A Mirror for the True Visage of the Intent of the Classical Commentary Entitled "Entering the Middle Way"

, ,,DBU MAL 'JUG PA'I BSTAN BCOS KYI DGONGS PA RAB TU GSAL BA'I ME LONG ZHES BYA BA BZHUGS SO, ,

, ,DBUM LA 'JUG PA'I DGONGS PA RAB TU GSAL BA'I ME LONG ZHES BYA BA, RJE BTZUN 'JAM PA'I DBYANGS LA PHYAG 'TSAL LO, ,LHA DBANG DBANG PHYUG 'PHROG BYED GSER GYI MNGAL, ,KLU DBANG DBANG BSGYUR MKHA' LDING GRUB PA'I GTZO, ,NYE DBANG DBANG PO'I DGRA SOGS LUS CAN GYIS, ,THUB DBANG DBANG PHYUG BRGYAD LDAN GUS PAS MCHOD, ,RAB 'BYAMS RGYAL BA KUN GYI MKHYEN PA'I GTER, ,LI KHRI'I MDOG CAN NYI 'OD 'KHYUG PA'I SKU, ,MTSAN DPE'I DPAL LDAN RIN CHEN RGYAN GYIS MDZES, ,ZHI ZHING 'DZUM LDAN 'JAM PA'I DBYANGS LA 'DUD, ,RGYAL BA'I GSUNG RAB GTING ZAB YANGS PA'I MTSOR, ,RTEN 'BYUNG ZAB MO'I PHUNG SGRA SGROGS MDZAD CING, ,SEMS KYI GDENGS KA MKHYEN BRTZE'I NOR BUS SPRAS, ,KLU SGRUB KLU YI DBANG PO'I ZHABS LA 'DUD, ,SHES BYA'I MKHA' LA RIGS PA'I 'OD DKAR

, ,CAN; ;MKHAS MANG RGYU SKAR DBUS NA RAB MDZES SHING, ,KLU SGRU GSUNG RAB KUN NGA'I GNYEN GCIG PU, ,DPAL LDAN ZLA BA GRAGS PA'I ZHABS LA 'DUD, ,'JAM DBYANGS GSUNG GI NYI 'OD DANG 'GROGS PAS, ,BLO GROS 'DAB BZANG GRAGS PA'I DRI BSUNG CAN, ,GSUNG GI SBRANG RTZIS BLO GSAL BUNG BA'I TSOGS, ,TSIM MDZAD 'JAM DPAL SNYING PO'I ZHABS LA 'DUD, ,RGYAL BAS GSUNGS PA'I CHOS TSUL JI SNYED KUN, ,RGYAL SRAS KUN GYI DBUS NA 'DOMS MDZAD PAS; ;RGYAL BA KUN GYI RGYAL TSAB BRNYES GYUR PA, ,RGYAL TSAB DAM PA DAR MA'I ZHABS LA 'DUD, ,ZAB RGYAS RTOGS PA'I LUS STOBS MI DMAN ZHING, ,RIGS PA'I NGA ROS GSUM RAB BSGRAGS PAS, ,PHYIR RGOL GLANG PO'I SPOBS PA 'PHROG BYED PA, ,'JIGS MED SHES RAB SENG GE'I ZHABS LA 'DUD, ,MTHA' BRAL DBU MA CHEN PO'I BSTAN BCOS LA, ,'JUG PA'I DGONGS PA RAB TU GSAL BA'I DON, ,'BAD PA CHUNG NGUS BDE BLAG RTOGS PA'I PHYIR, ,RAB GSAL ME LONG BDAG GIS

BRTZAM PAR BYA, DBU MA LA 'JUG PA'I BSTAN BCOS 'CHAD PA LA BZHI, MTSAN GYI DON, 'GYUR GYI PHYAG, GZHUNG GI DON, MJUG GI DON NO, ,DANG PO NI, RGYA GAR GYI SKAD DU, BSTAN BCOS 'DI'I MTSAN, MA DHY'A MA KA AA PA T'A RA N'A MA'O, ,DE BOD KYI SKAD DU BSGYUR NA, DBU MA LA 'JUG PA ZHES BYA'O, ,BSTAN BCOS 'DI CHOS CAN, DBU MA RTZA BA SHES RAB LA 'JUG PA YIN TE, RANG BZHIN GYIS GRUB PA RDUL TZAM YANG MED PA'I STONG NYID DANG, DE NYID RGYA CHE BA'I LAM KLU SGRUB KYI MAN NGAG GIS KHA BSKANG STE RTZA BA SHES RAB KYI DGONGS PA 'GREL BA'I PHYIR, GNYIS PA NI, 'JAM DPAL GZHON NUR GYUR PA LA PHYAG 'TSAL LO, ,ZHES PA'O, ,GSUM PA LA BZHI, BSTAN BCOS RTZOM PA LA 'JUG PA'I THABS MCHOD BRJOD, BRTZAMS PA'I BSTAN BCOS KYI LUS DNGOS, BSTAN BCOS JI LTAR BRTZAMS PA'I TSUL, BRTZAMS PA'I DGE BA BSNGO BA'O, ,DANG PO LA GNYIS, SNYING RJE CHEN PO LA SO SOR MA PHYE DBANG LAS SKYES TSUL, SANGS RGYAS BYANG SEMS LAS 'KHRUNGS TSUL, BYANG SEMS KYI RGYU'I GTZO BO GSUM BSTAN PA'O, ,DANG PO NI, SHES BYA CHOS CAN, NYAN THOS DANG, SANGS RGYAS 'BRING PO RANG SANGS RGYAS RNAMS THUB DBANG LAS SKYES TE, SANGS RGYAS KYIS RTEN 'BREL ZAB MO'I CHOS BSTAN PA NYAN RANG GI RIGS CAN GYIS NYAMS SU BLANGS PA LAS RANG RANG GI 'DOD PA RDZOGS PAR 'GYUR BA'I PHYIR, GNYIS PA NI, 'O NA SANGS RGYAS GANG LAS 'KHRUNGS SHE NA,

, ,SANGS RGYAS CHOS CAN, BYANG CHUB SEMS DPA' LAS 'KHRUNGS TE, BYANG SEMS KHA CIG GIS YONGS 'DZIN BYAS NAS, RANG DANG RGYUD GCIG PA'I BYANG SEMS KYIS LAM NYAMS SU BLANGS PA LAS 'KHRUNGS PA'I PHYIR, GSUM PA NI, 'O NA BYANG SEMS KYI RGYU GANG YIN ZHE NA, SNYING RJE'I SEMS DANG MTHA' GNYIS SU MED PAR RTOGS PA'I BLO DANG, BYANG CHUB KYI SEMS NI CHOS CAN, RGYAL SRAS RNAMS KYI RGYU YIN TE, DE SKYED BYED YIN PA'I PHYIR RO, ,GNYIS PA NI; DPAL LDAN ZLA BA GRAGS PA BDAG GIS CHOS CAN, THOG MAR SNYING RJE LA BSTOD PAR BGYI 'OS TE, GANG GI PHYIR BRTZE BA NYID RGYAL BA'I LO THOG PHUN TSOGS 'DI'I BSKYED PA LA THOG MAR GAL CHE BA SA BON DANG NI BAR DU SPEL BA LA GAL CHE BA CHU DANG 'DRA LA MTHAR GDUL BYAS YUN RING DU LONGS SPYOD PA'I GNAS LA 'BRU'I SMIN PA LTA BUR 'DOD PAR GYUR PA DE'I PHYIR, GNYIS PA LA GNYIS, SEMS CAN LA DMIGS PA'I SNYING RJEL PHYAG 'TSAL BA DANG, CHOS DANG DMIGS PA MED PA LA DMIGS PA'I SNYING RJE LA PHYAG 'TSAL BA'O, ,DANG PO NI, CHOS CAN, SEMS CAN LA DMIGS PA'I SNYING RJE LA PHYAG 'TSAL BA YIN TE, DANG POR NGA ZHES BDAG LA BDEN PAR ZHEN PAR GYUR CING DE NAS NGA YIR 'DZIN PA'I 'JIG LTAS BDAG GI 'DI'O ZHES MIG SOGS KYI DNGOS PO LA BDEN BAR CHAGS PA BSKYED PAS ZO CHUN 'PHYAN PA LTAR RANG DBANG MED PAR 'KHOR BA'I 'GRO BA LA DMIGS NAS SNYING RJER GYUR BA GANG YIN PA DEL 'DUD PA'I PHYIR, GNYIS PA NI, CHOS CAN, CHOS LA DMIGS PA'I SNYING RJE LA PHYAG 'TSAL BA YIN TE, RLUNG GIS GA-YO BA'I CHU'I NANG GI ZLA BA LTAR GA-YO ZHING 'JIG BAR MTHONG BA'I 'GRO BA LA DMIGS NAS SDUG BSNGAL DANG BRAL BAR 'DOD PA'I SNYING RJE LA 'DUD BA'I PHYIR, CHOS CAN, DMIGS PA

MED PA LA DMIGS PA'I SNYING RJE LA PHYAG 'TSAL BA YIN TE, RLUNG GIS GA-YO BA'I CHU'I NANG GI ZLA BA LTAR RANG BZHIN GYIS GRUB PAR SNANG YANG, RANG BZHIN NYID KYIS STONG PAR MTHONG BA'I 'GRO BA LA DMIGS NAS SDUG BSNGAL DANG BRAL BAR 'DOD PA'I SNYING RJE LA 'DUD PA'I PHYIR, GNYIS PA LA GNYIS, RGYU'I SA DANG, 'BRAS BU'I SA'O, ,DANG PO LA GNYIS, SA SO SO'I RNAM GZHAG DANG, SA BCU'I YON TAN BSTAN PA'O, ,DANG PO LA, BCU YOD PA'I DANG POS RAB TU DGA' BA BSHAD PA LA GSUM, KHYAD GZHI SA'I NGO BO MDOR BSTAN, KHYAD CHOS SA'I YON TAN RGYAS PAR BSHAD, SA'I YON TAN BSHAD PA'I SGO NAS MJUG BSDU BA'O, ,DANG PO NI, 'GRO BA RNAMS RNAM PAR GROL BAR BYA BA'I PHYIR DU SNYING RJE'I DBANG DU GYUR CING, KUN TU BZANG PO'I SMON PAS RAB TU BSNGOS PA'I SA RAB TU DGA' BA LA GNAS PA'I RGYAL BA'I SRAS PO 'DI'I MNYAM PAR BZHAG PA'I SEMS GANG YIN PA DE NI CHOS CAN, 'JIG RTEN LAS 'DAS PA'I SEMS DANG PO ZHES BYA STE, BDEN STONG LA GNYIS SNANG NUB PA'I SEMS DANG PO YIN PA'I PHYIR, GNYIS PA LA GSUM, RANG RGYUD MDZES PA'I YON TAN, GZHAN RGYUD ZIL GYIS GNON PA'I YON TAN, SA DANG POR LHAG PA'I SBYIN PA'I YON TAN BSTAN PA'O, ,DANG PO LA GNYIS, YON TAN SO SOR PHYE STE BSHAD PA DANG, YON TAN MDOR BSDUS TE BSTAN PA'O, ,DANG PO LA GSUM, DON LDAN GYI MTSAN THOB PA'I YON TAN, RIGS SU SKYE BA SOGS BZHI'I YON TAN, SA GONG MA GNON PA SOGS GSUM GYI YON TAN NO, ,DANG PO NI, SA DANG PO THOB PA DE NAS BZUNG STE BYANG SEMS DE NI CHOS CAN, DON DAM PA'I BYANG CHUB SEMS DPA' ZHES BYA BA'I SGRA NYID KYIS BSNYAD PA YIN TE, DON DAM SEMS BSKYED DE THOB PAR GYUR PA YI BYANG SEMS YIN PA'I PHYIR, GNYIS PA NI, SA DANG PO LA GNAS

, ,BA'I BYANG SEMS 'DI NI CHOS CAN, DE BZHIN GSHEGS PA RNAMS KYI RIGS SU'ANG SKYES PA YIN TE, NYAN RANG GI SA LAS 'DAS SHING SANGS RGYAS KYI SAR BGROD PAR NGES PA'I LAM RGYUD LA SKYES PA'I BYANG SEMS YIN PA'I PHYIR, CHOS CAN, MTHONG SPANGS KYIS BSDUS PA'I KUN TU SBYOR BA GSUM PO THAMS CAD SPANGS PA YIN TE, DE SLAR MI SKYE BA'I CHOS CAN DU BYAS PA'I PHYIR, SA DANG PO LA GNAS PA'I BYANG CHUB SEMS DPA' DE NI CHOS CAN, DGA' BA MCHOG TU GYUR PA 'CHAD PA YIN TE, SA DANG PO'I SPANG BYA DANG BRAL BAS THUN MONG MA YIN PA'I DGA' BA MANG PO SKYES PA'I PHYIR, CHOS CAN, NUS MTHU KHYAD PAR CAN DANG LDAN PA YIN TE, 'JIG RTEN GYI KHAMS BRGYA KUN NAS GA-YO NUS PAR GYUR BA'ANG YIN PA'I PHYIR; GSUM PA NI, CHOS CAN, SA GONG MA GNON PA'I YON TAN DANG LDAN TE, SA DANG PO NAS SA GNYIS PAR GNON PAR BYED CING SA GONG MAR RAB TU 'GRO BAR 'GYUR BA'I PHYIR, SA DANG PO THOB PA DE'I TSE BYANG SEMS 'DI'I NGAN 'GRO'I LAM RNAMS MTHA' DAG 'GAG PAR 'GYUR TE, NGAN 'GROR SKYE BA'I SA BON SPANGS PA'I PHYIR, DE'I TSE BYANG SEMS 'DI YI SO SO SKYE BO'I SA RNAMS THAMS CAD ZAD DE, BYANG SEMS 'PHAGS PA YIN PA'I PHYIR RO, ,GNYIS PA NI, 'DI NI CHOS CAN, 'PHAGS PA BRGYAD PA JI LTA BA DE LTAR NYE BAR BSTAN PA'I RGYU MTSAN YOD DE, SA DANG PO THOB PA LAS DE'I SKYON ZAD CING YON TAN 'BYUNG BA'I PHYIR, GNYIS PA LA GNYIS, SA 'DIR NYAN RANG RIGS KYI SGO NAS ZIL GYIS GNON PA, SA BDUN PAR NYAN RANG BLO'I STOBS KYIS ZIL GYIS GNON PAR BSTAN PA'O, ,DANG PO NI, RDZOGS BA'I BYANG CHUB SEMS LTA DANG PO RAB TU DGA' BA LA GNAS PAS KYANG CHOS CAN, NYAN RANG RNAMS RIGS KYI SGO NAS ZIL GYIS GNON PA YIN TE, THUB DBANG GI GSUNG LAS SKYES PA'I NYAN

THOS DANG BCAS PA'I RANG SANGS RGYAS RNAMS NI SNYING RJE DANG SEMS BSKYED SOGS BSOD NAMS DAG GI DBANG GIS PHAM PAR BYAS SHING ZIL GYIS MNAN NAS BSOD NAMS RNAM PAR 'PHEL BA'I PHYIR, GNYIS PA NI, 'O NA, GANG NAS BLO'I STOBS KYIS ZIL GYIS GNON ZHE NA, DE NI CHOS CAN, SA BDUN PA RING DU SONG BAR SON PA'I TSE STONG NYID RTOGS PA'I BLO YANG NYAN RANG LAS LHAG PAR 'GYUR TE, DE'I TSE 'GOG PA YANG DAG PA'I MTHA' LA SKAD CIG RE RE LA MJUG LDANG BYED NUS PA'I PHYIR, GSUM BA LA BZHI, SA DANG PO LA GNAS PA'I SBYIN PA BSHAD PA, RTEN DMAN PA RNAMS KYI SBYIN PA, BYANG SEMS KYI SBYIN PA, SBYIN BA'I PHAR PHYIN GYI DBYE BA BSTAN PA'O, ,DANG PO NI, SA DANG PO THOB PA DE'I TSE BYANG SEMS DE CHOS CAN, KHYOD LA RDZOGS PA'I SANGS RGYAS KYI BYANG CHUB KYI RGYU DANG PO SBYIN BA'I PHAR PHYIN NYID NI LHAG PAR 'GYUR TE, LUS LONGS SPYOD GTONG BA LA SER SNA'I KUN 'DZIN GYI DRI MA MED PA'I BYANG SEMS YIN PA'I PHYIR, RANG GI SHA STER BA LA'ANG CHES GUS PAR BYAS PA YIS CHOS CAN, SA DANG PO LA GNAS PA'I BYANG SEMS LA GANG ZAG PHAL CHE BA LA SNANG DU MI RUNG BA'I YON TAN KHYAD PAR CAN DPOG PA'I RGYUR YANG 'GYUR TE, DE SGRUB KYI TSUL GSUM YIN PA'I PHYIR, GNYIS PA LA GNYIS, SBYIN PAS 'KHOR BA'I BDE BA 'THOB PA, MYANG 'DAS KYI BDE BA 'THOB PA'O, ,DANG PO NI, SHES BYA CHOS CAN, GDUL BYA LA THUB PAS DANG POR SBYIN PA'I GTAM MDZAD PA'I RGYU MTSAN YOD DE, SKYE BO 'DI KUN BDE BA MNGON PAR 'DOD CING MI RNAMS KYI BDE BA'ANG LONGS SPYOD MED PAR 'BYUNG BA MIN LA, LONGS SPYOD KYANG NI SBYIN PA BTANG BA LAS 'BYUNG BAR MKHYEN CING, THABS DE SGRUB PAR YANG CHES SLA BA'I PHYIR, 'O NA SBYIN PA BTANG BA LAS LONGS SPYOD 'BYUNG BA LA GTONG BA GO TSUL DANG LDAN PA KHO NA DGOS SAM ZHE NA, MI DGOS TE, SNYING RJE DMAN ZHING SHIN

, ,TU RTZUB PA'I SEMS CAN RANG DON LHUR LEN PA NYID DU GYUR PA GANG YIN PA DE DAG GI YANG 'DOD PA'I LONGS SPYOD RNAMS SDUG BSNGAL NYE BAR ZHI BA'I RGYUR GYUR PA'I SBYIN PA LAS 'BYUNG BA'I PHYIR, GNYIS PA NI, SHES BYA CHOS CAN SBYIN PAS MYANG 'DAS KYI BDE BA SGRUB STE, RTEN DMAN PAS SBYIN PA GTONG BA 'DI YANG SBYIN PA'I SKABS KYI NAM ZHIG GI TSE 'PHAGS PA'I SKYE BO DANG PHRAD PA MYUR DU THOB LA DE NAS 'PHAGS PA'I SKYE BOS CHOS BSTAN PA NYAMS SU BLANGS PAS SRID PA'I RGYUN YANG DAG PAR BCAD PAR BYAS TE 'PHAGS PA DANG PHRAD PA DE'I RGYU CAN GYI ZHI BA MYANG 'DAS SU 'GRO BAR 'GYUR BA'I PHYIR, GSUM PA LA BZHI, BYANG SEMS KYI SBYIN PA'I PHAN YON THUN MONG MA YIN PA BSTAN PA, RTEN GNYIS KA LA SBYIN PA'I GTAM GTZO BOR BSTAN PA, BYANG SEMS KYI SBYIN PA'I TSE DGA' BA JI LTA BU 'THOB PA BSTAN PA, BYANG SEMS KYIS LUS SBYIN PA LA SDUG BSNGAL YOD MED DPYAD PA'O, ,DANG PO NI, 'GRO BA LA PHAN PAR DAM BCAS PA'I YID CAN GYI BYANG SEMS RNAMS CHOS CAN, SBYIN PA GTONG BA LA GUS PA'I RGYU MTSAN YOD DE, SBYIN PA BTANG BAS RING POR MI THOGS PAR PHA ROL PO CHIM PA MTHONG BA NA SBYIN 'BRAS DGA' BA MCHOG TU GYUR PA 'THOB PA'I PHYIR, GNYIS PA NI, SHES BYA CHOS CAN, RTEN GNYIS KA LA SBYIN PA'I GTAM NYID GTZO BO STE GAL CHE BA YIN TE, GANG GI PHYIR BRTZE BA'I BDAG NYID BYANG SEMS DANG, BRTZE BA'I BDAG NYID BYANG SEMS MA YIN PA GNYIS KA'I MNGON MTHO DANG NGES LEGS SBYIN PAS 'DREN PA DE'I PHYIR, GSUM PA NI, 'O NA BYANG SEMS KYIS SBYIN PA GTONG BA'I TSE DGA' BA'I KHYAD PAR JI LTA BU 'BYUNG ZHE NA, CHOS CAN, LUS LONGS SPYOD THAMS CAD BTANG BAS BYANG SEMS LA BDE BA NYAN RANG ZHI BA'I DBYINGS SU ZHUGS PA LAS LHAG PA 'BYUNG BA LTA ZHIG SMOS CI DGOS TE MI DGOS TE, JI LTAR BYIN CIG CES PA'I SGRA

THOS PA BSAMS PA LAS RGYAL SRAS LA BDE BA 'BYUNG BA DE LTAR THUB PA NYAN RANG DGRA BCOM RNAMS LA ZHI BAR ZHUGS PAS BDE BA BYED PA MIN PA'I PHYIR, BZHI PA NI, 'O NA BYANG SEMS KYIS LUS GTONG BA LA SDUG BSNGAL YOD DAM MED CE NA, BYANG SEMS 'PHAGS PA RNAMS LA NI MED LA, BYANG SEMS SO SKYE RNAMS CHOS CAN, SDUG BSNGAL 'BYUNG YANG LUS GTONG BA LA 'JUG STE, LUS BCAD NAS STER BA'I BDAG GI SDUG BSNGAL RANG GIS RIG PA NYID DU MTHONG BA DE RGYU MTSAN DU BYAS NAS GZHAN DAG RNAMS KYI DMYAL BA LA SOGS PA'I SDUG BSNGAL DE BCAD PAR BYA BA'I PHYIR MYUR DU BRTZON 'GRUS RTZOM PA'I PHYIR, BZHI PA NI, SHES BYA CHOS CAN, SBYIN PA'I PHAR PHYIN LA DBYE NA GNYIS SU YOD DE, SBYIN PA DE SBYIN BYA DANG LEN PA PO DANG GTONG BA PO RANG BZHIN GYIS GRUB PAS STONG PAR MNGON SUM DU RTOGS PAS ZIN PA DE 'JIG RTEN LAS 'DAS PA'I PHA ROL TU PHYIN PA ZHES BYA LA SBYIN PA'I 'KHOR GSUM PO DAG LA BDEN PAR CHAGS PA SKYES PAR GYUR PAS BCINGS PA'I SBYIN PA DE 'JIG RTEN PA'I PHA ROL TU PHYIN PA ZHES BSTAN PA'I PHYIR, GSUM PA NI, SA DANG PO RAB TU DGA' BA 'DI NI CHOS CAN, NOR BU CHU SHEL ZLA BA JI BZHIN DU GNAS TE, ZLA BA DE NAM MKHA' MTHON PO LA GNAS SHING RANG GANG LA GNAS PA'I NAM MKHA' 'OD DKAR POS MDZES PAR BYED PA DANG MUN PA STUG PO THAMS CAD RNAM PAR BSAL NAS GNAS PA DE BZHIN DU, SNGAR BSHAD PA DE LTAR SA DANG PO LA GNAS PA'I RGYAL BA'I SRAS KYI YID LA RAB TU GNAS SHING RANG GI DAM PA'I RTEN SA DANG PO BA'I YID LA YE SHES KYI 'OD CHAGS PA MDZES PA RNYED PAR GYUR PA DANG MTHONG SPANGS LAS RGYAL BA YIN PA'I PHYIR RO, ,DBU MA LA 'JUG PA'I DGONGS PA RAB TU GSAL BA'I ME LONG LAS DON DAM PA'I SEMS BSKYED PA DANG PO'I BSHAD PA'O,, ,,GNYIS PA SA GNYIS PA DRI MA MED PA BSHAD PA LA LNGA, SA 'DIR TSUL KHRIMS YONGS SU DAG

, ,PAR BSTAN PA, TSUL KHRIMS KYI BSNGAGS PA BSTAN PA, TSUL KHRIMS KYI MI MTHUN PHYOGS DANG MA 'DRES PA'I DPE BSTAN PA, TSUL KHRIMS KYI PHAR PHYIN GYI DBYE BA, SA'I YON TAN BRJOD PA'I SGO NAS MJUG BSDU BA'O, ,DANG PO LA BZHI, SA 'DIR TSUL KHRIMS PHUN SUM TSOGS PAR BSTAN PA, DE LA BRTEN NAS YON TAN YONGS SU DAG PAR BSTAN PA, SA DANG PO LAS CHUL KHRIMS LHAG PAR BSTAN PA, TSUL KHRIMS DAG PA'I RGYU GZHAN BSTAN PA'O, ,DANG PO NI, SA GNYIS PA LA GNAS PA'I BYANG SEMS DE CHOS CAN, RMI LAM DU YANG 'CHAL PA'I TSUL KHRIMS KYI DRI MA SPANGS TE, TSUL KHRIMS PHUN SUM TSOGS PAS, YON TAN DAG PA DANG LDAN PA'I PHYIR, GNYIS PA NI, TSUL KHRIMS PHUN SUM TSOGS PAS YON TAN DAG PA DANG JI LTAR LDAN ZHE NA, CHOS CAN, TSUL KHRIMS PHUN SUM TSOGS PAS YON TAN DAG PA DANG LDAN TE, LUS NGAG YID KYI RGYU BA DAG PAR GYUR PAS DAM PA'I LAS LAM BCU CHAR GSOG PAR BYED PA'I PHYIR, GSUM PA NI, DGE BA'I LAM BCU CHAR GSOG PA SA DANG PO NA'ANG YOD PA MIN NAM ZHE NA, YOD MOD, DE CHOS CAN, SA DANG PO LAS TSUL KHRIMS LHAG PA YIN TE, DGE BA'I LAM 'DI LTA ZHIG BCU CHAR YANG KHYOD LA BKLAGS TE SHIN TU PHUL DU BYUNG BAR DAG PAR 'GYUR BA'I PHYIR; RTAG TU TSUL KHRIMS RNAM PAR DAG PA'I SA GNYIS PA LA GNAS PA'I BYANG SEMS DE CHOS CAN, STON KA'I ZLA BA LTAR GYUR PA YIN TE, DBANG PO'I SGO SNGOM PA'I ZHI PA DANG LAM MER GSAL BA'I 'OD CHAGS PAR DE DAG GIS RNAM PAR MDZES PA'I PHYIR BZHI PA NI, DE NI CHOS CAN, RTAG TU TSUL KHRIMS KYI 'KHOR GSUM LA'ANG MTHA' GNYIS SU 'DZIN PA'I BLO'I RGYU BA YANG DAG PAR BRAL BAR 'GYUR TE, TSUL KHRIMS RNAM PAR DAG PA'I PHYIR, KHYAB STE, GAL TE GANG ZAG DE NI SO THAR GYI TSUL KHRIMS

DAG KYANG RANG BZHIN GYIS GRUB PAR LTA BA MI SPONG NA DE'I RGYU MTSAN GYIS DE NI TSUL KHRIMS DAG PAR MI 'GYUR BA DE'I PHYIR, GNYIS PA LA LNGA, SBYIN 'BRAS BDE 'GRO'I RTEN LA SPYOD PA TSUL KHRIMS LA RAG LAS PA, SBYIN 'BRAS BAR MA CHAD DU SPYOD PA TSUL KHRIMS LA RAG LAS PA, TSUL KHRIMS NYAMS NA NGAN SONG LAS THAR PA RNYED DKA' BA, SBYIN PA'I RJES SU TSUL KHRIMS KYI GTAM MDZAD PA'I RGYU MTSAN, MNGON MTHO DANG NGES LEGS KYI RGYUR TSUL KHRIMS BSNGAGS PA'O, ,DANG PO NI, SHES BYA CHOS CAN, SBYIN 'BRAS BDE 'GRO'I RTEN LA SPYOD 'DOD PAS TSUL KHRIMS BSRUNG DGOS TE, SKYE BO TSUL KHRIMS KYI RKANG PA NYAMS PAR GYUR NA SBYIN PAS LONGS SPYOD DAG NI 'GRO BA NGAN PA'I RTEN LA 'BYUNG BA'I PHYIR, GNYIS PA NI, CHOS CAN, SBYIN 'BRAS BAR MA CHAD DU LONGS SPYOD PA TSUL KHRIMS LA RAG LAS TE, TSUL KHRIMS NYAMS PA'I DBANG GIS SBYIN 'BRAS NGAN 'GRO'I RTEN LA SMIN NA SBYIN PA BTANG BA'I SKYED DANG BCAS PA'I DNGOS PO'I 'DU BA YONGS SU ZAD PAS NA PHYIN CHAD GANG ZAG DE LA LONGS SPYOD RE ZHIG 'BYUNG BAR MI 'GYUR BA'I PHYIR; GSUM PA NI, CHOS CAN, TSUL KHRIMS NYAMS NA NGAN SONG LAS THAR BA RNYED DKA' STE, GANG GI TSE RANG DBANG DU 'JUG CING MTHUN PA'I YUL LHA MIN GNAS PA 'DI GAL TE BDAG NGAN SONG LAS 'DZIN PAR MI BYED NA, NGAN 'GRO'I GA-YANG SAR LHUNG BAS GZHAN DBANG DU 'JUG PAR 'GYUR BA DE LAS PHYI NAS THABS GANG GIS SLONG BAR 'GYUR BA DKA' BA'I PHYIR, BZHI PA NI, CHOS CAN, RGYAL BAS SBYIN PA'I GTAM MDZAD NAS TSUL KHRIMS SBYIN SOGS KYI RJES SU 'GRO BA'I GTAM NYID MDZAD PA'I RGYU MTSAN YOD PA YIN TE, SBYIN SOGS KYI YON TAN TSUL KHRIMS KYI ZHING DU RNAM PAR 'PHEL NA 'BRAS BU NYE BAR SPYOD PA CHAD PA MED PAR 'BYUNG BAR 'GYUR LA TSUL KHRIMS NYAMS NA NYES PA DU MA'I 'BYUNG GNAS YIN PA DE'I PHYIR, LNGA PA NI, CHOS CAN,

, ,SO SO SKYE BO RNAMS KYI MNGON MTHO DANG, GSUNG SKYES NYAN THOS DANG, RANG BYANG CHUB LA BDAG NYID DES PA RANG RGYAL RNAMS DANG, RGYAL SRAS RNAMS KYI NGES PAR LEGS PA'I RGYU NI TSUL KHRIMS DANG 'BREL BA LAS GZHAN MED DE; TSUL KHRIMS DE SBYIN 'BRAS BDE 'GRO'I RTEN LA BAR MA CHAD DU SPYOD PA DANG, NGES LEGS KYI RGYUR MED MI RUNG YIN PA'I PHYIR, GSUM PA NI, DE LTAR SA GNYIS PA LA GNAS PA'I BYANG SEMS BDAG NYID CHEN PO CHOS CAN, TSUL KHRIMS DE 'CHAL BA DANG RGYUD LHAN CIG GNAS PAR MI 'DOD DE, TSUL KHRIMS RNAM PAR DAG PA'I DBANG DU BYAS PA'I PHYIR, JI LTAR TE DPER NA RGYA MTSO CHEN PO RO DANG LHAN CIG MI GNAS PA DANG, BKRA SHIS PA BKRA MI SHIS PA'I RNA NAG MA DANG LHAN CIG MI GNAS PA BZHIN NO, ,BZHI PA NI, SHES BYA CHOS CAN, TSUL KHRIMS KYI PHAR PHYIN LA GNYIS SU DBYER YOD DE, GANG ZAG GANG GIS SPANG BYA GANG ZHIG SEMS CAN GANG LA SPONG BAR BYED PA'I 'KHOR GSUM DU BDEN PAR DMIGS PAS BCINGS PA YOD NA TSUL KHRIMS DE 'JIG RTEN PA'I PHA ROL TU PHYIN PA ZHES BSHAD LA 'KHOR GSUM LA BDEN PAR CHAGS PAS STONG PA'I TSUL KHRIMS DE 'JIG RTEN LAS 'DAS PA'I PHAR PHYIN YIN PA'I PHYIR, LNGA PA NI, SA GNYIS PA DRI MA MED PA 'DI YANG CHOS CAN, STON KA'I DUS KYI ZLA BA'I 'OD NI JI BZHIN DU GYUR PA YIN TE, SA GNYIS PA'I RGYAL SRAS KYI ZLA BA LAS BYUNG ZHING 'CHAL TSUL GYI DRI MA DANG BRAL BA'I TSUL KHRIMS KYI 'OD DANG LDAN PAS 'GRO BA'I YID KYI GDUNG BA SEL BAR BYED PA YIN PA'I PHYIR, SA GNYIS PA BA CHOS CAN, SRID PA 'KHOR BA PA MIN YANG SRID PA'I DPAL DU GYUR PA YIN TE, GZHAN DON DU GLING BZHI LA DBANG BA'I 'KHOR LOS BSGYUR RGYAL DU SKYE BA 'DZIN PA'I PHYIR, DBU MA LA 'JUG PA'I DGONGS PA RAB TU BSAL BA'I ME LONG LAS DON DAM PA'I SEM

BSKYED PA GNYIS PA'I BSHAD PA'O,, ,,GSUM PA SA GSUM PA 'OD BYED PA BSHAD PA LA BZHI, KHYAD GZHI SA'I NGES TSIG, KHYAD CHOS SA'I YON TAN, PHAR PHYIN DANG PO GSUM GYI KHYAD CHOS, SA'I YON TAN BRJOD PA'I SGO NAS MJUG BSDU BA'O, ,DANG PO NI, SA NI GSUM PA 'DI CHOS CAN, 'ONG BYED PA ZHES BYA STE, GNYIS SNANG GI SHES BYA'I BUD SHING MA LUS PA BSREG PA'I YE SHES KYI ME'I 'OD 'BYUNG BA'I PHYIR, SA GSUM PA THOB PA DE'I TSE BDE BAR GSHEGS PA'I SRAS PO CHOS CAN, RJES THOB TU YE SHES KYI SNANG BA KHYAD PAR CAN 'BYUNG STE, NYI MA 'CHAR KHA'I DUS LTAR ZANGS 'OD 'DRA BA'I YE SHES KYI SNANG BA 'BYUNG BA'I PHYIR, GNYIS PA LA BZHI, SA 'DIR BZOD PA LHAG PAR BSTAN PA, BZOD PA GZHAN JI LTAR BSTEN PA'I TSUL, BZOD PA'I PHAR PHYIN GYI DBYE BA, SA 'DIR 'BYUNG BA'I DAG PA'I YON TAN GZHAN BSTAN PA'O, ,DANG PO NI, SHES BYA CHOS CAN, SA GSUM PAR BZOD PA'I PHAR PHYIN LHAG PA YIN TE, GAL TE KHONG KHRO BA'I GNAS MIN KYANG RGYUD 'KHRUG PA 'GA' YIS BYANG SEMS DE'I LUS LAS SHA NI RUS PA DANG BCAS PA YUN RING DU SRANG RE RE NAS BCAD PAR GYUR KYANG BYANG SEMS DE'I BZOD PA GCOD PAR BYED PA DE LA DMIGS NAS LHAG PAR SKYE BA'I PHYIR DANG, GANG GI PHYIR BDAG MED MNGON SUM DU MTHONG BA'I BYANG CHUB SEMS DPA' LA GANG ZHIG GANG GIS DUS GANG GI TSE TSUL JI LTAR GCOD PA'I CHOS KUN BYANG SEMS DE YIS GZUGS BRNYAN LTAR MNGON SUM DU MTHONG BA DES KYANG BYANG SEMS DE YIS BZOD PAR 'GYUR BA'I PHYIR, GNYIS PA LA GNYIS, KHONG KHRO BYA BAR MI RIGS PA, BZOD PA BSTEN RIGS PA'O, ,DANG PO LA BZHI, DGOS PA MED CING NYES DMIGS CHE BAS KHONG KHRO MI RIGS PA, PHYIS SDUG BSNGAL MI 'DOD PA DANG GNOD LAN BYED PA 'GAL PAR BSTAN PA, SNGAR YUN RING BSAGS PA'I DGE BA

, ,'JOMS PAS KHONG KHRO BAR MI RIGS PA, MI BZOD PA'I SKYON MANG PO BSAMS NAS KHONG KHRO DGAG PA'O, ,DANG PO NI, CHOS CAN, DGRA BO DE LA BKON PA NGES PAR 'DIR DON MED CING 'JIG RTEN PHA ROL GYI DON DANG YANG NI 'GAL BAR 'GYUR TE, GAL TE GNOD PA BYAS PAS DE'I LAN DU DGRA BO DER BKON NA DE LA BKON PAS GNOD PA BYAS ZIN LDOG GAM CI STE MI LDOG CING, KHONG KHROS RNAM SMIN YID DU MI 'ONG BA 'PHEN PA DE'I PHYIR, GNYIS PA NI, CHOS CAN, GZHAN LA GNOD LAN BYED PA DANG NI KHRO BAS SDUG BSNGAL 'DIR MYONG BA LAS LHAG PA PHYIR YANG SDUG BSNGAL GYI SA BON NYID DU JI LTA BUR NA 'KHRID PAR BYED PA MI RIGS PAR THAL, DGRAS GNOD PA BYAS PA DE SNGON BYAS PA'I MI DGE BA'I LAS KYI RGYU MTHUN GYI 'BRAS BU ZAD PAR BYED PAR BRJOD PAR 'DOD PA DE NYID NI YIN PA'I PHYIR, GSUM PA NI, CHOS CAN, DGE RTZA 'JOMS PA LA MI BZOD PA LAS GZHAN PA'I SDIG PA STOBS CHE BA YOD PA MA YIN TE, GANG GI PHYIR BYANG SEMS BDAG NYID CHEN POS RGYAL SRAS RNAMS LA KHROS PA LAS SBYIN PA DANG TSUL KHRIMS LAS GYUR BA'I DGE PA BSKAL PA BRGYAR BSAGS PA SKAD CIG GIS 'DZOMS PA DE'I PHYIR, BZHI PA NI, CHOS CAN, KHONG KHRO DGAG RIGS TE, MI BZOD PA YIS MI SDUG PA'I GZUGS SU BYED CING DAM PA MIN PAR BKRI BA DANG, TSUL DANG TSUL MIN SHES PA'I RNAM DPYOD 'PHROG PAR BYED CING, MYUR DU NGAN 'GROR SKYUR BAR BYED PA'I PHYIR, GNYIS PA NI, KHRO BA LA NYES PA DE LTA BU YOD NA, BZOD PA'I YON TAN JI LTA BU ZHE NA, CHOS CAN, BZOD PAS KHONG KHRO LA NYES PA BSHAD ZIN PA DANG 'GAL BA'I YON TAN RNAMS BYED DE, BZOD PAS GZUGS MDZES SHING SKYE BO DAM PA LA PHANGS PA DANG, LUGS DANG LUGS MIN SHES PA LA MKHAS PAR 'GYUR ZHING SHI BA DE'I 'OG TU NI LHA

MIR SKYE PA DANG SDIG PA ZAD PAR 'GYUR BA'I PHYIR, CHOS CAN, SO SO'I SKYE BOS KHRO BA'I SKYON DANG RGYAL SRAS KYIS BZOD PA'I YON TAN RIG PAR BYAS TE MI BZOD PA SPANGS NAS 'PHAGS PA'I SKYE BO YIS BSNGAGS PA'I BZOD PA RTAG TU MYUR DU BSTEN PAR BYA STE, KHONG KHRO DE NYES PA DU MA'I 'BYUNG GNAS DANG, BZOD PA DE YON TAN DU MA'I 'BYUNG GNAS YIN PA'I PHYIR, GSUM PA NI, CHOS CAN, BZOD PA'I PHAR PHYIN LA GNYIS SU DBYER YOD DE, RDZOGS PA'I SANGS RGYAS KYI BYANG CHUB KYI PHYIR BSNGOS KYANG BZOD PA'I 'KHOR GSUM DU BDEN PAR DMIGS PAS BCINGS PA YOD NA BZOD PA DE NI 'JIG RTEN PA YIN LA, 'KHOR GSUM DU BDEN PAR DMIGS PA MED NA BZOD PA DE NYID SANGS RGYAS KYIS 'JIG RTEN LAS 'DAS PA'I PHA ROL TU PHYIN PA ZHES BSTAN PA'I PHYIR, BZHI PA NI; SA GSUM PA DER GNAS PA'I RGYAL SRAS CHOS CAN, YONGS SU DAG PA'I YON TAN GZHAN YANG 'BYUNG STE, BSAM GTAN GZUGS MED DANG MNGON SHES DAG PA DANG, 'DOD CHAGS ZHE SDANG GTI MUG YONGS SU SRABS SHING ZAD PAR 'GYUR BA'I PHYIR; DES KYANG CHOS CAN, RTAG TU 'JIG RTEN PA YI NI 'DOD PA'I 'DOD CHAGS 'JOMS PAR NUS PAR 'GYUR TE, BRGYA BYIN DU SKYES NAS SEMS CAN RNAMS 'DOD PA'I 'DAM NAS 'DON PA LAS KHAS PA'I PHYIR, GSUM PA NI, SBYIN SOGS KYI CHOS PHAR PHYIN DANG PO GSUM PO DE DAG CHOS CAN, PHAL MO CHER BDE BAR GSHEGS PAS KHYIM PA RNAMS LA BSNGAGS TE, KHYIM PAS BSGRUB SLA BA'I PHAR PHYIN YIN PA'I PHYIR, DE DAG NYID CHOS CAN, BSOD NAMS ZHES BYA BA'I TSOGS KYANG YIN LA, SANGS RGYAS KYI GZUGS KYI BDAG NYID KYI SKU'I RGYU'I GTZO BO YIN TE, SANGS RGYAS KYI GZUGS SKU'I NYER LEN YIN PA'I PHYIR, BZHI PA NI, RGYAL BA'I SRAS PO'I NYI MI LA GNAS PA'I SA GSUM PA 'OD BYED PA 'DI CHOS CAN, RANG GZHAN GYI MUN PA SEL BA YIN TE, RANG

, ,RGYUD DU GTOGS PA'I MUN PA RNAMS DANG POR YANG DAG PAR BSAL BAR BYAS NAS 'GRO BA'I MI SHES PA'I MUN PA RNAM PAR 'JOMS PAR MNGON PAR 'DOD PA'I PHYIR, SA GSUM PA 'DIR GNAS PA'I BYANG SEMS CHOS CAN, GZHAN GYI NYON MONGS 'JOMS PA LA SHIN TU RNO BAR GYUR KYANG SKYON LDAN LA KHRO BAR MI 'GYUR TE, BZOD PA LHAG PAR GOMS SHING SNYING RJES RGYUD SNUM PA'I PHYIR, DBU MA LA 'JUG PA'I DGONGS PA RAB TU GSAL BA'I ME LONG LAS DON DAM PA'I SEMS BSKYED PA GSUM PA'I BSHAD PA'O,, ,,SA BZHI PA 'OD 'PHRO BA BSHAD PA LA GSUM, SA 'DIR BRTZON 'GRUS LHAG PAR BSTAN PA, SA'I NGES TSIG, SPANGS PA'I KHYAD PAR RO, ,DANG PO NI, BRTZON 'GRUS CHOS CAN, BSOD NAMS DANG BLO GROS KYI TSOGS NI GNYIS KYI RGYU YIN TE, YON TAN MA LUS PA KHYOD KYI RJES SU 'GRO BA'I PHYIR TE, KHYOD LA BRTEN NAS YON TAN MA THOB PA THOB CING, THOB ZIN GONG NAS GONG DU 'PHEL BAR 'GYUR PA'I PHYIR, SA DE BZHI PO 'OD NI 'PHRO BA CHOS CAN, BRTZON 'GRUS LHAG PAR GYUR PA YIN TE, TSOGS GNYIS KYI RGYUR GYUR PA'I BRTZON 'GRUS GANG DU CHES 'BAR BAR GYUR PA'I SA YIN PA'I PHYIR, GNYIS PA NI, SHES BYA CHOS CAN, SA BZHI PA DE LA 'OD 'PHRO BA ZHES BYA STE, SA BZHI PA DER NI BDE GSHEGS SRAS PO LA RDZOGS PA'I BYANG CHUB KYI PHYOGS SO BDUN LHAG PAR BSGOM PA LAS SKYES PA'I YE SHES KYI SNANG BAS GSUM PAR THOB PA'I ZANGS 'OD LTA BU LAS LHAG PA 'BYUNG BA'I PHYIR, GSUM PA NI, SA BZHI PA CHOS CAN, SPANGS PA KHYAD PAR CAN DANG LDAN TE, SA BZHI PA'I NGOS SKAL GYI RANG STE BDAG TU LTA BA DANG 'BREL BA'I NYON MONGS KYI SA BON YONGS SU ZAD PA'I PHYIR, DBU MA LA 'JUG PA LAS DON DAM PA'I SEMS BSKYED PA'I BZHAD PA'O,, ,,SA LNGA PA SBYANG DKA' BA BSHAD PA LA GNYIS

SA'I NGES TSIG, BSAM GTAN LHAG CING BDEN PA LA MKHAS PA'O, ,DANG PO NI, SHES BYA CHOS CAN, SA LNGA PA DE LA SBYANG DKA' BA ZHES BYA STE, SA LNGA PA LA GNAS PA'I BYANG SEMS BDAG NYID CHEN PO DE LHA'I BU'I BDUD RNAMS KUN GYIS KYANG SBYANG DKA'I SA LAS PHAM PAR NUS PA MA YIN PA'I PHYIR, GNYIS PA NI, SA LNGA PA BA CHOS CAN, BSAM GTAN LHAG PAR GYUR PA YIN TE, RNAM GA-YENG GIS GTAN NAS MI BRDZI BA'I BSAM GTAN THOB PA'I PHYIR, CHOS CAN, BDEN BZHI PHRA RAGS LA MKHAS PA'I SHES RAB DANG LDAN TE, BLO BZANG 'PHAGS PA'I BDEN PA BZHI'I RANG BZHIN BLO ZHIB MOS RTOGS DGOS PA LA'ANG SHIN TU MKHAS PA THOB PA'I PHYIR, DBU MA LA 'JUG PA LAS DON DAM PA'I SEMS BSKYED PA LNGA PA'I BSHAD PA'O,, ,,SA DRUG PA MNGON DU GYUR PA BSHAD PA LA BZHI, SA'I NGES TSIG DANG SHER PHYIN LHAG PAR BSTAN PA, SHER PHYIN GYI BSNGAGS PA, RTEN 'BYUNG GZIGS PA'I DE NYID BSHAD PA, SA'I YON TAN BRJOD PA'I SGO NAS MJUG BSDU BA'O, ,DANG PO NI, SA DRUG PA MNGON DU PHYOGS PAR MNYAM GZHAG GI SEMS LA GNAS TE DE LA BRTEN NAS RTEN CING 'BYUNG BA'I DE NYID MNGON SUM DU MTHONG BA'I BYANG SEMS DE CHOS CAN, 'GOG PA'I SNYOMS 'JUG THUN MONG MA YIN PA THOB PAR 'GYUR TE, SHES RAB KYI PHAR PHYIN LHAG PA LA GNAS PAS SO, ,SA DRUG PA CHOS CAN, MNGON DU GYUR PA ZHES BYA STE, SHES RAB LHAG PA'I SGO NAS GZUGS BRNYAN DANG 'DRA BA'I DE KHO NA NYID MNGON SUM DU MTHONG ZHING BDEN BZHI LA MKHAS PA'I SHES RAB RDZOGS PAR THOB PA GANG ZHIG ,RDZOGS PA'I SANGS RGYAS KYI CHOS LA MNGON DU PHYOGS PA'I PHYIR, GNYIS PA NI, SHES BYA CHOS CAN, PHAR PHYIN GZHAN GYIS SANGS RGYAS SU BGROD PA SHER PHYIN LA RAG LAS TE, JI LTAR LONG BA'I TSOGS KUN BDE BLAG TU MIG LDAN SKYES BU GCIG GIS 'DOD PA'I YUL DU

, ,'KHRID PA DE BZHIN DU LAM GYI SKABS 'DIR YANG BLO SHER PHYIN GYIS DE NYID LTA BA'I MIG NYAMS PA'I SBYIN SOGS KYI YON TAN BLANGS TE RGYAL BA SANGS RGYAS NYID DU 'GRO BA'I PHYIR, GSUM PA LA LNGA, ZAB DON BSHAD PAR DAM BCA' BA, ZAB DON BSHAD PA'I SNOD NGOS BZUNG BA, DE LA BSHAD NA YON TAN 'BYUNG BA'I TSUL, SNOD LDAN LA MNYAN PAR BSKUL BA, DE NYID JI LTAR BSHAD PA'I TSUL LO, ,DANG PO NI, SA DRUG PA LA GNAS PA'I BYANG SEMS KYIS GZIGS PA'I DE KHO NA NYID DE JI LTAR YIN ZHE NA, DE KHO NA NYID MNGON SUM DU RTOGS PA LA 'DRI NA, SANGS RGYAS DANG BYANG SEMS GONG MA RNAMS LA DRI BAR BYA BA YIN LA, LUNG LA BRTEN NAS KYANG RANG DGAR 'CHAD PAR MI NUS MOD, 'ON KYANG DPAL LDAN ZLA BA GRAGS PA CHOS CAN, 'PHAGS PA KLU SGRUB KYI GZHUNG LUGS LAS DE KHO NA NYID JI LTAR BSTAN PA LTAR GNAS PA'I LUGS BZHIN BRJOD PAR BYA STE, SA DRUG PA BA DE YIS TSES ZAB PA'I CHOS JI LTAR RTOGS PA DE LTAR KLU SGRUB KYIS THUGS SU CHUD NAS LUNG DANG GZHAN YANG RIGS PAS GTAN LA PHAB PA YIN PAS NA'O, ,GNYIS PA NI, DE KHO NA NYID BSHAD PA'I SNOD DE JI LTA BU ZHE NA, SO SO SKYE BO'I DUS NA'ANG STONG PA NYID THOS PA GO NAS NANG DU RAB TU DGA' BA YANG DANG YANG DU 'BYUNG LA RAB TU DGA' BA LAS BYUNG BA'I MCHIMS MIG BRLAN ZHING LUS KYI BA SPU LDANG BAR 'GYUR BA GANG YIN PA'I GANG ZAG DE CHOS CAN, KHYOD LA DAM PA'I DON GYI BDEN PA BSTAN PAR BYA STE, DE KHO NA NYID BSTAN PA'I SNOD NI KHYOD YIN PA'I PHYIR TE, KHYOD LA RDZOGS PA'I SANGS RGYAS KYI BLO RNAM PAR MI RTOG PA'I SA BON YOD PA'I GANG ZAG YIN PA'I PHYIR, GSUM PA NI, DE CHOS CAN, KHYOD LA DE KHO NA NYID BSTAN PA DE'I RJES SU 'GRO BA'I YON TAN 'BYUNG STE, STONG NYID KYI LTA BA SKYE BA GZHAN DU MI NYAMS PAR BYA BA'I PHYIR DU RTAG TU TSUL KHRIMS YANG DAG PAR

BLANGS NAS GNAS PAR 'GYUR LA STONG NYID BSGOM PA LA MI PHONGS PAR BYA BA'I PHYIR DU SBYIN PA GTONG BAR 'GYUR ZHING STONG NYID KYI LTA BA SNYING RJES ZIN PA LAS SANGS RGYAS THOB PAR SHES NAS SNYING RJE STEN PAR BYED LA 'PHAGS PA RNAMS DGYES PA'I PHYIR DU BZOD PA SGOM PAR BYED PA DANG, TSUL KHRIMS SOGS DE'I DGE BA BYANG CHUB TU 'GRO BAR GROL BAR BYA BA'I PHYIR DU YONGS SU SNGO BAR BYED CING, STONG NYID STON PA'I RDZOGS PA'I BYANG CHUB SEMS DPA' RNAMS LA GUS PAR BYED PA'I PHYIR, BZHI PA NI, SHES BYA CHOS CAN, SA RAB DGA' DE NI DON DU GNYER BAS ZAB MO'I LAM 'DI MNYAN PAR GYIS ZHES BSKUL RIGS TE, ZAB CING RGYA CHE'I TSUL LA MKHAS PA'I SKYE BOS NI RIM GYIS RAB TU DGA' BA'I SA NI 'THOB PAR 'GYUR BAS SO, ,LNGA PA LA GNYIS, STONG NYID RIGS PAS BSGRUB PA, STONG NYID KYI RAB DBYE BSHAD PA'O, ,DANG PO LA CHOS KYI BDAG MED RIGS PAS BSGRUB PA, GANG ZAG GI BDAG MED RIGS PAS BSGRUB PA'O, ,DANG PO LA BZHI, MTHA' BZHI'I SKYE BA DGAG PA, BKAG PA LA RTZOD PA SPANG BA, RTEN 'BYUNG GI SKYE BAS MTHAR 'DZIN 'GOG TSUL, RIGS PAS DPYAD PA BYAS PA'I 'BRAS BU NGOS BZUNG BA'O, ,DANG PO LA GSUM, DAM BCA' BZHAG PA, SGRUB BYED BSTAN PA, BKAG PAS GRUB PA'I DON NO, ,DANG PO NI, MYU GU DE NYID CHOS CAN, BDAG DE LAS 'BYUNG BA MIN ZHING RANG BZHIN GYIS GRUB PA GZHAN DAG LAS LTA GA LA ZHIG 'BYUNG LA BDAG GZHAN GNYIS KA LAS KYANG SKYE BA MA YIN ZHING RGYU MED PAR NI SKYE BA GA LA YOD DE MED DE, DE DAG LA 'OG NAS 'BYUNG BA'I RIGS PAS GNOD PA'I PHYIR RO; ;GNYIS PA LA BDAG SKYE, GZHAN SKYE, GNYIS KA LAS SKYE BA, RGYU MED LAS SKYE BA DGAG PA'O, ,DANG PO LA GNYIS, 'GREL PA MDZAD PA'I RIGS PAS DGAG PA, RTZA SHE'I RIGS PAS DGAG PA'O, ,DANG PO LA GSUM, GRANGS CAN GYI

, ,LUGS DGAG, 'JIG RTEN GYI THA SNYAD DU YANG MED PA, DE LTAR BKAG PA'I DON BSDU BA'O, ,DANG PO LA GNYIS, RANG DANG NGO BO GCIG PA'I RGYU LAS SKYE BA DGAG PA, RGYU 'BRAS NGO BO GCIG PA DGAG PA'O, ,DANG PO LA GSUM, NGO BO GCIG PA'I RGYU LAS SKYE NA DON MED DU THAL BA, DE LAS SKYE NA RIGS PA DANG 'GAL BA, DE'I NYES SPONG DGAG PA'O, ,DANG PO NI, GAL TE MYU GU BDAG LAS MI SKYE BA'I RGYU MTSAN CI ZHE NA, MYU GU DE NI CHOS CAN, SA BON DE LAS BYUNG NA YON TAN 'GA' YANG YOD PA MIN PAR THAL, SA BON GYI DUS NA KHYOD KYI NGO BO RDZOGS PAR GRUB ZIN BA'I PHYIR, GNYIS PA NI, CHOS CAN, SA BON LAS SLAR YANG SKYE BA RIGS PA'ANG MA YIN PA NYID DE, SA BON GYI DUS NA SKYES ZIN PAR GYUR PA'I PHYIR, SA BON LAS SKYES ZIN SLAR YANG SKYE BAR YONGS SU RTOGS PAR RIGS PAR 'GYUR NA NI, SHES BYA CHOS CAN, MYU GU LA SOGS RNAMS KYI SKYE BA 'JIG RTEN 'DIR RNYED PAR MI 'GYUR ZHING, SA BON 'DEBS NAS SRID PA'I MTHAR THUG PAR RAB TU SKYE BA NYID DU 'GYUR BAR THAL, PHYOGS SNGA DE'I PHYIR, GSUM PA NI, SKYON MED DE, CHU LUD SOGS KYIS SA BON SPANG RO LTA BUR BYED CING MYU GU BSKYED LA, MYU GU DES YANG SA BON 'JIG PAR BYED CING SKYE BO ZHE NA, MYU GU DE NYID CHOS CAN, KHYOD KYIS SA BON DE RNAM PAR 'JIG PAR BYED PAR JI LTAR 'GYUR TE MI 'GYUR BAR THAL, SA BON DANG RANG BZHIN GCIG YIN PA'I PHYIR, GNYIS PA NI, GRANGS CAN CHOS CAN, MYU GU SKYED BYED KYI RGYU SA BON GYI KHA DOG DBYIBS SOGS LAS THA DAD PA'I MYU GU'I DBYIBS DANG NI KHA DOG DANG RO DANG NUS PA DANG SMIN PA'I THA DAD KHYOD LA MED PAR 'GYUR BAR THAL, SA MYUG GCIG YIN PA'I PHYIR, GAL TE SNGAR GYI SA BON BDAG GI DNGOS PO BSAL NAS DE LAS GZHAN MYU GU'I NGO BOR 'PHO BAR 'GYUR RO ZHE NA, DE'I TSE MYU GU

DE NYID SA BON DE'I NGO BOR JI LTAR 'GYUR TE MI 'GYUR BAR THAL LO, ,GRANGS CAN CHOS CAN, SA MYUG RANG BZHIN GCIG PA 'DI NI KHAS MI BLANG STE, GAL TE KHYOD KYI SA BON DANG MYU GU 'DIR GZHAN MA YIN PAR GCIG YIN NA, SA MYUG DE DAG GCIG PAS MYU GU'I DUS NAS KHON BZHIN DU MYU GU ZHES BYA BA DE BZUNG DU MED PA'AM, YANG NA JI LTAR MYU GU 'DI BZHIN DU SA BON DE YANG BZUNG DU YOD PAR 'GYUR BA'I SKYON YOD PA DE'I PHYIR, GNYIS PA NI, SA MYUG DE DAG GCIG PA YIN ZHES 'JIG RTEN GYIS KYANG KHAS MI LEN TE, GANG GI PHYIR RGYU SA BON ZHIG NA YANG DE'I 'BRAS BU MYU GU 'JIG RTEN PAS MTHONG BA'I PHYIR, GSUM PA NI, DNGOS PO BDAG LAS 'BYUNG ZHES RAB TU BRTAGS PA 'DI DE NYID DANG NI 'JIG RTEN DU YANG RIGS PA MA YIN TE; DE LA GNOD BYED BSTAN ZIN PA DE'I PHYIR, GNYIS PA NI, MYU GU CHOS CAN, BDAG LAS SKYE BAR KHAS BLANG BAR BYA BA MIN TE, BDAG LAS SKYE BAR 'DOD NA BSKYED PAR BYA BA DANG SKYED BYED DANG, LAS DANG BYED PA PO YANG GCIG NYID DU 'GYUR NA DE DAG NI GCIG NYID MA YIN PA'I PHYIR DANG, DE LA RTZA SHE NAS, RGYA CHER BSHAD PA'I NYES PAR THAL BAR 'GYUR BA'I PHYIR RO, ,GNYIS PA LA GNYIS, GZHAN SKYE 'DOD PA'I PHYOGS SPYIR DGAG ,SEMS TZAM PA'I LUGS BYE BRAG TU DGAG PA'O, , DANG PO LA LNGA, GZHAN SKYE DGAG PA DNGOS, BKAG PA LA 'JIG RTEN GYIS GNOD PA SPANG BA, DE LTAR BKAG PA'I YON TAN, RANG BZHIN GYIS SKYE BA 'GAR YANG MED PAR BSTAN PA, BDEN PA GNYIS CHAR DU RANG BZHIN GYIS SKYE BA BKAG PA'I YON TAN BSTAN PA'O, ,DANG PO LA GSUM, SPYIR DGAG, BYE BRAG TU DGAG, 'BRAS BUL MU BZHIR DPYAD NAS DGAG PA'O, ,DANG PO LA GNYIS, HA CANG THAL BAS DGAG, DE'I NYES SPONG DGAG PA'O, ,DANG PO NI, BDAG SKYE

, ,KHEGS PAS GNYIS KA LAS SKYE BA'I NGA MI RIGS LA, RGYU MED LAS SKYE BAR 'DOD PA NI SHIN TU THA CHAD PAS MI RIGS MOD, GZHAN DAG LAS LTA GA LA ZHIG CES GZHAN SKYE BKAG PA NI MI LEGS TE, DNGOS PO RNAMS DANG BZHIN GYIS GRUB PA'I RKYEN BZHI LAS SKYE BAR GSUNGS PA'I PHYIR RO, ,ZHEN; 'O NA ME LCE LAS KYANG MUN PA 'THUG PO 'BYUNG BAR 'GYUR ZHING, RGYU YIN MIN THAMS CAD LAS KYANG 'BRAS BU YIN MIN THAMS CAD SKYE BAR 'GYUR BAR THAL TE, GAL TE RANG BZHIN GYIS GRUB PA'I RGYU GZHAN LA BRTEN NAS 'BRAS BU GZHAN ZHIG 'BYUNG BAR 'GYUR PA'I PHYIR, KHYAB STE, GANG GI PHYIR SKYED PAR BYED PA MA YIN PA MA LUS PA LA YANG RGYU 'BRAS SU 'DOD PA DE DANG RANG BZHIN GYIS GZHAN NYID MTSUNGS PA'I PHYIR GNYIS PA LA GNYIS, NYES SPONG, DE DGAG PA'O, ,DANG PO NI, RGYAS RAB TU BYA PAR NUS PA DE'I PHYIR 'BRAS BUR NGES PAR BRJOD CING, GANG ZHIG 'BRAS BU DE BSKYED NUS PA DE NI RANG BZHIN GYIS GZHAN YIN NA'ANG 'BRAS BU'I RGYU YIN LA, SA LU'I MYU GU NAS LA SOGS LAS 'BYUNG BA DE LTA MIN TE, SA LU'I MYU GU DE RANG DANG RGYUD GCIG TU GTOGS PA DANG SKYED PAR BYED PA RIGS 'DRA SNGA MA LAS SKYE BA DE'I PHYIR ZHEN, GNYIS PA NI, JI LTAR NAS DANG GE SAR DANG NI KENG SHU KA LA SOGS PAS LU'I MYU GU SKYED PAR BYED PAR 'DOD PA MIN, DE BSKYED PA'I NUS LDAN MIN, DE DANG RGYUD GCIG GI KHONGS SU GTOGS PA MIN, DE'I RIGS 'DRA BA SNGA MA MA YIN PA NYID DE, DE DAD RANG BZHIN GYIS GZHAN YIN PA'I PHYIR ZHES 'DOD PA DE BZHIN DU, SA LU'I SA BON YANG NI CHOS CAN, SA LU'I MYU GU DE'I SKYED BYED SOGS MIN PAR THAL TE, SA LU'I MYU GU DANG RANG BZHIN GYIS GZHAN NYID YIN PA'I PHYIR, GNYIS PA LA GNYIS, RGYU 'BRAS SNGA PHYI BA LA GZHAN SKYE

DGAG, DUS MNYAM PA LA GZHAN SKYE DGAG PA'O, ,DANG PO LA DNGOS DANG, RTZOD SPANG GNYIS, DANG PO NI, MYU GU GZHAN LAS SKYE BA YIN ZHES BYA BA'I PHYOGS 'DI BTANG BAR BYOS SHIG STE, MYU GU SA BON LAS RANG BZHIN GYIS SKYE BA 'GRUB PAR 'GYUR BA MIN PA'I PHYIR TE, MYU GU SA BON LAS RANG BZHIN GYIS GZHAN PA NYID DU GAL 'GYUR TE MI 'GYUR BA'I PHYIR TE, MYU GU SA BON DANG NI DUS MNYAM YOD PA MA YIN PA'I PHYIR TE, SA BON GYI DUS NA GZHAN MYU GU NYID MED PAR GYUR PA DES NA STE DE'I PHYIR, GNYIS PA NI, JI LTAR SRANG GI MDA' GNYIS MTHO BA DANG NI DMA' BA DAG DUS MNYAM MA YIN PAR NI MIN PAR MTHONG BA DE BZHIN DU BSKYED PAR BYA BA MYU GU DANG SKYED PAR BYED PA SA BON DAG GI SKYE 'GAG GI BYA BA DUS MNYAM PAS SA MYUG DUS MNYAM PAR 'GYUR RO ZHE NA, SA MYUG 'DI NI JI LTA BUR NA SRANG DANG MTSUNGS PA YIN TE MA YIN PAR THAL, GAL TE SRANG GI MDA' GNYIS DUS GCIG GI TSE YOD PA YIN NA, SA MYUG 'DIR DUS GCIG TU MED PAS DUS MNYAM PA DE YOD PA MIN PA'I PHYIR TE, GAL TE SA BON GYI DUS SU MYU GU SKYE BZHIN PA SKYE BA LA PHYOGS PAS DA LTAR YOD PA MIN ZHING SA BON 'GAG BZHIN PA NI YOD KYANG 'JIG PA LA PHYOGS PAR 'DOD PAR GYUR PA YIN PA'I PHYIR, SA BON GYI DUS NA MYU GU SKYE BA'I BYA BA 'DI NI BDEN PAR GRUB PA RIGS PA'I NGO BO'ANG MIN TE, DE'I DUS NA BYED PA PO MYU GU MED PA'I PHYIR, GNYIS PA NI, RGYU 'BRAS DUS MI MNYAM PA LA BRJOD PA'I SKYON DE MED DE, GAL TE MIG GI BLO LA RANG GI SKYED BYED RANG DANG DUS GCIG PA MIG LA SOGS PA DANG LHAN CIG 'BYUNG BA 'DU SHES LA SOGS LAS MIG BLO RANG BZHIN GYIS GZHAN NYID DU YOD PA'I PHYIR ZHE NA, MIG BLO CHOS CAN, MIG SOGS LAS 'BYUNG BAS DGOS PA CI ZHIG YOD DE MED PAR THAL, MIG SOGS KYI DUS NA YOD PA'I PHYIR, CI STE DE'I DUS NA MED CEN, SNGA PHYI

, ,BA 'DI LA RANG BZHIN GYIS GZHAN MED PA'I NYES PA BSHAD ZIN TO, ,GSUM PA NI, SKYED PAR BYED PA BSKYED BYA RANG LAS NGO BO NYID KYIS GZHAN BSKYED PA DE RGYU YIN NA RANG BZHIN GYIS YOD PA'AM 'ON TE MED PA DANG YOD MED GNYIS KA DANG GNYIS KA DANG BRAL BA ZHIG BSKYED GRANG, DANG PO LTAR NA, MYU GU CHOS CAN, SKYED BYED CI DGOS TE MI DGOS PAR THAL, RANG BZHIN GYIS YOD PA'I PHYIR, MED PA LA'ANG RGYU DES NI CI ZHIG BYA STE DON MED PAR THAL, MED, BRGYUS BSKYED MI NUS PA'I PHYIR, YOD MED GNYIS KA NYID LA RGYU DES CI ZHIG BYA STE DON MED PAR THAL, YOD MED GNYIS KA YIN PA MI SRID PA'I PHYIR, YOD MED GNYIS KA DANG BRAL BA LA'ANG RGYU DES CI BYA STE DON MED PAR THAL, YOD PA'ANG MA YIN MED PA'ANG MA YIN PA MI SRID PA'I PHYIR, GNYIS PA LA GNYIS, 'JIG RTEN GYI GRAGS PAS GZHAN SKYE KHAS BLANGS NAS GNOD PA SPANG BA, THA SNYAD DU GZHAN SKYE MED PAS GNOD PA SPANG BA'O, ,DANG PO LA RTZOD LAN GNYIS, DANG PO NI; GZHAN SKYE DGAG PA 'DIR NI RIGS PA SMRAS PA NYID KYIS LTA GO CI ZHIG BYA STE, 'JIG RTEN PA GANG GIS RANG GI LTA BA LA GNAS NAS 'JIG RTEN GYI MTHONG BA TSAD MAR 'DOD PAS NA DE LA 'JIG RTEN GYI MTHONG BAS GNOD PA'I PHYIR, GZHAN LAS SKYE BA YOD PA 'DIR NI RIGS PA CI ZHIG DGOS TE, GZHAN LAS GZHAN 'BYUNG BA YANG 'JIG RTEN PA YIS MNGON SUM DU RTOGS PAR 'GYUR TE DES NA'O ZHE NA, GNYIS PA LA LNGA, BDEN GNYIS SPYI'I RNAM GZHAG ,SKABS DON LA SBYAR BA; BDEN GNYIS SO SO'I NGO BO BSHAD PA, BKAG PA LA 'JIG RTEN GYIS GNOD PA DGAG PA, 'JIG RTEN GYIS GNOD TSUL BSTAN PA'O, ,DANG PO LA GSUM, BDEN PA GNYIS SU DBYE BA, 'JIG RTEN LA LTOS TE KUN RDZOB KYI DBYE

BA; ZHEN YUL LA 'KHRUL PA'I ZHEN YUL THA SNYAD DU YANG MED PAR BSTAN PA'O, ,DANG PO NI, DNGOS PO KUN CHOS CAN, NGO BO GNYIS GNYIS NI 'DZIN PAR 'GYUR TE, YUL YANG DAG PA MTHONG BAS RNYED PA DANG, BRDZUN PA MTHONG BA YIS RNYED DON GNYIS YOD PA'I PHYIR, BUM PA BDEN STONG GANG YIN PA DE CHOS CAN, DE NYID DON DAM BDEN PA YIN TE, YANG DAG PA MTHONG BA'I RIGS SHES KYI YUL GANG ZHIG, RIGS SHES DE KHYOD LA RIGS SHES SU SONG BA'I PHYIR, BUM PA CHOS CAN; KUN RDZOB BDEN PAR GSUNGS TE, MTHONG BA BRDZUN PA THA SNYAD PA'I TSAD MAS RNYED DON GANG ZHIG, THA SNYAD PA'I TSAD MA DE KHYOD LA THA SNYAD PA'I TSAD MAR SONG BA'I PHYIR, GNYIS PA NI, MTHONG BA BRDZUN PA'ANG CHOS CAN, 'JIG RTEN NYID LA LTOS NAS YANG LOG RNAM PA GNYIS SU 'DOD DE, 'PHRAL GYI 'KHRUL RGYUS MA BSLAD PA'I DBANG PO GSAL PA DANG, 'PHRAL GYI 'KHRUL RGYUS BSLAD PA'I DBANG PO SKYON LDAN GYI SHES PA GNYIS YOD PA'I PHYIR, 'PHRAL GYI 'KHRUL RGYUS BSLAD PA'I SKYON DANG LDAN PA'I DBANG PO TZAN RNAMS KYI SHES PA NI CHOS CAN, 'JIG RTEN NYID KYI SHES NGOR 'PHRAL GYI 'KHRUL RGYUS MA BSLAD PA'I DBANG PO LEGS PAR GYUR PA'I SHES PA LA LTOS NAS LOG PAR 'DOD DE, 'PHRAL GYI 'KHRUL RGYUS BSLAD PA'I SHES PA YIN PA'I PHYIR, 'PHRAL GYI 'KHRUL RGYUS GNOD PA MED PA'I DBANG PO DRUG PO RNAMS KYIS GZUNG BA GANG ZHIG 'JIG RTEN GYIS RTOGS PA'I GZUGS DE CHOS CAN, 'JIG RTEN NYID LA LTOS NAS BDEN PA YIN TE, DE KHO NA NYID MA RTOGS PA'I SNGA ROL TU KHYOD KYI DER SNANG DANG DER STONG GI TSOGS PA DE RTOGS MI NUS PA'I PHYIR, LHAG MA ME LONG NANG GI GZUGS BRNYAN NI CHOS CAN, 'JIG RTEN NYID LA LTOS NAS LOG PAR RNAM PAR BZHAG STE, DE KHO NA NYID MA RTOGS PA'I SNGA ROL TU KHYOD KYI DER SNANG DANG DER STONG GI TSOGS

, ,PA DE RTOGS NUS PA'I PHYIR, GSUM PA NI, MI SHES PA'I GNYID KYIS RAB TU BSKYOD PA'I MU STEGS CAN RNAMS KYIS BDAG NYID JI BZHIN DU BRTAGS PA'I GTZO BO SOGS DANG, SGYU MA SMIG RGYU SOGS LA BRTAGS PA'I RTA GLANG SOGS DE DAG CHOS CAN, 'JIG RTEN GYI THA SNYAD LAS KYANG YOD PA MIN PA NYID DE, THA SNYAD DU TSAD MAS MA GRUB PA'I PHYIR, GNYIS PA NI, SHES BYA CHOS CAN, 'PHAGS PA'I MNYAM GZHAG GI GZIGS NGO LA LTOS TE GZHAN SKYE BKAG PA LA 'JIG RTEN GYI GRAGS PAS MI GNOD DE, DRI MED YE SHES SPANGS PA'I BLOS DRI MED BLO LA GNOD PA YOD PA MA YIN PA'I PHYIR, JI LTAR MIG NI RAB RIB CAN GYIS SKRA SHAD DMIGS PA YIS RAB RIB MED PA'I SHES PA LA GNAD BA MIN PA DE BZHIN NO, , GSUM PA LA GNYIS, KUN RDZOB BDEN PA BSHAD PA, DON DAM BDEN PA BSHAD PA'O, ,DANG PO NI, BDEN PAR 'DZIN PA'I GTI MUG CHOS CAN, KUN RDZOB PA YIN TE, RANG BZHIN MNGON SUM DU MTHONG BA LA SGRIB PA'I PHYIR, BDEN 'DZIN DES BCOS MA BDEN PAR MED BZHIN DU BDEN PAR SNANG BA'I GZUGS GANG YIN PA DE NI CHOS CAN, KUN RDZOB PA'I BDEN PA ZHES THUB PA DES GSUNGS PA'I RGYU MTSAN YOD DE, KUN RDZOB PA BDEN 'DZIN GYI NGOR BDEN PA'I PHYIR, 'O NA BLO KUN RDZOB PA THAMS CAD KYI NGOR BDEN GRUB YIN NAM ZHE NA, GZUGS CHOS CAN, NYAN RANG DGRA BCOM DANG DAG SA LA GNAS PA'I KYI BDEN GRUB MA YIN TE, DES BCOS MAR KYI BDEN GRUB MA YIN TE, DES BCOS MAR GYUR PA'I DNGOS POR GZIGS KYI BDEN PAR ZHEN PA MED PA'I PHYIR RO, ,GNYIS PA NI, RAB RIB MTHU YIS SKRA SHAD LA SOGS PA'I NGO BO LOG PA GANG ZHIG RNAM PAR BRTAGS PA DE NYID KYI BDAG NYID GZHI GANG DU MIG DAG PAS SKRA SHAD MED PAR MTHONG BA

DE SKRA SHAD KYI DE NYID YIN PA DE BZHIN DU DON GYI SKABS 'DIR SHES PAR GYIS SHIG, BUM PA BDEN STONG CHOS CAN, DON DAM BDEN PA YIN TE, RANG NYID DNGOS SU 'JAL BA'I MNGON SUM TSAD MAS GNYIS SNANG NUB PA'I TSUL GYIS RIG BYA YIN PA'I PHYIR RO; ;BZHI PA NI, GAL TE 'JIG RTEN GYI MTHONG BA DE KHO NA NYID LA TSAD MA YIN NA NI, SHES BYA CHOS CAN, DE KHO NA NYID MNGON SUM DU MTHONG BA LA 'PHAGS PA GZHAN GYIS CI DGOS 'PHAGS PA'I LIM TSOL BAS CI ZHIG BYA STE DON MED PAR THAL; 'JIG RTEN GYIS DE KHO NA NYID MNGON SUM DU MTHONG BAS SO, ,DE KHO NA NYID LA DPYOD PA'I SKABS SU 'JIG RTEN GYIS GNOD PA MED DE, DE KHO NA NYID LA RNAM PA KUN TU 'JIG RTEN GYI MTHONG BA TSAD MA MIN PA DE'I PHYIR TE, BLUN PO DE KHO NA NYID LA TSAD MAR RIGS PA'ANG MA YIN PA'I PHYIR, LNGA PA NI, 'JIG RTEN NA GRAGS PA'I DON BUM PA RDZAS YIN PA NI CHOS CAN, KHYOD GAL TE SEL NA 'JIG RTEN GYIS GNOD PAR 'GYUR TE, 'JIG RTEN GYI GRAGS PA NYID KYIS GRUB PA'I PHYIR, GNYIS PA NI, GZHAN LAS SKYE BA 'JIG RTEN GYI THA SNYAD LAS KYANG MED DE, GANG GI PHYIR 'JIG RTEN NA BU DANG SHING GI SA BON TZAM BTAB NAS BDAG GIS BU 'DI BSKYED CES SMRA BAR BYED CING, SHING YANG BTZUGS SO SNYAM DU RTOG PA DES NA'O, ,GSUM PA NI, SHES BYA CHOS CAN, MYU GU SKYES PA'I TSE SA BON ZHIG PA STE RGYUN CHAD PA MED DE, GANG GI PHYIR MYU GU SA BON LAS RANG BZHIN GYIS GZHAN MIN PAS SA MYUG RGYU 'BRAS BU GRUB PA DE'I PHYIR, YANG MYU GU'I CHO SA BON YOD CES BRJOD PAR MI BYA STE, GANG GI PHYIR SA MYUG GCIG NYID YOD PA MIN PAS SA MYUG RGYU 'BRAS SU GRUB PA DE'I PHYIR, BZHI PA LA GNYIS, RANG GI MTSAN NYID KYIS YOD PAR 'DOD PA DGAG, DE LTAR BKAG PA LA RTZOD PA SPANG BA'O, ,DANG PO LA GSUM, 'PHAGS PA'I MNYAM

, ,GZHAG DNGOS PO'I 'JIG RGYUR THAL BA, THA SNYAD BDEN PA RIGS PAS DPYAD BZOD DU THAL BA, DON DAM PA'I SKYE BA MI KHEGS PAR THAL BA'O, ,DANG PO NI, STONG NYID RTOGS PA'I 'PHAGS PA'I MNYAM GZHAG YE SHES CHOS CAN, DNGOS PO'I RANG BZHIN DE LA SKUR PA BTAB PA'I TSUL GYIS STONG NYID RTOGS PA DANG, DNGOS PO 'JIG PA'I RGYUR THAL, GAL TE SNGAR DNGOS PA RANG GI MTSAN NYID KYIS GRUB PA LA BRTEN PAR 'GYUR BA GANG ZHIG, DNGOS PO RANG GI MTSAN NYID KYIS GRUB PA MED PAR RTOGS PA'I PHYIR, SHES BYA CHOS CAN, DNGOS PO RANG BZHIN GYIS YOD PA MIN TE, DNGOS PO RANG BZHIN GYIS YOD NA STONG NYID RTOGS PA'I MNYAM GZHAG DNGOS PO 'JIG PA'I RGYUR 'GYUR NA DE NI RIGS PA MIN PA DE'I PHYIR, GNYIS PA NI, 'JIG RTEN GYI THA SNYAD BDEN PA LA RIGS PAS RNAM PAR DPYAD PAR MI BYA STE, GANG GI PHYIR DNGOS PO 'DI DAG RNAM PAR DPYAD NA DE KHO NA NYID KYI BDAG NYID CAN GYI DNGOS PO LAS TSUL ROL TU RANG BZHIN GYIS GRUB PA'I GNAS RNYED PA MA YIN PA DE'I PHYIR, GSUM PA NI, GZUGS CHOS CAN, KHYOD KYI RANG BZHIN GYIS SKYE BA GANG GIS GRUB PA YIN PAR 'GYUR TE MI 'GYUR BAR THAL, DE KHO NA NYID LA DPYOD PA'I SKABS SU RIGS PA GANG ZHIG GIS BDAG DANG GZHAN LAS SKYE BA RIGS PA MA YIN PA'I RIGS PA DES THA SNYAD DU YANG RANG BZHIN GYIS SKYE BA RIGS PA MIN PAS SO, ,GNYIS PA NI, GZUGS THA SNYAD DU YANG RANG BZHIN GYIS SKYE BA MED NA, SKYE BAR DMIGS PA DANG 'GAL LO ZHE NA, MI 'GAL TE, DNGOS PO THAMS CAD RANG BZHIN GYIS STONG NA YANG STONG NYID KYI RGYU DAG LAS 'BRAS BU RAB TU SKYE BAR 'GYUR BA'I PHYIR, DNGOS PO STONG PA STE BRDZUN PA GZUGS BRNYAN LA SOGS PA RGYU RKYEN TSOGS PA LA LTOS PA RNAMS MA GRAGS PA YANG MIN LA JI LTAR GRAGS PA DER NI

GZUGS BRNYAN SOGS STONG ZHING BRDZUN PA LAS MIG GI SHES PA GZUGS BRNYAN DE'I RNAM PA CAN SKYE BAR 'GYUR BA LTAR DPE DE BZHIN NO, ,LNGA PA LA GNYIS, RTAG CHAD KYI LTA BA SPANG SLA BA'I YON TAN, LAS 'BRAS KYI 'BREL PA CHES 'THAD PA'I YON TAN NO; ;DANG PO NI, GZUGS SOGS DE DAG CHOS CAN, RANG BZHIN GYIS GRUB PA'I RTAG PA MA YIN LA SNGAR RANG BZHIN GYIS GRUB PA PHYIS MED PA'I CHAD PA'ANG MIN TE, BDEN PA GNYIS SU'ANG RANG BZHIN GYIS MED PA'I PHYIR, GNYIS PA LA GSUM, RANG BZHIN GYIS MED PAR 'DOD PA LA KUN GZHI SOGS KHAS BLANG MI DGOS PA, LAS 'GAGS PA LAS 'BRAS BU 'BYUNG BA'I DPE, RTZOD PA SPANG BA'O, ,DANG PO NI, LAS RANG BZHIN GYIS MED PAR 'DOD PA'I LUGS LA CHOS CAN, KUN GZHI SOGS KHAS BLANGS PA MED KYANG RGYUD LA LAR LAS 'GAGS NAS YUN RING DU LON PA LAS KYANG 'BRAS BU YANG DAG PAR 'BYUNG BAR RIG PAR BYA STE, DE MED KYANG, LAS LAS 'BRAS BU 'DI 'BYUNG BAR NUS PA'I PHYIR TE, GANG GI PHYIR RANG BZHIN GYIS LAS DE MI 'GAG PA LA ZHIG PA DNGOS POR MI 'GAL BA DE'I PHYIR, GNYIS PA NI, 'GAGS SHING RANG BZHIN GYIS YOD PA MIN PA'I LAS LAS KYANG NI 'BRAS BU 'BYUNG BA YOD PA YIN TE, RMI LAM NA BUD MED DMIGS PA'I YUL DAG MTHONG NAS NI GNYID SANG KYANG BLUN PO LA 'GAGS PA'I BUD MED LA DMIGS PA'I CHAGS PA SKYE BAR 'GYUR BA DE BZHIN YIN PA'I PHYIR, GSUM PA LA GNYIS, RNAM SMIN THUG MED DU 'BYIN PA'I RTZOD PA SPANG BA, KUN GZHI GSUNGS PA'I LUNG DANG 'GAL BA'I RTZOD PA SPANG BA'O, , DANG PO NI, RANG BZHIN GYIS MED BZHIN DU ZHIG PA LAS 'BRAS BU 'BYUNG NA, RNAM SMIN PHYUNG ZIN PA LAS SLAR YANG 'BYIN DGOS PAR 'GYUR RO ZHE NA, SHES BYA CHOS CAN, RANG BZHIN GYIS MED PAR MTSUNGS NA RNAM SMIN SMIN ZIN PA LAS SLAR RNAM

, ,SMIN 'BYIN DGOS PA MIN PAR SHES TE, JI LTAR YUL NI YOD PA NYID MIN PAR MTSUNGS KYANG RAB RIB CAN GYIS SKRA SHAD KYI RNAM PAR NI MTHONG GI DNGOS PO GZHAN GYI RNAM PAR MTHONG BA MA YIN PA LTAR DE BZHIN DU RGYU 'BRAS SO SOR NGES PA MTHONG BA'I PHYIR, RNAM SMIN MI DGE BA STE YID DU MI 'ONG BA NI NAG PO'I LAS LAS 'BYUNG LA, RNAM SMIN DGE BA YID DU 'ONG BA NYID DGE BA LAS 'BYUNG BA YIN PAR MTHONG STE, RGYU 'BRAS SO SOR NGES PA DE'I PHYIR, DGE MI DGE RANG BZHIN GYIS MED PAR RTOGS PA'I BLO CAN GYI GANG ZAG CHOS CAN, 'KHOR BA LAS THAR BAR 'GYUR TE, RGYU 'BRAS KYI DE KHO NA NYID RTOGS PA'I PHYIR, LAS RNAMS KYI 'BRAS BU RNAM PAR SMIN PA NI BSAM GYIS MI KHYAB BO ZHES LUNG LAM BRTEN PAR LAS 'BRAS RNAMS LA SEMS PA'ANG DGAG PA MDZAD PA'I RGYU MTSAN YOD DE, SO SKYES LAS 'BRAS LA SKUR PA BTAB NAS LAS 'BRAS 'JIG PAR 'GYUR DU DOGS PA'I PHYIR, GNYIS PA LA GNYIS, DNGOS DANG, DGONGS TE GSUNGS PA'I DPE BSTAN PA'O, , DANG PO NI, KUN GZHI MED PAR LAS 'BRAS 'JOG NUS NA, KUN GZHI LAS 'BRAS KYI RTEN DU GSUNGS PA DANG 'GAL LO ZHE NA, MI 'GAL TE, TSOGS DRUG LAS NGO BO THA DAD PA'I KUN GZHI YOD CING GANG ZAG RDZAS YOD NYID YOD LA PHUNG PO 'DI DAG 'BA' ZHIG NYID RANG BZHIN GYIS YOD CES BSTAN PA 'DI NI DE LTAR CHES ZAB PA'I DON RIG PAR MI 'GYUR BA'I GANG ZAG GANG YIN PA DE LA DGONGS NAS GSUNGS PA'I PHYIR RO, ,GNYIS PA NI, DNGOS PO RNAMS RANG BZHIN GYIS MED MOD RANG BZHIN GYIS YOD CES DRANG DON NYID DU BSTAN PA CHOS CAN, DGOS PA YOD PA YIN TE, GDUL BYAS DE KHO NA NYID RTOGS PA'I THABS YIN PA'I PHYIR RO, ,JI LTAR SANGS RGYAS KYIS 'JIG TSOGS LA LTA BA DANG BRAL YANG NGA DANG NGA'I ZHES BSTAN PA DE BZHIN NO, ,GNYIS PA SEMS TZAM PA'I LUGS BYE

BRAG TU DGAG PA LA GSUM, PHYI ROL MED PAR SHES PA RANG BZHIN GYIS YOD PA DGAG, GZHAN DBANG RANG BZHIN GYIS YOD PA'I SGRUB BYED DGAG, SEMS TZAM DU GSUNGS PA'I TZAM SGRAS PHYI DON MI 'GOG PAR BSTAN PA'O, ,DANG PO LA GNYIS, 'DOD PA BRJOD PA DANG, DE DGAG PA'O, ,DANG PO NI, SHES RAB LHAG PA SA DRUG PA LA GNAS PA'I BYANG CHUB SEMS DPA' DES CHOS CAN, RNAM SHES TZAM DU DE NYID RTOGS PAR 'GYUR TE, PHYI ROL GYI GZUNG BA MED PAR 'DZIN PA RDZAS GZHAN MA MTHONG ZHING SRID GSUM RNAM SHES TZAM DU RAB TU RTOGS PAS GNYIS STONG GI DE NYID MNGON SUM DU MTHONG BA'I PHYIR, PHYI ROL MED NA PHYI ROL DON DU SNANG BA'I BLO'I RGYU GANG ZHE NA, GZHAN GYI DBANG GI NGO BO GANG YIN PA DE PHYI ROL GYI DNGOS PO BTAGS PAR YOD PAR SNANG BA'I RGYUR 'GYUR TE, JI LTAR RLUNG GIS BSKUL BAS RGYA MTSO NI CHE LAS CHU RLABS 'BYUNG BA DE BZHIN DU DNGOS PO KUN GYI SA BON KUN GZHI ZHES BYA BA LAS RNAM SHES RANG GI BAG CHAGS BZHAG PA'I NUS PA SMIN PA LAS DON GYIS STONG PA'I RNAM SHES TZAM ZHIG 'BYUNG BA DE'I PHYIR, GZHAN DBANG CHOS CAN, KHYAD PAR GSUM DANG LDAN TE, PHYI ROL GZUNG BA MED PAR 'BYUNG BAR 'GYUR LA, RANG BZHIN GYIS YOD PA DANG, DON DAM PAR SGRA RTOG GI SPROS PA KUN GYI YUL MIN PA'I RANG BZHIN DU YOD PA'I PHYIR, ZHES SEMS TZAM PA ZER RO, ,GNYIS PA LA GNYIS, RGYAS PAR DGAG, MJUG BSDU BA'O, ,DANG PO LA GSUM, DPE DGAG, DON DGAG, DE LTAR BKAG PA DANG MI SDUG PA SGOM PA LA MI 'GAL BAR BSTAN PA'O; ; DANG PO LA GNYIS, RMI LAM GYI DPE DGAG, SKRA SHAD MTHONG BA'I DPE DGAG PA'O, ,DANG PO LA GSUM, RMI LAM GYI DPES SHES PA RANG BZHIN GYIS YOD PAR MI 'GRUB, DES PHYI ROL MED PAR MI 'GRUB, DES DNGOS PO THAMS CAD BRDZUN

, ,PAR 'GRUB PAR BSTAN PA'O, ,DANG PO NI, PHYI ROL MED PAR SEMS RANG BZHIN GYIS YOD PA'I DPE NI GANG DU YOD CES DRIS PAS, RMI LAM JI BZHIN NO ZHE NA, DE YANG BSAM PAR BYA STE, KHYOD KYI RMI LAM DE PHYI ROL MED PAR SHES PA RANG BZHIN GYIS YOD PA'I DPER YOD PA MIN PAR THAL, GANG GI TSE NGA LA RMI LAM NA YANG SEMS RANG BZHIN GYIS YOD PA MIN PA'I PHYIR, GAL TE RMI LAM NA YID RANG BZHIN GYIS YOD DE, SAD PA'I TSE RMI LAM GYI YID DRAN PA'I PHYIR RO ZHE NA, PHYI ROL YUL YANG YID DE BZHIN DU RANG BZHIN GYIS YOD PAR 'GYUR BAR THAL, JI LTAR KHYOD KYI NGAS MTHONG SNYAM DU YID DRAN PA DE 'DRA BA PHYI ROL LA YANG 'DI MTHONG NGO SNYAM DU DRAN PA YOD PA YIN PA'I PHYIR, GNYIS PA NI, GAL TE GNYID LOG PA NA MIG BLO MI SRID PAS PHYI ROL YOD PA MIN PAR YID KYI SHES PA KHO NA YOD CING PHYI ROL DE'I RNAM PA SNANG BA LA PHYI ROL NYID DU ZHEN PA 'BYUNG BAS RMI LAM NA PHYI ROL MED PAR SHES PA YOD PA JI LTA BA DE BZHIN DU SAD PA'I SKABS 'DIR YANG 'DOD DO ZHE NA, SHES BYA CHOS CAN, JI LTAR KHYOD KYI PHYI YUL RMI LAM DU MA SKYES PA DE BZHIN DU YID KYANG RANG BZHIN GYIS SKYES PA MA YIN PAR THAL, RMI LAM DU MIG DANG MIG GI YUL DANG DES BSKYED PA'I SEMS GSUM PO THAMS CAD KYANG NI BRDZUN PA YIN LA RNA BA SOGS LHAG MA'I YUL DBANG RNAM SHES GSUM PO'ANG RANG BZHIN GYIS SKYE BA MED PA'I PHYIR RO, ,GSUM PA NI, SHES BYA CHOS CAN, SEMS DE RANG BZHIN GYIS YOD PA MA YIN LA SPYOD YUL RANG BZHIN GYIS MED CING DBANG PO RNAMS KYANG RANG BZHIN GYIS MED DE, RMI LAM JI LTA BA DE BZHIN DU SAD PA'I SKABS 'DIR YANG DNGOS PO RNAMS BRDZUN PA YIN PA'I PHYIR, CHOS CAN, PHYI ROL MED PAR SHES PA YOD PA MI 'THAD DE, 'JIG RTEN 'DI NA JI LTAR THA MAL PA'I GNYID SAD PA LA GSUM CHAR YOD PA BZHIN DU JI SRID DU THA MAL PA'I GNYID MA SAD PA DE SRID DU GANG

ZAG DE'I SHES NGO DE LA GSUM PO YOD LA SAD PAR GYUR NA GSUM CHAR YOD PA MIN PA LTAR DE BZHIN DU GTI MUG GI GNYID SAD PA LAS DE KHO NA NYID MNGON SUM DU GZIGS PA'I NGOR DON SHES DE GNYIS CHAR MED PA'I PHYIR, GNYIS PA NI, SKA SHANG 'DZAG SNANG GI BLO DE PHYI ROL MED PAR SHES BA RANG BZHIN GYIS YOD PA'I DPE YIN NO ZHE NA, DE MA YIN PAR THAL, DBANG PO RAB RIB BCAS PA'I BLO GANG GIS RAB RIB MTHU LAS SKRA SHAD RNAMS GANG MTHONG BA DE'I BLO LA LTOS NA MIG SHES DANG SKRA SHAD BDEN PA STE RAB RIB MED PAR DON GSAL MTHONG BA LA LTOS NA DE GNYIS KA'ANG BRDZUN PA YIN PA'I PHYIR, SKRA SHAD MED PAR SKRA SHAD 'DZAG SNANG GI BLO DE RANG BZHIN GYIS YOD PA MIN PAR THAL, GAL TE SHES BYA SKRA SHAD MED PAR SKRA SHAD 'DZAG SNANG GI BLO RANG BZHIN GYIS YOD NA, SKRA SHAD MTHONG BA DE'I YUL DANG MIG NI RJES SU 'BREL BA'I RAB RIB MED PA LA'ANG SKRA SHAD 'DZAG SNANG GI BLO SKYE BAR 'GYUR NA DE LTA MA YIN PA DE'I PHYIR, GNYIS PA LA GSUM, BAG CHAGS SMIN MA SMIN LAS DON SNANG DBANG SHES SKYE MI SKYE DGAG, SLAR YANG PHYI ROL MED PAR RNAM SHES YOD PA DGAG, SEMS TZAM PA'I LUGS BKAG PA LA LUNG GIS MI GNOD PAR BSTAN PA'O, ,DANG PO LA 'DOD PA BRJOD PA DANG, DE DGAG PA GNYIS, DANG PO NI, RAB RIB MED PA LA SKRA SHAD SNANG BA'I BLO SKYE BA'I SKYON MED DE, GANG GI PHYIR RAB RIB MED PAR MTHONG BA DAG PA LA SKRA SHAD SNANG BA'I BLO'I NUS PA NI SMIN PA MED PA DE'I PHYIR RAB RIB MED PA DE LA SKRA SHAD SNANG BA'I BLO SKYE BAR MI 'GYUR GYI SHES BYA SKRA SHAD YOD PA'I DNGOS PO DANG BRAL BAS MI SKYE BA MIN PA'I PHYIR ZHE NA, GNYIS PA LA MDOR BSTAN, RGYAS BSHAD GNYIS, DANG PO NI, CHOS CAN, NUS PA RANG BZHIN GYIS YOD PA LAS SKRA SHAD SNANG BA'I BLO SKYE BA 'DI NI 'GRUB PA MA YIN PAR THAL, NUS PA DE RANG BZHIN GYIS MED PAS SO, ,GNYIS PA LA GSUM, DA LTAR BA LA NUS PA RANG BZHIN

, ,GYIS GRUB PA DGAG, MA 'ONGS PA LA DE DGAG, 'DAS PA LA DE DGAG PA'O, ,DANG PO NI, CHOS CAN, RNAM SHES SKYES PA DA LTAR BA LA NUS PA RANG BZHIN GYIS GRUB PA SRID PA YOD PA MA YIN PAR THAL, DE LTAR NA RNAM SHES LA RANG LAS GZHAN PA'I RGYU MED PA SOGS KYI SKYON YOD PA'I PHYIR, GNYIS PA NI, RNAM SHES MA SKYES PA'I NGO BO LA YANG NUS PA RANG BZHIN GYIS YOD PA MA YIN TE, RNAM SHES MA 'ONGS PA DA LTA MED PA'I PHYIR, KHYAB STE, KHYAD PAR MED PAR KHYAD PAR CAN YOD PA MIN PA'I PHYIR, MA GRUB NA, MO GSHAM BU LA'ANG NUS PA DE NI YOD PAR THAL LO, ,GAL TE 'BYUNG BAR 'GYUR BA'I RNAM SHES LA BSAMS NAS RNAM SHES KYI NUS PA ZHES BSNYANG PAR 'DOD DO ZHE NA, RNAM SHES 'DI'I 'BYUNG 'GYUR RANG BZHIN GYIS MED DE, RNAM SHES BSKYED PA'I NUS PA RANG BZHIN GYIS MED PA'I PHYIR, GAL TE RNAM SHES DANG NUS PA PHAN TSUN LTOS NAS 'JOG GO ZHE NA, 'O NA RNAM SHES DANG NUS PA RANG BZHIN GYIS MA GRUB PAR THAL, DE'I PHYIR, KHYAB STE, PHAN TSUN DON LA BRTEN PA'I 'GRUB PA NI RANG BZHIN GYIS GRUB PA MIN THAMS CAD RGYU YIN MIN KUN LAS 'BYUNG BAR 'GYUR TE, 'DOD PA GAL TE RNAM SHES 'GAGS PA'I NUS PA SMIN PA LAS RNAM SHES PHYI MA SKYE BAR 'GYUR RO ZHE NA, RANG BZHIN GYIS YOD PA GZHAN GYI NUS PA LAS 'BRAS BU GZHAN 'BYUNG BAR 'GYUR BAR THAL, RGYUN CAN RNAMS RIM GYIS 'BYUNG BA DER SNGA PHYI RANG BZHIN GYIS PHAN TSUN THA DAD PAR YOD PA'I PHYIR, 'DOD NA, DNGOS PO THAMS CAD RGYU YIN MIN KUN LAS 'BYUNG BAR 'GYUR TE, 'DOD PA DE'I PHYIR, GAL TE SNGA PHYI RIM GYIS 'BYUNG BA DER NI RGYUN CAN RNAMS NGO BO NYID KYIS THA DAD KYI DE DAG LA RANG BZHIN GYIS GRUB PA'I RGYUN THA DAD MED PA GCIG YOD PA DE'I PHYIR THAMS CAD LAS THAMS CAD SKYE BA'I NYES PA MED CE NA, NGO BO NYID KYIS THA DAD PA LA

RGYUN GCIG PA 'DI NI BSGRUB BYA ZHIG STE MA GRUB PAR THAL, NGO BO NYID KYIS THA DAD PA LA THA MI DAD PA'I RGYUN YOD PA'I SKABS MI RIGS PA'I PHYIR TE, GANG DAG RANG GI MTSAN NYID KYIS SO SO BA DE DAG RGYUD GCIG TU GTOGS PA RIGS PA MA YIN PA'I PHYIR, DPER NA BYAMS PA DANG, NYER SBAS LA BRTEN PA'I CHOS RNAMS NI GANG ZAG SO SO BA'I GZHAN NYID YIN PA'I PHYIR NA RGYUD GCIG TU GTOGS PA MIN PA BZHIN NO, ,GNYIS PA LA 'DOD PA BRJOD PA DANG, DE DGAG PA GNYIS, DANG PO NI, RNAM SHES LAS RDZAS THA DAD PA'I PHYI ROL MED DE, MIG BLO SKYE BA RANG GI NUS PA GANG ZHIG KUN GZHI LA BZHAG PA SMIN PA LAS DE MA THAG TU RNAM SHES KUN NAS SKYE BAR 'GYUR ZHING MIG RANG GI RNAM SHES KYI RTEN GYI NUS PA DE LA DBANG PO GZUGS CAN MIG CES BYA BAR RTOGS KYI SHES PA LAS RDZAS THA DAD PA'I MIG MED PA'I PHYIR DANG, 'JIG RTEN 'DI NA DBANG PO LAS BYUNG BA'I RNAM PAR RIG PA PHYI ROL GZUNG BA MED PAR RANG GI SA BON SMIN PA LAS SNGO SOGS SNANG BA NYID 'BYUNG BAR MA RTOGS NAS SKYE BOS SEMS LA SNGO SOGS SNANG BA DE PHYI ROL GYI GZUNG BAR KHAS LEN PA TZAM YIN PA'I PHYIR, RNAM PA GCIG TU NA RMI LAM NA NI GZUGS DON GZHAN MED PAR RANG GI NUS PA SMIN PA LAS GZUGS DE'I RNAM PA CAN GYI SEMS 'BYUNG BA JI LTA BA DE BZHIN DU SAD PA LA'ANG 'DIR PHYI ROL MED PAR YID NI YOD DO ZHE NA, GNYIS PA NI, SHES BYA CHOS CAN, JI LTAR MIG MED PAR NI RMI LAM DU SNGO SOGS SNANG BA'I YID SEMS RANG BZHIN GYIS 'BYUNG NA DE LTAR MIG DBANG MED PAR RANG GI SA BON NI SMIN PA LAS LONG BA LA SAD DUS 'DIR SNGON PO GSAL SNANG GI SHES PA CI SA MI SKYE STE SKYE RIGS PAR THAL, LONG BA LA SAR RMI GNYIS KAR MIG MED PAR MTSUNGS PA'I PHYIR, GAL TE KHYOD LTAR NA RMI LAM NA DRUG PA YID KYI NUS PA SMIN PA YOD LA SAD PAR MED PAR GYUR PAS MI MTSUNGS PAR 'DOD NA, DRUG PA'I NUS PA

, ,SMIN PA JI LTAR SANG DUS 'DIR MED PA DE LTAR RMI BA'I TSE MED CES CIS MI RIGS TE RIGS PAR THAL, JI LTAR MIG MED PA DE SANG DUS SU DON SNANG SHES PA SKYE BA 'DI'I RGYU YIN PA LTAR RMI LAM DU YANG GNYID NI DON SNANG GI SHES PA RANG BZHIN GYIS GRUB PA'I RGYU MA YIN PA'I PHYIR, RMI LAM DU YANG GZUGS DE'I DNGOS PO DANG MIG NI BRDZUN PA'I YUL CAN RTOGS PA'I RGYUR KHAS BLANGS TE, BAG CHAGS BRDZUN PA LAS SHES PA BRDZUN PA SKYE BA DE'I PHYIR, SHES BYA CHOS CAN, SEMS TZAM PA'I RTZOD PA 'DI SEL BAR BYED NUS TE, GZHAN DBANG RANG BZHIN GYIS GRUB PA BKAG PA LA SEMS TZAM PA 'DI YIS LAN NI GANG DANG GANG BTAB PA DE DANG DE NI DAM BCA' DANG MTSUNGS PAR MTHONG BAS SO, ,GSUM PA NI, SEMS TZAM PA'I LUGS BKAG BA LA LUNG GIS KYANG MI GNOD DE, SANGS RGYAS RNAMS KYIS NI RANG LUGS LA 'GAR YANG DNGOS PO RANG BZHIN GYIS YOD CES MA BSTAN PA'I PHYIR, GSUM PA NI, PHYI ROL MED PAR SHES PA RANG BZHIN GYIS GRUB PA MED NA, RNAL 'BYOR PAS BLA MA'I MAN NGAG LAS KENG RUS KYIS GANG BA'I SA GZHI MTHONG BAR BSHAD PA 'GAL LO ZHE NA, MI 'GAL TE, RNAL 'BYOR PA YIS BLA MA'I MAN NGAG LAS KANG RUS KYIS GANG BA'I SA GZHI MTHONG BA GANG YIN PA DER YANG YUL DBANG SHES PA GSUM CHAR RANG BZHIN GYIS SKYE BA MED PAR MTHONG BA'I PHYIR TE, TING NGE 'DZIN DE LOG PA STE MOS PA YID LA BYED BAR BSTAN PA'I PHYIR RO, ,SEMS TZAM PA CHOS CAN, KHYOD KYI DBANG BLO'I YUL RNAMS GCIG GIS MTHONG BAR GZHAN GYIS MTHONG BA JI LTA BA DE LTAR MI SDUG PA'I YID CAN GYI YANG RNAL 'BYOR PAS KENG RUS MTHONG BAR 'GYUR BA NA, DE BZHIN DU YUL DER BLO GTAD PA NA CIG SHOS RNAL 'BYOR PA MA YIN PAS KENG RUS RTOGS PAR 'GYUR LA TING NGE 'DZIN DE NI BRDZUN PA STE MOS PA YID BYED DU YANG MI 'GYUR BAR THAL, KED RUS

GSAL SNANG GI TING NGE 'DZIN RANG BZHIN GYIS GRUB PA'I PHYIR, CHU 'BAB PA'I KLUNG LA YI DVAGS KYIS RNAG KHRAG MTHONG BA'I BLO YANG CHOS CAN, PHYI ROL MED PAR SHES PA RANG BZHIN GYIS YOD PA'I DPER MI 'GYUR BAR THAL, RAB RIB DANG LDAN PA'I DBANG PO CAN GYIS SKRA SHAD MTHONG BA DANG BRDZUN PAR MTSUNGS PA'I PHYIR, GNYIS PA NI, MDOR NA JI LTAR SHES BYA RANG BZHIN GYIS MED PA DE BZHIN DU BLO YANG RANG BZHIN GYIS MED CES DON 'DI SHES PAR BYA STE, SHES BYA MED PAR SHES PA YOD PA MI 'THAD PA'I PHYIR, GNYIS PA LA BZHI, GZHAN DBANG GI SGRUB BYED RANG RIG DGAG, SEMS TZAM PA'I LUGS BDEN GNYIS LAS NYAMS PAR BSTAN, DES NA KLU SGRUB KYI RJES SU 'BRANG BAR RIGS PA, GZHAN DBANG DANG 'JIG RTEN GYI THA SNYAD 'GOG PA MI MTSUNGS PAR BSTAN PA'O, ,DANG PO LA BZHI, GZHAN DBANG GI SGRUB BYED DRIS NAS DGAG, DE'I LAN DGAG, RIGS PA GZHAN GYIS RANG RIG DGAG, GZHAN DBANG RANG BZHIN GYIS GRUB PA MO GSHAM BU DANG MTSUNGS PA'O, , DANG PO NI, GAL TE PHYI ROL GYI GZUNG BA MED PAR 'DZIN PA RDZAS GZHAN NYID DANG BRAL ZHING, GZUNG 'DZIN RDZAS THA DANG PA GNYIS KYIS STONG BA'I GZHAN DBANG GI DNGOS PO YOD NA GZHAN DBANG 'DI'I YOD PA GANG GIS SHES PAR 'GYUR BA'I SGRUB BYED BRJOD RIGS TE, TSAD MAS MA BZUNG BAR YANG YOD CES BYAR MI RUNG BA'I PHYIR, RANG RIG GIS GRUB BO ZHE NA, RANG RIG DE NYID KYIS SHES PA DE MYONG BAR GRUB PA MA YIN PAR THAL, RANG RIG MA GRUB PA'I PHYIR, GNYIS PA LA GNYIS DNGOS DANG, RANG RIG MED KYANG DRAN PA SKYE TSUL LO, ,DANG PO NI, GAL TE DUS PHYIS DRAN PA RANG BZHIN GYIS GRUB PA LAS RANG RIG 'GRUB BO ZHE NA, RANG RIG MA GRUB PA BSGRUB PAR BYA BA'I PHYIR DU BRJOD PA'I DRAN PA RANG BZHIN GYIS GRUB PA 'DI NI CHOS CAN, RANG RIG

, ,GI SGRUB PAR BYED PA MIN TE, MA GRUB PA'I PHYIR, RANG RIG BA NI GRUB LA RAG MOD KYI, DE LTA NA'ANG DRAN PA'I SHES PAS YUL MYONG DRAN PA RIGS PA MIN PAR THAL TE, MYONG DRAN RANG BZHIN GYIS GZHAN YIN PA'I PHYIR, DPER NA NYER SBAS KYIS MA SHES BA'I MYONG BA NYER SBAS KYI RGYUD LA SKYES PA'I DRAN SHES KYIS MDRAN BA BZHIN, MI MTSUNGS TE, RANG BZHIN GYIS GRUB PA'I SNGA PHYI BA LA RGYU 'BRAS GRUB PA'I PHYIR ZHE NA, DE YANG MI 'THAD DE, RANG BZHIN GYIS GZHAN YIN PA'I PHYIR ZHES PA'I GTAN TSIGS 'DIS NI RGYU 'BRAS SOGS KHYAD PAR DAG KYANG 'JOMS PA'I PHYIR, GNYIS PA NI, RANG RIG MED NA DRAN PA SKYE TSUL JI LTAR YIN ZHE NA, YUL 'DI DE YIS MTHONG SNYAM DU DRAN PAR 'GYUR TE, GANG GI PHYIR GANG GIS YUL MYONG BAR GYUR PA DE LAS DRAN PA 'DI RANG BZHIN GYIS GZHAN DBU MA BA NGA LA YOD PA MIN BAS MYONG BAS YUL DU BYAS PA DE DRAN PAS MA DPYAD PA MA YIN PA DE'I PHYIR ,DRAN TSUL 'DI YANG CHOS CAN, 'JIG RTEN GYI THA SNYAD KYI TSUL LUGS YIN GYI BTAGS DON BTZAL NAS BZHAG BYA MA YIN TE, BTAGS DON BTZAL NA MI RNYED PA'I 'JIG RTEN GYI THA SNYAD YIN PA'I PHYIR, GSUM PA NI, SEMS TZAM PA KHYOD KYI GZHAN DBANG GANG GIS 'DZIN PAR 'GYUR TE MI 'GYUR BAR THAL, DE GRUB NA RANG RIG GIS 'DZIN DGOS PA GANG ZHIG, RANG RIG YOD PA MA YIN PA DE'I PHYIR, RANG RIG DE NYID KYIS SHES PA DE 'DZIN PAR RIGS PA MA YIN PAR THAL, BYED PA PO DANG LAS DANG BYA BA GCIG MIN PAS SO, ,BZHI BA NI, SEMS TZAM PA GZHAN LA GANG GIS NA 'DI YOD PAR MI RIGS PA MO GSHAM BUS GNOD PA CI ZHIG BSKYAL TE DE YANG 'DOD RIGS PAR THAL, GAL TE SKYE BA MED CING MA SHES PA'I BDAG NYID CAN GYI GZHAN DBANG RANG GI NGO BOS GRUB PA'I DNGOS BO YOD PA'I PHYIR, GNYIS PA NI, GANG GI TSE GZHAN DBANG

RANG BZHIN GYIS GRUB PA CHOS CAN, KUN RDZOB PA'I RGYUR NI GANG ZHIG 'GYUR TE MI 'GYUR BAR THAL, CUNG ZAD YOD PA MIN PA'I PHYIR, SEMS TZAM PA GZHAN GYI LTAR NA 'JIG RTEN NA GRAGS PA'I RNAM GZHAG KUN KYANG BRLAG PAR THAL, GZHAN DBANG GI RDZAS LA BDE NA PAR CHAGS PA YIS SO, ,GSUM PA NI, SLOB DPON KLU SGRUB ZHABS KYI LAM LAS NI PHYI ROL TU GYUR BA DE DAG CHOS CAN, KHYOD LA ZHI BA MYANG 'DAS 'THOB PA'I THABS KYI GTZO BO MED DE, KUN RDZOB DANG DE NYID DON DAM BDEN PA LAS NYAMS SHING BDEN GNYIS DE LAS NYAMS PAS DE MA BTANG GI BAR DU THAR PA GRUB PA YOD PA MIN PA'I PHYIR TE, THA SNYAD BDEN PA RTOGS PA THABS SU GYUR PA DANG, DON DAM BDEN PA RTOGS PA THABS BYUNG GYUR PA STE, BDEN PA DE GNYIS KYI RNAM DBYE GANG GIS MI SHES PA DE NI RNAM RTOG LOG PAS LAM DAN ZHUGS PA'I PHYIR, BZHI PA NI, GZHAN DBANG RANG BZHIN GYIS GRUB PA 'GOG NA 'JIG RTEN GYI THA SNYAD 'GOG PAR MTSUNGS SO ZHE NA, MI MTSUNGS TE, JI LTAR SEMS TZAM PA KHYOD KYIS GZHAN DBANG GI DNGOS PO RANG BZHIN GYIS GRUB PA 'DOD PA LTAR KUN RDZOB KYANG NI BDAG GIS KHAS MA BLANGS KYI DE KHO NA NYID RTOGS PA'I 'BRAS BU 'GRUB PA'I PHYIR DU GZUGS SOGS 'DI DAG RANG BZHIN GYIS MED KYANG YOD DO ZHES 'JIG RTEN GYI DOR BYAS NAS BDAG NI SMRA BAR BYED PA'I PHYIR, 'JIG RTEN LA MA LTOS PAR KUN RDZOB KHAS MA BLANGS TE, JI LTAR PHUNG PO SPANGS NAS ZHI BA'I DBYINGS SU ZHUGS PA'I DGRA BCOM RNAMS KYI GZIGS NGO LA GZUGS SOGS YOD PA MIN PA DE LTAR 'JIG RTEN LA YANG MED NA LHAG MED PA DE BZHIN DU 'JIG RTEN LAS KYANG YOD CES BDAG MI SMRA BA'I PHYIR, SEMS TZAM PA CHOS CAN, 'JIG RTEN NA GRAGS BA'I PHYI ROL 'GOG MI RIGS PAR THAL, GAL TE KHYOD LA 'JIG RTEN GYIS MI GNOD NA 'JIG RTEN NYID LA LTOS NAS PHYI ROL 'DI NI DGAG

, ,PAR GYIS LA KHYOD DANG 'JIG RTEN 'DIR NI RTZOD PAR GYIS DANG PHYIS NAS GANG STOBS DANG LDAN PA DE BDAG GIS BSTAN PAR BYA BA LAS 'JIG RTEN CHES STOBS DANG LDAN PA'I PHYIR, GSUM PA LA GSUM, SA BCU PA'I MDO LAS SEMS TZAM DU GSUNGS PA'I DGONGS PA, DON SEMS GNYIS YOD MED MTSUNGS PA, LANG KAR GSHEGS PA LAS SEMS TZAM DU GSUNGS PA'I DGONGS PA BSHAD PA'O, ,DANG PO LA GSUM, TZAM SGRAS PHYI DON MI 'GOG PAR SA BCU PA'I LUNG GIS BSGRUB, DON DE NYID MDO GZHAN GYIS BSGRUB, TZAM SGRAS SEMS GTZO BOR BSGRUB PA'O, ,DANG PO NI, GAL TE 'JIG RTEN GYIS GNOD DOGS NAS PHYI ROL KHAS LEN NA, LUNG GIS GNOD PAS 'JIGS NAS PHYI ROL MED PAR YANG KHAS LEN DGOS TE, SA BCU PA'I MDO LAS, KHAMS GSUM PO 'DI NI SEMS TZAM STE ZHES GSUNGS PAS SO ZHE NA, SHES BYA CHOS CAN, KHAMS GSUM PO 'DI NI SEMS TZAM ZHES PA'I TZAM SGRAS PHYI DON MI 'GOG PAR THAL, SA DRUG PA MNGON DU GYUR PA MNGON DU PHYOGS PA LA GNAS PA'I BYANG CHUB SEMS DPA' YIS SRID GSUM RNAM SHES TZAM DU GANG RTOGS PAR GSUNGS PA DES RTAG PA'I BDAG BYED PA PO YIN PA BKAG PA RTOGS PA'I PHYIR DANG, BYED PA PO NI SEMS TZAM YIN PAR RTOGS PAR GSUNGS PA'I PHYIR, GNYIS PA NI, JI LTAR RANG GI BSTAN BCOS DE DANG DE LAS MU STEGS RNAMS KYIS GANG ZAG SOGS DE DAG SMRAS PA DE DAG BYED PA POR MA GZIGS NAS RGYAL BAS SEMS TZAM 'JIG RTEN GYI BYED BOR GSUNGS TE, BLO LDAN GYI BLO NI 'PHEL BAR BYA BA'I PHYIR DANG, LANG KAR GSHEGS PA'I MDO DE LAS KUN MKHYEN GYIS MU STEGS KYI LTA BA NGAN PA'I RI SPO MTHON PO 'JOMS PA'I NGAG GI RANG BZHIN GYI RDO RJE, GANG ZAG RGYUN DANG PHUNG BO DANG, ,DE BZHIN RKYEN DANG RDUL DAG DANG, ,GTZO BO DBANG PHYUG BYED PO RNAMS, ,SEMS TZAM DU NI NGAS BSHAD DO, ,ZHES

PA 'DI NIS BCU PA'I MDO LAS SEMS TZAM DU GSUNGS PA'I DGONGS PA GCAD PA'I PHYIR DU GSUNGS PA'I PHYIR, GSUM PA NI, MDO LAS, SEMS TZAM ZHES GSUNGS PA 'DIR PHYI ROL GYI GZUGS NI 'GOG PA DE LTAR MDO'I DON MA YIN TE, DE KHO NA NYID LA BLO RGYAS PA LA SANGS RGYAS ZHES TSIG SNGA MA MI MNGON PAR BYAS NAS BSNYAD PA JI LTA BA DE BZHIN DU GZUGS SEMS GNYIS KYI NANG NAS SEMS TZAM GTZO BOR GYUR PA LA TSIG PHYI MA GTZO BO ZHES PA MI MNGON PAR BYAS NAS MDO LAS 'JIG RTEN LA SEMS TZAM ZHES GSUNGS PA'I PHYIR, GAL TE KHAMS GSUM PO 'DI DAG RANG BZHIN GYIS GRUB PA'I SEMS TZAM ZHES MKHYEN NAS SA BCU PA'I MDO DE LAS PHYI ROL GYI GZUGS NYID DGAG PAR MDZAD NA NI SLAR YANG SA BCU PA'I MDO DE LAS BDAG NYID CHEN PO SANGS RGYAS KYI SEMS DE GTI MUG DANG LAS LAS SKYES PAR CI PHYIR GSUNGS TE GSUNG MI RIGS TE, RANG BZHIN GYIS GRUB NA RGYU LAS SKYES PAR 'GAL BA'I PHYIR RO, ,SHES BYA CHOS CAN, 'JIG RTEN GYI BYED PA PO LA SEMS GTZO BO YIN TE, SEMS NYID KYIS NI SEMS CAN GYI 'JIG RTEN DANG SNOD KYI 'JIG RTEN SHIN TU SNA TSOGS PA 'GOD CING SKYED LA 'GRO BA MA LUS PA LAS LAS SKYES PAR GSUNGS SHING, SEMS SBANGS NAS NI LAS KYANG YOD PA MA YIN PA'I PHYIR, KHAMS GSUM PO 'DI NI SEMS TZAM ZHES GSUNGS PAS, SEMS LAS GZHAN PA'I BYED PA PO BZLOG GI PHYI ROL GYI GZUGS NI BKAG PA MA YIN TE, GAL TE GZUGS YOD MOD KYI DE LA NI SEMS BZHIN BYED PA PO NYID YOD PA MIN PA DES NA'O, ,GNYIS PA NI, SHES BYA CHOS CAN, PHYI GZUGS MED NA NI SEMS YOD PAR MA 'DZIN CIG, SEMS YOD PA NYID NA'ANG PHYI GZUGS MED PAR MA 'DZIN CIG, CES SHES PAR BYA STE, 'JIG RTEN PA'I RNAM GZHAG DE NYID LA GNAS PA LA PHUNG PO 'JIG RTEN NA GRAGS PA DE LNGA CHAR YOD LA DE KHO

, ,NA NYID KYI YE SHES MNGON SUM DU 'CHAR BAR 'DOD PA NA, RNAL 'BYOR PA LA DE LNGA 'BYUNG BAR MI 'GYUR BA'I PHYIR, PHUNG PO LNGA PO DE DAG CHOS CAN, YOD MED MTSUNGS PA YIN TE, SHES RAB KYI PHA ROL TU PHYIN PA'I TSUL GYI MDOR SANGS RGYAS KYIS RANG BZHIN GYIS GRUB PA MTSUNGS PAR SPANGS SHING, MNGON PA'I CHOS LAS RANG SPYI'I MTSAN NYID KYI SGO NAS GSUNGS PA'I PHYIR, DON DAM PAR MED CING KUN RDZOB TU YOD PA'I BDEN GNYIS KYI RIM PA 'DI DAG BSHIG NAS KYANG SEMS TZAM PA KHYOD KYI GZHAN DBANG RANG BZHIN GYIS GRUB PA'I RDZAS NI CHOS CAN, 'GRUB PAR MI 'GYUR BAR THAL, TSAD MAS BKAG PAS SO, ,SNGAR BSHAD PA DE LTA BU'I RIM PAS DNGOS PO RNAMS GDOD NAS DE KHO NA NYID DU MA SKYES SHING 'JIG RTEN GYI THA SNYAD DU SKYES PAR RIG PAR BYA STE, BDEN GNYIS MI NYAMS PA LA DON DAM PAR MED CING THA SNYAD DU YOD PAR KHAS BLANG DGOS PA DE'I PHYIR, GSUM PA LA GNYIS, PHYI ROL MED PAR SEMS TZAM GSUNGS PA DRANG DON DU BSTAN PA, MDO'I DRING NGES KYI DON RTOGS PA'I THABS BSTAN PA'O, ,DANG PO LA GNYIS, DRANG DON DU LUNG GIS BSTAN PA, RIGS PAS BSTAN PA'O, ,DANG PO LA GNYIS, DNGOS DANG, DE DANG 'DRA BA'I MDO GZHAN YANG DRANG DON DU BSTAN PA'O, ,DANG PO NI; SA BCU PA'I MDO LAS PHYI ROL MED PAR MI 'GRUB MOD, LANG KAR GSHEGS PA LAS, ,PHYI ROL SNANG BA YOD MED DE, ,SEMS NI SNA TSOGS RNAMS SU SNANG, ,LUS DANG LONGS SPYOD GNAS 'DRA BA, ,SEMS TZAM DU NI NGAS BSHAD DO,, ZHES GSUNGS PAS PHYI ROL MED DO ZHE NA, LANG KAR GSHEGS PA'I MDO SDE GANG LAS PHYI ROL SNANG YOD MIN SEMS NI SNA TSOGS RNAMS SU SNANG, ZHES GSUNGS PA CHOS CAN, KHYOD LA BRTEN NAS PHYI ROL MED PAR MI 'GRUB PAR THAL, GZUGS

LA SHIN TU CHAGS PA GANG YIN PA DE DRAG LA GZUGS LA DMIGS PA'I NYON MONGS PA BZLOG PA STE DE YANG DRANG DON NYID YIN PA'I PHYIR TE, 'DI NI STON PAS DRANG DON NYID DU GSUNGS SHING 'DI NI DRANG DON NYID DU RIGS PAS KYANG 'THAD PA'I PHYIR, GNYIS PA NI, SNGAR BSHAD PA'I RNAM PA DE LTA BU'I MDO SDE SEMS TZAM PAS DES DON DU 'DOD PA GZHAN YANG NI CHOS CAN, DRANG DON YIN TE, DRANG DON NYID DU, JI LTAR NAD PA NAD PA LA, ,SMAN PA SMAN NI GTONG BA LTAR, ,DE BZHIN SANGS RGYAS SEMS CAN LA, ,SEMS TZAM DU YANG RAB TU GSUNGS, ZHES PA'I LUNG 'DIS GSAL BAR BYED BA'I PHYIR, GNYIS PA NI, SHES BYA CHOS CAN, SANGS RGYAS KYIS DANG POR SHES BYA PHYI ROL DGAG PAR MDZAD PA'I RGYU MTSAN YOD PA YIN TE, SHES BYA PHYI ROL MED NA SHES PA DON DAM PAR BKAG PA BDE BLAG TU 'GRUB PA'I PHYIR TE, SHES BYA PHYI ROL MED NA SHES PA BDEN GRUB BSAL BA NI BDE BLAG RNYED CES SANGS RGYAS RNAMS KYIS GSUNGS PA'I PHYIR, GNYIS PA NI, DE LTAR LUNG GI LO RGYUS SHES PAR BYAS NAS DRAD NGES RIG PAR BYA STE, MDO SDE GANG DE KHO NA NYID MIN PA KUN RDZOB GTZO BOR BSHAD PA'I DON CAN DE DRANG DON DU GSUNGS PA'ANG RTOGS NAS DRANG PAR BYA ZHING, STONG NYID DON CAN NGES DON DU YANG SHES PAR BYA BA'I PHYIR RO, ,GSUM PA NI, GCER BU PA NA RE, BUM PA DE 'JIM PA LAS SKYE BAS BDAG LAS SKYE ZHING, DBYUG GU DANG SKUD PA SOGS LAS SKYE BAS GZHAN LAS SKYE BA'I PHYIR BDAG GZHAN RE RE BA LAS SKYE BA LA BRJOD PA'I NYES PA MED DO ZHEN, BUM PA CHOS CAN, BDAG GZHAN GNYIS LAS SKYE BA'ANG RIGS PA'I DO PO MA YIN TE, GANG GI PHYIR DE LA SNGAR BSHAD ZIN PA'I NYES PA DE DAG THOG TU 'BAB PA YIN PA'I PHYIR RO, ,CHOS CAN, GNYIS KA LAS SKYE BA 'DI NI 'JIG RTEN LAS YOD PA MIN LA DE NYID DU YANG 'DOD PA MA YIN TE, GANG GI PHYIR BDAG GZHAN RE RE LAS

, ,NI SKYE BA 'GRUB BA YOD BA MA YIN PA'I PHYIR, BZHI PA NI, RGYANG PAN NA RE, DNGOS PO RNAMS RGYU MED LAS SKYE BAS GONG GI SKYON RNAMS MED DO ZHE NA, SHES BYA CHOS CAN, DNGOS PO MTHA' DAG RTAG TU RGYU YIN MIN THAMS CAD LAS KYANG SKYE BAR 'GYUR ZHING, 'BRAS BU LO THOG 'BYUNG BA'I CHED DU 'JIG RTEN 'DI YIS SA BON LA SOGS NI DKA' BA BRGYA PHRAG DAG GI SGO NAS SDUD PAR BYED BAR YANG MI 'GYUR BAR THAL, GAL TE DNGOS PO RNAMS RGYU MED KHO NAR SKYE BAR LTA ZHIG 'GYUR BA'I PHYIR RO, RGYANG PAN CHOS CAN, SNGON PO 'DZIN PA'I RANG GI BLO SNGON PO LAS SKYE BA DE BZHIN DU 'JIG RTEN MTHA' DAG RGYU LAS SKYE BA YIN PAR SHES PAR BYA STE, GAL TE 'GRO BRGYU YIS STONG PAR GYUR NA NAM MKHA'I AUTPA LA'I DRI MDOG JI BZHIN GZUNG DU MED PA NYID DU 'GYUR NA; SHIN TU CHES BKRA BA'I 'JIG RTEN 'DZIN PA'ANG YIN PA DE'I PHYIR, RGYANG PAN DES NI CHOS CAN, JI LTAR 'JIG RTEN PHA ROL YANG DAG PAR RTOGS PAR 'GYUR TE MI 'GYUR BAR THAL, KHYOD KYIS BSHAD PA'I 'BYUNG PA DE DAG BDAG NYID GANG ZHIG GIS NI KHYOD KYI BLO'I YUL DU 'GYUR BA DE'I BDAG NYID CAN MIN PAS NA RAGS PA'I DON GANG LA YID KYI MUN PA 'THUG PO 'DI NYID DU YOD PA'I PHYIR, CHOS CAN, 'JIG RTEN PHA ROL 'GOG PAR BYED PA'I DUS SU BDAG NYID NI SHES BYA'I RANG BZHIN PHYIN CI LOG TU LTA BAR RTOGS BAR BYA STE, 'JIG RTEN PHA ROL BA SKUR PA 'DEBS PA DE'I LTA BA'I RNAM PA'I RTEN DU MTSUNGS PA'I LUS DANG LDAN PA NYID YIN PA'I PHYIR, GANG GI TSE 'BYUNG BA'I BDAG NYID BDEN PAR YOD PA NYID KHAS LEN PA DE'I TSE BZHIN NO, ,SNGAR MA BSHAD PA'I 'BYUNG BA 'DI DAG LTA ZHIG BDEN PAR YOD PA MA YIN TE, 'BYUNG BA DE DAG JI LTAR BDEN PAR YOD BA MIN PA DE LTAR BSHAD ZIN PA'I PHYIR TE, GANG GI PHYIR NA GONG DU RANG GZHAN LAS DANG, GNYIS KA LAS SKYE PA DANG RGYU MED THUN MONG DU NI BKAG ZIN PA DE'I PHYIR,

GSUM PA NI, DNGOS PO RNAMS MTHA' BZHI LAS MI SKYEN, JI LTAR SKYE ZHE NA, DNGOS PO RNAMS CHOS CAN, RANG BZHIN GYIS GRUB PA DANG BRAL TE, GANG GI PHYIR NI BDAG DANG GZHAN DANG GNYIS KA LAS SKYE BA DANG RGYU LA MA LTOS PAR YOD PA MIN PAS SO; ;GNYIS PA LA GNYIS, DNGOS DANG, DON BSDU BA'O, ,DANG PO NI, DNGOS PO RNAMS RANG BZHIN GYIS SKYE BA MED NA, SNGON PO LA SOGS PA JI LTAR GZUNG ZHEN, SHES BYA CHOS CAN, GTI MUG GI SKYON GYI DBANG GIS MI MKHAS PAS 'DUS BYAS LTA ZHIG SNA TSOGS PA BLO GROS KYIS NI RTOGS PAR 'GYUR TE, GANG GIS SPRIN TSOGS DANG MTSUNGS PA'I GTI MUG 'THUG PO 'JIG RTEN LA YOD PA DES NA YUL RNAMS LOG PA DAG TU SNANG BAR 'GYUR BA'I PHYIR, JI LTAR RAB RIB KYI MTHU YIS 'GA' ZHIG LA SKRA SHAD DANG ZLA GNYIS DANG RMA BYA'I MDONGS DANG SBRANG MA LA SOGS PA LOG PAR 'DZIN PAR BYED PA DE BZHIN DU'O, ,CHOS CAN, GAL TE GTI MUG LA BRTEN NAS LAS 'BYUNG GI GTI MUG MED PAR LAS DE MI 'BYUNG ZHES BYA BAR MI MKHAS PA KHO NAS RTOGS PA STE DE'I DBANG DU BYAS PAR GOR MCHAG STE, DE KHON NYID RTOGS PA'I BLO GROS BZANG PO'I NYAMS MUN PA STUG PO RNAM PAR BSAL BA'I MKHAS PA DAG NI STONG NYID KHONG DU CHUD CING GROL BAR 'GYUR BA'I PHYIR, GAL TE DNGOS PO RNAMS DE NYID DU MED NA THA SNYAD DU YANG MO GSHAM BU JI BZHIN DU DE DAG MED PA NYID DU 'GYUR BA DE'I PHYIR DE DAG RANG BZHIN GYIS NI YOD PA NYID DO ZHE NA, CHOS CAN, SKRA SHAD MTHONG LA MO GSHAM GYI BU MI MTHONG BA JI LTAR YIN ZHES RE ZHIG RAB RIB CAN DE DAG NYID LA BRTZAD PAR BYA STE PHYI NAS MA RIG PA'I RAB RIB DANG RJES SU 'BREL BAL BRTZAD RIGS PAR THAL, GANG DAG RAB RIB CAN SOGS KYI YUL DU 'GYUR BA'I SKRA SHAD LA SOGS DE DAG MA SKYES PAS SO, ,GAL TE RMI LAM GYI KHANG KHYIM DANG, DRI ZA'I GRONG KHYER DANG BCAS PA DANG, SMIG RGYU'I

, ,CHU DANG, MIG 'PHRUL GYI SKYES PA BUD MED DANG, GZUGS BRNYAN GYI BYAD BZHIN SOGS LA SKYE MED MTHONG BA NA KHYOD LA JI LTAR RMI LAM GYI KHANG KHYIM LA SOGS MTHONG BA DER 'GYUR LA MO GSHAM GYI BU MI MTHONG BA DE MI RIGS SO ZHES BRTZAD RIGS PAR THAL, DE DAG DANG MO GSHAM GYI BU YOD PA NYID MIN PAR MTSUNGS PA'I PHYIR, GZUGS SOGS 'DI CHOS CAN, DON DAM PAR MED NA THA SNYAD DU YANG MED DO ZHES SMRA BA 'DI MA NGES PA YIN TE, GANG GI PHYIR DE NYID DU NA JI LTAR SKYE BA MED KYANG MO GSHAM BU LTAR 'JIG RTEN GYI MTHONG BA'I YUL DU MI 'GYUR BA MIN BA DE'I PHYIR, GNYIS PA NI, RTAG TU RANG BZHIN GYIS SKYE BA YOD PA MA YIN TE, 'DI LTAR STON PAS CHOS RNAMS KUN GDOD NAS ZHI ZHING SKYE BA DANG BRAL BA DANG RANG BZHIN GYIS YONGS SU MYA NGAN LAS 'DAS PAR GSUNGS PAR GYUR PA 'THAD PA DE'I PHYIR TE, MO GSHAM BU LA RANG GI BDAG NYID KYIS SKYE BA DE NYID DU MED CING 'JIG RTEN DU YANG YOD PA MIN PA DE BZHIN DU DNGOS PO 'DI KUN NGO BO NYID KYIS 'JIG RTEN DANG DE NYID DU MA SKYES PA DE'I PHYIR, DON DAM PAR MED NA MO GSHAM BU DANG MTSUNGS PAR THAL BAR MI 'GYUR TE, BUM SOGS 'DI DAG DE NYID DU MED CING 'JIG RTEN GYI RAB TU GRAGS PAR YOD PA JI BZHIN PA DE BZHIN DU DNGOS PO THAMS CAD 'GYUR BAS NA'O, ,GSUM PA NI, DNGOS PO RNAMS CHOS CAN, RGYU RKYEN LA BRTEN NAS RAB TU SKYE BAR 'GYUR TE, SKYE BA GANG ZHIG, GANG GI PHYIR RGYU MED PA DANG DBANG PHYUG GI RGYU LA SOGS DANG BDAG GZHAN GNYIS KA LAS SKYE BAR 'GYUR BA MA YIN PA DE'I PHYIR, SHES BYA CHOS CAN, RTEN 'BYUNG GI RIGS PA 'DI YIS NI LTA BA NGAN PA'I DRA BA MTHA' DAG GCOD PAR BYED DE, GANG GI PHYIR DNGOS PO RTEN NAS RAB TU 'BYUNG BAR RTOGS BAS MTHAR 'DZIN GYI RTOG PA 'DI DAG GIS BRTAG PAR MI NUS PA DE'I PHYIR, CHOS CAN, DNGOS PO BDEN 'DZIN MED PAR MTHAR 'DZIN GYI RTOG

PA 'DI RNAMS MI 'BYUNG STE, MTHAR 'DZIN GYI RTOG PA RNAMS DNGOS PO BDEN 'DZIN YOD NA 'BYUNG BAR 'GYUR BA STE DNGOS PO JI LTAR BDEN PAR MED PAR YONGS SU DPYAD ZIN PA'I PHYIR, DPER NA BUNG SHING MED PAR ME YONG PA MIN PA DE BZHIN NO, ,BZHI PA NI,, CHOS CAN, BSTAN BCOS LAS DE KHO NA NYID LA DPYAD PA BYAS PA DE RTZOD PA LA CHAGS PA'I PHYIR DU MA MDZAD KYI RNAM PAR GROL BA'I PHYIR NI DE KHO NA NYID BSTAN TE, SO SO'I SKYE BO RNAMS NI MTHAR 'DZIN GYI RTOG PAS BCINGS LA PHYIN CI LOG TU RNAM PAR MI RTOG PA'I RNAL 'BYOR PA NI GROL BAR 'GYUR BAS MTHAR 'DZIN GYI RTOG PA RNAMS LOG PAR GYUR PA GANG YIN PA DE BSTAN BCOS LAS DE KHO NA NYID LA RNAM PAR DPYOD PA'I 'BRAS BUR MKHAS PA RNAMS GSUNG BA'I PHYIR, GAL TE DE KHO NA NYID RNAM PAR BSHAD PA NA GZHAN GYI GZHUNG GIS BRTAGS PA RNAMS 'JIG PAR GYUR NA DBU MA PA LA NYES PA MED DE, DE'I TSE GZHAN PHYOGS STOBS CHUNG BAS RANG NYID 'JIG PA'I PHYIR, SHES BYA CHOS CAN, 'DOD CHAGS DANG KHONG KHRO RNAM PAR BSAL TE RIGS PAS RNAM PAR DPYOD PA NI MYUR DU GROL BAR 'GYUR TE, RANG GI LTA BA LA CHAGS PA DANG DE BZHIN DU GZHAN GYI LTA BA LA RGYUD 'KHRUG PA GANG YIN PA DE 'CHING BYED KYI RTOG PA NYID YIN PA DE'I PHYIR RO, ,GNYIS PA GANG ZAG GI BDAG MED RIGS PAS BSGRUB PA LA GSUM, THAR 'DOD KYIS THOG MAR BDAG RANG BZHIN GYIS GRUB PA DGAG DGOS PAR BSTAN, BDAG DANG BDAG GI BA GNYIS RANG BZHIN GYIS GRUB PA 'GOG PA'I TSUL, BDAG DANG SHING RTA'I DPYAD PA DNGOS PO GZHAN LA YANG BSGRE BAR BSTAN PA'O, , DANG PO NI, THAR PA DON GNYER GYI RNAL 'BYOR PA CHOS CAN, BDAG NI RANG BZHIN GYIS GRUB PA 'GOG PAR BYED PA'I RGYU MTSAN YOD DE, 'DOD CHAGS LA SOGS PA'I NYON MONGS PA DANG, SKYE RGA NA 'CHI LA SOGS PA'I SKYON RNAMS MA LUS PA 'JIG TSOGS

, ,LA LTA BA LAS BYUNG BAR BLO YIS MTHONG BAR GYUR CING BDAG NI 'JIG LTA 'DI'I DMIGS YUL DU RTOGS PAR BYAS NAS 'JIG LTA SPONG PAR 'DOD PA'I PHYIR, GNYIS PA LA GNYIS, BDAG RANG BZHIN GYIS GRUB PA DGAG, BDAG GI BA RANG BZHIN GYIS GRUB PA DGAG PA'O, ,DANG PO LA DRUG, GZHAN SDES BTAGS PA'I PHUNG PO LAS NGO BO THA DAD PA'I BDAG DGAG, RANG SDES BTAGS PA'I PHUNG PO NYID BDAG TU 'DOD PA DGAG, DE GNYIS KYI LHAG MA'I PHYOGS RTEN DANG BRTEN PA SOGS GSUM DGAG, DE NYID DANG GZHAN DU BRJOD DU MED PA'I GANG ZAG RDZAS YOD DGAG, BDAG BRTEN NAS BTAGS PA TZAM DU BZHAG PA DPE DANG BCAS PA, DE LTAR BZHAG PA LA MTHAR 'DZIN GYI RTOG PA SPANG SLA BA'I YON TAN NO, ,DANG PO LA GNYIS, PHYOGS SNGA MA BRJOD PA DANG, DE DGAG PA'O, ,DANG PO NI, 'JIG LTA'I DMIGS PA BDAG DE GANG ZHE NA, 'DI LA GRANGS CAN GYI 'DOD PA BRJOD PA DANG, BYE BRAG BA'I LUGS BRJOD PA'O, ,DANG PO NI, BDAG DE ZA BA PO YIN PA DANG; RTAG DNGOS DANG RNAM 'GYUR GYI BYED PA PO MIN PA DANG, YON TAN MED PA DANG BYA BA MED PAR MU STEGS GRANGS CAN RNAMS KYIS BTAGS SO, ,GNYIS PA NI, BDAG DE'I DBYE BCUNG ZAD CUNG ZAD LA BRTEN NAS MU STEGS CAN RNAMS LUGS NI THA DAD DU GYUR TE, BYE BRAG PA NA RE, BDAG DE ZA BA PO YIN PA, RTAG DNGOS YIN PA, BYED PA PO YIN PA, YON TAN DANG LDAN PA, BYA BA MED PA YIN NO ZHES ZER RO, ,GNYIS PA NI, MU STEGS PAS JI LTAR BTAGS PA DE LTAR GYUR PA'I BDAG NI CHOS CAN, DE KHO NA NYID DU YOD PA MIN TE, SKYE BA DANG BRAL BA'I PHYIR, DPER NA MO GSHAM GYI BU LTAR RO, ,DE LTAR GYUR PA'I BDAG 'DI NI NGAR 'DZIN LHAN SKYES KYI DMIGS RNAM GNYIS KYI NANG NAS RTEN DMIGS PAR YANG MI RIGS TE,

MA SKYES PA'I PHYIR RO, ,CHOS CAN, KUN RDZOB TU YANG YOD PAR MI 'DOD DE, THA SNYAD DU YANG TSAD MAS MA GRUB PA'I PHYIR, MU STEGS PAS 'DOD PA'I BDAG DE'I KHYAD PAR KUN KYANG YOD PA MA YIN TE, GANG GI PHYIR GRANGS CAN GYI BSTAN BCOS DANG BYE BRAG PA SOGS KYI BSTAN BCOS LAS BDAG DE'I KHYAD PAR MU STEGS RNAMS KYIS GANG BSTAN PA DE KUN LA MU STEGS RANG LA GRAGS PA'I MA SKYES PA'I GTAN TSIGS KYIS GNOD PA DE'I PHYIR, SHES BYA CHOS CAN, PHUNG PO LAS NGO BO GZHAN PA'I BDAG MED DE, PHUNG PO BZUNG BA MA GTOGS BDAG DE YAN GAR DU 'DZIN PAR MA GRUB PA'I PHYIR, PHUNG PO LAS NGO BO THA DAD PA'I BDAG 'DI 'JIG RTEN GYI NGAR 'DZIN LHAN SKYES KYI BLO'I DMIGS RTEN DU YANG MI 'DOD DE, DE 'DRA'I BDAG DE RIG PA MIN PA'ANG BDAG TU LTA BA'I PHYIR, CHOS CAN, PHUNG PO LAS NGO BO GZHAN PA'I BDAG MED DE, SEMS CAN GANG DAG DUD 'GROR BSKAL PA MANG POR TSE BSKYAL BAR GYUR PA DES KYANG MA SKYES RTAG PA'I BDAG 'DAM MTHONG LA NGAR 'DZIN DE DAG LA YANG 'JUG PAR MTHONG BA DES NA'O, ,GNYIS PA LA LNGA, PHUNG PO BDAG TU 'DOD PA LA GNOD BYED BSTAN PA, (DE LTAR 'DOD MI RIGS PA'I SGRUB BYED BSTAN PA, PHUNG PO BDAG TU 'DOD PA LA GNOD BYED GZHAN BSTAN PA, PHUNG PO BDAG TU GSUNGS PA SOGS KYI DGONGS PA BSHAD PA, GZHAN GYI LUGS 'BREL MED DU) BSTAN PA'O; ;DANG PO LA GNYIS, DNGOS DANG, SKYON SPONG DGAG PA'O, ,DANG PO LA GNYIS, 'DOD PA BRJOD PA DANG, DE DGAG PA'O, ,DANG PO NI, RANG GI SDE PA DAG NA RE, BDAG LTA'I DMIGS PA PHUNG PO KHO NA YIN TE, PHUNG PO LAS NGO BO GZHAN PA'I GANG ZAG GRUB PA MED PA'I PHYIR RO, (,DE'I NANG NAS MANG) BKUR BA KHA CIG BDAG LTA'I RTEN DU PHUNG PO NI LNGA CHAR YANG 'DOD DE, BCOM LDAN 'DAS KYIS DGE SLONG DAG DGE SPYONG NGAM BRAM ZE GANG SU DAG CIG BDAG GO SNYAM DU YANG DAG PAR RJES SU LTA BA DE DAG

, ,NI NYE BAR LEN PA'I PHUNG PO LNGA PO 'DI KHO NA LA YANG DAG PAR RJES SU LTA'O ZHES GSUNGS PAS SO, ,MANG BKUR BA KHA CIG SEMS GCIG PU BDAG TU 'DOD DE, BDAG NYID BDAG GI MGON YIN GYI, ,GZHAN NI SU ZHIG MGON DU 'GYUR; ;BDAG NYID LEGS PAR THUL BAS NI, ,MKHAS PAS MTHO RIS THOB PAR 'GYUR, ZHES PA DANG, SEMS 'DUL BA NI LEGS PA STE, ,SEMS 'DUL BA NI BDE BA 'DREN, ZHES RES 'GA' BDAG 'DUL BAR GSUNGS RES 'GA' SEMS 'DUL BAR GSUNGS PAS SO ZHES ZER RO, ,GNYIS PA NI, GAL TE PHUNG PO BDAG YIN NA DE'I PHYIR, BDAG DE DAG KYANG MANG POR 'GYUR BAR THAL, BDAG PHUNG GCIG GANG ZHIG, PHUNG PO DE MANG BAS SO, ,SHES BYA CHOS CAN, BDAG NI RDZAS SU YOD PAR 'GYUR BAR THAL, PHUNG PO BDAG YIN PA'I PHYIR, PHUNG PO DER LTA BA CHOS CAN, PHYIN CI LOG TU MI 'GYUR BAR THAL, RDZAS LA 'JUG PA'I YUL CAN YIN PA'I PHYIR, LHAG MED KYI MYA NGAN LAS 'DAS PA'I TSE NGES PAR BDAG CHAD PAR 'GYUR BAR THAL; DE'I TSE PHUNG PO LNGA CHAD PA'I PHYIR, RTAGS KHAS, MYA NGAN LAS 'DAS PA'I SNGON GYI SKAD CIG DAG LA NI, BDAG NGO BO NYID KYIS SKYE 'JIG BYED PAR THAL, BDAG PHUNG GCIG GANG ZHIG, PHUNG PO NGO BO NYID KYIS SKYE 'JIG BYED PA'I PHYIR, LAS DE'I 'BRAS BU DANG 'BREL BA MED PAR THAL, BYED PA PO'I BDAG MED PAS SO, ,SKAD CIG SNGA MAS BYAS PA'I LAS KYI 'BRAS BU SKAD CIG PHYI MA RNAMS SU LONGS SPYOD PAS SKYON MED DO ZHE NA, RGYUD GZHAN GYIS BSAGS PA'I 'BRAS BU LA GZHAN GYIS ZA BAR 'GYUR TE, GZHAN GYIS BYAS PA'I LAS KYI RNAM SMIN GZHAN GYIS LONGS SPYOD PA'I PHYIR, 'DOD NA, LAS BYAS PA CHUD ZOS PA DANG MA BYAS PA DANG PHRAD PAR 'GYUR RO, ,GNYIS PA NI, SKAD CIG SNGA PHYI RNAMS NGO BO NYID KYIS GZHAN YIN YANG DE KHO NA

NYID DU RGYUD GCIG YOD PAS SKYON MED DO ZHE NA, DE YANG MI 'THAD DE, NGO BO NYID KYIS THA DAD PA RNAMS RGYUD GCIG YIN PA LA SNGAR RNAM PAR DPYAD PA'I TSE NYES PA BSHAD ZIN PA'I PHYIR, PHUNG PO DANG SEMS BDAG TU MI RIGS PAR THAL, DE LTA NA LAS MA BYAS PA DANG PHRAD PA DANG BYAS PA CHUNG ZOS PA'I NYES PA YOD PA DE'I PHYIR, GNYIS PA NI, SHES BYA CHOS CAN, PHUNG PO BDAG MA YIN PAR THAL, PHUNG PO BDAG YIN NA BDAG DANG 'JIG RTEN MTHA' DANG LDAN PA LA SOGS PA YIN DGOS PA GANG ZHIG, BDAG DANG 'JIG RTEN MTHA' DANG LDAN PA LA SOGS MED PA'I PHYIR RO, ,GSUM PA NI, MANG BKUR BA KHYOD KYI LTAR NA RNAL 'BYOR PAS BDAG MED MNGON SUM DU MTHONG BA LA DE'I TSE NGES PAR PHUNG PO'I DNGOS PO RNAMS MED PAR RTOGS PAR 'GYUR BAR THAL, PHUNG PO BDAG YIN PA'I PHYIR, BDAG MED MNGON SUM DU MTHONG BA'I TSE RTAG GCIG RANG DBANG CAN GYI BDAG MED PAR RTOGS PAS SKYON MED DO ZHE NA, KHYOD KYI PHUNG PO DANG SEMS BDAG TU MI 'GYUR BAR THAL, BDAG MED MNGON SUM DU MTHONG BA'I DE'I TSE RTAG PA'I BDAG SPONG BA STE MED PAR MTHONG BA'I PHYIR, KHYOD KYI LTAR NA RNAL 'BYOR PA BDAG MED MNGON SUM DU MTHONG BA YIS GZUGS SOGS KYI DE NYID RTOGS PAR MI 'GYUR BAR THAL, DE'I TSE RTAG GCIG RANG DBANG CAN GYI BDAG TZAM MED PAR MTHONG BA'I PHYIR, BDAG MED RTOGS PA MTHAR PHYIN PAR 'DOD PA'I SKYES BU CHOS CAN, DA DUNG 'DOD CHAGS SOGS SKYE BAR 'GYUR BAR THAL, GZUGS LA BDEN PAR DMIGS NAS 'JUG PA'I PHYIR DANG, GZUGS DE'I NGO BO YIN LUGS RTOGS PA MED PA'I PHYIR, BZHI PA LA LNGA, BDAG TU LTA BA THAMS CAD PHUNG PO KHO NA LA LTA BAR GSUNGS PA'I DON BSHAD PA, MDO GZHAN LA BRTEN NAS PHUNG PO TSOGS TZAM BDAG MA YIN PAR BSHAD PA, PHUNG PO TSOGS PA'I DBYIBS KYI BKOD PA BDAG MA

, ,YIN PA; PHUNG PO TSOGS TZAM BDAG TU 'DOD PA LA GNOD BYED GZHAN BSTAN PA, THUB BAS BDAG DE KHAMS DRUG LA SOGS PA LA BRTEN NAS BTAGS PAR GSUNGS PA'O, ,DANG PO LA GSUM, LUNG GI DGONGS PA DGAG PHYOGS NAS YIN PAR BSTAN PA, SGRUB PHYOGS NAS YIN DU CHUG KYANG PHUNG PO BDAG TU STON PA MA YIN PA, DE DAG LA GZHAN GYI RTZOD PA SPANG BA'O, ,DANG PO NI, PHUNG PO BDAG TU 'DOD DE, GANG GI PHYIR STON PAS PHUNG PO BDAG GO ZHES GSUNGS PA DE'I PHYIR TE, DGE SBYONG DAM BRAM ZE GANG SU DAG CIG BDAG GO SNYAM DU YANG DAG PAR RJES SU LTA BA DE DAG NI NYE BAR LEN PA'I PHUNG PO LNGA PO 'DI DAG KHO NA LA YANG DAG PAR RJES SU LTA'O ZHES GSUNGS PAS SO ZHE NA, MDO DE NI PHUNG PO LAS NGO BO GZHAN PA'I BDAG 'GOG PA YIN GYI PHUNG PO BDAG TU STAN PA MA YIN TE, MDO GZHAN LAS GZUGS BDAG MIN ZHES SOGS GSUNGS PA'I PHYIR RO, ,DGE SBYONG NGAM BRAM ZE GANG SU DAG CIG CES SOGS MDOR BSTAN PA 'DIS PHUNG PO BDAG GO ZHES BZHED PA MA YIN TE, GANG GI PHYIR MDO GZHAN LAS GZUGS TSOR BDAG MIN 'DU SHES KYANG MIN 'DU BYED RNAMS MIN RNAM SHES KYANG BDAG MIN PAR GSUNGS PA DE'I PHYIR, GNYIS PA NI, DGE SBYONG NGAM BRAM ZE GANG SU DAG CES SOGS KYI MDO 'DIS PHUNG PO BDAG TU STON PA YIN KYANG PHUNG PO'I NGO BO RE RE NAS BDAG TU STON PA MIN TE, PHUNG PO BDAG GO ZHES BRJOD PA'I TSE PHUNG PO RNAMS KYI TSOGS PA BDAG TU STON PA YIN PA'I PHYIR, DPER NA SHING RNAMS NI NAGS TSAL LO ZHES BRJOD PA'I TSE NA SHING GI TSOGS PA NAGS TSAL YIN GYI, SHING RE RE BA NAGS SU BRJOD PA MA YIN ZHES GZHAN LA GRUB PA DPER BRJOD PA'O, ,PHUNG PO TSOGS PA BDAG YIN PAR 'DOD DO ZHE NA, PHUNG PO TSOGS PA TZAM CHOS CAN, BDAG DE MA YIN TE, MGON MIN ZHING 'DUL BA'AM DBANG PO NYID KYANG MIN PA'I PHYIR TE, RDZAS SU MED PA'I

PHYIR; GSUM PA NI, MGON DANG 'DUL BA DANG DPANG POR MI 'GAL TE, MGON BYED PA NI TSOGS PA CAN YIN PA'I PHYIR, KHYAB STE, TSOGS PA DANG TSOGS PA CAN NGO BO GCIG PA'I PHYIR ZHE NA, DE YANG MI 'THAD DE, BDAG GI SGRA RES 'GA' PHUNG PO TSOGS PA LA SBYOR LA RES 'GA' TSOGS PA CAN LA SBYOR BA LA RIGS PA MED PA'I PHYIR, GZHAN YANG, SHES BYA CHOS CAN, PHUNG PO'I TSOGS PA BDAG TU 'DOD PA DE'I TSE SHING RTA DE'I YAN LAG TSOGS PA, PHYOGS GCIG TU GNAS PA RNAMS SHING RTA NYID DU 'GYUR BAR THAL, SHING RTA DANG BDAG GNYIS RANG GI YAN LAG TSOGS PA LA 'JOG MI 'JOG MTSUNGS PA'I PHYIR, DE YANG MDO LAS, JI LAR YAN LAG TSOGS RNAMS LA, ,BRTEN NAS SHING RTAR BRJOD PA LTAR, ,DE BZHIN PHUNG PO RNAMS BRTEN NAS, ,KUN RDZOB SEMS CAN ZHES BYA'O, ,ZHES GSUNGS PAS SO, ,GNYIS PA NI, PHUNG PO 'DUS PA TZAM BDAG MA YIN TE, MDO LAS PHUNG PO TSOGS PA LA BRTEN NAS SEMS CAN DU 'DOGS PA YIN PAR GSUNGS PA DE'I PHYIR, GSUM PA NI; GAL TE PHUNG PO TSOGS PA'I DBYIBS KYI BKOD PA DE BDAG YIN NO ZHE NA, KHYOD LA GZUGS CAN DE DAG NYID BDAG CES BYA BAR 'GYUR GYI SEMS SOGS TSOGS NI BDAG NYID DU 'GYUR BA MIN PAR THAL TE, GANG GI PHYIR DBYIBS DE GZUGS CAN LA YOD PA'I PHYIR DANG, SEMS SOGS DE DAG LA DBYIBS YOD PA MIN PA'I PHYIR, SHES BYA CHOS CAN, LEN PA PO BDAG DE RANG GI NYE BAR LEN PA PHUNG PO DANG GCIG PA'I DNGOS POR RIGS PA MA YIN TE, BDAG PHUNG GCIG YIN PA DE LTA NA LAS DANG BYED PO GCIG NYID DU 'GYUR BA'I PHYIR, BZHI PA NI, GAL TE BYED PA PO BDAG MED KYANG LAS SU BYA BA PHUNG PO 'DUS PA TZAM RANG BZHIN GYIS YONG SNYAM DU BLO LA SEMS PA YIN NA, DE YANG 'THAD PA MA YIN TE, GANG GI PHYIR BYED PA PO MED PAR LAS MED PA'I PHYIR,

, ,LNGA PA NI; SHES BYA CHOS CAN, NGAR 'DZIN LHAN SKYES KYI BLOS PHUNG PO RE RE BA DANG TSOGS PA DE RNAMS LA DMIGS PA MA YIN PAR THAL, BDAG DE NI PHUNG PO RE RE BA DE RNAMS DANG, DE NYID MA YIN PHUNG PO TSOGS TZAM NYID MIN PA DE'I PHYIR TE, GANG GI PHYIR THUB PAS BDAG DE SA CHU ME RLUNG DANG RNAM SHES DANG, NAM MKHA' ZHES BYA BA KHAMS DRUG DANG NI MIG SOGS REG PA YI RTEN DRUG DAG LA BRTEN NAS NYE BAR BSTAN ZHING SEMS DANG SEMS BYUNG GI CHOS RNAMS GDAGS GZHIR NYE BAR BZUNG NAS NGES PAR GSUNGS PA DE'I PHYIR, LNGA BA NI, SHES BYA CHOS CAN, RTAG GCIG RANG DBANG CAN GYI BDAG MED TZAM SHES PAS THOG MA MED PA NAS ZHUGS PA'I BDAG TU LTA BA DPYIS KYANG 'BYIN ZHES SMRA BA SHIN TU MTSAR TE, BDAG MED RTOGS PA'I TSE RTAG PA'I BDAG TZAM SPONG ZHING, RTAG PA'I BDAG 'DI NI NGAR 'DZIN LHAN SKYES KYI DMIGS RNAM GANG GI RTEN YUL DU'ANG MI 'DOD PA DE'I PHYIR, DPER NA RANG GI KHYIM GYI RTZIG PHUG NA SBRUL GNAS PA MTHONG NAS 'JIGS BZHIN DU GNAS PA LA 'DI NA GLANG CHEN MED CES DOGS PA BSAL NAS DES SBRUL GYI 'JIGS PA'ANG SPONG BAR BYED PA NI KYE MA MKHAS PA GZHAN GYIS GNAM BOR TE BZHAD GANG DU 'GYUR BA NYID BZHIN NO, ,GSUM BA LA GNYIS, RTEN DANG BRTEN PA DANG LDAN PA'I PHYOGS DGAG PA, BKAG BA RNAMS KYI DON SDOMS TE BSTAN PA'O, ,DANG PO NI, SHES BYA CHOS CAN, BDAG PHUNG NGO BO NYID KYIS GRUB PA'I RTEN DANG BRTEN PAR 'DOD PA 'DI PHYIN CI LOG GI RTOG PAS BZHAG PA YIN TE, PHUNG PO LA BDAG NGO BO NYID KYIS YOD PA MIN ZHING BDAG LA YANG PHUNG PO DE RNAMS NGO BO NYID KYIS YOD PA MA YIN PA'I PHYIR TE, GANG GI PHYIR BDAG PHUNG 'DIR NGO BO NYID KYIS GZHAN NYID YOD NA RTEN DANG BRTEN PAR NGO BO NYID KYIS GRUB PA'I RTOG PA 'DIR 'GYUR NA YANG BDAG PHUNG NGO BO NYID KYIS GZHAN NYID DE MED PA'I PHYIR, BDAG NI GZUGS

DANG LDAN PAR NGO BO NYID KYIS MI 'DOD DE, GANG GI PHYIR BDAG NGO BO NYID KYIS YOD PA MIN PA DE'I PHYIR, BDAG PHUNG PO DANG LDAN PA'I DON DU SBYOR BA NGO BO NYID KYIS MED DE, GZHAN DANG LDAN PA NI LHAS BYIN GNAG DANG LDAN PA LTA BU DANG, GZHAN MIN PA DANG LDAN PA NI LHAS BYIN GZUGS DANG LDAN PA LTA BU YIN NA, BDAG NI GZUGS LAS DE NYID DANG GZHAN NYID DU MED PA'I PHYIR, GNYIS PA NI, SHES BYA CHOS CAN, PHUNG PO DE DAG LA BDAG TU LTA BA'I CHA NYI SHUR 'DOD DE, GZUGS BDAG MIN PA LA BDAG TU LTA BA DANG, BDAG NI GZUGS DANG NGO BO NYID KYIS LDAN PA MIN PA LA DE LTAR LTA BA DANG, GZUGS LA BDAG MED BDAG LA'ANG GZUGS NGO BO NYID KYIS YOD PA MIN PA LA DER LTA BA STE DE LTAR RNAM PA BZHIR PHUNG PO KUN LA LTA BAR SHES PAR BYA BA'I PHYIR RO, ,KUN BRTAGS KYIS BSDUS PA'I 'JIG TSOGS LA LTA BA'I RI LHUN STUG PO LA GNAS PA'I RTZE MO MTHO BAR GYUR PA NYI SHU PO 'DI DAG CHOS CAN, KHYOD SPANGS RGYUN ZHUGS KYI 'BRAS BU MNGON DU BYED DE, 'JIG TSOGS LA LTA BA'I RI BO BDAG MED MNGON SUM DU GSAR DU RTOGS PA'I YE SHES KYI RDO RJE YIS BCOM PA NA BCOM PA'I BDAG TU LTA BA GANG DANG LHAN CIG TU KHYOD 'JIG CING SONG BAR 'GYUR BA'I PHYIR, BZHI PA LA GNYIS, 'DOD PA BRJOD PA DANG, DE DGAG PA'O, ,DANG PO NI, MANG BKUR BA KHA CIG DE NYID DANG GZHAN NYID DANG RTAG MI RTAG LA SOGS PAR BRJOD DU MED PA'I GANG ZAG RDZAS YOD 'DOD LA, RNAM SHES DRUG GI SHES BYAR YANG GANG ZAG DE 'DOD CING GANG ZAG DE NI NGAR 'DZIN LHAN SKYES KYI GZHI DMIGS PAR YANG 'DOD PA YIN NO, ,GNYIS PA NI, SHES BYA CHOS CAN, GAL TE BDAG 'GA' DNGOS POR GRUB PAR GYUR NA, SEMS LTAR GRUB PA'I DNGOS PO DE NYID DANG GZHAN DU BRJOD DU MED PAR MI 'GYUR BAR THAL, GANG GI PHYIR GZUGS LAS SEMS DE NYID DANG GZHAN DU BRJOD DU MED PAR MI RTOGS PA LTAR DNGOS POR YOD PA RNAMS DE NYID DANG GZHAN DU BRJOD DU

, ,MED BAR RTOGS PA MIN PA NYID YIN PA'I PHYIR, SHES BYA CHOS CAN, PHUNG PO LAS DE NYID DANG GZHAN DU BRJOD DU MED BAR 'GYUR BA'I BDAG GANG YIN PA DE RANG GI NGO BOS YOD PAR GRUB PAR RTOGS PAR MI BYA STE, GANG GI PHYIR KHYOD KYI BUM PA RDZAS YOD KYI DNGOS POR MA GRUB PA'I NGO BO GZUGS SOGS LAS DE NYID DANG GZHAN DU BRJOD DU MED PAR 'GYUR BAS SO, ,BDAG DE CHOS CAN, RDZAS YOD KYI DNGOS MED YIN PAR THAL, DNGOS PO'I CHOS DE NYID DANG GZHAN NYID DANG BRAL BA'I PHYIR, KHYAB STE, KHYOD KYI RNAM SHES RANG GI BDAG NYID LAS GZHAN DU MI 'DOD LA, GZUGS SOGS LAS GZHAN PA'I DNGOS POR 'DOD CING DNGOS PO LA GCIG DANG THA DAD KYI RNAM PA DE GNYIS MTHONG BAR 'GYUR BA DE'I PHYIR, LNGA PA LA BZHI; BDAG MTHA' BDUN DU MED KYANG RTEN NAS BTAGS PA SHING RTA DANG 'DRA BAR BSTAN, SNGAR MA BSHAD PA'I PHYOGS LHAG MA GNYIS RGYAS PAR BSHAD, DE LTAR BSHAD PA LA GZHAN GYIS RTZOD PA SPANG BA, MING GI THA SNYAD KYI DON GZHAN YANG GRUB PAR BSTAN PA'O, ,DANG PO NI, NGAR 'DZIN GYI RTEN BDAG NI CHOS CAN, RANG BZHIN GYIS GRUB PA'I DNGOS PO MA YIN TE, RIGS PAS DPYAD NA RDZAS SU MED PA DE'I PHYIR, SHES BYA CHOS CAN, BDAG 'DI NI PHUNG PO RNAMS LA BRTEN NAS GRUB PAR 'GYUR TE, BDAG 'DI NI PHUNG PO LAS DON GZHAN MIN PHUNG PO'I NGO BO'ANG BDAG MIN, PHUNG PO DE DANG NGO BO NYID KYIS RTEN DANG BRTEN PA MIN, PHUNG PO DE DANG NGO BO NYID KYIS LDAN PA MIN PA GANG ZHIG, BDAG GI THA SNYAD SMYON MI NUS PAR MTHONG BA'I PHYIR, DPER NA; SHING RTA RANG GI YAN LAG LAS DON GZHAN DU 'DOD PA MIN, GZHAN MIN PA'I GCIG PA MIN, YAN LAG DE DANG LDAN PA YANG MIN ZHING YAN LAG LA BRTEN PA DANG, YAN LAG DAG SHING RTA DER NGO BO NYID KYIS RTEN PA MA YIN, YAN LAG 'DUS

PA TZAM SHING RTA MIN, YAN LAG GI DBYIBS SHING RTA MIN KYANG YAN LAG LA BRTEN NAS SHING RTAR 'DOGS PA JI BZHIN NO, ,GNYIS PA LA GNYIS, DNGOS DANG RIGS PA DE GZHAN LA KHA SPO BA'O, ,DANG PO LA GNYIS, TSOGS PA SHING RTAR 'DOD PA DGAG, DBYIBS SHING RTAR 'DOD PA DGAG PA'O, ,DANG PO NI, SHES BYA CHOS CAN, SHING RTA BSHIG PA'I YAN LAG SIL BUR GNAS PA LA SHING RTA NYID YOD PAR 'GYUR TE, GAL TE SHING RTA'I YAN LAG TSOGS TZAM SHING RTAR 'GYUR BA'I PHYIR, SHING RTA'I YAN LAG TSOGS PA DANG YAN LAG GI DBYIBS TZAM SHING RTAR RIGS PA'ANG MA YIN TE, SHING RTA'I YAN LAG DAG MED PA'I PHYIR TE, GANG GI PHYIR YAN LAG CAN SHING RTA MED PA'I PHYIR TE, SHING RTA'I YAN LAG RE RE BA DANG TSOGS PA GANG YANG SHING RTA MA YIN, DE MA YIN PA'I SHING RTA MED PA'I PHYIR, PHYI MKHAS, GNYIS PA NI, KHYOD KYI YAN LAG GI DBYIBS SHING RTA YIN NA, YAN LAG RE RE'I DBYIBS SHING RTA YIN NAM, YAN LAG TSOGS PA'I DBYIBS SHING RTA YIN, DANG PO LTAR NA; YAN LAG MA BSGRIGS PA'I DUS KYI DBYIBS DANG KHYAD PAR MED PA'I DBYIBS SHING RTA YIN NAM, DE'I DUS KYI DBYIBS DANG MI 'DRA BA'I DBYIBS SHING RTA YIN, DANG PO LTAR NA, YAN LAG BYE BAR GYUR PA DE DAG LA JI LTAR SHING RTA YOD PA MA YIN PA LTAR DA LTAR YAN LAG BSGRIGS PA'I TSE YANG NI SHING RTA YONG PA MIN PAR THAL, SNGAR YAN LAG MA BSGRIGS PA'I TSE DBYIBS YOD PAR GYUR PA JI BZHIN DU SHING RTAR GTOGS PA LA'ANG DBYIBS DE BZHIN DU YOD PA GANG ZHIG, YAN LAG RE RE BA'I DBYIBS TZAM SHING RTAR 'JOG PA'I PHYIR, GAL TE GNYIS PA LTAR DA LTA SHING RTA NYID DU GRUB PA'I DUS 'DIR 'PHANG LO SOGS LA SNGAR GYI LAS DBYIBS MI MTHUN PA THA DAD YOD DO ZHE NA, YAN LAG SO SO BA'I DBYIBS TZAM SHING RTAR YOD PA MA YIN TE, DE LTA BU'I DBYIBS 'DI YOD NA

, ,GZUNG DU YOD BAR 'GYUR NA, DE YANG YOD BA MA YIN PA DE'I PHYIR, YAN LAG TSOGS PA'I DBYIBS SHING RTA YIN NO ZHE NA, YAN LAG TSOGS PA GANG ZHIG RDZAS SU YOD PA CI YANG MIN PA DE LA BRTEN NAS SKABS 'DIR NI DBYIBS SU LTA ZHIG JI LTAR 'GYUR TE MI 'GYUR BAR THAL, DBYIBS DE YAN LAG TSOGS TZAM GYIS BTAGS CHOS MA YIN PA'I PHYIR TE, GANG GI PHYIR KHYOD KYI TSOGS PA RDZAS YOD CANG MED PAS SO, ,KHYAB PA KHAS, GNYIS PA NI, GAL TE TSOGS PA BTAGS YOD LA BRTEN NAS DBYIBS BTAGS YOD 'DOGS PA YIN NO ZHE NA, SHES BYA CHOS CAN, MI BDEN PA'I RGYU LA BRTEN PAR BYAS NAS 'BRAS BU'I RNAM PA MI 'DEN PA'I RANG BZHIN CAN THAMS CAD KYANG NI SKYE BAR SHES PAR BYA STE, KHYOD KYI TSOGS PA BTAGS YOD LA BRTEN NAS DBYIBS BTAGS YOD 'DOGS PA 'DI NI JI LTAR 'DOD PA DE LTAR 'THAD PA'I PHYIR, SHING RTA'I YAN LAG TSOGS PA SHING RTA MA YIN PAR BSTAN PA 'DIS NI CHOS CAN, DGOS PA GZHAN YANG YOD DE, BUM PA'I GZUGS SOGS RDUL BRGYAD TSOGS PA DE LTAR GNAS PA RNAMS LA BUM PA'I BLOR 'GYUR RO ZHES BYA BA'ANG RIGS PA MIN PA NYID DU BSTAN PA'I PHYIR RO, ,BUM PA'I GZUGS SOGS CHOS CAN, BUM SOGS DE DAG KHYOD KYI DBYIBS SU MI RIGS TE, KHYOD KYANG RANG BZHIN GYIS YOD PA MIN PA DE'I PHYIR TE, RANG BZHIN GYIS SKYE BA MED PAS SO, ,GSUM PA NI, SHING RTA DE NI CHOS CAN, RNAM PA BDUN GYIS BTZAL BAS MA RNYED KYANG MED MI DGOS PAR THAL, DE KHO NA NYID DU'AM 'JIG RTEN DU RNAM PA BDUN GYIS BTZAL BAS 'GRUB PAR 'GYUR BA MIN MOD KYI BTAGS DON BTZAL BA'I RNAM DPYAD MED PAR 'JIG RTEN GYI THA SNYAD NYID LAS 'DIR RANG GI YAN LAG LA BRTEN NAS 'DOGS PA YIN PA'I PHYIR, BZHI PA NI, SHES BYA CHOS CAN, SHING RTA LA MING GI THA SNYAD KYI DON GZHAN YANG GRUB STE, SHING RTA DE NYID

RANG GI YAN LAG LA LTOS NAS YAN LAG CAN DANG CHA SHAS LA LTOS NAS CHA SHAS CAN DANG, NYE BAR BLANG BYA LA BRTEN NAS SHING RTA DE NYID BYED PA PO ZHES 'GRO BAR BSNYAD LA NYE BAR LEN PA LA LTOS NAS SKYE BO RNAMS LA LEN PA PO NYID DU 'GRUB PA'I PHYIR, 'JIG RTEN NA GRAGS PA'I KUN RDZOB SHING RTA LA SOGS PA MA BRLAG CIG CES DNGOS SMRA BA LA BZLOG PAR BYA BA YIN TE, SHING RTA'I YAN LAG RE RE BA DANG TSOGS PA SHING RTA MA YIN, DE MA YIN PA'I SHING RTA MED PAR KHAS BLANGS PA'I PHYIR, DRUG PA LA LNGA, DNGOS DANG, DE LA RTZOD PA SPANG BA, SHING RTA DANG BDAG GI THA SNYAD DPE DON SBYAR BA, BRTEN NAS BTAGS PA'I BDAG KHAS LEN PA'I YON TAN GZHAN BSTAN PA, 'CHING GROL GYI GZHI'I BDAG NGOS GZUNG PA'O, ,DANG PO NI, SHES BYA CHOS CAN, DBU MA BA'I SKABS 'DIR SHING RTA DE'I GRUB PA'I TSUL MA BRTAGS PAR GRUB PA DE BZHIN DU 'DOD PAR BYA STE, GRUB TSUL DES KUN RDZOB 'THAD PAR MA ZAD DE KHO NA NYID LA'ANG BDE BLAG TU 'JUG PAR 'GYUR BA'I PHYIR TE, RANG BZHIN GYIS YOD NA BTAGS DON BTZAL BA'I TSE RNYED DGOS PA LAS BTAGS DON RNAM PA BDUN GYIS BTZAL BA'I TSE MED PA'I SHING RTA GANG YIN PA DE JI LTA BUR YOD CES RNAL 'BYOR PAS SHING RTA 'DI'I YOD PA MI RNYED PA'I PHYIR, GNYIS PA NI, GAL TE SHING RTA MED MOD SHING RTA'I YAN LAG TSOGS TZAM RANG BZHIN GYIS YOD DO ZHE NA, DE YANG MI 'THAD DE, SHING RTA YOD PA NYID MIN NA DE'I TSE YAN LAG CAN MED CING DE'I YAN LAG KYANG MED PA'I PHYIR, STONG NYID RTOGS PA'I BLO'I MES YAN LAG CAN RANG BZHIN GYIS GRUB PA BSREGS PA NA YAN LAG RANG BZHIN GYIS GRUB PA SDOD MI NUS TE; DE'I TSE YAN LAG RANG BZHIN GYIS GRUB PA MED PAR RTOGS PA'I PHYIR, SHING RTA TSIG NA YAN LAG MED PA DPE DE BZHIN NO, ,GSUM PA NI, SHES BYA CHOS CAN, BDAG SHING RTA DE BZHIN DU SHES PAR BYA STE, 'JIG RTEN GYI GRAGS PAS PHUNG PO DANG

, ,KHAMS DANG DE BZHIN DU SKYE MCHED DRUG LA BRTEN NAS BDAG KYANG NYE BAR LEN PA PO NYID DU 'DOD CING NYER LEN PHUNG PO DE LAS YIN LA BDAG 'DI NI BYED PA PO'ANG YIN PA'I PHYIR, BZHI PA NI, BDAG 'DI NI CHOS CAN, BRTAN PA MIN ZHING MI BRTAN PA NYID DU RANG BZHIN GYIS YOD PA MIN ZHING, RANG BZHIN GYIS SKYE 'JIG MIN LA, RTAG PA NYID LA SOGS PA YANG RANG BZHIN GYIS YOD PA MIN, DE NYID DANG NI GZHAN NYID DU'ANG RANG BZHIN GYIS MED DE, RANG BZHIN GYIS DNGOS POR YOD PA MIN PA'I PHYIR, LNGA PA NI, 'O NA 'CHING GROL GYI GZHIR GYUR PA'I BDAG DE GANG ZHE NA, BDAG BTAGS DON BDUN GYIS BTZAL BA'I TSE MA RNYED KYANG MA GRUB PA'I NYES PA MED DE, GANG LA DMIGS NAS 'GRO BA RNAMS LA DAR 'DZIN PA'I BLO RAB TU 'BYUNG ZHING DE'I BDAG GI BA GANG YIN PA DER NGA YIR 'DZIN PA'I BLO 'BYUNG PA'I BDAG DE NI MA BRTAGS BA GRAGS PA'I DOR GTI MUG LAS GRUB PA YIN PA'I PHYIR, GNYIS PA NI, SHES BYA CHOS CAN, BDAG RANG BZHIN GYIS MED PAR BDAG GI BA RANG BZHIN GYIS YOD PA MIN TE, GANG GI PHYIR BYED PO MED PA CAN GYI LAS MED PA DE'I PHYIR, BDAG DANG BDAG GI BA RANG BZHIN GYIS GRUB PAS STONG PAR LTA ZHING GOMS PAR BYED PA'I RNAL 'BYOR PA DE RNAM PAR GROL BAR 'GYUR TE, BDAG DANG BDAG GI BA RANG BZHIN GYIS GRUB PA MED PA DE'I PHYIR, GSUM PA LA GSUM, BUM SNAM SOGS KYI DNGOS PO LA BSGRE BA, RGYU 'BRAS KYI DNGOS PO LA BSGRE BA, DE LA RTZOD PA SPANG BA'O, ,DANG PO NI, SHES BYA CHOS CAN, BUM PA DANG SNAM BU DANG RE LDE DANG DMAG DANG NAGS TSAL DANG PHRENG BA DANG, LJON SHING DANG, KHANG KHYIM DANG, SHING RTA PHRAN DANG 'GRO GNAS LA SOGS DNGOS PO RNAMS GANG DAG DANG DE BZHIN GANG DAG GI SGO NAS SKYE BO 'DIS BSNYAD PA DE RNAMS MA BRTAGS PAR GRUB PAR RTOGS PAR BYA STE, GANG GI

PHYIR THUB DBANG DE NI 'JIG RTEN DANG LHAN CIG RTZOD PA MI MDZAD PAR 'JIG RTEN NA GANG YOD PA DE ZHAL GYIS BZHES PA'I PHYIR, DNGOS PO GANG DAG GI SGO NAS JI LTAR BSNYAD CE NA, BUM PA YAN LAG CAN DANG GYO MO DE'I YAN LAG DANG BUM PA YON TAN CAN DANG MI RIS SNGO SANGS SOGS YON TAN DANG, YUL LA CHAGS PA'I SEMS CAN CHAGS PA DANG, YUL YID DU 'ONG BA LA SRED PA 'DOD CHAGS DANG, BUM PA MTSAN GZHI DANG LTO LDIR BA MTSAN NYID DANG NI ME SREG PAR BYED PA LA SOGS PA DANG, BUD SHING BSREG PAR BYA BA LA SOGS PA DE RNAMS CHOS CAN, DE KHO NA NYID LA DPYOD PA'I RIGS PAS DPYAD PAR MI BYA STE, SHING RTA'I THA SNYAD LTAR BTAGS DON RNAM PA BDUN GYIS RNAM DPYAD BYAS PAS YOD PA MIN ZHING DE LAS GZHAN DU GYUR PAR 'JIG RTEN GYI GRAGS PA'I SGO NAS YOD PA YIN PA'I PHYIR, GNYIS PA NI, SHES BYA CHOS CAN, RGYU 'BRAS GNYIS PHAN TSUN LTOS GRUB YIN TE, GAL TE RGYU YIS BSKYED PAR BYA BA BSKYED PA DE LTA NA DE RGYU YIN ZHING GAL TE 'BRAS BU MI SKYED NA NI BSKYED PA DE MED PAS 'BRAS BU DE RGYU MED CAN DU 'GYUR LA, 'BRAS BU YANG NI RGYU YOD PAR GYUR NA SKYE BAR 'GYUR BA DE'I PHYIR, GAL TE RGYU 'BRAS RANG BZHIN GYIS GRUB NA RGYU GANG LAS 'BRAS BU GANG ZHIG SKYE BAR 'GYUR BA RGYU 'BRAS DE GNYIS GANG ZHIG LAS SNGAR GANG ZHIG GRUB PAR 'GYUR BA SMROS SHIG, RANG BZHIN GYIS GRUB PA LA RGYU SNGA BA MI RIGS TE, RGYU'I DUS SU 'BRAS BU GRUB DGOS PA'I PHYIR, 'BRAS BU SNGA BA MI RIGS TE, 'BRAS BU RGYU MED DU 'GYUR BA'I PHYIR, GAL TE KHYOD KYI RGYU 'BRAS RANG BZHIN GYIS GRUB NA RGYU YIS PHRAD NAS 'BRAS BU SKYED PAR BYED DAM MA PHRAD PAR SKYED, DANG PO YIN PA DE'I TSE SKYED BYED DANG 'BRAS BU NGO BO THA DAD MED PAR 'GYUR BAR THAL, RGYU 'BRAS DE DAG NUS PA GCIG PAS SO, ,GNYIS BA LTAR NA, RGYU 'DI CHOS CAN, RGYU MIN RNAMS DANG KHYAD MED DU 'GYUR BAR THAL, 'BRAS BU

, ,DANG RANG BZHIN GYIS SO SO BA YIN PA'I PHYIR, RGYU CHOS CAN, 'BRAS BU RANG BZHIN GYIS MI SKYED PAR THAL, 'BRAS BU DANG PHRAD MA PHRAD KYI SGO NAS MI SKYED, PHRAD MA PHRANG GNYIS PO 'DI DAG SPANGS NAS RTOG PA GSUM BA GZHAN YANG YOD PAR 'GYUR BA MA YIN PA'I PHYIR, SHES BYA CHOS CAN, 'BRAS BU ZHES BYA BA RANG BZHIN GYIS YOD PA MIN TE, CI STE KHYOD KYI RGYU YIS 'BRAS BU RANG BZHIN GYIS SKYED PAR MI BYED PA DE'I PHYIR, RGYU NI CHOS CAN, RGYUR 'JOG PA'I RGYU MTSAN MED PA CAN DU 'GYUR BAR THAL, 'BRAS BU SKYED PA DANG BRAL BA'I PHYIR, 'DOD NA, DE YANG YOD PA MIN TE, RGYU YIN PAR GRUB PA'I PHYIR RO, ,DBU MA PA CHOS CAN, BDAG LA RGYU 'BRAS PHRAD MA PHRAD BRTAGS PA'I SKYON DU MI 'GYUR ZHING 'JIG RTEN PA'I DNGOS PO RNAMS KYANG YOD DE, GANG GI PHYIR RGYU 'BRAS 'DI DAG GNYIS CHAR SGYU MA DANG 'DRA BAR RANG BZHIN GYIS MA GRUB LA THA SNYAD DU YOD PA DE'I PHYIR, GSUM PA LA, RTZOD PA DANG, LAN NO; ;DANG PO NI, RGYU 'BRAS PHRAD MA PHRAD BRTAGS PA'I NYES PA KHYOD RANG LA'ANG MTSUNGS TE, SUN 'BYIN 'DIS SUN DBYUNG BYA PHRAD NAS SUN 'BYIN NAM MA PHRAD PAR SUN 'BYIN PA YIN ZHES PA'I NYES PA 'DIR NI KHYOD LA 'GYUR BA MIN NAM STE YIN TE, PHRAD NAS SUN 'BYIN NA NUS PA GCIG PAS GANG GIS GANG SUN 'BYIN, MA PHRAD PAR SUN 'BYIN NA MA PHRAD PAR MTSUNGS PA THAMS CAD KYIS SUN 'BYIN LA, GNYIS BO 'DI DAG SPANGS NAS RTOG PA GSUM PA GZHAN YANG YOD PAR 'GYUR BA MIN PA'I PHYIR, GANG GI TSE SUN 'BYIN LTAR SNANG DE SKAD SMRA ZHING RANG PHYOGS KHO NA RNAM PAR 'JOMS PA DE'I TSE KHYOD KYIS SUN DBYUNG BYA SUN NI 'BYIN PAR NUS PA MIN NO, ,GZHAN YANG DBU MA PA CHOS CAN, KHYOD NI SKYE BO DAM BAS BZHED PAR MI 'GYUR TE, GANG GI PHYIR RANG GI TSIG LA'ANG PHA ROL PO LA 'PHANGS PA'I THAL BA MTSUNGS

PA'I LTAG CHOD KYI RIGS PA MED PAR DNGOS PO MTHA' DAG LA SKUR PA 'DEBS PA DE'I PHYIR, KHYOD SUN CI PHYIN DU RGOL BA PA YANG YIN TE, GANG GI PHYIR KHYOD LA RANG PHYOGS BZHAG TU MED CING GZHAN PHYOGS SUN 'BYIN PA TZAM LA ZHUGS PA'I PHYIR ZHE NA, GNYIS BA LA BZHI, RANG LA SUN 'BYIN DANG SGRUB PA 'THAD TSUL, GZHAN GYI THAL BA MI MTSUNGS PA'I RGYU MTSAN, RANG BZHIN MED PA SGRUB NUS PA BZHIN DU GZOG STE SGRUB MI NUS PA, 'DIR MA BSHAD PA'I SUN 'BYIN LHAG MA SHES PAR BYED TSUL LO, ,DANG PO LA GNYIS, GZHAN PHYOGS SUN 'BYIN TSUL, RANG PHYOGS SGRUB TSUL LO, ,DANG PO NI, DBU MA PA CHOS CAN, SUN 'BYIN PAS SUN DBYUNG BYA MA PHRAD PAR SUN NI 'BYIN PAR BYED DAM 'ON TE PHRAD NAS SUN 'BYIN PA YIN ZHES SMRAS ZIN PA'I THAL BAR 'GYUR BA 'DI NI KHYOD LA SRID PA MIN TE, DE LTA BU'I NYES PA 'DI DAG GANG LA NGES PAR RANG BZHIN GYIS GRUB PA DAM 'CHA' BA'I PHYOGS DE LA SKYON DU 'GYUR GYI BDAG LA RANG BZHIN GYIS GRUB PA DAM 'CHA' BA'I PHYOGS 'DI NI YOD PA MIN PAS SO, ,GNYIS PA NI, JI LTAR KHYOD KYI NYI MA'I DKYIL 'KHOR LA YOD PA'I KHYAD PAR RNAMS GZUGS BRNYAN LA YANG BRTEN NAS GZAS BZUNG BA LA SOGS PA RNAMS KYI TSE MTHONG BAR 'GYUR LA, NYI MA DANG NI GZUGS BRNYAN RNAM PAR PHRAD PA DANG MA PHRAD PAR SKYE ZHES BTAGS DON BTZAL NA SKYE BA MI RIGS MOD KYI NYI MA LA BRTEN NAS GZUGS BRNYAN THA SNYAD PA TZAM ZHIG 'BYUNG BAR 'GYUR ZHING, GZUGS BRNYAN MI BDEN BZHIN DU'ANG RANG GI BYAD BZHIN MDZES PAR BSGRUB PAR BYA BA'I PHYIR GZUGS BRNYAN DE LA NI NUS PA YOD PA JI LTA BA DE BZHIN DU DON GYI SKABS 'DIR YANG CHOS CAN, RANG BZHIN GYIS MA GRUB KYANG RANG LUGS BSGRUB PA 'THAD DE, SHES RAB KYI GDONG SBYANG BAR BYA BA LA NUS PA MTHONG BAR 'GYUR PA'I GTAN TSIGS NI RANG BZHIN GYIS GRUB PA'I 'THAD PA DANG BRAL BA LAS KYANG BSGRUB BYA RANG BZHIN GYIS MED PA RTOGS

, ,ZHES SHES PAR BYA BA'I PHYIR RO, ,GNYIS PA NI, SHES BYA CHOS CAN, MA DAG PA'I PHYOGS LA BRJOD PA'I SKYON DAG PA'I PHYOGS LA BRJOD PA 'DI NI DNGOS SMRA BA KHYOD KYI YI CHAD 'BA' ZHIG YIN TE, GAL TE RANG GI BSGRUB BYA GO BYED GTAN TSIGS KYI DNGOS PO RANG BZHIN GYIS GRUB PA DANG, DNGOS SU GO BYA NYID DU 'GYUR BA'I BSGRUB BYA'I NGO BO'ANG RANG BZHIN GYIS YOD NA RGYU 'BRAS PHRAD PA LA SOGS PA RIGS PA NYE BAR SBYOR BAR 'GYUR BA ZHIG NA DE YANG YOD PA MIN PAS SO, ,GSUM PA NI; SHES BYA CHOS CAN, DNGOS PO RNAMS MTHA' DAG RANG BZHIN GYIS DNGOS PO MED PAR RTOGS SU GZHUG PAR NI NUS PAR CHES SLA BA JI LTA BA DE LTAR RANG BZHIN GYIS GRUB PA DBU MA PA GZHAN DAG LA KHONG DU CHUD PAR BDE BLAG TU NI NUS PA MIN TE, GNYIS KA LA GRAGS PA'I BDEN PAR GRUB PA'I DPE MED PA'I PHYIR RO, ,DNGOS SMRA BA CHOS CAN, KHYOD LA 'DIR SU ZHIG GIS BCOL NAS RTOG GE NGAN PA'I DRA BAS 'JIG RTEN CI STE 'CHING BAR BYED DE BYED MI RIGS PAR THAL, BDEN 'DZIN GYI RTZOD PA 'DI NI DOR BAR BYA BA YIN PA'I PHYIR, BZHI BA NI, SHES BYA CHOS CAN, DNGOS SMRA BA LA SUN 'BYIN BRJOD PA'I LHAG MA RGYU 'BRAS PHRAD MA PHRAD KYI SUN 'BYIN GONG DU BSTAN PA YANG NI SHES PAR BYAS NA RGYU 'BRAS PHRAD PA LA SOGS BRTAGS NAS BKAG PA'I PHYOGS KYI CHED DU SUN 'BYIN LA PHRAD MA PHRAD KYI SGO NAS RTZOD PA 'DIR RANG LA MI MTSUNGS PA'I LAN GTAB BAR BYA STE, RANG BZHIN GYIS MED PAR 'DOD PA'I PHYOGS LA BRTAGS DON TSOL BA'I DPYAD PA MI 'JUG PA'I PHYIR, DBU MA BA CHOS CAN, SUN CI PHYIN DU RGOL BA PA YANG DE LTAR YOD PA MIN TE, RANG PHYOGS THA SNYAD DU MA BZHAG PA DANG, GZHAN PHYOGS DGAG PA DON DAM PAR 'DOD PA GNYIS KA KHAS MA BLANGS PA'I PHYIR, BSHAD MA THAG PA'I PHYOGS 'DI NYID KYIS CHOS CAN, DGOS PA YOD DE, SNGAR DE SKAD BSHAD PA'I SUN 'BYIN

PA'I LHAG MA RTOGS PAR BYA BA'I CHED YIN PA'I PHYIR RO, ,GSUM PA LA GNYIS, STONG NYID KYI DBYE BA MDOR BSTAN, PHYE BA SO SO'I DON RGYAS PAR BSHAD PA'O, ,DANG PO NI, BDAG MED 'DI NI CHOS DANG GANG ZAG GI DBYE BAS RNAM PA GNYIS GSUNGS PA CHOS CAN, DGOS PA YOD DE, 'GRO BA RNAMS 'KHOR BA LAS GROL BAR BYA BA'I PHYIR RO, ,SHES BYA CHOS CAN, DE LTAR STON PAS SLAR YANG STONG NYID 'DI NYID NI GDUL BYA RNAMS LA PHYE STE RNAM PA MANG DU GSUNGS TE, SPROS PA DANG BCAS PAR STONG PA NYID BCU DRUG BSHAD NAS MDOR BSDUS TE SLAR YANG STONG NYID BZHIR BSHAD LA DE DAG NI THEG CHEN DU YANG BZHED PA YIN PA'I PHYIR, GNYIS PA LA GNYIS, STONG NYID BCU DRUG TU PHYE BA DANG, STONG NYID BZHIR DBYE BA'O, ,DANG PO LA BCU DRUG YOD PA LAS DANG PO NANG STONG PA NYID NI, MIG LA SOGS PA DRUG PO YI RANG BZHIN MED PA NYID GANG YIN PA DE NI CHOS CAN, NANG STONG PA NYID DU 'DOD DE NANG BDEN PAS STONG BA'I STONG CHA YIN PA'I PHYIR, 'OG MA RNAMS LA'ANG SHES PAR BYA'O, ,MIG NI CHOS CAN, MIG GI NGO BO NYID KYIS STONG STE, GANG GI PHYIR MIG NGE'I RANG BZHIN DE STONG NYID DE YIN PA'I PHYIR TE, DON DAM PAR THER ZUG TU GNAS PA MIN PA DANG, 'JIG PA MIN PA NYID KYI PHYIR, DE BZHIN DU RNA BA DANG SNA DANG LCE DANG LUS DANG YID KYANG BSNYAD PAR BYA'O, ,GNYIS PA PHYI STONG PA NYID NI, SHES BYA CHOS CAN, GZUGS NI GZUGS KYI NGO BO NYID KYIS STONG STE, GANG GI PHYIR GZUGS DE'I RANG BZHIN NI STONG NYID DE YIN PA'I PHYIR, SGRA DANG DRI RO REG BYA DANG CHOS RNAMS NYID KYANG DE BZHIN NO, ,GZUGS SOGS RANG BZHIN MED PA NYID CHOS CAN, PHYI ROL STONG PA NYID DU 'DOD DE, ZHES SO, ,GSUM PA GNYIS KA STONG NYID NI, PHYI NANG GNYIS CHAR RANG BZHIN MED PA NYID NI CHOS CAN, PHYI NANG STONG PA NYID YIN TE, ZHES SO, ,BZHI PA STONG NYID STONG NYID NI, CHOS RNAM

, ,RANG BZHIN GYIS MED PA NYID LA MKHAS PAS STONG PA NYID CES BSNYAD PA'I STONG NYID DE YANG STONG NYID KYI NGO BOS STONG PAR 'DOD PA YIN TE, CHOS THAMS CAD BDEN STONG YIN PA'I PHYIR, STONG NYID CES BYA BA'I STONG NYID GANG YIN PA DE CHOS CAN; STONG NYID STONG NYID DU 'DOD DE, ZHES SO, ,STONG PA NYID STONG PA NYID GSUNGS PA CHOS CAN, DON YOD DE, STONG NYID DNGOS PO STE BDEN PAR 'DZIN PA'I BLO CAN GYI 'DZIN PA BZLOG PA'I CHED YIN PA'I PHYIR, LNGA PA CHEN PO STONG PA NYID NI, PHYOGS BCU RNAMS CHOS CAN, CHEN PO NYID YIN TE, SEMS CAN SNOD KYI 'JIG RTEN NAM LUS PA LA KHYAB BYED NYID YIN PA'I PHYIR DANG, KHYOD TSAD MED PA'I DPE YIS PHYOGS BCU'I SEMS CAN LA DMIGS PA'I BYAMS PA SOGS KYANG MU MTH'A NI MED PA STE TSAD MED PAR GSUNGS PA'I PHYIR, PHYOGS 'DI DAG BCU CHAR PHYOGS RNAMS KYI RANG BZHIN GYIS STONG PA NYID NI GANG YIN PA DE CHEN PO STONG PA NYID YIN LA, DE GSUNGS PA CHOS CAN, DGOS PA YOD DE, CHEN PO BDEN PAR 'DZIN PA BZLOG PA'I CHED YIN PA'I PHYIR; DRUG PA DON DAM STONG NYID NI, MYA NGAN LAS 'DAS PA DE NI CHOS CAN, DON DAM PA YIN TE, DGOS PA MCHOG YIN PAS SO, ,DON DAM DE NI DE YI NGO BO NYID KYIS STONG NYID GANG YIN PA DE NI DON DAM STONG NYID DE, DON DAM MKHYEN PAS DON DAM PA STONG PA NYID NI BSTAN PAR MDZAD PA CHOS CAN, DGOS PA YOD DE, MYANG 'DAS DNGOS PO STE BDEN PAR 'DZIN PA'I BLO CAN GYI 'DZIN PA BZLOG PAR BYA BA'I CHED YIN PA'I PHYIR, BDUN PA 'DUS BYAS STONG NYID NI, KHAMS GSUM PO CHOS CAN, 'DUS BYAS YIN PAR NGES PAR BSNYAD DE, RKYEN LAS BYUNG BA'I PHYIR, 'DUS BYAS DE NI DE YI NGO BO NYID KYIS STONG NYID GANG YIN PA DE NI CHOS CAN, 'DUS BYAS STONG NYID DU GSUNGS TE, ZHES SO, ,BRGYAD PA 'DUS MA BYAS STONG NYID NI, NAM MKHA' CHOS

CAN; 'DUS MA BYAS YIN TE, KHYOD GANG LA SKYE GNAS MI RTAG PA NYID DE DAG MED PA'I PHYIR, 'DUS MA BYAS DE NI DE YI NGO BO NYID KYIS STONG NYID GANG YIN PA DE NI CHOS CAN, 'DUS MA BYAS STONG NYID YIN TE, ZHES SO, ,DGU PA MTHA' LAS 'DAS PA STONG NYID NI, RTEN 'BREL GANG YIN PA DE NI CHOS CAN, MTHA' LAS 'DAS PAR BRJOD DE, KHYOD LA RTAG CHAD KYI MTHA' NI YOD PA MIN PA'I PHYIR, MTHA' LAS 'DAS PA DE KHO NA'I NGO PO NYID KYIS STOD PA NYID CHOS CAN, MTHA' LAS 'DAS PA STONG NYID CES BSNYAD DE, ZHES SO, ,BCU PA THOG MA DANG THA MA MED PA STONG NYID NI, 'KHOR BA NI THOG MA THA MA MED PAR BRJOD DE, THOG MA DANG PO DANG THAM NI MTHA' YIN LA DE DAG MED PAS SO, ,'GRO 'ONG RANG BZHIN GYIS GRUB PA DANG BRAL BA'I PHYIR RMI LAM LTA BU'I SRID PA 'DI DE'I DO BO NYID KYIS DBEN PA NYID GANG YIN PA DE NI CHOS CAN, THOG MA DANG THA MA MED PA STONG NYID DO ZHES BSTAN BCOS LAS NI NGES PAR BSNYAD DE, ZHES SO, ,BCU GCIG PA DOR BA MED PA STONG PA NYID NI, DOR BA ZHES BYA BA 'THOR BA DANG 'POR BA LA NI DES PAR BRJOD CING DOR BA MED PA NI PAR GTONG BA MED PA STE, THEG CHEN GANG YIN PA DE CHOS CAN, DOR BA MED PA YIN TE, NGO BO DANG DUS 'GAR YANG DOR BYAR MED PA'I PHYIR, DOR BA MED PA DE NYID KYI NGO BO NYID KYIS DE NYID STONG PA NYID GANG YIN PA DE CHOS CAN, DOR BA MED PA STONG PA NYID CES BYA BAR BRJOD DE, DOR BA MED PA BDEN PAS STONG PA'I STONG CHA YIN PA DE'I PHYIR NA'O, ,BCU GNYIS PA RANG BZHIN STONG PA NYID NI, 'DUS BYAS LA SOGS PA RNAMS KYI NGO BO NYID CHOS NYID DE RANG BZHIN NYID DU BSNYAD PA YIN TE, GANG GI PHYIR 'DUS BYAS LA SOGS KYI NGO BO CHOS NYID DE SLOB MA NYAN THOS DANG, RANG SANGS RGYAS DANG, RGYAL SRAS DANG DE BZHIN GSHEGS PA RNAMS KYIS MA MDZAD PAR DANG PO NAS GSHIS LUGS YIN

, ,PA'I PHYIR, RANG BZHIN DE NYID KYI NGO BO NYID KYIS DE STONG PA NYID GANG YIN PA DE NI CHOS CAN, RANG BZHIN STONG PA NYID YIN TE, ZHES SO, ,BCU GSUM PA CHOS THAMS CAD STONG PA NYID NI, KHAMS BCO BRGYAD DANG, REG BA DRUG DANG, DE LAS BYUNG BA'I TSOR BA DRUG DANG, GZUGS CAN DANG GZUGS CAN MIN PA DANG, DE BZHIN DU 'DUS BYAS DANG 'DUS MA BYAS KYI CHOS RNAMS CHOS DE DAG THAMS CAD DA KYI NGO BO NYID KYIS DBEN PA GANG YIN PA DE CHOS CAN, CHOS THAMS CAD STONG BA NYID YIN TE, ZHES SO, , BCU BZHI PA RANG GI MTSAN NYID STONG BA NYID LA GSUM, MDOR BSTAN, RGYAS BSHAD, DON BSDU BA'O, ,DANG PO NI, GZUGS SU RUNG BA LA SOGS PA BDEN PA'I DNGOS POR MED PA GANG YIN PA DE NI CHOS CAN, RANG GI MTSAN NYID SDONG PA NYID YIN TE, ZHES SO, ,GNYIS PA LA GSUM, GZHI'I CHOS, LAM GYI CHOS, 'BRAS BU'I CHOS KYI RANG GI MTSAN NYID DO, ,DANG PO NI, GZUGS KYI THUN MONG MA YIN PA'I RANG GI MTSAN NYID GZUGS SU RUNG BA CHOS CAN, RANG BZHIN GYIS MED DE, RANG BZHIN GYIS GRUB PA'I GCIG DANG DU BRAL YIN PA'I PHYIR, 'OG MA RNAMS LA'ANG DE BZHIN DU SHES PAR BYA'O, ,TSE RAB MYONG BA'I BDAG NYID CAN DANG, 'DU SHES KYI MTSAN NYID MTSAN MAR 'DZIN PA DANG, 'DU BYED KYI MTSAN NYID SEMS MNGON PAR 'DU BYED PA'O, ,RNAM SHES DANG GI MTSAN NYID YUL LA SO SOR RNAM PAR RIG PA, PHUNG PO'I RANG GI MTSAN NYID SDUG BSNGAL BA, KHAMS KYI BDAG NYID SBRUL GDUG PA LTAR SEMS CAN 'KHOR BAR 'DZIN PAR 'DOD DO, ,SKYE MCHED RNAMS KYI RANG GI MTSAN NYID NI SANGS RGYAS KYIS SKYE BA'I SGOR GYUR PA NYID DU GSUNGS PA DANG, RTEN CING 'BREL BAR 'BYUNG BA'I RANG GI MTSAN NYID RGYU RKYEN GYI 'DU 'PHROD GANG YIN BDE NI CHOS CAN, GNYIS PA NI, SBYIN PA'I PHA ROL TU PHYIN PA'I RANG GI MTSAN NYID

GTONG BA'I SEMS PA DANG, TSUL KHRIMS KYI MTSAN NYID NYON MONGS PAS GDUNG BA MED PA DANG, BZOD PA'I MTSAN NYID KHRO BA MED PA DANG, BRTZON 'GRUS KYI MTSAN NYID KHA NA MA THO BA MED PA'I DGE BA LA SPRO BA DANG, BSAM GTAN GYI MTSAN YID DGE BA'I CHOS THAMS CAD SDUD PA'I SEMS RTZE GCIG PA DANG, SHES RAB KYI MTSAN NYID CHAGS PA MED PA CHOS CAN, PHA ROL PHYIN PA DRUG RNAMS KYI MTSAN NYID 'DI DAG YIN PAR MDO LAS BRJOD DO, ,BSAM GTAN RNAMS DANG TSANG MED DANG, DE BZHIN DU GZHAN GANG GZUGS MED PA DE DAG YANG DAG MKHYEN PA YIS, MI 'KHRUG PA'I MTSAN NYID CAN DU GSUNGS PA CHOS CAN, RANG BZHIN GYIS MED DE, ZHES SO, ,BYANG CHUB KYI PHYOGS KYI CHOS SUM CU RTZA BDUN GYI RANG GI MTSAN NYID NGES PAR 'BYUNG BYED DANG, RNAM PAR THAR PA'I SGO STONG PA NYID KYI MTSAN NYID NI BDEN 'DZIN GYI DMIGS GTANG MED PAS BDEN 'DZIN GYIS RNAM PAR DBEN PA NYID DANG, RNAM PAR THAR PA'I SGO MTSAN MA MED PA'I RANG GI MTSAN NYID MTSAN MA ZHI PA NYID DANG RNAM PAR THAR PA'I SGO GSUM PA MTSAN NYID SDUG BSNGAL DANG GTI MUG MED PA DANG, RNAM PAR THAR PA RNAMS KYI RANG GI MTSAN NYID SNYOMS 'JUG GI SGRIB PA LAS RNAM PAR GROL BAR BYED PA CHOS CAN, GSUM PA NI, STOBS RNAMS SHIN TU RNAM PAR NI GTAN LA 'BEBS PA'I RANG BZHIN DU GSUNGS PA CHOS CAN, SKYOB PA'I MI 'JIGS PA RNAMS NI SHIN TU BRTAN PA'I NGO BO DANG, SO SO YANG DAG PAR RIG PA RNAMS NI SPOBS PA LA SOGS PA RGYUN CHAD PA MED PA'I MTSAN NYID CAN DANG, 'GRO BA LA PHAN PA NYE BAR SGRUB PA NI BYAMS PA CHEN PO ZHES BYA BA DANG, SDUG BSNGAL CAN RNAMS YONGS SU SKYOB PA THUGS RJE CHEN PO DANG, RAB TU DGA' BA'I MTSAN NYID CAN GYI DGA' BA DANG, BTANG SNYOMS NI CHAGS SDANG DANG MA 'DRES PA'I MTSAN NYID CAN DU SHES PAR BYA BA DANG, SANGS RGYAS CHOS NIM

, ,'DRES PA BCU DANG BRGYAD DU GANG 'DOD PA DAG MI 'PHROGS PA'I RANG GI MTSAN NYID CAN YIN TE, GANG GI PHYIR STON PA SANGS RGYAS MI MTHUN PHYOGS DES MI 'PHROGS PA DE'I PHYIR, RNAM NI MKYEN PA NYID KYI YE SHE NI SHES BYA THAMS CAD MNGON SUM DU MKHYEN PA'I MTSAN NYID CAN DU 'DOD LA, DE LAS GZHAN PA'I SHES PA NI YUL NYI TSE BA TZAM LA 'JUG PA NYID KYIS SHES BYA THAMS CAD MNGON SUM DU MKHYEN PA ZHES BYA BAR MI 'DOD PA CHOS CAN NO, ,GSUM PA NI, GANG ZHIG 'DUS BYAS KYI MTSAN NYID DANG, 'DUS MA BYAS PA'I MTSAN NYID GANG DE DE KHO NA'I NGO PO NYID KYIS STONG PA NYID DA NI CHOS CAN, RANG GI MTSAN NYID STONG PA NYID YIN TE, ZHES SO, ,BCO LNGA PA MI DMIGS PA STONG PA NYID NI, SHES BYA CHOS CAN, DUS GANG DU DUS GSUM PO DE DAG PHAN TSUN MI DMIGS PA DE LA MI DMIGS PA ZHES BRJOD DE, DA LTAR BA 'DI SKAD CIG GNYIS PAR MI GNAS SHING, 'DAS PA ZHIG PA DANG MA 'ONGS PA MA SKYES PAS DA LTA YOD PA MA YIN PA'I PHYIR, MI DMIGS PA DE RANG GI NGO BO NYID DE YIS DBEN PA NYID GANG YI PA DE CHOS CAN, MI DMIGS PA ZHES BYA BA'I STONG BA NYID YIN TE, MI DMIGS PA BDEN PAS STONG PA'I PHYIR TE, MI DMIGS PA DON DAM PAR THER ZUG TU GNAS PA MIN ZHING 'JIG PA MIN PAS SO, ,BCU DRUG PA DNGOS PO MED PA'I NGO BO NYID STONG NYID NI, DNGOS PO RNAMS LA CHOS CAN 'DUS BA PA'I NGO BO RANG BZHIN GYIS MED DE, RKYEN LAS BYUNG BA'I PHYIR, 'DUS PA PA NI DE NYID KYI NGO BO NYID KYIS STONG PA NYID CHOS CAN, DNGOS PO MED PA STONG PA NYID YIN TE, ZHES SO, ,GNYIS PA NI, DNGOS PO'I SGRAS NI MDOR BSDUS NA PHUNG PO LNGA RNAMS BRJOD PA YIN LA DE RNAMS DE'I NGO BO NYID KYIS STONG PA NYID GANG YIN PA DE CHOS CAN, DNGOS PO STONG PA NYID DU BSHAD DE, ZHES SO, ,MDOR BSDUS NAS NI DNGOS PO MED PA 'DUS MA BYAS CHOS RNAMS LA BRJOD LA DE NYID DNGOS MED KYI NGO BO NYID DES STONG PA NYID CHOS CAN,

DNGOS PO MED PA STONG PA NYID YIN TE, ZHES SO, ,RANG BZHIN NGO BO NYID KYIS MED PA NI CHOS CAN, RANG BZHIN ZHES BYA BA'I STONG NYID YIN TE, ZHES SO, RANG BZHIN CHOS NYID CHOS CAN, RANG BZHIN ZHES NI BYA BAR BA SNYAD DE, 'DI LTAR NYAN THOS LA SOGS BSAM BYAS PAR DNGOS PO'I GSHIS LUGS YIN PA'I PHYIR, SANGS RGYAS RNAMS NI BYUNG BA'AM MA BYUNG YANG RUNG DNGOS KUN DNGOS PO KUN GYI STONG PA NYID NI GZHAN GYI DNGOS PO STE NGO BOR RAB TU BSGRAGS LA YANG DAG MTHA' DANG DE BZHIN NYID RANG BZHIN GYIS ME DPA DE CHOS CAN, GZHAN GYI DNGOS PO'I STONG PA NYID YIN TE, GZHAN GYI NGO PO BDEN PAS STONG PA'I CHA YIN PA'I PHYIR, STONG NYID DE DAG CHOS CAN, MDO LAS BSHAD PA YIN TE, SHES RAB KYI PHA ROL TU PHYIN PA'I TSUL GYI MDO LAS SDAR BSHAD PA DE SKAD DU RAB TU BSGRAGS PA'I PHYIR, BZHI PA NI, SNGAR BSHAD PA DE LTAR BLO GROS KYI 'OD ZER GYIS SNANG BA GSAL BAR BYAS PA'I SA DRUG PA LA GNAS PA'I BYANG SEMS CHOS CAN, THA SNYAD BDEN PA'I STOBS KYIS 'GOG PA LA SNYOMS PAR 'JUG PAR 'GRO STE, RANG GI LAG NA GNAS PA'I SKYU RU RA BZHIN DU SRID GSUM 'DI DAG MA LUS PHA GDOD PHYIR; ;DE CHOS CAN, SA DRUG PA DE'I GONGS BDUN PAR BDE BAR GSHEGS PA'I GSUNG LAS SKYES PA'I NYAN THOS SANGS RGYAS 'BRING PO RANG SANGS RGYAS DANG BCAS PA NI MA LUS PA RNAMS BLO YIS PHAM PAR BYED PA'ANG YIN TE, SA BDUN PAR 'GOG PA LA SKAD CIG RE RER SNYOMS PAR 'JUG LDANG BYED NUS PA'I PHYIR, DE NI CHOS CAN, THABS SHES TSANG BA'I LAM GYIS SANGS RGYAS SU BGROD PA YIN TE, KUN RDZOB RGYA CHE BA'I LAM GYI RIM PA DANG, DE KHO NA NYID RTOGS PA'I ZAB MO'I LAM GYI RIM PA'I GA-YAS GA-YON GYI GSHOG PA YANGS PA DKAR PO RGYAS PAR GYUR

, ,PA'I NGANG PA'I RGYAL PO KHYOD GDUL BYA'I SKYE BO'I DING PA'I MDUN DU BDAR NAS DGE BA'I RLUNG GI SHUGS CHEN PO'I STOBS KYIS RGYAL BA'I YON TAN RGYA MTSO'I PHA ROL MCHOG TU 'GRO BA'I PHYIR DBU MA LA 'UG PA'I DGONGS PA RAB TU GSAL BA'I ME LONG LAS DON DAM PA'I SEMS BSKYED PA DRUG BA RNA PAR BSHAD PA'O,, ,,SA BDUN PA RING DU SONG BA BSHAD PA NI, SA BDUN PA RING DU SONG BA 'DIR GNAS PA'I BYANG SEMS 'DI NI CHOS CAN, SA DRUG PA LAS KHYAD PAR DU 'PHAGS PA'I YON TAN THOB STE, SKAD CIG DANG SKAD CIG LA NI 'GOG PA LA SNYOMS PAR 'JUG PAR 'GYUR ZHING THABS KYI PHA ROL TU PHYIN PA LEGS PAR 'BAR BA'ANG THO BA'I PHYIR DBU MAL A 'JUG PA LAS SEMS BSKYED PA BDUN PA BSHAD PA'O,, ,,SA BRGYAD PA MI GA-YO BA BSHAD PALA GSUM, SA 'DIR SMON LAM LHAG CING 'GOG PA LAS SLOD TSUL, NYON MONGS THAMS CAD ZAD PAR BSTAN PA, DBANG BCU THOB PAR BSTAN PA'O, ,DANG PO NI, SA BDUN PA LA GNAS PA'I BYANG SEMS BDAG NYID CHEN PO DE CHOS CAN, GANG DU PHYIR MI LDOG PA NYID DU 'GYUR BA'I SA MI GA-YO BA DE LA 'JUG PA'I RGYU MTSAN YOD DE, YANG DANG YANG SA BDUN PA MAN GYI SNGAR GYI DGE BA LAS LHAG PA THOB PAR BYA BA'I CHED DU DE LA 'JUG PA'I PHYIR, SA BRGYAD PA LA GNAS PA'I BYANG SEMS 'DI CHOS CAN, SMON LAM 'BUM PHRAG GRANGS MED PA BTAB PA SHIN TU DAG PAR 'GYUR BA YIN TE, SMON LAM GYI PHAR PHYIN RDZOGS PA'I PHYIR, DE CHOS CAN, RGYAL BA RNAMS KYIS 'GOG PA LAS SLONG BAR MDZAD PA'I RGYU MTSAN YOD DE, CHAD PA'I MTHAR LHUNG PA SPANG PA'I CHED DU DE LAS SLONG BAR MDZAD PA'I PHYIR, GNYIS PA NI, SA BRGYAD PA LA GNAS PA'I BYANG SEMS CHOS CAN, NYON MONGS PA'I DRI MA DE

DAG RTZA BA DANG BCAS PA NYE BAR ZHI BAR 'GYUR TE, NYON MONGS PA'I SKYON RNAMS DAG DANG LHAN CIG MI GNAS PAR CHAGS PA MED PA'I BLO RNAM PAR MI RTOG PA'I YE SHES LA DBANG BSGYUR THOB PA'I PHYIR CHO CAN, NYON MONGS ZAD CING SA GSUM GYI BAL MAR GYUR KYANG SANGS RGYAS RNAMS KYI CHOS RDZOGS PAR THOB PA'I PHYIR DU BSGRIMS DGOS TE, DE LTAR YIN KYANG SANGS RGYAS RNAMS KYI NI 'BYOR PA MKHA' BLAR MTHA' DANG BRAL BA MA LUS PA THOB PAR NUS PA MIN PAS, DE THOB PHYIR DU BRTZON DGOS PA'I PHYIR, GSUM PA NI, CHOS CAN, LAS NYON GYI DBANG GIS 'KHOR BA 'GAGS KYANG TSOGS RDZOGS PAR BYED PA MI 'GAL TE, DBANG BCU PO RNAMS THOB PAR 'GYUR ZHING DBANG BCU PO DE DAG GIS SRID PA'I 'GRO BAR RANG GI BDAG NYID KYIS LUS SNA TSOGS STON PAR BYED PAR 'GYUR BA'I PHYIR, DBU MA LA 'JUG PA LAS DON DAM PA'I SEMS BSKYED PA BRGYAD PA'I BSHAD PA'O,, ,,SA DGU PA LEGS PA'I BLO GROS NI, SA DGU PA LA NI GNAS PA'I BYANG SEMS DE CHOS CAN SA BRGYAD PA LAS YON TAN KHYAD PAR DU 'PHAGS PA THOB STE, STOBS KYI PHA ROL TU PHYIN PA LTA ZHIG MTHA' DAG RDZOGS PAR DAG PAR 'GYUR ZHING DE BZHIN DU SO SO YANG DAG PAR RIG PA'I CHOS KYI RANG GI YON TAN YONGS SU DAG PA'ANG 'THOB PA'I PHYIR, DBUM LA 'JUG PA LAS DON DAM PA'I SEMS BSKYEDS DGU PA'I BSHAD PA'O,, ,,SA BCU PA CHOS KYI SBRIN NI, BCU PA'I SA LA GNAS PA'I BYANG SEMS DE YIS CHOS CAN, SA DGU PA MAN CHAD LAS KHYAD PAR DU 'PHAGS PA'I YON TAN THOB STE, PHYOGS KUN NAS SANGS RGYAS RNAMS LAS 'OD ZER CHEN PO'I DBANG BSKUR BA DAM PA 'THOB CING YE SHES KYI PHAR PHYIN LHAG PAR MCHOG TU BYUNG BAR GYUR PA'ANG YIN PA'I PHYIR, SHES BYA CHOS CAN, SA BCU PA LA CHOS KYIS BRIN ZHES

, ,'DOGS PA'I RGYU MTSAN YOD DE, CHAR SBRIN RNAMS LAS CHU CHAR 'BAB PA JI LTAR BA DE BZHI DU 'DRO BA RNAMS KYI DGE BA'I LO THOG GI CHED DU SA BCU PA LA GNAS PA'I RGYAL SRAS LAS KYANG LHUN GRUB TU DAM CHOS KYI CHAR 'BAB PA'I PHYIR, DBU MA LA 'JUG PA LAS DON DAM PA'I SEMS BSKYED PA BCU PA'I BSHAD PA'O,, ,,GNYIS PA SA BCU'I YON TAN BSTAN PA LA GSUM, SA DANG PO'I YON TAN, SA GNYIS PA NAS BDUN PA'I BAR GYI YON TAN, DAG PA SA GSUM GYI YON TAN NO, ,DANG PO NI, SHES BYA CHOS CAN, SA DANG POR YON TAN BRGYA PHRAG BCU GNYIS 'THOB STE, SA DANG PO THOB PA DE'I TSE BYANG SEMS 'DI YIS SANGS RGYAS BRGYA MTHONG ZHING BRGYA PO DE DAG GIS BYIN GYIS BRLABS KYANG BYANG SEMS 'DI YIS RTOGS PA DANG, DE NYID KYI TSE NA BSKAL PA BRGYAR GNAS SHING BSKAL PA BRGYAR SDON DANG PHYI MA'I MTHAR YANG YANG DAG PAR 'JUG PA DANG, BLO LDAN DES TING NGE 'DZIN BRGYA PHRAG GCIG LA SNYOMS PAR 'JUG CING GTONG PAR BYED PA DANG, 'JIG RTEN GYI KHAMS BRGYA BYANG SEMS 'DI YIS KUN NAS GA-YO ZHING SNANG BAR NUS PA DANG, DE BZHIN DU RDZU 'PHRUL GYIS SEMS CAN BRGYA PHRAG GCIG SMIN PAR BYED CING BRGYA PHRAG GI GRANGS DANG RJES SU 'BREL BA'I ZHING DAG TU YANG 'GRO BAR 'GYUR BA DANG, BYANG SEMS DES NI CHOS KYI SGO BRGYA RNAMS YANG DAG 'BYED PAR BYED CING THUB DBANG GI SRAS 'DIS RANG GI LUS LAS LUS BRGYA RNAMS KUN NAS STON PAR BYED PA'ANG YIN PA DANG, LUS RE RE ZHING YANG RGYAL BA'I SRAS PO BRGYA PHRAG DANG RJES SU 'BREL BA'ANG STON PA'I RANG GI 'KHOR DANG BCAS PAS MDZES SHING 'BYOR BA'I PHYIR, GNYIS PA NI, BLO LDAN RAB TU DGA' BAR GNAS PAS YON TAN BRGYA PHRAG BCU GNYIS PO DE DANG I THOB PAR GYUR NAS DE BZHIN KHO NAR SA GNYIS PA DRI MA MED PA LA GNAS PA'I BYANG SEMS CHOS

CAN, YON TAN DE DAG STONG PHRAG BCU GNYIS NI YANG DAG PAR 'THOB PAR 'GYUR TE, SKAD CIG MA GCIG LA SANGS RGYAS STONG GI ZHAL MTHONG PA NAS, RANG GI LUS STONG PO RE RE LA 'KHOR BYANG SEMS STONG PHRAG RE RES BSKOR BAR STON PA'I BAR GYI YON TAN THOB PA'I PHYIR, SA GSUM PA NAS BDUN PA'I BAR LNGA PO 'DI DAG RNAMS LA GNAS PA'I BYANG CHUB SEMS DPA' YIS NI YON TAN SDE TSAN BCU GNYIS 'THOB STE, SA GSUM PAR YON TAN 'BUM PHRAG BCU GNYIS DANG, BZHI PAR BYE BA BRGYA PHRAG BCU GNYIS 'THOB CING, SA LDA PA BDE YIS YON TAN BYE BA STONG PHRAG BCU GNYIS 'THOB LA, DE NAS SA DRUG PAR YON TAN BYE BA BRGYA PHRAG STONG 'GYUR BCU GNYIS YANG 'THOB CING, SA BDUN PAR YON TAN BYE BA PHRAG KHRAG KHRIG PHRAG BRGYAR RDZOGS PAR BSGYUR BA BCU GNYIS DANG, SLAR YANG STONG PHRAG TU YANG DAG PAR NI BSGYUR BA MTHA' DAG RAB TU 'THOB PAR 'GYUR BA'I PHYIR, GSUM PA NI, SA BRGYAD PA MI GA-YO BA'I SAR GNAS PA BDEN 'DZIN GYI RNAM RTOG ME PA'I BYANG SEMS DE CHOS CAN, YON TAN KHYAD PAR CAN 'THOB STE, STONG GSUM BRGYA PHRAG STONG BSDOMS PA'I 'JIG RTEN NA RDUL TSAD JI SNYED YOD PA DE RNAMS DANG UGRANGS MNYAM PA'I YON TAN DAG NI 'THOB PAR 'GYUR BA'I PHYIR, LEGS PA'I BLO GROS KYIS LA GNAS PA'I BYANG SEMS DE CHOS CAN; YON TAN CHES KHYAD PAR CAN THOB TE, SNGAR BSTAN PA'I YON TAN DAG GRANGS MED PA BRGYA PHRAG STON DU YANG DAG PAR BSDOMS PA PHRAG BCU'I RDUL TSAD DANG MNYAM PA'I YON TAN THOB PAR GYUR BA'I PHYIR, RE ZHIGS BCU PA 'DIR GNAS PA'I BYANG SEMS DE CHOS CAN, SA DGU PA MAN CHAD LAS CHES LHAG PA'I YON TAN 'THOB STE, KHYOD KYI YON TAN DAG NGAG GI SPYOD YUL LAS CHES 'DAS PAR 'GYUR ZHING DAG GI SPYOD YUL MIN PA BSDOMS PA'I SANGS RGYAS KYI ZHING RNAMS NA RDUL DAG

, ,JI SNYED YOD PA DE SNYED KYI GRANGS DANG MNYAM PA'I YON TAN THOB BAR 'GYUR BA'I PHYIR DANG, BA SPU'I KHUNG BU RE RER BYANG CHUB SEMS DPA' RNAMS DANG LHAN CIG TU RDZOGS PA'I SANGS RGYAS KYI SKU BGRANGS LAS 'DAS PA DANG, DE BZHIN DU LHA DANG LHA MIN DANG MI DAG KYANG SKAD CIG SKAD CIG LA NI STON PAR NUS PA'I PHYIR, GNYIS PA 'BRAS BU'I SA LA LNGA, DANG POR SANGS RGYAS PA'I TSUL, SKU DANG YON TAN GYI RNAM GZHAG, SPRUL SKU BSTAN PA, THEG PA GCIG TU BSGRUB PA, MNGON PAR BYANG CHUB PA DANG BZHUGS PA'I DUS KYI BSHAD PA'O, ,DANG PO LA GNYIS, DNGOS DANG, RTZOD SPANG NGO, ,DANG PO NI, SANGS RGYAS BCOM LDAN 'DAS CHOS CAN, 'OG MIN DU NI GANG GI DON DU 'BAD PAR GYUR PA'I GO 'PHANG MCHOG TU ZHI BA YON TAN MTHA' DAG MTHAR THUG CING MTSUNGS PA MED PA'I BLA NA MED PA'I YE SHES DE KHYOD KYIS BRNYES TE, GANG GI PHYIR NAM MKHA' DRI MA MED PA LA ZLA BA'I SNANG BAS GZUGS GSAL BAR GYUR PA LTAR, SNGON GYI TSE STOBS BCU PA BSKYED PA'I SA BCU PA LA KHYOD KYI SLAR YANG 'BAD PAR GYUR PA'I 'BRAS BU MTHAR THUG BRNYES PA'I PHYIR, CHOS CAN, MKHYEN BZANG KHYOD KYIS SKAD CIG GIS NI SHES BYA THAMS CAD THUGS SU CHUD DE, RO MNYAM NYID DU DE KHO NA NYID YANG DAG PAR THUGS SU CHUD PAR MDZAD PA MTHAR PHYIN PAR GYUR PA'I PHYIR TE, JI LTAR SNOD KYI DBYE BAS MKHA' LA THOGS BCAS KYI REG PA BKAG TZAM LAS MA GTOGS PA'I DBYE BA MED PA DE LTAR DU, DNGOS POS BYAS PA'I DBYE BA 'GA' YANG MED PA'I DE KHO NA NYID LA SLAR MI LDANG BA'I TSUL GYIS MNYAM PAR BZHAG PA DE'I PHYIR, GNYIS PA LA RTZOD LAN GNYIS, DANG PO NI, GANG GI TSE RANG BZHIN GYIS ZHI BA DE KHO NA NYID YIN NA DE LA BLO GROS 'JUG PAR MI 'GYUR ZHING, BLO MA ZHUGS PAR SHES BYA'I YUL

CAN DU NGES PAR RIGS PA'ANG MIN LA YUL KUN NAS SHES PA MED PAR NI SHES PAR JI LTAR 'GYUR TE SHES PAR 'GAL BAR 'GYUR LA, DE LTA NA DE KHO NA NYID MKHYEN PA PO MED PAR KHYED KYIS GZHAN LA DE KHO NA NYID THUGS SU CHUD PA 'DI LTA BU'O ZHES SU ZHIG STON PAR BYED RIGS TE MI RIGS SO ZHE NA, GNYIS PA LA GNYIS, DE KHO NA NYID RTOGS PA MI 'THAD PA'I RTZOD PA SPANG BA, MKHYEN PA PO MI 'THAD PA'I RTZOD PA SPANG BA'O, ,DANG PO NI, CHOS CAN, CHOS STON PA'I KUN SLONG GI RTOG PA MED KYANG THA SNYAD BDEN PA LA NYE BAR BRTEN NAS DE KHO NA NYID RIG PA YIN TE, DE KHO NA NYID DE'I RNAM PA STEN PA STE 'DZIN PA LAS KHYOD KYIS DE KHO NA NYID RTOGS PAR BZHAG PA'I PHYIR TE, GANG GI TSE RANG BZHIN GYIS SKYE BA MED PA DE KHO NA NYID YIN ZHING BLO YANG RANG BZHIN GYIS SKYE BA DANG BRAL BA'I RNAM PA CAN DU SKYES PA'I PHYIR, JI LTAR SNGON PO 'DZIN PA'I SEMS NI GANG GI RNAM PA CAN DU 'GYUR BA DE YIS YUL SNGON PO DE YONGS SU SHES PAR BZHAG PA DE BZHIN NO, ,GNYIS PA NI, CHOS CAN, KUN SLONG GI RNAM RTOG MED KYANG CHOS STON PA MI 'GAL TE, BSOD NAMS KYI TSOGS KYIS ZIN PA'I SANGS RGYAS DE'I LONGS SPYOD RDZOGS SKU DANG SPRUL PA DANG SPRUL PA DE'I MTHUS NAM MKHA' DANG RTZI SHING SOGS GZHAN LAS SGRA GANG CHOS KYI DE KHO NA NYID STON PA 'BYUNG BA DE LAS 'JIG RTEN GYIS KYANG DE KHO NA NYID RIG PA'I PHYIR, CHOS CAN, CHOS 'DRA, DA LTA RNAM RTOG SKYES PA'I RTZOL BA MED BZHIN DU CHOS KYI BDAG NYID CAN GYI SKU NYID LA BZHUGS PA DE'I PHRIN LAS 'JUG PA NI GDUL BYA'I SKYE BO'I DGE BA DANG RANG GI SNGON GYI SMON LAM GYI KHYAD PAR GYIS 'PHANGS PA LAS CHES BSAM GYIS MI KHYAB PA'I PHYIR, JI LTAR RDZA MKHAN STOBS CHEN LDAN PAS 'JIG RTEN 'DIR YUN RING DU CHES 'BAD PAS BSKOR BA'I 'KHOR LO NI RDZA MKHAN DE'I RTZOL BA DA LTAR SKYES PA MED BZHIN DU'ANG 'KHONG ZHING BUM

, ,PA LA SOGS PA'I RGYUR MTHONG BA LTAR DE BZHIN NO, ,GNYIS PA LA GNYIS, SKU'I RNAM GZHAG DANG, STOBS KYI YON TAN GYI RNAM GZHAG GO, DANG PO LA GSUM, CHOS KYI SKU, LONGS SPYOD RDZOGS PA'I SKU, RGYU MTHUN GYI SKU BSHAD PA'O, ,DANG PO NI, GNYIS SNANG GI SHES BYA'I BUD SHING SKUM PO MA LUS PA BSREGS PAS DRI MA MTHA' DAG DANG BRAL BA'I DE KHO NA NYID ZHI BA DE CHOS CAN, RGYAL BA RNAMS KYI CHOS SKU STE, DRI MA MTHA' DAG DANG BRAL BA'I DE BZHIN YIN PA'I PHYIR; LONGS SPYOD RDZOGS SKU CHOS CAN, SKYE BA MED CING 'GAG PA MED PA'I CHOS SKU DE MNGON SUM MDZAD DE, SEMS SEMS BYUNG GI RNAM RTOG 'GAGS PA'I SGO NAS DE KHO NA NYID LA SLAR MI LDANG BA'I TSUL GYIS MNYAM PAR BZHAG PA'I PHYIR, GNYIS PA NI; 'DI NI CHOS CAN, SPROS PA ZHI BA'I SKU YIN YANG SEMS CAN GYI DON MDZAD PA'I NUS PA GSAL BAR GYUR PA YIN TE, DPAG BSAM GYI SHING LTA BU DANG YID BZHIN GYI NOR BU JI BZHIN DU RNAM PAR MI RTOG BZHIN DU MNYAM GZHAG TU GNYIS SNANG GI SPROS PA DANG BRAL BA'I BYANG SEMS LA SNANG BAR 'GYUR BA'I SGO NAS 'GRO BA THAMS CAD GROL GYI BAR DU 'JIG RTEN GYI 'BYOR BA'I SLAD DU RTAG PAR BZHUGS PA'I PHYIR, GSUM PA LA GSUM, SKU DANG BA SPU'I KHUNG BU GCIG TU RANG GI SPYOD PA KUN STON TSUL, GNAS DER GZHAN GYI SPYOD PA KUN STON TSUL, BZHED PA LA MNGA' BSGYUR BA PHUN SUM TSOGS PA BSHAD PA'O, ,DANG PO NI, SANGS RGYAS BCOM LDAN 'DAS CHOS CAN, RANG GI SPYOD TSUL KUN SKU'I BA SPU'I KHUNG BU RE RER STON NUS PA YIN TE, DUS GCIG KHO NAR THUB DBANG GI LONGS SPYOD RDZOGS SKU DE'I RGYU MTHUN GYI GZUGS SKU GCIG LA RANG GI SKYE BA'I GNAS SKABS DA LTA 'GAGS PA GSAL BA DANG MA 'CHOL BA SNGAR BYUNG TSUL NI MA LUS KYIS BKRA BA MTHA' DAG STON PAR MDZAD PA'I PHYIR DANG, SANGS RGYAS KYI

ZHING JI 'DRAR THUB DBANG DE DANG, SANGS RGYAS DE DAG GI SKU DANG SPYOD PA'I MTHU STOBS CI 'DRA DANG, 'KHOR NYAN THOS KYI DGE 'DUN JI SNYED JI LTA BA DANG, ZHING DER BYANG SEMS RNAMS GZUGS JI 'DRA DANG, JI 'DRA'I TSES BSTAN PA DANG, ZHING DER BDAG JI 'DRAR GYUR PA DANG, CHOS THOS NAS SPYOD PA GANG LA SPYAD PA DANG, SANGS RGYAS SRAS BCAS DE DAG LA SBYIN PA GANG JI TZAM PHUL BA DE NI MA LUS PA SKU GCIG LA STON PAR MDZAD PA DANG, DE BZHIN DU TSUL KHVIMS DANG BZOD PA DANG BRTZON 'GRUS DANG TING NGE 'DZIN DANG; SHES RAB LA SPYOD PA'I TSE SNGAR GYI GNAS SKABS GANG MTSANG BA MED PA DE DAG DANG, SNGON GYI RANG NYID KYI SPYOD PA KUN SKU'I BA SBU'I KHUNG BU NA'ANG GSAL BAR STON PA'I PHYIR, GNYIS PA NI, CHOS CAN, GZHAN GYI SPYOD TSUL KUN SKU'I BA SPU'I KHUNG BU RE RER STON NUS PA YIN TE, SANGS RGYAS GANG DAG 'DAS PA DANG 'BYUNG BAR 'GYUR BA GANG DANG, GANG DAG DA LTAR NAM MKHA'I MTHAR THUG PAR GSUNG GI GDANGS MTHON POS CHOS STON PAS SDUG BSNGAL GYIS BZUNG BA'I 'GRO BA RNAMS DBUGS 'BYIN ZHING 'JIG RTEN NA BZHUGS PA DANG, DANG PO'I THUGS BSKYED PA NAS BZUNG STE, BYANG CHUB SNYING PO'I BAR DU SANGS RGYAS DE DAG GI SPYOD PA KUN DNGOS PO RNAMS MIG 'PHRUL GYI RANG BZHIN LTA BUR MKHYEN NAS BDAG GI SPYOD TSUL STON PA DE BZHIN DU BA SPU'I KHUNG BUR DUS GCIG LA NI GSAL BAR STON PA'I PHYIR DANG, DE BZHIN DU DUS GSUM GYI BYANG SEMS DANG, RANG RGYAL 'PHAGS PA DANG, NYAN THOS MA LUS KYI SPYOD PA DANG, DE DAG GI LHAG MA SO SO SKYE BO'I GNAS SKABS NI THAMS CAD BA SPU'I KHUNG BUR DUS GCIG GI TSE STON PA'I PHYIR; GSUM PA NI, CHOS CAN, BZHED PA LA MNGA' BSGYUR BA PHUN SUM TSOGS PA YIN TE, DAG PA KHYOD KYI MDZAD PA 'DI NI BZHED PA TZAM GYIS 'JUG PA'I SGO NAS RDUL GCIG GI YUL LA NAM MKHA'I MTHAS GTUGS PA'I 'JIG RTEN STON PA DANG,

, ,'JIG RTEN MTHA' YAS PA'I PHYOGS RDUL GCIG GIS KHYAB PAR STON MOD RDUL GCIG PO DE RAGS PAR MI 'GYUR LA 'JIG RTEN PHRA BAR MI 'GYUR BA'I PHYIR DANG, RNAM RTOG MI MNGA' BA KHYOD KYIS SRID PA'I MTHA'I BAR DU SKAD CIG DE RE RE LA SPYOD PA SNA TSOGS JI SNYED STON PA DE SNYED 'DZAM BU'I GLING MA LUS PA'I RDUL GANG DE SNYED LA GRANGS DE MED PA'I PHYIR, GNYIS PA LA BZHI, STOBS BCU MDOR BSTAN, RGYAS PAR BSHAD, YON TAN KUN BRJOD MI NUS PA'I TSUL, YON TAN GNYIS SHES PA'I PHAN YON BSTAN PA'O, ,DANG PO NI, SANGS RGYAS KYI STOBS NI CHOS CAN, DBYE NA BCU PO 'DI DAG YOD DE, GNAS DANG GNAS MIN PA MKHYEN PA'I STOBS DANG, DE BZHIN DU LAS KYI RNAM SMIN MKHYEN PA'I BLO STOBS DANG, MOS PA SNA TSOGS THUGS SU CHUD PA'I STOBS DANG, KHAMS NI SNA TSOGS MKHYEN PA'I STOBS DANG, DE BZHIN DU DBANG PO MCHOG DANG MCHOG MIN PA MKHYEN PA'I STOBS DANG, THAMS CAD DU 'GRO BA'I LAM MKHYEN PA'I STOBS DANG, BSAM GTAN DANG RNAM THAR DANG TING NGE 'DZIN DANG SNYOMS PAR 'JUG PA SOGS MKHYEN PA'I BLO STOBS DANG, SNGON GYI GNAS RJES SU DRAN PA MKHYEN PA'I STOBS DANG, DE BZHIN DU 'CHI 'PHO BA DANG SKYE BA MKHYEN PA'I BLO STOBS DANG, ZAG PA RNAMS ZAD PA MKHYEN PA'I STOBS RNAMS YOD PA'I PHYIR, GNYIS PA NI, CHOS CAN, GNAS DANG GNAS MIN PA MKHYEN PA'I STOBS SU BSHAD PA DE MNGA' STE, RGYU GANG ZHIG LAS 'BRAS BU GANG ZHIG NGES PAR SKYE BAR 'GYUR PA'I RGYU DE NI 'BRAS BU DE'I GNAS SU DE MKHYEN PA RNAMS KYIS GSUNGS LA, SNGAR BSHAD PA LAS BZLOG PA GNAS MIN PA'I SHES BYA MTHA' YAS PA LA MKHYEN PA THOGS PA SPANGS PA DE NI BRNYES PA'I PHYIR, CHOS CAN, LAS KYI RNAM SMIN MKHYEN PA'I STOBS SU 'DOD PA BRNYES TE, 'DOD PA DGE BA DANG MI 'DOD PA MI DGE BA DANG, DE

GNYIS LAS BZLOG PA LAS 'DREN MA DANG, LAS NGAN ZAD PAR BYED PA'I DNGOS PO'I LAS DANG, DE'I RNAM SMIN SHIN TU SNA CHOGS LA'ANG MKHYEN PA NUS MTHU THOGS MED SO SOR 'JUG PAR 'GYUR BA DUS GSUM GYI SHES BYA THAMS CAD LA KHYAB PAR MDZAD PA DE NI BRNYES PA'I PHYIR, CHOS CAN, MOS PA SNA TSOGS THUGS SU CHUD PA'I STOBS ZHES BYA BA BRNYES TE, 'DOD CHAGS SOGS KYIS 'BYUNG BA'I STOBS KYIS 'DOD PA NI SHIN TU SNA TSOGS PA DMAN PA DANG, 'BRING DANG, GANG YANG KHYAD 'PHAGS SU 'DOD PA DANG, DE LAS GZHAN PA'I SPYOD PA RNAMS KYIS GA-YOGS PA'I MOS PA LA'ANG MKHYEN PA NI DUS GSUM GYI 'GRO BA MA LUS BA LA KHYAB PA'I PHYIR, CHOS CAN, KHAMS SNA TSOGS MKHYEN PA'I STOBS SU 'DOD PA DE BRNYES TE, SANGS RGYAS KHAMS KYI RNAM PAR DBYE BA LA MKHAS PA RNAMS KYIS MIG SOGS RNAMS KYI RANG BZHIN GANG YIN PA DE KHAMS SU GSUNGS PA'I RNAM PA KUN GYI KHAMS KYI KHYAD PAR LA RDZOGS PA'I SANGS RGYAS KHYED RNAMS KYI MKHYEN PA MTHA' YAS PAR 'JUG PA'I PHYIR, CHOS CAN, DBANG PO MCHOG DANG MCHOG MIN PA MKHYEN PA'I STOBS SU GSUNGS PA DE BRNYES TE, KUN TU RTOG SOGS DANG DAD PA'I DBANG PO SOGS CHES RNO BA NYID NI MCHOG TU BZHED LA, 'BRING GI GNAS SKABS DANG BRTUL BA NYID MCHOG MIN PAR BSHAD PA DANG, MIG LA SOGS PA DBANG PO NYER GNYIS DANG DBANG PO RNAMS PHAN TSUN PHAN PA SGRUB NUS PA'I CHUB PA LA RNAM PA THAMS CAD DU MKHYEN PA CHAGS MED DU 'JUG PA'I PHYIR, CHOS CAN, THAMS CAD DU 'GRO BA'I LAM MKHYEN PA'I STOBS SU 'DOD PA DE BRNYES TE, LAM 'GA' RGYAL BA NYID DANG 'GA' ZHIG RANG RGYAL GYI BYANG CHUB DANG NI NYAN THOS KYI BYANG CHUB DANG, YI DVAGS DANG DUD 'GRO DANG LHA MI RNAMS DANG DMYAL BAL SOGS PAR 'GRO BA DE LA MKHYEN PA CHAGS MED MTHA' YAS PAR 'JUG PA'I PHYIR, CHOS CAN, BSAM GTAN DANG RNAM PAR THAR PA SOGS MKHYEN

, ,PA'I STOBS SU BSHAD PA DE BRNYES TE, 'JIG RTEN MTHA' YAS PA NA RNAL 'BYOR BA'I BYE BRAG LA THA DAD PA BSAM GTAN DANG RNAM THAR BRGYAD DANG, GANG ZHI GNAS GANG DAG DANG SNYOMS 'JUG GI KHYAD PAR GANG DAG GCIG DANG BRGYAD DU GYUR PA DE LA MKYEN PA THOGS MED 'DI NI 'JUG PA' PHYIR, CHOS CAN, SNGON GYI GNAS RJES SU DRAN PA MKHYEN PA'I STOBS SU BSHAD PA DE BRNYES TE, JI SRID DU GTI MUG YOD PA DE SRID DU SRID PA NA GNAS PA NA 'DAS PA'I DUS SU BDAG DANG SEMS CAN GZHAN RE RE'I SRID PA'I SEMS CAN NI JI RNYED PA DE SNYED MTHA' YAS PA GZHI DANG BCAS SHING YUL PHYOGS DANG BCAS PA RNAMS LA MKHYEN PA'I BLO GANG DANG GANG YIN THOGS MED DU 'JUG PA'I PHYIR, CHOS CAN, 'CHI 'PHO BA DANG SKYE BA MKHYEN PA'I STOBS SU 'DOD PA DE BRNYES TE, SEMS CAN RNAMS KYI SEMS CAN RE RE'I 'CHI 'PHO DANG, SKYE BA GANG 'JIG RTEN LA GNAS PA NAM MKHA'I MTHAR THUG PA DANG, LAS KYIS BKRA BAR BYAS PA MANG PO DE LA MKHYEN PA DUS DER MA CHAGS PA RNAM PA KUN YONGS SU DAG PA MTHA' YAS PA 'JUG PA YIS SO, ,CHOS CAN, ZAG PA ZAD PA MKHYEN PA'I STOBS SU 'DOD PA DE BRNYES TE, RNAM KUN MKHYEN PA'I STOBS KYIS MYUR DU RGYAL BA RNAMS KYI NYON MONGS DE DAG NI BAG CHAGS DANG BCAS PA 'JIG PA STE SPANGS PAR 'GYUR BA DANG, SLOB MA NYAN THOS LA SOGS PAS NYON MONGS PA ZAG MED KYI BLO YIS 'GOG PA GANG YIN PA DE LA MKHYEN PA CHAGS MED MTHA' YAS PAR 'JUG PA'I PHYIR, GSUM PA NI, SHES BYA CHOS CAN, NYAN RANG DANG BYANG SEMS KYIS SANGS RGYAS KYI YON TAN MA LUS PA MA BRJOD PA DE SANGS RGYAS KYI YON TAN ZANG PA'I DBANG GIS MA YIN TE, SLOB MA NYAN THOS DANG BCAS PA'I RANG SANGS RGYAS DANG SANGS RGYAS KYI SRAS RNAMS KYIS BLO'I NUS PA ZAD PA'I DBANG GIS SANGS

RGYAS KYI YON TAN MKHA' LTAR MTHA' YAS PA MA BRJOD PAR LDOG PAR 'GYUR BA'I PHYIR, DPER NA NAM MKHA' LDING MKHA' LA 'PHUR BA NA NAM MKHA' MED PAS 'DAB CHAGS KYI DBANG PO DE LDOG PAR MI 'GYUR GYI 'DIR NI NAM ZHIG NA RANG MTHU ZAD PAS LDOG PAR 'GYUR BA DE BZHIN NO, ,'GREL BA MDZAD PA BDAG 'DRA BAS SANGS RGYAS KHYOD KYI YON TAN 'DI DAG MA LUS PA NI SHES PA DANG NI BRJOD PAR NUS PAR 'GYUR RAM CI STE MI NUS MOD, 'ON KYANG DOGS PA SPANGS NAS YON TAN CUNG ZAD TZAM ZHIG SMRAS PA'I RGYU MTSAN YOD DE, YON TAN DE DAG 'PHAGS PA KLU SGRUB KYIS BSHAD PAS DE'I RJES SU 'BRANGS NAS BSTAN PA'I PHYIR, BZHI PA NI, CHOS CAN, SANGS RGYAS KYI YON TAN GYI RIGS GNYIS SU 'DUS TE, ZAB MO STONG PA NYID CHOS SKU RGYU 'BRAS DANG, DE LAS GZHAN PA'I YON TAN RNAMS NI RGYA CHE BA'I YON TAN YIN PA'I PHYIR, ZAB PA DANG RGYA CHE BA'I TSUL SHES NAS GOMS PAR BYED PA CHOS CAN, DGOS PA YOD DE, SANGS RGYAS KYI YON TAN GNYIS PO 'DI DAG 'THOB PAR 'GYUR BA'I PHYIR, GSUM PA NI, SANGS RGYAS BCOM LDAN 'DAS CHOS CAN, SPRUL PA'I SKU PHUN TSOGS MNGA' STE, CHOS SKU LAS MI GA-YO BA'I SKU MNGA' BA KHYOD KYIS SLAR YANG SRID GSUM BYON NAS SPRUL SKU RNAMS KYIS DGA' LDAN NAS GSHEGS PA DANG NI BLTAMS PA DANG BYANG CHUB ZHI BA'I CHOS KYI 'KHOR LO'ANG STON PAR MDZAD CING DE LTAR 'JIG RTEN GA-YO BAG STE SNA TSOGS PA'I SPYOD PA CAN RE BA'I ZHAGS PA NI MANG POS BCINGS PA MA LUS PA THUGS RJES MYA NGAN LAS 'DAS PAR BKRI BAR MDZAD PA'I PHYIR, BZHI PA NI, CHOS CAN, KHYOD KYIS GDUL BYA'I 'GRO BA LA THEG PA GZHAN DANG MI MNYAM PA DBYER MED PA'I THEG PA GCIG BSTAN TE, GANG GI PHYIR 'DI NA CHOS RNAMS KYI DE KHO NA NYID LA MI 'DRA BA'I RNAM 'GYUR GYI DBYE BA LA'ANG BRTEN PA MIN

, ,CID DE KHO NA NYID KYI YUL CAN GYI BLO GROS 'DI YANG 'DZIN STANGS THA DAD PAR 'GYUR BA MIN ZHING DRI MA MTHA' DAG SEL BA NI LHUR BYED PA DE KHO NA NYID MNGON SUM DU SHES PA LAS GZHAN MED PA DE'I PHYIR, CHOS CAN, THOG MAR GDUL BYA THEG PA CHEN PO LA 'JUG PAR MI MDZAD PA'I RGYU MTSAN YOD DE 'JIG RTEN KHA CIG SANGS RGYAS KYI SPYOD YUL GTING ZAB PA LA 'JUG PAR MI 'GYUR BA'I PHYIR TE, GANG GI PHYIR 'GRO BA LA NYES PA SKYED BYED SNYIGS MA LNGA PO 'DI DAG YOD PAR GYUR PA DE'I PHYIR, CHOS CAN,, KHYOD KYIS NYAN RANG GI THEG PA 'DI NI SLOB MA NYAN THOS DANG RANG RGYAL GYI RIGS CAN SDUG BSNGAL NYE BAR ZHI BA'I TSUL LA YID SBYONG BA'I CHED DU GSUNGS SHING NYON MONGS KYIS RNAM PAR DBEN PA'I BLO SBYANGS PA RNAMS LA PHYIS THEG CEN LOGS SU GSUNGS PA'I RGYU MTSAN YOD DE, GANG GI PHYIR BDE GSHEGS KHYOD LA GDUL BYA 'DUL BA'I MKHYEN RAB THUGS RJE'I THABS DANG LHAN CIG PA MNGA' BA DANG, GANG GI PHYIR BDAG GIS SEMS CAN THAMS CAD DGROL BAR BYA'O ZHES KHYOD KYIS ZHAL GYIS BZHES PA DE MTHAR PHYIN PAR MDZAD DGOS PA'I PHYIR, DPER NA DED DPON THABS LA MKHAS PAS RIN PO CHE'I GLING DU CHAS PA'I SKYE BO'I TSOGS KYI NGAL BA NYE BAR SEL BA'I PHYIR DU GRONG KHYER YID DU 'ONG BA BAR DU RNAM PAR BKOD PA STE SPRUL PA LTAR RO, ,LNGA PA LA GNYIS, MNGON PAR BYANG CHUB PA'I DUS DANG, BZHUGS PA'I DUS KYI BSHAD PA'O, ,DANG PO NI, CHOS CAN, BYANG CHUB KYI SNYING POR SANGS RGYAS TSUL STON PA'I GRANGS BSAM GYIS MI KHYAB STE, PHYOGS BCU'I SANGS RGYAS KYI ZHING MA LUS PA'I YUL DAG NA RDUL PHRA RAB KYI RDUL RNAMS BDOG PAR GYUR PA JI SNYED PA BDE BAR GSHEGS PA KHYOD BYANG CHUB MCHOG RAB DAM PAR GSHEGS PA'I BSKAL PA DE SNYED YOD PA'I PHYIR, 'ON KYANG KHYOD KYI GSANG BA 'DI NI GDUL BYA KHA CIG LA BSNYAD PAR BGYI BA MA LAGS TE, SNGON

DGE RTZAM BSAGS PA RNAMS MOS PAR DKA' BA'I PHYIR, GNYIS PA NI, CHOS CAN, KHYOD LA RAB TU ZHI BA PHYOGS GCIG PAR 'GYUR BA GA LA MNGA' STE MI MNGA' STE, JI SRID 'JIG RTEN MTHA' DAG MCHOG TU RAB TU ZHI BAR 'GRO BA MIN ZHING NAM MKHA' RNAM PAR 'JIG PAR 'GYUR BA MIN PA DE SRID DU, SHES RAB YUM GYIS BSKYED PA'I RGYAL BA KHYOD LA THUGS RJE'I MA MA YIS 'KHOR BA MA STONGS KYI BAR DU BZHUGS PA'I TSUL LUGS 'DI BYED PAS SO, ,CHOS CAN, MGON PO KHYOD MCHOG TU RAB TU ZHI BA PHYOGS GCIG PAR GSHEGS PAR 'GYUR BA MA LAGS TE, GTI MUG GI SKYON GYIS 'JIG RTEN 'DOD YON GYI KHA ZAS DUG BCAS ZA BA'I SKYE BO NYID KYI NANG MI DE LA KHYOD THUGS BRTZE BA JI LTA BA DE LTAR DU DUG ZOS NAS NYEN PA'I BU LA MA YIS SDUG BSNGAL GYI YID SKYE BA MIN PA DES NA'O, ,CHOS CAN, KHYOD LA ZHI BA PHYOGS GCIG PA'I MYA NGAN LAS 'DA' BA MI MNGA' STE, GANG GI PHYIR NA MI MKHAS PAS DNGOS PO DANG DNGOS PO MED PAR BDEN PAR ZHEN PA'I BLO CAN GYI SKYE BA DANG 'JIG PA'I GNAS SKABS DANG; SDUG PA DANG BRAL BA DANG, MI SDUG PA DANG PHRAD PAS BSKYED PA'I SDUG BSNGAL DANG, SDIG CAN GYI 'GRO BA THOB PA DE'I PHYIR DANG, 'JIG RTEN THUGS BRTZE BA CHEN PO'I YUL DU RAB TU DANG BAS BCOM LDAN 'DAS KHYOD THUGS RJE CHEN POS THUGS ZHI BA LAS BZLOG PAS SO, ,GSUM PA BSTAN BCOS JI LTAR BRTZAMS PA'I TSUL NI, DBU MA LA 'JUG PA'I LUGS 'DI CHOS CAN, DGE SLONG DPAL LDAN ZLA GRAGS KYIS RANG DGAR SBYAR BA'I NYES PA MED DE, DBU MA'I BSTAN BCOS RTZA BA SHES RAB LAS BTUS NAS NGES DON GYI LUNG JI LTA BA BZHIN DANG, KLU SGRUB KYI MAN NGAG NI JI LTA BA BZHIN BRJOD PA YIN PA'I PHYIR, SHES BYA CHOS CAN, THAR PA DON GNYER RNAMS KYIS LUGS 'DI LA 'JUG PAR RIGS TE,

, ,JI LTAR DBU MA'I GZHUNG LUGS 'DI LAS GZHAN NA STONG NYID PHYIN CI MA LOG PAR STON PA'I CHOS 'DI NI MED PA DE BZHIN DU 'DIR 'BYUNG BA'I LUGS KYANG BSTAN BCOS GZHAN NA MED CES MKHAS PA RNAMS KYIS NGES PAR MDZAD DGOS PA'I PHYIR, SHES BYA CHOS CAN, BSTAN BCOS 'DI BRTZAMS PA LA DGOS PA KHYAD PAR CAN YOD DE, SLOB DPON KLU SGRUB KYI BLO'I RGYA MTSO SHIN TU RGYA CHE BA'I KHA DOG GIS 'JIGS PAS DNGOS SMRA BA'I SKYE BOS KLU SGRUB KYI LUGS BZANG PO GANG DAG RGYANG RING DU SPANGS KYANG DBUM RTZA BA DE'I TSIG LE'UR BYAS PA KHA 'BUS PA'I KU MUD KHA PHYE BA'I CHUS DA LTA ZLA BA GRAGS PA YID LA RE BA RNAMS SKONG BAR BYED PA'I PHYIR, SHES BYA CHOS CAN, DON DAM BDEN PA STON PA'I TSUL LUGS SANGS RGYAS KYI DGONGS PAR MA SONG BAS, RANG GI BLOS SBYAR BA 'DI DAG MTHONG NAS GANG ZAG GI BDAG TU BRJOD PA'I GZHUNG LUGS RNAMS LTAR GZHAN LUGS KYI BZHED PA'I GZHUNG DBU MA'I LUGS 'DI LAS GZHAN PA LA DGA' BA'I BLO DOR BAR BYA STE, DE KHO NA NYID ZAB MO SNGAR BSHAD ZIN PA 'JIGS SU RUNG BA 'DI NI SNGON STONG NYID LA MOS PA'I BAG CHAGS GOMS PA NYID LAS SKYE BO YIS NGES PAR RTOGS PAR 'GYUR GYI ZAB MO'I DON 'DI NI GSAN RGYA CHE YANG GZHAN GYIS THUGS SU CHUD PAR MI 'GYUR BA DE'I PHYIR, BZHI PA BSTAN BCOS BRTZAMS PA'I DGE BA BSNGO BA NI, SLOB DPON KLU SGRUB KYI LUGS BZANG PO BSNYAD PA LAS BDAG GIS BSOD NAMS PHYOGS KYI MTHAR KHYAB CING YID KYI NAM MKHA' NYON MONGS KYIS SNGON POR BYAS PA'I DKYIL DU STON KA'I RGYU SKAR LTAR DKAR BA'AM, SEMS KYI SBRUL LA GDENGS KA'I NOR BU DANG 'DRA BA GANG ZHIG THOB PA DES 'JIG RTEN MA LUS PA DE KHO NA NYID MNGON SUM DU RTOGS NAS MYUR DU BDE BAR GSHEGS PA'I SAR BGROD PAR SHOG CIG, BZHI PA MJUG GI DON LA GNYIS, SLOB

DPON GANG GIS MDZAD PA DANG, LO PAn GANG GIS BSGYUR BA'O, ,DANG PO NI, DBU MA LA 'JUG PA ZAB PA DANG RGYA CHE BA'I TSUL GSAL BAR BYED PA SLOB DPON ZLA BA GRAGS PA THEG PA MCHOG LA THUGS GZHOL BA MI 'PHROGS PA'I MKHYEN RAB DANG THUGS RJER LDAN PA RI MOR BRIS PA'I BA DRUS MA LAS 'OM BZHOS PAS SEMS CAN GYI BDEN PAR MNGON PAR ZHEN PA BZLOG PAR MDZAD PAS SBYAR BA RDZOGS SO,, ,,GNYIS PA NI, KHA CHE'I YUL GYI GRONG, BYER DPE MED KYI DBUS RIN CHEN SPAS PA'I GTZUG LAG KHANG DU, KHA CHE'I RGYAL PO DPAL 'PHAGS PA LHA'I SKU RING LA RGYA GAR GYI MKHAN PO TI LA KA KA LA SHA DANG, BOD KYI LOTZTSA BA PA TSAB NYIM GRAGS KYIS KHA CHE'I DPE DANG MTHUN PAR BSGYUR, PHYIS RA SAR MO CHER RGYA GAR GYI MKHAN PO KAN KA WARMA DANG, LOTZTSA BA DE NYID KYIS NYI 'OG SHAR PHYOGS PA'I DPE DANG GTUGS SHING LEGS PAR BCOS NAS 'CHAD NYAN GYIS GTAN LA PHAB PA'O,, ,,RGYA CHEN MTHA' DANG DBUS BRAL CHOS DBYINGS MKHA' DER TSOGS GNYIS CHU SHEL RAB TU DKAR, ,MTHAR LTA'I CHU 'DZIN LAS GROL RAB GSAL THUGS NI SKYON GYI MUN NAG RING DU SPANGS, ,GSUNG ZER DRI MED KUN TU 'PHROS PAS MKHA' KHYAB 'GRO BA'I GDUNG BA 'PHROG MDZAD PA, ,DPAL LDAN ZLA BA GRAGS PA'I YE SHES 'OD KYIS BDAG BLO'I KU MUD RTAG TU SKYONGS TSIG GI DKYIL 'KHOR RGYA KHYON CHE MIN YANG, ,DON GYI GZUGS KUN JI BZHIN RAB GSAL ZHING, ,BLO YI BZHIN LEGS GANG DAG MGU BYED PA'I, ,RAB GSAL ME LONG 'DI NI KHO BOS BYAS, ,DGE BA 'DI YIS MTHA' YAS LUS CAN KUN, ,BLO MIG PHYOGS LHUNG DRI MAS MA SLANG CING, ,RIGS DANG MI RIGS TSUL BZHIN 'BYED PA LA, ,MYUR DU THAMS CAD GZIGS PA THOB PAR SHOG ,DBUM LA 'JUG PA'I BSTAN BCOS KYI DGONGS PA RAB TU GSAL BA'I ME LONG 'DI NI, CHOS KYI RGYAL

, ,PO SHAR TZONG KHA PA CHEN PO'I ZHABS RDUL SPYI BOS LEN PA, DBU MA CHEN PO'I RNAL 'BYOR PA DGE 'DUN GRUB DPAL BZANG POS, THUN MONG GI LO THA SKAR GYI ZLA BA'I YAR NGO'I TSES GCIG LA, DPAL SNGAR THANG GI GTZUG LAG KHANG CHEN POR SBYAR BA'O, ,'DIS KYANG SANGS RGYAS KYI BSTAN PA RIN PO CHE SGO THAMS CAD NAS PHYOGS THAMS CAD DU DAR ZHING RGYAS LA YUN RING DU GNAS PAR GYUR CIG, ,,AOm SVASTI, PHAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCHOG 'BRAS BZANG LA, ,SPYOD PHYIR BKRA SHIS LHUN GRUB CHOS GRVA CHER, ,CHOS SBYIN 'DZAD MED DAL 'GRO'I RGYUN 'DI SPEL, ,SARBA MANG+GA LAm, DGE'O,,

[BLANK PAGE]