An Explanation of the Chapter on Deductive Accurate Perception for the Benefit of Others, from the

, ,TSAD MA RNAM 'GREL LEGS PAR BSHAD PA ZHES BYA BA THAMS CAD MKHYEN PA DGE 'DUN GRUB KYIS MDZAD PA LAS GZHAN DON RJES DPAG GI LE'U'I RNAM BSHAD BZHUGS SO, ,

, ,GNYIS PA DE GZHAN LA SKYED PA'I THABS NGAG GI RANG BZHIN BSHAD PA LA, RJOD BYED NGAG, BRJOD BYA'I DON BSHAD BA'O, ,DANG PO NI, GZHAN DON RJES SU DPAG PA NI, ,RANG GIS MTHONG DON RAB GSAL BYED, CES PA'I DON 'CHAD PA LA GSUM, RANG GIS MTHONG BA SMOS PA'I DGOS PA, DON SMYOS PA'I DGOS PA, RAB GSAL BYED SMOS PA'I DGOS PA'O, ,DANG PO LA GNYIS, BSTAN, BSHAD DO, ,DANG PO NI, TSUL GSUM PA'I RTAGS STON PA GZHAN DON RJES DPAG GO ZHES SMOS PAS CHOG MOD, CI'I PHYIR RANG GIS MTHONG BA ZHES SMOS ZHE NA, SNGA RGOL BA DAG GIS MTHONG BA MIN YANG, PHYI RGOL GZHAN DAG GI LUNG TZAM LAS MTHONG BA'I RTAGS DE SGRUB BYED YANG DAG YIN TE, GZHAN DON GYI GTAN TSIGS RNAMS NI GZHAN LA BSTAN PAR BYA BA NYID YIN PA'I

, ,PHYIR, DE YANG, DPER NA, GRANGS CAN GYIS SANGS RGYAS PA'I NGOR, BLO BDE CHOS CAN, SEMS MED YIN TE, SKYE 'JIG CAN YIN PA'I PHYIR, DPER NA, GZUGS CAN BZHIN ZHES PA LTA BU'O ZHES GRANGS CAN KHA CIG SMRA'O, ,GZHAN DON RJES DPAG GI MTSAN NYID 'CHAD PA'I TSIG ZUR DU BDAG GIS MTHONG BA'I TSIG SMOS PA CHOS CAN, DON YOD DE, SNGA RGOL RANG GIS TSAD MAS MA MTHONG BAR, PHYI RGOL GYI LUNG TZAM LAS BSHAD PA'I RTAGS DE RTAGS YANG DAG DANG, DE RJOD PA SGRUB NGAG YANG DAG YIN PA DE SPANG BA'I CHED YIN PA'I PHYIR, GNYIS PA LA GNYIS, KHAS BLANGS TZAM SGRUB BYED DU MI RUNG, RANG LA MTSUNGS PA SPANG BA'O, ,DANG PO LA GNYIS, SGRUB BYED DGAG, BSGRUB BYA DGAG PA'O, ,DANG PO LA GSUM, SANGS RGYAS PA'I LUNG TZAM SGRUB BYED MIN, RANG LA SGRUB BYED 'GOD PAR GDAM, KHAS BLANGS TZAM SGRUB BYED YIN NA HA CANG THAL BA'O, ,DANG PO NI, LUNG LAS BSHAD PA TZAM JI LTAR RTAGS YANG DAG MIN ZHE NA, SANGS RGYAS PA'I LUNG TSIG CHOS CAN, DNGOS PO STOBS ZHUGS KYI RJES SU DPAG PA'I YUL

LA; SGRUB BYED TSAD MA NYID DU 'DOD PA MA YIN TE, GZHAL BYA'I GNAS DANG PO GNYIS LA YONGS SU BRTAGS ZIN NAS, SHIN LKOG GI SGRUB BYED DU YONGS SU LEN PA TZAM YIN PA'I PHYIR, BLO BDE SKYE 'JIG CAN DER NI CHOS CAN, DNGOS PO STOBS ZHUGS KYI RJES DBAG 'JUG PAR MI 'GYUR BAR THAL, LUNG TZAM GYIS GRUB PA'I PHYIR, SANGS RGYAS PA'I LUNG DE NI CHOS CAN, SGRUB BYED TSAD MA MIN PAR THAL, KHYOD KYI DON LA GNOD PA'I PHYIR DU, BLO BDE SEMS MED GZHAN LA NI SGRUB BYED YANG DAG RJOD PA'I PHYIR, 'DOD PA DE'I CHO DE CHOS CAN, KHYOD KYIS GRUB PA'I BLO BDE SEMS MED KYI PHYOGS CHOS DANG, BSGRUB BYA MA LUS PA GRUB PA MA YIN PAR THAL LO, ,GAL TE LUNG DE KHAS BLANGS PA DANG LNGAN PA LA TSAD MAR GRUB BO ZHE NA, SANGS RGYAS PA GANG GI LUNG CHOS CAN, SANGS RGYAS PAS BLO BDE SKYE 'JIG CAN GYI SGRUB BYED DU KHAS BLANGS PA'I RGYU MTSAN GYIS, LUNG TSAD MA GANG YIN TE MA YIN PAR THAL, SANGS RGYAS PAS DE'I SGRUB BYED DU KHAS MA BLANGS PA'I PHYIR, SANGS RGYAS PA'I LUNG DE CHOS CAN, JI LTAR TSAD MAR GRUB STE MA GRUB PAR THAL, TSAD MAS GNOD PAR GYUR PA'I LUNG YIN PA'I PHYIR, SANGS RGYAS PAS LUNG TSAD MAR KHAS LEN PAS, TSAD MAR GRUB PO ZHE NA, SANGS RGYAS PA CHOS CAN, SANGS RGYAS PA'I LUNG KHAS BLANGS PA DE NYID KYIS NI, BLO BDE SKYE 'JIG CAN DU JI LTAR GRUB STE, 'GRUB PAR MI 'GYUR BAR THAL, SANGS RGYAS PA'I LUNG DE DANG 'GAL BA KHAS LEN RIGS PA'I PHYIR, KHYAB STE, LUNG DE LAS GZHAN PA KHAS LEN NA, LUNG DE DOR BYA'I YAN LAG YIN GYI,

, ,TSAD MA MIN PA'I PHYIR, GNYIS PA NI, GRANGS CAN CHOS CAN, RANG GIS BLO BDE SEMS MED DU RTOGS PA GANG LAS BYUNG BAR GYUR PA'I SGRUB BYED DE NI, SANGS RGYAS PA LA CIS MA BRJOD DE BRJOD RIGS PAR THAL, SANGS RGYAS PA'I NGOR BLO BDE SEMS MED DU SGRUB PA'I SNGA RGOL YANG DAG YIN PA'I PHYIR, NGED KYIS GRANGS CAN GYI LUNG LAS BLO BDE SEMS MED DU RTOGS LA, KHYOD GRANGS CAN GYI LUNG KHAS MI LEN PAS, RTAGS GANG YANG RUNG BA BSTAN PA YIN NO ZHE NA, BLO BDE SEMS MED DU STON PA'I LUNG CHOS CAN, RIGS PA GANG GIS KHYOD TSAD MAR 'DZIN PA'I RIGS PA DE NI, SANGS RGYAS PA 'DIS KYANG CIS MI 'DZIN TE 'DZIN RIGS PAR THAL, LUNG TSAD MA YIN PA'I PHYIR, NGED KYIS BLO BDE SEMS MED DU RNAL 'BYOR MNGON SUM GYIS RTOGS LA, KHYOD LA RNAL 'BYOR MNGON SUM MED PAS, RTAGS GANG YANG RUNG BA BSTAN PA YIN NO ZHE NA, GRANGS CAN CHOS CAN, SNGAR NI THA MAL BAR GYUR PA LAS SGRUB BYED GANG DAG GIS RNAL 'BYOR MNGON SUM RTOGS PA DANG, DBANG PO STE RNAL 'BYOR MNGON SUM 'BYUNG BA'I SGRUB BYED DE DAG SANGS RGYAS PA LA STON RIGS PAR THAL, BLO BDE SEMS MED DU RNAL 'BYOR MNGON SUM KHO NAS RTOGS PA'I SNGA RGOL YIN PA'I PHYIR, KHYAB STE, SANGS RGYAS PAS KYANG RNAL 'BYOR MNGON SUM DE'I DON SGRUB PA'I NUS PA SHES LA, SHES PA LTAR BSGRUB NUS PA YIN PA'I PHYIR, RNAL 'BYOR MNGON SUM DE SGRUB BYED GANG DANG YANG 'BREL PA RNAM PAR CHAD PA CAN YIN PAS MA BSTAN TO ZHE NA, SHES BYA CHOS CAN, BLO BDE SEMS MED KYI DON DE DAG LA BSGRUB BYA DANG SGRUB BYED

KYI DPYOD PA CUNG ZAD MED PAR THAL, RNAL 'BYOR MNGON SUM KHO NA BLO BDE SEMS MED KYI SGRUB BYED GANG ZHIG, RNAL 'BYOR MNGON SUM DE DON SBYIS KYANG SPYOD YUL MA YIN PA'I PHYIR, RTAGS KHAS BLANGS, GSUM PA NI, SHES BYA CHOS CAN, SKYES BU'I BSAM PA'I DBANG GIS NI GTAN TSIGS YANG DAG DE NYID DANG, DE NYID MIN PAR 'JOG NUS PAR THAL, PHYI RGOL GYIS KHAS BLANGS PA TZAM GYIS RTAGS YANG DAG TU 'GYUR BA'I PHYIR, 'DOD NA, GTAN TSIGS YANG DAG DANG DER SNANG MTHA' GCIG TU NGES PA MED PAR 'GYUR RO, KHYAB STE, 'DOD PA DE NI DNGOS PO LA RTEN PA MIN PA'I PHYIR RO, ,SHES BYA CHOS CAN, TSUL GSUM DON LA MED PAR RTOG PA'I SHES PAS BTAGS PA TZAM SGRUB BYED YANG DAG MIN TE, RTAGS YANG DAG YIN NA TSUL GSUM DON LA YOD PA TSAD MAS SHES PA LA LTOS BA DANG BCAS PA YIN PA'I PHYIR, GNYIS PA BSGRUB BYA DGAG PA NI, SGRUB BYED MED KYANG BSGRUB BYA BLO BDE SEMS MED NI MOD NO ZHE NA, BLO BDE SEMS MED NI CHOS CAN, YOD KYANG KHYOD RTOGS PA DE RTOGS PA MANG PA DANG MTSUNGS PAR THAL, SGRUB BYED KYI DNGOS BO DANG 'BREL PA MED PA'I PHYIR, SKYE 'JIG CAN CHOS CAN, BLO BDE SEMS MED DU SGRUB PA'I RANG BZHIN DANG NI 'BRAS BU'AM, SNANG BA MTHONG BA MED PA NYID KYI RTAGS GANG RUNG DU THAL, DE SGRUB KYI RTAGS YANG DAG YIN PA'I PHYIR, 'DOD NA, SKYE 'JIG CAN DANG SEMS MED KYI 'BREL PA DE CHOS CAN, SNGA RGOL RANG LA CI'I PHYIR MA GRUB STE GRUB PAR THAL, DNGOS PO LA GRUB PA'I PHYIR, DE MA GRUB NA, GZHAN SKYE 'JIG CAN CHOS CAN, SANGS RGYAS PA GZHAN GYIS KYANG KHYOD LAS BLO BDE SEMS MED DU RTOGS PAR MI RIGS PAR THAL,

, ,SEMS MED DANG MA 'BREL BA'I PHYIR, GNYIS PA RANG LA MTSUNGS PA SPANG PA NI, GZHAN GYI KHAS BLANGS RTAGS SU MI RUNG NA, KHYOD DANG SNGON GYI SLOB DPON RNAMS KYIS GZHAN GYI KHAS BLANGS RTAGS SU BKOD NAS THAL BA SGRUB PA MI 'THAD DO ZHE NA; BYE BRAG PA GZHAN GYIS BTAGS PA'I BA LANG GI SPYI RTAGS DNGOS CHOS CAN, RANG BZHIN DU MAR THAL, GSAL BA DU MA LA DON DAM PAR 'BREL BA'I PHYIR, ZHES MI 'DOD PA THAL BAR SGRUB PA CHOS CAN, DON YOD DE, GCIG RANG BZHIN DU MA MED NA, GZHAN GSAL BA DU MA LA DON DAM PAR 'BREL BA DGAG PA'I CHED YIN PA'I PHYIR TE, RANG BZHIN DU MAR MED PA DE GSAL BA DU MA LA DON DAM PAR MA 'BREL BA LA 'BREL BA'I PHYIR, GNYIS PA DON SMOS PA'I DGOS PA NI, RANG GIS MTHONG BA'I RTAGS STON PA GZHAN DON RJES DPAG GO ZHES SMOS PAS CHOG MOD, CI'I PHYIR DON SMOS ZHE NA, GZHAN DON RJES DPAG 'CHAD PA'I TSIG ZUR DU DON SMOS PA DE NI CHOS CAN, DON YOD DE, DON LA MA GRUB PAR SGRA DAG DANG RTOG PAS SGRO BTAGS PA'I BDAG NYID CAN GYI RTAGS DE RTAGS YANG DAG NYID MIN PAR BSGRUB PA'I DON DU YIN PA'I PHYIR TE, TSUL GSUM DON LA YOD PA LAS BSGRUB BYA DON LA YOD PA NI GRUB PA ZHIG DGOS PAR BSTAN PA'I PHYIR RO, ,DE JI LTAR RTAGS YANG DAG MIN ZHE NA, RTOG PA DANG LUNG DAG GIS BTAGS PA'I RTAGS DAG NI CHOS CAN, KHYAB PA 'KHRUL PA YIN TE, BYED PA PO'I 'DOD PA TZAM DANG RJES SU 'BREL BA DANG, MTHUN PHYOGS KYI DNGOS PO LAS GZHAN DU 'JUG PA SRID PA'I PHYIR RO, ,GSUM PA RAB GSAL BYED SMOS PA'I DGOS PA LA GSUM, PHYOGS

TSIG SGRUB NGAG GI YAN LAG YIN PA DGAG, RANG LA MTSUNGS PA SPANG, GZHAN GYI RTZOD LAN 'BREL MED DU BSTAN PA'O, ,DANG PO LA GNYIS, GNOD BYED BSTAN, SGRUB BYED DGAG PA'O, ,DANG PO NI, RAB GSAL BYED SMOS PA LA DON CI YONG CE NA, DE'I TSIG ZUR DU RAB GSAL BYED SMOS PA CHOS CAN, DON YOD DE, PHYOGS TSIG SGRUB NGAG GYI YAN LAG YIN PA BCAD PA'I CHED YIN PA'I PHYIR, JI LTAR GCAD DGOS ZHE NA, PHYOGS DANG GTAN TSIGS RJOD PA'I TSIG DE DAG CHOS CAN, RANG NYID LAS DU LDAN GYI LA LA ME SGRUB PAR BYED PAR GNAS PA MA YIN TE, LA ME'I TSOGS DON LA RTOGS BA SKYE BA'I NUS LA MED PA'I PHYIR, KHYAB STE, RTAGS YANG DAG YIN NA TSUL GSUM PA'I DON GYIS BSGRUB PA'I DON RTOGS PA DGOS PA'I PHYIR, 'O NA, SGRA BYUNG GI TSAD MA BSHAD PA CI YIN ZHE NA, SGRA MI RTAG CES BA'I PHYOGS KYI TSIG DE CHOS CAN, RANG SMRA BA PO'I RGYUD LA BSAM BA STON PAR BYED PA LA SGRUB BYED TSAD MA YIN TE, DE SGRUB KYI TSUL GSUM YIN PA'I PHYIR, DE CHOS CAN, SGRA MI RTAG PA DNGOS SU SGRUB BYED MIN TE, KHYOD LAS SGRA MI RTAG PA LA THE TSOM DAG SKYE BA'I PHYIR, 'O NA, BRGYUD NAS SGRUB BYED YIN NAM ZHE NA, CHOS CAN, BRGYUD PA YIS KYANG SGRA MI RTAG PA SGRUB PA'I NUS PA MED DE, BSGRUB PAR BYA BA SGRA MI RTAG PA TZAM DNGOS SU RJOD PA YIS SO, ,'O NA, RTAGS TSIG KYANG BRGYUD NAS SGRUB BYED MA YIN NAM ZHE NA, GANG BYAS NA MI RTAG, DPER NA BUM PA BZHIN, SGRA YANG BYAS ZHES PA'I GTAN TSIGS RJOD PA'I TSIG CHOS CAN, RANG NYID LA SGRA MI RTAG PA DNGOS SU SGRUB PA'I NUS PA MED KYANG, SGRA MI RTAG PA'I SGRUB BYED YIN ZHES BRJOD DU RUNG STE, SGRA MI RTAG PA

, ,DNGOS SU SGRUB NUS KYI TSUL GSUM STOR BYED KYI NGAG YIN PA'I PHYIR, 'O NA, PHYOGS TSIG DNGOS DANG BRGYUD PAS SGRUB BYED MIN PAR SLOB DPON BZHED DAM ZHE NA, BZHED DE, DE LAS THE TSOM DAG SKYE BA'I PHYIR RO, ZHES DANG, DE LA DPAG BYA BSTAN PA NI, ,GTAN TSIGS DON GYI YUL DU 'DOD, CES GSUNGS PA NYID KYIS, PHYOGS TSIG GIS PHYOGS SGRUB PA'I NUS PA MED PA'I PHYOGS DE NI RJOD PAR BSHAD PA'I PHYIR, GNYIS PA NI, GAL TE PHYOGS TSIG DE LA'ANG CHOS CAN, PHYOGS SGRUB PA'I NUS PA YOD DE, KHYOD LA BRTEN NAS GTAN TSIGS KYI TSIG NI 'JUG PA'I PHYIR ZHE NA, SGRA DE NI RTAG MI RTAG THE TSOM ZA BA'I RGYU MTSAN GYIS SHES PAR 'DOD PAS, SNGA RGOL LA 'DRI BA'I SKABS CHOS CAN, SGRUB NGAG GI YAN LAG YIN PAR THAL, KHYOD LA BRTEN NAS RTAGS TSIG 'JUG PA YIN PA'I PHYIR, TSIG GANG ZHIG SNON NO ZHE NA, GNYEN PO 'DREN NUS KYI MI MTHUN PHYOGS SGRA RTAG PAR KHAS LEN PA'I TSIG CHOS CAN, CHOS 'DRA, KHYOD LA BRTEN NAS RTAGS TSIG 'JUG PA'I TSIG YIN PA DE MTSUNGS PA'I PHYIR RO, , 'DOD NA, SGRA MI RTAG PAR SGRUB PA'I SGRUB NGAG GI YAN LAG THUG MED DU 'GYUR BAR THAL, SGRA RTAG CES PA'I TSIG DE YANG SGRUB NGAG GI YAN LAG YIN PA'I PHYIR, PHYOGS TSIG LA BSGRUB BYA SGRUB PA'I NUS PA MED DE, NANG GI YAN LAG BSGRUB BYA DNGOS SU SGRUB PA'I NUS PA NI, TSUL GSUM DAG LA YANG DAG PAR GNAS LA, TSUL GSUM DE LA DRAN PA SKYED PA NI, TSUL GSUM DE NYID RJOD PA'I TSIG LA YANG DAG PAR GNAS PA'I PHYIR, GAL TE YUL PHYOGS BSTAN PA MED PAR NI GTAN TSIGS 'JUG PA MED PA'I PHYIR,

YUL PHYOGS BSTAN PA DAG NYID LAS NI PHYOGS SGRUB PA'I NUS PA GRUB PAR 'DOD DO ZHE NA, GANG BYAS PA 'DI 'DRA BA KUN MI RTAG, DPER NA, BUM PA BZHIN, SGRA NI BYAS PA YIN ZHES BRJOD PA KHYAB PA SNGON 'GRO CAN GYI SGRUB NGAG CHOS CAN, PHYOGS DNGOS SU BSTAN PA DE MED KYANG DON GYIS SGRA DE NI 'JIG PAR RTOGS PA'I BLO SKYE BAR 'GYUR TE, PHYOGS DNGOS SU BSTAN PA NI MED NA YANG, SGRA MI RTAG PAR 'GRUB PA LA NI GEGS MED PA'I SGRUB NGAG YIN PA'I PHYIR, 'O NA, SGRUB NGAG MTSANG BA DE GANG ZHE NA, SGRA MI RTAG STE, BYAS PA'I PHYIR, DPER NA, BUM PA BZHIN ZHES PA'I NGAG CHOS CAN, SGRUB NGAG MA TSANG BA YIN PAR BRJOD DE, TSUL GSUM LAS GANG YANG RUNG BA KHYAB PA NYID DNGOS SUM BSTAN PA'I PHYIR, GNYIS PA RANG LA MTSUNGS PA SPANG PA NI, PHYOGS TSIG SGRUB NGAG GI YAN LAG YIN PA LA, RIGS PAS GNOD PAR MA ZAD KHAS BLANGS 'GAL BAS KYANG GNOD DO, ,JI LTAR ZHE NA, PHYOGS DE SGRUB BYED KYI YAN LAG YIN PAR THAL, PHYOGS TSIG SGRUB NGAG GI YAN LAG YIN PA'I PHYIR, DPER NA, PHYOGS CHOS RJOD PA'I TSIG SGRUB NGAG GI YAN LAG YIN PAS, PHYOGS CHOS SGRUB BYED KYI YAN LAG YIN PA BZHIN, 'DOD NA, PHYOGS CHOS CAN, SGRUB BYED DU BKOD PA'I MA GRUB PAR THAL, SGRUB BYED KYI YAN LAG GANG ZHIG, PHYI RGOL GYIS MA GRUB PA'I PHYIR, DPER NA, DPE RTAGS MA GRUB PA BZHIN, 'DOD NA, BSGRUB BYA MA YIN PAR THAL LO, ,MA KHYAB STE, SGRUB BYED DU BKOD PA'I MA GRUB PA YIN YANG BSGRUB BYA YIN NO ZHE NA, 'O NA, DPE RTAGS MA GRUB PA CHOS CAN, BSGRUB BYAR THAL, SGRUB BYED DU BKOD PA'I MA GRUB PA YIN PAS BSGRUB

, ,BYA MA YIN PAR MI 'GRUB BSGRUB BYA MA YIN PA'I SGRUB BYED GZHAN MED PA'I PHYIR, 'DOD NA, KHYOD RJOD PA DAM BCA' YIN PAR THAL LO, ,KHYAB PA KHAS BLANGS TE, BSGRUB BYA RJOD PA DAM BCA'I MTSAN NYID DU KHAS BLANGS PA'I PHYIR RO,, 'O NA, KHYOD RANG LA'ANG, CHOS CAN, BSGRUB BYAR THAL, BSGRUB BYA'I NGO BO PHYI RGOL GYIS MA GRUB PA YIN PA GANG ZHIG, KHYOD PHYI RGOL GYIS MA GRUB PA'I PHYIR, 'DOD NA, KHYOD RJOD PA DAM BCAR THAL, KHYAB STE, BSGRUB BYA RJOD PA DAM BCA'I MTSAN NYID YIN PA'I PHYIR ZHE NA, BSGRUB BYA RJOD PA DAM BCA'I MTSAN NYID DU SMRA NA'ANG, SANGS RGYAS PA CHOS CAN, DPE RTAGS MA GRUB PA RJOD PA DAM BCAR THAL BA'I SKYON 'THANG PA MIN TE, GTAN TSIGS DANG DPE LTAR SNANG BSGRUB BYAR THAL BA'I SKYON YOD PA MIN PA'I PHYIR TE, DPE RTAGS MA GRUB PA DE SGRUB BYED KYI DBANG DU BYAS PA NYID KYI MA GRUB PA YIN LA, BSGRUB BYA DE SGRUB BYED KYI DBANG DU MA BYAS PA'I MA GRUB PA YIN PA'I PHYIR, DPE RTAGS MA GRUB PA RJOD PA DAM BCA' YIN PA GCANG BA'I PHYIR DU NGES GZUNG SMOS DGOS ZHE NA, DE MI DGOS PAR THAL, NGES GZUNG GI KHYAD PAR MED PAR BSGRUB BYA RJOD PA DAM BCA'O ZHES RJOD NA YANG, RIGS GCIG PA LA THE TSOM SKYE BAR 'GYUR GYI, DPE RTAGS MA GRUB PA DANG BSGRUB BYA GNYIS RIGS MI GCIG PA'I PHYIR, DE LAS GZHAN DU RIGS MI GCIG PA LA'ANG THE TSOM SKYE NA, RDZA BUM BYA'O ZHES SOGS BSGRUB BYA RJOD PA KUN CHOS CAN, GZHAN DON RTAGS KYI DAM BCA' BAR NI THAL BAR 'GYUR BAR THAL, GZHAN DON BSGRUB BYA DANG MA GRUB PA RJOD

PA TZAM DU MTSUNGS PA'I PHYIR, GAL TE RIGS PA CAN PA GZHAN DAG LA YANG, DPE RTAGS MA GRUB PA RJOD PA SGRUB BYED KYI YAN LAG TU THAL BA'I SKYON MED DE, SGRUB BYED KYI YAN LAG YIN NA, PHYI RGOL GYIS GRUB PA ZHIG BRJOD DGOS PA'I PHYIR ZHE NA, DA NI BSGRUB BYA BSTAN PA DAG CHOS CAN, JI LTAR SGRUB BYED KYI YAN LAG YIN TE MA YIN PAR THAL, PHYI RGOL GYIS MA GRUB PA RJOD PA'I PHYIR, GSUM PA GZHAN GYI RTZOD LAN 'BREL MED DU BSTAN PA NI, RIGS SGO'I 'GREL BYED KHA CIG GIS, RIGS PA CAN PA NA RE, PHYOGS TSIG CHOS CAN, SGRUB NGAG GI YAN LAG YIN TE, LTAR SNANG DANG BCAS PA SGRUB PAR BYED PA'I DUS SU RJOD PA'I PHYIR ZHES SOGS KYI SGRUB BYED BKOD PA DANG, DE LA MNGON SUM GYIS MA NGES ZHES SOGS KYI LAN NI CHOS CAN, MKHAS PA'I BZHAD GANG KYI GNAS YIN TE, 'BREL MED KYI DOGS PA BSUS NAS LAN 'BREL MED BTAB PA'I PHYIR, 'O NA, JI LTAR LAN 'DEBS ZHE NA, LTAR SNANG BA DANG BCAS PA SGRUB PAR BYED PA'I DUS SU RJOD PA CHOS CAN, PHYOGS TSIG SGRUB NGAG GI YAN LAG TU SGRUB PA'I RTAGS YANG DAG MA YIN TE, DE SGRUB KYI LDOG KHYAB MA GRUB PA'I PHYIR, KHYAB STE, 'DI LTAR LDOG KHYAB MA GRUB PA DE NI RTAGS YANG DAG TU RIGS PA NYID MA YIN NO ZHES BSHAD ZIN PA'I PHYIR RO, ,GNYIS PA BRJOD BYA'I DON BSHAD PA LA GNYIS, SHUGS KYI BRJOD BYA BSGRUB BYA, DNGOS KYI BRJOD BYA GTAN TSIGS SO, ,DANG PO LA GNYIS, RANG LUGS GZHAG, GZHAN LUGS DGAG PA'O, ,DANG PO LA GNYIS, BSGRUB BYA'I MTSAN NYID, DAM BCA' LTAR SNANG GI DPE'O, ,DANG PO LA GNYIS, BSTAN, BSHAD DO, ,DANG PO NI, 'O NA, BSGRUB BYA'I MTSAN

, ,NYID BSTAN PA MI RIGS PAR THAL, SGRUB BYED BRJOD PA'I SHUGS LA RTOGS PA'I DON CAN NYID YIN PA'I PHYIR ZHE NA, DE LTAR YIN YANG BSGRUB BYA'I MTSAN NYID BSTAN PA CHOS CAN, DON YOD DE, BSGRUB BYA'I MTSAN NYID LA RMONGS PA MED BAR BYA BA'I CHED YIN PA'I PHYIR, 'O NA, BSGRUB BYA'I MTSAN NYID GANG ZHE NA, NGO BO KHO NA BSTAN BYA BA, ,RANG NYID 'DOD DANG MA BSAL BA, ZHES PAS BSTAN TO, ,'O NA, NGO BO LA SOGS PA'I TSIG BZHI SMOS PA LA DOGS PA CI YOD CE NA, GZHAN DON BSGRUB BYA DE'I MTSAN NYID 'CHAD PA'I TSIG ZUR DU NGO BO RANG TSIG PHRAD DANG BDAG NYID DANG 'DOD PA ZHES PA'I TSIG BZHI SMOS PA CHOS CAN, DON YOD DE, DE SGRUB KYI GZHAN DON BSGRUB BYA YIN NA, DE SGRUB KYI PHYI RGOL GYIS MA GRUB PA DANG, SGRUB BYED DU BKOD PA MIN PA DANG, RGOL BAS DON GYIS BRJOD PA STE 'DOD PA DANG, RGOL BAS KHAS BLANGS PA ZHIG DGOS SO ZHES GZUNG BA'I CHED YIN PA'I PHYIR, GNYIS PA LA GSUM, 'DOD PA, RANG NYID, MA BSAL BA RGYAS PAR BSHAD PA'O, ,DANG PO LA GSUM, 'DOD YUL BSGRUB BYA YIN PAR BSTAN, BSGRUB BYA MIN NA HA CANG THAL, TSUL DES RIGS CAN GZHAN YANG LEGS PA'O, ,DANG PO NI, GZHAN DON BSGRUB BYA'I MTSAN NYID 'CHAD PA'I TSIG ZUR GYI 'DOD PA ZHES PA'I TSIG CHOS CAN, DON YOD DE, RGOL BAS DNGOS SU MA BRJOD NA YANG ZHE BAS 'DOD PAS KHYAB PA BSGRUB BYAR 'DOD PA YANG CES RTOGS PA'I CHED YIN PA'I PHYIR, DPER NA, MIG SOGS GZHAN DON BYED PAR SGRUB PA LA, 'DUS BSAGS RTAGS SU BKOD PA'I TSE NA, MIG SOGS BDAG GI DON BYED PA

BZHIN NO, ,'O NA, RANG NYID SMOS PA DON MED PAR THAL, 'DOD PA ZHES PA'I TSIG GIS RGOL BAS MI 'DOD PA THAMS CAD BSGRUB BYA YIN PA BCAD PA'I PHYIR ZHE NA, 'DOD PA ZHES PA'I TSIG GIS RGOL BA LAS GZHAN GYI 'DOD PA THAMS CAD BSGRUB BYA YIN PA BZLOG NA YANG, KUN LAS BTUS KYI 'GREL PAR BDAG NYID CES PA'I SGRA BSHAD PA 'DI NI CHOS CAN, DE NA YOD DE, RGOL BAS KHAS BLANGS PA'I LUNG DON THAMS CAD BSGRUB BYA YIN NAM SNYAM PA'I DEGS PA'I GNAS NI BZLOG PA DE'I DON DU BYAS PA YIN PA'I PHYIR, 'O NA, BDAG DON BYED PA DA DE SGRUB KYI CHOS KYI NGO BO YIN PAR THAL, MIG SOGS BDAG DON BYED PA DE BSGRUB BYA YIN PA'I PHYIR, 'DOD NA, 'DI NI CHOS KYI KHYAD PAR PHYIN CI LOG TU SGRUB PA'I PHYIR 'GAL BA YIN NO, ZHES GSUNGS PA DANG 'GAL LO ZHE NA, MI 'GAL TE, BDAG DON BYED PA DE NI SGRAS RJOD TSUL LA LTOS NAS CHOS DAG DANG CHOS CAN GYI KHYAD PAR YIN PAR BRJOD PA'I PHYIR, DNGOS SU MA BRJOD NA BSGRUB BYAR 'DOD PA GANG LAS RTOGS ZHE NA, 'DUS BSAGS CHOS CAN, MIG SOGS BDAG DON BYED PA DAG TU MA BRJOD NA YANG BSGRUB BYAR BDOD PA RTOGS NUS TE, DE LTA NA YANG DE BSGRUB BYAR 'DOD PA NI KHYOD 'GONG PA'I SKABS LAS RTOGS PAR 'GYUR BA YIN PA'I PHYIR, DE BSGRUB BYAR BYAS NA SKYON CI YOD CE NA, CHOS CAN, DE SGRUB KYI CHOS DPE LA RJES 'GRO MED PA'I SKYON YANG YOD PAR THAL, BDAG DON BYED PA BSGRUB BYA'I CHOS YIN PA GANG ZHIG, DE DPE LA RJES 'GRO MED PA'I PHYIR, JI SKAD DU SLOB DPON DBYIG GNYEN GYIS, GZHAN DE BDAG LA 'DOD NA, DE DPE LA MA GRUB CES BSHAD PA BZHIN NO, ,CHOS

, ,CAN, MIG SOGS GZHAN DON BYED PAR SGRUB PA DER NI 'GAL RTAGS YIN TE, DE SGRUB KYI PHYOGS CHOS GANG ZHIG, 'DOD YUL GYI BSGRUB BYA'I CHOS LA GNOD BYED YIN PA'I PHYIR, GNYIS PA NI, GAL TE BDAG YOD MED GANG LA RTZOD PA'I SKABS SU BDAG YOD PA'I SGRUB BYED BKOD PA DE'I TSE MIG SOGS BDAG DON BYED PA DE BSGRUB BYA MIN NA, DE'I BSGRUB BYA CI YIN DRIS PAS, DE LAS GZHAN DU MIG SOGS GZHAN DON BYED PA BSGRUB BYA YIN NO ZHE NA, MIG SOGS GZHAN DON BYED PA CHOS CAN, GZHAN DON BSGRUB BYA MA YIN PAR THAL, KHYOD SNGA RGOL GYIS BSGRUB PAR MI 'DOD PA'AM, PHYI RGOL GYI NGOR SGRUB PA LA 'BRAS BU MED PAR 'GYUR BA'I PHYIR, GSUM PA LA GSUM, DNGOS, RTZOD SPANG, 'DOD YUL MIN PA BKAG PAS 'GAL BA MIN PA'O, ,DANG PO NI, GRANGS CAN GYI ZOL SBYOR 'GOG BA'I RIGS PA 'DIS NI CHOS CAN, DON YOD DE, RGYANG 'PHAN GYI GNYIS BCAS SBYOR BA LA, CHOS DPE LA RJES 'GRO MED PA DANG, RTAGS 'GAL BA DAG BSTAN PA YIN PA'I PHYIR, GNYIS BCAS SBYOR BA NI, BUM PA CHOS CAN, LUS SEMS RDZAS GCIG PA'I SKYES BU'I LUS DANG BUM PA GANG RUNG GI ZLA BCAS YIN TE, AUTPA LA MA YIN PA'I PHYIR, RTZIG BA BZHIN, ZHES PA'O, ,CI STE YANG LUS SEMS RDZAS GCIG PA'I LUS DANG BUM PA GANG RUNG GI ZLA BCAS KYI SBYIR BSGRUB PAR BYA BAR 'DOD DO ZHE NA, SHES BYA CHOS CAN, BUM PA DE LUS SEMS RDZAS GCIG PA'I SKYES BU'I LUS BUM GANG RUNG GI ZLA BCAS SU GRUB PA MA YIN PAR THAL, BUM PA DE NYID BUM PA LAS DON GZHAN DU

MED PA'I PHYIR DANG, LUS SEMS RDZAS GCIG PA'I SKYES BU'I LUS KYANG GRUB PAR MI 'GYUR BA'I PHYIR, BUM PA 'DI LUS SEMS RDZAS GCIG PA'I SKYES BU'I LUS DANG BUM PA GANG RUNG GI ZLA BCAS YIN NO ZHES PA'I TSIG DE CHOS CAN, MI SHES PA NYID KYIS KUN NAS BSLANGS PA YIN TE, BRJOD BYAS STONG PA RJOD PA RNAMS KYI TSIG YIN PA'I PHYIR, GNYIS PA NI, GAL TE SGRA DANG BUM PA'I KHYAD PAR GYIS RTOG NA, BYAS PA'I RTAGS KYIS SGRA 'JIG PAR SGRUB PA LA YANG MTSUNGS TE, SGRA'I BYAS PA BUM PA LA MA GRUB, BUM PA'I BYAS PA SGRA LA MA GRUB PA'I PHYIR ZHE NA, BYAS PA CHOS CAN, SGRA'I BYAS PA BUM PA LA MA GRUB, BUM PA'I BYAS PA SGRA LA MA GRUB KYANG, SGRA MI RTAG PAR SGRUB PA'I RTAGS LTAR SNANG MA YIN TE, 'JIG PA TZAM GRUB PA YIS SGRA NI MI RTAG PA DE LTAR SGRUB PA'I TSUL GSUM YIN PA'I PHYIR RO, ,DE BZHIN DU SPYI DON GZHAN YOD PAR GYUR NA, BUM PA'ANG SPYI DON GZHAN DE DANG LDAN PAR 'GYUR NA'ANG, BUM PA CHOS CAN, SPYI DON GZHAN DANG LDAN PA MA YIN PAR THAL, SPYI DON GZHAN MED PA'I PHYIR, MI RTAG PA CHOS CAN, BUM PA LA RJES 'GRO MED PAR THAL, SGRA YIS KHYAD PAR CAN DU BYAS PA'I PHYIR ZHE NA, CHOS CAN, SGRAS KHYAD PAR CAN DU BYAS NA, BUM PA LA RJES 'GRO MED PAS KHYAB PA YOD PA MA YIN PAR THAL, SGRA LA MA 'BREL PA BZLOG PA'I PHYIR, CHOS CAN, SGRA YIS KHYAD PAR DU BYAS PAS GZHAN BUM PA DANG NI RJES 'GRO MED PAR 'GYUR BA MA YIN PAR THAL, MI LDAN DANG GZHAN LDAN RNAM GCOD RNAM PA GNYIS LAS SGRAS MI LDAN RNAM GCOD KYIS KHYAD PAR DU BYAS PA'I PHYIR, BYAS PA CHOS CAN, SGRA MI RTAG PA GRUB ZIN SGRUB

, ,PAR THAL, MI RTAG PA DE GLOG LA SOGS PA'I STENG DU GRUB PA'I PHYIR ZHE NA, CHOS CAN, SGRA MI RTAG PA GRUB ZIN PA SGRUB PA NYID MA YIN TE, SGRA'I STENG DU SPYI MI RTAG PA BSGRUB PAR BYA BA'I TSUL GSUM YIN PA'I PHYIR RO, ,DE NI CHOS CAN, CHOS CAN SGRAS KHYAD PAR CAN DU BYAS PAS, BUM PA LA RJES 'GRO MED PA'I SKYON LDAN PA MIN TE, SGRAS MI LDAN RNAM GCOD KYIS KHYAD PAR DU BYAS PA'I PHYIR, GSUM PA NI, SHES BYA CHOS CAN, 'DOD YUL BSGRUB BYAR BSTAN PA 'DIS NI, SGRA'I STENG DU CHOS CAN GYIS CHOS KHYAD PAR DU BYAS PA DANG, CHOS DAG GIS CHOS CAN KHYAD PAR CAN DU BYAS PA 'GOG PA DAG NI, RTAGS 'GAL BA BSAL BA YIN TE, CHOS CAN SGRA LA TSOGS PA DE LTAR MI SGRUB PA'I PHYIR, BYAS PA CHOS CAN, CHOS CAN SGRA LA NI TSOGS PA DON GZHAN DAG BSAL BAS RTAGS 'GAL BA MA YIN TE, GANG GI PHYIR SGRA LA TSOGS PA DON GZHAN DE LTAR SGRUB PAR 'DOD PA MIN PA'I PHYIR TE, SGRA 'DIR CHOS MI RTAG PA 'BA' ZHIG BSGRUB BYA YIN PA'I PHYIR, GNYIS PA RANG NYID RGYAS PAR BSHAD PA LA GSUM, BSTAN, BSHAD, BSDU BA'O, ,DANG PO NI, GZHAN DON BSGRUB BYA'I MTSAN NYID 'CHAD PA'I TSIG ZUR DU BDAG NYID KYI NI SGRA SMOS PA CHOS CAN, DON YOD DE, CHOS CAN GCIG LA BSTAN BCOS LAS CHOS RNAMS DUM RNAM PAR BZHAG KYANG, RGOL BA BDAG NYID KYI 'DOD PA BSGRUB BYA YIN NO ZHES RTOGS PA'I CHED YIN PA'I PHYIR, GNYIS PA LA GNYIS, GZHAN SDE LUNG DON BSGRUB BYAR 'DOD PA DGA', THUN MONG LUNG DON BSGRUB BYAR 'DOD PA DGAG

PA'O, ;DANG PO LA GNYIS, 'DOD PA BRJOD, DE DGAG PA'O, ,DANG PO NI, GAL TE RGOL BAS BSTAN BCOS KHAS BLANGS PA'I PHYIR, LUNG DON THAMS CAD BSGRUB BYAR BZUNG BAS, LUNG DON DE GCIG LA RAB TU GNOD NA'ANG, GTAN TSIGS DANG DAM BCA' PA DAG 'GAL BA'I SKYON DU 'GYUR RO ZHE NA, GNYIS PA LA GNYIS, BSTAN, BSHAD DO, ,DANG PO NI, BYAS PA CHOS CAN, SGRA MI RTAG PAR SGRUB PA NI DRI RTAG PA SA'I YON TAN BZLOG PA'I SGO NAS KYANG, GTAN TSIGS 'GAL BAR 'GYUR BAR THAL, DE'I SGO NAS KYANG LUNG DON GCIG LA GNOD PA'I PHYIR, DRI RTAG PA SA'I YON TAN BKAG PAS RTAGS 'GAL BA MIN TE, DE SKABS SU BAB PA MIN PA'I PHYIR ZHE NA, CHOS CAN, SGRA RTAG PA BKAG PAS KYANG RTAGS 'GAL BA MA YIN PAR THAL, SKABS SU MA BAB PA DE NI GZHAN SGRA RTAG PA LA'ANG MTSUNGS PA'I PHYIR, CI STE 'DIR SGRA RTAG PA SKABS SU BAB PA YIN TE, CHOS CAN SGRA SKABS SU BAB PA'I PHYIR, DRI RTAG PA SA BON SKABS SU MA BAB STE, CHOS CAN DRI SKABS SU MA BAB PA'I PHYIR ZHE NA, CHOS CAN, DRI RTAG PA SA YON BKAG PAS KYANG RTAGS 'GAL BAR THAL, DRI RTAG PA SA YON BKAG PA DE LA'ANG, BSTAN BCOS KYI DON GCIG LA GNOD PA NYID YIN PA'I PHYIR, CI STE CHOS CAN SGRA'I CHOS SOGS YIN PA'I SGRUB BYED KYIS, SGRA MI RTAG PAR SGRUB PA'I SNGA RGOL LA, SGRA'I STENG DU RTAG PA NAM YON LA DPAG 'DOD YOD PA YIN PAR RJOD DO ZHE NA, DE MI 'THAD PAR THAL, PHYI RGOL SGRA RTAG MI RTAG THE TSOM ZA BA LA SOGS PA'I GNAS SKABS 'GA' YIS, SNGA RGOL SGRA MI RTAG PA LA DPAG 'DOD SKYE BAR 'GYUR ZHING, DPAG 'DOD DE RTOGS

, ,PA YANG SGRUB BYED DGOD PA'I SKABS DE DAG GIS RTOGS PA'I PHYIR, NAN GYIS SGRA MI RTAG PAR SGRUB PA'I SNGA RGOL KHYOD RTAG PA NAM YON 'DI 'DOD CES PA CHOS CAN, MI 'THAD DE, GSAL BAR DBANG PHYUG NGAN PA'I SPYOD PA DANG MTSUNGS PA YIN PA'I PHYIR, CHOS CAN SGRA'I CHOS YIN PA CHOS CAN, SNGA RGOL SGRA'I STENG DU RTAG PA NAM YON LA DPAG 'DOD YOD PAR SGRUB PA'I 'BRAS BU'I RTAGS CAN MIN BAR BRJOD DE, DE SGRUB KYI KHYAB PA 'KHRUL BA YIS, RTAGS YANG DAG YIN BAL GNOD PAR 'GYUR BA'I PHYIR, GZHAN MI RTAG PA CHOS CAN, RTAG PA NAM YON GYI DON LA GNOD KYANG, KHYOD LA CI ZHIG GNOD DE MI GNOD PAR THAL, RTAG PA NAM YON MED NA KHYOD MI 'BYUNG BA MIN PA'I PHYIR, GNYIS BA LA GSUM, DNGOS STOBS YUL LA LUNG GIS MI GNOD, LUNG GIS GNOD PA'I YUL NGOS GZUNG, RTZOD PA SPANG BA'O, ,DANG PO NI, SGRA MI RTAG RTOGS KYI RJES DPAG CHOS CAN, RANG GI SPYOD YUL LA LUNG GIS MI GNOD DE, LUNG LA LTOS PA MED PAR RANG YUL GRUB PAR BSHAD PA'I PHYIR, DE CHOS CAN, SGRA MI RTAG PAR 'JAL BA DE'I TSE BSTAN BCOS KHAS LEN PA LA LTOS PA MA YIN TE, KHYOD KYIS GRUB PA'I SGRA MI RTAG PA DE NI DNGOS STOBS TSAD MAS LEGS PAR GRUB PA'I PHYIR, DNGOS STOBS YUL LA DPYOD PA DE'I TSE LUNG KHAS MA BLANGS NA, RGOL BA'I RTZOD PA DOR BAR 'GYUR RO ZHE NA, DE'I TSE SGRA MI RTAG PAR SGRUB PA'I SNGA RGOL CHOS CAN, LUNG DANG 'GAL BA KHAS BLANGS NA RTZOD PA DOR BA MIN PAR THAL, LUNG KHAS BLANGS PA MED PA'I PHYIR, DNGOS STOBS

YUL LA DPYOD PA DE'I TSE LUNG KHAS BLANGS PA YOD KYANG, GNOD BYED KYI YAN LAG MIN TE, DNGOS STOBS YUL LA DPYOD PA 'DI NI LUNG KHAS LEN PA'I THABS TZAM YIN PA'I PHYIR, GNYIS PA NI, 'O NA KHAS LEN BA'I DUS GANG ZHE NA, SHIN LKOG LA DPYOD PA DE'I TSE BSTAN BCOS KYIS NI GNOD PAR 'GYUR TE, DE LTAR YUL DANG PO GNYIS LA DPYAD PA RNAM PAR DAG PA NA, SHIN LKOG LA DPYOD PA DE NI BSTAN BCOS YONGS SU 'DZIN PAR 'DOD PA'I DUS YIN PA'I PHYIR TE, LUNG DES GRUB PA'I DON LA LUNG DE DANG NI 'GAL PAR SEMS BA MA RUNG BA'I PHYIR, SHES BYA CHOS CAN, GZHAL BYA'I GNAS GSUM PAR NI 'PHO BA NA, BSTAN BCOS KHAS LEN PAR RIGS PA DANG LDAN PA YIN TE, LUNG MA GTOGS PA SHIN LKOG GI SGRUB BYED MED PA'I PHYIR, CHOS CAN, LUNG KHAS LEN PA DER YANG BSGRUB BYA'I CHOS DANG NI MED NA MI 'BYUNG BA LA GNOD PA NYID RTAGS YANG DAG YIN PA SPANG BAR BYA'I, 'BREL MED GZHAN LA GNOD PAS RTAGS YANG DAG YIN PA SPANG BAR BYA BA MIN TE, DE LTA NA THUG PA MED PAR THAL BA'I PHYIR RO, ,LUNG DON LA DPYOD PA KUN LA BSTAN BCOS DAG SGRUB BYED DU GZUNG DGOS ZHES PA'I LUGS 'DI, RIGS BA GANG GIS BYAS TE MA BYAS PAR THAL, DE LTA NA DA NI GRUB MTHA' KHAS LEN PA MED PA'I SKYE PO RNAMS KYIS, DU BAS ME NI RTOGS PAR MI 'GYUR BA'I SKYON YOD PA'I PHYIR TE, DES LUNG KHAS LEN BA MED PA'I PHYIR TE, SKYE PO DE 'BREL MED RENG BUR SKYES PAR 'GYUR ZHING, LUNG KHAS BLANGS PA YON TEN DANG KHAS MA BLANGS PA'I NYES PA MA MTHONG BA'I PHYIR, LUNG DON DPYOD PA KUN LA LUNG SGRUB BYED DU KHAS

, ,LEN DGOS ZHES PA'I GRUNG MTHA' MI BZAD PA'I GDON DANG 'DRA BA 'DI NI, KYE MA SU YIS BGOS BA YIN ZHES DPYAS BAR BYA'O, ,GSUM BA LA GSUM, LUNG DON BKAG PA RTAGS KYI NYES PA MIN, LUNG DON BKAG PA RGOL BA'I NYES PA MIN, LUNG DON BKAG BAS 'GAL NA HA CANG THAL BA'O, ,DANG PO NI, GAL TE MTHUN DPE LA BSTAN BCOS KUN GYIS SGRUB BAR BYED PA GCIG NYID LA KHYAB PAR BSTAN PA, SGRUB BYED YANG DAG TU 'GYUR RO ZHE NA, RTAGS YANG DAG YIN NA, LUNG DON KUN GYIS MTHUN DPE'I STENG DU KHYAB BA BSTAN DGOS SO ZHES BA 'DI NI CHOS CAN, MI 'THAD DE, 'JIG RTEN GYI THA SNYAD LAS 'DAS PA'I LUGS DAN YIN PA'I PHYIR, BYAS BA CHOS CAN, 'BREL MED KYI CHOS RTAG PA NAM YON NI MA GRUB PAS, SGRA MI RTAG PAR MA GRUB BAR NI JI LTAR 'GYUR TE MI 'GYUR BAR THAL, RTAG BA NAM YON MA GRUB KYANG, SGRA MI RTAG PAR SGRUB PA'I TSUL GSUM GRUB PA YIN PA'I PHYIR, CHOS CAN, RTAG PA NAM YON LA GNOD KYANG, SGRA MI RTAG PAR SGRUB PA'I GTAN TSIGS SKYON LDAN JI LTAR YIN TE MA YIN PAR THAL, DE LA GNOD KYANG DE SGRUB KYI SGRUB BYED YANG DAG TU BRJOD PA'I PHYIR, RTAGS YANG DAG YIN NA, CHOS CAN GYI CHOS MA LUS PAS, MTHUN DPE'I STENG DU KHYAB PA BSTAN PA DGOS SO ZHE NA, DE MI DGOS PAR THAL, CHOS CAN GYI CHOS NI MA LUS PAS MTHUN DPE'I STENG DU, KHYAB PA KHAS BLANGS PA MED BA KHO NAR NI SKYE BOS TSIG DANG DUD SOGS LAS, SEMS LDAN DANG ME SOGS RJES SU DPOG PAR BYED PA'I PHYIR, JI LTAR DPOG NA, RANG BZHIN MI RTAG

PA DAG SGRUB PAR BYED PA'I DON BYAS BA CHOS CAN, RGOL BA 'GA' YI SMRA BRTAG PA NAM YON LA GNOD BAS, SGRA MI RTAG PAR SGRUB PA'I NGO BO NYID LAS LDOG PA MA YIN TE, DE SGRUB KYI PHYOGS CHOS GANG ZHIG, MI RTAG PA DANG 'BREL PA MI 'KHRUL BAS DU BA CHOS CAN, DU LDAN GYI LA LA ME MED PA LA GNOD PAS, DU LDAN GYI LA LA RGYU ME DAG YOD PAR SGRUB PA'I NGO BO NYID LAS LDOG PA MA YIN TE, DE SGRUB KYI PHYOGS CHOS GANG ZHIG, ME LA MI 'KHRUL BA'I PHYIR, BYAS PA DE LUNG DON LA GNOD BYED YIN YANG RTAGS YANG DAG YIN MOD, DE LAS BSGRUB BYA JI LTAR RTOGS ZHE NA, GTAN TSIGS BYAS PA DE NI CHOS CAN, PHYI RGOL GZHAN DAG KHYOD LAS SGRA MI RTAG PAR JI LTAR RTOGS PAR 'GYUR BA MA YIN TE YIN PAR THAL, DE SGRUB KYI PHYOGS CHOS GANG ZHIG; 'DOD PA'I BSGRUB BYA'I CHOS KYI DON MI RTAG BA DANG MED NA MI 'BYUNG BAR RTOGS PA'I PHYIR, GNYIS PA NI, BYAS BA GTAN TSIGS SKYON CAN MIN NA'ANG RTAG PA NAM YON LA BYAS PA GNOD BYED DU BRJOD PAS, RGOL BA SKYON CAN YIN NO ZHE NA, SGRA MI RTAG PAR SGRUB PA'I RGOL PA CHOS CAN, BYAS PA DE GNOD BYED DU BRJOD PA'I NYES PAS BSTAN BCOS LA GNOD BYED DU NI BYAS PA DE GSAR DU SKYES PA MIN PAR THAL, BYAS PA GNOD BYED DU BRJOD PA 'DIR NYES PA CI BYAS TE MA BYAS PA'I PHYIR TE, GTAN TSIGS BYAS PA DE GNOD BYED DU BRJOD DAM MA BRJOD KYANG, RTAG PA NAM YON DANG 'GAL BA'I PHYIR, MA BRTAGS PAR GNOD BYED BRJOD PA'I PHYIR SKYON CAN YIN NO ZHE NA, CHOS CAN, MA BRTAGS PAR BYAS PA GNOD BYED DU BRJOD PAS CES

, ,NA SKYON CAN YIN TE MA YIN PAR THAL, BYAS PA GNOD BYED DU BRJOD PAS MI RIGS PA BYED PA MIN PA'I PHYIR TE, GAL TE GNOD BYED DU MA BRJOD NA BYAS PA DE CI RTAG PA NAM YON LA GNOD PA MIN NAM STE GNOD BYED YIN PA'I PHYIR, 'O NA, SGRA MI RTAG PAR SGRUB PA LA MIG GIS GZUNG BYA RTAGS SU 'GOD PA'I RGOL BA SKYON CAN MA YIN PAR THAL, RTAGS SU BKOD DAM MA BKOD KYANG RUNG, MIG GIS GZUNG BYA GTAN TSIGS LTAR SNANG YIN PA'I PHYIR ZHE NA, SHES BYA CHOS CAN, RTAGS YANG NGAG 'GOD PAR KHAS BLANGS NAS DON MED PA'I GTAN TSIGS LTAR SNANG BRJOD PAS RGOL BA SKYON CAN DU 'GYUR TE, GTAN TSIGS LTAR SNANG GZHAN DAG LA RANG GI 'DOD YUL NYID NI SGRUB PA'I NUS PA MED PA'I PHYIR, SGRA MI RTAG PAR SGRUB PA'I SNGA RGOL CHOS CAN, BYAS PAS RTAG BA NAM YON LA GNOD PA 'DIR RGOL BA SKYON CAN MA YIN TE, BYAS PA DE SGRA MI RTAG PAR SGRUB PA'I TSUL GSUM YIN PA'I PHYIR, GSUM PA NI, GAL TE BSTAN BCOS LA LAR RTAG PA NAM YON LTA BU 'GA' RIGS PA MIN PA BKAG PAS NA, RIGS PAR SMRA BA GZHAN PA DAG KYANG 'GOG PAR BYED CES BYA BA CHOS CAN, MI 'THAD DE, RGYAL RIGS NGAN PA'I CHOS LUGS DANG MTSUNGS PA YIN PA'I PHYIR, SHES BYA CHOS CAN, KUN DU BSGRUB BYA DANG SGRUB BYED KYI RNAM GZHAG 'DI NYAMS PAR 'GYUR BAR THAL, LUNG DON KUN DANG BSGRUB BYAR MTSUNGS PAR BYAS NAS NI, SGRUB BYED YANG DAG BRJOD PAR NUS PA MA YIN PA DES NA'O, ,MNYAN BYA'I RTAGS KYIS SGRA RTAGS PAR SGRUB PA DANG, BYAS PA'I RTAGS KYIS SGRA MI

RTAG PAR SGRUB PA GNYIS MI 'GAL BAR THAL, BYAS PAS SGRA RTAG PA NAM YON LA GNOD PA DANG, SGRA MI RTAG PAR 'GRUB PA MI 'GAL BA'I PHYIR ZHE NA, SGRA GCIG CHOS CAN, DNGOS SU 'GAL BA'I RTAG MI RTAG GNYIS KA YIN PAR DE BA LA GNOD PAR 'GYUR TE KHYOD LA RTAG MI RTAG 'GAL BA DAG GZHI MTHUN DU 'DU BA MI RUNG BA'I PHYIR, RTAG PA NAM YON BKAG PAS SGRA MI RTAG BAR 'GRUB BA MI 'GAL TE, RTAG PA NAM YON MIN PA DANG MI RTAG PA 'DIR NI, RTAG MI RTAG DE 'DRA BA'I 'GAL BA YOD PA MA YIN PA'I PHYIR, RTAG MI RTAG 'BREL PA MED KYANG RTAG BA NAM YON BKAG NA, SGRA MI RTAG PA LA GNOD DE, RTAG PA NAM YON MIN PA DANG MI RTAG PA DE DAG GNOD BYA GNOD BYED NI MIN YANG, RTAG PA NAM YON BKAG NA BSTAN BCOS KYI DON BSLAD PAR 'GYUR PA'I PHYIR ZHE NA, RTAGS THAMS CAD KYIS BSGRUB BYA THAMS CAD LA GNOD PAR 'GYUR BAR THAL, 'BREL MED KYI LUNG DON LA GNOD PAS, SKABS KYI BSGRUB BYA LA GNOD PA'I PHYIR, RTAG PA NAM YON DE SGRA DANG 'BREL PA YOD PA DES NA DE NYID LA GNOD NA RTAGS 'GAL BAR 'GYUR GYI, GZHAN LA GNOD PAS RTAGS 'GAL BA MIN NO ZHE NA, BYAS BA CHOS CAN, RTAG PA NAM YON LA GNOD PAS SGRA MI RTAG PAR SGRUB PA'I RTAGS 'GAL BA MA YIN TE, DE LA GNOD KYANG SGRA MI RTAG PAR SGRUB PA'I BSGRUB BYA 'GRUB PA LA MI GNOD PA'I PHYIR, KHYAB STE, RTAGS KUN RANG GI BSGRUB BYA LA LTOS NAS SKYON CAN DANG YON TAN CAN DU DPYAD PAR BYA BA YIN PA'I PHYIR RO, ,RTAG PA NAM YON MED NA BSGRUB BYA'I CHOS MI RTAG PA MI 'BYUNG BA'I 'BREL PA DE NI 'DIR RTOGS PA MED KYI, RTAG PA

, ,NAM YON LA GNOD PAS SGRA MI RTAG PA LA GNOD PA 'DIR NI, BSTAN BCOS KYI DON LA GNOD PA 'BA' ZHIG SKYON YIN PA DE LTAR NA CHOS CAN, RTZOL BYUNG GIS DRI RTAG PAS YON LA GNOD PAS KYANG RTAGS 'GAL BAR THAL, BSTAN BCOS KYI DON LA GNOD PA DE NI, GZHAN RTZOL BYUNG GIS DRI RTAG PA SA YON LA GNOD PA BYAS PA LA'ANG MTSUNGS PA'I PHYIR, GNYIS PA THUN MONG LUNG DON BSGRUB BYAR 'DOD PA DGAG PA LA GNYIS, 'DOD PA BRJOD, DE DGAG PA'O, ,DANG PO NI, GAL TE RANG GZHAN GYI SDE PA KHA CIG NA RE, RGOL BAS BSTAN BCOS KHAS BLANGS PA'I PHYIR, BSTAN BCOS LAS MTHONG BA MA LUS PA BSGRUB BYA YIN NO ZHE NA, GNYIS PA LA GNYIS, DPE RTAGS MA GRUB BRJOD PA DAM BCAR THAL BA, RANG SGRA SMOS PA DON MED DU THAL BA'O, DANG PO NI, BSTAN BCOS LAS BSHAD PA'I DPE DANG GTAN TSIGS MA GRUB PA SMRA BA CHOS CAN, DAM BCA' BAR NI THAL BAR 'GYUR BAR THAL, BSGRUB BYA RJOD PA YIN PA'I PHYIR, GAL TE SGRUB BYED NYID DU BRJOD PA'I, DPE RTAGS MA GRUB PA CHOS CAN, BSGRUB BYA MA YIN TE, BSGRUB BYA YIN PA GCAD PA'I PHYIR DU, KUN LAS BTUS SU KHO NA DANG RIGS SGOR 'DOD PA SMOS PA'I PHYIR ZHE NA, CHOS CAN, BSGRUB BYA YIN PA, KHO NA DANG 'DOD PA'I TSIG LAS LDOG PA MA YIN PAR THAL, BSGRUB BYAR RIGS PAS THOB PA NI YIN PA'I PHYIR, CHOS CAN, BSGRUB BYA MIN TE, RGOL BAS BSGRUB BYAR MI 'DOD PA'I PHYIR ZHE NA, CHOS GZHAN RTAG PA NAM YON YANG CHOS CAN, BSGRUB BYA MIN PAR THAL, RGOL BAS

BSGRUB BYAR MI 'DOD PA'I PHYIR, 'DOD PA DE'I TSE, CHOS CAN, BYAS PA DES KHYOD LA GNOD PAS RTAGS CI ZHIG 'GAL TE MI 'GAL BAR THAL, KHYOD BSGRUB BYA MIN PA'I PHYIR, GNYIS PA LA GNYIS, THAL BA DGOD, SKYON SPOD DGAG PA'O, DANG PO NI, RANG NYID CES PA'I SGRA YANG CHOS CAN, PHYOGS KYI MTSAN NYID LAS PHYI ROL DU GYUR PA'I DON CAN YIN PAR THAL, LUNG DON BSGRUB BYA YIN BA GCAD PA'I PHYIR DU SMOS PA GANG ZHIG, LUNG DON BSGRUB BYA YIN PA'I PHYIR, 'DOD NA, PHYOGS KYI MTSAN NYID 'CHAD PA'I TSIG ZUR DU SMOS PA DON MED DU 'GYUR RO, GNYIS PA LA GSUM, BSTAN BCOS LA 'DOD PAS 'JUG PA'I DON DU SMOS PA DGAG GRAGS PA CHOS CAN DU GZUNG BA'I DON DU SMOS PA DGAG, CHOS CAN BSGRUB BYA MIN PAR RTOGS PA'I DON DU SMOS PA DGAG PA'O, DANG PO NI, DON MED DU MI 'GYUR TE, BSTAN BCOS LA 'DOD PAS 'JUG PA'I DON DU RANG SGRA SMOS SO ZHE NA, 'O NA, SHES BYA CHOS CAN, RGOL BA DBANG RNON BSTAN BCOS LA 'DOD PAS MI 'JUG GAM SNYAM PA'I DOGS PA 'DI SEL DGOS PA GANG LAS YIN TE MA YIN PAR THAL, RGOL BA DBANG RNON DE NI LUNG DON TSAD MAS BKAG PA MED NA LUNG 'DZIN PA GANG GIS KYANG BZLOG PAR MI NUS LA, GAL TE LUNG DON TSAD PAS BKAG NA YANG, RANG NYID KYI TSIGS LAS GANG GIS LUNG LA 'JUG PAR 'GYUR BA MA YIN PA'I PHYIR, CHOS CAN, RGOL BA DBANG RTUL BSTAN BCOS LA 'JUG PA'I DON DU RANG SGRA SMOS MI DGOS PAR THAL, RGOL BA DBANG RTUL DE DAG SNGAR YANG GRUB MTHA' NI RANG GI 'DOD PA NYID KYIS 'DZIN CING, DE NI PHYIS KYANG JI ZHIG LTAR BSTAN BCOS

, ,GZHAN 'DZIN PAS NI CIS MI THOB STE THOB BA'I PHYIR, KHYOD RANG LA'ANG RANG SGRA SMOS PA DON MED DU 'GYUR RO ZHE NA, BSGRUB BYA'I MTSAN NYID 'CHAD PA'I SKABS 'DIR NI, RANG NYID KYI SGRA MDZAD PA CHOS CAN, DON YOD DE, LUNG DON BSGRUB BYA YIN NAM SNYAM PA'I LOG BAR RTOG PA BSAL BA'I PHYIR, SEL NUS TE, LUNG DON LA GNOD PAS 'DOD YUL GYI BSGRUB BYA LA GNOD PA MED PA DANG, LUNG DON BSGRUB BYA MIN PA DANG, LUNG DON LA GNOD PAS SKABS KYI BSGRUB BYA LA GNOD NA THUG PA MED PAR BSTAN BAS SO, ,GNYIS PA NI, RANG RANG GI GZHUNG LUGS KYIS BYAS PA'I KHYAD BAR DAG CHOS CAN DU YONGS SU SPANGS NAS, RAB TU GRAGS PA'I CHOS CAN DAG NI GZUNG BA'I DON DU RANG NYID KYI SGRA BRJOD CES KUN LAS BTUS KYI 'GREL BYED GZHAN NI ZER RO, ,SHES BYA CHOS CAN, KHYAD CHOS LA DPYAD PA BYED PA NYID KYI SKABS KYIS NI, RGOL PHYI RGOL GNYIS KA LA RAB TU GRAGS PA'I RTEN CHOS CAN NI GRUB PAR GYUR TE, RANG RANG GI 'DOD PAS BRTAGS PA'I CHOS CAN KHYAD PAR CAN GYI STENG DU KHYAD CHOS KYI DNGOS PO RNAMS LA RTZOD PA MED PA'I PHYIR RO, ,GSUM PA LA GNYIS, GRUB ZIN CHOS CAN BSGRUB BYA MIN PAR RTOGS PA'I DON DU SMOS PA DGAG, MA GRUB CHOS CAN BSGRUB BYA MIN PAR RTOGS PA'I DON DU SMOS PA DGAG PA'O, ,DANG PO NI, CI STE, CHOS CAN GRUB BAR BSTAN PA'I SGO NAS BSGRUB BYA MIN PAR RTOGS PA'I DON DU RANG SGRA BRJOD DO ZHE NA, CHOS CAN, RANG GI NGO BO NYID BSTAN PA ZHES BYA BA 'DI NYID KYIS, GRUB ZIN GYI CHOS CAN BSGRUB BYA MA YIN PA DE

RTOGS TE, GRUB ZIN BA DANG SGRUB PAR BYED PA'I NGO BOR NI BSTAN PA DAG NI BSGRUB BYAR NGOGS PA YOD PA YIN NA, DE GCAD PHYIR DU BSGRUB BYA NYID DU BSTAN PA ZHES BYA BA 'DI NI 'BRAS BU DANG LDAN BAR 'GYUR BA'I PHYIR, GNYIS PA LA GNYIS, PHYOGS SKYON DU MI 'GYUR BA'I TSUL, DE'I RGYU MTSAN NO, ,DANG PO NI, MA GRUB PA'I CHOS CAN YAN GAR BA BSGRUB BYA MA YIN PAR RTOGS PA'I DON DU RANG SGRA SMOS SO ZHE NA, DE MI 'THAD PAR THAL, SLOB DPON GYIS RJES SU DPAG BA TSOGS SPYI'I NI YUL CAN NYID DU BSHAD PAS MA GRUB PA'I CHOS CAN YAN GAR BA BSGRUB BYA MIN PAR RTOGS NUS PA'I PHYIR, SHES BYA CHOS CAN, CHOS 'DRA, BSGRUB BYA'I MTSAN NYID 'CHAD PA'I SKABS 'DIR NI, MA GRUB PA'I CHOS CAN YAN GAR BA BSGRUB BYA MA YIN PAR RTOGS PA'I DON DU, RANG NYID CES DE SKAD MA BSTAN KYANG, PHYOGS YANG DAG GI MTSAN NYID 'GRUB PA LA 'GAL BA CUNG ZAD KYANG MED PA'I PHYIR, GAL TE MA GRUB PA'I CHOS CAN YAN GA RAB BSGRUB BYAR BYAS NA, DE LAS SKYON CING 'GYUR DRIS PAS, DE RTAGS KYIS BSGRUB MI NUS PA'I PHYIR ZHE NA, CI'I PHYIR BYAS PAS, RTAGS PHYOGS CHOS MA GRUB PA DANG, CHOS DPE LA RJES 'GRO MED PA'I PHYIR ZHE NA, RTAGS PHYOGS CHOS MA GRUB PA DANG CHOS DPE LA RJES 'GRO MED PA 'DI CHOS CAN, PHYOGS SKYON MA YIN PAR THAL, RTAGS DPE DE DAG GI SKYON MIN NAM STE YIN PA'I PHYIR, KHYAB STE, YAN LAG PHYI MA RTAGS DPE LA LTOS PA'I SKYON PHYOGS SKYON DU 'DOD PA MIN PA'I PHYIR, CHOS CAN, PHYOGS SKYON YIN TE, PHYOGS 'GRUB PA LA GNOD PA'I PHYIR ZHE NA, DE LTA NA'ANG GTAN TSIGS LA

, ,SOGS BA'I NYES PA THAMS CAD KYANG CHOS CAN, PHYOGS KYI SKYON DU THAL BAR 'GYUR TE, PHYOGS 'GRUB PA LA GNOD PA'I PHYIR RO, ,'O NA, PHYOGS SKYON GANG ZHE NA, SGRA MNYAN BYAR SGRUB BA'I PHYOGS SU BZUNG NAS, PHYI RGOL GYIS GRUB ZIN PA CHOS CAN, PHYOGS KYI SKYON DU 'DOD KYI, GZHAN RTAGS SKYON MIN TE, DAM BCA' DE TZAM DANG 'BREL BA'I NYES PA YIN PA'I PHYIR, DPER NA, MNGON SUM DANG 'GAL BA SGRA MNYAN BYA MA YIN PAR DAM BCAS BA BZHIN NO, ,GNYIS BA LA GNYIS, DNGOS, RTZOD SPANG NGO, ,DANG PO NI, RTAGS DPE'I SKYON DE PHYOGS SKYON MED PA'I RGYU MTSAN CI ZHE NA, SHES BYA CHOS CAN, RTAGS DPE'I SKYON DE PHYOGS SKYON MA YIN TE, DE PHYOGS SKYON YIN NA, RTAGS DPE'I MTSAN NYID KYI BSAL BYA SEL BA'I SGO NAS PHYOGS KYI MTSAN NYID 'CHAD DOGS PA GANG ZHIG, RGYU RTAGS DPE SOGS KYI MTSAN NYID KYI BSAL BYA SEL BA LA LTOS PA MED PAR, MA KHYAB BA DANG LDOG PA KHYAB CHES PA DANG NI SPANG BA'I PHYIR DU PHYOGS KYI MTSAN NYID BSHAD PA YIN PA'I PHYIR, TSIG GANG GIS MA KHYAB PA DANG KHYAB CHES BA SEL ZHE NA, PHYOGS KYI MTSAN NYID 'CHAD PA'I TSIG ZUR GYI RANG NYID TSIG PHRAD NGO BO'I SGRA MA BSAL BA DANG BCAS PA DANG CHOS CAN, GZHAN DON BSGRUB BYA'I LDOG PA KHYAB CHES BA SEL BAR BYED PA YIN TE, RGOL BAS MI 'DOD PA'I LUNG DON DANG, SGRUB BYED DU BKOD BZHIN BA DANG, PHYIR RGOL GYIS GRUB ZIN PA DANG, TSAD MAS BSAL BA GZHAN DON BSGRUB BYA YIN PA SEL BA'I PHYIR, DE'I TSIG ZUR GYI 'DOD PA'I SGRA CHOS CAN, GZHAN

DON BSGRUB BYA'I MA KHYAB PA SEL BAR BYED DE, NGAG TU DNGOS SU MA BRJOD KYANG, ZHES BAS 'DOD PA BSGRUB BYA YIN PA YOD PAR BSTAN PA'I PHYIR, LOG RTOG RGYAS PAR SEL BA'I DBANG DU BYAS NAS DE LTAR BSTAN GYI, MDOR BSDU NA, TSANG MAS MA BSAL ZHING, RGOL BA RTOG LDAN GYIS BSGRUB BYAR KHAS BLANGS PA CHOS CAN, GZHAN DON PHYOGS YANG DAG GI MTSAN NYID YIN TE, DE'I 'JOG BYED YIN PA'I PHYIR, 'O NA, TSAD MAS MA BSAL ZHIG, RGOL BA RTOG LDAN GYIS BSGRUB BYAR KHAS BLANGS BA DE LA, NGO PO'I DON SOGS CHOS LNGA CHANG NGAM ZHE NA, TSANG STE, TSANG MAS BSAL BA SOGS DE RNAMS LA NI, PHYOGS KYI MTSAN NYID DE 'JUG PA MED PA'I PHYIR TE, TSAD MAS BSAL BA LA TSAD MAS GNOD PA'I PHYIR DANG, LHAG MA PHYI RGOL GYIS GRUB ZIN SOGS BZHI LA, PHYOGS KYI MTSAN NYID RGOL BA RTOG LDAN GYIS BSGRUB BYAR KHAS BLANGS 'JUG PA MED PA'I PHYIR RO, ,GNYIS PA NI, KUN LAS BTUS SU NGES GZUNG SMOS BA DON MED PAR THAL, RANG NYID DANG 'DOD PA'I TSIG GIS NGES GZUNG GI DON RTOGS PA'I PHYIR ZHE NA, KUN LAS BTUS SU, BSGRUB BYA'I MTSAN NYID 'CHAD PA'I TSIG ZUR GYI RANG NYID DANG 'DOD BA BRJOD BA CHOS CAN, BSTAN BYA BA DANG KHYAD GZHI KHYAD CHOS SU MA 'BREL NA YANG, NGES GZUNG GI DON RTOGS NUS TE, DE LTA NA YANG RANG NYID 'DOD PAR GYUR PA PHYOGS YIN ZHES PA'I TSIG YIN PA'I PHYIR, DE LTA NA YANG, CHOS CAN, NGES GZUNG GI NGON MI RTOGS TE, BYED PA'I MTHA' BSTAN BYA BA DANG KHYAD GZHI KHYAD CHOS SU 'BREL BA'I RANG NYID 'DOD TSIG YIN PA'I PHYIR, DE'I TSIG ZUR DU

, ,KHO NA ZHES PA'I TSIG BSHAD PA CHOS CAN, DON YOD DE, DUS GZHAN MA 'ONGS PA NA BSGRUB BYAR 'GYUR RUNG GI DPE RTAGS MA GRUB BA BSGRUB BYA YIN PA GCAD PA'I PHYIR, DE'I TSIG ZUR GYI RANG NYID DANG 'DOD TSIG CHOS CAN, DPE RTAGS MA GRUB BA BSGRUB BYA YIN PA GCOD NUS PAR THAL, RANG NYID 'DOD PAR GYUR PA PHYOGS YIN ZHES PA'I TSIG YIN PA'I PHYIR ZHE NA, KUN LAS BTUS SU 'DOD PA'I SKAD KYI BYINGS LA RKYEN BYIN PAS, 'DOD PAR GYUR PA ZHES PA'I TSIG 'DIR NI CHOS CAN; DPE RTAGS MA GRUB BA BSGRUB BYA YIN PA GCOD NUS PA'I YAN LAG MIN TE, BSTAN BYA BA DANG KHYAD GZHI KHYAD CHOS SU 'BREL BA'I 'DOD TSIG YIN PA'I PHYIR, 'O NA, RIGS SGOR YANG NGES GZUNG SMOS DGOS SO ZHE NA, RIGS SGO'I 'DOD BAR GYUR BA'I TSIG DE YIS NI CHOS CAN, GTAN TSIGS MA GRUB PA LA SOGS PA BSGRUB BYA YIN PA 'GOG STE, DE BSGRUB BYA YIN PA GCOD NUS KYI YAN LAG NYID YIN PA'I PHYIR, GSUM PA BSDU BA NI, RANG NYID CES PA'I SGRA CHOS CAN, BSTAN BCOS LA 'DOD PAS 'JUG PA SOGS STON BYED DU MI RIGS TE, DE DAG RJOD BYED MIN PA'I PHYIR, DES NA, CHOS CAN, RGOL BA BDAG NYID KYI 'DOD PA BSGRUB BYAR STON TE, BSTAN BCOS KUN LA LTOS PA MED PAR RGOL BA DE 'DOD PA NI BSGRUB BYA NYID DU BSTAN PA'I PHYIR, DES NA, BYAS PA CHOS CAN, RGOL BAS MI 'DOD PA DANG 'BREL BA'I BSTAN BCOS MKHAN BO'I 'DOD PA LA YANG GNOD PA NA, SGRA MI RTAG PAR SGRUB PA'I PHYOGS DANG GTAN TSIGS SKYON MED PA NYID YIN TE, DE LA GNOD KYANG JI LTAR

SGRA MI RTAG PAR SGRUB PA LA GNOD PA MED PA'I PHYIR RO, ` ,GSUM PA MA BSAL BA RGYAS PAR BSHAD PA LA GNYIS, BSTAN, BSHAD DO, ,DANG PO NI, SHES BYA CHOS CAN, RGOL BAS KHAS BLANGS PA DE YANG, MNGON RJES KYI TSAD MA NI DAG GIS BKAG PA MED PA ZHIG BSGRUB BYA YIN PAR 'DOD DE, TSAD MAS BSAL BA GTAN TSIGS 'JUG PA'I RTEN MA YIN PA'I PHYIR TE, GZHAN DON GYI GTAN TSIGS YANG DAG YIN NA, TSAD MAS MA BSAL ZHING, PHYI RGOL THE TSOM DANG LDAN PA'I TSOGS DON LA SGRUB BYED DU BRJOD PA'I PHYIR, GNOD BYED TSAD MA LA GNYIS SU NGES NA, GNOD BYED TSAD MA BZHIR BSHAD PA JI LTAR YIN ZHE NA, SHES BYA CHOS CAN, DAM BCA' LTAR SNANG LA GNOD PA'I TSAD MA DE NI RNAM PA BZHIR BSHAD DU RUNG STE, GNOD BYED TSAD MA LA MNGON SUM DANG, RJES SU DPAG PA LA GSUM DU DBYE BA YIS SO, ,YID CHES DANG GRAGS PA'I TSAD MA DE RJES DPAG YIN NA, DE'I RTEN 'BRAS RANG MA DMIGS PA GANG YIN ZHE NA, RJES DPAG GSUM YOD PA DE LA RGOL BAS KHAS BLANGS PA'I YID CHES PA'I TSIG CHOS CAN, RANG GI BRJOD BYA'I 'BRAS BUR KHAS LEN PA'I NGOR, RANG GI BRJOD BYA SGRUB PA LA 'BRAS RTAGS YANG DAG YIN ZHES BSHAD DU RUNG STE, DE'I NGOR DE SGRUB KYI 'BRAS BU'I TSUL GSUM YIN ZHES BRJOD DU RUNG BA'I PHYIR, 'GRO BA LA GRAGS PA RTOG YUL NA YOD PA CHOS CAN, RI BONG CAN ZLA BA'I SGRAS BRJOD RUNG DU SGRUB PA'I RANG BZHIN GYI RTAGS YANG DAG YIN TE, DE SGRUB KYI SGRUB RTAGS YANG DAG GANG ZHIG, ZLA BA'I SGRAS BRJOD RUNG LA BDAG GCIG TU 'BREL BA'I PHYIR, GNYIS PA LA GNYIS,

, ,SEL BYED GANG GIS MA BSAL BA, CHOS CAN GAD LA MA BSAL BA'O, ,DAD PO LA GSUM, YID CHES, GRAGS PA, MNGON SUM GYIS MA BSAL BRGYAS PAR BSHAD PA'O, ,DANG PO LA GNYIS, LUNG GNOD GEGS SU 'GYUR PA'I TSUL, TSAD MAR GYUR PA'I LUNG NGOS GZUNG BA'O, ,DANG PO LA GNYIS, RANG TSIG DANG LUNG TSIG GCIG TU SDUD PA'I RGYU MTSAN DANG DGOS PA, LUNG GIS GNOD PA'I YUL NGOS BZUNG BA'O, ,DANG PO NI, YID CHES BA DANG DE'I TSIG DE GANG ZHE NA RGOL BA BDAG DANG GZHAN BSTAN BCOS MKHAN PO CHOS CAN, YID CHES PA YIN TE, DON YANG DAG PAR NGES PA DANG LDAN PA BRJOD PAR 'DOD PA'I PHYIR, RANG GI TSIG DANG BSTAN BCOS CHOS CAN, KUN LAS BTUS SU YID CHES ZHES SEL BYED GCIG TU BSHAD PA'I RGYU MTSAN YOD DE, YID CHES PA'I TSIG TU MTSUNGS PA'I PHYIR, DE GNYIS SEL BYED GCIG TU BSHAD PA CHOS CAN, DGOS PA YOD DE, JI LTAR RGOL BA BDAG GI TSIG NI TSAD MA MIN NA, GZHAN LA DER BSTAN PA'I PHYIR DU TSIG NI 'JUG BAR MI 'GYUR BA DE BZHIN DU, BSTAN BCOS TSAD MAR KHAS LEN PA LA MI RTEN NA, BSTAN BCOS DER GRAGS BA'I DON SHIN LKOG LA DPYOD PA YANG MI RUNG NGO ZHES MTSUNGS PAR BSTAN PA'I PHYIR, BSTAN BCOS 'DI RANG GI TSIG DANG LHAN CIG BSHAD PA CHOS CAN, DON YOD DE, SKABS KYI RTEN SHIN KLOG NYID LA BSTAN BCOS DE KHAS BLANGS PA TZAM GYIS GNOD BYED DANG SGRUB BYED YIN NO ZHES PA'I DON 'DI BSTAN PA'I CHED DU YIN PA'I PHYIR, RANG TSIG DANG BSTAN BCOS 'DI CHOS CAN, GZHAL

BYA'I DON CAN GYI TSANG MA DAG MED DO ZHES KHYOD LA RANG 'GAL GYI DPE DAG KYANG MTSUNGS PA NYID DU BSTAN PA LA RGYU MTSAN YOD PA YIN TE, KHYOD RANG 'GAL GYI DAM BCA' LA KHAS BLANGS PA TZAM GYIS GNOD BYED YIN PA DES NA'O, ,SHES BYA CHOS CAN, GZHAL BYA'I DON CAN GYI TSAD MA DAG MED DO, ZHES PA'I TSIG DE RANG TSIG DANG BSTAN BCOS DANG 'GAL BA GNYIS KA'I DPER RUNG STE, TSAD MA RNAMS NI YOD PA MIN NA, BSTAN BCOS DANG RANG TSIG TSAD MAR MI RUNG BA'I PHYIR RO, ,GZHAL BYA'I DON CAN GYI TSAD MA DAG MED DO ZHES PA'I TSIG CHOS CAN, LUNG DANG 'GAL BA'I DPER MI RUNG BAR THAL, BRJOD BYA'I LDOG PHYOGS 'GRUB PA LUNG LA MI LTOS PA'I PHYIR ZHE NA, CHOS CAN, RANG GI TSIG DANG 'GAL BA LA RNAM PA GSAL BA'I DPE YIN TE, DAG DNGOS SHUGS 'GAL BA'I DAM BCA' GANG ZHIG, BRJOD BYA'I LDOG PHYOGS 'GRUB PA LUNG LA MI LTOS PA'I PHYIR, CHOS CAN, LUNG DANG 'GAL BA'I RNAM PA GSAL BA'I DPE MA YIN TE, LUNG DANG 'GAL BA LA PHYOGS TZAM MTSON NAS BSTAN PA'I DPE YIN PA'I PHYIR, LUNG DANG 'GAL BA'I RNAM PA GSAL BA'I DPE GANG ZHE NA, DKAR PO'I CHOS NI MA 'ONGS PA NA BDE BA MI 'GRUB CES BYA BA CHOS CAN, LUNG DANG 'GAL BA DE LA RNAM PA GSAL BA'I DPE YIN TE, LUNG KHO NAS GRUB PA'I CHOS CAN GYI STENG DU LUNG DANG 'GAL BA'I DAM BCA' YIN PA'I PHYIR, GNYIS PA LA GNYIS, CHOS CAN DNGOS STOBS KYIS GRUB PA LA LUNG GIS MI GNOD, CHOS CAN LUNG GIS GRUB PA LA LUNG GIS GNOD PA'O, ,DANG PO NI, CHOS CAN DNGOS STOBS KYIS GRUB PA LA YANG LUNG

, ,GIS GNOD PAR THAL, LUNG DE KHAS BLANGS PA TZAM GYIS GNOD BYED YIN PA'I PHYIR ZHE NA, SHES BYA CHOS CAN, LUNG DE LA BRTEN PA MIN PA'I DNGOS PO SGRA LA, SPYOD PA BAS SNGAR SGRA RTAG BAR KHAS BLANGS NAS PHYIS TSAD MAS MA GRUB BZHIN DU, BSTAN BCOS DANG 'GAL BA SGRA MI RTAG PAR BRJOD NA YANG GNOD PA MA YIN TE, DAM BCA' GNYIS PO DE DAG PHAN TSUN GE GAS BYED TZAM DU 'GYUR BA'I PHYIR TE, DE GNYIS DAM BCA' 'GAL BA NUS PA MTSUNGS PA YIN PA'I PHYIR, DPER NA, NGA'I MA MO SHAM MO ZHES PA'I RANG GI TSIG BZHIN NO, ,DES NA SPYOD BA PAS SNGAR SGRA RTAG STON GYI BSTAN BCOS CHAD MAR KHAS BLANGS NAS, PHYIS TSANG MAS MA GRUB BZHIN DU SGRA MI RTAG PAR KHAS BLANGS PA DE'I TSE SGRA RTAG STON GYI BSTAN BCOS DE YANG CHOS CAN, SGRA MI RTAG BAR DAM BCAS PA LA GNOD BYED MIN TE, SPYOD PA PA'I RANG TSIG 'GAL BA'I BDAG NYID YIN PA'I PHYIR, MTSUNGS PA MA GRUB STE, SGRA MI RTAG PAR DAM BCAS PAS, SGRA RTAG BAR DAM BCAS PA LA GNOD PA'I PHYIR ZHE NA, SGRA RTAG PA DANG MI RTAG PAR DAM BCAS PA DE DAG LAS, TSAD MAS GRUB NAS SGRA MI RTAG PAR DAM BCAS PA DE NI CHOS CAN, GZHAN SGRA RTAG PAR DAM BCAS PA LA GNOD BYED DU 'GYUR TE, SGRA RTAG PA'I LDOG PHYOGS DNGOS SU DAM BCAS PA GANG ZHIG, RGYAB RTEN TSAD MA YOD PA'I DAM BCA' YIN PA'I PHYIR, DE LTA MIN PAR SGRA RTAG STON GYI BSTAN BCOS KYIS, SGRA MI RTAG PAR DAM BCAS PA LA GNOD NA, SGRA RTAG STON GYI BSTAN BCOS CHOS CAN, SGRA MI RTAG

PAR DAM BCAS PA LA MI GNOD PAR THAL, RGYAB RTEN RIGS PA DANG BRAL BA'I SGRA MI RTAG PA'I DAM BCA' DANG NUS PA MTSUNGS PA'I DAM BCA' GANG ZHIG, SGRA MI RTAG PA JI LTA BA BZHIN GYI DON CAN GYI RJES DPAG LA NI JI LTAR GNOD DE MI GNOD PA'I PHYIR TE; LUNG RNAMS TSAD MA YIN PA NI SNGAR NYID RNAM PAR BZLOG ZIN PA YIN PA'I PHYIR RO, ,GNYIS PA NI, 'O NA, GANG LA LUNG GIS GNOD CE NA, LUNG KHAS BLANGS NAS DPYOD PA'I DKAR BO'I CHOS CHOS CAN, KHYOD KYIS BDE BA MI STER BAR DAM BCAS PA LA, LUNG GIS GNOD BA'I SKYON 'DI 'DOD DE, KHYOD KYIS BDE BA STER BAR LUNG GIS GRUB PA DE'I PHYIR RO, ,DES NA KHAS BLANGS PA'I YID CHES RJES DPAG CHOS CAN, RJES DPAG LAS PHYI ROL DU GYUR BA MIN TE, RTAGS LA BRTEN NAS DAM BCA' LTAR SNANG GI DON LA GNOD BYED KYI TSAD MA YIN PA'I PHYIR, DE LTAR YIN YANG, YID CHES RJES DPAG RJES DPAG LAS THA DAD DU BYAS PA CHOS CAN, DON YOD DE, YID CHES RJES DPAG GI THUN MONG MA YIN PA'I YUL GYI KHYAD PAR BSTAN PA'I PHYIR, DE LTA MIN PAR RJES DPAG GI GSAL BA'I DBYE BA RTOGS PA'I PHYIR DU, RJES DPAG LAS THA DAD DU BYAS PA YIN NA, SEL BYED RTZA BA'I DBYE BA 'CHAD PA'I SKABS 'DIR CHOS CAN, 'BRAS RANG GI RTAGS LA BRTEN BA'I RJES DPAG KYANG, BSTAN DGOS PA HA CANG THAL CHES BAR 'GYUR TE, RJES DPAG GI DBYE BA RTOGS PA'I PHYIR DU, YID CHES RJES DPAG RJES DPAG LAS THA DAD DU BSTAN PA'I PHYIR, 'BRAS RANG GI RTAGS LA BRTEN PA'I RJES DPAG CHOS CAN, RJES DPAG LAS THA DAD DU BYAS PA LA DON MED DE, RJES DPAG GI NANG DU 'DUS

, ,PA'I PHYIR ZHE NA, YID CHES RJES DPAG CHOS CAN, RJES DPAG LAS LOGS SHIG TU BYAS PA DON MED DU 'GYUR BAR THAL, RTAGS 'DRA, 'O NA, RIGS SGO RA, RANG TSIG BSTAN BCOS LAS THA DAD DU BYAS PA LA DGOS PA CI YOD CE NA, RIGS SGOR RANG GI TSIG KYANG BSTAN BCOS LAS THA DAD PAR BYAS PA CHOS CAN, DON YOD DE, TSIG TZAM RJOD PA RANG 'GAL GYI DAM BCA' LA GEGS BYED YIN PAR BSTAN PA'I CHED YIN PA'I PHYIR, RGOL BA DE YIS BSTAN BCOS TSAD MAR NI, KHAS BLANGS PA'I PHYIR NA, DNGOS PO KUN LA LUNG GNOD BYED YIN NO ZHE NA, GAL TE LUNG DE CHOS CAN, RGOL BAS MI 'DOD NA'ANG GNOD BYED YIN NAM CI STE YIN PAR THAL, DNGOS PO'I STOBS KYIS GNOD BYED YIN PA'I PHYIR, RTAGS KHAS BLANGS, BSTAN BCOS DANG 'GAL NA RGOL BA'I RANG TSIG 'GAL BA YIN NO ZHE NA, SHES BYA CHOS CAN, RANG TSIG DANG BSTAN BCOS GNYIS RANG 'GAL GYI DAM BCA' LA GEGS BYED TZAM DU THA DAD MED PAR 'GYUR BAR THAL, PHYOGS SNGA DE'I PHYIR, LUNG CHOS CAN, TSAD MA YIN TE, SKYES BU'I 'DOD PAS TSAD MAR BYAS PA'I PHYIR ZHE NA, RANG GI TSIG CHOS CAN, TSAD MA NYID YIN PAR THAL, 'DOD PAS TSAD MAR BYAS PA 'DI YONGS SU RDZOGS PA'I PHYIR, MNGON SUM LA RAB TU GRAGS PA'I DON DAG CHOS CAN, KHYOD LA BSTAN BCOS SGRUB BYED DU DOR NA'ANG NYES PA MED DE, DNGOS STOBS KYIS GRUB PA DES NA'O, ,SHIN TU LKOG GYUR DAG CHOS CAN, BSTAN BCOS NI TSAD MAR MI 'DOD NA KHYOD LA DPYOD PA NYID MI 'JUG STE, KHYOD LUNG KHO NAS GRUB PA'I PHYIR, GNYIS

BA TSAD MAR GYUR PA'I LUNG NGOS GZUNG BA NI, 'O NA, SHIN TU LKOG GYUR GYI SGRUB BYED LUNG GANG YANG RUNG BA KHAS BLANG BAR BYA NGAM ZHE NA, DE MA YIN PAR THAL, LUNG 'DI LA BRTAG PHA BYAS NA PHAL CHER NI NANG 'GAL RJOD BYED YIN PA'I PHYIR TE, 'DI LTA STE, CHAGS SOGS CHOS MIN PA'I RTZA BA DANG, KHRUS KYIS CHOS MIN SDIG PA RTZA BA NAS DAG PAR 'GYUR BA RJOD PAR MTHONG BA'I PHYIR, 'O NA, LUNG JI LTA BU SHIN LKOG GI SGRUB BYED YIN ZHE NA, MTHONG BA MNGON GYUR DANG LKOG GYUR DAG LA RIGS BAS GRUB PA DANG; MA MTHONG BA SHIN TU LKOG GYUR LA RANG TSIG GIS GNOD PA MED PA'I BSTAN BCOS GANG YIN PA DE CHOS CAN, KHYOD LA BRTEN NAS SHIN LKOG LA DBYOD PA 'JUG PAR 'GYUR TE, KHYOD SHIN LKOG GI SGRUB BYED DU GZUNG BAR BYA BA'I LUNG YIN PA'I PHYIR, GNYIS BA GRAGS PAS MA BSAL BA RGYAS PAR BSHAD PA LA LNGA, BRJOD RUNG GRAGS PA YIN PAR BSTAN, BRJOD RUNG GNOD BYED YIN PAR BSTAN, BRJOD RUNG GRAGS PAR SLOB DPON BZHED, MDO'I TSIG GI DGONGS BA BSHAD, GRAGS PA LOGS SU 'CHAD PA'I RGYU MTSAN NO, ,DANG PO NI, GZHAN DON BSGRUB BYA YIN NA GRAGS PAS MA BSAL BA DGOS NA, GRAGS PA DE GANG ZHE NA, SKYES BU'I 'DOD PA DANG RJES SU 'BREL BA'I 'DOD RGYAL BA'I ZLA BA ZHES PA'I SGRA CHOS CAN, RI BONG CAN KHYOD KYIS BRJOD DU RUNG BAR SKYE BO RNAMS 'DOD CING YID CHES BA YIN TE, KHYOD KYIS DON THAMS CAD BRJOD DU RUNG BA LA GNOR BA MED PA'I DAG YIN PA'I PHYIR TE, KHYOD KYI BRJOD BYAR RUNG BA NYID DON THAMS CAD LA BKAG BA MED PA'I PHYIR, ZLA BA ZHES PA'I THA SNYAD LAS NI SKYES

, ,PA'I CHOS RI BONG CAN ZLA BA'I SGRAS BRJOD RUNG DE CHOS CAN, GRAGS PA'I SGRA YIS BRJOD PA'I RGYU MTSAN YOD DE, GRAGS PA MTSAN NYID BA DE'I YUL YIN PA'I PHYIR, BRJOD RUNG GIS BRJOD MI RUNG LA GNOD MOD, SGRA 'DZIN MNGON SUM GYIS SGRA GNYAN BYA MA YIN PA LA JI LTAR GNOD CE NA, SGRA MNYAN BYA YIN PA YANG CHOS CAN, KHYOD LA 'JAL BYED MNGON SUM GYI SGRA SGRO BTAGS NAS BRJOD PA'I RGYU MTSAN YOD DE, KHYOD SGRA 'DZIN MNGON SUM GYI GZHAL BYA YIN PA'I PHYIR, DES NA SGRA MNYAN BYA YIN PAS SGRA MNYAN BYA MA YIN PA LA DNGOS SU GNOD PA LA, SGRA 'DZIN MNGON SUM GYIS SGRA MNYAN BYA MA YIN PA LA DNGOS SU GNOD CES BSTAN PA YIN NO, ,GNYIS PA NI, 'DOD BA DE LA BRTEN NAS 'BYUNG BA CAN GYI ZLA BA ZHES PA'I SGRA CHOS CAN, DON THAMS CAD LA 'JUG TU RUNG BA DGAG TU MED PA YIN TE, 'DOD BAS 'JUG PA'I SGRA YIN PA'I PHYIR, SNA TSOGS PA'I RI BONG CAN CHOS CAN, SNGAR BRDA BYAS PA ZLA BA ZHES PA DANG, SNGAR BRNGA MA BYAS PA BUM PA ZHES SOGS RNAMS KYIS BRJOD RUNG YIN TE, RTOG YUL NA YOD PA'I RANG BZHIN NYID YIN PA'I PHYIR, CHOS CAN, SNGAR BRDA BYUNG BA ZLA BA ZHES PA'AM 'BYUNG BAR 'GYUR BA BUM PA'I SGRAS BRJOD DU RUNG BA DE YIS, DE DANG MI MTHUN PA BRJOD MI RUNG DAG LA GNOD PAR 'GYUR TE, RTOG YUL NA YOD BA'I DON TZAM DANG NI RJES SU 'BREL BA CAN YIN PA'I PHYIR, GSUM PA NI, SLOB DPON GYIS GRAGS PAS GNOD BAR BSHAD KYI, BRJOD RUNG GIS GNOD PAR MA BSHAD DO ZHE NA, BUM PA'I DNGOS PO DE CHOS CAN, ZLA BAR GRAGS

PA MED KYANG KHYOD LA ZLA BA'I SGRAS BRJOD RUNG DE NI GRUB PA YIN TE, DE MED KYANG RTOG YUL NA YOD PA DE'I STOBS NYID LAS KHYOD LA SGRA KUN BRJOD RUNG NYID DU 'BREL BA NGES NA'O, ,BRJOD RUNG GRAGS PAR BZHAD PA LAS GZHAN DU GRAGS ZIN KHO NA LA GRAGS PAR RJOD NA, RI BONG CAN ZLA BA'I SGRAS BRJOD RUNG 'DIR NI, GNOD BYED DU BRJOD PA'I GTAN TSIGS RTOG YUL NA YOD PA CHOS CAN, RI BONG CAN ZLA BA'I SGRAS BRJOD MI RUNG DU SGRUB PA'I THUN MONG MIN PA NYID DU MI 'GYUR BAR THAL, ZLA BAR GRAGS MA ZIN PA DU MA LA YOD PA'I PHYIR, BZHI BA LA, TSAD MA MDOR, GANG LA THUN MONG MA YIN PA'I PHYIR RJES SU DPAG PA MED LA, SGRA LAS BYUNG BA'I GRAGS PA DANG 'GAL BA'I DON GYIS NA, BSAL BA DE YANG PHYOGS MA YIN NO, ,DPER NA, RI BONG CAN NI ZLA BA MA YIN TE, YONG BA'I PHYIR, ZHES PA'I DON 'CHANG PA LA GNYIS, BRJOD MI RUNG LA SBYAR TE BSHAD PA DANG, BRJOD RUNG LA SBYAR TE BSHAD PA'O, ,DANG PO NI, RI BONG CAN ZLA BA'I SGRAS BRJOD RUNG DE CHOS CAN, RJES DPAG LAS 'GAG PAR 'GYUR TE, TSAD MAS 'GOG PA GANG ZHIG, MNGON SUM GYIS MI 'GOG PA'I PHYIR TE, SGRA DON LA DBANG PO STE MNGON SUM GNOD SGRUB TU 'JUG PA MED PA'I PHYIR, 'DOD MI NUS TE, YOD PA RI BONG CAN ZLA BA'I SGRAS BRJOD MI RUNG DU SGRUB PA'I RTAGS THUN MONG MA YIN PA YIN PA'I PHYIR, YOD PA THUN MONG MA YIN PA YIN MOD, RTAGS GZHAN YOD PA MA YIN NAM ZHE NA, RI BONG CAN NI ZLA BA MA YIN TE, YOD PA'I PHYIR, ZHES PA'I GTAN TSIGS DPER BRJOD PA CHOS CAN, 'BRAS BU DANG NI,

, ,LDAN PAR 'DOD DE, RI BONG CAN ZLA BA'I SGRAS BRJOD MI RUNG DU SGRUB PA GANG LA, YOD PA DE MTHUN PHYOGS LA RJES 'GRO MED BA DE LTAR, RTAGS GZHAN RNAMS KYANG THUN MONG MIN PA NYID DO ZHES DE LTAR RTOGS PA'I CHED YIN PA'I PHYIR; RI BONG CAN ZLA BA'I SGRAS BRJOD RUNG LA GNOD BYED MED MDO, SGRUB BYED GANG ZHE NA, SGRA LAS BYUNG BA'I GRAGS PA ZHES GSUNGS PA CHOS CAN, DON YOD DE, ZLA BA'I SGRA YIS BRJOD RUNG DU GRUB PA DE DON THAMS CAD LA YANG MA GRUB BA MIN NO ZHES DE LTAR RTOGS PA'I CHED YIN PA'I PHYIR TE, ZLA BA ZHES BA'I SGRA NI BRDAL BRTEN BA CAN YIN LA, BRDA DE YANG 'DOD PA TZAM LA BRTEN PA YIN PA'I PHYIR, CHOS CAN, DNGOS BO STOBS ZHUGS KYI RJES SU DPAG PAS BSGRUBS PA RNAMS LA, 'GAL BA LA 'KHRUL PA MED PA CAN MED PAR STON PA YIN TE, RI BONG CAN ZLA BA'I SGRAS BRJOD RUNG DE LTA BUR RTOGS PA'I GRAGS PA'I RJES DPAG LA 'GRAN ZLA MED PAR BSTAN PA YIN PA'I PHYIR, GNYIS PA LA GSUM, RANG LUGS GZHAG, GZHAN LUGS DGAG, DON BSDU BA'O, ,DANG PO NI, LUNG DANG BOS RI BONG CAN ZLA BA'I SGRAS BRJOD RUNG LA GNOD PA MED PAR BSTAN PA LAS YANG NA, LUNG DANG PO CHOS CAN, DNGOS STOBS RJES DPAG LAS GRAGS PA'I RJES DPAG YUL THA DAD PA CAN NYID DU STON TE, 'JIG RTEN NA RI BONG CAN ZLA BA'I SGRAS BRJOD PA DNGOS PO PA LA RJES DPAG MED PAR BRJOD PA YIN PA'I PHYIR, DE LTAR BSTAN PA LA DGOS PA CI YOD CE NA, DNGOS STOBS RJES DPAG LAS GRAGS PA'I RJES DPAG SPYOD YUL THA DAD PAR BSTAN PA CHOS CAN, DON YOD DE,

DNGOS PO RNAMS YOD PA DANG MED PA'I RJES SU 'JUG PA CAN GYI DNGOS STOBS RJES DPAG LAS THA DAD PAR, GRAGS PA'I RJES DPAG DE DNGOS PO'I DBANG GIS MI 'JUG PAR 'DOD PA LAS SKYES PA YIN NO ZHES BSTAN PA'I CHED YIN PA'I PHYIR, JI LTAR RJES DPAG MED CE NA, YOD BA DE NI CHOS CAN, RI BONG CAN ZLA SGRAS BRJOD RUNG DNGOS PO BAR SGRUB PA'I THUN MONG MA YIN PA'I RTAGS SU 'DOD PA'I RGYU MTSAN YOD DE, DE SGRUB KYI PHYOGS CHOS GANG ZHIG, DE LTAR SGRUB PA DE LA MTHUN DPE MED PA CAN YIN PA'I PHYIR TE, ZLA BA'I SGRAS BRJOD RUNG DNGOS PO BA GANG ZHIG 'DOD PAR 'GYUR TE MI 'GYUR PA'I PHYIR TE, ZLA BAR CHES GRAGS PA'I RI BONG CAN YANG ZLA BA'I SGRAS BRJOD RUNG DNGOS PO BAR MI 'DOD PA'I PHYIR, GNYIS PA LA GNYIS, DPE GZHAN LA MA KHYAB PAR THAL BA DANG, SKABS KYI DPE LA MTHUN DPE YOD PAR BSTAN PA'O, ,DANG PO NI, KHA CIG NA RE, LUD DANG POS 'JIG RTEN NA ZLA BA GCIG LAS MED PA'I RGYU MTSAN GYIS, YOD BA DE RI BOD CAN ZLA BA'I SGRAS BRJED RUNG DU SGRUB PA'I RTAGS THUN MONG MIN PAR BSTAN PA YIN NO ZHE NA, SHES BYA CHOS CAN, RI BONG CAN NI ZLA BA MA YIN TE, YOD PA'I PHYIR, ZHES PA'I DPE GCIG PO 'DI NYID KYI DBANG DU BYAS NAS NI, SGRA LAS BYUNG BA'I GRAGS PA ZHES DE SKAD DU BSHAD PAR THAL, PHYOGS SNGA DE'I PHYIR; 'DOD NA, LUNG GNYIS PAS DE SKAD DU BSHAD PA MIN PAR THAL, GRAGS PAS GNOD PA'I MTSAN NYID KYIS MTSAN GZHI LA KHYAB PAR BSTAN PA'I PHYIR TE, RI BONG CAN ZLA BA'I SGRAS BRJOD MI RUNG LA GRAGS PAS GNOD PA DE BZHIN DU, DA TRIG

, ,SHING SGRAS BRJOD RUNG MIN ZHES BRJOD PA LA'ANG GRAGS PAS GNOD PAR BSTAN PA'I PHYIR RO, SHES BYA CHOS CAN, RI BONG CAN ZLA BA'I SGRAS BRJOD RUNG DU SGRUB PA'I MTHUN DPE MED PA MA YIN TE, 'JIG RTEN 'DIR YANG GA PUR DANG DNGUL CHU SOGS LA ZLA BA'I SGRAS RJOD PAR MTHONG BA'I PHYIR, ZLA BA ZHES PA'I SGRAS CHOS CAN, RI BONG CAN LA THUN MONG MIN PAR 'JUG RUNG NYID KYANG CI YIN TE MA YIN PAR THAL, BRDA LAS 'JUG PAR 'GYUR BA YIN PA'I PHYIR, GAL TE RI BONG CAN LA LA KHO NAR ZLA BA ZHES PA'I SGRA DE GRUB PO ZHE NA, DE NI CHOS CAN, RI BONG CAN LA DNGOS STOBS LAS GRUB PA YIN PAR THAL, RI BONG CAN KHO NA LA GRUB PA'I PHYIR, RI BONG CAN LA GRAGS PAS GRUB PAR KHAS LEN NO ZHE NA, RI BONG CAN MIN PA DNGUL CHU SOGS LA'ANG GRAGS PAS 'JUG PA BZLOG TU MED PAR THAL, RI BONG CAN LA GRAGS PAS GRUB PA GANG ZHIG, RGYU MTSAN MTSUNGS PA'I PHYIR, DNGUL CHU SOGS CHOS CAN, ZLA BA ZHES PA'I SGRA RGYU MTSAN GYI DBANG GI 'JUG STE, DKAR BA DANG BSIL BA SOGS DNGOS PO LA NI GRUB PA'I PHYIR ZHE NA, RI BONG CAN LA'ANG CHOS CAN, ZLA BA ZHES PA'I SGRA RGYU MTSAN GYI DBANG GI 'JUG PA BZLOG PA MED PAR THAL, RTAGS 'DRA RTAGS MA GRUB STE, DKAR BA DANG BSIL BA'I DNGOS PO DE MED DO ZHE NA, RI BONG CAN LA CHOS CAN, ZLA BA ZHES PA'I SGRA BZLOG KYANG GRAGS PAS GNOD PA'I NYES PA YOD PA MIN PAR THAL, ZLA BA ZHES PA'I SGRA DE RGYU MTSAN CAN GYI SGRA GANG ZHIG, KHYOD LA ZLA BA ZHES PA'I SGRA 'JUG PA'I RGYU MTSAN MED PA'I PHYIR TE, RGYU MTSAN CAN GYI SGRA RGYU

MTSAN MED PAR MI 'JUG PA DE'I PHYIR, SHES BYA CHOS CAN, DNGOS PO LA 'JUG PA'I NGES PA MED PAR, BRDAL LTOS PA CAN GYI ZLA BA ZHES PA'I SGRA LAS BYUNG BA'I CHOS RNAMS KYIS BRJOD DU RUNG BA DON RNAMS NYID YIN TE, ZLA BA ZHES PA'I SGRA 'DOD PAS 'JUG PA LA GEGS BYED PA MED PA'I PHYIR RO, GAL TE GA PUR SOGS LA LA KHO NAR ZLA BA ZHES PA'I SGRA DE RGYU MTSAN GYI DBANG GI GRUB BO ZHE NA, ZLA BA ZHES PA'I SGRA DE NI CHOS CAN, GA PUR SOGS LA DNGOS STOBS LAS GRUB PA YIN PAR THAL, , DE LA RGYU MTSAN GYIS 'JUG PA'I PHYIR, DE LA GRAGS PAS GRUB PAR KHAS LEN NO ZHE NA, RI BONG CAN LA'ANG CHOS CAN, ZLA BA'I SGRA RGYU MTSAN GYIS DBANG GIS 'JUG KYANG, GRAGS PAS GRUB PA BZLOG TU MED PAR THAL, GA PUR SOGS LA RGYU MTSAN GYI DBANG GI 'JUG KYANG GRAGS PAS GRUB PA GANG ZHIG, RGYU MTSAN MTSUNGS PA'I PHYIR, CHOS CAN, ZLA BA'I SGRAS BRJOD MI RUNG DU DAM 'CHA' BA MI RIGS TE, KHYOD ZLA BA'I SGRAS BRJOD DU RUNG BA NYID DE 'GOG PA LA, ZLA BA ZHES PA'I BRDA 'GOG PA MED PA LAS SKYES PA'I GRAGS PA ZHES BYA BA'I RJES SU DPAG PA ZLA BA'I SGRAS BRJOD DU RUNG BA'I YUL CAN GYIS GNOD PAR BYED PA'I PHYIR, BSHAD MA THAG PA'I RIGS PA 'DIS NI CHOS CAN, RI BONG CAN SOGS DE DAG RNAMS ZLA BA'I SGRAS BRJOD RUNG DER 'GOG PA NI 'GAL BAR BSTAN PA YIN TE, BRDA'I RJES SU 'JUG PA'I SGRA RNAMS LA NI DON MTHA' DAG CIG TU NGES PA YOD PA MIN NO ZHES BRJOD PA'I PHYIR, GSUM PA DON BSDU BA NI, RI BONG CAN CHOS CAN, 'TSENG BYED CES PA'I RGYU MTSAN GYI

, ,SGRA'I DON YIN PA 'GOG PA LA GRAGS PAS GNOD PA MED DE, KHYOD 'TSED BYED MIN PA DES NA'O, ,CHOS CAN, ZLA BA ZHES PA'I SGRA RNAMS KYI NI DON, DON DAM PA NYID 'GOG BA LA GRAGS PAS GNOD PA MED PAR BSTAN PA YIN TE, DON DAM PAR ZLA BA'I SGRAS BRJOD RUNG MIN PA'I PHYIR, LNGA PA GRAGS PA LOGS SU 'CHAD PA'I RGYU MTSAN NI, GRAGS PA'I RJES DPAG CHOS CAN, RJES DPAG LAS PHYI ROL TU GYUR PA MA YIN TE, RTAGS LA BRTEN NAS DAM BCA' LTAR SNANG GI DON LA GNOD BYED KYI TSAD MA YIN PA DES NA'O, ,DE LTAR NA'ANG, GRAGS BA'I RJES DPAG RJES DPAG LAS THA DAD DU BYAS PA CHOS CAN, DON YOD DE, GRAGS PA'I RJES DPAG GI THUN MONG MA YIN PA'I YUL GYI KHYAD PAR NI BSTAN PA'I PHYIR DU YIN PA'I PHYIR; DPER NA, SNGA MA YID CHES BZHIN NO, ,'O NA, YID CHES DANG GRAGS PA'I RJES DPAG GI THUN MONG MA YIN PA'I YUL GYI KHYAD PAR BSTAN PA'I PHYIR DU, DE GNYIS RJES DPAG LAS THA DAD DU BSTAN PAR GANG LAS SHES ZHE NA, YID CHES DANG GRAGS PA'I RJES DPAG 'DI GNYIS NI CHOS CAN, RJES DPAG TU GRUB PA YIN YANG RJES DPAG LAS THA DAD DU BSHAD PA LA DGOS PA YOD DE, RIM PA BZHIN DU RANG 'GAL GYI DAM BCA' LA KHAS BLANGS DANG GRAGS PAS GNOD PA'I DGOS PA BSTAN PA'I PHYIR DU, RANG 'GAL GYI DAM BCA' LA GNOD PA 'BAB TSUL RGYU MTSAN DANG BCAS BA RGYAS PAR RAB TU BRJOD PA'I PHYIR, MNGON SUM DANG DNGOS STOBS RJES DPAG CHOS CAN, RANG 'GAL GYI DAM BCA' LA GNOD PA 'BAB TSUL RGYAS PAR BSHAD PA MIN

PA'I RGYU MTSAN YOD DE, RANG 'GAL GYI DAM BCA' LA DNGOS PO'I STOBS KYIS GNOD BA'I PHYIR, GSUM PA MNGON SUM GYIS MA BSAL BA RGYAS PAR BSHAD BA LA GNYIS, DON SMOS PA'I DGOS PA, MNYAN BYA SMOS PA'I DGOS PA'O, ,DANG PO NI, MNGON SUM GYIS GNOD BA RTOGS SLA BAS SLOB DPON GYIS RGYAS PAR MA GSUNGS MOD, 'DI LA YANG BRJOD PAR BYA BA YOD DO, ,JI LTAR YOD CE NA, DON ZHES BSHAD PA CHOS CAN, DON YOD DE, SGRA DE NYAN SHES LA SPYI GSAL GNYIS MED PAR GSAL BAR SNANG BAR GYUR PA DE RTOGS PA'I DON YIN PA'I PHYIR, SHES BYA CHOS CAN, SGRA DE NYAN SHES LA SPYI GSAL GNYIS SU SNANG BA MED DE, SGRA NI LDOG PA DU MA'I DNGOS PO NYID DU GRAGS PA'I NGO BO NYID GANG ZHIG, SPYI GSAL SNA TSOGS SU SNANG BA'I BLO NYAN SHES SKYE BA MED PA'I PHYIR, SGRA MNYAN BYA YIN PA 'DI NI CHOS CAN, KHYOD SPO NGA NA MNGON SUM GYIS GNOD PAR 'GYUR TE, KHYOD MNGON SUM GYIS GRUB PA'I PHYIR, SGRA'I NGO BO DE NYID CHOS CAN, KHYOD LA DON ZHES BSHAD DE, DON DAM PAR GRUB PA'I PHYIR, LHAG MA LDOG PA'I MTSAN NYID CAN GYI SPYI NI CHOS CAN, DBANG MNGON GYI DNGOS KYI SPYOD YUL MIN TE, DNGOS MED KYI NGO BO YIN PA DE'I PHYIR, GNYIS PA NI, SGRA LA MNYAN BYA'I MING GIS SMOS PA CHOS CAN, DON YOD DE, SPYI'I CHOS RNAMS NI SPONG YANG MNGON SUM GYIS GNOD PA YOD PA MIN NO ZHES BSTAN PA YIN PA'I PHYIR TE, SBYI'I CHOS RNAMS NI MNGON SUM GYI YUL MIN PA'I GRUB PA'I PHYIR, SGRA RANG MTSAN MIN ZHES SMOS PAS CHOG MOD, CI'I PHYIR SGRA MNYAN BYA MIN ZHES SMOS ZHE NA, SGRA CHOS CAN, DON DAM PAR RANG MING GIS

, ,BRJOD MI NUS TE, DON DAM PAR RNAM PA KUN DU SGRAS BRJOD BYA'I DNGOS PO MIN PA'I PHYIR, MNYAN BYA'I MING GIS SMOS PA LA DGOS PA LHAG PO YOD DE, DBANG PO'I MNGON SUM GYI SBYONG YUL SGRA LA MNYAN BYA'I MING GIS BSHANG PA CHOS CAN, DON YOD DE, SGRA MNYAN BYAR GRUB PA NYAN SHES DE LA BRTEN PA'I PHYIR DANG, NYAN SHES DE'I STOBS KYIS SGRA MNYAN BYA MIN PA LA GNOD PAR RTOGS PA'I CHED YIN PA'I PHYIR, GNYIS PA CHOS CAN GANG LA MA BSAL BA LA GSUM, DNGOS, RTZOD SPANG, DON BSDU BA'O, ,DANG PO LA GNYIS, SKABS KYI CHOS CAN LA GNOD PAS BSGRUB BYA LA GNOD, 'BREL MED KYI CHOS CAN LA GNOD PAS BSGRUB BYA LA MI GNOD PA'O, ,DANG PO NI, MNGON SUM DON DANG RJES DPAG DANG, ,YID CHES GRAGS BSAM BSAL BA'O, ZHES SMOS PAS CHOG MONG, CI'I PHYIR RANG RTEN LA ZHES SMOS ZHE NA, RANG RTEN LA ZHES SMOS PA CHOS CAN, DON YOD DE, KUN DU RGOL BA BDAG NYID KYIS BSGRUB BYAR 'DOD PA'I CHOS GANG YIN PA'I CHOS DE DANG LDAN PA'I CHOS CAN LA GNOD NA BSGRUB BYA LA GNOD BAR 'GYUR GYI, CHOS GZHAN GYI NI CHOS CAN LA GNOD PAS BSGRUB BYA LA GNOD PA MIN NO ZHES RTOGS PA'I CHED YIN PA'I PHYIR, BYAS PA CHOS CAN, RTAG PA NAM YON LA GNOD PAS SGRA MI RTAG PAR SGRUB PA'I RTAGS 'GAL BA MIN TE, SKABS SU BAB PA LAS GZHAN DU CHOS CAN GZHAN LA NI GNOD KYANG, SGRA MI RTAG PA 'GRUB PA 'DI LA CI ZHIG BKAG PA MED PA YIN PA'I PHYIR, RANG RTEN LA SMOS PA DON MED PAR THAL, 'BREL MED KYI CHOS CAN LA GNOD PAS

BSGRUB BYA LA MI GNOD PA'I DON 'DI, RANG NYID DANG 'DOD PA ZHES PA'I TSIG LAS RTOGS PA'I PHYIR ZHE NA, DE LTA BU'I DON 'DI BSGRUB BYA'I MTSAN NYID 'CHAD PA'I TSIG ZUR GYI RANG NYID DANG 'DOD PA ZHES PA'I TSIG GIS RTOGS KYANG, RANG GI CHOS CAN SMOS PAS NI CHOS CAN, DON YOD DE, SKABS KYI CHOS CAN LA NI GNOD PAS KYANG BSGRUB BYA LA GNOD PAR 'GYUR RO ZHES NI GRUB PA'I DON YIN PA'I PHYIR TE, RTEN NI 'GAL BAR GYUR PA YIS DE LA BRTEN PA NI 'GAL BA'I PHYIR, SHES BYA CHOS CAN, RANG RTEN LA SMOS PA LAS GZHAN DU TSOGS DON DE LA GNOD PA NYID BSGRUB BYA LA GNOD PA YIN PAR SEMS PA SRID DE, RGOL BAS 'DOD PA DE LTA BU'I RNAM PA CAN GYI CHOS, CHOS CAN GYI STENG DU BSGRUB BYA YIN ZHES BRJOD PA'I PHYIR, RANG GI CHOS CAN SMOS PA CHOS CAN, DON YOD DE, TSOGS DON LA GNOD PA KHO NA BSGRUB BYA LA GNOD PA YIN NAM SNYAM DU SEMS PA BZLOG PA'I CHING YIN PA DES NA'O, ,GNYIS PA NI, CHOS CAN LA GNOD PAS BSGRUB BYA LA GNOD PA 'DI YANG RANG NYID DANG 'DOD PA'I TSIG GI DON GYIS GRUB BA MIN NAM ZHE NA, BDEN TE, 'ON KYANG RGOL BA 'GA' ZHIG CHOS CAN NI 'BA' ZHIG PA BKAG PA LA YANG NI RTAGS SKYON DANG LDAN PAR KHAS LEN TE, DPER NA, SANGS RGYAS BAS MKHA' SOGS CHOS CAN, RKYEN GZHAN NGAG GIS SNGON MED PA'I RANG BZHIN BSKYED DU MED PA'I RTAG RDZAS MIN TE, CIG CAR SGRO SOGS KYI RGYU MIN PA'I PHYIR ZHES BSHAD PA LA, BYE BRAG PAS SUN 'BYIN PA, CIG CAR SGRA SOGS KYI RGYU MIN PA CHOS CAN, NAM MKHA' RTAG RDZAS MA YIN PAR SGRUB PA'I RTAGS 'GAL BAR

, ,THAL, RTAG RDZAS BKAG BA DE BZHIN DU, MKHA' SOGS CHOS CAN GYI NGO BO'ANG DNGOS MED DU BSTAN BA'I PHYIR, ZHES BRJOD BA BZHIN NO, ,DE LA LAN JI LTAR 'DEBS ZHE NA, CHOS CAN, DNGOS GYUR GYI NAM MKHA' BKAG PAS, DE SGRUB KYI RTAGS 'GAL BA MA YIN BAR THAL, DE BKAG BAS DE LTAR SGRUB PA'I 'DOD PA'I BSGRUB BYA LA GNOD PA 'GA' YANG MED BA NYID YIN PA'I PHYIR, SHES BYA CHOS CAN, RANG RTEN LA ZHES PA 'DIS NI CHOS CAN LA GNOD PA GANG GIS BSGRUB PAR BYA PA'I CHOS 'GOG BAS, BSGRUB BYA DE LA GNOD CES BSTAN PA YIN TE, CHOS DANG CHOS CAN GNYIS KA'I TSOGS DON BSGRUB BYA NYID YIN PA'I PHYIR, CHOS CAN, 'BREL MED KYI CHOS CAN 'BA' ZHIG BA LA GNOD PAS, BSGRUB BYA LA GNOD PA MIN TE, RGOL BAS ZHE BAS 'DOD BA DE LTA NYID DU CHOS KYIS KHYAD PAR DU BYAS PA'I CHOS CAN YANG BSGRUB BYA NYID YIN BA'I PHYIR, GNYIS PA NI, GAL TE SKABS KYI CHOS CAN LA GNOD BAS, BSGRUB BYA LA GNOD BA DE LTA NA, SANGS RGYAS PAS GRANGS CAN LA GNOD BYED BRJOD BA 'DIR GNOD BYED YOD DE, BDE SOGS CHOS CAN, RKYEN GZHAN GYIS SKYED NUS MIN PA'I RTAG RDZAS MA YIN TE, CIG CAR SGRA SOGS KYI RGYU MA YIN PA'I PHYIR, ZHES BYA BA LA SNGA MA BYE BRAG PA BZHIN DU RGOL LO, ,GAL TE SBYOR BA 'DI LA MED DGAG GTAN TSIGS SU NI NGES NA, RTAGS 'GAL BAR 'GYUR BA NYID YIN YANG, RIM BZHIN DON BYED PA RTAGS YIN LA, RIM BZHIN DON BYED PA CHOS CAN, BDE SOGS MI RTAG BAR SGRUB PA'I RTAGS 'GAL BA MA YIN TE, KHYOD DANG MI RTAG PA

NYID 'GAL BA MED PA'I PHYIR, 'O NA, BKONG TSOD KYI RTAGS DE CIR 'GYUR ZHE NA, CIG CAR SGRA SOGS KYI RGYU MIN PA 'DI NI CHOS CAN, DE SGRUB KYI LHAG LDAN GYI KHYAD PAR DU 'DOD DE, DE SGRUB KYI LDOG KHYAB LA THE TSOM ZA BAS NA'O, ,GSUM PA NI, RANG RTEN ZHES SMOS PA CHOS CAN, SKABS KYI CHOS DE'I RTEN LA NI GNOD NA BSGRUB BYA LA GNOD PA YIN GYI, CHOS CAN 'BA' ZHIG PA NYID DAM, CHOS GZHAN GYI RTEN LA GNOD PAS BSGRUB BYA LA GNOD PA MIN NO ZHES BSTEN TE, GANG GI PHYIR, RGOL BA RANG NYID 'DOD PA'I CHOS CHOS CAN GYI STENG DU BSGRUB BYA YIN PA DE'I PHYIR, RANG GI CHOS CAN ZHES SMOS PA CHOS CAN, DON YOD DE, CHOS CAN GZHAN LA GNOD NA YANG SKABS KYI BSGRUB BYA LA GNOD PA MIN NO ZHES BRJOD PA'I PHYIR, DPER NA, RANG NYID KYI SGRA YIS RTZOM GZHAN LA GNOD BAS, SKABS KYI BSGRUB BYA LA GNOD PA MIN NO ZHES BSTAN PA DE BZHIN NO, ,GNYIS PA DAM BCA' LTAR SNANG GI DPE LA GNYIS, KHYAD PAR MA GRUB PA LA SOGS PA PHYOGS SKYON MIN PA'I TSUL, CHOS KYI KHYAD PAR MA GRUB PA LA SOGS PA LA GNOD TSUL LO, ,DANG PO NI, KHYAD PAR MA GRUB PA DANG, KHYAD BAR CAN MA GRUB PA DANG, GNYIS KA MA GRUB PA LA SOGS PA PHYOGS SKYON DU MI STON PA'I RGYU MTSAN CI YIN, KHYAD PAR MA GRUB PA NI GRANGS CAN GYI NGOR SGRA MI RTAG CES PA LTA BU, KHYAD PAR CAN MA GRUB PA NI, BDAG NI THAMS CAD LA KHYAB PA'O ZHES PA LTA BU, GNYIS KA MA GRUB PA NI, BDAG NI 'PHROD PA 'DU BA CAN GYI RGYU'O ZHES PA LTA BU'O, ,DE DAG PHYOGS SKYON YIN TE, PHYOGS 'GRUB

, ,PA LA GNOD PA'I PHYIR ZHE NA, SGRUB BYED KYI SKYON NI THAMS CAD CHOS CAN, PHYOGS SKYON DU THAL, PHYOGS 'GRUB PA NYID LA NI GNOD PAR 'GYUR BA'I PHYIR, 'DOD PA DE LTA NA'ANG, RTEN CHOS CAN SOGS MA GRUB PA PHYOGS SKYON MIN PAR THAL, DAM BCA' BA TZAM DANG 'BREL BA'I NYES PA DE PHYOGS SKYON YIN GYI, YAN LAG PHYI MA RTAGS DPE LA LTOS PA'I SKYON GANG YIN PA DE NI, RTAGS DPE DE NYID DANG RJES SU 'BREL BA'I SKYON YIN NO ZHES BSHAD PA DE'I PHYIR GNYIS PA LA GSUM, CHOS KYI NGO BO BSAL BAS MTSON TE BSTAN CHOS KYI KHYAD PAR BSAL BA RGYAS PAR BSHAD, DES CHOS CAN LA GNOD TSUL GNYIS KYANG RTOGS PAR BYA BA'O, ,DANG PO NI, KUN LAS BTUS SU, CHOS KYI NGO BO LA GNOD PA'I DAM BCA' LTAR SNANG LA MNGON SUM SOGS KYIS GNOD PA 'BAB TSUL RGYAS PAR BSTAN LA ,CHOS KYI KHYAD PAR DANG, CHOS CAN GYI KHYAD PAR DANG, CHOS CAN RANG GI NGO BO LA GNOD PA'I DAM BCA' LTAR SNANG LA, MNGON SUM SOGS KYIS GNOD PA 'BAB TSUL RGYAS PAR MI STON PA'I RGYU MTSAN CI ZHE NA, KUN LAS BTUS SU, CHOS KYI NGO BO LA GNOD PA'I DAM BCA' LTAR SNANG LA GNOD PA 'BAB TSUL RGYAS PAR BSTAN PA 'DIS NI CHOS CAN, BSGRUB BYA'I YAN LAG TU GYUR PA'I CHOS CAN GYI KHYAD PAR DANG, CHOS KYI KHYAD PAR DANG, CHOS CAN RANG GI NGO BO LA GNOD PA'I DAM BCA' DAG NI, DAM BCA' LTAR SNANG DU BSTAN PA YIN TE, 'DOD YUL GYI BSGRUB BYA LA GNOD PA'I DAM BCA' THAMS CAD DAM BCA' LTAR SNANG DU BSTAN PA'I PHYIR, GNYIS PA LA GNYIS,

DAM BCA' NGOS GZUNG, GNOD BYED BSTAN PA'O, ,DANG PO NI, BYE BRAG PA'I CHOS KYI KHYAD PAR LA GNOD PA'I DAM BCA' LTAR SNANG GI DPE LA GNOD PA'I TSUL NI PHYOGS TZAM BRJOD PA CHOS CAN, DON YOD DE, BYE BRAG PA'I CHOS CAN GYI KHYAD PAR DANG, CHOS CAN RANG GI NGO BO LA GNOD PA'I DAM BCA' DE LA, GNOD TSUL GYI DON NI BSTAN PA'I DON DU YIN PA'I PHYIR, 'O NA, CHOS KYI KHYAD PAR LA GNOD PA'I DAM BCA' DE GANG ZHE NA, SHES BYA CHOS CAN, BYE BRAG PAS RDUL PHRAN TSUN LDAN PAS BRTZAMS PA'I DON RDZAS KYI MTSAN NYID GSUM GYIS KHYAD PAR DU BYAS PA CAN, MNGON SUM GYIS MTHONG BA LA BRTEN PA'I YAN LAG CAN YAN LAG LAS RDZAS GZHAN DU YOD PAR DAM BCAS PA YIN TE, MNGON SUM GYIS MA MTHONG ZHING CHOS GSUm GYIS KHYAD PAR DU BYAS PA CAN MIN PA'I YAN LAG CAN, YAN LAG LAS RDZAS GZHAN DU DAM BCAS PA LA DGOS PA MED PA'I PHYIR TE, MA MTHONG BA RDUL PHRA RAB LA SGRIB THOGS SOGS KYI 'BRAS BU MED PAR MTHONG NAS, SGRIB THOGS SOGS BSGRUB PA'I PHYIR DU, YAN LAG CAN RDZAS GZHAN BSGRUB PAR 'DOD PA'I PHYIR DANG, CHOS GSUM GYIS KHYAD PAR CAN DU BYAS PA MIN PA'I YAN LAG CAN YAN LAG LAS GZHAN DU YOD PA NI SGRUB NA, GRUB ZIN SGRUB PA NYID DU 'GYUR BA'I PHYIR, GNYIS PA LA GNYIS, DNGOS, DE'I LAN DGAG PA'O, ,DANG PO NI, 'O NA, DAM BCA' DE LA GNOD PA 'BAB TSUL JI LTA BU ZHE NA, LCID MNYAM KYI 'JIM RIL BCU TSAN GNYIS LA, SDOM THOBS DGU BYAS PA'I 'JIM RIL 'DI CHOS CAN, YAN

, ,LAG LA MED PA'I YON TAN LCID DANG, DES DRANGS PA'I BYA BA MED PAR THAL, GAL TE YAN LAG LA MED PA'I YON TAN LCID DANG, DES DRANGS PA'I 'OG TU 'GRO BA'I BYA BA YOD PAR 'GYUR NA, MA BSDOMS PA'I 'JIM RIL BCU PO DE DANG, SRANG GRANGS MNYAM PO LA BCAL BA NA, KHYOD SRANG MGO NI DMA' BA DAG TU 'GYUR DGOS PA LA DE LTAR MI 'GYUR BA'I PHYIR, 'DOD NA, CHOS CAN, YAN LAG LA MED PA'I YON TAN LCID DANG, DES DRANGS PA'I BYA BA 'PHROD PA 'DU BA CAN GYI RGYU MIN PAR THAL, 'DOD PA DE'I PHYIR, CHOS GSUM GYIS KHYAD PAR DU BYAS PA'I YAN LAG CAN DE TSAD MAS MTHONG BA MIN TE, DE'I 'BRAS BU DANG NGO BO DAG TSAD MAS MTHONG BA MED PA'I PHYIR, BYE BRAG PAS YAN LAG CAN YAN LAG LAS RDZAS GZHAN DU DAM BCAS PA CHOS CAN, MI RIGS TE, CHOS GSUM GYIS KHYAD PAR DU BYAS NAS YAN LAG CAN RDZAS GZHAN DU DAM BCAS PA GANG ZHIG, GANG MED NA MI 'BYUNG BA'I KHYAD PAR GZHAN CHOS GSUM PO LA TSAD MAS GNOD PA YIN PA'I PHYIR, GNYIS PA NI, RDUL PHRA MO NAS BRTZAMS TE RDZAS KYI PHRENG BA DAG, SRANG LA BCAL BA NYID KYI PHYIR NA, YAN LAG CAN RDZAS GZHAN GYI LCID NYID MI RTOGS TE, RAS BAL GYI 'DAB MA PHRA MO NYID BZHAG PA'I LCID SRANG GIS MI RTOGS PA BZHIN ZHES BYE BRAG PA GZHAN DAG ZER RO, ,SHES BYA CHOS CAN, RGOL BA DE'I LUGS LA LCID MNYAM PA'I 'JIM RIL BCU TSAN GNYIS LAS GCIG CIG CAR LDAN PA DANG, GCIG SO SOR LDAN PA'I RDUL SOGS DAG, SO SOR LHAN CIG

BCAL BA NA LCID NI CHE CHUNG THA DAD DU 'GYUR BAR THAL, DE GNYIS LA SRANG GIS RTOGS PA'I LCID DU MA YOD MED THA DAD PA DE'I PHYIR, LCID LHAG PO YOD PA'I SKYON MED DE, YAN LAG CAN PHYI MA SKYES PA'I TSE SNGA MA ZHIG PA'I PHYIR ZHE NA, RIM GYIS BSDOMS PA'I GSER MA SHA KA LDA PO DE CHOS CAN, KHYOD DANG MA BSDOMS PA'I MA SHA KA LNGA PO DE MA SHA KA LNGA TZAM LA SOGS PA'I RIM PA YIS GRANGS MTSUNGS PAR NI MI RUNG BAR THAL, KHYOD LA YAN LAG CAN GYI LCID GCIG LAS MED, DE LA YAN LAG CAN GYI LCID LHAG PO LNGA YOD PA'I PHYIR RO, ,GAL TE RDUL YUNGS KAR TZAM NAS BRTZAMS TE TSOGS PA CHEN PO GONG NAS GONG DU NI 'PHEL BA DANG LDAN PA'I 'BRAS BU'I PHRENG BA'I LCI BA SRANG GIS RTOGS PA MIN TE, CHUNG BA'I PHYIR ZHE NA, RDUL PHRA RAB NAS YUNGS KAR TZAM GYI BAR GYI LCID DAG KYANG CHOS CA N, SHIN TU RTOGS PAR DKA' PAR THAL, SHIN TU CHUNG BA'I PHYIR, SHES BYA CHOS CAN, YAN LAG CAN DE'I RGYU YAN LAG GI LCI BA NYID SRANG GIS GZHAL BYAR 'GYUR PAR THAL, SRANG GIS GZHAL BA'I LCID YOD, 'BRAS BU YAN LAG CAN GYI LCID NI SRANG GIS MI RTOGS PA'I PHYIR, RTAGS KHAS BLANGS, RAS 'DAB BZHIN ZHES PA'I DPE DON MI MTSUNGS TE, RAS 'DAB MNGON SUM GYIS MTHOR ZHING, DE'I LCID SRANG GIS RTOGS PA GANG ZHIG, YAN LAG CAN RDZAS GZHAN PA'I DON DE MTHONG BA MED CING, DE'I 'BRAS BU'ANG RTOGS PA MED PA'I PHYIR, YON TAN LCID LHAG PO MED KYANG GZUGS SOGS LHAG PO YOD DO ZHE NA, MA SHA KA LA SOGS PA CHOS CAN, YAN LAG LA MED PA'I YON TAN LHAG PO YOD PA MIN

, ,BAR THAL, YAN LAG LA MED PA'I YON TAN LCID NYID RTOGS PA MED PA BZHIN DU, YAN LAG CAN DE'I YON TAN THAMS CAD RTOGS PA MED PA'I PHYIR, 'O NA, SRANG DMA' BA'I KHYAD PAR 'JIN PA MED PA'I PHYIR ZHES LCID KHO NA 'GOG PA CI ZHE NA, SRANG DMA' BA'I KHYAD PAR 'DZIN PA MED PA'I PHYIR ZHES GSUNGS PA DE NI CHOS CAN, YAN LAG LA MED PA'I YON TAN LCID KHO NA 'GOG 'DOD PA MIN TE, YAN LAG LA MED PA'I YON TAN THAMS CAD MED PA NYE BAR MTSON PA'I PHYIR, GSER MA SHA KA CHOS CAN, YAN LAG LA MED PA'I YON TAN GZUGS SOGS LHAG PO MED PAR THAL, DE YOD NA LHAG PO JI LTA BA BZHIN DU, RANG GI DBANG PO'I MNGON SUN GYIS MTHONG DGOS PA LAS MTHONG BA MED PA'I PHYIR, GSUM PA DES CHOS CAN LA GNOD TSUL GNYIS KYANG RTOGS PAR BYA BA NI, BYE BRAG PAS YAN LAG RNAMS LAS YAN LAG CAN RDZAS GZHAN DU YOD PA'I DAM BCA' CHOS CAN, DAM BCA' YANG DAG MA YIN TE, KHYOD KYI DON LA BYE BRAG PA'I KHAS BLANGS DANG RANG GI TSIG 'GAL BA DANG, MNGON SUM DANG RJES DPAG DANG GRAGS PA SOGS KYIS, CI RIGS PAR GNOD PA DAG NI SRID PA'I PHYIR, BYE BRAG PA'I CHOS KYI KHYAD PAR LA GNOD PA'I DAM BCA' LA GNOD TSUL JI SKAD BSHAD PA'I PHYOGS KYIS NI CHOS CAN, DON YOD DE, BYE BRAG PA'I CHOS CAN GYI KHYAD PAR DANG CHOS CAN RANG GI NGO BO LA GNOD PA'I DAM BCA'I DPER BRJOD LA GNOD PA 'BAB TSUL DANG BCAS PA GZHAN YANG RTOGS PAR BYA BA'I CHED YIN PA'I PHYIR, GNYIS PA GZHAN LUGS DGAG PA LA GNYIS ,BSGRUB BYA DGAG, RTAG

DAM BCA' DANG 'GAL BA'I DPE DGAG PA'O, ,DANG PO LA GSUM, MTSAN NYID DGAG, MTSAN GZHI GANG YIN BRTAGS LA DGAG, KHO NA'I SBYAR SA LA BRTAGS NAS DGAG PA'O, ,DANG PO NI, TSAD MA MDOR, BSGRUB BYA STON PA ZHES 'DI LA, ,GRUB PA MED LA DON BYAS NYID, ,DE LTA NA NA RTAGS DANG DPE, ,MA GRUB BRJOD PA THAL BAR 'GYUR, ZHES PA'I DON 'CHAD PA LA, RIGS PA CAN PA NA RE, BSGRUB PAR BYA BA BSTAN PAR BYA BA DE, BSGRUB BYA'I MTSAN NYID YIN NO ZHE NA, DPE RTAGS MA GRUB PA DE LTA BU'I BDAG NYID MIN BZHIN DU, PHYI RGOL GZHAN DZAG LA SGRA MI RTAG SGRUB LA BYAS PA RTAGS SU BKOD PA DE'I TSE, DPE RTAGS MA GRUB PA DE CHOS CAN, RGOL BAS BSGRUB BYAR MI 'DOD NA'ANG BSGRUB BYAR 'GYUR BAR THAL, BSGRUB PAR BYA BA BSTAN PAR BYA BA YIN PA'I PHYIR, MA 'ONGS PA NA BSGRUB BYA YIN PA'I PHYIR, KHYAB STE, BSTAN BYA BA DE DUS GSUM GA LA 'JUG PA'I YUL CAN YIN PA'I PHYIR, BSGRUB PAR BYA BA BSTAN PAR BYA BA ZHES PAS RGOL BAS BSGRUB BYAR 'DOD PA KHO NA BSGRUB BYAR STON PA YIN NO ZHE NA, BSGRUB BAR BYA BA BSTAN PAR BYA BA ZHES PA'I SGRA CHOS CAN, RGOL BAS BSGRUB BYAR 'DOD PA'I KHYAD PAR KHO NA GO BA LA BRTEN PA MIN TE, SHES BYED SKABS KYI MA GRUB PA THAMS CAD RTOGS PAR BYED PA YIN PA'I PHYIR, RIGS PA CAN PA'I BSGRUB BYA'I MTSAN NYID LA DPE DANG GTAN TSIGS DAG MA GRUB PA SUN 'BYIN GYI DPER NI BYAS PA LA RGYU MTSAN YOD DE, RIGS PA CAN PAS SHES BYED SKABS KYI MA GRUB PA THAMS CAD BSGRUB BYAR BSTAN PA DES NA'O, ,DE LAS GZHAN DU MA GRUB PA TZAM BSGRUB BYA'I MTSAN NYID

, ,YIN NA, RI BONG RVA LA SOGS PA MA GRUB PA KUN KYANG BSGRUB BYAR 'DOD PAR 'GYUR RO, ,DPE RTAGS MA GRUB PA CHOS CAN, BSGRUB BYA MA YIN TE, LAS BYA BYED GSUM GYI NANG NAS LAS MIN PA'I PHYIR DANG, KHYOD RJOD PA DAM BCA'I YAN LAG MA YIN PA'I PHYIR DANG, GRUB MTHA' BZHI YI NANG NAS KHAS BLANGS PA'I GRUB MTHA' MA YIN PA'I PHYIR ZHE NA, DE THAMS CAD CHOS CAN, LAS MIN PA LA SOGS PA'I KHYAD PAR NYE BAR BKOD PA YI LAN GYIS, BSGRUB BYA LAS RNAM PAR 'BYED NUS PA MA YIN PAR THAL, PHYI RGOL GYIS RNAM PA 'GAS MA GRUB PA'I PHYIR, CHOS CAN, BSGRUB BYA BRJOD PA DAM BCA'I YAN LAG GO ZHES BA'I LAN GYIS BSGRUB BYA MA YIN PAR RUNG BA MA YIN PAR THAL, PHYI RGOL GYIS SNGAR MA GRUB PA'I RANG BZHIN YIN PA'I PHYIR, DE YANG CHOS CAN, GRUB MTHA' NYID DU MTSUNGS PAR THAL, RGOL BAS KHAS BLANGS PA YIN PA'I PHYIR, KHYAB PA KHAS BLANGS TE, RGOL BA GANG GIS KHAS BLANGS PA DE, KHAS BLANGS PA'I GRUB MTHA'I MTSAN NYID DU 'GYUR BA'I PHYIR, GNYIS PA NI, SGRA MI RTAG PAR SGRUB PA LA SKYE LDAN RTAGS SU BKOD PA'I TSE NA, MI RTAG PA DANG SGRA DANG TSOGS DON GANG BSGRUB BYA YIN, DANG PO LTAR NA, SKYE LDAN CHOS CAN, PHYI RGOL GYIS KHYOD DANG BUM PA GNYIS MI RTAG PAR CHOS MTHUN PA MA GRUB PAR THAL, MI RTAG PA DE KHYOD KYI BSGRUB BYA YIN PA'I PHYIR, GNYIS PA LTAR NA, SGRA CHOS CAN, SGRA MI RTAG PAR BSGRUB PA'I PHYIR DU RTAGS BKOD PA DON MED PAR THAL, KHYOD DE SGRUB KYI BSGRUB BYA GANG ZHIG, KHYOD PHYI RGOL GYIS GRUB PA'I PHYIR, DE SKAD DU YANG

CHOS BSGRUB BYA NA CHOS MTHUN MED, ,CHOS CAN BSGRUB BYA RTAGS DON MED, CES GSUNGS SO, ,SGRA DANG MI RTAG PA'I TSOGS BA BSGRUB BYA NYID YIN NO ZHE NA, SHES BYA CHOS CAN, SGRA DANG MI RTAG PA GNYIS PO PHAN TSUN KHYAD PAR CAN DU BYAS PA BSGRUB BYAR THAL, PHYOGS SNGA DE'I PHYIR, 'DOD PA DE'I TSE, CHOS CAN, DPE DANG CHOS MTHUN PAS BSGRUB BYA SGRUB PAR BYED PA GTAN TSIGS KYI MTSAN NYID DANG, BSGRUB PAR BYA BA DANG CHOS MTHUN PAS DE'I CHOS YOD PA CAN MTHUN DPE'I MTSAN NYID DU MA GRUB PAR 'GYUR BAR THAL, SGRAS KHYAD PAR DU BYAS PA'I MI RTAG PA BSGRUB BYA YIN PA'I PHYIR, GAL TE DPE RTAGS KYI MTSAN NYID KYI ZUR GYI BSGRUB BYA'I SGRA DE TSOGS DON LA 'JUG PA MI SRID PA'I PHYIR NA, CHOS CAN LA 'JUG PAR 'DOD DO ZHE NA, CHOS CAN, RIGS PA CAN PA'I DPE RTAGS KYI MTSAN NYID STON PA'I BSTAN BCOS CI BYA STE DON MED PAR THAL, DPE RTAGS KYI MTSAN NYID LA CI RIGS PAR DBYAD NAS RGOL BA RANG NYID 'JUG PAR 'GYUR BA'I PHYIR, GSUM PA NI, BSGRUB PAR BYA BA BSTAN PAR BYA BA DE DAM BCA'I MTSAN NYID YIN NA, BSGRUB PAR BYA BA KHO NA BSTAN PAR BYA BA ZHES BSTAN BYA BA'I SNGAR NGES GZUNG SMOS SAM, BSGRUB PAR BYA BA BSTAN PAR BYA BA KHO NA ZHES BSTAN BYA BA'I MJUG TU NGES GZUNG SMOS, DANG PO LTAR NA, GRUB ZIN BSGRUB BYA YIN PA GCANG BA'I PHYIR DU SMOS SAM, SGRUB BYED BSGRUB BYA YIN PA GCAD PA'I PHYIR DU SMOS, DANG PO LTAR NA, BSGRUB BYA NYID YIN NA PHYI RGOL GYIS MA GRUB PA'I DON DE CHOS CAN, KHYOD RTOGS PA'I PHYIR DU RIGS PA CAN PA'I DAM BCA'I MTSAN NYID KYI ZUR DU NGES GZUNG SMOS MI

, ,DGOS PAR THAL, SGRUB BYED DPE RTAGS KYI MTSAN NYID BSTAN PA'I SHUGS NYID LAS KHYOD RTOGS PA'I PHYIR, RTAGS GSAL KHAS BLANGS, GNYIS PA LTAR NA, SGRUB PAR BYED PA CHOS CAN, KHYOD LA BSGRUB BYA YIN NAM SNYAM PA'I DOGS PA'ANG NGES GZUNG GIS GCAD DGOS PA MED PAR THAL, GTAN TSIGS DANG SOGS BAS DPE'I MTSAN NYID KYIS KHYOD BSGRUB PA BYA MIN PAS KHYAB PA DE 'PHANGS PA'I PHYIR, RTAGS KHAS BLANGS, BSTAN BYA BA'I SNGAR NGES GZUNG SMOS NA, RIGS PA CAN PA DE YIS NI DAM BCA'I MTSAN NYID BRJOD PA DON MED DU 'GYUR BA DE'I PHYIR, SHUGS KYIS BSTAN BYA BA'I MJUG DER NGES GZUNG BRJOD DGOS PAS KHYAB PA STE MI LDAN RNAM GCOD KYI 'BRAS BU CAN YIN PAR RTOGS LA, DE LTA NA, DPE RTAGS MA GRUB PA CHOS CAN, BSGRUB BYAR THAL, BSGRUB PAR BYA BA BSTAN PAR BYA BA KHO NA YIN PA'I PHYIR, ZHES PA'I SKYON SO NA GNAS SO, ,GNYIS PA LA GNYIS, 'GAL BA'I DON BRTAGS NAS DGAG, RTAGS KYI DON BRTAGS NAS DGAG PA'O, ,DANG PO NI, RIGS PA CAN PA NA RE, RTAGS DAM BCA' DANG 'GAL BA, DAM BCA'I SKYON YIN TE, DPER NA, SGRA RTAG STE, THAMS CAD MI RTAG PA'I PHYIR ZHES PA LTA BU'O, ,DE RTAGS DAM BCA' DANG JI LTAR 'GAL NA, THAMS CAD MI RTAG NA, SGRA RTAG PAR 'GAL TE, SGRA YANG THAMS CAD KYI NANG DU 'DUS PA'I PHYIR ZHE NA, RTAGS DAM BCA' DANG 'GAL BA'I DON 'DOD YUL GYI BSGRUB BYA DANG 'BREL BA MED PA DE YIN NA, DE'I DON BSGRUB BYA SGRUB PA LA PHAN PA MED PA'AM, SHES 'DOD CHOS CAN LA LHAN CIG MI GNAS PA YIN, DANG PO YIN PA DE LTA NA NI, RTAGS KYI SKYON THAMS CAD CHOS CAN,

DAM BCA'I SKYON DU 'GYUR BAR THAL, BSGRUB BYA SGRUB PA LA PHAN PA MED PA'I PHYIR, 'DOD MI NUS TE, PHYOGS SKYON RTAGS DPE GZHAN LA LTOS PA NI MA YIN ZHES KYANG BSHAD ZIN PA'I PHYIR RO, ,GNYIS PA LTAR NA, RTAGS SHES 'DOD CHOS CAN LA MED PA'ANG CHOS CAN, PHYOGS SKYON MA YIN PAR THAL, PHYOGS CHOS MA GRUB PA'I RTAGS SKYON YIN PA'I PHYIR, GNYIS PA LA GNYIS, MI RTAG PA RTAGS SU MA 'PHANGS PA, THAMS CAD MIN PA RTAGS SU 'PHANGS PA'O, ,DANG PO NI, SGRA RTAGS STE, THAMS CAD MI RTAG PA'I PHYIR, ZHES PA'I SBYOR BA 'DIS, MI RTAG PA'I GTAN TSIGS DANG LDAN PAS SGRA LA MI RTAG PA DE LTAR RJOD PAR BYED NA, DE LTAR SGRA RTAG PA DE NI ZLOG PAR 'GYUR TE, RTAG MI RTAG DNGOS 'GAL YIN PA'I PHYIR, 'ON KYANG DE LTA BU'I SBYOR BA 'DI CHOS CAN, MI RTAG PA RTAGS SU MA 'PHANGS PAR THAL, THAMS CAD MA YIN PA'I RTAGS KYIS, SGRA RTAGS PAR SGRUB PA'I CHOS MI MTHUN DPE'I SBYOR BA LTAR SNANG BSTAN PA NYID LAS DON GZHAN CI ZHIG MTHONG BA YOD DE MED PA'I PHYIR, CHOS CAN, SGRA LA MI RTAG PAS KHYAB PA 'PHANGS PA MA YIN PAR THAL, KHYAD PAR SGRA PA NI GZHAN RTAG PA BRJOD NAS, THAMS CAD MI RTAG CES SBYIR BTAGS GI TSIG NI RJES SU 'JUG PAS NA'O, ,CHOS CAN, SGRA RTAGS CES DMIGS KYIS BSAL NAS, THAMS CAD MI RTAG CES SBYIR BTANG GI TSIG NI RJES SU 'JUG PA LA 'BRAS BU'ANG CI ZHIG YOD DE MED PAR THAL, SGRA'ANG MI RTAG PAR 'PHANGS PA'I PHYIR, SHES BYA CHOS CAN, SGRA LA GNAS PA'I MI RTAG PA NYID KYIS, SGRA RTAG PAS SEL ZHES GSUNGS PA'I RGYU MTSAN YOD DE, SGRA MI RTAG NA

, ,RTAG PAR 'GAL BA DE'I PHYIR, GNYIS PA LA GNYIS, DNGOS, DE SGRA LA MA GRUB PA'O, ,DANG PO NI, 'O NA, SBYOR BA DES GANG RTAGS SU 'PHANGS ZHE NA, SBYOR BA DE CHOS CAN, SGRA NI THAMS CAD LAS GZHAN DU BRJOD PA YIN TE, THAMS CAD MI RTAG PAR BRJOD NAS YUL GZHAN SGRA LA NI DE DANG 'GAL BA RTAG PA SMRAS PA'I PHYIR, GNYIS PA LA GNYIS, SHES BYA THAMS CAD MIN PA RTAGS MA GRUB TU BSTAN, SGRA MIN THAMS CAD MIN PA RTAGS MA GRUB TU BSTAN PA'O, ,DANG PO NI, THAMS CAD MIN PA RTAGS SU 'PHANGS PAR NGED KYANG 'DOD DO ZHE NA, SHES BYA THAMS CAD MIN PA RTAGS YIN NAM, SGRA MIN THAMS CAD MIN PA RTAGS YIN, DANG PO LTAR NA, SGRA SHES BYA THAMS CAD MIN PA DE YANG 'THAD PA MA YIN PAR THAL, SGRA YANG THAMS CAD KYI NANG DU 'DUS PA'I PHYIR, KHYAB STE, SPYI SGRA NI KHYAD PAR MI SPONG BA'I PHYIR, RTAGS MA GRUB STE, SGRA KHO NA THAMS CAD MIN ZHES PA'I TSIG GIS SGRA THAMS CAD MA YIN PAR BSTAN PA'I PHYIR ZHE NA, SGRA KHO NA THAMS CAD MIN ZHES PA'I TSIG CHOS CAN, SGRA THAMS CAD MIN PAR BSTAN PA MIN PAR THAL, THAMS CAD CES PA'I MNYAN PA SGRA GCIG NYID LA 'JUG PA 'GOG PAR 'GYUR BA DE TZAM YIN PA'I PHYIR, DPER NA, SKABS 'GAR SHING SHA PA NYID NI SHING MIN ZHES PA'I SGRAS, SHING GI SGRA SHA PA KHO NA LA 'JUG PA BKAG GI, SHA BA LA 'JUG PA MA BKAG PA BZHIN NO, ,SGRA CHOS CAN, THAMS CAD DU MA 'DUS PAR THAL, THAMS CAD NI MA LUS PA YIN LA, KHYOD THAMS CAD KYI PHYOGS GCIG YIN PA'I PHYIR ZHE NA, SGRA LAS GZHAN PA'I KHYAD PAR KUN CHOS CAN, THAMS CAD DU 'DUS PA DE

MED PAR THAL, THAMS CAD KYI PHYOGS GCIG YIN PA'I PHYIR, 'DOD NA, THAMS CAD DER 'DUS PA MED PAR 'GYUR BAR THAL, SGRA DANG SGRA LAS GZHAN PA'I KHYAD PAR KUN THAMS CAD DU MA 'DUS PA'I PHYIR, GNYIS PA LA GNYIS, DNGOS DANG, RTZOD SPANG NGO, , DANG PO NI, GNYIS PA LTAR NA, SHES BYA CHOS CAN, CHOS CAN SGRA DE RANG RTAG PA'I SGRUB BYED DU MA GRUB STE, CHOS CAN GTAN TSIGS KYI DNGOS POR GYUR PA NI SHES BYED PHYOGS CHOS NYID DU MA GRUB PA'I PHYIR TE, PHYOGS CHOS YIN NA SHES BYA SHES BYED THA DANG PA'I PHYIR, GNYIS PA NI, RANG BZHIN GYI RTAGS KUN LA'ANG, GZHI RTAGS THA DAD MED PA'I NYES PA DE MTSUNGS TE, SGRA BYAS MI RTAG PA'I DNGOS PO KUN LA CHOS DANG NI CHOS CAN GYI RNAM DBYE MED PA'I PHYIR ZHA NA, BYAS PA CHOS CAN, SGRA DANG THA DAD MED PA'I NYES PA MTSUNGS PA MA YIN TE, SGRA DANG LDOG PA THA DAD PA'I KHYAD PAR YOD PA'I PHYIR RO, ,KUN RDZOB PA'I DNGOS PO SGRA BYAS MI RTAG THA DAD PA'I CHA RNAMS CHOS CAN, RDZAS GCIG DE NYID DANG RDZAS GZHAN NYID 'GOG PAR 'GYUR TE, NGON DAM PAR NI RNAM PAR DPYAD NA RDZAS DE LTA BUR GYUR PA MA GRUB PA'I PHYIR, SGRA BYAS MI RTAG RDZAS THA DAD MIN NA, DPAG BYA DPOG BYED KYI THA SNYAD MI 'THANG NGO ZHE NA, 'THAD DE, DPAG BYA DPOG PAR BYED PA'I DON GYI THA SNYAD GNAS PA 'DI, SHES PA LA GRUB PA'I THA DAD LA BRTEN NAS RNAM PAR BRTAGS PA YIN PA'I PHYIR TE, RANG MIN LAS THA DAD KYI BDAG NYID CI LTA BA'I RANG MTSAN GYI MTHAR THUG PA'I SHES PA LA, CHOS DANG CHOS CAN THA DANG PAR SNANG BAR GYUR PA DE NI, DPAG BYA DPOG BYED KYI THA SNYAD 'JUG PA'I RTEN YIN PA'I PHYIR, SHES BYA CHOS CAN, CHOS CAN

, ,SGRA DE NYID SGRA RTAG PA'I SGRUB BYED DU BYAS PA DES NA, PHYOGS CHOS MA GRUB PAS BSTAN TE, SGRA DANG SGRA 'DI NI CHOS CHOS CAN GYI THA SNYAD KYIS BZHAG PA'I BLO LA THA DAD DU SNANG BA DANG 'BREL PA MED PA CAN YIN PA'I PHYIR, 'O NA, 'DUS BYAS CHOS CAN, 'DUS BYAS KYI BUM PA MI RTAG PAR SGRUB PA'I PHYOGS CHOS MA YIN PAR THAL, 'DUS BYAS DANG THA DAD MA YIN PA'I PHYIR, 'DOD NA, DE SGRUB KYI RTAGS YANG DAG MA YIN PAR 'GYUR RO ZHE NA, CHOS CAN, 'DUS BYAS KYI BUM PA MI RTAG PAR SGRUB PA'I RTAGS DANG RTAGS CAN THA DAD PA NYID YIN TE, 'DUS BYAS KYI BUM PA DANG LDOG CHOS THA DAD PA'I PHYIR TE, DE BYE BRAG DANG KHYOD DE'I SPYI YIN PA'I PHYIR, DPER NA, RTZOL BYUNG GI SGRA NI CHOS CAN, MI RTAG STE, RTZOL BYUNG NYID KYI PHYIR ZHES PA BZHIN NO, , RTZOL BYUNG CHOS CAN, RTZOL BYUNG GI SGRA MI RTAG PAR SGRUB PA'I PHYOGS CHOS MA YIN PAR THAL, RTZOL BYUNG GI SGRA'I KHYAD PAR BYED CHOS YIN PA'I PHYIR ZHE NA, CHOS CAN, PHYOGS BRTAGS PA BRTZOL SGRA'I BYED CHOS KYI YAN LAG YIN NA'ANG, CHOS CAN RTZOL SGRA DANG THA DAD DU MA GRUB PA MA YIN PAR THAL, DE LTA NA'ANG DE SGRUB KYI BSGRUB BYA 'GRUB PA LA MI GNANG PA'I PHYIR, DPER NA, GONG BU RVA CAN 'DI CHOS CAN, RTA MIN TE, RVA CAN NYID YIN PA'I PHYIR ZHES PA BZHIN, KHYAB PA MA GRUB PA LAS YANG NA, CHOS CAN, RTZOL BYUNG GI SGRA MI RTAG PA BSGRUB BYAR SONG BA'I DUS SU, RTZOL BYUNG GI SGRA'I MTSON BYED KYI YAN LAG MIN TE, DE'I DUS SU DE MTSON ZIN NAS MTSON BYED YIN PA LDOG PA'I PHYIR, MNYAN BYA YANG SGRA RTAG PAR SGRUB PA'I GZHI RTAGS THA DAD MED PAR 'GYUR

RO ZHE NA, KHYAD PAR MNYAN BYA YANG CHOS CAN, SGRA RTAG PAR SGRUB PA'I DAM BCA'I DON GYI PHYOGS GCIG CHOS CAN RTAGS SU BKOD PA'I, GRUB PAR 'THAD PA MA YIN TE, SGRA DANG LDOG CHOS THA DAD YIN PA'I PHYIR, ` ,,GNYIS PA DGOS KYI BRJOD BYA GTAN TSIGS BSHAD PA LA GNYIS, BSTAN, BSHAD DO, ,DANG PO NI, TSAD MA MDOR, GANG PHYIR GTAN CHIGS DAG DANG NI, ,DER SNANG PHAL CHER PHYOGS CHOS NYID, ,DES NA GTAN TSIGS SOGS DON GYI, ,SNGON DU DE DBYE BSTAN PAR BYA, ZHES SOGS KYI DON 'CHAD PA LA, GTAN TSIGS KYI MTSAN NYID MI 'CHAD PAR, CI'I PHYIR DBYE BA 'CHAD CE NA, PHYOGS CHOS CAN DGU'I RAB TU DBYE BA YIS MDOR BSDUS PA NI GSUNGS PA CHOS CAN, DON YOD PA YIN TE, GTAN TSIGS YANG DAG DANG LTAR SNANG GI RAB TU DBYE BA'I DON BDE BAR GZUNG BA GRUB PAR BYA BA'I PHYIR RO, ,BYAS PA CHOS CAN, BUM PA LA RJES 'GRO MED PAR THAL, SGRAS KHYAD PAR DU BYAS PA'I PHYIR ZHE NA, SHES BYA CHOS CAN, CHOS KYI TSIG PHRAD SBYAR SA THA DAD PAR BYED PAS, MI LDAN RNAM GCOD DANG, GZHAN LDAN RNAM GCOD DANG SHIN TU MI SRID RNAM GCOD GO BAR BYED DE, KHYAD PAR DANG KHYAD PAR CAN NGAG DANG BYA BA NGAG DANG NI DES GZUNG LHAN CIG BRJOD PAS, RNAM GCOD GSUM RIM PA BZHIN GO BA'I PHYIR, DES GZUNG DNGOS SUM SBYAR YANG RNAM GCOD GO BA YOD DAM ZHE NA, SHES BYA CHOS CAN, DES GZUNG DE DNGOS SU SBYAR BA MED KYANG RJOD PA PO'I BRJOD 'DOD LAS NGES GZUNG DE'I DON NYID NI RTOGS PAR 'GYUR TE, GANG GI PHYIR NGAG GI 'BRAS BU NI RNAM GCOD GO BA YIN PA'I PHYIR, DPER NA, NAG PA 'PHONG SKYEN ZHES PA'AM, SRID SGRUB 'PHONG SKYON ZHES

, ,PA'AM, MTSO SKYES SNGON POR 'GYUR ZHES PA BZHIN NO, ,DE GSUM GYIS RNAM GCOD GO BA'I RGYU MTSAN CI YIN ZHE NA, NAG PA 'PHONG SKYEN ZHES BA DER YANG, 'PHONG SKYEN PA'I ZLA BO RNAM PAR GCOD PA'I DON RNAMS LA NI RTOGS PA SKYE BAR 'GYUR TE, 'PHONG MI SKYEN PA GCOD PA DE LTAR GRAGS PA DANG, DE LTAR GCOD NUS PA DANG, SGRA NI BRJOD 'DOD KYI RJES SU 'BRANGS NAS DON STON PA'I PHYIR, DES NA BYAS PA CHOS CAN, SGRA DE'I KHYAD PAR CAN GYI CHOS YIN PAS BUM PA LA RJES 'GRO MED PA'I SKYON RTEN PA MIN TE, CHOS CAN SGRA DE CHOS KHYOD KYIS MI LDAN PA RNAM PAR GCOD PAS KHYAD PAR DU BYAS PA YIN PA'I PHYIR, GNYIS PA LA GNYIS, DGU RU BSDUS PA'I DGOS PA, RTOGS DKA' BA BYE BRAG TU BSHAD PA'O, ,DANG PO NI, GTAN TSIGS NI BZHI STE, YANG DAG DANG 'GAL MA DES MA GRUB PA'O ZHES SMOS PAS CHOG MOD, CI'I PHYIR PHYOGS CHOS CAN DGU BSTAN ZHE NA, PHYOGS CHOS CAN GYI RAB DBYE 'CHANG BA'I SKABS SU, GTAN TSIGS YANG DAG GNYIS DANG BZLOG PA 'GAL RTAGS GNYIS SMOS PA CHOS CAN, DON YOD DE RTAGS YANG DAG GI MTSAN GZHI LA, RANG BZHIN DANG 'BRAS BU DANG MA DMIGS PA'I RTAGS GSUM DU GRANGS DES PAR GRUB PA'I DON DU YIN PA'I PHYIR, KHYAD PAR MNYAN BYA DANG SPYI GZHAL BYA DAG DPER SMOS PA CHOS CAN, DON YOD DE, LDOG PA RKYANG PA DANG RJES 'GRO RKYANG PA CAN GYI RTAGS YANG DAG YOD PAR RTZOD PA BZLOG NAS, RTAGS YANG DAG GI MTSAN NYID LA TSUL GSUM DU NGES SO ZHES RTOGS PA'I CHED YIN PA'I PHYIR, LHAG MA MA NGES PA'I GTAM TSIGS GSUM SMOS PA CHOS CAN, DON YOD DE, RTAGS

YANG DAG YIN NA MI MTHUN PHYOGS MTHA' DAG LAS LDOG PA'I SGO NAS, SGRUB BYED YIN NO ZHES RTOGS PA'I CHED YIN PA'I PHYIR, GNYIS PA LA GSUM, YANG DAG GNYIS SMOS PA'I DGOS PA, KHYAD PAR MNYAN BYA SMOS PA'I DGOS PA, MA DMIGS PA LOGS SU MI STON PA'I RGYU MTSAN NO, ,DANG PO LA GSUM, RTZOL BYUNG 'BRAS RTAGS KYI DPER SMOS PA'I DGOS PA, BYAS PA RANG BZHIN RTAGS KYI DPER SMOS PA'I DGOS PA, 'BRAS RANG GNYIS SO SOR SMOS PA'I DGOS PA'O, ,DANG PO NI, RTZOL BYUNG RANG BZHIN RTAGS, KYI DPER MI SMOS PAR, BYAS PA NYID SMOS PA'I RGYU MTSAN CI ZHE NA, SHES BYA CHOS CAN, BYAS PA DE MTHUN PHYOGS LA KHYAB BYED DU 'JUG PA'I RANG BZHIN RTAGS KYI DPER SMOS PA'I RGYU MTSAN YOD DE, RANG BZHIN BYAS PA NYID LAS GZHAN 'BRAS RTAGS KYIS NI GO BYA MTHUN PHYOGS LA KHYAB BYED DU 'JUG PA YOD PA MIN PA'I PHYIR TE, RGYU NI 'BRAS BU LA 'KHRUL PA SRID PA'I PHYIR RO, ,'BRAS BU RTZOL BYUNG NYAN SHES CHOS CAN, RIG BYED KYI SGRA THOS PA'I NYAN SHES, RANG RGYU SGRA MI RTAG PA SNGON DU SONG BAR SGRUB PA'I MTHUN PHYOGS LA RNAM PA GNYIS SU 'JUG STE, MTHUN PHYOGS LA 'JUG PA GANG ZHIG, KHYAB BYED DU MI 'JUG PA DE'I PHYIR, RIG BYED KYI SGRA THOS PA'I NYAN SHES DE RANG RGYU SGRA MI RTAG PA SNGON DU MA SONG STE, RIG BYED KYI SGRA RTAG PA YIN PA'I PHYIR ZHE NA, RIG BYED KYI SGRA CHOS CAN, KHYOD THOS PA'I SHES PA NI, RKYEN RTZOL PAS BRTZAL MA THAG BYUNG BAR NGES PA MIN PAR THAL, RTZOL BA'I SNGAR NAS RTAG PAR YOD PA'I PHYIR, KHYAB STE, SGRA RTAG PA THOS PA'I SGRIB BYED SEL BA DANG, RNA BA'I DBANG PO DANG SGRA RTAG PA LA

, ,PHAN PA RNAM PA KUN DU NYE BAR SBYOR BA MIN PA'I PHYIR RO, ,CHOS CAN, 'GA' ZHIG GI TSEN 'BRAS BU MI BYED PA 'GAL BAR THAL, RKYEN LA LTAS PA MED PAR 'BRAS BU SKYED PA'I PHYIR, RTZOL BYUNG NYAN SHES 'DI 'DRA CHOS CAN, RIG BYED KYI SGRA THOS PA'I NYAN SHES, RANG RGYU SGRA MI RTAG PA SNGON DU SONG BAR SGRUB PA'I 'BRAS RTAGS YIN TE, DE SGRUB KYI PHYOGS CHOS GANG ZHIG, RES 'GA' BA RANG RGYU SGRA MI RTAG BA'I 'BRAS BUR GRUB PA'I PHYIR, GNYIS PA NI, RTZOL BYUNG SMOS PAS RANG BZHIN GYI RTAGS GRUB MOD; DE LAS THA DAD DU BYAS PA SMOS PAS CI BYA ZHE NA, RTZOL BYUNG 'DI NYID KYIS NI RANG BZHIN RTAGS NYID GRUB KYANG, DE LAS THA DAD DU BYAS PA RANG BZHIN RTAGS KYI DPER BYAS PA NI CHOS CAN, DON YOD DE, 'BRAS BU RTZOL BYUNG DAD LHAN CIG TU BYAS PA RANG BZHIN RTAGS KYI DPER BSTAN PA NA, RANG BZHIN GYI RTAGS THAMS CAD MTHUN PHYOGS LA CHA GNYIS SU 'JUG PA DE 'DRAR SHES PAR MI 'GYUR BA'I CHED YIN PA'I PHYIR, RTAGS KYI DBYE BA RANG DON RJES DPAG TU BSHAD ZIN PA MIN NAM ZHE NA, GTAN TSIGS KYI DBYE BA'I DON RANG DON RJES SU DPAG PAR BSHAD ZIN KYANG, 'DIR GTAN TSIGS KYI DBYE BA TZAM BSHAD PA DE CHOS CAN, DON YOD DE, MTHUN PHYOGS LA KHYAB BYED DANG CHA GNYIS SU 'JUG PA'I DBYE BA RTOGS PA'I DON DU BRJOD PAR BYAS PA'I PHYIR, 'DIR RTAGS YANG DAG GI MTSAN NYID MI 'CHAD PA'I RGYU MTSAN YOD DE, RTAGS YANG DAG GI MTSAN NYID LA NI RANG DON RJES DPAG TU BSHAD PA LAS DON THA DAD MED PA'I PHYIR, 'O NA, MTHUN PHYOGS LA CHA GNYIS SU 'JUG PA'I RANG BZHIN GYI RTAGS KYANG 'CHAD

DGOS SO ZHE NA, PHYOGS CHOS KYI RAB DBYE 'CHAD PA'I SKABS 'DIR CHOS CAN, MTHUN PHYOGS LA CHA GNYIS SU 'JUG PA'I RANG BZHIN GYI RTAGS MA BSTAN PA'I NYES PA MED DE, 'BRAS BU'I RTAGS RTZOL BYUNG NYID KYIS NI, RANG BZHIN GYI RTAGS MTHUN PHYOGS KYI PHYOGS GCIG LA BRTEN PA'ANG BSHAD PA'I PHYIR, DES NA SHES BYA CHOS CAN, 'BRAS RTAGS DANG MTHUN PHYOGS LA CHA GNYIS SU 'JUG PA'I RANG BZHIN GYI RTAGS GNYIS DPER BRJOD GCIG GIS MTSON NUS TE, RTZOL BA LAS GSAL BAR DMIGS PA'I 'BRAS RTAGS DANG, RTZOL BA LAS SKYE BA'I RANG BZHIN GYI RTAGS GNYIS RTZOL BYUNG DU 'DRA BA'I PHYIR, GSUM PA NI, 'BRAS RANG GNYIS SO SOR BRJOD PA LA DGOS PA CI YOD CE NA, 'BRAS RANG 'DI GNYIS RAB TU PHYE NAS BSHAD PA CHOS CAN, DON YOD DE, BSGRUB BYA'I CHOS GANG PHAN 'DOGS BYED DU YOD NA SKYE, MED NA MI 'BYUNG BA'AM, BSGRUB BYA'I CHOS DANG RANG GI BDAG NYID RNAM PAR DBYER MED PA CAN GYI RTAGS GANG YIN PA DE NI, BSGRUB BYA'I CHOS DE DANG 'KHRUL BAR MI 'GYUR RO ZHES BYA BA'I DON DU YIN PA'I PHYIR, DE LTAR RTOGS PA LA DGOS PA CI YOD CE NA, LDAN PA CAN SOGS GANG DAG LA BRTAN PA'I GTAN TSIGS DE DAG CHOS CAN, GTAN TSIGS YANG DAG MIN ZHES BSHAD PA YIN TE, BSGRUB BYA'I CHOS LA 'KHRUL PA SRID PA'I PHYIR TE, MED NA MI 'BYUNG BA DE 'DRA BA'I 'BREL PA YOD PA MIN PA'I PHYIR, RTAGS MA GRUB STE, DE 'DRA'I 'BREL PA YOD PA YIN NO ZHE NA'ANG, SHES BYA CHOS CAN, LDAN 'DU'I 'BREL PA BTAGS PA DON MED PAR THAL, MED NA MI 'BYUNG BA'I 'BREL PA DE NYID BSGRUB BYA RTOGS PA'I SGRUB BYED YIN PA'I PHYIR TE,

, ,'BREL PA NGES PA YIN NA, MED NA MI 'BYUNG BA'I 'BREL PA YIN LA, 'BREL PA NGES PA MED PA SGRUB BYED YANG DAG MIN PA'I PHYIR, GNYIS PA KHYAD PAR MNYAN BYA SMOS PA'I DGOS PA LA GSUM, SROG LA LDOG PA GRUB PA DGAG, SROG DANG MNYAN BYA MTSUNGS PAR BSTAN, TSUL DES RIGS CAN GZHAN YANG KHEGS PA'O, ,DANG PO LA GNYIS, DNGOS, DE'I LAN DGAG PA'O, ,DANG PO NI, RIGS PA CAN PA NA RE, SROG DE GSON LUS BDAG BCAS SU SGRUB PA'I LDOG PA RKYANG BA CAN GYI RTAGS YANG DAG YIN NO ZHE NA, SROG CHOS CAN, BDAG DANG MED NA MI 'BYUNG BA'I 'BREL PA GRUB PA YIN PAR RJOD PAR THAL, DE SGRUB KYI LDOG PA'I KHYAB PA NYID NI NGES PA NYID YIN PA'I PHYIR, KHYAB STE, LDOG KHYAB DE YANG 'BREL PA MED PA LA MED PA'I PHYIR, 'DOD NA, DE SGRUB KYI RJES 'GRO GNAS PAR THAL, 'DOD PA DE NYID KYI PHYIR, KHYAD PAR SROG NI CHOS CAN, DE SGRUB KYI LDOG KHYAB MED CING RJES 'GRO'ANG YONG PA MA YIN PAR THAL, BDAG DE RANG GI BDAG NYID DAM RGYU'I DNGOS POR NI GRUB NA, LDOG PA GRUB PAR 'GYUR NA YANG BDAG DANG 'BREL MED YIN PA'I PHYIR, 'O NA, SROG LDOG PA CAN DU BSHAD PA DANG 'GAL LO ZHE NA, MI 'GAL TE MI MTHUN PHYOGS LA MA MTHONG BA TZAM LA BRTEN NAS, LDOG PA'ANG 'BA' ZHIG CAN DU BSHAD PA YIN PA'I PHYIR, CHOS CAN, DE SGRUB KYI MA NGES PA'I RTAGS YIN TE, PHYOGS CHOS GANG ZHIG, MI MTHUN PHYOGS LA MA MTHONG TZAM YIN PA DE'I PHYIR, DE LAS GZHAN DU LDOG KHYAB GRUB NA, CHOS CAN, GO BAR BYED PA'I RTAGS YANG DAG TU 'GYUR BAR THAL, DE SGRUB KYI PHYOGS CHOS GANG ZHIG ,LDOG KHYAB

GRUB PA'I PHYIR, RTAGS KHAS BLANGS, GNYIS PA NI, GAL TE BDAG NI LDOG PA YIS SROG SOGS DAG NI LDOG PAR 'GYUR TE, SROG SOGS MED PAS BDAG MED LA KHYAB PAR 'GYUR BA'I PHYIR ZHE NA, BDAG LDOG NA SROG LDOG PAS KHYAB PA DE YANG YOD PAR 'DOD PA MIN TE GZHAN BDAG LDOG PAR NI GYUR PA YIS, GZHAN SROG LDOG PAR NI MI RUNG BA'I PHYIR TE, BDAG SROG 'BREL MED THA DAD YIN PA'I PHYIR, RTAGS MA GRUB STE, SROG DE BDAG GI BDAG NYID DAM, BDAG DE LAS BYUNG BA'I PHYIR ZHE NA, CHOS CAN, BDAG GI BDAG NYID MA YIN PAR THAL, KHYOD MI RTAG LA, BDAG DE RTAG DNGOS YIN PA'I PHYIR, CHOS CAN, BDAG LAS MA BYUNG BAR THAL, BDAG DANG RGYU 'BRAS BU MA GRUB PA'I PHYIR TE, BDAG PHAN 'DOGS BYED DU YOD NA SKYE BAR MTHONG BA DANG, PHAN 'DOGS BYED DU MED NA SKYE BAR MA MTHONG BA DE NYID GRUB PA MED PA'I PHYIR TE, GAL TE BDAG NI DMIGS PA NA KHYOD DMIGS, BDAG RTOGS PA MED PAR YANG KHYOD MA RTOGS NA, RJES SU 'GRO LDOG 'DI GRUB PAR 'GYUR NA YANG, BDAG DA YOD KYANG MTHONG RUNG MIN PA'I SHIN TU LKOG TU GYUR PA YIN PA'I PHYIR, RTAGS KHAS BLANGS, BUM SOGS CHOS CAN, KHYOD LA BDAG MED CES GANG LAS GRUB STE MA GRUB PAR THAL, BDAG DE GZHAN LA YOD KYANG MTHONG RUNG DU MED PA'I NGO BO CAN YIN PA'I PHYIR, 'DOD NA, BDAG LDOG NA SROG LDOG PA'I KHYAB PA'ANG JI LTAR GRUB PA YIN TE MA YIN PAR THAL, BDAG LDOG PA SHES PA MED PA'I PHYIR, CHOS CAN, BDAG MED DE, BDAG MA MTHONG BA'I PHYIR ZHE NA, SROG SOGS DE LA LAR MTHONG BA YIS, GSON LUS LA YOD, BUM PA LA MED PA NYID NI RTOGS PAR 'GYUR BA DE LTAR, GAL TE BDAG

, ,LA LAR MTHONG NA GSON LUS LA YOD, BUM PA LA MED PA NYID NI RTOGS PAR 'GYUR NA YANG, CHOS CAN, BDAG MA MTHONG BAS MED PAR MI 'GRUB PAR THAL, BDAG DE YONG KYANG MTHOB RUNG MA YIN PA'I PHYIR, GSON LUS CHOS CAN, SROG MED PAR THAL, BDAG MED PA'I PHYIR ZHE NA, RGYU BLO GANG ZHIG NI MED PA YIS BUM PA LA SROG MTHONG BA MED PA LTAR, GAL TE GSON LUS LA'ANG BLO DE MED NA, GSON LUS LA SROG MED PAR RIGS PA YIN NA'ANG, CHOS CAN, BDAG MANG PAS SROG MED BAR MI 'GRUB PAR THAL, BDAG SROG 'BREL MED THA DAD YIN PA'I PHYIR, CHOS CAN, SROG BCAS LAS THA DAD PA DER YANG RTOG RIGS PAR THAL, GAL TE BUM PA DANG CUNG ZAD BDAG MED DU CHOS MTHUN PA'I PHYIR ZHE NA, BUM SOGS RNAMS CHOS CAN, BDAG DANG BCAS PAR CIS MI DBOG STENG BO GA RIGS PAR THAL, GSON LUS DANG GZHAL BYA NYID DU CHOS MTHUN PA'I PHYIR, DE BDAG BCAS SU MI 'DOD DO ZHE NA, CHOS CAN, BDAG BCAS SU 'DOD RIGS PAR THAL, BDAG BCAS SU TSANG MAS GRUB PA'I PHYIR, KHYAB STE, TSANG MAS GRUB PA NYID 'DOD PAR RIGS PA KUN GYI RGYU YIN BA'I PHYIR TE, TSAD MAS GRUB PA DE MED BAR NI, DNGOS BO DANG DNGOS MED KYI RNAM GZHAG GANG GIS NUS TE MI NUS PA'I PHYIR, BDAG DE BLO'I RGYU YIN NO ZHE NA, MA YIN BAR THAL, SROG DANG MIG 'BYED 'DZUM LA SOGS PA NI DRAN 'DOD RTZOL BA LAS SKYES BA YIN LA, DRAN 'DOD RTZOL BA DE DAG YUL DBANG BLO SNGA MA LAS BYUNG, YUL DBANG BLO SNGA MA DE YANG PHAN TSUN RKYEN LA NI LTOS BA'I RANG GI RIGS 'DRA SNGA MA LAS BYUNG BA'I PHYIR, NANG GI BDAG NYID

KYI DNGOS PO 'DI CHOS CAN, RIGS 'DRA SNGA MA DE TZAM LAS BYUNG STE, DE PHAN 'DOGS BYED DU YONG PA DANG MED PA'I RJES SU 'GRO BA DANG LDOG PA LA BRTEN PA YIN PA'I PHYIR, CHOS CAN, RGYU THUG PA MED BAR THAS, RANG GI RIGS 'DRA SNGA MA LAS GZHAN DU, PA DAG RTAG PA RGYUR RTOG RIGS PA'I PHYIR, GNYIS PA SROG DANG MNYAN BYA MTSUNGS PAR BSTAN PA LA GSUM, MTSUNGS PA'I TSUL, MI MTSUNGS PAR 'DOD PA DGAG, SROG GO BYED MIN PA DGAG PA'O, ,DANG PO NI, MNYAN BYA DANG SROG SOGS 'DI NI CHOS CAN, LDOG KHYAB MA GRUB PAR MTSUNGS PAR 'GYUR TE, LDOG KHYAB 'KHRUL PA NYID KYIS MTSUNGS PA'I PHYIR, MTSUNGS PA MA YIN TE, SROG LDOG BA CAN YIN YANG, MNYAN BYA 'DI NI LDOG BA 'KHRUL BA'I PHYIR ZHE NA, JI LTAR 'KHRUL DRIS PAS, MNYAN BYA CHOS CAN, LDOG PA 'KHRUL TE, BSGRUB MIN NYID DE MI MTHUN PHYOGS KHO NA LAS LDOG PA MIN PAR, MTHUN PHYOGS LAS KYANG LDOG PA'I PHYIR ZHE NA, DE CHOS CAN, 'O NA DON GYIS BSGRUB BYA'I RJES SU 'JUG PA MIN PAS LDOG PA 'KHRUL PA DE LTAR BRJOD DGOS PAR 'GYUR BAR THAL, MTHUN PHYOGS LAS LDOG PAS LDOG PA 'PHRUL BA'I PHYAR, 'DOD NA, GZHAN SROG CHOS CAN, LDOG PA 'KHRUL BAR THAL, MTHUN PHYOGS LA MI 'JUG PA DE NI KHYOD LA'ANG MTSUNGS PA'I PHYIR, SHES BYA CHOS CAN, DON GYI GO BAS RJES SA 'GRO LDOG GANG RUNG GCIG GIS GNYIS KA BSTAN PAR BRJOD DE, BSGRUB MIN NYID LAS RNAM PAR BCAD CES PA'I TSIG GIS, BSGRUB BYA LA GNAS BA BRJOD PA YIN BA DE NYID KYI PHYIR, CHOS CAN, RJES 'GRO MED PA LAS MI 'KHRUL BA 'DI 'DRA PA'I LDOG KHYAB

, ,GRUB PA MA YIN TE, RJES SU 'GRO LDOG PHAN TSUN MI 'KHRUL BA DE'I PHYIR, SROG CHOS CAN, MTHUN PHYOGS LA BSGRUB PA LAS GZHAN CE 'DRA ZHIG YIN TE MA YIN PAR THAL, MTHUN PHYAGS LA BKAG PA 'GAG PAR BYED PA NI YIN PA'I PHYIR, GNYIS PA LA GNYIS, 'DOD BA BRJOD, DE DGAG PA'O, ,DANG PO NI, CHOS CAN, BSGRUB MIN NYID DE MI MTHUN PHYOGS KHO NA LA MED DE, BSGRUB BYA MTHUN PHYOGS LAS LDOG PA MED PA'I PHYIR TE, MTHUN PHYOGS DNGOS MED YIN PA'I PHYIR, KHYAB STE, DNGOS MED DGAG BSGRUB KYI GZHIR MI RUNG PA'I PHYIR ZHE NA, GNYIS PA LA GNYIS, DNGOS MED DGAG BSGRUB KYI GZHIR MI RUNG BA DGAG, MTHUN PHYOGS LAS LDOG PA MED PAS LDOG PA GRUB PA DGAG PA'O, ,DANG PO LA GSUM, LDOG PA'ANG DGAG TU MED PAR BSTAN, THA SNYAD RGYUN CHAD PAR THAL, RANG LA MTSUNGS BA SPANG BA'O, ,DANG PO NI, GSON LUS BDAG BCAS SU SGRUB PA'I MTHUN PHYOGS CHOS CAN, SROG MED CES LDOG PA DE NYID NI DI LTAR KHYOD LAS LDOG PAR 'DOD DE 'DOD MI RIGS BAR THAL, DNGOS MED YIN PA'I PHYIR, SROG CHOS CAN, MTHUN PHYOGS LA BSGRUB PA YIN PAR THAL, MTHUN PHYOGS LAS LDOG PA MED PA'I PHYIR, 'DOD NA, RIGS PA CAN PA CHOS CAN, BLUN PO YI NI DPYOD TSUL LA LTOS PA YIN TE, SROG GI DNGOS POR YOD PA MTHUN PHYOGS LA MED NA'ANG YOD PA YIN LA, DNGOS PO MED PA YOD NA'ANG YONG PA MIN ZHES 'DONG PA'I PHYIR, GAL TE GTAN TSIGS SROG DE MTHUN PHYOGS LAS LDOG PA MED NA'ANG MTHUN PHYOGS LA 'JUG PAR 'DOD DAM CI BYAS BAS, MTHUN PHYOGS LA 'JUG PA DE

YANG MIN NA, SROG CHOS CAN, MTHUN PHYOGS LA 'JUG PA CI STE 'GOG STE 'GOG MI RIGS PAR THAL, MTHUN PHYOGS LAS LDOG PA BKAG PA NI 'DI NYID YIN PA'I PHYIR, GNYIS PA NI, DNGOS PO MED PA 'DIR NI CHOS CAN, MI SMRA BA THOB PAR THAL, SGRUB PA DAD DGAG PA MA GTOGS PAR, SGRA LAS BYUD BA'I THA SNYAD GZHAN YOD PA MIN LA, THA SNYAD DE YANG KHYOD LA 'JUG PA MED PA'I PHYIR, SHES BYA CHOS CAN, RIGS BA 'DI YIS 'GRO BA LA DGAG PA'I DON NI MED PAR 'GYUR PAR THAL, CHOS DE YOD PA RNAMS LA CHOS DE DGAG PA MED LA, CHOS DE DGAG PA DE NI CHOS DE MED PA LA'ANG YOD PA MA YIN PA'I PHYIR, GLA TE BUM PA YUL DUS LA LTOS NAS 'GOG GO ZHE NA, BUM PA DE CHOS CAN, YUL DUS LA LTOS NAS KYANG MI 'GOG PAR THAL, YUL DUS LA LTOS NAS KYANG JI LTAR YOD PA DE LTAR NI MI 'GOG LA, JI LTAR MED PA DE LTAR YANG NI 'GOG PAR MI 'GYUR BA'I PHYIR, GSUM PA LA GSUM, DGAG BSGRUB KYI DNGOS RTEN SGRA DON DU BSGRUB, RANG MTSAN YIN PA DGAG, THA SNYAD JI LTAR BYED TSUL LO, ,DANG PO NI, DGAG BSGRUB KYI THA SNYAD RGYUN CHAD PAR THAL, CHOS DE YOD NA BSGRUB MI DGOS SHID DGAG MI NUS, MED NA DGAG MI DGOS SHID BSGRUB MI NUS PA'I PHYIR ZHE NA, SHES BYA CHOS CAN, DGAG BSGRUB KYI DNGOS RTEN PHYI ROL RANG MTSAN MIN TE, DE YIN PA LA RIGS PAS GNOD PA DE'I PHYIR; CHOS CAN, DGAG BSGRUB KYI DNGOS RTEN SGRA DON LA BRTEN NAS 'DIR NI BSGRUB PA DAD DGAG PA THAMS CAD 'DOD PA YIN TE, DGAG BSGRUB DON DAM PAR GRUB BDE 'DRA MED NA'ANG, CHOS CAN SGRA DE DGAG BSGRUB DE DAG DANG NI 'BRAL BAR SNANG BA'I

, ,PHYIR, SGRA DON CHOS CAN, GSUM YOD DE, DNGOS PO DANG DNGOS MED DANG GNYIS KA LA BRTEN PA'I SGRA DON RNAMS SU YOD PA'I PHYIR, SGRA DON DE YANG YOD CES THA SNYAD RTEN BAR BDOD DE, SGRA 'JUG BA NYID YIN PA'I PHYIR, GNYIS BA NI DE LTA MIN PAR DGAG BSGRUB KYI DNGOS RTEN RANG MTSAN YIN NA, SHES BYA CHOS CAN, DE NA SGRA RNAMS KYI STENG DU BYAS PA LTA BU'I CHOS GCIG BSGRUBS SAM MA BYAS PA LTA BU GCIG BKAG PA NA, MI RTAG PA LA SOGS PA'I BDAG NYID THAMS CAD BSGRUBS PA DANG RTAG BA LA SOGS PA THAMS CAD BKAG PAR 'GYUR BAR THAL, BYAS MI RTAG PA DAG NYID THA DAD MED PA'I PHYIR, KHYAB PA KHAS BLANGS, RTAGS MA GRUB STE, RDZAS THA DAD YIN NO ZHE NA, BYAS MI RTAG BSGRUBS PA DANG MA BYAS RTAG PA BKAG PA DAG CHOS CAN, SGRA GCIG LA GZHI MTHUN DU 'DU BAR MI 'GYUR BAR THAL, BYAS MI RTAG RDZAS THA DAD YIN BA'I PHYIR, DPER NA, BUM SNAM GZHAN DANG GZHAN BKAG PA DANG NI BSGRUBS PA GZHI MTHUN MIN PA BZHIN NO, ,GSUM PA NI, KHYED RANG GI LUGS LA DGAG BSGRUB KYI THA SNYAD JI LTAR BYED CE NA, SHES BYA CHOS CAN, DGAG BSGRUB KYI DNGOS RTEN DANG MTSAN MIN TE, SNA TSOGS PA'I CHOS KYI GZHIR GYUR PA'I CHOS CAN SGRA LTA BU GCIG GI DBANG DU BYAS TE, BYAS PA GCIG BSGRUBS PA NA BYAS PA DE GSAR DU RTEN PA LTA BU DANG, MI RTAG PA LA SOGS PA GZHAN RNAMS BTANG SNYOMS LTA BU DANG, MA BYAS PA 'GOG NA MA BYAS PA DE YIS GSAR DU DBEN PA LTA BU DANG, DE LAS GZHAN BYAS PA LA GSAR DU LTOS PA LTA BUR SNANG BA'I PHYIR, RTOG PA'I SNANG BA

DNGOS POR MED NA, TSAD MAS GNOD PAR 'GYUR RO ZHE NA, SHES BYA CHOS CAN, THOG MA MED PA'I BAG CHAGS LAS BYUNG BA'I 'JIG RTEN DGAG BSGRUB BYED PA'I RTOG PA'I DON LA TSAD MAS GNOD PAR MI 'GYUR TE, DNGOS POR MED PA'I DON CAN GYI THA SNYAD JI LTAR BLOS BSTAN PA'I DE BZHIN NYID DE DNGOS POR YOD MED MA BRTAGS PAR THA DAD PA'I DON RANG MTSAN LA BRGYUD NAS BRTEN PA'I THA SNYAD DON MTHUN KHAS LEN PA'I PHYIR, RTOG PA'I SNANG PA DNGOS POR MED NA DGAG BSGRUB KYI THA SNYAD JI LTAR 'JUG CEN, DON BUM PA GCIG CHOS CAN, DGAG BSGRUB DU MA 'JUG STE, CHU MI SKYOR BA DE LAS KYANG THA DAD, GRANG BA SKYOB PA DE LAS KYANG THA DAD PA'I PHYIR TE, CHU SKYOR BA DE'I 'BRAS BU CAN DANG, GRANG BA SKYOB PA DE'I 'BRAS BU MED PA CAN YIN PA'I PHYIR, SGRA'I STENG DU MI RTAG PA GSAR DU 'PHEL BA LTA BU DANG, RTAG PA GSAR DU 'GRIB PA LTA BUR BYED PA'I BSLAD PA DE DANG DE DAG CHOS CAN, GZUNG DON DE DANG LDAN PA MIN YANG, RANG MTSAN MNGON SUM DU MTHONG BA LA SBYOR TE, DE MIN YANG THA DAD PA'I RANG MTSAN LA BRTEN PA'I 'BREL BA 'GA' LAS DE LTAR SBYOR NUS PA'I PHYIR, DE DAG CHOS CAN, RANG NYID BSLAD PA'ANG RANG GIS SHES PA MA YIN TE, SNANG BTAGS SO SOR MI PHYED PA'I BLO YIN PA'I PHYIR, GNYIS PA MTHUN PHYOGS LAS LDOG PA MED PAS LDOG PA GRUB PA DGAG PA NI, BUM PA CHOS CAN, BDAG DE MED PA MA YIN PAR YOD MED THE TSOM DU 'GYUR BAR THAL, KHYOD DANG GSON LUS BDAG MED PAR BSGRUB DKA' SLA MTSUNGS PA GANG ZHIG, GSON LUS LA BDAG YOD PA NYID KYI SGRUB BYED 'JUG PA'I PHYIR, CHOS CAN, BDAG MED DE, BDAG DE

, ,MED PAR SANGS RGYAS PAS KHAS BLANGS PA'I PHYIR ZHE NA, CHOS CAN, SANGS RGYAS PAS BDAG MED PAR KHAS BLANGS PA LAS BDAG MED PA NYID KYANG RIGS PA MA YIN PAR THAL, SANGS RGYAS PA'I KHAS BLANGS TSAD MA MA YIN PA'I PHYIR, MA GRUB NA, GSON LUS CHOS CAN, BDAG MED PAR THAL LO, MTHUN PHYOGS DNGOS MED LAS LDOG PA MED NA YANG, SROG CHOS CAN, MTHUN PHYOGS LAS LDOG PA LA THE TSOM ZA BAR THAL, BDAG DE LA YOD MED THE TSOM ZA BA'I PHYIR, 'DOD NA, MI MTHUN PHYOGS LAS LDOG PAR YANG THE TSOM ZA BAR THAL LO, ,KHYAB STE, BDAG YOD MED KYI PHUNG PO GNYIS LAS GCIG LA NI NGES PAR GRUB NA, GZHAN LAS NI LDOG PA GRUB PA'I PHYIR, CHOS CAN, MI MTHUN PHYOGS KHA CIG LA MA MTHONG BAS MI MTHUN PHYOGS LA MED DES SU MI 'GRUB PAR THAL, MI MTHUN PHYOGS KHA CIG LA MA MTHONG BA YIN YANG, YOD KYANG MTHONG RUNG DU MED PA'I MI MTHUN PHYOGS DAG LA THE TSOM ZA BA'I PHYIR, MI MTHUN PHYOGS 'GA' ZHIG LA MA MTHOD BAS MED PAR NGES PA MED DE, BDAG MED KYI GSAL BA LA KHYAB BYED MA YIN YANG, BDAG MED PA'I RIGS SU GYUR PA'I DON LA YOD SRID PAS SO, ,DPER NA, SHING GI MKHREGS PA MTSON GYIS CHOS KYANG, RDO RJE PHA LAM GYI MKHREGS PA MTSON GYIS MI CHOD PA BZHIN NO, ,GSUM PA SROG GO BYED YIN PA DGAG PA LA GNYIS, 'GAL BA MED PAS GO BYED MIN, 'BREL PA MED PAS GO BYED MIN PA'O, DANG PO NI, CHOS CAN, BDAG MED LAS LDOG PA LA THE TSOM GANG LAS LDOG PAR 'GYUR TE MI 'GYUR BAR THAL, BDAG MED LA YOD PA LA

'GAL BA MA MTHOD BA'I PHYIR, RTAGS MA GRUB NA, CHOS CAN, LA LAR BDAG DE'I 'BRAS BU DANG DE'I BDAG NYID DU NGES PA LAS GZHAN NI YOD DE MED PAR THAL, BDAG MED DANG 'GAL BA DE YANG MA YIN PA'I PHYIR, 'DI NI CHOS CAN, BDAG MED PA LAS KYANG LDOG PAR THE TSOM ZA BAR THAL, BDAG MED DANG 'GAL BA MA YIN PA'I PHYIR, BDAG MED LAS LDOG TU CHUG PA DE LTA NA'ANG, BDAG MED LA MED PA LAS BDAG BCAS SU MI 'GYUR THAL, GANG GIS CHOS DE NI LDOG PA MED BA DE NGES PAR DNGOS POR TE YOD PAR 'DOD PA MA YIN PA'I PHYIR, DPER NA, SROG SOGS MTHUN PHYOGS LAS LDOG PA MED KYANG YOD PA MIN PA BZHIN, GAL TE GTAN TSIGS SROG SOGS CHOS CAN, MTHUN PHYOGS LA RJES 'GRO CAN YIN PAR THAL, MTHUN PHYOGS LAS LDOG PA MED PA DE'I RGYUS SO; ;MA KHYAB NA, BDAG MED KYANG MA YIN BDAG BCAS KYANG MIN PAR THAL, MTHUN PHYOGS LA RJES SU 'GRO BA CAN MIN ZHING LDOG PA MIN PA'I PHYIR, GNYIS PA LA GNYIS, DE BYUNG 'BREL PA MED PAS GO BYED MIN, BDAG GCIG 'BREL PA MED PAS GO BYED MIN PA'O, DANG PO LA GNYIS, GO BYED 'BREL PA LA LTOS, DE SROG LA MA GRUB PA'O, ,DANG PO NI, DU LDAN GYI LA LA ME 'JUG PAR SGRUB PA LA, DU BA GANG GI RANG GI BDAG NYID RTAGS SU BKOD PA'I TSE NA, DU BA CHOS CAN, ME DE NYID LOG PA NA LDOG PAR BYED DE, ME GANG PHAN 'DOGS BYED DU MED NA MI 'BYUNG BA CAN DU GRUB PA DE'I PHYIR, SHES BYA CHOS CAN, ME MED NA DU BA MI 'BYUNG BA'I 'BREL PA DE YANG NI, SGRUB PAR BYED PA KHYAD PAR CAN LA LTOS PA YIN TE, ME PHAN 'DOGS BYED DU YOD NA 'BRAS BU DU BA

, ,SKYE BAR MTHONG BA DANG, ME PHAN 'DOGS BYED DU MED NA SKYE BAR MA MTHONG BA LAS, ME DU DE DAG RGYU DANG 'BRAS BU NYID DU GRUB PA'I PHYIR, GNYIS PA LA GSUM, DNGOS, RTZOD SPANGS, DE'I LAN DGAG PA'O, DANG PO NI, SROG DE CHOS CAN, KHYOD LAS GSON LUS LA DON GZHAN BDAG RTOGS PA YOD PA MA YIN PAR THAL, KHYOD YOD NA BDAG YOD PA'I NGES PA MED PA'I PHYIR, BDAG DE DAG MED PA NA SROG DE DAG MED PAR 'GYUR BA MI SRID DE, BDAG DE RTAG TU YOD PA'I PHYIR, LDOG PA 'BA' ZHIG LAS RGYU 'BRAS 'GRUB PA MIN TE, RJES 'GRO GRUB PAS RGYU 'BRAS GRUB PA'I PHYIR ZHE NA, CHOS CAN, JI LTAR BDAG DES BSKYED PA'I RANG BZHIN YIN TE MA YIN PAR THAL, BDAG DE DAG MED PAR RGYU GZHAN LAS BYUNG BA'I PHYIR, KHYAB STE, 'BRAS BU'I RANG BZHIN THA DAD PA RNAMS RGYU THA DAD PA RNAMS LAS NI BYUNG BA'I PHYIR, DE'I RGYU MTSAN NI, DNGOS PO RNAMS CHOS CAN, RDZAS SNA TSOGS PA'I NGO BO NYID YIN TE, RGYU RKYEN TSOGS PA'I NUS PA LAS NGO BO THA DAD DU SKYES PA'I PHYIR, GAL TE RGYU RKYEN THA DAD LAS SKYES PA DE RDZAS THA DAD DU 'JOG BYED MIN NO ZHE NA, 'GRO BA DNGOS PO 'DI KUN NGO BO GCIG TU 'GYUR BAR THAL LO, GNYIS PA NI, RGYU RKYEN THA DAD LAS SKYES PA DE RDZAS THA DAD DU 'JOG BYED MIN TE, DU BA 'DI ME LAS KYANG SKYES DE LAS THA DAD PA BRGYA BYIN GYI SPYI BOS KYANG SKYED PAR BYED PA DE'I PHYIR ZHE NA, BRGYA BYIN GYI SPYI BO GCIG NI CHOS CAN, RANG BZHIN GCIG NYID NYAMS NAS ME DANG ME MIN GYI RANG BZHIN GNYIS YIN PAR THAL, DU BSKYED BYED DAD ME MED KYI RANG BZHIN DU MA YIN PA'I PHYIR, GZHAN BRGYA BYI NI

CHOS CAN, ME YOD DE NYID YIN PAR THAL, DU BA DE SKYED PA'I RANG BZHIN YIN PA'I PHYIR, DU BA DE SKYED PA'I RANG BZHIN MIN NO ZHE NA, DE CHOS CAN, DU BDE NI JI LTAR KHYOD LAS 'BYUNG STE MI 'BYUNG BAR THAL LO, SHES BYA CHOS CAN, ME'I RANG BZHIN LAS DU BA SKYE BAR MTHOD BA BZHIN DU, 'BRAS BU DU BA MTHOD NA YANG MED DE RTOGS PAR 'GYUR BAR THAL, ME DU RGYU DANG 'BRAS BU DAG TU PHAN TSUN RANG BZHIN NGES PA NYID YIN PA'I PHYIR TE, DU BA DE ME LAS 'BYUNG GI, ME MED LAS MI 'BYUNG BA DE'I PHYIR, GSUM PA NI, RGYU DU MA LAS 'BRAS BU GCIG 'BYUNG TE, JI LTAR CHU DANG 'O MA LAS 'BRAS BU RUL PA GCIG 'BYUNG BAR 'GYUR BA BZHIN ZHE NA, CHU DANG 'O MA GNYIS KA CHOS CAN, RIGS GCIG NYID YIN TE, GSHER BA'I NUS PA GANG LAS 'BRAS BU RUL PA GCIG SKYED PAR 'GYUR BA'I PHYIR, CI CHU 'O 'DI NI RDZAS THA DAD DANG RIGS GCIG PA'I BDAG NYID GNYIS KA YIN PAR THAL, RIGS GCIG GANG ZHIG, MNGON SUM LA SO SOR SNANG BA'I PHYIR, 'DOD NA, RDZAS THA DAD NA GSHER BA NYID DU RIGS GCIG PA JI LTAR YIN ZHE NA, CHOS CAN, RDZAS THA DAD YIN TE, RANG RANG GI NGO BO LA GNAS PA'I DNGOS PO THA DAD YIN PA'I PHYIR, CHOS CAN, RIGS GCIG CES BRJOD DE, RIGS GCIG PA DE'I RANG BZHIN CAN GYI BLO'I RGYUR THA DAD MED PA'I PHYIR, DE BZHIN DU TZAN DAN DAD SHUG PA'I ME NI CHOS CAN, RDZAS THA DAD KYANG RIGS GCIG STE, ME MIN LAS LOG PA'I CHA GANG GIS NI MER RTOGS PA'I RTEN YIN PA'I PHYIR, DU BA CHOS CAN, ME YOD PA DE LTAR RTOGS PA YIN TE, ME DES NI BSKYED PA DES NA'O, ,DU BA CHOS CAN, ME DE LA 'KHRUL PA MED PA CAN YIN TE,

, ,MER SHES PA'I YAN LAG GZHAN BUD SHING LAS NA LTOS PA'I ME NYID LAS BYUNG BA'I PHYIR, DE LTAR DU 'BRAS BU GZHAN YANG CHOS CAN, RANG RGYU LA MI 'KHRUL BA DE BZHIN DU 'GRUB STE, RANG RGYU LAS SKYES PA'I PHYIR, GAL TE BRGYA BYIN GYI SPYI BO DE CHOS CAN, KHYOD LAS SKYES PA'I SNGO 'PHYUR BA DE DU BA MIN PAR THAL, KHYOD ME YOD MIN BA'I PHYIR, DE CHOS CAN, ME YOD DE NYID YIN PAR THAL, GAL TE KHYOD LAS SKYES PA'I SNGO 'PHYUR BA DE DU BA YIN PA'I PHYIR, KHYAB STE, DU BA DANG BUD SHING GI 'GYUR BA'I YAN LAG GI RTEN DMAR 'BAR BA DE LA MER 'JOG PA'I PHYIR, GNYIS PA BDAG GCIG 'BREL PA MED PAS GO BYED MIN PA NI, RANG BZHIN GYI GTAN TSIGS CHOS CAN, RANG GI BSGRUB BYA'I CHOS MED NA MI 'BYUNG BAR SHES PAR BYA STE, RANG GI BSGRUB BYA'I CHOS LA 'BREL BA'I RGYU MTSAN JI LTAR RIGS PA LA LTOS NAS 'BREL BA'I PHYIR, 'JIG PA DANG BYAS PA NYID 'BREL BAR GONG BA JI SKAD BSHAD PA BZHIN NO, ,GSUM PA TSUL NGES RIGS CAN GZHAN YANG KHEGS PA NI, PHYOGS CHOS CAN GYI RAB DBYE 'CHAD PA'I SKABS SU, MNYAN BYA NYID NI DPER BRJOD PAR MDZAD PA CHOS CAN, KHYOD LAS SROG GTAN TSIGS YANG DAG MA YIN PAR RTOGS PA'I TSUL 'DIS, ,LDOG PA RKYANG PA CAN DU 'DOD PA'I RTAGS THAMS CAD DPAG PAR BYA STE, SROG DANG MNYAN BYA LDOG PA 'KHRUL BA CAN DU MTSUNGS PAR BSTAN PA'I PHYIR, GSUM PA MA DMIGS PA LOGS SU MI STON PA'I RGYU MTSAN LA GNYIS, 'BREL ZLA MA DMIGS PA'I RTAGS LOGS SU MI STON PA'I RGYU MTSAN, 'GAL ZLA DMIGS PA'I RTAGS LOGS SU

MI STON PA'I RGYU MTSAN NO, ,DANG PO LA GNYIS, RGYU KHYAB BYED MA DMIGS PA LOGS SU MI STON PA'I RGYU MTSAN, RANG BZHIN MA DMIGS PA LOGS SU MI LTON PA'I RGYU MTSAN NO, ,DANG PO NI, RANG BZHIN 'BRAS BU GRUB DON DU GTAN TSIGS GNYIS SMOS NAS, RGYU KHYAB BYED MA DMIGS PA'I DBER BRJOD MI 'CHAD PA'I RGYU MTSAN CI ZHE NA, RGYU KHYAB BYED MA DMIGS PA'I RTAGS CHOS CAN, PHYOGS CHOS CAN GYI RAB DBYE 'CHAD PA'I SKABS SU, 'BRAS RANG GI RTAGS LAS THA DAD PAR NI, KHYOD KYI DPER BRJOD MA BSHAD PA'I RGYU MTSAN YOD DE, SNANG RUNG GI RGYU DANG KHYAB BYED KYI NGO BO LDOG PA NYID KYIS 'BRAS BU DANG KHYAB BYA'I DON LDOG PAR NI BRJOD PA LAS, KHYOD KYI DPE NI GRUB PA'I PHYIR, RGYU KHYAB BYED MA DMIGS PA LA SNANG RUNG GI KHYAD PAR DE GANG LAS THOB CE NA, SHES BYA CHOS CAN, RGYU KHYAB BYED MA DMIGS PA DE LA'ANG BLTAR RUNG BA'I DON LA MA DMIGS PA DE MED PA'I GO BYED YIN NO ZHES BSTAN TE, SKYES BU STE BDAG MTHONG RUNG DU MED PA LAS SROG SOGS LDOG PA MED PA'I PHYIR TE, GTAN TSIGS SROG DE GSON LUS BDAG BCAS SU SGRUB PA'I MI MTHUN PHYOGS LAS LDOG PA LA THE TSOM ZA BAR BSHAD PAS SO, ,RTAGS THAMS CAD RNAM BCAD TZAM SGRUB PA MA YIN NAM, JI LTAR NA RTAGS YANG DAG LA 'BRAS RANG MA DMIGS PA GSUM DU NGES ZHE NA, SHES BYA CHOS CAN, RTAGS THAMS CAD RNAM BCAD TZAM SGRUB PA MA YIN PAR THAL, RGYU KHYAB PAR MA DMIGS PA 'DIS NI CHOS CAN DNGOS PO LA'ANG, DNGOS PO'I CHA KHAS BLANGS PA MED PAR MED DGAG NYID SGRUB BYED YIN LA, SNGA MA 'BRAS RANG DAG GIS NI DNGOS SU SGRUB PA DANG, SHUGS LA MA

, ,YIN DGAG SGRUB PAR BYED PA'I PHYIR RO, ,GNYIS PA LA GSUM, RANG BZHIN MA DMIGS PA'I RTAGS BZHED, DE LOGS SU MI STON PA'I RGYU MTSAN DNGOS, RTZOD PA SPANG BA'O, ,DANG PO NI, RANG BZHIN MA DMIGS PA'I RTAGS MI BZHED DAM; DE'I DPER BRJOD MI 'CHAD PA'I RGYU MTSAN CI ZHE NA, SLOB DPON PHYOGS GLANG CHOS CAN, SNANG RUNG MA DMIGS PA LA MED PA'I THA SNYAD MI SHES PA SHES PAR BYA BA'I PHYIR DU, RANG BZHIN MA DMIGS PA'I DPE GCIG BZHED PA YIN TE, DE LA DMIGS RUNG RNAMS KYI NI YOD PA'I 'JOG BYED, TSAD MAS DMIGS PA LAS GZHAN YOD PA MIN PA DE'I PHYIR, 'O NA, RANG BZHIN MA DMIGS PA'I DPE JI LTA BU ZHE NA, YUL SNANG RUNG DMIGS PA MED PA'I PHYIR, GZHI DER CHOS DE'I YUL CAN GYI SHES RJOD THE TSOM 'GOG PAR 'GYUR TE, DPER NA, GZHI 'GA' ZHIG CHOS CAN, ME MA YIN TE, SREG PAR BYED PA MIN PA'I PHYIR, ZHES BYA BA BZHIN NO, ,SNANG RUNG MA DMIGS PAS MED NGES SGRUB NUS PA'I RGYU MTSAN CI ZHE NA, SHES BYA CHOS CAN, SNANG RUNG MA DMIGS PA DE YOD PA LAS MED PA DE'I RGYU MTSAN CAN GYI SGRA SHES SGRUB NUS TE, DMIGS SU RUNG BA'I MED PA 'JOG BYED NI, SNANG RUNG MI DMIGS PA LAS GZHAN YOD PA MIN PA DE'I PHYIR, BUM PA SNANG RUNG MA MTHONG BA CHOS CAN, KHYOD KYIS BUM MED SGRUB MI NUS PAR THAL; BUM MED DE KHYOD KYI RNAM GZHAG GI 'BRAS BU YIN PA'I PHYIR, KHYAB STE, RGYU NI 'BRAS BU LA 'KHRUL BA'I PHYIR ZHE NA, CHOS CAN, BUM MED DE KHYOD KYI RNAM GZHAG GI 'BRAS BU YIN YANG, KHYOD LAS BUM PA'I BLO SGRA THE TSOM GYI YUL BUM PA MED PAR 'GRUB STE,

KHYOD YIN NA BUM PA MED CES BYA BA'I THA SNYAD 'DI GNAG RJI'I BAR GYIS GRUB PAS SO, ,'O NA, BUM PAS DAG PA'I SA PHYOGS CHOS CAN, BUM MED BSGRUB MI DGOS PAR THAL, BUM PA SNANG RUNG MA DMIGS PA GRUB BA'I PHYIR ZHE NA, 'DIR CHOS CAN, YUL BUM PA SNANG RUNG MA DMIGS PA GRUB ZIN DU YOD NA YANG, PHYI RGOL GZHAN DAG BUM PA MED PAR RJES SU MI RJOD PA'I RGYU MTSAN YOD DE, BUM PA MED PA'I THA SNYAD LA RMONGS PA SRID PA'I PHYIR, CHOS CAN, BUM MED KYI DON BSGRUB MI DGOS TE, SNANG RUNG MA DMIGS PA LA MED PA'I THA SNYAD GRUB PA DANG NI CHOS MTHUN PAR BSTAN PA LAS, BUM MED KYI BRDA DRAN PAR BYED PA 'BA' ZHIG YIN PA'I PHYIR, JI LTAR TE DBER NA, ME PHAN 'DOGS BYED DU YOD NA DU BA SKYE BAR MTHONG BA DANG, ME MED NA DU BA SKYE BAR MA MTHONG BA LAS, ME RGYU DANG DU BA 'BRAS BU NYID DU SGRUB PA BZHIN TE, DON GZHAN SNGA MA YOD MED KYI RJES SU 'GRO LDOG BYED PA PO DANG, DON GZHAN PHYI MA YOD MED KYI RJES SU 'GRO LDOG BYAS DE GNYIS LA NI, 'BRAS BU DANG SOGS PA RGYU'I SGRA BKOD PA CHOS CAN, DON YOD DE, THA SNYAD ZOR YANG BAR BYA BA'I DON DU YIN PA'I PHYIR, GNYIS PA NI, 'O NA, RANG BZHIN MA DMIGS PA'I DPER BRJOD LOGS SU MI 'CHAD BA'I RGYU MTSAN CI ZHE NA, RANG BZHIN MA DMIGS PA'I RTAGS 'DI NI CHOS CAN, GTAN TSIGS KYI RAB DBYE BSHAD PA'I SKABS SU 'BRAS RANG GI RTAGS LAS THA DAD PAR NI, KHYOD KYI DPER BRJOD MA BSTAN PA'I RGYU MTSAN YOD DE, KHYOD RANG BZHIN GYI RTAGS KYI NANG DU 'DUS PA'I PHYIR TE, RNAM 'JOG GI RGYU LAS RNAM GZHAG GI 'BRAS BU SGRUB PA'I RTAGS YIN PAS SO, ,GSUM PA LA GNYIS,

, ,DNGOS DANG, MA MTHONG BA TZAM GYIS MED NGES BSGRUB MI NUS PAR BSTAN PA'O, ,DANG PO LA GSUM, PHYOGS CHOS MNGON SUM GYIS GRUB PAR BSTAN, GRUB PA'I TSUL, DE LAS GZHAN DU THUG MED DU THAL BA'O, ,DANG PO NI, BUM PA SNANG RUNG MA DMIGS PA CHOS CAN, KHYOD KYIS BUM MED SGRUB MI NUS PAR THAL, KHYOD TSAD MAS MA GRUB PA'I PHYIR ZHE NA, SHES BYA CHOS CAN, BUM PA SNANG RUNG MA DMIGS PA TSAD MAS MA GRUB PA'I SKYON MED DE, GCIG SA PHYOGS DAG PA PA DMIGS PA'I DBANG MDON NYAMS SU MYONG BA'I RANG RIG MNGON SUM LAS, SA PHYOGS 'DI NI DMIGS SO ZHES BYA BA'AM BUM PA 'DI NI MA DMIGS SO ZHES BYA BAR RTOG PA CAN GYI BLO GNYIS NI SKYE BAR 'GYUR BA YIN PA'I PHYIR, 'O NA, GCIG DMIGS ZHES SMOS PAS CHOG MOD, NYAMS SU MYONG BA ZHES SMOS PAS CI BYA ZHE NA, NYAMS SU MYONG BA ZHES SMOS PA CHOS CAN, DON YOD DE, MYONG BA KHYAD PAR CAN NYID LAS DON RNAMS KHYAD PAR CAN DU RTOGS PA'I CHED YIN PA'I PHYIR, GNYIS PA NI, SHES BYA CHOS CAN, BUM 'DZIN DBANG MNGON DANG, DAG 'DZIN DBANG MNGON GYI BLO'I DBYE BA RANG RIG NYID LAS GRUB PAR 'GYUR LA, BLO DE DAG GIS DE'I DON GYI DBYE BA 'GRUB BAR 'GYUR TE, SA PHYOGS DAG PA BA DE LTA BU'I BDAG NYID KYI RNAM PA CAN GYI DPANG MNGON MYONG BA'I RANG RIG NI, DAG 'DZIN MNGON SUM 'DI NI BUM 'DZIN MNGON SUM LAS THA DAD DU 'BYED PA'I BLO'I RGYU YIN PA'I PHYIR, DE LTA MIN NA, SA PHYOGS DAG PA 'GA' YANG CHOS CAN, BUM PA MED BA'I SGRUB BYED THUG MED DU THAL, BUM PA SNANG RUNG MA DMIGS PA MNGON SUM GYIS MA GRUB PA'I PHYIR, 'DOD NA

CHOS CAN, BUM YOD LAS THA DAD DU 'GRUB PAR MI 'GYUR BAR THAL LO, ,SHES BYA CHOS CAN, BUM PA SNANG RUNG MA DMIGS PA 'DI NI RANG NYID MNGON SUM LAS RTOGS PA YIN TE, BUM PA 'DI SNANG RUNG MI DMIGS PA YANG, BUM PA DE LAS KHYAD PAR CAN GYIS PHYOGS DMIGS PA NYID DANG TSAD MA GCIG GI BYED PA 'JUG PA'I YUL YIN PA'I PHYIR TE, BUM PA'I RANG BZHIN LAS KHYAD PAR CAN GYIS PHYOGS MYONG BA'I MNGON SUM LAS GZHAN BUM 'DZIN GSAL BA NI GZHAN MA YIN PA'I PHYIR TE, DE GNYIS TSAD MA GCIG GI BYED PA 'JUG PA'I YUL YIN PA'I PHYIR, BUM PA SNANG RUNG MA DMIGS PA CHOS CAN, BUM PAS DAG PA'I SA PHYOGS SU RANG NYID YOD TZAM GYIS 'JUG PA CAN GYI BUM PA DE MED PA'I RNAM GZHAG GO BYED YIN TE, DE SGRUB KYI TSUL GSUM YIN BA'I PHYIR, GSUM PA NI, DE LAS GZHAN DU RJES DPAG GIS GRUB NA, BUM PAS DAG PA'I SA PHYOGS CHOS CAN, BUM PA MED PA'I DON GYI SGRUB BYED THUG MED DU 'GYUR PAR THAL, BUM PA MED PAR BUM PA SNANG RUNG MA DMIGS PA LAS RTOGS PAR 'GYUR LA, BUM PA DMIGS PA MED PA NYID DE YANG GTAN TSIGS GZHAN GYIS BSGRUB DGOS BA'I PHYIR, GNYIS PA MA MTHONG BA TZAM GYIS MED NGES SGRUB MI NUS PAR BSTAN PA NI, SHES BYA CHOS CAN, MA MTHONG BA TZAM GYIS MED DES LAS GZHAN DU YOD NGES KYI THA SNYAD BZHAG PA 'GOG PAR 'GYUR TE, MI SNANG BA TZAM GYIS MED PAR NGES PA MI RUNG BA'I PHYIR, DPER NA, SEMS CAN GZHAN LA RTAGS MED PAR RNAM RTOG LA SOGS BA RGYU BA'I GRANGS MA MTHONG BA TZAM GYIS MED PAR MI 'GRUB PA BZHIN NO, ,BUM PA MA MTHONG TZAM 'DIS NI CHOS CAN, BUM PA LDOG PA SGRUB PAR NUS PA MA YIN TE, 'BRAS BU BUM PA

, ,MED PAR NGES PA MED PA CAN YIN PA'I PHYIR, MA DMIGS PAS MED NGES SGRUB NUS PAR BSHAD PA DANG 'GAL LO ZHE NA, SHES BYA CHOS CAN, MA DMIGS PA'I GTAN TSIGS LAS MED NGES SGRUB NUS PA DE, DANG PO SNANG RUNG MA DMIGS BA'I DBANG DU BYAS PA YIN TE, SNANG RUNG MA DMIGS PAS MED PAR NGES PA SGRUB NUS PA'I PHYIR RO, ,GNYIS PA 'GAL ZLA DMIGS PA'I RTAGS LOGS SU MI STON PA'I RGYU MTSAN NI, PHYOGS CHOS CAN GYI RAB DBYE 'CHAD PA'I SKABS SU, 'GAL ZLA DMIGS PA'I RTAGS KYI DPER BRJOD MI 'CHAD PA'I RGYU MTSAN GANG ZHE NA, DE RANG BZHIN MA DMIGS PA'I NANG DU 'DUS LA, RANG BZHIN MA DMIGS PA LOGS SU MI 'CHAD PA'I RGYU MTSAN BSHAD ZIN TO, ,MA DMIGS PA'I RTAGS LA DBYEN DU ZHE NA, MA DMIGS PA RANG GI SBYOR BDAG CHOS CAN, GNYIS SU YOD DE, MA DMIGS PA DE'I RANG GI NGO BO RTAGS SU SBYOR BA'AM, DGAG BYA'I CHOS KYI DON LA GNOD BYED KYI NGO BO RTAGS SU SBYOR BA GNYIS YOD PA'I PHYIR, DGAG BYA'I CHOS LA GNOD BYED DU ZHE NA, LHAN CIG MI GNAS 'GAL DANG, PHAN CHUN SPANGS 'GAL GNYIS LAS, DANG PO NI, TSA REG CHOS CAN, GRANG REG LA GNOD BYED YIN TE, GRANG REG RGYUN MA GTUGS PAR YOD PA NA KHYOD NYA BAR YOD PAS, GRANG REG MED PAR SONG BA'I PHYIR, GNYIS PA LA, DNGOS 'GAL DANG BRGYUD 'GAL GNYIS LAS, DANG PO NI, BRTAN DNGOS DANG NI 'JIG PA BZHIN TE, MI RTAG PA CHOS CAN, RTAG PA DANG DNGOS 'GAL YIN TE, DE DANG PHAN TSUN THA DAD GRUB PAS TE RNAM BCAD YONGS GCOD KYI SGO NAS DNGOS SU MI MTHUN PAR GNAS PA YIN PA'I PHYIR, GNYIS PA NI

'JIG NGES SU GYUR PA DANG NI 'JIG PA PHYIS BYUNG GI RGYU LA LTOS BCAS BZHIN TE, 'JIG NGES CHOS CAN, 'JIG PA PHYIS BYUNG GI RGYU LA LTOS BCAS DANG BRGYUD 'GAL YIN TE, DE LA TSAD MA GZHAN GYIS GNOD PA'I SGO NAS 'GAL BA'I PHYIR RO, ,JI LTAR 'GAS ZHE NA, BUM PA CHOS CAN, NYE BAR GDON MI ZA BAR NI 'JIG PA GA LA YOD DE MED PAR THAL, 'JIG PA PHYIS BYUNG GI RGYU GZHAN LAS SKYES PA'I PHYIR, MA KHYAB STE, BUM PA'I DNGOS PO'I RGYU LAS 'JIG RGYU SKYE, DE LAS 'JIG PA BYUNG BA YIN PA'I PHYIR ZHE NA, CHOS CAN, RANG RGYU LAS 'JIG RGYU 'BYUNG LA, DES 'JIG PA'I BRGYUD PA'I DU BA PAS CI ZHIG BYA STE DON MED PAR THAL, RANG GRUB TZAM NAS 'JIG NGES YIN PA'I PHYIR, GAL TE 'JIG RGYU DES 'JIG PA GZHAN SKYED PAS, BUM PA DE NI 'JIG PAR 'GYUR NA, BUM PA'I DNGOS PO DE NYID 'JIG PA'I DANG DU SKYED NA SKYON CI ZHIG TU 'GYUR DRIS PAS, GNAS TSUL DANG MI MTHUN PA YIN NO ZHE NA, DE NI CHOS CAN, 'JIG RGYU DON GZHAN DES BDAG LA PHAN 'DOGS BYED PA GANG LAS YIN TE MA YIN PAR THAL, BDAG NYID GRUB PAR GYUR PA YIN PA'I PHYIR 'DOD NA, CHOS CAN, 'JIG RGYU DON GZHAN DE'I LTOS BYA GANG CI ZHIG YIN TE MA YIN PAR THAL, DE BDAG LA PHAN 'DOGS BYED MIN PA'I PHYIR, CHOS CAN, NAM YANG NI 'JIG NGES DE LTA MIN PAR JI LTAR 'GYUR TE MI 'GYUR PAR THAL, 'JIG PA PHYIS BYUNG GI RGYA LA LTOS MED KYI DNGOS PO YIN PA'I PHYIR, DPER NA, BUM PA DE NYID 'JIG KHA MAR SKAD CIG GNYIS PAR SNGOD PA LA BRTEN PAR MI 'DOD PA BZHIN NO, ,PHYIS BYUNG GI RGYU LA LTOS PA MED PAR 'JIG NA SKAD CIG KYANG DNGOS POR YOD PA MIN PAR 'GYUR ZHE NA, CHOS CAN, LTOS MED DU

, ,'JIG PA DE LTAR GYUR PA DE DNGOS PO NYID YIN TE, DNGOS MED LTOS MED DU 'JIG PA DE LTAR JI LTAR 'GYUR TE MI 'GYUR BA'I PHYIR, GANG DAG CHOS DE LA YOD PA GZHAN LA LTOS PA MED PA DE DAG, RANG GRUB TZAM NAS CHOS DE LA YOD DES YIN TE, 'BRAS BU MYU GU SKYE BA'I LAS LA GEGS BYED PA MED PA CAN GYI MYU GU'I RGYU TSOGS PA THAM BZHIN DU, BUM PA 'DI YANG PHYIS BYUNG GI RGYU LA LTOS MED DU 'JIG PA YIN NO ZHES BYA BA NI RANG BZHIN GYI GTAN TSIGS SO,, ,,TSAD MA RNAM 'GREL LAS GZHAN GYI DON GYI RJES SU DPAG PA'I TSIG LE 'UR BYAS PA STE LE'U BZHI PA'I BSHAD PA'O,, ` ,,BZHI PA MJUG GI DON LA GSUM, GZHUNG RTOGS DKA' BAR BSTAN, RTOGS NA PHAN YON CHE BAR BSTAN, GANG GIS MDZAD PA 'GYUR BYANG DANG BCAS PA'O, ,DANG PO NI, SHES BYA CHOS CAN, CHOS KYI GRAGS PA KHO BO'I RNAM 'GREL 'DI RGYA MTSO LA NI CHU BO BZHIN DU, RANG GI BLO GROS KYI LUS LA THIM ZHING NUB PA NYID DU 'GYUR TE, 'GRO BA RNAMS LA RTZOM PA PO DANG MTSUNGS PAR LEGS BSHAD SLAR 'DZIN PAR BYED PA MI RNYED PA CAN YIN PA'I PHYIR TE, BLO'I NUS PA CHUNG BA MED PA DE DAG GIS KYANG, BDEN GNYIS ZAB MO'I DE NYID RTOGS PA MED PA CAN YIN LA, BRTZON 'GRUS SHIN DU LTAG PAR GYUR PA DE DAG GIS KYANG, ZAB PA DANG RGYA CHE BA'I MCHOG GI DE NYID MTHONG BA MED PA DANG LDAN PA'I PHYIR, GNYIS PA NI, RNAM 'GREL 'DI CHOS CAN, NYIN MOR BYED PA DANG MTSUNGS PA YIN TE, TSUL DANG TSUL MIN PA RNAM PAR 'BYED PA LA MKHAS PA DANG, RTAG CHAD KYI LTA BA DAN PA'I TSANG CHING SREG PA DANG, 'PHAGS PA 'JAM DBYANGS NYID KYIS RJES SU BZUNG BA'I PHYOGS

GLANG GIS MDZAD PA'I YANG DAG PA'I RIGS PA'I LA MA STON PA'I GZHUNG LUGS NYIN MOR BYED PA'I YON TAN BRGYA DANG LDAN PA DANG, BLO GROS NGAN PA NYIN MO SPONG BA'I 'UG PA LTA BUS 'JIGS PAS SPANGS PA DE LTA MOD KYI, BLO MIG RNAM PAR DAG PA'I MKHAS PA'I PADMO RGYAS BYED YIN PA'I PHYIR RO, ,GSUM PA NI, TSAD MA RNAM 'GREL GYI TSIG LE'UR BYAS PA 'DI NI, YUL LHO PHYOGS KYI RGYUD DU BYUNG BA, GZHUNG LUGS NGAN PA THAMS CAD CHES SHIN DU 'KHRUL PAR 'JUG PA, SNYAN PA'I GRAGS PAS SA STENG MA LUS PA KHYAB PA, 'GRAN ZLA MED PA'I MKHAS PA CHEN PO, RIGS PA SMRA BA THAMS CAD KYI GTZUG GI NOR BU, DPAL CHOS KYI GRAGS PAS MDZAD PA RDZOGS SO,, ,,RGYA GAR GYI MKHAN PO SU BHU TI SHR'I SH'ANTI DANG, BOD KYI LO TZTSA BA DGE SLONG DGE BA'I BLO GROS KYIS BSGYUR, YANG PAndI TA SKAL LDAN RGYAL PO DANG, BOD KYI LO TZTSA BA CHEN PO DGE SLONG BLO LDAN SHES RAB KYIS CUNG ZAD BCOS, DUS PHYIS SA'I STENG NA 'GRAN ZLA THAMS CAD DANG BRAL BA'I MKHAS PA CHEN PO, SH'AKYA SHR'I BHA DRA LA SOGS PA RNAMS DANG, SH'AKYA'I DGE SLONG KUN DGA' RGYAL MTSAN DPAL BZANG POS BSGYUR CING ZHUS TE GTAN LA PHAB PA'O,, ,,BSTAN PA RIN CHEN YUN RING GSAL BA DANG, ,RANG NYID GOMS DANG GZHAN LA PHAN BYA'I PHYIR, ,TSIG NYUNG DON GSAL SNGA PHYI 'BREL CHAGS PA'I, ,RNAM BSHAD 'DI NI DGE 'DUN GRUB KYIS BYAS, ,DGE BA 'DI YIS TSE RABS THAMS CAD DU, ,RGYAL BA RNAMS KYI CHOS RNAMS MA LUS PA, RGYAL BA'I DGONGS PA JI BZHIN 'DZIN PA LA, ,RJE BTZUN MKHYEN PA'I GTER DANG MTSUNGS PAR SHOG, ,TSAD MA RNAM 'GREL LEGS PAR BSHAD PA ZHES BYA BA 'DI NI, CHOS KYI RGYAL PO THAMS CAD MKHYEN PA BLO BZANG GRAGS PA'I DPAL DANG, RGYAL TSAB DAM PA DAR MA RIN CHEN LA SOGS PA'I

[DD]*, 'DOD KHAMS DBANG PHYUG BSTAN PA'I BYAR MA, *, ,ZHABS RDUL SPYI BOS LAN PA, SH'AKYA'I DGE SLONG DGE 'DUN GRUB PA DPAL BZANG POS, CHU PHO BYI BA'I LO NAG BA ZLA BA'I YAR NGO'I TSES BZHI LA DPAL SHEL DKAR GYI CHOS GRVA CHEN POR SBYAR BA'O, `, ,AOm SVA STI, 'GRO LA BRTZE BA'I GTER CHEN SPYAN RAS GZIGS, ,SLAR YANG DUR SMRIG ZLOS GAR TSUL BZUNGS NAS, ,BSIL LDAN YONGS LA PHAN BDE STZOL MDZAD PA, ,SMRA BA'I NYI MA DGE 'DUN GRUB LA 'DUD,, DNGOS STOBS RIGS PA'I GZHUNG LUGS GNAM LCAGS KYIS, ,MU STEGS PAN PA'I BRAG RI BYER BRLAG NAS, ,RGYAL BA'I DGONGS PA MA NOR GSAL MDZAD PA'I, ,RNAM 'GREL DGONGS DON RNAM PAR BSHAD BA 'DI, ,BKRA SHIS DGE MTSAN SPUNGS PA'I LHUN PO'I SBOR, ,CHOS SBYIN RGYA CHER SPEL PHYIR PANG DU BSGRUBS, ,DGE NGES RIGS LAM DRI MED LEGS BSHAD 'DI, ,PHYOGS DUS KUN TU NGAR ZHING RGYAS GYUR CIG, 'DI YI CHED DU 'BAD PA DU MA YIS, ,BRTZON PA BGYID PA'I SKYE DGU DU MA RNAMS, ,GNAS SKABS SU YANG TSE RING NAD MED CING, ,MTHAR THUG RNAM 'DREN GO 'PHANG MYUR THOB SHOG ,KHYAD PAR BLA MA MKHA' 'GROS LUNG BSTAN PA'I, ,BKA' GDAMS CHOS KYI 'BYUNG GNAS CHOS GRVA CHE'I, ,'PHRIN LAS 'OD BRGYA PHYOGS BCUR 'PHRO BA DANG, ,BSTAN 'DZIN RNAMS KYANG SRID MTHAR ZHABS BRTAN SHOG, ,MANGGA LAm,, ,, [DD] *, BSTAN DGRAD MNYAMS SROG GCOD SGROL 'BYI

[BLANK PAGE]