A Collection of Praises of Various Deities, and Other Miscellaneous Works

` DUS CHEN NGOS 'DZIN DANG CHO 'PHRUL BSTOD PA BZHUGS, ` AOm BDE LEGS SU GYUR CIG ,ZLA MED STON PA DE LA PHYAG 'TSAL LO, ,GNYIS PA'I YAR NGO CHO 'PHRUL CHE, ,DRUG PA'I BZHI LA CHOS 'KHOR BSKOR, ,DGU PA'I NYER GNYIS LHA LAS BABS, ,BZHI PA'I BCO LNGA RDZOGS SANGS RGYAS, ZHES YONGS SU GRAGS PA'I DUS CHEN BZHI DAD, ,SA GA ZHES GRAGS HOR ZLA BZHI PA YI, ,DKAR PO'I PHYOGS KYI CHOS PA BCO LNGA LA, ,THUB DBANG LHUMS ZHUGS MNGON PAR BYANG CHUB DANG, ,MYA NGAN 'DAS PA'I DUS CHEN YIN PAR GSUNGS, ,MCHU ZLA ZHES GRAGS HOR ZLA DANG PO YI, ,DKAR PO'I PHYOGS KYI TSES PA BCO LNGA LA, ,THUB DBANG BLTAMS PA'I DUS CHEN YIN PAR GSUNGS, ,DBO ZLA ZHES GRAGS HOR ZLA GNYIS PA YI, ,DKAR PHYOGS SPYI DANG KHYAD PAR TSES BRGYAD LA, ,CHO 'PHRUL BSTAN PA'I DUS CHEN YIN PAR GSUNGS, ,CHU STOD CES GRAGS HOR ZLA DRUG PA YI, ,DKAR PO'I PHYOGS KYI TSES PA BZHI LA NI, ,CHOS 'KHOR SKOR BA'I DUS CHEN YIN PAR GSUNGS, ,THA SKAR ZHES BYA HOR ZLA DGU PA YI, ,MAR NGO'I PHYOGS KYI NYI SHU GNYIS LA NI, ,LHA LAS BABS PA'I DUS CHEN YIN PAR GSUNGS, ,SA GZHES BYA HOR ZLA BZHI PA YI, ,DKAR PO'I PHYOGS KYI TSES PA BRGYAD LA

, ,NI; ;RGYAL PHUR 'DZOM PA'I 'GRUB SBYOR BZANG PO LA, ,RAB TU BYUNG BA'I DUS CHEN YIN PAR GSUNGS, ,BZANG PO'I DUS CHEN 'DI DAG RNAMS LAS NI, ,YID CHES RNYED PAS DGE BA GANG BSGRUBS DE, ,BYE BA BRGYA YI 'GYUR DU MDO LAS GSUNGS, ,DE PHYIR DGE BA SGRUB LA BRTZON PAR MDZOD, ` ,TSES GCIG GSAL RGYAL GYIS NI MCHOD PA'I TSE, ,TSEMS SHING SA LA BTZUGS PAS LJON SHING SKYES, ,DPAG TSAD LNGA BRGYAR KHYAB PA'I LO 'BRAS SMIN; ;DRI NGOS SKYE BO TSIMS MDZAD PHYAG 'TSAL LO, ,TSES GNYIS AU TRA YA NAS MCHOD PA'I TSE, ,GA-YAS GA-YON GNYIS SU RIN CHEN RI GNYIS SPRUL, ,RI RTZE LA SKYES 'BRAS DANG SHING RNAMS KYIS, ,MI DANG DUD 'GRO TSIMS MDZAD PHYAG 'TSAL LO, ,TSES GSUM RGYAL PO SHUNTZIS MCHOD PA'I TSE, ,ZHAL BSIL CHU LAS RIN CHEN RDZING BU SPRUL, ,KHA DOG SNA TSOGS PADMO'I 'OD ZER GYIS, ,CHOS STON BDE LA 'GOD MDZAD PHYAG 'TSAL LO, ,TSES BZHI AINDRA WARMAS MCHOD PA'I TSE, ,PHYOGS BZHIR YU RAB BRGYAD LDAN RDZING BU SPRUL, ,CHU YI SGRA LAS TSAD MED BZHI LA SOGS, ,CHOS KYI GSUNG SNYAN SGROG LA PHYAG 'TSAL LO, ,TSES LNGA TSANGS SBYIN GYIS NI MCHOD PA'I TSE, ,ZHAL GYI SGO NAS GSER MDOG 'OD ZER 'PHROS, ,'OD DES REG PAS SGRIB PA RNAMS DANG BRAL, ,LUS SEMS BDE LA 'GOD MDZAD PHYAG 'TSAL LO, ,TSES DRUG LI TZ'A RNAMS KYIS MCHOD PA'I TSE, ,SANGS RGYAS KYI MTHUS PHAN TSUN BSAM PA SHES, ,

RAB TU DGA' NAS STON PA'I YON TAN BRJOD, ,SO SOR SMON LAM 'DEBS MDZAD PHYAG 'TSAL LO, ,TSES BDUN SH'AKYA RNAMS KYIS MCHOD PA'I TSE, ,STON PA'I MTHU YIS 'KHOR GYI SEMS CAN RNAMS, ,RGYAL POR GYUR NAS RIN CHEN BDUN SOGS LDAN, ,KUN KYANG SPRO ZHING TSIMS MDZAD PHYAG 'TSAL LO, ,TSES BRGYAD BRGYA BYIN GYIS NI MCHOD PA'I TSE, ,SENG GE'I KHRI LAS GLANG CHEN SGRA SKAD DANG, ,SRIN PO BZHI DANG PHYAG NA RDO RJER SPRUL, ,MU STEGS STON PA 'JOMS MDZAD PHYAG 'TSAL LO, ,DE TSE MU STEGS 'KHOR GYI STONG PHRAG DAG ,DGU BCU SANGS RGYAS SKYABS SONG RAB TU BYUNG, ,CHOS KYI BDUD BRTZI MYANGS NAS ZAG PA ZANG, ,KUN GYIS DGRA BCOM THOB MDZAD PHYAG 'TSAL LO, ,TSES DGU TSANGS PA'I RGYAL POS MCHOD PA'I TSE, ,TSANGS PA'I BAR DU KHYAB PA'I SKU SPRUL NAS, ,SKU LAS 'OD ZER CHEN PO RAB 'PHO BA, ,KUN GYIS MTHONG BAR MDZAD LA PHYAG 'TSAL LO, ,TSES BCU RGYAL CHEN BZHI YIS MCHOD PA'I TSE, ,SRID RTZE'I BAR DU KHYAB PA'I SKU SPRUL NAS, ,'OD ZER CHEN PO SNANG ZHING GSAL BAR MDZAD, ,KUN GYIS MTHONG ZHING GSUNG THOS PHYAG 'TSAL LO, ,BCU GCIG MGON MED ZAS SBYIN MCHOD PA'I TSE, ,STON PA SENG GE'I KHRIL BZHUGS BZHIN DU, , SKU NI MI MNGON 'OD KYI GONG BUR GYUR, ,GSUNG GIS CHOS STON MDZAD LA PHYAG 'TSAL LO, ,BCU GNYIS KHYIM BDAG TZE NGAS MCHOD PA'I TSE, ,GSER MDOG 'OD KYIS STONG GSUM BAR DU KHYAB, ,'OD DES REG PAS SGRIB PA RNAMS

, ,DANG BRAL, ,BRTZE DANG BYAMS PAS KHYAB MDZAD PHYAG 'TSAL LO, ,BCU GSUM RGYAL PO SHUNTZIS MCHOD PA'I TSE, ,'DOM BDUN KHYAB PA'I 'OD NI LTE BA NAS, ,SKYES TE BDE DANG RANG RGYAL SANGS RGYAS SPRUL, , DE 'DRAS STONG GSUM KHYAB MDZAD PHYAG 'TSAL LO, ,BCU BZHI AU TRA YA NAS MCHOD PA'I TSE, ,ME TOG GTOR BA RIN CHEN SHING RTA NI, ,CHIG STONG NYIS BRGYA LNGA BCUS STONG GSUM GANG, ,SBRUL CING KHYAB PAR MDZAD LA PHYAG 'TSAL LO; ;BCO LNGA GZUGS CAN SNYING POS MCHOD PA'I TSE, ,PHYAG NI SA LA BSTAN PAS DMYAL BA YI, ,SNOD KUN RO BRGYA'I ZAS GANG THAMS CAD TSIMS, ,SEMS CAN DPAG MED SGROL MDZAD PHYAG 'TSAL LO, ,ZHES PA 'DI YANG THAMS CAD MKHYEN PA DGE 'DUN GRUB PA DPAL BZANG POS MDZAD PA'O,, SHU BHA MASTU,, ` ,,'OD DPAG MED GTZO 'KHOR LA BSTOD PA SMON LAM DANG BCAS PA, ` 'JIG RTEN 'DREN PA KUN GYI GTZO, ,TSE DPAG MED LA PHYAG 'TSAL LO, ,SKYON GYIS MA GOS PAD DKAR 'DZIN, ,SPYAN RAS GZIGS LA PHYAG 'TSAL LO, ,MTHU STOBS DBANG PHYUG RDO RJE 'DZIN, ,MTHU CHEN THOB LA PHYAG 'TSAL LO, ,THABS MKHAS THUGS RJES 'GRO BA SGROL RJE BTZUN MA LA PHYAG 'TSAL LO, ,BDAG NI TSE RABS THAMS CAD DU, ,SANGS RGYAS MNGON SUM MTHONG BA DANG, ,DAM CHOS NYAN CING SEMS PA DANG, ,TSUL BZHIN SGRUB PA BYED PAR SHOG ,TSE 'DI'I SNANG BA NUB MA THAG ,TSE

DPAG MED KYI ZHABS DRUNG DU, ,THEG PA CHEN PO'I BKA' LUNG NOD, ,PHYOGS BCUR GZHAN DON BYED PAR SHOG ,CES PA 'DI YANG CHOS SMRA BA'I BTZUN PA DGE 'DUN GRUB KYIS RI KHUD KYI GTZUG LAG KHANG DU SBYAR BA'O,, ,, ` RJE BTZUN 'JAM PA'I DBYANGS LA BSTOD PA SHES RAB KYI SNANG BA BSKYED PA, ` AOm BDE LEGS SU GYUR CIG ,BCOM LDAN 'DAS RJE BTZUN 'JAM PA'I DBYANGS LA BSTOD PA, ,BCOM LDAN 'DAS NGAG GI DBANG PHYUG LA PHYAG 'TSAL LO,, RANG BZHIN RNAM DAG SKYED TSAL YANGS PA'I DBUS, ,CHU SKYES BSIL ZER CAN GYI GDAN STENG DU, ,DH'I: YIG SA BON YONGS SU GYUR PA LAS, ,'JAM DPAL GZHON NUR GYUR LA PHYAG 'TSAL LO, ,RGYAL SRAS DBUS NA RAB SGEG 'GYING BAG CAN, , PHUN TSOGS MTHA' DAG BSDOMS 'DRA MDZES PA'I SKU, ,KHYOD LAS MCHOG GYUR SU YANG MA MCHIS ZHES, ,DON MTHUN TSIG GI ME TOG YANG YANG 'THOR, ,RGYAN GZHAN MED KYANG SHIN TU MDZES PA'I SKU, ,YA MTSON SNA TSOGS RGYAN GYIS SPRAS PA NI, ,SNGON TSE DGE LEGS 'BA' ZHIG BSGRUBS PA LAS, ,'DI LTAR GYUR CES NGOM PA KHYOD LA 'DUD, ,MTSAMS SPRIN GZHON NU'I GSEB NA ZLA 'OD LTAR, ,ZHAL GYI DBUS NA 'DZUM PA'I 'OD DKAR CAN, ,BLTA BAS MI NGOMS MTHONG BAS YID 'PHROG PA, ,YE SHES SNANG BA RGYAS MDZAD KHYOD LA 'DUD, ,DKYUS RINGS RIM BRIS 'DRA'I SPYAN GNYIS LA, ,'GRAN 'DOD 'DAB MA GSUM LDAN AUTPAL GYIS, ,SNYAN GONG SHIN TU MDZES PAR BYAS PA LA, ,SPYAN ZUR

, ,GA-YO BAS GZIGS 'DRA KHYOD LA 'DUD, ,GNAM SNGON ZHU BA 'KHYIL 'DRA'I THOR COG LA, ,GTZUG RGYAN 'OD GYIS CHES CHER MDZES PA NI, ,AINDRA N'I LA'I RIN CHEN RI BO'I RTZER, ,NYI MA'I 'OD ZER MTHA' DAG SPUNGS PA BZHIN, ,GA-YAS GA-YON PHRAG PA'I RI BO RGYAS PA'I NGOS, ,SNA TSOGS DAR GYI CHU 'DZIN RNAM PAR LDING, ,GSER MCHOG NOR BU'I 'OD KYI GLOG 'PHRENG CAN, ,SNA TSOGS RGYAN CHA'I SIL SNYAN 'BRUG SGRA SGROG ,PHYAG GA-YAS SHES RAB RAL GRI PHYAR BA'I RTZER, ,KHA DOG SNA LNGA'I 'OD ZER 'PHROS PA YIS, ,THOG MED MI SHES MUN RUM 'THIBS PA KUN, ,SKAD CIG NYID LA 'JOMS MDZAD KHYOD LA 'DUD, ,DRI ZHIM AUTPAL RAB RGYAS ZE'U 'BRU'I STENG, ,RGYAL BA KUN GYI MKHYEN PA GCIG BSDUS NAS, ,GZUGS SU BKOD PA LTA BU'I GLEGS BAM GYIS, ,PHYAG GA-YON RNAM PAR BRGYAN LA PHYAG 'TSAL LO, ,RAB MDZES RIN CHEN STONG GI PHRA BKOD PA'I, ,PHYAG ZHABS GSER GYI GDU BU 'KHROL BA LAS, ,'GRO KUN MA RIG GNYID LAS LONGS SHIG CES, ,SNYAN PA'I SGRA DBYANGS SGROG LA PHYAG 'TSAL LO, ,LHA DANG KLU DANG GRUB PA'I DBANG PHYUG DANG, ,NYAN THOS RANG RGYAL RGYAL SRAS TSOGS RNAMS KYIS, ,ZHABS KYI PADMO GTZUG GIS GUS BSTEN PA, ,KUN GYI BLA MA KHYOD LA PHYAG 'TSAL LO, ,LI KHRI DANG NI GUR KUM GZHON NU DANG, ,THUN MTSAMS SPRIN DANG 'CHAR KHA'I NYI MI LTAR, ,DMAR SER MDOG CAN THAMS CAD DPE'I 'PHRENG BA CAN, ,

'JAM DBYANGS KHYOD LA RE PA'I SEMS KYIS 'DUD, ,SGRIB BRAL CHOS SKU'I MKHA' DBYINGS DAG PA LA, ,MKHYEN BZANG DKYIL 'KHRO LEGS BSHAD 'OD STONG CAN, ,'JAM MGON NYIN BYED DBANG POR SKYABS SU MCHI, ,'OD GSAL NYI MA SNYING DBUS 'CHAR DU GSOL, ,BKA' DANG BSTAN BCOS MTHA' DAG BLTAS TZAM GYIS, ,TSIG DON MA LUS KHONG DU CHUD GYUR NAS, ,TSUL BZHIN SGRUB LA GZHAN DRING MI 'JOG PA'I, ,MANG DU THOS PA'I SHES RAB BDAG LA STZOL, ,RGYAL BAS GSUNGS PA'I DAM CHOS RIN CHEN GTER, ,SDEB LEGS NGAG GI SRANG BU LA BRGYUS TE, ,BLO GSAL MGRIN PA'I RGYAN DU LEGS SPEL BA'I, ,LEGS BSHAD 'CHAD PA'I SHES RAB BDAG LA STZOL, GZHAN GYI LOG PAR RTOG PA KUN BCOM NAS, ,MKHAS PA'I MDUN SAR 'JIGS MED SENG GE'I SGRA, ,KUN NAS SGROG LA MTSUNGS PA MA MCHIS PA'I, ,RNAM DAG RTZOD PA'I SHES RAB BDAG LA STZOL, ,CHOS DANG LDAN ZHING DON DANG LDAN PA'I GTAM, ,PHUN TSOGS TSIG SBYOR RGYAN GYIS RNAM BKRA ZHING, ,MTHONG BA TZAM GYIS MKHAS RNAMS MGU BYED PA'I, ,SNYAN NGAG RTZOM PA'I SHES RAB BDAG LA STZOL, ,KUN RDZOB RTEN 'BREL RMI LAM SGYU MA BZHIN, ,DON DAM SPROS BRAL NAM MKHA'I DKYIL LTA BU, ,BDEN GNYIS ZUNG 'JUG DBU MAR GNAS PA'I TSUL, ,GNAS LUGS RTOGS PA'I SHES RAB BDAG LA SOL, ,DRI MED MKHA' LA 'JA' TSON SNA LNGA'I GUR, ,'OD ZER 'BUM PHRAG 'GYED PA'I

, ,DBUS KYI CHAR, ,RAB MDZES PADMA ZLA BA'I GDAN STENG GDU, ,GZHON NU ZUR PHUD CAN DE MTHONG PAR SHOG ,DENG NAS 'JAM DPAL DBYANGS KYI BKA' DRIN GYIS, ,RAB TU BYUNG ZHING TSE RABS DRAN PA DANG, ,PHYI NANG SHES BYA'I GNAS LA MA RMONGS PAR, ,RGYAL BA'I MDZAD PA MA LUS MTHAR PHYIN SHOG ,MDOR NA RGYAL BA RNAMS KYI DAM PA'I CHOS, ,LUNG DANG RTOGS PAS BSDUS PA'I DAM CHOS RNAMS, ,JI BZHIN SMRA LA CHAGS THOGS MI MNGA' BA'I, , 'JAM DPAL DBYANGS KYI SHES RAB BDAG LA STZOL, ,DE LTAR KHYED ZHABS RJES SU DRAN PA'I TSIG ,CUNG ZAD BRJOD PA LAS BYUNG NGAG GI TSOGS, ,STON ZLA'I 'OD LTAR DKAR BA GANG YIN DES, ,'GRO KUN MA RIG MUN LAS RGYAL GYUR CIG CES RJE BTZUN 'JAM DPAL DBYANGS LA BSTOD PA SHES RAB KYI SNANG BA SKYED PA ZHES BYA BA 'DI NI, SH'AKYA'I DGE SLONG DGE 'DUN GRUB PA DPAL BZANG POS DGE LDAN DU SBYAR BA'O,, ` ,,BYANG CHUB SEMS DPA' SA'I SNYING PO LA BSTOD PA, ` SA LAM MTHAR PHYIN SKU GSUM MCHOG BRNYES KYANG, ,SA BCU'I DBANG PHYUG SEMS DPA'I TSUL BZUNGS NAS, ,SA GSUM SKYE DGU'I MGON DANG SKYABS MDZAD PA, ,SA YI SNYING PO THUGS RJE CAN LA 'DUD, ,SA CHEN MI GA-YO RAB TU BRTAN PA DANG, ,SA LA BRTEN PA'I RTZI BCUD LO THOG RNAMS, ,SA YI PHYOGS 'DIR 'PHEL ZHING RGYAS PA DANG, ,SA STENG DGE LEGS KUN GYIS KHYAB PAR MDZOD, ,CES PA 'DI YANG RJE NYID KYIS LHA RGYAL RTZE'I GTZUG LAG KHANG

DU SBYAR BA'O,, ` ,,ZAB MO LTA RGYUD KYI BSTOD PA, ` LHA DBANG DBANG PHYUG 'PHROG BYED GSER GYI MNGAL, ,KLU DBANG DBANG SGYUR MKHA' LDING GRUB PA'I GTZO, ,NYE DBANG DBANG PO'I DGRA SOGS LUS CAN GYIS, ,THUB DBANG DBANG PHYUG BRGYAD LDAN GUS PAS MCHOD, ,RAB 'BYAMS RGYAL BA KUN GYI MKHYEN PA'I GTER, ,LI KHRI'I MDOG CAN NYI 'OD 'KHYUG PA'I SKU, ,MTSAN DPE'I DPAL LDAN RIN CHEN RGYAN GYIS MDZES, ,ZHI ZHING 'DZUM LDAN 'JAM PA'I DBYANGS LA 'DUD, ,RGYAL BA'I GSUNG RAB GTING ZAB YANGS PA'I MTSOR, ,RTEN 'BYUNG ZAB MO'I PHUD SGRA SGROG MDZAD CING, ,SEMS KYI GDENGS KA MKHYEN PA'I NOR BUS SPRAS, ,KLU SGRUB KLU YI DBANG PO'I ZHABS LA 'DUD, ,SHES BYA'I MKHA' LA REG PA'I 'OD DKAR 'PHRO, ,MKHAS MANG RGYU SKAR DBUS NA RAB MDZES SHING, ,KLU SGRUB GSUNG RAB KUN GYI GNYEN GCIG PU, ,DPAL LDAN ZLA BA GRAGS PA'I ZHABS LA 'DUD, ,'JAM DBYANGS GSUNG GI NYI 'OD 'PHOG PA DE'I, ,BLO GROS 'DAB BZANG GRAGS PA'I DRI BSUNG CAN, ,GSUNG GI SBRANG RTZIS BLO GSAL BUNG BA'I TSOGS, ,TSIMS MDZAD 'JAM DPAL SNYING PO'I ZHABS LA 'DUD,, ` ,,RJE BTZUN SGROL MA DKAR MO LA BSTOD PA TSE DANG YE SHES SPEL BAR BYED PA RIN PO CHE ZHES BYA BA, ` NA MO A'ARYA T'A RA YE, MKHYEN BRTZE DRI MED RGYAS PA'I RANG BZHIN GYI, ,PAD DKAR BSIL ZER CAN GYI GDAN STENG NA, ,LHAG PA'I LHA MO GANGS RI'I MDANGS 'PHROG MA, ,RAB MDZES LANG

, ,TSO'I DPAL YON CAN DER 'DUD, ,ZHAL GCIG PHYAG GNYIS RDO RJE'I SKYIL KRUNG BZHUGS, ,BDE CHEN RAB RGYAS ZLA BA'I RGYAB YOL CAN, ,SHIN TU SGEG CING ZHI BA'I NYAMS DANG LDAN, ,GZHON NU NU 'BUR RGYAS MA KHYOD LA 'DUD, ,PHYAG GA-YAS SGRUB LA MCHOG SBYIN PHYAG RGYA YIS, ,ZHI SOGS RAB 'BYAMS LAS DANG GRUB CHEN BRGYAD, ,RGYAL BA'I GO 'PHANG MCHOG KYANG BDE BLAG TU, ,LEGS PAR SBYIN MDZAD MA LA PHYAG 'TSAL LO, ,PHYAG GA-YON AUTPAL BSNAMS PA'I SKYABS SBYIN GYIS, ,SENG GE GLANG CHEN ME DANG DUG SBRUL SOGS, ,'JIGS PA KUN SKYOBS DUS GSUM SANGS RGYAS KYI, ,YUM GYUR DGE MA KHYOD LA PHYAG 'TSAL LO, ,PHYAG ZHABS MTHIL LA MNGA' BA'I STONG NYID SOGS, ,RNAM THAR SGO BZHI'I SPYAN GYIS 'GRO BA KUN, ,BDE CHEN THAR PA'I GLING DU 'KHRID MDZAD MA, ,KUN GYI SKYABS GNAS KHYOD LA PHYAG 'TSAL LO, ,YID 'ONG STON KA'I ZLA BA 'BUM PHRAG GI ,RAB TU MDZES PA GCIG TU BSDUS PA'I ZHAL, ,'GRO LA DGYES PA'I 'DZUM DKAR 'PHRO BA CAN, ,THUGS RJE'I SPYAN YANGS MA LA PHYAG 'TSAL LO, ,DRAN PAS TSE DANG YE SHES KUN STZOL BA'I, ,TSE DPAG MED MGON MNYAM GZHAG PHYAG RGYA CAN, , 'CHI MED BDUD RTZIS GANG BA'I BUM PA NI, ,LEGS PAR BSNAMS PAS SPYI BOR BRGYAN LA 'DUD, ,MTHON MTHING DBU SKRA PHYED BCING THOR COG GI ,LHAG MA GSIL BUR BABS PAS SKU STOD KHEBS, ,SPYI GTZUG NYI ZLA'I MDANGS

'PHROG GTZUG RGYAN GYIS, ,KUN NAS MDZES PAR MDZAD LA PHYAG 'TSAL LO, ,GZHAN YANG LHA DANG MI LAS PHUL BYUNG RGYAN, ,DBU RGYAN SNYAN RGYAN MGUL RGYAN DO SHAL DANG, ,DPUNG RGYAN PHYAG ZHABS GDU BU SKA RAGS SOGS, , BKOD LEGS RIN CHEN 'BAR BAS RGYAN LA 'DUD, ,SHEL GYI RI BO SNA TSOGS DBANG PO'I GZHUS, ,KUN NAS 'KHYUD PA JI BZHIN KHYOD KYI SKU, ,RNAM BKRA LHA RDZAS GOS KYI GA SHAL DANG, ,SNA TSOGS DAR GYI SHAM THABS 'DZIN LA 'DUD, ,DBANG PO'I DBANG PHYUG SKABS GSUM DBANG PO DANG, ,LHA CHEN LHA LAS RGAN DANG SNGON GYI LHA, ,MI DANG MI MIN MI'AM CI LA SOGS, ,KUN GYIS ZHABS PAD MCHOD LA PHYAG 'TSAL LO, ,GANG GIS KHYOD ZHABS PADMO GUS MCHOD NAS, ,T'A RE LA SOGS RIG SNGAGS ZLOS TZAM GYIS, ,'CHI MED TSE DANG YE SHES BSOD NAMS SOGS, ,CI 'DOD DNGOS GRUB STZOL LA PHYAG 'TSAL LO, ,RGYAL BA KUN GYI MKHYEN BRTZE 'PHRIN LAS RNAMS, ,RAB MDZES LHA MO'I GZUGS SU SHAR BA KHYOD, ,SKYABS SU BSTEN NAS GUS PAS GSOL 'DEBS NA, ,BAR CHAD ZHI ZHING DON KUN 'GRUB PAR MDZOD, ,BDAG GI BYANG CHUB SGRUB PA'I MI MTHUN PHYOGS, ,'JIGS CHEN BRGYAD DANG NAD DANG GDON LA SOGS, ,PHYI DANG NANG GI NYE BAR 'TSE BA RNAMS, ,ZHI BA'I 'PHRIN LAS MYUR DU 'GRUB PAR MDZOD, ,TSE DANG BSOD NAMS DMIGS MED SNYING RJE DANG, ,THOS BSAM SGOM PA'I SHES RAB DRI MED DANG, ,BSLAB PA GSUM

, ,SOGS LEGS PA'I YON TAN RNAMS, ,RGYAS PA'I 'PHRIN LAS MYUR DU 'GRUB PAR MDZOD, ,LHA MI GNOD SBYIN LA SOGS 'GRO KUN GYIS, ,GUS PAS 'DUD CING JI LTAR BSAMS PA'I DON, ,THAMS CAD 'DOD DGUR MYUR DU 'GUGS BYED PA'I, ,DBANG GI 'PHRIN LAS MYUR DU 'GRUB PAR MDZOD, ,RGYAL BA'I BSTAN DANG BSTAN PA 'DZIN PA LA, ,LOG PAR 'KHU BA'I GDON DANG BGEGS RIGS KUN, ,JI LTAR 'TSAM PA'I CHAD PAS TSAR GCOD PA'I, ,DRAG PO'I PHRIN LAS MYUR DU 'GRUB PAR MDZOD, ,RAL GRI MIG SMAN RKANG MGYOGS RI LU DANG, ,BUM PA BZANG PO LA SOGS DNGOS GRUB DANG, ,PHYAG RGYA CHEN PO MCHOG GI DNGOS GRUB KYANG, ,DKA' BA MED PAR MYUR DU 'GRUB PAR MDZOD, ,MDOR NA DENG NAS BYANG CHUB SNYING PO'I BAR, ,KHYOD ZHABS GUS PAS MCHOD PA MA GTOGS PAR, ,SKYABS MGON RE SA GZHAN NAS MI 'TSOL BAS, ,BRTZE BAS DGONGS LA MYUR DU BSKYAB TU GSOL BSOD NAMS 'DI YIS TSE RABS KUN TU BDAG ,BCOM LDAN RJE BTZUN SGROL MAS MNGON SUM DU, ,RAB TU DGYES BZHIN RJES SU 'DZIN PA DANG, ,SKAD CIG TZAM YANG 'BRAL BAR MA GYUR CIG ,'GRO KUN BDE BA CAN GYI ZHING MCHOG DER, ,DRANG SRONG TSE DPAG MED PA'I ZHABS DRUNG DU, ,SKYES NAS RGYAL SRAS SPYAD PA SPYOD PA LA, ,SPYAN RAS GZIGS DBANG DE DANG MTSUNGS PAR SHOG ,MDO DANG RGYUD SDE RGYA MTSO'I DAM CHOS KUN, ,LEGS PAR RTOGS NAS

GZHAN LA 'DOMS PA DANG, ,TSUL BZHIN SGRUB PA'I RGYAL MTSAN 'DZIN PA LA, ,'KHOR BA MA STONGS BAR DU BRTZON PAR SHOG ,CES RGYAL BA'I YUM MCHOG RJE BTZUN SGROL MA DKAR MO LA BSTOD PA, TSE DANG YE SHES SPEL BAR BYED PA'I RIN PO CHE ZHES BYA BA 'DI NI, SH'AKYA'I DGE SLONG DGE 'DUN GRUB PA DPAL BZANG POS DPAL BYANG CHUB CHEN PO'I DBEN GNAS THEG CHEN PHO BGRANG DU SBYAR BA'O,, ` ,,NA MO A'A RYA T'A RA YE, RJE BTZUN BCOM LDAN 'DAS MA SENG LDENG NAGS KYI SGROL MA LA BSTOD PA, MKHAS PA'I GTZUG RGYAN ZHES BYA BA, 'PHAGS PA SPYAN RAS GZIGS DBANG PHYUG THUGS RJE'I GTER LA PHYAG 'TSAL LO, ,LEGS BRIS DPAL GYI BDAG PO GSER GYI MNGAL, ,LHA YI BLA MA GLANG GDONG DPAL GYI MGRIN, ,PADMO'I GNYEN SOGS LHA BRGYA'I GTZUG RGYAN GYIS, ,ZHABS PAD GUS MCHOD SGROL MA'I ZHABS LA 'DUD, ,THUGS RJE CHEN PO'I THUGS RJE'I RNAM 'PHRUL GYIS, ,DUS GSUM RGYAL BA'I MKHYEN BRTZE NUS PA RNAMS, ,RAB MDZES 'PHRIN LAS LHA MO'I SKUR BSTAN NAS, ,PHONGS PA KUN SKYOB SGROL MA'I ZHABS LA 'DUD, ,DBYINGS RIG RNAM DAG PAD ZLA'I GDAN STENG NA, ,MA RGAD MDOG CAN ZHAL GCIG PHYAG GNYIS MA, ,LANG TSO RAB RGYAS GA-YAS BRKYANGS GA-YON BSKUMS ZHABS, ,THABS SHES ZUNG 'BREL MA LA PHYAG 'TSAL LO, ,NU 'BUR RAB RGYAS ZAG MED BDE BA'I GTER, ,ZHAL RAS ZLA BA RGYAS PA'I 'DZUM DKAR CAN, ,ZHI BA'I NYAMS LDAN THUGS RJE'I

, ,SPYAN YANGS MA, ,SENG LDENG NAGS KYI MDZES MA KHYOD LA 'DUD, ,GA-YU YI LJON SHING YAL GA BRKYANGS 'DRA BA'I, ,'JAM MNYEN PHYAG GA-YAS MCHOG SBYIN PHYAG RGYA NI, ,MKHAS RNAMS DNGOS GRUB MCHOG GI DGA' STON LA, ,MGRON DU 'BOD 'DRA KHYOD LA PHYAG 'TSAL LO, ,PHYAG GA-YON DKON MCHOG GSUM MTSON SKYABS SBYIN GYIS, ,'JIGS PA BRGYA PHRAG MTHONG BA'I SKYE BO RNAMS, ,MA 'JIGS NGA YIS MYUR DU BSKYAB BO ZHES, , GSAL BAR MTSON PA KHYOD LA PHYAG 'TSAL LO, ,PHYAG GNYIS AUTPAL SNGON POS MTSAN PA NI, ,'GRO KUN SRID PA'I BDE LA MA CHAGS PAR, ,THAR PA CHEN PO'I GRONG DU ZHUGS SHIG CES, ,BRTZON PA'I LCAG GIS BSKUL 'DRA KHYOD LA 'DUD, ,PADMA R'A GA'I MDANGS LDAN 'OD DPAG MED, ,MNYAM GZHAG BDUD RTZIS GANG BA'I LHUNG BZED BSNAMS, ,'CHI MED DNGOS GRUB STZOL BAS SPYI BOR BRGYAN, ,BDAG GI 'CHI BDAG 'JOMS PA KHYOD LA 'DUD, ,TSOGS GNYIS MTHO RIS BZO BA'I 'DU BYED KYIS, ,GZHAL MED LHA YI YID BZHIN NOR BU RNAMS, ,MDZES MDZES GCIG TU BSDUS PA'I YID 'PHROG RGYAN, ,KUN GYIS BRGYAN PA KHYOD LA PHYAG 'TSAL LO, ,MRGAD RI BOS 'JA' TSON GYON PA BZHIN, ,SKU STOD LHA RDZAS GOS KYI GA SHAL CAN, ,PHRA ZHING LDEM LA MDZES PA'I RKED SKABS NI, ,PANYTZA LI KA'I SHAM THABS 'DZIN LA 'DUD, ,GA-YAS NA MYA NGAN MED PA'I 'OD ZER CAN, ,ZHI BA'I NYAMS LDAN GSER MDOG

NYI 'OD 'PHRO, ,GA-YON NA RAL GCIG NAM MKHA'I MDZES PA 'PHROG ,KHRO CHAGS BRJID PAS MDZES PA DE LA 'DUD, ,DRUG LDAN GLU DANG MDZES PA'I GAR LA MKHAS, ,GDUGS DKAR RNGA YAB PI WANG GLING BU SOGS, ,RAB 'BYAMS MCHOD RDZAS 'DZIN PA'I LHA MO'I TSOGS, ,NAM MKHA' GANG BAS MCHOD LA PHYAG 'TSAL LO, ,DPAL MO LEGS BRJOD MA DANG RI SKYES SOGS, ,YID 'ONG 'CHI MED BU MO STOD DAG GIS, ,KHYOD DRUNG BRAN MO TZAM YANG THOB DKA' BA MDZES SDUG LHA MO'I SKU LA PHYAG 'TSAL LO, ,THUGS RJE'I CHU 'DZIN RGYAS PA'I KLONG YANGS NAS, ,GSUNG SNYAN TSANGS DPYANGS SPRIN GYI RNGA SGRA CAN, ,GDUL BYA'I 'DZIN MAR YAN LAG BRGYAD CHOS CHAR, ,KUN TU 'BEBS MKHAS MA LA PHYAG 'TSAL LO, ,SHES BYA KUN GZIGS YON TAN RGYA MTSO'I GTER, ,JI BZHIN MA LUS BRJOD PAR SU YIS NUS, ,BLO GROS THOGS MED STOBS BCU MNGA' BA'I THUGS, ,MKHYEN RAB MTHAR PHYIN MA LA PHYAG 'TSAL LO, ,ZHI BA BRNYES KYANG THUGS RJE'I GZHAN DBANG GIS, ,SDUG BSNGAL RGYA MTSOR BYING BA'I 'GRO BA RNAMS, ,THUGS RJE'I PHYAG GIS MYUR DU 'DREN MDZAD MA, ,BRTZE BA MTHAR PHYIN MA LA PHYAG 'TSAL LO, ,ZHI RGYAS DBANG DANG DRAG PO'I 'PHRIN LAS RNAMS, ,RGYA MTSO'I RLABS BZHIN DUS LAS MI 'DA' BAR, ,LHUN GRUB RGYUN MI 'CHAD PAR 'JUG MDZAD MA, ,MDZAD PA MTHAR PHYIN MA LA PHYAG 'TSAL LO, ,'JIGS CHEN SDUG BSNGAL BRGYAD DANG 'BYUNG PO'I GDON, ,NYON MONGS

, ,SHES BYA'I SGRIB PA'I 'JIGS PA RNAMS, ,KHYOD ZHABS DRAN PA'I MOD LA SKYOB MDZAD MA, ,NUSB PA MTHAR PHYIN MA L PHYAG 'TSAL LO, ,DE LTAR SKYABS 'OS KHYOD KYIS LUS CAN RNAMS, ,NAD RIMS GDON BGEGS DUS MIN 'CHI BA DANG, ,RMI LAM NGAN DANG MTSAN MA NGAN PA SOGS, ,'JIGS PA KUN LAS MYUR DU BSKYAB TU GSOL, ,'JIG TSOGS LTA BA'I RI SUL GNAS BCAS TE, ,GZHAN LAS MCHOG TU 'DZIN PAS SEMS KHENGS SHING, ,PHA ROL KHYAD DU GSOD PA'I SBAR KHYIM CAN, ,NGA RGYAL SENG GE'I 'JIGS PA BSKYAB TU GSOL, ,DRAN SHES LCAGS KYU RNON POS MA BTUL ZHING, ,'DOD YON MYOS CHU 'THUNGS PAS 'THOMS PA'I MTHUS, ,LOG PA'I LAM ZHUGS GNOD 'TSE'I MCHE BA GTZIGS, ,GTI MUG GLANG PO'I 'JIGS PA BSKYAB TU GSOL, ,TSUL MIN YID BYED RLUNG GIS BSKUL BA LAS, ,NYES SPYOD DUD SPRIN 'KHRUG PA'I KLONG DKYIL NA, ,DGE BA'I NAGS TSAL SREG PA'I NUS PA CAN, ,ZHE SDANG ME YI 'JIGS PA BSKYAB TU GSOL, ,MA RIG 'THIBS PO'I KHUNG DU MNGON ZHEN CING, ,GZHAN 'BYOR PHUN TSOGS MTHONG TSE MI BZOD PAR, ,GDUG PA'I DUG GIS MYUR DU KHYAB BYED PA'I, ,PHRAG DOG SPRUL GYI 'JIGS PA BSKYAB TU GSOL, ,BRTUL ZHUGS DMAN PA'I 'BROG DGON 'JIGS RUNG DANG, ,RTAG CHAD MYA NGAM THANG LA RAB RGYU ZHING, ,PHAN BDE'I GRONG DANG DGON PA KUN 'JOMS PA'I, ,LTA NGAN RKUN PO'I 'JIGS PA BSKYAB TU GSOL, ,

MI BZAD SRID PA'I BTZON KHANG RA BA RU, ,LUS CAN RANG DBANG MED PAR 'CHING BYED CING, ,SRED PA'I SGO LCAGS DBYE DKAS 'KHYUD PA YI, ,SER SNA'I LCAGS SGROG 'JIGS PA BSKYAB TU GSOL, ,SHIN TU BRGAL DKA' SRID PA'I RGYUN PHYOGS KHYER, ,LAS RLUNG DRAG PO'I RKYEN DANG NYE BA LAS, ,SKYE RGA NA 'CHI'I RBA GLONG RAB 'KHRUG PA'I, ,'DOD CHAGS CHU BO'I 'JIGS PA BSKYAB TU GSOL, ,KUN TU RMONGS PA'I MKHA' LA RAB RGYU ZHING, ,NGES PA DON DU GNYER LA LHAG PAR 'TSE, ,THAR BA'I SROG LA RGOL BA'I GDUG PA CAN, ,THE TSOM SHA ZA'I 'JIGS PA BSKYAB TU GSOL, ,KHYOD LA BSTOD CING GSOL BA BTAB PA'I MTHUS, ,DAM CHOS SGRUB PA'I 'GAL RKYEN ZHI BA DANG, ,TSE DANG BSOD NAMS DPAL DANG 'BYOR PA SOGS, ,MTHUN PA'I RKYEN RNAMS YID BZHIN 'GRUB PAR MDZOD, ,ZHING MCHOG BDE BA CAN DER 'GRO BA KUN, ,'DREN PA 'OD DPAG MED PAS RJES BZUNGS NAS, ,DKA' BA BRGYA PHRAG SPYAD PA MED PAR YANG, ,MYUR DU SANGS RGYAS SA LA REG GYUR CIG ,BDAG KYANG RTAG TU TSE RABS DRAN PA DANG, ,BYANG CHUB SEMS DANG NAM YANG MI 'BRAL ZHING, ,RGYAL SRAS SPYOD PA RLABS CHEN TSOL BA LA, ,BRTZON 'GRUS CHU PO'I RGYUN BZHIN BSTEN PAR SHOG ,RANG DON BSGRUB LA NAM YANG MI RE ZHING, ,GZHAN DON 'BA' ZHIG BSGRUB LA GZHOL BA DANG, ,SPYAN DANG MNGON SHES SMRA MKHAS BZOD PA SOGS, ,GZHAN DON BYED PA'I RKYEN RNAMS TSANG BAR SHOG ,RAB 'BYAMS ZHING DU RGYAL BA'I DAM CHOS KUN, ,RGYAS

, ,PAR BYED LA NAM YANG MI ZHUM ZHING, ,RTAG TU SEMS CAN KUN DON BSGRUB PA'I PHYIR, ,RGYAL BA'I GO 'PHANG BDE BLAG THOB GYUR CIG ,RJE BTZUN BCOM LDAN 'DAS MA SENG LDENG NAGS KYI SGROL MA LA BSTOD PA MKHAS PA'I GTZUG RGYAN ZHES BYA BA 'DI NI, SH'AKYA'I DGE SLONG DGE 'DUN GRUB PA DPAL BZANG POS YUN RING DU GSOL BA BTAB STE, BYANG CHUB CHEN PO'I DBEN GNAS THEG CHEN PHO BRANG DU LEGS PAR SBYAR BA'O,, ,, ` SGROL MA'I PHO BRANG SENG LDENG NAGS KYI BSTOD PA YID KYI LCAGS KYU ZHES BYA BA, MGON PO 'OD DPAG TU MED PA SRAS KYI THU BO GNYIS DANG BCAS PA'I ZHABS LA PHYAG 'TSAL LO, ,'DREN PA 'OD DPAG ME DPA'I SMON LAM DANG; ;PHYAG NA PADMA'I SPYAN CHAB LAS 'KHRUNGS NAS, ,'GRO KUN BDE BA CAN DU 'KHRID MDZAD MA, ,SENG LDENG NAGS KYI LHA MO'I ZHABS LA 'DUD, ,RTAG TU THABS MKHAS THUGS RJE'I GRU CHEN GYIS, ,MU MED SRID MTSOR BYING BA'I 'GRO BA RNAMS, ,MCHOG TU ZHI BA'I GLING DU SGROL MDZAD MA, ,DON LA MTSAN GSOL SGROL MA'I ZHABS LA 'DUD, ,KHYOD KYI GNAS CHEN SENG LDENG NAGS KYI TSAL, ,RNAM DAG ZHING GI DPAL LA 'GRAN PA BZHIN, ,RTZOD DUS 'DIR YANG NGES PAR BYUNG BA NI, ,YOD CES 'DI SKAD BDAG GIS GSAL BAR THOS, ,SENG LDENG AU DUm WAR RGYA SHUG DANG, ,THANG SHING TAL DANG NI N+YA GRO DHA, ,MYA NGAN MED DANG BI WA AA KA RU, ,TZANDAN DZA TI LI SHI SOGS KYI TSAL, ,

RKANG 'THUNG BU MO LO 'DAB GOS KYIS KLUBS, ,ME TOG THOD MDZES 'BRAS BU'I RNA RGYAN 'CHANG, ,PHAN TSUN YAL GA'I LAG SBREL DOR NA, ,RLUNG GIS BSKYOD PA'I LJON SHING GAR MKHAN MA, ,PADMA'I NA CHUNG SBRANG RTZIS MYOS PA RNAMS, , GLU LEN 'PHUR LDING ROL PAS BAR SNANG 'KHRIGS, ,NE'U TZO SMRA MKHAS BDEN PA'I TSIG RJOD CING, ,RMA BYA MJUG SGRO BTEG NAS ZLOS GAR BYED, ,YID 'ONG NAGS KYI BYI'U SNA TSOGS DANG, ,ZAB MO'I GLING BU SGYUR BA'I KHU BYUG SOGS 'DAB CHAGS SKAD SNYAN SNA TSOGS SGROG PA NI, ,NAGS KYI BSNGAGS PA RJOD LA 'GRAN PA BZHIN, ,DOM DANG STAG GZIG DRED DANG CE SBYANG SOGS, ,RGYUG CING MCHONGS DANG DREGS PAS RNAM PAR 'GYING, ,GDUG PA'I RIGS CAN GCAN GZAN DE DAG KYANG, ,GNOD PA'I SEMS SPANGS RI DVAGS BYAMS PAS SKYONG, ,SPRA DANG SPRE'U YANG RTZAL 'GRAN BYED CING, ,KRishnA S'A RA YID PHEBS BI'U MA NUN, ,NU ZHOS TSIM PA'I RI DVAGS PHRU GU RNAMS, ,MIG ZUM MJID PA BLTAB NAS BDE BAR NYAL, ,'JIGS MED BDE BAR RGYU BA'I RI DVAGS RNAMS, ,PHAN TSUN RTZE BAS 'DED PA'I BANG KHA SBYONG, ,KHA CIG MGRIN PA BTEG NAS PHYOGS SU LTA, ,SLAR YANG SNGO LJANG RTZVA YI RTZE MO 'DZIN, ,NAGS TSAL LTA BA'I LHA MIN BU MO RNAMS, ,GDU BU 'KHROL BA'I LAG SBREL DO RA BCAS, ,'JAM MNYEN YAN LAG BSKYOD PA'I RNAM 'GYUR DANG, ,MGRIN PA BSDEBS NAS DRUG LDAN LEN LA MKHAS, ,RNA BA'I DGA' STON 'GYED PA'I DPAL YON

, ,CAN; ;DRI ZA'I NA CHUNG RGYUD MDANGS SBRENG BYED CING, ,DBYANGS CAN MGRIN PAR BYED PA'I DPAL YON CAN, ,RI DVAGS MIG CAN BSTOD DBYANGS RGYA MTSO SGROG ,'BAB CHU'I NA CHUNG DBU BA'I 'DZUM DKAR CAN, , YAN LAG BRGYAD LDAN DAL GYIS 'BAB PA'I RDZING, ,GNAM SNGON ZHU BA 'KHYIL 'DRA'I CHU NGOGS NA, ,RIG 'DZIN DGA' MA RTZE ZHING KHRUS LA 'JUG ,MTHING RIL DUR PA CHU SKYAR GZHON NU DANG, ,BZHAD DANG KHRUNG KHRUNG NGANG PA'I RGYAL PO SOGS, ,MGRIN PA'I NANG NAS SNYAN SGROG GLU DBYANGS MKHAN, ,CHU BYA SNA TSOGS DGA' ZHING MTSO LA LDING, ,PHUN TSOGS NAGS TSAL DE YI DBEN PA'I NGOS, ,YANGS PA'I RDO LEB ZLA BA LTA BU'I STENG, ,ME TOG 'BRAS BU RGYAS PA'I SHING DRUNG NA, ,RIG 'DZIN GRUB PA BRNYES PA'I RNAL 'BYOR PA, ,'DU 'DZIS MA GOS ZHI BA'I SBYOD LAM CAN, ,DRANG POR LUS BSRANGS SEMS LA LTA BA BZHIN, ,MIG ZUR GA-YO MED TING 'DZIN RO LA CHAGS, ,'KHRUL MED BSAM GTAN MDZAD BA DU MA BZHUGS, ,STENG NAS CHU 'DZIN DKAR PO'I STOD GA-YOGS BGOS, ,NGOS NAS 'BAB CHU'I MU TIG DO SHAL 'CHANG, ,RKED SKABS NAGS TSAL SNGON PO'I SHAM THABS CAN, ,SA 'JIN BU MOS PHYOGS NAS MDZES BAR BSKOR, ,LHA YI LAM LA 'JA' 'OD GUR GYIS PHUB, ,PHYOGS NAS DKAR 'JAM SPRIN GYI BLA RES BRES, ,DE LA 'PHYANG BA'I 'JA' TSON MDZES BA'I 'PHAN, ,SPRIN GSEB LHA RNAMS BLA RE 'DZIN PA'I TSUL

LHA YI MKHA' LAS BABS PA'I ME TOG CHAR, ,SA YI RDUL GYIS GOS NA MI RUNG ZHIS, ,RLUNG GIS BTEG NAS BAR SNANG 'KHOD PA RNAMS, ,NYI MA'I 'OD DANG 'GROGS PAS LHAG PAR MDZES, ,'OG GZHI BEEd'URYA YI NI'U GSING LA,, RIN CHEN ME TOG DU MA GCAL DU BKRAM, ,DZ'A TI TZAM PA LI SHI SOGS KYI DRI, ,RLUNG GIS BKUG PA'I DRI NGAD BZANG POS KHYAB, ,'CHI MED DBANG PO'I BKOD PA SKYENGS PA'I GNAS, ,RGYAL BA'I YE SHES SGYU MA SPRUL PA DER, ,MRGAD LJON PA GOM PA 'GOD PA BZHIN, ,SGROL MA BZHENGS DANG 'BYON GSHEGS SPYOD LAM MDZAD, ,DE DBUS RAB GSAL SHEL GYIS GZHI BSTAR, ,RIN CHEN TSON SNA BRGYA YIS RNAM PAR BKRA, ,RIN CHEN SNA TSOGS 'BAR BA'I KHRI STENG NA, , DGE MA MA RGAD MDOG CAN NYI 'OD 'PHRO, ,PHYAG GA-YAS SGRUB LA MCHOG SBYIN PHYAG RGYA DANG, ,GA-YON PA 'JIGS PA KUN SKYOB SKYABS SBYIN CAN, ,GDUL BYA'I BUNG BA YE SHES SBRANG RTZI'I ROS, ,TSIMS MDZAD AUTPAL SNGON POS PHYAG GNYIS MDZES, ,GA-YAS NA GSER GYI MDOG CAN 'OD ZER CAN, ,ZHI BA'I NYAMS LDAN RDO RJE AO SHA 'DZIN, ,GA-YON NA RAL GCIG SNGON MO KHROS PA'I SKU, ,GRI GUG THOD PA STAG GI SHAM THABS CAN, ,GTZO 'KHOR GSUM GA LHA YIN BZA' DANG, ,MDZES SDUG RGYAN GYI KHYAD PAR SNA TSOGS KYIS, ,BRGYAN PA'I MIG GI BDUD RTZIR GYUR PA NI, ,NAGS TSAL DE YI THIG LE LTA BUR BZHUGS, ,RGYAL YUM MCHOD PAR RTZOM PA'I LHA MO NI, ,PHUL

, ,BYUNG GZUGS MDZES RNAM DAG ZHING GI RGYAN, ,YID 'PHROG RGYAN GYIS SPUD PA SNA TSOGS KYIS, ,MCHOD RDZAS 'DI DAG GUS BAS BZUNGS NAS MCHOD, ,GNAM SNGON DRI MED 'JA' TSON GSHAM BU CAN, ,'KHOR YUG SKAR MA'I DO SHAL 'CHANG BA BZHIN, ,MU TIG CHUN 'PHYANG MDZES PA'I BLA RE DANG, ,DRI ZHIM BDUG PA'I SPRIN PHUNG NAM MKHA'I RGYAN, ,RGYAB NAS DAR DKAR BRKYANGS PA'I YOL BA DANG, ,SNA TSOGS NOR BU'I THIG LE BKRA BA YI, ,LHA YI GDUGS DKAR GSER GYI YU BA CAN, ,RAB MDZES RGYAL MTSAN BA DAN GNAM DU BSGRENGS, ,GA-YAS NA RDA YA BA NOR BU'I YU BA CAN, ,DRIL CHUNG GA-YER KHAS BRGYAN PA DU MA DANG, ,RMA BYA'I MDONGS MDZES GSHIBS PA'I RLUNG GA-YAB RNAMS, ,ZHI BA'I NAGS RLUNG GA-YOB LA CHAS PA BZHIN, ,GA-YON NA PI WANG GLING BU CANG TI'U, ,PA tA HA DANG RNGA ZLUM RDZA RNGA DANG, ,'BUD DUNG GA-YAS 'KHYIL KA LING RNGA BO CHE, ,TSANGS PA'I DBYANGS LA 'GRAN PHYIR MCHOD PA 'DRA, ,MDUN DU MCHOD YON RGYA MTSO KUN NAS 'KHYIL, ,NYI ZLA LA SOGS NOR BU'I SNANG BA GSAL, ,RO BRGYA LDAN PA'I LHA YI ZHAL ZAS SOGS, ,SNA TSOGS BCUD 'DZIN GSER SNOD TSAR DU DNGAR, ,SPEL LEGS RIN CHEN ME TOG 'PHRENG BA DANG, ,ZLA BA NYA 'DRA SGEG MO'I ME LONG SOGS, ,'DZIN MKHAS LANG CHOS BSNYEMS PA'I MGRIN SNYAN RNAMS, ,RTZED 'JO GLU GAR BYED PAS PHYOGS KUN MDZES, ,GZHAN YANG LHA MI'I

MCHOD PA PHUL BYUNG DANG, ,KUN TU BZANG PO'I MCHOD SPRIN RGYA MTSO SOGS, ,YID 'ONG MCHOD RDZAS MA LUS GROS BYAS NAS, ,NAGS KYI LHA MO'I DRUNG DU 'DUS PA BZHIN, ,LHA DANG MI DANG RIG PA 'DZIN PA SOGS, ,SKAL BZANG DU MA NYIN BZHIN 'ONGS NAS NI, ,SGROL MA'I ZHAL GYI BUM PA BZANG PO'I BCUD, ,DAD PA'I SNYIM PAS 'THUNGS TE RTAG TU 'TSO, ,DE LTAR PHUN TSOGS MTHA' DAG 'DUS PA'I GNAS, ,SGROL MA'I PHO BRANG SENG LDENG NAGS TSAL DANG,, RGYAL YUM DGE MA 'KHOR DANG BCAS RNAMS LA, ,ZHING RDUL MNYAM PA'I LUS KYIS PHYAG 'TSAL LO, ,DGE BA 'DI YIS BDAG GZHAN 'GRO BA RNAMS, ,SKYE BA KUN TU SGROL MA'I ZHABS PAD LA, ,BTUD NAS DGES PA'I PHYAG GIS BZUNGS PA'I MTHUS, ,RIG 'DZIN MCHOG GI GO 'PHANG THOB GYUR CIG ,LEGS BSHAD RI MO BKRA BA'I LUNG GI GOS, ,RNAM DPYOD GSER GYI YU BA LA BRTEN CING, ,BSLAB GSUM NOR BU'I TOG GIS RAB MTSAN PA'I, ,BSTAN PA'I RGYAL MTSAN PHYOGS BCUR 'DZUGS PAR SHOG ,SGROL MA'I PHO BRANG SENG LDENG NAGS KYI BSTOD PA YID KYI LCAGS KYU ZHES BYA BA 'DI NI, DPAL LDAN RJE BTZUN MA'I THUGS RJE'I NYIN BYED KYIS BLO GROS KYI PADMO CUNG ZAD KHA BYE BA'I BKA' DRIN LA BRTEN NAS, BYANG PHYOGS KHA BA CAN GYI LJONGS SU BYUNG BA'I SNYAN NGAG MKHAN, DGE 'DUN GRUB PA DPAL BZANG POS DPAL BYANG CHUB CHEN PO'I DBEN GNAS THEG CHEN PHO BRANG DU LEGS PAR SBYAR BA'O,, ,,

, ,SGRA DBYANGS LHA MO DBYANGS CAN MA'I BSTOD PA, ` LHAG PA'I LHA MO DBYANGS CAN MA LA BSTOD PA, NYI MA'I 'OD KYIS GNAM SNGON ZHU BA 'KHYIL 'DRA'I MTSO 'GRAM NA, ,BEEd'URYA YI NE'U GSING YID 'OD PADMOS RNAM PAR KHEBS, ,LHA YI LAM LA RI MO BRIS 'DRA'I 'JA' 'OD KHYIL LI LI, ,'DAB CHAGS RNAMS NI SKAD SNYAN SGROG CING MDZES PA'I GAR STABS SGYUR, ,DE DBUS PAD DKAR BSIL ZER CAN GYI GDAN LA 'GYING BAG CAN, , ZUR MIG MDA' NI KUN GYI SNYING LA YANG DAG 'PHEN MDZAD MA, ,RGYUD MANGS SNGON PO'I SGRA YIS RNA BA'I DGA' STON 'GYED LA MKHAS, ,DBYANGS CAN MA YI ZHABS KYI PADMAR SGO GSUM GUS PAS 'DUD, ,DBU SKRA ZUR PHUD KUN GYI YID 'CHING 'DZUM PA'I BZHIN RAS CAN, ,RKED PA PHRA MDZES NU 'BUR RAB RGYAS SHA 'JAM YID 'ONG MA, ,BCU DRUG LANG TSO RGYAS PA'I NYAMS LDAN ZAG MED BDE BA'I GTER, ,SGRUB LA MCHOG STZOL BDE STONG TING 'DZIN RGYAS MDZAD KHYOD LA 'DUD, ,MTHO RIS MDZES MA'I MDZES PA GCIG TU BSDUS PA'I NA CHUNG MCHOG ,DRAN PA YIS KYANG SPOBS PA'I MCHOG KUN KUN TU STZOL MDZAD MA, ,NGAG DBANG LHA MO KHYOD DANG SKYE BA KUN TU MI 'BRAL ZHING, ,SNYAN NGAG LA MKHAS MKHAS PA'I MCHOG KUN KUN GYIS THOB PAR SHOG ,CES PA 'DI NI, CHOS SMRA BA'I BTZUN PA DGE 'DUN GRUB PA DPAL BZANG POS DPAL LDAN SNAR THANG GI GTZUG LAG KHANG DU SBYAR BA'O,, ,,

` BKRA SHIS LHUN PO'I GNAS BSTOD LUNG BSTAN, ` AOm BDE LEGS SU GYUR CIG ,BSOD NAMS CHU GTER LAS 'KHRUNGS PA'I, ,BKRA SHIS LHUN PO RGYAL GYUR CIG ,GDUL BYA GLING PA ZHIS YONGS BSKOR BA'I, , BKRA SHIS LHUN PO RGYAL GYUR CIG ,GRUB MTHA' RNAM BZHI'I BANG RIM CAN, ,BKRA SHIS LHUN PO RGYAL GYUR CIG ,RNAM GA-YENG RLUNG GIS MI BSKYOD PA'I, ,BKRA SHIS LHUN PO RGYAL GYUR CIG ,BKA' SRUNGS RGYAL CHEN BZHUGS PA'I GNAS, ,BKRA SHIS LHUN PO RGYAL GYUR CIG ,DON GNYER LHA PHRAN 'DU PA'I GNAS, ,BKRA SHIS LHUN PO RGYAL GYUR CIG ,MKHAS MANG GSER RIS BSKOR BA'I GNAS, ,BKRA SHIS LHUN PO RGYAL GYUR CIG ,DPAL 'BYOR ROL MCHO 'KHYIL BA'I GNAS, ,BKRA SHIS LHUN PO RGYAL GYUR CIG ,LEGS BSHAD RGYU SKAR BKRA BA'I GNAS, ,BKRA SHIS LHUN PO RGYAL GYUR CIG ,THUB CHEN LHA DBANG BZHUGS PA'I GNAS, ,BKRA SHIS LHUN PO RGYAL GYUR CIG ,RGYAL SRAS NYE DBANG BZHUGS PA'I GNAS, ,BKRA SHIS LHUN PO RGYAL GYUR CIG ,CHOS KYI SGRA CHIN SGROG PA'I GNAS, ,BKRA SHIS LHUN PO RGYAL GYUR CIG ,LHA YIS DON MTHUN MTSAN GSOL BA'I, ,BKRA SHIS LHUN PO RGYAL GYUR CIG ,BKRA SHIS LHUN CING BRJID CHAGS PA'I, ,BKRA SHIS LHUN PO RGYAL GYUR CIG ,DGE LEGS DPAL 'BAR SKOR BU 'DI, ,DGE LA 'DUN PA GRUB PA'I DPAL, ,DGE 'DUN GRUB KYIS PHUL BA YIS, ,

, ,DGE 'DUN DON RNAMS 'GRUB PAR SHOG ,CES RJE RANG NYID KYIS MDZAD BYANG DANG BCAS PA RNAMS KYANG PHUL,, ` ,,NYAMS MGUR ZHAL GDAMS, ` NA MO GU RU, SHAR GANGS RI DKAR PO'I RTZE MO NA, ,SBRIN DKAR PO GNAM LA SNYEG 'DRA BA, ,'DI MTHONG BA'I MOD LA BLA MA DRAN, ,DRIN BSAMS SHING BSAMS SHING DANG BA SKYES, ,SPRIN DKAR PO LDINGS PA'I SHAR PHYOGS NA, ,'BROG DGE LDAN RNAM PAR RGYAL BA DER, ,MTSAN BRJOD PAR DKA' BA'I DRIN PO CHE, ,PHA BLO BZANG GRAGS PA YAB SRAS BZHUGS, ,LAM RIM PA GNYIS KYI RNAL 'BYOR SOGS, ,CHOS ZAB LA SHIN TU RGYAS PAR GSUNGS, ,BOD KHA BA CAN GYI SKAL LDAN LA, ,MGON KHYOD KYI BKA' DRIN BSAM MI KHYAB, ,SGOS SNYOMS LAS 'DZIN PA'I DGE 'DUN GRUB, ,BLO CUNG ZAD CHOS LA PHYOGS PA 'DI, ,RJE YAB SRAS RNAMS KYI BKA' DRIN YIN, ,DRIN CHE BAR NGES SO YAB SRAS RNAMS, ,DUS 'DI NAS BYANG CHUB SNYING PO'I BAR, ,RJE YAB SRAS KHYED RNAMS MA GTOGS PA, ,SKYABS RE SA GZHAN NAS MI 'TSOL BAS, ,THUGS BRTZE BA'I LCAGS KYUS DRANG DU GSOL, ,DRIN JI BZHIN 'KHUR BAR MA NUS KYANG, , SEMS CHAGS SDANG DBANG DU MA SONG BAR, ,MGON KHYOD KYI BSTAN PA 'DZIN PA LA, ,DUS NAM YANG BRTZON PAR BGYID PAR SMAN, ,LAR DA LTA GANGS RI'I KHROD 'DI NA, ,RANG BSTAN PA 'DZIN PAR KHAS LEN CING, ,GZHAN BSTAN 'DZIN

DGRA BO'I DVANGS MAR 'DZIN, ,TSUL 'DI LA SKYO BA GTING NAS SKYES, ,GZHAN PHUNG BAR 'DOD PA'I KUN SLONG DANG, ,RGYUD MTSAN 'DZIN DAM POS BCING LAGS KYANG, ,LAM MTHON POR GNAS PA'I KHAS LEN BYED, ,'DI BRTAGS NA KUN GYIS KHREL BA'I RGYU, ,LAM GOL SAR RGAS PA'I SDUG YUS KYIS, ,CHOS TSUL BZHIN SGRUB PA'I GANG ZAG LA, ,RGYUD KHONG NAS 'KHRUG PA'I GDUG SEMS CAN, ,GDON THUGS LA BZHUGS PA MA LAGS SAM, ,DGRA NYON MONGS 'DUL THABS MI BYED PAR, ,GSHAGS 'GYED PA TZAM GYI BSHAD NYAN YANG, ,'DRE SHAR SGO'I PHYOGS SU GNAS PA LA, ,GLUD NUB SGOR GTONG BA DON RE CHUNG, ,DON DE LTAR GO BA'I BSHES GNYEN DANG, ,SPYIR LUS CAN KUN LA BKA' DRIN BSAM, ,SGOS CHOS MDZAD YONGS LA DAG SNANG SBYONG, ,DGRAN NANG NA 'DUG PA'I NYON MONGS 'DUL, ,MI KHO BO'I RJES 'JUG GROGS PO RNAMS, ,YID PHYOGS SU LHUNG BAS MA 'CHING BAR, ,BLO GZU BOR GNAS PA'I RTOG DPYOD KYIS, ,LAM DRANG POR ZHUGS PA CIS KYANG LEGS, ,GTAM 'DI LA BRTEN NAS 'GRO BA RNAMS, ,BYAMS SNYING RJES DRANGS PA'I SEMS SKYED DANG, ,DBYINGS SBROS BRAL RTOGS PA'I LTA BA YIS, ,DPAL BLA MED BYANG CHUB MYUR THOB SHOG ,SKU LA MTSAN DPE'I DPAL 'BAR ZHING, ,GSUNG DBYANGS YAN LAG DRUG CUS BRGYAN, ,THUGS NA ZEB YANGS MKHYEN BRTZE'I GTER, ,DPAL LDAN BLA MA'I BKRA SHIS SHOG ,CES PA 'DI NI, THAMS CAD MKHYEN PA

, ,CHEN PO DGE 'DUN GRUB PA DPAL BZANG POS GDUNG DBYANGS SU MDZAD PA'O,, ` ,,BLA MA'I BKA' DRIN DRAN PA'I RNAM MGUR, ` NA MO GU RU, SKU MTHONG BA'I MOD LA DANG BA 'DREN, , GSUNG THOS PAS LUS KYI BA SBU GA-YO, ,DRIN BSAM PAS DGE LEGS KUN GYI GTER, ,RJE MTSAN LDAN BLA MA'I ZHABS LA 'DUD, ,GANG SNANG ZHING SRID PA'I CHOS RNAMS KUN, ,DBYINGS SBROS BRAL NAM MKHA'I DBYINGS LTAR GZIGS PHA MTSUNGS MED NAM MKHA'I RNAL 'BYOR PA, ,RJE MTSAN LDAN BLA MA'I ZHABS LA 'DUD, ,CHOS SDE SNOD GSUM DANG RGYUD SDE SBYANGS, ,LAM BSLAB PA GSUM LA GCES SPRAS MDZAD, ,SKYABS DKON MCHOG GSUM GYI NGO BO NYID, ,RJE MTSAN LDAN BLA MA'I ZHABS LA 'DUD, ,BKA' MOD RGYUD DBANG DANG MAN NGAG GNANG, ,BLO 'KHRUL PA'I GOL SA GTING NAS BCAD, ,DREN 'KHOR BA MED PA'I RIN PO CHE, ,RJE MTSAN LDAN BLA MA'I ZHABS LA 'DUD, ,THUGS 'OD GSAL NAM MKHA'I KLONG DKYIL NA, ,SKU ZUNG 'JUG MTSAN DPE'I RGYAN GYIS SPRAS, ,DPAL RDO RJE 'DZIN PA'I NGO BO NYID, X ,DUS DA NAS BYANG CHUB SNYING PO'I BAR, ,SKYABS BLA MA KHYED DANG MI 'BRAL ZHING, ,THUGS DGYES PAS RJES SU 'DZIN PA DANG, ,BKA' CI GSUNG CHOS BZHIN SGRUB PAR SHOG, ,MGON KHYOD ZHABS MCHOD PA'I BKA' DRIN GYIS, ,SKU LHUN PO LTA BUR BRTAN PA DANG, ,GSUNG YAN LAG DRUG CUS BRGYAN PA DANG, ,THUGS CHOS KUN GSAL BA'I BKRA

SHIS SHOG ,NGAS YUN RINGS 'BAD DE BTZAL BA'I MTHUS, ,GNAS LHAN SKYES BDE CHEN DE RING RNYED, ,DA RTZE GCIG SGRUB PA BYED PA LA, ,KHYED GNAS GSUM MKHA' 'GROS BRTZE BAS SKYONGS, ,'DI RJE THAMS CAD MKHYEN PAS SNGA MO'I DUS LHA RGYAL RTZER CHOS BAR LA PHEBS DUS MDZAD PA'I LO RGYUS 'DUG LAGS,, ` ,,RGYAL BAS GSUNGS PA'I MDO RGYUD MA LUS PA'I, ,BSTAN PA THAMS CAD 'GAL MED BDE BLAG TU, ,LAM BZANG GSAL BAR STON PA GCIG PU PA, ,BLO BZANG GRAGS PA'I ZHABS LA GSOL BA 'DEBS, ,RGYA CHEN CHOS KYI SPYAN LDAN MKHAS PA'I MCHOG ,BSLAB GSUM RNAM DAG BSTAN PA'I RGYAL MTSAN 'DZIN, ,MNOR LAM BZANG STON PA 'GRO BA'I DPAL, ,BSHES GNYEN BZANG PO'I ZHABS LA GSOL BA 'DEBS, ,SANGS RGYAS CHOS TSOGS DGE 'DUN KUN GYI DO, ,'PHRIN LAS LHUN GRUB DPAL 'BYOR BZANG PO YIS, ,LUS CAN THAR PAR 'KHRID PA'I SNYING STOBS CAN, , SLU MED SKYABS GNAS MCHOG LA GSOL BA 'DEBS,, ` ,,THAR PA DANG THAMS CAD MKHYEN PAR BSKUL BA'I NYAMS MGUR, ` KA YE GSAN DANG SHES LDAN GROGS PO DAG ,KHA NA MA THO'I DBANG GIS 'KHOR BA'I GNAS, ,GA RU GNAS KYANG BDE BA'I SKABS MED PAS, ,NGA NI 'CHI MED BDUD RTZI DON DU GNYER, ,CA CO'I TSIG NGAN CI YANG MI SMRA ZHING, ,CHA LUGS DMAN YANG DAG LA GOMS PA'I MTHUS, ,JA LA SRED PA'I LCAGS KYUS

, ,MA ZIN PAR, ,NYA CHEN BZHIN DU CHOS DBYINGS RGYA MTSOR 'JUG ,TA LA'I LJON PA RAB TU RGYAS GYUR KYANG, ,THA MAR NYAMS SHING BSKAMS PAR NGES PA LTAR, ,DA LTA 'BYOR YANG DGE LA MA 'BAD NA, ,NA TSOD 'JOMS PA'I 'CHI BDAG NGES PAR YONG, ,PA WANG SANGS LTAR DKAR BA'I BRTZE SEMS CAN, ,PHA MA 'DI KUN 'KHOR BAR 'KHYAMS PA LA, ,BA SPU GA-YO 'GUL MED PAR MI RUNG BAS, ,MA LUS 'GRO BA'I DON DU BYANG CHUB SGRUBS, , TZA RI LA SOGS DBEN PA'I GNAS MCHOG TU, ,TSA GRANG KHYAD DU BSAD NAS MA 'BAD NA, ,DZA LANG RAB TU RGYAS PA'I SENG CHEN GYIS, ,WVA SKAD 'DON DGOS BYUNG NA MI RUNG NGO, ,ZHVA DANG GOS SOGS LONGS SPYOD PHONGS GYUR CING, ,ZA MA MA NING SOGS KYIS BRNYAS KYANG RUNG, ,'A CAG DAL 'BYOR LAN CIG THOB PA 'DI, ,YA MA BRLA NYID MA BYED DON LDAN MDZOD, ,RA GAN GSER DU BSKYUR BA'I ZANGS MDOG GIS, ,LA LA SLU BA'I BSAM PA MA 'DZIN PAR, ,SHA TSA'I SEMS KYIS RANG DANG GZHAN RGYUD LA, ,SA DANG LAM GYI YON TAN SGRUB PAR 'TSAL, ,HA CANG SNYIGS MA LNGA PO BDO BA 'DI, ,AA TI SHA NAS BRGYUD PA'I GDAMS NGAG GIS, ,BYANG CHUB MCHOG GI LAM DU BSGYUR BA LA, ,MKHAS PA'I BSHES LA BRTEN NAS 'BAD 'TSAL LO, ZHES RANG GZHAN LA BSKUL BA'I GTAM RIN PO CHE'I 'PHRENG BA CES BYA BA 'DI NI CHOS SMRA BA'I BTZUN PA DGE 'DUN GRUB PA DPAL BZANG POS CHOS GRVA CHEN PO DPAL LDAN GSANG PHU NE'U THOG TU SMRAS PA'O,, ,,

` MIG YONGS SU SBYONG BA'I ZHAL GDAMS, ` SANGS RGYAS BCOM LDAN 'DAS SNANG BA MDZAD PA SGRON MA 'DZIN PA LA PHYAG 'TSAL LO, ,BDE BAR GSHEGS PA THUGS RJE CHEN PO DANG LDAN PA BDAG GI MIG SBYANG DU GSOL, SANGS RGYAS BCOM LDAN 'DAS BDAG GI MIG SBYANG DU GSOL, TADYA TH'A, HI LI MI LI, KI LI MI LI, HI LI TI LI MI LI, HU YA HU YA, HU YA NI, HU LU HU LU HU LU, HU DU HU DU HU DU, TZAKshU ME BI SHO DHA NE SV'A H'A, TSUL KHRIMS KYI BDEN PA DANG, BRTUL ZHUGS KYI BDEN PA DANG, DRANG SRONG RNAMS KYI BDEN PA DANG, RTEN CING 'BREL PAR 'BYUNG BA'I BDEN PA DANG, SDUG BSNGAL GYI BDEN PA DANG, KUN 'BYUNG GI BDEN PA DANG, 'GOG PA'I BDEN PA DANG, LAM GYI BDEN PA DANG, DGRA BCOM PA RNAMS KYI BDEN PA DANG, RANG SANGS RGYAS RNAMS KYI BDEN PA DANG, SANGS RGYAS BCOM LDAN 'DAS KYI BDEN PA DANG, BDEN PA'I BYIN GYI RLABS KYIS, BDAG GI MIG NA BAR MA GYUR CIG ,MCHI MA 'DZAG PAR MA GYUR CIG ,KUN TU MCHI MA 'JIG PAR MA GYUR CIG ,BDAG DANG SEMS CAN THAMS CAD MIG RNAM PAR DAG PAR GYUR CIG SV'A H'A, 'DI RJE THAMS CAD MKHYEN PA'I ZHAL GDAMS YIN GZUNGS BSDUS NA YOD GSUNG, ` SPYAN RAS GZIGS KYI SGRUB THABS ZAB MO, ` THAMS CAD MKHYEN PA DGE 'DUN GRUB PA DPAL BZANG PO'I ZHABS KYI PADMO DRI MA MED PA LA DUS THAMS CAD DU GUS PA CHEN POS PHYAG 'TSAL ZHING SKYABS SU MCHI'O, ,DAM PA DE'I

, ,GSUNG LAS, THUGS RJE CHEN PO'I BSGOM BZLAS BYED PAR 'DOD PAS, SKYABS 'GRO SEMS SKYED TSAD MED BZHI SGOM PA SOGS SNGON DU BTANG BA SPYI DANG MTHUN, SVA BH'A WA'I SNGAGS DON DRAN PA'I DANG NAS PADMA DANG ZLA BA'I STENG DU RANG GI SEMS KYI NGO BO HR'I: DKAR PO RING CHA TSEG DRAG DANG BCAS PA CIG BSAM, DE LAS 'OD 'PHROS, SEMS CAN GYI SDIG SGRIB SBYANGS, JO BO'I GO 'PHANG LA BKOD, TSUR 'DUS HR'I: LA THIM PA YONGS SU GYUR PA LAS, RANG NYID 'PHAGS PA SPYAN RAS GZIGS DBANG PHYUG SKU MDOG DKAR PO GANGS RI LA NYI MA SHAR BA LTA BU, ZHAL GCIG PHYAG BZHI PA, PHYAG DANG PO GNYIS THUGS KAR THAL MO SBYAR BA, GA-YAS KYI GNYIS PA NA NOR BU CHU SHEL GYI 'PHRENG PA 'DZIN PA, GA-YON GYI GNYIS PA NA PADMA DKAR PO'I YU BA NAS 'DZIN PA SNYAN GYI THAD KAR KHA BYE BA, ZHABS RDO RJE'I SKYIL KRUNG GIS BZHUGS PA, RIN PO CHE'I DBU RGYAN LA SOGS PA RGYAN SNA TSOGS PAS BRGYAN CING, DAR SNA TSOGS KYI NA BZA' GSOL BA'I SKU RU WAL GYIS BSGOM, DE'I SPYI BOR AOm, MGRIN PAR A'A: THUGS KAR H'Um, H'Um LAS 'OD ZER 'PHROS, PO TA LA'I RI PO NAS 'PHAGS PA THUGS RJE CHEN PO 'KHOR DANG BCAS PA SPYAN DRANGS, DZA: H'Um BAM HO: ZHES PAS RANG LA BSTIMS PAS GNYIS SU MED PAR GYUR, SLAR YANG THUGS KA'I H'Um LAS 'OD 'PHROS DBANG GI LHA RNAMS MDUN GYI NAM MKHAR SPYAN DRANGS, DE

BZHIN GSHEGS PA THAMS CAD KYIS BDAG LA DBANG BSKUR DU GSOL ZHES GSOL BA BTAB PAS, AOm SARBA TA TH'A GA TA AA BHI shE KA TA SA MA YA SHR'I H'Um, ZHES GSUNG ZHING SPYI BO NAS DBANG BSKUR BAS SKU YE SHES KYI BDUD RTZIS GANG, CHU'I LHAG MA SPYI GTZUG TU 'KHYIL PA YONGS SU GYUR PA LAS, RGYAL BA 'OD DPAG MED SKU MDOG DMAR PO ZHAL GCIG PHYAG GNYIS MNYAM GZHAG GI STENG NA BDUD RTZIS GANG BA'I LHUNG BZAD BSNAMS PA, ZHABS GNYIS RDO RJE SKYIL KRUNG GIS BZHUGS PA, NA BZA' CHOS GOS DMAR PO GSOL BAS DBU BRGYAN PAR BSGOM, DE NAS MA H'A K'A RU nI K'A SA PA RI W'A RA AARGHAm SOGS NYER SPYOD LNGAS MCHOD, SKYON GYIS MA GOS SKU MDOG DKAR, ZHES SOGS KYIS BSTOD, DE NAS LHA BSGOM PA'I GNAD NI, RANG THA MAL PA'I NGA RGYAL DOR NAS, 'PHAGS PA SPYAN RAS GZIGS YIN SNYAM PA'I NGA RGYAL SHUGS CAN SGOM PA DANG, SNGAR BSHAD PA'I SKU MDOG PHYAG MTSAN RNAMS RNAM PA GSAL BA LA SLOB, DE NAS BZLAS PA BYA BA NI, RANG GI THUGS KAR ZLA BA'I DKYIL 'KHOR GYI DBUS SU HR'I: DKAR PO RING CHA TSEG DRAG DANG BCAS PA, MTHA' SKOR DU AOm MA nI PADME H'Um ZHES PAS BSKOR BA LA DMIGS NAS BZLAS PA BYA, DE YANG PHA MAS GTZO BYAS PA'I SEMS CAN THAMS CAD MDUN DU BKUG LA, SPYAN RAS GZIGS SU GYUR PAR BSAM, DE RE RE LA YANG DBU DU MA, DBU RE RE LA YANG LJAGS DU MA YOD PAR MOS NAS MGRIN GCIG TU BZLA'O, ,SNGAGS

, ,DON NI, MA nI ZHES PA NI, NOR BU YIN LA, PHYAG GA-YAS KYI NOR BU CHU SHEL GYI PHRENG BA'O, ,PADMA NI, PHYAG GA-YON PA'I PADMA'O, ,ME NI, 'BOD PA'I TSIG STE, DE YANG PHYAG MTSAN DA GNYIS 'DZIN PA'I LHA SNGAR BSGOMS BDE NYID LAM LAM DRAN PAR BYED PA'O, ,AOm DANG H'Um NI, SPYI DANG MTHUN, 'DI NI BZLAS PA'I GNAD SHIN TU ZAB BO, ,BZLAS PA TSAR BA'I RJES SU MCHOD BSTOD SNGAR BZHIN BYA, DGE BA 'DI YIS MYUR DU BDANG, ,CES SOGS BSNGO BA BYA; THUN MTSAMS SU RANG NYID SPYAN RAS GZIGS KYI NGA RGYAL LA GNAS PAR BYA'O, ,CI ZA CI 'THUNG GI PHUD NAS MCHOD PA DANG, SKYID SDUG MTHO DMA' CI BYUNG YANG, JO BO LA MCHOD NAS GSOL BA 'DEBS KYI, MO BON SOGS NGO 'DZIN GYI BYA THABS GZHAN MI BSTEN PA'O, ,MTSAN MO NYAL BA NA LUS KYI SPYOD LAM, GZHOGS GA-YAS 'OG TU BCUG, LONG BU GA-YAS PA'I STENG DU GA-YON PA BZHAG NAS LUS KYI SPYOD LAM DAM PAR NYAL, SEMS KYI DMIGS PA RANG GI RNAM PAR SHES PA THAMS CAD SNYING KHAR BSDUS TE, BSGRIMS NAS RTZA DBU MA'I NANG NAS YAR 'THON TE, SPYI BO'I 'OD DPAG MED KYI THUGS KAR THIM PA'I MOS PA BYA, YANG MAR BABS TE SNYING KHAR THIM PAR BSGOM PA YANG YANG BYA LA, DE LA LEGS PAR BYANG BA NA, 'CHI BA'I DUS KYI TSE LUS KYI SPYOD LAM SNGAR BZHIN DANG RLUNG SNA BUG GA-YAS PA BKAG STE GA-YON NAS RGYU BAR BYA, SEMS DMIGS PA SNGAR BZHIN BYAS LA, MOS 'DUN SHUGS DRAG POS

'OD DPAG MED KYI THUGS KAR THIM PAR BSGOMS LA, RGYAL BA'I DKYIL 'KHOR BZANG ZHING DGA' BA DER, ZHES SOGS SMON LAM SHLO KA GNYIS KYI DON YID LA DRAN BZHIN DU GDAB PAR BYA'O, ,'DI NI, SHIN TU ZAB PA'I MAN NGAG RJE THAMS CAD MKHYEN PA'I ZHAL SNGA NAS KYI GDAMS PA'O,, ` ,,SGROL MA DKAR MO'I SGRUB THABS, ` NA MO A'ARYA T'A RA YE, RJE BTZUN MA SGROL MA BSGRUB PAR 'DOD PAS, SKYABS 'GRO SEMS SKYED TSAD MED BZHI SGOM PA SNGON DU BTANG NAS, AOm SVA BH'A BA SHUDDH'A SARBA DHARM'A SVA BHA BA SHUDDHONYAHAm, STONG PAR GYUR, STONG PA'I DANG LAS PAm LAS PADMA DKAR PO DANG AA LAS ZLA BA'I DKYIL 'KHOR GYI STENG DU RANG GI RNAM PAR SHES PA TAm LAS AU TPA LA SNGO SKYA TAm GYIS MTSAN PA LAS 'OD 'PHROS, 'PHAGS PA MCHOD SEMS CAN GYI DON BYAS TSUR 'DUS YONGS SU GYUR PA LAS, RANG NYID RJE BTZUN MA 'PHAGS MA SGROL MA SKU MDOG DKAR MO ZHAL GCIG PHYAG GNYIS GA-YAS MCHOG SPYIN GYI PHYAG RGYA DANG, GA-YON AUTPA LA'I YU BA MTHEB SRIN GYIS THUGS KAR BZUNGS NAS SNYAN GYI THAD DU KHA BYE BA, ZHABS RDO RJE'I SKYIL KRUNG GIS BZHUGS PA, PHYAG ZHABS KYI MTHIL LA SANGS RGYAS THAMS CAD KYI RNAM PAR THAR PA'I SGO BZHI'I NGO BOR GYUR PA'I SPYAN MNGA' BA RIN PO CHE'I RGYAN DANG, DAR SNA TSOGS KYI NA BZA' DANG, ZLA BA'I RGYAB YOL CAN SHIN TU ZHI BA'I NYAMS DANG LDAN PA, DE'I SPYI BOR AOm, MGRIN PAR A'A: THUGS KAR

, ,H'Um; THUGS KA'I H'Um LAS 'OD 'PHROS, LHO PHYOGS PO TA LA NAS RJE BTZUN MA SGROL MA LA SANGS RGYAS DANG BYANG CHUB SEMS DPA'I TSOGS KYIS BSKOR BA SPYAN DRANGS, DZA: H'Um BAm HO: RANG LA THIMS PAS GNYIS SU MED PAR GYUR, SLAR YANG THUGS KA'I H'Um LAS 'OD 'PHROS PAS RIGS LNGA 'KHOR BCAS SPYAN DRANGS, KHYED RNAMS KYIS BDAG LA MNGON PAR DBANG BSKUR DU GSOL, ZHES GSOL BA BTAB PAS, DE RNAMS KYIS YE SHES KYI BDUD RTZIS GANG BA'I BUM PA THOGS NAS, AOm SARBA TA TH'A GA TA AA BHI shE KA TA SA MA YI SHR'A A'A: H'Um ZHES DBANG BSKUR LUS THAMS CAD GANG DRI MA THAMS CAD DAG CHU LHAG PA SPYI GTZUG TU GNAS PA YONGS SU GYUR PA LAS; CHE DPAG TU MED PA SKU MDOG DKAR LA DMAR BA'I MDANGS CHAGS PA ZHAL GCIG PHYAG GNYIS PA ZHABS RDO RJE'I SKYIL KRUNG GIS BZHUGS PA, PHYAG GNYIS MNYAM GZHAG GI STONG NA 'CHI MED TSE'I BDUD RTZIS GANG BA'I BUM PA BSNAMS PAS DBU BRGYAN PAR GYUR, DE NAS MCHOD PA BSANGS SBYANGS BYIN GYIS BRLABS NAS, AOm A'ARYA T'A RE SA PA RI W'A RA AARGHAm PRA T'I TZTSA H'Um SV'AH'A, DE BZHIN DU P'A TYAm, PUshPE, DH'U PE, A'A LO KE, GANBHE, NEE WE DYA, SHAPTA PRA T'ITZTSA H'Um ZHES PAS MCHOD, PADMA DKAR DANG ZLA DKAR GDAN STENGS NA, ,LHA MO SPYAN YANGS NU 'BUR RGYAS MA NI, ,PHYAG GA-YAS MCHOG SPYIN GA-YON PA SKYABS SPYIN MDZAD, ,ZHABS GNYIS BDE RGYAS

SKYIL KRUNG CAN DER 'DUD, ,T'A RE LA SOGS SNGAGS KYI 'OD ZER GYIS, ,LUS LA SKU DANG NGAG LA GSUNG DANG NI, ,SEMS LA THUGS KYI DNGOS GRUB STZOL MDZAD MA, ,BDAG GI 'CHI BDAG 'JOMS MDZAD KHYOD LA 'DUD, ,STOD PA NYID DANG MTSAN MA MED PA DANG, ,SMON PA MED DANG MNGON PAR 'DU MI BYED, ,RNAM THAR SGO BZHI'I SPYAN GYIS PHYAG ZHABS KYANG, ,MNGON PAR MTSAN PA'I LHA MO KHYOD LA 'DUD, CES BSTOD NAS, RANG GI SNYING KHAR ZLA BA'I DKYIL 'KHOR GYI STENG DU TAm YIG GI MTHAR AOm T'A RE TUTT'A RE TU RE MA MA A'A YU: PUshtIm KU RU SV'AH'A, ZHES PAS BSKOR BA LA DMIGS NAS BSNYEN PA BYA ZHING SPYI BO'I TSE DPAG MED KYI THUGS KA NAS 'OD ZER 'PHROS, PHYOGS BCU'I RGYAL BA SRAS BCAS KYI SKU GSUNG THUGS YON TAN 'PHRIN LAS DANG BCAS PA THAMS CAD 'OD DANG 'OD ZER GYI RNAM PAR SPYAN DRANGS NAS TSE DPAG MED KYI BUM PA'I NANG DU THIMS PAS, BUM PA'I NANG NAS BDUD RTZI PHYIR LUNG, RANG GI SPYI BO TSANGS PA'I BU GA KHA BYE BA NAS MAR BYUNG LUS GANG, DRI MA THAMS CAD DAG ,'CHI MED TSE'I DNGOS GRUB THOB PA'I DMIGS PA YANG YANG DU BYA'O, ZHES RJE BTZUN MA SGROL MA DKAR MO'I SGRUB THABS 'DI NYID, SH'AKYA'I DGE SLONG DGE 'DUN GRUB PA DPAL BZANG POS DPAL LDAN BKRA SHIS LHUN PO DPAL GYI BDE CHEN PHYOGS THAMS CAD LAS RNAM PAR RGYAL BA'I GLING GI GTZUGS LAG KHANG DU SBYAR BA'O,, ` ,,SGROL MA SNGON MO'I SGRUB THABS 'PHRIN LAS MYUR 'JUG, ` NA MO A'ARYA

, ,T'A RA YE, RJE BTZUN MA SGROL MA BSGRUB PAR 'DOD PAS, SKYABS 'GRO SEMS SKYED SNGON DU 'GRO BAS, SVA BH'A WA'I SNGAGS KYIS STONG PAR SBYANGS, STONG PA'I DANG LAS, MDUN GYI NAM MKHAR PAm LAS PADMA DANG AA LAS ZLA BA'I STENG DU TAm LAS AUTPA LA LJANG KHU TAm GYIS MTSAN PA LAS 'OD 'PHROS, 'PHAGS PA MCHOD SEMS CAN GYI DON BYAS, TSUR 'DUS YONGS SU GYUR PA LAS, RJE BTZUN MA 'PHAGS MA SGROL MA SKU MDOG LJANG SNGON ZHAL GCIG PHYAG GNYIS MA, PHYAG GA-YAS MCHOG SPYIN GYI PHYAG RGYA DANG, PHYAG GA-YON ME TOG AUTPA LA'I RTZAB MTHEB SRIN GYIS THUGS KAR BZUNGS NAS SNYAN GYI THAD DU KHA BYE BA, ZHABS GA-YAS BRKYANGS SHING GA-YON BSKUMS PA'I STABS KYIS BZHUGS PA, RIN PO CHE'I DBU RGYAN, SNYAN RGYAN, MGUL RGYAN, DPUNG RGYAN, PHYAG GDUB, ZHABS GDUB, DO SHAL SOGS RIN PO CHE'I RGYAN GYIS BRGYAN PA, SKU STOD LHA RDZAS KYI GOS KYI GA SHAL DANG, SKU SMAD LHA RDZAS KYI DAR GYI SHAM THABS CAN, GZHON NU MA LO BCU DRUG LON PA'I NYAMS DANG LDAN PA, RANG LA DGYES BZHIN DU 'DZUM PA DANG BCAS PA, DE'I SPYI BOR AOm, MGRIN PAR A'A: THUGS KAR H'Um : THUGS KA'I H'Um LAS 'OD 'PHROS, PO TA LA NAS RJE BTZUN MA LA SANGS RGYAS DANG BYANG CHUB SEMS DPA'I TSOGS KYIS BSKOR BA SPYAN DRANGS, PO TA LA YI GNAS MCHOG NAS, ZHES SOGS BRJOD, DZA: H'Um BAm HO:

GNYIS SU MED PAR GYUR, SLAR YANG THUGS KA'I H'Um LAS 'OD 'PHROS, DBANG GI LHA RIGS LNGA 'KHOR DANG BCAS PA SPYAN DRANGS, DE BZHIN GSHEGS PA THAMS CAD KYIS 'DI LA MNGON PAR DBANG BSKUR DU GSOL ZHES GSOL BA BTAB PAS, DE RNAMS KYIS YE SHES KYI BDUD RTZIS GANG BA'I BUM PA THOGS NAS, AOm SARBA TA TH'A GA TA AA BHIshE KA TA SA MA YA SHR'I YE YE H'Um ZHES GSUNGS ZHING SPYI BO NAS DBANG BSKUR BAS LUS GANG, DRI MA DAG CHU LHAG PA SPYI GTZUG TU GNAS PA YONGS SU GYUR PA LAS 'OD DPAG KYIS DBU BRGYAN PAR GYUR, DE NAS MCHOD PA BSANGS SBYANGS NAS, AOm SARBA TA TH'A GA TA A'ARYA T'A RE SA PA RI W'A RA ARGHAm PRA T'ITZTSA H'Um SV'A H'A, DE BZHIN DU, P'A DYAm, PUshPE, DH'U PE, A'A LO KE, GANDHE, NEE WE DYA, SHAPTA PRA T'ITZTSA H'Um SV'AH'A, LHA DANG LHA MIN ZHES SOGS KYIS BSTOD, DE NAS BZLAS PA BYA BA NI, THUGS KAR ZLA BA'I GDAN LA TAm LJANG KHU LA, AOm T'A RE TUTT'A RE TU RE SV'AH'A, SPEL TSIG NI ,AOm T'A RE TUTT'A RE TU RE MA MA A'A YU: PUshtI KU RU YE SV'A H'A, TSE SPEL LO, ,PU n+YA PUshtIm BSOD NAMS SPEL LO, ,PRADZNYA' SHES RAB SPEL LO, ,MA TI BLO GROS SPEL LO, ,K'I RTI GRAGS PA SPEL LO, ,RIMS SOGS NAD ZHI BAR 'DOD NA, SARBA DZVA RA BHYA: SHANTIm KU RU YE SV'A H'A, BGEGS ZHI BAR 'DOD NA, SARBA BI GHNAN, SEMS KYI RNAM GA-YENG ZHI BAR 'DOD NA, SARBA TZITTA BI KshE BA, RMI LAM NGAN PA ZHI BAR 'DOD NA, SARBA DUR SVAPANI DUR MI TE SHANTIm KU RU YE SV'AH'A,

, ,SOGS KYIS BSKOR BA LA DMIGS NAS BZLAS PA BYA'O, ,DE NAS RJE BTZUN MA'I ZHABS GA-YAS PA'I MTHE BOD LA 'JUS TE, SKYID SDUG LEGS NYES CI BYUNG YANG RJE BTZUN MA MKHYEN SNYAM PA BYAS LA, SGROL MA'I BSTOD PA 'DON, DE NAS CI 'DOD KYI GSOL BA GDAB PA DANG SMON LAM BYAS NAS MTHAR RANG LA DGYES BZHIN DU THIM PA'I MOS PA BYA'O, ,DE NAS BKRA SHI BRJOD, CES RJE BTZUN SGROL MA SNGON MO'I SGRUB THABS 'PHRIN LAS MYUR 'JUG CES BYA BA 'DI NI, DGE BA'I BSHES GNYEN DU MAS BSKUL NAS SH'AKYA'I DGE SLONG DGE 'DUN GRUB PA DPAL BZANG POS MYANG STOD KYI SA YI CHA DGE LDAN LHUN POR SBYAR BA'O,, ,, ` DZAm LA SER PO LA CHU 'BUL BA'I CHO GA, ` BLA MA DAM PA RNAMS LA PHYAG 'TSAL LO, ,DPAL GSANG BA 'DUS PA'I RGYUD NAS GSUNGS PA'I DZAMBHA LA'I SGO NAS NOR SGRUB GSER 'DOD PAS SKYABS SEMS SNGON DU BTANG NAS, AOm SVA BH'A WA SHUDDH'A SARBA DHARM'A SVA BH'A WA SHUDDHONYAHAm, STONG PAR GYUR, STONG PA'I DANG LAS PAm LAS PADMA DANG AA LAS ZLA BA'I STENG DU DZAm LAS BI DZA PU RA DZAm GYIS MTSAN PA LAS 'OD 'PHROS, GSER LA SOGS PA'I RIN PO CHE'I RIGS THAMS CAD BSDUS NAS DE LA THIMS, DE YONGS SU GYUR PA LAS, RANG NYID GNOD SBYIN DZAMBHA LA GSER GYI MDOG CAN RDO RJE 'CHANG GIS DBU BRGYAN PA SER NAG DKAR BA'I ZHAL GSUM PHYAG DRUG GI GA-YAS GSUM GYIS BI DZA PU RA

DANG; LCAGS KYU DANG MDA', GA-YON GSUM GYIS RANG 'DRA'I YUM LA 'KHYUD CING, ZHAGS PA BZANG PO DANG BCAS PA'I ME LONG DANG GZHU 'DZIN PA, GSUS PA CHE BA, MI'U THUNG GI GZUGS CAN, DBU SKRA RAL PA'I THOR TSUGS DANG, RIN PO CHE'I RGYAN DANG DAR SNA TSOGS KYI NA BZA' CAN DU GYUR PA'I SPYI BOR AOm LAS RNAM SNANG, MGRIN PAR A'A: LAS 'OD DPAG MED, THUGS KAR H'Um LAS MI BSKYOD PA, LTE BAR SV'A LAS RIN 'BYUNG, BRLA'I RTZA BAR H'A LAS DON YOD GRUB PA DE'I SPYI BOR AOm, MGRIN PAR A'A: THUGS KAR H'Um, THUGS KA'I H'Um LAS 'OD 'PHROS, BSGOMS PA DANG 'DRA BA'I YE SHES PA SPYAN DRANGS, DZA: H'Um BAm HO: GNYIS SU MED PAR THIMS, RANG GI RIGS BDAG YAB YUM GYIS BYANG CHUB KYI SEMS KYI DBANG BSKUR, RANG GI MDUN DU RIN PO CHE'I SNOD YANGS SHING RGYA CHE BA'I NANG DU PADMA DANG ZLA BA'I STENG DU ZHES PA NAS, SKU GSUNG THUGS BYIN GYIS BRLABS PA'I BAR BDAG BSKYED BZHIN BSGOMS NAS, RANG GI SNYING KHA NAS RANG 'DRA'I DZAMBHA LA BYUNG, MDUN BSKYED KYI DZAMBHA LA LA THIMS, RIGS BDAG RDO RJE 'CHANG YAB YUM SNYOMS PAR ZHUGS PA'I SBYOR MTSAMS NAS BYUNG BA'I BYANG SEMS KYI CHU RGYUN GYIS DBANG BSKUR ZHING, DZAm LAS BYUNG BA'I BYANG CHUB KYI SEMS KYI BDUD RTZI'I CHU RGYUN GYIS DZAMBHA LA'I MGO BOR KHRUS GSOL BAR GYUR, AOm DZAMBHA LA DZA LENDRA YE SV'AH'A, ZHES CHU SBYIN PAR BYA'O, ,DE NAS A'ARYA DZAMBHA LA AARGHAm PRA

, ,T'ITZTSA H'Um, ZHES SOGS NYER SPYOD KYIS MCHOD, GSER GYI MDOG CAN NYI MA 'BUM GYI 'OD, ,NOR GYI DBANG PHYUG GTER 'CHAD KUN GYI BDAG ,SGRUB PA PO LA CI 'DOD DNGOS GRUB KUN, ,MYUR DU STZOL MDZAD KHYOD LA PHYAG 'TSAL LO, ZHES PAS BSTOD, BDAG DANG SEMS CAN THAMS CAD DBUL 'PHONGS DANG BRAL NAS CHOS DANG MTHUN PA'I 'BYOR PA PHUN SUM TSOGS PA DANG LDAN PAR MDZAD DU GSOL, ZHES GSOL BA BTAB, SGRUB PA PO LA DGYES BZHIN DU BSAM PA THAMS CAD YONGS SU RDZOGS PAR BYAS NAS RANG GI SNYING KHAR THIMS PAR GYUR, BSNGO BA BYA'O, ,'DI NI, CHOS KYI RGYAL PO TZONG KHA PA'I MAN NGAG BZHIN DU DGE 'DUN GRUB PA DPAL BZANG POS BKOD PA'O,, ` MI GA-YO BA SNGON PO'I SGRUB THABS, ` RJE BTZUN MI GA-YO BA BSGOM PAR 'DOD PAS, STAN BDE BA LA 'DUG STE, RANG GI SNYING KHA'I H'Um NAG PO LAS 'PHROS PA'I 'OD KYIS, RANG GI LUS KYI PHYI NANG THAMS CAD GSAL PAR BYAS, AOm SARBA TA TH'A GA TA P'U DZA BADZRA SVA BH'A BA A'ATMA KONYAHAm, H'Um GI 'OD ZER GYIS BLA MA SANGS RGYAS BYANG SEMS RNAMS MDUN GYI NAM MKHAR SPYAN DRANGS, AARGHAm SOGS KYIS MCHOD, DKON MCHOG GSUM LA BDAG SKYABS MCHI, ,SDIG PA THAMS CAD SO SOR BSHAGS, ,'GRO BA'I DGE LA RJES YI RANG, ,SANGS RGYAS BYANG CHUB YID KYIS GZUNG, ,SANGS RGYAS CHOS DANG TSOGS MCHOG LA, ,BYANG CHUB BAR DU SKYABS SU MCHI, ,RANG GZHAN DON NI RAB PA SGRUB

PHYIR, ,BYANG CHUB SEMS NI BSKYED PAR BGYI, ,BYANG CHUB MCHOG GI SEMS NI BSKYED BGYIS NAS, ,SEMS CAN THAMS CAD BDAG GI MGRON DU GNYER, ,BYANG CHUB SPYOD MCHOG YID 'ONG SPYAD PAR BGYI, ,'GRO LA PHAN PHYIR SANGS RGYAS 'GRUB PAR SHOG ,CES LAN GSUM BRJOD, SVA BH'A WAS SBYANGS, STONG PA'I NGANG LAS PAm LAS PADMA, RAm LAS NYI MA'I DKYIL 'KHOR GYI STENG DU H'Um NAG PO YONGS SU GYUR PA LAS, RDO RJE NAG PO RTZE MO GYES PA'I LTE BAR NYI MA LA GNAS PA'I H'Um LAS 'OD 'PHROS, SEMS CAN THAMS CAD MI GA-YO BA'I GO 'PHANG LA BKOD, TSUR 'DUS H'Um LA THIMS, AOm SARBA TA TH'A GA TA K'A YA W'A KA TZITTA BADZRA SVA BH'A WA A'ADMA KONYAHAm, H'Um DANG RDO RJE NYI MA RNAMS GCIG TU GYUR PA LAS, RANG NYID KHRO BO'I RGYAL PO MI GA-YO BA, CHAR SPRIN NAG PO'I MDOG CAN, ZHAL GCIG PHYAG GNYIS PA, PHYAG GA-YAS NA LHA DANG LHA MA YIN DANG BDUD DANG BGEGS KYI TSOGS RNAMS SKRAG PAR BYED PA'I RAL GRI ME 'BAR BA 'DEBS PA'I TSUL GYIS 'DZIN PA, PHYAG GA-YON BGEGS KYI TSOGS MA LUS PA SKRAG PAR BYED PA'I SDIGS MDZUB DANG ZHAGS PA BSNAMS PA KLU BRGYAD KYIS BRGYAN PA, STAG GI PAGS PA'I SHAM THABS CAN, DBU SKRA DMAR SER GYEN DU BRDZES PA, SNA TSOGS PADMA DANG NYI MA'I GDAN LA GA-YON BRKYANGS KYI TSUL DU BZHUGS PA'I ZHABS 'OG TU, SDANG ZHING GTUM PA'I BDUD DANG BGEGS KYI TSOGS DU MA MNAN PA, SPYAN DMAR ZHING ZLUM PAS STENG 'OG DU LTA ZHING, MCHE BCUNG ZAD GCIGS

, ,PA; TSANGS PA DANG DBANG PO DANG, LHA MA YIN RNAMS 'JIGS PAR BYED PA, RANG GI BA SPU'I BU GNAS BSKAL PA'I ME LTAR 'BAR BA'I ME 'OD 'PHROS PA LAS BYUNG BA'I KHRO BO'I RGYAL PO PHYAG MTSAN SNA TSOGS THOGS PAS NAM MKHA'I DKYIL RGYAS PAR 'GENGS PA DANG BCAS PAR GYUR, RANG GI THUGS KAR RAm LAS NYI MA'I STENG DU H'Um LAS 'OD ZER 'PHROS, RANG 'DRA'I YE SHES PA SPYAN DRANGS MCHOD, DZA: H'Um BAm HO: GNYIS SU MED PAR GYUR, SLAR YANG H'Um LAS 'OD 'PHROS, DBANG GI LHA RIGS LNGA SPYAN DRANGS, MCHOD, KHYED RNAMS KYIS BDAG LA MNGON PAR DBANG BSKUR DU GSOL, ZHES GSOL BA BTAB PAS YE SHES KYI BDUD RTZIS GANG BA'I BUM PA THOGS NAS, DBANG BSKUR DRI MI DAG CHU LHAG PA SPYI BOR GNAS PA YONGS SU GYUR PA LAS, MI BSKYOD PAS DBUR BRGYAN PAR GYUR, DE NAS RANG NYID RJE BTZUN MI GA-YO BA YIN NO SNYAM DU BRTAN PA THOB KYI BAR BSGOM PAR BYA LA, BSGOMS PAS SKYO NA BZLAS PA BYA BA NI, AOm A'A: H'Um ZHES PA'AM H'Um RKYANG PA'AM, THUGS KAR NYI MA'I STENG DU H'Um GI MTHAR, AOm TZAndA MAH'A RO shA nA H'Um PHAt, CES PAS BSKOR BA'AM, 'BRU GSUM GYI BAR DU YI GE BCU PA BCUG NAS BZLAS, MJUG TU YI GE BRGYA PA BRJOD, DGE RTZA BAL MED RDZOGS PA'I BYANG CHUB TU BSNGO BAR BYA'O, ,MI GA-YO BA SNGON PO'I SGRUB THABS THEG PA CHEN PO'I RNAL 'BYOR PA DGE 'DUN GRUB PA DPAL BZANG POS DPAL LDAN SNAR THANG GI GTZUG LAG

KHANG DU SBYAR BA'O,, ` ,,YE SHES KYI MKHA' 'GRO MA SENG GE GDONG CAN GYI MNGON RTOGS ZLOG PA DANG BCAS PA, ` BLA MA DANG DPAL dA K'I MA LA PHYAG 'TSAL LO, ,SKYABS 'GRO SEMS SKYED SNGON DU SONG STE, SNA TSOGS PADMA DANG NYI MA DANG RO'I GDAN LA, RANG NYID SKAD CIG GIS YE SHES KYI MKHA' 'GRO MA SENG GE'I GDONG PA CAN, GA-YAS NA YE SHES MKHA' 'GRO MA STAG GI GDONG PA CAN, GA-YON NA YE SHES MKHA' 'GRO MA DOM GYI GDONG PA CAN, GSUM GA'ANG MGRIN PA MAN CHAD SKU MDOG SNGON MO, ZHAL GCIG PHYAG GNYIS KYI GA-YAS KYIS GRI GUG NAM MKHA' LA 'PHYAR ZHING GA-YON THOD PA KHRAG GIS GANG BA THUGS KAR 'DZIN PA, ZHABS GA-YAS BRKYANGS SHING GA-YON BSKUMS PA'I GAR STABS KYIS YE SHES KYI ME 'BAR BA'I DBUS NA BZHUGS PA'O, ,RANG GI THUGS KAR NYI MA'I STENG DU H'Um NAG PO, DE LAS 'OD ZER PHYOGS BCUR 'PHROS PAS, PHYOGS BCU NAS BLA MA YI DAM SANGS RGYAS BYANG CHUB SEMS DPA' CHOS SKYONG SRUNG MA DANG, MKHA' 'GRO MA BYE BA 'BUM SDE 'KHOR DANG BCAS PA, MGON SKYABS DANG DPUNG GNYEN DU SPYAN DRANGS BZHUGS PAR BSAMS LA, RANG GI LAG PA GA-YAS PA'I MTHIL DU RAm LAS NYI MA DANG, GA-YON PA'I MTHIL DU AA LAS ZLA BA BSAM, RANG GI THUGS KA'I H'Um NAG PO LA YI GE BCU BZHI PAS GA-YAS SU BSKOR BAR BSAMS LA, BZLAS PA MANG DU BYAS PA'I MTHAR BLA MA YANG DAG PA YONGS KYI DGE PA'I BSHES GNYEN

, ,RNAMS KYI BKA' BDEN PA DANG, SANGS RGYAS DANG BYANG CHUB SEMS DPA' RNAMS KYI BKA' BDEN PA DANG, YI DAM DKYIL 'KHOR GYI LHA TSOGS RNAMS KYI BKA' BDEN PA DANG, DPAL MGON DAM PA CHOS SKYONG GI SRUNG MA RNAMS KYI BKA' BDEN PA DANG, KHYAD PAR DU YANG MKHA' 'GRO MA SENG GE'I GDONG PA CAN LA SOGS PA MKHA' 'GRO MA BYE BA 'BUM GYI BKA' BDEN PA'I BYIN RLABS KYIS, RNAL 'BYOR PA BDAG LA GNOD CING 'TSE BAR BYED PA'I 'BYUNG PO MI DANG MI MA YIN PA THAMS CAD KYI BSAM PA NGAN PA DANG, SBYOR BA RTZUB PA THAMS CAD THAL BA RDUL DU BRLAG PAR GYUR CIG ,CES THAL MO BRDAB, MJUG STONG NYID LA MNYAM PAR GZHAG, BSNGO BA DANG BKRA SHIS BRJOD, RJE BTZUN TZONG KHA PA CHEN PO'I GSUNG BZHIN SH'AKYA'I DGE SLONG DGE 'DUN GRUB PA DPAL BZANG POS YI GER BKOD PA'O, ,AA: KA: SA: MA: RA: TZA: SHA: DA: RA: SA: MA: RA: YA: PHAt: MANGGA LAm,, ,, ` YE SHES KHYUNG KHRA'I SGRUB THABS, ` AOm SH'U N+YA T'A DZNY'A NA BADZRA SVA BH'A WA A'ATMA KONYAHAm, STONG PAR GYUR, STONG PA'I NGANG LAS, PAm LAS PADMA DANG, RAm LAS NYI MA'I STENG DU YAm GE NAm YONGS SU GYUR PA LAS, KLU'I RGYAL PO SOGS MA MED PA MGO GA-YAS SU BSTAN TE GAN RKYAL DU BSGYEL BA'I STENG DU, RANG GI SEMS NYID YI GE PHROm YONGS SU GYUR BA DE LAS 'OD ZER 'PHROS DON GNYIS BYAS TSUR 'DUS YONGS SU GYUR PA LAS, RANG NYID YE SHES KYI KHYUNG KHRA BO

ZHABS GNYIS TZOG BUR 'DUG PA, LTE BA MAN CHAD SER PO SA'I RANG BZHIN, LTO BA DKAR PO CHU'I RANG BZHIN, STOD DMAR PO ME'I RANG BZHIN, MGO BO SNGON PO RLUNG GI RANG BZHIN, SPYI BO DANG GSHOG PA SNA TSOGS PA NAM MKHA'I RANG BZHIN PHYAG GA-YAS PA SKYABS SBYIN GYI PHYAG RGYAS DKAR PHYOGS LA MNGON PAR DGA' BA'I KLU RNAMS SKYOB PAR MDZAD PA, PHYAG GA-YON SDIGS MDZUB MDZAD PAS NAG PHYOGS LA DGA' BA'I KLU RNAMS SKRAG PAR MDZAD PA, KLU'I RGYAL PO LAS PHROGS PA'I YID BZHIN GYI NOR BU RVA PHRAG GI STENG DU BZUNGS NAS DGOS 'DOD THAMS CAD TSUL BZHIN STZOL BAR MDZAD PA, SKU LAS 'DO ZER GYI TSOGS DPAG TU MED PA 'PHRO BA, DE'I MGRIN PAR PADMA DANG ZLA PA'I DBUS SU SANGS RGYAS KYI RIGS KYI KHYUNG DKAR PO GA-YAS 'KHRO LO DANG, GA-YON SPRUL DKAR PO BZUNGS NAS ZA BA, SHAR DU RDO RJE'I RIGS KYI KHYUNG SNGON PO GA-YAS RDO RJE DANG, GA-YON SPRUL SNGON PO BZUNGS NAS ZA BA, LHOR RIN PO CHE'I RIGS KYI KHYUNG SER BO GA-YAS RIN PO CHE DANG, GA-YON SBRAL SER PO BZUNGS NAS ZA BA, NUB TU 'OD DPAG MED KYI RIGS KYI KHYUNG DMAR PO GA-YAS PADMA DANG, GA-YON SPRUL DMAR PO BZUNGS NAS ZA BA, BYANG DU LAS KYI RIGS KYI KHYUD LJANG KHU GA-YAS RAL GRI DANG, GA-YON SPRUL LJANG KHU BZUNGS NAS ZA BA, KHYUD THAMS CAD KYANG MCHU SDER RNO ZHING GSHOG RTZAL RAB TU RGYAS PA, SNYING KHAR PADMA DANG ZLA BA'I DBUS SU AOm DKAR PO, SHAR DU PA SNGON PO, LHOR KshI SER

, ,PO, NUB TU SV'A DMAR PO, BYANG DU H'A LJANG KHU, DE LAS 'OD ZER 'PHROS, RANG 'DRA'I KHYUNG YE SHES PA SPYAN DRANGS, MCHOD NAS, DZA: H'Um BAm HO: GNYIS SU MED PAR GYUR, AOm GA RU dA SA PA RI W'A RE AARGHAm SOGS KYIS MCHOD, RNAM DAG SKU LNGA'I BDAG NYID CAN, ,'GRO BA'I DUG LNGA RTZAD NAS GCOD, ,YE SHES LNGA YI NGO BO NYID, ,RIGS LNGA'I KHYUNG LA PHYAG 'TSAL LO, ,'BYUNG BA LNGA DANG KHA DOG SNA TSOGS 'BAR, , NYON MONGS DUG LNGA 'JOMS PA'I SGRA CHEN SGROG ,YE SHES LNGA LDAN MKHA' LDING DBANG PO LA, ,YAN LAG LNGA YIS BTUD DE GUS PHYAG 'TSAL, ,YE SHES KHYUD LNGA'I MCHU SDER 'JIGS RUNG DANG, ,YI GE LNGA PO'I 'OD ZER 'JIGS RUNG GIS, ,'BYUNG BA LNGA LAS GYUR PA'I GNOD PA DANG, ,KLU RIGS LNGA YI DUG RNAMS ZHI BAR MDZOD, ,DE NAS SNYING KHA'I SNGAGS LA YID GTAD, AOm PA KshI SV'A H'A, ZHES BZLAS PAR BYA'O, ,THAMS CAD MKHYEN PA DGE 'DUN GRUB PA DPAL BZANG PO'I ZHAL SNGA NAS KYI ZHAL GDAMS LAGS SO,, ` ,, LHA MO SHRA MA nA'I SGO NAS RMI LAM BRTAG PA, ` MAN NGAG RGYA MTSO'I GLING LA DBANG SGYUR BA'I, ,DED DPON BLA MA'I ZHABS LA GUS BTUD NAS, ,GNAS SKABS MTHAR THUG TSE 'DI'I DGOS 'DOD KUN, ,DNGOS SAM RMI LAM BRTAG PA'I ZHAL GDAMS BRI, ,LHA MO SHRA MA nA'I SGO NAS RMI LAM BRTAG PA LA GNYIS LAS, DANG PO NI, 'GAL RKYEN BSAL, MTHUN

RKYEN BSGRUBS NAS, YAR NGO'I DUS BZANG PO LA, GNAS DBEN PAR GTZANG MA BYAS NAS, SA'I DKYIL 'KHOR GRUB BZHI DRI BZANG GIS BYUGS PA'I STENG DU BUM PA BCUD DANG CHU GTZANG GIS BKANG, BAL DKAR SOGS KYIS MGUL PA BRGYAN CING, SHUG RLON SOGS LJON SHING GTZANG MAS KHA BRGYAN, GOS DAR SNGON PO'I RIGS KYI GUR PHUB CING, MCHOD RDZAS GTZANG MAS BSKOR, DKON MCHOG GI RTEN CI 'BYOR BSHAMS, RNAM RTOG GI SPRO BSDU BCAD CING, LUS NGAG GI MTSAMS DAM PO BYA, RAB CHO GA MA TSAR BAR DU SMYUNG GNAS BYA ZHING, THAMS KYANG PHYI DRO'I KHA ZAS DANG, SHA CHAD SGOG GSUM, KHYAD PAR ZVA TSOD SPANG, 'GRUL DANG GRIB CAN GYI ZAS DANG GRIB LA 'DZEM, DKON MCHOG GI DRUNG DU, DUS GSUM LA STOBS BZHI'I BSHAGS PA RTAG TU BYA STE, DE DAG NI GNAD CHE'O, ,GNYIS PA SGRUB THABS NI, SKYABS 'GRO SEMS SKYED TSAD MED BZHI SNGON DU BTANG, SVA BHA WAS STONG PAR SBYANG, DE'I DANG LAS, BUM PA RIN PO CHE SNA BZHI LAS GRUB PA'I RI RAB STENG THAMS CAD PEEd'U RYA'I SA GZHIS KHYAB PA, KHA RGYAN DGOS 'DOD 'BYUNG BA'I DPAG BSAM SHING GI SDONG PO, YAL GA, LO MA, ME TOG, 'PRAS BU SNA TSOGS PAS BRGYAN PA, GUR STENG 'OG GI NAM MKHA' SNGON POR BSGOM, RI RAB KYI STENG DU LHA MO SHRA MA nA SKU MDOG SNGON MO ZHAL GCIG PHYAG GNYIS MA, GA-YAS PAS RDA YAB BAM, ME LONG, GA-YON PA DPAG BSAM SHING GI YAL GA 'DZIN PA,

, ,ZHABS GNYIS BRKYANGS NAS RI RAB LA BRKYANGS 'DUG GI TSUL DU BZHUGS BA, DPAG BSAM GYI SHING GI SDONG PO LA RGYAB BRTEN PA, RKED PA PHRA BA, NU MA 'BUR BA, ZHAL 'DZUM PA DANG BCAS PAS RANG LA GZIGS PA, DAR SNA TSOGS PA'I STOD GA-YOGS DANG SMAD GA-YOGS CAN, RATNA DANG ME TOG SNA TSOGS PA'I RGYAN GYIS SPRAS TE MDZES SHING YID DU 'OD BA, DUS GSUM GYI SHES BYAM LUS PAR MKHYEN PAS BDAG LA LUNG THAMS CAD MNGON SUM DU STON PAR BSGOM, DE NAS DAR SKUD LA BRGYUS PA'I ME TOG GAM NAS GTZANG MA 'BRU BDUN THAL MO SBYAR BA'I BAR DU BZUNGS NAS, DAD GUS RTZE GCIG PAS, MKHYEN RAB KYI DBANG PHYUG SHRA MA nA BDAG MING 'DI ZHES BYA BA TSE PHYI MA GANG DU SKYE BA'I GNAS DE MI SLU BAR DA LTA NYID DU BSTAN DU GSOL, ZHES PA GSUM NAS NYER GCIG GI BAR GSOL BA BTAB NAS LHA MO'I PHYAG TU PHUL BAR BSAMS TE, MGUL CHINGS KYI BAR DU GTUMS, KHA RGYAN LA BTAGS NAS 'DOD DON GANG YIN DE GSOL BA GDAB PA'I YID RTZE GCIG PAS, AOm SHRA MA nA PI SH'A TZI NI PI MUNDHE SV'A H'A, ZHES PA BZLAS TE, 'DI KHRI TSO BCU GNYIS BSNYEN PA BYAS NA, SA 'OG GI GTER KYANG DNGOS SU MTHONG BAR 'GYUR GSUNG NGO; ;THUN MTSAMS SU GONG BZHIN GSOL BA BTAB CING ME TOG GTOR RO, ,DE NAS SROD KYI DUS SU LHAG PAR 'BAD CING, MGO PO BYANG, RKANG PA LHO, KHA NUB, RGYAB SHAR DU BSTAN TE, MGO PO LHA MO'I PAD DU

BZHAG PAR MOS SHING, SEMS GZHAN DU MA YENGS PAR BRTAG BYA 'BA' ZHIG YID LA BYED SNGAS SHUB BUS BZLAS SHING, NYAL BA MAN NGAG DAM PA'O, ,DE YANG NUB CIG LA DON GCIG LAS MI 'OD BAR GSUNG PAS, DANG PO GAL CHE BA GCIG KHO NA YID LA BYA ZHING BRTAG ,DE GRUB NAS GZHAN LA 'DON PA BSGYUR ZHING BRTAG GO ,'DIS RANG GZHAN KUN GYI SKYE BA SNGA PHYI, TSE RING THUNG, DON BZANG DAN, GANG PHAN GANG GNOD SOGS BYANG CHUB MA THOB BAR GYI MNGON MTHO NGES LEGS SOGS KUN BRTAG TU BTUB BO, ,DE YANG, RAB DNGOS SU LUNG STON PA'AM NYAMS SNANG LA 'CHAR, 'BRING NAM MKHA' LA SGRA GRAG PA 'OD, THA MA RMI LAM DU STON PA'O, ,DE YANG DRI BA DRI LAN GYI TSUL DU DANG, BRDA BYED PA SOGS KYI MI GSAL BA 'BYUNG STE, DPYAD DKA' BA RNAMS DPYOD SHES PAR BYA'O, ,YANG NA MI GSAL BA THAMS CAD DOR NAS, YANG YANG BSKYAR NA PHYIS GSAL PO YONG NGO, ,RMI LAM MAN NGAG GI STOBS KYIS BZANG NGAN GYIS SU RE ZHIG NGES KYANG, DGE SDIG GI STOBS KYIS 'GYUR 'OD PAS, BZANG PO BYUNG NA DE LAS KYANG BZANG BA DANG, NGAN PA ZLOG PA'I THABS BSTAN DU GSOL BYAS LA DE BYUNG BA DANG, THABS DE LA 'BAD PAR BYA'O, ,DE LTAR BSGRUBS NA, RAB ZHAG GSUM, 'BRING LNGA, THA MA NBDUN LA 'GRUB BO, ,DES MA GRUB NA, GRIB DANG SDIG SHAS CHE BA'I RTAGS YIN PAS GRIB LA 'DZEM ZHING MTSAMS BSDAMS, SDIG BSHAGS LA

, ,NUS PA 'DON, LAN GSUM BSKYAR NA MI 'GRUB MI SRID GSUNG NGO, ,BYUNG TSAD MI LA BSHAD NA MI GSAL NGAS, GSANG BA GAL CHE'O, ,SGROL MA'I SPRUL PA SHA MA nA'I GDAMS PA 'DI 'DRA BA MED PAR BLA MA'I GSUNG BZHIN MYONG BAS GRUB PO,, ` ,,YE SHES MGON PO PHYAG DRUG PA'I MNGA' GSOL, ` H'Um, PHYOGS BCU'I RGYAL BA KUN GYI SKU GSUNG THUGS, ,SNYIGS DUS MA RUNGS GDUG PA 'DUL PA'I PHYIR, ,GANG LA GANG 'DUL KHRO BO'I SKUR STON PA, ,SANGS RGYAS KUN GYI NGO BOR MNGA' GSOL LO, ,RANG BZHIN RNAM DAG SGRIB GNYIS 'CHING LAS GROL, ,MKHA' LTAR KUN KHYAB SMRA BSAM BRJOD LAS 'DAS, ,BRGYAD KHRI BZHI STONG DAM CHOS MA LUS PA'I, ,'BYUNG GNAS MYUR MDZAD MGON POR MNGA' GSOL LO, ,RAB 'BYAMS ZHING GI RGYAL BA KUN GYI YAB, ,SA BCU'I DBANG PHYUG RGYAL SRAS KUN GYI GTZO, ,NYAN THOS RANG RGYAL 'PHAGS TSOGS KUN GYI RJE, ,TSOGS MCHOG ZHING GI DAM PAR MNGA' GSOL LO, ,GDUG PA 'DUL PHYIR KHROS PA'I GAR MDZAD KYANG, ,DNGOS GRUB RNAM GNYIS 'DOD DGU'I CHAR 'BEBS SHING, ,RTZA RGYUD BLA MA KUN DANG DBYER MED PA'I, ,BLA MA MGON PO DBYER MED MNGA' GSOL LO, ,DNGOS GRUB RTZA BA BLA MA MCHOG RNAMS DANG, ,DBYER MED CHOS SKU'I NGO BOR RO GCIG KYANG, ,DREGS PA'I STOBS KYIS DGRA BGEGS TSAR GCOD PHYIR, ,MGON PO BLA MA DBYER MED MNGA' GSOL

LO; ;MA LUS RGYAL BA'I BSTAN SRUNGS KUN GYI GTZO, ,KHYOD NI RNAL 'BYOR YONGS KYI DGRA LHA DANG, ,RIG 'DZIN SGRUB RGYUD RNAMS KYI SRUNG MA DANG, ,BDUD 'DUL DMAG DPON CHEN POR MNGA' GSOL LO, ,MYUR MDZAD SPYAN RAS GZIGS DBANG THUGS RJE'I GTER, ,DRAN PA TZAM GYIS MI MTHUN MTHA' DAG SEL, ,BAR DO'I 'JIGS SKYOBS MKHA' SPYOD GNAS SU 'KHRID, ,SLU MED SKYABS KYI DAM PAR MNGA' GSOL LO, ,RGYAL BA'I BSTAN DANG BSTAN 'DZIN SKYONG BA DANG; ;KHYAD PAR CHOS KYI RGYAL PO TZONG KHA PA'I, ,BSTAN DANG BSTAN 'DZIN DGON GNAS THAMS CAD DANG, ,BDAG CAG DPON SLOB MI NOR 'KHOR BCAS RNAMS, ,MTHU LDAN SRUNG MA KHYOD LA GNYER DU GTAD, ,DENG NAS BZUNGS TE BYANG CHUB SNYING PO'I BAR, ,PHYI NANG 'GAL RKYEN THAMS CAD KHYOD KYIS GSOL, ,MA RUNGS DGRA BGEGS THAMS CAD KHYOD KYIS THUL, ,MDOR NA DPON SLOB 'KHOR DANG BCAS RNAMS KYI, ,TSE DANG BSOD NAMS DPAL 'BYOR RGYAS PA SOGS MTHUN RKYEN BSAM PA'I DON RNAMS MA LUS PA, ,'BAD MED LHUN GYIS GRUB PA'I 'PHRIN LAS MDZOD, ,BSTAN PA BSRUNG PHYIR MNGA' GSOL LO, ,DGRA BGEGS SGROL PHYIR MNGA' GSOL LO, ,DNGOS GRUB STZOL PHYIR MNGA' GSOL LO, , MNGA' GSOL DON DANG LDAN PAR MDZOD, ,'DI YANG RJE THAMS CAD MKHYEN PA'I GSUNG NGO,, DGE'O,, ,,MGON PO LEGS LDAN GYI GTOR CHOG BZHUGS SO, ` MGON PO LEGS LDAN GYI GTOR CHOG

, ,RGYAS PAR BYED NA, BDAG NYID 'PHAGS PA GDUGS DKAR MO CAN GYI RNAL 'BYOR DU LDAN PAS, RI RAB LHUN PO BANG RIM BZHI PA, COG BRGYAD DANG LDAN PA'I STENG DU, DUR KHROD CHEN PO BRGYAD NA RO DANG RO LANGS GAR BYED PA DANG, H'Um SGRA SGROG PA DANG, PHAN TSUN KUN TU RGYUG PA DANG, 'DRE DANG SRIN PO DANG, MKHA' 'GRO DANG, MKHA' 'GRO MA RO LA RTZE ZHING, SHA KHRAG LA ROL PA DANG, KAm KA DANG, BYA RGOD DANG, BYA ROG SNA TSOGS PA RO LA ZA ZHING, RGYU MA DRANGS TE, NAM MKHA' LA LDING BA RNAMS DANG, 'UG PA H'Um SGRA SGROG PA DANG, SBRUL BA LANG GI MGO CAN PHYOGS KUN TU RNAM PAR RGYUG PA DANG, RO PHYED TSIG PA DANG, GSAL SHING LA BTAGS PA LA SOGS PA DU MAS YONGS SU GANG BA'I KHROD NA CHOS 'BYUNG MTHING NAG GRU GSUM RAB TU 'BAR BA'I NANG DU, SNA TSOGS PADMA DANG NYI MA'I GDAN GSUM BSGRIGS PA'I STENG DU DGRA BGEGS BDUG PA CAN BSGRAL BA'I RO KHA NAS KHRAG SKYUG BZHIN PA'I SNYING KHAR H'Um MTHING NAG 'BAR BA RE RE DE RNAMS LAS 'OD 'PHROS, BDUG PA CAN THAMS CAD TSAR BCAD, RGYAL BA SRAS DANG BCAS PA'I MTHU NUS GCIG TU BSDUS TE, H'Um LA THIMS PAS MGON PO LEGS LDAN NAG PO MCHED GSUM; SKU MDOG MTHING NAG RAB TU KHROS PA ZHAL MCHE BA RNAM PAR GTZIGS SHING, LJAGS 'DRIL BA, SPYAN GSUM GDANGS SHING GLOG LTAR 'KHYUG PA, SMIN MA GA-YO ZHING, KHRO GNYER BSDUS PA, PHYAG GA-YAS

PA TZANDAN GYI BDE CHEN BSNAMS PA, GA-YON PA DGRA BGEGS KYI SHA KHRAG DANG, DON SNYING GIS GANG BA'I THOD PA BSNAMS NAS ZHAL DU GSOL BA, DAR NAG GI 'JOL BER SKU LA GSOL BA, MI MGO BSKAM PO LNGA'I DBU RGYAN DANG; RLON PA KHRAG 'DZAG PA LNGA BCU'I 'PHRENG BA MGUL DU 'PHYANG BA, SBRUL NAG GI CHUN 'PHYANG DANG, DAR GYI LHAB LHUB DANG, STAG LPAGS KYI SHAMS THABS CAN, ZHABS GNYIS GYAD KYI DOR STABS KYIS 'GYING ZHING BRJID PA, BYANG PHYOGS GNOD SBYIN GYI SDE DPON MANG PO KHYUNG DANG, KAm KA DANG, BYA RGOD DANG, 'UG PA DANG, KHRA LA SOGS PA'I 'DAB CHAGS SU SBRUL NAS, NAM MKHA' LA LDING ZHING, KLAD LA 'KHOR NAS BAR SNANG GI GDON BGEGS THAMS CAD TSAR GCOD PA, LHO PHYOGS GSHIN RJE'I SDE DPON MANG PO, SENG GE DANG, STAG DANG, GZIG DANG, DOM DANG, CE SBYANG LA SOGS PA'I GCAN GZAN DU SPRUL NAS, SA STENG DANG SA 'OG GI GDON BGEGS THAMS CAD GNAS NAS SKROD CING TSAR GCOD PA, SKU LAS SPRUL PA'I KHRO BO NYI ZLA'I ZER DANG, SKAR CHEN GYI 'OD LTAR DU 'PHROS PAS, PHYOGS MTSAMS GYI GDUG PA CAN THAMS CAD TSAR GCOD PA, LHA SRIN SDE BRGYAD KYI DMAG DPUNG SA YA, 'BUM SDE DBYAR GYI CHAR SPRIN LTAR GTIBS PA H'Um PHAt DANG, BHYO: BZLOG GI SGRA SKAD 'BRUG LTAR SGROG CING, MTSON CHA SNA TSOGS THOG LTAR 'PHEN PAS BSTAN PA'I DGRA BGEGS TSAR GCOD PA'I BDAG NYID CAN DU GSAL BAR BSGOMS LA,

, ,GTZO 'KHOR RNAMS KYI SPYI BOR AOm, MGRIN PAR A'A: THUGS KAR H'Um, DE DAG LAS 'OD 'PHROS RGYAL BA SRAS DANG BCAS PA'I SKU GSUNG THUGS KYI MTHU NUS DANG, YON TAN BSDUS TE YIG 'BRU GSUM LA THIM, SLAR YANG 'OD ZER 'PHROS, 'OG MI NI GYA GNAS DANG, RI RAB KYI STENG DANG, DUR KHROD CHEN PO SO SHA GLING LA SOGS PA NAS YE SHES KYI MGON PO 'KHOR DANG BCAS PA SPYAN DRANGS SHING, GU GUL DKAR NAG DANG, SHA CHEN DANG, SHING KUN DANG, DUG DANG, ,SGOG SKYA RNAMS SBYAR BA'I BDUG SPOS SREG CING, ` MTHU CHEN MGON PO NAG PO NI, ,MCHED GSUM 'KHOR DANG BCAS PA RNAMS, ,MNGON TSE BSKAL PA DANG PO LA, ,BCOM LDAN SH'AKYA SENG GE YI, , SPYAN SNGAR KHAS BLANGS DAM BCAS BZHIN, ,SANGS RGYAS BSTAN PA BSRUNG BA DANG, ,RNAL 'BYOR 'PHRIN LAS BSGRUB PA'I PHYIR, ,DAD PA DANG NI DAM TSIG GIS, ,GNAS 'DIR SPYAN 'DREN GSHEGS SU GSOL, ,AOm MAH'A K'A LA BHA GA WAN SA PA RI W'A RA A'A KARshA YA DZA: DZA: ZHES PAS SPYAN DRANGS, PADMA KA MA LA YE STVAm, S'URYA MAndA LA H'Um, ZHES PAS GDAN LA BZHUGS, DZA: H'Um BAm HO: GNYIS SU MED PAR BSTIM, AOm SHR'I MAH'A K'A LA YE SA PA RI W'A RA SA MA YA, SMA RA SA MA YA, MA TI KA MA SA MA YA, RAKshANTU DANG, THAL MO ZLUM POR SBYAR BA MGO THAMS CAD KYI PHYAG RGYA BCAS TE, MGON PO 'KHOR BCAS KYI SPYI BOR DAM TSIG RDO RJE BZHAG NAS DAM LA BZHAG PAR BSAM ZHING, RDO RJE 'DI NI RDO RJE CHE, ,SANGS RGYAS

KUN GYI BYIN GYIS BRLABS, ,GAL TE DAM TSIG 'DAS GYUR NA, ,'JIG 'GYUR 'DI LA THE TSOM MED, ,RJE BTZUN RTZA BA DANG BRGYUD PAR BCAS PA'I BLA MA DAM PA RNAMS DANG, RDZOGS PA'I SANGS RGYAS GDUNG BDUN DANG, PHYOGS BCU'I RGYAL BA 'KHOR DANG BCAS PA RNAMS DANG, 'PHAGS MA GDUGS DKAR MO CAN, PHYAG RGYA'I TSOGS DANG BCAS PA RNAMS KYIS BKA' BSGOS SHING DAM LA BZHAG STE, DE DAG GI SPYAN SNGAR SROG GI SNYING PO PHUL NAS JI LTAR KHAS BLANGS SHING; DAM BCAS PA BZHIN DU DPAL MGON LEGS LDAN NAG PO 'KHOR DANG BCAS PA KHYED RNAMS KYIS SANGS RGYAS KYI BSTAN PA SRUNGS SHIG, DKON MCHOG GI DBU 'PHANG BSTOD CIG, RNAL 'BYOR PA BDAG GIS BCOL BA'I 'PHRIN LAS MYUR DU SGRUBS SHIG, CES BRJOD PAR BYA'O,, DE NAS; NAS DANG SRAN MA NAG PO'I PHYE LA GZHI BYAS PA'I GTOR MA SHA KHRAG DANG, DAR NAG GIS BRGYAN PA CHANG DANG BDUD RTZIS BRAN TE, AOm A'A: H'Um HO: SA BYIN GYIS BRLABS LA; AOm MAH'A SHI RA BHYO: MAH'A K'A LA DU TRI BHYO: MAH'A KA LA DUshtAm BHYO: AI DAm PA LIm TA KHA KHA KH'A HI KH'A HI, ZHES PA GSUM GYIS PHUL, 'KHOR RNAMS LA AA K'A ROS BSDOS LA, AARGHAm LA SOGS PAS MCHOD, SRIN PO'I GZUGS GYI GDUG PA CAN, CES SOGS DANG, ` H'Um BSTAN PA BSRUNG BA'I MTHU STOBS CAN, ,LEGS LDAN NAG PO DKA' THUB LAS, ,BZLOG PAR BYED PA'I BDAG PO DANG, ,LHAN CIG PA LA PHYAG 'TSAL LO, ,NAG PO CHEN PO

, ,RDZU 'PHRUL CAN, ,LEGS LDAN NAG PO SRED MED BU, ,PHYAG RGYA CHEN PO LNGA RNAMS KYIS, ,PHYAG BYAS PA LA BDAG BSTOD DO, ,GRONG KHYER SUM BRTZEGS 'JIG BYED PA, ,LEGS LDAN NAG PO DUR KHROD NA, , GNAS PAR MOS PA MA MO YI, ,TSOGS KYI PHYAG BYAS KHYOD LA 'DUD, ,DPAL MGON MCHED GSUM LCAM BRAL DANG, ,LHA SRIN SDE BRGYAD 'KHOR BCAS KUN, ,SHA KHRAG DMAR GYIS BRGYAN PA YI, ,MCHOD SBYIN GTOR MA 'DI BZHES LA RNAL 'BYOR BDAG CAG 'KHOR BCAS LA, ,NAD MED TSE DANG DBANG PHYUG DANG, ,DPAL DANG GRAGS DANG SKAL PA BZANG, ,LONGS SPYOD RGYA CHEN KUN THOB CING, ,ZHI DANG RGYAS LA SOGS PA YI, ,LAS KYI DNGOS GRUB BDAG LA STZOL, ,DAM TSIG LDAN PAS BDAG LA SRUNGS, ,DNGOS GRUB KUN GYI GROGS MDZOD CIG ,DUS MIN 'CHI DANG NAD RNAMS DANG, ,GDON DANG BGEGS RNAMS MED PAR MDZOD, ,RMI LAM NGAN DANG MTSAN MA NGAN, ,BYA BYED NGAN PA MED PAR MDZOD, , 'JIG RTEN BDE ZHING LO LEGS DANG, ,'BRU RNAMS RGYAS SHING CHOS 'PHEL DANG, ,BDE LEGS PHUN SUM TSOGS PA DANG, ,YID LA 'DOD PA KUN 'GRUB SHOG ,CES BSTOD LA 'PHRIN LAS GZHOL, MGON PO MCHED GSUM GYI THUGS KAR PAD NYI'I STENG DU, H'Um MTHING NAG LA RANG RANG GI SNGAGS KYIS BSKOR BA LAS 'PHRIN LAS RNAM BZHI JI LTAR 'DOD PA BZHIN SGRUB PA'I 'OD ZER GYI 'PHRO 'DU LA DMIGS NAS, DBUS SU AOm MAH'A K'A LA SHA RI BHYO H'Um PHAt,

GA-YAS SU AOm MAH'A K'A LA RA TRAm BHYO H'Um PHAt, GA-YON DU AOm MAH'A K'A LA DUshtAm BHYO H'Um PHAt, NAG PO CHEN PO SPYI'I RTZA SNGAGS, AOm MAH'A K'A LA SH'A SA NA, AU PA HA RI nI ZHES SOGS CI NUS BZLAS, THUN GYI THA MAR,, MCHOD BSTOD GSOL BA BTAB NAS GSHEGS SU GSOL, ` H'Um DUS GSUM RGYAL BA SRAS BCAS KYI, ,MTHU STOBS GCIG TU BSDUS PA'I SKU, ,LEGS LDAN NAG PO DAM TSIG CAN, ,GTUM CHEN KHYED LA PHYAG 'TSAL LO, ,DUR KHROD CHEN PO'I DKYIL 'KHOR DU, ,'JIGS SU RUNG BA BSKAL PA'I ME, ,DMAR NAG 'BAR BA'I KLONG DKYIL NA, ,BZHUGS PA KHYOD LA PHYAG 'TSAL LO, ,MTHING NAG ZHAL GCIG PHYAG GNYIS PA, ,ZHAL GDANGS MCHE GTZIGS H'Um SGRA SGROG ,DRAG PO'I SPYAN GSUM GLOG LTAR GA-YO, ,RNGAM CHEN KHYOD LA PHYAG 'TSAL LO, ,PHYAG GA-YAS TZANDAN BDE CHEN GYIS, ,SRID GSUM GDUG PA 'DUL BYED CING, ,LHA CHEN MA LUS ZIL GYIS GNON, ,'JOM MDZAD KHYOD LA PHYAG 'TSAL LO, ,GA-YON PA DGRA BGEGS DON SNYING DANG, ,KHRAG GIS GANG PA'I THOD PA BSNAMS, ,MI DANG MI MIN GDUG PA CAN, ,GSOD BYED KHYED LA PHYAG 'TSAL LO, ,ZHABS GNYIS GYAD KYI DOR STABS KYIS, ,SA GZHI RI RAB KHOR YUG DANG, ,RGYA MTSOR BCAS PA'I 'JIG RTEN KUN, ,GA-YO BYED KHYED LA PHYAG 'TSAL LO, ,SKU LA DAR NAG BER CHEN DANG, ,DUG SBRUL KHROS PA'I CHUN 'PHYANG DANG, ,DGRA BGEGS BSGRAL BA'I MGO 'PHRENG GIS, ,BRJID PA KHYOD LA PHYAG 'TSAL LO,,

, ,RLUNG LTAR MGYOGS SHING GA-YO BA YI, ,RDZU 'PHRUL ZHABS KYIS PHYOGS KUN TU, ,DAM TSIG KUN RJES GCOD PA YI, ,MYUR MGYOGS KHYOD LA PHYAG 'TSAL LO, ,SGRIB MED PHYOGS BCUR GZIGS PA YI YE SHES SPYAN NI RNON PO YIS, ,'JIG RTEN LEGS NYES KUN GYI STANGS, ,GZIGS PA KHYOD LA PHYAG 'TSAL LO, ,ZHI RGYAS DBANG DANG DRAG PO YI, ,'PHRIN LAS KUN LA THOGS MED PAS, ,SANGS RGYAS BSTAN PA PHYOGS BCU RU, ,SKYONG BA KHYOD LA PHYAG 'TSAL LO, ,BSTAN PA 'DZIN PA'I SKYES BU RNAMS, ,YID LA JI LTAR BSAMS PA BZHIN, ,MCHOG DANG THUN MONG DNGOS GRUB KUN, ,STER BA KHYOD LA PHYAG 'TSAL LO, ,RDZOGS SANGS RGYAS KYI SPYAN SNGA RU, ,JI LTAR KHAS BLANGS DAM BCAS BZHIN, ,RNAL 'BYOR BDAG GIS BCOL BA YI, ,'PHRIN LAS MYUR DU 'GRUB PAR MDZOD, CES PAS BSTOD LA, LEGS LDAN NAG PO MCHED GSUM 'KHOR BCAS KUN, , BSTAN PA BSRUNG DANG 'GRO BA'I DON MDZAD PHYIR, ,DPAL CHEN BKA' SDOD YID LTAR MGYOGS PA YI, ,'JIGS PA'I GZUGS CAN DRAG GTUM MI BZAD PA, ,GDUG PA 'DUL MDZAD NAG PO'I PHYOGS 'JOMS MDZAD, ,RNAL 'BYOR LAS LA 'BRAS BU STER MDZAD PA'I, ,MTHU STOBS BYIN RLABS BSAM GYIS MI KHYAB PA, ,SDE BRGYAD BTZUN MO SRAS DANG GA-YOG BCAS LA, ,DMAR CHEN GTOR MA DAR NAG COD PAN CAN, ,SHA KHRAG CHANG PHUD BCAS PA'I DAM

RDZAS 'DI, ,TING 'DZIN SNGAGS DANG PHYAG RGYAS BYIN BRLABS NAS, ,RI DANG RGYA MTSOR MNYAM PA DMIGS TE 'BUL, ,DAR NAG RGYAL MTSAN RKANG DUNG THOD RNGA DANG, ,BSUR CHEN DUD PA BDUD RTZI'I RO MCHOG DANG, ,STAG LPAGS NA BZA' THER CHEN NAG PO DANG, ,'DOD YON RNAM LNGAS KHYED KYI THUGS DAM BSKANGS, ,GA-YAG NAG ZHOL CHEN SPRIN LTAR 'THIBS PA DANG, ,LUG NAG SPYI DKAR SHEL LTAR 'TSER BA DANG, ,KHYI NAG SNYING DKAR DOM LTAR MCHONG BA YIS, ,LEGS LDAN 'KHOR DANG BCAS PA'I THUGS DAM BSKANGS, ,BYA NAG GSOB DANG 'UG PA'I RGYAL MTSAN DANG, ,DAM NYAMS DGRA BGEGS BSGRAL BA'I SHA KHRAG DANG, ,GA-YANG GZHI'I BLA BRE RGYU MA'I LNGA LDI YIS, ,LEGS LDAN 'KHOR DANG BCAS PA'I THUGS DAM BSKANGS, ,'GRO MGYOGS YID LTAR GA-YO BA'I RDZU 'PHRUL CAN, ,CHAR SPRIN LTA BU'I ZE RNGOG KUN TU GA-YO, ,RTA NAG MDZES PA'I RGYAN GYIS BRGYAN PA 'DIS, ,LEGS LDAN 'KHOR DANG BCAS PA'I THUGS DAM BSKANGS,, MGON MED 'GRO LA PHAN PA'I BSAM SBYOR DANG, ,THUB DBANG BSTAN PA RGYAS SHING GNAS PA'I PHYIR, ,BSNYEN SGRUB MCHOD GTOR SGO GSUM DGE BA YI, ,'BAD PA CI BGYIS DE YIS THUGS DAM BSKANGS, ,SGO GSUM LAS DANG NYON MONGS DBANG GYUR PAS, ,SO SO THAR DANG BYANG SEMS GSANG SNGAGS KYI, ,BSLAB GSUM NYAMS PA'I NYES LTUNG CI MCHIS PA, ,DMIGS MED THUGS RJE'I NGANG NAS BZOD PAR GSOL, ,BAG MED DBANG GIS THUB PA'I GSUNG RAB LA, ,

, ,MA GUS SHES BZHIN KHYAD DU BSANG PA DANG, ,RDO RJE THEG PA'I DAM TSIG BSRUNG MTSAMS LAS, ,'GAL ZHING NONGS PAR SPYAD PA BZOD PAR GSOL, ,THEG MCHOG BYANG CHUB CHEN POR SEMS BSKYED NAS 'GRO LA PHAN BDE'I BSAM SBYOR ZHAN PA DANG, ,RANG NYID ZHI BDE DON DU GNYER BA YI, ,RGYAL BA'I THUGS KYIS KHREL BA BZOD PAR GSOL, ,RNAM DAG LTA BA'I RANG BZHIN MA SHES BZHIN, ,BLANG DOR SPYOD PA'I TSUL LA MI MKHAS PAS; ;GSUNG RAB LUNG GI DGONGS DON ZAB MO LA, ,RANG BZO 'KHRUL PAS SPYAD PA BZOD PAR GSOL, ,LTA BA YOD MED PHYOGS SU LHUNG BA DANG, ,SGOM PA RNAM GA-YENG DBANG DU GYUR PA DANG, ,SPYONG BA NGO LKOG TSUL 'CHOS CHES PA YI, ,RGYAL BA'I GSUNG DANG 'GAL BA BZOD PAR GSOL, ,RNAM GA-YENG DBANG GIS BSNYEN SGRUB GA-YEL BA DANG, ,SER SNA'I DBANG GIS MCHOD GTOR ZHAN PA DANG, ,RMONGS PA'I DBANG GIS BLANG DOR MI SHES PAS; ;SGO GSUM NYES PA'I TSOGS RNAMS BZOD PAR GSOL, ,MDOR NA SPYI DANG KHYAD PAR DAM TSIG LAS, ,'DAS SHING 'KHRUL PAR GYUR PA CI MCHIS PA, ,NONGS SHING 'GYOD PA'I SEMS KYIS BSHAGS PAR BGYI, , DMIGS MED THUGS RJE'I DANG DU BZOD PAR GSOL, ,NYES LTUNG 'KHRUL PA'I RNAM SMIN MA LUS PA, ,NAM MKHA'I SPRIN TSOGS RLUNG GIS GTOR BA DANG, ,BAR SNANG 'JA' TSON RANG SAR YAL BA LTAR, ,STONG GSAL GDONG

NAS DAG PA'I RANG BZHIN DU, ,RNAM PAR DAG CING RGYA MTSO'I RBA RLABS LTAR, ,'OD GSAL CHOS SKU'I NGANG DU ZHI GYUR CIG ,CES PA 'DI YANG, PAn CHEN DGE 'DUN GRUB PA DPAL BZANG POS MDZAD PA'O,, ,, ` CHOS RGYAL YAB YUM GYI BSKANG GSO BSTOD BSKUL DANG BCAS PA BZHUGS, ` NA MO BHA GA WA TE BADZRA BHEE R'A KRO DHA R'A DZ'A BHEE: H'Um; DPAL LDAN BLA MA RNAMS KYI THUGS RJE DANG, ,DPAL CHEN RGYAL BA SRAS BCAS BYIN RLABS DANG; ;DPAL MCHOG SANGS RGYAS BSTAN PA'I GZI BRJID DANG, ,DPAL MGON SRUNG MA RNAMS KYI MTHU RTZAL MCHOG ,CHOS DBYINGS RNAM PAR DAG PA'I BDEN PA DANG, ,GSANG SNGAGS PHYAG RGYA TING 'DZIN NUS PA'I MTHU, ,RNAL 'BYOR LHAG BSAM DAG PA'I BDEN STOBS KYIS, ,ZHING KHAMS KUN GYI PHYI NANG GSANG BA DANG, ,BLA NA MED PA'I MCHOD SPRIN RGYA MTSO'I TSOGS, ,CHOS RGYAL 'KHOR BCAS DGYES PA BSKYED PA YI, ,SGYU MA RNAM PAR ROL PA JI BZHIN DU, ,RAB 'BYAMS ZHING DU MTHA' MED 'PHEL GYUR NAS, ,THUGS DAM BSKONG ZHING BZHED PA 'GRUB GYUR CIG, H'Um; RIN CHEN 'BYUNG GNAS KUN NAS 'KHYIL BA'I MTSO, ,RIN CHEN SA GZHI BRTEN PA'I RGYA MTSO DANG, ,RIN CHEN BYE MA 'DREN PA'I CHU'O DANG ,RIN CHEN MCHOD YON RDZAS KYIS GTAMS PA DANG, ,DGRA BGEGS BSGRAL BA'I RAKTA'I RGYA MTSO 'DIS, ,DAM CAN CHOS RGYAL CHEN PO'I THUGS DAM BSKANG, ,YUM MCHOG TZ'A MUndI YI THUGS DAM BSKANG, ,SROG BDAG

, ,GSHIN RJE BRGYAD KYI THUGS DAM BSKANG, ,DBUGS LEN MA MO BRGYAD KYI THUGS DAM BSKANG, ,SGROL BYED LAS MKHAN RNAMS KYI THUGS DAM BSKANG, ,LAS GSHIN PHO MO RNAMS KYI THUGS DAM BSKANG, ,BKA' SDOD 'KHOR DANG BCAS PA'I THUGS DAM BSKANG, ,RNAL 'BYOR NYAMS CHAGS MA LUS DAG PA DANG, ,GNOD BYED GDUG PA'I TSOGS RNAMS TSAR GCOD MDZOD, ,MTHU CHEN RNAMS KYI SPRUL PA'I TSOGS RNAMS DANG; ;RIN CHEN RI GLING MDZES SDUG PADMO'I PHRENG, ,MU CHEN THANG CHEN LAS SKYES 'DAB BRGYAD DANG, ,STONG CHEN KHAMS KUN KHYAB PA'I ME TOG DANG, ,GDUG CHEN RNAMS KYI DBANG PO RNAM LNGA 'DIS, ,DAM CAN CHOS RGYAL CHEN PO'I THUGS DAM BSKANG, ,YUM MCHOG TZ'A MUndI YI THUGS DAM BSKANG, ,SROG BDAG GSHIN RJE BRGYAD KYI THUGS DAM BSKANG, ,DBUGS LEN MA MO BRGYAD KYI THUGS DAM BSKANG, ,SGROL BYED LAS MKHAN RNAMS KYI THUGS DAM BSKANG, ,LAS GSHIN PHO MO RNAMS KYI THUGS DAM BSKANG, ,BKA' SDOD 'KHOR DANG BCAS PA'I THUGS DAM BSKANG, ,RNAL 'BYOR NYAMS CHAGS MA LUS DAG PA DANG, ,GNOD BYED GDUG PA'I TSOGS RNAMS TSAR GCOD MDZOD, ,RAB BZANG TZANDAN RANG BZHIN GA PUR SBOS, ,RAB MANG TSOGS PA LHAN CIG SBYAR BA'I SPOS, ,RAB DKAR DAG PA'I SPOS MCHOG THAMS CAD KYI, ,RAB 'BYAMS KHAMS KUN GANG BA'I DUD SPRIN DANG, ,

DGRA BO'I SHA RUS BSREGS PA'I BDUG PA 'DIS, ,DAM CAN CHOS RGYAL CHEN PO'I THUGS DAM BSKANG, ,YUM MCHOG TZ'A MUndI YI THUGS DAM BSKANG, ,SROG BDAG GSHIN RJE BRGYAD KYI THUGS DAM BSKANG, ,DBUGS LEN MA MO BRGYAD KYI THUGS DAM BSKANG, ,SGROL BYED LAS MKHAN RNAMS KYI THUGS DAM BSKANG, ,LAS GSHIN PHO MO RNAMS KYI THUGS DAM BSKANG, ,BKA' SDOD 'KHOR DANG BCAS PA'I THUGS DAM BSKANG, ,RNAL 'BYOR NYAMS CHAGS MA LUS DAG PA DANG, ,GNOD BYED GDUG PA'I TSOGS RNAMS TSAR GCOD MDZOD, ,GA-YO ZHING GSAL BA NYI MA ZLA BA DANG, ,BRTAN CING GSAL BA RIN CHEN RI RNAMS DANG, ,DAG CING GSAL BA NOR BU DBANG RGYAL SOGS, ,'BAR ZHING GSAL BA SGRON ME'I RIGS RNAMS DANG, ,ZHUN CHEN RO RAS SBYAR BA'I MAR ME 'DIS, ,DAM CAN CHOS RGYAL CHEN PO'I THUGS DAM BSKANG, ,YUM MCHOG TZ'A MUndI YI THUGS DAM BSKANG, ,SROG BDAG GSHIN RJE BRGYAD KYI THUGS DAM BSKANG, ,DBUGS LEN MA MO BRGYAD KYI THUGS DAM BSKANG, ,SGROL BYED LAS MKHAN RNAMS KYI THUGS DAM BSKANG, LAS GSHIN PHO MO RNAMS KYI THUGS DAM BSKANG, ,BKA' SDOD 'KHOR DANG BCAS PA'I THUGS DAM BSKANG, ,RNAL 'BYOR NYAMS CHAGS MA LUS DAG PA DANG, ,GNOD BYED GDUG PA'I TSOGS RNAMS TSAR GCOD MDZOD, ,RNAM MANG ZHING GI DRI YI TSAL GYI TSOGS, ,RNAM PAR SBYAR BA'I DRI

, ,MCHOG CI MCHIS DANG, ,RNAM DAG DRI 'DZIN TSIM PAR BYED PA YI, ,RNAM GSUM DRI YIS BKANG PA'I MCHOD PA DANG, ,DAM RGYAL CHEN PO'I RGYAL CHEN PO'I THUGS DAM BSKANG, ,YUM MCHOG TZ'A MUndI YI THUGS DAM BSKANG, ,SROG BDAG GSHIN RJE BRGYAD KYI THUGS DAM BSKANG, ,DBUGS LEN MA MO BRGYAD KYI THUGS DAM BSKANG, ,SGROL BYED LAS MKHAN RNAMS KYI THUGS DAM BSKANG, ,LAS GSHIN PHO MO RNAMS KYI THUGS DAM BSKANG, ,BKA' SDOD 'KHOR DANG BCAS PA'I THUGS DAM BSKANG, ,RNAL 'BYOR NYAMS CHAGS MA LUS DAG PA DANG, ,GNOD BYED GDUG PA'I TSOGS RNAMS TSAR GCOD MDZOD, ,RO BCUD RNAM PAR DAG PA LHA YI ZAS, ,RO DRUG LDAN PA KHAMS KYI ZAS RNAMS DANG, ,RO 'DZIN DBANG PO BDE BA BSKYED PA YI, ,RO BRGYA LDAN PA'I ZHAL ZAS RGYA CHEN DANG, ,DGRA BO'I SHA RUS RI LTAR SPUNGS PA 'DIS, ,DAM CAN CHOS RGYAL CHEN PO'I THUGS DAM BSKANG, ,YUM MCHOG TZ'A MUndI YI THUGS DAM BSKANG, ,SROG BDAG GSHIN RJE BRGYAD KYI THUGS DAM BSKANG, ,DBUGS LEN MA MO BRGYAD KYI THUGS DAM BSKANG, , SGROL BYED LAS MKHAN RNAMS KYI THUGS DAM BSKANG, ,LAS GSHIN PHO MO RNAMS KYI THUGS DAM BSKANG, ,BKA' SDOD 'KHOR DANG BCAS PA'I THUGS DAM BSKANG, ,RNAL 'BYOR NYAMS CHAGS MA LUS DAG PA DANG, ,

GNOD BYED GDUG PA'I TSOGS RNAMS TSAR GCOD MDZOD, ,RNGA CHEN LA SOGS BRJID PA'I SGRA RNAMS DANG, ,RGYUD MANG LA SOGS SNYAN PA'I SGRA YI TSOGS, ,ZIN DANG MA ZIN LA SOGS SGRA KUN DANG, ,CANG TI'U LA SOGS BSKUL BA'I SGRA RNAMS DANG; ;DGRA BO'I NGAG GI LAM NAS BSGRAGS PA 'DIS, ,DAM CAN CHOS RGYAL CHEN PO'I THUGS DAM BSKANG, ,YUM MCHOG TZ'A MUndI YI THUGS DAM BSKANG, ,SROG BDAG GSHIN RJE BRGYAD KYI THUGS DAM BSKANG, ,DBUGS LEN MA MO BRGYAD KYI THUGS DAM BSKANG, ,SGROL BYED LAS MKHAN RNAMS KYI THUGS DAM BSKANG, ,LAS GSHIN PHO MO RNAMS KYI THUGS DAM BSKANG, ,BKA' SDOD 'KHOR DANG BCAS PA'I THUGS DAM BSKANG, ,RNAL 'BYOR NYAMS CHAGS MA LUS DAG PA DANG, ,GNOD BYED GDUG PA'I TSOGS RNAMS TSAR GCOD MDZOD, ,GA-YANG GZHI BLA BRE NAM MKHA' MDZES BYED RGYAN, ,MI MGO'I PHRENG BA BAR SNANG 'PHYANG BA'I RGYAN, ,KENG RUS BKRAM PA SA GZHI BKANG PA'I RGYAN; ;RIN CHEN PHRENG BA DNGOS GRUB GTER BA'I RGYAN, ,PHYAG RGYA RNAM DRUG DPAL CHEN SKU YI RGYAN, ,KHUR DAR CHEN PO DPA' RTAGS STON PA'I RGYAN, ,BRKYANGS BSKUMS TSUL DU BZHUGS PA RNGAM PA'I RGYAN, ,DUR KHROD CHAS KUN 'JIGS PA SKYED PA'I RGYAN, ,DPAG MED RGYAN GYI RIM PA 'DI DAG GIS, ,DAM CAN CHOS RGYAL CHEN PO'I THUGS DAM BSKANG, ,YUM MCHOG TZ'A MUndI YI THUGS DAM BSKANG, ,SROG BDAG GSHIN RJE BRGYAD KYI THUGS

, ,DAM BSKANG, ,DBUGS LEN MA MO BRGYAD KYI THUGS DAM BSKANG, ,SGROL BYED LAS MKHAN RNAMS KYI THUGS DAM BSKANG, ,LAS GSHIN PHO MO RNAMS KYI THUGS DAM BSKANG, ,BKA' SDOD 'KHOR DANG BCAS PA'I THUGS DAM BSKANG, ,RNAL 'BYOR NYAMS CHAGS MA LUS DAG PA DANG, ,GNOD BYED GDUG PA'I TSOGS RNAMS TSAR GCOD MDZOD, ,THOD CHEN MKHA' LTAR YANGS PA'I NANG NYID DU, ,SHA LNGA BDUD RTZI LNGA DANG SBYAR BA YI, ,MYOS BYED STONG GI BCUD KYIS LEGS PAR GTAMS, ,RLUNG GA-YOS ME SBAR RDZAS RNAMS ZHU ZHING KHOL, ,RDO RJE GSUM DANG DBYER MED 'DRES PA LAS, ,KHA DOG DRI RO NUS PA PHUL DU PHYIN, ,TING 'DZIN SNGAGS DANG PHYAG RGYAS BYIN GYIS BRLABS, ,SBYANG RTOGS SBAR BA'I ZAG MED BDUD RTZI 'DIS, ,DAM CAN CHOS RGYAL CHEN PO'I THUGS DAM BSKANG, ,YUM MCHOG TZ'A MUndI YI THUGS DAM BSKANG, ,SROG BDAG GSHIN RJE BRGYAD KYI THUGS DAM BSKANG, ,DBUGS LEN MA MO BRGYAD KYI THUGS DAM BSKANG, ,SGROL BYED LAS MKHAN RNAMS KYI THUGS DAM BSKANG, ,LAS GSHIN PHO MO RNAMS KYI THUGS DAM BSKANG, ,BKA' SDOD 'KHOR DANG BCAS PA'I THUGS DAM BSKANG, ,RNAL 'BYOR NYAMS CHAGS MA LUS DAG PA DANG, ,GNOD BYED GDUG PA'I TSOGS RNAMS TSAR GCOD MDZOD, ,KHRAG ZHAG MYOS BYED 'KHYIL BA'I RGYA MTSO'I DBUS, ,'BRU SNA SMAN SNA RIN CHEN SNA

TSOGS DANG, ,'BRU MCHOG ZAN DANG DMAR CHEN SHA RNAMS SPUNGS, ,DAR NAG GUR DANG MDA' DAR RTEN BCAS BTZUGS, ,MTHUN RDZAS RTEN RDZAS SGRUB RDZAS SOGS DANG SBYAR, ,DGRA BO'I SHA RUS SOGS DANG GNYIS SU MED, , TSIM ZHING DGYES PA'I NUS PA PHUL DU PHYIN, ,DAM RDZAS DMAR CHEN GTOR MA 'DI NYID KYIS, ,DAM CAN CHOS RGYAL CHEN PO'I THUGS DAM BSKANG, ,YUM MCHOG TZ'A MUndI YI THUGS DAM BSKANG, ,SROG ? GSHIN RJE BRGYAD KYI THUGS DAM BSKANG, ,DBUGS LEN MA MO BRGYAD KYI THUGS DAM BSKANG, ,SGROL BYED LAS MKHAN RNAMS KYI THUGS DAM BSKANG, ,LAS GSHIN PHO MO RNAMS KYI THUGS DAM BSKANG, ,BKA' SDOD 'KHOR DANG BCAS PA'I THUGS DAM BSKANG, ,RNAL 'BYOR NYAMS CHAGS MA LUS DAG PA DANG, ,GNOD BYED GDUG PA'I TSOGS RNAMS TSAR GCOD MDZOD, ,DGRA BGEGS GZHUG PAR BYED PA'I LINGGA'I LAS, ,DGRA BGEGS 'DUL BAR BYED PA GTOR MA'I LAS, ,DGRA BGEGS GZIR BAR BYED PA THUN GYI LAS, ,DGRA BGEGS 'KHRUGS PAR BYED PA 'KHOR LO'I LAS, ,DGRA BGEGS DBYE BAR BYED PA RDZAS KYI LAS, ,DGRA BGEGS LKUGS PAR BYED PA MNAN PA'I LAS; ;DGRA BGEGS LHA DANG PHRAL BA KHA SBYOR LAS, ,DGRA BGEGS BZLOG PAR BYED PA ZOR GYI LAS, ,DGRA BGEGS LTAS NGAN GYIS DKRUGS MANDE'I LAS, ,DGRA BGEGS BSDIGS SHING SPA BKONG SBYIN SREG

, ,LAS, ,DGRA BGEGS 'BRUB PAR BYED PA HOM KHUNG LAS, ,DGRA BGEGS SROG DANG PHRAL BA BSAD PA'I LAS, ,BSNYEN CING SGRUB DANG BSKUL BA DMIGS PA'I LAS, ,STOBS CHEN LAS KYI RIM PA 'DI DAG GIS, ,DAM CAN CHOS RGYAL CHEN PO'I THUGS DAM BSKANG, ,YUM MCHOG TZ'A MUndI YI THUGS DAM BSKANG, ,SROG BDAG GSHIN RJE BRGYAD KYI THUGS DAM BSKANG, ,DBUGS LEN MA MO BRGYAD KYI THUGS DAM BSKANG, , SGROL BYED LAS MKHAN RNAMS KYI THUGS DAM BSKANG, ,LAS GSHIN PHO MO RNAMS KYI THUGS DAM BSKANG, ,BKA' SDOD 'KHOR DANG BCAS PA'I THUGS DAM BSKANG, ,RNAL 'BYOR NYAMS CHAGS MA LUS DAG PA DANG, ,GNOD BYED GDUG PA'I TSOGS RNAMS TSAR GCOD MDZOD, ,STONG GSUM GANG BA'I SPRUL PA RNAM PAR 'GYED, ,KHAMS GSUM GA-YO BA'I NGAR SGRA DRAG PO SGROG ,DUS GSUM SDANG PA'I DGRA DANG BGEGS KYI GSHED, ,SGO GSUM GZIR BA'I CHA LUGS RNAM 'GYUR CAN, ,MIG SMAN LTAR NAG SPRIN GYI SHUGS LA 'GRAN, ,LHUN PO LTAR BRJID MIG DMAR GYEN LA BZLOG ,DOM NAG LTA BUR KHA GDANGS MCHE BA GTZIGS, ,KHRO CHEN LTA BUR RUS PA'I RGYAN CHA THOGS, ,NYI MA'I BU NI YAN LAG BZHI YIS MNAN, ,SA SRUNGS BU YI STOBS LA 'GRAN PAR BYED, ,GSHIN RJE'I BU YI BRJID KYIS MNAN GYUR KYANG, ,MA HE'I BU KHYOD DGRA BO'I YUL KUN MYUL, ,SPU SDUG MDZES PA'I GOS

BZANG RNAM PAR BGOS, ,NOR BU'I TSOGS KYI DRA BAS RNAM PAR SPRAS, ,SNA TSOGS DAR GYI RGYAN GYIS RNAM PAR BKAB, ,STOBS CHEN SHUGS DANG RNAM PAR LDAN PA 'DIS, ,DAM CAN CHOS RGYAL CHEN PO'I THUGS DAM BSKANG, , YUM MCHOG TZ'A MUndI YI THUGS DAM BSKANG, ,SROG BDAG GSHIN RJE BRGYAD KYI THUGS DAM BSKANG, ,DBUGS LEN MA MO BRGYAD KYI THUGS DAM BSKANG, ,SGROL BYED LAS MKHAN RNAMS KYI THUGS DAM BSKANG, ,LAS GSHIS PHO MO RNAMS KYI THUGS DAM BSKANG, ,BKA' SDOD 'KHOR DANG BCAS PA'I THUGS DAM BSKANG, ,RNAL 'BYOR NYAMS CHAGS MA LUS DAG PA DANG, ,GNOD BYED GDUG PA'I TSOGS RNAMS TSAR GCOD MDZOD, ,GO CHA MCHON CHA RGYAN CHA'I TSOGS RNAMS DANG, ,RTA NAG GA-YAG NAG LUG NAG KHYI NAG DANG, ,RI BDUN MTSO BDUN RGYAL SRID SNA BDUN DANG, ,RIG MA MCHOG MA GZUGS MA MDZES MA DANG, ,PHYI RTEN NANG RTEN GSANG BA'I RTEN RNAMS DANG, , 'DOD 'JO 'DOD YON 'DOD DGU 'BYUNG BA DANG, ,DAM RDZAS TSOGS RDZAS 'GUGS PA'I RDZAS RNAMS DANG, ,LHA MCHOD KLU MCHOD MI YI MCHOD PA 'DIS, ,DAM CAN CHOS RGYAL CHEN PO'I THUGS DAM BSKANG, ,YUM MCHOG TZ'A MU ndI YI THUGS DAM BSKANG, ,SROG BDAG GSHIN RJE BRGYAD KYI THUGS DAM BSKANG, ,DBUGS LEN MA MO BRGYAD KYI THUGS DAM BSKANG, ,SGROL BYED LAS MKHAN RAMS KYI THUGS DAM BSKANG, ,LAS GSHIN PHO MO

, ,RNAMS KYI THUGS DAM BSKANG, ,BKA' SDOD 'KHOR DANG BCAS PA'I THUGS DAM BSKANG, ,RNAL 'BYOR NYAMS CHAGS MA LUS DAG PA DANG, ,GNOD BYED GDUG PA'I TSOGS RNAMS TSAR GCOD MDZOD, GSER GLING ZANGS GLING NOR BU'I GLING RNAMS DANG, ,BUM PA THOD PA 'JON PA'I TSOGS RNAMS DANG, ,DRIL BU GLING BU SHAR BU'I RIGS RNAMS DANG, ,KHANG BZANG GOS BZANG TSAL BZANG TSOGS RNAMS DANG, ,DAR RGYAN RUS RGYAN RIN CHEN RGYAN RNAMS DANG, ,ROL MO SGEG MO LA SOGS MCHOD PA DANG, ,PHYI MCHOD NANG MCHOD GSANG BA'I MCHOD PA DANG, ,'KHOR GSUM SGO GSUM DUS GSUM MCHOD PA 'DIS, ,DAM CAN CHOS RGYAL CHEN PO'I THUGS DAM BSKANG, ,YUM MCHOG TZ'A MUndI YI THUGS DAM BSKANG, ,SROG BDAG GSHIN RJE BRGYAD KYI THUGS DAM BSKANG, ,DBUGS LEN MA MO BRGYAD KYI THUGS DAM BSKANG, ,SGROL BYED LAS MKHAN RNAMS KYI THUGS DAM BSKANG, ,LAS GSHIN PHO MO RNAMS KYI THUGS DAM BSKANG, ,BKA' SDOD 'KHOR DANG BCAS PA'I THUGS DAM BSKANG, ,RNAL 'BYOR NYAMS CHAGS MA LUS DAG PA DANG, ,GNOD BYED GDUG PA'I TSOGS RNAMS TSAR GCOD MDZOD, ,GDONG LNGA BA SOGS GCAN GZAN TSOGS RNAMS DANG, ,MKHA' LDING LA SOGS 'DAB BZANG DU MA DANG, ,KHYU MCHOG LA SOGS MA HE RA NAG DANG, ,GLANG CHEN LA SOGS RKANG 'GRO SNA TSOGS DANG, ,ZAB CHEN LA SOGS DAR ZAB SNA TSOGS DANG

'PHAN GDUGS LA SOGS MDZES RGYAN SNA TSOGS DANG, ,MDOR NA KHAMS GSUM SNOD BCUD KYIS BSDUS PA'I, ,LEGS PA'I YON TAN GANG DANG GANG MCHIS PA, ,MCHOD BYA MCHOD BYED MCHOD PA'I LAS RNAMS DANG, ,RANG BZHIN MA GRUB RTEN 'BREL MI SLU'I TSUL, ,SNANG STONG GNYIS SU MED PA'I MCHOD PA 'DIS, ,DAM CAN CHOS RGYAL CHEN PO'I THUGS DAM BSKANG, ,YUM MCHOG TZ'A MUndI YI THUGS DAM BSKANG, ,SROG BDAG GSHIN RJE BRGYAD KYI THUGS DAM BSKANG, DBUGS LEN MA MO BRGYAD KYI THUGS DAM BSKANG, ,SGROL BYED LAS MKHAN RNAMS KYI THUGS DAM BSKANG, ,LAS GSHIN PHO MO RNAMS KYI THUGS DAM BSKANG, ,BKA' SDOD 'KHOR DANG BCAS PA'I THUGS DAM BSKANG, ,RNAL 'BYOR NYAMS CHAGS MA LUS DAG PA DANG, ,GNOD BYED GDUG PA'I TSOGS RNAMS TSAR GCOD MDZOD, , ` BSTOD PA NI, H'Um; 'DI NAS DPAG TSAD BRGYAD KHRI YI, ,LHO PHYOGS RIM BDUN SA 'OG NA, ,GSHIN RJE'I GRONG KHYER CHEN PO STE, , LCAGS MKHAR LHUN PO LTA BUR BRJID, ,RO DANG KENG RUS SA GZHI GANG, ,SRIN PO'I GA-YANG GZHI MKHA' LA BRES, ,RGYU RLON LNGA LDI 'THUR DU 'PHYANG, ,MI MGO'I PHRENG BA'I DO SHAL SPEL, ,KHRAG DANG ZHAG GI RBA GLONG 'KHRUG ,SHA CHEN BSREGS PA'I DUD SPRIN 'KHRIGS, ,GNAM LCAGS MTSON CHA THOG LTAR 'BAB, ,SOD SONG RGYOB RGYOB 'BRUG SGRA SGROG ,GSHIN RJE PHO MO GLOG LTAR 'KHYUG ,SPRUL PA YANG SPRUL SER CHEN 'BEBS, ,SHA ZA SDE BRGYAD BU YUG

, ,'TSUBS, ,LAS MKHAN TSOGS KYIS BRO CHEN RDUNG, ,PHO NYA MA MO SHUGS GLU LEN, ,MA HE DKAR NAG RLUNG LTAR 'TSUBS, ,NAD RIMS YONGS KYI NA BUN 'THIBS, ,'JIGS SHING BZOD PAR DKA' BA YI, , SKYE 'GRO YONGS KYI SROG KHANG DAR, ,RO RAS NAG PO'I BA DAN RNAMS, ,RLUNG GIS BSKYOD PA'I RNAM 'GYUR GYIS, ,DGRA LA GA-YAB MO GA-YAB PA 'DRA, ,LCAGS MKHAR SGRO MED BCU DRUG GIS, ,BSKOR BA'I 'JIGS RUNG GNAS MCHOG NA; ;H'Um; CHOS DBYINGS SPROS DANG BRAL BA'I KLONG DKYIL NAS, ,CHOS CAN KUN RDZOB RNAM PAR ROL PA LAS, ,CHOS KYI RGYAL PO'I SKU RU BZHENGS PA NI, ,CHOS 'KHOR SROG SHING BSTAN PA'I SRUNG MA KHYOD, ,LHA MCHOG GSHIN RJE'I GSHED KYI BKA' SDOD MCHOG ,LHAR BCAS SKYE 'GRO YONGS KYI SROG GI BDAG ,LHA MIN GA-YUL DU CHAS PA JI BZHIN DU, ,LHA KHYOD MA GA-YEL MYUR BAR MTHU RTZAL BSKYED, ,SER SKYA'I RAL PA NAM MKHA'I DBYINGS LA 'PHYAR SER NAG SMI MA SMA RA RAB TU 'BAR, ,SI RAL GA LA MI MGO'I DO SHAL 'PHYANG, ,SER ZHING DMAR BA'I NYI MA'I GDAN LA BZHUGS, ,DMAR ZLUM SPYAN GSUM GNOD BYED TSOGS LA BGRAD, ,DMAR LA 'KHYUG PA'I LJAGS NI RNAM PAR 'DRIL, ,DMAR ZHING RGYAS PA'I LINGGA GYEN LA LANGS, ,DMAR NAG 'KHRUGS PA'I ME YI KLONG NA BZHUGS, ,RAB DKAR THOD BSKAM PHRENG BAS DBU LA BRGYAN, ,RAB 'JIGS MA HE'I ZHAL NI KHRO GNYER GA-YO, ,RAB YANGS

SHANGS NAS BSKAL PA'I RLUNG CHEN 'BUD, ,RAB MCHOG BSTAN PA'I SRUNG MA NAG PO CHE, ,MA HE'I GDAN LA BRJID PA'I TSUL DU BZHUGS, ,MA RUNGS 'DUL PHYIR CHAR SBRIN LTA BUR GNAG ,MA BSKUL PAR YANG BLA MA'I PHRIN LAS SGRUB, ,MA GA-YEL MA GA-YEL RGYAL PA'I BSTAN PA SRUNGS, ,YAB TI SOGS GSHIN RJE'I 'KHOR GYIS BSKOR, ,YA MA D'U SOGS MA MO'I 'KHOR GYIS BSKOR, ,YA LAS BYUNG BA'I DBYUG PA KLAD LA 'PHYAR, ,YA NGA'I 'JIGS BA SDANG BA'I DGRA LA THONGS, ,RVA GNYIS RTZE LA DUS MTHA'I ME CHEN 'BAR, ,SNYAN GNYIS BSKYOD PAS NYI ZLA SGRIB PAR BYED, ,PHYAG GNYIS DBUS NA DGRA BGEGS THAL BAR RLOG ,ZHABS GNYIS BRDABS PAS SA GZHI GTING NAS GA-YO, ,'JIGS BYED DPA' BO CHEN PO KHYOD NYID KYIS, ,'JIG RTEN GSUM PO 'JIGS PAR BYED 'GYUR NA, ,'JIGS BCAS GDUG PA SGRAG RMONGS BSKYED PA DANG, ,'JIGS SHING RENGS DANG BSKRAD DANG BSAD PAR GYIS, , ` BSKUL BYA BA NI, H'Um; RDO RJE 'CHANG GIS MTSAN BTAGS PA, ,RDO RJE DUS NAG CES SU GRAGS, ,SH'AKYA'I RGYAL POS MTSAN BTAGS PA, ,GSHIN RJE CHOS KYI RGYAL PO STE, ,GSHIN RJE'I GSHED POS MTSAN BTAGS BA; ;GSHIN RJE K'A LA R'U PA KHYOD, ,RNAL 'BYOR BDAG LA DGRA BYUNG NA, ,GA-YUL NGO BZLOG PA KHYOD LA RE, ,BDAG LA LHA MED ZER NAS BRNYAS, ,SMOD CING GNOD PA DU MA BYED, ,LHA KHYOD MTHU MED ZER NAS SMOD, ,BLA MA

, ,RNAMS LA SKUR PA 'DEBS, ,SANGS RGYAS BSTAN LA GNOD PAR BYED, ,BSTAN 'DZIN RNAMS LA CHAD PAS GCOD, ,RDO RJE SLOB DPON SNYING NAS SMOD, ,RDO RJE THEG PA SUN 'BYIN CING, ,DGE 'DUN SDE RNAMS DKRUG CING 'JOMS, ,SDOM BRTZON YONGS LA BRNYAS PAR BYED, ,SKYE BO YONGS LA 'TSE BAR BYED, ,RNAL 'BYOR BDAG LA CHAD DU BTZUGS, ,SRUNG MA KHYOD LA DO RU BSDOS, ,'DI 'DRA'I LAS NGAN SDIG CAN 'DI, ,DAM CAN 'KHOR DANG BCAS PA YIS, ,DA LTA NYID DU BSGRAL BAR GYIS, ,H'Um; BCOM LDAN GSHIN RJE'I GSHED PO'I BKA', ,CHOS KYI RGYAL PO DGONGS SU GSOL, ,DE RING DRAG PO'I 'PHRIN LAS 'DI, ,KHYOD KYI LAS SU 'OS PA YIN; ;LHA DANG BCAS PA'I 'JIG RTEN NA, ,LEGS NYES CHOS BZHIN SPYOD PA KHYOD, ,GSHIN RJE'I GSHED KYI BKA' 'KHOR NA, ,BKA' NYAN DAM TSIG BSRUNG BA KHYOD, ,LAS DANG RKYEN GYIS 'CHI BA YI, ,SROG LA DBANG BYED BDAG PO KHYOD, ,DE RING LAS 'DI KHYOD LA BTAD, ,KHYOD KYI 'KHOR NI MI SRUN TE, ,THA MAL SEMS CAN NYES MED CING, ,GZHAN GYIS BSKUL BAR MA BYAS KYANG, ,GLO BUR 'PHRAD PA'ANG 'DZIN BYED NA, ,NGA YIS GTAD PA'I DGRA BGEGS 'DI, ,'JAM DPAL GZHON NU'I BKA' BZHIN DU, ,DAM TSIG PHYAG RGYA MIG LA BSTAN, ,DAM TSIG SNYING PO RNA BAR BSGRAGS, ,RDO RJE'I THI TSAG SNYING LA BZHAG ,DAM RDZAS MCHOD PA PHUL NAS KYANG, ,DAM TSIG

'PHRIN LAS GNYER DU BTAD, ,LAS 'DI SNGON DU BSGRUB PAR BGYI, ,KHYOD KYIS LAS 'DI MA BSGRUBS NA, ,DKON MCHOG GSUM GYI BKA' YANR BCAG ,GSHIN RJE'I GSHED KYI DAM YANG DRAL, ,RANG GI THA TSIG RANG GIS BSLUS DAM TSIG GROGS PO BDAG CAG GI ,RE BA'I BSAM PA GTING NAS BCAD, ,DE BAS LAS 'DI SGRUB PAR GYIS, ,H'Um, KHYOD KYI 'KHOR GYI DKYIL 'KHOR NA, ,YA MA D'U TI ZHES BYA BA, ,LAG NA LCAGS KYU NAG PO THOGS, ,GANG ZHIG BZUNG BAR 'DOD PA DE, ,DBYUGS PA TZAM GYIS 'DZIN PAR BYED, ,KHYOD KYI DE RING DGRA BO ZUNGS, ,GZHAN YANG 'KHOR GYI DKYIL 'KHOR NA, ,K'A LA P'A SHA ZHES BYA BA, ,LAG NA ZHAGS PA NAG PO THOGS, ,GANG ZHIG BCING BAR 'DOD PA DE; ;BTAB PA TZAM GYIS 'CHING BAR BYED, ,KHYOD KYIS DE RING DGRA BO CHINGS, ,GZHAN YANG 'KHOR GYI DKYIL 'KHOR NA, ,YA MA DAndI ZHES BYA BA, ,LAG NA BE CON NAG PO THOGS, ,GANG ZHIG BSAD PAR 'DOD PA DE, ,PHYAR BA TZAM GYIS 'CHI BAR BYED, ,KHYOD KYIS DE RING DGRA BO GSOD, ,GZHAN YANG 'KHOR GYI DKYIL 'KHOR NA, ,YA MA DAm shtRI ZHES BYA BA, ,ZA BYED MCHE BA 'BAR BA CAN, ,GANG ZHIG ZA BAR 'DOD PA DE, ,GTZIGS PA TZAM GYIS ZA BAR BYED, , KHYOD KYI DE RING DGRA BO ZO, ,GZHAN YANG 'KHOR GYI DKYIL 'KHOR NA, ,K'A LA RA TRI ZHES BYA DANG, ,GSOD PA MO DANG NAG MO DANG, ,NAM GRU SHA KA LI LA SOGS, ,BUD MED TSOGS KYIS BSKOR BA NI, ,LA LA LAS KYI ME LONG

, ,CAN, ,LA LA NAD KYI RKYAL PA CAN, ,LA LA MTSON GYI DRU GU CAN, ,LA LA BDUD KYI KHRAM SHING CAN, ,LA LA SHO RDE DKAR NAG CAN, ,LA LA LCAGS KYI DRE'U RTA ZHON, ,LA LA BUNG BU GA PA ZHON, , LA LA RLUNG NAG 'TSUBS MA ZHON, ,LA LA CHU BYA NAG MO ZHON, ,LA LA NAM GYI GUNG LA RGYUG ,LA LA CHU BO'I GZHUNG LA RGYUG ,LA LA NYI MA'I ZER LA RGYUG ,LA LA MUN PA'I SMAG LA RGYUG ,KUN KYANG GZHAN SROG 'PHROG PAR BYED, ,BDAG LA SDANG PA'I DGRA BO 'DI, ,DA LTA NYID DU TSAR GCOD MDZOD, ,GZHAN YANG 'KHOR GYI DKYIL 'KHOR NA, ,YAB TI DANG PHYA SANGS DANG, ,RMIG PA RAL PA TSAR DGU SOGS, ,LA LA RGYAL PO'I TSUL DU GNAS LA LA BLON PO'I TSUL DU GNAS, ,LA LA PHO NYA'I TSUL DU GNAS, ,KHA CIG DAG NI SDE DPON TSUL, ,LAG NA BE CON 'KHOR LO DANG, ,GSAL SHING MDUNG SOGS MTSON CHA THOGS, ,SO SO'I SDE DPON MNGAGS PA DANG, ,PHO NYA PHYAG BRNYAN BCAS PA LA, ,'PHRIN LAS GNYER DU GTAD PA NI, ,DAM NYAMS LAS NGAN SDIG CAN 'DI, ,LO DANG ZLA BAR MA BZHAG PAR, ,CHOS KYI RGYAL PO'I ZHAL DU STOBS, ,RGYAB RTEN LHA DANG MYUR DU PHROL, ,GANG DU GNAS PAR MI NUS SHING, ,BSDIGS SHING SPA RNAMS BKOD PA DANG, ,MTSON CHA'I TSOGS RNAMS GZUGS PAR GYIS, ,MA HE'I TSOGS KYIS BRDZI BAR GYIS, ,GSHIN RJE'I CHOGS RNAMS SROG LA ROL, ,

MA MO'I TSOGS RNAMS DBUGS LA ROL, ,RI BO'I TSOGS KYIS MNAN PAR GYIS, ,GCAN GZAN TSOGS KYIS 'BRANG PAR GYIS, ,SHA ZA'I TSOGS RNAMS ROL PAR GYIS, ,BYA NAG MANG POS 'KHYER BAR GYIS, ,YA BA TI DANG PHYA SANGS DANG, ,GSHIN RJE 'BEBS MA LA SOGS KYIS, ,DGRA BO'I KLAD PA 'KHOR DU CHUG ,TEL PA CHOS KYI RGYAL PO DANG, ,GSHIN RJE LCAGS KYU ZHAGS PA MAS, ,DAM NYAMS KHRAG TU SKYUG TU CHUG ,GSHIN RJE GLANG MGO RMIG PA DANG, ,PHO NYA MO DANG MCHE BA MAS, ,DGRA BO SMYO ZHING 'BOG TU CHUG ,RAL PA TSAR DGU MIG DMAR DANG, ,GSHIN RJE MTSAN MO DUS MTSAN MAS, ,DGRA BO GSOD PA'I LAS MDZOD CIG ,DE LTAR TSAR BCAD LAS BYAS PAS, ,DAM NYAMS BSGRAL BA'I 'KHOR GSUM KUN, ,SPRUL PA LTA BU'I TSUL DU BYAS, ,RNAM PAR MI RTOG DANG NYID DU, ,MCHOG TU GNAS PA NYID GYUR CIG ,PHYI NANG 'GAL RKYEN TSOGS RNAMS ZHI BA DANG, DAM CHOS 'DZIN PA'I BSHAD SGRUB RGYAS PA DANG, ,SKYE 'GRO MA LUS DBANG DU BSDU BA LA, ,CHOS KYI RGYAL POS RTAG TU GROGS BYED SHOG ,CES CHOS RGYAL YAB YUM GYI BSKANG GSO BSTOD BSKUL DANG BCAS PA 'DI, PAn CHEN DGE 'DUN GRUB KYIS MDZAD PA'O,, BKRA SHIS,, ` ,,'JAM DPAL GSHIN RJE'I GSHED KYI BKA' SDOD DAM CAN CHOS KYI RGYAL PO LA BSTOD PA BDUD DPUNG 'JOMS PA ZHES BYA BA,

, ,DPAL RDO RJE 'JIGS BYED KYI LHA TSOGS LA PHYAG 'TSAL LO, ,H'Um K'A LA R'U PA RAB BRJID DRAG PO'I SKU, ,KHA NAS KHRAG 'DZAG MI MGO'I 'PHRENG BA YI, ,GA SHA RAB 'PHYANG MI BZAD BDUD DPUNG GI , NGA RGYAL DREGS PA 'JOMS PA KHYOD LA BSTOD, ,CA CO CHE LDAN RDO RJE'I GLU DBYANGS DANG, ,CHA SHAS YONGS SU RDZOGS PA'I GTOR MA NI, ,JA CHANG PHUD DANG DGRA BGEGS BSGRAL BA'I SHA, ,NYA SHA KHRAG ZHAG RGYA MTSOS BRGYAN PA 'BUL TA TH'A GA TA'I BSTAN LA GNOD BYED PA'I, ,THA CHAD DGRA BGEGS RDUL DU RLOG PA DANG, ,DA NAS BZUNGS TE RNAL 'BYOR BDAG CAG GI ,NA RGA 'CHI BA'I 'JIGS PA 'JOMS LA BSTOD, ,PA WA SANGS LTAR RAB DKAR MCHE BA GTZIGS, , PHA ROL 'JOMS PA'I SPYAN RTZA GLOG LTAR 'KHYUG ,BA SPU DUS MTHA'I ME CHEN 'BAR BA YIS, ,MA LUS BGEGS DPUNG SREG PA KHYOD LA BSTOD, ,TZ'A MUndI SOGS MA MO KUN GYI BDAG ,TSA ZER RAB TU RGYAS PA'I GZI BRJID CAN, , DZA ZHES 'PHRIN LAS SGRUB LA BOS PA'I TSE, ,WVA SKYES LTA BU'I BGEGS 'JOMS KHYOD LA BSTOD, ,ZHVA LTAR 'BYUNG PO KUN GYIS SPYI BOS BSTEN, ,ZA BYED MA HE KHROS PA'I ZHAL GDANGS SHING, ,'A 'UR DAR DIR SGROGS PAS SA CHEN GA-YO, ,YA LAS SKYES PA'I THOD DBYUG 'DZIN LA BSTOD, ,RVA DANG RMIG PA RNO BA'I MA HE DANG, ,LA LA RLUNG NAG TSUB MA ZHON PA'I 'KHOR, ,SHA KA LI DANG GSHIN RJE 'BEBS MA SOGS, ,SA GSUM 'BYUNG PO'I 'KHOR GYIS

SKOR LA BSTOD, ,HA HA DRAG TU BZHAD PA'I DPAL YON CAN, ,AARGHAm LA SOGS MCHOD PA BZHES NAS KYANG, ,DPAL LDAN GSHIN RJE'I GSHED KYI SPYAN SNGA RU, ,ZHAL BZHES DAM BCA' GA-YEL BA MED PAR MDZOD, ,'JAM DPAL GSHIN RJE'I GSHED KYI BKA' SDOD DAM CAN CHOS KYI RGYAL PO LA BSTOD PA 'DI NI, GSHIN RJE'I GSHED KYI RNAL 'BYOR PA DGE 'DUN GRUB PA DPAL BZANG PAS DPAL RI KHUD KYI GTZUG LAG KHANG DU SBYAR BA'O,, ` TZ'A MU ntI LA BSTOD PA, ` 'JAM DPAL GSHIN RJE'I GSHED LA PHYAG 'TSAL LO, ,BHYOO: MA SKYES MI 'GAG CHOS DBYINGS KLONG YANGS NAS, ,MA H'A K'A LI SRIN MO KHROS PA'I SKU, ,MA RUNGS 'DUL PHYIR RTZE GSUM THOD KHRAG 'DZIN, ,MA MO CHEN MO TZ'A MU ndI LA BSTOD, ,MA HE'I GDONG CAN GSHIN RJE'I DGA' MA KHYOD, ,MA RUNGS DGRA LA KHA GDANGS MCHE BA GTZIGS, ,MA LUS BDUD KYI SROG GCOD SHAN PA MO, ,MA YENGS BSTAN PA'I SRUNG MA KHYOD LA BSTOD, ,MA GCIG 'DOD PA'I KHAMS LA DBANG BSGYUR MA, ,MA MO MKHA' 'GRO SDE BRGYAD 'KHOR DANG BCAS, ,MA MO'I DAL YAMS LA SOGS CHO 'PHRUL GYIS, ,MA DUL GDUL DKA' 'JOMS PA KHYOD LA BSTOD, ,MA BCOS RANG BZHIN DAG PA'I CHOS KYI DBYINGS, ,MA RTOGS BDUD KYI CHO 'PHRUL CI BYUNG YANG, ,MA CHEN KHYOD KYI MING NAS BOS PA'I CHE, ,MA GA-YEL MYUR DU BYON LA MTHU RTZAL BSKYED, ,MA RUNGS RNAMS LA RAB TU KHROS GYUR KYANG, ,

, ,MA LTAR BRTZE BAS BSTAN 'DZIN SKYONG BA KHYOD, ,MA SRING CHUNG MA BRAN MO'I TSUL BZUNGS NAS, ,MA BSKUL BAR YANG MTHUN PA'I LAS KUN SGRUBS, ,MNOR LAM MCHOG STON PA'I BLA MA DANG, ,MA RIG MUN SEL RGYAL BA'I BSTAN PA LA, ,MA DAD LOG PAR SGRUB PA'I GDON DANG BGEGS, ,MA BSGRAL BA RNAMS CHOS KYI DBYINGS SU SGROL, ,MA LUS 'GRO BA'I DU RNAL 'BYOR NGAS, ,MNYDZU GHO shA'I GO 'PHANG DAM PA DE, , MA THOB DE SRID NAG MO CHEN MO KHYOD, ,MA GA-YEL MA GA-YEL 'PHRIN LAS TSUL BZHIN SGRUBS, ,MA MO CHEN MO BSTOD CING BSKUL BAS BDAG ,MA RIG 'KHRUL PAS BSKYED PA'I 'KHOR BA 'DI, ,MA STONGS BAR DU BSTAN PA 'DZIN PA LA, ,MA H'A K'A LIS RTAG TU GROGS BYED SHOG ,MA MO CHEN MO TZ'A MUndI LA BSTOD PA 'DI NI, DGE SLONG RDO RJE 'DZIN PA DGE 'DUN GRUB PA DPAL BZANG POS DPAL BYANG CHUB CHEN PO'I DBEN GNAS THEG CHEN PHO BRANG DU SBYAR BA'O,, ` ,,DAM CAN CHOS RGYAL GYI ZLOG PA RGYAS PA, ` H'Um; KHYOD KYI 'KHOR GYI DKYIL 'KHOR NA, ,DGRA BO'I SROG LEN GSHIN RJE NI, ,YA BA TI DANG PHYA SANGS DANG, ,RMIG PA RAL PA TSAR DGU CAN, ,MIG DMAR TEL PA GLANG MGO CAN, ,'JIGS PA'I MTSON CHA THOGS PA DANG, ,NAD BDAG MA MO PHO NYA MO, ,ZHAGS PA MA DANG DAM SRI MA, ,GSHIN RJE SREG MA DUS MTSAN MA, ,BSOD MA NAG MO NAM

GU SOGS, ,MCHOD SBYIN GTOR MA 'DI BZHES LA, ,BCOL BA'I 'PHRIN LAS SGRUB PA DANG, ,DAM NYAMS SDIG CAN DGRA BGEGS 'DIS, ,BLA MA DAM PA'I SKU LA BSNGOS, ,DKON MCHOG GSUM GYI DBU 'PHANG SMAD,, SANGS RGYAS BSTAN PA'I SPYI DGRA BYAS, ,'PHAGS PA'I DGE 'DUN SO SOR PHYE, ,SKYE BO YONGS LA GNOD CING 'TSE, ,SRUNG MA KHYOD LA SNGO PHOD BTZUGS, ,RNAL 'BYOR BDAG LA GNOD BYAS PAS, ,LAS KYI GSHIN RJE DGRA LA BHYO: ,LCAGS KYA RNON POS DGRA BGEGS KHUG ,BDUD KYI ZHAGS PAS DGRA BGEGS CHINGS, ,BDUD KYI BE CON DGRA LA PHYOR, ,MCHE BA 'BAR BAS DGRA LA PHUG ,NAD KYI RKYAL PA DGRA LA BYO, ,MTSON GYI DRU GU DGRA LA RKYONGS, ,BDUD KYI KHRAM SHING DGRA LA THOBS, ,SHO RDE NAG PO DGRA LA KHYE, ,RIMS NAD DRAG PO DGRA LA THONGS, ,GLO BUR YE 'BROG DGRA LA THONGS, ,DUS KYI 'KHRUG PA DGRA LA THONGS, ,THOG DANG SER PA DGRA LA THONGS LTAS NGAN THAMS CAD DGRA LA THONGS, ,DMU GAB DGRA DANG BGEGS LA THONGS, ,DAL YAMS DGRA DANG BGEGS LA THONGS, ,GZER THABS DGRA DANG BGEGS LA THONGS, ,MDZE NAD DGRA DANG BGEGS LA THONGS, ,SMYO 'BOG DGRA DANG BGEGS LA THONGS, ,BDUD KYI DMAG TSOGS DGRA LA DRONGS, ,LAS KYI GSHIN RJES DMAG SNA DRONGS, ,DMAG DPUNG BSKYED LA RU MTSON PHYOR, ,BSTAN DGRA DAM NYAMS SDIG CAN RNAMS, ,LAS KYI

, ,RLUNG GIS RGYAB NAS PHUL, ,'JIGS PA'I MUN PAS MDUN NAS BSUS, ,LO DANG ZLA BAR MA BZHAG PAR, ,KHA NAS KHRAG DON SKYUG TU CHUG ,KHONG PA'I NANG NAS SNYING PHYUGS SHIG ,DPRAL BA'I DBYINGS NAS MIG PHYUNGS SHIG ,LTAG PA'I PHYOGS NAS BDUD CHOD CIG ,GNAM GYI 'JU THAG CHOD LA SHOG ,SA YI RTEN PHUR THON LA SHOG ,DGRA RGYUD RTZAD NAS CHOD LA SHOG ,DGRA BO'I BLA SROG KHUG LA SHOG ,DGRA BO'I SHA ZO ZHAG LA 'THUNGS, ,DGRA BO'I YUL KHAMS BRLAG PAR GYIS, ,BKA' DANG DAM LAS MA 'DA' BAR, ,BCOL BA'I 'PHRIN LAS MYUR DU SGRUBS, ,DAM CAN YAB YUM 'KHOR BCAS LA, ,MCHOD CING GTOR MA 'DI PHUL BAS, ,RNAL 'BYOR BDAG CAG 'KHOR BCAS KYI, ,RKYEN NGAN PAR CHAD THAMS CAD ZLOG ,GZHAN GYI BSAM NGAN SBYOR RTZUB ZLOG ,DRI ZA'I GDON RNAMS GTOR MAS ZLOG ,PHO PHYVA NGAN PA GTOR MAS ZLOG ,MU STEGS NGAN SNGAGS GTOR MAS ZLOG, BAN BON PHUR KHA GTOR MAS BZLOG ,CHOS KYI CHOS ZOR GTOR MAS ZLOG ,BON GYI BON ZOR GTOR MAS ZLOG ,SNGAGS PA'I SNGAGS ZOR GTOR MAS ZLOG ,ZHANG ZHUNG BTZO ZOR GTOR MAS ZLOG ,RGYAL PO'I THOG BRDZIS GTOR MAS ZLOG, MA MO'I DAL YAMS GTOR MAS ZLOG ,'BYUNG PO'I RIMS NAD GTOR MAS ZLOG ,YAS KYI BDUD GA-YOS GTOR MAS ZLOG ,MAS KYI SRI LANGS GTOR MAS ZLOG ,'PHANGS KYI SNYING NGAN GTOR MAS ZLOG ,NYE BA'I BYOL KHA GTOR MAS ZLOG,

PHA TSAN RGYA 'DRE GTOR MAS ZLOG ,MA BU'I BYUR 'DRE GTOR MAS ZLOG ,BYIS PA'I CHUNG SRI GTOR MAS ZLOG ,TSE ZOR NYUNGS ZOR 'PHEN PA ZLOG ,'BYUNG PO'I THOD ZOR 'PHEN PA ZLOG ,GSHIN RJE'I 'KHOR LO SKOR BA ZLOG ,BDUD KYI KHRAM KHA STON PA ZLOG ,MA MO'I KHRAG ZOR 'PHEN PA ZLOG ,KLU YIS BYAD DU BCUG PA ZLOG ,THE RANG TSE LA RKU BA ZLOG ,MU STEGS BAR CHAD BYED PA ZLOG ,RMI LTAS MTSAN LTAS NGAN PA ZLOG ,LO SKEG ZLA SKEG ZHAG SKEG ZLOG ,'CHI LTAS BDUNG CHAGS YOD PA ZLOG ,BDUD KYI SHED BZHI YOD PA ZLOG ,DRAG PO'I PHO NYA 'GYED PA ZLOG ,PHO BDUD MO BDUD SPYI BDUD ZLOG ,SKYES PA'I MDA' ZOR 'PHEN PA ZLOG ,BUD MED DMOD ZOR 'PHEN PA ZLOG ,LTAS NGAN BRGYAD CU RTZA BZHI ZLOG CHO 'PHRUL NGAN PA THAMS CAD ZLOG ,YE 'BROG SUM RGYA DRUG CU ZLOG ,NAD RIMS BZHI BRGYA RTZA BZHI ZLOG ,CHO 'PHRUL NGAN PA THAMS CAD ZLOG ,MDOR NA BDAG CAG 'KHOR BCAS KYI, ,RKYEN DANG BAR CHAD GTOR MAS ZLOG , MTHUN RKYEN CHOS BZHIN 'GRUB PA DANG, ,BSTAN PA DAR ZHING RGYAS PAR MDZOD, CES DAM CAN CHOS KYI RGYAL PO YAB YUM 'KHOR DANG BCAS PA LA BSTOD PA BSKUL ZLOG DANG BCAS PA 'DI NI, GSHIN RJE'I GSHED KYI RNAL 'BYOR PA DGE 'DUN GRUB PA DPAL BZANG POS BKRA SHIS LHUN POR LEGS PAR SBYAR BA'O,, ` ,,DAM CAN GSANG SGRUB DMAR PO'I BSTOD PA, ` H'Um; CHOS NYID NGANG LAS MDUN GYI NAM MKHA' RU,

, ,SNA TSOGS CHU SKYES NAM MKHA'I NOR BU DANG, ,MA HE DMAR PO 'GYINGS PA'I GDAN STENG DU, ,YAm GYIS MTSAN PA'I YID BZHIN NOR BU LAS, ,'OD 'PHROS SEMS CAN KUN GYI DBUL PHONGS GSAL, , TSUR 'DUS DE NYID YONGS SU GYUR PA LAS, ,RAB BRJID PADMA R'A GA'I RI BO LA, ,NYI MA BYE BA'I 'OD KYIS BYUGS 'DRA BA'I, ,CHOS RGYAL SKU MDOG DMAR PO BRJID PA'I SKU, ,MA HE'I GDONG CAN ZHAL GCIG PHYAG GNYIS KYIS, , DGOS 'DOD MCHOG STZOL YID BZHIN NOR BU DANG, ,'CHI MED BDUD RTZIS GANG BA'I THOD PA 'DZIN, ,MCHE BA RAB DKAR SPYAN GSUM DMAR LA ZLUM, ,SKRA SER RDO RJE NAG POS SPYI BOR BRGYAN, ,'JIGS RUNG THOD SKAM LNGA YI DBU RGYAN DANG, ,KHRAG 'DZAG BRGYA PHRENG 'PHRENG BA'I GA SHAL CAN, ,RIN CHEN RGYAN DANG RUS PA'I RGYAN GYIS SPRAS, ,THUGS KAR YAm GYIS MTSAN PA'I NOR BU LAS, ,LCAGS KYU LCAGS SGROG ZHAGS PA LTA BU YI, ,'OD ZER DMAR PO PHYOGS BCUR 'PHROS PA LAS, ,'JIG RTEN KUN GYI PHUN TSOGS LONGS SPYOD RNAMS, ,THOGS PA MED PA'I TSUL GYIS BKUG NAS KYANG, ,RLABS CHEN ZAD PA MED PA'I LONGS SPYOD KYIS, ,SGRUB PA PO YI BSAM PA TSIM MDZAD CING, ,PHONGS PA'I SDUG BSNGAL MTHA' DAG ZHI BA DANG, ,SNYAN PA'I GRAGS PAS PHYOGS BCUR KHYAB PA DANG, ,MA LUS DBANG DU SDUD PA'I LAS MDZAD PA'I, ,DAM CAN CHOS KYI RGYAL PO KHYOD LA 'DUD, ,

RJE BTZUN 'JAM PA'I DBYANGS KYI SPYAN SNGA RU, ,JI LTAR KHYOD KYIS ZHAL BZHES DAM BCAS BZHIN, ,CHOS BZHIN SGRUB PAR BYED PA'I GANG ZAG LA, ,LONGS SPYOD THAMS CAD NGANG GIS 'DU BAR MDZOD, ,BDAG KYANG DENG NAS TSE RABS THAMS CAD DU, ,DPAL MGON DAM CAN KHYOD DANG MI 'BRAL ZHING, ,PHYI NANG 'GAL RKYEN KUN GYIS GA-YO MED PAR, ,MTHUN RKYEN THAMS CAD CHOS BZHIN 'GRUB PAR MDZOD, ,DGE BA 'DI YIS BDAG GZHAN 'GRO BA KUN, ,RJE BTZUN 'JAM PA'I DBYANGS KYI ZHABS KYI RDUL, ,'BRAL MED SPYI BOS NOD PA'I BKA' DRIN GYIS, ,RGYAL BA'I CHOS TSUL MA LUS 'DZIN PAR SHOG ,CES CHOS RGYAL GSANG SGRUB LA BSTOD CING GSOL BA 'DEBS PA 'DI NI, GSHIN RJE'I GSHED KYI RNAL 'BYOR PA DGE 'DUN GRUB PA DPAL BZANG POS SBYAR BA'O,, ` ,,DMAG ZOR LHA MO'I GTOR CHOG MDOR BSDUS, ` BLA MA DANG DPAL GSHIN RJE'I GSHED LA PHYAG 'TSAL LO, ,'DIR DPAL LDAN RE MA TI LA MCHOD GTOR 'BUL BAR 'DOD PA'I DAM TSIG DANG LDAN PA'I SGRUB PA POS RAS BRIS LA SOGS PA'I RTEN GYI DRUNG MDUN DU, NAL BU'I THOD PAR 'BRU SNA TSOGS DANG SBYAR BA'I GTOR MA SHA KHRAG GIS BRGYAN PA BSHAMS, ,BDUD RTZI DANG, RKTA DANG, GA-YAB DAR LA SOGS PA'I DAM RDZAS TSANG BAR BYAS LA, GTOR MA BDUD RTZI LNGAS SBAGS, CHU TSANG GIS SBYANGS TE, YI DAM GYI LHA'I NGA RGYAL BRTAN POS LAS THAMS CAD PA'I SNGAGS KYIS BSANGS, LAG PA

, ,GA-YON PA BSTAN TE, AOm ZHES BRJOD PAS GTOR MA LA DMIGS TE STONG PAR BSAM, LAG PA GA-YAS PA BSTAN TE, A'A: ZHES BRJOD PAS, STONG PA'I NGANG LAS THOD PA DKAR PO YANGS SHING RGYA CHE BAR BSAM, LAG PA GNYIS KA BSTAN TE, H'Um ZHES BRJOD PAS DGRA BGEGS KYI SHA KHRAG LAS GRUB PA'I GTOR MA RI RAB DANG RGYA MTSO TZAM BSAM, BYA KHYUNG GI PHYAG RGYA BSTAN TE, HO ZHES BRJOD PAS 'DOD DGU 'BYUNG PA'I YE SHES KYI BDUD RTZIR BSAM MO, ,DE NAS MDUN NA RTEN YOD NA BSANGS, MED NA SKAD CIG GIS RANG GI MDUN DU, STONG PA'I NGANG LAS RLUNG NAG 'TSUB MA'I GUR NANG, ME RI RAB TU 'BAR BA'I KHROD, KHRAG ZHAG 'KHRUG PA'I KLONG DKYIL DU, BHYOO: RKMO BHYOO: RKMO BHYOO: BHYOO: KMO THUN BHYOO: KHA LA RKA CHEN MO, RKMO AA BYA TA BYA THUN BHYOO: RU LU RU LU H'Um BHYOO: H'Um ZHES BRJOD PA DANG, KshA YIG YONGS SU GYUR PA LAS, DPAL LDAN LHA MO RE MA TI DRE RTA LA ZHON PA SKU MDOG MTHING NAG ZHAL GCIG PHYAG GNYIS, ZHAL MCHE BA GTZIGS PA, DMAR LA ZLUM PA'I SPYAN GSUM SDANG MIG TU BGRAD CING, SMIN MA'I DBUS SU KHRO GNYER RAB TU GA-YO BA DANG BCAS PA, DBU SKRA KHAM PA GYEN DU GA-YENGS PA LA, ME STAG DANG ME LCE DU MA 'PHRO BA, PHYAG GA-YAS RDO RJES MTSAN PA'i TZNDAN NI GYA BE CON NAM MKHA' LA 'PHYAR BA, GA-YON PA NAL THOR NYUNGS KAR DANG, KHRAG GIS GANG BA THUGS KAR 'DZIN PA

MI MGO BSKAM PO LNGA YIS DBU BRGYAN CING, RGYU RLON LA BRGYUS PA'I MI MGO KHRAG 'DZAG PA LNGA BCU'I DO SHAL BYAS PA, ZHING CHEN GYI GA-YANG GZHI DANG, RE LDES STOD GA-YOGS SHING, STAG GI PAGS PA'I SHAM THABS CAN, DAR NAG GI GOS KYIS LHAB LHUB TU GA-YOGS SHING, SKUL KHRAG GI THIG LE DANG, ZHAG GI SOR RIS DANG, THAL CHEN GYI TSOM BU SOGS KYIS BRGYAN CING, RMA BYA'I GDUGS 'OG TU CHUD PA, SGA'I SNGA RU LA NAD KYI RKYAL PA DANG, PHYI SHA LA MTSON GYI DRU GU BTAGS PA, BDUD KYI KHRAM SHING RKED LA GZER BA, BYANG DMAR DANG SHO RDE SNGA SHA LA 'PHYANG BA, 'KHOR BDUD PHRUG GI TSOGS, YUNGS KHRAG DANG MTSON CHA SNA TSOGS 'DZIN PA, MIG RTZA DMAR ZHING RAB TU RNGAMS PA'I CHA LUGS CAN DPAG TU MED PAS BSKOR BAR BSAM, DE LTA BU'I DAM TSIG PA BSKYED PA'I THUGS KAR KshA YIG MTHING NAG BSGOM ZHING, DE DANG RANG GI THUGS KA'I H'Um LAS 'OD 'PHROS PAS; BYANG SHAR MU LE'I DING NAS DPAL LDAN LHA MO 'KHOR BCAS SPYAN DRANGS PAR BSAM ZHING, TSIL CHEN DANG, GU GUL DANG, CONG ZHI RNAMS BSREGS PA'I BDUG SPOS YOD NA BSREG ,GA-YAB DAR DANG MA MO SPYI'I DAM RGYA; MGO THOD KYI PHYAG RGYA BCAS LA MDZUB MO GNYIS GA-YAB CING, BHYOO: CHOS 'KHOR YONGS KYI SRUNG MA RE MA TI, ,SNGON TSE RGYAL BA'I SPYAN SNGAR DAM BCAS BZHIN, ,BSTAN PA SRUNG DANG SGRUB LA PHAN GDAGS PHYIR, ,

, ,BYANG SHAR MTSAMS NAS SPYAN 'DREN GSHEGS SU GSOL, ,RKMO SOGS KYI RJES LA, tKKI DZA: H'Um, ZHES PA LAN GSUM GYIS SPYAN DRANGS NAS, MDUN GYI DAM TSIG PA LA BSTIMS, BHYOO: NAG MO GDUG CAN DREGS PA CAN, ,KUN TU KHYAB PA'I GZUGS STON MA, ,NAG MO'I GTZO MO DRE RTA CHIBS, ,'DIR BYON DRE RTA'I GDAN LA BZHUGS, ,RKMO ZHES SOGS KYI RJES LA, DZA: H'Um BAm HO: ZHES BRJOD PAS BZHUGS SU GSOL, DE NAS RANG YI DAM GYI NGA RGYAL GYIS, BHYOO: ZA BYED NAG MO MCHE BA CAN, ,RGOD BYED HA HA NAG MO KHYOD, ,GSOD LA DGA' BAR BYED PA MO, ,BDAG NI BRDA YI PHYAG BGYID DO, ,RKMO SOGS KYI RJES LA, AA TI SU HO ZHES BRJOD CING, THAL MO SBYAR LA LHA MO LA 'DUD PA'I TSUL GYIS PHYAG BYAS LA, LHA MOS BDAG LA PHYAG GUS PAS 'TSAL BAR BSAMS LA, PRA T'ITZTSA HO, ZHES BRJOD, DE NAS GTZO 'KHOR THAMS CAD KYI MIG GNYIS SU KshIm DKAR PO, RNA BA GNYIS SU DZRIm SNGON PO, SNAR KHAm SER PO, LCE LA RAm DKAR PO, DPRAL BAR KAm LJANG KHU, LTE BAR SAm DKAR PO, SPYI BOR AOm DKAR PO, MGRIN PAR A'A: DMAR PO, THUGS KAR H'Um SNGON PO BKOD DE, DE DAG BYANG CHUB SEMS PA SA'I SNYING PO LA SOGS PA DRUG DANG, SKU GSUNG THUGS RDO RJE'I NGO BOR BSAMS TE BYIN GYIS BRLABS, YANG RANG GI THUGS KA'I H'Um LAS 'OD ZER 'PHROS PAS DBANG GI LHA RIGS LNGA

SPYAN DRANGS NAS DBANG BSKUR BAR BSAM ZHING, AOm BADZRA AA BHI shINYTZA H'Um ZHES BRJOD CING DBANG BSKUR BAS, LUS THAMS CAD GANG, DRI MA THAMS CAD DAG ,CHU LHAG PA YAR LUNG PA LAS SPYI BOR GSHIN RJE'I GSHED KYIS DBU BRGYAN PAR GYUR, DE NAS BDUD RTZI GTOR ZHING, PHRA MO SPOM PO LAS BYUNG BA'I, ,BDUD RTZIS BRAN PA'I DZA GAD 'DI, ,DMAG ZOR LHA MO LA 'BUL GYIS, ,BSTAN PA BSRUNG PHYIR BZHES SU GSOL, ,RKMO ZHES SOGS KYI RJES LA, MAH'A PNYTZA AA MRi TA KHA KHA KH'A HI KH'A HI, YANG RKTA DBUL ZHING, CHU DANG MA 'DRES DVANGS MA'I KHRAG ,DVANGS MA YI NI KHRAG CHEN PO, ,DMAG ZOR LHA MO LA 'BUL GYIS, ,BSTAN PA BSRUNG PHYIR BZHES SU GSOL RKMO SOGS KYI RJES SU, MA H'A RKTA KHA KHA KH'A HI KH'A HI ZHES BRJOD, DE NAS 'KHU LDOG MI YONG BA'I PHYIR BYANG SEMS DKAR DMAR RANG DANG LHA MO GNYIS KA'I LCE LA BZHAG PAR BSAM ZHING, DNGOS KYI NANG MCHOD 'THOR ZHING RANG GI MYANG BA NI DAM TSIG SRE BA'O, ,DE NAS LHA MO 'KHOR BCAS KYI ZHAL NAS 'OD KYI SBU GU BYUNG NAS GTOR MA LA ZUG PAR BSAM ZHING, RDO RJE THAL MO GYEN DU PHYE LA, SHA KHRAG LA SOGS BDUD RTZI LNGA DANG BCAS, , 'BRU SNA LNGA DANG SBYAR BA'I GTOR MA 'DI, ,DPAL LDAN DMAG ZOR LHA MO LA 'BUL GYIS, ,RGYAL BA'I BSTAN PA BSRUNG PHYIR BZHES SU GSOL, ,RKMO SOGS KYI RJES LA MA H'A BA LIm TA KHA KHA KH'A HI KH'A HI, GSUM

, ,MAM LNGA'AM BDUN GYIS 'BUL, DE NAS NANG MCHOD GTOR ZHING, DPAL LDAN LHA MO 'KHOR DANG BCAS PA KHYED KYIS MCHOD SBYIN GYI GTOR MA RGYA CHEN PO 'DI BZHES LA, SANGS RGYAS KYI BSTAN PA SRUNGS, DKON MCHOG GI DBU 'PHANG BSTOD, DGE 'DUN GYI BDE SKYONGS, BSTAN PA SPYI LA GNOD PA, SEMS CAN YONGS LA 'TSE BA, SGOS RNAL 'BYOR PA BDAG GI DAM PA'I CHOS SGRUB PA LA BAR DU GCOD PA'I GDON BGEGS LOG PAR 'DREN PA THAMS CAD TSAR CHOD CIG ,ZHI BA DANG, BDAG CAG 'KHOR DANG BCAS PA'I TSE DANG, BSOD NAMS DANG, LONGS SPYOD DANG, DBANG THANG LA SOGS PA THAMS CAD RGYAS PA DANG, 'GRO BA THAMS CAD DBANG DU 'DUS SHING, CHOS LAS SKYES PA'I BU DANG TSA BO LA SOGS PA THAMS CAD RGYAS PA'I 'PHRIN LAS MDZOD, CES PAS BKA' BSGOS, 'DOD PA'I DON LA GSOL BA BTAB CING 'PHRIN LAS BCOL, DE NAS BZLAS PA BYA BAR 'DOD NA, RANG GI SNYING KHA'I SA BON LAS 'OD ZER DKAR PO SNGAGS KYI RANG BZHIN CAN 'PHROS TE, LHA MO'I THUGS KAR THIMS PAS, LHA MO MNYES PA'I MCHOD PA PHUL, SLAR 'DUS TE BDAG LA THIMS PAS, GANG 'DOD PA'I DNGOS GRUB BYIN PAR BSAMS PA TZAM GYI DMIGS PA BYAS LA, BHYOO: RAKMO LA SOGS PA'I RTZA SNGAGS CI 'GRUB BZLAS, 'DI LA BOD RBAD BSAD GSUM GA CHANG BAR BZHED DO, ,DE NAS BSTOD PA BYA BA

NI; RNGA BRDUNG BA'AM DRIL BU GSIL ZHING BSTOD PA RGYAS BSDUS CI RIGS PAS BSTOD, NONGS PA BZOD PAR GSOL ZHING, MDUN GYI LHA MO'I RTEN YOD NA BRTAN PAR BZHUGS PA'AM, MED NA RANG BZHIN GYI GNAS SU GSHEGS SU GSOL; MTSAN MO YIN NA GTOR MA LA DPAL 'BAR BTZUGS NAS GTZANG SAR GTONG, DGE BA'I RTZA BA BSNGO BA SOGS CHO GA SPYI DANG MTHUN PAR BYA'O, ,DE LTA BU'I TSUL GYIS MCHOD GTOR DANG BZLAS PA LA BRTZON PAR BYAS NA, GNAS SKABS SU BAR CHAD ZHI ZHING MTHAR THUG BYANG CHUB SGRUB PA'I GROGS SU 'GYUR RO, ,'DI NI, RE MA TI'I MCHOD GTOR GYI MAN NGAG BLA MA GONG MA'I THO YIN LA BRTEN NAS BRIS PA YIN PAS YIN CHES PA'I GNAS SU BYA'O,, AiTHI,, ,, ` DMAG ZOR LHA MO'I BSTOD PA, ` BSTOD PA BSDUS PA NI, DPAL GYI GZUGS LA 'DOD KHAMS GTZO MO KHYOD, ,DRE RTA ZHON NAS DPAG TSAD LNGA BRGYAR RGYUG ,BE CON NAL THOD DAM PA'I RANG RTAGS 'DZIN, ,RE LDE'I STOD GA-YOGS SBAL GYI GSHAM BU CAN, ,LTE BAR NYI MA GTZUG NA ZLA RGYAS MA, ,KHRAG NAD BDAG MO DBYINGS PHYUG DPAL 'BAR MA, ,LHA MO RE MA TIL BSTOD PAR BGYI, ,RNAL 'BYOR BCOL BA'I 'PHRIN LAS SGRUB PAR MDZOD, ,SHA CHEN TSOGS NI RI LTAR SPUNGS, ,RAKTA'I TSOGS NI MTSO LTAR 'KHYIL, ,TSOGS KYI LONGS SPYOD 'DI BZHES LA, ,DAM TSIG NYAMS PA'I DGRA BO LA, BDUD KYI DMAG CHOG DGRA LA DRONGS, ,DMAG DPON RGYAL MOS DMAG SNA DRONGS, ,MA YI NANG

, ,NAS MA GCIG DANG, ,SRID GI NANG NAS SRID GCIG DANG, ,BDUD KYI YUM LA GSHIN RJE'I LCAM, ,BCOL BA'I 'PHRIN LAS 'GRUB PAR MDZOD, ,BHYOO: RAKMO SOGS NAS CHE GE MO M'A RA YA PHAt, CES PA'O, ,'DI YANG RJE NYID KYIS SNGA MO'I DUS SU THEG CHEN PHO BRANG DU SBYAR PA'O, ,,BHYO: SKU GSUM LHUN GRUB THUGS RJE MTHAR PHYIN KYANG, ,SRID GSUM GDUG PA 'DUL PHYIR KHROS PA'I SKU, ,DUS GSUM RGYAL PA'I BSTAN SRUNGS CHEN MO LA, ,SGO GSUM GUS PA'I SGO NAS PHYAG 'TSAL LO, ZHES DPAL LDAN LHA MO DMAG ZOR RGYAL MO'I BSTOD PA 'DI YANG RJE NYID KYIS MDZAD PA'O,, ` ,,DAM CAN CHOS RGYAL DPAL LDAN LHA MO BEG TZE LCAM SRID LA BKRA SHIS LHUN PO'I MI NOR DGE 'DUN DANG BCAS PA GNYER DU GTAD PA'I BKA' BSGO, ` AOm PHYOGS BCU DUS GSUM DU BZHUGS PA'I BLA MA YI DAM, SANGS RGYAS BYANG SEMS DPA' BO RNAL 'BYOR MA, DPAL MGON DAM PA CHOS SKYOD PA'I SRUNG MA RNAMS KYI BYIN RLABS DANG, THUGS RJE DANG, RDZU 'PHRUL DANG, NUS MTHU BSAM GYIS MI KHYAB PA'I STOBS DANG, BDAG DGE 'DUN GRUB BA DPAL BZANG POS DUS GSUM DU BSAGS PA'I DGE BA'I RTZA BA RNAMS KYI MTHU LA BRTEN NAS, BDAG RTAG TU TSE RABS DRAN CING, GZHON NU LA RAB TU BYUNG ZHING TSUL KHRIMS RNAM PAR DAG PA SRUNG PA DANG, SANGS RGYAS KYI BSTAN PA DANG, SEMS

CAN LA PHAN PA RGYA CHEN PO GONG NAS GONG DU BSGRUBS TE, SANGS RGYAS KYI GO 'PHANG RIN PO CHE MYUR DU THOB PAR GYUR CIG ,SANGS RGYAS NAS SEMS CAN GYI KHAMS DANG, BSAM PA DANG, BAG LA NYAL JI LTA BA BZHIN DU THUGS SU CHUD NAS SKAL BA DANG 'TSAM PAR CHOS BSTAN PAS THAMS CAD SANGS RGYAS KYIS LA 'GOD PAR GYUR CIG ,TSE 'DIR YANG DAM PA'I CHOS KYI BSHAD SGRUB RGYAS PAR BYED PA'I NGANG NAS BDE BAR GSHEGS PA'I SKU GSUNG THUGS KYI RTEN KHYAD PAR CAN DUS BZHENG PA DANG, DKON MCHOG GI DRUNG DU MCHOD RDZAS PHUN SUM TSOGS PA DANG, DGE 'DUN GYI BSNYEN BKUR SOGS SGRUB PA LA BAR CHAD MED CING, MTHUN RKYEN RNAMS JI LTAR BSAMS PA BZHIN DU 'GRUB PAR GYUR CIG ,KHYAD PAR DU YE SHES KYI MKHA' 'GRO MA DMAG ZOR RGYAL MO RE MA TI 'KHOR DANG BCAS PA DANG, GNOD SBYIN BEG TZE LCAM DRAL 'KHOR DANG BCAS PA DANG, DAM CAN CHOS KYI RGYAL PO YAB YUM 'KHOR DANG BCAS PA LA, BKRA SHIS LHUN PO'I MI NOR DGE 'DUN DANG BCAS PA GNYER GTAD ZHUS PA YIN PAS, NYIN GSUM GYI BYAR MA GA-YEL, ,MTSAN GSUM GYI MEL TSE MA GA-YEL BAR SANGS RGYAS KYI BSTAN PA JI SRID GNAS KYI BAR DU BKRA SHIS LHUN POR DAM PA'I CHOS KYI BSHAD SGRUB DAR ZHING RGYAS PA DANG, DGE 'DUN RNAMS THUGS MTHUN PA DANG, DPAL 'BYOR RGYAL PAR MDZOD, ,BKRA SHIS LHUN POR MA BYIN PAR LEN PA RNAMS CHAD PAS GCOD PA DANG, BKRA SHIS LHUN PO BA LA GNOD CING 'TSE BAR BYED PA'I 'BYUNG PO

, ,MI DANG MI MA YIN PA RNAMS KYI BSAM PA NGAN PA DANG SBYOR BA RTZUB PA THAMS CAD NYE BAR ZHI NAS BSAM SBYOR PHUN SUM TSOGS PAR MDZAD DU GSOL, ZHES PA 'DI YANG DMAG ZOR RGYAL MO'I BRIS SKU CHEN MO BZHENGS PA'I DUS SU MDZAD PA'O,, ` ,,DPAL MGON CHEN PO GRI GUG CAN LA BSTOD PA, ` NA MO MA H'A K'A LA YE, CHOS KYI SKU LAS 'GYUR BA MI MNGA' YANG, ,CHOS KYI RGYAL PO'I BSTAN PA BSRUNG BA'I PHYIR, ,CHOS DBYINGS RNAM PAR DAG PA'I PHO BRANG NAS, ,CHOS SKYONG 'KHOR BCAS GNAS 'DIR GSHEGS SU GSOL, ,DPAL LDAN RDO RJE 'CHANG GI SBYAN SNGA RU, ,GTUM CHEN KHYOD KYIS JI LTAR ZHAL BZHES BZHIN, ,ZHI RGYAS DBANG DANG DRAG PO'I 'PHRIN LAS LA, ,SPYAN 'DREN 'KHOR BCAS GNAS 'DIR GSHEGS SU GSOL, ,RGYAL BA KUN GYI MTHU STOBS GCIG BSDUS NAS, ,GDUGS PA 'DUL PHYIR KHRO BO'I SKUR BSTAN PA, ,NAG PO CHEN PO BKA' SDOD 'KHOR DANG BCAS BRTZE BA'I THUGS KYIS GNAS 'DIR GSHEGS SU GSOL, ,CHOS NYID NGANG LAS PADMA NYI MA'I STENG, ,'JIGS PA'I GZUGS CAN ZHAL GCIG PHYAG GNYIS PA, ,BRKYANGS BSKUMS ZHABS KYIS GDUG PA'I LUS BRDZIS SHING, 'JIGS PA RNAMS KYANG 'JIGS PAR MDZAD LA 'DUD, ,BSKAL BA 'JIG ME LTAR MI BZAD PA'I, ,YE SHES ME DPUNG 'BAR BA'I KLONG DKYIL NA, ,DAM CAN RGYA MTSOS BSKOR BA'I DPA' BO KHYOD, ,GAR DGU'I NYAMS

KYIS ROL PAR MDZAD LA 'DUD, ,PHYAG GA-YAS RNO ZHING 'BAR BA'I GRI GUG GIS, ,DGRA BGEGS RTZAD NAS GCOD PA'I 'PHRIN LAS MDZAD, ,GDUG PA'I KHRAG GIS GANG BA'I THOD PA NI, ,GA-YON PA'I PHYAG GIS THUGS KAR 'DZIN LA BSTOD, ,RAB BRJID AINDRA N'I LA'I RI BO'I RTZER, ,DUS MTHA'I ME CHEN GYEN DU MCHED PA BZHIN, ,DBU SKRA DMAR SER GYEN DU BRDZES PA YIS, ,STENG GI BGEGS TSOGS SREG PAR MDZAD LA 'DUD, ,BRKYANGS BSKUMS ZHABS NI CUNG ZAD BRDABS PAS KYANG, ,RGYA MTSO'I GOS CAN MTHA' DAG 'DAR BYED CING, ,'OG PHYOGS BGEGS DPUNG RDUL DU BRLAG MDZAD PA, ,DPAL LDAN NAG PO CHEN PO'I ZHABS LA 'DUD, ,NYI ZLA 'BAR PA'I SNGANG MIG BGEGS LA GZIGS, ,KHRO GNYER RAB BSDUS SMIN MA GLOG LTAR 'KHYUG ,BA SPU DUS MTHA'I ME LTAR 'BAR BA YIS, ,BAR GYI BGEGS TSOGS SREG PAR MDZAD LA 'DUD, ,RAB 'JIGS ZHAL GYI CHAR SPRIN NAG PO LAS, ,LJAGS KYI GLOG STONG KUN NAS RAB 'KHYUG CING, ,H'Um DANG PHAt KYI 'BRUG SGRA CHER BSGRAGS NAS, ,BDUD KYI GNAS RNAMS PHYE MAR 'THAG LA 'DUD, ,DRAG PO'I DBUGS PHRENG DUS MTHA'I RLUNG TSUB BZHIN, ,DGRA PO'I SHA KHRAG MCHE BA'I KHYOGS LA LEN, , DRAG PO'I RKAN SDE BAS 'JIGS PA'I GAD RGYANGS KYIS, ,BDUD KYI SROG RNAMS NGES PAR 'GOG LA 'DUD, ,'JIGS RUNG THOD SKAM LNGA YI DBU RGYAN DANG, ,KHRAG 'DZAG MI MGO'I PHRENG BA'I DO SHAL CAN, ,RUS PA'I RGYAN DANG RIN CHEN

, ,PHRENG BA DANG, ,SPRUL GDUG RGYAN GYIS BRGYAN PA KHYOD LA 'DUD, ,GA-YAS NA RI BO 'GYINGS 'DRA BRJID PA'I SKU, ,LEGS LDAN NAG PO ZHAL GCIG PHYAG GNYIS KYIS, ,TZANDAN BED CHEN THOD KHRAG 'DZIN MDZAD PA, ,DAM TSIG CAN GYI DGRA LHA KHYOD LA 'DUD, ,GA-YON NA DPAL LDAN 'DOD KHAMS DBANG PHYUG MA, ,BONG BU GVA ZHON MI SDUG 'JIGS PA'I GZUGS, ,ZHAL GCIG PHYAG GNYIS RAL GRI THOD KHRAG 'DZIN, ,'PHRIN LAS MYUR SGRUB LHA MO KHYOD LA 'DUD, ,RLUNG LTAR MGYOGS PA'I DRE'U SDON PO CHIBS, ,DAM NYAMS DGRA LA SHIN TU KHROS PA'I SKU, ,SGRUB PA PO LA KUN NAS BRTZE BA'I MA, ,DPAL LDAN LHA MO RE MA TI LA BSTOD, ,SHA DANG KHRAG LA ROL PA'I KHYi SBYANG DANG, ,MI NAG BYA NAG MKHA' 'GRO'I DBANG PO SOGS, ,'PHRIN LAS SGRUB LA THOGS PA MI MNGA' PA'I, ,SPRUL PA'I PHO NYA RNAMS KYANG BSTOD PAR BGYI, ZHES DPAL MGON CHEN PO GRI GUG CAN LA BSTOD PA 'DI NYID SH'AKYA'I DGE SLONG DGE 'DUN GRUB PA DPAL BZANG POS THAG LUNG BA'I ZHOGS DGON PAR SBYAR BA'O,, ` ,,DPAL MGON ZHAL BZHI PA'I BSTOD PA, ` ,NA MO MA H'A K'A LA YE, KA P'A LA DANG 'BAR PA'I GRI GUG 'DZIN, ,KHA DOG MI BZAD MUN NAG BYUGS 'DRA'I LUS, ,GA SHA LA SOGS KHRO BO'I RGYAN GYIS SPRAS, ,NGA RO DRAG POS SA GSUM SGRAG LA 'DUD, ,CA CO KUN TU SGROG PA'I RO LANGS DANG, ,CHA LUGS 'JIGS

RUNG SRIN PO RGYU BA BZHIN, ,JA DANG DGRA BO'I KHRAG LA RNAM ROL ZHING, ,NYA BA'I ZLA LTAR NAG PHYOGS 'JOMS LA 'DUD, ,TA TH'A GA TA'I SBYAN SNGAR MNGON SUM DU, ,THA CHAD DGRA BGEGS SGROL BAR KHAS BLANGS BZHIN, ,DA NI BDAG LA 'TSE BA'I DGRA BGEGS DANG, ,NA RGA'I SDUG BSNGAL KUN TU SEL LA 'DUD, ,PA WA SANGS SOGS DPAL MGON BDUD CUR BCAS, ,PHA ROL BDUD KYI GA-YUL LAS RNAM RGYAL PA'I, ,BA DAN GNAM DU SGRENG BA'I MTHU BO CHE, ,MA LUS BSTAN PA'I DMAG DPON KHYOD LA 'DUD, ,TZA TU RA MU KHA 'BAR BA'I MCHE BA GTZIGS, ,TSA TSA 'PHRO BA'I DUS MTHA'I ME DBUNG CAN, ,DZA LANG RGYAS PA'I SENG GE KHROS PA BZHIN, ,WA LTAR NAG PO'I RTZA LAG 'JOMS LA 'DUD, ,ZHA PA MED PA'I RDZU 'PHRUL RKANG PA YIS, ,ZA HOR LA SOGS YUL KHAMS KUN BGROD NAS, ,'A 'UR DAR DIR 'BRUG GI SGRA CHEN DANG, ,YA MTSAN CHO 'PHRUL MTHA' YAS STON LA 'DUD, ,RVA RTZE SHIN TU RNO BA'I GA-YAG NAG SOGS, ,LA LAR RNAM 'PHRUL DU MAS DGRA BGEGS KYI, ,SHA DANG KHRAG LA SHIN TU RNGAM PA'I PHYIR, ,SA STENG KUN TU MYUL BA KHYOD LA 'DUD, ,HA HA DRAG TU RGOD PA'I DUR KHROD NAS, ,AA LA LA DANG H'Um H'Um PHAt PHAt SOGS, ,'JIGS RUNG GSUNG GI NGA RO GCIG PUS KYANG, ,BDUD KYI SROG RNAMS NGES PAR 'PHROG LA 'DUD, ,GA-YUNG MO GTUM MO SRIN MO SINGGGI LA, ,GCER MO'I GZUGS CAN GA-YAS BGRI GUG GA-YON,

, ,KHRAG LDAN THOD PA GTZO BO'I ZHAL DU STOB, ,RGYAL BA'I BSTAN SRUNGS CHEN MO BZHI LA BSTOD, ,KHYOD LA CUNG ZAD BSTOD PA'I DGE PA 'DIS, ,TSE RABS KUN TU LUS DANG GRIB MA BZHIN, ,KHYED DANG SKAD CIG TZAM YANG MI 'BRAL ZHING, ,GA-YEL BA MED PAR SRUNG SKYE BA BYED PAR SHOG ,DUS 'DI NAS BZUNGS BYANG CHUB SNYING PO'I BAR, ,BDAG GIS GSUNG RAB KUN LA BSHAD PA DANG, ,SGRUB PA SNYING POR BYED PA'I MI MTHUN PHYOGS, CUNG ZAD TZAM YANG 'BYUNG BAR MA GYUR CIG ,TSE RING NAD MED DBANG PHYUG PHUN SUM TSOGS, ,'KHOR DANG LONGS SPYOD SNYAN PA'I GRAGS PA SOGS, ,BLA MED BYANG CHUB BSGRUB PA'I MTHUN RKYEN KUN, ,'BAD RTZOL MED PAR DANG GIS 'GRUB PAR SHOG ,CES PA 'DI NYID SH'AKYA'I DGE SLONG DGE 'DUN GRUB PA DPAL BZANG POS, BCOM LDAN 'DAS KYIS BDUD BTUL BA'I DUS CHEN LA BYANG CHUB CHEN PO'I DPEN GNAS SU SBYAR PA'O,, ,,