A String of Jewels--The Incredibly Amazing Life of the Good and Glorious Lord, the All-Knowing Gendun Drup

, ,RJE THAMS CAD MKHYEN PA DGE 'DUN GRUB PA DPAL BZANG PO'I RNAM THAR NGO MTSAR RMAD BYUNG NOR BU'I 'PHRENG BA ZHES BYA BA BZHUGS,,

[DD] *, ,RGYAL PA TZONG KHA PA LA NA MO,, #, ,NA MO LO KE SHVA R'A YA, RGYAL BA THAMS CAD KYI MKHYEN BRTZE GCIG TU BSDUS PA'I NGO BO RJE BTZUN CHOS KYI RJE THAMS CAD MKHYEN PA DGE 'DUN GRUB PA DPAL BZANG PO'I RNAM PAR THAR PA NGO MTSAR RMAD BYUNG NOR BU'I PHRENG BA ZHES BYA BA, RJE BTZUN BLA MA DMIGS PA MED PA'I THUGS RJE CHEN PO DANG LDAN PA DE'I ZHABS LA DUS THAMS CAD DU PHYAG 'TSAL ZHING SKYABS SU MCHI'O, ,SKYE BA THAMS CAD DU RJES SU GZUNG DU GSOL, TSOGS GNYIS SPRIN DKAR 'DZUM PA LAS 'ONGS SHES BYA'I MKHA' LA THOGS MED RGYU, ,MKHYEN PA'I DKYIL 'KHOR CHA SHAS YONGS RDZOGS MTSAN DPE'I RI DVAGS GZUGS KYIS BKRA, ,PHRIN LAS 'OD DKAR PHYOGS BCUR 'PHRO BAS GDUL BYA'I SNYING GI MUN PA SEL, ,SMRA PA'I ZLA BA DGE 'DUN GRUB [DD] !, ,RJE DGE 'DUN GRUB LA NA MO,,

[DD] !, ,MKHAS GRUB DGE LEGS DPAL BZANG LA NA MO,, *, ,LA RNAM PA KUN TU PHYAG BGYI'O, ,THABS LA MKHAS PA'I TSAD MED THUGS RJE CAN, ,GCIG TU BSDUS PA 'PHAGS MCHOG THUGS RJE'I LHA, ,SNYIGS DUS BSTAN PA'I GSAL BYED DGE 'DUN GRUB, ,KHYOD NI BDAG SOGS MGON MED RNAMS KYI MGON, ,BKA' GDAMS BSTAN PA'I GANGS RI LA GNAS SHING, ,GZHUNG LUGS MAN DAG RAL PA'I KHUR GYIS BRJID, ,CHOS BRGYAD RGOL NGAN WA TSOGS SKRAG MDZAD PA'I, ,SMRA BA'I SENG GE DGE 'DUN GRUB LA 'DUD, ,GANG SKU MTSAN DPE BZANG POS BRGYAN KYANG RGYAN GYI DREGS PA CUNG ZAD MED, ,KHYED GSUNG ZHI BA'I LAM NAS 'DREN KYANG LAM MIN STON RNAMS TSAR GCOD CING, ,THUGS NI 'GRO LA BYAMS SHING BRTAN KYANG 'GRO KUN RGYUD LA RAB TU GA-YO, ,SKYES MCHOG KHYOD ZHABS RING NA GNAS KYANG KHYOD ZHABS BDAG GI SPYI BOR LEN, ,MA LUS 'GRO BA'I LAG PAD SPYI BOR ZUM PA YIS, ,COD PAN BYAS PA'I GTZUG PHUD GTZANG MAS MGON KHYOD KYI, ,ZHABS 'OG SA RDUL DAG KYANG GUS PAS BSTEN BGYI [DD] !, ,'DUL 'DZIN GRAGS PA RGYAL MTSAN LA NA MO,,

NA; ;BSTAN PA RIN CHEN MCHOG DE GCES SPRAS CIS MI GZUNG, ,GRANGS MED RGYAL BAS DPAG MED BSKAL PA RU, ,BRJOD KYANG PHA MTHA' RNYED PAR MI SLA PA'I, ,KHYOD KYI YON TAN PHUNG PO CI 'DRA BA, ,DE 'DRA BDAG GIS BRJOD PA'I YUL LAS 'DAS, ,'ON KYANG DAM PA'I BKA' DANG DAD LDAN GYI, ,BU SLOB MANG BOS RING NAS BSKUL BA DANG, ,BDAG KYANG MCHOG TU DAD CING GUS PA YIS, ,BLA MA'I YON TAN BRJOD LA NGAL MA GYUR, ,GANG GI THUGS RJE'I RGYA MTSO LAS 'ONGS PA'I, ,BYIN RLABS CHU RGYUN BDAG BLO'I TSIL DU BABS, ,DE YI NGANG LA BDAG BLO DAD PA YI, ,YID 'OD ME TOG KUN NAS RGYAS PAR GYUR, ,DGE 'DUN GRUB CES SA STENG MDZES PA'I DPAL, ,BZANG PO'I MTSAN CAN BLA MA'I YON TAN MTSO, ,BSRUBS LAS BYUNG PA'I NOR BU'I PHRENG BA 'DI, ,SKAL BZANG RNA BA'I RGYAN DU BDAG GIS BYA, ,GZHON NU NYID DANG NGES PAR 'BYUNG BA'I TSUL, ,BSTAN PA'I BYA BAS NYIN MTSAN 'DA' BA DANG, ,SLAR YANG BSTAN PA 'BA' ZHIG GCES PAR DGONGS, ,'DI DAG PHUN TSOGS GTAM GYI GLENG GZHI YIN, ,DE YANG, BDAG CAG RNAMS KYI BLA MA, SANGS RGYAS BCOM LDAN 'DAS KYI RING LUGS PA CHEN PO, 'JIG RTEN THAMS CAD LA RGYU MED PAR YANG GCIG TU MNYES GSHIN PA'I NGANG TSUL CAN, RING MO ZHIG NAS BYANG CHUB SEMS DPA'I SPYOD PA RLABS PO CHE DAG GI PHA ROL TU BYON PA, THUN MONG DANG THUN MONG MA YIN PA'I MNGON PAR RTOGS PA'I YON TAN RIN PO CHE'I

, ,TSOGS KYIS THUGS KYI BANG MDZOD YONGS SU GTAMS PA'I BDAG NYID CHEN PO MTSAN BRJOD PAR DKA' BA 'DI NI, BSKAL PA DPAG TU MED PA'I SNGA ROL NAS SA BCU YONGS SU RDZOGS PAR MDZAD DE, 'PHAGS PA SPYAN RAS GZIGS DBANG PHYUG DE NYID RANG CAG RNAMS DANG 'GRO BA RIS MTHUN PAR SKYE BA BZHES PA'I DGE BA'I BSHES GNYEN GYI RNAM PAR BSTAN PAS DON MDZAD DO ZHES BYA BAR KHONG DU CHUD PAR BYA BA YIN PA GOR MCHOG STE, DE YANG NUB BDE BA CAN GYI ZHING KHAMS SU YANG DAG PAR RDZOGS PA'I SANGS RGYAS SNANG BA MTHA' YAS 'OD DPAG TU MED PA DES SNYING RJE CHEN BOS 'GRO DON BYED PA ZHES BYA BA'I TING NGE 'DZIN LA SNYOMS PAR ZHUGS TE SPYAN GA-YAS PA LAS 'PHAGS PA SPYAN RAS GZIGS DANG SPYAN GA-YON PA LAS LHA MO SGROL MA SPRUL, YANG RJE BTZUN SPYAN RAS GZIGS KYIS SEMS CAN GYI DON BYA BAR DGONGS TE THUGS RJE'I SPYAN GYIS KHAMS GSUM GYI SEMS CAN LA GZIGS PAS 'KHOR BA'I SDUG BSNGAL ME'O BAS DANG 'DRA BA NA SNYING RJE BAR GZIGS NAS SPYAN CHAB SHOR, DE LA SPYAN CHAB GA-YAS PA LAS LHA MO SGROL MA, GA-YON PA LAS LHA MO KHRO GNYER MA BYON NAS, RIGS KYI BU KHO MO CAG GNYIS KYIS KYANG KHYOD KYIS SEMS CAN GYI DON BYED PA'I GROGS BYA'O GSUNGS NAS SLAR SPYAN GA-YAS GA-YON GNYIS LA THiM PAR GYUR TO; ;YANG SKAD CIG DE NYID LA RIGS KYI BDAG PO SANGS RGYAS SNANG BA MTHA' YAS SPYAN RAS GZIGS KYI DBU THOG TU BYON NAS 'OD ZER RAB TU 'GYED PA ZHES BYA BA'I TING NGE 'DZIN LA MNYAM PAR BZHAG NAS, 'PHAGS PA SPYAN RAS GZIGS DBANG

PHYUG NAM MKHA'I MTHA' DANG MNYAM PA'I SEMS CAN THAMS CAD KYI DON BYED PAR DBANG BSKUR TE, SKU LAS 'OD ZER DPAG MED SPROS, 'OD ZER GYI SNA LA SPYAN RAS GZIGS, LHA MO ZHI KHRO GNYIS, YI GE DRUG PA RNAMS SEMS CAN GYI GRANGS DANG MNYAM PA SPRUL NAS 'GRO BA'I DON MDZAD KYANG SEMS CAN GYI KHAMS LA BRI GANG MED PAR GZIGS NAS, DA NI BDAG GIS SEMS CAN GYI DON 'KHOR BA MA STONGS BAR DU BYED NA, BDAG LAG PA STONG MIG STONG DANG LDAN ZHING, LAG PA STONG 'KHOR LOS SGYUR BA'I RGYAL PO STONG DANG, MIG STONG BSKAL PA BZANG PO'I SANGS RGYAS STONG DU GYUR NAS GANG LA GANG 'DUL GYIS 'GRO BA'I DON BYED PAR GYUR CIG CES BRJOD PA DANG, SKAD CIG DE NYID LA PHYAG STONG GI MTHIL NA SPYAN STONG YOD PA'I ZHAL BCU GCIG PAR GYUR TO, ,DE LTAR NA SANGS RGYAS SNANG BA MTHA' YAS YAB SRAS LHA MO ZHI KHRO GNYIS RNAMS KYIS MA DAG PA'I 'JIG RTEN GYI KHAMS RNAMS SU YANG LA LA LA NI 'KHOR LOS SGYUR BA DANG, LA LA LA NI KHAMS KYI RGYAL PO DANG, 'GA' ZHIG TU NI BRGYA BYIN DANG TSANGS PA'I GZUGS DANG, DE BZHIN DU BYANG CHUB SEMS DPA' KHYIM PA DANG RAB TU BYUNG BA'I TSUL LA SOGS PA GDUL BYA DANG 'TSAM PA'I SKU'I RNAM PAR 'PHRUL PA DPAG TU MED PA JI LTAR NAM MKHA'I LAM LAS ZLA BA'I DKYIL 'KHOR GCIG NYID KYIS SA STENG GI SNOD THA DAD PA DAG GI NANG DU CIG CAR RANG GI GZUGS BRNYAN STON PA BZHIN DU 'BAD RTZOL MED PAR STON CING, KHYAD PAR BOD KHAMS 'DIR YANG SPYAN RAS GZIGS KYI SPRUL PA'I RGYAL PO SRONG BTZAN SOGS RGYAL BLON MANG PO DANG,

, ,RGYAL PA 'OD DPAG MED KYI SPRUL PA MKHAN SLOB MANG PO BYON NAS LHA SA LA SOGS PA'I GTZUG LAG KHANG MANG PO DANG DGE 'DUN GYI SDE MANG PO BTZUGS TE BSTAN PA'I BYA BA MDZAD LA, DUS PHYIS KYANG RGYAL BA 'OD DPAG MED DE NYID CHAGS MED BSOD SNYOMS PA CHEN PO DANG, SPYAN RAS GZIGS DE NYID BDAG GI BLA MA BZANG PO'I MTSAN CAN GYI BSTAN 'DZIN CHEN POR GYUR TE, LHA SA LA SOGS PA'I GTZUG LAG KHANG MANG POR SMON LAM CHEN MOR MING BTAGS PA'I RGYAL BA SRAS BCAS MNYES PAR BYED PA'I MCHOD TSOGS DAR ZHING RGYAS PA'I PHRIN LAS MDZAD DE, LAS CAN GYI GDUL BYA MANG PO SMIN GROL GYI LAM LA 'GOD PAR MDZAD DO, ,LHAG PAR BOD DU BSTAN PA'I 'PHEL 'GRIB CHE BAR BYUNG BA'I DUS SU BDAG CAG RNAMS KYI BLA MA RJE BTZUN SPYAN RAS GZIGS KYI RNAM 'PHRUL DE NYID BOD YUL BYANG PHYOGS NA 'BROM LA MI RIGS BZHI YOD PA'I 'BROM NGAR PA'I RIGS, 'BROM STON PA RGYAL BA'I 'BYUNG GNAS ZHES PAR SKYE BA BZHES TE, RGYAL BA 'OD DPAG MED KYI RNAM 'PHRUL PAndI TA D'I PAm KA RA SHR'I DZNY'A NA RGYA GAR NAS SPYAN DRANGS, LHA MO DKAR SNGO GNYIS DANG BCAS PAS BOD DU SANGS RGYAS KYI BSTAN PA CHES CHER GSAL BAR MDZAD CING, SLANG YANG 'BROM STON PA RGYAL BA'I 'BYUNG GNAS DE NYID BOD YUL LHO PHYOGS GUR MA ZHES PA'I RU KHROD DU BDAG CAG RNAMS KYI BLA MA MTSAN BRJOD PAR DKA' BA 'DI NYID DU SKYE BA BZHES TE BSTAN PA GSAL BAR MDZAD TSUL 'OG NAS 'BYUNG BA LTAR YIN PAR GDON MI ZA BA YIN TE, 'DI LA BDAG NYID YID CHES

PAR BYED PA'I LO RGYUS KYI GTAN TSIGS GTAM DU GLENG BA MANG DU THOS SHING, KHYAD PAR RJE RANG NYID KYI GSUNG NAS, DANG PO LA STOD PA CHOS BAR LA 'GRO DUS SNAR THANG DU NUB CIG RMI LAM NA, KHYOD RGYAL BA 'OD DPAG MED DANG MDZAD PA 'PHRIN LAS MNYAM PA YIN NO ZHES PA'I LUNG BSTAN CIG YOD DE, DE LTAR NA KHONG LA PHRIN LAS DE TZAM ZHIG MED PA 'DRA GSUNG, YANG SPYAN RAS GZIGS KYI GOS SKU BZHENGS DUS BKRA SHIS LHUN PO'I 'DU KHANG DU RJE'I GSUNG NAS, NGED DENG SANG BZO BO RNAMS LA RGYAL PO BKA' CHEMS SHIG 'CHAD KYIN YOD, TSE 'DIR GZHAN LA LUNG ZHU MA MYONG STE KHYED RANG YANG NYON GSUNG, YANG; NGA'I RJES 'BRANG RNAMS SGROL MAS SKYOB PAR ZHAL GYIS BZHES SHING DAM BCAS PA YIN PAS KHYED RNAMS KYIS RJE BTZUN MA LA GSOL BA THOB CES YANG DANG YANG DU GSUNG ZHING, YANG; LO CHEN THUGS RJE DPAL BA LA GLEGS BAM RIN PO CHE'I LUNG GSAN PA'I TSE, 'DI NAS SU LA GSAN PA LAGS ZHUS PAS KHONG GI ZHAL NAS, BDAG GIS CHOS 'KHOR SGANG PA CHOS RJE SENG GE RGYAL MTSAN PA LA ZHUS, KHONG 'BROM GYI SPRUL PAR BYED PAR 'DUG GSUNG, 'O NA BDAG LA BRGYUD THAG SHIN TU NYE BAR BYUNG LAGS ZHUS PAS, DE BAS KHO BO BSOD NAMS BSAGS, 'BROM LA THOS NAS 'BROM LA 'CHAD PA YIN GSUNG, GZHAN YANG DE 'DRA BA'I GSUNG SHIN TU MANG ZHING, 'OG NAS KYANG ZUR GYIS MANG DU 'BYUNG BA DANG, ZHIB TU NI, GLEGS BAM RIN PO CHE DANG RGYAL PO BKA' CHEMS SOGS LAS SHES PAR BYA DGOS SO, ,DE LTA MOD KYI TSUL DE NI, SKYE BO PHAL MO

, ,CHE DAG GIS BSAM PAR BYA DKA' BA'I GNAS YIN PA'I PHYIR DANG, BDAG CAG DAD PA DANG BSAM PA'I STOBS DMAN BA DAG GI RANG BZHIN DANG SKAL PA JI LTA BU YIN PA NYE BAR GZIGS PA'I DBANG GIS RJE BLA MA RANG NYID KYANG DON 'DI DNGOS SU ZHAL GYIS MCHES PAR MI MDZAD PA'I PHYIR GNAS 'DI NI, SKABS 'DIR ZHIB TU BSNYAD PAR BGYI BAR MI NUS SO, ,DE YANG 'DI SKAD CES, BOD YUL BYANG PHYOGS RTZA SGYE'I PHUG RING DU, ,YAG GZHER SKU GSHEN KHU 'OD BZA' LAN CIG, SRAS KYI DAM PA DGE BSNYEN CHOS 'PHEL DU, ,LEGS 'KHRUNGS RGYAL BA'I 'BYUNG GNAS SLAR YANG NI, ,MGON PO RDO RJE JO MO NAM MKHA' SKYID, ,SRAS KYI DAM PA PADMA RDO RJE RU, ,LEGS 'KHRUNGS BDAG GI BLA MA DGE 'DUN GRUB, CES BYA BA 'DI NI, RJE BTZUN BLA MA MTSAN BRJOD PAR DKA' BA DE'I THUN MONG MA YIN PA'I RNAM PAR THAR PA MDO TZAM DU BRJOD PA'O,, ,,DE LTA NA YANG 'DIR NI, RE ZHIG DMAN PA DAG LA YANG THUN MONG DU SNANG BA TZAM GYI MDZAD PA NYID LA NYE BAR BRTEN NAS BDAG NYID KYIS KHONG DU CHUD PA'I RNAM PAR THAR PA'I CHA SHAS 'GA' ZHIG DAD PA'I SOR MO LAN CIG MA YIN PAR BSKYOD PA'I 'DU BYED KYIS GTAM DU BYA BA'I ME TOG GI PHRENG BAR BRGYUS TE, SKAL BZANG SKYE BO DAG GI RNA BA LA DGOD PAR BYA'O, ,DE YANG 'DI SKAD CES RJES SU THOS TE, RJE BTZUN BLA MA 'DI SKU BLTAMS PA'I MDZAD PA BSTAN PA'I YUL NI, SNGA MA DAG LA GRAGS PA DANG PO KHAMS KYI YUL NAS CHAD PA'I 'BROG PAS SKYA PA'I GUR MGON GYI DKAR ME RU

BA YIN PAS GUR MA BA ZHES ZER, RJE NYID KYI GSUNG NAS GUNG RU RIN SPUNGS ZHES PA'I GRVA PA CIG YOD PA LA, NGA YANG KHYOD KYI MI TSAN YIN, GUR MA ZHES PA BRDA 'PHYUGS PA YIN ,NGES NA GUNG RU RU BA ZHES PA YIN GSUNG, DE LTA BU'I 'BROG PA'I SA CHA, DPAL LDAN SA SKYA'I BYA 'DABS, CHOS DAR ZHING MKHAS GRUB MANG PO BRGYUD MAR BYON PA'I SRAD KYI LUNG LAG ,ZHAG DANG BAN SNYING GNYIS KYI MTSAMS KYI LHAR ZHIG YIN LA, 'DI'I YAB NI, DPA' ZHING SGRIN LA DRANG BA, 'BYOR ZHING GTONG PHOD CHE BA SOGS, SKYE BO GZHAN GYI YID DU 'THAD PA'I CHOS KYIS RGYUD PHYUG PA MGON PO RDO RJE ZHES BYA BA YIN LA, YUM NI, GA-YO SGYUR CHUNG ZHING SEMS KYI DANG RGYUD BZANG BAS RANG BZHIN GYI RNAL 'BYOR MA ZHIG GO ZHES SKYE BO DAG MTHUN PAR GLENG BA, JO MO NAM SKYID CES BYA BA STE, BLA DVAGS LA RNAL 'BYOR MA SUN KHRES ZHES BYA BA YIN LA, YAB YUM DE GNYIS LA SRAS PO BZHI DANG SRAS MO GCIG STE LNGA LAS, RJE BLA MA 'DI NI, SRAS PO GSUM PA YIN ZHING, 'DI'I GDUNG RUS NI, SPYIR GUR MA RU BA 'DI LA NGAR PA'I TSE, MI SPRUG PA'I TSO, TSONG SPRUG PA'I TSO, BSAGS TSO DANG MI RIGS BZHI YOD PA'I NGAR TSO YIN, GDUNG RUS NGAR YIN PAS 'BROM DANG GDUNG GCIG KYANG YIN, BLA MA 'DI DANG GDUNG CHOS GCIG PAR GTOGS PA LA MI STONG PHRAG LONGS PA YOD CING, BDUN RGYUD MA CHAD PA'I GNYEN DANG SNAG GI GNYEN MTSAMS KYANG SHIN TU RGYAS PA CIG STE, DE DAG LAS SNGA PHYIR RAB TU BYUNG BA BSTAN PA LA BYA BA MDZAD PA MANG PO BYUNG

, ,NGA ZHES GRAGS LA, DES NA BLA MA 'DI NI, DE LTA BU'I RIGS DANG RUS DANG CHO 'BRANG PHUN SUM TSOGS PA DANG LDAN PAR SNGAR BSHAD PA'I LHA RA DER LCAGS MO LUG GI LO LA YUM LAS NYE BAR BLTAMS PA DE'I TSE DBU GDUGS LTA BU; DPRAL BA DBYES CHE ZHING SHANGS KYI GZENGS MTHO BA DANG, SNYAN SHAL RING DU 'PHYANG ZHING SKU LUS SKABS PHYED PA, DBANG PO GSAL ZHING PAGS PA'I MDOG ME TOG KU MUD LTAR DKAR BAS 'JIG RTEN GYI SKYE BO GZHAN DANG MI MTHUN PA'I DPAL GYIS MDZES PA, MIG GI BDUD RTZI ZHIG BTZAS LA, MTSAN YANG PADMA RDO RJE ZHES BTAGS SO, ,'DIR RJE BLA MA'I GSUNG NAS, DANG PO NGA SKYES PA'I NUB MO 'BROG PA LA DGRA JAG BYUNG STE MAS NGA RDO'I GSEB TU SBAS TE BROS, SANG LTAR 'ONGS PAS BYA ROG CIG GIS BYA ROG GZHAN DANG GCAN GZAN SOGS KYIS GNOD PA BYED PA BSRUNGS TE BU TSA MA SHI BAR 'DUG PA LA, RMO MO ZHIG YOD PA NA RE, W'A; SKYOB PA'I SRUNG MA ZHIG YIN NA NI, RU BA YANG MI 'KHYER THANG, MA YANG MI 'KHRID THANG, GNOD PA'I 'DRE ZHIG YIN NA NI, BU CHUNG YANG MI SRUNG THANG, ZER TE BU CHUNG KHUR TE BROS NAS PHYIN ZER CING, NGA RANG GI DRAN YUL NA'ANG DE 'DRA ZHIG 'DUG, BYA ROG DE DPAL MGON ZHAL GYI RNAM 'PHRUL DU 'DUG , MGON PO 'DIS PHYIS KYANG DE DUS KYI DRIN NGO DANG, KHYOD LTA BU'I BSTAN 'DZIN LA NGA LTA BU'I CHOS SKYONG BSTEN DGOS PA YIN NO ZHES YANG YANG GSUNG GIN YOD GSUNG STE BSAM GYIS MI KHYAB PA'I RNAM THAR RO, ,DE LTA BU'I GZHON NU DE NYID

NI; BYIS PA'I GNAS SKABS NYID NAS KYANG BYIS PA'I RGUD PA THAMS CAD LAS YANG DAG PAR 'DAS SHING, BAG MED PAR RTZE BA MTHA' DAG LAS NGANG GIS LOG ,NYES SPYOD RNAMS NI, RANG BZHIN GYIS BSDAMS, BLO GROS DPAG PAR DKA' ZHING DAM PA'I CHOS TSOL BA LA NGANG GIS ZHUGS PA SOGS BYANG CHUB SEMS DPA'I SPYOD PA RLABS PO CHE RNAMS DANG, KHYAD PAR RANG DANG MNYAM PA'I BYIS PA MANG PO BSAGS NAS DE DAG LA RANG NYID KYIS CHOS 'CHAD PA'I RNAM PA MDZAD CING; GZHAN YANG RTEN BZHENG DANG, GTZUG LAG KHANG DANG, CHOS KHRI DANG, CHOS RA RTZIG PA YIN GSUNGS NAS, NYIN MTSAN KUN TU PHYAG DAL BAR BZHUGS PA'I SKABS MED PA LTA BU ZHIG YOD PA NI, BYIS PA GZHAN DAG SKYES TZAM NYID NAS NU ZHO LEN PA'I KUN SPYOD DAG CHED DU BSLAB PAR BYA MI DGOS PA JI LTA BA DE BZHIN DU GYUR TO, ,DE NAS RJE BLA MA 'DI'I YAB YUM RNAMS KYANG NOR DGRA LA SHOR TE SBRA MA TSUGS PAR RE ZHIG LA KHA STOD KYI GRONG YUL RNAMS SU BZHUGS TE; PAntI TA SMRi TI BOD DU BYON PA LTAR RJE 'DIS KYANG GRONG PA DAG GI RDZI PO SOGS MDZAD DE SEMS CAN LA PHAN PAR MDZAD, KHYAD PAR RTZEN DKAR BYA BA'I YUL DU BZHUGS, DGUNG LO LNGA PA'I TSE NYIN RE BZHIN PHYOGS GZHAN ZHIG TU 'BYON GYIN 'DUG, LCAM MO ZHIG YOD PA DES LTAR PHYIN PAS RDO MANG PO LA MA nI PHYAG GIS MDZAD DE BRKO YIN 'DUG, CI MDZAD ZHUS PAS, 'DI LA NGA'I PHA MA'I SGRIB SBYONG BYED PA YIN GSUNG, PHA MA DA LTA MA SHI LAGS ZHUS PAS, PHAM SHI BA

, ,DANG MA SHI BA MANG PO YOD PAS DE THAMS CAD KYI SGRIB SBYONG YIN GSUNG, DE 'DRA'I MA nI DE YUL DE NA DA LTA YANG YOD PAR GRAGS, DE NAS KHA STOD MTHONG SMON BYA BAR YUM SRAS RNAMS KYIS BYON, YUL DE'I PHYUG PO ZHIG GIR RDZI MDZAD NGE RI GDONG ZHIG GI BRAG LDEBS LA 'BRU DRUG DANG, 'BRU GSUM DANG, H'Um DANG HR'I: LA SOGS PA'I GSUNG YIG 'BRU MANG PA DANG, GDUGS DANG, RGYAL MTSAN DANG BDAN SOGS MCHOD PA'I YO BYAD MANG PO PHYAG BRIS SU BRKO BA MDZAD PA DA LTA YANG YUL DE NA BZHUGS, DE NAS ZHUGS RONG BYA BAR PHEBS TE 'GRO DON MDZAD PA YIN ZHES DUS PHYIS SLOB DPON BYANG DPAL BA ZHES PA LA RJE RANG NYID KYIS GSUNGS PAR GRAGS, DE NAS SNAR THANG GI PHU DGE STENG BYA BAR BZHUGS, DGUNG LO BDUN PA'I TSE YAB DE SKU GSHEGS, DE'I TSE RJE 'DIS STON PA SMAN PA'I RGYAL PO'I MDO ZHIG PHYAG BRIS MDZAD DE BZHENGS, 'DI LA BDAG GI PHA'I SGRIB SBYONG BYED PA YIN NO GSUNG ZHING MDO DE DA LTA YANG PHYAG DPE'I KHROD NA BZHUGS, DE NAS YAB YUM DAG 'BYOR PA CHUNG BAS SNAR THAR DU DGE 'DUN GYI TSOGS LA BSKRU BA LA BYON, DE LA YANG NA BZA' SER PO RE BZHES, DBU SKRA BREGS TE BYON, DE LA MI RNAMS KYIS BTZUN CHUNG RAG SKYAR 'BOD, RJE NYID KYI GSUNG NAS, NGAS NI; TSE 'DI LA KHA DOG NAG PO DANG KHA MA BSGYUR BA'I GOS GYON MA MYONG GSUNG, DE'I TSE SNANG THANG NA GDAN SA BCU BZHI PA STON PA SMAN BA'I RGYAL PO'I SPRUL PA, GNAS LNGA RIG PA GRUB PA SHES RAB CES MTSAN YONGS SU GRAGS PA DE BZHUGS

BAS DAM PA DES RJE BLA MA 'DI NYID BSTAN PA 'DZIN PA'I SKYES CHEN KHYAD PAR CAN ZHIG 'ONG BAR DGONGS TE, SNAR THANG DU BYON PA CIG LA DRUNG DU BOS TE, KHYED DE BZHIN MA BYED, DGE 'DUN GYI DKOR 'DI SKYE PO KHYIM PA LA SHIN TU LCI BAS DA NI RAB BYUNG GI CHAS RNAMS MA 'BYOR GYI BAR DU DGE BSNYEN TZAM LA GNAS NA KHYAD CHEBS GSUNGS NAS DGE BSNYEN DU RDZOGS PAR BSGRUBS NYE MTSAN SNGAR GYI DE NYID GNAS PA LA MI RNAMS KYIS BTZUN CHUNG PAD RDOR ZHES 'BOD, PHYIS RJE 'DI LA, SKU SKYE SNGA MAR BAL POR PAndI TA PADMA BADZRA ZHES PAR 'KHRUNGS ZHES PA JI LTAR LAGS ZHUS PAS, BDAG GI TSE 'DI'I BYIS PA'I MING LA'ANG PADMA RDO RJE ZER, BADZRA ZHES PA RDO RJE'I SKAD DOD YIN GSUNG, DE NAS SNAR THANG MKHAN PO'I GSUNG NAS, DA RE ZHIG LA YON TAN THAMS CAD KYI RTZA BA YIN PAS KLOG YIG LA SBYONGS SHIG GSUNGS NAS, DE DUS KYI KLOG DPON RGYA STON TZANDRA PA ZHES PA SLOB MA BRGYA PHRAG MANG PO BSTAN PA CIG LA GTAD DE, SPYONG BA'I TSUL BSTAN PA TZAM GYIS THOGS MED DU MKHYEN PA BYUNG; DE NAS RGYA STON PA'I GSUNG GIS, DA NI, BABS KHYOD MKHAS PAR 'DUG PAS NGA'I SLOB MA RNAMS KHYOD KYIS SKYONGS SHIG GSUNGS NAS, DE DUS KYANG KLOG GIS BU SLOB SKYONG BA SOGS MDZAD, DE NAS YANG, DE DUS KYI LEG DPON SH'AKYA DPAL ZHES PA LA YI GE SBYONG BA'I TSUL BSTAN, DE TZAM GYIS YI GE'I RIGS, RGYA YIG, BOD YIG, HOR GYI YI GE, RGYA GAR GYI YI GE LA'ANG, LANYDZA, B'A dH'U, BOD YIG LA'ANG, CHE YIG, CHUNG

, ,YIG, DE LA'ANG, 'BRU MA, CHAG BRIS, ZLUM BRIS SOGS THAMS CAD THOGS PA MED PAR MKHYEN TE, DE LTAR MKHYEN CING RAB TU BYUNG BA'I RJES SU'ANG SNAR THANG DU KLOG YIG GIS BU SLOB MANG PO BSKYANGS PAS MI RNAMS KYIS DPON YIG DGE 'DUN GRUB CES DE DUS SU 'BOD PA'ANG BYUNG ZHING, DE LTAR YIG RIGS THAMS CAD MKHYEN PA'I PHYAG TSAD LA RJE BLA MA RANG NYID GSAN SBYONG MDZAD DUS KYI PHYAG DPE PHAL CHE BA PHYAG BRIS MDZAD DE BZHENGS, CHOS BAR SOGS LA BYON DUS GTZUG LAG KHANG GANG DU BYON SAR 'PHAN GDUGS RGYAL MTSAN SOGS PHUL BA RNAMS LA DKAR CHAG BRIS MA RE MDZAD, PHYIS BKRA SHIS LHUN PO'I PHYI NANG KUN TU BLA MA SANGS RGYAS BYANG SEMS KYI MTSAN DANG MA nI JI SNYED YOD PA PHAL CHE BA DANG, KHYAD PAR GTZUG LAG KHANG GI NANG NA YOD PA'I LANYDZA SOGS YIG RIGS PHAL CHE BA RNAMS PHYAG BRIS YIN ZHING, RJE 'DIS MDZAD PA'I PHYAG BRIS CHAD LHAG NOR GSUM GYI SKYON DANG BRAL BAR RJE RANG NYID KYANG ZHAL GYIS BZHES SHING, DE LTAR YIN PA'ANG GDON MI ZA BA YIN NO, ,DE YANG 'DI LTAR, RING NAS GOMS PA'I BLO GROS DPAG DKA' BA, ,DRAN DANG SHES BZHIN BAG YOD GROGS RNAMS KYIS, ,GZHON NU NYID NA'ANG MJA' BA MA BTANG ZHING, ,'BAD MED LHUN GYIS GRUB 'DI AE MA MTSAR, ,DUR SMRIG THUN MTSAMS GOS KYIS RAB 'KHYUD CING, ,YON TAN CHA SHAS BANG RIM RDZOGS PA CAN, ,MKHAS MANG GSER RI'I DBUS NA MNGON MTHO BA'I, ,

KHYOD SKU LHUN PO LTAR BRJID AE MA MTSAR, ZHES BYA BA NI, RJE BTZUN BLA MA THAMS CAD MKHYEN PA DGE 'DUN GRUB PA DPAL BZANG PO'I RNAM THAR NGO MTSAR RMAD BYUNG NOR BU'I PHRENG BA ZHES BYA BA LAS GZHON NU NYID KYI GNAS SKABS YONGS SU BRJOD PA'I RIM PAR PHYE BA STE DANG PO'O,, ,,DE LTA BU'I GZHON NU DE YANG SNGON LAN CIG MA YIN PAR GOMS PAR BYAS PA'I RIGS KYI NUS PA YONGS SU SAD PAS BYIS PA'I GNAS SKABS NYID NA YANG 'DI LTAR DGONGS TE, KHYIM PA'I RTEN LA CHOS BYED PA NI, KHYIM ME 'BAR BA'I NANG NA GNAS PA LTA BU DANG, RAB TU BYUNG BA'I RTEN LA CHOS BYED PA NI, BSIL BA'I KHANG PA NA GNAS PA LTA BU LA SOGS PA'I KHYAD PAR MANG PO GSUNGS SHING, DUS GSUM GYI SANGS RGYAS THAMS CAD KYANG RAB TU BYUNG BA'I RTEN LA SANGS RGYAS PA YIN SNYAM DU DGONGS LA, DE LA YUM NA RE, SPYIR DE LTAR YIN KYANG DA LTA RAB BYUNG MDZAD PA LA CHA RKYEN SNAM BU SRE PO YA GCIG PU 'DI MA GTOGS GANG YANG MED, YAB DE GSHEGS, LCAM SRING GZHAN RNAMS CHUNG BYAS PAS, RE ZHIG THEN PA DRAG GSUNGS, DE LA RJE'I GSUNG NAS, 'O NA DA LTA RAB TU 'BYUNG DU RUNG MI RUNG BRTAG PA'I PHYIR RANG RE'I SNAM BU DE LA TSOS DUR SMRIG CIG GYIS GSUNG, YUM GYIS SNAM BU SRE PO LA TSOS DUR SMRIG 'ONG DON MED DAM GSUNGS NAS, TSOS BYAS PAS DUR SMRIG KHA DOG SHIN TU MDZES PAR BYUNG, YUM THUGS YID CHES PAR BYA BA'I PHYIR DU THABS MKHAS DE LTAR MDZAD DE, DGUNG LO BCO LNGA PA SHING MO BYA'I LO ZLA BA

, ,GSUM PA'I NYER GCIG GI NYIN DPAL LDAN SNAR THANG DU SNYIGS DUS KYI THUB PA CHEN PO GRUB PA SHES RAB PAS MKHAN PO DANG, DE DUS KYI BYANG PA'I CHEN PO BLO LDAN PA ZHES PAS SLOB DPON MDZAD DE, RAB TU BYUNG ZHING TSIGS SNGA MA DGE TSUL GYI SDOM PA YANG DAG PAR MNOS TE, MTSAN YANG DGE 'DUN GRUB PA DPAL ZHES BYA BAR GSOL, BZANG PO ZHES PA RJE RANG NYID KYIS MDZAD PA YIN ZHES GSUNG NGO, ,DE LTAR RAB TU BYUNG NAS 'DI SNYAM DU DGONGS TE, SANGS RGYAS BCOM LDAN 'DAS KYI RJES SU RAB TU BYUNG BA DAG GI LAS SU BYA BA NI, GNYIS TE, 'DI LTAR KLOG PA THOS BSAM DANG, SGRUB PA BSAM GTAN GYI RIM PA'O, ,DE BAS NA BDAG GIS KYANG DANG POR KLOG PA THOS BSAM GYI SGO NAS RGYAL BA'I GSUNG GI RGYA MTSOR MKHAS PA'I DED DPON LA BRTEN TE, BRTZON PA'I GRU PO CHE DUS DANG MTHUN PA'I RLUNG GIS BSKYOD NAS RNAM PAR DPYOD PA'I SKYE BA 'DZIN PAS 'JUG PAR BYA'O, ,DE YANG GANGS RIS BSKOR BA'I KHA BA CAN GYI LJONGS 'DIR SNGON GYI CHOS RGYAL RNAMS DANG, LO PAn MKHAS GRUB RIM PAR BYON PA RNAMS KYIS BYIN GYIS BRLABS SHING BSTAN PA RIN PO CHE YONGS SU RDZOGS PA'I SGRON ME CHES CHER DANG POR GSAL BAR MDZAD PA DANG, BAR DU BSHES GNYEN DAM PA DAG GIS RGYAS PAR MDZAD CING, DA LTA 'ANG RGYUN CUNG ZAD GNAS PA'I YUL GYI MCHOG TU GYUR PA NI, DBUS GTZANG GI SA'I CHA 'DI NYID YIN LA, KHYAD PAR RANG GI GDUL BYA'ANG DBU RU LTO BYANG GIS THOG DRANGS DBUS PHYOGS KYI YUL NA YOD PA SHAS CHE

ZHING; LHAG PAR SNGON NAS SMON LAM GYIS 'BREL PA'I RJE BTZUN CHOS KYI RGYAL PO TZONG KHA PA CHEN PO DAM PA'I CHOS 'DZIN PA'I SMON LAM LEGS PAR GRUB STE, RGYAL BA'I BSTAN PA NYIN MO LTAR GSAL BAR MDZAD KYIN YOD PAS, DE'I DRUNG DU 'GRO BAR BYA'O SNYAM PA'I BZHED PA 'KHRUNGS TE DAM PA'I CHOS TSOL BA LA DPA' ZHING BRTUL PHOD PA BYANG CHUB SEMS DPA' RTAG TU DU LTAR LEGS BSHAD TSOL BA LA RINGS PAR CHAS PA TZIG GO, DE'I TSE SNAR THANG NYER 'DZIN CHEN PO'I GSUNG NAS, DA DUNG RE ZHIG SNAR THANG DU BZHUGS, SNGAR BZHIN KLOG YIG SOGS KYI SGO NAS PHAN THOGS CHE BAR MDZAD PA DANG, KHYAD PAR JO BO'I BKA' RGYUD 'DI LA BSNYEN RDZOGS BLA CHEN RGYUD 'DI NGES PAR DGOS PAS BSNYEN RDZOGS KYANG 'DIR BYED DGOS GSUNG ZHING, RJE RANG GI KHU BO DGE BSHES CHOS SHE ZER BA CIG YOD PA DES KYANG, MKHAN PO'I GSUNG BZHIN DU GZHAN DU MA 'GRO BAR 'DIR KA SDOD ZER NAN CHES BA LA'ANG BRTEN CING, KHONG RNAM GNYIS BKA' DRIN CHES BA LA BRTEN RE ZHIG BZHUGS DGOS SHAR, DE DUS SNAR THANG NA MAH'A PAndI TA SANG+GHA SHR'I ZHES PA'I MKHAS GRUB CHEN PO ZHIG YOD PA LA, SNYAN DANG GAS ME LONG DANG, 'CHI MED MDZOD DANG, SGRA MTSAMS SBYOR LNGA PA RNAMS GSAN CING, GTUM PO DKAR PO'I RJES GNAD SOGS KYI BKA' YANG MANG RAB GSAN LA, GZHAN YANG BYANG CHEN NA BZHUGS PA'I SGRUB CHEN BSOD NAMS BLO GROS ZHES GRAGS PA DANG, DBON STON THUB PA DPAL BZANG PO ZHES PA DANG, STON PA DGE BA DPAL ZHES PA'I SKYES CHEN RNAMS LA DBANG LUNG

, ,'KHRID SOGS MANG PO ZHU BA SOGS KYI SGO NAS BSTAN PA'I BYA BA RGYA CHER MDZAD DO, ,DE DAG GI GNAS SKABS SU'ANG, RJE 'DI NYID LA DAD PA'I SHUGS KYIS GSOL BA 'DEBS SHING DAM PA'I CHOS KYI BKA' STZAL NYAN NAS BDAG NYID KYI SLOB MAR KHAS LEN PA'I SDE SNOD 'DZIN PA'ANG DU MA ZHIG BYUNG LA, BDAG LEGS SU 'DOD PA DAG NI, 'DI 'DRA BA'I DAM PA'I MGON LA BRTEN PA LAS 'DOD PA'I GNAS THOB PAR 'GYUR GYI GZHAN NI, MA YIN NO SNYAM DU BSAMS NAS, RJE 'DI'I ZHABS 'BRING DU KHAS LEN PAR BYED PA DAG LA PHAN GDAGS PAR 'DOD PA DANG, RGYAL BA'I BSTAN PA LA ZHUGS LA YONGS SU RDZOGS PA YANG BSNYEN PAR RDZOGS PA YIN ZHING SNGAR GYI NYER 'DZIN CHEN PO'I GSUNG DANG DU BLANG BA'I PHYIR GDAN SA CHEN PO DPAL LDAN SNAR THANG DU, RJE 'DI NYID KYIS DGUNG LO NYI SHU BZHES PA LCAGS PHO STAG GI LO ZLA BA GNYIS PA'I GRAL TSES BCU GCIG GI NYIN CHIGS SNGA MA'I MKHAN PO GNAS LNGA RIG PA GRUB PA SHES RAB PAS MKHAN PO DANG, TSIGS SNGA MA'I YANG SLOB DPON BLO LDAN PAS LAS SLOB, DE'I GDAN SA PA CHEN PO GRAGS PA SHES RAB PAS GSANG STON MDZAD CING MTSAN NYID LDAN PA'I KHA SKONG GRANGS TSANG BAS DAD PA'I DGE 'DUN MDZAD NAS BSNYEN PAR RDZOGS PA'I SDOM PA YANG DAG PAR BZHES TE, LHAG PA TSUL KHRIMS KYI BSLAB PA YONGS SU RDZOGS PA'I LHA'I CHU BOS THUGS RGYUD KYI BUM BZANG NYE BAR GTAMS SHING, LHA DANG BCAS PA'I 'JIG RTEN GYI YON GNAS GCIG PUR GYUR TO,,

DE NAS SNAR THANG NYER 'DZIN CHEN PO'I GSUNG NAS, DA DUNG RE ZHIG 'DI GAR BZHUGS, GRVA SKOR CIG GAM BSHAD GSAR CIG MDZOD, BKA' GDAMS CHOS SKOR TSANG MA ZHIG KYANG NYAN PA 'THAD CES NAN GYIS ZHAL TA GNANG BA LA BRTEN CHEN PO BLO LDAN PA ZHES PAS BOS NAS, KHYED SLOB GNYER CIG BYED ZER BA BDEN NAM GSUNG, SLOB GNYER CIG BYAS NA BSAM PA YOD ZHUS PAS, PO TI GCIG SLOB BAM 'GA' YAR SLOB, GCIG SLOB NA PHAR PHYIN SLOBS, MANG PO SLOB NA THOG MAR TSAD MA BSLABS NA DGA' BA YIN GSUNG BA LA BRTEN NAS, RNAM 'GREL GYI GZHUNG DANG, MKHAS PA'I DBANG PO NYA DPON PA DE TSAD MA RNAM 'GREL LA MKHAS PAR BYED KYIN 'DUG PAS, KHONG GIS MDZAD PA'I RNAM 'GREL GYI t'I KA DE GNYIS PHYAG BRIS MDZAD DE BZHENGS, DE DUS KYI SLOB DPON CHEN PO AA BHA YA K'I RTI ZHES PAS SLOB DPON MDZAD DE t'I KA DE'I STENG NAS SNAR THANG DU GRVA SKOR CIG MDZAD, DE NAS NYER 'DZIN CHEN PO'I DRUNG DU DPAL KYE RDO RJE LHA DGUS THOG DRANGS PA'I DBANG BKA' MANG PO DANG, GUR GYI MGON PO, SMAN PA'I RGYAL PO, THUB PA GNAS BRTAN BCU DRUG GI CHO GA, SGROL MA MAndAL BZHI PA, DON YOD ZHAGS PA'I SKOR, DBYANGS CAN MA SOGS LHA MANG PO'I RJES GNANG BKA' LUNG SOGS MANG PO DANG, DBU MA LUGS SU GRAGS PA'I SEMS SKYED 'JUG PA'I SDOM PA LEN PA SOGS KYANG MDZAD CING, GZHUNG DRUG GIS THOG DRANGS BKA' GDAMS CHOS SKOR PHAL CHE BA RNAMS GSAN NO, ,'ON KYANG BYANG SA DANG GLEGS BAM

, ,RIN PO CHE GNYIS DUS PHYIS GZHAN LA ZHU DGOS BYUNG BA 'DI LA RTEN 'BREL CIG YOD PA 'DRA GSUNG, SMAN BLA'I BKA' LUNG ZHU DUS RIN PO CHE PA'I GSUNG NAS, KHYED LA SKU TSE RING PO YONG PA'I MTSAN MA ZHIG BYUNG BAS, BHEE shA DZYE NYER GCIG RE'I DAM BCA' GYIS GSUNG, JI LTAR BYUNG ZHUS PAS, BCU PHRAG BRGYAD LHAG MTSON PA'I SENG KHRI LA, ,SMAN PA'I RGYAL PO DBU SKRA DUNG MDOG CAN, ,CHOS 'CHAD TSE RING NAD MED LTAS YIN GSUNG, ZHES GSUNG, DE DANG PHYIS SNYING PO RDZAR, LHA MO SH'A MA nA'I SGO NAS SKYE BA BRTAG PA MDZAD DUS MNAL LAM DU RGYAL TSAB BYAMS PA RAB BYUNG GI RNAM PA CAN CIG LA, BDAG 'DI NAS BYANG SHAR GYI MTSAMS SU DE BZHIN GSHEGS PA SH'AKYA THUB PA'I ZHING KHAMS SU SKYE BAR LUNG BSTAN DU GSOL ZHES GSOL BA BTAB PAS, DER SKYE PA DKA' GSUNG, 'O NA BDE BA CAN DU SKYE 'AM ZHUS PAS, DER SKYE SLA GSUNG, 'O NA GANG DU SKYE ZHUS PAS, NYON MONGS PA'I GNOD PA'I DRI MA THAMS CAD DANG BRAL BA BRNYES NAS SENG GE'I KHRI'I GDAN LA DE BZHIN GSHEGS PA MYA NGAN MED MCHOG DPAL LA SOGS PAS LUNG STON PA'AM, BRNYES PAR 'GYUR RO ZHES GSUNG, DE LA RJE'I GSUNG NAS, BRNYES PA ZHES PA NI, BAS 'PHUL RA BRNYES SU BYUNG BAS RGYU GZHAN BSAGS PA NI, CHER MED, DANG PO RIN PO CHE PA'I GSUNG GIS LUNG BSTAN CIG DANG, DAM BCA' CIG GYIS GSUNG BA DA BAR MA CHAG PAS TSE RING PO ZHIG 'ONG BA LA DGONGS PAR 'DUG CES PHYIS GSUNG NGO, ,

DE LTAR NA SNANG THANG NYER 'DZIN CHEN PO LA BRTEN NAS MNGON PAR RTOGS PA'I YON TAN NI, LHAG PA'I TSUL KHRIMS NYES LTUNG GI DRI MA THAMS CAD DANG BRAL BA ZHIG MNGA' BAS GNAS BRTAN 'DUL BA 'DZIN PA GSER RI'I PHRENG BA'I DBUS NA LHUN PO LTAR MNGON PAR 'PHAGS SHING, BDAG PAS GZHAN GCES PA'I BYANG CHUB KYI SEMS BCOS MIN THUGS RGYUD LA RGYUN CHAGS PAR MNGA' BAS 'GRO BA KUN LA BU GCIG PA LTAR DGONGS TE, BSTAN PA DANG SEMS CAN LA PHAN PAR GZIGS NA DMYAL BA'I ME YANG PADMA'I TSAL LTAR GZIGS NAS 'JUG PA LA YA MING ZHING RANG GI CHED DU DAG PA'I ZHING GI 'BYOR PA YANG RMI LAM GYI DGA' STON LTAR GZIGS NAS BLTOS PA MED CING, BSKYED RDZOGS KYI TING NGE 'DZIN SHIN TU BRTAN PO BRNYES PAS THUN MONG DANG THUN MONG MA YIN PA'I MNGON PAR RTOGS PA'I YON TAN NI, SO SO SKYE BO'I BYANG CHUB SEMS DPA' PHAL MO CHE DAG GIS RJES SU YI RANG BA TZAM YANG BYA DKA' BA'I RGYAL SRAS KYI SNYING STOBS PHUL DU BYUNG BA MNGA' BAS, RGYAL BA'I SPYAN SNGAR KHAS BLANGS PA'I DAM TSIG LAS MI GA-YEL BA'I SRUNG MA KHYAD PAR CAN DANG DKAR PHYOGS SKYONG BA'I LHA DAG GIS DNGOS SU BSNYEN BKUR ZHING LEGS SO GSOL BA'I TSIG GIS MNGON PAR BSNGAS PA, GZHAN LA CHOS STON PA'I PHRIN LAS LHUR MDZAD PA LA DGONGS PA MNGON DU PHYOGS PAR GYUR TO, ,DES NA SNAR THANG NYER 'DZIN CHEN PO 'DIS RJE 'DI PA GZHON NU NYID NAS BDAG GIR MDZAD DE BSTAN PA RIN PO CHE'I BDAG PO CHOS KYI RGYAL POR 'GYUR BAR DGONGS NAS THUGS KYI YUL DU GCES PAR BZUNGS TE

, ,SMAN GYI LJON SHING CHEN PO MNGON PAR 'GRUB PA'I MYU GU LTAR LEGS PAR BSKYANGS, RAB TU BYUNG ZHING BSNYEN PAR RDZOGS PA DANG, RDO RJE THEG PA'I SGOR YANG SMIN PAR MDZAD CING, DBUS PHYOGS LA 'BYON PA'I RDZONG STAR DANG DO DAM SOGS SHIN TU CHE BA MDZAD PAS BKA' DRIN CHE BA'I BLA MA GCIG TU MDZAD PA YIN LA, DE LA DGONGS TE BLA MA 'DI GTZO BOR BZHUGS SHING 'KHOR SNAR THANG MKHAN BRGYUD DANG, BKA' DRIN MNOS PA'I BLA MA BCU PHRAG BZHIS BSKOR BA'I BRIS SKU CHEN PO RIN PO CHE 'BA' ZHIG GI RANG BZHIN CAN ZHIG KYANG SNGA MO'I DUS SU BZHENGS, DUS PHYIS RJE'I ZHAL NAS, NGA LA BKA' DRIN MNOS PA'I BLA MA LNGA BCU TZAM ZHIG YOD GSUNG STE PHYIS KYANG BKA' DRIN MNOS PA'I BLA MA BCU TZAM YOD LA, DE RNAMS KYI NANG NAS TSE 'DIR BKA' DRIN CHE BA BLA MA 'DI DANG RJE SHES RAB SENG GE GNYIS DANG, SKYE BA THAMS CAD DU BKA' DRIN CHE BA RJE BRTZUN TZONG KHA PA CHEN PO YIN NO, ZHES GSUNG NGO, ,'DIR SMRAS PA, DBANG PO RAB ZHI DUL BA'I DPAL GYIS NI, ,TSANGS SPYOD KYIS RGAN LHA YI DRANG SRONG YANG, ,MI BSRUN BYIS PA LTAR MDZAD GZHON NU DE, ,'DIR NI GANGS CAN SA YI THIG LER GYUR, ,MKHAN SLOB DGE 'DUN GRANGS TSANG NAM MKHA' LAS, ,NGES 'BYUNG GIS DRANGS RNAM DAG CHO GA YI, ,RLUNG GIS BAR CHAD SPRIN RUM BSAL BA LAS, ,BSNYEN RDZOGS ZLA BA KHYOD THUGS MKHA' LA SHAR, ,DE LTA'I BSLAB GSUM KHRIMS KYI 'DZIN MA LA, BYANG CHUB SEMS MCHOG SNYING

RJE'I RTZA BA CAN, ,RLABS CHEN SPYOD PA'I YAL 'DAB 'BRAS BUS BRJID, ,BSHES GNYEN DPAG BSAM DBANG PO'ANG KHYOD NYID LAGS, ZHES BYA BA NI, RJE BRTZUN BLA MA THAMS CAD MKHYEN PA DGE 'DUN GRUB PA DPAL BZANG PO'I RNAM THAR NGO MTSAR RMAD BYUNG NOR BU'I PHRENG BA ZHES BYA BA LAS, RAB TU BYUNG BA DANG BSNYEN PAR RDZOGS PA YONGS SU BLANG BA'I RIM PAR PHYE BA STE GNYIS PA'O,, ` DE NAS 'DI LTAR DGONGS TE, DE YAN CHAD NYER 'DZIN CHEN PO'I GSUNG DANG DU BLANGS, BSTAN PA DANG SEMS CAN LA PHAN GANG CHE'I SGO NAS 'GRO BA'I DON BYAS, DA NI; SNGAR NAS YID LA YANG DANG YANG DU YOD PA BZHIN DAM PA'I CHOS TSOL BA DANG, RJE BTZUN CHOS KYI RGYAL PO TZONG KHA PA CHEN PO'I DRUNG DU MYUR DU 'GRO BAR BYA'O SNYAM DU DGONGS TE, 'DIR RJE RANG NYID KYI GSUNG NAS, DA DBUS PHYOGS LA SLOB GNYER LA CIS KYANG 'GRO SNYAM DU BSAMS NAS DE LUGS KYI GRABS BYAS PAS DBU MDZAD CHOS SHES MKHAN CHEN PA'I DRUNG DU DGE BSHES 'DI DBUS LA SLOB GNYER LA 'GRO BA DGA' BAS BSHOL 'DEBS PAR ZHU ZHUS PAS, MKHAN CHEN PA'I GSUNG NAS, CIS KYANG THONG GSUNGS NAS SLOB GNYER LA BTANG BAS SKU DRIN CHE ZHING, YANG DBU MDZAD CHOS SHES SLOB DPON BLO LDAN PA LA, DGE BSHES 'DI DBUS PHYOGS LA 'GRO BAR DGA', BTANG BA MI DRAG LAGS ZHUS PAS, SLOB DPON PAS BOS NAS, KHYED SLOB GNYER LA DBUS LA 'GRO BA AE YIN GSUNG PA LA, BDAG

, ,DBUS PHYOGS LA SLOB GNYER LA PHYIN NA BSAM PA YIN ZHUS PAS, KHYED RANG GI BLO LA SHAR BA'AM, GZHAN GYIS BSKUL BA YIN GSUNG, BDAG RANG 'GRO SNYING 'DOD PA LAGS ZHUS PAS, 'O NA CIS KYANG PHYIN PA DRAG GSUNG BAS SKU DRIN CHE, DE NAS LO NYI SHU RTZA LNGA PA LA SLOB DPON RAB MCHOG PA DANG BSDEBS NAS DBUS PHYOGS LA PHYIN PA YIN ZHES DUS PHYIS GSUNG, DE NAS DGUNG LO NYER LNGA PA SHING MO LUG GI LO LA DBUS PHYOGS LA BYON TE, KHRA 'BRUG TU SEMS DPA' CHEN PO KUN BZANG PA LA TSAD MA DANG DBU MA SOGS KYI THUGS SBYONG MDZAD, DE RJES THANG PO CHER BYON, CHOS RJE RIN PO CHE RONG STON SH'AKYA RGYAL MTSAN DER BZHUGS PA LA DBYAR CHOS ZLA BA PHYED DANG GNYIS KYI BAR DU PHAR PHYIN GYI CHOS RE GSAN, DE RJES RJE BTZUN TZONG KHA PA CHEN PO SA SKYONG MI'I DBANG PO GRAGS PA RGYAL MTSAN GYIS BKRA SHIS DO KHAR SPYAN DRANGS PA'I DRUNG DU, SEMS DPA' CHEN PO KUN BZANG PA'I PHYAG PHYI MDZAD DE BYON NAS, DER RJE RIN PO CHE LA TSAD MA RNAM NGES KYI DOGS GCOD, DRANG NGES RNAM 'BYED, RTZA SHE'I RNAM BSHAD, BLA MA LNGA BCU PA'I RNAM BSHAD, RTZA LTUNG GI RNAM BSHAD SOGS MANG PO GSAN CING, RJE RIN PO CHE YANG THUGS SHIN TU DGYES PAR BYUNG STE, 'DUL BA'I BSLAB KHRIMS KHYAD PAR CAN SPEL BA'I RTEN 'BREL BSGRIG PA'I PHYIR DU MTHANG GOS BZHES 'PHRO ZHIG GI GNANG SPYIN KYANG MDZAD, SEMS DPA' CHEN PO'I DRUNG DU DER YANG ZIN THUN SOGS KYI THUGS SBYONG LEGS

PAR MDZAD PAS BKA' DRIN CHE'O ZHES GSUNG, DE NAS RJE BTZUN TZONG KHA PA'I GSUNG GIS, THANG PO CHE'I BLA BRANG PA NYI MA RGYAL MTSAN PA LA DPAL GSANG BA 'DUS PA'I BKA' ZHIG ZHU BA LA PHYIN PA LEGS ZHES BSKUL TE DER BYON, RJE DE BA LA DPAL GSANG BA 'DUS PA MI BSKYOD PA DANG, RDO RJE 'JIGS BYED BCU GSUM MA DANG, GSHED DMAR BCU GSUM MA DANG, GSHED DMAR LHA LNGA MA SOGS KYI BKA' MANG PO GSAN NO, ,DE NAS DPON SLOB RNAMS DGE LDAN DU BYON, RJE SHES RAB SENG GE GSANG PHU LA BYON, DGE LDAN DU RJE RIN PO CHE'I DRUNG DU RJE BLA MA 'DIS, BDAG GSANG PUR RJE SHES RAB SENG GE'I DRUNG DU PHYIN NA BSAM PA LAGS ZHUS PAS, CIS KYANG LEGS GSUNGS NAS SLOB DPON RAB MCHOG LA DANG GNYIS LA SPYI RU GSER ZHO GANG; RDUL GZAN LEGS PO ZHIG GNANG, GER DE KHONG PA LA PHUL, GZAN DE RJE 'DI PAS BSNAMS TE DGUN CHOS LA GSANG PHUR PHEBS, RIGS 'BRING MAN CHAD LA MA BRTEN PAR DANG PO NAS TSAD MA'I RIGS CHEN MDZAD, THUGS GSAL BA DANG STON PA BZANG BA'I SNYAN PA'I GRAGS PA YANG RGYA CHER BYUNG NGO, ,DE NAS ME PHO SPRE'U'I LO LA 'BRAS SPUNGS KYI 'GRAM BTING, SLOB DPON RAB MCHOG PA DER 'CHAD NYAN PA CIG LA BYON, DE NAS RJE 'DI PAS STON CHOS SOGS LA DGE LDAN DU, PHYAG PHEBS, RJE RIN PO CHE LA LAM RIM CHEN MO, 'KHOR LO BDE MCHOG GI RTZA RGYUD KYI BSHAD PA, SNGAGS DBANG, ,SGRUB DKYIL GYI LUNG SOGS SNGAGS CHOS MANG PO GSAN CING, RGYAL TSAB RJE LA TSAD MA, PHAR PHYIN, BYAMS CHOS

, ,PHYI MA SOGS KYI BSHAD PA MANG DU GSAN PAS PHA ROL TU PHYIN PA'I THEG PA'I PHYOGS LA BKA' DRIN CHE BA YIN GSUNG, YANG GSANG PHUR PHEBS TE RIGS LUNG 'GRIM PA SOGS KYI THUGS SBYONG MDZAD, STON DGE LDAN LA PHEBS TE RJE RIN PO CHE DANG RGYAL TSAB RJE STE YAB SRAS GNYIS LA MDO SNGAGS KYI CHOS RGYA CHER GSAN PA DANG, 'DUL 'DZIN CHEN PO GRAGS PA RGYAL MTSAN PA LA DRANG NGES RNAM 'BYED TSAR GCIG DANG, GZHAN YANG CHOS BKA' CI RIGS GSAN, DE LTA BU'I TSUL GYIS GSANG PHU DGE LDAN GNYIS LA LO GSUM TZAM ZHIG BZHUGS, DE NAS SA MO PHAG GI LO RJE BTZUN TZED KHA PA CHEN PO STOD LUNG GI CHU TSAN LA BYON TE SLAR 'BRAS SPUNGS SU PHEBS PA'I TSE RJE 'DIS KYANG DER BYON TE LAM RIM GYI 'KHRID, N'A RO CHOS DRUG, DBU MA 'JUG PA, GSANG BA 'DUS PA'I RGYUD LA SOGS PA MANG DU GSAN, DE NAS RJE BTZUN TZONG KHA PA CHEN PO SE RA CHOS SDINGS SU PHEBS, CHOS RJE SH'AKYA YE SHES PA LA 'DUL BA'I BSLAB KHRIMS RNAM PAR DAG PA LA BRTEN TE, DPAL GSANG BA 'DUS PA DANG BDE MCHOG GI RTZA RGYUD LA 'CHAD NYAN RKANG BTZUGS PA'I GRVA SA RNAM PAR DAG PA 'DZUGS PA'I ZHAL BKOD DANG CHOS DPON BSKO BA LA SOGS PA MDZAD CING DE'I RTEN 'BREL BSGRIG PA'I PHYIR DU GNAS DER GSO SBYONG MDZAD, RGYUD KYI RGYAL PO GNYIS KYI DBU NAS CHOS THUN RE GSUNGS, DE NAS YAR LAM BRAG DKAR BA LA YANG, BDE CHEN RTZER DE LTA BU'I GRVA SA 'DZUGS PA'I ZHAL BKOD MDZAD

BZHED DU 'DUG PA LA, BDAG GI RJE BLA MA 'DIS KYANG RJE SHES RAB SENG GE DANG YAB SRAS GNYIS KAS SE RA CHOS SDINGS SU RJE RIN PO CHE'I DRUNG DU BYON, GSO SBYONG DANG, RGYUD KYI RGYAL PO GNYIS GSUNG BA'I CHOS RAR CHED DU BSAMS NAS BYON; KHYAD PAR RJE SHES RAB SENG GE'I DGONGS PA LA, RJE BTZUN TZONG KHA PA CHEN PO DE LTA BU'I RGYUD KYI 'CHAD NYAN 'DZUGS PA'I RDO RJE'I SLOB DPON ZHIG BDAG GI BAL MA 'DI LA RE ZHING, DE'I BKA' LUNG ZHIG GANG BAR ZHU ZHES RJE BTZUN TZONG KHA PA CHEN PO LA DNGOS SU ZHUS KYANG 'DUG, DE LTA NA'ANG RJE BLA MA 'DI NYID 'DI LTAR DGONGS TE, SPYIR 'DUL BA'I BSLAB KHRIMS RNAM PAR DAG PA CIG PYED BA LA 'DUL BA SHES DGOS PAR 'DUG, KHYAD PAR GRO SA 'DI 'DUL BA'I 'BYUNG KHUNGS LTA BUR 'DUG PAS DER 'DUL BA SLOB TU 'GOR SNYAM DU DGONGS TE DE'I RGYU MTSAN RJE BTZUN TZONG KHA PA CHEN PO LA ZHUS PAS, 'DUL BA SLOB PA LA NYAMS SU LEN 'DOD KYI BSAM PAS SLOB DOGS PA YIN, DE LTAR YIN NANG MTSAR CHE GSUNGS NAS CHAS KYI MTHUN RKYEN DU RIN PO CHE ZHO GANG GNANG, DE'I CHA SHAS SHIG LA LHA SA NAS RTZAM PA BSGRUBS TE SGO LA LA BYON, LAM DU MA THEG PAR RDUL GZAN GYI SNAM PA GCIG PHOG LA DRUBS PA'I NANG DU RTZAM PA THOGS CIG BZHAG ,DER RDOL PHYAG BRIS MDZAD DE, 'DI SU DANG PHRAD PAS LONGS SPYAD KYANG NYES PA MED DO, ZHES BRIS PA BZHAG LA GRO SAR BYON, DE'I DUS SU RJE SHES RAB SENG GE PAS DMAR STON YAB SRAS KYI DRUNG RU, DGE BSHES 'DI BDAG GI SLOB

, ,MA'I DVANGS MA YIN BAS 'DUL MDZOD PHUL DU PHYIN BA CIG SLOB PA ZHU ZER BA'I ZHU YIG KYANG PHUL, DMAR STON DPAL LDAN RIN CHEN PA DANG RGYA MTSE RIN CHEN PA GNYIS LA LO GNYIS KYI BAR DU MDO RTZA BA DANG MNGON PA MDZOD LEGS PAR GSAN, KHYAD PAR RGYA MTSO RIN CHEN PA LA LUNG SDE BZHI'I LUNG YANG GSAN LA, DMAR STON PA'I ZHAL NAS, NGED KYI SLOB MA GTZANG PHYOGS KHYED DANG DKA' BCU PA GZHON NU RGYAL MCHO GNYIS LAS 'DUL BA LA MKHAS PA MED PAS KHYED KYIS KYANG BSTAN PA LA PHAN PA'I 'CHAD NYAN LEGS POR MDZOD, NGAS KYANG LO BCU DRUG NAS DA LTA'I BAR DU 'CHAD NYAN MA CHAG PAR BYAS PA 'DI BSTAN PA 'BA' ZHIG LA BSAMS PA YIN NO, ZHES GSUNGS, DER BZHUGS PA'I RING LA, TSE GCIG RJE BTZUN TZONG KHA PA CHEN PO GZHAN DON LA GSHEGS ZER BA'I SKAD CHA GSAN BA LA RJE 'DI'I THUGS DGONGS LA, SPYOD PA LA GSHEGS PA YIN TE 'ONG, KHONG LA MYA NGAN LAS 'DA' BA'I SKABS NI, MED LAS CHE SNYAM PA CIG BYUNG GSUNG STE, 'DI LA GNAD KYI DGONGS RGYU CHEN PO ZHIG YOD DO, ,DE NAS SLAR YANG GSANG PHUR PHYAGS PHEBS, SNGAR GYI THUGS SBYONG GI 'PHRO RNAMS LEGS PAR MDZAD, GLING STOD DU MTHONG SMON PA ZHES PA'I GRA TSANG ZHIG GI 'CHAD NYAN PA RJE SHES RAB SENG GES MDZAD KYIN YOD PA'I GDAN SAR RJE 'DI PA DANG SHAR DVAGS PO'I PAndI TA BKRA SHIS RNAM RGYAL BA GNYIS BSKO BZHAG MDZAD DE LO KHA YAR 'CHAD NYAN KYANG MDZAD, DE DUS GSANG

PHU'I BRAG PHUG CIG TU THUGS DAM MDZAD PA'I MNAL LAM DU BYANG SHAR PHYOGS NAS THUB DBANG GI SKU SHIN TU CHE BA CIG GZIGS PA'I MDZOD SPU NAS ZLA BA NYA GANG BA CIG CHAD DE RJE RANG NYID LA THIM PA RMIS, DE RJE SHES RAB SENG GE LA ZHUS PAS, SANGS RGYAS KYI PHRIN LAS 'JUG CING TSE RING PO 'ONG BA'I LTAS YIN, NGED KYI RMI LAM DU'ANG KHYED MGO SKYA YER YER 'CHAD NYAN BYED KYIN 'DUG PA RMIS GSUNG, YANG DE DUS MNAL LAM LA NAM MKHA' NAS AOm W'A G'I SHVA RI MUm ZER BA CIG LA NYDZA'I RNAM PAR NAR TE BYUNG BA RJE NYID KYI LCE THOG TU BABS PA DANG, GNA 'TSENGS, NGA 'TSENGS, ZER BA LAN GSUM BRJOD PA DUS MNYAM PA CIG BYUNG GSUNG, DE NAS ME PHO RTA LO LA GTZANG PHYOGS LA PHYAGS PHEBS TE, DE SKOR LA DBUS PHYOGS SU LO BCU GNYIS BZHUGS ZHES GSUNG, DE DUS RJE SHES RAB SENG GE DANG YAB SRAS PHYOGS MTHUN DU GTZANG LA BYON, BYANG CHEN DU GRVA PA BDUN CU TZAM LA 'CHAD NYAN MDZAD, RIGS LUNG KYANG SHIN TU 'PHEL BAR BYUNG, DE NAS GRVA TSOGS KYANG JE CHE LA SONG STE SNAR THANG, BYANG CHEN, RTA NAG RI KHUD RNAMS LA RIM GYIS CHOS BAR LA BYON TE, LO LNGA DRUG GI RING LA 'CHAD NYAN 'PHEL BAR BYUNG, DE DUS LCAGS PHO KHYI LO LA SNAR THANG DU 'JUG PA'I RNAM BSHAD DGONGS PA RAB TU GSAL BA'I ME LONG GI RTZOM PA YANG MDZAD, SLAR YANG GSANG PHU'I 'CHAD NYAN LA GDAN 'DREN BYUNG YANG MA PHEBS, YANG DE DUS RGYAL TSAB RJE DANG MKHAS GRUB RJE YAB SRAS GNYIS GNAS RNYID DU PHEBS, DE'I DRUNG DU RJE SHES RAB SENG GE DANG YAB SRAS

, ,GNYIS KYIS KYANG BYON TE RGYAL TSAB RJE LA SPYIR CHOS MANG PO DANG, KHYAD PAR DU MNGON BA KUN LAS BTUS KYI t'IKA DE GSAN RIM GYIS RJE 'DI PAS PHYAG BRIS MDZAD DE GZHAN LA YANG GSUNGS LA, MKHAS GRUB RJE LA YANG RJE 'DI PAS CHOS KYI 'PREL YOD TZAM ZHIG KYANG DE DUS MDZAD PA YIN NO, ,DE NAS DVAGS PO DPON SLOB THOGS CIG SNAR THANG DU SLEBS TE, DPON SLOB THAMS CAD PHYOGS GCIG TU BSGRIL TE LA STOD LA CHOS PAR LA 'GRO DGOS ZER BA LA, RANG RE RNAMS SNGON LA BYON, NGED DPON SLOB RNAMS RJES LA 'OD GSUNGS TE, LCAGS MO PHAG LA RJE SHES RAB SENG GE DANG YAB SRAS PHYOGS MTHUN LA STOD LA CHOS BAR LA BYON, YAR LAM GCEN LUNG DANG CHU 'DUS SOGS SU BYANG SEMS SH'AKYA DPAL BAS SBYIN BDAG MDZAD DE CHOS PAR MDZAD, KHYAD PAR CHU 'DUS STAG RTZE'I CHOS PAR DUS RJE BLA MA 'DI'I SRAS KYI THU BO SEMS DPA' CHEN PO 'DUL 'DZIN BLO GROS SBAS PA LA BAR CHAD KYI MTSAN MA CUNG ZAD TZAM GYIS RKYEN BYAS TE SPYAN YA GCIG THIM PA DE BYUNG, DE LA RJE BLA MA 'DIS LHA MO DMAG ZOR LA GTOR MA PHUL TE YUS GSOL BAS, DE'I NUB MO MNAL LAM DU BUD MED RGYAN GYIS BRGYAN PA CIG NA RE, KHYOD KYI SLOB MA'I MIG TSAB YOD PA'I SKAL LDAN GYI SLOB MA GCIG SANG NYIN 'ONG BA YOD DO GSUNG BA CIG RMIS, DE'I NANGS PAR SKAL LDAN GYI SLOB MA GCIG BYUNG BA DES NGA'I BSTAN PA LA PHAN THOGS CHE BA CIG BYUNG GSUNG, YANG DER MNAL LAM DU RJE BTZUN MA SGROL MA'I SKU

'OD DANG 'OD ZER GYI PHUNG PO'I DBUS NA BZHUGS PA CIG BYUNG BA'I ZHABS LA 'JUS TE, BSOD NAMS 'DI YIS TSE RABS KUN TU BDAG ,CES PA'I TSIGS BCAD 'DI BYAS PAR RMIS, ZHES GSUNG, DE NAS RJE SHES RAB SENG GE PHYIR LOG STE, RJE 'DI PA DPON SLOB RNAMS KYIS LA STOD LHO LA CHOS BAR LA BYON, YUL 'KHOR CHOS SDINGS, SHEL DKAR, LHA NYI MONG RNAMS SU CHOS PAR MDZAD, KHYAD PAR CHOS SDINGS SU GA-YUL RGYAL BA YON 'BYUNG ZHES PA GDAN DRANGS TE KHONG LA DBYANGS 'CHAR GYI RGYUD CHA LAG DANG BCAS PA'I BSHAD PA, LAG LEN GYIS RIS SOGS ZHUS TE LEGS PAR SPYANGS, DE'I DUS RJE 'DI PAS MDZAD PA'I DE SKOR GYI YIG CA YANG MANG PO YOD DO, ,SHEL DKAR DU CHOS PAR DUS KUN MKHYEN CHOS BLO BA DPON SLOB THOGS CIG CHOS BAR LA BYON PA DANG MJAL TE, PHAN TSUN THUGS PHEBS PA'I CHOS KYI 'BEL GTAM MANG PO MDZAD PAS GNYIS KA THUGS TSIM PAR BYUNG, DER BDAG GI YONGS 'DZIN DAM PA MKHAS PA'I DBANG PO DPAL LDAN CHOS SKYONG ZHES PA, RJE BLA MA 'DI LA SANGS RGYAS DNGOS KYI 'DU SHES MDZAD CING, CHOS SPYI DANG, KHYAD PAR MNGON PA MDZOD TSAR NYI SHU RTZA GCIG GSAN PA DES KYANG PHYAGS PHYIR SLEBS SO, , YANG DE DUS PAn CHEN PHYOGS LAS RNAM PAR RGYAL BA'I SLOB MA MKHAS GRUB DPAL LDAN SANGS RGYAS PA ZHES PA DANG, RJE 'DI PA SHEL DKAR TSOGS SU BGRO GLENG LA BZHENGS, GNYIS KA THAMS CAD KYI YIN SMON PA'I GNAS SU BYED

, ,PA BYUNG, DES RKYEN BYAS NAS PAn CHEN PHYOGS LAS RNAM RGYAL BA MJAL NAS CHOS ZHU BA'I 'DUN PA DRAG PO ZHIG BYUNG STE, DPON SLOB RNAMS KYIS PADMA CHOS SDINGS LA BYON, YAR LAM GLA 'KHOR DU PHA DAM PA'I SKU GDUNG KA RU LA MJAL, SPYIR DE LA MTHONG TSUL SNA TSOGS SHIG YOD PA LA, RJE 'DI PAS DAM PA RANG GI SKUR DNGOS SU GZIGS PA YIN ZER BA'I LO RGYUS DKON GNYER GYIS BRJOD PA DA LTA'I BAR DU YOD PA LA, DUS PHYIS BDAG GIS KYANG GLA 'KHOR DU PHYIN, SKU GDUNG DANG MJAL DUS DKON GNYER GYIS SNGAR GYI MTHONG TSUL RNAMS RJOD KYIN 'DUG, DE NAS 'DIR SLEBS DUS RJE'I DRUNG DU RGYU MTSAN PHUL BAS, BDAG GIS DAM PA RANG GI SKUR MTHONG GSUNG BA DNGOS SU THOS, DE NAS PADMA CHOS SDINGS SU BYON TE, PAn CHEN DANG MJAL, ZHAG SHAS DER BZHUGS, CHOS MANG DU ZHUS, KHYAD PAR SGROL MA NYER GCIG MA, SGROL MA LHA BCU BDUN MA SOGS KYI DBANG DANG, RJE BTZUN MA DKAR SNGO GNYIS DANG, DBYANGS CAN MA, GDUGS DKAR SOGS KYI RJES GNANG MANG DU ZHUS, PAn CHEN GYIS DRI BA MANG PO MDZAD PA RNAMS LA LAN PHUL BA RNAMS LA'ANG THUGS SHIN TU DGYES PAR BYUNG NAS, DA PHYIN CHANG THAMS CAD MKHYEN PA DGE 'DUN GRUB GYIS ZHES PA'I MNGA' GSOL YANG MDZAD DO, ,DE NAS SLAR YANG SHEL DKAR DU PHEBS TE CHOS BAR MDZAD, DE DUS NUB GCIG GI MNAL LAM DU RGYAL TSAB RJE BYON NAS, RJE BTZUN MA LA GSOL GDAB KYI RJES SU, BCOM

LDAN 'DAS MA MCHOD BYAS PAS, ZHES SOGS SHLO KA 'DI LAN GSUM RE GYIS GSUNG BA RMIS, DE LA BRTAGS NA DE DUS RGYAL TSAB RJE GZHAN DON LA GSHEGS PAR 'DUG PAS, NGA PO TA LA NAS BDE BA CAN DU 'GRO, KHYED KYANG DE LTAR MDZOD CES PAR GO NAS, TSIGS BCAD TSOGS SU MA CHAG PAR BTZUGS GSUNG, DE NAS CHU PHO BYI BA'I LO NAG PA ZLA BA'I TSES BZHI LA TSAD MA RNAM 'GREL GYI t'IKA 'DI'I RTZOM PA YANG MDZAD DO, ,DE NAS RIM GYIS SA SKYAR PHEBS, GUR GYI MGON PO LA MJAL BAR BZHED DE, DKON GNYER LA MJAL KA ZHUS PAS KHONG NA RE, NGAS MGON PO LA ZHU YI ZER TE SONG, CI YIN NAM SNYAM, RE ZHIG NAS BYUNG STE, SNAR THANG DU 'PHRAD PA'I MI ZHIG YOD PA DE LA SHOG GSUNG GIN 'DUG ZER; RJE'I GSUNG NAS, SNAR THANG NYER 'DZIN CHEN PO LA GUR GYI BKA' ZHIG THOB PA DE LA DGONGS PA 'DRA GSUNG, DE NAS RGYANG 'BUM MO CHE SKOR LA CHOS THOG GCIG BZHUGS TE CHOS BAR MDZAD, DE SKOR GYI GRVA TSANG KHA YAR DANG RIGS LUNG SOGS PHYOGS MTHUN MDZAD DE BSTAN PA'I BYA BA RGYAS PAR MDZAD DO, ,DE'I TSE KHONG RNAMS KYIS GNAS KHANG MI YONG ZER BA LA, MNAL LAM DU AA NE RGYANG MA YIN ZER BA'I BUD MED CIG BYUNG NAS, 'BUM PA'I SGOR 'DI NGA RANG DBANG BAS GNAS KHANG YONG ZER CING, SANG NYIN BUD MED CIG LA BABS NAS, 'BUM PA'I SKOR 'DI DA RANG DBANG BAS GNAS KHANG YONG GI AA, GZHAN YANG, MI CHEN GYIS RTZAM PA SBOM PO STER GYI AA, GZHAN YANG, RTZOD PA RGYAL GYI

, ,AA ZER TO, ,DE NAS GNAS KHANG YANG BYUNG ZHING, BYANG SEMS SA MTSO MAS PHOGS BZANG PO PHUL TE CHOS KYANG 'PHEL BAR BYUNG, DE DUS RJE 'DI BAS MCHOD RTEN GYI DRUNG DU THUGS DAM LA BZHUGS PAS, RTEN 'BYUNG MTHA' BRAL GYI DON LA NGES PA CHAS CHER RNYED DE, DE NAS BZUNGS TE SNYING RJE GSUM GYI DON LA RTZE GCIG TU 'JOG PAS DUS 'DA' BA CIG YOD CES DAM PA DAG GSUNG NGO, ,DE NAS CHU MO GLANG GI LO SLAR YANG SNAR THANG DU BYON, RTZA SHE'I RNAM BSHAD RIN PO CHE'I PHRENG BA'I RTZOM PA MDZAD DE 'CHAD NYAN GYI SGO NAS GTAN LA PHAB, DE RJES RI KHUD DU PHEBS, DE'I TSE RJE SHES RAB SENG GE SNGAR RJE BLA MA 'DI PA LA STOD LA CHOS BAR LA BYON PA'I SKYEL MAR CHU 'DUS PAR BYON, DE NAS PHYIR BYON TE DGE LDAN DU RGYAL TSAB RJE LA DUS 'KHOR GSAN PA LA PHEBS BZHED YIN PA LA, RTA NAG TU DGE SBYONG DKAR PO BAS SPYAN DRANGS TE RI KHUD CHOS SDE PHUL, ZHAL BDAG MDZAD NAS LO SHAS BZHUGS, DE DUS SU SHANGS PA KUN MKHYEN CHEN PO DANG DE'I GDAN SA PA SEMS DPA' CHEN PO TSUL KHRIMS DPAL BZANG PA GNYIS LA CHOS BKA' MANG DU GSAN, GSANG BA 'DUS PA'I RGYUD KYI 'CHAD NYAN YANG 'PHEL BAR MDZAD, DE THAD DU RJE BLA MA 'DI YANG PHEBS TE DE DUS YAB SRAS BKA' BGROS MDZAD, RJE SHES RAB SENG GE DGE LDAN DU MKHAS GRUB RJE LA DUS KYI 'KHOR LO GSAN PA LA BYON, RJE 'DI PA RI KHUD KYI GDAN SAR BSKO BA SOGS KYI ZHAL TA DRUNG CHEN DGE SBYONG BA DANG YON MCHOD ZHAL

'DZOM PA LA GNANG STE DBUS PHYOGS LA PHEBS, RJE 'DI PAS RI KHUD CHOS SDE'I ZHAL BDAG MDZAD, DRUNG CHEN DGE SBYONG BAS SBYIN BDAG MDZAD DE RTEN 'BREL KHYAD PAR CAN BSGRIG PA'I PHYIR DU RJE BTZUN BYAMS PA'I SKU KHYAD PAR CAN CIG BZHENGS, GTZUG LAG KHANG GI SGO SGYUR PA DANG RDO GCAL 'DINGS PA SOGS KYI SGO NAS CHOS SDE LA PHAN PA CHE BAR MDZAD, KHYAD PAR DU DUS CHEN LA SMON LAM CHEN MO BTZUGS TE DA BAR MA CHAG PAR MDZAD, DE DUS SU RTA NAG NA CHOS RJE A'A NANDA PA BZHUGS PA LA DPAL MGON CHEN PO GDONG BZHI BA'I BKA' LUNG GSAN, DE'I RGYU MTSAN YANG MGON PO 'DI SNGAR YANG MNAL LAM DU BYON NAS YUS YUS BYED PA CIG LAN MANG DU YOD CING, KHYAD PAR DE DUS SU THO RANGS SHIG NAM MKHA' NAS SGRA ZHIG LA, DANG PO SKYES TZAM NAS BZUNGS TE SRUNG SKYOB BYED PA CIG YIN TE, DA DUNG GTOR MA MA BYIN, DA DUNG YANG KHYOD LTA BU'I BSTAN 'DZIN LA NGA LTA BU'I CHOS SKYONG GIS SRUNG SKYOB BYED PA DGA' MO YIN TE ZER BA CIG BYUNG BAS ZHUS PA YIN GSUNG, SNGAR RJE SHES RAB SENG GE'I GSUNG NAS, DGE 'DUN GRUB, CHOS SKYONG MA MANG, MANGS NA CHE'I BAR CHAD DU 'GYUR, KHYAD PAR MGON PO ZHAL DANG DAM CAN CHOS RGYAL GNYIS MI MTHUN PA YIN GSUNG BA CIG YOD PA LA, RJE 'DI PAS DANG PO LA STOD LA PHEBS DUS, LHO SMAD KYI GRANG SO PHYOGS SU CHAR 'BEBS SHIG LA BYON DUS YUL PA DE RNAMS KYIS KHONG DPON SLOB KYIS RANG RE'I GZHI BDAG LA GNOD PA SKYEL GYIN 'DUG ZER NAS 'PHROG 'JOMS BYAS PAS, DE'I NUB MO RMI LAM DU DPAL

, ,MGON CHEN PO BYON NAS, NGA'I GROGS LA CHOS RGYAL THONG, NGED GNYIS KYIS YUL MI RNAMS LA GNOD PA SKYEL GSUNG BA CIG BYUNG BAS KHONG GNYIS MTHUN PA YIN ZHES GSUNG NGO, ,RI KHUD DU BZHUGS DUS NUB CIG MNAL LAM LA MI ZHIG GIS, GDUNG RUS YIN ZER PA SDER MA GANG PHUL BYUNG BA DANG DE 'BU RU SONG BA RMIS, DE LA BRTEN NAS RTA NAG PHU'I RDO RJE GDAN NA BLA MA DON YOD PA BYA BA MNGON SHES DANG LDAN PA CIG YOD PA DE LA, RJE 'DI BAS SKU SKYE SNGA PHYI SOGS KYI LUNG BSTAN ZHU BA LA BTANG BAS KHONG GI ZHAL NAS, SKU SKYE SNGA MA LA BAL POR PAn CHEN CIG TU 'KHRUNGS, SKU TSE 'DI LA SGRUB PA BYAS NA GRUB PA 'THOB, SKYE BA PHYI MA LA DGA' LDAN DU 'KHRUNG, SKU TSE BDUN CU THUB, RI KHUD DU BSHAD NYAN MDZAD NA DRUG CU LAS MI THUB, GNAS NGES MED DU BSHAD NYAN MDZAD NA SKU TSE RING BAR 'ONG, PHYI MA LA RGYA NAG TU PHRIN LAS 'BYUNG ZHES GSUNG BA DANG, GZHAN YANG DA LTA SHAR PHYOGS SU BYON NA BLA MA KHYAD PAR CAN CIG DANG MJAL, MA BYON NI MA MJAL, YI DAM 'JAM DBYANGS ZHI KHROD DANG 'BREL CHE, CHOS SKYONG PHYAG DRUG PA DANG 'BREL CHE, SKU TSE SRING THABS RTA MGRIN LCAGS RAL CAN LA BSNYEN PA BSKYAL NA BZANG ZHES PA'I LUNG BSTAN BYUNG BA LA BRTEN, RTA NAG SGROL MA BA'I BLA MA 'JAM DBYANGS BSAM GRUB RDO RJE BYA BA LA RTA MGRIN LCAGS RAL CAN GYI RJES GNANG DANG, RDO RJE PHUR BA'I BKA' GSAN TE RTA MGRIN GYI BSNYEN SGRUB KYANG MDZAD, GZHAN YANG SNGA MO

RI BO DGE LDAN DU BZHUGS DUS MNAL LAM LA RDZING BU ZHIG GI DKYIL DU SNA TSOGS PADMA'I SDONG PO'I STENG DU RGYAL BA SH'AKYA THUB PA LA 'PHAGS PA'I GNAS BRTAN BCU DRUG GIS BSKOR NAS BZHUGS PA CHOS SPYOD KYI SGRA LHANG LHANG SGROG PA'I TSAL DU RDZING BU'I MTHA' NAS, DNGOS GRUB STZOL ZHES ZHUS PAS MCHOG GI DNGOS GRUB GNANG BA'I SNANG BA CIG BYUNG, GNAS SKABS KYI DNGOS GRUB LA BLO RTZE GTAD NAS, DA DUNG YANG DNGOS GRUB STZOL ZHES ZHUS PAS, GTZANG GI RGYAGS LHAG KHAMS SU 'KHYER BAR SHOG, CES GSUNG BA CIG BYUNG, MNAL SAD PA NA SKU TSE'I 'JUG LA KHAMS SU PHRIN LAS 'ONG BA AE YIN SNYAM PA CIG BYUNG NA'ANG, PHYIS BRTAGS NA BLA MA DON YOD PA'I LUNG BSTAN LHAR SKYE BA PHYI MAL KHAMS SU SKYES NAS PHRIN LAS RGYA CHEN CIG 'ONG BA YIN LAS CHE, ZHES RJE RANG NYID GSUNG NGO, ,DE NAS YANG SNAR THANG PHYOGS LA PHEBS, BYANG CHEN SOGS SU CHOS BAR MDZAD, DE NAS BO DONG LA BYON, DPAL LDAN DMAG ZOR LHA MO 'DI SKU SKYE MANG PO NAS KYI CHOS SKYONG YIN PA LA SNGAR RJES GNANG ZHU BA SOGS MA MDZAD PAS, DE ZHU BA LA DE DUS BO DONG NA RGYAL SRAS DIN PO CHE'I DNGOS SLOB RIN PO CHE CHOS BZANG DPAL BA ZHES PA BZHUGS PAS DER BYON, LHA MO'I RJES GNANG DGOS ZHUS PAS KHONG GI ZHAL NAS, MDANG RMI LAM BZANG, LHO PHYOGS 'DI NAS RLUNG NAG 'TSUB MA'I DKYIL NAS DGE SLONG ZHIG PO DONG GI SGO RTZAR SLEBS BYUNG BA LA 'DI NAS BUD MED RGYAN CAN CIG SONG STE, BSTAN 'DZIN CHEN PO LA BSU BA BYA

, ,ZER NAS BYUNG BA RMIS, DA RES RANG 'BRUG MO HOR GYIS 'KHYER BA 'DRA, HA HA GSUNG ZHING, LHA MO 'DI'I BKA' LUNG MAN NGAG DANG BCAS PA RDZOGS PAR GNANG, GZHAN YANG KHONG PA LA RGYAL SRAS RIN PO CHE'I BKA' 'BUM GYI LUNG SOGS CHOS MANG RAB GSAN NO, ,DE NAS BYANG CHEN DU PHEBS TE SKABS SHIG TU BDAG GI BSAM PA LA 'CHAD NYAN 'DI JI LTA BU ZHIG 'ONG SNYAM YOD PA LA, NUB CIG RMI LAM NA SNGAR RI BO DGE LDAN DU BZHUGS DUS ZHAL 'DRIS YOD PA'I DGE SLONG CHOS MTHUN CIG YOD PA DE BYUNG NAS, KHYED KYI DON DE NGAS RMI LAM DU BRTAG GIS GSUNGS NAS GNYID LOG PA'I TSUL MDZAD, DE NAS GNYID SAD DE LAG PA'I PHYAG RGYA ZHIG MDZAD NAS, YUN TSOGS GROL THOB CIG 'ONG PA'I RIGS SU NI YOD, BDEN; ZHES DANG, SKRAG MI DGOS BLO 'DUN DKON MCHOG LA GTOD LA BLO LTOS CHOS, ZHES SHUGS DRAG TU ZER BA CIG RMIS PAS DA NI, NGA RANG BLO DKON MCHOG LA GTAD LA BSHAD NYAN BYED PAR THAG GCAD SNYAM PA THUGS LA 'KHRUNGS GSUNG NGO, ,DE'I TSE 'DI LTAR DGONGS TE, BYANG CHEN 'DIR CHOS PAR 'DRA DANG, SKABS SU THUGS DAM BYED PA'I KHANG PA CIG DGOS PAR 'DUG SNYAM DU DGONGS TE, DE'I MTHUN RKYEN SHING CHA SOGS BSTAN PA'I SBYIN BDAG CHEN MO SH'AKYA DPAL PA LA BKA' LUNG GNANG ZHING, KHONG GIS KYANG GANG DGOS PHUL TE SA GZHI DER BYAS NA GDUL BYA PHRIN LAS RGYA CHER 'ONG BA'I MTSAN LTAS SOGS KYANG YOD PAS

THEG CHEN PHO DRANG ZHES PA'I GZIMS KHANG CHEN PO ME PHO 'BRUG GI LO LA BTAB, DE DUS BYANG CHEN NA SGRUB CHEN BSOD NAMS BLO GROS PA ZHES PA BZHUGS PA LA KHONG RANG GI BKA' 'BUM GYI LUNG DANG, GZHAN YANG SHANGS PA'I CHOS SKOR CI RIGS PA RNAMS GSAN, YANG DE'I TSE DPON STON THUB PA DPAL ZHES PA'I SGRUB CHEN CIG LA MGON PO BZHI SBRAG GI BKA' DANG GZHAN YANG BKA' LUNG CI RIGS GSAN CING MGON PO PHYAG DRUG PA'I BKA' YANG GSAN NAM SNYAM MO, ,DE NAS SNGAR BKRA SHIS DO KHAR RJE BTZUN TZONG KHA PA CHEN POS TSAD MA RNAM NGES KYI DGOS GCOD GSAN PA'I ZIN RIS RNAMS DANG, DGE LDAN DU RGYAL TSAB RJE LA RNAM 'GREL GSAN PA'I GSUNG RGYUN RNAMS LA GZHI BYAS TE TSAD MA'I BSTAN BCOS CHEN PO RIGS PA'I RGYAN CES BYA BA ME MO SBRUL GYI LO'I ZLA BA BCU PA LA RDZOGS PAR MDZAD, DE PHYIN CHAD RJE RANG NYID KYIS KYANG 'DI NYID KYI STENG NAS LEGS PAR GSUNG ZHING, DA'I BAR DU PHRIN LAS KYANG RGYAS PAR BYUNG, DE NAS RTA NAG RI KHUNG DU PHEBS, SHANGS PA KUN MKHYEN CHEN PO'I DPON PO CHOS RJE BLO BZANG PA RI KHUD CHOS SDE'I GDAN SAR BSKO GZHAG MDZAD DE CHOS BAR LA BZHUGS DUS TA'I SI TU CHEN POS SNAR THANG MKHAN PO LA NGDAN 'DREN GYI CHIBS DRI 'DI TZAM LA SLEBS PA YOD ZER BA'I PHO NYA BA BYUNG BAS RKYEN BYAS, DE'I TSE RJE 'DI'I DGONGS PA LA SNAR THANG NYER 'DZIN CHEN PO DE SNGA MO NAS 'DI LTA BU ZHIG LA DGONGS PA GTAD PAR 'DUG NA'ANG, DE BAS DA DUNG RE ZHIG GNAS NGES MED DU BSHAD NYAN DANG RANG GI THOS

, ,BSAM GONG 'PHEL BYAS NA DGA' BA 'DUG, KHYAD PAR MKHAS GRUB RJE LA SNGAR CHOS 'BREL YOD TZAM ZHIG LAS MA BYUNG, DA DUS 'KHOR GYI CHOS SKOR YONGS SU RDZOGS PA CIG ZHU BA LA YANG DA LAN 'GRO SNYAM DU DGONGS TE; CHOS BAR GYI DAD NAS GSANG THABS SU MDZAD NAS BYON, RI BO DGE 'PHEL DU PHEBS, DE'I TSE RI BO DGE LDAN DU MKHAS GRUB THAMS CAD MKHYEN PA GZHAN DON LA GSHEGS ZER BA'I SKAD CA GSAN NAS, DA NI RE ZHIG PHYIN KYANG DON MA GRUB PO SNYAM DU DGONGS TE DGE 'PHEL DU ZLA BA GCIG TZAM SKU MTSAMS MDZAD DE BZHUGS PA'I NUB GCIG MNAL LAM NA DA LTA BKRA SHIS LHUN PO'I RGYAB RI 'DI'I RNAM BA CAN GYI RI RTZE NA RJE TZONG KHA PA BZHUGS, RKED PA TZAM NA SEMS DPA' CHEN PO 'DUL 'DZIN BZHUGS, DE'I SMAD TZAM NA RJE RANG NYID BZHUGS 'DUG, DE NAS SEMS DPA' CHEN PO'I ZHAL NAS, RJE BLA MA, 'DI LA YAR RNA BA GTOD LA GSON DANG, RJE TZONG KHA PA CHEN PO RANG RE PA LA LUNG BSTAN MANG PO MDZAD KYIN 'DUG ZER BA LA RJE 'DI PAS LEGS PAR GSAN PAS GSUNG GI SGRA DBYANGS MANG PO ZHIG SGROG PA PHAL CHER MA GO, GSUNG GI CHA SHAS SHIG LA, DGE 'DUN GRUB CES POS PA LA BRTEN NAS, SA PHYOGS 'DIR TSAD MA RNAM 'GREL GYI BSTAN PA RGYAS PAR 'GYUR BA CIG 'ONG BA YIN, ZHES GSUNG BA CIG GSAL BAR TSOR BAS LUS KYI BA SPU GA-YO BA CIG BYUNG, CI LA LTA BA YIN NAM, SKYE BA PHYI MA RJE DANG MJAL BA KHONG SNGA BA CIG 'ONG BA YIN NAM SNYAM PA

CIG BYUNG, YANG RMI LAM DE KA'I 'PHRO LA TA'I SI TU CHEN PO DE GOS 'GANG DKAR PO ZHIG GYON, ZHO KHOG CIG LAG DU KHYER NAS RI DE'I RTZER RJE BTZUN TZONG KHA PA LA MJAL GYIN 'DUG PA RMIS, DE NI, KHONG GIS TSE 'DIR RJE DANG MJAL DAM BCA' PHUL BYAS PA'I LO RGYUS 'DUG PA LTAR DGA' BA YIN NAM SNYAM ZHING GONG GI RMI LAM DE YANG DGON PA 'DEBS PA'I GNAS LUNG BSTAN PA 'DRA SNYAM STE, RE ZHIG LA 'DI YIN SNYAM PA'I NGES PA MA RNYED PAR YID LA BZHAG STE GANG YIN BRTAG PA LA ZHUGS SO, ,DE NAS SA PHO RTA'I LO LA DGE 'PHEL NAS RJE RANG NYID KYI BSTAN 'DZIN BDAG GI YONGS 'DZIN CHEN PO DRI MED BSHES GNYEN PA PHYAG PHYIR KHRID DE SLAR YANG DBUS PHYOGS LA BYON, MAR LAM SNYE MO RGYAL BYED TSAL DU PHEBS DUS SKU LUS LA 'KHRU BA'I SNYUNG GZHI ZHIG BYUNG BA LA ZHAL ZON DAM PAR MDZAD PAS JE BSNYUNG LA SONG BA'I NUB CIG MNAL LAM DU MKHA' 'GRO MA RUS RGYAN DANG DBU RGYAN GSOL BA, PHYAG GA-YAS NA dA MA RU BSNAMS PA CIG dA MA RU'I SGRA DANG BSTUN NAS, RANG GI SNYING KHAR ZLA BA'I DKYIL 'KHOR SHAR SHAR BYAS PA, ZHES YANG YANG GSUNG BA CIG RMIS PAS, NAD 'DI TSA BA'I NAD MIN, GRANG BA'I NAD YIN ZER BAR 'DUG, KHA GLOD SNYAM DU TSA BA'I ZAS BSTEN PAS PHAN SONG, ZHES GSUNG ZHING, SKABS DER SNYE MO SKU ZHANG CHOS RJE LA 'CHI BDAG 'JOMS PA'I DBANG ZHIG KYANG ZHUS GSUNG NGO, ,DE NAS DGE LDAN DU PHYAG PHEBS, BYANG RTZE BA CHOS RJE NAM MKHA' DPAL PA LA BCOM LDAN

, ,'DAS 'KHOR LO CHEN PO BYIN RLABS RGYUD KYI DBANG LUNG MAN NGAG SOGS DANG, TSE DPAG MED LHA DGU'I DBANG YANG GSAN CING, KHONG GIS MDZAD PA'I DE'I SGRUB DKYIL ZHIG 'DUG PA'I YIG MKHAN YANG MDZAD DO; ;GZHAN YANG SNGAGS KYI BKA' LUNG MANG PO GSAN CING, THUN MONG BA BYANG CHUB LAM GYI RIM PA'I 'KHRID RJE TZONG KHA PA NAS BRGYUD PA'I BLO SBYONG SNYAN BRGYUD CHEN MO SOGS ZAB CING RGYA CHE BA'I CHOS MANG PO GSAN, DPON SLOB PHAN TSUN THUGS SHIN TU PHEBS PAR BYUNG, YANG DGE LDAN DU RI RTZE ZHIG TU RMI LAM SGUGS PAS, PHO BDUD BRA BRDUNG CHEMS SE CHEMS, ZER BA CIG BYUNG BAS DGE LDAN DU BSDAD NA CUNG MI DGA' BA YIN PA 'DRA ZHES KYANG GSUNG NGO, ,DE NAS DBYAR DE 'CHAD KHAR BYON, LHA ZUR KHANG PA BSOD NAMS LHUN GRUB PA DE DUS BLO SBYONG GI BDAG POR BYED KYIN 'DUG PAS KHONG PA LA GTZO BOR BLO SBYONG DANG, GZHAN YANG BKA' GDAMS KYI CHOS SKOR MANG DU GSAN, DE NAS STON KA RGYAL BO SDINGS SU BYON, SPYAN SNGA BA RIN CHEN 'PHEL LA BKA' GDAMS KYI CHOS SKOR MANG DU ZHUS TE SHIN TU GUS PAR MDZAD, DE NAS AE WAm DU BYON, DE NA 'JAM DBYANGS RIN CHEN RGYAL MTSAN ZHES PA'I BLA MA KHYAD PAR CAN CIG YOD PA DE RJE 'DI NYID KYI SKU SKYE SNGA MA NAS 'BREL BA CAN GYI BLA MA YIN ZHING, DUS KYI 'KHOR LO'I SKOR LA SNGAR NAS THUGS BZHED CHE BAR YOD NA'ANG DE BAR MA GRUB PAR BLA MA DE NYID LA DUS KYI 'KHOR LO'I SMIN BYED KYI DBANG RDZOGS PA DANG, GROL

BYED SBYOR BA YAN LAG DRUG GI 'KHRID, RGYUD 'GREL GYI BSHAD PA RGYAS PA, MAN NGAG CHA LAG DANG BCAS PA RNAMS DANG, LNGA BSDUS KYI RI MO TZAM ZHIG DANG PO GSANG PHUR THUGS SPYOD GI DUS MDZAD CING DBYANGS 'CHAR SOGS KYANG SNGA MOR LA STOD LHOR MDZAD KYANG DUS 'KHOR GYI SA BRIS YONGS SU RDZOGS PA'ANG 'DIR MDZAD, GZHAN YANG RGYUD 'BUM GYI LUNG DANG, BKA' RJES GNANG SOGS MANG PO ZHUS TE 'DI PHYI GI NYA GAR BKA' DRIN CHE BA'I BLA MA GCIG TU MDZAD PA YIN NO; ;DE NAS RI BO DGE LDAN DU PHEBS TE BYANG RTZER CHOS RJE NAM MKHA' DPAL BA LA CHOS BKA' MANG PO ZHU DGOS YOD PA RNAMS ZHUS, KONG PO TZA RI DANG MDO SMAD SOGS LA SGRUB PA LA 'BYON PA'I THUGS RTZE GTAD YOD NA'ANG DE DUS PHYAGS PHYI PA DBON PO DON RGYAL ZHES PAS DA LTA GDAN MA DRANGS NA 'DIR MI BZHUGS PA 'DUG ZER GTZANG PHYOGS LA BYA BTANG BA LA BRTEN NAS GTZANG PHYOGS NAS GDAN 'DREN PA SLEBS, BYANG RTZE BA DANG 'CHAD KHA PA GNYIS KYI THUGS BZHED LA BYANG RTZE BA'I GDAN SA LA THUGS BZHED CHE BAR YOD SKABS SU RJE BTZUN MA LA GSOL BA 'DEBS PA'I BKA' BGROS SHAR DUS RJE'I ZHAL NAS, KHONG RNAM GNYIS THUGS DAM BZANG PAS NGED RANG DPON SLOB KYANG GSOL BA BTAB PA DRAG CES BKA' BSGOS NAS, BYANG RTZE'I STENG DU GTZANG PA RNAMS DANG PHYOGS GCIG GSOL BA BTAB PA'I TSE NYAMS SNANG LA RLUNG ZHIG GIS DAR LCOG GTZANG PHYOGS LA BSKYOD BYUNG BAS NGED RANG GTZANG PHYOGS LA 'GRO BA CIG 'CHAR BA 'DUG GSUNG,

, ,SANG NYIN BRTAG PA MDZAD DUS 'CHAD KHA PA RGYAL TSAB BYAMS PA LTAR BZANG PO'I 'DUG STANGS MDZAD, ZHAL NUB PHYOGS LA GZIGS NAS ZAN RIL BSGRIL BAS GTZANG PHYOGS SU 'BYON PA'I BRTAG PA BABS, DE RJES RJE'I ZHAL NAS SPYAN SNGA BA LA, DRUNG NAS KYI ZHAL GTZANG PHYOGS LA GZIGS PA DANG, BZHUGS STANGS 'DIS GTZANG PHYOGS SU BRTAG PA 'BAB PAR DE GONG DU GO LAGS SHING, BYAMS BZHUGS DE'ANG PHYIS RJE BTZUN GYI SKU KHYAD PAR CAN CIG BZHED PA'I LTAS YIN PA 'DUG GO, ZHES GSUNG NGO, ,DE NAS GDAN 'DREN PA RNAMS KYIS ZHU BA PHUL BA, DA YAB SRAS PHYOGS MTHUN DU PHEBS TE, GTZANG PHYOGS SU MDO SNGAGS SPREL BA'I BSHAD NYAN MJAD NA BSAM GRUB RTZE PA SOGS KYIS SBYIN BDAG KYANG MDZAD PA YOD PAS CIS KYANG 'BYON PA DGOS ZHES NAN GYIS PHUL BA LA BRTEN NAS LCAGS PHO SBRE'U'I LO LA GTZANG PHYOGS LA PHEBS, SNAR THANG DU BYON, DE SKOR LA SNAR THANG BYANG CHEN GNYIS SU PHAL CHER BSHAD NYAN MDZAD, KHYAD PAR SNAR THANG DU 'DUL BA'I GLENG 'BUM CHEN MO DANG SO THAR GYI t'I KA'I RTZOM PA MDZAD, DE NAS BSAM GRUB RTZE NAS RJE DPON SLOB GNYIS KA GDAN DRANGS TE MDO SNGAGS KYI 'CHAD NYAN MDZAD PA'I BDAG RKYEN BZANG PO RIM PA BZHIN DU MDZAD, DE NAS BYANG CHEN SNAR THANG SOGS SU RIM PAR BYON TE BSHAD NYAN GTZO BOR MDZAD, DE DUS DGONGS PA LA, SNGA DUS BOD 'DIR LO CHEN YAB SRAS KYI RING LA BSHAD NYAN DAR BAR BYUNG 'DUG NA'ANG GZHI GSUM GYI PHYAG LEN CHER MA

BYUNG; DA 'DUL BA'I BSLAB KHRIMS RNAM PAR DAG PA CIG GZHIR BZUNGS TE DE'I STENG NAS BSHAD NYAN GTZO BOR BYED PA CIG BYA DGOS TE, DE'I RTEN 'BREL DU BSLAB KHRIMS KYI BCA' YIG CHEN MO 'DI CHU MO PHAG GI ZLA BA DRUG PA'I YAR TSES LA DPAL BYANG CHUB CHEN POR MDZAD, DE NAS BZUNGS TE GZHI GSUM GYI PHYAG LEN BAR MA CHAD DU YOD PA YIN NO, ,SNGA GONG SPRE LO DE LA BYANG CHEN DU BZHUGS PA'I SKABS SHIG TU RJE YAB SRAS GNYIS KA LA SKU DOG SHIN TU CHE BA'I MTSAN MA BYUNG STE, RJE SHES RAB SENG GE BSAM GRUB RTZE'I GZIMS KHANG BDE GSAL DU BSNYUNG BA'I TSUL BSTAN, SKU CHAGS KYI MTSAN MA BZLOG PA'I PHYIR DU RNAL 'BYOR GYI DBANG PHYUG BZANG PO RGYAL MTSAN PAS MGON PO'I GTOR CHEN THUN MONG MA YIN PA MDZAD PAS MTSAN MA NGAN PA BZLOG STE SKU KHAMS BZANG BAR BYUNG NAS RGYUD KYI 'CHAD NYAN LA SHIN TU 'GRUS PAR MDZAD, RJE BLA MA 'DI PAS BYANG CHEN DU SKU CHAGS KYI MTSAN MA BZLOG PA'I PHYIR DU SKU MTSAMS ZLA BA DGU TZAM GYI BAR DU DAM PAR MDZAD DE DUS THUGS DAM LA SHIN TU 'GRUS PAR MDZAD CING, KHYAD PAR RJE BTZUN MA DKAR MO'I TSA SGRUB GTZO BOR MDZAD PA YIN LA, 'DI LA RJE RANG GI GSUNG NAS, SPYIR RJE BTZUN MA DKAR MO 'DI LA BRTEN NAS GTZO BOR TSE BSGRUBS NA ZHAR LA SHES RAB 'PHEL ZHING, GTZO BOR SHES RAB BSGRUBS NA ZHAR LA CIG SHOS 'PHEL BAR GSUNGS PAS DI'I DUS SU RJE BTZUN MA DKAR SNGO'I BSTOD PA 'DI DAG DANG, BLA MA YAB SRAS KYI BSTOD PA RNAMS DANG, GZHAN YANG 'DOD LHA CHOS

, ,SKYONG SOGS KYI BSTOD PA GSOL 'DEBS DANG SMON LAM SOGS KYI RTZOM PA 'DI RNAMS KYANG BYAS SHING, DE YANG BYED 'DOD TZAM GYIS YID LA LAM STE SHAR NAS KHA NAS TSIG TU 'DON PA CIG BYUNG GSUNG, GZHAN YANG DE DUS SU RJE BTZUN MA DKAR SNGO GNYIS DANG, RDO RJE 'JIGS BYED DPA' GCIG DANG, MGON PO PHYAG DRUG PA SOGS LHA DANG CHOS SKYONG MANG PO'I ZHAL GZIGS, KHYAD PAR DPAL MGON GDONG BZHI PA BYON NAS, KHYOD PAndI TA CHEN PO YIN PAS NGA'I BSTOD PA CIG RTZOMS GSUNGS NAS BSTOD PA 'DI MDZAD DO, ,YANG DE DUS THO RANGS MNAL LA SONG MA SONG ZHIG LA BUD MED DKAR MO ZHIG GIS RIN PO CHE'I SNOD BDUD RTZIS GANG BA CIG DRANGS PA RMIS, DE RJE SHES RAB SENG GE LA ZHUS PAS, SHIN TU BZANG GSUNG, GZHAN YANG SKU MTSAMS DE'I MJUG LA MDO SDE SOGS BKA' 'GYUR RNAMS LA GZIGS RTOG MDZAD PAS NYIN MO JI TZAM GZIGS PA THAMS CAD MTSAN MO THUGS LA 'DON PA SOGS THUGS DAM GYI BOGS KYANG CHE BAR BYUNG GSUNG NGO, ,DE NAS SKU MTSAMS GROL NAS BSTOD PA GSOL 'DEBS RNAMS KYI LUNG MDZAD DUS RJE BTZUN MA'I BSTOD PA RNAMS KYI TSE RJE'I GSUNG NAS, 'DI LHAR NA RJE BTZUN MA'I ZHAL GZIGS PA 'DRA MO 'DUG, HE HE GSUNG, YANG RJE SHES RAB SENG GE RJE TZONG KHA PA CHEN PO'I DRUNG NA BZHUGS DUS RJE TZONG KHA PA CHEN POS, KHYED RANG GTZANG PHYOGS SU BYON LA RGYUD KYI BSHAD NYAN MDZOD, GNOD SBYIN MA CHEN MO ZHIG GIS

SBYIN BDAG GI GTZO BO BYED, SLOB MA'I GTZO BO SKYE BA MANG POR GSHIN RJE'I GSHED KYIS RJES SU BZUNGS PA'I RNAL 'BYOR BA CHEN PO ZHIG GIS THOG DRANGS SKAL LDAN MANG PO 'BYUNG, ZHES PA'I LUNG BSTAN YOD PA LTAR DE DUS SU BYANG SEMS SH'AKYA DPAL BAS LHUN PO RTZER GDAN DRANGS TE SNGAGS KYI CHOS KYI 'KHOR LO RGYA CHEN PO BSKOR BAR MDZAD, DE NAS SENG GE RTZER BYON, DER RJE 'DI PA DANG SKAL LDAN GYI SLOB MA 'GA' ZHIG LA GSANG BA 'DUS PA'I RIM LNGA'I 'KHRID GNANG, RGYUD 'GREL GYI BSHAD LUNG ZHIG KYANG MDZAD DE SLAR YANG DBUS PHYOGS LA GSHEGS PA LA RJE 'DI PAS TSA SHOD PAR SKYEL MA LA PHEBS, BSAM GRUB RTZER BYON, DE NAS SHANGS PHYOGS LA MDZAD DE RJE SHES RAB SENG GE BA DGE LDAN LA GSHEGS SO DE NAS RJE 'DI PAS SHING PHO BYI BA'I DGUN CHOS LA SHAB KYI BDE CHEN RTZER PHEBS, BYANG SEMS SH'AKYA DPAL BAS ZHABS TOG MDZAD, DE NAS BYANG CHEN LA PHEBS, DE DUS BYANG CHEN DU MNAL LAM ZHIG LA SKYES MCHOG A'A NAN CHOS RJE BYON NAS; BYED PA SEMS CAN KUN DON BYAD, ,GSUNG BA LA RJE 'DI PAS LAN DU, 'ONG BA SEMS CAN GCIG GI DON KYANG MI 'ONG GSUNGS NAS BZHAD PA CIG RMIS GSUNG, GNAS DE DANG SNAR THANG SOGS SU CHOS BAR MDZAD, DE NAS GLEGS BAM RIN PO CHE'I LUNG YANG SNGAR NAS MA GSAN PAS GSAN 'DOD CHE BA DANG, SGRA KA L'A PA'I SA BRIS YONGS SU RDZOGS PA CIG MDZAD BZHED KYIS KUN NAS BSLANGS TE, LO DE'I STON MJUG LA DPAL SDINGS LA BYON TE, LO TZTSA BA CHEN PO THUGS

, ,RJE DPAL BA LA SGRA'I SA BRIS THOGS SHIG ZHUS, YONGS SU RDZOGS PA RTING SOR MDZAD PAR ZHUS TE SHING MO GLANG LO'I DGUN CHOS LA BO DONG LA BYON, CHOS THOG GCIG BZHUGS, CHOS GROL MTSAMS CIG TU BLA BRANG SER POR GRAGS PA DER THO RANGS CIG MGO PHUR NAS YOD TZA NA BAR SNANG LA BUD MED DUS PA'I SKAD LHANG BA CIG BYUNG, MGO PHUR BA BSANGS TE, CI BYUNG BA YIN DRIS PAS, NGA'I MING PO SANGS RGYAS KYI BSTAN PA LA GCES PA CIG YOD PA DE GSHEGS PAS DU BA YIN ZER, DE SU YIN BYAS PAS, DE BSHAD NA KHYOD KYANG MYA NGAN BYED DU 'ONG BAS MI SMRA ZER, CI YIN NAM SNYAM DU SEMS MA BDE BA CIG BYUNG, YANG DE DUS THO RANGS CIG SNGAR GYI BUD MED DE'I SKAD LHANG BA CIG BYUNG, MGO BO BSANGS TE NYAN PAS, DE NA KHYOD KYI DGON PA YOD, ,GDUL BYA DAG KYANG DER 'DU ZHING, ,KHA MO 'ANG KHYOD KYI RJES SU 'BRANG, ,KHYOD KYI RJES 'BRANG SKYOB PAR BYED, CES ZER, DGON PA JI LTA BU ZHIG 'ONG, DGON PA'I MING LA JI SKAD ZER BYAS PAS, LAG PA GNYIS THAL MO KHONG STONG DU SBYAR TE, DGON PA 'DI LTA BU ZHIG 'ONG, DGON PA'I MING LA MU KHYUNG CAN ZER, DE MKHA' 'GRO'I BRDA SKAD YIN NO AANG ZER TE YAL SONG, YANG DE DUS LHA MO 'DI'I ZHAL NAS, RTEN 'BREL KHYAD PAR CAN YOD PAS TSOGS SU MA nI BRGYA RTZA RE YANG MA CHAD PAR TSUGS SHIG GSUNG, YANG DE DUS DGE BSHES CIG LA LHA MO 'DI SPYAN DRANGS PA BYON PA LA, NGAS BSHAD SGRUB GANG BYAS NA BSTAN

PA DANG SEMS CAN LA PHAN, DGON PA GAN YOD, DGE TSUL CIG KYANG GA NA YOD ZHUS PAS, DE'I ZHAL NAS, BSHAD SGRUB DANG KHYAD PAR 'CHAD NYAN BYAS NA BSTAN PA LA PHAN STOBS CHE, DGON PA CIG MA GI NA YOD, MING LA MU KHYUNG CAN; DE YANG BRDA SKAD YIN NO AANG, DGE TSUL CIG PHA GA NA YOD, SNYING RJE RJE ZHIG PHA GA NA YOD DO ZER TO, ,DE NAS CHOS BAR LUNG NAG SHEL DKAR RTZER PHEBS PA'I STENG DU SA GA-YO BA LA SOGS PA'I LTAS SNA TSOGS BYUNG, DE NAS RI BO DGE LDAN DU RJE SHES RAB SENG GE GSHEGS ZER BA'I SKAD CA 'BUL MKHAN SLEBS, MANG JA GCIG GI STENG DU THUGS DGONGS RDZOGS PA'I BSNGO BA DANG, DGE LDAN LA 'GRO BA'I 'BUL SDUD SNGA MA YANG DE NAS MDZES PA YIN, DE NAS YANG BDE CHEN RTZER PHEBS TE DBYID CHOS NAS STON GYI BAR BZHUGS, SENG GE RTZE NAS ZHABS TOG BSGRUBS, RJE 'DI PAS LHUN PO RTZER BYON TE, KUN MKHYEN CHOS RJE LA GSHIN RJE'I GSHED KYI 'KHRUL 'KHOR CHEN MO DE ZHUS, DE NAS BDE CHEN RTZER STON CHOS LA LO CHEN THUGS RJE DPAL BA SBYAN DRANGS TE SNGAR GYI KA L'A PA'I SA BRIS KYI 'PHRO DANG, SDEB SBYOR RIN CHEN 'BYUNG GNAS SOGS THA SNYAD KYI GTZUG LAG KYANG MANG DU GSAN, KHYAD PAR KA L'A PA'I GZHUNG DON 'GA' ZHIG LA; 'DI RANG 'GREL PA DANG BSTUN NA 'DI LTAR YIN PA 'DRA ZHES YAR ZHUS PAS KHONG GIS THAL MO SBYAR TE, NGO MTSAR CHE, KHYED RANG SNGA NAS MKHAS PAR 'DUG, NGA LA SLOB MI DGOS PAR 'DUG GO GSUNGS NAS SHIN TU DGYES

, ,PAR BYUNG, GZHAN YANG SGROL MA YID BZHIN NOR BU'I RJES GNANG SOGS BKA' YANG 'GA' RE GSAN CING, KHYAD PAR SNGA NAS YANG YANG YID LA GCAGS PA'I GLEGS BAM RIN PO CHE'I LUNG GSAN DUS, DRUNG NAS KYIS SU LA GSAN ZHUS PAS KHONG GI ZHAL NAS, BDAG GIS CHOS 'KHOR SGANG PA CHOS RJE SENG GE RGYAL MTSAN BA LA ZHUS, KHONG 'BROM GYI SPRUL BAR BYED PAR GDA' GSUNG ZHING, GZHAN YANG DE DUS KHONG GI GSUNG NAS; GLEGS BAM RIN PO CHE NAS 'BYUNG BA LTAR DA STE YUN MI RING BAR KHYED RANG GI YUL PHYOGS SU BSTAN 'DZIN GYI DGE SLONG BGRES PO ZHIG, 'BROM GYI RNAM THAR ZHU ZER 'OD GIS, DE DUS DGE SLONG DE LA 'BROM GYI 'DU SHES ZHOG, KHYED RANG SPYAN RAS GZIGS SU SGOMS LA GLEGS BAM RIN PO CHE LEGS PAR STON CIG GSUNG GIN 'DUG PA DANG MTHUN PAR KHO BO SKAL BAR LDAN, GLEGS BAM RIN PO CHE 'DI 'BROM LAS THOS NAS 'BROM LA 'CHAD PAR 'DUG PAS DA NI, CHOS BDAG PO LA 'PHROD PA YIN NO ZHES GSUNGS NAS THUGS DGYES BAR BYUNG LA, 'DI RNAMS LA BRTAGS NA YANG RJE BLA MA 'DI NYID 'BROM THUGS RJE CHEN PO'I SPRUL BA YIN PAR GDON MI ZA BA YIN NO, ,GNAS DER BZHUGS BA'I NGANG NAS SNGAR 'BUL SDUD BYAS PA'I SPYAD DNGOS RNAMS KYIS RJE SHES RAB SENG GE'I DGONGS PA RDZOGS THABS LA RI BO DGE LDAN DU MANG SKOL, 'BUL BA 'GYED BCAS SOGS KYI RDZONG STAR YANG DE NAS MDZAD PA YIN NO, ,DE NAS

ME PHO STAG GI LO'I DGUN CHOS LA BO DONG LA BYON TE CHOS BAR MDZAD, SBYIN BDAG RNAMS KYIS ZHABS TOG PHUN SUM TSOGS PA BSGRUBS SHING, KHYAD PAR LHA MO DMAG ZOR 'DIS NYE GNAS KHYAD PAR CAN CIG PHUL TE SRUNG SKYOB TSUL BZHIN DU MDZAD PA YIN NO, ,DE NAS SHAB KYI BRAG GZHUG GI RTZE RGYAL DU PHEBS, KHYUD RTZE BA NANG BA DPAL 'BYOR BAS ZHABS TOG MDZAD DE CHOS BAR MDZAD, DE NAS RIM GYIS SNAR THANG DU PHEBS TE DPON SLOB RNAMS KYIS SKU RIM LA BKA' 'GYUR GYI GSUNG SGROG MDZAD PA YANG DE NAS BZUNGS TE LO RE BZHIN RGYUN MA CHAD PAR MDZAD PA YIN NO, ,'DIR SMRAS PA, RAB YANGS SHES BYA'I MKHA' LA RAB 'PHAGS SHING, ,YON TAN 'OD DKAR BYE BAS MDZES PA CAN, ,BSTAN PA'I PAD TSAL RAB TU RGYAS PA'I SLAD, ,BSHES GNYEN KHYOD NI NYIN BYED DBANG PO LAGS, ,MKHYEN RAB DKYIL 'KHOR YONGS SU RDZOGS GYUR CING, ,NYON MONGS TSA GDUNG SKYOB PA'I BSIL ZER CAN, ,MA RIG PAD 'DAB ZUM PAR BYED PA'I PHYIR, ,BSHES GNYEN KHYOD NI RGYU SKAR BDAG PO BZHIN, ,MKHA' LA LUS MED CI ZHES DRIS PAS KHYOD KYI YON TAN PHUNG PO RNAMS, ,MI SHONG SNYAM DU DOGS PAR GYUR NAS KHO BOS LUS NI MA BZUNGS LO, ,NYI ZLA 'KHOR BA CI ZHES DRIS BAS KHYOD KYI BSOD NAMS GZI BRJID NI, ,MA BZOD SA LA 'DUG PA 'PHAGS TE MKHA' LA 'KHOR BA YIN ZHES GRAG ,CES BYA BA NI, RJE BTZUN BLA MA THAMS CAD MKHYEN PA DGE 'DUN GRUB PA DPAL BZANG PO'I RNAM THAR NGO

, ,MTSAR RMAD BYUNG NOR BU'I PHRENG BA LAS, GTZO BOR BSHAD NYAN GYI SGO NAS RGYAL BA'I BSTAN PAL PHAN PAR MDZAD PA'I RIM PAR PHYE BA STE GSUM PA'O,, ` ,,DE NAS SNAR THANG DU RJE 'DI PAS NYE GNAS CHEN PO DON GRUB GRAGS PA LA, NGED LA TSE 'DIR RJE SHES RAB SENG GE SKU DRIN CHE BA YIN, DE'I SKU DRIN BSAB PHYIR DU CHOS PHYOGS NAS BSHAD NYAN BYAS TE LAG RJES CIG 'JOG ,'JIG RTEN ZANG ZING GI LONGS SPYOD PHYOGS NAS NANG RTEN DU RTEN BZHENG ZHIG BYAS TE LAG RJES DOD PA CIG BYAS NA BSAM BAS, RTEN DE BZHUGS SA ZHIG SNAR THANG GI SPYI SGOS GANG 'THAD CIG TU DKAR ME'I RGYUN GANG 'BYOR CIG DANG BCAS TE BYUNG NA BSAM PA NGED RANG GI 'DOD MOS YIN PAS CIS KYANG DGOS ZHUS PAS DE LA KHONG PA NA RE, NYID CAG GI DE 'DRA LA SKONG RDZONGS STOBS CHEN DANG BCAS PA DGOS KYIN YOD, NGED LA 'BUL RGYU MED PAS 'DIR BZHUGS SA MI 'ONG GSUNG BAS DER YI CHAD PA CIG BYUNG, YANG RTEN DE'I BZHUGS SA ZHIG SENG GE RTZER ZHUS NAS DPAL SDINGS SAM GANGS CAN GANG 'THAD DU DGOS ZHUS PA LA'ANG DGON KHAG GZHAN GYIS CHAGS SDANG GIS BKAG STE MA BYUNG, YANG SNANG GSAL GYI LDAN 'DIR 'GRAM BTZUGS PA TZAM BYAS PA LA 'ANG GZHAN DAG GIS BKAG STEM BYUNG BA LA, DA NI, JI LTAR BYAS NA 'ONG SNYAM DU DGONGS PA BTANG BAS, DANG PO RJE BTZUN TZONG KHA PAS LUNG BSTAN BA DE DANG, PHYIS BO DONG DU LHA MO 'DIS LUNG BSTAN PA'I DGON PA DE YANG

'DI GA YIN PA SRID, KHYAD PAR SNGAR RJE SHES RAB SENG GE BSAM GRUB RTZE NAS SNAR THANG LA 'BYON RIS KYIS BKRA SHIS LHUN PO'I DGON SA 'DI LA PHYAG MDZUB GTAD DE, SA PHYOGS 'DI NA DGE 'DUN GRUB MGO BO SKYA YER YER CHOS 'CHAD KYIN 'DUG PA CIG SEMS SNANG LA DUS RGYUN DU 'OD GSUNG BA CIG YANG YANG YOD PA LA BRTEN, SA PHYOGS 'DI GA DGON PA'I GNAS SU BZANG BAR GZIGS TE 'DI NYID DU DGON PA 'DEBS PAR THUGS THAG BCAD LA, SPYIR SNGA MO NAS BLA MA LHA DANG BCAS PAS LUNG BSTAN DE LTAR YOD PHYIN RJE RANG LA NGES NGES YOD NA'ANG SBAS PA'I TSUL DU DE LTAR MDZAD DO, ,DE NAS NANG RTEN BZHENG BAR DGONGS TE PHYAG NA YOD PA'I RDZAS RNAMS BSDOMS PAS ZHO BCU BZHI BYUNG STE RTAN CHEN PO RANG ZHIG MI 'GRUB PA 'DRA DGONGS PA LA SGO RI MKHAN PO DANG DRUNG GSOL DGE BA GNYIS NA RE, RJE RIN PO CHE'I DGONGS PA DE BZHIN YIN NA BSAM GRUB RTZE'I MI DRAG PA RNAMS LA SDE PA NAS JA CHANG DANG DRO BZHES GNANG NAS RJE RANG GIS DGE BSKUL GYI BKA' LUNG ZHIG GNANG BZANG ZHUS PAS, DA BZHIN BYED GSUNGS NAS SBYIN BDAG DANG GRVA PA BU SLOB RNAMS LA DGE BSKUL RGYA CHER MDZAD PAS NYIN GCIG RANG LA DAR RGYAS PA RANG GIS GSER GA 'PHRA MANG DANG, GSER GYI SKRA CHA GCIG, RDO RINGS PAS GSER GA GCIG, BRANG TSAL BAS GSER GA GCIG, RGYA BAR BAS GSER GA GCIG RNAMS KYIS THOG DRANGS PA'I GSER ZANGS KYI 'BUL BA STOBS CHE BA DANG, NAS KHAL STOD RVA CAN TZAM ZHIG BYUNG ZHING, DE NAS

, ,KYANG RIM GYIS BYUNG BA'I SPYAD DNGOS RNAMS BSAM GRUB RTZER BZHAG, MYUR DU BZHENG BA'I THUGS 'DUN BTANG STE, ME MO YOS LO'I DGUN CHOS LA GNAS RNYING LA BYON, DGUN CHOS DANG PO LA AA MI YOL DU BZHUGS, DE NA BZHUGS PA'I GNAS RNYING MKHAN CHEN CIG GIS RJE 'DI PA LA SNE'U ZUR PA'I SKU SKYE BA BZHES PA YIN ZER BA'I LUNG BSTAN KYANG YOD, DER RTEN BZHENG GI LHA BZO BA CIG SU DRAG SNYAM DU DGONGS TE DKON MCHOG LA GSOL BA BTAB PAS DGE BSHES CIG MI RMI LAM DU, BZO BO CHOS SKYONG DAR GYIS BYED ZER BA CIG BYUNG BAS, CHOS SKYONG DAR BYA BA GA NA YOD DAM SNYAM DU DGONGS PA LA NYE GNAS SHAG MGON NA RE, DPON CHOS SKYONG DAR DE RJE BDE BAR GSHEGS PA LA MOS PO RANG ZHIG YOD, 'DI GA ZAB LAGS ZHUS, DE NAS SNANG PHUR PHEBS, DGUN CHOS GNYIS PA MDZAD, DE'I MJUG LA DE NA RJE BTZUN BYAMS PA'I RTEN NGO MTSAR CAN CIG 'DUG PA DE'I DRUNG DU BSTAN PA RGYAS PA'I SMON LAM YANG MDZAD, DE'I TSE BSAM GRUB RTZE, GZHIS KA RIN SPUNGS PA'I PHYAG TU BYUNG ZER PA'I SKAD CA YANG DER BYUNG, DE NAS SNAR THANG LA BYON, DPYID CHOS MDZAD, DE NAS BSAM GRUB RTZOR BYON, DPON CHOS SKYONG DAR LA BKA' LUNG GNANG, DE'I CHE RANG NYID KYI MNAL LAM LA, DGE 'DUN GRUB KYI BSAMS DON 'GRUB PA LA DGE 'DUN GI DGE SKOS DGE 'DUN BZANG, ZHES PA LA BRTEN NAS DBYAR CHOS KYI CHOS KHRIMS LA DKA' BZHI 'DZIN PA DGE

'DUN BSAM GRUB PA BSKOS SHING 'DIS BZHED DON KYANG GRUB BO, ,DE NAS ME MO YOS LO'I DBYAR SOS NAS BRTZAMS TE BSAM GRUB RTZE'I BRAG DMAR BLA BRANG DU RTEN BZHENG GI MGO BTZUGS TE LUGS BTANG BAS, THAD LA MA BYUNG BA LA NYAD STOD PA'I DKA' BCU PA CIG RMI LAM BRTAG TU BCUG PAS, KHONG GI RMI LAM DU CHA LUGS MDZES PA'I BUD MED GSUM MI RKANG GI GLING BU 'BUD CING 'DI SKAD LO, ,SKYES BU DAM PA'I THUGS KYI MUN PA GTING NAS BSAL, ,GANG DANG GANG DU BZHUGS PA DER, ,'OD DPAG MED PA'I SMON LAM MA, ,'GRO LA DGYES PA'I 'DZUM STON MA, ,YANG DANG YANG DU SPYAN 'DREN NO, ,LUGS PHUD RJE BTZUN SGROL MA 'TSAL, ,GSANG BSTOD GEGS MED 'BYON PA LA, ,THUB DBANG MNGAL SKYES KYI BSTOD PA 'TSAL, ,DPE DKAR GYI RTZOM PA CUNG ZAD YOD, ,RTA MGRIN NAG PO'I ZLOG PA 'TSAL, ,NGED TSO YANG SPRE GDONG CAN GZUNGS KYI DPAL DANG, MKHAS GRUB DU MA BSTEN PA YIN, YANG DANG YANG DU 'ONG GIN YOD ZER GYIN 'DUG, YANG NA KHA CIG NA BUD MED SMUG MO GCIG NA RE, BAR CHAD MI 'ONG, PHRIN LAS DANG GROGS DON NGED LCAM DRAL GYIS BYED PA YIN ZER BA CIG RMIS LAGS ZHUS PAS, DE MA THAG THUB PA CHEN PO LA BDUD DPUNG PHYE MAR 'THAG PA CES BYA BA'I BSTOD PA DE MDZAD DE LUGS PHUD LA RJE BTZUN MA'I SKU BZHENGS SHING, DE NAS STON PA'I SKU RGYAB MTHO NYER LNGA PA CIG GI LUGS BTANG BAS BYIN RLABS KYI GZI 'OD 'BAR ZHING NGO MTSAR BAR BYON NAS,

, ,RTEN DE'I THUGS KAR RGYAL BA TZONG KHA PA CHEN POS THOG DRANGS RTZA BRGYUD KYI BLA MA SANGS RGYAS BYANG SEMS KYI RING BSREL MANG POS GTAMS PA'I DNGUL GYI RGYAL BA 'OD DPAG MED KYI SKU, RJE BTZUN SHES RAB SENG GE'I DBU THOD RIN PO CHE SNA TSOGS PAS BKAD PA DANG BCAS PA BZHUGS SHING, GZHAN YANG SKU'I STOD SMAD KYI CHAR GZUNGS SNGAGS BYIN RLABS CAN MANG PO BSHAD TSOD DANG MTHUN PAR BZHUGS, KHYAD PAR SKU'I SMAD KYI CHA LA 'DUL BA'I GSUNG RAB KYI GLEGS BAM MANG PO RJE BTZUN TZONG KHA PA'I MTHANG GOS DANG BCAS PA RTEN 'BREL KHYAD PAR CAN BSGRIG PA'I PHYIR DU BZHUGS, MDOR NA DE NAS BRTZAMS TE RTEN GYI NANG BZHUGS SOGS YONGS SU RDZOGS PAR 'BRUG LO ZLA BA GSUM PA YAN LA RDZOGS PAR GRUB PA YIN NO, ,DE NAS RTEN YAR PHYOGS LA SPYAN 'DREN NAM SNYAM DU DGONGS TE DAR RGYAS PA LA KHRAB RMOG GRI GSUM GYI GNANG SBYIN MDZAD, BKA' BGROS MDZAD PA LA RDO RING PA'I DPON PO NA RE, RJE KHYAD RANG DKON MCHOG LA GSOL BA THEBS PA'I GANG ZAG YIN PAS DKON MCHOG LA GSOL BA BTAB NAS, BSTAN PA DANG SEMS CAN LA GANG DU BZHUGS NA PHAN PA CHE BAR LUNG BSTAN PA CIG MDZAD PAR ZHU, YAR MAR LA KHYAD PAR MA BYUNG NA 'DI PHYOGS LA BZHUGS PA CIG ZHU ZER, DAR RGYAS PA'I ZHU BA LA, DA SKU 'DI GANG DU BZHUGS KYANG GTZUG LAG KHANG GI ZHABS TOG BDAG RANG GIS BYED PA LAGS PAS YON MCHOD RING DU MI GTONG BA ZHU ZER, DE NAS BSAM

GRUB RTZER GZHI BYES KYI DGE 'DUN MANG PO BSAGS NAS RJE BTZUN MA LA GSOL BA BTAB PAS 'DI PHYOGS LA BZHUGS PA LUNG BSTAN BYUNG, DE NAS DGON PA'I 'GRAM GDING BAR BZHED DE DNGOS KYI SBYIN BDAG DAR RGYAS PA DPON BSOD NAMS DPAL BZANG BAS MDZAD NAS, RAB BYUNG ZHES PA ME MO YOS LO'I SMIN DRUG ZLA BA'I YAR TSES BZANG PO LA RJE RANG NYID SBYIN BDAG DANG BCAS PA 'DIR PHEBS, SA BRTAG PA, GZHI BDAG LA GTOR MA SBYIN PA LA SOGS PA'I CHOG RGYAS PAR MDZAD DE, SA'I CHA 'DIR GTZUG LAG KHANG, 'DIR BLA BRANG, 'DI RNAMS SU BRANG KHANG SO SO RNAMS GYIS GSUNGS TE, GTZUG LAG KHANG DRI GTZANG KHANG DBUS MA DANG BCAS PA'I 'GRAM BTING STE, BKRA SHIS LHUN PO DPAL GYI BDE CHEN PHYOGS THAMS CAD LAS RNAM PAR RGYAL BA'I GLING BTAB BO, ,DE YANG GTZANG KHANG CHEN MO LA KA BA DRUG GI SA DANG, 'DU KHANG LA KA BA BZHI BCU ZHE BRGYAD KYI SA YOD CING, BYAMS KHANG LA KA BA BCU GNYIS KYIS DANG; SGROL MA LHA KHANG LA KA BA BZHI'I SA DANG, MGON KHANG LA KA BA GNYIS KYIS RNAMS PHYIS BZHENGS PA YIN NO, ,DE NAS SA PHO 'BRUG GI LO'I DGUN CHOS LA LUNG NAG GAD RDZONG BYA BAR PHYAGS PHEBS, CHOS ZHAG ZHE LNGA'I BAR DU ZHABS TOG BZANG PO BSGRUBS, GSUNG CHOS RIGS LUNG SOGS 'PHEL BAR BYUNG, DE NAS KHRO PHU'I RGYAL BA BYAMS PA'I DRUNG DU BYON, DPAL SDINGS PA DANG SPANG RTZA BA'I MI NYAG BZANG PO GNYIS KYIS SBYIN BDAG MDZAD DE ZHAG BCU DRUG

, ,GI BAR DU SMON LAM CHEN MO BTZUGS, DE'I RING LA RGYAL BA BYAMS PA LA MCHOD 'BUL, SNYAN DAR, 'PHAN; GDUGS SOGS 'BUL BA DANG, BSTOD PA, BSTAN PA RGYAS PA'I SMON LAM SOGS THUGS DAM 'PHEL BAR MDZAD, DER SKYE BO'I TSOGS JI SNYED 'DUS PA RNAMS LA'ANG LAS BZANG PO'I 'BREL PA 'JOG PA SOGS KYANG MDZAD, 'DI DANG SNGA GONG NAS KYANG GNAS 'DIR SMON LAM CHEN MO LAN CIG STE LAN GNYIS MDZAD DO, , DE NAS DPAL SDINGS 'BUM PAR PHYAGS PHEBS TE CHOS BAR MDZAD, DE NAS SNAR THANG LA BYON, DPYID CHOS DE'I RING LA BSTAN PA LA DGONGS TE SMAN PA'I RGYAL PO'I MDO CHOG GI PAR BRGYA PHRAG MANG PO 'DEBS PA DANG, RTEN GYI NANG BZHUGS KYI GZUNGS PAR MANG PO YANG RJE RANG NYID KYIS MDZAD CING GTZO BOR 'CHAD NYAN RGYUN MA CHAD PAR MDZAD, DE NAS RJE RANG GI SNAR THANG GI BRANG KHANG BYANG NAS PHYAG DPE LHA RTEN PHYAG RDZAS KYI DNGOS PO GANG YOD PA RNAMS SKYEL BA LA GRVA PA THAMS CAD KYIS BSAM GRUB RTZER NYIN GCIG BYON, SLAR LOG STE DE NAS CHOS BAR RNAM SRAS GLING GI GZHIS KAR PHEBS, DPYID CHOS ZLA GCIG TZAM MDZAD DE CHOS MTSAMS LA DER BZHUGS NAS BKRA SHI LHUN POR NYIN RE ZHING BYON TE BLA BRANG KA BA NYI SHU RTZA BZHI'I SA'I 'GRAM 'DING BA DANG, GTZUG LAG KHANG GI MKHAR LAS SOGS LA SHIN TU 'GRUS PAR MDZAD DE GTZANG KHANG GI THOG DANG, GTZUG LAG KHANG GI KHYAMS STOD LA KA BA'I STAR GNYIS

KYI THOG PHUB, KHYAD PAR GTZANG KHANG LA THOG PHUB PA'I DUS KA BA LHO SHAR MA BTZUGS NAS GYENG BRGYAB PA DANG SNYAM DU 'JA' TSON GCIG SDONG 'DZUGS SU KA BA LA ZUG, 'JA' TSON GCIG KA BA NAS DUNG RTZE NA KHA LA ZUG PA DPON GNOD SBYIN GYIS DNGOS SU MTHONG, RGYANG MA NAS SKYE BO MANG POS KYANG MTHONG ZHING, THOG KHEL NAS DBU RTZE'I STENG DU 'JA' ZUG PA SOGS LTAS KHYAD PAR CAN MANG PO BYUNG, DE NAS RTEN NGO MTSAR CAN DE LHA KHANG GI DBUS SU GDAN DRANGS, DE'I TSE YANG SA GA-YO BA DANG ME TOG GI CHAR 'BAB PA SOGS NYI MA LNGA'I BAR DU BYUNG, DE NAS GRVA KHANG THOGS SHIG DANG, SGOS KYI GRVA KHANG THOGS SHIG GI 'GRAM 'DING BA SOGS KYI SKABS DER ZLA BA LNGA PA'I GZA' SKAR TSES GRANGS 'DZOM PA LA PHYOGS NAS KYI BU SLOB MANG PO SPYAN DRANGS, DPAL GSANG BA 'DUS PA'I DKYIL 'KHOR CHEN PO BZHENGS TE, NANG RTEN NGO MTSAR CAN DE LA DE'I SGO NAS RAB TU GNAS PA DANG MNGA' GSOL RGYAS PAR MDZAD DO, ,DE YANG DGON PA MA BTAB GONG DU PHYUGS RDZI MANG PO GNAS DAR PHYIN PA'I BU MO BZANG MO ZER BA CIG NA RE, DGON PA'I SRAD BAR LA BA LANG SHOR SONG ZER BA LA ZLA BO RNAMS KYIS, KHYOD SMYO 'DUG ZER BA BYUNG, DUS PHYIS MO NA RE, DGON PA MDA' RGYANG GANG GIS SNYOGS CHAD CIG LA ,SNGAS PA RGYAN CHA BZANG PO BTAGS PA CIG GIS DGE 'DUN DANG SKYE BO MANG PO LA CHOS GSUNG BA MTHONG ZER TO, ,YANG DUS PHYIS DGE BSHES CIG GIS DGON PA'I LTAG GI PHA BONG GRU BZHI ZHIG

, ,GI STENG DU BSHAR BYANG BYAS PAS NUB MO RMI LAM DU BUD MED CIG BYUNG NAS, NGA'I BLA MA'I CHOS KHRI'I STENG DU MA SDOD ZER NAS SRUNG BA BYUNG NGO ZHES ZER, SNGA GONG DGON PA'I MING LA YANG KHA CIG GANGS CAN CHOS 'PHEL ZER, LA LA DPAL 'BYOR LHUN PO ZER, YANG DE'I DUS SU RJE BLA MA 'DI GTZUG LAG KHANG 'DI'I KHYAMS 'DIR GUR DKAR PO ZHIG GI NANG DU BZHUGS PA'I THO RANGS CIG SNGAR GYI BUD MED DE'I SKAD BAR SNANG LA LHANG BA CIG BYUNG BA LA GSAN PAS, DGON PA'I MING LA BKRA SHIS LHUN PO GYIS, SNGAR GYI MKHA' 'GRO'I BRDA SKAD DES KHROL LO AANG GSUNG BA CIG BYUNG BAS BKRA SHIS LHUN PO ZHES PA LHA MO 'DIS BTAGS PA YIN, DPAL GYI SDE CHEN PHYOGS THAMS CAD LAS RNAM PAR RGYAL BA'I GLING ZHES PA RJE RANG GIS BYAS PA YIN GSUNG NGO, ,YANG DE DUS SU DGON PA'I MDUN GYI NE THANG DER RAB BYUNG ZHIG BSGRUBS, DE GNAS DER RAB BYUNG BYED PA'I THOG MA YIN PAS MING TSOGS PA RGYA MTSO 'PHEL DU BTAGS, RAB BYUNG SGRUB PA'I DUS RJE ZHAL DGON PA PHYOGS LA BSTAN TE GZIGS PAS SNGAR RI BO DGE 'PHEL DU RMI LAM LA, RJE BTZUN TZONG KHA PAS LUNG BSTAN PA'I GNAS DE 'DI YIN PAR GOR MA CHAG PAR 'DUG SNYAM DU THUGS NGES DANG, KHYAD PAR RJE YAB SRAS GSUM GYI BZHUGS SA SOGS LA CHER DPYAD PAS THUN MONG MA YIN PA'I NGES SHES BYUNG, DE'I PHYIR DGON PA 'DI RJE BTZUN TZONG KHA PA YAB SRAS DANG LHA MO 'DIS LUNG BSTAN PA

YIN NO ZHES GSUNG, KHYAD PAR GLEGS BAM RIN PO CHE LAS KYANG DGON PA 'DI NYID KYI LUNG BSTAN MANG DU GSUNGS SHING, CHES GSAL BAR, GLANG CHEN BZHENGS DANG BZHUGS 'DRA BA, ,MTHAR THUG BSAM GTAN LHUN GRUB SHOG , CES DANG, LTA BAS MI NGOMS GZI BRJID CAN, ,MTSUNGS PA MED PA'I BKRA SHIS GNAS, ,BKRA SHIS LHUN PO RGYAS 'GYUR SHOG 'DOD DGU 'BYUNG BA'I RIN PO CHE, ,DE DANG MTHUN PA DPAG BSAM SHING, ,DGOS 'DOD 'BYUNG BA'I BKRA SHIS GNAS, ,BKRA SHIS MCHOG RAB RGYAS 'GYUR SHOG ,CES SOGS KYIS BKRA SHIS LHUN PO'I RGYAB RI DANG, GNAS KYI DBYIBS DANG, DE'I GANG ZAG DANG, DES BSAM GTAN 'GRUB LUGS DANG, RTEN KHYAD PAR CAN 'BYON LUGS LA SOGS PA RNAMS LUNG BSTAN PA YIN NO ZHES RJE RANG NYID KYI GSUNG LAS DNGOS SU THOS PA YIN NO, ,DE NAS RNAM SRAS GLING DU DBYAR ZHAL BZHES MDZAD PA'I ZHABS TOG BSAM GRUB RTZE NAS BSGRUBS, DGAG DBYE THON NAS RJE DPON SLOB KYIS BKRA SHIS LHUN POR PHEBS TE, DER GZHI PHAB STE BZHUGS PA'I THOG MA DE NAS MDZAD, DE'I DUS SU DAR RGYAS NANG PA DPON BSOD NAMS DPAL BZANG BAS DGON PA'I GZHI RTEN LA GZHIS MKHAR BA'I BOGS SNGO CHAGS SOGS KYI YONG SGO RNAMS PHUL TE LO RE BZHIN DBYAR CHOS LA GSOL PHOGS 'BUL BAR MDZAD DO, ,DE NAS SA MO SPRUL LO'I DGUN CHOS NAS BRTZAMS TE, GRVA PA RNAMS KYIS KYANG BKRA SHIS LHUN POR BZHUGS

, ,SA'I MTHIL MDZAD PA YIN NO, ,DE'I TSE RJE BLA MA 'DIS BLA BRANG RGYAL MTSAN MTHON PO'I SKAM THOG CIG TZAM LA BRTEN NAS BZHUGS PA'I DGUN CHOS GNYIS 'DIR MDZAD, DE NAS DPYID CHOS LA SNAR THANG DU PHEBS, DPON SLOB NYUNG SHAS SHIG LAS MA BYUNG YANG GSUNG CHOS RIGS LUNG SOGS SHIN TU 'PHEL BAR BYUNG, DE NAS SLAR YANG BKRA SHIS LHUN POR PHEBS TE BZHUGS, DE LTA BU'I RTEN BZHENGS MKHAR LAS SOGS KYI NGANG NAS KYANG SPYIR BSHAD NYAN RGYUN MA CHAD PAR MDZAD CING, KHYAD PAR LO DE LA GRVA TSOGS KYANG CUNG ZAD CHUNG BA LA BRTEN, RJE BLA MA 'DIS GSUNG CHOS THAMS CAD GZABS BSHAD DANG, KHYAD PAR DU TSAD MA RNAM 'GREL LHA DBANG BLO'I 'GREL PA SOGS RGYA 'GREL MANG PO DANG, t'IKA CHEN RIGS PA'I RGYA MTSO SOGS BOD t'I KA MANG PO YANG GZIGS NAS, LEGS PAR BSHAD PA'I GSUNG GI ZIN BRIS BU SLEB SNGA MA DAG GIS BYAS PA YANG YOD DO, ,LO DE'I DBYAR ZHAL BZHES KYANG DER MDZAD DE, GNAS DE'I DBYAR ZHAL BZHES KYI THOG MA YANG DE YIN NO, ,DE DUS THO RANGS SHIG RMI LAM DU RJE BTZUN TZONG KHA PA BYON NAS, DGE 'DUN GRUB, KHYOD BDAG GZHAN BRJE BA'I BYANG CHUB KYI SEMS SGOM MAM GSUNG BA LA, DPE LA BLTAS TE SGOM GYIN YOD ZHUS, SGOM DGOS GSUNG BA'I DON DU GO ,DE NAS LCAGS PHO RTA LO'I DGUN CHOS GROL MTSAMS SHIG TU RJE BLA MA 'DI RI BO DGE LDAN GYI MKHAN PO LA GDAN 'DREN PA LA BLA MA DKA' BCU PA SBYIN PA DPAL BA DANG DGE SKOS DPAL

LDAN RIN CHEN PA GNYIS KYIS THOG DRANGS DPON SLOB THOGS SHIG GIS SLEBS, ZHU BA PHUL BAS, RJE BLA MA'I GSUNG NAS, BDAG DER MI 'GRO, DE'I RGYU MTSAN YANG DGON PA 'DI YANG BTAB MA THOG TU SONG BAS RGYUN BRTAN PA CIG MA BYUNG DOGS SHING; KHYAD PAR SNGAR BYAS PA THAMS CAD KYANG BSTAN PA SPYI SGOS 'BA' ZHIG LA BSAMS, DA DUNG YANG RJE BTZUN TZONG KHA PA CHEN PO'I BSTAN PA 'BA' ZHIG LA BSAMS TE 'DIR KA SNGOD PA YIN GSUNGS TE MI 'BYON PAR THAG BCAD DO, ,DE NAS LCAGS MO LUG GI LO LA LHA RGYAL RTZER PHEBS TE DGUN CHOS DANG PO MDZAD, DGUN CHOS GNYIS PA LA SUL PHUR BYON, DPON NAM MKHA' RGYAL PO SKU MCHED KYIS ZHABS TOG BSGRUBS TE CHOS BAR DANG, DE NA RTEN NGO MTSAR CAN GNYIS 'DUG PA DE'I DRUNG DU BSTAN PA RGYAS PA'I SMON LAM YANG MDZAD DO, ,DE NAS SDE CHEN RTZER PHEBS, SENG GE RTZE NAS ZHABS TOG BSGRUBS, CHOS THOG GNYIS KYI BAR LA GSUNG CHOS RIGS LUNG SOGS KYANG 'PHEL BAR BYUNG, DE NAS SLAR YANG BKRA SHIS LHUN POR PHEBS, DBYAR ZHAL BZHES MDZAD, CHU PHO SPRE'U'I DGUN CHOS LA RGYAB KHRAR PHEBS, DAR RGYAS PAS ZHABS TOG BSGRUBS, DGUN CHOS GNYIS PA LA YANG DPAL SDINGS LA BYON, DER CHOS THOG GNYIS BZHUGS, BRAG GZHUG PA DANG, DGE BSHES BSOD NAMS 'PHEL SKU MCHED KYIS ZHABS TOG BSGRUBS, DPAL SDINGS KYI GTZUG LAG KHANG DER BSTAN PA RGYAS PA'I SMON LAM YANG MDZAD DO, ,DE NAS SNAR THANG DU PHEBS TE CHOS THOG GCIG MDZAD, SLAR YANG

, ,BKRA SHIS LHUN POR PHEBS TE DBYAR ZHAL BZHES MDZAD, DE'I LO DGE 'DUN GYI SPYI BSOD CHEN MO 'DI YANG BTZUGS PA YIN NO, ,CHU MO BYA LO'I DGUN CHOS LA THAG GI GDONG DKAR DU PHEBS, 'DI PAS DA LAN DANG, DER MA ZAD RIM PAR ZHABS TOG TSUL BZHIN DU BSGRUBS TE SBYIN BDAG GI GTZO BO ZHIG MDZAD, DE NAS 'DIR PHEBS, SNAR THANG MKHAN PO BSOD NAMS MCHOG GRUB PA GDAN SA THEL DU GSHEGS PA'I DGONGS PA RDZOGS THABS DAR RGYAS NAS DGON PA 'DIR LEGS PAR BSGRUBS SO, ,DE NAS BZUNGS TE LO SPREL GYI BAR DU BSHAD NYAN RGYUN MA CHAD PA'I NGANG NAS SPYI DGOS KYI MKHAR LAS SOGS KYANG LEGS PAR MDZAD DO, ,DE NAS SHING PHO KHYI LO'I DGUN CHOS LA RTA NAG RI KHUD DU PHEBS, LHA RGYAL RTZE PAS ZHABS TOG BSGRUBS TE DGUN CHOS DANG PO MDZAD, DE NAS DGUN CHOS GNYIS PA LA LUNG NAG GAD RDZONG DU PHEBS, ZHABS TOG TSUL BZHIN DU BSGRUBS TE CHOS BAR MDZAD, DE NAS YANG LHA RGYAL RTZER PHEBS TE CHOS BAR MDZAD, SLAR YANG SNAR THANG DU PHEBS TE CHOS THOG GCIG MDZAD NAS BKRA SHIS LHUN POR PHEBS TE NGA BAR ZHAL BZHES MDZAD DO, ,DE NAS SHING MO PHAG GI DGUN CHOS LA RTA NAG RI KHUD DU PHEBS TE DGUN CHOS MDZAD, SLAR YANG BKRA SHIS LHUN POR PHEBS, BSHAD NYAN TSUL BZHIN DU MDZAD DO, ,ME PHO BYI BA'I DGUN CHOS LA GDONG DKAR BAS THAG RDZONG NUB TU SPYAN DRANGS TE ZHABS TOG TSUL BZHIN DU MDZAD, SLAR YANG 'DIR PHEBS TE BZHUGS,

YANG ME MO GLANG LO'I DGUN CHOS LA GDONG DKAR DU SPYAN DRANGS TE ZHABS TOG TSUL BZHIN DU BSGRUBS, DE DUS RJE 'DI NYID KYI TSEMS GCIG BRUL BA GDONG DKAR BA NANG PA DPAL 'BYOR BA LA GNANG BA LA, KHONG GIS GSOL BA BTAB PAS DUS PHYIS RJE BTZUN MA'I SKU MTSAR ZHING DOD PA CIG RING BSREL GSUM GYI DBU RGYAN DANG BCAS PA BYON PA KUN GYI MTHUN SNANG DU GRUB PA YIN NO, ,DE DUS MNAL LAM DU RJE SHES RAB SENG GE YIN ZHES ZER BA CIG LA RJE BTZUN TZONG KHA PA'I RNAM PA CAN CIG GIS, CHOS KYI MTHAR THUG SEMS SKYED YIN, ,LTA BA'I MTHAR THUG STONG NYID YIN, ,RGYUD KYI MTHAR THUG GSANG 'DUS YIN, ,GSUNGS NAS RAL GRI GNYIS GTAD SONG BA RMIS GSUNG NGO, ,DE NAS YANG 'DIR PHEBS, GTZUG LAG KHANG GI THOG 'BIGS PA'I THUGS 'DUN BTANG PA'I TSE RJE 'DI PA'I MNAL LAM DU MI DKAR PO ZHIG NA RE, NGA KHYOD KYI PHO LHA YIN, SPYAN RAS GZIGS KYI GTZUG LAG KHANG BZHENG BA LA SHING 'BUL DU 'ONGS PA YIN ZER TE SHING MANG PO 'DIR SLEBS PA RMIS, GZHI BDAG BZANG RA 'DI YIN PA 'DRA GSUNG, YANG KHA CIG GI RMI LAM DU 'BROG PA'I KHYE'U DKAR PO ZHVA RTZE RING GA-YON PA 'GA' ZHIG GIS GA-YAG MANG PO LA SHING BKAL TE, SPYAN RAS GZIGS LA 'BUL LO ZHES ZER TE 'DIR SLOBS PA RMIS ZHES ZER ZHING, DON LA YANG RJE RANG NYID KYI GDUNG CHOS SU GTOGS PA'I 'BROG PA RNAMS KYIS LHO'I LA MO NAS SHING RNAMS GA-YAG LA BKAL TE BSKYAL LA, SHING THOGS SHIG GNAS RNYING,

, ,DPAL 'KHOR LO SDE CHEN SOGS NAS CHU LA DRANGS TE 'DIR SLEBS, DE NAS SHING BZO BA'I DPON MKHAS PA GNYIS KYIS THOG DRANGS BZO BO MANG POS BZO BTZUGS TE DE'I RING LA BZO BO RNAMS KYI NYAMS SNANG LA NYIN MO MI DANG MTSAN MO MI MA YIN GYIS LAS BYED PA'I SNANG BA DANG, RMI LAM RMI BA SOGS MANG DU BYUNG ZHING, DE NAS LEGS BAR RTZOM PA BYAS PAS MYUR DU THOG 'BIGS LEGS PAR GRUB CING, DE LO DBYAR DE GZIMS KHANG RGYAL MTSAN MTHON PO'I KA DRUG MA'I GNAS BRTAN LHA KHANG GI RI MO 'DI YANG GRUB PA YIN LA, DE'I TSE RJE'I ZHAL NAS DPON MO CHE BSAM GTAN PA LA, LHA MO 'DI'I SKU SGO RGYAB 'DIR 'BRI BA'I LUGS YIN NA'ANG, LHO SHAR GYI ZUR 'DI NA HRAB HRIB DANG, SHAB SHIB MANG PO ZER CING, NGA 'DIR SDOD ZER GYIN 'DUG PAS 'DIR BRIS GSUNGS NAS, ZHAL NUB GZIGS LA MDUN DU GTOR MA DANG BCAS PA BZHUGS SO, ,DE NAS SA PHO STAG LO'I DGUN CHOS LA SENG GE RTZER PHEBS, BDAG MO RDO RJE TSE RING MAS ZHABS TOG BZANG PO BSGRUBS, GSUNG CHOS KYANG 'PHEL BAR BYUNG, DE DUS GRVA PA 'GA' ZHIG LA NA TSA 'DRA BYUNG BA LA RJE'I ZHAL NAS, 'DI'I DGON PA'I LHA MO 'DI'I GA-YO ZHIG YIN TSOD DU 'DUG ,'DI MGON PO PHYAG BZHI PA'I YUM AE KA DZ'A tI YIN, NGED RANG GI LHA MO 'DI DANG YANG GCIG PAR 'DUG ,MGON PO PHYAG BZHI PA 'DI BDAG LA SKU'I SNANG BA YANG DANG YANG DU STON PA CIG YOD PAS 'DI LA GSOL

MCHOD BYAS NA PHAN PA CHE BAR 'ONG NGO GSUNG, DE NAS DGUN CHOS GNYIS PA LA BO DONG LA PHEBS, DGE BSHES NAS BZANG BA SKU MCHED KYIS ZHABS TOG BSGRUBS, DE DUS SU SA SKYA PA CHOS RJE SENG RGYAL BA ZHES PA DE NA BZHUGS KYIN 'DUG PA LA RJE 'DI NYID KYIS SA SKYA PA'I DMAR PO SKOR GSUM GYI MAN NGAG KHYAD PAR CAN DANG, RTA MGRIN YANG GSANG GI BKA' DANG, DE'I BKA' SDOD BEG TZE LCAM DRAL GYI RJES GNANG MAN NGAG DANG BCAS PA RNAMS ZHUS SHING, RJE 'DI PAS KYANG KHONG PA LA KHROS MA NAG MO'I BKA' YANG GNANG BA YIN NO, ,DE'I TSE GONG GI BKA' LUNG 'DI RNAMS KYI YIG CA YANG CHANG BAR BSGRUB TE PHYIS BAG TZE LCAM DRAL LA DGON PA 'DI'I PHYI NANG GI GNYER GTAD KYANG LEGS PAR BCOL BA YIN NO, , DE NAS LHA RGYAL RTZER PHEBS TE CHOS BAR MDZAD, DE DUS BDAG GI BLA MA SEMS DPA' CHEN PO BLO GROS SPAS PA DE'I NYE SKOR GYI KHRU MA DGA' LDAN ZHES PA'I DBEN GNAS SHIG NA THUGS DAM LA BZHUGS PA DES, RJE BLA MA 'DI'I DRUNG DU MJAL BA LA BYON TE GSUNG RAB KYI 'BEL GTAM SPYI DANG, KHYAD PAR RGYAL BA'I BSTAN PA LA DGONGS PA'I BSHAD SGRUB TSUL BZHIN DU MDZAD PAR DPON SLOB MTHUN GRUB TU THUGS DAM 'CHA' BA SOGS MDZAD DO, ,DE NAS SNAR THANG LA BYON, BYANG CHEN GYI THEG CHEN PHO BRANG DU RIN PO CHE KUN DGA' DPAL LDAN PA SPYAN DRANGS TE SHANGS PA'I NE GU'I CHOS SKOR TSANG MA, MGON PO YID BZHIN NOR BU'I RJES GNANG DANG BCAS PA RNAMS ZHUS, DE NAS SNAR THANG DU BYON TE SNAR THANG MKHAN PO GRAGS PA

, ,DON GRUB PA LA RGYAL PO CHEN PO RNAM THOS SRAS KYI BKA' ZHUS SHING, DUS PHYIS KHONG PA LA BYANG SA'I LUNG ZHIG ZHU RTZIS YIN NA'ANG MA GRUB, DE NAS 'DIR PHEBS, BIR THOGS RGYAL PO DPON MO CHE SMAN THANG PA DPON SLOB KYIS BTZUG LAG KHANG GI LDEBS CHEN GNYIS LA, RGYAL BA RDO RJE 'CHANG LA GRUB CHEN BRGYAD CUS BSKOR BA DANG, THUB PA CHEN PO LA 'PHAGS PA'I GNAS BRTAN BCU DRUG GIS BSKOR BA'I ZHING KHAMS GNYIS KYI RI MO RDZOGS PA DANG, MDZAD BCU'I ZHING BKOD CHEN MO'I SKYA RIS RNAMS MDZAD CING, KHYAD PAR RGYAL BA RDO RJE 'CHANG CHOS 'CHAD DU MDZAD PA YANG RTEN 'BREL KHYAD PAR CAN GYI PHYIR MDZAD DO, ,DE'I TSE NUB CIG MNAL LAM LA RNAM SRAS GLING GI 'KHRIS KYI RI 'DI'I STENG NA YI DAM RDO RJE 'JIGS BYED ZHAL PHYAG YONGS SU RDZOGS PA'I PHYAG MTSAN THAMS CAD LA PHOD KHA RE BSNAMS PA GZIGS SHING, 'DI PHYIS BRTAGS NA DGON PA'I NYE SKOR DU DUS ZINGS CHEN PO 'ONG BA'I LTAS YIN PA 'DRA GSUNG, DE NAS ZHING BKOD GZHAN RNAMS KYANG LHA BTZUN BSTAN PA'I RGYAL MTSAN DANG, BSHES GNYEN SANGS RGYAS BZANG PO DANG, DPON MO CHE BSAM GTAN PA SOGS RI MO BA SO SO RNAMS KYIS RIM PA BZHIN DU MDZAD PA YIN NO, ,YANG SKABS SHIG TU RJE'I DGONGS PA LA, RJE SHES RAB SENG GE DE'I BKA' DRIN BSAB PHYIR DU SNGAR GYI RTEN BZHENGS DGON PA DANG BCAS PA'ANG YIN MOD, DA DUNG SNGAGS LA BRTEN PA'I SKU DRIN BSAB PHYIR DU DPAL GSANG BA 'DUS PA'I

GSER SKU LHA GRANGS TSANG MA ZHING BZHENG PA DANG, DGON PA 'DIR YANG RGYUD KYI 'CHAD NYAN RKANG BTZUGS SHIG KYANG 'DZUGS PAR BZHED DE, BDAG GI BLA MA MKHAS GRUB CHEN PO BZANG PO BKRA SHIS LA 'DIR RGYUD KYI BSHAD NYAN CIG CES KYANG MDZOD GSUNGS TE, DE'I RTEN 'BREL DU DPAL LDAN BLA MA'I DBANG BUM YIN ZER BA'I BUM PA BZANG PO ZHIG GI GNANG SBYIN KYANG MDZAD, GZHAN YANG DKA' BCU PA DPAL LDAN BZANG PO ZHES PA LA BRGYAGS RTEN RIN PO CHE GNANG STE, RGYUD 'CHAD THUB PA CIG GYIS SHIG GSUNGS TE DBUS PHYOGS LA BRDZANGS, THA NA BDAG LTA BU LA YANG DE MTHUN GYI BKA' LUNG GNANG NA'ANG GDUL BYA'I STABS KYIS THUGS BZHED BZHIN GYI MDZAD PA MA GRUB, 'ON KYANG RE ZHIG LA GSANG BA 'DUS PA RIGS LNGA'I SKU DANG, BDAG CAG GI TSE SGRUB LA DMIGS PA'I RJE BTZUN MA DKAR MO'I SKU CIG BZHENG BAR BZHED DE, THOG MAR RIGS LNGA BZHED BA'I RGYU DANG YON RDZONGS DBUS PHYOGS LA BRDZANGS TE SPRUL PA'I BZO BO SLE'U CHUNG BA LA PHUL NAS LEGS PAR BZHENGS PA'ANG 'DIR SLEBS, DE NAS STAG RTZE PA'I LHA BZO BA MKHAS PA CIG GIS THOG MAR RJE BTZUN MA DKAR MO'I BZO TSAD KYI SMAN SKU ZHIG PHUL, DE NAS KHONG GIS RJE BTZUN MA'I GSER SKU MDA' TSAD TZAM MTSAR ZHING BYIN RLABS CHE BA CIG BZHENGS TE PHUL BA LA KHONG YON RDZONGS SOGS KYIS MNYES PAR MDZAD DO, ,YANG SKABS SHIG TU GTZANG KHANG DBUS MA 'DIR RTEN BZHENG THOGS SHIG MDZAD PA LA, NYANG STOD GNAS GSAR

, ,BA'I LHA BZO BA DPON SLOB 'GA' ZHIG GIS BSTAN PA'I GTZO BO'I LDEM GNYIS GANDHO LA DANG BCAS PA, GA-YAS GA-YON DU RGYAL BA TSE DPAG MED DANG SMAN PA'I RGYAL PO, SHAR NUB TU NYE BA'I SRAS CHEN BRGYAD KYI SMAN SKU RNAMS SKU TSAD CHE ZHING MTSAR CHAGS DANG LDAN LA BYIN RLABS KYI GZI 'OD 'BAR BA BZHENGS SO, ,SA MO YOS LO'I DGUN CHOS LA GNAS RNYING LA BYON, SNANG PHU BAS ZHABS TOG BSGRUBS, GSUNG CHOS RIGS LUNG SOGS 'PHEL BAR BYUNG ZHING, DE'I TSE DE SKOR GYI BAN SKYA'I TSOGS DPAG TU MED PA LA BKA' GDAMS GLEGS BAM RIN PO CHE'I LUNG GNANG ZHING, DGE BA'I SA BON 'JOG PAR MDZAD LA, RJE BTZUN GYI SKU KHYAD PAR CAN 'DI BZHENG PA'I 'BUL SDUD SNGA MA YANG DE NAS MDZAD DO, ,DE NAS 'DIR PHEBS TE LO DE'I DBYAR BDE BA CAN PA GNAS BRTAN CHOS BZANG ZHES PAS BZHUGS KHRI'I STENG GI 'BOL DANG, DGE 'DUN GYI GRAL GDAN GYI 'BOL YUG THOGS SHIG PHUL, DE NAS BZUNGS TE YUN RING GI BAR DGE SKOS RE RES 'BUL YUG RE PHUL BAS BRGYA LHAG TZAM ZHIG BYUNG ZHING, DE'I GNAD KYIS DGE 'DUN GYI GRAL GDAN RANG RE'I 'DI BAS BZANG BA GA NA'ANG MED CING, 'DI NI, BSOD NAMS KYI TSOGS KYANG SHIN TU CHE BAR 'DUG GO, DE NAS RJE BLA MA 'DI'I DGONGS PA LA, SNGA MO NAS MKHAS GRUB THAMS CAD MKHYEN PA MNAL LAM DU BYON TE, RJE BTZUN BYAMS PA'I SKU ZHIG BZHENGS NA BSTAN PA DANG SEMS CAN LA PHAN PA RGYA CHEN POR 'GYUR BA'I LUNG

BSTAN CIG YONG PA DANG, GZHAN YANG RANG GI SLOB MA NYAMS RTOGS CAN 'GA' ZHIG GI NYAMS DANG RMI LAM LA, RJE BTZUN GYI SKU BZHENGS NA PHAN THOGS RGYA CHEN PO 'ONG ZER BA MANG PO YOD PA SOGS LA BRTEN NAS, SNGAR GSANG BA 'DUS PA'I LHA'I SKU CHANG MAR BZHENG PA'I 'DUN PA YOD PA'I RIGS LNGA MA GTOGS LHAG MA RNAMS BZHENG DGOS YOD NA'ANG GSER SKU NI, CUNG MI 'GRUB PA 'DRA, LDER SKU CHE RAB CIG BZHENG AE THUB, 'ON KYANG DKON MCHOG LA THUGS RJE YOD PAS GSOL BA BTAB NA GSER SKU YANG BZHENG THUB SNYAM DU DGONGS TE, GNAS RNYING DU 'BUL SDUD SNGA MA MDZAD DUS THOG MA RANG LA GSER GYI TOG CIG BYUNG BAS, RTEN 'BREL SHIN TU LEGS GSUNGS NAS THUGS MNYES SO, ,DA NI, PHYOGS THAMS CAD DU DGE BSKUL GYI 'BUL SDUD RGYA CHER BYAS TE, RJE BTZUN BYAMS PA'I SKU SKU TSAD CHE BA CIG BZHENG BAR BYA'O SNYAM DU DGONGS TE, BDAG CAG GROGS MCHED LNGA LA ZHAL TA NAN GYIS GNANG STE THOG MAR LHO BYANG GNYIS LA 'BUL SDUD LA BRDZANGS, DE DUS NE RING RIN PO CHE PAS RIN PO CHE ZHO DRUG CU RE LNGA'I 'BUL BAS THOG DRANGS SO SO THA DAD NAS 'BUL BA RGYA CHE BAR BYUNG ZHING, DE DAG GI SKABS SU LHA DANG CHOS SKYONG GIS SRUNG SKYOB TSUL BZHIN DU BYAS PA SOGS NGO MTSAR BA'I LTAS MANG PO DANG BCAS TE STON BTZAS MA'I DUS NYES SKYON MED PAR 'DIR SLEBS, DE DUS TA'I SI TU RNAM RGYAL GRAGS PAS RJE BTZUN GYI SKU BZHENG BA LA LANG 'BUL BA STOBS CHE BA MDZAD CING, RJE 'DI PA LA GSUNG RAB KYI DRI BA THUN MONG BA THOGS SHIG YOD PA LA LAN SKABS

, ,BAB LA BSRING GSUNG BA YANG YOD DO, ,DE'I TSE BDAG GROGS MCHED RNAMS KYI NANG NAS DGE BSHES BLO BZANG ZHES PA BYANG CHUB SEMS DPA'I BRTUL ZHUGS LA GNAS PA CIG YOD PA DE GROGS MCHED GNYIS MNGA' RIS STOD LA 'BUL SDUD LA BRDZANGS, DE'I TSE KHO NGA RNAMS LA MNGA' RIS RGYAL PO JO BO GRAGS 'BUM LDE ZHES BYA BAS SRANG MANG PO RI BA'I GA-YU MO CHES THOG DRANGS 'BUL BA MANG PO DANG, GZHAN YANG DE PHYOGS KYI BU SLOB SBYIN BDAG RNAMS KYIS DAD 'BUL BSAM GYIS MI KHYAB BA DANG BCAS TE, LCAGS MO SBRUL LO'I STON DUS NYES SKYON MED PAR 'DIR SLEBS, DE'I TSE YAR NGO'I TSES BRGYAD CIG LA RJE'I ZHAL NAS LHA BTZUN BSTAN PA'I RGYAL MTSAN LA, RJE BTZUN GYI SKU TSAD JI TZAM 'ONG GI BRTAG PA CIG BYED DGOS PA 'DUG PAS, GYENG LOGS SHIG LA PHYAG MTHO DRUG GI TSAD MDZAD NAS, 'DI LA DBES PA'I ZHAL CIG BRIS GSUNG, KHONG GIS BRIS PAS TSAD 'PHYUGS NAS, MTHO DGU TZAM DU SONG BA DANG RJE'I ZHAL NAS, BLA MA ZHANG GIS LHA CHEN DPAL 'BAR BZHENGS DUS NYE GNAS KYIS SROG SHING CHAD 'PHYUGS PA'I RTEN 'BREL GYIS SKU SHIN TU CHE BA CIG BYUNG ZER, 'O SKOL LA YANG SKU CHEN PO ZHIG 'ONG BA YIN YOD GSUNG, DE NAS ZHAL BRIS NAS MCHOD PA PHUL, GSOL BA BTAB PAS DE'I NUB MO LHA RI RTZE NAS SER SNAM GYI GSOL BEMS LEGS PA CIG 'BUL BA LA BTANG BYUNG BAS, RTEN 'BREL SHIN TU LEGS ZHES GSUNG, DE'I THO RANGS MNAL LAM

DU; SUM BRGYA DRUG CU THOB ZER BA'I SGRA LHANG PA CIG BYUNG GSUNG, DE'I NYIN PAR RTZE ZHOL BA'I MO RENG MO ZHIG GIS RJE'I DRUNG DU GSER ZHO DO, ,ZANGS SHU GCIG, NAS KHAL SUM CU, SNAM BU BUBS GCIG RNAMS PHUL BAS DGYES TE, RANG RE'I RTEN BZHENG 'DI LA BAR CHAD MED CING, LONGS SPYOD DANG 'GRO DON YANG CHEN PO 'ONG BA 'DUG GSUNGS NAS SHIN TU DGYES PAR GYUR TO, ,LO DE'I DPYID MGON KHANG 'DI'I NANG DU RTEN BZHENGS PA LA, BDAG GI BLA MA RNAL 'BYOR GYI DBANG PHYUG BZANG PO RGYAL MTSAN PAS ZHAL BKOD SBYIN BDAG SOGS KYI BDAG RKYEN MDZAD DE, YI DAM MGON PO DKAR NAG 'KHOR DANG BCAS PA'I SKU RNAMS BYIN RLABS DANG GZI BRJID CHE BAR BZHENGS, LHA MO'I SKU 'DI RJES LA BZHENGS SO, ,DE'I STON FBDAG GIS KYANG RJE RIN PO CHE 'DI'I SKU DRUNG DU BSDAD DE PHYAG DPE 'BRI BA SOGS KYI SGO NAS MNYES PAR BYAS TE, RJE RANG GI SKU SKYE SNGA PHYI'I MDZAD PA RNAMS ZHIB TU ZHUS, DE NAS LCAGS PHO 'BRUG GI LO LA DGON PA 'DIR BZHUGS TE, PHYIS RJE RANG GI BSTAN 'DZIN CHEN PO DGE BA'I BSHES GNYEN SANGS RGYAS DPAL RIN PA DBUS PHYOGS LA 'BUL SDUD LA RDZONG BA DANG, 'DI SKOR GYI BU SLOB SPYI SGOS RNAMS LA'ANG 'BUL SDUD RGYA CHER MDZAD PA DE THAMS CAD LA YANG RANG GZHAN THAMS CAD RJE BTZUN GYI ZHABS DRUNG DU SKYES TE, THEG PA CHEN PO'I CHOS KYI DPAL LA LONGS SPYOD PA'I RTEN 'BREL KHYAD PAR CAN BSGRIG PA'I PHYIR DU RJE BTZUN GYI SKU 'DI BZHENG PA YIN PAS, ZHES PA'I BKA' LUNG PHYOGS THAMS CAD DU GNANG ZHING, THUGS

, ,LA YANG DE 'BA' ZHIG DGONGS PA'I SGO NAS MDZAD PA LA, DA LHA BZO BA JI LTA BU DRAG SNYAM DU DGONGS PA'I TSE SLOB DPON RNAMS BSAGS NAS BZO BO SU DRAG GI BKA' BGROS MDZAD PAS KHA CIG NI, SLE'U CHUNG PA DRAG ZER; KHA CIG NI, BYANG PA'I DPON BKRA SHIS RIN CHEN PA DRAG ZER, PHAL CHER ZHAL MTHUN PAR BAL PO RANG DRAG, LHA CHEN 'DI TZAM BZHENG PA LA BAL PO MKHAS SHING RGYU YANG GRON CHUNG ZER, GNAS BRTAN DON RGYAL PA NA RE, GROS SNA SHES RAB CAN GYIS THON, ,GROS THAG BSOD NAMS CAN GYIS CHOD ZER BA YIN, RJE RANG GI DGONGS PA LA GANG SHAR BA CIG MDZAD PAR ZHU, BYUNG TZAM BYUNG NA BAL PO MDZAD NA DGA' BA YIN ZHUS PAS RJE'I DGONGS PA LA, BAL PO BYAS NA YON RDZONGS RNAMS LA GSER DNGUL DANG GOS DAR RKYANG DGOS PAR 'DUG DGONGS NAS DE NUB THAG MA CHOD PAR, DA DKON MCHOG LA GSOL BA BTAB NAS BYED GSUNGS NAS DE NUB 'THEN, DE RTING SLOB DPON RNAMS SPYAN DRANGS NAS ZAN RIL BYAS TE, RJE BTZUN MA LA GSOL BA BTAB PAS, BZO PO BKRA SHIS RIN CHEN CUNG ZAD NGO MTHO YANG BAR CHAD CHE BAR LUNG BSTAN, DE NUB YON CHAB KYI STENG DU DKAR ME'I DUD PAS ZHAG CHAGS PA BZHIN BYAS NAS, MEE TRE ZER PA'I YI GE LANYDZA'I RNAM PAR SHIN TU GSAL BA CIG BYUNG BAS THAMS CAD NGO MTSAR BAR GYUR TE, DE'I NUB MO THUGS DAM PA CIG GI RMI LAM DU BUD MED RGYAN CAN MANG PO TSOGS PA'I DBUS NA BUD MED SMUG MO MDA' DAR SHO SPUNG CIM KHYER BA CIG NA RE, BSTAN PA'I SNYING PO DE LA 'DI SKAD SMROS

BLO DMAN RNAMS NI 'DOD YON SRED PAS BCING, ,SEMS DPA' RNAMS KYI SPYOD TSUL DPAG MI NUS, ,LUS SROG LONGS SPYOD GA-YO MED BYANG CHUB BSNGO, ,SUM BRGYA DRUG CU MI PHAM MGON PO'I TSAD, ,RGYAL SRAS SPOBS PA ZHAN DU MA 'JUG CIG, HE HE; ZER BA CIG DANG, MGON PO YID BZHIN NOR BU LA GSOL BA THOB, MI GSAR GYI KHA NAS GTAM YONG BA YIN, LHA BZO BA BOD KYIS BYAS NA SHI CHAD NYE, STOD PHYOGS KYI 'BUL SDUD PA RNAMS 'DUN THOG TU 'BAB ZER BA CIG BYUNG, DE'I NYIN BAR STON CHEN LHA BCAN LHA MO BYA ZHIG MDZAD PAS, LHA BZO BA BOD KYIS BYAS NA BAR CHAD CHE, BAL POS BYAS NA DPA' BOS DPA' BO 'KHRID PA YIN PAS BZANG ZER BA BYUNG, DE'I TSE LHUN PO RTZER RTEN BZHENG LA BAL PO THOGS SHIG 'DUG PA LA ZHAL TA GNANG BAS KHONG RNAMS 'DOD PA CHES PAS MA 'GRIG, DE NAS SNGAR BRTAG PA BABS PA DANG MTHUN PAR LHA BZO BA LA STOD BYANG NAS 'BOD PAR THAG BCAD, LO DE'I DPYID TA'I SI TU BA'I DRIS LAN RNAMS BDAG CAG RNAMS LA GSUNG CHOS SU GNANG STE RTZOM PA MDZAD DE 'BUL BA DANG LHA BZO BA 'BOD PA PHYOGS MTHUN DU BDAG GIS LO DE'I STON GZHUG BYANG LA PHYIN, MUS PA SOGS LA 'BUL SDUD BYAS, DGUN CHOS LA NGAM RING DU PHYIN TE DRIS LAN PHUL, TA'I SI TU BAS KYANG DGYES PA CHEN PO MDZAD, LHA BZO BA NI, THANG STONG RGYAL POR GRAGS PAS GEGS BYAS TE BKAG, DE NAS NGAM RING SMON LAM GROL NAS 'DIR SLEBS DUS LCAGS MO SBRUL GYI DPYID CHOS LA DGE BSHES

, ,BSOD NAMS 'PHEL GYIS ZHABS TOG BSGRUBS TE GSUNG CHOS 'PHEL BAR 'DUG, DE DUS BDAG GIS BYANG NAS GRVA PA CIG PHUL BA LA, RJE RANG GI GSUNG DANG MTHUN PAR BSTAN PA LA PHAN THOG PA CAG BYUNG NGO, ,DE NAS DBYAR CHOS LA BDAG GI BLA MA MKHAS GRUB CHEN PO SHES RAB RGYAL MTSAN PAS ZHUB PO MDZAD NAS, GLEG BAM RIN PO CHE ZHI BA TU GSUNGS TE MANG PO DAD PA'I SA LA BKOD, DE DUS RJE RANG GI BSTAN 'DZIN CHEN PO MKHAS PA STOBS LDAN 'OD ZER PAS RJE LA GLEG BAM 'DI LA CHOS MIN ZHU MKHAN 'DUG PAS JI LTAR LAGS ZHUS PAS, CHOS YIN MIN CHA MED, SEMS LA SHIN TU PHAN GSUNG NGO, ,LO DE'I DBYAR GZHUG NAS BYAMS KHANG GI MKHAR LAS KYANG MDZAD, DE NAS SBRUL LO'I STON GNAS RNYING NAS ZANGS MGAR BA BOS TE, ZANGS MGAR BA KHA CIG GIS GLANG PHUR ZANGS LE BA 'CHOS PA SOGS KYI MGO BRTZAMS, DE NAS DA BZO BO SU DRUG GAM ZER BA LA RJE'I ZHAL NAS, DGA' LDAN NAS BI SHVA KA RMA 'ONG BA YIN GSUNGS NAS BZHAD KYIN 'DUG, DE NAS ZLA BA GCIG TZAM NA SNAR THANG PA DPON PO BYANG RIN ZHES PAS RTEN GYI BZO PHUD LA RJE BTZUN GYI SKU 'DI'I LUGS BTANG STE NGO MTSAR BAR BYON, DE NAS KHONG GI ZHAL BKOD DANG 'BRONG RTZE PA'I ZANGS MGAR BAS BRDUNGS BYAS PAS 'ONG ZER NAS KHONG GNYIS KYIS BYED PAR THAG CHOD PA LA GRVA PA RNAMS MA DGYES SHING, KHYAD PAR ZANGS MGAR BA'I RMI LAM DU BUD MED CIG GIS SKABS LEB KYI MGO NAS BSGRIL BA RMIS

ZER NAS THE TSOM DU YOD PA LA DE'I TSE SPRUL PA'I BZO BO RNAMS SPYAN RAS GZIGS DANG SGROL MAS RGYUD BSKUL, DPAL LDAN LHA MOS LAM SRUNGS MDZAD NAS CHU 'DUS SU SLEBS, DE NAS DRUNG CHOS RGYAL BAS LHA BZO PA RNAMS KHRID NAS 'DIR FSLEBS, RJE'I DRUNG DU RGYU MTSAN PHUL BAS RJE'I GSUNG NAS, SHIN TU LEGS, MI GSAR GYI KHA NAS GTAM BYUNG, SLA NGA TSA DUS KYI SKAM PA BYA BA YIN GSUNG, DE NAS SANG NYIN BZO BO RNAMS LA ZANGS LEB RNAMS BSTAN PAS KHONG RNAMS NA RE; DA NI RGYU YANG LDANGS SHING, ZANGS LEB RNAMS KYANG LEGS PO 'ONG ZER NAS DBU'I TSUGS DRANGS TE BZO TSUGS SO, ,BZO BO NA RE, BDAG GIS NYIN MO BZO LAG PAS BYED, MTSAN MO YID KYIS BZO BYED PAS MGYOGS LA LEGS PA 'ONG ZER, RJE'I GSUNG NAS, TSUGS DPON PO BYANG RIN GYI 'DI LA DRAG GAM, YANG NA DKON MCHOG LA GSOL BA BTAB NA GSUNGS PAS BZO BO NA RE, DKON MCHOG RIN PO CHE PHA RANG YIN MOD, NGA LA BZO PHAS BSLABS PA YIN GYI DKON MCHOG GIS BSLABS PA MED ZER TE KHONG RANG GI STENG DU BZHAG, RJE'I GSUNG NAS, DPON MO CHE, 'U CAG SNGON LA DBU DE CHE BA CIG BYAS PAS DE NAS MI 'GRUB KHA MED YIN, DA LHA NI, RGYU YANG CHEN PO RANG MI GDA' GSUNGS PAS BZO BO NA RE, DE KA BYED, LEGS PO 'ONG, RIN PO CHE PA CHU MIG BZANG PO DANG 'DRA, 'PHRAL LA MED KYANG 'PHRAL LA SKYES TE 'ONG ZER, DE NAS BOD KYI BZO BOS JI LTA BA BZHIN MA BYUNG BAS BAL PO RNAMS RLOM PA CUNG ZAD SKYES TE GA-YEL

, ,DU SONG BA DANG, DPON MO CHE'I RMI LAM LA RGYAL CHEN LHA KHANG NA MI NAG PO CHEN PO ZHIG LAG PA GA-YON PA SDIGS MDZUB BYAS TE BZO BO RNAMS LA BTZUGS NAS BSDIGS PA'I TSUL BYED KYIN 'DUG PA RMIS PAS DPON MO CHE, AA MA ZER, CI BYUNG DRIS PAS, 'DI BZHIN BYUNG ZER, SKRAG NAS PHYIN CHANG SKAD CIG KYANG MA YENGS PAR BZO BYAS PAS THOG MAR DBU LEGS PAR GRUB, DE LA RAB GNAS MDZAD DE GSOL BA BTAB PAS MDZOD SPU LA ME TOG GCIG CHAGS SHING; KHYAD PAR SNYAN RGYAN GA-YAS KYI 'BUR DBUS MA LA RGYAL BTZONG KHA PA'I SKU YIN YANG ZER, KHA CIG RJE RANG NYID KYI SKU YIN YANG ZER, MDOR NA BLA MA'I SKU RANG BYON SHIN TU MTSAR BA CIG SKYE BO THAMS CAD KYI MTHUN GRUB TU BYON, GZHAN YANG DE'I TSE CHOS SKYONG GI GTOR SGRUB 'DZUGS PA SOGS KYI RIM GRO 'DZUGS PA DANG BCAS TE BAL PO RNAMS KYIS BZO LEGS PAR BRTZAMS, DE'I TSE SKU RIM PA RNAMS DANG BZO BO RNAMS KYI NYAMS SNANG LA NYIN MO MI DANG MTSAN MO MI MA YIN GYIS BZO SGRUB PA'I SNANG BA RGYUN MI 'CHAD CING, DE LTAR BSGRUBS PAS RING POR MA THOGS PAR KHRU NYI SHU RTZA LNGA'I SKU TSAD DANG LDAN PA'I RJE BTZUN GYI SKU NGO MTSAR CAN DE CHU MO LUG GI LO LA GRUB STE, RTAN GYI NANG BZHUGS LA YANG DAM PA DMAR PO'I RING BSREL SOGS SANGS RGYAS BYANG SEMS KYI SKU GDUNG RING BSREL DANG LDAN ZHING, RGYU RIN PO CHE LAS GRUB PA'I LUGS SKU MANG PO BZHUGS SHING, GZHAN SKU'I STOD SMAD KYI CHA LA BSHAD TSOD DANG MTHUN PA'I GZUNGS SNGAGS

MANG PO DANG, GSUNG RAB PO TI MANG PO BZHUGS, GZHAN YANG SMAN SNA, 'BRU SNA, ZAS SNA, GOS DAR KYI SNA MANG PO SOGS MTSANG BA MED PAR BZHUGS, GZHAN YANG RTEN GYI NANG BZHUGS KHYAD PAR CAN CIG GZHAN SU LA YANG RGYUS MED PAR RJE RANG NYID KYIS MTSAN MO BYON TE, RTEN GYI THUGS KAR BZHUGS SU GSOL NAS GSOL BA GDAB PA DANG SMON LAM MANG PO YANG MDZAD CES GRAGS SO, ,DE LTA BU'I RTEN NGO MTSAR CAN DE'I RAB TU GNAS PA LUG LO ZLA BA LNGA PA'I YAR TSES BZANG PO LA DPAL GSANG BA 'DUS PA'I DKYIL 'KHOR BZHENGS TE, DE'I SGO NAS RAB GU GNAS PA RGYAS PAR MDZAD, DE'I DUS NAM MKHA' LA 'JA' TSON GYI GUR DANG, ME TOG GI CHAR 'BAB PA SOGS NGO MTSAR BA'I LHAS DPAG TU MED PA DANG KHYAD PAR RJE RANG NYID KYIS DE NUB RJE BTZUN GYI ZHABS DRUNG DU BZHUGS TE GSOL BA RTZE GCIG TU BTAB PAS RJE BTZUN BYAMS PA SNAM SBYAR RDO TSOS MA GYON PA'I DGE SLONG GI RNAM PA CAN CIG SKU DE NYID LA YANG DANG YANG DU THIM PA'I SNANG BA BYUNG ZHING, DE'I THO RANGS DE LTA BU'I DGE SLONG ZHIG GIS, KHYOD KYIS BSTAN PA DANG SEMS CAN LA PHAN PA RGYA CHEN PO DE GRUB ZIN PAS DGA' BA SGOMS SHIG CES PA'I LUNG BSTAN KYANG BYUNG LA, DE NI; SNGAR MKHAS GRUB THAMS CAD MKHYEN PA'I LUNG BSTAN DANG, BDAG GI BLA MA MKHAS GRUB CHEN PO'I MNAL LAM YANG TSAD MAR GRUB PA YIN NO, ,GZHAN YANG DE'I DUS SU DGRA BCOM PA 'CHAR KHA ZHES PA'I RJE RANG GI SLOB MA ZHIG GI GZIGS SNANG LA NYI MA GNYIS SHAR BYUNG BA'I SNGA MA DE DA LTA'I

, ,NYI MA 'DI DANG, PHYI MA DE 'DI BAS CHE BA CIG BYUNG BA DE'I 'OD ZER GYIS GTZUG LAG KHANG GI NANG KHYAB BYUNG, GZHAN NI MA GO, NGA RANG 'KHRUL BA YIN PAR 'DUG SNYAM DU DGONGS NAS GZHAN LA YE MA BSHAD CES GSUNG NGO, ,BYAMS PA LHA KHANG GI SGO 'DI YANG, NYAN ZHES PA'I YUL NAS KLU MO BKRA SHIS SKYID CES PA'I RJE RANG GI DGE BSNYEN MA ZHIG GIS PHUL BAR GRAGS SHING, RJE BTZUN GYI LDEM GNYIS PHYIS RJE RANG NYID KYIS BZHENGS PA YIN NO; ;DE NAS SHING PHO SPRE'U'I LO LA MDZAD PA KUN LAS GSUNG GI MDZAD PA MCHOG TU DGONGS NAS, PHYOGS KYI YIG MKHAN MANG PO BSDUS TE THUGS DAM BKA' 'GYUR GYI GSUNG RAB RNAMS BZHENGS SHING, GTZUG LAG KHANG GI RGYA MDZAD CHEN MO'I RI MO MDZAD DGOS RNAMS KYANG DPON MO CHE SMAN THAR PAS LEGS PAR MDZAD PA YIN NO, ,LO DE'I DPYID KA BDAG GIS BYANG CHEN DU CHOS BAR ZHIG LA PHYIN DUS SNGAR NAS KYI GZHI NAD DRAG PO ZHIG YOD PA DE RKYEN DBANG GIS LANGS TE SHI LA THUG PA'I TSE RTEN 'BREL BSGRIG PA'I PHYIR DU LEGS BSHAD GSER PHRENG PO TI GCIG RJE'I DRUNG DU PHUL TE GDAMS PA CIG ZHU BA LA BTANG BAS DE'I LAN DU, DA LAN MI 'CHI, GAL TEN 'DI LTAR GYIS GSUNG BA'I ZHAL GYI GDAMS PA PHEBS PA TZAM GYIS BLO BDE BAR BYUNG, DE'I TSE BDAG GI BSAM PA LA DANG PO SPRE'U'I LO LA RJE 'DI NYID KYIS BYANG GNAS 'DIR THUGS DAM MDZAD PAS BAR CHAD KYI MTSAN MA BZLOG PA YIN PAR 'DUG ,NGA RANG YANG GNAS 'DIR MTSAMS DAM

PA CIG BYED DO SNYAM NAS LO DE'I ZLA BA BDUN PA NAS BRTZAMS TE DGE SBYOR LA SHIN TU 'GRUS PAR BYAS SO, ,DE NAS BDAG GIS BYANG CHEN DU ZLA BA BCU MTSAMS DAM PAR BYAS PAS BAR CHAD BZLOG PA'I MTSAN MA YANG CI RIGS BYUNG STE DBUS PHYOGS LA 'GRO 'DOD PA DANG, SEMS DPA' CHEN PO BLO GROS SBAS PA LA CHOS CIG ZHU 'DOD SNGAR NAS YOD PA RNAMS KYI GNANG BA ZHU BA LA LO DE'I SOG 'DIR 'ONGS, RJE RIN PO CHE'I DRUNG DU DE'I RGYU MTSAN PHUL BAS RJE'I ZHAL NAS, DBUS PHYOGS LA 'GRO DON MED; BSTAN PA SPYI SGOS LA BSAMS TE DA DUNG 'DIR KA 'CHAD NYAN BYAS NA JO BO RIN PO CHE DANG RJE BTZUN TZONG KHA PA YANG 'DI PHYOGS NA KA BZHUGS, YANG THUGS DAM SGRUB PA BYED NA YANG 'DIR KA SDOD, NGED KYANG DGON PA 'DI'I THOD LA SGRUB SDE ZHIG 'DZUGS 'DOD YOD PAS DER DPON SLOB GNYIS KYI ZHABS TOG BYED, DA LAN DRUNG 'DUL BA PA LA CHOS NYAN DU 'GRO NA KHONG LA LHA MO 'DI'I BKA' ZHIG DANG, BYANG CHUB LAM RIM GYI 'KHRID, LTA BA'I 'KHRID, KHYAD PAR 'DUS PA'I RIM LNGA'I DMAR KHRID CIG RNAMS ZHUS TE MYUR BAR 'DIR BYON, BDAG GIS KYANG DE RNAMS LEGS PAR THOB STE, DA NA SO RGAS NAS BRJED 'DUG, DANG PO DPE CHA MANG PO ZIN PA CIG YOD DE, DA TSIG RE RE LA'ANG DKA' LAS CHE BAR 'DUG, DON LA 'CHI BA KHO 'ONG BAR 'DUG, SHI NAS GAR 'GRO NI, CHA MED GSUNG, DE LA BDAG GIS, RJE RIN PO CHE NI, PHYI MA LA SNGAR BDE BA CAN DU 'BYON BZHED YOD NA'ANG, PHYIS DGA' LDAN DU 'BYON BZHED YOD PA YIN ZHES MI KUN GLENG BAR 'DUG LAGS

, ,ZHUS PAS RJE'I ZHAL NAS, KHO BO LA DE LTA BU'I 'DOD PA PHUR TSUGS PA MED, RJE BTZUN GYI SKU BZHENGS PA 'DI YANG SEMS CAN THAMS CAD RJE BTZUN GYI 'KHOR DU SKYES TE THEG CHEN GYI CHOS LA LONGS SPYOD PA'I RTEN 'BREL DU BSAMS TE BYAS SHING, BDE BA CAN SOGS NA GDUL BYA YANG DAG PA 'BA' ZHIG YOD, DE BSAM DAG PA'I GDUL BYA RNAMS GDUL BA'I PHYIR DU RE ZHIG LA MA DAG PA'I ZHING 'DIR KA SDOD 'DONG YONG PA YIN, ZHES SOGS KYI BKA' LUNG RGYA CHE LA GNAD CHE BA MANG PO GSUNGS, DE NAS BDAG GIS 'GRO KHAR PHYAG PHUL BAS, MYUR DU SLEBS PA MDZOD CIG GSUNG, DE NAS SHING MO BYA'I LO LA MKHAR LAS RTEN BZHENG SOGS CI RIGS DANG, KHYAD PAR BKA' 'GYUR GYI 'PHRO RNAMS YONGS SU RDZOGS PAR MDZAD DO, ,DE NAS ME PHO KHYI LO'I DGUN CHOS LA CHOS KYI RJE RIN PO CHE KUN DGA' BDE LEGS RIN CHEN RGYAL MTSAN DPAL BZANG POS SPYAN DRANGS TE GNAS RNYING LA PHEBS, GSUNG CHOS RIGS LUNG SOGS 'PHEL ZHING SKYA BTZUN GYI TSOGS MANG PO LA'ANG GSUNG CHOS LEGS PAR GSUNGS, GOS SKU CHEN MO BZHENG BA'I 'BUL SDUD KYANG DE NAS MDZAD, DE NAS 'DIR PHEBS TE DGONGS PA LA, SNGAR NAS SKU TSANG CHE BA'I NGA'I SKU ZHIG BZHENGS NA TSE RING BA'I RTEN 'BREL YOD GSUNG PA'I RJE BTZUN MA'I LUNG BSTAN CIG YOD PA DANG, DA DUNG YUN RING DU GNAS NA BSTAN PA DANG SEMS CAN LA PHAN NA CI MA RUNG SNYAM STE, SNGAR RJE BTZUN GYI SKU BZHENGS PA'I ZANGS GSER DANG

YO BYANG LHAG RNAMS LA RJE BTZUN MA DKAR MO'I SKU ZHIG BZHENG 'DOD YOD PA LA, SLAR YANG BAL PO RNAMS STAG LUNG NAS 'DIR SLEBS PA DANG, NYANG STOD NAS PHEBS PA GNYIS RTEN 'BREL 'GRIG STE, BAL PO RNAMS NA RE, RIN PO CHE PA'I DGONGS PA MA RDZOGS NA NGED LAM LA MGO MI THON PAS NGED KYIS KYANG ZHABS TOG TU 'GYUR BA CIG BYED, RIN PO CHE PAS KYANG NGED BA LA YUL DU MGO THON PA THUGS DAM SKYABS 'OG TU 'JUG DGOS ZER, DE NAS BZO'I RTZOM PA MDZAD DE RGYAB MTHO BCU DRUG DANG LDAN PA'I RJE BTZUN MA'I GSER SKU DANG, GA-YAS GA-YON DU RJE BTZUN MA SNGON MO DANG SGROL MA YID BZHIN NOR BU'I SMAN SKU GNYIS MTSAR CHAGS BYIN RLABS DANG LDAN PAR GRUB STE, NANG BZHUGS LA THUGS KA NA SANGS RGYAS BYANG SEMS KYI SKU GDUNG RING BSREL MANG PO DANG, MGRIN PA NA RJE BTZUN MA RANG GI SKU 'JIM PA LAS RANG BYUNG DU BYON PA MTHO GANG TZAM ZHIG BZHUGS SHING, GZHAN YANG STOD SMAD KYI CHA RNAMS GZUNGS SNGAGS SKU TSE SRING BA'I SPEL TSIG DANG BCAS PA MANG PO 'KHOR LO DANG BCAS PA BSHAD TSOD BZHID DU BZHUGS PA'I RTEN NGO MTSAR CAN 'DI LEGS PAR GRUB PA'I RAB TU GNAS PA LO DE'I ZLA BA BRGYAD PA'I TSES GRANGS BZANG PO LA LEGS PAR BSGRUBS, DE'I TSE NAM MKHA' LA 'JA' 'OD, ME TOG GI CHAR BABS PA, KHYAD PAR BAR SNANG LA GLO BUR DU GAnd'A'I SGRA GLING STOD PA RNAMS KYIS GLING SMAD DANG, GLING SMAD PA RNAMS KYIS CIG SHOS NA GRAG PAR THOS PA SOGS NGO MTSAR BA'I LTAS MANG PO BYUNG ZHING, BZO BO RNAMS KYANG BRGYAGS

, ,YON GYIS TSIM PAR MDZAD DO, ,LO DE'I DBYAR CHOS KYI DUS BDAG GIS DBUS PHYOGS LA 'GRO BA'I PHYIR DU 'DIR SLEBS, RJE'I DRUNG DU RGYU MTSAN PHUL BAS, CHOS RJE CHOS RGYAL BA LA DUS 'KHOR ZHUR 'GRO NA DE DANG; DRUNG SBYIN PA BA LA SBYOR DRUG GI 'KHRID CIG DANG, RGYUD 'GREL GYI BSHAD PA CIG CIS KYANG NYON LA 'CHAD THUB PA CIG GYIS LA SHOG GSUNGS TE BRGYAGS RTEN LA RIN PO CHE THOGS SHIG GNANG STE PHYIN, MAR LAM LHAN BA SO NA SEMS DPA' CHEN PO BZHUGS PA LA MJAL TE 'DI BZHIN GYI RGYU MTSAN PHUL BAS, KHYOD 'DIR SLEBS NAS 'GRO BA'I GEGS BYAS NA MI 'ONG, DA LAN RGYUG LA MYUR DU YAR SLEBS PA GYIS, NGAS RGYUD PA DPON SLOB LA DE BZHIN GYI YI GE ZHIG KYANG BYED, KHYOD RANG YANG 'DI BZHIN GYIS GSUNG PA'I ZHAL TA THUGS TSAL SBYAR BA GNANG STE DBUS PHYOGS LA PHYIN, THOGS SHIG BSDAD, 'DOD CHOS RNAMS ZHUS TE PHAG LO LA 'DIR SLEBS, RJE'I DRUNG DU MJAL BAS RJE'I ZHAL NAS KHYOD KYIS DBUS KYI GANG DU BSDAD, CES SOGS LA SNGAR GONG DU BRJOD PA RNAMS ZHUS, DA JI LTAR BYED GSUNG, DA RJE'I DRUNG DU BDE MCHOG GI CHOS SKOR CIG ZHU 'DOD LAGS ZHUS PAS, 'O NA STON CHOS LA 'DIR SHOG, DE DUS BYED PA YIN; BDAG GIS BDE MCHOG GI CHOS SKOR RNAMS RJE TZONG KHA PA CHEN PO LA THOB PAS KHYED LA YANG CIS KYANG BYED DO GSUNG, DE NAS BDAG GIS STON 'DIR 'ONGS, BDE MCHOG GI RGYUD TSAR GCIG DANG GLENG 'BUM CHEN MO'I LUNG THO RE BA CIG

ZHUS SO, ,DE NAS SA PHO BYI BA'I DGUN CHOS LA LHA RGYAL RTZER CHOS BAR LA PHEBS, DGUN CHOS GNYIS KA MDZAD, ZHABS TOG TSUL BZHIN BSGRUBS TE GSUNG CHOS RIGS LUNG SOGS KYANG 'PHEL BAR BYUNG, DE NAS 'DIR PHEBS, RGYA NAM MKHA' DPAL GYIS GOS YUG DMAR PO GCIG, GZHAN ZHIG GIS GOS YUG GNAM KHA GCIG, KHYE'U BAS GOS YUG GCIG, CHOS RJE MAN LUNG PAS GOS YUG GCIG PHUL BA RNAMS KYIS THOG DRANGS RANG GI LAG TU BYUNG BA'I GOS DAR RNAMS DON YOD PAR BYA BA DANG, PHYI RABS 'BYOR LDAN SKYE BO RNAMS KYI DMIGS RKYEN DU BSTAN PA'I GTZO BO'I GOS SKU CHEN MO BZHENG BAR DGONGS TE, LHAG PA'I LHAS RGYUD BYIN GYIS BRLABS PA PIR THOGS RNAMS KYI RGYAL PO SMAN BLA DON GRUB PA DPON SLOB SPYAN DRANGS TE BZO'I RTZOM PA MDZAD, DE TZAM GYIS GOS RNAMS KYANG SNGAR BYUNG BA DANG, DE NAS RGYUN MA CHAD PAR 'BUL MI BYUNG BA LA BRTEN NAS RING POR MA THOGS PAR ZLA BA GSUM LA DKYUS SU 'DOM BCO BRGYAD DANG, ZHENG DU 'DOM BCU GNYIS KYI TSAD DANG LDAN PA'I SKU BZANG ZHING MTSAR CHAGS BYIN RLABS DANG LDAN PA YONGS SU RDZOGS PAR GRUB STE, GOS SKU 'DI'I THUGS KA NA RJE RANG NYID KYIS MDZAD PA'I BSTAN PA RGYAS PA'I SMON LAM GYI TSIG MANG PO BRIS NAS BZHUGS LA, DE'I RAB TU GNAS PA YANG NGO MTSAR BA'I LTAS MANG PO DANG BCAS TE GRUB CING, KHYAD PAR 'DI'I SKYA RIS DGON PA'I MDUN GYI NE THANG DU BTAB PA'I TSE SKU JI TZAM 'ONG BA BLTA BA'I PHYIR MDUN GYI DAR RGYAS PA'I SBE DKAR CHEN PO 'DI'I LOGS LA 'GREMS PAR MDZAD PA LA

, ,DPON MO CHES, PHYAG GI LHUNG BZED YAN CHAD RDZOGS PA 'ONG ZHES DANG, GZHAN DAG GIS SKU TSAD THAMS CAD RDZOGS PA 'ONG ZHUS TE BKRAM PAS ZHAL GYI DKYIL 'KHOR RDZOGS PA CAM ZHIG BYUNG BA LA, DPON SLOB THAMS CAD BZHAD GAD THEG PA CIG BYUNG ZHING DE'I TSE RJE'I ZHAL NAS, RTEN 'BREL LEGS, DE RING NAM MKHA' SHIN TU DVANGS PA LA SPRIN RIN PO CHE CHA DGU PA'I RNAM PA MANG PO DANG, NYI MA LA 'JA'I GUR PHUB PA SOGS KYANG 'DUG GSUNG ZHING; THAMS CAD KYI MTHUN SNANG DU GRUB PA BYUNG NGO, ,DE LTAR NA GOS SKU 'DI'I RGYU LA GOS YUG DGU BCU GO LNGA, GONG PA LA RTEN KHEBS NYI SHU RTZA LNGA, BLA BRE GNYIS, GA-YAS GA-YON GYI MTHA' LA DAR YUG LNGA, DAR CHAG LA DAR YUG GCIG DANG DAR KHA LNGA, SKUD PA LA GOS DAR 'DRES PA KHA BZHI BCU ZHE DGU DANG SE THA'U 'DOM PA DO, ,SMAD KYI MTHA' LA DAR YUG SNGON PO ZHIG RNAMS SONG NGO, ,DE LTAR GRUB PA'I LHAG GOS YUG BCU LHAG TZAM LA RJE BTZUN MA'I GOS SKU ZHIG BZHENG GSUNG, DE NAS SHING MO GLANG LO'I DGUN CHOS LA NYANG STOD MKHAR KHA LA PHEBS, DGUN CHOS SNGA PHYI GNYIS KA KHEBS NYI SHU RTZA LNGA, BLA BRE GNYIS, GA-YAS GA-YON GYI GSUNG CHOS RIGS LUNG SOGS KYANG 'PHEL BAR BYUNG, DE'I TSE MAN LUNG CHOS RJES MAN LUNG DU SPYAN DRANGS, DE NA BRAN STON MTHA' BRAL GYI SKU ZHIG YOD PA DE'I DRUNG DU NUB GCIG BZHUGS PA LA SKU DE'I GSUNG NAS, DON RTZA, ZHES PA'I GSUNG LHANG BA CIG BYUNG GSUNG,

DE CI LAGS ZHUS PAS, BYANG CHUB KYI SEMS LAGS SAM GSUNG, GZHAN DAG NI, STONG NYID KYI LTA BA LAGS SAM YANG ZER TO, ,DE LTAR NA BLA MA BRAN STON DE RJE SHES RAB SENG GE'I SKU SKYE SNGA MA ZHIG YIN ZER BA'ANG 'THAD PAR GO ,DE'I DUS SU RJE BTZUN MA'I GOS SKU ZHIG BZHENG BA'I 'BUL SDUD KYANG MDZAD PAS GOS YUG SOGS CHA RKYEN GYI DNGOS PO STOBS CHE BA BYUNG, DE'I CHE SNGA MO NAS MNGA' RIS NAS RU RTZA DKA' BCU PA NAM MKHA' BRTZON 'GRUS ZHES PA'I BSHES GNYEN CHEN PO DES KA DAN KHA STONG GI 'BUL BA DANG BCAS TE, 'DUL BA MDO RTZA BA'I RNAM BSHAD RGYAS PA CIG MDZAD DGOS ZHES NAN GYiS BSKUL PA LA BRTEN NAS RTZOM PA DE'I MGO YANG 'DI NAS BTZUGS PA YIN NO, ,DE NAS 'DIR PHEBS, GOS SKU'I BZO RNAMS BRTZAMS, DE'I NGANG NAS GTZUG LAG KHANG GI SGO KHANG DU RGYAL PO CHEN PO BZHI'I BZO'I RTZOM PA YANG MDZAD CING, KHYAD PAR RGYAL PO MIG MI BZANG GI SPYAN MCHOD RTEN LA MI GZIGS PA'I TSUL DANG, NANG GI SGO'I GDONG LA MGON PO BED DANG DPAL RTA MGRIN GYI SKU 'BRI BA SOGS LA GNAD KHYAD PAR CAN YOD PA YIN NO, ZHES RJE RANG NYID GSUNG, DE NAS RJE BTZUN MA'I GOS SKU MCHUR 'DOM BRGYAD DANG, ZHENG DU 'DOM DRUG GI TSAD DANG LDAN PA, RGYU BZANG ZHING BYIN RLABS KYI GZI 'OD 'PHRO BA DANG BCAS PA YONGS SU RDZOGS PA MYUR DU GRUB STE, RAB TU GNAS PA YANG NGO MTSAR BA'I LTAS MANG PO DANG BCAS TE LEGS PAR GRUB BO, ,GOS SKU 'DI'I MDZOD SPUN MU TIG STONG NYIS BRGYA BDUN CU DON LNGA KHROM

, ,CHOGS SU YOD PA'I DBUS NA CHAR 'BEBS SHIG GI DUS SU GZHI BDAG NE SER BAS RJE RANG NYID LA PHUL BA'I RIN PO CHE CHU SHEL CIG DANG, DE BZHIN GSHEGS PA'I 'PHEL GDUNG, GLANG POR 'KHRUNGS PA'I SKU GDUNG; MCHIMS BLO BZANG GRAGS PA'I SKU GDUNG, SNAR THANG NYER 'DZIN CHEN PO'I SKU GDUNG, RING BSREL MANG PO DANG BCAS PA BZHUGS SHING, PHYAG GA-YAS LA BYU RU MU MEN RNAMS 'DRES PA BRGYA DANG NYER LNGA, PHYAG GA-YON LA BYU RU NYIS BRGYA DANG GSUM, MGUL PA LA BYU RU DGU BCU, SHANGS KYI RTZE LA SPOS SHEL BZANG PO ZHIG DANG MU TIG RNAMS YOD, SKU 'DI LA GSER SHOG PHYED DANG NYIS BRGYA, GRANG GSER ZHO GSUM, DNGUL ZHO GSUM RNAMS KYANG PHUL YOD DO, ,RGYAL CHEN GYI SKU RNAMS DANG, RGYAL CHEN LHA KHANG GI PHYOGS KYI CHA RNAMS LA PHYOGS SKYONG BCO LNGA DANG, GNOD SBYIN GYI SDE DPON BCU GNYIS KYI SKU'I RI MO LHA BZO BA STOBS PO CHE DANG, DPON MO CHE SMAN THANG PA ZHES BYA BAS LEGS PAR GRUB STE, SANG RAB GNAS BYED PA'I DO NUB LHA BZO BA'I NYAMS SNANG LA PHYOGS SKYONG GI SKU'I RNAM PA CAN GYI MI RTA MANG PO'I GZUGS SNA TSOGS DANG, SGRA SKAD DAR DIR MANG POS GANG ZHIG, MTHAR DE RNAMS DAM TSIG PA SO SO LA THIM PA'I NYAMS SNANG BZANG PO BYUNG BA'I SANG NYIN MNGA' GSOL RGYAS PAR MDZAD DO, ,DE NAS LCAGS PHO STAG LO'I DGUN CHOS LA LHA RGYAL RTZER PHEBS, ZHABS TOG TSUL BZHIN DU BSGRUBS, GSUNG CHOS RIGS LUNG SOGS KYANG 'PHEL

BAR BYUNG, DE DUS RJE SHES RAB SENG GE'I SLOB MA, RJE RANG NYID KYI'ANG SLOB MA YIN PA, NAGS SHOD PA SANGS RIN ZHES PA'I DGE BA'I BSHES GNYEN CHEN PO ZHIG YOD PA DE 'BUL BA STOBS CHEN DANG BCAS TE RJE 'DI NYID LA MJAL BA LA SLEBS, DE NAS KHONG RNAL 'BYOR RGYUD KYI CHOS SKOR ZHU BA LA GANGS CAN DU RJE 'DI PAS RDZONG BA SOGS KYI DO DAM YANG MDZAD DO, ,DE NAS DGUN CHOS GNYIS PA LA ROG TSOR PHEBS, ZHABS TOG TSUL BZHIN DU BSGRUBS, GSUNG CHOS RIGS LUNG SOGS KYANG 'PHEL BAR BYUNG, DE NAS PHYIR LAM GANGS CAN CHOS 'PHEL DU PHEBS, DER BSNYEN RDZOGS THOGS SHIG BSGRUBS SHING DER NAGS SHOD PAS MAR LAM BKRA SHIS LHUN POR RJE BTZUN MA DKAR MO'I TSE SGRUB ZHU BA'I SNYAN GSAN KYANG 'BUL GYIN 'DUG , BDAG GIS KYANG RJE'I DRUNG DU, BDAG KYANG DING SANG SGRA'I SA RIS DANG, SNYAN DNGAGS ME LONG ZHIG ZHU BA LA 'ONG ZHUS PAS, 'O NA SGRUB MCHOD KYI STENG DU CIS KYANG SLEBS PA SHOG GSUNG, DE NAS 'DIR PHEBS TE RJE SHES RAB SENG GE'I DUS MCHOD KYI 'DUS PA'I SGRUB MCHOD RGYUN MA ZHIG YOD PA DE MDZAD, DE NAS LO DE'I DBYAR GNAS BTZUGS, DE LA BDAG GIS KYANG SKU DRUNG DU SLEBS, DBYAR KHAS BLANGS TE GSUNG CHOS ZHU BAR BRTZAMS PA DANG, SNAR THANG DU MKHAN CHEN BZOD PA PA SKU KHAMS BSNYEL BA'I SKU RIM LA BDAG 'GRO DGOS BYUNG STE RJE'I DRUNG DU ZHUS PAS, CIS KYANG 'GRO DGOS SHING GAL TE GSOL BA MA THEBS PAR 'DIR MA SLEBS NA'ANG DGAG DBYE SNAR THANG DU BYAS PAS CHOG GSUNG STE DE BZHIN BYUNG NGO, ,DE NAS

, ,LCAGS MO YOS BU'I LO LA DGUN CHOS DANG PO GNAS RNYING LA BYON, GSUNG CHOS RIGS LUNG SOGS 'PHEL BAR BYUNG NAS 'DIR PHEBS, DE'I TSE RJE'I DGONGS PA LA, DA NI RJE BTZUN SBYAN RAS GZIGS KYI GOS SKU ZHIG BZHENG DGOS PAR 'DUG, DE'I RGYU MTSAN YANG RANG RE BKA' GDAMS PA YIN PAS BKA' GDAMS LHA BZHI'I SKU ZHIG DGOS SHING, KHYAD PAR RJE BTZUN SPYAN RAS GZIGS KYI SKU DANG RJE BTZUN MA SGROL MA'I SKU GNYIS DGOS LA, LHO BRAG PHYAG RDOR BA'I LUNG BSTAN LA'ANG, SHUD PHU PA YI BSTAN PA NI, ,LHO RGYUD 'DI LAS SDE GZHAN PA'I, ,GTZUG LAG KHANG GI CHOS SKYONG SRUNG, ,CHOS SKYONG MA MO BSTEN NA DAR, ,MKHAN PO KHA MCHU SPANGS PAS RGYAS, ,SGOM CHEN RGYAL MTSAN BTZUGS PAS BDE, ,KHA MCHU ZHI BA'I THABS KYANG MA nI DANG GTZUG TOR 'DON DGOS PAR GO ,ZHES PA'I LUNG BSTAN 'DIS KYANG RANG RE'I DGON PA DANG, MKHAN PO DANG, CHOS SKYONG DANG, SBYIN BDAG DANG, SGOM GRVA DANG; RIM GRO LA MA nI SOGS KYANG LUNG BSTAN PAR 'DUG PAS DE'I RGYU MTSAN GYIS DANG, KHYAD PAR SNGA MO NAS LHA MO 'DIS, TSOGS SU MA nI BRGYA RTZA RE DANG LO RE LA SGROL MA 'BUM GTER RE MA CHAG PAR TSUGS ZHES YANG DANG YANG DU BSKUL BA LA BRTEN NAS DE GNYIS KYANG SNGA MO NAS MA CHAG PAR BTZUGS SHING, DGON PA NAS BSAM GRUB RTZE'I BAR LA, MA nI; BLA MA, SANGS RGYAS BYANG SEMS KYI MTSAN RNAMS RDO LA 'BUR DU BRKOS PA 'DI RNAMS SNGA MO NAS

BZHENGS PA YIN, DA NI, 'PHAGS PA'I GOS SKU ZHIG BZHENG BAR BYA'O SNYAM DU DGONGS TE YOD PA LA, SNAR THANG NAS CHEN PO CHOS RGYAL DON GRUB PAS GOS 'GANG DKAR YUG GCIG PHUL BA LA GZHI BYAS TE, RI MO BA LHA BTZUN BSTAN PA'I RGYAL MTSAN ZHES BYA BA DANG BZO PO RNAMS KYIS BZO'I RTZOM PA BYAS, DE'I SKABS SU RJE NYID KYIS KHONG RNAMS LA MA nI BKA' 'BUM GSUNG GIN 'DUG, DE'I DUS SU BDAG GIS KYANG SNGAR SNYAN GSAN PHUL BA LTAR GYI DON LA SKU DRUNG DU SLEBS, 'DOD CHOS RNAMS ZHUS SHING, SPYAN GYI MTHON MTHING GI RGYU LA GOS LCAGS NAG KHA SBREL ZHIG PHUL BAS DGYES, GDAN SA 'DIR SLEBS NAS BDAG GI MIG 'DI DA YAN DPE LTA BA LA MA 'GRIBS TZAM BYUNG BA 'DI YANG DE'I RTEN 'BREL GYIS YIN SNYAM MO, ,YANG DE'I DUS SU RJE'I ZHAL NAS BDAG LA 'DI SKAD DU, NGED KHONG RNAMS LA MA nI BKA' 'BUM ZHIG 'CHAD KYIN YOD, TSE 'DIR GZHAN LA LUNG THOB PA SOGS MED DE KHYED RANG YANG NYON CIG GSUNGS NAS TAN TE, DE LTA BU'I GSUNG DE LA YANG GNAD SHIN TU CHE BA YOD DO, ,DE LTAR BSGRUBS PAS RING POR MA THOGS PHAR 'PHAGS PA'I SKU CHU ZHED LA 'DOM BRGYAD DANG DRUG TU LDAN PA'I GOS SKU BYIN RLABS KYI GZI 'OD 'BAR BA YONGS SU RDZOGS PAR GRUB STE, RAB GNAS BSKAL BZANG LHA KHANG DU DGE 'DUN TSOGS PAS LEGS BAR MDZAD, DE'I DUS SU RJE'I ZHAL NAS, DE RING SHES PA CIG GIS MA nI SKUL CIG GSUNG BA DANG, BDAG LA YANG, KHYED KYIS 'PHAGS PA'I

, ,PO BSTOD CIG SKUL GSUNGS NAS BSKUL BAS ZHOR 'DEGS MKHAN CHEN PO MED PA CIG GI DANG NAS BDAG RANG GIS TSANG MAR THON PA CIG BYUNG, DE LA RTEN 'BREL CIG YOD DAM SNYAM, DE'I NYIN TSOGS PA LA MANG JA, GUNG TSIGS BZANG PO DANG, BZO BO RNAMS KYANG BRGYAGS YON SOGS KYIS MNYES PAR BYAS SO, ,DE NAS CHU PHO 'BRUG GI LO LA RJE BTZUN MI GA-YO BA SNGON PO, ,YE SHES KYI MGON PO PHYAG DRUG PA, DPAL LDAN DMAG ZOR LHA MO, ,DAM CAN CHOS KYI RGYAL PO RNAMS KYI GOS SKU CHU ZHED DU 'DOM GSUM DANG DO'I TSAD DANG LDAN PA GZI BRJID CHE BA BYIN RLABS CHE BAR BZHENGS SHING, GZHAN YANG BSKAL PA BZANG PO'I SANGS RGYAS STONG GI SKU MTSAN DANG BCAS PA DANG, RTZA BRGYUD KYI BLA MA MANG PO'I SKU MTSAN DANG BCAS PA DANG, SANGS RGYAS SUM CU SO LNGA MTSAN BCAS DANG, PHYOGS BCU'I SANGS RGYAS DANG BDE BAR GSHEGS PA BRGYAD RNAMS MTSAN DANG BCAS PA DANG, GZHAN YANG 'DOD LHA MANG PO'I SKU MTSAN DANG BCAS PA RDOL 'BUR DU BRKOS PA'I SKU RNAMS RIN PO CHE 'BA' ZHIG GI RANG BZHIN DU BZHENGS SHING, DE'I RDO RNAMS KYANG SPYIR 'DI SKOR NA DE LTA BU'I RDO DKON ZHING, PHYOGS NAS NYIS BRGYA 'BUL ZHES SOGS BYUNG YANG BZHED PA MA GRUB PAR RJE RANG NYID BYON TE DGON PA'I NYE PHYOGS NAS GTER NAS THON PAR MDZAD DO, ,GZHAN YANG GZIMS KHANG RGYAL MTSAN MTHON PO'I STENG GI SGROL MA LTA KHANG DU RJE BTZUN MA'I SKU DANG SENG LDENG NAGS KYI ZHING BKOD

KYI RI MO YANG SNGA MO'I DUS MDZAD CING, RI MO'I SNGA SHOS DANG BYIN RLABS DANG LDAN PAR BZHUGS, GZHAN YANG MCHOD KHANG CHEN MA'I MDZAD BCU, DE'I MDA'I 'PHYOD RTZE NA RGYAL BA BYAMS PA'I ZHING BKOD KYI RI MO RNAMS DANG, DGON PA MA BTAB GONG DU THUGS DAM BRIS SKU SOGS SKU GSUNG THUGS KYI RTEN MANG PO DANG, PHYIS BZHENGS PA'I THUGS DAM BRAS SKU RNAMS TE, MDOR NA BSHAD NYAN RGYUN MCHAD BA'I DANG NAS SKU GSUNG THUGS KYI RTEN BZHENGS PA 'DI RNAMS LA RJE RANG NYID KYI RAB GNAS BZHUGS SHING, DE'I TSE RTEN DE DANG DE LA YE SHES PA DNGOS SU THIM PA'I SNANG BA DANG BCAS PA YIN PAS SKU GSUNG THUGS DNGOS DANG KHYAD PAR CUNG ZAD KYANG MED PAR SHES PAR BYA BA YIN NO,, 'DIR SMRAS PA, ZAB DANG RGYA CHE'I SHES BYA'I MKHA' LA RNAM DAG MKHYEN PA'I DKYIL 'KHOR RGYAS, ,DAM CHOS STON PA'I TSANGS DBYANGS 'BRUG SGRA THUGS RJE'I GLOG GI 'DU 'GOD CAN, ,'GRO LA PHAN BDE'I GRIB BSIL DANG LDAN PHRIN LAS CHU CHAR 'BEBS MKHAS PA, ,DPAL LDAN BLA MA CHU 'DZIN DBANG PO BDAG SOGS 'GRO BA'I GTZUG NA RGYAL, ,LEGS TSOGS 'BYOR PA MTHA' DAG BRNYES KYANG KHENGS PA'I DRI MAS MA SBAGS PA, ,NYES TSOGS MTHA' DAG PHAM PAR MDZAD KYANG KHRO BA'I GO SKABS MA RNYED CING, ,RTAG TU MNYAM GZHAG DANG LA GNAS KYANG JI SNYED TSES KUN GSAL BAR MKHYEN, ,THUGS RJES SRID MTHAR GZHAN DON MDZAD KYANG DUB PA MED PA'I BLA MA RGYAL, ,DPAL LDAN MKHAS PA KUN GYI GTZUG GI RGYAN, ,RMAD BYUNG MDZAD PA PHYOGS KYI MTHAR

, ,KHYAB PA, ,YONGS RDZOGS BSTAN PA'I MNGA' BDAG DGE 'DUN GRUB, ,KHYOD NI BDAG SOGS MGON MED RNAMS KYI MGON, ,RGYUN CHAD MED PA'I BSHAD NYAN GSER GYI GZHIR, ,TSAD MED 'GRO LA THUGS RJE'I RGYA MTSO LAS, , SKU GSUNG THUGS KYI RTEN BZHENGS NOR BU'I PHRENG, ,SKAL BZANG 'BYOR LDAN SKYE BO'I RGYAN DU MDZAD, CES BYA BA 'DI NI, RJE BTZUN BLA MA THAMS CAD MKHYEN PA DGE 'DUN GRUB PA DPAL BZANG PO'I RNAM THAR NGO MTSAR RMAD BYUNG NOR BU'I PHRENG BA LAS, GTZO BOR SKU GSUNG THUGS KYI RTEN BZHENGS LAS BRTZAMS PA'I RIM PAR PHYE BA STE BZHI PA'O,, ` ,,DE NAS YANG RJE 'DI'I DGONGS PA LA SA'I SNYING PO 'KHOR LO BCU PA'I MDO LAS, KHAMS GSUM DAG NA BDE ZHING SKYID PA, , THAMS CAD DKON MCHOG MCHOD LAS BYUNG BAS, ,DE BAS BDE ZHING SKYID PA 'DOD PAS, ,DKON MCHOG GSUM PO MCHOD LA BRTZON BYA, ZHES DANG, GZHAN YANG MDO MANG PO DANG, BKA' GDAMS PA'I BSHES GNYEN SNGA MA RNAMS KYIS KYANG DKON MCHOG GI MCHOD PA LA PHAN YON DPAG TU MED PA GSUNGS SHING, RANG NYID LA, DA NI, 'KHOR LO THAM LA NAN TAN BYA'O ZHES PA'I LUNG BSTAN KYANG BYUNG BAS TSE GZHUG 'DI LA DKON MCHOG GI MCHOD PA LA 'BAD PAR BYA'O SNYAM DU DGONGS TE, SNGAR GOS SKU RNAMS BZHENGS PA'I RGYU'I LHAG RNAMS DANG, PHYAG TU BYUNG BA'I GOS DAR SOGS LA DKON MCHOG GI MCHOD RDZAS LA DMIGS TE, RAB RNAMS LA BLA BRE GTZUG LAG KHANG GI SHAR NUB LA SLEBS

PA'I GOS KYI BLA BRE BZANG PO GNYIS KYIS THOG DRANGS GTZUG LAG KHANG GI NANG LA KHYAB PA'I BLA BRE MANG PO DANG, 'BRING RNAMS LA GOS DAR GYI GDUGS, RGYAL MTSAN, 'PHAN MANG PO DANG, GZHAN KA RAS LAS BYAS PA'I KHA DOG SNA TSOGS PA'I 'PHAN DPAG TU MED PA 'DIR YANG PHUL ZHING, GZHAN YANG LHAS, RA MO CHE, DGE LDAN, SNAR THANG, KHRO PHUL, GNAS RNYING, BO DONG SOGS SU 'PHAN, GDUGS, RGYAL MTSAN SOGS GRANGS MED PA PHUL, KHYAD PAR GOS SKU RNAMS KYI LHAG GOS DAR RNAMS LA 'PHAN BRGYA LHAG PA BYAS PA RNAMS LA RIM PA GNYIS BYAS TE, RIM PA GCIG LA, AOm BDE LEGS SU GYUR CIG, BSOD NAMS CHU GTER LAS 'KHRUNGS PA'I, ,BKRA SHIS LHUN PO RGYAS GYUR CIG ,GDUL BYA GLING BZHIS YONGS BSKOR BA'I, ,BKRA SHIS LHUN PO RGYAS GYUR CIG ,GRUB MTHA' RNAM BZHI'I BANG RIM CAN, ,BKRA SHIS LHUN PO RGYAS GYUR CIG ,RNAM GA-YENG RLUNG GIS MI BSKYOD PA'I, ,BKRA SHIS LHUN PO RGYAS GYUR CIG ,BKA' SRUNGS RGYAL CHEN BZHUGS PA'I GNAS, ,BKRA SHIS LHUN PO RGYAS GYUR CIG ,DON GNYER LHA PHRAN 'DU BA'I GNAS, ,BKRA SHIS LHUN PO RGYAS GYUR CIG ,MKHAS MANG GSER RIS BSKOR BA'I GNAS, ,BKRA SHIS LHUN PO RGYAS GYUR CIG ,DPAL 'BYOR ROL MTSO 'KHYIL BA'I GNAS, ,BKRA SHIS LHUN PO RGYAS GYUR CIG ,LEGS BSHAD RGYU SKAR BKRA BA'I GNAS, ,BKRA SHIS LHUN PO RGYAS GYUR CIG ,THUB CHEN LHA DBANG BZHUGS PA'I GNAS,

, ,BKRA SHIS LHUN PO RGYAS GYUR CIG ,RGYAL SRAS NYE DBANG BZHUGS PA'I GNAS, ,BKRA SHIS LHUN PO RGYAS GYUR CIG ,CHOS KYI RNGA CHEN SGROG PA'I GNAS, ,BKRA SHIS LHUN PO RGYAS GYUR CIG ,LHA YIS DON MTHUN MTSAN GSOL BA'I, ,BKRA SHIS LHUN PO RGYAS GYUR CIG ,BKRA SHIS LHUN CING BRJID CHAGS PA'I, ,BKRA SHIS LHUN PO RGYAS GYUR CIG ,CES PA RNAMS DANG, RIM PA GNYIS PA LA, DKON MCHOG GSUM PO DGONGS SU GSOL, ,DKON MCHOG GSUM PO SPYAN 'DREN NO, ,DKON MCHOG GSUM PO GNAS 'DIR GSHEGS, ,DKON MCHOG GSUM LA PHYAG 'TSAL LO, ,DKON MCHOG GSUM LA MCHOD PA 'BUL, ,DKON MCHOG GSUM LA SDIG PA BSHAGS, ,DKON MCHOG GSUM LA YI RANG NGO, ,DKON MCHOG GSUM GYIS CHOS 'KHOR SKOR, ,DKON MCHOG GSUM PO RTAG TU BZHUGS, ,DKON MCHOG GSUM GYI ZHABS DRUNG DU, ,DKON MCHOG GSUM MCHOD DGE TSOGS KYIS, ,DKON MCHOG GSUM LA 'DUN PA DANG, ,DKON MCHOG GSUM PO GRUB PA DANG, ,DKON MCHOG GSUM GYI DPAL 'BYOR GYIS, ,DKON MCHOG GSUM LA SEMS CAN RNAMS, ,DKON MCHOG GSUM LA SKYABS SONG NAS, ,DKON MCHOG GSUM DANG MI 'BRAL SHOG, CES PA'I RJE RANG NYID KYI GSUNG RNAMS BRIS TE 'PHAN RIM PA 'DI GNYIS GTZANG KHANG CHEN MOR 'BUL BA MDZAD DO, ,GZHAN YANG SNGAR GYI RTEN BZHENGS RNAMS KYI RGYU'I LHAG KHRO ZANGS DANG, 'KHAR BA'I SDER MA, LCUG

'GAG, LI 'GAG, ZANGS LTIR, GTOR CHA, SNAG BUM, BZO RAS SOGS THAMS CAD LA'ANG DKON MCHOG GI MCHOD RDZAS LUGS SU BLUG PA'I TING PHOR GZUGS MA RE RER CHU BAN GNYIS LHAG TZAM SHONG BA BDUN TSAR GNYIS, MAndAL KHRU SKOR MA BDUN TSAR RNAMS DANG, KHYAD PAR RJE BTZUN GYI DRUNG DU DNGUL GYI DAM DPE GNYIS KYIS THOG DRANGS DNGUL ZHO LNGA BRGYA DANG BDUN CA DON DRUG LA RGYU BYAS PA'I DNGUL SKONG RIN PO CHE'I 'PHRA BTAB PA, DGE LEGS DPAL 'BAR SKONG BU 'DI, ,DGE LA 'DUN PA GRUB PA'I DPAL, ,DGE 'DUN GRUB KYIS PHUL BA YIS, ,DGE 'DUN DON RNAMS 'GRUB PAR SHOG, CES RJE RANG NYID KYI MDZAD BYANG DANG BCAS PA RNAMS KYANG PHUL, GZHAN YANG, SBYIR MCHOD PA'I YUL DKON MCHOG GSUM DANG KHYAD PAR DGE 'DUN YIN PAR DGONGS SHING, DE LA DMIGS TE DGE 'DUN GYI THUG TSUL 'DI SNGA MO NAS RGYUN MI 'CHAD PA BTZUGS SHING, KHYAD PAR CHU MO SBRUL LO'I DGUN CHOS GNYIS LA GRVA PA STONG DRUG BRGYA TZAM RE LA GSOL PHOGS BZANG PO, GSOL THUG SOGS KYI ZHABS TOG BSGRUBS TE CHOS 'KHOR RGYA CHEN PO BSKOR, DE PHAN CHAD DGE 'DUN GYI ZHABS TOG LA DMIGS TE, THA NA RJE RANG NYID LA GZHAN GYIS GSOL BA ZHUS PA'I THUD MTHEB TZAM NAS BSAGS TE DGE 'DUN GYI THUG SDOR RGYUN MA CHAD PAR MDZAD DO, ,DE NAS LO RE BZHIN SMON LAM CHEN MO RGYUN MA CHAD PAR YOD PA 'DI SNGA MO NAS YIN LA, DA NI, RJE BTZUN TZONG KHA PA CHEN POS LHA SAR GLANG GI LO'I ZLA BA DANG PO LA

, ,BTZUGS PA'I SMON LAM CHEN MO DANG MTHUN PAR, DKON MCHOG GI MCHOD PA SPYI DANG KHYAD PAR MAR ME SOGS RGYA CHE BA'I SMON LAM ZHIG MDZAD PAR DGONGS TE, PHYOGS THAMS CAD DU 'BUL SDUD PA BRDZANGS, DE NAS PHYOGS THA DAD NAS YO BYAD KYI DNGOS PO DPAG TU MED PA BYUNG BA RNAMS 'DIR SLEBS TE SHING PHO RTA LO'I CHO 'PHRUL CHEN PO'I ZLA BA LA, GNAS RNYING RIN PO CHES THOG DRANGS PHYOGS KYI BU SLOB KYI BSTAN 'DZIN CHEN PO RNAMS KYANG SBYAN DRANGS NAS TSOGS PA STONG DRUG BRGYA TZAM GYIS SMON LAM BTZUGS, DE'I DUS DKON MCHOG GI MCHOD PA LA 'PHAN, GDUGS; RGYAL MTSAN LA SOGS PA LHA KHANG SO SOR MANG PO DANG, YON CHAB BRGYA PHRAG BRGAL BA NYIN RE BZHIN GSAR DU MNGON PAR BSHAMS PA RNAMS LA KHA CHE GUR KUM SBANGS PA'I KHU BAS KHA LEGS PAR BSGYUR BA MANG PO DANG, BDUG SPOS KYI RGYAL MTSAN DANG GDUGS DANG, DRI BZANG GI SPOS KYI PHYE MA BRES GZHAL DGOS PA MANG PO RNAMS SBOS SNOD THA DAD DU MNGON PAR BSREGS PA DANG, RGYA BOD KYI RENG BU DPAG TU MED PA BSREGS PA'I DRI BZANG POS PHYI NANG THAMS CAD DU NYIN MTSAN GNYIS KA KHYAB CING, DU BA RNAMS NI, PHAN TSUN SNAM DUD PA'I LNGA LDI BRES PA LTA BU DANG, PHYI NANG THAMS CAD DU DRI BZANG GI SPOS CHUS CHAG CHAG LEGS PAR BTAB PA DANG, NAS KHAL SUM RGYA TZAM RE LA RGYU BYAS PA'I ZHAL ZAS LA MAR GYI RGYAL SRID SNA BDUN LA SOGS PA'I RGYAN YID 'PHROG PAS BRGYAN PA MANG PO DANG, MAR ME

LA MAR KHAL SUM STONG TZAM RE LA GZHI BYAS SKONG BU RGYA MTSO GTZUG LAG KHANG GI NANG NA 'DOM GRU BZHI DANG, BSKAL BZANG LHA KHANG NA PHYOGS GNYIS LA 'DOM GSUM RE DANG PHYOGS GNYIS 'DOM GNYIS KYI TSAD DANG LDAN PA GNYIS, GZHAN SKONG BU JI LTAR RIGS PA BRGYA PHRAG MANG PO MAR GYIS LEGS PAR BKANG PA LA, SPOS PHYE MANG PO LEGS PAR BTAB PA'I SDONG BU JI LTAR 'TSAM PA LAS 'BAR BA'I MAR ME'I PHRANG PAS LHA'I LAM LA 'KHRIGS PA'I RGYU SKAR GYI TSOGS LA 'PHYA BA GSAL BAR BYED PA'I SO SO'I 'OD ZER GYIS MTSAN GUNG LA BAB PA'I MUN PA'I TSOGS DPUNG DANG BCAS PA'ANG RAB TU ZHUM ZHING NGO TSA BAS SA'I 'OG TU SONG STE KUN GYI MIG LAM DU MI MNGON PAR GYUR TO, ,DE'I TSE MTSAN MO'I GUNG LA'ANG STENG DU MNGON PAR BLTAS PA NA NAM MKHA' MAR ME'I 'OD KYI GOS DANG BCAS PAS KHA DOG DMAR SKYA NYID DU MTHONG BA MA GTOGS, SKAR MA GCIG GI GZUGS KYANG MTHONG BA'I YUL LAS 'DAS PAR GYUR TO, ,'DOR NA DE'I TSE SKONG BU RGYA MTSOR DKAR ME CHEN PO SBAR BA DBO'I ZLA BA NAS BZUNGS TE, LNGA MCHOD CHEN MO'I BAR DU RGYUN MI 'CHAD PAR 'BAR BA LA DBYAR CHAD CHEN PO BABS KYANG, CHU RNAMS GTING DU SONG ZHING MAR KHAR THEG PAS SDONG BU LA TSEG SGRA DANG BCAS NAS MAR ME 'BAR BA SKYE BO THAMS CAD GYIS MNGON SUM DU GRUB PAS 'DI LTA BU YANG BDAG CAG RNAMS KYIS BSAM PAR BYA DKA' BA'I RNAM THAR YIN NO, ,GZHAN YANG MCHOD PA'I BYE BRAG MTHA' YAS PA DANG, RGYAL SRID RIN PO CHE SNA BDUN LA SOGS PA'I BKOD PA YID 'PHROG

, ,PA DPAG TU MED PA DANG BCAS PAS MNGON PAR MCHOD DE, SNGAGS DANG, PHYAG RGYA DANG, TING NGE 'DZIN GYIS BYIN GYIS BRLABS NAS MDO SDE DANG RGYUD SDE NAS 'BYUNG BA'I CHO GA RNAM PAR DAG PAS MNGON PAR MCHOD CING, BSTAN PA DANG SEMS CAN 'BA' ZHIG LA DGONGS PA'I THUGS KYI SHUGS DRAG POS BSTAN PA RGYAS PA DANG, SEMS CAN LA PHAN BDE 'BYUNG BA'I SMON LAM RNAM PAR DAG PA NYIN RE BZHIN MDZAD LA, DE'I TSE LHA MCHOD MI MCHOD RNAMS KYI SBYIN BDAG GI MTHIL LEN YANG BLA BRANG RGYAL MTSAN MTHON PO NAS MDZAD DE, ZHAG BCU GNYIS TZAM GYI RING LA DGE 'DUN STONG DRUG BRGYA TZAM RE LA TSA DRO, SNGA JA, PHYI JA DANG BCAS PA LEGS PAR BSGRUBS, DE'I TSE SKYE BO MI NAG PA'I TSOGS 'DUS PA NI, SHIN TU MANG STE KHRI PHRAG YOD PAR MNGON LA, THUGS RJE'I SHUGS KYIS DE TZAM DU TSOGS PA'I SKYE BO THAMS CAD KYANG PHAN TSUN TSIG RTZUB MOS 'THAB MO MNGON TSAN CAN BYED PA NI, GCIG KYANG MA MTHONG ZHING, GZHAN DUN THAMS CAD RANG BZHIN GYIS RGYUD 'JAM PA DANG, DAD PA CHE BA DANG, DGE BA LA SPRO BA LA SOGS PA'I GZHAN DBANG DU GYUR PAS NYIN MTSAN KHOR YUG TU PHYAG DANG, SKOR BA DANG, SMON LAM 'DEBS PA DANG, MA nI 'DREN PA SOGS 'BA' ZHIG GIS DUS 'DA' BAR GYUR TO, ,DE YANG RJE BTZUN TZONG KHA PA CHEN POS SMON LAM CHEN MO MDZAD PA'I DUS SU 'DI SKAD GLENG STE, SNGON RGYAL RABS KA KHOL MA LAS BSTAN PA LA BYA BA MDZAD PA DANG, JO BO RIN PO

CHE LA MCHOD PA MDZAD PA'I SKYES BU DAM PA MANG PO LUNG BSTAN PA RNAMS KYANG 'SAGS PA'I GANG ZAG SHA STAG GI NANG NAS, DGE SLONG BYANG SEMS SHAR PHYOGS SKU 'KHRUNGS PA, ZHES SOGS 'DIS, RJE BTZUN TZONG KHA PA CHEN PO LUNG BSTAN PA YIN ZHES GLENG BA DANG MTHUN PAR GLEGS BAM RIN PO CHER YANG, MAR ME MDZAD KYANG GNAS MCHOG 'DIR, ,SGROL MAR BCAS TE SPRUL STONG 'BYED, ,LHAG PAR CHAGS MED BSOD SNYOMS PAS, ,PHYOGS BZHI'I LAS CAN DBANG DU SDUD; ;NGA YI MCHOD TSOGS RGYAS PAR BYED, ,SNYAN PA'I DBYANGS KYIS GSOL BA 'DEBS, ,SPYAN RAS GZIGS DBANG BZANG POR SPRUL, ZHES PA'I CHAGS MED BSONG SNYOMS PA DE RJE BTZUN TZONG KHA PA CHEN PO DANG, BZANG POR SPRUL PA DE BDAG GI BLA MA DGE 'DUN GRUB PA DPAL BZANG PO YIN PAS DE DUS KYI SMON LAM CHEN MO DANG MTHUN PAR, 'DIR YANG RJE BLA MA NYID KYIS SMON LAM CHEN MO JI SKAD BSHAD PA BZHIN DU MDZAD PAR GDON MI ZA BA YIN NO, ,DE NAS RJE'I ZHAL NAS, DA NI, DKAR ME'I LHAG LA SOGS PA 'DI RNAMS DANG, GZHAN YANG PHYOGS SU 'BUL SDUD BRDZANGS TE SANG PHOD 'DI BAS KYANG MCHOD TSOGS RGYA CHE BA'I SMON LAM ZHIG BYA GSUNG STE, 'DI NI, DGONGS PA CAN DU GO'O, ,MDOR NA RJE BLA MA 'DI NYID KYIS SKU TSE 'DI LA 'DUL BA'I BSLAB KHRIMS RNAM PAR DAG PA GZHIR BZUNGS, GZHI GSUM GYI PHYAG LEN MA NYAMS PA'I NGANG NAS BSHAD NYAN, RTEN BZHENGS, GTZUG LAG KHANG BZHENG PA, DKON MCHOG GI MCHOD PA, GSUNG RAB KYI

, ,RTZOM PA MDZAD PA SOGS THAMS CAD PHYOGS GCIG TU RGYUN MI 'CHAD PAR MDZAD PA NI, SNGON CHAD GANGS RI'I KHROD KYI CHEN PO GANG GI'ANG RNAM PAR THAR PAS BSGRUN PAR BZOD PA MA YIN NO, ,'O NA GSUNG RAB KYI RTZOM PA MDZAD PA JI LTA BU YOD SNYAM NA, SPYIR RJE 'DI'I BZHED PA LA RANG GI BLA MA SNGA MA RNAMS KYI t'I KA'I GZHAN PHAN LA GNOD DOGS PA DANG, YANG SNGAR RANG GIS 'CHAD PA'I t'I KA 'GA' ZHIG GI CHOS BDAG GIS GNOD DOGS NAS RTZOM PA CHER MA MDZAD LA, 'ON KYANG GZHAN GYIS PHRI BSNAN SPANG BA'I PHYIR DU GRANGS TZAM BRJOD NA 'DI LTA STE, DAM PA'I CHOS 'JAL BA LA GLENG 'BUM CHEN MO, MDO RTZA'I t'IKA CHEN, SO SO THAR PA'I t'I KA, RNAM 'GREL GYI t'I KA, SPYI DON RIGS PA'I RGYAN, RTZA 'JUG GNYIS LA t'I KA RE RE, THUB PA'I BSTOD PA LUNG KUN LAS BTUS PA, BDUD DPUNG PHYE 'GAG MA, SANGS RGYAS KYI GSUNG LA BSTOD PA, RGYAL TSAB RJE'I BSTOD PA KUN TU BZANG PO, RNAM DPYOD LANG CHO MA, MKHAS GRUB THAMS CAD MKHYEN PA'I BSTOD PA, BYANG RTZE BA NAM MKHA' DPAL BA LA BSTOD PA, SPYAN SNGA BSOD NAMS LHUN GRUB PA LA BSTOD PA, SPYAN SNGA RIN CHEN 'PHEL LA BSTOD PA, 'JAM DBYANGS RIN CHEN RGYAL MTSAN LA BSTOD PA, SEMS DPA' CHEN PO TSUL KHRIMS DPAL BZANG LA BSTOD PA, RJE BTZUN 'JAM PA'I DBYANGS LA BSTOD PA, SENG LDENG NAGS KYI SGROL MA'I BSTOD PA, DE'I PHO BRANG NAGS KYI BSTOD PA, RJE BTZUN MA DKAR MO'I

SGRUB THABS, DE'I BSTOD PA, MI GA-YO BA SNGON PO'I SGRUB THABS, 'DUS PA LA BRTEN PA'I RAB GNAS KYI CHO GA, LHA MO DBYANGS CAN MA'I BSTOD PA, 'DI'I BSTOD PA CHE BA GCIG YOD GSUNG STE MA RNYED, RDO RJE KHYUNG KHRA'I BSTOD PA, SA'I SNYING PO'I BSTOD PA, MGON PO GRI GUG GI BSTOD PA, MGON PO ZHAL BZHI PA'I BSTOD PA, DAM CAN CHOS RGYAL GYI BSTOD PA, DE'I ZLOG PA RGYAS PA, DAM CAN GSANG SGRUB DMAR PO'I BSTOD PA, TZ'A MUNd'I'I BSTOD PA, DMAG ZOR LHA MO'I BSTOD PA, DE'I GTOR CHOG MDOR BSDUS, NYAMS MGUR SHAR GANGS RI MA, KA SMAD LA GRAS PA'I NYAMS MGUR, LHA RGYAL RTZER MDZAD PA'I NYAMS MGUR, DKON BRTZEGS NAS 'BYUNG BA'I SMON LAM, DKON MCHOG GSUM LA YAN LAG BDUN PA'I BSTOD PA, MGON PO LA MNGA' GSOL GYI TSIGS BCAD, 'OD DPAG MED GTZO 'KHOR LA BSTOD PA SMON LAM DANG BCAS PA, SMON LAM CHEN MO'I DUS SU MDZAD PA'I SMON LAM MDOR BSDUS, BYAMS CHEN BZHENGS TE MDZAD PA'I SMON LAM MDOR BSDUS, SENG GE GDONG CAN GYI ZLOG PA BYA THABS, DZAM LA SER PO LA CHU 'BUL BA'I CHOG, TA'I SI TU RNAM RGYAL GRAGS PA'I DRIS LAN RNAMS YOD LA, GZHAN YANG SNGA MO NAS MDZAD PA'I SKAR RTZIS KYI YI GE 'GA' RE YOD KYANG 'THOR, DE RNAMS MA GTOGS RJE NYID KYIS GSUNGS PA LA GZHAN GYIS ZIN BRIS BYAS PA 'GA' YAR DANG, KHYAD PAR RJE NYID LA PO TI NYI SHU TZAM NYAN PA'I SKYOR MGO LO MANG POR MDZAD CING, PHYIS BSTAN 'DZIN CHEN POR GYUR

, ,PA 'DAR STON BYANG CHUB DPAL ZHES PA DES PHAR TSAD, 'DUL MDZOD, RTZA 'JUG SOGS LA ZIN BRIS 'GA' YAR YOD PA RNAMS MA GTOGS GZHAN MED DO, ,DE LTAR RJE 'DI NYID KYIS 'CHAD RTZOD RTZOM GSUM GYI SGO NAS RGYAL BA'I BSTAN PA CHES CHER GSAL BAR MDZAD PA'I SGO NAS BU SLOB BYUNG BA NI, SNGA MO NAS SRAS KYI GTZO BO 'DUL 'DZIN DKAR NAG GNYIS SU GRAGS SHING, DE'I DANG PO NI, BDAG GI BLA MA SEMS DPA' CHEN PO BLO GROS SBAS PA YIN LA, GNYIS PA NI, 'DUL 'DZIN DPAL LDAN BZANG PO ZHES PA MDO SNGAGS RAB 'BYAMS LA MKHAS SHING RJE 'GOS KYI SKU SKYE BA BZHES PAR GRAGS PA DE NYID YIN TE, GZHAN YANG SPYIR GRANGS LAS 'DAS SHING, KHYAD PAR DBUS PHYOGS NA RI BO DGE LDAN, GSANG PHU, 'BRAS SPUNGS, GTZANG NAS SNAR THANG, ZHVA LU, GNAS RNYING, BO DONG, NGAM RING, SHEL DKAR SOGS KYI CHOS SDE CHEN PO DANG, GZHAN YANG CHOS SDE CHE CHUNG MANG PO'I DE DUS KYI MKHAN PO RNAMS RJE 'DI NYID KYI BU SLOB TU MA GYUR PA MED LA, GZHAN YANG DE DUS MNGA' RIS DANG DBUS GTZANG KHAMS GSUM GYI BSHAD NYAN BYED PA'I BSTAN 'DZIN RNAMS LA YANG PHAL CHER RJE 'DI NYID KYI SLOB MAR MA GYUR PA MED PA DANG, YANG SGOS RJE 'DI NYID KYI LUGS SROL 'DZIN CING, BKRA SHIS LHUN PO LA BRTEN NAS BSHAD NYAN BYED PA'I BSTAN 'DZIN CHEN PO YANG MANG DU BYUNG BA YIN NO, ,DE LTA BAS NA SNGON 'PHAGS PA'I YUL DU STON PA MYA NGAN LAS 'DA' TSUL BSTAN NAS LO MANG PO

DAG 'DAS, BKA' SDUD PA PO RNAMS ZHI BA'I DBYINGS SU GSHEGS PA NA, THEG PA CHEN PO BKA' MA YIN NO ZHES SKUR PA 'DEBS PA DAG GIS KHYAB PAR GYUR TE, RE ZHIG LA 'PHAGS PA'I YUL DU THEG CHEN NUB PA LTA BUR GYUR PA'I TSE 'PHAGS PA KLU SGRUB BYON TE RGYAL BAS LUNG BSTAN PA LTAR THEG CHEN MTHA' DAG GZHI NAS BSOS SHING, LOG PAR SMRA BA THAMS CAD TSAR BCAD DE, THEG CHEN GYI BSTAN PA CHES CHER GSAL BAR MDZAD PAS 'PHAGS YUL DU MGON PO KLU SGRUB RGYAL BA NYID LAS KYANG BKA' DRIN CHE BAR GRAGS SHING GRUB LA, DE JI LTA BA BZHIN DU PHYI DUS KYI THA MA LA, RGYAL BAS TSUL KHRIMS GZHIR BYAS NAS BSLAB PA GSUM GYI GO RIMS RJES SU 'GRO LDOG MI 'KHRUL PAR GSUNGS PA DE NYID 'BAD LAS 'GOG CING, SNGAGS DANG PHA ROL TU PHYIN PA GNYIS TSA GRANGS LTAR 'GAL BAR BSAMS NAS DAM PA'I CHOS 'DUL BA'I BSLAB KHRIMS RNAM PAR DAG PA SNYING THAG PA NAS SUN 'BYIN PAR BYED CING, KHYAD PAR DU YAR SDE SNOD 'DZIN PA DRAG PAR SGOM PHYIN CHAD, CHANG RGONGS SOGS 'JOL NYOG TU SPYOD PA LA NGO TSA BA'I GNAS SU MI BYED PA DANG, GRVA SA CHEN PO DAG GI RAB BYUNG PHAL CHE BAS KYANG GDING BA LHUNG BZED SOGS DGE SBYONG GI YO BYAD NGO SHES PA'ANG DKA' BAR GYUR CING, BLA GOS MTHANG GOS SNAM PHRAN GLEGS BUR SBYAR BA LA SOGS PA NI, RNA BAS KYANG MA THOS PAR GYUR PA SOGS KYI SGO NAS KHA BA CAN GYI LJONGS 'DIR RGYAL BA'I BSTAN PA GZUGS BRNYAN TZAM ZHIG LHAG MAR GYUR PA'I TSE, RJE BTZUN TZONG KHA PA CHEN

, ,PO BYANG PHYOGS KYI RGYUD 'DIR BSTAN PA RIN PO CHE GSO BA'I SLAD DU NYE BAR BYON NAS, RGYAL BA'I BSTAN PA MTHA' DAG RGYAL BA'I DGONGS PA JI LTA BA BZHIN DU GZHI BSLANGS TE GSAL BAR MDZAD PA YIN LA, DE NAS RING PO MA LON PA CIG NA BDAG GI RJE BLA MA DAM CHOS 'DZIN PA'I SMON LAM RLABS PO CHE GRUB PA 'DI NYID BYON TE, DING SANG KHA CHE DANG RGYA NAG GI BAR THAMS CAD DU DGE SBYONG GI RTAGS DANG CHA LUGS RNAM PAR DAG PA DE LTA BU DANG, CHANG RGONGS SPONG BA DANG, SBYIN LEN, RUNG CHU, NUB LHAG NYAL SRUNGS LA SOGS PA BSLAB PA'I GZHI PHRA MO TZAM LA'ANG NAN TAN DU BYED PA'I DGE SBYONG GI TSUL DANG MTHUN PAS KHYAB PAR GYUR PA 'DI 'DRA BA NI, BDAG CAG GI BLA MA RJE THAMS CAD MKHYEN PA 'BA'I ZHAG GI BKA' DRIN MA YIN NA GZHAN GANG ZHIG LA BRTEN NAS BYUNG BAR GYUR PA SOMS SHIG, GZHAN YANG RGYUD SDE DANG MTHUN PA'I RDO RJE 'DZIN PA SO SO THAR PA DANG MTHUN PA'I 'DUL BA'I KUN SPYOD RNAM PAR DAG CING, BYANG CHUB SEMS DPA'I BSLAB PA'I GNAS MTHA' DAG LA THEG CHEN GYI SDE SNOD DANG MTHUN PAR GCES SPRAS SU BYED PA, SDOM PA GSUM GYI CHU BO YAN LAG BRGYAD DANG LDAN PAS THUGS RGYUD RNYOG PA MED PAR GTAMS PA'I SDE SNOD 'DZIN PA STONG PHRAG MANG PO ZHIG NUB DZA LANDHA RA NAS BZUNGS TE, SHAR RGYA MTSO CHEN PO LA THUG PA'I RGYA NAG PO'I RGYAL KHAMS YAN CHAD DU CI RIGS PAR KHYAB PAR GYUR PA 'DI LTA BU NI, BDAG GI RJE BLA MA 'DI NYID 'BA' ZHIG GI RMAD DU BYUNG BA'I PHRIN LAS

DPAG PAR DKA' BA YIN NO, ,DE YANG RJE BLA MA'I GSUNG NAS, BYANG CHUB SGRUB PA'I TSE RABS KUN TU YANG, ,DUS GSUM RGYAL BA SRAS BCAS THAMS CAD KYI, ,RLABS CHEN SPYOD PA JI SNYED MCHIS PA KUN, ,GCIG TU BSDUS NAS TSUL BZHIN 'DOMS PAR SHOG ,CES GSUNGS DON DANG LDAN PA'I BLA MA NI, ,DAM CHOS 'DZIN PA'I SMON LAM GRUB PA YIS, ,RLABS CHEN SPYOD PAS RGYAL BA'I BSTAN PA DANG, ,MA LUS 'GRO BA'I DON LA BRTZON PAR MDZAD, ,MKHAS MANG BSTAN 'DZIN DGE 'DUN KUN GYI GTZO, ,GRUB PA MCHOG BRNYES SPAS PA'I BRTUL ZHUGS MDZAD, ,DPAL LDAN PHRIN LAS BZANG PO GDUL BYA'I DPAL, ,BKA' DRIN ZLA MED BDAG GI BLA MA'O, ZHES BYA BA NI, RJE BTZUN BLA MA THAMS CAD MKHYEN PA DGE 'DUN GRUB PA DPAL BZANG PO'I RNAM THAR NGO MTSAR RMAD BYUNG NOR BU'I PHRENG BA LAS, GTZO BOR DKON MCHOG GSUM GYI MCHOD PA LAS BRTZAMS PA'I RIM PAR PHYE BA STE LNGA PA'O,, ` ,,DE LTAR BSTAN PA DANG GDUL BYA'I DON RMAD DU BYUNG BA RGYA CHER MDZAD PAS GANGS RI'I KHROD KYI SKAL BA DANG LDAN PA'I SKU DNGOS KYI GDUL BYA DAG GI DON NI, PHAL CHER MDZAD PA MTHAR PHYIN PA LA NYE BAR GYUR PA SHING PHO RTA'I DPYID CHOS KYI TSE RJE 'JAM DBYANGS SMON LAM DPAL MJAL BA LA PHEBS GLEGS BAM RIN PO CHE'I LUNG ZHUS, SNGA PHYI'I GSUNG GLENG MANG PO MDZAD, RI BO DGE LDAN GYI MKHAN PO LA LUNG BSTAN TE PHYIR BYON, LO DE'I STON NYANG STOD KYI CHU TSAN LA BYON NA SKU LUS LA SHIN TU 'PHROD PAR 'GYUR RO ZHES GSOL BA

, ,'DEBS PA DAG GIS RKYEN BYAS SHING, DON GYI GTZO BO NI, KUN TU RGYU RAB BZANG DANG DRI ZA'I RGYAL PO BZHIN DU SKU DE NYID KYIS DNGOS SU GDUL BA'I SKYE BO MANG PO ZHIG GI DON BYA BAR YANG DGONGS SHING, SNGON NAS RANG NYID KYIS SMIN PAR MDZAD PA'I SKYE BO MTHA' YAS PA DAG LA LEGS PAR BSHAD PA'I GSUNG GI THA MA BSTZAL BAR BZHED NAS, BKRA SHIS LHUN PO NAS PHYAGS BTEG STE CHAB TSAN KHAR BYON, 'ON KYANG CHAB TSAN LA NI, CUNG ZAD 'DUG PA LAS MA MDZAD, GTZO BOR NYANG STOD PHU MDA'I SKYE BO'I TSOGS MTHA' YAS PA DAG DANG, KHYAD PAR RANG DANG 'BREL PA YOD PA'I CHOS SDE CHE CHUNG NA BZHUGS PA'I DGE 'DUN RNAMS LA CHOS DANG BYIN RLABS KYI SKYES GNANG ZHING, BSNYEN BKUR BA DANG 'BUL BA RMAD DU BYUNG BA DAG BDAG GIR MDZAD PA DANG, THA NA ZHAL MTHONG ZHING GSUNG THOS PA TZAM GYI SGO NAS KYANG DON DANG LDAN PAR MDZAD DE SLAR YANG 'DIR PHEBS, DE NAS SNAR THANG 'DI RANG RE'I RTZA BA'I GRVA SA DANG 'BREL CHE BAS DE PHYOGS LA 'DO LI LA GDAN DRANGS PA'I 'DO LI'I SNA LA 'JA' TSON ZUG PA DANG, SNAR THANG DU PHEBS PA'I TSE YANG GAR BZHUGS SU NAM MKHA'I DBYINGS NAS 'JA' TSON KA BA BTZUGS PA LTAR ZUG PA SOGS KYI LTAS MNGON SUM DU BAB PAR GYUR LA, DE DUS SNAR THANG DU BZHUGS SA YANG GZIMS KHANG RANG DU MDZAD, 'BYON KHAR DGE BSHES PHRIN LAS DPAL 'BAR ZHES PA RJE RANG GI SNGA MO'I DUS KYI GRVA PA CIG YOD PA DES BRANG KHANG DU GDAN DRANGS PAS

RJE'I ZHAL NAS, NGA'I GRVA PA'I SNGA SHOS YIN PA DANG, SNAR THANG DU 'ONG BA'I THA MA'ANG YIN SRID PAS 'GRO DGOS GSUNGS TE BYON, DE NAS DAR RGYAS SU BYON, DE NAS KHANG GSAR DU BYON TE, DE DUS KHANG GSAR PA LA LUNG BSTAN YANG MDZAD, DE NAS SLAR YANG BKRA SHIS LHUN POR PHEBS, BLA BRANG DU PHEBS PA NA, DA NI, RANG RE'I DGON PA RANG DBANG THOB PA 'DIR SLEBS BYUNG BAS BLO BDE'O GSUNG, DE NAS SNGAR NYANG STOD CHU TSAN GYI DUS NAS ZHAL SKYUGS CUNG ZAD 'ONG BA'I SKU KHAMS MA BDE BA TZAM YOD LA, 'DI NAS BSNYUNG ZUG CHEN PO MED PAR CUNG ZAD THUGS NYOG PA GSAL BA TZAM GYI BAR LA SKU RIM YANG RIM PA BZHIN DU BSGRUBS, RJE RANG GIS GTZO BOR NANG GI TING NGE 'DZIN LA MCHOG TU GZHOL BA'I THUGS DAM LA BZHUGS PAR GYUR TE, DE'I SKABS SHIG TU SA CHEN PO GLO BUR DU GA-YO BA DANG, RJE BTZUN MA DKAR MO'I GSER SKU LA SPYAN CHAB 'DZAG PA SOGS KYANG BYUNG ZHING, RJE'I ZHAL NAS, DA NANG SA THO RANGS SNGAR GYI BUD MED DUS PA'I SKAD DE YANG GRAG PAS DA RANG JI LTAR YIN NAM GSUNG, DE NAS DGUN ZLA RA BA'I GNAM STONG GI NYIN 'BRONG RTZE CHOS RJE CHOS BLO BA SOGS GSUM GYI BSNYEN RDZOGS KYI MKHAN PO MDZAD, DE'I NYIN ME TOG GI CHAR 'BAB PA SOGS NGO MTSAR BA'I LTAS MANG PO BYUNG, DE NAS DGUN ZLA 'BRING PO RGYAL GYI ZLA BA'I TSES BZHI'I NYIN MO BU SLOB 'GA' ZHIG GIS BRTAN BZHUGS KYANG PHUL, DE NAS TSES BDUN LA SEMS DPA' CHEN POS THOG DRANGS SLOB DPON GZHIR BZHUGS RNAM

, ,LA BYON GSUNGS TE SKU DRUNG DU BYON PA LA RJE'I ZHAL NAS, RANG RE RNAM PA'I DGONGS RGYU LA, GANG GANG CI'I RGYU MTSAN RNAMS RIM CAN DU ZHUS PA LA TSANG ZHING, SKABS DON GYI GTZO BO KHYED RNAMS KYIS SPYIR SANGS RGYAS KYI BSTAN PA DANG SEMS CAN GYI BDE SKYID, KHYAD PAR BKRA SHIS LHUN PO'I BSTAN PA LA BSAMS NAS Ji SRID 'TSO'I BAR DU 'DIR BZHUGS NAS, BSHAD SGRUB TSUL BZHIN DU MDZAD NA NGED KYI BSAM PA YANG DE KAS RDZOGS PA YIN, GSUNG BA LA SO SO NAS ZHU BAR MA SPOBS, RE ZHIG NAS SEMS DPA' CHEN POS, KHONG RNAMS BKA' BZHIN DU BGYID ZHU BAR 'DUG ZHUS PAS RJE'I ZHAL NAS, 'O NA KHO BO NI, 'GYOD PA MED PAR TSE'I DUS BYA'O GSUNGS NAS DBU PHUR NAS BZHUGS, DE NAS KHONG RNAMS SKU RIM SGRUB PA'I STA GON LA BYON, SEMS DPA' CHEN POS CUNG ZAD BZHUGS NAS, THUGS DAM GYI GSAL 'DEBS DGOS PAR GDA' LAGS SAM ZHUS PAS, MI DGOS, PHYIR SONG GSUNG ZHAL TA GZHAN CIG YOD DE DA LAN LA MI DGOS PA 'DUG GSUNG, DE DAG GI TSE YI DAM GYI LHA MANG PO'I GZIGS SNANG KHYAD PAR CAN MANG DU YOD PA'I RNAM PA DU MA MNGON MOD KYI, SKU DRUNG NA 'KHOD PA DAG GIS JI LTAR MCHIS PA ZHU BA RNGO MA THOGS SO; ;DE NAS MTSAN MO'I RING LA THUGS DAM LA RTZE GCIG TU BZHUGS TE, PHYI ROL NAS MNGON PA LA RDO RJE BZLAS PA LA SOGS PA MDZAD PAR MNGON NO ZHES ZER TE, MDOR NA DE'I TSE 'CHI BA 'OD GSAL CHOS SKU DANG SRE BA'I MAN NGAG THUGS

NYAMS SU BZHES PAR NGES SO, ,DE NAS TSES BRGYAD KYI THO RANGS ZHABS RDO RJE SKYIL KRUNG, PHYAG GNYIS MNYAM GZHAG MDZAD DE, STONG PA GSUM RIM GYIS THIMS NAS THAMS CAD STONG PA 'OD GSAL DON DAM PA'I BDEN PA MNGON DU MDZAD DE, DE YANG SNGAR MNYEL BA SOGS KYIS SKU MDANGS CUNG ZHIG TSUNG BAR YOD NA'ANG, DE'I TSE GLO BUR DU SKU LUS ZLA BA RGYAS PA LTAR GYUR TE, SNGAR GYI SKU'I GNYER MA RNAMS KYANG MED PAR BLTA BAR MI BZOD PA'I 'OD KYI PHUNG PO DANG LDAN ZHING, DE YANG KHA CIG NI; SKU'I 'OD DMAR SER, KHA CIG NI, DKAR SENG, KHA CIG NI, GSER BTZOM LTA BUR SNANG NGO, ZHES ZER RO, ,DE BAS NA RJE 'DI NI, DE'I TSE 'OD GSAL DON DAM PA'I BDEN PA MNGON SUM DU MDZAD DE, 'CHI BA CHOS SKUR BSGYUR BA'I SGO NAS BAR DO SGYU MA'I SKUR BZHENGS TE, DE LA BRTEN NAS MCHOG GI DNGOS GRUB MNGON DU MDZAD PA YIN PAR GDON MI ZA BA YIN NO, ,'O NA PHYI MA RGYA NAG TU SKU SKYE BA BZHES PAR GSUNGS PA SOGS JI LTAR YIN ZHE NA, RJE RANG GI GSUNG NAS; SGRUL PAS SKYE BA 'DZIN PA YIN PAS MI 'GAL, GSUNG BA LTAR YIN NO, ,DUS DE DAG GI TSE NAM MKHA' NI, THAMS CAD STONG PA 'OD GSAL MNGON DU MDZAD PA'I TSUL NI, 'DI 'DRA'O ZHES 'JIG RTEN THAMS CAD LA GO BAR BYED PA BZHIN DU SHIN TU GA-YA' DAG PAR GYUR TE, THA MAL GYI SPRIN DANG RDUL LA SOGS PA THAMS CAD DANG BRAL ZHING SA GZHI RLUNG GI RGYU BA THAMS CAD DANG BRAL NAS BSER BU PHRA MO'I 'GRO 'ONG YANG RGYUN CHAD PA ZHAG BZHI BCU ZHE LNGA TZAM GYI

, ,BAR DU BYUNG LA, GZHAN YANG LHA RNAMS KYI MCHOD PA ME TOG SNA TSOGS PA RNAMS NI, PHAL CHE BA KUNDA LTAR DKAR ZHING MU TIG LTAR 'OD GSAL BA, ZLA BA LTAR 'TSER BA LAG MTHIL TZAM DANG SHING RTA'I 'PHANG LO TZAM DPAG TU MED PA DANG, KHA DOG KYANG 'GA' ZHIG NI, SNGON PO, 'GA' ZHIG NI, SER PO, 'GA' ZHIG NI, DMAR PO SOGS CHAR LTAR BABS PAR GYUR TO, ,GZHAN YANG SKU'I THAD DRANG DU 'JA' TSON KHA DOG SNA LNGA PA SHIN TU DVANGS SHING 'OD 'TSER BA RNAM PAR BKRA BA ZHIG YUN RING PO'I BAR DU GNAS PAR GYUR LA, PHAL CHE BAR NAM MKHA'I LAM THAMS CAD 'JA' TSON DKAR PO BLA BRE LTAR BRES PA DANG, PA DAN LTAR 'PHYANG BA DANG, DGON PA'I GA-YAS GA-YON THAMS CAD 'JA' TSON SNA TSOGS PAS LNGA LDI LTAR KHRIG GIS GANG BA LA SOGS PA ZHAG MANG PO'I BAR DU BYUNG ZHING, DPA' PO DANG MKHA' 'GRO MA RNAMS KYIS MNGON PAR BSGRAGS PA'I 'KHOR RNGA SOGS ROL MO'I BYE BRAG BSAM GYIS MI KHYAB PA MTSAN GUNG LA GRAG PA DANG, NYIN MO YANG GAnd'I BRDUNGS PA'I SGRA CHEN PO GRAG STE THAMS CAD THE TSOM DU GYUR NAS BRTAGS KYANG MI ZHIG GIS BRDUNGS PA MA YIN PAR NGES PA TZAM DU ZAD KYI, GZHAN DU GZHAN JI LTA BU ZHIG GIS GNAS GANG DU BRDUNGS PA SOGS GANG DU'ANG BRTAG PAR MI NUS PAR YUN RING DU SGRA SHIN TU DRAG PAR YANG SNANG NGO, ,MDOR NA BCOM LDAN 'DAS RTZVA MCHOG TU MYA NGAN LAS 'DA' PA'I TSUL BSTAN PA'I TSE, LHA RNAMS

KYIS MNGON PAR MCHOD PA JI LTA BA BZHIN DU 'DIR YANG GYUR TO, ,SMRAS PA, PHRIN LAS 'OD DKAR STONG GI DRA BA CAN, ,THUB BSTAN KU MUD RGYAS PA'I ZLA BA DE, ,GLO BUR NYID DU ZHI BA'I DBYINGS SU NUB, ,SA GSUM 'GRO 'DI CIG CAR MUN BAS KHYAB, ,RGYUD SDE BZHI YI YAN LAG RAB RDZOGS SHING, ,'GRO KUN STENG DU 'DEGS PA'I STOBS CHEN LDAN, ,RDO RJE THEG PA'I MCHE BAS MDZES PA CAN, ,BSHES GNYEN GLANG PO'I MCHOG DE DE RING NONGS, ,BKA' GDAMS BSTAN PA'I GANGS RI LA GNAS SHING, ,GZHUNG LUGS MAN NGAG RAL PA'I KHUR GYIS BRJID, ,CHOS BRGYAD RGOL NGAN WA TSOGS SKRAG MDZAD PA'I, ,BSHES GNYEN RI DVAGS DBANG PO DENG 'DIR NONGS, ,YON TAN CHA SHAS NAM YANG MI 'GRIB CING, ,SHES RAB ME LCES SGRIB GNYIS TSANG TSING GI ,BUD SHING MTHA' DAG SREG PAR NUS PA'I PHYIR, ,SNGON MED RGYU SKAR BDAG PO'ANG DENG 'DIR NONGS, ,CHOS KYI 'OD ZER SRID GSUM KUN TU 'PHRO, ,RNAM RTOG RLUNG GIS SKYOD PAR MI NUS SHING, ,BDUD PHYOGS GZA' YIS NAM YANG MI SGRIB PHYIR, ,SNGON MED NAM MKHA'I NOR BU'ANG DBYINGS SU 'DZEGS, ,DGE 'DUN DGE 'DUN 'DUS PA KUN GYI GTZO, ,GRUB PA GRUB PA'I DBANG PHYUG KUN DANG MTSUNGS, ,DPAL LDAN DPAL GYI 'BYUNG GNAS MKHYEN BRTZE'I GTER, ,BZANG PO BZANG POR GRAGS PA'I BLA MA GSHEGS, ,RING NAS KHYOD LA BRTEN PA'I BDAG CAG RNAMS, ,YID LA MYA NGAN MA YI SBYIN SREG DANG, ,BZHIN LA MCHI MA'I RGYUN GYI DAG BYED DAG ,SDUG BSNGAL BSAM

, ,GTAN DRAG POS RTZE GCIG BSGRUBS, ,MGON 'DIS CHOS SKU MNGON DU MDZAD PA NA, ,BDAG CAG BTANG SNYOMS 'DUG PA MI RIGS ZHES, ,LHA YI ME TOG MANG PO LHA RNAMS KYIS, ,MKHA' LA GTOR BA'I RNAM 'PHRUL CI YANG BYAS, ,'ON KYANG RJE BTZUN BLA MAS SKU GSUM GYI, ,GO 'PHANG 'DI LTAR MNGON DU MDZAD DO ZHES, ,BDAG CAG YID LA GDUNG BA CI LTAR RIGS, ,SLAR YANG TSUL DER DANG BA LHUR BYOS SHIG ,DE NAS RGYA YUS NAS DPON PO CHEN PO GNYIS RJE BLA MA 'DI NYID KYI ZHAL MTHONG GSUNG THOS TZAM AE SRID SNYAM STE 'ONGS PAS MA BYUNG BAR RIN PO CHE DANG GOS DAR SOGS PHUL BA LA GZHI BYAS TE, DE'I NYIN NAS BRTZAMS TE GZIMS MAL THANG KHA RIN PO CHE'I, GOS THANG CHEN MO'I SKYA RIS BTAB STE DE NUB NAS DKAR ME 'DZIN PA SOGS BYUNG ZHING, DE NAS SKU GDUNG GI DRUNG DU GSOL BA 'DEBS PA DANG MCHOD PA SHOM PA SOGS LA DGE SLONG BZHI SDE RE BZHUGS SO, DE NAS RTA LO SMON LAM CHEN MO GRUB DUS KYI ZHAL TA DANG, NYE DUS MYA NGAN LAS 'DA' KHA'I ZHAL TA RNAMS DANG MTHUN PAR LUG LO'I SMON LAM CHEN MO DANG GSOL 'DEBS PHYOGS GCIG TU BSGRUB PA'I PHYIR DU DKAR ME SOGS SNGAR GYI YO BYAD RNAMS DANG, DE'I TSE PHYOGS KYI BU SLOB SBYIN BDAG DAD PA CAN RNAMS KYI DAD 'BUL RNAMS LA BRTEN NAS ZLA BA DE'I TSES BCU BDUN NAS BZUNGS TE, NYI MA BCU TZAM GYI BAR LA DGE 'DUN NYIS STONG LHAG TZAM LA ZHABS TOG PHUN SUM TSOGS PAR BSGRUBS NAS, GTZO

POR RJE BLA MA 'DI NYID LA GSOL BA RTZE GCIG TU BTAB STE THUGS KYI DGONGS PA RDZOGS PA DANG, BDAG CAG THAMS CAD LA NAM DU YANG BLA MA MCHOG YE SHES KYI GZIGS PA 'BRAL BA MED PAR GYUR CIG CES YID LA BRANG PA LHUR BYED PA'I SMON LAM 'DEBS PA DANG, DE'I CHE DKON MCHOG SPYI LA YANG MCHOD PA'I BYE BRAG BSAM GYIS MI KHYAB PA DANG, KHYAD PAR PHYI NANG GI SA SKONG RNAMS SU RTA LO SMON LAM LAS KYANG CHES CHER LHAG PA'I MAR ME DANG, DGON PA'I GLING GSEB KYI BRANG KHANG SO SO'I STENG RNAMS SU MAR ME'I PHRENG BA TSAR DU DNGAR BA THAMS CAD KYANG, MTSAN RANGS LA ME LCE'I RTZE MO CUNG ZAD RLUNG GIS GA-YO BA TZAM YANG MED PA'I NYI MTSAN GYI KHYAD PAR MED PAR SNANG BA 'BA' ZHIG GIS KHYAB PA LTA BUR GYUR TO, ,DE'I TSE NAM MKHA' LA YANG 'JA' TSON GYIS KHYAB CING ME TOG GI CHAR YANG BAR SNANG GANG BAR BABS LA, PHYIS KYANG BRGYAD MCHOD KYI TSE DE LTA BU RGYUN MI 'CHAD PAR SNANG NGO, ,GZHAN YANG SNAR THANG RI BO DGE LDAN SOGS DBUS GTZANG GI DGE 'DUN GYI SDE CHEN PO DU MAR YANG, MANG JA DANG 'BUL NOD PHUN SUM TSOGS PA RGYA CHER BSGRUBS SHING, DE NAS ZLA GCIG TZAM GYI BAR LA BU SLOB DAD LDAN GYIS MANG JA NYIN RE BZHIN RGYUN MI 'CHAD PAR DGONGS RDZOGS BSGRUBS TE, MDOR NA BDAG CAG RNAMS KYIS NI, RJE BLA MA NYID KYI THUGS KYI DGONGS PA DANG MTHUN PAR THA MAL GYI SPYOD PA RING DU SPANGS TE, 'DU BYED THAMS CAD KYI MTSAN NYID NI, 'DI 'DRA'O SNYAM DU SKYO BA'I MTSAN MA YID LA

, ,BYED PAS SLAR YANG 'KHOR LO GNYIS KYI BYA BA LA CHES CHER BRTZON PAR BGYIS NAS, THUGS KYI DGONGS PA YONGS SU RDZOGS PA'I BYA BA RGYUN MI 'CHAD PAR SGRUB PA LA ZHUGS PAR GYUR TO, ,'DIR SMRAS PA, DE LTA'I DGE BA RNAM DKAR RGYA CHEN DE, ,TSE RABS KUN TU THAMS CAD MKHYEN PA DANG, ,SKAD CIG TZAM YANG NAM YANG MI 'BRAL ZHING, ,DGYES BZHIN RJES SU 'DZIN PA'I RGYUR GYUR CIG ,CES BYA BA NI, RJE BTZUN BLA MA DAM PA THAMS CAD MKHYEN PA DGE 'DUN GRUB PA DPAL BZANG PO'I RNAM THAR NGO MTSAR RMAD BYUNG NOR BU'I PHRENG BA LAS MYA NGAN LAS 'DA' BA'I MDZAD PA JI LTAR BSTAN PA'I RIM PAR PHYE BA STE DRUG PA'O,, ` ,,DE NAS GSOL 'DEBS DNGOS GZHI THON 'PHRAL LA RJE BLA MA 'DI'I MDZAD SROL MI NYAMS PA'I SLAD DU GDAN SA PA'I BSKO GZHAG LA SNAR THANG PA GZHUNG BRGYA SMRA BA BKRA SHIS BZANG PO ZHES PA LA, RJE BLA MA RANG NYID KYIS SNGA MO NAS DGONGS PA GTAD PA DANG GZHAN YANG MKHAS PA'I DBANG PO DPAL LDAN TSUL KHRIMS ZHES PA GDAN SA'I 'OS SU MNAL LAM DU BYUNG BA SOGS 'GA' ZHIG YOD KYANG PA ZHED PA BZHIN MA GRUB, YANG BDAG GI BLA MA 'DUL 'DZIN SEMS DPA' CHEN PO 'DI RJE BLA MA DANG SKU SKYE SNGA PHYI MANG PO ZHIG TU RES 'GA' DPON SLOB, RES 'GA' PHA MA BU TSA, RES 'GA' LAG PA GA-YAS PA DANG 'DRA BA'I GROGS SU GYUR CING PHYI MA LA YANG RGYA NAG TU DPON SLOB TU 'GYUR PAR GSUNGS LA, DE'I GNAD KYIS 'DIR YANG RGYAL TSAB DAM PAR 'GYUR RGYUR

'DUG NA'ANG, SNGA MO NAS BLA MA 'DI NYID KYI 'OG TU 'CHAD PA PO'I LUGS SU MDZAD PA THOGS SHIG DANG, KHYAD PAR RJE BLA MA DBUS PHYOGS LA RTING MA BYON PA'I SKABS LO GSUM TZAM GYI RING LA, GRVA TSANG GI ZHAL BDAG MDZAD KYANG JI ZHIG NAS SKU TSE 'DIR RGYAL TSAB MI MDZAD PAR THAG BCAD, DUS PHYIS RJE BLA MA 'DI NYID LA SKAL LDAN GYI SLOB MA KHA CIG GIS RJE RANG NYID SKU KHAMS BZANG RIN LA RGYAL TSAB CIG BSKO BA GNANG NA ZHUS KYANG DANG DU MA BZHES, PHYIS CHOS RJE SMON LAM PA 'DIR PHEBS DUS SLOB DPON RNAM PAS DE MTHUN GYI RGYU MTSAN PHUL PA LA YANG BE RO GA-YAG 'GEL GYI DPE GSUNGS NAS DANG DU MA BZHES, YANG BSKYAR NAS NAN GYIS ZHUS PAS, 'O NA BRTAG PA CIG TZAM GYIS GSUNGS NAS BRTAG PA BYAS DUS RE ZHIG MA BSKOS PA BZANG ZER BA BABS, SLAR SEMS DPA' CHEN POS NYANG STOD NAS 'DIR PHEBS, RJE BLA MA'I DRUNG DU DPON SLOB RNAMS KYIS RGYU MTSAN ZHIB TU PHUL BAS, KHYED RANG RNAMS BRTAG PA GYIS GSUNG, BRTAG PA MDZAD PAS BDAG GI BLA MA MKHAS GRUB CHEN PO BZANG PO BKRA SHIS ZHES BYA BA, MDO RGYUD MA LUS PA'I DON LA MKHYEN PA THOGS PA MI MNGA' ZHING MTHU STOBS KYI DBANG PHYUG RJE BLA MA'I BSTAN PA 'DZIN PAR BSTAN SRUNGS RNAMS KYIS KYANG CHES CHER BSNGAGS PA'I BDAG NYID CHEN PO DE, BLA MA'I RGYAL TSAB TU DBANG BSKUR BAR BRTAG PA BABS TE, DE'I RGYU MTSAN RJE BLA MA LA ZHUS PAS RJE'I ZHAL NAS, KHYED RANG RNAMS MTHUN SNANG DU GRUB NA DEGS KHYAB BO, ZHES

, ,GSUNG, DE NAS MYA NGAN LAS 'DA' BA'I TSUL BSTAN PA'I ZLA BA PHYI MA DGUN ZLA THA CHUNG GI NYA LA, RJE BLA MA MKHAS GRUB CHEN PO BZANG PO BKRA SHIS PA BLA MA BDAG NYID CHEN PO THAMS CAD MKHYEN BA'I CHOS KYI KHRIL BZHUGS TE, GZIMS KHANG DU PHYAGS PHEB NAS BDAG SOGS RJES 'JUG YONGS KYI GTZUG RGYAN DAM PAR BZHUGS SHING, RJE BLA MA NYID KYI MDZAD SROL DAM PA RGYUN MI 'CHAD PA'I BDAG RKYEN DU, 'DUL 'DZIN SEMS DPA' CHEN PO'I ZHAL SNGA NAS THOG MA MDZAD PA'I YONGS KYI DGE BA'I BSHES GNYEN CHEN PO RNAMS KYIS MGRIN GCIG TU GSOL BA BTAB STE, CHOS KYI RGYAL SRID CHEN PO'I BDAG POR MDA' GSOL TE, DE YANG RJE RANG NYID KYI BKA' CHEMS LA, NGA'I RUS PA 'DI DGOS PA KHYAD PAR CAN MANG PO YOD PAS CIS KYANG ME LA LA PHUL CIG GSUNG BA LA ZLA BA DE'I NYER GNYIS BAR DU NI THUGS DAM MA GROL, DE NAS THUGS BZHED BZHIN BSGRUB RGYU LA DNGUL 'BUM MA GRUB PAR RE ZHIG GZIMS KHANG RGYAL MTSAN MTHON PO'I SGROL MA LHA KHANG DU, MCHOD RTEN KHANG BU MA ZHIG GI NANG DU SKU GDUNG RIN PO CHE DRI BZANG GIS BYUGS PA'I NA BZAS LEGS PAR GA-YOGS TE BZHUGS SU GSOL, DE NAS SA PHO KHYI'I BRGYAD MCHOD CHEN MO'I NYIN SNGAR RJE BLA MA'I BKA' CHEMS BZHIN DU RJE PAn CHEN RIN PO CHES SKU GDUNG RIN PO CHE ZHUGS LA PHUL TE, GSOL BA BTAB PAS DBU KHRUMS MA ZHIG PA RIL PO RING BSREL SNA LNGAS GTAMS PA DANG, GZHAN SKU GDUNG THAMS CAD DUNG

GA-YAS 'KHYIL DANG RING BSREL GYIS GTAMS PA DANG, GZHAN YANG SPUR THAL SOL BA SOGS LA'ANG RING BSREL JI SNYED DANG BCAS PA GDUL BYA RNAMS KYI BYIN RLABS KYI RTEN DU BYON NO, ,DE LTA BU'I SKU GDUNG RIN PO CHE DNGUL GDUNG GI GSER ZANGS MA GTOGS PA'I DNGUL RKYANG SHING SRANG GI KHAL BZHI TZAM LAS GRUB PA'I GDUNG RTEN CHEN PO RIN PO CHE'I 'PHRA SNA TSOGS BKOD PAS SPRAS PA, BUM PA'I SHAR PHYOGS NA RNAM PAR RGYAL MA'I DNGUL SKU DANG, SENG KHRI'I PHYOGS BZHI LA RGYAL CHEN BZHI 'BUR DU DOD PA LEGS PAR BZHENGS TE, DE'I BUM PAR DBU THOD KYIS THOG DRANGS SKU GDUNG RNAMS DANG, SEMS DPA' CHEN PO'I SKU GDUNG RING BSREL GYIS GTAMS PA DANG, BYANG CHUB KYI SHING LAS GRUB PA'I BSTAN PA'I GTZO BO'I SKU BYIN RLABS CAN RNAMS BZHUGS SHING, BRE YAN CHAD LA RJE BTZUN TZONG KHA PA CHEN PO'I RING BSREL, RGYAL TSAB THAMS CAD MKHYEN PA DANG MKHAS GRUB THAMS CAD MKHYEN PA GNYIS KYI RING BSREL DANG CHOS RJE RONG PO'I RING BSREL RNAMS DANG, GZUNG SNGAGS BYIN RLABS CAN MANG PO DANG, BANG RIM MAN CHAD LA RIN PO CHE'I GLEGS BAM DANG, GDUNG THAL LA BTAB PA'I SKU GZUGS BYIN RLABS CAN MANG PO BZHUGS PA RAB TU GNAS PA DANG BCAS PA YAN CHAD RDZOGS PAR MDZAD LA, GZHAN YANG DNGUL GDUNG RIN PO CHE BZHUGS PA'I LHA KHANG RI MO DANG BCAS PA DANG, BYAMS KHANG GI RI MO YONGS SU RDZOGS PA DANG, 'DUL BA'I t'I KA CHEN PAR DU BZHENGS PA DANG, GTZUG LAG KHANG GI GA

, ,BA 'GA' ZHIG BRDZE BA SOGS KYI 'PHRIN LAS DANG, GDUL BYA RNAMS LA MDO SNGAGS KYI CHOS KYI 'KHOR LO RGYA CHEN PO BSKOR TE DBYAR ZLA 'BRING PO'I TSES BZHI LA MYA NGAN LAS 'DA' BA'I TSUL BSTAN, DE'I TSES DRUG GI NYIN MO SKU GDUNG ZHUGS LA PHUL TE GSOL BA BTAB PAS DE'I NYIN NAM MKHA' LA 'JA'I GUR DANG, ME TOG GI CHAR RGYUN MI 'CHAD PAR 'BAB PA'I GSEB NAS BAR SNANG LA, RJE BTZUN MA SGROL MA'I SKU MTSAR LA DOD PA BYIN RLABS CAN THAMS CAD KYI MTHUN SNANG DU GRUB PAR BABS PA DE YANG DUS PHYIS DNGUL GDUNG RIN PO CHE'I BUM PA'I NANG GI RJE THAMS CAD MKHYEN PA'I DBU THOD KYI GSEB NA BZHUGS SO, ,DE NAS BZUNGS TE NYI MA MANG PO'I BAR DU GSOL BA RTZE GCIG TU 'DEBS PA YANG MDZAD DO, ,DE NAS SBUR KHANG ZHAL PHYE BAS SKU GDUNG RING BSREL MANG PO DANG KHYAD PAR LJAGS BYON PA RNAMS KYANG DNGUL GDUNG RIN PO CHE'I NANG NA BZHUGS SO, ,DE NAS ZLA BA DE'I TSES BCU LA BDAG CAG NAMS KYI BLA MA MKHEN RAB KYI DBANG PHYUG LUNG DANG RIGS PA DANG MAN NGAG GI RGYA MTSO, MDO RGYUD DGONGS 'GREL DANG BCAS PA GDAMS NGAG TU SHAR BA'I BSHES GNYEN CHEN PO DE BLA MA GONG MA'I PHRIN LAS RGYUN MI 'CHAD PA'I BDAG RKYEN DU, SLOB DPON CHEN MO RNAMS KYIS MGRIN GCIG TU GSOL BA BTAB STE CHOS KYI RGYAL SRID CHEN PO'I BDAG POR MNGA' GSOL MDZAD DO, ,DE NAS RJE NYID KYIS GDUL BYA RNAMS LA LEGS PAR BSHAD PA'I CHOS KYI 'KHOR LO RGYUN MI 'CHAD PA'I NGANG NAS, PAn CHEN RIN PO CHE'I NANG

RTEN THUB PA CHEN PO'I SKU SKU TSAD SHIN TU CHE BA DANG, DE'I LUGS PHUD RJE THAMS CAD MKHYEN PA'I SKU 'DRA SKU TSAD CHE BA GNYIS RGYU ZANGS GSER LAS GRUB PA, GZHAN 'PHAGS PA'I GNAS BRTAN 'KHOR BCAS CHOS SKYONG GI SKU DANG BCAS BA RNAMS BZHUGS PA'I LHA KHANG RI MO DANG GNAM RGYAN DANG BCAS PA RNAMS DANG, GTZUG LAG KHANG GI NANG NA GOS DAR GYI 'PHAN GDUGS RGYAL MTSAN MANG PO RNAMS DANG, STENG GI THIGS KHANG SBEN BAD DANG BCAS PA RNAMS MDZAD CING; GZIMS KHANG RGYAL MTSAN MTHON PO'I STENG GI THOG RNAMS DANG, SGROL MA LHA KHANG DU THUB PA CHEN PO'I SKU GTZO 'KHOR GSUM, RGYAL BA TSE DPAG MED, RJE BTZUN BYAMS PA, JO BO YAB SRAS GNYIS KYI SKU DANG, GZHAN YANG RNAM THAR LHA KHANG DU RJE'I RNAM THAR ZHING BKOD KYI RI MO RNAMS KYANG LEGS PAR MDZAD CING, KHYAD PAR RJE BLA MA NYID KYI THUN MONG MA YIN PA'I MDZAD PA GLEGS PAM RIN PO CHE'I SGO NAS SKAL LDAN GYI GDUL BYA RNAMS SMIN PAR MDZAD PA'I SGO NAS LO BCU'I BAR LA BSTAN PA BSKYANGS TE, DE NAS DPEN PA'I GNAS RNAMS SU THUGS DAM LA BZHUGS PAR MDZAD PA YIN NO, ,DE NAS KHO PO LA RJE BLA MA 'DI NYID KYI GDAN SAR 'ONG BA'I LUNG DANG MNGON PAR RTOGS PA'I YON TAN GANG YANG MED KYANG SNGON GYI LAS KYI 'BREL PA DANG, KHYAD PAR RJE BLA MA NYID KYIS SNGA PHYIR BKA' DRIN GYIS BSKYANGS SHING RJES SU BZUNGS PA'I RTEN 'BREL GYIS BKRA SHIS LHUN PO BTAB NAS LO BZHI BCU PA DANG, RJE MYA NGAN LAS 'DA' BA'I

, ,TSUL BSTAN NAS LO BCU GNYIS PA ME PHO RTA'I THA SKAR GYI ZLA BA'I TSES GSUM GYI NYIN RJE BLA MA'I CHOS KYI KHRIL 'DZEGS TE BLA BRANG RGYAL MTSAN MTHON POR SLEBS, RJE BLA MA'I 'PHRIN LAS RGYUN MI 'CHAD PA'I BDAG RKYEN DU YUN RING DU GNAS NA CI MA RUNG SNYAM PA'I YID LA BRANG PA RGYUN MI 'CHAD DU YOD PAS, DE LTAR DU BLA MA YI DAM BSTAN SRUNGS RNAMS KYIS BYIN GYIS BRLAB TU GSOL, MDOR NA BLA MA BDAG NYID CHEN PO 'DI'I RNAM PAR THAR PA BU SLOB SNGA MA MKHYEN RAB KYI DBANG PHYUGS LA GNAS PA RNAMS KYIS MDZAD PAR RIGS MOD KYI SNGAR MDZAD PA MA BYUNG LA, DE LTA NA YANG RJE BLA MA 'DI NYiD GSANG SBYOD SPAS PA'I BRTUL ZHUGS LA GNAS PAS GDUL BYA BLO DMAN PA 'GA' ZHIG, 'DI JI LTA BU ZHIG SNYAM DU DOGS PAR GYUR LA, DE DAG SPANG BA'I PHYIR DANG GDUL BYA DBANG PO RAB TU GYUR PA RNAMS DAD PA LHAG PAR 'PHEL BA'I PHYIR DU MDOR BSDUS TZAM ZHIG DGOS PAR MTHONG ZHING, DE LA YANG RJE RANG NYID KYI BU SLOB 'GA' ZHIG DANG, GZHAN NYAMS RTOGS CAN DU BYED PA'I GANG ZAG 'GA' ZHIG GI NYAMS DANG, RMI LAM 'DI LTA BU BYUNG ZHES PA'I GTAM GLENG PA SNA TSOGS SHIG YOD NA'ANG PHAL CHER LA DES PA MI SNANG STE, DES NA 'DIR NI, RANG GZHAN THAMS CAD LA MNGON SUM DU GYUR PA'I MDZAD PA DANG, RJE BLA MA RANG NYID KYI GSUNG DANG, GZHAN YANG SKYES BU DAM PA DAG GI GSUNG NAS DNGOS SU THOS PA RNAMS LA GZHI BYAS TE CUNG ZAD CIG BRJOD

PA YIN NO, ZHES BYA BA NI, RJE BTZUN BLA MA THAMS CAD MKHYEN PA DGE 'DUN GRUB PA DPAL BZANG PO'I RNAM THAR NGO MTSAR RMAD BYUNG NOR BU'I PHRENG BA LAS PHRIN LAS RGYUN MI 'CHAD PAR GNAS PA'I RIM PAR PHYE BA STE BDUN PA'O,, , SLAR YANG SMRAS PA, THEG MCHOG RIGS KYI NUS PA MI DMAN TSOGS GNYIS RIN CHEN KHAMS LAS GRUB, ,SHES RAB MGYOGS 'GRO'I RTA LJANG GIS DRANGS SHES BYA'I MKHA' LA THOGS MED CING, ,GSUNG RAB RGYA MTSO'I GOS CAN MA LUS RIGS PA'I ZER GYIS SNANG BYED PA, ,SNGON MED NAM MKHA'I NOR BU'I BLA MA THAMS CAD MKHYEN PA GANG DE RGYAL, ,DGE LEGS RGYA MTSO'I GOS CAN LAS 'KHRUNGS MKHYEN RAB YAL GA'I KHYON YANGS SHING, ,'CHAD RTZOD RTZOM PA'I LO 'DAB RTZEL SNYAN PA RJOD PA'I BYA TSOGS LDING, ,YON TAN ME TOG BSLAB GSUM 'BRAS BU SGRUB PA'I RGYAL MTSAN TOG GIS MDZES, ,PHUN TSOGS SHING 'DI SNGON CHAD TSOR RAM 'GA' YI DRAN PA'I LAM DU GYUR, ,GDUL BYA'I BSOD NAMS KHO NAS RNYED DO PHRIN LAS RGYUN MI 'CHAD PA DANG, ,BAR CHAD MGAL DUM SPANG BAR MDZOD CES SMRA PO GANG DE SNYAN DNGAGS PA, ,LEGS BSHAD GSER GYI NYAG THAG LA BRGYUS GSUNG RAB DNGUL GYI GLANG BO MCHOG ,MANG THOS SHEL GYI RA BA DKAR POR GZHAN PHAN GOM STABS LHOD LHOD RGYU, ,SANG+GHA SIDDHI PAn CHEN GANG DE'I GSUNG GI BDUD RTZI MYANGS PA LAS, ,MDO RGYUD DGONGS 'GREL GSUNG RAB SPYI DANG KHYAD PAR SDE LNGA'I GTZUG LAG LA, ,NGES PA RNYED NAS

, ,THOGS MED SMRA BA'I BANDE DZNY'A NA KU tI YI, ,BLA MA'I YON TAN SNYING LA DRAN PA'I BSAM DKAR YID KYI TSAL LAS SKYES, ,BDAG BLO RNAM DPYOD CHU GTER LAS 'ONGS SKYES RABS 'DAB BRGYA LDAN PA'I TSAL, ,DON BZANG GE SAR PHRENG BA'I DPAL 'DZIN RAB MDZES RGYAN GYI MDANGS BKRA BA, ,RTOGS BRJOD PADMO TSAR DU DNGAR BA'I YID 'OD PHRENG BA SPEL LEGS 'DI, ,MKHAS PA'I MDUN SAR 'DUG LA DGA' BAS SNYOMS LAS MED PAR LTA BAR GYIS, , GZHAN YANG, GANG ZHIG GSER GYI MCHOD SDONG LTAR MDZES PA, ,MDZES PA MTHA' DAG BSDUS BZHIN RAB MDZES SKU, ,MDZES SKU GZHAN LAS CHES LHAG KHYOD ZHABS KYI, ,ZHABS KYI PADMOR SLAR YANG PHYAG BGYI'O, ,DE LHA'I BLA MA RJE BTZUN DGE 'DUN GRUB, ,BDAG SOGS GDUL BYAR GTOGS PA THAMS CAD LA, ,PHYOGS DANG DUS DANG GNAS SKABS THAMS CAD DU, ,TSAD MED THUGS RJES RJES SU GZUNG DU GSOL, ,GZHAN YANG 'KHOR TSE SKYE BA THAMS CAD DU; ;BLA MA'I DRUNG DU YANG DAG LAM BZANG LA, ,'KHRUL MED NGES PA RNYED NAS BRTZON PA YIS, ,KHYOD GSUNG SGRUB PA SNYING POR BYED PAR SHOG ,BLO MIG RNAM PAR DAG CING GSAL BA DANG, ,MANG DU THOS PA DRI MED GOMS PA DANG, THAMS CAD MKHYEN PA'I ZHABS KYI BKA' DRIN LAS, ,GSUNG RAB NOR BU'I GLING DU NGES PHYIN TE, ,MKHA' LTAR RAB YANGS RGYA MTSO LTAR ZAB PA'I, ,BLA MA'I YON TAN SKRA YI KHYON TZAM ZHIG ,RJOD BYED TSIG GI SRAD BU 'DI DAG LA, ,

SKYES RABS NOR BU 'DI NI KHO BOS BRGYUS, ,BSTAN PA'I GNYEN GYUR RGYAL SRAS MTHU CHEN THOB, ,BSTAN SRUNGS RGYA MTSO'I TSOGS DANG BCAS PAS KYANG, ,MGON PO 'DI YI LUNG RTOGS DAM PA'I CHOS, ,SRID MTHA'I BAR DU GNAS PAR MDZAD DU GSOL, ZHES RGYAL BA THAMS CAD KYI MKHYEN BRTZE GCIG TU BSDUS PA, KHAMS GSUM CHOS KYI RGYAL PO, LNGA BRGYA PA RNAMS KYI GTZUG GI NOR BU, SNYIGS MA'I DUS 'DIR RGYAL BA'I BSTAN PA LA RGYAL BA NYID DANG MTSUNGS PA, SKYE DGU MA LUS PA'I GNYEN GCIG PU THAMS CAD MKHYEN PA DGE 'DUN GRUB PA DPAL BZANG PO'I RNAM THAR NGO MTSAR RMAD BYUNG NOR BU'I PHRENG BA ZHES BYA BA 'DI NI, LUNG DANG MNGON PAR RTOGS PA'I NOR GYIS THUGS KYI BANG MDZOD YONGS SU GTAMS PA'I CHOS KYI RJE KUN DGA' BDE LEGS RIN CHEN RGYAL MTSAN DPAL BZANG PO'I BKAS NAN CHER BSKUL CING, GZHAN YANG DGE BA'I BSHES GNYEN DU MA ZHIG GIS YANG YANG BSKUL BA LA BRTEN NAS, RJE BLA MA DE NYID LA MI PHYED PA'I DAD PA BRTAN PO DANG LDAN ZHING ZHABS RDUL LA NYE BAR GTUGS PA'I BKA' DRIN GYIS 'TSOB, SH'AKYA'I DGE SLONG YE SHES RTZE MOS THUB PA'I BSTAN PA LO LNGA STONG DU GNAS PA LAS, THUN MONG BLTAR NA LO SUM STONG DRUG BRGYA NYI SHU RTZA DRUG 'DAS PA'I RTZA BDUN PA DANG, THUN MONG MA YIN PA LTAR NA SNGAR LO NYIS STONG SUM BRGYA NYI SHU RTZA BDUN 'DAS SHING RTZA BRGYAD BA KUN DGA' ZHES PA SHING PHO STAG GI LO'I CHO 'PHRUL CHEN PO DBO'I ZLA BA'I NYER

, ,LNGA'I SNGA DRO'I CHA LA, BKRA SHIS LHUN PO DPAL GYI BDE CHEN PHYOGS THAMS CAD LAS RNAM PAR RGYAL BA'I GLING GI GZIMS KHANG RGYAL MTSAN MTHON PO'I RNAM THAR LHA KHANG DU RDZOGS PAR SBYAR BA'O,, ,,MANG+GA LAm,, ,,

[BLANK PAGE]