An Explanation of the Chapter on Accomplishing Ones Own Goals through Deductive Accurate Perce

, ,TSAD MA RNAM 'GREL LEGS PAR BSHAD PA ZHES BYA BA THAMS CAD MKHYEN PA DGE 'DUN GRUB KYIS MDZAD PA LAS RANG DON RJES SU DPAG PA'I LE'U'I RNAM BSHAD BZHUGS SO, ,

[DD] * RGYAL BA'I DBANG PO SH'AKYA'I RTOG, #, TSAD MA RNAM 'GREL LEGS PAR BSHAD PA ZHES BYA BA, RJE BTZUN 'JAM PA'I DBYANGS KYI ZHABS KYI PADMO LA PHYAG 'TSAL LO, ,DGE LEGS GSER GYIS GZHIR MTHA' YAS 'GRO LA PHAN PAR BZHED PA'I THUGS RJE'I CHU GTER RGYA CHEN LAN GCIG MIN PAR RAB TU BSKYIL, ,THABS MANG STON PA YUN RING GOMS PA'I RLUNG GIS BSRUBS PAS SPANGS RTOGS MTHAR PHYIN RIN CHEN LAS GRUB BDE GSHEGS BANG RIM MNGON PAR MTHO, JI BZHIN JI SNYED KUN GZIGS NYI ZLA'I SKA RAGS RGYAS PAS GDUL BYA KUN SKYOB KUN [DD] * BLO GROS MI ZAD NGAG GI LHA,,

[DD] * SOG SMRA TSAR GCOD PHYOGS GLANG ZHABS, #, ,LA TSAD MAR GYUR PA'I THUB DBANG LHUN PO NI, ,'PHAGS MCHOG GSER RIS BSKOR BA DANG BCAS GDUL BYA GLING BZHI'I DBUS LHAM ME LHAN NE LHANG NGER MDZES PA DE LA PHYAG 'TSAL LO, ,STON PA BSTAN PA SLOB MA'I TSOGS, ,RIGS PAS SGRUB BYED GRAGS PA'I GZHUNG, ,RNAM 'GREL LEGS PAR BSHAD PA'I GTER, ,GZHAN LA PHAN PHYIR DBYE BAR BYA,, ` ,,'DIR RGYAS PA'I BSTAN BCOS TSAD MA RNAM 'GREL 'CHAD PA LA BZHI, ,MTSAN GYI DON, 'GYUR GYI PHYAG, GZHUNG GI DON, 'JUG GI DON NO, DANG PO NI, RGYA GAR GYI SKAD DU BSTAN BCOS 'DI'I MTSAN, PRA M'AnA BARTI KA K'A RI K'A ZHES BYA LA, DE BOD SKAD DU BSGYUR NA, TSAD MA RNAM 'GREL GYI TSIG LE'UR BYAS PA ZHES BYA'O, ,GNYIS PA NI, 'PHAGS PA 'JAM DPAL GZHON NUR GYUR PA LA PHYAG 'TSOL [DD] * SMRA BA'I DBANG PHYUG CHOS KYI GRAGS,

ZHES PA'O, ,GSUM PA LA GNYIS, BSTAN BCOS RTZOM PA LA 'JUG PA'I YAN LAG, ,YAN LAG CAN GYI BSTAN BCOS SO, ,DANG PO LA GNYIS, MCHOD BRJOD DANG, ,RTZOM PAR DAM BCA' BA'O, ,DANG PO NI, ,PHUN SUM TSOGS PA GSUM MNGA' BA'I BCOM LDAN 'DAS LA BSTAN BCOS RTZOM PA'I THOG MAR PHYAG 'TSAL BA CHOS CAN, DGOS PA YOD DE, BSTAN BCOS RTZOM PA MTHAR PHYIN PA'I CHED YIN PA'I PHYIR, ,PHUN SUM TSOGS PA GSUM JI LTAR MNGA' ZHES NA, BCOM LDAN 'DAS CHOS CAN, RANG DON PHUN SUM TSOGS PA MNGA' STE, RTOGS PA'I DRA BA RNAM PAR BSAL BA NGO BO NYID KYI SKU DANG, ,ZAB PA LONGS SPYOD RDZOGS PA'I SKU DANG, ,RGYA CHE BA SPRUL PA'I SKU MNGA' BA'I PHYIR, ,CHOS CAN, GZHAN DON PHUN TSOGS MNGA' STE, MNGON MTHO DANG NGES LEGS KYI DGE LEGS KUN TU BZANG PO GDUL BYA'I SKAL PA JI LTA BZHIN DU THOB PAR MDZAD PA'I PHYIR, CHOS CAN, GZHAN DON PHUN TSOGS SGRUB PA'I THABS MNGA' STE, DAM PA'I CHOS STON PA'I 'OD ZER DAG KUN NAS 'PHRO BA'I PHYIR, GNYIS PA NI, MCHOD PAR BRJOD NAS BYA BA CI BYED CE NA, KUN LAS BTUS KYI RNAM 'GREL RTZOM MO, ,GANG GI DON DU RTZOM ZHE NA, ,SHES BYA CHOS CAN, ,DPAL LDAN CHOS GRAGS BDAG LA RNAM 'GREL 'DI NI GTZO CHER GZHAN LA PHAN PA YIN ZHES BSAM PA'ANG MED DE, SKYE BO PHAL CHER PHAL PA'I BSTAN BCOS LA

, ,CHAGS SHING, LEGS NYES 'BYED PA'I SHES RAB KYI RTZAL MED PAS NA LEGS BSHAD RNAMS DON DU MI GNYER LA, DE KHO NAR MA ZAD LEGS BSHAD LA PHRAG DOG DRI MA DAG GIS YONGS SU SDANG BAR GYUR BA DES NA'O, ,'ON KYANG DPAL LDAN CHOS GRAGS CHOS CAN, ,RNAM 'GREL RTZOM PA 'DI LA DGA' BSKYES PA'I RGYU MTSAN YOD DE, RANG GI SEMS NI YUN RING DU LEGS BSHAD LA GOMS PA LHUR LEN PAR SKYED PA'I CHED YIN PA'I PHYIR, ` GNYIS PA LA GNYIS, GZHAL BYA RTOGS PA TSAD MA'I RANG BZHIN BSHAD, DE GZHAN LA SKYED PA'I THABS NGAG GI RANG BZHIN BSHAD PA'O, ,DANG PO LA GSUM, LKOG GYUR GSAL BYED RANG DON LE'U, THAR LAM GSAL BYED TSAD MA GRUB PA, MNGON GYUR GSAL BYED MNGON SUM LE'U'O, ,DANG PO LA GNYIS, LUS RNAM GZHAG ,YAN LAG RGYAS BSHAD DO, ,DANG PO NI, BSTAN BCOS 'DI KUN LAS BTUS KYI RNAM 'GREL DU RTZOM NA, CI'I PHYIR LE'U'I GO RIMS BZLOG NAS RANG DON DANG POR 'CHAD CE NA, DON DANG DON MA YIN PA RNAM PAR 'BYED PA NI RJES SU DPAG PA LA BRTEN PA YIN PA'I PHYIR LA, DE LA LOG PAR RTOG PAS DE RNAM PA PAR GZHAG PA'I PHYIR RANG DON RJES DPAG DANG POR BSHAD DO, ,'ON RJES DPAG GI MTSAN NYID DBYE BA SOGS MI 'CHAD PAR CI'I PHYIR GTAN TSIGS 'CHAD CE NA, SKYON MED DE, GTAN TSIGS BSHAD PAS RJES DPAG LA LOG RTOG SEL NUS PA'I PHYIR, 'O NA GTAN TSIGS YANG DAG GI MTSAN NYID GANG, DBYE NA DU ZHE NA, BYAS PA CHOS CAN, SGRA MI RTAG PAR SGRUB

PA'I GTAN TSIGS YANG DAG YIN TE, DE SGRUB KYI PHYOGS CHOS DANG, PHYOGS BTAGS PA BA DE'I CHA BSGRUB BYA'I CHOS KYIS RTAGS LA KHYAB PA'I TSUL GSUM YIN PA'I PHYIR, RTAGS YANG DAG DE CI 'BRAS RANG MA DMIGS PA RNAM PA GSUM NYID DU NGES TE, PHYOGS CHOS DANG MED NI MA 'BYUNG BA'I 'BREL PA DE 'BRAS RANG MA DMIGS PA'I RTAGS KHO NA LA NGES PA'I PHYIR RO, ,GSUM PO DE LAS GZHAN PA'I RTAGS RNAMS CHOS CAN, GTAN TSIGS LTAR SNANG YIN TE, RTAGS SU BKOD PA GANG ZHIG, TSUL GSUM MA TSANG BA'I PHYIR, GNYIS PA LA BZHI, YANG DAG GSUM GYI GTAN TSIGS BSHAD, NGES GZUNG TSIG LA RTZOD PA SPANG, ZLOG PHYOGS GTAN TSIGS LTAR SNANG BSHAD, MED NA MI 'BYUNG RGYAS PAR BSHAD PA'O, ,DANG PO LA, 'BRAS RANG MA DMIGS PA GSUM MO, , DANG PO NI, GAL TE DU BA ME LAS SKYES PA'I PHYIR MI 'KHRUL NA SKYA RDZAS KYANG ME GO BYED DU 'GYUR TE, ME LAS SKYES PA'I PHYIR ZHE NA, RGYU ME LA YOD PA'I RANG BZHIN JI SNYED CIG MED NA MI 'BYUNG BA'I 'BRAS BU DU BA NI CHOS CAN, DU LDAN LA LA ME SGRUB PA'I GTAN TSIGS YANG DAG YIN TE, DE SGRUB KYI TSUL GSUM YIN PA'I PHYIR, GNYIS PA NI, MI RTAG PA'I RANG BZHIN YOD TZAM DANG 'BREL PA CAN GYI NGO BO BYAS PA'ANG CHOS CAN, SGRA MI RTAG PAR SGRUB PA'I GTAN TSIGS YANG DAG YIN TE, DE SGRUB KYI TSUL GSUM YIN PA'I PHYIR, GSUM PA LA GNYIS, MI SNANG BA MA DMIGS PA, SNANG RUNG MA DMIGS PA'I RTAGS SO, ,DANG PO NI, SHA ZA BSKAL DON DU SONG BA'I GANG ZAG GIS SHA ZA DMIGS PA'I TSANG MA RNAMS NI MI 'JUG PA CHOS CAN, MDUN GYI GZHI 'DIR SHA

, ,ZA BSKAL DON DU SONG BA'I GANG ZAG GI NGOR SHA ZA YOD NGES KYI BCANG SHES MI 'JUG PAR SGRUB PA'I 'BRAS BU CAN TE RTAGS YANG DAG YIN TE, DE SGRUB KYI TSUL GSUM YIN PA'I PHYIR, GNYIS PA LA GSUM, NGO BO, DBYE BA, RTZOD SPANG NGO, , DANG PO NI, YOD NA SNANG RUNG GI BYE BRAG LA LTOS NAS BUM PA MA DMIGS PA'I GTAN TSIGS CHOS CAN, GZHI 'GA' ZHIG TU BUM PA MED PA'I SHES RJOD SGRUB PA'I 'BRAS BU CAN GYI RTAGS YANG DAG YIN TE, DE SGRUB KYI TSUL GSUM YIN PA'I PHYIR, GNYIS PA NI, SNANG RUNG MA DMIGS PA'I RTAGS YANG DAG LA DBYE NA DU ZHE NA, MED DGAG GI DON CAN GYI SNANG RUNG MI DMIGS PA'I RTAGS YANG DAG CHOS CAN, RNAM PA BZHI YOD DE, RANG BZHIN 'GAL DMIGS DANG, 'GAL BA'I 'BRAS BU DAG GRUB PA DANG, RGYUD NGA NGO BO BLTAR RUNG BA'I BDAG NYID DAG NI MA GRUB PA'I RTAGS RNAMS SU YOD PA'I PHYIR, GSUM PA NI, 'GAL 'BRAS DMIGS PAS GRANG REG MED PAR GRUB NA, 'GAL BA'I RGYU DMIGS PAS KYANG GRANG REG MED PAR 'GRUB PAR 'GYUR RO ZHE NA, GRANG REG DE DANG 'GAL BA YI NI RGYU DMIGS PA RTAGS SU SBYOR BA BUD SHING GANG YIN PA DE CHOS CAN, GZHI 'GAR GRANG REG MED PAR SGRUB PA'I KHYAB PA 'KHRUL PA CAN YIN TE, KHYOD DANG GRANG REG GI RGYU MTSAN DAG NI 'GAL BA NYID MED PA'I PHYIR, ME RGYU BUD SHING GIS GRANG REG 'GOG MI NUS NA, ME 'BRAS DU BAS KYANG GRANG REG 'GOG MI NUS SO ZHE NA, 'GAL 'BRAS DMIGS PA'I RTAGS DU BA CHOS CAN, GZHI 'GAR GRANG REG 'GOG PA LA YANG YUL DANG NI DUS LA SOGS PA KHYAD PAR BA LA LTOS PAR 'DOD DE

GZHAN DU NA DE SGRUB KYI KHYAB PA 'PHRUL BAR 'GYUR BA'I PHYIR, DPER NA, GZHI 'GAR MI GRANG BA SGRUB PA LA NI THAL BA RTAGS SU BKOD PA BZHIN NO, ,GNYIS PA LA GNYIS, SNGA PHYI LA BRTEN PA'I RTZOD PA SPANG, ,DUS MNYAM LA BRTEN PA'I RTZOD PA SPANG PA'O, ,DANG PO NI RTAGS YANG DAG LA 'BRAS RANG MA DMIGS PA GSUM DU NGES NA, RGYU TSOGS PA LAS 'BRAS BU SKYE BAR RJES SU DPOG PA GANG YIN PA DE RTAGS YANG DAG MA YIN PAR 'GYUR RO ZHE NA, NAS KYI SA BON DANG CHU LUNG DRONG GSHER TSOGS PA DE NI CHOS CAN, DE 'DRA'I ZHING STENG DU NAS KYI MYU GU SKYE RUNG DU SGRUB PA'I RANG BZHIN GYI RTAGS YANG DAG YIN PAR BRJOD DE, DE SGRUB KYI SGRUB RTAGS YANG DAG GANG ZHIG, RGYU RKYEN DON GZHAN LA NI MI LTOS PAR NAS KYI MYU GU SKYE RUNG GI RANG BZHIN YIN PA'I PHYIR, GAL TE RTAGS DES MYU GU 'BYUNG NGES CI'I PHYIR MI DPOG CE NA, CHOS CAN, GZHI DER 'BRAS BU MYU GU 'BYUNG NGES SU SGRUB PA LA KHYAB PA MA NGES PA NI NYING YIN TE, KHYED KYIS TSOGS PA'I 'BRAS BU MYU GU SKYED PA'I NUS PA RNAMS KHYAD PAR DU 'GYUR BA DANG 'BREL BA'I BAR 'DIR GEGS BYED PA DAG SRID PA'I PHYIR RO, , GNYIS PA NI, RTAGS YANG DAG LA 'BRAS RANG MA DMIGS PA GSUM DU NGES NA, RO DA LTAR BA'I RTAGS LAS GZUGS DA LTAR BA'I RTOGS PA'I RJES DPAG SKYE BA MI 'THAD CE NA, SHES BYA CHOS CAN, DE MI 'THAD MI DGOS PAR THAL, RO DA LTAR BA'I RTAGS LAS KHA NANG BU RAM GONG BU'I STENG DU GZUGS LA SOGS PA DA LTAR BA RTOGS PA NI, RGYU'I CHOS RJES SU DPOG PA'I 'BRAS RTAGS LAS SKYES PA'I PHYIR, DPER NA, DU BAS DU LDAN LA LA MES BUD SHING GI 'GYUR BA SKYED PA'I NUS PA DPAG SA STOBS KYIS,

, ,BUD SHING GI 'GYUR BA DBOG PA BZHIN NO, ,RTZA RTAGS GRUB STE, RO GZUGS DNGOS RGYU TSOGS BA GCIG LA RAG LUS BA'I PHYIR TE, RO SNGA MA'I NUS PA 'JUG PA MED PAR NI RO DA LTAR BA MED LA, RO SNGA MA DE NYID GZHAN GZUGS DA LTAR BA'I YANG LHAN CIG BYED RGYU YIN BA'I PHYIR, CHOS CAN, RO DA LTAR BA'I RTAGS LAS KHA NANG BU RAM GONG BU'I STENG DU, GZUGS DA LTAR BA RTOGS PA'I RJES DPAG DE NI 'BRAS BU'I RTAGS LAS SKYES PA YIN TE, SNGAR BSHAD PA DE LTAR RO DA LTAR BA'I RTAGS LAS 'DAS PA RO SNGA MAS GZUGS DA LTAR BA SKYED BA'I NUS PA DANG, RANG DANG DUS GCIG PA'I GZUGS RNAMS RTOGS PA'I RJES DPAG SKYE BA'I PHYIR, GSUM BA NI, RGYU KHA YAR BA LAS KYANG 'BRAS BU 'BYUNG RUNG DU DPOG NUS TE, LUS RGYAS PA LAS 'DOD CHAGS SKYE BA'I PHYIR ZHE NA, RGYU MA TSOGS PA'I NAS YAN GAR BA DE CHOS CAN, KHYOD LAS 'BRAS BU MYU GU NI SKYE RUNG DU RJES SU DBOG PA GANG YIN PA DE MI RIGS BAR THAL, DE SGRUB KYI LHAG MA DANG LDAN PA'I RTAGS YIN BA'I PHYIR DANG, KHYOD LA MYU GU SKYED P'I NUS PA MED PA'I PHYIR DPER NA LUS LAS 'DOD CHAGS RJES SU DPOG PA BZHIN NO, ,MI MTHUN PHYOGS LA MA MTHONG BA TZAM GYIS 'BRAS BU'I SPYI MTHONG PA LAS, RGYU'I KHYAD PAR DPOG PA'I GTAN TSIGS SHES PA MI 'THAD DE, DE LTA BU'I RTAGS DE TSAD MA STE GTAN TSIGS LTAR SNANG YIN PA'I PHYIR, DPER NA, TSIG LAS CHAGS CAN LA SOGS PA DPOG PA BZHIN NO, ,CHIG LAS PHA ROL BO CHAGS CAN DU SGRUB BA'I LDOG KHYAB GRUB STE, MI MTHUN PHYOGS LA MA MTHONG TZAM GRUB PA'I PHYIR ZHE NA, TSIG CHOS CAN, DE SGRUB KYI MI MTHUN PHYOGS

LA MA MTHONG BA TZAM GYIS, LDOG KHYAB 'KHRUL PA MED PA MIN PAR THAL, DE LTAR YIN YANG DE SGRUB KYI LDOG KHYAB 'KHRUL PA SRID PA CAN NYID YIN PA'I PHYIR, DPER NA, ZOS PA'I 'BRAS DANG PHRU BA GCIG GI NANG DU CHUNG BA'I RTAGS LAS, 'BRAS LHAG MA NI TSOS PAR DPOG PA BZHIN NO, ,'O NA, LHAG LDAN GYI DON CI ZHE NA, GANG ZHIG MA MTHONG BA TZAM GYIS LDOG PA RAB TU STON PAR BYED PA'I NGAG SMRA BA DE NI CHOS CAN, PHA ROL PO CHAGS LDAN DU SGRUB PA DE LA LHAG MA DANG LDAN PA ZHES BRJOD DE, DE SGRUB KYI PHYOGS CHOS GANG ZHIG, MI MTHUN PHYOGS LAS LDOG PA LA THE TSOM GYI RGYU YIN BA'I PHYIR, BZHI PA MED NA MI 'BYUNG RGYAS PAR BSHAD PA LA, BSTAN BSHAD GNYIS, DANG PO LA GSUM, GZHAN LUGS DGAG ,RANG LUGS GZHAG ,MJUG BSDU BA'O, ,DANG PO LA GSUM, RANG SDE LUNG DANG 'GAL BAS DGAG THUN MONG MNGON SUM GNOD PA BSTAN, GZHAN SDE KHAS BLANGS 'GAL BAS DBAG PA'O, ,DANG PO LA GNYIS, YONGS GCOD LA 'BREL PA BZHAD PAR BSTAN, RNAM BCAD LA LUNG 'GAL BRJOD PA'O, ,DANG PO NI, SLOB DPON DBANG PHYUG SDE NA RE, MI MTHUN PHYOGS LA MA MTHONG TZAM GYIS LDOG KHYAB GRUB LA, DE NYID SLOB DPON PHYOGS GLANG GI BZHED PA YIN NO ZHE NA, GTAN TSIGS KYI NI TSUL GSUM LA'ANG PHYOGS GLANG DE YIS NGES PA BRJOD PAR MDZAD PA CHOS CAN, DGOS PA YOD PA YIN TE, BYAS PA LTA BU SGRA MI RTAG PAR SGRUB PA LTA BU'I MA GRUB PA DANG, ZLOG DON 'GAL RTAGS DANG KHYAB PA 'KHRUL PA CAN GYI GNYEN POR NI RTOGS PA'I CHED YIN PA'I PHYIR, GNYIS PA NI, DE LTA MIN PAR MI MTHUN PHYOGS LA MA MTHONG BA TZAM GYIS LDOG KHYAB GRUB NA, SHES BYA CHOS CAN, 'KHRUL PA CAN GYI GNYEN POR

, ,NI CHOS MI MTHUN SBYOR GYI NGAG RJOD PA GANG YAN BA DAM 'THAD PAR THAL, PHYOGS SNGA DE'I PHYIR, 'DOD NA, RE SHIG 'GAL BA DANG MA NGES PA'I GNYEN POR GNYIS KA RJOD PA GANG YIN PA DE NI RIGS SO ZHES GSUNGS PA DANG 'GAL LO, ,GAL TE CHOS MI MTHUN SBYOR GYI NGAG DE MI MTHUN PHYOGS LA MA MTHONG TZAM GO BA'I 'BRAS BU CAN YIN PAS SKYON MED DO ZHE NA, CHOS MI MTHUN SBYOR GYI SGRUB NGAG YANG DAG CHOS CAN, RTAGS MI MTHUN PHYOGS LAM MTHONG TZAM RTOGS PA'I DON DU SMON PA MI 'THAD PAR THAL, RTAGS MI MTHUN PHYOGS LA MA MTHONG TZAM DO KHYOD MA SMOS KYANG RTOGS PAR 'GYUR BA'I PHYIR, RTAGS MI MTHUN PHYOGS LA MED NGES RTOGS PA'I DON DU SMOS PAS SKYON MED CEN, RTAGS MI MTHUN PHYOGS LA MED CES BYA BA'I TSIG CHOS MI MTHUN SBYOR GYI SGRUB DAG CHOS CAN, KHYOD KYIS KYANG RTAGS MI MTHUN PHYOGS LA MED PA KHO NA GO BA MIN PAR THAL, RTAGS MI MTHUN PHYOGS LA MA MTHONG TZAM RJOD PA'I PHYIR, 'O NA RTAGS MI MTHUN PHYOGS LA MED PAR JI LTAR RTOGS ZHE NA, CHOS CAN, KHYOD LA BRTEN NAS RTAGS MI MTHUN PHYOGS LA MED CES BYA BAR RTOGS TE, GAL TE JI LTAR RTAGS MI MTHUN PHYOGS LA MED PA'I RIGS PA RTAGS CHOS 'BREL BA DE RJOD PA'I PHYIR, GAL TE RTAGS MI MTHUN PHYOGS LA MA MTHONG BAS LDOG KHYAB GRUB PAR 'GYUR NA, ZOS PA'I SHING TOG DANG GZUGS DANG SHING PHUNG GCIG LAS SKYES PAR MTSUNGS PA CHOS CAN, MA ZOS PA'I SHING TOG LHAG MA RNAMS SMIN PA DANG RO NUS KHYAD PAR CAN DU SGRUB PA'I CI STE LHAG LDAN 'KHRUL PA CAN YIN TE MA YIN PAR THAL, DE SGRUB KYI LDOG KHYAB GRUB PA'I PHYIR, 'DOD NA, GZUGS LA SOGS PA MTSUNGS PAS RO LA SOGS PA GDON MI ZA BAR MTSUNGS

PA MIN NO, ,ZHES GSUNGS PA DANG 'GAL LO, ,LDOG PA CAN SROG LDAN YANG CHOS CAN, GSON LUS BDAG BCAS SU SGRUB PA'I GTAN CHIGS YANG DAG TU 'GYUR BAR THAL, DE SGRUB KYI PHYOGS CHOS GANG ZHIG, LDOG KHYAB GRUB BA'I PHYIR, PHYI MA KHAS, 'DOD NA, LHAG MA LNGA BO DAG NI GTAN TSIGS SAM 'GAL BA NYID DU MA NGES TE, THE TSOM GYI RGYU'O, ,ZHES GSUNGS PA DANG 'GAL LO, ,SHES BYA CHOS CAN, PHYOGS CHOS LA THE TSOM ZA NAS MA GRUB PA DANG, LDOG KHYAB LA THE TSOM ZA BA DPE DON SBYAR NAS RTAGS YANG DAG MA YIN PAR BRJOD BYA MIN PAR THAL, RTAGS MI MTHUN PHYOGS LA MA MTHONG TZAM GYIS LDOG KHYAB GRUB PA'I PHYIR, 'DOD NA, PHYOGS KYI CHOS NI RGOL BA DANG PHYIR RGOL BA GNYIS KA LA NGES PAR GZUNG NGO, ,DE BZHIN DU MTHUN PA'I PHYOGS LA YOD BA DANG MED PA ZHES BYA BA LA SOGS PA LA'ANG CI RIGS PAR BRJOD PAR BYA'O, ,ZHES GSUNGS BA DANG 'GAL LO, ,KHYAD PAR MNYAN BYA CHOS CAN, SGRA'I STENG DU RTAG MI RTAG GNYIS KA RNAM PAR GCOD PA'I GTAN TSIGS SU 'GYUR BAR THAL, DE SGRUB KYI PHYOGS CHOS GANG ZHIG ,MI MTHUN PHYOGS LA MA MTHONG TZAM GRUB PA'I PHYIR, KHYAB PA KHAS BLANGS, 'DOD NA, KHYAD PAR NI RNAM PAR GCOD PA'I GTAN TSIGS MIN NO, ,ZHES GSUNGS PA DANG 'GAL LO, ,GAL TE MNYAN BYA DE SGRA'I STENG DU RTAG MI RTAG GNYIS KA RNAM PAR GCOD PA'I GTAN TSIGS MA YIN TE, DE LA TSANG MA GZHAN GYIS GNOD BA'I PHYIR ZHE NA, SHES BYA CHOS CAN, DA NI MI MTHUN PHYOGS LA MA MTHONG TZAM LAS MED BAR GRUB BA MIN PAR THAL, DE LA TSAD MAS GNOD PA'I PHYIR, MNYAN BYA DE BZHIN DU NI RTAGS GZHAN LA'ANG CHOS CAN, MI MTHUN PHYOGS LA MA MTHONG TZAM GYIS LDOG KHYAB MA GRUB BAR

, ,THAL; DE LA TSAD MA GZHAN GYIS GNOD PA SRID PA'I PHYIR, REG BYA BTANG SNYOMS PA MA MTHONG BA CHOS CAN, MTHONG BA'I SA SOGS LA REG BYA BTANG SNYOMS PA MI LDAN PAR SGRUB PA'I KHYAB PA 'KHRUL PA MED PA CAN DU THAL, DE SGRUB KYI MI MTHUN PHYOGS LA MA MTHONG BA'I PHYIR, 'DOD NA, RLUNG GI RAB BYED LAS, GAL TE MA MTHONG BA TZAM GYIS MTHONG BA DAG LA 'GOG BAR BYED NA DE YANG RIGS PA MA YIN NO, ,ZHES GSUNGS PA DANG 'GAL LO, ,GNYIS PA THUN MONG MNGON SUM GNOD PA BSTAN PA NI, SHES BYA CHOS CAN, SKYU RU RA DE LA GCIG SMIN PA DANG RO NUS KHYAD BAR CAN DU MTHONG BAS, YUL GZHAN GYI SKYU RU RA LA SMIN PA DANG RO NUS KHYAD BAR CAN DE YOD BAR NGES PA RIGS PA MA YIN PAR THAL, YUL LA SOGS PA'I KHYAD PAR LAS RDZAS LA NUS PA THA DANG SNANG BA'I PHYIR, GSUM PA NI, SHES BYA CHOS CAN, RTAGS MI MTHUN PHYOGS LA MA DMIGS PA GANG YIN PA DE KHO NA GTAN TSIGS MI MTHUN PHYOGS LA MED PA'I SGRUB BYED YIN NAM CI STE MA YIN PAR THAL, GSON LUS LA BDAG DANG SA LA SHES PA DANG 'OM LA ZHO LA SOGS BA MA MTHONG BAS MED PA RAB TU SGRUB BYED MIN PA'I PHYIR, GNYIS PA RANG LUGS GZHAG BA LA GNYIS, SGRUB RTAGS KYI KHYAB PA 'BREL PA LA LTOS, DGAG RTAGS KYI KHYAB PA 'BREL BA LA LTOS PA'O, ,DANG PO LA GSUM, DNGOS, 'BREL PA DPE STENG DU STON TSUL, 'BREL PA SHES PA'I PHAN YON NO, ,DANG PO NI, MI MTHUN PHYOGS LA MA MTHONG TZAM GYIS LDOG KHYAB MA GRUB PA DE'I PHYIR, BYAS BA CHOS CAN, MI RTAG PA LOG PAS KHYOD KYI NGO BO NYID LDOG PAR 'GYUR BA YIN TE, MI RTAG BA DE TZAM DANG 'BREL BA'I NGO BO NYID YIN PA'I PHYIR, 'BRAS BU DU BA CHOS CAN, RGYU ME LOG PA YIS KHYOD LDOG

STE; KHYOD ME LA 'KHRUL PA MED PA'I PHYIR, BYAS MI RTAG 'BREL BA DE LTA MIN NA, GCIG MI RTAG PA LOG PAS JI LTAR GZHAN BYAS BA NI LDOG PAR 'GYUR TE MI 'GYUR BAR THAL LO, ,DPER NA, MI LA RTA MI BDOG CES TE DE TZAM GYIS PHYUGS KYANG BDOG BA MIN NAM CI STE MED MI DGOS PA BZHIN NO, ,DE BZHIN DU BYAS PA GCIG CIG NYE BA'I PHYIR, JI LTAR MI RTAG PA GZHAN NI NYE BAR 'GYUR TE MI 'GYUR BAR THAL, BYAS MI RTAG 'BREL MED THA DAD YIN PA'I PHYIR, DPER NA, MI LA PHYUGS NI BDOG CES TE DE TZAM GYIS DE BZHIN RTA YANG BDOG GAM CI STE YOD MI DGOS PA BZHIN NO, ,GNYIS PA NI, 'BRAS RANG GI GTAN TSIGS 'DI CHOS CAN, LDOG KHYAB 'GRUB PA RTAGS LDOG PA'I GZHI CHOS MI MTHUN DPE MTHA' DAG RTOGS PA LA NGES PAR LTOS PAR MI 'DOD DE, RTAGS CHOS 'BREL PA BRJOD PA LAS LDOG KHYAB RTOGS PA DE'I PHYIR TE, BSGRUB CHOS DE DAG MED NA'ANG RTAGS DE MED CES BRJOD PA LAS KYANG LDOG KHYAB DE RTOGS PA'I PHYIR, MTHUN DPEL RTAGS CHOS KYI 'BREL BA STON PA CHOS CAN, DGOS PA YOD DE, BSGRUB CHOS DE RTAGS DE'I NGO BO DANG RGYU'I DNGOS PO DE DAG TU MI SHES PA SHES PAR BYA BA'I CHED YIN PA'I PHYIR; 'BREL BSHES PA'I MKHAS PA RNAMS LA NI CHOS CAN, 'BREL PA SHES PA'I PHYIR DU BRJOD MI DGOS TE, PHYOGS CHOS MI SHES NA DE SHES PA'I PHYIR DU GTAN TSIGS 'BA' ZHIG BRJOD DGOS PAR ZAD PA'I PHYIR, GSUM PA NI, SHES BYA CHOS CAN, RTAGS CHOS KYI 'BREL BA SHES NA RJES SU 'GRO LDOG GI KHYAB PA GNYIS LAS GANG YANG RUNG BA SMRAS PAS, CIG SHOS LA DRAN PA YANG DAG SKYE BAR 'GYUR TE, KHYAB PA GCIG DNGOS SU RTOGS PAS CIG SHOS DON GYIS GO BA'I PHYIR TE, RTAGS MI MTHUN PHYOGS MTHA' DAG LA MED PAR SHES PA'I PHYIR DU

, ,'BREL BA BSTAN BAL DGOS PA YOD PA DE NYID KYI PHYIR, GNYIS PA NI ,CHOS CAN, RGYU DANG RANG BZHIN DAG MED PAS GZHI 'GAR 'BRAS BU DANG KHYAB BYA 'GA' ZHIG DGAG PA'I YANG GTAN TSIGS SU 'GYUR TE, KHYAB PA'I RTZAB 'BREL PA LA LTOS PA DE'I PHYIR, BUM PA YOD NA DMIGS BAR NI RIGS PA DANG LDAN PA LAS BUM PA DE MI DMIGS PA YANG CHOS CAN, GZHI 'GAR BUM PA MED BAR SGRUB PA'I RTAGS YANG DAG YIN TE, DE SGRUB KYI TSUL GSUM YIN PA'I PHYIR, DE LTAR NA MI DMIGS PA'I RTAGS 'DI RNAM PA GSUM BSHAD KYANG PHYE NA RNAM PA DU MA YOD DE, RGYU KHYAB BYED RANG BZHIN MA DMIGS PA DE DANG ,RGYU KHYAB BYED RANG BZHIN DE DANG 'GAL BA DANG, 'GAL 'BRAS DMIGS PA DANG, RGYU DANG 'GAL BA'I 'BRAS BU DMIGS PA LA SOGS PA, 'BREL ZLA MA RTOGS PA DANG 'GAL ZLA RTOGS PA'I SBYOR BA'I SGO NAS DU MAR DBYE BA'I PHYIR, GSUM PA MJUG BSDU BA NI, SHES BYA CHOS CAN, MI MTHUN PHYOGS LA MA MTHONG TZAM LAS LDOG KHYAB GRUB PA MIN ZHING, MTHUN PHYOGS LA MTHONG TZAM LAS RJES KHYAB GRUB BA MIN PAR THAL, RTAGS CHOS RGYU DANG 'BRAS BU'I DNGOS PO'AM RANG BZHIN GCIG TU NGES PA LAS RTAGS CHOS MED NA MI 'BYUNG BA'I 'BREL BA NGES PA NGES PA'I PHYIR, RTAGS CHOS 'BREL PA LAS GZHAN DU NA, DU BA GZHAN NI CHOS CAN, ME GZHAN DAG DANG NGES PAR YOD PA'I NGES PA GANG YOD DE MED PAR THAL, ME DANG 'BREL BU'I DNGOS PO 'AM RANG BZHIN GCIG TU NGES PA LAS RTAGS CHOS MED NA MI 'BYUNG BA'I 'BREL BA NGES PA'I PHYIR, RTAGS CHOS 'BREL PA LAS GZHAN DU NA, DU BA GZHAN NI CHOS CAN, ME GZHAN DAG DANG NGES PAR YOD PA'I NGES PA GANG YOD DE MED PAR THAL ,ME DANG 'BREL BA MED PA'I PHYIR, BYAS PA CHOS CAN, RANG GRUB TZAM NAS 'JIG DES MA YIN PAR THAL, MI RTAG PA DANG DON GZHAN RGYU MTSAN CAN GYI CHOS YIN PA'I PHYIR, DPER NA, GOS LA TSON BZHIN NO, ,CHOS CAN, MI RTAG PA DANG RDZAS GZHAN NYID YIN PAR THAL, MI RTAG PA DANG

CHOS DON GZHAN GYI RGYU MTSAN CAN YIN PAR GYUR PA'I PHYIR, 'DOD NA, MI RTAG PA DANG 'BREL MED YIN PAR THAL, MI RTAG PA DANG BDAG GCIG DANG DE BYUNG GI 'BREL PA MED PA'I PHYIR, PHYI MA MA GRUB NA, MI RTAG PA DE BYAS PA'I RGYU YIN NAM, 'BRAS BU YIN, DANG PO LTAR NA, CHOS CAN, MI RTAG PA KHYOD KYI RGYU NYID MIN PAR THAL, DE KHYOD KYI PHYIS 'BYUNG BA'I PHYIR, GNYIS PA LTAR NA, CHOS CAN ,SGRA MI RTAG PAR SGRUB PA'I KHYAB PA GA LA NGES TE MA NGES PAR THAL, DE SGRUB KYI PHYOGS CHOS GANG ZHIG ,MI RTAG PA KHYOD KYI 'BRAS BU YIN PA'I PHYIR, GNYIS PA RGYAS PAR BSHAD, PA LA GNYIS, SGRUB RTAGS DANG, DGAG RTAGS KYI 'BREL PA NGES BYED DO, ,DANG PO LA GNYIS ,SO SOR BSHAD PA, MJUG BSDU BA'O, ,DANG PO LA GNYIS, 'BRAS RTAGS KYI 'BREL PA NGES BYED, RANG BZHIN RTAGS KYI 'BREL PA NGES BYED NGO, ,DANG PO NI, DU BA ME LA MI 'KHRUL PA'I SGRUB BYED MED PAR THAL, DU BA ME LAS SKYE BAR MTHONG TZAM DANG ME MED LAS SKYE BAR MA MTHONG TZAM GYIS DE MI 'GRUB, SGRUB BYED GZHAN MED PA'I PHYIR ZHE NA, RTAGS MA GRUB STE, DU BA CHOS CAN, MI'I 'BRAS BU YIN TE, 'BRAS BU'I CHOS MES PHAN BTAGS STOBS KYIS, ME YOD MED KYI RJES SU 'JUG PA'I PHYIR, MA GRUB STE, ME DE MED PAR NI DU BDE SKYE BA YOD CE NA, CHOS CAN, RGYU DANG LDAN PA LAS 'DAS PAR 'GYUR BAR THAL, DU BA GANG ZHIG, ME MED LAS SKYES BA'I PHYIR, 'DOD NA, RGYU RKYEN GZHAN LA MI LTOS PAR 'BYUNG BAR THAL, RGYU MED DU 'BYUNG BA'I PHYIR, 'DOD NA RTAG TU YOD PA'AM MED PAR 'GYUR BAR THAL LO, ,KHYAB STE, DNGOS PO RNAMS NI RES 'GA' ZHIG 'BYUNG BA RGYU RKYEN LA LTOS PA LAS YIN PA'I PHYIR, GAL TE BRGYA BYIN GYI SPYI BO DE NYID CHOS CAN, ME YOD DU THAL, ME'I RANG BZHIN DU BA SKYE BYED YIN PA'I PHYIR, 'ON TE DE ME'I RANG BZHIN DU BA

, ,SKYE BYED MIN NO ZHE NA, DE CHOS CAN, JI LTAR KHYOD LAS DU BA 'BYUNG STE MI 'BYUNG BAR THAL LO, ,KHYAB STE, DU BA'I RGYU'I RANG BZHIN ME DE DU BA SKYED PA'I NUS PA ME MED LAS BYE BRAG TU LDAN PA'I PHYIR, DU BA DE NI CHOS CAN, RGYU MED DU 'GYUR BAR THAL, DU BA GANG ZHIG ,DU BA'I RGYU MIN PA LAS 'BYUNG BA'I PHYIR, DU BA DE'I RANG BZHIN CHOS CAN, MI MTHUN PA'I RGYU LAS MI 'BYUNG STE, ME DE'I RGYU CAN YIN PA'I PHYIR TE, MES PHAN BTAGS STOBS KYIS ME YOD MED KYI RJES SU 'GRO BA DANG LDOG PA LAS, KHYOD GANG ZHIG ME GANG GI RJES SU 'GRO BAR MTHONG BA'I PHYIR, GNYIS PA LA GSUM, RANG BZHIN RTAGS SU 'GYUR BA'I TSUL, RANG BZHIN RTAGS KYI DBYE BA, RANG BZHIN RTAGS KYI 'BREL PA SGRUB BYED DNGOS SO, ,DANG PO LA GNYIS, RTAGS CHOS BDAG GCIG 'BREL BAR BSTAN, RTZOD PA SPANGS TE GZHAN SEL BSGRUB PA'O, ,DANG PO NI, DU BA ME LAS SKYES PAS MI 'KHRUL MOD RANG BZHIN JI LTAR MI 'KHRUL ZHE NA, RANG BZHIN LA YANG BYAS PA CHOS CAN, MI RTAG PA MED NA MI 'BYUNG BA'I 'BREL BA GRUB STE, RANG YOD PA TZAM NAS MI RTAG PA DANG 'BREL BA'I PHYIR TE, MI RTAG PA DE MED NA NI KHYOD YOD PA'I BDAG NYID MED PAR 'GYUR ZHING, MI RTAG PA DANG BDAG NYID THA DAD MED PA'I PHYIR RO, ,GNYIS PA LA, BSTAN BSHAD GNYIS, DANG PO NI, BYAS PA DE SGRA MI RTAG PAR SGRUB PA'I DAM BCA'I DON GYI PHYOGS GCIG RTAGS SU BKOD PA'I MA GRUB PAR THAL, BYAS MI RTAG BDAG NYID THA DAD MED PA'I PHYIR ZHE NA, SGRA'I DNGOS PO KUN CHOS CAN, RIGS MTHUN GYI DNGOS PO DANG, GZHAN RIGS MI MTHUN GYI DNGOS PO DAG LAS LDOG PA LA NI RTEN PA CAN YIN TE, GANG GI PHYIR RANG BZHIN GYIS RANG RANG GI NGO BO LA GNAS PA'I MNYAN BYA YIN PA'I PHYIR, DON SGRA CHOS CAN, MA BYAS RTAG PA SOGS GANG DANG GANG LAS LDOG PA DE'I RGYU MTSAN CAN GYI

RIGS DU MA DBYER RUNG STE, MA BYAS RTAG PA LAS LOG PA DE'I PHYIR, CHOS CAN, KHYOD KYI STENG DU BYAS MI RTAG DE'I KHYAD PAR RIMS KYIS RTOGS PAR 'GYUR BA DAG RAB TU BYED DE, KHYOD KYI STENG DU BYAS PA GRUB NAS DE'I RJES SU MI RTAG PA RTOGS DGOS PA'I PHYIR, KHYAD PAR BYAS PA GANG ZHIG CHOS CAN, SGRA MI RTAG SGRUB KYI DAM BCA'I DON GYI PHYOGS GCIG RTAGS SU BKOD PA'I MA GRUB PA MA YIN TE, MI RTAG PA DANG THA DAD RNAM PAR GNAS PA'I PHYIR TE, KHYOD BYAS PA ZHES PA'I CHOS GANG GIS GO BAR 'GYUR BA DE, DE LAS GZHAN MI RTAG BZHES PA'I TSIG GIS GO BAR NUS PA MA YIN PA DES NA'O, ,GNYIS PA LA GNYIS, YOD PA'I GZHAN SEL RGYAS PAR BSHAD, MED PA'I GZHAN SEL 'BAD MED GRUB PA'O, ,DANG PO LA GSUM, SGRA RTOG SGRUB PAS 'JUG PA DGAG ,SEL BAS 'JUG BAR BSTAN, 'JUG TSUL DE LA RTZOD PA SPANG BA'O, ,DANG PO LA GSUM, YUL CAN PHYI MA DON MED DU THAL BA, SGRA BLO RNAM GRANGS PAR THAL BA, DE'I NYES SPONG DGAG PA'O, ,DANG PO LA GNYIS ,KHYAD GZHI NGES PA'I RJES SU YUL CAN PHYI MA DON MED DU THAL BA, KHYAD CHOS NGES PA'I RJES SU YUL CAN PHYI MA DON MED DU THAL BA'O, ,DANG PO NI, SGRA DANG RTAGS DAG GIS RNAM PAR GCOD PA RTOGS PAR BYED KYI, SGRUB PAS DNGOS PO'I RANG GI NGO BO KHO NAM YIN NO, ,ZHES BYA BA JI LTAR SHES ZHEN ,TSAD MA GZHAN DANG SGRA GZHAN 'JUG PA'I PHYIR RO ZHES STON PA NI, DON GYI RANG GI NGO BO SGRA GCIG GI BDAG NYID CHOS CAN, SGRA 'DZIN NYAN SHES KYIS MA MTHONG BA'I CHA GZHAN TSAD MA PHYI MA RNAMS KYIS BRTAG BYA GANG CI ZHIG YOD DE MED PAR THAL, SGRA 'DZIN NYAN SHES KYIS MNGON SUM DU GZHAL BA YIN PA GANG ZHIG ,SGRA 'DZIN RTOG PA DE KHYOD LA SGRUB PAS 'JUG PA'I PHYIR ,THAL BA LAS, SGRA 'DZIN RTOG PA CHOS CAN, SGRA SGRUB PA'I SGO NAS NGES

, ,PA MA YIN TE, KHYOD KYI RJES SU SGRA MI RTAG PAR 'JAL BA'I TSAD MDON YOD PA'I PHYIR, SGRA MI RTAG PAR 'JAL BA'I TSAD MDON MED DU THAL BA'I NYES PA DE KHYOD RANG LA YANG MTSUNGS TE, SGRA 'DZIN NYAN SHES KYIS SGRA MI RTAG PAR MTHONG BA'I PHYIR ZHE NA, GAL TE GZUGS DKAR BA LA SOGS PAR CHOS MTHUN PA MTHONG BA LAS, NYA PHYIS LA DNGUL GYI RNAM PA LTAR 'KHRUL PA'I RGYU MTSAN GYIS, SGRAL YON TAN GZHAN SBYAR BAR MI BYED NA BDEN YANG, SGRA MI RTAG PAR 'JAL BA'I TSAD MA CHOS CAN, DON YOD DE, SGRA RTAG 'DZIN GYI SGRO 'DOGS SEL BYED DU 'JUG PA'I PHYIR, SGRA 'DZIN NYAN SHES CHOS CAN ,SGRA DANG GRUB BDE RDZAS GCIG PA'I YON TAN MTHA' DAG MTHONG BA NYID YIN TE, SGRA'I DNGOS PO SGRUB PA'I SGO NAS MTHONG BA'I PHYIR ,SGRA MI RTAG PAR SGRUB PA'I RTAGS DANG RJES DPAG RAB TU 'JUG PA LA DON YOD PA YIN TE, 'KHRUL PAS SGRA MI RTAG PAR NGES PAR MI BYED PAS SO, ,GNYIS PA NI, SGRA 'DZIN RTOG PAR MA ZAD RJES SU DPAG PA LAS KYANG DNGOS PO SGRUB PA'I SGO NAS 'DZIN NA, SGRA MI RTAG RTOGS KYI RJES DPAG CHOS CAN, SGRA'I CHOS KUN 'DZIN PA RANG LA SGRA'I CHOS GCIG SGRUB PA'I SGO NAS NGES PAR GYUR PAS SO, ,SANGS RGYAS PA CHOS RNAM YUL CAN PHYI MA DON MED PAR 'GYUR BA'I NYES PA 'DIR NI THAL BAR MI 'GYUR TE, SGRA RTOG SEL BAS 'JUG PAR SMRA BA'I PHYIR, DE LTAR RTAGS DANG RJES DPAG GSEL BA'I YUL CAN YIN PAR RAB TU BSGRAGS TE, SGRA RTOG SGRUB PAS 'JUG PA LA NYES PA YOD CING, SEL BAS 'JUG PA LA NYES PA MED PA DE'I PHYIR, SHES BYA CHOS CAN, CHOS CAN SGRA GRUB PAR GYUR NA DE LAS MA GRUB PA'I SGRA'I CHOS GZHAN CI YOD DE MED PAR THAL, SGRA RTOG SEL 'JUG PAS GZHAN DU SGRUB PAS 'JUG PA'I PHYIR, MNGON SUM GYIS MTHONG BA 'GA' LA'ANG SNGON PO NGES PA'I

SHES PA CHOS CAN, SEL 'JUG MA YIN PAR THAL, BSAL BYA SGRO 'DOGS MED PA'I PHYIR, 'DOD MI NUS TE, SPYI YI DON CAN GYI RNAM RTOG YIN PA'I PHYIR ZHE NA, CHOS CAN, SEL BA'I SPYOD YUL CAN YIN TE, SDO MIN GZHAN GYI CHA SGRO MA BTAGS PA DE TZAM LA 'JUG PA'I DES SHES YIN PA'I PHYIR, RTAGS GRUB STE, NGES SHES 'DI NI SGRO 'DOGS KYIS DBEN PA LA 'JUG CES BYA BAR SHES PA YIN TE, DES PA DANG NI SGO 'DOGS KYI YID GNOD BYA GNOD BYED KYI NGO BO YIN PA'I PHYIR, SHES BYA CHOS CAN, SGRA RTOG DE DAG SPYOD YUL THA DAD PA CAN YIN TE, SGRA LA MA BYAS RTAG PA SOGS KYI CHA SHAS KYI SGRO 'DOGS JI SNYED PA DE BSAL BA'I PHYIR DU, DES PA DANG SGRA YANG DE SNYED KHO NA 'JUG PA'I PHYIR, GNYIS PA NI, SEL BAS 'JUG PA LAS GZHAN DU, SGRA'I DNGOS PO GCIG PU'I KHYAD CHOS MTHA' DAG LA, SGRA'AM BLO GCIG GIS 'JAL BAS KHYAB NA BYAS MI RTAG RJOD PA'I SGRA GNYIS PO CHOS CAN, RNAM GRANGS PA NI NYID DU 'GRUR BAR THAL, DGOS PA DANG YUL GZHAN MA YIN PAR SGRA THA DAD YIN PA DE'I PHYIR, GSUM PA NI, BYE BRAG PA GANG GI LUGS LTAR NA, KHYAD PAR SNA TSOGS PA CAN GYI DON SGRA DANG BYAS MI RTAG RDZAS THA DAD YIN TE, SGRAS BYAS MI RTAG LA PHAN PA'I PHYIR, BYAS MI RTAG KYANG RDZAS THA DAD YIN TE, BLOS THA DAD DU 'DZIN PA'I PHYIR, DES NA RNAM GRANGS PAR THAL BA'I SKYON MED DO ZHE NA, 'O NA SGRA DANG DAN BYAS MI RTAG LA PHAN PA'I NUS PA RDZAS GCIG GAM THA DAD, DANG PO LTAR NA, SGRA 'DZIN RTOG PA CHOS CAN, BYAS MI RTAG LA PHAN PA'I NUS PA'I BDAG NYID KUN BZUNG ZHING NGES PAR THAL, SGRA SGRUB PA'I SGO NAS DES PA GANG ZHIG ,SGRA DE KHYAD PAR SNA TSOGS LA PHAN PA'I YAN LAG GI NUS PA LAS DBYER MED BA'I BDAG NYID YIN PA'I PHYIR, 'DOD NA, PHAN BYA'I BYE BRAG BYAS MI RTAG GANG MA NGES

, ,TE NGES PAR THAL LO, ,KHYAB STE, SGRAS BYAS MI RTAG LA PHAN BA'I NUS PA GCIG CHOS CAN, KHYOD SHES NA NI KHYOD DANG BYAS MI RTAG GNYIS KA BZUNG DGOS PAR THAL, KHYOD BYAS MI RTAG DE NGAG GI BDAG NYID KYIS KHYAD PAR DU BYAS NAS NGES PA LA 'BREL ZHING LTOS PA'I PHYIR, GNYIS PA LTAR NA, SGRAS CHOS BYAS MI RTAG LA PHAN PA'I NUS PA DE DAG RNAMS CHOS CAN, SGRA DE'I KHYAB BYA CI YIN TE MA YIN PAR THAL, SGRA LAS RDZAS THA DAD GANG ZHIG ,SGRA DE YIS KHYOD LA PHAN BA MED PA'I PHYIR ,PHAN BA DE LTA YIN NO ZHE NA, SGRA CHOS CAN, KHYOD KYIS BYAS MI RTAG LA PHAN BA'I NUS PA THUG MED DU 'GYUR BAR THAL, KHYOD KYIS BYAS MI RTAG LA PHAN PA LA, NUS BA RDZAS GZHAN LA PHAN DGOS PA'I PHYIR ,DON BSDU PA NI, SGRA 'DZIN RTOG BAS SGRA DE KHYAD CHOS GCIG NYID LA PHAN BYED DU BZUNG NGO ZHE NA NI, SHES BYA CHOS CAN, SGRAS KHYAD CHOS BYAS PA LA PHAN BA'I NUS PA DE BZUNG NA NI, KHYAD CHOS THAMS CAD LA PHAN PA'I NUS PA BZUNG DGOS TE, BYAS BA DE LA PHAN PA'I NUS PA MTHONG NA, DE DANG MA MTHONG BAR 'DOD PA'I KHYAD CHOS LA PHAN PA'I NUS PA GZHAN MIN BA DE'I PHYIR, GAL TE 'KHRUL BA BZLOG PA'I PHYIR DU RTOG BAS KHYAD CHOS KUN BZUNG BA LA'ANG ,TSAD MA GZHAN 'JUG PAR 'DOD DO ZHE NA, RJES DPAG DE NI CHOS CAN, RNAM GCOD SEL BA'I YUL CAN DU GRUB STE, SGRO 'DOGS SEL BYED DU 'JUG PA'I RTOG PA YIN PA'I PHYIR, DE LAS GZHAN PA'I RTOG PA YANG CHOS CAN, RJES DPAG DE DANG 'DRA BAR SEL 'JUG YIN TE ,SGRO 'DOGS MED PA'I YUL LA NI 'JUG PA'I RTOG PA YIN PA'I PHYIR, GZHAN YANG SGRA'I NGO BO GANG NGES PA'I RTOG PA RNAMS CHOS CAN, KHYOD KYIS MA NGES PA DE NI JI LTAR KHYOD KYI YUL YIN TE MA YIN PAR THAL, KHYOD RANG YUL LA SGRUB PAS 'JUG PA'I NGES SHES YIN PA'I PHYIR, SGRA 'DZIN NYAN

SHES CHOS CAN, SGRA'I BYAS MI RTAG THAMS CAD NGES PAR THAL, DE THAMS CAD MTHONG BA'I PHYIR ZHE NA, MA KHYAB STE, SGRA'I KHYAD PAR LA CHA SHAS SU PHYE NAS 'JUG PA RNAM PAR SPANGS PA'I SGO NAS ,MNGON SUM GYIS NI BZUNG PA LA'ANG KHYAD PAR GANG LA RTOGS PA'I RKYEN YOD PA DE NI RTOGS PAR 'GYUR BA'I PHYIR, GNYIS PA SEL PAS 'JUG PAR BSTAN PA LA GSUM, LOG LDOG DANG SPYI GSAL MTSUNGS PA'I RTZOD PA SPANG, GZHAN SEL BA'I SPYI NGOS GZUNG, BRDA'I YUL NGOS GZUNG BA'O, ,DANG PO LA GSUM, SEL BA SMRA BA LA NYES PA MED, SGRUB PAS 'JUG PA LA NYES PA BSTAN, SGRA 'DOD PA'I DBANG GIS 'JUG RIGS PA'O, ,DANG PO NI, LOG LDOG RDZAS GCIG GAM THA DANG, GCIG NA SGRA THA DAD MI 'JUG PAR 'GYUR LA, THA DAD NA, SPYI GSAL RDZAS THA DAD LA BKOD PA'I NYES PA MTSUNGS SO ZHE NA, SGRA RTOG SEL PAS 'JUG PA DE LA'ANG, GZHAN LAS LDOG PA DANG GZHAN LAS LOG PA ZHES BYA BA'I SGRA DANG NGES PA NYID DAG NI CHOS CAN, BRJOD BYA RDZAS THA DAD PA'I DBANG GIS 'JUG PA MA YIN TE, BRDA THA DAD PA'I RJES SU BYED PA YIN PA'I PHYIR, CHOS CHOS CAN RDZAS THA DAD MED NA, DRUG PA'I SGRAS THA DAD DU BRJOD PA DANG 'GAL LO ZHE NA, BA LANG DANG BA LANG NYID CES PA'I SGRA CHOS CAN BRJOD BYA RDZAS THA DANG MIN TE, KHYED GNYIS KAS BA LANG MA YIN PA LAS LOG PA GCIG GCIG RJOD PA'I PHYIR, DE LTA MOD KYI BA LANG DANG BA LANG NYID CHOS CAN, THA DAD DU 'BYED PA'I RNAM DBYE DRUG PA'I SGRAS DON THA DAD PA BZHIN DU SGRUB PAR BYED PA'I RGYU MTSAN YOD DE, BRJOD BYA RDZAS THA DANG LA BRDA SBYOR BA GOMS BA'I SHAN GYI KHYAD PAR GYIS THA DAD DU GO BA'I PHYIR, RDZAS THA DAD MED NA BRDA THA DANG SBYOR BA DON MED DO ZHE NA, CHOS CHOS CAN GYI BRDA THA DAD SBYAR BA CHOS CAN, DON YOD DE, KHYAD PAR GZHAN NI SPONG BA DANG MI SPANG BA DAG DE GNYIS KYI BRDA'I BYE BRAG RTOGS PA PO'I 'DOD PA'I RJES SU BYED

, ,PA'I GZHI RTOGS PA'I CHED YIN PA'I PHYIR, YUL KUN LA RDZAS CHOS CAN DANG, DNGOS PO RJOD PA'I SGRA DE DAG CHOS CAN, BRJOD BYA LA RDZAS THA DAD PA'I KHYAD PAR 'GA' YANG YOD PA MA YIN TE, KHYAD PAR GZHAN SPONG MI SPONG 'DI NYID DU ZAD BA DE'I PHYIR, CHOS DAD CHOS CAN GYI DON DE SHES PAR BYED 'DOD PA'I SKYES BU CHOS CAN, RKYEN GYI SBYOR TSUL THA DAD PAS BRJOD BYA RDZAS THA DAD DU 'GYUR BA MA YIN TE, DE LA PHAN PA'AM, BYED LDAN NAM, GAL TE GZHAN GYIS BRJOD KYANG RUNG KHYAD PAR GZHAN SPONG MI SPONG DE LAS KHYAD PAR GZHAN MED PA'I PHYIR, SGRA RTOG GZHAN SEL BA'I YUL LA NI 'JUG PAR SMRA BA'I SANGS RGYAS PA CHOS CAN, RIGS DE DANG DE LDAN RDZAS THA DAD PA'I PHYOGS LA BRJOD PA'I NYES PA BSAL TE, SPYI GSAL RDZAS THA DAD DU KHAS MI LEN PA DE'I PHYIR, GNYIS PA NI, BYE BRAG PA CHOS CAN, RANG DBANG MED PHYIR DE LDAN MIN, ZHES PA'I NYES PAR 'GYUR TE, RIGS DANG DE DANG LDAN PA BDAG RDZAS THA DAD NYID KHAS LEN PA'I PHYIR, BYE BRAG PA GANG DAG GI LUGS DE DAG LA NI CHOS CAN, DRUG PA DANG TSIG DBYE LA SOGS MI RUNG BA'I KLAN KA RIGS TE, TSIG DNGOS PO'I DBANG GIS LHUR RJOD KYI BRJOD 'DOD LA MI BRTEN PAR KHAS LEN PA'I PHYIR, GSUM PA NI, SEL BA SMRA BA CHOS CAN, DRUG PA SOGS MI RUNG BA'I NYES PA MED DE, PHYI ROL LA MI LTOS PA'I TSIG SMRA BA SPOS BRDA SBYAR BA JI LTAR BUR, RJOD BYED NYID DU NGES PAR BYED PA DE DE BZHIN DU RJOD BYED YIN PAR KHAS LEN PA'I PHYIR, GZHAN LA DRUG PA SOGS MI RUNG BA'I RGYU MTSAN GANG ZHE NA, BTZUN MO GCIG CHOS CAN, BTZUN MO RNAMS ZHES THA DAD DU BZHAG PA 'DI LA RGYU CI YOD DE MED PAR THAL, DU MAR MED PA'I PHYIR, GRONG DRUG LA SOGS PA CHOS CAN, GRONG ZHES THA DAD MA YIN PAR BZHAG PA 'DI LA RGYU MED PAR THAL, GCIG MA YIN PA'I PHYIR,

NAM MKHA'I RANG BZHIN ZHES BYA BA 'DI LA RGYU MED PAR THAL, NAM MKHA' DANG RANG BZHIN RDZAS THA DAD MA YIN PA'I PHYIR, NAM MKHA'I RANG BZHIN NAM MKHA' NYID CES BYA BA 'DI LA RGYU MED PAR THAL, NAM MKHA' DANG NAM MKHA' NYID RDZAS GZHAN MA YIN PA'I PHYIR, GNYIS PA GZHAN SEL GYI SPYI NGOS GZUNG BA LA GNYIS, YUL SPYI'I GNAS TSUL, DER SNANG BLO'I 'JUG TSUL LO, DANG PO LA GSUM, KUN RDZOB BDEN PA'I KUN RDZOB KYI SGRA BSHAD, RTOG PA'I SNANG BA BSAM DO'I BDEN PA TZAM DU BSGRUB, DER 'DZIN 'KHRUL PAR BSTAN PA'O, DANG PO NI, RTOG PA LA SNANG BA SPYI JI LTAR YIN ZHE NA, SHING GSAL THA DAD PA'I DNGOS PO RNAMS LA BRTEN NAS DON SHING GSAL RIGS GCIG TU NI SNANG BA'I RTOG BLO CHOS CAN, KUN RDZOB PA YIN TE, KHYOD GANG GI RANG GI DO BO YIS GZHAN SHING GI NGO BO GZUNG YUL DU BYED PA DE SGRIB BYED YIN PA'I PHYIR SHES BYA CHOS CAN, RTOG PA LA SHING MA YIN LAS LOG PAR SNANG BA DE SHING GSAL GYI SPYI YIN TE, SHID GSAL RNAMS BDAG NYID THA DAD KYANG THA DAD PA NYID GZUNG YUL DU BYED PA LA SGRIB PA'I RTOG PA LA, SHING GSAL GYI DNGOS PO RNAMS SHING MA YIN LAS LOG PA'I DO BO 'GA' ZHIG GIS RIGS THA DAD PA MIN PA LTA BUR SNANG BA'I PHYIR, GNYIS PA NI, RTOG PA DE LA SNANG BA'I SPYI DE BSAM PA'I DBANG GIS NI YOD PAR RAB TU BSGRAGS TE, DE RTOG PA LA SNANG BA GANG ZHIG, RTOG PA DE YIS JI LTAR KUN TU BRTAGS PA DE NI DAM PA'I DON DU MED PA'I PHYIR TE, GSAL BA RNAMS NI PHAN TSUN RJES SU MI 'GRO ZHING RJES SU 'GRO BA'I SPYI RDZAS GZHAN NI, BLO MA 'KHRUL BA LA SNANG BA MED PA'I PHYIR, RTOG PA LA SHING MA YIN LAS LOG PAR SNANG BA DE, SHING 'DZIN RTOG PA'I DNGOS PO MIN NAM, JI LTAR DAM PA'I DON DU MED CE NA, RTOG PA LA SHING MA YIN LAS LOG PAR SNANG BA CHOS CAN ,JI LTAR DON GZHAN

, ,SHING GSAL LA 'BRANG BAR 'GYUR TE MI 'GYUR BAR THAL, RTOG PA'I SHES BA LAS RDZAS THA DANG MIN PAR ,DE DANG GRUB BDE RDZAS GCIG YIN BA'I PHYIR, GSUM PA NI, SHING GSAL GYI DON LA BDAG NYID GCIG TU 'DZIN BA'I RNAM RTOG 'DI CHOS CAN, LOG PA YIN TE, SHING MIN PA SHING DU 'DZIN PA'I BLO YIN BA DES NA'O, ,RTOG BA LA SHING MA YIN LAS LOG BAR SNANG BA DNGOS MED YIN NA, SHING 'DZIN RTOG PA RGYU MED DU 'GYUR RO ZHE NA, MI 'GYUR TE, SHING ZHES BA'I MING GI DON GANG DANG LDAN PA'I SHING GSAL PHAN TSUN RDZAS THA DAD PA DE SHING 'DZIN RTOG PA 'DI'I SA BON YIN PA'I PHYIR, SHING GSAL RNAMS SBYI RTAG DNGOS MED BA'I RDZAS THA DANG YIN NA, 'BRAS BU RIGS GCIG SKYED BAR 'GAL LO ZHE NA, MI 'GAL TE, SHING GSAL 'GA' ZHIG SBYI RTAG DNGOS MED PA'I RDZAS THA DAD YIN YANG ,RIGS GCIG TU RTOGS PA DANG DON SHES PA LA SOGS PA 'BRAS BU'I DON GCIG SGRUB BA LA RANG BZHIN GYIS NUS PA NGES PA'I PHYIR, DBER NA, DBANG BO LA SOGS PA BZHIN DANG ,SMAN KHA CIG SBYI RTAG DNGOS MED PA'I RDZAS THA DAD KYANG, LHAN CIG BA'AM SO SO YIS RIMS LA SOGS PA ZHI BAR BYED PA MTHONG GI, ZHO SOGS GZHAN GYIS MIN PA BZHIN NO,, SMAN SBYI RTAG DNGOS KYIS RIMS NAD ZHI BAR BYED DO ZHE NA, SMAN SPYI CHOS CAN, KHYOD KYIS RIMS NAD ZHI BAR BYED PA MIN PAR THAL, SMAN GSAL KUN LA KHYAD PAR MED PAR YOD BA'I PHYIR DANG, KHYOD KYIS RIMS NAD ZHI BAR BYED NA SMAN GSAL DE DAG ZHING SOGS THA DAD KYANG, NUS PA KHYAD BAR MED PAR THAL BAR 'BYUNG BA'I PHYIR DANG ,'BRAS BU LA PHAN 'DOGS MED BA'I PHYIR TE, BRTAN BAS SO, ,GNYIS PA DER SNANG BLO'I 'JUG TSUL LA, BSTAN BSHAD BSDU BA GSUM MO, ,DANG PO NI, RTOG PA LA SHING MIN LAS LOG PAR SNANG BA DE, SHING GSAL LA RJES SU 'GRO'AM

MI 'GRO 'GRON; SHING GSAL RNAMS RTOG BA'I GZUNG YUL DU 'GYUR LA, MI 'GRO NA, SHING GSAL GYI SBYIR BSHAD PA DANG 'GAL LO ZHE NA, SHING GI RANG BZHIN DE 'DZIN PA'I RNAM RTOG GI BLO CHOS CAN, GZUNG DON MED KYANG GZUNG DON CAN 'DRA STE, SHING DE'I 'BRAS BU CAN MIN PA'I DON LAS THA DAD PA'I SHING LAS SKYE BA GANG ZHIG ,MTHAR THUG SHING RANG MTSAN THOB BAR NGES PA'I PHYIR, SHING 'DZIN RTOG BA DE LA NGO BO PHYI ROL DANG GCIG LTA BU DANG, SHING MIN GZHAN LAS LOG PA LTA BUR SNANG BA GANG YIN PA CHOS CAN, SHING DE NYID MIN TE, RTAG PA'I YAN LAG DON BYED NUS PAR MED PA'I PHYIR, GNYIS PA LA GSUM, SPYI DANG GZHI MTHUN GYI THA SNYAD 'JUG BA'I TSUL, 'JUG PA'I RGYU MTSAN, RNAM GZHAG DE DAG BYAS BA'I DGOS BA'O, ,DANG BO NI, SHES BA LA YOD BA'I DON SHING MA YIN LAS LOG PAR SNANG BA DE RNAMS CHOS CAN, SBYI DANG GZHI MTHUN GYI SBYOD YUL CAN DAG GI SHES PA DANG NI RJOD PA YIS THA SNYAD NOR BA'I DON CAN RGYAS BAR BYED DE, 'DI LTAR RIGS MI MTHUN LAS LDOG BA'I NGO BO CAN YIN PA DES NA RIGS THA DAD MIN PA LTA BUR SNANG BA DE NYID, RIGS MTHUN GZHAN LAS LOG BAR SNANG BA'I PHYIR, THA SNYAD 'KHRUL NA RANG MTSAN MI 'THONG BO ZHE NA, DNGOS PO RNAMS KYI THA SNYAD DE KUN YANG CHOS CAN, DON GYI GZHAN SEL THOB BA'I YUL CAN YIN TE, PHAN TSUN 'DRE BA MED PA'I RANG MTSAN LA RTEN PA'I THA SNYAD DON MTHUN YIN PA'I PHYIR, KHYAB STE, GANG LA DNGOS BO DANG 'BREL PA YOD PA'I THA SNYAD DE DNGOS PO RNYED BA'I RTEN YIN PA'I PHYIR TE, DPER NA, 'BRAS RANG GI RTAGS LA BRTEN PA'I RJES DPAG JI SKAD BSHAD BA BZHIN NO, ,SHES BYA CHOS CAN, 'KHRUL PAR 'DRA YANG RANG MTSAN THOB MI THOB MTSUNGS BA MA YIN TE, SGRA RTAG 'DZIN GYI SGRO 'DOGS GZHAN LAS RANG MTSAN THOB BA MIN PA'I PHYIR, DPER NA, MAR ME'I 'OD LAS NOR BU BZHIN NO, ,GNYIS PA NI, SBYI DANG GZHI

, ,MTHUN DE LA 'BRAS BU RIGS GCIG BYED PA CAN GYI SHING GSAL DU MA'ANG CHOS CAN, RJOD PA DANG SHES PAS RIGS GCIG NYID DU THA SNYAD RAB TU 'JUG PAR BYED DE, SHING DE'I 'BRAS BU CAN MIN PA LAS GZHAN LA RTEN PA CAN DU MTSUNGS PA'I PHYIR, DE BZHIN DU SHA PA GCIG KYANG CHOS CAN, GZHI MTHUN GYI THA SNYAD 'JUG PA'I RGYU MTSAN YOD DE, SHING DE'I 'BRAS BU CAN MIN PA'I DON LAS NI THA DAD CING, SHA PA MIN PA LAS KYANG LOG PA'I LDOG CHOS SNA TSOGS BAR TSAD MAS SHES PA'I PHYIR, CHOS CAN, 'BRAS BU DU MA BYED PAR BSTAN PA LA DGOS PA YOD DE, 'BRAS BU DU MA BYED PA DE'I DNGOS POR YONGS SU RTOGS PA'I CHED YIN BA'I PHYIR, GSUM PA NI ,SGRA DON 'DI DANG GZHI MTHUN NYID 'DI NI CHOS CAN, DNGOS BOR GRUB PA MI SRID DE, DON DAM PAR YOD BA MIN YANG RTOG BA LA JI LTA BUR GRAGS PA BZHIN DU BRJOD PA'I PHYIR, 'O NA RNAM GZHAG DE DAG BYAS PA LA DGOS PA CI YOD CE NA, CHOS DANG CHOS CAN GYI RNAM GZHAG DANG, THA DAD DANG THA DAD MIN BA CI 'DRA BA'I SPYI DANG GZHI MTHUN DE KHO NA NYID KYI DON DU YOD MED MA BRTAGS PAR, 'JIG RTEN JI LTAR GRAGS PA DE LA DE BZHIN KHO NAR BRTEN NAS NI, BSGRUB BYA SGRUB LA KUN BZHAG BA CHOS CAN, DON YOD DE, DAM BA'I DON LA 'JUG PAR BYA BA'I PHYIR DU MKHAS PA RNAMS KYIS BYAS PA YIN BA'I PHYIR, DNGOS POR MA GRUB BA'I RGYU MTSAN CI ZHE NA, SHES BYA CHOS CAN, SPYI DANG KHYAD PAR ZHES BYA BA'I BYE BRAG TU SNANG BA 'DI NI BLO LA SNANG BA'I DON LA YOD KYI, DNGOS POR MED DE, RDZAS THA DAD DE LA NGO BO GCIG PA DANG, RDZAS GCIG LA DU MAR SNANG BA BLO YIS BSLAD BA YIN PA'I PHYIR TE, DAM BA'I DON GYI DON RNAMS NI RANG GI NGANG GIS 'DRE BA DANG, RDZAS GCIG RDZAS THA DAD DU MED PA'I PHYIR, DNGOS POR MED NA CHOS CHOS CAN JI LTAR 'THAD CE NA, RTAG

BA LA SNANG BA DE NYID CHOS CAN, CHOS CHOS CAN GYI BYE BRAG RAB TU BRTAG TU RUNG STE, RIGS MTHUN DANG RIGS MI MTHUN GZHAN LAS LDOG PAS SO, ,RTOG PA LA RANG MTSAN SNANG NA, RANG MTSAN RTOG BA'I GZUNG YUL DU 'GYUR RO ZHE NA, BSGRUB BYA DANG SGRUB PAR BYED PA LA RTOG PA'I BLO CHOS CAN, RANG MTSAN GZUNG YUL DU MI BYED DE, DNGOS PO GZUNG YUL DU MTHONG BA NYAMS BA'I PHYIR, 'O NA, KHYAD BAR SPYI DANG 'DRES PA 'DZIN CES GSUNGS PA DANG 'GAL LO ZHE NA, KHYAD PAR SPYI DANG 'DRES PA 'DZIN CES GSUNGS PA 'DIR, RJES DPAG GI GZUNG BYA RANG GI MTSAN NYID DU BSTAN PA MIN PAR THAL, RANG MTSAN DE NI SPYI DANG KHYAD PAR GYI RNAM BA SOGS CIR YANG DON DAM PAR GZUNG BYA MIN PA'I PHYIR TE, BYE BRAG KHYAD PAR MANG PO RNAMS RANG MTSAN DE GCIG BU LA NI DON DAM PAR MI RUNG BA'I PHYIR, GSUM PA NI, SHES BYA CHOS CAN, SGRA DE'I NGO BO RIGS MTHUN DANG RIGS MI MTHUN KUN LAS LOG BA DE, DE KHO NA BZHIN DU RTOGS PAR BYED BA'I SGRA DANG RTOG PA YANG YOD PA MA YIN TE, SGRA RTOG YUL LA SPYI'I TSUL NYID DU NI 'JUG PA'I PHYIR RO, ,GSUM PA BRDA'I YUL NGOS BZUNG BA LA, DGAG GZHAG SPANG GSUM MO, ,DANG PO NI, SGRA RTOG YUL LA SPYI'I TSUL GYIS 'JUG PA MI 'THAD DE, DE MA YIN BCAD PA LA MI LTOS PAR RANG MTSAN LA BRDA SBYOR BA'I PHYIR ZHE NA, BRDA DUS KYI SHING RANG GI MTSAN NYID DE CHOS CAN, KHYOD SHING ZHES PA'I BRDA'I 'JUG YUL MA YIN TE, KHYOD THA SNYAD KYI DUS DE'I TSE MED BA DES NA'O, ,KHYAB STE, SGRA RNAMS KYIS NI BRDA RA BTAGS BA'I DON STON PA DE NI, THA SNYAD KYI DUS SU DON GO BA'I CHED DU BYAS BA'I PHYIR, SPYI RTAG DNGOS BRDA'I 'JUG YUL YIN NO ZHE NA, RIGS RTAG DNGOS CHOS CAN, BRDA'I 'JUG YUL MA YIN BAR THAL, DON BYED DUNG MIN PA'I PHYIR, KHYAB STE, CI NAS SKYES BU DON BYED PAR NUS PA

, ,SHES NAS DE BSGRUB BA'I PHYIR DU 'JUG PAR 'GYUR RO ZHES BSAMS NAS, DON RNAMS BRJOD PAR BYED BA BRDA SBYOR BAR BYED PA'I PHYIR ,RIGS DE DANG LDAN PA'I SHING GSAL DON BYED NUS PA LA BRDA SBYOR RO ZHE NA, SHING GI BRDA DE YANG NI CI'I PHYIR SHING GSAL LA DNGOS SU SBYOR PAR MI BYED BRIS PAS, GAL TE SHING GSAL CHOS CAN, BRDA SBYOR MI NUS TE ,MTHA' YAS PA'I PHYIR ZHE NA, RIGS LDAN GSAL PA CHOS CAN KHYOD LA BRDA SBYOR MI NUS BAR THAL ,MTHA' YAS BA 'DI MTSUNGS BA'I PHYIR, GNYIS PA NI, 'ON GANG LA BRDA SBYOR ZHE NA, SHING GI 'BRAS BU DE BYED PA MA YIN PA LAS LOG PAR MTSUNGS BA CHOS CAN, KHYOD LA SHING GI BRDA CIS MA BYAS TE BYED RIGS TE, SHING DE'I DON BYED NUS SHING, SHING GSAL KUN LA RJES SU 'GRO BA'I PHYIR, DE LDAN RANG DBANG MED PA'I PHYIR, ZHES PA'I NYES PA KHYED RANG LA YANG MTSUNGS TE, LDOG PA DANG RIGS DON GCIG, LDOG LDAN DANG RIGS LDAN DON GCIG PA'I PHYIR ZHE NA, MI MTSUNGS MOD, MTSUNGS KYANG BLA STE, BRDA SBYOR BA LA RIGS DON GZHAN MI DGOS BAR THAL, GZHAN SEL KHAS LEN NA, RIGS DON GZHAN LAS LEN MI DGOS, GZHAN SEL KHAS LEN NA, RIGS DON GZHAN LAS LEN MI DGOS, GZHAN SEL KHAS MI LEN NA, RIGS DON GZHAN LAS LEN MI DGOS, GZHAN SEL KHAS MI LEN NA, RIGS DON GZHAN KHAS BLANGS KYANG DGOS PA MI 'GRUB PA'I PHYIR, DE'I RGYU MTSAN SHING ZHES BA'I SGRAS SHING MIN GCOD DAM MI GCOD, SHING ZHES PA'I SGRA DE YIS SHING MIN DE DAG RNAMS LAS SHING 'DI MI GCOD NA NI, SHING ZHES BA'I SGRA CHOS CAN, SHING DE JI LTAR GO STE MI GO BAR THAL, SHING MIN MI GCOD PA'I PHYIR, KHYAB STE, SHING DE LAS GZHAN BA YONGS SU SPANGS NAS, SHING LA 'JUG BAR 'GYUR ZHES KYANG SHES BA'I PHYIR DU SHING ZHES PA'I SGRA BRJOD PA'I PHYIR ,GAL TE SHING ZHES BA'I SGRA 'DI LA SHING MIN RNAM PAR GCOD PA YOD DO ZHE NA, BYE BRAG PA CHOS CAN, KHYED LA BRDA SBYOR BA DER SPYI DON GZHAN GYIS NI CI ZHIG BYA STE DON MED

PAR THAL, SGRA RNAMS KYI DGOS BDE MIN BCAD NAS, DON GO BDE TZAM DU ZAD BA MIN NAM STE YIN BA'I PHYIR, GSUM PA RTZOD BA SPANG BA LA GSUM, DU MA NGO SHES MED BA DGAG ,SPYI 'DZIN SPYI LAS SKYE BA DGAG ,SPYI SGRA DON LA MI SLU BA'O, ,DANG PO NI, SHING GSAL RNAMS SPYI RTAG DNGOS MED BA'I RDZAS THA DAD YIN NA, RIGS GCIG TU NGO SHES BA MI 'THAD DO ZHE NA, SHING GSAL RNAMS NI CHOS CAN, SBYI RTAG DNGOS MED BA'I RDZAS THA DAD KYANG, RIGS GCIG TU NGO SHES SU RUNG STE, DE YIN YANG SHING GI BYA BA DE DANG DE BYED PA'I DON SNGA MA RNAMS MTHONG NAS, GZHAN SHING GSAL PHYI MA RNAMS MTHONG YANG, SHING GI BYA BA BYED BA DE LAS GZHAN DANG BRAL BA'I YUL CAN GYI SGRA RTOG RNAMS KYIS LHAN CIG SBYAR NAS NGO SHES BAR BYED PA'I PHYIR , GNYIS BA LA GSUM, SPYI 'DZIN SBYI 'BA' ZHIG LAS SKYE BA DGAG ,SPYIS GROGS BYAS PA'I GSAL BA LAS SKYE BA DGAG ,GSAL BAS GROGS BYAS PA'I SPYI LAS SKYE BA DGAG BA'O, ,DANG PO NI, BYE BRAG PA GZHAN GYI LTAR NA'ANG SPYI BLO DE NI CHOS CAN, SBYI NI BAB' ZHIG NYID KYI GZUNG DON LAS SKYE BA MIN BAR THAL, RTAG TU SPYI DE TZAM RNAM PAR SHES NA GSAL BA MI SHES PAR THAL BAR 'GYUR BA'I PHYIR, GSAL BA MI SHES SO ZHEN ,DE'I TSE NAM YANG NI SBYI DE DANG LDAN BA'I GSAL BA'I 'BREL PA MA BZUNG BAR THAL LO, ,'DONG NA, SPYI DE DANG LDAN PA'I GSAL BA DE LA JI LTAR THA SNYAD 'DOGS TE MI 'DOGS PAR THAL, SBYI DE DANG LDAN PA'I GSAL BA NGES BAR MI 'GYUR BAS SO, ,GNYIS BA NI, GAL TE SBYI DNGOS PO BA GCIG GIS GROGS BYED PA'I GSAL BA RNAMS SBYI 'DZIN SHES PA'I RGYU YIN NO ZHE NA ,DE MI 'THAD BAR THAL, SBYI DNGOS PO BA GCIG PO DES GSAL BA DE RNAMS KYI RDZAS THA DAD PA NYID SEL TAM CI STE SEL MI NUS PA'I PHYIR, KHYAB PA KHAS BLANGS TE, RDZAS THA DAD PA'I PHYIR YANG GSAL BA DE RNAMS LA SBYI GCIG GI RNAM SHES KYI RGYUR MI 'DOD PA'I

, ,PHYIR, GAL TE GSAL BA DU MA'ANG SPYI DNGOS BO BA GCIG LA LTOS NAS RIGS THA DAD MIN PA'I PHYIR RTOG BA'I BLO GCIG SKYED NGO ZHE NA, SBYI BLO CHOS CAN, GSAL BA GZUNG DON DU 'DZIN PA MED PA YIN PAR THAL, KHYOD LA GSAL BA DE RNAMS KYIS PHAN PA'I NUS PA MED PA'I PHYIR TE, GSAL BA DE DAG SO SO MED BAR YANG SBYI DE GCIG GIS KYANG BSKYED BYA YIN PA'I PHYIR, GAL TE MA KHYAB STE, SNGON PO MED BAR SER POS MIG SHES BSKYED KYANG, SNGON PO LA MIG SHES SKYED BA'I NUS PA YOD BA BZHIN NO ZHE NA, MI MTSUNGS TE, SNGO SER SOGS CHOS CAN, TSOGS PA LA'ANG MIG SHES SKYED PA'I NUS BA GRUB STE, MIG GI RNAM SHES LA PHAN PA'I NUS BA SO SOR MTHONG BA'I PHYIR, GSAL BA CHOS CAN, SBYI BLO LA PHAN PA'I NUS PA MED PAR THAL, RE RE BA DANG TSOGS PA JI LTAR YANG NI SBYI BLO SKYED PA DE LTA MIN PA'I PHYIR, GSUM BA LA GNYIS, THAL BA DGOD, SKYON SPONG DGAG BA'O, ,DANG PO NI, GAL TE GSAL BA DE DAG GANG RUNG LA LTOS NAS SBYI NGES SBYI BLO SKYED NUS KYI, SPYI 'BA' ZHIG GIS MA YIN NO ZHE NA, GSAL BA DE DAG CHOS CAN, JI LTAR SPYI BLO GCIG NYID LA PHAN PA MIN TE YIN BAR THAL, SPYI DE GCIG LA PHAN PA'I PHYIR, SPYI 'DI CHOS CAN, GSAL BA DE RNAMS SPYI 'BRAS BUR 'GYUR BAR THAL, GSAL BAS PHAN 'DOGS BA'I PHYIR, KHYAB STE, PHAN 'DOGS GANG YIN SKYED PA'I RGYU YIN PA'I PHYIR, GNYIS PA NI, GAL TE SPYI BLO CHOS CAN, GSAL BA THA DAD RNAMS KHO NA LAS SKYE BAR MI 'DOD DE, THA DAD MIN BA KHO NAR SNANG BA'I PHYIR ZHE NA, RTAGS MA GRUB STE, SPYI BLO'I SNANG PA THA DAD PA'I PHYIR TE, GSAL BA DE DAG MTSUNGS SO ZHES 'DZIN BA'I PHYIR RO, ,GAL TE GSAL BA DE DAG MTSUNGS PAR 'DZIN NA NI, JI LTAR THA DAD DU BLOS GZUNG BAR BYA ZHE NA, SHING GSAL RNAMS CHOS CAN, RIGS GCIG YIN TE, 'BRAS BU RIGS GCIG BYED PAR 'DRA BA'I PHYIR, RTAGS

MA GRUB STE, SHING GSAL DE DAG GI 'BRAS BU DBANG BLO DE YANG THA DAD DO ZHE NA, SHING GSAL 'DZIN PA'I DBANG BLO RNAMS NI CHOS CAN, RIGS THA DAD MED PA YIN TE, RIGS GCIG TU RTOGS BA'I RGYU YIN PA'I PHYIR, SHING GI GSAL BA RNAMS KYANG CHOS CAN, RIGS THA MI DAD DE, RIGS GCIG TU RTOGS PA'I BLO GCIG GI RGYU'I DNGOS BO YIN PA'I PHYIR, 'BRAS BU RIGS GCIG BYED PA DE SPYI RTAG DNGOS YIN NO ZHE NA, SHING GSAL 'BRAS BU RIGS GCIG BYED PA DE'ANG CHOS CAN, SPYI RTAG DNGOS MA YIN PAR THAL, SHING DE'I 'BRAS BU CAN MIN PA DANG BRAL BA TZAM YIN PA'I PHYIR, SHES BYA CHOS CAN, GSAL BA DE LAS GZHAN PA RJES SU 'GRO BA'I SPYI DNGOS BO BA MED PAR THAL ,DE MA MTHONG BA'I PHYIR DANG, SNGAR BKAG ZIN PA'I PHYIR, SHING ZHES PA'I BRDA NI CHOS CAN, DON YOD DE, SHING GI GZHAN SEL DE RIG BA'I DON CAN YIN PA'I PHYIR, GSUM BA SPYI SGRA DON LA MI SLU BA NI, SHING SGRAS RTOG PA LA SNANG BRJOD NA, SHING RANG MTSAN LA JI LTAR MI SLU ZHEN, SHING GI DON DE BYED BA MA YIN BA LA DE BYED BA DANG 'DRA BA'I NGO BOR SNANG BA CAN DANG, SHING MIN GYI DNGOS PO LAS THA DAD BA'I DNGOS PO TZAM GYIS BON CAN GZUNG DON MED PA'I RTOG BLO SKYED PAR BYED PA'I SHING ZHES PA'I SGRA CHOS CAN, DON LA MI SLU BA YOD PAR 'DOD DE, SHING GI DON MI BYED PA YONGS SU SPANGS NAS SHING GO BA'I YAN LAG GI NGO BO YIN PA'I PHYIR DANG, SHING MIN GYI DNGOS PO LAS THA DAD PA LA BRTEN PA CAN GYI THA SNYAD DON MTHUN YIN PA'I PHYIR, CHOS CAN, GZHAN SEL BA'I YUL CAN YIN TE, SHING GI DON DE BYED PA LA BRTEN PA'I NGO BO'I THA SNYAD DON MTHUN YIN PA'I PHYIR, GSUM BA 'JUG TSUL DE LA RTZOD PA SPANG BA LA GSUM, RTOGS PA PHAN TSUN BRTEN BA'I, SGRA LA SEL 'JUG GIS MA KHYAB PA'I, YUL CAN PHYI MA DON MED DU THAL BA'I RTZOD PA SPANG BA'O, ,DANG PO LA, RTZOD LAN GNYIS LAS, DANG PO NI, SHING DANG SHING MA YIN GNYIS PO

, ,DAG RTOGS PA PHAN TSUN BRTEN BAR THAL, SHING MA YIN LAS LDOG PA'I SGO NAS SHING GI DON 'DZIN BA'I PHYIR, 'DOD NA, DE GNYIS GANG RUNG GCIG 'DZIN BA MED NA, GNYIS KA MI 'DZIN PAR 'GYUR LA, 'DOD NA ,DE'I PHYIR NA SHING GI BRDA BTAGS PA MI SRID DO ZHES GZHON NU MA ZHEN LA SOGS PA KHA CIG SMRA'O, ,GNYIS BA LA GNYIS, MTSUNGS BAS DGAG ,RANG LA NYES BA MED BA'O, ,DANG BO NI, RGOL BA DE DAG GI LUGS LTAR NA, SHING GI BRDA 'DOGS PA LA SHING MIN RNAM PAR GCOD DAM, GCOD BA MIN, GAL TE RNAM PAR GCOD NA, SHING LA BRDA SBYOR GYI SKYES BU CHOS CAN; BRDA SBYOR BA'I SNGON ROL TU SHING MIN JI LTAR SHES TE MI SHES PAR THAL, SHING GI DON 'DZIN PA MED PA'I PHYIR, SHING GI BRDA LAS SHING MIN DE DAG MI SEL NA, SHING GI THA SNYAD 'DOGS PAR BYED PA RNAMS SHING MA YIN DE YONGS SU SBANGS NAS SHING LA 'JUG PAR NI MI 'GYUR BAR THAL LO DPER NA SHING GI SGRA LAS SHING GI KHYAD BAR MI SBONG BA BZHIN, GAL TE GZHAN BKAG PA DANG SHING MI SGRUB BAR, MDUN NA GNAS BA'I SHING SBYI GCIG CIG RAB TU BSTAN NAS, 'DI SHING YIN ZHES SHING SPYI RTAG DNGOS LA BRDA BYED LA, THA SNYAD 'DOGS PA'I TSE NA YANG SPYI RTAG DNGOS DE RTOGS PAR 'GYUR LA, DE'I PHYIR MGO MTSUNGS KYI NYES PA 'DI NI MED SNYAM NA, SPYOD BA PA CHOS CAN, MGO MTSUNGS KYI THAL BA LDOG BA MED BAR THAL, 'DI YANG SHING YIN ZHES BA'AM, 'DI KHO NA SHING YIN ZHES BYA BA'I BRDA SBYOR GNYIS SU NGES LA, GANG BYAS KYANG GONG GI NYES PAR 'GYUR BA'I PHYIR ,GNYIS PA NI, SPYI RTAG DNGOS MED NA, SHING DANG SHING MIN RTOGS PA PHAN TSUN BRTEN BA'I SKYON YOD DO ZHE NA, SKYON DE MED PAR THAL, SHING GSAL RNAMS RIGS GCIG TU RTOGS PA ZHES BYA BA'I SHES BA NI, RGYUD GCIG LA GNAS BA'I RTOGS BA BOS, SHING DE DANG DE MIN PA'I RGYU'I DON RNAMS BDAG NYID THA

DANG DU RNAM BAR 'BYED BAR BYED BA'I PHYIR, SHING SBYI RTAG DNGOS MED NA, SHING ZHES PA'I BRDA'I YUL MED BAR 'GYUR RO ZHE NA, MI 'GYUR TE, SHING 'DZIN RTOG BLO DE LA NI YOD PA'I DNGOS PO RTOG BLO'I RGYU NYID DU NI SNANG BA DANG RGYU MIN PA'I NGO BO DANG BRAL BA DANG ,NGO BO GCIG 'DRAR SNANG BA'I BDAG NYID KYI SHING DE SHING MIN LAS THA DAD PAR NI SHES PAR 'GYUR BA'I PHYIR DU, SHING GSAL THA DAD PA LA SHING GI SKAD SBYOR BA'I PHYIR, SBYI RTAG DNGOS MED NA SHING SGRA LAS SHING MI GO BAR 'GYUR RO ZHE NA, MI 'GYUR TE, SHING SGRA DE LAS SHING DE RTOGS PAR 'GYUR BA'I BLO 'KHRUL PAS, SHING GSAL GYI DNGOS PO RIGS GCIG PA LTAR RTOGS BA'I PHYIR ,GNYIS PA SGRA LA SEL 'JUG GIS MA KHYAB PA'I RTZOD PA SBANG BA LA GNYIS, SGRA BYE BRAG PA LA SEL 'JUG GIS MA KHYAB BA SBANG, GZHAN SEL RJOD PA'I SGRA LA SEL 'JUG GIS MA KHYAB BA SBANG BA'O, ,DANG BO NI, BUM PA ZHES PA'I SGRA LA GCAD BYA YOD PAS SEL PAS 'JUG MOD, SHES BYA ZHES PA'I SGRA SEL 'JUG MA YIN PAR THAL ,GCAD BYA SHES BYA MA YIN PA MED B'I PHYIR ZHE NA, SGRA NI RAB TU SBYOR BAR BYED BA CHOS CAN, DON YOD DE, BRJOD BYA'I DON 'DI NGES PAR GZUNG BAR BYA BA'I CHED YIN PA'I PHYIR TE, BLO NGOR MI 'DOD PA'I DON 'GA' LAS RNAM PAR BZLOG NAS, 'DOD BA'I DON 'GA' ZHIG LA 'JUG PAR BYA BA'I CHED YIN PA'I PHYIR ,DE LAS GZHAN DU NA, SGRA SBYOR BA DON MED PAR 'GYUR BAR THAL, SGRAS MI 'DOD PA'I DON SBANGS NAS 'DOD PA'I DON LA 'JUG PA MA YIN PA'I PHYIR, DGAG SGRUB KYI DON THA SNYAD DU NI 'JOG PA'I SHES BYA LA SOGS RJOD PA'I TSIG RNAMS CHOS CAN, KHYOD LA RNAM BAR GCOD BA 'GA' ZHIG YOD DE, MI 'DOD BA'I DON SBANGS NAS 'DOD BA'I DON LA 'JUG PAR 'GYUR BA'I PHYIR, GNYIS PA LA GSUM, SGRA'I YUL NGOS GZUNG ,DE SLOB DPON GYI DGONGS BAR BSTAN, LUNG GI DON BSHAD PA'O, ,DANG PO NI GSAL BYED PA NA RE, GZHAN SEL

, ,RJOD BA'I SGRA SEL PAS 'JUG GAM MI 'JUG ,DANG BO LTAR NA THUG MED DU 'GYUR LA, GNYIS PA LTAR NA, SGRA RTOG THAMS CAD SEL 'JUG YIN PA 'GAL LO ZHE NA, SHES BYA CHOS CAN, SHING GI KHYAD PAR SHING MIN DE DAG LAS THA DAD PAR MTSUNGS PA'I RGYU SHING GI RNAM PA SNANG BA CAN LA SHING SGRA 'GOD DE, GANG ZHIG GANG LAS THA DAD PA'I SHING MIN DE LAS RNAM PAR BZLOG NAS SHING GI BRDA SBYOR BA'I PHYIR, GNYIS BA NI, CHOS CAN, SHING MA YIN LAS LOG PAR SNANG BA DE NYID SHING ZHES PA'I SGRA'I YUL DU SLOB DPON GYIS RAB TU BSHAD DE, DON GZHAN LAS BZLOG PA YIS DNGOS PO DE'I CHA 'GA' ZHIG RTOGS PAR 'GYUR ZHES PA DANG, SGRAS DON GZHAN LAS LDOG PAS KHYAD PAR DU BYAS PA'I DNGOS PO DAG KHO NA RJOD DO, ,ZHES PA DANG, SGRAS NI SGRA DANG DON GZHAN SEL BAR BYED CING RANG GI DON RJOD PAR BYED DO, ,ZHES GSUNGS PA'I PHYIR, GSUM PA NI, SHING MA YIN LAS LOG PAR SNANG BA 'DI LA'ANG CHOS CAN, NGO BO CUNG ZAD MED DE, SGRO BTAGS YIN PA'I PHYIR, SHING RTOGS PA DE LAS NI SHING MA YIN LAS LDOG PA 'GA' YIS KHYAD PAR DU BYAS PA RTOGS PAR 'GYUR BA DON GZHAN PA 'GA' YANG MED DE, SHING ZHES PA'I SGRA RNAMS LAS SHING MIN LAS LOG PAR SNANG BA DE RTOGS PA NYID KYI SGO NAS GZHAN SHING MIN LAS LDOG PA RTOGS BAR 'GYUR BA'I PHYIR, SHING MIN BCAD NAS SHING RJOD NA, SHING MA YIN GCOD PA'I SGRA DANG SHING ZHES PA'I SGRA GNYIS BYED DGOS PA'ANG MIN TE, SHING BRJOD PAS SHING MIN BCAD PA GO BA'I PHYIR TE, SHING DANG SHING MIN PHAN TSUN PHUNG GSUM YOD PA MIN PA'I DNGOS 'GAL YIN PA'I PHYIR, SHING MA YIN LAS LOG PAR SNANG BA 'DI CHOS CAN, DON DAM MIN TE, DNGOS MED YIN PA LAS DNGOS PO RANG LDAN BA NYID DU MTHONG BA BLO YIS BSLAD PA DE NYID KYI PHYIR, DE LAS GZHAN DU DNGOS PO YIN NA, SHING GI DNGOS PO LAS LDOG PAR SNANG BA CHOS CAN, SHING GI DNGOS

POR MI 'GYUR BAR THAL, TZAN DAN DANG RDZAS GCIG DANG THA DANG GANG RANG MA YIN PA'I PHYIR, PHYI MA MA GRUB NA, TZAN DAN CHOS CAN, SHING MIN LAS LOG PA MA YIN PAR THAL, SHING MA YIN LAS LOG PAR SNANG BA LAS RDZAS THA DAD PA'I PHYIR, 'DOD MI NUS TE, TZAN DAN 'DI SHING MIN 'DI LAS THA DAD CES NI BRJOD PA'I PHYIR RO, ,GSUM PA YUL CAN PHYI MA DON MED DU THAL BA'I RTZOD PA SPANG BA LA GNYIS, YUL CAN SNGA PHYI SPYOD YUL THA DAD DU BSTAN PA, RANG GZHAN LA RNAM GZHAG RUNG MI RUNG GI KHYAD PAR RO, ,DANG PO NI, SPYI DNGOS POR MED NA, RANG MTSAN SGRA'I BRJOD BYAR 'GYUR LA, DE LTA NA RANG MTSAN LA CHA SHAS MED PAS, YUL CAN PHYI MNGON MED DU THAL BAR 'GYUR RO ZHE NA, SGRA LA BLO NGOR 'DRES PA'I DON RTAG PA GCIG GCOD PA NA, SGRA MI RTAG PA'I SGRA'AM RTAGS NI CHOS CAN, SGRA DE LA RTAG PA BCAD PA'I DNGOS PO'I CHOS MA LUS PA BRJOD BYAR BYAS PA CI YANG MED DE, SGRA LA RTAG PA GCIG GCOD PA'I BYA BA BYED PA'I PHYIR, KHYAB STE, DNGOS PO GANG GI CHOS RJOD PAR BYED BA LAS CHA MA LUS PAR NI RTOGS PAR 'GYUR BA DNGOS PO'I NUS PA'I DBANG GIS YIN PA'I PHYIR, SHES BYA CHOS CAN ,YUL CAN PHYI MA DON MED DU THAL PA'I SKYON MED DE, BYAS MI RTAG RJOD PA'I SGRA 'BRAS BU DU MA RTEN GCIG LA 'JUG PAR 'GYUR BA'I PHYIR, GNYIS PA LA GNYIS, SPYI DANG GZHI MTHUN RUNG MI RUNG GI KHYAD PAR, BRDA SBYOR RUNG MI RUNG GI KHYAD PAR RO ,DANG PO NI, SPYI DNGOS POR MED NA, SPYI DANG GZHI MTHUN MI 'THAD DO ZHE NA, SHES BYA CHOS CAN, SNGO MIN RNAM PAR GCOD PA GCIG CIG STON PA NA, GANG GI TSE SNGON PO ZHES BA'I SGRAS GZHAN AUTA PA LA MI SPONG BAR GNAS TE, SNGON BO DE YIS NI AUTA PA LA DE LA KHYAB PAR SNANG BA'I PHYIR, ME TOG AUTA PA LA SNGON PO CHOS CAN, BLO'I NGOR BYAS NAS GZHI MTHUN PA NI NYID DU 'GYUR BAR THAL, LDOG PA GNYIS DANG LDAN PA'I CHOS CAN GCIG PUR YANG SNANG BA'I PHYIR,

, ,BUM BA ZHES BA'I SGRA DE NI CHOS CAN, BUM BA'I DNGOS PO'I CHOS LA REG PAR 'GYUR BA DE NI KHYOD LA YOD CES BYA STE, BUM MIN RNAM PAR GCOD PAR BYED PA'I PHYIR, CHOS CAN, SPYI DNGOS PO BA GCIG NI RJOD BYED MIN PAR THAL, SPYI DNGOS PO BA MED PAR TSAD MAS NGES PA'I PHYIR TE, DE YOD NA BLO MA 'KHRUL BA LA SNANG DU RUNG BA LAS SNANG BA MIN PA'I PHYIR, SPYI'I YUL CAN GYI SGRA RNAMS DANG NI BLO NYID KYANG GZHAN SEL BA'I YUL CAN DU BSTAN TE, SEL BA SMRA BA LA SPYI DANG GZHI MTHUN RUNG BA DE'I PHYIR DANG, SPYI DNGOS PO PA LA SPYI DANG GZHI MTHUN DE DAG MI SRID PA'I PHYIR, JI LTAR MI SRID NA, BUM PA DE GSER BUM DANG RDZAS GCIG GAM THA DANG, GRANGS CAN NA RE, RDZAS GCIG GO ZHE NA, BUM PA CHOS CAN, GSER BUM DANG NGO BO THA DAD DU BLO LA SNANG BA GANG LAS YIN TE MA YIN PAR THAL, GSER BUM DANG DNGOS PO'I NGO BO GCIG NYID YIN PA'I PHYIR, 'DOD NA, CHOS CAN, DE DANG GCIG TU THAL, GZHI GRUB, 'DOD PA'I PHYIR, 'DOD NA, CHOS CAN, RDZA BUM LA RJES SU 'GRO MI 'GRO GNYIS KAR THAL, RDZA BUM GYI SPYI GANG ZHIG, GSER BUM DANG GCIG YIN PA'I PHYIR, 'DOD MI NUS TE, CHOS GCIG NI DON GCIG LA RJES SU 'GRO BA DANG, DE LAS LDOG PA'I SPYOD YUL CAN MIN PA'I PHYIR, BYE BRAG PA NA RE, RDZAS THA DAD DO ZHE NA, SHES BYA CHOS CAN, DBYER MED PA'I GZHI MTHUN GYI THA SNYAD DAG KYANG RGYU MED DU 'GYUR BAR THAL, SPYI GSAL RDZAS THA DAD DU GYUR BA'I PHYIR, GSAL BA KUN LA CHOS CAN, SPYI DANG GZHI MTHUN MED PAR THAL BAR 'GYUR BA'I NYES PA DE DAG MED DE, RIGS MTHUN DANG RIGS MI MTHUN LAS LDOG BA KUN LA YOD BA'I PHYIR, GNYIS PA LA GNYIS, RANG LA RUNG BA, GZHAN LA MI RUNG BA'O, ,DANG PO NI, SPYI DNGOS BOR MED NA BRDA SBYOR BA DON MED DU 'GYUR RO ZHE NA, BA LANG GI GSAL BA RDZAS THA DAD 'BRAS BU RIGS GCIG BYED PA DAG LA RGAN BOS SGRA GCIG BRDAR BYAS PA CHOS CAN, DON

YOD DE, BA LANG GI GSAL BA DE'I 'BRAS BU RIGS GCIG BYED BA YONGS SU BSTAN PA'I CHED YIN PA'I PHYIR, BA LANG GI GSAL BA CHOS CAN, BA LANG ZHES PA'I SGRA 'JUG PA'I RGYU MTSAN YOD DE, BA LANG DE'I 'BRAS BU MED BA CAN LAS LDOG BA YI NI RGYU MTSAN CAN GYI SGRA 'JUG BA YIN PA'I PHYIR DE MIN BCAD PA LA MI LTOS PAR GSAL BA SO SO LA CI'I PHYIR BRDA MI SBYOR ZHE NA, SHES BYA CHOS CAN, DE MIN BCAD BA LA MI LTOS PAR GSAL BA SO SO LA BRDA SBYOR BA MI RIGS PAR THAL, DE MIN BCAD BA LA MA LTOS PAR GSAL 'THA DAD BA DAG BSTAN PA NI DGA' BA DANG, DE LTAR BSTAN MI NUS PA DANG DA LTAR BSNGAN BA LA 'BRAS BU MED PA'I PHYIR, CHOS CAN, SPYI DNGOS BO BA LA BRDA SBYOR BA MIN TE, DNGOS PO KUN RANG RANG GI NGO BO LA MA 'DRES PAR GNAS PA'I PHYIR TE, KHRA BO'I NGO BO GANG YIN PA DE NI SER SKYA LA YOD PA MIN BA'I PHYIR, KHRA BO DANG SER SKYA CHOS CAN, DON LA SPYI RDZAS THA DAD MED PAR YANG RIGS THA DAD MIN PA'I SGRA 'JUG RIGS TE, BA LANG DE'I 'BRAS BU CAN MA YIN PA LAS LDOG PA KHYOD GNYIS KA LA YANG YOD PA YOD PA YIN PA'I PHYIR, BA LANG DE'I 'BRAS BU 'DOD NA'ANG BA LANG DE'I 'BRAS BU MED PA LAS THA DAD NYID KHAS LEN RIGS TE, SPYI RTAG DNGOS MED PA DE'I PHYIR, SPYI RTAG DNGOS MED KYANG SGRA GCIG 'JUG PA, DPER NA, MIG LA SOGS PA CHOS CAN, KHYAD PAR MED PA'I 'BRAS BU DE SKYED CES STON PA DAG NI SRID PAR 'GYUR TE, GZUGS 'DZIN RNAM SHES GCIG GI 'BRAS BU CAN YIN NO ZHES STON PA SRID PA'I PHYIR, RKYEN GSUM PO DE'I NGO BO SPYI LAS NI RDZAS THA DANG MED DU ZIN NA YANG, DBANG SHES KYI RGYU ZHES PA'I BRDA LAS BYUNG BA BSNYAD PAR BYAS PA CHOS CAN, DON YOD DE, DBANG SHES 'GA' ZHIG GI RGYU TSOGS KUN CIG CAR RTOGS PA'I CHED YIN PA'I PHYIR ,GNYIS PA LA GNYIS, 'DOD PA BRJOD, DE DGAG PA'O, ,DANG PO NI,

, ,GAL TE GSAL BA MANG PO DAG LA'ANG CHOS CAN, MNYAN PA GCIG 'JUG STE, SPYI RTAG PA CHA MED GCIG GNAS PA'I PHYIR ZHE NA, GNYIS BA LA GNYIS, SPYI RTAG DNGOS GNAS PA DGAG, SPYI CHA MED GNAS BA DGAG PA'O, ,DANG PO YA GNYIS, BSTAN BSHAD DO, ,DANG PO NI, SPYI DE CHOS CAN, GSAL PA LA GNAS PA'I DON GSAL PA LA BRTEN NAM, GSAL BAS GSAL BA YIN PA DE LTAR KHYOD LA MI RIGS PAR THAL, RTAG DNGOS YIN PA'I PHYIR, GNYIS PA LA GNYIS, BRTEN PA DGAG, GSAL BA DGAG PA'O, ,DANG PO NI, CHOS CAN, GSAL BA DE RTEN DON GZHAN MA YIN BAR THAL, GSAL BAS PHAN 'DOGS PA MED PA'I PHYIR TE, RTAG DNGOS YIN PA'I PHYIR, MKHAR GZHONG CHOS CAN, RGYA SHUG GI RTEN MIN PAR THAL, DE LA MI PHAN PA'I PHYIR ZHE NA, MKHAR GZHONG LA SOGS CHOS CAN, RGYA SHUGS PHAN NUS TE, 'THUR DU LTUN BA'I DANG TSUL CAN GYI RGYA SHUG SAGS RGYA SHUG DE'I NYER LEN DANG YUL MTSUNGS PAR SKYED PA'I PHYIR, SPYI DE CHOS CAN, GSAL PAS PHAN 'DOGS PA DE YANG KHYOD LA MI SRID PAR THAL, RTAG PA YIN PA'I PHYIR, GSAL BAS SPYI GRUB ZIN GNAS BAR BYED DO ZHE NA, CHOS CAN, GSAL BAS GRUB ZIN GNAS PA MIN PAR THAL, GSAL BA DE MED NA YANG GNAS PA'I PHYIR, CHOS CAN, GSAL BAS GNAS PA DE YANG MI RIGS TE, GSAL BAS GNAS PA KHYOD DANG RDZAS THA DAD DANG THA DAD MIN PA BYED CES PA'I RNAM PAR DPYOD PAS DPYAD NA MI RIGS PA NYID YIN PA'I PHYIR, GNYIS PA NI, GSAL BA DE SPYI GSAL BYED YIN NO ZHE NA, BUM GZUGS GANG YIN PA DE CHOS CAN, SGRON 'OD KYI GSAL BYA YIN LA, SGRON 'OD DE GSAL BYED KYI RGYU RU 'DOD DE, BDAG LA DMIGS PA'I RNAM SHES SKYED DU RUNG BA'I DON DU GZHAN SGRON 'OD KYI NGOR BYED PA GANG ZHIG, SGRON 'OD DE RANG 'DZIN SHES PA SKYED RUNG NYID KYI BYED PA

PO YANG YIN PA'I PHYIR, SPYI 'DI NI CHOS CAN, RANG 'DZIN SHES PA SKYED PA GSAL BA DE LA LTOS PAR MI RUNG STE, GSAL BA'I SNGAR NAS RANG 'DZIN SHES BA KYED RUNG NYID YIN PA'I PHYIR, DE NI CHOS CAN, SPYI LDAN GSAL BAS GSAL BAR BYAS BA GANG YIN TE MA YIN PAR THAL, 'GYUR BA MED PA'I PHYIR; GSAL BAS SPYI 'DZIN DBANG PO 'DU BYED PA YIN NO ZHE NA, GSAL BA DE NI CHOS CAN, MIG SMAN SOGS BZHIN DU SPYI 'DZIN DBANG BO'ANG 'DU BYED PA MIN TE, KHYOD YOD MED KYI DUS DAG LA SPYI RTOGS PA THA DAD MED PA'I PHYIR, GAL TE RIGS RNAMS KYI NI GSAL BYED KYANG YIN PAS RIGS DANG LDAN PAR 'DOD NA, SGRON ME LA SOGS CHOS CAN, BA LANG NYID SOGS DE DANG LDAN PA 'THOB PAR THAL, BA LANG NYID GSAL BYED YIN PA'I PHYIR, GNYIS PA SPYI CHA MED DGAG PA LA GNYIS, SPYIR DGAG, KHYAD PAR DU DGAG PA'O, ,DANG PO NI, GANG DAG RIGS NI GSAL BA LAS RDZAS GZHAN NAM RDZAS GZHAN MIN PAR YOD BA NYID DE'I LUGS LA, SNGON MED PA'I GSAL BA RNAMS LA NI, SPYI'I BLO GROS JI LTAR 'JUG BA YIN TE MA YIN PAR THAL, SPYI CHA MED GANG ZHIG, GSAL BA SNGA MA GCIG LA YOD PA MTHONG BA NI, GSAL BA PHYI MA GZHAN LA MTHONG BA MI SRID PA'I PHYIR, DE'I RGYU MTSAN NI, SPYI DE GSAL BA SNGA MA DANG RDZAS GCIG GAM THA DAD, DANG PO LTAR NA, SPYI CHOS CAN, GSAL BA PHYI MA LA RJES 'GRO MED PAR THAL, GSAL BA SNGA MA LAS GZHAN NYID MIN PAR GCIG YIN PA'I PHYIR, GNYIS PA LTAR NA, CHOS CAN, GSAL BA SNGA MA LA BRTEN PA MA YIN PAR THAL, DE LAS RDZAS GZHAN NYID GANG ZHIG ,RGYU 'BRAS MIN PA'I PHYIR, GNYIS PA LA GNYIS, BYE BRAG PA'I LUGS DGAG, GRANGS CAN BA'I LUGS DGAG PA'O, ,DANG PO LA GNYIS, SPYI'I NGO BO DGAG, SGRUB BYED DGAG PA'O, ,DANG PO LA GNYIS, GSAL BA'I BAR STONG NA SPYI MED PA DGAG, YOD

, ,BA DGAG PA'O, ,DANG PO NI, GZEGS ZAN GYIS, SPYI NI THAMS CAD DU SONG BA'O, ,ZHES PA'I DON LA, DPE THAR NA RE, SPYI NI RANG GI RTEN TZAM LA KHYAB BO ZHE NA, SPYI CHOS CAN, GSAL BA GSAR BYUNG LA RJES SU MI 'GRO BAR THAL, GSAL BA GSAR BYUNG YOD PA'I YUL DE NA, SNGAR NAS YONG BA'ANG MIN ,PHYIS YOD PA'ANG MIN, CHA GCIG GSAL BA SNGA MA LA GNAS NAS, CHA GCIG PHYIS LA 'PHO BA'I CHA DANG LDAN PA'ANG MIN PA'I PHYIR, GSAL BA PHYI MA LA RDZOGS PAR 'PHO PA'ANG MIN TE, RTEN GSAL BA SNGA MA NI YONGS SU MI 'DOR BA'I PHYIR RO, ,KYE MA BYE BRAG PA'I SPYI LAS LEN TSUL 'DI NI PHONG PA PA'I RGYU NYID YID TE, GSAL BA SNGA PHYI GANG RUNG SPYI DANG LDAN PAR KHAS BLANGS NA CIG SHOS SPYIS STONG, GNYIS KA SPYI DANG LDAN PAR KHAS BLANGS NI SPYI CHA MED NYAMS PA'I PHYIR, CHOS CAN, GSAL BA SNGA MA DE LAS GNAS GZHAN DU SKYE BA'I GSAL BA LA GNAS NA SHIN TU RIGS PAR LDAN PA MA YIN BAR THAL, GSAL BA SNGA MA GZHAN LA GNAS PAR GYUR PA NI RANG GI GNAS LAS MI GA-YO ZHING CHA MED PA'I PHYIR, CHOS CAN, GSAL BA GSAR BYUNG DE DAG GI YUL LA KHYAB PA CAN DE NI CIG NGO MTSAR CHEB STE MI RIGS PAR THAL, GDAN GSAL BA GSAR BYUNG GI DNGOS PO DE GNAS PAR GYUR PA DER NI 'BREL BA'ANG MA YIN PA'I PHYIR, GNYIS PA NI, GAL TE DPE LU KA NA RE, GSAL BA YOD MED KUN NA RIGS YOD DO ZHE NA, DE CHOS CAN, YUL KUN DU MTHONG BAR THAL, YUL GCIG TU GSAL BAS GSAL BA NYID GANG ZHIG ,YUL THAMS CAD DU CHA THA DAD MED PAR YOD BA'I PHYIR, THAMS CAD DU MTHONG BA MIN TE, GSAL BAS GSAL BA LA LTOS BA'I PHYIR ZHE NA, DE YANG CHOS CAN, GSAL BAS GSAL BAL LTOS BA MIN PAR THAL, GSAL BYED RTOGS PA MIN NA GSAL BYA YANG DAG PAR RTOGS BA MIN PA GANG ZHIG, SPYI DANG SPYI DE DANG LDAN BA'I GSAL BA DAG CI'I PHYIR NA RTOGS

TSUL GO BZLOG PAR 'DOD DE, KHYOD BZUNG BA'I SGO NAS GSAL BA 'DZIN PA'I PHYIR, GNYIS PA NI, GSAL BA CHOS CAN, SPYI RDZAS GZHAN YOD DE, SPYI SGRA DANG SPYI BLO 'JUG PA'I PHYIR ZHE NA ,MA KHYAB STE, CHA THA DAD MED PA'I SPYI DON GZHAN MED PAR YANG 'TSOD PO PO SOGS RJOD PA YIN PA'I PHYIR, 'BRAS 'TSOD BA'I LAS TZAM DE 'TSED PA PO'I SGRA 'JUG PA'I RGYU'O ZHE NA, 'BRAS 'TSOD PA'I LAS RNAMS CHOS CAN, 'TSOD PA PO'I SGRA 'JUG PA'I RGYU MIN PAR THAL, RDZAS THA DAD YIN PA'I PHYIR, 'BRAS 'TSOD BA'I LAS KYI RIGS DE 'TSOD PA PO'I SGRA 'JUG PA'I RGYU'O ZHE NA, 'BRAS 'TSOD PA'I LAS 'DI'I RIGS CHOS CAN, 'BRAS 'TSOD BA PO DU MA LA 'TSED PA PO'I SGRA 'JUG PA'I RGYU MIN BAR THAL, DE'I LAS LA 'BREL GYI 'TSOD PA PO LA MA 'BRES BA'I PHYIR DANG, 'BRAS 'TSOD PA'I LAS ZHES PA'I MNYAN PA GZHAN GYI RGYU MTSAN YIN PA'I PHYIR, SNGAR 'BRAS 'TSED PA'I LAS BYAS, BLTA 'BRAS 'TSED PA'I LAS MI BYED PA'I SKYES BU CHOS CAN, DA LTA 'BRAS 'TSED BA PO ZHES PA'I SGRA MI 'JUG BAR THAL, DA LTA 'BRAS 'TSED PA'I LAS KYANG GNAS PA YOD PA MIN PA'I BYIR, CHOS CAN, 'BRAS 'TSED PA'I LAS KYI SPYI DE DA LTA KHYOD LA 'TSED BA PO ZHES PA'I SGRA 'JUG PA'I RGYU YIN BA MI RIGS PA MIN PA MA YIN PAR THAL, DE KHYOD LA DA LTA 'BREL BA MED PA'I PHYIR, KHYAB STE, 'BREL BA MED KYANG RGYU YIN NA HA CANG THAL BA'I PHYIR, LAS DA LTA MED KYANG RGYU YIN NO ZHE NA, CHOS CAN, GAL TE LAS MED NA YANG DA LTA 'TSED PA PO'I SHES RJOD DAG GI RGYU MA YIN TE, DE LTA NA KHYOD LA 'TSED PA PO RGYU MTSAN CAN MIN PA THOB PA'I PHYIR RO, ,'BRAS 'TSED BA'I NUS PA DE, 'TSED PA PO ZHES PA'I SGRA 'JUG PA'I RGYU YIN NO ZHE NA, 'BRAS 'TSED BA'I NUS PA RNAMS CHOS CAN, 'TSED BA PO'I SGRA 'JUG PA'I RGYU MIN PAR THAL, PHAN TSUN RJES 'GRO MED PA'I THA DAD YIN PA'I PHYIR, GAL TE 'TSED PA PO NYID SOGS KYI

, ,SPYI DE 'TSED PA PO'I SGRA 'JUG PA'I RGYU'O ZHE NA, PHYIS 'BRAS 'TSED 'GYUR GYI SKYES BU SKYES MA THAG PA DE CHOS CAN, DANG PO NYID DU YOD PA NYID LA SOGS PA BZHIN DU, 'TSED PA PO'O SNYAM DU GSAL BAR 'GYUR BAR THAL, 'TSED BA PO NYID KYI SPYI DANG DANG PO NAS 'PHROD 'DU 'BREL PA'I PHYIR, DANG PO NAS GSAL BA MIN NO ZHE NA, CHOS CAN, DE PHYIS KYANG GSAL BAR MI 'GYUR BAR THAL, SNGAR MI GSAL BA GANG ZHIG, SNGA PHYI KHYAD PAR MED PA'I PHYIR, 'BRAS 'TSED PA'I BYA BAS PHAN 'DOGS BA LA LTOS NAS GSAL BYED YIN NO ZHE NA, CHOS CAN, RKYEN LA LTOS PA MED PAR THAL, 'GYUR MED YIN PA'I PHYIR, SKYES BU 'DI NI RKYEN BYAS PHUL DU BYUNG BA BYAR YOD DO ZHE NA'ANG, CHOS CAN, SKAD CIG MA NYID YIN PAR THAL, RKYEN LAS SKYES LAS SKYES BA'I PHYIR, 'DOD NA, CHOS CAN, 'BRAS 'TSED PA'I BYA BAS PHAN 'DOGS PA GANG LAS YIN TE MA YIN PAR THAL, 'BRAS 'TSED PA'I BYA BA'I DUS NA ZHIG PA'I PHYIR ,SKYI RTAG DNGOS MED PAR MTSUNGS NA, SHING GSAL DANG BA LANG GI GSAL BA LA SHING GI SLA RTOG 'JUG MI 'JUG GI KHYAD PAR MI 'THAD DO ZHE NA, SPYI RTAG DNGOS MED PA'I RDZAS THA DAD DU MTSUNGS PA YIN NA YANG, SHING GI GZHAN SEL GYI RIGS NYE BA GANG GIS, SHING GSAL 'GA' ZHIG LA SHING GI SGRA RAB TU 'JUG LA, GZHAN BA LANG LA SHING GI SGRA 'JUG PA MA YIN TE, GZHAN SEL DE NYID SGRA DANG SHES PA 'JUG PA'I RGYU YIN PA'I PHYIR RO, ,GNYIS PA GRANGS CAN PA'I LUGS DGAG PA LA GNYIS, DNGOS, DES GCER BU PA'ANG KHEGS PAR BSTAN PA'O, ,DANG PO LA GNYIS, 'DOD PA BRJOD, DE DGAG PA'O, ,DANG PO NI, GRANGS CAN NA RE, GAL TE GZHAN LAS LDOG PA SPANGS PA'I DNGOS PO'I RJES SU 'GRO BA'I SPYI GTZO BO GZHAN MED NA, SA BON GCIG GI 'BRAS BU MYU GU DE

CHU LUNG DROD GSHER GZHAN GYI 'BRAS BU MIN PAR THAL, SA BON DANG CHU LUNG DROD GSHER SHIN TU THA DAD PA'I PHYIR, 'O NA RANG GI LUGS GANG ZHE NA, GAL TE SPYI GTZO BO'I DANG DU BDAG NYID GCIG PA YIS, RGYU DU MAS 'BRAS BU GCIG BYED DO ZHE NA, GNYIS PA LA GSUM, RGYU DU MA DON MED DU THAL BA, RGYU 'BRAS 'TSOL BAR THAL BA, 'JUG PA 'TSOL BAR THAL BA'O, ,DANG PO LA GNYIS, LHAN CIG BYED RKYEN DON MED DU 'GYUR BA DANG, RGYU 'BRAS NGES MED DU THAL BA SPANG BA'O, ,DANG PO NI, SHES BYA CHOS CAN, LHAN CIG BYED BA'I RKYEN DON MED DU 'GYUR BAR THAL, SA BON GYI BDAG NYID GCIG PU LA'ANG MYU GU SKYED PA'I NUS PA DE RDZOGS PAR YOD PA'I PHYIR, KHYAB STE, SA BON LAS THA DAD PA'I NGO BO SPYI GTZO BA DE RJES SU MI 'GRO BA DANG BRAL, KHYAD SAR CHU LUNG RNAMS YOD PA'I NGES BA DANG BRAL BA'I PHYIR, 'DOD NA, 'BRAS BU MYU GU DE DAG CHOS CAN, LHAN CIG BYED RKYEN GYI BYE BRAG RNAMS LAS 'BYUNG STE, SKYE BA GANG ZHIG ,DE GANG RUNG GCIG DANG BRAL NA'ANG KHYOD SKYE BA MED PA'I PHYIR, GANG ZHIG RJE SU 'GRO BA'I SPYI GTZO BO DE CHOS CAN, KHYOD LAS 'BRAS BU MI 'BYUNG BAR THAL, DON BYED NUS PA GANG YIN PA DE NYID DON DAM PAR YOD PA YIN LA ,DE YANG KHYOD LA MED PA'I PHYIR, GNYIS PA LA GSUM, RAB BZHIN THA DAD LA NYES BA MED, RANG BZHIN GCIG LA NYES PA BSTAN, NYES PA MED PA'I DON BSDU PA'O, ,DANG PO NI, NAS KYI BA BON CHOS CAN, SA LU'I SA BON DANG BDAG NYID THA DAD DU MTSUNGS KYANG, NAS KYI MYU GU 'GA' ZHIG GI RGYU YIN LA, GZHAN PA SA LU'I MYU GU RGYU MIN TE, DE LTA NA YANG NAS KYI MYU GU SKYED LAS LU'I MYU GU MI SKYED PA 'DI KHYOD KYI RANG BZHIN YIN PA'I PHYIR, GNYIS PA NI, NAS DANG SA LU'I SA BON CHOS CAN, CIG CAR SKYE 'JIG BYED PAR 'GYUR PAR THAL, SPYI GTZO BO'I NGANG DU THA

, ,DAD PA MED PA'I PHYIR, GTZO BO DE LAS SKYES PA'I RNAM 'GYUR RNAMS GNAS SKABS THA DAD PAS, CIS CAR SKYE 'JIG BYED PA DE LTAR MI 'GYUR ZHE NA, SPYI GTZO BO DE BUM GSAL GCIG 'JIG PA'I TSE 'JIG GAM MI 'JIG ,GNYIS BSTAR NA, SPYI GTZO BO CHOS CAN, BUM GSAL DE'I DANG BZHIN MA YIN PAR THAL, BUM GSAL GCIG 'JIG PA'I TSE BDAG NYID RTAG PAR GNAS PA'I DNGOS PO YIN PA'I PHYIR, 'DOD NA, DE DANG SPYI DANG KHYAD PAR GYI BLO SKYE PAR MI 'GYUR BAR THAL LO, ,BUM GSAL 'JIG PA'I TSE 'JIG MI 'JIG BRTAGS NAS GZHAN SEL GYI SPYI LA'ANG MTSUNGS ZHE NA, GZHAN SEL GSUM LAS, BUM PA'I DON GYI GZHAN SEL CHOS CAN, BUM GSAL 'JIG PA'I TSE 'JIG MI 'JIG BRTAGS NAS, SEL PA SMRA BA SUN DBYUNG DU MED DE, DE 'JIG PA'I TSE 'JIG PAR KHAS BLANGS PA LA NYES PA MED PA'I PHYIR, LDOG PA MED DGAG GI SEL PA CHOS CAN ,BUM GSAL GCIG 'JIG PA'I TSE GNAS PA DANG MI GNAS PAR RTOG PA'I SGO NAS, SEL BA SMRA BA SUN DBYUNG PA RIGS PA MIN TE, DNGOS PO'I NGO BO NYID MED PA'I PHYIR, SPYI BLO'I SEL PA YANG CHOS CAN, BUM GSAL GCIG 'JIG PA'I TSE 'JIG MI 'JIG BRTAGS NAS SEL PA SMRA BA SUN DBYUNG BA YANG MED DE, RTOG PAS BSLAD PA YIN PA DE'I PHYIR, CHU LUD DROD GSHER CHOS CAN, MYU GU JI LTAR SKYED DE MI SKYED PAR THAL, MYU GU DE'I SKYED BYED KYI NGO BO SA BON GANG YIN BDE LAS GZHAN PAS SO ZHE NA, CHOS CAN, DE LA KHYAB BA MED BAR THAL, KHYOD THA DAD PA'I KHYAD PAR NYID DU MYU GU SKYE BYED YIN PA'I PHYIR, CHU LUNG DROD GSHER DE LA THA DAD MIN PA'I GTZO BO'ANG YOD PAS, DES MYU GU SKYED CE NA, SHES BYA CHOS CAN, SPYI GTZO BO DES MYU GU DE SKYED PA MA YIN PAR BRJOD DE, SPYI GTZO BO MED PA'I PHYIR, RGYU MTSAN

NI, DNGOS PO RNAMS CHOS CAN, RDZAS THA DAD DU 'JOG BYED YOD PA YIN TE, BLO MA 'KHRUL BA LA SNANG BA'ANG GZHAN LA MI BRTEN PAR THA DAD DU SNANG BA YIN PA'I PHYIR, DE NYID CHOS CAN, DON DAM YIN TE, SGRO MA BTAGS PAR YOD PA'I PHYIR, DE NI CHOS CAN, GZHAN LAS LOG PA YIN TE, GZHAN DANG MA 'DRES PAR GNAS PA'I PHYIR, DE NI CHOS CAN, RGYU DANG 'BRAS BUR BSHAD DE, PHAN 'DOGS BYED DANG GANG GAS BYA YIN PA'I PHYIR, DE NI CHOS CAN, RANG GI MTSAN NYID DU 'DOD DE, DON BYED NUS PA'I PHYIR, DE NI CHOS CAN, SKYES BU THAMS CAD 'JUG PA'I YUL YIN TE, BLANG DOR GYI 'BRAS BU CAN YIN PA'I PHYIR, GSUM PA NI, JI LTAR GRANGS CAN GYI LUGS LA RDZAS THA DAD MED PAR KHYAD MED NA YANG RGYU THAMS CAD 'BRAS BU KUN GYI SGRUB BYED MIN PA DE BZHIN DU, RDZAS THA DAD PAR KHYAD PAR MED NA'ANG, RGYU THAMS CAD 'BRAS BU KUN GYI SGRUB BYED MIN TE, RDZAS THA DAD NA YANG DNGOS PO'I CHOS NYID KYIS RGYU KHA CIG 'BRAS BU 'GA'I BYED PA POR 'GYUR BA'I PHYIR, GNYIS GA RGYU 'BRAS 'CHOL BAR THAL BA NI, NAS KYI SA BON CHOS CAN, NAS KYI MYU GU GCIG NYID KYI BYED BA PO DANG, SA LU'I MYU GU MI BYED PA 'GAL BAR 'GYUR BAR THAL, SA LU'I SA BON DANG THA DAD MED PA'I PHYIR, CHOS CAN, SA LU'I MYU GU SKYED PA'I BYA BA MED DE, SA LU'I SA BON DANG GNAS SKABS THA DAD DU YOD PA DE'I PHYIR ZHE NA, LHAN CIG BYED RKYEN CHOS CAN, MYU GU MI BYED PAR THAL, SA BON DANG GNAS SKABS THA DAD YIN PA'I PHYIR, 'ON TE SPYI GTZO BO DE MYU GU RNAMS RIM BZHIN BYED PA PO NYID YIN NO ZHE NA, SPYI GTZO BO CHOS CAN, DNGOS PO DE NYID KYI RIM BZHIN BYED BA PO CI YIN TE MA YIN PAR THAL, CHA MED GCIG YIN PA'I PHYIR, SPYI DE DANG LDAN PA'I DNGOS PO RNAMS CHOS CAN, SHIN TU NI THA DAD DANG THA DAD MED PAR 'GYUR BAR

, ,THAL; GNAS SKABS RDZAS THA DAD DANG, SPYI GTZO BO'I NGANG DU GCIG PA'I PHYIR, SPYI DANG KHYAD PAR CHOS CAN, RNAM GRANGS PHAN TSUN THA DAD DU 'GYUR BAR THAL, 'DRA BA DANG MI 'DRA BA'I BDAG NYID CAN YIN PA'I PHYIR, SPYI KHYAD DE YANG THA DAD DU 'GYUR TE, SPYI NI NUS PA YIN LA, KHYAD PAR NI MNGON BAR GSAL BA YIN PA'I PHYIR ZHE NA, GAL TE DNGOS PO DE DAG GI SPYI DANG KHYAD PAR ZHES BYA BA DE DAG CHOS CAN, RDZAS THA DAD NYID DU 'GYUR BAR THAL, NUS PA DANG MNGON PAR GSAL BA'I BDAG NYID GANG GIS THA DAD PA'I PHYIR, 'DOD PA DE LTA NA'ANG, ,SPYI DANG KHYAD BAR DU 'DOD PA'ANG SPYI DANG KHYAD PAR CAN DU MI 'GYUR BAR THAL LO, ,JI LTAR BUM SNAM SOGS PHAN TSUN SPYI DANG KHYAD PAR DU MI 'GYUR BA BZHIN NO, ,GSUM PA NI, BA LANG GI BDAG NYID MDUN DU BYAS NAS BSGRUB BYA BZHO BKAL DE'I 'BRAS BU 'DOD PA CAN GYI SKYES BU 'DI NI CHOS CAN, BZHO BKAL DE'I RTEN BA LANG GI GSAL PA RNAMS RDZAS THA DAD DANG THA DAD MED CES DBYAD BAR BYAS NAS 'JUG BAR 'GYUR GYI ,SPYI GTZO BO LA 'JUG BYA MA YIN PAR THAL, BA LANG GI GSAL BA RANG GI BDAG NYID RDZAS THA DAD PA RNAMS LA, BA LANG MIN PA LAS LOG PAR MTSUNGS PA NYID DAG NI YOD PA NYID YIN GYI, DNGOS PO LA RJES SU 'GRO BA'I GTZO BO MED PA'I PHYIR, ,RTAGS MA GRUB NA, ME DON GNYER CHU LA 'JUG PA SOGS SU 'GYUR BAR THAL, ME CHU GNYIS SPYI GTZO BO'I NGANG DU GCIG YIN PA'I PHYIR, GNYIS PA DES GCER BU PA'ANG KHEGS PAR BSTAN PA NI, SHES BYA CHOS CAN, SPYI GTZO BO 'GOG PA'I RIGS PA DE NYID KYIS NI, 'DZEM MED PA MUN SPRUL GANG CI YANG RUNG BA SMRA BA DE DAG KYANG NI GSAL BA YIN TE, DNGOS PO RNAMS MTHA' GCIG TU RDZAS THA DAD BAR NI SRID PA'I PHYIR RO, ,

RTAGS MA GRUB STE, DNGOS PO THAMS CAD RANG BZHIN GCIG PA DANG, GNAS SKABS THA DAD PA GNYIS GA'I NGO BO NYID YIN PA'I PHYIR ZHE NA, SHES BYA CHOS CAN, ZHO 'THUNG ZHES NI BSKUL BA NA, CI'I PHYIR RNGA MO 'THUNG BA LA MI RGYUG STE RGYUG RIGS PAR THAL, ZHO RNGA THA DAD PA DE'I KHYAD PAR BSAL BA'I PHYIR, 'ON TE ZHO LA 'O MAS BYAS PA'I PHUL DU BYUNG PA 'GA' ZHIG YOD PA GANG GIS, KHYAD PAR ZHO LA 'JUG PAR 'GYUR RO ZHE NA, CHOS CAN, ZHO RNGA GNYIS KA RANG BZHIN GCIG MIN PAR GZHAN YIN PAR THAL, 'O MAS BYAS PA'I PHUL DU BYUNG BA DE NYID ZHO YIN LA, DE GZHAN RNGA MO LA MED PA'I PHYIR, DNGOS PO THAMS CAD CHOS CAN, BLO SGRA THA DAD 'JUG PAR MI 'GYUR PAR THAL, KHYED KUN BDAG NYID GCIG YIN BA'I PHYIR, 'DOD NA, THA DAD RANG BZHIN GCIG TU BSDUS PAR SMRA BA'I GCER BU BA CHOS CAN, THA DAD GCIG TU SDUD BA MI SRID PAR 'GYUR BAR THAL, THA DAD PA DE MED PA'I PHYIR, GNYIS PA MED PA'I GZHAN SEL 'BAD MED GRUB BA NI, YOD PA'I SGRA RTOG SEL BAS 'JUG MONG, MED BA'I SGRA RTOG SEL PAS JI LTAR 'JUG CE NA, DNGOS MED RJOD PA'I SGRA CHOS CAN, DNGOS MED DE SGRUB PA'I NGO BO'I SGO NAS RJOD PA YIN NAM ZHES DPYAD BYA NYID MA YIN TE, DNGOS PO'I NGO BO MED PA TSIG GIS ZIN PAR RJOD PA'I PHYIR, SGRA NI DE DAG NYID RNAM GCOD SEL PA RJOD PAR BYED PAR GRUB STE, SGRA RTOG KUN SEL 'JUG TU GRUB PA'I PHYIR RO, ,GNYIS PA RANG BZHIN RTAGS KYI DBYE BA LA GSUM, DNGOS, RTZOD SPANG, SBYOR BA'I DBYE BA'O, ,DANG PO NI, RANG BZHIN GYI RTAGS LA DBYE NA DU ZHE NA, BSGRUB BYA BSGRUB PA'I PHYIR DU BRJOD PA'I RANG BZHIN GYI GTAN TSIGS CHOS CAN, GNYIS YOD DE, KHYAD PAR BYED CHOS KYI BYE BRAG LA LTOS PA'AM, 'O NA TE 'BA' ZHIG PA RANG BZHIN DAG PA BA GNYIS YOD

, ,PA'I PHYIR, DPE RIM PA BZHIN, SGRA 'JIG PAR SGRUB PA LA, 'BRAS BU BYAS PA DANG YOD PA NYID DE DNGOS PO RTAGS SU BKOD PA BZHIN NO, ,BYAS PA CHOS CAN, SGRA MI RTAG BANG SGRUB PA'I KHYAD PAR LTOS PA BA'I RANG BZHIN GYI RTAGS YANG DAG YIN TE, DE SGRUB KYI RANG BZHIN GYI RTAGS YANG DAG GANG ZHIG ,RANG RJOD PA'I SGRAS RANG GI KHYAD PAR BYED CHOS 'PHEN PA'I PHYIR, DNGOS PO CHOS CAN, DE SGRUB KYI RANG BZHIN DAG PA BA'I RANG BZHIN GYI RTAGS YANG DAG YIN TE, GANG ZHIG, RANG RJOD PA'I SGRAS KHYAD PAR BYED CHOS MI 'PHEN PA'I PHYIR, GNYIS PA LA RTZOD LAN GNYIS, DANG PO NI, GRANGS CAN NA RE, GAL TE YOD PA RANG BZHIN GYI GTAN TSIGS YIN NA, GTZO BO'I SGRA DON YOD PA JI LTAR BSGRUB BYA MIN, DE YOD PA BSGRUB BYA DAG LAS NYAMS PAR THAL, YOD PA TZAM GRUB ZIN, YOD PA'I KHYAD PAR DPE LA RJES 'GRO MED PA'I PHYIR ZHE NA, YOD PA GTAN TSIGS NGAG LAS NYAMS PAR THAL, YOD TZAM KHYAB PA MA NGES, YOD PA'I KHYAD PAR DPE LA RDZES 'GRO MED PA'I PHYIR ZHE NA, GNYIS PA LA GSUM, YOD PA SGRUB NA DGOS NUS MED, YOD TZAM RTAGS SU 'GYUR BA'I TSUL, SGRUB BYED MED PAS BSGRUB BYA MIN PA'O, DANG PO NI, CHOS CAN, GTZO BA'I SGRA DON LA YOD PA'I KHYAD PAR DAG NI BSGRUB BYAR 'GYUR BAR THAL, DE LA YOD PA BSGRUB BYA YIN PA GANG ZHIG ,YOD TZAM BSGRUB BYA MIN PA'I PHYIR, RTAGS MA GRUB STE, SPYI'I CHOS CAN GTZO BO'I SGRA DON LA YOD PA'I KHYAD PAR GYI CHOS TZAM DU NI BSGRUB BYA YIN NO ZHE NA, GTZO BO'I SGRA DON YOD TZAM DE 'DRA'ANG CHOS CAN, BSGRUB BYA MA YIN PAR THAL, KHYOD SGRUB NA SNGA RGOL GYIS DON 'GA' ZHIG KYANG 'GRUB PAR MI 'GYUR ZHING, PHYI RGOL GYIS BKAG PA MED PAR GRUB ZIN PA'I PHYIR, RTZA BAR 'DOD DE

KHYAD PAR BSGRUB BYAR GZUNG NGO ZHE NA, KHYAD PAR RNAMS LA RJES SU 'GRO BA'I GTAN TSIGS CHOS CAN, GTZO BO'I SGRA DON DNGOS POR SGRUB PA'I RTAGS YANG DAG MA YIN PAR THAL, DE SGRUB KYI RJES 'GRO'I KHYAB PA MED PA CAN DU 'GYUR BA'I PHYIR, GNYIS PA NI, DNGOS PO DE'I KHYAD PAR BZUNG BA MED PAR DNGOS PO TZAM NI CHOS CAN, SGRA MI RTAG PAR SGRUB PA NA, BSGRUB BYA'I CHOS KYI RJES SU 'GRO BA NYAMS PA MED DE, RANG GRUB TZAM NAS MI RTAG PA KHYAB BYED DU NGES PA'I PHYIR, GSUM PA NI, GTZO BO'I SGRA DON DNGOS POR YOD PA DE JI LTAR BSGRUB BYAR 'GYUR TE MI 'GYUR BAR THAL, DE SGRUB KYI RTAGS YANG DAG MED PA'I PHYIR TE, YOD CHOS NGON BYED NUS PA YIN NA, DE SGRUB KYI PHYOGS CHOS SU MED, GNYIS KA LA BRTEN PA'I CHOS CAN, KHYAB PA 'KHRUL PA CAN YIN, DNGOS POR MED PA'I CHOS NI DE SGRUB KYI KHYAB PA 'GAL BA YIN PA'I PHYIR, RTAGS DANG PO GRUB STE, DON BYED NUS PA YIN NA GTZO BO'I SGRA DON LA 'GOD TSUL DANG MTHUN PAR MA GRUB PA'I PHYIR, GSUM BA SBYOR BA'I DBYE BA NI, SHES BYA CHOS CAN, MI RTAG PA 'DI LDOG PA NA BYAS PA DE LDOG PAR BYED DE, MI RTAG BA'I RANG BZHIN DU GRUB PA'I BYAS PA GO BYED YIN ZHING, BYAS PA DE LA KHYAB BYED DU NGES PA'I RANG BZHIN DU NGES PA'I MA RTAG PA GO BYA YIN PA'I PHYIR, GANG BYAS PA YIN NA, MI RTAG PA NYID YIN PAS KHYAB, DPER NA DUM PA BZHIN, SGRA YANG BYAS ZHES PA'I NGAG CHOS CAN, CHOS MTHUN SBYOR GYI SGRUB NGAG YIN TE, RTAGS MTHUN PHYOGS KHO NA LA YONG PAR DNGOS SU STON PA'I SGRUB NGAG YIN PA'I PHYIR, GANG MI 'JIG NA MA BYAS PAS KHYAB, DPER NA NAM MKHA' BZHIN, SGRA NI BYAS ZHES PA'I NGAG CHOS CAN, CHOS MI MTHUN SBYOR GYI SGRUB NGAG YIN TE, RTAGS MI MTHUN PHYOGS LA MED PA KHO NAR DNGOS SU STON PA'I SGRUB

, ,NGAG YIN PA'I PHYIR, GSUM PA RANG BZHIN RTAGS KYI 'BREL PA SGRUB BYED DNGOS NI, BYAS NA MI RTAG PAS KHYAB PA JI LTAR NGES ZHE NA, BYAS PA CHOS CAN, 'JIG PA NI RANG GI NGO BOS RJES SU 'BREL PA NYID YIN TE, 'JIG PA PHYIS BYUNG GI RGYU LA LTOS PA MED PA'I DNGOS PO YIN PA'I PHYIR, RTAGS MA GRUB BO ZHE NA, BUM PA'I DNGOS PO RNAMS NI CHOS CAN, 'JIG PA'I NGES PA MED PAR 'GYUR BAR MTHONG BAR THAL, 'JIG PA PHYIS BYUNG GI RGYU LA LTOS PA DANG BCAS PA'I PHYIR, MA KHYAB STE, 'JIG PA DE LA RGYU MANG PO YOD PA'I PHYIR ZHE NA YANG, CHOS CAN KHYOD 'GA' ZHIG LA NI 'JIG PA MI SRID PAR 'GYUR BAR THAL, 'JIG RGYU DANG MA PHRAD PA SRID PA'I PHYIR, 'JIG PA PHYIS BYUNG GI RGYU DANG LDAN PAR SMRA BA RNAMS KYIS 'JIG PA'I RGYU NI THAMS CAD DAG CHOS CAN, 'JIG PA LA 'KHRUL BA NYID DU BSHAD PA YIN TE, KHYOD LA 'BRAS BU 'JIG PA GNAS PA'I NGES PA MED PA'I PHYIR RO, ,THO BA CHOS CAN, BUM PA 'JIG PA DE'I RGYU MIN PAR THAL, DE SKYED PA'I NUS PA MED PA'I PHYIR, YANG GI SGRA CHOS CAN, BUM PA'I 'JIG RGYU MA YIN PAR THAL, BUM PA'I 'JIG PA DNGOS MED SKYED PA'I PHYIR, GLOG 'DI NI CHOS CAN, NGO BO NYID KYIS 'JIG PAR 'GYUR TE, PHYIS BYUNG GI RGYU LA LTOS MED DU 'JIG PA'I PHYIR, GANG LA NGO BO NYID KYIS 'JIG PAR 'GYUR ZHES BYA BAR NGES PA DE LAS GZHAN RI BO LA'ANG CHOS CAN, NGO BO NYID KYIS 'JIG PAR 'GYUR TE, RTAGS 'DRA, GNYIS PA 'JUG BSDU BA NI, 'BRAS RANG GI RTAGS BSGRUB BYA'I CHOS LA MI 'KHRUL PA DES NA, DNGOS PO STE SGRUB PA'I YUL CAN GYI RJES SU DPOG PA'I RTAGS GANG YIN PA DE CHOS CAN, RNAM PA GNYIS YOD DE, 'BRAS BU DANG RANG GI NGO BO DE DAG LAS RANG GI BSGRUB BYA'I CHOS LA 'BREL BA GNYIS SU NGES PA'I

PHYIR, ` GNYIS PA DGAG RTAGS KYI 'BREL BA NGES BYED LA GNYIS, DNGOS RTZOD PA SPANG PA'O, ,DANG PO LA GNYIS, MI SNANG PA MA DMIGS PA'I 'BREL PA DES BYED, SNANG RUNG MA DMIGS PA'I 'BREL PA DES BYED DE, ,DANG PO NI, MDUN GYI GZHI 'DIR CHOS CAN, SHA ZA'I BUM PA BSKAL DON DU SONG BA'I GANG ZAG GI DOR SHA ZA'I BUM PA YOD NGES KYI BCAD SHES 'JUG BAR MI BYED CES BYA BA YIN TE, DE'I DOR SHA ZA'I BUM PA DE'I NGO BO TSAD MAS MI DMIGS PA'I PHYIR, KHYAB STE, CHOS DE YOD NGES KYI BCAD SHES DON MTHUN 'JUG PA LA CHOS DE DMIGS PA'I BLO SNGON DU 'GRO BA CAN NYID YIN PA'I PHYIR, DE'I DOR SHA ZA'I BUM PA TSAD MAS MI DMIGS PA NI CHOS CAN, DE SGRUB KYI SGRUB BYED TSAD MAR BSHAD DE, DE SGRUB KYI TSUL GSUM YIN PA'I PHYIR, MA DMIGS BAS MED NGES JI LTAR MI 'GRUB CE NA, BSKAL DON DE RNAMS NI MI DMIGS PA'I PHYIR NA JI LTAR MED NGES SU MI 'GRUB PAR THAL, BSKAL DON YOD KYANG TSAD MA GSUM GYIS DMIGS PA'I NGES PA MED PA'I PHYIR DANG, BSTAN BCOS SKABS DANG 'BREL MED KYI DON MI STON PA'I PHYIR DANG, ,BSKAL DON RNAMS DBANG PO'I MNGON SUM GYI YUL LAS 'DAS PA DANG BSKAL DON SGRUB PA'I RTAGS MED PA CAN YIN PA'I PHYIR, DE'I DOR SHA ZA'I BUM PA TSAD MAS MA DMIGS PA CHOS CAN, MDUN GYI GZHIN 'DIR, DE'I DOR SHA ZA'I BUM PA MED PA'I SGRUB BYED TSAD MA NYID DU MI 'GYUR BAR THAL, 'DIR SHA ZA'I BUM PA YOD PA DANG, MED PAR NGES PA'I 'BRAS BU CAN MIN PA'I PHYIR, GNYIS PA NI, MA DMIGS PAS MED DES SGRUB NUS PA YOD DE, YOD NA SNANG DU RUNG BA'I RTAGS KYI PHUL DU BYUNG BA YOD PA CAN GYI MA DMIGS PA LA MED NGES SGRUB PA'I TSAD MA DAG TU 'GYUR BA'I PHYIR, 'O NA MA DMIGS PAS MED NGES SGRUB

, ,MI NUS PAR BSHAD PA DANG 'GAL LO ZHE NA, MI 'GAL TE, MA DMIGS PAS MED NGES SGRUB MI NUS PA'I RIGS PA 'DI NI, RANG GI RANG BZHIN YOD KYANG SHES BYAD TSAD MAS MI SHES PA'I BSKAL DON LA BRJOD PA YIN PA'I PHYIR, 'O NA SNANG RUNG MA DMIGS PA'I RTAGS GANG ZHE NA, RGYU ME MI SHES NA 'BRAS BU DU BA NI MED PA NYID DU SGRUB PAR BYED LA, SHA BA MED PA'I DON GYI RANG BZHIN RTAGS CAN BSGRUB BYAR BYAS PA LA SHING GI RANG BZHIN MI DMIGS PA'ANG GTAN TSIGS YIN NO, ,RGYU KHYAB BYED MA DMIGS PA GANG GIS 'GRUB PA CE NA, RGYU KHYAB BYED MA DMIGS PA MI 'GRUB PA'I SKYON MED DE, GAL TE SNANG RUNG MA DMIGS PA'I GTAN TSIGS 'GA' ZHIG GIS, RGYU KHYAB BYED DE MED PAR RTOGS PAR 'GYUR BA'I PHYIR, SHES BYA CHOS CAN, BUM PA SNANG RUNG MTHONG BA MED PA'I RGYU GZHAN MI SRID PAR NI 'GYUR BA NA, SNANG RUNG BUM PA'I DNGOS PO MA DMIGS PA'I RTAGS LAS BUM PA'I DNGOS PO MED PAR RTOGS PAR 'GYUR TE, BUM PA YOD NA TSAD MAS DMIGS DGOS PA'I PHYIR, CHOS CAN, GRANG REG DE DANG 'GAL BA MI DMIGS PAS NI, GRANG REG MED PA NYID DU NGES PAR 'GYUR TE, GRANG REG DANG 'GAL BA'I DNGOS PO ME YOD NA YANG GRANG REG DE YOD PA LA GNOD BYED YIN PA'I PHYIR, GNYIS PA RTZOD PA SPANG PA LA GNYIS, MA DMIGS PA'I RTAGS KYI GRANGS NGES LA RTZOD PA SPANG, MI SNANG BA MA DMIGS PA'I RTAGS LA BYE BRAG TU RTZOD PA SPANG PA'O, ,DANG PO LA GSUM, SGRA DON NGOS GZUNG, DE DGAG MI NUS, LUNG DANG 'GAL BA SPANG BA'O, ,DANG PO NI, MA DMIGS PA'I RTAGS LA YOD NGES 'GOG PA DANG, MED NGES SGRUB PA GNYIS SU NGES NA, GTZO BO YOD PA MA YIN TE, MA DMIGS PA'I PHYIR ZHES PA 'DI MA DMIGS PA'I RTAGS MIN PAR THAL, YOD

NGES 'GOG PA DANG, MED NGES SGRUB PA MIN PA'I PHYIR TE, GTZO BO YOD NA, YOD PA MIN ZHES PA DANG 'GAL LA, MED NA GTZO BO ZHES PA'I SGRA SBYOR BA MI 'THAD PA'I PHYIR ZHE NA, SHES BYA CHOS CAN, GTZO BO MED KYANG GTZO BO ZHES PA'I SGRA SBYOR BA MI 'GAL TE, THOG MA MED PA'I BAG CHAGS LAS BYUNG BA'I RNAM PAR RTOG PAS YONGS SU BSGRUBS PA'I RTOG PA LA GTZO BOR SNANG BA DE GTZO BO'I SGRA DON YIN PA'I PHYIR, SGRA DON GYI CHOS NI CHOS CAN, RNAM PA GSUM YOD DE, DNGOS POR YOD MED DANG GNYIS KA LA BRTEN PA'I SGRA DON RNAMS SU YOD BA'I PHYIR, GTZO BO DNGOS PO'I NYER LEN CAN DU MA DMIGS PA NI, GTZO BO'I SGRA DON DE, GTZO BO DNGOS PO'I NYER LEN CAN DU MED PAR SGRUB PA'I GTAN TSIGS YANG DAG YIN TE, DE LTAR SGRUB PA'I TSUL GSUM YIN PA'I PHYIR, GTZO BO'I SGRA DON DE NYID NI MED PA MA YIN TE, GTZO BO ZHES PA'I SGRA SBYOR BA'I PHYIR, GTZO BO RANG MTSAN PA MED NA, GTZO BO'I SGRA DON MED DE, RJOD BYED KYI SGRA DON DAM PA LA MTHA' GCIG TU 'JUG PA NYID CAN YIN PA'I PHYIR ZHE NA, DON RNAMS LA NI CHOS CAN, MTHONG BA'I BYE BRAG THA DAD PAS RTAG MI RTAG GI SGRA RNAMS NI 'JUG PAR MI 'GYUR BAR THAL, DE LTAR 'JUG PA'I RGYU MED PA CAN YIN PA'I PHYIR, 'DAS PA DANG NI MA SKYES PA LA YANG CHOS CAN, SGRA MI 'JUG PAR THAL, DNGOS MED YIN PA'I PHYIR, TSIG 'GA' ZHIG KYANG RDZUN PA'I DON CAN NYID DU MI 'GYUR BAR THAL, SGRA RTOG RANG MTSAN KHO NA LA 'JUG PA'I PHYIR, SGRA RTOG DE DAG CHOS CAN, RANG MTSAN KHO NA LA MI 'JUG STE, BLO LA SNANG BA'I SGRA DON GYI YUL CAN DU 'DOD PA'I PHYIR, GNYIS PA NI, SGRA DON MED DO ZHES BSNYON PA YIN NA, SHES BYA CHOS CAN, GTZO BO'I SGRA DON DANG DNGOS MED KYI TSOGS PA BSGRUB BYAR MI 'GYUR BAR THAL, DE SGRUB KYI BSGRUB BYA'I

, ,CHOS KYI RTEN NI BSAL BA'I PHYIR, 'DOD DO, CHOS YAN GAR BA BSGRUB BYA YIN NO ZHE NA, BSGRUB CHOS YAN GAR BA NI CHOS CAN, BSGRUB BYA MIN PAR THAL, PHYI RGOL GYIS GRUB ZIN PA YIN PA'I PHYIR, SHES BYA CHOS CAN, SGRA DON LA BSNYON PA MED PA'I BTZO SREG DON GNYER RNAMS KYIS, ME'I DNGOS PO NYID LA NI YOD MED KYI PHYOGS KYI BYE BRAG GIS DPYAD NAS 'JUG BYA YIN GYI, SGRA DON LA 'JUG BYA MIN TE, ME 'DI LAS BTZO SREG GI 'BRAS BU 'BYUNG BA RAG LAS SHING, SGRA DON GYIS DON BYED MI NUS PA'I PHYIR, KHYAB STE, DON BYED NUS PA MA YIN PA LA DON GNYER GYIS BRTAGS PAS CI ZHIG BYA STE DON MED PA'I PHYIR, MA NING GZUGS BZANG NGAM MI BZANG ZHES 'DOD LDAN BUD MED RNAMS KYIS BRTAGS PAS CI YANG MI PHAN PA BZHIN NO, ,GSUM PA NI, MA DMIGS PA DE SGRA DON GYI CHOS YIN NA, BTAGS PA'I CHOS MA DMIGS PA ZHES GSUNGS PA DANG 'GAL LO ZHE NA, MI 'GAL TE, GTZO BO DNGOS PO'I RTEN DU MA GRUB PA 'DI SGRA DON GYI CHOS SU RIGS PA SMRA BA GSUNGS PA'I PHYIR, 'O NA SGRA DON DE BTAGS PA JI LTAR YIN ZHE NA, SGRA'I DON NI CHOS CAN, BTAGS PA YIN TE, RTOG PA'I SHES PA'I SNANG YUL NYID KYIS SO, ,GNYIS PA MI SNANG BA MA DMIGS PA'I RTAGS LA BYE BRAG TU RTZOD PA SPANG PA LA GNYIS, LUNG CHAD MAR 'DOD PA DGAG, LUNG TSAD MAR 'DOD PA BLUN PAR BSTAN PA'O, ,DANG PO LA, BSTAN, BSHAD, BSDU BA GSUM MO, ,DANG PO NI, MNGON RJES KYIS MA DMIGS PAS MED PAR MI 'GRUB MOD, LUNG GIS MA DMIGS NA MED PAR 'GRUB STE, LUNG NI THAMS CAD KYI YUL CAN YIN PA'I PHYIR, DES NA LUNG NI RANG GI BRJOD BYA SGRUB BYED YIN NO ZHE NA, SGRA RNAMS CHOS CAN, KHYOD LAS BRJOD BYA'I DON GRUB PA MIN TE, BRJOD BYA'I DNGOS PO DANG LHAN CIG TU MED NA MA 'BYUNG BA'I 'BREL PA

NYID MED PA'I PHYIR ,RJOD BYED DE NGAG CHOS CAN, SMRA BA PO'I RGYUD LA BSAM PA STON PAR BYED DE, DE SGRUB KYI TSUL GSUM YIN PA'I PHYIR, GNYIS PA LA GNYIS, SKYES BUS BYAS PA'I LUNG TSAD MA YIN PA DGAG ,MA BYAS PA'I LUNG TSAD MA YIN PA DGAG PA'O, ,DANG PO LA GNYIS, LUNG 'GAL SPANG BA, KHYAD PAR CAN GYI TSIG TSAD MA YIN PA DGAG PA'O, ,DANG PO LA GNYIS, RTZOD LAN NO, ,DANG PO NI, LUNG TSAD MA MA YIN NA, YID CHES TSIG NI MI SLU BA'I, ,SPYI LAS RJES SU DPAG PA NYID, ,CES GSUNGS PA DANG 'GAL LO ZHE NA, GNYIS PA NI, DE MI 'GAL BAR THAL, SNGA PHYI 'BREL CHAGS PA DANG NI SKYES BUS THOB PAR NUS PA DANG RJES SU MTHUN PA'I THABS STON PA DANG, SKYES BU'I DON NI RJOD PAR BYED PA'I NGAG YONGS SU BRTAGS PA'I DBANG DU BYAS NAS LUNG TSAD MAR BSTAN PA YIN GYI, DE LAS GZHAN PA'I LUNG GI DBANG DU BYAS PA MIN PA'I PHYIR, LUNG DE BSTAN BYA'I DON LA JI LTAR MI SLU ZHE NA, KHYAD PAR GSUM LDAN GYI LUNG 'DI CHOS CAN, BSTAN BYA'I DON LA MI SLU BA YIN TE, DPYAD GSUM GYIS DAG PA'I LUNG YIN PA'I PHYIR TE, MTHONG BA MNGON GYUR DANG LKOG GYUR LA MNGON SUM DANG RJES DPAG DANG, MA MTHONG BA SHIN TU LKOG GYUR GYI DNGOS PO'I DON DE DAG LA YID CHES RJES DPAG GIS KYANG GNOD PA MED PA'I LUNG YIN PA'I PHYIR, SHIN LKOG STON PA'I YID CHES PA'I TSIG NI DPYAD GSUM GYIS DAG PA'I SPYI LAS BSTAN BYA'I DON LA MI SLU BAR GSAR DU RTOGS PA'I BLO CHOS CAN, RJES SU DPAG PA NYID DU GSUNGS TE, RANG YUL LKOG GYUR RTOGS PA'I TSAD MA GANG ZHIG ,KHYOD KYI YUL LA MNGON SUM 'JUG PA'I GO SKABS MED PA'I PHYIR, SHES BYA CHOS CAN, SHIN TU LKOG GYUR GZHAN LA YANG SANGS RGYAS KYIS GSUNGS PA LTAR RJES SU DPAG PAR BYA BA YIN TE,

, ,BLANG BYA DANG DOR BYA'I DE NYID THABS DANG BCAS PA RAB TU NGES PA'I SGO NAS, GTZO BO'I DON BDEN BZHI'I GNAS LUGS LA SANGS RGYAS KYIS GSUNGS PA LTAR MI SLU BA'I PHYIR, GNYIS PA LA GNYIS, GZHAN LUGS DGAG ,RANG LUGS GZHAG PA'O, ,DANG PO NI, NYES ZAD KYI SKYES BU PHUL DU BYUNG BA LA LTOS PA'I TSIG DE JI LTA BA BZHIN GYI DON CAN DU GZHAN GYIS SHES SO ZHE NA, GAL TE SKYES BU PHUL DU BYUNG BA DE SHES PAR NUS NA ,DE'I TSIG TSAD MA YIN PA'I DON 'DI 'DOD MOD, 'ON KYANG SKYES BU GANG ZAG DE'I GSUNG RAB GTAN LA PHAB PA LA MA LTOS PAR, GANG ZAG DE NYES PA KUN ZAD DU RTOGS PAR DKA' STE, DE LAM LTOS PAR GANG ZAG 'DI NI SKYON YON 'DI LTA BU DANG LDAN PA'AM LDAN PA MIN NO ZHES GZHAN LA SKYON LDAN DANG SKYON MED DU RTOGS PA'I TSANG MA RNAMS NI RNYED PAR DKA' BA'I PHYIR ZHES NI SANGS RGYAS PA GZHAN GYIS SHES SO; GNYIS PA NI, 'O NA NYES ZAD MI SRID DAM ZHE NA, SHES BYA CHOS CAN, GANG ZAG LA LA NYES PA ZAG PA ZAD PAR 'GYUR TE, GOMS PA LAS SEMS RGYUD BDAG MED RTOGS PA'I SHES RAB DE'I BDAG NYID DU 'GYUR BA YOD PA'I PHYIR TE, BDAG MED RTOGS PA'I SHES RAB 'PHEL NA 'GRIB PA DANG, DE 'GRIB NA PHUL DU BYUNG BA LA BRTEN PA'I NYES PA KUN MI MTHUN PHYOGS DANG BCAS PA NYID KYI PHYIR, NYES PA LAN CIG ZAD KYANG SLAR SKYE'O ZHE NA, GNAS GYUR MTHAR PHYIN PA'I SKYES BU CHOS CAN, PHYIN CI LOG GIS 'BAD DU ZIN KYANG, SPANGS PA SLAR MI LDOG STE, 'KHOR PA'I 'TSE BA MED PA DANG, YANG DAG PA'I DON MNGON SUM GYIS RTOGS SHING, DE SEMS KYI NGO BO NYID LA ZHUGS PA'I PHYIR DANG, KHYOD KYI BLO NI BDAG MED RTOGS PA'I SHES RAB DE'I PHYOGS 'DZIN PA'I PHYIR RO, ,NYES PA'I RTZA BA GANG ZHE NA, NYES PA RNAM PA THAMS CAD DAG CHOS CAN, RGYU

MED MA YIN TE, 'JIG TSOGS LTA BA LAS SKYES PA YIN PA'I PHYIR, 'JIG LTA RGYU YIN NA, MA RIG PA RGYUR BSHAD PA DANG 'GAL LO ZHE NA, MI 'GAL TE, 'JIG LTA DE MA RIG PA YIN PA'I PHYIR, SHES BYA CHOS CAN, NYES PA RNAMS KYI RGYU NI GTI MUG YIN PAR GSUNGS TE, MA RIG PA LAS BDAG DER CHAGS PA DANG, BDAG GI BA DE LA CHAGS LA, DE LAS ZHE SDANG LA SOGS 'BYUNG BA DE NYID KYIS SO, ,CHOS CAN, MDO GZHAN LAS 'JIG TSOGS LA LTA BA NYES PA'I RTZA BAR GSUNGS PA'I RGYU MTSAN YOD DE, 'JIG LTA DE SPANGS PA NA NYES PA KUN SPONG PA'I PHYIR RO, , GNYIS PA SKYES BUS MA BYAS PA'I LUNG TSAD MA YIN PA DGAG PA LA GNYIS, MA BYAS PA'I RIG BYED BDEN PA DGAG ,PHYOGS GCIG LA MI SLU BAS BDEN PA DGAG PA'O, ,DANG PO LA GNYIS, 'DOD PA BRJOD, DE DGAG PA'O, ,DANG PO NI, SKYES BUS MA BYAS PA'I TSIG NI BDEN PA'I DON CAN YIN TE; TSIG RNAMS LOG PA NYID KYI RGYU NYES PA RNAMS SKYES BU LA BRTEN PA'I PHYIR ZHES NI SBYOD PA PA LA LA RJOD PAR BYED DO, ,GNYIS PA LA GNYIS, BSGRUB BYA BDEN PA'I DON CAN DGAG, SGRUB BYED SKYES BUS MA BYAS PA DGAG PA'O, ,DANG PO LA GSUM, MTSUNGS PAS DGAG, BRDA LA LTOS PAS DGAG ,BRTAGS LA DGAG PA'O, ,DANG PO NI, CHOS CAN, SKYES BUS MA BYAS PA'I TSIG LOG PA'I DON CAN CIS MIN TE YIN PAR THAL, TSIG RNAMS BDEN PA NYID KYI RGYU YON TAN SKYES BU LA BRTEN PA'I PHYIR ZHES NI SANGS RGYAS PA GZHAN DAG RJOD DO, ,GNYIS PA NI, RIG BYED KYI TSIG RNAMS CHOS CAN, SKYES BUS BYAS PA MIN YANG DON LOG PA STON PA NYID DU SRID PAR THAL, DON SHES PAR BYED PA DAG GI RGYU BRDA NI SKYES BU LA BRTEN PAS SO, ,RTAGS MA GRUB STE, SGRA DON GYI 'BREL PA SKYES BUS BYAS PA MIN PAR NGO BO NYID KYIS GRUB PA'I

, ,PHYIR ZHE NA, CHOS CAN, BRDA RIG PA MED PAR DON RTOGS PAR 'GYUR BAR THAL LO, ,MA KHYAB STE, BRDA LAS SGRA DON GYI 'BREL PA DE NI GSAL PA YIN NO ZHE NA, CHOS CAN, 'BREL PA NGO BO NYID KYIS GRUB PA BTAGS PA GZHAN DAG NUS MED DU 'GYUR BAR THAL, DON GO BA BRDA LA LTOS PA'I PHYIR, GSUM PA LA GSUM, BRJOD BYA LA, 'BREL PA LA, RJOD BYED LA BRTAGS NAS DGAG PA'O, ,DANG PO NI, SGRA DON GYI 'BREL PA NGO BO NYID KYIS GRUB NA, DON RE RE DANG 'BREL LAM, DUM DANG 'BREL, DANG PO LTAR NA, RIG BYED KYI TSIG RNAMS CHOS CAN, BRDA SBYAR NA DON GZHAN RTOGS PAR MI 'GYUR BAR THAL, DON GCIG KHO NA LA 'JUG PAR NGES PA'I PHYIR, GNYIS PA LTAR NA, CHOS CAN, BRJOD BYA'I DON DANG 'GAL BA GSAL BAR BYED PA YIN PAR THAL, DON DU MA DANG MNGON PAR 'BREL BA'I PHYIR, CHOS CAN, SKYES BUS MA BYAS PA NYID KYANG KUN DU BRTAGS PA DON MED DU 'GYUR BAR THAL, RTAGS 'DRA, SGRA DON RDZAS THA DAD PA RNAMS LA CHOS CAN, 'BREL PA DNGOS PO PA YANG MED PAR THAL, DE YOD NA DE RNAM PAR GZHAG PA'I PHYIR DU GTAN TSIGS BRJOD DGOS PA LA GTAN TSIGS MED PA'I PHYIR, CHOS CAN, RNAM PA KUN DU DON STON PA MED PAR 'GYUR BAR THAL, SKYES BUS LEGS PAR MA BYAS PA'I PHYIR, SKYES BUS LEGS PAR BYAS PAR KHAS LEN NO ZHE NA, RIG BYED PA'I GRUB MTHA' 'DI NI CHOS CAN, DNGOS SU GLANG CHEN GYI KHRUS DANG 'DRA BAR 'GYUR BAR THAL, RIG BYED BDEN PA'I DON CAN DU BSGRUB PA'I PHYIR DU SKYES BUS MA BYAS PAR KHAS LEN, DON STON PA'I PHYIR DU SKYES BUS BYAS PAR KHAS LEN PA'I PHYIR, GNYIS PA LA GNYIS, RTAG GAM MI RTAG BRTAGS LA DGAG ,GCIG GAM THA DAD BRTAGS LA DGAG PA'O, ,DANG PO

NI, SGRA DON GYI 'BREL PA DNGOS POR GRUB NA, RTAG GAM MI RTAG ,RTAG NA, BUM PA DANG BUM PA ZHES PA'I SGRA CHOS CAN, KHYOD KYI 'BREL PA LA RTAG DNGOS YOD PA MA YIN PAR THAL, 'BREL PA CAN KHYED RNAMS MI RTAG PA'I PHYIR, DON DANG SGRA'I 'BREL PA DE SKYES BU'I BLO YIS LEGS PAR BRTAGS NAS BYAS PA YIN TE, SGRA DON GYI 'BREL PA SGRO BTAGS YIN PA DE'I PHYIR, MI RTAG NA, RIG BYED KYI TSIG DON PHYI MA DANG MA 'BREL PAR THAL, DON SNGA MA ZHIG PA'I TSE ZHIG PA'I PHYIR, DON PHYI MA DANG LHAN CIG TU 'BREL PA SKYES SO ZHE NA, RIG BYED KYI SGRA RNAMS LA NI CHOS CAN, DON PHYI MA DANG 'BREL MED KYI RANG BZHIN DAG GSAR DU RNAM PAR BZLOG ZHES MI RIGS PAR THAL, RTAG PA YIN PA'I PHYIR, SANGS RGYAS PA CHOS CAN, 'BREL PA DNGOS PO BA LA BRJOD PA'I NYES PA 'DI MED DE, 'BREL PA RTOG PAS RNAM PAR BRTAGS PAR KHAS LEN PA'I PHYIR, GAL TE RTEN SGRA DON NI 'JIG NA YANG 'BREL PA 'JIG PA MIN TE, RTAG PA YIN PA'I PHYIR, GSAL BA 'JIG KYANG RIGS MI 'JIG PA DANG 'DRA'O ZHE NA, SHES BYA CHOS CAN, GANG GIS RIGS DE GSAL PA LA BRTEN PAR 'DOD PA YIN PA MI RIGS PAR THAL, RTAG PA RNAMS LA RTEN GYIS PHAN PA'I NUS PA GANG YANG MED PA'I PHYIR, GSAL BA DE RIGS GSAL BYED YIN NO ZHE NA, BUM SOGS KYANG CHOS CAN, RIGS PA SHES PAS RANG 'DZIN SHES PA SKYE BA LA NI SGRON 'OD KYIS GSAL BAR 'DOD DE, RANG 'DZIN SHES PA SKYED PAR BYED PA'I LHAN CIG BYED RGYU RNAMS TSOGS PA NA, RANG 'DZIN SHES PA DE SKYED PAR NI RUNG BA NYID DU SGRON 'OD KYIS BYED PA'I PHYIR ,RIGS DE CHOS CAN, GSAL BA DES GSAL BAR 'DOD PA MI RIGS PAR THAL, GSAL BYED RANG GIS PHAN PA'I DON CI YANG BYAS PA MED PA'I PHYIR TE, RKYEN GYIS KHYAD PAR DU BYAR MED PA'I PHYIR TE, 'GYUR BA MED PA'I

, ,PHYIR, GNYIS PA NI, 'BREL PA DNGOS PO NYID DU GYUR MOD, SMRA DON DANG RDZAS THA DAD YIN NAM MIN, YIN NA, 'BREL PA DANG SGRA DON CHOS CAN, BLO MA 'KHRUL BA LA SNA TSOGS SU SNANG BAR 'GYUR BAR THAL, RDZAS THA DAD YIN PA'I PHYIR, MIN NA, 'BREL PA CHOS CAN, SGRA DON DE NYID DU THAL, SGRA DON DE LAS RDZAS THA DAD MIN PAR RDZAS GCIG PA'I PHYIR, CHOS CAN, DNGOS PO MIN PAR THAL, RDZAS GCIG DANG THA DAD GANG YANG MA YIN PA'I PHYIR, KHYAB STE, RDZAS GCIG DANG THA DAD 'DI LAS GZHAN PA'I DNGOS PO YOD PA MIN PA'I PHYIR, SGRA DANG DON GYI DNGOS PO'I NGO BO CHOS CAN, 'BREL PA RTOG PAS BYAS PA YIN TE, RDZAS THA DAD PA'I PHYIR, SGRA DON GYI 'BREL PA CHOS CAN, SGRA DON GZHAN LA RAG LAS PA 'AM, SGRA DON GZHAN GYI 'BREL PAR JI LTAR 'GYUR TE MI 'GYUR BAR THAL, RJES SU YOD PA'I PHYIR, GSUM PA RJOD BYED LA BRTAGS NAS DGAG PA NI, RIG BYED KYI SGRA DANG BRJOD BYA DON DAM PAR 'BREL NA, YI GE RE RE BA DANG 'BREL LAM, TSIG SOGS DANG 'BREL, DANG PO LTAR NA, YI GE RE RE BA CHOS CAN, BRJOD BYA DANG DON DAM PAR MA 'BREL BAR THAL, DON STON PA MED PA CAN DU 'GYUR BA'I PHYIR, GNYIS PA LTAR NA; TSIG SOGS CHOS CAN, BRJOD BYA DANG DNGOS PO'I NI 'BREL PA 'DI JI LTA BUR NI 'JUG PAR 'GYUR TE MI 'GYUR BAR THAL, RANG GI BRJOD BYA'I RJOD BYED YIN PA'I CHA RTOG PAS KUN DU BRTAGS PA'I DNGOS MED YIN PA'I PHYIR, GNYIS PA SGRUB BYED SKYES BUS MA BYAS PA DGAG PA LA BZHI; RIG BYED BYAS PAR BSGRUB, MI RTAG PAR BSGRUB, MA BYAS PA'I GTAN TSIGS 'KHRUL, SNGAGS BYAS PAR BSGRUB PA'O, ,DANG PO LA GNYIS, MA BYAS PA'I SGRUB BYED DGAG, MA BYAS PA NYID DGAG PA'O, ,DANG PO LA GSUM ,MI DRAN PA'I RTAGS DGAG, 'DON PAR BYED PA'I

RTAGS DGAG ,THOG MA MED PA'I RTAGS DGAG PA'O, ,DANG PO NI, RIG BYED CHOS CAN, SKYES BUS MA BYAS TE, BYED PA PO RNAMS MI DRAN PA'I PHYIR ZHES KYANG 'DOD LO, ,SHES BYA CHOS CAN, SPYOD PA PA DE'I BLO GROS LA NGAN PA'I MUN PAS KHYAB PA YIN TE, BYED PA PO MI DRAN NAM BYAS PAS KHYAD PAR 'DOD PA 'DI LA'ANG RJES SU BRJOD PA YOD PAR 'DOD PA DES NA'O, ,GNYIS PA NI, GZHAN BRGYAD PA LA'ANG CHOS CAN, 'DON PA SNGA MA SNGON DU SONG STE, 'DON PA YIN PA'I PHYIR, JI LTAR DA LTAR SKYES BU 'DI GZHAN LAS MA THOS PAR NI YI GE DANG TSIG GI BKOD PA NI, BRJOD PA'I NUS PA MED PA DE LTAR RO ZHES 'GA' ZHIG SMRA'O, ,PAn dI TA NAG MO'I 'BANGS KYIS SPAL BA YI NI SNYAN NGAG GI GZHUNG GZHAN GZHON NU 'BYUNG BA CAN DE YANG CHOS CAN, GANG GIS NA SKYES BUS MA BYAS PA DE LTAR RJES SU MI DPOG STE DPOG RIGS PAR THAL, BLA MA SNGA MA'I MAN NGAG YOD PA LAS GZHAN DU DA LTAR GZHAN DAG GI 'DON PA GANG MTHONG STE MA MTHONG BA'I PHYIR ,RGYU SKYES BU LAS SKYE BAR MA MTHONG BA CAN GYI RIG BYED GZHAN YANG CHOS CAN, SKYES BU DE LAS SKYE BAR 'GYUR BAR YANG DAG PAR SHES TE, 'JIG RTEN PA'I TSIG DANG SKYES BU'I 'BRAS BU NGAG TSIG TU MTSUNGS PAR MTHONG BA'I PHYIR, KHYAB STE, 'BRAS BU'I RIGS GANG RGYU GANG LAS GRUB PA DE KHYAD PAR MED PAR ,DE RGYU'I RIGS DE LAS 'BYUNG BA'I PHYIR ,ME DANG SHING BZHIN NO, ,CHOS CAN, SKYES BUS MA BYAS PA'I KHYAD PAR DAG NI MA BSTAN PAR, GTAN TSIGS RAB TU SBROS PA GANG YIN PA DE DAG THAMS CAD 'KHRUL PA CAN YIN TE, RTAGS SDA MA LTAR RO, ,GSUM PA NI, CHOS CAN, RNAM PA KUN DU THOG MA MED PANG GRUB PAR GYUR MOD, DE LTAR GRUB PAS SKYES BUS BYAS PA MIN PA LA BRTEN PA CAN DU 'GRUB PA MIN PAR THAL, THOG MED YIN PA DE'I PHYIR,

, ,SKYES BUS MA BYAS PA NYID YIN NA, THA SNYAD GZHAN YANG MI LA MI BRTEN PAR 'GYUR BA'I PHYIR ,KLA KLO LA SOGS PA'I THA SNYAD DANG, SKYE BA SNGA PHYI MED PAR SMRA BA'I TSIG RNAMS KYANG CHOS CAN ,SKYES BUS MA BYAS PA DE BZHIN DU 'GYUR BAR THAL, THOG MED YIN PA'I PHYIR; SKYES BU SNGA MA SNGA MAS SNGON 'DUS BYAS PA'I RGYU LAS BYUNG BA'I PHYIR ,DE 'DRA'I THA SNYAD SKYES BUS MA BYAS PA NYID DU GRUB BO ZHE NA, SKYES BUS MA BYAS PA CHOS CAN ,RIG BYED BDEN PA'I DON CAN DU SGRUB PA'I YON TAN CI ZHIG YOD DE MED PAR THAL ,LOG PA'I DON CAN LA MTHONG BA'I PHYIR ,RIG BYED CHOS CAN ,DON MTHA' GCIG TU NGES PA LA THE TSOM DAG KYANG ZA BA YIN PAR THAL ,'CHAD PA PO'I 'DU BYED KYIS DON GYI KHYAD PAR RNAMS LA SBYOR BA MTHOD BA'I PHYIR, GNYIS PA MA BYAS PA NYID DGAG PA LA GNYIS, YI GE MA BYAS PA DGAG ,NGAG MA BYAS PA DGAG PA'O, ,DANG PO NI ,RIG BYED MA BYAS NA, YI GE MA BYAS SAM ,NGAG MA BYAS ,DAD PO LTAR NA, RIG BYED KYI YI GE RNAMS CHOS CAN ,MA BYAS PAR SGRUB PAR BYED NA 'BRAS BU CIR 'GYUR TE DON MED PAR THAL, 'JIG RTEN PA'I YI GE GZHAN DAD YI GER KHYAD PAR MED PA'I PHYIR, GNYIS PA LA GNYIS, YI GE LAS RDZAS THA DAD PA'I DAG MA BYAS PA DGAG ,YI GE'I RIM PA MA BYAS PA DGAG PA'O, ,DANG PO LA GNYIS ,MA DMIGS PAS DGAG, BRTAGS LA DGAG PA'O, ,DANG PO NI, NGAG MA BYAS NA, NGAG DE YI GE LAS RDZAS THA DAD DAM, YI GE'I RIM PA DE DAG YIN, DANG PO LTAR NA, DAG NI CHOS CAN, YI GE LAS RDZAS THA DAD DU YOD PA MIN TE, DE LTAR MA DMIGS PA'I PHYIR, GNYIS PA LA GSUM, CHA YOD MED BRTAGS LA DGAG ,RTAG MI RTAG BRTAGS LA DGAG, KHYAB MA KHYAB BRTAGS LA DGAG PA'O, ,DANG PO NI, RIG BYED KYI DAG

DE YAN LAG DU MA'I BDAG NYID YIN NAM ,CHA MED GCIG YIN, DANG PO LTAR NA, YAN LAG DE RNAMS THA DAD PA RE RES DON STON PA MED PA NYID YIN NAM ,CHA RE RES DON STON ,DANG PO LTAR NA, RIG BYED KYI DAG CHOS CAN, SKYES BUS BYAS PAR THAL, CHA RE RES DON STON PA DE'I DNGOS PO CAN MIN PA LA DE'I DNGOS PO CAN DU BTAGS PA'I PHYIR, DPER NA, BRAM ZE'I KHYE'U LA SENG GE NYID SOGS BTAGS PA BZHIN ,CHA RE RES DON RDZOGS PAR STON PA DANG BCAS PA NYID YIN NO ZHE NA YANG, CHOS CAN, YAN LAG DU MA NYID BTAGS PA LOG PA YIN PAR THAL, CHA RE RES DON RJOGS PAR STON PA'I PHYIR, CHOS CAN, YAN LAG GCIG NI RTOGS PAS KYANG, NGAG GI DON DAG RTOGS PAR 'GYUR BAR THAL, RTAGS 'DRA, CHA THAMS CAD CIG CAR THOS PAS SKYON MED DO ZHE NA'ANG, CHOS CAN, DUS KYI KHYAD PAR MI RUNG BAR THAL LO, ,CHA MED GCIG NYID YIN NO ZHE NA'ANG, CHOS CAN, RIM GYIS RTOGS PA MI SRID PAR THAL, CHA THA DAD MED PA'I PHYIR, GNYIS PA NI, RIG BYED KYI NGAG DE RTAG GAM MI RTAG ,MI RTAG NA NI, DE CHOS CAN, CIS SKYES BUS BYAS PA MIN TE YIN PAR THAL, RTZOL BYUNG YIN PA'I PHYIR, RTAG PA NYID YIN NA'ANG, CHOS CAN RTAG PAR NI DMIGS PAR 'GYUR BAR THAL, THOS RUNG GI RTAG PA YIN PA'I PHYIR, KHYAB STE, RTAG PA LA SGRIB GA-YOGS MED PA'I PHYIR RO, ,GAL TE LHAN CIG BYED RKYEN 'GA' ZHIG MA TSANG BAS, RTAG TU THOS PA MIN NO ZHE NA, CIS KYANG RKYEN GZHAN LA LTOS PA YIN NA'ANG BLA STE, CHOS CAN; RTAG PAR NGES PA DAG NI 'GAL BA YIN PAR THAL, RKYEN LA LTOS PA'I PHYIR, GSUM PA NI, GAL TE RIG BYED KYI NGAG DE DAG YUL THAMS CAD DU KHYAB BYED YIN NAM MIN, MIN NA, CHOS CAN, YUL THAMS CAD DU DMIGS PAR MI 'GYUR BAR THAL, YUL THAMS CAD DU MA KHYAB

, ,PA'I CHA MED GCIG YIN PA'I PHYIR, GAL TE KHYAB BO ZHE NA, CHOS CAN, NYAN SHES THAMS CAD KYIS CIG CAR DMIGS PA DAG TU 'GYUR BAR THAL ,YUL THAMS CAD DU KHYAB PA GANG ZHIG, NYAN SHES KYIS THOS RUNG GI CHA MED GCIG YIN PA'I PHYIR, RKYEN GYIS 'DUS BYAS PA LAS DMIGS BA YIN BAS, SKYON MED DO ZHE NA YANG, CHOS CAN, RKYEN GANG GIS KYANG 'DU BYED PAR 'GYUR TE MI 'GYUR BAR THAL, 'GYUR MED YIN PA'I PHYIR, DBANG PO LEGS BAR BYAS BAS THOS PAR 'GYUR RO ZHE NA ,CHOS CAN, DBANG PO LEGS PAR BYAS PA DES KYANG MA LUS PA THOS BAR 'GYUR BAR THAL, DES THOS RUNG GI CHA MED GCIG YIN PA'I PHYIR, GAL TE DBANG PO LEGS PAR BYAS PA'I KHYAD PAR LAS, RJOD BYED KYI DON SGRA GCIG KHO NA THOS PAR NGES PA YIN TE, DBANG PO THA DAD PA RE RER NGES PA'I PHYIR ZHE NA, NYAN SHES CHOS CAN, SGRA'I TSOGS PA DU MA'I CA CO'ANG JI LTAR THOS PAR 'GYUR TE MI 'GYUR BAR THAL, RJOD BYED KYI SGRA RE RE KHO NA THOS PAR NGES PA'I PHYIR, GAL TE SGRA'I TSOGS BA DE LAS SGRA TZAM YAN GAR BA THOS PAR 'GYUR GYI RJOD BYED THOS PA MIN NO ZHE NA, SGRA TZAM LAS RDZAS THA DAD PA'I RJOD BYED YOD DO ZHES BYA BA 'DIL SHIN TU CHES DANG BAR BYA BA MI RIGS PAR THAL, SGRA TZAM LAS RDZAS THA DAD PA'I RJOD BYED SNANG RUNG MA DMIGS PA'I PHYIR ,SGRA GZHAN DAG NI MI 'DON PAR GNAS NAS, SKYES BU GCIG GIS SNYAN GANG 'DON PA'I TSE NA, CHOS CAN, RJOD BYED JI LTAR THOS BA YIN TE MA YIN PAR THAL, SGRA TZAM YAN GAR BA THOS PA'I PHYIR, YANG NA CHOS CAN, SGRA TZAM RDZAS THA DAD PA JI LTAR RTOGS BAR 'GYUR TE MI 'GYUR BAR THAL, RDZOD BYED RE RE THOS BA'I NUS PA NGES PA'I PHYIR, SGRA TZAM LAS RDZAS THA DAD PA'I RJOD BYED YOD DE, RJOD BYED KYIS DON STON LA, SGRA TZAM GYIS DON MI STON PA'I

PHYIR TE, CHA BCAS YIN PA'I PHYIR ZHE NA, RJOD BYED CHOS CAN, CHA BCAS YIN PA'I NYES PA GANG DANG GANG GIS KYANG, SGRA TZAM RJOD BYED DU MI 'DOD PA'I NYES PA DE JI LTAR KHYOR LA MED DE YOD PAR THAL, KHYOD CHA BCAS YIN PA'I PHYIR TE, SGRA TZAM DAG GIS GSAL BA YIN PA'I PHYIR, GNYIS PA YI GE'I RIM PA MA BYAS PA DGAG PA LA GSUM, YI GE BKOD PA'I RIM PA MA BYAS PA'I NGAG YIN PA DGAG ,YI GE GSAL BA'I RIM PA MA BYAS PA'I NGAG YIN PA DGAG ,YI GE LAS RDZAS THA DAD PA'I GO RIMS BKAG ZIN DU BSTAN PA'O, ,DANG PO NI, GAL TE YI GE'I RIM PA DE MA BYAS PA'I NGAG YIN NO ZHE NA, 'O NA YI GE BKOD PA'I RIM PA MA BYAS P'I NGAG YIN NAM, GSAL PA'I RIM PA MA BYAS PA'I NGAG YIN, DANG BO LTAR NA, RIG BYED KYI YI GE RNAMS CHOS CAN, KHYOD KYI RIM PA DE MA BYAS PA'I NGAG MIN PAR THAL, 'JIG RTEN PA'I YI GE DANG BYAS PAR THA DAD MED PA'I PHYIR; RIG BYED KYI YI GE DE DAG CHOS CAN ,GO RIMS MTHA' GCIG TU RNAM PAR GZHAG PA'ANG MED PAR THAL, RTAG PA YIN PA'I PHYIR ,KHYAB STE, RTAG PA LA GO RIMS GZHAN NI 'GAL BA'I PHYIR RO, ,CHOS CAN, YUL DANG DUS KYI GO RIMS MED PAR THAL, KHYAB PA DANG RTAG PAR BRJOD PA'I PHYIR ,MI RTAG PA DANG KHYAB BYED MIN PA'ANG MI 'THAD PAR THAL, DE'I SKYON YANG SNGAR BRJOD PA YIN PA'I PHYIR ,GNYIS PA LA GNYIS ,RTAG PA LA GSAL BA MI SRID, SRID KYANG MI 'THAD PA'O, ,DAD BO NI, CHOS CAN, KHYOD KYI GSAL BA'I RIM PA'ANG MA BYAS PA'I NGAG MIN BAR THAL; RTAG PA YIN PA'I PHYIR, KHYAB STE, RTAG PA LA RKYEN GYIS GSAL BA BSAL BA'I PHYIR RO, ,CHOS CAN, LCE RKAN GYIS BSKYED BA'I 'BRAS BU NYID YIN TE, BYED PA LCE RKAN RNAMS KYI BYA BA NYID LAS GSAR DU GRUB PA'I PHYIR, 'DOD NA, CHOS CAN, LCE RKAN 'DI GSAL BYED

, ,TZAM LAS GZHAN DU NA'ANG, GSAR DU BYAD BA BO LAS KHYAD PAR CI YANG MED PAR THAL LO, ,KHYAB STE, GSAL BYED RANG NYID SHES PAS DMIGS PA'I SGO NAS ,GSAL BYA'I RIGS RGYUN GRUB ZIN PA'I DON GZHAN LA DMIGS PA'I BLO'I RGYU NI GSAL BYED DU 'DOD PA'I PHYIR, DPER NA, SGRON ME BZHIN NO, ,CHOS CAN, LCE RKAN GYIS GSAR DU BSKYED BA'I 'BRAS BU NYID YIN TE, BYED PA LCE RKAN RNAMS KYI TSOGS PA'I BYA BA LAS NI NGES PAR YANG GSAR DU DMIGS PA'I PHYIR, KHYAB STE, GSAL BYED TZAM LA GSAR DU BSKYED PA DE MI SRID PA'I PHYIR ,GNYIS PA NI, GAL TE KHYED KYI LUGS LA RIG BYED KYI SGRA DE'I NGO BO THOS PA'I SGRIB BYED DANG BRAL BA TZAM GSAL BA'I DON YIN NA ,RIG BYED KYI SGRA THOS PA'I SGRIB BYED DANG BRAL BA TZAM CHOS CAN ,CI'I PHYIR KHYOD LA BYED PA'I TSOGS KYI NUS BA DE RUNG BAR 'GYUR TE MI 'GYUR BAR THAL, DNGOS POR MED PA'I PHYIR, GZHAN RDZA MKHAN DAG KYANG CHOS CAN, RDZA BUM GSAL BYED TZAM THOB BAR 'GYUR BAR THAL, LCE RKAN RIG BYED KYI SGRA'I GSAL BYED TZAM YIN PA GANG ZHIG ,DES RIG BYED KYI SGRA SKYED TSUL DANG ,KHYOD KYIS RDZA BUM SKYED TSUL KHYAD PAR MED PA'I PHYIR ,DE BZHIN DU NI KHAS LEN NO ZHE NA, RGYU RNAMS KUN NI DON MED PA NYID YIN PAR THAL ,RDZA MKHAN DE RDZA BUM GYI GSAL BYED TZAM YIN PA'I PHYIR ,RIG BYED KYI SGRA RTAG PA'I SGRUB BYED CI ZHES DRIS PAS, 'DI'O ZHES NGO SHES PA DANG, SNGAR YOD PA LA BRDA SBYOR BA SOGS GANG YIN PA SGRUB BYED DU 'DOD NA NI, RIG BYED KYI SGRA RTAG PAR SGRUB BA'I MTHUN DPE MED BA CAN YIN BAR THAL, DNGOS PO RNAMS NI SKAD CIG GIS 'JIG PA'I PHYIR, SGRA RTAG PAR SGRUB PA'I RTAGS NGAN GZHAN YANG SUN DBYUNG BAR BYA STE, RTAGS 'DRA, GAL TE RIG BYED KYI SGRA NYAN SHES LA GSAL BA'I RIM PA DE MA BYAS PA'I NGAG YIN NO ZHE NA, NYAN

SHES CHOS CAN, RTAG DNGOS YIN BAR THAL ,RIG SGRA RTAG DNGOS GSAL BA'I PHYIR ,'DOD NA ,CHOS CAN ,SKYES BU LA MA BRTEN PAR THAL LO, ,'DOD NA, BLO GZHAN YANG SKYES BU LA MI RTEN PAR KHAS LEN DGOS PAS, SBYONG PA PA CHOS CAN, BLO 'DOD CHAGS NI SKYES BU'I RTEN CAN MIN PAR DAM 'CHA' MI RIGS PAR THAL, DE LTAR DAM BCAS PA LA 'DOD CHAGS SKYES BU'I YON TAN DU KHAS BLANGS PAS GNOD PA'I PHYIR, CHOS CAN, BLO BDE SDUG NI SKYES BU'I RTEN CAN MIN PAR DAM 'CHA' MI RIGS BAR THAL, DE LTAR DAM BCAS PA LA MNGON SUM GYIS GNOD PA'I PHYIR ,CHOS CAN, BLO NYAN SHES NI SKYES BU'I RTEN CAN MIN PAR DAM 'CHA' MI RIGS BAR THAL ,DE LTAR DAM BCAS PA LA GRAGS PA DANG, RJES SU DPAG BAS CIG CAR GNOD PA'I PHYIR ,GSUM PA NI, YI GE RNAMS LAS RDZAS THA DAD PA'I RIM PA'ANG MA BYAS PA'I NGAG MIN TE, DE GSAL BAR DBYAD NAS BKAG ZIN BA'I PHYIR, YI GE'I GO RIMS DE NI CHOS CAN, JI LTAR SKYES BU'I RTEN CAN MIN TE YIN BAR THAL ,RTOG PAS SGRO BTAGS PA'I GO RIMS YIN PA'I PHYIR ,GNYIS PA MI RTAG PAR BSGRUB PA LA GSUM, RTAGS DGOD, RTZOD BA SPANG ,DES GZHAN YANG KHEGS PAR BSTAN PA'O, ,DANG PO NI, SGRA MI RTAG PA JI LTAR YIN ZHE NA, SGRA NI CHOS CAN, MI RTAG PA NYID YIN TE, DNGOS PO YIN PA'I PHYIR ,KHYAB STE, 'JIG PA DE DNGOS PO YOD TZAM NAS 'BREL BA CAN NYID YIN PA'I PHYIR ,GNYIS BA LA GNYIS ,LTOS MED KYI RTAGS LA RTZOD PA SBANG ,RTZA BA'I RTAGS LA RTZONG PA SPANG PA'O, ,DANG PO LA GNYIS, 'JIG RGYU GZHAN GYIS 'JIG PA SPANG, 'JIG RGYU MED NA 'GAL BA SPANG BA'O, ,DANG BO NI, RTAGS MA GRUB STE, ME LAS SHING GI 'JIG PA DON GZHAN DU GYUR PA DAG SKYE'O ZHE NA, SHID NI BSREGS BA'I 'OG TU MTHONG BA NYID DU 'GYUR BAR THAL, SHING SNGAR MTHONG BA GANG ZHIG, SHING

, ,'JIG PA'I RDZAS SU MED PA'I PHYIR ,'JIG PA DON GZHAN DE NYID SHING DE'I 'JIG PA YIN NO ZHE NA, 'JIG PA DON GZHAN NI CHOS CAN, JI LTAR SHING GI 'JIG PAR 'GYUR TE MI 'GYUR PAR THAL, SHING LAS RDZAS GZHAN YIN PA'I PHYIR, DE SHING GI 'JIG PA YIN YANG SLA STE, CI'I PHYIR SHING BSREGS PA'I 'OG TU SHING MI SNANG ZHES DRIS PAS, 'JIG PA DON GZHAN DES BZUNG PA'I PHYIR SNANG BAM YIN NO ZHE NA, SHING CHOS CAN, 'JIG PA DON GZHAN DES BZUNG NAS ZIL GYIS MNAN PA MIN PAR THAL, GANG GI PHYIR DE YIS MI SGRIB PA'I PHYIR, 'JIG PA DON GZHAN BA CHOS CAN, 'JIG PA CAN DU 'GYUR BAR THAL, SKYES PA'I PHYIR, 'DOD NA, RANG GRUB DUS KYI SKAD CIG GNYIS PAR ZHIG PAR THAL LO, ,'DOD PA DE LTA NA'ANG, DE'I SKAD CIG GNYIS PAR SHING MTHONG PAR 'GYUR PAR THAL ,DE'I TSE SHING MI MTHONG BA'I RGYU ZHIG PA'I PHYIR, GAL TE NAG PA GSOD BYED BSANG PA NA, NAG PA SLAR 'BYUNG BA MIN PA JI BZHIN DU, SHING 'DI LA'ANG ZHIG PA ZHIG PAS, SHING MI 'BYUNG BA DE BZHIN DU YIN NO ZHE NA, SHES BYA CHOS CAN ,NAG PA GSONG BYED BSAD PAS NAG PA SLAR MI 'BYUNG PA DANG, SHING GI ZHIG BA ZHIG NAS SHING SLAR MI 'BYUNG BA MI MTSUNGS PAR THAL, NAG PA GSOD BYED NAG PA BSAD PA'I CHA NYID MIN ZHING, SHING GI ZHIG PA DE SHING 'GAGS PA'I CHA YIN BA'I PHYIR, SHING NYID CHOS CAN ,'JIG PA NYID DU 'GYUR BAR THAL, RANG GI 'JIG BA LAS GZHAN NYING MIN PA'I DNGOS PO YIN PA'I PHYIR, ME CHOS CAN, SHING ZHIG PA'I RGYU MIN PA NYID YIN PAR THAL ZHIG PA DE DNGOS POR MED PA'I PHYIR, CHOS CAN, SHING GI 'JIG PA MA BSKYED PAR THAL, SHING GI 'JIG PA SHING DANG RDZAS GCIG DANG THA DAD GANG YANG MA BSKYED PA'I PHYIR ,KHYAB STE, RDZAS GCIG DANG THA DAD PA 'DI LAS GZHAN PA'I DNGOS PO'I RNAM PA'ANG MED PA'I PHYIR, GNYIS PA LA

GSUM, DNGOS PO DANG ZHIG PA LHAN CIG TU YOD PA SPANG, RANG LA MTSUNGS PA SPANG, TSUL DES RIGS CAN GZHAN YANG KHEGS PA'O, ,DANG PO NI, 'JIG PA RGYU MED CAN YIN NA'ANG, SHING GI DNGOS PO DANG 'JIG PA DAG LHAN CIG YOD PAR 'GYUR TE, 'JIG PA DE RTAG DNGOS YIN PA'I PHYIR ZHE NA, SHING GI ZHIG PA CHOS CAN, RTAG DNGOS NYID GANG LAS YIN TE MA YIN PAR THAL, DNGOS POR MED PA'I PHYIR, 'O NA SHING MI 'JIG PAR THAL, 'JIG RGYU DON GZHAN MED PA'I PHYIR ZHE NA, SHES BYA CHOS CAN, 'JIG RGYU DON GZHAN MED PAR KHAS BLANGS PA LA, SHING GI DNGOS PO 'JIG PA MED PA NYID KYIS KHYAB PAR THAL BAR 'GYUR BA MI RUNG STE, GANG GI PHYIR SHING GI DNGOS PO 'JIG RGYU DON GZHAN BA YIS 'JIG PA DAG NI MI 'DOD PAR, RANG RGYU LAS 'JIG PAR SKYE BA'I PHYIR, SHING RANG RGYU LAS 'JIG PAR SKYE NA, 'JIG PA RGYU MED DU BSHAD PA DANG 'GAL LA, SHING GI 'JIG PA ZHES PA'I DRUG SGRA MI RUNG BAR 'GYUR RO ZHE NA, SHING 'JIG PA'I GNAS SKABS DE RGYU MED PA CAN DU BSHAD PA CHOS CAN, DON YOD DE, SHING GI DNGOS PO 'JIG PA DE, RGYU GZHAN LA LTOS PA MED PA DE SHES PA'I DON DU STE CHED YIN PA'I PHYIR, SHING DANG 'JIG PA RDZAS GZHAN MA YIN YANG, DRUG SGRA SBYAR RUNG STE, RTOG PA'I SEMS KYIS NI SHING DE'I 'JIG PA SHING LAS THA DAD DU SGRO BTAGS NAS DRUG SGRA SBYOR BA'I PHYIR, GNYIS PA NI, SHING ZHIG NAS MED PA DE SHING RANG NYID KYI RGYU LAS GRUB ZIN DU YOD PAR THAL, SHING RANG RGYU LAS 'JIG PAR SKYES PA'I PHYIR, 'DOD NA'ANG, RDZAS GCIG DANG THA DAD BRTAGS PA'I RNAM RTOG 'DI NI KHYED RANG LA'ANG MTSUNGS SO ZHE NA, SHING GI ZHIG PA CHOS CAN, RDZAS GCIG DANG THA DAD BRTAGS PA DE'I SKYON DU CUNG ZAD KYANG 'GYUR BA MED DE, DNGOS POR MED PAR GYUR PA TZAM ZHIG YIN PA'I

, ,PHYI MA CHOS CAN, DNGOS POR YOD PAR 'DOD PA LA RDZAS GCIG DANG THA DAD PA'I RNAM RTOG 'DIR 'GYUR TE ,RGYUS BSGRUB PA YIN NA, DNGOS PO DANG RDZAS GCIG DANG THA DAD GANG RUNG DU 'BREL PA'I PHYIR RO, ,SHING ZHIG NAS MED PAR GYUR PA YIN ZHES GSUNGS PA NI CHOS CAN, ZHIG PA RGYU LAS SKYES PAR BSHAD PA MA YIN TE, SHING ZHIG NAS DNGOS PO MIN ZHES BYA BA'ANG BRJOD PA YIN PA'I PHYIR, ME'I DNGOS PO GANG YIN PA DE CHOS CAN, CI STE SHING GI 'JIG PA 'GA' ZHIG GI LTOS PAR 'GYUR TE MI 'GYUR BAR THAL, GAL TE PHAN PA'I BYA BA CUNG ZAD CIG YOD NA, DON GZHAN LA LTOS PAR 'GYUR GYI, KHYOD KYIS SHING GI 'JIG PA LA PHAN BA CUNG ZAD MI BYED PA'I PHYIR, GSUM PA NI, ZHIG PA DNGOS MED DU BSTAN PA DES NI SKYON HA CANG THAL BA BSAL BA YIN NO, ,GANG NA, SHING CHOS CAN, MA SKYES PA LAS 'JIG PAR 'GYUR BAR THAL, 'JIG PA RGYU MED CAN YIN PA'I PHYIR, 'DOD NA, MA SKYES PA'I SNGAR NAS YOD PA NYID DANG 'JIG PA YIN PAR THAL LO, ,ZHES PA'O, ,JI LTAR NA, ZHIG PA CHOS CAN, RGYU LAS BYUNG BA MA YIN TE, DNGOS POR MED PA'I PHYIR ,GNYIS PA RTZA BA'I RTAGS LA RTZOD PA SPANG BA NI, JI LTAR SKYE LDAN 'GA' ZHIG NYID THOGS BCAS NYID DANG, KHA CIG THOGS MED DU 'DOD PA DE BZHIN DU, SKYE LDAN GYI DNGOS POR YOD PA RNAMS 'JIG PA'I RANG BZHIN YIN GYI ,SKYE LNGAN MIN PA'I DNGOS PO 'JIG PA MIN PAS, DNGOS BO YIN NA 'JIG PAS MA KHYAB BO ZHE NA, 'BRAS BU CHOS CAN, MI RTAG PA LAS NGO BO THA DAD DU MED DE, MI RTAG PA LAS NGO BO THA DAD DU SKYED PA'I RGYU RNAMS MED PA NYID YIN PA'I PHYIR, KHYAB STE, RGYU'I RANG BZHIN NGES PA LAS, 'BRAS BU'I RANG BZHIN NGES PA'I PHYIR, GSUM PA DES GZHAN YANG KHEGS PAR BSTAN PA NI, SHES BYA CHOS CAN, SGRA DON DE RNAMS KYI 'BREL

PA YANG, RTAG PA'I DNGOS PO NYID YIN PA'ANG BSAL BA YIN TE, DNGOS PO YIN NA MI RTAG PAS KHYAB PA DE'I PHYIR, SGRA LAS DON GO BA'I NUS PA'ANG CHOS CAN, RTAG DNGOS MA YIN PAR THAL, DE YIN PA SNGAR BSHAD PA'I 'BREL PA RTAG DNGOS LA BRJOD PA'I SKYON GYIS BSAL BA YIN PA'I PHYIR ,GSUM PA MA BYAS PA'I GTAN TSIGS 'KHRUL PA LA GNYIS ,DNGOS DANG, SKYON SPONG DGAG PA'O, ,DANG PO NI, SHES BYA CHOS CAN, SKYES BUS MA BYAS PA ZHES BYA BA NYID, RIG BYED JI BZHIN DON SHES PA'I SGRUB BYED MIN PAR THAL, SKYES BU'I NYES PAS BYAS PA'I SKYON MED PA'I ME SOGS RNAM PA GZHAN DU PHYIN CI LOG GI RGYUR MTHONG BA'I PHYIR, CHOS CAN, RIG BYED DE NI MA BYAS PAR 'DOD NA, NGON SHES PA NYID KYI RGYUR MI 'GYUR BAR THAL, RTAG PA DAG LAS DNGOS PO'I NUS PA 'GA' YANG SKYE BA YOD PA MA YIN PA'I PHYIR RTAGS MA GRUB STE, 'DUS MA BYAS KYI NAM MKHA' 'DZIN BA'I RTOG PA GRUB PA'I PHYIR ZHE NA, 'DUS MA BYAS KYI NAM MKHA' LA RTOG PA'I BLO DAG 'GA' ZHIG CHOS CAN, DAG CHAGS DE LAS SKYE BAR 'GYUR GYI, GZUNG DON GYI SPYOD YUL CAN MA YIN PAR THAL, RNAM RTOG GI BAG CHAGS LAS BYUNG BA'I SGRO BDAGS PA'I SBYOD YUL CAN YIN PA'I PHYIR, GNYIS PA NI, GAL TE MA BYAS PA'I TSIG NI BDEN PA'I DON CAN YIN TE, MA BYAS PA LAS BZLOG PAS BDEN PA'I DON CAN DANG 'GAL BA LA KHYAB PA'I PHYIR TE, BYAS PA'I NGAG LOG PA NYID DU MTHOD BA NYID YIN PA'I PHYIR ZHEN, SKYES BUS MA BYAS PA DE NI CHOS CAN, RIG BYED BDEN PA'I DON CAN DU SGRUB PA'I MI MTHUN PHYOGS LA YOD PAR DOGS PAR 'GYUR TE, DE SGRUB KYI MI MTHUN PHYOGS LA MED PAR BSGRUB PA'I PHYIR DU GTAN TSIGS MA BSTAN PA YIN PA'I PHYIR, SKYES BUS MA BYAS PA CHOS CAN, LOG PA'I DON CAN LA MED PAR THAL, BDEN PA'I DON CAN LA MTHONG BA'I PHYIR ZHE NA, DE LA KHYAB

, ,PA MED PAR THAL, RTZOL BA LAS BYUNG MA BYUNG GI DNGOS PO 'GAL BA DAG LA YANG, DNGOS PO GCIG GIS KHYAB PAR BYED PA MTHONG PA'I PHYIR, SKYES BUS MA BYAS PA CHOS CAN, LOG PA'I DON CAN LA MED DE, DE LA MA MTHONG BA'I PHYIR ZHE NA, KHYAB PA MED DE, MA DMIGS PAS KUN LA MED PAR MI 'GRUB CES NI BSHAD ZIN PA'I PHYIR, SKYES BUS MA BYAS PA CHOS CAN, DE SGRUB KYI LDOG PA NYID LA THE TSOM ZA BAR THAL, MI MTHUN PHYOGS LA MED PA NYID NI MA GRUB PA'I PHYIR, 'DOD NA, DE SGRUB KYI RTAGS YANG DAG MA YIN PAR THAL LO ,KHYAB STE, SGRUB BYED RTAGS YANG DAG YIN NA, GAL TE RJES 'GRO DANG LDOG PA DANG BSGRUB BYA'I CHOS CAN LA YOD PA NYID DE NGES PA'I 'BRAS BU CAN GYI SHES PA YIS GRUB PAR GYUR PA ZHIG DGOS PA'I PHYIR, SHES BYA CHOS CAN, LDOG KHYAB GRUB PA'I GTAN TSIGS THAMS CAD MTHUN PHYOGS LA RJES 'GRO CAN DU THAL, GANG LA BSGRUB BYA'I MI MTHUN PHYOGS LAS BZLOG PA NYID DU BRJOD PA DE NYID NI, GTAN TSIGS 'DI'I CHOS MTHUN PHYOGS SU 'GYUR BA DES NA'O, ,BZHI PA SNGAGS BYAS PAR BSGRUB PA LA GSUM, DNGOS, BYED PO PO KHYAD PAR CAN DU BSGRUB PA, KHYAD PAR CAN MIN NA RANG TSIG 'GAL BA'O, ,DANG PO LA BZHI, BRDA LAS 'BRAS BU 'GRUB PAR BSTAN, SGRA'I NUS PAS 'GRUB PA DGAG, SBYOR BA'I SHAN GYIS 'GRUB PA DGAG, GO RIMS MED PA'I 'GAL BA SPANGS PA'O, DANG PO NI, SNGAGS RNAMS CHOS CAN, SKYES BU 'GA' YIS BRDA BYAS PA NYID YIN TE, ZHI SOGS 'BRAS BU SGRUB BYED YIN PA'I PHYIR, GNYIS PA NI, CI STE YI GE'I DNGOS PO'I NUS PA KHO NAS ZHI SOGS STER BA YIN NO ZHE NA, CHOS CAN, CHO GA PHYIN CI LOG TU BYAS PA GZHAN LA'ANG ZHI SOGS STAR BAR 'GYUR BAR THAL, CHO GA PHYIN CI LOG MA LOG GI YI GE LA KHYAD PAR MED PA'I PHYIR, YI GE LAS DON GZHAN NYID DU GYUR PA'I BKOD PA 'ANG,

SNGAGS MA YIN PAR THAL, DE SNGAR NI BSAL PA YIN PA'I PHYIR, CHOS CAN, ZHI SOGS DE'I DON RTAG TU 'GRUB PAR 'GYUR BAR THAL, ZHI SOGS STER BYED DU RTAG PA'I PHYIR, ZHI SOGS STER BRKYEN LA LTOS PA YIN NO ZHE NA, CHOS CAN, RKYEN GYIS PHAN PA'I NUS PA MED PAR 'GYUR BAR THAL, RTAG PA YIN PA'I PHYIR, DE NI CHOS CAN, SKYES BU KUN GYI ZHI SOGS SGRUB BYED DU 'GYUR BAR THAL, GAL TE YI GE'I DNGOS PO'I NUS PA KHO NAS ZHI SOGS STER BA DE 'DRA BA YIN PA'I PHYIR, CHO GA TSUL BZHIN BYED PA'I BRAM ZE LA ZHI SOGS STER BA YIN NO ZHE NA, CHOS CAN, BYED PA PO'I KHYAD PAR LA YANG LTOS PAR MI, RUNG BAR THAL, SKYES BUS LEGS PAR BYAS PA MIN PA'I PHYIR, 'DOD NA, BYED PA PO'I KHYAD PAR LAS ZHI SOGS STER BA'I NUS PA NGES PA MA YIN PAR THAL LO, KHYAB STE, DNGOS PO RKYEN GYIS 'DUS BYAS PA'I YANG, DNGOS PO'I THA DAD PA RGYU RKYEN THA DAD KYI BYED PA'I PHYIR, BRAM GDOL GYI RIGS KYI KHYAD PAR GANG LAS GRUB CES NA, BRAM GDOL CHOS CAN, DON DAM PAR RIGS BZANG NGAN MED TE, 'JIG RTEN PA'I BRDA TZAM LAS RIGS BZANG NGAN DU 'GYUR BA'I PHYIR, RIGS BYED KYI SNGAGS CHOS CAN, BRAM ZE LA ZHI SOGS STER LA, GDOL PA LA MI STER BA YIN TU, SKYES BU SHES MTHU CAN GYIS BRDA BYAS PA LAS DE LTAR 'GYUR BA'I PHYIR, GSUM PA NI, CHOS CAN, BRAM ZE CI ZHIG BYED NAS, BYED PA POR 'GYUR TE MI 'GYUR BAR THAL, KHYAD PAR BYAR MED PA CAN YIN PA'I PHYIR, GAL TE SNGAGS MNGON PAR GSAL BA DE, SNGAGS KYI 'BRAS BU LA SBYOR BA YIN NO, CHOS CAN, RKYEN GYIS GSAL BA MA YIN PAR THAL, RTAG PA YIN PA'I PHYIR, KHYAB STE, RTAG PA RKYEN GYIS GSAL BA DE NI GONG DU BSAL ZIN PA'I PHYIR, GAL TE BRAM ZA DE NI CHOS CAN, SNGAGS KYI 'BRAS BUR SBYOR TE, GANG LAS SNGAGS DE GSAL BA'I BLO YOD PA YIN PA'I PHYIR ZHE NA, SNGAGS NYAN PA PO GDOL PA'ANG CHOS CAN, SNGAGS 'BRAS DANG 'BREL BAR 'GYUR BAR

, ,PA LA, SMRA BA PO'I RGYU LAS SNGAGS GSAL BA YIN PAS SO, ,SNGAGS SGRA MNGON PAR GSAL BA MIN PAR ,SGRA DAG GI BYED PA RNAMS KYI SBYOR BA SNGAGS SHUB BUS BZLAS PA'AM, SNGAGS YID KYI BZLAS PA CHOS CAN, SNGAGS SU DON MED PAR 'GYUR BAR THAL, SNGAGS SGRA GSAL BA MA YIN PA'I PHYIR TE, NYAN SHES KYI SPYOD YUL MA YIN PA'I PHYIR, KHYAB TE, SGRA NI RNA BA'I SHES PA'I SPYOD YUL YIN PA'I PHYIR, SNGAGS YID KYI BZLA DUS KYI RTOG BLO DE'ANG CHOS CAN, SNGAGS SGRA GSAL BA YIN TE, BRGYUD PAS SNGAGS SGRA DE LAS SKYES PA NYID YIN PA'I PHYIR ZHE NA, CHOS CAN, GAL TE, GZUNG DON CAN YIN PAR MI BSGRUB PAR THAL, RIGS MTHUN GYI RTOG PA SNGA MA'I RJES SU 'GRO BA'I PHYIR RO, KHYED RANG LA'ANG NYES PA MTSUNGS SO ZHE NA, SNGAGS YID KYI BZLAS PA CHOS CAN, ZHI SOGS STER BA MI 'GAL BAR THAL, SNGAGS RANG MTSAN PA DANG SPYI'I RANG BZHIN RNAMS ZHI SOGS STER BA'I NGO BO GCIG TU BRJOD 'DOD KYIS KUN NAS BSLANGS NAS, BRDA BYED PA RNAMS KYIS BRDA SBYAR BA LTAR BRJOD PA'I PHYIR, SNGAGS CHOS CAN, DNGOS PO'I NUS PA KHO NA LAS ZHI SOGS STER BA MA YIN PAR THAL, ZHI SOGS STER BA BRDA LA LTOS PA'I PHYIR ,BZHI PA LA GNYIS, RTZOD LAN NO, DANG PO NI, GAL TE RO DANG MTSO ZHES THOS PA LAS 'BRAS BU THA DAD DU GO BA MED PAR 'GYUR TE, YI GE LA GO RIMS DANG KHYAD PAR MED PA'I PHYIR ZHE NA, GNYIS PA LA GNYIS, GO RIMS BSTAN, KHYAD PAR BSTAN PA'O, DANG PO NI, SHES BYA CHOS CAN, YI GE'I GO RIMS DE NI SKYES BU'I RTEN CAN DU YOD DE, YI GE SDA MA KUN SLONG GI SHES PA LAS PHYI MA KUN SLONG GI SHES PA SKYES LAS, SHES PA RIM CAN LAS SGRA RIM CAN SKYE BA'I PHYIR, CHOS 'DRA, YI GE SNGA MA DE'I KHYAD PAR CAN GYI YI GE PHYI MA DE NI, RNA BAS RIM CAN DU NGES PAR 'GYUR BA YIN PA'I PHYIR, CHOS 'DRA, YI GE SNGA MA THOS PA'I SHES PA DES BSKYED PA'I SHES PA CAN GYI YI GE PHYI MA DE THOS PA MYUR PO MIN PAR DAL BUS THOS

PA CAN GYI, YI GE SNGA MA DE DRAN PA LA LTOS NAS NI PHYIS NI PHYI MA'I BDAG NYID LA DRAN PA SKYED PAR BYED PA'I PHYIR, SKYES BUS BYAS PA NYID YIN TE, RANG RGYU KUN SLONG RIM CAN GYI 'BRAS BU DANG, RANG 'DZIN PA'I SEMS RIM CAN GYI RGYU YIN PA NYID KYIS, GO RIMS DAG NI YOD PA YIN ZHES BRJOD PA'I PHYIR, GNYIS PA NI, SA RA ZHES PA'I TSIG DANG RAS ZHES PA'I TSIG LA YOD PA'I YI GE'I NGO BO SA GNYIS DANG RA GNYIS PO DA CHOS CAN, RDZAS GZHAN NYID YIN TE, BYED PA PO'I 'DU BYED LAS THA DAD DU SKYES PA'I PHYIR DANG LHAN CIG BRJOD PAS 'BRAS BU RO MTSO GO BA'I KHYAD PAR THA DAD DU BYED PA'I PHYIR, YI GE RNAMS KYI GO RIMS DE'ANG CHOS CAN, RTAG DNGOS MA YIN TE, 'DOD PAS SPEL BAR BYED PA LA 'JUG PA YIN PA'I PHYIR, KHYAB STE, 'DOD PA DANG MI 'GAL BAR GRUB PA CAN GYI GO RIMS RTAG PAR GNAS PA 'GAL BA'I PHYIR RO, YI GE'I RIM PA KUN SKYES BU LAS SKYES PA YIN TE, SKYES BU DANG NI YI GE RNAMS RGYU 'BRAS NYID DU GRUB PA'I PHYIR, ME DANG SHING GI RIGS PA BZHIN NO, ,GNYIS PA BYED PA PO KHYAD PAR CAN BSGRUB PA NI, SHES MTHU DAG GI SNGAGS ZHES PA'I GO RIMS GSAR DU BYED PA'I NGANG TSUL CAN GYI SKYES BU DE GZHAN DANG THUN MONG MIN PA NYID DU GRUB STE, THA MAL PA GZHAN LA SHES MTHU DE DAG MED PA'I PHYIR RO, MA GRUB STE, LAM PO CHE'I SKYES BU 'GA' ZHIG GIS KYANG DUG ZHI BA SOGS BYED PA'I PHYIR RO ZHE NA, GANG YANG NAM MKHA' LDING GI RGYUD RIG PA'I SKYES BU 'GA' ZHIG GIS, GSANG SNGAGS 'GA' ZHIG BYED PAR 'GYUR BA DE DAG GI DUG ZHI BA'I NUS PA DE CHOS CAN, GTZO BO NAM MKHA' LDING GI RGYUD RTZOM PA PO'I MTHU YIN TE, DES BSHAD PA'I RIGS PA'I RJES SU 'JUG PA LAS BYUNG BA'I PHYIR RO, SNGAGS RNAMS NI CHOS CAN, BYAS PA DANG SKYES BUS BYAS PAR BRJOD BYA YIN TE, ZHI SOGS KYI 'BRAS BU 'BYUNG BAR 'DOD PAS SO, SNGAGS BYED PA PO KHYAD PAR CAN DU SGRUB PA 'DIS NI CHOS CAN, DON YOD DE, SKYES BU LA DBANG PO LAS 'DAS PA'I DON MTHONG BA'I NUS

, ,PA MED PA'I SGRUB BYED NI BSAL BA YIN PA'I PHYIR, BLO DANG DBANG PO DANG NGAG SMRA BA DANG SKYES BU NYID LA SOGS PA'I SGRUB BYED GANG BRJOD PA CHOS CAN, JI BZHIN DON RTOGS PA'I RTAGS YANG DAG TU YOD PA MIN TE, TSAD MA STE RTAGS LTAR SNANG YIN PA'I PHYIR TE, LHAG LDAN GYI GTAN TSIGS YIN PA'I PHYIR, GSUM PA KHYAD PAR CAN MIN NA RANG TSIG 'GAL BA LA GNYIS, DNGOS DANG, DON NGES DGAG PA'O, ,DANG PO NI, SKYES BU KHYAD PAR CAN MED PA DANG, RGYAL DPOG PAS RIG BYED KYI DON NGES RIG PA 'GAL BAR STON PA NI, SKYES BU SPYOD PA PA DE YANG CHOS CAN, KHYOD KYIS DON NGES 'DI BTAGS PA YIN TE, KHYOD DON NGES 'DOD PA GANG ZHIG ,RIG BYED KYI SGRA NI KHO BO'I 'DI DON DANG 'DI DON MIN ZHES RJOD PAR MI BYED PA'I PHYIR, 'DOD NA, KHYOD KYIS DON NGES MI 'GRUB PAR THAL, 'DOD CHAGS SOGS DANG LDAN PA'I PHYIR, CHOS CAN, RGYAL DPOG PA DE BZHIN DU SKYES BU NYID KYI RNAM PA 'GAS KYANG, KHYED CI DON NGES SHES PA DANG LDAN PA 'GA' MI 'DOD PA MI RIGS PAR THAL, RGYAL DPOG PAS DON NGES RIG PA GANG ZHIG, DE GCIG PUS DE NYID RIG LA, GZHAN GYIS RIG PA MIN PA'I KHYAD PAR YANG NI SU YIS BYAS TE MA BYAS PA'I PHYIR, GAL TE GANG GI TSIG MNGON SUM TSAD MA YIS BSTAN BYA'I DON LA MI SLU BA DES, DON DES RIG PA YIN NO ZHE NA, LHA DANG TSANGS PA LA SOGS PA RNAMS CHOS CAN, KHYOD LA RGYAL DPOG PA'I MNGON SUM TSAD MA 'JAL BYED DU YOD PA SRID PA MA YIN TE, SHIN TI LKOG TU GYUR PA YIN PA'I PHYIR, RIG BYED BEN PA'I DON CAN BSGRUB PA'I PHYIR DU, SKYES BUS BYAS PA MA YIN PA RTAGS SU BRJOD PA DON MED YIN PAR THAL, RGYAL DPOG PA DE YIS BYAS PA'I TSIG DE LUNG TSAD MA YIN NO ZHES PA THOB PA'I PHYIR TE, RGYAL DPOG PA GANG GI TSIG MNGON SUM TSAD MAR GYUR PA'I SGO NAS BSTAN BYA'I DON LA MI SLU PA'I PHYIR, SHES BYA CHOS CAN, DBANG PO LAS 'DAS PA'I DON RIG PA 'GA' YOD DO ZHES NI MNGON PAR 'DOD PAR 'GYUR BAR THAL, GAL TE SHIN TU

LKOG 'GYUR GYI DON LUNG MED PAR NI SHES SRID PA'I PHYIR, GNYIS PA LA BZHI, TSAD MAS GRUB PA DGAG, GRAGS PAS GRUB PA DGAG, RIG BYED NYID KYIS GRUB PA DGAG, RANG BZHIN GYIS GRUB PA DGAG PA'O, ,DANG PO NI, RGYAL DPOG PA BDAG NYID CHOS CAN, RIG BYED KYI DON NGES RIG PA MIN PAR THAL, 'DOD CHAGS LA SOGS PA DANG LDAN PA'I PHYIR, SKYES BU GZHAN YANG CHOS CAN, KHYOD LAS RIG BYED KYI DON NGES RIG PA MIN PAR THAL, RTAGS 'DRA, RIG BYED CHOS CAN, KHYOD KYIS RIG BYED KYI DON NGES RIG PAR BYED PA MIN PAR THAL, DE LTAR NA, RIG BYED 'CHAD PA BO DON MED DU 'GYUR BA'I PHYIR, SHES BYA CHOS CAN, RIG BYED KYI DON NGES NI TSAD MA GANG LAS RTOGS TE MI RTOGS PAR THAL, RGYAL DPOG PA DANG, SKYES BU GZHAN DANG, RIG BYED LAS KYANG RIG BYED KYI DON NGES MI RTOGS PA'I PHYIR, 'DOD NA, MTHO RIS 'DOD PAS MA LA SPYIN SREG SBYIN ZHES THOS PA LAS, KHYI SHA ZA BA ZHES BYA BA DE BRJOD BYA'I DON MIN ZHES PA 'DIL, TSAD MA GANG YOD DE MED PAR THAL, 'DOD PA DES NA'O, ,GNYIS PA NI, AA GA NI HO TVA'm DZU HU YANG TI ZHES PA'I RIG BYED KYI SGRA DON MAR ME NANG DU LDUGS PA'I GO BYED YIN TE, DE LTAR 'JIG RTEN GYI TSIG LA RAB TU GRAGS PA'I PHYIR ZHE NA, 'JIG RTEN GYI GRAGS PA DE CHOS CAN, KHYOD LAS SNA TSOGS PA'I DON CAN GYI SGRA'I DON NGES 'DI RNAM PAR DBYE BA MI RIGS PAR THAL, GANG GIS DBANG PO LAS 'DAS PA'I DON MTHONG BA GANG YOD DE MED PA'I PHYIR, RIG BYED KYI SGRA CHOS CAN, 'JIG RTEN GYI GRAGS PAS KHYOD KYI DON DES MI 'GRUB PAR THAL, KHYOD KYIS 'JIG RTEN GYI GRAGS PA DANG MTHUN PA MIN PA'I DON RJOD PA'I PHYIR TE, 'JIG RTEN NA LHA'I GNAS LA MTHO RIS DANG, DE NA GNAS PA'I BU MO LA LHA MO ZHES BRJOD LA, KHYOD KYIS MTHO RIS NI 'KHRIG PA'I BDE BA DANG, LHA MO NI GTZU BA STAN NAM SNOD CES RJOD PAR MTHONG BA'I PHYIR, CHOS CAN, MAR ME NANG DU LDUGS PA'I GO BYED YIN TE, DE LTAR RIG BYED RTZA BA'I 'GREL PA LAS BSHAD PA'I

, ,PHYIR ZHE NA, RIG BYED RTZA BA DE 'DRA BA'I SGRA LAS GZHAN RIG BYED RTZA BA'I 'GREL PA DAG CHOS CAN, KHYOD KYIS RIG BYED KYI DON DES MI 'GRUB PAR THAL, KHYOD LA NI RIG BYED RTZA BA LA BRJOD PA DE 'DRA BA'I SKYON GYI RNAM RTOG NYID DU 'GYUR BA'I PHYIR, SHES BYA CHOS CAN, SLAR YANG GRAGS PA PA'I LAS DON NGES RTOGS PAR 'DOD PA 'DI NI RIGS PA CI ZHIG YIN TE, MI RIGS PAR THAL, GRAGS PA DAG KYANG MI RNAMS KYI TSIG YIN LA, DE YANG TSAD MAR MI 'DOD PAR SDANG BA'I PHYIR, GAL TE GRAGS PA LAS BRGAL NAS RIG BYED KHYI SHA ZA BA'I RJOD BYED DU RTOG PA LA RGYU CI YOD CE NA, 'JIG RTEN NA RAB TU GRAGS PA CHOS CAN, SGRUB BYED TSAD ME DER 'DZIN PA LA RGYU CI ZHIG YOD DE MED PAR THAL, TSANG MA NYID MIN PA'I PHYIR, SHES BYA CHOS CAN, GRAGS PA NYID KYIS RIG BYED KYI SGRA'I DON GYI NGES PA LA DOGS PA SKYED PAR NI YIN PAR THAL, GANG GI PHYIR GRAGS PA DE LA SGRA RNAMS DON SNA TSOGS LA 'JUG PA CAN NYID DU MTHONG BA'I PHYIR, RIG BYED KYI SGRA RANG NYID CHOS DANG, KHYOD KYI NGES BYED MA MTHONG BA DAG GIS DON SNA TSOGS LA 'JUG NUS PA CAN DU NGES PAR DOGS PAR 'GYUR BA YIN TE, BRJOD BYA'I DON LAS GZHAN DU 'JUG PA MI SRID PA MED PA'I PHYIR RO, ,GSUM PA NI ,RIG BYED KYIS RGYAL DPOG PA LA DON DES BSHAD, DES NGED SPYOD PA LA BSHAD DO ZHE NA, GRONG KHYER PA tA LI BU tAR 'GRO BA'I LAM GANG ZHES DRIS PA NA, GA-YO CAN 'GA' ZHIG LAM NI GA-YAS MA 'DI YIN NO ZHES SDONG DU MA 'DI NI SMRA BAR 'GYUR RO ZHES ZER BA DANG, SKYES DU GA-YO MED GZHAN NI BDAG NYID KYIS LAM SMRAS BA DE LTAR NA, TSIG GNYIS PO DE DAG RANG RANG GI 'DOD PAS RJOD PAR BYE BRAG BRTAG PAR GYIS DE KHYAD PAR MED DE, SDONG DUM LA LAM STON PA'I MTHU MED PA'I PHYIR, SPYOD PA BA CHOS CAN, KHYOD DANG RIG BYED KYI DON

DES SMRA BA'I MU STEGS GZHAN GNYIS RANG RANG GI 'DOD PAS RIG BYED KYI DON NGES RJOD PAR KHYAD PAR MED DE, KHYED GNYIS KAS RIG BYED DON NGES 'DOD PA GANG ZHIG, RIG BYED RANG NYID LA NGON NGES RJOD PA'I MTHU MED PA'I PHYIR, RIG BYED KYI SGRA CHOS CAN, DON GCIG GI GSAL BYED DU DES PA GANG LAS YIN TE MA YIN PAR THAL, DON THAMS CAD LA 'JUG TU RUNG BA YIN PA'I PHYIR DANG, BRJOD 'DOD KYI DON NGES PA MA GTOGS PAR GANG GIS DBANG PO LAS 'DAS PA SHES PA MED PA'I PHYIR, DE CHOS CAN, DON GCIG KHO NA LA 'JUG PA CAN DE GANG LAS YIN TE MA YIN PAR THAL, SKYES BUS MA BYAS PA'I PHYIR, KHYAB STE, BRJOD 'DOD DE DON NGES PA'I RGYU YIN ZHING, BRDA NI DE NA NGES PA DE'I GSAL BYED YIN LA, DE NI SKYES BUS BYAS PA MIN PA LA MED PA'I PHYIR, BZHI PA NI, RANG BZHIN GYIS DON RE RE KHO NA'I RDZONG BYED DU NGES PA YIN NO ZHE NA, CHOS CAN, DON GZHAN LA 'DOD PA DES KYANG 'JUG TU MI RUNG BA DANG, BRDA SBYAR BA YANG DON MED PA CAN NYID DU 'GYUR RO, ,BRDA LAS DON RE RE KHO NA GSAL BA YIN NO ZHE NA, CHOS CAN, RANG BZHIN GYIS KHYAD PAR GYI DON RE RE GSAL BA'I NGES PA'ANG GANG LAS YIN TE MA YIN PAR THAL, BRDA LAS DON GO BA'I PHYIR, CHOS CAN, SPYOD PA PA'I 'DOD PA KHO NA GSAL BAR MI 'GYUR BAR THAL, 'DOD PAS BRDA NI SBYAR DU RUNG BA'I PHYIR, KHYAB STE, GANG LA 'DOD PA RANG RGYUD PAS 'JUG PA DE LA, DON MTHA' GCIG TU N GES PA ZHES BYA BA GANG YANG MED PA DES NA'O, ,GNYIS PA PHYOGS GCIG MI SLUBS BDEN PA DGAG PA LA GNYIS, 'DOD PA BRJOD, DE DGAG PA'O, ,DANG PO NI, AAG NI ZHES SOGS KYI RIG BYED GZHAN YANG CHOS CAN, BDEN PA'I DON CAN DE 'DRA BA YIN TE, GANG GI PHYIR RIG BYED KYI PHYOGS GCIG YIN PA'I PHYIR, DPER NA, MES GRANG PA BZLOG PA'I DAG BDEN BA BZHIN,

, ,DE SKAD DU SPYOD PA BA GZHAN DAG ZER RO LO, ,GNYIS PA LA GSUM, SGRUB BYED MA NGES, BSGRUB BYA DGAG ,HA CANG THAL BA'O, ,DANG PO NI ,RIG BYED KYI PHYOGS GCIG 'DI 'DRA BA CHOS CAN, AAG NI ZHES SOd KYI RIG BYED BDEN PA'I DON CAN DU SGRUB PA'I RTAd YANG DAG YIN PA RIGS PA SHES PAS BKAG STE, DE SGRUB KYI LHAG LDAN 'KHRUL PA CAN NYID YIN PA'I PHYIR ,DPER NA, SHING RTOG LHAG MA RNAMS CHOS CAN ,ZOS PA'I SHING TOG DANG RO 'DRA BA YIN TE, DE DANG GZUGS KYI NGO BO MTSUNGS PA'I PHYIR DANG, ZOS PA'I 'BRAS LHAG MA RNAMS CHOS CAN, TSOS PA YIN TE, ZOS PA'I 'BRAS RANG SNOD GCIG GI NANG DU CHUD PA YANG KHYAD PAR MED PA'I PHYIR ZHES PA BZHIN NO, ,GNYIS PA NI ,SPYOD PA PA CHOS CAN, RIG BYED BDEN PA'I DON CAN DU KHAS LEN PA ,GA-YEM MA MU COS GYIS BDAG PO LAS RGYAL BA DANG MTSUNGS TE ,SKYES BU RTAG PA LAS BYED PA PO NYID DANG, DNGOS PO RNAMS RTAG PA DANG ,DBANG PO LAS 'DAS PA'I DON DBANG PO'I GZUNG BYA DANG, DNGOS PO RNAMS RGYU MI MNYAM PA RTAG PA RGYUR 'DOD PA DANG, GNAS PA MI MNYAM PA GRUB ZIN RKYEN GYIS GNAS PA DANG, 'JIG PA MI MNYAM PA PHYIS BYUNG GI RGYUS 'JIG PA DANG, GZHAN YANG TSAD MA RNAM PA GNYIS KYI RNAM PAR BSAL BA'I SPYOD YUL LAM, LUNG LA LTOS PA'I RJES DPAG DANG 'GAL BA DAG NI RJOD PAR BYED PA'I ,'GAL BA KUN DU MA BSAL ZHING BSTAN BCOS KYI DON NGES PAR LEGS PA YANG MA BSTAN LA, PHYOGS GCIG MI SGRUB TZAM GYIS, RIG BYED BDEN PA'I DON CAN NO ZHES KHAS LEN PA'I PHYIR RO, ,GSUM PA NI ,GAL TE PHYOd GCIG MI SLU BAS BDEN PA'I DON CAN DE LTAR DU TSAD MAS GRUB NA ,'O NA

TSIG 'DI LA TSAD MIN CI YANG MED PAR THAL, SKYES BU MANG DU SMRA BA LA BDEN PA'I DON GCIG MED PA MIN PA'I PHYIR, GSUM PA DON BSDU BA NI, RJOD BYED KYI SGRA 'DI CHOS CAN, BRJOD BYA'I DNGOS PO'I RANG BZHIN NAM 'BRAS BU MIN PAR THAL , RJOD PA PO'I BRJOD 'DOD LA GNAS PA'I PHYIR ,'DOD NA, BRJOD BYA'I DON LA MA 'BREL BAR THAL LO ,KHYAB STE, BDAG GCIG DANG DE BYUNG 'DI LAS RNAM PAR BZLOG PAS KYANG, 'BREL PA 'KHRUL PA MED PA YOD PA MIN PA'I PHYIR, RJOD BYED RNAMS KYI 'JUG PA NI BRJOD BYA MTHONG BAS BYED PA'I PHYIR ,BRJOD BYA'I 'BRAS BU YIN NO ZHE NA SGRA GCIG CHOS CAN ,RTAG MI RTAG GI SGRA DE NI KHYOD LA 'JUG PAR JI LTAR 'GYUR TE MI 'GYUR BAR THAL ,RTAG MI RTAG PHAN TSUN DAG NI 'GAL BA'I DON YIN PA'I PHYIR ,LUNG DE CHOS CAN ,KHYOD LAS DON GANG NGES PA YIN TE MA YIN PAR THAL ,KHYOD DANG BRJOD BYA'I DNGOS PO RNAMS RTOGS PA PO'I RNAM PA 'GAS KYANG ,MED NA MI 'BYUNG BA'I 'BREL PA MA GRUB PA'I PHYIR ,BSKAL DON LUNG GIS MA DMIGS PAS NI ,MED NGES KYI 'BRAS BU CAN DU MI 'GRUB PAR THAL ,LUNG DE NI LOG NA YANG BSKAL DON GYI DNGOS PO MED PAR 'GRUB PAR MI 'GYUR BA DES NA'O, , GNYIS PA LUNG TSAD MAR 'DOD PA BLUN POR BSTAN PA NI ,SPYOD PA PA CHOS CAN ,BLUN PO SHES RAB 'CHAL BA'I RTAGS LNGA TSANG BA YIN TE ,NANG 'GAL STON PA'I RIG BYED TSAD MA DANG NI ,SKYES BU RTAG PA 'GA' LAS BYED PA POR

, ,SMRA BA DANG, KHRUS TZAM LAS CHOS 'PHEL BAR 'DOD PA DANG, YON TAN MED KYANG BRAM ZE YIN NO ZHES RIGS SMRA BAS DREGS PA DANG, SDIG PA GZHOM PA'I PHYIR DU LUS KYI GDUNG BA RTZOM PA'I PHYIR RO, , TSAD MA RNAM 'GREL GYI TSIG LE'UR BYAS PA LAS RANG DON RJES SU DPAG PA STE LE'U DANG PO'I BSHAD PA'O,, ,,MANG+GALAm

[BLANK PAGE]