The String of Precious Jewels--An Explanation of the Wording of the Root Text Called "Wisdom"

, ,DBU MA RTZA BA SHES RAB KYI NGAG DON BSHAD PA RIN PO CHE'I PHRENG BA ZHES BYA BA BZHUGS SHO,,

[DD: *, ,'DREN PA MNYAM MED SH'AKYA'I TOG,] #, ,DBU MA RTZA BA SHES RAB KYI NGAG DON BSHAD PA RIN PO CHE'I PHRENG BA ZHES BYA BA, ,CHOS DBYINGS NAM MKHAR CHOS DANG CHOS MIN RNAM 'BYED DAM CHOS TSA ZER CI YANG 'PHRO, ,SHES BYA KUN SHES DRI MED YE SHES 'OD ZER SNANG LDAN 'GRO KUN THABS SHES PADMO'I GNYEN, ,SRID PA JI SRID SRID PA GSUM GYI SGRON ME MCHOG KHYOD SRID PA'I TSANG TSING NGES PAR SREG ,SOM NYI'I MUN SEL NYI MA LAS LHAG NYI MA'I GNYEN GYUR SMRA BA'I NYI MA RGYAL GYUR CIG ,CHAGS DANG BAL YANG YID 'ONG RGYAN GYIS SPRAS, ,KHRO BA SPANGS KYANG RNO BA'I RAL GRI 'DZIN, ,RMONGS PA SANGS KYANG DA DUNG GLEGS BAM BSNAMS RGYAL BA BRNYES KYANG GZHON NUR GYUR LA 'DUD, ,GANG SKU RIN CHEN RGYAN GYIS SPRAS PA NI, ,MARGAD RIL RGYU SKAR BKRAM PA BZHIN, ,BLTA BAS MI NGOMS KUN GYI YID 'PHROG MA, ,LHAG PA'I LHA [DD: *, ,SHING RTA CHEN PO KLU SGRUB ZHABS,,]

[DD: *,,RGYAL BA GNYIS PA TZONG KHA PA,,] *, ,MO AUDPAL BSNAMS LA 'DUD, ,GANGS RI'I MDANGS 'PHROG KHYOD SKU MA LAGS 'GRO BA'I MIG GI BDUNG RTZI'O, ,TSANGS DBYANGS LTAR SNYAN KHYOD GSUNG MA LAGS GZHAN YID 'GUGS PA'I LCAGS KYU YIN, ,CHOS KUN GSAL BA KHYOD THUGS MA LAGS BYAMS DANG BRTZE BA'I GTER CHEN MA, ,GANG DE MNGA' BA DBYANGS CAN MA LAGS RGYAL BA'I YUM GCIG KHYOD LA 'DUD, ,LEGS BSHAD CHU KLUNG RTAG TU 'DU YANG KHENGS PA'I SKYON GYI GO SKABS MED, ,MTSAN MA'I RLUNG GIS GA-YO BA MED KYANG PHRIN LAS RLABS PHRENG CHAL CHIL GA-YO, ,BLO CHUNG KHVA TAS RING DU SPANGS KYANG BLO GSAL NGANG PA'I TSOGS KYIS BSTEN, ,MKHAS MANG KLU YI BZHED DON SGRUB KYANG MI RTOG MTSO CHEN KHYOD LA 'DUD, ,THUB PA'I GSUNG RAB YAN LAG BRGYAD LDAN CHUS, ,KLU SGRUB BLO MTSO RGYAS PA LAS 'KHRUNGS PA'I, ,DBU MA RTZA BA'I LEGS BSHAD KUNDA'I TSAL, ,RAB TU RGYAS MDZAD ZLA BA'I ZHABS LA 'DUD, ,DE NYID GZIGS PA'I BLO BZANG NYID 'OD KYIS, ,SGRIB MUN KUN SEL THUB BSTAN PADMO'I TSIL, ,CHES CHER [DD: *,,THAMS CAD MKHYEN PA DGE 'DUN GRUB,,]

RGYAS MDZAD MTSUNGS MED TZONG KHA PA, ,DRAN PA TZAM GYIS DAD PA'I SPU LONG GA-YOS, ,DE YI LEGS BSHAD RIGS PA'I RGYA MTSO LAS, ,NGAG DON RIN CHEN PHRENG BA 'DIR BLANGS TE, ,SDEB LEGS GSER GYI SKUD PAS RAB BRGYUS NAS, ,BLO GSAL BLO YI MGRIN PA BRGYAN PAR BGYI, ,DBU MA RTZA PA SHES RAB 'CHAD PA LA BZHI, ,MTSAN GYI DON, 'GYUR GYI PHYAG ,GZHUNG GI DON, MJUG GI DON NO, ,DANG PO NI, RGYA GAR SKAD DU, ,PRADZNY'A NI, BOD SKAD DU, SHES RAB, N'A MA NI, ZHES BYA BA, M'U LA NI, RTZA BA, MA DHY'A MA KA NI, DBU MA, K'A RI KA NI, TSIG LE'UR BYAS PA'O, ,GNYIS PA NI, 'PHAGS PA 'JAM DPAL GZHON NUR GYUR PA LA PHYAG 'TSAL LO, ,GSUM PA LA GSUM, STON PA LA RTEN 'BYUNG MTHA' BRAL DU GSUNG BA'I SGO NAS BSTOD PA, RTEN 'BYUNG MTHA' BRGYAD DANG BRAL BAR 'GREL BA'I TSUL, DE LTAR STON PA'I BKA' DRIN RJES SU DRAN PA'I PHYAG GO ,DANG PO NI, PHYAG 'TSAL LO, ,GANG LA NA, GANG GIS RTEN CING 'BREL BAR 'BYUNG BA BSTAN PA'I RDZOGS PA'I SANGS RGYAS SMRA BA RNAMS KYI DAM PA DE LA'O, ,JI LTAR BSTAN NA, 'PHAGS PA'I MNYAM GZHAG GI GZIGS NGOR SKAD CIG GIS 'JIG PA'I 'GAG PA MED PA DANG, DNGOS POR RED PA'I SKYE BA MED PA DANG, SNGA MA RGYUN CHAD PA MED PA DANG RGYUN DU RTAG PA MED PA DANG, YUL RING BA NAS 'ONG BA MED PA DANG, NYE BA NAS 'GRO BA MED PA DANG DON THA DAD MIN PA DANG, DON GCIG MIN PA'I DE BZHIN NYID BRJOD BYA RJONG BYED LA SOGS PA'I SPROS PA NYE BAR ZHI ZHING 'KHOR BA'I NYER MTSO MA LUS PA ZHI

, ,BA'I MYA NGAN LAS 'DAS PA BSTAN, GANG ZAG NI KLU SGRUB KYIS SO, ,DUS NI BSTAN BCOS RTZOM PA'I THOG MAR RO, ,DGOS PA NI, RANG NYID DAM PA'I SPYOD PA DANG MTHUN PA DANG, GDUL BYA STON PA LA DANG BA SKYED PA'I CHED DU'O, ,KLU SGRUB KYIS BSTAN BCOS RTZOM PA'I THOG MAR STON PA LA RTEN 'BYUNG MTHA' BRAL DU GSUNG BA'I SGO NAS BSTOR PA CHOS CAN, DGOS PA YOD DE, STON PA SMRA BA PO GZHAN LAS KHYAD ZHUGS PAR RTOGS NAS DE LA DANG BA BSKYED PA'I CHED YIN PA'I PHYIR, GNYIS PA LA GSUM RTEN 'BYUNG RANG BZHIN GYIS STONG BAR BSTAN PA, DE RTOGS MA RTOGS LAS 'KHOR BAR 'JUG LDOG BYED TSUL, RTEN 'BYUNG RTOGS NA LTA BA NGAN PA LDOG TSUL LO, ,DANG PO LA GNYIS, DNGOS DANG, RTZOD SPANG NGO, ,DANG PO LA GNYIS, BDAG MED GNYIS MDOR BSTAN, RGYAS BSHAD DO, ,DANG PO LA GNYIS, RGYU 'BRAS KYI BYA BYED LA BRTAGS NAS CHOS LA RANG BZHIN DGAG ,'GRO 'ONG GI BYA BYED LA BRTAGS NAS GANG ZAG LA RANG BZHIN DGAG PA'O, ,DANG PO LA GNYIS, 'BRAS BU LA SKYE BA'I RANG BZHIN DGAG ,SKYED BYED LA RKYEN GYI RANG BZHIN DGAG PA'O, ,DANG PO LA GNYIS, MTHA' BZHI'I SKYE BA DGAG PA, GZHAN SKYE BKAG PA LA LUNG 'GAL SPANG BA'O, ,DANG PO NI, SNGAR 'GAG PA MED PA SKYE MED PA, ZHES BSTAN NA, RTEN 'BYUNG MTHA' BRGYAD DANG BRAL BA'I RGYU MTSAN CI ZHE NA, RANG BZHIN GYIS SKYE BA BKAG PAS GZHAN RNAMS KHEGS SLA BAS DE 'GOG PA NI, PHYI NANG GI DNGOS PO GANG DAG CHOS CAN, YUL DUS GRUB PA'I MTHA' GANG NA YANG BDAG LAS SKYE BA NAM YANG YOD PA MA YIN TE,

SLAR YANG SKYE BA DON MED DANG THUG MED DU 'GYUR BA'I PHYIR RO, ,CHOS CAN, YUL DUS GRUB PA'I MTHA' GANG NA YANG GZHAN LAS SKYE BA NAM YANG YOD PA MA YIN TE, THAMS CAD LAS THAMS CAD SKYE BAR THAL BA'I PHYIR RO, ,CHOS CAN, BDAG GZHAN GNYIS KA LAS SKYE BA NAM YANG YOD PA MA YIN TE, BDAG GZHAN RE RE BA LAS SKYE BA KHEGS PA'I PHYIR RO, ,CHOS CAN, RGYU MED LAS SKYE BA NAM YANG YOD PA MA YIN TE, RTZOM PA THAMS CAD DON MED DU THAL BA'I PHYIR RO, ,GNYIS PA LA GNYIS, ,RTZOD LAN NO,, DANG PO NI, RANG SDE DNGOS SMRA BA RNAMS NA RE, BDAG SKYE MED PAS GNYIS KA LAS SKYE BA MI RIGS SHING RGYU MED LAS SKYE BA SHIN TU THA CHAD PAS MI RIGS MOD, ,GZHAN LAS MIN, ZHES GZHAN SKYE BA BKAG PA NI MA LEGS TE, BCOM LDAN 'DAS KYIS DNGOS PO RNAMS RANG BZHIN GYIS GRUB PA'I RKYEN BZHI LAS SKYE BAR GSUNGS PA'I PHYIR, RKYEN RNAM PA BZHI STE, RGYU'I RKYEN DANG NI DMIGS PA'I RKYEN DANG NI DE MA THAG RKYEN DANG BDAG PO'I RKYEN YANG NI DE BZHIN TE RKYAN LNGA PA NI YOD PA MA YIN NO, ,DES NA GZHAN SKYE BKAG PA LUNG DANG 'GAL LO ZHE NA; GNYIS PA NI, DNGOS PO RNAMS KYI RANG BZHIN NI CHOS CAN, RKYEN LA SOGS PA LA RANG MA SKYES PA'I DUS NA YOD PA MA YIN PAR THAL, DE'I DUS NA SNGA RUNG MA DMIGS PA'I PHYIR, 'DOD NA, GZHAN 'BYUNG RUNG BZHIN GYIS YOD PA MA YIN PAR THAL, RKYEN LA SOGS PA LA RANG MA SKYES PA'I DUS NA BDAG GI DNGOS PO YOD PA MIN PA'I PHYIR, YANG CHOS CAN, RKYEN MA 'GYUR BA'I DUS NA RKYEN LA SOGS PA LA YOD PA MA YIN PAR THAL, DER YOD NA RGYU MED DU 'GYUR BA'I PHYIR RO, ,'DOD NA, RKYEN LAS RANG

, ,BZHIN GYIS GZHAN PA'I DNGOS POR YOD PA MA YIN PAR THAL, RKYEN SOGS RNAM PAR MA 'GYUR BA'I DUS NA BDAG GI DNGOS PO YOD PA MIN PA'I PHYIR, DES NA GZHAN SKYE BKAG PA LA LUNG GIS MI GNOD DE, GZHAN SKYE LA RIGS PAS GNOD PA'I PHYIR, GNYIS PA LA GSUM, RKYEN GYI RANG BZHIN THUN MONG DU DGAG ,SO SOR DGAG ,THUN MONG DU 'GOG TSUL GZHAN BSTAN PA'O, ,DANG PO LA GNYIS, BYED PA'I SGO NAS RKYEN DU RTOG PA DGAG ,LAS KYI SGO NAS RKYEN DU RTOG PA DGAG PA'O, , DANG PO LA GNYIS, SKYE BA'I BYA BA BSGRUBS PA'I RGYU MTSAN GYIS RKYEN DU RTOG PA DGAG ,'BRAS BU SKYE BA'I RGYU MTSAN GYIS RKYEN DU RTOG PA DGAG PA'O, ,DANG PO NI, BRDA' SPROD PA NA RE, RKYEN GYIS BYA BA BSGRUBS BYA BAS RNAM SHES DNGOS SU SKYED PA YIN NO ZHEN, BYA BA BDEN GRUB RKYEN DANG LDAN PA MA YIN PAR THAL, BYA BA BDEN GRUB MED PA'I PHYIR, RKYEN DANG MI LDAN PA'I BYA BA MED PAR THAL, DE LTA NA 'BRAS BU RGYU MED DU 'BYUNG BAR THAL BA'I PHYIR, DES NA BYA BA BDEN GRUB KYIS RNAM SHES BSKYED PA MA YIN NO, ,'ON TE RKYEN NYID KYIS RNAM SHES SKYED DO ZHE NA, MIG SOGS CHOS CAN, DON DAM PAR RKYEN MA YIN PAR THAL, BYA BA MI LDAN PA'I PHYIR, 'ON TE, BYA BA DANG DON DAM PAR LDAN NO ZHE NA, BYA BA DANG DON DAM PAR LDAN PA YOD PA MA YIN PAR THAL, DON DAM PAR BYA BA MED PA'I PHYIR RO, ,GNYIS PA NI, BYA BA DANG LDAN MI LDAN GYI DPYAD PAS CI ZHIG BYA MIG SOGS 'DI DAG LA BRTEN NAS RNAM SHES SKYE BAS NA DE'I PHYIR MIG SOGS 'DI DAG RKYEN CES GRAG GO ,MIG SOGS 'DI DAG CHOS CAN, JI SRID RNAM SHES MI SKYE BA DE SRID DU RKYEN MIN

JI LTAR MIN TE YIN PAR THAL, RNAM SHES SKYE BA'I BYA BA DANG LDAN PAS RKYEN DU 'JOG PA'I PHYIR, GNYIS PA NI, SA BON MYU GU'I RKYEN YIN TE, SA BON LA BRTEN NAS MYU GU SKYE BA'I PHYIR CE NA, RANG RGYU'I DUS NA MED PAR RANG BZHIN GYIS GRUB PA'I DON LA YANG RKYEN NI RUNG BA MA YIN TE, MING NA GANG GI RKYEN DU 'GYUR BA DE MED PA'I PHYIR, RANG RGYU'I DUS NA YOD PA'I DON LA YANG RKYEN NI RUNG BA MA YIN TE, RANG RGYU'I DUS NA YOD NA RKYEN GYIS CI ZHIG BYA STE DON MED PA'I PHYIR RO, ,GNYIS PA LA BZHI, RGYU RKYEN GYI MTSAN NYID DGAG ,DMIGS RKYEN GYI MTSAN NYID DGAG ,DE MA THAG RKYEN GYI MTSAN NYID DGAG ,BDAG RKYEN GYI MTSAN NYID DGAG PA'O, ,DANG PO NI, RGYU RKYEN RANG BZHIN GYIS YOD DE, DE'I MTSAN NYID YOD PA'I PHYIR TE, 'BRAS BU SGRUB PAR BYED PA RGYU RKYEN GYI MTSAN NYID YIN PA'I PHYIR CE NA, 'BRAS BU SGRUB PAR BYED PA RGYU RKYEN GYI MTSAN NYID DU RANG BZHIN GYIS GRUB PA JI LTAR YIN ZHES BYA STE MA YIN PAR THAL, GANG GI TSE 'BRAS BU'I CHOS NI RGYU DUS NA YOD PA DANG MED PA DANG YOD MED GNYIS KA RANG BZHIN GYIS MI 'GRUB PA'I PHYIR, 'DOD PA DE LTA YIN NA RGYA RKYEN GYI MTSAN NYID RANG BZHIN GYIS GRUB PA'I RGYU MTSAN GYIS RGYU RKYEN RANG BZHIN GYIS GRUB PA MI RIGS PAR THAL LO, ,GNYIS PA NI, DMIGS RKYEN RANG BZHIN GYIS YOD DE, RNAM SHES SKYE BA'I GNAS YIN PA'I PHYIR CE NA, DMIGS BYA DMIGS PA'I SNGA ROL NA YOD PA'AM MED PA'I RNAM SHES LA DMIGS RKYEN RTOG ,DANG PO LTAR NA, RNAM PAR SHES PA'I CHOS 'DI CHOS CAN, DMIGS PA NI MED PA KHO NAR NYE BAR BSTAN PAR THAL, DMIGS BYA DMIGS PA'I SNGA ROL NA YOD PA'I PHYIR, CI STE GNYIS PA LTAR NA ,

, ,RNAM PAR SHES PA'I CHOS NI CHOS CAN, DMIGS PA RANG BZHIN GYIS YOD PAR GA LA 'GYUR TE, DMIGS BYA DMIGS PA'I SNGA ROL NA MED PA'I PHYIR RO, ,GSUM PA NI, DE MA THAG RKYEN RANG BZHIN GYIS YOD DE, SA BON 'GAGS MA THAG PA MYU GU'I DE MA THAG RKYEN YIN PA'I PHYIR CE NA, SA BON 'GAGS MA THAG PA MYU GU'I DE MA THAG RKYEN DU MI RIGS PAR THAL, MYU GU'I CHOS RNAMS SKYES PA MA YIN PA'I SNGA ROL NA SA BON 'GAGS PA 'THAD PAR MI 'GYUR BA DE'I PHYIR, 'GAGS SO ZHE NA, MYU GU'I DE MA THAG RKYEN YANG GANG ZHIG YOD PA YIN TE MA YIN PAR THAL LO, ,BZHI PA NI, BDAG RKYEN RANG BZHIN GYIS YOD DE, RGYU GANG YOD NA 'BRAS BU 'BYUNG BA DE NI DE'I BDAG RKYEN YIN PA'I PHYIR CE NA, DNGOS PO RNAMS CHOS CAN, RGYU 'DI YOD PAS NA 'BRAS BU 'DI 'BYUNG ZHES BYA BA 'DI NI RANG BZHIN GYIS 'THAD PA MA YIN TE, GANG GIS PHYIR KHYOD KYI YOD PA RANG BZHIN GYI YOD PA MIN PA'I PHYIR TE, RANG BZHIN GYIS MED PA'I PHYIR RO, ,GSUM PA NI, RKYEN RANG BZHIN GYIS YOD DE, SNAL MA LAS SNAM BU SKYE BAR MTHOD BA'I PHYIR CE NA, 'BRAS BU SNAM BU DE NI CHOS CAN, RKYEN SNAL MA LAS RANG BZHIN GYIS JI LTAR SKYE STE MI SKYE BAR THAL, RKYEN SNAL MA RNAMS LA NI MED PA'I PHYIR TE, RKYEN SNAL MA RNAMS SO SO BA DANG 'DUS PA LA MED PA NYID YIN PA'I PHYIR, CI STE 'BRAS BU DE NI RKYEN LA MED PAR YANG RKYEN DE DAG LAS RANG BZHIN GYIS SKYE BAR 'GYUR RO ZHE NA, CHOS CAN, RKYEN MA YIN PA DAG LAS KYANG CI'I PHYIR NA SKYE BAR MI 'GYUR TE 'GYUR BAR THAL LO, ,GAL TE RKYEN DANG 'BRAS BU GZHAN YIN NA BDEN YANG 'BRAS BU RKYEN GYI RANG BZHIN

YIN PAS SKYON MED DO ZHE NA, RKYEN RNAMS CHOS CAN, BDAG GI NGO BO RANG BZHIN GYIS YOD PA MIN PAR THAL, RANG GI CHA SHAS DU MA LA BTAGS NAS BZHAG PA'I PHYIR, 'DOD NA, 'BRAS BU GANG YIN PA DE NI CHOS CAN, JI LTAR RKYEN GYI RANG BZHIN DU NGO BOS MA GRUB PAR THAL, RKYEN RNAMS BDAG GI DNGOS PO RANG BZHIN GYIS YOD PA MIN PA'I PHYIR, 'DOD NA, DE'I PHYIR RKYEN GYI RANG BZHIN GYI 'BRAS BU YOD PA MIN NO, ,'O NA 'BRAS BU RKYEN MA YIN GYI RANG BZHIN YIN NO ZHE NA, 'BRAS BU NI CHOS CAN, RKYEN GYI RANG BZHIN MA YIN PAS RKYEN MIN GYI RANG BZHIN DU YOD PA MIN PAR THAL, SNAL MA'I RANG BZHIN MA YIN PAS 'JAG MA'I RANG BZHIN YIN MI DGOS PA'I PHYIR, 'BRAS BU RKYEN DANG RKYEN MA YIN GYI RANG BZHIN MA YIN KYANG MA YIN GNYIS RANG BZHIN GYIS SO SOR NGES PA YIN TE, TIL LAS TIL MAR 'BYUNG GI MAR MI 'BYUNG, ZHO LAS MAR 'BYUNG GI TIL MAR MI 'BYUNG, BYE MA LAS DE GNYIS KA MI 'BYUNG BA'I PHYIR CE NA, SHES BYA CHOS CAN, RKYEN MIN DANG RKYEN DU RANG BZHIN GYIS SO SOR NGES PAR GA LA 'GYUR TE MI 'GYUR BAR THAL, RKYEN DANG RKYEN MA YIN GYI 'BRAS BU RANG BZHIN GYIS MED PAS NA'O, ,RKYEN BRTAG PA ZHES BYA BA STE RAB TU BYED PA DANG PO'O,, ,,GNYIS PA 'GRO 'ONG GI BYA BYED LA BRTAGS NAS GANG ZAG LA RANG BZHIN DGAG PA LA GNYIS, RGYAS BSHAD, MJUG BSDU BA'O, ,DANG PO LA GNYIS, LAS DANG BYED PA PO LA BYA BA SO SOR DGAG ,THUN MONG DU DGAG PA'O, ,DANG PO LA BZHI, LAS LA, BYED PA PO LA BRTAGS NAS DGAG ,BYA BA YOD PA'I SGRUB BYED DGAG ,BYA BA LA BRTAGS

, ,NAS DGAG PA'O, ,DANG PO LA GNYIS, LAM GSUM LA BYA BA SPYIR DGAG ,BGOM PA DA LTAR BA LA BYA BA BYE BRAG TU DGAG PA'O, ,DANG PO NI, GAL TE SKYE BA BKAG PAS 'GAG SOGS MED PAR 'GRUB MOD, RTEN 'BYUNG LA 'GRO 'ONG 'GOG PA'I RIGS PA THUN MONG MA YIN PA BSTAN DGOS SO ZHE NA, 'GRO BA'I BYA BA RANG BZHIN GYIS YOD NA, LAM GSUM GANG RUNG LA YOD DGOS PAS RE SHIG SONG BA'I LAM LA MI 'GRO STE, 'GRO BA'I BYA BA NI DA LTAR BA YIN LA, SONG ZIN PA'I LAM LA 'GRO BA'I BYA BA 'GAGS ZIN PA'I PHYIR, MA SONG BA'I LAM LA'ANG 'GRO BA'I BYA BA YOD PA MIN TE, 'GRO BA'I BYA BA NI DA LTAR BA YIN LA, MA SONG BA'I LAM LA 'GRO BA'I BYA BA MA SKYES PA'I PHYIR, BGOM PA DA LTAR BA'I LAM LA 'GRO BA'I BYA BA RANG BZHIN GYIS MED DE, SONG DANG MA SONG MA GTOGS PAR BGOM PA DA LTAR BA'I LAM RANG BZHIN GYIS SHES PAR MI 'GYUR BA'I PHYIR RO, ,GNYIS PA LA GNYIS, RTZOD LAN NO, ,DANG PO NI, GAL TE BGOM PA DA LTAR BA LA 'GRO BA YOD DE, YUL GANG NA RKANG PA 'DEGS 'JOG GI GA-YO BA YOD PA DE NA 'GRO BA YOD LA, GA-YO BA DE YANG GANG GI BGOM PA DA LTAR BA LA YOD KYI SONG BA LA YOD PA MIN MA SONG BA LA YOD PA MIN PA DE'I PHYIR CE NA, GNYIS PA LA GNYIS, LAS TSIG DANG BYA TSIG GCIG DON DANG BCAS NA CIG SHOS DON GYIS STONG, GNYIS KA DON DANG BCAS NA HA CANG THAL BA'O, ,DANG PO NI, BGOM PA DA LTAR BA LA 'GRO BA'I BYA BA RANG BZHIN GYIS YOD PA YIN PAR NI JI LTA BUR NA 'THAD PAR 'GYUR TE MI 'GYUR BAR THAL, GANG GI TSE 'GRO BA'I BYA BA

GCIG LAS MED CING GCIG PO DE BGOM ZHES PA'I CHIG GI DON DU YOD PA GANG ZHIG ,'GRO BA'I BYA BA MED PA'I BGOM PA 'THAD PA MED PA'I PHYIR RO, ,GAL TE 'GRO ZHES PA'I TSIG PHYI MA'I DON DU 'GRO BA'I BYA BA YOD DO ZHE NA, GANG GI LTAR NA BGOM PA LA 'GRO ZHES PA'I TSIG PHYI MA'I DON DU 'GRO BA'I BYA BA YOD PAR 'DOD PA DE'I LUGS LA CHOS CAN, BGOM PA LA 'GRO BA'I BYA BA MED PAR THAL BAR 'GYUR TE, 'GRO BA'I BYA BA GCIG LAS MED CING, GCIG PO DE BGOM LA 'GRO ZHES PA'I TSIG PHYI MA'I DON DU YOD PA YIN PA'I PHYIR RO, ,GNYIS PA NI, BGOM PA LA 'GRO ZHES PA'I TSIG SNGA PHYI GNYIS KA'I DON DU 'GRO BA'I BYA BA RANG BZHIN GYIS YOD NA NI RKANG GNYIS PA'I LHAS BYIN CIG CHOS CAN, RKANG PA GA-YAS PA 'JOG PA'I 'GRO BA'I BYA BA RDZAS THA DAD PA GNYIS CIG CAR YOD PAR THAL BAR 'GYUR TE, GANG GIS LAM DE BGOM PAR 'JOG PAR 'GYUR BA DANG, LAM DE LA 'GRO BA GANG YIN PA'I 'GRO BA'I BYA BA RANG BZHIN GYIS GRUB PA GNYIS YOD PA'I PHYIR RO, ,'DOD NA CHOS CAN, 'GRO BA PO YANG GNYIS SU 'GYUR TE, RKANG GNYIS PA'I GANG ZAG GI RKANG PA GA-YAS PA 'GRO BA'I BYA BA RDZAS THA DAD PA GNYIS SU THAL BAR 'GYUR BA'I PHYIR, KHYAB STE, GANG GI'I PHYIR 'GRO PO MED PAR NI 'GRO BA 'THAD PAR MI 'GYUR BA'I PHYIR RO, ,GNYIS PA NI, GAL TE 'GRO BA'I BYA BA RANG BZHIN GYIS YOD DE, RTEN 'GRO BA PO RANG BZHIN GYIS YOD PA'I PHYIR CE NA, 'GRO BA'I RTEN 'GRO BA PO RANG BZHIN GYIS YOD PA NYID DU GA LA 'GYUR TE, 'GRO BA PO LAS RDZAS THA DAD PA'I 'GRO BA MED PA'I PHYIR TE, GAL TE DE YOD NA 'GRO BA'I BYA BA 'GRO BA PO LA MI

, ,LTOS DGOS LA, 'GRO PO MED PAR GYUR NA 'GRO BA 'THAD PAR MI 'GYUR BA'I PHYIR, RE SHIG 'GRO PO CHOS CAN, RANG BZHIN GYIS MI 'GRO STE, 'OG GI RIGS PAS GNOD PA'I PHYIR, 'GRO BA PO MIN PA CHOS CAN, 'GRO BA MIN TE, 'GRO BA'I BYA BA DANG BRAL BA'I PHYIR, 'GRO PO DANG, 'GRO PO MIN PA LAS GZHAN GSUM PA GANG ZHIG 'GRO BAR 'GYUR BA MA YIN PAR THAL, DE 'DRA MI SRING BA'I PHYIR, GAL TE GZHAN GNYIS MI 'GRO YANG 'GRO BA PO RANG BZHIN GYIS 'GRO'O ZHE NA, RE SHIG 'GRO PO RANG BZHIN GYIS 'GRO'O ZHES JI LTAR 'THAD PA NYID DU 'GYUR TE, GANG GI TSE 'GRO BA'I BYA BA MED PAR NI 'GRO BA PO 'THAD PAR MI 'GYUR BA'I PHYIR, GAL TE 'GRO BA PO ZHES PA'I TSIG GI DON DU 'GRO BA'I BYA BA YOD DO ZHE NA, GANG GI PHYOGS LA 'GRO BA PO ZHES PA'I TSIG GI DON DU 'GRO BA'I BYA BA YOD PAR 'DOD PA DE'I LUGS LA CHOS CAN, 'GRO ZHES PA'I TSIG GI DON DU 'GRO BA'I BYA BA MED PA'I 'GRO BA PO 'GRO BA YIN PAR 'GYUR BAR THAL, 'GRO BA'I BYA BA GCIG LAS MED CING GCIG PO DE 'GRO BA PO ZHES PA'I TSIG GI DON DU YOD PA'I SGO NAS 'GRO BA PO 'GRO BAR 'DOD PA'I PHYIR RE, ,GAL TE 'GRO BA PO DANG 'GRO ZHES PA'I TSIG GNYIS KA'I DON DU 'GRO BA'I BYA BA YOD PAR GYUR NA, RKANG GNYIS PA'I LHAS BYIN CHOS CAN, RKANG PA GA-YAS PA 'JOG PA'I 'GRO BA'I BYA BA RDZAS THA DAD PA GNYIS SU 'GYUR BAR THAL, BYA BA GANG GIS 'GRO BA POR MNGON PA DANG 'GRO BA POR GYUR NAS GANG 'GRO BA'I BYA BA GNYIS YOD PA'I PHYIR RO, ,GSUM PA LA LNGA, DANG PO'I RTZOM PA DGAG ,'GRO BA'I LAM DGAG ,

'GRO BA'I GNYEN PO DGAG ,THA MA'I LDOG PA DGAG ,GNAS PA'I SGRUB BYED DGAG PA'O, ,DANG PO NI, GAL TE 'GRO BA YOD DE, SDOD PA BTANG NAS 'GRO BA RTZOM PA'I PHYIR CE NA, LAM GANG DU 'GRO BA RTZOM PAR BYED PA RANG BZHIN GYIS MA GRUB PAR THEL, SONG PA'I LAM LA 'GRO BA'I RTZOM PA MED, MA SONG BA LA'ANG 'GRO BA'I RTZOM PA MED, BGOM PA DA LTAR BA LA 'GRO BA'I RTZOM PA RANG BZHIN GYIS YOD PA MIN PA'I PHYIR, 'GRO BA RTZOM PA'I LAM RANG BZHIN GYIS GRUB PA MED DE, 'GRO BRTZOM PA'I SNGA ROL BSDAD PA'I GNAS SKABS NA LAM GANG DU 'GRO BA RTZOM PAR 'GYUR BA BGOM PA'I LAM MED CING SONG BA'I LAM MED, MA SONG BA'I LAM LA 'GRO BA'I RTZOM PA GA LA YOD DE MED PA'I PHYIR RO, ,GNYIS PA NI, LAM GSUM LA 'GRO BA'I RTZOM PA MED KYANG LAM GSUM YOD DO ZHE NA, SONG BA CI ZHIG BGOM PA CI MA SONG BA'I LAM CI ZHIG RANG BZHIN GYIS RNAM PAR BRTAG TU MED DE, LAM GSUM LA 'GRO BA'I RTZOM PA RANG BZHIN GYIS GRUB PA RNAM PA THAMS CAD DU SNANG BA MED PA NYID YIN PA'I PHYIR RO, ,GSUM PA NI, 'GRO BA YOD DE, 'GRO BA'I GNYEN PO SDOD PA YOD PA'I PHYIR CE NA, SDOD PA RANG BZHIN GYIS MED DE, RE SHIG 'GRO BA PO MI SDOD, 'GRO BA PO MIN PA RANG BZHIN GYIS SDOD PA MIN, 'GRO PO DANG 'GRO PO MIN PA LAS GZHAN PA'I GSUM PA GANG ZHIG SDOD PAR 'GYUR BA MI SRID PA'I PHYIR, RTAGS DANG PO MA GRUB BO ZHE NA, RE SHIG 'GRO PO RANG BZHIN GYIS SDOD DO ZHES JI LTAR 'THAD PA NYID DU 'GYUR TE MI 'GYUR BAR THAL, GANG GI TSE 'GRO BA MED PAR NI 'GRO BA PO 'THAD PAR MI 'GYUR ZHING, 'GRO BA DANG SDONG BA'I BYA BA GNYIS

, ,GZHI GCIG LA MI 'DU BA'I PHYIR RO, ,BZHI PA NI, 'GRO BA YOD DE, 'GRO BA LAS LDOG PA YOD PA'I PHYIR CE NA, BGOM PA LAS RANG BZHIN GYIS LDOG PAR MI 'GYUR TE, BGOM PA RANG BZHIN GYIS MED PA'I PHYIR, SONG BA DANG MA SONG BA LAS KYANG LDOG PA MA YIN TE, DE GNYIS LA 'GRO BA'I BYA BA MED PA'I PHYIR, DE'I PHYIR LDOG PA NGO BO NYID KYIS MED DO, ,LNGA PA NI, GNAS PA NGO BO NYID KYIS YOD DE, GNAS PA'I GNYEN PO 'GRO BA YOD PA'I PHYIR DANG, GNAS BA LA 'JUG PA YOD PA'I PHYIR DANG, GNAS PA LAS LDOG PA YOD PA'I PHYIR CE NA, 'GRO BA DANG NI GNAS PA LA 'JUG PA DANG, GNAS PA LAS LDOG PA YANG NI CHOS CAN, GNAS PA NGO BO NYID KYIS YOD PA'I SGRUB BYED MA YIN TE, 'GRO BA NGO BO NYID KYIS YOD PA'I SGRUB BYED DU GNAS PA DANG, 'GRO BAR RTZOM PA DANG, 'GRO BA LAS LDOG PA BKOD PA DANG NYES PA MTSUNGS PA'I PHYIR RO, ,BZHI PA LA GNYIS, GCIG DANG THA DAD BRTAGS NAS DGAG ,BYA BA GNYIS PA YOD MED BRTAGS NAS DGAG PA'O, ,DANG PO Ni, 'GRO BA PO DANG 'GRO BA RANG BZHIN GYIS YOD DE, LHAS BYIN GOM PA 'DOR BA MTHONG BA'I PHYIR CE NA, 'GRO BA DE DANG 'GRO BA PO RANG BZHIN GYIS DE NYID GCIG CES KYANG BYAR MI RUNG, 'GRO BA DANG NI 'GRO BA PO RANG BZHIN GYIS GZHAN NYID CES KYANG BYAR MI RUNG NGO, ,JI LTAR MI RUNG ZHE NA, BYED PA PO DANG LAS NYID KYANG GCIG PA NYID DU THAL BAR 'GYUR TE, GAL TE 'GRO BA GANG YIN PA DE NYID 'GRO PO YIN PAR 'GYUR BA'I PHYIR, 'GRO PO MED PA'I 'GRO BA DANG 'GRO BA MED PA'I

'GRO PO 'GYUR BAR THAL, GAL TE 'GO BA DANG 'GRO BA PO RANG BZHIN GYIS GZHAN PA NYID DU RNAM PAR BRTAG PA'I PHYIR, 'GRO BA DANG 'GRO BA PO DE GNYIS CHOS CAN, RANG BZHIN GYIS GRUB PA JI LTAR YOD DE MED PAR THAL, KHYOD GANG DAG RANG BZHIN GYIS DNGOS PO GCIG PA DANG RANG BZHIN GYIS DNGOS PO GZHAN PA NYID DU NI GRUB PAR GYUR PA YOD PA MIN PA'I PHYIR RO, ,GNYIS PA NI, SNGAR GYI SKYON DE MED DE, 'GRO BA POR 'JOG PA'I BYA BA DE NYID KYIS 'GRO BAR 'JOG PA'I PHYIR CE NA, 'GRO BA GANG GIS 'GRO BA POR MNGON PAR 'JOG PA'I 'GRO BA DE NI 'GRO BA PO DE 'GRO BAR BYED PA MIN TE, GANG GI PHYIR LHAS BYIN GANG ZHIG YUL GANG DU 'GRO BAR 'GYUR BA'I 'GRO BA'I BYA BA'I SNGA ROL NA 'GRO BA PO MED PA'I PHYIR, 'GRO BA GANG GIS 'GRO BA POR MNGON PA DE LAS GZHAN PAS 'GRO BA PO DE 'GRO BAR BYED PA MIN TE, GANG GI PHYIR 'GRO BA PO GCIG PU LA 'GRO BA GNYIS SU MI 'THAD PA'I PHYIR RO, ,GNYIS PA NI, 'GRO BA PO YIN PAR GYUR PA NI CHOS CAN, RANG BZHIN GYIS MI 'GRO STE, 'GRO BA'I LAM RNAM PA GSUM DU RANG BZHIN GYIS 'GRO BAR MI BYED PA'I PHYIR, 'GRO BA PO MA YIN PAR NI GYUR PA DE YANG CHOS CAN, MI 'GRO STE, 'GRO BA'I LAM RNAM PA GSUM DU 'GRO BAR MI BYED PA'I PHYIR, 'GRO BA PO YIN PA DANG MA YIN PAR GYUR PA YANG 'GRO BA'I LAM RNAM PA GSUM DU 'GRO BAR MI BYED DE, DE MI SRID PA'I PHYIR RO, ,GNYIS PA NI, 'GRO BA DANG 'GRO BA PO IDANG 'GROD PAR BYA BA CHOS CAN, RANG BZHIN GYIS YOD PA MA YIN TE, DPYAD NA MI RNYED PA DE'I PHYIR, 'GRO 'ONG BRTAG PA ZHES BA BA STE RAB TU BYED PA GNYIS PA'O,, ,

, ,GNYIS PA BDAG MED GNYIS RGYAS PAR BSHAD PA LA LNGA, CHOS DANG GANG ZAG SO SOR PHYE STE BSHAD, DNGOS PO TZAM RANG BZHIN GYIS STONG BA, DE KHO NA NYID LA 'JUG TSUL, DUS RANG BZHIN GYIS STONG BA, SRID RGYUN RANG BZHIN GYIS STONG BA'O, ,DANG PO LA GNYIS, CHOS KYI BDAG MED, GANG ZAG GI BDAG MED DO, ,DANG PO LA GNYIS, CHOS GSUM LA BDAG DGAG ,BDAG YOD PA'I SGRUB BYED DGAG PA'O, ,DANG PO LA GSUM, SKYE MCHED LA, PHUNG PO LA, KHAMS LA CHOS BDAG DGAG PA'O, ,DANG PO LA RTZOD LAN GNYIS, DANG PO NI, GAL TE 'GRO BA LA SOGS PA MED MOD, LTA PA LA SOGS PA RANG BZHIN GYIS YOD DE, CHOS MNGON PA'I MDO LAS, LTA BA DANG NYAN PA DANG SNOM PA DANG MYANG BAR BYED PA DANG REG BYED DANG YID DANG DBANG PO DRUG STE DE DAG GI SPYOD YUL BLTA BAR BYA BA LA SOGS PA DRUG GSUNGS PA'I PHYIR CE NA, GNYIS PA LA GNYIS, LTA BA'I CHOS GSUM DGAG ,RIGS PA DE GZHAN LA'ANG SBYAR BA'O, ,DANG PO LA GNYIS, LTA BA'I BYED PA PO DGAG, LTA BA'I LAS DANG BYA BA DGAG PA'O, ,DANG PO LA GNYIS, MIG LTA BA'I BYED PA PO YIN PA DGAG ,BDAG GAM RNAM SHES BYED PA PO YIN PA DGAG PA'O, ,DANG PO NI, GZUGS LA LTA BA'I MIG DE CHOS CAN, RANG GI BDAG NYID NI DE LA LTA BA MA YIN PA NYID DE, RANG NYID RANG LA BYA BYED 'GAL BA'I PHYIR, DE CHOS CAN, GZHAN DAG LA JI LTAR RANG BZHIN GYIS LTA BA MA YIN PAR THAL, GANG ZHIG BDAG LA MI LTA BA YIN PA'I PHYIR, RANG LA MI LTA YANG GZHAN LA LTA STE, DPER NA

MES RANG MI SREG KYANG GZHAN SREG PA BZHIN ZHE NA, ME'I DPES NI LTA BA RANG BZHIN GYIS GRUB PA RAB TU SGRUB PAR NUS PA MA YIN PAR THAL, SONG BA DANG MA SONG BA DANG BGOM PA LA 'GRO BA RANG BZHIN GYIS GRUB PA 'GOG PA'I RIGS PA YIS DPE DE NI LTA BA DANG BCAS PA LA LAN BTAB NAS BKAG PA'I PHYIR, MIG CHOS CAN, RANG BZHIN GYIS LTA BAR BYED PA MA YIN TE, GANG GI TSE RANG GZHAN LA CUNG ZAD KYANG RANG BZHIN GYIS MI LTA BA'I PHYIR, CHOS CAN, GZUGS LA LTA BAS RANG BZHIN GYIS LTA BAR BYED CES BYA BA DE NI JI LTAR RIGS PAR 'GYUR TE MI 'GYUR BAR THAL, RANG BZHIN GYIS LTA BYED MA YIN PA'I PHYIR, MIG LTA BYED YIN NA, LTA BA'I RANG BZHIN YIN MIN GYI MIG GANG LTA, DANG PO LTAR NA, LTA BA'I RANG BZHIN GYI MIG CHOS CAN, RANG BZHIN GYIS LTA BA NYID MA YIN TE, LTA BA'I BYA BA GNYIS MED PA'I PHYIR RO, ,GNYIS PA LTAR NA, LTA BA'I RANG BZHIN MIN PA'I MIG CHOS CAN, MI LTA BA NYID DE, LTA BA'I BYA BA DANG BRAL BA'I PHYIR, GNYIS PA NI, MIG LTA BA'I BYED PA PO MA YIN GYI BDAG GAM RNAM SHES LTA BA'I BYED PA PO YIN NO ZHE NA, BDAG GAM RNAM SHES CHOS CAN, LTA BA'I BYED PA POR RANG BZHIN GYIS MA GRUB STE, LTA BA RANG BZHIN GYIS MED PAR SGRUB PA'I RIGS PA NYID KYIS LTA BA PO 'ANG RANG BZHIN GYIS MED PAR RNAM PAR BSHAD PAR SHES PAR BYA BA'I PHYIR, LTA BA PO CHOS CAN, LTA BA MA SPANGS PAR KHYOD RANG BZHIN GYIS YOD PA MIN TE, KHYOD GRUB MA GRUB GANG YANG LTA BA LA RANG BZHIN GYIS MI LTOS PA'I PHYiR, CHOS CAN, KHYOR LTA BA SPANGS PAR GYUR KYANG YOD PA MA YIN TE, KHYOD LTA BA LA LTOS PA'I

, ,PHYIR, GNYIS PA NI, LTA BA PO MED KYANG BLTA BYA DANG LTA BA YOD DO ZHE NA, BLTA BYA DANG LTA BA DE DAG RANG BZHIN GYIS GA LA YOD DE MED PAR THAL, LTA PO RANG BZHIN GYIS MED PA'I PHYIR, BLTA BYA DANG LTA BA RANG BZHIN GYIS YOD DE, JI LTAR PHA DANG MA DAG LA BRTEN NAS BU NI 'BYUNG BAR BSHAD PA DE BZHIN DU MIG DANG GZUGS LA BRTEN NAS RNAM PAR SHES PA 'BYUNG BAR BSHAD PA'I PHYIR CE NA, 'DI RTZA BA'I GZHUNG MA YIN ZHES GSUNG NGO, ,RNAM PAR SHES PA LA SOGS PA BZHI RANG BZHIN GYIS YOD PA MIN PAR THAL, BLTA BYA DANG LTA BA RANG BZHIN GYIS MED PA'I PHYIR, 'DOD NA, NYE BAR LEN PA LA SOGS PA JI LTA BUR NA RANG BZHIN GYIS YOD PAR 'GYUR TE MI 'GYUR RO, ,GNYIS PA NI, LTA BA RANG BZHIN GYIS MED KYANG NYAN PA LA SOGS PA RANG BZHIN GYIS YOD DO ZHE NA, NYAN PA DANG SNOM PA DANG MYANG BAR BYED PA DANG REG BYED DANG YID DANG NYAN PO DANG MNYAN BYA LA SOGS PA CHOS CAN, RANG BZHIN GYIS MED DE, LTA BA RANG BZHIN MED PAR SGRUB PA'I RIGS PAS RNAM PAR BSHAD PAR SHES PAR BYA BA'I PHYIR, DBANG PO BRTAG PA ZHES BYA BA STE RAB TU BYED PA GSUM PA'O,, ,,GNYIS PA PHUNG PO LA CHOS BDAG DGAG PA LA GSUM, GZUGS PHUNG RANG BZHIN GYIS YOD PA DGAG ,RIGS PA DE GZHAN LA'ANG SBYAR, RTZOD PA DANG 'CHAD PA'I TSE LAN GDAB TSUL LO, ,DANG PO LA GNYIS, DON GZHAN LA RGYU 'BRAS DGAG ,YOD MED DANG 'DRA MI 'DRA LA RGYU 'BRAS DGAG PA'O, ,DANG PO NI, GAL TE DBANG PO RNAMS BKAG KYANG PHUNG PO RANG

BZHIN GYIS YOD DE, MA BKAG PA'I PHYIR SNYAM NA, 'BRAS GZUGS KYI RGYU 'BYUNG BZHI NI MA GTOGS PAR 'BRAS GZUGS NI RANG BZHIN GYIS DMIGS PAR MI 'GYUR TE, 'BRAS GZUGS KYI RGYU NI MA GTOGS PAR 'BRAS GZUGS RANG BZHIN GYIS YOD NA, 'BRAS GZUGS NI RGYU MED PAR THAL BAR 'GYUR TE, GZUGS KYI DON GANG YANG RGYU MED PA NI GANG NA 'ANG MED PA'I PHYIR, 'BRAS GZUGS ZHES BYA BA MA GTOGS PAR GZUGS KYI RGYU YANG RANG BZHIN GYIS MI SNANG STE, GAL TE 'BRAS GZUGS NI MA GTOGS PAR GZUGS KYI RGYU ZHIG YOD NA NI, 'BRAS BU MED PA'I RGYUR 'GYUR LA, 'BRAS BU MED PA'I RGYU MED PA'I PHYIR RO, ,GNYIS PA NI, 'BYUNG BA LA 'BRAS GZUGS YOD DAM MED, DANG PO LTAR NA, 'BYUNG BA CHOS CAN, 'BRAS GZUGS KYI NI RGYUR YANG 'THAD PAR MI 'GYUR BAR THAL, KHYOD LA 'BRAS GZUGS YOD PA'I PHYIR, GNYIS PA LTAR NA, CHOS CAN, 'BRAS GZUGS KYI NI RGYUR YANG RANG BZHIN GYIS 'THAD PAR MI 'GYUR BAR THAL, KHYOD LA 'BRAS GZUGS MED PA'I PHYIR, GAL TE GZUGS KYI RGYU MED KYANG 'BRAS GZUGS YOD DO ZHE NA, MIG CHOS CAN, 'BRAS GZUGS DAG NI 'THAD PAR MI RUNG BAR THAL, RGYU MED PA'I PHYIR, RGYU MED LAS SKYE BA 'GOG PA LA 'THAD PAR MI RUNG RUNG MIN NYID CES DGAG PA GNYIS SMOS PA CHOS CAN, DON YOD DE, RGYU MED LAS SKYE BA'I PHYOGS SHIN TU THA CHAD PAR RTOGS PA'I CHED YIN PA'I PHYIR, THOGS BCAS THOGS MED SOGS GZUGS KYI RNAM PAR RTOG PA 'GA' YANG RNAM PAR BRTAG PAR MI BYA STE, GZUGS RANG BZHIN GYIS

, ,MED PA DE'I PHYIR, 'BRAS BU'I GZUGS CHOS CAN, RGYU 'BYUNG BA DANG RANG BZHIN GYIS 'DRA BA ZHES BYA BA 'THAD PA MA YIN TE, DE DANG MTSAN NYID MI MTHUN PA'I PHYIR, 'BRAS BU'I GZUGS CHOS CAN, RGYU 'BYUNG BA DANG MI 'DRA ZHES BYA BA'ANG 'THAD PA MA YIN TE, DE'I 'BRAS BU YIN PA'I PHYIR, GNYIS PA NI, TSOR BA DANG 'DU SHES DANG 'DU BYED DANG SEMS DANG DNGOS PO THAMS CAD KYANG CHOS CAN, RANG BZHIN GYIS MED DE, RNAM PA DAG NI THAMS CAD DU GZUGS RANG BZHIN MED PAR SGRUB PA NYID KYIS NA RIM PA MTSUNGS PA'I PHYIR RO, ,GSUM PA NI, DBU MA PAS RANG BZHIN GYIS STONG PA NYID KYIS GZUS RANG BZHIN GYIS MED DO ZHES B RTZAD PA BYAS PA'I TSE, GZUGS RANG BZHIN GYIS YOD DE, TSOR BA RANG BZHIN GYIS YOD PA'I PHYIR CES DNGOS SMRA BA GANG ZHIG LAN 'DEBS SMRA BAR BYED PA DE YIS THAMS CAD DU YANG DAG PA'I LAN BTAB PA MIN TE, SGRUB BYED BSGRUB PAR BYA BA DANG MTSUNGS PAR 'GYUR BA'I PHYIR, YANG STONG PA NYID KYIS BSHAD PA BYAS PA'I TSE SLOB MA GANG ZHIG SKYON 'DOGS SMRA BAR BYED PA DE YI RGOL BA THAMS CAD YANG DAG PA'I SKYON BTAGS PA MIN TE, SGRUB BYED BSGRUB PAR BYA BA DANG MTSUNGS PAR 'GYUR BA'I PHYIR, PHUNG PO BRTAG PA ZHES BYA BA STE RAB TU BYED PA BZHI PA'O,, ,, GSUM PA KHAMS LA CHOS BDAG DGAG PA LA GSUM, NAM MKHA'I KHAMS RANG BZHIN GYIS GRUB PA DGAG ,RIGS PA DE GZHAN LA'ANG SBYAR, YOD MED KYI MTHAR LTA BA SMAD PAR BSTAN PA'O, ,DANG PO LA GSUM, NAM MKHA'I

KHAMS LA MTSAN MTSON DGAG ,DNGOS PO DANG DNGOS MED DU GRUB PA DGAG ,MJUG BSDU BA'O, ,DANG PO NI, GAL TE KHAMS RANG BZHIN GYIS YOD DE, BCOM LDAN 'DAS KYIS RGYAL PO CHEN PO SKYES BU GANG ZAG 'DI NI KHAMS DRUG PA'O, ZHES GSUNGS PA'I PHYIR CE NA, MDO LAS SA'I KHAMS DANG POR GSUNGS KYANG, 'DIR DANG POR NAM MKHA'I KHAMS RANG BZHIN GYIS GRUB PA DGAG PA NI, 'JIG RTEN NA NAM MKHA' STONG PAR GRAGS SHING KHAMS GZHAN RNAMS STONG PAR MA GRAGS PAS, GRAGS PA'I DON GYIS MA GRAGS PA SGRUB PA'I PHYIR DU NAM MKHA'I MTSAN NYID SNGA ROL NA ZHES GSUNGS SO, ,NAM MKHA' LA MTSAN NYID SGRIB THOGS MED PA RANG BZHIN GYIS MI 'JUG STE, NAM MKHA'I MTSAN NYID SGRIB THOGS MED PA'I SNGA ROL NA NAM MKHA' CUNG ZAD YOD PA MA YIN PA'I PHYIR, GAL TE MTSAN NYID SGRIB MED LAS SNGAR NAM MKHA' YOD PAR GYUR NA, NAM MKHA' LA MTSAN NYID MED PAR THAL BAR 'GYUR RO, ,'DOD MI NUS TE, MTSAN NYID MED PA'I MTSAN GZHI'I DNGOS PO NI 'GA' YANG GANG NA'ANG YOD PA MA YIN PA'I PHYIR, MTSAN NYID SGRIB MED GANG DU 'JUG PAR 'GYUR BA RANG BZHIN GYIS MA GRUB PAR THAL, MTSAN NYID MED PA'I SNGA ROL NA MTSAN GZHI'I DNGOS PO MED PA'I PHYIR, MTSAN NYID MED PA LA MTSAN NYID NI MI 'JUG STE, MTSAN NYID MED PA'I MTSAN GZHI MI SRID PA'I PHYIR, MTSAN NYID DANG BCAS PA LA MTSAN NYID RANG BZHIN GYIS 'JUG PA MIN TE, DE LA SLAR YANG MTSAN NYID 'JUG PA DGOS PA MED PA'I PHYIR, MTSAN NYID DANG BCAS PA DANG MTSAN NYID MED PA LAS

, ,GZHAN LA'ANG MTSAN NYID 'JUG PAR MI 'GYUR TE, DE MI SRID PA'I PHYIR, MTSAN GZHI RANG BZHIN GYIS 'THAD PAR MI 'GYUR TE, MTSAN NYID MJUG PA RANG BZHIN GYIS YOD PA MA YIN PA'I PHYIR, MTSAN NYID KYANG NI RANG BZHIN GYIS YOD PA MA YIN TE, MTSAN GZHI RANG BZHIN GYIS 'THAD PA MA YIN PA'I PHYIR, MTSAN GZHI RANG BZHIN GYIS YOD PA MIN PAR THAL, MTSAN NYID 'JUG PA RANG BZHIN GYIS MED PA DE'I PHYIR, 'DOD NA, MTSAN NYID SGRIB MED RANG BZHIN GYIS YOD PA NYID MA YIN PAR THAL LO, ,GNYIS PA NI, BYE BRAG TU SMRA BA NA RE, NAM MKHA' DNGOS POR YOD DO ZHE NA, NAM MKHA' CHOS CAN, DNGOS POR RANG BZHIN GYIS MED PAR THAL, MTSAN GZHI DANG MTSAN NYID RANG BZHIN GYIS MED PA'I PHYIR, KHYAB STE, MTSAN GZHI MTSAN NYID MA GTOGS PA'I DNGOS PO YANG NI YOD PA MA YIN PA'I PHYIR, MDO SDE PA NA RE, DNGOS MED DU RANG BZHIN GYIS YOD DO ZHE NA, CHOS CAN, DNGOS MED GANG GI RANG BZHIN GYIS GRUB PA YIN PAR 'GYUR TE MI 'GYUR BAR THAL, DNGOS PO RANG BZHIN GYIS YOD PA MA YIN PA'I PHYIR, DNGOS PO DANG DNGOS MED RANG BZHIN GYIS YOD DE, DNGOS PO YOD MED RTOG PA PO YOD PA'I PHYIR CE NA, GANG GIS DNGOS PO DANG DNGOS MED SHES PA'I GANG ZAG CHOS CAN, RANG BZHIN GYIS MED DE, DNGOS PO DANG DNGOS MED DANG DE GNYIS KAR YANG RANG BZHIN GYIS MED PA'I PHYIR, RTAGS PHYI MA GRUB STE, DNGOS PO DANG DNGOS MED CHOS MI MTHUN PA'I PHYIR, GSUM PA NI, NAM MKHA' CHOS CAN, DNGOS PO DANG

DNGOS MED PAR MTSAN GZHI DANG, MTSAN NYID DA RANG BZHIN GYIS YOD PA MA YIN TE, DE DAG SNGAR BKAG ZIN PA DE'I PHYIR, GNYIS PA NI, KHAMS LNGA PO GZHAN GANG DAG KYANG CHOS CAN, RANG BZHIN GYIS MED DE, NAM MKHA' RANG BZHIN GYIS MED PAR SGRUB PA'I RIGS PA MTSUNGS PA'I PHYIR, GSUM PA NI, LOG PAR LTA BA'I BLO CHUNG GANG DAG DES NI CHOS CAN, RE SHIG BLTA BAR BYA BA SPROS PA NYE BAR ZHI ZHING ZHI BA'I MYA NGAN LAS 'DAS PA MNGON SUM DU MI MTHONG STE, DNGOS PO RNAMS LA RANG BZHIN GYIS YOD PA NYID DANG MED PA NYID DU BLTA BA'I PHYIR, KHAMS BRTAG PA ZHES BYA BA STE RAB TU BYED PA LNGA PA'O,, ,,GNYIS PA LA GSUM, BRTEN PA KUN NAS NYON MONGS DGAG ,MTSAN NYID SKYE GNAS 'JIG GSUM DGAG ,RGYU LAS DANG BYED PA PO DGAG PA'O, ,DANG PO LA GSUM, 'DOD CHAGS DANG CHAGS PA RANG BZHIN GYIS YOD PA DGAG ,MJUG BSDU BA, RIGS PA DE GZHAN LA'ANG SBYAR BA'O, ,DANG PO LA GNYIS, SNGA PHYIR 'BYUNG BA DGAG ,LHAN CIG TU 'BYUNG BA DGAG PA'O, ,DANG PO NI, PHUNG KHAMS SKYE MCHED RANG BZHIN GYIS YOD DE, BRTEN PA KUN NAS NYON MONGS YOD PA'I PHYIR CE NA, 'DOD CHAGS RANG BZHIN GYIS YOD NA, TSUL GSUM LAS MI 'DA' BAS, CHAGS PA SAR YOD PA'I 'DOD CHAGS YOD DAM, PHYIS YOD PA'I 'DOD CHAGS YOD, DANG PO LTAR NA, CHAGS PA SNGAR YOD KYI 'DOD CHAGS MED PAR THAL, GAL TE 'DOD CHAGS KYI SNGA ROL NA 'DOD CHAGS MED PA'I CHAGS PA YOD NA DE LA BRTEN NAS 'DOD CHAGS YOD LA DE LTA NA CHAGS PA SNGAR

, ,YOD KYI 'DOD CHAGS YOD PAR 'GYUR NA YANG 'DOD CHAGS DANG BRAL BA'I CHAGS PA MED PA'I PHYIR, GNYIS PA LTAR NA, CHAGS PA YOD PAR MA GYUR NA 'DOD CHAGS YOD PAR GAL 'GYUR TE, RTEN MED NA BRTEN PA MI SRID PA'I PHYIR, GAL TE CHAGS PA RANG BZHIN GYIS YOD DE, MA BKAG PA'I PHYIR CE NA, CHAGS PA RANG BZHIN GYIS MED PAR THAL, CHAGS PA LA YANG 'DOD CHAGS NI SNGAR YOD DAM MED KYANG, CHAGS PA SNGAR YOD MED KYI 'DOD CHAGS 'GOG PA'I RIM PA MTSUNGS PA'I PHYIR, GNYIS PA NI, 'DOD CHAGS DANG CHAGS PA LHAN CIG TU YOD DO ZHE NA, 'DOD CHAGS DANG NI CHAGS PA DAG LHAN CIG NYID DU RANG BZHIN GYIS SKYE MI RIGS TE, 'DI LTAR DER SKYE NA, 'DOD CHAGS DANG CHAGS PA DAG PHAN TSUN LTOS PA MED PAR 'GYUR BA'I PHYIR, GZHAN YANG 'DOD CHAGS DANG CHAGS PA RANG BZHIN GYIS GCIG GAM THA DAD, DANG PO LTAR NA, GCIG NYID YIN NA, LHAN CIG NYID MED DE, DE NYID DE DANG LHAN CIG MIN PA'I PHYIR, CI STE RANG BZHIN GYIS THA DAD NYID YIN NA LHAN CIG NYID DU JI LTAR 'GYUR TE MI 'GYUR BAR THAL LO, ,GAL TE GCIG PU YIN KYANG LHAN CIG NA, GROGS MED PAR BA LANG GCIG PU DE YANG LHAN CIG PA DER 'GYUR RO, ,GAL TE RANG BZHIN GYIS THA DAD YIN NA YANG LHAN CIG YIN NA GROGS MED PAR BA LANG SO SO BA YANG LHAN CIG DER 'GYUR RO, ,GAL TE RANG BZHIN GYIS THA DAD LA LHAN CIG YOD DO ZHE NA, CI GO 'DOD CHAGS DANG CHAGS PA DE GNYIS CHOS CAN, RANG BZHIN GYIS LHAN CIG MED PAR THAL, RANG BZHIN GYIS THA DAD NYID DU GRUB PAR 'GYUR NA LHAN CIG TU 'GYUR

NA'ANG, RANG BZHIN GYIS THA DAD MA YIN PA'I PHYIR, GAL TE 'DOD CHAGS CHAGS PA DAG RANG BZHIN GYIS THA DAD NYID DU GRUB PAR 'GYUR RO ZHE NA, DE DAG CHOS CAN, LHAN CIG NYID DU NI CI'I PHYIR NA YONGS SU RTOG STE RTOG MI RIGS PAR THAL LO, , THA DAD RKYANG PA LA 'DIS 'DI CHAGS PA GRUB PAR MA GYUR PAS DE SGRUB PA'I PHYIR DU LHAN CIG 'DOD PAR BYED DO ZHE NA, LHAN CIG RAB TU SGRUB PA'I PHYIR DU RANG BZHIN GYIS THA DAD NYID DU YANG 'DOD DGOS PAR THAL, GCIG RKYANG PA LA 'DIS 'DI CHAGS PA MA GRUB PA'I PHYIR, CHOS CAN, LHAN CIG PA'I DNGOS PO RANG BZHIN GYIS 'GRUB PAR MI 'GYUR BAR THAL, RANG BZHIN GYIS THA DAD PA'I DNGOS PO MA GRUB PAS SO, ,CHOS CAN, RANG BZHIN GYIS THA DAD PA'I DNGOS PO GANG YOD NAS LHAN CIG PA'I DNGOS PO 'DOD PAR BYED MI RIGS PAR THAL, RTAGS 'DRA, GNYIS PA NI, DE LTAR 'DOD CHAGS CHAGS PA DAG CHOS CAN, RANG BZHIN GYIS MED DE, LHAN CIG DANG LHAN CIG MIN PAR RANG BZHIN GYIS MA GRUB PA'I PHYIR, GSUM PA NI, 'DOD CHAGS BZHIN DU CHOS RNAMS KUN CHOS CAN, CHOS 'DRA, LHAN CIG DANG LHAN CIG MIN PAR RANG BZHIN GYIS MA GRUB PA'I PHYIR, 'DOD CHAGS DANG CHAGS PA BRTAG PA ZHES BYA BA STE RAB TU BYED PA DRUG PA'O,, ,,GNYIS PA MTSAN NYID SKYE GNAS 'JIG GSUM DGAG PA LA GSUM, 'DUS BYAS RANG BZHIN GYIS GRUB PA DGAG ,DES 'DUS MA BYAS RANG BZHIN GYIS GRUB PA KHEGS, LUNG 'GAL SPANG BA'O, ,DANG PO LA GNYIS, SPYI'I MTSAN NYID DGAG ,KHYAD PAR GYI MTSAN NYID DGAG PA'O;

, ,DANG PO LA GNYIS, THUN MONG DU DGAG ,SO SOR DGAG PA'O, ,DANG PO LA GSUM, 'DUS BYAS YIN MIN BRTAGS NAS DGAG ,RE RE BA DANG TSOGS PA GANG YIN BRTAGS NAS DGAG ,MTSAN NYID GZHAN YOD MED BRTAGS NAS DGAG PA'O, ,DANG PO NI, PHUNG KHAMS SKYE MCHED 'DUS BYAS RANG BZHIN GYIS YOD DE, 'DUS BYAS KYI MTSAN NYID SKYE GNAS 'JIG GSUM YOD PA'I PHYIR CE NA, GAL TE SKYE BA DE LA CHOS CAN, SKYE SOGS MTSAN NYID GSUM LDAN DU 'GYUR BAR THAL, 'DUS BYAS YIN PA'I PHYIR, CI STE SKYE BA 'DUS MA BYAS YIN NO ZHE NA, CHOS CAN, JI LTAR 'DUS BYAS KYI MTSAN NYID YIN TE MA YIN PAR THAL LO, ,GNYIS PA NI, SKYE BA LA SOGS PA GSUM PO SO SO YIS 'DUS BYAS KYI MTSAN NYID BYA BAR NI NUS PA MiN PAR THAL, SKYE BA MED PA'I GNAS 'JIG MI SRID PA'I PHYIR, SKYE SOGS GSUM DNGOS PO GCIG LA DUS GCIG TU RANG BZHIN GYIS 'DUS PA YANG NI JI LTAR RUNG STE MI RUNG BAR THAL, RANG BZHIN GYIS GNAS NA 'JIG PAR 'GAL BA'I PHYIR RO, ,GSUM PA LA GNYIS, THAL BA DGOD, SKYON SPONG DGAG PA'O, ,DANG PO NI, SKYE BA DANG GNAS PA DANG 'JIG PA RNAMS LA 'DUS BYAS KYI MTSAN NYID GZHAN ZHIG NI YOD DAM MED, GAL TE YOD NA SKYE SOGS DE DAG CHOS CAN, MTSAN NYID THUG MED DU 'GYUR BAR THAL LO, ,MED DO ZHE NA, CHOS CAN, 'DUS BYAS MIN PAR THAL LO, ,GNYIS PA LA GNYIS, THAL BA DANG PO'I SKYON SPONG DGAG ,THAL BA GNYIS PA'I SKYON SPONG DGAG

PA'O, ,DANG PO NI, MANG BKUR BA NA RE, SKYE BA LA SOGS PA 'DUS MA BYAS SU MI 'GYUR TE, SKYE BA'I SKYE BA SOGS YOD PA'I PHYIR, THUG MED DU'ANG MI 'GYUR TE, RTZA BA'I MTSAN NYID DANG RJES MTHUN GYI MTSAN NYID RNAMS PHAN TSUN SGRUB PAR BYED PA'I PHYIR, DE YANG CHOS DGE BA'AM NYON MONGS PA CAN CIG SKYE BA NA RANG DANG BCO LNGA SKYES TE, CHOS DE DANG DE'I SKYE BA DANG LDAN PA DANG GNAS PA DANG RGA BA DANG MI RTAG PA DANG, NYON MONGS CAN YIN NA, LOG PA'I RNAM GROL DANG, DGE BA YIN NA YANG DAG PA'I RNAM GROL DANG, NGES 'BYUNG YIN NA DE'I NGES 'BYUNG DANG, MA YIN NA, DE'I NGES 'BYUNG MA YIN PA'O, ,DE LA DGE BA 'AM NYON MONGS PA CAN DE GTZO BO DANG, DE'I SKYE BA NAS NGES 'BYUNG GI BAR NI 'KHOR DANG, SKYE BA'I SKYE BA NAS NGES 'BYUNG MA YIN PA'I NGES 'BYUNG MA YIN BA'I BAR NI 'KHOR GYI 'KHOR RO, ,DE'I NANG NAS SKYE BA'I SKYE BAS RTZA BA'I SKYE BA 'BA' ZHIG SKYED PAR BYED LA, RTZA BA'I SKYE BAS SKYE BA'I SKYE BA'ANG SKYED PAR BYED PA YIN NO ZHE NA, GAL TE KHYOD KYI SKYE BA'I SKYE BAS RTZA BA'I SKYE BA SKYED PAR BYED NA KHYOD KYI RTZA BA'I SKYE BAS MA SKYED PA'I SKYE BA'I SKYE BA DES RTZA BA'I SKYE BA DE NI JI LTAR SKYED PAR BYED PA MI RIGS PAR THAL, RTZA BA'I SKYE BAS SKYE BA'I SKYE BA SKYED DGOS PA'I PHYIR, GAL TE KHYOD KYI RTZA BA YIS SKYED PA'I SKYE BA DE YIS RTZA BA'I SKYE BA SKYED NA, SKYE BA'I SKYE BA DES MA SKYED PA'I RTZA BA'I SKYE BA DES SKYE BA'I SKYE BA DE NI JI LTAR SKYED PAR BYED PA MI RIGS PAR THAL, RTZA BA'I SKYE BA DE SKYE BA'I SKYE BAS SKYED DGOS PA'I PHYIR, GAL TE PHAN TSUN SKYE BZHIN PAS SKYED DO ZHE NA, SKYE BA'I SKYE BA CHOS CAN, RTZA BA'I SKYE BZHIN PAS SKYED PA MA YIN PAR THAL,

, ,GAL TE RTZA BA'I SKYE BA MA SKYES PA DE YIS KHYOD SKYED PAR NI BYED NUS NA KHYOD KYI RTZA BA'I SKYE BA SKYE BZHIN PA DE YIS KHYOD SKYED PAR NI 'DOD LA RAG NA, RTZA BA'I SKYE BA MA SKYES PAS KHYOD SKYED MI NUS PA'I PHYIR, GNYIS PA LA GNYIS, SKYON SPONG DANG, DE DGAG PA'O, ,DANG PO NI, JI LTAR MAR MES RANG DANG GZHAN GNYIS KA SNANG BAR BYED PA DE BZHIN DU SKYE BAS KYANG RANG DANG GZHAN GYI DNGOS PO GNYIS KA SKYED PAR BYED PA YIN PAS 'DUS MA BYAS DANG THUG MED KYI SKYON GNYIS KA MED DO, ,ZHE NA, GNYIS PA LA GNYIS, DPE DGAG ,DON DGAG PA'O, ,DANG PO NI, MAR MES CI ZHIG RANG BZHIN GYIS SNANG BAR BYED MI RIGS PAR THAL, MUN PA SEL BAS SNANG BYED YIN DGOS NA, MAR ME DANG NI YUL GANG DAG NA MAR ME DE 'DUG PA NA MUN PA MED PA'I PHYIR, GAL TE MAR ME SKYE BZHIN PAS MUN PA SEL LO ZHE NA, JI LTAR MAR ME SKYE BZHIN PAS MUN PA RANG BZHIN GYIS SEL BAR BYED PA YIN PA MI 'THAD PAR THAL, GANG GI TSE MAR ME SKYE BZHIN PA MUN PA DANG NI RANG BZHIN GYIS PHRAD PA MED PA'I PHYIR, GAL TE MAR ME MUN PA DANG PHRAD PA MED PAR YANG MUN PA SEL BYED YIN NO ZHE NA, 'JIG RTEN KUN NA GNAS PA'I MUN PA YUL 'DI NA GNAS PA DES SEL BAR 'GYUR BAR THAL LO, ,GAL TE MAR ME RANG DANG GZHAN GYI DNGOS PO SNANG BAR BYED PAR 'GYUR TE, SNANG BYED YIN PA'I PHYIR CE NA, MUN PA'ANG RANG DANG GZHAN GYI DNGOS PO SGRIB PAR 'GYUR BAR THE TSOM MED PAR THAL, SGRIB BYED YIN PA'I PHYIR RO, ,GNYIS PA NI, SKYE BA DE SKYES SAM MA SKYES, MA SKYES NA, SKYE BA 'DI NI CHOS CAN, RANG GI

BDAG NYID JI LTAR SKYED MI RIGS PAR THAL, MA SKYES PAS SO, ,CI STE SKYES PAS SKYED PAR BYED NA, CHOS CAN, RANG GIS CI ZHIG SKYED DU YOD DE MED PAR THAL, SKYES PA'I PHYIR, GNYIS PA LA GSUM, SKYE BA, GNAS PA, 'JIG PA RANG BZHIN GYIS GRUB PA DGAG PA'O, ,DANG PO LA GSUM, DUS GSUM DU DBYAD NAS DGAG ,YONG MED GSUM DU DPYAD NAS DGAG ,'GAG BZHIN PA YIN MIN DPYAD NAS DGAG PA'O, ,DANG PO NI, SKYE BA RANG BZHIN GYIS MED DE, SKYES PA DANG MA SKYES PA DANG, SKYE BZHIN PA JI LTA BUR YANG RANG BZHIN GYIS MI SKYED PA DE NI SONG BA DANG MA SONG BA DANG BGOM PA LA 'GRO BA'I BYA BA RANG BZHIN GYIS GRUB PA 'GOG PA'I RIGS PAS RNAM PAR BSHAD PA YIN PA'I PHYIR, GAL TE SKYE BA'I BYA BA LA BRTEN NAS SKYE BZHIN PA SKYE'O ZHE NA JI LTAR SKYE PA LA BRTEN NAS NI SKYE BZHIN PA RANG BZHIN GYIS YOD CES NI BRJOD PAR BYA BA MA YIN PAR THAL, GANG GI TSE SKYE BA YOD PA NA SKYE BZHIN PA 'DI 'BYUNG BA MED PA'I PHYIR, RANG SDE DNGOS SMRA BA NA RE, RGYAL BA'I GSUNG RAB 'CHAD PA'I ZOL GYIS RTEN 'BYUNG 'JIG PAR BYED PA KHYOD LA 'JIGS TE, RGYAL BAS 'DI YOD NA 'DI 'BYUNG ZHES RTEN 'BYUNG GSAL BAR MDZAD LA, KHYOD KYIS SKYES DANG MA SKYES SKYE BZHIN PA, ZHES DE 'JIG PAR BYED PA'I PHYIR CE NA, SKYE BZHIN NYID DAD NI SKYE BA YANG NI RANG BZHIN GYIS ZHI BA NYID DE, RTEN CING 'BYUNG BA GANG YIN PA DE NI NGO BO NYID KYIS ZHI BA DE'I PHYIR, GANG TSE SKYE BA YOD PA NA, ZHES PA MI RIGS TE, 'BYUNG 'GYUR LA BSAMS NAS SKYE BAS SKYE BZHIN PA SKYED DO ZHE NA, SKYE BZHIN PA CI ZHIG RANG BZHIN GYIS SKYE BAR 'GYUR TE MI 'GYUR BAR THAL,

, ,GAL TE DNGOS PO 'GA' ZHIG MA SKYES PA'I SNGA ROL DU YUL GANG NA YOD PAR GYUR NA, SKYE BZHIN PA DE NI SKYE BAR 'GYUR NA YANG DNGOS PO DE NI MA SKYES PA'I SNGA ROL DU MED PA'I PHYIR, GAL TE SKYE BA DE YIS NI SKYE BZHIN PA NI SKYED PAR BYED NA SKYE BA DE NI SKYE BA LTA GANG ZHIG GIS NI SKYED PAR BYED DRIS PAS, GAL TE SKYE BA GZHAN ZHIG GIS SKYE BA DE SKYED DO ZHE NA, SKYE BA THUG PA MED PAR 'GYUR RO, ,CI STE SKYE BA DE SKYE BA DON GZHAN MED PAR SKYE'O ZHE NA, DNGOS PO THAMS CAD SKYE BA DE BZHIN DU SKYE BA DON GZHAN MED PAR SKYE BAR 'GYUR BAR THAL LO, ,GNYIS PA NI, SKYE BA CHOS CAN, RANG BZHIN GYIS MI SKYED DE, RE SHIG RANG DUS NA YOD PA DANG MED PA YANG SKYE BAR RIGS PA MA YIN CING YOD MED NYID KYANG SKYE BA MA YIN CES GONG DU BSTAN PA NYID YIN PA'I PHYIR RO, , GSUM PA NI, DNGOS PO 'GAG BZHIN NYID LA NI CHOS CAN, RANG BZHIN GYIS SKYE BAR MI 'GYUR TE, YOD PA'I PHYIR, GANG ZHIG 'GAG BZHIN MA YIN PA DE NI CHOS CAN, MI SKYE BAR THAL, DNGOS POR MI 'THAD PA'I PHYIR, GNYIS PA NI, DNGOS PO GNAS ZIN PA CHOS CAN, MI GNAS TE, GNAS PA'I BYA BA 'GAGS PA'I PHYIR, DNGOS PO MI GNAS PA CHOS CAN, GNAS PA MIN TE, GNAS PA'I BYA BA DANG BRAL BA'I PHYIR, GNAS BZHIN PA YANG RANG BZHIN GYIS MI GNAS TE, GNAS PA'I BYA BA GNYIS MED PA'I PHYIR, DNGOS PO GANG ZHIG CHOS CAN, RANG BZHIN GYIS GNAS PAR 'GYUR BA MA YIN PAR THAL, RANG BZHIN GYIS MA SKYES PA'I PHYIR, DNGOS PO 'GAG BZHIN NYID LA RANG BZHIN GYIS GNAS PA 'THAD PAR MI 'GYUR TE,

GNAS PA DANG 'GAG PA'I BYA BA GNYIS MI MTHUN PA'I PHYIR, GANG ZHIG 'GAG BZHIN MA YIN PA DE NI CHOS CAN, RANG BZHIN GYIS MI GNAS TE, DNGOS POR MI 'THAD PA'I PHYIR, GANG DAG RGA BA DANG 'CHI BA MED PAR GNAS PA'I DNGOS PO GANG ZHIG YOD PA MA YIN PAR THAL, DNGOS PO THAMS CAD DUS KUN TU RGA BA DANG 'CHI BA'I CHOS CAN YIN PA'I PHYIR, GNAS PA RANG BZHIN GYIS MED DE, GNAS BYED GZHAN DAG DANG NI DE NYID KYIS KYANG GNAS PA MI RIGS PA'I PHYIR, JI LTAR SKYE BA RANG DANG NI GZHAN GYIS SKYED PA MA YIN PA BZHIN NO, ,GSUM PA LA LNGA, DUS GSUM LA, GNAS PA YIN MIN LA, RANG GZHAN LA, DNGOS POR YOD MED LA, 'JIG BYED GZHAN YONG MED LA BRTAGS NAS DGAG PA'O, ,DANG PO NI, SKYE GNAS RANG BZHIN GYIS YOD DE, 'JIG PA YOD PA'I PHYIR CE NA, 'GAG PA RANG BZHIN GYIS YOD NA GSUM LAS MI 'DA' BAS, 'GAGS PA 'GAG PAR MI 'GYUR TE, 'DAS PA DANG DA LTAR BA 'GAL BA'I PHYIR, MA 'GAGS PA MA 'ONGS PA YANG 'GAG PAR MI 'GYUR TE, 'GAG PA DANG BRAL BA'I PHYIR, 'GAG BZHIN PA YANG DE BZHIN DU RANG BZHIN GYIS 'GAG PA MIN TE, 'GAG BZHIN PA RANG BZHIN GYIS MED PA'I PHYIR, DNGOS PO GANG ZHIG CHOS CAN, RANG BZHIN GYIS 'GAG PAR 'GYUR BA MA YIN PAR THAL, RANG BZHIN GYIS MA SKYES PA'I PHYIR, GNYIS PA NI, RE SHIG DNGOS PO GNAS PA LA RANG BZHIN GYIS 'GAG PA 'THAD PAR MI 'GYUR TE, 'GAG PA DANG GNAS PA'I BYA BA GNYIS GZHI GCIG LA 'GAL BA'I PHYIR, DNGOS PO RANG DUS SU MI GNAS PA LA YANG 'GAG PA 'THAD PAR MI 'GYUR

, ,TE, DE MI SRID PA'I PHYIR RO, ,GSUM PA NI, 'GAG PA RANG BZHIN GYIS MED DE, GNAS SKABS DE YIS GNAS SKABS NI DE NYID 'GAG PA NYID DU MI 'GYUR ZHING, GNAS SKABS GZHAN GYIS GNAS SKABS NI GZHAN YANG 'GAG PA NYID DU MI 'GYUR BA'I PHYIR, CHOS RNAMS THAMS CAD KYI 'GAG PA RANG BZHIN GYIS 'THAD PAR MI 'GYUR TE, GANG GI TSE CHOS RNAMS THAMS CAD KYI SKYE BA RANG BZHIN GYIS 'THANG PAR MI 'GYUR BA'I PHYIR, BZHI PA NI, RE SHIG DNGOS PO YOD PA LA RANG BZHIN GYIS 'GAG PA 'THAD PAR MI 'GYUR TE, GZHI GCIG NYID NA NI DNGOS PO DANG DNGOS PO MED PA 'THAD PA MED PA'I PHYIR, DNGOS PO MED PAR GYUR PA LA'ANG 'GAG PA 'THAD PAR MI 'GYUR TE, DNGOS POR MED PA'I PHYIR, DPER NA, MGO GNYIS MED PA LA JI LTAR NI MGO GNYIS BCAD DU MED PA DE BZHIN NO, ,LNGA PA NI, 'GAG PA RANG BZHIN GYIS MED DE, RANG GI BDAG NYID KYIS 'GAG PA YOD PA MIN GZHAN GYIS 'GAG PA MIN PA'I PHYIR, JI LTAR SKYE BA RANG DANG NI GZHAN GYIS SKYED PA MA YIN PA BZHIN NO, ,GNYIS PA NI, GAL TE 'DUS BYAS SPYI'I MTSAN NYID BKAG KYANG, KHYAD PAR GYI MTSAN NYID SRA BA LA SOGS PA YOD DO, ,ZHE NA, 'DUS BYAS RANG BZHIN GYIS MED DE, SKYE BA DANG GNAS PA DANG 'JIG PA DAG RANG BZHIN GYIS MA GRUB PA'I PHYIR, DE'I PHYIR KHYAD PAR GYI MTSAN NYID RANG BZHIN GYIS MED DO, ,GNYIS PA NI, 'DUS BYAS RANG BZHIN GYIS YOD DE, MI MTHUN PHYOGS 'DUS MA BYAS YOD PA'I PHYIR CE NA, 'DUS MA BYAS NI JI LTAR RANG BZHIN GYIS MI 'GRUB

PAR THAL, 'DUS BYAS RANG BZHIN GYIS RAB TU MA GRUB PAS SO, ,GSUM PA NI, SKYE 'JIG RANG BZHIN GYIS MED NA 'DUS BYAS SKYE BAR YANG MNGON, ZHES SOGS GSUNGS PA DANG 'GAL LO, ,ZHAN, MI 'GAL TE, RMI LAM JI BZHIN SGYU MA BZHIN DRI ZA'I GRONG KHYER JI BZHIN DU, DE BZHIN DU SKYE BA DANG DE BZHIN DU GNAS PA DANG DE BZHIN DU NI 'JIG PA GSUNGS PA'I PHYIR RO, ,SKYE BA DANG GNAS PA DANG 'JIG PA BRTAG PA ZHES BYA BA STE RAB TU BYED PA BDUN PA'O,, ,,GSUM PA RGYU LAS DANG BYED PA PO DGAG PA LA GSUM, LAS DANG BYED PA PO RANG BZHIN GYIS GRUB PA DGAG ,THA SNYAD DU LAS DANG BYED PA PO 'JOG TSUL, RIGS PA DE GZHAN LA'ANG SBYAR BA'O, ,DANG PO LA GNYIS, PHYOGS MTHUN GYI BYA BYED DGAG ,PHYOGS MI MTHUN GYI BYA BYED DGAG PA'O, ,DANG PO NI, 'DUS BYAS RANG BZHIN GYIS YOD DE, RGYU LAS DANG BYED PA PO YOD PA'I PHYIR CE NA, BYED PA PO YIN PAR GYUR PA NI LAS SU GYUR PA RANG BZHIN GYIS MI BYED DE, 'OG GI RIGS PAS GNOD PA'I PHYIR, BYED PA PO MA YIN PAR GYUR PA YANG LAS SU MA GYUR PA MI BYED DE, RTAGS 'DRA, JI LTAR GNOD NA, BYED PA PO LA LTOS PA MED PA'I LAS SU'ANG 'GYUR BAR THAL, BYED PA POS LAS RANG BZHIN GYIS BYED PA'I PHYIR, KHYAB STE, DE LTAR NA LAS GCIG BYED PA'I TSE BYA BA DON GZHAN GNYIS YOD DGOS SHING BYED PA PO YIN PAR GYUR PA LA BYA BA GNYIS PA MED PA'I PHYIR, LAS MED PA'I BYED PA POR YANG 'GYUR BAR THAL, LAS DE BYED PA POS RANG BZHIN GYIS BYED PA'I PHYIR, KHYAB STE, DE LTAR NA, LAS GCIG BYED PA'I TSE BYA BA DON GZHAN GNYIS YOD DGOS SHING

, ,LAS YIN PAR GYUR PA LA BYA BA GNYIS PA MED PA'I PHYIR, GAL TE BYED PA POR MA GYUR PAS LAS SU MA GYUR PA BYED NA NI, LAS LA RGYU NI MED PAR 'GYUR ZHING BYED PA PO YANG RGYU MED TU 'GYUR BAR THAL LO, ,'DOD NA, 'BRAS BU DANG RGYU YANG 'THAD PAR MI 'GYUR BAR THAL, LAS DANG BYED PA PO LA RGYU MED PA'I PHYIR, 'DOD NA, BYA BA DANG BYED PA PO DANG, BYED PA MI RIGS PAR THAL, RGYU 'BRAS DE MED PA'I PHYIR, 'DOD NA, CHOS DANG CHOS MIN YOD PA MA YIN PAR THAL, BYA BA LA SOGS PA MI RIGS PA'I PHYIR, 'DOD NA, CHOS DANG CHOS MIN DE CHOS CAN, KHYOD LAS BYUNG BA'I 'BRAS BU MED PAR THAL, KHYOD MED PA'I PHYIR, 'DOD NA, THAR BA DANG MTHO RIS SU 'GYUR BA'I LAM MI 'THAD CING, BYA BA DAG NI THAMS CAD KYANG DON MED NYID DU 'GYUR BAR THAL, 'BRAS BU MED PA'I PHYIR, BYED PA POR GYUR MA GYUR GNYIS KAS LAS SU GYUR MA GYUR DE MI BYED DE, BYED PA PO YIN PA DANG MA YIN PAR GYUR PA GZHI GCIG LA PHAN TSUN 'GAL BAS GAL YOD DE MED PA'I PHYIR, GNYIS PA NI, BYED PA POR NI GYUR PA YIS LAS NI MA GYUR PA MI BYED DE, 'DIR YANG BYED PA PO MED PA'I LAS SU 'GYUR ZHING LAS LA RGYU NI MED PA'I SKYON DER THAL BAR 'GYUR BA'I PHYIR, BYED PA POR MA GYUR PAS KYANG LAS SU GYUR PA MI BYED DE, 'DIR YANG BYED PA PO YANG RGYU MED 'GYUR ZHING LAS MED BYED PA POR YANG 'GYUR BA'I PHYIR, BYED PA POR NI GYUR PA DANG BCAS PAS LAS NI MA GYUR PA DANG GYUR MA GYUR GNYIS KA MI BYED DE, BYED PA PO MED PA'I LAS SU 'GYUR ZHING LAS LA RGYU NI MED PA DANG YIN DANG MA YIN GYUR CIG LA ZHES

GTAN TSIGS GONG DU BSTAN PA'I PHYIR RO, ,BYED PA POR NI MA GYUR PAS LAS NI MA GYUR PA DANG BCAS PA DANG GYUR MA GYUR GNYIS KA MI BYED DE, BYED PA PO YANG RGYU MED DANG LAS MED BYED PA POR YANG 'GYUR ZHING YIN DANG MA YIN GYUR CIG LA ZHES GTAN TSIGS GONG DU BSTAN PA'I PHYIR RO, ,BYED PA POR GYUR MA GYUR NI LAS SU GYUR PA DANG MA GYUR PA MI BYED DE, 'DIR YANG YIN DANG MA YIN GYUR CIG LA ZHES PA DANG, LAS MED BYED PA POR YANG 'GYUR ZHING LAS LA RGYU NI MED PAR 'GYUR ZHES GTAN TSIGS GONG DU BSTAN PAR SHES PAR BYA BA'I PHYIR, GNYIS PA NI, BYA BYED RANG BZHIN GYIS MED NA BYA BYED MED PAR 'GYUR RO ZHE NA, MI 'GYUR TE, BYED PA PO LAS LA BRTEN BYAS SHING LAS KYANG BYED PA PO DE NYID LA BRTEN NAS 'BYUNG BA MA GTOGS PA 'GRUB PA'I RGYU NI MA MTHONG BA'I PHYIR, GSUM PA NI, DE BZHIN DU NYER LEN SOGS RANG BZHIN GYIS MED PAR SHES PAR BYA STE, LAS DANG BYED PA PO RANG BZHIN GYIS BSAL BA'I PHYIR RO, ,DNGOS PO LHAG MA CHOS CAN, RANG BZHIN GYIS MED PAR SHES PAR BYA STE, BYED PA PO DANG LAS DAG GI RIGS PA MTSUNGS PA'I PHYIR, BYED PA PO DANG LAS BRTAG BA ZHES BYA BA STE RAB TU BYED PA BRGYAD PA'O,, ,,GNYIS PA GANG ZAG GI BDAG MED BSHAD PA LA GNYIS, DNGOS DANG, SGRUB BYED DGAG PA'O, ,DANG PO LA, RTZOD LAN NO, ,DANG PO NI, DE BZHIN NYER LEN SHES PAR BYA ZHES BSHAD PA MI 'THAD DE, LTA BA DANG NYAN PA LA SOGS PA DANG TSOR SOGS KYI DBANG DU BYAS PA LEN PA PO GANG GI BLANG BYA YIN PA DE DAG GI SNGA ROL NA LEN PA PO DE YOD CES NYAN THOS SDE PA KHA CIG SMRA STE, BLANG BYA

, ,DE DAG GI SNGA ROL NA LAN PA PO'I DNGOS PO GNAS PA DE YOD DE, LEN PA PO'I DNGOS POS SNGAR YOD PA MA YIN NA LTA BA LA SOGS PA BLANG BYAR JI LTAR 'GYUR TE MI 'GYUR BA DE'I PHYIR, SOGS SNGA MAS DBANG PO LHAG MA DANG PHYI MAS SEMS BYUNG LHAG MA RNAMS BSDUS YANG NI LHAG MA BSDUS PA RNAMS KYANG 'DIR GTOGS PAR YID CHES PA'I DON NO ZHE NA, GNYIS PA LA GSUM, NYE BAR LEN PA PO DGAG ,NGES NYE BAR BLANG BYA'ANG KHEGS, RTZOD PA SPANG BA'O, ,DANG PO LA GSUM, LEN PA PO BLANG BYA THAMS CAD KYI SNGA ROL NA YOD PA DGAG ,BLANG BYA RE RE'I SNGA ROL NA YOD PA DGAG ,BLANG BYA THAMS CAD KYI SNGA ROL NA YOD PA'I SGRUB BYED DGAG PA'O, ,DANG PO NI, LEN PA PO'I DNGOS PO GANG ZAG DE CHOS CAN, GANG GIS GDAGS PAR BYA BA'I RGYU MED PAR THAL, LTA BA DANG NYAN PA LA SOGS PA DANG TSOR BA LA SOGS PA NYID KYI SNGA ROL NA GNAS PA'I PHYIR, GANG ZAG DE MED PAR YANG LTA SOGS DE DAG NI YOD PAR 'GYUR BAR THE TSOM MED PAR THAL, GAL TE LTA BA LA SOGS MED PAR YANG GANG ZAG DE NI GNAS PAR 'GYUR BA'I PHYIR, 'DOD MI NUS TE, BLANG BYA CI YANG MED PAR LEN PO GANG ZHIG GA LA YOD DE MED PAR THAL, BLANG BYA CI YIS LEN PO GANG ZHIG GSAL BAR BYED PA'I PHYIR, LEN PO GANG MED PAR BLANG BYA CI ZHIG GA LA YOD DE MED PAR THAL, LEN PO GANG GIS BLANG BYA CI ZHIG GSAL BAR BYED PA'I PHYIR, GNYIS PA NI, LTA BA LA SOGS PA THAMS CAD KYI SNGA ROL NA GANG ZAG GANG ZHIG YOD PA MIN GYI RE RE'I SNGA ROL NA YOD LA, LTA SOGS KYI NANG NAS LTA BAS GANG ZAG GSAL BA'I TSE DBANG PO GZHAN

ZHIG GIS GSAL BAR MI BYED PAR GZHAN GYI TSE NA GSAL BAR BYED PAS GDAGS GZHI MED PA'I SKYON MED DO ZHE NA, GANG ZAG DE NI CHOS CAN, LTA BA LA SOGS PA RE RE'I SNGA ROL NA JI LTAR YOD DE MED PAR THAL, LTA BA LA SOGS PA THAMS CAD KYI SNGA ROL NA YOD PA MA YIN PA'I PHYIR, DE NI CHOS CAN, CHOS 'DRA, GAL TE LTA BO DE NYID NYAN PA PO DE TSOR BA PO 'ANG DE NYID YIN NA RE RE'I SNGA ROL NA YOD PAR 'GYUR NA'ANG DE LTAR MI RIGS PA'I PHYIR, GAL TE LTA BA PO DANG NYAN PA PO DANG TSOR BA PO RANG BZHIN GYIS GZHAN YIN NO ZHE NA, LTA BO YOD TSE NYAN PO YOD PAR 'GYUR ZHING, GANG ZAG GCIG LA BDAG KYANG MANG PO NYID DU 'GYUR BAR THAL LO, ,GSUM PA NI, BDAG DE LTA BA LA SOGS PA THAMS CAD KYI SNGA ROL NA YOD KYANG GDAGS GZHI MED PA'I SKYON MED DE, LTA BA LA SOGS PA'I RGYU 'BYUNG BA BZHI YOD PA'I PHYIR CE NA, BDAG DE NI CHOS CAN, LTA BA DANG NYAN PA LA SOGS PA DANG TSOR BA DAG LA SOGS PA YANG GANG LAS SKYE BAR 'GYUR BA'I 'BYUNG BZHI DE LA'ANG RANG BZHIN GYIS YOD PA MA YIN TE, SNGA PHYI DANG LHAN CIG LA BKOD PA'I NYES PA MTSUNGS PA'I PHYIR, GNYIS PA NI, GAL TE LEN PO BKAG KYANG BLANG BYA RANG BZHIN GYIS YOD DO ZHE NA, LTA BA LA SOGS PA DE DAG KYANG NI RANG BZHIN GYIS YOD PA MA YIN TE, GAL TE LTA BA DANG NYAN PA LA SOGS PA DANG TSOR BA DAG LA SOGS PA YANG GANG GI YIN PA'I BDAG RANG BZHIN GYIS MED PA'I PHYIR, GSUM PA NI, BDAG GANG ZHIG CHOS CAN, KHYOD LA RANG BZHIN GYIS YOD DO ZHES RTOG PA DAG NI LDOG PAR 'GYUR TE, LTA BA LA SOGS PA'I SNGA ROL DANG NGA LTA DANG PHYI NA RANG BZHIN GYIS MED PA'I PHYIR, MED DO ZHES

, ,RTOG PA DAG NI LDOG PAR 'GYUR TE, BLANG BYA GSAL BAR BYED PA'I PHYIR, SNGA ROL NA GNAS PA BRTAG PA ZHES BYA BA STE RAB TU BYED PA DGU PA'O,, ,,GNYIS PA GANG ZAG RANG BZHIN GYIS YOD PA'I SGRUB BYED DGAG PA LA GNYIS, DPE DGAG, GTAN TSIGS DGAG PA'O, ,DANG PO LA GSUM, ME SHING RANG BZHIN GYIS YOD PA DGAG ,RIGS PA DE GZHAN LA'ANG SBYAR, BKAG PA'I DON DU LTA BA SMAD PA'O, ,DANG PO LA GSUM, SNGAR MA BSHAD PA'I RIGS PAS DGAG ,SNGAR BSHAD PA'I RIGS PAS DGAG ,MJUG BSDU BA'O, ,DANG PO LA GNYIS, RANG BZHIN GCIG PA DGAG ,RANG BZHIN THA DAD PA DGAG PA'O, ,DANG PO NI, LEN PA PO DANG BLANG BYA LTOS PAS RANG BZHIN GYIS MED PA MI 'THAD DE, ME SHING LTOS KYANG RANG BZHIN GYIS YOD PA BZHIN NO, ,ZHE NA, DE GNYIS RANG BZHIN GYIS YOD NA, RANG BZHIN GYIS GCIG GAM THA DAD, DANG PO LTAR NA, BYED PA PO DANG LAS GCIG TU 'GYUR BAR THAL, BUD SHING GANG DE ME DANG RANG BZHIN GYIS GCIG YIN PA'I PHYIR, GNYIS PA LA GNYIS, BSGRUB BYA DGAG ,SGRUB BYED DGAG PA'O, ,DANG PO LA GNYIS, MI LTOS PAR THAL BA, MI PHRAD PAR THAL BA'O, ,DANG PO NI, GNYIS PA LTAR NA, ME CHOS CAN, SHING MED PAR YANG 'BYUNG BAR 'GYUR ZHING RTAG TU 'BAR BA NYID DU 'GYUR BA DANG, 'BAR BYED KYI RGYU LAS MI 'BYUNG ZHING RTZOM PA DON MED NYID DU 'GYUR LA, DE LTA YIN NA LAS BUD SHING KYANG MED PA DANG, GZHAN SHING LA LTOS PA MED PAR THAL, GAL TE SHING LAS RANG BZHIN GYIS GZHAN YIN PA'I PHYIR, 'DOD NA, DE'I PHYIR

'BAR BAR BYED PA'I RGYU SHING LAS MI 'BYUNG BAR THAL LO, ,'DOD NA, RTAG TU 'BAR BA NYID YIN PAR THAL, 'BAR BA GANG ZHIG ,'BAR BYED KYI RGYU LAS MI 'BYUNG BA'I PHYIR, 'DOD NA, BUD SHING SNON PA'I RTZOM PA DON MED NYID DU 'GYUR RO, ,DE LA GAL TE 'DI SNYAM DU SREG BZHIN BA BUD SHING YIN PAS SHING MED PAR 'BYUNG BA'I SKYON MED PAR SEMS NA, ME GANG GIS BUD SHING DE RANG BZHIN GYIS SREG BYED MA YIN PAR THAL, GANG GI TSE SREG BZHIN PA DE TZAM DE BUD SHING YIN PA'I PHYIR, GNYIS PA NI, ME CHOS CAN, SHING DANG MI PHRAD PAR THAL, SHING LAS RANG BZHIN GYIS GZHAN YIN PA'I PHYIR, PHRAD PA MED NA SHING SREG PAR MI 'GYUR BAR THAL LO, ,MI SREG NA 'CHI BAR MI 'GYUR BAR THAL LO, ,'DOD NA, RANG RTAGS 'BAR BA DANG YANG RTAG TU LDAN PAR GNAS PAR THAL, 'BAR BA GANG ZHIG ,MI 'CHI BA'I PHYIR, JI LTAR BUD MED SKYES PA DANG SKYES PA'ANG BUD MED DANG PHRAD PA BZHIN NO, ,GAL TE SHING LAS ME GZHAN YIN YANG SHING DANG PHRANG PAR RUNG BAR 'GYUR RO, ,ZHE NA, ME SHING RANG BZHIN GYIS GZHAN YIN KYANG PHRAD PA MI RIGS PAR THAL, GAL TE ME DANG SHING DAG NI GCIG GIS GCIG NI BSAL BAR GYUR NA SHING LAS ME GZHAN NYID YIN KYANG SHING DANG PHRAD PAR 'DOD LA RAG NA, ME SHING DE LTA BU MI SRID PA'I PHYIR, GNYIS PA NI, ME SHING RANG BZHIN GYIS YOD DE, LTOS PA'I PHYIR CE NA, GAL TE SHING LA LTOS NAS ME 'JOG PA YIN LA, GAL TE ME LA LTOS NAS SHING 'JOG PA YIN NA GANG LA LTOS NAS ME DANG SHING GRUB PAR 'GYUR BA DANG BOR GRUB PA GANG ZHIG YIN, GAL TE SHING SNGAR GRUB PA LA LTOS NAS ME GRUB PA YIN NA, ME GRUB PA LA SLAR YANG

, ,SGRUB PAR 'GYUR ZHING BUD PAR BYA BA'I SHING LA YANG ME MED PAR NI 'GYUR BA YIN PAR THAL, SHING SNGAR RANG BZHIN GYIS GRUB PA LA, ME LTOS PA'I PHYIR, GAL TE ME SHING DUS GCIG TU GRUB PAS SKYON MED DO ZHE NA, ME SHING GNYIS GANG LA LTOS NAS GANG ZHIG 'GRUB PA RANG BZHIN GYIS MED PAR THAL, GAL TE SHING GI DNGOS PO GANG LA LTOS NAS GRUB PA'I ME DE NYID LA YANG LTOS NAS NI LTOS BYA SHING GANG YIN PA DE GRUB PA'I PHYIR, GZHAN YANG ME GRUB BAM MA GRUB, MA GRUB NA SHING GI DNGOS PO LA LTOS NAS GRUB PA'I ME GANG YIN PA DE CHOS CAN, SHING LA JI LTAR LTOS TE MI LTOS PAR THAL, MA GRUB PA'I PHYIR, CI STE GRUB PA LTOS SO ZHE NA, DE NI CHOS CAN, SHING LA RANG BZHIN GYIS LTOS PA MI RIGS PAR THAL, GRUB PA'I PHYIR, ME SHING RANG BZHIN GYIS MED DE, SHING LA LTOS PA'I ME RANG BZHIN GYIS MED, SHING LA MA LTOS PA'I ME YANG MED, ME LA LTOS PA'I SHING RANG BZHIN GYIS MED, ME LA MA LTOS PA'I BUD SHING MED PA'I PHYIR, ME SHING RANG BZHIN GYIS YOD DE, MES BUD SHING SREG PAR DMIGS PA'I PHYIR CE NA, ME NI SHING MED PAR GZHAN LAS MI 'ONG STE, SHING MED PAR 'ONG BA MA MTHONG BA'I PHYIR, SHING LA'ANG ME NI YOD PA MIN TE, DE LA MA MTHONG BA'I PHYIR, GNYIS PA NI, DE BZHIN DU ME DANG SHING RANG BZHIN GYIS MED PA'I RIGS PA LHAG MA NI SONG BA DANG MA SONG BA DANG BGOM PA LA 'GRO BA'I BYA BA RANG BZHIN GYIS MED PAR SGRUB PA'I RIGS PAS BSTAN TE, RE SHIG BSREGS LA MI SREG STE, ZHES SOGS 'DON PA BSGYUR NAS DGAG PAR BYA BA'I PHYIR RO, ,GSUM PA NI, SHING NYID ME NI MA YIN TE, BYED PA

BO DANG LAS GCIG MA YIN PA'I PHYIR, SHING LAS GZHAN LA ME YANG MED DE, SHING MED BAR ME MI 'BYUNG BA'I PHYIR, ME NI SHING DANG RANG BZHIN GYIS LDAN PA MA YIN, ME LA SHING DANG SHING DER ME DE RANG BZHIN GYIS BRTEN PA MED DE, ME SHING RANG BZHIN GYIS GCIG DANG THA DAD MA YIN PA'I PHYIR, GNYIS PA NI, BDAG DANG NI NYE BAR LEN PA'I RIM PA KUN CHOS CAN, BUM SNAM SOGS DANG LHAN CIG TU MA LUS PAR NI RANG BZHIN MED PAR RNAM PAR BSHAD DE, ME DANG SHING RANG BZHIN MED PAR SGRUB PA'I RIGS PA MTSUNGS PA'I PHYIR, GSUM PA NI, DNGOS SMRA BA GANG DAG CHOS CAN, BSTAN PA'I DON LA MKHAS SO SNYAM DU KLU SGRUB MI SEMS TE, BDAG DANG DNGOS PO RNAMS DE BCAS RANG BZHIN GYIS GCIG PA NYID DANG THA DAD PAR STON PA YIN PA'I PHYIR, ME DANG BUD SHING BRTAG PA ZHES BYA BA STE RAB TU BYED PA BCU PA'O,, GNYIS PA GANG ZAG RANG BZHIN GYIS YOD PA'I RTAGS DGAG PA LA GNYIS, SKYE 'CHI'I BYA BA YOD PA'I RTAGS DGAG ,SDUG BSNGAL YOD PA'I RTAGS DGAG PA'O, ,DANG PO LA GNYIS, 'KHOR BA RANG BZHIN GYIS YOD PA DGAG ,RIGS PA DE GZHAN LA'ANG SBYAR BA'O,, NGANG PO LA GNYIS, 'KHOR BA LA THOG MTHA' BAR GSUM GYI CHA DGAG ,SKYE 'CHI LA SNGA PHYI LHAN CIG PA'I CHA DGAG PA'O, ,DANG PO NI, BDAG RANG BZHIN GYIS YOD DE, 'KHOR BA YOD PA'I PHYIR CE NA, 'KHOR BA DE LA CHOS CAN, SNGON DANG PHYI MA RANG BZHIN GYIS MED DE, THOG MA DANG THA MA RANG BZHIN GYIS MED PA'I PHYIR TE, RDZOGS BYED LA SOGS PAS 'KHOR BA'I SNGON GYI MTHA' MNGON NAM ZHES ZHUS PA'I TSE THUB PA CHEN POS MNGON PA MIN ZHES GSUNGS PA'I PHYIR, 'O NA DBUS YOD DO ZHE NA, DE LA CHOS CAN, DBUS NI RANG

, ,BZHIN GYIS GA LA YOD DE MED PAR THAL, KHYOD GANG LA THOG MA DANG THA MA RANG BZHIN GYIS MED PA'I PHYIR, GNYIS PA LA GSUM, BSTAN BSHAD BSDU'O, ,DANG PO NI, DE LA CHOS CAN, SKYE 'CHI'I SNGA PHYI DANG LHAN CIG GI RIM PA RANG BZHIN GYIS MI 'THAD DE, THOG MTHA' BAR GSUM RANG BZHIN GYIS MED PA DE'I PHYIR, GNYIS PA LA GNYIS, SNGA PHYI BA DGAG ,DUS MNYAM PA DGAG PA'O, ,DANG PO NI, GAL TE SKYE BA SNGA GYUR LA RGA SHI PHYI MA YIN NA NI SKYE BA'I SNGON DU RGA SHI SONG BA MED PA DANG TSE SNGA MA MA SHI BAR YANG 'DIR SKYE BAR 'GYUR BAR THAL LO, ,GAL TE SKYE BA 'PHYI BAR 'GYUR LA RGA SHI SNGA BA YIN NA NI, RGA SHI NI CHOS CAN, RGYU MED PAR THAL, SKYE BA SNGON DU SONG BA MED PA'I PHYIR, 'DOD NA, RGYU MED DU JI LTAR 'GYUR TE MI 'GYUR BAR THAL, SKYE BA'I RKYEN GYIS BYUNG BA'I PHYIR, GNYIS PA NI, SKYE BA DANG NI RGA SHI DAG LHAN CIG TU RANG BZHIN GYIS RUNG BA MA YIN TE, DE LTAR NA, SKYE BZHIN PA NI 'CHI BAR 'GYUR ZHING SKYE 'CHI GNYIS KA RGYU MED DU 'GYUR BA'I PHYIR, GSUM PA NI, SKYE BA DE DANG RGA SHI DE CHOS CAN, RANG BZHIN GYIS YOD PAR CI'I PHYIR NA SPRO BAR BYED MI RIGS PAR THAL, KHYOD GANG LA SNGA PHYI DANG LHAN CIG GI RIM PA DE DAG RANG BZHIN GYIS MI SRID PA'I PHYIR, GNYIS PA NI, 'KHOR BA 'BA' ZHIG SNGON GYI MTHA' YOD PA MA YIN PAR MA ZAD DE, RGYU DANG 'BRAS BU NYID DANG NI MTSAN NYID DANG NI MTSAN GZHI NYID DANG TSOR DANG TSOR PO NYID DANG NI DON YOD GANG DAG CI YANG RUNG DNGOS PO RNAMS THAMS CAD NYID LA YANG SNGON GYI MTHA' NI YOD PA MA YIN PA'I PHYIR RO, ,SNGON DANG PHYI MA'I MTHA' BRTAG PA ZHES BYA BA STE RAB TU BYED PA BCU GCIG PA'O,,

GNYIS PA SDUG BSNGAL YOD PA'I RTAGS DGAG PA LA GNYIS, DNGOS DANG, RIGS PA DE GZHAN LA'ANG SBYAR BA'O, ,DANG PO LA GNYIS, DAM BCA' GZHAG ,SGRUB BYED BSTAN PA'O, ,DANG PO NI, BDAG RANG BZHIN GYIS YOD DE, DE DANG 'BREL BA'I SDUG BSNGAL YOD PA'I PHYIR CE NA, KHA CIG SDUG BSNGAL BDAG GIS BYAS PA DANG, GZHAN GYIS BYAS PA DANG GNYIS KAS BYAS PA DANG RGYU MED PA LAS 'BYUNG BAR 'DOD PA DE NI BYA BAR MI RUNG NGO, ,GNYIS PA LA GNYIS, RANG GZHAN RE RES BYAS PA DGAG ,GNYIS KAS BYAS BA DANG RGYU MED DU SMRA BA DGAG PA'O, ,DANG PO NI, GAL TE SDUG BSNGAL DE BDAG GIS BYAS PAR GYUR NA, SDUG BSNGAL CHOS CAN, RGYU RKYEN LA BRTEN NAS 'BYUNG BAR MI 'GYUR BAR THAL, DE'I PHYIR, 'DOD MI NUS TE, GANG GI PHYIR 'CHI BA'I DUS KYI PHUNG PO 'DI DAG LA BRTEN NAS SKYE BA'I CHAR GTOGS KYI PHUNG PO DE DAG 'BYUNG BA'I PHYIR, SHES BYA CHOS CAN, SDUG BSNGAL DE RANG BZHIN GYIS GZHAN GYIS MA BYAS PAR THAL, GAL TE 'CHI BA'I PHUNG PO 'DI LAS SKYE BA'I PHUNG PO DE GZHAN YIN ZHING GAL TE SKYE BA'I PHUNG PO DE LAS 'CHI BA'I PHUNG PO 'DI GZHAN YIN NA 'CHI BA'I PHUNG PO GZHAN DE DAG GIS SKYE BA'I PHUNG PO DE BYAS PAR 'GYUR BAS SDUG BSNGAL GZHAN GYIS BYAS PAR 'GYUR YANG DE GNYIS RANG BZHIN GYIS GZHAN MA YIN PA'I PHYIR, GAL TE GANG ZAG BDAG GIS NI SDUG BSNGAL BYAS KYI SDUG BSNGAL RANG NYID KYIS MA BYAS PAR SKYON MED DO ZHE NA, GANG BDAG GIS SDUG BSNGAL BYAS PA'I GANG ZAG DE CHOS CAN, SDUG BSNGAL RANG BZHIN GYIS MA BYAS PAR THAL, SDUG BSNGAL MA GTOGS GANG ZHIG YIN TE MA YIN PA'I PHYIR, GAL TE MI'I GANG ZAG GZHAN LAS NI LHA'I SDUG BSNGAL

, ,'BYUNG NA MIS LHA LA SDUG BSNGAL RANG BZHIN GYIS STER BA MA YIN PAR THAL, MI GZHAN ZHIG GIS SDUG BSNGAL DE BYAS NAS, GANG LA SBYIN PA'I LHA DE SDUG BSNGAL MA GTOGS PA JI LTAR RUNG BA MA YIN PA'I PHYIR DANG, GAL TE MI'I GANG ZAG GZHAN LAS LHA'I SDUG BSNGAL 'BYUNG NA GANG GIS SDUG BSNGAL DE BYAS NAS GZHAN LA STER BA'I GANG ZAG GZHAN MI DE SDUG BSNGAL MA GTOGS GANG ZHIG YIN TE MA YIN PA'I PHYIR, SDUG BSNGAL CHOS CAN, GZHAN GYIS GA LA BYAS TE MA BYAS PAR THAL, BDAG GIS BYAS PAR MA GRUB PAS SO, ,KHYAB STE, GZHAN GYI SDUG BSNGAL GANG BYED PA DE NI GANG ZAG DE'I BDAG GIS BYAS PAR 'GYUR BA'I PHYIR, RE SHIG SDUG BSNGAL BDAG GIS BYAS PA MIN TE, SDUG BSNGAL DE NYID KYIS NI DE MA BYAS PA'I PHYIR, SDUG BSNGAL CHOS CAN, RANG BZHIN GYIS GZHAN GYIS BYAS PAR GA LA 'GYUR TE, GAL TE GZHAN DE BDAG GIS MA BYAS PA'I PHYIR, GNYIS PA NI, SDUG BSNGAL CHOS CAN, BDAG GZHAN GNYIS KAS MA BYAS TE, GAL TE BDAG GZHAN RE RES BYAS PAR GYUR NA GNYIS KAS BYAS PAR 'GYUR YANG BDAG GIS MA BYAS GZHAN GYIS MA BYAS PA'I PHYIR, SDUG BSNGAL CHOS CAN, RGYU MED DU GA LA 'GYUR TE MI 'GYUR BAR THAL, RES 'GA' SKYE BA'I PHYIR, GNYIS PA NI, SEMS CAN GYI SDUG BSNGAL 'BA' ZHIG RNAM PA BZHI YOD PA MA YIN PAR MA ZAD KYI PHYI ROL DNGOS PO THAMS CAD DAG LA YANG CHOS CAN, BDAG GZHAN RE RE BA DANG GNYIS KA DANG RGYU MED LAS SKYE BA RNAM PA BZHI PO YOD MA YIN TE, DE DAG LAS SKYE BA SNGAR GYI RIGS PAS KHEGS PA'I PHYIR, BDAG GIS BYAS PA DANG GZHAN GYIS

BYAS PA BRTAG PA ZHES BYA BA STE RAB TU BYED PA BCU GNYIS PA'O,, ,,GNYIS PA DNGOS PO TZAM RANG BZHIN GYIS STONG PAR BSTAN PA LA GNYIS, DNGOS DANG, SGRUB BYED DGAG PA'O, ,DANG PO LA GSUM, GZHAN LA GRAGS PA'I LUNG GIS SGRUB, RTZOD PA SPANG BA, LUNG DON GZHAN DU 'CHAD PA DGAG PA'O, ,DANG PO NI, 'DU BYED DE DAG THAMS CAD CHOS CAN, RDZUN PA YIN TE, BCOM LDAN 'DAS KYIS CHOS GANG ZHIG SLU BA DE NI RDZUN ZHES GSUNGS LA KHYOD SLU BA'I CHOS YIN PA'I PHYIR, GNYIS PA NI, GAL TE 'DU BYED THAMS CAD RDZUN PA YIN NA, DON BYED NUS PA MED PAS SKUR 'DEBS SU 'GYUR RO, ,ZHE NA, CHOS GANG SLU BA DE RDZUN PAR BSTAN PA DE LA SKUR PA BTAB NAS CI ZHIG SLU STE MI SLU BAR THAL, YOD PA GANG YANG MED PAR MA SMRAS PA'I PHYIR, 'O NA DNGOS PO MED PAR MA BSTAN NA CI STON CE NA, BCOM LDAN 'DAS KYIS 'DU BYED RDZUN PA DE GSUNGS PA CHOS CAN, DNGOS PO MED PAR BSTAN PA MA YIN TE, RANG BZHIN GYIS STONG NYID YONGS SU BSTAN PA YIN PA'I PHYIR, GSUM PA LA GNYIS, LUNG DON GZHAN DU 'CHAD TSUL DANG, DE'I SGRUB BYED DGAG PA'O, ,DANG PO NI, NYAN THOS SDE PA NA RE, LUNG GI DON NI, DNGOS PO RNAMS RTAG PA'I NGO BO NYID MED DE, GZHAN DU 'GYUR BAR SNANG BA'I PHYIR RO, ,DNGOS PO NGO BO NYID MED PA MED DE, GANG GI PHYIR DNGOS PO RNAMS KYI STONG PA NYID 'DOD DGOS PA'I PHYIR, GAL TE NGO BO NYID MED NA GZHAN DU 'GYUR BA GANG GI YIN ZHES ZER TO, ,GNYIS PA LA GNYIS, GZHAN 'GYUR RANG BZHIN GYIS YOD PA'I SGRUB BYED DGAG ,STONG NYID RANG BZHIN GYIS YOD PA'I SGRUB BYE

, ,DGAG PA'O, ,DANG PO NI, DNGOS PO CHOS CAN, JI LTA BUR NA GZHAN DU 'GYUR TE MI 'GYUR BAR THAL, GAL TE NGO BO NYID KYIS YOD PA'I PHYIR, SNGAR GYI GNAS SKABS DE NYID LA NI GZHAN 'GYUR MED DE, GANG GI PHYIR GZHON NU RANG BZHIN GYIS MI RGA BA'I PHYIR, GZHAN NYID LA YANG RGAS PA RANG BZHIN GYIS YOD PA MA YIN TE, GANG GI PHYIR RGAS PA'ANG SLAR MI RGA BA'I PHYIR, GAL TE GZHON NU DE NYID GZHAN DU 'GYUR NA 'O MA NYID NI ZHOR 'GYUR RO, ,'O MA'I GNAS SKABS BTANG NAS ZHOR 'GYUR RO ZHE NA, DE'ANG MI 'THAD DE, 'O MA LAS GZHAN GANG ZHIG NI ZHO'I DNGOS PO YIN PAR 'GYUR BA MI SRID PA'I PHYIR, GNYIS PA NI, STONG PA RANG BZHIN GYIS YOD PAR GA LA 'GYUR TE, GAL TE STONG MIN CUNG ZAD YOD NA STONG PA'ANG CUNG ZAD RANG BZHIN GYIS YOD PAR 'GYUR YANG MI STONG CUNG ZAD YOD PA MIN PA'I PHYIR, GAL TE BCOM LDAN 'DAS KYIS GDUL BYA GROL BA'I PHYIR DU STONG NYID GSUNGS LA KHYOD KYIS STONG NYID SPANGS PAS KHYOD DANG BRTZANG PAS CHOG GO ZHE NA, GANG DAG STONG PA NYID RANG BZHIN GYIS GRUB PAR LTA BA DE DAG BSGRUB TU MED PAR GSUNGS TE, RGYAL BA RNAMS KYIS STONG PA NYID KYI LTA BAS BDEN 'JIN KUN LAS NGES PAR 'BYUNG BAR GSUNGS PA'I PHYIR, 'DU BYED BRTAG PA ZHES BYA BA STE RAB TU BYED PA BCU GSUM PA'O,, ,,GNYIS PA DNGOS PO RANG BZHIN GYIS YOD PA'I SGRUB BYED DGAG PA LA GSUM, PHRAD PA RANG BZHIN GYIS YOD PA DGAG ,RGYU RKYEN NYE BAR LEN PA RANG BZHIN GYIS YOD PA DGAG ,BCINGS THAR RANG BZHIN GYIS YOD PA DGAG PA'O, ,DANG PO LA GNYIS, DNGOS DANG, DES PHRANG BZHIN PA'ANG KHEGS PAR BSTAN PA'O, ,DANG PO LA GNYIS, DAM BCA' DANG,

SGRUB BYED DO, ,DANG PO NI, PHUNG KHAMS SKYE MCHED RANG BZHIN GYIS YOD DE, LHAN CIG TU PHRAD PA YOD PA'I PHYIR CE NA, BLTA BYA DANG LTA BA DANG LTA BA PO GSUM PO DE DAG GNYIS GNYIS DANG THAMS CAD KYANG NI PHAN TSUN DU PHRAD PAR 'GYUR BA RANG BZHIN GYIS YOD PA MA YIN NO, , DE BZHIN DU 'DOD CHAGS DANG CHAGS PA PO DANG CHAGS PAR BYA BA DANG, NYON MONGS PA LHAG MA RNAMS DANG, SKYE MCHED KYI LHAG MA'ANG RNAM PA GSUM GYIS PHRAD BA RANG BZHIN GYIS MED DO, ,GNYIS PA LA GNYIS, GZHAN RANG BZHIN GYIS MED PAS PHRAD PA DGAG ,GCIG DANG THA DAD LA BRTAGS NAS PHRAD PA DGAG PA'O, ,DANG PO NI, BLTA BYA LA SOGS PA LA CHOS CAN, RANG BZHIN GYIS PHRAD PAR MI 'GYUR TE, RANG BZHIN GYIS PHRAD PAR 'GYUR NA GZHAN DANG GZHAN DU YOD PA GANG ZHIG ,GANG GI PHYIR RANG BZHIN GYIS GZHAN DE YOD PA MA YIN PA DE'I PHYIR, BLTA BYA LA SOGS PA 'BA' ZHIG LA GZHAN NYID MED PAR MA ZAD KYI BUM SNAM GANG DANG GANG YANG CHOS CAN, LHAN CIG TU RANG BZHIN GYIS PHRAD PA MED DE, RANG BZHIN GYIS GZHAN PA NYID DU NI MI 'THAD PA'I PHYIR, GANG LA BRTEN TE GANG YIN PA DE NI RTEN SA DE LAS RANG BZHIN GYIS GZHAN DU MI 'THAD DE, GZHAN BUM PA NI GZHAN SNAM BU LA BRTEN TE GZHAN YIN GYI GZHAN SNAM BU MED PAR GZHAN BUM PA SNAM BU LAS GZHAN DU MI 'GYUR BA'I PHYIR, BUM SNAM RANG BZHIN GYIS GZHAN DU MED DE, GAL TE GZHAN BUM PA NI GZHAN SNAM BU LAS RANG BZHIN GYIS GZHAN PA DE'I TSE GZHAN SNAM BU MED PAR SNAM BU LAS GZHAN DU 'GYUR LA GZHAN SNAM BU MED PAR NI SNAM BU LAS GZHAN DU 'GYUR BA YOD PA MIN PA DE'I PHYIR, GAL TE GZHAN NYID CES PA'I SPYI YOD PAS GZHAN DU RJOD PA YIN NO, ,ZHE NA,

, ,GZHAN NYID KYI SPYI DE GSAL BA GZHAN LA YOD PA MA YIN TE, DE LA GZHAN NYID KYI SPYI BTAGS PA DGOS PA MED PA'I PHYIR, DE GZHAN MA YIN PA LA'ANG YOD PA MA YIN TE, DE LA GCIG NYID YOD PA'I PHYIR, RTAGS KHAS, GZHAN NAM DE NYID RANG BZHIN GYIS YOD PA MA YIN TE, GZHAN NYID KYI SPYI YOD PA MA YIN PA'I PHYIR, GNYIS PA NI, PHRAD PA RANG BZHIN GYIS MED DE, CHOS DE NI DE DANG PHRAD PA MED CING RANG BZHIN GYIS GZHAN DANG GZHAN YANG PHRAD PAR MI 'GYUR BA'I PHYIR, GNYIS BA NI, PHRAD PA YOD DE, PHRAD BZHIN PA YOD PA'I PHYIR CE NA, PHRAD BZHIN PA DANG PHRAD PA DANG PHRAD PA PO YANG RANG BZHIN GYIS YOD PA MA YIN TE, PHRAD PA'I BYA BA RANG BZHIN GYIS MED PA'I PHYIR RO, ,PHRAD PA BRTAG PA ZHES BYA BA STE RAB TU BYED PA BCU BZHI PA'O,, ,, GNYIS PA RGYU RKYEN NYE BAR LEN PA RANG BZHIN GYIS YOD PA DGAG PA LA GNYIS, DNGOS PO RANG BZHIN GYIS YOD PA DGAG ,RANG BZHIN GYIS YOD PAR SMRA NA MTHAR 'DZIN LAS MA 'DAS PA'O, ,DANG PO LA GNYIS, SGRUB BYED DGAG ,GNOD BYED BSTAN PA'O, ,DANG PO LA GSUM, DNGOS KYI DON DANG, DES MTHA' GZHAN GSUM YANG KHEGS PAR BSTAN PA, BKAG PA'I DON DU LTA BA SMAD PA'O, ,DANG PO NI, DNGOS PO RANG BZHIN GYIS YOD DE, RGYU RKYEN NYE BAR LEN PA YOD PA'I PHYIR CE NA, DNGOS PO CHOS CAN, RGYU DANG RKYEN LAS NI 'BYUNG BAR RIGS PA MA YIN PAR THAL, RANG BZHIN GYIS YOD PA'I PHYIR, RANG BZHIN RGYU RKYEN LAS 'BYUNG NGO ZHE NA, RANG BZHIN CHOS CAN, BYAS PA CAN DU 'GYUR BAR THAL, RGYU DANG RKYEN LAS BYUNG BA'I PHYIR, 'DOD MI NUS TE, RANG

BZHIN BYAS PA CAN ZHES BYA BAR JI LTA BUR NA RUNG BAR 'GYUR BA MA YIN PA'I PHYIR, RANG BZHIN BYAS PA MA YIN NA RANG BZHIN JI LTA BU ZHE NA, BUM PA BDEN STONG CHOS CAN, RANG BZHIN DAG NI YIN TE, BCOS MIN DANG RING THUNG LTA BU'I GZHAN LA LTOS PA MED PA'I CHOS NYID YIN PA'I PHYIR, GNYIS PA NI, RANG DNGOS BKAG KYANG GZHAN DNGOS RANG BZHIN GYIS YOD DO ZHE NA, GZHAN GYI DNGOS PO RANG BZHIN GYIS GA LA YOD DE MED PAR THAL, DPYAD NA RANG BZHIN YOD PA MA YIN PA'I PHYIR, KHYAB STE, GZHAN GYI DNGOS PO'I RANG BZHIN NI GZHAN GYI DNGOS PO YIN ZHES BRJOD PA'I PHYIR, RANG DANG GZHAN DNGOS BKAG KYANG DNGOS PO RANG BZHIN GYIS YOD DO ZHE NA, DNGOS PO RANG BZHIN GYIS 'GRUB PAR 'GYUR NA RANG BZHIN DANG NI GZHAN DNGOS DAG YOD DGOS TE, RANG BZHIN DANG NI GZHAN DNGOS DAG MA GTOGS DNGOS PO GA LA YOD DE MED PA'I PHYIR, DNGOS PO BKAG KYANG DNGOS MED YOD DO ZHE NA, GAL TE DNGOS PO RANG BZHIN GYIS MA GRUB NA DNGOS MED RANG BZHIN GYIS 'GRUB PAR MI 'GYUR TE, DNGOS PO GZHAN DU GYUR PA NI DNGOS MED YIN PAR SKYE BO SMRA BA'I PHYIR, GSUM PA NI, GANG DAG RANG BZHIN DANG GZHAN DNGOS DANG DNGOS PO DANG DNGOS MED NYID RANG BZHIN GYIS YOD PAR LTA BA DE DAG SANGS RGYAS KYI BSTAN PA LA DE NYID MTHONG BA MA YIN TE, DE DAG RANG BZHIN GYIS MED PA'I PHYIR, GNYIS PA LA GNYIS, LUNG GI GNOD BYED DANG, RIGS PA'I GNOD BYED DO, ,DANG PO NI, DNGOS PO RANG BZHIN GYIS MED DE, BCOM LDAN 'DAS DNGOS PO DANG DNGOS PO MED PA'I DE NYID MKHYEN PAS 'PHAGS PA KA TA YA NA'I GDAMS NGAG LAS NI YOD PA DANG MED PA'I MTHA' GNYIS KA'ANG DGAG PA MDZAD PA'I PHYIR, GNYIS PA NI,

, ,DNGOS PO DE NI CHOS CAN, NAM YANG MED PA NYID DU MI 'GYUR BAR THAL, GAL TE RANG BZHIN GYIS YOD PA'I PHYIR, KHYAB STE, RANG BZHIN GZHAN DU 'GYUR BA NI NAM YANG 'THAD PAR MI 'GYUR BA'I PHYIR, CHOS CAN, GZHAN DU 'GYUR BA GANG GI YIN TE, RANG BZHIN GYIS YOD PA MA YIN PA'I PHYIR CE NA, CHOS CAN, GZHAN DU 'GYUR BA JI LTAR RUNG STI MI RUNG BAR THAL, RANG BZHIN GYIS YOD PA YIN PA'I PHYIR, GNYIS PA NI, YOD PA DANG MED PA'I MTHA' LA MKHAS PAS GNAS PAR MI BYA STE, DNGOS PO RANG BZHIN GYIS YOD CES BYA BAR KHAS BLANGS NA RTAG PAR 'DZIN PA DANG DNGOS PO MED CES BYA BAR KHAS BLANGS NA CHAD PAR LTA BA DE'I PHYIR TE, GANG ZHIG RANG BZHIN GYIS YOD PA DE NI NAM YANG MED PA MIN PAS RTAG PA'I PHYIR DANG, SNGON BYUNG RANG BZHIN GYIS GRUB PAR KHAS BLANGS NAS DA LTA MED CES PA DES NA CHAD PAR THAL BAR 'GYUR BA'I PHYIR RO, ,RANG BZHIN BRTAG PA ZHES BYA BA STE RAB TU BYED PA BCO LNGA PA'O,, ,,GSUM PA BCINGS THAR RANG BZHIN GYIS YOD PA DGAG PA LA GNYIS, DNGOS DANG, DE'I SGRUB BYED DGAG PA'O, ,DANG PO LA GSUM, 'KHOR 'DAS RANG BZHIN GYIS YOD PA DGAG ,BCINGS THAR RANG BZHIN GYIS YOD PA DGAG ,RTZOM PA DON MED DU THAL BA SPANG BA'O, ,DANG PO LA GNYIS, 'KHOR BA, MYANG 'DAS RANG BZHIN GYIS YOD PA DGAG PA'O, ,DANG PO NI, DNGOS PO RANG BZHIN GYIS YOD DE, 'KHOR BA RANG BZHIN GYIS YOD PA'I PHYIR CE NA, 'O NA PHUNG PO DANG SEMS CAN GANG 'KHOR, GAL TE 'DU BYED PHUNG PO 'KHOR RO ZHE NA, DE YANG RTAG MI RTAG GANG RUNG DU NGES PAS DE DAG RTAG NA MI

'KHOR TE, 'GRO 'ONG GI BYA BA DANG BRAL BA'I PHYIR, MI RTAG NA YANG RANG BZHIN GYIS 'KHOR BAR MI 'GYUR TE, SKAD CIG DANG RGYUN GANG YANG RANG BZHIN GYIS MI 'KHOR BA'I PHYIR, SEMS CAN 'KHOR RO ZHE NA, SEMS CAN LA YANG 'DU BYED LA BRJOD PA'I RIM PA 'DI MTSUNGS TE, RTAG MI RTAG GANG YANG RANG BZHIN GYIS MI 'KHOR BA'I PHYIR, MANG BKUR BA NA RE, GAL TE RTAG MI RTAG GANG DU'ANG BRJOD DU MED PA'I GANG ZAG 'KHOR RO ZHE NA, GANG ZAG DE NI CHOS CAN, KHYOD GANG ZHIG RANG BZHIN GYIS 'KHOR BAR 'GYUR TE MI 'GYUR BAR THAL, PHUNG PO SKYE MCHED KHAMS RNAMS LA RNAM PA LNGAS BTZAL NA MED PA'I PHYIR, MI'I NYE BAR LEN PA NAS LHA'I NYE BAR LEN PAR 'KHOR NA MI'I NYER LEN BTANG NAS 'KHOR RAM MA BTANG BAR 'KHOR, DANG PO LTAR NA, SNGA PHYI GNYIS KYI BAR DU SRID PA PHUNG PO MED PAR 'GYUR BAR THAL, NYER LEN SNGA MA BTANG NAS PHYI MA MA BLANGS PA YOD PA'I PHYIR, 'DOD NA, GANG ZAG DE GANG CI ZHIG 'KHOR BAR 'GYUR TE MI 'GYUR BAR THAL, SRID PA MED CING NYE BAR LEN PA MED PA'I PHYIR, GNYIS PA LTAR NA, GANG ZAG GCIG LHA MI GNYIS SU 'GYUR BAR THAL, MI'I NYER LEN MA BTANG BAR LHA'I NYER LEN DU 'KHOR BA'I PHYIR, GNYIS PA NI, GAL TE 'KHOR BA YOD DE, MYANG 'DAS YOD PA'I PHYIR CE NA, MYANG 'DAS RANG BZHIN GYIS MED DE, 'DU BYED MYA NGAN 'DA' BAR NI JI LTA BUR YANG RANG BZHIN GYIS MI 'THAD LA SEMS CAN MYA NGAN 'DA' BAR YANG JI LTA BUR NI RANG BZHIN GYIS MI 'THAD PA'I PHYIR, GNYIS PA LA GNYIS, THUN MONG DU DGAG ,SO SOR DGAG PA'O, ,DANG PO NI, DNGOS PO RANG BZHIN GYIS YOD DE BCINGS THAR RANG BZHIN GYIS YOD PA'I PHYIR CE NA, ,

, ,SKYE 'JIG CHOS CAN GYI 'DU BYED RNAMS RANG BZHIN GYIS MI 'CHING ZHING GROL BAR MI 'GYUR TE, SKAD CIG DANG RGYUN GANG YANG BCINGS THAR RANG BZHIN GYIS MED PA'I PHYIR, SNGA MA BZHIN DU SEMS CAN YANG RANG BZHIN GYIS MI 'CHING ZHING GROL BAR MI 'GYUR TE, RTAGS 'DRA, GNYIS PA LA GNYIS, BCINGS PA DGAG ,THAR PA DGAG PA'O, ,DANG PO NI, GAL TE BCINGS PA RANG BZHIN GYIS YOD DE, CHAGS SOGS NYE BAR LEN PA 'CHING BYED RANG BZHIN GYIS YOD PA'I PHYIR CE NA, GNAS SKABS GANG ZHIG 'CHING BAR 'GYUR BA RANG BZHIN GYIS MED DE, NYE BAR LEN PA DANG BCAS PA DANG, NYE BAR LEN MED MI 'CHING BA'I PHYIR DANG, GAL TE BCING BYA'I SNGA ROL NA 'CHING BA YOD NA 'CHING LA RAG NA DE YANG MED PA'I PHYIR, SUN 'BYIN LHAG MA NI SONG DANG MA SONG BGOM BAS BSTAN TE, RE SHIG BCINGS PA MI 'CHING STE ZHES SOGS 'DON PA BSGYUR NAS DGAG PAR BYA BA'I PHYIR RO, ,GNYIS PA NI, BCINGS PA YOD DE, THAR PA RANG BZHIN GYIS YOD PA'I PHYIR CE NA, DE YANG MI 'THAD DE, RE SHIG BCINGS PA RANG BZHIN GYIS MI GROL MA BCINGS PA YANG GROL BA BDEN PAR MI 'GYUR BA'I PHYIR, BCINGS BA GROL BZHIN PA YIN PAR RANG BZHIN GYIS GRUB PAR 'GYUR RO ZHE NA, BCINGS PA DANG GROL BA DUS GCIG TU 'GYUR BAR THAL LO, ,GSUM PA NI, THAR PA RANG BZHIN GYIS MED NA THAR PA THOB PA'I PHYIR DU RTZOM PA DON MED DU 'GYUR RO ZHE NA, MI 'GYUR TE, MYANG 'DAS BDEN GRUB LA DMIGS NAS BDAG NI YANG SRID LEN PA MED PAR MYA NGAN LAS 'DA'O MYANG 'DAS BDAG GIR 'GYUR RO ZHES DE LTAR GANG DAG 'DZIN PA DE NYER LEN 'JIG TSOGS LA

LTA BA'I 'DZIN PA CHEN PO YIN PA'I PHYIR, DE LA 'KHOR BA DANG MYA NGAN LAS 'DAS PA'ANG CI ZHIG DON DAM PAR BRTAG TU MED DE, GNAS LUGS GANG LA MYA NGAN LAS 'DAS PA SKYED DU MED CING 'KHOR BA BSAL BA'ANG DON DAM PAR YOD PA MIN PA'I PHYIR, BCINGS PA DANG THAR PA BRTAG PA ZHES BYA BA STE RAB TU BYED PA BCU DRUG PA'O,, ,,GNYIS PA RANG BZHIN GYIS YOD PA'I SGRUB BYED DGAG PA LA GNYIS, RTZOD LAN NO, ,DANG PO NI, 'KHOR BA RANG BZHIN GYIS YOD DE, LAS 'BRAS KYI RTEN YIN PA'I PHYIR, LAS 'BRAS DE YANG GANG ZHE NA, 'DI LA GNYIS, DGE MI DGE'I RNAM GZHAG DANG, RTAG CHAD SPONG CHUL LO, ,DANG PO NI, BDAG NYID LEGS PAR SDOM PA DANG GZHAN LA PHAN 'DOGS PA DANG BYAMS PA'I SEMS GANG YIN PA DE NI CHOS CAN, CHOS YIN TE, TSE 'DI DANG GZHAN DU 'BRAS BU YID DU 'ONG BA DAG GI SA BON YIN PA'I PHYIR, DRANG SRONG MCHOG GIS LAS RNAMS NI SEMS PA DANG NI BSAM PAR GSUNGS LA, LAS DE DAG GI BYE BRAG NI RNAM PA DU MAR YONGS SU BSGRAGS SO, ,DE LA LAS GANG SEMS PA ZHES GSUNGS PA DE NI YID KYIR 'DOD CING, BSAM PA ZHES NI GANG GSUNGS PA DE NI LUS DANG NGAG GIR 'DOD DO DGE MI DGE'I NGAG DANG LUS SGUL SKYOD DANG DE BZHIN DU MI SPONG BA'I RNAM PAR RIG BYED MIN PA ZHES BYA BA GANG DANG, SPONG BA'I RNAM PAR RIG BYED MIN PA GZHAN DAG KYANG NI LAS SU 'DOD LA, DE BZHIN DU LONGS SPYOD LAS BYUNG BA'I BSOD NAMS DANG BSOD NAMS MA YIN PA'I TSUL DANG, SEMS PA DANG NI CHOS DE BDUN LAS SU MNGON PAR 'DOD PA YIN NO, ,GNYIS PA LA GNYIS, DOGS PA DANG, LAN NO, ,DANG PO NI, GAL TE

, ,LAS DE RNAM SMIN PHYUNG BA'I DUS KYI BAR DU GNAS NA RTAG PAR 'GYUR LA, GAL TE SKYES MA THAG 'GAGS NA 'GAGS PAR GYUR PAS 'BRAS BU JI LTAR SKYED PAR 'GYUR TE, 'GAGS PA DNGOS MED YIN PA'I PHYIR CE NA, GNYIS PA LA GNYIS RGYUN KHAS BLANGS NAS RTAG CHAD SPONG BA, CHUD MI ZA KHAS BLANGS NAS RTAG CHAD SPONG BA'O, ,DANG PO NI, MYU GU LA SOGS RGYUN GANG NI SA BON LAS NI MNGON PAR 'BYUNG ZHING RGYUN DE LAS 'BRAS BU 'BYUNG LA, SA BON NI MED NA RGYUN DE YANG 'BYUNG BAR MI 'GYUR RO, , GANG GI PHYIR SA BON LAS RGYUN DANG RGYUN LAS 'BRAS BU 'BYUNG BAR 'GYUR ZHING SA BON 'BRAS BU'I SNGON DU 'GRO BA DE'I PHYIR CHAD PA MIN RTAG PA MA YIN PA DE BZHIN DU, SEMS KYI RGYUN NI GANG YIN PA SEMS LAS MNGON PAR 'BYUNG BAR 'GYUR LA, RGYUN DE LAS 'BRAS BU 'BYUNG ZHING SEMS LTA ZHIG MED NA RGYUN DE YANG 'BYUNG BAR MI 'GYUR RO, ,GANG GI PHYIR SEMS LAS RGYUN DANG NI RGYUN LAS 'BRAS BU 'BYUNG BAR 'GYUR ZHING LAS NI 'BRAS BU'I SNGON DU 'GRO BA DE'I PHYIR CHAD PA MIN RTAG PA MA YIN NO, ,DE LTAR NA, DKAR PO'I LAS KYI LAM BCU PO CHOS SGRUB PA'I THABS YIN TE, CHOS KYI 'BRAS BU 'DI DANG GZHAN DU 'DOD PA'I YON TAN RNAM PA LNGA LA LONGS SPYOD PA'I PHYIR RO, ,GNYIS PA LA GNYIS, GZHAN LAN DGAG ,RANG LAN GDAB PA'O, ,DANG PO NI, RGYUN KHAS LEN PA'I BRTAG PA DE 'DIR NI 'THAD PA MA YIN TE, GAL TE MYUG DANG CHOS MTHUN PA'I SGO NAS RTAG CHAD SPONG BA'I BRTAG PA DER GYUR NA NYES PA CHEN PO DANG MANG POR 'GYUR BA'I PHYIR TE, NAS KYI SA BON LAS NAS KYI MYU GU DANG DE LAS NAS KYI 'BRAS BU KHO NA SKYE BA BZHIN DU DGE MI DGE LUNG MA

BSTAN GYI SEMS LAS RIGS MTHUN KHO NA SKYE BA DANG LHA NAS LHA KHO NAR SKYE BA'I SKYON YOD PA'I PHYIR, GNYIS PA LA GSUM, BSTAN, BSHAD, BSDU'O, ,DANG PO NI, SANGS RGYAS RNAMS DANG RANG RGYAL DANG NYAN THOS RNAMS KYIS GANG GSUNGS PA'I BRTAG PA GANG ZHIG 'DIR 'THAD PA DE NI RAB TU BRJOD PAR BYA STE, LAS BYED PA'I TSE BU LON GYI DBANG RGYA JI LTA BA DE BZHIN DU CHUD MI ZA SKYE LA LAS NI BU LON BZHIN NO, ,CHUD MI ZA DE NI KHAMS GSUM DANG ZAG MED KYI DBYE BA LAS RNAM PA BZHI YOD LA DE YANG RANG BZHIN LUNG MA BSTAN YIN GYI DGE BA MA YIN TE, DGE RTZA CHAD PA'I RGYUD LA YANG YOD PA'I PHYIR, MI DGE BA MA YIN TE, CHAGS BRAL LA'ANG YOD PA'I PHYIR, GNYIS PA NI, CHUD MI ZA DE MTHONG SPANG SPONG BAS SPONG BA MIN TE, SGOM PAS SPONG BA NYID KYANG YIN NO, ,LAS 'JIG KYANG CHUD MI ZA MI 'JIG PA DE'I PHYIR CHUD MI ZA BA YIS LAS KYI 'BRAS BU SKYED PAR 'GYUR RO, ,GAL TE LAS SPONG BAS CHUNG MI ZA SPONG BA DANG LAS 'PHO BA YIS CHUD MI ZA 'JIG PAR 'GYUR NA SKYON CI YOD CE NA, DE LA LAS 'JIG PA STE BYAS PA CHUD ZOS PA LA SOGS PA'I SKYON RNAMS SU NI THAL BAR 'GYUR RO, ,NYID MTSAMS SBYOR BA'I TSE KHAMS MTSUNGS PA'I LAS NI CHA MTSUNGS PA DANG CHA MI MTSUNGS PA THAMS CAD KYI CHUD MI ZA DE NI THA DAD PA RNAMS ZHIG NAS GCIG BU KHO NA SKYE BAR 'GYUR ZHING MTHONG BA'I CHOS LA ZAG BCAS ZAG MED RNAM PA GNYIS PO KUN GYI LAS DANG LAS KYI CHUD MI ZA DE THA DAD PAR NI SKYE BAR 'GYUR ZHING 'BRAS BU RNAM PAR SMIN KYANG GNAS PA YIN NO, ,CHUD MI ZA DE NI RGYUN ZHUGS SOGS 'BRAS BU 'PHOS PA DANG SHI BAR GYUR NA 'GAG PAR 'GYUR LA, DE'I RNAM DBYE ZAG MED DANG ZAG PA DANG BCAS PAR SHES PAR BYA'O, ,GSUM

, ,PA NI, LAS RTAG PA MIN TE, SKYES MA THAG 'JIG PA'I STONG PA NYID YIN PA'I PHYIR, CHAD PA MIN TE, CHUD MI ZA BA'I DBANG GIS 'KHOR BA'I PHYIR, LAS RNAMS CHUNG MI ZA BA'I CHOS SANGS RGYAS KYIS NI BSTAN PA YIN PAS 'DI KHO NA LTAR KHAS BLANG NGO ZHES ZER TA, ,GNYIS PA LA GSUM, LAS RANG BZHIN GYIS MED PAS RTAG CHAD MED, LAS RANG BZHIN GYIS YOD PA DGAG ,RANG BZHIN MED KYANG BYA BA BYED PA DPES BSTAN PA'O, ,DANG PO NI, LAS RANG BZHIN GYIS YOD PAR KHAS BLANGS NA RTAG CHAD SPONG MI NUS TE, RNAM PAR SMIN PA'I BAR DU GNAS NA RTAG PA DANG, MI GNAS NA CHAD PAR 'GYUR BA'I PHYIR, LAS NI CHOS CAN, RANG BZHIN GYIS GNAS PA'I RTAG PA DANG, RANG BZHIN GYIS 'JIG PA'I CHAD PA MED DE, GANG GI PHYIR RANG BZHIN GYIS SKYE BA MED PA DE'I PHYIR TE, 'DI LTAR RANG BZHIN GYIS MED PA DE'I PHYIR, DE NI CHOS CAN, CHUD ZA BAR MI 'GYUR TE, GANG GI PHYIR RANG BZHIN GYIS MA SKYES PA DE'I PHYIR, GNYIS PA LA GNYIS, GNOD BYED BSTAN, SGRUB BYED DGAG PA'O, ,DANG PO LA GNYIS, RTAG CING MA BYAS PAR THAL BA, RNAM SMIN THUG MED DU 'BYIN PAR THAL BA'O, ,DANG PO NI, LAS NI CHOS CAN, RTAG PAR 'GYUR BAR THE TSOM MED PAR THAL, GAL TE RANG BZHIN GYIS YOD PA'I PHYIR, 'DOD NA, BYAS PA MIN PAR 'GYUR BAR THAL LO, KHYAB STE, RTAG PA LA BYA BA MED PA'I PHYIR RO, ,CI STE LAS NI MA BYAS SO ZHE NA, LAS MA BYAS PA DANG PHRAD PA'I 'JIGS PAR 'GYUR BA DANG, LUGS DE LA TSANGS SPYOD DAG PA'ANG TSANGS SPYOD LA GNAS PA MA YIN PA'I SKYON DU 'GYUR BAR THAL, LAS MA BYAS

PAR YOD PA'I PHYIR, BUM PA BYOS SHIG CES SOGS KYI THA SNYAD THAMS CAD NYID DANG YANG 'GAL BAR 'GYUR BAR THE TSOM MED PAR THAL, RTAGS 'DRA, BSOD NAMS DANG NI SDIG BYED PA YI RNAM PAR DBYE BA'ANG 'THAD PAR MI 'GYUR BAR THAL, RTAGS 'DRA, GNYIS PA NI, LAS DE'I RNAM SMIN SMIN PAR GYUR PA YANG DANG YANG DU RNAM SMIN 'BYIN PAR 'GYUR BAR THAL, LAS RANG BZHIN GYIS YOD PA'I PHYIR, KHYAB STE, GANG GI PHYIR GAL TE LAS RANG BZHIN GYIS YOD NA NI RTAG TU GNAS PA DE'I PHYIR RO, ,GNYIS PA NI, LAS RANG BZHIN GYIS YOD DE, LAS KYI RGYU NYON MONGS RANG BZHIN GYIS YOD PA'I PHYIR CE NA, NYON MONGS DE DAG CHOS CAN, YANG DAG PAR YOD PA MIN TE, TSUL MIN YID BYED LAS BYUNG BA'I PHYIR, LAS NI YANG DAG PAR JI LTAR YOD PA YIN TE MA YIN PAR THAL, GAL TE NYON MONGS YANG DAG PAR YOD PA MIN PA'I PHYIR, KHYAB STE, LAS 'DI NYON MONGS PA'I BDAG NYID LAS BYUNG BA'I PHYIR, LAS NYON RANG BZHIN GYIS YOD DE, DE'I 'BRAS BU LUS YOD PA'I PHYIR CE NA, LUS LA JI LTAR RANG BZHIN GYIS YONG PAR RJOD MI RIGS PAR THAL, GAL TE LAS DANG NYON MONGS PA DE RANG BZHIN GYIS STONG PA'I PHYIR, KHYAB STE, LAS DANG NYON MONGS PA DAG NI LUS RNAMS KYI NI RKYEN DU BSTAN PA'I PHYIR, LAS RANG BZHIN GYIS YOD DE, LAS KYI 'BRAS BU ZAB PO YOD PA'I PHYIR, MA RIG PAS BSGRIBS PA'I SKYE BO GANG SRED LDAN DE NI ZA BA PO YIN LA, DE YANG LAS BYED PA PO LAS GZHAN MIN ZHING DE NYID LAS BYED PA PO DE YANG MA YIN NO, ,ZHE NA, LAS BYED PA PO YANG RANG BZHIN GYIS MED DE, GANG GI PHYIR NA LAS 'DI NI RKYEN LAS RANG BZHIN GYIS BYUNG BA

, ,MA YIN ZHING RKYEN MIN PA LAS BYUNG BA YOD PA MIN PA DE'I PHYIR, LAS SKYES 'BRAS BU RANG BZHIN GYIS GA LA YOD DE, GAL TE LAS DANG BYED PA PO RANG BZHIN GYIS MED PA'I PHYIR, ZA BA PO LTA RANG BZHIN GYIS GA LA YOD DE, CI STE 'BRAS BU RANG BZHIN GYIS YOD PA MIN PA'I PHYIR, GSUM PA NI, LAS 'BRAS RANG BZHIN GYIS MED NA, BYA BYED MI 'THAD DO ZHE NA, SKYON MED DE, JI LTAR STON PAS SPRUL PA NI RDZU 'PHRUL PHUN TSOGS KYIS SPRUL ZHING SPRUL PA DE YANG SPRUL PA NI SLAR YANG GZHAN NI SPRUL PA LTAR DE BZHIN DU BYED PA PO SPRUL BA'I RNAM PA BZHIN DES LAS GANG BYAS PA'ANG DPER NA SPRUL PAS SPRUL PA GZHAN ZHIG SPRUL PA MDZAD PA DE BZHIN DU, NYON MONGS DANG LAS DANG LUS RNAMS DANG, BYED PA PO DANG 'BRAS BU DANG, DRI ZA'I GRONG KHYER LTA BU DANG SMIG RGYU DANG RMI LAM 'DRA BA YIN PA'I PHYIR, LAS DANG 'BRAS BU BRTAG PA ZHES BYA BA STE RAB TU BYED PA BCU BDUN PA'O,, ,,GSUM PA DE KHO NA NYID LA 'JUG TSUL LA LNGA, DNGOS DANG, LUNG 'GAL SPANG BA, DE KHO NA NYID LA BKRI BA'I RIM PA DANG, DE KHO NA NYID KYI MTSAN NYID, DON DE NGES PAR SGRUB DGOS PAR BSTAN PA'O, ,DANG PO LA GNYIS, LTA BA GTAN LA DBAB PA, SGOM PAS NYES SKYON LDOG PA'I RIM PA'O, ,DANG PO NI, LAS DANG NYON MONGS PA DE KHO NA NYID MA YIN NA, DE KHO NA NYID GANG, DE LA 'JUG PA'I TSUL JI LTA BU ZHE NA, PHYI NANG GI DNGOS PO LA BDAG DANG BDAG GIR 'DZIN PA RNAM PA THAMS CAD DU ZAD PA NI DE KHO NA NYID YIN LA, DE LA 'JUG TSUL NI, BDAG RANG BZHIN GYIS YOD NA, BDAG PHUNG

RANG BZHIN GYIS GCIG GAM THA DAD, GAL TE PHUNG PO DANG BDAG RANG BZHIN GYIS GCIG YIN NA, BDAG RANG BZHIN GYIS SKYE BA DANG 'JIG PA CAN DU 'GYUR RO, ,GAL TE BDAG PHUNG PO RNAMS LAS RANG BZHIN GYIS GZHAN YIN NO ZHE NA, BDAG CHOS CAN, PHUNG PO 'DUS BYAS SU MTSON PA'I MTSAN NYID MED PAR 'GYUR RO, ,BDAG GI BA RANG BZHIN GYIS YOD PAR GA LA 'GYUR TE MI 'GYUR BAR THAL, BDAG NYID RANG BZHIN GYIS YOD PA MA YIN PA'I PHYIR, GNYIS PA LA GNYIS, NYES SKYON LDOG PA'I RIM PA, THAR PA THOB TSUL LO, ,DANG PO NI, BDAG DANG BDAG GI BA RANG BZHIN GYIS MED PAR BSGOM PA'I RNAL 'BYOR PA CHOS CAN, NGAR 'DZIN DANG NGA YIR 'DZIN PA MED PAR 'GYUR TE, BDAG DANG BDAG GI BA'I MTSAN MA ZHI BA'I DE BZHIN NYID MNGON SUM DU RTOGS PA'I PHYIR, BDAG PHUNG RANG BZHIN GYIS YOD PAR THAL, NGA DANG NGA YI BAR 'DZIN PA SPONG BA'I RNAL 'BYOR BA YOD PA'I PHYIR CE NA, NGAR 'DZIN DANG NGA YIR 'DZIN PA MED PAR 'GYUR TE, BDAG DANG BDAG GI BA'I MTSAN MA ZHI BA'I DE BZHIN NYID MNGON NGAR 'DZIN DANG NGA YIR 'DZIN PA MED PA'I RNAL 'BYOR PA GANG DE YANG RANG BZHIN GYIS YOD PA MA YIN PA'I PHYIR, NANG DANG PHYI ROL NYID DAG LA BDAG DANG BDAG GI'O SNYAM PA'I 'JIG LTA ZAD NA NYE BAR LEN PA 'GAG PAR 'GYUR ZHING NYER LEN DE ZAD PAS NA, LAS DBANG GIS SKYE BA ZAD PAR 'GYUR TE, 'JIG LTA 'KHOR BA'I RTZA BA YIN PA'I PHYIR, GNYIS PA NI, LAS DANG NYON MONGS ZAD PAS THAR PAR 'GYUR TE, DE ZAD NA SKYE BA DANG RGA SHI LDOG PA'I PHYIR, 'O NA GANG GIS LAS NYON 'DZAD CE NA, STONG NYID BSGOMS PAS

, ,LAS NYON ZAD PAR 'GYUR TE, LAS DANG NYON MONGS TSUL MIN YID BYED KYI RNAM RTOG LAS 'BYUNG, RNAM RTOG DE DAG BDEN 'DZIN GYI SPROS PA LAS 'BYUNG, BDEN 'DZIN GYI SPROS PA NI STONG PA NYID BSGOMS PAS 'GAG PAR 'GYUR BA'I PHYIR RO, ,GNYIS PA NI, 'JIG LTA ZAD PA DE KHO NA NYID YIN NA, BDAG NYID BDAG GI MGON YIN GYI, ,GZHAN NI SU ZHIG MGON DU 'GYUR, ,BDAG NYID LEGS PAR DUL BAS NI, ,MKHAS PAS MTHO RIS THOB PAR 'GYUR, ZHES GSUNGS PA DANG 'GAL LO ZHE NA, MI 'GAL TE, LAS 'BRAS LA SKUR PA 'DEBS PA'I GDUL BYA MI DGE BA LAS LDOG PA'I PHYIR DU SANGS RGYAS RNAMS KYIS BDAG GO ZHES KYANG BTAGS PAR GYUR CING, LAS 'BRAS LA YID CHES PA'I GDUL BYA THAR PA LA GZHUG PA'I PHYIR DU RANG DBANG BA'I BDAG MED CES KYANG BSTAN PAR GYUR, GDUL BYA MCHOG LA SANGS RGYAS RNAMS KYIS BDAG DANG NI BDAG MED 'GA' YANG RANG BZHIN GYIS MED CES KYANG BSTAN PA'I PHYIR, SANGS RGYAS KYIS BDAG DANG BDAG MED GNYIS KA RANG BZHIN MED PAR BSTAN NA, CI ZHIG YOD PAR BSTAN CE NA, DON DAM PAR BRJOD PAR BYA BA LDOG PA STE, DON DAM PAR SEMS KYI SPYOD YUL LDOG PA'I PHYIR TE, DON DAM PAR MA SKYES PA DANG MA 'GAGS PA'I CHOS NYID MYA NGAN LAS 'DAS PA DANG MTSUNGS PA'I PHYIR, GSUM PA NI, DE KHO NA NYID DON DAM PAR BSTAN MI NUS KYANG THA SNYAD DU DE STON PA'I RIM PA BRJOD PAR BYA'O ZHE NA, DE LTAR BYA DGOS TE, THOG MAR SNOD BCUD THAMS CAD YANG DAG PAR YOD PA DANG, DE NAS YANG DAG MIN PA GZHAN DU 'GYUR BA DANG, DE NAS BYIS PA LA LTOS

NAS YANG DAG DANG 'PHAGS PA LA LTOS NAS YANG DAG MA YIN PA NYID DANG, DE NAS YANG DAG MIN PA GZHAN 'GYUR YANG RANG BZHIN GYIS YOD PA MIN, YANG DAG PAR GZHAN 'GYUR MED PA YANG RANG BZHIN GYIS YOD PA MIN ZHES PA DE NI SANGS RGYAS KYIS GDUL BYA'I BLO DANG 'TSAM PAR RJES SU BSTAN PA'I PHYIR, BZHI PA NI, 'ON DE KHO NA NYID KYI MTSAN NYID DE GANG ZHE NA, BUM PA BDEN STONG DE NI CHOS CAN, DE KHO NA NYID KYI MTSAN NYID CAN YIN TE, GZHAN GYI NGAG LAS MNGON SUM DU SHES BYA MIN PA DANG, RANG BZHIN GYIS ZHI BA DANG, NGAG GI SPROS PA RNAMS KYIS MA SPROS PA DANG, KHYOD MNGON SUM DU RTOGS PA'I TSE RNAMS RTOG GI RGYU BA MED PA DANG, DON THA DAD MIN PA'I CHOS NYID YIN PA'I PHYIR, RGYU RGYUN CHAD PA MIN ZHING RTAG PA MA YIN TE, RGYU GANG LA BRTEN TE 'BYUNG BA'I 'BRAS BU GANG DE NYID NI RE SHIG RGYU DANG DE NYID MIN, RGYU DE LAS RANG BZHIN GYIS GZHAN PA'ANG MIN PA DE'I PHYIR, LNGA PA NI, RANG BZHIN GYIS DON GCIG MA YIN THA DAD MA YIN CHAD PA MA YIN RTAG PA MA YIN PA'I DE KHO NA NYID CHOS CAN, 'BAD PAS SGOM DGOS TE, SANGS RGYAS 'JIG RTEN GYI MGON PO RNAMS KYI BSTAN PA RGA SHI SEL BA'I BDUD RTZI GYUR PA YIN PA'I PHYIR, CHOS CAN, TSE 'DIR MYANG 'DAS MA THOB KYANG NGES PAR SGOM DGOS TE, KHYOD BSGOMS PAS TSE 'DIR MYANG 'DAS MA THOB KYANG RDZOGS PA'I SANGS RGYAS RNAMS MA BYUNG ZHING NYAN THOS RNAMS NI ZAD PAR GYUR KYANG RANG SANGS RGYAS KYI YE SHES NI SLOB DPON LA BRTEN PA MED PA LAS RAB TU SKYE BA'I PHYIR, BDAG DANG CHOS BRTAG PA ZHES BYA BA STE RAB TU BYED PA BCO BRGYAD PA'O,, ,,BZHI PA DUS RANG BZHIN GYIS STONG BAR

, ,BSTAN PA LA GNYIS, DNGOS DANG, DE'I SGRUB BYED DGAG PA'O, ,DANG PO LA GNYIS, DUS RANG BZHIN GYIS YOD PA SPYIR DGAG ,RANG GZHAN SDE PA'I 'DOD PA SO SOR DGAG PA'O, ,DANG PO NI, DNGOS PO RANG BZHIN GYIS YOD DE, DUS GSUM GDAGS PA'I GZHI YIN PA'I PHYIR CE NA, DA LTA BA DANG MA 'ONGS PA RANG BZHIN GYIS YOD NA, GNYIS LAS MI 'DA' BAS, DA LTAR BYUNG BA DANG MA 'ONGS PA 'DAS PA'I DUS NA YOD PAR 'GYUR TE, GAL TE DA LTAR BYUNG BA DANG MA 'ONGS PA 'DAS PA LA RANG BZHIN GYIS LTOS PAR GYUR PA'I PHYIR, DA LTAR BYUNG BA DANG MA 'ONGS PA JI LTAR 'DAS PA LA RANG BZHIN GYIS LTOS PAR 'GYUR TE MI 'GYUR BAR THAL, GAL TE DA LTAR BYUNG BA DANG MA 'ONGS PA 'DAS PA'I DUS DE NA MED PAR GYUR PA'I PHYIR, DA LTAR BYUNG BA DANG MA'ONGS PA'I DUS KYANG RANG BZHIN GYIS YOD PA MIN TE, 'DAS PA LA NI MA LTOS PAR DUS DE GNYIS GRUB PA YOD PA MIN PA'I PHYIR, RIGS PA'I RIM PA'I TSUL NI 'DI NYID KYIS RDUS LHAG MA GNYIS PO SNOR BA SHES PAR BYA STE, 'DAS PA DANG NI MA 'ONGS PA, ,GAL TE DA LTAR BYUNG LTOS NA, ZHES SBYAR NAS DGAG PAR BYA BA'I PHYIR, DUS GSUM LA DPYAD PA'I RIM RIM PA'I TSUL NI 'DI NYID KYIS MCHOG DANG THA MA 'BRING LA SOGS PA DANG, GCIG LA SOGS PA LA'ANG SHES PAR BYA'O, ,GNYIS PA NI, GZHAN SDE NA RE, DUS RANG BZHIN GYIS YOD DE, SKAD CiG DANG THANG CIG LA SOGS PA'I TSAD DON GZHAN DANG LDAN PA'I PHYIR CE NA, DUS NI TSAD DON GZHAN GYIS 'JIG PAR MI BYED DE, THER THUG TU MI GNAS PA'I PHYIR, GANG ZHIG TSAD DON GZHAN GYIS GZUNG BAR BYA BA'I DUS GNAS PA YOD PA MA YIN TE, DE SNANG RUNG

MA DMIGS PA'I PHYIR, DE 'DRA'I DUS NI TSAD KYIS JI LTAR GDAGS MI NUS PAR THAL, TSAD MAS MA BZUNGS PA'I PHYIR, RANG SDE DNGOS SMRA BA NA RE, DUS RTAG PA MED KYANG DNGOS PO LA BRTEN PA'I DUS RANG BZHIN GYIS YOD DO ZHE NA, DNGOS PO 'GA' YANG YOD PA MIN NA DUS LTA RANG BZHIN GYIS YOD PAR GA LA 'GYUR TE MI 'GYUR BAR THAL, GAL TE DUS NI DNGOS PO LA BRTEN TE 'JIG PAS DNGOS MED DE DNGOS PO LAS NGO BO THA DAD PA'I DUS NI GA LA YOD DE MED PA'I PHYIR, DUS BRTAG PA ZHES BYA BA STE RAB TU BYED PA BCU DGU PA'O,, ,, GNYIS PA DUS RANG BZHIN GYIS YOD PA'I SGRUB BYED DGAG PA LA GNYIS, 'BRAS BU'I LHAN CIG BYED RKYEN YIN PA DGAG ,'BRAS BU 'BYUNG 'JIG GI RGYU YIN PA DGAG PA'O, ,DANG PO LA GSUM, RGYU RKYEN TSOGS PA LAS SKYE BA DGAG ,RGYU NYID LAS SKYE BA DGAG, RGYU RKYEN TSOGS PA LAS SLAR YANG SKYE BA DGAG PA'O, ,DANG PO LA GSUM, TSOGS PA SNGA MA LAS SKYE BA DGAG ,TSOGS PA DUS MNYAM LAS SKYE BA DGAG ,TSOGS PA PHYI MA LAS SKYE BA DGAG PA'O, ,DANG PO NI, DUS RANG BZHIN GYIS YOD DE, 'BRAS BU'I LHAN CiG BYED RKYEN YIN PA'I PHYIR CE NA, GAL TE RGYU DANG RKYEN RNAMS KYI TSOGS PA NYID LAS SKYE BAR 'GYUR ZHING TSOGS PA LA 'BRAS BU YOD NA NI, ,'BRAS BU CHOS CAN, JI LTAR RGYU RKYEN TSOGS PA NYID LAS SKYE BA MA YIN PAR THAL, DE LA YOD PA'I PHYIR, 'BRAS BU CHOS CAN, JI LTAR TSOGS PA NYID LAS RANG BZHIN GYIS SKYE BA MA YIN PAR THAL, GAL TE RGYU DANG RKYEN RNAMS KYI TSOGS PA NYID LAS SKYE BAR 'GYUR ZHING RGYU RKYEN TSOGS PA LA MED PA'I PHYIR, 'BRAS BU CHOS CAN, RGYU RKYEN TSOGS PA LA MED DE, GAL TE RGYU DANG

, ,RKYEN RNAMS KYI TSOGS PA LA YOD NA NI TSOGS PA LA GZUNG DU YOD PAR RIGS NA TSOGS PA NYID LA GZUNG DU MED PA'I PHYIR, GAL TE RGYU DANG RKYEN RNAMS KYI TSOGS PA NYID LAS SKYE BAR 'GYUR ZHING TSOGS PA LA 'BRAS BU MED NA NI, CHOS CAN, RGYU RNAMS DANG NI RKYEN DAG KYANG RGYU RKYEN MA YIN PAR MTSUNGS PAR 'GYUR BAR THAL, RGYU RKYEN LA MED PAR RANG BZHIN GYIS GRUB PA'I PHYIR, GAL TE TSOGS PAS DNGOS RGYU SKYED LA DNGOS RGYUS NI 'BRAS BU LA RGYU BYIN NAS 'GAG PAR 'GYUR RO ZHE NA, GANG BYIN PA DANG GANG 'GAGS PA'I RGYU'I BDAG NYID GNYiS SU 'GYUR BAR THAL LO, ,GAL TE RGYUS NI 'BRAS BU LA RGYU MA BYIN PAR 'GAG PAR 'GYUR NA, 'BRAS BU MYU GU DE DAG CHOS CAN, RGYU MING DU 'GYUR BAR THAL, RANG GI DNGOS RGYU 'GAGS NAS NI SKYES PA'I PHYIR, GNYIS PA NI, GAL TE RGYU RKYEN CHOGS PA DANG LHAN CIG TU 'BRAS BU YANG NI SKYE BAR 'GYUR NA, SKYED PAR BYED PA DANG BSKYED BYA GANG DUS GCIG PAR NI 'GYUR BAR THAL LO, ,GSUM PA NI, GAL TE BYE BRAG TU SMRA BA NA RE, RGYU RKYEN TSOGS PA'I SNGO RAL DU 'BRAS BU BSKYED PAR 'GYUR RO, ZHE NA NI, 'BRAS BU CHOS CAN, RGYU MED DU 'BYUNG BAR 'GYUR BAR THAL, RANG GI RGYU DANG RKYEN RNAMS MED PA'I SNGAR SKYES PA'I PHYIR, GNYIS PA LA GNYIS, RGYU 'BRAS NGO BO GCIG PA DGAG ,NGO BO THA DAD PA DGAG PA'O, ,DANG PO NI, 'BRAS BU NI RGYU KHO NAS SKYED KYIS RGYU RKYEN TSOGS PAS MA YIN LA, 'BRAS BU LA RGYU BYIN MA BYIN GYI NYES PAR YANG MI 'GYUR TE, GAL TE RGYU 'GAGS NAS 'BRAS BU'I BDAG NYID DU GNAS PA'I PHYIR CE NA, RGYU NI KUN TU 'PHO BA TZAM DU 'GYUR LA, SNGON SKYES PA'I RGYU YANG NI YANG SKYE BAR,

'GYUR BAR THAL LO, ,GNYIS PA LA GNYIS, RGYUS 'BRAS BU SKYED PA'I BYA BA BYED PA DGAG ,RGYU NYID RANG BZHIN GYIS YOD PA DGAG PA'O, ,DANG PO NI, RGYUS 'BRAS BU RANG BZHIN GYIS SKYED NA, 'BRAS BU'I SNGA ROL DU 'GAGS PA'AM MA 'GAGS PAS SKYED 'BRAS BU'ANG SKYES BA'AM MA SKYES PA SKYED, DANG PO LTAR NA, RGYU 'GAGS PA NUB PAR GYUR PA YIS 'BRAS BU SKYES PA JI LTAR SKYED DE MI SKYED PAR THAL, RGYU 'GAGS PA NI RGYU DE MED PA YIN PA'I PHYIR DANG, SKYES ZIN SLAR SKYE MI DGOS PA'I PHYIR, GNYIS PA LTAR NA, 'BRAS BU DANG NI 'BREL BA'I RGYUD LTAR GNAS PAS KYANG NI JI LTAR 'BRAS BU RANG BZHIN GYIS SKYED DE MI SKYED PAR THAL, RGYU MA 'GYUR BAR 'BRAS BU MI SKYE BA'I PHYIR, CI STE RGYU DUS NA 'BRAS BU DANG MA 'BREL BSKYED DO ZHE NA, RGYUS 'BRAS BU GANG ZHIG DANG BZHIN GYIS SKYED BAR BYED MI RIGS PAR THAL, RGYU DUS NA 'BRAS BU MED PA'I PHYIR, RGYUS 'BRAS BU RANG BZHIN GYIS MI SKYED DE, RGYUS NI MTHONG BA DANG MA MTHONG BAR 'BRAS BU RANG BZHIN GYIS SKYED PAR MI BYED PA'I PHYIR, RGYUS NI JI LTAR 'BRAS BU RANG BZHIN GYIS MI SKYED PAR THAL, RGYU 'BRAS PHRAD PA YOD PA MA YIN PA'I PHYIR TE, 'BRAS BU 'DAS PA RGYU 'DAS PA DANG MA SKYES PA DANG SKYES PA DANG LHAN CIG PHRAD PAR 'GYUR BA NI NAM YANG YOD PA MA YIN PA'I PHYIR DANG, 'BRAS BU SKYES PA RGYU MA SKYES PA DANG, 'DAS PA DANG NI SKYES PA DANG LHAN CIG PHRAD BAR 'GYUR BA NI NAM YANG YOD PA MA YIN PA'I PHYIR DANG, 'BRAS BU MA SKYES PA RGYU SKYES PA DANG MA SKYES PA DANG 'DAS PA DANG LHAN CIG PHRAD PAR 'GYUR BA NI NAM YANG YOD PA MA YIN PA'I PHYIR RO, ,RGYU 'BRAS RANG BZHIN GYIS PHRAD PA YOD PA YIN NO ZHE NA YANG, RGYUS NI JI LTAR 'BRAS

, ,BU MI SKYED PAR THAL LO, ,GAL TE 'BRAS BUS STONG BA'I RGYUS JI LTAR 'BRAS BU SKYED PAR BYED MI RIGS PAR THAL, 'BRAS BU DANG BRAL BA'I PHYIR, GAL TE 'BRAS BUS MI STONG BA'I RGYUS JI LTAR 'BRAS BU RANG BZHIN GYIS SKYED PAR BYED MI RIGS PAR THAL, SLAR YANG SKYE BA LA DGOS PA MED PA'I PHYIR, 'BRAS BU CHOS CAN, SKYE BA DANG 'GAG PAR MI 'GYUR BAR THAL, RANG BZHIN GYIS MI STONG BA'I PHYIR, KHYAB STE, RANG BZHIN GYIS MI STONG BA DE NI MA 'GAGS PA DANG MA SKYES PAR YANG 'GYUR BA YIN PA'I PHYIR, CHOS CAN, RANG BZHIN GYIS JI LTAR SKYE BAR 'GYUR ZHING JI LTAR 'GAG PAR 'GYUR TE MI 'GYUR BAR THAL, RANG BZHIN GYIS STONG BA'I PHYIR, KHYAB STE, STONG PA DE YANG RANG BZHIN GYIS MA 'GAGS PA DANG MA SKYES PA RIN THAL BAR 'GYUR BA'I PHYIR RGYU DANG 'BRAS BU GCIG NYID DU NAM YANG 'THAD PAR MI 'GYUR TE, RGYU DANG 'BRAS BU GCIG NYID NA BSKYED BYA SKYED BYED GCIG TU 'GYUR BA'I PHYIR, RGYU DANG 'BRAS BU RANG BZHIN GYIS GZHAN NYID DU NAM YANG 'THAD PAR MI 'GYUR TE, RGYU DANG 'BRAS BU RANG BZHIN GYIS GZHAN NYID NA RGYU DANG RGYU MIN MTSUNGS PAR 'GYUR BA'I PHYIR, RGYUS NI CI ZHIG SKYED PAR 'GYUR TE MI 'GYUR BAR THAL, 'BRAS BU NGO BO NYID KYIS YOD PA'I PHYIR, RTAGS MA GRUB NA, RGYUS NI CI ZHIG RANG BZHIN GYIS SKYED PAR 'GYUR TE MI 'GYUR BAR THAL, 'BRAS BU NGO BO NYID KYIS MED PA'I PHYIR, GNYIS PA NI, RGYU NYID RANG BZHIN GYIS 'THAD PAR MI 'GYUR TE, SKYED PAR BYED PA RANG BZHIN GYIS YOD PA MA YIN PA'I PHYIR, 'BRAS BU RGYU GANG GI YIN PAR 'GYUR BA RANG BZHIN GYIS MED PAR THAL, RGYU NYID RANG BZHIN GYIS

'THAD PA YOD PA MA YIN PA'I PHYIR, GSUM PA NI, RGYU RNAMS DANG NI RKYEN DAG GI TSOGS PA GANG YIN DE YIS NI CHOS CAN, 'BRAS BU JI LTAR RANG BZHIN GYIS SKYED PAR BYED MI RIGS PAR THAL, BDAG GIS BDAG NYID MI SKYED PA'I PHYIR, 'DOD NA, RGYU RKYEN TSOGS PAS 'BRAS BU RANG BZHIN GYIS BYAS PA MED PAR THAL, DE'I PHYIR, RGYU RKYEN TSOGS PAS BYAS PA'I 'BRAS BU RANG BZHIN GYIS MED KYANG RGYU RKYEN MA TSOGS PAS BYAS PA'I 'BRAS BU YOD DO ZHE NA, RGYU RKYEN TSOGS PA MIN PAS BYAS PA'I 'BRAS BU MED PAR THAL, RGYU RKYEN TSOGS PAS BYAS PA'I 'BRAS BU RANG BZHIN GYIS MED PA'I PHYIR, 'BRAS BU RANG BZHIN GYIS MED KYANG RGYU RKYEN TSOGS PA RANG BZHIN GYIS YOD DO ZHE NA, RKYEN GYI TSOGS PA RANG BZHIN GYIS GA LA YOD DE MED PAR THAL, 'BRAS BU RANG BZHIN GYIS YOD PA MA YIN PA'I PHYIR, TSOGS PA BRTAG PA ZHES BYA BA STE RAB TU BYED PA NYI SHU PA'O,, ,,GNYIS PA DUS 'BRAS BU 'BYUNG 'JIG GI RGYU YIN PA DGAG PA LA GNYIS, SKYE 'JIG RANG BZHIN GYIS YOD PA DGAG ,SKYE 'JIG RANG BZHIN GYIS 'DOD NA RTAG CHAD KYI SKYON BSTAN PA'O, ,DANG PO LA GNYIS, BSGRUB BYA DGAG ,SGRUB BYED DGAG PA'O, ,DANG PO LA GSUM, LHAN CIG YIN MIN BRTAGS NAS DGAG ,RTEN GANG LA YOD BRTAGS NAS DGAG ,GCIG DANG THA DAD BRTAGS NAS DGAG PA'O, ,DANG PO NI, DUS RANG BZHIN GYIS YOD DE, 'BRAS BU 'BYUNG 'JIG GI RGYU YIN PA'I PHYIR CE NA, 'JIG PA 'BYUNG BA MED PAR RAM LHAN CIG TU RANG BZHIN GYIS YOD PA NYID NI MA YIN, 'BYUNG BA 'JIG PA MED PAR RAM LHAN CIG TU RANG BZHIN GYIS YOD PA MA YIN TE, 'OG GI RIGS

, ,PAS GNOD PA'I PHYIR RO, ,JI LTAR GNOD NA, 'JIG PA 'BYUNG BA MED PAR NI JI LTA BUR NA YOD PAR 'GYUR TE 'JIG PA 'BYUNG BA MED PAR MED DE, SKYE BA MED PAR 'CHI BAR 'GYUR BA MI RUNG BA'I PHYIR, 'JIG PA 'BYUNG BA DANG LHAN CIG TU JI LTA BUR NA RANG BZHIN GYIS YOD PA NYID DU 'GYUR TE MI 'GYUR BAR THAL, 'CHI BA SKYE DANG DUS GCIG TU RANG BZHIN GYIS YOD PA NYID NI MA YIN PA'I PHYIR, 'BYUNG BA 'JIG PA MED PAR NI JI LTA BUR NI YOD PAR 'GYUR TE MI 'GYUR BAR THAL, DNGOS PO RNAMS LA MI RTAG NYID NAM YANG MED PA MA YIN PA'I PHYIR, 'BYUNG BA 'JIG PA DANG LHAN CIG TU JI LTA BUR RANG BZHIN GYIS YOD PA NYID DU 'GYUR TE MI 'GYUR BAR THAL, SKYE BA 'CHI BA DANG DUS GCIG TU RANG BZHIN GYIS YOD PA NYID NI MA YIN PA'I PHYIR, 'BYUNG 'JIG DE DAG CHOS CAN, RANG BZHIN GYIS GRUB PA JI LTAR YOD DE MED PAR THAL, KHYOD GANG DAG PHAN TSUN RANG BZHIN GYIS LHAN CIG GAM PHAN TSUN LHAN CIG MA YIN PAR GRUB PA YOD PA MA YIN PA'I PHYIR, GNYIS PA NI, ZAD PA LA 'BYUNG BA RANG BZHIN GYIS YOD PA MA YIN TE, ZAD SKYE GNYIS DUS GCIG TU MED PA'I PHYIR, MA ZAD PA LA'ANG 'BYUNG BA RANG BZHIN GYIS MED DE, MA ZAD PA RANG BZHIN GYIS YOD NA DNGOS PO'I MTSAN NYID DANG BRAL BA'I PHYIR, ZAD PA LA 'JIG PA RANG BZHIN GYIS YOD PA MA YIN TE, DE LA 'JIG PA RANG BZHIN GYIS MI RTEN PA'I PHYIR, MA ZAD PA LA'ANG 'JIG PA RANG BZHIN GYIS MED DE, MA ZAD PA RANG BZHIN GYIS YOD NA 'JIG PA DANG BRAL BA'I PHYIR, 'BYUNG 'JIG RANG BZHIN GYIS YOD DE, DNGOS PO RANG BZHIN GYIS YOD PA'I PHYIR CE NA

DNGOS PO DANG 'BYUNG 'JIG RANG BZHIN GYIS MED DE, DNGOS PO YOD PA MA YIN PAR 'BYUNG BA DANG 'JIG PA YOD PA MA YIN, 'BYUNG BA DANG 'JIG PA MED PAR NI DNGOS PO YOD PA MA YIN PA'I PHYIR, CHOS 'DRA, STONG PA LA 'BYUNG BA DANG 'JIG PA DAG RANG BZHIN GYIS 'THAD PA NYID NI MA YIN, RANG BZHIN GYIS MI STONG PA LA 'BYUNG 'JIG DAG 'THAD PA NYID NI MA YIN PA'I PHYIR, GSUM PA NI, CHOS 'DRA, 'BYUNG BA DANG NI 'JIG BDAG GCIG PA NYID NI MI 'THAD, 'BYUNG BA DANG NI 'JIG PA DAG RANG BZHIN GYIS GZHAN NYID DU 'ANG MI 'THAD PA'I PHYIR, GNYIS PA LA GNYIS, MTHONG BA SGRUB BYED MA YIN PA DANG, DE'I SGRUB BYED BSTAN PA'O, DANG PO NI, 'BYUNG 'JIG RANG BZHIN GYIS YOD DE, 'BYUNG BA DANG NI 'JIG PA DAG MTHONG BA'I PHYIR SNYAM DU KHYOD SEMS NA, KHYAB PA MA NGES TE, 'BYUNG BA DANG NI 'JIG PA DAG GTI MUG NYID KYIS BSLAD NAS BDEN PAR MTHONG BA YIN PA'I PHYIR, GNYIS PA LA GNYIS, 'BYUNG 'JIG RANG DANG RIGS MTHUN MI MTHUN LAS SKYE BA DGAG ,DNGOS PO RANG DANG GZHAN LAS SKYE BA DGAG PA'O,, DANG PO NI, 'BYUNG 'JIG BDEN PAR SNANG BA GTI MUG GIS BSLAD PAR CIS GRUB CE NA, RIGS PAS GRUB STE, 'BYUNG 'JIG RANG BZHIN GYIS MED PAR THAL, DNGOS PO DNGOS PO LAS MI SKYE DNGOS PO DNGOS MED LAS MI SKYE, DNGOS MED DNGOS MED LAS MI SKYE, DNGOS MED DNGOS PO LAS MI SKYE BA'I PHYIR, GNYIS PA NI, DNGOS PO CHOS CAN, JI LTAR RANG BZHIN GYIS SKYE BAR 'GYUR TE MI 'GYUR BAR THAL, BDAG LAS MI SKYE GZHAN LAS SKYE BA NYID MA YIN, BDAG DANG GZHAN GNYIS KA LAS SKYE BA NI YOD PA MIN PA'I PHYIR

, ,GNYIS PA NI, DNGOS PO RANG BZHIN GYIS YOD PAR KHAS BLANGS NA RTAG PA DANG CHAD PAR LTA BAR THAL BAR 'GYUR TE, RANG BZHIN GYIS YOD PA'I DNGOS PO DE RTAG PAR BLTAS NA RTAG LTA DANG, MI RTAG PAR BLTAS NA CHAD LTAR 'GYUR BA'I PHYIR, DNGOS PO RANG BZHIN GYIS YOD PAR KHAS BLANGS KYANG CHAD PAR MI 'GYUR RTAG PAR MI 'GYUR TE, 'BRAS BU RGYU'I 'BYUNG 'JIG GI RGYUN DE SRID PA YIN PA'I PHYIR RO, ,ZHE NA, 'BRAS BU RGYU'I 'BYUNG 'JIG GI RGYUN DE SRID PA YIN PAR 'GYUR NA, RGYU RGYUN NI CHAD BAR 'GYUR BAR THAL, RGYU 'JIG PA STE ZHIG PA SLAR YANG SKYE BA MED PA'I PHYIR, DNGOS PO CHOS CAN, PHYIS DNGOS MED DU 'GYUR BA Mi RIGS PAR THAL, NGO BO NYID KYIS YOD PA'I PHYIR, LHAG MED KYI MYA NGAN LAS 'DAS PA'I DUS NA CHAD PAR THAL, DE'I DUS NA SRID PA PHUNG PO'I RGYUN RAB TU ZHI BA'I PHYIR, RTAGS KHYAB KHAS SO, ,SRID RGYUN RANG BZHIN GYIS MED DE, SRID PA THA MA 'GAGS PAR GYUR PA NA SRID PA DANG PO SKYE BA RIGS PAR MI 'GYUR BA'I PHYIR DANG, SRID PA THA MA 'GAGS PAR MA GYUR PA'I TSE SRID PA DANG PO SKYE BA RIGS PAR MI 'GYUR BA'I PHYIR, GAL TE SRID PA THA MA 'GAG BZHIN PA NA, SRID PA DANG PO RANG BZHIN GYIS SKYE BAR 'GYUR RO ZHE NA, SEMS CAN GCIG LA SRID PA MI MTHUN PA GNYIS KA CIG CAR YOD PAR THAL, 'GAG BZHIN PA MI'I SRID PA NI GCIG TU 'GYUR ZHING SKYE BZHIN PA LHA'I SRID PA YANG GZHAN DU 'GYUR LA, RANG BZHIN GYIS SKYE NA RGYU 'BRAS DUS MNYAM PA'I PHYIR, PHUNG PO GANG LA GNAS NAS 'CHI BAR 'GYUR BA DE LA RANG BZHIN GYIS SKYE BA DANG 'BYUNG BAR 'GYUR RAM MI 'GYUR BAR

THAL, GAL TE 'GAG BZHIN SKYE BZHIN DAG LHAN CIG TU RIGS PA MIN PA'I PHYIR, SRID RGYUN RANG BZHIN GYIS MED DE, DE LTAR DUS GSUM DAG TU YANG SRID PA'I RGYUN NI RANG BZHIN GYIS MI RIGS PA'I PHYIR, KHYAB STE, DUS GSUM DAG TU GANG MED PA DE NI JI LTAR SRID PA'I RGYUN DU MI RIGS PA'I PHYIR, 'BYUNG BA DANG 'JIG PA BRTAG PA ZHES BYA BA STE RAB TU BYED PA NYI SHU GCIG PA'O,, ,,LNGA PA SRiD RGYUN RANG BZHIN GYIS STONG BA LA GNYIS, DE BZHIN GSHEGS PA RANG BZHIN GYIS YOD PA DGAG , NYON MONGS RANG BZHIN GYIS YOD PA DGAG PA'O, ,DANG PO LA BZHI, DNGOS DANG, DE LA LOG RTOG GZHAN GYI GNAS MED PA, LOG PAR BZUNGS PA'I NYES DMIGS, RIGS PA DE GZHAN LA'ANG SBYAR BA'O, ,DANG PO LA GSUM, LEN PA PO RANG BZHIN GYIS YOD PA DGAG ,BLANG BYA RANG BZHIN GYIS YOD PA DGAG ,MJUG BSDU BA'O, ,DANG PO LA GNYIS, DE BZHIN GSHEGS PA RDZAS YOD DGAG ,PHUNG PO LA BRTEN PA RANG BZHIN GYIS YOD PA DGAG PA'O, ,DANG PO NI, SRID RGYUN RANG BZHIN GYIS YOD DE, DE BZHIN GSHEGS PA RANG BZHIN GYIS YOD PA'I PHYIR CE NA, DE BZHIN GSHEGS PA GANG ZHIG CHOS CAN, RANG BZHIN GYIS MED DE, PHUNG PO DANG GCIG MIN PHUNG PO LAS RANG BZHIN GYIS GZHAN MIN KHYOD LA PHUNG PO DANG PHUNG PO DER KHYOD RANG BZHIN GYIS BRTEN PA MED PHUNG PO DANG RANG BZHIN GYIS LDAN PA MIN PA'I PHYIR, GNYIS PA LA GNYIS, DNGOS DANG, LEN PA PO DANG BLANG BYAR RANG BZHIN GYIS YOD PA DGAG PA'O, ,DANG PO NI, GAL TE MANG BKUR BA NA RE, DE NYID DANG GZHAN DU BRJOD DU MED PA'I SANGS

, ,RGYAS PHUNG PO LA BRTEN NAS 'DOGS SO ZHE NA, CHOS CAN, RANG BZHIN NYID LAS YOD PA MIN PAR THAL, RTEN NAS BTAGS PA'I PHYIR, 'DOD NA, DE CHOS CAN, GZHAN DNGOS LAS GA LA YOD DE MED PAR THAL, RANG BZHIN LAS NI GANG MED PA'I PHYIR, RANG DNGOS LAS MED KYANG GANG ZHIG GZHAN GYI DNGOS PO LA BRTEN NAS YOD DO ZHE NA, DE BZHIN GSHEGS PA CHOS CAN, BDAG NYID KYI RANG BZHIN DU MI 'THAD PAR THAL, GZHAN LA BRTEN NAS BZHAG PA'I PHYIR, 'DOD NA, JI LTAR BDEN PAR 'GYUR TE MI 'GYUR BAR THAL, GANG ZHIG BDAG NYID KYIS MED PA'I PHYIR, CHOS CAN, PHUNG PO LAS GZHAN DNGOS SU YOD PAR JI LTAR 'GYUR TE MI 'GYUR BAR THAL, GAL TE RANG BZHIN GYIS YOD PA MIN PA'I PHYIR, DE BZHIN GSHEGS PA GANG DE CHOS CAN, RANG BZHIN GYIS MED DE, RANG BZHIN DANG NI GZHAN DNGOS DAG MA GTOGS PA MED PA'I PHYIR, GNYIS PA NI, DE BZHIN GSHEGS PA DANG PHUNG PO LEN PA PO DANG BLANG BYAR RANG BZHIN GYIS YOD DO ZHE NA, DE MED PAR THAL, GAL TE PHUNG PO LA MA BRTEN PAR DE BZHIN GSHEGS PA 'GA' YOD NA DE NI DA GDOD PHUNG PO LA BRTEN PAR 'GYUR ZHING BRTEN NAS DE NAS PHUNG PO LEN PA POR 'GYUR LA RAG NA, PHUNG PO RNAMS LA MA BRTEN PAR DE BZHIN GSHEGS PA 'GA' YANG MED PA'I PHYIR, DE BZHIN GSHEGS PA DES NI CHOS CAN, JI LTAR PHUNG PO RANG BZHIN GYIS NYER LEN 'GYUR TE MI 'GYUR BAR THAL, GANG ZHIG PHUNG PO LA MI BRTEN PA YOD PA MIN PA'I PHYIR, CHOS CAN, PHUNG PO DE NYE BAR LEN PAR CIS KYANG MI 'GYUR BAR THAL, PHUNG PO NYE BAR BLANGS PA MA YIN PA'I PHYIR, DE BZHIN

GSHEGS PA CI YANG RANG BZHIN GYIS MED DE, NYE BAR LEN PA RANG BZHIN GYIS MED PA'I PHYIR, DE BZHIN GSHEGS PA DE CHOS CAN, NYE BAR LEN PAS JI LTAR RANG BZHIN GYIS GDAGS SU MI RUNG BAR THAL, RNAM PA LNGAS NI BTZAL BAR BYAS NA GANG ZHIG DE NYID GANG ZHIG DE NYID DANG GZHAN NYID DU MED PA'I PHYIR, GNYIS PA NI, GANG ZHIG NYE BAR BLANGS PA PHUNG PO DE NI CHOS CAN, RANG BZHIN LAS YOD PA MIN TE, RTEN 'BREL YIN PA'I PHYIR, DE CHOS CAN, GZHAN DNGOS LAS DON DAM PAR YOD RE SKAN TE MED PAR THAL, BDAG GI DNGOS PO LAS GANG MED PA'I PHYIR, GSUM PA NI, PHUNG PO STONG PAS DE BZHIN GSHEGS PA STONG PA JI LTA BUR NI DON DAM PAR 'DOGS PAR 'GYUR TE MI 'GYUR BAR THAL, DE LTAR NYE BAR BLANG BYA DANG, NYE BAR LEN PA PO RNAMS KUN GYIS DON DAM PAR STONG BA YIN PA'I PHYIR, GNYIS PA NI, DE BZHIN GSHEGS PA RANG BZHIN GYIS MED NA SKUR 'DEBS SU 'GYUR RO ZHE NA, MI 'GYUR TE, DE BZHIN GSHEGS PA THA SNYAD DU YOD PAS STONG NGO ZHES KYANG MI RJOD, DON DAM PAR MI STONG ZHES KYANG MI BYA ZHING YOD MED GNYIS KA DANG GNYIS KA MIN ZHES MI BYA BAR GDAGS PA'I DON DU BRJOD PAR BYA BA'I PHYIR, DE BZHIN GSHEGS PA 'DI LA CHOS CAN, RTAG DANG MI RTAG LA SOGS BZHI DON DAM PAR GA LA YOD DE MED PAR THAL, RANG BZHIN GYIS ZHI BA'I PHYIR, 'DI LA CHOS CAN, MTHA' DANG MTHA' MED LA SOGS BZHI GA LA YOD DE MED PAR THAL, RANG BZHIN GYIS ZHI BA'I PHYIR, DNGOS SMRA BA DE NI CHOS CAN, MYA NGAN LAS 'DAS PA LA DE BZHIN GSHEGS PA YOD CES SAM MED CES RNAM RTOG RTOG PAR BYED DE, KHYOD GANG GIS BDEN PAR

, ,'DZIN PA STUG POS BZUNGS PAR GYUR PA'I PHYIR, SANGS RGYAS CHOS CAN, MYA NGAN LAS 'DAS NAS NI YOD DO ZHE 'AM MED DO ZHES BSAM PA LTAR 'THAD PA NYID DU MI 'GYUR TE, RANG BZHIN GYIS NI STONG PA'I PHYIR, GSUM PA NI, GANG DAG DNGOS SMRA BA DE KUN GYIS CHOS CAN, DE BZHIN GSHEGS PA'I CHOS NYID MTHONG BAR MI 'GYUR TE, SANGS RGYAS SPROS PA 'DAS SHING RANG BZHIN GYIS ZAD PA MED PA SPROS PAR BYED PA'I SPROS PAS BLO MIG NYAMS PA'I PHYIR, BZHI PA NI, DE BZHIN GSHEGS PAR RANG BZHIN MED PA LTAR 'GRO BA 'DI LA RANG BZHIN MED DE, DE BZHIN GSHEGS PA'I RANG BZHIN STONG NYID GANG DE NI 'GRO BA 'DI'I RANG BZHIN YIN PA'I PHYIR, DE BZHIN GSHEGS PA BRTAG PA ZHES BYA BA STE RAB TU BYED PA NYI SHU GNYIS PA'O,, GNYIS PA NYON MONGS RANG BZHIN GYIS YOD PA DGAG PA LA GNYIS, DNGOS DANG, DE SPONG BA'I THABS DGAG PA'O, ,DANG PO LA LNGA, RTEN 'BREL GYI RTAGS KYIS DGAG ,RTEN; RGYU; DMIGS PA RANG BZHIN MED PA'I RTAGS KYIS DGAG ,RGYU RANG BZHIN MED PA'I RTAGS GZHAN GYIS DGAG PA'O, ,DANG PO NI, SRID RGYUN RANG BZHIN GYIS YOD DE, RGYU NYON MONGS RANG BZHIN GYIS YOD PA'I PHYIR CE NA, NYON MONGS YANG DAG PAR MED DE, 'DOD CHAGS ZHE SDANG GTI MUG RNAMS KUN TU RTOG PA LAS 'BYUNG BAR GSUNGS SHING SDUG DANG MI SDUG PHYIN CI LOG LA BRTEN PA NYID LAS KUN TU 'BYUNG BA'I PHYIR, KHYAB STE, GANG DAG SDUG DANG MI SDUG DANG PHYIN CI LOG LA BRTEN NAS 'BYUNG BA DE DAG RANG BZHIN LAS MED PA'I PHYIR, GNYIS PA NI, NYON MONGS RNAMS KYI YOD NYID

MED NYID NI JI LTA BUR RANG BZHIN GYIS MI 'GRUB PAR THAL, BDAG GI YOD NYID MED NYID NI JI LTA BUR YANG RANG BZHIN GYIS GRUB PA MED PA'I PHYIR, KHYAB STE, NYON MONGS 'DI DAG GANG GI YIN PA'I RTEN DE YANG RANG BZHIN GYIS GRUB PA YOD PA MA YIN CING RTEN 'GAL MED PAR NI GANG GI YANG NYON MONGS PA DAG YOD PA MA YIN PA'I PHYIR, NYON MONGS LA BRTEN BDAG MED KYANG SEMS RANG BZHIN GYIS YOD DO ZHE NA, DE MI 'THAD PAR THAL, RANG LUS LA LTA BA'I 'JIG LTA'I YUL BDAG DE DPYAD NA MED PA BZHIN DU NYON MONGS RNAMS NYON MONGS CAN GYI SEMS LA RNAM PA LNGAR DPYAD NA MED CING RANG LUS LA LTA BA'I 'JIG LTA'I YUL BDAG BZHIN DU NYON MONGS CAN DE NYON MONGS PA LA RNAM PA LNGAR DPYAD NA MED PA'I PHYIR, GSUM PA NI, SDUG DANG MI SDUG DANG PHYIN CI LOG LA BRTEN NAS NYON MONGS GANG DAG DON DAM PAR YOD PA MA YIN PAR THAL, SDUG MI SDUG DANG PHYIN CI LOG RANG BZHIN LAS NI YOD PA MIN PA'I PHYIR, BZHI PA NI, NYON MONGS RANG BZHIN GYIS YOD DE, DE'I DMIGS PA RANG BZHIN GYIS YOD PA'I PHYIR CE NA, GZUGS SGRA RO DANG REG PA DANG DRI DANG CHOS DAG RNAM PA DRUG NI CHOS CAN, 'DOD CHAGS DANG ZHE SDANG DANG GTI MUG GI GZHI YIN PAR BRTAGS TE, SDUG MI SDUG PHYIN CI LOG TU SGRO BTAGS NAS DUG GSUM SKYE BA'I PHYIR, GZUGS SGRA RO DANG REG PA DANG DRI DANG CHOS DAG CHOS CAN, BTAGS PA 'BA' ZHIG STE, DRI ZA'I GRONG KHYER LTA BUR DANG SMIG RGYU RMI LAM 'DRA BA YIN PA'I PHYIR, LNGA PA LA GNYIS, CHAGS SDANG GI RGYU, GTI MUG GI RGYU RANG BZHIN GYIS YOD PA DGAG PA'O, ,DANG PO NI, YUL DE DAG LA CHOS CAN, SDUG PA DANG NI MI

, ,SDUG PA DON DAM PAR 'BYUNG BAR YANG NI GA LA 'GYUR TE, SGYU MA'I SKYES BU LTA BU DANG GZUGS BRNYAN 'DRA BA'I PHYIR, DON DAM PAR SDUG PA 'THAD PA MA YIN TE, GANG LA BRTEN NAS SDUG PA ZHES GDAGS PAR BYA BA MI SDUG PA DE SDUG PA LA MA LTOS PAR YOD PA MIN PA DE'I PHYIR, DON DAM PAR MI SDUG PA 'THAD PA MA YIN TE, GANG LA BRTEN NAS MI SDUG PAR GDAGS PAR BYA BA SDUG PA NI MI SDUG PA LA MA LTOS PAR YOD PA MIN PA DE'I PHYIR, DON DAM PAR 'DOD CHAGS YOD PAR GA LA 'GYUR TE, DON DAM PAR SDUG PA YOD PA MA YIN PA'I PHYIR, DON DAM PAR ZHE SDANG YOD PAR GA LA 'GYUR TE, DON DAM PAR MI SDUG PA YOD PA MA YIN PA'I PHYIR, GNYIS PA LA GSUM, PHYIN CI LOG RANG BZHIN GYIS YOD PA DGAG ,PHYIN CI LOG DANG LDAN PA RANG BZHIN GYIS YOD PA DGAG ,PHYIN CI LOG GI YUL YOD MED BRTAGS NAS DGAG PA'O, ,DANG PO NI, GAL TE MI RTAG PA LA RTAG PA'O ZHES DE LTAR 'DZIN PA LOG PA YIN NA, PHUNG PO CHOS CAN, RTAG PAR 'DZIN PA JI LTAR DON DAM PAR LOG PA YIN TE MA YIN PAR THAL, DON DAM PAR MI RTAG PA YOD PA MIN PA'I PHYIR TE, DON DAM PAR STONG PA'I PHYIR, GAL TE MI RTAG RTAG GO ZHES DE LTAR 'DZIN PA LOG PA YIN NA, CHOS CAN, MI RTAG PA'O ZHES DON DAM PAR 'DZIN PA'ANG JI LTAR LOG PA MA YIN TE YIN TE, DON DAM PAR STONG PA'I PHYIR, RTAG 'DZIN DON DAM PAR MED KYANG 'DZIN PA TZAM DON DAM PAR YOD DO ZHE NA, 'DZIN PA DON DAM PAR YOD PA MA YIN TE, GANG GIS 'DZIN PA DANG 'DZIN PA'I BYA BA GANG DANG 'DZIN PA PO DANG GANG BZUNGS PA THAMS CAD NYE BAR ZHI PA

STE MED PA DE'I PHYIR, GNYIS PA NI, PHYIN CI LOG DON DAM PAR YOD DE, PHYIN CI LOG DANG LDAN PA'I LHAS BYIN YOD PA'I PHYIR CE NA, GANG ZAG GANG LA PHYIN CI LOG DANG, GANG LA PHYIN CI MA LOG PA DON DAM PAR YOD PA MA YIN TE, LOG PA'AM YANG DAG NYID DU NI 'DZIN PA DON DAM PAR YOD PA MA YIN PA'I PHYIR, GANG ZAG GANG LA PHYIN CI LOG SRID PA BDAG NYID KYIS NI RNAM PAR DPYAD NA MED DE, PHYIN CI LOG TU GYUR PA LA DON DAM PAR PHYIN CI LOG DE DAG MI SRID, PHYIN CI LOG TU MA GYUR PA LA PHYIN CI LOG DAG MI SRID PHYIN CI LOG TU GYUR BZHIN PA LA DON DAM PAR PHYIN CI LOG MI SRID PA'I PHYIR, PHYIN CI LOG RNAMS CHOS CAN, DON DAM PAR JI LTA BUR NA YOD PAR 'GYUR TE MI 'GYUR BAR THAL, DON DAM PAR MA SKYES PA'I PHYIR, DON DAM PAR PHYIN CI LOG CAN GA LA YOD DE MED PAR THAL, DON DAM PAR PHYIN CI LOG RNAMS SKYE MED YIN PA'I PHYIR, DON DAM PAR PHYIN CI LOG CAN GA LA YOD DE MED PAR THAL, DNGOS PO BDAG LAS MI SKYE GZHAN LAS SKYE BA NYID MA YIN BDAG DANG GZHAN GNYIS KA LAS KYANG SKYE BA MIN PA'I PHYIR, GSUM PA NI, BDAG DANG GTZANG BA DANG RTAG PA DANG BDE BA PHYIN CI LOG MA YIN PAR THAL, GAL TE BDAG DANG GTZANG BA DANG RTAG PA DANG BDE BA YOD PA'I PHYIR, RTAGS MA GRUB NA, BDAG MED DANG MI GTZANG BA DANG MI RTAG PA DANG SDUG BSNGAL DON DAM PAR YOD PA MA YIN TE, GAL TE BDAG DANG GCANG BA DANG RTAG PA DANG BDE BA MED PA'I PHYIR, PHYIN CI LOG DON DAM PAR YOD MED DPYOD PA DON CHEN PO DANG LDAN TE, DE LTAR DPYAD NAS BSGOMS PAS PHYIN CI LOG 'GAGS PAS MA RIG PA NI 'GAG PAR 'GYUR, MA RIG PA 'GAGS PAR GYUR NA

, ,NI 'DU BYED LA SOGS 'GAG PAR 'GYUR BA'I PHYIR, GNYIS PA NI, NYON MONGS RANG BZHIN GYIS YOD DE, DE'I GNYEN PO YOD PA'I PHYIR CE NA, GAL TE LA LA'I NYON MONGS PA GANG DAG CHOS CAN, JI LTA BUR NA SPONG BAR 'GYUR TE MI 'GYUR BAR THAL, RANG BZHIN GYIS YOD PA'I PHYIR, KHYAB STE, RANG BZHIN GYIS YOD PA SU ZHIG SPONG BAR BYED MI NUS PA'I PHYIR, GAL TE LA LA'I NYON MONGS PA GANG DAG RANG BZHIN GYIS MED NA, CHOS CAN, JI LTA BUR NA SPONG BAR BYED MI DGOS PAR THAL LO, ,KHYAB STE, MED PA SU ZHIG SPONG BAR BYED MI DGOS PA'I PHYIR, PHYIN CI LOG BRTAG PA ZHES BYA BA STE RAB TU BYED PA NYI SHU GSUM PA'O,, ,,GNYIS PA DE LA RTZOD PA SPANG BA LA GNYIS, BDEN PA BRTAG PA DANG, MYANG 'DAS BRTAG PA'O, ,DANG PO LA RTZOD LAN GNYIS, DANG PO NI, 'BYUNG BA MED CING 'JIG PA MED PA DANG, 'PHAGS PA'I BDEN PA BZHI PO DAG ,KHYOD LA MED PAR 'GYUR BAR THAL, GAL TE 'DI DAG KUN STONG BA'I PHYIR, 'DOD NA, YONGS SU SHES PA DANG SPONG BA DANG SGOM PA DANG MNGON DU BYA BA DAG 'THAD PAR 'GYUR BA MA YIN PAR THAL, 'PHAGS PA'I BDEN PA BZHI MED PAS SO, ,'DOD NA, 'BRAS BU BZHI YANG YOD PA MA YIN PAR THAL, YONGS SHES SOGS DE DAG YOD PA MA YIN PAS SO, ,'DOD NA, 'BRAS GNAS MED CING ZHUGS PA DAG KYANG YOD PA MA YIN PAR THAL, 'BRAS BU BZHI MED PA'I PHYIR, 'DOD NA, DGE 'DUN MED PAR THAL, GAL TE SKYES BU GANG ZAG BRGYAD PO DE DAG MED PA'I PHYIR, DAM PA'I CHOS KYANG YOD PA MA YIN PAR THAL, 'PHAGS

PA'I BDEN PA RNAMS MED PA'I PHYIR, 'DOD NA, SANGS RGYAS JI LTAR YOD PAR 'GYUR TE, CHOS DANG DGE 'DUN YOD PA MA YIN PA'I PHYIR, 'DOD NA, DKON MCHOG GSUM LA GNOD PA NI BYED PAR THAL, RANG BZHIN MED PA DE SKAD DU STONG PA NYID SMRA BA'I PHYIR 'BRAS BU YOD PA DANG CHOS MA YIN PA DANG CHOS NYID DANG 'JIG RTEN PA'I THA SNYAD NI KUN LA GNOD PA BYED PA YIN PAR THAL, DNGOS PO THAMS CAD RANG BZHIN GYIS STONG BA'I PHYIR, GNYIS PA LA BZHI, RTEN 'BYUNG MA RTOGS PA'I RTZOD PAR BSTAN PA, STONG PA RTEN 'BYUNG GI DON DU BSTAN PA, GZHAN LA RNAM GZHAG THAMS CAD MI 'THAD PA, RTEN 'BYUNG GI DE NYID MTHONG NA BDEN BZHI'I DE NYID MTHONG BA'O, ,DANG PO LA GNYIS, DNGOS DANG, RANG GZHAN LA RNAM GZHAG RUNG MI RUNG GI KHYAD PAR RO, ,DANG PO LA GNYIS, DE LTAR RTZOD PAS DON GSUM MA RTOGS PAR BSTAN, BDEN GNYIS MA RTOGS PAR BSTAN PA'O, ,DANG PO NI, RTZOD PA DE LA LAN BSHAD PA, DNGOS SMRA BA CHOS CAN, BDEN STONG YIN PAS MED PA DE LTAR NA KHYOD NYID LA GNOD PA BYED PA YIN TE, KHYOD NYID KYIS STONG NYID BSTAN PA'I DGOS PA DANG STONG NYID KYI NGO BO DANG STONG NYID KYI DON MA RTOGS PA DE'I PHYIR, DGOS PA NI BDEN 'DZIN BZLOG PA'O, ,NGO BO NI, GZHAN LAS SHES MIN ZHI BA DANG, ZHES SOGS BSTAN PA LTAR RO, ,STONG NYID KYI DON NI RANG BZHIN GYIS GRUB PAS STONG BA'O, ,GNYIS PA LA LNGA, BDEN GNYIS KYI NGO BO, BDEN GNYIS MI SHES NA GSUNG RAB KYI DE NYID MI SHES, BDEN GNYIS BSTAN PA'I DGOS PA, BDEN GNYIS LA LOG PAR BZUNGS PA'I NYES DMIGS, BDEN GNYIS RTOGS DKA' BAS DANG POR MA GSUNGS PA'I TSUL LO, ,DANG PO

, ,NI, STONG NYID KYI DGOS PA SOGS MI SHES BZHIN DU KLAN KA TSOL BA DE SU ZHIG YIN ZHE NA, BDEN GNYIS KYI RNAM DBYE MI SHES PA RNAMS YIN LA, DE BZLOG PA LA BDEN GNYIS KYI RNAM DBYE SHES DGOS PAS BSHAD PAR BYA STE, SANGS RGYAS RNAMS KYIS CHOS BSTAN PA CHOS CAN, BDEN PA GNYIS LA YANG DAG PAR BRTEN TE, 'JIG RTEN KUN RDZOB BDEN PA DANG DAM PA'I DON GYI BDEN PA LA BRTEN PA'I PHYIR, GNYIS PA NI, DNGOS SMRA BA DE DAG CHOS CAN, SANGS RGYAS KYI BSTAN PA NI ZAB MO'I DE NYID RNAM PAR MI SHES TE, GANG DAG BDEN PA DE GNYIS KYI RNAM DBYE RNAM PAR MI SHES PA'I PHYIR, GSUM PA NI, BDEN GNYIS BSTAN PA LA DON YOD DE, THA SNYAD LA NI MA BRTEN PAR DAM PA'I DON NI BSTAN MI NUS, DAM PA'I DON NI MA RTOGS PAR MYA NGAN 'DAS PA THOB MI NUS PA'I PHYIR, BZHI PA NI, DNGOS SMRA BA CHOS CAN, SHES RAB CHUNG BA RNAMS PHUNG BAR BYED DE, STONG PA NYID LA LTA NYES PA'I PHYIR, JI LTAR SBRUL LA BZUNGS NYES PA DANG RIG SNGAGS NYES PAR BSGRUBS PA BZHIN NO, ,LNGA PA NI, SHES BYA CHOS CAN, BLO ZHAN PAS CHOS 'DI'I GTING DPOGS DKA' BAR MKHYEN PAR GYUR NAS THUB PA'I THUGS NI CHOS BSTAN PA LAS RE SHIG RAB TU LOG PAR GYUR PA YIN TE, STONG NYID LA LOG PAR BZUNGS NA NYES DMIGS CHE BA DE'I PHYIR, GNYIS PA NI, DNGOS SMRA BA KHYOD NI STONG NYID SPONG BAR BYED PA'I NYES PA GANG YIN PA DE NGA DBU MA PA LA MI 'THAD DE, 'BYUNG 'JIG MED PA LA SOGS PA'I SKYON DU THAL BAR 'GYUR BA NI STONG NYID SMRA BA LA 'THAD PA MA YIN PA'I PHYIR, DBU MA PA DE LA CHOS CAN, RNAM GZHAG THAMS CAD RUNG BAR 'GYUR TE, KHYOD GANG LA STONG PA NYID RUNG BA'I PHYIR, DNGOS SMRA

BA'I LUGS DE LA CHOS CAN, RNAM GZHAG THAMS CAD RUNG BAR MI 'GYUR BAR THAL, KHYOD GANG LA STONG NYID MI RUNG BA'I PHYIR, DNGOS SMRA BA KHYOD NI RANG GI SKYON RNAMS NI NGA DBU MA PA LA YONGS SU SGYUR BAR BYED PA YIN TE, RTEN 'BYUNG KHAS BLANGS NAS DE LA GNOD BYED BRJOD PA'I PHYIR, DPER NA RTA LA MNGON PAR ZHON BZHIN DU RTA NYID BRJED PAR GYUR PA BZHIN NO, ,DNGOS SMRA BA CHOS CAN, DNGOS PO RNAMS RGYU RKYEN MED PAR KHYOD LTA RIGS PAR THAL, GAL TE DNGOS PO RNAMS RANG BZHIN LAS YOD PAR RJES SU LTA BAR BYED NA RIGS PA DE LTA YIN PA'I PHYIR, 'BRAS BU DANG NI RGYU NYID DANG BYED PA PO DANG BYED PA DANG BYA BA DANG, SKYE BA DANG NI 'GAG PA DANG 'BRAS BU LA YANG GNOD PA BYED PAR THAL, RTAGS 'DRA, GNYIS PA NI, SHES BYA CHOS CAN, STONG NYID MA YIN PA'I CHOS 'GA' YOD PA MA YIN TE, GANG GI PHYIR RTEN 'BYUNG MA YIN PA'I CHOS 'GA' YOD PA MA YIN PA DE'I PHYIR, KHYAB STE, RTEN CING 'BREL PAR 'BYUNG BA GANG YIN PA DE NI STONG PA NYID DU BSHAD CING, DE NI RTEN NAS GDAGS PA STE DE NYID MTHA' BRAL DBU MA'I LAM YIN PA'I PHYIR, GSUM PA LA GSUM, BDEN BZHI DANG DE SHES PA SOGS MI RUNG BA, DKON MCHOG GSUM DANG BYA BYED SOGS MI RUNG BA, 'JIG RTEN DANG 'JIG RTEN LAS 'DAS PA'I THA SNYAD MI RUNG BA'O, ,DANG PO NI, DNGOS SMRA BA CHOS CAN, 'BYUNG BA MED CING 'JIG PA MED PAR THAL, GAL TE DNGOS PO 'DI KUN MI STONG BA'I PHYIR, 'DOD NA, 'PHAGS PA'I BDEN PA BZHI PO RNAMS KHYOD LA MED PAR THAL BAR 'GYUR RO, ,KHYAB STE, RTEN CING 'BREL 'BYUNG MA YIN NA SDUG BSNGAL YOD PAR GA LA 'GYUR TE MI RTAG SDUG BSNGAL GSUNGS PA DE RANG BZHIN NYID LAS YOD PA MA YIN

, ,PA'I PHYIR, STONG NYID LA GNOD BYED LA KUN 'BYUNG YOD PA MA YIN TE, SDUG BSNGAL RANG BZHIN LAS NI YOD PA YIN NA CI ZHIG KUN TU 'BYUNG BAR 'GYUR TE MI 'GYUR BA DE'I PHYIR, 'GOG PA YOD PA MA YIN PAR THAL, SDUG BSNGAL RANG BZHIN GYIS YOD PA'I PHYIR, KHYAB STE, RANG BZHIN NYID NI MI 'GYUR BAR YONGS SU GNAS PAS 'GOG PA LA GNOD PA BYED PA YIN PA'I PHYIR, SGOM PA 'THAD PAR MI 'GYUR BAR THAL, LAM LA RANG BZHIN GYIS YOD PA'I PHYIR, CI STE LAM DE CHOS CAN, KHYOD RANG BZHIN GYIS YOD PA MA YIN PAR THAL, BSGOM BYA YIN PA'I PHYIR, LAM GYIS SDUG BSNGAL 'GOG PA NI GANG ZHIG THOB PAR 'GYUR BAR 'DOD MI RIGS PAR THAL, GANG GI TSE SDUG BSNGAL KUN 'BYUNG DANG 'GOG PA YOD PA MA YIN PA'I PHYIR, SDUG BSNGAL DE NI CHOS CAN, PHYIS JI LTAR YONGS SU SHES PAR 'GYUR TE MI 'GYUR BAR THAL, SNGAR YONGS SU SHES PA MA YIN PAR RANG BZHIN NYID KYIS NI GRUB PA'I PHYIR, KHYAB STE, RANG BZHIN KUN TU GNAS PA MA YIN NAM STE YIN PA'I PHYIR, DE BZHIN DU NI KHYOD NYID KYI KUN 'BYUNG SPONG BA DANG 'GOG PA MNGON DU BYA BA DANG LAM SGOM PA DANG 'BRAS BU BZHI DAG KYANG MI RUNG BAR THAL, SNGAR KUN 'BYUNG MA SPANGS PA SOGS RANG BZHIN GYIS GRUB PA'I PHYIR, SDUG BSNGAL YONGS SU SHES PA MI RUNG BA DE BZHIN DU'O, ,'BRAS BU BZHI GANG YIN PA DE CHOS CAN, PHYIS JI LTAR THOB PAR NUS PAR 'GYUR TE MI 'GYUR BAR THAL, SNGAR THOB PA MED PAR RANG BZHIN NYID KYIS NI GRUB PA'I PHYIR, KHYAB STE, RANG BZHIN YONGS SU 'DZIN PA STE RANG BZHIN LA LDOG PA MED PA'I PHYIR RO, ,GNYIS PA NI, 'BRAS GNAS MED CING ZHUGS PA DAG KYANG

YOD PA MA YIN PAR THAL, 'BRAS BU MED PA'I PHYIR, 'DOD NA, DGE 'DUN MED PAR THAL, GAL TE SKYES BU GANG ZAG BRGYAD PO DE DAG MED PA'I PHYIR, DAM PA'I CHOS KYANG YOD PA MA YIN PAR THAL, 'PHAGS PA'I BDEN PA RNAMS MED PA'I PHYIR, 'DID NA, SANGS RGYAS JI LTAR YOD PAR 'GYUR TE MI 'GYUR BAR THAL, CHOS DANG DGE 'DUN YOD PA MIN PA'I PHYIR, KHYOD KYI SANGS RGYAS BYANG CHUB LA MA BRTEN PAR YANG 'GYUR BAR THAL BA DANG, KHYOD KYI BYANG CHUB SANGS RGYAS LA MA BRTEN PAR YANG 'GYUR BAR THAL, SANGS RGYAS DANG BYANG CHUB RANG BZHIN GYIS GRUB PA'I PHYIR, SO SKYE GANG YIN DE CHOS CAN, KHYOD KYIS BYANG CHUB THOB PA'I PHYIR DU BYANG CHUB KYI SPYOD PA LA BRTZAL KYANG BYANG CHUB THOB PAR MI 'GYUR BAR THAL, SANGS RGYAS MIN PAR RANG BZHIN NYID KYIS NI GRUB PA'I PHYIR, 'GA' YANG CHOS DANG CHOS MIN PA NAM YANG BYED PAR MI 'GYUR TE, STONG NYID MA GRUB PA'I PHYIR, KHYAB STE, MI STONG PA LA CI ZHIG BYA RANG BZHIN LA NI BYA BA MED PA'I PHYIR, CHOS DANG CHOS MIN MED PAR YANG 'BRAS BU KHYOD LA YOD PAR 'GYUR BA DANG, CHOS DANG CHOS MIN PA'I RGYUS BYUNG BA'I 'BRAS BU KHYOD LA YOD BA MA YIN PAR THAL, 'BRAS BU RANG BZHIN GYIS GRUB PA'I PHYIR, CHOS DANG CHOS MIN LAS BYUNG BA'I 'BRAS BU CI'I PHYIR STONG PA MA YIN TE YIN PAR THAL, CHOS DANG CHOS MIN PA'I RGYUS BYUNG BA'I 'BRAS BU GAL TE KHYOD LA YOD PA'I PHYIR, GSUM PA NI, DNGOS SMRA BA CHOS CAN, 'JIG RTEN PA'I THA SNYAD NI KUN LA GNOD PA BYED PA YIN PAR THAL, RTEN CING 'BREL PAR 'BYUNG BA'I STONG PA NYID LA GNOD BYED YIN PA'I PHYIR, BYA BA CI YANG MED PAR 'GYUR ZHING RTZOM PA MED PA BYA BAR 'GYUR BA DANG, MI BYED PA YANG BYED POR 'GYUR BAR THAL,

, ,STONG PA NYID LA GNOD BYED YIN PA'I PHYIR, 'GRO BA RNAMS CHOS CAN, MA SKYES PA DANG MA 'GAGS PA DANG THER ZUG TU NI GNAS PAR 'GYUR ZHING GNAS SKABS SNA TSOGS BRAL BAR 'GYUR BAR THAL, RANG BZHIN GYIS YOD PA'I PHYIR, MA THOB PA THOB PAR BYA BA DANG SDUG BSNGAL MTHAR BYED DANG LAS DANG NI NYON MONGS THAMS CAD SPONG BA'ANG MED PAR THAL, GAL TE STONG PA YOD PA MIN PA'I PHYIR, BZHI PA NI, SHES BYA CHOS CAN, GANG GIS RTEN CING 'BREL PAR 'BYUNG BA BDEN STONG DU MTHONG BA DES NI SDUG BSNGAL DANG KUN 'BYUNG DANG NI 'GOG PA DANG LAM NYID BZHI PO DE DAG GI DE KHO NA NYID MTHONG BA YIN TE, DNGOS PO BDEN GRUB KHAS LEN PA LA RNAM GZHAG THAMS CAD MI 'THAD PA'I PHYIR, 'PHAGS PA'I BDEN PA BRTAG PA ZHES BYA BA STE RAB TU BYED PA NYI SHU BZHI PA'O,, GNYIS PA MYANG 'DAS BRTAG PA LA RTZOD LAN NO, ,DANG PO NI, GAL TE DNGOS PO 'DI DAG KUN CHOS CAN, 'BYUNG BA MED CING 'JIG PA MED PAR THAL, RANG BZHIN GYIS STONG BA'I PHYIR, 'DOD NA, NYON MONGS GANG ZHIG SPONG BA DANG SDUG BSNGAL 'GAGS PA LAS MYA NGAN 'DA' BAR 'GYUR BAR 'DOD MI RIGS PAR THAL LO, ,ZHE NA, GNYIS PA LA BZHI, GZHAN LA MYANG 'DAS MI 'THAD, RANG LUGS KYI MYANG 'DAS NGOS GZUNG, MYANG 'DAS BDEN GRUB DGAG ,BKAG PA LA RTZOD PA SPANG BA'O, ,DANG PO NI, GAL TE DNGOS PO 'DI KUN CHOS CAN, 'BYUNG BA MED CING 'JIG PA MED PAR THAL, RANG BZHIN GYIS MI STONG PA'I PHYIR, 'DOD NA, NYON MONGS GANG ZHIG SPONG BA DANG SDUG BSNGAL 'GAGS PA LAS MYA NGAN 'DA' BAR 'GYUR BAR 'DOD MI RIGS PAR THAL LO, ,GNYIS PA NI,

RANG LA MYANG 'DAS MI RUNG BA'I SKYON MED DE, DON DAM PAR SPANGS PA MED PA THOB PA MED PA CHAD PA MED PA RTAG PA MED PA 'GAG PA MED PA SKYE BA MED PA SPROS PA THAMS CAD NYE BAR ZHI BA DE NI MYA NGAN 'DAS PAR BRJOD PA'I PHYIR, GSUM PA LA GSUM, MYANG 'DAS MTHA' BZHIR GRUB PA DGAG ,MYANG 'DAS THUGS SU CHUD PA PO MTHA' BZHIR GRUB PA DGAG ,DES GRUB PA'I DON NO, ,DANG PO LA BZHI, DNGOS PO'I MTHAR 'DOD PA DGAG ,DNGOS MED KYI MTHAR 'DOD PA DGAG ,GNYIS KA'I MTHAR 'DOD PA DGAG ,GNYIS KA MA YIN PA'I MTHAR 'DOD PA DGAG PA'O, ,DANG PO NI, BYE BRAG TU SMRA BA NA RE, MYANG 'DAS DNGOS PO YIN TE, LAS NYON GYI RGYUN 'GOG BYED YIN PA'I PHYIR CE NA, RE SHIG MYA NGAN 'DAS PA DNGOS PO MA YIN TE, YIN NA RGA SHI'I MTSAN NYID CAN DU 'GYUR BAR THAL PA'I PHYIR TE, RGA BA DANG 'CHI BA MED PA'I DNGOS PO YOD PA MA YIN PA'I PHYIR, GAL TE MYA NGAN 'DAS PA DNGOS PO YIN NA MYA NGAN LAS 'DAS PA 'DUS BYAS SU 'GYUR TE, DNGOS PO 'DUS BYAS MA YIN PA 'GA' YANG GANG NA'ANG YOD PA MA YIN PA'I PHYIR, GAL TE MYA NGAN 'DAS PA DNGOS PO YIN NA JI LTAR MYANG 'DAS DE RGYU RKYEN DE LA BRTEN NAS MIN TE YIN PAR THAL, DNGOS PO RGYU RKYEN LA BRTEN NAS 'BYUNG BA MA YIN PA 'GA' YANG YOD PA MIN PA'I PHYIR, GNYIS PA NI, MDO SDE PA NA RE, MYANG 'DAS DNGOS MED DU BDEN NO ZHE NA, GAL TE MYANG 'DAS DNGOS PO MIN NA DNGOS MED DU RANG BZHIN GYIS YOD PA JI LTAR RUNG BAR 'GYUR TE, GANG LA MYA NGAN 'DAS PA DNGOS PO MIN PA DE LA DNGOS MED DU RANG BZHIN GYIS YOD PA RIGS PA MA YIN PA'I PHYIR, GAL TE MYA NGAN 'DAS PA DNGOS PO MIN PAR RANG BZHIN GYIS YOD NA, JI LTAR MYANG 'DAS DE RGYU RKYEN LA BRTEN PA MIN TE YIN

, ,PAR THAL, GANG ZHIG BRTEN NAS 'BYUNG BA MA YIN PA'I DNGOS MED RANG BZHIN GYIS YOD PA MA YIN PA'I PHYIR, GAL TE DNGOS PO DANG DNGOS MED DU RANG BZHIN GYIS MED NA MED PAR 'GYUR RO ZHE NA, MI 'GYUR TE, SNGA MA NAS 'DIR 'ONG BA DANG 'DI NAS PHYI MAR 'GRO BA'I DNGOS PO RGYU RKYEN LA BRTEN NAS 'DOGS SAM RGYU RKYEN RGYUR BYAS PA GANG YIN PA DE NI RGYU RKYEN LA BRTEN PA MIN ZHING RGYUR BYAS PA MIN PAR SPROS PA ZHI BA'I 'GOG PA DE MYA NGAN 'DAS PA YIN PAR BSTAN PA'I PHYIR, MYA NGAN 'DAS PA NI DNGOS PO DNGOS MED DU RANG BZHIN GYIS YOD PA MIN PAR RIGS TE, 'BYUNG PA DANG NI 'JIG PA'I SRED PA DAG SPANG BAR STON PAS BKA' STZAL PA DE'I PHYIR, GSUM PA NI, MU STEGS 'OS PA PA NA RE, MYANG 'DAS DNGOS PO DNGOS MED GNYIS KA YIN TE, NYON MONGS PA DANG SKYE BA'I DNGOS MED DANG RANG NYID DNGOS PO'I RANG BZHIN YIN PA'I PHYIR CE NA, MYANG 'DAS DNGOS PO DNGOS MED GNYIS KA MA YIN PAR THAL, GAL TE MYA NGAN 'DAS PA NI DNGOS PO DANG DNGOS MED GNYIS KA YIN NA DNGOS PO DANG DNGOS PO MED PA DAG THAR PAR 'GYUR NA DE MI RIGS PA'I PHYIR, GAL TE MYA NGAN 'DAS PA NI DNGOS PO DANG DNGOS MED GNYIS SU RANG BZHIN GYIS YOD PA YIN NA MYA NGAN 'DAS PA RGYU RKYEN LA MA BRTEN PA MIN PAR THAL, DNGOS PO DANG DNGOS MED DE GNYIS RANG BZHIN GYIS YOD NA RGYU RKYEN LA BRTEN NAS 'BYUNG BA YIN PA'I PHYIR, JI LTAR MYA NGAN 'DAS PA NI DNGOS PO DANG DNGOS MED GNYIS YIN TE MA YIN PAR THAL, MYA NGAN 'DAS PA 'DUS MA BYAS YIN LA, DNGOS PO DANG DNGOS MED DE ZHIG PA GNYIS 'DUS BYAS YIN PA'I PHYIR, JI LTAR MYA NGAN 'DAS PA LA DNGOS PO DANG DNGOS MED GNYIS YOD DE, DE GNYIS GZHI MTHUN DU MED PAR THAL,

DNGOS PO DANG DNGOS MED DE GNYIS GZHI GCIG LA, GZHA MTHUN DU YOD PA MIN PA'I PHYIR, SNANG BA DANG NI MUN PA BZHIN NO, ,BZHI PA NI, MYA NGAN 'DAS PA DNGOS PO'ANG MIN DNGOS MED KYANG MIN PAR RANG BZHIN GYIS YOD CES GANG STON PA MI RIGS PAR THAL, DNGOS PO MED PA DANG DNGOS PO DAG RANG BZHIN GYIS GRUB NA GNYIS KA MA YIN PA DE NI GRUB PAR 'GYUR NA YANG DE GNYIS RANG BZHIN GYIS MA GRUB PA'I PHYIR, GAL TE MYA NGAN 'DAS PA DE NI CHOS CAN, DNGOS PO DANG DNGOS MED GNYIS KA MA YIN PAR RANG BZHIN GYIS MED PAR THAL, DNGOS PO'ANG MIN DNGOS PO MED PA'ANG MIN PAR RANG BZHIN GYIS YOD NA DNGOS PO'ANG MIN DNGOS PO MED PA'ANG MIN ZHES GANG ZHIG GIS NI DE MNGON DU BYED DGOS LA, DE MNGON DU BYED MKHAN MED PA'I PHYIR, GNYIS PA NI, BCOM LDAN 'DAS CHOS CAN, RANG BZHIN GYIS MED DE, MYA NGAN 'DAS PAR GYUR PA DANG, BZHUGS PAR GYUR NA YANG YOD PA DANG, MED DO ZHE'AM GNYIS KA DANG GNYIS KA MIN ZHES KYANG RANG BZHIN GYIS MI MNGON PA'I PHYIR, GSUM PA NI, 'KHOR BA MYA NGAN 'DAS PA LAS BDEN RDZUN KHYAD PAR CUNG ZAD YOD PA MA YIN MYA NGAN 'DAS PA'ANG 'KHOR BA LAS BDEN RDZUN KHYAD PAR CUNG ZAD YOD PA MA YIN TE, MYA NGAN 'DAS PA'I MTHA' BDEN STONG GANG YIN PA DE NI 'KHOR BA'I MTHA' BDEN STONG YIN PA'I PHYIR TE, 'KHOR 'DAS DE GNYIS BDEN STONG DU KHYAD PAR CUNG ZAD NI SHIN TU PHRA BA'ANG YOD PA MA YIN PA'I PHYIR, LUNG MA BSTAN GYI LTA BA CHOS CAN, BCU BZHI YOD DE, DE BZHIN GSHEGS PA 'DAS PHAN CHAD 'BYUNG MI 'BYUNG GNYIS KA GNYIS KA MA YIN PAR LTA BA MYA NGAN LAS 'DAS PA'I MTHA' LA BRTEN PA BZHI, BDAG DANG 'JIG RTEN MTHA' DANG LDAN MI LDAN GNYIS KA GNYIS KA MA YIN

, ,PAR LTA BA PHYI MTHA' LA BRTEN PA BZHI, BDAG DANG 'JIG RTEN RTAG MI RTAG GNYIS KA GNYIS KA MA YIN PAR LTA BA SNGON GYI MTHA' LA BRTEN PA BZHI, LUS SROG GCIG DANG THA DAD DU LTA BA GNYIS RNAMS SU YOD PA'I PHYIR, DNGOS PO THAMS CAD CHOS CAN, MTHA' YOD DANG, MTHA' MED DANG, MTHA' DANG MTHA' MED GNYIS KA DANG, MTHA' DANG MTHA' MED GNYIS KA MIN PA DANG, DE NYID DANG GZHAN NYID DANG RTAG PA DANG MI RTAG PA DANG, RTAG MI RTAG GNYIS KA DANG GNYIS KA MIN PA'ANG RANG BZHIN GYIS MED PAR THAL, RANG BZHIN GYIS STONG BA'I PHYIR, BZHI PA NI, MYANG 'DAS RANG BZHIN GYIS MED NA MYANG 'DAS THOB PA'I PHYIR DU CHOS BSTAN PA DON MED DU 'GYUR RO ZHE NA, SANGS RGYAS KYIS NI YUL GANG DU YANG GANG ZAG SU LA'ANG RANG BZHIN GYIS YOD PA'I CHOS 'GA' MA BSTAN TE, SANGS RGYAS DE MTSAN 'DZIN GYI DMIGS PA THAMS CAD NYE BAR ZHI ZHING SPROS PA NYE BAR ZHI ZHING ZHI BA MYA NGAN LAS 'DAS PA LA GNAS PA'I PHYIR, MYA NGAN LAS 'DAS PA BRTAG PA ZHES BYA BA STE RAB TU BYED PA NYI SHU LNGA PA'O,, ,, GNYIS PA RTEN 'BYUNG RTOGS MA RTOGS LAS 'KHOR BAR 'JUG LDOG BYED TSUL LA GNYIS, LUGS 'BYUNG DANG LUGS BZLOG GI RTEN 'BREL LO, ,DANG PO NI, RTEN CING 'BREL PAR 'BYUNG BA GANG, ,DE NI STONG PA NYID DU BSHAD, CES PA'I RTEN 'BYUNG DE GANG ZHE NA, YANG SRID 'PHEN BYED KYI RGYU GSUM YOD DE, MA RIG PAS BSGRIBS PAS YANG SRID 'GRUB PA'I PHYIR DU SGO GSUM GYI 'DU BYED RNAM PA GSUM PO DAG MNGON PAR 'DU BYED GANG YIN PA'I LAS DE DAG GIS 'GRO BAR 'GRO ZHING 'DU BYED KYI RKYEN CAN RNAM PAR SHES PA 'GRO BA RNAMS SU

'JUG PAR 'GYUR BA'I PHYIR, 'PHANGS PA'I 'BRAS BU LA BZHI YOD DE, RNAM PAR SHES PA MNGAL DU ZHUGS PAR GYUR NA MING DANG GZUGS NI CHAGS PAR 'GYUR, MING DANG GZUGS NI CHAGS PAR GYUR NA SKYE MCHED DRUG NI 'BYUNG BAR 'GYUR, SKYE MCHED DRUG LA BRTEN NAS NI REG PA YANG DAG 'BYUNG BAR 'GYUR, REG PA DE LAS TSOR BA KUN TU 'BYUNG BAR 'GYUR BA'I PHYIR, REG PA CHOS CAN, RGYU YOD DE, MIG DANG GZUGS DANG DRAN BYED LA RTEN NAS SKYE BA KHO NA YIN PA'I PHYIR, DE LTAR MING DANG GZUGS LA BRTEN NAS RNAM PAR SHES PA SKYE BAR 'GYUR BA'I MIG DANG GZUGS DANG RNAM PAR SHES PA GSUM PO 'DUS PA GANG YIN PA DE NI REG PA'O, ,YANG SRID 'GRUB BYED KYI RGYU GSUM YOD DE, TSOR BA'I RKYEN GYIS SRED PA STE TSOR BA'I DON DU SRED PAR 'GYUR LA, SRED PAR GYUR NA NYE BAR LEN PA RNAM PA BZHI PO NYE BAR LEN PAR 'GYUR ZHING NYER LEN YOD NA LEN PA PO'I SRID PA RAB TU 'BYUNG BAR 'GYUR BA'I PHYIR DANG, GAL TE NYE BAR LEN PA MED NA GROL BAR 'GYUR TE SRID PA 'GRUB PAR MI 'GYUR BA'I PHYIR, SRID PA DE YANG PHUNG PO LNGAS BSDUS SO, ,GRUB PA'I 'BRAS BU GNYIS YOD DE, SRID PA LAS NI SKYE PA 'BYUNG RGA SHI DANG NI MYA NGAN DANG SMRE SNGAGS 'DON PA DANG SDUG BSNGAL DANG YID MI BDE DANG 'KHRUG PA DE DAG RNAMS SKYE BA LAS RAB TU 'BYUNG BA'I PHYIR, MA RIG PA LA BRTEN NAS SDUG BSNGAL GYI PHUNG PO NI 'BA' ZHIG PA 'DI 'BYUNG BAR 'GYUR TE, DE LTAR BSHAD ZIN PA'I PHYIR, GNYIS PA NI, MKHAS PA 'PHAGS PA RNAMS 'PHEN BYED KYI LAS GSAR DU 'DU MI BYED PAR MI MKHAS PA LAS BYED PA PO YIN TE, 'KHOR BA'I RTZA BA 'DU BYED YIN PA'I PHYIR DANG, MKHAS PA 'PHAGS PAS DE NYID MNGON SUM DU MTHONG BA'I PHYIR RO, ,MA RIG PA SPANGS PAS GROL BAR

, ,'GYUR TE, MA RIG PA 'GAGS PAR GYUR NA NI 'DU BYED RNAMS KYANG 'BYUNG BAR MI 'GYUR BA'I PHYIR, 'PHAGS PA CHOS CAN, MA RIG PA 'GAG PAR 'GYUR BA NI RGYU MTSAN YOD DE, SHES PAS DE NYID BSGOMS PAS SO, ,SHAS BYA CHOS CAN, SDUG BSNGAL GYI PHUNG PO 'BA' ZHIG PA DE NI DE LTAR YANG DAG PAR 'GAG STE, MA RIG PA SOGS DE DANG DE NI 'GAGS PAR GYUR PAS 'DU BYED SOGS DE DANG DE NI MNGON PAR MI 'BYUNG BA'I PHYIR, SRID PA'I YAN LAG BRTAG PA ZHES BYA BA STE RAB TU BYED PA NYI SHU DRUG PA'O,, ,, GSUM PA RTEN 'BYUNG RTOGS NA LTA BA NGAN PA LDOG TSUL LA GNYIS, LTA NGAN BCU DRUG NGOS GZUNG BA, RTEN 'BREL RTOGS PAS DE LA MI GNAS PA'I TSUL LO, ,DANG PO NI, LTA NGAN BCU DRUG TU DBYER YOD DE, BDAG 'DAS PA'I DUS SU BYUNG MA BYUNG GNYIS KA DANG GNYIS KA MA YIN PA DANG, BDAG DANG 'JIG RTEN RTAG MI RTAG GNYIS KA DANG GNYIS KA MA YIN PAR LTA BA GANG YIN DE DAG NI SNGON GYI MTHA' LA BRTEN PA YIN, BDAG MA 'ONGS PA'I DUS GZHAN DU 'BYUNG 'GYUR DANG MI 'BYUNG GNYIS KA GNYIS KA MA YIN PA DANG, BDAG DANG 'JIG RTEN MTHA' DANG LDAN MI LDAN GNYIS KA GNYIS KA MA YIN PAR LTA BA GANG YIN DE DAG NI PHYI MA'I MTHA' LA BRTEN PA YIN PA'I PHYIR, GNYIS PA LA GNYIS, THA SNYAD DU RTEN 'BREL GZUGS BRNYAN LTA BU YIN PAS LTA BA DE LA MI GNAS, DON DAM PAR SPROS PA THAMS CAD ZHI BAS LTA BA DE LA MI GNAS PA'O, ,DANG PO LA GSUM, SNGON DANG PHYI MA'I MTHA' LA RTEN PA'I LTA BA BZHI TSAN DANG PO DGAG, SNGON GYI MTHA' LA BRTEN PA'I BZHI TSAN GNYIS PA DGAG, PHYI MA'I MTHA' LA BRTEN PA'I BZHI TSAN GNYIS PA DGAG PA'O, ,DANG PO NI,

BDAG 'DAS PA'I DUS NA RANG BZHIN GYIS BYUNG BAR GYUR CES BYA BA DE NI MI 'THAD DE, SNGON TSE RNAMS SU GANG BYUNG BA'I BDAG DE NYID DA LTA'I BDAG 'DI NI MA YIN PA'I PHYIR, SNGAR GYI BDAG DE NYID DA LTA'I BDAG TU 'GYUR SNYAM NA MI 'THAD DE, SNGA PHYI'I NYE BAR LEN PA PHUNG PO THA DAD DU 'GYUR BA'I PHYIR, KHYAB STE, NYE BAR LEN PA MA GTOGS PAR KHYOD KYI BDAG NI GANG ZHIG YOD PA YIN TE MA YIN PA'I PHYIR, NYE BAR LEN PA MA GTOGS PA BDAG YOD PA MA YIN BYAS PA'I TSE NYE BAR LEN PA NYID BDAG YIN NO ZHE NA, KHYOD KYI BDAG NI RANG BZHIN GYIS MED PA YIN PAR THAL, PHUNG PO'I RNAM GRANGS TZAM DU ZAD PA'I PHYIR, NYE BAR LEN PA NYID DE NI CHOS CAN, GANG ZAG GI BDAG MA YIN TE, 'BYUNG BA DANG NI 'JIG PA YIN PA'I PHYIR, NYE BAR BLANG BA JI LTA BUR NYE BAR LEN PA PO YIN PAR 'GYUR TE MI 'GYUR BAR THAL, BYA BYED GCIG MA YIN PA'I PHYIR, BDAG NI CHOS CAN, NYE BAR LEN PA LAS RDZAS GZHAN DU 'THAD PA MA YIN TE, GAL TE DE LAS RDZAS GZHAN YIN NA NYER LEN MED PAR GZUNG DU YOD RIGS NA DE LTAR GZUNG DU MED PA'I PHYIR, BDAG DE NI CHOS CAN, NYER LEN LAS RDZAS GZHAN MA YIN TE, DE LTAR SNANG RUNG MA DMIGS PA'I PHYIR, NYER LEN NYID KYANG MIN NYE BAR LEN MED MIN MED PA NYID DU'ANG MA NGES TE, PHUNG PO LA BRTEN NAS 'DOGS PA'I PHYIR, BDAG 'DAS PA'I DUS NA MA BYUNG ZHES BYA BA DE YANG MI 'THAD DE, SNGON TSE RNAMS SU GANG BYUNG BA'I BDAG DE LAS DA LTA'I BDAG 'DI RANG BZHIN GYIS GZHAN MA YIN PA'I PHYIR, GAL TE SNGA PHYI'I BDAG 'DI NI RANG BZHIN GYIS GZHAN DU 'GYUR RO ZHE NA, DA LTA'I BDAG 'DI SNGAR GYI BDAG DE MED PAR YANG 'BYUNG BAR 'GYUR BA DANG SNGAR GYI BDAG DE NI SNGAR GYI DE BZHIN DU PHYIS GNAS PAR 'GYUR ZHING TSE SNGA MA DER MA

, ,SHI BAR 'DIR SKYE BAR 'GYUR BA DANG SNGA MA'I BDAG RGYUN CHAD PA DANG LAS RNAMS CHUD ZA BA DANG, GZHAN GYIS BYAS PA'I LAS RNAMS NI GZHAN GYIS SO SOR MYONG BA DANG, LAS MA BYAS PA DANG PHRAD PA DE LA SOGS PAR THAL BAR 'GYUR RO, ,BDAG DE SNGAR MA BYUNG BA LAS BYUNG BA MIN TE, 'DI LA SKYEN DU THAL BAR 'GYUR BA'I PHYIR TE, GANG ZHIG BDAG NI BYAS PAR 'GYUR BA DANG RGYU MED CAN DU 'BYUNG BAR 'GYUR BA'I PHYIR, DE LTAR BDAG BYUNG MA BYUNG GNYIS KA GNYIS KA MA YIN PAR 'DAS PA LA LTA BA GANG YIN PA DE NI 'THAD PA MA YIN TE, BDAG BYUNG MA BYUNG RE RE BA KHEGS PA'I PHYIR, BDAG MA 'ONGS PA'I DUS GZHAN DU 'BYUNG 'GYUR DANG 'BYUNG BAR MI 'GYUR ZHES BYA BAR LTA BA GANG YIN DE DAG NI RANG BZHIN GYIS MED PAR THAL, BDAG 'DAS PA'I DUS SU BYUNG MA BYUNG 'GOG PA DANG MTSUNGS PA'I PHYIR, GNYIS PA NI, MI NAS LHAR SKYE BA'I TSE LHA MI GNYIS RANG BZHIN GYIS GCIG GAM THA DAD, DANG PO LTAR NA, LHA DE NI CHOS CAN, RTAG PAR 'GYUR BAR THAL, MI DE DANG RANG BZHING YIS GCIG YIN PA'I PHYIR, 'DOD NA, CHOS CAN, MA SKYES PA NYID DU 'GYUR BAR THAL LO, ,KHYAB STE, RTAG PA LA SKYE BA MED PA'I PHYIR, GAL TE LHA LAS MI RANG BZHIN GYIS GZHAN YIN NA, DE LTA NA NI MI DE MI RTAG CING RGYUN CHAD PAR 'GYUR BAR THAL LO, ,KHYAB STE, GAL TE LHA MI RANG BZHIN GYIS GZHAN NYID NA RGYUD GCIG NI 'THAD PAR MI 'GYUR BA'I PHYIR, RIL PO RTAG PA DANG MI RTAG PA'I SKYON MED DE, MI'I LUS BTANG NAS LHA'I LUS LEN PA'I PHYIR CE NA, MI NAS LHAR SKYE 'GYUR GYI GANG ZAG CHOS CAN, RTAG PA DANG MI RTAG PAR 'GYUR BA YIN PAR THAL, GAL TE PHYOGS GCIG BDAG GI DNGOS NAS LHA YIN LA, PHYOGS GCIG LUS KYI

NGOS NAS MI NI YIN PAR 'GYUR BA'I PHYIR, 'DOD NA, DE YANG RIGS PA MA YIN NO, ,CHOS CAN RTAG MI RTAG GNYIS KA MA YIN PAR RANG BZHIN GYIS MA GRUB PAR THAL, GAL TE RTAG DANG MI RTAG PA GNYIS KA GRUB PAR 'GYUR NA NI RTAG PA MA YIN MI RTAG PA'ANG MA YIN PAR GRUB PAR 'GYUR BAR 'DOD LA RIG NA'ANG RTAG MI RTAG TU MA GRUB PA'I PHYIR, BDAG RTAG STE, THOG MA MED PA NAS 'KHOR BA'I PHYIR CE NA, BDAG RTAG PA MED PAR THAL, GAL TE BDAG GANG ZHIG GANG NAS GAR 'ONGS SHING GANG DU 'ANG 'GRO BAR 'GYUR BA RANG BZHIN GYIS YOD NA DE'I PHYIR 'KHOR BA THOG MA MED PAR 'KHOR BA'I BDAG YOD PAR 'GYUR NA DE NI YOD PA MA YIN PA'I PHYIR, MI RTAG PA GANG ZHIG RANG BZHIN GYIS YOD PA YIN PAR 'GYUR TE MI 'GYUR BAR THAL, GAL TE RTAG PA 'GA' RANG BZHIN GYIS MED PA'I PHYIR, RTAG PA DANG NI MI RTAG PA GNYIS KA DANG DE GNYIS BSAL BAR GYUR PA RANG BZHIN GYIS MED DE, RTAG MI RTAG RE RE BA RANG BZHIN GYIS MED PA'I PHYIR, GSUM PA NI, 'JIG RTEN PHA ROL JI LTAR YOD PAR 'GYUR TE MI 'GYUR BAR THAL, GAL TE 'JIG RTEN MTHA' YOD PA'I PHYIR, 'JIG RTEN PHA ROL JI LTAR YOD PAR 'GYUR TE MI 'GYUR BAR THAL, GAL TE 'JIG RTEN MTHA' STE 'JIG PA MED PA'I PHYIR, 'JIG RTEN MTHA' YOD NYID DANG NI MI 'JIG PAR MTHA' MED NYID KYANG MI RIGS TE, GANG GI PHYIR PHUNG PO RNAMS KYI RGYUN 'DI NI MAR ME'I 'OD DANG MTSUNGS PAR SNGA MA ZHIG NAS PHYI MA 'BYUNG BA'I PHYIR, 'JIG RTEN MTHA' YOD MA YIN TE, GAL TE PHUNG PO SNGA MA 'JIG PAR 'GYUR ZHING PHUNG PO 'DI LA RTEN BYAS NAS PHYI MA'I PHUNG PO 'DI NI MI 'BYUNG NA DES NA 'JIG RTEN MTHA' YOD DU 'GYUR NA'ANG PHUNG PO PHYI MA 'BYUNG BA'I PHYIR, 'JIG RTEN MTHA' MED DU RANG BZHIN GYIS MED DE, GAL

, ,TE PHUNG PO SNGA MA MI 'JIG CING PHUNG PO 'DI LA RTEN BYAS NAS PHYI MA'I PHUNG PO 'DI NI MI 'BYUNG NA DES NA 'JIG RTEN MTHA' MED DU RANG BZHIN GYIS YOD PAR 'GYUR NA'ANG PHUNG PO SNGA MA LAS PHYI MA 'BYUNG BA'I PHYIR, 'JIG RTEN MTHA' YOD MED GNYIS KAR MA GRUB PAR THAL, GAL TE PHYOGS GCIG MTHA' YOD LA PHYOGS GCIG MTHA' NI MED PAR GYUR NA 'JIG RTEN MTHA' YOD DANG MTHA' MED DU 'GYUR NA'ANG DE YANG RIGS PA MA YIN PA'I PHYIR, LEN PA PO'I PHYOGS GCIG 'JIG ,PHYOGS GCIG MI 'JIG PA MI RIGS PAR THAL, JI LTA BUR NA NYE BAR LEN PA PO PHYOGS GCIG RNAM PAR 'JIG PAR 'GYUR LA, PHYOGS GCIG RNAM PAR 'JIG PAR MI 'GYUR BA DE LTAR DE YANG MI RIGS PA'I PHYIR, BLANG BYA PHYOGS GCIG 'JIG PHYOGS GCIG MI 'JIG PA MI RIGS PAR THAL, JI LTA BUR NA NYE BAR BLANG BYA PHYOGS GCIG RNAM PAR 'JIG PAR 'GYUR LA, PHYOGS GCIG RNAM PAR 'JIG PAR MI 'GYUR BA DE LTAR DE YANG MI RIGS PA'I PHYIR, MTHA' YOD MED GNYIS KA MA YIN PA RANG BZHIN GYIS MED PAR THAL, GAL TE MTHA' YOD MTHA' MED GNYIS KA GRUB PAR GYUR NA NI MTHA' YOD MA YIN MTHA' MED MIN PA RANG BZHIN GYIS GRUB PAR 'GYUR BA 'DOD LA RAG NA'ANG DE GNYIS MED PA'I PHYIR, GNYIS PA NI, RTEN 'BREL GZUGS BRNYAN LTA BUR BSTAN NAS SKYON SPANGS PA LAS; YANG NA DNGOS PO THAMS CAD DAG CHOS CAN, RTAG PA LA SOGS PAR LTA BA GANG DAG YUL GANG DU RGYUD GANG LA NI RGYU CI LAS KUN TU 'BYUNG BAR 'GYUR BA RANG BZHIN GYIS MED DE, RANG BZHIN GYIS STONG BA'I PHYIR RO, ,LTA BA BRTAG PA ZHES BYA BA STE RAB TU BYED PA NYI SHU BDUN PA STE THA MA'O,, ,,GSUM PA DE LTAR STON PA'I BKA' DRIN RJES SU DRAN PA'I PHYAG NI, GANG

GIS THUGS BRTZE BA CHEN POS NYE BAR BZUNGS NAS LTA BA NGAN PA THAMS CAD SPANG PA'I PHYIR DU DAM PA'I CHOS NI STO PAR MDZAD PA'I GO'U TA MA DE LA PHYAG 'TSAL LO, ,BZHI PA MJUG GI DON LA GNYIS, SLOB DPON GANG GIS MDZAD PA DANG, LO PAn GANG GIS BSGYUR BA'O, ,DANG PO NI, DBU MA RTZA BA'I TSIG LE'UR BYAS PA SHES RAB CES BYA BA THEG PA CHEN PO'I CHOS MNGON PA RNAM PAR GZHAG PA, DON DAM PA'I DE KHO NA YANG DAG PAR STON PA, SHES RAB KYI PHA ROL TU PHYIN PA'I TSUL GSAL BAR BYED PA, SLOB DPON BDAG NYID CHEN PO 'PHAGS PA KLU SGRUB MI 'PHROGS PA'I MKHYEN RAB DANG THUGS RJER LDAN PA, DE BZHIN GSHEGS PA'I THEG PA BLA NA MED PA'I TSUL GSAL BAR BYED PA, RAB TU DGA' BA'I SA BSGRUBS NAS, BDE BA CAN GYI ZHING DU GSHEGS PA, 'JIG RTEN GYI KHAMS DANG BA'I 'OD CES BYA BAR, DE BZHIN GSHEGS PA YE SHES 'BYUNG GNAS 'OD CES BYA BAR 'GYUR BAS MDZAD PA RDZOGS SHO,, ,,GNYIS PA NI, DBANG PHYUG DAM PA'I MNGA' BDAG RGYAL PO CHEN PO DPAL LHA BTZAN PO'I BKA' LUNG GIS, RGYA GAR GYI MKHAN PO CHEN PO DBU MA PA, DZNY'A NA GARBHA DANG, ZHU CHEN GYI LOTZTSA BA DGE SLONG COG RO KLU'I? RGYAL MTSAN GYIS BSGYUR CING ZHUS TE GTAN LA PHAB PA'O, ,'DI LA RAB TU BYED PA NYI SHU RTZA BDUN, SHO LO KA BZHI BRGYA BZHI BCU RTZA DGU YOD, BAM PO NI PHYED DANG GNYIS SU BYAS SO, ,SLAD KYIS KHA CHE'I GRONG KHYER DPE MED KYI DPUNG, GTZUG LAG KHANG RIN CHEN SBAS PA'I DBUS SU, KHA CHE'I MKHAN PO HA SU MA TI DANG, BOD KYI SGRA BSGYUR GYI LOTZTSA BA PA TSA BA NYI MA GRAGS KYIS MI'I BDAG PO 'PHAGS PA LHA'I SKU RING LA 'GREL PA TSIG GSAL BA DANG BSTUN NAS BCOS PA'O,, ,,SLAD KYIS RA SA 'PHRUL SNANG GI GTZUG LAG KHANG DU, RGYA

, ,GAR GYI MKHAN PO KA NA KA DANG, LOTZTSA BA DE NYID KYIS ZHU CHEN BGYIS PA'O,, ,,MTHA' GNYIS LAS GROL THABS SHES DBU MA'I LAM, ,JI BZHIN SGRUB LA GZHAN DRING MI 'JOG PHYIR, ,DBU MA'I BSTAN BCOS KUN GYI RTZA BA NI, ,SHES RAB CES BYA'I RNAM PAR BSHAD PA BYAS, ,DGE BA 'DI YIS BDAG DANG 'GRO BA KUN, ,DGE LEGS KUN GYI 'BYUNG GNAS RIN PO CHE, ,'DUN PA'I GRU BO CHE LA RAB BRTEN NAS, ,GRUB PAS DPAL 'BYOR BZANG PO THOB PAR SHOG ,RGYAL BA MCHOG GI GO 'PHANG MA THOB PAR, , RGYAL BAS GSUNGS PA'I CHOS KYI RNAM GRANGS KUN, ,RGYAL BA'I DGONGS PA JI BZHIN 'DZIN PA LA, ,RGYAL SRAS 'JAM PA'I DBYANGS SU BDAG GYUR CIG ,DBU MA RTZA BA SHES RAB KYI NGAG DON BSHAD PA RIN PO CHE'I PHRENG BA ZHES BYA BA 'DI NI RJE BTZUN 'JAM PA'I DBYANGS KYI SRAS KYI THU BO SHAR TZONG KHA PA CHEN PO BLO BZANG GRAGS PA'I DPAL LA SOGS PA'I MKHAS GRUB DU MA'I ZHABS RDUL SPYI BOS LEN PA DGE 'DUN GRUB PA DPAL BZANG POS BAG YOD KYI LO SMIN DRUG GI ZLA BA'I YAR NGO'I TSES BCU BZHI LA DPAL LDAN SNAR THANG GI GTZUG LAG KHANG CHEN POR LEGS PAR SBYAR BA'O,, ,, 'DIS KYANG RGYAL BA'I BSTAN PA RIN PO CHE SGO THAMS CAD NAS PHYOGS THAMS CAD DU DAR ZHING RGYAS LA YUN RING DU GNAS PAR GYUR CIG, ,,`SVASTI, PHAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCHOG 'BRAS BZANG LA, , SPYOD PHYIR BKRA SHIS LHUN GRUB CHOS GRVA CHER, ,CHOS SBYIN 'DZAD MED DAL 'GRO'I RGYUN 'DI SPEL,, ,,SARBA MANG+GA LAm,, ,,BKRA SHIS,, ,,

BLANK PAGE