'I DBUS NA GNAS MA, ,GA-YAS BRKYANGS GA-YON BSKUMS KUN NAS BSKOR DGA', ,DGRA YI DPUNG NI RNAM PAR 'JOMS MA, ZHES PA STE, BSKAL PA MTHA' MA'I ME NI, NYI MA BDUN LAS TSA BA'I 'OD ZER GYIS SA RDO RNAMS SREG PA LTAR, YE SHES KYI ME LCE 'BAR BA'I PHRENG BA'I DBUS NA KHRO MO'I BZHUGS LUGS BSTAN NAS, ZHABS GA-YAS BRKYANGS SHING GA-YON BSKUMS NAS DAD PAS CHOS 'KHOR BSKOR BAR DGA' BA'I GDUL BYA RNAMS KYI DGRA YI DPUNG NYON MONGS PA RNAM PAR 'JOMS PA'O,, 'DI LA SMIN PAR BYED PA'I SGROL ZHES 'BYUNG NGO,, 13 BDUN PA'I H'Um YIG LAS 'OD ZER 'PHRO BA'I SGO NAS
BSTOD PA NI, PHYAG GI 'TSAL SA GZHI'I NGOS LA PHYAG GI, ,MTHIL GYIS BSNUN CING ZHABS KYIS BRDUNG MA, ,KHRO GNYER CAN MDZAD YI GE H'Um GIS, ,RIM PA BDUN PO RNAMS NI 'GEMS MA, ZHES PA LA, KHRO GNYER CAN MDZAD CES PA, KHRO MO'I CHA BYAD KYI ZHABS GA-YAS KYI MTHIL GYIS SA LA BSNUN CING, SDIGS MDZUB MDZAD DE THUGS KA'I YI GE H'Um GIS 'JIG RTEN RIM PA BDUN PO RNAMS KYI SRID MTSO 'GEMS MA STE, SKEMS MA'O,, 'DI LA KHRO GNYER GA-YO BA'I SGROL MA ZHES 'BYUNG NGO,, 14 GNYIS PA CHOS SKU'I SGO NAS BSTOD PA NI, PHYAG 'TSAL BDE MA DGE MA ZHI MA, ,MYA NGAN 'DAS ZHI SPYOD YUL NYID MA, ZHES PA RJE BTZUN GRAGS PAS, BDE MA NI, ZAG MED KYI BDE BA DANG LDAN MA, DGE MA YANG SPANG BYA NYON MONGS PA DANG BRAL BAS DGE MA, ZHI MA NI, 'BRAS BU SDUG BSNGAL ZHI MA, RTOG PA ZHI BA'I MYA NGAN LAS 'DAS PA LA SPYOD PA NYID MA ZHES SO, ,YANG MKHAS PA KHA CIG NI, ,RANG BZHIN SKYE MED LA TSOGS LAM DU THOS BSAM GYIS SGRO 'DOGS CHOD NAS, MA BDE BA MED PAS BDE MA, SBYOR LAM DU SGOM BYUNG GIS NYAMS SU MYONG NAS NYON MONGS RAGS PA'I RNAM RTOG GI MTSAN MA MED PAS DGE MA, MTHONG LAM DU SA BON DANG BRAL NAS, 'BRAS BU SKYE RGA NA 'CHI SOGS KYI SDUG BSNGAL ZHI BAS ZHI MA, MI SLOB LAM DU BAG CHAGS DANG BCAS PA ZHI BA'I MYA NGAN LAS 'DAS PA CHOS SKU MNGON DU MDZAD MA'O,, SV'A H'A AOm DANG YANG DAG LDAN PAS, ,SDIG PA CHEN PO 'JOMS PA NYID MA, ZHES
, ,PA GSUNG YI GE BCU PA, MJUG TU SV'A H'A, DANG POR AOm DANG, BAR DU SNGAGS BRGYAD DANG YANG DAG PAR LDAN PAS, SDIG PA CHEN PO DNGOS 'DZIN GYI GTI MUG 'JOMS PA NYID MA, ZHES PA THUGS DANG,, GSUNG CHOS SKU'I SGO NAS BSTOD PA'O,, 'DI LA DGE LEGS ZHI BA'I SGROL MA ZHES 'BYUNG NGO,, 15 GSUM PA 'PHRIN LAS KYI SGO NAS BSTOD PA LA, PHYAG 'TSAL DRUG YOD PA'I, DANG PO ZHI KHRO'I SNGAGS KYI 'PHRIN LAS NI, PHYAG 'TSAL KUN NAS BSKOR RAB DGA' BA'I, ,DGRA YI LUS NI RAB TU 'GEMS MA, ,YI GE BCU PA'I NGAG NI BKOD PA'I, ,RIG PA H'Um LAS SGROL MA NYID MA, ZHES PA'I YI GE BCU PA'I NGAG GI BKOD PA NI, AOm T'A RE TU TT'A RE TU RE SV'A H'A,, ZHES PA YI GE'I SNGAGS SO,, RIG PA H'Um NI, AOm NA MA TA RE NA MO, HA RE H'Um HA RA SV'A H'A, ZHES PA KHRO MO'I SNGAGS SO, DE GNYIS KYIS KUN NAS DAD PAS CHOS 'KHOR BSKOR BA LA RAB TU DGA' BA'I GDUL BYA RNAMS KYI THAR PA'I DGRA BO LUS NANG LA BDAG TU CHAGS PA DANG, PHYI ROL LA BDAG GIR CHAGS PA RAB TU 'GEMS MA STE, CHAGS PA 'JOMS PA'I SGROL MA ZHES 'BYUNG NGO,, 16 GNYIS PA KHRO MOS KHAMS GSUM GA-YO BA'I 'PHRIN LAS NI, PHYAG 'TSAL TU RE'I ZHABS NI BRDABS PAS, ,H'Um GI RNAM PA'I SA BON NYID MA, ZHES SOGS TE, H'Um GI RNAM PA'I SA BON LAS SKYES PA'I TU RE'I ZHABS BRDABS PAS PHYI ROL NA, RE RAB MANDHA RA DANG 'BIGS BYED LA SOGS PA, 'JIG,
RTEN GSUM PO RNAMS GA-YO NUS PA NYID DO,, 'DI LA BDE BA SGRUB PA'I SGROL MA ZHES 'BYUNG NGO,, 17 GSUM PA BRTAN GA-YO'I DUG RNAMS SEL BA'I 'PHRIN LAS NI, PHYAG 'TSAL LHA YI MTSO YI RNAM PA'I, ,RI DVAGS RTAGS CAN PHYAG NA BSNAMS MA, ZHES SOGS TE, LHA'I MTSO LTA BU'I ZLA BA'I DKYIL 'KHOR RI BONG GI RTAGS CAN PHYAG NA BSNAMS MA STE, BRTAN PA'I DUG NYON MONGS PA'I GDUNG BA SEL BA'I RTAGS SO,, NGAG TU T'A RA GNYIS BRJOD PHAt KYI YI GES GA-YO BA'I DUG RNAMS MA LUS PAR NI SEL MA'O,, 'DI LA RNAM PAR RGYAL BA'I SGROL MA ZHES 'BYUNG NGO,, 18 BZHI PA RTZOD PA DANG RMI LAM NGAN PA SEL BA'I 'PHRIN LAS NI, PHYAG 'TSAL LHA YI TSOGS RGYAL PO DANG ZHES PA 'DOD LHA BRGYA SBYIN DANG,, GZUGS KYI TSANGS PA CHEN PO STE LHA'I TSOGS RNAMS KYI RGYAL PO DANG, LHA DANG MI'AM CI'I RGYAL PO LJON PA CHEN PO LA SOGS PAS GTZUG GIS GUS PAS BSTEN MA SGROL MA NYID DO,, KUN NAS GUS PAS SKU ZHI KHRO'I CHE DANG, ZHI KHRO'I SNGAGS KYI GO CHA DGA' BA'I YID RTZE GCIG PAS YID LA BYED NA, BYIN RLABS KYI GZI BRJID KYIS PHA ROL PO'I RTZOD PA DANG, RMI LAM NGAN PA YANG SEL BA NYID DO, ,'DI LA SDUG BSNGAL SREG BYED SGROL MA ZHES 'BYUNG NGO,, 19 LNGA PA RIMS NAD SEL BA'I SGROL MA'I 'PHRIN LAS NI, PHYAG 'TSAL NYI MA ZLA BA RGYAS PA LTA BU'I SPYAN GA-YAS PA, ZLA BA RGYAS PA LTA BU'I SPYAN GA-YON PA CES GSUNG YANG, NYI MA RGYAS PA LTA BU'I KHRO MO'I SPYAN, ZLA BA RGYAS PA LTA BU'I ZHI BA'I SPYAN
, ,GNYIS PO LA 'OD RAB TU GSAL BA 'PHRO BA DANG, NGAG TU KHRO MO'I SNGAGS HA RA GNYIS BRJOD, ZHI BA'I SNGAGS TU TT'A RA YI SNGAGS BRJOD PA YIS SHIN TU DRAG PO'I RIMS NAD SEL MA NYID DO, 'DI LA DNGOS GRUB 'BYUNG GNAS SGROL MA ZHES 'BYUNG NGO,, 20 DRUG PA GDON DANG RO LANGS 'JOMS PA'I 'PHRIN LAS NI, PHYAG 'TSAL DE NYID GSUM RNAMS BKOD PA'I, ZHES PA SKU GSUNG THUGS KYI DE NYID DE, SKU'I DE NYID SPYI BOR AOm, GSUNG GI DE NYID MGRIN PAR A'A: THUGS KYI DE NYID THUGS KAR H'Um RNAMS BKOD PA'I MTHU BRTAN PA'I, DRUG NYON MONGS ZHI BA'I MTHU DANG YANG LDAN MA, GA-YO BA'I DUG GDON DANG RO LANGS GNOD SBYIN TSOGS RNAMS 'JOMS PA LA, RAB MCHOG NI, TU RA SGROL MA NYID YIN NO,, 'DI LA YONGS SU RDZOGS BYED SGROL MA ZHES 'BYUNG NGO,, 21 GSUM PA LA PHAN YON BSAM PA'I KHYAD PAR, DUS KYI KHYAD PAR, PHAN YON DNGOS BSHAD PA, GRANGS KYI SGO NAS PHAN YON BSDUS TE BSTAN PA DANG BZHI, DANG PO NI, ZHI BA DANG KHRO MO'I RTZA BA'I SNGAGS KYI BSTOD PA NYER GCIG PO 'DI DANG, SGO GSUM GUS SAS PHYAG 'TSAL BA NI NYI SHU RTZA GCIG, LHA MO SGROL MA LA GUS PA DANG YANG DAG PAR LDAN PAS TE, KHA TZAM TSIG TZAM MIN PAR, RTZE GCIG PA NYID KYI BLO SHES RAB DANG LDAN PA GANG GIS RAB TU DAD PAS BRJOD PAS, DUS NI, SROD DANG THO RANGS MAL NAS LANGS PAR BYAS NAS, DRAN PA CES PA, SPYIR SKU DANG, GSUNG SNGAGS DANG,
BSTOD PA DANG, KHYAD PAR SROD KYI DUS SU KHRO MO'I NGANG, THO RANGS DUS SU ZHI BA'I SKU SOGS DRAN PA TZAM GYIS TSE 'DI'I NAD GDON DANG, DUS MIN 'CHI BA LA SOGS PA BAR CHAD KYI MI 'JIGS PA THAMS CAD RAB TU STER BA, PHYI MAR NGAN , 'GRO'I RGYU SDIG PA THAMS CAD RAB TU ZHI BAS NA, 'BRAS BU NGAN 'GRO THAMS CAD 'JOMS PA NYID DO, PHAN YON NI, RGYAL BA BYE BA PHRAG BDUN RNAMS KYIS MYUR DU STE, TSE DE NYID LA DBANG NI, RIM PAR BSKUL BAR 'GYUR LA, TSE 'DI LA MI DANG MI MA YIN DBANG DU 'DU BA LA SOGS PA'I THUN MONG GI CHE BA'I DNGOS GRUB THOB CING, MCHOG GI DNGOS GRUB SANGS RGYAS KYI GO 'PHANG MTHAR THUG DER 'GRO, SANGS RGYAS KYI GO 'PHANG DE'I BAR DU BCOD PA'I DUG NI DVAG PO CHEN PO LOG LTA NYID DO,, DE MTHAR PHYIN PAR BYED CING GTAN NAS GNAS PAR BYED PA NI, GTI MUG GI CHOS KYIS CHOS KYI GNAS LUGS LA SKUR BA BTAB PA TZAM, ZHE SDANG DRAG POS CHOS DANG CHOS SMRA BA LA ZHE SDANG BA'I LAS RNAMS , 'JOMS ZHES PA BRTAN PA'I DUG RNAMS SEL BA'O,, GZHAN YANG GA-YO BA'I DUG 'GRO BA KHYI DRUG DANG, SBRUL DRUG GIS ZIN PA DANG, ZOS PA DANG NI 'THUNGS PA STE, ZAS SGOM GYI DUG NYID KYANG, LHA MO'I SKU SOGS DRAN PA TZAM GYIS RAB TU SEL BA NYID THOB PA, SDUG BSNGAL GYI RGYU SEL BA'O,, 'BRAS BU SDUG BSNGAL DRAG PO SEL BA NI, GDON DANG RIMS DANG DUG GIS GZIR BA STE SKYE BA'I SDUG BSNGAL TSOGS NI RNAM PAR SPO STE, ZHES PA RANG DON
, ,TO; GZHAN DON NI, SEMS CAN GZHAN PA RNAMS LA YANG NGO, ZHES GZHAN GYI DON DU YANG GUS PA DANG LDAN PAS SROD DANG THO RANGS LANGS PAR BYAS TE, SKU SOGS YID LA DRAN BZHIN DU BRJOD NA PHAN YON GONG BZHIN DU THOB CES PA'O,, BZHI PA GRANGS GYI SGO NAS PHAN YON BSDUS PA NI, GNYIS GSUM BDUN DU MNGON PAR BRJOD NA, ZHES PA, GRAGS PA'I MAndAL BZHI MA LTAR TE, DE'I DON LA SNYAN NGAG PA 'GA' ZHIG , GNYIS SU BRJOD NA BU 'DOD PAS NI BU THOB 'GYUR ZHING, GSUM DU BRJOD NA NOR 'DOD PAS NI NOR RNAMS NYID THOB, BDUN DU BRJOD NA 'DOD PA THAMS CAD THOB PAR 'GYUR TE ZHES ZER, SPANG LOS NI, GNYIS GSUM ZHES PA LA, GNYIS NI, SGRUB PA PO RTEN GYI GANG ZAG GI KHYAD PAR TE, BLO LDAN GANG GIS ZHES PAS, DBANG RNON CHOS KYI RJES 'BRANGS DANG, RAB DANG CES PAS DBANG RTUL DAD PA'I RJES 'BRANGS BSTAN LA, GSUM ZHES PAS DUS KYI KHYAD PAR BSTAN TE, SROD DANG THO RANGS LANGS PAR BYAS NAS ZHES PA NAM LANGS NAS SROD THUN GYI BAR RO,, BDUN DU MNGON PAR BRJOD NA, ZHES PA GRANGS KYI KHYAD PAR TE, DUS GSUM PO DE LA BDUN BDUN TE, BDUN GSUM NYI SHU RTZA GCIG BRJOD NA, MI 'JIGS PA THAMS CAD STER BA LA SOGS PA 'DOD PA THAMS CAD THOB PAR 'GYUR TE, DE THOB PA LA YANG BAR CHAD BYED PAR MA NUS PAS, BGEGS RNAMS MED CING DE'I GNYEN PO RE RES SBANG BYA RE RE
'JOMS PAR 'GYUR CES GSUNGS SO,, RIN PO CHE BU STON GYIS NI, GNYIS ZHES BYA BA NYIN MTSAN GYI CHA GNYIS, GSUM ZHES PA DE RE RE LA THUN GSUM GSUM STE, NYIN MO LA SNGA DRO, NYIN GUNG RGONGS THUN GSUM, MTSAN MO LA SRONG GUNG THUN, THO RANGS TE THUN DRUG PO 'DI LA, BDUN BDUN TE BZHI BCU RTZA GNYIS NYIN MTSAN PHRUGS GCIG LA BRJOD NA, PHAN YON DE RNAMS 'BYUNG BA YIN GSUNG, RJE BTZUN MA 'PHAGS MA SGROL MA LA YANG DAG PAR RDZOGS PA'I SANGS RGYAS RNAM PAR SNANG MDZAD KYIS BSTOD PA RNAM PAR DBYE BA RDZOGS SO,, ` ,,NA MA A'ARYA T'A RA YE, RJE BTZUN SGROL MA SGRUB PAR 'DOD PAS, SKYABS 'GRO SEMS BSKYED TSAD MED BZHI SGOM PA SNGON DU 'GRO BAS, SVA BH'A WA'I SNGAGS KYIS STONG PAR SBYANGS, STONG PA'I NGANG LAS, PA LAS PADMA DANG, AA LAS ZLA BA'I DKYIL 'KHOR DKAR GSAL NYA GANG BA'I STENG DU, TAm LAS AUTPA LA SNGON PO TAm GYIS MTSAN PA LAS 'OD 'PHROS, 'PHAGS PA MCHOD, SEMS CAN GYI DON BYAS, TSUR 'DUS YONGS SU GYUR PA LAS, RANG NYID RJE BTZUN SGROL MA SKU MDOG SNGO LJANG ZHAL GCIG PHYAG GNYIS KYI GA-YAS MCHOG SBYIN DANG, GA-YON SKYABS SBYIN GYI PHYAG RGYAS AUTPA LA'I YU BA MTHEB SRIN GYIS 'DZIN PA'I AUTPA LA SNYAN GYI THAD DU KHA BYE BA, DAR SNA TSOGS KYI NA BZAS KLUBS SHING, RIN PO CHE'I RGYAN GYIS SBRAS PA, ZHABS SKYIL KRUNG PHYED PA'I STABS KYIS BZHUGS SHING, BCU DRUG LON PA'I NA TSOD
, ,CAN, ZHI ZHING SGEG PA'I NYAMS DANG LDAN PA'I DPRAL BAR AOm, MGRIN PAR A'A: THUGS KAR H'Um, RANG GI THUGS KA'I H'Um LAS 'OD 'PHROS, SENG LDENG NAGS KYI TSAL NAS, RJE BTZUN SGROL MA LA SANGS RGYAS DANG BYANG CHUB SEMS DPA'I TSOGS KYIS BSKOR BA SBYAN DRANGS, DZA: H'Um BAm HO: DAM TSIG PA DANG GNYIS SU MED PAR GYUR, SLAR YANG THUGS KA'I H'Um LAS 'OD 'PHROS DBANG GI LHA RNAMS SPYAN DRANGS, KHYED RNAMS KYIS BDAG LA MNGON PAR DBANG BSKUR DU GSOL ZHES GSOL BA BTAB PAS, DE RNAMS KYIS BDUD RTZIS GANG BA'I BUM PA THOGS NAS, DBANG BSKUR, LUS GANG, DRI MA DAG, CHU LHAG PA SBYI GTZUG TU GNAS PA LAS, 'OD DPAG TU MED PAS DBU BRGYAN PAR GYUR, DE NAS RIN PO CHE'I SNOD YANGS SHING RGYA CHE BA RNAMS KYI NANG DU, LHA RDZAS LAS GRUB PA'I MCHOD YON, ZHABS BSIL LA SOGS PA'I MCHOD PA THAMS CAD RANG BZHIN BDE STONG, RNAM PA MCHOD RDZAS LA SOGS PA'I DBANG PO DRUG GI SPYOD YUL DU ZAG MED KYI BDE BA STER BAR GYUR, AOm A'A: H'Um LAN GSUM BRJOD, A'ARYA T'A RE SA PA RI W'A RA AARGHAm NAS, SHAPTA'I BAR GYIS MCHOD, LHA DANG LHA MIN COD PAN GYIS, ZHES SOGS DANG, GANG SKU RIN CHEN RGYAN GYIS SBRAS PA NI, ,MA RGAD RI LA RGYU SKAR BKRAM PA BZHIN, ,LTA BAS MI NGOMS KUN GYI YID 'PHROG MA, ,LHAG PA'I LHA MO AUTPAL BSNAMS LA 'DUD, CES PA'I BSTOD PAS BSTOD, BZLAS
PA NI, RANG GI SNYING KHAR ZLA BA'I DKYIL 'KHOR GYI STENG DU TAm GYI MTHAR AOm T'A RE TUTT'A RE TU RE SV'AH'A, ZHES PAS BSKOR BA LA DMIGS NAS BZLAS PA BYA ZHING, GZHAN LANG 'DON PA SPOS TE BYA'O,, DE LTAR LHAG PA'I LHA MO RJE BTZUN MA, , SGRUB PA'I MAN NGAG BSHAD PA'I DGE BA DES, ,BDAG SOGS MA LUS SANGS RGYAS MA THOB BAR, ,RJE BTZUN SGROL MAS RJES SU 'DZIN PAR SHOG, CES RJE BTZUN SGRUB THABS MDOR BSDUS 'DI, SH'AKYA'I DGE SLONG DGE 'DUN GRUB PA DPAL BZANG POS, CHOS GRVA CHEN PO BKRA SHIS LHUN PO DPAL GYI SDE CHEN PHYOGS THAMS CAD LAS RNAM PAR RGYAL BA'I GLING GI GTZUG LAG KHANG DU SBYAR BA'O,, BKRA SHIS,, ,,