An Explanation of the Chapter on Establishing that the Buddha is a Being of Total Accuracy, from the Wo

, ,TSAD MA RNAM 'GREL LEGS BAR BSHAD PA ZHES BYA BA THAMS CAD MKHYEN BA DGE 'DUN GRUB KYIS MDZAD PA LAS TSAD MA GRUB PA'I LE'U'I RNAM BSHAD BZHUGS SO, ,

[DD] * KUN MKHYEN GNYIS PA CONG KHA PA,, #, ,GNYIS PA THAR LAM GSAL BYED TSAD MA GRUB PA STON PA LA, TSAD MA'I MTSAN NYID KYI BSTAN BCOS 'CHAD PA'I RGYU RANG DON RJES DPAG DANG POR BSHAD NAS SKABS SU BAB PA, TSAD MAR GYUR PA 'GRO LA PHAN BZHED PA, ,STON PA BDE GSHEGS SKYOB LA PHYAG 'TSAL TE, ,ZHES PA'I DON 'CHAD PA LA GSUM , TSAD MAR GYUR PA BSHAD, DE'I SGRUB BYED RGYAS PAR BSHAD, TSAD MAS BSTOD PA'I DGOS PA BSHAD PA'O, ,DANG PO LA GNYIS, TSAD MA BSHAD, GYUR BA, SMOS BA'I DGOS PA'O, ,DANG PO LA GNYIS ,MTSON BYED TSAD MA DANG, DES MTSON BA'I TSAD MA'O, ,DANG PO LA GNYIS, MI SLU BA'I SHES PA TSAD MAR BSTAN, [DD] RIGS PAR SMRA BRGYAL TSAB RJE,,

, ,MA SHES DON GSAL TSAD MAR BSTAN PA'O, ,DANG PO LA GSUM, DNGOS, RTZOD PA SPANG, MI SLU BA'I DES BYED BSTAN PA'O, ,DANG PO NI, GAL TE BCOM LDAN 'DAS LA TSAD MAR GYUR PA ZHES BRJOD NA; TSAD MA SPYI'I MTSAN NYID GANG, CI'I PHYIR BCOM LDAN 'DAS TSAD MA YIN ZHE NA, SNGO SNANG DBANG SHES CHOS CAN, TSAD MA YIN TE, GSAR DU SLU BA MED PA CAN GYI SHES PA YIN PA'I PHYIR, GNYIS PA LA GSUM, MA KHYAB PA SPANG, KHYAB CHES PA SPANG, SHES PA SMOS PA'I DGOS PA'O, ,DANG PO NI, GAL TE MI SLU BA'I SHES PA TSAD MA'I MTSAN NYID YIN NA, RJES DPAG LAS KHYAB PAR 'GYUR TE, RJES DPAG GIS RANG MTSAN GZUNG YUL DU MI BYED PA'I PHYIR ZHE NA, DU LDAN LA LA ME YONG PAR RTOGS PA'I RJES DPAG CHOS CAN, MI SLU BA YIN TE, BTZO SREG GI DON BYED NUS PAR GNAS PA NI RTOGS PA'I BLO YIN PA'I PHYIR,, GAL TE MI SLU BA'I SHES PA TSAD MA'I MTSAN NYID DU MI RIGS TE, SGRA BYUNG TSAD MA LAM KHYAB PA'I PHYIR ZHE NA, SGRA LAS BYUNG BA'I TSAD MA YANG CHOS CAN, MI SLU BA YIN TE, MNGON PAR 'DOD PA'I 'JUG YUL STON PA'I PHYIR RO, ,DE'I RGYU MTSAN, BUM PA ZHES PA'I SGRA NI CHOS CAN,

RANG SMRA BA PO'I RGYUD LA BYED PA'I YUL DON BUM PA GANG GI RNAM PA BLO LA RAB TU GSAL BAR SGRUB PA DE LA TSAD MA NYID YIN TE, DE SGRUB KYI TSUL GSUM YIN PA'I PHYIR, DE NYID CHOS CAN, GZHI 'GA' ZHIG TU BUM PA YOD PAR SGRUB PA'I 'BRAS RTAGS YANG DAG MA YIN TE, BUM PA'I DON GYI RGYU CAN MIN PA'I PHYIR, GNYIS PA NI, MI SLU BA'I SHES PA TSANG MA'I MTSAN NYID YIN NA, BCAD SHES KYANG TSAD MAR 'GYUR RO ZHE NA, KUN RDZOB PA'I BLO BCAD SHES NI CHOS CAN ,GSAR DU MI SLU BA'I SHES PAR MI 'DOD DE, RANG GI NYER LAN TSAD MA SNGA MAS BZUNG BA 'DZIN PA'I DRAN BLO YIN PA'I PHYIR, GSUM PA NI, DBANG PO GZUGS CAN PA'ANG TSAD MA MA YIN NAM, CI'I PHYIR MI SLU BA'I SHES PA NYID TSAD MA YIN ZHE NA, SHES BYA CHOS CAN, GSAR DU MI SLU BA'I BLO NI TSAD MA NYID YIN TE, BLANG BYA DANG NGOR BYA'I DNGOS PO'I RJES SU 'JUG LDOG BYED PA LA, GSAR DU MI SLU BA'I SHES PA DE GTZO BO YIN PA'I PHYIR DANG, DON GYI RNAM PA SHAR BA DE YOD NA DON RTOGS PA 'DI YOD PA'I PHYIR TE, YUL GYI RNAM PA CAN GYI BLO NI THA DAD PAS, BLO YIS DON RTOGS PA THA DAD DU 'JOG PA'I PHYIR, GSUM PA NI; MI SLU BA'I SHES PA TSAD MA'I MTSAN NYID YIN NA, MI SLU BA RANG NGAM GZHAN LAS NGES ZHE NA, SNGO 'DZIN DBANG MNGON CHOS CAN, MI SLU BA RANG NGAM GZHAN KHO NA LAS NGES PAS MA KHYAB STE, RANG RIG MNGON SUM LAS RANG GI NGO BO RTOGS LA, PHYIS 'BYUNG BA'I THA SNYAD PA'I TSAD MA LAS NI SNGON PO LA TSAD MA NYID YIN PA RTOGS DGOS PA'I PHYIR, MI SLU BA RANG NGAM GZHAN LAS NGES NA, TSAD MA'I MTSAN NYID STON PA'I BSTAN BCOS DON MED DU 'GYUR RO ZHE NA, TSAD MA'I MTSAN NYID STON PA'I BSTAN BCOS CHOS CAN, DGOS PA YOD DE, TSAD

, ,MA'I MTSAN NYID LA RMONGS PA ZLOG BYED YIN PA'I PHYIR, GNYIS PA NI, MI SLU BA'I SHES PA TZAM GYIS TSAD MA'I MTSAN NYID YONGS SU RDZOGS PA YIN NAM ZHE NA, MA YIN TE, SNGAR MA SHES PA'I DON GYI GSAL BYED KYANG TSANG MA'I MTSAN NYID KYI ZUR DU DGOS PA'I PHYIR; SNGON PO RANG GI NGO BO RTOGS PA'I 'OG TU SNGON PO'I SPYI 'DZIN PA'I RNAM PAR SHES PA CHOS CAN, SNGON PO LA TSAD MA YIN PA THOB PAR THAL, SNGON PO'I SPYI GSAR DU SHES PA'I PHYIR ZHEN, DE LA MA KHYAB PAR THAL, SNGON PO LA TSAD MA YIN NA SNGON PO RANG GI MTSAN NYID SNGAR MI SHES PA GSAR DU SHES PA GANG YIN PA ZHIG DGOS SO ZHES DGONGS PA'I PHYIR TE, SNGON PO LA TSAD MA YIN NA, SNGON PO RANG GI MTSAN NYID LA DPYAD NAS 'JUG PA YIN PA'I PHYIR, GNYIS PA NI, BCOM LDAN 'DAS CHOS CAN, TSAD MA NYID YIN TE, GDUL BYA MNGON MTHO DANG NGES LEGS LA MI SLU BAR MDZAD CING, BDEN BZHI'I GNAS LUGS GSAR DU SHES BA DE DANG LDAN PA'I PHYIR, GNYIS PA LA GNYIS, DNGOS DANG; RTZOD PA SPANG BA'O, ,DANG PO NI, 'O NA TSAD MA ZHES SMOS PAS CHOG MOD ,CI'I PHYIR GYUR PA ZHES SMOS ZHE NA, TSAD MAR GYUR PA NYID CES GSUNGS PA CHOS CAN, DGOS PA YOD DE, MA SKYES PA RANG BYUNG GI TSAD MA NI BZLOG PA'I DON DU BYAS PA DE'I PHYIR DANG, BCOM LDAN 'DAS DE SGRUB BYED PHUN SUM TSOGS PA LA LTOS NAS TSAD MA'I SKYES BU YIN PAR RIGS SO ZHES RTOGS PA'I CHED YIN PA'I PHYIR, GNYIS PA LA GNYIS, RNAM BCAD KYI DGOS PA LA RTZOD PA SPANG, YONGS GCOD KYI DGOS PA LA RTZOD PA SPANG BA'O, ,DANG PO LA GNYIS, RANG BYUNG TSAD MA YIN PA DGAG ,RANG BYUNG YOD PA'I SGRUB BYED DGAG PA'O, ,DANG PO NI, MA SKYES PA NI BZLOG DON DU, ,ZHES PA MI 'THAD

DE, DBANG PHYUG DE RTAG PA RANG BYUNG GI TSAD MA YIN PA'I PHYIR ZHE NA, SHES BYA CHOS CAN, TSAD MA RTAG PA NYID YOD PA MIN PAR THAL, DNGOS POR YONG PA RTOGS PA'I BLO DE TSAD MA YIN PA'I PHYIR, KHYAB STE, SHES BYA MI RTAG PA NYID KYIS, TSAD MA DE NI MI BRTAN PA NYID KYI PHYIR RO, ,DBANG PHYUG GI SHES PA MI RTAG KYANG DBANG PHYUG RTAG GO ZHE NA, DBANG PHYUG GI SHES PA SNGA PHYI DAG NI CHOS CAN, RTAG PA LAS SKYE BA MI 'THAD PAR THAL, RIM BZHIN SKYE BA CAN YIN PA'I PHYIR, KHYAB STE, RTAG PA LA RKYEN GYI RNAM PA 'GAS PHAN GDAGS PAR BYA BA MIN PA'I PHYIR TE, RTAG PA RKYEN LA LTOS PA MI RUNG BA'I PHYIR, MI RTAG PA RANG BYUNG GI TSAD MA YONG NGO ZHE NA YANG, MI RTAG PA RANG BYUNG GI TSAD MA MED PAR THAL, DE'I SGRUB BYED TSAD MA MED PA NYID YIN PA'I PHYIR, GNYIS PA LA GNYIS, 'DOD PA BRJOD, DE DGAG PA'O, ,DANG PO NI, 'JIG RTEN GYI GNAS LUS LONGS SPYOD CHOS CAN, SKYES BUS BLO SNGON DU BTANG NAS BYAS PA YIN TE, SDOD CING 'JUG PA'I PHYIR, STE'U BZHIN, DBYIBS KYI KHYAD PAR DANG LDAN PA'I PHYIR, GZHAL YAS KHANG BZHIN, DON BYED NUS PA LA SOGS PA DAG YIN PA'I PHYIR, DGRA STA BZHIN, DE YANG DBANG PHYUG LAS GZHAN GYIS BYED PAR MI NUS PAS, DBANG PHYUG GIS BYAS PAR GRUB BO ZHE NA, GNYIS PA LA GSUM, BSGRUB BYA DGAG ,SGRUB BYED DGAG ,DBANG PHYUG KUN GYI RGYU YIN PA DGAG PA'O, ,DANG PO NI, 'JIG RTEN GYI GNAS LUS SOGS SKYES BUS BYAS PAR SGRUB NA, SBYIR SKYES BU'I BLO SNGON SONG TZAM SGRUB BAM, SKYES BU RTAG PAS BYAS PAR SGRUB, DANG PO LTAR NA, CHOS CAN, SANGS RGYAS PA'I NGOR BLO SNGON SONG TZAM DU BSGRUB MI DGOS PAR THAL, SANGS RGYAS PAS BLO SNGON SONG TZAM DU 'DOD PA GRUB ZIN PA'I PHYIR, GNYIS PA LTA RNA, CHOS CAN, SKYES BU RTAG PAS BYAS PAR

, ,BSGRUB MI NUS PAR THAL, DE SGRUB KYI MTHUN DPE MA GRUB PA'I PHYIR, YANG NA DON BYED NUS PA CHOS CAN, 'JIG RTEN GYI GNAS LUS SOd SKYES BU BLO SNGON DU BTANG NAS BYAS PAR SGRUB PA'I RTAGS YANG DAG MA YIN PAR THAL, DE SGRUB KYI KHYAB PA LA THE TSOM ZA BA YIN PA'I PHYIR GNYIS PA LA GSUM, DNGOS, TSUL DES RIGS CAN GZHAN YANG KHEd PA, DES GRUB PA'I DON NO, ,DANG PO LA GNYIS, DBYIBS KYI DON RTAd SU MI RUNG, ,DBYIBS KYI SGRA RTAd SU MI RUNG BA'O, ,DANG PO NI, GAL TE DBYIBS TE SGRUB KYI RTAd SU 'GOD NA, DBYIBS KYI KHYAD PAR RTAd SU 'GOD DAM, DBYIBS TZAM RTAd SU 'GOD, DANG PO LTAR NA, RANG BYIN GYIS RLOB PA PO YOD MED KYI RJE SU 'JUG PA CAN GYI DBYIBS SOd CI 'DRA RAB TU GRUB PA DE CHOS CAN, KHYED LA KHANG BZANG GI DBYIBS SKYES BUS BYAS PAR RJES SU DPOG PA GANG YIN PA DE NI RIGS PA NYID YIN TE, DE SGRUB KYI TSUL GSUM YIN PA'I PHYIR, CHOS CAN, KHYOD RI'I DBYIBS SKYES BUS BYAS PAR SGRUB PA'I RTAd YANG DAG MA YIN TE, DE SGRUB KYI PHYOd CHOS CAN MA GRUB PA'I PHYIR, GNYIS PA LTAR NA, SHES BYA CHOS CAN, RId LAS THA DAD PA'I DNGOS PO LA RAB TU GRUB PA'I DBYIBS DANG, DBYIBS ZHES PA'I SGRA 'JUG PAR MTSUNGS PAS DBYIBS TZAM DU THA DAD MED PA'I PHYIR ZHES PA'I RTAd LAS, RI'I DBYIBS SKYES BUS BYAS PAR RJES DPOG RId PA MA YIN TE, DE SGRUB KYI KHYAB PA MA NGES PA'I PHYIR, DPER NA, SKYE BO'I RDZAS LAS ME YOD PAR DPOG PA BZHIN NO, ,KHYAB PA MA NGES PA DE LTA MIN NA, GROG MKHAR YANG CHOS CAN, RDZAS MKHAN DES BYAS PAR GRUB PAR 'GYUR BAR THAL, RDZAS MKHAN GYIS BYAS PA'I BUM PA LA SOd PA DANG, 'JIM PA'I RNAM 'GYUR 'GA' ZHIG BYED PAR 'DRA BA'I PHYIR, GAL TE DBYIBS RTAGS SU BKOD PA LA DBYIBS

KYI KHYAD PAR LA BRTAGS NAS SUN 'BYIN PA 'DI, 'BRAS MTSUNGS KYI LHAG CHOS YIN NO ZHE NA, ,'BRAS BU'I SPYI BYAS PAS KYANG CHOS CAN ,SGRA MI RTAG PAR SGRUB PAR BYED PA'I RTAGS YANG DAG YIN TE, DE SGRUB KYI PHYOGS CHOS GANG ZHIG ,BSGRUB BYA'I CHOS KYI RJES 'GRO'I KHYAB PA RNAL MAR NGES PA'I PHYIR, DE LTAR YIN PA LA, SGRA'I BYAS PA BUM PA LA MA GRUB, BUM PA'I BYAS PA SGRA LA MA GRUB PAS, BYAS PA SGRA MI RTAG PAR SGRUB PA'I RTAd YANG DAG MA YIN NO ZHES 'BREL BA CAN SGRA BUM NI THA DAD PAS THA DAD DU BRTAGS NAS SKYON RJOD PA'I SUN 'BYIN CHOS CAN, 'BRAS MTSUNGS KYI LHAG CHOD DU 'DOD DE BSGRUB BYA SGRUB NUS KYI SPYI RTAGS SU BKOD PA LA KHYAD PAR LA BRTAGS NAS SUN 'BYIN PA'I SUN 'BYIN LTAR SNANG YIN PA'I PHYIR DBYIBS KHYAD PAR CAN PHYOGS CHOS MA GRUB ,DBYIBS TZAM KHYAB PA MA NGES PAS ,DBYIBS DE SGRUB KYI RTAd YANG DAG MA YIN NO ZHES SUN 'BYIN PA'I SUN 'BYIN CHOS CAN, 'BRAS MTSUNGS KYI LHAG CHOD MA YIN TE, BSGRUB BYA SGRUB NUS KYI SPYI RTAGS SU BKOD PA LA KHYAD PAR LA BRTAGS NAS SUN 'BYIN PA'I SUN 'BYIN LTAR SNANG MA YIN PA'I PHYIR, GNYIS PA NI, DBYIBS LDAN GYI RIGS KYI KHYAD PAR LA GRUB PA DANG, DBYIBS ZHES PA'I SGRA'I SPYI NI 'JUG PAR MTSUNGS PAR MTHONG BA LAS, RI'I DBYIBS SKYES BUS BYAS PAR SGRUB PAR BYED PA MI RIGS TE, DE SGRUB KYI KHYAB PA 'KHRUL PA'I PHYIR, DPER NA, NGAG LA SOGS PA CHOS CAN, RVA CAN YIN TE, GOO NYID KYI SGRA 'JUG PA'I PHYIR ZHES PA BZHIN NO, RTAGS MA GRUB NA, SHES BYA CHOS CAN, ,SKYES BU THAMS CAD KYI NI DON THAMS CAD 'BAD MED DU GRUB PAR THAL, SGRA DE YOD PAS NI DON YOD PAR GRUB PA'I PHYIR, KHYAB STE, SGRA RNAMS GANG NA'ANG 'JUG RUNG DU MED PA MA YIN PA'I PHYIR, SGRA RNAMS BRJOD PAR 'DOD PA'I GZHAN DBANG GIS 'JUG PA'I PHYIR,

, ,GNYIS PA NI, DBYIBS RTAGS YANG DAG MA YIN PAR BSTAN PA'I RIGS PA 'DIS NI DPYAD PA YIN NO, ,GANG LA DPYAD NA, SER SKYA PA LA SOGS KYI BLO BDE CHOS CAN, SEMS MED YIN TE, MI RTAG PA DANG, SOGS PA SKYE BA CAN YIN PA'I PHYIR DANG, GCER BU PAS SHING CHOS CAN; SEMS LDAN YIN TE, SHUN PA BSHUS NA NI 'CHI BA'I PHYIR, ZHES PA LA DPYOD DO, ,JI LTAR DPYAD NA, SHUN PA BSHUS NA 'CHI BA CHOS CAN, SHING SEMS LDAN DU SGRUB PA'I RTAGS YANG DAG MA YIN TE, SHING GI STENG DU 'GOD TSUL DANG MTHUN PAR MA GRUB PA'I PHYIR, ZHES SOGS SBYAR RO, ,GSUM PA NI, SHES BYA CHOS CAN, RTAGS KYI NGO BOR DANG KHYAD PAR GNYIS KYI NANG NAS NGO BO GTZO CHE BA YIN TE, RTAGS KYI DNGOS PO'I NGO BO CHOS CAN LA MA GRUB NA PHYOGS CHOS MA GRUB PA'I TSUL 'DI 'THAD KYI, RTAGS KYI NGO BO CHOS CAN LA 'GOD TSUL DANG MTHUN BAR GRUB NA RTAGS KYI KHYAD PAR MA GRUB KYANG PHYOGS CHOS 'GRUB PA LA GNOD BYED MA YIN PA'I PHYIR, DPER NA, SGRA'I STENG DU NAM MKHA' LA BRTEN PA'I BYAS PA MA GRUB KYANG, BYAS PA SGRA MI RTAG PAR SGRUB PA'I PHYOGS CHOS YIN PA LA MI GNOD PA BZHIN NO, ,'O NA, CHOS CAN LA RTAGS KYI SGRA MA GRUB PA LA DON GRUB PA DE LA CIR 'GYUR ZHE NA, CHOS CAN LA RTAGS KYI SGRA MA GRUB KYANG RTAGS KYI DNGOS PO NI GRUB NA BSGRUB NA BSGRUB BYA GRUB PAR 'GYUR TE, DPER NA, 'UG PA LA SANGS RGYAS PAS 'BYUNG BZHI'I RDUL PHRAN MI RTAG PAR SGRUB PA LA, LUS CAN DANG SOGS PA THOGS BCAS SGRUB BYED DU BSHAD BA BZHIN NO, ,REG BYA CAN CHOS CAN, BYE BRAG PAS LUS CAN ZHES PA'I SGRA DE 'BYUNG BZHI'I RDUL PHRAN GYI STENG DU MA GRUB KYANG, KHYOD BYED BRAG PA'I NGOR 'BYUNG BZHI'I RDUL PHRAN MI RTAGS PAR SGRUB PA'I RTAGS YANG DAG YIN TE, DE MA GRUB KYANG KHYOD DE'I NGOR DE SGRUB KYI TSUL GSUM YIN PA'I PHYIR,

SHES BYA CHOS CAN, RTAGS KYI DON DE NYID 'KHRUL PA LA SOGS PA YIN NO, SGRA NI 'KHRUL PA MED NA YANG SGRUB BYED SKYON LDAN DU SHES PAR BYA STE, 'BRAS BU DANG KHYAB BYA'I DNGOS PO LAS RGYUD DANG KHYAB BYED KYI DNGOS PO NI GRUB PA'I PHYIR, SGRA MA 'KHRUL PA YANG DON 'KHRUL BA DPER NA, BA KHRA MO CHOS CAN RVA CAN YIN TE, 'GRO BA'I PHYIR DANG, GLANG PO CHE'I PHRU GU CHOS CAN, GLANG PO CHE YIN TE, LAG LDAN YIN PA'I PHYIR ZHES SGRUB BYED DU BKOD PA BZHIN NO, ,GLANG CHEN 'DI'I MING LAG LDAN ZHES PA'I SGRA CHOS CAN, ,GLANG CHEN GYI MING DU MI 'KHRUL TE, BRJOD BYA GLANG CHEN PA NI GRAGS PAS BRDA SBYAR BA YIN PA'I PHYIR, BRJOD BYAR 'DOD PA'I LAG PA DANG LDAN PA CHOS CAN, GLANG CHEN LA DON MI 'KHRUL BA MA YIN TE, MI DE KHYOD YIN PA'I PHYIR, GSUM PA DBANG PHYUG KUN GYI RGYU YIN PA DGAG PA NI, DBANG PHYUG GI DNGOS PO DE CHOS CAN, GANG GIS RGYUR 'DOD LA RGYU MA YIN PAR MI 'DOD PA MI 'THAD PAR THAL, JI LTAR RGYU YIN PA DE LTAR DE NYID GANG GI TSE RGYU MA YIN PA'I DBANG PHYUG DANG KHYAD PAR MED PA'I PHYIR, MA KHYAB NA, SHES BYA CHOS CAN, 'BREL MED SDONG DU MA YANG CI'I PHYIR NAG PA'I RMA DANG DE SOS PA'I RGYU NYID DU NI RTOG PAR MI BYED DE BYED RIGS PAR THAL, RGYU MA YIN PA DANG KHYAD PAR MED KYANG RGYU YIN PA'I YOD PA'I PHYIR, 'DOD MI NUS TE, MTSON DANG SMAN SOGS DANG 'BREL BA LAS NAG PA'I RMA DANG DE 'DRUBS PA 'BYUNG BA YIN PA'I, RKYEN LA LTOS NAS 'BRAS BU BYED PA YIN NO ZHE NA, DBANG PHYUG CHOS CAN, RKYEN LA LTOS NAS 'BRAS BU BYED PAR YANG NI MI RUNG BAR THAL, 'BRAS BU MI BYED PA'I DBANG PHYUG DANG RANG BZHIN KHYAD PAR MED PA'I PHYIR, CHOS CAN, 'BRAS BU SKYED PA'I NUS PA NYID KYANG RTOGS PAR BKA' BAR THAL, KHYOD LDOG PAS 'BRAS BU LDOG PA MED PA'I PHYIR TE, RTAG PA YIN PA'I PHYIR,

, ,RTZA BAR MA KHYAB NA, SHES BYA CHOS CAN, 'BRAS BU THAMS CAD LA RGYU RNAMS THUG PA MED PAR 'GYUR TE, RGYU GANG DAG YOD NA 'BRAS BU GANG SKYE BAR 'GYUR BA NYID DE DAG LA GZHAN PA'ANG 'BRAS BU DE'I RGYUR RTOG PAR RIGS PA YIN PA'I PHYIR, GAL TE SA SOGS CHOS CAN, MYU GU MI SKYED PAR THAL, MYU GU MI SKYED PA'I SA SOGS DANG KHYAD PAR MED PA'I PHYIR ZHE NA, SA LA SOGS PA CHOS CAN, MYU GU MI SKYED PA'I SA SOGS LAS RANG BZHIN YONGS SU 'GYUR NA NI MYU GU SKYE BA RGYU YIN TE, KHYOD RKYEN GYIS LEGS PAR BYAS PA NA MYU GU DE'I KHYAD PAR BZANG BAR MTHONG BA'I PHYIR, GAL TE JI LTAR YUL DANG DBANG PO TSOGS PA DE YUL DBANG MA TSOGS PA DANG KHYAD PAR MED KYANG DBANG BLO'I RGYU YIN PA DE LTAR DBANG PHYUG 'DI YANG YIN NO ZHE NA, SHES BYA CHOS CAN, YUL DBANG TSOGS MTSOGS KHYAD PAR MED PA MA YIN PAR THAL, DBANG SHES DE LA YANG GSAL MI GSAL GYI KHYAD PAR YOD PA'I PHYIR, DE LTA MIN NA YUL DBANG TSOGS PAS KYANG CHOS CAN, DBANG SHES SKYES PA'I NUS PA MED PAR 'GYUR TE, YUL DBANG SO SO SOR DBANG SHES SKYED PA'I NUS MED RNAMS DANG RANG BZHIN KHYAD PAR MED PAS NA'O, ,CHOS CAN, YUL DBANG MA TSOGS PA DANG KHYAD PAR GRUB PA YIN TE, YUL DBANG MA TSOGS PAS DBANG SHES SKYED MI NUS, KHYOD KYIS DBANG SHES SKYED NUS PA DE'I PHYIR, DBANG PHYUG SOGS CHOS CAN, RGYU MA YIN TE, RGYU MA YIN PA DANG KHYAD PAR MED PA'I PHYIR, KHYAB STE, SO SOR 'BRAS BU GANG SKYED NUS SU MED PA LA TSOGS NA 'BRAS BU SKYED PA'I YON TAN SRID PAR 'GYUR BA DE DAG RGYU YIN PA'I PHYIR, GNYIS PA YONGS GCOD KYI DGOS PA LA RTZOD PA SPANG PA LA GNYIS, RTZOD ; LAN NO, ,DANG PO NI, RGYANG 'PHEN PA

CIG NA RE, BCOM LDAN 'DAS TSAD MA'I SKYES BUR MI RIGS TE, TSAD MA'I SKYES BU YIN NA, LKOG GYUR GYI DON MTHA' DAG SHES PA YIN DGOS PA LA, DE SGRUB BYED KYANG MED PA'I PHYIR DANG, DE'I THABS LA NAN TAN BYED PA YOD PA MA YIN PA'I PHYIR ZHES NI RAB TU BRJOD DO, ,GNYIS PA LA GSUM, KUN MKHYEN CHOS PA'I RGYU MTSAN, TSOL BA'I TSUL, KUN MKHYEN NGES GZUNG BA'O, ,DANG PO NI, SDUG BSNGAL ZHI BA'I THABS MI SHES BZHIN DU STON PAR BYED PAS STON PA YANG DAG TU 'KHRUL PAR DGOS PA CAN GYI GROL BA DON GNYER RNAMS CHOS CAN, SDUG BSNGAL ZHI BA'I THABS SHES PA DANG LDAN PA 'GA' ZHIG TSOL BAR BYED PA'I RGYU MTSAN YOD DE, STON PA DES BSHAD PA'I THABS LA NAN TAN BYA BA'I CHED YIN OPA'I PHYIR, GNYIS PA NI, BSTOD PA 'DI YIS GROL BA DON GNYER DE YI BSGRUB BYA RU GYUR PA'I SDUG BSNGAL ZHI BA'I THABS MKHYEN PA'I YE SHES YOD MED RNAM PAR DPYAD PAR BYA'I, SRIN BU'I GRANGS MKHYEN MI MKHYEN DPYAD BYA MA YIN TE, GROL BA DON GNYER DED LA SRIN BU'I GRANGS MKHYEN PA 'GAR YANG NYER MKHO MED PA'I PHYIR, GSUM PA NI, BCOM LDAN 'DAS GANG YIN PA DE CHOS CAN, TSAD MA'I SKYES DU NYID DU 'DOD DE, BLANG BYA DANG DOR BYA'I DE NYID NI THABS DANG BCAS PA RIG PAR MDZAD PA MTHAR PHYIN PA'I PHYIR, CHOS CAN, SRIN BU'I GRANGS THAMS CAD RIG PAR MDZAD PAS TSAD MA'I SKYES BU MA YIN TE, DES GROL BA DON GNYER LA NYER MKHO MED PA'I PHYIR, CHOS CAN, TSAD MA'I SKYES BU YIN TE, THAG RING PO MTHONG NGAM MIN YANG RUNG, 'DOD PA'I DE NYID MTHONG BA MTHAR PHYIN PA YIN PA'I PHYIR, GAL TE RING PO MTHONG BA TZAM MA TSANG MA'I SKYES BU YIN NO ZHE NA, GROL BA DON GNYER TSUR SHOG BYA RGOD STON PAR STON PAR GYIS SHIG CES GDAM RIGS PAR THAL, DES KYANG RING PO MTHONG BA'I PHYIR, ` GNYIS

, ,PA DE'I SGRUB BYED RGYAS PAR BSHAD PA LA GNYIS, LUGS 'BYUD GI SGO NAS TSAD MAR BSGRUB PA DANG, LUGS BZLOG GI SGO NAS TSAD MAR BSGRUB PA'O, ,DANG PO LA GNYIS, RGYU PHUN TSOGS DANG, 'BRAS BU PHUN TSOd SO, DANG PO LA GNYIS, BSAM PA PHUN SUM TSOGS PA DANG, SBYOR BA PHUN SUM TSOGS PA'O, DANG PO LA GNYIS, DNGOS DANG, RTZOD SPANG NGO, DANG PO NI, BCOM LDAN 'DAS DE CHOS CAN, TSAD MA'I SKYES BU YIN TE, DE'I SGRUB BYED THUGS RJE CHEN PO GOMS PA LAS 'KHRUNGS PA'I PHYIR, THUGS RJE CHEN PO CHOS CAN, RGYU MED DANG MI MTHUN PA'I RGYU LAS BYUNG BA MA YIN TE, SNYING RJE SKYE BA DU MAR GOMS PA LAS BYUNG BA'I PHYIR, GNYIS PA LA GNYIS, SKYE BA DU MAR GOMS PA MED PA SPANG, GOMS KYANG MTHA' MED DU 'PHEL BA MED PA SPANG BA'O, DANG PO LA, RTZOD LAN GNYIS, DANG PO NI, RGYANG 'PHEN NA RE SKYE BA SNGA PHYIR GOMS PAS SNYING RJE GRUB PA MED DE, SKYE BA SNGA PHYI MED PA'I PHYIR TE, LUS ZHIG PA NA SEMS ZHIG PA'I PHYIR TE, YID BLO NI LUS LA BRTEN PA'I PHYIR ZHE NA, GNYIS PA LA, BSTAN BSHAD GNYIS, DANG PO NI, YID BLO CHOS CAN, LUS DE KHYOD KYI RTEN KHYAD PAR CAN MA YIN TE, LUS KHYOD KYI RTEN KHYAD PAR CAN YIN PA NI RIGS PAS BKAG PA'I PHYIR RO, GNYIS PA LA GNYIS, SKYE BA SNGA PHYI YOD PAR BSTAN, MED PA'I SGRUB BYED DGAG PA'I, DANG PO NI, SKYE BA YONGS SU LEN PA NA DBUGS 'BYUNG RDUB DANG DBANG PO DANG BLO DAG NI RANG GI RId 'DRA KA LTOS PA MED PA CAN DU LUS NYID 'BA' ZHIG LAS SKYE BA MIN TE, YIN NA HA CANG THAL BA'I SKYON YOD PA'I PHYIR, DA LTA RIG PA SNGA MAS RIG PA PHYI MA MTSAMS SBYOR BAR NUS LDAN DU MTHONG BA GANG DE LA RGYU LHAG PO CI ZHIG YOD PAR GYUR LA, RGYU GANG MED PA'I RGYU MTSAN GANG GI PHYI NAS SEMS

PHYI MA MTSAMS SBYOR BA MED PA MI 'THAD DO, NGAG DON NI, MNGAL DU SKYES MA THAG PA'I RIG PA CHOS CAN, RIG PA SNGA MA SNGON DU SONG STE, RIG PA YIN PA'I PHYIR, DA LTAR GYI RIG PA 'DI BZHIN, THA MAL PA'I 'CHI SEMS CHOS CAN, RIG PA PHYI MA MTSAMS SBYOR TE, CHAGS BCAS KYI RIG PA YIN PA'I PHYIR, DPER NA DA LTAR GYI RIG PA 'DI BZHIN ZHES PA'O, HA CAN THAL BA'I SKYON JI LTAR YOD CE NA, SHES BYA CHOS CAN, SA SOGS THAMS CAD SEMS CAN GYI SA BON GYI BDAG NYID CAN DU THAL, GANG DU DRO GSHER SKYES LA SOGS PA SKYE BO SKYE BAR MI 'GYUR BA'I SA SOGS KYIS CHA DE 'GA' YANG MED PA DE'I PHYIR, SHES BYA CHOS CAN, DBANG SOGS RANG GI RIGS 'DRA SNGA MA LTOS PA MED PAR NI 'BYUNG BA 'BA' ZHIG LAS SKYE BA YIN NA, JI LTAR 'BYUNG BA GCIG NI SROG CHAd SU YONGS SU GYUR PA BZHIN DU, 'BYUNG BA KUN SROG CHAd SU 'GYUR BAR THAL DE DAG GI RGYU 'BYUNG BA LA KHYAD PAR MED PA'I PHYIR, GZHAN YANG LUS YID BLO'I RTEN KHYAD PAR CAN YIN NA, DBANG PO DANG BCAS PA'I LUS YIN NAM, DBANG PO MED PA'I LUS YIN, GNYIS PA 'OG TU 'GOG, DANG PO LTAR NA, YID BLO CHOS CAN, DBANG PO DANG BCAS PA'I LUS DE KHYOD KYI RTEN KHYAD PAR CAN MA YIN PAR THAL, DBANG PO RNAMS RE RE LA GNOD PA YOD NA YANG, KHYOD LA DNGOS SU GNOD PA YOD PA MA YIN PA'I PHYIR, 'DIS CHOS CAN, LUS KYI RTEN YIN TE, KHYOD 'GYUR NA NI LUS DE DAG KYANG 'GYUR BA BDAG GU MTHOD PA YIN PA'I PHYIR, SHES BYA CHOS CAN, YID BLO LAS DBANG PO SKYE BA YIN TE, BLO PHYI MA GNAS PA'I RTEN, BLO SNGA MA NYID LA NI BRTAN PA'I LAS 'GA' DBANG PO RNAMS KYI RGYU YIN PA DE'I PHYIR, 'CHI KHA MA'I DBANG SOd CHOS CAN, PHYIS KYANG RId 'DRA PHYI MA MTSAMS SBYOR BA DE 'DRAR GYUR BA

, ,YIN TE, DE 'DRA'I PHEN BYED YOD PAR GYUR PA'I PHYIR, LUS YID BLO'I RTEN KHYAD PAR CAN MA YIN NA, MDO LAS, LUS DANG SEMS DAG NI PHAN TSUN RJES SU BYED PA CAN NO, ,ZHES GSUNGS PA DANG 'GAL LO ZHE NA, MI 'GAL TE, LUS DE'I SHES PAS YID BLO LA PHAN 'DOGS PA'I RGYU MTSAN GYIS, YID NI LUS LA BRTEN PAR BSHAD PAR TZAM YIN PA'I PHYIR, GAL TE DBANG PO CHOS CAN, YID BLO'I RTEN YIN TE, KHYOD MED PAR YID BLO SKYE BA MA YIN PA'I PHYIR ZHE NA, YID BLO DE CHOS CAN, LUS KYI RTEN YIN PAR THAL, LUS DE YANG KHYOD ME DPAR SKYE BA MA YIN PA'I PHYIR, 'DOD PA DE LTA NA'ANG, SHES BYA CHOS CAN, LUS SEMS PHAN TSUN RGYU NYID YIN PAR THAL, LUS KYANG SEMS KYI RTEN YIN, SEMS KYANG LUS KYI RTEN YIN PA'I PHYIR, 'DOD NA, RGYUN LA LTOS NAS LUS SEMS PHAN TSUN RGYU CAN YIN PAR THAL, DE'I PHYIR, LUS CHOS CAN, KHYOD LAS YID BLO RIM CAN DU SKYE BA MIN PAR THAL, ,KHYOD RIM CAN MIN PA'I RTAG PA YIN PA'I PHYIR, RTAG KYANG RKYEN LA LTOS NAS YID BLO RIM CAN DU SKYE DO ZHE NA, CHOS CAN, RKYEN LA LTOS PA;'ANG MED PAR THAL, RKYEN GYI KHYAD PAR CAN MA YIN PA'I PHYIR, YID BLO SNGA MA LA LTOS NAS LUS LAS RIMS KYIS BLO PHYI MA SKYE BAR 'GYUR RO ZHE NA, SHES BYA CHOS CAN, LUS DE'I YANG RIM PA GSAL BAR BYED PAR THAL, PHYOGS SNGA DE'I PHYIR, 'DOD NA, LUS SEMS SNGA MA NI LUS SEMS PHYI MA'I RGYUR THAMS CAD KYI TSEN MTHONG BA NYID YIN PAR THAL, LUS SEMS SKAD CIG SNGA MA SNGA MA NI, SNGON MED PA'I LUS SEMS SKAD CIG RE RE BA DE'I RGYU YIN PA DE'I PHYIR, GNYIS PA LA GSUM, BSTAN, BSHAD, BSDU BA'O, DANG PO NI, THA MA LA PA'I 'CHI SEMS CHOS CAN, SEMS PHYI MA MTSAMS MI SBYOR

TE, 'CHI SEMS YIN PA'I PHYIR, DPER NA, DGRA BCOM PA'I 'CHI SEMS BZHIN ZHE NA, THA MA 'CHI KHA'I SEMS NI CHOS CAN, THA MAL PA'I 'CHI SEMS SEMS PHYI MA MTSAMS MI SBYOR BAR SGRUB PA'I RTAGS YANG DAG MA YIN PAR THAL, KHYOD SEMS GZHAN DANG MTSAMS SBYOR BA LA 'GAL BA CI YANG YOD PA MA YIN PA'I PHYIR, DGRA BCOM PA'I 'CHI SEMS GANG YIN PA DE YANG, RGYU MTSAN GANG LAS SEMS PHYI MA MTSAMS SBYOR BA MED PAR 'DOD CHES DRIS PAS, SANGS RGYAS PA'I LUNG LAS DE LTAR BSHAD PAS SO ZHES NA, SANGS RGYAS PA'I GRUB MTHA' CHOS CAN, KHYOD KYI RJES SU 'BRANG DAM CI STE 'BRANG MI RIGS PAR THAL, TSAD MAS MA GRUB PA'I DON CAN YIN PA'I PHYIR, GAL TE DGRA BCOM PA'I 'CHI SEMS CHOS CAN, SEMS PHYI MA MTSAMS MI SBYOR TE, DE'I RGYU DBUGS LUS DANG BRAL BA'I PHYIR ZHE NA, RGYU DBUGS LUS DANG BRAL BA DE NYID CHOS CAN, THA MAL PA'I 'CHI SEMS SEMS PHYI MA MTSAMS MI SBYOR BAR SGRUB PA 'DIR NI RTAGS SU CIS MA BRJOD DE BRJOD RIGS PAR THAL, KHYOD DANG 'CHI SEMS GANG RUNG DE SGRUB KYI RTAGS YANG DAG GANG ZHIG ,'CHI SEMS DE SGRUB KYI RTAGS YANG DAG MA YIN PA'I PHYIR, GNYIS PA LA GSUM, BDAG RKYEN YIN PA DGAG ,NYER LEN YIN PA DGAG ,RTZOD PA SPANG PA'O, DANG PO NI, LUS YID BLO'I RTEN KHYAD PAR CAN YIN NA, BDAG RKYEN YIN NAM, NYER LEN YIN, DANG PO LTAR NA, YID SHES RTOG PA CHOS CAN, DBANG PO DANG BCAS PA'I LUS KYIS BDAG RKYEN BYAS PA LAS SKYE BA MA YIN PAR THAL, DE YIN NA DBANG PO DE'I BLO BZHIN DU YUL GSAL BAR 'DZIN PAR 'GYUR BA'I SKYON YOD PA'I PHYIR, DBANG PO KUN TSOGS PA LAS KYANG NI YID SHES SKYE DGOS PA MA YIN PAR THAL, DBANG PO RNAMS DBANG SHES SKYED PA'I NUS PA THA DAD PA'I PHYIR,

, ,GZHAN SKRA SEN SOGS CHOS CAN, KHYOD KYIS BDAG RKYEN BYAS PA LAS YID SHES SKYE PA MA YIN PAR THAL, SEMS MED NYID YIN PA'I PHYIR, 'O NA, LUS SEMS LHAN CIG GNAS PAR 'GAL LO ZHE NA, LUS SEMS CHOS CAN, LHAN CIG GNAS SU RUNG STE, RGYU TSOGS GCIG LAS SKYES PA'I PHYIR, DPER NA, DBANG PO LNGA BZHIN DANG, GZUGS DANG RO BZHIN NO, ,LUS CHOS CAN, YID BLO'I RTEN YIN TE, KHYOD 'GYUR BAS YID BLO 'GYUR BA MTHONG BA'I PHYIR ZHE NA, PHYI DON CHOS CAN, YID BLO'I RTEN YIN PAR THAL, KHYOD KYI SGO NAS YID BLO 'GYUR BA MTHONG BA YIN PA'I PHYIR, 'O NA 'BRAS BU'I LDOG RGYU KHYAD PAR CAN JI LTA BU ZHE NA, SGRON ME'I 'OD CHOS CAN, SGRON ME DE KHYOD KYI RGYU KHYAD PAR CAN YIN TE, SGRON ME GANG ZHIG KHYOD KYI SNGA LOGS SU YOD PAS, KHYOD LA DNGOS SU PHAN 'DOGS BYED YIN PA'I PHYIR TE, RTAG TU SGRON ME DE'I NYER LEN GYI RJES SU 'JUG PA'I PHYIR, 'DI YOD NA 'DI 'BYUNG ZHES PA'I BDUN PA DANG, 'DI SKYES PA'I PHYIR 'DI SKYE ZHES PA'I LNGA PA'I SGRA NI BSHAD PA CHOS CAN, DGOS PA YOD PA YIN TE, 'BRAS BU DE'I LDOG RGYU KHYAD PAR CAN YIN NA, 'BRAS BU DE'I SNGA LOGS DE MA THAG TU BYUNG BA'I SGO NAS, PHAN 'DOGS PA ZHIG DGOS SO ZHES RTOGS PA'I CHED YIN PA'I PHYIR, LUS DE DUS 'GA' ZHIG GI TSE NA SEMS RGYUN LA PHAN 'DOGS BYED YIN PA'ANG BLA STE, DE TZAM GYIS NI LUS LOG PAS SEMS LDOG PA MIN TE, GZUGS MED KHAMS NA'ANG SEMS YOD PA'I PHYIR, DPER NA, BUM SOGS LA NI ME SOGS KYIS GNAS SKABS PHAN 'DOGS PA BZHIN NO, ,GNYIS PA LA GNYIS, LUS KYIS NYER LEN BYED TSUL LA BRTAGS NAS DGAG ,LUS KYI NGO BO LA BRTAGS NAS DGAG

PA'O, ,DANG PO LA GNYIS, NYER LEN YIN PA LA GNOD BYED BRJOD PA ,NYER LEN MA YIN PA'I SGRUB BYED BRJOD PA'O, ,DANG PO LA GNYIS, SNGA PHYI LA BRTAGS NAS DGAG ,DUS MNYAM LA BRTAGS NAS DGAG PA'O, ,DANG PO LA GSUM, THAL BA DGOD, DE'I LAN DGAG NYER LEN GYI MTSAN NYID BSHAD PA'O, ,DANG PO NI, LUS SEMS KYI NYER LA LEN YIN NO ZHE NA, SHI BA'I LUS CHOS CAN ,SEMS LDOG PA MED PAR 'GYUR BAR THAL, NYER LEN LUS NI GNAS PA NYID YIN PA'I PHYIR, GNYIS PA LA GNYIS, MTHUN RKYEN MTSANG BA'I LAN DGAG ,'GAL RKYEN GYIS BCOM PA'I LAN DGAG PA'O, ,DANG PO NI, NYER LEN LUS YOD KYANG RKYEN DBUGS MED PAS SEMS MI LDOG PA'I SKYON MED DO ZHE NA, YID BLO DE CHOS CAN, KHYOD LAS DBUGS 'BYUNG RDUB 'BYUNG GI ,DE KHYOD KYI RTEN KHYAD PAR CAN MA YIN PAR THAL, KHYOD YONG STOBS KYIS DBUGS 'BYUNG RDUB DE YOD PA DANG, KHYOD KYI DBANG GIS DBUGS DRAG GZHAN DU 'GYUR BA'I PHYIR TE, RLUNG 'BYIN PA DANG 'DREN PA NI, KHYOD KYI 'BAD RTZOL MED PAR GANG LAS 'BYUNG BA YIN TE MA YIN PA'I PHYIR, CHOS CAN, DBUGS DE DAG PHUL DU BYUNG BA DANG 'GRIB PA LAS KHYOD PHUL DU BYUNG BA DANG 'GRIB PA THOB PAR 'GYUR BAR THAL, DBUGS NGE KHYOD KYI DNGOS RGYU YIN PA'I PHYIR, DBUGS DE DAG CHOS CAN, SHI BA'I LUS LA YANG LDOG PA MED PAR THAL BA MTSUNGS TE, NYER LEN LUS GNAS PA'I PHYIR, KHYED RANG LA YANG SHI BA'I LUS LA SEMS MI LDOG PAR THAL, SEMS SNGAM SEMS PHYI MA'I NYER LEN YIN PA'I PHYIR ZHE NA, SHES BYA CHOS CAN, SEMS SNGA MA SEMS PHYI MA'I NYER LEN GYI RGYU YIN NA, SHI BA'I LUS LA SEMS MI LDOG PA'I NYES PA MTSUNGS PA MA YIN TE, GANG GI PHYIR 'PHEN BYED KYI LAS

, ,GZHAN DAG KYANG, LUS SEMS LHAN CIG GNAS PA'I RGYU NI YIN PAR 'DOD PA'I PHYIR, GNYIS PA NI, GAL TE SNGAGS KYIS BTAB PA'I SDONG BU LA SOGS PA ME'I RGYU MIN PA BZHIN DU, SHI BA'I LUS CHOS CAN, SEMS KYI RGYU MIN TE, RLUNG MKHRIS SOGS NYES PAS SEMS GNAS PA DANG MA MTHUN PAR BYAS PA'I PHYIR ZHE NA, SHI BA'I TSE LUS CHOS CAN, SEMS SLAR YANG 'TSO BA DAG TU 'GYUR BAR THAL, NYER LEN LUS GNAS SHING, NYES PA NYAMS PAR 'GYUR BA'I PHYIR, GAL TE ME NI LDOG NA YANG MES BYAS PA'I SHING GI 'GYUR BA MI LDOG PA BZHIN DU, NAD LOG KYANG NAD KYI 'GYUR BA DE NI LDOG PA MED DO ZHE NA, SHES BYA CHOS CAN, NAD KYI 'GYUR BA LDOG MI RUNG BA MA YIN PAR THAL, NAD GSO BA'I SBYOR PA DON YOD PA'I PHYIR, 'GYUR BA YIN NA SLAR LDOG MI RUNG YIN PAS MA KHYAB PAR THAL, 'GYUR BYED 'GA' ZHIG NI LA LAR SLAR MI DBYUNG BAR 'GYUR BA SKYED PAR BYED LA, 'GYUR BYED 'GA' ZHIG SLAR LDOG PA'I 'GYUR BA SKYED PA YIN PA'I PHYIR, DPER NA, SHING DANG GSER LA ME BZHIN NO, ,'GYUR BA DANG PO CHOS CAN, CHUNG YANG SLAR LDOG PA MIN TE, RANG RGYU LAS SLAR LDOG MI RUNG DU SKYES PA'I PHYIR, SLAR LDOG TU RUNG BAR BYAS PA'I 'GYUR BA GANG YIN PA DE NI CHOS CAN, SLAR YANG 'BYUNG BAR 'GYUR TE, RANG RGYU LAS SLAR LDOG RUNG DU SKYES PA'I PHYIR, DPER NA, GSER GYI SRA BA NYID BZHIN NO, ,NAD KYI 'GYUR BA LDOG TU RUNG NA, GSOR MI RUNG GI NAD BSHAD PA DANG 'GAL LO ZHE NA, MI 'GAL TE, CUNG ZAD GSO BYA MIN PA'I NAD BRJOD PA NI, 'CHOS BYED SMAN DANG SMAN BA RNYED PAR DKA' BA'I PHYIR RAM, NAD PA'I TSE ZAD PA LA DGONGS PA'I PHYIR RO, ,GSO BYA MIN PA'I NAD MED PA NYID YIN PAR THAL, MTHUN RKYEN

MA TSANG BA LA MI LTOS PAR, NYES BA NAD 'BA' ZHIG GIS 'CHI BA YIN PA'I PHYIR, SHI BA'I LUS CHOS CAN, SEMS DE CIS SLAR YANG 'TSO BAR MI 'GYUR TE 'GYUR BAR THAL, NYER LEN LUS GNAS SHING, 'GAL RKYEN DUG LA SOGS PA LDOG PA'I PHYIR RAM, DUG SBRUL DE YI SOS ZIN PA BCAD PA LAS KYANG, NAD KYI 'GYUR BA'I RGYU DANG BRAL BAS NA'O, ,GSUM PA NI, NYER LEN 'GYUR BA MED PAR NI NYER LEN CAN DAG 'GYUR BAR NI BYED PAR MI NUS TE, DPER NA, 'JIM PA 'GYUR BA MED PAR BUM SOGS MI 'GYUR BA BZHIN NO, ,DNGOS PO GANG 'GYUR BA MED PAR NI DNGOS PO GANG ZHIG RNAM PAR 'GYUR BA DE DE'I NYER LEN DU MI RIGS TE, BA LANG DANG BA MEN LA SOGS PA BZHIN, SEMS DANG LUS KYANG DE BZHIN NO, ,LUS CHOS CAN, SEMS KYI NYER LEN MA YIN TE, KHYOD MI 'GYUR BAR SEMS 'GYUR BA YOD PA'I PHYIR, 'O NA LUS SEMS LHAN CIG GNAS PA 'GAL LO ZHEN, 'BRAS BU SEMS CHOS CAN, LUS DANG LHAN CIG GNAS TE, LUS DE'I NYER LEN GYI RGYUS LHAN CIG BYED RKYEN BYAS PA LAS SKYE BA'I PHYIR, DPER NA, ME DANG ZANGS MA'I ZHU BA NYID BZHIN NO, ,GNYIS PA DUS MNYAM LA BRTAGS NAS DGAG PA LA GSUM, DUS MNYAM PA'I RTEN DGAG ,TSUL DES RIGS CAN GZHAN YANG KHEGS, DON BSDU BA'O, ,DANG PO NI, LUS DE YID BLO'I DUS MNYAM PA'I RTEN YIN NO ZHE NA, YID BLO CHOS CAN, LUS DE KHYOD KYI DUS MNYAM PA'I RTEN DON GZHAN MA YIN TE, KHYOD DNGOS POR YOD PA DANG MED PA DAG LA RTEN DON GZHAN MED PA'I PHYIR ,RTAGS GRUB PA MA YIN TE, DNGOS POR YOD PA GNAS PA'I RGYU NI RTEN DON GZHAN YIN NO ZHE NA, CHOS CAN, LUS 'DI KHYOD GRUB ZIN GNAS PA'I RTEN DU MED PAR THAL, KHYOD KYI GNAS PA PO KHYOD LAS GZHAN MIN PAR RDZAS GCIG

, ,YIN PA'I PHYIR, RTAGS MA GRUB STE, RDZAS GZHAN YIN NO ZHE NA YANG, CHOS CAN, LUS DES NI KHYOD KYI DNGOS PO CI ZHIG GNAS PAR BYAS TE MA BYAS PAR THAL, LUS DE KHYOD KYI GNAS PA RDZAS GZHAN DE'I RGYU NYID YIN PA'I PHYIR, CHOS CAN, 'JIG PA MED PAR 'GYUR BAR THAL, RANG GRUB DUS KYI SKAD CIG GNYIS PAR SDOD PA'I PHYIR, GAL TE YID BLO DE 'JIG RGYU LAS 'JIG PAR 'DOD DO ZHE NA, CHOS CAN, 'JIG RGYUS 'JIG PA MA YIN PAR THAL, 'JIG RGYUS 'JIG PA DE LA'ANG GONG GI THAL PA MTSUNGS PA YIN PA'I PHYIR, CHOS CAN, GNAS PA'I RGYUS KYANG CI ZHIG BYAS TE GNAS MA NUS PAR THAL, 'JIG RGYU LAS 'JIG PA'I PHYIR, GAL TE 'JIG RGYU DANG MA PHRAD BAR DU LUS DES GNAS PAR BYAS SO ZHE NA, CHOS CAN, GNAS PA'I RGYUS NI CI ZHIG BYA STE DON MED PAR THAL, 'JIG PA DNGOS PO'I CHOS NYID DU YOD PA 'DI LA GNOD PA MED PA'I PHYIR, GAL TE DPER NA BUM PA DE CHU SOGS KYI RTEN YIN PA BZHIN DU, LUS KYANG SEMS KYI RTEN YIN NO ZHE NA, BUM PA CHOS CAN, RANG NANG GI CHU'I DUS MNYAM PA'I RTEN MA YIN PAR THAL, DE LTAR 'DOD PA 'DI LA'ANG, YONG MED DAG LA RTEN MED PHYIR; ZHES PA'I THAL BA MTSUNGS PA'I PHYIR, 'O NA BUM PA RANG NANG GI CHU'I RTEN DU GRAGS PA JI LTAR YIN ZHE NA, CHOS CAN, RANG NANG GI CHU DE'I RTEN YIN TE, RANG NANG GI CHU'I DNGOS PO RNAMS SKAD CIG RE RER NI 'JIG PA NA, RANG NANG GI CHU'I DNGOS PO'I RGYUN PHYI MA RNAMS KHO RANG GI NYER LEN DANG GOS MTSUNGS PA DE LTA BUR SKYE BA'I RGYU YIN PA'I PHYIR, RTAGS MA GRUB NA, CHOS CAN, RANG NANG GI CHU'I RTEN DON GZHAN DU RIGS BA MA YIN PAR THAL, RANG NANG GI CHU LA PHAN 'DOGS PA DE LTA MA YIN PA'I PHYIR, CHOS CAN, RANG NANG GI CHU SOGS KYI NI RTEN DU 'GYUR TE, RANG NANG

GI CHU 'THUR DU 'BO BA YI NI GEGS BYED PA'I PHYIR, MI RTAG PA LA RTEN DON GZHAN 'THAD KYI, YON TAN DANG SPYI DANG LAS RNAMS CHOS CAN, KHYOD LA NI RTEN DON GZHAN CI DGOS TE MI DGOS PAR THAL, 'GRO BA MED PA CAN GYI RTAG PA YIN PA'I PHYIR, GNYIS PA NI, YOD MED DAG LA RTEN MED PHYIR ZHES PA'I RIGS PA 'DIS NI CHOS CAN, YON TAN RDZAS LA 'PHROD PA 'DU BA DANG, RDZAS 'PHROD PA 'DU BA CAN GYI RGYU DANG, GSAL BA LA RIGS GNAS PA DANG, SOGS PA 'BYUNG BA LA 'BYUNG GYUR DANG, 'BYUNG BA LA SEMS DANG, CHOS CAN LA CHOS NYID RNAM PAR GNAS PA NYID BSAL BA YIN TE, DUS MNYAM PA'I RTEN DON GZHAN MED PAR BSTAN PA'I PHYIR, GSUM PA NI, GAL TE YID BLO CHOS CAN, LUS DE'I GNAS RGYUS CI ZHIG BYA STE DON MED PAR THAL, 'JIG RGYU GZHAN LAS 'JIG PA'I PHYIR, RTAGS MA GRUB STE, DE 'JIG RGYU GZHAN MED PAR 'JIG GO ZHE NA YANG, CHOS CAN, GNAS PA'I RGYU RNAMS NUS MED DU THAL LO, ,CHOS CAN, DNGOS PO THAMS CAD NI 'GA' ZHIG GI TSE NA'ANG 'JIG PAR MI 'GYUR BAR THAL, SKYE BA'I PHYIR, KHYAB PA KHAS BLANGS TE, RTEN BCAS THAMS CAD GNAS LDAN DANG, SKYE BA CAN KUN RTEN BCAS YIN PAR KHAS BLANGS PA DE'I PHYIR, DE CHOS CAN, GNAS BYED GZHAN GANG YANG MED PAR THAL, GAL TE RANG 'JIG PA'I DANG TSUL CAN GYI BDAG NYID YIN PA'I PHYIR, RTAGS MA GRUB NA, DE CHOS CAN, GNAS BYED GZHAN GANG DGOS TE DON MED PAR THAL GAL TE RANG 'JIG PA'I NGANG TSUL CAN GYI BDAG NYID MIN PA'I PHYIR, GNYIS PA NYER LEN MA YIN PA'I SGRUB BYED BRJOD PA LA GSUM, DNGOS, LUS SEMS RDZAS GCIG DGAG ,'KHOR BA'I RGYU NGOS GZUNG BA'O, ,DANG PO NI, SHES RAB DANG 'DOD CHAGS LA SOGS PA

, ,CHOS CAN, LUS DE KHYOD KYI NYER LEN MA YIN TE, LUS KYI PHUL DU BYUNG BA DANG 'GRIB PA LA LTOS PA MED PAR, BLO'I BYED PA'I KHYAD PAR GYIS PHUL DU BYUNG BA DANG 'GRIB PA'I KHYAD PAR NGAG TU 'GYUR BA YIN PA'I PHYIR, KHYAB STE, BLO 'PHEL 'GRIB KYI RJES SU BYED PA 'DI NI MAR ME'I 'OD LA SOGS PA NYER LEN BEM PO LA BRTEN PA RNAMS LA YONG PA MA YIN PA'I PHYIR, LUS BCUD LEN GYIS RGYAS PA LAS SHES RAB 'PHEL BA MTHONG BA'I PHYIR, RTZA BA'I RTAGS MA GRUB PO ZHE NA, SHES RAB 'DI CHOS CAN, LUS BCUD LEN GYIS RGYAS PA DE LAS KYANG KHYOD KHYAD PAR DU 'GYUR MOD KYI, LUS DE KHYOD KYI DNGOS RGYU MIN TE, LUS KYIS DBANG PO'I SEMS LA PHAN 'DOGS PA MED PAR KHYOD SKYE BA MIN PA'I PHYIR, LUS RGYAS PA LAS 'DOD CHAGS DANG, RGUD PA LAS ZHE SDANG SKYE BAR MTHONG BAS, RTZA BA'I RTAGS MA GRUB BO ZHE NA, DUS 'GA' ZHIG GI TSE NA LUS RGYAS RGUD SOGS KYIS 'PHEL BA'I YID SHES 'KHOR GYI CHAGS SDANG SOGS CHOS CAN, LUS DE KHYOD KYI NYER LEN MA YIN TE, DBANG SHES 'KHOR GYI BDE BA DANG SDUG BSNGAL LAS SKYES PA YIN PA'I PHYIR, DBANG SHES 'KHOR GYI BDE SDUG DE YANG CHOS CAN, CHOS 'DRA, KHAMS SNYOMS MI SNYOMS LA SOGS PA NANG GI REG BYA'I GZUNG DO NI NA NYE BA LAS SKYES PA'I PHYIR, SHES BYA CHOS CAN, BSHAD MA THAG PA'I RIGS PA 'DIS NI 'DUS PA LA SOGS PAS DRAN PA NYAMS PA SOGS LA LUS NYER LEN DU MED PAR BSHAD PA YIN TE, NANG GI REG BYA GZUNG DON DU NYE BA'I KHYAD PAR LAS SKYES PA'I DBANG BLOS NI 'GYUR BA DE SKYED PAR BYED PA'I PHYIR RO, ,DPER NA, RGYUD GYI KHYAD PAR 'GA' ZHIG LA STAG NYID KYI SGRA THOS PA DANG NI, KHRAG LA SOGS PA MTHONG BA LAS

RMONGS PA LA SOGS PA 'BYUNG BAR 'GYUR BA BZHIN NO, ,SEMS PHYI MA NI CHOS CAN, SEMS SNGA MA LA BRTEN PA YIN TE, SEMS SNGA MA DE NYER LEN DU MED NA MI 'BYUNG BA DE'I PHYIR TE, NGES PAR SEMS SNGA MA GANG YANG RUNG BA NYID KYI 'DU BYED KYI NI RJES SU 'JUG PA'I SEMS YIN PA'I PHYIR, GNYIS PA NI, SEMS PHYI MA DE SEMS SNGA MA LA BRTEN PAR BSGRUBS PAS, LUS NYER LEN YIN PA LA MIN GNOD DE, LUS SEMS RDZAS GCIG YIN PA'I PHYIR ZHE NA, SHES BYA CHOS CAN, JI LTAR SEMS SNGA MA LA BRTEN PAR BYAS NAS THOS SOGS 'DU BYED PA'I YON TAN SEMS LA NI DUS 'GA' ZHIG GI TSE GSAL BDE LTAR, LUS LA'ANG YON TAN DE GSAL BAR 'GYUR BAR THAL, LUS SEMS THA DAD MED PA'I PHYIR, GSUM PA NI, LUS SEMS KYI NYER LEN MA YIN NA 'KHOR BA'I RGYU GANG ZHE NA, CHOS CAN, THA MAL PA RNAMS BDAG LA CHAGS PA DANG LDAN PAS SEMS CAN GZHAN GYIS BKRI BA MIN PAR, BDE BA THOB PAR 'DOD PA DANG SDUG BSNGAL 'DOR BAR 'DOD PAS DMAN PA'I GNAS NI YONGS SU LEN TE, SDUG BSNGAL LA BDE BAR PHYIN CI LOG GI BLO DANG, SRED PA'I KUN NAS 'CHING BA NI THA MAL PA 'KHOR BAR SKYE BA'I RGYU YIN PA'I PHYIR TE, GANG LA LOG SRED DE MED PA DE NI 'KHOR BAR SKYE BAR MI 'GYUR BA'I PHYIR, GAL TE SKYE BA GZHAN DU 'GRO 'ONG MED DE, DE MA MTHONG BA'I PHYIR ZHE NA, RGYANG 'PHEN CHOS CAN, KHYOD KYIS BAR SRING MA MTHONG BAS MED PAR MI 'GRUB BAR THAL, KHYOD BAR SRID LTA BA LA DBANG BO MI GSAL BA'I PHYIR, DPER NA; MIG MI GSAL BA YIS DU BA CHUNG DU MI MTHONG BA BZHIN NO, ,BAR DO'I LUS CHOS CAN, THOGS BCAS YIN PAR THAL, LUS CAN YIN PA'I PHYIR ZHE NA, BAR DO'I LUS 'GA' ZHIG CHOS CAN,

, ,LUS CAN YIN YANG LA LAR THOGS MED YIN TE, PHRA ZHING DANGS PA'I LUS CAN PA'I PHYIR, DPER NA, RDZA SO MA LA CHU BZHIN DANG, GSER LA DNGUL CHU BZHIN NO, ,RGYANG 'PHEN CHOS CAN, KHYOD KYIS BAR SRID MA MTHONG BA'I PHYIR NA MED PA MIN BAR THAL ,DE KHYOD KYIS MA MTHONG YANG YONG SRID PA'I PHYIR ,GNYIS PA LUS KYI NGO BO LA BRTAGS NAS DGAG PA LA GNYIS, LUS GCIG NYER LEN YIN PA DGAG ,LUS DU MA NYER LEN YIN PA DGAG PA'O, ,DANG PO LA GSUM, DNGOS; RTZOD SPANG, RDZAS LA BRTEN PA'I CHOS GZHAN DGAG PA'O, ,DANG PO NI, LUS SEMS KYI NYER LEN YIN NA, LUS RAGS PA CHA MED GCIG YIN NAM, YAN LAG DU MA YIN, DANG PO LTAR NA, SKYES BU CHOS CAN, LAG SOGS GA-YON YAN LAG THAMS CAD GA-YO BAR 'GYUR BAR THAL, LUS RAGS PA CHA MED GCIG YIN PA'I PHYIR, KHYAB STE, GA-YO MI GA-YO'I 'GAL BA CAN GYI LAS NI, CHA MED GCIG LA GZHI MTHUN DU MI RUNG BA'I PHYIR, CHOS CAN, CHA THA DANG GRUB PAR 'GYUR BAR THAL, LAG PA GA-YO BA'I TSE RKANG PA GA-YO BA LAS GZHAN DU MI GA-YO BA'I PHYIR, CHOS CAN; GDONG GCIG BSGRIBS PA NA, YAN LAG THAMS CAD BSGRIBS PAR 'GYUR BA 'AM, YAN LAG GZHAN MA BSGRIBS NA, GDONG YANG MA BSGRIBS PAR MTHONG BAR 'GYUR BAR THAL, LUS RAGS PA CHA MED GCIG YIN PA'I PHYIR, CHOS CAN, GCIG GDONG TSON GYIS BSGYUR NA YAN LAG THAMS CAD TSON GYIS BSGYUR BA 'AM, YAN LAG GZHAN MA BSGYUR NA, GDONG YANG TSON GYIS MA BSGYUR BAR RTOGS PAR 'GYUR BAR THAL, RTAGS 'DRA, SKYES BU'I LUS CHOS CAN, TSOGS PA CHA MED

GCIG TU YOD PA MIN TE, GA-YO MI GA-YO BSGRIBS MA BSGRIBS BSGYUR MA BSGYUR SOGS 'GAL BA'I CHOS DU MA LDAN PA DE'I PHYIR, GNYIS PA NI, BUM GZUGS CHOS CAN, RDUL DU MA NYID YIN PAR THAL, PHYI DON GANG ZHIG RAGS PA CHA MED MA YIN PA'I PHYIR, 'DOD NA'ANG CHOS CAN, SNGA MA RDUL PHRAN RE RE BA BZHIN DU, DBANG SHES KYIS RTOGS PA MIN PAR THAL, RDUL RE RE BA DANG KHYAD PAR MED PA'I PHYIR DANG, RDUL PHRA RAB YIN PA'I PHYIR ZHE NA, BUM GZUGS RNAMS NI CHOS CAN, RDUL RE RE BA DANG KHYAD PAR MED PAR MA GRUB PAR THAL, DBANG SHES SKYED NUS KYI RDUL KHYAD PAR CAN YIN PA'I PHYIR, CHOS CAN, RDUL PHRAN MIN PAR THAL, DBANG SHES KYIS NGES PA 'DREN NUS KYI YUL YIN PA DE'I PHYIR, BSHAD MA THAG PA'I RIGS PA 'DIS NI CHOS CAN, DGOS PA YOD DE ,BUM GZUGS LA SGRIB BYED LA SOGS PA MED PA DAG KYANG BSAL BA YIN PA'I PHYIR, DNGUL CHU GSER SOGS DANG 'DRES PA'AM, RDO TSAN LA SOGS PA CHOS CAN, DBANG SHES LA JI LTAR SNANG STE MI SNANG BAR THAL, YAN LAG CAN GYI RDZAS CHA MED GCIG MED PA'I PHYIR, RKYE NA GSUM TSOGS PA CHOS CAN, DBANG SHES SKYED NUS SU RTOGS PA DAG NI JI LTAR YIN TE MA YIN PAR THAL, DBANG SOGS SO SOR NUS MED RNAMS DANG KHYAD PAR MED PA'I PHYIR, RTAGS KHAS BLANGS, GAL TE TSOGS PA LAS LDAN PA SKYE LA, LDAN PA LAS DBANG SHES SKYE'O ZHEN CHOS CAN; LDAN PA MI SKYED PAR THAL, LDAN PA SKYED PA 'DIR YANG THAL BA MTSUNGS PA'I PHYIR ,GAL TE GSER DANG DNGUL CHU LA NI LDAN PA YOD PAS, DE DBANG SHES LA SNANG BA YIN NO ZHE NA, DBANG SHES CHOS CAN, RDUL GYI LDAN PA GANG LAS RTOGS TE MI RTOGS PAR THAL,

, ,RTEN RDUL MTHONG BA MED PA'I PHYIR, JA DKAR GYI BCUNG BA CHOS CAN, RO GZUGS LA SOGS LDAN PAR 'GAL BAR THAL, YON TAN YIN PA'I PHYIR, RTAGS KHYAB KHAS BLANGS, 'DOD MI NUS TE, BTUNG BA GZUGS BZANG PO, RO ZHIM PO ZHES PA'I THA SNYAD DANG 'GAL LO, GAL TE RO GZUGS KYI SGRA NYE BAR BTAGS PA LAS 'JUG PAR 'DOD DO ZHE NA, CHOS CAN, KHYOD DANG 'O MA GNYIS RO MTSAN NYID PA YOD MED BLO LA THA DAD PAR SNANG BAR 'GYUR BAR THAL, KHYOD DANG 'O MA GNYIS RO MTSAN NYID PA YOD MED THA DAD PA'I PHYIR, GZHAN YANG BYA'I PHRENG BA CHOS CAN, JI LTAR PHRENG BA RING PO ZHES BYA BAR 'GYUR TE MI 'GYUR BAR THAL, KHYOD LAS DON GZHAN PA'I PHRENG BA RING PO MED PA'I PHYIR, GSUM PA LA GNYIS, MA DMIGS PAS DGAG PA, RTZOD PA SPANG BA'O, ,DANG PO NI, GRANGS SOGS DE DANG LDAN PA'I BUM PA RANG GI NGO BO DAD ,BUM PA RJOD BA'I SGRA DAG CHOS CAN, KHYOD LAS RDZAS THA DAD PAR, GRANGS DANG LDAN PA DANG LAS LA SOGS PA'I NGO BO MED DE, DE BLO MA 'KHRUL BA LA MI SNANG BA'I PHYIR, GNYIS PA LA GNYIS, SGRA RTOG THA DAD MI 'JUG PA'I NYES PA MED PA, DRUG SGRA MI RUNG BA'I NYES PA MED PA'O, ,DANG PO NI, CHOS CAN, BUM PA'I GRANGS SOGS LAS RDZAS THA DAD YIN PAR THAL, DE DANG THA DAD DU BLO LA SNANG BA'I PHYIR ZHE NA, BUM PA DANG GRANGS LA SOGS PA 'JAL BA'I SGRA DANG SHES BA CHOS CAN, SNANG YUL DNGOS POR MED DE, DNGOS PO THA DAD PA'I RJES SU 'BRANG BA'I RNAM RTOG GIS BTAGS PA'I DON CAN YIN PA'I PHYIR, DPER NA, YON TAN LA SOGS PA'AM, ZHIG PA DANG MA SKYES PA DAG LA GCIG GNYIS LA SOGS PA'I SGRA 'JUG PA BZHIN NO, ,GAL TE 'DAS SOGS 'DIR NI,

GRANGS SOGS BTAGS MING DU 'DOD DO ZHE NA, RGYU MTSAN GANG GIS 'DAS SOGS LA GRANGS SOGS KYI SGRA DE BTAGS MING DU 'JUG PAR 'DONG PA DE NI, DNGOS PO THAMS CAD LA GRANGS SOGS DE NGAG GI SGRA BTAGS MING DU 'JUG PA'I RGYU MTSAN DU CIS MI 'DOD CES DRIS PAS,, GAL TE KUN LA NYE BAR BTAGS PA'I MING 'JUG BA MIN TE, KHYAD BAR BYED CHOS RDZAS THA DAD BA YOD PA LA GTZO BO DNGOS MING YIN PA'I PHYIR ZHE NA, DE DNGOS MING YIN NO ZHES BYA BA 'DI NYID GANG LAS NGES DRIS PAS, RDZAS THA DANG MED PA LA SGRA THA DANG DON MED DE, SGRA RNAM GRANGS PAR 'GYUR BA'I PHYIR ZHE NA, BRJOD BYA RDZAS THA DAD PA MED NA SGRA RNAM GRANGS PA YIN MI DGOS TE, DON GZHAN RGYU MTSAN CAN MIN YANG, DKAR PO LA SOGS PA GRANGS SOGS DE DANG LDAN PA'I SGRA NI RNAM GRANGS PA MIN PA'I PHYIR, GAL TE DKAR PO DE LA YANG YON TAN DON GZHAN YOD DO ZHE NA, YON TAN DANG RDZAS NI KHYAD MED DU 'GYUR BAR THAL LO, ,RDZAS THA DAD MED KYANG SGRA THA DAD 'JUG PA MI 'GAL TE, DON GZHAN YOD PA MIN YANG LDOG PA'I DBYE BAS SGRA THA DAD 'JUG PA YIN PA'I PHYIR, DPER NA, LAS RDZAS MIN ZHES PA'I SGRA BZHIN NO, ,GNYIS PA NI, BUM PA DANG GRANGS CHOS CAN, RDZAS THA DAD YIN TE, DRUG PA'I SGRAS THA DAD DU BRJOD PA'I PHYIR ZHE NA, DNGOS PO CHOS RJOD PA'I SGRA RNAMS KYIS GRANGS SOGS DE DANG LDAN PA LAS THA DAD PA BZHIN DU BSTAN PA GANG DE'ANG CHOS CAN, DON YOD DE, GRANGS DE BUM PA'I CHOS GZHAN LAS KHYAD PAR DU BYED PA'I CHED YIN PA'I PHYIR, LA LAR SOR MO'I LDAN PA ZHES LDAN PA SOR MO LAS THA DAD PA'I CHOS BZHIN DU RJOD PAR BYED PA CHOS CAN, DON YOD DE, SOR MO'I LDAN PA DA TZAM SHES PAR 'DOD PA LA, KHYAD CHOS GZHAN KUN 'PHANGS PA MED PAR NI SOR MO'I

, ,LDAN PA SHES PA'I CHED YIN PA'I PHYIR, SOR MO LDAN PAR 'GYUR ZHES PA'I SGRA CHOS CAN, CHOS CAN RJOD BAR GRAGS PA YIN TE, SOR MO'I KHYAD CHOS THAMS CAD NI 'PHEN PA'I SGO NAS SOR MO LA LDAN PA GO BYED YIN BA'I PHYIR, SGRA DE GNYIS KYIS DON GCIG BRJOD KYANG, CHOS DANG CHOS CAN RJOD PA'I BRDA THA DAD PAR NI BYAS PA CHOS CAN, DON YOD PA YIN TE, KHYAD PAR GZHAN SPONG MI SPONG GI SGO NAS DON DE SHES PA'I CHED YIN PA'I PHYIR, BUM PA DANG GZUGS RDZAS THA DAD MIN NA GZHI MTHUN DU 'GYUR RO ZHE NA, SHES BYA CHOS CAN, BUM PA GZUGS SO ZHES GZHI GCIG PA CAN GYI SGRA 'JUG PA MA YIN TE, GZUGS SOGS KYI NUS PA'I KHYAD PAR NI BRJOD BYAR SPONG BA'I SGO NAS, GZUGS SOGS DE'I MTSUNGS PA'I 'BRAS BU'I RGYU MIN PA NI RNAM PAR GCOD PA'I LTO LDIR BA LA BUM BA'I SGRA NI 'JUG PAR 'GYUR BA DES NA'O, ,CHOS CAN, RIGS RJOD KYIS RIGS DON GZHAN DANG, TSOGS RJOD KYIS TSOGS PA DON GZHAN RJOD PA MIN TE, RIGS RJOD KYIS RIGS CAN BRJOD BYAR MI SPONG, TSOGS RJOD KYIS TSOGS PA CAN BRJOD BYAR SPONG BA 'DI NI, RIGS DANG NI TSOGS PA RJOD PA'I KHYAD PAR YIN PA'I PHYIR, BUM PA DANG GZUGS RDZAS THA DAD MIN NA, BUM PA'I GZUGS ZHES BRJOD PA DON MED DU 'GYUR RO ZHE NA, TSOGS SBYI BUM PA DE'I YAN LAG TU BYAS TE BUM PA YI NI GZUGS SO ZHES BRJOD PA CHOS CAN, DON YOD DE, BUM BAS MIG SHES SKYED PA'I NUS BA'I KHYAD PAR STON PAR BYED PA'I PHYIR, PHYOGS 'DIS GZHAN LA'ANG BRJOD PAR BYA'O, ,JI LTAR NA, TZAN DAN GYI DRI ZHES PA'I SGRA CHOS CAN, DON YOD DE, TZAN DAN GYI DRI DE SHUG PA'I DRI LAS KHYAD BAR DU BYAS NAS BSTAN PA'I

CHED YIN PA'I PHYIR, GNYIS PA LUS DU MA NYER LEN YIN PA DGAG PA LA GNYIS, YAN LAG TSOGS PA RGYUR MI 'THAD, YAN LAG RE RE BA RGYUR MI 'THAD PA'O, ,DANG PO NI, YAN LAG DU MA YID BLO'I RGYU YIN NA, YAN LAG MA LUS PA RGYU YIN NAM, YAN LAG RE RE BA RGYU YIN, DANG PO LTAR NA, YID BLO CHOS CAN, YAN LAG GCIG DANG BRAL NA'ANG SKYE BA MA YIN PAR THAL, YAN LAG MA LUS PA RGYU NYID DU DGOS PA YIN PA'I PHYIR, GNYIS PA LA GSUM, THAL BA DGOD, SKYON SPONG DGAG, MTSUNGS PA SPANG BA'O, ,DANG PO NI, GNYIS PA LTAR NA, CHOS CAN, CIG CAR MANG PO 'BYUNG BAR 'GYUR BAR THAL, YAN LAG RE RES SKYED NUS PA NYID YIN PA'I PHYIR, GNYIS PA NI, DBUGS DE YID BLO RE RE KHO NA GSAL BYED YIN PAS SKYON MED DO ZHE NA, DBUGS 'BYUNG RDUB DAG NI CHOS CAN, YID BLO RE RE'I GSAL BYED DU NGES BYED MIN PAR THAL, DU MA NYID DU MTSUNGS PA'I PHYIR, RTAGS MA GRUB STE, RTAG PA GCIG NYID YIN NO ZHE NA YANG, CHOS CAN, YID BLO MANG PO CIG CAR GSAL BAR 'GYUR PAR THAL, DE'I RGYU RTAG TU NYE BA'I PHYIR, GAL TE CIG CAR YID BLO DU MA'I RGYU MIN NO ZHE NA, CHOS CAN, YID BLO RIMS KYIS KYANG SKYED PA MA YIN PAR THAL, CIG CAR MI SKYED BA GANG ZHIG, SNGA PHYI KHYAD PAR MED PA'I PHYIR, DBUGS DE CHOS CAN, KHYOD LAS YID BLO RE RE SKYE BAR NGES PA MA YIN PAR THAL, KHYOD GCIG GI YUN LA YANG DON DU MA 'DZIN BA'I PHYIR, MA KHYAB STE, DON DU MA BLO GCIG GIS SHES PA'I PHYIR ZHE NA, YID BLO CHOS CAN, DON DU MA DE NI CIG CAR NYID DU 'DZIN PAR 'GYUR TE, DE 'DZIN PA GANG ZHIG, RTAG PA YIN PA'I PHYIR, KHYAB STE, RTAG PAS 'DZIN NA CIG CAR 'DZIN PA LA 'GAL BA MED PA'I PHYIR, CHOS CAN, DON DU MA

, ,RIMS KYIS KYANG 'DZIN PAR MI 'GYUR BAR THAL ,CIG CAR MI 'DZIN PA GANG ZHIG, SNGA PHYI KHYAD PAR MED PA'I PHYIR, GAL TE RANG GI RIGS 'DRA SNGA MA LAS BYUNG BA MIN PA'I DUS CAN KYI DBUGS KYI SKAD CIG MA MANG PO DAG SNGA PHYI DE 'DRA'I SEMS NYID KYI RGYU YIN PAR NI RTOG PAR BYED NA, DBUGS DE DAG CHOS CAN, RIM LDAN DU JI LTAR 'GYUR TE MI 'GYUR BAR THAL, GO RIMS DANG LDAN PA'I RGYU MED PA'I PHYIR, RTAGS MA GRUB STE, RANG RIGS SNGA MA RGYU NYID YIN NO ZHE NA, MNGAL DU DBUGS KYI SKAD CIG MA DANG PO 'BYUNG BAR MI 'GYUR TE, DE'I RGYU RIGS 'DRA SNGA MA DE 'DRA BA YOD PA MA YIN PA'I PHYIR, RTAGS KHAS, DBUGS 'BYUNG RDUB CHOS CAN, RIGS 'DRA SNGA MA YOD KYANG CHA DU MA NYID DU NGES PAR THAL, YUL THA DAD PAR KHYAD PA CAN YIN PA'I PHYIR, 'DOD NA, BLO DU MA NI CHOS CAN, CIG CAR SKYE BAR THAL, RGYU LUS DANG RKYEN DBUGS DU MA NYE BAR YOD PA DE'I PHYIR, MA KHYAB STE, GAL TE DBUGS DU MA'ANG DUS GCIG PA CAN GYI SEMS GCIG GI NI RGYU YIN PA'I PHYIR ZHE NA, SHES BYA CHOS CAN, DBUGS RGYU BA ZHA NA PA LA SOGS PA'I GNAS SKABS SU YID BLO MI 'BYUNG BAR 'GYUR PAR THAL, DE'I TSE DBUGS GCIG MA TSANG BA'I PHYIR, KHYAB PA KHAS BLANGS, CI STE DBUGS JI LTAR YOD PA RGYU YIN PAS SKYON MED DO ZHE NA, YID KYI SHES PA CHOS CAN, DBUGS 'PHEL 'GRIB KYIS KHYOD LA'ANG 'PHEL 'GRIB KYI KHYAD PAR YOD PAR 'GYUR BAR THAL, DBUGS KYI DNGOS 'BRAS YIN PA'I PHYIR, KHYAB STE, GANG ZHIG RGYU GANG GI 'PHEL 'GRIB THA DAD LAS, 'PHEL 'GRIB THA DAD MIN PA DE, RGYU DE'I DNGOS 'BRAS MIN PA'I PHYIR, GSUM PA NI, BLO DU MA CIG CAR SKYE BA'I NYES PA KHYOD RANG LA YANG MTSUNGS SO ZHE NA, MI MTSUNGS

TE; BLO SNGA MA GCIG NI PHYI MA GCIG GI RGYU YIN TE, RNAM SHES SNGA MA RE RES PHYI MA RE RE SKYED PA'I NUS PA NGES PA'I PHYIR TE, RNAM SHES DON GZHAN LA CHAGS PA YIS, DON GZHAN SGRA 'DZIN PA'I NUS MED DU BYAS NAS SGRA MI 'DZIN PA'I PHYIR, GAL TE DANG PO LUS LAS CIG CAR BLO SKYES SHING; PHYIS NI BLO RANG GI RIGS 'DRA LAS SKYE BAR NGES PAS, BLO DU MA CIG CAR MI SKYE'O ZHE NA, LUS CHOS CAN, PHYIS KHYOD KYI NUS PA NI CI'I PHYIR NA LDOG PA YIN TE MA YIN PAR THAL, RTAG PA'I PHYIR, GSUM BA RTZOD PA SPANG PA NI, GAL TE SHI BA'I TSE LUS NI LDOG BA NA SEMS 'BA' ZHIG GNAS PAR 'GYUR TE, SEMS RGYUN MA CHAD PA GANG ZHIG, LUS SEMS KYI RTEN MIN PA'I PHYIR ZHE NA ,GAL TE 'DOD KHAMS NAS GZUGS MED DU SKYE 'GYUR GYI SKYES BU 'CHI KHA MA CHOS CAN, SHI BA'I 'OG TU RE ZHIG SEMS 'BA' ZHIG GNAS PAR 'GYUR TE, SEMS KYI RGYUN GNAS PA'I RGYU 'CHI KHA'I SEMS DE LUS PHYI MA DE'I RGYU 'JUG PA THOB PA'I PHYIR DU RKYEN GYI YAN LAG TU MI 'GYUR BA'I PHYIR, 'DOD KHAMS NAS 'DOD KHAMS SU 'CHI KHA'I SKYES BU CHOS CAN, SHI BA'I 'OG TU SEMS 'BA' ZHIG GNAS PA MIN TE, 'CHI KHA'I SEMS DE LUS PHYI MA'I LHAN CIG BYED RGYEN YIN PA'I PHYIR, 'O NA LUS PHYI MA'I NYER LEN GANG ZHE NA, TSE 'DI NYID KYI SKYE MCHED THA MA LNGA CHOS CAN, LUS GZHAN SKYED PA'I NYER LEN GYI RGYU NYID YIN TE, PHYI MA'I LUS KYI NGO BO LA GTZO BOR PHAN 'DOGS BYED YIN PA'I PHYIR, PHYI MA'I LUS SEMS KYI LHAN CIG BYED RKYEN DANG NYER LEN DU MA DMIGS PA CHOS CAN, 'CHI KHA'I LUS SEMS DE'I YAN LAG GI DNGOS PO DANG RGYU NYID 'GOG PA LENGS BYED MIN PAR RAB TU BSHAD DE, DE SGRUB KYI KHYAB PA 'KHRUL BA YIN PA'I PHYIR, DBANG SOGS KYANG NI CHOS CAN, 'CHI KHA'I DBANG PO DE DBANG

, ,PO PHYI MA MTSAMS MI SBYOR BAR SGRUB BA'I RTAGS YANG DAG MIN TE ,DE SGRUB KYI LHAG LDAN GYI GTAN TSIGS YIN PA'I PHYIR, SHES BYA CHOS CAN, DBANG PO SNGA MA LAS PHYI MA GZHAN DANG GZHAN SKYE BA DAG KYANG 'GRUB PA NYID YIN TE, DBANG PO SNGA MA'I RJES SU PHYI MA 'GYUR BA MTHOD BA'I PHYIR, DPER NA DA LTA DBANG PO SNGA MA RANG RIG LA PHAN PA'I NUS BDAG NI MTHONG BA BZHIN NO, ,MA GRUB STE, GAL TE LUS LAS DBANG PO DE SKYE'O ZHE NA, DBANG PO CHOS CAN, SNGA MA BZHIN DU CIG CAR SKYE BAR 'GYUR BAR THAL, RGYU LUS RTAG PA NYE BAR YOD PA'I PHYIR, DBANG PO DE SEMS LAS SKYE'O ZHE NA, PHYI MA'I LUS GZHAN YANG SEMS 'DI NYID LAS NI SKYE BAR 'GYUR BAR THAL LO, ,GSUM PA BSDU PA NI, SHES BYA CHOS CAN, THAM YI NI SEMS RNAMS KUN SEMS PHYI MA MTSAMS SBYOR BA MED PA YIN TE, NYER LEN GYI RGYU LUS DANG BRAL BA'I PHYIR ZHES PA RIGS PA MIN TE, LUS SEMS KYI NYER LEN MIN PA DES NA'O, ,'CHI SEMS DE 'DRA'I SGRUB BYED CHO CAN, THA MAL BA'I 'CHI SEMS DE SEMS PHYI MA MTSAMS MI SBYOR BAR SGRUB PA'I RTAGS YANG DAG MA YIN TE, DE SGRUB KYI LHAG LDAN DU 'DOD PA'I PHYIR, GNYIS BA GOMS KYANG 'PHEL BA MED PA SPANG BA LA, RTZOD LAN GNYIS, DANG PO NI, SNYING RJE GOMS PA LAS KHYAD PAR DU 'GYUR NA YANG, SNGAR GYI RANG BZHIN LAS 'DAS NAS MTHA' MED DU 'PHEL BA MIN TE, MCHONGS PA DANG CHU'I DROD BZHIN DU'O ZHE NA, GNYIS PA LA GNYIS, DPE DON MI MTSUNGS, RTZOD PA SPANG BA'O, ,DANG PO NI, SNYING RJE CHOS CAN, MTHA' MED DU MI 'PHEL BA'I RANG BZHIN DE 'DRA'ANG MIN TE, GAL TE GOMS PAR BYAS PA DE SLAR YANG NI 'BAD RTZOL LA NI LTOS PAR 'GYUR RAM, RTEN MI BRTAN PA NYID DU 'GYUR NA KHYAD

PAR DAG NI MI 'PHEL NA'ANG, RTEN BRTAN ZHING, GOMS PAS RANG GI NGANG GIS KHYAD PAR DU 'GYUR BA'I YON TAN YIN PA'I PHYIR, MCHONGS PA CHOS CAN, KHYAD PAR 'PHEL YANG MTHA' MED DU 'PHEL BA'I RANG BZHIN DE 'DRA'ANG MIN TE, KHYOD KYI KHYAD PAR SNGA MA DE LA PHAN 'DOGS PA'I NUS PA RNAMS KHYAD PAR PHYI MA DAG LA NI PHAN BA SGRUB PA'I NUS PA MED PA'I PHYIR DANG, CHU DRON CHOS CAN, CHOS 'DRA, RTAG TU RTEN GNAS PA MIN PAR SKAM PA'I PHYIR, MCHONGS BA CHOS CAN, MTHA' MED DU 'PHEL BAR THAL, YANG GI TSE GOMS PAR BYAS PAR GYUR PA YANG, RTZOL BA LA LTOS PAR MI 'GYUR BAR RTZOL BA GZHAN GONG NAS GONG DU KHYAD PAR DU BYED PAR 'GYUR BA'I PHYIR, RTAGS KHAS BLANGS, GOMS PA DE DAG LAS SKYES PA'I BRTZE SOGS DE CHOS CAN, GOMS PA'I RTZOL BA PHYI MA DANG PHYI MA GONG NAS GONG DU KHYAD PA DU BYED PA YIN TE, SEMS KYI NGO BO NYID DU SKYES PA'I YON TAN YIN PA'I PHYIR, SEMS LA GOMS PA LAS SKYE BA GANG ZHIG, RANG GI NGANG GIS 'JUG PAR 'GYUR PA'I PHYIR, DPER NA, ME LA SOGS PAS SHING DAG LA RANG GI DANG GIS 'JUG PA DANG, DNGUL CHU DANG NI GSER SOGS KHA SBYAR DU BZHU BA DE ZHU BA GNYIS PA LA MI LTOS PA BZHIN, BRTZE BA LA SOGS PA'I BLO DE DAG CHOS CAN, GOMS PAR GYUR NA TSANG GANG NA GNAS TE MI GNAS PAR 'PHEL TE, GANG GI PHYIR RIGS MTHUN SNGA MA'I SA BON LAS NI 'PHEL BA CAN GYI SEMS KYI YON TAN YIN PA'I PHYIR, GNYIS PA NI, BRTZE SOGS GOMS PA LAS MTHA' MED DU 'PHEL NA, MCHONGS PA'ANG MTHA' MED DU MCHONGS PAR 'GYUR RO ZHE NA, BRTZE SOGS DE LTAR MCHONGS PA RIGS 'DRA SNGA MA NYID LAS PHYI MA MTHA' MED DU MCHONGS PA MIN TE, MCHONGS PA TSAD NGES PA'I BDAG NYID YIN PA'I PHYIR TE, DE'I RGYU STOBS DANG 'BAD RTZOL DAG GI NUS PA TSAD NGES PA NYID

, ,KYI PHYIR, 'ON DANG PO NAS PHYIS BZHIN DU MCHONGS PAR 'GYUR RO ZHE NA, MCHONGS PA SBYONG BA'I SKYES BU DE NI CHOS CAN, DANG PO NAS PHYIS BZHIN DU MCHONGS PA MIN TE, BDAG NA SOGS KYIS LUS YANG BA DANG MI MTHUN PAR BYAS PA'I PHYIR, CHOS CAN, RTZOL BAS RIMS KYIS MI MTHUN PA BSAL NA'ANG MTHA' MED DU MCHONGS BA MIN TE, RANG RGYU LUS KYI STOBS TSAD NGES PA NYID DU GNAS PA'I PHYIR, SEMS CAN THAMS CAD LA SNYING RJE CHEN PO YOD PAR THAL, SNYING RJE RIGS 'DRA SNGA MA LAS SKYE ZHING THOG MA MED PA'I PHYIR ZHE NA, BRTZE BA CHOS CAN, GAL TE RANG GI SA BON GYI RGYU CAN GYI MI MTHUN PHYOGS KYIS GNOD BA MED NA, SEMS LA RANG GI RANG GIS 'JUG PA DE'I BDAG NYID DU 'GYUR TE, RANG GI SA BON LAS BYUNG BA'I SEMS KYI YON TAN YIN PA'I PHYIR, BCOM LDAN 'DAS CHOS CAN, GOMS PA LAS BRTZE BA'I BDAG NYID DU 'GYUR TE, 'DI LTAR GOMS PA SNGAM DANG SNGA MA'I SEMS KYI CHOS BRTZE BA DANG, CHAGS BRAL GYI BLO SOGS RIGS 'DRA GZHAN DAG GIS NI GSAL BA YI NI RTZA BA YIN PA'I PHYIR, DPER NA, DGRA BCOM LA CHAGS BRAL GYI BLO DANG, CHAGS CAN LA 'DOD CHAGS DANG, RNAL 'BYOR PA LA YID LOG RANG GI RANG GIS 'BYUNG PA BZHIN NO, ,GNYIS BA SBYOR BA PHUN TSOGS LA GSUM, MDOR BSTAN, RGYAS PAR BSHAD, DON BSDU BA'O, ,DANG PO NI, BRTZE LDAN SBYOR LAM PA CHOS CAN, SDUG BSNGAL ZHI BA'I THABS RNAMS LA NI MNGON BAR SBYOR BA GOMS PAR MDZAD DE, GZHAN GYI SDUG BSNGAL GZHOM PAR 'DOD PA'I SO SKYE YIN PA'I PHYIR, KHYAB STE, THABS BYUNG DANG DE'I RGYU LKOG TU GYUR PA YIN PA'I PHYIR NA, DE GZHAN LA 'CHAD BA NI DKA' BA YIN PA'I PHYIR, GNYIS BA NI, 'O NA BDEN BZHI LA RTOG PA'I THABS GANG ZHE NA,

CHOS CAN, BDEN BZHI LA RTOG BA'I THABS YOD DE, BDEN BZHI LA LUNG DANG RIGS PAS RNAM PAR DBYOD BA'I PHYIR, CHOS CAN, SDUG BSNGAL NYID KYI KHYAD PAR RES 'GA' SKYE BA'I RTAGS KYIS, SDUG BSNGAL GYI RGYU DANG RGYU DE MI RTAG PA LA SOGS PA'I RANG BZHIN LA RTOG PAR MDZAD DE, GANG GI PHYIR DE LTAR RGYU RTAG PAR GNAS NA, 'BRAS BU LOG BA GZIGS PA MED PA'I PHYIR RO, ,CHOS CAN, KUN 'BYUNG DE'I MI MTHUN PHYOGS LA BRTAG BA MDZAD DE, SDUG BSNGAL DE'I RGYU GZHOM PAR 'DOD BA'I PHYIR, CHOS CAN, KUN 'BYUNG DE'I MI MTHUN PHYOGS KYANG NGES PAR 'GYUR TE KUN 'BYUNG GI RGYU'I NGO BO RTOGS PA'I PHYIR, 'O NA SDUG BSNGAL GYI RGYU DANG DE'I GNOD BYED GANG ZHE NA, BDAG DANG BDAG GIR 'DZIN PAS BYAS PA'I 'DUS BYAS KYI SPYOD YUL CAN GYI 'DOD CHAGS NI CHOS CAN, SDUG BSNGAL GYI RGYU YIN TE, DE'I RTZA BA YIN PA'I PHYIR, BDAG MED MTHONG BA'I SHES RAB CHOS CAN, BDAG 'DZIN DE'I GNOD BYED NI YIN TE, DE DANG 'DZIN STANGS DNGOS SU 'GAL BA'I SGO NAS SUN 'BYIN PAR BYED BA'I PHYIR, 'O NA SGOMS PA LAS MNGON SUM DU 'GYUR BA'I TSUL JI LTA BU ZHE NA, THUB CHEN CHOS CAN, SDUG BSNGAL GYI RGYU'I BAG CHAGS SPANGS PA YIN TE, BLANG DOR LA THUGS KYANG GSAL BA MTHAR PHYIN BA'I PHYIR, KHYED LA SKYON DANG YON TAN DAG KYANG RAB TU GSAL PA NYID DU 'GYUR TE, RNAM PA DU MAR THABS MANG PO YUN RING PO GRANGS MED GSUM GYI DUS SU GOMS PA LAS DE LTAR 'GYUR BA'I PHYIR, CHOS CAN, BSE RU LTA BU LA SOGS BA LAS KHYAD ZHUGS PA 'DI YIN TE, GZHAN DON LA 'JUG PA MTHAR PHYIN PA CAN YIN BA'I PHYIR, GSUM BA NI, THABS BDAG MED RTOGS PA'I SHES RAB GOMS PAR BYED PA DE NYID CHOS CAN, SKABS 'DIR STON PA YIN PAR 'DOD DE, STON PA MTHAR

, ,THUG DE'I RGYU'I DON YIN PA'I PHYIR, BSAM SBYOR GNYIS PO 'DI NI CHOS CAN, 'BRAS BU PHUN TSOGS KYI RGYU RU BSHAD DE, DON GNYIS GRUB PA LAS DANG POR 'BYUNG BA'I PHYIR, ` GNYIS PA 'BRAS BU PHUN TSOGS LA GNYIS, BDE GSHEGS, SKYOB PA'O, ,DANG PO LA GNYIS, DNGOS DANG, RTZOD SPANG NGO, ,DANG PO NI, BCOM LDAN 'DAS CHOS CAN, YON TAN GSUM LDAN GYI BDE GSHEGS NYID BRNYES PA YIN TE, SDUG BSNGAL GYI RGYU MA LUS PAR SPANGS PA'I PHYIR, YON TAN GSUM GANG ZHE NA, LEGS PAR SPANGS PA YIN TE, SDUG BSNGAL GYI RTEN MIN PA'I SPANGS PA BRNYES PA'I PHYIR, CHOS CAN, RGYU LEGS PA SNGON DU SONG STE, BDAG MED PA MNGON SUM DU MTHONG BA 'AM, MTHONG ZIN GOMS PA'I SBYOR BA LAS THOB PA YIN PA'I PHYIR, CHOS CAN, 'KHOR BAR SLAR MIG SHEGS PA NYID YIN TE, BDAG LTA'I SA BON SPANGS PA YIN PA'I PHYIR, KHYAB STE, 'KHOR BAR SKYE BA DANG SKYON NI KUN DU 'BYUNG BA DAG SLAR YANG LDOG CES BSHAD PA YIN PA'I PHYIR, BDAG 'DZIN LA BDAG MED RTOGS PA'I SHES RAB KYIS JI LTAR GNOD CE NA, BDAG MED RTOGS PA'I SHES RAB CHOS CAN, BDAG 'DZIN LA GNOD BYED YIN TE, DE DANG 'DZIN STANGS THA DAD PA'I BDAG NYID KYIS 'GAL BA GANG ZHIG, BDEN PA PHYIN CI MA LOG PAR RTOGS PA'I PHYIR, NYAN THOS DGRA BCOM CHOS CAN, LUS NGAG SEMS KYI GNAS NGAN LEN LUS PA YIN TE, NYON MONGS MED PA DANG NAD MED KYANG, LAM LA BSHAD PA MDZAD NA THUGS MI GSAL BA NYID YIN PA'I PHYIR, BCOM LDAN 'DAS CHOS CAN, SKYON MA LUS PAR SPANGS PA NYID YIN TE, GNYEN PO GOMS PA MTHAR PHYIN PA'I PHYIR, GNYIS PA NI, CHOS CAN, SKYON ZAD PA MIN

TE, DAG SMRA BA LA SOGS PA YIN PA'I PHYIR ZHES RGYAD 'PHEN KHA CIG ZER RO, ,DAG SMRA BA 'DI CHOS CAN, DE SGRUB KYI KHYAB PA 'KHRUL TE, DE SGRUB KYI LDOG KHYAB LA THE TSOM ZA BA'I PHYIR, GZHAN YANG SKYON RNAMS RTAG PA NYID YIN PA'I PHYIR RAM, ,MI RTAG KYANG SPONG PA'I THABS MED PA'I PHYIR RAM, YANG NA THABS NI MI SHES PA'I PHYIR RAM, SKYON RNAMS MI ZAD PA NYID CES BYA BAR YONGS SU RTOG GRANG NA, DE THAMS CAD MI RIGS TE, SKYON GYI RGYU YOD PA'I PHYIR DANG, RGYU'I NI GNYEN PO GOMS PAS ZAD SRID PA'I PHYIR DANG, SKYON GYI RGYU'I RANG BZHIN SHES PA YIS THABS DE SHES PA'ANG GRUB PA YIN PA'I PHYIR, GNYIS PA NI, BCOM LDAN 'DAS CHOS CAN, SKYOB PA YIN TE, NYID KYIS GZIGS PA'I LAM GSUNG PA MTHAR PHYIN PA'I PHYIR, CHOS CAN, RDZUN MI GSUNG STE, RDZUN GSUNGS PA LA 'DOD BYA'I 'BRAS BU MED PAR MNGON SUM DU GZIGS PA'I PHYIR, CHOS CAN, TSAD MA'I SKYES BU YIN TE, THUGS BRTZE BA DANG LDAN PA'I PHYIR DANG, LAM GYI RTZOM PA KUN KYANG GZHAN GYI DON DU SBYOR BA'I PHYIR RO,, ` ,,GNYIS PA LUGS BZLOG GI SGO NAS TSAD MAR SGRUB PA LA GNYIS, RGYAS PAR BSHAD, DON BSDU BA'O, ,DANG PO LA GNYIS, 'BRAS BU PHUN TSOGS DANG, RGYU PHUN TSOGS SO, ,DANG PO LA GNYIS, SKYOB PA DANG, BDE GSHEGS SO, ,DANG PO LA GNYIS, BDEN BZHI STON PAS SKYOB PAR BSTAN, BSTAN BYA'I BDEN BZHI GTAN LA DBAB PA'O, ,DANG PO NI, LUGS MTHUN GYI SGO NAS BCOM LDAN 'DAS TSAD MA'I SKYES BUR SGRUB PA LAS YANG NA, BCOM LDAN 'DAS CHOS CAN, SKYOB PA YIN TE, BDEN PA BZHI NI STON PAR MDZAD PA MTHAR PHYIN PA'I PHYIR, GNYIS PA NI, BDEN BZHI STON PA SKYOB PA YIN NA, BDEN PA BZHI PO LANG ZHE

, ,NA, 'DI LA BZHI, SDUG BSNGAL, KUN 'BYUNG, 'GOG BDEN, LAM BDEN NO, ,DANG PO LA BZHI, SDUG BSNGAL NGOS GZUNG, DE THOG MED DU BSGRUB, THOG MA YOD PA DGAG ,BDEN PA'I RNAM PA BSHAD PA'O, ,DANG PO NI, NYER LEN GYI PHUNG PO CHOS CAN, SDUG BSAL YIN TE, THOG MA MED PA NAS 'KHOR BA CAN YIN PA'I PHYIR, GNYIS PA LA GNYIS, RTAGS DGOD ,TSUL BSGRUB PA'O, ,DANG PO NI, RGYANG 'PHEN NA RE, RTAGS MA GRUB STE, SKYE BA SNGA PHYI MED PA'I PHYIR ZHE NA, SKYES MA THAG PA'I 'DOD CHAGS SOGS CHOS CAN, RIGS 'DRA SNGA MA SNGON DU SONG STE, GOMS PA LAS GSAL BAR MTHONG BA'I PHYIR, GNYIS PA LA GNYIS, RGYU MED DU SKYE BA DGAG PA, MI MTHUN PA'I RGYU LAS SKYE BA DGAG PA'O, ,DANG PO NI, CHOS CAN, RGYU MED PAR 'DOD RGYAL DU BYUNG BA NYID MIN TE, RES 'GA' SKYE BA'I PHYIR, KHYAB STE, RGYU MED NA SKYE BA 'GAL BA'I PHYIR RO, GNYIS PA LA GNYIS, NANG GSUM RGYU YIN PA DGAG, 'BYUNG BZHI RGYU YIN PA DGAG PA'O, ,DANG PO LA GNYIS, BSTAN, BSHAD DO, ,DANG PO NI, DUG GSUM RIGS 'DRA SNGA MA LAS SKYE BA MIN GYI, NAD GSUM LAS RIM BZHIN SKYE'O ZHE NA, CHOS CAN, RLUNG SOGS KYI DNGOS 'BRAS KYI CHOS MA YIN TE, RLUNG SOGS LA 'KHRUL BA'I PHYIR TE, BAD KAN CAN ZHE SDANG SHAS CHE BA MTHONG BA'I PHYIR, GAL TE BAD KAN LA MKHRIS PA'I RANG BZHIN 'DRES PA'I PHYIR, 'KHRUL BA'I SKYON MED DO ZHE NA, BAD KAN CAN LA MKHRIS PA DE'I CHOS ZHE SDANG DE LAS GZHAN SHA SER BA YANG CIS MA MTHONG STE MTHONG BAR THAL, DE LA DNGOS RGYU MKHRIS PA TSANG BA'I PHYIR, CHOS CAN, NAD KUN GYI DNGOS 'BRAS KYI CHOS MA YIN PAR THAL, DE YIN NA NAD GSUM CHA MNYAM PA'I

SKYES BU THAMS CAD 'DOD CHAGS CHE CHUNG MTSUNGS PAR THAL BA'I SKYON YOD BA'I PHYIR, RGYU 'BYUNG BA MTSUNGS KYANG GZUGS SOGS CHE CHUNG MA MTSUNGS PA BZHIN YIN PAS SKYON MED DO ZHE NA, GZUGS DER YANG CHE CHUNG MED PA'I RTZOD PA MTSUNGS PA YIN PAR THAL, GAL TE GZUGS DE LA KHYAD PAR CAN GYI LAS RNAMS BDAG PO'I RKYEN MA YIN PAR RGYU 'BYUNG BA MTSUNGS PA'I PHYIR, GNYIS PA NI, CHOS CAN, NANG KUN LAS DNGOS SU SKYES PA'ANG MIN TE, SKYON RNAMS 'PHEL 'GRIB KYI KHYAD PAR YOD NA YANG, KHYOD 'PHEL 'GRIB KHYAD PAR MED PA'I PHYIR, RTAGS MA GRUB STE, MKHRIS PAS LUS GDUNGS PA LAS ZHE SDANG SKYE BA'I PHYIR ZHE NA, DE TZAM GYIS RTAGS MA GRUB PA NYID MA YIN TE, NAD THAMS CAD 'GYUR BA YIS ZHE SDANG SKYE BAR 'GYUR BA'I PHYIR, RTZA BAR KHYAB STE, RGYUN 'PHEL BAR GYUR PA NA 'BRAS BU 'GRIB PAR MI RUNG BA'I PHYIR, DPER NA, MKHRIS PA 'PHEL BA LAS TSA BA SOGS 'PHEL BA BZHIN NO, ,CHAGS SOGS KYI 'GYUR BA CHOS CAN, NAD 'BA' ZHIG LAS SKYE BA MIN TE, BDE SDUG LAS SKYES PA YIN PA'I PHYIR, GAL TE NAD GSUM CHA MI MNYAM PA LAS SKYES PA'I SDUG BSNGAL GYIS 'DOD CHAGS MI SKYED NA, CIS SKYED SMROS SHIG BYAS PAS, NAD GSUM CHA MNYAM PA LAS KHU BA 'PHEL LA, DE LAS 'DOD CHAGS SKYE BA YIN NO ZHE NA, DE MI 'THAD PAR THAL, NAD GSUM CHA MA MNYAM PA LA'ANG CHAGS CAN MTHONG BA'I PHYIR DANG, RNAL 'BYOR PA GZHAN NI NAD GSUM CHA MNYAM NA'ANG CHAGS CAN MIN PA'I PHYIR DANG, SKYES BU GZHAN NI KHU BA ZAD NAS KHRAG 'DZAG KYANG 'DOD CHAGS SKYE BA MTHONG BA'I PHYIR, BUD MED GCIG LA CHAGS PA'I SKYES BU DE CHOS CAN, BUD MED GCIG PO DE LA CHAGS PA DRAG PO CAN DU MI 'GYUR

, ,BAR THAL, BUD MED GCIG PO DE LA KHU BA 'PHEL BA'I NGES PA MED PA'I PHYIR, GAL TO GZUGS MDZES SOGS KYANG 'DOD CHAGS KYI YAN LAG TU DGOS SO ZHE NA, BUD MED KYI GZUGS MDZES CHOS CAN, 'DOD CHAGS KYI DNGOS RGYUR DGOS PA MA YIN PAR THAL, KHYOD DANG LDAN PA KUN LA 'DOD CHAGS SKYE BAR MA NGES PA'I PHYIR DANG, KHYOD YOD PA'I NGES PA MED PAR 'DOD CHAGS 'BYUNG BA'ANG MIN PAR THAL BA'I SKYON YOD PA'I PHYIR DANG, KHYOD LA YON TAN DU MI 'DZIN PA LA'ANG 'DOD CHAGS SKYE BAR 'GYUR BA'I SKYON YOD PA'I PHYIR, GAL TE GZUGS MDZES LA YON TAN DU 'DZIN PA DE YANG 'DOD CHAGS KYI YAN LAG YIN NO ZHE NA, BUD MED KYI GZUGS MDZES NYE BAR YOD PA'I SKYES BU THAMS CAD CHOS CAN, KHYOD KYIS GZUGS MDZES PA LA YON TAN DU 'DZIN PA CAN DU 'GYUR TE, DE'I RGYU YOD PA LA KHYAD PAR MED PA'I PHYIR RO, ,GNAS SKABS GANG LA BA DKAN SHAS CHE BA'I SKYES BU DE 'DRA CHOS CAN, ZHE SDANG CAN DU MI 'GYUR BAR THAL, 'DOD CHAGS DRAG PO CAN DU 'DOD PA'I PHYIR, KHYAB STE, CHAGS SDANG DE GNYIS 'DZIN STANGS NGO BO MI MTSUNGS PA'I PHYIR, 'DOD MI NUS TE, BAD KAN CAN 'DI LA ZHE SDANG MI SKYE BA NGES PAR MTHONG BA'ANG MED PA'I PHYIR, BAD KAN CAN LA ZHE SDANG MI SKYE PA'I NYES PA KHYED RANG LA'ANG MTSUNGS SO ZHE NA, SANGS RGYAS PA GANG GI LUGS DE LA CHOS CAN, BAD KAN CAN LA ZHE SDANG MI SKYE BA'I SKYON 'DIR THAL BA MED DE, 'DOD CHAGS LA SOGS PA RIGS MTHUN PA'I BAG CHAGS KYI KHYAD PAR LA RAG LAS PAS NI 'JUG PAR 'GYUR BA'I PHYIR, GNYIS PA NI, CHAGS SOGS NAD GSUM GYI DNGOS 'BRAS MIN YANG, 'BYUNG BA'I DNGOS 'BRAS YIN NO ZHE NA, CHAGS SOGS NAD GSUM GYI

DNGOS 'BRAS YIN PA 'GOG PA'I RIGS PA 'DIS NI CHOS CAN, DON YOD DE, CHAGS SOGS 'BYUNG BA'I DNGOS 'BRAS KYI CHOS NYID YIN PA'ANG BKAG PA'I PHYIR, GAL TE 'BYUNG BA DE CHAGS SOGS GRUB ZIN GNAS PA'I RTEN YIN NO ZHE NA, 'BYUNG BA CHOS CAN, CHAGS SOGS GRUB ZIN GNAS PA'I RTEN RANG MIN PAR THAL, DE YANG BDAG ZIN PA NYID KYI PHYIR RO, ,RTEN DON GZHAN THAMS CAD 'GOG NA, 'BYUNG BA 'BYUNG GYUR GYI RTEN DU BSHAD PA DANG 'GAL LO ZHE NA, DKAR PO LA SOGS CHOS CAN, SA SOGS 'BYUNG BA LA DUS MNYAM BRTEN PA NYID NI MA YIN PAR THAL, 'BYUNG BA DANG RGYU 'BRAS YIN PA'I PHYIR, CHOS CAN, 'BYUNG BA DE DUS MNYAM PA'I RTEN DON GZHAN DU 'THAD PA MIN PAR THAL, KHYOD 'BYUNG BA DE LA BRTEN PA'I SGRA'I DON YANG 'BYUNG BRGYU'I DON NAM, YANG NA RANG GI RTEN DAG DANG DBYER MED PAR NI GNAS PA'I RGYU MTSAN GYIS RTEN DU BSHAD PA YIN PA'I PHYIR, RTAGS MA GRUB STE, GAL TE CHANG DANG MYOS PA'I NUS PA BZHIN DU, 'BYUNG SEMS RTEN DANG BRTEN PA YIN YANG DBYER YOD DO ZHE NA, SHES BYA CHOS CAN, MYOS PA'I NUS PA 'JIG NA, CHANG GI DNGOS PO 'JIG PAR 'GYUR ZHING ,RTEN CHANG TSANG BAR GNAS NA BRTEN PA MYONG BA'I NUS PA 'JIG PA MA YIN PAR THAL, CHANG GI DNGOS PO LAS MYOS PA'I NUS PA DON GZHAN NYID MA YIN PA'I PHYIR, GAL TE 'BYUNG SEMS RDZAS GCIG PA DE MTSUNGS SO ZHE NA, 'BYUNG SEMS CHOS CAN, RDZAS GCIG MIN TE, RDZAS THA DAD PA NYID YIN PA'I PHYIR TE, BLO MA 'KHRUL BAS SNANG BA THA DAD PA CAN DU RTOGS PAS SO, ,YID CHOS CAN, JI SRID LUS KYI 'BYUNG BA NI 'GYUR GYI BAR DU GZUGS SOGS MI 'GYUR BA BZHIN DU, KHYOD KYI NGO BO MTSUNGS PAR 'GYUR BAR THAL, 'GYUR BA DE KHYOD MI

, ,'JIG PAR GNAS PA'I RTEN YIN PA'I PHYIR, GZUNG DON GYI DBANG GIS GZHAN DU 'GYUR RO ZHE NA, RNAM PAR RTAG PA NI CHOS CAN, GZUNG DON GYI GZHAN DBANG CAN NYID GANG LAS YIN TE MA YIN PAR THAL ,SGRO BTAGS PA'I YUL CAN YIN PA'I PHYIR, SHES BYA CHOS CAN, SHES PA SNGA MA 'GA' ZHIG LAS PHYI MA 'GA' ZHIG SKYE BA YIN TE, GANG GI TSE LUS LA LTOS PA MED PAR, SHES PA SNGAM 'GA' ZHIG PHYI MA 'GA' ZHIG GI BAG CHAGS SAD PA'I RGYUR 'GYUR BA DES NA'O, ,GSUM PA THOG MA YOD PA DGAG PA LA GNYIS, RTAGS KYIS DGAG, HA CANG THAL BAS DGAG PA'O, ,DANG PO NI, 'KHOR BA THOG MED DU GRUB STE, RNAM SHES KYI NYER LEN YOD, RNAM SHES MA YIN PA RNAM SHES KYI NYER LEN MIN PA'I PHYIR, GAL TE DNGOS PO THAMS CAD NI RNAM SHES SKYED PA'I NUS PA DANG LDAN PA'I PHYIR, RNAM SHES MIN PA RNAM SHES KYI NYER LEN MIN PAR KHO BO CAG KYANG 'DOD DO ZHE NA, SHES BYA CHOS CAN, RGYU RTZVA SOGS KYI RTZE NA 'BRAS BU GLANG CHEN BRGYA SNGON GYI TSE MA MTHONG BA'I TSUL GYIS YOD DO ZHES DE SKAD GRANGS CAN PHYUGS LTA BU LAS GZHAN NGO TSAR BA CAS PA SU YANG BRJOD PAR RTZOL BA MI RIGS PAR THAL, 'BRAS BU DE NI RGYU'I NGO BOR JI LTAR YOD PAR 'GYUR TE MI 'GYUR BA'I PHYIR TE, RGYU NI LEN BRGYAR RNAM PAR PHYE YANG 'BRAS BU'I NGO BO GANG ZHIS SNANG BAR 'GYUR BA'I NGO BO DE NI, SNGAR RGYU'I DUS NA MI SNANG BA'I PHYIR, GNYIS PA LA GNYIS, THAL BA DGOD, SKYON SPONG DGAG PA'O, ,DANG PO NI, GAL TE 'KHOR BA LA THOG MA YOD NA, CHAGS SOGS CHOS CAN, SEMS CAN KUN LA SKYE BA'I NGES MED DU 'GYUR BAR THAL, RIGS 'DRA SNGA NA MED PAR 'BYUNG BA YIN PA'I PHYIR, GNYIS PA LA GSUM, CHAGS SOGS YOD PA'I SGRUB BYED DGAG,

KHYAB PA MA NGES PA DGAG, 'JUG BSDU BA'O, ,DANG PO NI, GAL TE SEMS CAN KUN CHAGS SOGS DANG LDAN TE, 'BYUNG BA'I BDAG NYID LAS MA 'DAS PA'I PHYIR ZHE NA, SEMS CAN THAMS CAD CHOS CAN, 'DOD CHAGS CHE CHUNG MTSUNGS PAR 'GYUR BAR THAL, RGYU 'BYUNG BA MTSUNGS PA'I PHYIR, GAL TE 'BYUNG BA'I KHYAD PAR LAS 'DOD CHAGS CHE CHUNG DU 'GYUR RO ZHE NA, CHAGS SOGS DE CHOS CAN, SNGAR YOD PA LAS PHYIS MED PAR 'GYUR BAR THAL, 'BYUNG BA RNAMS LA CHES SROG CHAGS SOGS KYI KHYAD PAR MED KYANG, KHYOD 'PHEL 'GRIB KYI KHYAD PAR 'DI'I RTEN 'BYUNG PA GANG YIN PA DE NI, PHUL DU BYUNG BA DANG 'GRIB PA'I KHYAD PAR BZHIN DU 'GYUR BA'I PHYIR, GAL TE CHAGS SOGS 'PHEL 'GRIB THA DAD KYANG, ,GTAN ZAD PA SRID PA MIN TE, RGYU 'BYUNG BA MTSUNGS PA'I BDAG NYID MI LDOG PA'I PHYIR ZHE NA, SEMS CAN KUN LA CHOS CAN, 'DOD CHAGS 'DRA BAR 'GYUR BAR THAL, RGYU 'BYUNG BA'I BDAG NYID 'DRA BA'I PHYIR, DPER NA, GRANGS CAN GYI LUGS LA BA LANG DU MTSUNGS PA'I BDAG NYID LAS BYUNG BA'I BA LANG GI SHES PA'I YUL LA CHES BA LANG SOGS KYI KHYAD PAR MED PA'AM, RGYANG 'PHEN GYI LUGS 'DIR YANG SA SOGS LA CHES SROG CHAGS NYID SOGS KYI KHYAD PAR GYI RIM PA LA LAR YOD PA MIN PA BZHIN NO, ,GAL TE ME LA DRO RIM GYI KHYAD PAR YOD NA YANG, DRO BA MED PA'I ME 'GA' YOD PA MIN PA DE BZHIN DU, SEMS CAN 'DIR YANG CHAGS SOGS CHE CHUNG KHYAD PAR YOD KYANG CHAGS SOGS MED PA'I SEMS CAN MED DO ZHE NA, DPE DON MTSUNGS PA MIN TE, DRO BA LAS ME GZHAN BKAG PA'I PHYIR RO, ,CHAGS SOGS DE DAG CHOS CAN, LUS DE'I KHYAD PAR NI LA LAR CHAD PAR 'GYUR TE, LUS LAS DON GZHAN DU YOD PA'I

, ,YON TAN GANG ZHIG ,'PHEL 'GRIB KYI KHYAD PAR GYI RIM PA DANG LDAN PA'I PHYIR ,DPER NA, SNAM BU LA DKAR SOGS BZHIN NO, ,GNYIS PA NI, GAL TE 'BYUNG BA LA GZUGS SOGS 'BRAL MI SHES YIN PA BZHIN DU CHAGS SOGS KYANG YIN PAS, SNGA NA MED PA 'BYUNG BA LA ZHES PA'I KHYAB PA MA NGES SO ZHE NA, SHES BYA CHOS CAN ,'BYUNG BA LA GZUGS SOGS BZHIN DU CHAGS SOGS 'BRAL MI SHES SU DES PA MIN TE ,GZUGS SOGS DE DAG 'BYUNG BA DANG DBYER MED GANG ZHIG, CHAGS SOGS 'BYUNG BA DANG DBYER YOD PA'I PHYIR, GAL TE 'BYUNG BA LA GZUGS SOGS DANG CHAGS SOGS DBYER MED PA DE MTSUNGS SO ZHE NA, DE MTSUNGS PA MA YIN TE, MTSUNGS NA CHAGS SDANG SOGS LHAN GCIG SKYE BAR THAL BA'I PHYIR, GZUNG DON GYI DBANG GIS RIM PA BZHIN SKYE'O ZHE NA CHAGS SDANG CHOS CAN ,GZUNG YUL YANG RIM PA BZHIN DU SKYE BAR DES BYED MA YIN PAR THAL, RTOG PAS RNAM PAR BRTAGS PA'I YUL CAN YIN PA'I PHYIR, GSUM PA NI, CHAGS SOGS CHOS CAN, SEMS CAN KUN LA SKYE BA'I DES PA MED PAR THAL, SKAL MNYAM GYI RGYU DANG BRAL BA'I PHYIR, SKYON MED DE, 'BYUNG BA RTAG PA RGYU YIN PA'I PHYIR ZHE NA ,BLO RNAMS KUN CHOS CAN, SEMS CAN THAMS CAD LA KUN GYI TSE SKYE BAR 'GYUR BAR THAL ,RGYU 'BYUNG BA RTAG PA NI NYE BA'I PHYIR, BZHI PA BDEN PA'I RNAM PA BSHAD PA NI, NYER LEN GYI PHUNG PO DE NI CHOS CAN, MI RTAG STE, RES 'GA' SKYE BAR DMIGS PA'I PHYIR, SDUG BSNGAL BA YIN TE, NYES PA'I RTEN YIN PA'I PHYIR DANG, RGYU LAS NYON GYI GZHAN DBANG CAN YIN PA'I PHYIR, GANG ZAG GI BDAG MIN TE ,MI RTAG PA DANG SDUG BSNGAL BA

YIN PA'I PHYIR, CHOS CAN, STONG PA NYID YIN TE, BDAG GIS BYIN GYIS BRLABS PA'ANG MIN PA'I PHYIR TE, BDAG DE BYIN GYIS RLOB PA PO MIN PA'I PHYIR TE, BDAG DE RGYU MA YIN PA'I PHYIR, RTAGS KHAS BLANGS ,RTAG PA GCIG LAS 'BRAS BU DU MA NI DUS THA DAD PAR SKYE BAR MI 'GYUR BAR THAL, RTAG PA'ANG JI LTAR SKYE BYED YIN TE MA YIN PA DE'I PHYIR, RTAG PA LA 'BRAS BU SKYED PA'I NUS PA MED DE, RGYU GZHAN DAG NI TSOGS NA YANG 'BRAS BU RES 'GA' SKYE BA MED PA'I PHYIR TE, RGYU GZHAN RJES SU DPOG PAR 'GYUR NA, RJES SU 'GRO LDOG DE NI RTAG PA RNAMS LA YOD PA MIN PA'I PHYIR, GNYIS PA KUN 'BYUNG LA BZHI, RGYU, KUN 'BYUNG, RAB SKYE, RKYEN GYI RNAM PA'O, DANG PO NI, SDUG BSNGAL 'DI CHOS CAN, RGYU DANG BCAS PA NYID DU GRUB STE, RES 'GA' SKYE BA NYID YIN PAS NA'O, RGYU MED DU 'BYUNG NGO ZHE NA, CHOS CAN, GZHAN LA MI LTOS PAR 'BYUNG BAR THAL, RGYU MED DU 'BYUNG BA'I PHYIR, 'DOD NA, RTAG TU YOD PA'AM MED PAR 'GYUR BAR THAL LO, ,JI LTAR TSER MA LA SOGS KYI RNO BA NYID SOGS RGYU MED PA DE LTAR DNGOS PO 'DI DAG RGYU MED 'GYUR RO ZHES NI RGYAD PHEN KHA CIG RAB TU BRJOD DO, TSER MA'I RNO BA SOGS DE RNAMS CHOS CAN, RGYU YOD DE, RGYU GANG YOD PA NYID NA GANG SKYE BA'AM, RGYU GANG 'GYUR NA YANG RNAM PAR 'GYUR BA DE NI DE'I RGYUR RAB TU BRJOD LA, DE NI KHYOD LA'ANG YOD PA'I PHYIR, 'O NA, REG PA CHOS CAN GZUGS 'DZIN DBANG SHES KYI RGYU YIN PAR THAL, KHYOD YOD NA GZUGS 'DZIN DBANG SHES SKYE, MED NA MI SKYE BA'I PHYIR ZHE NA, REG PA CHOS CAN, GZUGS MTHONG BA'I DBANG SHES LA NI RGYU MTSAN YIN TE, GZUGS KYI RGYU NYID YIN PA'I PHYIR, GNYIS PA NI, RGYU

, ,YOD MOD RGYUD RTAG PA'O ZHE NA, SDUG BSNGAL CHOS CAN, DBANG PHYUG LA SOGS PA LAS KYANG SKYE BA SRID PA MIN TE, DES PHAN PA'I NUS PA MED PA'I PHYIR TE, RTAG PA RNAMS RGYU YIN PA BKAG PA'I PHYIR RO, ,GSUM PA NI, RGYU YOD CING MI RTAG PA DE'I PHYIR, SHES BYA CHOS CAN, SRID PA'I 'DOD CHAGS DE SDUG BSNGAL GYI RGYU YIN TE, GANG GI PHYIR MI RNAMS YUL GYI KHYAD PAR YONGS SU 'DZIN PA DE NI ,DE THOB 'DOD KYI BSAM PAS BYAS LA, DE NI SRID PA'I 'DOD CHAGS YIN PA'I PHYIR, SRID PA'I SRED PA RGYU YIN NA, MDO LAS, SRED PA GSUM GRGYUR BSHAD PA DANG 'GAL LO ZHE NA, MI 'GAL TE, GANG GI PHYIR YANG SROG CHAGS RNAMS BDE BA THOB PA DANG SDUG BSNGAL 'DOR BAR 'DOD PAS 'JUG PA DE DAG NI 'DOD SRED DANG 'JIG SRED YIN PAR 'DOD PA'I PHYIR, BZHI PA LA GNYIS, DNGOS DANG RTZOD SPANG NGO, ,DANG PO NI, SHES BYA CHOS CAN, SRED PA SRID PA'I RTEN YIN TE, BDAG TU CHAGS PA'I RGYU NYID LAS BDE MIN BDE BAR 'DU SHES PAS, YUL KUN LA RAB TU 'JUG PAR 'GYUR BA DE'I PHYIR, CHOS 'DRA, CHAGS BRAL SRID PAR SKYE BA MA MTHONG BA'I PHYIR ZHES NI SLONG DPON RNAMS KYIS GSUNGS PA DE 'THAD PA'I PHYIR, 'O NA LUS LAS KYANG NI 'DOD CHAGS 'BYUNG BAR THAL, LUS MED CHAGS PA MA MTHONG BA'I PHYIR ZHE NA, LUS CHOS CAN, KHYOD LAS KYANG 'DOD CHAGS 'BYUNG BAR 'DOD DE, DE'I LHAN CIG BYED RKYEN GYI RGYU MTSAN DU KHAS BLANGS PA'I PHYIR, CHOS CAN, GONG BU 'DOD CHAGS KYI RGYU YIN PA BKAG PA MIN TE, 'DOD CHAGS KYI NYER LEN NYID NI BSAL BA YIN PA'I PHYIR, ,SHES BYA CHOS CAN, RGYANG 'PHEN RANG NYID KYIS RANG GI 'DOD PA SKYE BA SNGA PHYI MED PA LA GNOD PAR

'GYUR TE, 'DOD CHAGS LUS KYI RGYU YIN PA'I RIGS PA 'DI'I RJES SU 'BRANGS NAS, LUS 'DOD CHAGS KYI RGYUR 'DOD PA'I PHYIR, GAL TE CHAGS PA LUS KYI RGYU MA YIN TE, LUS SKYE PA DANG LHAN CIG TU 'BYUNG BA'I PHYIR TE, LUS SKYE BA LA CHAGS PA MTHONG BA'I PHYIR ZHE NA, CHAGS PA CHOS CAN, LUS LAS 'BYUNG BA MA YIN PAR THAL, LUS DANG LHAN CIG 'BYUNG BA'I PHYIR, RTAGS KHAS BLANGS, 'DOD NA, RIGS 'DRA SNGAR GRUB PA YIN PAR THAL, SKAL MNYAM GYI RGYU LAS SKYE BA'I PHYIR, GNYIS PA NI, MA RIG PA DANG LAS KYANG SRID PA'I RGYUR MI 'CHAD PAR, SRED PA RGYUR 'CHAD PA'I RGYU MTSAN CI YIN ZHE NA, MI SHES PA CHOS CAN, SRID PA'I RGYU YIN YANG 'DIR DNGOS SU MA BRJOD PA'I RGYU MTSAN YOD DE, YANG SRID DE MA THAG TU 'GRUB BYED MA YIN PA'I PHYIR, SRED PA NYID CHOS CAN, RGYUR BSHAD PA'I RGYU MTSAN YOD DE, SRID PA'I RGYUN NI 'PHEN PAR BYED PA'I PHYIR DANG, SRID PA DE MA THAG TU 'GRUB BYED YIN PA'I PHYIR, LAS KYANG RGYU'I GTZO BO MIN TE, SRED PA DE YOD NA LAS SOGS PA YOD LA, SRED PA MED NA LAS YOD KYANG SRID PAR SKYE BA'I NGES PA MED PA'I PHYIR RO, ,GSUM PA 'GOG PA'I BDEN PA LA GSUM, 'GOG PA, ZHI BA, GYA NO MA GYI RNAM PA'O, ,DANG PO NI, SDUG BSNGAL DE NI CHOS CAN, GTAN DU BA MIN TE, KHYOD KYI RGYU LA GEGS BYED PA SOGS SRID PA'I PHYIR RO, ,GANG ZAG GI BDAG CHOS CAN, THAR PA MED PAR THAL, 'KHOR BA'I CHOS CAN YIN PA'I PHYIR ZHE NA, DE LTA BU'I THAL 'GYUR CHOS CAN, SANGS RGYAS PA LA GNOD BYED MA YIN PAR THAL, 'DOD LAN DANG RTAGS MA GRUB KYI LAN THEBS PA'I PHYIR TE, BDAG MED PA'I PHYIR,

, ,GROL BA PO'I BDAG MED NA LAM LA 'BAD PA DON MED RO ZHE NA, SO SKYE DE NI CHOS CAN, GROL BA PO'I BDAG NI MED NA YANG, LOG PAR SGRO BTAGS PA GZHOM PA'I PHYIR DU BRTZON DGOS TE, JI SRID BDAG CHAGS MA BCOM ZHING SDUG BSNGAL GYIS YONGS SU GDUNG BAR GYUR BA DE SRID DU, SDUG BSNGAL LA BDE BAR SGRO BTAGS NAS BDE BA'I RANG BZHIN DU NI GNAS PA MED PA'I PHYIR, DGRA BCOM PA CHOS CAN, 'KHOR BAR SKAD CIG KYANG MI GNAS PAR THAL, BDAG MED MNGON SUM DU RTOGS PAS BDAG GI DON LA RE PA MED PA'I PHYIR ZHE NA, 'DOD CHAGS DANG BRAL BA'I DGRA BCOM PA CHOS CAN, BRTZE BA'AM YANG NA LAS KYIS GNAS PA YIN TE, LAS KYIS 'PHANGS PA'I SDUG BSNGAL GYI LHAG MA LUS PA LA LDOG 'DOD MED CING, DGOS PA 'GA' ZHIG MTHONG NAS KYANG GNAS PA'I PHYIR RO,, LAS KYIS GNAS NA YANG SRID DU SKYE BAR 'GYUR RO ZHE NA, SRID PA'I SRED PA LAS RNAM PAR BRGAL BA'I DGRA BCOM PA CHOS CAN, LAS KYIS SRID PA GZHAN 'PHEN NUS MA YIN TE, LHAN CIG BYED RKYEN SRED PA ZAD PA'I PHYIR RO, ,GNYIS PA NI, CHOS CAN, BDAG 'DZIN MA SPANGS PAR THAL, BRTZE LDAN YIN PA'I PHYIR ZHE NA, CHOS CAN, BRTZE BSKYE BA DE SEMS CAN DU LTA BA DANG RJES SU 'BREL BA CAN MA YIN TE, SDUG BSNGAL MNGON SUM DU SHES PA LA 'GAL ZLA MED PA LA GOMS PA'I 'DU BYED SNGA MA'I RJES SU 'JUG PA CAN GYI DNGOS PO YIN PA'I PHYIR, CHOS CAN, 'DOD CHAGS CAN DU THAL, BRTZE LDAN YIN PA'I PHYIR ZHE NA, CHOS CAN, 'DOD CHAGS DANG BRTZE BA DMIGS RNAM MI MTSUNGS PAR THAL, GTZANG BA DE DE'I BDAG NYID MIN PA'I CHOS LA NI BDAG NYID GZHAN DU SGRO 'DOGS PA LAS 'DOD

CHAGS SKYE LA, SEMS CAN SDUG BSNGAL BA'I RGYUN RIG PA TZAM LAS NI BRTZE BA SKYE BAR 'GYUR BA YIN PA'I PHYIR, CHOS CAN, ZHE SDANG CAN YIN PAR THAL, BRTZE LDAN YIN PA'I PHYIR ZHE NA, CHOS CAN, NYES PA'I RGYU LAS KHRO BA SKYE BA MA YIN TE, GTI MUG NYES PA'I RTZAB STE DE YANG SEMS CAN RANG DBANG BAR 'DZIN PA YIN LA DE MED PA'I PHYIR, CHOS CAN, KHYOD KYI BRTZE BA NYES MED DU 'DOD DE, KHYOD KYI BRTZE BA NYON MONGS KUN GYIS DBEN PA DES NA'O, ,LAS KYIS GNAS NAM GROL BAR 'GYUR RO ZHE NA, CHOS CAN, GROL MED MA YIN TE, SNGON GYI 'DU BYED KYI NUS PA ZAD NAS, SRID PA GZHAN MTSAMS MI SBYOR BA'I PHYIR, THEG CHEN DGRA BCOM PA GANG DE CHOS CAN, SRID PAR GNAS PA NYES MED NYID YIN TE, TSOGS GNYIS 'DU BYED PA'I NUS PA MA ZAD PAR GNAS PA'I PHYIR, SNYING RJES 'KHOR BAR GNAS NA RTAG TU GNAS PAR 'GYUR RO ZHE NA, THEG DMAN DGRA BCOM CHOS CAN, SRID PAR GNAS PA'I 'BAD RTZOL CHEN PO MED DE, SNYING RJE DMAN PA NYID YIN PA'I PHYIR, THEG CHEN DGRA BCOM GANG DAG CHOS CAN, 'KHOR BA JI SRID BAR GZHAN GYI DOR NI BZHUGS PA YIN TE, BRTZE BA CHEN PO MTHAR PHYIN PA'I GANG ZAG YIN BA'I PHYIR, GAL TE 'JIG LTA 'KHOR BA'I RTZA BA YIN NA, RGYUN ZHUGS CHOS CAN, 'PHAGS LAM DANG POR NI THOB PA NA SRID PAR SKYE BA MED PAR 'GYUR BAR THAL, 'JIG TSOGS LA LTA BA DANG BRAL BA'I PHYIR ZHE NA, RTAGS MA GRUB STE, 'JIG LTA LHAN CIG SKYES PA MA SPANGS PA'I PHYIR, SPANGS SO ZHE NA'ANG, CHOS CAN, YANG SRID PAR SKYE BA GAL YOD DE MED PAR THAL LO, ,CHOS CAN, SEMS CAN LA LTA BA LHAN CIG SKYES PA YOD PAR THAL, RANG DBANG BA'I DA'O SNYAM PA'I BLO GANG YIN PA DE YOD

, ,PA'I PHYIR TE, BDAG BDE BAR GYUR PA'AM SDUG BSNGAL BAR MA GYUR CIG CES 'DOD PA'I PHYIR, KHYAB STE, RANG DBANG BA'I BZHES MTHONG BA MED PAR NI 'GA' YANG BDAG LA CHAGS PA MA YIN LA, BDAG LA SRED PA MED PAR YANG BDE BA 'DOD PAS MNGON BAR RGYUG BA MIN PA'I PHYIR, GSUM PA NI, GYA NOM PA'I THAR PA THOB PA LA, BDAG RTAG PA BCING GROL GYI GZHIR DGOS SO ZHE NA, DE DGOS PA MA YIN PAR THAL, SDUG BSNGAL SKYE BA'I RGYU NYID NI 'CHING BYED YIN LA, RTAG PA LA DE GANG LAS YOD DE MED PA'I PHYIR DANG; SDUG BSNGAL MI SKYED PA'I RGYU NYID NI THAR BYED YIN LA, RTAG PA LA DE GANG LAS YOD DE MED PA'I PHYIR ,MANG BKUR BA NA RE, RTAG MI RTAG GANG DU YANG BRJOD DU MED PA'I BDAG DE, 'CHING GROL GYI GZHI YIN NO ZHE NA, BDAG GANG YIN PA DE CHOS CAN, 'BRAS BU 'GA'I YANG RGYU MA YIN PAR THAL ,MI RTAG PA NYID DU BRJOD DU MED PA'I PHYIR ,BCINGS PA DANG THAR PA JI LTA BUR YANG YOD PA MA YIN PAR THAL, RTAG MI RTAG GANG DU YANG BRJOD BYA MA YIN PA'I PHYIR, MANG BKUR BA CHOS CAN, DNGOS 'GAL BAR DU PHUNG GSUM KHAS LEN PA'I NGO TSA BA'I LTA BA 'DI SPONGS LA, BDAG DE NI RTAG PAR SMROS SHIG STE, BDAG DE MI 'JIG PA'I CHOS YIN PA'I PHYIR, KHYAB STE, GANG GI RANG BZHIN 'JIG PA MED PA DE LA ,MKHAS PA RNAMS RTAG CES BRJOD PA'I PHYIR, BZHI PA LAM BDEN LA GNYIS, RANG LUGS KYI GROL LAM BSHAD, GZHAN LUGS KYI GROL LAM DGAG BA'O, ,DANG PO LA GSUM, BDAG MED RTOGS PA'I SHES RAB GROL LAM DU BSTAN, DE LA RTZOD BA SPANG, BDAG 'DZIN SRID BA'I RTZA BAR BSTAN PA'O, ,DANG PO NI, 'O NA 'KHOR BA LAS GROL

BYED KYI LAM DE GANG ZHE NA, SNGAR BSHAD ZIN PA'I BDAG MED MNGON SUM DU RTOGS PA'I SHES RAB DE CHOS CAN, GROL LAM YIN TE, ,KHYOD GOMS PA LAS GNAS GYUR MTHAR PHYIN PA 'THOB PA'I LAM YIN PA'I PHYIR ,GNYIS PA LA GNYIS, SPANGS PA SLAR LDOG PA'I RTZOD PA SPANG, BDAG MED RTOGS PA'I SHES RAB BDAG 'DZIN GYI GNYEN PO YIN PA LA RTZOD PA SPANG BA'O, ,DANG PO NI, GAL TE LAN GCIG GNAS GYUR KYANG, ZAG BCAS LAS LAM 'BYUNG BA BZHIN DU SLAR YANG SKYON NI 'BYUNG NGO ZHE NA, SPANGS PA MTHAR PHYIN PA'I SKYES BU CHOS CAN, NYES PA SLAR SKYE PA MA YIN TE, NYES PA SKYED PA'I NUS PA MED PA'I PHYIR RO, ,DE'I RGYU MTSAN SEMS KYI RANG BZHIN 'OD GSAL BA DANG DRI MA RNAMS BLO BUR BA YIN PA'I PHYIR RO, ,'DI LTAR GZUGS 'DZIN DBANG PO'I RNAM PAR SHES PA CHOS CAN, GZUGS JI LTAR YOD PA DE 'DZIN PA YIN TE, YUL GZUGS JI LTAR YOD PA BZHIN 'DZIN PA DE KHYOD KYI CHOS SAM RANG BZHIN YIN PA'I PHYIR, GZUGS CHOS CAN, GZUGS 'DZIN PA'I RNAM SHES SKYED PA 'DI KHYOD KYI RANG BZHIN YIN TE, RANG JI LTAR YOD PA YI NI BDAG NYID DE 'DZIN PA'I GZUGS 'DZIN RNAM SHES 'DI YI SKYED PAR BYED PA'ANG YIN PA'I PHYIR, PHUNG PO RTAG PAR 'DZIN PA'I BLO CHOS CAN, YUL CAN GYI RANG BZHIN MA YIN TE, YUL GYI GNAS TSUL 'DI LAS RKYEN GZHAN GYIS NI GOL BAR 'GYUR ZHING, KHYOD LDOG PA LA NI RKYEN LA LTOS PA'I PHYIR, CHOS CAN, SEMS LA 'BRAL MI RUNG MA YIN TE, MI BRTAN PA 'KHRUL RGYUS BSLAD PA YIN PA'I PHYIR, DPER NA, THAG KHRAL SPRUL 'DZIN GYI BLO BZHIN NO, ,PHUNG BO MI RTAG PAR RTOGS PA'I BLO CHOS CAN, SEMS KYI RANG

, ,BZHIN 'OD GSAL BA YIN TE, YUL GYI GNAS TSUL RTOGS PA'I BLO YIN PA'I PHYIR, DRI MA RNAMS NI CHOS CAN, BLO BUR BA YIN TE, 'KHRUL RGYU LAS SKYES PA'I PHYIR, CHOS CAN, SEMS RGYUD BDAG MED RTOGS PA'I SHES RAB DE'I BDAG NYID DU GYUR BA LA PHYIS GNOD PA'I NUS PA MED DE, SNGAR THOS BSAM GYIS DPYOD PA'I TSE YANG BDAG MED RTOGS PA'I SHES RAB LA GNOD PA'I NUS MED RNAMS YIN PA'I PHYIR, PHYIR 'ONG CHOS CAN, NYES PA SKYED PA'I NUS PA YOD NA YANG, YUN DU GNAS PA'I NUS BA YOD PA MIN TE, DE LTA NA YANG BDAG 'DZIN LA GNOD PA CAN GYI GNYEN PO SKYED NUS PA'I SNYING PO CAN GYI DNGOS PO YIN PA'I PHYIR, SA RLON LA NI ME BZHIN NO, ,GNAS GYUR MTHAR PHYIN PA'I SKYES BU CHOS CAN, PHYIN CI LOG GIS 'BAD DU ZIN KYANG SPANGS PA SLAR MI ZLOGS TE, 'KHOR BA'I 'TSE BA MED PA DANG, YANG DAG PA'I DON MNGON SUM DU RTOGS SHING DE SEMS KYI RANG BZHIN LA ZHUGS PA'I PHYIR DANG, KHYOD KYI BLO NI BDAG MED RTOGS PA'I SHES RAB DE'I PHYOGS 'DZIN PA'I PHYIR RO, ,GNYIS PA NI, BDAG MED RTOGS PA'I SHES RAB BDAG 'DZIN GYI GNYEN POR MI RIGS TE, 'DZIN STANGS 'GAL BA TZAM GYIS GNYEN PO YIN NA, CHAGS SDANG YANG PHAN TSUN GNYEN POR 'GYUR BA'I PHYIR ZHE NA, 'DOD CHAGS DANG KHONG KHRO CHOS CAN, PHAN TSUN DU 'DZIN STANGS THA DANG NA YANG GNOD BYED MA YIN TE, RGYU BDAG 'DZIN LAS SKYES PAR GCIG PA CAN NYID YIN PA'I PHYIR DANG, PHAN TSUN RGYU DANG 'BRAS BU'I DNGOS BO YIN PA'I PHYIR, BDAG MED RTOGS PA'I SHES RAB KHO NA GNYEN POR MI RIGS TE, BYAMS SOGS KYANG GNYEN PO YIN PAS

SO ZHEN, SEMS CAN LA DMIGS PA'I BYAMS SOGS CHOS CAN, SHIN TU NYES PA TSAR GCOD PA MIN TE, RMONGS PA MA RIG PA DANG 'DZIN STANGS 'GAL BA MED PA'I PHYIR, KHYAB STE, NYES PA KUN MA RIG PA DE'I RTZA BA CAN YIN LA, DE YANG 'JIG TSOGS LA LTA BA YIN PA'I PHYIR, GAL TE 'JIG LTA MA RIG PAR MI 'THAD DE, 'JIG LTA NI LOG PAR RTOG PA YIN LA, MA RIG PA NI SEMS BYUNG MI GSAL BA ZHIG YIN PA'I PHYIR ZHE NA, MA RIG PA CHOS CAN, RIG PA MED TZAM DANG RIG PA LAS GZHAN TZAM MA YIN TE, RIG PA YE SHES KYI 'GAL BA MI MTHUN PHYOGS YIN PA'I PHYIR DANG, SEMS BYUNG YIN PA NYID KYIS DMIGS PA 'DZIN PA'I PHYIR, MA RIG PA DANG 'JIG LTA RDZAS GZHAN NI RIGS PA MA YIN TE, LOG PAR DMIGS PA'I 'JIG LTA NYID MA RIG PAR GSUNGS PA'I PHYIR, JI LTAR GSUNGS NA, ZLA BA SGRON MA'I MDO LAS, MI SHES PA MED PA GANG ZHE NA, YANG DAG PA JI LTA BA BZHIN GYI CHOS RNAMS LA SGRO 'DOGS PA MED PA YIN NO ZHES GSUNGS SO, ,'O NA MA RIG PA DANG 'GAL BA DE GANG ZHE NA, 'GAL BA GANG YIN PA DE 'DIR BSHAD PAR BYA STE, STONG NYID RTOGS PA'I LTA BA CHOS CAN, MA RIG PA DE'I RANG BZHIN DANG, DE LAS BYUNG BA'I NYES PA KUN DANG 'GAL BAR RAB TU GRUB PA YIN TE, MA RIG PA DE DANG 'DZIN STANGS DNGOS SU 'GAL BA YIN PA'I PHYIR, NYES PA CHOS CAN, SROG CHAGS LA ZAD PA MIN TE, SROG I CHAGS KYI CHOS NYID YIN PA'I PHYIR, DPER NA, BUM PA'I GZUGS SOGS BZHIN ZHEN, CHOS CAN, SROG CHAGS KYI CHOS NYID YIN PA'I RGYU MTSAN GYIS MI ZAD PA MIN PAR THAL, DE'I CHOS NYID DU MA GRUB PA'I PHYIR DANG, GNYEN PO'I PHYOGS DANG 'BREL

, ,PA NA LDOG PA DAG KYANG MTHONG BA'I PHYIR, NYES PA LAN GCIG 'GAGS KYANG SLAR YANG SKYE'O ZHE NA, GNAS GYUR MTHAR PHYIN PA'I SEMS CHOS CAN, NYES PA RNAM PAR 'GAGS PA NI GSER GYI SRA BA BZHIN DU SLAR YANG SKYE BA MED DE, BDAG MED RTOGS PA'I SHES RAB DE'I BDAG NYID DU GYUR PA NYID KYIS 'BRAL BA MED PA'I PHYIR DANG, GNYEN PO LOG KYANG SPANG BYA SLAR SKYE BAR MA NGES PA'I PHYIR TE, ME LOG KYANG THAL BA SHING DU MI LDOG PA BZHIN DU'O, ,GSUM PA NI, STONG NYID LTA DANG DE 'GAL PHYIR, ,ZHES PA'I RTAGS BSGRUB PA NI, SHES BYA CHOS CAN, BDAG LA MNGON PAR CHAGS PA DE SRID DU NI GANG ZAG DE NI 'KHOR BAR 'GYUR TE, GANG ZHIG GANG ZAG GI BDAG TU MTHONG BA DE LA NI ZHES RTAG TU ZHEN PAR 'GYUR LA, ZHEN PAS BDAG GI BDE BA LA SRED PAR 'GYUR, SRED PAS SKYON RNAM SGRIB PAR BYED CING, YON TAN MTHONG BAS YONGS SU SRED PA DE DA'I ZHES BDE BA DE'I SGRUB BYED LEN PA DES NA'O, ,CHOS CAN, BDAG 'DZIN DE NYES PA'I RTZA BA YIN TE, BDAG 'DZIN YOD NA NI GZHAN DU SHES PA 'BYUNG LA, BDAG GZHAN DU 'DZIN PA'I CHA LAS 'DOD CHAGS DANG ZHE SDANG 'BYUNG ZHING, CHAGS SDANG 'DI DAG DANG NI YONGS SU 'BREL BA LAS NYES PA THAMS CAD 'BYUNG BAR 'GYUR BA'I PHYIR, GNYIS PA GZHAN LUGS KYI GROL LAM DGAG PA LA BZHI, BYE BRAG PA'I GROL LAM DGAG, GRANGS CAN PA'I GROL LAM DGAG, DBANG PHYUG PA'I GROL LAM DGAG, GCER BU PA'I GROL LAM DGAG PA'O, ,DANG PO LA GNYIS, THAL BA DGOD, SKYON SPONG DGAG PA'O, ,DANG PO NI, BYE BRAG PA NA RE, BDAG LA CHAGS KYANG BDAG GI BA LA CHAGS PA DANG BRAL NAS GROL,

BAR 'GYUR RO ZHE NA, GROL BA THOB PAR 'DOD PA'I SKYES BU CHOS CAN, BDAG GI BA LA CHAGS PA DANG MI 'BRAL BAR THAL, DES PAR BDAG LA CHAGS PA NI YIN PA'I PHYIR, CHOS CAN, BDAG LA CHAGS PA DANG BRAL BA'I RGYU YANG YOD PA MA YIN PAR THAL, BDAG NYES MED DU ZHEN PA'I PHYIR, GNYIS PA LA GSUM, SKYON CAN SGOM PA GROL LAM MIN, SDUG BSNGAL SGOM PA GROL LAM MIN YON TAN 'DZIN PA 'CHING BYED MIN PA'O, ,DANG PO NI, GAL TE BDAG NYES MED YIN YANG, BDAG LA CHAGS PA SKYON BCAS SU BSGOM PAR BYA BA YIN NO ZHE NA, DE LAS CIR 'GYUR DRIS PAS, BDAG LA CHAGS PA DE SPONG BAR 'GYUR RO ZHE NA, SHES BYA CHOS CAN, BDAG LA CHAGS PA 'DI'I ZHEN YUL SUN PHYUNG BA MED PAR NI, BDAG LA CHAGS PA DE SPONG BAR NUS PA MA YIN PAR THAL, YON TAN DANG SKYON DANG RJES SU 'BREL BA'I 'DOD CHAGS DANG ZHE SDANG SOGS SPONG BA NI, SKYON YON DE DAG YUL LA MA MTHONG PAS YIN GYI, PHYI ROL TSER MA 'DON PA'I TSUL DAG GIS SPONG BA MIN PA'I PHYIR, BDAG LA CHAGS PA CHOS CAN, KHONG KYI SKYON MTHONG BAS SPONG BAS MA YIN PAR THAL, KHYOD KYI YON TAN MTHONG PA TZAM GYIS CHAGS PA KHYOD SKYE BA MA YIN GYI, DON BDAG GI YON TAN MTHOD PAS SKYE BA YIN PA'I PHYIR, GROL BA THOB PAR 'DOD PA'I BDAG DE LA NI CHOS CAN, 'BRAS BU BDAG LA CHAGS PA GANG GIS ZLOG PAR BYED MI NUS PAR THAL, DE'I RGYU MA TSAD PA MED PAR YOD PA'I PHYIR, BDAG LA CHAGS PA LA SKYON YANG GANG ZHIG MTHONG DRIS PAS, GAL TE SDUG BSNGAL GYI RTEN YIN PA'I PHYIR ZHE NA, BDAG LA CHAGS PA 'DI CHOS CAN, SDUG BSNGAL GYI RTEN YIN PA DE LTA NA'ANG, KHYOD LA CHAGS PA DANG BRAL BA MA YIN PAR THAL,

, ,BDAG GI BAR MTHONG BA'I PHYIR, DPER NA, BDAG BDE SDUG BSNGAL GYI RTEN YIN YANG CHAGS PA DANG MI 'BRAL BA BZHIN NO, ,GAL TE BDAG CHOS CAN, SKYON MED YIN TE, BDAG GI BDE MED PA'I KHYOD RKYANG PA SDUG BSNGAL GYI RGYU MA YIN PA'I PHYIR ZHE NA, BDAG GI BDE YANG CHOS CAN, BDAG DE DANG 'DRA BAR SKYON MED YIN PAR THAL, BDAG MED PA'I KHYOD RKYANG PA SDUG BSNGAL GYI RGYU MA YIN PA'I PHYIR, 'DOD PA DE LTAR NA'ANG, BDAG DANG BDAG GI BA GNYIS LA CHAGS PA DANG BRAL BAR BYA BA MA YIN PAR THAL, DE GNYIS KA SKYON MED YIN PA DE'I PHYIR, GNYIS PA LA GNYIS, 'DOD PA BRJOD, DE DGAG PA'O, ,DANG PO NI, GAL TE DUG SBRUL GYIS BZUNG BA'I YAN LAG BZHIN DU, BDAG GI BA SDUG BSNGAL DU BSGOMS PAS SPONG BAR 'GYUR RO ZHE NA, GNYIS PA LA GNYIS, DPE DGAG, DON DGAG PA'O, ,DANG PO NI, DUG SPRUL GYIS BZUNG BA'I YAN LAG 'DI CHOS CAN, BZLOG PA SDUG BSNGAL DU BSGOMS PA TZAM LAS SPONG BA MIN PAR THAL, BDAG GI BA'I BLO BCOM PAS 'DOR BA YIN PA'I PHYIR, GNYIS PA LA BZHI, RANG BLO YOD PAS DGAG, BDAG 'DZIN YOD PAS DGAG ,RIGS PA GZHAN GYIS DGAG, BDAG DE SKYON MED YIN PAS DGAG PA'O, ,DANG PO NI, DBANG PO LA SOGS PA CHOS CAN, RANG GI BAR 'DZIN PA'I BLO GANG GIS ZLOG PAR 'GYUR TE MI 'GYUR BAR THAL, LONGS SPYOD KYI RTEN NYID DU BZUNG BA'I PHYIR, 'DOD NA, DE CHOS CAN, KHYOD LAS CHAGS BRAL DE GANG LAS 'THANG DE MI 'THAD PAR THAL LO, ,KHYAB STE, LUS LAS BOG PA'I SKRA SOGS LA YID 'BYUNG BA'I BLO NI SKYE BAR 'GYUR ZHING, GZHAN LA ZHEN BCAS SKYE

BAR 'GYUR BA SKYE BO THAMS CAD KYI MNGON SUM GYIS GRUB PA YIN PA'I PHYIR, CHOS CAN, SDUG BSNGAL DU MTHONG DU ZIN KYANG BDAG GI BAR 'DZIN PA'I BLO SPONG BAR MI 'GYUR BAR THAL, BDAG DE LA 'DU BA LA SOGS PA'I 'BRAL BA LAS RANG GI BLO NI SKYE BAR 'GYUR BA'I 'BREL PA DE SNGAR GYI DE BZHIN NYID DU NAS PA'I PHYIR, CHOS CAN, BDAG LA 'DU BA'I 'BREL PA DE BDAG GI BAR 'DZIN PA'I RGYUR DGOS PA MA YIN PAR THAL, BDAG LA 'DU BA LA SOGS PA MED NA YANG ZAS GOS KUN LA PHAN 'DOGS PA NYID NI YOD PAR MTHONG BAS, BDAG GI BAR 'DZIN PA'I BLO SKYE BA'I PHYIR, CHOS CAN, RANG GI BA'I BLO NI SKYE BAR MI 'GYUR TE, SDUG BSNGAL SKYED PA'I PHYIR, DUG SPRUL GYIS BZUNG BA'I SOR MO BZHIN ZHE NA, DA NI CHOS CAN, MTHA' GCIG TU SDUG BSNGAL SKYED PA MIN TE, RES 'GA' BDE BA SKYED PA'I PHYIR, CHOS CAN, RANG GI BA'I BLO MI SKYE STE, PHAL CHER SDUG BSNGAL SKYED PA'I PHYIR, DUG BCAS KYI ZAS BZHIN NO ZHE NA, SO SKYE ZAS KHYAD PAR CAN GYI BDE BA LA CHAGS PAS, DE DANG 'GAL BA LA RE SHIG CHAGS BRAL DU 'GYUR YANG, DE TZAM GYIS CHAGS BRAL DU MA GRUB PAR THAL, ZAS KHYAD PAR CAN GYI BDE BA LA SRED PAS, BDE BA CUNG ZAD YONGS SU SPONG YANG, ZAS KHYAD PAR CAN MA RNYED PA'I TSE BSAM MED BDAG LA CHAGS PA YIS, ZAS JI LTAR RNYED PA BZHIN LA 'JUG PA'I PHYIR, DPER NA, BUD MED NGAG NI MA RNYED PAR DUD 'GRO LA 'DOD PA SPYOD PA MTHONG BA BZHIN NO, ,BDAG NI 'DOD PA GANG YIN PA'I SKYES BU DE CHOS CAN, GROL BA THOB PA'I TSE MYONG DRAN SOGS KYI RTEN BYED PA'I BDAG DE NI, JI LTAR 'JIG PAR 'DOD PA MI RIGS PAR THAL, TSOR BA MYONG BA DANG NI BLANG DOR GYI THA

, ,SNYAD DANG YON TAN KUN GYI RTEN DU LOG PA DE, JI LTAR ZHEN PA'I BDAG YIN PAR 'DOD PA MI RIGS PA'I PHYIR TE, PHYI ROL PAS ZHEN PA'I RANG BZHIN GYI BDAG MYONG DRAN GYI RTEN DU LOG PA DE 'DRA MIN PA'I PHYIR, GNYIS PA NI, GROL BA THOB PAR 'DOD PA'I GANG ZAG DE NI CHOS CAN, BDAG GIR ZHEN PA'I SA BON GYI GNAS SKABS DE NYID DU GNAS PAR THAL, BDAG 'DZIN YOD PA'I PHYIR, KHYAB STE, RNAM PA KUN TU BDAG 'DZIN NI BDAG LA CHAGS PA BRTAN PAR BYED PA'I PHYIR, CHOS CAN, BDAG GI BA SDUG BSNGAL DU SGOM PA LA BRTZON YANG, BDAG GI BA LA NI CHAGS BRAL GYI GEGS BYED PA NYID DANG, BDAG GI BA DE'I SKYON YANG SGRIB PA YIN TE, BDAG GI BA'I YON TAN GYI CHA LA BRTEN NAS 'JUG PA DANG LDAN PA'I PHYIR, GAL TE GROL BA THOB PA'I TSE BDAG LA'ANG CHAGS BRAL YIN NO ZHE NA, CHOS CAN, DA NI CHAGS BRAL GYI BDAG GANG YIN PA MED PAR THAL, BDAG LA CHAGS PA DANG BRAL NAS MI SHES PA'I PHYIR, DE NI CHOS CAN, GROL BA THOB PHYIR DU SDUG BSNGAL SGOM PA DON MED DU 'GYUR BAR THAL, GROL BA THOB PA DE'I TSE JI LTAR BDAG GI BA BZHIN DU BDAG KYANG 'DOR BA'I PHYIR, GSUM PA NI, CHOS CAN, BDAG GI BA SDUG BSNGAL DU BSGOMS PA DE LTA NA'ANG CHAGS BRAL MED PAR THAL, BDAG GI BA DE DAG SDUG BSNGAL DU BSGOMS PAS KYANG SDUG BSNGAL NYID NI RNAM PAR SHES PA TZAM BYED LA, DE NI SNGAR YANG MNGON SUM NYID KYIS GRUB KYANG CHAGS BRAL MA YIN PA'I PHYIR, RTAGS MA GRUB STE, YUL DE'I NYES PA MTHONG BAS CHAGS PA DANG BRAL BA MTHONG BA'I PHYIR ZHE NA, SKYES BU CHOS CAN, GAL TE YUL DE LA NYES PA MTHONG BA YIS SKAD CIG TZAM CHAGS PA

DE'I BLO LDOG KYANG, YUL DE LA CHAGS BRAL DU MI 'GYUR TE, BLANG BYA DANG DOR BYA'I KHYAD PAR LA ZHEN PA YOD PA'I PHYIR, KHYAB STE, YUL GCIG LAS BYUNG BA'I CHAGS PA GANG YIN PA DE NYID NI, RNAM GRANGS KYIS BSKYED PA'I TSE CHAGS PA KUN GYI SA BON YIN PA'I PHYIR, DPER NA, 'DOD LDAN BUD MED GCIG LA NYES PA MTHONG YANG, BUD MED GZHAN LA CHAGS PAS SLAR YANG DE LA CHAGS PA SKYE BA BZHIN NO, ,BZHI PA NI, BDAG LA CHAGS PA DANG DBANG SOGS KYANG NI CHOS CAN, SKYON MED YIN PAR THAL, RIM BZHIN BDAG SKYON MED DE'I YUL CAN DANG, DE'I BDE BA SGRUB BYED YIN PA'I PHYIR, 'DOD NA, SHES BYA CHOS CAN, DA NI GANG LA CHAGS BRAL DU 'GYUR BA MED PAR THAL, BDAG DANG DE LA CHAGS PA DANG BDAG GI BA GSUM SKYON MED GANG ZHIG ,'GRO BA'ANG GSUM PO DE TZAM NYID DU NGES PA YIN PA'I PHYIR, BDAG DER CHAGS BDE SKYON BCAS KYANG YIN TE, SDUG BSNGAL GYI RTEN YIN PA'I PHYIR ZHE NA, BDAG CHOS CAN, SKYON BCAS SU THAL, SDUG BSNGAL GYI RTEN DE NI KHYOD LA'ANG MTSUNGS PA YIN PA'I PHYIR, 'DOD NA; SKYES BU DE CHOS CAN, DA NI GANG LA CHAGS BRAL MED PAR THAL, BDAG DE'I SKYON MTHONG YANG BDAG DE LA CHAGS BRAL MED PA'I PHYIR, GSUM PA NI, BDAG GI BA LA CHAGS PA CHOS CAN, NYES PA MTHONG BAS SPONG BA YIN TE, YON TAN MTHONG BAS SKYE BA'I PHYIR ZHE NA, DBANG SOGS LA CHAGS PA DE CHOS CAN, YON TAN MTHONG BA LAS BYUNG BA'I ZHE NA PA NYES BA MTHONG BAS 'JIG PA DE LTAR, KHYOD DBANG SOGS KYI YON TAN MTHONG BAS SKYE BA MA YIN PAR THAL, DBANG SOGS KYI SKYON YON MI SHES PA'I BYIS SOGS LA'ANG MTHONG BA'I PHYIR DANG, DBANG SOGS

, ,SKYON LDAN LA'ANG YOD PA'I PHYIR DANG, YON TAN LDAN YANG GZHAN DAG GI DBANG PO SOGS LA MED PA'I PHYIR DANG, 'DAS PA LA SOGS PA BDAG GI BA LA KHYOD SKYE BA MED PA'I PHYIR RO, ,BDAG GI BAR CHAGS PA'I BLO DE YANG CHOS CAN, BDAG GI BA'I YON TAN MIN PA MTHONG BAS SPONG BA MA YIN PAR THAL, KHYOD KYI RGYU YANG YON TAN MTHOD PAS BYAS PA MIN PA'I PHYIR TE, DE LTAR BSTAN ZIN PA DE NYID KYI PHYIR, GZHAN YANG BDAG GI BA SDUG BSNGAL DU SGOM PA CHOS CAN, BDAG GI BAR CHAGS PA DE LA JI LTAR GNOD PA MED PAR THAL, DE'I RGYU LA GNOD PA MED PA CAN DU BSGRUBS PA'I PHYIR TE, BDAG LA YOD PA MA YIN PA'I YON TAN NI SGRO 'DOGS BA'I CHAGS PAS BDAG GI BA DER YANG CHAGS PA MTHONG BA'I PHYIR, GNYIS PA GRANGS CAN PA'I GROL LAM DGAG PA LA BZHI, THA DAD SHES PAS GROL BA DGAG ,YID 'BYUNG BA TZAM GYIS GROL BA DGAG, DE DAG 'KHOR BA YIN PAR BSTAN, DES NA 'JIG LTA SPANG BAR GDAMS PA'O, ,DANG PO NI, GRANGS CAN NA RE, SDUG BSNGAL SGOM PA TZAM GROL LAM MA YIN MOD, RANG BZHIN DANG SKYIS BU GCIG TU BZUNGS BAS 'KHOR LA, THA DAD DU SHES PAS GROL LO ZHE NA, SKYES BU CHOS CAN, DBANG SOGS KYI RANG BZHIN DANG SKYES BU GCIG NYID DU MTHONG BAS KYANG CHAGS PA SKYE BA MA YIN PAR THAL, SKYE BO THA MAL PA 'DI YIS DBANG SOGS LAS BDAG NI THA DAD DU GYUR BAR SHES PA DE NYID YIN PA'I PHYIR TE, DBANG SOGS MCHOG GZHAN DON DU GNYER BA'I PHYIR DANG, BDAG RTAG PAR ZHEN NAS DBANG SOGS SKYE 'JIG BYED PAR RTOGS PA'I BLO CAN NYID KYI PHYIR, 'O NA BDAG GI BAR CHAGS BA'I RGYU GANG ZHE NA,

BDAG LA CHAGS PA DE CHOS CAN, BDAG GI BAR CHAGS PA'I RGYU YIN TE, KHYOD LA BRTEN NAS DMIGS PA'I NANG GI YAN LAG LA, NGO BO NYID KYIS RJES SU CHAGS PAR 'GYUR BA'I PHYIR, GNYIS PA LA GSUM, DNGOS , CHAGS BRAL NGOS GZUNG, LUNG 'GAL SPANG BA'O, ,DANG PO NI, GAL TE SDUG BSNGAL GYIS YID 'BYUNG BAS CHAGS BRAL DU 'GYUR RO ZHE NA, GANG ZHIG DA LTAR SDUG BSNGAL BAS YID 'BYUNG DE 'DRA CHOS CAN, ZHE SDANG DANG MTSUNGS LDAN YIN GYI, CHAGS BRAL MA YIN PAR THAL, KHYOD SKYES PA DE'I TSE YANG CHAGS PA YOD PA'I PHYIR TE, DE'I TSE BDE BA'I SKABS GZHAN TSOL BA'I PHYIR RO, ,ZHE SDANG RGYUN DU SKYES NA CHAGS BRAL DU 'GYUR RO ZHE NA, ZHE SDANG CAN GYI SKYES BU CHOS CAN, ZHE SDANG SKYES PAS CHAGS BRAL DU 'GYUR BA MA YIN TE, ZHE SDANG DE NI SDUG BSNGAL YOD PA DE SRID TZAM DU GNAS KYI, ZHE SDANG DE LOG NA NI RANG NYID KYI RANG BZHIN CHAGS CAN NYID LA SLAR RTEN PAR 'GYUR BA'I PHYIR, RTAGS DANG PO GRUB STE, ZHE SDANG DE SDUG BSNGAL GYI RGYU CAN YIN PA'I PHYIR, GNYIS PA NI, YID 'BYUNG BA CHAGS BRAL MIN NA CHAGS BRAL DE GANG ZHE NA, DGRA BCOM PA CHOS CAN, CHAGS BRAL ZHES NI BRJOD PA YIN TE, TZAN DAN GYIS BYUGS PA DANG STE 'US GCOD PA THAMS CAD LA NI MNYAM SNYOMS PA CAN DU MTSUNGS PA'I PHYIR TE, BLANG BYA DANG DOR BYA LA ZHEN PA SPANGS PA'I PHYIR, GSUM PA NI, SDUG BSNGAL SGOM PA GROL LAM MIN NA, SDUG BSNGAL BSGOM PAR GSUNGS PA DANG 'GAL LO ZHE NA, MI 'GAL TE, KHYAB PA 'DU BYED KYI SDUG BSNGAL LA DGONGS NAS SDUG BSNGAL BSGOM PAR GSUNGS PA YIN PA'I PHYIR, NGED KYI SDUG BSNGAL DE YANG CHOS CAN, BDAG RTAG PA LA BRTEN

, ,PA MA YIN TE, RKYEN LAS SKYES PA'I PHYIR, 'DU BYED KYI SDUG BSNGAL SGOM PA DE NI CHOS CAN, GROL LAM MA YIN TE, BDAG MED LTA BA'I RTEN TZAM YIN PA'I PHYIR, STONG NYID KYI LTA BA CHOS CAN, GROL LAM YIN TE, KHYOD BSGOMS PAS GROL BAR 'GYUR BA'I PHYIR, SHES BYA CHOS CAN, 'DUS BYAS MI RTAG PAR RTOGS PA LAS ZAG BCAS SDUG BSNGAL DU RTOGS PA 'BYUNG, SDUG BSNGAL DU RTOGS PA LAS NI BDAG MED RTOGS PA 'BYUNG BAR GSUNGS PA'I RGYU MTSAN YOD DE, STONG NYID LTA BAS GROL BAR 'GYUR LA, SGOM PA LHAG MA DE BSKYED PA'I DON YIN PA DE'I PHYIR, GSUM PA NI, CHAGS BRAL DU 'DOD PA'I GANG ZAG BDAG 'DZIN CAN DE 'DRA CHOS CAN, 'KHOR BA PA ZHES BYA STE, NYON MONGS PA DANG LAS LAS GROL BA MA YIN PA'I PHYIR TE, CHAGS BRAL MIN PA DANG; SRED LDAN DANG, BLANG DOR GYI RTZOM PA KUN LA BRTEN PA YIN PA'I PHYIR, GAL TE 'KHOR BA LAS GROL NA, CHOS CAN, BDAG GI BA DE'I ZA BA PO YANG MED PAR THAL, BDAG GI BA NYID NI MI 'DOD PA'I PHYIR, 'DOD NA, CHOS CAN, DE'I TSE DE'I BDAG KYANG MED PAR THAL LO, ,KHYAB STE, BDAG DE BYA BA DANG 'BRAS BU LONGS SPYOD PA'I MTSAN NYID CAN YIN PA'I PHYIR RO, ,BZHI PA NI, SHES BYA CHOS CAN, GROL BA THOB PAR 'DOD PAS THOG MA MED PA'I RGYU CAN GYI RIGS MTHUN PA'I SA BON LAS BYUNG BA'I 'JIG TSOGS LA LTA BA DAG RTZA BA NYID NAS DBYUNG BAR BYA STE, 'JIG LTA 'KHOR BA'I RTZA BA YIN PA DE'I PHYIR, GSUM PA DBANG PHYUG PA'I GROL LAM DGAG PA LA GSUM, SGRUB BYED DGAG, GNOD BYED BRJOD, GROL LAM NGOS GZUNG BA'O, ,DANG PO NI, DBANG PHYUG PA NA RE, GONG DU

BSHAD PA DE DAG GROL LAM MA YIN MOD, DBANG PHYUG GI BKA' LUNG TZAM GROL LAM YIN TE, DBANG PHYUG GI LUNG LAS BSHAD PA'I SNGAGS BTAB PA'I SA BON LAS MYU GU MI SKYE A'I PHYIR ZHE NA, SHES BYA CHOS CAN, GROL BA DON GNYER RNAMS LA NI, DBANG PHYUG GI LUNG TZAM GYIS NI GROL BAR YANG SMRA BA YONGS SU MGU BYED MIN PAR THAL, DBANG PHYUG GI LUNG NI BSTAN BYA'I DON LA MI SLUB DE LTA BU'I DNGOS PO CAN YIN PA'I RGYU MTSAN MA MTHONG BA'I PHYIR, SNGAGS KYIS BTAB PA'I SA BON SOGS LAS MYU GU MI SKYE BAR GRUB PA'I TSOGS NI, SKYES BU YANG SRID DU MI SKYE BAR BYED NUS PA MA YIN PAR THAL, DE LTAN TIL MAR BSKUS PA DANG MES BSREGS PA SOGS LAS KYANG GROL BAR THAL BA'I PHYIR RO, ,SBYIN SREG GIS GROL BAR 'GYUR TE, SBYIN SREG BYAS NAS SDIG CAN SRANG LA BCAL BA NA SNGAR LCI BA DAG PHYIS YANG BA'I PHYIR ZHE NA, SHES BYA CHOS CAN, DE TZAM GYIS SDIG BA BCOM PAR BYAS PA MIN PAR THAL, SBYIN SREG BYAS PAS LUS 'DI'I LCI BA NYID MED PAR 'GYUR GYI, SDIG PA SRANG KHAR 'JAL RUNG GI LCI BA MA YIN PA'I PHYIR TE, SDIG PA LUS CAN MA YIN PA'I PHYIR, GNYIS PA LA GSUM, DBANG GIS SRID PA'I RGYU LA MI GNOD, DE'I LAN DGAG ,RTZOD PA SPANG BA'O, ,DANG PO NI, LOG SHES DANG NI DE LAS BYUNG BA'I SRED PA DANG MTSUNGS LDAN GYI SEMS PA DE DAG CHOS CAN, KHYOD GNYEN POS BCAD PA DE 'KHOR BAR 'GRO BAR MI 'GYUR TE, KHYOD KYI DBANG GIS DMAN PA'I GNAS SU 'GRO BA SKYE BA YIN PA DE'I PHYIR, THA MAL PA 'KHOR BAR SKYE BA CHOS CAN, KHYOD LA LOG SRED DANG MTSUNGS LDAN GYI SEMS PA DE DAG NYID KYIS PHAN PAR NUS PA YIN TE, SEMS BDE TZAM LAS

, ,NI 'BYUNG BA'I PHYIR , LAS KYANG RGYU MIN NAM ZHE NA , LOG SRED DANG MTSUNGS LDAN GYI SEMS BA DE DAG CHOS CAN , KHYOD LAS GZHAN BA'I LAS SRID BA'I RGYUR MI DGOS TE , RANG NYID YANG SRID 'PHEN PA'I LAS YIN PA'I PHYIR, DBANG DANG LDAN BA'I SKYES BU DE CHOS CAN ,SRID BAR SKYE BA YIN TA, DE'I RGYU NYAMS PA MED PAR YOD PA'I PHYIR , GNYIS PA NI , CHOS CAN, SRID BAR 'GRO BA MED PAR THAL , 'GRO BA DANG YUL RTOGS PA'I RTEN BYED PA DBANG PO YIN LA , DE NI MA MTHONG BA'I LAS LAS SKYE BAR 'GYUR ZHING , MA MTHONG BA'I LAS DBANG GIS ZHIG PA'I PHYIR , DES NA BDAG GI 'DU BYED LAS YIN GYI , SEMS PA MA YIN NO ZHE NA , BYED PA DBANG PO CHOS CAN ,KHYOD SKYED PA LA BLO SEMS PA YI NI NUS PA MTHOD GI ,GZHAN GYIS SKYED PA MIN PAR THAL , SEMS BA YOD PA DANG MED PA'I RJES SU 'JUG PA'I PHYIR , DBANG DANG LDAN PA'I SKYES BU DE DAG CHOS CAN , SRID PAR CIS MI 'GRO STE 'GRO BAR THAL , LOG SRED DANG MTSUNGS LDAN GYI SEMS PA DE RGYUR YOD PA'I PHYIR , GSUM PA NI , CHOS CAN , SRID PAR SKYE BA MIN TE , GAL TE SEMS PA DE DAG GI NUS PA DBANG GIS MED PAR BYAS BA'I PHYIR ZHE NA , DE DAG CHOS CAN , DBANG SOGS BYAS MA THAG SEMS PA'I DBANG GIS YUL 'DZIN PA DANG, YUL BYE BRAG PA LA 'JUG PA DANG , YUL GZHAN LA GA-YENG BA DANG , DE 'GOG BA MED BAR 'GYUR BAR THAL , SEMS BA'I NUS PA DBANG GIS BCOM PA'I PHYIR ,CI STE CHOS CAN ,SRID PAR SKYE BAR MI 'GYUR TE , SHI BA DE'I TSE BLO MED PA'I PHYIR ZHE NA ,CHOS CAN ,SON PA TID

NA'ANG BLO SKYE BA'I NUS MED DU 'GYUR BAR THAL , DRI MA RNAMS KYIS BLO MTSAMS SGYOR BA DE RNAM KYI NUS PA DBANG GIS MED PAR BYAS BA'I PHYIR RANG GI SA BON CAN GYI NYES RGYUN CHOS CAN , DBANG BSKUR BA TZAM LAS LDOG PA MED DE , GNYEN BO BDAG MED RTOGS PA'I SHES RAB 'PHEL NA 'GRIB PA DANG , RANG YI PHYOGS 'PHEL NA 'PHEL BA'I PHYIR , ,SEMS BA KHO NA RGYUR MI RIGS TE , BDAG RTAG BA RGYU YIN BA'I PHYIR ZHE NA ,BDAG RTAG PA CHOS CAN , 'BRAS BU RIMS KYIS SKYED PAR BYED BA 'GAL BAR THAL , RKYEN LA LTOS BA MED BA'I PHYIR TE ,RTAG BA YIN BA'I PHYIR , 'BRAS BU BYED BA 'GAL BAR THAL , 'BRAS BU BYED BA DANG MI BYED BDAG NI 'DRA BA'I BDAG NYID YIN PA'I PHYIR , RGYU DANG 'BRAS BU'ANG GCIG BAR 'GYUR BAR THAL , BDAG RTAG BRGYU YIN BA'I PHYIR , RGYU 'BRAS DE DAG BDAG RTAG PA DE LAS RDZAS THA DAD DO ZHE NA , CHOS CAN , ,LAS BYED PA PO DANG 'BRAS BU ZA BA BO YIN PA NYAMS PAR 'GYUR BAR THAL , RGYU 'BRAS LAS RDZAS THA DAD PA'I PHYIR , CHOS CAN 'BRAS BU LA PHAN PA'I NUS PA YANG NI 'GRUB PA MA YIN PAR THAL , KHYOD LOG PAS 'BRAS BU LDOG PA MED PA'I PHYIR , BDAG RTAG PA MED NA , GZHAN GYIS MYONG BA GZHAN GYIS DRAN PA SOGS SU 'GYUR RO ZHE NA , SHES BYA CHOS CAN , BDAG RTAG PA BKAG BRGYU MTSAN DU BYAS NAS , GZHAN GYIS MYONG BA GZHAN GYIS DRAN BA DANG ,GZHAN GYIS BSAGS BA GZHAN GYIS LONGS SBYONG BA SOGS KYI THAL BA GNOD BYED

, ,MA YIN TE , BDAG RTAG BA 'GA' YANG DRAN BA MED BA'I PHYIR , 'O NA DRAN BA GANG LAS BYUNG ZHE NA , DRAN PA CHOS CAN , RGYU YOD DE , MYONG BA LAS BYUNG BA'I PHYIR , GSUM PA NI , 'O NA GROL LAM DE GANG ZHE NA , BDEN BZHI DE NYID LA NI PHYIN CI LOG RE DANG 'GAL BA'I DON DE KHO NA NYID KYI RNAM PA BCU DRUG RJES SU RTOGS BA CAN , LEGS BAR SGOM PA'I YANG DAG BA'I LTA BA CHOS CAN , GROL LAM YIN TE , SRED BA RJES 'BRANGS DANG BCAS PA 'JOMS BYED YIN PA'I PHYIR, KHYAB STE; BDEN BA BZHI LA BRTAN PA DANG BDE DANG NGA DANG NGA'I ZHES SOGS YANG DAG MIN PA RNAM PA BCU DUG TU SGRO BTAGS NAS NI YONGS SU SRED PA DE SRID PA'I RTZA BA YIN PA'I PHYIR , BZHI BA GCER BU PA'I SROL LAM DGAG PA LA BZHI ,LAS LUS YOD PAS 'KHOR BA DGAG ; LAS LUS SPONG BA'I GNYEN PO DGAG ,LAS 'BRAS BCAD PAS ZAD PA DGAG , RANG LA LAS BLANGS 'GAL BAS DGAG PA'O, ,DANG PO NI , GCER BU PA NA DE , SRED PA SPANGS KYANG LAS LUS YOD NA 'KHOR BAR 'GYUR SO ZHE NA , DGRA BCOM CHOS CAN , LAS DANG LUS DAG GNAS NA YANG , SRID PAR SKYE BA SRID BA MIN TE , RGYU GCIG SRED PA MED BA'I PHYIR , KHYAB STE , SRID PAR SKYE BA RGYU GSUM DA CAN YIN PA'I PHYIR , SA BON MED PAR MYU GU BZHIN NO, ,GNYIS PA NI , LAS LUS SPANGS BAS KYANG GROL BAR THAL , SRID PAR SKYE BA RGYUG SUM PA CAN YIN BA'I PHYIR ZHE NA , LAS DANG LUS DAG RKYANG PA SPONG BA MIN TE , DA SPONG BA'I GNYEN PO DAG NI MED PA'I PHYIR DANG , DE SPONG BA'I NUS PA MED PA'I PHYIR TE ,

SRED PA NI YOD NA LAS LUS SLAR YANG 'BYUNG BA'I PHYIR RO, ,LAS SRED GNYIS SO SOR ZAD PA'I DON DU 'BAD RIGS SO ZHE NA YANG ,LAS RKYANG BZAD PA'I PHYIR DU 'BAD PA BYED PA'I DUB BA DON MED YIN PAR THAL , SRED PA MA SPANGS BAR LAS SPONG MI NUS PA'I PHYIR , GSUM BA NI , GNYEN PO DAG NI MED PHYIR DANG , ZHES PA MA GRUB STE , DKA' THUB KYIS SNGON GYI LAS ZAD NAS , PHYIS LAS MA BSAGS PAS GROL BA'I PHYIR ZHE NA , SHES BYA CHOS CAN , DKA' THUB KYI RNAM PA 'GAS DE SKYED PA'I 'BRAS BU NI CHUNG BAR 'GYUR BA TZAM YIN GYI , RIGS MI MTHUN PA CAN GYI LAS ZAD NUS BA MA YIN BAR THAL , DKA' THUB KYI NYON MONGS BA'I DNGOS PO GCIG GIS LAS KUN MI 'DZAD PA'I PHYIR TE , LAS RNAMS NUS PA THA DAD DU RJES SU DPOG PA YIN PA'I PHYIR TE , 'BRAS BU YID DU 'ONG MI 'ONG SNA TSOGS MTHONG BA'I PHYIR , CI STE DKA' THUB KYI NUS PA YIS LAS KYI NUS PA 'DRES NAS GCIG ZAD PA NA KUN ZAD PA YIN NO ZHE NA , GAL TE DKA' THUB NYON MONGS LAS GZHAN DU 'DOD DAM , NYON MONGS NYID YIN , DANG PO LTAR NA , NYON MONGS PA'I CHA 'GAS LAS KUN SPONG BA'AM , NYON MONGS MED BAR LAS KUN SPONG BAR 'GYUR BAR THAL , DKA' THUB GCIG GIS LAS KUN SPONG , DE NYON MONGS MA YIN PA'I PHYIR , GNYIS PA LTAR YIN NO ZHE NA DKA' THUB DE NI CHOS CAN , LAS KYI NUS BA 'DRES PA SOGS SU 'GYUR BA MIN PAR THAL , LAS NGAN GYI 'BRAS BU YIN PA'I PHYIR , BZHI BA NI , SRED PAS SPANGS PAS LAS BYAS SPONG BA'I PHYIR , LAS KYI

, ,GNYEN PO MED PAR 'DOD BA 'GAL LO ZHE NA , GANG YANG SKYON RNAMS 'GOG PAR BYED PA'I BDAG MED BRTOGS BA'I SHES RAB CHOS CAN , NYES BA NGES BSKYED BA'I LAS LA GNOD NUS BAR 'GYUR TE , SKYE BAR 'DOD PA'I NYES PA'I RGYU BDAG 'DZIN BCOM PA'I PHYIR , BYAS ZIN PA'I 'BRAS BU JI LTAR NYAMS PAR 'GYUR TE MI 'GYUR BAR THAL , GRUB ZIN SPONG MI NUS PA'I PHYIR , SRED PA LAS LAS 'BYUNG BA BZHIN DU , LAS LAS KYANG SRED PA 'PHYUNG NGO ZHE NA , DGRA BCOM CHOS CAN , LAS LAS NYES BA SKYE BA MIN TE , SRED PA SPANGS PA'I PHYIR , KHYAB STE , SKYON LDAN GYI LAS LAS NYES PA BYED PAR 'GYUR GYI , BZLOG PAS NYES BA BYED PA MIN PA'I PHYIR , LAS KYI 'BRAS BU BDE BA LAS SRED BA SKYE BAR 'GYUR RO ZHE NA , DGRA BCOM CHOS CAN , BDE BA LAS KYANG 'DOD CHAGS SKYE BAR MI 'GYUR BAR THAL , LOG BA'I RNAM RTOG MED BA'I PHYIR , GNYIS PA BDE GSHEGS NI , BCOM LDAN 'DAS CHOS CAN , DE KHO NA NYID DANG BRTAN BA DANG MA LUS PA'I KHYAD BAR MKHYEN BAR GRUB STE , SKYOB BA MTHAR THUG YIN BA DE'I PHYIR , SKABS 'DIR BDE BAR GSHEGS PA RTOGS PA'I DON CAN DU GSUNGS PA CHOS CAN , DGOS PA YOD DE , 'BRAS BU SKYOB PA LAS RTOGS PA PHUN TSOGS DPOG PA'I CHED YIN BA'I PHYIR , CHOS CAN , PHYI ROL PA DANG SLOB PA DANG MI SLOB BA'I NYAN THOS LAS LHAG STE , KHYAD BAR GSUM LDAN GYI BDE GSHEGS YIN PA DE'I PHYIR , GNYIS BA RGYU PHUN TSOGS LA GNYIS , SBYOR

PA PHUN TSOGS , BSAM PA PHUN TSOGS SO, ,DANG PO NI , BDE GSHEGS DE RGYU GANG LAS BYUNG ZHE NA , BCOM LDAN 'DAS CHOS CAN , GZHAN DON DU MKHYEN BA'I SBYOR BA GOMS PA'I STON PA DE SNGON DU SONG STE , RTOGS PA PHUN TSOGS MNGA' BA DE'I PHYIR GNYIS PA NI , CHOS CAN , BRTZE PA CHEN PO SNGON DU SONG BA YIN TE , GZHAN DEN DU MKHYEN PA'I SBYOR BA GOMS PA DE LAS TE DE'I PHYIR , CHOS CAN , TSANG MA'I SKYES BUR SGRUB PA LA , SNYING RJE SNGON DU SONG BAR BSGRUB DGOS TE , RANG DON GRUB KYANG SNYING RJE'I DBANG GIS GZHAN DON GYI NGOR , CHOS STON PA'I MDZAD PA MI 'DOR BA'I PHYIR , GNYIS PA DON BSDU BA NI , CHOS CAN , LEGS PA GSUNG STE , BRTZE BA SNYING RJE CHEN PO DANG LDAN PA'I PHYIR , BDEN PA GSUNG BAR MDZA' DE , MKHYEN BA'I YE SHES MTHAR PHYIN PA'I PHYIR , CHOS CAN , TSAD MA'I SKYES BU NYID YIN TE , MA BYEN BA'I YE SHES SGRUD BYED DANG BCAS PA DE DAG GSUNG BAR YANG MNGON PAR SBYOR BA MTHAR PHYIN PA DANG LDAN PA'I GANG ZAG YIN PA DES NA'O, ,GSUM PA TSAD MAS BSTONG PA'I DGOS PA BSHAD PA NI , BCOM LDAN 'DAS LA YON TAN DU MA MNGA' BA LA , TSAD MAS BSTOD PA'I DGOS PA CI YIN ZHE NA , TSAD MAR GYUR PA DE LTA BU'I DNGOS POS STON PA LA BSTOD PA NI CHOS CAN DGOS PA YOD DE , STON PA DE'I BSTAN DE NYID LAS NI TSAD MA'I DE NYID GRUB BO ZHES PA'I DON YIN BA'I PHYIR , MNGON SUM GSUNGS MOD , RJES DPAG JI LTAR BZHED CE NA , BCOM LDAN 'DAS CHOS CAN , RJES DPAG BZHED DE , RJES SU DPAG PA MA BZLOG BA'I PHYIR DANG ,

, ,CUNG ZAD SKYE BA'I BDAG NYID CAN GANG YIN BA DE THAMS CAD NI 'GAG BA'I CHOS CAN YIN NO, ,ZHES SOGS RNAM BA DU MAR NI RJES DPAG 'DI YI SBYOR BA'ANG GSUNGS PA MTHONG BA'I PHYIR , KHYAB STE , RTAGS CHOS MED NA MI 'BYUNG BA'I MTSAN NYID CAN GYI RTAGS NI RJES DPAG GI RTEN YIN PA'I PHYIR RO, ,CHOS CAN , RTAGS CHOS KYI 'BREL PA DE YANG GSAL BAR BSHAD DE , BSGRUB BYA'I CHOS KYIS GTAN TSIGS LA KHYAB PA NI DNGOS SU BSTAN BA'I PHYIR RO, ,TSAD MA RNAM 'GREL LAS TSAD MA GRUB BA ZHES BYA BA YE'U GNYIS PA'I BSHAD PA'O,, ,,SA MANGGA LAm,,

[BLANK PAGE]