An Explanation of the Chapter on Direct Accurate Perception, from the Work Entitled "A Fine Explanation of the

, ,TSANG MA RNAM 'GREL LEGS PAR BSHAD PA ZHES BYA BA THAMS CAD MKHYEN PA DGE 'DUN GRUB KYIS MDZAD PA LAS MNGON SUM LE'U'I RNAM BSHAD BZHUGS,,

, ,GSUM PA MNGON GYUR GSAL BYED MNGON SUM LE'U BSHAD PA LA GSUM, TSAD MA'I GRANGS DANG SPYOD YUL LA LOG RTOG BSAL, MNGON SUM RANG GI NGO BO'I LOG RTOG BSAL, TSAD MA'I 'BRAS BU'I LOG RTOG BSAL BA'O, ,DANG PO LA GNYIS, GRANGS NGES SGRUB, RTZOD PA SBAR BA'O, ,DANG PO LA GSUM, RTAGS DGOD, TSUL SGRUB DON BSDU BA'O, ,DANG PO NI GSAR DU MI BSLU BA'I SHES PA TSAD MA'I MCHAN NYID YIN NA, DE LA DBYE NA DU ZHE NA, SHES BYA CHOS CAN, TSAD MA LA MNGON RJES GNYIS SU NGES TE, GZHAL BYA LA RANG SPYI GNYIS SU NGES PA'I PHYIR, KHYAB STE, RANG MTSAN SNANG YUL DU BYED PA'I TSAD MA YIN NA, MNGON SUM TSAD MA YIN DGOS, SPYI MTSAN SNANG YUL DU BYED PA'I TSAD

, ,MA YIN NA RJES DPAG YIN DGOS PA'I PHYIR, GNYIS PA LA GNYIS, PHYOGS CHOS SGRUB, BYAB BA SGRUB PA'O, ,DANG PO LA GSUM, MDOR BSTAN, RGYAS PAR BSHAD, DON BSDU BA'O, ,DANG PA LA GSUM, RTAGS DGOD, KHYAB BA SGRUB, RTZOD PA SPANG BA'O, ,DANG PO NI, AUTPA LA SNGON PO LTA BU RANG SPYI 'BRES PA'I PHUNG PO GSUM PA YANG YOD PA MA YIN NAM, JI LTAR RANG SPYI GNYIS SU NGES ZHE NA, CHOS CAN, GZHAL BYA LA RANG SPYI GNYIS SU NGES TE, GZHAL BYA LA DON BYED NUS PA DANG MI NUS PA'I CHOS GNYIS SU NGES PA'I PHYIR DANG, 'DRA DANG MI 'DRA NYID DE RANG SNANG YUL DU BYED PA'I BLO DOR CHOS GZHAN LA RJES 'GRO BYED PAR SNANG PA DANG MI SNANG BA'I CHOS GNYIS SU NGES PA'I PHYIR DANG, RANG SNANG YUL DU BYED PA'I BLO LA JI LTAR SNANG BA LTAR SGRA'I YUL YIN PA DANG, DE LTA BU'I YUL MIN PA GNYIS SU NGES PA'I PHYIR DANG, GZUNG DON LAS RGYU MTSAN GZHAN NI YOD PA NA YOD PA'I RTOG BLO'I SNANG YUL DANG, RTOG MED SHES PA'I SNANG YUL GNYIS SU NGES PA'I PHYIR, 'O NA DBANG SHES 'KHRUL

PA LA SNANG BA'I SKRA SHAD CHOS CAN, YUL MA YIN PAR THAL, RANG SPYI GANG YANG MA YIN PA'I PHYIR TE, DON BYED MI NUS PA'I PHYIR DANG, GSAL BAR SNANG ZHING RJES 'GRO MED PA'I PHYIR ZHE NA, DBANG SHES 'KHRUL PA LA SNANG BA'I SKRA SHAD LA SOGS NI CHOS CAN, DON MIN TE, DON DU MOS BA MED PA'I PHYIR RO, ,GNYIS BA NI, BUM PA GANG YIN PA DE CHOS CAN, BSTAN BCOS 'DIR DON DAM PAR YOD PA MA YIN TE, DON DAM PAR DON BYED NUS PA'I PHYIR, GZHAN RTOG PA LA BUM PAR SNANG BA NI CHOS CAN, KUN RDZOB TZAM DU YOD DE, DON BYED MI NUS PA'I CHOS YIN PA'I PHYIR, DE GNYIS LA KHYAB PA YOD DE, DON DAM PAR DON BYED NUS PA DANG MI NUS PA'I CHOS DE DAG, RANG SPYI'I MTSAN NYID DU BSHAD PA'I PHYIR, GSUM PA NI, GAL TE DON DAM PAR DON BYED NUS PA RANG MTSAN GYI MTSAN NYID DU MI 'THAD DE, CHOS THAMS CAD LA DON DAM PAR DON BYED NUS PA MED PA'I PHYIR ZHE NA, RTAGS MA GRUB STE, SA BON SOGS NI MYU GA SOGS LA PHAN PA'I NUS PA MTHONG BA'I PHYIR, GAL TE SA BON LAS MYU GU SKYE BA DE YANG KUN RDZOB TU 'DOD DE ZHE NA, SA BON LAS MYU GU SKYE BA CHOS CAN, CI STE KUN RDZOB TZAM DE LTAR 'GYUR TE MI 'GYUR BAR THAL, YUL RANG NGOS NAS GRUB PA'I PHYIR, RTAGS MA GRUB NA, SA BON CHOS CAN, KHYOD LAS MYU GU MI SKYE BAR THAL, KHYOD LAS MYU GU SKYE BAR YUL RANG NGOS NAS MA GRUB PA'I PHYIR, GAL TE DON DAM BAR DON BYED NUS BA RANG MTSAN GYI MTSAN NYID DU MI 'THAD DE, RANG SPYI KUN LA DE YOD PA'I PHYIR ZHE NA, SPYI'I MTSAN NYID CHOS CAN, DON BYED NUS PA

, ,MIN TE, RANG 'DZIN GYI BLO LA PHAN BA MA MTHONG BA'I PHYIR TE, RANG 'DZIN GYI BLO DE KHYOD KYI RJES SU 'GRO LDOG MA MTHONG BA'I PHYIR, MI MTHUN DPE NI, MIG DANG GZUGS SOGS KYIS MIG BLO SKYED PA BZHIN NO, ,SHES BYA CHOS CAN, SPYI'I MTSAN NYID RJES 'GRO LDOG, CES PA'I RIGS BA DES NI, RDZAS BUM PA DANG LAS 'DEGS PA DANG, SPYI DANG NI YON TAN GRANGS SOGS 'DZIN PA'I BLO LA NI, GZUNG DON MED PAR BSHAD PA YIN TE, DE LTA BU'I BLO DE BRDA DANG RTZOL BA SOGS NANG GI YAN LAG GI RJES SU 'JUG PA'I PHYIR, GAL TE DON BYED MI NUS PAS SPYI MTSAN YIN NA, DBANG SHES 'KHRUL BA LA SNANG BA'I SKRA SHAD KYANG SPYI MTSAN DU 'GYUR RO ZHE NA, DE LA SNANG BA'I SKRA SHAD SOGS NI CHOS CAN, SPYI MIN TE, DON DU ZHEN PA MED PA'I PHYIR, 'O NA, DNGOS MED CHOS CAN, DER THAL, DE'I PHYIR ZHE NA, DNGOS POR MED PA CHOS CAN, KHYOD LA DON DU ZHEN PA MED PA'I RGYU MTSAN GYIS, SPYI MTSAN MIN PA'I NYES PA DAG TU THAL BAR MI 'GYUR TE, SHES BYAR 'DZIN CING ZHEN PA'I PHYIR, SKRA SHAD 'DZAG SNANG GI DBANG SHES DE DAG GI YANG RJES SU SKYES PA'I RTOG PA LA SKRA SHAD DE LTA BU'I DNGOS POR SNANG BA CHOS CAN, SPYIS TSAN YIN TE, SPYI MTSAN YIN PA BKAG PA MED PA'I PHYIR, DBANG SHES 'KHRUL PA LA SNANG BA'I SKRA SHANG MA GRUB NA, DBANG SHES 'KHRUL PA LA SKRA SHANG SNANG BAR 'GAL LO ZHE NA, MI 'GAL TE, DBANG SHES 'THUL BA LA SKRA SHAD GSAL BAR SNANG BA NYIR CHOS CAN, RANG MTSAN YIN TE, SHES PA'I NGO BO'I DON NYID NGAM RDZAS YIN PA'I PHYIR, 'DI SKRA SOGS SO ZHES BYA BAR MOS PA'I BLO DE DAG NI

CHOS CAN, KHYOD LA SNANG BA DE SPYI YIN TE, KHYOD SPYI'I SPYOD YUL CAN GYI RTOG PA YIN PA'I PHYIR, SKRA SHAD 'DZAG SNANG GI DBANG SHES CHOS CAN, GZUNG DON MED PA CAN YIN TE, LOG SHES YIN PA'I PHYIR, GAL TE SPYI 'DZIN RTOG PA'I GZUNG RNAM NI CHOS CAN, RANG MTSAN DU THAL BAR 'GYUR TE, SHES PA'I NGO BO'I DON NYID YIN PA'I PHYIR ZHE NA, DE CHOS CAN, RANG MTSAN DU THAL BA'I SGO NAS SKYON YOD PA MIN TE, RANG MTSAN DE LTAR 'DOD PA'I PHYIR, 'O NA RTOG PA LA BUM PAR SNANG BA DE SPYI JI LTAR YIN ZHE NA, DON GYI NGO BO NYID KYI SGO NAS RTOG PA LA BUM PAR SNANG BA CHOS CAN, SPYI YIN TE, BUM GSAL KUN LA NGO BO MTSUNGS PAR RJES SU 'GRO BA'I PHYIR DANG, DU MA MIN LAS LDOG PA LA BRTEN PA'I RTOG PA'I SNANG YUL YIN PA'I PHYIR RO, ,GNYIS PA RGYAS PAR BSHAD PA LA GSUM, RTOG PA'I SNANG BA DNGOS MED DU SGRUB, GZUGS SOGS RANG MTSAN YIN PAR SGRUB, SPYI MTSAN DE'I DBYE BA BSTAN PA'O, ,DANG PO LA BRGYAD, BRJOD BYA YIN PAS SGRUB, GCIG DANG THA DAD MIN PAS SBRUB, SNANG TSUL MTSUNGS PAS SGRUB, SPYI NYID YIN PAS SGRUB, 'BRAS BU MIN PAS SGRUB, BRDA LA LTOS PAS SGRUB, YAN GAR DU MI SNANG BAS SGRUB, DON BYED NUS STONG YIN PAS SGRUB PA'O, ,DANG PO LA GNYIS, DNGOS DANG, RTZOD SPANG NGO, ,DANG PO NI, SGRA'I YUL SPYI MTSAN DU BSTAN PA LA, RTOG PA LA GZUGS SU SNANG BA CHOS CAN, GZUGS SU THAL, GZUGS ZHES PA'I SGRA'I YUL YIN PA'I PHYIR, GZUGS BZHIN NO ZHE NA, DE CHOS CAN, DNGOS PO MIN TE, RANG SNANG YUL DU BYED PA'I RTOG BLO LA JI LTAR SNANG BA LTAR SGRAS BRJOD BYA NYID YIN PA'I PHYIR, 'O NA, GZUGS CHOS CAN, DER THAL,

, ,DE'I PHYIR ZHE NA, CHOS CAN, RTAGS DE MIN PAR THAL, KHYOD SNANG YUL DU BYED PA LA DBANG SOGS 'BRAS BCAS NYID YIN PA'I PHYIR RO, ,GNYIS PA LA GSUM, MING SOGS BRJOD BYAR 'DOD PA DGAG, SPYI BRJOD BYAR 'DOD PA DGAG, GZUGS SOGS BRJOD BYAR 'DOD PA DGAG PA'O, ,DANG PO LA GNYIS, 'DOD PA BRJOD LA DRI BA DGOD, DRIS PA'I LAN GSUM SO SOR DGAG PA'O, ,DANG PO NI, BYE BRAG TU SMRA BA NA RE, DBANG SOGS DON MED DU THAL BA'I SKYON MED DE, BUM PA ZHES PA'I SGRAS BUM PA'I MING SOGS LDAN MIN 'DU BYED RJOD PA'I PHYIR ZHE NA, DE LTAR NA, BUM PA ZHES PA'I SGRAS 'CHAD PA PO DANG NYAN PA PO DANG 'BREL BA'I MING SOGS BRJOD DAM, BRJOD BYA BUM PA DANG RJES SU 'BREL PA CAN GYI MING SOGS RJOD DAM, DE GSUM DANG 'BREL PA MED PA CAN GYI MING SOGS RJOD GRANG, GNYIS PA NI, DANG PO LTAR NA, BUM PA ZHES PA'I SGRA, CHOS CAN, KHYOD LAS SKYES BU DON BUM PA LA 'JUG PAR MI 'GYUR BAR THAL, BUM PA'I MING SOGS KHO NA BRJOD PA'I PHYIR, GAL TE BUM PA DANG BUM PA'I MING SOGS TSUL 'DRA BA LAS, 'KHRUL NAS DON BUM PA LA 'JUG PAR 'GYUR RO ZHE NA, CHOS CAN, KHYOD LAS DUS KUN TU BUM PA LA MI 'JUG PAR, RES 'GA' MING SOGS LA 'JUG PAR THAL, BUM PA DANG BUM PA'I MING SOGS TSUL 'DRA BA LAS 'KHRUL NAS 'JUG PA TZAM YIN PA'I PHYIR, DPER NA, MTSE MA BZHIN, CHOS CAN, BUM PA DANG BUM PA'I MING SOGS YUL GCIG KHO NA LA 'KHRUL PA MIN PAR THAL, BUM PA'I MING SOGS DE 'CHAD NYAN BYED PA'I BLO KHO NA DANG 'BREL BA'I PHYIR, RTAGS

KHAS BLANGS, KHYED RANG LA NYES PA MTSUNGS TE, BUM PA ZHES PA'I SGRAS RTOG PA LA BUM PAR SNANG BA RJOD PA'I PHYIR ZHE NA, CHOS CAN, KHYOD KYIS SHES PA LA BUM PAR SNANG BA RJOD PAS, SKYES BU BUM PA LA MI 'JUG PAR MTSUNGS PA MIN TE, KHYOD KYIS DE RJOD PAS BUM PA'I RNAM PAR SHAR BA DE 'DRA'I BLO SKYE BA'I PHYIR, GZHAN BYE BRAG TU SMRA BA'I LUGS LA CHOS CAN, SHES PA LA DON GYI RNAM PA SHAR BA MED DE, PHYI ROL DON GYI RNAM LDAN DU SNANG BA'I BLO NI KHAS LEN PA MED PA'I PHYIR RO, ,KHAS LEN NO ZHE NA YANG, MING SOGS 'DZIN PA'I RNAM SHES CHOS CAN, KHYOD LAS THA DAD PA'I MING SOGS NI, KHYOD KYI GZUNG DON DU TSAD MAS GRUB PA MIN PAR THAL, MING SOGS DANG LDOG PA GRUB PA MED PA'I PHYIR RO, DE MA GRUB STE, SHES PA KUN GZUNG DON DANG LDAN PA'I PHYIR ZHE NA; SHES BYA CHOS CAN, SHES PA KUN GZUNG DON DANG LDAN PA DE 'THAD PA PA MIN PAR THAL, RMI LAM SOGS KYI SHES PA GZUNG DON DANG LDAN PA LAS RNAM PA GZHAN DU MTHONG BA'I PHYIR RO, RTAGS MA GRUB STE, LDAN MIN 'DU BYED DE GZUNG DON DU 'DOD DO ZHE NA, RMI LAM GYI SHES PA CHOS CAN, LDAN MIN 'DU BYED KYI GZUNG DON LAS KYANG SKYE BA MIN PAR THAL, SNGON PO LA SOGS PA'I RNAM PAR SNANG BA'I PHYIR RO, ,RMI LAM NA SNGON POR SNANG BA DE PHYI ROL GYI SNGON PO YIN PAS DE GZUNG DON DU BYED DO ZHE NA, RMI LAM NA SNGON POR SNANG BA CHOS CAN, PHYI ROL GYI SNGO SOGS MIN PAR THAL, THOGS MED YIN PA'I PHYIR, 'O NA DE GANG ZHE NA, DE CHOS CAN, SHES PA'I RANG BZHIN YIN TE, YUL RUNG BA NA GNAS PAS MI SHES PAR, RMI BA PO RANG NYID KYIS MYONG BA'I TSUL GYIS SHES PA'I PHYIR,

, ,BSHAD MA THAG PA DES NI MING SOGS CHOS CAN, SHES PA'I RANG BZHIN DU RJOD PA YIN TE, YUL RUNG BA NA GNAS PA'I GANG ZAG GZHAN GYIS MI NGES PAR, RTOGS PA PO RANG NYID KYIS MYONG BA'I TSUL GYIS SHES PA'I PHYIR, GZHAN YANG MIG LA SOGS PA'I BLO 'DOD PA DE NYID GANG GIS GZUNG DON DANG LDAN PAR 'DOD CES DRIS PAS, GAL TE GZUNG DON GYI NUS PA LAS SKYE PAR MTHONG PA'I PHYIR ZHE NA, GZHAN MING SOGS 'DZIN PA'I RTOG PA CHOS CAN, GZUNG DON MED PA CAN THOB PAR 'GYUR BAR THAL, GZUNG DON GYI NUS PA LAS SKYE BAR MA MTHONG BA'I PHYIR, 'BREL MED KYI MING SOGS RJOD DO ZHE NA YANG, BUM PA ZHES PA'I SGRA CHOS CAN, KHYOD LAS SKYES BU BUM PA LA 'JUG PAR MI 'GYUR BAR THAL, 'BREL MED KYI MING SOGS RJOD PA'I PHYIR, GAL TE NGON BUM PA DANG 'BREL BA'I MING SOGS BRJOD BYAR LDAN NA, SHES BYA CHOS CAN, 'DAS PA DANG MA 'ONGS PA'I BUM PA DA LTA BRJOD BYA MIN PAR THAL, DA LTA DON 'DAS PA'I BUM PA DANG DI'I MING SOGS DE NI ZAD PA'I PHYIR RO, ,GNYIS PA NI, GAL TE DBANG SOGS DON MED DU THAL BAR MI 'DOD DE, SGRA YIS SPYI YAN GAR BA NI RJOD PA'I PHYIR ZHE NA, SGRA CHOS CAN, SPYI YAN GAR BRJOD PAS DBANG SOGS DON MED PA DE MIN PAR THAL, SPYI YAN GAR BA RJOD PA MED PA'I PHYIR RO, ,RJOD DO ZHE NA YANG, SPYI DE CHOS CAN, GSAL BA LA MTSUNGS PAR YOD PA MIN PA DANG, GSAL BAS GSAL BA MIN PAR THAL, GSAL BA LA LTOS MED YAN GAR BAR SGRAS RJOD PA'I PHYIR, CHOS CAN, RTAG TU DMIGS PAR 'GYUR TE, GSAL BA LA LTOS MED KYI RTAG PA NYID YIN PA'I PHYIR RO, ,

GAL TE YANG GSAL BAS GSAL BA LAS, MNGON SUM LA GSAL BA YIN NO ZHE NA, SPYI GANG DE CHOS CAN, RANG 'DZIN SHES PA RTAG TU SKYED NUS NYID YIN PAR THAL, BDAG LA DMIGS PA'I SHES PA SKYED PA LA, NUS PA DANG LDAN PA'I RTAG PA YIN PA'I PHYIR GAL TE 'GA' ZHIG GI TSE NUS PA MED DO ZHE NA, DE NI CHOS CAN, KUN GYI TSE NUS MED DU 'GYUR BAR THAL, DUS 'GA' ZHIG GI TSE NUS MED GANG ZHIG, RTAG PA YIN PA'I PHYIR, DE GNYIS LA KHYAB PA YOD DE, NGO BO NYID KYIS GANG GNAS PA'I SPYI CHOS CAN, RANG 'DZIN SHES PA SKYED PA DE'I NUS PA'AM, NUS PA MED PA DE ZAD PAR BYA BA'I PHYIR DU NUS PA YANG YANG MED PAR THAL, RKYEN GYIS BCOS SU YOD PA MIN PA'I PHYIR TE, RTAG PA YIN PA'I PHYIR, SPYI'I RNAM PAR SHES PA DE DANG RJES SU 'BREL BA'I SNGON PO LA SOGS PA'I RNAM PA'I CHA NI RNAM PAR NGES PA GANG YIN PA DE NI, SPYI 'DZIN GYI BLO DE LA SPYI GANG GIS SPRUL CING SKYED DE MA SKYED PAR THAL, SPYI 'DZIN GYI BLOS SPYI YAN GAR BA 'DZIN PA'I PHYIR, GSUM PA NI, GAL TE RJOD BYED KYI SGRAS GZUGS SOGS BRJOD KYANG DBANG PO'I SHES PA CHOS CAN, DON MED MIN TE, GZUGS SOGS MNGON SUM DU SHES PA'I DON CAN NYID YIN PA'I PHYIR ZHE NA, DBANG SHES DANG RTOG BLO CHOS CAN, SGRA SOGS LAS GSAL MI GSAL THA DAD DU SNANG BA GAD LAS YIN TE MA YIN PAR THAL, DNGOS PO GCIG GZUNG DON DU BYED PAR 'DRA BA'I PHYIR, GNYIS PA GCIG DANG THA DAD MIN PAS SGRUB PA LA GSUM, DNGOS, DES GRUB PA'I DON, RTZOD PA SPANG PA'O, ,DANG PO NI, BUM SPYI CHOS CAN, DNGOS PO'I RANG BZHIN DU MED PAR GRUB STE, BUM GSAL DANG RDZAS GCIG DANG THA

, ,NGAD GANG DU'ANG MA GRUB PA DE'I PHYI PA GRANGS CAN NA RE, RDZAS GCIG YIN NO ZHE NA, RIGS LDAN GSER BUM CHOS CAN, BUM GSAL GYI RIGS MIN PAR THAL, GANG GI PHYIR GSAL BA'I NGO BO GZHAN RDZA BUM LA RJES SU 'GRO BA BRTEN PA MED PA'I PHYIR, BYE BRAG PA NA RE, GAL TE RDZAS THA DAD DU GRUB PO ZHE NA, BUM SPYI CHOS CAN, BUM GSAL GYI 'BRAS BU NYID DU BRJOD PAR THAL, DE DANG RDZAS THA DAD GANG ZHIG, DE LA LTOS PA'I PHYIR, SHES BYA CHOS CAN, RGYU 'BRAS MIN PA'I SBYI GSAL JI LTAR YANG DON DAM PAR CI ZHIG 'BREL TE MA 'BREL PAR THAL, RGYU 'BRAS SU GYUR PA'I SA MYU GU LTA BU YANG DON DAM PAR MA 'BREL PA'I PHYIR TE, 'BRAS BU MYU GU DE GRUB RJES SU SA BON LA RAG LAS PA MED PAR YANG RTOG PA YIS NI 'BREL BAR BYED PA'I PHYIR; JI LTAR RAG MA LAS ZHE NA, MYU GU CHOS CAN, RANG GRUB RJES SU SA BON LA RAG LAS PA MED DE, RANG GI RGYU LAS GRUB PA'I PHYIR, BUM SPYI DE CHOS CAN, BUM GSAL DANG 'BREL MED DU THAL, BUM GSAL DANG RDZAS GZHAN NYID YIN PA GANG ZHIG, DE'I 'BRAS BU MIN PA'I PHYIR, GAL TE DNGOS POR MED KYANG SBYI YIN NA, RI BONG RVA YANG SPYIR THAL LO ZHE NA, MED PA RI BONG GI RVA CHOS CAN, RIGS SU THAL BAR MI 'GYUR TE, GSAL BA DE LA LTOS PA MED PA'I PHYIR, GNYIS PA NI, GAL TE RTOG PA LA BUM PAR SNANG BA DNGOS MED YIN NA, SGRAS BRJOD PA LA DGOS PA CI YOD CE NA, BUM PA'I NGO BO LA BRTEN NAS NGO BO MED PA'I RIGS SU BRTAGS PA'I RTOG PA LA BUM PAR SNANG BSGRA RNAMS KYIS NI RAB TU BSTAN PA CHOS CAN, DON YOD DE, KHYAD PAR BUM PA DE LA

'JUG PA'I DON CAN YIN PA DE'I PHYIR, RTOG PA LA BUM PAR SNANG BA DE LA BUM PA'I NGO BOR SNANG BA 'AM, DON BUM PA LA BUM SPYI DE NYID DU 'DZIN PA GANG YIN PA DE CHOS CAN, 'KHRUL PA YIN TE, THOG MA MED PA'I DUS CAN GYI RANG MTSAN MTHONG BA GOMS PA'I STOBS KYIS SPRUL PA YIN PA'I PHYIR, DON RNAMS KYI NI SPYI GANG YIN PA GZHAN LAS LDOG PA'I MTSAN NYID CAN SGRA 'DI DAG GIS GANG BRJOD PA DE CHOS CAN, KHYED LA DNGOS PO'I NGO BO CUNG ZAD MED DE, RTOG PAS SGRO BTAGS YIN PA'I PHYIR, BUM SPYI 'DZIN PA'I BLO CHOS CAN, 'KHRUL PA YIN TE, BUM PA'I NGO BOR MED PA CAN GYI SPYI BUM PA NYID DU NI MTHONG BA'I PHYIR, DON LA MED PA NI BUM SPYIR 'DOD PA DE YANG CHOS CAN, 'DOS PO'I NGO BO CAN MIN TE, RTOG PAS BSLAD PA'I PHYIR DANG, DE NYID DU NA DON DNGOS SU MED PA'I PHYIR, CHOS CAN, NGO BO MED PA CAN YIN TE, BUM GSAL DANG RDZAS GCIG DANG THA DAD GANG DU YANG BRJOD BYA MIN PA'I PHYIR, GSUM PA NI, GAL TE CHOS CAN, BUM GSAL DANG RDZAS GCIG DANG THA DAD MIN YANG DNGOS POR 'DOD DE, SNAM BU'I SBYI 'GA' ZHIG LAS RDZAS THA DAD DU BRJOD BYA YIN PA'I PHYIR ZHE NA, CHOS CAN, BUM GSAL RNAMS LAS JI LTAR YANG RDZAS GCIG DANG THA DAD GANG RUNG DU BRJOD BYA MIN PA NYID MA YIN TE YIN PAR THAL, DNGOS PO YIN PA'I PHYIR, BUM PA'I SBYI SNAM BU'I SBYI DANG RDZAS GZHAN DU BRJOD BYA MIN PAR THAL; NYER LEN BUM SNAM RDZAS THA DAD PA'I PHYIR SNAM BU'I SPYI DANG RDZAS THA DAD DU NYE BAR BTAGS PA'I PHYIR, 'DAS PA DANG NI MA 'ONGS PA'I DON LA'ANG SPYI DNGOS PO BA'I RGYU CAN GYIS, MNYAN PA DAG NA 'JUG PAR 'GYUR BAS SBYI DNGOS PO YIN NO ZHE NA, CHOS CAN,

, ,DA LTA MED PA 'DAS MA 'ONGS KYI BUM PA'I CHOS SU DA LTA JI LTAR 'GYUR TE MI 'GYUR BAR THAL, RTAG PA'I DNGOS POR YOD PA'I PHYIR, 'DOD NA, 'DAS MA 'ONGS KYI BUM PA LA DA LTA BUM PA ZHES PA'I SGRA MI 'JUG PAR THAL LO, ,GAL TE 'DAS MA 'ONGS KYI BUM PA LA BUM PA ZHES PA'I SGRA DE NYE BAR BTAGS PA LAS 'JUG PAR 'DOD DO ZHE NA, BUM PA ZHES PA'I SGRA GANG ZHIG CHOS CAN, 'DAS MA 'ONGS KYI BUM PA LA BTAGS MING DU 'JUG LA, SNAM SOGS LA BTAGS MING DU MI 'JUG PA'I KHYAD PAR MED PAR THAL, SNAM SOGS LA 'JUG PA MED LA, DA LTAR BA'I BUM PA'I DNGOS POR MED PA'I 'DAS MA 'ONGS KYI BUM PA DANG NI NYE BA'I RGYU MTSAN GANG YANG MED PA'I PHYIR, SENG GE ZHES PA'I SGRA CHOS CAN, RI DVAGS KYI RGYAL PO LA RTAG TU DNGOS MING DANG, BRAM ZE'I KHYE'U LA SGRO 'DOGS PA'I BTAGS MING DE LTAR RJOD PA'ANG 'JIG RTEN NA YOD DE, RI DVAGS KYI RGYAL PO LA THOG MAR BRDA SBYAR BA'I MING GANG ZHIG, KHYOD LAS RI DVAGS KYI RGYAL PO LA BLO NI 'KHRUL PA MED PAR 'JUG CING, BRAM ZE'I KHYI'U LA RI DVAGS KYI RGYAL PO DANG 'DRA BA RGYU MTSAN DU BYAS PA'I MING YIN PA'I PHYIR, SHES BYA CHOS CAN, SPYI DON GZHAN YOD BRJOD PA DNGOS MING DANG, SBYI DON GZHAN MED PA RJOD PA BTAGS MING DU MI RIGS PAR THAL, SPYI DON GZHAN MED NA YANG, 'GRO BA YIS GANG LA THOG MAR GRAGS PAS SGRA BKOD PA'I MING DE DON DE LA DNGOS MING DANG, DNGOS MING DU 'JUG PA'I DON DE DANG MTSUNGS PA'I PHYIR 'KHRUL RTOG CAN TE RJES GRUB TU 'JUG PA'I MING DE GZHI DE LA PHAL PA BTAGS MING YIN PA'I PHYIR, JI LTAR

TE DPER NA, BU'I DNGOS PO PA'I 'DOD DON BSGRUB NUS SU MED PA LA BU MENG CES PA'AM, GRANGS CAN GYI RTOG PA JI BZHIN DU, YUL MI'I 'DOD DON BSGRUB NUS KYI MI RGAN LA'ANG, GCO BO LA SOGS PA'I MNYAN PA SKYE BOS BYAS PA YIN PA BZHIN NO, , GSUM PA SNANG TSUL MTSUNGS PAS SGRUB PA NI, MA ZHIG BA DA LTAR GYI BUM PA LA'ANG RTOG PA'I BLO CHOS CAN, GZUNG DON DNGOS POR MED DE, SGRA LAS ZHIG PA LA RTOG PA'I BLO LA JI 'DRAR SNANG BDE 'DRA BAR SNANG TSUL MTSUNGS PA'I PHYIR, KHYAB STE, RNA BA LA SOGS PA'I RNAM PAR SHES PA GZUNG DON YOD PA CAN LA, ZHIG PA LA RTOG PA'I BLO DANG SNANG TSUL MTSUNGS PA DE DAG MED PA'I PHYIR, MA KHYAB STE, SBYI TZAM GZUNG DON DU 'DZIN PAR BYED PA'I PHYIR, SEMS GNYIS PO DAG SNANG TSUL MTSUNGS PA YIN NO ZHE NA, CHOS CAN, SBYI DE 'BA' ZHIG NI 'DZIN PAR BYED PA MIN PAR THAL, DE SNGAR NI RNAM PAR BZLOG ZIN PA'I PHYIR, BZHI PA SPYI NYID YIN PAS SGRUB PA NI, BUM GSAL RNAMS NI CHOS CAN, KHYAD MED NGO BOR JI LTAR 'GYUR TE MI 'GYUR BAR THAL, PHAN TSUN RDZAS THA DAD PA'I KHYAD PAR CAN YIN PA'I PHYIR, MA KHYAB STE, RANG BZHIN GCIG PA DANG GNAS SKABS RDZAS THA DAD PA'I NGO BO NYID GNYIS YOD PA'I PHYIR ZHE NA YANG, DE CHOS CAN, DNGOS PO GCIG TU JI LTAR 'GYUR TE MI 'GYUR BAR THAL, RDZAS THA DAD YIN PA'I PHYIR, GAL TE GSAL BA DE DAG LA MTSUNGS PAR YOD PA'I SPYI DNGOS PO BA DE, GSAL BA DE DAG LAS RDZAS GZHAN NYID YIN NO ZHE NA, SPYI CHOS CAN, GSAL BA DE DAG GI SPYI ZHES PA 'BREL MED DU 'GYUR BAR THAL, GSAL BA DANG RDZAS THA DANG PA'I PHYIR, BUM MIN LAS LDOG PAR SNANG BA LA NI CHOS

, ,CAN, RDZAS GCIG DANG THA DAD BRTAGS NAS SUN DBYUNG DU MED DE, DNGOS MED DU KHAS LEN PA'I PHYIR, GSAL BA LA MTSUNGS PA NYID KYI SPYI 'DI CHOS CAN, DNGOS PO MED PA'I MTSAN NYID CAN YIN TE, SPYI MTSAN YIN PA DE'I PHYIR LNGA PA 'BRAS BU MIN PAS SGRUB PA NI, SBYI DE 'BRAS BU YIN NAM MIN, SPYI DE 'BRAS BU'O ZHE NA, SPYI CHOS CAN, CHA DU MA DANG 'JIG PAR 'GYUR BAR THAL, 'BRAS BU YIN PA'I PHYIR, DE YANG 'DOD PA MIN TE, RTAG PA DANG GCIG PUR 'DOD PA'I PHYIR, CHOS CAN, RTAG PA NYID MIN PAR THAL, DNGOS PO YIN PA'I PHYIR, KHYAB STE, 'JIG PA DNGOS PO TZAM DANG RJES SU 'BREL BA'I PHYIR, GNYIS PA LTAR NA, RIGS RNAMS CHOS CAN, GSAL BA LA DON DAM PAR MA 'BREL BA DANG, DNGOS MED DU 'GYUR BAR THAL, 'BRAS BU MIN PA'I PHYIR, DRUG PA BRDA LA LTOS PAS SGRUB PA NI, SPYI 'DZIN PA'I BLO CHOS CAN, GZUNG DON MED DE, BRDA LA MI LTOS PA DE LTAR SNANG BA MED PAR, RANG YUL 'DZIN PA BRDA LA LTOS PA'I PHYIR, KHYAB STE, GZUNG DON DNGOS PO'I STOBS KYIS SKYES PA'I SHES PA GANG YIN PA DE BRDA DAG LA LTOS PA MA YIN PA'I PHYIR, RTZA RTAGS MA GRUB STE, BRDA MI SHES KYANG KHU YU DANG DKAR ZAL LA RIGS GCIG TU 'DZIN PA'I PHYIR, DE YANG SBYI DNGOS PO BA'I DBANG GIS YIN NO ZHE NA, BA LANG GI DNGOS PO GNYIS MTHONG BA LA BRDA MED NA YANG, RIGS THA DAD MED PA'I BLO 'GA' ZHIG RJES SU 'JUG PA GANG YIN PA DE CHOS CAN, SBYI DNGOS PO BA'I DBANG GIS MIN TE, BZHO BKAL GYI DON BYED PA NYE BA DANG 'BREL BAS YIN PA'I PHYIR, JI LTAR RIGS DNGOS PO PA MED KYANG MIG GI SHES PA'I 'BRAS BU CAN DU MIG

SOGS NYE BAR 'DOD PA BZHIN, KHU YU DANG DKAR ZAL CHOS CAN, BA LANG GI RIGS KYANG RJES SU 'GRO BA YIN TE, GANG GIS BA LANG MIN PA LAS RNAM PAR PHYE BA YIS SO, ,BDUN PA YAN GANG DU MI SNANG BAS SGRUB PA NI, SPYI CHOS CAN, DNGOS MED YIN TE, RNAM PA 'GAS KYANG RNAM SHES MA 'KHRUL BA LA DNGOS POR SNANG BA MED PA'I PHYIR RO, ,'O NA, MIG GI DBANG PO CHOS CAN, MED PAR THAL, MA MTHONG BA'I PHYIR ZHE NA, DBANG PO RNAMS CHOS CAN, GAL TE LTA BA PO KUN MKHYEN YOD NA, KHYOD KYI LUS SNANG BAR 'GYUR TE, GZUGS CAN YIN PA'I PHYIR, RIGS RNAMS NI CHOS CAN, KUN MKHYEN GYIS KYANG MTHONG BA MIN TE, NAM YANG YAN GAR DU MTHOD PA MED PA'I PHYIR, SHES BYA CHOS CAN, GSAL BA 'DZIN PA'I TSE NA'ANG RIGS YAN GAR BA MTHOD PA MED DE, DE'I TSE NA'ANG GSAL BA DE'I SGRA DANG KHA DOG DPYIBS SOGS KYI NGO BO LAS GZHAN SNANG BA MED PA'I PHYIR, BRGYAD PA DON BYED NUS STONG YIN PAS SGRUB PA NI, SPYI DE NI CHOS CAN, DNGOS PO'I RANG BZHIN DU MED DE, DON BYED PA DE MI RUNG BA'I PHYIR TE, RANG 'DZIN SHES PA SKYED PA TZAM GYI'ANG DON BYED PAR MI RUNG BA'I PHYIR, RTZA BAR KHYAB STE, DON BYED MI NUS PA DE NI DNGOS MED KYI MTSAN NYID YIN PA'I PHYIR, GNYIS PA GZUGS SOGS RANG MTSAN DU BSTAN PA NI, GZUGS GANG YIN PA DE NI CHOS CAN, RANG GI MTSAN NYID DU 'DOD DE JI SKAD BSHAD PA LAS BZLOG PA DON BYED NUS PA SOGS YIN PA'I PHYIR, GSUM PA SPYI MTSAN DE'I DBYE BA BSTAN PA LA GNYIS, DNGOS, RTZOD SPANG NGO, ,DANG PO NI, SPYI DNGOS MED YIN NA DE LA DBYE BA MED PAR 'GYUR RO ZHE NA, SBYI DE LA'ANG CHOS CAN, RNAM PA GSUm

, ,YOD DE, DNGOS PO DANG DNGOS MED DANG GNYIS KA LA BRTEN PA'I SPYI RNAMS SU YOD PA'I PHYIR, DPE RIM BZHIN RTOG PA LA BUM PA DANG DNGOS MED DANG SHES BYAR SNANG BLTA BU'O, GNYIS PA NI, GAL TE DNGOS PO LA BRTEN PA'I BUM 'DZIN RTOG PA CHOS CAN, BUM PA'I DNGOS PO GZUNG DON DU SHES PAR 'GYUR BAR THAL, DNGOS PO BUM PA LA 'BREL BA'I PHYIR ZHE NA, CHOS CAN, DAM BCA' DE MIN PAR THAL, DE LA LAN BTAB NAS BKAG PA'I PHYIR DANG, 'DAS SOGS LA RTOG PA'I BLO GZUNG DON DANG LDAN PA LAS RNAM PA GZHAN DU MTHONG BA'I PHYIR RO, GAL TE RTOG PA LA BUM PAR SNANG BA CHOS CAN, BUM PA'I DNGOS PO'I CHOS NYID YIN PA NYAMS PAR THAL, BUM PA LA 'BREL BA'I PHYIR ZHE NA, CHOS CAN, BUM PA'I CHOS MIN PA'I NYES PA 'DI MED DE, BUM PA'I DNGOS PO 'DZIN PA'I MNGON SUM SDON DU 'GRO BA CAN GYI RTOG PAS BUM PA DE'I CHOS SU SHES PA YIN PA'I PHYIR, GSUM PA DON BSDU BA LA GNYIS, DNGOS DANG, RTZOD SPANG NGO, DANG PO NI, SHES BYA CHOS CAN, DON BYED NUS PA'I GZHAL BYA RANG GI MTSAN NYID GCIG PUR NGAS TE, BLANG DOR GYI 'BRAS BU YOD MED NYID DU DPYOD PA RNAMS KYI DON DU GNYER BYA RANG MTSAN DE KHO NA LAS GRUB PA'I PHYIR, 'O NA, SLOB DPON GYIS GZHAL BYA RANG SPYI GNYIS SU BSHAD PA JI LTAR YIN ZHE NA, CHOS CAN, SLOB DPON GYIS GZHAL BYA RANG SPYI GNYIS SU BZHED DE, RANG MTSAN DE NI MNGON SUM GYIS RANG GI NGO BO DANG, RJES DPAG GIS GZHAN SPYI'I NGO BO SNANG YUL DU BYAS NAS RTOGS PA'I PHYIR, RANG MTSAN GCIG PU LA RTOGS TSUL GNYIS 'BYUNG NA, GANG

'KHRUL ZHE NA, RTOGS TSUL GNYIS PA SGRA MI RTAG RTOGS KYI RJES DPAG CHOS CAN, 'KHRUL PA YIN PAR BZHED DE, RANG LA SNANG BA SGRA MI RTAG PA JI LTA BA BZHIN MIN PA GANG ZHIG, SGRA MI RTAG PAR MNGON PAR ZHEN PA'I PHYIR, GNYIS PA NI, CHOS CAN, 'JUG YUL RANG MTSAN MI THOB PAR THAL, GAL TE GZHAN SPYI MTSAN GYI NGO BO SNANG YUL DU BYAS NAS NI RTOGS PA'I PHYIR, TSAD MA MA YIN PAR THAL, 'KHRUL PA'I PHYIR ZHE NA, CHOS CAN, 'KHRUL PA YIN YANG TSAD MA NYID YIN TE, DE YIN YANG BSAM PA 'JUG YUL LA NI GSAR DU SLU BA MED PA'I PHYIR, CHOS CAN, RANG MTSAN THOB PA LA RANG MTSAN GZUNG YUL DU BYED MI DGOS THAL, NOR BU GZUNG YUL DU BYAS PA LAS RNAM PA GZHAN GYIS KYANG, NOR BU RTOGS SHING THOB BA MTHONG BA'I PHYIR, CHOS CAN, RANG MTSAN GZUNG YUL DU MI BYED PAR THAL, RANG MTSAN GZUNG YUL DU BYED PA'I PHYOGS 'DI LA NI LAN BTAB ZIN PA'I PHYIR, SHES BYA CHOS CAN, 'KHRUL NA 'JUG YUL MI THOB PAR MTSUNGS PA MIN TE, NOR BU'I 'OD DANG SGRON ME'I 'OD DAG LA NOR BU'I BLO YIS MDON PAR RGYUG PA'I BLO GNYIS LOG PA'I SHES PAR KHYAD PAR MED KYANG, JI LTAR DON BYED PA'I NOR BU THOB PA LA KHYAD PAR YOD PA'I PHYIR, DPE DE LTAR SGRA MI RTAG RTOGS KYI RJES DPAG CHOS CAN, KHYOD DANG NI RJES DPAG DER SNANG BA'I BLO DAG JI LTAR SNAD BA BZHIN GYI DON MED PAR 'DRA NA YANG, KHYOD TSAD MA STE MI SLU BA NYID DU RNAM PAR BZHAG STE, DE LTAR YIN YANG, KHYOD DON BYED PA'I 'JUG YUL DANG RJES SU 'BREL BA'I THA SNYAD DON MTHUN YIN PA'I PHYIR, GNYIS PA KHYAB PA SGRUB PA NI, GAL TE GZHAL BYA

, ,GNYIS SU NGES PAS TSAD MA GNYIS SU NGES PAR JI LTAR 'GRUB CE NA, SNGON PO DE CHOS CAN, MNGON GYUR YIN TE, GANG LA DON GYI NUS PA LAS RJES 'GRO DANG LDOG PA CAN GYI BLO MNGON SUM DE, KHYOD LA 'DZIN PA RANG DBANG CAN YIN PA'I PHYIR, DE LAS GZHAN PA'I DNGOS PO DBANG PO LAS 'DAS NAS MA MTHONG BA'I BDAG NYID KYI NGO BO LA ME'I TSOGS DON DE CHOS CAN, LKOG GYUR YIN TE, KHYOD RTOGS PA'I RTEN NI DON GZHAN TSUL GSUM PA'I RTAGS YIN PA'I PHYIR, RTAG DE GANG ZHE NA, DU BA CHOS CAN, DU LDAN LA LA ME SGRUB PA DE'I TSE GO BYED NYID YIN TE, GAL TE DE SGRUB KYI RTEN CHOS CAN DANG 'BREL BA CAN GYI PHYOGS CHOS DANG, KHYAB PA RNAL MAR NGES PA YIN PA'I PHYIR, 'O NA LA LA TZAN DAN GYI ME LA SOGS PA YANG GO BYED YIN NAM ZHE NA, DE'I TSE GO BYED DU BA CHOS CAN, LA LA TZAN DAN GYI ME LA SOGS PA LKOG GYUR GYI DON THAMS CAD KHYAD PAR DU NI RTOGS PAR MI 'GYUR TE, LA LA RJES SU 'GRO BA'I SPYI'I NGO BO ME TZAM NYID DU RTOGS PA'I PHYIR, SHES BYA CHOS CAN, LKOG GYUR GYI SGRUB BYED RJES DPAG GCIG TU NGES PA YIN TE, PHYOGS CHOS DANG BSGRUB BYA'I CHOS LA 'BREL BA CAN GYI RTAGS LAS NI, CHOS CAN LA BSGRUB BYA'I CHOS KYI RTOGS PA GSAR DU SKYE BA'I BLO GANG YIN PA DE RJES DPAG TU NGES PA'I PHYIR, GSUM PA DON BSDU BA NI, SHES BYA CHOS CAN, GZHAL BYA GNYIS SU NGES PA NYID KYIS TSAD MA GNYIS SU BZHED PA YIN TE, MNGON SUM DU GYUR PA DANG LKOG TU GYUR PA LAS GZHAL BYA GZHAN NI YOD PA MA YIN PA DE'I PHYIR, TSAD MA LA GSUM DANG GCIG TU GRANGS NGES PA NI BSAL BA YIN TE, GZHAL BYA RANG SBYI GNYIS SU NGES PA NI MTHONG PA'I PHYIR,

GNYIS PA RTZOD PA SPANG BA LA GNYIS, GRANGS NYUNG BAR 'DOD PA DGAG, MANG BAR 'DOD PA DGAG PA'O, ,DANG PO LA, RTZOD LAN GNYIS, DANG PO NI, RGYANG 'PHEN NA RE, SPYI MTSAN CHOS CAN, GZHAL BYA MA YIN TE, DNGOS POR MED PA'I PHYIR, DES NA GZHAL BYA RANG MTSAN GCIG PUR NGES PAS TSAD MA MNGON SUM GCIG PU NYID DU NGES SO ZHE NA, GNYIS PA LA BZHI, 'DOD PA GRUB ZIN PAR BSTAN, RJES DPAG KHAS BLANG DGOS, DE LA RTZOD PA SPANG, RJES DPAG MED NA HA CANG THAL BA'O, ,DANG PO NI, SANGS RGYAS PA CHOS CAN, KHYOD KYI NGOR GZHAL BYA DON BYED NUS PA RANG MTSAN GCIG PUR BSGRUB MI DGOS TE, DE LTAR KHO BO'ANG 'DOD PA'I PHYIR, GNYIS PA NI, DNGOS POR MED PA'ANG CHOS CAN, SPYI MTSAN GZHAL BYA NI MA YIN PAR SGRUB PA LA KHYAB PA MA NGES PA NYID YIN TE, KHYOD TSAD MAS NGES PA'I PHYIR, SHES BYA CHOS CAN, TSAD MA GNYIS PA RJES DPAG NYID GRUB PAR THAL, DNGOS MED DE TSAD MAS DES PA'I PHYIR, MA KHYAB STE, DNGOS MED DBANG PO'I MNGON SUM GYIS DNGOS SU RTOGS SO ZHE NA, DBANG PO LAS SKYES PA'I BLO CHOS CAN, DNGOS MED LA DNGOS SU 'JAL BYED MIN TE, GZUNG DON GYI STOBS LAS SKYES PA'I PHYIR, GZUNG DON GYI NUS PA LA LTOS PA MED DO ZHE NA, DBANG PO LAS SKYES PA'I BLO NI CHOS CAN, RANG YUL DANG BAR CHOD LA SOGS YOD NA YANG SKYE BAR 'GYUR BAR THAL, DBANG PO'I MNGON SUM GANG ZHIG, GZUNG DON LA MI LTOS PA'I PHYIR, GAL TE MNGON SUM NYID 'JAL BYED DU LDOG PA LAS, SPYI SOGS MED PAR NGES PA YIN PAS, SKYON MED DO ZHE NA, DE'I DON, MNGON SUM 'JAL BYED DU LOG TZAM DES SPYI SOGS MED PAR DES PA YIN NAM,

, ,MNGON SUM 'JAL BYED DU LOG PA'I RTAGS LAS SPYI SOGS MED PAR NGES PA YIN, DANG PO LTAR NA, MNGON SUM 'JAL BYED DU LOG TZAM CHOS CAN, KHYOD KYIS SPYI SOGS MED PAR NGES PA 'GAL BAR THAL, KHYOD MED DGAG YIN PA'I PHYIR, GNYIS PA LTAR NA, SHES BYA CHOS CAN, TSAD MA GNYIS NI GRUB PA YIN PAR THAL, MNGON SUM 'JAL BYED DU LOG PA DE NYID, SPYI SOGS MED PAR SGRUB PA'I PHYOGS CHOS DANG, LDOG PA DANG RJES 'GRO CAN GYI RTAGS YIN PA'I PHYIR DANG, GZHAN SEMS DAG NI RTOGS PA'I TSAD MA YOD PA'I PHYIR, JI LTAR YOD CE NA, RGYANG 'PHEN GYI BU CHOS CAN, SEMS DE'I NGO BO NGES PAR GRUB STE, NGAG SMRA BA SOGS LA NI 'JUG PA'I PHYIR, RTAGS DE LAS PHA ROL GYI RGYUD LA SEMS YOD PAR GSAR DU RTOGS PA'I BLO DE CHOS CAN, TSAD MA NYID YIN TE, GSAR DU SLU BA MED PA CAN GYI SHES PA YIN PA'I PHYIR, GSUM PA NI, GAL TE SKYU RU RAS RO SKA BA DPOG PA LTA BU, LA LA DAG TU NI 'KHRUL BA'I PHYIR, RTAGS YANG DAG THAMS CAD LA YID BRTAN MED CE NA, RGYANG 'PHEN CHOS CAN, PHYOGS SNGA DE MIN PAR THAL, RTAGS LOG MTHONG BA'I PHYIR RTAGS YANG DAG DE YANG DE DANG 'DRA BAR ZHEN PA TZAM YIN GYI, RTAGS YANG DAG LA 'BREL BA 'KHRUL MI SRID PA'I PHYIR, JI LTAR MI 'KHRUL ZHE NA, GANG LAS 'GA' ZHIG GI TSE LA'I DNGOS PO 'GA' LA, ME DE'I RTOGS PA GRUB PAR GYUR PA'I DU BA DE NI CHOS CAN, RANG GI RGYU ME MED PAR DON KHYOD NI SRID PA MIN TE, ME DE LAS SKYES PAR GDON MI ZA BA'I PHYIR, BYAS PA CHOS CAN, RANG GI NGO BO MI RTAG PA MED PAR KHYOD SRID PA MIN TE, MI RTAG PA DE'I NGO

POR GDON MI ZA BA'I PHYIR, DU BA DANG BYAS PA DE DAG LAS GZHAN PA'I 'BRAS RANG GI RTAGS GANG YIN PA DE NYID CHOS CAN, RANG GI BSGRUB BYA'I CHOS LA MI 'KHRUL BA'I MTSAN NYID CAN YIN TE, RANG GI BSGRUB BYA'I CHOS LA 'BREL BA'I RANG BZHIN DU MTHONG BA'I PHYIR SGRUB RTAGS MI 'KHRUL MOD, DGAG RTAGS JI LTAR MI 'KHRUL ZHE NA, BUM PAS DAG PA'I SA PHYOGS CHOS CAN, BUM PA DE DANG LDAN BA'ANG JI LTAR YOD DE MED BAR THAL, BLTAR RUNG BUM PA RANG GI NGO BO MTHONG BA'I RGYU GZHAN DAG YOD PAR BUM PA SNANG BA MED PA'I PHYIR, MTSAN MO'I RGYA MTSO CHOS CAN, DU BA DE DANG LDAN PA'ANG MED DE, BLTAR RUNG DU BA RANG GI RGYU ME MTHONG BA'I RGYU GZHAN DAG YOD PAR ME SNANG BA MED PA'I PHYIR, BZHI PA NI, SHES BYA CHOS CAN, DA LTA LKOG TU GYUR PA'I SA PHYOGS LA SOGS PA MED PA THOB PAR 'GYUR BAR THAL SPYI'I BLO RJES DPAG NI TSAD MA MIN PA'I PHYIR, DPER NA, 'JIG RTEN PHA ROL GYI DNGOS PO BZHIN, GAL TE MI MTSUNGS TE, DA LTA LKOG TU GYUR PA'I SA PHYOGS LA SOGS PA DBANG MNGON RNAMS KYIS, DUS GZHAN DU NI RTOGS PA'I PHYIR YOD LA, 'JIG RTEN PHA ROL DBANG MNGON GYIS NAM YANG MA MTHONG BAS MED DO ZHE NA, DBANG MNGON GYIS NAM YANG MA MTHONG BAS 'JIG RTEN PHA ROL MED PA DE MIN PAR THAL, MIG DBANG DANG DES MIG SHES SKYED PA'I NUS SOGS LA, DBANG PO'I BLO NI 'JAL BYED DU 'JUG PA NI SRID PA'I PHYIR, DE DAG MED PAR RTOGS PA YIN NO ZHE NA NI, MIG BLO SKYE BA RGYU MED DU 'GYUR BAR THAL, MIG DBANG MED PA'I PHYIR, KHYOD LTAR NA MIG DBANG GANG GIS RTOGS ZHE NA, RTAGS LAS MIG DBANG YOD PAR GSAR DU RTOGS PA'I BLO CHOS CAN, RJES DPAG NYID YIN TE, RNAM RTOG

, ,MED PAR YUL 'JAL BA MIN PA'I PHYIR TE, SPYI 'DZIN PA'I TSAD MA YIN PA DE'I PHYIR, KHYAB STE, RANG GI MTSAN NYID LA MNGON SUM YIN NA, RNAM RTOG MED PA NYID KYIS KHYAB PA'I PHYIR, GNYIS PA GRANGS MED PAR RTZOD PA LA GNYIS, RTZOD LAN NO, , DANG PO NI, GZHAL BYA RANG SPYI GNYIS SU NGES NA, KHA DOG NI MI RTAG PA NYID DU RTOGS PAR MI 'GYUR TE, DE LTAR NGES NA KHA DOG MI RTAG PA DE RTOGS PA'I BLO TSAD MA GZHAN DU 'GYUR BA'I PHYIR TE, SPYI 'DZIN PAS MNGON SUM MIN, RTAGS MED PAR NI YOD PAS RJES DPAG MIN PA'I PHYIR, KHYAD PAR NGO SHES KYI BLO DE NI TSAD MA GZHAN YIN TE, KHYAD PAR MTHONG BAS TSAD MA YIN ZHING, SPYI 'DZIN PAS MNGON SUM MIN, RTAGS DU BA DANG NI SNGAR GYI ME LA 'BREL BA RTOGS PA MED PAS RJES DPAG MIN PA'I PHYIR RO, TSAD MA RNAMS MANG PO NYID DU THAL GZHAL BYA RANG SPYI GNYIS LAS MANG PA'I PHYIR DANG, YUL GCIG LA'ANG TSAD MA DU MA NYID NI 'JUG PA'I PHYIR TE, DPER NA SNGAR KHANG NANG DU ME MTHONG NAS PHYIS DU BA'I RTAGS LAS KYANG KHYAD PAR ME MTHONG BA BZHIN, TSAD MA GCIG DANG, GSUM GYI GRANGS KYANG SEL BAR MI 'GYUR BAR THAL, MNGON RJES GNYIS YUL SO SOR NGES PA NI MED PA'I PHYIR DANG, RANG SPYI GNYIS LAS GZHAL BYA GZHAN NI YOD PA'I PHYIR RO, GNYIS PA LA GSUM, RTAGS LA BRTAN PA'I BLO TSAD MA GZHAN YIN PA DGAG, RJES SU SKYES PA'I BLO TSAD MA GZHAN YIN PA DGAG, KHYAD PAR NGO SHES TSAD MA GZHAN YIN PA DGAG PA'O, ,DANG PO LA, BSTAN BSHAD BSDU GSUM MO, ,DANG PO NI, KHA DOG MI RTAG PAR RTOGS PA'I BLO TSAD MA GZHAN YIN NA, BYAS PA'I RTAGS LAS KHA DOG

MI RTAG PAR GSAR DU RTOGS PA'I BLO'AM, KHA DOG RGYUN 'CHAD KHA MA MTHONG BA'I MNGON SUM GYI RJES SU SKYES PA'I KHA DOG MI RTAG PAR RTOGS PA'I BLO LA ZER, DANG PO LTAR NA, BYAS RTAGS LAS KHA DOG MI RTAG PAR GSAR DU RTOGS PA'I BLO CHOS CAN, TSAD MA PHUNG GSUM PA YIN PA'I SKYON 'DIR THAL BAR MI 'GYUR TE, KHA DOG GI SPYI LA MI RTAG PA'I SPYI SBYOR BA'I TSAD MA YIN PA'I PHYIR RO, GNYIS PA LA GNYIS, RTZOD LAN MDOR BSTAN, MI SLU BA'I TSUL RGYAS PAR BSHAD PA'O, DANG PO NI, MI RTAG PA CHOS CAN, DNGOS MED YIN PAR THAL, SPYI'I CHOS YIN PA'I PHYIR ZHE NA, SHES BYA CHOS CAN, MI RTAG PA DE DNGOS MED KYI NGO BO MIN PAR THAL, KHA DOG DE NYID MI RTAG PA DE LTAR GRUB PA'I PHYIR RO, ,SNGAR BSHAD PA'I BLO DE CHOS CAN, GZHAN KHA DOG MI RTAG PA GRUB PA MIN PAR THAL, GZHAN KHA DOG MI RTAG PA'I DON SPYI SNANG YUL DU BYED PA'I PHYIR ZHE NA, CHOS CAN, DE SNANG YUL DU BYED PAS KHA DOG MI RTAG PA MA GRUB PA DE MIN PAR THAL, DE SNANG YUL DU BYED KYANG KHA DOG MI RTAG PA LA 'BREL BAS, KHA DOG MI RTAG PA DE NYID GRUB, PA'I PHYIR RO, ,GNYIS PA LA GNYIS, SGRUB RTAGS LA BRTEN PA'I RJES DPAG MI SLU, DGAG RTAGS LA BRTEN PA'I RJES DPAG MI BSLU PA'O, ,DANG PO NI, RJES DPAG RTAGS LAS SKYE BA MIN NAM, 'JUG YUL LA JI LTAR MI SLU ZHE NA, SGRA'I DNGOS PO GANG MI RTAG PA JI LTA BUR GYUR PA DE 'DRA'I SGRUB BYED BYAS PA DE NI CHOS CAN, RANG 'BRAS RTAGS 'DZIN SEMS KYI RGYU YIN TE, DE SKYED BYED YIN PA'I PHYIR, SGRA MI RTAG PA DE LTA BU'I DNGOS PO LA DMIGS PA'I RTAGS CAN GYI BLO CHOS CAN, SGRA MI RTAG PAR SGRUB PA'I RTAGS 'DZIN SEMS DES BSKYED PA

, ,YIN TE, DE LAS BYUNG BA'I PHYIR, DE LTAR NA, DE SGRUB KYI RTAGS DANG RTAGS CAN GYI BLO CHOS CAN, GZUNG DON DER SNANG BA YIS NI STONG YANG, RANG MTSAN LA SLU BYED NYID MA YIN TE, DE YIN YANG, BRGYUD PA YIS NI DNGOS PO LA 'BREL BA'I THA SNYAD DON MTHUN YIN PA'I PHYIR, MA 'KHRUL BAR THAL, RANG MTSAN LA MI SLU BA'I PHYIR ZHE NA, CHOS CAN, RANG MTSAN DE'I DNGOS PO LA SLU BYED NYID MIN YANG, 'KHRUL PAR RNAM GZHAG BYAS BA YIN TE, DE YIN YANG RANG MTSAN DE'I NGO BOS STONG PA DE DAG SNANG YUL DU BYAS NAS; RANG MTSAN DE'I NGO BOR ZHEN PA'I PHYIR, SGRA MI RTAG PA'I DNGOS PO RTOGS PAR BYA BA LA KHYAB BYED MI RTAG PA DE'I NGO BO KHYAB BYA BYAS PA RTAGS SU BKONG BA'I TSEN BYAS PA CHOS CAN, RANG 'BRAS RTAGS 'DZIN SEMS KYI RGYU MTSAN YIN TE, DE SKYED BYED YIN PA'I PHYIR, DE SGRUB KYI RTAGS 'DZIN GYI SEMS DE YANG CHOS CAN, DE SGRUB KYI RTAGS CAN GYI BLO DE'I RGYU YIN TE, DE SKYED BYED YIN PA'I PHYIR, RGYU ME DAG CHOS CAN, DU BA'I RGYU YIN TE, DU BSKYED BYED YIN PA'I PHYIR, DU BA DE RTAGS 'DZIN SEMS KYI RGYU YIN TE, ZHES SOGS SBYAR RO, ,GNYIS PA LA BZHI, DGAG RTAGS YANG DAG, DGAG RTAGS LTAR SNANG, 'GAL DMIGS KYI DBYE BA, MI SLU BA'I RGYU MTSAN NO, ,DANG PO NI, 'O NA, DGAG RTAGS LA BRTEN PA'I RJES DPAG JI LTAR MI SLU ZHE NA, SHES BYA CHOS CAN, DGAG PA NYID NI THAMS CAD DU DGAG BYA MI DMIGS PA LAS 'GRUB PA YIN TE, TSAD MAS GRUB BA LA YOD PAS KHYAB PAR SMRA BA RNAMS KYI DON GYI BZLOG PA NYID LAS, SNANG RUNG MA DMIGS PA LA MED PAS KHYAB PAR SMRA PA RNAMS KYIS KHAS LEN PA'I PHYIR, DGAG BYA DMIGS

BYED KYI TSAD MA BKAG PAS, DGAG PA 'GRUB MI DGOS TE, 'GAL ZLA DMIGS PA'I RTAGS KYANG YOD PA'I PHYIR ZHE NA, GZHI 'GA' ZHIG TU GRANG REG NGANG GRANG 'BRAS SPU LONG BYED DGAG PA LA, GRANG REG DE'AM, GRANG 'BRAS SPU LONG BYED DE'I RGYU DANG 'GAL BAR BRJOD PA MTHONG BA GANG YIN PA DE YANG, GRANG REG DMIGS PA DE'I TSAD MA NYID MED PA 'PHEN PAR BYED PA YIN TE, 'PHEN PA LAS GZHAN DU NA ME'I DNGOS PO GCIG YOD PAR BRJOD PAS, GZHAN GRANG REG DE NI MED PAR GANG LAS RTOGS TE MI RTOGS PA'I PHYIR, RTOGS TE, TSA GRANG 'GAL BA'I PHYIR ZHE NA, 'GAL BA DE NYID KYANG CIS GRUB, TSA GRANG LHAN CIG MI GNAS PA'I PHYIR ZHE NA, LHAN CIG MI GNAS PA DE YANG GANG LAS 'DOD, GRANG REG RGYUN MA GTUGS PAR YOD PA NA, ME NYE BAR YOD STOBS KYIS GRANG REG SNANG BA MTHONG BA MED PA'I PHYIR ZHE NA, GRANG REG SNANG RUNG MTHONG BA MED PA DE NI, GRANG REG 'GAG PA'I TSAD MA NYID MA YIN PAR THAL, DGAG BYA DMIGS BYED KYI TSAD MA BKAG PA LAS DGAG BA 'GRUB MI DGOS PA'I PHYIR, SHES BYA CHOS CAN, RTAGS 'GAL DMIGS RANG SGRAS BRJOD NA YANG, SNANG RUNG MI DMIGS PA DE NYID MED PA'I SGRUB BYED DU 'PHEN PA YIN TE, DGAG BYA DMIGS PA'I TSANG MA BKAG PAS, DGAG PA 'GRUB DGOS PA DE NYID KYI PHYIR, GANG GI LUGS LA SNANG RUNG MA DMIGS PA DE NI, MED PA'I SGRUB BYED TSAD MA MIN PAR 'DOD PA DES, DGAG PA RNAM PA KUN TU BRJOD BYA MIN PAR THAL, RTAGS 'DRA, GRANG REG DE DANG 'GAL BA'I DON GYI 'BRAS BU DU BA RTAGS SU BRJOD PA LA YANG, DGAG BYA DMIGS PA'I TSAD MA MED PA 'PHEN PAR BSHAD PA YIN TE,

, ,'GAL DMIGS KUN LA DGAG BYA DMIGS PA'I TSAD MA MED PA 'PHEN PAR BSTAN PA'I PHYIR, 'GAL DMIGS KYI RTAGS KUN LA CHOS CAN, DGAG PA 'GRUB PA'I DON LA THA DAD MED DE, 'BREL ZLA MA DMIGS PA DANG 'GAL DMIGS KYI SBYOR BA THA DAD NYID YIN PA'I PHYIR, GNYIS PA NI, DGAG BYA'I CHOS DANG 'GAL BA GRUB PA DANG, DGAG BYA'I CHOS DE NI THABS DANG BCAS PA BKAG PA MED PAR NI, DGAG PA 'GRUB PA LA TSAD MAR SMRA BA GANG YIN PA DE RIGS PA'I RJES 'BRANG CAN MIN TE, DAG SMRA LA SOGS PAS KUN MKHYEN DANG 'JIG RTEN GZHAN SOGS MED PAR SGRUB PA BZHIN, DE RTAGS YANG DAG JI LTAR MIN ZHE NA, NGAG SMRA BA PO CHOS CAN, PHA ROL PO KUN MKHYEN MIN PAR SGRUB PA'I RTAGS YANG DAG MA YIN PAR THAL, DBANG PO LAS 'DAS PA'I DON KUN MKHYEN RNAMS DANG 'GAL BA GRUB PA MED PA'I PHYIR TE, GAL TE KHYOD KYANG YIN KUN RIG PA YANG YIN PA'I GZHI MTHUN KHAS BLANGS NA, GNOD BYA GNOD BYED KYI NGO BO GANG YANG MED PA'I PHYIR, RTAGS MA GRUB PA STE, NGAG SMRA BA CHOS CAN, KHYOD LA KUN MKHYEN MED DE, KUN MKHYEN DE 'DRA MI DMIGS PA'I PHYIR ZHE NA, KUN MKHYEN DU MA DMIGS PA DE NYID CHOS CAN, PHA ROL PO KUN MKHYEN MIN PA'I SGRUB BYED YANG DAG YIN PAR BRJOD PAR THAL, KHYOD DANG DAG SMRA GANG RUNG DE SGRUB KYI RTAGS YANG DAG YIN PA GANG ZHIG, NGAG SMRA DE SGRUB KYI RTAGS YANG DAG MIN PA'I PHYIR, 'DOD MI NUS TE, MI DMIGS PA NI DE LTA BU NGES BYED MIN PAR RAB TU BRJOD ZIN PA'I PHYIR, RGYANG 'PHEN CHOS CAN, KHYOD KYI MNGON SUM GYIS KUN MKHYEN YOD MED NGES PA YOD PA MA YIN TE, KUN MKHYEN DE KHYOD LA SHIN TU KLOG GYUR

YIN PA'I PHYIR, GSUM PA NI, DGAG RTAGS LA SBYOR BA 'GOD TSUL THA DAD PA GNYIS YOD NA, 'GAL ZLA DMIGS PA LA SBYOR BA 'GOD TSUL DU ZHE NA, 'GAL DMIGS KYI RTAGS NGE CHOS CAN, GNYIS YOD DE, DGAG BYA'I CHOS DANG RDZAS THA DAD DAM, RDZAS THA DAD MED PA LA RAB TU SBYOR BA'I RTAGS GNYIS YOD PA'I PHYIR, DPE RIM BZHIN, GZHI 'GA' ZHIG TU KHA BA MED PAR SGRUB PA LA ME RTAGS SU BKOD PA DANG, MYU GU CHOS CAN, SA BON GYI DUS NA YOD PA MIN TE, SA BON LAS SKYE BA'I PHYIR, ZHES GNOD BYED DU BKOD PA BZHIN NO, ,BZHI PA NI, SHES BYA CHOS CAN, JI LTAR ME'I DNGOS PO NYID SGRUB PA LA, DU BA'I DNGOS PO RNAMS KYI SGRUB BYED 'DOD PA DE BZHIN DU, ME'I DNGOS PO NYID RANG LDOG NA, DU BA'I DNGOS PO RNAMS LDOG PAR BYED PA YIN TE, DU BA ME LA 'BREL BA'I PHYIR, RTAGS YANG DAG MI MTHUN PHYOGS LAS LDOG PAR BSTAN PA DES NI BSAL LO, ,GANG NA, RTOG PAS SBYAR BA'I CHOS PHYOGS DANG MTHUN PA'I PHYOGS DAG LAS GANG YANG RUNG BA NYID SOGS CHOS CAN, SGRA RTAG PAR SGRUB PA'I RTAGS YANG DAG YIN PA BSAL PA YIN TE, DE SGRUB KYI MTHUN PHYOGS LAS CI YANG RUNG BA MI MTHUN PHYOGS LA SRID PA'I PHYIR RO, ,'O NA, DU BA LOG PAS ME LDOG PAR THAL, ME DU 'BREL PA GRUB PA'I PHYIR ZHE NA, SHES BYA CHOS CAN, ME LOG PAS DU BA LDOG PA DE LA'ANG, KHYAB PAR BYED PA'I CHOS ME LOGS DE KHYAB BYA DU BA LDOG PA'I GO BYED DU 'DOD DE, GAL TE ME DU RANG GI LDOG PA'I 'BREL BA NI RNAM PA 'GAR YONGS SU BCANG PA'I TSE NA GO BYED DU 'GYUR PA'I PHYIR, SHING MED KYIS SHA PA MED PAR SGRUB PA LA'ANG SBYAR RO, ,DGAG RTAGS DA TZAM DU ZAD DAM ZHE NA, SA PHYOGS SU

, ,BUM PA MED PAR SGRUB PA LA NI, BUM PA DE NYID KYI YUL CAN GYI TSAD MA MED PA RTAGS SU BRJOD PA GANG YIN PA DE NI, PHYI RGOL SHIN TU RMONGS PA'I DON DU YIN TE, BUM PA SNANG RUNG MA DMIGS PA LA BUM MED KYIS KHYAB PA GNAG RDZI MO'I BAR LA GRAGS PA'I PHYIR RO, ,'O NA, 'DIR MA DMIGS PA GSUM TZAM BSTAN PA LA DGOS PA CI YOD CE NA, 'BREL ZLA MA DMIGS PA NI GSUM PO 'DI TZAM ZHIG, MED DGAG SGRUB PA LA NGES PA'I 'BRAS BU CAN YIN PAR BSTAN PA DE'ANG CHOS CAN, DON YOD DE, YANG NA SNANG BAR 'DOD PA'I RGYU'AM KHYAB BYED DAM RANG BZHIN SNANG BA MED PA NYID GO BYED YIN NO ZHES BSTAN PA'I CHED YIN PA'I PHYIR, GSUM PA BSDU BA NI, BYAS PA'I RTAGS LAS KHA DOG MI RTAG PA SOGS GSAR DU 'DZIN PA'I BLO CHOS CAN TSANG MA PHUNG GSUM PA MA YIN TE, RJES SU DPAG PA'I TSUL 'DIR 'DOD PA'I PHYIR, GNYIS PA RJES SU SKYES PA'I BLO TSAD MA YIN PA DGAG PA LA GSUM, RANG LUGS KYI MI RTAG PA GRUB TSUL, GZHAN LUGS KYI MI RTAG PA RTOGS TSUL, RTZOD PA SPANG PA'O DANG PO LA GNYIS, MNGON SUM GYIS GRUB TSUL, RJES DPAG GIS GRUB TSUL LO, ,DANG PO NI, RJES DPAG GIS KHA DOG MI RTAG PAR RTOGS PA LAS GZHAN DU, KHA DOG RGYUN 'CHAD KHA MA 'DZIN PA'I MNGON SUM GYI RJES SU BYUNG BA'I KHA DOG MI RTAG PAR NGES PA'I BCAD SHES CHOS CAN, TSAD MA NYID DU 'DOD PA MA YIN TE, RANG GI NYER LEN TSAD MA SNGA MAS BZUNG ZIN 'DZIN PA'I PHYIR, RTAGS SGRUB PA NI, KHA DOG RGYUN 'CHAD KHA MA 'DZIN PA'I DBANG PO'I MNGON SUM CHOS CAN, KHA DOG MI RTAG PA DE YANG KHYOD LAS BCAD

SHES KYI SNGAR GRUB STE, KHA DOG GI DNGOS PO LAS MI RTAG PA GZHAN DU MED PAS KHA DOG MI RTAG PAR MTHONG BA GANG ZHIG, KHA DOG RTAG PAR 'KHRUL BA'I RGYU MED PA'I PHYIR, KHA DOG DANG MI RTAG PA RDZAS THA DAD MIN NA, KHA DOG GI MI RTAG PA ZHES BRJOD PA MI 'THAD DO ZHE NA, KHA DOG MI RTAG PA ZHES PA'I SGRA CHOS CAN, KHA DOG DANG MI RTAG PA RDZAS SU MA'I DNGOS PA DE BRJOD BYA MIN TE, RTOG PAS BSKYED PA'I CHOS KHA DOG DANG, MI RTAG PA THA DANG DU SNANG BA TZAM BRJOD BYA YIN PA'I PHYIR, SNGA MA DE NI CHOS CAN, SPYI'I RTEN KHA DOG NI GRUB PA NA SPYI MI RTAG PA DE NYID NI GRUB PA YIN TE, KHA DOG MI RTAG PAR RTOGS PA'I MTHUN RKYEN TSANG ZHING, 'GAL RKYEN MED PA'I PHYIR, GNYIS PA NI, MNGON SUM GYI KHA DOG MI RTAG PAR GRUB NA, KHA DOG MI RTAG PAR RTOGS PA'I RJES DPAG DON MED DU 'GYUR RO ZHE NA, KHA DOG MI RTAG PAR RTOGS PA'I RJES DPAG CHOS CAN, DER YOD PA YIN TE, MNGON SUM GYIS MTHONG YANG KHA DOG MI RTAG PA DE MA GRUB NA, KHA DOG DE MI RTAG PA DE LTAR RAB TU GRUB PA'I CHED YIN PA'I PHYIR, MNGON SUM GYIS MTHONG YAR RTAGS PAR 'KHRUL PA'I RGYU CI YIN ZHE NA, KHA DOG RGYUN CHAGS SU 'BYUNG BA'I SKABS LA LAR CHOS CAN, KHA DOG MI RTAG PAR YONGS SU MI SHES PA'I RGYU YOD DE, KHA DOG SNGA PHYI THA DAD DU MTHONG BA MED PAR GCIG TU 'KHRUL PA'I PHYIR TE, KHA DOG SNGA PHYI 'DRA BA GZHAN 'BYUNG NI YOD PA'I PHYIR, SGONG GI THA DAD BZHAN NO, ,'DRA BA GZHAN RTAG PAR 'KHRUL PA'I RGYU YIN TE, 'DI LTAR RTAGS MED PAR BYIS PA'I BAR GYI SKYE BOS RANG GI RIGS 'DRA PHYIS 'BYUNG BA DANG NI 'BREL MED KYI MAR ME LA SOGS KYI 'JIG PA MTHONG BAS YONGS SU GCOD PA NYID YIN PA'I PHYIR,

, ,MTHONG YANG MA NGES PA'I DPE JI LTA BU ZHE NA, MYU GU SKYED PA'I NUS PA SA BON GYI DNGOS PO'I RANG BA ZHIN DU GYUR PAS MNGON SUM GYIS MTHONG YANG, SA BON GYIS MYU GU SKYED PA'I NUS PA LA RMONGS PAR GYUR PA SRID DE, SA BON GYIS MYU GU SKYED PA LA NGES PA GSAL PO MED PA SRID PA'I PHYIR TE, SA BON LAS MYU GU DE MA THAG 'BYUNG BA MED PAS, SA BON LAS 'BRAS BU MYU GU DNGOS SU 'BYUNG BA MTHONG BA MED PA SRID PA'I PHYIR, SGRA MI RTAG PAR RTOGS PA'I RJES SU DPAG BA CHOS CAN, DON YOD DE, SGRA RTAG PAR RMONGS PA DE NYID BZLOG PA'I CHED DU NI BRJOD PA YIN PA'I PHYIR BLO GROS CHEN PO 'PHAGS PA CHOS CAN, KHYOD KYI NGOR SGRA MI RTAG PAR BSGRUB MI DGOS TE, KHYOD KYIS SGRA MTHONG BA NYID LAS MI RTAG PA SOGS RNAM PA THAMS CAD NGES PAR BYED PA'I PHYIR, SGRA BYAS MI RTAG RDZAS THA DAD MIN NA, SGRA THA DAD JI LTAR 'JUG CE NA, DON SGRA DE LA NI CHOS CAN, RDZAS THA DAD MED KYANG LDOG PA'I RGYU MTSAN CAN GYI BLO DANG, JI LTAR BRDA BTAGS PA'I SGRA THA DAD PA'I RTEN CAN BZHIN DU 'JUG PAR 'GYUR TE, MA BYAS RTAG PA SOGS THAMS CAD LAS NI LDOG PA'I PHYIR, SGRA DE YIS NI CHOS CAN, 'KHRUL RGYU MED NA NGO BO NYID KYIS RANG DANG NI RJES SU MTHUN PA'I BLO SKYED BYED YIN TE, DNGOS PO YIN PA'I PHYIR, GNYIS PA NI, MNGON SUM GYIS KHA DOG MI RTAG PAR RTOGS PA LAS YANG NA, SDE PA KHA CIG KHA DOG RGYUN 'CHAD KHA MA 'DIR NI SNGAR YOD MI DMIGS PA'I RTAGS LAS KHA DOG 'JIG BA RJES DPAG GIS GRUB PA YIN TE, SDE PA KHA CIG SNGAR BYUNG GI DNGOS PO PHYIS MED PAR GYUR PA LA MI RTAG CES NI BRJOD PA YIN PA'I PHYIR, GSUM PA LA GSUM, RTZOD, 'O NA, RANG LUGS

BSDUS TE BSTAN PA'O, ,DANG PO NI, RIGS PA CAN PA NA RE, DNGOS PO TZAM MI RTAG PA MA YIN TE, NAM MKHA'ANG MI RTAG PAR THAL BA'I PHYIR RO, ,ZHIG PA'ANG MI RTAG PA MA YIN TE, DNGOS PO'I MI RTAG PA ZHES PA'I DRUG SGRA SBYAR DU MI RUNG BA'I PHYIR, RIGS PA CAN PA GANG GI LUGS LA, MTHA' GNYIS LA CHOD PA'I YOD PA'AM, YOD PA DE DANG 'BREL BA BRJOD PA'I NGANG TSUL CAN GYI DNGOS PO DE MI RTAG PA NYID KYI SGRA'I DON YIN NO ZHE NA, GNYIS PA NI, RGOL BA DE'I LUGS LA MTHA' DE DAG GANG LA BRJOD DRIS PAS, GAL TE SNGA PHYIR MED PA DE MTHA' YIN NO ZHE NA, SNGA PHYIR MED PA DE NYID MI RTAG PA CIS MA YIN ZHES DRIS PAS, SNGA PHYIR MED PA CHOS CAN, MI RTAG PA MA YIN TE, DNGOS PO'I MI RTAG PA ZHES PA'I DRUG PA SOGS SBYOR DU MI RUNG BA'I PHYIR ZHE NA, CHOS CAN, MTHA' MA YIN PAR THAL DNGOS PO'I MTHA' ZHES PA'I DRUG SGRA DE JI LTAR RUNG STE MI RUNG BA'I PHYIR TE, DNGOS POR MED PA'I PHYIR, GSUM KHAS BLANGS, YOD PA NYID DANG 'DREL BA CHOS CAN, SNGA PHYIR MED PA'I MTHA' YIS KHYAD PAR DU 'GYUR BA MIN PAR THAL, RTAG PA'I PHYIR, GAL TE SNGA PHYIR MED PA MTHA' MIN GYI, RGYU 'BRAS MTHA' YIN NO ZHE NA, SHES BYA CHOS CAN, DNGOS BO DE LA RGYU 'BRAS DE'I KHYAD PAR CAN DU BRJOD PA DE YANG MI 'GRUB PAR THAL, KHYAD PAR RGYU 'BRAS MED PA NYID DU 'GYUR BA'I PHYIR TE, SNGAR MED GSAR BYUNG GI 'BREL PA MED PA'I PHYIR RO, ,RTAGS KHAS BLANGS TE, RIGS PA CAN BA DE YIS NI DNGOS BO SNGAR MED 'DOD PA MIN PAS SO, ,RTZA BAR MA KHYAB STE, RGYUS 'BRAS BU GSAR DU SKYED PA MIN GYI, 'BRAS BU SNGAR YOD PA NYID RANG RGYU DANG 'PHROD 'DUS 'BREL BAR BYED PA'I PHYIR NA, 'PHROD 'DU NI RGYU YIN

, ,LA, 'BREL PA NI 'BRAS BU YIN NO ZHES GRAG GO, ,'O NA YOD PA NYID DE DANG 'BREL BA DE YANG CHOS CAN, RGYU 'DI'I 'BRAS BU GANG YIN TE MA YIN PAR THAL, RTAG PA YIN PA'I PHYIR, DNGOS PO RIL 'DI CHOS CAN, RTAG PAR 'GYUR BAR THAL, 'BRAS BU MIN PA DE'I PHYIR, 'BRAS BU GANG ZHIG SNGAR MED PA DE RGYUS BYED NA, KHYOD KYI LUGS LA DE MI 'THAD PAR THAL, DNGOS PO SNGAR MED LDAN PA MIN PA'I PHYIR TE, SNGAR MED GSAR BYUNG GI 'BREL PA KHAS LEN PA MED PA'I PHYIR RO, ,GSUM PA NI, DUS MNYAM DU MED PA'I DON LA SGRA BDOGS PA BRJOD BYA RDZAS THA DAD PA CAN DANG, RDZAS THA DAD MED PA'I DON DU MNGON PAR 'DOD PA CAN GYI BLO DANG SGRA LA'ANG CHOS CAN, 'BREL PA RDZES GRUB YUL DU BYED PA MIN TE, LDOG PA THA DAD PA LA BRTEN PA YIN PA'I PHYIR, GSUM PA KHYAD PAR NGO SHES TSAD MA GZHAN YIN PA DGAG PA NI, KHYAD PAR NGO SHES CHOS CAN, TSAD MA MA YIN PAR THAL, ME SKAD CIG SO SOR THA DAD PA GCIG TU ZHEN PA'I PHYIR, KHYAD PAR GYI GZUNG YUL CAN NYID KYANG MIN PAR THAL, PHYIS KYI ME DE SNGAR MTHONG BA'I ME DANG MTSUNGS PAR 'DZIN PA'I PHYIR GAL TE CHOS SNGAR GYI ME DANG PHYIS KYI ME'I SPYI 'DZIN PA MIN TE, SNGAR GYI ME DE NYIN PHYIS KYI MER 'JAL BA'I DPE YIN PA GANG ZHIG, DPE RANG DPE CAN THA DAD MED PA'I PHYIR ZHE NA, SNGAR GYI ME CHOS CAN, PHYIS ME 'JAL BA'I TSE NA GRUB ZIN PAR THAL, PHYIS ME 'JAL BA'I MTHUN DPE NYID YIN PA'I PHYIR, 'DOD NA, KHYOD 'JAL BA LA TSAD MA GZHAN GYIS CI ZHIG BYA STE DON MED PAR THAL LO, ,GAL TE PHYIS ME 'JAL BA'I TSE BRJED PA'I PHYIR, SKYON MED CEN, CHOS CAN, DE'I DPE MA YIN PAR THAL, BRJOD PA DE NYID KYI PHYIR, GAL TE

SNGAR MTHONG BA'I ME LA DE'I DNGOS PO NI KHA CIG, PHYIS KYI TSAD MAS GRUB PAS SKYON MED DO ZHE NA, KHYAD PAR NGO SHES CHOS CAN, KHYOD KYIS GRUB PA DE RGYAB RTEN TSAD MA CAN NYID MA YIN PAR THAL, PHYIS KYI ME DE SNGAR GYI ME DANG DNGOS PO GZHAN YIN PA LA, SNGAR GYI ME DE NYID DU SGRO 'DOGS PA'I PHYIN CI LOG YIN PA'I PHYIR, RTAGS MA GRUB STE, ,CIG YIN NO ZHE NA, MNGON SUM DANG CIG SHOS KHYAD PAR NGO SHES KYI YUL GYI ME GNYIS CHOS CAN, KHYOD GNYIS GCIG GRUB PA NA GNYIS KA GRUB PAR THAL, GCIG YIN PA'I PHYIR, 'O NA, BLO DE RIGS GANG YIN ZHE NA, KHYAD PAR NGO SHES CHOS CAN, MKHAS PAS DRAN PAR SHES TE, PHYIS KYI ME DE SNGAR GYI ME GZHAN DANG GCIG TU MTSAMS NI SBYOR BA'I ZHEN PA YIN PA'I PHYIR, GAL TE RTAGS LA LTOS PA'I PHYIR DRAN PA MIN NO ZHE NA, RTAGS LA LTOS NA DRAN PA MA YIN PAS KHYAB PA MA YIN PAR THAL, DE'I KHYAB PA 'KHRUL PA'I PHYIR RO, ` ,GNYIS PA MNGON SUM RANG GI NGO BO LA LOG RTOG BSAL BA LA GNYIS, MNGON SUM YANG DAG DANG, MNGON SUM LTAR SNANG NGO, ,DANG PO LA GNYIS, MTSAN NYID DANG DBYE BA'O, ,DANG PO LA GNYIS, RTOG BRAL DU MNGON SUM GYIS SGRUB PA DANG, RJES DPAG GIS SGRUB PA'O, ,DANG PO NI, TSAD MA LA MNGON RJES GNYIS SU GRANGS NGES NA, MNGON SUM GYI MTSAN NYID JI LTA BU ZHE NA, RTOG PA DANG BRAL ZHING MA 'KHRUL BA'I SHES PA'O 'O NA, RTOG BRAL DU GANG GIS 'GRUB CE NA, GRUB MTHAS RGYUD MA BSLAD PA'I MKHAS PA CHOS CAN, KHYOD KYI NGOR MNGON SUM RTOG BRAL DU RTAGS KYIS BSGRUB MI DGOS TE, KHYOD KYIS MNGON SUM RTOG PA DANG BRAL BAR NI MNGON SUM NYID KYIS 'GRUB PAR 'GYUR BA'I PHYIR

, ,MA GRUB STE, RTOG PA YOD KYANG MNGON SUM LA SNANG BU MI RUNG NGO ZHE NA, DE MA YIN PAR THAL, SKYES BU KUN GYI RNAM RTOG MING GI RTEN CAN DE, SO SO RANG GI RANG RIG GIS RIG BYA YIN PA'I PHYIR, DE YIN MOD, SNANG RUNG RTOG PAS DBEN PA'I DBANG SHES MED DO ZHE NA, DE MA YIN PAR THAL, THAMS CAD LAS NI SEMS BSDUS NAS NANG GI BDAG NYID GA-YO BA MED PAR GNAS NA'ANG, MIG GI SHES PAS GZUGS DAG NI MTHONG BA'I BLO DE SNANG RUNG RTOG PAS DBEN PA'I DBANG SKYES YIN PA'I PHYIR, MNYAM PAR GZHAG DUS KYI DBANG SHES LA RTOG PA YOD KYANG MA NGES PA YIN NO ZHE NA, MA YIN PAR THAL, MNYAM GZHAG LAS SLAR YANG CUNG ZAD RNAM PAR RTOG NA, KHO BO'I RNAM RTOG 'DI 'DRAR GYUR CES RIG PA'I PHYIR, SNGAR BSHAD PA'I GNAS SKABS KYI DBANG PO'I RTOGS PA LA CHOS CAN, RTOG MED YIN TE, RTOG PA SNANG RUNG MA DMIGS PA'I PHYIR, GNYIS PA LA GSUM, DBANG SHES MING SBYOR RTOG PA YIN PA DGAG, DON SBYOR RTOG PA YIN BA DGAG, SLAR YANG MING SBYOR RTOG PA YIN PA DGAG PA'O, ,DANG PO LA GSUM, RANG LUGS, MTHONG RTOG GCIG TU 'KHRUL BA'I RGYU, GZHAN LUGS DGAG PA'O, ,DANG PO NI, GAL TE DBANG SHES RTOG PA YIN NA, MING SBYOR RTOG PA YIN NAM, DON SBYOR RTOG PA YIN, DANG PO 'GOG PA NI, SHES BYA CHOS CAN, DBANG PO LAS SKYES PA'I BLO THAMS CAD KHYAD PAR RANG MTSAN GYI YUL CAN YIN GYI, MING SBYOR RTOG PA MA YIN PAR THAL, BRDA'I DUS GCIG TU MTHONG BA'I KHYAD PAR NI, DUS GZHAN 'GA' ZHIG TU MTHONG BAR MI 'GYUR ZHING, KHYAD PAR DE LAS SPYI GZHAN THA DAD PA YOD PA MIN LA, DBANG

SHES LA RANG MTSAN GSAL BAR SNANG BA DE'I PHYIR, RTAGS PAR BA SGRUB STE, SPYI RDZAS THA DAD PA BLO MA 'KHRUL BA LA SNANG BA MED PA'I PHYIR, DE NYID 'CHAD PA NI, KHYAD PAR RNAMS LA CHOS CAN, MNGON SUM LA SNANG BA LTAR SGRA DAG NI 'JUG PA PHRAD PA YOD PA MA YIN TE, MNGON SUM LA SNANG BA LTAR BRDA 'JUG PA NI MED PA'I PHYIR TE, KHYAD PAR PHAN TSUN RJES 'GRO MED PAS SO, ,SNGA MA LA KHYAB STE, SGRA RNAMS KYI YUL YANG GANG YIN PA DE NYID LA BRDA DE RNAMS NYID NI SPYOR BAR BYED PA'I PHYIR, 'O NA, BRDA'I YUL GANG ZHE NA, DON DE'I MING NI 'DI'O ZHES NI BRDA 'BREL BYED PA'I RTOG PA LA DON SNANG BA NI GANG YIN PA DE DAG NYID LA NI BRDA 'BREL BYED PA YIN NA, DE NI DBANG PO'I MNGON SUM GYI SPYOD YUL MIN TE, BRDA 'BREL BYED PA DE'I TSE RTOG PA LA GSAL BAR SNANG BA'I DON SNANG BA NI MED PA'I PHYIR RO, , KHYAB STE, SHES PA'I SNANG BA THA DAD PA YIS NI DON RNAMS THA DAD PA'I KHYAD PAR DU BYED PA YIN PA'I PHYIR, MIG SHES KYI MTHONG BA'I DON LA BRDA BYED PA'I TSE RTOG PA LA YUL GSAL BAR BSNANG NGO ZHE NA, MIG LA DON SNANG BA NA YANG 'DI ZHES GZHAN GYIS BSTAN PA GANG YIN PA DE NYID LA SGRA YIS BRDA SBYOR BAR BYED KYI, DBANG BO'I MNGON SUM GYI SPYOD YUL RTOG PA LA GSAL BAR SNANG BA MA YIN PAR THAL, DE YIN NA MIG GI DBANG PO'I BYA BA MED PA'I LONG BA LA, GZHAN GYI DAG TZAM GYIS GZUGS GSAL BAR SNANG DGOS PA LAS, DE LTAR SNANG PA MED PA'I PHYIR, BRDA 'DREL MA BYAS PAR DBANG SHES KYIS MING DON BSRES NAS 'DZIN NO ZHE NA, DBANG SHES CHOS CAN, BRDA'I 'BREL PA MA BYAS PA CAN DU MING DON BSRES NAS 'DZIN PA MIN TE, DE YIN NA LTO LDIR BA LA BUM PA ZHES PA'I BRDA MA SBYAR

, ,BAR, BUM PA ZHES PA'I SGRA LAS LTO LDIR BA RANG NYID SHES PAR THAL BA'I PHYIR RO, ,GNYIS PA NI, DBANG SHES RTOG PA MA YIN NA, DE RTOG PAR 'KHRUL PA'I RGYU CI ZHE NA, RTOG BCAS DANG RTOG PA MED PA'I YID DANG DBANG SHES DE DAG LA NI CHOS CAN, BLUN BO DAG GCIG TU ZHE NA PA'I RGYU MTSAN YOD DE, YUL GCIG LA CIG CAR DU NI 'JUG PA'I 'JUG PA MYUR BA'I PHYIR, GAL TE THAG KHRA MTHONG BA'I DBANG SHES CHOS CAN, RANG YUL MTHONG BA RGYUN CHAD PAR 'GYUR PAR THAL, RANG YUL MTHONG BA'I BAR DU RNAM RTOG GIS BCAD PAS SO ZHE NA, DBANG SHES RTOG PAR 'DOD PA GZHAN GYI LUGS LA'ANG, BA LANG LAS RIGS NI THA DAD PA'I BUM PA LA RNAM PAR RTOG PA'I TSE BA LANG MTHONG BA'I DBANG SHES CHOS CAN, RANG YUL MTHONG BA BAR CHAD PA JI LTAR MIN TE YIN PAR THAL, RANG YUL MTHONG BA'I BAR DU RNAM RTOG GIS BCAD PA'I PHYIR, GAL TE CHOS CAN, 'DAS PA LA RTOG PA'I RNAM RTOG GIS BAR GCOD MI NUS TE, DE LAS CHES STOBS DANG LDAN PA'I PHYIR TE, DNGOS POR YONG PA'I PHYOGS 'JUG BA MYUR BA'I TSUL GYIS 'DZIN PA'I PHYIR, DPER NA, MGAL ME MTHONG BA BZHIN ZHE NA, GZHAN THAG KHRA MTHONG BA'I DBANG SHES CHOS CAN, RANG YUL MTHONG BA'I BAR DU RNAM RTOG GIS GCOD MI NUS PAR THAL, DNGOS POR YOD PA'I PHYOGS 'JUG PA MYUR BA'I TSUL GYIS 'DZIN PA DE NI KHYOD LA'ANG MTSUNGS PA YIN PA'I PHYIR, YI GE SA RA DANG RA SA 'ANG CHOS CAN, CIG CAR THOS PA 'KHRUL BAR 'GYUR BAR THAL, 'JUG PA MYUR BAR THOS PA'I PHYIR, BLO DU MA CIG CAR MI SKYE BAR 'DOD PA 'DIR DON

KUN DANG CIG CAR DU 'DUS PA CAN GYI DBANG PO RNAMS YOD PA NA, GZUGS 'DZIN DBANG SHES CHOS CAN, RANG YUL BAR MA CHAD DU 'DZIN PA MA YIN PAR THAL, RANG YUL 'DZIN PA'I BAR DU 'JUG SHES LNGA PO RNAMS KYIS CHOD PA'I PHYIR, DES CHOD NA'ANG CHOD PA MED PA BZHIN DU SNANG BA YIN NO ZHE NA, DE LTA BU'I BLO 'DOD PA GANG YIN PA DE DANG, MING GI MTHAR THUG PA'I SA RA DANG RA SA 'DZIN PA'I SHES PA SKAD CIG SNGA MA DANG PHYI MA 'DRES PA STE BAR MCHOD KYANG BAR CHOD PAR SNANG PAR KHAS LEN PA DE CHOS CAN, NGO MTSAR BA STE MI RIGS TE, NANG 'GAL KHAS BLANGS PA'I PHYIR, SHES BYA CHOS CAN, BLO DU MA NI CIG CAR SKYE BAR 'GYUR BAR THAL, BLO DU MA CIG CAR MI SKYE BA LA RIGS PAS GNOD PA DE'I PHYIR, DBANG SHES CHOS CAN, BAR BCAS DANG BAR MED GNYIS YOD PA JI LTAR YIN TE MA YIN PAR THAL, RANG YUL BAR MA CHAD DU SNANG BA LA YANG KHYAD PAR MED PA'I PHYIR, YID KYI RTOG PA 'BA' ZHIG LA'ANG CHOS CAN, RANG YUL RIM CAN DU 'DZIN PAR MI 'GYUR BAR THAL, RANG YUL 'JUG PA MYUR BAR 'DZIN PA'I PHYIR, BLO GNYIS CIG CAR SKYE NA, SGRA NYE BA'I SKYES BU LA RES 'GA' SGRA 'DZIN NYAN SHES MI SKYE BA JI LTAR YIN ZHE NA, SKABS LA LAR YID GZUGS MDZES LA KUN DU CHAGS PA'I SEMS CAN DON SGRA NYE BA LA'ANG SGRA 'DZIN NYAN SHES SKYE BA MED PA GANG YIN PA DE CHOS CAN, RGYU MTSAN YOD DE, YID GZUGS MDZES LA CHAGS PAS GZHAN SGRA 'DZIN NYAN SHES SKYED PA'I NUS PA NYAMS PAS YIN PA'I PHYIR, SGRA NYE BA'I SKYES BU LA RES 'GA' SGRA 'DZIN NYAN SHES MI SKYE BA JI LTAR YIN ZHES PA'I RTZOD PA SEL DGOS PA 'DI CHOS CAN, BLO GNYIS CIG CAR SKYE BAR

, ,'DOD PA KHO NA LA YOD PA MIN PAR THAL, BLO GNYIS CIG CAR SKYE BAR 'DOD MI 'DOD GNYIS KA LA'ANG YOD PA'I PHYIR, SHES BYA CHOS CAN, MGAL ME DE MTHONG BA'I DBANG SHES MGAL ME'I ME STAG SNGA PHYI GCIG TU MTSAMS SBYOR BA LAS SKYE BA MA YIN PAR THAL, MGAL ME LA SOGS MYUR DU 'JUG PA'I RJES SU 'GRO BAS, GNOD PA CAN GYI MIG LAS 'KHOR LOR 'KHRUL BA'I DBANG SHES SKYE BA YIN PA'I PHYIR, GSUM PA NI, PAn dI TA SRID PA'I BDAG PO LA SOGS PA LA LA NA RE, RGAN PO'I DBANG SHES CHOS CAN, RTOG MED YIN TE, DBANG SKYES DANG NYAMS SU MYONG BA'I RNAM PAS 'JUG PA LA SOGS PA YIN PA'I PHYIR, DPER NA, BYIS PA'I DBANG BLO BZHIN DANG, BYIS PA'I DBANG BLO RTOG MED YIN PA NYID KYI RGYU MTSAN, BRDA NYAMS PA NYID YIN PAR SMRA'O, , RGOL PA DE DAG GI NI LUGS LA, BYIS PA'I BLO THAMS CAD CHOS CAN, MNGON SUM STE YUL GSAL BAR SNANG BA NYID DU 'GYUR BAR THAL, RTOG MED KYI SHES PA YIN PA'I PHYIR, RTAGS KHAS BLANGS, BYIS PA DE NI CHOS CAN, PHYIS KYANG BRDA 'DZIN PAR MI 'GYUR BAR THAL, BRDA'I RGYU RTOG PA DANG BRAL BA'I PHYIR, GAL TE BRDA LAM BYANG BA'I RGYUD LA YID YOD PA DES NI, PHYIS BRDA 'DZIN PA DE 'DOD NA, BYIS PA'I DBANG SKYES CHOS CAN, BYIS PA'I YIN DE BZHIN DU KHYOD LA YANG PHYIS BRDA 'DZIN PAR 'GYUR BA THAL, BYIS PA'I YID KYIS PHYIS BRDA 'DZIN PA GANG ZHIG, DE DANG RTOG MED DU MTSUNGS PA'I PHYIR, DBANG SKYES 'DI 'DRA 'DI YANG CHOS CAN, RGAN PO'I DBANG SHES RTOG BRAL DU SGRUB PA'I RTAGS YANG DAG MA YIN PAR THAL, DE SGRUB KYI LHAG LDAN GYI RTAGS YIN PA'I

PHYIR, BYIS PA'I DBANG SHES CHOS CAN, RTOG BRAL YIN TE, RTOG PA DANG BRAL RUNG YIN PA'I PHYIR ZHE NA, BYIS PA'I DBANG SHES RTOG BRAL DU SGRUB PAR BYED PA GANG YIN PA RTOG PA DANG BRAL RUNG DE NYID CHOS CAN, RGAN PO'I DBANG SHES RTOG BRAL DU SGRUB PA 'DIR YANG RTAGS SU BRJOD BYA YIN PAR THAL, BYIS PA'I DBANG SHES RTOG BRAL DU SGRUB PA'I RTAGS GANG ZHIG, BYIS PA DANG RGAN PO'I BLO NI KHYOD KYIS RTOG BRAL DU SGRUB DKA' SLA MTSUNGS PA'I PHYIR, 'DI 'DRA 'DI YANG LHAG LDAN YIN ZHES PA'I RIGS PA 'DIS NI CHOS CAN, DGOS PA YOD DE, MYONG BAS 'JUG PA SOGS RTAGS YANG DAG MA YIN PAR BSHAD PA YIN PA'I PHYIR, GNYIS PA DON SBYOR RTOG PA YIN PA DGAG PA LA GSUM, KHYAB PA BSGRUBS NAS RTAGS DGOD, PHYOGS CHOS SGRUB, DON BSDU BA'O, , DANG PO NI, DBANG SHES MING SBYOR RTOG PA MA YIN MOD, RIGS SOGS RDZAS LA SBYAR NAS 'DZIN PA'I DON SBYOR RTOG PA YIN NO ZHE NA, KHYAD PAR DANG NI KHYAD PAR GYI GZHI DANG, DE GNYIS 'BREL BA DANG, 'JIG RTEN GYI GZHUNG LUGS KYI THA SNYAD NI, SNGAR SO SOR BZUNG NAS PHYIS DE DAG BSDOM PAR BYAS TE KHYAD GZHI LA KHYAD CHOS LDAN PA DE LTAR RTOGS KYI, GZHAN SNGAR SO SOR BZUNG BA LAS GZHAN DU, KHYAD GZHI LA KHYAD CHOS LDAN PAR RTOGS PA MIN TE, DPER NA, SKYES BU DBYUG PA CAN BZHIN, SKYES BU DBYUG PA CAN DU 'DZIN BA'I BLO DE CHOS CAN, DON SBYOR RTOG PA YIN TE, KHYAD GZHI LA KHYAD CHOS SBYAR NAS 'DZIN PA'I BLO YIN PA'I PHYIR, DBANG SHES 'DI LA CHOS CAN, RIGS SOGS RDZAS LA SBYOR BA'I RTOG PA'ANG MED DE, RIGS DANG RIGS DE LNGAN SBYOR BA YOD PA MIN PA'I PHYIR TE,

, ,RIGS SOGS KYI BYE BRAG RTOGS BA MED PA'I PHYIR, GNYIS BA LA GSUM, DBANG SHES KYIS RIGS RDZAS GZHAN 'DZIN BA DGAG, 'PHROD 'DU 'DZIN PA DGAG, RIGS RDZAS GZHAN GYI SGRUB BYED DGAG PA'O, ,DANG PO NI, RJES SU 'GRO PA CAN GYI SPYI 'DZIN RNAM SHES GANG YIN PA DE'ANG CHOS CAN, SPYI GZUD DON DU BYED BA MIN TE, GSAL BA'I SGRA DANG KHA DOG DBYIBS SOGS KYI RNAM PAR SNANG BA'I PHYIR, KHYAB PA KHAS BLANGS TE, KHA DOG DBYIBS YI GE'I RNAM PA YIS STONG BA BA LANG GI SPYI NYID DU BRJOD PA'I PHYIR, RTOG BA LA KHA DOG DBYINGS SOGS SU SNANG BA DE NYID GSAL BA MTSUNGS PA'I SPYI NYID YIN PAS, DBANG SHES LA SNANG BA YIN NO ZHE NA YANG, RTOG BA LA KHA DOG DBYIBS SOGS SU SNANG BA DE MIG GI SHES PA'I YUL LA MTHONG BA MED DE, DBANG SHES DE YUL GSAL MI GSAL GYI BLO THA DAD PA'ANG RNYED PAR DKA' BA'I PHYIR TE, YUL GSAL MI GSAL GYI SNANG BA GNYIS NI MED PAR, GSAL BA 'BA' ZHIG SNANG BA'I PHYIR RO, ,GNYIS PA LA GNYIS, DNGOS DANG, SKYON SPONG DGAG PA'O, ,DANG PO NI, DBANG PO'I SHES PA CHOS CAN, 'PHROD 'DU'I 'BREL PA MTHONG BA MED PAR GNAS TE, 'PHROD 'DU 'DZIN PA MED PA'I PHYIR, GNYIS PA NI, SNAL MA 'DI LA SNAM BU'O SNYAM PA'I BLO CHOS CAN, RGYU DANG BCAS TE, BLO YIN PA'I PHYIR, RGYU DE YANG 'PHROD 'DU'O ZHE NA SNAL MA 'DI LA SNAM BU ZHES PA'I SGRA 'DI DAG KYANG RIGS PA CAN PA RANG GIS BYAS KYI, 'JIG RTEN DANG MI MTHUN TE, BA LANG LA RVA YOD DO ZHES 'JIG RTEN NA GRAGS KYI, RVA LA BA LANG YOD CES 'JIG RTEN NA GRAGS PA MIN PA'I PHYIR, BA LANG LA RVA

YOD DO ZHES PA'I THA SNYAD DE YANG, 'PHROD 'DU RANG MTSAN PA'I DBANG GIS YIN NO ZHE NA, MA YIN BAR THAL, RVA MA GTOGS PA'I BA LANG ZHES BYA BA'I YAN LAG NI LHAG MA BAR RNAM PAR BCAD PA MED PAR, DMIGS PA BA LANG LA RVA YOD DO ZHES BRJOD PA'I PHYIR, SNAL SNAM 'PHROD 'DU RANG MTSAN PA MED NA, SNAL MA DE RNAMS KYI SNAM BU 'DI'O ZHES PA'I THA SNYAD MI 'THAD DO ZHE NA, SNAL MA DE RNAMS KYI SNAM BU 'DI'O ZHES PA'I SGRA CHOS CAN, JI LTA BUR YANG DUS GCIG TU SNAL SNAM 'PHROD PAR 'DU BAS MIN PAR THAL, SNAL MA RKYEN GYIS 'DUS BYAS PA LAS, PHYIS 'BYUNG GI GRANG BA SKYOB NUS KYI LING PO DE 'BRAS BU SNAM BUR BRJOD PA YIN PA'I PHYIR, SNAL SNAM 'PHROD 'DU RANG MTSAN PA MED NA, SNGAR GYI SNAL MA DE GANG ZHES PA'I LAN DU, SNAM BU 'DI'O ZHES PA'I THA SNYAD MI 'THAD DO ZHE NA, DE 'THAD BAR THAL, SNGAR GYI SNAL MA DE SNAM BU 'DI'O ZHES PA'I SGRA'I RTEN NI STON PA NA, SKYES BU 'GA' YIS SNAM BU LA RGYU SNAL MAR SGRO BTAGS PA 'AM, SNAL MA GCIG NI BKAR BAR BYAS LA 'BRAS DUS KYI SNAL MA LA SNAL MA ZHES 'JUG PAR 'GYUR BA'I PHYIR, 'PHROD 'DU RANG MTSAN MED NAB LANG ZHES PA'I SGRA 'JUG PAR 'GAL LO ZHE NA, MI 'GAL TE, BA LANG GI YAN LAG PHAN TSUN PHAN GDAGS BYA DANG PHAN 'DOGS BYED NYID DAM, BAR RNAM PAR CHAD PA MED PAR SNANG BA NYID LA BA LANG ZHES PA'I SGRA 'JUG PA'I PHYIR, 'PHROD 'DU RANG MTSAN PA MED NA DE YANG MI 'THAD DO ZHE NA, NOG SOGS 'DUS PA GANG YIN PA DE CHOS CAN, BA LANG ZHES PA'I SGRA DE KHYOD KYI DNGOS MING YIN TE, BA LANG GI SGRA LAS KHYOD 'KHRUL MED CAN DU SHES SHING, DANG POR BA LANG ZHES

, ,PA'I BRDA SBYOR BA'I SPYOD YUL YIN PA'I PHYIR, GSUM BA LA GNYIS, DNGOS DANG, RIGS DON GZHAN MED KYANG DU MA LA SGRA GCIG 'JUG BA'O, ,DANG PO NI, BA LANG GI GSAL BA CHOS CAN, RIGS DON GZHAN YOD DE, SPYI SGRA DANG SPYI BLO 'JUG BA'I PHYIR, DPER NA, KHYAD CHOS DBYUG PA DON GZHAN PA'I DBANG GIS, SKYES BU DBYUG PA CAN ZHES PA'I SGRA 'JUG PA BZHIN ZHE NA, SHES BYA CHOS CAN, SGRA 'JUG PA'I RGYU MTSAN GYIS DNGOS PO LAS NI RDZAS THA DAD PA CAN GYI RIGS SOGS SGRUB PA LA NI RJES DPAG MED BAR THAL, DBYAG PA CAN SOGS THAMS CAD LA'ANG KUN RDZOB BA'I RTOG PA LAS DBYUG PA CAN DU THA SNYAD 'DOGS PA'I PHYIR, CHOS 'DRA, DNGOS PO TSIG GI DON DRUG DANG, KHANG BZANG DANG KHANG BZANG GI PHRENG PA SOGS KYI SGRA YANG, RIGS DON GZHAN LA LTOS PA MIN PA'I PHYIR, GAL TE KHANG PA RDUL RIGS MI MTHUN PHRAD PA'I LDAN PA YIN NO ZHE NA, KHANG BZANG DE'I PHRENG BA DE NI CI ZHIG YIN, GAL TE KHANG BZANG GI RIGS YIN NO ZHE NA, KHANG BZANG GCIG KYANG CHOS CAN, KHANG BZANG GI PHRENG PA ZHES RJOD PAR 'GYUR BAR THAL, DE'I PHRENG BA DE KHYOD KYI RIGS YIN PA'I PHYIR, DPER NA, TZAN DAN GCIG LA SHING ZHES BRJOD PA BZHIN, SHES BYA CHOS CAN, KHANG BZANG GI PHRENG BA MANG PO LA KHANG BZANG GI PHRENG BA DE'I SGRA JI LTAR 'JUG STE MI 'JUG PAR THAL, KHANG BZANG GI PHRENG BA RIGS YIN PA GANG ZHIG, RIGS LA RIGS GNYIS PA MED PA'I PHYIR, KHANG BZANG DANG KHANG BZANG GI PHRENG BA SOGS CHOS CAN, KHYOD LA NI CHEN PO SOGS KYI SGRA MI 'JUG PAR THAL, KHYOD LAS DON GZHAN PA'I CHEN

PO SOGS MED PA'I PHYIR, DE LA CHEN PO'I SGRA NYE BAR BTAGS PA LAS 'JUG PAR 'DOD PA GANG YIN PA'O ZHE NA, CHOS CAN, CHEN PO'I SGRA TE BAR BTAGS PA MIN PAR THAL, CHEN PO DNGOS DANG KHYAD MED DU RNAM SHES KYIS GZUNG BYA NYID YIN PA'I PHYIR, KHYAD CHOS DON GZHAN YOD PA RJOD PA DNGOS MING DANG, MED PA RJOD PA BTAGS MING DU MI 'THAD PAR THAL, MING DNGOS SU 'JUG PAR MNGON PAR 'DOD PA LA'ANG, RGYU KHYAD CHOS DON GZHAN YOD PA MIN PA NYID DE MTSUNGS PA'I PHYIR, CHOS 'DRA, TSIG GI DON DRUG RNAMS LA NI TSIG GI DON DRUG CES PA'I SGRA 'JUG PA RGYU GZHAN GANG LA LTOS PAR MTHONG STE MA MTHONG BA'I PHYIR, CHOS 'DRA, JI LTAR GRAGS PA LAS GRUB PA'I MING GANG YIN PA DE DNGOS MING DANG, DON DE DANG MTSUNGS PA'I PHYIR GANG LA DNGOS MING DE SKAD BRJOD PA'I RJES SU, RJES GRUB TU 'JUG PA DE PHAL PA BTAGS MING YIN PA'I PHYIR TE, BU GLEN PA'I DNGOS PO LA BU'I DNGOS MED DU BTAGS PA'I PHYIR RO, ,MA KHYAB STE, GRAGS PA DE DNGOS DBANG GIS 'JUG PA YIN NO ZHE NA, DE MA YIN PAR THAL, GRAGS PA BRDA'I RJES SU 'GRO BA CAN YIN LA, BRDA DE YANG BRJOD 'DOD KYI RJES SU 'GRO BA CAN YIN PA'I PHYIR, RIGS DON GZHAN MED NA SGRA SBYOR BA DON MED DU 'GYUR RO ZHE NA, MI 'GYUR TE, THA SNYAD KYI DUS SU DON GO BA'I DON DU SGRA BYAS PA'I PHYIR, DPER NA, SNGEB SBYOR GYI MING LA ME TOG PHRENG 'DZIN DANG, SGRA'I CHA SHAS LA RANG BZHIN DANG RKYEN ZHES MING BTAGS PA BZHIN NO, ,GNYIS PA LA GNYIS, BSTAN BSHAD DO, ,DANG PO NI, RIGS DON GZHAN MED NA DU MA LA SPYI SGRA GCIG JI LTAR 'JUG CE NA, SHING GSAL DE DAG CHOS CAN, RDZAS

, ,THA DAD KYANG SHES BA DES RIGS GCIG BA DE LTAR RTOGS BAR 'GYUR BA YIN TE, GANG DNGOS PO'I CHOS NYID KYIS RIGS GCIG TU 'DZIN BA DE 'DRA'I RNAM SHES KYI RGYU YIN DON YIN PA'I PHYIR, SHING GSAL 'DZIN PA'I DBANG PO'I SHES PA DU MA'ANG CHOS CAN, SHING GSAL DE BZHIN DU RIGS GCIG YIN TE, RDZAS THA DAD KYANG RIGS THA DAD MIN PAR NI RTOGS BA'I RGYU YIN PA'I PHYIR, SHING GSAL CHOS CAN, SPYI RTAG DNGOS GCIG YOD PA MA YIN TE, SHING DE'I 'BRAS BU MED TZAM DANG BRAL BRJES 'GRO BYED PA'I PHYIR, SHING GI DNGOS PO LA SHING ZHES PA'I MNYAN PA CHOS CAN, SHING DE'I MTHAR THUG PA CAN YIN TE, SHING GI DNGOS BO RNAMS LA YOD PA'I GZHAN SEL GO BYED DU BRDA SBYAR BA DE'I PHYIR, GNYIS PA LA GNYIS, RTZOD PA SPANG BA, BRDA'I YUL NGOS GZUNG BA'O, ,DANG PO NI, SHING ZHES PA'I SGRAS SHING GI DNGOS PO KHO NA BRJOD BAR THAL, DES SHING GI MTHAR THUG BA CAN BRJOD PA YIN PA'I PHYIR, 'DOD NA, SGRA DON BRJOD BYAR BSHAD PA DANG 'GAL LO ZHE NA, PHYI ROL DON BYED NUS PA SHING MIN RNAM PAR GCOD PA LA DON DAM BAR REG PA MED KYANG SHING SGRA DE NI CHOS CAN, SHING GI GZHAN SEL GYI MTHAR THUG PA CAN YIN TE, KHYOD LA BRTEN NAS SHING 'DZIN RNAM PAR RTOG PA'I GZUGS BRNYAN NI, SHING DE'I MTHAR THUG PA RNAMS DANG 'BREL BA DES NA'O, ,SHING ZHES BA'I MNYAN PA CHOS CAN, GZHAN SEL GO BAR BYED PAR BRJOD DE, SHING GI GZHAN SEL GO BYED DU BRDA SBYAR BA'I MING YIN PA'I PHYIR, GNYIS PA LA GNYIS, GZHAN LUGS DGAG, RANG LUGS GZHAG PA'O, ,DANG PO NI, SHING

MIN LAS LOG PAR SNANG BA DE NYID SHING YIN PAS, SHING SGRAS SHING GI DNGOS PO KHO NA BRJOD DO ZHE NA, SHING ZHES PA'I SGRA DAG LAS RTOG PA'I SHES PA LA SHING MIN LAS LDOG PA BZHIN DU GZHAN SHING GI GZUGS BRNYAN SNANG BA GANG YIN, PA DE'ANG CHOS CAN, DON GYI BDAG NYID SHING MA YIN TE, 'KHRUL PA'I BAG CHAGS LAS BYUNG BA'I SNANG BA YIN PA'I PHYIR, RANG SDE KHA CIG NA RE, SHING 'DZIN RTOG PA'I GZUNG RNAM DE SHING ZHES PA'I SGRAS BRJOD DE ZHE NA, SHING ZHES PA'I MNYAN PA CHOS CAN, DON GYI CHA SHING GANG RTOGS PAR 'GYUR TE MI 'GYUR BAR THAL, SHING 'DZIN RTOG PA'I GZUNG RNAM DE NI BRJOD PA'I PHYIR, SHING DE MI RTOGS SO ZHE NA, CHOS CAN, SHING RTOGS PA DE'I DON CAN DU BRDA BYED PA NI DON MED DU 'GYUR BAR THAL LO, ,'O NA SHING SGRAS DON GYI CHA NI CI BRJOD CES 'DRI BA DE LA GZHAN SEL BRJOD PAR BYA STE, SHING GI GZHAN SEL GO BYED YIN PA'I PHYIR, DE NI MNYAN PAS ZHES PA'I KHYAB SGRUB NI, SHING 'DZIN RTOG PA'I GZUNG RNAM DE YANG CHOS CAN, KHYOD BRJOD BAS JI LTAR DON SHING RTOGS PA'I RTEN YIN TE MA YIN PAR THAL, KHYOD SHING GI DON LA MED PA'I PHYIR, RTAGS MA GRUB STE, SHING GSAL LA RJES SU 'GRO BA CAN GYI SHING SGRAS BRJOD PA'I DON GYI 'BRAS BU SHING 'DZIN RTOG PA'I GZUNG RNAM DE, SHING GSAL BA RJES SU 'GRO BA CAN YIN NO ZHE NA, SHING MTHONG PA GOMS PAS SPRUL PA'I SHING 'DZIN RTOG PA'I GZUNG RNAM DE YANG CHOS CAN, SHING GSAL LA RJES SU 'GRO BA MED PA CAN YIN TE, SHING 'DZIN RTOG BLO LAS GRUB BDE THA DAD MED PA'I PHYIR RO, ,'O NA SHING SGRA'I DON GANG YIN ZHES 'DRI NA, SHING GI GZHAN SEL DE

, ,NYID YIN ZHES BRJOD BA LA NI 'GAL BA MED DE, SHING ZHES PA'I SGRA LAS SHING DE'I DNGOS POR SGRO BTAGS PA SHING MIN LAS LOG PAR SNANG BA RTOGS PA YIS, GZHAN SHING MIN LAS LDOG PA RTOGS PA'I PHYIR, SHING ZHES PA'I SGRA YIS NGES PAR SPRUL PA'I SHES BA DE DAG LA SHING MIN LAS LOG PAR SNANG BA DE NYID CHOS CAN, SHING GSAL GYI SPYI YIN TE, SHING GSAL GYI DON GYI CHA LA RJES SU 'GRO BA YIN PA'I PHYIR, SHING ZHES PA'I MNYAN BA CHOS CAN, SHING GI GZHAN SEL RJOD BYED YIN TE SHING GI GZHAN SEL GO BYED DE LTAR YIN PA'I PHYIR, GNYIS BA NI, SHING ZHES BA'I SGRA CHOS CAN, SHING GI GZHAN SEL DANG 'BREL BAR 'GYUR TE, BRDA'I DUS NA YANG SHING RANG NYID MTHONG BA'I 'BRAS BU CAN SNGAR BSTAN PA'I DON GYI GZHAN SEL DANG 'BREL BA'I PHYIR, SHING ZHES PA'I SGRA DE NI CHOS CAN, GZHAN SEL DANG 'BREL BAR 'GYUR GYI, SBYI RTAG DNGOS LA 'JUG PA MI RUNG STE, SHING LAS GZHAN DU 'JUG PA MA MTHONG BA LA LTOS PA DANG, SHING LA LAR 'JUG PA DE MTHONG BA LA LTOS PA'I PHYIR, GSUM PA DON BSDU BA NI, RIGS SOGS RTAG DNGOS DE DANG LDAN PA'I DON NI YOD PA MIN TE, RIGS RTAG DNGOS MED BA DE'I PHYIR, RIGS RTAG DNGOS DANG LDAN PA'I DON DANG, RIGS RTAG DNGOS DE DAG LA DBANG SHES KYIS MNYAN BA BRDA 'BREL BYED BA MIN TE, GZHAN LAS NI LDOG BA NYID LA RTOG BAS SGRA SBYOR BA'I PHYIR, GSUM PA SLAR YANG MID SBYOR RTOGS YIN PA DGAG PA LA LNGA, SNGA PHYI 'DZIN PAS STONG BAS DGAG, GZHAN LA RTOG KYANG MTHONG BAS DGAG, MYONG BYED MED PAR THAL BAS DGAG, RANG MTSAN

RTOGS PA MED PAR THAL BAS DGAG, MTHONG RTOG RGYU GZHAN YIN PAS DGAG PA'O, ,DANG PO NI, YIG SHES LA NI CHOS CAN, BRDA DRAN PA'I RGYU CAN GYIS PHYIS MTHONG PA'I DON DANG, SNGAR GYI MING GNYIS GCIG TU SRE BAR BYED PA'I BDAG NYID CAN JI LTAR YIN TE MA YIN PAR THAL, SNGA PHYI 'DZIN PAS STONG PA'I PHYIR, GNYIS PA NI, DON GZHAN LA SEMS 'JUG PA CAN GYI YANG MIG GIS GZUGS DAG MTHONG PAR GYUR PA DER NI DBANG SHES CHOS CAN, BRDA DES BSKYED PA'I RTOG PA'ANG MED DE, YUL GSAL BAR DE'I BRDA MI 'DZIN PAR SNANG BA'I PHYIR, DBANG SKYES CHOS CAN, SGRA DON SNANG YUL DU BYED PAR THAL, MING SBYOR RTOG PA YIN PA'I PHYIR, KHYAB STE, GANG LA SGRA NI NGES BAR 'GOD PA'I YUL DE LA DMIGS NAS, MING SBYOR RTOG PA SKYE BAR 'GYUR BA DES NA'O, ,'DOD NA, CHOS CAN, YUL LA 'DOD PA YIS 'JUG BAR 'GYUR ZHING, PHYI ROL GYI GZUNG DON MTHONG BAR MI 'GYUR BAR THAL LO, ,GSUM PA NI, DBANG SHES RTOG PAR KHAS LEN CING, RTOG GNYIS CIG CAR SKYE BAR KHAS MI LEN NA, GZUGS LA GZUGS ZHES MTHONG BA NA GZUGS DE 'DZIN PA'I BLO CHOS CAN, 'DI'O ZHES NI DRAN PA JI LTAR MTHONG STE MA MTHONG BAR THAL, MYONG BYED MED PA'I PHYIR, RTAGS KHAS BLANGS, THAL BA LAS, CHOS CAN, GZUGS 'DZIN PA'I BLO DE YI NYAMS SU MYONG BA YANG YOD DE, DE'I DRAN PA YOD PA'I PHYIR, MYONG BYED YOD PAR 'DOD NA, GZUGS 'DZIN PA'I BLO MYONG BYED DE NI CHOS CAN, RTOG MED JI LTAR YIN TE MA YIN PAR THAL, BLO YIN PA'I PHYIR, GZHAN YANG, GZUGS 'DZIN PA'I BLO DE GANG GIS MYONG, BLO DE NYID KYIS MYONG BA YIN NO ZHE NA NI, GZUGS 'DZIN PA'I BLO

, ,DE NYID KYIS MYONG BA MA YIN BAR THAL, RTOG GNYIS CIG CAR MTHONG BA MED PA'I PHYIR, GSUM KHAS BLANGS, DUS MNYAM BA'I SHES PAS MYONG NGO ZHE NA, DE DES MYONG BA MA YIN BAR THAL, RTOG GNYIS CIG CAR MTHONG BA MED CES PA'I RIGS PA NGES NI, DUS MTSUNGS PA'I RNAM BAR SHES PA GZHAN GYIS MYONG BA LA'ANG GNOD BYED BSTAN BA YIN PA'I PHYIR, PHYIS BYUNG GI SHES PAS MYONG NGO ZHE NA, PHYIS BYUNG GI SHES PA CHOS CAN, GZUGS 'DZIN PA'I BLO MYONG BYED MA YIN PAR THAL, GZUGS 'DZIN PA'I BLO DE LA 'DAS BA LA NI DMIGS PA'I DRAN PAR 'GYUR BA'I PHYIR, SNGA MA DE CHOS CAN, KHYOD LA DRAN BA DE JI LTAR YOD DE MED PAR THAL, MYONG BA MED PA'I PHYIR, LHAS BYIN GYI BLO CHOS CAN, RANG BLO'I 'JAL TSUL DANG GZHAN GYI BLO YONGS SU GCOD TSUL NGO BO GCIG BAR 'GYUR BAR THAL, NGE GNYIS LKOG TU GYUR PA'I TSUL GYIS 'JAL BA'I PHYIR, 'DAS BA'I DON RIG DE CHOS CAN, TSAD MA CIS GRUB STE MA GRUB PAR THAL, GANG GI PHYIR KHYOD LA NI MNGON SUM GYIS GRUB PA MIN ZHING; RTAGS CAN RJES DPAG GIS GRUB PA MIN PA'I PHYIR TE, KHYOD SGRUB PA LA MTHUN DPE DAG DANG BRAL ZHING, RTAGS PHYOGS CHOS GRUB PA NI YOD PA MIN PA'I PHYIR, RTAGS MA GRUB NA, RANG RIG MA GRUB PAR 'GAL LO, ,GAL TE GZUGS DE'I NGO BOR NI SNANG BA CAN GYI DE MA THAG PA'I BLOS GZUGS SOGS 'DZIN PA BZHIN DU, GZUGS 'DZIN PA'I BLO DE DE MA THAG PA'I BLOS 'DZIN PAR 'GYUR RO ZHE NA, DON DU MA 'DZIN BA'I RJES SU SKYES PA'I BLO CHOS CAN, SNGA BLO DE NI 'DZIN PAR MI 'GYUR

BAR THAL, KHYOD DANG DE'I BAR DU DUS GZHAN GYIS CHOD PA'I PHYIR, JI LTAR GZUGS RANG GI YUL CAN GYI RNAM SHES NYAMS SU MYONG BA'I BLO NGE CHOS CAN, RTOG MED YIN TE, RANG YUL LA BRDA BYA BAR MI NUS PA'I PHYIR ZHE NA, DE BZHIN DU DBANG SHES GZHAN YANG CHOS CAN, RTOG PA MED PAR 'GYUR BAR THAL, RANG YUL LA BRDA BYA BAR MI NUS PA'I PHYIR, BZHI PA NI, SHES BYA CHOS CAN, KHYAD PAR RANG MTSAN GZUNG YUL DU BYAS NAS, GANG GIS RTOGS PAR 'GYUR TE MI 'GYUR BAR THAL, RTOG PA MENG PA'I SHES PA MED PA'I PHYIR, KHYAB STE, RTOG PA'ANG SPYI RJONG PA'I DANG TSUL CAN GYI SGRA DE DANG, YUL LA 'JUG TSUL DON GCIG PA'I PHYIR, GAL TE RTOG PA MED PA'I DBANG SHES 'GA' ZHIG KYANG YOD PAS SKYON MED CE NA, DBANG SHES THAMS CAD CHOS CAN, DBANG SHES SNGA MA DE BZHIN DU RTOG MED DU THAL, DE DANG RKYEN GSUM MTSUNGS PA'I RGYU CAN YIN PA'I PHYIR, KHYAB STE, 'BRAS BU'I BDAG NYID THA DANG RGYU THA DAD LAS SKYE BA YIN PA'I PHYIR, LNGA PA NI, MIG BLO CHOS CAN, MING SBYOR RTOG PA MA YIN TE, PHYI ROL DON LA LTOS BA MED PAR, BRDA DRAN PA LAS MING SBYOR RTOG BSKYE BA YIN LA, DE BZHIN DU 'DRA LA LTOS PA MED PAR, GZUNG DON GYI DNGOS PO'I NUS BA NYID LAS KHYONG SKYE BAR 'GYUR BA'I PHYIR, RTAGS MA GRUB STE, GAL TE GZUGS NI BRDA DRAN PA LA LTOS NAS, DBANG PO'I BLO DAG LA PHAN NUS PAR 'GYUR GYI, LTOS MED DU MIN NO ZHE NA, GZUGS DE NI CHOS CAN, DRAN BAN YID LA DNGOS SU PHAN BAR 'GYUR BAR THAL, ,BRDA DRAN DEL 'BREL PA DE LTOS NAS KHYOD LAS DBANG BO SKYE BA'I PHYIR, DPER NA, RTAGS LAS RTAGS 'DZIN SEMS DANG, DE LAS RTAGS

, ,CAN RJES DPAG SKYE BA BZHIN, 'DOD NA, DBANG BLO CHOS CAN, DRAN PA LAS DNGOS SU SKYE BAR 'GYUR PA'AM, GZUGS LAS DNGOS SU SKYE BA MIN PAR THAL, GZUGS LAS BRDA DRAN SKYE, BRDA DRAN LAS KHYOD DNGOS SU SKYE BA'I PHYIR, 'DOD NA, CHOS CAN, RANG GI RKYEN GSUM TSANG BA DE LAS DUS GZHAN DU'ANG SKYE BAR 'GYUR PAR THAL, DE'I TSE 'ANG BRDA DRAN PA SRID PA'I PHYIR, RANG GI RKYEN GSUM TSANG BA'I SKABS SU MI SKYE BA SRID PAR THAL, DE'I SKABS LA LAR YID RNAM PAR GA-YENG BA SRID PA'I PHYIR, DRAN LAS DBANG BLO 'GYUR BA'AM MIN, ZHES PA'I KHYAB PA MA NGES TE, GAL TE GZUGS DE RIM GYIS DRAN PA DANG DBANG BLO GNYIS KA'I RGYU YIN PA'I PHYIR ZHE NA, DRAN PA DANG DBANG BLO'I RGYU'I GZUGS GNYIS GCIG GAM THA DANG, DANG PO LTAR NA, GZUGS GNYIS CHOS CAN, SNGAR NYID DBANG SHES BSKYED PAR 'GYUR BAR THAL, DE SKYED BA GANG ZHIG, SNGA PHYI THA DAD BA MED PA'I PHYIR, DBANG BLO'I RGYU GZUGS NI GZHAN YIN NO ZHE NA, DBANG SHES DE CHOS CAN, KHYOD LA DRAN PA RGYUR DON CI YOD DE DRAN PA DON MED DU 'GYUR PAR THAL, BRDA DRAN GYIS JI LTAR BRDA BTAGS PA KHYOD KYIS GRUB PA'I DON DU BRDA DRAN KHYOD KYI RGYUR 'DOD PA GANG ZHIG BRDA BTAGS BA MED PA'I KHYAD PAR 'DZIN PA'I PHYIR, RTAGS MA GRUB PA STE, SPYI TZAM 'DZIN PA YIN NA NI, CHOS CAN, KHYAD PAR GYI GZUNG DON LA LTOS PA MI RUNG PAR THAL LO, ,MIG BLO CHOS CAN, MING SBYOR RTOG PA MIN TE, MIG DANG GZUGS DAG LA BRTEN NAS DNGOS SU SKYE BAR 'GYUR PA DE'I PHYIR, GNYIS PA MTSAN GZHI'I DBYE BA LA BZHI, DBANG MNGON, YID MNGON,

RANG RIG, RNAL 'BYOR MNGON SUM MO, ,DANG PO LA GNYIS, DBANG SHES KYI MING DON LA RTZOD PA SPANG, RTOG BRAL LA RTZOD PA SPANG BA'O, ,DANG PO NI, GAL TE MNGON SUM GYI SHES PA SKYED PA LA DBANG PO BZHIN DU, YUL YANG NUS LDAN YIN PA'O NA CI'I PHYIR, YUL DBANG GNYIS LA RAG LAS NAS SKYE BA DE NI, YUL SHES ZHES PA DE YIS MI RJOD PAR DBANG SHES KYI SGRAS RJOD CE NA, DBANG PO'I SHES PA'I THA SNYAD CHOS CAN, SGO LNGA'I SHES PA LA BRDA SBYAR BAR BYA BA'ANG 'OS PA YIN TE, DE THUN MONG MA YIN PAR GO NUS DER YOD PA'I PHYIR, KHYAB STE, GO BAR BYED PA NYID MTHONG NAS THA SNYAD NGES PAR SBYAR BA YIN PA'I PHYIR, DE THUN MONG MA YIN PAR GO NUS CHOS CAN, SGO LNGA'I SHES PA 'DI LA NI, DBANG SHES KYI THA SNYAD SBYAR BAR BYA 'OS PAR SGRUB PA'I RANG BZHIN GYI RTAGS YANG NGAG YIN TE, DE SGRUB KYI SGRUB RTAGS GANG ZHIG, BSGRUB BYA'I CHOS DE DANG RANG BZHIN GCIG PA'I CHOS YIN PA DE'I PHYIR, YUL SHES KYI THA SNYAD CHOS CAN, SGO LNGA'I SHES PA LA BRDA SBYAR BAR 'OS PA LDOG PAR 'GYUR TE, KHYAB PAR BYED PA'I RANG BZHIN DE GO NUS NI LOG PA'I PHYIR, GNYIS PA LA GNYIS, LUNG 'GAL SPANG BA, LDOG PA DANG SPYI GZHAN 'DZIN PA'I RTZOD PA SPANG BA'O, ,DANG PO LA, RTZOD LAN GNYIS, DANG PO NI, DBANG PO'I BLO CHOS CAN, RTOG PAR THAL, RNAM PAR SHES PA'I TSOGS LNGA NI BSAGS PA LA DMIGS PA CAN NO, ZHES GSUNGS PAS BSAGS PA LA DMIGS PA'I PHYIR, KHYAB STE, BSAGS PA DAG NI TSOGS PA YIN LA, TSOGS PA DE SPYI YIN ZHING, SPYI DE LA DMIGS PA'I SPYI BLO NI GDON MI ZA BAR YANG, RNAM PAR RTOG PA DANG RJES SU 'BREL BA'I

, ,PHYIR ZHE NA, GNYIS PA LA GNYIS, DNGOS DANG, RTZOD SPANG NGO, ,DANG PO NI, DE LTA BU'I LUNG CHOS CAN, DBANG SHES KYIS BSAGS PA DON GZHAN LA DMIGS PAR BSTAN PA MA YIN PAR THAL, DON GZHAN RDUL PHRAN SNGA MA DANG NI MNGON PAR 'BREL BA'I PHYIR DBANG SHES SKYED NUS KYI RDUL BRAN GZHAN GANG SKYE BAR 'GYUR PA DE DAG BSAGS PAR BSHAD CING, DE DAG NI DBANG PO'I SHES PA SKYE BA'I RGYU MTSAN GYI DON YIN PA LA DGONGS PA'I PHYIR, RDUL TSOGS PAS DBANG SHES SKYED LA RE RE BAS MI SKYED PA JI LTAR YIN ZHE NA, DBANG SHES DE CHOS CAN, TSOGS SPYI'I SPYOD YUL CAN DU BSHAD DE, RDUL GCIG LA DMIGS NAS SKYE BAR NGES PA MIN PAR DU MA LAS SKYE BA'I PHYIR TE, RIGS 'THUN GYI RDUL PHRAN GZHAN DAG MED PAR NI, KHYOD SKYED NUS KYI RDUL PHRAN KHYAD PAR CAN DE YANG MED PA'I PHYIR, GNYIS PA LA GNYIS, RTZOD LAN NO, ,DANG PO NI, GAL TE BSAGS PA'I YAN LAG CAN RDZAS GZHAN MED NA, GZUGS RDUL DU MA DE DBANG SHES SKYED NUS KYI SKYE MCHED GCIG YIN YANG; BLOS CIG CAR 'DZIN PA MA YIN PAR THAL, YAN LAG CAN GYI RDZAS MED PA'I DU MA YIN PA'I PHYIR ZHE NA, GNYIS PA LA LNGA, TIL SOGS 'DZIN PA MED PAR THAL, KHRA BO 'DZIN PA MED PAR THAL, NGO SOGS 'DZIN PA MED PAR THAL, RDZAS GZHAN 'DZIN PA MED PAR THAL, CIG CAR DU MA 'DZIN PA GZHAN LA'ANG GRUB PA'O, ,DANG PO NI, TIL SOGS KYI PHUNG PO CHOS CAN, JI LTAR CIG CAR 'DZIN PAR SNANG BA YIN TE MA YIN PAR THAL, YAN LAG CAN GYI RDZAS MED PA'I THA DAD YIN PA'I

PHYIR, 'JUG PA MYUR BAS CIG CAR 'DZIN PAR SNANG BA YIN NO ZHE NA, 'JUG BA MGYOGS PAS CIG CAR SNANG BAR 'DOD PA 'DI CHOS CAN, MI 'THAD PAR THAL, GNOD BYED BSHANG ZIN PA'I PHYIR, TIL RIM BZHIN 'BAB PA DE NYID LA DMIGS PA'I BLO CHOS CAN, TIL JI LTAR RIM MIN DU 'DZIN PAR MI 'GYUR TE 'GYUR PAR THAL, TIL MYUR BAR 'DZIN PA'I PHYIR, SHES BYA CHOS CAN, BLO DE DAG LA 'GA' ZHIG RIM MIN SNANG BA DANG, GZHAN NI RIM LDAN SNANG BAR JI LTAR 'GYUR TE MI 'GYUR BAR THAL, BLO RNAMS DAG NI THAMS CAD KYANG, DUS MYUR BAR MTSUNGS PA'I PHYIR, DON KUN 'DZIN PA'I BLO CHOS CAN, KHYOD LA DON 'DI NI RIM MIN DU SNANG BAR 'GYUR PAR THAL, DON KUN MYUR BAR 'DZIN PA DE'I PHYIR, GNYIS PA LA GSUM, THAL BA DGOD, SNA TSOGS GCIG MIN PAR SGRUB, RTZONG PA SPANG BA'O, ,DANG PO NI, PHYE MA LEB DANG RMA BYA'I MDONGS KHRA LA SOGS KYI GZUGS CHOS CAN, BLO LA CIG CAR JI LTAR SNANG BAR 'GYUR TE MI 'GYUR PAR THAL, YAN LAG CAN GYI RDZAS MED PA'I DU MA'ANG YIN PA'I PHYIR, GNYIS PA NI, GAL TE SNA TSOGS PA DE YAN LAG CAN CHA MED GCIG YIN NO ZHE NA, RMA BYA'I MDONGS KHRA CIG CAR MI SNANG BDE BAS KYANG, SNA TSOGS CHA MED GCIG YIN PA 'DI CHES NGO MTSAR CHE BSTE MI RIGS PAR THAL, SNA TSOGS YIN NA, CHA MED GCIG PA'I RANG BZHIN MIN PA'I PHYIR 'PER NA, NOR BU'I GZUGS DU MA DE BZHIN NO, ,MI MTSUNGS TE, NOR BU'I GZUGS BLOS DBYE NUS LA, RMA BYA'I MDONGS KHRA DBYE MI NUS PA'I PHYIR ZHI NA, RMA BYA'I MDONGS KHRA CHOS CAN, BLOS DBYE NUS PAR THAL, SNGO SER SOGS RNAM PAR DBYE BA NI SNAM KHRA LA

, ,SOGS NGAG DANG KHYOD LA'ANG MTSUNGS PA'I PHYIR, GAL TE RMA BYA'I MDONGS KHRA BO LA YAN LAG GI GZUGS 'BA' ZHIG DBYE NUS DE LTAR MTHONG GI, YAN LAG CAN GYI MIN NO ZHE NA, DE MI 'THAD PAR THAL, GAL TE YAN LAG GI SNGO SOGS SPANGS PA YI, KHRA BO GZHAN MTHONG BA NGO MTSAR BA STE MTHONG BA'I PHYIR, STAN DANG RMA BYA'I MDONGS KHRA CHOS CAN, BLO DAG LAS KHYED GNYIS GCIG NI RIM LDAN DON MANG DANG, GCIG NI RIM MIN DON GCIG GIS DMIGS PA MA YIN PAR THAL DUS MYUR BA DANG DON GYI RNAM PA NI SNA TSOGS SU MTSUNGS PAR RTOGS PA'I PHYIR, RMA BYA'I MDANGS KHRA DE SNA TSOGS PA JI LTAR YIN ZHE NA, DON RMA BYA'I MDONGS KHRA RNAMS CHOS CAN, SNA TSOGS PA'I NGO BO NYID YIN TE, BLO MA 'KHRUL BA RNAMS KYIS SNA TSOGS PA'I NGO BOR DMIGS PA'I PHYIR, GAL TE MA KHYAB STE, BLO MA 'KHRUL BAS SNA TSOGS SU DMIGS PA DE, RDZAS THA DAD DU 'JOG PA'I RGYU MIN NO ZHE NA, SHES BYA CHOS CAN, RDZAS THA DAD KYI RNAM GZHAG 'DI GANG GIS KYANG 'GRUB PA MA YIN PAR THAL LO, ,GAL TE DE LA YAN LAG CAN GYI RDZAS GCIG YOD PAS SNA TSOGS SU SNANG BA YIN GYI, SNA TSOGS YIN PAS SNA TSOGS SU SNANG BA MIN NO ZHE NA, RI MO KHRA BO SOGS CHOS CAN, BLO LA SNA TSOGS SU SNANG BA MIN PAR THAL, YAN LAG CAN GYI RDZAS MED PA'I PHYIR, RTAGS KHAS BLANGS TE, RDUL RIGS MI MTHUN RNAMS RDZAS RTZOM PA MED PAR 'DOD PA'I PHYIR, GAL TE RI MO KHRA PO'I LDAN PA DE BLO LA SNA TSOGS SU SNANG BA YIN NO ZHE NA, DE'I LDAN PA CHOS CAN, MIG SHES LA SNA TSOGS SU SNANG BA MIN PAR THAL, GZUGS

MED PA'I PHYIR, RTAGS KHAS BLANGS, RDZAS DANG 'PHROD PA 'DU PA'I RGYU MTSAN SNA TSOGS SU BTAGS PA YIN NO ZHE NA, CHOS CAN, RDZAS DANG 'PHROD PAR 'DU PA'I RGYU MTSAN GYIS, SNA TSOGS SU NYE BAR BTAGS PA LA BRTEN PA'ANG MIN PAR THAL, RDZAS 'DU PA'I SNGO SER RE RE BAR SNA TSOGS KHYOD 'DU BA MIN PA'I PHYIR RO, ,RI MO'I KHRA BO DBANG SHES KYIS RIM BZHIN DU NI BZUNG BA LA'ANG, SNA TSOGS BAR RTOG BLO YIS BSRES PA MIN TE, BLO GCIG GIS DON DU MA MI 'DZIN PA'I PHYIR, RTAGS KHAS BLANGS, BLO GCIG GIS DON DU MA 'DZIN PA CAN DU GRUB STE, KHRA 'DZIN DBANG SHES GRUB PA DE'I PHYIR, KHRA 'DZIN DBANG SHES CHOS CAN, RTOG PA MED PAR GRUB PA YIN TE, GANG GI PHYIR DON SNGON PO GCIG RTOGS PA NA'ANG, GZHAN SER PO DAG GSAL BAR MTHONG BA DE'I PHYIR, GSUM PA LA GNYIS, RTZOD LAN NO, ,DANG PO NI, GAL TE SNA TSOGS SU SNANG BA CAN GYI DON RNAMS LA CHA MED GCIG NYID MI RIGS NA, RE SHIG BLO LA SNANG BA'I KHRA BO'I RNAM PA DE NYID CHOS CAN, SNA TSOGS SU NI JI LTAR SNANG STE MI SNANG BAR THAL, GCIG PUR BDEN PA'I PHYIR, KHYAB PA KHAS BLANGS SNYAM NA, GNYIS PA LA GNYIS, RNAM PA BDEN MED DU 'DOD PA'I LAN, RNAM PA BDEN PAR 'DOD PA'I LAN NO, ,DANG PO LA GNYIS, BDEN MED DU SGRUB, RTZOD PA SPANG BA'O, ,DANG PO LA GSUM, GCIG DANG DU BRAL GYIS SGRUB, DON DANG SHES PAR MA GRUB PAS SGRUB, DON BSDUS TE STONG NYID KYI 'DOD TSUL BSTAN PA'O, ,DANG PO NI, DON KHRA BO'I RNAM PA CHOS CAN, SNANG BA LTAR BDEN PAR MED DE, JI LTAR JI LTAR BDEN ZHES BSAMS PA NA, SNANG BA LTAR BDEN PA'I

, ,GCIG DANG DU MA DE LTA DE LTAR RNAM PAR BRAL ZHES MKHAS PA RNAMS KYIS GANG GSUNGS PA DE NI, DNGOS PO'I STOBS LAS 'ONGS PA YIN PA'I PHYIR, BLO GCIG LA SNA TSOGS SU SNANG BA'I RNAM PA DE SNANG BA LTAR BDEN NA SKYON CING 'GYUR ZHE NA, DE LA YANG BLO GCIG GI BDAG NYID DU MI 'GYUR BA'I SKYON YOD DO, ,GAL TE DON KHRA BO'I RNAM PA RNAMS SNANG BA LTAR BDEN PA'I BDAG NYID 'DIR 'DOD DE, BDEN PAR SNANG BA'I PHYIR ZHE NA, SNANG BA LTAR BDEN NA DE LA NGAS 'GOG PAS CI ZHIG BYA STE DON MED MOD, CHOS CAN, BDEN PAR SNANG BAS BDEN PAR MI 'GRUB PAR THAL, KHYOD BDEN PAR SNANG BA'I BLO DE 'KHRUL SHES YIN PA'I PHYIR, GNYIS PA NI, DBANG SHES LA RAGS PAR SNANG BA DE'I BDAG NYID CHOS CAN, SNANG BA LTAR BDEN BAR MED DE, SNANG BA LTAR DON DANG SHES PA LA YOD PA MIN PA'I PHYIR TE, DON RAGS PA GCIG LA BKAG PA NYID YIN PA'I PHYIR DANG, PHYI RDUL MANG PO LA YANG YOD PA MA YIN PA DE'I PHYIR, DON LA MED MDO, SHES PA LA SNANG BA LTAR BDEN NO ZHE NA, DE MI 'THAD PAR THAL, NANG SHES PA YONGS SU GCONG PA NI 'DZIN RNAM YIN LA, DE LAS CHA GZHAN PHYI ROL LTAR GNAS PA 'DI NI 'KHRUL SNANG YIN PA'I PHYIR, DE'I RGYU MTSAN NI, DBANG SHES CHOS CAN, KHYOD LA GZUNG 'DZIN THA DAD DU SNANG BA BSLANG PA NYID YIN TE, GZUNG 'DZIN RDZAS THA DAD DU MED PA CAN LA, RDZAS THA DAD DU SNANG BA'I SHES PA YIN PA'I PHYIR, GZUNG BA RDZAS GZHAN MED MOD, 'DZIN PA RDZAS GZHAN YOD DO ZHE NA, DE MI 'THAD PAR THAL, GZUNG 'DZIN DE LA GCIG GZUNG BA RDZAS

GZHAN NI MED PAS KYANG, GZUNG 'DZIN RDZAS THA DAD PA GNYIS KA'ANG NYAMS PAR 'GYUR PA YIN PA'I PHYIR, SHES BYA CHOS BYA CAN, GNYIS STONG GI DE KHO NA NYID GANG YIN PA DE NI 'DZIN PA DE'I YANG DE NYID YIN TE, GZUNG 'DZIN RDZAS THA DAD PAS STONG BA DE'I PHYIR, GSUM PA NI, GZUNG 'DZIN RDZAS THA DAD DU SNANG BA'I SHES PA DE NI BSLAD PA NYID PA YIN NA, GZUNG 'DZIN DE DAG GI THA DAD KYANG BSLAD PAR 'GYUR TE, DNGOS PO RNAMS THA DAD DU GNAS PA 'DI BLO DE LA THA DAD DU SNANG BA LA BRTEN PA YIN PA'I PHYIR, DNGOS PO CHOS CAN, KUN BRTAGS KYI RANG BZHIN MED PAR RAB TU BSHAD DE, MTSAN NYID BDEN PAS STONG PA'I PHYIR TE, GZUNG BA DANG 'DZIN PA LAS MTSAN NYID GZHAN NI YOD PA MA YIN ZHING, GZUNG 'DZIN RDZAS THA DAD KYIS STONG BA DES NA'O, , PHUNG PO DE DAG MTSAN NYID BDEN PA DANG BRAL TE, PHUNG PO LA SOGS PA'I BYE BRAG GIS MTSAN NYID THAMS CAD MTSON PAR BYED PA'I BYED PA KHYAD PAR CAN YIN PA DE YANG DE KHO NA NYID MIN PA'I PHYIR, GNYIS PA RTZOD PA SPANG BA NI, PHYI DON MED NA DON SNANG GI SHES PA SKYE BA 'GAL LO ZHE NA, MI 'GAL TE, MI RIG GIS BSLAD PA'I BDAG NYID LA BAG CHAGS SAD PA JI LTA'I RANG RKYEN LA LTOS NAS, DE BZHIN NYID MIN PAR DON GYI RNAM PA SNANG BA'I RNAM RIG SKYE BAR 'GYUR PA'I PHYIR, DPER NA, RAB RIB LA SOGS PAS SKRA SHANG SNANG BA BZHIN, GZUNG 'DZIN RDZAS THA DAD MED NA, RDZAS THA DAD MED PAR MNGON SUM DU MI RTOGS PA JI LTAR YIN ZHE NA, PHA ROL MTHONG BA MIN PA'I SO SKYE DE THAMS CAD NI CHOS CAN, KHYOD KYIS GNYIS STONG GI DE NYID DE NA MNGON

, ,SUM DU RIG PA MA YIN TE, GZUNG BA DANG 'DZIN PA'I BSLAD PA MED NA KHYOD MED PA'I PHYIR RO, ,PHYI ROL MED NA DE'I RNAM GZHAG MDZAD BA LA DGOS PA CI YOD CE NA, GNYIS STONG GI DE KHO NA NYID KYI DON STON PA LA BTANG SNYOMS MDZAD PA CAN GYI SANGS RGYAS DES, GLANG CHEN GYI GZIGS STANGS NYID LTAR MDZAD NAS 'JIG RTEN DANG MTHUN PA'I THUGS NI 'BA' ZHIG GIS, PHYI ROL DPYOD PA LA 'JUG PAR MDZAD PA CHOS CAN, DON YOD DE, RIL BO'I BDAG TU 'DZIN PA BZLOG PA'I CHED YIN PA'I PHYIR GNYIS PA RNAM PA BDEN PAR 'DOD PA'I LAN NI, SHES PA LA SNGO SOGS SNA TSOGS SU SNANG BA'I RNAM PA CHOS CAN, SHES PA'I KHYAD PAR LAS RDZAS GZHAN LA BRTEN PA MED DE, SHES PA LAS SO SOR MTHONG NUS MA YIN PA'I PHYIR, RTAGS MA GRUB STE, RNAM PA DE LA 'DI SNGON PO'O 'DI SER BO'O ZHES 'BYED PA'I PHYIR ZHE NA, DE MI 'THAD PAR THAL, 'DI SNGON PO'O SER PO'O ZHES 'BYED PA DE'I TSE RNAM DBYE PHYI DON LA 'JUG PAR 'GYUR PA'I PHYIR, DE LTAR SEMS KYI RNAM PA NI SNA TSOGS SU SNANG BA DE BLO GCIG GI NGO BOR 'GYUR TE, SHES PA GANG LA JI LTAR SNANG BA'I RNAM PA DE DE LTA NYID DU MYONG BA YIN PA'I PHYIR, GAL TE KHRA BO'I RNAM PA GCIG YIN PA DE BZHIN DU, RAS KHRA SOGS KYI GZUGS NI CHA MED GCIG YIN NO ZHE NA, RAS KHRA BO CHOS CAN, KHRA BO'I RNAM PA DE BZHIN DU RNAM DBYE MED PAR 'GYUR BAR THAL, CHA MED GCIG YIN PA'I PHYIR, 'DOD DE, DBYE BA NI YAN LAG LA YOD KYI, YAN LAG CAN LA MED DO ZHE NA, DE MI 'THAD PAR THAL, YAN LAG GI THA DAD PA CAN NI RNAM PAR BSAL BA'I YAN LAG CAN GYI THA DAD PA MED PA

GZHAN MTHONG BA MED PA'I PHYIR, GSUM PA RTZOD PA SPANG BA NI, YAN LAG CAN GYI RDZAS MED NA RDUL DU MAS DBANG SHES GCIG SKYED PA 'GAL LO ZHE NA, MI 'GAL TE, KHYAD PAR CAN DU SKYES PAR GYUR PA'I RDUL MANG PO DAG CIG CAR DBANG BLO'I RGYUR 'GYUR YANG 'GAL BA DAG NI TZI ZHIG YOD DE MED PA'I PHYIR, GAL TE DBANG PO LA SOGS PAS DBANG SHES GCIG SKYED PA BZHIN NO, ,GAL TE RGYU YIN MOD YUL JI LTAR YIN ZHE NA, DON DE LA BLO NI GANG GI RNAM LDAN DU SNANG BA'I DON DE NI BLO DE YI GZUNG BAR BRJOD DE, RANG 'DZIN SHES PA RANG 'DRA'I RNAM LDAN DU SKYED PA'I RGYU YI DNGOS PO MA GTOGS PA GZUNG BA ZHES BYA BA GZHAN CI YANG MED PA'I PHYIR, GSUM PA NOG SOGS 'DZIN PA MED PAR THAL BA NI, JI LTAR RANG GI YAN LAG DANG BCAS PA'I YAN LAG CAN PA LANG BLO GCIG GIS CIG CAR BZUNG BA YIN TE MA YIN PAR THAL, BLO GCIG GIS DON DU MA CIG CAR MI 'DZIN PA'I PHYIR, 'DOD MI NUS TE, LKOG SHAL SOGS MTHONG BA MED PAR NI, BA LANG SHES PA MTHONG BA MED PA'I PHYIR, GAL TE KHYAD PAR DANG KHYAD PAR CAN DU MA GYUR PA'I DU MA CIG CAR MI 'DZIN PA YIN GYI, RNA BA LA SOGS YON TAN DANG BA LANG GTZO BO DAG KHYAD PAR DANG KHYAD PAR CAN YIN PAS, BLO GCIG GIS CIG CAR RTOGS PAR 'DOD DO ZHE NA, CIG CAR BA LANG GI YAN LAG RNAM RDZOGS PAR 'DZIN BA MIN PAR THAL, DE RNAMS KHYAD PAR DANG KHYAD PAR CAN DU MA GYUR PA'I DU MA YIN PA'I PHYIR, RNA BA DE YON TAN SNGON PO LA SOGS PA DANG LDAN PA'ANG, BLO GCIG GIS CIG CAR 'DZIN PA MIN PAR THAL, RTAGS 'DRA, KHYAD PAR

, ,CHOS CAN, DNGOS DBANG GIS MA GRUB PAR THAL, BRJOD PAR 'DOD PA'I GZHAN DBANG GIS 'JUG BA'I PHYIR, CIG CAR YAN LAG RDZOGS 'DZIN MIN PA 'DOD NA, SHES BYA CHOS CAN, YAN LAG NYID DU NYE BAR BZUNG BA'I RVA LTA BU GANG YIN PA DE NYID KYIS NI, BA LANG DE KHYAD PAR DU BYAS NAS 'DZIN PAR 'GYUR BAR THAL, DE YAN LAG GIS KHYAD PAR DU BYAS NAS 'DZIN DGOS, YAN LAG DU MA CIG CAR MI 'DZIN PA'I PHYIR, BZHI PA RDZAS GZHAN 'DZIN PA MED PAR THAL BA NI, CHOS CAN, BUM SNAM GZHAN DANG GZHAN MTHONG YANG, BLO RNAM PA GCIG PA CAN DU 'GYUR BAR THAL, BUM SNAM RANG GI DNGOS PO GZHAN DAG LAS THA DAD MED PA'I PHYIR DANG, THA DAD DU BYED PA'I YON TAN LA SOGS PA'ANG BLO GCIG GIS MA BZUNG BA'I PHYIR, SNGAR RDZAS, BZUNG NAS PHYIS YON TAN LA SOGS KHYAD PAR NI BZUNG BA'I PHYIR, DU MA RTOGS PAR 'GYUR RO ZHE NA, 'GYUR MOD, DE LTA YIN NA YANG, RDZAS DANG YON TAN DE DAG GI 'BREL BA 'CHOL BAR 'GYUR BAR THAL, DE GNYIS LHAN CIG 'DZIN PA MI SRID PA'I PHYIR, LNGA PA CIG CAR DU MA 'DZIN PA GZHAN LA'ANG GRUB PA NI, GRANGS CAN GYI LUGS LA'ANG CIG CAR DU MA 'DZIN PAR GRUB STE, SGRA SOGS RNAMS BDE SDUG DU MAS BKOD PA NYID YIN BA'I PHYIR, KHYAB STE, BKOD PA CAN NI MA BZUNG BAR BKOD PA 'DZIN PA MI RUNG BA'I PHYIR, GNYIS PA LDOG PA DANG SBYI GZHAN 'DZIN BA'I RTZOD SPANG NI, DBANG SHES CHOS CAN, RTOG PAR THAL, LDOG PA DU MA 'DZIN PA'I PHYIR ZHE NA, MA BYAS RTAG PA SOGS THAMS CAD LAS LDOG PA'I LOG PA GANG DANG GANG LAS LOG PA DE LAS THA DAD

DU BRTAGS BA'I THA DAD PA CAN CHOS CAN SGRA DE NI DU MA'I NGO BO NYID DU BRTAGS PA'I RANG BZHIN THA DAD PA SNA TSOGS SNANG BA DE DAG NI CHOS CAN, RES 'GA' BA'I DBANG SHES KYI DNGOS KYI SBYOD YUL MIN TE, RTOG PA MED PA'I SEMS LA SNA TSOGS KHYOD SNANG BA MIN PA'I PHYIR, DBANG SHES KYIS DKAR PO NYID LA SOGS PA'I SPYI 'DZIN NO ZHE NA, GAL TE DKAR BO NYID SOGS KYI SPYI YOD PAR GYUR KYANG, DBANG PO'I SPYOD YUL CI BDRA BA DE NI SGRA YIS BRJOD PA MIN TE, DBANG SHES DANG RTOG PA'I RANG BZHIN SNANG TSUL THA DANG PA'I PHYIR, DBANG SHES DANG RTOG BLO RNAMS GZUNG DON GCIG NYID YIN YANG, RTEN SNA TSOGS PAS GSAL MI GSAL DER 'GYUR RO ZHE NA, DA NI RNA BA LA SOGS PA'I SEMS RNAMS THA DAD PA'I GZUNG DON CAN DE GANG LAS YIN TE MA YIN PAR THAL LO, ,SEMS KYI RTEN NI GZHAN DANG GZHAN SKYES SU CHUG KYANG, DBANG SHES DANG RTOG PA CHOS CAN, GSAL MI GSAL GYI RANG BZHIN SNA TSOGS SU SNANG BA DE NI GANG LAS YIN TE MA YIN PAR THAL, DNGOS PO GCIG NYID KYI GZUNG DON CAN YIN PA'I PHYIR, SNANG TSUL THA DAD KYANG GZUNG DON GCIG YIN TE, DBANG SHES KYIS MTHONG BA LA RTOG PAS 'DI'O ZHES NGO SHES PA'I PHYIR ZHE NA, DBANG SHES KYIS MTHONG BA LAS BA LANG LA SOGS PA'I NGO SHES PA'I BLO NI GZUNG DON CAN YIN PA BZLOG PA YIN TE, DBANG SHES KYIS MTHONG BA RTOGS PA MED PAR NI RJOD PA DANG RNAM RTOG 'JUG PA'I PHYIR, SHES BYA CHOS CAN, BA LANG LA SOGS MTHONG BA LA RJOD PA DANG RNAM RTOG DAG RJES SU 'GRO BA LAS, RIGS RTAG DNGOS SOGS RJES SU DPOG PA GANG YIN PA DE YANG, RIGS PA 'DI YIS

, ,SUN PHYUNG STE, DBANG SHES KYIS MTHONG BA RNAMS RDZAS THA DAD NYID YIN YANG, RIGS GCIG TU NGO SHES PA ZHES BYA BA'I RNAM RTOG GCIG NI RANG BZHIN GYIS BYED PA YIN ZHES BRJOD ZIN TO, ` ,GNYIS PA YID MNGON LA, YID KYANG DON DANG, ZHES PA'I DON 'CHAD BA LA, RTZOD LAN GNYIS, DANG PO NI, MU STEGS RNA BA MA PHUG PA NA RE, DBANG SHES KYIS SNGAR MYONG BA NI 'DZIN PA YIN NA, YID MNGON NI TSAD MA NYID MA YIN PAR THOL, ,MA MTHONG BA 'DZIN NA, LONG BA LA SOGS PA YIS KYANG DON MTHONG BAR 'GYUR RO ZHE NA, GNYIS PA LA GSUM, GZHAN LUGS DGAG, RANG LUGS GZHAG, RTZOD PA SPANG BA'O, ,DANG PO NI, 'GREL BYED KHA CIG NA RE, DBANG MNGON GYIS BZUNG ZIN 'DZIN NO ZHES ZER RO, ,YID MNGON CHOS CAN, RANG GI DNGOS RGYU'I DUS NA 'DAS PA'I GZUGS DE, GZUNG DON DU MTHONG BA YOD PA MA YIN PAR THAL, KHYOD KYI GZUNG DON DE SKAD CIG MA NYID YIN PA'I PHYIR, RTAGS MA GRUB NA, CHOS CAN, KHYOD KYI MTSAN NYID NI TSAD MA SNGA MAS BZUNG ZIN 'DZIN PA ZHES PA'I KHYAD PAR DANG BCAS PA BRJOD BYAR 'GYUR BAR THAL, SKAD CIG MA MIN PA GZUNG DON DU BYED PA'I PHYIR, DBANG PO CAN GYI MNGON SUM PHYI MA'AM, GZHAN YID MNGON DAG NI CHOS CAN, SGRUB PAR BYED PA'I TSAD MAR JI LTAR 'DOD DE 'DOD MI RIGS PAR THAL, TSAD MA SNGA MAS BYA BA BSGRUBS PA CAN GYI LAS LA NI KHYAD PAR CUNG ZAD MI BYED PA'I PHYIR, YID MNGON DANG DBANG BLO'ANG THAMS CAD CHOS CAN, CIG CAR 'BYUNG BAR 'GYUR BAR THAL, RTAG PA'I DNGOS PO DE LAS SKYES PA'I PHYIR, RTAG KYANG RKYEN LA LTOS NAS RIM

CAN DU SKYED DO ZHE NA, DE'I GZUNG DON CHOS CAN, RKYEN DE LA LTOS PA 'GAL BAR THAL, RKYEN GZHAN GYIS KHYAD PAR BYAR YOD PA MIN PA'I PHYIR RO, ,GNYIS PA NI, YID MNGON NI CHOS CAN, DBANG MNGON GYI YUL LAS GZHAN NYID 'DZIN BYED YIN TE, YUL 'DZIN PA GANG ZHIG, DBANG MNGON GYI YUL MI 'DZIN PA DE'I PHYIR, DE LTA NA'ANG LONG BAS GZUGS MTHONG BA'I SKYON YOD PA MIN TE, DBANG PO'I RNAM PAR SHES PAS DE MA THAG RKYEN BYAS PA LAS BYUNG BA CAN YIN PA DE'I PHYIR, DBANG MNGON GYI YUL LAS GZHAN 'DZIN NA, YUL NGES PA 'DZIN PAR MI 'GYUR RO ZHE NA, 'DI CHOS CAN, DE'I YUL LAS GZHAN 'DZIN NA YANG YUL NGES PA 'DZIN PAR 'DOD PA YIN TE, RANG GI GZUNG DON GYI RJES SU 'GRO BA'I DON LA LTOS PA CAN GYI DBANG SKYES BLO NI KHYOD KYI RGYU YIN PA DE'I PHYIR, GSUM PA NI, YID MNGON GYI GZUNG DON DAG NI CHOS CAN, JI LTAR DBANG PO'I SHES PAS YID MNGON SKYED PA'I LHAN CIG BYED PA'I RKYEN YIN TE MA YIN PAR THAL, DBANG SHES DE DANG YID MNGON BYA BYED DUS MTSUNGS PA MED PA CAN YIN PA'I PHYIR TE, KHYOD RANG SHES PA'I YID MNGON DANG DUS GCIG PA CAN YIN PA'I PHYIR ZHE NA, YID MNGON GYI GZUNG DON DE RANG BLO BCAS TE YID MNGON DANG DUS MNYAM MIN TE, RGYU RNAMS THAMS CAD RANG 'BRAS KYI SNGAR YOD YIN PA DE'I PHYIR TE, 'BRAS BU'I SNGAR MED PAS 'BRAS BU LA PHAN PA'I NUS BA MED PA'I PHYIR DANG, PHYIS KYANG PHAN PA NYE BAR MI SBYOR BA'I PHYIR, CHOS CAN, YID MNGON GYIS JI LTAR 'DZIN TE MI 'DZIN PAR THAL, DE DANG DUS THA DAD BAS SO ZHE NA, 'BRAS BU YID MNGON GANG YIN PA DE NI CHOS CAN, RGYU DU MA NYID YOD NA YANG

, ,GZUGS DE YI RNAM PA'I NGO BO DE BZHAG PA DANG DE GZUNG BA ZHES BRJOD PA YIN TE, GZUGS KYI RNAM PA'I RJES SU BYED PAR SKYE BA YIN PA'I PHYIR, KHYAB STE, RIGS PA SHES PA YIS SHES PA'I RNAM PA 'JOG NUS PA'I RGYU NYID LA NI GZUNG BAR SHES PA'I PHYIR RO, ` ,GSUM PA RANG RIG LA, CHAGS LA SOGS, RANG RIG RNAM PAR MI RTOG PA, ZHES PA'I DON 'CHAD BA LA GNYIS, MYONG BYED RTOG BRAL DU SGRUB PA DANG, MYONG BYA LA RTZOD PA SBANG BA'O, ,DANG PO NI, BDE SOGS DE DAG MYONG BA'I RANG RIG NI CHOS CAN, BDE SOGS LA RJOD PA DANG RJES SU 'BREL BA CAN GYI RTOG PA MA YIN TE, KHYOD KYIS BDE SOGS LA BRDA BYED PAR NI NUS PA MA YIN PA DE'I PHYIR TE, KHYOD KYI NGOR BDE SOGS KYI BDAG NYID GZHAN THA SNYAD KYI DUS SU RJES SU 'GRO BA MI STEN PA'I PHYIR, GNYIS PA LA GNYIS, BYE BRAG PA'I RTZOD PA SBANG, GRANGS CAN PA'I RTZOD PA SBANG PA'O, ,DANG PO LA RTZOD LAN GNYIS, DANG PO NI, BDE SOGS DE DAG CHOS CAN, RANG GI NGO BO JI LTAR RIG STE MI RIG PAR THAL, GZHAN YANG RIG BYED MIN PA'I PHYIR, NGES NA BDAG DANG DON GCIG LA BRTEN PA'I RNAM SHES KYI RIG BYA YIN ZHES BYE BRAG PA 'GA' ZHIG ZER RO, ,GNYIS PA LA GSUM, SHES PAR SGRUB, RANG RIG SGRUB, GZHAN RIG SGRUB PA'O, ,DANG PO NI, SHES BYA CHOS CAN, BDE SOGS DE CIS SHES PA MIN TE YIN PAR THAL, DE RNAM SHES KYI RGYU LAS GZHAN MIN PA'I RKYEN GSUM LAS SKYES PA'I PHYIR TE, DON BCAS DBANG PO RUNG BA DANG BDAG NYID JI LTA BA'I SEMS YOD NA, BDE BA LA SOGS SKYE BAR MTHONG LA, YID KYANG DBANG SHES DE DANG MTSUNGS PA YIN PA'I

PHYIR; SNGA MA LA KHYAB STE, RIGS 'DRA BA DE DANG DE MIN PA'I RANG BZHIN CAN GYI 'BRAS BU RNAMS, RIGS 'DRA BA DE DANG DE MIN PA'I DNGOS RGYUS BSKYED PA'I PHYIR, RTZA BAR MA KHYAB STE, RKYEN GSUM LAS SKYES KYANG BDAG GI YON TAN 'DU BYED LAS, DBANG SHES SHES PAR DANG BDE SOGS BEM POR SKYE'O ZHE NA, BDE BA LA SOGS PA DANG DBANG BLO DE CHOS CAN, RKYEN GSUM DE LAS SKYE'I, GZHAN BDAG GI YON TAN 'DU BYED LAS SKYE PA MIN PAR THAL, RKYEN GSUM DE DAG YOD PAR DANG MED PA NA, RGYUD 'GA' LA SKYE BA DANG MI SKYE BAR MTHONG GI, BDAG GI YON TAN MNGON PAR 'DU BYED LAS SKYE BAR MA MTHONG BA DE'I PHYIR, 'ON RKYEN GSUM PAS SKYES PAR MTSUNGS PAS, BDE SDUG KYANG KHYAD MED DU 'GYUR RO ZHE NA, MI 'GYUR TE, RKYEN GSUM DE DAG NYID KYI KHYAD PAR LAS BDE BA DANG SDUG BSNGAL LA SOGS THA DAD DU SKYE BA YIN PA'I PHYIR, DPER NA, BLO DE NYID KYI NI KHYAD PAR GSAL BA DANG MI GSAL BA DANG, THE TSOM CAN DU SKYE BA BZHIN NO, ,GNYIS PA NI, GZUNG DON DE BOR NAS BDE SOGS NYID DBANG SHES DES NI JI LTAR RTOGS PAR 'GYUR TE MI 'GYUR BAR THAL, GZUNG DON GANG NYE BAS DBANG BLO DANG NI BDE SOGS DE DAG SKYE BAR 'GYUR BA'I PHYIR, DBANG SHES KYIS GZUGS 'DZIN LA, YID SHES KYIS BDE SOGS RIM GYIS 'DZIN NO ZHE NA, BDE SOGS DE MYONG BA'I SHES PA CHOS CAN, YUL RNAM PAR CHAD PA MED PAR SNANG BAR MI 'GYUR BAR THAL, YUL MYONG BA'I BAR DU DBANG SHES KYIS CHOD PA'I PHYIR, 'JUG PA MGYOGS PA'I PHYIR PAR MA CHAD DU SNANG NGO ZHE NA, DBANG SHES CHOS CAN, BDE SOGS MYONG BA MED PAR KHYOD LA GZUGS SNANG BA CIS MA YIN TE

, ,YIN PAR THAL, GZUGS 'DZIN PA MYUR BA DE MTSUNGS PA'I PHYIR, DBANG SHES GCIG GIS GZUGS DANG BDE SOGS GNYIS KA GZUNG DON DU 'DZIN NO ZHE NA, GZUGS 'DZIN DBANG PO'I SEMS NI CHOS CAN, KHYOD GCIG GIS GZUGS DANG BDE SOGS GNYIS KA GZUNG DON DU BYAS NAS SHES PA MA YIN TE, KHYOD GZUGS KYI SKYE MCHED PA'I YUL CAN DU NGES PA'I PHYIR DANG, BDE SOGS DES PHAN PA'I NUS PA GRUB PA MED PA'I PHYIR TE, BDE SOGS MED KYANG DON DAG LAS SKYES PA'I PHYIR, MA KHYAB STE, GZUGS DANG BDE SOGS GNYIS KYIS SO SO SO SOR YANG DBANG SHES SKYED NUS PA YIN TE, SNGO SOGS RE RES DBANG SHES SKYED PA BZHIN NO ZHE NA, CHOS CAN, BDE SOGS 'BA' ZHIG 'DZIN SRID PAR 'GYUR TE, DE 'BA' ZHIG GZUNG DON DU BYED SRID PA'I PHYIR, 'DOD MI NUS TE, BDE SOGS DE'I RGYU'I DON NI MA BZUNG BAR, BDE SOGS DE MYONG BAR NI MI RIGS SO, ,BDE SOGS DON DANG LHAN CIG NYID 'DZIN NA, CHOS CAN, BDE SOGS KYIS NI PHAN PA'I NUS PA CI YANG MED PAR THAL, GANG GI PHYIR BDE SOGS DES BSKYED PA'I BLOR KHYOD MI 'DOD PA'I PHYIR, DON MED PAR NI BDE BA LA SOGS MIG SOGS RNAMS KYIS MYONG NA NI GZUGS SOGS DANG BUD MED SOGS KYI KHYAD PAR NAM YANG MIG GIS 'DZIN PAR MI 'GYUR TE, NANG GI YAN LAG PHAN NUS PA'I GZUNG DON DU YOD NA PHYI ROL MTHONG BAR MI 'GYUR BA'I PHYIR, DBANG SHES KYIS DON RKYANG PA 'DZIN NA NI, DON DE LAS SKYES PA'I BDE BA LA SOGS MYONG BAR MI 'GYUR BAR THAL, BLO GNYIS CIG CAR MI SKYE BA GANG ZHIG, PHYOGS SNGA DE'I PHYIR, YUL

DE DANG NI DE YONG PA LAS BLO NI CIG CAR SKYE'O ZHE NA NI, SHES BYA CHOS CAN, CIG CAR YID DU 'ONG MI 'ONG GI DON NI YOD PA NA, BDE SDUG DAG NI CIG CAR RIG PAR 'GYUR BAR THAL LO, ,NANG GI NYER LEN SHES PA YANG YOD NA, SDUG BSNGAL LA SOGS 'BYUNG BAS SHES PA GCIG PO DE NI CIG CAR BDE SDUG 'GAL BA'I NYER LEN MIN PAR 'DOD DO ZHE NA, BDE SOGS CHOS CAN, GANG GI RNAM PAR SHES PA NI NYER LEN GYI RGYU YIN TE MA YIN PAR THAL, MI SHES PA'I BEM PO YIN PA'I PHYIR, RNAM SHES DE BDAG PO'I RKYEN NYID DU 'GYUR BA YIN PAS, BDE SDUG 'GAL BA GNYIS CIG CAR MI SKYED DO ZHE NA, DE MI 'THAD PAR THAL, RKYEN DE NI 'BRAS BU 'GAL BA CIG CAR SKYED PA DAG LA'ANG MTHONG BA'I PHYIR, DPER NA, SNANG BA NYI 'OD GCIG GIS MTSAN MO RGYU BA 'UG PA DANG, DE LAS GZHAN PA'I DBANG PO DAG GIS GZUGS MTHONG BA DANG MI MTHUN PA DANG MTHUN PA CIG CAR BYED PA BZHIN NO, ,GSUM PA NI, BDE SOGS CHOS CAN, DON MYONG ZHES 'JIG RTEN NA 'DOGS SU RUNG STE, RANG NYID LA 'PHOS PA'I DON GYI RNAM PA NI SNANG BA DANG, RNAM PA DE 'DZIN RNAM GYIS MYONG BA'I PHYIR, RANG GI BDAG NYID RIG PAR BYED PA'I BDE SOGS 'DI DAG NI CHOS CAN, PHYI ROL DON NI DNGOS SU MYONG BA MIN TE, DON LAS SKYE BA TZAM DU ZAD PA'I PHYIR, DON MYONG BAR BSHAD DU RUNG STE, DON GYI BDAG NYID DE DAG GI RNAM PA RANG GI BDAG NYID DU GYUR PA'I 'DZIN RNAM DES MYONG BA YIN PA'I PHYIR, DON DMIGS PA NYID NI YIN TE, DON GYI RNAM PA DER SNANG BA'I PHYIR RO, ,GNYIS PA LA, RTZOD LAN GNYIS, DANG PO NI, GRANGS CAN 'GA' ZHIG BDE SOGS PHYI ROL NA GNAS PA NYID DANG

, ,SEMS MED DANG GZUNG BAR SMRA STE, GNYIS PA LA GNYIS, PHYI ROL YIN PA DGAG, SEMS PA YIN PAR SGRUB PA'O, ,DANG PO NI, GRANGS CAN DE'I LUGS LA YANG, SNGO SNANG DBANG SHES CHOS CAN, CIG CAR SNGO SOGS DANG BDE SOGS GNYIS 'DZIN PA MI RIGS PAR THAL, GZUGS KYI SKYE MCHED PA'I GZUNG DON CAN DU NGES PA'I PHYIR, SNGO SOGS KYI RANG BZHIN BDE SOGS DANG GCIG YIN PA'I PHYIR, CIG CAR 'DZIN PA YIN NO ZHE NA, SNGO SOGS DANG BDE SOGS DE CHOS CAN, JI LTAR THA MI DANG DE THA DAD DU THAL, THA DAD DU SNANG BA CAN GYI MA 'KHRUL BA'I SEMS KYIS NI THA DAD DU GZUNG BA'I PHYIR, BDE SOGS CHOS CAN, GOMS PA YI NI KHYAD PAR LAS, BLO LA DGA' BA DANG YONGS SU GDUNG BA'I KHYAD PAR DU NI MI 'GYUR BAR THAL, PHYI ROL DER KHYAD PAR YOD PA MIN PA'I PHYIR, GAL TE BLO YANG BDE SOGS KYI BDAG NYID YIN PAS, GOMS PA LAS KHYAD PAR DU 'GYUR BA MI 'GAL LO ZHE NA, SHES BYA CHOS CAN, DA NI PHYI ROL DE BDE SOGS KYI BDAG NYID YIN ZHES JI LTAR RTOGS TE MI RTOGS PAR THAL, BLO'I BDE SOGS GOMS PAS KHYAD PAR DU 'GYUR BA'I PHYIR, GAL TE GZUGS DANG BDE SOGS CHOS CAN, GZUNG 'DZIN MIN PAR THAL, RIGS NI THA DAD DAG YIN PA'I PHYIR ZHE NA, SKYES BU NI CHOS CAN, KUN GYI 'DZIN BYED DU MI 'GYUR BAR THAL TE, BDE SOGS DANG RIGS THA DAD YIN PA'I PHYIR, 'DOD NA, DES NA ZA BA PO NYID NYAMS SO, ,'DIS NI BSAL LO, ,GANG NA, GZUGS DANG BDE SOGS CHOS CAN, RGYU DANG 'BRAS BU'ANG MA YIN PAR THAL, RIGS THA DAD PA'I PHYIR ZHE PA'O, ,JI LTAR BSAL NA, SKYES BU DANG

BDE SOGS CHOS CAN, DER THAL, DE'I PHYIR, GSUM KHAS BLANGS, RTZA BA'I THAL 'GYUR LA BSAL BA DGOD PA NI, GZUGS DANG BDE SOGS CHOS CAN, RGYU DANG 'BRAS BU MA YIN PAR THAL, GZUNG BA DANG 'DZIN PA NYID YIN PAS RGYU 'BRAS SU MI 'GRUB, SGRUB BYED GZHAN MED PA'I PHYIR, GZUNG 'DZIN YIN PAS RGYU 'BRAS SU YOD DO ZHE NA, SKYES BU DANG GZUGS GZHAN LA'ANG CHOS CAN, RGYU 'BRAS SU 'GYUR BAR THAL, GZUNG 'DZIN DE NI YIN PA'I PHYIR, GNYIS PA LA GNYIS, DNGOS DANG, DE'I LAN DGAG PA'O,, DANG PO NI, BDE SOGS DE NI CHOS CAN, NANG NYID DANG SEMS KYI BDAG NYID YIN TE, 'DZIN RNAM GYIS MYONG BYA NYID YIN PA'I PHYIR, MYONG BA SHES RIG DE NI CHOS CAN, BDE SOGS DE YI MYONG BYED MA YIN TE, BDE SOGS GANG GI RANG BZHIN MA YIN PA'I PHYIR, GNYIS PA NI, GAL TE BDE SOGS DE'I RANG BZHIN MIN PA'I MYONG BAS, BLO LA GNAS PA'I RNAM PA DE RIG GO ZHE NA, SHES BYA CHOS CAN, MNGON SUM DANG DRAN PA'I RNAM PA CAN GYI MYONG BA MA GTOGS PA YUL DBANG BAR 'DIR BLO'AM CHEN PO GANG YIN DE MED PAR THAL, DON DE DANG DE LA BRTEN NAS BDE BA DANG SDUG BSNGAL SOGS MYONG BA GCIG NYID 'BYUNG BAR 'GYUR BA MTHONG GI, YUL DBANG BAR DU BLO'AM CHEN PO GZHAN NI MA MTHONG BA'I PHYIR, BLO MYONG RDZAS THA DAD YIN YANG, LCAGS GONG DANG NI ME BZHIN DU 'DRES PAS RNAM PAR DBYER MED PAR SNANG NGO ZHEN, SHES BYA CHOS CAN, DNGOS PO KUN LA RDZAS THA DAD DANG THA DAD MIN PA'I RNAM GZHAG NYAMS PAR THAL, BLO MYONG RDZAS THA DAD YIN YANG, BLO MA 'KHRUL BA LA DBYER MED DU SNANG BA DE LTA YIN PA'I PHYIR, KHYAB STE, THA DAD MED PAR

, ,MYONG BA DE GCIG GI SGRUB BYED YIN NA, DE LTAR GANG MIN PAR THA DAD DU SNANG BA DE THA DAD PA CAN DU 'GRUB LA, GCIG TU SNANG BA 'DI GCIG GI SGRUB BYED MIN NA, THA DAD KYI SGRUB BYED KYANG 'GRUB PA MA YIN PA'I PHYIR, SHES BYA CHOS CAN, RDZAS THA DAD DANG THA DAD MED PA'I RTEN CI YANG MED PAR THAL, SDUG BSNGAL DANG DKAR SOGS THA DAD DU SNANG YANG THA DAD MIN, BLO MYONG NI THA DAD MED PAR SNANG YANG RDZAS THA DAD YIN PA'I PHYIR, KUN 'GRO LNGA THA DAD DU MA MTHONG YANG THA DAD YIN PA LTAR BLO MYONG YANG DE LTAR YIN NO ZHE NA, DPE DON MI MTSUNGS TE, DUS GCIG GI TSE TSOR BA GSAL BAS, GZHAN RNAMS BSGRIBS NA YANG, SEMS KYI KHYAD PAR GYI RGYUN DAG LA, KUN 'GRO LNGA THA DAD PAR NI MTHONG BA'I PHYIR THA DAD PA'I RNAM GZHAG GRUB PA YIN LA, BLO MYONG NAM YANG THA DAD DU MA MTHONG BA'I PHYIR, ` BZHI PA RNAL 'BYOR MNGON SUM LA, RNAL 'BYOR RNAMS KYI BLA MAS BSTAN, ,MA 'DRES PA YI DON TZAM MTHONG, ZHES PA'I DON 'CHAD PA LA GSUM, MDOR BSTAN, RGYAS PAR BSHAD, ZHAR LA RTZOD PA SPANG BA'O, ,DANG PO NI, SNGAR BSHAD PA BDEN BZHI DE DAG GI MI RTAG LA SOGS BCU DRUG PO DE MNGON SUM DU RTOGS PA'I RNAL 'BYOR PA'I SHES PA CHOS CAN, RNAL 'BYOR MNGON SUM YIN TE, YANG DAG PA'I DON BSGOMS PA LAS BYUNG BA'I 'PHAGS RGYUD KYI RTOG BRAL MA 'KHRUL BA'I SHES PA YIN PA'I PHYIR, GNYIS PA NI, CHOS CAN, RTOG PA'I DRA BA RNAM BAR BSAL BA YIN TE, GOMS BA'I STOBS KYIS RANG YUL GSAL BA NYID DU SNANG BA YIN PA'I PHYIR, DPER NA, 'DOD CHAGS DANG 'JIGS PA DANG MYA NGAN GYIS

BRLAMS PA DANG RKUN PO RMI SOGS KYIS BSLAD PAS, MDUN NA GNAS PA BZHIN DU NI YANG DAG PA MIN PA MTHONG BAR 'GYUR BA BZHIN, KHYAB STE, RNAM PAR RTOG PA DANG RJES SU 'BREL BA NI DON GSAL BAR SNANG BA CAN MA YIN PA'I PHYIR TE, RMI LAM NA YANG DRAN PA DE GSAL BA DE 'DRA'I DON LDAN MIN PAR DRAN PA'I PHYIR, GOMS PAS GSAL BAR SNANG BSGRUB PA NI, YANG DAG DANG YANG DAG MIN PA GANG DANG GANG SHIN DU BSGOMS PAR GYUR PA SGOM PA YONGS SU RDZOGS PA NA, DE'I 'BRAS BU GSAL LA MI RTOG PA'I BLO 'BYUNG BA CAN YIN TE, MA GTZANG BA DANG ZAD PAR SA LA SOGS PA YANG DAG PA MIN PA'ANG, BSGOMS PA'I STOBS KYIS SBRUL PA RTOG MED DANG, GSAL BAR SNANG BA CAN DU MTHONG BA DE'I PHYIR, 'O NA, GOMS PAS GSAL BAR SNANG BA THAMS CAD MNGON SUM YIN NAM ZHE NA, DE LA SNGAR BSHAD PA BZHIN DU, BDEN BZHI'I DNGOS PO MI RTAG SOGS BCU DRUG MNGON SUM DU RTOGS PA'I YE SHES GANG YIN PA DE CHOS CAN, MNGON SUM TSAD MAR 'DOD DE, YANG DAG PA'I DON BSGOMS PA LAS BYUNG ZHING, DE KHO NA NYID LA GSAR DU SLU BA MED PA CAN GYI SHES PA YIN PA'I PHYIR, LHAG MA ZAD PAR GYI TING NGE 'DZIN CHOS CAN, MNGON SUM MA YIN TE, NYE BAR BSLAD PA YIN PA'I PHYIR, GSUM PA NI, GAL TE MNGON SUM YIN NA, GSAL BAR SNANG BA YIN NA, RTOG PA'ANG CHOS CAN, GSAL BAR SNANG BAR THAL; RANG RIG MNGON SUM YIN PA'I PHYIR, 'DOD NA, MI GSAL BAR BSHAD PA DANG 'GAL LO ZHE NA, BUM 'DZIN RTOG PA'I SHES PA GANG YIN PA DE NI CHOS CAN, BUM PA DE LA RTOG PA YIN TE, BUM PA GANG LA SGRA DON 'DRES RUNG DU 'DZIN PA'I BLO YIN PA'I

, ,PHYIR, SHES PA KUN GYI STENG GI 'DZIN RNAM CHOS CAN, RANG GI NGO BO DE LA MNGON SUM YIN TE, RANG GI NGO BO LA SGRA DON 'DRES RUNG DU 'DZIN PA MIN PAR MA 'KHRUL BA'I SHES PA YIN PA DE'I PHYIR, GNYIS PA MNGON SUM LTAR SNANG LA, 'KHRUL DANG KUN RDZOB SHES PA DANG, ,RJES DPAG RJES SU DPAG LAS BYUNG, ,DRAN DANG MNGON 'DOD CES BYA'O, ,MNGON SUM LTAR SNANG RAB RIB BCAS, ZHES PA'I DON 'CHAD PA LA, BSTAN BSHAD BSDU GSUM MO, ,DANG PO NI, SHES BYA CHOS CAN, MNGON SUM LTAR SNANG RNAM PA BZHIR YOD DE, RTOG PA'I SHES PA RNAM PA GSUM DANG, RTEN BSLAD PA LAS BYUNG BA CAN GYI RTOG PA MED PA GCIG YOD PA YIN PA'I PHYIR RO, ,GNYIS PA LA GNYIS, RTOG PA MNGON SUM LTAR SNANG, RTOG MED MNGON SUM LTAR SNANG NGO, ,DANG PO NI, RTOG PA GSUM MNGON SUM LTAR SNANG DU BSHAD PA LA DGOS PA CI YOD CE NA, 'KHRUL PA DANG KUN RDZOB PA'I SHES PA GNYIS CHOS CAN, MNGON SUM LTAR SNANG DU BSHAD PA LA DON YOD DE, DBANG SHES SU 'KHRUL BA MTHONG BAS, DBANG SKYES MIN PAR BSGRUB PA'I DON DU DER BSHAD PA'I PHYIR RO, ,RJES DPAG SOGS MNGON SUM LTAR SNANG DU GRUB KYANG BRJOD PA NI CHOS CAN, DON YOD DE, SNGA MA GNYIS NYID DBANG SHES MA YIN PAR SGRUB PA'I DPE BSTAN PA'I PHYIR RO, ,SNGA MA GNYIS MNGON SUM DU 'KHRUL BA'I RGYU GANG ZHE NA, BRDA RTEN CAN KUN RDZOB PA'I SHES PA DANG, DON GZHAN LA SGRO 'DOGS PA'I RNAM PAR RTOG PA DAG CHOS CAN, 'GA' ZHIG GI TSE MNGON SUM DU 'KHRUL PA'I RGYU YOD PA YIN TE, MNGON SUM DANG YUL LA NYE BAR 'JUG PA CAN NYID YIN PA'I

PHYIR, BUM PA LA SOGS BDAG LA RTOG PA'I SHES PA DE YANG NI CHOS CAN, MNGON SUM LAS NI YONGS SU NYAMS BAR 'GYUR TE, NYAMS SU MYONG BA DRAN PA MED PAR KHYOD SKYE BA YOD PA MIN BAS SO, ,JI LTAR LKOG TU GYUR PA'I DON CAN GYI DRAN PA LA SOGS PA'I RTOG PA 'DI, BRDA LA LTOS PA'I DANG TSUL CAN YIN PAS, MNGON SUM GYI GZUNG DON LA 'DZIN PAR MI BYED PA DE LTAR RO, ,GNYIS PA LA GNYIS, RANG LUGS GZHAG, GZHAN LUGS DGAG PA'O, ,DANG PO NI, GAL TE RTOG MED MNGON SUM LTAR SNANG BSHAD PA LA DON MED DE, MING DANG RIGS SOGS SBYOR BA YI, ,RTOG PA DANG BRAL MNGON SUM MO, ZHES RTOG MED SHES PA YIN NA, MNGON SUM DU BSHAD PA'I PHYIR ZHE NA, PHYOGS GLANG CHOS CAN, 'DIR NI BZHI PAR BSTAN PA'I RTOG MED MNGON SUM LTAR SNANG BZHED DE, RTOG PA DANG BRAL MNGON SUM MO, ZHES SBYIR BTANG NAS, RAB RIB BCAS ZHES DMIGS KYIS BSAL TE GSUNGS PA'I PHYIR, 'O NA, RAB RIB CAN GYI SHES PA KHO NA RTOG MED MNGON SUM LTAR SNANG YIN NAM ZHE NA, SHES BYA CHOS CAN, RAB RIB BCAS ZHES PA DES NI DBANG PO LA NYE BAR GNOD PA LAS DNGOS SU SKYES PA'I SHES PA THAMS CAD BRJOD BA YIN TE, RAB RIB BCAS ZHES GSUNGS PA DE LA RAB RIB 'BA' ZHIG BSTAN PA NI, DPANG PO LA NYE BAR GNOD PA THAMS CAD MTSAN PAR BYED PA YIN PA'I PHYIR, GNYIS PA LA GNYIS, LUNG GIS DGAG, RIGS PAS DGAG PA'O, ,DANG PO NI, ZLA GNYIS GSAL BAR SNANG BA'I SHES PA DE YANG YID KYI RTOG PA YIN PAS, RAB RIB BCAS ZHES PA DMIGS BSAL MIN NO ZHES 'GREL BYED KHA CIG ZER RO, ,MIG GI DBANG PO'ANG SNGON BO DANG ZLA BA GNYIS LA SOGS

, ,PA SNANG PA'I BLO'I RGYU YIN NO ZHES BYA BA'I GZHUNG 'DI DANG NI, DE RTOG PAR 'DOD PA DE DAG 'GAL LO, ,ZLA GNYIS GSAL BAR SNANG BA'I SHES PA CHOS CAN, MIG DBANG LAS DNGOS SU SKYES PA MA YIN PAR THAL, RTOG PA YIN PA'I PHYIR, GAL TE GZHUNG DES MIG DBANG BRGYUD PAS RTOG PA'I RGYUR BSHAD PA YIN NO ZHE NA, DE'ANG MI 'THAD DE, DBANG PO'I SHES PA'I SBYOD YUL DAG LA DPYAD NAS DBANG SHES KYI DNGOS RGYU YIN PAS, DMIGS RKYEN DU 'DOD PA 'DI LA MIG DBANG BRGYUD RGYU YIN PAS, YID KYI NI DMIGS RKYEN DU THAL BA 'PHEN PA SKABS SU BAB PAR JI LTAR 'GYUR BA YIN TE MA YIN PA'I PHYIR, GNYIS PA NI, GZHAN YANG ZLA GNYIS GSAL BAR SNANG BA'I SHES PA DBANG SHES MIN NA, DBANG PO LA DNGOS SU BRTEN PA'I SHES PA'I 'JOG BYED GANG YIN GAL TE GANG DBANG PO YOD MED KYI RJES SU 'JUG PA CAN NO ZHE NA, CHOS CAN, DBANG SHES SU THAL, PHYOGS SNGA DE MTSUNGS PA'I PHYIR, GAL TE DBANG PO'I RJES SU 'GYUR BA LDAN PA'O ZHE NA, 'DI NYID NI CHOS CAN, DBANG SHES YIN PA CI'I PHYIR 'GOG STE, DBANG BO'I RJES SU 'GYUR BA DANG LDAN PA DE'I PHYIR, 'DIR YANG CHOS CAN, THAG KHRA LA SBRUL LA SOGS PAR 'KHRUL BA BZHIN DU, DBANG PO'I 'GYUR BA YOD NA YANG LDOG PAR 'GYUR BA DANG, DBANG PO'I BSLAD PA NI LOG KYANG LDOG PAR MI 'GYUR ZHING, DE BZHIN DU GZHAN GYI RGYUD LA NI BRJOD PA DAG GIS, 'GA' ZHIG GI TSE 'JOG PA DANG, YUL MTHONG BDRAN PA LA LTOS PAR 'GYUR ZHING, YONGS SU GSAL BAR SNANG BAR MI 'GYUR BAR THAL, RTOG PA YIN PA'I PHYIR, PHYI MA KHYAB STE, GNYID LOG PA LAM

SAD PAN, GSAL BAR SNANG BA CAN GYI BLO GANG YIN PA DE RTOG MED YIN LA, SANG LOG GNYIS KAR YANG DE LTA MIN PAR MA GSAL BAR SNANG BA'I BLO YIN NA RTOG PA YIN PA'I PHYIR, GSUM PA NI, DE CHOS CAN, RTOG MED YIN YANG TSAD MA NYID NI BKAG PA YIN TE, SLU BA'I PHYIR RO, ,MNGON SUM LTAR SNANG GNYIS SU BSHAD PA CHOS CAN, DON YOD DE, RTOG BRAL YIN YANG 'KHRUL NA, MNGON SUM MIN PAR BSTAN PA DE'I DON DU'ANG MIN PA'I PHYIR RO, ` ,GSUM BA TSAD MA'I 'BRAS BU LA LOG RTOG BSAL BA LA GNYIS, DNGOS DANG; RNAM GZHAG DE NYID 'THAD PAR BSTAN PA'O, ,DANG PO LA BZHI, 'BRAS RTOG DANG PO, GNYIS PA, GSUM PA'I RNAM GZHAG, PHYI ROL MED KYANG RNAM GZHAG 'THAD PA'O, ,DANG PO LA GNYIS, SBYIR BSTAN PA DANG, BYE BRAG TU BSHAD PA'O, ,DANG PO NI, TSANG MA 'DI'I 'BRAS BU GANG ZHE NA, GZHAL BYA RTOGS PA'O, ,'O NA, GZHAL BYA RTOGS PA'I 'JOG BYED TSANG MA GANG ZHE NA, DON 'DRA BA YIN NO, ,GAL TE DON RTOGS SKYED BYED DBANG PO SOGS TSAD MA MIN NAM, JI LTAR NA DON 'DRA BA DON RTOGS KYI SGRUB BYED YIN ZHE NA, SHES BYA CHOS CAN, BYA BA DON RTOGS SGRUB PAR BYED CES BA TZAM GYIS, LAS SU BYA BA DON RTOGS KUN GYI NI SKYED BYED SOGS SGRUB BYED DAG THAMS CAD MA YIN TE, GANG LAS 'BRAS BU DON RTOGS PAR MA CHAD DU 'JOG PA GANG YIN PA DE NI, DON RTOGS DE SGRUB BYED YIN PA'I PHYIR, GNYIS PA LA, BSTAN BSHAD GNYIS, DANG PO NI, YUL DE LA NYAMS SU MYONG TZAM DU NI 'DRA BA'I BDAG NYID CAN GYI SGO LNGA'I SHES PA NI CHOS CAN, GANG GI LAS NI SO SO LA DON RTOGS THA DAD DU RNAM PAR 'BYED PA DE KHYOD KYI BDAG NYID DU 'GYUR BA YIN TE,

, ,KHYOD KYIS DON RTOGS PAR 'JOG BYED CIG YOD, KHYOD LAS RDZAS THA DANG PAS DON RTOGS BAR 'JOG MI NUS PA'I PHYIR, RGYU DBANG PO DAG CHOS CAN, KHYOD LA GSAL MI GSAL THA DAD YOD KYANG, THA DAD KYI LAS LA MYOD RTZAM DU THA DANG MED PA 'DI, DON RTOGS THA DAD PAR NI NGES BYED MIN TE, DON SNANG SHES PA'I BDAG NYID DU 'GYUR BA MIN PA'I PHYIR, DON 'DI'I BDAG NYID KYI RNAM PA THA DANG DU SHAR BA'I SHES PA GANG YIN PA DE CHOS CAN, DON RTOGS THA DAD BA DE'I SGRUD BYED CAN DU GRUB STE, KHYOD LAS DON SNANG GI SHES PA 'DI DON 'DI'I RTOGS PA ZHES BYED PA YI NI LAS NGES PA STE DON RTOGS THA DAD DU 'JOG BYED YIN BA'I PHYIR, DBANG BO GZUGS CAN CHOS CAN, KHYOD GSAL MI GSAL GYI RNAM PA 'GAS SHES PA'I RANG BZHIN THA DAD PAR NI BYED NA YANG, DON SNANG SHES PA 'DI NI DON DANG YUL YUL CAN DU 'BREL PAR BYED BA MIN PAR THAL, DON GYI RNAM BA'I NGO BO LAS GZHAN MIN PA'I PHYIR, GNYIS BA LA GSUM, RANG LUGS GZHAG, GZHAN LUGS DGAG, RTZOD BA SPANG BA'O, ,DANG PO NI, GZHAL BYA'I RANG BZHIN NYID KYI RNAM PA SHAR NAS GSAR DU MI SLU BA'I SHES BA CHOS CAN, GZHAL BYA RTOGS PA'I TSAD MA'I SGRUB BYED YIN TE, DE'I 'JOG BYED YIN PA DE'I PHYIR, DON RTOGS KYI SGRUB BYED GZHAN DBANG PO GZUGS CAN PA YIN NO ZHE NA, DBANG PO GZUGS CAN DE NI CHOS CAN, DON SNANG SHES BA DE LAS YUL DANG YUL CAN GYI 'BREL BA MI 'GRUB BAR THAL, RNAM BA SHAR BA LAS GZHAN YIN PA'I PHYIR, DON 'DRA BA DE YANG CHOS CAN, 'BRAS BU DON RTOGS LAS DON GZHAN MIN PAR THAL, DON RTOGS

DE'I BDAG NYID YIN PA DES NA'O, ,CHOS CAN, DON RTOGS DANG BYA BYED MA YIN BAR THAL, DE DANG RDZAS GCIG YIN BA'I PHYIR ZHE NA, SNGO SNANG DBANG SHES CHOS CAN, RANG GI LAS SNGON PO LA NI SGRO 'DOGS GCOD PA'I BYA BA BYED PA DANG BCAS PA YIN TE, SNGON PO DE'I RNAM PA'I BDAG NYID RANG RIG GIS 'DZIN PA'I SGO NAS, DON SNGON PO RTOGS PA'I BDAG NYID KYI BYA BA BYED BAS SO, ,LTA BUR SNANG ZHES BAS, DON 'DRA BA CHOS CAN, DON DAM PAR DON RTOGS 'JOG BYED MIN TE, DE DANG RDZAS GCIG YIN BA'I PHYIR, 'ON KYANG DON RTOGS 'JOG BYED YIN TE, DON DAM BAR BDAG NYID DON RTOGS 'JOG PAR BYED PA PO MIN NA YANG, KHYOD KYI DBANG GIS DON RTOGS PA DER BZHAG PA'I PHYIR, DPER NA, 'BRAS BU BU DE RGYU PHA RNAMS KYI BDAG NYID BDRA BAR 'BYUNG BA'I PHYIR PHA'I GZUGS DNGOS SU 'DZIN PA'I BA DANG LDAN PA NYID MIN YANG, 'JIG RTEN NA BUS RGYU PHA'I GZUGS 'DZIN ZHES BRJOD PA BZHIN NO, ,GNYIS PA LA, BSTAN BSHAD DO, ,DANG PO NI, DON 'DRA BA LAS GZHAN GYIS DON RTOGS 'JOG MI NUS PA DE'I PHYIR, DANG POR MTHOD BA TZAM DANG DBANG DON 'BREL BA DANG, KHYAD PAR GYI NI BLO DE DAG CHOS CAN, DON RTOGS 'JOG BYED KYI TSAD MA NYID DU MI 'DOD DE, KHYOD DANG BYA BA 'DON RTOGS LA NI BYED BA DON 'DRA BAS CHOD PA'I PHYIR, BYA BA DON RTOGS LA NI BYED PA DBANG SOGS RNAMS KYIS THAMS CAD DU PHAN PA NYE BAR SBYOR NA YANG, DON GYI RIM PA THA DAD DU SHAR BA'I SHES PA GANG YIN PA DE CHOS CAN, DON RTOGS THA DAD PA DE'I SGRUB BYED DAM BAR 'DOD DE, THA MA'I DON RTOGS THA DAD DU 'JOG BYED YIN PA'I PHYIR, GNYIS PA LA GSUM, DBANG SOGS TSAD MA YIN PA DGAG, KHYAD

, ,BAR GYI BLO TSAD MA MIN PA DGAG, DBANG DON 'BREL BA TSANG MA YIN PA DGAG PA'O, ,DANG PO NI, DBANG PO CHOS CAN, DON RTOGS SO SOR 'JOG NUS 'DI 'DRA KHYOD LA YOD PA MIN TE, DBANG SHES KUN GYI MTSUNGS PA'I RGYU YIN PA'I PHYIR, CHOS CAN, KHYOD GSAL MI GSAL GYIS DBANG SHES GSAL MI GSAL DE THA DAD KYANG, DON SNANG SHES PAS DON 'DI DANG 'DI RTOGS SO ZHES BYA BAR 'JOG BYED GANG LAS YIN TE MA YIN PAR THAL, NGON GYI RNAM PA THA DAD SHAR BA MED PA'I PHYIR, DE THA DAD KYANG THA DAD MED, CES SOGS KYI RIGS PA 'DIS NI, LHAG MA DON LA LTA BA'I SHES PA TSAD MA MIN BAR BSHAD PA YIN TE, RNAM PA SHAR BA MED NA DON LA LTA BA MI 'GRUB PA'I PHYIR, GNYIS BA NI, KHYAD PAR GYI BLO YANG KHYAD PAR CAN GYI BLO DANG THA DAD MED PAR 'GYUR ZHING, KHYAD BAR CAN GYI BLO GZHAN DAG KYANG, DE BZHIN DU KHYAD BAR GYI BLO DANG THA DAD MED PAR THAL, DON DE'I RNAM PA'I DNGOS POR MED PA'I PHYIR, KHYAD PAR DANG KHYAD PAR CAN GYI BLO GNYIS CHOS CAN, YUL THA DANG PA'ANG MI 'DOD DE, TSAD 'BRAS KYI BYA BA DANG NI SGRUB BYED YIN PA'I PHYIR, 'DOD DE, GZUNG DON GCIG YIN NO ZHEN YANG, KHYAD PAR GYI BLO'I YUL CHOS CAN, GNYIS PA KHYAD PAR CAN GYI BLO DE KHYOD 'JAL BYED DU DON MED PAR THAL, KHYAD PAR GYI BLOS GRUB ZIN PA'I PHYIR, SNGA MA DE CHOS CAN, RIM BZHIN 'BYUNG BA MED PAR 'GYUR BAR THAL, GZUNG DON GCIG YIN PA'I PHYIR, 'DOD DE, BLO DE GNYIS NI CIG CAR 'BYUNG BAR 'GYUR RO ZHE NA, BSGYED BYA SKYED BYED KYI BSGRUB BYA SGRUB BYED DU MED PAR 'GYUR DO, ,'O NA, DON 'DRA BA DANG DON RTOGS KYANG BSGRUB BYA SGRUB BYED MA

YIN PAR THAL LO ZHEN, DON 'DRA BA DANG DON RTOGS KYI CHA DAG CHOS CAN, 'SGRUB BYA SGRUB BYED DU BZHAG STE, THA DAD DU SNANG BA DE'I RNAM GZHAG LA BRTEN NAS NI, DE LTAR DU BZHAG PA'I PHYIR, GSUM PA NI, BUM GZUGS 'DZIN PA'I MIG SHES CHOS CAN, DBANG DON 'BREL BA TSAD MA MA YIN TE, KHYOD KYI BDAG RKYEN MIG GI DBANG PO DE, BUM PA'I GZUGS DRI SOGS DANG BDAG NYID KUN GYIS 'BREL NA YANG, KHYOD KYIS BUM GZUGS RTOGS LA, DRI MA RTOGS PA'I PHYIR, CHOS CAN, BUM GZUGS KYI CHOS 'GA' ZHIG NI RTOGS PAR 'GYUR BA'I NGES PA DER NI MI 'GYUR BAR BUM PA'I DRI RO SOGS KYANG RTOGS PAR THAL, KHYOD KYI BDAG RKYEN MIG GI DBANG PO DE BUM PA'I GZUGS DRI SOGS DANG 'BREL BAR BYE BRAG MED PA'I PHYIR RO, ,MIG DBANG DE BUM PA'I GZUGS DRI SOGS DANG 'BREL BAR THA DAD MED KYANG, DON GYI RNAM PA THA DAD DU SHAR BA'I SHES PA DE CHOS CAN, DON RTOGS THA DAD PA 'DI'I TSANG MA NYID YIN TE, KHYOD GANG LAS DON RTOGS THA DAD DU 'JOG NUS PA DE'I PHYIR, BDAG GI YON TAN 'DUS BYAS LAS NI, DON RTOGS THA DANG DU 'JOG NUS PA MIN PAR THAL, DON DE'I DNGOS PO'I RNAM PAR SHAR BA MED NA, BDAG GI YON TAN 'DUS BYAS DE YANG GZHAG TU MED PA'I PHYIR, GSUM PA RTZOD PA SPANG BA NI, GAL TE DON 'DRA BA DANG DON RTOGS CHOS CAN, BYA BYED YIN PAR 'GAL TE, GCIG YIN PA'I PHYIR ZHEN, CHOS CAN, GCIG YIN BA MI BDEN TE, LDOG CHOS THA DAD PA KHAS LEN PA'I PHYIR, DNGOS SU RDZAS THA DAD MED BAR 'DOD DE, NGO BO GCIG YIN PA'I PHYAR, SHES BYA CHOS CAN, BYA BA BYED BA'I THA SNYAD DAG THAMS CAD SGRO BTAGS PA DE LTAR RNAM PAR GNAS TE

, ,RDZAS THA DAD 'DOD PA'I DNGOS BO RNAMS LA BYA BYED DU SGRO 'DOGS PAS NI 'JUG PA'I PHYIR RO, ` ,GNYIS PA 'BRAS RTOG GNYIS PA'I RNAM GZHAG LA, YANG NA RANG RIG 'BRAS BU STE, ZHES PA'I DON 'CHAD PA LA GSUM, PHYI ROL RIGS BA'I SGRUB BYED DGAG, PHYI ROL RIG PA'I GNOD BYED BSTAN, DES GRUB PA'I DON BSTAN PA'O, ,DANG PO LA GNYIS, DNGOS DANG, SNANG BA DANG 'GAL BA SBANG BA'O, ,DANG PO NI, DON RIG PA'I DON RIG GANG YIN PA DRIS PAS, GZUGS SGRA SOGS SO SOR RIG PA'I MNGON SUM GANG YIN PA 'DI NYID NGO ZHE NA, MNGON SUM DE NI GANG GIS DON RIG TU 'JOG PA YIN DRIS PAS, DON DE DANG 'DRA BA LAS DON RTOGS PAR 'DZOG PA YIN NO ZHE NA, DON DANG 'DRA BA CHOS CAN, DON RTOGS 'JOG BYED MA YIN PAR THAL, DE LA 'KHRUL BAR 'GYUR BA'I BYIR, 'O NA TE DON SNANG SHES PAS PHYI DON MA RIG NA, DON SNANG SHES PAS DON 'DI MYONG BAR SNANG BA DE SGRUB BYED GANG LAS YIN ZHE NA, DON SNANG SHES PAS DON MYONG BAR SNANG BA'I SGRUB BYED 'DI NI CHOS CAN, SEMS TZAM PA LA DRI BAR BYA BA MA YIN PAR THAL, MDO SDE BA DE NYID LA BRIS NAS RNAM PAR DPYOD PA'I SKABS YIN PA'I PHYIR, DON SNANG SHES PA DE NI CHOS CAN, DON GYIS RNAM PA DNGOS SU GTAD PA MIN PAR THAL, RAGS BA'I RNAM PAR SNANG BA GANG ZHIG, RAGS PA RDZAS SU MA GRUB CING, RDU PHRAN DE DAG GANG GIS NA, RAGS PAR SNANG BA DE 'DRAR BYED DE BYED MI NUS PA DE'I PHYIR, DON DANG 'DRA BA YIN YANG DON DANG 'DRA BA CHOS CAN, DON DE MYONG BA'I NGO BO NYID SGRUB PAR BYED PAR NUS PA MA YIN TE, DE LA 'KHRUL PA CAN YIN PAS SO, ,DON DE

DANG 'DRA BA DANG DON DE LAS BYUNG BDE, GAL TE DON MYONG BA'I MTSAN NYID YIN NO ZHE NA, SNGO 'DZIN RNAM SHES PHYI MA CHOS CAN, MTSUNGS PA DE MA THAG PA'I SNGO SNANG DBANG SHES SNGA MA DES MYONG BAR 'GYUR BAR THAL, DE LAS SKYES PA GANG ZHIG, DE DANG DON SNGON PO'I RNAM PAR MTSUNGS PA CAN YIN PA'I PHYIR, GAL TE 'DI MTHONG 'DI THOS ZHES BYU BAR GANG LAS BLO NI NGES PA 'DREN PA DE, DON SNANG SHES PA DES DON MYONG BA'I SGRUB BYED YIN NO ZHE NA, SHES BYA CHOS CAN, GANG GIS DON LA NGES PA 'DREN PA DE, DON RTOGS PA DE'I SGRUB BYED YIN PAR 'DOD PA MI RIGS PAR THAL, SNANG BA YUL DANG DE MTHONG BA DE DAG GI YUL YUL CAN GYI NYE BA DE NYID DPYAD PAR BYAS NAM GRUB PA YIN PA'I PHYIR, KHYAB STE, YUL YUL CAN DE DAG GI 'BREL BA LA BRTEN NAS, LTA BA BO'I NGES SHES DE SKYE BA YIN PA'I PHYIR, GNYIS PA LA GSUM, GZUNG 'DZIN RDZAS GZHAN DGAG, SNANG BA TZAM LA GZUNG 'DZIN GZHAG, DES NA RANG RIG 'BRAS BUR GRUB PA'O, ,DANG PO NI, SHES BYA CHOS CAN, DON SNANG SHES PA DE YANG RANG LAS RDZAS GZHAN 'GA' ZHIG GI MYONG BYED MIN TE, DON SNANG SHES PA DE'I MYONG BYA DE DON SNANG SHES PA'I BDAG NYID YIN PA'I PHYIR, GZUGS SGRA SOGS MNGON SUM GYIS SO SOR RIG BYA DE YANG NI CHOS CAN, NYAMS SU MYONG BYA RDZAS GZHAN DU MED DE, DON SNANG SHES PA DE'I BDAG NYID YIN PA DES NA'O, ,DON SNANG SHES PA DE CHOS CAN, KHYOD LA'ANG MYONG PA RDZAS GZHAN YOD PA MIN TE, MONG BYED RDZAS GZHAN 'DOD PA DER YANG BRTZOD PA MTSUNGS PA YIN PA'I PHYIR, DE NI CHOS CAN, RANG NYID GSAL BA YIN TE, RANG RGYU LAS RIG PAR SKYES PA'I PHYIR, RANG GI NGO BO

, ,MYONG NA, SNGO SOGS SNANG BA DANG 'GAL LO ZHE NA, RANG GI RANG BZHIN NYAMS SU MYONG BA'I SNGO SNANG SHES PA DE CHOS CAN, RANG GI NGO BO MYONG BAR GYUR KYANG, PHYI ROL GYI SNGO SOGS MYONG BAR SNANG BA YIN TE, SNGO SOGS DE'I DNGOS PO'I RNAM PA SHAR BA'I PHYIR, RANG GIS RANG MYONG BA NI 'THAD DE, RANG NYID RANG LA BYA BYED 'GAL BA'I PHYIR ZHE NA, JI LTAR GSAL BYED SGRON 'OD CHOS CAN, DON GSAL BA NA RANG GI NGO BO GSAL BYED DU 'DOD DE, RANG RGYU LAS GSAL BA DE'I BDAG NYID DU SKYES PA'I PHYIR, DPE DE LTAR DON SNANG GI BLO CHOS CAN, BDAG RIG PA CAN YIN TE, RANG RGYU LAS RIG PAR SKYES PA'I PHYIR, DE'I RIG BYA DON GZHAN YIN NO ZHE NA, SNGON PO DANG SNGO SNANG SHES PA CHOS CAN, TSOR BYA TSOR BYED 'THAD PAR DKA' BAR THAL, RDZAS GZHAN YIN PA'I PHYIR, CHOS CAN, RIG BYA RIG BYED KYI RNAM PA RDZAS BZHAN MED DE, GZUNG 'DZIN YIN PA'I PHYIR, GNYIS PA NI, GZUNG 'DZIN RDZAS THA DAD MED NA, GZUNG 'DZIN GYI RNAM GZHAG MED PAR THAL LO ZHE NA, GANG GI TSE GZUNG 'DZIN GYI RNAM GZHAG BYED PA DE'I TSE, GZUNG BA DANG 'DZIN PA'I MTSAN NYID LA NI MED DO ZHES BRTZANG BYA MIN TE, GZUNG 'DZIN RNAM PAR PHYE BA'I MTSAN NYID RNAM PAR BSLAD PA CAN GYI 'KHRUL PAS JI LTAR MTHONG BAR GYUR PA DE LTAR, GZUNG 'DZIN 'DI'I RNAM GZHAG BYAS PA YIN PA'I PHYIR, DPER NA, SKRA SHAD LA SOGS PA SNANG BA'I SHES PA'I GZUNG 'DZIN THA DAD BZHIN NO, ,GSUM PA NI, DON SNANG GI SHES PA CHOS CAN, RANG GI BDAG NYID RIG PA 'BRAS BU YIN PAR 'DOD DE, YUL RIG PA GANG ZHIG, RDZAS GZHAN RIG PA MED PA'I PHYIR TE, PHYI DON MED PA DES NA'O, ,GNYIS

PA PHYI ROL RIG PA'I GNOD BYED BSTAN PA NI, GAL TE DON SNANG SHES PAS PHYI ROL MYONG BAR GYUR NA, NYES PA CI YOD CE NA, CI YANG MED MOD, PHYI ROL DON NI MYONG BAR GYUR PA 'DI NYID KYIS NI, RGYU MTSAN CI BRJOD PAR 'GYUR ZHES DRIS PAS, GAL TE DON SNANG GI BLO NI CHOS CAN, DON RIG STE, DON DE'I RNAM PA CAN YIN PA'I PHYIR ZHE NA, TSES CAN, DON GYI RNAM PA RJES SU ZHUGS PA CAN DE YOD MOD, DE TZAM GYIS PHYI ROL RIG PAR 'JOG MI NUS PAR THAL, DON GYI RNAM PA DE NI PHYI 'AM GZHAN LAS YIN ZHES 'DI NI DPYAD PAR RIGS PA YIN LA, DPYAD NA PHYI ROL MI 'GRUB PA'I PHYIR, JI LTAR MI 'GRUB CE NA, SNGON NGOR SNANG BA CHOS CAN, SNGON PO MTHONG PA'I BDAG NYID YIN PHYI, PHYI ROL YAN GAR BA'I DON DU YOD PA MIN TE, SNGO 'DZIN SHES PA MTHONG BA'I KHYAD PAR DANG BRAL BA NA KHYOD MI 'DZIN, SNGO 'DZIN SHES PA DE 'DZIN NA KHYOD 'DZIN PA'I PHYIR, PHYI ROL MED NA DON SNANG SHES PA RES 'GA' SKYE BAR 'GAL LO ZHE NA, MI 'GAL TE, DON SNANG SHES PA RES 'GA' SKYES BA 'DIR, SHES PA SNGA MA 'GA' ZHIS ZHI NI PHYI MA 'GA' ZHIG GI BAG CHAGS RAB TU SANG BYED YIN PAS, DON SNANG GI BLO NI RES 'GA' SKYE BAR RNAM PAR NGES KYI, PHYI ROL DON LA LTOS PA MA YIN PA'I PHYIR, GSUM PA DES GRUB PA'I DON BSTAN PA NI, DON SNANG GI SHES PA GCIG CHOS CAN, KHYOD LA TSUL GNYIS YOD DE, GANG GI PHYIR TSUL GNYIS PA DE LTAR 'DZIN RNAM GYIS MYONG PA DANG, RJES KYI SHES PAS DRAN PAS SO, ,GZUNG 'DZIN 'DI'I RNAM PA GNYIS LAS, GZUNG RNAM GZHAL BYA, 'DZIN RNAM TSAD MA, MYONG BA RANG RIG NYID NI 'BRAS BU YIN NO, ,DON DU SNANG BA'I RNAM RIG DE NI CHOS CAN, DON GYI RNAM PA SNANG BA DE LTAR RANG MYONG

, ,BA YIN TE, DON GYI RNAM PA SNANG BA GANG ZHIG, GANG GI TSE RGYU'I YUL GZHAN 'DOD PA'AM MI 'DOD BA DE'I DNGOS POR MA GRUB PA'I BYIR, SHES PA CHOS CAN, YUL DANG BCAS PA YIN TE, GANG GI CHE SHES PA'I CHA DON NAM YUL DU NI BZHAG PA'I PHYIR, CHOS CAN, RANG GI BDAG NYID NYAMS SU MYONG BA GANG YIN PA DE NYID LA, RJES KYI SHES PAS DON DU RNAM PAR NGES TE, GAL TE SHES PA 'DI'I BDAG NYID BDOD PA'I RNAM PA DANG MI 'DOD PA'I RNAM PA GZHAN DU MYONG BAR GYUR NA, 'DOD PA 'AM MI 'DOD PA'I RNAM PA DES KYANG DON RIG PAR NI 'GYUR BA YIN PA'I PHYIR, ` ,GSUM PA 'BRAS RTOG GSUM PA'I RNAM GZHAG LA GSUM, 'BRAS BU'I DANG BZHIN GTAN LA DBAB, TSAD MA'I RANG BZHIN GTAN LA DBAB, GZHAL BYA'I RANG BZHIN GTAN LA DBAB BA'O, ,DANG PO NI, CHOS CAN, PHYI ROL DON NI YOD NA YANG RANG GI BDAG NYID RIG PA YIN TE, 'DOD MI 'DOD KYI RNAM PA JI LTAR NYAMS SU MYONG BA NYID DE'I SGO NAS, DON NGES PA'I BDAG NYID DU 'JOG GI, DON RANG GI NGO BOS RNAM PA GTAD PA MA YID PA'I PHYIR TE, DE LTA NA GZUGS GCIG YID DU 'ONG MI 'ONG DU MA'I BDAG NYID DU THAL BA'I SKYON YOD PA'I PHYIR, YID DU 'ONG MI 'ONG DU MAR KHAS BLANGS NA YANG SKYON CI YOD CE NA, DGRA GNYEN GYI MIG SHES GNYIS BO DAG CHOS CAN, LHAS BYIN GYI GZUGS DE YID DU 'ONG MI 'OD THA DAD PAR NI MYONG BAR MI 'GYUR BAR, YID DU 'ONG MI 'ONG GNYIS SU SNANG BAR THAL, DE YID DU 'ONG MI 'ONG DU MA YIN PA GANG ZHIG, DE SNANG BA'I MA 'KHRUL PA'I SHES PA YIN PA'I PHYIR, MA MTHONG BA'I

LAS KYIS BSGRIBS PA'I PHYIR, GNYIS KA MTHONG BA MIN NO ZHE NA, CHOS CAN, DE GZUNG DON GYI DBANG GIS RTOGS PAR MI 'GYUR BAR THAL, DE YID DU 'ONG MI 'ONG DU MA YIN PA GANG ZHIG, DE YID DU 'ONG MI 'ONG RE RE KHO NA SNANG BA'I PHYIR RO, ,MA MTHONG BA'I LAS DE CHOS CAN, JI LTAR DON MTHONG BYED PAR 'GYUR BA YIN TE MA YIN PAR THAL, DU MA'I BDAG NYID KYI DNGOS PO DE LA GCIG GI BDAG TU MTHONG BYED YIN PA'I PHYIR, GAL TE 'DOD PA DANG MI 'DOD PAR SNANG BA RTOG PA YIN GYI, DON BLO DBANG SHES MID NO ZHE NA, DE MI 'THAD DE, DBANG SHES LA'ANG SNGAR YID DU 'ONG BAR SNANG BA 'CHI LTAS LA SOGS PAS ZIN PA'I TSE, YID DU 'ONG BAR MTSAMS SBYOR BA MED PA'I SEMS MTHONG BA YIN PA'I PHYIR, DON SNANG SHES PA CHOS CAN, PHYI ROL GZHAL BYA LA'ANG, RANG GI BDAG NYID NYAMS SU MYONG BA 'BRAS BU YIN PAR RIGS TE, GANG GI PHYIR JI LTAR DON 'DI'I RANG BZHIN GYI RNAM PA SNANG BDE LTAR DON NI RNAM PAR NGES KYI, PHYI ROL JI LTA PA BZHIN RNAM PAS RIG PA DE'I PHYIR, GNYIS PA NI, PHYI ROL GZHAL BYAL RANG RIG 'BRAS BU YIN NA, 'DZIN RNAM TSANG MAR 'GYUR RO ZHE NA, DON DU SNANG BA GZHAL BYA LA, SHES PA RANG GI BDAG NYID RIG PA 'BRAS BUR BYAS PA DE'I TSE, 'DZIN RNAM TSAD MA MIN TE, DE'I TSE DON DU SNANG BA'I RNAM PA 'DI NYID NI TSAD MA YIN PA'I PHYIR, 'DZIN RNAM GYI BDAG NYID CHOS CAN, PHYI ROL LA LTOS PAR BYA BA'I TSANG MA MIN TE, RANG LAS DON GZHAN MIN PA GNYIS SNANG NUB PA'I TSUL GYIS RIG PA'I PHYIR, DON SNANG SHES PA CHOS CAN, RANG GI BDAG NYID RIG PA YIN TE, GANG GI PHYIR JI LTAR DON GYI BDAG NYID KYI RNAM PA DE SHES PA

, ,LA GNAS BA DE LTA BUR, DON 'DI NI DE LTAR GNAS SO ZHES NGES PAR BYED PA'I PHYIR, DE NYID CHOS CAN, RJES KYI SHES PA LA LTOS NAS DON RIG TU 'DOD DE, 'DI LTAR DON GYI BDAG NYID SNANG BA MA YIN PAR RJES KYI SHES PAS, KHYOD KYIS DON RIG BAR ZHE NA PA'I PHYIR, DON DE'I BYA BA DON RTOGS DE'I SGRUB BYED BLO LA NI GNAS PA'I RNAM PA YIN TE, GANG GI PHYIR JI LTAR DON GYI RNAM PA DE NI BLO LA GNAS PA DE LTAR, DON DE RAB TU GSAL BA'I PHYIR, GZUNG RNAM TSANG MA, RANG RIG 'BRAS BU YIN NA, 'BRAS RTOG GSUm PA'I TSAD 'BRAS KYI YUL RDZAS THA DAD DU 'GYUR RO ZHE NA, CHOS CAN, RANG GI BDAG NYID NGIG BA YIN TE, DON RTOGS 'JOG BYED RNAM BA DE'I BDAG NYID YIN PA'I PHYIR, CHOS CAN, DE LTAR YIN YANG RJES KYI SHES PA LA LTOS NAS DON RIG TU 'DOD DE, RJES KYI SHES PAS KHYOD KYIS DON RIG PAR ZHEN PA'I PHYIR, SNGON PO GZHAL BYAR BYAS PA'I 'BRAS RTOG GSUM PA'I TSAD 'BRAS CHOS CAN, YUL RDZAS THA DAD PA'ANG MIN TE, SHES PA'I BDAG NYID DU GYUR PA'I SNGON PO GCIG RTOGS PAR 'DRA BA DE'I PHYIR, RJES KYI SHES PA LA LTOS NAS DON DIG TU BZHAG PA YIN NA, RANG RIG 'BRAS BUR BSHAD PA CI YIN ZHE NA, DON SNANG SHES PA RANG GI NGO BO DPYOD PA NA RANG RIG 'BRAS BU YIN PAR BSHAD DE, DON SNGON PO DE RANG RIG PA DE'I BDAG NYID YIN PA'I PHYIR, GSUM PA NI, DON SNANG SHES PAS PHYI DON JI LTA BA BZHIN MI RIG NA, JI LTAR PHYI DON GZHAL BYA YIN ZHE NA, DON DE DANG 'DRA BA 'AM GZHAN MI 'DRA'ANG RUNG, DON SNANG SHES PA CHOS CAN, RNAM PA DE LTAR SNANG BA'I RGYU NI DON YANG YIN PAS NA, DON NI GZHAL BYA NYID DU 'DOD RIGS PAR THAL,

DON DANG SKYES 'DRA BA'I SGO NAS, DON GZHAL BYAR 'JOG PA GANG ZHIG, PHYI ROL DANG 'DRA BA MA GRUB PA'I PHYIR, CHOS CAN, JI LTAR GZUNG DON 'DZIN TE MI 'DZIN PAR THAL, JI LTAR SKRA SHAD KYI RNAM PA 'GA' ZHIG LTAR, DON DNGOS MED PAR SNANG BA CAN YIN PA'I PHYIR ZHE NA, CHOS CAN, GZUNG DON MI 'DZIN PA BDEN TE, GZUNG DON 'DZIN PA DE 'DRANGS KYANG MI SHES PA'I PHYIR RO, ,BZHI PA PHYI ROL MED KYANG RNAM GZHAG 'THAD PA LA GSUM, SNANG BA TZAM LA RNAM GZHAG BSTAN, SNANG BA BZHIN DU BDEN PA DGAG, PHYI ROL MED KYANG TSAD 'BRAS 'THAD PA'O, ,DANG PO NI, GZUNG 'DZIN RDZAS THA DAD MED NA, THA DAD DU SNANG BA DANG 'GAL LO ZHE NA, MI 'GAL TE, BLO GCIG GI BDAG NYID DU RNAM PAR DBYER MED KYANG, MTHONG BA PHYIN CI LOG RNAMS KYIS, GZUNG BA DANG 'DZIN PA MYONG BA DAG RDZAS THA DAD DANG LDAN PA BZHIN DU RTOGS PAR 'GYUR BA'I PHYIR, DPER NA, DBANG PO SNGAGS SOGS KYIS BSLAD PA RNAMS LA, 'JIM DUM SOGS RTA GLANG DE'I GZUGS DANG BRAL BA YANG, RNAM PA GZHAN RTA GLANG DU SNANG BA BZHIN TE, DE DAG MA BSLAD PA'I MIG CAN GYIS RTAG GLANG DE LTAR MTHONG BA MED PA'I PHYIR DANG, DPER NA, THAG RING MYA NGAM GYI THAD NA CHUNG DU CHEN POR SNANG BA BZHIN NO, ,GZUNG 'DZIN RDZAS THA DAD MED NA TSAD 'BRAS GZHAL GSUM MI 'THAD DO ZHE NA, 'THAD DE, GZUNG BA 'DZIN PA RIG PA DAG RDZAS THA DAD YOD PA MIN YANG, GZHAL BYA DANG 'JAL BYED DANG 'BRAS BUR GNAS PA 'DI, BLO LA JI LTAR RJES SU SNANG BA BZHIN BYAS PA'I PHYIR, GNYIS LA NI, DE LTA MA YIN PAR SNANG BA LTAR BDEN NA, BLO'I DNGOS PO GCIG LA SNA TSOGS KYI NGO BOR SNANG BA CAN GYI RNAM PA CHOS CAN,

, ,SNANG BA LTAR JI LTANG BDEN PAR 'GYUR TE MI 'GYUR BAR THAL, DE LTAR BDEN NA KHYOD GCIG BA NYID DE NYAMS DGOS PA'I PHYIR TE, DE LTAR BDEN YANG GCIG YIN NA, BDE SDUG RDZAS GZHAN LA RDZAS GZHAN NYID NYAMS PA'I PHYIR RO, ,CHOS CAN, GCIG TU BDEN PA MIN TE, BLO MA 'KHRUL PAS GCIG GI RANG BZHIN DU MTHONG BA MED PA'I PHYIR, KHYAB STE, THA DAD MED PAR NGES PA DA 'GYUR BA LA, BLOS DNGOS PO THA DAD MED PAR MTHONG DGOS PA'I PHYIR, GZUNG 'DZIN GYI DNGOS PO DE NGAG CHOS CAN, RIGS PA GANG GIS RNAM PAR DPYAD NA, DA NYID DU NA SNANG BA LTAR BDEN PA DE'I DNGOS POR MED DE, GANG GI PHYIR NA KHYOD LA SNANG BA LTAR, BDEN PA'I GCIG DANG DU MA'I RANG BZHIN MED PA'I PHYIR, CHOS MTHUN PA NYID MTHONG BA LAS DE'I BDAG NYID MIN PA LA, DE'I BDAG NYID DU ZHE NA PAS, 'DI GA RTEN PA DAG GI 'KHRUL PA SKYE LA, SEMS TZAM 'DI LA GZUNG 'DZIN RDZAS THA DAD DU 'KHRUL PA'I RGYU DE MED DE, 'GRO BA 'DI LA GZUNG 'DZIN RDZAS THA DAD DE'I BDAG NYID GCIG KYANG MTHONG BA MED PA'I PHYIR RO ZHE NA, NANG GI BSLAD PA LAS BYUNG BA'I GZUNG 'DZIN RDZAS THA DAD DU SNANG BA'I SHES PA GANG YIN PA DE NI CHOS CAN, BDEN RDZUN CHOS MTHUN PA MTHONG PA SOGS CAN NYID LA LTOS PA MED DE, NYIS PA LAS BYUNG BAS RANG BZHIN GYIS PHYIN CI LOG TU SNANG BA CAN 'DI'ANG YID PA YIN PA'I PHYIR, DPER NA RAB RIB LA SOGS PAS SKRA SHANG SNANG BA BZHIN NO, ,GSUM PA NI, SEMS TZAM YIN NA TSAD 'BRAS GZHAL GSUM MI DUD NGO ZHE NA, SEMS TZAM BA'I LUGS DE LA BLO NI YONGS SU GCOD PA'I 'DZIN PA'I RNAM PAR 'DOD PA DE CHOS CAN, BDAG RIG STE, RANG RIG PA DE'I BDAG NYID DU SKYES PA'I

PHYIR, CHOS CAN, RANG RIG DE'I SGRUB BYED YIN TE, DE'I 'JOG BYED YIN PA DE'I PHYIR, DPER NA, 'DOD CHAGS SOGS MYONG BA BZHIN NO, ,PHYI ROL MED KYANG RANG RIG GI TSAD 'BRAS RUNG MONG GZHAN RIG GI TSAD 'BRAS JI LTAR BUR ZHE NA, SHES PA RANG GI BDAG NYID YUL DU BZHAG PA NA, GZHAL BYA 'JAL BYED 'BRAS BUR GNAS PA 'DI NI, SNGO SOGS GZHAL BYAR BYAS PA'I TSANG 'BRAS KUN LA SBYAR BAR BYA STE, SNGON PO GZHAL BYAR BYAS PA DE LA'ANG, SNGON PO MYONG RUNG GI RNAM PA NYID DE TSAD MA, SHES PA'I BDAG NYID DU GYUR PA'I, SNGON PO GZHAL BYA, SHES PA RANG GI BDAG NYID DU GYUR PA'I SNGON PO RIG PA 'BRAS BU YIN PA'I PHYIR, DE'I RGYU MTSAN NI, SNGON PO DE DAG CHOS CAN, RANG GI BDAG NYID DU GYUR PA'I SHES PAS MYONG BAR RUNG STE, RANG NYAMS SU MYONG BA'I SHES PA'I BDAG NYID YIN PA'I PHYIR, GAL TE 'DZIN RNAM TSAD MA YIN NA, SLOB DPON GYIS, 'DOD CHAGS LA SOGS PA RANG RIG PA TSAD MA, ZHES GSUNGS PA DANG 'GAL LO ZHE NA, MI 'GAL TE, BDAG LA 'DZIN PA'I RNAM PA ZHES, ZHES PA YONGS SU GCOD PA'I BDAG NYID KYI TSAD MA DANG SHES PA MYONG RUNG NYID CES BYA BA'I TSAD MA LA DGONGS NAS, SLOB DPON GYIS RANG RIG PA TSAD MA ZHES NI RAB TU BSHAD PA'I PHYIR, ` GNYIS PA RNAM GZHAG DE NYID 'THAD PAR SGRUB PA LA GNYIS, TSUL GNYIS SGRUB, RANG RIG SGRUB PA'O, ,DANG PO LA GSUM, MDO MDZAD PA'I RIGS PAS SGRUB, BSTAN BCOS MDZAD PA'I RIGS PAS SGRUB, SLAR YANG MDO MDZAD PA'I RIGS BAS SGRUB PA'O, ,DANG PO LA GNYIS, DON GYI RNAM LDAN DU SKYES PAS TSUL GNYIS SGRUB, DON GYI RNAM LDAN DU DRAN PAS TSUL GNYIS SGRUB PA'O, ,DANG

, ,PO LA GNYIS, GZUNG DON CAN GYI BLO TSUL GNYIS SU SGRUB, GZUNG DON MED PA'I BLO TSUL GNYIS SU SGRUB PA'O, ,DANG PO NI, DON GYI RNAM PA SHAR PA'I SHES PA RE, DON RTOGS 'JOG BYED DU MI 'THAD DE, SHES PA LA DON GYI RNAM PA SHER BA MA GRUB, PA'I PHYIR, SHES PA'I RGYU YIN PAS DON GYI RNAM PA 'CHAR NA NI, DBANG PO'I RNAM PA'ANG 'CHAR BAR 'GYUR RO ZHE NA, YUL RNAMS LAS NI BYUNG BA'I RNAM PAR SHES PA THAMS CAD DAG, YUL DE LAS GZHAN DBANG PO RGYU YIN NA YANG, RNAM PA 'GAS YUL GYI RNAM PAR 'GYUR TE, DPER NA, ZAS DANG DUS LA SOGS PA BU SKYE BA'I RGYU YIN YANG, BU DE NI PHAM GANG RUNG GCIG GI GZUGS 'DZIN PAR 'GYUR GYI, GZHAN ZAS SOGS 'GA'I GZUGS 'DZIN PA MA YIN PA GZHIN NO, ,YUL DE LAS GZHAN DANG YUL DAG NI DBANG SHES DE'I RGYU NYID DU MTSUNGS NA YANG, GZUGS 'DZIN DBANG SHES CHOS CAN, GZUGS KYI RNAM PA SHAR BA DE'I CHA NAS, GZUGS YUL NYID YIN PAR 'DOD DE, GZUGS GZUNG DON GANG ZHIG, GZUGS KYI RNAM PA SHAR BA DE MED PAR NI GZUGS YUL DER MI 'GYUR BA'I PHYIR, GNYIS PA NI, GZUNG DON DANG LDAN PA'I SEMS LA NI DON GYI RNAM PA SHAR BA MED PAR DOGS NA YANG, 'DAS PA'I DON SNGON PO 'DZIN PA'I RTOG PA CHOS CAN, KHYOD LA TSUL GNYIS DANG RANG RIG GRUB PA YIN TE, GZUNG DON GYIS STONG PA'I SHES PA YIN PA'I PHYIR, RTAGS MA GRUB STE, SNGON PO'I RIGS GZUNG DON YIN NO ZHE NA, CHOS CAN, DBYIBS SOGS DE DANG LDAN PA MIN PA'I RIGS GZUNG DON MA YIN PAR THAL, SNGO SOGS KYI RNAM PA THA DAD PA CAN DU SNANG BA'I PHYIR DANG, RIGS DE'ANG MI RTAG NA CHA MED

PA'I RIGS SU MI 'GYUR ZHING, RTAG NA'ANG KHYOD JI LTAR SKYED BYED YIN TE MA YIN PA'I PHYIR, SNGON PO'I MING SOGS GZUNG DON DU BYED PA'ANG MA YIN PAR THAL, MING SOGS GZUNG DON DU BYED PA'ANG SNGAR NI BKAG ZIN PA'I PHYIR, GAL TE RANG MTSAN BZUNG DON YIN NO ZHE NA, SNGON PO DRAN PA'I TSUL 'DI CHOS CAN, GZUNG DON DANG LDAN PA MA YIN TE, GZUNG DON GYI NUS PA LAS GRUB PA MA YIN PA'I PHYIR TE, 'DOD PA TZAM DANG RJES SU 'BREL PA'I PHYIR, SNGON PO DRAN PA'I SHES PA DON GYI RNAM LDAN YIN MOD, SNGO SNANG DBANG SHES DON GYI RNAM LDAN MIN NO ZHE NA, SNGON PO DRAN PA'I SHES PA DE NI JI LTAR DON GYI RNAM LDAN DU 'GYUR TE MI 'GYUR BAR THAL, SNGO SNANG DBANG SHES DE YANG DON GYI RNAM PAS STONG PA'I PHYIR, KHYAB STE, SNGON PO'I RNAM PA MI GSAL BA 'DI 'DRA'I SHES PA NI DRAN PA YIN LA, DE YANG MYONG BSNGO SNANG DBANG SHES LAS BYUNG BA'I PHYIR, RTAGS MA GRUB STE, SNGON PO LAS DNGOS SU BYUNG NGO ZHE NA, SNGON PO DRAN PA'I SHES PA CHOS CAN, DON SNGON PO LAS DNGOS SU BYUNG BA MIN TE, KHYOD KYI DNGOS RGYU'I DUS DE'I TSE SNGON PO MED PA'I PHYIR, CHOS CAN, SNGON PO'I RNAM PA SHAR BA YIN TE, SNGON PO LAS BYUNG BA'I PHYIR ZHE NA, DE LTAR MYONG BA SNGO SNANG DBANG SHES LA'ANG CHOS CAN, SNGON PO'I RNAM LDAN DER 'GYUR BAR THAL, RTAGS 'DRA, SNGA MA DE CHOS CAN, SNGON PO'I RNAM PA DE NI DON GYIS GTAD PA MIN TE, GSAL BA'I RNAM PAS DBEN PA'I PHYIR RO, ,MA KHYAB STE, SNGON PO'I RNAM PA MI GSAL BA DE NI SHES PA LAS THA DAD PA'I DON YIN NO ZHE NA, LHAS BYIN GYI RTOG PA LA SHAR BA'I SNGON PO'I RNAM PA CHOS CAN, LHAS BYIN DE BZHIN DU GZHAN GYIS RTOGS PAR 'GYUR BAR THAL, PHYI DON YIN PA'I PHYIR, LHAS BYIN BDAG

, ,LA RTAG TU 'BREL PA YIN PAS, GZHAN GYIS MI RTOGS SO ZHE NA, CHOS CAN, SGRAS BRJOD KYANG RTOGS PAR MI 'GYUR BAR THAL, LHAS BYIN BDAG LA RTAG TU 'BREL PA'I PHYIR RO, ,'CHAD NYAN BYED PA'I YUL RE RE KHO NA DAG DANG 'BREL PAS GO BA YIN NO ZHEN NI, 'CHAD PO NYAN PO'I SEMS DAG GIS DON GCIG TU MNGON PAR ZHEN PA'I BDAG NYID CAN DU MTSAMS SBYOR BAR NI MI 'GYUR BAR THAL, PHYOGS SNGA DE'I PHYIR, GAL TE 'DRA BA LAS THA DAD PA DER SNANG BA MIN PA'I PHYIR, YUL DE GNYIS GCIG PAR THA SNYAD BYED PA YOD DO ZHE NA, DE'I TSE 'CHAD NYAN BYED PA'I BLO CHOS CAN, GZUNG DON MED PA CAN DU 'GYUR BAR THAL, THA DAD PA'I BDAG NYID JI LTAR GCIG TU GZUNG BA YIN PA'I PHYIR, GNYIS PA DON GYI RNAM LDAN DU DRAN PAS TSUL GNYIS SGRUB PA LA GNYIS, DNGOS DANG, DE'I LAN DGAG PA'O, ,DANG PO NI, SNGON PO NYAMS MYONG GI RNAM SHES DE YANG NI CHOS CAN, GZUNG 'DZIN GYI CHA GNYIS LA NI BRTEN PAR GYUR BA YIN TE, DE LTAR DU GZUNG PA'I RNAM PA GCIG GIS KHYAD PAR CAN DU BYAS PA'I SHES PA DE YIS DMIGS PAR 'GYUR BA'I PHYIR, RNAM PA SHAR BA LAS GZHAN DU NA, DE CHOS CAN, SNGON PO'I RNAM LDAN DU JI LTAR DRAN SHES LA GNAS PAR 'GYUR TE MI 'GYUR BAR THAL, SNGON PO'I RNAM PA SHAR BA CAN MIN PA'I PHYIR, SNGA MA'I RTAGS SGRUB PA NI, 'DI LTAR SNGO SNANG DBANG SHES DANG, SNGON PO DRAN PA'I SHES PA DANG, DE DRAN PA'I PHYI MA PHYI MA'I SHES PA GZUNG RNAM GCIG GIS LHAG PA NYID DE, DON GYI NGO BOS RNAM PA GNYIS DANG BDAG GI 'DZIN PA'I RNAM PA 'GA' ZHIG TU, BLO GNYIS PA DRAN SHES DE NI, BLO GSUM PA DRAN SHES GNYIS PA YIS NI

RTOGS PAR 'GYUR BA'I PHYIR, GNYIS PA NI, GAL TE DON GYI 'BRAS BU NYID KYIS SHES PA DRAN NA, DON DRAN PAS KHYAB PA'I PHYIR NA, 'PHRUL BA YIS DON GYI RNAM LDAN DU SRE'O ZHE NA, DON SNANG SHES PA CHOS CAN, KHYOD DRAN NA SNANG BA DANG YID BYED LA'ANG DRAN LA DER 'GYUR BAR THAL, DE'I 'BRAS BU YIN PA'I PHYIR, DE BZHIN DU RDZA MKHAN LA SOGS PA DRAN PA MED PAR BUM PA DRAN PAR MI 'GYUR BAR THAL, 'BRAS BU THAMS CAD KYANG RGYU DANG LHAN CIG 'DZIN PAR 'GYUR BA DE'I PHYIR, RTAGS KHAS BLANGS, DON SNANG SHES PA LA DON GYIS BYAS PA'I PHUL DU BYUNG BA'I KHYAD PAR YOD PAS, DON GYI RNAM LDAN DU DRAN NO ZHE NA, DON SNANG SHES PA LA DON GYIS BYAS PA'I PHUL DU BYUNG BA'I KHYAD PAR CHOS CAN, DON SNANG SHES PA DON DANG 'DRA BA LAS GZHAN CIR 'GYUR TE DON DANG 'DRA BA'I CHA YIN PAR THAL KHYOD GANG LAS SHES PA NA DON DANG 'DRE BA STEN PA STE DON SNANG SHES PA DON GYI RNAM LDAN DU DRAN PA'I RGYU'I GTZO BO YIN PA'I PHYIR, DPER NA, MTSE MA SOGS LA 'DRA BAS GCIG TU 'KHRUL PA MTHONG BA'I PHYIR, BLO GNYIS PA DRAN PA'I RANG BZHIN 'DZIN RNAM GCIG PU LA NI; RNAM PAR GNAS PAR THAL, DANG PO SNGO SNANG DBANG SHES KYI RANG BZHIN TSUL GNYIS MIN PAR 'DZIN RNAM RKYANG PA CAN YIN PA'I PHYIR, 'DOD NA, SNGO SNANG DBANG SHES DANG SNGON PO DRAN PA'I SHES PA GNYIS CHOS CAN, NGES PAR 'DZIN PA'I SEMS KYIS GZUNG RNAM THA DAD DU 'BYED PAR 'GYUR BA MA YIN PAR THAL, 'DZIN RNAM RKYANG PA CAN YIN PA'I PHYIR, SNGO SNANG DBANG SHES CHOS CAN, SNGON PO'I RNAM PA CAN YIN TE, SNGO SOGS KYI RNAM PA'I NGO BO RU MDUN NA GNAS PAR 'GYUR BA'I BLO, DON SNGON PO'I RNAM LDAN DU SRE BA DANG 'BREL BA

, ,CAN GYI BLO GNYIS PA DRAN SHES KYIS DMIGS PAR 'GYUR BA'I PHYIR, SNGON PO'I RNAM PA SHAR BA LAS GZHAN DU, SNGON PO'I DNGOS 'BRAS YIN PAS, SNGON PO'I RNAM LDAN DU DRAN NA, SNGO SNANG DBANG SHES DANG PO GCIG PU DON SNGON PO LAS DNGOS SU BYUNG BA'I PHYIR SNGON PO'I RNAM LDAN DU 'BREL BAR 'GYUR GYI, DRAN PA'I SHES PA PHYI MA PHYI MA CHOS CAN, SNGON PO'I RNAM LDAN DU DRAN PA MIN PAR THAL, SNGA MA'I DON SNGON PO DANG DNGOS SU 'BREL BA MTHONG BA MED PA'I PHYIR, GNYIS PA BSTAN BCOS MDZAD PA'I RIGS PAS SGRUB PA LA LNGA, LHAN CIG DMIGS NGES KYI RTAGS KYIS SGRUB, DON GCIG DU MAR SNANG BAS SGRUB, MED PA GSAL BAR SNANG BAS SGRUB, NYE RING BAR MA'I KHYAD LAS SGRUB, DON SHES DUS MNYAM MIN PAS SGRUB PA'O, ,DANG PO LA GNYIS, DNGOS DANG, RTZOD PA SPANG BA'O, ,DANG PO NI, SNGO SNANG DBANG SHES SNGON PO'I 'BRAS BU YIN PAS SNGON PO'I RNAM LDAN DU DRAN PA'ANG MI 'THAD DE, SNGON PO DANG SNGO SNANG DBANG SHES RDZAS THA DAD MA YIN PA'I PHYIR, DE SGRUB PA NI, YUL SNGON PO NI CHOS CAN, SNGO 'DZIN SHES PA DE LAS RDZAS GZHAN NYID DU RNAM PA GANG GIS 'GRUB PAR 'GYUR TE MI 'GYUR BAR THAL, NGES PAR SNGO 'DZIN GYI BLO DANG LHAN CIG TU CIG CAR DU NI MYONG BAR 'GYUR BA'I PHYIR, SNGON PO DANG SNGO 'DZIN SHES PA GNYIS CHOS CAN, RDZAS THA DAD YIN PAR THAL, RDZAS THA DAD DU SNANG BA'I PHYIR ZHE NA, MA KHYAB STE, RNAM SHES 'PHRUL PAS THA DAD DU MTHONG BA'I PHYIR, DPER NA, ZLA BA GNYIS MED PAR MTHONG BA BZHIN, RTZA BAR KHYAB STE, SNGO SER LTA BU RDZAS THA DAD DAG LA NI, LHAN CIG MYONG BA'I NGES PA YOD PA MA YIN PA'I PHYIR, SNGO

'DZIN SHES PA'I DUS NA SNANG BA'I DON SNGON PO NI, SNGO 'DZIN SHES PA LAS RDZAS GZHAN MIN PA BZLOG PAR RAB TU DKA' BA NYID YIN TE, SNGON PO DANG SNGO 'DZIN SHES PA DE DAG RDZAS THA DAD MIN PA DE'I PHYIR TE, SNGO 'DZIN SHES PA MYONG BA MED PAR, DON SNGON PO 'GA' DMIGS PA'AM, DON SNGON PO DMIGS PA MED PA'I MYONG BA SNGO 'DZIN SHES PA YANG MYONG BAR 'GYUR BA MA MTHONG BA DES NA'O, ,GNYIS PA NI, DBANG PO'I BLO RNAMS CHOS CAN, DBANG YID LAS THA DAD PA'I RGYU NI RJES SU DPOG PAR 'GYUR TE, RGYU GZHAN DBANG YID DAG NI YOD NA YANG, , RES 'GA' SKYE BA MED LA, RES 'GA' SKYE BA'I PHYIR, RGYU GZHAN DE YANG PHYI ROL GYI SNGON PO'O ZHE NA, GAL TE MTSUNGS PA DE MA THAG RKYEN GYI BAG CHAGS SAD PA LAS SKYE BAR NGES PAR MI SMRA NA BDEN YANG, SNGO SNANG DBANG SHES CHOS CAN, RES 'GA' SKYE BA'I RGYU MTSAN GYIS, DMIGS RKYEN PHYI ROL GYI SNGON PO YOD MI DGOS PAR THAL, DE MA THAG RKYEN GYI BAG CHAGS SAD PA LAS SKYE BAR NGES PA'I PHYIR, SA BON LAS NI MYU GU SKYE BA DANG, DU BA LAS ME GRUB PA ZHES BYA BA DE 'DRA PHYI ROL DON LA BRTEN PA CAN YIN PAS, PHYI ROL MED PAR MI 'GRUB BO ZHE NA, SA BON MYU GU'I BYED PA PO DANG, DU BA ME'I SHES BYED DU GNAS PA GANG YIN PA DE YANG CHOS CAN, PHYI DON MED PAR MI 'GRUB PA MA YIN PAR THAL, GAL TE RGYU 'BRAS DE'I NGO BOR SNANG BA DE LTAR NGES PAR 'BREL PA'I BLO'I RDZAS LA BRTEN NAS, RTOG PAR BYED NA 'GAL BA DAG NI CI ZHIG YOD DE MED PA'I PHYIR, 'BRAS BU DU BA LAS RGYU MA RTOGS PA MIN PAR THAL, DU BA MES SKYED PAR 'GYUR BA MIN PA DE'I PHYIR TE, RANG GI BAG CHAGS TZAM DANG 'BREL BA'I PHYIR, ME DE DU BA'I RGYU DAG NI YIN NA YANG, DU BA GANG LAS ME NGES PAR RTOGS PAR 'GYUR BA MA

, ,YIN PAR THAL, RGYU 'BRAS BU LA 'KHRUL BA'I PHYIR ZHE NA, DU BAS ME DPOG PA DE LA'ANG, PHYI ROL KYI ME NYID DPOG PA MA YIN TE, DU BAR SNANG BA'I BLOS BAG CHAGS GSAL BAR SANG PA CAN GYI BLO NYID LAS, MER SNANG BA'I BLO NYID NI RTOGS PAR 'GYUR PA'I PHYIR, GAL TE DU BAR SNANG BA DE DU BAR SNANG BA'I BAG CHAGS LAS SKYE'I, MER SNANG LAS MA SKYES PAS, MER SNANG GO BYED MA YIN NO ZHE NA ME LAS DU BA 'BYUNG BA YIN TE, SEMS RGYUD LA ME DER SNANG DU RUNG BA'I BAG CHAGS GYI SNYING PO CAN MER SNANG BA DE BLO DAG LA DU BAR NI SNANG BA GSAL BYED YIN PA DES NA'O, ,MKHAS PA SEMS TZAM PA RNAMS LA CHOS CAN, ME LAS DU BA SKYE BA'I RNAM GZHAG 'DI BRJOD DU YOD DE, DE TSAD MAS GRUB PA'I PHYIR, GAL TE PHYI ROL MED NA PHYI ROL LA BRTEN NAS BLO TSUL GNYIS SU GSUNGS PA JI LTAR YIN ZHE NA, PHYI ROL LA NI BRTEN NAS SU TSUL GNYIS BRJOD PA CHOS CAN, DON YOD DE, DON SMRA BA YANG DAG PA'I DON LA DRANG BA'I CHAD YIN PA'I PHYIR, BLO TSUL GNYIS PO DE YANG NI CHOS CAN, MI 'GRUB PA MA YIN TE, LHAN CIG MYONG BA'I NGES PAS 'GRUB PA'I PHYIR, GNYIS PA NI, DON SNANG SHES PA DE DON LA RNAM LDAN DER SNANG BA MIN NA, BUM GZUGS DE'I DON CAN GYI YID DBANG SHES KUN NI CHOS CAN, SNANG TSUL GYI RANG BZHIN GCIG PA NYID DU 'GYUR BAR THAL, GZUNG DON GYI RANG BZHIN GCIG RNAM MED DU 'DZIN PA'I PHYIR, 'DOD MI NUS TE, DBANG PO'I KHYAD PAR GYIS GSAL BA DANG MI GSAL BA DANG, 'DREN MA LA SOGS PA SNANG BA THA DAD 'DZIN PA'I SHES PA DON GCIG LA DMIGS PA'I PHYIR, CHOS CAN, BUM GZUGS GSAL MI GSAL DU

SNANG BA MI 'THAD PAR THAL, BUM GZUGS GCIG GI RNAM PA SHAR BAR 'DRA BA'I PHYIR ZHE NA, GZUNG DON LA BRTEN NAS 'BYUNG BAR 'GYUR ZHING, BUM GZUGS DE'I RNAM PA'I NGO BO'I RJES SU BYED PA YIN YANG, BUM GZUGS GSAL MI GSAL GYI KHYAD PAR 'THAD DE, BAG CHAGS GZHAN 'GA' ZHIG LAS KYANG, DBYIBS SOGS CHA DGA' YIS NI, BUM GZUGS GSAL MI GSAL THA DAD DU 'GYUR BA'I PHYIR, DPE 'DI LTAR PHA LA BRTEN NAS BU PHA DE'I NI GZUGS 'DZIN YANG, RKYEN 'GA' ZHIG LAS NI DBYIGS SOGS KYI CHA 'GA' YIS, PHA'I GZUGS LAS THA DAD PAR NI DMIGS PA YIN PA BZHIN, GSUM PA MED PA GSAL BAR SNANG BAS SGRUB PA NI, SHES BYA CHOS CAN, BLO TSUL GNYIS PA GRUB STE, MAR ME LA SOGS DKYIL 'KHOR NI RMA BYA'I MDONGS KYI RNAM PA CAN SNGO DANG DMAR DANG MDANGS GSAL BAR, MIG MI GSAL BAS MTHONG BAR 'GYUR BA'I PHYIR, MAR ME'I RTZE MO'I KHRA SGOR BA DE NI PHYI ROL DNGOS YIN NO ZHE NA, MAR ME'I RTZE MO'I KHRA SGOR BA CHOS CAN, DBANG PO GSAL BA'I SHES PA LA MTHONG BA'I NUS PA CIS MED DE YOD PAR THAL, DBANG SHES KYIS MTHONG RUNG GI PHYI DON YIN PA'I PHYIR, KHRA SGOR BA DE MTHONG BA'I DBANG SHES CHOS CAN, DBANG PO NYAMS PA'ANG JI LTAR YIN TE MA YIN PAR THAL, YANG DAG PA'I DON MTHONG BA'I PHYIR, DE CHOS CAN, KHYOD LA GZHAN GYIS MTHONG BA'I DON DE YANG, JI LTA BUR NA GSAL BA MA YIN TE YIN PAR THAL RAB RIB KYIS SBYANGS NAS GSAL BA'I MIG LA BRTEN NAS DBANG PO LAS 'DAS PA'I DON MTHONG BA'I PHYIR, CHOS CAN, MAR ME'I RTZE MO'I KHRA SGOR BA GZHAN NI KHYOD KYI RGYU MA YIN TE, SNANG BA DANG DBANG PO DANG YID LA BYED PA LAS GZHAN MED PAR NI, GCIG GI NUS PA

, ,LAS SKYE BAR RTOGS PA DES NA'O, ,'DOD NA, DE PHYI'I GZUNG YUL YANG JI LTAR YIN TE MA YIN PAR THAL LO, ,GAL TE KHRA SGOR BA DE NYID BLO DE'I RGYU YIN NO ZHE NA, CHOS CAN, JI LTAR MAR ME LA LTOS PAR 'GYUR TE MI 'GYUR BAR THAL LO, ,MAR ME DANG KHRA SGOR BA GNYIS KA RGYU YIN NO ZHE NA, CHOS CAN, DE GNYIS KA DAG KYANG RGYU MA YIN PAR THAL, MAR ME TZAM GYI DMIGS RKYEN GYIS YOD PA'I PHYIR, BZHI PA NYE RING BAR MA'I KHYAD PAR LAS SGRUB PA LA GSUM, THAL BA DGOD, SKYON SPONG DGAG, MJUG BSDU BA'O, ,DANG PO NI, GZUNG DON MED PA'I SHES PA TSUL GNYIS PA YIN MOD, GZUNG DON CAN GYI SHES PA TSUL GNYIS PA MIN NO ZHE NA, NYE RING LA SOGS KHYAD PAR GYIS LTA BA'I DBANG SHES CHOS CAN, BUM GZUGS GSAL BA DANG MA GSAL BAR SNANG BA MI RUNG BAR THAL, BUM GZUGS RNAM MED DU RIG PA'I PHYIR, GNYIS PA NI, GAL TE SNANG BA'I KHYAD PAR LAS GSAL MI GSAL DER 'GYUR RO ZHE NA, CHOS CAN, BUM GZUGS GSAL BAR MTHONG DAM MI MTHONG MTSUNGS PAR 'GYUR BAR THAL, SNANG BA DE NI BAR CHOD PA DANG MA CHOD PA DAG MTSUNGS PA'I PHYIR, GAL TE RING BA NAS LTA BA'I TSE SNANG BA MI GSAL BAS, BUM GZUGS DE'I CHA PHRA MO 'GA' ZHIG NI MA MTHONG BA DE'I PHYIR, GSAL MI GSAL THA DAD DO ZHE NA, BUM GZUGS DE RAGS PA CHA MED GCIG YIN NAM, RDUL PHRA RAB DU MA YIN, DANG PO LTAR NA, BUM GZUGS CHOS CAN, GSAL BAR MTHONG BA DANG MI MTHONG BA'I THA DAD PA GANG LAS YIN TE MA YIN PAR THAL, PHYI ROL GYI DON RAGS PA CHA MED GCIG YIN PA'I PHYIR, GNYIS PA LTAR NA, CHOS CAN, GSAL BAR MTHONG MI MTHONG THA

DANG GANG LAS YIN TE MA YIN PAR THAL, RDUL PHRA RAB RDZAS THA DAD PA DU MA YIN PA'I PHYIR, GAL TE SNANG BA GSAL MI GSAL GYI KHYAD PAR GYIS, BLO LA GSAL MI GSAL THA DAD DU SNANG NGO ZHE NA, BUM PA CHOS CAN, GZHAN SNANG BA GSAL MI GSAL THA DAD PA GANG LAS, GSAL MI GSAL THA DAD PAR SNANG BAR 'GYUR TE MI 'GYUR BAR THAL, CHA THA DAD MED PA'I PHYIR THAG RING BA NAS LTA BA'I TSE SNANG BA DE YANG CIS MA GSAL ZHES DRIS PAS, RDUL GYIS BSGRIBS PA'I PHYIR ZHE NA, RDUL DE NYE BA NAS LTA BA 'DIR SGRIB BYED CES PA MA YIN ZHES DRIS PAS, SRAB PA'I PHYIR ZHE NA, NYE BA NAS LTA BA'I SNANG BA'ANG SRAB PA DE LTA NYID YIN PAR THAL, SGRIB RDUL SRAB PA GANG ZHIG, RGYU MTSAN MTSUNGS PA'I PHYIR, NYE BA LAS GZHAN DU RING BA NAS LTA BA'I TSE, SNANG RDUL SRAB MIN 'THUG PO YOD PA NYID YIN PAR THAL, SKRIB RDUL 'THUG PA GANG ZHIG, RGYU MTSAN MTSUNGS PA'I PHYIR, BUM PA LA SHIN DU NYE BA NAS LTA BA'I MIG SHES CHOS CAN, KHYOD LA SNANG BA NI CHER GSAL BAR THAL, BUM GZUGS LA SHIN TU NYE BA'I PHYIR, 'DOD NA, BUM GZUGS DE YANG CHES GSAL BAR SNANG BAR 'GYUR RO, ,GAL TE BUM GZUGS LA NYE RING NAS LTA BA DER YANG, MTHONG BA MED PA'I LAS LA BRTEN NAS LAS GZUGS GSAL MI GSAL GZHAN 'BYUNG BAS, BUM GZUGS GSAL MI GSAL DU 'GYUR RO ZHE NA, LAS GZUGS GSAL MI GSAL DE DAG RNAMS NI PHAN TSUN DU SGRIB PAR 'GYUR RAM MI 'GYUR, SGRIB NA, LAS GZUGS GSAL MI GSAL DE DAG CHOS CAN, MIG SHES DE LA GCIG KHO NAR SNANG BAR 'GYUR BAR THAL, MIG SHES LA SNANG RUNG GANG ZHIG, MIG SHES LA SNANG BA NI PHAN TSUN SGRIB BYED YIN PA'I PHYIR, RTAGS KHAS BLANGS, DE MA

, ,BSGRIBS SO ZHE NA, BUM GZUGS LA NYE RING NAS LTA BA'I MIG SHES CHOS CAN, CIG CAR NI LAS GZUGS GSAL BA DANG MI GSAL BA'I RANG BZHIN DAG MTHONG BAR 'GYUR BAR THAL, DE DBANG SHES KYIS MTHONG RUNG GANG ZHIG, PHAN TSUN MI SGRIB PA'I PHYIR, MTHONG MED KYI LAS KYIS GCIG BSGRIBS NAS GNYIS KA MI MTHONG NGO ZHE NA, BUM GZUGS LA NYE RING NAS LTA BA'I SKYES BU DE CHOS CAN, KHYOD LA MA MTHONG BA'I LAS KYIS CI BYED DE MI BYED PAR THAL, MA MTHONG BA'I LAS GANG GIS DON PHAN PA DANG DON MIN PA MI PHAN BA MED PA'I PHYIR, GSUM PA NI, SHES BYA CHOS CAN, DON LA BRTEN NAS SKYES PAR GYUR PA'I MYONG BA DBANG SHES DE BAG CHAGS SAD PA JI LTA BA'I RGYU BZHIN DU, RNAM PA THA DAD PA 'DZIN BYED YIN TE, LHAG MA RNAM MED DU 'DZIN PAR 'DOD PA BLO NGAN LUGS NGAN YIN PA'I PHYIR, LNGA PA DON SHES DUS MNYAM MIN PAS SGRUB PA LA GNYIS, MI RTAG PA RNAM MED DU 'DZIN PA DGAG, RTAG PA RNAM MED DU 'DZIN PA DGAG PA'O, ,DANG PO NI, SHES PA DANG SGRA DANG MAR ME RNAMS CHOS CAN, GANG GIS DBANG SHES LA RNAM MED DU GSAL BAR 'GYUR BA MA YIN PAR THAL, DE'I DUS NA ZHIG PA'I PHYIR TE, DE'I SNGA MAR BYUNG BA'I SKAD CIG MA YIN PA'I PHYIR TE, RANG 'DZIN MNGON SUM DANG NI CIG SHOS DRAN SHES KYI SKYED BYED NYID YIN PA'I PHYIR, SGRA DE DUS MNYAM PA'I NYAN SHES KYIS GZUNG DON DU BYED DO ZHE NA, SGRA 'DZIN NYAN SHES CHOS CAN, DON KUN GSAL BAR 'GYUR BAR THAL, PHAN 'DOGS BYED MA YIN PA'I SGRA GZHAN GZUNG DON DU GSAL BA'I PHYIR, GAL TE SGRA DE DANG RGYU TSOGS GCIG LAS SKYES PAS GZUNG DON DU NGES SO ZHE NA,

SGRA 'DZIN NYAN SHES CHOS CAN, SGRA DANG RGYU TSOGS GCIG LAS SKYES PAS GZUNG DON DU RTOG PA 'DI YANG 'THAD PA MED PAR THAL, DE LTAR NA DUS MNYAM PA'I RNA BA'I DBANG PO YANG GZUNG DON DU THAL BA'I PHYIR RO, ,SGRA DES BYAS PA'I NYAN SHES CHOS CAN, RANG DUS NA SGRA DE MED KYANG, SGRA DE GSAL ZHES BRJOD PA YIN TE, DON SGRA'I RNAM LDAN DU SNANG BA NYID KYIS PHYIR, NYAN SHES DANG LHAN CIG SKYES PA'I DON GZHAN SGRA NI CHOS CAN, NYAN SHES LA RNAM PA GTOD PAR MI BYED DE, NYAN SHES LA PHAN 'DOGS PA MIN PA'I PHYIR, 'DOD NA, CHOS CAN, NYAN SHES KYI GZUNG DON DU JI LTAR GSAL BAR 'GYUR TE MI 'GYUR BAR THAL, NYAN SHES LA RANG GI RNAM PA YIS RNAM PA GTOD BYED MA YIN PA'I PHYIR, GNYIS PA NI, MI RTAG PA RNAM MED DU MI 'DZIN MOD, RDO RJE LA SOGS PA'I RTAG PA RNAM MED DU 'DZIN NO ZHE NA, BRTAN PAR 'DOD PA'I RDO RJE DANG RDO SOGS KYI DON YANG CHOS CAN, 'GRO BA KUN GYI SHES PA NI CIG CAR RANG NYID KYIS SKYED PAR 'GYUR BAR THAL, RKYEN GZHAN LA LTOS MED DU RANG 'DZIN SHES PA SKYED PA'I PHYIR, LHAN CIG BYED PAS PHAN 'DOGS PA'I PHYIR, RDO RJE SOGS 'DI'I YUL CAN DE DAG RIM BZHIN DU 'BYUNG NGO ZHE NA, CHOS CAN, KHYOD SKAD CIG SNGA PHYI SO SOR GZHAN YIN PAR BRJOD DE, RANG 'DZIN SHES PA RIM CAN DU SKYED PA'I PHYIR, 'DOD NA, 'DIR YANG CHOS CAN, RANG 'DZIN SHES PA LA RNAM MED DU MI SNANG BAR THAL, DE'I DUS NA ZHIG PA'I PHYIR ZHES PA'I SKYON NI SNGAR BZHIN NO, ,GSUM PA SLAR YANG MDO MDZAD PA'I RIGS PAS SGRUB PA NI, DON SNANG GI SHES PA CHOS CAN, BYE BRAG TU SMRA BA'I NGOR RIG BYA RIG BYED KYI TSUL GNYIS YOD PAR BSGRUB MI DGOS TE, DON DE BDAG NYID KYIS MYONG BA

, ,LA BRTZOD PA 'GA' YANG YOD PA MA YIN PA'I PHYIR, DE CHOS CAN, DON GYI RNAM PA'I RANG BZHIN NYID MA GRUB PA DE YANG MI 'GRUB PA'I SKYON MED DE, YANG DAG PAR DRAN PA LAS GRUB PA'I PHYIR, 'DI NI CHOS CAN, GZUGS 'DI LTAR RTOGS KYI SGRA 'DI LTAR NI RTOGS PA MIN ZHES THA DAD PA 'DI MED PAR 'GYUR BAR THAL, DON THA DAD PAR MYONG BA MED PA'I PHYIR TE, RANG GI SPYOD YUL GYI RNAM PA THA DAD SHAR BAS PHYE BA MED PA'I PHYIR, CHOS CAN, NYAMS SU MYONG BA TZAM GYIS NI, DON RTOGS THA DAD 'GA' ZHIG RNAM PAR 'BYED PA MIN PAR THAL, THA DAD DU 'BYED BYED GSAL BA MED PA LA RNAM PAR 'BYED PA'I BLO MED PA'I PHYIR, DPER NA, MTSE MA LA SOGS GCIG TU 'KHRUL PA BZHIN NO, ,GNYIS PA RANG RIG SGRUB PA LA, RANG RIG PA YANG NGO, ,CI'I PHYIR NA MA MYONG BAR 'DI MED PA'I PHYIR RO, ZHES PA'I DON 'CHAD PA LA BZHI, TSUL GNYIS GRUB PAS RANG RIG GRUB, GSAL BA SHES RDZAS YIN PAS SGRUB, GZHAN GYIS MYONG BA BKAG PAS SGRUB, DRAN PA LAS KYANG RANG RIG SGRAB PA'O, ,DANG PO LA GNYIS, DNGOS DANG, DE'I LAN DGAG PA'O, , DANG PO NI, CHOS CAN, TSUL GNYIS SGRUB PAR BYED PAS KYANG RANG RIG PHAL CHER GRUB PA YIN TE, RANG GI NGO BOR GYUR PA'I RNAM PA SNANG BA DE'I TSE, RNAM PA DE 'DZIN RNAM GYIS MYONG BAR GRUB PA'I PHYIR RO, ,DE SHES PA PHYI MAS MYONG BA YIN NO ZHE NA, DE CHOS CAN, KHYOD KYI DNGOS PO'I RNAM PA CAN GYI BLO PHYI MA YIS NI JI LTAR MYONG BA YIN TE MA YIN PAR THAL, DE'I DUS NA 'GAGS PA'I PHYIR, SHES PA PHYI MA DE CHOS CAN, SHES PA SNGA MNYAM MYONG MA LUS PA LDOG PAR 'GYUR BAR THAL, RANG GI NGO BO'ANG MYONG BA MED PA'I PHYIR, SHES BYA

CHOS CAN, YUL GANG GI NI RNAM PA SNANG BA'I SHES PA PHYI MA GANG YIN PA NGES, SHES PA SNGA MA DE MYONG BA MIN ZHES PA'ANG 'THOB PAR THAL, DON DU SNANG BA DANG LDAN PA'I SHES PA DE NI KHA PHYI ROL DU MNGON PAR PHYOGS PAR SNANG LA, BLO LA 'DZIN PAR BYED PA'I BLO YIN NA, RTAG TU BDAG LA KHA NANG DU MNGON PAR PHYOGS PA YIN PA'I PHYIR, GNYIS PA NI, GAL TE DE DANG 'DRA BA LAS DE MYONG BA'I SGRUB BYED GZHAN CI YOD CES 'DOD NA, 'DRA BA THAMS CAD CHOS CAN, PHAN TSUN DU MYONG BA NYID NI THOB PAR 'GYUR PAR THAL, PHAN TSUN 'DRA BA'I PHYIR, GAL TE BLO'I 'DRA BA DE MYONG BA'I SGRUB BYED YIN NO ZHE NA, DA NI 'DRA LA LAS MYONG BA MA YIN PAR THAL, PHYOGS SNGA DE'I PHYIR, SHES PA DE'I MYONG BA RANG RIG DE NI CHOS CAN, DON DANG 'DRA BA'I RGYU CAN MIN PAR THAL, RANG NYID MYONG BAR BYED RUNG DE'I GZHAG BYA YIN PA'I PHYIR, 'O NA DON 'DRA BA'I GZHAG BYA GANG ZHE NA, DON DANG 'DRA BA 'DI NI CHOS CAN, KHYOD KYI GZHAG BYA MED PA MA YIN TE, 'JIG RTEN NA LAS BYA BA DON RTOGS KYI RNAM GZHAG GI RGYUR 'GYUR BA'I PHYIR, SNGO SNANG DBANG SHES CHOS CAN, GZHAN GYI BDAG NYID MYONG BA LAS SNGO SOGS MYONG BAR GRAGS PA MIN TE, RANG GI NGO BO'I RANG BZHIN DE'I RNAM PA MYONG BA LA SGRO 'DOGS 'KHRUL PA LAS, SNGO SOGS MYONG BAR GRAGS PA TZAM YIN PA'I PHYIR, SNGO SNANG DBANG BLO NI CHOS CAN, PHYI ROL DON LA TSAD MA GANG YANG MA YIN PAR THAL, SNGO SOGS DNGOS KYI RNAM PA SHAR BA YIN PA'I PHYIR ZHE NA, SNGO SNANG DBANG BLO DE NI CHOS CAN, JI LTAR DON MYONG BA YIN TE MA YIN PAR THAL, PHYI ROL GYI SNGO SOGS DNGOS KYI RNAM PAR SHAR BA MIN PA'I PHYIR, GANG GI TSE MYONG BA'I BDAG NYID NI 'DRA BA'I RGYU CAN

, ,MA YIN PAS NA, SHES PA MYONG BA'I RANG RIG 'DI CHOS CAN, DON 'DRA BA NYID KYIS CI ZHIG NYE BAR BSGRUB MI DGOS PAR THAL, RANG NYID MYONG RUNG GIS GRUB PAS NA'O, ,SHES PA DON DANG 'DRAN, DON DANG BDAG NYID KUN GYIS 'DRA NA NI, SHES PA SHES PA NYID MA YIN PAR 'GYUR PAR THAL, PHYOGS SNGA DE'I PHYIR, DON DANG CHA 'GA' ZHIG GIS MTSUNGS PAS, DON MYONG BAR 'JOG NA NI, DON THAMS CAD SHES PA THAMS CAD KYIS MYONG BAR 'GYUR BAR THAL LO, ,JI LTAR SNGO SOGS DANG SKYES 'DRA BA'I NGO BO YIN PA'I PHYIR SNGO SOGS NYAMS SU MYONG BAR 'DOD PA DE BZHIN DU, SNGO SNANG DBANG SHES PHYI MA DE YANG CHOS CAN, SNGO SNANG DBANG SHES SNGA MNYAMS SU MYONG BAR 'GYUR BAR THAL, NYAMS MYONG SNGO SNANG DBANG SHES SNGA MA DANG SKYES 'DRA BA'I NGO BO YIN PA'I PHYIR RO, ,NYAMS MYONG NYAMS SU MYONG NGO ZHES DON BZHIN DU NI NGES PA MIN PA DE'I PHYIR, NYES PA MED DO ZHE NA, CHOS CAN, SNGON PO MA RTOGS PAR THAL, DON SNGON PO LA'ANG NGES PA DE NI RTAG TU MED PA'I PHYIR, NGES PA YOD PA NYID KYI RGYU SKYES 'DRA BA YOD DO ZHE NA, CHOS CAN, MYONG BA SNGO SNANG DBANG SHES SNGA MA LA'ANG, CI'I PHYIR NGES PA MED DE YOD PAR THAL, DE DANG SKYES 'DRA BA YIN PA'I PHYIR, GNYIS BA GSAL BA SHES RDZAS YIN PAS SGRUB PA LA BZHI, GSAL BA SHES RJES YIN MIN BRTAG, SHES RDZAS MIN NA HA CANG THAL, SHES RDZAS YIN NA RANG RIG GRUB, RANG BLO LKOG GYUR DGAG PA'O, ,DANG PO NI, GZHAN YANG DKAR SOGS MTHONG BA NA DKAR SOGS MNGON PAR GSAL BA'I RANG BZHIN RIG PA GSAL BAR NI SKYES PA'I SNANG BA 'DI GANG YIN PA DE CI, DKAR SOGS MNGON BAR GSAL BA LAS GZHAN

BA'I DNGOS PA'AM, 'ON TE DE'I BDAG NYID DU GYUR PA YIN, GNYIS PA NI, DE LAS GZHAN PA'I DNGOS PO YIN NO ZHE NA, DKAR PO GSAL BA'I SHES PA NI CHOS CAN, JI LTAR DKAR PO GSAL BAR 'GYUR BA MA YIN PAR THAL, RANG GSAL BA MIN PA'I PHYIR, KHYAB STE DON GSAL NA SHES PA GSAL BA YIN LA, SHES PA DE GSAL BA MIN NA 'GRO BA MA LUS PA GSAL BA MA YIN PA'I PHYIR, SHES PA BYI MAS GSAL PA YIN NO ZHE NA, DKAR PO GSAL BA'I SHES PA CHOS CAN, GSAL BYED THUG PA MED PAR 'GYUR BAR THAL, GSAL BYED GZHAN GYIS GSAL BA'I PHYIR, CHOS CAN, JI LTAR DKAR PO DE YIS KHYAB PAR DU BYAS NAS DRAN PAR 'GYUR BA MA YIN PAR THAL, MTHONG BA DKAR PO DANG 'BREL BA SHES PA MED PA'I PHYIR, RTAGS KHAS BLANGS TE, GANG GI PHYIR KHYED GNYIS LAS GCIG RTOGS PA'I TSE, GNYIS PA MTHONG BA YOD PA MA YIN PA'I PHYIR, RTZA BAR KHYAB STE, YUL MTHONG ZHES BYA BAR NGES PAR 'GYUR BA LA, YUL SHES GNYIS DAG 'BREL BAR MTHONG BA DGOS PA'I PHYIR, GANG GIS DKAR PO MTHONG BA'I SHES PA DKAR PO DANG 'DRA BA NI, SEMS PHYI MA GZHAN GYIS MTHONG BAR GYUR BA DE LA, DKAR PO MTHONG ZHES BRJOD CE NA, 'DI CHOS CAN, RANG RIG GRUB STE, DON DANG 'DRA BA'I SHES PA YIN PA'I PHYIR, CI STE RANG GI DNGOS PO 'DZIN RNAM GYIS MI RIG NA, CHOS CAN, JI LTAR GZHAN GYI NGO BO RIG PA MA YIN PAR THAL LO, ,CHOS CAN, DON DANG 'DRA BA LAS NI MYONG ZHES PA'ANG MI 'THAD PAR THAL, DE SNGAR NYID RNAM PAR BSAL BA YIN PA'I PHYIR, JI LTAR DON DE NI MTHONG BA DANG 'DRA BA YIN PAR DRAN SHES DES NGES PAR 'GYUR BA MA YIN PAR THAL, DON NI

, ,SNGAR MTHONG BA YOD BA MIN PAS SO, ,KHYAB STE, DON SHES GNYIS MTHONG BDAG NI 'DRA BAR 'DZIN PA'I PHYIR, BYE BRAG TU SMRA BA GANG YIN PA DE CHOS CAN, KHYOD LA DON SHES GNYIS MTHONG BA MED PAR THAL, SHES PA DON DANG 'DRA BA NYID KYANG MI 'DOD PA'I PHYIR, 'DOD PA DE'I TSE, DON DANG SHES PA ZHES DON SHES DE DAG SMOS SU GAL YOD DE MED PAR THAL LO, ,GSUM PA NI, CI STE DKAR PO GSAL BAR SNANG BA DE DKAR 'DZIN SHES PA RANG GI DNGOS PO YIN NO ZHE NA, 'O NA DKAR 'DZIN SHES PA DE CHOS CAN, RANG NYID RAB TU GSAL BAR 'GYUR BAR THAL, KHYOD LA DKAR PO GSAL BAR SNANG BA DE RANG GI RDZAS YIN PA'I PHYIR, DE CHOS CAN, DON MI GSAL BA NYID DU 'GYUR BAR THAL, GANG GI PHYIR RANG MI GSAL BA'I PHYIR, BZHI PA LA GNYIS, RANG BLO MNGON GYUR YIN PAR BSTAN, LKOG GYUR YIN NA HA CANG THAL BA'O, ,DANG PO LA, DNGOS DANG, SKYON SPONG DGAG PA'O, ,DANG PO NI, SHES BYA CHOS CAN, BLO BDAG NYID RIG PA MIN PA'I PHYOGS DAG LA, DON KUN MTHONG BA MED PAR BSTAN PA 'DIS NI, BLO NI MNGON SUM GYIS GRUB PA MIN PAR SMRA BA GANG YIN PA DE LA'ANG LAN BTAB STE, RANG BLO LKOG BYUR YIN NA, DON SHES SO SOR SMOS SU MED PA'I PHYIR, BDE SDUG 'DOD PA LA SOGS PA'I KHYAD PAR MNGON SUM GYIS GRUB PA DE DAG NI CHOS CAN, BLO NYID YIN TE, RTEN DANG DMIGS PA DANG GOMS PA'I KHYAD PAR LAS SIM GDUNG THA DAD PAR NI 'JUG PA CAN YIN PA'I PHYIR, DE CHOS CAN, RANG RIG GRUB STE, MYONG BYED YOD, KHYOD MYONG BA'I SHES PA DE KHYED LAS GZHAN RDZAS THA DAD GANG YIN BA CUNG ZAD KYANG RTOGS BA MED PA'I PHYIR, GNYIS PA NI, RTAGS

MA GRUB STE, BDE BA CHOS CAN, PHYIS BYUNG GI SHES PAS MYONG BA YIN TE, PHYIS BYUNG GI SHES PA GZHAN GYIS RIG PA YIN PA'I PHYIR ZHE NA, DE CHOS CAN, GZHAN GYI BLOS KYANG NI SPYOD CING MYONG BAR 'GYUR BAR THAL, DES RIG PA'I PHYIR, GAL TE BDE BA DES BSKYED PA DANG DER SNANG BA'I BLOS RIG GI, GZHAN GYI BLOS RIG PA MIN NO ZHE NA, RANG RGYUD KYI BDE BA LA DMIGS PAR BYED PA GZHAN GYI BLO NI CHOS CAN, RANG RGYUD KYI BDE BA RIG PAR THAL, KHYOD LA YANG RANG RGYUD KYI BDE BA LAS SKYES SNANG GNYIS PO 'DI GDON MI ZA BAR YOD PA'I PHYIR, RTAGS MA GRUB STE, CI STE RANG RGYUD KYI BDE BA DE LAS SKYES PA MIN ZHING, DER SNANG BA CAN YANG MA YIN NO ZHE NA, RANG RGYUD KYI BDE BA LA DMIGS PA'I GZHAN GYI BLO DE YUL MED PA CAN DU 'GYUR BAR THAL, DES RANG RGYUD KYI BDE BA MA BZUNG BA'I PHYIR, BDE BA'I SPYI GZUNG DON DU 'DZIN NO ZHE NA, CHOS CAN, BDE BA'I SPYI DAG KYANG GZUNG DON DU MI 'DZIN PAR THAL, SPYI DE NI CUNG ZAD KYANG DNGOS PO MIN ZHES KYANG SNGAR BSHAD PA'I PHYIR, DE LTA BU'I BLO DE CHOS CAN, MNGON SUM GYIS GRUB PA DANG, BDAG RIG GRUB STE, KHYOD LA DON SNANG BA DE NI RANG LAS GZHAN MIN PA'I BLO YIN PA'I PHYIR, GAL TE GZHAN GYI BLOS RANG RGYUD KYI BDE BA DE LA 'DZIN PAR BYED KYANG, MNGON SUM NYID NI MIN PAS MYONG BYED MIN NO ZHE NA, RANG RGYUD KYI BDE BA LA DMIGS BA'I RANG GZHAN GYI BLO DE CHOS CAN, RANG RGYUD KYI BDE BA LA MNGON SUM YIN MIN THA DAD BA DE GANG LAS YIN TE MA YIN PAR THAL, DE GZUNG DON DU MTSUNGS PA'I PHYIR, GAL TE RANG RGYUD KYI BDE BA CHOS CAN, RANG GI BLOS MYONG BAR NGES PA YIN TE, DES MYONG BA'I MA MTHONG BA'I LAS DANG LDAN PA DANG, BDAG DANG DON

, ,GCIG LA 'PHROD PA 'DU BA DANG, SOGS KYIS DE LA DBANG PHYUG DGA' BA'I PHYIR, GZHAN GYI BLOS MA MYONG STE, RTAGS BZLOG PA'I PHYIR ZHE NA, GZHAN GYI BLOS NI RNAM PA KUN DU 'DZIN PAR MI 'GYUR BAR THAL, DES 'DZIN PA LAM MTHONG BA'I LAS DANG MI LDAN PA'I PHYIR, CHOS CAN, RANG GZHAN GYI BLOS MYONG MI MYONG GI DBYE BA'ANG MI 'THAD PAR THAL, DE BSAL ZIN PA'I PHYIR, GANG DAG RNAL 'BYOR MNGON SUM GYIS, GZHAN GYI BDE BA LA SOGS PA MYONG BAR 'DOD BA'I LUGS LA, 'PHAGS PA DE YANG CHOS CAN, SDUG BSNGAL CAN DE BZHIN DU, SDUG BSNGAL GYIS GDUNGS PAR 'GYUR BAR THAL, DE DANG SDUG BSNGAL MYONG BAR MTSUNGS PAS NA'O, ,GAL TE YUL YID DU MI 'ONG BA DANG DBANG PO 'DUS PA MED BAS, DE LAS BYUNG BA'I SDUG BSNGAL NI, 'PHAGS PA DE DAG LA NI SKYE BA MIN NO ZHE NA, SDUG BSNGAL SKYES PAR GYUR PA NYID NI SDUG BSNGAL MYONG BA MIN GYI, 'ON KYANG CHOS CAN, SDUG BSNGAL MYONG BAR THAL, SDUG BSNGAL LA DMIGS PA'I SHES PA SKYES PA YIN PA'I PHYIR, KHYOD RANG GI LUGS LA JI LTAR YIN ZHE NA, CHOS CAN, GZHAN GYI SDUG BSNGAL GYIS GDUNG BA DANG, BDE BA PHAN 'DOGS PA'I RGYU MA YIN TE, GZHAN GYI SDUG BSNGAL SOGS MYONG BA MIN PA'I PHYIR, CHOS CAN, GZHAN GYI SDUG BSNGAL GYIS GDUNG BA DA LTAR MI 'GYUR BAR THAL, DE LA DMIGS BA'I SHES PA SKYES PA TZAM YIN PA'I PHYIR, KHYAB STE, SDUG BSNGAL GYIS GDUNG BA YIN NA GANG GI TSE RANG NYID SDUG BSNGAL GYI RANG GI NGO BOR SNANG BA NI YIN PA'I PHYIR, DMIGS NA MYONG BAS MA KHYAB PA DES NA, SHES PA THAMS CAD KYI DMIGS MYONG DAG NI

THA DANG YIN TE, DON DANG 'DRA BAS DON DMIGS PAR 'JOG LA, DE'I BDAG NYID MYONG BA LA RANG NYID GSAL BAR DE'I NGO BOR SKYES DGOS PA'I PHYIR, GNYIS PA RANG BLO LKOG GYUR YIN NA HA CANG THAL BA LA GNYIS, RTAGS LAS RTOGS DGOS PAR THAL, RTAGS MI SRID PAR BSTAN PA'O, ,DANG PO NI, GZHAN YANG RANG BLO NI CHOS CAN, RTAGS LAS RTOGS PAR 'GYUR BAR THAL, TSAD MAS GRUB, MNGON SUM GYIS GRUB PA MED PA DES NA'O, ,'DOD NA, CHOS CAN, RTAGS DE YANG DBANG PO DANG, DON NAM DBANG BLO 'AM YANG NA YID BYED SNGA MAR 'GYUR BAR THAL, RTAGS LAS RTOGS DGOS SHING, RTAGS GZHAN MED PA'I PHYIR, PHYI MA MA GRUB STE, BDAG YID PHRAD PA'ANG RGYU YIN PA'I PHYIR ZHE NA, 'BRAS BU DBANG SHES CHOS CAN, RGYU RKYEN GSUM CHOGS PA 'DI DAG LAS GZHAN BDAG YID 'BREL BA CAN RGYUR YOD BA NI TE, DES PHAN PA'I NUS BA MTHONG BA MED PA'I PHYIR RO, ,GNYIS PA LA GNYIS, DBANG BLO SGRUB PA'I RTAGS MI SRID, YID BLO SGRUB PA'I RTAGS MI SRID PA'O, ,DANG PO LA LNGA, DBANG SOGS RTAGS MIN, DON GSAL RTAGS MIN, DON CHOS RTAGS MIN, BLO'I CHOS RTAGS MIN, 'BRAS RTAGS MI SRID PA'O, ,DANG PO NI, RTAGS BZHI YOD PA DE LA DBANG PO DANG DE BZHIN DU DON YANG CHOS CAN, RANG RGYUD LA DBANG BLO SGRUB PA'I RTAGS MIN PAR THAL, DE SGRUB KYI KHYAB PA 'KHRUL BA'I PHYIR, BLO YID BYED DE YANG CHOS CAN, RANG RGYUD LA BLO SGRUB PA'I SNGAR MA GRUB PA NYID YIN PAR THAL, SHES PA YIN PA'I PHYIR, 'DOD NA, RANG RGYUD LA BLO SGRUB PA'I RTAGS NYID MIN PAR THAL, DE'I SNGAR MA GRUB PA'I PHYIR, GNYIS PA NI, GAL TE DON GSAL RTAGS YIN PAR

, ,'DOD NA, DON GSAL BA'I BLO DE NYID CHOS CAN, CHOS 'DRA, SHES BA MIN NAM STE YIN PA'I PHYIR, BLO RTAGS MIN PA'I RIGS PA 'DIS NI, BLOS GSAL BAR GYUR BA'I DON RTOGS YIN PA BSAL TE, GSAL BA BLO NYAMS SU MYONG BA MIN NA, BLO DE YIS GSAL BAR 'GYUR BA MI NGES PA'I PHYIR, GSUM PA NI, 'ON TE GSAL BA STE DON NYID KYI KHYAD PAR 'GA' ZHIG YIN PAR 'DOD NA, PHYI DON CHOS CAN, KHYOD LA SNGAR MI GSAL BA PHYIS GSAL BA'I KHYAD PAR 'GA' YANG MED PAR THAL, SKYE BA DANG NI 'JIG PA MED BA'I PHYIR, SKYE 'JIG DE 'DOD NA YANG, CHOS CAN, SKAD CIG GIS 'JIG PAR 'GYUR BAR THAL, RANG 'BRAS SHES PA SO SOR SKYED PA'I PHYIR, RTAGS KHAS BLANGS, DON GYI KHYAD PAR DE YANG BLOS SHES PA'AM SHES PAR MA GYUR PA RTAGS YIN, GAL TE BLOS SHES BA RTAGS YIN NA, BLO NGES SHES PA ZHES BYA PA DE TSAD MA GANG LAS KYANG MA GRUB BAR THAL, SHES BAR TSAD MAS YONGS SU BCAD PA MED PA'I PHYIR, 'DOD NA, BLOS SHES PAR GYUR PA NYID DU GYUR PA'I DON GSAL BA DE NI CHOS CAN, RANG RGYUD LA JI LTAR BLO GO BYED YIN TE MA YIN BAR THAL, TSAD MAS BCANG PA MED PA RI PHYIR, BLOS MTHONG BAR GYUR BA MIN PA'I MTHONG BA DON GYI KHYAD BAR DE RTAGS YIN NO ZHE NA, GZHAN SGRA MTHONG BA'O LONG BA LA'ANG CHOS CAN, RANG RGYUD LA MIG BLO RTOGS PAR 'GYUR BAR THAL, MIG SHES KYIS BA GAR YANG MTHONG BAR GYUR PA MED PAR, GZHAN NYAN SHES KYIS MTHONG BAR GYUR BA'I KHYAD PAR DON GSAL BA DE YOD PA'I PHYIR, SHES BYA CHOS CAN, BLO RANG GI CHOS LA LTOS BA MED PA CAN GYI DON CHOS YAN GAR BA

LAS NI BLO NI RJES SU DPOG PA MA YIN PAR THAL, BLOS SHES PA'I DON CHOS YAN GAR BRTAGS SU BKOD NA, PHYOGS CHOS MA GRUB, BLOS MA SHES PA'I DON CHOS YAN GAR BA RTAGS SU BKOD NA, KHYAB PA 'KHRUL BA DE'I PHYIR, BZHI PA NI, BLO RANG GI CHOS BDE BA LTA BU DE RTAGS YIN NO ZHE NA, BLO RANG GI CHOS BDE BA LTA BU GANG YIN BA DE CHOS CAN, MNGON SUM GYIS GRUB PAR THAL, RANG RGYUD LA BLO SGRUB PA'I RTAGS YIN PA'I PHYIR, 'DOD MI NUS PAR THAL, RANG GI BLO LAS GZHAN CI YANG MA YIN PA'I PHYIR, RTAGS MA GRUB STE, RDZAS THA DAD YIN NO ZHE NA, RANG BLO LAS RDZAS THA DAD GANG LAS YIN TE MA YIN PAR THAL, DE DANG RGYU MTSUNGS BA LAS SKYES PA DE YIN PA'I PHYIR, RTAGS MA GRUB STE, RGYU TSOGS GZHAN LAS SKYES SO ZHE NA, DE YANG CHOS CAN, BLO DANG 'BREL PA 'KHRUL PA CAN YIN PAR THAL, RANG BLO LKOG GYUR GANG ZHIG, BLO DANG RGYU TSOGS GZHAN LAS SKYES PA'I PHYIR, LNGA PA NI, RANG RGYUD LA DBANG BLO SGRUB BA'I 'BRAS RTAGS YOD DO ZHE NA, DE YOD PA MA YIN PAR THAL, GZUGS SOGS YUL NI LNGA PO DANG, DBANG PO DANG NI DMIGS PA DAG MA GTOGS BA DBANG BLO DE'I 'BRAS BU GZHAN NYA BAR MTSON BA YOD BA MA YIN ZHING, DE DAG GANG YANG DE SGRUB KYI 'BRAS RTAGS MA YIN PA'I PHYIR TE, DE LA DBANG PO DANG BLO GNYIS NI DBANG PO STE MNGON SUM GYI YUL LAS 'DAS SHING, DON LNGA DAG LA GZUGS MTHONG DBANG SHES PHAN BYED DU YOD PA LAS GZHAN DU SKYES PA SRID PA DANG BRAL BA GANG YIN PA GCIG KYANG RTAGS PA MED PA'I PHYIR, DE LTAR DBANG SOGS GANG YIN PA DE CHOS CAN, RANG RGYUD LA DBANG BLO SGRUB BA'I RTAGS SO ZHES BYA BA BAB CHOS YIN TE, TSAD MAS SHES BA MED

, ,PA'I PHYIR, NGAG SMRA RJOD LA SOGS PA'I RTAGS YOD NA YANG, DE CHOS CAN, JI LTAR DBANG BLO RTOGS PAR 'GYUR TE MI 'GYUR BAR THAL, DBANG BLO DE DANG NI LHAN CIG 'BREL BA MED PA'I PHYIR, KHYAB STE, RTAGS DAG NI 'BREL BA MA MTHONG BA'I GSAL BYED MIN PA'I PHYIR, RTAGS DE NYID LAS SNGAR GZHAN RGYUD LA, BLO DE NI GRUB PA NYID DU BYAS NAS MTHUN DPER BRJOD NA NI, RANG RGYUD LA BLO SGRUB PA'I MTHUN DPE THUG MED DU 'GYUR BAR THAL, GZHAN GYI BLO DE DE SGRUB KYI MTHUN DPE GANG ZHIG, GZHAN RGYUD LA BLO SGRUB PA DE LA YANG NI, DPE GZHAN ZHIG GIS BSGRUB BYA YIN PA'I PHYIR, SHES BYA CHOS CAN, BLO LAS DON GRUB KYI, JI LTAR YANG DON LAS BLO DE GRUB PA MIN PAR THAL, BLO DE MA GRUB PAR DON RANG NYID RAB TU GRUB PA MED PA'I PHYIR RO, NGAG SMRA RJOD DANG GA-YO 'GUL SOGS CHOS CAN, MNGON SUM GYIS BLO GRUB PA DANG DE LAS NI KHYOD SKYE BAR MTHONG NAS, GZHAN RGYUD LA SEMS RJES SU DPAG PA RMI 'GYUR TE, BDAG RGYUD LA BLO DANG 'BREL BA MTHONG BA MED PA'I PHYIR, GNYIS PA YID BLO SGRUB PA'I RTAGS MI SRID PA NI, YID KYI BLO RTOG PA CHOS CAN, KHYOD GZUNG DON GYI RTAGS LAS RAB TU GRUB PA YOD PA MIN PAR THAL, KHYOD LA GZUNG DON MA GRUB PA'I PHYIR, GSUM PA NI, KHYOD KYI BLO SNGA MA NI BLO PHYI MA GZHAN GYIS JI LTAR RAB TU GSAL BAR 'GYUR RIG PAS, BLO PHYI MA CHOS CAN, BLO SNGA MA GSAL BA YIN TE, DE DANG SKYES 'DRA BA YIN PA'I PHYIR ZHE NA, CHOS CAN, BLO SNGA MA DANG GSAL BYA GSAL BYED GANG LAS YIN TE MA YIN PAR THAL, DE DANG GSAL BA MIN PA'I BDAG NYID DU MTSUNGS PA'I PHYIR,

YUL SNGON PO NI CHOS CAN, JI LTAR GSAL BA YIN TE MA YIN PAR THAL, RANG MI GSAL BA'I PHYIR ZHE NA, CHOS CAN, GSAL ZHES BRJOD DU RUNG STE, GSAL BA DBANG SHES LA RNAM PA'I NGO BO 'PHO BA'I PHYIR RO, ,GSAL BA DBANG SHES DE'ANG CHOS CAN, RANG NYID RAB TU GSAL BA YIN TE, SNGON PO'I RNAM PA SHAR BA DE'I NGO BO NYID YIN PA'I PHYIR, DE LTAR BLO PHYI MA LA BLO SNGA MA'I RNAM PA SHAR BAR 'DOD NA, BLO PHYI MA NI CHOS CAN, RANG NYID RIG PAR GRUB STE, BLO SNGA MA'I RNAM PA SNANG BA'I PHYIR, RANG GSAL BA DE LTA MIN NA, BLO DE CHOS CAN, BLO SNGA MA GSAL BA MA YIN PAR THAL, YUL YANG NI KHYOD DANG LHAN CIG MI GSAL BAR CHOS MTSUNGS PA NYID YIN PA'I PHYIR, NGED KYI LUGS LA BLO DE CHOS CAN, BLO GZHAN GYI GSAL MI DGOS TE, RANG NYID GSAL BA'I NGO BOS RAB TU GSAL ZHING YUL GZHAN DER RNAM PA'I NGO BO 'PHO BA YIS GSAL BA NA NI RAB TU GSAL BA NYID YIN PA'I PHYIR, BLO SNGA PHYI 'DRA BA YIN YANG, BLO SNGA MA GZHAN CHOS CAN, BLO PHYI MA DE YIS NI RAB TU GSAL BAR MI 'DOD DE, RANG NYID RAB TU GSAL BA YIN PA'I PHYIR, DPER NA, SGRON ME GNYIS BZHIN NO, ,DON GSAL BA YIN TE, DON DE'I RNAM PA'I NGO BO SHAR BAS RAB TU GSAL BA YIN PA'I PHYIR, BLO SNGA PHYI GNYIS CHOS CAN, GANG RUNG GCIG MI GSAL BAR THAL, GSAL BYA GSAL BYED YIN PA'I PHYIR, DPER NA, MAR ME GSAL BYED DANG BUM PA DAG KYANG GSAL BYA YIN PA DER BRTEN NAS, GSAL BYA GSAL BYED KYI NGO BO'I THA SNYAD RAB TU RGYAS PAR BYED PA BZHIN, SHES BYA CHOS CAN, GANG LAS DRAN PA SKYE BA 'DIR 'GYUR BA YUL MTHONG BA'I DUS NA, GZHAN DON SNANG GI SHES PA DE YANG MTHONG

, ,BA YOD PAR GDON MI ZA STE, YUL DANG DBANG PO TZAM GYIS NI DON MTHONG ZHES BYA BAR NGES PA MIN PA'I PHYIR, BZHI PA DRAN PA LAS KYANG RANG RIG SGRUB PA LA GNYIS, DNGOS DANG, RTZOD PA SPANG PA'O, ,DANG PO NI, DRAN PA LAS KYANG TSUL GNYIS GRUB PAR MA ZAD, BDAG RIG KYANG GRUB BO, ,JI LTA NA, DON SNANG GI SHES PA CHOS CAN, MYONG BYED YOD DE, DRAN PA YOD PA'I PHYIR, GZUGS BZHIN ZHES PA'I RTAGS LAS GRUB BO, ,GNYIS PA LA, RTZOD LAN GNYIS, DANG PO NI, DON SNANG GI SHES PA DE SHES PA GZHAN GYIS RIG PAS MYONG BYED YOD PAR GRUB ZIN SGRUB PA YIN NO ZHE NA NI, GNYIS PA LA GNYIS, RING SOGS 'DZIN BA MED PAR THAL, SHES PA YUL LA 'PHO PA MED PAR THAL BA'O, ,DANG PO LA GNYIS, BSTAN BSHAD DO, ,DANG PO NI, YI GE RING PO SOGS NYAN SHES KYIS 'DZIN BAR MI 'GYUR TE, NYAN SHES RE RES MI 'DZIN PA GANG ZHIG, DU MAS KYANG MI 'DZIN PA'I PHYIR, DANG PO GRUB STE, NYAN SHES RE RE BA YUN RING POR GNAS PA MED PA'I PHYIR RO, GNYIS PA LA GNYIS, NYAN SHES GCIG GIS 'DZIN PA DGAG, DU MAS 'DZIN PA DGAG PA'O, ,DANG PO NI, RTAGS MA GRUB STE, GNAS SO ZHE NA, YI GE RING PO'I CHA DANG PO THOS PA'I BLO CHOS CAN, KHYOD LA YI GE RING PO'I CHA CIG CAR SNANG BAR THAL, DE SNANG BA GANG ZHIG, GO RIMS MED PA'I PHYIR, CHOS CAN, YI GE RING PO 'DZIN PAR MI 'GYUR BAR THAL, GO RIMS MED PA'I PHYIR, RIM PA DANG LDAN PA'I YI GE RING PO'I CHA CHOS CAN, JI LTAR NA GO RIMS MED PA'I NYAN SHES SKYED PAR

BYED DE MI BYED PAR THAL, SNGA PHYI PHAN TSUN 'DRE BA MED PA'I DU MA YIN PA'I PHYIR, CHA SNGA MA MTHA'I BAR DU GNAS NAS NYAN SHES SKYED DO ZHE NA, CHOS CAN, 'OG TU SGRA'I NI 'PHEL BAR 'GYUR BAR THAL LO, ,YI GE RING PO'I CHA THA MAR MI THOS PA'I BLO YANG CHOS CAN, YI GE'I CHA RIM LDAN DU 'DZIN PA MED PAR 'GYUR BAR THAL, YI GE'I CHA RNAMS RIM MIN CIG CAR DU 'DZIN PA'I PHYIR, YI GE RING PO'I CHA DANG PO THOS BA'I BLO NI CHOS CAN, YI GE'I CHA DANG PO THOS PA DE'I 'OG TU RANG NYID GNAS PA MA YIN PAR THAL, DE'I 'OG TU KHYOD KYI YUL NI GNAS PA MED PA'I PHYIR, KHYAB PA KHAS BLANGS, GAL TE RANG NYID GNAS NA, DE CHOS CAN, PHYIS KYANG MI 'JIG PAR THAL, SNGAR MI 'JIG PA GANG ZHIG, SNGA PHYI KHYAD PAR MED PA'I PHYIR, YI GE RIM MED CIG CAR SKYE SA NAS YUN RING POR GNAS PA LA YANG, YI GE RING PO CHOS CAN, PHYIS KYANG MI 'JIG PAR THAL, SNGAR MI 'JIG PA GANG ZHIG, SNGA PHYI KHYAD PAR MED PA'I PHYIR, ZHES PA'I SKYON 'DI YOD DO, ,CHOS CAN, KHYOD SKYED PA'I RTZOL BA PHYI MA PHYI MA'ANG DON MED DU 'GYUR BAR THAL, LAN CIG BRTZAL BAS RDZOGS PAR SKYES PA'I PHYIR, YI GE RNAMS NI GRUB ZIN RKYEN GYIS GSAL BAR 'DOD PA LA'ANG, CHOS CAN, GSAL BYED PHYI MA DON MED PAR THAL, RTZOL BA DANG POS GSAL ZIN PA'I PHYIR, ZHES PA'I SKYON 'DI RJES SU GNAS PA NYID DO, ,GNYIS PA DU MAS 'DZIN PA DGAG PA LA GNYIS, THAL BA DGOD, SKYON SPONG DGAG PA'O, ,DANG PO NI, NYAN SHES DU MA YIS NI YI GE RING PO DE 'DZIN LA, NYAN SHES DE RJES KYI SHES PAS MYONG NGO ZHE NA, SHES BYA CHOS CAN,

, ,YI GE RING BO 'JIN BA'I BLO MYONG BYED MED PAR THAL, RJES KYI SHES PAS YI GE RING PO'I CHA THA MA THOS PA'I BLO GANG YIN PA DE KHO NA MYONG LA, DE YANG YI GE RING PO 'JIN PA MIN PA DES NA'O, ,'DOD NA, DE DRAN PAR MA 'GYUR BAR THAL LO, ,GNYIS PA LA GNYIS, BLO MYONG RIM GYIS SKYE BA DGAG, BLO MYONG CIG CAR SKYE BA DGAG PA'O, ,DANG PO LA GNYIS, BLO MYONG SPEL NAS SKYE BA DGAG, BRTAGS LA DGAG PA'O, ,DANG PO NI, YI GE RING PO 'DZIN PA'I BLO RNAMS, SO SO THA DAD DU SPEL NAS MYONG BAS SKYON MED NA, YI GE RING PO DE'I SGRA THOS PA'I NYAN SHES NI CHOS CAN, YUL BAR CHOD PA MED PAR SNANG BAR MI 'GYUR BAR THAL, KHYOD SNGA PHYI'I BAR DU MYONG BYED RDZAS GZHAN GYIS BAR CHOD BA'I PHYIR, CHOS CAN, 'JUG PA MYUR BAS PAR MA CHAD DU SBYOR PAR BYED PA'ANG MA YIN PAR THAL, DE SNGAR BSAL BA YIN PA'I PHYIR, GAL TE BAR CHAD PA MTHONG NA YANG BAR RNAM BAR CHAD PA MED PAR 'KHRUL BAR 'GYUR RO ZHE NA, YI GE THUNG DU GNYIS NI RJOD NA YANG BAR RNAM BAR CHAD BA MED PAR 'KHRUL PAR 'GYUR BAR THAL LO, ,GNYIS PA LA GNYIS, DBANG SHES KYIS SBYOR BA DGAG, RTOG BAS SBYOR BA DGAG PA'O, ,DANG BO NI, GAL TE BAR MA CHANG DU SBYOR NA, DBANG SHES KYIS SBYOR RAM, RTOG PAS SBYOR, DANG PO LTAR NA, SHES BYA CHOS CAN, DBANG PO'I SHES PAS BAR RNAM BAR BCANG PAR MTHON GNA YANG, DBANG PO'I SHES BA LAS BAR CHAD PA MED BAR SGRO 'DOGS PA MI RUNG PAR THAL, DE LTA NA DBANG PO'I BLO RNAMS KUN PHYIN CI LOG TU THAL

BA'I PHYIR RO, ,YI GE RING PO RIM GYIS RTOGS PAR 'GYUR TE, YI GE DANG DE THOS BA'I BLO YANG SKAD CIG DU MA YIN PA DE'I PHYIR TE, YI GE'I BDAG NYID KUN GYI THUNG MTHA' YANG, MIG 'DZUM PA'I YUN TSAD DU GNAS PA YIN LA, DE YANG RIM GYIS RDUL PHRAN NI DU MA DAG DANG 'BREL BA'I YUN GYIS RDZOGS DGOS PA'I PHYIR, KHYAB STE, RDUL GCIG GOS BSGRES PA'I DUS KYANG CHOS CAN, DUS MTHA'I SKAD CIG MAR 'DOD DE, DUS KYI CHUNG BA'I MTHAR THUG PA YIN BA'I PHYIR, YI GE DANG GZUGS SOGS LA DMIGS PA'I DBANG SHES THAMS CAD CHOS CAN, LOG PA'I DON CAN DU 'GYUR BAR THAL, BLO GZHAN GYIS NI CHOD NA YANG CHOD PA MED PAR SNANG PA CAN YIN PA'I PHYIR, DBANG PO'I SHES PA 'KHRUL PA LAS SNGA PHYI GZHAN DU GYUR PA'I DNGOS PO RNAMS NI GCIG TU SBYOR BAR BYED PA YIN NA, DBANG SHES DE NI CHOS CAN, RJOD PA DANG RJES SU 'BREL BA'I RNAM RTOG CAN YIN PAR THAL, SNGA PHYI THA DAD DU MTSON PA MED PAR GCIG TU 'KHRUL PA CAN GYI DRAN PA YIN PA'I PHYIR, 'DOD NA, DE CHOS CAN, KHYOD LA NI YUL GSAL BAR SNANG BA NYID GAL ZHIG STE MA YIN PAR THAL LO, ,KHYAB STE, DBANG POS BZUNG PA LA DON DAM PAR SGRA SBYOR BA YOD PA MIN NO ZHES BSHAD ZIN PA'I PHYIR RO, ,GNYIS PA LA GSUM, DNGOS, RTZOD PA SPANG, TSUL DES RIGS CAN GZHAN YANG KHEGS PA'O, ,DANG PO NI; GAL TE DBANG BOS CHOD BAR MTHONG NA YANG, RTOGS PAS GCIG TU SBYOR BAR BYED NA, DON DANG DON SNANG BA'I SHES PA DE'I MYONG BA NI CHOS CAN, BAR CHOD PA ZHES BYA BDE GANG LAS YIN TE MA YIN PAR THAL, RGYUN MI 'CHAD PAR SNANG PA DAG LA

, ,RIGS BA DAM PAS GNOD PA MED PA CAN YIN PA'I PHYIR, GNYIS PA NI, GAL TE RTAGS MA GRUB STE, BLO GNYIS CIG CAR MI SKYE BA'I PHYIR TE, BLO SNGA MA RE RES PHYI MA RE RE SKYED PA'I NUS PA NGES PA'I PHYIR ZHE NA, BLO GNYIS CIG CAR MI SKYE BA DE NI GANG LAS 'DOD DRIS PAS, BLO GNYIS CIG CAR MTHONG BA MED PA'I PHYIR ZHE NA, DE NYID 'DI LTAR DPYAD BYA YIN TE, BLO MYONG CHOS CAN, BAR MA CHOD PAR THAL, BAR CHOD PA MTHONG BA MED PA'I PHYIR, BLO GNYIS CIG CAR SKYE BA MED DE, MDO LAS, SEMS GNYIS LHAN CIG TU 'BYUNG PA GANG YIN PA DE NI GNAS MA YIN TE, GO SKABS MED DO, ZHES GSUNGS PA'I PHYIR ZHE NA, DE LTA'I LUNG CHOS CAN, BLO GNYIS CIG CAR MI SKYE BAR BSTAN PA MA YIN PAR THAL, BLO DE RNAMS RIGS MTHUN PHYI MA RE RE BA NYID LA PHAN PA'I NUS PA NGES PAR GYUR PA LA DGONGS PA YIN PA'I PHYIR TE, 'DI LTAR RIGS MTHUN GYI RNAM PAR RTOG PA RNAMS RIM GYIS 'BYUNG PAR YANG DAG PAR RTOGS PA'I PHYIR, GSUM PA NI, DBANG SHES RIGS MTHUN GNYIS CIG CAR MI SKYE BAR BSTAN PA 'DIS NI CHOS CAN, DGOS PA GZHAN YANG YOD DE, RGYAL DPOG PA GANG ZHIG DBANG SHES KYIS MTHONG PA'I DON LA, NGO SHES BYED PA'I RTOG PA DAG GSAL BAR SNANG BAS, MNGON SUM DU RTOG PA DE YANG BSAL BA YIN PA'I PHYIR, SKRA DANG SGANG DANG MAR ME SOGS SNGA PHYI THA DAD DU RTOGS PA DAG LA YANG, GCIG TU NGO SHES PA DE'I 'DRA'I BLO CHOS CAN, MNGON SUM YIN PAR THAL, GSAL SNANG YOD PA'I PHYIR, 'DOD NA,

CI LTAR MNGON SUM YIN PAR 'GYUR TE MI 'GYUR BAR THAL, SNGA PHYI GCIG TU 'KHRUL BA DE'I PHYIR, NGO SHES PA CHOS CAN, KHYOD LAS NI YI GE SOGS GCIG TU NGES PA MED PAR THAL, RTAGS 'DRA, SNGAR GYI DE NYID 'DI ZHES BYA BAR SHES PA DE YANG CHOS CAN, JI LTAR DBANG SKYE YIN TE MA YIN PAR THAL, SNGON PO MYONG BA DRAN PA LAS DE'I CHOS SU SGRO 'DOGS PA MED PAR KHYOD SKYE BA MED PA'I PHYIR, GNYIS PA BLO MYONG CIG CAR SKYE BA DGAG PA NI, DON SNANG GI SHES PA DE DUS MNYAM PA'I SHES PA RDZAS GZHAN GYI MYONG NGO ZHE NA, DE MI 'THAD PAR THAL, DON DANG SHES PA'I MYONG BA DAG CIG CAR 'BYUNG BAR 'DOD PA MIN ZHING, DON DANG SHES PA'I SNANG BA DAG SO SOR RTOGS PA YANG YOD PA MA YIN PA'I PHYIR, MA KHYAB STE, RDZAS THA DAD KYANG BLO RNAM PA GCIG PA CAN GYIS BZUNG BA YIN NO ZHE NA, DON DU SNANG BA'I RNAM SHES DANG PHYI ROL GYI NI DON 'BA' ZHIG CHOS CAN, BLO RNAM PA GCIG GI GZUNG DON DU BYAS PA MIN TE, DE YIN NA KHYOD THA DAD MED PAR THAL BA'I PHYIR RO, DON DANG DON SHES GANG YIN PA DE DAG CHOS CAN, PHYI NAS JI LTAR SO SOR DRAN TE MI DRAN PAR THAL, LEGS PAR RTOGS PA'I KHYAD PAR GYIS MYONG BA LEGS PAR RTOGS PA MED PA'I PHYIR, SHES BYA CHOS CAN, DON DANG DON GYI YID DAG GI MYONG BA RIM BZHIN SKYE BA LA'ANG SNANG BA SNA TSOGS PAR THAL BA NYID KYI BRTZAD PA'I SKYON D'I GDON PAR DKA' STE, D'I LTAR SNGON PO LA SOGS PA'I RNAM PA GCIG NYID DAM, MYONG BA GCIG NYID RTOGS KYI, SNGON POR SNANG BA NI MYONG BA LA MYONG BA RDZAS GZHAN YOD PA MA YIN PA'I PHYI

, ,PA SHES PA YUL LA 'PHO BA MED BAR THAL BA LA GNYIS, BSTAN, BSHAD DO, ,DANG PO NI, SHES PA SNGA MA DE SHES PA GZHAN GYIS RJES SU MYONG BAR 'GYUR BA DE LA'ANG DRAN BA MTHONG BAS, DE NI GANG GIS MYONG BA YIN DRIS PAS, GAL TE SHES PA PHYI MA DE YANG, SHES PA GZHAN GYIS MYONG NGO ZHE NA, SHES PA PHYI MAS SNGA MA RIG PA'I PHRENG PA RJES SU 'BREL BA CAN GYI SHES PA PHYI MA 'DI SKYED BYED DE NI GANG ZHIG YIN DRIS PAS, GAL TE SNGA BLO DE NYID YIN NA, SHES PA PHYI MA CHOS CAN, YUL GZHAN LA NI 'BO BAR MI 'GYUR BAR THAL, RANG GI NYER LEN GZUNG DON DU BYAS NAS MYONG BA'I PHYIR, GNYIS PA LA GSUM, SHES PA PHYI MAS DON RKYANG PA 'DZIN PA DGAG, DON SHES GNYIS KA 'DZIN PA DGAG, MYONG BYED MED KYANG YUL LA 'PHO BA DGAG PA'O, ,DANG PO LA GNYIS, THAL BA DGOD, SKYON SPONG DGAG PA'O, ,DANG PO NI, SHES PA PHYI MA CHOS CAN, SKYED BYED KYI BLO DE DAG MI 'DZIN PAR NI, JI LTAR YUL GZHAN NI 'DZIN PAR 'GYUR TE MI 'GYUR BAR THAL, BLO SNGA MA DE GZUNG PA'I MTSAN NYID KYIR GYUR PA'I SGO NAS NYE BA YIN PA'I PHYIR, DON NYE BAS BLO SNGA MA 'DZIN PA LA GEGS BYED DO ZHE NA, CHOS CAN, BDAG LA DMIGS PA'I SHES PA SKYED PA'I RANG BZHIN DU NGES PA'I NANG GI YIN LAG NI, DE DAG LAS GZHAN PHYI YI NI YAN LAG GANG GIS GEGS BYED PAR 'GYUR TE MI 'GYUR BAR THAL, PHYI ROL DON NI NYE BAS KYANG BLO PHYI MAS SNGA MA 'DZIN PA DE LA, GEGS BYED NUS PA MA YIN PA'I PHYIR, DE LAS GZHAN DU NUS NA, PHUNG PO

LNGA PA CAN GYI SKYES BU CHOS CAN, YUL NI NYE BA NA 'GAS KYANG BLO MYONG BAR MI 'GYUR BAR THAL, DON DE NYE BA MIN PA'I GNAS SKABS 'GA' YANG YONG PA MIN PA'I PHYIR, 'DOD PA DES NA, BLO'I DRAN PA YANG MED PAR THAL, RTZA BA MYONG BA NI MED PA'I PHYIR, MA KHYAB NA, RGYU MED PAR 'BRAS BU 'DONG PA AA RE MDZES SO, ,'DAS SOGS 'DZIN PA'I RNAM RTOG GANG DAG CHOS CAN, DON LA SPYOD PA MI SRID PAR 'GYUR BAR THAL, DON LA 'PHO BA'I RGYU NI MED PA'I PHYIR TE, GZUNG DON NYE BA NI YOD PA MIN PA'I PHYIR, GNYIS PA LA GNYIS, SHES PA'I NUS PA ZANG PAS 'PHO BA DGAG, SKYED BYED YIN YANG GZUNG DON MIN PAS 'PHO BA DGAG PA'O, ,DANG PO LA, DNGOS DANG, RTZOD SPANG NGO, ,DANG PO NI, GAL TE SHES PA SNGA MAS BDAG LA DMIGS PA'I SHES PA SKYED PA'I NUS PA RIM GYIS ZAD PA NA, YUL GZHAN LA NI 'PHO BAR 'GYUR RO ZHE NA, DON LA 'PHO BA'I BLO DE NYID LA RGYU GANG LAS YONG BA YIN TE MA YIN PAR THAL, SNGAR GYI BLO NI NUS PA ZAD PA'I PHYIR, 'DOD NA, DON LA 'PHO BAR MI 'GYUR, PAR THAL LO, ,RTZA BAR KHYAB STE, BLO SNGON MA MENG PAR BLO PHYI MA SKYE BA MA YIN PA'I PHYIR TE, DON GZHAN GZUGS LA CHAGS PAS SGRA 'DZIN NYAN SHES SKYE BA'I NUS PA NYAMS PA NA, SGRA 'DZIN NYAN SHES SKYE BA MA RTOGS PA'I PHYIR, GAL TE KUN GZHI 'JUG SHES KYI NYER LEN YIN NA, YID GZUGS LA CHAGS PA'I TSE SGRA 'DZIN NYAN SHES SKYE BAR 'GYUR RO ZHE NA, KUN GZHI LAS RNAM SHES RIGS MI MTHUN CIG CAR SKYE YANG, YID GZUGS LA LHAG PAR CHAGS PA'I SKYES BU CHOS CAN, KUN GZHI

, ,LAS GZHAN SGRA 'DZIN NYAN SHES 'BYUNG BA MIN PAR THAL, YID GZUGS LA LHAG PAR CHAGS PA'I SHIN TU GSAL BA'I SEMS GCIG GIS, SGRA 'DZIN NYAN SHES SKYE BA'I NUS PA NYAMS PAR BYAS PA'I PHYIR, YID YUL LA 'JUG PA NI MTSUNGS PA LA, YID GZHIN PHYI MA LTOS PAR MI 'GYUR BAR THAL, BLO SNGA MA LAS PHYI MA SKYE BA DE LTA MIN PA'I PHYIR, SHES BYA CHOS CAN, BLO PHYI MA SNGA MA LA LTOS PAR RAB TU GRUB PA YIN TE, YID SHES RIM BZHIN SKYE BAS SO, ,GNYIS PA NI, YID GCIG YIN PA'I PHYIR GZHAN GZUGS LA NI CHAGS PAS, GZHAN RNA BA'I DBANG PO LA MI 'GRO BA'I PHYIR, SGRA 'DZIN NYAN SHES GZHAN MI SKYE'O ZHE NA, SHES BYA CHOS CAN, YID GCIG YIN PA'I RGYU MTSAN GYIS GZUGS 'DZIN PA'I TSE, SGRA 'DZIN NYAN SHES MI SKYE BA MIN PAR THAL, LA LAR 'JUG SHES DRUG PO CIG CAR 'BYUNG BA'I PHYIR RO, ,YID YUL LA CHA MNYAM DU 'JUG BA MTSUNGS PA THAMS CAD KYI TSE CHOS CAN, GZHAN SGRA RTOGS PAR MI 'GYUR BAR THAL, YID GZUGS PA 'JUG PAR MTSUNGS PA'I PHYIR, BLO DE BDAG YID LDAN PA TZAM LAS NI SKYE NA YANG, BLO CHOS CAN, CIG CAR SKYE BAR 'GYUR BAR THAL LO, ,GAL TE RGYU GCIG LAS BYA BA GCIG KHO NA SKYE'O ZHE NA, JI LTAR MAR ME GCIG SKYES BU DU MAS MTHONG PA MI SRID PAR THAL LO, ,YID CHOS CAN, RNAM SHES DU MA RIM GYIS KYANG SKYED PA'I NUS MED DU 'GYUR TE, CIG CAR MI SKYED PA GANG ZHIG, PHYIS KYANG SNGA PHYI BYE BRAG MED PA'I PHYIR RO, ,BSHAD MA THAG PA'I RIGS PA 'DIS NI CHOS CAN, DGOS PA YOD DE, RGYANG 'PHEN GYIS LUD DANG BYE

BRAG BAS SKYES BU RTAG PA RGYUR BA DOD BA LA'ANG GNOD BYED BSHAD PA YIN PA'I PHYIR, GAL TE BDAG GI YON TAN 'DU BYED LAS BLO PHYI MA SKYE BAR NGES SO ZHE NA, BDAG GI YON TAN 'DU BYED DE PHYIS GANG LAS SKYE DRIS PA, BLO SNGA MA NYID LAS SKYE'O ZHE NA DE LTA YIN MOD, BLO SNGA MA LAS PHYI MA SKYE BA'I 'DOD PA NYID GRUB PAR THAL, BLO SNGA MA LAS BDAG GI YON TAN 'DU BYED DANG, DE LAS BLO PHYI MA SKYE BA'I PHYIR, GNYIS PA SKYED BYED YIN YANG GZUNG DON MIN PAS 'PHO BA DGAG PA LA GSUM, DGAG PA DNGOS, GZHAN LAN DGAG, NUS PA RDZAS GZHAN DGAG PA'O, ,DANG PO NI, BLO SNGA MA DE PHYI MA'I SKYED BYED YIN YANG GZUNG DON MIN PAS, BLO PHYI MA YUL LA 'PHO'I ZHE NA, SHES BYA CHOS CAN, GZUNG DON LA GZUNG DON NYID KYI SGO NAS, SKYED BYED LAS GZHAN YOD PA MIN PAR THAL, SHES PA RANG 'DRA'I RNAM LDAN DU SKYED BYED NYID GZUNG DON GYI MTSAN NYID YIN PA'I PHYIR, DPER NA, SNANG BA LA GZUNG DON MA YIN PA'I SKYED BYED GZHAN MED PA BZHIN NO, ,SNANG BA CHA PHRA BAR SONG BA'I SGO NAS GZUNG DON MI BYED PA BZHIN DU, BLO SNGA MA'ANG PHYI MA'I GZUNG DON MI BYED PA SRID DO ZHE NA, BLO SNGA MA'ANG CHOS CAN, CHA PHRA BA SOGS SU SONG BA MED PAR THAL, PHYOGS KYI CHA MED YIN PA'I PHYIR, GNYIS PA NI, BLO SNGA MAS PHYI MA'I GZUNG BA'I NUS PA NYAMS PAR 'GYUR GYI, SKYED BYED KYI BDAG NYID GZHAN NYAMS PA MIN PAS, BLO PHYI MA YUL LA 'PHO'O ZHE NA, SHES BYA CHOS CAN, GZUNG BA'I MTSAN NYID CAN LA NI, GZUNG DON LAS SKYED BYED GZHAN MED DE, GZUGS SOGS GZUNG DON DE LTA MIN PAR NI,,

, ,DBANG BLO LA DNGOS SU PHAN 'DOGS PA MED PA'I PHYIR TE, GZUGS DE LA GZUNG BA'I MTSAN NYID LAS GZHAN BA'I DBANG SHES 'DI'I RGYU'I DNGOS POR NGES PA CI YOD DE MED PA'I PHYIR, BLO SNGA MA DE YANG CHOS CAN, BLO PHYI MA'I GZUNG DON DE NYID DU RNAM BAR GNAS PAR THAL, KHYOD LA'ANG BLO PHYI MA RANG 'DRA'I RNAM LDAN DU SKYED PA DE YOD PA DE'I PHYIR, CHOS CAN, CHOS 'DRA, BLO PHYI MA'I NYER LEN DANG MYONG BYA YIN PA'I PHYIR, KHYAB STE, RANG 'DZIN PA YI NI NYER LEN DANG MYONG BA DE SEMS KYI GZUNG DON GYI MTSAN NYID YIN PA'I PHYIR, 'O NA GZHAN SEMS CHOS CAN, RNAL 'BYOR MNGON SUM GYI GZUNG DON MA YIN PAR THAL, DE'I NYER LEN MA YIN PA'I PHYIR ZHE NA, GZUGS SOGS CHA PHRA BAS GZUNG DON MA YIN PA DANG NI, GZHAN GYI SEMS NYER LEN MA YIN PAS, GZUNG DON MIN ZHES DE LTAR GZUNG BA'I MTSAN NYID DPYOD PA 'DI CHOS CAN, MA DAG BLO CAN GYI DBANG DU BYAS PA YIN TE, SO SKYE'I DBANG DU BYAS PA'I PHYIR, RNAL 'BYOR PA 'PHAGS PAS YUL RTOGS PA'I TSUL CHOS CAN, KHYOD JI LTA BA BZHIN DU SO SKYES BSAM GYIS MI KHYAB STE, ,KHYOD JI LTA BA BZHIN DU RTOG GE'I BLOS BSAM GYIS MI KHYAB PA'I PHYIR, BLO PHYI MAS RANG GI BLO SNGA MA 'DZIN PAR 'GYUR NA, BLO PHYI MA CHOS CAN, DON GZHAN RTOGS PAR MI 'GYUR BAR THAL, DE MA THAG PA'I RGYU'I SEMS GANG YIN PA DE NYID GZUNG DON DU 'DZIN PAR 'GYUR BA DES NA'O, ,KHYAB STE, GZUGS DE LA CHA PHRA BA LA SOGS PA'I NGO BO YIS, SNGAR BZUNG BA PHYIS GZUNG DON MIN PA NYID DU 'GYUR NA, GZUGS SOGS 'DZIN

PA'I BLO LA SNGAR MED PA'I CHA PHRA BA GANG, PHYIS SKYES PA NI CI ZHIG YOD DE MED BA DE'I PHYIR, GSUM PA NI, BLO SNGA MA PHYI MA'I NYER LEN YIN YANG GZUNG DON YIN MI DGOS TE, NYER LEN DANG GZUNG DON GYI NUS PA RDZAS THA DAD BA'I PHYIR ZHE NA, SHES BYA CHOS CAN, NUS PA RDZAS GCIG DANG THA DAD LAS 'BRAS BU GCIG DANG DU MA SKYE DGOS PA MIN TE, NUS PA RDZAS GCIG DANG DU MA MED KYANG DNGOS PO RNAMS NGO BO NYID KYIS 'BRAS BU GCIG DANG DU MA BYED CES BRJOD PA'I PHYIR, GAL TE RGYU GCIG LAS 'BRAS BU DU MA 'BYUNG BA MIN GYI, 'BRAS BU GCIG KHO NA 'BYUNG NGO ZHE NA, SHES BYA CHOS CAN, 'GA' ZHIG TU RGYU GCIG LAS 'BRAS BU GCIG KHO NA 'BYUNG BA MA YIN PAR THAL, 'BRAS BU RNAMS RGYU RKYEN TSOGS PA DAG LAS BYUNG BA'I PHYIR, RGYU GCIG LA NUS PA RDZAS THA DANG PA DU MA MED NA, DE BZHIN GCIG KYANG DU MA BYED CES GSUNGS PA DANG 'GAL LO ZHE NA, MI 'GAL TE, RGYU GCIG KYANG NI RGYU RKYEN TSOGS PA GNYIS KYI NANG DU CHUD PAR 'GYUR BA'I RGYU MTSAN GYIS 'BRAS BU DU MA BYED CES BRJOD PA'I PHYIR, DPER NA, GZUGS KYIS RANG GI RIGS 'DRA DANG GZUGS 'DZIN DBANG SHES GNYIS KA SKYED PA BZHIN NO, ,GNYIS BA DON SHES GNYIS KA 'DZIN PA DGAG PA NI, GAL TE BLO GZHAN PHYI MAS DON DANG RNAM SHES SNGA MA GNYIS KA 'DZIN PAR 'GYUR BAS, BLO PHYI MA YUL LA 'PHO'O ZHE NA, RTAG TU RIM GYIS MTHONG BA'I AA AI GNYIS LAS AI'I DON GCIG LA DPYOD PA'I BLO CHOS CAN, RJOD PA AA AI GNYIS RIM MIN CIG CAR NYID DU 'DZIN PAR 'GYUR PAR THAL, SNGA MA AA 'DZIN PA'I NYAN SHES DANG PHYI MA AI GNYIS KA GZUNG DON DU SNANG BA CAN NYID

, ,YIN PA'I PHYIR, AA GCIG KYANG CHOS CAN, MNGON SUM LA GNYIS GNYIS SNANG BAR 'GYUR BAR THAL, BDAG RIG PA DANG RNAM SHES DE RIG PA'I MNGON SUM GNYIS KA LA GZUNG DON DU SNANG BA'I PHYIR, GSUM PA MYONG BYED MED KYANG YUL LA 'PHO BA DGAG PA NI, GAL TE YUL GZHAN LA 'PHO BA NA, BLO THA MA NYAMS SU MYONG BA MIN PAS, THUG MED DANG YUL LA MI 'PHO BA'I SKYON GNYIS KA MED DO ZHE NA, LHAS BYIN CHOS CAN, BLO THAMS CAD MYONG BYED MED BAR 'GYUR BAR THAL, BLO THA MA MYONG BYED MED PA'I PHYIR, DPER NA, GZHAN GYIS NYAMS SU MYONG BA RANG GIS MA MYONG BA BZHIN NO, ,GAL TE DPE DON MI MTSUNGS TE, BDAG GIS MYONG BA MNGON SUM GYIS GRUB PA YIN LA, GZHAN GYIS MYONG BAR 'GYUR BA MNGON SUM GYIS GRUB PA MA YIN NO ZHE NA, GANG GIS MYONG BA'I DBYE BA DE SKAD RJOD PAR 'GYUR BA MI RIGS PAR THAL, BDAG GIS MYONG BA DE TSAD MA GANG LAS GRUB STE MA GRUB PA'I PHYIR 'ON MIG GI DBANG PO GSAL ZHES RJOD PA CI YIN ZHE NA, MIG DBANG CHOS CAN, RANG GSAL BAR MA GRUB PAR 'GYUR GYI, GSAL ZHES BRJOD DU RUNG STE, GSAL BA DBANG SHES KYI RGYU YIN PA'I PHYIR, GSAL BAR 'DOD PA'I DBANG SHES CHOS CAN, RANG MI GSAL BZHIN DU GSAL BA MIN TE, GAL TE RANG GSAL BAR MA GRUB KYANG, GSAL NA 'GRO BA 'DI KUN GSAL BAR 'GYUR BA'I PHYIR, TSAD MA RNAM 'GREL LAS MNGON SUM GYI LE'U STE GSUM PA'I BSHAD PA'O,, ,,MANGGA LAm,,

[BLANK PAGE]