The Sun which Illuminates the Meaning of the Classic, An Explanation of the "Sutra on the Vows of Freedom"

, ,SO SOR THAR BA'I MDO'I RNAM BSHAD GZHUNG DON GSAL BA'I NYI MA BZHUGS SO,,

, ,GANG SKU MTSAN DPE'I CHA SHAS RAB RDZOGS DKYIL 'KHOR NI, ,GANG GSUNG 'GRO LA THAR LAM STON PA'I 'OD ZER 'PHRO, ,GANG THUGS SHES BYA'I CHOS KUN JI BZHIN LHANG NGER GSAL, ,THUB DBANG PHYAG 'TSAL BLA MA'I GSUNG BZHIN NGAS 'DI BRI, ,DE LA BDE BAR GSHEGS PA'I BSTAN PA GSUNG RAB YAN LAG BCU GNYIS PO THAMS CAD SDE SNOD GSUM DU 'DUS LA, DE'I NANG NAS 'DUL BA'I SDE SNOD NI BCOM LDAN 'DAS MYA SO, ,'DUL BA'I SDE SNOD LA'ANG DUM BU BZHI STE, RNAM 'BYED SO, ,'DUL BA'I SDE SNOD LA'ANG DUM BU BZHI STE, RNAM 'BYED DANG GZHI DANG,

, ,PHRAN TSEGS DANG, GZHUNG BLA MA'O, ,DE DAG GNAS PA'I SNYING DANG SNYING PO NI SO SOR THAR PA'I MDO 'DI YIN PAS, 'DI 'CHANG BA LA BZHI STE, MTSAN DON, 'GYUR PHYAG, GZHUNG DON, MJUG GI DON NO, ,DANG PO LA GNYIS LAS BSGYUR BA NI, RGYA GAR GYI SKAD DU PRA TI NI BOD SKAD DU SO SOR DANG, MOKshA NI THAR BA DANG, SU TRA NI MDO'O, ,GNYIS PA BSHAD PA NI, PRA TI'I SGRA NI DANG PO DANG, SO SO DANG, THABS GSUM LA 'JUG PA LAS, DANG POR SDOM MIN LAS THAR PA'I PHYIR DANG POR THAR PA ZHES BYA BA'AM, YANG NA GANG GIS BSLAB PA'I GZHI YANG DAG PAR BLANGS NAS BSRUNGS PAS DE THAR GYI GZHAN GYIS BSRUNGS PAS GZHAN MI THAR BA'I PHYIR NA SO SOR THAR BA ZHES PA'AM, YANG NA THAR PA NI MYA NGAN LAS 'DAS PA YIN LA DE THOB PA'I THABS YIN PAS NA SO SOR THAR PA STE, LHAG PA'I TSUL KHRIMS KYI BSLAB PA YIN LA DE BRJOD BYAR BYED PA'I DON GYIS NA 'DI LA YANG SO SOR THAR PA ZHES BYA'O, ,DON MDOR BSDUS BA TZAM ZHIG STON PAS NA MDO'O, ,GNYIS BA 'GYUR GYI PHYAG NI, THAMS CAD MKHYEN PA LA PHYAG 'TSAL LO ZHES

PA'O; GSUM PA LA LNGA STE, MCHOD BRJOD DANG, GLENG GLENG BA, YANG DAG PAR BRTZAM PA, GZHUNG RGYAS PA'I MTSAN NYID, BSDUS PA'I MTSAN NYID DO, ,DANG PO LA GNYIS TE, MCHOD BRJOD DNGOS DANG, BSHAD PAR DAM BCA' BA'O, ,DANG PO LA BSTOD PA DANG, PHYAG 'TSAL BA'O, ,DANG PO LA GZHAN DON PHUN SUM TSOGS PA'I SGO NAS BSTOD PA DANG, RANG DON PHUN SUM TSOGS PA'I SGO NAS BSTOD PA'O, ,DANG PO LA LNGA LAS, GZHAN GYI RGYU PHUN SUM TSOGS PA'I SGO NAS BSTOD PA NI, BCOM LDAN 'DAS CHOS CAN, GZHAN DON GYI RGYU PHUN SUM TSOGS PA DANG LDAN TE, BSKAL BA GRANGS MED GSUM DU TSOGS GNYIS BSAGS PA LA BRTEN NAS MNGON PAR RDZOGS PAR SANGS RGYAS PA'I SNYAN PA'I BA NGAN 'JIG RTEN KHAMS GSUM NA GRAGS PAS SO, ,JI LTAR GRAGS SHE NA, BCOM LDAN 'DAS MNGON PAR RDZOGS PAR SANGS RGYAS PA'I TSE DANG POR SA BLA BA RNAMS LA GRAGS, DE NAS BAR SNANG GI LHA DANG, DE NAS RGYAL CHEN RIG BZHI DANG, DE NAS RIM GYIS 'OG MIN GYI BAR DU GRAGS PAS SO, ,GZUGS MED DU GRAGS PA MI 'THAD DE, DE NA SGRA THOS PA MED PA'I PHYIR ZHE NA, SKYON MED DE GZUGS CAN GYI KHAMS SU SKYES PA'I TSA GRAGS PAS GRAGS PA'I SA BON RGYUD LA YOD PA LA GRAGS ZHES BRJOD PA'I PHYIR RO, ,GNYIS PA PHAN 'DOGS PHUN SUM TSOGS PA'I SGO NAS BSTOD PA NI, CHOS CAN, PHAN 'DOGS PHUN SUM TSOGS PA DANG LDAN TE, DAM BAS GSUNGS PA'I CHOS BDEN BZHI STON PA'I SGRA SENG GE'I SGRA DANG LDAN PA BSGRAGS PAR MDZAD PA'I PHYIR TE, GDUL BYA LA CHOS KYI 'KHOR LO

, ,BDEN PA BZHI LA LAN GSUM DU BZLAS TE RNAM PA BCU GNYIS SU BSKOR BA'I PHYIR, BDEN BZHI STON BA'I SGRA DE JI LTAR SENG GE'I SGRA DANG 'DRA ZHE NA, DE DANG 'DRA BA YIN TE, MU STEGS BYED GLANG BO LTA BU SKRAG PAR MDZAD CING RIGS KYI BU SENG GE'I PHRU GU LTA BU SDUNG BAR MDZAD PA'I PHYIR, GSUM PA SHES RAB PHUN SUM TSOGS PA'I SGO NAS BSTOD PA NI, CHOS CAN, SHES RAB PHUN SUM TSOGS PA DANG LDAN TE, CHOS THAMS CAD MNGON SUM DU MKHYEN PA'I PHYIR, BZHI PA THUGS RJE PHUN SUM TSOGS PA'I SGO NAS BSTOD PA NI, CHOS CAN, THUGS RJE PHUN SUM TSOGS PA DANG LDAN PA YIN TE, LUNG DANG RTOGS BA'I CHOS DKON MCHOG GI MDZOD 'PHAGS PA'I DGE 'DUN 'KHOR DU BRNYES NAS SMIN PAR MDZAD BA'I PHYIR, LNGA PA 'BRAS BU'I KHYAD PAR PHUN SUM TSOGS PA'I SGO NAS BSTOD PA NI, CHOS CAN, 'BRAS BU'I KHYAD PAR PHUN SUM TSOGS PA DANG LDAN TE, ZHABS LA TSANGS PA DANG LHA DBANG LA SOGS PA'I GTZUG GI NOR BUS GTUGS TE PHYAG BYAS PA'I PHYIR RO, ,GNYIS BA LA GNYIS LAS SPANGS PA PHUN SUM TSOGS PA'I SGO NAS BSTOD BA NI, CHOS CAN, SPANGS PA PHUN SUM TSOGS PA DANG LDAN TE, SDUG BSNGAL GYI RGYA MTSO BZHI'I GTING DANG PHA ROL GYI MTHA' DPAG TU MED PA LAS BRGAL BAS SO, ,GNYIS PA YE SHES PHUN SUM TSOGS BA'I SGO NAS BSTOD BA NI, CHOS CAN, YE SHES PHUN SUM TSOGS PA DANG LDAN TE, SHES BYA THAMS CAD LA CHAGS THOGS MED BA'I YE SHES BRNYES BAS 'GRO BA'I GTZO BOR GYUR PA'I PHYIR, GNYIS PA PHYAG 'TSAL BA NI, DE LTA BU'I STON BA LA SPYI BOS PHYAG 'TSAL BA CHOS CAN, DON YOD DE, GNAS

SKABS DANG MTHAR THUG GI DON DU MA 'GRUB BA'I CHED YIN PA'I PHYIR, GNYIS PA BSHAD PAR DAM BCA' BA NI, 'O NA PHYAG BTZAL TE LAS SU BYA BA CI ZHIG BYED CE NA, THAMS CAD MKHYEN BAS GSUNGS PA'I BSLAB PA'I GZHI LUNG SDE BZHI NI DKON MCHOG YIN LA, DE'I SNOD SO SOR THAR BA'I MDO 'DI NYAN THOS 'PHAGS PA'I TSOGS DGE 'DUN GYI DBUS SU DBYE BAR BYA'O, ,GNYIS PA GLENG GLENG BA'I MTSAN NYID LA GSUM, SO SOR THAR PA'I CHE BA BRJOD PA, TSOGS GNYIS KYI LAM 'BRAS BU DANG BCAS PA, SO SOR THAR PA BSGRUB PAR GDAMS PA'O,, DANG PO LA GSUM, TSE 'DI'I 'BRAS BU, PHYI MA'I 'BRAS BU ,SO SOR THAR PA LA STON PA DANG 'DRA BAR BSTOD PA'O, ,DANG PO NI, SO SOR THAR BA'I MDO DE 'PHAGS PA'I TSOGS KYI DBUS SU DBYE BAR BYA'O, ZHES BSHAD NA, DE LA CHE BA'I YON TAN CI ZHIG YOD TZAN, SO SOR THAR PA 'DI CHOS CAN, KHYOD GOMS PAR BYAS BA LA BRTEN NAS TSE 'DIR CHE BA'I 'BRAS BU THOB BA YIN TE, KHYOD SANGS RGYAS KYIS GSUNGS PA'I 'DUL BA SDE BZHI PO GANG CHEN MTSO DANG 'DRA BA THAMS CAD KYI BRJOD BYA LTUNG BA SDE LNGA DANG GZHI BCU BDUN LA SOGS PA'I MTSAN NYID RNAM PAR GNAS PA'I SNYING DANG SNYING PO YIN PA'I PHYIR, 'O NA SANGS RGYAS KYIS GSUNGS PA'I 'DUL BA DE JI LTAR GANG CHEN MTSO DANG 'DRA ZHE NA, DE CHOS CAN, KHYOD GANG CHEN MTSO DANG 'DRA BA YIN TE ,RGYA MTSO LA GZHI'I GTING DANG PHA ROL GYI MTHA' DPAG TU MED PA BZHIN DU KHYOD KYI KUN SLONG GI GTING DANG 'BRAS BU'I MTHA' YANG DPAG TU MED PA'I PHYIR, SO SOR THAR PA 'DI CHOS CAN ,KHYOD DAM PA'I CHOS KYI RGYAL PO YI MDO LA SOGS PA'I CHOS KUN GYI NI 'DREN BA'I MCHOG YIN TE ,KHYOD LA BRTEN NAS MDO LA SOGS

, ,PA'I CHOS RNAMS 'BYUNG BA'I PHYIR, SO SOR THAR PA 'DI NI CHOS CAN, KHYOD DGE SLONG MYA NGAN LAS 'DAS PA'I NOR BU DON DU GNYER BA'I TSONG PA'I TSOGS KYI BSLAB PA'I ZONG GI TSONG KHANG CHEN PO YIN TE, KHYOD KYI NANG DU BSLAB PA THAMS CAD CHUD PA'I PHYIR, SO SOR THAR PA 'DI CHOS CAN, TSUL KHRIMS 'CHAL BA SBRUL GDUG PA DANG 'DRA BAS ZIN PA'I GANG ZAG RNAMS KYI SBRUL GYI GDUG PA DUG DANG 'DRA BA'I LTUNG BA RNAM PAR SEL BA'I SMAN YIN TE, KHYOD KYIS LTUNG BZHI BAR BYED PA'I PHYIR ,SO SOR THAR PA 'DI NI CHOS CAN KHYOD LANG TSO DANG BAG MED PA SOGS KYIS RNAM PAR 'KHRUL BA'I RKANG GNYIS GZHON NU BYA BA DANG BYA BA MA YIN PA MI SHES PA RNAMS LA GLANG CHEN GYI LCAGS KYU LTA BU YIN TE, KHYOD KYIS BAG MED PA'I NYES DMIGS BSTAN PA'I SGO NAS DE DAG SKRAG PAR BYED PA'I PHYIR, GNYIS PA NI, SO SOR THAR PA 'DI CHOS CAN, KHYOD MTSO BAS ZAB PA'I 'KHOR BA LAS SGROL BA'I BRGAL THABS YIN TE ,KHYOD LA BRTEN NAS ZAG MED KYI LAM 'BYUNG BA'I PHYIR, SO SOR THAR PA 'DI NI CHOS CAN, KHYOD BZANG 'GRO LHA MIR 'GRO BA'I NGES PA'I CHU LON DANG ZAM PA YIN TE ,KHYOD NGAN 'GRO'I CHU BO 'GOG BYED DANG, BDE 'GRO'I RGYU YIN PA'I PHYIR, SO SOR THAR PA 'DI NI CHOS CAN, KHYOD NYON MONGS PA PHAM PAR BYED PA'I 'PHAGS PA'I LAM RGYAL PO YI NI 'DREN PA MCHOG BLON PO LTA BU YIN TE, KHYOD KYIS 'PHAGS LAM 'DREN PAR BYED PA'I PHYIR, SO SOR THAR PA 'DI NI CHOS CAN, KHYOD THAR PA'I GRONG KHYER DU 'JUG PA'I THEM SKAS KYI GZHI RTEN DANG 'DRA BAR GNAS TE ,KHYOD LAM KUN GYI GZHIR GYUR PA'I PHYIR ,GSUM PA NI, SHES BYA CHOS CAN

BCOM LDAN 'DAS NGA NI PHUNG PO LHAG MA MED PA'I DBYINGS SU MYA NGAN LAS 'DAS PAR GYUR PA NA SO SOR THAR PA 'DI NI DGE SLONG KHYED RNAMS KYI STON PA YIN NO ZHES RAB BYUNG SANGS RGYAS NYID KYIS GUS PA DANG BCAS PAR NAN TAN GYIS DGE SLONG GI TSOGS DGE 'DUN GYI MDUN DU SO SOR THAR BA LA BSTOD PA'I RGYU MTSAN YOD DE, SO SOR THAR PA DES GDUL BYA LA BYA BA DANG BYA BA MA YIN PA STON PA'I PHYIR, GNYIS PA LA GSUM ,TSOGS KYI LAM DKON PA, TSOGS KYI LAM RNYED PA, RNYED NAS 'BAD PAR BYA BA'O, ,DANG PO NI, TSOGS KYI LAM DE LA BCU GSUM YOD DE, GZHAN GYI 'BYOR PA, RANG GI 'BYOR PA, DGE BA'I CHOS LA 'DUN PA, TSUL KHRIMS KYI SDOM PA, DBANG PO SDOM PA, ZAS KYI TSOD RIG PA, NAM GYI CHA STOD DANG CHA SMAD LA MI NYAL BAR RNAL 'BYOR LA BRTZON PA, SHES BZHIN DU SPYOD PA, DGE BA'I BSHES GNYEN, CHOS NYAN CING SEMS PA, BAR CHAD MED PA, GTONG BA SPEL BA, DGE SBYONG GI RGYAN NO, ,'DI DAG LA CI'I PHYIR TSOGS KYI LAM ZHES BYA ZHE NA, SBYOR BA'I LAM LA SOGS PA'I RGYU'I TSOGS DANG GZHIR GYUR PA'I LAM YIN PA'I PHYIR CHOGS KYI LAM ZHES BYA'O, ,SHES BYA CHOS CAN, SANGS RGYAS 'JIG RTEN DU 'BYUNG BA DANG, CHOS BSTAN PA DANG, BSTAN PA GNAS PA DANG, DE'I RJES SU 'JUG PA DANG, GZHAN PHYIR SNYING BRTZE BA RNAMS RNYED PA SHIN TU DKON TE, SANGS RGYAS ZHES BYA BA'I SGRA 'DI YANG 'JIG RTEN DAG NA RAB TU DKON PA'I PHYIR, 'DIS GZHAN GYI 'BYOR BA RNYED DKA' BAR BSTAN TO, ,CHOS CAN, YUL DBUS SU SKYES PA, DBANG PO TSANG BA, LAS MTHA' MA LOG PA, GNAS LA DAD PA RNAMS SHIN TU DKON TE, MI'I LUS NYID KYANG RNYED PA SHIN TU DKA' BA'I PHYIR, 'DIS RANG 'BYOR RNYED DKA' BAR BSTAN TO,,CHOS CAN,

, ,SANGS RGYAS SAM DE'I NYAN THOS LAS CHOS THOS SHING DAD PA THOB NAS RAB TU BYUNG STE NAN TAN GYIS NYAMS SU LEN PA SHIN TU DKON TE, CHOS THOS SHING DANG PA THOB STE RAB TU 'BYUNG BA SHIN TU DKON PA'I PHYIR, 'DIS DGE BA'I CHOS LA 'DUN PA RNYED DKA' BAR BSTAN TO, ,DE BZHIN DU RAB TU BYUNG BA RNAMS KYI TSUL KHRIMS PHUN SUM TSOGS PA RAB TU DKON NO, ,'DIS TSUL KHRIMS KYI SDOM PA NAS SHES BZHIN DU SPYOD PA'I BAR RNAMS DKON PAR BSTAN TE, TSUL KHRIMS KYI SDOM PA TZAM YANG RNYED DKA' BAR BSTAN PA'I PHYIR, TSUL KHRIMS YONGS SU DAG PAR GYUR KYANG GROGS BZANG PO SHIN TU RNYED PAR DKA'O, ,'DIS DGE BA'I BSHES GNYEN NAS DGE SBYONG GI RGYAN GYI BAR RNAMS RNYED DKA' BAR BSTAN TE, TSUL KHRIMS RNAM PAR DAG KYANG DGE BA'I BSHES GNYEN SHIN TU RNYED DKA' BAR BSTAN PA'I PHYIR RO, ,GNYIS PA NI, 'JIG RTEN DU SANGS RGYAS 'BYUNG BA DANG, MI LUS THOB PA DANG RAB TU 'BYUNG BA DANG TSUL KHRIMS PHUN SUM TSOGS PA DANG GROGS BZANG PO RNYED PAR GYUR NAS SO SOR THAR PA LA NAN TAN BYA DGOS TE ,SANGS RGYAS 'JIG RTEN DU 'BYUNG BA SOGS RNYED DKA' BA'I PHYIR RO, ,GSUM PA NI, SGO GSUM GYI BYA BA LA MKHAS PA BDAG LA LEGS PA 'DOD CING TSOGS KYI LAM DE DAG 'BRAS BU SBYOR BA'I LAM SOGS DANG BCAS PAR BYED 'DOD BA'I SDOM BRTZON RNAMS KYIS SO SOR THAR PA MNYAN PA'I PHYIR NI 'BAD PAR BYA BA YIN TE, SO SOR THAR PA LA BRTEN NAS TSOGS KYI LAM 'BRAS BU DANG BCAS PAR 'GYUR BA'I PHYIR RO, ,GSUM PA SO SOR THAR PA BSGRUB PAR GDAMS PA NI, DGE SLONG MIG LA SOGS PA'I

DBANG PO DUL BA STE BSRUNGS PA GNAS SKABS KUN TU DBANG PO DUL ZHING SANGS RGYAS KYI PHYIR DU MI 'GYUR BAR RAB TU BYUNG BA NGES PAR THAR PA 'DOD PA RNAMS KYIS SO SOR THAR PA RTAG TU MI NYAMS PAR BSRUNG DGOS TE ,TSUL KHRIMS LA BRTAN NAS GROGS BZANG PO RNYED PAR GYUR NAS SO SOR THAR PA LA NAN TAN 'THOB PA'I PHYIR ,DES NA RKANG PA DANG POS RANG DANG, GNYIS PAS GZHAN DANG, GSUM PAS CHOS KYI DBANG DU BYAS NAS BSGRUB PA BSTAN CING ,BZHI PAS SGRUB PA'I MTSAN NYID BSTAN TO, ,GSUM PA YANG DAG PAR BRTZAMS PA'I MTSAN NYID LA BDUN ,SO SOR THAR PA RNYED DKA' BA ,DKON MCHOG GSUM 'BYUNG BDE BA, DGE BA'I BSHES GNYEN LA BRTEN PA BDE BA ,SDIG GROGS SPANGS PA BDE BA ,DGE BA'I BSHES GNYEN GYI KHYAD PAR LA BRTEN PA BDE BA ,THOB PAR BYA BA DANG SGRUB PAR BYED PAR BDE BA ,SGRUB PAR BYED PA SBYANGS PA'I YON TAN DANG LDAN PA BDE BA'O, ,DANG PO NI, SHES BYA CHOS CAN, BSKAL PA CHEN PO BYA BA RNAMS SU YANG LUNG DANG RTOGS PA'I SO SOR THAR PA RNA BA'I SHES PAS THOS PA DANG YID KYI SHES PAS TSIG GZUNG BA DANG TSIG DON GNYIS KA 'DZIN PA RNYED PAR DKA' STE, BSKAL PA BYE BAR YANG RANG GI 'BYOR PA DANG GZHAN GYI 'BYOR PA RNYED DKA' BA'I PHYIR, SNGA MA GSUM PAS KYANG NAN TAN GYIS SGRUB PA'ANG SHIN TU RNYED PAR DKA' STE, YANG DAG PAR SGRUB PA NI MNGON PAR BRTZON PA LA RAG LAS PA'I PHYIR, 'DIS SO SOR THAR PA LUNG DANG RTOGS PA'I SGO NAS RNYED DKA' BAR BSTAN TO,,GNYIS PA NI,SANGS RGYAS RNAMS NI CHOS CAN,KHYOD 'BYUNG BA BDE ZHES BRJOD PA'I RGYU MTSAN YOD DE, KHYOD RNAM GROL GYI BDE BA THOB PA'I RGYU YIN PA'I PHYIR, GSUNG RAB YAN LAG BCU GNYIS LA SOGS PA'I CHOS BSTAN PA YANG CHOS CAN

, ,BDE BA YIN ZHES BRJOD PA'I RGYU MTSAN YOD DE, BDE BA'I RGYU YIN PA'I PHYIR, DGE 'DUN LTA BA DANG CHOG SOGS MTHUN PA CHOS CAN, BDE BA YIN ZHES BRJOD PA'I RGYU MTSAN YOD DE, BDE BA'I RGYU YIN PA'I PHYIR, LTA BA SOGS MTHUN PA'I DGE 'DUN GYI BSLAB PA GSUM NYAMS SU LEN PA'I DKA' THUB CHOS CAN, BDE BA YIN ZHES BRJOD PA'I RGYU MTSAN YOD DE, BDE BA'I RGYU YIN PA'I PHYIR, GSUM PA NI, DGRA BCOM PA LA SOGS PA'I 'PHAGS PA RNAMS NI CHOS CAN, KHYOD DGE BA'I BSHES GNYEN DU MTHONG BA BDE BA YIN TE, KHYOD DE LTAR MTHONG BA DE 'DI DANG PHYI MAR BDE BA'I PHYIR, SO SO SKYE BO'I SKYES BU DAM PA BYANG CHUB SEMS DPA' DAG CHOS CAN, KHYOD DANG 'GROGS PA BDE BA YIN TE, DE 'DI DANG PHYI MAR BDE BA'I PHYIR, BZHI PA NI, BYIS PA SDIG PA'I GROGS PO RNAMS NI CHOS CAN, KHYOD MA MTHONG BA STE SPANGS NA RTAG TU BDE BA NYID DU 'GYUR TE, KHYOD SDUG BSNGAL GYI RGYU YIN PA'I PHYIR, LNGA PA NI, DGE BA'I BSHES GNYEN GYI KHYAD PAR NI GNYIS TE, BTAGS PAB DANG, DON DAM PA'O, ,BTAGS PA BA YANG GNYIS TE, ZHI GNAS KYI YAN LAG LA GNAS PA DANG, LHAG MTHONG GI YAN LAG LA GNAS PA'O, ,DANG PO NI, TSUL KHRIMS LDAN PA ZHES PAS BSTAN TE, TSUL KHRIMS LA GNAS NA ZHI GNAS LA SEMS 'JOG PAR 'GYUR BA'I PHYIR, GNYIS PA NI, MANG DU THOS PA ZHES PAS BSTAN TE, MANG DU THOS PAS LHAG MTHONG GI NGO BOR GYUR PA'I SHES RAB SKYE BA'I PHYIR, GNYIS PA DON DAM PA NI, YANG SRID RNAM PAR GROL BA YI, DGRA BCOM PA ZHES PAS BSTAN TO, ,DES NA TSUL KHRIMS DANG LDAN PA CHOS CAN, KHYOD MTHONG BA BDE ZHES BRJOD PA'I RGYU MTSAN YOD DE, KHYOD GZHAN LA GNOD PA'I BSAM

PA LAS LOG PA'I SKYES BU YIN PA'I PHYIR, MANG DU THOS PA CHOS CAN, KHYAD MTHONG BA BDE ZHES BRJOD PA'I RGYU MTSAN YOD DE, KHYOD KYIS LTA NGAN DANG 'GYOD PA DANG THE TSOM SEL NUS PA'I PHYIR, YANG SRID PAR SKYE BA LAS RNAM PAR GROL BA'I DGRA BCOM PA DAG CHOS CAN, KHYOD MTHONG BA BDE ZHES BRJOD PA'I RGYU MTSAN YOD DE, KHYOD DGE LEGS KYI BSAM PA MCHOG DANG LDAN PA'I PHYIR, DRUG PA NI, SHES BYA CHOS CAN, MTHA' GNYIS SPANGS PA'I LAM BDE BA NAS RNAM GROL GYI 'BRAS BU 'THOB BDE BA YIN TE, 'JUG DOGS BDE BA'I CHU KLUNG NAS CHU BLANG BDE BA'I PHYIR, CHOS LA GOMS PAR BYED PA'I SKYE BO TSOGS SBYOR BA CHOS CAN, KHYOD BDE ZHES BRJOD PA'I RGYU MTSAN YOD DE, KHYOD RNAM GROL GYI BDE BA THOB PA'I RGYU YIN PA'I PHYIR, ZAG MED KYI SHES RAB THOB PAR GYUR PA'I MTHONG SGOM PA CHOS CAN, KHYOD BDE ZHES BRJOD PA'I RGYU MTSAN YOD DE, KHYOD KYIS MTHONG LAM DANG SGOM LAM GYI RNAM GROL GYI BDE BA THOB PA'I PHYIR, NGA'O SNYAM PA'I NGA RGYAL ZAD PA'I DGRA BCOM PA CHOS CAN, KHYOD BDE BA YIN TE, KHYOD RNAM GROL GYI BDE BA MNGON SUM DU GYUR PA YIN PA'I PHYIR, BDUN PA NI, SHES BYA CHOS CAN, BSLAB PA GSUM NGES PAR BYAS SHING DBANG PO THUL BA DAG DGON PA SKYE BO'I 'DU LONG ZHI BA RNAMS SU TSANGS SPYOD KYIS TSE MTHAR PHYIN PA'I RGAS PAR GYUR PA DANG, SDE SNOD GSUM MANG DU THOS PA NAGS KYI NANG DAG TU LANG TSO YOL BA RNAMS KYIS GNAS PA BDE BA YIN TE, 'DI DANG PHYI MA DANG RANG DANG GZHAN DANG, TSANGS PAR SPYOD PA'I MTHA' BDE BA YIN PA'I PHYIR, BZHI PA GZHUNG RGYAS PA'I MTSAN NYID LA GNYIS, DUS DANG POR BYA BA DANG ,MDO GDON PA'O, ,

, ,DANG PO LA DRUG, SO SOR THAR PA LA RNA BA MI GTOD PA'I NYES DMIGS, MI 'DU BA DGAG ,MCHOD CING LUNG DBOG PA YANG DAG PAR BSGRUB TU GZHUG PA, BSGRUBS PA'I PHAN YON ,MA BSGRUBS PA'I NYES DMIGS SO, ,DANG PO NI, TSE KHYAD PAR CAN DANG LDAN PAS TSE DANG LDAN PA DAG CES RGAN GZHON DAG LA SNYAN PA'I TSIG GIS 'BOD PA'O, ,SO GA ZHES PA NI GSO SBYONG 'DON PA'I DUS MTSON PA YIN TE, GSO SBYONG MTSON PA'I DUS DE LA DGUN, DGUN SMAD, DPYID, SO GA, DBYAR, STON DANG DRUG GO ,DRUG PO GANG GI TSE GSO SBYONG 'DON PA DE'I TSE DE'I MING SMOS PAR BYA BA YIN NO, ,RNAMS ZHES PA'I MANG TSIG SMOS PA NI DRUG PO RE RE LA ZLA BA GNYIS GNYIS ZLA BA PHYED PA BZHI BZHI YOD PA SHES PA'I CHED DU'O, ,DE YANG DGUN GYI DUS SU GSO SBYONG 'DON PA'I TSE NI TSE DANG LDAN PA DAG DGUN RNAMS KYI ZHES 'DON PAR BYED PA YIN LA, DE BZHIN DU DGUN SMAD SOGS LA'ANG SHES PAR BYA'O, ,'O NA DUS TSIGS DRUG PO GANG ZHE NA ,STON ZLA THA CHUNG NYA NAS DGUN ZLA RA BA NYA'I BAR DANG, DE NAS DGUN ZLA 'BRING PO NYA'I BAR GYI ZLA BA GNYIS NI DGUN GYI DUS DANG ,DGUN 'BRING NYA NAS THA CHUNG NYA ,DE NAS DPYID ZLA RA BA NYA'I BAR GYI ZLA BA GNYIS NI DGUN SMAD KYI DUS DANG, DPYID ZLA RA BA NYA NAS 'BRING PO NYA, DE NAS THA CHUNG NYA'I BAR GYI ZLA BA GNYIS NI DPYID KYI DUS DANG ,DPYID ZLA THA CHUNG NYA NAS DBYAR ZLA RA BA NYA ,DE NAS DBYAR 'BRING NYA'I BAR GYI ZLA BA GNYIS NI SO GA'I DUS DANG, DBYAR 'BRING NYA NAS THA CHUNG NYA, DE NAS STON RA NYA'I BAR NI DBYAR GYI DUS DANG, STON RA NYA NAS 'BRING PO NYA, DE NAS THA CHUNG NYA'I BAR NI STON GYI DUS SO, ,'DAS PA DANG LHAG MA JI TZAM PA DE TZAM MO ZHES PA NI ZLA BA 'DAS PA DANG, ZLA BA LHAG

MA JI TZAM PA DE BRJOD CES PA'I DON NO, ,'I NA JI LTAR BRJOD CE NA, DGUN GYI DUS LA MDO 'DON PA'I DUS BZHI YOD DE, STON ZLA THA CHUNG GI GNAM STONG DANG ,DGUN ZLA RA BA'I NYA DANG, DE'I GNAS STENG DANG ,DGUN ZLA 'BRING PO'I NYA'O, ,DE YANG STON ZLA THA CHUNG GI GNAM STONG GI TSE NI TSE DANG LDAN PA DAG SANG GI SKYA RENGS SHAR BA NA DGUN RNAMS KYI ZLA BA GNYIS LAS PHYED NI 'DAS LA PHYED DANG GNYIS NI LUS SO ZHES RJOD PAR BYED PA YIN LA, DGUN ZLA RA BA'I NYA LA NI TSE DANG LDAN PA DAG DGUN RNAMS KYI ZLA BA GNYIS LAS GCIG NI 'DAS LA GCIG NI LUS SO ZHES DANG, DGUN ZLA RA BA'I GNAM STONG LA NI TSE DANG LDAN PA DAG DGUN RNAMS KYI ZLA BA GNYIS LAS PHYED DANG GNYIS NI 'DAS LA PHYED NI LUS SO ZHES DANG, DGUN ZLA 'BRING PO'I NYA LA NI TSE DANG LDAN PA DAG DGUN RNAMS KYI ZLA BA GNYIS NI 'DAS TE LHAG MA MA LUS SO ZHES RJOD PAR BYED PA YIN NO, ,DE BZHIN DU DGUN SMAD SOGS LA'ANG SHES PAR BYA'O, ,'O NA DUS BRJOD PA LA DGOS PA CI YOD CE NA, DGOS PA YOD DE, 'JIG RTEN GYI THA SNYAD LA MKHAS PAR BYA BA DANG, TSE 'DAS PA SEMS LA BZHAG PA DANG, 'KHOR BAS SKYO ZHING DGE BA LA BRTZON PA DANG, GSO SBYONG GI NYI MA SHES PAR BYA BA'I PHYIR, SHES BYA CHOS CAN, 'KHOR BA LAS SKYO ZHING DGE BA LA BRTZON PAR BYA BA'I PHYIR DU TSE DANG LDAN PA DAG GIS BAG YOD PAS RNAL 'BYOR DU BYA STE, TSE DANG LDAN PA DAG RGA BA DANG 'CHI BA MNGON PAR 'ONG ZHING STON PA'I BSTAN PA YANG 'JIG PAR 'GYUR BAS SO, ,KHYAB STE ,DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS KYI BYANG CHUB ZAD MI SKYE SHES PA'I YE SHES DANG GZHAN YANG DGE BA'I CHOS GANG DAG

, ,BYANG CHUB DE LTA BU DANG MTHUN PA'I DGE BA'I CHOS BYANG CHUB KYI PHYOGS DRAN PA NYER GZHAG LA SOGS PA SO BDUN PO RNAMS KYANG BAG YOD PAS 'THOB PA'I PHYIR, 'O NA 'KHOR BAS SKYO ZHING DGE BA LA BRTZON DGOS PA'I RGYU MTSAN DU RGA BA DANG 'CHI BA MNGON PAR 'ONG BA DANG STON PA'I BSTAN PA 'JIG PAR 'GYUR BA CI'I PHYIR SMOS SHE NA, DE LTAR SMOS PA'I RGYU MTSAN YOD DE, TSANGS PAR SPYOD PA LUS DANG GNAS GNYIS KYIS 'GRUB, RGA BA DANG 'CHI BAS LUS DGE BA LA SBYOR BZOD PA DANG RGYUN MA CHAD PA DE NYAMS PAR BYED, STON PA'I BSTAN PA ZHIG NA TSANGS PAR SPYOD PA SKYE BA'I GNAS MED PA'I PHYIR RO, ,'O NA MA RIG PA LA SOGS PA'I YAN LAG GZHAN RNAMS MI STON PAR RGA SHI KHO NA STON PA'I RGYU MTSAN CI ZHE NA, RGYU MTSAN YOD DE, DE TSANGS SPYOD NYAMS PAR BYED PA'I RGYU'I GTZO BO YIN PA'I PHYIR TE, TSANGS SPYOD LUS DAR LA BAB PA DANG RGYUN MA CHAD PAS 'GRUB PA GANG ZHIG ,RGA BAS LANG TSO NYAMS PAR BYED, 'CHI BAS LUS RGYUN MA CHAD PA NYAMS PAR BYED PA'I PHYIR ,GNYIS PA NI ,GSO SBYONG GI GNAS SU 'DU BA LAS GZHAN PA'I DGE 'DUN GYIS THOG MAR BYA BA CI YOD DE CI YANG MED PA YIN TE, BCOM LDAN 'DAS KYI NYAN THOS KYI DGE 'DUN NI YID KYI DON NYUNG BA LUS NGAG GI BYA BA NYUNG BA YIN PAS SO, ,DES NA TSE DANG LDAN PA DAG DGE SLONG MTSAMS NANG NA GNAS PA, KHA SKONG BAR 'OS PA GSO SBYONG GI GNAS SU MA LHAGS PA RNAMS LA 'DUN PA DANG YONGS SU DAG PA DRIS SHIG DANG DRIS NAS KYANG DGE SLONG LA BRJOD PAR BYA'O, ,'DUN PA DANG YONGS DAG PHUL BA LA DGOS PA CI YOD CE NA, 'DUN PA PHUL BA LA DGOS PA YOD DE ,DGE 'DUN GYI LAS LA MA 'DUS PAS MI MTHUN PA'I NYES PA MI 'BYUNG BAR BYA BA'I PHYIR RO, ,YONGS DAG PHUL BA'I DGOS PA NI ,'BUL BA PO RANG NYID

GYIM LAS BYAS PAR 'GYUR BA'I PHYIR RO, ,GSUM PA NI SH'AKYA SENG GE DE LA NI SEN MOS MTSON PA'I SOR MO BCU YIS THAL MO SBYAR TE SO SOR THAR PA 'DON PA LNGA PO GDON PAR BYA YIS SLOB MA GDUL BA'I DON DU BKA' SDUD PA PO 'AM MDO 'DON PA PO NGA LA NYON CIG ,CES BA'O, ,DE YANG SH'AKYA CES PA GDUNG GI MING YIN LA NGES RIGS RNAM PAR DAG PA BSTAN TO, ,SENG GE CES PAS RAB TU BYUNG BA'I YON TAN RNAM PAR NGAG PA BSTAN TO, ,BZHI PA NI, SO SOR THAR PA NYAN NAS JI LTAR BYA ZHE NA ,SO SOR THAR PA THOS NAS DRANG SRONG CHEN PO RDZOGS PA'I SANGS RGYAS KYIS JI SKAD GSUNGS PA BZHIN DU BSGRUB PAR BYA ZHING RANG BZHIN GYI KHA NA MA THO BAR MA ZAD BCAS PA'I KHA NA MA THO BA PHRA MO RNAMS SPONG BA LA YANG BRTUN CING 'BAD PAS LHUR BYED PA NYID DU GYIS SHIG STE, DGE BA'I PHYOGS LA 'JUG PA'I CHE RTAG TU 'BAD PAS BRTZON 'GRUS KYI LCAG GIS BDA' BAR BYA BA YI SEMS RTA RMU RGOD DANG 'DRA BA MI DGE BA'I PHYOGS LAS KHA PHYIR KLAN PAR DKA' BA LA MTHUN PA RKYEN DU 'TSAM PA GZER RNON BRGYA PA YI SRAB NI SO SOR THAR PA'I MDO 'DI YIN NO, ,LNGA PA NI SO SOR THAR PA'I SGRUB PA PHAN YON CHE STE, BSLAB PA 'DOD PA'I CHE BA'I BDAG NYID DAG CHAD LAS LA MI LTOS PAR NGAG TZAM GYIS BYA BA MA YIN PA LAS LDOG CING BSLAB PA'I MTSAMS LAS MI 'DA' BA'I MI DE DAG NI RTA BZANG PO DANG 'DRA BAR NYON MONGS PA'I GA-YUL LAS NGES PAR RGYAL BAR 'GYUR RO, ,DRUG PA NI, SO SOR THAR PA MA BSGRUBS NA NYES PA CHE STE, MU STEGS LTA BU SU LA SO SOR THAR PA'I SRAB 'DI MED PA DANG, DER MA ZAD 'DOD PA LA SPYOD PA NAM DU YANG BSLAB PA 'DOD PAR MI 'GYUR BA DE DAG NYON MONGS PA'I GA-YUL GYIS DKRUGS SHING SEMS ZHI BAR 'JOG PA DANG BRAL NAS 'KHOR

, ,BAR RNAM PAR 'KHYAM PAR 'GYUR BAS SO, ,GNYIS PA MDO GDON PA LA GNYIS, DGE 'DUN THUGS BSTUN PA'I PHYIR DU GSOL BA'I LAS BYA BA DANG, MDO GDON PA DNGOS SO, ,DANG PO NI ,DGE 'DUN BTZUN PA RNAMS GSAN PA STE SNYAN GTAD DU GSOL , BSLAB PA GSUM GSO ZHING SDIG PA SBYONG BAS NA GSO SBYONG STE MTHUN PA'I GSO SBYONG DANG, ZHI GNAS KYI GSO SBYONG NGO, ,MTHUN PA'I GSO SBYONG LA LNGA TE, GSO SBYONG BCU BZHI PA, BCO LNGA PA, BKRA SHIS KYI GSO SBYONG, GNOD PA BYUNG BA ZLOG PA'I GSO SBYONG, DGE 'DUN BYE BA BSDUM PA'I GSO SBYONG NGO, ,DE DAG LAS DENG DGE 'DUN GYI GSO SBYONG BCU BZHI PA'AM BCO LNGA PA STE, GAL TE DAG 'DUN GYIS GSO SBYONG GI DUS LA BAB CING GSO SBYONG BYA BAR BZOD NA, DGE 'DUN GYIS TSIG CAD MI SMRA BAS GNANG BAR MDZOD CIG DANG, DENG DGE 'DUN GSO SBYONG MDZAD SO SOR THAR PA'I MDO 'DON PA LNGA PO GLENG GZHI DANG ,PHAM PA DANG, DGE 'DUN LHAG MA DANG, MA NGES PA DANG, RIL GYIS 'DON PA DAG GDON TO, ,SPYIR LAS BRGYA RTZA GCIG PO LAS GSUM GYIS BSDUS TE, GSOL BA'I LAS DANG, GSOL BA DANG GNYIS KYI LAS DANG, GSOL BA DANG BZHI'I LAS SO, ,DE YANG GSOL BA'I LAS NYI SHU RTZA BZHI, GSOL GNYIS KYI LAS BZHI BCU RTZA BDUN, GSOL BZHI'I LAS SUM CU'O, ,'DI NI GSOL BA 'BA' ZHIG PA'I LAS NYI SHU RTZA BZHI'I NANG NAS GSOL BA'I LAS GCIG YIN ZHES PA'O, ,GNYIS PA LA GNYIS, RGYAS PAR BSHAD PA DANG, MJUG BSDU BA'O, ,DANG PO LA LNGA STE, GLENG GZHI GDON PA, PHAM PA GDON PA, LHAG MA GDON PA, MA NGES PA GDON PA, RIL GYIS GDON PA'O, ,DANG PO LA DRUG GLENG GZHI RNAM PAR GZHAG PA'I LUNG DBOG ,GLENG GZHI RNAM PAR

GZHAG PA'I THABS BSTAN, MA DAG PA'I NYES DMIGS, DAG PA'I PHAN YON, MJUG BSDU BA, RNAM GZHAG BSGRAG PA'O, ,DANG PO NI, TSE DANG LDAN PA DAG BDAG CAG MTHUN PA'I GSO SBYONG BYA STE, RNAM PA GANG GIS BYA ZHE NA, SO SOR THAR PA'I MDO GDON PA LNGA PO GDON BAS BYA BA YIN NO DES NA NYAN PA PO'I 'KHOR KHYED CAG SU LA BSHAGS BYA'I LTUNG BA YOD PA BSHAGS PA DANG, BSNGAM BYA'I LTUNG BA BSDAM PA DANG, BYIN GYIS BRLAB PAR BYA BA'I LTUNG BA BYIN GYIS BRLAB PA'I THABS DES MTHOL ZHIG, BSHAGS PAR BYA BA LA SOGS PA'I LTUNG BA MED NA BSHAGS PA'I CHIG CANG MA SMRA ZHIG ,CANG MI SMRA NA, BDAG GIS TSE DANG LDAN PA DAG RGYUD YONGS SU DAG PAS GSO SBYONG GI SNOD DU RIG PAR BYA'O, ,GNYIS PA NI, JI LTAR TE DPER NA, DGE SLONG ZHIG GIS BSO SBYONG GI MDUN ROL DU LTUNG BA DRAN CING MTHONG BA YUL DGE SLONG GI MDUN DU BSHAGS PA NA YUL GYI DGE SLONG GIS LTUNG BA MTHONG NGAM ZHES DANG PHYIN CHAD SDOM MAM ZHES SO SOR DRIS NAS RTEN GYI DGE SLONG GIS MTHONG ZHES DANG, SDOM ZHES LAN GSUM GYI BAR DU LAN BTAB PA DE BZHIN DU, GSO SBYONG NYAN PA'I DGE SLONG GI 'KHOR 'DI LTA BUR YANG CI 'DI LA KHYED YONGS SU DAG GAM ZHES LAN GSUM GYI BAR DU BSGRAG PAR BYA BA YIN NO, ,GSUM PA NI, YANG DGE SLONG BSO SBYONG NYAN PA'I DGE SLONG GI 'KHOR 'DI LTA BUR CI 'DI LA KHYED YONGS SU DAG GAM ZHES LAN GSUM GYI BAR DU BSGRAGS PA NA, LTUNG BA BSHAGS PA SOGS KYIS PHYIR MA BCOS PAR YOD LA DRAN BZHIN DU MI MTHOL NA LTUNG BAR 'GYUR TE, DE SHES BZHIN DU RDZUN DU SMRA BA YIN PA'I PHYIR RO, ,SHES BZHIN DU RDZUN DU SMRA NA NYES PAR 'GYUR TE, TSE DANG LDAN PA DAG SHES BZHIN DU RDZUN SMRA BA NI BCOM LDAN 'DAS KYIS MNGON MTHO DANG NGES LEGS LA BAR DU 0010A *, ,GCOD PA'I CHOS SU GSUNGS SO, ,DES NA SPYIR RDZUN RNAM PA LNGA YOD DE, PHAM PA DANG, DGE 'DUN LHAG MA DANG, SBOM PO DANG, LTUNG BYED DANG, NYES BYAS SU 'GYUR BA'O, ,'DIR NI NYES BYAS SU 'GYUR BA'I RDZUN YIN TE, GSO SBYONG LA CI 'DI LA KHYED YONGS SU DAG GAM ZHES DRIS PA NA MA DAG PAR SHES BZHIN DU CANG MI SMRA BAS 'DA' BAR BYED NA NYES BYAS SO, ,ZHES GSUNGS PA'I PHYIR, DE YANG NYES BYAS YONGS SU RDZOGS PA YIN GYI YID KYI NI MA YIN TE KHA RNAM PAR 'GYUR BA LA SOGS PA'I RNAM PAR RIG BYED YOD PA'I PHYIR, ZHES GSUNGS SO, ,BZHI PA NI, SHES BZHIN DU RDZUN SMRAS NA MNGON MTHO DANG NGES LEGS LA BAR DU GCOD PA DE BAS NA DGE SLONG LTUNG BA BYUNG BA RNAM PAR DAG PAR 'DOD PAS, RANG RGYUD LA LTUNG BA PHYIR MA BCOS PAR YOD LA DRAN ZHING MTHONG BA BSHAGS PA LA SOGS PA'I SGO NAS MTHOL BAR BYA'O, ,DE LTAR MTHOL NA NI PHAN YON CHE STE, MNGON MTHO NGES LEGS KYI BDE BA LA REG PAR GNAS PAR 'GYUR RO, ,MA MTHOL MA BSHAGS NA NI DE LTAR MI 'GYUR RO, ,LNGA PA NI, TSE DANG LDAN PA NGAG BDAG GIS SO SOR THAR PA'I MDO GDON PA'I RGYU GLENG GZHI BTON ZIN TO, ,MJUG SDUD 'DI LTAR BYAS PA CHOS CAN, DGOS PA YOD DE, SNGAR SO SOR THAR PA'I MDO 'DON PA GDON TO ZHES DAM BCAS PA DE MTHAR PHYIN PAR RTOGS PA'I PHYIR DANG, NYAN PA PO RNAMS SPRO BA BSKYED PA'I CHED YIN PA'I PHYIR RO, ,DRUG PA NI, GLENG GZHI BTON PA DE LA MDO 'DON PA PO BDAG GIS TSE DANG LDAN PA DAG LA CI GSOL SBYONG 'DI LA NYAN PA PO'I 'KHOR KHYAD LTUNG BA MA BYUNG ZHING MA BCAB PAS YONGS SU DAG GAM ZHES DRI'O,, 'DI NI DRI BA DANG PO'O, ,CI 'DI LA KHYED YONGS SU DAG GAM ZHES LAN GNYIS LAN GSUM

DU DRI'O, ,LAN GSUM KHO NAR 'DRI BA'I RGYU MTSAN CI ZHE NA, SHES BYA CHOS CAN, DE LTAR 'DRI BA'I RGYU MTSAN YOD DE, GSUM KHO NA RAN PAR DGONGS PA'I PHYIR TE, GSUM LAS NYUNG NA 'GA' ZHIG GIS MA THOS PA DANG MANGS NA DUS YOL BA LA SOGS PA'I NYES DMIGS YONG PA'I PHYIR RO, ,'DI LA TSE DANG LDAN PA DAG LTUNG BAS YONGS SU DAG NA 'DI LTAR CANG MI SMRA BAS DAG PA DE DE BZHIN DU 'DZIN TO, ,GNYIS PA PHAM PA GDON PA LA DRUG SNGOM GYIS MDOR BSTAN, PHAM PA GDON PA'I LUNG DBOG ,SO SO'I MTSAN NYID RGYAS PAR BSHAD ,MJUG BSDU MA DAG PA'I NYES DMIGS, RNAM GZHAG BSGRAG PA'O, ,DANG PO NI, DE YANG 'PHAGS PA NYE BAR 'KHOR GYIS 'DUL BA'I SNGE SNOD KYI BKA' SDUNG PAR BYED PA'I TSE NA SNGOM GSUM GYI SGO NAS BSDUS TE, SPYI SNGOM ,DNGOS KYI SNGOM, BAR GYI SDOM GSUM DU BSDUS PA'I PHYIR RO DE YANG SPYI SNGOM NI, SPYI'I DON TSIGS BCAD DU BSDUS PA STE, DPER NA LTUNG BYED KYI SPYI'I DON TSIGS BCAD DU BSDUS PA'I SPYI SDOM LA, SHES BZHIN DANG NI SA BON DANG, ZHES PA LTA BU'O, DNGOS KYI SDOM PA NI, DNGOS DON TSIGS BCAD DU BSDUS PA STE, DPER NA DGE 'DUN LHAG MA'I DNGOS KYI DON TSIGS BCAD DU BSDUS PA, KHU BA 'DZIN PA 'KHRIG TSIG BSNYEN BKUR SMYAN, ZHES PA LTA BU'O, ,BAR GYI SDOM NI, 'PHROS DON TSIGS BCAD DU BSDUS PA'O, ,DE LTAR SNGOM GSUM GYI NANG NAS PHAM PAR 'GYUR BA BZHI'I DNGOS KYI DON SDOM DU BSDUS PA LA, ,MI TSANGS PAR SPYAD PAR MI BYA BA DANG, BRKU BAR MI BYA BA DANG, MI LA GSAD PAR MI BYA BA DANG ,RDZUN DU SMRA BA DANG BCAS PA MI BYA BA'I CHOS BZHI PHAM PA 'DON PA'I SKABS 'DIR NI SANGS RGYAS BCOM LDAN 'DAS KYIS GSUNGS PA YIN NO, ,DES NA, PHAM PA BZHI SDOM DU

, ,BSDUS NAS BSTAN PA CHOS CAN ,DGOS PA YOD DE, MA 'ONGS PA NA SKYE BO LUNG DANG RTOGS BA'I YON TAN MED PA DAG YAN LAG LA SGRO 'DOGS PA DANG, RKUR BA 'DEBS PA SPANG BA'I PHYIR DANG, TSIG NYUNG DUS DON GYI SPYI TZAM BDE BLAG TU RTOGS PAR 'DOD PA DAG RJES SU GZUNG BAR BYA BA'I CHED YIN PA'I PHYIR, GNYIS PA NI, 'O NA 'DUL BA'I SDE SNOD YI GER MI 'BRI BA YIN NA, CI'I PHYIR PHAM BAR 'GYUR BA BZHI YOD PAR SHES SHE NA, MI SHES PA'I SKYON MED DE ,TSE DANG LDAN BA DAG MI TSANGS PAR SPYOD BA DANG ,MA BYIN PAR LEN PA DANG SROG GCOD PA DANG, RDZUN DU SMRA BA STE PHAM PAR GYUR PA'I CHOS BZHI PO 'DI DAG NI, ZLA BA PHYED PHYED CING SO SOR THAR BA'I MDO GDON PA'I TSE 'DUL BA 'DZIN BA'I NGAG LAS 'BYUNG BA'I PHYIR RO, ,GSUM PA LA BZHI STE, RANG GZHAN GNYIS KA'I TSANGS SPYOD LA GNOD PA MI TSANGS PAR SPYOD PA'I PHAM PA, GZHAN GYI LONGS SPYOD LA GNOD PA MA BYIN PAR LEN PA'I PHAM PA, GZHAN GYI SROG LA GNOD PA SROG GCOD PA'I PHAM PA GZHAN GYI DON 'GRUB PA LA GNOD BRDZUN DU SMRA BA'I PHAM PA'O, ,DANG PO NI, GANG BYAS PAS MI TSANGS PAR SPYOD PA'I PHAM PAR 'GYUR ZHE NA, LAS DANG PO PA LA LTUNG BA MED PAS YANG PHYIN CHAD MING GI DGE SLONG, KHAS 'CHE BA'I DGE SLONG SLONG BA'I DGE SLONG ,NYON MONGS PA BCOM PA'I DGE SLONG MA GTOGS PA GSOL BA DANG BZHI'I LAS KYIS BSNYEN PAR RDZOGS PA'I DGE SLONG BZANG SBYIN LTA BU GANG YANG RUNG BA DGE SLONG RANG BZHIN DU GNAS PA RNAMS DANG LHAN CIG TSUL KHRIMS DANG ,BSLAB PA DANG, SO SOR THAR BA'I MDO 'DON PA MNYAM PA'I SGO NAS BSLAB PA MTSUNGS PAR GYUR BAS, BSLAB MA PHUL NA LTUNG BA MED PAS BSLAB PA MA PHUL, BSLAB PA NYAMS BAR BYAS NA LTUNG BA MED PAS BSLAB PA NYAMS PAR

MA BYAS PAR, GNYIS KYIS GNYIS SPROD PA'I MI TSANGS PAR SPYOD PA 'KHRIG PA LAS BYUNG BA'I CHOS BSTEN NA, MIR MA ZAD THA NA SPRA MO LTA BU DUD 'GRO'I SKYE GNAS SU SKYES PA DANG LHAN CIG KYANG RUNG STE, BZANG SBYIN LTA BU'I DGE SLONG DE PHAM PAR GYUR PA YIN GYI, DGE SLONG RNAMS KYIS DE DANG CHOS DANG ZANG ZING GI LONGS SPYOD LA LHAN CIG GNAS PAR MI BYA'O, ,'O NA BSLAB BA PHUL BA DANG, BSLAB PA NYAMS PA JI LTA BU ZHE NA, DE YANG MI'I 'GRO BA YIN PA, RANG BZHIN DU GNAS PA, SMRA SHES DON GO BA ZHIG GI DRUNG DU PHYIN NAS, TSE DANG LDAN PA DGONGS SU GSOL , BDAG MING 'DI ZHES BYA BA BSLAB PA 'BUL LO ZHES BYA BA LA SOGS PA'AM, BDAG KHYIM PAR BZUNG DU GSOL ZHES BYA BA LA SOGS PA'AM, BDAG TSANGS PA MTSUNGS PAR SPYOD PA KHYED CAG DANG LHAN CIG GNAS PAS CHOG GO ZHES BRJOD NA, BSLAB PA PHUL BA YIN LA, YANG BDAG MING 'DI ZHES BGYI BA SOGS SNGAR DANG 'DRA BA LA, TSANGS BAR SPYOD PA NI DKA'O ,ZHES PA LTA BU BRJOD NA BSLAB PA NYAMS PA YIN NO, ,BSLAB PA PHUL NYAMS GNYIS SDOM PA MED PAR NI 'DRA STE, PHUL BAS NI BSLAB PA BTANG BA'I SGO NAS SDOM PA MED PAR BYAS LA, NYAMS BAS NI BSLAB PA'I YUL MTHU MED PAR BYAS PA'I SGO NAS SDOM PA MED PAR BYAS PA'I PHYIR RO, ,DES NA PHUL NYAMS GNYIS LA MU BZHI LAS 'DIR NI GNYIS KA MIN PA GZUNG BAR BYA'O, ,GNYIS PA NI, GANG BYAS PAS MA BYIN PAR LEN PA'I PHAM PAR 'GYUR ZHE NA, LAS DANG PO BA LA LTUNG BA MED PAS YANG PHYIN CHAD NOR CAN LTA BU'I DGE SLONG GANG YANG RUNG BA MI'I 'GRO BA GZHAN GYI GRONG STER BA'I NANG NA 'DUG BA'AM, DGON PA STER BA'I PHYIN 'DUG PA SKYES PA LA SOGS PA MA BYIN PAR RKU BA'I GRANGS SU GTOGS PA MA SHA KA

, ,LNGA LTA BU BLANGS NA, JI TZAM MA BYIN PAR BLANGS PAS DGE SLONG DE RGYAL PO'AM, BLON PO CHEN POS BZUNG NAS, DGE SLONG DE LA 'DI SKAD CES KYE MI KHYOD NI 'JAB BUS RKUN MA'O, ,RANG GI MI SHES PAS BYIS PA'O, ,LUNG PHOG PA MI SHES PAS BLUN PO'O, ,MTHUS RKU BA'O ZHES ZER ZHING, GSOD NGAM, LCAGS SGROG LA SOGS PAS 'CHING NGAM, YUL GZHAN DU SPYUG KYANG RUNG STE ,DGE SLONG DE LTAR MA BYIN PAR LEN NA, NOR CAN LTA BU'I DGE SLONG DE YANG PHAM BAR GYUR PA YIN GYIS DGE SLONG RNAMS KYIS DE DANG LHAN CIG GNAS PAR MI BYA'O, ,GSUM PA NI , GANG BYAS NA SROG GCOD PA'I PHAM PAR 'GYUR ZHE NA, YANG PHYIN CHAD DGE SLONG GANG YANG RUNG BAS MA YI MNGAL DU SKYE MCHED DRUG DOD TSUN CHAD KYI MI'AM, MNGAL DU LUS SROG YID KYI DBANG PO TZAM ZHIG THOB PA'I MIR CHAGS PA LA GSOD PAR BSAMS BZHIN DU RANG GIS LAG DAR TE SROG BCAD DAM ,MI DE LA RAL GRI LA SOGS PA'I MTSON BYIN TAM, MI DE LA GZHAN MTSON THOGS PA GNYER TAM, LHUNG BZED SOGS THOB BA'I BSAM BAS TSUL KHRIMS DANG LDAN PA DANG ,TSUL KHRIMS 'CHAL PA DANG, NAD PA LTA BU DE 'CHIR BCUG GAM, DE LA 'CHI BA'I BSNGAGS PA BRJOD KYANG RUNG STE ,MI DE LA 'DI SKAD CES, KYE MI KHYOD 'TSO BA STE GSON PA SDIG PA'I RGYU'AM 'BRAS BU LA GNAS PA LUS MI GTZANG BA NGAN PA 'DIS CI ZHIG BYA STE DOR CIG ,KYE MI KHYOD GSON PA BAS SHI BA BLA'O ZHES ZER ZHING, 'CHI BAR 'DOD PA'I SEMS KYI 'DOD PA DANG ,CHOS LA SOGS PA THOB TU RE BA'I SEMS KYI KUN TU RTOG PA DAG GIS RNAM GRANGS DU MAS MI DE 'CHIR BCUG GAM, MI DE LA 'CHI BA'I BSNGAGS PA BRJOD DE DE YANG GONG DU BSHAD PA'I RTZOM PA DES 'CHI BA'I DUS BYAS NA, DGE SLONG DE YANG PHAM PAR GYUR PA YIN GYIS DGE SLONG RNAMS KYIS DE DANG

LHAN CIG GNAS PAR MI BYA'O, BZHI PA NI, GANG BYAS PAS RDZUN DU SMRA BA'I PHAM PAR 'GYUR ZHE NA, YANG PHYIN CHAD DGE SLONG GANG YANG RUNG BAS ZAG PA DANG BCAS PA'I BSAM GTAN NAM GZUGS MED KYIS BSDUS PA'I SHES PAS PHUNG PO LNGA MNGON PAR MI SHES SHING , ZAG MED KYIS BSDUS PA'I SHES PAS YONGS SU MI SHES LA, MI'I CHOS NI MYA NGAN LAS 'DAS PA YIN TE, DE MI RNAMS KYIS THOB PAR BYA BA YIN GYIS, MA NING DANG MTSAN GNYIS PA LA SOGS PAS KYANG MI THOB NA NGAN SONG BA RNAMS KYIS LTA CI SMOS, BLA MA NI 'DOD KHAMS LAS GZUGS KHAMS BLA MA YIN LA, DE LAS GZUGS MED KHAMS BLA MA YIN NO, ,YANG NA MI'I CHOS NI SGRIB PA LNGA YIN LA DE SPANGS BA NI BLA MA YIN NO, ,MTHA' MYA NGAN LAS 'DAS PA DANG, SANGS RGYAS DANG NYAN THOS 'PHAGS PA DANG ,BYE BRAG 'BRAS BU BZHI THOB PA DANG, BDEN PA BZHI MNGON SUM DU SHES PA DANG ,DE MNGON SUM DU MTHONG BA DANG, BSAM GTAN DANG GZUGS MED KYI BDE BA LA DNGOS SU REG PAR SPYOD BA MED LA, DE LTAR MED BZHIN DU 'DU SHES BSGYUR TE BDEN PA BZHI PO 'DI MNGON SUM DU SHES SO, ,LHA LA SOGS PA 'DI RNAMS MNGON SUM DU MTHONG NGO ZHES KHAS 'CHES PA LAS, DGE SLONG DE LTA BU LTUNG BA BYUNG BA DE RNAM PAR DAG PA 'DOD NAS DUS GZHAN ZHIG NA DGE SLONG GZHAN GYIS DRIS KYANG RUNG, GZHAN GYIS MA DRIS PAR RANG NYID 'GYOD KYANG RUNG STE, 'DI SKAD CES TSE DANG LDAN PA DAG BDAG GIS NI YID KYI RNAM PAR SHES PAS MI SHES PAR SHES SO ZHES SMRAS ,MING GI RNAM PAR SHES PAS MA MTHONG BAR MTHONG NGO ZHES SMRAS TE, DON DE BDEN PAS STONG BAS NA GSOB, SA BON TZAM GYIS STONG BAS GSOG RDZUN DU SMRAS SO ZHES ZER NA, DGE SLONG DE YANG PHAM PAR PAR GYUR PA YIN GYIS DGE SLONG RANG BZHIN DU GNAS PA

, ,RNAMS KYIS DE DANG LHAN CIG GNAS PAR MI BYA'O, ,THAMS CAD DU RDZUN DU SMRAS BA LA PHAM BAR 'GYUR RAM ZHE NA, MI 'GYUR TE, MNGON PA'I NGA RGYAL GYIS RDZUN DU SMRAS PA MA GTOGS PA'I PHYIR, BZHI PA NI, TSE DANG LDAN PA NAS BTON ZIN TO'I BAR RO, ,NGAG DON SOGS BSHAD ZIN PA LAS SHES PAR BYA'O, ,LNGA PA NI, DGE SLONG GIS PHAM PA BZHI PO DE DAG LAS LTUNG BA GANG YANG RUNG BA ZHIG BYAS NA, THOG MA KHYIM PA'I GNAS SKABS NA SDOM PA MED PA JI LTA BAR PHYIS KYANG DE BZHIN PHAM PAR GYUR PA YIN TE, DGE SLONG RNAMS DANG LHAN CIG TU GNAS PA DANG CHOS DANG ZANG ZING GI LONGS SPYOD LHAN CIG LONGS SPYOD DU MI DBANG GIS GNAS BAR MI BYA'O, ,THOG MA JI LTA BAR PHYIS KYANG DE BZHIN CES BSDOM PA NYAMS CHUNG BA LA BYA'I GTAN NAS MED PA MA YIN TE, 'PHAGS PA GZHI THAMS CAD YOD PAR SMRA BA'I 'DUL BA'I SDE SNOD LAS, BU LON NOR BZHIN KHA CHE DANG, BYUNG BA LA NI GNYIS SU 'DOD, CES GSUNGS BA'I PHYIR, DRUG PA NI, PHAM BA BTON PA DE LA BDAG GIS ZHES SOGS SNGAR BZHIN NO, ,GSUM PA LHAG MA GDON PA LA BDUN, SNGOM GYIS MDOR BSTAN, LHAG MA GDON PA'I LUNG DPOG ,SO SO'I MTSAN NYID, MJUG BSDU BA, RNAM GZHAG BSTAN PA, PHYIR 'CHOS PA'I TSUL, RNAM GZHAG BSGRAG PA'O, ,DANG PO NI, DGE 'DUN LHAG MA'I CHOS SNGOM DU BSDUS PA LA BCU GSUM DU YOD DE, KHU BA 'BYIN PA DANG, 'DZIN PA STE REG PA DANG, 'KHRIG TSIG SMRA BA DANG, BSNYEN BKUR BSNGAGS PA DANG, SMYAN BYED PA DANG, KHANG PA DANG, KHANG CHEN DANG, GZHI MED DANG, BAG TZAM DANG, DGE 'DUN DBYEN DANG, DE'I RJES SU PHYOGS PA DANG, KHYIM SUN 'BYIN PA DANG, BKA' BLO MI BDE BA'I DGE 'DUN LHAG MA RNAMS SU YOD PA'I PHYIR, GNYIS PA NI, 'DUL BA'I SDE SNOD YI GER MI 'BRI BA YIN NA, ZHES SOGS SNGAR BZHIN NO, CI'I

PHYIR DGE 'DUN LHAG MA ZHES BYA ZHE NA, PHAM PA LA PHYIR BCOS KYI LHAG MA MED LA, 'DI LA PHYIR BCOS PA'I LHAG MA YOD CING GSO BA DGE 'DUN LA RAG LAS PA'I PHYIR DGE 'DUN LHAG MA ZHES BYA'O, ,GSUM PA LA GNYIS, DNGOS BOS GYUR BA DANG, BSGO BA LAS GYUR PA'O, ,DANG PO LA GNYIS, 'DOD PAS KUN NAS BSLANGS PA DANG, GNOD PAS KUN NAS BSLANGS PA'O, ,DANG PO LA GNYIS, NANG SEMS CAN LA CHAGS PAS KUN NAS BSLANGS PA DANG, PHYI YO BYANG LA CHAGS PAS KUN NAS BSLANGS PA'O, ,DANG PO GNYIS, RANG 'DOD BSTEN PA, GZHAN 'DOD PA STEN TU 'JUG PA'O, ,DANG PO LA GNYIS, LUS KYI REG PA'I BDE BA LA CHAGS PAS KUN NAS BSLANGS PA DANG, SMRA BA'I BDE BA LA CHAGS PAS KUN NAS BSLANGS PA'O, ,DANG PO LA, RANG GI LUS KYI REG PA'I BDE BAL CHAGS PA DANG, GZHAN GYI LUS KYI REG PA'I BDE BAL CHAGS PAS KUN NAS BSLANGS PA'O, , DANG BO NI, GANG BYAS BAS KHU BA 'BYIN PA'I DGE 'DUN LHAG MAR 'GYUR ZHE NA, KHU BA 'BYIN PAR BSAMS BZHIN DU RANG GI KHU BA PHYUNG NA DGE 'DUN LHAG MAR 'GYUR RO, ,THAMS CAD DU 'GYUR RAM ZHE NA, RMI LAM GYI GNAS SKABS NI MA GTOGS TE, RMI LAM DU KHU BA PHYUNG BA DE MA PHYUNG BA DANG 'DRA BA'I PHYIR, DES NA KHU BA NI LNGA STE, SNGON BO DANG, SER PO DANG, DMAR PO DANG, SKA BA DANG, SLA BA'O, ,SNGON PO NI 'KHOR LO BSGYUR RGYAL GYI KHU BA'O, ,SER PO NI DE'I BU DBANG SGYUR BAR 'OS PA LAS GZHAN PA'I KHU BA'O, ,DMAR PO NI SNA CHEN POR GTOGS PA'I BLON PO CHEN PO'I KHU BA'O, ,SKA BA NI DBANG PO SMIN PA'I KHU BA'O, ,SLA BA NI DBANG PO MA SMIN PA'I KHU BA'O, ,GNYIS PA NI, GANG BYAS PAS REG PA'I DGE 'DUN LHAG MAR 'GYUR ZHE NA, LAS DANG PO PA LA LTUNG BA MED PAS YANG PHYIN CHAD 'CHAR KA LTA BU'I DGE SLONG GANG YANG RUNG BA

, ,'DOD CHAGS KYIS NGO TSA BA'I CHOS LAS DRAL CING BUD MED LA 'BREL 'DOD PAR GYUR BA'I SEMS KYIS BUD MED DAM, GZHON NU MA 'KHRIG PA STEN NUS PA DANG LHAN CIG LUS KYIS LUS LA REG PAR BYED NGAM 'KHRIG MA MAN CHAD KYI LAG PA NAS BZUNG NGAM, 'KHRIG MA YAN CHAD KYI DPUNG BA NAS BZUNG NGAM, 'KHRIG MA MAN CHAD SKRA BSDUS PA'I LAN BU NAS BZUNG NGAM, 'KHRIG MA MAN CHAD KYI LAG PA DANG, 'KHRIG MA YAN CHAD KYI DPUNG BA LAS GZHAN PA'I YAN LAG LUS DANG NYID LAG RKANG BA LTA BU GANG YANG RUNG BA LA, NOM PA CUNG ZAD REG PA DANG, NYUG PA PHYOGS THAMS CAD DU REG BA BDAG GIR BYED NA REG PA'I DGE 'DUN LHAG MAR 'GYUR RO, ,GNYIS PA SMRA BA'I BDE BA LA CHAGS PAS KUN NAS BSLANGS PA LA GNYIS, 'KHRIG CHIG SMRA BA, BSNYEN BKUR BSNGAGS PA'O, ,DANG PO NI, GANG BYAS PAS 'KHRIG PA SMRA BA'I DGE 'DUN LHAG MAR 'GYUR ZHE NA, YANG DGE SLONG DRAL CING GYUR BA'I SEMS KYIS BUNG MED DAM GZHON NU MA LEGS PAR SMRAS PA DANG ,NYES PAR SMRAS PA'I DON GO BA LA GNAS NGAN LEN GYI TSIG SDIG PA CAN TSOGS PAR MI DBYUNG BA GNYIS KYIS GNYIS SPROD PA'I 'KHRIG PA DANG LDAN BA DAG SKYES BUS NA CHUNG STE BUD MED LA RJOD PA JI LTA BA BZHIN DU BUD MED KYI RJES SU SMRAS PA'AM, BUD MED KYIS MA SMRAS PAR SMRAS NA DON GO BA'I TSEN DGE 'DUN LHAG MAR 'GYUR RO, ,GNYIS PA NI, GANG BYAS PAS BSNYEN BKUR BSNGAGS PA'I DGE 'DUN LHAG MAR 'GYUR ZHE NA, YANG DGE SLONG DRAL CING GYUR BA'I SEMS KYIS ,BUD MED KYI MDUN DU BDAG NYID KYI LUS KYIS BSNYEN BKUR BYA BA'I PHYIR, 'DI LTA STE,

DE LTA BU'I DGE SLONG CHUL KHRIMS KYI PHUNG BO DANG LDAN PA, DGE BA'I CHOS CHEN PO TING NGE 'DZIN GYI PHUNG BO DANG LDAN PA, TSANGS PAR SPYOD BSHES RAB KYI PHUNG PO DANG LDAN PA LA 'DI 'KHRIG PA DANG LDAN PA'I CHOS 'DIS BSNYEN BKUR BYAS NA, SRU 'DI NI BSNYEN BKUR BYAS PA RNAMS KYI MCHOG YIN NO ZHES BSNGAGS PA STE BSTOD RA BRJOD NA DON GO BA'I TSE NA DGE 'DUN LHAG MAR 'GYUR RO, ,GNYIS PA GZHAN 'DOD PA STEN DU 'JUG PA NI, GANG BYAS PAS SMYAN BYED PA'I DGE 'DUN LHAG MAR 'GYUR ZHE NA, YANG DRUG SDE LTA BU'I DGE SLONG GANG YANG RUNG BA BUD MED LA SKYES PA'I KUN DU SPYOD PA BSAM PA'I TSIG DANG, SKYES PA LA BUD MED KYI KUN DU SPYOD PA BSAM PA'I TSIG GIS CHUNG MA BDUN NYID DAM, MDZA' NA MO BCU NYID DU SMYAN BYED NA THA NA THANG 'GA' PHRAD PA LA YANG RUNG STE, DE'I DBANG GIS PHRAD PA'I TSEN DGE 'DUN LHAG MAR 'GYUR RO CHUR MA BDUN NI, CHU TSIGS KYIS BYIN PA, RIN CHAS KYIS NYOS PA, BTZAN PHROGS SU THOB PA, DANG SAM 'DUS PA, GOS ZAS KYIS 'TSO BA, KHA DUM PA, THANG 'GA' PHRAD PA'O, ,MDZA' NA MO BCU NI, MAS BSRUNGS PA, PHAS BSRUNGS PA, MING POS BSRUNGS PA, PHU NU MOS BSRUNGS PA, SGYUG MOS BSRUNGS PA, GA-YOS POS BSRUNGS PA, NYE DUS BSRUNGS PA, RIGS KYIS BSRUNGS PA, RUS CHAGS KYIS BSRUNGS PA, RNAM PAR 'KHRUG PA MED PA'O, ,GNYIS PA PHYI YO BYAD LA CHAGS PAS KUN NAS BSLANGS PA LA GNYIS ,KHANG PA DANG, KHANG CHEN GYI DGE 'DUN LHAG MA'O, ,DANG PO NI, GANG BYAS PAS KHANG PA'I DGE 'DUN LHAG MAR 'GYUR ZHE NA, CHOS 'DI BA'I DGE SLONG GIS DGE SLONG BDAG GIS SHING LA SOGS PA BSLANGS PA YIN BA SKYES PA LA SOGS PA'I BDAG BO MED PA, DGE SLONG BDAG GAm MI'I 'GRO

, ,BA PA'I GANG ZAG GCIG PHAN CHAD KYI PHYIR DU 'GRENG BA DANG 'CHAG PA DANG NYAL BA DANG 'DUG PA'I SPYOD LAM BZHI SHONG BA'I KHANG PA RANG GIS RTZIG GAM GZHAN RTZIG TU 'JUG NA, DGE SLONG DES KHANG PA TSAD BZHIN DU RTZIG TU CHU GCIG, 'O NA KHANG PA'I TSAD JI LTA BU ZHEN, DE LA KHANG BA'I TSAD NI 'DI YIN TE, KHANG PA'I NANG SRID DU BDE BAR GSHEGS PA'I MTHO'I MTHO BCU GNYIS TE TSED DANG LDAN PA'I KHRU BCO BRGYAD, KHANG BA'I NANG GI ZHENG DU BDE BAR GSHEGS PA'I MTHO'I MTHO BDUN TE TSAD DANG LDAN PA'I KHRU PHYED DANG BCU GCIG YIN NO, ,KHANG PA'I GZHI RUNG BRTZONG MED BRTZAM RUNG BLTA BA'I PHYIR DGE SLONG DES DGE SLONG GZHAN DAG BKRI BAR BYA'O, ,KHRID PA'I DGE SLONG DAG GIS KYANG SDIG SPRUL LA SOGS PA'I GNAS MED PA'I GZHI RUNG BA DANG, SHING LJON PA GCAD PAR BYA BA MA YIN PA SOGS MED PA'I RTZOD PA MED PA DANG, NYE 'KHOR 'DOM GANG GI KHOR KHOR YUG TU DAM GROG SOGS MED PA'I BRTZAM DU RUNG BA BLTA BAR BYA'O, ,GAL TE DGE SLONG GIS SDIG SPRUL SOGS YOD PA'I GZHI MI RUNG BA'AM, SHING LJON PA SOGS YOD PA'I RTZER PA DANG BCAS PA'AM, 'DOM GANG TSUN NA KHRON PA LA SOGS BA YOD PA'I BRTZAM DU MI RUNG BAR DGE SLONG BDAG GIS SA PHYOGS LA SOGS PA BSLANGS BA BUD MED LA SOGS PA'I BDAG PO MED PA, DGE SLONG BDAG GAM GANG ZAG GCIG YAN GYI PHYIR DU SPYOD LAM BZHI SHONG BA'I KHANG PA RANG GIS RTZIG GAM GZHAN RTZIG TU 'JUG GAM, GZHI RUNG MI RUNG BLTA BA'I PHYIR DGE SLONG DAG KYANG MI 'KHRID DAM, DGE SLONG KHRID PA DAG LA GZHI MI STON NAM, TSAD LAS 'DAS PAR RTZIG NA DGE 'DUN LHAG MAR 'GYUR RO, ,GNYIS PA NI, GANG BYAS PAS KHANG CHEN GYI DGE 'DUN LHAG MAR

'GYUR ZHE NA, DGE SLONG GIS SKYES PA LA SOGS PA'I BDAG PO YOD PA NYAN THOS KYI DGE 'DUN NAM GANG ZAG BZHI YAN GYI PHYIR SPYOD LAM BZHI SHONG BA'I GTZUG LAG KHANG ZHES SOGS SO, ,GNYIS PA GNOD PAS KUN NAS BSLANGS PA LA GNYIS, GZHI MED PA DANG, BAG TZAM GYI LHAG MA'O, ,DANG PO NI, YANG MDZA' BO DANG SA LAS SKYES LTA BU'I DGE SLONG GANG YANG RUNG 'KHROS PA STE 'KHRUGS SHING ZHE SDANG BA YID MI DGA' BAR GYUR NAS, CI NAS KYANG GYAD BU NOR LTA BU'I DGE SLONG 'DI TSANGS PAR SPYOD PA DANG DBRAL LO SNYAM NAS, GYAD BU NOR LTA BU'I DGE SLONG DAG PA GZHI DE'I LTUNG BA MED PA LA, GLENG BA'I GZHI MED PAR PHAM PAR GYUR PA GANG YANG RUNG BA'I CHOS KYIS SKUR BA BTAB PA LAS MDZA' BO DANG SA LAS SKYES LTA BU'I DGE SLONG DE DUS GZHAN ZHIG NA GZHAN GYIS DRIS KYANG RUNG GZHAN GYIS MA DRIS PAR RANG NYID 'GYOD KYANG RUNG STE RTZOD PA DE YANG GZHI MED PA YIN LA, DGE SLONG YANG ZHE SDANG LA GNAS PAS, ZHE SDANG GIS KUN NAS BSLANGS TE SMRAS SO ZHE NA DGE 'DUN LHAG MAR 'GYUR RO, ,GNYIS PA NI, GANG BYAS PAS BAG TZAM GYI DGE 'DUN LHAG MAR 'GYUR ZHE NA, YANG MDZA' BO DANG SA LAS SKYES LTA BU'I DGE SLONG GANG KHROS PA STE 'KHRUGS SHING ZHE SDANG BA YID MI DGA' BAR GYUR NAS, CI NAS KYANG GYAD BU NOR LTA BU'I DGE SLONG 'DI TSANGS PAR SPYOD PA DANG DBRAL LO SNYAM NAS, GYAD BU NOR LTA BU'I DGE SLONG DAG PA GZHI DE'I LTUNG BA MED PA LA GZHAN MYA NGAN LAS 'DAS PA'I CHA MA YIN PA DANG MTHUN PA PHAM PAR 'GYUR PA'I CHOS KYIS SKUR BA LAS, MDZA' BO DANG SA LAS SKYES LTA BU'I DGE SLONG DE DUS GZHAN ZHIG NA GANG ZAG GZHAN GYIS DRIS KYANG RUNG, GZHAN GYIS MA DRIS PAR RANG 'GYOD KYANG RUNG STE, RTZOD PA DE YANG GZHAN

, ,MYA NGAN LAS 'DAS PA'I CHA MA YIN BA DANG MTHUN PA YIN LA, RTZOD BA DE GZHAN MYA NGAN LAS 'DAS PA'I CHA MA YIN PA DANG MTHUN PA YIN PAS, DGE SLONG GYAD BU NOR DANG, DGE SLONG MA AUDPAL LA'I MDOG DANG, RI DVAGS PHO MO MI TSANGS PAR SPYOD PA MTHONG BA LTA BU'I BAG TZAM LAS BSAMS PA TZAM GYIS CHOS 'GA' ZHIG BLANGS BAR GYUR LA, DGE SLONG YANG ZHE SDANG LA GNAS PAS ZHE SDANG GIS SMRAS SO ZHE NA DGE 'DUN LHAG MAR 'GYUR RO, ,GNYIS PA BSGO BA LAS GYUR PA LA BZHI, DGE 'DUN DBYEN, DE'I RJES SU PHYOGS PA, KHYIM SUN 'BYIN PA, BKA' BLO MI BDE BA'O, ,DANG PO NI, GANG BYAS BAS DGE 'DUN DBYEN GYI LHAG MAR 'GYUR ZHE NA, YANG LHAS BYA NI LTA BU'I DGE SLONG GANG YANG RUNG BA SANGS RGYAS KYI NYAN THOS KYI DGE 'DUN LAM GCIG TU ZHUGS PAS MTHUN PA PHYOGS GNYIS SU BYE BA'I PHYIR BRTUL BA BRTZON PAR BYED CING, DBYEN BYED PAR 'GYUR BA'I RTZOD PA YANG DAG PAR BLANGS NAS RAB TU STE DAM DU BZUNG STE 'DUG NA, LHAS BYIN LTA BU'I DGE SLONG DE LA CHOS 'DI BA'I DGE SLONG RNAMS KYIS TSIG 'JAM POS 'DI SKAD CES BZHAMS TE BSGO BAR BYA'O, ,TSE DANG LDAN PA LHAS BYIN KHYOD DGE 'DUN LTA BA SOGS MTHUN PA PHYOGS GNYIS SU BYE BA'I PHYIR BRTUL BAR MA BYED CIG ,DGE 'DUN GYI DBYEN BYED PAR 'GYUR BA'I RTZOD PA YANG DAG PAR BLANGS NAS RAB TU BZUNG STE MA 'DUG CIG, TSE DANG LDAN PA DGE 'DUN DANG TSUL KHRIMS DANG LTA BA DANG 'TSO BA DANG SPYOD LAM MTHUN PAR GYIS SHIG, DGE 'DUN LAM GCIG TU ZHUGS BAS MTHUN PA GZHAN GYIS MI PHYED, PHAN TSUN GCIG GIS GCIG GI YON TAN BRJOD PAS KUN TU DGA' ZHING

MI RTZOD 'BRAS BU MYA NGAN LAS 'DAS PA 'DOD PAR MCHOG GCIG, GSO SBYONG LA SO SOR THAR PA'I MDO 'DON PA GCIG CING CHU DANG 'OM GCIG TU 'DRES PA LTA BUR GYUR LA, STON PA'I BSTAN PA SDE SNOD GSUM PO KHA TON BYED PA LA SOGS PAS GSAL BAR BYED NA MTHONG BA'I CHOS LA BDE BA LA REG PAR GNAS PA LA BRTEN NAS MYA NGAN LAS 'DAS PA THOB PAR 'GYUR GYIS, TSE DANG LDAN PA KHYOD DGE 'DUN 'BYED PAR BYED PA'I GZHI 'DI LTA BU 'DI THONG ZHIG CES BSGO BAR BYA'O, ,LHAS BYIN LTA BU'I DGE SLONG DE LA CHOS 'DI PA'I DGE SLONG RNAMS KYIS DE SKAD CES BSGO BA NA, GAL TE DBYEN GYI GZHI DE GTONG NA DE LTA NA LEGS TE SNGAR NYES BYAS TZAM LAS MA BYUNG BA'I PHYIR GAL TE BZHAMS BSGO'I MTHA' LA MI GTONG NA NYES PA SBOM POR 'GYUR RO, ,'O NA DE'I 'OG TU JI LTAR BYA ZHE NA, DBYEN GYI GZHI DE GTONG BAR BYA BA'I PHYIR, GSOL BA DANG BZHI'I LAS KYIS LAN GNYIS SAM GSUM DU YANG DAG PAR BSGO BA STE KUN DU DRI BAR BYA, YANG DAG PAR BSTAN PAS BZLOG PAR BYA'O, ,LAN GNYIS LAN GSUM DU YANG DAG PAR BSGO, YANG DAG PAR BSTAN PA NA DBYEN GYI GZHI DE GTOD NA DE LTAN LEGS TE, NYES BA SBOM BO TZAM LAS MI 'BYUNG BA'I PHYIR, GAL TE BRJOD PA'I MTHA' LA MI GTONG NA DGE 'DUN LHAG MA'I DNGOS GZHIR 'GYUR RO, ,GNYIS PA NI, LHAS BYIN LTA BU'I DGE SLONG DE'I GROGS BYED PA'I KO KA LI KA LA SOGS PA'I DGE SLONG MI MTHUN PAR SMRA BA DBYEN NYID KYI RJES SU PHYOGS PA'I DGE SLONG GCIG GAM GNYIS SAM GSUM YAN CHAD KYI MANG PO DAG YOD CING, GAL TE KO KA LI KA LA SOGS PA'I DGE SLONG DE DAG CHOS 'DI BA'I DGE SLONG RNAMS LA 'DI SKAD CES, TSE DANG LDAN PA DAG KHYED CAG DGE BAL SBYOR YANG RUNG, SDIG PA LAS ZLOG

, ,KYANG RUNG; DGE SLONG LHAS BYIN 'DI LA DGE BA LA SBYOR BA DANG SDIG PA LAS LDOG BA'I TSIG CI YANG MA SMRA ZHIG, DE CI'I PHYIR ZHE NA, TSE DANG LDAN PA DAG DGE SLONG LHAS BYIN 'DI NI CHOS RIGS PA SMRA BA, 'DUL BA LUNG SMRA BA, YANG NA CHOS 'PHAGS LAM YAN LAG BRGYAD KYI NANG NAS YANG DAG PA'I LTA BA DANG, RTOG PA DANG, RTZOL BA DANG, DRAN PA DANG, TING NGE 'DZIN SMRA BA, 'DUL BA YANG DAG PA'I NGAG DANG LAS KYI MTHA' DANG 'CHO BA SMRA BA, YANG CHOS DON DANG LDAN PA SMRA BA, 'DUL BA 'JAM ZHING MDZA' BA LTAR SMRA BA'O, ,DGE SLONG LHAS BYIN 'DI NI CHOS RIGS PA DANG 'DUL BA LUNG JI LTA BA BZHIN YANG DAG PAR BLANGS NAS RAB TU BZUNG STE, STON PA'I BSTAN PA'I RJES SU THA SNYAD 'DOGS PAR BYED PA, DGE SLONG LHAS BYIN 'DI NI DON SHES BZHIN DU SMRA'I, DON MI SHES BAR SMRAB MA YIN PA'I PHYIR TE, DGE SPONG LHAS BYIN 'DI NI DBYEN GYI GZHI GANG LA YID DANG MTHUN PAS 'DOD CING RIGS PAS RTOGS PAS BZOD PA DE LA, BDAG CAG KYANG YID DANG MTHUN PAS 'DOD CING RIGS PAS RTOGS PA BZOD DO ZHES ZER NA, KO KA LI KA LA SOGS PA'I DGE SLONG DE DAG LA CHOS 'DI PA'I DGE SLONG RNAMS KYIS BZHAMS TE BSGO BA'I TSIG 'DI SKAD, TSE DANG LDAN BA DAG KHYED CAG DE SKAD CES, TSE DANG LDAN BDAG KHYED CAG DGE BA LA SBYOR YANG RUNG, SDIG PA LAS LDOG KYANG RUNG, DGE SLONG LHAS BYIN 'DI LA TSIG CI YANG MA SMRA ZHIG, DE CI'I PHYIR ZHE NA, TSE DANG LDAN PA DAG DGE SLONG LHAS BYIN 'DI NI CHOS RIGS PA SMRA BA, 'DUL BA LUNG SMRA BA, DGE SLONG LHAS BYIN 'DI NI CHOS RIGS PA DANG 'DUL BA LUNG JI LTA BA BZHIN YANG DAG PAR BLANGS NAS RAB TU BZUNG STE, STON PA'I BSTAN PA'I RJES SU THA SNYAD 'DOGS

PAR BYED PA, DGE SLONG LHAS BYIN 'DI NI DON SHES BZHIN DU SMRA'I, DON MI SHES PAR SMRA BA MA YIN PA'I PHYIR TE, DGE SLONG LTAS BYIN 'DI NI DBYEN GYI GZHI GANG LA YID DANG MTHUN PAS 'DOD CING RTOGS PAS BZOD PA DE LA BDAG KYANG YID DANG MTHUN PAS 'DOD CING RTOGS PAS BZOD DO ZHES MA ZER ZHIG, DE CI'I PHYIR ZHE NA, TSE DANG LDAN PA DAG DGE SLONG LTAS BYIN 'DI NI CHOS RIGS PA SMRA BA MA YIN 'DUL BA LUNG SMRA BAM YIN GYI, CHO DANG LDAN PA DAG DGE SLONG LTAS BYIN 'DI NI RIGS PA MA YIN PA SMRA BA 'DUL BA LUNG MA YIN PA SMRA BA, DGE SLONG LHAS BYIN 'DI NI CHOS RIGS PA MA YIN PA DANG, 'DUL BA LUNG MA YIN PA YANG DAG PAR BLANGS NAS RAB TU BZUNG STE, RJES SU THA SNYAD 'DOGS PAR BYED BA, DGE SLONG LHAS BYIN 'DI NI DON MI SHES BZHIN DU SMRA'I, DON SHES PAR SMRA BA MA YIN PA'I PHYIR TE, DGE SLONG LHAS BYIN 'DI GANG LA 'DOD CING BZOD PA DE LA TSE DANG LDAN PA DAG 'DOD CING BZOD PAR MA BYED CIG, TSE DANG LDAN PA DAG KHYED DGE 'DUN 'BYED 'DOD PAR MA BYED PAR, TSE DANG LDAN PA DAG DGE 'DUN MTHUN PA NYID DU 'DOD PAR GYIS SHIG ,TSE DANG LDAN PA DAG DGE 'DUN DANG MTHUN PAR GYIS SHIG ,DE LTAR BYAS BA LA YON TAN NI, DGE 'DUN MTHUN MI BYED, KUN TU DGA' MI RTZOD, MCHOG GCIG 'DON PA GCIG CING CHU DANG 'O MA GCIG TU 'DRES PA LTA BUR GYUR LA, STON PA'I BSTAN PA GSAL BAR BYAD NA, BDE PA LA REG PAR GNAS PAR 'GYUR GYIS, TSE DANG LDAN PA DAG DGE 'DUN 'BYED PA'I RJES SU PHYOGS SHING, MI MTHUN PAR SMRA BA 'DI LTA BU 'DI THONG ZHIG CES BSGO BAR BYA'O, ,KO KA LI KA LA SOGS PA'I DGE SLONG DE DAG LA CHOS 'DI BA'I DGE SLONG RNAMS KYIS DE SKANG BSGO BA NA, GAL TE RJES SU PHYOGS PA'I GZHI

, ,ZHES SOGS SO, ,GSUM PA NI, GANG BYAS PAS KHYIM SUN 'BYIN PA'I LHAG MAR 'GYUR ZHE NA, NAB SO DANG 'GRO MGYOGS LTA BU'I DGE SLONG RAB TU MANG PO DAG RE LDE'I RI LTA BU'I GRONG DAM GRONG RDAL ZHIG NA CHOS DANG ZANG ZING GI LONGS SPYOD LA NYE BAR BRTEN CING GNAS PAR GYUR LA, NAB SO DANG 'GRO MGYOGS LTA BU'I DGE SLONG DE DAG KYANG 'GROGS PA DANG LONGS SPYOD PA'I SGO NAS KHYIM PA'I KHYIM SUN 'BYIN PAR BYED PA, SDIG PA'I CHOS GNAS NGAN LEN KUN TU SPYOD PAR GYUR CING ,NAB SO DANG 'GRO MGYOGS LTA BU DE DAG GIS KHYIM NGAG SUN PHYUNG BAR MIG GI SHES PAS MTHONG NGAM, RNA BA'I SHES PAS THOS SAM, MIG RNAMS? GZHAN PA'I SHES PAS RAB TU SHES SAM, DE DAG SDIG PA KUN TU SPYOD PA MTHONG NGAM, THOS SAM; RAB TU SHES NA, NAB SO DANG 'GRO MGYOGS LTA BU'I DGE SLONG DE DAG LA CHOS 'DI PA'I DGE SLONG RNAMS KYIS SKROD PA'I TSIG 'DI SKAD CES, TSE DANG LDAN PA DAG KHYED KHYIM SUN 'BYIN PA SDIG PA'I CHOS KUN TU SPYOD PA DAG YIN TE, KHYED KYIS KHYIM DAG SUN PHYUNG BAR MTHONG ZHING THOS LA RAB TU SHES, KHYED SDIG PA KUN TU SPYOD PAR MTHONG ZHING THOS LA RAB TU SHES KYIS, TSE DANG LDAN PA DAG KHYED GNAS 'DI NA GNAS PAS CHOG GIS, GNAS 'DI NAS GZHAN DU DENGS SHIG CES BSGO NAS BSKRAD PAR BYA'O, ,DE LTAR BSKRAD PA NA, GAL TE NAB SO DANG 'GRO MGYOGS LTA BU'I DGE SLONG DE DAG CHOS 'DI PA'I DGE SLONG RNAMS LA 'DI SKAD CES, TSE DANG LDAN PA DAG 'DI NA DGE SLONG KHA CIG 'DUN PAS 'GRO BA, ZHE SDANG GIS 'GRO BA ,GTI MUG GIS 'GRO BA, 'JIGS PAS 'GRO BA DAG YIN TE, RGYU MTSAN 'DI LTAR LTUNG BA 'DRA BA KHO NA LAS NAB SO DANG 'GRO MGYOGS LTA BU'I DGE SLONG KHA

CIG NI SKROD PAR BYED LA, DMAR SER CAN LTA BU'I DGE SLONG KHA CIG NI SKROD PAR MI BYED DO ZHES RDZUN ZER NA, NAB SO DANG 'GRO MGYOGS LTA BU'I DGE SLONG DE DAG LA CHOS 'DI PA'I DGE SLONG RNAMS KYIS BZHAMS TE BSGO BA'I TSIG 'DI SKAD CES ,TSE DANG LDAN PA DAG 'DI NA DGE SLONG KHA CIG 'DUN PAS 'GRO BA, ZHE SDANG GIS 'GRO BA, GTI MUG GIS 'GRO BA, 'JIGS PAS 'GRO BA DAG YIN TE, 'DI LTAR LTUNG BA 'DRA BA KHO NA LAS, DGE SLONG KHA CIG NI SKROD PAR BYED, KHA CIG NI SKROD PAR MI BYED NGO ZHES RDZUN MA ZER ZHIG, DE CI'I PHYIR ZHE NA, DGE SLONG 'DI DAG NI 'DUN PAS 'GRO BA MA YIN, ZHE SDANG GIS 'GRO BA MA YIN, GTI MUG GIS 'GRO BA MA YIN, 'JIGS PAS 'GRO BA MA YIN GYI, 'DI LTAR TSE DANG LDAN PA DAG NYID KHYIM SUN 'BYIN PA SDIG PA'I CHOS KUN TU SPYOD PA DAG YIN TE, KHYED NYID KYIS KHYIM DAG SUN PHYUNG BAR MTHONG ZHING THOS LA RAB TU SHES, KHYED SDIG PA KUN TU SPYOD PAR MTHONG ZHING THOS LA RAB TU SHES PA'I PHYIR TE, TSE DANG LDAN PA DAG 'DUN PAS 'GRO BA ZHES BYA BA'I TSIG GI LAM DANG, ZHE SDANG GIS 'GRO BA, GTI MUG GIS 'GRO BA, 'JIGS PAS 'GRO BA ZHES BYA BA'I TSIG GI LAM 'DI LTA BU 'DI THONG ZHIG CES BSGO BAR BYA'O, ,NAB SO DANG 'GRO MGYOGS LTA BU'I DGE SLONG DE DAG LA CHOS 'DI PA'I DGE SLONG RNAMS KYIS DE SKAD CES BZHAMS TE BSGO BA NA, GAL TE 'DUN PAS 'GRO BZHES SOGS KYI TSIG GI GZHI DE GTONG NA ZHES SOGS SO, ,BZHI PA NI, GANG BYAS PAS BKA' BLO MI BDE BA'I LHAG MAR 'GYUR ZHE NA, 'DI NA 'DUN PA LTA BU'I DGE SLONG 'GA' ZHIG BKA' BLO MI BDE BA TSIG BRNAG MI BZOD PA'I RANG BZHIN CAN DU GYUR LA, 'DUN PA LTA BU'I DGE SLONG DE LA CHOS 'DI PA'I DGE SLONG

, ,RNAMS KYIS SO SOR THAR PA'I MONG PHAM PA DANG, LHAG MA DANG, MA NGES PA DANG, RIL GYIS GDON PAR GTOGS PA'I BSLAB PA'I GZHI RNAMS DANG, BDE BAR GSHEGS PA'I SO SOR THAR PA'I MDO RIL GYIS GDON PAR GTOGS PA RNAMS KYIS, CHOS MDO SDE DANG MNGON PA'I SDE SNONG DANG MTHUN PA DANG, 'DUL BA'I SDE SNOD DANG MTHUN PAR SMRAS PA NA, TSE DANG LDAN PA DAG KHYED CAG DGE BA LA SBYOR YANG RUNG, SDIG PA LAS LDOG KYANG RUNG, BDAG LA TSIG CI YANG MA SMRA ZHIG, BDAG KYANG DGE BA LA 'JUG KYANG RUNG, SDIG PA LAS LDOG KYANG RUNG, TSE DANG LDAN PA DAG LA TSIG CI YANG MI SMRA'O, ,TSE DANG LDAN BA DAG GIS BDAG LA DGE BA LA 'JUG PA DANG, SDIG PA LAS LDOG PA'I TSIG GI LAM THONG ZHIG, KHYED LA YANG BDAG GIS DGE BA LA 'JUG PA DANG, SDIG PA LAS LDOG PA'I TSIG SMRAS PAS CI ZHIG BYA ZHES, BDAG NYID LTUNG BA BRJOD PAR BYA BA MA YIN PAR BRJOD NA, 'DUN PA LTA BU'I DGE SLONG DE LA CHOS 'DI PA'I DGE SLONG RNAMS KYIS BZHAMS TE BSGO BA'I TSIG 'DI SKAD CES, TSE DANG LDAN PA 'DUN PA LTA BU KHYOD DGE SLONG RNAMS KYIS SO SOR THAR PA'I MDO PHAM PA DANG, LHAG MA DANG, MA NGES PA DANG, RIL GYI GDON PAR GTOGS PA BSLAB PA'I GZHI RNAMS DANG, BDE BAR GSHEGS PA'I SO SOR THAR PA'I MDO RIL GYIS GDON PAR GTOGS PA RNAMS KYIS CHOS MDO SDE DANG MNGON PA'I SDE SNONG DANG MTHUN PA DANG, 'DUL BA'I SDE SNOD DANG MTHUN PAR SMRAS PA NA, BDAG NYID LTUNG BA BRJOD PAR BYA BA MA YIN PAR MA BYED PAR TSE DANG LDAN PAS BDAG NYID LTUNG BA BRJOD PAR BYA BA KHO NAR GYIS SHIG, DGE SLONG RNAMS TSE DANG LDAN PA LA CHOS MDO SDE DANG MNGON PA'I SDE SNOD DANG MTHUN PA DANG, 'DUL BA'I SDE SNOD

DANG MTHUN PAR SMRA BA NA, TSE DANG LDAN PA YANG DGE SLONG RNAMS LA CHOS MDO SDE DANG MNGON PA'I SDE SNOD DANG MTHUN PA DANG, 'DUL BA'I SDE SNONG DANG MTHUN BAR SMROS SHIG, DE LTAR SMRAS PA LA PHAN YON 'DI LTA STE, GCIG LA GCIG LTUNG BA BRJOD PAR BYA BA GLENG BA NYID DU BYED PA DANG, GCIG LA GCIG GDAM NGAG 'DOMS SHING RJES SU STON PA DANG, GCIG GIS GCIG LA LTUNG BA LAS SLONG BA NYID DE LTA BUS, BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS DE'I NYAN THOS KYI DGE 'DUN GYI 'KHOR 'DI 'PHEL BAR 'GYUR GYIS, TSE DANG LDAN PA KHYOD BDAG NYID LTUNG BA BRJOD PAR BYA BA MA YIN PAR BYED PA'I LAS KYI MTHA' DI LTA BU THONG ZHIG CES BGO BAR BYA'O, ,'DUN BA LTA BU'I DGE SLONG DE LA CHOS 'DI PA'I DGE SLONG RNAMS KYIS TE BSGO BA NA, GAL TE BRJOD PAR BYA BA MA YIN PAR BYED PA'I GZHI DE GTONG NA ZHES SOGS SO, ,BZHI PA NI, TSE DANG LDAN PA ZHES SOGS SO, ,LNGA PA NI, DGE 'DUN LHAG MA'I CHOS BCU GSUM PO DE DAG LAS KHU BA 'BYIN PA LA SOGS PA DANG PO DGU NI CHOS CAN, DNGOS POS GYUR BA ZHES BYA STE, BZHAMS BSGO LA MI LTOS PAR SBYOR BA'I SBYOR BA DANG, SBYOR BA DANG, SNGOS GZHI'I LTUNG BA DANG PO DAG NAS RIM PA BZHIN 'BYUNG BA NYID YIN PA'I PHYIR RO, ,DGE 'DUN DBYEN LA SOGS PA PHYI MA BZHIN CHOS CAN, BSGO BA LAS GYUR PA ZHES BYA STE, BZHAMS BSGO DANG, GSOL BA DANG, RJOD PA LAN GSUM GYI BAR GYI MTHA' LA MA BTANG BAS DNGOS GZHI'I LTUNG BAR 'GYUR BA'I PHYIR, DRUG PA NI, LTUNG BA 'BYIN PAR BYED PA'I DGE SLONG GIS DGE 'DUN LHAG MA BCU GSUM PO DE DAG LAS LTUNG BA GANG YANG RUNG BZHI BYAS LA, JI SRID DU RANG RGYUD LA LTUNG BA BYUNG BAR SHES BZHIN DU ZHAG TU 'CHAB PAR BYED

, ,BDE SRID DU LTUNG BA 'BYIN PA'I DGE SLONG DES MI 'DOD BZHIN DUS PO BA SPYAD PAR BYA'O, ,LTUNG BA 'BYIN PA'I DGE SLONG GIS MI 'DOD BZHIN DU SPO BA SPYAD PAR BYAS NAS, DE'I 'OG TU ZHAG DRUG GI BAR DU DGE 'DUN LA THUGS MGU BAR BYA BA SPYAD PAR BYA'O, DGE SLONG GIS DGE 'DUN GYI THUGS MGU BAR BYA BA SPYAD NAS, LHAG MA LAS DBYUNG BAR BYA BA LA THOGS TE CHOS DANG MTHUN PAR GAndI BRDUNG BA DANG GNAS MAL BSHAM PA SOGS BYAS LA, DGE 'DUN 'DUS PA NA RGAN PA'I MTHA' LOGS NAS MCHIL LHAM GNYIS PHUNG PHYAG 'TSAL TE THAL MO SBYAR, TZOG PUR 'DUG STE LHAG MA LAS DBYUNG BA'I DON DU GSOL BA LAN GSUM BTAB NAS, DGE SLONG GIS DGE 'DUN GYI SEMS MGU BAR BYAS NA, GNAS GANG NA DGE SLONG NYI SHU'I TSOGS KYI DGE 'DUN YONG PA DER, LTUNG BA 'BYIN PA'I DGE SLONG DE DBYUNG BAR BYA'O, DGE SLONG NYI SHUR GCIG GIS MA TSANG PA'I TSOGS KYI DGE 'DUN GYIS, DGE SLONG DE LHAG MA LAS 'BYIN PAR BYED NA, DGE SLONG DE YANG LHAG MA LAS MA PHYIN LA, 'BYIN PAR BYED PA'I DGE SLONG DE DAG KYANG SLAD PAR BYA BA YIN TE, LHAG MA PHYIR 'CHOS PA DE LA DE NI TSO GA STE THABS YIN NO, , BDUN PA NI, DGE 'DUN LHAG MA BTON PA DE LA ZHES SO, ,BZHI PA MA DES PA 'DON BA LA LNGA, SDOM GYIS MDOR BSTAN, MA NGES PA 'DON PA'I LUNG DBOG, SO SO'I MTSAN NYID, MJUG BSDU BA, RNAM GZHAG BSGRAG PA'O, ,DANG PO NA, MA NGES PA'I CHOS SDOM DU BSDUS BA CHOS CAN, KHYOD LA GNYIS YOD DE, KHYOD LA DBEN PA SKYABS YOD PA NA 'DOD PA BYAR RUNG BAR 'DUG BA'I MA NGES PA DANG ,DBEN PA SKYABS YOD PA NA 'DOD PA BYAR MI RUNG BAR 'DUG PA'I MA NGES PA GNYIS YOD PA'I PHYIR, DANG PO NI, PHAM LHAG LTUNG BYED GSUM GANG RUNG DU YANG MA NGES PA

DANG; GNYIS PA NI, LHAG MA DANG LTUNG BYED GANG DU YANG MA NGES PA'O, ,GNYIS PA NI, 'DUL BA'I SDE SNOD YI GER MI 'BRI BA YIN NA, MA NGES PA GNYIS 'DON PAR GANG LAS SHES ZHE NA, MI SHES PA'I SKYON MED DE, TSE DANG LDAN PA DAG PHAM LHAG LTUNG BYED GSUM GANG DU YANG MA NGES PA DANG LHAG MA DANG LTUNG BYED GNYIS GANG DU YANG MA NGES PA'I CHOS GNYIS PO 'DI DAG NI ZLA BA PHYENG PHYENG CING, SO SOR THAR PA'I MDO 'DON PA'I TSE NA 'DUL BA 'DZIN PA'I KHA TON LAS 'BYUNG BA'I PHYIR RO, ,GSUM PA LA GNYIS LAS, MA NGES PA DANG PO NI, YANG 'CHAR KA LTA BU'I DGE SLONG GANG YANG RUNG BA SBED MA LTA BU'I BUD MED MI TSANGS PAR SPYOD PA 'KHRIG PA'I CHOS STEN NUS PA DANG LHAN CIG DGE SLONG GCIG BU BUD MED GCIG DANG SKYES PA DANG BUD MED RANG MA NING MED PA'I DBEN PA RTZIG PA DANG YOL BA DANG RIB MA DANG, THIBS PO DANG, MTSAN MO'I SKYABS GANG TUNG YOD PA NA, 'DOD PA MI TSANGS PAR SPYOD PA BYAR RUNG BAR KHRI DANG KHRI'U LTA BU'I STAN LA 'DUG PAR BYED CING, 'CHAR KA LTA BU'I DGE SLONG DE LA GAL TE DGE BSNYEN MA RI DAGS 'DZIN GYI MAS GA LTA BU DKON MCHOG GSUM LA YID CHES PA SROG LA BAB KYANG RDZUN MI SMRA BA'I TSIG DANG LDAN PAS CHOS GSUM PO PHAM PAR GYUR PA BZHI LAS GANG YANG RUNG BA'AM, DGE 'DUN LHAG MA BCU GSUM LAS GANG YANG RUNG BA'AM, LTUNG BYED DGU BCU LAS CHOS GANG YANG RUNG BAS SMRAS PAR GYUR LA, 'CHAR KA LTA BU'I DGE SLONG GIS 'DUG PA DRANG POR KHAS BLANGS NA CHOS GSUM PO PHAM PAR GYUR BA'AM, DGE 'DUN LHAG MA 'AM, LTUNG BYED LAS CHOS GANG YANG RUNG BAS BSHAGS BA BYED DU GZHUG CING, 'CHAR KA LTA BU'I DGE SLONG DE LA DGE BSNYEN MAS GA LTA BU DKON MCHOG GSUM LA YID CHES PA'I TSIG DANG LDAN PAS CHOS GSUM

, ,PO GANG DANG GANG GIS SMRAS PAR GYUR PA'I CHOS DE DANG DES 'CHAR KA LTA BU'I DGE SLONG DE BSHAGS PA BYED DU GZHUG STE DE NI MA NGES PA'I CHOS DANG PO YIN NO, ,MA NGES PA'I CHOS GNYIS PA NI, YANG SHI RIK LTA BU'I DGE SLONG GANG KHYIM BDAG GI CHUNG MA SO SBYOR 'PHAGS LTA BU'I BUD MED 'KHRIG PA STEN NUS DANG LHAN CIG DGE SLONG GCIG BU BUD MED GCIG DANG SKYES PA SOGS MED PA'I DBEN BA RTZIG PA LA SOGS PA'I SKYABS LNGA PO GANG RUNG YOD PAN, 'DOD PA MI TSANGS PAR SPYOD PA BYAR MI RUNG BAR KHRI'I KHRI'U LTA BU'I STAN LA 'DUG PAR BYED CING, SHI RI KA LTA BU'I DGE SLONG NGE LA GAL TE DGE SNYEN MA LEGS KSYES LTA BU DKON MCHOG GSUM LA YID CHES PA'I TSIG DANG LDAN PAS CHOS GNYIS PO DGE 'DUN LHAG MA BCU GSUM LAS GANG RUNG NGAM, LTUNG BYED DGU BCU LAS GANG YANG RUNG BAS SMRAS PAR GYUR LA, SHI RIK LTA BU'I DGE SLONG GIS 'DUG PA DRANG POR KHAS BLANGS NA CHOS GNYIS PO DGE 'DUN LHAG MA'AM, LHUNG BYED LAS GANG YANG RUNG BAS BSHAGS PA BYED DU GZHUG CING, SHI RI KA LTA BU'I DGE SLONG DE LA DGE BSNYEN MA LEGS SKYES LTA BU DKON MCHOG GSUM LA YID CHES PA'I TSIG DANG LDAN PAS CHOS GNYIS PO GANG DANG GANG GIS SMRAS PAR GYUR BA'I CHOS DE DANG NGES DGE SLONG DE BSHAGS BA BYED DU GZHUG STE, DE YANG MA NGES PA'I CHOS SO, ,BZHI PA NI, TSE DANG LDAN PA ZHES SO, ,LNGA PA NI, MA NGES PA BTON PA DE LA ZHES SOGS SO, ,LNGA PA RIL GYIS GDON PA LA LNGA, SPANG BA'I LTUNG BYED KYI CHOS SUM CU, LTUNG BYED 'BA' ZHIG PA'I CHOS DGU BCU, SO SOR BSHAGS PAR BYA BA'I CHOS GZHI, BSLAB PAR BYA BA'I CHOS MANG PO, RTZOD PA ZHI BAR BYA BA'I CHOS BDUN GDON PA'O, ,DANG PO LA GSUM

DNGOS; MJUG BSDU, RNAM GZHAG BSGRAG PA'O, ,DANG PO LA GSUM, BCU TSAN DANG PO, GNYIS PA, GSUM PA'O, ,DANG PO LA GSUM, SNGOM GYIS MDOR BSTAN, SPANG BA'I LTUNG BYED GDON PA'I LUNG DPOG, SO SO'I MTSAN NYID BSHANG PA'O, ,DANG PO NI, SPANG BA'I LTUNG BYED KYI BCU TSAN DANG PO SNGOM DU BSDUS PA CHOS CAN, BCU YOD NGE, 'CHANG BA'I SPANG BA, 'BRAL BA'I SPANG BA, 'JOG PA'I SPANG BA, 'KHRUR 'JUG PA'I SPANG BA, GOM LEN PA'I SPANG BA, GOS SLONG BA'I SPANG BA, STONG GA-YOGS DANG SMAD GA-YOGS DANG BCAS PA SLONG BAR RIGS PA'I SPANG BA, GOS KYI RIN THANG DPAGS PA SLONG BA'I SPANG BA, SO SO NAS DBAGS PA SLONG BA'I SPANG BA, BSKUR BA'I SPANG BA RNAMS SU YOD PA'I PHYIR, GNYIS PA NI, 'DUL BA'I SDE SNOD YI GER MI 'BRI BA YIN PAS, SPANG BA'I LTUNG BYED KYI CHOS SUM CU 'DON PA GANG LAS SHES SHE NA, MI SHES PA'I SKYON MED DE, TSE DANG LDAN PA DAG SPANG BA'I LTUNG BYED KYI CHOS SUM CU PO 'DI DAG NI ZLA BA PHYENG PHYENG CING SO SOR THAR PA'I MDO GDON PA'I TSEN 'DUL BA 'DZIN PA'I NGAG LAS 'BYUNG BA'I PHYIR RO, ,CI'I PHYIR SPANG BA'I LTUNG BYED CES BYA ZHE NA, LTUNG BA BSHAGS PA BYED PA'I TSE NA LTUNG BA'I RGYUR GYUR PA'I DNGOS PO DE DGE SLONG GZHAN LA ZHAG GCIG SPANG DGOS PA'I DON GYIS NA SPANG BA'I LTUNG BYED CES BYA'O, ,GSUM PA LA BCU LAS, DANG PO 'CHANG BA'I SPANG PA NI, GANG BYAS PAS GOS 'CHANG BA'I SPANG BAR 'GYUR ZHE NA, CHOS 'DI PA'I DGE SLONG CHOS GOS DRA BA DANG DRUB BA DANG, KHA BA SKYUR BA ZIN PAS DGE 'DUN GYI DBYAR SNGA MA KHAS BLANGS PAS SRA BRKYANG BTING BA DPYID ZLAR BA NYA LA PHYUNG BA'AM, DBYAR PHYI MA KHAS BLANGS PAS SRA BRKYANG BTING PA DPYID ZLA 'BRING PO'I NYA LA PHYUNG NA, ZHAG BCU'I BAR DU GOS LHAG PA SNAM SBYAR MA GTOGS PA RUNG BA

, ,MA BYAS PA BCANG BAR BYA'O, ,DE LAS 'DAS BAR 'CHANG NA ZHAG BCU GCIG PA'I SKYA RENGS SHAR BA'I TSE NA SPANG BA'I LTUNG BYED DU 'GYUR RO, ,GNYIS BA 'BRAL BA'I SPANG BA NI, GANG BYAS PAS CHOS GOS DANG 'BRAL BA'I SPANG BAR 'GYUR ZHE NA, DGE SLONG CHOS GOS ZIN BAS SRA BRKYANG PHYUNG NA GAL TE NUB GCIG KYANG CHOS GOS BLA GOS DANG MTHANG GOS DANG SNAM SBYAR GSUM LAS RANG GI BYIN RLABS CAN GYI CHOS GOS GSUM LAS GANG YANG RUNG BA DANG CHOS GOS YOD PA'I MTSAMS KYI PHYI ROL DU SKYA RENGS SHAR GYI BAR DU 'BRAL BAR BYED NA SPANG BA'I LTUNG BYED DU 'GYUR RO, ,THAMS CAD DU 'GYUR RAM ZHE NA, DGE 'DUN GYIS MI 'BRAL BA'I GNANG BA BYIN PA MA GTOGS SO, ,GSUM PA 'JOG PA'I SPANG BA NI, GANG BYAS PAS GOS ZLA BAR 'JOG PA'I SPANG BAR 'GYUR ZHE NA, DGE SLONG CHOS GOS ZIN BAS SRA BRKYANG PHYUNG NA, DUS MA YIN PA'I GOS SHIG RNYED LA 'DOD PA DON DU GNYER NA DGE SLONG GIS GOS 'DUN PO SRIN BAL GYI GOS DANG, BAL GYI GOS DANG, SHA NA'I GOS DANG, ZAR MA'I GOS DANG, DU GU LA'I GOS DANG, KO STAM PA'I GOS DANG, NYI 'OG PA'I GOS LAS GANG YANG RUNG BA DE BLANGS NAS BDAG GIR BYA'O, ,BLANGS NAS GAL TE LANGS BA STE LDANG MYUR BA KHO NAR GOS SU BYAS LA BYIN GYIS BRLABS TE BCANG BAR BYA'O, ,GAL TE MI LANGS BA STE MI LDANG LA KHA MA LANGS BA KHA SKONG BA'I GOS GZHAN LA RE BA YOD NA, DGE SLONG DES GOS DE ZLA BA GCIG GI MTHAR RUNG BA MA BYAS PAR GZHAG PAR BYA'O, ,DE LAS 'DAS PAR 'JOG NA ZHAG SO GCIG PA'I SKYA RENGS SHAR BA NA SPANG BA'I LTUNG BYED DU 'GYUR RO, ,BZHI PA 'KHRUR 'JUG PA'I SPANG BA NI, GANG BYAS PAS GOS 'KHRUR 'JUG PA'I SPANG BAR 'GYUR ZHE NA,

YANG 'CHAR KA LTA BU'I DGE SLONG GANG YANG RUNG BA DGE SLONG MA BDUN BRGYUD TSUN CHANG KYI NYE DU MA YIN PA LA RANG GI BYIN RLABS CAN GYI CHOS GOS DANG GDING BA DUS TSIGS GSUM PO GANG RUNG DU LONGS SPYAD PA'I RNYING BA CHU LA 'KHRUR 'JUG GAM, TSON GYIS 'CHENG DU 'JUG GAM, THAL MOS RDEB BA LTA BUS 'CHAG TU 'JUG NA SPANG BA'I LTUNG BYED DU 'GYUR RO, ,LNGA PA LEN PA'I SPANG BA NI, GANG BYAS PAS GOS LEN BA'I SPANG BAR 'GYUR ZHE NA, YANG NYER DGA' LTA BU'I DGE SLONG GANG DGE SLONG MA BDUN BRGYUD TSUN CHAD KYI NYE DU MA YIN PA LAS BAL GYI GOS LA SOGS PA LEN NA GOS LAG TU THOB PA'I TSEN SBANG PA'I LTUNG BYED DU 'GYUR RO, ,THAMS CAD DU 'GYUR RAM ZHE NA, GOS BZANG NGAN BRJES PA NI MA GTOGS SO, ,DRUG PA SLONG BA'I SPANG BA NI, GANG BYAS PAS GOS SLONG BA'I SPANG BAR 'GYUR ZHE NA, YANG NYER DGA' LTA BU'I DGE SLONG GANG KHYIM BDAG SKYES PA'AM, KHYIM BDAG GI CHUNG MA BUD MED BDUN BRGYUD TSUN CHAD KYI NYE DU MA YIN PA'I GAN DU SONG STE, BAL LA SOGS PA'I GOS SLONG NA GNANG BA'I DUS MA GTOGS TE SPANG BA'I LTUNG BYED DO, ,'O NA GNANG BA'I DUS GANG ZHE NA, BSLAB PA'I GZHI DE LA GNANG BA'I DUS NI 'DI YIN TE, DGE SLONG CHOS GOS CHOM RKUN POS PHROGS SAM, GOS BOR BA LTA BUS BRLAG GAM, GOS MES TSIG GAM, GOS RLUNG GIS KHYER RAM, GOS CHUS KHYER NA BSLAB PA'I GZHI DE LA DE NI GNANG BA'I DUS YIN NO, ,BDUN PA SLONG BAR RIGS PA'I SPANG BA NI, GANG BYAS PAS SLONG BAR RIGS PA'I SPANG BAR 'GYUR ZHE NA, DRUG SDE LTA BU'I DGE SLONG CHOM RKUN PAS GOS PHROGS SAM, GOS BRLAG GAM, GOS MES TSIG GAM, GOS RLUNG GIS KHYER RAM, GOS CHUS KHYER NA, KHYIM BDAG SKYES PA'AM, KHYIM BDAG GI CHUNG MA BUD MED BDUN BRGYUD TSUN

, ,CHANG KYI NYE DU MA YIN PA'I GAN DU SONG LA BAL LA SOGS PA'I GOS BSLANG BAR BYA'O, ,DGE SLONG DE LA GAL TE BRAM ZE LTA BU'AM, KHYIM BDAG DANG PA CAN ZHIG GIS DUS KYIS GOS MANG PO STOB PA STE 'BUL 'DOD NA DGE SLONG DES BRAM ZE LTA BU DE LA GOS STONG GA-YOGS DANG SMAD GA-YOGS DANG BCAS PA'I MTHAR THUG PA BLANG BAR BYA'O, ,DE LAS LHAG PAR LEN NA SPANG BA'I LTUNG BYED DO, ,BRGYAD PA DPAGS PA SLONG BA'I SPANG BA NI, GANG BYAS PAS DPAGS PA SLONG BA'I SPANG BAR 'GYUR ZHE NA, NYER DGA' LTA BU'I DGE SLONG GI PHYIR, KHYIM BDAG GAM KHYIM BDAG GI CHUNG MA NYE DU MA YIN PAS GOS KYI RIN GSER LA SOGS PA DAG DPAGS PA STE STA GON BYAS NAS, BDAG GI GOS KYI RIN GSER LA SOGS PA 'DI DAG GIS BAL LA SOGS PA 'DI DANG 'DI LTA BU ZHIG NYOS LA, NYER DGA' LTA BU'I DGE SLONG MING 'DI ZHES BYA BA 'ONGS PA DANG, DE LA BDAG GI GOS RUNG BA LONGS SPYAD PAR 'OS PA DUS SU BSKON NO SNYAM PA LAS, DE NA GAL TE DGE SLONG DE LA SNGAR MA BSTABS PA MGRON DUM BOS PAR RNAM PAR RTOG PA 'GA' ZHIG BYUNG STE, GOS BZANG PO 'DOD PA'I PHYIR KHYIM BDAG GAM, KHYIM BDAG GI CHUNG MNYE DU MA YIN PA'I GAN DU SONG NAS 'DI SKAD CES, TSE DANG LDAN PAS BDAG GI PHYIR GOS KYI RIN GSER LA SOGS PA GANG BDAG GI DPAGS PA'I GOS KYI RIN DE DAG GIS, TSE DANG LDAN PA BAL LA SOGS PA'I GOS 'DI DANG 'DI LTA BU ZHIG NYOS LA BDAG LA GOS RUNG BA DUS SU LEGS PAR SKON CIG CES SMRAS TE, GOS LAG TU GRUB PA'I TSE NA SPANG BA'I LTUNG BYED DO, ,DGU PA SO SO NAS DPAGS PA SLONG BA'I SPANG BA NI, GANG BYAS PAS SO SO NAS DPAGS PA SLONG BA'I SPANG PAR 'GYUR ZHE NA, NYER DGA' LTA BU'I DGE

SLONG GI PHYIR KHYIM BDAG GAM KHYIM BDAG GI CHUNG MA NYE DU MA YIN PAS GOS KYI RIN GSER LTA BU SO SO THA DAD PA DAG GIS DPAGS PA STA GON BYAS NAS, BDAG CAG GNYIS KYI GOS KYI RIN SO SO BA 'DI DAG GIS, BAL LA SOGS PA'I GOS 'DI DANG 'DI LTA BU ZHIG NYOS LA, DGE SLONG MING 'DI ZHES BYA BA 'ONGS PA DANG, BDAG CAG GNYIS KYIS SO SO NAS DE LA GOS RUNG BA DUS SU BSKON NO SNYAM PA LAS, DE NA GAL TE DGE SLONG DE LA SNGAR MA BSTABS PAR RNAM PAR RTOG PA 'GA' ZHIG BYUNG STE ZHES SOGS SO, ,BCU PA BSKUR BA'I SPANG BA NI, GANG BYAS BAS BSKUR BA'I SPANG BAR 'GYUR ZHE NA, NYER DGA' LTA BU'I DGE SLONG GI PHYIR RGYAL PO RGYAL RIGS SPYI BO NAS DBANG BSKUR BA'AM, RGYAL PO'I BLON PO CHEN PO'AM, BRAM ZE GTZANG SBRA CAN NAM, KHYIM BDAG PHYUG PO'AM, GRONG RDAL GRONG KHYER GYI MI'AM, YUL MI'AM, NOR BYE BAS PHYUG PA'I NOR CAN NAM, CONG PAN BCINGS PA'I TSONG DPON NAM, DON MTHUN LAN GNYIS SAM GSUM DU BDAS PA'I DED DPON GYIS MI'I 'GRO BA PA'I PHO NYA'I LAG TU GOS KYI RIN GSER LTA BU BSKUR BAR GYUR LA, DE NAS PHO NYA DES GOS KYI RIN GSER LTA BU DE DAG KHYER TE, NYER DGA' LTA BU'I DGE SLONG DE GA LA BA DER SONG STE PHYIN NAS, DGE SLONG DE LA 'DI SKAD CES, 'PHAGS PA MKHYEN PAR MDZOD CIG, KHYOD LA RGYAL PO'AM, BLON PO CHEN PO'AM, BRAM ZE'AM, KHYIM BDAG GAM, GRONG RDAL GYI MI'AM, YUL MI 'AM, NOR CAN NAM, TSONG DPON NAM, DED DPON CHE GE MOS GOS KYI RIN 'DI DAG BSKUR GYIS, 'PHAGS PA THUGS BRTZE BA'I SLAD DU 'DI DAG BZHES SHIG CES 'BUL BAR BYED NA, DGE SLONG NGES PHO NYA DE LA 'DI SKAD CES, TSE DANG LDAN PA PHO NYA BDAG CAG DGE SLONG

, ,DAG NI GOS KYI RIN GSER LTA BU DAG LEN DU MI RUNG STE, BDAG CAG GOS LONGS SPYAD PAR 'OS PA RUNG BA DUS SU RNYED NA NI LEN TO ZHES BRJOD PAR BYA'O, ,GAL TE PHO NYA DES DGE SLONG DE LA 'DI SKAD CES, 'PHAGS PA RNAMS KYI ZHAL TA BGYID PA, 'PHAGS PA RNAMS GYI ZHAL TA NYAMS SU LEN PA RUNG BA BYED PA GANG LAGS PA 'GA' MCHIS SAM ZHES ZER NA, DGE SLONG GOS 'DOD PAS PHO NYA 'DI NI DGE SLONG ZHAL TA BYED PA STE, 'DI NI ZHAL TA NYAMS SU LEN PA'O ZHES, RTZE RGOD DANG, LHA 'BANGS LTA BU'I KUN DGA' RA BA PA'AM, BSLAB PA'I GZHI LNGA BLANGS PA'I DGE BSNYEN ZHAL TA BA RUNG BA BYED PA BSTAN PAR BYA'O, ,DE NAS PHO NYA DES GOS KYI RIN DE DAG KHYER NAS ZHAL TA BYED PA GA LA BA DER 'GRO BAR BYA ZHING, PHYIN NAS ZHAL TA BYED PA DE LA 'DI SKAD CES, TSE DANG LDAN PA ZHAL TA BYED PA SHES PAR GYIS SHIG ,KHYOD KYIS GOS GYI RIN 'DI DAG GIS BAL LA SOGS PA'I GOS 'DI DANG 'DI LTA BU ZHIG NYOS LA, DGE SLONG MING 'DI ZHES BYA BA 'ONGS PA DANG, DE LA GOS RUNG BA DUS SU SKON CIG CES BRJOD PAR BYA'O, ,DE NAS PHO NYA DES ZHAL TA BYED PA DE LA SHIN TU LEGS PAR YANG DAG PAR BSGO ZHING, YANG DAG PAR BSTAN NAS, DGE SLONG DE GA LA BA DER 'GRO BAR BYA ZHING PHYIN NAS, DGE SLONG DE LA 'DI SKAD CES ,'PHAGS PAS ZHAL TA BGYID PA BSTAN PA GANG LAGS PA DE LA BDAG GIS YANG DAG PAR BSTAN LAGS KYIS, DE'I GAN DU BZHUD CIG DANG, DES KHYOD LA GOS RUNG BA DUS SU SKON PAR 'GYUR RO ZHES BRJOD PAR BYA'O, ,DGE SLONG GOS 'DOD PAS ZHAL TA BYED PA'I GAN DU SONG LA, TSE DANG LDAN PA ZHAL TA BYED PA BDAG GOS 'DOD DO, ,TSE DANG LDAN PA ZHAL TA BYED PA BDAG GOS 'DOD DO ZHES LAN GSUM DU BSKUL BAR BYA, DRAN PAR BYA'O, ,DE YANG LAN

GCIG BSKUL BAS GRUB NA, GNYIS PA MI BYA, GNYIS PA LA GRUB NA GSUM PA MI BYA'O, ,LAN GNYIS LAN GSUM DU BSKUL ZHING DRAN PAR BYAS PA NA, GAL TE GOS BDUN LAS GANG RUNG DE LAG TU GRUB NA DE LTAN LEGS TE, PHO NYA ZHAL TA BA DANG BCAS PAL YANG BTANG BA DANG LONGS SPYOD PA'I RGYU LAS BYUNG PA'I BSONG NAMS 'BYUNG LA, DGE SLONG LA YANG 'JIG RTEN DANG 'GAL BA DANG, 'DUL BA DANG 'GAL BA'I NYES PA MA BYUNG BA'I PHYING, GAL TE GOS LAG TU MA GRUB NA, DE'I 'OG TU LAN BZHI LAN LNGA LAN DRUG GI BAR DU ZHAL TA BYED PA'I PHYOGS SU CANG MI SMRA BAR BSDAD PAR BYA'O, ,LAN BZHI LAN LNGA LAN DRUG GI BAR DU PHYOGS SU CANG MI SMRA BAR BSNGAD PA NA, GAL TE GOS DE GRUB NA DE LTA NA LEGS TE, SBYIN BDAG, PHO NYA ZHAL TA DANG BCAS PA LA BTANG BA DANG LONGS SPYAD PA'I RGYU LAS BYUNG BA'I BSOD NAMS 'BYUNG, DGE SLONG LA 'DUL BA DANG 'GAL BA'I SBYOR DNGOS KYI LTUNG BA MA BYUNG BA'I PHYIR RO, ,GAL TE BSKUL BSDAD LAN DRUG GIS MA GRUB NA, DE'I 'OG TU GOS BSGRUB PA'I PHYIR BTZAL TE GOS LAG TU GRUB NA SPANG BA'I LTUNG BYED DO, ,GAL TE BSKUL BSDANG LAN DRUG GIS MA GRUB NA PHYOGS GANG NAS GOS KYI RIN 'ONGS PA DER DGE SLONG BDAG NYID 'GRO BAR BYA'O, ,YANG NA YID BRTAN PA'I PHO NYAS, TSE DANG LDAN PA DAG GIS DGE SLONG CHE GE MO'I PHYIR GOS KYI RIN GANG DAG BSKUR PA DE DAG NI DGE SLONG DE'I DON CING YANG MA GRUB KYIS SHES PAR GYIS SHIG, TSE DANG LDAN PA DAG GIS RANG GI NOR CHUNG MA GSAN ZHIG CES SBRING BAR BYA STE, BSLAB PA'I GZHI DE LA NI CHO GA STE RJES SU MTHUN PA'I THABS YIN NO, ,BCU TSAN GNYIS PA LA GNYIS, SDOM GYIS MDOR BSTAN, SO SO'I NGO BO RGYAS PAR BSHAD PA'O, ,DANG PO NI, SPANG BA'I LTUNG BYED

, ,BCU TSAN GNYIS PA SDOM DU BSDUS PA CHOS CAN, BCU YOD DE, SRIN BAL DANG, BAL NAG PO 'BA' ZHIG PA DANG, CHA GNYIS BSRE PA DANG, LO DRUG GI NANG DU STAN GNYIS PA DANG, MTHO GANG DANG, LAM DU BAL THOGS PA DANG, 'KHRU BA RMEL DU 'JUG PA DANG, GSER DNGUL LA REG PA DANG, MNGON MTSAN CAN GYI SPYOD PA DANG, NYO TSONG BYED PA'I SPANG BA RNAMS SU YOD PA'I PHYIR, GNYIS PA LA BCU LAS, DANG PO SRIN BAL GYI SPANG BA NI, GANG BYAS PAS SRIN BAL GYI STAN BYED PA'I SPANG BAR 'GYUR ZHE NA, YANG CHOS 'DI PA'I DGE SLONG GANG YANG RUNG BA SRIN BAL GYI STAN GSAR PAS GSAR PA DANG GSAR DU RNYED PAS GSAR PA GNYIS LAS GSAR PA'I GSAR PA BYED NA BKRAM PA'I TSE NA SPANG BA'I LTUNG BYED DO, ,GNYIS PA BAL NAG PO 'BA' ZHIG PA'I SPANG BA NI, GANG BYAS PAM LUG BAL NAG PO 'BA' ZHIG GI STAN BYED PA'I SPANG BAR 'GYUR ZHE NA, YANG CHOS 'DI PA'I DGE SLONG GANG YANG RUNG BA LUG GI BAL RANG BZHIN GYIS NAG PA DANG SNGO BAS NAG PA DANG KHAM PAS NAG PA DANG 'DAM KHAS NAG PO 'BA' ZHIG GI STAN GSAR PA BYED NA BKRAM PA'I TSE NA SPANG B'I LTUNG BYED DO, ,GSUM PA CHA GNYIS BSRE BA'I SPANG BA NI, GANG BYAS PAS CHA GNYIS BSRE BA'I SPANG BAR 'GYUR ZHE NA, CHOS 'DI PA'I DGE SLONG GIS STAN GSAR PA BYED NA, BZHI CHA GNYIS NI LUG BAL NAG PO 'BA' ZHIG LAS GZHUG PA STE BSRE BAR BYA, BZHI CHA GSUM PA NI GLO DANG RGYAB DANG GNYA' BA NAS SKYES PA'I DKAR PO LAS BSRE BAR BYA, BZHI CHA BZHI PA NI, RKANG PA DANG LTE BA DANG MGO BO NAS SKYES PA'I 'KHOB BAL LAS GZHUG PA STE BSRE BAR BYA'O, ,GAL TE DGE SLONG GIS CHA GNYIS LUG BAL NAG PO 'BA' ZHIG LAM BCUG GAM, GSUM PA DKAR PO LAS, BZHI PA 'KHOB PA LA LAS MA BCUG PAR STAN GSAR PA

BYED NA BKRAM PA'I TSE NA SPANG BA'I LTUNG BYED DO, ,BZHI PA LO DRUG GI NANG DU STAN GNYIS PA BYED PA'I SPANG BA NI, GANG BYAS PAS LO DRUG GI NANG DU STAN GNYIS PA BYED PA'I SPANG BAR 'GYUR ZHE NA, CHOS 'DI PA'I DGE SLONG GIS BLINGS PA'I STAN GSAR PA BYED NA MI 'DOD BZHIN DU LO DRUG GI BAR DU BCANG BAR BYA'O, ,GAL TE DGE SLONG GIS LO DRUG TSUN CHAD DU STAN RNYING PA DE GZHAN LA SPANGS KYANG RUNG MA SPANGS KYANG RUNG, STAN GSAR PA BYED NA DGE 'DUN GYIS GNANG BA BYIN PA MA GTOGS TE SPANG BA'I LTUNG BYED DO, ,LNGA PA MTHO GANG GI SPANG BA NI, GANG BYAS PAS MTHO GANG GI SPANG BAR 'GYUR ZHE NA, CHOS 'DI PA'I DGE SLONG GIS GDING BA GSAR PA BYED NA, GDING BA GSAR PA KHA DOG MI SDUG PAR BYA BA'I PHYIR, GDING BA RNYING PA BDE BAR GSHEGS PA'I MTHO GANG STE TSAD DANG LDAN PA'I KHRU PHYED DANG NGO KUN NAS 'KHOR BAS GLAN PAR BYA'O, ,GAL TE DGE SLONG GIS GDING BA GSAR PA KHA DOG MI SDUG PAR BYA BA'I PHYIR GDING BA RNYING PA BDE BAR GSHEGS PA'I MTHO GANG 'KHOR BAR MA GLAN PAR GDING BA GSAR PA SPYOD NA SPANG BA'I LTUNG BYED DO, ,DRUG PA BAL THOGS PA'I SPANG PA NI, GANG BYAS PAS BAL THOGS PA'I SPANG BAR 'GYUR ZHE NA, DRUG SDE LTA BU'I DGE SLONG DGON PA'I LAM DU ZHUGS PAS LUG BAL DAG GZHAN LAS RNYED LA 'DOD NA DGE SLONG DES BAL DE BLANG BAR BYA'O, ,BLANGS NAS GZHAN KHUR 'KHYER BA MED NA DPAG TSAD GSUM GYI MTHA'I BAR DU DGE SLONG BDAG NYID KYIS BKUR BAR BYA'O, ,DE LAS 'DAS PAR KHYER NA SPANG BA'I LTUNG BYED DO, ,DE YANG RGYANG GRAGS RE 'DAS PA NA DNGOS GZHI DANG, RGYANG GRAGS PHYED NA NYES BYAS SO, ,BDUN PA BAL RMEL DU 'JUG PA'I SPANG BA NI, GANG BYAS PAS BAL RMEL DU 'JUG PA'I SPANG BAR 'GYUR ZHE NA, YANG 'CHAR KA LTA BU'I DGE SLONG GANG YANG RUNG BA DGE

, ,SLONG MA BDUN BRGYUD TSUN CHAD KYI NYE DU MA YIN PA LA LUG BAL CHU LA 'KHRUR 'JUG GAM, TSON GYIS 'TSED DU 'JUG GAM, BAL GYI 'DAB MA RMEL DU 'JUG NA SPANG BA'I LTUNG BYED DO, ,BRGYAD PA GSER DNGUL LA REG PA'I SPANG BA NI, GANG BYAS PAS GSER DNGUL LA REG PA'I SPANG BAR 'GYUR ZHE NA, YANG DRUG SDE LTA BU'I DGE SLONG GANG YANG RUNG BA RANG GI LAG GIS GSER DANG, DNGUL LA SOGS PA'I RIN PO CHE LEN TAM LEN DU 'JUG NA SPANG BA'I LTUNG BYED DO, ,DGU PA MNGON MTSAN CAN GYI SPYOD PA'I SPANG BA NI, GANG BYAS PAS MNGON MTSAN CAN GYI SPYOD PA'I SPANG BAR 'GYUR ZHE NA, YANG CHOS 'DI PA'I DGE SLONG GANG YANG DUNG BA PA NA'AM RIN PO CHE MNGON MTSAN CAN GYI SPYOD PA RNAM PA SNA TSOGS BYED NA BSKYED PHYIN PA'I TSE NA SPANG PA'I LTUNG BYED DO, ,BCU PA NYO TSONG GI SPANG BA NI, GANG BYAS PAS NYO TSONG BYED PA'I SPANG BAR 'GYUR ZHE NA, YANG CHOS 'DI PA'I DGE SLONG GANG YANG RUNG BA PA NA DANG RIN PO CHE LAS GZHAN PA'I NYO TSONG RNAM PA SNA TSOGS BYED NA SPANG BA'I LTUNG BYED DO, ,BCU TSAN GSUM PA LA, SDOM GYIS MDOR BSTAN, SO SO'I NGO BO RGYAS PAR BSHAD PA'O DANG PO NI, SPANG BA'I LTUNG BYED BCU TSAN GSUM PA SDOM DU BSDUS PA CHOS CAN, BCU YOD DE, LHUNG BZED 'CHANG BA DANG, TSOL BA GNYIS DANG, THAG PA STE 'THAG TU 'JUG PA DANG, 'THAG PA BSKYED PA GNYIS DANG, GOS BYIN PA 'PHROG PA DANG, STON ZLA THA CHUNG STE BRTANG PA LAS BYUNG BA DANG, DGON PA PA'I 'BRAL BA DANG, DBYAR GYI RAS CHEN LAS GYUR PA DANG, BSNGOS PA GZHAN DU BSGYUR BA DANG, SOG 'JOG GI SPANG BA RNAMS SU YOD PA'I PHYIR, GNYIS PA LA BCU LAS, LHUNG BZED 'CHANG BA'I SPANG BA NI, GANG BYAS PAS LHUNG BZED 'CHANG BA'I SPANG

BAR 'GYUR ZHE NA, YANG CHOS 'DI PA'I DGE SLONG GIS RANG GI BYIN RLABS CAN GYI LHUNG BZED MA GTOGS PA'I LHUNG BZED LHAG PA ZHAG BCUR BCANG BAR BYA'O, ,DE LAS 'DAS PAR 'CHAD NA ZHAG BCU GCIG PA'I SKYA RENGS SHAR BA'I TSEN SPANG BA'I LTUNG BYED DO, ,GNYIS PA LHUNG BZED TSOL BA'I SPANG BA NI, GANG BYAS PAS LHUNG BZED TSOL BA'I SPANG BAR 'GYUR ZHE NA, NYER DGA' LTA BU'I DGE SLONG GANG YANG RUNG BA LHUNG BZED LHAN PA LNGA MED PA LONGS SPYAD PAR BZOD PA YOD BZHIN DU BZANG PO 'DOD PA'I PHYIR LHUNG BZED GSAR PA GZHAN 'TSOL BAR BYED CING LHUNG BZED LAG TU GRUB PA'I TSE NA SPANG BA'I LTUNG BYED DO, ,'O NA LTUNG BA PHYIR BCOS PA'I TSUL DE JI LTA BU ZHE NA, LTUNG BA 'BYIN PA'I DGE SLONG DES LHUNG BZED LHAG PO DE DGE SLONG GI 'KHOR LA DBUL BAR BYA'O, ,DGE SLONG GI 'KHOR DE'I LHUNG BZED THA MAR GYUR PA GANG YIN PA DE DGE SLONG DE LA SBYIN PAR BYA'O, ,JI LTAR SBYIN ZHE NA, DGE SLONG KHYOD KYIS LHUNG BZED 'DI BYIN GYIS BRLAB PAR MI BYA, GZHAN LA BTANG BAR MI BYA, GZHAN LA SBYIN PAR MI BYA BAR, CHAG PA'I MTHAR THUG GI BAR DU KHANG KYIS DAL BU DAL BUS SPYAD PAR BYA'O ZHES SBYIN PAR BYA STE, BSLAB PA'I GZHI DE LA DE NI CHO GA STE RJES SU MTHUN PA'I THABS YIN NO, ,GSUM PA GOS 'THAG TU 'JUG PA'I SPANG BA NI, GANG BYAS PAS GOS 'THAG TU 'JUG PA'I SPANG BAR 'GYUR ZHE NA, YANG NYER DGA' LTA BU'I DGE SLONG GANG YANG RUNG BA RANG GIS BSLANGS PA'I DOG PA THAG PA STE THAG MKHAN BDUN BRGYUD TSUN CHAD KYI NYE DU MA YIN PA LA BAL LA SOGS PA'I GOS 'THAG TU 'JUG NA GOS LAG TU GRUB PA'I TSE NA SPANG BA'I LTUNG BYED DO, ,BZHI PA 'THAG PA BSKYED PA'I SPANG BA NI, GANG BYAS PAS 'THAG PA BSKYED PA'I SPANG BAR 'GYUR

, ,ZHE NA; NYER DGA' LTA BU'I DGE SLONG GI PHYIR KHYIM BDAG GAM KHYIM BDAG GI CHUNG MA NYE DU MA YIN PAS THAG PA NYE DU MA YIN PA LA, GOS 'THAG TU BCUG PA LAS, DE NA DGE SLONG DE LA SNGAR MA BSTABS PAR RNAM PAR RTOG PA 'GA' ZHIG BYUNG NAS, THAG PA NYE DU MA YIN PA'I GAN DU SONG STE, 'THAG PA BSKYED PA'I TSIG 'DI SKAD CES, TSE DANG LDAN PA THA GA PA SHES PAR GYIS SHIG, KHYOD 'THAG PA'I GOS 'DI NI KHO BO'I PHYIR 'THAG GIS, TSE DANG LDAN PA THA GA PA GOS 'DI ZHING RGYA CHE BA DANG, KHRUN MCHU RING BA DANG, THAR GYIS ZHAG PA BYER ZUG SNYOMS PA DANG, THAG RAN BZANG BA SENG SENG SOGS MED PAR LEGS PAR GYIS SHIG, TSE DANG LDAN PA THA GA PA 'DI LTAR KHO BOS KHYOD LA GLA RNGAN 'DI LTA STE, BZA' BA LNGA'AM, BCA' BA LNGA'AM, BZA' RGYU CUNG ZAD CIG SBYIN NO ZHES SMRAS NAS, THA GA PA DE LA DGE SLONG DES GOS BSGRUB PA'I PHYIR GLAN RNGAN 'DI LTA STE ,BZA' BA'AM, BCA' BA'AM, BZA' RGYU CUNG ZAD CIG BYIN ZHING GOS GRUB NA SPANG BA'I LTUNG BYED DO, ,LNGA PA 'PHROG PA'I SPANG BA NI, GANG BYAS PAS 'PHROG PA'I SPANG BAR 'GYUR ZHE NA, YANG DGA' PO LTA BU'I DGE SLONG GANG YANG RUNG BA TSOS 'DI PA'I DGE SLONG LA GOS PHYIR BLANG DU MED PAR BYIN NAS DE'I 'OG TU KHROS 'KHRUGS RNGAMS PAR GYUR TE, YID MA RANGS NAS, GOS RANG GIS 'PHROG GAM, GZHAN 'PHROG TU 'JUG CING, DGE SLONG DE LA GOS 'PHROG PA'I TSIG 'DI SKAD CES, DGE SLONG KHYOD LA GOS MI SBYIN GYIS, GOS PHYIR BYIN CIG ZER NA DGE SLONG DES GOS LHAG MA YOD PA PHYIR SBYIN PAR BYA ZHING BTANG NA LUS DANG BRAL BA'I TSE NA SPANG BA'I LTUNG BYED DO, ,DRUG PA BRTAD PA LAS BYUNG BA'I SPANG BA NI, GANG BYAS PAS BRTAD PA LAS BYUNG BA'I

SPANG BAR 'GYUR ZHE NA, CHOS 'DI PA'I DGE SLONG GIS STON ZLA THA CHUNG NYA LA DGAG DBYE BYED PA'I ZHAG BCUS MA TSANG BA TSUN CHAD DU NAD PA LA SBYIN PA LTA BU'I BRTAD PA GLO BUR BA LAS BYUNG BA'I GOS ZHIG GZHAN LAS RNYED LA 'DOD NA DGE SLONG DES GOS DE BLANG BAR BYA'O, ,DE LAS 'DAS PAR 'CHANG NA SPANG BA'I LTUNG BYED DO, ,'O NA GOS SBYIN PA'I DUS DANG DUS MA YIN PA JI LTA BU ZHE NA, DBYAR KHAS MA BLANGS PA'I GNAS SU NI STON ZLA THA CHUNG NYA TSUN CHAD DUS YIN LA, LHAG MA NI DUS MA YIN NO, ,DBYAR KHAS BLANGS PA'I GNAS SU NI, STON ZLA 'BRING PO NYA NAS DPYID ZLA RA BA NYA'I BAR NI DUS YIN LA, LHAG MA DUS MA YIN NO, ,BDUN PA DGON PA PA'I SPANG BA NI, GANG BYAS PAS ZHAG BDUN NA 'BRAL BA'I SPANG BAR 'GYUR ZHE NA, CHOS 'DI PA'I DGE SLONG GNYIS YAN CHAD KYI RAB TU MANG PO DAG GNAS MAL TE GTZUG LAG KHANG GRONG LAS RGYANG GRAGS GCIG GIS 'PHAGS PA'I DGON PA CHOM RKUN PAS BCOM PA'I DOGS PA DANG BCAS PAR GRAGS PA SENG GE LA SOGS PA'I 'JIGS PA DANG BCAS PAR GRAGS PA, SBRANG BU LA SOGS PA'I 'JIGS PA THA DAD PAS 'JIGS SU RUNG BA DANG BCAS PAR GRAGS PA DAG TU DBYAR GZHAN PHYI MA GNAS PAR KHAS BLANGS PAR GYUR LA, DGE SLONG DGON PA PAS 'DOD NA CHOS GOS SNAM SBYAR BLA GOS MTHANG GOS GSUM LAS CHOS GOS GANG YANG RUNG BA KHYIM GZHAN DU GZHAG PAR BYA'O, ,DGE SLONG DGON PA PA LA DGE 'DUN GYI BYA BA LA SOGS PA'I PHYIR DU MTSAMS KYI PHYI ROL TU 'GRO DOGS PA DE LTA BU'I RKYEN ZHIG BYUNG NA DGE SLONG DGON PA BA DES ZHAG DRUG GI MTHA' TSUN CHAD DU CHOS GOS KHYIM GZHAN DU BZHAG PA DE DANG 'BRAL BAR BYA'O, ,DE LAS 'DAS PAR 'BRAL NA SPANG BA'I LTUNG BYED DO, ,DE YANG DBYAR PHYI MAR GYUR LA

, ,BCAS PA DGE SLONG BZHI'I DBANG GIS YIN GYIS LTUNG BA SKYED PA'I LAN LAG TU NGES PAR DGOS PA MA YIN NO, ,BRGYAD PA DBYAR GYI GOS RAS CHEN GYI SPANG BA NI, GANG BYAS PAS DBYAR GYI GOS RAS CHEN GYI SPANG BAR 'GYUR ZHE NA, CHOS 'DI PA'I DGE SLONG GIS SO GA RNAMS KYI ZLA BA GCIG LUS PA DBYAR ZLA RA BA NYA NAS DBYAR GYI GOS RAS CHEN BTZAL BAR BYA'O, ,DBYAR ZANG NAS 'OG TU ZLA BA PHYED DE STON ZLA 'BRING PO'I GNAM STONG GI BAR DU BCANG BAR BYA'O, ,GAL TE DGE SLONG GIS SO GA RNAMS KYI ZLA BA GCIG LUS PA'I SNGA ROL TU DBYAR GYI GOS RAS CHEN TSOL BAR BYED DAM, DBYAR ZAD NAS 'OG TU ZLA BA PHYED LAS LHAG PAR 'CHANG NA SPANG BA'I LTUNG BYED DO, ,DGU PA BSNGOS BSGYUR NI, GANG BYAS PAS BSNGOS BSGYUR GYI SPANG BAR 'GYUR ZHE NA, YANG NYER DGA' LTA BU'I DGE SLONG GANG YANG RUNG BA SANGS RGYAS KYI NYAN THOS KYI DGE 'DUN LA BSNGOS PA'I GOS KYI RNYED PA SHES BZHIN GANG ZAG BDAG LA BSGYUR DU 'JUG NA SPANG BA'I LTUNG BYED DO, ,BCU PA SOG 'JOG GI SPANG BA NI, GANG BYAS PAS SOG 'JOG GI SPANG BAR 'GYUR ZHE NA, BCOM LDAN 'DAS KYIS DGE SLONG NA BRNAMS LA PHAN PA SO SOR BSTEN PAR BYA BA'I SMAN GANG DAG BKA' STZAL PA 'DI LTA STE, MAR BZHU BA'I ZHUN MAR DANG, 'BRU MAR DANG, SBRANG RTZI DANG, BU RAM GYI DBU BA DE DAG LAS, DGE SLONG NA BAS 'DOD NA RANG GIS SMAN ZHAG BDUN PAR BYIN GYIS BRLABS TE, SOG 'JOG GI YONGS SU LONGS SPYAD PAS YONGS SU LONGS SPYAD PAR BYA'O, ,DE LAS 'DAS PAR YONG SU LONGS SPYOD PAR BYED NA ZHAG BRGYAD PA'I SKYA RENGS SHAR BA'I TSE NA SPANG BA'I LTUNG BYED DO, ,GNYIS PA MJUG BSDU BA NI, TSE DANG LDAN PA ZHES SOGS SO, ,GSUM PA RNAM GZHAG BSGRAG PA NI, SPANG BA'I LTUNG

BYED KYI CHOS SUM CU BTON PA DE LA ZHES SOGS SO, ,GNYIS PA LTUNG BYED 'BA' ZHIG PA GDON PA LA BZHI, SPYI SDOM GYIS MDOR BSTAN, SO SO'I NGO BO RGYAS PAR BSHAD PA, MJUG BSDU, RNAM GZHAG BSGRAG PA'O, ,DANG PO NI, LTUNG BYED 'BA' ZHIG PA SPYI SDOM DU BSDUS PA CHOS CAN, BCU TSAN DGU YOD DE, SHES BZHIN DU RDZUN DU SMRA BA SOGS DANG, SA BON DANG SKYE BA 'JIG PA SOGS DANG, DGE SLONG MA LAM BSKOS PAR CHOS STON PA SOGS DANG, YANG YANG ZA BA SOGS DANG, SROG CHAGS DANG BCAS PA'I CHU LONGS SPYOD PA SOGS DANG, KHYIM DU ZAS GCOD PA SOGS DANG, BSAMS BZHIN DU DUD 'GRO GSOD PA SOGS DANG, RKUN MA DANG LHAN CIG 'GRON LAM DU 'GRO BA SOGS DANG, MCHOD STON TE KHYIM PA 'DUG PA LA MI BSGO BAR 'GRO BA LA SOGS PA'I BCU TSAN RNAMS SU YOD PA'I PHYIR, GNYIS PA LA BCU TSAN DGU LAS, BCU TSAN DANG PO LA GSUM, SDOM GYIS MDOR BSTAN, LTUNG BYED GDON PA'I LUNG DBOG, SO SO'I NGO BO RGYAS PAR BSHAD PA'O, ,DANG PO NI, LTUNG BYED 'BA' ZHIG PA BCU TSAN DANG PO SDOM DU BSDUS PA CHOS CAN, BCU YOD DE, RDZUN DU SMRA BA DANG, SKYON NAS SMRA BA DANG, DGE SLONG LA PHRA MA BYED PA DANG, SKYO SNGOGS BYED PA DANG, CHOS STON PA DANG, CHOS 'DON PA DANG, GNAS NGAN LEN BRJOD PA DANG, MI'I CHOS BLA MA BDEN PA SMRA BA DANG, BSHES NGOR BYED PA DANG KHYAD DU GSOD PA'I LTUNG BYED RNAM SU YOD PA'I PHYIR, GNYIS PA NI, 'DUL BA'I SDE SNOD YI GER MI 'BRI BA YIN NA, LTUNG BYED 'BA' ZHIG PA DGU BCU 'DON PA GANG LAS SHES SHE NA, MI SHES PA'I SKYON MED DE, TSE DANG LDAN PA DAG LTUNG BYED KYI CHOS DGU BCU PO 'DI DAG NI ZLA BA PHYED PHYED CING SO SOR THAR PA'I MDO 'DON PA GDON PA'I TSE 'DUL BA 'DZIN PA'I

, ,KHA TON LAS 'BYUNG BA'I PHYIR RO, ,GSUM PA LA BCU LAS, DANG PO NI, GANG BYAS PAS RDZUN DU SMRA BA'I LTUNG BYED DU 'GYUR ZHE NA, SHES BZHIN DU 'DU SHES BSGYUR NAS RDZUN DU SMRAS NA DON GO BA'I TSE NA LTUNG BYED DO, ,'O NA CI'I PHYIR NA LTUNG BYED CES BYA ZHE NA, DMYAL BA, DUD 'GRO, YI DVAGS NGAN SONG NGAN 'GRO LOG PAR LTUNG BA DAG TU SREG PAR BYED 'TSED PAR BYED LTUNG BAR BYED PAS LTUNG BYED CES BYA'O, ,YANG NA LTUNG BDE MA BSHAGS SHING SOR MA BSHAGS PA DE SRID DU DGE BA'I CHOS RNAMS LA SGRIB PAR BYED PAS LTUNG BYED CES BYA'O, ,GNYIS PA NI, GANG BYAS PAS SKYON NAS SMRA BA'I LTUNG BYED DU 'GYUR ZHE NA, MI'I SKYON NAS SMRA BA'I BSAM PAS KUN NAS BSLANGS NAS PHA ROL PO'I SKYON SMRAS NA TSIG 'JAM POS KYANG RUNG, RTZUB POS KYANG RUNG, PHA ROL PO MI DGA' BAR MA GYUR NA YANG DON GO BA NA LTUNG BYED DO,, GSUM PA NI, GANG BYAS PAS PHRA MA BYED PA'I LTUNG BYED DU 'GYUR ZHE NA, DGE SLONG DE LA PHRAM BYED 'DOD PAS KUN NAS BSLANGS TE DGE SLONG CHE GE MO 'DI SKAD ZER RO ZHES PHRA MA BYED NA DON GO BA'I TSE NA LTUNG BYED DO, ,BZHI PA SKYO SNGOGS BYED PA NI, GANG BYAS PAS SKYO SNGOGS BYED PA'I LTUNG BYED DU 'GYUR ZHE NA, YANG DRUG SDE LTA BU'I DGE SLONG GANG YANG RUNG BA SANGS RGYAS KYI NYAN THOS KYI DGE 'DUN BLO MTHUN PAS CHOS DANG 'DUL BA DANG STON PA'I BSTAN PA JI LTA BA BZHIN DU RTZOD PA BZHI PO GANG YANG RUNG BA SBYANGS NAS ZHI BAR SHES BZHIN DU YANG LAS KYI SKYO SNGOGS BYED NA LTUNG BYED DO, ,LNGA PA NI, GANG BYAS PAS STON PA'I LTUNG BYED DU 'GYUR ZHE NA, YANG 'CHAR KA LTA BU'I DGE SLONG GANG YANG RUNG BA BUD MED DAM GZHON NU MA LEGS PAR SMRAS PA DANG NYES PAR SMRAS PA'I DON GO BA LA TSIG LNGA PO'I CHOS STON PA'I TSE

SHES BZHIN DU TSIG LNGA PO LAS LHAG PA DANG, TSIG DRUG PA'I CHOS STON PA'I TSE SHES BZHIN DU TSIG DRUG PO LAS LHAG PAR SANGS RGYAS KYIS GSUNGS PA'I CHOS STON NA LTUNG BYED DO, ,THAMS CAD DU'AM ZHE NA, LEGS PAR SMRAS PA DANG NYES PAR SMRAS PA'I DON RIG PA'I SKYES PA KHRIMS GROGS SU YOD PA MA GTOGS SO, ,DRUG PA NI, GANG BYAS PAS 'DON PA'I LTUNG BYED DU 'GYUR ZHE NA, YANG 'CHAR KA LTA BU'I DGE SLONG GANG YANG RUNG BA DGE SLONG DANG DGE SLONG MA LAS GZHAN PA'I GANG ZAG BSNYEN PAR MA RDZOGS PA DANG, MNYAM PA DANG SNGA PA'I TSIG GIS CHOS DANG YI GE 'DON NA LTUNG BYED DO, ,DE YANG CHOS TSIG MNYAM PAS 'DON PA NI, SLOB DPON GYIS SDIG PA THAMS CAD MI BYA STE ZHES 'DON PA NA, SLOB MAS KYANG DE DANG DUS MNYAM DU SDIG PA THAMS CAD MI BYA STE ZHES 'DON PA LTA BU YIN LA, SNGA BAS 'DON PA NI, SLOB DPON GYIS SDIG PA THAMS CAD MI BYA STE ZHES BTON PA NA, SLOB MAS DGE BA PHUN SUM TSOGS PAR SPYAD CES 'DON PA LTA BU'O, ,YI GE MNYAM PAS 'DON PA NI, SLOB DPON GYIS, AA ZHES 'DON PA NA, DE DANG DUS MNYAM DU SLOB MAS KYANG AA ZHES 'DON PA LTA BU YIN LA, SNGA BAS 'DON PA NI, SLOB DPON GYIS AA ZHES 'DON PA NA, SLOB MAS A'A ZHES 'DON PA LTA BU YIN NO, ,BDUN PA NI, GANG BYAS PAS GNAS NGAN LEN BRJOD PA'I LTUNG BYED DU 'GYUR ZHE NA, YANG DRUG SDE LTA BU'I DGE SLONG GANG YANG RUNG BA GANG ZAG BSNYEN PAR MA RDZOGS PA LA DGE SLONG PHA ROL PO'I PHAM PA DANG, LHAG MA'I LTUNG BA KUN NAS SLONG BA'I GNAS NGAN LEN GYI LTUNG BRJOD PAR BYED NA GSOL BA 'BA' ZHIG GI LAS KYIS DGE 'DUN GYIS GNANG BA SBYIN PA NI MA GTOGS TE LTUNG BYED DO, ,BRGYAD PA NI, GANG BYAS PAS MI'I CHOS BLA MA BDEN PA SMRA BA'I LTUNG BYED DU 'GYUR ZHE NA, YANG CHOS 'DI

, ,PA'I DGE SLONG GANG YANG RUNG BA GANG ZAG BSNYEN PAR MA RDZOGS PA LA MI'I CHOS BLA MA BDEN PAR SMRA NA DON GO BA'I TSE NA LTUNG BYED DO, ,DGU PA NI, GANG BYAS PAS BSHES NGOR BYED PA'I LTUNG BYED DU 'GYUR ZHE NA, YANG MDZA' BO DANG SA LAS SKYES LTA BU'I DGE SLONG GANG YANG RUNG BSNGAR LEGS PAR RUNG BA BYAS PA STE SNGAR DAD PAS PHUL NAS DE'I 'OG TU DUS GZHAN GYI TSE NA 'DI SKAD CES, TSE DANG LDAN PA DAG GIS 'DI LTAR BSHES NGOR BYAS TE DE BZHIN GSHEGS PA'I NYAN THOS KYI DGE 'DUN GYI GOS KYI RNYED PA DGE 'DUN GYI NANG DU GRUB PAR BSNGOS PA BDAG GI DON DU GANG ZAG LA BSNGOS SO ZHES ZER NA LTUNG BYED DO, ,BCU PA NI, GANG BYAS PAS KHYAD DU GSOD PA'I LTUNG BYED DU 'GYUR ZHE NA, YANG DRUG SDE LTA BU'I DGE SLONG GANG YANG RUNG BA GSO SBYONG GI ZLA BA PHYED PHYED CING SO SOR THAR PA'I MDO GDON PA LNGA PO 'DON PA NA BSLAB PA KHYAD DU GSOD PA'I BSAM PAS 'DI SKAD CES TSE DANG LDAN PA DAG GANG DAG GIS DGE SLONG RNAMS 'GYOD PA DANG, YID LA BCAGS PA DANG, GNOD PAR 'GYUR BA'I BSLAB PA'I GZHI PHRAN TSOGS RAB TU PHRA BA 'DI DAG GIS ZLA BA PHYED PHYED CING SO SOR THAR PA'I MDO 'DON PA BTON PA DAG GIS CI ZHIG BYA ZHES ZER ZHING BSLAB PA KHYAD DU GSOD NA LTUNG BYED DO, ,BCU TSAN GNYIS PA LA, SDOM GYI SGO NAS MDOR BSTAN, SO SO'I MTSAN NYID GNYIS LAS, DANG PO NI, LTUNG BYED BCU TSAN GNYIS PA SDOM DU BSDUS PA CHOS CAN, BCU YOD DE; SA BON DANG SKYE BA 'JIG PA DANG, 'PHYA BA DANG, BSGO BA RNA LA GZON PA DANG, KHRI STE GCAS MAL DANG, GDING BA DANG, SKROD PA DANG, PHYIS GNON DANG, RTZA BA 'BYUNG BA LA 'DUG PA DANG, SROG CHAGS DANG BCAS PA'I CHUS 'DEBS PA DANG, PHA GU RIM PA GNYIS SU RTZIG PA

GTZUG LAG KHANG GI LTUNG BYED RNAMS SU YOD PA'I PHYIR, GNYIS PA LA BCU LAS, DANG PO NI, GANG BYAS PAS SA BON DANG SKYE BA 'JIG PA'I LTUNG BYED DU 'GYUR ZHE NA, SA BON GYI TSOGS DANG, GROG SBUR LA SOGS PA'I 'BYUNG PO'I TSOGS GNAS PA'I SHING LJON PA RANG GIS 'BYIN PA LA SOGS PAS 'JIG GAM GZHAN 'JIG PAR BYED DU 'JUG NA LTUNG BYED DO, ,SA BON NI LNGA STE, RTZA BA'I SA BON, SDONG BU'I SA BON, THO GU'I SA BON, 'GAS PA'I SA BON, SA BON GYIS BON NO, ,RTZA BA'I SA BON NI GLA SGANG LA SOGS PA'O, ,SDONG BU'I SA BON NI AA SHVAD THA LA SOGS PA'O, ,THO GU'I SA BON NI BU RAM SHING LA SOGS PA'O, ,'GAS PA'I SA BON NI AA RDZAS KA LA SOGS PA'O, ,SA BON GYI SA BON NI NAS LA SOGS PA'O, ,GNYIS PA NI, GANG BYAS PAS 'PHYA BA'I LTUNG BYED DU 'GYUR ZHE NA, 'PHYA BA'I BSAM PAS KUN NAS BSLANGS TE 'PHYA BA'AM ZUR GYIS GZHOGS 'PHYAS BYED NA LTUNG BYED DO, ,GSUM PA NI, GANG BYAS PAS BSGO BA RNA LA GZON PA'I LTUNG BYED DU 'GYUR ZHE NA, BSGO BA RNA LA GZON PA'I BSAM PAS NGAG LA SOGS PA'I RNAM PAR RIG BYED BRJOD NA LTUNG BYED DO, ,BZHI PA NI, GANG BYAS PAS GNAS MAL GYI LTUNG BYED DU 'GYUR ZHE NA, YANG CHOS 'DI PA'I DGE SLONG GANG YANG RUNG BA DE BZHIN GSHEGS PA'I NYAN THOS KYI DGE 'DUN GYI KHRI'AM KHRI'U'AM, STAN NANG TSANGS CAN NAM, LVA BA'AM, SNGAS SAM, GOR BU GRU BZHI BLA GAB MED PAR RANG GIS BTINGS SAM GZHAN 'DING DU BCUG NAS MA BSDUS SAM, GZHAN SDUD DU MA BCUG GAM, DGE SLONG 'KHOD PA LA MA BCOL BAR 'DOM BZHI BCU RTZA DGU TSUN CHAD KYI NYE 'KHOR LAS 'DAS PAR SONG NA LTUNG BYED DO, ,THAMS CAD DU 'GYUR RAM ZHE NA, CHOM RKUN PAS 'JOMS PA DE 'DRA BA'I RKYEN NI MA GTOGS SO, ,LNGA PA NI,

, ,GANG BYAS PAS GDING BA'I LTUNG BYED DU 'GYUR ZHE NA, YANG CHOS 'DI PA'I DGE SLONG GANG DE BZHIN GSHEGS PA'I NYAN THOS KYI DGE 'DUN GYI SPYOD LAM BZHI SHONG BA'I GTZUG LAG KHANG DU RTZV'I GDING BA'AM, LO MA'I GDING BA RANG GIS BTINGS SAM, GZHAN 'DING DU BCUG NAS RANG GIS MA BSDUS SAM, GZHAN SDUNG DU MA BCUG GAM, DGE SLONG 'KHOD PA LA MA BCOL BAR DE NAS SONG NA NYE 'KHOR 'DOM BZHI BCU RTZA DGU 'DAS PA NA LTUNG BYED DO, ,THAMS CAD DU 'GYUR RAM ZHE NA, CHOM RKUN PAS 'JOMS PA LA SOGS PA DE 'DRA BA'I RKYEN NI MA GTOGS SO, ,DRUG PA NI, GANG BYAS PAS SKROD PA'I LTUNG BYED DU 'GYUR ZHE NA, YANG 'CHAR KA LTA BU'I DGE SLONG GANG LA RUNG BA KHROS ZHING KHRO PAS ZIL GYIS NON NAS KHROS 'KHRUGS RNGAMS PAR GYUR TE YING MA RANGS NAS SANGS RGYAS KYI NYAN THOS KYI DGE 'DUN GYI SPYOD LAM BZHI SHONG BA'I GTZUG LAG KHANG NAS CHOS 'DI PA'I DGE SLONG RANG GIS SKROD DAM, GZHAN SKROD DU 'JUG NA SROG GI BAR CHAD LA SOGS PA DE 'DRA BA'I RKYEN MA GTOGS TE LTUNG BYED DO, ,BDUN PA NI, GANG BYAS PAS PHYIS GNON BYED PA'I LTUNG BYED DU 'GYUR ZHE NA, YANG 'CHAR KA LTA BU'I DGE SLONG GANG YANG RUNG BA SANGS RGYAS KYI NYAN THOS KYI DGE 'DUN GYI SPYOD LAM BZHI SHONG BA'I GTZUG LAG KHANG NA CHOS 'DI PA'I DGE SLONG DAG SNGON 'KHOD PAR RANG GIS SHES BZHIN DU DE'I 'OG TU PHYIS 'ONGS NAS SU LA GNOD PA BDE BA LA REG PAR MI 'GYUR BA DE NYID DE LAS GZHAN DU 'GRO BAR 'GYUR SNYAM PA DE NYID RKYEN DU BYAS TE GNOD PAS ZIL GYIS MNAN PA'I PHYIS GNON BYAS NAS STAN LA NYAL LAM 'DUG NA LTUNG BYED DO, ,BRGYAD PA NI, GANG BYAS PAS RTZA BA 'BYUNG BA LA 'DUG PA'I LTUNG BYED DU 'GYUR ZHE NA, YANG

NYER DGA' LTA BU'I DGE SLONG GANG YANG RUNG BA SANGS RGYAS KYI NYAN THOS KYI DGE 'DUN GYI SPYOD LAM BZHI SHONG BA'I GTZUG LAG KHANG GI STENG GI NAM MKHA' LA RTZA'AM LO MA'I THOG BOR BAR KHRI'AM KHRI'U RTZA BA 'BYUNG BAR RANG GIS SHES BZHIN DU MTHUS MNAN PA'I LCING KYIS PHAB STE NYAL LAM 'DUG NA LTUNG BYED DO, ,DGU PA NI, GANG BYAS PAS SROG CHAGS DANG BCAS PA'I CHU LA SPYOD PA'I LTUNG BYED DU 'GYUR ZHE NA, YANG 'DUN PA LTA BU'I DGE SLONG GANG YANG RUNG BA RANG GIS SHES BZHIN DU THA MAL PA'I MIG GIS MTHONG BA'I SROG CHAGS DANG BCAS PA'I CHUS RTZVA'AM LCI BA BAM SA LA RANG GIS 'DEBS SAM GZHAN 'DEBS SU 'JUG NA LTUNG BYED DO, ,BCU PA NI, GANG BYAS PAS GTZUG LAG KHANG GI LTUNG BYED DU 'GYUR ZHE NA, DRUG SDE LTA BU'I DGE SLONG GIS SPYOD LAM BZHI SHONG BA'I GTZUG LAG KHANG SBYIN PAR BYA BA DANG TSANG LAS CHEN PO ZHIG RANG GIS RTZIG GAM, GZHAN RTZIG TU 'JUG NA, SGO'I SBUBS DANG GTAN PA DANG, SKAR KHUNG DANG CHU LUNG GI SNANG BA JI TZAM GDOD PAR BYA BA'I 'DU SHES KYIS SA BRTAG PA NAS BZUNG STE, PHA GU'I RIM PA 'JIM PA DANG BCAS PA NYI MA GCIG LA GNYIS SAM GSUM BRTZIG PAR BYA'O, ,DE LAS LHAG PAR RTZIG NA LTUNG BYED DO, ,BCU TSAN GSUM PA LA GNYIS, SDOM GYI SGO NAS MDOR BSTAN, SO SO'I MTSAN NYID RGYAS PAR BSHAD PA'O, ,DANG PO NI LTUNG BYED BCU TSAN GSUM PA SDOM DU BSDUS PA CHOS CAN, BCU YOD DE, MA BSKOS PAR STON PA DANG ,NYI MA NUB KYI BAR DU STON PA DANG, ZAS CUNG ZAD TZAM GYI PHYIR STON PA DANG, CHOS GOS SBYIN PA DANG ,BYED PA GNYIS DAG DANG, DGE SLONG MA'I DON MTHUN DANG LHAN CIG 'GRON LAM DU 'JUG PA DANG, DGE SLONG MA DANG LHAN CIG GRUR 'JUG PA DANG, BUD MED DANG DBEN PA SKYABS

, ,YOD PAR 'DUG PA DANG, DGE SLONG MA DANG 'GRENG BA GNYIS DANG, DGE SLONG MA YIS SBYOR DU BCUG PA ZA BA'I LTUNG BYED RNAMS SU YOD PA'I PHYIR RO, ,GNYIS PA LA BCU LAS DANG PO NI, GANG BYAS PAS MA BSKOS PAR STON PA'I LTUNG BYED DU 'GYUR ZHE NA, YANG DRUG SDE LTA BU'I DGE SLONG GANG YANG RUNG BA SANGS RGYAS KYI NYAN THOB KYI DGE 'DUN GYIS GSOL GNYIS KYI LAS KYIS MA BSKOS PAR CHOS 'DI BA'I DGE SLONG MA LA BSLAB PA GSUM STON NA LTUNG BYED DO, ,THAMS CAD DU 'GYUR RAM ZHE NA, 'PHAGS PA'I LAM CHOS 'DI LTA BU DANG LDAN PA MA GTOGS SO, ,GNYIS PA NI, GANG BYAS PAS NYI MA NUB KYI BAR DU STON PA'I LTUNG BYED DU 'GYUR ZHE NA, CHOS 'DI PA'I DGE SLONG GANG YANG RUNG BA SANGS RGYAS KYI NYAN THOS KYI DGE 'DUN GYIS GSOL BA DANG GNYIS KYI LAS KYIS BSKOS KYANG NYI MA NUB PA'I DUS LA BAB KYI BAR DU CHOS 'DI PA'I DGE SLONG MA LA CHOS BSLAB GSUM STON NA LTUNG BYED DO, ,GSUM PA NI, GANG BYAS PAS ZAS CUNG ZAD TZAM GYI PHYIR STON PA'I LTUNG BYED DU 'GYUR ZHE NA, YANG NYER DGA' LTA BU'I DGE SLONG GANG YANG RUNG BA CHOS 'DI PA'I DGE SLONG RNAMS LA TSIG 'DI SKAD CES CHOS 'DI BA'I DGE SLONG DAG BCA' BA DANG BZA' BA'I ZAS CUNG ZAD TZAM GYI PHYIR CHOS 'DI PA'I DGE SLONG MA LA BSLAB PA GSUM STON TO ZHES ZER NA LTUNG BYED DO, ,BZHI PA NI, GANG BYAS PAS GOS SBYIN PA'I LTUNG BYED DU 'GYUR ZHE NA, YANG CHOS 'DI BA'I DGE SLONG GANG YANG RUNG BA CHOS 'DI BA'I DGE SLONG MA BDUN BRGYUD TSUN GYI NYE DU MA YIN PA LA CHOS GOS PHYIR BLANG DU MED PAR BYIN NA LTUNG BYED DO, ,LNGA PA NI, GANG BYAS PAS GOS BYED PA'I LTUNG BYED DU 'GYUR ZHE NA,

YANG 'CHAR KA LTA BU'I DGE SLONG GANG YANG RUNG BA CHOS 'DI PA'I DGE SLONG MA BDUN BRGYUD TSUN GYI NYE DU MA YIN PA'I CHOS GOS BZO BAR BYED NA LTUNG BYED DO, ,DRUG PA NI, GANG BYAS PAS DGE SLONG MA DANG 'GRON LAM DU 'JUG PA'I LTUNG BYED DU 'GYUR ZHE NA, YANG DRUG SDE LTA BU'I DGE SLONG GANG YANG RUNG BA CHOS 'DI BA'I DGE SLONG MA'I DON MTHUN DANG LHAN CIG 'THAMS PA STE BRDA BYAS NAS DGON PA'I 'GRON LAM DU 'JUG NA RGYANG GRAGS GCIG 'DAS PA NA LTUNG BYED DO, ,THAMS CAD DU YIN NAM ZHE NA, GNANG BA'I DUS MA GTOGS SO, ,'O NA GNANG BA'I DUS GANG ZHE NA, BSLAB PA'I GZHI DE LA GNANG BA'I DUS NI 'DI YIN TE, DON MTHUN MED PAR 'GRO MI NUS PAS LAM DON MTHUN GYIS BGROD PAR BYA BA CHOM RKUN PA LA SOGS PA'I DOGS PA DANG BCAS PAR GRAGS PA, SENG GE LA SOGS PA'I 'JIGS PA DANG BCAS PAR GRAGS PA, SDIG SBRUL LA SOGS PA'I 'JIGS PA THA DAD PAS 'JIGS SU RUNG BA DANG BCAS PAR GRAGS PA ZHIG NA BSLAB PA'I GZHI DE LA DE NI GNANG PA'I DUS YIN NO, ,BDUN PA NI, GANG BYAS PAS GRU GCIG TU 'JUG PA'I LTUNG BYED DU 'GYUR ZHE NA, YANG DRUG SDE LTA BU'I DGE SLONG GANG YANG RUNG BA DGE SLONG MA'I DON MTHUN DANG LHAN CIG 'THAMS PA STE BRDA BYAS NAS GRU GCIG TU 'JUG CING CHU BO'I RGYUN LAS BZLOG STE GYEN DU 'GRO'AM RGYUN PHYOGS SU 'THUR DU 'GRO NA RGYANG GRAGS GCIG 'DAS NA LTUNG BYED DANG PHYED DU PHYIN PA NA NYES BYAS SO, ,THAMS CAD DU NGES SAM ZHE NA, THAD KAR PHA ROL TU 'GRO BA MA GTOGS SO, ,BRGYAD PA NI, GANG BYAS PAS STAN LA 'DUG PA'I LTUNG BYED DU 'GYUR ZHE NA, YANG 'CHAR KA

, ,LTA BU'I DGE SLONG GANG YANG RUNG BA DGE SLONG MA'I DON MTHUN BUD MED DAM GZHON NU MA 'KHRIG PA STEN NUS PA DANG LHAN CIG DGE SLONG GCIG PU BUD MED GCIG DANG SKYES BA SOGS MED PA'I DBEN PA SKYABS LNGA PO GANG RUNG YOD PA NA STAN GCIG LA 'DUG NA LTUNG BYED DO, ,DGU PA NI, GANG BYAS BAS 'GRENG BA'I LTUNG BYED DU 'GYUR ZHE NA, YANG 'CHAR KA LTA BU'I DGE SLONG GANG YANG RUNG BA CHOS 'DI PA'I DGE SLONG MA DANG ZHES SOGS SHES PAR BYA'O, ,BCU PA NI, GANG BYAS PAS DGE SLONG MAS SBYOR DU BCUG PA ZA BA'I LTUNG BYED DU 'GYUR ZHE NA, YANG DRUG SDE LNGA BU'I DGE SLONG GANG SHES BZHIN DU TSUL KHRIMS DANG THOS BA'I YON TAN GYIS DGE SLONG MAS SBYOR DU BCUG PA'I ZAS BCA' BA 'CHA' 'AM BZA' BA ZA NA SNGAR KHYIM DU BOS BA MA GTOGS TE LTUNG BYED DO, ,BCU TSAN BZHI PA LA, SNGOM GYIS MDOR BSTAN PA DANG, SO SO'I MTSAN NYID BSHAD PA'O, ,DANG BO NI, LTUNG BYED BCU TSAN BZHI PA SDOM DU BSDUS PA CHOS CAN, BCU YOD DE, YANG YANG ZA BA, 'DUG GNAS GCIG TU ZA BA, PHYE LTUNG BZED DO GSUM TZAM LAS LHAG PA LEN PA DANG, BCA' BA STAN GCIG PA DANG, SPANGS BSTOB PA DANG, 'DUS ZHING ZA BA DANG, DUS MA YIN PAR ZA BA DANG, SOG 'JOG BYAS PA ZA BA DANG, KHA NAS MID BA BYIN LEN MA BYAS PAR ZA BA DANG, ZAS BSOD PA BLANGS NAS ZA BA'I LTUNG BYED RNAMS SU YOD PA'I PHYIR, GNYIS PA LA BCU LAS, DANG PO NI, GANG BYAS BAS YANG YANG ZA BA'I LTUNG BYED DU 'GYUR ZHE NA, BZA' BA LNGA PO YANG YANG ZA NA GNANG BA'I DUS MA GTOGS TE LTUNG BYED DO, ,'O NA GNANG BA'I DUS GANG ZHE NA, BSLAB PA'I GZHI DE LA GNANG BA'I DUS NI 'DI YIN TE, ZAS GCIG GIS 'TSO BAR

MI NUS PA'I NA BA DUS SO, ,MCHOD RTEN NAM DGE 'DUN GYI CHED DU PHYAG DAR RE LDE TZAM MAM DKYIL 'KHOR BA MAL TZAM BYAS BA'I LAS DUS SO, ,DPAG TSAD PHYED DU PHYIN PA'I LAM DUS SO, ,DGE SBYONG GI GOS SBYIN PA'I TSE DUS TE BSLAB PA'I GZHI DE LA DE NI GNANG BA'I DUS YIN NO, ,GNYIS PA NI, GANG BYAS BAS 'DUG GNAS GCIG TU ZA BA'I LTUNG BYED DU 'GYUR ZHE NA, PHYI ROL PA'I 'DUG GNAS GCIG TU ZHAG LON PA'I CHOS 'DI P'I DGE SLONG NA BA LA LTUNG BA MED BAS MIN BAS BSOD SNYOMS GCIG BZA' BAR BYA'O, ,DE LAS LHAG PAR ZA NA LTUNG BYED DO, ,GSUM PA NI, GANG BYAS PAS LTUNG BZED DO GSUM TZAM LAS LHAG PAR LEN PA'I LTUNG BAR 'GYUR ZHE NA, DRUG SDE LTA BU'I DGE SLONG RAB TU MANG PO DAG BRAM ZE DANG KHYIM BDAG GI KHYIM RNAMS SU DONG BA LAS, GAL TE DGE SLONG DE DAG LA BRAM ZE DANG KHYIM BDAG DKON MCHOG GSUM LA DAD PA CAN DAG GIS PHYE DANG KHUR BA DUS KYIS YANG YANG STOB BAR GYUR LA 'DOD PA STE DON DU GNYER NA DGE SLONG DE DAG GIS LHUNG BZED 'BRING TSAD GANG BA GNYIS SAM GSUM BLANG BAR BYA'O, ,DE LAS LHAG PAR LEN NA LTUNG BYED DO, ,LHUNG BZED GANG BA GNYIS SAM GSUM BLANGS NAS RANG ZA BA LAS LHAG PA PHYI ROL KUN DGA' RA BAR SONG LA CHOS 'DI BA'I DGE SLONG 'KHOD BA RNAMS LA YANG BGO BSHA' BYA, BDAG CAG KYANG BZA' BAR BYA STE, SKABS DE LA DE NI CHO GA STE THABS YIN NO, ,BZHI PA NI, GANG BYAS PAS STAN GCIG BA'I LTUNG BYED DU 'GYUR ZHE NA, YANG DRUG SDE LTA BU'I DGE SLONG GANG ZAS ZOS ZIN CING SPANGS PA LAS LHAG MAR BYAS NAS BOR BA'I DON GYIS NA LHAG POR MA BYAS PAR BCA' BA 'CHA' 'AM BZA' BA

, ,LNGA ZA NA LTUNG BYED DO, ,LNGA PA NI, GANG BYAS PAS SPANGS PA STOB PA'I LTUNG BYED DU 'GYUR ZHE NA, YANG CHOS 'DI PA'I DGE SLONG GANG SHES BZHIN DU DGE SLONG ZAS ZOS ZIN CING ZAS SPANGS PA LA KLAN KA'I SKABS TSOL ZHING CI NAS KYANG DGE SLONG 'DI LA LTUNG BA'I NYES PA 'BYUNG BAR BYA'O SNYAM PA DE NYID RKYEN DU BYAS NAS TSE DANG LDAN PA BCA' BA 'DI 'TSO ZHIG, BZA' BA 'DI ZO ZHIG LHAG POR MA BYAS PA'I BCA' BA DANG BZA' BA DUS KYIS YANG YANG STOB NA LTUNG BYED DO, ,DRUG PA NI, GANG BYAS PAS 'DUS SHING ZA BA'I LTUNG BYED DU 'GYUR ZHE NA, DGE 'DUN DANG MI MTHUN BAR 'DUS SHING ZA NA GNANG BA'I DUS MA GTOGS TE LTUNG BYED DO, ,'O NA GNANG BA'I DUS GANG ZHE NA, BSLAB BA'I GZHI DE LA GNANG BA'I DUS NI 'DI YIN TE, NA BA DUS SO, ,LAS DUS SO, ,GRUR ZHUGS PA DUS DANG, 'DUS PA CHEN PO'I TSE DUS DANG ,PHYI ROL PA'I GSO SBYONG GI ZAS DUS TE, BSLAB BA'I GZHI DE LA DE NI GNANG BA'I DUS YIN NO, ,BDUN PA NI, GANG BYAS BAS DUS MA YIN PAR ZA BA'I LTUNG BYED DU 'GYUR ZHE NA, YANG BCU BDUN SDE LTA BU'I DGE SLONG GANG DUS MA YIN PAR BCA' BA LNGA 'CHA' 'AM BZA' BA LNGA ZA NA LTUNG BYED DO, ,'O NA DUS DANG DUS MA YIN PA DE GANG ZHE NA, RANG GANG NA GNAS PA'I GLING DE'I SKYA RENGS DANG BO SHAR NAS PHYED MA YOL BA'I BAR NI DUS YIN LA, PHYED YOL NAS SKYA RENGS DANG PO MA SHAR BA'I BAR NI DUS MA YIN NO, ,BRGYAD PA NI, GANG BYAS PAS SOG 'JOG BYAS PA ZA BA'I SBANG BAR 'GYUR ZHE NA, YANG CHOS 'DI PA'I DGE SLONG GANG YANG RUNG BA BCA' BA LNGA DANG BZA' BA LNGA SOG 'JOG BYAS BA 'CHA' 'AM ZA NA MGUL DU MING PA NA LTUNG BYED DO, ,DE YANG SOG

'JOG NI GNYIS TE, SNGA DRO BYIN LEN BYAS PA PHYI DRO'I BAR DU SOG 'JOG BYAS BA DANG, PHYI DRO BYIN LEN BYAS PA THUN TSOD YOL GYI BAR DU SOG 'JOG BYAS PA'O, ,DGU BA NA, GANG BYAS PAS BYIN LEN MA BYAS PA ZA BA'I LTUNG BYED DU 'GYUR ZHE NA, YANG CHOS 'DI PA'I DGE SLONG GANG YANG RUNG BA SKYES PA DANG BUD MED DANG MA NING GIS MA BYIN PAR KHA NAS MID PA BYIN LEN MA BYAS PA'I ZAS ZA NA MGUL DU MID PA'I TSE NA LTUNG BYED DO, ,THAMS CAD DU 'GYUR RAM ZHE NA ,CHU DANG SO SHING MA GTOGS SO, ,DE YANG BYIN LEN NI LNGA STE LUS KYIS LUS LA BYIN PA DANG, LUS KYIS LUS DANG 'BREL BA LA BYIN PA DANG, LUS DANG 'BAL BAS LUS DANG 'BREL BA LA BYIN PA DANG, LUS DANG 'BREL BAS LUS SU BYIN PA DANG, DKYIL 'KHOR GYI STENG DU BZHAG PA'O, ,BCU PA NI, GANG BYAS PAS ZAS BSOD PA SLONG BA'I LTUNG BYED DU 'GYUR ZHEN ,BCOM LDAN 'DAS YANG DAG BA RDZOGS PA'I SANGS RGYAS KYIS CHOS 'DI PA'I DGE SLONG RNAMS KYI ZAS BSOD PA GANG DAG GSUNGS PA 'DI LTA STE, 'O MA DANG ZHO DANG MAR DANG NYA SHA DANG SHA BSKAMS DAG STE, DRUG SDE LTA BU'I DGE SLONG GANG YANG RUNG BA DE YANG NAD PA LA LTUNG BA MED PAS MI NA BAR BDAG NYID KYI PHYIR 'O MA LA SOGS PA'I ZAS BSOD PA DE LTA BU DAG BRAM ZE DANG KHYIM BDAG GZHAN GYI KHYIM DAG NAS BSLANGS TE 'CHA' 'AM ZA NA MID PA'I TSE LTUNG BYED DO, ,BCU TSAN LNGA PA LA, SDOM GYI SGO NAS MDOR BSTAN PA, SO SO'I MTSAN NYID RGYAS BAR BSHAD PA'O, ,DANG PO NI, LTUNG BYED BCU TSAN LNGA PA SDOM DU BSDUS PA CHOS CAN, BCU YOD DE, SROG CHAGS DANG BCAS PA'I CHUL SPYOD PA DANG, NYAL PO BYED PAR GSHOM PA'I

, ,KHYIM DU STAN LA 'DUG PA DANG, DER 'GRENG BA DANG, GCER BU MO LA ZAS SBYIN PA DANG, DMAG LA LTA BA DANG, ZHAG GNYIS LAS LHAG PAR DMAG NANG DU GNAS BA DANG, GA-YUL BSHAM BA DKRUG DU 'GRO BA DANG, RDEG PA DANG, RDEG PAR GZAS PA DANG, GNAS NGAN LEN 'CHAB PA'I LTUNG BYED RNAMS SU YOD PA'I PHYIR, GNYIS PA LA BCU LAS, DANG PO NI, GANG BYAS BAS SROG CHAGS DANG BCAS BA'I CHU LA SPYOD PA'I LTUNG BYED DU 'GYUR ZHEN, YANG 'DUN PA LTA BU'I DGE SLONG GANG YANG RUNG BA SROG CHAGS DANG BCAS PAR SHES BZHIN DU THA MAL PA'I MIG SHES LA SNANG BA DANG, CHU TSAGS KYIS ZIN PA'I SROG CHAGS DANG BCAS PA'I CHU LA NANG DU SPYOD PA 'THUNG BA LA SOGS PA DANG ,PHYI ROL TU SPYOD BA LHUNG BZED DANG CHOS GOS 'KHRU BA LA SOGS PA'I SGO NAS SPYOD NA SROG CHAGS SHI BA'I TSE NA LTUNG BYED DO, ,GNYIS PA NI, GANG BYIS PAS NYAL PO BYED BA'I KHYIM DU 'DUG PA'I LTUNG BYED DU 'GYUR ZHE NA, YANG 'CHAR KA LTA BU'I DGE SLONG GANG YANG ZUNG BA NYAL PO BYED PAR SHES BZHIN DU BUD MED SKYES PA'I NYAL PO BYA BA DANG, SKYES PA BUD MED KYI NYAL PO BYED PA YIN PAS, NYAL PO BYED PAR GSHOS BA'I BRAM ZE DANG KHYIM BDAG GI KHYIM DU PHYIS GNON BYAS BA STE STAN LA 'DUG NA LTUNG BYED DO, ,GSUM BA NI, GANG BYAS BAS NYAL PO BYED PA'I KHYIM DU 'GRENG BA'I LTUNG BYED DU 'GYUR ZHE NA, YANG 'CHAR KA LTA BU'I DGE SLONG GANG YANG RUNG BA SHES BZHIN DU NYAL PO BYED PAR GSHOM BA'I KHYIM DU SKYES PA LA SOGS MED BA'I DBEN PA RTZIG PA LA SOGS PA'I SKYABS LNGA PO GANG RUNG YOD BAR 'DOM GANG TSUN LA 'GRENG NA NYAL

PO BYED PAR GSHOM PA GNYIS KYIS TSOR NA LTUNG BYED DO, ,BZHI PA NI, GANG BYAS PAS GCER BU MO LA ZAS SBYIN PA'I LTUNG BYED DU 'GYUR ZHE NA, YANG CHOS 'DI PA'I DGE SLONG GANG YANG RUNG BA GCER BU'AM GCER BU MA KUN TU RGYU BA'AM, KUN TU RGYU MO LA RANG GI LAG NAS BCA' BA LNGA'AM, BZA' BA LNGA GANG RUNG BYIN NA LTUNG BYED DO, ,THAMS CAD DU YIN NAM ZHEN, NYE DU DANG RAB TU BYUNG BA LA LTOS PA DANG, NA BA DANG, SDIG PA CAN GYI LTA BA DANG DBRAL BA'I DON DU SBYIN PA NI MA GTOGS SO, ,LNGA PA NI, GANG BYAS PAS DMAG LA LTA BA'I LTUNG BYED DU 'GYUR ZHE NA, YANG DRUG SNGE'AM DGE SLONG GZHAN GANG YANG RUNG BA DMAG DPUNG GI TSOGS YAN LAG GCIG PA DANG, GNYIS PA DANG, GSUM PA DANG ,BZHI BA GA-YUL 'GYED PAR CHAS PA LA LTANG MO LTAR 'GRO NA NYE 'KHOR LAS 'DAS PA NA LTUNG BYED DO, ,THAMS CAD DU NGES SAM ZHE NA, RGYAL POS BKUG PA LA SOGS PA'I BAR CHAD KYI DBANG NI MA GTOGS SO, ,DRUG PA NI, GANG BYAS PAS DMAG NANG DU GNAS PA'I LTUNG BYED DU 'GYUR ZHE NA, YANG DRUG SDE LTA BU'I DGE SLONG GANG DMAG DPUNG TSOGS BZHI GA-YUL 'GYED PAR CHAS PA LA RGYAL POS BKUG PA LA SOGS PA'I DBANG GIS LTA BAR 'GRO BA DE LTA BU'I RKYEN ZHIG BYUNG NA, DGE SLONG DES DMAG DE'I NANG DU ZHAG GNYIS TSUN CHAD GNAS PAR BYA'O, ,DE LAS LHAG PAR GNAS NA ZHAG GSUM PA'I SKYA RENGS SHAR BA'I TSE NA LTUNG BYED DO, ,RGYAL POS BKUG PA LA SOGS PA MIN NA ZHAG DANG PO LA YANG LTUNG BAR 'GYUR RO, ,BDUN PA NI, GANG BYAS PAS DPUNG GI YAN LAG NYAMS SU MYONG BA'I LTUNG BAR 'GYUR ZHE NA, DRUG SDE LTA BU'I DGE SLONG RGYAL POS

, ,BKUG PA LA SOGS PA'I DBANG GIS ZHAG GNYIS DMAG DE'I NANG NA GNAS PA'I TSE YANG, GAL TE GA-YUL BSHAM BA DKRUG TU 'GRO'AM, RGYAL MTSAN GYI MCHOG GAM, DPUNG GI MCHOG GAM, GA-YUL BSHAM PA'I DMAG LA LTA BA NYAMS SU MYONG BAR BYED NA LTUNG BYED DO, ,DE YANG RGYAL MTSAN GYI MCHOG NI BZHI STE, KHYU MCHOG DANG, CHU SRIN DANG, SENG GE DANG, KLU'I RGYAL MTSAN NO, ,DPUNG GI MCHOG KYANG BZHI STE, GLANG PO CHE DANG, RTA DANG, SHING RTA DANG, DPUNG BU CHUNG GI TSOGS SO, ,GA-YUL BSHAM PA YANG BZHI STE, 'BRU YI KHA LTA BU DANG, SHING RTA'I DBYIBS LTA BU DANG, ZLA KHAM GYI RNAM PA LTA BU DANG, NAM MKHA' LDING GI 'DAB MA LTA BU'O, ,BRGYAD PA NI, GANG BYAS PAS RDEG PA'I LTUNG BYED DU 'GYUR ZHE NA, YANG 'CHAR KA LTA BU'I DGE SLONG GANG KHROS 'KHRUGS RNGAMS PAR GYUR TE, YID MA RANGS NAS CHOS PA'I DGE SLONG LA RDEG PAR BYED NA LUS LA PHOG PA'I TSE NA RDEG DPYAD RE RE LA LTUNG BYED RE RE'O, ,DGU PA NI, GANG BYAS PAS RDEG PAR GZAS BA'I LTUNG BYED DU 'GYUR ZHEN, YANG 'CHAR KA LTA BU'I DGE SLONG GANG KHROS 'KHRUGS KHROS 'KHRUGS RNGAMS PAR GYUR TE YID MA RANGS NAS CHOS 'DI PA'I DGE SLONG LA RDEG PAR GZAS NA THA NA THAL MOS KYANG RUNG STE RDEG DPYAD RE RE LA LTUNG BYED DO, ,BCU PA NI, GANG BYAS PAS GNAS NGAN LEN 'CHAB PA'I LTUNG BYED DU 'GYUR ZHE NA, YANG NYER DGA' LTA BU'I DGE SLONG GANG DGE SLONG GZHAN GYI GNAS NGAN LEN GYI LTUNG BSHES BZHIN DU CHOS 'DI PA'I DGE SLONG GI GNAS NGAN LEN GYI LTUNG BA 'CHAB PA STE 'KHYUD NA DGE 'DUN BDE BA LA REG PAR MI 'GYUR BA LA SOGS PA'I DBANG NYID MA GTOGS

PA LTUNG BYED DO, ,BCU TSAN DRUG PA LA, SDOM GYIS MDOR BSTAN PA DANG, SO SO'I MTSAN NYID RGYAS PAR BSHAD PA'O, ,DANG PO NI, LTUNG BYED BCU TSAN DRUG PA SDOM DU BSDUS PA CHOS CAN, BCU YOD DE, BDE BA ZAN GCOD PA DANG, ME LA REG PA DANG, 'DUN PA PHYIR BSGYUR BA DANG, BSNYEN PAR MA RDZOGS PA DANG LHAN CIG NYAL BA DANG, CHOS LTA BA'I RNAM PA MI GTONG BA DANG, SMRA BA SPANGS PA'I RJES SU PHYOGS PA DANG, DGE TSUL BSNYIL BA SDUD PA DANG, KHA DOG MA BSGYUR BA'I GOS GYON PA DANG, RIN PO CHE LA REG PA DANG, TSA BA'I DUS TE KHRUS KYI LTUNG BYED RNAMS SU YOD PA'I PHYIR, GNYIS PA LA BCU LAS, DANG PO NI GANG BYAS PAS ZAN GCOD PA'I LTUNG BYED DU 'GYUR ZHE NA, YANG NYER DGA' MA DGE SLONG GZHAN GANG YANG RUNG BA KLAN KA TSOL ZHING CI NAS CHOS LTAR DGE SLONG 'DI LA KLAN KA BTZAL BAR 'GYUR RO SNYAM PA DE NYID RKYEN DU BYAS TE, NAD KYI GNYEN PO'I PHYIR MA YIN PAR CHED DU BSAMS NAS CHOS 'DI P'I DGE SLONG LA 'DI SKAD CES, TSE DANG LDAN PA TSUR SHOG BRAM ZE DANG KHYIM BDAG GI KHYIM DAG TU 'DONG DANG DER KHYOD LA BCA' BA LNGA DANG BZA' BA LNGA BSOD PA JI TZAM 'DOD PA SBYIN DU GZHUG GO ZHES SMRAS TE, TSIG GIS ZAN GCAD NAS DES DE LA SBYIN DU MA BCUG PAR DE'I 'OG TU 'DI SKAD CES TSE DANG LDAN PA KHO BO KHYOD DANG LHAN CIG SMRA BA'I 'DUG PAR BDE BA MA YIN GYIS, 'DI LTAR KHO BO GCIG PU KHO NA SMRA BA'I 'DUG NA BDE YIS KHYOD SONG ZHIG CES ZER NA LTUNG BYED DO, ,GNYIS PA NI, GANG BYAS PAS ME LA REG P'I LTUNG BYED DU 'GYUR ZHE NA, YANG DRUG SDE LTA BU'I DGE SLONG GANG NA BA LA LTUNG BA MED PAS MIN BAR

, ,BDAG NYID KYI PHYIR DUS BYIN GYIS MA BRLABS PAR ME LA RANG GIS REG GAM GZHAN REG TU 'JUG NA LTUNG BYED DO, ,GSUM PA NI, GANG BYAS PAS 'DUN BA PHYIR BSGYUR BA'I LTUNG BYED DU 'GYUR ZHE NA, YANG DGA' BO LTA BU'I DGE SLONG GANG SANGS RGYAS KYI NYAN THOS KYI BYA BA LAS CHOS DANG LDAN PA LAS CHOS 'DI PA'I DGE SLONG LA 'DUN PA PHUL BSTE 'DUN PA BYIN NAS, DE'I 'OG TU DUS GZHAN ZHIG NA KHROS 'KHRUGS RNGAMS PAR GYUR TE, YID MA RANGS NAS SNGAR 'DUN PA PHUL BA SPONG BA'I CHOS SU BYED CING, TSIG 'DI SKAD CES DGE SLONG 'DUN PA PHYIR BYIN CIG, KHYOD LA 'DUN BA MI SBYIN NO ZHES ZER NA LTUNG BYED DO, ,BZHI PA NI, GANG BYAS PAS BSNYEN PAR MA RDZOGS PA DANG LHAN CIG NYAL BA'I LTUNG BYED DU 'GYUR ZHEN, YANG NYER DGA' LTA BU'I DGE SLONG GANG ZAG BSNYEN PAR MA RDZOGS PA KHYIM BA DANG DGE TSUL PHA MA LA SOGS PA DANG LDAN CIG NUB GNYIS LAS LHAG BAR GNAS BZHI PO GANG YANG RUNG BA GCIG TU NYAL NA NUB GSUM P'I SKYA RENGS SHAR BA NA LTUNG BYED DO, ,DE YANG GNAS BZHI NI, THAMS CAD GA-YOGS SHING THAMS CAD BSKOR BA DANG, THAMS CAD GA-YOGS SHING PHAL CHER BSKOR BA DANG, PHAL CHER GA-YOGS SHING PHAL CHER BSKOR BA DANG, PHAL CHER GA-YOGS SHING THAMS CAD BSKOR BA'O, ,LNGA PA NI, GANG BYAS PAS LTA BA'I RNAM BA MI GTONG BA'I LTANG BYED DU 'GYUR ZHE NA, YANG 'CHI LTAS SAM DGE SLONG GANG YANG RUNG BA TSIG 'DI SKAD CES, JI LTAR SANGS RGYAS BCOM LDAN 'DAS KYIS MTHO RIS DANG, THAR PA LA BAR DU GCOD PA'I CHOS SU GSUNGS PA LAM BAR 'GYUR BA BZHI, LHAG MA BCU GSUM, MA NGES BA GNYIS, SPANG LTUNG SUM CU, LTUNG BYED DGU BCU, SOR

BSHAGS BZHI, BSLAB BAR BYA BA'I CHOS MANG PO, RTZOD PA ZHI BAR BYED PA'I CHOS BDUN PO GANG DAG YIN PA DE DAG BSTEN PA STE SBYAD KYANG MTHO RIS DANG THAR PA LA BAR DU GCOD PAR MI 'GYUR TE, DE LTAR BCOM LDAN D'AS KYIS CHOS BSTAN PA BDAG GIS SHES SO ZHES ZER NA, 'CHI LTAS LTA BU'I DGE SLONG DE LA CHOS 'DI BA'I DGE SLONG RNAMS KYIS BZHAMS TE BSGO BA'I TSIG 'DI SKAD CES, TSE DANG LDAN PA KHYOD, JI LTAR BCOM LDAN 'DAS KYIS BAR DU GTZONG PA'I CHOS SU GSUNGS PA YANG DAG YIN PA DE DAG BSTEN KYANG BAR DU GCOD BAR MI 'GYUR TE, DE LTAR BCOM LDAN 'DAS KYIS CHOS BSTAN PA BDAG GIS SHES SO ZHES MA ZER ZHIG BCOM LDAN 'DAS LA SKUR PA MA 'DEBS SHIG, BCOM LDAN 'DAS LA SKUR PAS LEGS PAR MI 'GYUR RO, ,BCOM LDAN 'DAS NI DE SKAD MI GSUNG NGO, ,TSE DANG LDAN PA BAR DU GCOD PA'I CHOS RNAMS NI BAR DU GCOD PA NYID NGO ZHES, BCOM LDAN 'DAS KYIS RNAM GRANGS DU MAR GSUNGS TE, DE DAG BSTEN NA BAR DU GCOD PAR 'GYUR GYIS TSE DANG LDAN PA KHYOD SDIG PA CAN GYI LTA BA'I RNAM PA 'DI LTA BU THONG ZHIG CES TSIG 'JAM POS BSGO BAR BYA'O, ,'CHI LTAS LTA BU'I DGE SLONG DE LA CHOS 'DI BA'I DGE SLONG RNAMS KYIS DE SKAD BZHAMS TE BSGO BA NA GAL TE LTA BA'I RNAM PA'I GZHI DE GTONG NA DE LTA NA LEGS, GAL TE MI GTONG NA LTA BA'I GZHI DE GTONG BAR BYA B'I PHYIR, GSOL BA DANG BZHA'I LAS KYIS LAN GNYIS LAN GSUM DU YANG DAG PAR BSGO, YANG DAG PAR BSTAN PA NA GZHI DE GTONG NA LEGS TE, DNGOS GZHI'I LTUNG BAM BYUNG BA'I PHYIR, RJOD PA GSUM PA'I MTHA' LA MI GTONG NA LTUNG BYED DO, ,DRUG PA NI, GANG BYAS PAS SPANGS PA'I RJES SU PHYOGS

, ,PA'I LTUNG BAR 'GYUR ZHE NA, YANG NYER DGA' LTA BU'I DGE SLONG GANG YANG RUNG BA SHES BZHIN DU BCOM LDAN 'DAS KYIS BAR DU GCOD PA'I CHOS SU GSUNGS PA DE DAG BSTAN KYANG BAR DU GCOD PA'I CHOS SU MI 'GYUR BAR BDAG GIS SHES SO ZHES DE SKAD ZER BA'I GANG ZAG DGE SLONG 'CHI LTAS LTA BU CHOS BZHIN DU MA BYAS PA SDIG BA CAN GYI LTA BA'I RNAM PA DE MA SPANGS PA DANG, GTAM 'DRE BA LUNG 'BOGS PA DANG, PHEBS PAR SMRA BA DMIGS KYIS 'DRI BA DANG, KUN TU GNAS PA GNAS SBYIN PAR BYED PA DANG, KUN TU LONGS SPYOD PA DE'I LONGS SPYOD LA LONGS SPYOD PAR BYED CING, DE DANG LHAN CIG GNAS BZHI PO GANG RUNG GCIG TU NYAL NA NAD DANG LTA BA DANG DBRAL BA'I CHED MA GTOGS PA MTSAN MTHAR LTUNG BYED DO, ,BDUN PA NI, GANG BYAS PAS BSNYIL BA SDUD PA'I LTUNG BYED DU 'GYUR ZHE NA, TSER MA DANG CHEN PO LTA BU'I DGE TSUL ZHIG KYANG 'DI SKAD CES, JI LTAR BCOM LDAN 'DAS KYIS 'DOD PA'I YON TAN LNGA PO DAG SPYOD PA NI DGE SBYONG GI TSUL LA BAR DU GCOD PA'I ZHES GANG GSUNGS PA DE DAG BSTEN KYANG DGE SBYONG GI TSUL LA BAR DU GCOD PAR MI 'GYUR TE, DE LTAR BCOM LDAN 'DAS KYIS CHOS BSTAN BA KUN BDAG GIS SHES SO ZHES ZER NA, TSER MA DANG CHEN PO LTA BU'I DGE TSUL DE LA CHOS 'DI PA'I DGE SLONG RNAMS KYIS BZHAMS TE BSGO BA'I TSIG 'DI SKAD CES, DGE TSUL KHYOD JI LTAR BCOM LDAN 'DAS KYIS 'DOD PA DAG NI BAR DU GCOD PA'O ZHES GSUNGS PA DANG YIN PA DE DAG BSTEN KYANG BAR DU GCOD BAR MI 'GYUR TE, DE LTAR BCOM LDAN 'DAS KYIS CHOS BSTAN BA BDAG GIS SHES SO ZHES DE SKAD MA ZER ZHIG BCOM LDAN 'DAS LA

SKUR BA MA 'DABS SHIG, BCOM LDAN 'DAS LA SKUR PA BTAB BAS LEGS BAR MI 'GYUR RO, ,BCOM LDAN 'DAS NI DE SKAD MI GSUNG NGO, ,TSE DANG LDAN PA DGE TSUL 'DOD PA BAR DU GCOD PA'I CHOS RNAMS NI BAR DU GCOD PA NYID DO ZHES, BCOM LDAN 'DAS KYIS RNAM GRANGS DU MAR GSUNGS TE, DE DAG BSTEN NA BAR DU GCOD PAR 'GYUR GYIS, DGE TSUL KHYOD SDIG PA CAN GYI LTA BA'I RNAM PA 'DI THONG ZHIG CES BZHAMS TE BSGO BAR BYA'O, ,TSER MA DANG CHEN PO LTA BU'I DGE TSUL DE LA CHOS 'DI PA'I DGE SLONG RNAMS KYIS DE SKAD BSGO BA NA, GAL TE GZHI DE GTONG NA DE LTA NA LEGS ,GAL TE MI GTONG NA GZHI DE GTONG BAR BYA BA'I PHYIR, GSOL BA DANG BZHI'I LAS KYIS LAN GNYIS LAN GSUM DU YANG DAG PAR BSGO BAR BYA, YANG DAG PAR BSTAN PAR BYA'O, ,LAN GNYIS LAN GSUM DU YANG DAG PAR BSGO ,YANG DAG PAR BSTAN PA NA, GZHI DE GTONG BA DE LTAN LEGS, GAL TE MI GTONG NA, TSER MA DANG CHEN PO LTA BU'I DGE TSUL DE LA CHOS 'DI BA'I DGE SLONG RNAMS KYIS DENG PHYIN CHAD DGE TSUL KHYOD, BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS DE LA STON PA'O ZHES MA ZER ZHIG ,TSANGS PA MTSUNGS PAR SPYOD PA MKHAS BA BLA MA'I GNAS LTA BU GANG YANG RUNG BA'I PHYI BZHIN DU YANG MA 'GRO ZHIG, DGE SLONG RNAMS DANG DGE TSUL LHAN CIG NUB GNYIS TSUN CHAD GNAS GCIG TU NYAL DU DBANG BA GANG YIN PA DE YANG DENG PHYIN CHAD KHYOD LA MED DE, MI GTI MUG CAN KHYOD BSNYIL GYIS GZHAN DU SONG ZHIG CES BSGO BAR BYA'O, ,YANG NYER DGA' LTA BU'I DGE SLONG GANG DGE TSUL BSNYIL BAR SHES BZHIN DU DE LTAR BSNYIL BA'I DGE TSUL NYE BAR 'JOG PA GNAS SBYIN

, ,PAR BYED DAM, NYE BAR STON PA LUNG 'BOGS PA SOGS BYED DAM, DE DANG LHAN CIG GNAS BZHI PO GANG RUNG GCIG TU NYAL NA LTUNG BYED DO, ,BRGYAD PA NI, GANG BYAS PAS LA MA BSGYUR BA'I GOS GYON PA'I LTUNG BYED DU 'GYUR ZHE NA, DRUG SDE LTA BU'I DGE SLONG GIS BAL GYI GOS LA SOGS PA'I GOS BDUN PO GANG YANG RUNG BA GSAR PA ZHIG RNYED NA KHA BSGYUR BA GSUM PO SNGON PO RAMS LTA BU'AM, DMAR PO BTZAG LTA BU'AM, DUR SMRIG SHING SHUN LAS GANG YANG RUNG BAS KHA BSGYUR BAR BYA'O, ,GAL TE DRUG SDE LTA BU'I DGE SLONG GIS BAL LA SOGS PA'I GOS GSAR PA KHA BSGYUR BA GSUM PO, SNGON PO RAMS LTA BU'AM, DMAR PO BTZAG LTA BU'AM, DUR SMRIG SHING SHUN LAS GANG YANG RUNG BAS KHA MA BSGYUR BAR SPYOD NA LTUNG BYED DO, ,DGU PA NI, GANG BYAS PAS LONGS PA'I GZHIR GTOGS PA'I SPANG BAR 'GYUR ZHE NA, YANG DRUG SDE LTA BU'I DGE SLONG GANG NOR BU DANG MU TIG LA SOGS PA'I RIN PO CHE'AM, GA-YUL NGOR SPYAD PA'I MTSON CHA'AM, ROL MOR SPYAD PA'I YO BYAD RIN PO CHER SMOS PA RANG GI LAG GIS LEN TAM, GZHAN LEN DU 'JUG NA KUN DGA' RA BAR GTOGS PA KUN DGA' RA BA'I PHYI ROL NA 'DUG PA'AM, GNAS KHANG DU GTOGS PA KUN DGA' RA BA'I NANG NA 'DUG PA MA GTOGS TE LTUNG BYED DO, ,DRUG SDE LTA BU'I DGE SLONG GIS KUN DGA' RA BAR GTOGS PA PHYI ROL NA 'DUG PA'AM, GNAS KHANG DU GTOGS PA NANG NA NOR BU LA SOGS PA'I RIN PO CHE'AM, GA-YUL NGOR SPYAD PA'I MTSON CHA LA SOGS PA'I RIN PO CHER SMOS PA 'DUG PA LA 'DI BDAG PO SU'I YIN PA DE LEN PAR 'GYUR GRANG SNYAM PA DE LTA BU'I SEMS KYIS BLANG BAR BYA STE, BSLAB PA'I GZHI BCAS PA DE LA DE NI CHO GA STE THABS

YIN NO, BCU PA NI, GANG BYAS PAS KHRUS BYED PA'I LTUNG BYED DU 'GYUR ZHE NA, SANGS RGYAS BCOM LDAN 'DAS KYIS ZLA BA PHYED PHYED CING KHRUS BYA BAR GSUNGS PA DE LAS 'DUMS PAR KHRUS BYED NA GNANG BA'I DUS MA GTOGS TE LTUNG BYED DO, ,'O NA GNANG BA'I DUS GANG ZHE NA, BSLAB PA'I GZHI DE LA GNANG BA'I DUS NI 'DI YIN TE, SO GA RNAMS KYI ZLA BA LHAG MA PHYED DANG GNYIS PO DBYAR ZLAR BA'I TSES GCIG NAS DBYAR ZLA 'BRING PO'I NYI'I BAR DANG, DBYAR RNAMS KYI DANG PO DBYAR ZLA 'BRING PO'I TSES BCU DRUG NAS, DBYAR ZLA THA CHUNG GI NYA'I BAR DANG, ZLA BA PHYED DANG GSUM PA 'DI DAG NI TSA BA'I DUS SO, ,LHAG MA NI, NA BA DUS SO, ,LAS DUS SO, ,LAM DUS SO, ,RLUNG GIS CHOS KYI SGRA BSGUL BA'I RLUNG DUS SO, ,LUS LA CHAR GYI THIGS PA GNYIS YAN CHAD PHOG PA'I CHAR DUS SO, ,RDZI CHAR DUS TE BSLAB PA'I GZHI DE LA DE NI, GNANG BA'I DUS YIN NO, ,BCU TSAN BDUN PA LA, SDOM GYIS MDOR BSTAN, SO SO'I MTSAN NYID GNYIS LAS, DANG PO NI, LTUNG BYED BCU TSAN BDUN PA SDOM DU BSDUS PA CHOS CAN, BCU YOD DE ,DUD 'GRO GSOD PA DANG, 'PHYOD PA SKYED PA DANG, SOR MO GA GA TSIL DANG, CHU LA RTZE BA DANG, BUD MED DANG LHAN CIG NYAL BA DANG, SDANGS PAR BYED PA DANG, GOS SBED PA DANG, GDENG MED PA BYIN PAS 'TSO BA DANG, GZHI MED PAR SKUR BA 'DEBS PA DANG, SKYES PA MED PAR BUD MED DANG LHAN CIG LAM DU 'GRO BA'I LTUNG BYED RNAMS SU YOD PA'I PHYIR RO, ,GNYIS PA LA BCU LAS, DANG PO NI, GANG BYAS PAS DUD 'GRO GSOD PA'I LTUNG BYED DU 'GYUR ZHE NA, YANG 'CHAR KA LTA BU'I DGE SLONG GANG YANG RUNG BA SROG GCOD PAR BSAMS BZHIN DU GSOD PA'I 'DU SHES KYIS DUD 'GRO'I SKYE GNAS SU GTOGS

, ,PA'I SROG CHAGS MTSON LA SOGS PA BSNUN PA'I SGO NAS GSOD NA DE'I RKYEN GYIS SHI'AM, GZHAN GYI TSE SHIN LTUNG BYED DO, ,GNYIS PA NI, GANG BYAS PAS 'GYOD PA SKYED PA'I LTUNG BYED DU 'GYUR ZHE NA, YANG 'CHAR KA LTA BU'I DGE SLONG GANG 'GYOD SKYED PAR BSAMS BZHIN DU CI NAS DGE SLONG 'DI THAN YUD TZAM ZHIG KYANG BDE BA LA REG PAR MI BYA'O SNYAM PA DE NYID RKYEN DU BYAS TE RKYEN GZHAN MED PAR CHOS 'DI PA'I DGE SLONG LA KHYED BSNYEN PAR RDZOGS PA MA YIN NO ZHES BYA BA LA SOGS PAS 'GYOD PA SKYED NA 'GYOD PA MA SKYES KYANG RUNG STE DON GO NA LTUNG BYED DO, ,GSUM PA NI, GANG BYAS BAS GA GA TSIL BYED PA'I LTUNG BYED DU 'GYUR ZHE NA, DGE SLONG LA SOR MO 'AM KHU TSUR LA SOGS PAS GAG TSIL SKYI GA-YA' BAR BYED NA REG BYED DU MA LA YANG LTUNG BA GCIG TU 'GYUR RO, ,BZHI BA NI GANG BYAS PAS CHU LA RTZE BA'I LTUNG BYED DU 'GYUR ZHE NA, SIM PAR 'DOD PA DANG, RKYAL SLOB PA LA LTUNG BA MED PAS RTZE BA'I BSAM PAS CHU LA RTZEN LTUNG BYED DO, ,LNGA PA NI, GANG BYAS PAS BUD MED DANG LHAN CIG NYAL BA'I LTUNG BYED DU 'GYUR ZHE NA, YANG CHOS 'DI PA'I DGE SLONG GANG YANG RUNG BA BUD MED DAM GZHON NU MA MI TSANGS PAR SPYOD PA 'KHRIG PA STEN NUS PA DANG LHAN CIG GNAS BZHI PO GANG RUNG ZHIG TU GLOS PHAB STE NYAL NA LTUNG BYED DO, ,DRUG PA NI, GANG BYAS PAS SDANGS PAR BYED PA'I LTUNG BYED DU 'GYUR ZHE NA, YANG 'CHAR GA LTA BU'I DGE SLONG GANG CHOS 'DI PA'I DGE SLONG LA SNGANGS BA RANG GIS BYED DAM, GZHAN SNGANGS BAR BYED DU 'JUG NA BZHAD GAD DE BKU RE BYA BAR BSAMS KYANG RUNG STE PHA ROL PA SKYO BAR BYA BA'I CHED MA GTOGS TE LTUNG BYED DO, ,BDUN PA NI, GANG BYAS PAS SBED PA'I LTUNG BYED DU

'GYUR ZHE NA, YANG DRUG SDE LTA BU'I DGE SLONG GANG, CHOS 'DI PA'I DGE SLONG NGAM, DGE SLONG MA'AM, DGE SLONG MA'AM, DGE TSUL LAM, DGE TSUL MA'I LTUNG BZED DAM, CHOS GOS SAM, DRA BA LTUNG BZED KYI SNOD DAM, PHOR BU'AM, SKA RAGS DGA' SAM, DE DAG LAS GZHAN PA'I DGE TSUL GYI 'TSO BA'I YO BYANG GANG YANG RUNG BA RANG GIS SBED DAM, GZHAN SPED DU 'JUG NA PHAN BAR 'DOD PA DE 'DRA BA'I RKYEN MA GTOGS TE LTUNG BYED DO, ,BRGYAD PA NI, GANG BYAS PAS BYIN PAS NYA BAR 'TSO BA'I LTUNG BYED DU 'GYUR ZHE NA, YANG NYER LTA BU'I DGE SLONG GANG YANG RUNG BA CHOS 'DI PA'I DGE SLONG LA CHOS GOS BLANG BA MED PAR BYIN NAS DE'I 'OG TU GDENG MED PAR LONGS SPYOD NA LTUNG BYED DO, ,DGU PA NI, GANG BYAS PAS SKUR PA 'DEBS PA'I LTUNG BYED DU 'GYUR ZHE NA, YANG MDZA' BO DANG SA LAS SKYES LTA BU'I DGE SLONG GANG YANG RUNG BA KHRES SHING ZHE SDANG BA YID MI DGA' BAR GYUR NAS GYAD BU NOR LTA BU'I DGE SLONG DAG PA GLENG BA'I GZHI DE'I LTUNG BA MED PA LA GZHI MED PAR DGE 'DUN LHAG MA'I CHOS BCU GSUM LAS GANG YANG RUNG BAS SKUR BA 'DEBS NA LTUNG BYED DO, ,BCU PA NI, GANG BYAS PAS BUD MED DANG LHAN CIG LAM DU 'GRO BA'I LTUNG BYED DU 'GYUR ZHE NA, YANG CHOS 'DI PA'I DGE SLONG GANG YANG RUNG BA RIGS PA'I SKYES PA MED PAR BUD MED DAM GZHON NU MA 'KHRIG PA STEN NUS PA DANG LHAN CIG DGON PA'I 'GRON LAM DU 'GRON THA NA GRONG BAR DU YANG RUNG STE, RGYAD GRAGS GCIG 'DAS PA NA LTUNG BYED DE, ,THAMS CAD DU DE LTAR 'GYUR RAM ZHE NA, DES BSEL BYED PA DANG, LAM STON PA DANG, MI NUS PA 'KHRID PA NI MA GTOGS OS, ,BCU TSAN BRGYAD PA LA, SNGOM GYIS MDOR BSTAN PA DANG, SO SO'I MTSAN NYID RGYAS PAR BSHAD PA'O, ,

, ,DANG PO NI, LTUNG BYED BCU TSAN BRGYAD PA SNGOM DU BSDUS PA CHOS CAN, BCU YOD DE, RKUN MA DANG LHAN CIG LAM DU 'GRO BA DANG, LO NYI SHU MA LON PA BSNYEN PAR RDZOGS PAR BYED PA DANG, SA RKO BA DANG, MGRON DU GNYER BA LAS RING DU 'DUG PA DANG, BSLAB PA LA NYE BAR 'JOG PA SPONG BA DANG ,'THAB PA NYAN RNA LAS GYUR PA DANG ,MI SMRA BAR 'GRO BA DANG, MI GUS PA MA GUS PA'I TSUL GYIS DANG, CHANG 'THUNG PA DANG ,DUS MA YIN PAR 'GRO BA'I LTUNG BYED RNAMS SU YOD PA'I PHYIR, GNYIS PA LA BCU LAS, DANG PO NI GANG BYAS PAS RKUN MA DANG LHAN CIG LAM DU 'GRO BA'I LTUNG BYED DU 'GYUR ZHE NA, YANG CHOS 'DI PA'I DGE SLONG GANG YANG RUNG BA DON MTHUN RKUN MA GRONG 'JOM PAR BYED PA'I CHOM RKUN DANG, SHO GAM 'BRAL BAR BYED PA'I TSONG PA DANG LHAN CIG DGON PA'I 'GRON LAM DU 'GRO NA GRONG BAR DU YANG RUNG STE RGYANG GRAGS GCIG 'DAS NYI SHU MA LON PA MKHAN PO'I SGO NAS DGE SLONG GI DNGOS POR BYED PA SOGS NI MA GTOGS SO, ,GNYIS PA NI, GANG BYAS PAS LO NYI SHU MA LON PA BSNYEN PAR RDZOGS PAR BYED PA'I LTUNG BYED DU 'GYUR ZHE NA, YANG CHOS 'DI PA'I DGE SLONG GANG YANG RUNG BA, GANG ZAG LO NYI SHU MA LON PA MKHAN PO'I SGO NAS DGE SLONG GI DNGOS POR BSNYEN PAR RDZOGS PAR BYED NA LTUNG BYED DO, ,DE LTAR BYED NA GANG ZAG DE YANG BSNYEN PAR RDZOGS PAR MI 'GYUR LA, DGE SLONG DE DAG KYANG BSLANG PAR 'GYUR TE, BSLAB PA'I GZHI DE LA DE NI CHO GA YIN NO, ,GSUM PA NI, GANG BYAS PAS RKO BA'I LTUNG BYED DU 'GYUR ZHE NA, YANG DRUG SDE LTA BU'I DGE SLONG GANG YANG RUNG BA RANG GI LAG GIS RANG BZHIN CAN DANG RANG BZHIN CAN MA YIN PA GNYIS LAS 'THAS PA'I RANG BZHIN

CAN GYIS RKO'AM RKOR 'JUG NA LAG GI BLAS RGYU SKAR GYI SBYOR BAS RUNG BAR BYED PA MED NA THUR MA SOR BZHI TZAM 'DZUGS PA MA GTOGS LTUNG BYED DO, ,BZHI PA NI, GANG BYAS PAS MGRON DU GNYER BA LAS RING DU 'DUG PA'I LTUNG BYED DU 'GYUR ZHE NA, DRUG SDE LTA BU'I DGE SLONG GIS ZLA BA BZHI TSUN CHAD DU MGRON DU BOS PA BDAG GIR BYA BA STE KHAS BLANG BAR BYA'O, ,ZLA BA BZHI PO DE LAS LHAG PAR BDAG GIR BYED NA LTUNG BYED DO, ,THAMS CAD DU YIN NAM ZHE NA, DGE SLONG SO SOR TE THA DAD DU MGRON DU BOS PA DANG ,DGE SLONG YANG DANG YANG DU MGRON DU BOS PA DANG, DGE SLONG DUS KYIS TE NAN TAN GYIS MGRON DU BOS PA DANG ,DGE SLONG RTAG TU STE JI SRID 'TSO'I BAR DU MGRON DU BOS PA MA GTOGS TE BSLAB PA'I GZHI DE LA DE NI DUS YIN NO, ,LNGA PA NI, GANG BYAS PAS BSLAB PA LA NYE BAR 'JOG PA SPONG BA'I LTUNG BYED DU 'GYUR ZHE NA, YANG DRUG SDE LTA BU'I DGE SLONG GANG CHOS 'DI PA'I DGE SLONG RNAMS KYIS TSE DANG LDAN PA KHYED KYIS BSLAB PA GANG YIN PA 'DI LA BSLAB PAR BYA'O ZHES BSGO BA NA, DE DAG 'DI SKAD CES, BDAG DGE SLONG MOD SDE MTHA' DAG 'DZIN PA DANG, 'DUL BA MTHA' DAG 'DZIN PA DANG, MA MO MTHA' DAG 'DZIN PA RNAMS LA 'DRI BA'I BAR DU, LUS NGAG YID GSUM GYI BYA BA MA YIN PA BYED PAS BYIS PA, SDE SNOD GSUM MI 'DZIN PAS RMONGS PA, SDE SNOD GSUM LA MI GSAL BA; SDE SNONG GSUM LA MI MKHAS PA KHYOD KYI TSIG GIS BSLAB PA 'DI LA MI SLOB BO ZHES ZER NA LTUNG BYED DO, ,DGE SLONG KUN SHES PAR 'DOD PAS KYANG BSLAB PA DE LA BSLAB PAR BYA'O, ,DGE SLONG MDO SDE 'DZIN PA DANG, 'DUL BA 'DZIN PA DANG, MA MO

, ,'DZIN PA RNAMS LA YANG DRI BAR BYA STE BSLAB PA'I GZHI DE LA DE NI CHO GA YIN NO, ,DRUG PA NI, GANG BYAS PAS NYAN RNA LAS GYUR PA'I LTUNG BYED DU 'GYUR ZHE NA, YANG NYER DGA' LTA BU'I DGE SLONG GANG CHOS 'DI PA'I DGE SLONG RNAMS 'THAB PAR 'GYUR, 'TSANG 'BRU BAR 'GYUR, MI MTHUN PAR 'GYUR, RTZOD BAR GYUR CING 'KHOD PA LA, DGE SLONG 'DI DAG JI SKAD ZER BA DE BDAG GIS MNYAN TE, DE DE LTAR RJES SU THA SNYANG GDAGS PA STE ZIL GYIS GNAN PAR BYA'O SNYAM PA DE NYID RKYEN DU BYAS TE, CANG MI SMRA BAR NYAN NAS 'DUG NA LTUNG BYED DO, ,THAMS CAD DU NGES SAM ZHE NA, ZHI BAR 'DOD BA NI MA GTOGS SO, ,BDUN PA NI, GANG BYAS PAS MI SMRA BAR 'GRO BA'I LTUNG BYED DU 'GYUR ZHE NA, YANG DGA' BO LTA BU'I DGE SLONG GZHAN GANG YANG RUNG BA, DE BZHIN GSHEGS PA'I NYAN THOS KYI DGE 'DUN GYI CHOS DANG LDAN PA'I GTAM RNAM PAR GTAN LA 'BEB PA GSOL BA 'BA' ZHIG GI LAS DANG, GSOL BA DANG GNYIS KYI LAS DANG, GSOL BA DANG BZHI'I LAS BYUNG BA NA, THOS PA'I NYE 'KHOR LAS 'DAS PAR 'GRO ZHING, DGE SLONG 'DUG PA LA MI SMRA NA LTUNG BYED DO, ,THAMS CAD DU NGES SAM ZHE NA, LTUNG BZED DANG CHOS GOS MES 'JIG PA LA SOGS PA DE 'DRA'I RKYEN MA GTOGS SO, ,BRGYAD PA NI, GANG BYAS PAS MI GUS PA'I LTUNG BYED DU 'GYUR ZHE NA, SANGS RGYAS KYI NYAN THOS KYI DGE 'DUN DANG, DGE SKOS DANG; SANGS RGYAS KYI TSIG LA GUS PAR MI BYED NA LTUNG BYED DO, ,DGU PA NI, GANG BYAS PAS CHANG 'THUNG BA'I LTUNG BYED DU 'GYUR ZHE NA, NAS DANG GROL SOGS PA LAS BYAS PA 'BRU'I CHANG DANG, RTZA BA DANG SNGONG BU LAS BYAS PA BRTZOS PA'I CHANG, DE YANG

MYOS PAR MI 'GYUR BA LA LTUNG BA MED PAS, MYOS PAR 'GYUR BA 'THUNG NA MGUL DU MID PA NA LTUNG BYED DO, ,BCU PA NI, GANG BYAS PAS DUS MA YIN PAR GRONG DU 'JUG PA'I LTUNG BYED DU 'GYUR ZHE NA, YANG CHOS 'DI PA'I DGE SLONG GANG YANG RUNG BA NYI MA PHYED YOL, SKYA RENGSMA SHAR BA'I DUS MA YIN PAR GRONG GSUM MDO DANG BZHI MDO LA SOGS PAR 'JUG CING DGE SLONG 'DUG PA LA MI SMRA NA LTUNG BZED MES 'TSIG PA LA SOGS PA DE 'DRA BA'I RKYEN MA GTOGS TE LTUNG BYED DO, ,BCU TSAN DGU BSDOM GYI SGO NAS MDOR BSTAN PA DANG, SO SO'I MTSAN NYID RGYAS PAR BSHAD PA'O, ,DANG PO NI, LTUNG BYED BCU TSAN DGU PA SNGOM DU BSDUS PA CHOS CAN, BCU YOD DE, ZAS BCAS KHYIM DU RGYU BA DANG, SKYA RENGS MA SHAR BAR MTSAN MO RGYAL PO'I PHO BRANG DU 'GRO BA DANG, DA GDOD DE BSLAB PA KHYAD DU GSOD PA DANG, KHAB RAL 'CHOS PA DANG, KHRI RKANG 'CHOS PA DANG, SHING BAL BDAL BA DANG, GDING BA DANG, GA-YAN PA DGAB PA DANG, DBYAR GYI RAS CHEN DANG, BDE BAR GSHEGS PA'I CHOS GOS KYI TSAD LAS GYUR PA'I LTUNG BYED RNAMS SU YOD PA'I PHYIR, GNYIS PA LA BCU LAS, DANG PO NI, GANG BYAS PAS KHYIM DU RGYU BA'I LTUNG BYED DU 'GYUR ZHE NA, YANG NYER DGA'AM DGE SLONG GZHAN GANG YANG RUNG BA ZAS DANG BCAS PA'I BRAM ZE DANG KHYIM BDAG GI KHYIM DAG TU MGRON DU BOS NAS SNGA DRO KHYIM GSUM LAS LHAG PA DANG, PHYI DRO KHYIM BZHI LAS LHAG PAR RGYU ZHING, KHYIM PA 'DUG PA LA KHO BO MA 'ONGS BA'I DBANG GIS ZAN YOL BAR MA BYED CIG CES MI BSGO NA LHUNG BZED DANG CHOS GOS MES 'JIG PA LA SOGS PA DE 'DRA BA'I RKYEN MA GTOGS TE LTUNG BYED DO, ,GNYIS PA NI, GANG BYAS PAS RGYAL PO'I PHO GBRANG DU NUB MO 'GRO

, ,BA'I LTUNG BYED DU 'GYUR ZHE NA, YANG 'CHAR KA LTA BU'I DGE SLONG GANG YANG RUNG BA NAM MA LANGS BA STE SKYA RENGS GSUM LAS SKYA RENGS THA MA MA SHAR BAR NOR BU LA SOGS PA'I RIN PO CHE DAG GAM GA-YUL NGOR SPYAD PA'I MTSON CHA LA SOGS PA'I RIN PO CHER SMOS PA DAG MA BSDUS PAR, RGYAL PO RGYAL RIGS SPYI BO NAS DBANG BSKUR BA'I SGO GTAN NAM, SGO GTAN GYI NYE 'KHOR LAS 'DAS PAR 'GRO NA JI SNYED PHYIN PA DE SNYED KYI LTUNG BAR 'GYUR RO, ,THAMS CAD DU NGES SAM ZHE NA, RGYAL POS BKUG PA DANG GDUL BYA 'DUL BA SOGS DE 'DRA'I RKYEN MA GTOGS SO,, GSUM PA NI, GANG BYAS PAS BSLAB PA'I GZHI KHYAD DU GSOD PA'I LTUNG BYED DU 'GYUR ZHE NA, YANG DRUG SDE LTA BU'I DGE SLONG GANG ZLA BA PHYED PHYED CING SO SOR THAR PA'I MDO PHAM PA BZHI, LHAG MA BCU GSUM, MA NGES PA GNYIS, SBANG LTUNG SUM CU, LTUNG BYED 'BA' ZHIG PA DGU BCU, SOR BSHAGS BZHI, BSLAB PAR BYA BA MANG PO, RTZOD PAR ZHI BAR BYED PA BDUN PO 'DON PA GDON PA'I TSE NA, 'DI SKAD CES TSE DANG LDAN PA DAG 'DI LTAR BCOM LDAN 'DAS KYIS GSUNGS PA'I CHOS 'DI YANG MDO'I NANG DU GTOGS, MDO'I NANG DU 'DUS PAR BDAG GIS DA GDOD SHES ZHES ZER LA, DGE SLONG DE LA GAL TE CHOS 'DI PA'I DGE SLONG GANG 'KHOD PA RNAMS KYIS TSE DANG LDAN PA 'DI, SNGAR GSO SBYONG GI LAS GNYIS SAM GSUM GYI TSE GRAL NA 'DUG PAR SHES SHING DE LAS LAN MANG DU LTA CI SMOS NA TSE DANG LDAN PA DE MI SHES PAS LTUNG BA LAS MI GROL BAS LTUNG BA DANG BCAS PA YIN LA DE LTUNG BA GANG BYUNG BA DE CHOS BZHIN DU PHYIR BCOS BYED DU GZHUG GI STENG DU KHYOD ZLA BA PHYED PHYED CING SO SOR THAR PA'I MDO 'DON PA'I TSE, GUS PAR BYAS TE CHOS NYAN PAR MI BYED, BLA MAR

BYAS TE MI BYED, RU SHING LTAR BYAS TE MI BYED, YID LA BYAS TE MI BYED, SEMS RTZE GCIG TU MI BYED, RNA BLAGS TE MI BYED, SEMS CAN THAMS CAD KYIS BSAMS TE CHOS NYAN PAR MI BYED PAS TSE DANG LDAN PA KHYOD KYIS MA RNYED DE, RNYED PA MIN ZHING, NYES PA RNYED TE LEGS PA RNYED PA MA YIN NO ZHES 'GYOD PAR BYA'O, ,TSE DANG LDAN PA DE LA 'GYOD PAR BYA BA NI 'DI YIN TE LTUNG BYED DO, ,BZHI PA NI, GANG BYAS PAS KHAB RAL 'CHOS PA'I LTUNG BYED DU 'GYUR ZHE NA, BA SO'AM, RUS PA'AM, RVA'I KHAB RAL SBU GU CAN NAM, CHANG PA LTA BU RANG GIS SAM, GZHAN BYED DU 'JUG NA LTUD BYED DO, ,DE YANG LTUNG BA BSHAGS PA'I TSE NA KHAB RAL BCAG NAS BSHAGS DGOS SO, ,LNGA PA NI, GANG BYAS PAS KHRI RKANG 'CHOS PA'I LTUNG BYED DU 'GYUR ZHE NA, YANG DRUG SDE LTA BU'I DGE SLONG GIS SANGS RGYAS KYI NYAN THOS KYI DGE 'DUN GYI KHRI'AM KHRI'U RANG GIS SAM GZHAN BYED DU 'JUG NA RTZA BA BU GAR GZHUG PA MA GTOGS PA BDE BAR GSHEGS PA'I SOR BRGYAD KYI TSAD DE TSAD DANG LDAN PA'I KHRU GANG BYED DU GZHUG PAR BYA'O, ,DE LAS LHAG PAR BYED DU 'JUG NA LTUNG BYED DO, ,DE YANG LTUNG BA BSHAGS PA'I TSE NA GANG LAG PA'I CHA DE BCAD NAS BSHAGS DGOS SO, ,DRUG PA NI ,GANG BYAS PAS SHING BAL GYIS PAR GOS BYED PA'I LTUNG BYED DU 'GYUR ZHE NA, YANG NYER DGA' LTA BU'I DGE SLONG GANG YANG RUNG BA SANGS RGYAS KYI NYAN THOS KYI DGE 'DUN GYI KHRI'AM KHRI'U LA SHING BAL LNGA LAS GANG YANG RUNG BA RANG GIS BA DAL LAM GZHAN BDAL DU 'JUG NA LTUNG BYED DO, ,DE YANG LTUNG BA BSHAGS PA'I TSE NA SHING BAL GANG BDAL BA DE BSDUS NAS BSHAGS DGOS SO, ,BDUN PA NI, GANG BYAS PAS GDING BA LAS GYUR PA'I LTUNG BYED DU 'GYUR ZHE NA, CHOS

, ,'DI PA'I DGE SLONG GIS GNAS MAL GYI STENG DU 'DING BA'I GDING BA RANG GIS SAM GZHAN BYED DU 'JUG NA TSAD GANG YIN PA BZHIN BYED DU CHUG CIG, 'O NA TSAD GANG ZHE NA, BSLAB PA'I GZHI BCAS PA DE LA GDING BA'I TSAD NI 'DI YIN TE, SRID DU BDE BAR GSHEGS PA'I MTHO'I MTHO DO TE TSAD DANG LDAN PA'I KHRU GSUM, ZHENG DU BDE BAR GSHEGS PA'I MTHO PHYED DANG DO STE, TSANG DANG LDAN BA'I KHRU DO SOR DRUG GO, MI TSOG NA SRID DU BDE BAR GSHEGS PA'I MTHO GANG STE TSAD DANG LDAN PA'I KHRU PHYED DANG DO BSRINGS SHIG, DE LAS LHAG PAR BYED DU 'JUG NA LTUNG BYED DO, ,DE YANG LTUNG BA BSHAGS PA'I TSE GANG LHAG PA'I CHA DE BCAD NAS BSHAGS DGOS SO, ,BRGYAD PA NI, GANG BYAS PAS GA-YAN PA DGAB PA LAS GYUR PA'I LTUNG BYED DU 'GYUR ZHE NA, YANG CHOS 'DI BA'I DGE SLONG GIS GA-YAN BA DGAB PA'I GOS RANG GIS SAM GZHAN BYED DU 'JUG NA TSAD GANG YIN PA BZHIN DU BYED DU CHUG CIG, TSAD GANG ZHE NA, BSLAB PA'I GZHI DE LA GA-YAN PA DGAB PA'I GOS KYI TSAD NI 'DI YIN TE, SRID DU BDE BAR GSHEGS PA'I MTHO'I MTHO BZHI STE TSAD DANG LDAN PA'I KHRU DRUG, ZHENG DU BDE BAR GSHEGS PA'I MTHO NGO STE TSAD DANG LDAN PA'I KHRU GSUM MO, ,DE LAS LHAG PAR BYED DU 'JUG NA LTUNG BYED DO, ,DE YANG LTUNG BA BSHAGS PA'I TSE LHAG PA'I CHA BCAD NAS BSHAGS DGOS SO, ,DGU PA NI, GANG BYAS PAS DBYAR BYI RAS CHEN GYI LTUNG BAR 'GYUR ZHE NA, YANG CHOS 'DI PA'I DGE SLONG GIS DBYAR CHAR SKYOB PA'I GOS RAS CHEN RANG GIS SAM GZHAN BYED DU 'JUG NA TSAD GANG YIN PA BZHIN DU BYED DU CHUG CIG, 'O NA TSAD GANG ZHE NA, BSLAB PA'I GZHI BCAS PA DE LA DBYAR GYI GOS RAS CHEN GYI TSAD NI 'DI YIN TE, SRID DU BDE BAR GSHEGS PA'I MTHO'I MTHO DRUG STE

TSAD DANG LDAN PA'I KHRU DGU, ZHENG DU BDE BAR GSHEGS PA'I MTHO PHYED DANG GSUM STE TSAD DANG LDAN PA'I KHRU GSUM DANG SOR BCO BRGYAD DO, ,DE LAS LHAG PAR BYED DU 'JUG NA LTUNG BYED DO, ,DE YANG LTUNG BA BSHAGS PA'I TSE NA GANG LHAG PA'I CHA DE BCAD NAS BSHAGS DGOS SO,, BCU PA NI, GANG BYAS PAS BDE BAR GSHEGS PA'I CHOS GOS KYI TSAD LAS GYUR PA'I LTUNG BYED DU 'GYUR ZHEN, YANG NYER DGA' LTA BU'I DGE SLONG GANG BDE BAR GSHEGS PA'I LUS TZAM MED PAR BDE BAR GSHEGS PA'I CHOS GOS KYI TSAD KYIS CHOS GOS RANG GIS SAM GZHAN BYED DU 'JUG GAM, BDE BAR GSHEGS PA'I CHOS GOS KYI TSAD LAS LHAG PAR BYED DU 'JUG NA LTUNG BYED DO, ,'O NA TSAD DE RANG GANG ZHE NA, BSLAB PA'I GZHI BCAS PA DE LA BDE BAR GSHEGS PA'I CHOS GOS KYI TSAD NI 'DI YIN TE, SRID DU BDE BAR GSHEGS PA'I MTHO'I MTHO BCU STE RANG KHRU LDA, ZHENG DU MTHO DRUG STE RANG KHRU GSUM MO, ,BSLAB PA'I GZHI BCAS PA DE LA 'DI NI BDE BAR GSHEGS PA'I CHOS GOS KYI TSAD DO, ,GSUM PA MJUG BSDU BA NI, TSE DANG LDAN PA DAG BDAG GIS LTUNG BYED KYI CHOS DGU BCU PO DAG BTON ZIN TO ZHES MJUG BSDU BYAS PA CHOS CAN, DGOS PA YOD DE, DAM BCA' MTHAR PHYIN PA DANG, NYAN BA PO SPRO BA BSKYED PA'I CHED YIN PA'I PHYIR, BZHI PA RNAM GZHAG BSGRAG BA NI, LTUNG BYED 'BA' ZHIG PA BTON PA DE LA ZHES SO, ,GSUM PA SO SOR BSHAGS PA GDON PA LA LNGA STE SDOM GYIS MDOR BSTAN, SOR BSHAGS GDON PA'I LUNG DBOG, SO SO'I MTSAN NYID, MJUG BSDU BA RNAM BZHAG BSGRAG PA'O, ,DANG BO NI, SOR BSHAGS SDOM DU BSDUS PA CHOS CAN, RNAM PA BZHI YOD DE, SANGS RGYAS PHAN PA GSUNG PA YIS SO SOR BSHAGS PAR BYA BAR GSUNGS PA

, ,GRONG DU DGE SLONG MA LA ZAS LEN PA DANG, KHYIM GZHAN NYID DE GRAL RIMS SU MA PHEBS PAR 'BRIM DU 'RDUG PA MA BZLOG PAR ZA BA DANG, BSLAB PA RNAMS TE BSLAB PA DRAL TE KHYIM DU 'JUG PA'I SOR BSHAGS DANG, DGON PA STE NAGS BRTAG PA LAS GYUR PA'I SOR BSHAGS RNAMS SU YOD PA'I PHYIR, GNYIS PA NI, 'DUL BA'I SDE SNOD YI GER MI 'BRI BA YIN NA, SOR BSHAGS BZHI 'DON BA GANG LAS SHES SHEN, SKYON MED DE, TSE DANG LDAN PA DAG SMRE SNGAGS 'DON PA'I SGO NAS SO SOR BSHAGS PAR BYA BA'I CHOS 'OG NAS 'BYUNG BA BZHI PO 'DI DAG NI ZLA BA PHYED PHYED CING SO SOR THAR PA'I MDO 'DON PA'I TSE 'DUL BA 'DZIN PA'I NGAG LAS 'BYUNG BA'I PHYIR RO, ,GSUM PA LA BZHI LAS, NGANG PO NI, GANG BYAS PAS DGE SLONG MA LA ZAS LEN PA'I SOR BSHAGS SU 'GYUR ZHAN, YANG NYER DGA' LTA BU'I DGE SLONG GANG CHOS 'DI PA'I DGE SLONG MA BDUN BRGYUD TSUN CHAD KYI NYE DU MA YIN PA LAM PO CHEN 'DUG PA BSOD SNYOMS KYI PHYIR LAM PO CHE DANG SRANG DANG; BZHI MDO DANG, GSUM MDO LA SOGS PA'I GRONG DU 'GRO BA STE GNAS PA LAS DGE SLONG GI BCA' BA LNGA PO RTZA BA DANG, SDONG BU DANG, 'DAB MA DANG, ME TOG DANG, 'BRAS BU DANG, BZA' BA LNGA PO, 'BRAS CHAN DANG, ZAN DRON DANG, LDE GU DANG, SHA DANG, SNUM KHUR RANG GI LAG GIS BYIN LEN BLANGS TE 'CHA'AM ZAN MGUL DU MING PA'I TSEN SOR BSHAG SU 'GYUR RO, ,DE YANG MTHOL BA'I TSUL NI, SOR BSHAGS BYUNG BA'I DGE SLONG DES GRONG GI PHYI ROL KUN DGA' RA BA GTZUG LAG KHANG DU SONG STE, DGE SLONG GANG LA KHOD PA RNAMS LA TSE DANG LDAN PA DAG BDAG LA SMAD PA'I GNAS, TSUL DANG MI MTHUN PAS MI RIGS PA SMRE SNGAGS 'DON PA'I SGO NAS SO SOR BSHAGS PAR BYA BA BYUNG GIS

CHOS DE TSE DANG LDAN PA'I MDUN DU SO SOR 'CHAGS SO ZHES SO SOR BSHAGS PAR BYA STE, CHOS 'DI NI SO SOR BSHAGS PAR BYA BA'O, ,GNYIS PA NI, GANG BYAS PAS GRAL RIMS SUM PHEBS PAR 'BRIM DU 'JUG PA MA BZLOG PAR ZA BA'I SOR BSHAG SU 'GYUR ZHE NA, CHOS 'DI PA'I DGE SLONG GSUM YAN CHAD KYI RAB TU MANG PO BRAM ZE DANG KHYIM BDAG GI KHYIM RNAMS SU ZAN GYI PHYIR MGRON DU BOS NAS ZAN BZA' BA LNGA DANG BCA' BA LNGA ZA BA'I TSEN GAL TE SBOM DGA' MO LTA BU'I DGE SLONG MA ZHIG DGE SLONG 'DI LA NI BCA' BA BYIN CIG, 'DI LA NI 'BRAS CHAN BYIN CIG ,'DI LA NI SRAN TSONG BYIN CIG ,'DI LA NI YANG BYIN CIG CES BSGO ZHING 'DUG NA, SBOM DGA' MO LTA BU'I DGE SLONG MA DE LA CHOS 'DI PA'I DGE SLONG RNAMS KYIS, SRING MO KHYOD DGE SLONG RNAMS ZAN ZA BA'I BAR DU RE ZHIG TZA BA TZA BA MA BYED PAR SDOD CIG CES BSGO BAR BYA'O, ,GAL TE DGE SLONG GCIG GIS KYANG DGE SLONG MA DE LA SDOD CIG CES DE SKAD SMRA MA SPOBS NA ZAS MGUL DU MID PA'I TSEN SOR BSHAGS SU 'GYUR RO, ,MTHOL BA'I TSUL NI, SOR BSHAGS BYUNG BA'I DGE SLONG DE DAG THAMS CAD KYIS ZHES SOGS SHES PAR BYA'O, ,GSUM PA NI, GANG BYAS PAS BSLAB PA DRAL TE KHYIM DU 'JUG PA'I SOR BSHAGS SU 'GYUR ZHE NA, RGYUN ZHUGS DANG, PHYIR 'ONG DANG, PHYIR MI 'ONG LTA BU'I SLOB PA DAG GI KHYIM GANG DAG SANGS RGYAS KYI NYAN THOS KYIS DGE 'DUN GYI KHYIM GYI BSLAB PA'I SDOM PAS BSDOMS PAR GYUR LA, YANG DRUG SDE LTA BU'I DGE SLONG GANG RGYUN ZHUGS LTA BU'I SLOB PA DAG GI KHYIM GANG DAG SANGS RGYAS KYI NYAN THOS KYIS DGE 'DUN GYI KHYIM GYI BSLAB PA'I SDOM PAS BSDAMS

, ,PA DE LTA BU DAG TU KHYIM GYI BSLAB PA'I SDOM PA MA BYIN PA'I SNGAR MGRON DU MA BOS PAR KHYIM DU SONG STE, DGE SLONG RANG GI LAG GIS BCA' BA DANG BZA' BA BYIN LEN BLANGS NAS, 'CHA' 'AM ZA NA MID PA NA SOR BSHAGS SU 'GYUR RO, ,SOR BSHAGS BYUNG BA'I DGE SLONG DES ZHES SOGS SNGAR BZHIN NO, ,BZHI PA NI, GANG BYAS PAS NAGS BRTAG PA LAS GYUR PA'I SOR BSHAGS SU 'GYUR ZHE NA, SANGS RGYAS KYI NYAN THOS KYI DGE 'DUN GYI GNAS MAL TE GTZUG LAG KHANG GRONG LAS RGYANG GRAGS KYIS 'PHAGS PA'I DGON BA GANG DAG CHOM RKUN DANG GA-YON CAN LA SOGS PA'I DOGS PA DANG BCAS PAR GRAGS PA, SENG GE LA SOGS PA'I 'JIGS PA DANG BCAS PAR GRAGS PA, SBRANG BU DANG SHA SBRANG LA SOGS PA'I 'JIGS PA THA DAD PAS 'JIGS SU RUNG BA DANG BCAS PAR GYUR LA, YANG DRUG SDE LTA BU'I DGE SLONG GANG DGE 'DUN GYI GNAS MAL DGON PA GANG DAG DOGS PA DANG BCAS PAR GRAGS PA, 'JIGS PA DANG BCAS PAR GRAGS PA, 'JIGS PA THA DAD PAS 'JIGS SU RUNG BA DANG BCAS PAR GRAGS PA DE LTA BU DAG TU SNGAR NAGS MA MYUL BAR KUN DGA' RA BA'I PHYI ROL GYI DGON PAR BZA' BA LNGA DANG, BCA' BA LNGA BYIN LEN BLANGS TE 'CHA'AM ZA NA MGUL DU MID PA NA SOR BSHAGS SU 'GYUR RO, ,DGE SLONG DES ZHES SO, ,BZHI BA NI, TSE DANG LDAN PA ZHES SO, ,LNGA BA NI, SO SOR BSHAGS PA BTON PA DE LA ZHES SO, ,BZHI PA BSLAB PAR BYA BA MANG PO GDON PA LA, SO SOR BSHAD, MJUG BSDU, RNAM GZHAG BSGRAG PA'O, ,DANG PO LA DGU STE, GOS LAS GYUR PA'I SDE, KHYIM DU 'GRO BA'I SDE, KHYIM DU 'DUG PA'I SDE, ZAS BLANG BA'I SDE, ZAS ZA BA'I SDE, LHUNG

BZED LA SPYOD PA'I SDE, CHOS BSTAN PA'I SDE, BSDRUB PA'I SDE, RGYU BA'I SDE'O, ,DANG PO LA SDOM GYIS MDOR BSTAN, BSLAB PAR BYA BA GDON PA'I LUNG DPOG, ,SO SO'I MTSAN NYID DO, ,DANG PO NI GOS LAS GYUR PA'I BSLAB PAR BYA BA SDOM DU BSDUS PA CHOS CAN, BCU YOD DE, SHAM THABS LA NI RNAM PA BDUN DANG, STOD GA-YOGS CHOS GOS LA YANG RNAM PA GSUM RNAMS SU YOD PA'I PHYIR, GNYIS PA NI, 'DUL BA'I SDE SNOD YI GER MI 'BRI BA YIN NA BSLAB PAR BYA BA MANG PO 'DON PA GANG LAS SHES SHE NA, SKYON MED DE, TSE DANG LDAN PA DAG 'JIG RTEN DANG MI 'GAL BA DANG, 'DUL BA DANG MI 'GAL BAR BSLAB PAR BYA BA'I CHOS MANG PO BRGYA DANG BCU GNYIS PO 'DI DAG NI ZLA BA PHYED PHYED CING SO SOR THAR PA'I MDO GDON PA'I TSE 'DUL BA 'DZIN PA'I KHA TON LAS 'BYUNG BA'I PHYIR RO, ,GSUM PA NI, SHAM THABS KYI MA MTHA'I KHA MNYAM POR 'DUG BA'I ZLUM POR BOG BAR BSLAB PAR BYA'O, ,DE YANG SHAM THABS HA CANG BRTZENGS PA PUS GONG DU SLAB PA MA YIN PA DANG, SHAM THABS HA CANG 'JOL BA LONG BUR SLEB PA MA YIN PA DANG, SHAM THABS KYI SNA PHYOGS GCIG 'PHYANG BA'I GLANG PO CHE'I SNA LTAR NAR BA MA YIN PA DANG, SHAM THABS TA LA'I LO MA LTAR LTE BA'I GONG DU BLTAB BA MA YIN PA DANG, SHAM THABS 'BRU'I PHUR MA LTAR SKA RAGS KYI BAR DU THUM BUR 'DUG PA MA YIN PA DANG, SHAM THABS LTE BA'I 'OG TU SBRUL MGO'I GDENGS KA LTAR PHYIR BYUNG BA MA YIN PAR BGO BAR BSLAB PAR BYA'O,, 'DI DAG LAS 'DAS NA NYES BYAS KYI DNGOS GZHIR 'GYUR RO, ,CHOS GOS BLA GOS DANG SNAM SBYAR MA MTHA'I KHA MNYAM BA'I ZLUM POR BGO BAR BSLAB PAR BYA'O, ,DE YANG CHOS GOS HA CANG BRTZENGS PA PUS GONG DU SLEB PA MA YIN PA DANG, CHOS GOS HA CANG 'JOL BA LONG BUR

, ,SLEB PA MA YIN PAR BGO BAR BSLAB PAR BYA'O, ,DE LAS 'DAS NA NYES BYAS SO, ,GNYIS PA LA GNYIS LAS, DANG PO SDOM GYI SGO NAS MDOR BSTAN PA NI, KHYIM DU 'GRO BA'I SDE SDOM DU BSDUS PA CHOS CAN, NYI SHU YOD DE, SHIN TU BSDAMS PA LA SOGS LNGA, MGO GA-YOGS LA SOGS RNAM PA LNGA, MCHOD LA SOGS PA RNAM LNGA DANG, LUS LA SOGS PA RNAM PA LNGA RNAMS SU YOD PA'I PHYIR, GNYIS PA SO SO'I MTSAN NYID NI, KHYIM PA'I KHYIM DU 'GRO BA'I TSE LUS NGAG MA YENGS PAR DRAN SHES BZHIN GYIS SHIN TU BSNGAMS SHING 'GRO BAR BSLAB PAR BYA'O,, SHAM THABS DANG CHOS GOS LEG PAR BGOS PA DANG, CA CO'I SGRA BSKYUNGS PA DANG, MIG GA-YANG BAR MI BYA BA DANG, MIG GNYA' SHING GANG TZAM DU BLTA ZHING KHYIM GZHAN DU 'GRO BAR BSLAB PAR BYA'O, ,MGO RAS LA SOGS PAS MI GA-YOG PA DANG, CHAR LA SOGS PA'I GNOD PA BYUNG YANG 'DOMS SNANG BA'I GOS MI RDZE BA DANG, GOS PHRAG PA GNYIS KAR MI GZAR BA DANG, LAG PA GA-YAS PA MDUN NAS DPUNG MGO GA-YON PAR BZHAG ,DE BZHIN GA-YON PA'ANG BYAS PA'I LAG PA GNYA' GONG DU MI BSNOL BA DANG, LAG PA GNYIS THAD KAR BRKYANG STE SOR MO GNYIS LTAG PAR MI BSNOL BAR KHYIM GZHAN DU 'GRO BAR BSLAB PAR PAR BYA'O, ,KHYIM PA'I KHYIM DU 'GRO BA'I TSE RANG DGAR MI MCHOD PA DANG, RKANG BA BRKYANG BSKUM DU 'DUG PA'I MI BRKYANG BA DANG, TZOG BUS MA YIN PA DANG, RKANG PA'I BRANG BAS MA YIN PA DANG, LAG PA GNYIS RKED PAR BZHAG TE GRU MO SNYUNG POR BYAS PA'I DKUR MI BRTAN PAR KHYIM GZHAN DU 'GRO BAR BSLAB PAR BYA'O, ,KHYIM PA'I KHYIM DU 'GRO BA'I TSE LUS MI BSGYUR BA DANG, LAG PA MI SKYOG PA DANG, MI BSGYUR BA DANG, PHRAG PA GANG ZAG GZHAN DANG MI SBRAD PA DANG, LAG PA GZHAN DANG MI

SBREL BAR KHYIM GZHAN DU 'GRO BAR BSLAB PAR BYA'O, ,GSUM PA LA GNYIS LAS, DANG PO NI, KHYIM DU 'DUG BA LA BSLAB PAR BYA BA SDOM DU BSDUS PA CHOS CAN, DGU YOD DE, MA BSGO BAR STAN LA 'DUG PAR MI BYA BA LA SOGS PA RNAMS SU YOD PA'I PHYIR, GNYIS PA SO SO'I MTSAN NYID NI, KHYIM BDAG LA SOGS PAS MA BSGO BAR KHYIM GZHAN DU STAN LA MI 'DUG PAR BSLAB PAR BYA'O, ,STAN LA SROG CHAGS SOGS YOD MED MA BRTAGS BAR STAN LA MI 'DUG PA DANG, GYA TSOM DU LUS THAMS CAD KYI LCID KYIS MING BAB BA DANG, RKANG PA'I STENG DU RKANG PA BZHAG PA'I RKANG PA MI BSNOL BA DANG, BRLA'I STENG DU BRLAB ZHAG BA'I BRLA MI BSNOL BA DANG, RKANG PA'I LONG BU'I STENG DU LONG BU MI BZHAG PA DANG, KHRIL SOGS PA'I STENG DU RKANG BA MI DGUG PA DANG, BRLA GNYIS GSHIBS TE RKANG PA SO SOR BGYED PA'I RKANG BA MI GDANG PA DANG, 'DOMS MI SNANG BAR KHYIM GZHAN DU STAN LA 'DUG PAR BSLAB PAR BYA'O BZHI PA LA GNYIS LAS, DANG PO SDOM NI, ZAS BLANG BA'I BSLAB BYA SDOM DU BSDUS PA CHOS CAN, BRGYAD YOD DE, BYIN LEN BYA BA SOGS BRGYAD RNAMS SU YOD BA'I PHYIR, GNYIS PA SO SO'I MTSAN NYID NI, LEGS BAR BYIN LEN BYAS NAS ZAS BLANG BAR BSLAB PAR BYA'O, ,MU DANG KHAR CHAD DE LHUNG BZED KYI KHA DANG MNYAM DU MA YIN PA DANG, CHOD MA BYAN DANG ZAN MNYAM PAR MA YIN PA DANG, GRAL THAR CHAGS SU DANG, LHUNG BZED LA MIG LTA BA DANG, BCA' BA DANG BZA' BA MA 'ONGS BAR LHUNG BZED MI BZED BA DANG, YANG ZAN 'DOD PA'I PHYIR 'BRAS CHAN GYIS CHOD MA BYAN MI DGAB PA DANG, CHOD MAS 'BRAS CHAN MI DGAB BA DANG, BCA' BA DANG BZA' BA'I STENG DU LHUNG BZED MI BZUNG BAR BSLAB BAR BYA'O, ,LNGA BA LA GNYIS LAS, DANG PO SDOM GYI SGO NAS MDOR BSTAN BA NI, ZAS LA SBYONG BA'I SDE SDOM DU BSDUS BA CHOS CAN, NYER GCIG YOD DE, ZAS LA LAGS BAR BYA BA

, ,DRUG; TZU GTZUG LA SOGS RNAM BA LNGA, 'BRU NAS THA DAD DBYE BA LNGA, LAG BA BLDAG LA SOGS PA LNGA RNAMS SU YOD PA'I PHYING, GNYIS PA SO SO'I MTSAN NYID NI, GNAS THAMS CAD DU LEGS PAR ZAS BZA' BAR BSLAB PAR BYA'O, ,KHAM HA CANG CHUNG BA MA YIN PA DANG, KHAM HA CANG CHEN PO MA YIN PA DANG, KHAM RAN PA DANG, KHAM GZAS PAR KHA MI GDANG BA DANG, KHA KHAM GYIS BKANG STE MI SMRA BAR BSLAB PAR BYA'O, ,ZAS ZA BTZU GTZUG MI BYA BA DANG, CAG CAG MI BYA BA DANG, HU HU MI BYA BA DANG, PHU PHU MI BYA BA DANG, LCE PHYIR PHYUNG STE ZAS MI ZA BAR BSLAB PAR BYA'O, ,ZAS ZA BAN 'BRAS LA SOGS PA'I 'BRU RE RE NAS THA DAD DU MI BYA BA DANG, ZAS 'DI KHA'O ZHES PA LTA BU'I 'PHYAS MI GDAGS PA DANG, MKHUR BA GA-YAS GA-YON MI SBO BA DANG, LCES RKAN MI GTOG PA DANG, KHAM 'PHRO SOS MI GCAD PAR ZAS BZA' BAR BSLAB BAR BYA'O, ,ZAS BZA' BA'I TSE LAG PA LA ZAS CHAGS BA MI BLDAG PA DANG, LHUNG BZED LA ZAS CHAGS PA LCE LA SOGS PAS MI 'BYOG PA DANG, LAG PA LA ZAS CHAGS PA MI SPRUG PA DANG, ZAS DANG BCAS PA'I LHUNG BZED MI BSKYAM PA DANG, ZAS MCHOD RTEN 'DRA BAR BYAS NAS BCOM STE ZAS MI ZA BAR BSLAB PAR BYA'O, ,DRUG PA LA GNYIS LAS, DANG PO SDOM GYIS MDOR BSTAN BA NI, LHUNG BZED LA SPYOD PA'I SDE SDOM DU BSDUS PA CHOS CAN, BCU BZHI YOD DE, 'PHYA LA SOGS PA RNAM PA BZHI, LHUNG BZED LA YANG RNAM PA BCU RNAMS SU YOD PA'I PHYI RO, GNYIS PA SO SO'I MTSAN NYID NI, DRUNG NA 'DUG PA'I DGE SLONG GZHAN GYI LHUNG BZED LA 'PHYAS GDAGS PA'I PHYIR MI LTA BAR BSLAB PAR BYA, LAG BA ZAS DANG 'BAGS PAS CHU SOD MI BZUNG BAR BSLAB PAR BYA, DRUNG NA 'DUG PA'I DGE SLONG GZHAN LA ZAS DANG 'BAGS BA'I CHUS MI GTOR BAR BSLAB PAR BYA, KHYIM PA 'DUG PA LA MI BSGO BAR CHU ZAS DANG 'BAGS BA KHYIM

GZHAN DU MI DBO BAR BSLAB PAR BYA'O, ,LHUNG BZED KYI NANG DU ZAS KYI LHAG MA NGAN PA BLUGS TE MI DOR BAR BSLAB PAR BYA, LO MA YAN CHAD SOGS KYI 'OG GZHI MED PA'I SA PHYOGS SU LHUNG BZED MI BZHAG PAR BSLAB PAR BYA'O, ,NGOS CHAD PA'I GAD KHAM YIN PA DANG, BYIN GYIS GZHO LA PA'I GA-YANG SA MA YIN PA DANG, BAR RIM LTA BU'I DKAN GZAR PO MA YIN PAR LHUNG BZED GZHAG PAR BSLAB PAR BYA, CHAG PA SPANG BA'I PHYIR 'GRENG STE LHUNG BZED MI BKRU BAR BSLAB PAR BYA, GAD KHA MA YIN PA DANG, GA-YANG SA MA YIN PA DANG, DKAN GZAR PO MA YIN PAR LHUNG BZED BKRU BAR BSLAB PAR BYA, 'BAB CHU DRAG PO'I RGYUN LAS BZLOG STE, LHUNG BZED KYIS CHU MI BCU BAR BSLAB PAR BYA'O, ,BDUN PA LA GNYIS LAS, DANG PO SNGOM NI NYER DRUG YOD DE, 'GRENG BAR BYED LA SOGS PA LNGA, MGO GA-YOGS LA SOGS RNAM PA LNGA, DO KER CAN LA SOGS PA LNGA, GLANG CHEN LA SOGS ZHON PA LNGA, LAG NA 'KHAR BA LA SOGS DRUG RNAMS SU YOD PA'I PHYIR, GNYIS PA SO SO'I MTSAN NYID NI, NYAN PA PO MIN BAR 'DUG PA LA 'CHAD PA PO 'GREL STE CHOS MI BSHAD BAR BSLAB PAR BYA'O, ,NYAN PA PO MIN PAR NYAL BA LA 'CHAD PA PO 'DUG STE CHOS MI BSHAD PAR BSLAB BAR BYA'O, ,NYAN PA PO MIN BAR STAN MTHON PO DANG BZANG PO LA 'DUG PA LA, 'CHAD PA PO STAN DMA' BA DANG, NGAN PA LA 'DUG STE CHOS MI BSHAD PAR BSLAB PAR BYA'O, ,NYAN PA PO MIN PAR MDUN DU 'GRO PA LA 'CHAD PA PO PHYI NAS 'GO ZHING CHOS MI BSHAD PAR BSLAB PAR BYA'O, ,NYAN PA PO MIN BAR LAM NAS 'GRO BA LA 'CHAD PA PO LAM GYI 'GRAM NAS 'GRO ZHING CHOS MI BSHAD PAR BSLAB PAR BYA'O, ,NYAN PA PO MIN PAR RAS LA SOGS PAS MGO GA-YOGS PA

, ,DANG; GOS BRDZES BA DANG, GOS PHRAG BA GNYIS KA LA GZAR BA DANG, LAG PA GNYIS GNYA' GONG DU BSNOL BA DANG, LAG PA GNYIS LHAG PAR BSNOL BA LA CHOS MI BSHAD PAR BSLAB PAR BYA'O, ,NYAN PA PO MIN PAR RAL PA'I THOR COG BYAS BA'I SKRA DO KER CAN DANG; ZHVA GYON BA DANG, MGO LA DAR GYI COD PAN CAN DANG, MGO LA ME TOG GI PHRENG BA CAN DANG, MGO LA PHRENG BA LA SOGS PAS DKRIS PA LA CHOS MI BSHAD PAR BSLAB PAR BYA'O, ,NYAN PA PO MIN PAR GLANG BO CHE LA ZHON PA DANG, RTA ZHON PA DANG, 'DO LE LTA BU'I KHYOGS NA 'DUG PA DANG, GA-YAG LTA BU'I BZHON PA'I STENG NA 'DUG BA DANG, MCHIL LHAM GYON PA LA CHOS MI BSHAD PAR BSLAB PAR BYA'O, ,NYAN PA PO MIN PAR LAG NA 'KHAR BA THOGS PA DANG, LAG NA MTSON CHA THOGS BA DANG, LAG NA RAL GRI THOGS PA DANG, LAG NA DGRA CHA THOGS PA DANG; GO CHA LUS LA GYON PA LA CHOS MI BSHAD PAR BSLAB PAR BYA'O, ,BRGYAD PA LA GNYIS LAS, DANG PO SDOM NI, BSGRUB PA'I SDE LA BZHI YOD DE, NA BA RNAM PA BZHI RNAMS SO, ,GNYIS PA SO SO'I MTSAN NYID NI, DGE SLONG MIN BAR 'GRENG STE BSHANG GCI NI BYA BAR BSLAB PAR BYA'O, ,MIN BAR CHUS THAMS CAD KHYAB PA MA GTOGS CHU'I NANG DU BSHANG GCI DANG, MCHIL MA DANG, SNABS DANG, SKYUGS PA DANG, RLUGS PA MI DOR BAR BSLAB PAR BYA'O, ,RTZVA SNGON GYIS THAMS CAD KHYAB BA MA GTOGS MIN BAR RTZVA SNGON PO YOD PA'I SA PHYOGS SU BSHANG GCI DANG, MCHIL MA DANG, SNABS DANG, SKYUGS PA DANG, RLUGS PA MI DOR BAR BSLAB BAR BYA'O, ,NAD BA LA NYES PA MED DO, ,DGU BA RGYU BA'I SDE NI, SROG LA GNOD BA BYUNG BA MA GTOGS BA SHING LA MI GANG TZAM LAS MTHO BAR MI 'DZEG PAR BSLAB BAR BYA'O, ,GNYIS

BA MJUG BSDU BA NI, TSE DANG LDAN PA ZHES SO, ,GSUM PA RNAM GZHAG BSGAG BA NI, BSAB PAR BYA BA'I CHOS MANG PO BTON PA LA ZHES SO, ,LNGA BA LA SDOM GYIS MDOR BSTAN, RTZOD PA NYER ZHI GDON PA'I LUNG DBOG, SO SO'I MTSAN NYID RGYAS PAR BSHAD, MJUG BSDU BA, RNAM GZHAG BSGRAG PA'O, ,DANG PO NI, RTZOD BA ZHI BAR BYA BA'I CHOS SOM DU BSDUS PA CHOS CAN, BDUN YOD DE, MNGON SUM GYIS 'DUL BA DANG, DRAN PAS 'DUL BA DANG, MA MYOS PAS 'DUL BA DANG, DE BZHIN DU GANG TSUL SHING MANG PO SBYIN PA DANG, DE'I NGO BO NYID TSOL DU GZHUG PA DANG, RTZVA BKRAM PA LTA BU DANG, KHAS BLANG BAR YANG BYA BA RNAMS SU YOD PA'I PHYIR, GNYIS PA NI, 'DUL BA'I SDE SNOD YI GER MI 'BRI BA YIN NA, RTZOD PA ZHI BAR BYA BA'I CHOS BDUN PO GDON PA GANG LAS SHES SHE NA, SKYON MED DE, TSE DANG LDAN PA DAG 'KHRUG LONG GI RTZOD BA BZHI PO ZHI BAR BYA BA'I CHOS 'OG NAS 'BYUNG BA BDUN PO 'DI DAG NI ZLA BA PHYED PHYED CING SO SOR THAR PA'I MDO GDON PA'I TSE 'DUL BA 'DZIN PA'I KHA TON LAS 'BYUNG BA'I PHYIR, GSUM PA NI, 'KHRUG LONG GI RGYU BZHI LAS BYUNG BA'I RTZOD PA BZHI PO ZHI BAR BYA BA'I CHOS BDUN GYIS ZHI BAR BYED LA, 'KHRUG LONG GI RGYU BZHI NI, DNGOS PO'I DE BZHIN NYID LA LEG PAR SGRUB PA DANG, GDAMS NGAG SOGS 'JOG PAS GZHAN SPONG BA DANG, LTUNG BA DANG BCAS PA NYID DANG, LAS LA MTHUN PA MI SBYIN PA'O, ,RTZOD PA BZHI NI, 'GYED PHYIR RTZOD PA DANG, MI GDAMS PA'I PHYIR RTZOD PA DANG, LTUNG PHYIR RTZOD PA DANG, BYA BA'I PHYIR RTZOD PA'O, ,ZHI BAR BYA BA'I CHOS BDUN NI, MNGON SUM GYIS 'DUL BA DANG, MA MYOS PAS 'DUL BA DANG, DRAN PAS 'DUL BA DANG, CHUL SHING MANG PO SPYIN PA DANG, DE'I NGO BO NYID 'TSOL DU GZHUG PA

, ,DANG, RTZVA BKRAM PA LTA BU DANG, KHAS BLANG BAR BYA'O, ,ZHI BAR BYED PA'I TSUL NI, 'KHRUG LONG GI RGYU DANG PO LAS BYUNG BA'I 'GYED PHYIR RTZOD PA LA NI MNGON SUM GYIS 'DUL BAR 'OS PA LA MNGON SUM DU 'DUL BA SBYIN PA DANG, GANG TSUL SHING MANG PO SBYIN PAR 'OS PA LA TSUL SHING MANG PO SBYIN PAS RGYUD GCIG TU BYA BAS NYE BAR ZHI BAR BYA'O, ,'KHRUG LONG GI RGYU GNYIS PA LAS BYUNG BA'I RTZOD PA LA NI RGYU BCAS MNGON SUM DANG GANG MANG GI RGYU GCIG TU BYA BA DANG, RGYU MED PA LA DRAN PAS 'DUL BAR 'OS PA LA DRAN PAS 'DUL BA SPYIN BA DANG, MA MYOS PAS 'DUL BAR 'OS PA LA MA MYOS PAS 'DUL BAS DAG PA SBYIN PAS ZHI BAR BYA'O, ,'KHRUG LONG GI RGYU GSUM PA LAS BYUNG BA'I LTUNG PHYIR RTZOD PA NI, NGO MI SHES PA LA DE'I NGO BO NYID 'TSOL DU GZHUG PAR 'OS PA LA DE'I NGO BO NYID BTZAL BA SBYIN PA DANG, LTUNG BA NGO SHES PA LA PHYIR 'PHROS PA MED PA LA NI GANG KHAS BLANG BAR 'OS PA LA KHAS BLANG BAR BYA BA DANG, PHYIR 'PHROS PA LA NYI TSE BA DANG 'BREL BA LA MNGON SUM GYIS 'DUL BA DANG, DGE 'DUN MTHA' DAG 'BREL BA RTZVA BKRAM PA LTA BUR 'OS PA LA RTZVA BKRAM PA LTA BUR SBYIN NAS PHYIR BCOS SO, ,'KHRUG LONG GI RGYU BZHI PA LAS BYUNG BA'I BYA PHYIR RTZOD PA NI, ZHI BAR BYA BA'I CHOS BDUN PO THAMS CAD KYIS CI RIGS PAR RGYUD GCIG TU BYA BA DANG, DAG PA SPYIN PA DANG, PHYIR BCOS BA DANG, NGES PAR 'DZIN BA LA SBYAR BA NYID SBYIN PAS LAS LA MTHUN PA NYID SBYIN DU BZHUG PAS ZHI BAR BYA'O, ,DE LTAR 'KHRUG LONG GI RGYU BZHI BYUNG BRTZOD PA BZHI PO BYUNG BAR GYUR BA RNAMS RTZOD PA ZHI BAR BYA BA'I CHOS BDUN PO 'DI DAG GIS SHES BYA RNAM BAR GZHAG BA'I CHOS DANG, TSUL KHRIMS RNAM PAR GZHAG PA'I

'DUL BA DANG, STON PA'I BSTAN PA BZHIN DU, CHUNG 'BRING CHE GSUM MAM, SBYOR DNGOS MJUG GSUM MAM, YANG NA CHOS DANG, 'DUL BA DANG, STON PA'I BSTAN PA'I GNAS SKABS KYIS RIM BA BZHIN DU DUL BAR BYA, ZHI BAR BYA, RNAM PAR ZHI BAR BYA'O, ,BZHI PA NI, TSE DANG LDAN PA ZHES SO, ,LNGA BA NI, RTZOD PA ZHI BAR BYA BA'I CHOS BDUN PO BTON PA DE LA ZHES SO, ,GNYIS PA MJUG BSDU BA LI, SO SOR THAR PA'I MDO GDON BA LNGA PO BTON ZIN PAR BSTAN PA DANG, TSUL KHRIMS KYI RGYU DANG 'BRAS BU LA NAN TAN BYA BAR GDAM PA'O, ,DANG PO NI, TSE DANG LDAN PA DAG SO SOR THAR PA'I MDO 'DON PA PO BDAG GIS SO SOR THAR PA'I MDO GDON BA LDA LAS GLENG GZHI BTON ZIN TO, ,PHAM PAR GYUR BA'I CHOS BZHI DANG, DGE 'DUN LHAG MA'I CHOS BCU GSUM DANG, MA NGES PA'I CHOS GNYIS DANG, SPANG BA'I LTUNG BYED KYI CHOS SUM CU DANG, LTUNG BYED 'BA' ZHIG PA'I CHOS DGU BCU DANG, SO SOR BSHAGS PAR BYA BA'I CHOS BZHI DANG, BSLAB PAR BYA BA'I CHOS MANG PO BRGYA DANG BCU GNYIS DANG, RTZOD BZHI BAR BYA BA'I CHOS BDUN PO DAG BTON ZIN TO, ,GNYIS PA NI, BDUD BZHI BCOM ZHING LEGS PA DRUG DANG LDAN BAS BCOM LDAN 'DAS, DE KHO NA NYID MNGON SUM DU RTOGS PAS NA DE BZHIN GSHEGS PA, NYON MONGS PA'I DGRA BCOM ZHING CHAGS BCAS RNAMS KYIS MCHOD PAR 'OS PAS DGRA BCOM BA, JI LTA BA DANG, JI SNYED PA MA LUS PA MNGON SUM DU MKHYEN KHAS YANG DAG PAR RDZOGS PA'I SANGS RGYAS DE'I 'DUL BA'I MDO SBYIR GTOGS SHING, SO SOR THAR PA'I MDOR BSDUS PA NI LTUNG BSDE TSAN LDA BO 'DI DAG GO ,GANG SDE SNOD GZHAN NAS 'BYUNG BA CHOS MYA NGAN LAS 'DAS PA DANG RJES SU MTHUN PA'I CHOS BSLAB PA GSUM PO DE LA

, ,YANG DGE SLONG KHYED RNAMS SBYOR BAS 'DUM BA DANG, DNGOS GZHIS MTHUN PA DANG, MJUG DGA' BA DANG, MI RTZOD PA 'JIG RTEN DANG MI 'GAL PAR SEMS KUN DU BSRUNG BA DANG, 'DUL BA NGANG MI 'GAL BAR DRAN BA DANG BAG YOD PAS NGES PAR LEGS PA'I LAM LA RNAL 'BYOR DU BYA'O, ,LNGA PA BSDUS PA'I MTSAN NYID LA, DE BZHIN GSHEGS PA BDUN GYI GSO SBYONG, 'KHOR BA SPANG BA, TSUL KHRIMS BSRUNG BA, DGE BA BSNGO BA'O, ,DANG PO LA SO SO'I NGO BO, DE LA NAN TAN BYA BAR GDAMS PA'O, ,DANG PO LA BDUN LAS, SANGS RGYAS RNAM GZIGS KYI GSO SBYONG NI, SANGS RGYAS RNAM GZIGS KYI NYAN THOS RNAMS NI NYES PA CHUNG BAR GYUR LA, 'ON KYANG CHOS LA DGA' BA'I 'DOD CHAGS DANG CHOS MA YIN PA LA ZHUGS PA'I MU STEGS LA RNAM PAR 'TSE BA'I NYES PA TZAM ZHIG YOD PAS, DE SDANG BA'I PHYIR DU BCOM LDAN 'DAS DE NYID KYIS ZLA BA PHYED PHYED CING SO SOR THAR PA'I MDO 'DON PA'I TSE, BZOD PA DKA' THUB DAM BA BZOD PA YIS ZHES PA'I CHIGS BCAD BDON PAR BYED LA, BZOD PA NI DKA' THUB KYI DAM PA YIN TE, ZHE SDANG SBYONG ZHING SNYING RJE SKYED PA'I PHYIR, BZOD PA DAM PA SDUG BSNGAL LA CHOS SHES PA'I BZOD PA YIS THOB PA'I MYA NGAN LAS 'DAS BA NI DNGOS BO THAMS CAD KYI MCHOG CES SANGS RGYAS GSUNG STE, ,'JIG RTEN BA'I LAM GYIS THOB PA'I MYANG 'DAS NI GTAN DU BA MA YIN LA, 'JIG RTAN LAS 'DAS PA'I LAM GYIS THOB PA'I MYANG 'DAS NI GTAN DU BA YIN PA'I PHYIR, JI LTAR NA BZOD PA DKA' THUB KYI DAM PA YIN ZHE NA, DE LTAR YIN TE, RAB TU BYUNG BA GZHAN LA YID KYIS GNOD PA DANG, GZHAN LA LUS NGAG GIS 'TSE BA DGE SBYONG RDZOGS

PA MA YIN PA'I PHYIR, DES NA RAB TU BYUNG BAS BZOD PA BSTEN PAR BYA'O, ,GNYIS PA SANGS RGYAS GTZUG TOR CAN GYI GSO SPYONG NI, SANGS RGYAS GTZUG TOR CAN GYI NYAN THOS RNAMS NI NYES PA CHUNG BAR GYUR LA, 'ON KYANG GZHAN GYI NYES PA SGROG PA MANG BA'I NYES PA TZAM ZHIG YOD PAS DE SPANG BA'I PHYIR DU BCOM LDAN 'DAS DES ZLA BA PHYED PHYED CING GSO SPYONG 'DON PA'I TSE, MIG LDAN 'GRO BA YOD PA YIS ZHES SOGS CHIGS BCAD PHYED DANG GSUM 'DON PAR BYED LA, DPER NA MI MIG DANG LDAN PA 'GRO BA YOD PA STE SHES PA YIS DAM GROG DANG TSER MA SOGS NYAM NGA BA DAG SPONG BA JI LTA BA BZHIN DU MKHAS PA YANG 'TSO BA'I 'JIG RTEN 'DIR SDIG PA GANG YIN PA DAG NI YONGS SU SPANG BAR BYA'O, ,JI LTAR SDIG PA SPANG ZHE NA, GZHAN LA YANG DAG PA DANG YANG DAG PA MA YIN PAS SKUR PA MI GDAB RDEG PA DANG TSIG RTZUB SOGS KYIS GNOD PA MI BYA ZHING SO SOR THAR PA SPONG BA BDUN GYIS BSDAMS PA STE BSRUNG BAR BYA'O, ,LUS LCI BA LA SOGS PAR MI 'GYUR BA'I ZAS KYI CHOD KYANG RIG PAR BYA'O, ,BAS MTHA' STE DBEN PA'I GNAS SU GNAS PAR BYA'O, ,SGRIB PA SPANG BA'I PHYIR LHAG PA'I SEMS BSAM GTAN BZHI DANG, LHAG PA'I SHES RAB LA YANG DAG PAR SBYOR BA STE RNAL 'BYOR DU BYA'O, ,MDOR BSDUS PA'I DI NI SANGS RGYAS KYI BSTAN PA YIN NO, ,GSUM PA SANGS RGYAS THAMS CAD SKYOB KYI GSO SBYONG NI, SANGS RGYAS THAMS CAD SKYOB KYI NYAN THOS RNAMS NI NYES PA CHUNG BAR GYUR LA, 'ON KYANG KHYIM PA DANG 'GROGS PA LA DGA' BA'I NYES PA TZAM ZHIG YONG PAS, DE SPANG PA'I PHYIR BCOM LDAN 'DAS DE NYID KYIS ZLA BA PHYED PHYED CING GSO SBYONG 'DON PA'I TSE,

, ,JI LTAR BUNG BA ME TOG LAS ZHES PA'I TSIGS BCAD GCIG 'DON BAR BYED LA, JI LTAR TE DPER NA SROG CHAGS BUNG BA DE ME TOG LAS KHA DOG DANG DRI LA MI GNOD PAR KHU BA BZHIBS NAS NAM MKHA' LA 'PHUR BDE BZHIN DU THUB PA NYAN THOS RNAMS KYANG BSOD SNYOMS KYI PHYIR GRONG DU RGYU BA NA KHA DOG DANG DRI LTA BU'I SEMS DANG TSUL KHRIMS LA MI GNOD PAR KHU BA LTA BU'I ZAS TZAM ZHIG BLANGS NAS 'GRO BAR BYA'O, ,BZHI PA 'KHOR BA 'JIG GI GSO SBYONG NI, SANGS RGYAS 'KHOR BA 'JIG GI NYAN THOS RNAMS NI NYES BA CHUNG PAR GYUNG LA, 'ON KYANG GZHAN GYI SKYON YON LA RTOG BA'I NYES BA TZAM ZHIG YOD PAS, DE SPANG BA'I PHYIR BCOM LDAN 'DAS DE NYID KYIS ZLA BA PHYED PHYED CING GSO SBYONG 'DON PA'I TSE, BDAG GI RIGS DANG MI RIGS LA ZHES PA'I TSIGS BCAD GCIG 'DON PAR BYED LA, BDAG GI RIGS PA LEGS PAR BYAS PA DANG ,MI RIGS PA NYES PA BYAS PA LA BRTAG PAR BYA STE, GZHAN RNAMS KYI MI MTHUN PA MI RIGS PA DANG, GZHAN DAG GI RDZOGS PAR BYAS PA DANG, RDZOGS PAR MA BYAS PA RNAMS LA BRTAG PAR BYA BA MA YIN TE, RJES SU CHAGS PA DANG, KHONG KHRO BA SKYE BA'I PHYIR, LNGA PA GSER THUB KYI GSO SBYONG NI, SANGS RGYAS GSER THUB KYI NYAN THOS RNAMS NI NYES PA CHUNG BAR GYUR LA, 'ON KYANG SRED PA DANG BCAS PA'I SEMS BSAM GTAN BZHI SKYED PA LA DGA' BA'I NYES PA TZAM ZHIG YOD PAS DE SPANG BA'I PHYIR DU BCOM LDAN 'DAS DE NYID KYIS ZLA BA PHYED PHYED CING GSO SBYONG 'DON PA'I TSE, LHAG PA'I SEMS LA BAG BYA STE ZHES BA'I TSIGS BCAD GCIG 'DON PAR BYED LA, SRED PA DANG LHAG PA'I SEMS

BSAM GTAN BZHI LA BAG BYA BA STE MCHOG 'DZIN GYI LTA BA DANG, NGA RGYAL SHAS CHE BA RNAMS SPANG BAR BYA'O, ,'O NA BSLAB PAR BYA BA GANG ZHE NA, THUB PA SANGS RGYAS BCOM LDAN 'DAS KYI, THUB BA SKYED PA'I GZHI BDEN PA BZHI PO RNAMS LA BSLAB PAR BYA STE, DE LTAR BSLABS PAS SDUG BSNGAL NYE BAR ZHI BA DRAN PA DANG LDAN PA'I RANG GI SEMS SKYOB PA MYA NGAN MED PA STE MYANG 'DAS 'THOB PA'I PHYIR RO, ,DRUG PA SANGS RGYAS 'OD SRUNG GI GSO SBYONG NI, SANGS RGYAS 'OD SRUNG GNYAN THOS RNAMS NI NYES PA CHUNG BAR GYUR LA, 'ON KYANG SBYIN PA LA DGA' BA'I DANG, DGRA MANG BA'I NYES PA TZAM ZHIG YOD PAS, DE SPANG BA'I PHYIR DU BCOM LDAN 'DAS DE NYID KYIS ZLA BA PHYED PHYED CING GSO SBYONG 'DON PA'I TSE, SBYIN PAS BSOD NAMS RAB TU 'PHEL ZHES PA'I TSIGS BCAD GCIG 'DON PAR BYED LA, NYAN THOS RNAMS KYIS SBYIN PA TZAM LA DGA' BA DANG, DGRA MANG BA SPANG DGOS TE, SBYIN BAS 'KHOR BAR LONGS SPYOD KYI 'BRAS BU BSOD NAMS KYI LAS TZAM ZHIG RAB TU 'PHEL LA, TSUL KHRIMS KYIS LUS NGAG LEGS PAR BSDAMS PAS DGRA'I RGYU GSOD PA DANG, RKU BA'I BLO SOGS SKYE BAR MI 'GYUR LA, BSAM GTAN BZHI PA'I DGE BA DANG LDAN PAS KHONG KHRO LA SOGS PA'I SDIG BA SPONG ZHING, ZAG BA MED PA'I LAM GYIS NYON MONGS ZAD BAS LHAG MA DANG BCAS PA DANG, LHAG MA MED PA'I MYA NGAN LAS 'DAS BA GNYIS 'THOB PA'I PHYIR RO, ,BDUN BSH'AKYA THUB PA'I GSO SBYONG NI, STON PA MNGON PAR RJOGS PAR SANGS RGYAS NAS LO BCU GNYIS KYI BAR LA NI BSTAN BA SKYON MED PAR GNAS PAS DE'I TSE ZLA BA PHYED PHYED CING GSO SBYONG 'DON PA'I TSE,

, ,SDIG BA THAMS CAD MI BYA STE ZHES SOGS KYI TSIGS BCAD PHYED DANG BZHI 'DON PAR BYED LA, DE YANG SDIG PA THAMS CAD MI BYA STE, ZHES PAS LHAG PA'I TSUL KHRIMS KYI BSLAB PA DANG, DGE BA PHUN SUM TSOGS PAR SPYAD CES PAS LHAG PA'I SHES RAB KYI BSLAB BA DANG, RANG GI SEMS NI YONGS SU GDUL, ZHES PAS LHAG PA'I SEMS KYI BSLAB PA STE, BSLAB PA GSUM PO 'DI NI SANGS RGYAS BCOM LDAN 'DAS KYI BSTAN PA YIN NO, ,LUS KYI SNGOM PA LEGS PA STE, , NGAG GI SNGOM PA LEGS BA YIN, ,YID KYI SNGOM PA LEGS PA STE, ,THAMS CAD DU SDOM PA LEGS, KUN TU BSDOMS PA'I DGE SLONG 'O, ,SDUG BSNGAL KUN LAS RAB TU GROL, ZHES PAS TSUL KHRIMS KYI 'BRAS BU BSTAN TO, ,JI LTAR TSUL KHRIMS KYIS SDUG BSNGAL LAS GOL ZHE NA, NGAG RNAMS SRUNG ZHING YID KYIS RAB BSDAMS TE, ,LUS KYIS MI DGE BA DAG MI BYED CING, ,LAS LAM GSUM PO 'DI DAG RAB SBYANGS NA, ,DRANG SRONG GSUNGS PA'I LAM NI THOB BAR 'GYUR, GNYIS PA NI SANGS RGYAS RNAM GZIGS DANG, GTZUG TOR CAN DANG, THAMS CAD SKYOB DANG, 'KHOR BA 'JIG DANG, GSER THUB DANG, 'OD SRUNG DANG, SH'AKYA THUB BA DRANG SRONG GO'U TA MA'I RGYUD DU 'KHRUNGS PAS GO'U TA MA, LHA RNAMS KYIS PHYAG BYAS PAS LHA'I LHA, MI LA SOGS PA'I GDUL BYA 'DUL ZHING KHA LO BSGYUR BA BLA NA MED PA 'JIG RTEN SRID PA GSUM GYI MGON PO GDUL BYA DUS LAS MA YOL BAR SKYOB PAS SKYOB PA MCHOG ,SANGS RGYAS DPA' BO BDUN PO DAG SNYAN PA'I GRAGS PA DANG LDAN

PA RNAMS KYI SO SOR THAR BA 'DI NI DUS DANG BOR BYA BA DANG GSOL BA BYAS NAS GDON PA LNGA PO RAB TU RGYAS PAR BTON PA 'DI LA SANGS RGYAS RNAMS DANG GANG SANGS RGYAS KYI NYAN THOS RNAMS KYANG GUS LA, 'DUL BA 'DI LA GUS PA DANG BCAS PAS 'JUG PAR 'GYUR BAS 'DUS MA BYAS PA MYA NGAN LAS 'DAS PA THOB PAR 'GYUR RO, ,GNYIS PA NI, BRTZON 'GRUS BRTZAMS SHING 'KHOR BA LAS NGES PAR 'BYUNG BAR BYA LA SANGS RGYAS KYI BSTAN PA BDEN PA BZHI LA 'JUG PAR BYA STE, 'DAM DU'I KHYIM GLANG CHEN GYIS 'JOMS PA BZHIN DU, 'CHI BDAG GI SDE SRED BA SOGS NI GZHOM BAR BYA'O, ,GANG ZHIG RAB TU BAG YOD PAR, 'PHAGS LAM YAN LAG BRGYAD KYIS BSDUS PA'I CHOS 'DUL BA 'DI LA SPYOD PAR GYUR BA NI, SKYE BA'I 'KHOR BA RAB TU SPANGS NAS SDUG BSNGAL THA MAR RGYUN CHAD BAR 'GYUR RO, ,GSUM BA NI, SO SOR THAR PA 'DI BTON PAS DGE 'DUN GYIS NI MTHUN PA'I GSO SBYONG BYAS PA CHOS CAN, DGOS PA YOD DE, GCIG LA GCIG 'DOMS SHING RJES SU STON BA DANG, LTUNG BA LAS SLONG BAS PHAN TSUN TSUL KHRIMS BSRUNG BA DANG, BSTAN PA DANG 'KHOR RNAM BZHI 'PHEL BAR BYA BA'I PHYIR, TSUL KHRIMS BSRUNG BA LA SOGS PA GANG GI PHYIR NI MDO 'DON BA LNGA BO BTON BA DANG, GANG GI PHYIR MTHUN BA'I GSO SBYONG BYAS BAR GYUR BA'I TSUL KHRIMS DE NI BSRUNG BAR BYA STE, DPER NA BSIL RUM GANGS KHROD NA GNAS PA'I GA-YAG RNGA MA'I RTZE MO BAG YOD BAS SRUNG BA JI LTAB BZHIN NO, ,BZHI BA NI, SO SOR THAR BA BTON PA YI, ,BSOD NAMS GRUB BA GANG YOD BA, ,DES NI 'JIG RTEN MA LUS PA, ,THUB DBANG GO

, ,'PHANG THOB PAR SHOG ,BZHI PA MJUG GI DON NI, SO SOR THAR PA'I MDO RDZOGS SO,, ,,KHA CHE BYE BRAG TU SMRA PA'I SLOB DPON DZIN MI TRA DANG, ZHU CHEN GYI LOTZTSA BA BANDHE COG RO KLU'I RGYAL MTSAN GYIS BSGYUR CING ZHUS TE GTAN LA PHAB PA'O,, ,,BLO LDAN SKYE BO'I BRTZON PAS BSGRUB BYA THAR PA NOR BU RIN CHEN GYI, ,GLING DU BGROD BA'I GRU GZINGS MCHOG GYUR SO SOR THAR PA ZHES BYA 'DI, ,GANG GIS BSTEN PAS THAR PA'I NOR THOB 'DI LAS GZHAN GYIS SKABS MA MCHIS; DES NA 'DI NI BRJED BYANG TZAM DU MKHAS PA'I GSUNG BZHIN LEGS PAR BRIS, ,DE LAS BYUNG BA'I DGE BA CHU BO BZHI, ,LEGS TSOGS CHU PHRAN TSOGS DANG LHAN CIG TU, ,RNAM MKHYEN RGYA MTSOR MYUR DU BABS PA YIS, ,'GRO BA'I GDUNG BA RTAG TU SEL GYUR CIG, CES PA 'DI SH'AKYA'I DGE SLONG DGE 'DUN GRUB PA DPAL BZANG POS CHOS GRVA CHEN PO DPAL SNAR THANG GI GTZUG LAG KHANG CHEN POR SBYAR BA 'DIS BSTAN PA RIN PO CHE SGO THAMS CAD NAS PHYOGS THAMS CAD DU DAR ZHING RGYAS LA YUN RING DU GNAS PAR GYUR CIG CES PA 'DI YANG 'DUS PA RGYA MTSO'I BSTI GNAS DAM PA BKRA SHIS LHUN PO DPAL GYI SDE CHEN DU PAR DU BSGRUBS PA'O,, BKRA SHIS

[BLANK PAGE]