, ,DPAL DUS KYI 'KHOR LO'I 'GREL CHEN DRI MA MED PA'I 'OD KYI RGYA CHER BSHAD PA DE KHO NA NYID SNANG BAR BYED PA ZHES BYA BA ZHUGS SO,,
, ,RGYUD THAMS CAD KYI RGYAL PO BCOM LDAN 'DAS DPAL DUS KYI 'KHOR LO MCHOG GI DANG PO'I SANGS RGYAS KYI RTZA BA'I RGYUD LAS PHYUNG BA BSDUS PA'I RGYUD KYI 'GREL CHEN RTZA BA'I RGYUD KYI RJES SU 'JUG PA STONG PHRAG BCU GNYIS PA DRI MA MED PA'I 'OD KYI RGYA CHER BSHAD PA DE KHO NA NYID SNANG BAR BYED PA ZHES BYA BA, BCOM LDAN 'DAS DPAL DANG PO'I SANGS RGYAS DUS KYI 'KHOR LO DANG DBYER MA MCHIS PA'I DPAL LDAN BLA MA DMIGS PA MED PA'I THUGS RJE CHEN PO DANG LDAN PA'I ZHABS LA GUS PAS PHYAG 'TSAL LO, ,RGYAL BA KUN GYI MKHYEN BRTZE DRI MED NOR BU'I COD PAN GANG GI DBU LA 'PHOS PA YIS, ,BLO BZANG MKHAS PA KUN GYI MGO BOR ZHABS SKYES PAD+MO'I GE SAR GSAL BAR DGONG PA CAN, ,GRAGS PA'I PHRENG BA PHYOGS KYI BDAG PO'I PHRAG PA DAG LA ZLA ZER RAL PA RNAM PAR BKOD, ,DPAL LDAN THUB BSTAN NOR 'DZIN GZHI LA BKA' YIS DBANG BSGYUR BLA MA MCHOG LA PHYAG 'TSAL LO, ,DPAL LDAN MI 'GYUR MCHOG GI BDE CHEN YE SHES 'OD ZER ROL PA'I SNANG BAS STONG NYID NAM MKHA'I MDZES PA DAG LA RAB TU 'GRAGS PA LHUR LAN PA, ,PHYI YI DUS BRAL NANG GI DUS BCOM DUS GZHAN DUS MED DUS KYI GZUGS LDAN DBANG PO'I GZHU 'DZIN AUT+PAL SNGON POS
, ,MKHA' LA GAR GYI RI MO BZHIN, ,RNAM PA KUN LDAN SNA TSOGS YUM GYI RNAM RGYAS PAD+MO'I REG PA LA SRED PHYAG GNYIS ZHAGS PAS DGA' MA'I MGRIN PAR 'KHYUD BA'I RTZE DGA' CI YANG 'DZIN, ,RAB DMAR GA+YAS DANG GA+YAS MIN DKAR PO'I ZHABS GNYIS ROL PAS BDUD DANG 'BYUNG PO'I MGON PO DAG GI MGO BOR GAR MDZAD DUS KYI 'KHOR LO LA PHYAG 'TSAL, ,GANG THUGS RNAM DAG CHOS DBYINGS MKHA' LA BSAM GTAN BDE BAS RTAG TU GZIMS KYANG SRID GSUM GNAS SU BRTZE BA'I GOM PA RINGS PAR 'GOD PA'I ROL RTZED CAN, ,RNAM PAR RTOG PA'I BRJOD PA DANG BRAL KHYOD GSUNG GCIG GIS MA LUS GDUL BYA'I THE TSOM KUN GCOD TSUL 'DI MTSON SLAD BYED PO DPE YIS RAB TU DPAL, ,TSOGS GNYIS RNAM BKRA'I TSON GYIS LEGS BRIS MTSAN DPE'I DPAL 'BAR YE SHES LUS CAN SKU GCIG GIS NI BYE BA PHRAG BRGYA'I ZHING RNAMS KUN TU CIG CAR YANG, ,MA LUS RGYAL BA'I MDZAD PAS RNAM ROL SHA'KYA SENG GE'I ZHABS SEN 'OD DES PHYOGS KUN TSANGS PA'I COD PAN LTA BUR BDAG BLO RAB TU SAD GYUR CIG ,DPAL LDAN THUGS GSUNG SKU YI 'KHOR LO RANG RANG CHU SKYES LTE BA'I GNAS NI NAM YANG GTONG BA MIN PA NYID, ,SUM CU RTZA DRUG RIGS KYIS PHYE BA'I RNAL 'BYOR MA RNAMS
ZHABS GNYIS 'OD ZER DRA BAS 'KHYUD GANG DNGOS GRUB GTER, ,LAS DANG YE SHES MCHOG GI PHYAG RGYA'I CHU SKYES LA GNAS LHAN CIG SKYES GANG RNAL 'BYOR MA RNAMS RDO RJE'I ZHABS, ,SRID PA'I 'JIGS 'PHROG ZHABS DE DAG LA SKYABS SU SONG GIS DA NI BGEGS KUN BAG YOD BYA BA'I DUS LA BAB, ,GSANG BA'I MDZOD 'DZIN DPAL LDAN KA LA' PAR, ,LHA RNAMS YID KYIS BRIS PA'I RI MO BZHIN, ,RNAM PAR SPRUL GANG SHA'KYA SENG GE YIS, ,MNGON PAR DBANG BSKUR ZLA BZANG LA PHYAG 'TSAL, , DPAL LDAN SHA'KYA'I RIGS KYI THIG LA MCHOG ,RIG BYED RIGS LA MI BZAD 'JIGS STER BA, ,RGYUD 'DI SDUD MDZAD 'JAM DBYANGS GRAGS PA'I ZHABS, ,YANG DAG LAM GYI NGES STER DE LA 'DUD, ,DE NYID RIGS LA GANG GI GSUNG ZER GYIS, ,RGYUD DON KU MUD DGOD PA'I DPAL BYIN PA, ,RGYAS 'GREL MDZAD GANG PAD DKAR 'DZIN PA'I DPAL, ,'JIG RTEN DBANG PHYUG 'OD DES BDAG SKYONGS SHIG ,DE DAG GIS BSTEN BYE BAS BCINGS PA YI, ,DGU BCU RTZA DRUG GRONG GI YUL RNAMS SU; MI BDAG RDO RJE'I RIGS SKYES DNGOS GRUB KYI, ,DGA' STON RAB RGYAS BDE CHEN BDUD RTZI THOB, ,DE NAS DUS KYI RIM PAS 'PHAGS YUL DANG, ,GANGS RI'I KHROD 'DIR GZHUNG 'DI'I GLEGS BAM NI, ,MKHAS RMONGS DU MA'I MIG GI BCUD LEN DAG, SPRO ZHING RGYU BA'I YA MTSAN CI YANG BYUNG, ,DE LTA NA YANG PHAL CHER RNAM DPYOD KYI, ,LTA BYED NYAM CHUNG SGRA TZAM 'THUNGS PAS NGOMS, ,CHO GA'I TSIG KLAGS MDZUB RTZES BRIS PA YIS, ,RI MO TZAM LAS KHENGS PA 'DZIN MTHONG NAS, ,
, ,TSE 'DIR MCHOG STER BLA NA MED PA'I LAM, ,RGYA CHER BSTAN PAS DMAN PA'I LAM TZAM GYI, ,DGOS PA'ANG GANG LA BSGRUB PAR MA NUS PA, ,KYE MA 'GRO 'DI SKAL BA DMAN PA ZHES, ,MCHOG TU BRTZE LDAN CHU SKYES 'DZIN PA DE, , SKAL BZANG BDAG LA DGE BA'I BSHES GNYEN DU, ,GYUR NAS SLAR YANG RANG NYID GZHUNG 'DI LA, ,LEGS 'DOMS LAM BZANG STON PA'I MIG TU GYUR, ,DE GSUNG LHA YI DAG BYED CHUS, ,BLO GROS LUS MDZES MCHOG TU DKAR, ,SNGON MED LEGS BSHAD RIN CHEN GYI, ,DO SHAL MGRIN PA DAG LA BKOD, ,RTZOM PA MCHOG TU DON YOD PAR, ,SGRUB BYED LHAG BSAM LCAGS KYU YIS, ,SNYING NAS YANG DAG BZUNG BA LAS, ,SPRO BA RGYAS PA'I DBANG GYUR TE, ,'GREL BSHAD RIN CHEN RI BO'I KHUR, ,RNAM DPYOD PHRAG PA LA KHYER NAS, ,THUB BSTAN 'DZIN MA'I LTE BA LA, ,'GOD PA'I NGAL BA 'DI BYAS SO, ,RDO RJE CAN GYIS CHOS BSTAN PA, ,RIM PA GNYIS YIN DE LAS 'DIR, ,NGES DON RI MO BKRA BA LA, ,LTA BYED BLO GROS MIG LONG ZHING, ,RANG NYID GANG GI CHO GA YI, ,TSIG TZAM 'DON PAS RAB NGAL PA, ,BSKYED PA'I RIM PA LAS KYIS BZHIN, ,MCHOG TU SDANG LDAN DE GANG DANG, ,DRI MA MED PA'I 'OD DKAR CAN, ,MU STEGS GZHUNG GI RING LUGS KYI, , MUN CAN GZA' YIS BSGRIBS PA LAS, ,LAM BZANG SNANG PA NYAMS BYED PA, ,DE DAG NYES BSHAD DUG CHU YIS, ,YID NI RAB TU MYOS PA LAS, ,LOG PA'I GA+YANG LA GAR BYED DAG ,BLO GROS RNAL DU 'GOD BYED CING, ,BSOD NAMS ZONG GIS
BDAG GI NI, ,MDUN SAR MGRON DU GNYER RNAMS LA, ,SRID ZHI'I RGUD PA KUN SEL BA'I, ,LAM BZANG BDUD RTZI SBYIN PAR BYA, ` ,RIGS LDAN THUGS KYI LANG TSO DAG LA 'KHYUD PAR 'OS PA BLO GROS DPYID KYI DPAL MO NI, ,RGYUD SDE'I DO RAR DGA' BA'I RTZED 'JES RNAM PAR ROL PA'I DUS STON NI GSAL BYED PA, ,ZAB YANGS LEGS BSHAD SA GSUM KHYAB PA'I SPRIN GYI SGRA DBYANGS RGYUD MAR SGROG LA 'DIR ZHUGS KYIS, ,SKAL LDAN RMA BYA RNAM DPYOD MI GA+YANGS GYEN DU GA-YE BAS RNAM PAR BRTZEN PA'I GAR BYOS SHIG ` ,'DIR LHA DANG KLU DANG GRUB PA'I SKYE BOS 'PHAGS PA'I TSOGS DANG LHAN CIG TU GANG GI ZHABS KYI PADMO LA PHYAG BYAS PA, SANGS RGYAS BCOM LDAN 'DAS ZHES SA GSUM NA RNAM PAR DKAR BA'I SNYAN PA'I BA DAN CHES CHAR GSAL BA'I STON PA BLA NA MED PA DE NYID KYIS, GDUL BYA MA LUS PA'I KHAMS DANG BSAM PA DANG BAG LA NYAL MTHA' DAG RNAM PA THAMS CAD PA'I THUGS KYIS CIG CAR THUGS SU CHUD PAR MDZAD DE, DE DAG DANG 'TSAM PAR RNAM PA THAMS CAD PA'I GSUNG GIS CHOS KYI 'KHOR LO RNAM PA THAMS CAD DANG LDAN PA JI SNYED CIG BSKOR BA DE DAG THAMS CAD KYI NANG NAS GONG NA MED PA'I GSUNG RAB KYI SNYING PO RNAL 'BYOR BLA NA MED PA'I RGYUD SDE RGYA MTSO'I DBUS NA YID BZHIN GYI NOR BU LTAR SRID ZHI'I RGUD PA MA LUS PA 'PHROG PA'I DPAL GYIS BSNGAGS PAR BYA BA, RTZA BA'I RGYUD STONG PHRAG BCU GNYIS PA LAS PHYUNG BA'I BSDUS PA'I RGYUD KYI RGYAL PO DUS KYI 'KHOR LO SA BCU'I DBANG PHYUG 'PHAGS PA 'JIG RTEN DBANG PHYUG GIS MDZAD PA'I RGYA CHER 'GREL PA DRI MA MED PA'I 'OD CES BYA BAS 'CHAD PA LA GNYIS, SNGON DU BSTAN PA SPYI'I RNAM PAR BZHAG PA DANG, BYE BRAB TU RGYUD 'GREL GNYIS KYI DON BSHAD PA'O, ,DANG PO NI,
, ,SHES LDAN GANG DAG DON CHEN PO'I GNAS LA DPYOD PA NYE BAR ZHUGS NAS 'JIG RTEN PHYI MA PHAN CHAD KYI GONG MA'I KHYAD PAR YONGS SU TSOL BA LA ZHUGS PA RNAMS KYIS NI, CHOS 'DI LAS PHYI ROL TU GYUR PA TSANGS PA DANG KHYAB 'JUG DANG DBANG PHYUG LA SOGS PA'I RJES SU 'JUG CING, SER SKYA DANG GZEG ZAN LA SOGS PA DAG GIS NYE BAR BSTAN PA LAS MNGON PAR MTHO PA DANG NGES PAR LEGS PA'I LAM SMRA BA DANG, 'JIG RTEN PHA ROL DANG THAR PA LA SKUR PA 'DEBS PAR ZHUGS PA LA SOGS PA DE DAG GI SMRA BA THAMS CAD NI, DBANG PHYUG LA SOGS PA'I RTAG PA 'KHOR BA'I BYED PA POR SMRA ZHING 'KHOR BA'I 'JUG PA CHAD PA'I THAR PA KHAS LEN PA DANG, BDAG MED PA'I LTA BA SUN 'BYIN CING, 'KHOR BAR 'CHING BYED CHAD PA'I GROL PA KHAS LEN PA DANG, SKYE BA SNGA PHYI SOGS LA SKUR PA 'DEBS PA'I SLAD DU RJES DPAG TSAD MA MED PAR SMRA ZHING SKYE BA SNGA PHYI MED PAR SGRUB PA SOGS KYI RTAGS YANG DAG KHAS LEN PA LA SOGS PA, KUN NAS NYON MONGS KYI PHYOGS LA BRTEN PA'I 'GAL 'DU DANG, RNAM BYANG GI PHYOGS LA BRTEN PA'I 'GAL 'DU DANG, RANG GI TSIG SNGA PHYI DANG KHAS BLANGS DNGOS SHUGS 'GAL BA SOGS KYI GNOD PA 'BA' ZHIG GI GNAS SU GYUR PA DANG, CHOS 'DI BDAG GI YANG DAG PAR RDZOGS PA'I SANGS RGYAS DANG, DES NYE BAR BSTAN PA'I CHOS DANG, DE TSUL BZHIN DU SGRUB PA DAG KHO NA THAR PA 'DOD PA RNAMS KYI STON PA DANG LAM DANG LAM BSGRUB PA'I GROGS SU YID CHES PA'I NGES PA RNAM PAR DAG PA ZHIG DPAL LDAN PHYOGS KYI GLANG PO DANG, CHOS KYI GRAGS BA SOGS KYIS LEGS PAR BSTAN PA'I RIGS PA DRI MA MED PA DAG LA BRTEN NAS BSKYED
PAR BYA STE, TSAD MAS DRANGS PA'I NGES PA MA RNYED PAR TSIG TZAM LAS 'JUG PA NI BLUN PO'I 'JUG PA YIN PA'I PHYIR RO, ,'O NA DE LTAR NGES PA RNYED PA'I GANG ZAG GIS BSTAN PA LA 'JUG PA'I SGO MI 'DRA BA DU ZHIG YOD CE NA, 'DI BSHAD PA LA GNYIS, THEG PA SPYI'I DBYE BA DANG, THEG PA CHEN PO'I DBYE BA'O, ,DANG PO NI, THEG PA YANG RNAM PA GSUM STE, NYAN THOS KYI THEG PA DANG, RANG SANGS RGYAS KYI THEG PA DANG, THEG PA CHEN PO'O, ,DE LTAR 'BYED PA'I RGYU MTSAN NI, CHED DU BYA BA BDAG GCIG BU'I PHYIR DU THOB BYA 'KHOR BA'I SDUG BSNGAL TZAM ZHI BA'I GO 'PHANG DON DU GNYER BA DANG, CHED DU BYA BA SEMS CAN THAMS CAD KYI PHYIR DU THOB BYA SANGS RGYAS KYI GO 'PHANG DON DU GNYER BA'I GDUL BYA MCHOG DMAN GNYIS YOD PAS, DE GNYIS THEG PA GANG GIS RANG RANG GI BSAM PAS THOB BYA GANG LA DMIGS NAS LAM NYAMS SU LEN PA'I THOB BYA DER 'GRO BA'I THEG PA GNYIS LA RIM PA BZHIN THEG PA DMAN PA DANG THEG PA CHEN PO ZHES BYA LA, DE GNYIS KYI DBANG DU BYAS NAS GSUNGS PA'I CHOS GNYIS LA YANG THEG PA DMAN PA'I SDE SNOD DANG, THEG PA CHEN PO'I SDE SNOD CES BYA'O, ,DE 'DRA BA'I THEG DMAN LA GDUL BYA DBANG PO MCHOG DMAN GYI DBANG DANG, LAM LA SLOB PA YUN RING THUNG LA SOGS PA'I DBANG GIS, RANG RANG GI BSAM PAS MTHAR THUG GI THOB BYAR DMIGS NAS DE'I DON NYAMS SU BLANGS PA'I THOB BYA LA MCHOG DMAN GYI KHYAD PAR YOD PA'I RGYU MTSAN GYIS NYAN THOS DANG RANG SANGS RGYAS KYI THEG PA GNYIS SU PHYE BAS THEG PA GSUM MO, ,NYAN RANG GNYIS DBANG PO DANG 'BRAS BU LA MCHOG DMAN YOD KYANG LAM GYI RNAM GZHAG PHAL CHER MTSUNGS PAR SA'I DNGOS GZHIR GSUNGS LA, RANG NYID GCIG BU ZHI BDE DON GNYER GYI BSAM PA CAN DU MTSUNGS KYANG 'BRAS BU MCHOG DMAN GYI PHYIR DU DMIGS PA'I SEMS BSKYED KYI KHYAD PAR YOD LA, 'KHOR BA'I RTZA BA GCOD PA'I
, ,GNYEN POR BDAG MED RTOGS PA'I SHES RAB BTZAL NAS BSGOM PAR KHYAD PAR MED CING, DE LA YANG BYE BRAG SMRA BA DANG, MDO SDE PA DANG, SEMS TZAM PA DANG, DBU MA BA KHA CIG RANG RGYA THUB PA'I RDZAS YOD DU GYUR PA'I GANG ZAG MED PAR RTOGS PA TZAM GYIS GANG ZAG GI BDAG MED MTSAN NYID RDZOGS PA RTOGS PAR 'DOD LA, GRUB MTHA' SMRA BA DANG PO GSUM NI NYAN RANG GNYIS KAS KYANG GANG ZAG GI BDAG MED DE TZAM ZHIG LAS LHAG PA'I BDAG MED BSGOM RGYU MED PAR MTSUNGS SO, ZHES SMRA ZHING, NYAN THOS SDE GNYIS NI THEG CHEN LA YANG BDAG MED DE LAS LHAG PA MED PAR 'DOD DO, ,DBU MA RANG RGYUD PA KHA CIG ,NYAN THOS KYIS GANG ZAG GI BDAG MED DE TZAM ZHIG RTOGS, RANG SANGS RGYAS KYIS DE DANG PHYI ROL DON BKAG PA'I GZUNG 'DZIN GNYIS STONG GI BDAG MED RTOGS, THEG CHEN PAS CHOS THAMS CAD BDEN PAR GRUB PAS STONG BA YANG RTOGS PA'I RIM PA GSUM YOD PAR BZHED DO, ,SLOB DPON SANGS RGYAS BSKYANGS DANG, ZHI BA LHA DANG, DPAL LDAN ZLA BA GRAGS PA RNAMS NI, JI SRID GANG ZAG RANG BZHIN GYIS STONG BAR MA RTOGS KYI BAR DU GANG ZAG GI BDAG MED RTOGS PA'I DON MED CING, GANG ZAG RANG RGYA THUB PA'I RDZAS YOD MED PA DANG, RTAG GCIG RANG DBANG CAN GYI GANG ZAG MED PAR RTOGS PA JI TZAM GOMS PAR BYAS KYANG BDAG MED MA RTOGS NA BDAG 'DZIN GYI SA BON CUNG ZAD KYANG SPONG MI NUS PAR BZHED PAS, THEG PA GSUM GYI 'PHAGS PA THAMS CAD KYIS CHOS KYI BDAG MED PHRA ZHING PHRA BA MNGON SUM DU RTOGS PAR BZHED DE, 'DI NI 'PHAGS PA KLU SGRUB KYI DGONGS PA RMA MED PA YIN PAR LUNG DANG RIGS PA BRGYA PHRAG ZHIG GIS LEGS
PAR GRUB PA'I PHYIR DON 'DI NYID RANG GI LUGS SU KHAS BLANG BAR BYA BA YIN NO, ,GNYIS PA NI, SEMS CAN THAMS CAD KYI DON DU BLA NA MED PA'I BYANG CHUB THOB PAR 'DOD NAS SPYOD PA PHA ROL TU PHYIN PA DRUG LA RDZOGS PAR SLOB BA TZAM NI, THEG PA CHEN PO PA SPYI'I LAM GYI GZHUNG SHING YIN TE, SNGAGS KYI THEG PA LA YANG LAM DE NYID LA SLOB BAR RGYUD SDE RNAMS LAS DU MA ZHIG GSUNGS PA'I PHYIR RO, ,PHA ROL TU PHYIN PA'I THEG PA PA RNAMS KYI LAM GYI SPYI'I LUS NI DE TZAM DU ZAD LA, DE LA YANG LTA BA'I SGO NAS DBU SEMS GNYIS SU YOD KYANG, DE GNYIS THEG PA SO SOR 'JOG PAR BZHED PA'I MKHAS PA SU YANG MED LA, PHAR PHYIN THEG PAR GSUNGS PA'I CHED DU BYA BA'I GDUL BYA'I GTZO BO NI DBU MA PA'I RIGS CAN YIN ZHING, SEMS TZAM PA'I RIGS CAN RNAMS NI ZHAR BYUNG NGAM PHAL PA'I GDUL BYA'O, ,THEG CHEN PA LA LTA BA MI 'DRA BA GNYIS YOD PAR SMRAS KYI, LTA BA DBU MA YIN PA LA GANG ZAG DE THEG CHEN PA YIN PAS MA KHYAB STE NYAN RANG 'PHAGS PA THAMS CAD KYI LTA BA DBU MA YIN PA'I PHYIR RO, ,GRUB MTHA' SMRA BA BZHI'I YA GYAL GYI NYAN THOS PA DANG NYAN RANG GNYIS SU PHYE BA'I YA GYAL GYI NYAN THOS NI DON SHIN TU MI 'DRA STE, SDE PA BCO BRGYAD LA NI NYAN THOS KYI SDE SNOD TZAM ZHIG SANGS RGYAS KYI BKAR KHAS BLANGS NAS DE'I RJES SU 'BRANG GI ,DE LAS LOG PA'I THEG CHEN GYI SDE SNOD BKA' YIN PAR MI 'DOD PAS NYAN THOS PA ZHES BTAGS KYI; NYAN THOS KYI BYANG CHUB THOB PHYIR DU DE'I LAM LA SLOB PA'I CHA NAS NYAN THOS PAR BZHAG PA MA YIN LA, BOD KYI MKHAS PA DAG LA THEG PA DANG GRUB MTHA' 'DRES PA'I NOR PA SHIN TU MANG BBAR BYUNG SNANG NGO, ,PHA ROL TU PHYIN PA'I THEG PA LA YANG LAN BGROD PA MYU
{t'I KA CHEN MKHAS LE} *, ,BUL GYI SGO NAS PHYE NA LNGA YOD DE 'OG TU 'CHAD PAR 'GYUR RO, ,THEG DMAN GYI LAM DE DAG KYANG GNAS SKABS THEG DMAN DU RIGS NGES PA'I GANG ZAG DAG THOG MAR THEG DMAN GYI LAM LA KHRID NAS THEG DMAN GYI LHAG MED KYI MYANG 'DAS LA BKOD NA, DE NAS NGES PAR THEG CHEN GYI LAM DU GZHUG NUS LA, DE LTAR MA BYAS NA DANG PO NAS THEG CHEN GYI LAM LA KHRID NAS SANGS RGYAS LA 'GOD NUS PA MI SRID PAS, DE'I PHYIR MTHAR SANGS RGYAS LA 'GOD PA'I THABS SU GSUNGS SHING, GANG ZAG DE DAG LAM DE DANG DE NYAMS SU LEN PA'I TSE SANGS RGYAS THOB PHYIR DU DMIGS PA MED KYANG, MTHAR SANGS RGYA BA'I THABS 'BA' ZHIG YIN PAS, THEG DMAN GYI LAM RNAMS 'TSANG RGYA BA'I GEGS 'BA' ZHIG TU MI BZUNG GI ,SAM+BHU tRA LAS, GANG PHYIR CHOS NI DU MAS NI, ,CHU BO'I RGYUN NI RGYA MTSO LTAR, ,THAR PA NYID NI GCIG BU NYID, ,MANG PO DMIGS PAR MI 'GYUR RO, ZHES GSUNGS PA LTAR SHES PAR BYA DGOS TE, DE LTA MA YIN NA CHOS SPONG BA'I SGO CHEN POR 'GYUR BAR 'PHAGS PA RNAM PAR 'THAG PA BSDUS PA'I MDO LA SOGS PA LAS GSUNGS SO, ,GNYIS PA, THEG PA CHEN PO'I DBYE BA LA GNYIS, THEG PA CHEN PO LA GNYIS SU DBYE BA DANG, RDO RJE THEG PA LA 'JUG PA'I RNAM DBYE BYE BRAG TU BSHAD PA'O, ,DANG PO LA GSUM, JI LTAR PHYE BA'I GRANGS DANG, PHYE BA SO SO'I DON DANG, DE LTAR 'BYED PA'I RGYU MTSAN NO, ,DANG PO NI, RNAL 'BYOR BLA MED KYI RGYUD DON LA 'JUG PA LAS, BYANG CHUB SEMS DPA'I THEG PA LA YANG GNYIS TE, SA DANG PHA ROL TU PHYIN PA'I THEG PA DANG, GSANG SNGAGS 'BRAS BU RDO RJE THEG PA'O, ZHES SHRAD NGA KA RA
WA RMAS BSHAD PA LTAR, GSANG SNGAGS KYI THEG PA DANG, 'BRAS BU'I THEG PA DANG, RDO RJE'I THEG PA ZHES PA RNAMS RNAM GRANGS YIN LA, THABS KYI THEG PA ZHES KYANG GSUNGS SO, ,DE BZHIN DU PHAR PHYIN GYI THEG CHEN LA NI RGYU'I THEG PA ZHES BYA STE, 'PHAGS PA GSANG PA LUNG BSTAN PA'I MDO LAS, RGYU LA SBYOR BA RGYU'I CHOS, ,'KHOR LO RAB TU BSKOR BYAS NAS, ,'BRAS BU'I THEG PA NYE LAM ZHIG CES DZ+NY'A NA SHRI'S, MTHA' GNYIS SEL BAR DRANGS PA LTAR RO, ,GZHAN YANG SNGAGS DANG PHAR PHYIN GYI THEG CHEN GNYIS LA RIM PA BZHIN DU, CHAGS CAN GYI LAM GYIS 'TSANG RGYA BA'I THEG PA DANG, CHAGS BRAL GYI LAM GYIS 'TSANG RGYA BA'I THEG PA ZHES KYANG RGYUD SDE DU MA LAS GSUNGS SO, ,GNYIS PA NI, CI'I PHYIR GSANG SNGAGS KYI THEG PA ZHES BYA ZHE NA, GSANG ZHING SBAS PAS 'GRUB LA, SNOD MIN GYI YUL MIN PAS DE LA MI BSTAN PAS NA GSANG BA'O, ,SNGAGS KYI SKAD DOD, MA'NATRA LA M'NA NI YID, TR'A YA NI SKYOB PA STE, DES NA YID SKYOB PAS SNGAGS ZHES BYA'O, ,JI SKAD DU 'DUS PA'I RGYUD PHYI MA LAS, DBANG PO DANG NI YUL RNAMS KYI, ,RKYEN GYIS GANG DANG GANG BYUNG YID, ,YID DE M'AN ZHES BYA BAR BSHAD, TR'A NI SKYOB PAR BYED PA'I DON, ,'JIG RTEN SPYOD LAS RNAM GROL BAR, ,GANG BSHAD DAM TSIG SDOM PA STE, ,RDO RJE KUN GYIS BSRUNG BA NI, ,SNGAGS KYI SPYOD PA ZHES BSHAD DO, ZHES GSUNGS PA LTAR RO, ,THEG PA NI BGROD PA'I DON TE, 'DIR 'DOD PA 'BRAS BU'I THEG PA DANG, 'DIS 'DOD PA LAM GYI THEG PA GNYIS SO, ,CI'I PHYIR 'BRAS BU'I THEG PA ZHES BYA ZHE NA, 'BRAS BU'I GNAS SKABS DANG RNAM PA MTHUN PAR DA LTA NYID NAS BSGOMS NAS LAM BGROD PA'I PHYIR TE, 'DI LTAR SANGS RGYAS KYI YE SHES RANG SNANG LAS GRUB
, ,PA'I PHO BRANG DANG, MTSAN DPES BRGYAN PA'I SKU DANG, ZAG PA MED PA'I 'BYOR PA DANG, 'OD ZER GYIS REG PA TZAM GYIS GDUL BYA GRANGS MED PA RDO RJE SEMS DPA'I GO 'PHANGS LA 'GOD PA LA SOGS PA'I 'PHRIN LAS TE, DE DAG NI RIM PA BZHIN 'BRAS BU'I GNAS SKABS KYI GNAS LUS LONGS SPYOD MDZAD PA YONGS SU DAG PA BZHI YIN LA, DE DAG DANG RNAM PA 'THUN PAR DA LTA NAS GZHAL YAS KHAD DANG LHA'I 'KHOR LO DAGN MCHOD PA'I YO BYAD DANG SNOD BCUD SBYONG BA SOGS KYI MDZAD PA CAN DU SGOM PA'I PHYIR RO; ;DE LTAR YANG BLA MED KYI RGYUD DON LA 'JUG PA LAS, DE NI GNAS DANG SKU DANG LONGS SPYOD DANG MDZAD PA YONGS SU DAG PA'I TSUL GYIS 'JUG PAS NA 'BRAS BU STE ZHES BSHAD PA BZHIN NO, ,CI'I PHYIR RDO RJE THEG PA ZHES BYA ZHE NA, 'DI LA BOD KYI MKHAS PA KHA CIG, DRI MED 'OD LAS, RDO RJE NI MI PHYED PA DANG MI CHED PA CHEN PO YIN LA, DE NYID THEG PA CHEN PO YIN PA NI RDO RJE THEG PA STE, SNGAGS KYI TSUL DANG PHA ROL TU PHYIN PA'I TSUL 'BRAS BU DANG RGYU'I BDAG NYID GCIG TU 'DRAS PAR GYUR PA'O, ZHES GSUNGS PAS RDO RJE THEG PA TZAM GYI DON BSTAN PAR SMRA'O, ,DE NI MA YIN TE, GZHUNG DES RDO RJE'I DON MI PHYED BA LA BYAS NAS, GANG ZHIG GANG DANG MI PHYED PA NI RGYU 'BRAS GNYIS SU GSUNGS LA, DE'I RGYU 'BRAS NI, DBANG MDOR BSTAN LAS, STONG NYID GZUGS 'DZIN RGYU YIN TE, ,'BRAS BU SNYING RJE MI 'GYUR 'DZIN, ,STONG NYID SNYING RJE DBYER MED PA, ,BYANG CHUB SEMS ZHES BYA BAR BSHAD, CES GSUNGS PA LTAR, RNAM KUN MCHOG LDAN GYI STONG PA NYID DANG, MCHOG TU MI 'GYUR PA'I BDE BA'O, ,DE GNYIS DBYER MI PHYED PA'I THEG PA LA RDO RJE THEG PAR GSUNGS PA NI, GSANG
SNGAGS BLA MED KYI DBANG DU BYAS PA'I RDO RJE THEG PA KHYAD PAR BA YIN GYI, RGYUD SDE 'OG MA GSUM LA BLA MED KYI RDZOGS RIM KHYAD PAR BA RNAM KUN MCHOG LDAN GYI STONG NYID DANG MCHOG TU MI 'GYUR PA'I BDE BA MI SRID PAS, TSUL DES SNGAGS KYI THEG PA TZAM LA MA KHYAB PA'I PHYIR RO; ;DES NA DANG LUGS NI SNYIM PA'I ME TOG LAS, RDO RJE THEG PA ZHES BYA BA NI THEG PA CHEN PO MA LUS PA BSDUS PA NI PHA ROL TU PHYIN PA DRUG YIN LA, DE RNAMS BSDUS PA NI THABS DANG SHES RAB YIN ZHING, DE DAG KYANG BSDUS PA RO GCIG PA DE NI BYANG CHUB KYI SEMS YIN TE, DE YANG RDE RJE SEMS DPA'I TING NGE 'DZIN YIN LA DE NYID NI RDO RJE YIN NO, ,RDO RJE YANG DE YIN LA THEG PA YANG DE YIN PAS NA RDO RJE THEG PA STE SNGAGS KYI THEG PA ZHES BYA BA'I DON NO, ZHES GSUNGS PA LTAR THABS DANG SHES RAB DBYER MED PAR SBYOR BA RDO RJE SEMS DPA'I RNAL 'BYOR NI RDO RJE THEG PA'I DON YIN LA, DE NYID LA 'DIS BGROD PAR BYED PA LAM GYI THEG PA DANG, 'DIR BGROD PAR BYA BA 'BRAS BU'I THEG PA GNYIS SU DBYE'O, ,DE LTAR DBYE BA'I 'BRAS BU'I THEG PA NI PHAR PHYIN DANG SNGAGS KYI THEG PA GNYIS LA RGYU 'BRAS KYI THEG PAR BYAS PA'I 'BRAS BU'I THEG PA DANG MING 'DRA YANG DON MI 'DRA'O, ,CI'I PHYIR THABS KYI THEG PA ZHES BYA ZHE NA, PHA ROL TU PHYIN PA'I THEG PA LAS THABS MKHAS PAS KHYAD PAR DU 'PHAGS PA'I PHYIR RO, ,'O NA RIG 'DZIN GYI SDE SNOD CES 'BYUNG BA'I DON GANG ZHE NA, DE NI RIG SNGAGS 'CHANG RNAMS KYI BSLAB PA'I GZHI DANG GRUB PA'I MTHA' STON PA LA, DPUNG BZANG GIS ZHUS PA'I 'GREL PAR BSHAD PA LTAR RO, ,'O NA DE NYID SDE SNOD GSUM GANG DU GTOGS ZHE NA, BLA MED KYI RGYUD DON LA 'JUG PA LAS, RIG 'DZIN GYI SDE SNOD SDE SNOD GSUM PAR MI GTOGS
, ,PA'I SDE SNOD BZHI PAR 'DOD PA'I LUGS DANG, SDE SNOD GSUM DU GTOGS PA'I LUGS GNYIS BSHAD KYANG, GSANG SNGAGS MDO SDE'I TSUL DU BSHAD KYIS NYON ZHES PA DANG GZHAN YANG RGYUD MANG PO LAS MDO DANG MDO SDER BSHAD PAS, SH'AN TI BAS ZAB DON BSDUS TE STON PAS MDO SDER BZHED PA LTAR LEGS LA, DE LA YANG NANG GSES KYIS PHYE NA SDE SNOD GZHAN GNYIS KYI'ANG DON STON PAS NA, AA BHYAS SDE SNOD GSUM KHAR GTOGS PAR BZHED PA YANG 'THAD DO ZHES GSUNGS TE, DE MDO SDE'I SDE SNOD YIN PA DANG DE'I NANG MTSAN GYI CHA SHAS SU GYUR PA'I MNGON PA DANG 'DUL BA'I SDE SNOD KYANG YOD PA MI 'GAL BA SHES PAR BYA'O, ,PHAR PHYIN GYI THEG PA NI THEG PA GANG LA SPYOD PA'I RTEN SEMS BSKYED PA DANG, SPYOD PA PHYIN DRUG GIS BGROD CING DE LAS GZHAN BA'I RIM GNYIS LA SOGS PA'I LAM MED PA LA BYA'I, SEMS BSKYED DANG PHYIN DRUG GIS BGROD PA YOD PA TZAM LA BYED NA NI, RDO RJE THEG PA YANG DER 'GYUR RO, ,DE NYID LA RGYU'I THEG PA ZHES PA YANG SNGAR BSHAD PA LTA BU'I 'BRAS BU'I GNAS SKABS KYI YONGS SU DAG PA BZHI DANG CHOS MTHUN PAR SGOM PA MED PAR RGYU TZAM LA SLOB PA'I SGO NAS DER BZHAG PA'O, ,GSUM PA DE LTAR 'BYED PA'I RGYU MTSAN NI, BOD KYI BLA MA SNGA PHYI PHAL CHE BAS, DON GCIG NA YANG MA RMONGS DANG, ZHES SOGS TSUL GSUM SGRON MA LAS BSHAD PA DE DAG GI RJES SU 'BRANGS BA'I LUGS SU BYAS NAS, SNGAGS KYI THEG PA PHA ROL TU PHYIN PA'I THEG PA LAS KHYAD PAR DU 'PHAGS PA'I TSUL MANG DU SMRA DAG LA SNYING PO MED PA'I RGYU MTSAN NI RDO RJE 'CHANG CHEN PO'I LAM GYI RIM PAR GSUNGS PA DANG, KHO BOS KYANG SKABS GZHAN DU CUNG ZAD RGYAS
PAR BSHAD PA LAS SHES PAR BYA LA, DE DAG THAMS CAD KYIS KYANG KHYAD PAR DU 'PHAGS CHOS TZAM ZHEG RANG RANG GI BLO'I NUS PA JI LTAR YOD PA DE TZAM DU SMRAS PAR ZAD KYI, SNGAGS DANG PHA ROL TU PHYIN PA'I THEG PA CHEN PO GNYIS THEG PA MI 'DRA BA SO SOR 'JOG PA'I RGYU MTSAN 'DI LTA'O ZHES DPYAD PA CHER MI SNANG NGO, ,DE LTA NA YANG RTOG PA DANG LDAN PA DAG GIS NI DOGS PA'I GNAS CHE BA 'DI NYID DPYAD PAR 'OS PA YIN PAS 'DIR DON DE NYID DPYAD PAR BYA STE, TSUL DES NI KHYAD PAR DU 'PHAGS CHOS KYANG LEGS PAR KHONG DU CHUD PAR 'GYUR RO, ,DE YANG DE GNYIS GANG GI CHED DU GSUNGS PA'I GDUL BYA'I GTZO BO LA DBANG PO RNO RTUL DANG MCHOG DMAN GYI KHYAD PAR YOD PA TZAM GYIS THEG PA SO SOR 'JOG MI NUS TE, DE LTA YIN NA RGYUD SDE BZHI YANG THEG PA MI 'DRA BA BZHIR BZHAG DGOS PAR THAL PA'I PHYIR RO, ,LAM BGROD PA MYUR BUL GYI KHYAD PAR YOD PA TZAM GYIS KYANG MA YIN TE, DE YIN NA YANG RGYUD SDE BZHI THEG PA BZHIR 'JOG DGOS PAR 'GYUR PA'I PHYIR DANG, PHAR PHYIN GYI THEG PA CHEN PO LA YANG LAM BGROD PA MYUR BUL GYI RIM PA LNGA YOD PA'I PHYIR DE LA YANG THEG PA LNGA BZHAG DOD PAR 'GYUR TE, 'DI LTAR NGES PA DANG MA NGES PA LA 'JUG PA PHYAG RGYA'I MDO LAS, PHYUGS DANG GLANG PO CHE'I SHING RTA LTA BUS 'GRO BA GNYIS DANG, ZLA BA DANG NYI MA LTA BUS 'GRO BA GCIG DANG, NYAN THOS DANG RANG SANGS RGYAS KYI RDZU 'PHRUL LTA BUS 'GRO BA'I BYANG CHUB SEMS DPA' GNYIS YOD PAR GSUNGS PA'I PHYIR RO, ,SEMS BSKYED DANG PHAR PHYIN DRUG GI SPYOD PA LA SLOB PA'I SGO NAS KYANG THEG CHEN GNYIS THEG PA SO SOR BZHAG MI NUS TE, DE DAG LA DE GNYIS KHYAD PAR MED PA'I PHYIR RO, ,LTA BA'I SGO NAS KYANG MA YIN TE,
, ,'PHAGS PA KLU SGRUB KYIS DBU MA'I BSTAN BCOS DAG TU GTAN LA PHAB PA'I DBU MA'I LTA BA LAS LHAG PA SNGAGS LA'ANG MED PA'I PHYIR DANG, LTA BA'I KHYAD PAR GYIS THEG PA SO SOR 'JOG NUS NA DBU SEMS GNYIS KYANG THEG PA SO SOR BZHAG DGOS PAR THAL BA'I PHYIR RO, ,'BRAS BU'I MCHOG DMAN GYI SGO NAS KYANG DE GNYIS THEG PA SO SOR BZHAG MI RIGS TE, DE GNYIS KAS KYANG GANG GI CHED DU DMIGS NAS LAM NYAMS SU LEN PA'I MTHAR THUG GI 'BRAS BU SKYON KUN ZAD DANG YON TAN KUN RDZOGS KYI SANGS RGYAS SU KHYAD PAR MED PA'I PHYIR RO, ,'O NA 'DIR DE GNYIS THEG PA SO SOR GANG GI SGO NAS BZHAG PAR BYA ZHE NA, SPYIR THEG PA SO SOR 'JOG PA NI LAM GYI LUS LA RIGS MI 'DRA BA'I KHYAD PAR CHEN PO YOD PA'I SGO NAS 'JOG PA THEG PA DMAN PA DANG THEG PA CHEN PO LTA BU DANG, LAM GYI LUS LA RIGS MI 'DRA BAS KHYAD PAR CHEN PO MED KYANG LAM DE NYID GANG GI CHED DU DMIGS NAS NYAMS SU LEN PA'I THOB BYA'I 'BRAS BU LA MCHOG DMAN YOD PA'I SGO NAS 'JOG PA NYAN RANG GI THEG PA GNYIS LTA BU'O, , DE LTA NA YANG 'DIR 'BRAS BU'I SGO NAS MI 'JOG PA BSHAD ZIN PAS LAM GYI LUS MI 'DRA BA'I SGO NAS 'JOG GI, LAM GYI YAN LAG RE TZAM GYI KHYAD PAR GYIS THEG PA SO SOR 'JOG NA NI RGYUD SDE RE RE LA YANG THEG PA MI 'DRA BA DU MA BZHAG DGOS PAR 'GYUR RO, , DE LA LUS MI 'DRA BA'I LAM GYI KHYAD PAR JI LTA BU ZHIG YOD SNYAM NA, THEG PA CHEN PO PA MTHA' DAG GIS MNGON PAR 'DOD PA'I DON GYI GTZO BO NI GZHAN GYI DON YIN GYI, RANG GIS THOB PAR BYA BA'I BYANG CHUB MA YIN TE, SANGS RGYAS KYANG GZHAN DON SGRUB PA'I THABS
SU MTHONG NAS DE'I YAN LAG TU DON DU GNYER PA YIN PA'I PHYIR TE, RJE BTZUN BYAMS PAS, SEMS BSKYED PA NI GZHAN DON PHYIR, ,YANG DAG RDZOGS PA'I BYANG CHUB 'DOD, CES GSUNGS PA LTAR RO, ,DE LTA MOD KYI GDUL BYA LA DNGOS SU SNANG NAS DON MDZAD PA'I SANGS RGYAS NI GZUGS SKU RNAM PA GNYIS YIN GYI, CHOS SKUS GDUL BYA LA DNGOS SU SNANG BA'I SGO NAS CHOS STON PA LA SOGS JI LTAR MDZAD PAR 'GYUR, 'ON KYANG GZUGS SKU THOB PA YANG CHOS SKU MNGON DU MA BYAS PAR MI NUS PAR MTHONG NAS DON DU GNYER BA YIN TE, CHU LEN PA SNOD LA GUS PA BZHIN NO, ,DE LA ZAB MO STONG NYID RTOGS PA'I YE SHES KYI TSOGS KYIS CHOS SKU 'GRUB PA DANG, RGYA CHE BA BSOD NAMS KYI TSOGS KYIS GZUGS SKU 'GRUB CING, DE 'DRA BA'I TSOGS GNYIS KYANG YA MA BRAL BA'JI THABS SHES ZUNG DU 'JUG PA DGOS KYI, GZHAN DU NA SKU GNYIS GANG YANG BSGRUB MI NUS PAR 'DOD PA LA THEG CHEN BA THAMS CAD KHYAD PAR MED MOD KYI ZAB MO STONG PA NYID MTHAR THUG PA RTOGS PA TZAM NI THEG PA CHE CHUNG GNYIS KA'I THUN MONG BA YIN PAS, DE'I PHYIR THEG CHEN GYIS LAM GYI THUN MONG MA YIN PA'I KHYAD PAR NI, GZUGS SKU GDUL BYA LA DNGOS SU SNANG NAS 'KHONG BA JI SRID BAR 'GRO BA'I DON MDZAD PA'I NYER LEN DU GYUR PA'I THABS KYI CHA DANG BSOD NAMS KYI TSOGS LA BYA DGOS SO, ,DE LTAR YIN NA YANG PHA ROL TU PHYIN PA'I THEG CHEN PA DAG LA NI SBYIN PA DANG TSUL KHRIMS LA SOGS PA'I BSOD NAMS KYI TSOGS KYI GSAL BA'I DBYE BA MTHA' YAS PA RNAMS BSKAL PA DU MAR GSOG PA NA, THOB BYA GZUGS KYI SKU LA DMIGS PA'I 'DUN PA DANG SMON LAM DANG MI DMIGS PA'I SHES RAB KYIS ZIN PAR BYAS PA'I SGO NAS SGRUB PA TZAM DU ZAD KYI,
, ,GZUGS SKU MTSAN DPES BRGYAN PA DANG RNAM PA MTHUN PAR SGOM PA'I RIGS 'DRA'I RGYU MED LA, CHOS SKU YUL STONG PA NYID DANG YUL CAN YE SHES RO GCIG TU ZHUGS PA'I SPROS PA NYE BAR ZHI BA'I RNAM PA CAN DE LTA BU DANG RNAM PA 'THUN PA'I RIGS 'DRA'I RGYU NI PHAR PHYIN GYI THEG PA LA YANG YOD DO, ,'DIR SNGAGS KYI THEG PA DAG LA NI CHOS SKUR MA ZAD KYI GZUGS KYI SKU'I MTSAN DPES BRGYAN PA LA SOGS PA YONGS SU DAG PA BZHI DANG, DA LTA NAS RNAM PA 'THUN PAR BSGOMS NAS RIGS 'DRA'I RGYU LA SLOB PA'I 'BRAS BU LAM BYED YOD PAS, THEG CHEN PA RNAMS KYI DON DU GNYER BYA'I GTZO BO GZUGS SKU SGRUB PA'I NYER LEN GYI RGYU DANG, THEG CHEN PA'I THUN MONGS MA YIN PA'I LAM GYI KHYAD PAR GYI GTZO BO THABS KYI CHA DE NYID LA LAM GYI LUS RIGS MI 'DRA BA'I KHYAD PAR LTA BU YOD PA'I PHYIR THEG PA SO SER 'JOG PA YIN NO, ,DON 'DI NI MKHA' 'GRO MA RDO RJE GUR GYI RGYUD LA SOGS PA LBA MED KYI RGYUD DANG TSAD LDAN GYI GZHUNG DU MA ZHIG LAS 'BYUNG ZHING RNAL 'BYOR GYI RGYUD KYI'ANG GZHUNG TSAD LDAN DAG LAS GSAL BAR 'BYUNG STE, RGYAS PAR RDO RJE 'CHANG CHEN PO'I LAM GYI RIM PA LA SOGS LAS SHES PAR BYA'O, ,DE YANG GZUGS KYI SKU DANG RNAM PA 'THUN PAR DA LTA NAS BSGOMS PA'I LAM DE NYID RGYUD SDE BZHI KA LA YOD MOD KYANG, RGYU SDE 'OG MA GSUM DANG BLA MED KYI'ANG BSKYED RIM GYI SKABS SU NI RTOG PAS BTAGS PA'I YID NGO'I SKU TZAM DU ZAD KYI, DNGOS PO LA RANG GI LUS LHA'I SKU MTSAN NYID PAR MA GRUB PAS GZUGS SKU'I RNAM PA MTHUN PA'I SKU TZAM YIN KYANG RANG GI RIGS 'DRA PHYI MA'I LONGS SKU'I DNGOS RGYU BYED PAR NUS PA'I RGYU MIN
LA, DE LA NI NGES PAR BLA MED KYI RDZOGS RIM GYI SKABS SU RANG GI LUS DNGOS PO LA MTSAN DPES BRGYAN PA'I LHA'I SKUR GRUB PA ZHIG SLOB LAM GYI SKABS SO SKYE'I LAM NAS KYANG 'ONG BA DE NYID LEGS PAR SBYANGS SHING, GONG NAS GONG DU KHYAD PAR DU GYUR PA'I RIGS 'DRA PHYI MAS BCU PA'I RDO RJE LTA BU'I TING NGE 'DZIN DANG NGO BO DBYER MED DU SKYES PA DES LONGS SKU SKAD CIG DANG PO'I DNGOS RGYU DANG, DE DANG NGO BO DBYER MED KYI THUGS BDE BA CHEN PO'I YE SHES DES RGYAL BA'I THUGS GNYIS SU MED PA'I YE SHES SKAD CIG DANG PO'I DNGOS KYI NYER LEN BYANG PA YIN TE, DE 'DRA BA'I SLOB LAM GYI SKU DE LA NI YE SHES KYI SKU ZHES BYA BA DANG MA BCAS PA'I SKU DANG, BSKYED RIM PA'I LHA SKU LA NI SNGAGS KYI SKU DANG BTAGS PA'I SKU DANG BCOS MA'I SKU ZHES BYA BAR BLA MED KYI RGYUD SDE LA YONGS SU GRAGS SO, ,DE 'DRA BA'I YI SHES KYI SKU YANG DPAL GSANG BA 'DUS PA LA SOGS PA'I RGYUD DON 'PHAGS PA KLU SGRUB YAB SRAS LA SOGS PAS LEGS PAR BKRAL BA'I LAM SROL CHEN MO DAG LA NI SGYU MA'I SKU ZHES BYA BA DE YIN LA, DE NYID SO SKYE'I SKABS SU SEMS DBEN MTHAR PHYIN NAS SPYOD PA BYAS PA'I MTHAR GRUB PA DON GYI 'OD GSAL GYIS MA SBYANGS PA NI MA DAG PA'I SGYU MA'I SKU DANG, DE NYID 'DO GSAL GYIS SBYANGS NAS RIM PA BZHI PA'I DON GYI 'OD GSAL MNGON DU BYAS PA LAS LUGS LDOG TU LDANG BA'I TSE RDO RJE 'CHANG GI SKU'I RNAM PAR LANGS PA NI DAG PA'I SKU ZHES BYA ZHING, DAG PA DANG MA DAG PA'I SGYU MA'I SKU DE GNYIS KA YANG SHIN TU PHRA BA'I GNYUG MA'I RLUNG 'OD ZER LNGA LAS DNGOS PO LA GRUB PA'I LHA'I SKUR KHYAD PAR MED DO, ,DPAL DUS KYI 'KHOR LO'I RGYUD BYANG CHUB SEMS DPA'I 'GREL PA SKOR GSUM
{tIK CHEN} *, ,DANG BCAS PA'I GROL CHEN PO 'DI LA NI SGYU MA'I SKU DE'I DOD RNAM PA THAMS CAD KYI MCHOG DANG LDAN PA'I STONG GZUGS KYI SKU KHYAD PAR BA ZHIG LA MDZAD PAS SNGA MA DANG SHIN TU MI 'DRA LA, DE 'DRA BA'I STONG GZUGS KYI SKU DE MTSAN NYID PA RJES DRAN GYI YAN LAG NAS 'BYUNG ZHING YAN LAG DE DANG, TING NGE 'DZIN GYI YAN LAG THOG MA DAG SO SKYE'I GNAS SKABS YIN NO, ,DES NA RGYUD 'DIR STONG GZUGS LA BSNGAGS PA MDZAD PA NI, RANG GI LUS STONG GZUGS KYI SKUR DANG SO PO LA GNAS PA ZHIG BSGRUBS NAS, DES LONGS SKU'I RIGS 'DRA'I RGYU BYED PA DANG, BDE BA GANG GIS 'DREN PA'I PHYAG RGYA YANG PHYI LAS DANG YE SHES KYI PHYAG RGYA LAS CHES KHYAD PAR DU 'PHAGS PA NANG STONG GZUGS PHYAG RGYA CHEN MO SNA TSOGS YUM LA SOGS PA'I RNAM PA CAN ZHIG BSGRUB PAS DANG SNYOMS PAR ZHUGS PAS LUGS GZHAN DANG THUN MONG DU GRAGS PA'I BDE BA TZAM MIN PA, MCHOG TU MI 'GYUR BA'I BDE BA KHYAD PAR CAN BSGRUB PA'I DON DU YIN LA, 'DI 'DRA BA'I LAM SROL KHYAD PAR CAN GYI PHYOGS TZAM YANG MA MTHONG BAS STONG GZUGS DON DAM BDEN PA DANG RTAG PA LA SOGS PAR SMRA BA DANG, GZHAN DAG STONG GZUGS KHYAD PAR CAN YANG LAM GZHAN SKYE BA DANG SKYES PA'I LAM RTAGS TZAM YIN GYI LAM DNGOS MA YIN PAR SMRA BA SOGS PHYIN CI LOG TU SMRA PA'I CHEGS SHIN TU CHE BAR BYUNG STE RGYAS PAR 'CHAD PAR 'GYUR RO, ,DE BAS NA PHA ROL TU PHYIN PA'I THEG PA CHEN PO'I LAM GYIS SA BCU PA BAR DU BGROD PA'I MTHAR YANG BLA MED KYI LAM GYIS BSNON PA GDAB DGOS PA DANG, RGYUD SDE 'OG MA GSUM GYI RANG LAM GYI MTHAR
YANG BLA MED DU 'JUG PA LA LTOS DGOS PA SOGS RGYAS PAR KHO BOS GZHAN DU BSHAD ZIN PA LAS SHES PAR BYA'O, ,GNYIS PA RDO RJE THEG PA LA 'JUG PA'I RNAM DBYE BYE BRAG TU BSHAD PA LA GNYIS, RGYUD SDE'I GRANGS NGES DANG KHYAD PAR BSHAD PA DANG, BYE BRAG TU RNAL 'BYOR BLA MED KYI RGYUD KYI RNAM GZHAG BSHAD PA'O, ,DANG PO LA, RGYUD SDE DU ZHIG TU DBYE BA DANG, DE LTAR 'BYED PA'I RGYU MTSAN NO, ,DANG PO NI, GUR GYI LE'I BCU GSUM PA LAS, DMAN PA RNAMS LA BYA BA'I RGYUD, ,BYA MED RNAL 'BYOR DE LTAG PA'O, ,RNAL 'BYOR MCHOG NA SEMS CAN MCHOG ,RNAL 'BYOR BLA MED DE LTAG PA'O, ,ZHES GSUNGS PA LTAR, RDO RJE THEG PA'I GDUL BYA DMAN PA DANG, DE'I LHAG MA 'BRING DANG, MCHOG DANG, DE'I LTAG MA CHOS MCHOG TU GYUR PA BZHI LA GSUNGS PA'I RGYUD BZHI'I SGO NAS 'JUG PA'I SGO MI 'DRA BA BZHI'O, ,RNAL 'BYOR BLA MED KYI RGYUD DON LA 'JUG PA LAS KYANG, GSANG SNGAGS 'BRAS BU RDO RJE THEG PA LA NI 'JUG PA'I SGO RNAM PA BZHI STE, BYA BA'I RGYUD DANG, SPYOD PA'I RGYUD DANG, RNAL 'BYOR GYI RGYUD DANG, RNAL 'BYOR BLA NA MED PA'I RGYUD CES SPYIR GRAGS PA YIN NO; ZHES BSHAD DO, ,GNYIS PA NI, 'O NA RGYUD SDE BZHIR 'BYED PA'I RGYU MTSAN GANG ZHIG YIN, RE SHIG GDUL BYA LA MCHOG DMAN GYI RIM PA YOD PA TZAM GYIS MA YIN TE, DE LTA NA GSANG BA 'DUS PA LTA BU GCIG LA YANG RGYUD SDE'I RIM PA'I 'JUG SGO MI 'DRA BA LNGAR 'BYED RIGS PAR 'GYUR TE, GDUL BYA LA PAD+MA DANG TZAN+DAN LA SOGS PA LNGA YOD PA'I PHYIR RO, ,THOB BYA MCHOG DMAN DANG LTA BA SOGS KYI KHYAD PAR MED CING, LHA'I RNAL 'BYOR GYI YAN LAG MI 'DRA BA TZAM GYIS 'BYED NA RGYUD SDE BZHI LAS CHES GRANGS MANG BA 'BYED DGOS PAR 'GYUR RO SNYAM NA, 'DI LA BOD
, ,GYI BLA MA GANG DAG, PHYI ROL MU STEGS LA LOG PA'I SPYOD PA BZHI YOD PAS DE DAG RJES SU GZUNG PA'I PHYIR DU RGYUD SDE BZHI BSTAN PAR SMRA BA DANG, YANG SANGS RGYAS BA LA GRUB MTHA'I MI 'DRA BA BZHI YOD PAS DE DANG BSTUN TE, LHA'I BSKYED CHOG MI 'DRA BA BZHIS RGYUD SDE BZHIR BZHAG PAR SMRA BA DANG, GDUL BYA MI RIGS BZHI'I SGO NAS RGYUD SDE BZHIR GRANGS NGES PAR SMRA BA LA SOGS PA RNAMS NI SNYING PO MED PA'I TSUL RGYAS PAR GZHAN DU BSHAD ZIN PA LAS SHES PAR BYA LA, DUS 'KHOR TZA 'GREL GYI DGONGS PAR GSAMS NAS THUN TSAMS BZHI'I DBYE BAS RGYUD SDE BZHIR PHYE BAR SMRA BA'I 'DOD PA JI LTAR YIN DPYAD PA NI, 'OG TU DKYUS KYI SKABS SU BSHAD PAR BYA'O, ,DE LTAR NA 'THAD PA'I PHYOGS LA GNYIS LAS, DANG PO RGYUD SDE BZHI'I MTSAN DON BLA MED KYI GZHUNG NAS 'BYUNG BA'I STENG NAS BSHAD NA, SAMBHU tA LAS, DGOD DANG BLTA DANG LAG BCANGS DANG, GNYIS GNYIS 'KHYUD DANG RNAM PA BZHI, ,SRIN BU'I TSUL GYIS RGYUD BZHIR GNAS, ZHES GSUNGS PA'I RKANG PA THAMS 'DOD CHAGS LAM DU BYED TSUL MTHAR THUG PAR BSTAN TE, SHING LAS SKYES PA'I SRIN BUS SHING ZOS NAS LHAG MA MED PAR BYED PA LTAR, RGYU DUS KYI KUN SLONG 'DOD CHAGS LA BRTEN NAS SKYES PA'I BDE BA RANG DUS NA CHOS RNAMS KYI DE KHO NA NYID NGES PA'I BLO DANG GRUB BDE DBYER MED DU SKYES PAS 'DOD CHAGS KYI RTZA BA MA RIG PA GCED PAR BYED PA'I DON TO, ,RKANG BA DANG PO GNYIS DANG MTHUN PAR, RDO RJE SNYING PO RGYAN GYI RGYUD LAS KYANG, 'DI NI GNYIS PO 'KHYUD PA YI, ,RGYUD KYI DBYE BA BSTAN PA'O, ,
DE BZHIN DU NI LAG BCANGS DANG, ,DGOD DANG BLTAS PAS SHES PAR BYA, ZHES RGYUD SE BZHI'I MTSAN LA, RGOD PA'I RGYUD DANG, BLTA BA'I RGYUD DANG, LAG BCANGS SAM 'KHYUD PA'I RGYUD DANG, GNYIS GNYIS SBYOR BA'I RGYUD CES GSUNGS TE, GZHAN YANG MANG NGO, ,SNGAR BSHAD PA LTAR GZUGS SKU'I THUN MONG MA YIN PA'I RGYU LHA'I RNAL 'BYOR DU BSHAD PA NI THABS KYI GTZO BO YIN ZHING, GNAS LUGS STONG NYID RTOGS PA'I BLO NI SHES RAB YIN LA, THABS KYI DBANG GI SHES RAB KHYAD ZHUGS PAR 'GRO BA THEG CHEN PA GONG 'OG THAMS CAD KYI LUGS YIN ZHING, BLA MED KYI SKABS SU RGYUD SDE 'OG MA GSUM LAS KHYAD PAR DU 'PHAGS PA'I THABS KHYAD PAR CAN LHA'I RNAL 'BYOR NI 'DOD LHA YAB YUM MNYAM PAR 'BYOR BA'I RNAM PA CAN DU SNANG BA'I LHA'I RNAL 'BYOR TE, ZLA MED KYI LAM LA KHYAD CHOS MANG DU YOD KYANG GNYIS SBYOR GYI RGYUD CES DE'I SGO NAS MING 'DOGS MDZAD LA, THABS DE 'DRA BA'I SGO NAS DBANG PO GNYIS SBYOR GYI 'DOD CHAGS LAM DU BYAS PAS STONG NYID RTOGS PA'I SHES RAB KHYAD ZHUGS PAR 'GYUR RO, ,DE DANG 'DRA BA'I THABS LAM GYI SKABS SU MA BSTAN PAS RGYUD SDE 'OG MA GSUM DU 'BRAS BU'I RNAM GZHAG BYED PA NA'ANG KHA SBYOR GYI YAN LAG MA BSTAN CING, DE'I PHYIR DBANG GONG MA GSUM YANG MED PA YIN NO, ,DE LTA NA YANG BLTA BA SOGS GSUM GYI 'DOD CHAGS LAM BYED TZAM ZHIG YOD LA DE YANG SGOM PA'I LHA MO KHO NA LA BLTA BA DANG DGOD PA SOGS KYIS BSGOM PAR BYAS PA LAS BYUNG BA'I 'DOD CHAGS LAM BYED YIN GYI DNGOS KYI RIGS LA BYED BZUNG TZAM YANG MA BSHAD CING, BLA MED DU NI
, ,BSGOMS PA DANG DNGOS KYI RIG MA GNYIS KA LA DBANG PO GNYIS SBYOR GYI CHAG PA LA MBYED RTZAL DU BTON NAS BSHAD DO, ,DE LTAR NA RDO RJE THEG PA'I THUN MONG MA YIN PA'I LAM LA THOG MAR ZHUGS NAS RGYUD SDE DE DANG DE'I LAM GYI LUS RDZOGS PA LA SLOB PA'I CHED DU BYA BA'I GDUL BYA'I GTZO BO NI 'DOD KHAMS PA YIN LA, SPYIR MI'I 'DOD YON LA CHAGS PA LAM DU BYED PA TZAM ZHIG LA MOS PAR KHYAD PAR MED KYANG, LTA'I RNAL 'BYOR DANG STONG NYID RTOGS PA'I SHES RAB KYI STOBS KYIS BSGOM PA'I LHA MO PA LTAS PA'I 'DOD CHAGS LAM DU BYED NUS SHING, DE LAS 'DOD CHAGS CHE BA LAM DU BYED MI NUS PA LA DE TZAM GYI 'DOD CHAGS LAM BYED STON PA'I BYA BA'I RGYUD DANG, THABS SHES KYIS BSGOMS PA'I RIG MA LA BLTAS PAR MA ZAD RGOD PA'I 'DOD CHAGS KYANG LAM DU BYED NUS SHING, DE LAS RAGS PA'I 'DOD CHAGS LAM DU BYED MI NUS PA LA DE TZAM GYI 'DOD CHAGS LAM BYED STON PA'I SPYOD PA'I RGYUD DANG THABS SHES KYI STOBS KYIS SGOM PA'I RIG MA'I LAG PA 'DZIN PA'I LUS 'KHYUD PA TZAM GYI RIG BYA LA DMIGS PA'I 'DOD CHAGS LAM DU BYED NUS LA, DBANG PO GNYIS SBYOR BSGOM PA'ANG LAM DU BYED MI NUS PA LA DE TZAM 'DOD CHAGS LAM BYED STON PA RNAL 'BYOR RGYUD DANG, BSGOM PA TZAM DU MA ZAD DNGOS KYI RIG MA DANG DBANG PO GNYIS SBYOR GYI 'DOD CHAG KYANG LAM DU BYED NUS PA DE 'DRA BA'I 'DOD CHAGS LAM BYED STON PA BLA MED KYI RGYUD GSUNGS PAS BZHIR NGOS SO, ,DES NA RGYUD SDE GONG MA'I GDUL BYA'I GTZO BO LA 'DOD CHAGS CHEN PO'ANG LAM DU BYED NUS PA'I GNYEN PO'I STOBS
CHES PHUL DU BYUNG BA RGYUD LA BSKYED PAR BZOD PA'I DBANG PO MCHOG TU GYUR PA ZHIG DGOS PA DANG 'DOD CHAGS MCHOG TU CHE BA ZHIG DGOS BA NOR BAS RANG GI DE NYID GSAL BAR MA BYED CING, ,SLAR YANG TSUL GNYIS BRGYUD SDE BZHI'I MING 'DOGS RGYUD SDE 'OG MA RNAMS LA YANG THUN MONG DU GRAGS PA'I MTSAN DON GYI SGO NAS BZHIR 'JOG PA BSHAD PAR BYA STE, JI SKAD BSHAD PA DE LTA BU'I 'DOD CHAGS LAM DU BYED PA'I THABS STONG PA DANG LHA'I RNAL 'BYOR GNYIS MNGON DU BYED PA KHRUS LA SOGS PA'I PHYI'I BYA PA SHIN TU MANG PO LA LTOS DGOS PAS BYA RGYUD DANG, PHYI'I BYA BA HA CANG MANG BA LA LTOS MI DGOS PAR, PHYI'I BYA BA DANG NANG GI TING NGE 'DZIN CHA MNYAM DU SPYOD PA TZAM LA LTOS PAS SPYOD RGYUD DANG, PHYI'I BYA BA LA'ANG CHUNG ZAD LTOS SHING NANG GI RNAL 'BYOR SHIN TU GTZO BOR GYUR PAS RNAL 'BYOR RGYUD DANG, RNAL 'BYOR DE LAS GONG NA RIM PA GZHAN MED PAS RNAL 'BYOR BLA NA MED PA ZHES BYA STE, GDUL BYA BZHI'I DBANG PO'I RIM PA'I DBANG GIS, 'DOD CHAGS LAM DU BYED PA'I LAM RGYUD LA BSKYED PA'I THABS STON TSUL MI 'DRA PA BZHI PO DE'I SGO NAS RGYUD SDE BZHIR PHYE BA'O, ,GNYIS PA BYE BRAG TU RNAL 'BYOR BLA MED KYI RGYUD KYI RNAM GZHAG BSHAD PA LA GSUM, SPYIR BLA MED KYI RGYUD LA GNYIS SU DBYE PA, PHYE PA SO SO'I DON, DUS KYI 'KHOR LO'I RGYUD KYI RNAM GZHAG KHYAD PAR DU BSHAD PA'O, ,DANG PO NI, SNGOM 'BYUNG LAS, RNAL 'BYOR RGYUD RNAMS KYI NI TSAD, ,BYE PA PHRAG NI DRUG TU GES, ,DE BZHIN RNAL 'BYOR MA RGYUD GRANGS, ,BYE BA PHRAG NI BCU DRUG GRAGS, ZHES BLA MED KYI RGYUD LAS PHYE BA RNAL 'BYOR DANG RNAL 'BYOR MA'I
, ,RGYUD GNYIS SU GSUNGS LA, SANGS RGYAS THOD PA DANG RDO RJE GUR LA SOGS PA LAS KHYANG THA SNYAD DE BZHIN DU MDZAD DO, ,'DI NI DPER NA BU CES PHO MA GNYIS GA'I DBYE GZHI YIN KYANG, BU PHO LA BU ZHES SPYI MING DGOS LA BTAGS BA LTAR, RNAL 'BYOR GYI RGYUD NI THABS SHES GNYIS KA LA 'JUG KYANG, THABS RGYUD LA RNAL 'BYOR GYI RGYUD CES SPYI MING DGOS LA BTAGS PA'O, ,RNAL 'BYOR MA'I RGYUD LA MKHA' 'GRO MA'I RGYUD CES KYANG MANG PO ZHIG LAS 'BYUNG LA, DRI MED 'OD LA SOGS PA NAS THABS KYI RGYUD DANG, SHES RAB KYI RGYUD CES GSUNGS SHING, RDO RJE SNYING PO RGYAN GYI RGYUD LAS, RDO RJE SNYING PO RGYAN GYI RGYUD, ,MKHA' 'GRO MA DANG MKHA' 'GRO PHA, ,RGYUD RNAMS KUN GYI PHYI MO STE, ZHES 'BYUNG BAS, BOD KYI BLA MA DAG PHA RGYUD DANG, MA RGYUD CES PA'I THA SNYAD MDZAD PA LEGS PAS, BLA MED KYI RGYUD LA PHA RGYUD DANG MA RGYUD GNYIS SU DBYE BA YOD DO, ,GNYIS PA LA GANGS RI'I KHROD KYI GSANG SNGAGS 'CHAD BSDAM PHAL CHE BAS BLA MED KYI RGYUD LA PHA RGYUD DANG MA RGYUD GNYIS KA LAS DON GZHAN BA'I GNYIS MED KYI RGYUD CES PA DBYE SGO GSUM PA ZHIG KHAS BLANGS NAS DE'I MTSAN GZHI RAB GANG LA ZHE NA CHE BA ZHIG 'DZIN PA DANG, RGYUD GSUM PO SO SO'I 'JOG BYED KYANG 'THUN PHYOGS LA MTHOD TZAM RE RNAM GRANGS MANG PO'I SGO NAS SMRA BA MTHA' DAG SNYING PO MED PA'I TSUL DANG, BLA MED KYI RGYUD YIN NA THABS BDE BA CHEN PO DANG STONG NYID RTOGS PA'I SHES RAB DBYER MI BYED PA BRJOD BYA'I GTZO BOR STON PA'I DBANG DU BYAS PA'I GNYIS MED KYI RGYUD YIN PAS KHYAB PA'I RGYU MTSAN NI RJE THAMS CAD MKHYEN PA'I
GSUNG RAB DANG, KHO BOS KYANG PHYOGS GZHAN DU CUNG ZAD GSAL BAR PHYE STE BSHAD PA LAS SHES PAR BYA ZHING, SDOM 'BYUNG LA SOGS PA'I RGYUD DAG LAS KYANG, RNAL 'BYOR GYI RGYUD LA GRANGS 'DI YOD RNAL 'BYOR MA'I RGYUD LA GRANGS 'DI YOD CES 'CHAD PA'I SKABS DAG TU'ANG DE GNYIS KYI GRANGS LAS LOGS SU GNYIS MED KYI RGYUD LA GRANG 'DI YOD CES ZUR TZAM YANG MA BYUNG BAS KYANG SHES LA, DU KYI 'KHOR LO NAS BSHAD PA'I TSUL LA LOG PAR RTOG PA GSAL BA NI, RGYUD 'GREL GYI TSIG DON 'CHAD PA'I SKABS SU ZHIB PAR 'CHAD PA'I PHYIR 'DIR MA BRIS SO, ,DE BAS NA RGYUD GNYIS SO SO'I 'JOG TSUL RANG GI LUGS MDOR BSDUS PA TZAM NI 'DI YIN TE, THABS SHES GNYIS SU MED PA'I RGYUD CES PA'I THABS SHES DNAG, PHA RGYUD DANG THABS RGYUD MA RGYUD DANG SHES RAB KYI RGYUD DON GCIG TU BYAS PA'I THABS SHES NI THABS SHES CES PA'I MING 'DRA YANG DON MI 'DRA BA LA DE LTAR DU MA GO BAR CAL COL DU MA'I NGA RO DBYANGS SU GROGS PA YIN NO, ,DE YANG RNAL 'BYOR BLA MED PA'I RGYUD CES PA'I RNAL 'BYOR GYI DON THABS SHES RAB GNYIS SU MED PAR SBYOR BA YIN ZHING, DE'I THABS LHAN CIG SKYES PA'I BDE CHEN DANG, SHES RAB NI STONG NYID RTOGS PA'I BLO YIN PA MANG DU GSUNGS PA LTAR YIN LA, DE 'DRA BA'I THABS SHES KYI DBANG DU BYAS NA BLA MED KYI RGYUD THAMS CAD THABS SHES GNYIS SU MED PA'I RGYUD YIN PAR KHYAD MED CING, RNAL 'BYOR CHEN PO'I RGYUD CAS PA'I RNAL 'BYOR GYI DON ZHUS PA'I LAN STON PA NA 'DUS PA'I RGYUD PHYI MA LAS, THABS DAG SHES RAB SNYOMS 'JUG PA, ,RNAL 'BYOR ZHES NI MDON PAR BRJOD, ,'DUS PA
, ,SBYOR BAR GSUNGS PA STE, SANGS RGYAS THAMS CAD MNGON BRJOD BYED, CES GSUNGS SO, ,BSHAD MA THAG PA'I THABS SHES DE 'DRA BA'I DBANG DU BYAS NA SHAS CHE CHUNG GI SGO NAS KYANG THABS SHES SO SO BA'I RGYUD DU BZHAG TU MI RUNG LA, GAL TE DE'I SGO NAS THABS SHES SO SO BA'I RGYUD DU 'JOG NA GSANG 'DUS PHA RGYUD DU MI 'GYUR ZHING, KYEE RDOR SHES RAB KYI RGYUD DU MI 'GYUR TE, GNYIS KAS KYANG DE 'DRA BA'I THABS SHES GNYIS SU MED PAR SBYOR BA BRJOD BYA'I GTZO BOR BYED PA LA KHYAD PAR MED PA'I PHYIR, ZHES DUS 'KHOR 'GREL CHEN LAS KYANG GSUNGS TE, JI SKAD DU RANG GI NGO BOS NI THAMS CAD SHES RAB DANG THABS KYI BDAG NYID CAN RNAL 'BYOR GYI RGYUD NYID DE, DE BZHIN DU DGYES PA'I RDO RJE LAS GSUNGS PA, HE YIG GIS NI NI SNYING RJE CHE, ,BDZRA SHES RAB CES BRJOD DE, ,SHES RAB THABS KYI BDAG NYID RGYUD, ,DE NI NGA YIS BSHAD KYIS NYON, ZHES GSUNGS PA'I PHYIR, DGYES PA'I RDO RJE NI SHES RAB KYI RGYUD DU MI 'GYUR TE, SHES RAB KYI RGYUD NYON MONGS ZHES GSUNGS PA MED PA'I PHYIR RO; ;DE BZHIN DU 'DUS PA LAS, THABS DANG SHES RAB SNYOMS 'JUG PA, ,RNAL 'BYOR ZHES PAR MNGON PAR BRJOD, ,'DUS PA SBYOR BAR GSUNGS PA STE, ,THABS DANG SHES RAB MNGON BRJOD BYED, CES GSUNGS PA'I PHYIR 'DI NI THABS KYI RGYUD DU MI 'GYUR RO, ,DE BZHIN DU, DANG PO'I SANGS RGYAS LAS GSUNGS PA, ,THABS KYIS LUS KYI RNAL 'BYOR MIN, ,SHES RAB GCIG BUS 'GYUR MA YIN, ,THABS DANG SHES RAB SNYOMS 'JUG PA, ,DE BZHIN GSHEGS PAS RNAL 'BYOR GSUNGS, ZHES SO, ,
ZHES GSUNGS SHING, RDO RJE SNYING 'GREL LAS KYANG DE LTAR GSUNGS SO, ,'O NA PHA RGYUD MA RGYUD DANG DON GCIG TU BYAS PA'I THABS SHES SO SO BA'I DON GANG YIN ZHE NA, GUR GYI LE'U BCU GSUM PA LAS, BCOM LDAN 'DAS JI LTAR NA RNAL 'BYOR MA'I RGYUD KYI MTSAN RAB TU 'JUG PA LAGS, RDO RJE 'DZIN GYIS GSUNGS PA, SHES RAB PHA ROL PHYIN PA'I THABS, ,'DI NI RNAL 'BYOR MAR BRJOD DO, ,PHYAG RGYA CHEN POR RAB SBYOR BAS, ,GANG PHYIR DE NYID LA 'JUG PA, ,RNAL 'BYOR MA YI RGYUD CES BYA, ZHES MA RGYUD SPYI'I DBANG DU BYAS PA'I 'JOG BYED GSAL BAR GSUNGS TE, DE'I DON NI, PHYAG RGYA CHEN PO LHAN CIG SKYES PA'I YE SHES DANG STONG PA NYID GNYIS DBYER MI PHYED PAR SBYOR BA'I SGO NAS DE KHO NA NYID LA 'JUG PA RGYAL BA'I THUGS CHOS SKU BSGRUB PA'I RIGS 'DRA'I RGYU STONG PHYOGS SHES RAB KYI LAM RTZAL DU BTON NAS 'CHAD CING, KUN RDZOB SGYU MA'I SKU BSGRUB TSUL RTZAL DU BTON NAS MI 'CHAD PA'I BLA MED KYI RGYUD DANG DE 'DRA BA'I RGYUD KYI SDER GTOGS PA'I BLA MED KYI RGYUD RNAMS NI MA RGYUD DO, ,DE LTA NA STONG PHYOGS SHES RAB KYI CHA YIN BSAM ZHES BRJOD DO, ,YANG MKHA' 'GRO RGYA MTSO LAS, RNAL 'BYOR RNAMS LAS RGYUD RGYAL DU, ,DE DANG DE'I CHOG DBYE SHES, ,'OD GSAL SGYU MA BDAG GIS NI, ,SGYU MA 'JIG RTEN LA BSHAD DO, ,ZHES PAS RNAL 'BYOR RGYUD DAM PHA RGYUD KYI 'JOG BYED BSTAN TE, DE'I DON NI, BLA MED LA RNAL 'BYOR DANG RNAL 'BYOR MA'I RGYUD GNYIS SU PHYE BA'I YA GYAL GYI RNAL B'YOR RGYUD RGYAL RNAMS LAS GSUNGS PA'I DE DANG DE'I CHO GA'I DBYE BA SHES PAS DE LTAR NYAMS SU BLANGS PA LAS, STONG PA SNGA MA
, ,GSUM DANG BCAS PA'I 'OD GSAL TE STOD PA BZHI'I BZHON PA'I RLUNG 'OD ZER LNGA LAS SGYU MA'I SKU BSGRUB TSUL RGYUD DER RDO RJE 'CHANG BDAG GIS GDUL BYA'I 'JIG RTEN LA RGYAS PAR BSHAD DO, ZHES BYA BA YIN LA, DE 'DRA BA'I SGYU MA'I SKU DE YANG GZUGS SKU'I RIGS 'DRA'I RGYU SNANG PHYOGS THABS KYI CHA YIN PAS PHA ZHES BYA'O, ,DE LTAR NA BDE STONG GI YE SHES RTZAL DU BTON NAS 'CHAD PAR MA ZAD, STONG PA BZHI'I BZHON PA'I RLUNG LAS SGYU MA'I SKU BSGRUB TSUL KYANG RTZAL DU BTON NAS 'CHAD PA'I RGYUD DNGOS SAM, DE'I SDER GTOGS PA'I BLA MED KYI RGYUD YIN PA ZHES BYA BA NI PHA RGYUD KYI 'JOG BYED DO, ,GRUB CHEN NAG PO SPYOD PAS, BSKYED DANG RDZOGS 'BYUNG RIM PA YIS, ZHES SOGS KYI DON YANG 'DI KHO NA LTAR YIN TE, SGYU MA'I SKU BSKYED PA STONG PA BZHI LAS 'BYUNG BA'I RIM PA YANG GTZO BOR STON PA DANG, GDOD MA NAS RDZOGS PA'I DE KHO NA NYID LA BDE CHEN GYI YE SHES KYIS DMIGS NAS 'BYUNG BA'I RIM PA TZAM ZHIG GTZO BOR STON PA GNYIS RGYUD GNYIS KYI 'JOG BYED DU BSHAD PA YIN NO, ,DE LTAR BLA MED KYI RGYUD GNYIS PO DE LAS DUS KYI 'KHOR LO GANG DU GTOGS ZHE NA, 'DI NI NGES PAR MA RGYUD DU BYA BAR RIGS TE, NANG LER DBU MA'I LO GSUM GYI ZHAG GRANGS DANG RNAL 'BYOR MA'I RGYUD KYI LHA GRANGS SBYOR BA'I SKABS SU DUS 'KHOR RNAL 'BYOR MA'I RGYUD DU GSAL BAR GSUNGS PA'I PHYIR RO, ,KHA CIG DUS 'KHOR NAS BSHAD PA'I LHA'I NANG NA MA RGYUD NAS BSHAD PA'I LHA YANG YOD PAS DE LTAR BSHAD DO ZHES ZER RO, ,'O NA DUS 'KHOR PHA RGYUD DU YANG GSUNG RIGS PAR 'GYUR TE, DUS 'KHOR NAS BSHAD
PA'I LHA'I NANG NA PHA RGYUD NAS BSHAD PA'I LHA YANG YOD PA'I PHYIR RO, ,GSANG 'DUS RTZA BSHAD RNAMS LA'ANG RNAL 'BYOR MA'I RGYUD DU GSUNG RIGS PAR 'GYUR TE, DE DAG TU BSHAD PA'I LHA'I NANG NA MA RGYUD NAS BSHAD PA'I LHA YANG YOD PA'I PHYIR RO,, 'DI LTAR SMRA BA NI DUS 'KHOR NYID RGYUD GNYIS LAS DON GZHAN PA'I GNYIS MED KYI RGYUD DU GRUB NA DE GNYIS KA LAS ZAB PAR 'GRUB RE BAR 'DUG NA'ANG, DUS 'KHOR GANG GI SGO NAS ZAB PA'I TSUL LA BLO KHA MA PHYOGS PA'I PHONGS CHOS SO, ,RGYUD DE MA RGYUD YIN KYANG DE'I NANG DU PHA RGYUD KYI LHA'I RNAM GZHAG KYANG STON PA DANG, PHA RGYUD YIN KYANG DE'I NANG DU MA RGYUD KYI LHA'I RNAM GZHAG KYANG STON PA MI 'GAL TE, SAM+BHU tA DANG BSHAD RGYUD RDO RJE PHRENG BA BZHIN NO, ,'DIR STONG GZUGS KYI SKU BSGRUB TSUL 'CHAD PA LA'ANG, RANG GI LUS STONG GZUGS KYI SKUR GRUB PA LONGS SKU'I RIGS 'DRA'I RGYUR 'GRO TSUL GYI NGOS NAS RTZAL DU BTON NAS MI 'CHAD KYI, MI 'GYUR BA'I BDE BA CHEN PO SHES RAB STONG GZUGS KYI PHYAG RGYA LA BRTEN NAS 'DREN TSUL GYI NGOS NAS RTZAL DU BTON TE 'CHAD PA'I PHYIR, DE'I SGO NAS KYANG MA RGYUD DU KHAS BLANGS PA LA GNOD PA MED DO, ,GSUM PA DUS KYI 'KHOR LO'I RGYUD KYI RNAM GZHAG KHYAD PAR DU BSHAD PA LA DRUG ,STON PAS JI LTAR GSUNGS TSUL, ,SDUD PA POS JI LTAR BSDUS TSUL, BSDUS PA'I BSTAN PA GNAS PA'I TSAD, RGYUD KYI RJOD BYED GZHUNG GI RNAM GZHAG ,RGYUD 'GREL GNYIS 'PHAGS YUL DANG BOD DU JI LTAR BRGYUD PA, RGYUD LA BSHAD NYAN JI LTAR BYA BA'I TSUL BSHAD PA'O, ,DANG PO LA, LUGS 'DI'I BLA
, ,MA SNGA MA DAG PHA ROL TU PHYIN PA'I LUGS DANG, RGYUD SDE BZHI SO SO'I LUGS KYI SANGS RGYAS TSUL DANG, CHOS KYI 'KHOR LO BSKOR TSUL SOGS KYANG MDZAD MOD KYANG, RGYUD 'GREL DKYUS KYI BSHAD PAR BYA BA MANG CHES PAS TSIG DANG YI GE'I KHUR HA CANG CHE BA'I 'JIGS PAS 'DIR DE TZAM DU RGYA BSKYED PAR MI BYED KYI RGYUD 'DI RANG GI GSUNGS TSUL SOGS TZAM ZHIG BRJOD PAR BYA'O, ,DE YANG DKA' 'GREL PADMA CAN DU BCOM LDAN 'DAS 'PHAGS PA'I YUL DU MYA NGAN LAS 'DA' PA'I TSUL BSTAN NAS, SHAMBHA LA'I YUL DU RTZA BA'I RGYAD GSUNGS SO, ZHES 'CHAD PA MI 'THAD DE ZAS GTZANG GI SRAS LHA MO SGYU 'PHRUL CHEN MO'I LHUMS NAS BLTAMS PA'I SH'AKYA THUB PA RGYUD STON PA PO DANG, MNGAL SKYES KYI ZLA BZANG RGYUD ZHU BA POR MI RUNG BA'I RTZOD LAN 'GREL CHEN DU RGYAS PAR 'BYUNG BA THAMS CAD 'BRAL MED DU THAL BA'I PHYIR DANG, STON PAS RGYUD 'DI SHAMBHA LAR GSUNGS PA YIN NA, RTZA RGYUD LAS, DE NAS SHAMBHA LAR GRAGS NAS, ,PHYAG NA RDO RJE'I SPRUL PA NI, ,MI BDAG ZLA BZANG RDZU 'PHRUL GYIS, ,RANG NYID DPAL LDAN CHOS DBYINGS BYON, ,DANG POR GA-YAS SU BSKOR BYAS NAS, ,STON PA'I ZHABS KYI CHU SKYES GNYIS, ,RIN CHEN ME TOG RNAMS KYIS MCHOD, ,YANG DANG YANG DU PHYAG 'TSAL TE, ,THAL MO SBYAR BA BYAS GYUR NAS, ,RDZOGS SANGS RGYAS KYI SPYAN SNGAR 'DUG ,ZLA BZANG RGYUD KYI GSOL 'DEBS DANG, ,STON PA SDUD PAR BYED PA PO, ZHES DANG, STON PAS BYA RGOD PHUNG PO RU, ,SHES RAB PHA ROL PHYIN TSUL BZHIN, ,CHOS BSTAN DPAL LDAN 'BRAS SPUNG DU,,
DE BZHIN GSANG SNGAGS TSUL RAB GSUNGS, ,GANG LA GANG GNAS STAN PA NI, ,SU YIS RGYUD KYANG CI ZHIG STON, ,GNAS NI GANG DU 'JIG RTEN PA'I, ,'KHOR NI SU YI RGYU CI YIS, ,BYA RGOD PHUNG PO'I RI CHEN POR, ,THEG PA CHEN PO BLA NA MED, ,SHES RAB PHA ROL PHYIN PA'I TSUL, ,BYANG CHUB SEMS DPA' RNAMS LA BSTAN, ,DE NAS GCIG TU MCHOD RTEN TSAR, ,CHOS KYI DBYINGS KYI DKYIL 'KHOR DU, ,BYANG CHUB SEMS DPA' SOGS RNAMS KYI, ,THABS CIG DE BZHIN GSHEGS PA BZHUGS, ,NAM MKHA' BEM MIN SHIN TU DvANG, ,GO SKABS MED PAR RAB TU GSAL, ,SNA TSOGS RDO RJE'I KHANG BAR GNAS, ,CHOS KYI DBYINGS NI YID 'ONG BAR, ,RGYUD BSTAN SKYES BU RNAMS KYI NI, ,BSOD NAMS YE SHES DGOS PA'O, ZHES GSUNGS PA RNAMS DANG, DNGOS SU 'GAL BAR 'GYUR RO,, DE BAS NA MDOR BSDUS DANG PO'I 'GREL BA AA CA LA GA-RBHAS MDZAD PA LAS, ,SNGON SHAM+BHA LA'I YUL NAS RANG NYID 'ONGS TE, ZLA BA BZANG PO NYI MA'I 'OD KYI LHA MO RNAM PAR RGYAL MA'I MNGAL NAS BYUNG BA PHYAG NA RDO RJE'I SPRUL PA'I SKU GRONG BYA BA PHRAG DGU BCU RTZA DRUG NA GNAS PA'I RGYAL PO RNAMS KYIS RJES SU BGRED BZHIN PAS DPAL LDAN 'BRAS SPUNG DU DPAL DUS KYI 'KHOR LO'I RGYUD BSTAN PA'I CHED DU DANG, SEMS CAN MTHA' DAG GI NYE BA'I SKAL BA DANG LDAN PA NYID MTHONG NAS 'JIG RTEN PA DANG 'JIG RTEN LAS 'DAS PA'I DNGOS GRUB BSGRUB PA'I DON DU GSOL BA BTAB PA NI, ZHES DANG, NYI MA DPAL YE SHES KYI MTSAN BRJOD 'GREL PAR YANG, 'DIR NGES PAR DPAL LDAN 'BRAS SPUNG RGYAL BA'I MCHOD RTEN CHEN POR SANGS RGYAS BCOM LDAN 'DAS SH'AKYA SENG+GE ZHES BYA BA LA, RGYUD
, ,SNA TSOGS PA NYAN PAR 'DOD PA RNAMS KYIS GSOL BA BTAB PAS, DPYID ZLA 'BRING PO'I NYA LA CHOS KYI DBYINGS GSUNG GI DBANG PHYUG GI DKYIL 'KHOR DANG, DE'I STENG DU DPAL LDAN RGYU SKAR GYI DKYIL 'KHOR DANG PO'I SANGS RGYAS RNAM PAR SPROS NAS DER NYI MA DE NYID LA LHA LA SOGS PA RNAMS LA SANGS RGYAS KYIS DBANG BSKUR NAS RGYAS PA DANG BSDUS PA'I DBYE BAS GSANG SNGAGS KYI TSUL THAMS CAD BSTAN TO, ZHES BSHAD PA LTAR LEGS LA, 'GREL CHEN LAS, DE BZHIN GSHEGS PAS KYANG CHU BO SHI TA'I BYANG PHYOGS SHAM+BHA LA LA SOGS PA'I YUL RNAMS KYI GRONG BYE BA PHRAG DGU BCU RTZA DRUG NA GNAS PA RNAMS KYI SEMS RNAM PAR DAG PA SKAL PA DANG LDAN PA NYID DU GNAS PA GZIGS NAS, ZHES GSUNGS PA NI NYAN PA'I 'KHOR SHAM+BHA LA NAS 'ONGS PA RNAMS KYI SKAL PA GZIGS NAS GSUNGS PAR STON PA YIN GYI, BCOM LDAN 'DAS SHAM+BHA LAR BYON NAS GSUNGS PAR STON PA MA YIN NO, ,YANG KHA CIG BCOM LDAN 'DAS 'PHAGS YUL DU MYA NGAN LAS 'DA' BA'I MDZAD PA STON PA'I LO DE NYID LA DPAL LDAN 'BRAS SPUNG DU RGYUD 'DI GSUNGS PAR 'DOD PA'ANG MI 'THAD DE, 'GREL CHEN LAS, SA GA'I NYA'I SKYA RANGS 'CHAR BA'I TSE BCOM LDAN 'DAS RA 'BRO SDAM, SH'A KYA THUB PA MNGON PAR RDZOGS PAR SANGS RGYAS TE DE NAS CHOS KYI 'KHOR LO BSKOR ZHING THEG PA GSUM BSTAN PA MDZAD NAS, ZLA BA BCU GNYIS PA NAG PA'I NYA LA SHR'I DHA NA KA tA KAR ZHES, NAG PA'I ZLA BA SPYIR ZLA BA DANG PO YIN KYANG, SA GA'I ZLA BA DE NAS BGRANGS PA'I ZLA BA BCU GNYIS PA NAG PA YIN ZHING, ZLA BA DE NYID LA DPAL LDAN 'BRAS
SPUNG DU RGYUD 'DI GSUNGS PAR BSHAD PA DANG 'GAL BAS SO, ,'O NA LA 'DI NAS NI DRUG BRGYA'I LO YIS ZHES PAS RTZA RGYUD BSTAN PA'I LO 'DI NAS LA DRUG BRGYAN RIGS LDAN GRAGS PO SHAM+BHA LAR 'BYUNG BAR BSHAD CING, MCHOG MI 'GYUR GYI MDOR BSDUS SU DE MYA NGAN LAS 'DAS NAS LO DRUG BRGYA NA ZHES GSUNGS PAS RTZA RGYUD BSTAN PA'I LO DANG MYA NGAN LAS 'DAS PA'I LO GCIG PA MA YIN NAM ZHE NA, 'DI'I 'GAL SPONG LA, MKHAS PA KHA CIG, SKYON MED DE, STON PA MYA NGAN LAS 'DAS PHAN CHAD CHOS BSTAN PA MA RDZOGS SHING DE NAS RDZOGS PA YIN PAS CHOS BSTAN PA RDZOGS PA'I LO NAS DRUG BRGYA DANG MYA NGAN LAS 'DAS NAS LO DRUG BRGYA GNAD GCIG PA'AM, YANG NA 'PHAGS RANG, PA'I YUL DU CHOS BSTAN PA'I RING THAMS CAD LA 'BRAS SPUNG DU'ANG RGYUD BSTAN PA'AM, YANG NA 'DI CES PA'I TSIG MA 'ONGS PA LA 'JUG PAS MA 'ONGS PA CHOS BSTAN ZIN PA 'DI NAS CES DGONGS PA YIN PAS SKYON MED CES 'CHAD DE, 'DI NAS CES PA'I 'BRU GNON SHIN TU MA BDE ZHING 'DI CES PA'I TSIG MA 'ONGS PA LA 'JUG PA'ANG YA MTSAN NO, ,KHA CIG NGA MYA NGAN LAS 'DAS NAS ZHES PA'I SKAD DOD RGYA DPE PHYI MA RNAMS LA BYU BRGYA DPE MA DAG PA YIN GYI, RGYA DPE RNYING PA 'GA' ZHIG LA DE'I SKAD DOD MED PA DAG PAR BYA DGOS TE, DE LTA MA YIN NA 'GREL BA LA SNGA PHYI 'GAL PA'I NYES PAR 'GYUR RO PHYOGS, ZHES 'CHAD DO, ,TSIG DE YOD PA'I DBANG DU BYAS NAS 'CHAD NA, 'JAM PA'I DBYANGS KYANG NGA MYA NGAN LAS 'DAS NAS LO DRUG BRGYA NA SHAM+BHA LA'I YUL DU SH'AKYA'I RIGS LA LHA MO RNAM PAR RGYAL MA'I MNGAL NAS, LTA'I DBANG
, ,LDAN GYI SRAS RIGS LDAN GRAGS PA ZHIS BYA BA 'BYUNG BAR 'GYUR RO, ,ZHES PA DE LA 'JAM PA'I DBYANGS KYANG NGA MYA NGAN LAS 'DAS NAS SHAM+BHA LAR 'BYUNG BAR 'GYUR RO, ,MYA NGAN LAS 'DAS PA'I DE MA THAG TU'AM, RING ZHIG NAS YIN SNYAM NA, LO 'DI NAS LO DRUG BRGYAN YIN GYI MYA NGAN LAS 'DAS MA THAG MA YIN NO ZHES SBYAR TE BSHAD KYANG RUNG BA TZAM DU MNGON NO, ,DES NA STON PA BCOM LDAN 'DAS SH'AKYA SENG+GES RGYA GAR 'PHAGS PA'I YUL GYI RDO RJE'I GDAN LA BYANG CHUB KYI SHING DRUNG DU SA GA'I NYA'I SKYA RENGS 'CHAR BA'I TSE, MNGON PAR RDZOGS PAR 'TSANG RGYA BA'I TSUL BSTAN NAS, DE NAS LO GCIG GI BAR DU PHAR PHYIN GYI THEG PA SPYI DANG, KHYAD PAR DU BYA RGOD PHUNG PO'I RIR PHAR PHYIN GYI THEG PA CHEN PO'I CHOS KYI GTZO BO MTHAR THUG PA SHES RAB KYI PHA ROL TU PHYIN PA'I CHOS KYI 'KHOR LO BSKOR NAS, DE NAS SANGS RGYAS PA'I DUS DE NAS BRTZIS PA'I ZLA BA BCU GNYIS PA NAG PA'I ZLA BA'I NYAN SA BZUNG STE, BYA RGOD PHUNG PO'I RI LA SOGS PA GNAS GZHAN DANG GZHAN DU PHA ROL TU PHYIN PA'I THEG PA STON PA DANG, RGYA GAR LHO PHYOGS DPAL GYI RI DANG TE BA DPAL LDAN 'BRAS SPUNG GI MCHOD RTEN CHEN POR BYON NAS SNGAGS KYI THEG PA STON PA'I SKU'I TSUL GNYIS SU MDZAD DE, MCHOD RTEN CHEN PO'I NANG STENG 'OG TU DPAG TSAD DRUG DANG RGYANG GRAGS GCIG YOD PAR 'OG TU CHOS KYI DBYINGS GSUNG GI DBANG PHYUG GI DKYIL 'KHOR DANG, STENG DU DPAL LDAN RGYU SKAR GYI DKYIL 'KHOR CHEN PO SPROS TE, GNAS PHUN SUM TSOGS PA BDE BA CHEN PO'I GNAS RDO RJE DBYINGS KYI DKYIL 'KHOR CHEN POR RDO RJE SENG GE'I
KHRI LA BZHUGS PA, STON PA PHUN SUM TSOGS PA SH'AKYA SENG GE DUS KYI 'KHOR LO'I TING NGE 'DZIN LA SNYOMS PAR ZHUGS NAS DKYIL 'KHOR GYI BDAG PO'I RNAM PAR GNAS PAS, 'KHOR PHUN SUM TSOGS PA DKYIL 'KHOR LA BKOD PA'I 'KHOR SANGS RGYAS DANG BYANG CHUB SEMS DPA' DANG, KHRO BO DANG LHA DANG KLU DANG LHA MO'I TSOGS KYI RNAM PAR GNAS PA, ZHU BA PO'I 'KHOR PHYAG NA RDO RJE'I SPRUL PA'I SKU SHAM+BHA LA'I YUL GYI RGYAL PO ZLA BA BZANG POS SHAM+BHA LA'I YUL NAS RDZU 'PHRUL GYIS BYON TE GSOL BA BTAB PA LA BRTEN NAS, NYAN PA PO'I 'KHOR BYANG CHUB SEMS DPA' DU MA DANG, SHAM+BHA LA'I YUL CHEN PO DGU BCU RTZA DRUG GI SPRUL PA'I RGYAL PO DGU BCU RTZA DRUG DANG, SKAL BA DANG LDAN PA'I LHA DANG LHA MA YIN LA SOGS PA'I TSOGS DPAG TU MED PA LA, CHOS PHUN SUM TSOGS PA 'JIG RTEN DANG 'JIG RTEN LAS 'DAS PA'I DBANG BSKUR BA BYIN NAS SANGS RGYAS NYID DU LUNG BSTAN TE, DUS KYI 'KHOR LO'I RTZI BA'I RGYUD STONG PHRAG BCU GNYIS PA GSUNGS PA YIN NO, ,KHA CIG GNAS DER RNAL 'BYOR BLA NA MED PA'I RGYUD THAMS CAD GSUNGS PA YIN NO ZHES 'CHAD DE, DUS KYI 'KHOR LO'I RGYUD PYI MAR, DPAL LDAN 'BRAS SPUNG CHOS KYI DBYINGS SU STOBS BCU PA YIS SANGS RGYAS PA'I RGYUD RNAMS MTHA' DAG BSTAN PHYOGS, ZHES PA DANG 'THUN LA, NYI MA DPAL YE SHES KYIS KYANG, RGYAS PA DANG BSDUS PA'I DBYE BAS GSANG SNGAGS KYI TSUL THAMS CAD BSTAN TO, ZHES BSHAD DE, GNAS DER RGYAL PO ZLA BA BZANG POS BCOM LDAN 'DAS LA GSANG BA 'DUS PA DANG BDE MCHOG DANG
, ,SGYU 'PHRUL DRA BA LA SOGS PA'I RTZA RGYUD DANG BSHAD RGYUD RGYAS PA RNAMS KYANG THOS PAR BYAS NA LUGS 'DI LA MCHOG TU 'GRIG GO ,GNYIS PA SDUD PA POS JI LTAR BSDUS TSUL NI, THEG PA THUN MONG DANG THUN MONG MA YIN PA'I BSDUS TSUL MTHA' DAG 'DIR MI BRJOD KYI, SKABS SU BAB PA NYUNG NGU ZHIG BRJOD PAR BYA STE, DE YANG YE SHES THIG LE'I RGYUD LAS, MA 'ONGS PA'I DUS SU YANG DAG PAR GSANG BA'I RGYUD 'DI SKAL BA DANG LDAN PA'I SEMS CAN RNAMS LA SUS 'CHAD PAR 'GYUR; BCOM LDAN 'DAS KYIS BKA' STZAL PA, PHYAG NA RDO RJE MGON POS BSHAD PA BYED DO, ZHES PA DANG, SGRON GSAL DU GSUNGS PA DANG, LAG NA RDO RJE DBANG BSKUR BA'I RGYUD DU GSUNGS PA LTAR PHYAG RDOR RGYUD THAMS CAD KYI SDUD PA POR GSUNGS PA MANG LA, RDO RJE SNYING PO DANG RDO RJE PHAG MO LA SOGS PA RGYUD DE DANG DE'I ZHU BA PHO NYID RGYUD DE DANG DE'I DGOS KYI SDUD PA POR GYUR PA'ANG YOD CING, GSANG BA SGRON MA'I RGYUD LAS, GSANG BA CHEN PO'I RGYUD 'DI NI, ,SHES PA DANG NI BSHAD PA SU, ,BCOM LDAN 'DAS KYIS BKA' STZAL PA, ,BYANG PHYOGS SU DPAL LDAN RDO RJE CHEN PO'I GNAS AU RGYAN DU RGYAL PO AIN+TRA BHU TI ZHES BYA BAS SHES PA DANG BSHAD PA DANG SEMS CAN LA GSAL BAR BYED DO, ,LHA MOS GSOL BA, KYEE BCOM LDAN 'DAS RGYAL PO AIN+TRA BHU TI DES DU'I DBANG PHYUG LAGS, BKA' STZOL CIG ,BCOM LDAN 'DAS KYIS BKA' STZAL PA, DPAL YE SHES THIG LE'I RGYUD KYI RGYAL PO LAS GANG ZHIG NGAS BSTAN PA'I PHYAG NA RDO RJE'I RGYAL PO DE NYID AIN+T'A BHU TI'I SPRUL PA'I SKU SA BCU'I DBANG PHYUG
YE SHES KYI SKU SA BCU BZHI'I DBANG PHYUG GO ,ZHES BSHAD DE, ,YANG GNAS AU RGYAN DU SPUD BA PO PHYAG NA RDO RJES, DUS BCOM LDAN 'DAS BZHUGS PA'I DUS NYID DU SNGAGS KYI RGYUD SDE MTHA' DAG BSDUS NAS RGYAL PO AIN+TRA BHU TI 'KHOR DANG BCAS PA LA BYIN TE, DE DAG GIS KYANG DNGOS GRUB THOB PAR GYUR BAS RANG BZHIN GYIS GRUB PA'I DPA' BO DANG RNAL 'BYOR MA ZHES BYA'O, ,DE NAS AU RGYAN GYI YUL DE STONGS TE MTSO CHEN PO KLUS GANG BA GCIG TU GYUR NAS DE NAS YANG PHYAG NA RDO RJES, RGYUD MTHA' DAG GLEGS BAM DU BRIS TE MTSO'I KLU DE RNAMS SMIN PAR MDZAD NAS DE RNAMS LA GTAD DO, ,DE NAS KLU DE RNAMS RIM GYIS MI'I GZUGS SU BSGYUR TE, MTSO'I 'GRAM DU GRONG KHYER BYAS NAS RDO RJE THEG PA NYAMS SU BLANGS PAS PHAL CHER GRUB PA BRNYES PAR GYUR TE, SKYES PA RNAMS NI DPA' BO DANG BUD MED RNAMS NI MKHA' 'GRO MAR GYUR TO, ,GRUB PA MA THOB PA RNAMS NI MIR GYUR TE YUL DE LA MKHA' 'GRO'I GNAS SU GRAGS LA, DE'I RGYAL PO RNAMS KYANG CHOS DANG LDAN PA SHA STAG STE, DE NAS RIM GYIS YUL DBUS LA SOGS PAR SNGAGS 'PHEL LO, ZHES LHAN CIG SKYES GRUB KYI 'GREL BAR 'BYUNG NGO, ZHES GRAG GO ,DE DAG KYANG DPAL LDAN 'DUS PA LA SOGS PA RGYUD GZHAN DANG GZHAN GYI DBANG DU BYAS PA'I 'CHAD TSUL DU SNANG LA, DUS KYI 'KHOR LO'I RTZA BA'I RGYUD KYI SDUD PA PO NI RGYAL PO ZLA BA BZANG PO STE, DES RTZA BA'I RGYUD BSDUS SHING 'GREL PA STONG PHRAG DRUG CU PA MDZAD NAS, SHAM+BHA LAR DUS KYI 'KHOR LO'I DKYIL 'KHOR RIN PO LAS BYAS PA BZHENGS TE, SRAS LHA'I DBANG PHYUG RGYUD STON PA
, ,POR BZHAG NAS MYA NGAN LAS 'DAS PAR GSUNGS SO, ,RTZA BA'I RGYUD LA DE LTAR YIN PAR MA ZAD, RIGS LDAN GRAGS PA NYID KYANG BSDUS PA'I RGYUD KYI DBANG DU BYAS PA'I RGYUD SDUD PA POR KHAS BLANG DGOS SO, ,GSUM PA BSDUS PA'I BSTAN PA GNAS PA'I TSAD BSHAD PA NI, MDO SDE'I PHYOGS NAS BSTAN PA'I GNAS TSAD GSUNGS PA RNAMS LA'ANG MI 'DRA BA MANGS PA DANG, DE DAG THAMS CAD DANG DUS KYI 'KHOR LO NAS GSUNGS PA LA SHIN TU MI 'GRIG PA CHE BAR GO NAS, 'GA' ZHIG {DUS} 'KHOR BA PHAL CHER, MDO SDE NAS BSHAD PA THAMS CAD DRANG DON DANG, DE DAG GI RJES SU 'BRANG BA'I RNAM GZHAG THAMS CAD SNYING PO MED CING DUS KYI 'KHOR LO NAS BSHAD PA 'BA' ZHIG NGES PA'I DON NO ZHES SMRA BAR BYED, 'GA' ZHIG DUS 'KHOR NAS BSHAD PA DRANG DON YIN GYI, DE LTA BU MA YIN PAR RIGS LDAN 'KHOR LO CAN GYI BSTAN PA GLING BCU GNYIS PO THAMS CAD DU 'JUG NA LUNG RIGS DANG 'GAL BAR SMRA, DUS 'KHOR NAS 'BYUNG BA SGRA JI BZHIN DU SMRA BA MANG PO ZHIG KYANG RGYUD DANG 'GREL BA'I DON 'CHAD PA LA PHYIN CI LOG TU ZHUGS PA PHAL CHE BAR GYUR BA DANG, RGYUD KYI SKABS MANG PO ZHIG GI 'CHAD TSUL GO BA 'DI LA NGES PAR RAG LUS 'DUG PAS, CUNG ZAD ZHIB PAR BSHAD PAR BYA'O, ,DE LA MDO SDE NAS 'BYUNG TSUL DANG DE DAG GI RJES SU 'BRANG BA'I SNGA MA DAG GIS BZHED TSUL THOG MAR BSHAD NA, MDO SDE BSKAL BZANG GI GLEGS BAM MANG POR DAM PA'I CHOS LO LNGA BRGYA DANG, DAM PA'I CHOS KYI GZUGS BRNYAN LO LNGA BRGYA STE LO STONG GNAS ZHES
'BYUNG LA, MDO SDE BSKAL BZANG GI GLEGS BAM KHA CIG TU LO LNGA STONG GNAS ZHES 'BYUNG NGO, ,YUM 'BUM DANG, NYI KHRI LNGA STONG PA DANG, KHRI BRGYAD STONG PA RNAMS KYI GZHUNG 'GREL GNOD 'JOMS SU, DE BZHIN GSHEGS PA'I BSTAN PA GNAS PA NI LO LNGA STONG DU GSUNGS TE ZHES 'BYUNG BA'ANG DE LA BSAMS PA'AM DE LTAR BSHAD PA'I MDO GZHAN YANG YOD PA GANG YANG RUNG BA ZHIG TU MNGON NO, ,YUM GSUM GNOD 'JOMS 'DI KHA CIG DBYIG GNYEN GYIS MDZAD PAR 'DOD CING, RGYAL BA'I BSTAN PA LNGA STONG GNAS SO ZHES, ,SANGS RGYAS GNYIS PA LTA BU'I DBYIG GNYEN DANG, ,'BUM t'IKA MKHAN PO DAmshtA SE NA BZHED, CES ZER BA'ANG GNOD 'JOMS DBYIG GNYEN GYIS MDZAD, 'BUM t'IKA CHEN MO DAmshtA SA NAS BYAS PA'I LUGS SU BSAM MO, ,YUM GSUM GNOD 'JOMS KYIS 'CHAD TSUL NI, RNAM BSHAD RIGS PA LA SOGS PA DBYIG GNYEN GYI GZHUNG RTZOD MED DANG, MDO'I DGONGS PA 'GREL TSUL LA MI MTHUN PA CHE BAR YOD PA'I PHYIR DBYIG GNYEN GYIS MDZAD PA MA YIN GYI, YI GE RNYING PA DAG LAS DAmshtA SE NAS BYAS ZHES 'BYUNG BA LTAR YIN NO, ,DE LTA NA YANG SLOB DPON CHEN PO 'JAM DPAL GRAGS PAS KYANG LNGA STONG DU GNAS PAR GSUNGS PAS, DE LTAR STON PA'I MDO DANG DE LTAR BZHED PA'I TSAD LDAN GYI SKYES BU YOD PAR SHES SO, , SNYING RJE CHEN PO PAD+MA DKAR PO'I MDOR PHYED DANG NYIS STONG DANG, ZLA BA SNYING PO'I MDOR LO GNYIS STONG DANG, BLO GROS MI ZAD PAS BSTAN PA'I MDO'I 'GREL PAR LO STONG DANG, RDO RJE GCOD PA'I 'GREL PAR LO PHYED DANG SUM STONG DU BSTAN PA GNAS PAR GSUNGS SHING,
, ,DE LA BOD KYI MKHAS PA RNAMS PHAL CHER 'THUN PAR LO LNGA STONG DU GSUNGS PA SGRA JI BZHIN PA DANG MDO LAS TSUL GZHAN GSUNGS PA DGONGS PA CAN DU BZHED DO, ,DE LA LNGA STONG GNAS PAR 'CHAD PA DAG LTAR NA, LNGA STONG PO DE NYID LNGA BRGYA PA PHRAG BCUR BCAD PA'I LNGA BRGYA PA DANG PO DANG, GNYIS PA DANG GSUM PA RNAMS LA RIM PA BZHIN, DGRA BCOM PA DANG PHYIR MI 'ONG DANG, RGYUN ZHUGS THOB PA MANG DU 'BYUNG BA'I DGRA BCOM PA'I LE'U DANG, PHYIR MI 'ONG PA'I LE'U DANG, RGYUN DU ZHUGS PA'I LE'U ZHES BYA STE, KHONG DU CHUD PA'I LE'U GSUM DANG, DE NAS LNGA BRGYA PA PHRAG GSUM LA, RIM PA BZHIN LHAG MTHONG DANG TING NGE 'DZIN DANG TSUL KHRIMS DANG LDAN PA MANG DU 'BYUNG BAS, LHAG MTHONG GI LE'U LA SOGS PA BSGRUB PA'I LE'U GSUM DANG, DE NAS LNGA BRGYA PA PHRAG GSUM LA RIM PA BZHIN MNGON PA MDO SDE 'DUL BA STON PA MANG DU 'BYUNG BAS, MNGON PA'I LE'U LA SOGS PA LUNG GI LE'U GSUM DANG, LNGA BRGYA PA THA MA LA NI, RAB TU BYUNG PA'I RTAGS TZAM LAS; LTA SPYOD RNAL MA MI LDAN PAS RTAGS TZAM 'DZIN PA'I LE'U ZHES ZER, SLOB DPON 'JAM DPAL GRAGS PAS, LNGA BRGYA BA PHRAG BCU PO LA RIM PA BZHIN MNGON PAR RTOGS PA'I DUS GSUM, BSGRUB PA'I DUS GSUM, LUNG GI DUS GSUM, RTAGS TZAM 'DZIN PA'I DUS ZHES BSHAD DO, ,DE YANG SNGAR 'DAS PA'I LO GRANGS NI, SNGA MA DAG LA GRAGS PA LA, STON PA MYA NGAN LAS 'DAS NAS LO BRGYA SUM CU SO BDUN NA RGYAL PO DGA' BYED BYUNG DE NAS LO BRGYAD BRGYA NA RGYAL PO ZLA BSRUNG BYUNG, DE NAS
LO NYIS BRGYA SUM CU RTZA BRGYAD NA RGYAL PO MDZOD MANGS BYUNG, DE NAS LO BDUN BRGYA NYI SHU RTZA BZHI NA, BAL YUL DU RGYAL PO CHOS KYI GO CHA BYUNG BA NAS 'PHRO BZUNG NAS LO BRGYAD BRGYA BCU BZHI NA BAL POR RGYAL PO 'OD ZER GO CHA BYUNG, DE NAS LO NYIS BRGYA BZHI BCU RTZA GNYIS NA BOD KYI RGYAL PO KHRI GTZUG LDE RAL PA CAN BYUNG STE, DE YAN CHAD LA LO NYIS STONG DGU BRGYA LNGA BCU RTZA LNGA SONG ZHES RGYA GAR DANG BAL PO'I LO BCOS PA DANG BOD KYI RGYAL PO RNAMS KYIS BRTZIS PA LAS 'BYUNG ZHES ZER ZHING, ME PHO 'BRUG GI LO LA LHA BLA MA YAB SRAS GSUM GYIS BRTZIS DUS LO SUM STONG DANG BRGYA LNGA BCU RTZA GNYIS 'DAS, DE NAS LCAGS MO YOS BU'I LO LA JO BO CHEN PO RJES BRTZIS DUS LO SUM STONG DANG BRGYA BRGYAD CU RTZA BDUN 'DAS, DE NAS SA MO GLANG GI LO LA LO TZTSA PA CHEN PO BLO LDAN SHES RAB 'DAS PA'I PHYI DE LO 'DU BA CHEN PO BYAS DUS BRTZIS PA NA LO SUM STONG DANG NYIS BRGYA BZHI BCU RTZA DRUG 'DAS, DE NAS LCAGS PHO 'BRUG GI LO LA DGE BA'I BSHES GNYEN CHA BA'I CHOS GRVAR BRTZIS DUS LO SUM STONG DANG NYIS BRGYA DGU BCU RTZA DRUG 'DAS ZHES ZER RO, ,JO BO CHEN PO RJE NI STON PA SHING PHO BYI BA LA LHUMS SU ZHUGS, SHING MO GLANG LA BLTAMS, SA MO PHAG LA SANGS RGYAS, SHING PHO SPRE'U'I STON ZLA THA TSUNGS KYI YAR NGO'I TSES BRGYAD LA 'DAS PAR BZHED, CES GRAGS PA DE'I RJES SU 'BRANGS TE, MCHIMS NAM MKHA' GRAGS KYIS ME MO SBRUL LA BRTZIS PA'I DUS NA LO SUM STONG SUM BRGYA DGU BCU RTZA GSUM 'DAS PAR BYAS, CHOS RJE SA PAn LTAR NA STON PA ME MO YOS LA LHUMS SU ZHUGS, SA PHO 'BRUG LA
, ,BA LTAMS, CHU PHO STAG LA SANGS RGYAS, ME MO PHAG GI DPYID ZLA THA CHUNG GI NYA'AM STON ZLA'I TSES BRGYAD GANG RUNG LA 'DAS PAR BZHED CING, DE GZHIR BZHAG NAS RJE BTZUN GRAGS RGYAL GSHEGS PA'I 'DU BA CHEN PO ME PHO BYI BA LO LA MDZAD DUS BRTZIS PAS LO SUM STONG SUM BRGYA BZHI BCU RTZA DGU 'DAS PAR BYAS, ME MO GLANG GI LO LA CHU MIG CHOS 'KHOR GYI DUS SU CHOS RGYAL 'PHAGS PAS BRTZIS PAS SUM STONG BZHI BRGYA DANG BCU 'DAS PAR BYAS SO, ,DE NAS CHU PHO KHYI'I LO LAN CHAD LA LO SUM STONG BZHI BRGYA LNGA BCU RTZA LNGA 'DAS, DE NAS SGYUR BYED KYI LO SA MO PHAG YAN CHAD LA LO SUM STONG DANG BZHI BRGYA DGU BCU RTZA GNYIS 'DAS, DE NAS DRUG CU SKOR CIG DANG, BCU GNYIS SKOR GCIG LHAG PA 'DAS PA DA LTA'I LO DRUG CU SKOR GYI NANG NAS KUN DGA' ZHES BYA BA DANG, BCU GNYIS SKOR GYI NANG NAS SHING PHO STAG GI LO 'DI NYID LA, LO GSUM STONG DANG LNGA BRGYA DANG DRUG CU RTZA BDUN 'DAS RTZA BRGYAD PA'I STENG NA YOD PAR BYA DGOS LA, LUGS DE LTAR NA LNGA BRGYA PA PHRAG BCU'I NANG NAS 'BRAS BU'I DUS DANG BSGRUB PA'I DUS KYI LNGA BRGYA PA PHRAG DRUG DANG, LUNG MNGON PA'I DUS KYI LNGA BRGYA PA PHRAG GCIG 'DAS, LUNG MDO SDE'I DUS KYI'ANG DRUG CU RTZA BDUN 'DAS NAS, BSTAN PA'I LHAG MA KUN DGA'I LO 'DI NYID DANG BCAS PA'I LO STONG BZHI PA RGYA DANG SUM CU RTZA GSUM YOD PAR BYA DGOS SHING, JO BO RJE'I RJES SU 'BRANGS ZER BA'I MCHIMS PA'I LUGS DE LTAR NA 'DAS LO DE LAS LO GSUM GYIS MANG NGO, ,KHA CHE
PAn CHEN SH'AKYA SHR'I BHA TRAS SHING PO BYI BA LO LA KHRO PHUR BRTZIS PA DANG, ME MO YOS LA SOL NAG THANG CHEN DU BRTZIS PAR, SMIN DRUG ZLA BA'I DKAR PHYOGS KYI, ,TSES BRGYAD NAM GUNG MNYAM PA LA, ZLA BA RI BO LA NUB TSE, ,THUB DBANG YONGS SU MYA NGAN 'DAS, ,DE RJES LO NI STONG PHRAG GCIG, BDUN BRGYA DANG NI LNGA BCU DANG, ,ZLA BA GNYIS DANG ZLA BA PHYED, ,DE BZHIN NYI MA LNGA RAB 'DAS, ,LO NI STONG PHRAG GSUM DANG NI, ,NYIS BRGYA DANG NI BZHI BCU DGU, ZLA BA DGU DANG NYI MA BCU, ,MA 'ONGS BSTAN PA'I LHAG MAR GNAS, ZHES ME MO YOS KYI DPYID 'BRING GI TSES LNGA LA BRTZIS PA DANG, LCAGS PHO RTA LA SA SKYAR BRTZIS PA'I LUGS KYIS LO STONG BRGYAD BRGYA DRUG CU RTZA LNGA CHU PHO KHYI LO YAN CHAD LA 'DAS PAR BZHED PAS, GONG DU BRJOD PA'I LUGS DE DANG 'DAS LO STONG LNGA BRGYA DGU BCU'I KHYAD PAR 'BYUNG NGO, ,DE LA LUGS DE NI RGYA GAR NA NYAN THOS SEN DHA BA RNAMS DUS BRJOD PA'I TSE, STON PA 'DAS NAS LO 'DI SONG ZHES NUB RE BZHIN BRTZI BA CIG YOD PA LA, MA GA TA'I BYANG CHUB CHEN PO'I SKU GZUGS DE SLOB DPON THO BTZUN GRUB RJE DANG, BDE BYED BDAG POS MDZAD PAR BZHAD NAS TZAN DAN GYI 'DE GU SPUNGS PA LAS RANG BYUNG DU BYUNG BA'I DUS DE NAS BZUNG NAS SNGAR LTAR DUS TSIGS BRJOD PAS BYANG CHUB CHEN PO BYON PA'I DUS DANG STON PA 'DAS PA'I DUS GNYIS PHYIS NOR PA'I 'KHRUL PA YIN, DE NA LUGS DE RGYA BAL KHA CHE'I PAndI TA PHAL CHER BZHED KYANG YID BRTAN PAR MI BYA STE, LHA MO DRI MED PA'I 'OD LUNG BSTAN PAR, NGA YONGS SU MYA NGAN LAS 'DAS NAS LO NYIS STONG LNGA BRGYAN GDONG DMAR GYI YUL DU DAM PA'I CHOS RGYAS
, ,BAR 'GYUR RO ZHES GSUNGS PA'I GDONG DMAR CAN GYI YUL BOD YIN PAS DANG, KLU SGRUB LA SOGS PA LUNG BSTAN PA'I LO GRANGS DANG, RGYAL PO LA SOGS PA'I RABS BRTZIS NA MI 'THAD PA'I PHYIR RO, ZHES SA PAn GSUNG NGO, ,LUGS DE DANG, THAMS CAD KYANG 'DZAM GLING 'DI'I BSTAN PA'I GNAS TSAD KYI DBANG DU BYAS PA SHA STAG YIN NO, ,DE NI DUS KYI 'KHOR LO NAS GSUNGS PA'I TSUL BRJOD NAS DE DANG MDO SDE'I PHYOGS NAS GSUNGS PA DAG 'GRIG MI 'GRIG JI LTAR YIN BSHAD PAR BYA'O, ,DE LA BOD KYI DUS 'KHOR BA SNGA MA PHAL CHE BA DAG, RGYUD LAS, LHUN PO'I RGYAB KYI PHYOGS RNAMS SU NI SA GZHI DAG LA LHA MIN RNAMS KYIS RGYAL BAR DKA' BA 'KHOR, ZHES SOGS 'JIG RTEN KHAMS LE'I TSIGS BCAD NYER GNYIS PA LA SOGS PA GSUM GYI RGYUD DANG 'GREL PA DANG, RDZOGS LDAN GSUM LDAN GNYIS LDAN RTZOD PA'I DUS NI NUS PA'I DUS KYIS SA GZHI DAG LA NGES PAR RGYU, ZHES GSUNGS PA'I DON, 'DZAM GLING CHEN PO'I SA DUM BU BCU GNYIS LA SANGS RGYAS KYI CHOS KYI DBANG DU BYAS PA'I DUS BZHI NUS PA STE 'OG MIN PA'I NYIN ZHAG GCIG DANG MI LO NYI KHRI CHIG STONG DRUG BRGYA'I TSAD DU 'JUG PA YIN LA, DE NYID SA DUM BU BCU GNYIS PO LA SANGS RGYAS KYI BSTAN PA SPYIR GNAS PA'I TSAD DANG, DE LA YANG RDZOGS LDAN GSUM LDAN GNYIS LDAN RTZOD LDAN RNAMS LNGA STONG BZHI BRGYA RE DANG, GLING BCU GNYIS PO RE RE'I DGES SKAL LA BSTAN PA LO STONG BRGYAD BRGYA RE GNAS PA DANG, DUS BZHI DE'I MGO YANG DE BZHIN GSHEGS PAS CHOS BSTAN PA'I DUS DE NYID NAS 'DZIN PAR BYED DO, ,
'DI NI RGYUD DANG 'GREL PA'I DGONGS PA LAS CHES RING DU GYUR BA YIN TE, 'GREL CHEN DU DE NI SA DUM BU BCU GNYIS LA 'KHOR LO BSGYUR BA CHEN PO 'KHOR BAR GSUNGS PA, LHUN PO'I RGYAB KYI PHYOGS ZHES PA LA SOGS PA STE, LHUN PO'I RGYAB KYI PHYOGS RNAMS SU NI SA GZHI DAG LA LHA MIN KLA KLO RNAMS KYI RGYAL BAR DKA' BA 'KHOR DU SA YI DUM BU GANG DU DE BZHIN GSHEGS PA'I TSES NI RNAM PAR NYAMS SHING DE RNAMS LAS BZLOG PA'I CHOS 'JUG PA'I SA GZHI DER 'KHOR LO CAN 'KHOR TE RTZOD DUS LA CHOS MIN RAB TU 'JUG PA DE NYID RTZOD DUS 'JUG PA ZHES PA'I DON TO, ,CHOS MA YIN PA'I BDAG NYID DE NYID RTZOD PA'I DUS SO, ,DUM BU GANG DANG GANG DU KLA KLO'I CHOS RAB TU ZHUGS PA'I DUM BU DE DANG DE NYID DU RAB TU GYUR PAS BGROD PAR BYED PA NI RAB TU BGROD PAR BYED PA'O, , KLA KLO RNAMS DANG KYANG YIG GIS LHA MIN LA SOGS PA RNAMS KYANG GA-YUL DU BCOM STE RANG GI CHOS LA KLA KLO LA SOGS PA DE DAG 'GOD PA BYAS NAS MDUN DU RNAM PAR RGYU'O ZHES DANG, SA GZHI DAG LA 'KHOR LO CAN GYI DUS BZHI NUS PA'I CHED DU 'JUG CES SO, ZHES GSUNGS PA RNAMS KYIS SA DUM BU BCU GNYIS LA DUS BZHI NUS PA'I TSAD DU 'JUG PA'I DUS BZHI NI 'KHOR LO CAN GYI DUS BZHI YIN PAR DNGOS SU GSUNGS LA, RIGS LDAN 'KHOR LO CAN DANG, RIGS LDAN DRAG PO CES PA NI, MTSAN GYI RNAM GRANGS DANG, DE YANG GDAN NI NYI SHU RTZA LNGA RIM PAR BGRANGS PA'I THA MA KLA KLO 'JOMS PAR MDZAD PA PO DE NYID YIN PAR 'JIG RTEN KHAMS LE'I MJUG GI GO SLA'I SKABS LAS CHES GSAL ZHING, STON PAS RTZA RGYUD BSTAN PA'I LO NAS, LO DRUG BRGYA NA 'BYUNG BAR
, ,LUNG BSTAN PA'I RIGS LDAN GRAGS PA NAS RIGS LDAN NYI SHU RTZA LNGA RIM PAR BGRANGS PA'I THA MA RIGS LDAN 'KHOR LO CAN GYIS KLA KLO BCO NAS SANGS RGYAS KYI CHOS 'JUG PA'I MGO RTZOMS PA DANG, STON PAS RTZA RGYUD SOGS CHOS STON PA'I MGO RTZOM PA DUS MNYAM PA DE LTA BU MKHAS PA KHYED CAG LAS GZHAN PA SU ZHIG GIS SHES, DE 'DRA BA'I RIGS LDAN 'KHOR LO CAN GYIS KLA KLO BCOM NAS SANGS RGYAS KYI CHOS 'JOG PA'I SLAD DU 'JUG PA'ANG SA'I DUM BU GANG DU DE BZHIN GSHEGS PA'I CHOS RNAM PAR NYAMS NAS KLA KLO'I CHOS ZHUGS PA DER YIN PAR GSUNGS LA, DE BZHIN GSHEGS PA'I CHOS SNGAR SA DER GTAN NAS MA BYUNG NA RNAM PAR NYAMS RGYU'ANG MED CING, KHYED CAG LTAR NA STON PA 'DI'I CHOS STON PA'I MGO RTZOM PA DANG, 'KHOR LO CAN GYI BSTAN PA'I MGO RTZOM PA SA'I DUM BU 'DIR DUS MNYAM DGOS PAS, DE'I SNGA ROL DU DE BZHIN GSHEGS PA'I CHOS RNAM PAR NYAMS PA DE, DE BZHIN GSHEGS PAS SU ZHIG GI YIN PA SMROS SHIG, 'DZAM GLING CHUNG NGU 'DIR SANGS RGYAS SH'AKYA THUB PA'I BSTAN PA'I GNAS TSAD STONG BRGYAD BRGYA YIN NA, DA LTA'I KUN DGA'I LO SHING PHO STAG 'DI YAN CHAD KYI THUB PAS RGYA GAR DU CHOS BSTAN NAS LO NYIS STONG DANG SUM BRGYA DANG BCU LHAG TZAM 'GRO BA'I RGYU MTSAN 'CHAD PAR 'GYUR BA LTAR YIN PAS, GLING 'DIR SANGS RGYAS GYI BSTAN PA NUB NAS LA LNGA BRGYA DANG BCU LHAG TZAM SONG ZIN PAR THAL LO, ,YANG ROL KHA CIG SA DUM BU RE RER RDZOGS LDAN STONG BRGYAD BRGYA DANG GSUM LDAN DANG GNYIS LDAN YANG STONG BRGYAD BRGYA RE GNAS SHING RTZAD LDAN LA BSTAN PA YE MED LA,
SA DUM BU RE RE'I BSTAN PA'I GNAS TSAD RDZOGS LDAN GSUM LDAN GNYIS LDAN GSUM KA BSDOM PA'I TSAD LO LNGA STONG BZHI BRGYA YIN ZHING, SA DUM BU BCU GNYIS PO THAMS CAD KYI DUS BZHI BSDOMS PA'I LO GRANGS NYI KHRI CHIG STONG DRUG BRGYA YIN NO ZHES SMRA PA NI BLO HA CANG MI 'TSAM PA'I RTZING PO GO BAR BYED PA STE, NYI KHRI CHIG STONG DRUG BRGYA LA BCU GNYIS KYIS BGOS PAS BCU GNYIS PO RE RE'I THOB SKAL LA STONG BRGYAD BRGYA RE 'THOB KYI LNGA STONG BZHI BRGYA RE KHO NA 'THOB PA MI SRID PA'I PHYIR RO, ,DE 'JIG RTEN KHAMS LE'I GO SLA'I SKABS SU DE NAS LO NI STONG PHRAG NYI SHU LAG PA BRGYA DANG BRAL BAR SANGS RGYAS CHOS NI RAB TU 'JUG, CES PA'I 'BRU BSNON PA'I BAB COL TE, DE'I DON NI NYI KHRI CHIG STONG DRUG BRGYA'I STENG NAS 'DZAM GLING CHUNG DU 'DI'I THOB SKAL STONG BRGYAD BRGYA BCAD PA'I LHAG STONG PHRAG NYI SHU LA LAG PA BRGYA STE NYIS BRGYA DANG BRAL BA'I KHRI DGU STONG BRGYAD BRGYA PO DES LHAG MA DUM BU BCU GCIG GIS BGOS PA'I BCU GCIG PO RE RE'I THOB SKAL LA STONG BRGYAD BRGYA RE 'BYUNG BA DE SRID KYI LOR SANGS RGYAS KYI CHOS 'JUG CES PA'O, ` ,SPYIR DUS BZHI CHEN PO BSKAL PA'I DUS BZHI DANG, DUS BZHI CHUNG BA BSTAN PA'I DUS BZHI GNYIS LAS 'DIR PHYI MA YIN LA, DE'I RTZOD LDAN MGO BRTZAMS NAS RTZOD LDAN GYI MJUG MA RDZOGS PA'I GONG ROL DU CHOS KYI RKANG PA GCIG YOD PA'I PHYIR BSTAN PA YE MED PA'ANG MI 'THAD DO, ,DE LA RANG GI LUGS NI, RIGS LDAN 'KHOR LO CAN GYIS KLA KLO BCOM NAS SANGS RGYAS KYI CHOS 'JOG PAR GSUNGS PA'I SANGS RGYAS KYI CHOS NI SANGS RGYAS SHA' KYA SENG GE'I BSTAN PA'I CHOS DE NYID SLAR YANG LOGS PAR GSOS NAS DE LA GLING BCU GNYIS KYI GDUL BYA RNAMS 'JOG PA YIN PAS 'KHOR LO CAN{tRIK CHEN KHAMS LE}
, ,GYI DUS BZHIR PHYE BA'I BSTAN PA NI SH'AKYA THUB PA'I BSTAN PA LA GTOGS PA YIN GYI DE LA MI GTOGS PA'I BSTAN PA LOGS PA MIN PAS, DE'I BSTAN PA'I GNAS CHAD KYANG RGYAL BA SHA'KYA SENG GE'I BSTAN PA'I GNAS TSAD KYI KHONGS SU GTOGS DGOS SO, ,'ON KYANG STON PA 'PHAGS PA'I YUL DU BYON TE THOG MAR CHOS BSTAN PA NAS YUN RE SHIG GI BAR DU LUNG RTOGS KYI BSTAN PA YONGS SU RDZOGS PA'I RDZOGS LDAN DU YOD PA LAS, CHOS KYI RKANG PA GCIG CES PA BSTAN PA'I GNAD YONGS SU RDZOGS PA'I STENG NAS BZHI CHA GCIG NYAMS PAR MA GYUR GYI BAR RDZOGS LDAN DANG, DE NAS SLAR YANG RKANG PA GNYIS PA NYAMS PAR MA GYUR GYI BAR GSUM LDAN DANG, DE NAS SLAR YANG RKANG PA GSUM PA NYAMS PAR MA GYUR GYI BAR GNYIS LDAN DANG, DE NAS CHOS KYI RKANG PA GCIG TZAM LUS PA NAS GCIG PO'ANG MED PAR GYUR GYI BAR NI RTZOD LDAN TE, DE LTAR RTZOD LDAN GYI DUS RDZOGS NAS 'GRO BA'I MTHAR CHOS KYI RKANG PA GCIG PO'ANG MED PA LA DGONGS NAS, 'GREL CHEN DU MTHAR CHOS KYI RKANG PA BZHI MED PA'O ZHES GSUNGS SO, ,DE LTAR STON PAS CHOS BSTAN PA NAS BZUNG STE RIM GYIS NYAMS NAS RTZOD LDAN DU GYUR PA'I MTHAR RIGS LDAN 'KHOR LO CAN GYIS KLA KLO BCOM NAS BSTAN PA LEGS PAR GSOS PAS BSTAN PA RDZOGS LDAN DU GYUR CING YANG RIM GYIS NYAMS PAS CHOS KYI RKANG PA GCIG DANG GNYIS DANG GSUM DANG BZHI KA NYAMS PA'I DUS BZHI RIM PA GCIG 'BYUNG BAS, RGYAL BA SH'AKYA SENG+GE'I BSTAN PA LA BSTAN PA'I DUS BZHI RIM PA GNYIS 'BYUNG BA YIN NO, ,DE LA DUS BZHI SNGA MA'I STENG NAS SNGAR CI TZAM 'DAS SHING, LHAG MA CI TZAM LUS
PA DANG, DUS BZHI PHYI MA'I RNAM GZHAG JI LTA BU YIN ZHE NA, DE LA THOG MAR 'DI DAG SHES DGOS PAS BSHAD PAR BYA STE, DUS KYI 'KHOR LO'I RTZA BA'I RGYUD LAS, LO 'DI NAS NI DRUG BRGYA'I LOS, ,DRANG SRONG RNAMS NI SMIN DON DU, ,'JAM DBYANGS MI BDAG GRAGS PA NI, ,SHAM+BHA LA ZHES BYA BAR 'BYUNG, ZHES DANG, RGYUD 'DIR DRANG SRONG RIGS SOGS LA, ,SANGS RGYAS LAM NI GSAL BYED PA, ,ZLA BA LHA DBANG GZI BRJID CAN, ,ZLA BAS BYIN DANG LHA DBANG PHYUG, SNA TSOGS GZUGS DANG LHA DBANG LDAN, ,GRAGS PA PAD DKAR RIM PA'O, ,'DAS PA'I RGYAL PO NYI MA'I 'OD, ,DE NI BGEGS DGRA'I SPRUL PA STE, ,PHYAG NA RDO RJE ZLA BZANG KHYOD, ,SA SNYING GSHIN RJE GSHED MTHAR BYED, ,SGRIB PA THAMS CAD RNAMS LA DANG, ,RMUGS BYED KHENGS BYED RIM PA STE, ,NAM MKHA'I SNYING PO 'JAM DBYANGS DANG, , 'JIG RTEN MGON PO GO RIM BZHIN, ,GSHIN RJE GSHED SOGS KHRO BO BCU, ,DE BAR BYANG CHUB SEMS DPA' GZHAN, ,BCU GSUM DE RNAMS RIM PA YIS, ,RIGS LDAN RIGS LA 'BYUNG BAR 'GYUR, ,GRAGS PA RIGS LDAN RIGS KYANG STE, ,DE NAS RIGS LDAN PADMA DKAR; ;BZANG PO RIGS LDAN GSUM PA STE, ,DE BZHIN BZHI PA RNAM RGYAL LO, ,BSHES GNYEN BZANG PO PHYAG DMAR DANG, ,BDUN PA KHYAB 'JUG SBAS PA'O, ,NYI MA GRAGS DANG SHIN TU BZANG, ,RGYA MTSO RNAM RGYAL RGYAL DKA' DANG, ,RIGS LDAN NYI MA BCU GNYIS PA, ,SNA TSOGS GZUGS DANG ZLA BA'I 'OD, ,MTHA' YAS DANG NI SA SKYONG DANG, ,DPAL SKYONG SENG GE RNAM PAR GNAN, ,STOBS PO CHE DANG MA 'GAGS PA, ,MI YI SENG+GE DBANG PHYUG CHE, ,MTHA' YAS RNAM RGYAL RIGS LDAN DANG, ,GRAGS PA RIGS LDAN DE NAS SLAR, ,DE SRAS 'KHOR LO
, ,LA CHEN PO CAN, ,RIGS LDAN DRAG PO 'BYUNG 'GYUR TE, ,SMRA MKHAS RTA MCHOG TING 'DZIN GYIS, ,KLA KLO'I CHOS NI MTHAR BYED PA'O, ZHES GSUNGS TE, DE YANG SNGAR BSHAD ZIN PA LTAR STON PA SANGS RGYAS PA'I MDZAD PA BSTAN NAS, LO GCIG 'GRO BA'I NAG PA'I NYA LA, ,DPAL LDAN 'BRAS SPUNGS SU BYON NAS DUS 'KHOR RTZA BRGYUD GSUNGS PA'I LO DE 'DAS NAS LO DRUG BRGYA NA SHAM+BHA LA'I YUL DU 'JAM DBYANGS GRAGS PA BYON CING, DES LO BRGYA BZHUGS PA'I PHAL CHE BA RTZA RGYUD BSTAN CING, SKU TSE'I MJUG TU BSDUS RGYUD BSDUS NAS BSTAN DE LTAR NA LO BDUN BRGYA, GRAGS PA MYA NGAN LAS 'DAS NAS LO BRGYAD BRGYA NAM MKHA'I YUL DU KLA KLO'I CHOS MJUG STE, LO 'DI NAS NI DRUG BRGYA'I LO YIS GSAL BAR MI BDAG GRAGS PA SHAM+BHA LA ZHES BYA BAR 'BYUNG, DE NAS KLU YI LO BRGYA RNAMS KYIS NGES PAR MKHA'I YUL DU KLA KLO'I CHOS DAG 'JUG CES GSUNGS PA LTAR RO, ,RIGS LDAN RIGS KYI NANG NAS LAG PAS BSGYUR BA'I DUS KYI BU DANG TSA BO DAG NI 'DAS GYUR PA, ,DE YI DUS SU NGES PAR MKHA'I YUL DU KLA KLO'I CHOS DAG 'JUG ,CES GRAGS PA 'DAS NAS KLA KLO 'JUG PA'I BAR GYI LO BRGYAD BRGYA PO DE'I RING LA, GRAGS PA'I SRAS PAD+MA DKAR PO DANG, TSA BO BZANG PO NAS SHIN TU BZANG PO LA THUG PA'I BAR RIGS LDAN BRGYAD 'DAS PAR GSUNGS TE, DE LTAR NA BRGYAD PO DE'I SKU TSE'I CHAD KYANG LO BRGYA BRGYAR GSAL LO, ,LHA DBANG NAS LHA'I DBANG LDAN GYI BAR CHOS RGYAL DRUG DANG GRAGS PA NAS SHIN TU BZANG PO'I BAR RIGS LDAN GYI RGYAL PO DGUS LO BRGYA BRGYAR CHOS STON PAR BSHAD PA'I PHYIR, SANGS RGYAS KYI CHOS BSTAN PA'I RJES NAS MA KA'I
YUL DU KLA KLO 'JUG PA'I BAR LA LO STONG LNGA BRGYA 'DAS SO, ,SANGS RGYAS KYI RTZA RGYUD GSUNGS PA'I LO DANG, DE'I RJES SU ZLA BZANG GIS SHAM+BHA LAR LO GCIG GI RING LA RTZA RGYUD BSTAN CING 'GREL PA BRTZAMS TE DUS KYI 'KHOR LO'I GZHAL YAS KHANG BZHENGS NAS MYA NGAN LAS 'DAS PA'I LO GCIG STE, LO GNYIS PO DE NI SNGAR GYI GRANGS LAS LOGS SU LHAG POR BGRANG DGOS TE, STON PAS RTZA RGYUD STON PA'I LO 'DI NAS 'OG TU DRUG BRGYA NA LO YIS CES PA YIN PAS, LO DRUG BRGYA PO DE'I SNGON MA RTZA RGYUD STON PA'I DUS DE LA BZUNG BAS LO GNYIS PO NI LO 'DI NAS NI DRUG BRGYA CES PA'I KHONGS SU MA GTOGS PA'I PHYIR RO, ,DE NAS RIGS LDAN RGYA MTSO RNAM RGYAL NAS RIGS LDAN DRAG PO YAR BCAD LA RIGS LDAN BCU DRUG YOD LA, MKHAS PA RANG, KHA CIG DE DAG GI SKU TSE'I TSAD GSAL BAR MA GSUNGS SO ZHES GSUNGS SHING, BLA MA THAR LOS THAMS CAD LO BRGYA BRGYAR MNYAM PAR BZHED PA LA, DE LTA NA RGYAL DKAS RTZIS GZHI BRTZAMS NAS LO LNGA BRGYA DANG NYER GSUM SONG BA'I PHYIR DA LTA DPAL SKYOD YONG DGOS PAR MNGON TE SNGON GYI GTAM BRGYUD DANG MI MTHUN PAR SNANG NGO ZHES GSUNG ZHING, RGYA MTSO RNAM RGYAL GYIS LO BRGYAR CHOS BSTAN LA KLA KLO BYUNG NAS LO BRGYA CU RTZA GNYIS NA RGYAL DKAS RTZIS GZHI BRTZAMS PA YIN PAS RGYAL DKAS LO BRGYA'I BAR DU CHOS STON PA'I BRGYAD CU RTZA GNYIS 'DAS SHING BCO BRGYAD LAS PA'I MTSAMS DER RTZIS GZHI BYAS PA YIN NAM SNYAM ZHES GSUNG ZHING, KHA CIG RGYA MTSO RNAM RGYAL LA, RGYA MTSO DANG RNAM RGYAL ZHES RIGS LDAN GNYIS SU BYAS NAS, DRAG PO RIGS LDAN NYI SHU RTZA DRUG PAR BYED KYANG, RGYUD LAS, DE YI DBUS SU
, ,GDAN NI NYI SHU RTZA LNGA RIM PAR YONGS SU BGRANGS PA DAG GI DUS KYI MTHAR ZHES NYI SHU RTZA LNGA RIM PAR BGRANGS PA'I THA MA DRAG POR GSUNGS PAS DRAG PO NYI SHU RTZA DRUG PA YIN PA MI LEGS KYI, RGYA MTSO RNAM RGYAL GCIG TU BYAS NAS DRAG PO RTZA LNGA PAR BZHED PA LEGS LA, PAD DKAR GYI RJES LA SPRUL PA'I RGYAL PO NYI SHU RTZA GSUM LUNG BSTAN BYUNG BAS KYANG SHES TE, GZHAN DU NA NYI SHU RTZA BZHI'I LUNG BSTAN 'BYUNG BAR RIGS PA'I PHYIR TE, RIGS LDAN NYI SHU RTZA DRUG LAS RTZA LNGA LUNG BSTAN NAS GCIG LUNG MI STON PAR 'JOG PA LA RGYU MTSAN DANG DGOS PA GANG YANG BSTAN RGYU MED PA'I PHYIR RO, ,BI BHU TI TZAN+TRA SENG GE RNAM GNON GCIG ,MTHA' YAS RNAM RGYAL GCIG TU BYAS NAS NYI SHU RTZA LNGAR 'DOD DO ZHES ZER RO, , 'ON KYANG GNAS 'DI LA NI 'CHAD PAR 'GYUR BA'I PHYOGS 'DI NYID NGES PAR KHAS SLANG DGOS TE, 'DI LTAR SPYIR KLA KLO'I GNAS TSAD LO STONG BRGYAD BRGYAR GSUNGS SHING, DE YANG KLA KLO THOG MAR ZHUGS NAS MTHAR MA LUS PAR 'JOMS PA RDZOGS KYI BAR LA BRTZI DGOS LA, KLA KLO 'JUG PA DANG RGYA MTSO RNAM RGYAL BYON PA DUS MNYAM ZHING, RIGS LDAN DRAG POS KLA KLO 'JOMS PA YIN PA'I PHYIR, RGYA MTSO RNAM RGYAL BYON PA'I THOG MA NAS RIGS LDAN DRAG PO YAR BCAD BCU DRUG PO'I RING LA LO STONG BRGYAD BRGYA YONG DGOS SO, ,DE LA KLA KLO'I GNAS TSAD STON PA'I 'JIG RTEN KHAMS LE'I GO SLA'I RGYUD LA SHONG 'GYUR DU, DE LTAR DUM BU THAMS CAD DU YANG DUS BZHI'I DUS SU KLA KLO'I CHOS NI RAB TU 'JUG PA STE, LO NI BRGYAD DANG BRGYA PHRAG
GCIG TU NGES PAR GNAS TE DE NAS KLA KLO'I CHOS NI NYAMS PA'O, ZHES 'BYUNG LA 'GYUR GZHAN DU BRGYAD BRGYA ZHES PA DANG, YANG 'GYUR GZHAN GYIS BRGYAD DANG GCIG GI BRGYAR NI NGES PAR GNAS TE DE NAS KLA KLA'O CHOS NI NYAMS PA'O, ZHES ZER BA SOGS MI MTHUN PA MANG BAR SNANG YANG, BRGYAD DANG GCIG GI BRGYAR ZHES BRTZIS KYI GNAS GZHAN 'GED PA'I RIM PA BZHIN MJUG TU BRGYAD TU BRGYAD BKOD, DE YI GRAL GONG DU GCIG BKOD DE BRGYAS BSGYUR BAS STONG BRGYAD BRGYAR 'GYUR BA LA BSHAD DU RUNG BA TZAM SNANG LA, JI LTAR NA YANG STONG BRGYAD BRGYA LA BSHAD DGOS TE, DUS KYI 'KHOR LO'I RGYUD PHYI MA LAS, DE LA BCO BRGYAD LO YIS BRGYA PHRAG BSGYUR TE BRGYA YIS 'PHAGS PA'I YUL GYI MA KHA LA SOGS PAR, KLA KLO RNAMS KYI GRAGS PA GANG DANG GANG ZHIG MUN CAN GYUR PA DE RNAMS BDAG GIS DRUNGS PHYUNG STE, ZHES GSUNGS PA'I PHYIR RO, ,'DIR BDAG GIS ZHES PA 'JAM DBYANGS GRAGS PA YIN PAS MTHAR KLA KLO 'JOMS PA'I DRAG PO 'KHOR LO CAN YANG 'JAM DBYANGS GRAGS PA NYID SLAR BYON PA YIN PAR BSTAN NO, ,BCO BRGYAD LO YIS BRGYA PHRAG BSGYUR TE BRGYA YIS ZHES PA NA BSGYUR GZHI BRGYA BKOD PA BCO BRGYAD LO YIS BSGYUR BA'AM, BRGYA YIS CES PA YANG BCO BRGYAD KYANG BRGYA YIS BSGYUR ZHES PA STE STONG BRGYAD BRGYA'O, , 'PHAGS PA'I YUL GYI MA KHA LA SOGS PAR CES PAS KLA KLO THOG MAR 'JUG PA'I MA KHA'I YUL YANG RGYA GAR NA YOD PAR BSTAN NO, ,DE LTAR NA JI SKAD BSHAD PA'I TSUL GYIS LO STONG BRGYAD BRGYA PO DE NYID RGYA MTSO RNAM RGYAL NAS, DRAG PO'I
, ,BAR RIGS LDAN BCU DRUG GI SKU TSE'I TSAD KYI LO GRANGS SU YANG 'GYUR LA, DE YANG STONG BRGYAD BRGYA PO DE NYID LA RGYAL PO BCU DRUG GIS BGOS PAS BRGYA BRGYA THOB PA'I LHAG MA NYIS BRGYA 'BYUNG NGO, ,DE LA RGYAL PO BCU DRUG PO THAMS CAD LA SKU TSE LO BRGYA BRGYAR BYAS NAS, LHAG MA LO NYIS BRGYA PO DE NI RGYA MTSO RNAM RGYAL DANG, RGYAL DKA' GNYIS LA BSNAN PAR BYA DGOS SO, ,'O NA CHA MNYAM DU BSNAN NAM SNYAM NAM YIN TE, KLA KLO'I LO LA BCU DRUG GIS BA GOS PA'I THOB LHAG GNYIS BRGYA BYUNG BA NI, RAGS PA TZAM YIN PAS DA DUNG DE LA GSUM BSRES TE, DE'I STENGS NAS BRGYAD CU RTZA GNYIS RGYA MTSO RNAM RGYAL GYI BRGYA'I STENG DU BSNAN PAR BYA LA, BRGYA DANG NYI SHU RTZA GCIG NI; RGYAL DKA'I LO BRGYA LA BSNAN PAR BYA'O, ,DE LTAR NA RGYA MTSO RNAM RGYAL GYIS CHOS BSTAN PA'I LO GRANGS BRGYA BRGYAD CU RTZA GNYIS DANG, RGYAL DKAS CHOS BSTAN PA'I LO GRANGS NYIS BRGYA NYER GCIG BSDOMS PAS ME MKHA' RGYA MTSO'I LOR 'GYUR LA, 'JIG RTEN KHAMS LE'I TSIGS BCAD NYER DRUG PA'I 'GREL PAR, 'DIR BYED PA LA NGES PA NI DE BZHIN GSHEGS PA'I DUS NAS LO DRUG BRGYA NA 'JAM DPAL GYI DUS SO, ,DE NAS LO BRGYAD BRGYA NA KLA KLO'I DUS SO, ,KLA KLO'I DUS DE LAS BRGYAD CU RTZA GNYIS LHAG PA'I BRGYAS DMAN PA NI RGYAL DKA' GANG GIS NYUNG NGU'I BYED PA RNAM PAR SBYONG BA RIGS LDAN RGYAL DKA'I DUS SO, ,DUS DE NYID NI BYED PA LA NGES PAR 'GYUR TE KLA KLA'O LO LAS SO, ,RAB BYUNG LA SOGS
'DAS PA ZHES PA NI LO DRUG CU PO GANG GI DANG POR RAB BYUNG YIN PA DE NI RAB BYUNG LA SOGS PA STE, DE DAG LAS SO SOR DA LTAR BA'I LO'I SNGA MA'I LO NI RAB BYUNG LA SOGS 'DAS PA'O, ,DE GSUM LHAG PA'I BZHI BRGYA LA BSRES PA NI KLA KLO'I LOR RAB TU GRUB PAR 'GYUR RO ZHES DANG, KLA KLO'I DBANG PO'I LO NI, LAG PA GDENGS CAN ZLA BAS DMAN PA BRGYAD CU RTZA GNYIS LHAG PA'I BRGYA YIS DMAN PA NI LAG PA GDENGS CAN ZLA BAS DMAN PA STE, SHAM+BHA LA'I YUL DU RIGS LDAN RGYAL DKA'I DUS KYI LO'O, ZHES GSUNGS PA LA SOGS PA SNGA PHYI RNAMS LEGS PAR BSGRIBS PA NA, RIGS LDAN GRAGS PA NAS LO BRGYAD BRGYA NA KLA KLO 'JUG PAR GSUNGS PA'I BRGYAD BRGYA 'DAS PA DANG RIGS LDAN SHIN TU BZANG PO 'DAS PA DUS MNYAM PAS KLA KLO 'JUG PA DANG RGYA MTSO RNAM RGYAL BYON PA DUS MNYAM LA, RIGS LDAN RGYAL DKA'I DUS KYI LO GRANGS ME MKHA' RGYA MTSO'I STENG NAS LAG PA GDENGS CAN ZLA BAS DMAN PA'I LHAG MA YIN PAR DRANGS MA THAG PA'I LUNG GIS DNGOS SU BSTAN PAS NYIS BRGYA NYER GCIG TU BSNYON MED LA, DE'I SHUGS KYIS LAG PA GDENGS TZAN ZLA BZHI, KLA KLO 'JUG PA DANG DUS MNYAM DU BYON NAS RGYAL DKA'I SNGA ROL DE MA THAG PAR DU BZHUGS PA'I RGYA MTSO RNAM RGYAL GYI SKU TSE'I TSAD DU 'BAD MED DU 'GRUB PA'I PHYIR RO, ,DES NA ME MKHA' RGYA MTSO LA, RAB BYUNG LA SOGS 'DAS LO BSRE BA NI, DA LTA YAR BCAD LA KLA KLO ZHUGS NAS LO CI TZAM ZHIG SONG BA'I GRANGS RTOGS PA'I DON DU YIN LA, DE YANG 'DAS LO BSRE BA'I GZHI ME MKHA' RGYA MTSO LA BYED PA NI
, ,KLA KLO ZHUGS TSUN CHAD KYI LO'I PHUNG PO CI TZAM YOD PA'I STENG NAS RGYA MTSO RNAM RGYAL DANG RGYAL DKA' GNYIS KYIS CHOS BSTAN PA'I LO GRANGS KHYAD PAR DU SHES PA'I PHYIR DU YIN ZHING, DE SHES PA LA DGOS PA CI YOD NA, KLA KLO'I GNAS TSAD KYI STENG NAS RIGS LDAN BCU DRUG GI THOG MA GNYIS PO DE'I MI 'DRA BA'I LO GRANGS KYI KHYAD PAR DE LTAR BSHAD CING, LHAG MA BCU BZHI'I THA MA RIGS LDAN DRAG PO KLA KLO 'JOMS PA PO DANG, TSE LO BRGYA PAR DNGOS SU GSUNGS PA NA, KLA KLO'I GNAS TSAD KYI LO GRANGS STONG BRGYAD BRGYA'I GRANGS DANG RGYAL PO BCU DRUG GI LO GRANGS TSAD MNYAM PA DANG, RGYAL PO LHAG MA BCU BZHI PO TSE LO BRGYA PAR TSAD MNYAM PA RNAMS SHES PA'I DGOS PA YOD DO, ,ME MKHA' RGYA MTSO LA LAG PA GDENGS CAN ZLA BAS SBYANGS PA'I LHAG NYIS BRGYA NYER GCIG LA 'DAS LO BSRES PA RTZIS KYI GZHIR 'JOG PA NI RGYAL DKA' NYUNG NGU'I BYED PA SBYOR MKHAN GYI THOG MA YIN PAS DES RTZIS GZHI MDZAD NAS CHOS BSTAN PA'I LO GRANGS DE NYID GZHIR BYAS PA LA DE 'DAS MA THAG GI RJES KYI RAB BYUNG NAS BRTZAMS TE, DE LTA'I BAR GYI DRUG CU SKOR JI SNYED 'DAS PA DANG DRUG CU SKOR DU MA LONGS PA'I LO 'DAS PA RNAMS BSRE BA YIN NO, ,DE LTAR NA STON PAS RTZA RGYUD BSTAN PA'I PHYI DE LO NAS RIGS LDAN SHIN TU BZANG GI BAR LO STONG LNGA BRGYA, ME MKHA' RGYA MTSO'I LO BZHI BRGYA DANG GSUM, STON PA SANGS RGYAS NAS RTZA RGYUD GSUNGS PA'I BAR GYI LO GCIG STE LO STONG DGU BRGYA DANG BZHI RIGS LDAN NYI MA NAS RIGS LDAN DRAG PO'I SKU TSE PHYED YAN LA LO STONG SUM BRGYA LNGA
BCU STE, BSDOMS PAS LO GSUM STONG NYIS BRGYA LNGA BCU NGA BZHI SNGA MA'I LO GRANGS YIN LA, DE LA ME MKHA' RGYA MTSO YAR BCAD KYI STONG DGU BRGYA DANG BZHI PO LA RGYAL DKA' 'DAS RJES KYI RAB BYUNG GI LO NAS BRTZAMS PA'I DRUG CU SKOR DRUG DANG, DE'I RJES KYI RAB BYUNG NAS DA LTA'I KUN DGA'I LO SHING PHO STAG 'DI YAR BCAD KYI BZHI BCU RTZA BRGYAD BSNAN PA KUN BSDOMS PAS STON PA SANGS RGYAS PA NAS DA LTA'I SHING PHO STAG 'DI 'DAS PA YAR BCAD LA BSTAN PA LO NYIS STONG SUM BRGYA 'GRO, BCU'I SHAM+BHA LAR RIGS LDAN MTHA' YAS 'DAS SHING SA SKYONG GIS CHOS BSTAN NAS LO BRGYAD 'GRE BA YIN LA, RIGS LDAN DRAG POS KLA KLO 'JOMS PA'I BAR LA LO DGU BRGYA DANG BZHI BCU RTZA GNYIS YOD DO, ,DUS BZHI SNGA MA'I DUS BZHI SO SO LA LO GRANGS DNGOS SU MA GSUNGS KYANG 'KHOR LO CAN GYI DUS BZHI PO SO SO'I LO GRANGS TSAD MNYAM PAR GSUNGS PA'I RIGS 'GROS SBYAR NAS SNGA MA'I DUS BZHI SO SO YANG TSAD MNYAM PAR BYAS NA DUS BZHI PO RE RE'I THOB SKAL LA LO BRGYAD BRGYA DANG PHYED DANG BCU BZHI LHAG TZAM RE 'BYUNG NGO, ,DE'I DBANG DU BYAS NA LO 'DI YAR BCAD KYI DUS BZHI SNGA MA'I RDZOGS LDAN DANG GSUM LDAN SONG ZIN ZHING, GNYIS LDAN GYI STENG NAS DRUG BRGYA DANG BRGYAD CU RTZA LNGA LHAG 'DAS, DE GNYIS LDAN GYI LHAG LO BRGYA DANG NYI SHU RTZA PHYED DANG DGU LHAG TZAM DANG, RTZOD LDAN GYI LO BRGYAD BRGYA PHYED DANG BCU BZHI LHAG TZAM YOD DO, ,KLA KLO'I GNAS TSAD LO STONG BRGYAD BRGYA ZHES GSUNGS PA'ANG RAGS RTZIS TZAM DU GSUNGS KYI ZHIB PAR NA LO STONG BRGYAD BRGYAR RIGS LDAN 'KHOR LO CAN GYI SKU TSE'I SMAD LO LNGA BCUS DMAN PA YIN TE,
{tIK CHEN} *, ,'JIG RTEN KHAMS LE'I GO SLA'I SKABS KYI RGYUD LAS, KLA KLO'I TSOGS NI 'KHOR GYI SKYE BO DANG BCAS RAB TU BCAD NAS MI YI LO NI BRGYA PHED NA, RIGS LDAN GRUB PAR 'GYUR TE LHA YIS BKOD PA'I PHO BRANG MTHO BA KEE LA SHA'I RGYAB TU'O; ;ZHES KLA KLO 'KHOR DANG BCAS PA LHAG MA MED PAR BCAD ZIN NAS MI LO LNGA BCU NA RI BO KEE LA SHA'I RGYAB TU RIGS LDAN NYID GRUB PA'I GNAS SU GSHEGS PAR 'GYUR ZHES GSUNGS PA'I RIGS LDAN NI DRAG PO 'KHOR LO CAN YIN PAS SO, ,DES NA LO LNGA BCU PA'I DE NYID 'KHOR LO CAN GYI DUS BZHI'I LO LA GTOGS DGOS SO, ,GLING BCU GNYIS PO RE RER YANG 'KHOR LO CAN GYI DUS BZHI RDZOGS PA RE RE 'JUG PA'I GLING RE RE'I THOB SKAL GYI DUS BZHI KA BSDOMS PA'I LO GRANGS STONG BRGYAD BRGYA RE DANG, GLING RE'I DUS BZHI PO SO SO'I BGOS SKAL LO BZHI BRGYA LNGA BCU RE DANG, GLING BCU GNYIS PO THAMS CAD KYI DUS BZHI'I LA GRANGS THAMS CAD SPYIR BSDOMS PA LA LO NYI KHRI TSIG STONG DRUG BRGYAR BSHAD DO, ,DE LTAR NA GLING 'DIR DUS BZHI SNGA MA LA LO SUM STONG NYIS BRGYA LNGA BCU NGA LNGA DANG DUS BZHI PHYI MA'I LO STONG BRGYAD BRGYA BSDOMS PAS LO LNGA STONG LNGA BCU RTZA LNGA 'BYUNG BA'I STENGS NAS STON PA SANGS RGYAS NAS MYA NGAN LAS 'DAS KYI BAR GYI LO BZHI BCU RTZA DRUG PHRI BA NA LO LNGA STONG DANG DGU 'BYUNG ZHING, MDO SDE'I PHYOGS DANG DE'I RJES SU 'BRANGS NAS BSTAN PA LA LO LNGA STONG DU BZHED PA DAG DANG SHIN TU 'GRIGS PAS DE'I LUGS DANG DUS 'KHOR GYI LUGS LA LO STONG LHAG TZAM GYI KHYAD PAR YOD PAR SNGA MA DAG GIS 'DOD PA NI, DUS KYI 'KHOR LO'I TSUL LA TOL
MA BYUNG BAR SNANG NGO, ,MDO SDE RNAMS LAS MI 'DRA BA DU MA 'BYUNG BA DE DAG LAS KYANG LNGA STONG DU GSUNGS PA DANG DE'I RJES SU 'BRANGS PA'I RNAM GZHAG MDZAD PA DAG GI LUGS LTAR SGRA JI BZHIN PA DANG, LO STONG DANG PHYED DANG NYIS STONG DANG NYIS STONG DU GSUNGS PA LA SOGS PA NI DGONGS PA CAN DU BYA DGOS TE, DE DAG SGRA JI BZHIN PA YIN NA DA LTAR BSTAN PA LHAG MA MED PAR NUB ZIN NAS KYANG YUN RING PO LON PAR THAL BA'I PHYIR RO, ,DA LTA'I LO 'DI'I SNGA MA YAN GYIS BSTAN PA LO SUM STONG DANG LNGA BRGYA DRUG CU RTZA BDUN 'DAS PAR BYED PA'I PHYOGS LTAR NA, DA LTA DUS BZHI SNGA MA RDZOGS SHING 'KHOR LO CAN GYI DUS BZHI ZHUGS NAS KYANG GLING 'DIR YUN SHIN TU RING BAR 'DAS DGOS PAS, GTAM RGYUD SNGA MA SNGA MA'I ZER SGROS TZAM GYI RJES SU 'BRANGS PA'I RNAM GZHAG DE DAG LA SNYING PO CI YANG SA PAn YOD PA MA YIN LA, KHO BOS JI SKAD BSHAD PA'I TSUL 'DI NI RGYUD DANG 'GREL BA LAS LO 'DI NAS 'DI SONG GSUNGS PA'I DON JI LTA BAR GTAN LA PHAB PAS BSNYON DU MED PAR GRUB CING, MDO LAS GSUNGS PA DAG KYANG STON PA MYA NGAN LAS 'DAS NAS BSTAN PA LO 'DI TZAM ZHIG GNAS ZHES GSUNGS PA SHA STAG TU SNANG LA, STON PA 'DAS NAS LO LNGA STONG DU MDO NAS GSUNGS PA DANG, RGYUD 'DIR GSUNGS PA'I TSUL JI SKAD BSHAD PA LA LO DGU'I KHYAD PAR LAS MA BYUNG ZHING, DE TZAM ZHIG NI RAGS RTZIS ZHIB RTZIS KYI KHYAD PAR YIN PAS LEGS PAR 'GRIG GO, ,DUS 'KHOR BSDUS RGYUD RTZA 'GREL LTAR NA GLING 'DI'I BSTAN PA'I GNANG TSUL LO BZHI STONG NYIS BRGYA LNGA BCU RTZA GNYIS PAR SMA LO NAM PA DANG, 'KHOR
, ,LO CAN GYI DUS BZHI'I STENG NAS LO STONG DRUG BRGYA LNGA BCU SANGS RGYAS SH'AKYA THUB PA'I BSTAN PA'I GNAS TSAD LA GTOGS SHING, LO PHYED DANG NYIS BRGYA 'KHOR LO CAN KHO NA'I YIN GYI SANGS RGYAS THUB PA'I BSTAN PA'I GNAS TSAD LA MI GTOGS PAR SMRA BA NI SHIN TU MI LEGS TE, 'KHOR LO CAN GYI BSTAN PA LA SH'AKYA THUB PA'I BSTAN PA LA GTOGS PA'I BSTAN PA DANG MI GTOGS PA'I BSTAN PA CHA GNYIS 'ONG DON GA LA YOD, RGYUD ZHIB PAR MI SHES PA'I RNAM 'GYUR DU GSAL NA'ANG RGYUD DON BSHAD LO NAM, PAS SHES PAR 'GYUR RO, ,DE BZHIN DU SGROL BYED KYI LO LA SBRANG RTZI'I BLO GROS KYIS KLA KLO'I CHOS BSTAN PA NAS ZAD PA'I BAR LA LO BZHI BCU RTZA GSUM, DE RJES KYI RAB BYUNG NAS 'PHAGS PA'I YUL DU DUS 'KHOR GYI RGYUD BYON GYI BAR GYI LO DRUG CU SKOR DU LONGS PA DRUG DANG BSRES PAR ME MKHA' RGYA MTSO BYUNG BA YIN PAS ME MKHA' RGYA MTSO 'DAS LO BSRE BA'I GZHIR BYED PA'I RGYU MTSAN DE YIN PAR SMRA BA'ANG LEGS PA MA YIN TE, MDOR BSDUS DGU PAR ZHIB TU BSHAD PAR BYA'O, ,YANG KHA CIG RIGS LDAN NYI SHU RTZA DRUG TU BYAS NAS DE DAG GIS CHOS BSTAN PA'I LO GRANGS RNAMS BSDOMS PA'I TSAD LO STONG BRGYAD BRGYA YIN LA, DE NYID KYI RING LA GLING LO NAM, 'DIR DUS BZHI TSAR GCIG 'JOG CING LO STONG BRGYAD BRGYA PO DE'I STENGS NAS NGAM, RIGS LDAN GRAGS PA'I SKU TSE'I TSAD LO NYIS BRGYA DANG MTHA'I RIGS LDAN DRAGS PO'I SKU TSE'I TSAD LO BRGYA YIN ZHING, DE GNYIS KYI BAR DU BYON PA RIGS LDAN NYER BZHI PO RNAMS RE RE YANG SKU TSE'I TSAD LO DRUG CU DRUG CU NGES LA,
DES LO STONG BRGYAD BRGYA PO RDZOGS PAR 'DOD PA NI HA CANG RNAM PAR MA BRTAGS PA STE, DUS BZHI DE NYID SANGS RGYAS SH'AKYA THUB PAS CHOS BSTAN PA'I THOG MA NAS 'JOG PA'I DUS BZHI YIN NA, SANGS RGYAS SH'AKYA THUB PA DANG RIGS LDAN GRAGS PA GNYIS KYIS CHOS STON PA'I THOG MA DUS MNYAM PAR THAL BA'I PHYIR DANG, RIGS LDAN GYI DGOS KYI DUS BZHI YIN NA NI KLA KLO MA ZHUGS PA NAS KLA KLO BCOM PA'I RJES KYI DUS BZHI'I MGO RTZOM PA HA CANG THAL BA'I PHYIR DANG, LO STONG BRGYAD BRGYA'I STENG NAS SUM BRGYA PHRI PA'I LHAG LA STONG LNGA BRGYA RGYAL PO NYI SHU RTZA BZHIS BGOS PAS DRUG CU RTZA GNYIS RE THOB PA'I LHAG DA DUNG BCU GNYIS YOD PAS 'DI LTA BU'I BSGYUR 'GOD RAGS PA LA'ANG 'KHRUL PA'I GTAM DU SNANG BA'I PHYIR RO, ,DE YANG SA DUM BU BCU GNYIS PO THAMS CAD DU 'KYOR LO CAN GYI DUS BZHI 'JUG PA'I LO THAMS CAD BSDOMS PA'I GRANGS NYI KHRI TSIG STOD DRUG BRGYA DANG, SA DUM BU BCU GNYIS PO THAMS CAD KYI RDZOGS LDAN GYI LO GRANGS BSDOMS PA LNGA STONG BZHI BRGYA DE BZHIN DU GSUM LDAN GNYIS LDAN RTZOD LDAN RNAMS KYANG LNGA STONG BZHI BRGYA RE DANG, GLENG RE RE'I SSGOS KYI THOB SKAL DUS BZHI BSDOMS PA'I LO GRANGS STONG BRGYAD BRGYA RE RE DANG, DE'I DUS BZHI SO SO LO BZHI BRGYA LNGA BCU RE 'BYUNG PA YIN NO, ,'DI'I DUS BZHI 'KHOR TSUL LA, 'GREL CHEN GYI SHONG 'GYUR DU, 'KHOR LO CAN GYI RGYAL PO SA'I DUM BU GANG DU ZHUGS PA DER RDZOGS LDAN DANG DE'I MDUN DU RTZOD LDAN DANG RGYAL PO'I RGYAB TU GSUM LDAN
, ,BGROD CES 'BYUNG BA LA, DUS 'KHOR BA PHAL CHE BA DAG ,RGYAL PO GANG DU ZHUGS PA'I SA'I DUM BU LA RDZOGS LDAN DANG DE'I MDUN GYI SA'I DUM BU LA RTZOD LDAN DANG RGYAL PO'I RGYAB KYI SA'I DUM BU LA GSUM LDAN DANG RTZOD LDAN GSUM LDAN GYI BAR DU GNYIS LDAN YOD DO ZHES GLING SO SO LA RIM PA LTAR 'KHOR BA LA 'CHAD DO, ,'DI DAG THAMS CAD KYANG DUS BZHI'I MI LO NYI KHRI CHIG STONG DRUG BRGYA PO RIM CAN DU 'BYUNG BAR 'DOD PA 'DUG PA LA, 'KHOR TSUL DE 'DRA BA'I GLENG BCU GNYIS 'KYOR THABS GCIG LA MI LO NYE KHRI CHIG STONG DRUG BRGYA RIM CAN DU RDZOGS PA MI SRID CING, GZHAN YANG 'KHOR LO CAN GYI DUS BZHI SA DUM BU BCU GNYIS LA RDZOGS PAR 'JUG PA'I TSE LHO'I DUM BU GSUM LA RDZOGS LDAN NUB KYI DUM BU GSUM LA RTZOD LDAN SHAR GYI DUM BU GSUM LA GSUM LDAN, BYANG GI DUM BU GSUM LA GNYIS LDAN RNAMS DUS MNYAM DU 'JUG LA, DE NAS DUS BZHI GA-YAS SKOR DU 'KHOR BAR 'DOD PA LTAR NA NUB KYI DUM BU GSUM LA THOG MAR RTZOD LDAN DE'I RJES SU RDZOGS LDAN SOGS DANG, BYANG GI DUM BU GSUM LA THOG MAR GNYIS LDAN, DE'I RJES SU RTZOD LDAN, DE'I RJES SU RDZOGS LDAN, MJUG TU GSUM LDAN 'BYUNG BA LA SOGS PAR 'GYUR ZHING, DE BZHIN DU LHO GLENG DBUS MAR RDZOGS LDAN, LHO GLING NUB MAR RTZOD LDAN, LHO GLING SHAR MAR GSUM LDAN, SHAR GLING LHO MAR GNYIS LDAN RNAMS DUS MNYAM DU ZHUGS NAS DE NAS GA-YAS SKOR DU 'KHOR BAR 'DOD PA LA'ANG SNGAR JI LTA BA BZHIN DU MTSUNGS PAS, DUS BZHI'I GO
RIM DE LTA BU SHES LDAN SU ZHIG KHAS LEN PAR BYED, DES NA MDUN CES PA SNGON DANG, RGYAB CES PA PHYIS ZHES PAR TZA MI SOGS KYI 'GYUR GZHAN NA YOD PA LTAR LEGS SHING, DE YANG GLING GANG DU RIGS LDAN 'KHOR LO CAN 'JUG PA'I SNGON DU DUS BZHI SNGA MA SANGS RGYAS KYI DUS BZHI'I RTZOD LDAN GYI MJUG YOD PA LA DER RIGS LDAN ZHUGS NAS RIGS LDAN GYI DUS BZHI'I THOG MA RDZOGS LDAN 'JUG PAR 'GYUR ZHING, DE'I PHYIS SAM RJES SU RIGS LDAN GYI DUS BZHI'I YA GYIL GYI GSUL LDAN GNYIS LDAN RTZOD LDAN RNAMS GLING DER RIM PA BZHIN 'BYUNG BA'I DON YIN LA, RGYAL PO'I SNGON DU GLING DER YOD PA'I RTZOD LDAN NI RIGS LDAN GYI DUS BZHI'I YA GYAL GYI RTZOD LDAN MA YIN NO, ,'O NA THOG MAR GLING 'DI NYID DU 'KHOR LO CAN GYI DUS BZHI LO STONG BRGYAD BRGYA PO THAMS CAD RDZOGS NAS DE'I RJES SU LHO'I GLING GA-YOG NUB MAR DUS BZHI'I MGO 'DZUGS PA SOGS GLING BCU GNYIS LA RIM CAN DU 'BYUNG BA'AM, 'ON TE GLING BCU GNYIS PO THAMS CAD KYI RDZOGS LDAN DUS MNYAM DU 'JUG CING, RTZOD LDAN RDZOGS PA'ANG DUS MNYAM PA GANG ZHIG 'DOD PAR BYA ZHE NA, 'DI NI LE'U DANG PO'I MJUG GI GO SLA'I TSIGS SU BCAD PA DAG ZHIB PAR BSHAD PA LAS RTOGS DGOS PA'I PHYIR, SKABS DE NYID DU BSHAD PAR BYA'O, ,'DI LA RIGS RAL NA RE; DUS 'KYOR LAS RDZOD PA'I DUS SU 'KYOR LO BSGYUR RGYAL 'BYUNG BA DANG 'KHOR LO BSGYUR RGYAL DE YANG TSE LO BRGYA BAR BSHAD PA NI MDO LAS SKYE RGYU RNAMS KYI TSE LO BRGYAD KHRI LAS NYUNG BA NA 'KYOR LO SBRGYUR GYAL 'BYUNG BA MI SRID BAR BSHAD PA SOGS
, ,DANG 'GAL BA'I 'KHRUL PA YIN PAR SMRA BA NI RANG NYID GSAL BAR BYED PA CHEN PO STE, 'DIR RIGS LDAN 'KHOR LO BSGYUR BA ZHES BA SHAD PA'I 'KYOR LO NI DAM PA'I CHOS KYI 'KHOR LO YIN GYI RGYAL SRID SNA BDUN GYI YA GYAL GYI 'KHOR LO RIN PO CHE LA ZER BA MIN PA'I PHYIR RO, ,DE LTA MIN NA TSE LO BRGYA BA'I DUS SU SANGS RGYAS 'BYUNG BA MI SRID PAR 'GYUR RO, ,DE LTAR NA BSTAN PA'I GNAS TSAD JI LTAR YIN PA LEGS PAR BSHAD ZIN TO, ,BZHI PA RGYUD KYI RJOD BYED GZHUNG GI RNAM GZHAG NI, SPYIR RJOD BYED KYI RGYUD LA'ANG, RTZA BA'I RGYUD DANG, BSHAD PA'I RGYUD DANG, CHA MTHUN NAM YAN LAG GI RGYUD CES PA GSUM YOD LA, RTZA BA'I RGYUD NI, SHING GI YAL GA THAMS CAD MTHAR GANG DU 'DU BA'I GZHAI LA SHING GI RTZA BA ZHES ZER BA LTAR GYUD SDE GZHAN THAMS CAD KYI LAM GYI GNAD MA LUS PA DER 'DU BA LA RTZA BA'I RGYUD KYI THA SNYAD MDZAD PA GSANG 'DUS RGYUD SDE THAMS CAD KYI RTZA BAR GSUNGS PA LTA BU DANG, THOG MA'I BDAG PO LA RTZA BA'I BDAG PO ZHES ZAR BA LTAR BLA MED DANG YO GA GNYI GA LA THUN MONG DU RNAL 'BYOR GYI RGYUD CES PA'I SGRA 'JUG PA'I DBANG DU BYAS PA NA, RNAL 'BYOR RGYUD TZAM GYI THOG MA'I GZHI 'DZIN PA LTA BU YIN PA LA DGONGS NAS DE NYID BSDUS PA GSANG 'DUS LA LTOS PA'I RTZA RGYUD DU GSUNGS PA LTA BU RNAMS NI RTZA BA'I RGYUD KYI SGRA BSHAD PA'I RGYU MTSAN YOD PA TZAM LA DE DANG DE LA LTOS PA'I RTZA RGYUD KYI THA SNYAD MDZAD PA YIN GYI, DE TZAM GYIS DE DANG DE LA LTOS PA'I RTZA RGYUD DU BZHAG MI NUS SO, ,DE BAS NA RTZA RGYUD NI, RANG NYID RGYUD GZHAN 'CHAD PA'I 'GREL BA LTA BUR GNAS PA MA YIN PAR RANG NYID 'GREL
PA LTA BU'I RGYUD GZHAN GYIS BSHAD PAR BYA BA'I GZHIR GNAS PA BSHAD RGYUD LA LTOS PA'I RTZA RGYUD DANG, THOG MAR STON PAS RGYAS PAR GSUNGS PA'I RGYUD GANG ZHIG PHYIS DE LAS BTUS PA'I BSDUS RGYUD GANG LAS THU BA'I GZHIR RGYUR ZHING RANG NYID RGYUD RANG LA LTOS PA'I RTZA RGYUD GZHAN GYI 'CHAD BYED DU MA SONG BA BSDUS RGYUD LA LTOS PA'I RTZA RGYUD GNYIS LAS, DANG PO NI, GSANG 'DUS DANG BDE MCHOG LA SOGS PA'I RTZA RGYUD RNAMS LTA BU YIN LA, GNYIS PA NI, DUS 'KHOR RTZA RGYUD LTA BU'O, ,BSHAD PA'I RGYUD NI RTZA RGYUD DE DANG DER MI GSAL BA GSAL BAR BYED PA DANG, MTSAD BA KHA SKONG BA DANG, MDOR BSDUS PA RGYAS PAR 'CHAD PA DANG, RNAM GRANGS GZAHN YANG STON PA DANG, TSIG DON ZHIB PAR 'CHAD PA SOGS KYI SGO NAS RANG GI RTZA RGYUD DE'I 'GREL BA LTA BUR GNAS PA STE, DPER NA GSANG 'DUS KYI BSHAD RGYUD RDO RJE 'PHRENG BA DNAG, BDE MCHOG GI BSHAD RGYUD MNGON BRJOD BLA MA LA SOGS PA LTA BU'O, ,CHA MTHUN NAM YAN LAG GI RGYUD NI, BSHAD RGYUD DU 'JOG PA'I MTSAN NYID DE DAG MA TSANG YANG PHA RGYUD MA RGYUD SOGS SU PHYE PA NA, RTZA RGYUD DE DANG DE DAG GI NANG NAS RGYUD GANG YIN PA DE'I SDER GTOGS SHING DE DANG BRJOD BYA PHYOGS MTHUN DU GYUR PA'I RGYUD RNAMS TE, DPER NA RDO RJE SNYING PO RGYAN GYI RGYUD DANG SGYU 'PHRUL DRA BA DANG GSHIN RJE BSHED DMAR NAG GI RGYUD LA SOGS PA GSANG 'DUS KYI CHA MTHUN GYI RGYUD YIN PA LTA BU DANG, MKHA' 'GRO RGYA MTSO LA SOGS PA BDE MCHOG GI CHA MTHUN GYI RGYUD YIN PA LTA BU'O, ,RTZA RGYUD DANG BSHAD RGYUD DANG CHA MTHUN GYI RGYUD RNAMS LA YANG DANG POR RGYAS PAR GSUNGS PA DANG PHYIS BSDUS TE
, ,GSUNGS PA GNYIS GNYIS PA DU MA ZHIG YOD DO, ,RGYUD PHYI MA LA SNGAR GYI DON BSDUS NAS STON PA'I PHYI MA DANG PHYI MA'I PHYI MA NI RTZA RGYUD KYI NANG DU 'DUS PA YANG YOD LA, RGYUD SNGA MA'I MA TSANG BA KHA SKONG BA'I PHYI MA BRTAG GNYIS KYI BRTAG PA PHYI MA LTA BU YANG RTZA RGYUD KYI NANG DU GTOGS PA'I PHYI MA'O, ,DNGOS GRUB STON PA'I PHYI MA NI DE NYID BSDUS PA'I RGYUD PHYI MA LTA BU STE, DE NI RTZA RGYUD KYI PHYI MA YIN NA RTZA RGYUD DANG BSHAD RGYUD KYI NANG DU GTOGS SO, ,RGYUD SNGA MA'I BSHAD PA'I 'PHRO 'CHAD PA'I PHYI MA NI NGAN SONG SBYONG RGYUD KYI BRTAG PA PHYI MA LTA BU STE, DE YANG BRTAG PA SNGA MA DANG RGYUD GCIG DANG GTOGS SO, ,RGYUD SNGA MA 'CHAD BYED DU GYUR BA'I PHYI MA NI GSANG 'DUS KYI RGYUD PHYI MA LTA BU STE, DE NI RTZA RGYUD DU MI GTOGS KYI BSHAD RGYUD DO, ,RGYUD SNGA MA'I NANG NAS SNYING PO'I DON RNAMS PHYOGS GCIG TU BSDUS TE STON PA'I PHYI MA NI DUS KYI 'KHOR LO'I RGYUD KYI SNYING PO PHYI MA LTA BU STE, DE NI BSDUS RGYUD STONG DANG SUM CU PO 'DI LA LTOS PA YIN KYANG BSDUS RGYUD DU BYA DGOS PAR MNGON NO, ,DE YANG BCOM LDAN 'DAS KYIS RTZA BA'I RGYUD ZLA BA BZANG PO LA GSUNGS NAS ZLA BZANG GIS KYANG RTZA BA'I RGYUD BSDUS, RGYA CHER 'GREL PA RJES SU BSNGAGS PA'I SDEB SBYOR GYI DBANG DU BYAS PA'I SHLOOKA STONG PHRAG DRUG CU BA MDZAD CING GLEGS BAM DU BRIS NAS SHAMBHA LA LA SOGS PA'I YUL GYI MI RNAMS LA BSTAN TE DUS KYI 'KHOR LO'I DKYIL 'KHOR GYI KHANG PA RIN PO CHE SNA LNGA LAS BYAS PA BZHENGS SHING RDZU 'PHRUL BSTAN NAS MYA NGAN LAS 'DAS SO, ,DE NAS LHA DBANG LA SOGS PA'I CHOS RGYAL DRUG GIS KYANG RTZA BA'I RGYUD DANG 'GREL BA GNYIS BSTAN LA, DE'I RJES SU 'JAM DBYANGS
GRAGS PAS LO BRGYA'I RING LA PHAL CHER RTZA RGYUD NYID BSTAN CING, SKU TSE'I MJUG TU NYI MA'I SHING RTA LA SOGS PA TSANGS PA'I DRANG SRONG RNAMS SAD PAR MDZAD NAS DE DAG GIS DBANG BSKUR ZHING RGYUD SDUD PAR GSOL BA BTAB PAS NAG PA'I NYA LA ZLA BA BZANG POS BZHENGS PA'I DKYIL 'KHOR DU DRANG SRONG RNAMS LA DBANG BSKUR BA BYIN TE BCOM LDAN 'DAS NYID KYIS LUNG BSTAN CING RJES SU GNANG BA LTAR, BSDUS PA'I RGYUD ME TOG PHRENG 'DZIN GYI TSIGS BCAD STONG SUM CU PA RTZA BA'I RGYUD LAS BTUS PHA MDZAD DO, ,DE LA YE SHES LE'U'I TSIGS BCAD NYIS BRGYA LNGA BCU RTZA GNYIS PA MAN CHAD BCU DANG, NANG LE'I TSIGS BCAD THA MA STE BCU GCIG PO DE NI GRAGS PA DANG NYI MA'I SHING RTA'I GSUNG YIN GYI, RTZA BA'I RGYUD LAS BTUS PA MA YIN PAS DE DAG LAS LHAG MA STONG SUM CU'O, ZHES BZHED LA, YANG BLA MA KHA CIG GIS 'JIG RTEN KHAMS LE'I TSIGS BCAD BRGYA BZHI BCU RTZA BRGYAD PA DANG DGU BCU RTZA GSUM PA DANG YE SHES LE'U'I TSIGS BCAD DGU BCU RTZA BZHI PA STE GSUM PO RTZA RGYUD LAS BTUS PA MA YIN PAS DE'I DOD DU 'JIG RTEN KHAMS LE'I TSIGS BCAD BRGYAD CU RTZA DGU PA'I RJES LA TSIGS BCAD GCIG RTZA BAR MA CHUD PA DANG, MCHOG MI 'GYUR GYI 'GREL PAR BSDUS RGYUD KYI LUNG DRANGS PA SHOD 'GYUR GYI RTZA BAR MA CHUD PA'I TSIGS BCAD GNYIS TE GSUM PO DE BSNAN PAS STONG SUM CU'O ZHES 'CHAD CING, YANG KHA CIG SHOD 'GYUR LA YE SHES LE'UR KHYIM BCU GNYIS KHAMS DRUG DANG SBYAR BA'I TSIGS BCAD GCIG CHAD KYANG GYI JO DANG RMA'I 'GYUR LAM CHAD PA YOD PAS, YE SHES LE'U'I TSIGS BCAD THA MA BCU DANG 'JIG RTEN KHAMS LE'I TSIGS BCAD BRGYA ZHE DGU PA DANG NANG LE'I TSIGS TSIGS BCAD THA
, ,MA STE BCU GNYIS PO DE 'JAM DBYANGS GRAGS PA DANG NYI MA'I SHING RTA'I GSUNG YIN GYI RTZA RGYUD LAS BTUS PA MA YIN PAS DE DAG GI LHAG MA STONG SUM CU'O ZHES ZER TE BRTAG PAR BYA'O, ,DE NAS 'JAM DBYANGS GRAGS PAS KYANG RANG NYID KYI SRAS SPYAN RAS GZIGS KYI SPRUL PA'I SKU PADMA DKAR PO LA BSDUS PA'I RGYUD STON PA DANG RGYAS 'GREL MDZAD PAR BSKOS TE MYA NGAN LAS 'DAS SO, ,DE NAS PADMA DKAR POS RGYA CHER 'GREL BA STONG PHRAG BCU GNYIS PA DRI MA MED PA'I 'OD MDZAD CING BSDUS PA'I RGYUD BSTAN TO, ,LNGA PA RGYUD 'GREL GNYIS 'PHAGS YUL DANG BOD DU JI LTAR BRGYUD PA LA GNYIS LAS, DANG PO 'PHAGS PA'I YUL DU JI LTAR BYON PA'I TSUL LA YANG LUGS GNYIS LAS, DANG PO RVA LUGS LTAR NA, DUS KYI 'KHOR LO LA SOGS PA BYANG CHUB SEMS DPA'I SKOR DU GRAGS PA 'DI RNAMS RGYA GAR DU RGYAL PO GSUM GYI RING LA BYUNG STE, DE YANG RDO RJE GDAN DBUS SU BZHAG PA'I SHAR PHYOGS NA GA DZA PA TI GLANG PO CHE SKYONG BA'I RGYAL PO DE HA PA LA, LHO PHYOGS NA NA RA PA TI MI SKYONG BA'I RGYAL PO DZA'U GANG GA PA, NUB PHYOGS NA AA SHVA BA TI RTA SKYONG BA'I RGYAL PO KA NA'U DZA ZHES PA YOD PA'I TSE BYUNG NGO, ,DE LA RGYA GAR SHAR PHYOGS NA YUL STE LNGA YOD PA'I NANG NAS AOR BI SAR SKU 'KHRUNGS PA'I SLOB DPON CHEN PO SDE SNOD THAMS CAD LA THUGS SBYANGS PA'I CI LU PAndI TAS, RAD NA GI RI BI H'A RA DANG, PRAm K'A MA LA SH'I LA DANG, NA LENDRA RNAMS SU SDE SNOD KYI PO TI THAMS CAD GZIGS SHING, KHYAD PAR DU DU RU KA'I GNOD PA MED PA RIN CHEN RI BOR GZIGS PAS, SPYIR SANGS RGYAS TSE GCIG GIS 'GRUB PA LA SNGAGS KYI
THEG PA DGOS SHING, KHYAD PAR DU BYANG CHUB SEMS DPA'I 'GREL PAS GSAL BAR BYAS PA DGOS LA, DE SHAMBHA LA NA YOD PAR MKHYEN NAS YI DAM GYI LHAS LUNG BSTAN PA LA BRTEN TE RGYA MTSOR NOR BU LEN PA'I TSONG PA DANG 'GROGS NAS RGYA MTSO LA BRGAL BA'I TSONG PA RNAMS DANG ZLA BA DRUG GI 'DZOM DUS BYAS TE LAM SO SOR ZHUGS SO, ,DE NAS SLOB DPON GYI RIM GYIS BYON NAS RI ZHIG GI STENG DU 'DZEGS PA DANG, MI ZHIG DANG PHRAD PAS, DE NA RE KHYOD GAR 'GRO ZER BA LA, SHAMBHA LAR BYANG CHUB SEMS DPA'I SKOR TSOL DU 'GRO BYAS PA LA, DER NI SHIN TU BGROD DKA' STE SHES PA BYUNG NA 'DIR YANG MNYAN PAS CHOG MOD GSUNG PA DAG ,'JAM DPAL GYI SPRUL PAR SHES TE PHYAG BYAS MAn+dAL PHUL GSOL BA BTAB PAS DBANG RGYUD 'GREL MAN NGAG MTHA' DAG GNANG ZHING RJES SU BZUNG NAS ME TOG GCIG SPYI BOR BZHAG STE BYANG CHUB SEMS DPA'I SKOR MA LUS PA KHONG DU CHUD PAR GYUR CIG CES BYIN GYIS BRLABS PAS, CHU SNOD GCIG NAS GCIG TU BYO BA LTAR BYANG CHUB SEMS DPA'I SKOR MA LUS PA KHONG DU CHUD PAR GYUR TE TSUR BYON PA DANG, TSONG PA RNAMS DANG 'DZOM STE SLAR RGYA GAR SHAR PHYOGS SU BYON NO, ` ,YANG LUGS GCIG LA TZI LU PAn+dI TA DE RNAL 'BYOR BA GCIG GI BU YIN PAS, PHA YIS SHAMBHA LAR KHRID NAS SPYAN RAS GZIGS KYI SPRUL PA DGE SLONG SHIN TU GZUGS BZANG BA GCIG DANG MJAL TE, DES BYIN GYIS BRLABS PAS ZHAG TE LA SHO LO KA STONG STONG ZIN PAR GYUR TE, RGYUD 'GREL THAMS CAD THUGS LA BZUNG NAS, RGYA GAR DU BYON TE RAB TU BYUNG BA'I MTSAN TZI LU PA ZHES GRAGS SO, ,DE
, ,NAS SLOB DPON DES KA TA KA'I RGYAL PO'I SAR BZHUGS PAS SLOB MA GSUM BYUNG, DE RNAMS KYIS RGYUD 'GREL RNAMS GLEGS BAM LA 'DI BAR ZHUS NAS BRIS SO, ,SLOB MA GCIG THA MAL BA ZHIG BYUNG, GCIG RGYAL BA'I 'BYUNG GNAS SBAS PA ZHES PA GRUB PA BRNYES PA ZHIG BYUNG, GCIG SHAR PHYOGS BHAm GA LAR SKU 'KHRUNGS PA'I BI TO A'A TZARYA 'AM, PAn+dI TA A'A TZARYA ZHES PA MKHAS PA GCIG BYUNG STE, DES BYANG CHUB SEMS PA'I SKOR MA LUS PA THUGS SU CHUD CING THUGS NYAMS SU BZHES SO, ,DE NAS YUL DER RGYAL PO GZHAN GYIS DMAG BYUNG STE RGYUD 'GREL GYI DPE THAMS CAD DONG DU SBAS TE BROS, DMAG GYES NAS BLTAS PAS BDE DGYES GNYIS KYI 'GREL PA'I SMAD MI 'DUG NAS BRI BAR ZHUS PAS MKHA' 'GRO MAS SBAS PAS 'BRIR MI RUNG GSUNGS NAS MA GNANG, TZI LU PA SLAR RGYA GAR SHAR PHYOGS SU GSHEGS SO, ,DE NAS PAn+dI TA A'A TZRYA DE BA BA RE NA T'AR SKU 'KHRUNGS PA'I SLOB DPON DUS ZHABS PA CHEN PO LA GSUNGS SHING, DES KYANG SNGAR BZHIN DU MKHYEN CING THUGS NYAMS SU BZHES SO, ,KHA CIG NA RE DUS ZHABS PA DE SGROL MA'I ZHAL MTHONG NAS CI 'DOD PA ZHU RU YOD PAS SGROL MAS LUNG BSTAN NAS SHAMBHA LAR BYON TE, SPYAN RAS GZIGS KYIS LAM NAS BSUS NAS MA LA YA'I TSAL GYI DKYIL 'KHOR GYI KHANG PAR KHRID DE DBANG BSKUR RGYUD 'GREL RNAMS BSHAD NAS DPE THAMS CAD KYANG GNANG STE BYON NO; ;DE NAS RGYA GAR SHAR PHYOGS ME TOG KHYIM ZHES BYA BAR BZHUGS PAS SLOB MA'I MCHOG BZHI BYUNG STE, DUS ZHABS PA CHUNG NGU DANG 'DUL BA 'BYUNG GNAS BLO GROS DANG, SENG GE RGYAL MTSAN DANG, MTHA' YAS RNAMS SO, ,DE LA DUS ZHABS PA CHUNG BA NI, MNY+DZU HA DE SHA
SHAR PHYOGS SU SKU 'KHRUNGS, MTSAN BODHI BA ZHES KYANG ZER, KHA CIG DHA RMA AA GA RA DANG GCIG TU 'DOD PA NI MI 'THAD DE, DE NI S'A DHU BU TRA'I SLOB MA YIN PAS DUS PHYI BAS SO, ,RVA BA NA RE DUS ZHABS PA CHUNG BAS RAT+NA AA KAR LA GSUNGS, DES NA LENdRAR DAR BAR BYAS ZHES GSUNGS PA LA, BLA MA GONG MA'I ZHAL NAS, DE GNYIS GROGS MCHED YIN ZHING, DUS ZHABS PA CHUNG BA NI LENdRAR BYON, DUS 'KHOR GYI LHA KHANG BZHENGS PAndI TA MANG PO SLOB MAR BCUG PA YIN PA'I PHYIR DANG BRGYUD PA GZHAN DANG GUNG YANG 'GRIG PAS RAN TA AA KAR MI DGES GSUNG, DUS ZHABS PA CHUNG BA DES MA GA TAR DAR NA THAMS CAD DU DAR BAR 'GYUR SNYAM DU DGONGS NAS, MA GA TA'I RGYAL PO SHING STAN CAN GYIS BYED CING, SEN DHA BAS AO DHYAN TA BU RA'I GTZUG LAG KHANG 'DZIN PA'I DUS NA LENdRAR BYON NAS GTZUG LAG KHANG GI SGO GONG DU RNAM BCU DBANG LDAN GYI SNGAGS BRIS, DE'I 'OG TU GANG ZHIG DANG PO'I SANGS RGYAS MI SHES PA DE RNAMS KYIS MTSAN YANG DAG PAR BRJOD PA MI SHES PA NAS, RDO RJE 'DZIN PA'I LAM DANG BRAL BA STE 'KHOR BA PA'O, ZHES PA'I BAR BRIS PAS PAndI TA LNGA BRGYA TZAM BZHUGS PA RNAMS MA RANGS PAR BRTZOD PAS CHOS KYI RANG BZHIN ZAB CING RGYA CHE BAS THAMS CAD BTUL NAS SLOB MAR GYUR TE, KHYAD PAR DU MNYA+DZU KI RTI DANG, AA BI YUK+TA DANG, PAndI TA RI BO DANG, D'A BYANG CHUB SEMS DPA' DANG, AA BHA YA DANG, P'U nYA CHEN PO DANG, KHA CHE GAMBHI RA DANG, SH'AN+TA GUB+TA DANG, GU nA RAK+shI TA DANG, ZLA MGON DANG, TZA MI LA SOGS PA'I MKHAS PA MANG DU BYUNG ZHING, RGYAL RIGS RJE RIGS TSANG PA LA SOGS PA RNAMS KYANG DAD NAS DPE 'DRI ZHING BAG CHAGS 'JOG PA MANG DU BYUNG STE SHIN TU DANG BAR GYUR TO, ,DE NAS BAL PO YE RANG DU SKU 'KHRUNGS
, ,BA'I PAndI TA SA MAN+TA SHR'I BHA DRAS MKHAS PA RAB LNGA LA GSAN CING KHYAD PAR MNY+DZU K'I RTI'I RJES SU 'BRANG DE, ` ,GNYIS PA 'BRO BA'I LUGS NI, KHA CIG RIGS LDAN DPAL SKYONG CHOS STON PA'I DUS SU ZHES ZER, KHA CIG SENG GE'I DUS SU ZHES ZER, KHA CIG DE NI MA DAG PA YIN KYI, RIGS LDAN RGYAL DKA' 'DAS NAS NYI MAS CHOS STON PA'I MGO TSUGS PA'I DUS MA MKHA' RGYA MTSO LA BYED RTZIS KYI RAB BYUNG LA SOGS 'DAS LO BSRE BA'I MGO TSUGS PA TZAM GYI DUS SU DUS ZHABS PA CHE BA BYON PAR GSAL TE, BLA MA BRGYUD PA PHYI MA PHYI MAS SNGA MA SNGA MA'I ZHABS LA ZIN PA TZAM GYI LO GRANGS KYI TSOD DANG YANG 'GRIG BAR SNANG NGO ZHES 'CHAD DO, ,DE YANG RGYA GAR DU GSHIN RJE GSHED KYI RNAL 'BYOR PA YAB YUM GNYIS KYIS GSHIN RJE GSHED KYI RGYUD NAS 'BYUNG BA BZHIN DU RIGS KYI SRAS BSKRUN PA'I CHO GA MDZAD PAS KHYE'U ZHIG 'KHRUNGS TE, CHER SKYES PA DANG BYANG PHYOGS NA BYANG CHUB SEMS DPA' DNGOS SU CHOS STON PA YOD PAR GRAGS PAS NYAN DU BYON PA LA, KHYE'U'I LHAG PA'I BSAM PA RNAM PAR DAG PA DANG, CHOS ZAB MO LA 'DUN PA DANG, SHAM+BHA LAR 'ONGS NA CHU MED PAS MYA NGAM GYI THANG LA ZLA BA BZHI BGROD DGOS PAS LAM DU TSE'I BAR CHAD DU 'GYUR BA RIGS LDAN GYI MNGON PAR SHES PAS MKHYEN NAS SPRUL PA'I GZUGS KYIS MYA NGAM GYI THANG THON PAR BYON TE, KHYOD GANG DU GANG GI PHYIR 'GRO ZHES GSUNGS PA LA, JI LTAR DON DU GNYER BA ZHUS PAS, DE NI LAM BGROD DKA' STE, SHES PA BYUNG NA 'DIR YANG NYAN PAR MI RUNG NGAM ZHES GSUNG NGO, ,NGES KYANG RIGS LDAN GYI SPRUL PAR SHES TE GSOL BA BTAB PAS, DE NYID DU DBANG BSKUR ZHING ZLA BA BZHI'I
BAR DU BLA MED KYI RGYUD SDE MTHA' DAG DANG, KHYAD PAR DU BYANG CHUB SEMS DPA'I 'GREL BA SKOR GSUM LA SOGS PA BSTAN TE BUM PA GANG BYE'I TSUL DU THUGS SU CHUD PAR MDZAD NAS SLAR RGYA GAR DU BYON PAS 'JAM DPAL GYI SPRUL PAR GRAGS SHING MTSAN YANG DUS 'KHOR ZHABS PA CHEN PO ZHES BYA BAR GYUR TO, ,DE'I TSE RGYA GAR DU DGE SLONG BLO SHIN TU BRTUL BA ZHIG GIS SHES RAB 'PHEL BAR 'DOD NAS 'DOD PA'I LHA LA GSOL BA BTAB PA LAS, LHAS RMI LAM DU LUNG BSTAN PA LA BRTEN TE, BYU RU LA LHA MO KU RU KUL LE'I SKU MTSON GANG PA BYAS NAS BUD MED KYI RO'I KHAR BCUG STE RGYAB TU SKYIL KRUNG BCAS NAS ZHAG BDUN BSGRUBS PAS KHA GYEN DU PHYOGS TE CI 'DOD CES ZER BA LA, MTHONG TSAD ZIN PAR 'DOD BYAS NA'ANG 'OD BA YIN PA LA, BLO ZHUM PAS BRIS ZIN TSAD BLO LA ZIN PAR 'DOD CES SMRAS PAS; DE LTAR GYUR CIG CES ZER PA'I MDO LA DE LTAR GRUB PA'I PAn+dI TA DAG GI DBANG PHYUG GRAGS PA ZHES BYA BA KHA SAR P'A nI'I GTZUG LAG KHANG DU GNAS PA DES, SLOB DPON DUS 'KHOR ZHABS PA LA RGYUD DU SHES ZHES DRIS PAS, SLOB DPON GYIS 'DI DANG 'DI SHES SO ZHES LAN GSUNGS PAS PAndI TA DES RGYUD RNAMS KYI MTSAN TZAM YANG BZUNG BAR MA NUS SKAD DO, ,DE 'DRA BA'I DUS ZHABS PA CHEN PO DE LA SLOB MA MANG DU BYUNG BA LAS PHAL CHER RNAL 'BYOR PAR GYUR, BSHAD PA'I SROL 'DZIN PA RGYAL SRAS NA LENDRA PA DUS 'KHOR ZHABS GNYIS PA ZHES KYANG GRAGS SHING DUS ZHABS PA SNGA MA'I YON TAN DANG MTSUNGS PAR GYUR PA DE NYID YIN NO, ,LO RGYUS KHA CIG TU DUS ZHABS GNYIS PA DANG N'A LEN+DRA PA YAB SRAS YIN PAR 'CHAD DO, ,DE'I DUS SU KHA CHER BRAM ZE GCIG GI BU ZLA BA
, ,MGON PO ZHES BYA BA BLOO SHIN TU RNO BA ZHIG BYUNG BAS, YAB MU STEGS BYED KYI CHOS RNAMS LO BCU GNYIS LA SHES, YUM SANGS RGYAS BA YIN PAS NGA'I CHES KYANG SLOB DGOS ZHES ZER NAS KHA CHE BRAM ZE ZHABS ZHES BYA BA'I PAn+dI TA LA NYAN DU BCUG PAS ZLA BA MGON PO GZUGS SHIN TU MDZES PAR YOD PAS PAn+dI TA'I SRAS MO NA RE, NGA DANG LHAN CIG 'GROGS TE CHOS NYAN DGOS ZHES ZER BA LA DE LTAR KHAS BLANGS NAS CHOS MANG PO GSAN NO, ,DE'I TSE DUS ZHABS PA CHEN PO'I SLOB MA DUL BA'I BLO GROS KYI DBANG MDOR BSTAN PA DANG, DBANG GI RAB BYED KYI 'GREL PA BRAM ZE ZHABS LA BSKUR BYUNG BA ZLA BA MGON PO LA BSTAN TE GZIGS PAS SHIN TU MOS NAS, MA GTAR BYON PAS DUS ZHABS RNAM GNYIS DANG MJAL TE, BYANG CHUB SEMS DPA'I 'GREL PA SKOR GSUM CHA LAG DANG BCAS PA RDZOGS PAR ZHUS SO, ,DE'I DUS SU PAndI TA RIN CHEN RDO RJE DANG RTZOD PAS ZLA BA MGON PO RGYAL BA LA, RIN CHEN RDO RJE NA RE, NGA LA SLOB MA MI DANG DU 'ONG BAS KHYED SA PHYOGS GZHAN DU 'BYON PA BYUNG NA GSUNG BA LA KHAS BLANG STE, CHOS 'DI BOD DU DAR BAR BYA'O SNYAM DU DGONGS NAS BYON NO, ,GNYIS PA BOD YUL DU JI LTAR BYON PA'I TSUL LA YANG GNYIS LAS, 'BRO LUGS KYI LO RGYUS NI, KHA CHE ZLA BA MGON POS BOD DU BYON TE KHA RAG GNYOS LA BABS, KHONG GI 'GREL CHEN DRI MED 'OD BSGYUR PA DANG GSER SRANG BRGYA RDZONG BA'I CHAD BYAS, BAR SKABS SU PAndI TA MA MGU BAR 'GREL PA PHYED LAS MA BSGYUR, 'GYUR BYED 'PHRO BSNAMS NAS 'PHAN YUL GRAB TU BYON, ZHANG PHO CHUNG BAS BLA MAR BZUNG, 'BRO LOTZATSA BA SHES RAB GRAGS KYI LO TZATSA MDZAD NAS 'GREL CHEN
YONGS SU RDZOGS PAR BSGYUR RO, ,GNYOS KYIS PHO CHUNG BA LA DGE SLONG PHO CHUNG BA KHYOD KYIS NGA'I BLA MA PHROGS PA YIN PAS WA BA'I GSEB TU NYUNGS KAR TSAD DE BA ZHIG BYA'O ZHES 'PHRIN BSKUR BA LA ZHANG NA RE NGA KHRO BO BRGYA YIS MTSON CHAS BSDIGS KYANG MI 'JIGS, LHA MO BRGYA YIS 'DZUMS STAN KYANG MI CHAGS PA YIN NO, ,ZHES GSUNGS NAS ZHABS TOG YUN RING DU MDZAD, GNYOS STON YE SHES MCHOG GIS GSER SRANG BCO BRGYAD PHUL, GRvA PA MNGON SHES KYIS LO GSUM CHOS STON DRANGS SHING NAM MJAL RES KYIS PHYAG RTEN MA CHAD PAR BYAS, JO BTZUN TSUL KHRIMS RIN CHEN GYI GSER SRANG DRUG PHUL, GA-YO RU BA MGAR STON, MANG YUL BA STON PA SRI THAR, SMON 'GRO'I 'JAM SGOM LA SOGS PAS ZHABS TOG CHE BAR BYAS KYANG THAMS CAD LA SOR SPONG TZAM LAS MA GNANG, 'PHAN YUL GRAB TU SKU 'KHRUNGS PA'I BSGOM PA DKON MCHOG BSRUNGS ZHES PA MNGON PA DANG SA SDE DANG SMAN DPYAD LA SHIN TU MKHAS SHING YON TAN CHE BAR GRAGS PA DE NYID KYIS 'BYOR PA THAMS CAD BSDUS PAS GSER SRANG DRUG BYUNG BA DANG, BDAG NYID SKE LA DAR YUG BTAGS TE PHYAG TU BTANG NAS LUS DANG LONGS SPYOD THAMS CAD PHUL ZHING ZHABS TOG YUL RING DU MDZAD DE JI LTAR GSUNG BA BZHIN BSGRUBS PAS SEMS 'GREL SKOR GSUM GYI GZHUNG GDAMS NGAG DANG BCAS PA MA LUS PAR GNANG NGO, ,BLA MA 'DI NYID KYI PHYI RTEN RING BSREL MANG PO 'BYUNG BA ZHIG 'PHAN YUL RAG MA'I NANG NA DUS PHYIS KYI BAR DU YANG YOD DO ZHES ZER LA, PHYAG DPE DANG RUS PA'I RGYAN DRUG LA SOGS PA NANG NA BZHUGS PA'I PHYI RTEN CHE BA GCIG GRAB KYI NANG NA BZHUGS PA NI DUS PHYIS ZHIG NAS PHYAG DPE DANG RUS RGYAN SOGS KYANG GZHAN DU 'THOR BAR GYUR TO ZHES GRAG GO ,
, ,BLA MA SGRO STON GNAM LA BRTZEGS NI 'PHAN YUL SGRO RIS SU SKU 'KHRUNGS SHING DGUNG LO NYI SHU RTZA DRUG PA LA SBU DE'I DGE BSHES LO RO BA'I DRUNG DU GA-YU CHE CHUNG 'DRES PA PHUL GANG RGYAGS SU BSNAMS NAS BYON TE, DGUNG LO LNGA BCU RTZA BRGYAD PA'I BAR DU SLOB GNYER RGYA CHER MDZAD PA NA, LO RO BA'I ZHAL NAS 'CHIBS SNGAGS PA CHEN PO GCIG YOD PA 'DI RDO RJE 'DZIN PA DANG 'DRA, DE BA LANG DANG 'DRA BAR YOD PA LA, 'ON KYANG DUS PHYIS NGAS KYANG LOTZATSA BA CHEN PO LENG SH'AKYA BRTZON 'GRUS, 'BROG MI SH'AKYA YE SHES, 'GOS KHUG BA LHAS BTZAS GSUM LA THUG PAS RDO RJE 'DZIN PA DANG 'DRA BAR SONG STE, DUS 'KHOR SHES PA GCIG DANG THUG NA, DA DUNG BA LANG DANG MTSUNGS PAR 'DUG CES GSUNGS PAS, BLA MA GNAM LA RTZEGS DUS 'KHOR LA SHIN TU DAD BAR GYUR TE, DUS 'KHOR SUS SHES DRIS PAS PAndI TA SO MA N'A THAS MKHYEN ZER NAS DE MA THAG DER BYON TE PAndI TA LA GSER SRANG BCU GNYIS DANG RTA NAG PO GCIG PHUL NAS, ZHABS TOG YUN RING DU BYAS KYANG SO SPONG TZAM LAS MA GNANG, BLA MA DKON MCHOG BSRUNGS LA'ANG GSER NYUNG DU PHUL NAS ZHUS KYANG PAndI TA'I BKA' RGYA YOD, CES GSUNGS NAS MA GNANG, DE NAS PAndI TA RGYA GAR DU LAN SNGA MA GSHEGS PA'I SHUL DU SNOR BZANGS SU LO GSUM DANG, YER BAR LO GSUM GO BTEG MDZAD DE BLA MA DKON MCHOG BSRUNG LA ZHUS PAS GZHUNG GDAMS NGAG MA LUS PA GNANG NGO, ,SLAR YANG PAndI TA BOD DU BYON PA NA SGOM PAS SGRO LA GDAMS NGAG MA LUS PA BYIN YOD CES SLOB MA GZHAN KUN GYIS ZHUS PAS, DE NAS PAndI TA NA RE, SGRO LA DANGS GDAMS NGAG SBYIN NO ZHES GSUNG BA LA, GZHON PA'I DUS SU GNANG DU MA 'DOD, DA RGAS
PAS MI ZHU LAGS BYAS PAS, KHYOD DKON MCHOG BSRUNG GI GDAMS NGAG GI NGOMS 'DUG STE, NGA LAS MA BYUNG NA SU LAS BYUNG GSUNGS NAS PHYAG PHAB, DE MANG LAGS, BLA MA CHEN PO'I BKA' DRIN LAGS ZHUS PAS, MAN NGAG GANG GANG BYIN GSUNG BA LA, 'DI RNAMS BYIN ZHES BSNYAD PAS, DE RNAMS LAS NGA LA'ANG MED, THAMS CAD TSANG 'DUG PA SU LA'ANG MA STER, STER RE MNA' SKYOL GSUNGS NAS MGUL LA PHRED PA BCUG PA DANG, BLA MAS NI MA GNANG BLA MA DKON MCHOG BSRUNGS LA ZHUS PA LAGS MOD BYAS PAS, NGAN PA 'DI GSUNG NAS DBU LA BYE MA BRGYAB STE CHUD MA GSAN CIG GSUNGS LA, DE LTAR GSUNG MI 'TSAL CHUD CI LA GSON CES ZHUS TE, MDOR NA DE NYID KYIS PAndI TA DANG BLA MA DKON MCHOG BSRUNGS LA GZHUNG MAN NGAG DANG BCAS PA MA LUS PA GSAN CING NYAMS RTOGS PHUL DU BYUNG BA BRNYES SO, ,DE NYID KYI PHYI RTEN MCHOD RTEN KHANG BU BRTZEGS PA ZHIG 'PHAN YUL SGRO RIS KYI GNAS SGANG ZHES BYA BA NA BZHUGS PA ZHIG NAS SA 'BUS TZAM DU GYUR PA'I GSEB NAS, RING BSREL BRGYA PHRAG DU MA NAR MAR 'BYUNG BA YOD PA LA, BAR SKABS SU DGE BA'I BSHES GNYEN GZHAN DANG GZHAN GYIS SA DE DAG LA TSVA TSVA PA SGRUBS TE NANG DU BZHUGS PA'I MCHOD RTEN KHANG BU BRTZEGS PA SLAR YANG BYAS SO ZHES GRAG GO ,BLA MA YU MO NI GDUNG DUS RNGAM ZHES PA YIN ZHING, YAB RNGAM KHRO BO ZHES PA LA SRAS SKU MCHED BZHI YOD PA'I CHUNG BA YIN TE; GANGS TE SA'I RTZAR SKU 'KHRUNGS PA'I 'BROG PA YIN NO, ,DE NAS RIM GYIS LA STONG LHOR BYON NAS, DGUNG LO BCU PA LA LHO MCHER GNAS SU MKHAN PO STAG LO GZHON BYANG BZHUGS PA LA RAB TU BYUNG STE, KHYOD KYI RUS PA RNGAM DU 'DUG DAD PA SHIN TU CHE BA GCIG 'DUG
{tIK CHEN} *, ,PAS; RNGAM BTZUN DAD PA RGYAL PO ZHES 'DOGS SO GSUNG PAS DE LTAR MTSAN BTAGS, DER MKHAN PO LA CHOS GSAN CING LO GNYIS BZHUGS, DE NAS DON MO RIR BYON TE SE STON SGRA GCAN DANG DGE GNAS SU BAR STON THOS PA DGA'I DRUNG DU MNGON PA DANG PHAR PHYIN LA SOGS PA'I SKOR MANG DU GSAN, DE'I TSE KHONG RANG NYID KYIS YU MO ZHES RANG GIS MTSAN BLA DvAGS SU MDZAD DO, ,DE NAS DPA' DGE MTHONG DANG SNYEGS LA DBU MA DANG TSAD MA GSAN, DE NAS 'DUL BA GSAN PAR DGONGS PA LA, DE DUS SOG 'DUL BA 'DZIN PA MKHAS PAR GRAGS PAS LHAN PA SOR DE'I DRUNG DU BYON TE, 'DUL BA'I SKOR RNAMS GSAN CING MDO RTZA RDZOGS PAR THUGS LA GSUNGS, SPYOD PHYOGS RNAMS DANG KYEE RDOR LA SOGS PA SNGAGS KYI SKOR YANG CI RIGS PAR GSAN CING BZHUGS SO; ;DE'I TSE GROGS GCIG GIS DGUN CI BYED CES ZER BA LA, MTSAMS BYAS NAS SNGAGS KYI DPE 'DRI BYAS PAS, 'O NA KHO NA RE BYIN RLAG TSAD NA RDO RJE SNYING POS MDZAD PA'I KYEE RDO RJE'I 'GREL PA'I DPE 'DUG ZER BAS DE MI 'DRI'AM ZER BA NA, 'GREL PA DE'I MTSAN THOS PA TZAM GYIS SNGON GYI BAG CHAGS SAD DE LUS BA SPU GA-YOS PAR GYUR TO, ,DE NAS DPE DE GA-YAR NAS 'DRI ZHING GZIGS PAS SHIN TU DAD DE 'DI 'CHAD PA YOD DAM ZHES DRIS PAS, SO MA N'A THA ZHES BYA BAS 'CHAD CES GRAG GO ,ZHES ZER KYANG SNGON DUS KYI MI ZHIG KA YIN LAS CHE SNYAM NAS BRTZAD LEGS PAR MA BCAD, DE NAS PHYIS DBUS SU KHAMS PA LDE'U PA LA SPYOD PHYOGS NYAN CING BZHUGS PA NA PAndI TA ZLA BA MGON PO SKAR CHUNG NA BZHUGS ZER BA GSAN, DER SNGAR GYI GTAM DRAN TE, DES RDOR SNYING 'GREL PA MKHYEN
NAM ZHES SLOB DPON LA DRIS PAS, DER MA ZAD SPYIR GSANG SNGAGS TZAM LA MKHAS, KHYAD PAR DU DPAL DUS KYI 'KHOR LO'I 'GREL CHEN GYIS THOG DRANGS PA'I SEMS 'GREL SKOR GSUM MAN NGAG DANG BCAS PA LA MKHAS PAR GRAGS SO ZHES GSUNG ZHUS NA GNANG NGAM ZHES DRIS PAS, ,SPYIR BKA' DOG STE DA LTA BAL YUL DU GSHEGS PAR CHAS PA LA ZHABS THOG PA MA RNYED 'DUG ZER BAS, ZHABS TOG LA 'GRO NUS NA GNANG 'ONG GSUNG, DER SPO BA CHEN POS MJAL DU BYON NAS SUM PA RDO RJE GZHON NA LA MJAL BA DANG CHOS ZHU BA'I SNA BO BCOL TE PHYIN PA NA, PAndI TA DANG BLA MA GNAM LA RTZEGS KYEE RDO RJE'I RTZA SNGAGS DANG, YI GE BRGYA PA LA ZHUS DAG MDZAD CING 'DUG PA'I TSE MJAL ZHING CHOS 'GREL ZHUS PAS SNGAGS DE GNYIS LA BSHAD PA MDZAD CING GSUNGS, CHANG DKAR YOL GANG GSOL 'PHRO GNANG BA LAM 'THUNGS PAS, BLA MAS GSOL 'PHRO GNANG BA DE MI 'THUNG BA KHYED STANGS ZHAN ZHES 'GA' ZHIG ZER RO, ,PAndI TAS GSER THIG PO DANG GLA RTZI'I RKYAL PA MANG PO BSTAN NAS 'DI RNAMS BAL YUL BAR DU 'KHUR NUS SHING MGO THON NA, DE NAS NGAS SLAR BOD DU 'ONGS LA CHOS GANG DGOS SBYIN GSUNG, DE BZHIN DU BYA'O SNYAM NAS SGOM PA TSUL GRAGS LA DPE CHA RNAMS BCOL YOD PA LEN DU BYON PAS, KHYED GAR 'GRO ZHES ZER BA LA LO RGYUS RNAMS BSNYAD PAS, PAndI TA LA CHOS MI KHUGS, SNGAR YANG MED PAS MA KHUGS PA YIN; PAn+dI TA'I CHOS RNAMS DON DU GNYER NA NGED KYI BLA MA SNOR BZANG BA LA RDZOGS PAR MNGA' BAS DER ZHUS PA MI 'THAD DAM CES ZER BAS BLO 'GYUR TE, SGOM PA TSUL GRAGS SOGS LA ZHUS SNA BCOL, GSER ZHO 'GA' ZHIG DANG DUNG CHOS LEGS PA GCIG
, ,DANG; KA P'A LA GCIG RNAMS PHUL TE ZHUS PAS, BLA MA SNOR BZANG PA MNYES TE, KHYED KYI 'BUL BA 'DI RNAMS KYANG LA NYE BZANG, SOG 'DUL BA 'DZIN PA DE DGE BA'I BSHES GNYEN TSAD LDAN GCIG YOD PAR 'DUG PA DE NYID KYI'ANG THUGS ZIN PA CIG YIN ZER BAS KHYOD LA YON TAN CIG YOD PA YIN TE 'ONG GSUNG NAS CHOS GNANG BAR ZHAL GYIS BZHES, BLA MA DGUNG LO BDUN CU RTZA GNYIS PA DANG MJAL TE LO BZHIR BAR MA CHAD DU BSTEN NAS 'GREL PA SKOR GSUM MAN NGAG CHA LAG DANG BCAS PA DANG, MTSAN BRJOD MAN NGAG GI BSHAD PA DANG, GSANG 'DUS SGRON GSAL LA SOGS PA GSAN PA'I DUS SU BLA MA LA BSNYUNG BA BAG TZAM RE BYUNG BA NA, GCANG STON 'DI LA CHOS MA PHOGS KYI BAR DU DAM BSAD CIG CES MKHA' 'GRO MA RNAMS LA GSOL BA BTAB NAS GDAMS PA THAMS CAD RDZOGS PAR GNANG NGO, ,DE NAS 'U YUG TU DGUNG LO LNGA BCU PA LA BYON NAS, NUB MA'I MDA' RGYAL KHAB ZHES PAR GZHI PHAB STE, DE'I PHU RU DBEN GNAS KYANG MDZAD CING, GAG TSANGS KYI PHU'I BRAG PUG TU YANG THUGS DAM YUN RING DU MDZAD NAS GRUB PA THOB STE, DBANG DANG ZAB LAM GYI KHRID DANG, 'GREL PA SKOR GSUM CHA LAG DANG BCAS PA'I GZHUNG BSHAD LAN MANG DU GSUNGS, GSAL SGRON DANG GCES BTUS LA SOGS PA GDAMS PA'I BSTAN BCOS KYANG MANG DU MDZAD CING, MNGON PAR SHES PA THOGS PA MED PA MNGA' BA DANG, RANG GI SLOB MA RNAL 'BYOR BA CHEN PO WA BRAG DKAR BA YOD PA'I BRAG PHUG GI MDUN DU BLA MA 'DI SKYA KA'I GZUGS SU SPRUL NAS BYON TE MCHU BRDAR SKAD PHYUNG BAS, DES NGO SHES TE BLA MA RIN PO CHE BDAG LA DE 'DRA
BA'I KYAL KA MI MDZAD PAR ZHU ZER BA SOGS SKU'I BKOD PA MI 'DRA BA'I RDZU 'PHRUL LA DBANG 'BYOR PA SOGS MNGON PAR RTOGS PA'I YON TAN DPAG TU MED PA BRNYES NAS, DGUNG LO BRGYAD CU'I BAR DU BZHUGS TE DUS KYI 'KHOR LO'I BSHAD PA DANG, MAN NGAG RAB TU RGYAS PA'I SROL CHER MDZAD PA YIN NO, ,DE NYID DGUNG LO LNGA BCU RTZA LNGA PA LA RIGS KYI SRAS BSKRUN PA'I CHOG MDZAD PAS YUM GYI RDUL STOBS SU GYUR NAS SRAS MO ZHIG 'KHRUNGS PA NI MA CIG SPRUL SKU JO 'BUM ZHES GRAGS TE, MNGON PAR RTOGS PA TSAD MED PA MNGA' ZHING, DUS 'KHOR 'GREL CHEN BLO LA TSAR GYIS BSHAD PA BOD DU 'DI NYID LAS MA BYUNG ZHES GRAGS SO, ,DE'I RJES SU SRAS DHA RME SHvA RA 'KHRUNGS TE, SNGON GYI BAG CHAGS KYIS KLOG YIG KYANG SLOB PA'I RTZOL BA CHER MA DGOS PAR MKHYEN, DGUNG LO BCU GNYIS PA LA DBANG MDOR BSTAN GSUNGS, BCU DRUG PA NAS 'GREL CHEN GYIS THOG DRANGS PA'I SEMS 'GREL SKOR GSUM RGYAS PAR GSUNGS LA GZHAN YANG SPYOD PHYOGS DANG DBU TSAD DANG LAM RIM DANG SNGAGS KYI RGYUD SDE DANG SGRUB THABS LA SOGS PA MANG PO RNAMS LA DGUNG LO SUM CU'I BAR DU SLOB GNYER MDZAD CING MKHAS PAR SBYANGS NAS GZHAN PHAN RGYA CHEN PO YANG MDZAD DO, ,DE NYID KYI SRAS GRUB THOB NAM MKHA' RGYAL MTSAN ZHES PA LA STOD GTZANG GI'O LUNG GI DGON PA SE MO CHI ZHES PAR BZHUGS PAS GRUB THOB SE MO CHE BA ZHES KYANG GRAGS PA DE NYID KYIS YAB LA DUS KYI 'KHOR LO'I DBANG YONG SU RDZOGS PA DANG, SEMS 'GREL SKOR GSUM MAN NGAG DANG BCAS PA RNAMS THOB CING, 'GREL CHUNG PADMA CAN DANG, SGRUB THABS DAD MAN NGAG PHRAN TSEGS 'GA'
, ,GZUNG SPRUL SKU JO 'BUM LAS KYANG THOB LA, YANG KHONG RANG GI YAB LAS SEMS 'GREL SKOR GSUM CHA LAG DANG BCAS PA MKHAS PAR SBYANGS SHING, GZHAN YANG DBU MA RIGS TSOGS SOGS DU MA LAS MKHAS PAR GRAGS PA DHA RME SHvA RA'I BU CHEN 'KHAR GSAR BA NAM MKHA' 'OD LAS KYANG BLA MA YU MOS MDZAD PA'I BSTAN BCOS 'GA' ZHIG DANG, YAB KYIS MDZAD PA'I RO BCUD STONG THUN LA SOGS PA DANG, 'BRO BA'I BLA MA GONG MA'I GSUNG BGROS BSGRIGS PA 'OD ZER PHRENG BA LA SOGS PA GSAN NO, ,BLA MA 'DI NI TING NGE 'DZIN LA DBANG 'BYOR THOB PAS MNGON PAR SHES PA THOGS PA MED PA MDA' ZHING LKOG TU GYUR PA'I DON DANG, HOR BOD DU 'BYUNG TSUL LA SOGS MA 'ONGS PA LUNG BSTAN PA THAMS CAD 'KHRUL PA MED PAR BYUNG ZHES GRAGS LA; SKYE BA DU MA CHES GSAL BAR MKHYEN NAS, DE DAG GI BKOD PA RAS BRIS SU BRIS PA SOGS GRAG GO ,DE NYID LA CHOS RJE 'JAM DBYANGS GSAR MAR GRAGS PAS GSAN TE, DE YANG MTSAN NYID THEG PA'I PHYOGS LA SHIN TU MKHAS PAR SBYANGS SHING 'CHAD RTZOD RTZOM GSUM GYIS BSTAN PA LA BYA BA RGYA CHEN PO'ANG MDZAD LA, RJE BTZUN 'JAM DBYANGS KYI ZHAL GZIGS PA YIN PAS, RJE BTZUN LA BDAG RJES 'DZIN GYI BLA MA DANG, GDAMS NGAG DANG GNAS LA SOGS PA GANG LAGS ZHUS PA NA, GRONG CHUNG NGU BLA MA GRUB THOB LA DUS 'KHOR ZHUS; DES LAM BGROD PAR 'GYUR ZHES LUNG BSTAN THOB STE, DGE BA SHES KHYUNG LA DE'I GTAM DRIS NAS SOS KA CIG GSHEGS PAR BZHED PA'I NUB MO MTSAN GUNG LA NAG PO'I PHYOGS KYI MI MA YIN PA'I DMAG TSOGS CHEN PO 'DUS TE, 'OD DANG SGRA DRAG PO SGROGS PA DANG GNAM
RDO BSKYUR BA DANG 'JIGS PA'I GZUGS STON PA SOGS KYI CHOS 'PHRUL DU MA MNGAN SUM DU BSTAN PA'I TSE, DNGOS GRUB STER BA'I YI DAM DANG, ,GNOD PAR SEMS PA'I 'DRE GDON GNYIS, ,MI BDAG LA RO MNYAM KHYAD PAR MED, CES GROGS KYI MGUR BZHES NAS, CHOS THAMS CAD MNYAM PA NYID KYI DON LA THUGS MNYAM PAR BZHAG PAS TSE 'PHRUL THAMS CAD ZHI, DE NAS GA-YAS RU GRONG CHUNG DU BYON PAS GTZANG PO'I GZHUNG LA BYON PA'I TSE NAM MKHA' THAMS CAD SANGS RGYAS BYANG SEMS KYIS GANG BA GZIGS, DE NAS BLA MA GRUB THOB DANG MJAL MA THAG PHYAG NA RDO RJE'I SKUR GZIGS NAS SNANG BA 'GYUR BA'I MOS GUS SKYES, MCHOG DBANG ZHUS TE SBYOR DRUG GI KHRID BTAB NAS BSGOMS PAS ZHAG GNYIS NA SOR SDUD DANG BSAM GTAN GYI RTAGS THAMS CAD RDZOGS NAS YID CHES GSUM LDAN GYI DON MNGON DU GYUR, DE NAS LEGS PAR BSGOMS PAS SROG RTZOL DANG 'DZIN PA LA DBANG THOB PA SOGS RTOGS PA'I YON TAN DPAG TU MED PA MDA' ZHING, KUN MKHYEN CHOS SKU 'OD ZER LA DUS 'KHOR GYI DBANG GNANG DUS KHONG GIS BLA MA RDO RJE SHUGS SU DNGOS SU GZIGS NAS ZHUS PAS DA RANG GI SNANG BA DANG MTSUNGS PAR BYUNG 'DUG 'U CAG DPON SLOB LA GEGS KYIS MI TSUGS ZHES GSUNGS LA SOGS PA LO RGYUS MANG PO DAG NI RNAM THAR GYI YI GE DAG TU BLTA BAR BYA LA, SKU GSHEGS PA'I TSE, DA LAN CIG 'DI NAS BDE BA CAN DU 'GRO, ZHING SPYOD SEMS CAN SMIN PAR BYED, CES GSUNGS NAS NYAD STOD RKYANG 'DUR DU SKU GSHEGS SHING, BLA MA DE NYID LA 'BRO LUGS KYI CHOS SKOR THAMS CAD YONGS SU RDZOGS PAR BLA MA RGvA LOS GSAN TE, RGvA LO NAS RvA 'BRO GCIG TU 'DRES PA'I BRGYUD PAR GYUR BA YIN NO, ,GNYIS PA RvA LUGS
, ,NI; SNYEN MA SNANG YUL DU SKU 'KHRUNGS PA'I RvA LO TZA+TSA BA RDO RJE GRAGS KYI DBON PO, ,RvA LO TZA+TSA BA CHOS RAB KYIS RvA LUGS KYI NAG 'JIGS SKOR GSUM, MNGON 'BYUNG RNAM GSUM, AA BHI DHA NA DANG SAM+BHU tA LA SOGS PA'I RGYUD RNAMS DANG, CHOS CHUNG DRUG LA SOGS PA RvA BA'I CHOS SKOR MA LUS PA RNAMS THUGS SU CHUD NAS DUS KYI 'KHOR LO DON DU GNYER BAR GYUR TE BAL PO'I MTHIL DU BYON NAS, PAndI TA SA MANTA SHRI LA LO LNGA ZLA BA BCU ZHAG LNGAR BAR MA CHAD DU BSTEN NAS BSHAD BKA' DBANG DKA' MAN NGAG GI BKA' DANG BCAS PA ZHUS PAS, LEGS PAR GNANG STE PAn+dI TA BOD DU SPYAN DRANGS NAS RGYUD 'GREL YAN LAG DANG BCAS PA BSHAD, BSGYUR, GTAN LA PHAB, THAMS CAD KYIS BSNYEN BKUR CHER BYAS TE NYI MA GCIG LA GSER SRANG BRGYA PHUL, GSHEGS SKYEL YANG SKYID GRONG GI BAR DU MDZAD PAS BLA MA YANG SHIN TU MNYES TE, PAn+dI TA 'BUM PHRAG GSUM PA'I BROG ZHU, CHAGS LHAM, RDO RJE DRIL BU DUS 'KHOR LUGS KYI CHAG TSAD CAN GNANG NGO, ,DE LA DE NYID KYI SRAS BLA MA YE SHES SENG GES GSAN CING, DES KYANG BUM PA GANG BYO'I TSUL DU THUGS LA MKHYEN CING THUGS NYAMS SU PA ZHES SO, ,DE LA DE NYID KYI SRAS RvA 'BUM SENG GIS YONGS SU RDZOGS PAR GSAN CING THUGS NYAMS SU BZHES SO, ,DE LA BLA MA RGA LOS ZHUS SO, ,BLA MA RGvA LO NI BOD KYI RGYAL PO'I DUS SU BLON PO DPA' SAM SHI PHO NYAR BTANG STE RGYA NAG LAS HvA SHANG SPYAN DRANGS PA DANG 'DREL BAR MA NYIG HvA SHANG DU GYUR PA ZHIG KYANG SPYAN DRANGS TE, RGYAL PO'I MCHOD GNAS SU GYUR PA NAS BZUNG STE, THEG PA CHEN PO'I GZHUNG LUGS MA NYAMS PAR SPYOD PA'I SNGAGS 'CHAD SHA STAG TU GYUR PA'I RGYUD LAS,
YAR 'BROG SGANG DU MI NYAG GZHON NU SNYING PO ZHES BYA BA BYUNG, DE'I SRAS GZHON NU SENG GE ,DE'I SRAS RIG 'DZIN SNYING PO, ,DES RONG GI RGYA MKHA'I YUL DU BABS, DE'I SRAS RDO RJE SENG GES RONG MKHAR PHUG BZUNG, DE LA SRAS BZHI BYUNG PA'I GCEN PO YE SHES RDO RJE BYA BA MKHAS SHING GRUB PA BRNYES PA ZHIG BYUNG, DES PHYAG RGYA CHEN PO DBYUG CHOS SU GRAGS PA'I MAN NGAG LA GRUB PA THOB PA DBANG PHYUG RGYAL PO ZHES BYA BA'I GDAN SA DBEN MANG BZUNG, DE'I SRAS RJE BTZUN RGvA LO NI YAB KYIS MTSAN LTAS LA BRTEN NAS SNGON GYI KHAMS PA RGvA LO TZA+TSA BA'I SKYE BAR DGONGS NAS MTSAN DU'ANG DE NYID BTAGS, LE GSUM TZAM BZHES PA NA, KHA CHE PAn CHEN NGUR MIG TU BYON PA'I TSE, MA CIG JO SRAS MA SKYID MOS BSNAMS NAS CHOS DANG BYIN RLABS ZHU RU BYON PA LA, GZHAN LAS KHYAD PAR DU 'PHAGS PAR SA KRI TA'I SKAD KYIS LUNG BSTAN, PHYAG GIS BZHAMS, DBUGS PHYUNG BAS SKYE BO 'DUS PA PHAL CHER GYIS SKYES BU DAM PAR RTOGS SHING RJE BTZUN RANG GI GSUNG GIS KYANG, BYIS PA'I DUS NA KHA CHE BA'I, BLA MA PAn CHEN NYID DANG MJAL, ,LEGS SBYAR SKAD KYI DBUGS DBYUNG MDZAD, CES SO, ,LUNG BSTAN BZHIN GZHON NUR GYUR PA'I TSE 'BRI KLOG DANG 'JIG RTEN BSTAN PA DANG, PHUNG PO LNGA'I RAB BYED DANG, SPYOD 'JUG DANG, MDO SDE LAS ME DANG, DBU MA SDE PHRAN DANG, DON ZHAGS DANG, BAG TSAGS DBYUG 'DED KYI MAN NGAG LA SOGS PA CI RIGS PA YAB KYI DRUNG DU SBYANGS PA MDZAD DO, ,DE NAS DPYAL CHOS KYI BZANG PO'I DRUNG DU BYON, LO GSUM GYI BAR DU RGYA YIG DANG RGYA KLOG DANG SAM KRI TA'I SKAD CI RIGS PA DANG, KHYAD PAR DU DGYES PHAG GNYIS LA SBYANGS NAS DGUNG LO BCU DRUG PA LA NGUR SMRIG TU
, ,LEGS PAR GSUNGS SHING BSHAD STON YANG RGYA CHER MDZAD, GZHAN YANG N'A RO 'GREL CHEN GDAMS NGAG DANG BCAS PA DANG, BDE MCHOG GZHUNG 'GREL GDAMS NGAG DANG BCAS PA GSAN CING, BDE MCHOG GI DBANG ZHUS PA'I TSE DKYIL 'KHOR GYI DBUS NAS NGO MTSAR BA'I SGRA THOS SHING, SHANGS KHRAG ZAGS SHING ZAGS PAR RMIS NAS NAD DANG SDIG SGRIB DAG ,LUS BDE SHES RAB GSAL BAR GYUR CING, GSHED DMAR GYI DBANG BSKUR ZHUS PA'I TSE BDUD KYI BAR CHAD LAS THAR BA YIN NO, , DE YANG SNGON 'DOL CHUNG NA BZHUGS PA'I TSE, CUNG ZAD BSNYUNG BA NA BAR CHAD RTZOM STE, 'GRON BTZUN RGYA DPE SKONG TSE GANG KHUR BA CIG MDUN DU 'ONGS NAS, PO TI PHYUNG NAS MIG SNGAR BSTAN TE, KHYOD MKHAS NA 'DI DAG GI DON SMRA BAR GYIS SHIG ,CES ZER BA LA, NGA NI NA BAS KHAMS ZI BA'I PHYIR RE SHIG SDOD CES GSUNGS PA LA, KHYAD PAR DU MIG SNGAR DPE RIS YAG YUG SHAD SHUD BYED CING, YI GE LA NI MA BRTEN PAR, ,DAM PA'I DON NI RTOGS MI 'GYUR, ZHES RGOL BA DANG, MTSAN MO GCER BUR BYAS NAS LHA KHANG GI RDZA'I DUM BU MGO LA BZHAG NAS, NGA NI RDZA KHYUNG MAG ZHES BSDIGS PA SOGS BYED DO, ,DE'ANG DANG POR NGUR SMRIG TU BYON PA'I TSE RMI LAM DU BTZUN RGAN LHAM MTHIL RDOL GYI KHRES PO KHUR BA ZHIG 'ONGS NAS 'DI TZAM ZANG ZANG BTZAL YANG MA RNYED PA'I GROGS PO NGA GDOD RNYED PA AA RE DGA' ZER ZHING DGA' DGA' MGU MGU LTAR DRUNG NA 'KHOD PA NAS BRTZAMS TE, PHYI BZHIN 'BRANGS SHING PHAN PA BSGRUB PA LTAR TSUL 'CHOS SO, ,DE NAS RANG GI DGON PAR BYON PA'I TSE YAB KYI GSUNG GIS MDANG NI 'BYUNG PO'I CHOS 'PHRUL CHE BA LA, DE RING
NGAG BSHAS PA BYON BGEGS KYI BAR CHAD 'ONG NYEN YOD PAS 'BYUNG PO'I PHAN PA LA THUGS MA GTAD PAR THUGS DAM LA GTZO BOR MDZOD CIG GSUNGS PA DANG, NYID KYI THUGS KYIS KYANG 'DI LTA BU'I 'BYUNG PO NA PHEN PA BYED PA LTA BUR STON KYANG GNOD PA BYED DE SNYAM DU 'JIG RTEN LA GA-YO BA MED PA'I THUGS KYI BSAM PA BSKYED DE BZLAS PA DANG, 'THAB PA DANG 'GRAD PA LTA BU BYAS KYANG ZHUM PA MED PAR RES 'GA' NI BSHES GNYEN GYI TSUL LTA BUR STON CING BSGYUR TE, SKYE BA MANG PO NAS GROGS SU GYUR PA YIN LA, SKYE BA 'DI DANG 'DIR YANG LEGS PA 'DI LTA BU BSGRUBS SO ZHES SKYE BRGYUD SNA TSOGS KYI GLENG GZHI STON, RES 'GA' NI GTZUG LAG KHANG GI BDAG POR BCOS TE, BDAG GI GTZUG LAG KHANG NI 'DI'O, ,SNGON GYI RABS NI 'DI 'DRA'O, ,PHYIS KYI RGYUN NI 'DI 'DRA'O, ,ZHES GTAM SNA TSOGS STON CING, KHYOD KYANG BDAG DANG MTHUN PAR BYA STE, 'DI 'DRA BA'I BDAG PO BYA BAR RIGS SO ZHES STON TE, ,RES 'GA' NI MKHAS PA'I GZUGS SU BSGYUR TE GZHUNG LUGS NI 'DI 'DRA'O, ,SNGON NI 'DI 'DRAR GYUR TO, ,PHYIS NI 'DI 'DRAR 'GYUR RO, ,KHYOD KYIS KYANG 'DI LTAR BYA BAR RIGS SO, ZHES STON NO, ,RES 'GA' NI GRUB PA LTAR BCOS TE, RDZAS DANG SMAN DANG SNAGS NI 'DI 'DRA'O, ,'DI LTA BU BSTEN NA 'DI 'DRAR 'GYUR, ZHES 'CHAD CING, RES 'GA' NI BYA'I GZUGS SE PO CHEN PO MI'I SKAD DU SMRA BAR GYUR TE, BRTZE BRTZE LTAR 'GRAM DU 'DUG NAS THO RANGS KYI TSE 'DAB GA SHOG BRDEBS PA'I SGRA DANG BCAS, ZLA 'OD GZHON DU, SENG GE RGYAL MTSAN, 'OD KYI SNYE MA YAR LA LONGS SHIG ,LTA RTOG MDZOD CIG ,THUGS DAM MDZOD CIG GZHUNG GSHOR CIG CES CHOS LA BSKUL BA LTAR 'CHOS PA LAS, THAR PAR GSHED DMAR GYI DBANG ZHU BARE
, ,BRTZAMS PA NA, DA NI YUL DU 'GRO BAR RIGS SO, ,YAB DANG YUM LA SOGS PA NA'O, ,BLTA BAR BYA PHRAD PAR BYA, DBANG BSKUR NI PHYIS ZHU BA 'THAD DO ZHES SMRA'O, ,PHYIS SU ZHU BA DKA'O DES NA DE LTA ZHU'O ZHES SMRAS PAS, NGAS DE TZAM DU KHYOD LA BSAMS NAS KHYOD 'DI LTAR BYED PA NI SHIN TU MI RIGS, DA LTA 'DENGS ZHES SMRA ZHING, 'BRANG DANG KHRES PO 'DEG PAR BYED DO, ,DE LTAR ZER YANG NGES PAR ZHUS PA DANG, 'BRANG DANG KHRES PO'ANG SKAS 'OG TU BSKYUR, YUN RINGS 'GROGS PA'I GROGS POS BSLUS SO, ,KHYOD NYID CI BDER GYIS SHIG ,NGA NI 'GRO BAR BYA'O, ,KHYOD KYIS SKYEL THUNG GYIS SHIG ,CES SMRA BA LA THAR PA GLING GI MO DBEN SGANG KHAR BSKYAL BAS, DE NA 'DUG PA'I RTA LA ZHON NAS NAM MKHA' LA 'PHAGS TE, RTA DE SENG GE'I RNAM PAR BSGYUR TE, DPON GU RU MA CES BYA BA'I GNAS BRTAN GYI RNAM PAS LAG PAS 'GRAM PA SKYOR TE GLU LAN CING MGO SE YE RE RE LA RGAN BRGAL NAS SONG NGO, ,DE PHYIN CHAD BDUD KYI BAR CHAD KYIS MA TSUGS SO, ,GZHAN YANG SA SKYA PAndI TA, LCE STON MDO SDE SENG GE ,PAndI TA BI BHU TA TZAN+DRA, KHRO PHU LOTZTSA BA BYAMS PA DPAL LA SOGS PA BLA MA MANG DU BSTEN NAS ZAB PA DANG RGYA CHE BA'I CHOS DPAG TU MED PA GSAN CING, RTEN DKAR PO YIN KYANG SNGAGS MTSAN NYID DU MA LA SBYANGS TE, 'DI NYID KYIS MDZAD PA'I DBU MA DANG TSAD MA'I BSDUS PA CHEN MO SOGS KYANG YOD DO, ,KHYAD PAR DU BLA MA 'JAM GSAR BSTEN NAS, SNGAGS MTSAN NYID KYI SKOR MANG DU GSAN CING, DUS 'KHOR 'BRO LUGS KYI DBANG BKA' BSHAD BKA' MAN NGAG GI BKA' YONGS SU RDZOGS PAR MNOS NAS MKHAS PA'I MCHOG TU GYUR PA MDZAD LA, BLA MA RvA 'BUM SENG YUN RING DU BSTEN NAS DUS KYI 'KHOR LOS GTZO
BYAS PA'I RvA LUGS KYI DBANG BSHAD MAN NGAG GI BKA' THAMS CAD YONGS SU RDZOGS PAR THOB PAR MDZAD DO, ,GZHAN YANG NYID KYI SRAS THU BO RGYA GAR GRAGS PA DANG SLOB MA GZHON NU RGYAL MTSAN GNYIS BYIS PA CHUNG NGUR YOD DUS HOR DMAG GIS KHYER BA LA SGROL MA BTZON 'DAN GYI CHO GA MDZAD PAS SGROL MA'I SKU NAM MKHA' GANG BA'I KHYON TZAM ZHIG GI LTE KHUNG NA BYIS PA GNYIS PO MGO RUG GE 'DUG PA GZIGS NAS, ZHAG GSUM TZAM NA SRAS DANG DE'I RJES SU SLOB MA YANG THAR BAR BYAS SO, ,SNAR PHU'I DGON PA MDZO SGANG NA GANG ZAG BZA' MI GNYIS LA BU LO DRUG LON KYANG LKUGS ZHING 'GRO MI SHES PA ZHIG YOD PA LA BYIN RLABS MDZAD DE, GOS BRJES NAS MING BTAGS PAS DE MA THAG TU 'GRO BA DANG SMRA SHES PA MDZAD DE, GZHAN YANG LKUGS 'PHYE MANG PO LA DE LTAR MDZAD DO, ,THAR PA NA STON PA GZHON BRTZON ZHES PA RMA 'BRAS KYI RNAG KHRAG ZAG PAS PHYI ROL NAS KYANG GLO SNYING MTHONG BAR GYUR BA ZHIG LA STON PAR CER MING BTAGS NAS, STON PA GZHON BRTZON STON PAR TZE RED, STON PAR TZES MI KHA RA THO BSAD CES SGO GONG LA BRIS PAS DE MA THAG NAD GSOS PA DANG, DE BZHIN DU SON PA LA THAB KYI SER GA BSRUBS PAS PHAN PA DANG, GLAD GZER NA BA LA SGO'I GZER PHYUNG BAS PHAN PA DANG, BUD MED BU MA THON PA LA THAD KA'I GYANG LA BUG PA PHUG PAS PHAN PA DANG, SMYO BA BTUL BA LA SOGS PA SNANG BA LA DBANG BSGYUR ZHING RTEN 'BREL DANG BYIN RLABS LA MNGA' BRNYES PA'I LO RGYUS MTHA' YAS PA YOD LA, RGOD DKAR LA LA BYON PA'I TSE CHOM RKUN MANG PO BYUNG BA LA LTA STANGS DANG SDIGS MDZUB MDZAD PA TZAM GYIS BROS PA LA SOGS PA GRUB PA'I MTSAN MA YANG BSAM GYIS MI KHYAB CING, KHYAD PAR DU DUS KYI 'KHOR LO'I BSHAD
, ,PA YUN RING DU MDZAD PAS SLOB MA MKHAS PAR GYUR BA RANG NYID KYI SKU'I SRAS RNAMS DANG, SKU TSE DE NYID LA BO TA LAR 'PHAGS PA SPYAN RAS GZIGS DBANG PHYUG GI DRUNG DU DNGOS SU BYON PA'I GRUB PA'I DBANG PHYUG MAN LUNG PA GU RU DANG, LHO PA GRUB SONG DANG, LA STOD CHOS LDAN DANG, DBUS PA TSUL DAR DANG, THANG STON LOTZ+TSA BA LA SOGS PA DUS KYI 'KHOR LO LA MKHAS PA'I MCHOG TU GRAGS PA MANG DU BYUNG LA, GZHAN YANG 'GRO MGON CHOS RGYAL 'PHAGS PA DANG, KHRO PHU RIN PO CHE BSOD NAMS SENG GE LA SOGS PA SKYES BU DAM PA DU MA SMIN PAR MDZAD DE, DE LTAR RANG GZHAN GYI DON RGYA CHEN PO YUN RING DU MDZAD NAS, DGUNG LO BRGYAD CU BZHES PA CHU PHO RTA'I LO LA CHO 'PHRUL CHEN PO'I YAR NGO'I TSES GSUM GYI SNGA DRO'I CHA LA DO MTSAR BA'I LTAS DU MA DANG BCAS TE GSHEGS SO, ,DE LA SKU'I SRAS BZHI 'KHRUNGS PA'I THU BA RGYA GAR GRAGS PA RAB TU BYUNG, MTSAN SLOB DPON NAM MKHA' DPAL GYIS DUS 'KHOR LA SOGS PA YAB KYI YON TAN RNAMS PHAL CHER THUGS SU CHUD NAS DBEN DMAR GYI GDAN SA BZUNG, GCUG LAG KHANG BRTZIGS CHOS KYI BYA BA RGYA CHEN PO MDZAD NAS 'DAS SO, ,SRAS GCIG BLA MA SHES RAB SENG GE NI LCAGS MO PHAG LA 'KHRUNGS, GZHON NU'I DUS NAS DUS 'KHOR LA SLOB GNYER MDZAD, DGUNG LO BCU DRUG PA LA DUS 'KHOR 'GREL CHEN RDZOGS PAR GSUNGS SO; ;NYI SHU PA LA THAR PAR BYON NAS DPYAL BA'I CHOS RNAMS ZHUS, NYER GNYIS PA LA STAG SDE SANG RGYAL GYI DRUNG DU BYON NAS LO LNGA'I BAR DU PHAR CHED MNGON SUM LA SBYANGS SHING KHYAD PAR DU TSAD MA LA MKHAS PAR GYUR TE DBUS GTZANG DU GRvA SKOR YANG MDZAD DO, ,SUM CU PA LA 'GRO MGON 'PHAGS
PA DANG, MCHI MAS NAM MKHA' GRAGS KYI DRUNG DU RAB TU BYUNG ZHING BSNYEN PAR RDZOGS CHOS MANG DU ZHUS, LOTZ+TSA BA GRAGS PA RGYAL MTSAN GDAN DRANGS NAS PHRENG BA SKOR GSUM LA SOGS PA MANG DU GSAN ZHING, DBEN DMAR GYI GDAN SA BZUNG NAS DUS KYI 'KHOR LO'I BSHAD PA YUN RING DU MDZAD, GZHAN THAR PA, KHRO PHU, BSAM YAS, STAG LUNG, GZHU KUN DGA' RA BA, SHANGS RTZE GDONG, STON MO LUNG, GA-YUS DGA' LDAN LA SOGS PA GNAS THA DAD PA DU MAR BYON NAS DUS KYI 'KHOR LO'I BSHAD PA MDZAD CING CHOS MANG PO GSUNGS, DGUNG LO ZHE GCIG PA LA DBEN DMAR GYI GDAN SA BLA MA RDO RJE RGYAL MTSAN PA LA GTAD NAS, DMU LA SHANG 'BAR GYI RI LA DGON PA BTAB STE, GTZUG LAG KHANG DANG GSUNG RAB MANG PO BZHENGS SHING, DE YANG DUS KYI 'KHOR LO LA SOGS PA'I BSHAD PA YUN RING DU MDZAD PAS, TI SH'I KUN DGA' BLO GROS SKU MCHED LA SOGS PA MI CHE BA'I SLOB MA DU MA DANG, LOTZ+TSA BA YAR THAR DBANG GSUM LA SOGS PA MKHAS PA DANG BTZUN PA DANG, BZANG PO'I SLOB MA MANG DU 'DUS SHING, KHYAD PAR DU DUS KYI 'KHOR LO LA MKHAS PA'I SLOB MA MANG DU BYUNG NGO, ,DE LTAR RANG GZHAN GYI DON RGYA CHEN PO MDZAD NAS DGUNG LO DRUG CU RTZA LNGA PA YOS BU'I LO LA SHANG 'BAR DU 'DAS TE, DUS KYI 'KHOR LO'I RGYUD KYI BSHAD PA DAR BAR MDZAD PA LA RGvA LO YAB SRAS 'DI GNYIS BKA' DRIN CHE BAR GRAGS SO; ;SRAS GCIG SLOB DPON RNAL 'BYOR GYIS YUL 'KHOR BSKYANGS, SRAS GCIG BLA MA AA KA RA SID+DHIS DUS 'KHOR RvA LUGS DANG 'BRO LUGS LA SOGS PA YAB KYI CHOS PHAL CHE BA MKHYEN NAS, DE'I SRAS BLA MA RDO RJE RGYAL MTSAN NI CHU MO LUG LA 'KHRUNGS,
, ,GZHON NU NYID NAS RGYA BOD KYI KLOG DANG YI GE'I RIGS DU MA LA MKHAS PAR GYUR CING DE NAS DUS 'KHOR LA SBYANGS BA MDZAD DE DGUNG LO BCU DRUG PA LA 'GREL CHEN GYI BSHAD PA RDZOGS PAR GSUNGS, SA SKYA'I SHAR PA 'JAM DBYANGS RIN RGYAL DANG, SLOB DPON SHER RGYAL LA MKHAN SLOB ZHUS NAS DGE TSUL MDZAD CING, DGUNG LO BCU DRUG NAS DBEN DMAR GYI GANG NA SA BZUNG STE DUS 'KHOR GYI BSHAD GRvA BSKYANGS, DKA' BZHI PA GRAGS PA GZHON NU DANG, ZHAL SNGA MKHAN PO LAS BSNYEN PAR RDZOGS PA MDZAD, THAR LO'I DRUNG DU SGRA DANG MNGON PA DANG, SNGAGS KYI SKOR MANG DU GSAN CING, KHYAD PAR BLA MA SHER SENG PA LA DUS KYI 'KHOR LOS GTZO BYAS PA'I DBANG BKA' BSHAD BKA' MAN NGAG GI BKA' KHONG RANG LA MNGA' BA MA LUS PA BUM PA GANG BYO'I TSUL DU MKHYEN, RANG NYID DUS 'KHOR LA BSHAD PA DANG GZIGS RTOG MDZAD PA'I TSE DKA' BA'I GNAS LA MA BDE BA GANG BYUNG BA RNAMS ZHU YIG TU BSKUR BA DANG DRIS LAN GYI SGO NAS KYANG DUS PHYIS BAR DU GTAN LA PHAB NAS SHIN TU MKHAS PAR GYUR TO, ,GZHAN YANG BLA MA MANG DU BSTEN NAS MDO SNGAGS DU MA LA MKHAS PAR SBYANGS SHING, BLA MA SHES RAB SENG GE GSHEGS NAS, SHANG 'BAR DANG GNYIS KA BZUNG STE DUS 'KHOR GYI BSHAD NYAN YUN RING DU MDZAD LA, DE NAS HOR RGYAL POS GDAN DRANGS TE, RGYA YUL DU BYON NAS 'GRO DON RGYA CHEN PO MDZAD DE GLANG LO LA RGYA YUL DU GSHEGS SO, ,DE NYID LA THAMS CAD MKHYEN PA BU STON RIN PO CHES GSAN TE, BLA MA 'DI NI RGYAL BA'I GSUNG RAB MA LUS PA LA LEGS PAR SBYANGS PAS NYI TSE
BA MA YIN PA'I MKHYEN PA RGYAS SHING, LHAG PA'I LHAS BYIN GYIS BRLABS PA DANG, TING NGE 'DZIN DPAG TU MED PA BRNYES PA LA SOGS PA'I TSUL YANG BSAM GYIS MI KHYAB LA, KHYAD PAR DU YANG BYANG CHUB KYI SEMS KYI STOBS DANG BSTAN PA RIN PO CHE'I KHUR 'KHYER BA LA 'GRAN ZLA MED PA'I MDZAD PA RMAD DU BYUNG BAS RGYAL BA'I BSTAN PA LA BYA BA MDZAD PA'I TSUL BSAM GYIS MI KHYAB CING, DPAL GSANG BA 'DUS PA DANG, BDE MCHOG DANG, DUS KYI 'KHOR LO DANG YO GA LA SOGS PA RGYUD SDE CHEN PO GONG 'OG 'GANGS CHE BA PHAL BA'I RGYUD KYI BSHAD SROL DANG, DKYIL 'KHOR CHEN PO RNAMS KYI DBANG DANG PHYAG LEN RNAM PAR DAG PA DANG, MAN NGAG LA SOGS PA YANG DA LTA BAR DU RGYUN MA CHAD PAR CUNG ZAD GNAS PA 'DI NI GTZO BOR DAM PA 'DI'I BKA' DRIN YIN TE, 'DI NYID KYI MDZAD PA ZHIB PAR RNAM THAR GYI YI GE RGYAS PA LAS SHES PAR BYA'O, ,DE NYID LAS SPYIR DUS KYI 'KHOR LO'I DBANG RGYUD MAN NGAG DANG SEMS 'GREL SKOR GSUM CHA LAG DANG BCAS PA MA LUS PA GSAN CING, KHYAD PAR DU 'GREL CHEN DRI MA MED PA'I 'OD KYI BSHAD PA TSAR BCU BDUN GYI BAR DU GSAN NAS LEGS PAR SBYANGS PA'I RDO RJE 'DZIN PA CHEN PO NYID STONG BDE CHEN PA BLA MA CHOS KYI DPAL BAS GSAN, DE LA BDAG GI BLA MA DUS GSUM SANGS RGYAS THAMS CAD KYI MKHYEN BRTZE GCIG TU BSDUS PA'I NGO BO, ,RGYAL BA'I BSTAN PA LA RGYAL BA NYID DANG KHYAD PAR MI MNGA' ZHING, KHYAD PAR DU YANG DUS KYI 'KHOR LO'I CHOS TSUL 'DI LA RGYAL PO ZLA BA BZANG PO DANG MTSUNGS PAR BCOM LDAN 'DAS DUS KYI 'KHOR LO RANG NYID KYIS DNGOS SU LUNG BSTAN PA BRNYES PA'I GRUB PA'I DBANG
, ,PHYUG THAMS CAD MKHYEN PA BLO BZANG GRAGS PA'I DPAL GYI ZHAL SNGA NAS DBANG YONGS SU RDZOGS PA ZAB LAM RDO RJE'I RNAL 'BYOR GYI KHRID, 'GREL CHEN GYI BSHAD PA RGYAS PA, RDO RJE SNYING 'GREL DANG, PHYAG RDOR BSTOD 'GREL RGYUD PHYI MA DBANG MDOR BSTAN LA SOGS PA'I LUNG DANG BSHAD PA DANG MAN NGAG LA SOGS PA CHA LAG DANG BCAS PA YONGS SU RDZOGS PAR GSAN NO, ,'DI'I RNAM PAR THAR PA PHYOGS TZAM RE BRJOD PA'I YI GE RIM PA GNYIS KHO POS SNGON DU SBYAR ZIN PA SOGS LAS CUNG ZAD RGYAS PAR RTOGS PAR BYA ZHING, DE NYID KYI ZHABS KYI PAD+MO LA BDAG GI GUS PAS GTUGS TE, ZAB LAM RDO RJE'I RNAL 'BYOR GYI KHRID DANG, 'GREL TSAN GYI BSHAD PA RGYAS PA LA SOGS PA LEGS PAR BSHAD PA'I GSUNG GI BDUD RTZI MAN NGAG ZHAL GDAMS DANG BCAS PA YONGS SU RDZOGS PA DGYES BZHIN DU STZAL BA'I BKA' DRIN THOB PAR BGYIS SO, ,DE LTAR NA DE DAG GI BAR DU DAM TSIG GI SEL MA ZHAGS, BSHAD PA DRI MA MED PA'I RGYUN MA CHAD, BLA MA DAM PA'I MAN NGAG GIS BRGYAN PAR 'ONGS PA YIN NO, ,DE LTAR KHA BA CAN DU DUS KYI 'KHOR LO LA BSHAD RGYUD KYI SROL SHIN TU CHE BA NI RvA 'BRO GNYIS PO DE NYID YIN LA, GZHAN YANG GYI JO ZLA BA'I 'OD ZER GYIS DUS ZHABS PA'I SLOB MA SHRA'I BHA DRA BO DHI LA MNYAN NAS RGYUD 'GRAL LA GZHI 'GYUR BYAS SHING, LO CHUNG RNAMS KYIS THOG DRANGS PA LA BSHAD PA YUN RING DU MDZAD LA, DE'I LO CHUNG RNAMS KYIS RGYUD 'GREL DUM BUR BGOS NAS 'GYUR BCOS PA 'GYUR MANGS SU GRAGS PA'ANG BYAS MOD KYI, 'TSAMS SHIG NAS DE DAG BSHAD RGYUN CHAD DO, ,D'A NA SHR'I'I SLOB MA RMA DGE BA'I BLO GROS KYIS KYANG GYI CO'I 'GYUR GYI STENG NAS
'GYUR BCES BYAS LA, MANG 'AR BYANG CHUB SHES RAB DANG, BLO GROS SNYING PO DANG, BSOD NAMS YE SHES DANG 'A ZHA RGYA GAR BRTZEGS RNAMS KYIS KYANG RGYUD 'GREL LA 'GYUR BYAS MOD KYI, DE DAG GI BSHAD RGYUN TSUGS PA MA BYUNG LA, TZA MI SANGS RGYAS GRAGS NI MI NYAG GI YUL DU 'KHRUNGS PA STE, KHA CIG NYANG STOD SMAD KYI 'TSAMS 'KHRIS TZA KHA BA YIN ZAR BA DANG, KHA CIG GA-YE RONG GI RTZA BA YIN ZER BA NI, DE NYID KYIS BSGYUR BA'I 'GYUR BYANG DU, BYANG PHYOGS MA NYAG YUL DU SKYES KYANG NI, ,YUN RING 'PHAGS PA'I YUL DU GNAS BCAS NAS, ,BLA MED MA PA SANGS RGYAS KUN MCHOD PA'I, ,DGE SLONG SANGS RGYAS GRAGS PA ZHES BYA BA, CES KHONG RANG GIS BKOD PA MA MTHONG BAR ZAD DO, ,DE NYID KYIS GZHON NU LA RGYA GAR DU BYON NAS YUN RING DU BZHUGS SHING MKHAS PAR GYUR NAS RDO RJE GDAN GYI RING LUGS PA MDZAD, DUS 'KHOR RGYUD 'GREL BOD YIG TU BRIS SHING BSGYUR RO, AA BYA'I SLOB MA KHYE'U GAD PA 'KHOR LO GRAGS DANG, TZA MI'I SLOB MA DANG RI CHOS KYI GRAGS PAS RGYUD BSGYUR CING, GA ROD LOTZTSA BA TSUL KHRIMS 'BYUNG GNAS DANG, RONG RLONG LOTZ+TSA BA, RA BYID LOTZTSA BA, SE LOTZTSA BA LA SOGS PAS KYANG TZA MI LA NYAN CING 'GYUR BCOS BYAS SU ZIN KYANG GZHAN RNAMS LA BSHAD BKA' ZIN PA MA BYUNG, SE LOTZ+TSA BAS GNYOS 'OD MA LA BSHAD CING, DE NYID LA GRUB THOB AU RGYAN BA ZHES GRAGS PA'I RIN CHEN DPAL GYIS BSLABS NAS DBANG KHRID BSHAD BKA' RNAMS BSKYANGS SHING DA LTA 'ANG CUNG ZAD YOD DO, ,SHONG STON RDO RJE RGYAL MTSAN ZHES GRAGS PA NI, LA STOD LHO'I DPYAL LUNG SHAR KHA'I BONG RA ZHES BYA BAR SKU 'KHRUNGS SHING, BLA MA GO LUNG PA RDO RJE RGYAL MTSAN GYI DRUNG DU BSNYEN TE RGYUD SDE DU MA DANG, PHRENG BA SKOR GSUM
, ,LA SOGS PA LA SBYANGS TE, GAR THIG DANG LNGA BSDUS DANG GZA' LNGA DANG GA-YUL RGYAL LA SOGS PA LA MKHAS PAR GYUR NAS GZA' RNAMS GSAL BAR GYUR BA'I SGRON MA LA SOGS PA'I BSTAN BCOS DU MA'ANG MDZAD NAS, LA STOD BYANG GI PHA RI LUNG ZHES PAR 'KHRUNGS PA SNGON GRvA PA RIN CHEN RTZE MO'I BU CHEN STAG SDE SENG RGYAL GYI DRUNG DU MDOG GI TSA SNAR BYON NAS PHAR TSAD MNGON GSUM DANG, SPYOD BSDUS LA MKHAS PAR SBYANGS SHING, DUS 'KHOR 'BRO LUGS KYI DBANG BSHAD MAN NGAG GI BKA' THAMS CAD YONGS SU RDZOGS PAR GSAN NO, ,DE NAS 'GRO MGON 'PHAGS PA RGYA YUL NAS SA SKYAR 'PHEBS PA'I DRUNG DU BYON TE, BSTOD PA'I TSIGS SU BCAD PA SPEL LEGS PA PHUL NAS, LOTZ+TSA SLOB TU 'GRO BAS RDZONG BAR ZHU ZHUS PA LA, DE LTA BU'I BLO SKYE BA BZANG, GZHUNG LUGS GSAR PA 'GYUR BA'I NUS PA 'ONG BA DKA' STE, PAn+dI TA LA DRI GTUGS DANG SLOB GNYER LEGS PO GYIS SHIG ,KHO BOS KYANG CHOS RJE BSTEN YUN THUNGS PAS SDEB SBYOR ME TOG GI CHUN PO DANG TSIG GI GTER LA SOGS PA'ANG MI SHED PAR SNANG BAS, 'DI RNAMS CI NAS KYANG SHES PA ZHIG GYIS LA SHOG CIG GSUNGS NAS, DE DAG GI DPE DANG GSER SRANG LNGA, DAR YUG BCU GNANG STE, RTEN 'BREL YOD PAS DO NUB RJE BTZUN GONG MA'I GZIMS KHANG DPE KHANG DU NYOL LA SONGS SHIG CES GSUNGS, KHONG GI THUGS LA SKYE BAS THOB PA'I BLO GROS NI PHUN SUM TSOGS, SBYOR BYUNG GI NAN TAN NI MCHOG TU GYUR NA LEGS BSHAD GSAR PA MANG DU CI'I PHYIR BSGYUR BAR MI NUS SNYAM DU DGONGS TE, BLA MA 'PHAGS PA'I GZIMS GA-YOG PA MDO SMAD PA BLO GROS RGYAL MTSAN DANG 'GROGS NAS BAL YUL
DU BYON TE, PAn+dI TA MA H'EN BHA DRA'I DRUNG DU SGRA SNYAN DANG GAS SDEB SBYONG ZLOS GAR MNGON BRJOD DE RIG PA'I GNAS CHUNG PA LNGA LA SBYANGS SHING, KHYED PAR DU SGRA RIG PA LA SHIN TU MKHAS PAR GYUR TE, SA SKYAR BYON DUS KYI 'KHOR LO'I RGYUD 'GREL BA DANG BCAS PA LA SHIN TU RNAM PAR DAG PA'I 'GYUR BCOS MDZAD CING, SLAR YANG MH'A BO DHI MCHOD PA SOGS LA RDO RJE GDAN DU BYON TE, PAn+dI TA CHEN PO LAKsh'I KA RA SPYAN DRANGS TE, BYANG CHUB SEMS DPA'I RTOGS PA BRJOD PA DPAG BSAM 'KHRI SHING DANG, KLU KUN TU DGA' BA'I ZLOS GAR DANG, SNYAN DANG GAS ME LONG DANG, 'JUG RTEN DBANG PHYUG GI BSTOD PA BRGYA PA DANG, 'PHAGS PA 'JAM DPAL GYI BSTOD PA BRIT+TA M'A LA'I STOD DANG, TZAN+DRA PA'I MDO LA SOGS PA SNGON GANGS CAN DU MA 'GYUR BA RNAMS BSGYUR ZHING, AA MA RA KO shA LA SOGS PA'ANG MTSAN BUS GSAL BAR MDZAD DE, RIG PA'I GNAS 'DI DAG SHIN TU DAR BAR MDZAD DO, ,DE NYID DANG DE NYID KYI GTZUNG PO GCEN GYI YON TAN LA'ANG BSKRUN DU RUNG BAR GRAGS PA'I SHONG BLO GROS BSTAN PA GNYIS GA RA MA'I 'GAR KHRA TSANG DU 'KHRUNGS SHING, BYIS PA GZHON NU'I TSE 'GRO MGON 'PHAGS PA LA RAB BYUNG ZHUS PA NA MING MCHOG LDAN LEGS PA'I BLO GROS DPUNG RGYAN MDZES PA'I TOG CES 'DOGS PAR GZHON NU RANG NYID KYIS ZHUS NAS BTAGS PAS PHYIS LOTZ+TSA BA MCHOG LDAN ZHES GRAGS PA, 'OD DU BSGYUR BA'I BKA' BSTAN BCOS DBANG DANG MAN NGAG PHAL CHE BA'I LUNG DANG BKA' YOD PAR GRAGS PA DES GSAN, DE LA BLA MA DPAL LDAN SENG GE BAS GSAN, DE LA CHOS RJE BUS SPYIR CHOS MANG DU GSAN KYANG RGYUD 'GREL GYI BSHAD PA NI MA GSAN, DKA' BA'I GNAS LA GSUNGS GLENG DANG DRI GTUGS MAN
{t'IKA CHEN KHAMS LE} *, ,'GREL PA BRTZAM BYA'I DUS KYI 'KHOR LO'I SGRA DON BSHAD PA MED LA, DAM BCA' PHYI MA LA DE DAG YOD PAS DAM BCA' DE GNYIS ZLOS PA'I SKYON MED DO, ,DE DAG LA RE SHIG MCHOG GI 'DOD PA'I LHA LA MCHOD PA BRJOD PA BSHAD PAR BYA STE, DE YANG STONG NYID SNYING RJE DBYER MED PA DANG, SRID ZHI LA MI GNAS PA SOGS KYI SGO NAS PHYAG 'TSAL BA NI, PHYAG 'TSAL ZHES DRANG NGO, ,GANG LA NA, GNYIS SU MED PA'I YE SHES KYI DPAL DE RANG GI BDAG NYID DU LDAN ZHING PHUNG SOGS KYI 'KHOR LO THAMS CAD DUS MI 'GYUR BA'I BDE BAS SGRIB BRAL DU BSKYED PA'I DUS KYI 'KHOR LO LA'O, ,GANG GIS NA 'GREL PA MDZAD PA PO DANG RJES 'JUG RNAMS KYIS SO, ,TSUL JI LTAR NA LUS THAL MO SBYAR BA SPYI BOR BZHAG ,PUS MO'I LHA NGA SA LA SON PA DANG, NGAG GIS BSTOD PA'I TSIG BRJOD PA DANG, YID KYIS DON BSGOM PA DANG, YE SHES KYIS DON RTOGS PA'I TSUL GYIS SO, ,NGES DON DU GA-YAS GA-YON GYI DKYIL 'KHOR BCU PO DBU MAR GCIG TU BCINGS PA NI THAL MO SBYAR BA YIN LA, GCIG TU SBYAR BA LAS RLUNG PHYIR MI 'GRO BA NI BSTOD PA YIN ZHING, DE LAS SEMS RDO RJE NOR BU DANG GSANG BA'I PADMAR 'DZIN PA'I PUS MO SA LA BTZUGS PA YIN LA, BZUNG BA GYEN DU DRANGS PA NI DON BSGOM PA YIN ZHING, RLUNG BCU SPYI BOR BCINGS PA NI THAL MO SBYAR BA SPYI BOR BZHAG PA YIN LA, DE LAS DRI MA MED PA NYID THOB PA NI YE SHES KYIS DON RTOGS PA'O, ,DBANG MDOR BSTAN PA NAS, SER MO RNAMS NI PHAN TSUN DU, ,DKYIL 'KHOR BCU PO YANG DAG SBYOR, ,SPYI BOR LAG PA'I MTHIL SBYAR DAG, ,RTZE GCIG DE NI GRI GUG GO ,ZHES GSUNGS PA LTAR RO, ,ZHES BLA MA RANG, DAG 'CHAD DO, ,DGOS PA GANG GI PHYIR PHYAG 'TSAL NA, BDUD BGEGS NYAMS
PA DANG DAM PA'I LAM NGES PA GNYIS KYI CHED DU'O, ,DE YANG LAM REG TSUL NI, GTZO BOR 'BRAS BU'I SKABS KYI YON TAN RGYAS PAR BRJOD PA'I SGO NAS 'BRAS BU DANG RJES SU MTHUN PA'I LAM GYI CHOS RNAMS SHES PAR 'GYUR BA'O, ,'O NA YON TAN NAM KHYAD CHOS CI ZHIG MTHONG NAS PHYAG 'TSAL ZHES NA RKANG PA DANG PO GSUM RE RES KHYAD CHOS RE RE STON PA LA, KHYAD CHOS DANG PO NI STONG PA NYID DANG SNYING RJE CHEN PO MCHOG TU MI 'GYUR BA'I BDE BA GNYIS DBYER MI PHYED PA'I BDAG NYID CAN GYI DPAL LDAN DUS 'KHOR LA PHYAG 'TSAL ZHES SPROL LO, ,DE YANG STONG NYID LA CHOS CAN STONG PA NYID KYI GZUGS DANG, DE'I CHOS NYID BDEN PAR GRUB PA BCAD TZAM PA DE KHO NA NYID KYI STONG NYID GNYIS SU YOD LA, DE DAG GI RNAM GZHAG NI 'OG TU 'CHAD DO, ,SNYING RJE LA THEG PA CHEN PO PA THAMS CAD KYI THUN MONG GI LUGS KYI SNYING RJE DANG, SNGAGS BLA MED PA'I THUN MONG MA YIN PA'I BSHAD TSUL GNYIS LAS, DANG PO NI, SEMS CAN SDUG BSNGAL DANG BRAL BAR 'DOD PA'I RNAM PA CAN DANG, GNYIS PA NI, BDE BA CHEN PO'I YE SHES LA SNYING RJER THA SNYAD BYAS PA STE, SNYING RJE'I SKAD DOD, KA RU nA ZHES PA'I THOG NAS NGES TSIG GI BSHAD PA BYAS NA, KA LA THIG LE BYIN NAS KAm ZHES PA NI BDE GA RU nA 'GOG PA STE BDE 'GOG CES PAR 'GYUR LA, DE NYID THUN MONG GI LUGS KYI SNYING RJE LA BSHAD NA, SNYING RJE DE GANG GI RGYUD LA 'KHRUNGS PA'I TSE, SEMS CAN SDUG BSNGAL BA LA MI BZOD PAS RANG GI THUGS RGYUD LA BDE BA 'GOG PA'I RNAM PA CAN DU BYED PA'O, ,THUN MONG MA YIN PA LA BSHAD NA, 'GYUR BA'I BDE BA 'GOG PA MI 'GYUR BA'I BDE BA'O, ,YANG NA SLOB DPON MTSO SKYES KYIS, RU nA'I DON BSDUS PA LA BSHAD CING, DE'I DON NI DGA' BA SNGA MA GSUM GYI BDE BA RNAMS RIM GYIS BSDUS PA'I LHAN CIG SKYES DGA'I BDE BA NYID
, ,YIN TE DON GCIG GO ,'DIR NI THUN MONG MA YIN PA'I SNYING RJE LA BSHAD DGOS KYI THUN MONG BA LA BSHAD NA SKABS SU MA BAB PA'O, ,KHYAD CHOS GNYIS PA NI, SRID GSUM 'DI LAS GZHAN SRID PA GSUM GYI RNAM PA CAN GYI RNAM KUN MCHOG LDAN GYI STONG GZUGS BDEN PAR GRUB PA KHYAD GZHI DANG, SKYE 'JIG SPANGS PA'I RTAG PA YIN PA DE'I KHYAD CHOS SU SMRA BA NI, 'OG TU RGYAS PAR 'GOG PAR 'GYUR BAS 'DIR DE LTAR SBYAR BAR BYAS PA MA YIN GYI, SRID PA KHAMS GSUM DU NYID 'TSAMS SBYOR BA'I SKYE BA 'KHOR BA'I MTHA' DANG, SRID PA GSUM GYI LAS DANG NYON MONGS 'JIG PA'AM ZAD PA TZAM GYI ZHI BA PHYOGS GCIG PA MYANG DOL PHYOGS 'DAS KYI MTHA' GNYIS MED PA'I DPAL LDAN DUS 'KHOR LA PHYAG 'TSAL ZHES SPREL BAR BYA BA LA, BSHAD SBYAR GYIS KYANG DE LTAR BSHAD DO, ,SRID GSUM ZHES PA KHAMS GSUM YONGS GRAGS LA BSHAD PA DANG, SGRUB PA PO'I LUS NGAG YID GSUM LA BSHAD PA SOGS KYI SKABS MI 'DRA BA DU MA 'BYUNG YANG, 'DI NI LUS NGAG YID GSUM TZAM MA YIN GYI KHAMS GSUM LA BSHAD DGOS TE SRID ZHI'I MTHAR MA LHUNG BA STON PA'I SKABS YIN PA'I PHYIR RO, ,RANG NGAM KHA CIG MDOR BSDUS LNGA PA LAS, ME SHING DANG GTZUB STAN SOGS LA MI GNAS PA DPER BYAS NAS 'DOD PA'I SRID PA DANG, GZUGS KYI SRID PA DANG, GZUGS MED PA'I SRID PA LA MI GNAS PA DANG, 'DOD PA'I MYANG 'DAS LA MI GNAS PA SOGS SU GSUNGS PA DANG, 'DI DON GCIG TU 'CHAD PA NI MI 'THAD DE, DE NI DON DAM PAR DE DAG LA GNAS PA 'GOG PA YIN ZHING, 'DIR NI THA SNYAD DU YANG SRID ZHI LA MI GNAS PA BCOM LDAN 'DAS KYI 'KHOR LO'I YON TAN DU STON DGOS KYI DON DAM PAR NI CHOS THAMS CAD
SRID ZHI LA MI GNAS PA YIN PAS DE DUS KYI 'KHOR LO GZHAN LAS KHYAD PAR DU 'PHAGS PA'I YON TAN DU MI 'GYUR BA'I PHYIR RO, ,DE YANG THEG PA CHEN PO BA THAMS CAD KYI 'DOD BYA MTHAR THUG PA NI MI GNAS PA'I MYA NGAN LAS 'DAS PA YIN LA, 'BRAS BU SRID ZHI LA MI GNAS PA 'THOB PA NI, LAM GYI SKABS SU SRID PA'I MTHA' 'GOG PA DANG ZHI BA'I MTHA' 'GOG PA GNYIS GA CHA TSANG BA NYAMS SU LEN PA LA RAG LAS SHING, DE LA PHAR PHYIN GYI THEG CHEN PA LTAR NA, RJE BTZUN BYAMS MGON GYIS, SHES PAS SRID LA MI GNAS SHING, ,SNYING RJES SA ZHI LA MI GNAS DANG, ZHES GSUNGS PA LTAR DE KHO NA NYID RTOGS PA'I SHES RAB KYIS SRID PA'I MTHA' 'GOG ZHING, SNYING RJE CHEN PO SOGS BSOD NAMS KYI TSOGS RGYA CHEN POS ZHI BA'I MTHA' 'GOG LA, RGYUD SDE 'OG MA DAG GI LUGS LA'ANG, SRID PA'I MTHA' 'GOG PA NI DE KHO NA NYID RTOGS PA'I SHES RAB TZAM DANG, ZHI BA'I MTHA' 'GOG PA LHA'I RNAL 'BYOR DANG 'BREL BA'I BSOD NAMS KYI TSOGS RMAD DU BYUNG BA DAG GO ,'DIR NI 'BRAS BU'I SKABS SU THUGS MCHOG TU MI 'GYUR BA'I BDE CHEN GYI YE SHES LA RTAG TU GNAS PAS SRID PA'I MTHA' SPANGS LA, SKU STONG GZUGS KYI BCOM LDAN 'DAS YAB YUM GYI RNAM PAR SHAR BAS 'KHOR BA JI SRID BAR 'GRO BA'I DON MDZAD PA NYID KYIS ZHI BA'I MTHA' SPANGS PA YIN TE, DBANG MDOR BSTAN LAS, MYA NGAN 'DAS PA BRAL BA GZUGS, ,'KHOR BA LAS 'DAS MI 'GYUR PA, ,RTAG DANG CHANG BAS NGES PAR GROL, ,DE DAG SBYOR BA GNYIS MED MCHOG ,CES GSUNGS PAS SO, ,DE YANG RKANG PA DANG POS NI, STONG GZUGS KYI SKUS MYA NGAN LAS 'DAS PA'I MTHA' DANG BRAL BAR BSTAN LA, RKANG PA GNYIS PAS MI 'GYUR BA'I BDE CHEN LAS GNAS PAS 'KHOR BA LAS 'DAS PAR BSTIN ZHING,
, ,RKANG PA THA MA GNYIS KYI DON NI DE LTAR RTAG PA 'KHOR BA DANG, CHAD PA MYANG 'DAS KYI MTHA' LAS NGES PAR GROL BA BDE BA DANG STONG GZUGS KYI SKU DE NYID BDAG NYID GCIG TU SBYOR BA NI MTHA' GNYIS MED PA'I GO 'PHANG MCHOG GO ZHES BA'O, ,'O NA BZHIN LAG GI RNAM PA CAN GYI SKYES BU'I LUS BLANGS PA NI SRID PA YIN PAS STONG GZUGS KYI SKU YAB YUM GYI RNAM PA CAN GRUB PA SRID PA'I MTHAR MI 'GYUR RAM ZHE NA MI 'GYUR TE, RANG DANG NGO BO GCIG TU SKYES PA'I MCHOG TU MI 'GYUR BA'I YE SHES DES YONGS SU BZUNG BA'I PHYIR RO, ,THUGS RTAG TU BDE CHEN GYI YE SHES LA GNAS KYANG ZHI BA'I MTHAR MI 'GYUR TE, DE DANG NGO BO GCIG PA'I STONG GZUGS KYI SKUS YONGS SU BZUNG BA'I PHYIR RO, ,DE LTAR YANG DBANG MDOR BSTAN LAS, GZUGS NI SRID PAR MI 'GRO STE, ,'GYUR MED MYA NGAN 'DAS MI 'GRO, PHAN TSUN 'KHYUD PAS ZHI BA NI, ,MA NING GI NI GO 'PHANG MCHOG ,CES GSUNGS SO, ,DE LA PHAN TSUN 'KHYUD PAS ZHES PA YAN CHAD KYI DON NI SNGAR BSHAD PAS SHES LA LHAG MA NI, DE LTAR MTHA' GNYIS LA MI GNAS PA'I ZHI BA'AM MYANG 'DAS NI THABS SHES GNYIS KA TSOGS PA THABS RKYANG PA YANG MA YIN SHES RAB RKYANG PA YANG MA YIN PA'I MA NING GI GO 'PHANG MCHOG GO ,ZHES BYA BA STE, 'JIG RTEN NA MTSAN GNYIS GA RTEN GCIG LA MNYAM DU TSOGS PA MA NING DU BRJOD PA BZHIN NO, ,DE LTAR SRID ZHI LA MI GNAS PA'I GO 'PHANG DE TING 'THOB PA'ANG LAM GYI SKABS SU STONG GZUGS KHYAD PAR BA 'GRO BA'I DON RGYUN MI 'CHAD PAR MDZAD PA'I GZUGS SKU'I RIGS 'DRA'I RGYUR GYUR PA BSGRUB PAS ZHI BA'I MTHA' 'GOG PA DANG, 'BRAS BU'I SKABS KYI LHAN CIG SKYES PA'I YE SHES KYI SKU'I RIGS 'DRA'I
RGYU MI 'GYUR BA'I BDE BA STONG PA NYID DANG SBYAR BA'I YE SHES BSGRUB PAS SRID PA'I MTHA' 'GOG PA STE, DE LTAR MTHA' GNYIS 'GOG PA'I LAM YONGS SU RDZOGS PAR NYAMS SU LEN PA LA RAG LAS SO, ,KHYAD CHOS GSUM PA NI, SHES DANG SHES BYA ZHES PA, SHES PA DANG SHES BYA TZAM MA YIN TE, DE GNYIS NGO BO GCIG PA DUS KYI 'KHOR LO'I THUN MONG MA YIN PA'I YON TAN DU MI 'GYUR PA'I PHYIR RO, ,SHES PA 'DZIN PA'I SEMS DANG, SHES BYA GZUNG BA'I SEMS GNYIS RO MNYAM DU GYUR PA'O, ZHES PADMA CAN SOGS KYIS 'CHAD PA'ANG MI 'THAD DE, 'DIR GZUNG 'DZIN RDZAS GZHAN KHEGS PA TZAM PHUL DU BYUNG BA'I YON TAN DU STON 'DOD PA MIN PAS SO, ,SHES PA MI 'GYUR BA'I SKAD CIG MA DANG SHES BYA KHAMS GSUM PA'I DNGOS PO MA LUS PA MTHONG BA GNYIS DE KHO NAR RGYU 'BRAS SU DBYER MED PA NYID SHES DANG SHES BYA GCIG PA'I DON DU 'CHAD PA'ANG MI 'THAD DE, CHOS THAMS CAD DE KHO NAR RGYU 'BRAS DBYER MED PA YIN PAS, DE NYID DUS KYI 'KHOR LO'I PHUL DU BYUNG BA'I YON TAN MA YIN PA'I PHYIR RO, ,DES NA RANG LUGS NI, DBANG MDOR BSTAN GYI 'GREL PAR SGRIB PA THAMS CAD BRAL BA'I SHES BYA ZHES GSUNGS PA RANG LTAR, SHES PA MI 'GYUR BA'I BDE BA DANG, SHES BYA SGRIB PA THAMS CAD DANG BRAL BA'I GZUGS GNYIS BDAG NYID GCIG TU GYUR PA'I SKU CAN DPAL LDAN DUS 'KHOR LO PHYAG 'TSAL ZHES SBYAR RO, ,'DI LTAR BSHAD PA NA STONG NYID SNYING RJE'I BDAG NYID CAN YIN PA DANG, SRID GSUM SKYE 'JIG MED PA BZLOS PAR 'GYUR RO SNYAM DU DOGS PA SKYE BA'I GNAS MED LA, STONG NYID SNYING RJE'I BDAG NYID CAN ZHES PA DANG DUS KYI 'KHOR LO ZHES PA'I TSIG GNYIS BZLOS TE, DUS KYI 'KHOR LO NYID STONG NYID SNYING RJE'I BDAG NYID CAN YIN PA'I PHYIR RO SNYAM PA NI RTOG
, ,LDAN LA SKYE BA'I DOGS PHA MA YIN PAS DE LTA BU'I BZLOS PA SPONG BA'I PHYIR DU 'DIR 'BAD PA BYED MI DGOS SO, ,GZHAN DU NA DPAL LDAN ZHES PA DANG, DUS 'KHOR ZHES PA'I TSIG LA'ANG BZLOS PA SPANG DGOS PAR 'GYUR TE, DUS 'KHOR NYID DPAL LDAN YIN PA'I PHYIR RO, ,TSIGS SU BCAD PA GNYIS PA SNGAR SMOS PA'I STONG NYID SNYING RJE DE NYID RGYAS PAR BSHAD PA'I SGO NAS PHYAG 'TSAL BA NI, PHYAG 'TSAL ZHES DRANG NGO, GANG LA NA KUN MKHYEN MCHOG GI DANG PO'I SANGS RGYAS BCOM LDAN GNYIS MED DE NYID LA'O, ,DGOS PA DANG 'TSAL BA PO NI SNGAR BZHIN NO, NYID CES PA DNGOS PO'I RKYEN MA YIN GYI BSHAD SBYAR LAS NGES GZUNG GI TSIG TU BSHAD PA LTAR KHO NA'I DON TO, ,'O NA 'OG MA DAG GI PHYAG YUL BKAG PAR MI 'GYUR RAM SNYAM NA, SKYON MED DE, 'OG MA RNAMS KYI PHYAG YUL YANG 'DI DAG NYID YIN PA'I PHYIR RO, ,DE LA GNYIS SU MED TSUL BSHAD PA'I SGO NAS YON TAN BRJOD PA NI, RNAM PAR BCAS PA'I BCOM LDAN 'DAS MA SHES RAB MA STE STONG GZUGS KYI PHYAG RGYA SNA TSOGS YUM DE YIS 'KHYUD DO, ,GANG LA NA STONG GZUGS KYI THABS KYI RNAM PA CAN GYI BCOM LDAN 'DAS DUS KYI 'KHOR LO LA'O, ,JI LTAR NA RGYANG THA DAD PA'I THABS SHES MA YIN PAR NGO BO GCIG PA'I TSUL GYIS DBYER MED PAR RO, ,YANG RNAM PA GZUGS SOGS SU SNANG BA DE NYID BDEN PAR MED PA TZAM GYI BCOM LDAN 'DAS MA SHES RAB MA STE DE KHO NA NYID DE YIS 'KHYUD DO, ,GANG LA NA YUL CAN BDE BA CHEN PO'I YE SHES LA'O JI, LTAR NA GNYIS SNANG GI BAG CHAGS THAMS CAD SPANGS PAS CHU LA CHU BZHAG PA BZHIN DU RO GCIG TU GYUR BAS SO, ,KYANG ZHES PA NI KUN RDZOB TU RNAM BCAS YIN KYANG DON DAM PAR RNAM MED YIN ZHES PA'I DON TO, ,CHOS NYID KYI SHES RAB MA YANG 'DIR BSHAD DGOS PA NI BSHAD SBYAR
MKHAN PE YANG BZHED DO, ,PHYAG CHEN THIG LE LAS, JI LTAR TIL SON TIL MAR DANG, ,JI LTAR SHING LA SON PA'I ME, ,DE BZHIN CHOS RNAMS THAMS CAD LA, ,YANG DAG GNAS KYANG MI MTHONG BA, ,CHOS KYI DBYINGS NI BHA GAR BSHAD, ,BHA GA RIN CHEN ZA MA TOG ,GANG PHYIR DBANG PHYUG SOGS YON TAN, ,LDAN PA DE PHYIR BHA GAR BSHAD, CES GSUNGS PA BSHAD SBYAR DU DRANGS NAS, BCOM LDAN GYI SKAD DOD BHA GA VAN ZHES PA'I BHA GA'I DON DE LTAR BSHAD PA, JI LTAR TIL LA TIL MAR GYI KHAMS DANG, SHING LA ME'I KHAMS YOD KYANG MI MTHONG BA LTAR CHOS THAMS CAD LA YANG DAG PAR GNAS BYANG, 'GRO BA RNAMS KYIS MI MTHONG BA'I CHOS KYI DBYINGS NI STONG GZUGS LA BYAR MI RUNG GI ,CHOS RNAMS KYI GNAS LUGS SU SONG BA'I STONG PA NYID LA BYA DGOS PA'I PHYIR RO, ,'O NA LDAN PA NI BSKAL BA DRUG DANG LDAN PA LA BYA DGOS PA LA, CHOS DBYINGS TZAM LA JI LTAR RUNG SNYAM NA, SKAL BA DRUG PO DE NYID SANGS RGYAS KYI CHOS NYID KYI YON TAN YIN PA'I PHYIR NA, SPYIR CHOS DBYINGS LA'ANG YOD PA'I SGO NAS LDAN PAR 'GYUR BA YANG MI 'GAL LA, SKABS 'DI'I CHOS NYID NI CHOS CAN RDZOGS PA'I SANGS RGYAS GYIS KHYAD PAR DU BYAS PA'I CHOS NYID YIN PA'I PHYIR DAG PA GNYIS LDAN GYI CHOS NYID LA SANGS RGYAS KYI YON TAN RNAMS LDAN PA GA LA 'GAL, BSHAD SBYAR DU, RGYA CHE BA RNAM BCAS KYI SHES RAB MA DANG, ZAB PA RNAM MED KYI SHES RAB MA ZHES BSHAD DE DON GCIG GO ,'GYUR MED BDE BA DANG LDAN ZHES PA LA, SPYIR MI 'GYUR BA'I BDE BA TZAM DANG KHYAD PAR BA GNYIS YOD DE 'DI LTAR, 'GYUR BA'I DON 'DZAG BA DANG 'PHO BA'I BDE BA GNYIS GA LA 'JUG PAS, BYANG SEMS RDO RJE NOR BU'I RTZER BABS PA PHYIR MA ZAGS PA LA MI 'GYUR BAR BYAS NAS, DE LAS SKYES PA'I BDE BA LA MI 'GYUR BA'I BDE BAR BYAS PA DANG, BYANG SEMS RDO RJE NOR
, ,BU'I RTZER BABS PA PHYIR MI 'JEG PA TZAM DU MA ZAD, RANG GI GNAS DE LAS RANG GI LUS KYI CHA GANG DU'ANG MI 'PHO BAR GNAS PA'I THIG LE DE NYID LA MI 'GYUR BAR BYAS NAS, RTEN DE LAS SKYES PA'I BDE BA LA MI 'GYUR BA'I BDE BAR BYAS PA GNYIS SO, ,DANG PO NI, RLUNG AA VA DH'U T'IR ZHUGS GNAS THIM GSUM NUS PA'I 'TSAMS NAS, LAS DANG YE SHES KYI PHYAG RGYA LA BRTEN PA'I DGA' BZHI SKYES PA THAMS CAD KYI TSE 'ONG LA, GNYIS PA NI, TING NGE 'DZIN GYI YAN LAG THOB NAS STONG GZUGS KYI PHYAG RGYA LA BRTEN TE, MI 'GYUR BA'I BDE BA NYI KHRI CHIG STONG DRUG BRGYA RIM BZHIN 'THOB PA'I MGO BRTZAMS PA NAS BZUNG STE SLOB LAM GYI SKABS SU'ANG 'ONG ZHING, MI 'GYUR BA'I BDE BA'I SKAD CIG MA DE THAMS CAD YONGS SU RDZOGS PA NI 'BRAS BU'I SKABS KHO NA'O, ,DE DAG LAS 'DIR NI 'BRAS BU'I SKABS KYI MI 'GYUR BA'I BDE BA NYID BZUNG BAR BYA BA'I PHYIR DU, SKYE 'JIG SPANGS PA'I ZHES BYA BA'I KHYAD PAR SMOS SO, ,DE LA SKYE 'JIG SPANGS PA'I DON RANG RGYU LAS SKYE BA DANG, DUS GNYIS PAR MI GNAS PA'I 'JIG PA TZAM SPANGS PA LA MI BZUNG STE, DE LTA NA MI 'GYUR BA'I BDE BA PHYAG RGYA CHEN MO LA BRTEN NAS SKYES PA 'GAL BA'I PHYIR RO, , 'O NA CI ZHE NA, BSHAD SBYAR DU RTZA RGYUD DRANGS NAS BSHAD BA DE NYID LEGS PAS 'DIR YANG DE LTAR BSHAD PAR BYA'O, ,DE YANG RTZA RGYUD LAS, SKYE DANG 'JIG PA DKAR PHYOGS DANG, ,NAG PO'I PHYOGS SU RAB GNAS PA'O, ,DE GNYIS DBUS SU GANG BA GANG, ,GANG BA DE NI MI GNAS NYID, CES GSUNGS SHING, DE'I DON NI, KHAMS DKAR PO GTZUG TOR NAS RDO RJE NOR BU'I BAR DU SKYE BA'I 'PHEL BA'I CHA BCO LNGA DANG, DE NYID JI LTAR 'ONGS PA BZHIN MAS RIM GYIS GTZUG TOR BAR DU KHAMS DMAR PO RDUL LAM NYI MAS KHAMS DKAR PO DE NYID 'JIG PA'AM ZAD PAR BYED PA'I
CHA BCO LNGA NI SKABS 'DIR SKYE 'JIG GI DON YIN LA, DE GNYIS KYI DBUS SU STE DE GNYIS GANG GI'ANG PHYOGS SU MA LHUNG BAR BYANG CHUB KYI SEMS KYI CHA THAMS CAD YONGS SU RDZOGS SHING GANG BA CHA BCU DRUG PA'I GNAS SKABS 'GA' ZHIG LA RTAG TU GNAS PA GANG YIN PA'I GANG BA DE NI 'PHEL ZAD KYI BAG CHAGS MA LUS PAR SPANGS PAS SKYE 'JIG GNYIS KA LA MI GNAS PA'O ZHES BYA BA'I DON TO, ,DE LTAR NA SKABS 'DI'I MI 'GYUR BA'I BDE BA NI 'PHO BA'I BAG CHAGS MA LUS PA SPANGS PA'I PHYIR 'BRAS BU'I SKABS KHO NA LA BSHAD DGOS SO, , BZHAD PA'AM RGOD PA DANG LA SOGS PA BLTA BA DANG LAG BCANGS DANG 'KHYUD PA DANG DBANG PO GNYIS SBYOR GYI BDE BA SPANGS ZHES PAS NI, LAS DANG YE SHES KYI PHYAG RGYA LA RGOD PA SOGS BYAS PA LAS SKYES PA'I BDE BA LAS PHYAG RGYA CHEN MO LAS SKYES PA MI 'GYUR BA'I BDE BA KHYAD PAR DU BSTAN PA'I PHYIR SMOS SO, ,BSHAD SBYAR NI, DBANG PO GNYIS SBYOR GYI BDE BA DE KHO NA NYID DU SMRA BA DGAG PA'I PHYIR DU GRUB ZIN SLAR YANG BSNAN NAS BZHAD PA LA SOGS BDE BA SPANGS ZHES SMOS PA YIN NO ZHES 'CHAD DO, ,'GYUR MED BDE BA ZHES PA LA BSHAD SBYAR DU, NOR BU DANG PADMA LAS 'GYUR BA MED PA ZHES 'BYUNG BA'I DON, 'GYUR DE LTAR NA NOR BU DANG PADMA MNYAM PAR SBYAR BA BYAS PA LAS KYANG KHAMS 'GYUR BA MED PA ZHES 'CHAD DGOS KYANG, 'OG TU NOR BU'I PAD MA LAS 'GYUR BA MED PA ZHES 'BYUNG BA LTAR 'DIR YANG BSHAD RGYU YIN ZHING, DE LTAR BSHAD NA DBANG MDOR BSTAN LAS, LTE GSANG NOR BU'I PADMA LA, ZHES GSUNGS PA LTAR, NOR BU'I DBUS NA RTZA'I PADMA YOD PAS DE LAS GZHAN DU MA 'PHOS PA'I DON TE, MCHOG TU MI 'GYUR BA'I BDE BA DE'I BYED LAS NI, SANGS RGYAS TE PHUNG PO LNGA BO RNAMS SGRIB BRAL DU SKYED PAR MDZAD PA
, ,DU MDZAD, 'ON KYANG 'GYUR MI 'DRA BA BCU DRUG BCU BDUN 'JUG PA DE DAG THAMS CAD KYI NANG NAS SHONG 'GYUR NYID MCHOG TU DGONGS NAS BSHAD PA THAMS CAD 'GYUR DE'I STENG NAS MDZAD CING, BDAG GI RJE THAMS CAD MKHYEN PA'ANG DE LTAR GSUNG ZHING 'GYUR 'DI 'BA' ZHIG GI STENG NAS BSHAD PA MDZAD PA YIN NO, ,DRUG PA RGYUD LA BSHAD NYAN JI LTAR BYA BA'I TSUL LA GSUM LAS, DANG PO 'CHAD PA PO SLOB DPON GYI MTSAN NYID NI, RTZA RGYUD LAS, BRTAN ZHING DUL LA BLO GROS LDAN, ,BZOD LDAN DRANG LA GA-YO RGYU MED, ,SNGAGS DANG RGYUD KYI SBYOR BA SHES, ,SNYING BRTZER LDAN ZHING BSTAN BCOS MKHAS, ,DE NYID BCU NI YONGS SU SHES, ,DKYIL 'KHOR 'DRI BA'I LAS LA MKHAS, ,GSANG SNGAGS 'CHAD BYED SLOB DPON TE, ,DAD PA'I BDAG NYID DBANG PO THUL, ZHES GSUNGS PA LTA BU'I MTSAN NYID DANG LDAN PA YIN LA, RGYAS PAR DBANG GI LE'U NYID DU 'CHAD PAR 'GYUR RO, ,GNYIS PA NYAN PA PO SLOB MA'I MTSAN NYID NI, 'GREL CHEN DU, RGYAL BAS GSUNGS PA'I CHO GAS DBANG MCHOG BLANGS NAS RGYUD 'DI'AM NI BSDUS PA YI, ,RGYUD RGYAL MA LUS THOS NAS YANG DAG YE SHES LAM LA GNAS PA'I RNAL 'BYOR PAS, ,KHENGS DANG LONGS SPYOD 'BYOR BA DU MA BTANG NAS SEMS NI BLA MAR GTAD BYAS TE, ,SANGS RGYAS NYID KYI SLAD DU GTZO BO'I 'GREL BSHAD GZHAN PHAN SPYOD PA MNYAN PAR BYA ZHES GSUNGS PA LTAR RGYUD SNGA DANG MTHUN PA'I DBANG BSKUR BA MTSAN NYID DANG LDAN PA SNGON DU THOB PAS RGYUD SMIN PAR MA BYAS PAR LAM RIM PA GNYIS GANG YANG NYAN PA LA YANG MI DBANG NA BSGOM PA LTA SMOS KYANG CI ZHIG DGOS, DE'I PHYIR JI SKAD DU, DKYIL 'KHOR DAG TU MA ZHUGS DANG, ,DAM TSIG DAG NI SPANGS PA DANG, ,GSANG BA'I
DE NYID MI SHES PAS, BSGRUBS KYANG CI'ANG MI 'GRUB BO, CES DANG, DBANG MED NA NI DNGOS GRUB MED, BYE MA BTZIR LA MAR MED BZHIN, CES DANG, GANG ZHIG RGYUD LUNG NGA RGYAL GYIS, ,DBANG BSKUR MED PAR 'CHAD BYED PA, ,SLOB DPON SLOB MA SHI MA THAG ,DNGOS GRUB THOB KYANG DMYAL BAR 'GRO, ZHES SOGS GSUNGS SO, ,DBANG BSKUR LA YANG THOG MAR, THEG PA THUN MONG GI LAM LA BLO SBYANGS PA'I SGO NAS SNGAGS DANG PHA ROL TU PHYIN PA'I THUN MONG GI LAM DANG, DAD PA DANG, SNYING RJE DANG, BYANG CHUB KYI SEMS DANG PHA ROL TU PHYIN PA DRUG DANG, BSDU BA'I DNGOS PO BZHI LA SOGS PA RNAMS LA BSLAB PA SNGON DU BTANG STE, THEG PA GSUM LA MKHAS PAR BYAS NAS, DE'I RJES SU DKYIL 'KHOR DU GZHUG CING DBANG BSKUR BAR BYA BA YIN GYI, DE DAG LA MA SBYANGS PAR MA YIN TE, BSDUS RGYUD LAS, ZAB CING RGYA CHEL SEMS BLA MA'I NGES PA LA DGA' GTONG BA'I NGANG TSUL DANG LDAN YON TAN SHES, ,THAR PA DON GNYER RGYUD LA GUS SHING GA-YO BA MED PA'I SEMS LDAN DE NYID THOB PA SHIN TU SBED, ,GDUG PA RNAMS KYI GROGS NYAMS SLOB MA DE NYID BLA MA SHIN TU MKHAS PA RNAMS KYIS BSDU BYA BA, ZHES DBANG BSKUR PA'I SLOB MA LA TSAD DGOS PAR GSUNGS PA'I CHOS 'DI RNAMS THEG PA THUN MONG PA'I LAM LA BLO MA SBYANGS PAR MI 'BYUNG BA'I PHYIR DANG, THUN MONG GI SDOM PA DANG, RIGS LNGA SPYI DANG KHYAD PAR GYI SDOM PA BZUNG BA BYAS NAS, SKYIL 'KHOR DU 'JUG DGOS PAR GSUNGS SHING, SNGON DU BLO MA SBYANGS PAR DE'I TSE SLOB DPON GYI RJES SU BZLAS PA TZAM GYIS SDOM PA DANG DAM TSIG LA BSRUNG 'DOD DANG, RDO RJE 'CHANG GI GO 'PHANG LA THOB 'DOD BCOS MA MA YIN PA SHIN TU SKYE DKA' BA'I PHYIR RO, ,DES NA DRI MED 'OD LAS, DE LTAR DANG POR CHOS THAMS CAD YANG DAG
, ,BAR BSDU BA SHES NAS, DE NAS RANG GI LUS LA KHYAB BDAG MCHOG GI GO 'PHANG MA NING GI SNGAGS PAS BSGOM PAR BYA STE, ZHES GSUNGS SHING, CHOS THAMS CAD YANG DAG PAR BSDU GZHES PA'I BSDU BYA'I CHOS NI THEG PA GSUM DANG, DKON MCHOG GSUM DANG PHAR PHYIN BCU, BSDU BA BZHI, GSUNG RAB YAN LAG DGU, ,SBYANGS PA'I YON TAN BCU GNYIS LA SOGS PA RNAMS LA GSUNGS PA NYID KYIS SNGAGS KYI LAM LA 'JUG PA'I THOG MAR THUN MONG GI LAM LA THOS BSAM BSGOM PAS BSLAB DGOS PA MED DU MI RUNG BA NYID DU BSTAN PA YIN NO, ,DE YANG RGYUD 'DI LA NI SNGON DU 'JIG RTEN DANG 'JIG RTEN LAS 'DAS PA'I DBANG BSKUR BA THAMS CAD YONGS SU RDZOGS PA THOB PA ZHIG DGOS KYI, DBANG BDUN TZAM LAS MA THOB PA DANG, DBANG GONG MA 'BA' ZHIG THOB PA TZAM GYIS RGYUD NYAN PA RNAM PA THAMS CAD DU MI RUNG STE, RGYUD NYAN PA LA NI BSKYED RDZOGS GNYIS GA'I DON YONGS SU RDZOGS PA NYAN PA LA DBANG BZHI GA BGOS PA'I PHYIR DANG, PHYI'I DKYIL 'KHOR DU MA ZHUGS SHING DBANG BDUN MA THOB PAR DBANG GONG MA 'BA' ZHIG BSKUR KYANG DE'I DBANG THOB PA'I GO MI CHOD PA'I RGYU MTSAN 'OG TU 'CHAD PAR 'GYUR BA'I PHYIR RO, ,DE LTAR DBANG RDZOGS PAR THOB PA DE YANG KHAS BLANGS PA'I DAM TSIG DANG SDOM PA TSUL BZHIN DU GCES PAR 'DZIN BZHIG DGOS TE, DAM TSIG DANG MI LDAN PA'I SLOB MA LA RGYUD BSHAD CING NYAN PA'I 'BRAS BU NI, CHE 'DIR MKHA' 'GRO RNAMS KYIS SROG 'PHROG BA LA SOGS PA DANG, SHI BA'I 'OG TU DMYAL BA CHEN PO NYAMS SU MYONG BAR 'GYUR BA GDON MI ZA BAR GSUNGS PA'I PHYIR RO, ,GSUM PA DPON SLOB TSOGS PAS RGYUD NYAN BSHAD LA JI LTAR 'JUG PA'I TSUL NI, BLA MA SNGA MDAG GSANG 'DUS SOGS KYI RGYUD BSHAD THABS
KYI YAN LAG RGYAN BDUN LA SOGS PA RNAMS KYANG 'DI LA TSANG BAR SBYOR TSUL SOGS MANG DU SMRA BA DAG LA BRGAL ZHING BRTAG PAR BYA BA'I GNAS DU MA ZHIG 'DUG MOD KYI YI GE HA CANG MANG BA SDANG BA'I PHYI MA BRIS LA, RANG LUGS KYI RGYUD 'DI BSHAD THABS KYI YAN LAG NI, PHYI NANG GZHAN GSUM LEGS PAR SBYAR BA'I SGO NAS 'CHAD PA YIN ZHING, DE'I TSUL NI 'OG TU ZHIB PAR 'CHAD PAR 'GYUR RO, ,DE YANG RGYUD LAS, NAG PA'I MTHAR NI DKAR PO'I TSIGS LA GZHAN LA PHAN PA'I BLA MAS DKYIL 'KHOR DAG NI BZHENGS BYAS NAS, ,SDIG PA'I DRI MA 'PHROG PA'I DBANG BDUN RNAMS NI BSOD NAMS DON DU BU RNAMS DAG LA SBYIN PAR BYA, ,YANG NA MTHA' DAG YON TAN GTER NI BSTAN PA'I SLAD DU RNAL 'BYOR MA RNAMS DAG LA MCHOD PAR BYA, ,MCHOD PA MED NA LO GCIG TU NI RGYUD KYI RGYAL PO DAG LAS BLA MAS BSTAN PAR MI BYA'O, ZHES GSUNG PAS DPYID ZLA 'BRING PO'I NYI LA DKYIL 'KHOR BZHENGS NAS RNAL 'BYOR MA RNAMS MCHOD DE RGYUD BSTAN PAR BYA ZHING, MA GRUB NA NYA SO SO'AM BRGYAD DAM BCU BZHI LA RNAL 'BYOR MA MCHOD CING CHOS THUN RE RE'I MGOR YANG MCHOD PA 'BUL BA DANG MAn+dAL LA DBUL BA DANG GTOR MA SBYIN PAE SNGON DU 'GRO BA BYA STE, 'GREL CHEN LAS, NYIN ZHAG SO SOR GTOR MA SBYIN PAR BYA BA DANG, SANGS RGYAS MCHOD PA DANG, DKYIL 'KHOR LA SOGS PA BYA ZHING ZHES GSUNGS PAS SO, ,MJUG TU BSNGO BA DANG YI GE BRGYA PA BZLAS LA, BZOD PAR GSOL BA LA SOGS PA BYA'O, ,'DIR RGYUD 'GREL NYAN PA RNAMS KYIS PHUN SUM TSOGS PA LNGA'I TING NGE 'DZIN GSAL BTAB NAS MNYAN PAR BYA'O ZHES BLA MA DAG GSUNG STE, DE LA GNAS PHUN SUM TSOGS PA RDO RJE BTZUN MO'I BHA GA'I DBYIBS CAN GYI CHOS 'BYUNG GI NANG DU CHUD PA'I BSUNG BA'I 'KHOR LO'I NANG GI GZHAL YAS KHANG
, ,MTSAN NYID THAMS CAD YONGS SU RDZOGS PA'I DBUS SU, STON PA PHUN SUM TSOGS PA DRUG PA RDO RJE 'CHANG DANG THA MI DAD PA'I BLA MA DUS KYI 'KHOR LO'I RING NGE 'DZIN LA SNYOMS PAR ZHUGS PA, 'KHOR PHUN SUM TSOGS PA NYAN PA PO RANG RANG GI ME TOG GANG PHOG GI LHA GSHEGS PA DANG GSHEGS MA LA SOGS PA'I NGA RGYAL LA GNAS PA, CHOS PHUN SUM TSOGS PA RDO RJE'I RNAL 'BYOR RIS MED PA DUS KYI 'KHOR LO YAN LAG DANG BCAS PA, DUS PHUN SUM TSOGS PA BZANG NGAN BSAM MI KHYAB GSUM GYI NANG NAS BSAM GYIS MI KHYAB PA'I DUS SU DMIGS PA STE LNGA'I SGO NAS MNYAN PAR BYA'O ZHES GSUNGS SO, ,DE LTA NA BLA MA GONG MA DAG RGYUD 'GREL DNGOS KYI BSHAD PA LA 'JUG PA'I THOG MAR RGYUD SDE SPYI'I RNAM PAR BZHAG PA DANG, BLA MA BRGYUD PA'I LO RGYUS SOGS CHOS 'BYUNG RGYAS PAR GSUNG PA DANG, DE DAG GI YI GE CHEN PO RIM PAR MDZAD PA'I PHYAG SROL 'DUG PA MI NYAMS PAR BYA BA'I CHED DU 'DIR YANG 'GREL BSHAD KYI THOG MAR JI LTAR 'TSAMS PA TZAM ZHIG YI GER DGOD PAR BYAS SO,, ' ,,STONG NYID NAM MKHA'I ME LONG NGOS LA BDE BA CHEN PO'I TSON RIS KYI, ,RNAM PAR BKRA BA'I RI MO YONGS SMIN TSOGS GNYIS BYED POS BRIS PA GANG, ,DE NYID ZHABS MTHIL PAD+MA'I SNYING POR SBRANG RTZE'I CHANG GIS DGA' LDAN PA, ,BUNG BA GZHON NU'I ROL RTZED ZLOS GAR YAN LAG MCHOG GI LHUR BLANGS NAS, ,DRI MED 'OD DKAR BDUD RTZI'I PHO NYA NI, ,DANG BOR 'ONGS BA ZLA BA'I MYU GU 'DI, ,LEGS BSHAD BDE 'BYUNG RAL PA'I RTZE MO LA, ,KUN DGA' RGYAS PA'I ROL PA BDAG GIS BYA, ,GNYIS PA BYE BRAG TU RGYUD 'GREL GNYIS KYI DON BSHAD PA LA BZHI, ,MTSAN GYI DON, 'GYUR GYI PHYAG ,GZHUNG GI DON, MJUG GI DON NO, ,DANG PO LA, RGYUD KYI MTSAN BSGYUR BA NI, RGYA GAR 'PHAGS PA'I YUL NA YONGS SU GRAGS PA'I SKAD RIGS CHEN PO BZHI YOD
PA'I NANG NAS LEGS PAR SBYAR BA SAm KRI TA LHA'I SKAD DU, BAR MA ZHES SOGS TE, DE NYID BOD KYI SKAD DU BSGYUR BA NA, BAR MA NI MCHOG GI, A'A DI NI DANG PO, BUD DHAN SANGS RGYAS, AUD DH'I TA NI PHYUNG BA, SHR'I K'A LA CA KRA NI DPAL DU SKYI 'KHOR LO, N'A MA NE ZHES BYA BA, TAN+TRA NI RGYUD, R'A DZA NI RGYAL PO'O, ,'GREL BA'I MTSAN BSGYUR BA NI, BI MA LA NI DRI MA MED PA, PRA BHA NI 'OD, N'A MA NI ZHES BYA BA, M'U LA NI RTZA BA, TAN+TRA NI RGYUD, AA NU S'A RA n'I RJES SU 'JUG PA, DvA DA SHA NI BCU GNYIS PA, S'A HA SRI KA STONG PHRAG, LA GHU BSDUS PA, K'A LA CA KRA TAN+TRA R'A JE NI SNGAR BZHIN, t'I KA ZHES PA RGYAS 'GREL DANG 'GREL BSHAD GNYIS GAR BSGYUR DU YOD PA LA, 'DIR NI RGYA CHER 'GREL PA ZHES BSGYUR NA LEGS SO, ,MTSAN BSHAD PA LA, DUS KYI 'KHOR LO ZHES PA'I MTSAN NI 'GREL BA NYID KYIS RGYAS PAR 'CHAD PAR 'GYUR LA, GZHAN RNAMS NI GO SLA ZHING, MTSAN GNYIS SMOS PA'I DGOS PA LA SOGS PA RNAMS NI SPYI LA YONGS SU GRAGS CHAS PAS 'DIR MANG DU SMOS KYANG YI GE MANG BA TZAM ZHIG SNYING POR ZAD PA'I PHYIR MA BRIS LA, 'GYUR GYI PHYAG NI DPAL DUS KYI 'KHOR LO LA PHYAG 'TSAL LO, ZHES 'BRAS BU DUS KYI 'KHOR LO LA PHYAG 'TSAL BA LO TZ+TSA BAS BKOD PA STE, 'GYUR MTHAR PHYIN PA LA SOGS PA'I CHED DU'O; ;GSUM PA GZHUNG GI DON LA GSUM, BSHAD PA LA 'JUG PA'I YAN LAG ,BSHAD PA NYE BAR DGOD PA, BSHAD PA MTHAR PHYIN PA'I BYA BA'O, ,DANG PO NI, MKHAS PA DAG GZHUNG DNGOS KYI BSHAD PA NYE BAR DGOD PA'I THOG MAR BSHAD PA LA 'JUG PA'I YAN LAG RGYAS PAR 'GOD PA DANG MTHUN PAR 'DIR MDOR BSDUS DANG PO GSUM GYIS BSHAD PA LA 'JUG PA'I YAN LAG RGYAS PAR 'CHAD PA YIN PAS 'DI LA GSUM, MCHOG GI 'DOD PA'I LHA LA PHYAG BYA BA DANG 'GREL BA RTZOM PAR DAM BCAS PA SOGS KYIS DAM PA'I LAM RNAM PAR NGES PA'I MDOR BSDUS, ,
, ,RGYUD KYI DGOS SOGS CHOS LNGA DANG LE'U DANG GNAS PA SO SO'I BSDUS DON SOGS 'CHAD PA'I MDOR BSDUS, STON PA DANG GSOL BA 'DEBS PA PO'I 'BREL BA LA BRGAL LAN SOGS KYI SGO NAS GTZO BOR MDOR BSDUS GNYIS PA'I DOGS GCOD KYI YAN LAG BSTAN PA'I MDOR BSDUS SO, ,DANG PO NI, SLOB DPON DBYIG GNYEN GYIS, DGOS PA BSDUS PA'I DON BCAS DANG, ,TSIG DON BCAS DANG 'TSAMS SBYAR BCAS, BRGAL LAN BCAS TE BSNYAD PAR BYA, ZHES PA MDO 'CHAD PA'I MAN NGAG TU GSUNGS PA LTAR, MDO RGYUD KUN LA 'DRA BAS 'DIR YANG DE NYID KYI SGO NAS BSHAD NA, MDOR BSDUS 'DI NYID GANG GI PHYIR BRTZAMS SNYAM PA'I DOGS PA DANG, MDOR BSDUS 'DI'I GZHUNG RNAMS DON TSAN DU ZHIG TU BSDU PA'I BSDUS DON GYI TSEMS BCAD PA DANG, TSIG GI 'BRU GNYER BA DANG, KHONG NAS GNAS PA'I 'BREL DNGOS SU PHYUNG NAS 'TSAMS SBYAR BA DANG, DE DAG LA MTHA' GZHAN DU DOGS PA BCAD NAS NGES PA BSKYED PA'I YAN LAG BRGAL LAN DANG BCAS TE BSHAD PAR BYA BA YIN PA LAS, MDOR BSDUS 'DI'I THUN MONG MA YIN PA'I DGOS PA NI MDOR BSDUS KYI MTSAN BRJOD PA'I TSIG GIS GSUNGS PA YIN TE, 'DI LTAR BDUD DANG BGEGS MTHA' DAG NYAMS PAR BYED PA MCHOG GI 'DOD PA'I LHA DANG DAM PA'I LAM NGES PA'I MDOR BSDUS PA, ZHES GSUNGS PA LA, MCHOG TU ZHES SBYAR NA MCHOG GI SKU DE GANG GI 'DOD PA'I SEMS KYI KHYAD PAR DANG, MCHOG GI ZHES SBYAR NA GANG 'DOD PA'I LHA'I KHYAD PAR STON BYED DU 'GYUR BA LAS 'DIR NI PHYI MA NYID BZUNG NGO, ,LHA DANG ZHES PA'I DANG GI SGRA YOD PA DANG DBANG 'GYUR LA MED PA GNYIS NI MED PA NYID LEGS PAS, BDUD DANG BGEGS MTHA' DAG NYAMS PAR BYED PA DANG MCHOG GI 'DOD PA'I LHA'I GO 'PHANG DAM
PA THOB PAR BYED PA'I LAM RDO RJE'I RNAL 'BYOR NGES PAR BYED PA STE GNYIS PO 'DI MDOR BSDUS 'DI'I DGOS PA'O ZHES SHES PAR BYA'O, ,BSHAD SBYAR SNYING PO SNANG BA LAS KYANG, BDUD BGEGS NYAMS PA DANG GSANG BA LAS KYANG SHIN TU GSANG BA'I RDO RJE'I RNAL 'BYOR NGES PA GNYIS 'DI'I DGOS PAR BSHAD PA NI SHIN TU LEGS PA YIN NO, ,TSIG DON DANG 'TSAMS SBYAR DANG BRGAL LAN RNAMS NI RANG RANG GI THAD DU 'CHAD PAR 'GYUR LA, BSDUS DON LA BSHAD SBYAR LTAR NA, MDOR BSDUS 'DI NYID NGES PA BDUN GYIS 'CHAD DE, RDO RJE LA PHYAG 'TSAL BA'I NGES PA DANG, RDO RJE 'DZIN PA LA PHYAG 'TSAL BA'I NGES PA DANG, BYANG CHUNG SEMS DPA'I 'GREL BA'I YON TAN GYI BSNGAGS PA BRJOD PA'I NGES PA DANG, LAM GYI SGRIB PA 'GOG PA'I NGES PA DANG, LAM 'PHROG PA'I RGYU MTSAN BSHAD PA'I NGES PA DANG, 'JIGS PA BCU DRUG GI NYER 'TSE ZHI BA'I THABS KYI NGES PA DANG, PHYI DUS KYI 'KHOR LO'I NGES PA'O, ,DE LA DANG PO NI, STONG NYID CES PA NAS, BYANG CHUB SEMS DE LA PHYAG 'TSAL, ZHES BYA BA'I BAR RO, ,GNYIS PA NI, SPRUL PA YI NI SKU GSUNG THUGS, ZHES PA NAS, BSDUS PA'I RGYUD LA BRI BAR BYA, ZHES PA'I BAR RO, ,GSUM PA NI, RGYAL BAS GSUNGS PA'I DBANG MCHOG BLANGS, ZHES PA NAS, 'JIG RTEN GSUM GYI BDAG PO NYID STENG 'DI NI KUN TU STON PAR BYED PA'O, ZHES PA'I BAR RO, ,BZHI PA NI, GANG ZHIG PHUNG PO LA SOGS ZHES PA NAS, BLA MA DAM PA'I DRIN LAS 'BYUNG BA YIN, ZHES PA'I BAR RO, ,LNGA PA NI, LAM BZANG RIN CHEN 'DI NI, ZHES PA NAS, THABS DANG SHES RAB BDAG NYID RNAL 'BYOR RO, ZHES PA'I BAR RO, ,DRUG PA NI, SNYING RJE DANG NI STONG NYID SKU, ZHES PA NAS, 'GREL BSHAD BDAG GIS BRI, ZHES PA'I BAR RO, ,BDUN PA NI, DE'I LHAG MA RNAMS
, ,SO ZHES 'CHAD CING, RDO RJE LA PHYAG 'TSAL, ZHES PA'I DON YANG, RTAGS KYI RDO RJE RTZE LNGA PAS MTSON PA'I YE SHES LNGA'AM STONG PA LNGA LA BSAMS NAS TSIGS SU BCAD PA DANG POS RNAM SHES KYI PHUNG PO SGRIB BRAL DU GYUR PA DANG, GNYIS PAS 'DU BYED SGRIB BRAL DU BYED PA DANG, GSUM PAS TSOR BA DANG, BZHI PAS 'DU SHES DANG, LNGA PA SOGS TSIGS BCAD BZHIS GZUGS PHUNG SGRIB BRAL DU GYUR BA'I STONG PA ME LONG YE SHES LA PHYAG 'TSAL BA YIN NO ZHES ZER ZHING, RDO RJE 'DZIN PA LA PHYAG 'TSAL LO, ZHES PA'ANG, AE VAm YI GE DE LA 'DUD, CES AE WAm GNYIS DNGOS SU SMOS PAS DRUG PA BDE STONG LHAN CIG SKYES PA'I YE SHES NYID GZUNG BA YIN LA, DE NI YE SHES GONG DU SMOS PA LNGA'I 'DZIN PA PO'AM LDAN GZHI YIN PAS, DE LA PHYAG 'TSAL BA NI, RDO RJE 'DZIN PA LA PHYAG 'TSAL BA'O SNYAM DU BSAMS PA'O, ,BSHAD TSUL 'DI YANG 'THAD PAR MI SEMS TE, GONG DU SMOS PA'I PHYAG 'TSAL LNGA DANG, 'OG GI AE VAm YI GE DE LA 'DUD CES SOGS THAMS CAD KYIS KYANG BDE STONG GNYIS MED DANG, THABS SHES GNYIS MED KYI YE SHES DE NYID PHYAG 'TSAL YUL GTZO BOR BYAS PA LA KHYAD PAR MED PA'I PHYIR DANG, PHYAG 'TSAL GONG MA LNGA LA YANG DANG PO'I 'TSAL YUL CHOS DBYINGS YE SHES GTZO CHE BA DANG GNYIS PA'I 'TSAL YUL BYA SGRUB YE SHES GTZO CHE BA SOGS KYI RGYU MTSAN MA DMIGS PA'I PHYIR DANG, RTZOM PAR DAM BCA' GONG 'OG GNYIS RIM BZHIN PHYAG 'TSAL BA DANG, NYER 'TSE ZHI BA'I MING GIS BSDUS DON BYAS PA'ANG TSUL MA YIN PA'I PHYIR TE, MCHOD BRJOD DANG NYER 'TSE ZHI BA DANG DAM BCA' DAG DON TSAN SO SO YIN
PA'I PHYIR RO, ,DE LTA NA MDOR BSDUS 'DI NYID KYI BSDUS DON JI LTAR BGOD PAR BYA BA GNAS PA'I PHYOGS NI 'DI YIN TE, MCHOG GI 'DOD PA'I LHA LA MCHOD PAR BRJOD PA DANG, 'GREL BA RTZOM PAR DAM BCA' ZHING BRTZAMS PA'I 'GREL BA NYAN PAR BSKUL BA DANG, 'GREL BA PHYIN CI LOG DANG YANG DAG PA'I RNAM DBYE BSHAD PA DANG, YANG DAG PA'I LAM LAS MI GOL BA'I THABS BSHAD PA DANG, LAM BZANG 'PHROG PA'I RGYU SPANGS NAS YANG DAG PA'I LAM SBA BAR BSTAN PA DANG, DPA' BO'I RIM PA DANG BDAG BYIN RLABS KYI RIM PA GNYIS KYI DRANG NGES BSHAD PA DANG; 'JIGS PA BCU DRUG GI NYER 'TSE ZHI BA'I THABS BSHAD PA DANG, BRTZAMS PAR DAM BCA' BA'I TSUL BSHAD PA DANG BRGYAD KYI NGES PAR BYA BA YIN LA, DANG PO NI, STONG NYID CES PA NAS LHA YI DBANG POS BTUNG PA'I GTZO LA SPYI BOS PHYAG 'TSAL TE, ZHES PA'I BAR RO, ,GNYIS PA NI; DE LTAR RDO RJE'I RNAL 'BYOR, ZHES PA NAS, GZHAN PHAN SPYOD PA MNYAN PAR BYA, ZHES PA'I BAR RO, ,GSUM PA NI, MNGON SHES MED GANG, ZHES PA NAS, 'DI NI KUN TU STON PAR BYED PA'O, ZHES PA'I BAR RO, ,BZHI PA NI, GANG ZHIG PHUNG PO LA SOGS, ZHES PA NAS, BLA MA DAM PA'I DRIN LAS 'BYUNG BA YIN, ZHES PA'I BAR RO, ,LA PA NI, ALAM BZANG ZHES PA NAS, LEGS PAR SPA BAR BYA, ZHES PA'I BAR RO, ,DRUG PA NI, DPA' BO'I RIM PA BDAG BYIN BRLABS PA YI, ZHES PA NAS, THABS DANG SHES RAB BDAG NYID RNAL 'BYOR RO, ,ZHES PA'I BAR RO,, BDUN PA NI, SNYING RJE DANG NI STONG NYID SKU, ZHES PA NAS, MUN PA THAMS CAD 'JOMS PAR 'GYUR, ZHES PA'I BAR RO, ,BRGYAD PA NI, TSIG LHAG MA RNAMS SO, ,DE LA RTZOM PAR DAM BCA' BA SNGA MA'I SKABS SU BSKUL BA PO 'DI 'DRAS BSKUL BAS RTZOM ZHES PA DANG, GANG GI
{t'IK CHEN KHAMS LE} *, ,CHOS DANG LONGS SPYOD RDZOGS PA DANG SPRUL PA'I SKU GSUM DAG DANG LDAN ZHING DUS GSUM YANG DAG RIG PA'O, ,SKU BZHI YOD MOD, CI'I PHYIR GSUM SMOS SHEN, GSUM PO DE GANG LA LDAN PA'I RTEN BDE BA CHEN PO DE NYID LHAN CIG SKYES PA'I SKU YIN PAS SKYON MED DO, , DUS GSUM RIG PA'I DON NI, RTZA RGYUD LAS, RANG GI SEMS DANG GZHAN SEMS KYI, ,GZHAN DAG SKYE MCHED GANG GI PHYIR, ,PHA ROL SEMS KYI RNAM RTOG GANG, ,SKYE MCHED DRUG GI MTSAN NYID CAN, ,BDAG GI SEMS KYI RNAM RTOG GANG, ,SKYE MCHED DRUG GI MTSAN NYID DO, ,KUN MKHYEN SHES PA 'DZIN BYED DE, ,'BYUNG DANG 'BYUNG 'OS SGRIB PA'O, ZHES GSUNGS LA, DE'I DON NI 'DI YIN TE, CHOS THAMS CAD SKYE MCHED BCU GNYIS SU BSDUS SHING DE LA YANG DRUG NI NANG GI SKYE MCHED DANG, ,DRUG NI PHYI'I SKYE MCHED YIN PAS, NANG GI SKYE MCHED RNAMS NI, GANG ZAG GANG YANG RUNG BA GCIG GZHIR BZHAG NA, GANG ZAG DE RANG GI SEMS KYI RNAM PAR RTOG PA STE RGYUD KYIS BSDUS PA DANG, PHYI'I SKYE MCHED DRUG NI GANG ZAG DE LAS GZHAN GYI SEMS KYI RNAM PAR RTOG PA STE GZHAN RGYUD KYIS BSDUS PA DANG GTAN NAS RGYUD KYIS MA BSDUS PA RNAMS SO, ,DE LTAR SKYE MCHED BCU GNYIS KYIS BSDUS PA'I CHOS BYUNG ZIN PA'I 'DAS PA DANG 'BYUNG 'OS KYI MA 'ONGS PA DANG DA LTAR BA MA SGRIB PA SO SKYES KYANG RIG PAS SGRIB PA'AM LKOG TU GYUR PA THAMS CAD YANG DAG PAR RIG PA NI DUS GSUM LA GNAS PA'I CHOS YANG DAG RIG PA'I DON NO, ZHES BYA BA'O, ,KUN MKHYEN NI MUN PA GNYID MTHUG GI GNAS SKABS BSKYED PA'I THIG LE SGRIB BRAL DU GYUR PA DANG, SANGS RGYAS NI SAD PA'I GNAS SKABS BSKYED PA'I THIG LE SGRIB BRAL DU SONG BA'I RNAM BCAS RGYA CHE BA DANG RNAM MED ZAB PA'I CHOS THAMS CAD RTOGS PA STE, RTZA RGYUD LAS, SAD PA'I
SKABS SONG SANGS RGYAS TE, THAMS CAD MKHYEN PA ZHES BSGRAGS PA, ,THAMS CAD RIG CING NGES GROL BA, ,MUN PA'I SKABS SONG MED PA'O, ZHES GSUNGS PA LTAR RO, ,MCHOG GI DANG PO'I SANGS RGYAS ZHES PA LA, MCHOG GI ZHES PA NI MCHOG TU MI 'GYUR BA'I BDE BA NYI KHRI CHIG STONG DRUG BRGYA RDZOGS PA'I SKAD CIG MA YIN LA, SKAD CIG MA DE LA BEM PO'I KHAMS MA LUS PA ZAD CING LAS RLUNG MA LUS PA 'GAGS PA'I STONG GZUGS KYI SKU YAB YUM ZHAL SBYOR GYI RNAM PA CAN DANG, 'PHO BA'I BAG CHAGS MA LUS PAR ZAD PA'I THUGS LHAN CIG SKYES PA'I YE SHES GNYIS NGO BO DBYAR MED 'BRAL MI SHES SU GYUR PA'I TSUL GYIS THOG MAR SANGS RGYAS PA GANG YIN PA DE NI RIGS THAMS CAD SPRO BA PO DANG GANG DU SDUD PA'I RTZA BAR GYUR PA'I SANGS RGYAS YIN PA'I PHYIR, DANG PO'I SANGS RGYAS ZHES BYA'O, ,BSHAD SBYAR MKHAN PO NA RE, MCHOG NI SKAD CIG DANG RNAM PA LNGA DANG RNAM PA NYI SHU DANG SGYU 'PHRUL DRA BAS MNGON PAR BYANG CHUB PA'I MTSAN NYID CAN MI 'GYUR BA'I SKAD CIG YIN LA, DES DANG POR SANGS RGYAS PAS DANG PO'I SANGS RGYAS SO, ,DANG PO'I SGRA NI THOG MA DANG THA MA DANG DBUS MED PA YIN LA, DANG PO YANG YIN LA SANGS RGYAS KYANG YIN PAS DANG PO'I SANGS RGYAS TE, MTSAN BRJOD LAS, SANGS RGYAS THOG MA THA MA MED, ,DANG PO'I SANGS RGYAS RIS MED PA, ZHES GSUNGS PA LTAR RO, ZHES 'CHAD DO, ,KHA CIG NA RE BDE BAR GSHEGS PA'I SNYING PO DANG CHOS NYID DE BZHIN NYID CES BRJOD PAR BYA BA GANG YIN PA DE NYID STOBS SOGS SANGS RGYAS KYI YON TAN THAMS CAD DANG LDAN PA'I NGO BO NYID KYI SKU DANG MCHOG TU MI 'GYUR PA'I BDE BA CHEN PO'I SKU MTSAN NYID PA YIN ZHING, DE NYID SRID PA GSUM DANG DUS GSUM DOL PHYOGS, GYI RNAM PAR BCAS PAR SNANG BA YIN KYANG SRID PA GSUM DANG DUS GSUM GYI RNAM PA DE DANG DO'I DNGOS POR MED PA RNAM PA THAMS CAD KYI MCHOG
, ,DANG LDAN PA'I STONG PA NYID YIN PAS, RNAM PAR BCAS KYANG RNAM MED BCOM LDAN 'DAS MA SHES RAB MA STE ZHES GSUNGS LA, DE NYID SEMS CAN THAMS CAD LA GDOD MA NAS YOD PA'I SANGS RGYAS YIN PA'I PHYIR MCHOG GI DANG PO'I SANGS RGYAS ZHES GSUNGS SO; ZHES ZER ZHING, MCHOG TU MI 'GYUR BA'I BDE BA ZHES PA'I MI 'GYUR BA'I DON YANG SKYE 'GAG MI BYED PA'I RTAG PAR KHAS BLANGS NAS RANG RGYUD LA NYAMS SU MONG BA'I BDE BA RTAG PA YONG BA MU STEGS KYI GRUB PA'I MTHA' SMRA BA DANG, BDE GSHEGS SNYING PO RNAM KUN MCHOG LDAN GYI STONG GZUGS DE NYID JI LTAR SNANG BA LTAR MA GRUB CING GRUB PA LTAR MI SNANG BRDZUN PA'I DON DNGOS SU KHAS BLANGS NAS DE NYID BDEN PAR GRUB PA YIN NO ZHES KHAS 'CHE BAR BYED PA DAG GI SMRA BA SMYON PA'I TSIG DANG MTSUNGS PA DAG GI LUGS GANG YIN PA DE NYID NI 'OG TU RGYAS PAR 'GOG PAR 'GYUR PA'I PHYIR SKABS 'DI DAG TU BRGAL LAN GYIS GTAN LA PHAB PAR MA BYAS LA, DE'I PHYIR MCHOD BRJOD KYI TSIGS SU BCAD PA 'DI DAG PHAL CHE BA 'BRAS BU DUS KYI 'KHOR LO YAB YUM LA PHYAG 'TSAL BA RNAMS KYANG GZHI'I CHOS NYID BDER GSHEGS SNYING PO LA PHYAG 'TSAL BA YIN PAR SMRA BA NI BRDOL THABS SMRA BA YIN PAR KHONG DU CHUD PAR BYA'O, ,BCOM LDAN GYI SKAD DOD BHA GA W'A NA ZHES PA LDAN PA LA 'JUG PA'I DBANG DU BYAS NA SA CHU MA RLUNG NAM MKHA' RNAM SHES KYI KHAMS DRUG RNAM PAR DAG PA'I YON TAN DBANG PHYUG LA SOGS PA'I SKAL PA DRUG DANG LDAN PAS BCOM LDAN ZHES BYA STE, RTZA RGYUD LAS, DBANG PHYUG DANG NI GZUGS BZANG DANG, ,DPAL DANG GRAGS DANG YE SHES DANG, ,BRTZON 'GRUS PHUN SUM TSOGS PA STE, ,DRUG LDAN BHA GA ZHES PAR BSHAD, ,SUM CU RTZA DRUG KHAMS DAG PA, ,SA SOGS RDO RJE BTZUN MO RNAMS, ,DE YI YON TAN DBANG PHYUG SOGS, ,
DRUG PO DE RNAMS BHA GAR BSGRAGS, ZHES GSUNGS PA LTAR RO, ,BHA GA W'A NA BCOM PA LA'ANG 'JUG PA'I DBANG DU BYAS NAS, ,NYON MONGS PA LA SOGS PA'I BDUD BZHI BCOM PAS BCOM LDAN TE, KYEE RDO RJER YANG, 'JOMS BYED BHA GA ZHES PA STE, ,BDUD DANG NYON MONGS DGRA 'JOMS PHYIR; ;SHES RAB KYIS GZHOM NYON MONGS TE, ,DE PHYIR SHES RAB BHA GAR BRJOD, CES GSUNGS PA LTAR RO, ,GNYIS MED CES PA DANG, DE NYID LA PHYAG 'TSAL ZHES PA'I DON NI SNGAR BSHAD PA LTAR RO, ,TSIGS SU BCAD PA GSUM PA DE NYID BCU DRUG RIG PA DANG BDEN DON BCU GNYIS KYI SGO NAS PHYAG 'TSAL BA NI, PHYAG 'TSAL ZHES DRANG NGO, ,GANG LA NA, SANGS RGYAS DUS KYI 'KHOR LO LA'O, ,ZHES SBYAR RO, ,DE LA DUS KYI 'KHOR LO'I DON YANG, 'BRAS BU'I SKABS SU GZHI DUS KYI NYIN ZHAG RE RE LA YANG SRID GSUM STE RTZA GSUM LA NYI KHRI CHIG STONG DRUG BRGYA'I DBUGS 'BYUNG 'JUG BYED PA'I RGYU BA RNAMS MA LUS PAR 'GAGS PA'I SROG CHEN PO NI DUS ZHES BYA LA, SA BCU GNYIS PO RE RE LA YANG LAS RLUNG STONG BRGYAD BRGYA RE'I RGYU BA 'GAGS PA'I SGO NAS GZHI DUS KYI 'PHO CHEN BCU GNYIS KYI 'KHOR LO MA LUS PAR 'GAGS PA'I CHA NAS DUS DANG, 'PHO BA BCU GNYIS 'GAGS PA'I LDOG PA LA 'DIR 'KHOR LO ZHES BRJOD DE, RTZA RGYUD LAS, DUS CHEN PO NI SROG CHEN PO, ,'DAS PA'I DBUGS BGROD ZAD PA LAS, ,STONG PHRAG NYI SHU RTZA GCIG DANG, ,BRGYA PHRAG DRUG GIS DBUGS RNAMS TE, ,SRID PA GSUM DU DBUGS 'KHOR LO, ,'DI NI DUS KYI 'KHOR LOR BSHAD, CES GSUNGS PA LTAR RO, ,DES NA NGO BO GCIG NYID LA DBUGS NYI KHRI CHIG STONG DRUG BRGYA 'GAGS PA'I LDOG PA NAS 'KHOR LO BZHAG PA
, ,YIN ZHING, SANGS RGYAS NI MI 'GYUR BA'I BDE BA NYI KHRI CHIG STONG DRUG BRGYA RDZOGS PAR THOB PA'I LDOG PA NAS 'JOG GO ,DE YANG 'DIR SANGS RGYAS LA DE NYID BCU DRUG GI SGO NAS DANG, DUS KYI 'KHOR LO LA BDEN DON BCU GNYIS KYI SGO NAS PHYAG 'TSAL BA YIN PA LAS, DANG PO NI GANG LA PHYAG 'TSAL BA'I YUL DU GYUR PA SANGS RGYAS DE'I DON JI LTA BU ZHE NA, BZHUGS ZHES DRANG NGO, ,GANG LA NA, NYON MONGS PA'I RI DVAGS GSOD PAS SENG GE ZHES BRJOD PA'I KHRI 'AM RTEN RNAM BCAS KYI PHYAG RGYA LA'O, ,GANG BZHUGS NA 'PHO BA'I BAG CHAGS RNAM PAR DAG PA'I BDE BA CHEN PO'O, ,DE NYID LA RDO RJE'I SBYOR BA ZHES KYANG BYA STE, DE YANG SPYI BO LA SOGS PA'I 'KHOR LO BZHIR LUS DAG YID YE SHES KYI THIG LE BZHI RIM PA BZHIN SBYAR TE BKAG PAS DBYER MI PHYED PA'I BDE BA CHEN POR 'GYUR BA YIN LA, RDO RJE NI DBYER MI PHYED PA'I DON YIN ZHING THABS DES 'PHO BA'I BAG CHAGS RNAM PAR DAG PA'I DON TO, ,YO GA RNAL 'BYOR LA'ANG 'JUG MOD KYI 'DIR NI BSHAD SBYAR DU YO GA SBYOR BA LA 'JUG PA'I DBANG DU BYAS NAS BSHAD PA LTAR LEGS SO, ,DE NYID SRID PA GSUM STE SGRUB PA PO'I LUS NGAG YID GSUM GYI BYANG SEMS RDO RJE NOR BU'I RTZE NAS RIM PA BZHIN GONG DU DRANGS TE GTZUG TOR DU BCINGS PA NYID SRID PA GSUM GYIS MCHOD PA'I DON TO, ,RTEN RNAM PA THAMS CAD PA'I GZUGS DANG BRTEN PA MCHOG TU MI 'GYUR PA'I BDE BA GNYIS NGO BO GCIG TU STE DBYER MI BYED PAR GYUR PA DE NYID SKU BZHI'I RAB TU DBYE BAS RNAM PA BCU DRUG TU 'GYUR ZHING, JI LTAR 'GYUR BA'I TSUL
'OG TU 'CHAD DO, ,DON DAM PA'I BDEN PA NGO BO NYID KYI SKU CHA MED RTAG PA GCIG PU DE NYID LA GDUL BYA'I MOS PA'I DBANG GIS RNAM PA BCU DRUG 'PHYED PAR SMRA BA NI CHA MED LA CHA SHAS BCU DRUG BYED PAR KHAS LEN PA RANG TSIG DNGOS SU 'GAL BA'I GTAM BYUNG RGYAL DU SMRA BA'O, ,SRID MED SRID PAR GNAS ZHES PA 'GYUR MA LEGS PAS, GA TA SONG BA LA'ANG 'JUG PA'I DBANG DU BYAS TE SRID MED SRID SONG BA ZHES DBANG LOS PHYOGS, BSGYUR BA NYID SHIN TU LEGS SO, ,DE LTAR BSHAD NA SRID MED MYANG 'DAS KYI MTHA' DANG SRID PA 'KHOR BA'I MTHA' GNYIS LAS GZHAN DU SONG ZHING 'DI MTHA' DE GNYIS DANG BRAL BA ZHES BYA BA'I DON TO, ,'KHOR 'DAS KYI MTHA' DE GNYIS LAS RING DU 'GRO BA YANG SHES PA MCHOG TU MI 'GYUR BA'I BDE BA DANG SHES BYA SGRIB BRAL GYI GZUGS RNAM PA THAMS CAD PA GNYIS GRUB BDE DBYER MED KYI NGO BO GCIG TU GYUR PA'I RGYU MTSAN GYIS YIN LA, SNGAR SHES DANG SHES BYA GCIG PA'I SKU, ZHES PA'I SKABS SU MTHA' GNYIS LAS 'DAS PA DANG, RGYU MTSAN DANG RGYU MTSAN CAN DU DNGOS SU SBYAR BA'I SGO NAS MA BSHAD CING 'DIR DE LTAR BSHAD PAS MI BZLOS SO, ,SRID PA GSUM GYI DNGOS POR MED KYANG SRID PA GSUM GYI RNAM PAR GNAS PA'I STONG GZUGS LA BSHAD NAS, SRID MED SRID SONG BA ZHES 'CHAD PA DGONGS PA MA YIN NO ZHES SMRA BA NI DGONGS PA MA YIN PA'I RGYU MTSAN CI'ANG BSTAN RGYU MED PAR RANG 'DOD KYI GTAM SMRA BA'O, ,DAM TSIG GI SKAD DOD SA MA YA ZHES PA 'DUS PA LA 'ANG 'JUG PA'I DBANG DU BYAS TE RGYAL BA MCHOG GI 'DUS PA ZHES DBANG GIS BSGYUR PA NYID LEGS PAS DE LTAR PHYOGS, BSHAD NA DE'I PHYIR SGRIB BRAL
, ,GYI PHUNG KHAMS SKYE MTSAD TSOGS PA NI RIGS THAMS CAD KYI BDAG PO RGYAL BA MCHOG GI 'DUS PA'O, ,GNYIS PA NI PHYAG 'TSAL BA'I YUL DUS KYI 'KHOR LO DE YANG JI LTA BU ZHE NA, MI BSLUBS BDEN PA'I DON CAN DGA' BA RGYAS PAR BYED PA'I BYANG CHUB KYI SEMS RIN PO CHE GANG YIN PA NI DUS GSUM GYI RGYAL BA'I BDE BA CHEN PO'I YE SHES SU GYUR PA DE NYID RNAM RTOG GIS MI PHYED PAS RDO RJE ZHES BYA ZHING DE'I GNAS SAM GZHIR GYUR PA YIN LA, DE YANG 'PHO BA BCU GNYIS 'GAGS PA'I DBYE BAS MAN LAG RNAM PA BCU GNYIS SO, ,'DIR YANG TSIG GI SKAD DOD PA TA ZHES PA GNAS LA'ANG 'JUG PA'I DBANG DU BYAS TE, RDO RJE'I GNAS ZHES BSGYUR BA NYID LEGS SO, ,TSIGS SU BCAD PA BZHI BA SKU RDO RJES BZHI DANG THABS SHES DBYER MED KYI DBYINGS LA PHYAG 'TSAL BA NI, GANG ZHIG DANG PO'I SANGS RGYAS DE LA 'DUD CES DRANG NGO, ,DE'I YON TAN NI KUN MKHYEN RGYAL BA'I BDAG PO'I LHAN CIG SKYES PA'I SKU DANG, DE BZHIN DU YE SHES SKU NI CHOS KYI SKU DANG, LONGS SPYOD RDZOGS PA'I SKU NI NYIN MOR BYED PA'I SKU DANG, DER MA ZAD SPRUL PA'I SKU YANG PADMA'I 'DAB MA RGYAS PA'I SPYAN NO ZHES SBYAR TE, 'DI DAG GI DON ZHIB PAR 'OG TU 'CHAD DO, ,DE LTA BU'I SKU BZHI DANG SGRIB BRAL GYI RNAM PAR THAR PA BZHI DANG, SKU GSUNG THUGS RDO RJE DANG, CHAGS PA STE BDE BA'AM YE SHES RDO RJE DANG, SRID 'DAS 'BYOR PA ZHES PA'I THAD KYI RGYA DPE LA, GA TA BHA BA BI BHA BE: ZHES YOD PA DE NYID 'BYUNG DANG 'JIG SONG ZHES PAR BSGYUR BA LEGS PAS, DE LTAR BSHAD NA, KHAMS GSUM DU 'BYUNG BA 'KHOR BA'I MTHA' DANG 'JIG PA MYA NGAN
LAS 'DAS PA'I MTHA' GNYIS 'DI LAS GZHAN DU SONG ZHING RDO RJE'I RNAL 'BYOR RNAM PAR DAG PA SHES RAB DANG THABS NI GNYIS SU MED PA LHA MI LHA MIN GYIS BSTOD PA'O, ,SKU BZHI DANG TSANGS PA'I GNAS BZHI DANG RNAM THAR BZHI LA SOGS PA RO MNYAM DU GYUR PA'I SGO NAS BSTOD PA NI TSIGS SU BCAD PA BZHI STE, DE YANG SNGAGS BLA MED KYI RGYUD SO SO LA RANG RANG GI RTZAL DU BTON NAS 'CHAD PA'I LAM GYI GTZO BOR RE RE YOD CING, RGYUD 'DI NYID LA'ANG RGYUD GZHAN DANG MI 'DRA BA'I KHYAD PAR MANG DU YOD KYANG, GTZO BO NI DBANG BZHI PA'I LAM NYID YIN PAR 'GREL CHEN LAS YANG DANG YANG DU GSUNGS SO, ,DE YANG RGYUD GZHAN GYIS DBANG BZHI PA'I LAM MTSAN NYID PA MA BSTAN CING 'DIS BSTAN PAS KHYAD PAR DU 'PHAGS {PAR} SMRA BA NI, 'DI NYID PHUL DU BYUNG BAR SGRUB PAR 'DOD NAS RGYUD GZHAN MTHA' DAG LA SKUR PA 'DEBS PA'I CHOS SPONG GI LAS KYI SGRIB PA SHIN TU LCI BA LEN PAR 'GYUR PA YIN PAS DE LTAR MI BZUNG GI ,RGYUD GZHAN DU BZHI PA DE YANG DE BZHIN NO, ZHES SOGS KYIS {DUS 'KHOR BA PHAL CHE BA} SBAS PA DANG MI GSAL BA'I TSUL GYIS GSUNGS KYANG 'DI NYID DU CHES GSAL BA DANG MA SBAS PAR BSTAN PAS KHYAD PAR DU 'PHAGS PA YIN NO, ,DE LTAR BSDUS PA'I RGYUD GZHAN DU SPAS KYANG 'DIR GSAL ZHING MA SBAS PAR RTZAL DU BTON NAS 'CHAD PA'I DBANG BZHI PA'I LAM GYI GTZO BO YANG STONG GZUGS KYI PHYAG RGYA CHEN MO LA BRTEN NAS MCHOG TU MI 'GYUR BA'I BDE CHEN 'DREN PA THABS SHES DBYER MED DU SBYOR BA'I RDO RJE'I RNAL 'BYOR 'DI NYID YIN LA, DE YANG MTSAN 'DZIN GYI SPROS PA GCOD PA'I DON DU YANG DAG PA'I LTA BAS GTAN LA DPA' PAR BYA BA'I STONG PA NYID ZHI 'PHAGS PA
, ,KLU SGRUBS YAB SRAS KYI DGONGS PA DPAL LDAN ZLA BA GRAGS PAS DBU MA'I GZHUNG LUGS DAG TU GTAN LA PHAB PA 'DI NYID THEG PA GONG 'OG DANG RGYUD SDE BZHI KA'I THUN MONG PA YIN ZHING, MI 'GYUR BA'I BDE CHEN 'DREN PA'I THABS KYI GTZO BOR GYUR PA RNAM PA THAMS CAD PA'I GZUGS KYI STONG PA NYID NI, RGYUD 'DI'I THUN MED MA YIN PA'I KHYAD CHAS YIN PAS, RNAM BCAS DANG RNAM MED KYI STONG NYID GNYIS KYI NANG NAS RNAM BCAS KYI STONG NYID RTZAL DU BTON NAS 'CHAD MOD KYI, 'ON KYANG MTSAN 'DZIN GYI SPROS PA BCAD PA'I THABS SU LEGS PAR BSGOM PAR BYA BA RNAM MED KYI STONG NYID DPAL LDAN ZLA BAS BSHAD PA LTAR 'CHAD PA YANG BLA MED KYI RGYUD SDE GZHAN LAS 'DI NYID SHIN TU RGYAS SO, ,DE LTAR RGYUD 'DIR GTAN LA 'BEBS PA'I STONG NYID GNYIS YOD PA SHES PAR BYAS NAS STONG NYID CES PA MTHA' DGE GCIG KHO NA LA BZUNG BAR MI BYA ZHING, RNAM MED KYI STONG NYID 'DIR 'CHAD TSUL GZHAN NI 'OG TU GZHUNG RANG RANG GI THAD DU BSHAD PAR BYA LA, 'DIR SKABS SU BAB PA RNAM THAR BZHI'I DON NI 'OG TU GSUNGS PA'I DON DANG MTHUN PAR 'DIR YANG SHES DGOS PAS CUNG ZAD BSHAD NA, DE YANG SGRUB THABS LE'U LAS STONG PA DNGOS PO'I NGO BO'I RANG BZHIN MTHA' DAG 'GRO BA 'DI NI DNGOS PO DAG GIS RNAM PAR DMAN, ZHES PAS STONG NYID DANG, DE LAS SANGS RGYAS BYANG CHUB MED CING GZHAN PHAN SNYING RJE DAG DANG MTSAN MA'I DAM BCA' MED PA STE, ZHES PAS MTSAN MED SMON MED GNYIS BSTAN TO, ,DE LA DNGOS PO RNAMS KYI NGO BO'I RANG BZHIN NAM GNAS LUGS SU GYUR PA'I STONG NYID DE YANG
GANG ZHE NA, MTHA' DAG 'GRO BA 'DI NI, ZHES PAS STONG GZHI CHOS CAN BSTAN TE, DE YANG 'GRO BA'I SGRA BSHAD PA'I RGYU MTSAN YOD PA LA DGONGS NAS 'GRO BA'I THA SNYAD KYIS GSUNGS PA NI GSUNG RAB LAS RNAM PA DU MA YOD DE, TSE RABS SNGA MA NAS PHYI MA PHYI MAR 'GRO BA LA 'GRO BA'I MING MDZAD PA DANG, RANG GRUB DUS LAS DUS GNYIS PAR MI SDOD PAR SKED CIG SNGA MA NAS PHYI MAR 'GRO BA LA 'GRO BA'I THA SNYAD MDZAD PA DANG, RGYUD BLA MAR, 'GRO BA ZHI BA'I CHOS NYID DU, ZHES PA 'GREL PAR, CHOS DANG GANG ZAG GIS 'GRO BA 'DI DAG CES CHES THAMS CAD LA 'GRO BA'I THA SNYAD MDZAD PA LTA BU BLO YUL DU 'GRO BA LA 'GRO BA'I MING BTAGS PA YANG YOD PA LAS, THA MA DANG MTHUN PAR MTHA' DAG 'GRO BA 'DI NI, ZHES PA YANG BSHAD PAR BYA STE, CHOS DANG GANG ZAG GI 'GRO BA 'DI MTHA' DAG NI'O, ,DGAG BYA GANG GIS STONG NA; DNGOS PO DAG GI ZHES PA'O, ,DE YANG DON BYED NUS PA'I DNGOS PO TZAM LA MI BZUNG STE, DON BYED NUS PA'I CHOS MI SRID PA DANG DNGOS MED DE KHO NA NYID DU THAL BA'I PHYIR RO, ,DES NA DNGOS PO'I SKAD DOD DE NYID RANG BZHIN LA'ANG 'JUG PAS, 'DIR DNGOS PO ZHES MA BSGYUR BAR RANG BZHIN CES BSGYUR NAS, RANG BZHIN DAG GI RNAM PAR DMAN, ZHES BYAS NA LOGS TE, RANG BZHIN GYIS GRUB PAS DMAN, ZHES PA'I DON YIN PAS, DGAG BYA GANG BKAG PA GNAS LUGS SU 'JOG PA'I TSE RANG BZHIN GYIS GRUB PA DGAG BYAR BYAS PA'O; ;DON 'DI NI DBANG MDOR BSTAN LAS GSAL BAR BSHAD DE, 'BYUNG RNAMS 'JIG PAR MI 'GYUR TE, RANG BZHIN NYID KYI SKYE BA MED, ,DNGOS PO RANG BZHIN MED RNAMS KYI, ,'BYUNG 'JIG SGYU MA JI BZHIN NO, ,DNGOS DANG DNGOS MED MTSAN NYID GCIG ,SNA TSOGS 'DI NI
{t'IK CHEN KHAMS LE} *, ,DE BZHIN MED, CES GSUNGS PAS SO, ,DE LA SNA TSOGS 'DI NI ZHES PA MTHA' DAG 'GRO BA 'DI NI ZHES PA DANG DON GCIG STE DGAG GZHI NGOS BZUNG BA'O, ,RANG BZHIN MED CES PA'I RANG BZHIN DANG, RANG BZHIN NYID KYIS SKYE BA ZHES SMOS PA NI DNGOS PO DAG GIS RNAM PAR DMAN ZHES PA DANG DON GCIG STE DGAG BYA NGOS BZUNG BA'O, ,DNGOS PO RANG BZHIN MED RNAMS KYI, ,'BYUNG 'JIG SGYU MA JI BZHIN NO, ,ZHES PAS RANG BZHIN MED KYANG DNGOS PO'I 'BYUNG 'JIG SGYU MA LTA BU RANG LUGS LA KHAS LEN PAR BSTAN PAS, RANG BZHIN GYIS GRUB PA CUNG ZAD KYANG MED PA DANG RTEN 'BREL SGYU MA LTA BU RANG LUGS LA KHAS LEN PA RTEN 'BREL DANG STONG NYID MI 'GAL BA'I TSUL DPAL LDAN ZLA BAS GSUNGS PA JI LTA BA BZHIN DU DBANG MDOR STAN GYI LUNG 'DIS GSAL BAR BSTAN NO, ,DES NA CHOS DANG GANG ZAG THAMS CAD RANG BZHIN GYIS GRUB PAS STONG PA'I STONG PA NYID NI 'DIR RNAM PAR THAR PA BZHI'I DANG POR BRJOD PA'I STONG PA NYID DO, ,DBANG MDOR BSTAN GYI 'GREL PAR N'A RO PAS KYANG, RNAM THAR BZHI'I DANG PO STONG PA NYID NGOS 'DZIN PA NA, 'DIR 'DAS PA DANG MA 'ONGS PA'I SHES BYA STON PA DE MTHONG BA'I DNGOS PO STONG PA NYID NI ZAB PA DANG RGYA CHE BA'O, ,'DAS PA DANG MA 'ONGS PA'I NGO BO NYID MED PA NI ZAB PA'O, ,'DAS PA DANG MA 'ONGS PA MTHONG BA LAS RGYA CHE BA'O, ZHES 'DAS PA DANG MA 'ONGS PA'I SHES BYA SNA TSOGS PA'I RNAM PA MTHONG BA'I STONG GZUGS NI RGYA CHE BA'I STONG NYID DANG, ` DE LTAR MTHONG BA'I STONG GZUGS KYI NGO BO NYID MED PA ZAB PA'I STONG NYID DU BSHAD DE, ZAB PA DANG RGYA CHE BA GNYIS
SU PHYE BA'I RGYA CHE BA KUN RDZOB DANG ZAB PA DON DAM YIN PAS, STONG GZUGS NI RGYA CHE BA KUN RDZOB DANG, STONG GZUGS RANG BZHIN GYIS GRUB PAS STONG PA ZAB PA DON DAM BDEN PAR GYUR PA'I STONG NYID DU MDZAD PA'O, ,KHA CIG DNGOS PO DAG GIS DMAN ZHES PA STONG GZHI CHOS NYID DE 'DUS BYAS KYI DNGOS POS DMAN ZHING STONG PA'I DON DU 'CHAD PA NI MTHA' DAG 'GRO BA ZHES STONG GZHI DNGOS SU NGOS BZUNG BA DANG 'GAL LA, DE 'DRA BA'I GNAS LUGS KYI STONG NYID 'JOG TSUL NI 'OG TU SKABS SO SOR 'GOG PAR 'GYUR RO, ,GNYIS PA SMON MED NI, SANGS RGYAS BYANG CHUB NI THOB BYA'I 'BRAS NGO LA PHYOGS BU MCHOG YIN PAS DES MTSON PA'I 'BRAS BU GANG YANG DON DAM PAR THOB PAR SMON CING DAM 'CHA' BYAR MED DO, ,CHOS THAMS CAD RANG BZHIN STONG PA DE LAS TE DE'I PHYIR RO, ,DE LAS ZHES PAS RANG BZHIN DAG GIS DMAN ZHES PA LA BSNYEGS NAS RGYU MTSAN 'GOD PA'I TSIG YIN NO, ,GSUM PA MTSAN MED NI, SPYIR MTSAN MA'I SGRA CHOS RNAMS KYI RANG RANG GI THUN MONG MA YIN PA'I KHYAD PAR DANG, RTAGS DANG; RGYU LA SOGS PA LA'ANG 'JUG PA LAS 'DIR THA MA'O, ,DE YANG GZHAN LA PHAN PA'I SNYING RJE NI RGYU MCHOG YIN PAS, DES MTSON NAS RGYU'I MTSAN MA GANG YANG DON DAM PAR MED DE, CHOS THAMS CAD RANG BZHIN GYIS GRUB PAS STONG PA DE LAS TE DE'I PHYIR ZHES PA'O, ,SLOB DPON N'A RO PAS 'DI SANGS RGYAS SO, ,'DI BYANG CHUB PO ZHES SOGS KYI SPU RIS 'BYED PA'I RGYUR GYUR PA'I RNAM RTOG LA MTSAN MAR BSHAD DO, ,MNGON PAR 'DU BYED PA MED PA NI, KHAMS DKAR DMAR
, ,GYI DBUS SU RNAM SHES NYID 'TSAMS SBYOR BA'I 'DU BYED LA GSUNGS PAS MTSON NAS, RGYUS 'BRAS BU MNGON PAR 'DU BYED PA'I BYA BYED THAMS CAD RANG BZHIN GYIS GRUB PAS STONG PA'O, ,DE LTA BU'I STONG PA NYID LA SOGS PA BZHI RTOGS PA'I YE SHES BZHI LA SKABS 'DIR RNAM PAR THAR PA BZHI ZHES BYA LA, DE 'DRA BA'I SHES RAB BZHI DANG DBYER MED PAR SBYAR BAR BYA BA'I THABS MCHOG TU MI 'GYUR BA'I BDE BA CHEN PO NYID LA GNAS SKABS RIGS BZHI'I SGRIB PA DAG PAR BYED PA'I SGO NAS BZHIR PHYE BA NI BYAMS PA LA SOGS PA TSANGS PA'I GNAS BZHI YIN LA, TSANGS PA'I GNAS BZHI YANG THUN MONG MA YIN PA'I BDE BA LA 'JOG PA GO BAR BYA BA'I PHYIR DU SNYING RJE NGOS 'DZIN PA'I TSIG LA 'GYUR BA MED CES GSUNGS PA YIN NO, ,DE 'DRA BA'I SHES RAB BZHI DANG THABS BZHI DBYER MED DU SBYOR BA GNAS SKABS GZHI'I SGRIB PA DAG PAS KHYAD PAR DU BYAS PA BZHI PO DE DAG RNAL 'BYOR BZHIR 'JOG PA YIN TE, DE LTAR STON PA'I TSIG GI DON NI, SHES RAB THABS KYI BDAG NYID SBYOR, ZHES PA DE SDE TSAN GZHAN GONG MA DAG LA'ANG SBYAR BAS BSHAD PAR BYA BA LA, PHYAG 'TSAL ZHES DRANG NGO, ,GANG LA NA GNAS SKABS BZHI'I SGRIB PA RNAM PAR DAG PA'I YE SHES SHES RAB KYI CHA RNAM PAR THAR PA BZHI DANG THABS BDE BA CHEN PO'I CHA TSANGS PA'I GNAS BZHI DBYER MED PAR SBYOR BA'I RNAL 'BYOR BZHI DANG SEMS DPA' BZHI PO DE LA'O, ,DE DAG KYANG GANG ZHE NA, RNAL 'BYOR BZHI BSHAD
PA DANG, SEMS DPA' BZHI BSHAD PA GNYIS LAS, DANG PO NI, YE SHES TE GZHI DUS KYI BZHI BA'I GNAS SKABS BSKYED PAR BYED PA'I THIG LE LTE BA NA YOD PA DE NYID STONG PA NYID RTOGS PA'I YE SHES KYIS 'DZAG PA'I BAG CHAGS KYI SGRIB PA'I CHA LEGS PAR DAG PAR BYAS SHING BDE BA'I RIGS 'DRA'I CHA THABS MKHAS KYI LAM DU KHYER NAS GONG NAS GONG DU KHYAD PAR DU GYUR PA 'BRAS BU'I SKABS SU MTHAR THUG PA'I DUS KYI STONG NYID RTOGS PA'I SHES RAB KYI CHA DANG 'GYUR BA MED PA'I SNYING RJE CHEN PO THABS KYI BDAG NYID GNYIS DBYER MED PAR SBYOR BA DE NI LHAN CIG SKYES PA'I SKU'I NGO BOR GYUR PA RNAM PAR DAG PA'I RNAL 'BYOR RO, ,SEMS GNYID MTHUG GI GNAS SKABS BSKYED PA GZHI DUS NA SNYING KHAR YOD PA DE NYID MTSAN MA MED PA RTOGS PA'I YE SHES KYIS MUN PA DANG MI SHES PA'I GNAS SKABS BSKYED PA'I SGRIB PA'I CHA LEGS PAR DAG PAR BYAS NAS MI RTOGS PA'I RIGS 'DRA'I CHA THABS MKHAS KYIS LAM DU KHYER TE GONG NAS GONG DU KHYAD PAR DU GYUR PA MTHAR THUG PA'I 'BRAS BU'I DUS KYI MTSAN MED RTOGS PA'I SHES RAB KYI CHA DE DANG GNYIS SU MED PA'I BDE BA BYAMS PA CHEN PO THABS KYI BDAG NYID DBYER MED PAR SBYOR BA DE NI CHOS KYI SKU RNAM PAR MI RTOG PA'I NGO BOR GYUR PA CHOS KYI BDAG NYID KYI RNAL 'BYOR RO, ,NGAG DANG RMI LAM GYI GNAS SKABS BSKYED PA'I THIG LE GZHI DUS NA MGRIN PAR GNAS PA DE NYID SMON PA MED PA RTOGS PA'I YE SHES KYIS RMI LAM DANG BRJOD PA 'KHRUL PA SOGS BSKYED PA'I SGRIB PA'I CHA DAG PAR BYAS NAS RIG 'DRA'I RGYUN THABS MKHAS KYIS LAM DU BYAS TE KHYER
, ,BAS GONG NAS GONG DU KHYAD PAR DU GYUR PA MTHAR THUG PA'I 'BRAS BU'I DUS KYI SMON MED RTOGS PA'I SHES RAB KYI CHA DANG DGA' BA TSAD MED PA BDE BA CHEN PO THABS KYI BDAG NYID DBYER MED PAR SBYOR BA MI ZAD PA'AM GZHOM DU MED PA'I SGRA GSUNG RNAM PA THAMS CAD PA'I MTSAN NYID CAN GYI LONGS SKU STON PAR BYED PA DE NI YID SKYOB PAS GSANG SNGAGS KYI RNAL 'BYOR RO, ,SNGA MA GSUM LA RNAM THAR DANG TSUNGS PA'I GNAS DANG SKU LA SOGS PA SO SOR SBYAR BA DE BZHIN DU SKU STE LUS SAM SAD PA'I GNAS SKABS BSKYED PAR BYED PA'I THIG LE GZHI DUS NA DPRAL BAR YOD PA DE NYID MNGON PAR 'DU MA BYAS PA RTAGS PA'I YE SHES KYIS MA DAG PA'I PHUNG SOGS KYI SPROS PA SNA TSOGS BSKYED PA'I SGRIB PA'I CHA DAG PAR BYAS NAS, SNANG BA SNA TSOGS SPRO BA'I RIGS 'DRA'I RGYU'I CHA THABS MKHAS KYIS LAM DU KHYER TE GONG NAS GONG DU KHYAD PAR DU GYUR PA MTHAR THUG PA'I 'BRAS BU'I GNAS SKABS KYI MNGON PAR 'DU BYED PA MED PA RTOGS PA'I SHES RAB KYI CHA DANG, DRI MA MED PA'I BDE BA CHEN PO BTANG SNYOMS TSAD MED PA THABS KYI BDAG NYID DBYER MED PAR SBYOR BA, RDZU 'PHRUL MTHA' YAS GDUL BYA GANG NA YOD PA'I GNAS THAMS CAD DU BGROD PA CAN GYI SPRUL PA'I SKU STON PA DE NI MTSAN DANG DPE BYAD KYIS BRGYAN PA'I DBYIBS KYI RNAL 'BYOR RO, ,'DIR SPRUL SKU THAGS MED YIN NA LHAS SBYIN GYIS RGOGS 'PHANGS PAS ZHABS LA TSOR BA SDUG BSNGAL BSKYED PA 'GAL LO ZHE NA, ZHES PA'I DOGS PA BKOD NAS, DE'I LAN DU KHA CIG
NA RE, DE NI SPRUL PA'I SKU MA YIN GYI SPRUL PA'I SKU DES SPRUL PA LA YIN PAS SKYON MED DO, ,ZHES 'CHAD DO, ,DE LTA NA 'PHAGS PA'I YUL DU ZAS GTZANG GI SRAS SU BLTAMS PA'I TSUL BSTAN PA'I STON PA SH'A KYA'I RGYAL PO NI SPRUL PA'I SKUS SPRUL PA TZAM YIN GYI SPRUL SKU DNGOS MA YIN PAR 'GYUR LA, DE LTA NA DE NYID SKU GZHAN GANG DU'ANG KHAS BLANG DU MI RUNG BAS SANGS RGYAS MA YIN PAR 'GYUR PA'I PHYIR, DPAL LDAN 'BRAS SPUNG DU RGYUD 'DI'I RTZA RGYUD GSUNGS PA PO'I STON PA DE SANGS RGYAS MA YIN PAR 'GYUR LA; DE'I PHYIR SANGS RGYAS SENG GE'I KHRIR BZHUGS ZHES SOGS LAS DNGOS SU BRGAL ZHING, DUS 'KHOR GYI RGYUD SANGS RGYAS KYIS MA GSUNGS PAR SMRA BA'I DUS KYI 'KHOR LO PA SHIN TU YA MTSAN NO, ,RANG GI LUGS NI STONG GZUGS KYI SKU LA'ANG LONGS SKU DANG PO'I SANGS RGYAS DANG, DES SPRUL PA'I STONG GZUGS KYI SKU GNYIS YOD PA'I PHYI MA LA NI RTZA BA'I SPRUL SKU ZHES BYA LA, DE NYID RDUL PHRA RAB LAS 'DAS PA THOGS PA MED PA'I SKU YIN KYANG, DE NYID GDUL BYA MA DAG PA RNAMS LA'ANG DNGOS SU SNANG BA'I SGO NAS CHOS STON PA DANG, MYA NGAN LAS 'DAS PA'I RJES SU SKU GDUNG RING BSREL BZHAG PA SOGS KYI SGO NAS GDUL BYA LA PHAN GDAGS PA BYAR MED PAS DGOS PA DE DAG GI DON DU SLAR YANG KHAMS RAGS PA GZUNG BA'I SPRUL SKU SH'A KYA THUB PA LTA BU'I KHAMS RAGS PA'I SKU LUS NI THOGS PA DANG BCAS PA'O, ,ZHES SHES PAR BYA LA, SPYIR DE LTAR YIN MOD KYI DON KYANG RGYOGS KYIS BSNAD PA LA SOGS PA NI LAS 'BRAS LA YID CHES PA SKYED PA'I CHED DU GZHAN NGOR DE LTA BU'I SNANG BA BSTAN PA TZAM MO, ,DE BZHIN DU LONGS SKU'ANG GZHUNG 'DI'I GONG 'OG DU MAR GSUNG RNAM PA THAMS CAD PA LA BSHAD PA MANG DU 'BYUNG YANG MTSAN DPES SPRAS PA'I LONGS
, ,SKU MI BZHED PA MA YIN TE, MNGON RTOGS RGYAN LAS, NGO BO NYID LONGS RDZOGS BCAS DANG, ZHES SOGS GSUNGS PA SHES BYED DU DRANGS NAS 'GREL PA 'DIR SKU'I RNAM GZHAG MDZAD PAS, MTSAN NI SUM RTZA GNYIS DANG, ,DPE BYAD BRGYAD CU'I BDAG NYID 'DI, THEG CHEN NYE BAR LONGS SPYOD PHYIR, ,THUB PA'I LONGS SPYOD RDZOGS SKUR BZHED, CES PA LTAR YANG ZHAL GYIS BZHES DGOS LA, MDOR BSDUS 'OG MA DAG TU MTSAN DPES BRGYAN PA'I LONGS SKU GSUNGS PA 'GREL CHEN NYID NA GSAL BA YANG 'CHAD PAR 'GYUR RO, ,DES NA THEG PA CHEN PO'I CHOS LA LONGS SPYOD PA'I BYED PA NI GSUNG YIN PAS, LONGS SPYOD PA'I SGRA BYED PA LA SBYAR NAS GSUNG LA LONGS SKUR BSHAD LA, LONGS SPYOD PAR BYED PA PO LA SGRA SBYAR NA MTSAN DPES BRGYAN PA'I LONGS SKU LA 'JUG PAS, LONGS SKU GSUNG 'BA' ZHIG LA BZUNG DU MI RUNG GI SKABS STOBS KYIS GNYIS GA SHES DGOS SO, ,GNYIS PA SEMS DPA' BZHI'I SGO NAS BSTOD PA NI, SKU GSUNG THUGS KYI RDO RJE BDE BA CHEN PO DANG, SEMS DPA' STE SRID PA GSUM GYI RNAM PA THAMS CAD PA'I GZUGS GNYIS DBYER MI PHYED PA NI RDO RJE SEMS DPA'O, ,BYANG CHUB DAG PA GNYIS LDAN GYI STONG PA NYID DANG SEMS DPA' BDE BA CHEN PO SNYING RJE'I BDAG NYID LA RNAM PAR GNAS PA NI BYANG CHUB SEMS DPA'O, ,MCHOG TU MI 'GYUR BA'I BDE BA CHEN PO DE NYID SEMS DPA' STE SA BCU GNYIS KYIS YONGS SU RDZOGS PA NI SEMS DPA' CHEN PO'O, ,DAM TSIG CES PA KHAMS DKAR PO DE NYID SEMS DPA' STE 'DZAG MED DU BCINGS PA NI DAM TSIG
SEMS DPA'O, ,BYANG SEMS GTZUG TOR NAS GSANG BAR 'ONGS PA DE NYID SNGAR JI LTAR 'ONGS PA DE BZHIN DU NOR BU NAS GTZUG TOR DU GSHEGS SHING 'GYUR MED DU BCINGS PAS DE LTAR GSUNGS PA GANG YIN PA DE NI DNGOS PO STE RTAGS PA'I MTHA' DANG DNGOS MED CHAD PA'I MTHA' ZAD PA'I GTZO BO STE RIGS THAMS CAD LA KHYAB PA'I BDAG PO YIN LA, DE LTAR THOG MA SRID PAR SKYE BA DANG, THA MA 'CHI BA MED CING, RNAM RTOG THAMS CAD ZHI BA YI BYANG CHUB KYI SEMS DE LA PHYAG 'TSAL LO, ZHES BYA BA STE, BRTAGS GNYIS SU GSUNGS PA'I SEMS DPA' BZHI RDO RJE SNYING 'GREL DU HE RU KA BZHI LA BSHAD PA DANG 'DI DON GCIG TU 'CHAD PA NI MI 'GRIG PA THAMS CAD BSGRIG PA LA 'BAD PA TZAM DU ZAD DO, ,DE NI TSIGS SU BCAD PA DRUG GIS SKU BZHI DANG DGA' BA BCU DRUG GCIG TU 'DRAS PAR GYUR PA GNAS SKABS BZHI 'GOG PA'I CHOS CAN PHYAG RGYA CHEN PO LAS YANG DAG PAR SKYES PA AE WAm GYI YI GE'I NGES DON GYI SGO NAS BSTOD PA GSUNGS PA BSHAD PA NI, DE LA SPYIR GZHI DUS KYI 'DZAG PA'I DGA' BA BCU DRUG DANG, LAM BSKYED RIM DANG RDZOGS RIM GYI SKABS KYI DGA' BA BCU DRUG LA SOGS PA MANG DU YOD PA LAS, 'DIR NI 'BRAS BU'I DGA' BA BCU DRUG YIN LA, DE YANG GZHI DUS KYI LUS NGAG YID YE SHES KYI THIG LE 'JIG PA'I DGA' BA BZHI LAS, LUS KYI DGA' BA, DAG GI DGA' BA, SEMS KYI DGA' BA, YE SHES KYI DGA' BA BZHI 'GAGS PA NI SPRUL PA YI NI SKU GSUNG THUGS YE SHES YIN LA, DE DAG STONG NYID SNYING RJE'I BDAG NYID GCIG TU SBYOR BA NI DE'I YE SHES GCIG SBYOR SDOM PA'I DON DANG, DE BZHIN DU LUS NGAG YID YE SHES KYI 'JIG PA'I MCHOG
, ,DGA' BZHI 'GAGS PA DE LTAR SDOM PA NI LONGS SPYOD RDZOGS PA'I SKU GSUNG THUGS YE SHES GCIG SBYOR SDOM PA DANG, LUS NGAG YID YE SHES KYI 'DZAG PA'I KHYAD DGA' BZHI 'GAGS PA DE LTAR SDOM PA NI CHOS SKU'I SKU GSUNG THUGS YE SHES GCIG SBYOR SDOM PA DANG, LUS NGAG YID YE SHES KYI 'DZAG PA'I DGA' BA BZHI PA RNAMS 'GAGS PA DE LTAR SDOM PA NI LHAN CIG SKYES SKU'I SKU GSUNG THUGS YE SHES GCIG SBYOR SDOM PA'O, ZHES MKHAS PA GZHAN DAG 'CHAD DO, ,'DIR RANG LUGS NI, 'DOD KHAMS SU LUS RAGS PA BZUNG BA'I RGYAL BA SH'A KYA THUB PA LTA BU'I KHAMS RAGS PA'I SKU DANG KHAMS PHRA BA STONG GZUGS KYI SPRUL PA'I SKU RNAMS KYI GZUGS KYI SKU DE DANG, DE'I GSUNG, DE'I THUGS CHOS SKU DANG, DE'I YE SHES LHAN CIG SKYES PA RNAMS NI SPRUL PA YI NI SKU GSUNG THUGS YE SHES DANG, 'OG MIN NA BZHUGS PA'I LONGS SKU DANG PO'I SANGS RGYAS KYI MTSAN DPES BRGYAN PA'I SKU DANG, DE'I GSUNG RNAM PA THAMS CAD PA DANG, THUGS CHOS SKU DANG, YE SHES LHAN CIG SKYES PA RNAMS NI LONGS SPYOD RDZOGS PA'I SKU GSUNG THUGS YE SHES YIN ZHING, THUGS RNAM PAR MI RTOG PA'I CHOS SKU TZAM NI RTEN DANG, DE LA BRTEN PA'I SANGS RGYAS KYI GZUGS KYI SKU DANG, CHOS STON PA'I GSUNG DANG, LHAN CIG SKYES PA'I BDE BA RNAMS NI DPAL LDAN CHOS KYI SKU'I SKU GSUNG THUGS YE SHES DANG, LHAN CIG SKYES PA'I YE SHES MTHAR THUG PA RTEN DANG, DE LA BRTEN PA'I SANGS RGYAS KYI GZUGS KYI SKU DANG, CHOS STON PA'I GSUNG
DANG, RNAM PAR MI RTOG PA'I THUGS RNAMS NI LHAN CIG SKYES PA'I SKU GSUNG THUGS YE SHES YIN LA, DE RNAMS LA GCIG SBYOR SDOM PA ZHES GSUNGS PA'I DON NI, DE LTAR LDOG PAS PHYE NA BCU DRUG YOD KYANG, LHAN SKYES KYI YE SHES GCIG NYID GZUNG BYA LONGS SPRUL GYI SKU DANG GSUNG LA SOGS PA'I SNANG BA SNA TSOGS PAR SHAR BA YIN PAS DE THAMS CAD YE SHES GCIG PO DE'I NGO BOR SBYOR BA YIN LA, RGYAL BA SH'A KYA THUB PA LTA BU GCIG GI SKU BCU DRUG PO THAMS CAD KYANG RGYUD GCIG TU SDOM PA YIN GYI RGYUD SO SO BA MA YIN ZHES BYA BA'I DON TO, ,BSHAD SBYAR DU SPRUL PAS DAD PAR BYAS SHING GSUNG GI CHOS BSTAN TE GDUL BYA RNAMS CHOS SKU DANG LHAN CIG SKYES PA'I YE SHES LA 'GOD PA YIN PAS GZHAN GYI DON LA LTOS NAS KYANG SKU BZHI LA BRTEN DGOS MOD, RNAM PA BCU DRUG TU 'GYUR BA JI LTAR YIN ZHE NA, BDEN MOD KUN 'BYUNG GI BDEN PA LA BRTEN NAS BRJOD PA STE, GANG NA GCIG YOD PA DER BZHI RNAMS SO ZHES BYA BAS SKYON MED DO ZHES 'CHAD DO, ,'O NA SEMS CAN RNAMS LA'ANG DBANG PO GNYIS SBYOR GYI DGA' BA YOD PAS LHAN SKYES KYI BDE BA DE DE DAG DANG YANG THUN MONG MA YIN NAM ZHE NA, LHAN SKYES KYI YE SHES DE NI 'KHOR BA PA YI SAD RMI GNYID MTHUG BZHI PA YI GNAS SKABS BZHIR RIM PA BZHIN 'DZAGS NAS 'ONGS PA DBANG PO GNYIS SBYAR BA LAS SKYES PA'I BDE BA MIN ZHING, LHAN SKYES KYI BDE CHEN DE NI YE SHES TE 'GYUR BA'I BDE BA DANG, SEMS GNYID MTHUG DANG NGAG DANG LUS BSKYED PA'I GNAS SKABS BZHIR YANG DAG MI GNAS TE, DE DAG GI RGYU MTSAN RIM PA BZHIN, RLUNG DBU MAR RGYU BA MED
{t'IK CHEN KHAMS LE} *, ,PA'I PHYIR DANG, DKYIL 'KHOR LNGA 'GOG PA'I BDAG NYID YE SHES LNGA RDZOGS PAR SKYES PA'I PHYIR DANG 'PHO BA BCU GNYIS 'GAGS PA'I PHYIR DANG, 'DZAG PA'I DGA' BA'I CHA BCU DRUG SGRIB BRAL DU GYUR PA'I PHYIR RO, ,'O NA MCHOG TU MI 'GYUR BA'I BDE BA DE 'KHOR BA'I SEMS CAN DANG THUN MONG MA YIN MOD LAS DANG YE SHES KYI PHYAG RGYA LA BRTEN NAS SKYE 'AM ZHE NA, 'DI NI NU MA DANG SKRAR LDAN PA'I MTSAN NYID CAN GYI LAS KYI PHYAG RGYA YONGS SU DOR ZHING, DNGOS PO LA MA GRUB KYANG RTOG NGOR BCOS SHING BRTAGS NAS BSGOMS PA TZAM GYI YE SHES KYI PHYAG RGYA RNAM PAR SPANGS TE STONG GZUGS KYI PHYAG RGYA CHEN MO LAS YANG DAG PAR SKYES PA YIN LA, DE'I PHYIR LHAN SKYES KYI BDE CHEN DE PHYAG RGYA CHEN MO LAS GZHAN PA'I PHYAG RGYA DANG 'GROGS PA LAS DNGOS SU SKYES PA MIN NO, ,RANG GI LTA BA'I 'DOD PA MDOR BSTAN PA LAS DBANG SKYES BDE BA DE NYID DU, THA SHAL MI RNAMS SMRA BAR BYED, ,BDE BA CHEN PO DE NYID DU, ,SANGS RGYAS MCHOG RNAMS GSUNG MA YIN, ,RTEN CING 'BREL 'BYUNG LAS BYUNG BA, ,GAL TE BDE BA CHER 'GYUR NA, ,GA-YON PA PHRUGS PA LAS BYUNG DE, ,JI LTAR BDE BA CHEN PO YIN, ,LAS KYI PHYAG RGYA GA-YO CAN DAG ,YE SHES PHYAG RGYA DE BZHIN TE, ,RNAM PAR RTOGS MANG DOR BYAS NAS, ,PHYAG RGYA CHEN MO BSTEN PAR BYOS, ,PHYAG RGYA CHE DANG RAB 'GROGS PAS, ,SANGS RGYAS RNAMS KYI MI 'GYUR BDE, ,'JIG RTEN GSUM SPYOD LAS GROL BA, ,JI LTAR DBANG PO LAS SKYES 'GYUR, ZHES GSUNGS SO, ,DE LA RTEN CING 'BREL 'BYUNG LAS BYUNG BA,
ZHES SOGS KYI DON PHO MO'I DBANG PO GNYIS LUS KYI RTZOL BA CHEN POS BSRUB CING BSRUBS PA'I RTEN CING 'BREL BAR 'BYUNG BA LAS BYUNG BA'I BDE BA TZAM BDE CHEN DU 'GYUR NA GA-YAN PA PHRUGS PA LAS BYUNG BA'I BDE BA'ANG BDE CHEN DU 'GYUR BA'I SKYON STON PA MA GO BAR; RTEN CING 'BREL 'BYUNG CES PA RTEN 'BREL TZAM LA BZUNG NAS MCHOG TU MI 'GYUR BA'I BDE BRTEN 'BREL MA YIN PAR SMRA BA NI RTAG PA'I BDE BA KHAS LEN PA MU STEGS KYI RING LUGS TE, MI RTAG NA RGYU RKYEN LAS SKYES PA'I RTEN 'BREL YIN DGOS PA'I, PHYIR RO, ,DE YANG RGYUD 'DI NYID RTZA 'GREL GYI SKABS GZHAN DU LAS DANG YE SHES KYI PHYAG RGYA LA BRTEN NAS LHAN SKYES KYI RANG, DGA' BA BSKYED DGOS PAR YANG LAN MANG DU GSUNGS PA LA, DE GNYIS DOR TE PHYAG RGYA CHEN MO LA BRTEN NAS BDE CHEN 'DREN PAS RGYUD 'DI KHYAD PAR DU 'PHAGS PAR YANG SKABS 'DI LA SOGS PA DU MAR 'BYUNG BA DAG MI 'GAL BA'I TSUL JI LTA BU ZHE NA, KHAMS DKAR PO RDO RJE NOR BU NAS RANG GNAS BZUNG STE LUS KYI GNAS GZHAN DU MI 'PHYUG PAR RIM GYIS YAR BRTAN PA LAS MCHOG TU MI 'GYUR BA'I BDE BA DNGOS SU 'DREN PA'I BYA BA NI PHYAG RGYA CHEN MOS BYA DGOS KYI PHYAG RGYA GZHAN RNAMS KYIS BYA BA DE DNGOS SU BYED MI NUS LA, DE'I GONG DU RGYUD GZHAN LA'ANG THUN MONG DU GRAGS PA RLUNG DH'U T'IR THIM PA LAS YAS BABS DANG MAS BRTAN GYI DGA' BZHI 'DREN PA LAN MANG DU SNGON DU BTANG DGOS SHING, DE'I THABS PHYI'I RKYEN LAS DANG YE SHES KYI PHYAG RGYA LA'ANG LTOS DGOS PAR BSTAN PA YIN PAS MI 'GAL LO, ,'DIR BSHAD SBYAR DU, 'O NA PHYAG RGYA CHEN MO LAS SKYES PA NYID KYI
, ,PHYIR LHAN CIG SKYES PA RGYU DANG BCAS PA NYID LA, PHYAG RGYA CHEN MO YANG RGYU NYID DE, DE LTA NA NI GNYIS KA YANG RGYU DANG 'BRAS BU LAS MA 'DAS SO, ,DE'I PHYIR LAS KYI PHYAG RGYA DANG YE SHES KYI PHYAG RGYA'I RGYUR 'GYUR MOD, PHYAG RGYA CHEN MO YANG NGO ZHES PA'I KHYAD PAR CI ZHE NA, ZHES PA'I DOGS PA BKOD CING, DE'I DON DU BSAMS NAS KHA CIG ,GAL TE LAS DANG YE SHES KYI PHYAG RGYA LA BRTEN NAS SKYES PA'I BDE BA DANG PHYAG RGYA CHEN MO LAS SKYES PA'I LHAN SKYES KYI BDE BA THAMS CAD KYANG RGYU 'BRAS LAS MA 'DAS PA'I PHYIR KHYAD PAR MED PAR 'GYUR RO ZHE NA, ZHES PA'I RANG DAM, DOGS PA NI, RANG NYID DOGS PA 'GOD PA LA MI MKHAS PA GSAL BAR BYED PA STE, RGYU 'BRAS YIN PAR 'DRAN KHYAD MED DU 'GYUR DGOS SNYAM PA'I DOGS PA RTOG LDAN LA SKYE BA'I GNAS MED PA'I PHYIR RO, ,BSHAD SBYAR GYI DOGS PA BKOD PA DE'I DON NI, GAL TE LAS DANG YE SHES KYI PHYAG RGYA LAS KYANG LHAN SKYES KYI BDE BA BSKYED PAR NI NUS LA, PHYAG RGYA CHEN MO LAN LHAN SKYES KYI BDE BA BSKYED PA LAS DGOS PA GZHAN MED NA GZHAN GNYIS DOR NAS PHYAG RGYA CHEN MO 'BAD PAS BSGRUBS PA LA DGOS PA CI ZHIG YOD CE NA, ZHES BYA BA'I DON NO, ,DE'I LAN 'DEBS PA LA BSHAD SBYAR DU DBANG MDOR BSTAN GYI GZHUNG, SHES RAB RGYU LAS MA BYUNG ZHING, ,SHES RAB RGYU LAS BYUNG BA 'BRAS, ,SHES RAB RGYU LAS MA SKYES PHYIR, ,SHES RAB LAS SKYES RGYU SKYES MIN, ZHES PA DRANGS SO, ,DE'I DON 'CHAD PA LA KHA CIG RANG DAM NA RE, LHAN SKYES PHYAG RGYA CHEN MO LAS SKYES KYANG RGYU LAS SKYES PA'I
YE SHES SU MI 'GYUR TE PHYAG RGYA CHEN MO RGYU LAS MA SKYES PA'I PHYIR RO, ZHES SMRA BA NI, GNAS MA YIN PA'I LOG PAR RTOG PA STE, CI STONG GZUGS PHYAG RGYA CHEN MO DON DAM PAR RGYU LAS MA SKYES PA LA BSAMS NAS, DE SKAD SMRA 'AM 'ON TE, GTAN NAS RGYU LAS MA SKYES PAR SMRA BA GANG YIN, DANG PO LTAR NA KHYED RANG GIS BKOD PA'I DOGS PA DE'I LAN DU 'BREL BA CUNG ZAD KYANG MED DE PHYAG RGYA CHEN MO PHYAG RGYA GZHAN GNYIS LAS KHYAD PAR 'PHAGS PA MA YIN PA'I SKYON MED DE, PHYAG RGYA CHEN MO DON DAM PAR MA SKYES PA'I PHYIR ZHES SMRA BAR SONG ZHING, PHYAG RGYA GZHAN GNYIS KYANG DON DAM PAR RGYU LAS MA SKYES PA'I PHYIR RO, ,GNYIS PA LTAR KHAS LEN NA NI, STONG GZUGS PHYAG RGYA CHEN MO RGYU LAS MA SKYES PA'I PHYAG RGYAR KHAS BLANGS PAS RTAG PAR KHAS BLANGS LA, MCHOG TU MI 'GYUR BA'I LHAN SKYES KYI BDE CHEN DE LAS SKYES PAR KHAS BLANGS PAS BDE CHEN DE NYID RTAG PA'I RGYU LAS SKYES PAR KHAS LEN DGOS SHING, BDE CHEN DE NYID PHYAG RGYA CHEN MO RGYUR BYAS PA LAS SKYES PA YIN ZHING, DE LTA NA YANG RGYU LAS SKYES PA'I YE SHES MIN PAR SMRAS PAS BDE CHEN DE NYID RGYU LAS SKYES BA'ANG YIN, RGYU LAS MA SKYES PA'ANG YIN ZHES DNGOS 'GAL DAM BCAS LA, BDE CHEN DE RGYU LAS MA SKYES PA'I YE SHES SU SMRAS PAS RTAG PA'I YE SHES SU KHAS BLANGS SHING, DE DANG RGYU LAS MA SKYES PA'I PHYAG RGYA CHEN MO DE NYID RGYU 'BRAS SU SMRAS PAS RTAG PA'I RGYU 'BRAS KHAS BLANGS PA'I PHYIR 'DI LTA BU LAS THAL BA'I MU STEGS KYI GZHUNG BZUNG BAR BYA BA GANG ZHIG YOD, BDE CHEN DE DANG PHYAG RGYA CHEN MO GZHAN MA YIN PAS RGYU 'BRAS YIN KYANG PHAN TSUN RGYAS BTAB PA MED PA'ANG DBANG MDOR BSTAN GYI DON YIN PAR 'CHAD DE, GRANGS CAN GYIS SPYI GTZO BO RTAG PA RNAM 'GYUR
, ,THAMS CAD KYI RGYU YIN PA DANG, BDAG SKYE KHAS BLANGS PA LA ZHE SDANG BAR MA BYED PAR RANG GI STON PA SER SKYA LA SOGS PA DE DAG NI NGES DON LEGS PAR RTOGS PA'I GRUB PA'O ZHES GSONG POR SMROS SHIG ,YANG DBANG MDOR BSTAN GYI BGREL BAR N'A RO PAS, THABS DANG SHES RAB KYI DBANG PO GNYIS LAS MA SKYES PA'I PHYAG RGYA CHEN MO LAS SKYES PA NI NAM MKHA' BZHIN DU SGRIB PA SPANGS BA 'BYUNG NGO, KUN LA GNAS PA DE KHO NA NYID MA RIG PA RNAMS KYIS RIG PAR BYA BA MA YIN NO, ZHES GSUNGS PA'I 'GYUR GYIS 'KHRUL GZHI BYAS NAS STONG ZUGS PHYAG RGYA CHEN MO SEMS CAN THAMS CAD LA GNAS PA DE KHO NA NYID MA RIG PA'I SPYOD YUL MA YIN PAR SMRA BA NI GANG DAG STONG GZUGS BDE GSHEGS SNYING PO DANG CHOS NYID YIN PA DANG, SEMS CAN THAMS CAD LA GNAS PAR DAM 'CHA' BA DAG GIS 'DOD PA DANG RO GCIG TU 'DRES PAR GYUR PA STE, RTAG PA'I RGYU 'BRAS NGO BO GCIG PA GONG DU BSHAD MA THAG PA LTAR KHAS LEN PA DANG 'DI THAMS CAD LUNG GI TSIG RIS TZAM ZHIG SKYABS SU GYUR BA'I MTHU LAS GRUB PA'I MTHA' MI MTHUN PA CHES CHER CHE BA'I CA CO SGROGS PA LA NGAL BA'I DKA' THUB JI SNYED CIG LHUR BLANGS KYANG 'DI LTA BU LA SOGS PA'I SKABS SU BSHAD PA BYED PA LA ZHUGS PA NA GRUB PA'I MTHA' GCIG TU 'DRES PA MI RIG PAR BLO GROS KYI NGANG TSUL GSAL BAR BYED PAS CHES YA MTSAN NO, ,DE YANG DBANG MDOR BSTAN GYI 'GREL BAR 'BYUNG PO THAMS CAD LA GNAS PA ZHES PA NI, STENG GZUGS 'BYUNG PO KUN LA GNAS PAR STON PA MA YIN GYI, RANG DOL, LOTZA+TSA BA GRAGS PA RGYAL MTSAN GYI 'GYUR LAS, PHYAG RGYA CHEN MO MA SKYES PA NI NAM MKHA' BZHIN DU SGRIB PA SPANGS PA 'BYUNG PO
KUN LA GNAS PA ZHES 'BYUNG BA LTAR, CHOS CAN STONG GZUGS PHYAG RGYA CHEN MO'I CHOS NYID DU GYUR PA, RANG BZHIN GYIS MA SKYES PA DE NYID 'BYUNG PO KUN LA KHYAB PA'I NAM MKHA' LTA BUR BSTAN PA YIN LA, SGRIB PA SPANGS BA ZHES PA NI, RANG BZHIN RNAM DAG GI DON YIN GYI GLO BUR DRI BRAL GYI DON MA YIN NO, ,'O NA DBANG MDOR BSTAN GYI GZHUNG DE'I DON KHYED CAG JI LTAR 'CHAD PA SMROS SHIG CE NA, RKANG PA DANG PO GNYIS KYI DON NI, SHES RAB PHYAG RGYA CHEN MO DON DAM PAR RGYU LAS MA BYUNG ZHING KUN RDZOB TZAM DU SHES RAB PHYAG RGYA CHEN MO'I RGYU LAS BYUNG BA'I BDE BA NI, LAS DANG YE SHES KYI PHYAG RGYA LAS DNGOS SU BYUNG BA'I THUN MONG BA'I LHAN SKYES TZAM MA YIN PA THUN MONG MA YIN PA'I MCHOG TU MI 'GYUR BA'I BDE BA DE NYID DE'I 'BRAS BU'O ZHES BYA BA YIN LA, RKANG PA PHYI MA GNYIS KYI DON NI, DNGOS SU SHES RAB RGYU LAS MA BYUNG ZHING, ZHES PA 'CHAD BYED DE, 'DI LTAR SHES RAB PHYAG RGYA CHEN MO LAS SKYES PA'I BDE BA NYID DON DAM PAR RGYU LAS SKYES PA MA YIN TE, SHES RAB STONG GZUGS KYI PHYAG RGYA DE NYID DON DAM PAR RGYU LAS MA SKYES PA'I PHYIR, ZHES BYA BA'I DON YIN ZHING, RGYUD DANG 'GREL PA 'DI DAG TU BDEN GRUB GZHI GANG LA 'GOG PA'I DGAG GZHI CHOS CAN STONG GZUGS LA DMIGS KYIS DKAR NAS GSUNGS PA SHIN TU MANG STE 'CHAD PAR 'GYUR RO, ,DNGOS SU DE LTAR GSUNGS PAS NI DOGS PA DE'I LAN KHYAD PAR BA ZHIG KYANG GO BAR BYED DO; ;JI LTAR ZHEN, PHYAG RGYA GSUM KAS LHAN SKYES TZAM ZHIG 'DREN PAR 'DRA YANG DGOS PA MI 'DRA BA'I KHYAD PAR GZHAN YANG YOD DE, RJES DRAN GYI SKABS SU STONG GZUGS KYI SKUR DNGOS GNAS LA LANGS KYANG DBANG PO RTUL PO STONG GZUGS KYI PHYAG RGYA TZAM GYIS
, ,DA DUNG BDE CHEN 'DREN PAR MA NUS PAR THOG MAR LAS KYI PHYAG BRGYA LA BRTEN NAS BDE CHEN 'DREN DGOS PA NI SNGAR STONG NYID KYI LTA BA GTAN LA PHAB ZIN YIN KYANG JI SRID STONG GZUGS KYI PHYAG RGYA TZAM LAS BDE CHEN 'DREN NUS PA'I DBANG PO RNON PAR MA 'PHOS KYI BAR DU LAS RGYA LAS BDE CHEN DRANGS TZAM LAS BDE CHEN STONG NYID RTOGS PA'I SHES RAB KYI NGO BOR SKYES NAS BDE STONG SBYOR NUS PAS MA KHYAB LA, RJES DRAN GYI SKU GRUB KYANG DA DUNG STONG GZUGS KYI PHYAG RGYA TZAM GYIS BDE CHEN 'DRAN MA NUS BAR THOG MAR YE SHES KYI PHYAG RGYA LA BRTEN NAS BDE CHEN 'DREN DGOS PA'I DBANG 'BRING NI JI SRID STONG GZUGS PHYAG RGYA CHEN MO TZAM LAS BDE BA DNGOS SU 'DREN NUS PA'I DBANG PO RNON POR MA 'PHOS KYI BAR DU YE SHES KYI PHYAG RGYA LAS BDE BA RNAM DRANGS TZAM NAS BDE BA DES STONG NYID RTOGS PAR BSKYED NUS PAS MA KHYAB CING, STONG GZUGS PHYAG RGYA CHEN MO TZAM LAS BDE CHEN DNGOS SU 'DREN NUS NA BDE BA DE SKYES TZAM NAS STONG NYID RTOGS PA'I SHES RAB KYI NGO BOR SKYES NAS BDE BA CHEN PO DANG RNAMS MED KYI STONG NYID SBYOR NUS PAS KHYAB PA YIN NO, , DES NA LUNG DES NI DNGOS SU GANG DANG SBYAR RGYU'I STONG NYID DNGOS SU BSTAN NAS DE DANG DNGOS SU SBYOR NUS PAS KHYAB MA KHYAB KYI KHYAD PAR DE LTA BU YOD PA SHUGS LA 'PHANGS TE BDE BA'I CHA LA THUN MONG BA DANG, THUN MONG MA YIN PA'I KHYAD PAR YOD PAR MA ZAD, STONG PA DANG SBYOR TSUL LA YANG, KHYAD PAR DE LTA BU YOD PA BSTAN PA YIN NO, ,DON 'DI NYID THUGS LA BZHAG NAS N'A RO BAS, DBANG MDOR BSTAN GYI GZHUNG DE'I TSIG DON 'CHAD PA LA ZHUGS PA NA, JI SKAD DU, DE'I PHYIR LAS KYI PHYAG RGYA DANG YE SHES KYI PHYAG RGYA RGYUR
GYUR BA LAS PHYAG RGYA CHEN MO ZHES PA'I KHYAD PAR 'GA' GSUNGS PA NI, SHES RAB CES PA LA SOGS PA STE, SHES RAB NI GZUGS BRNYAN GYI MTSAN NYID RNAM PA KUN DANG LDAN PA'I GZUGS CAN DANG, CHOS THAMS CAD STONG PA NYID RTOGS PA'O, ZHES DMIGS BCAS STONG GZUGS KYI SHES RAB DANG, DMIGS MED BDEN STONG RTOGS PA'I SHES RAB SO SOR PHYE NAS GSUNGS SHING, YANG JI SKAD DU, RGYU STE 'DRA BA LAS MA BYUNG ZHING MA SKYES PA STE DON DAM PAR RANG BZHIN GYIS MA BYAS PA NYID KYI PHYIR RO, ZHES DANG, SHES RAB RGYU LAS SKYES PA SNGAR BSAL ZIN ZHES 'BYUNG 'JIG THAMS CAD RANG BZHIN GYIS MA GRUB PAR GANG DU BSHAD PA'I SKABS LA KHA 'PHANGS TE, SHES RAB DON DAM PAR SKYES PA 'GEG PA LA GSAL BAR SBYAR RO, ,GAL TE LHAN SKYES KYI BDE CHEN KHYAD PAR BA DE PHYAG RGYA CHEN MO LAS SKYE DGOS SU CHUG MOD, PHYAG RGYA CHEN MO DE'I RGYUR DKYIL 'KHOR GYI 'KHOR LO BSGOM PA'ANG 'GYUR RAB ZHE NA, RNAM RTOG GIS BTAGS PA'I BSKYED RIM BSGOM PA LAS 'DAS PA STE DE TZAM LAS DNGOS SU SKYES PA MIN ZHING PHYAG RGYA CHEN MO MI 'GYUR BA'I BDE BA BSKYED PA'I SHES RAB YE SHES DE NI RDUL PHRA RAB KYI CHOS NYID LAS 'DAS PAS GZUNG BA PHYI ROL GYI DON DE LA LTOD PA'I 'DZIN PA RNAM PAR SPANGS LA, MTSAN DPES BRGYAN PA SOGS KYI DBYIBS KYI SGOM PA DAG DANG, RTOG PAS BCOS PA TZAM DANG NGAG GIS BRJOD PA TZAM GYI SGO NAS SPYOD YUL DU 'GYUR BA RNAM PAR SPANGS PA YIN NO, ,DE YANG DPE JI LTA BU ZHE NA, PHYI ROL DON DU MA GRUB CING RANG BZHIN MED BZHIN DU'ANG RNAM PA THAMS CAD PA'I GZUGS KYI SNANG CHA MA DOR BAS DRI ZA'I GRONG KHYER GYI RNAM PA DANG, GZHON NU MAS MI LONG LA BRAL PHAB PA YI RANG BZHIN CAN DU GYUR
, ,BA'O; ;DE LTAR JI SKAD BSHAD PA RNAMS KYIS THABS MCHOG TU MI 'GYUR BA'I BDE BA CHEN PO DANG SHES RAB STONG GZUGS PHYAG RGYA CHEN MO GNYIS NGES BZUNG NAS, DE 'DRA BA'I THABS SHES DBYER MED DU SBYOR BA'I AE WAM LA PHYAG 'TSAL PA DNGOS NI; DE 'DRA BA'I THABS MCHOG TU MI 'GYUR BA'I BDE BA CHEN PO DANG SHES RAB STONG GZUGS KYI PHYAG RGYA CHEN MO NGO BO DBYER MED PA'I BDAG NYID DU SBYOR BA'I AE WAm GYI YI GE DE LA 'DUD DO, ,DE YANG MCHOG TU MI 'GYUR BA'I BDE CHEN SKAD CIG PHYI MA PHYI MA STONG GZUGS PHYAG RGYA CHEN MO SKAD CIG SNGA MA SNGA MA RGYUR BYAS PA LAS SKYE YANG DE DAG NGO BO GCIG TU KHAS MI LEN LA BDE CHEN RANG DUS KYI STONG GZUGS PHYAG RGYA CHEN MO DANG NGO BO GCIG YIN KYANG DE'I 'BRAS BUR KHAS MI LEN TE TSUL 'DI GONG 'OG GI SKABS THAMS CAD DU SHES PAR BYA'O, ,DE LTAR THABS SHES GNYIS SU MED PA LA PHYAG 'TSAL BA BSHAD NAS, DA NI THABS SHES SO SO LA PHYAG 'TSAL BA BRJOD PAR 'DOD NAS DANG POR SHES RAB YUM LA PHYAG 'TSAL BA NI, PHYAG 'TSAL ZHES DRANG NGO,, GANG LA NA, SNA TSOGS YUM DE LA'O, ,DE NYID KHYAD PAR CI LTA BU ZHE NA, PHRA RAB CES SOGS GZHAN RNAMS SNGAR BSHAD ZIN LA, SKYE BA ZHES SOGS GNYIS KYI DON NI, LAS DANG NYON MONGS PA LAS SKYE BA LAS KYI PHYAG RGYA DANG NI, 'DOGS PA PO'I YID RNAM PA GZHAN DU 'GYUR PA NA DES BTAGS PA'I PHYAG RGYA'I RNAM PA'ANG MED CING 'JIG PA'I YE SHES KYI PHYAG RGYA'I CHOS DE GNYIS SPANGS PA, 'JIG RTEN GSUM GYI SPYOD PA LAS BREL BAS THOG MTHA' BAR DU DGE BA'I PHYIR KUN TU BZANG PO'I SPYOD PA CAN NO, ,THABS YAB LA PHYAG
'TSAL BA NI, 'DUD CES DRANG NGO, ,GANG LAN 'BRAS DUS KYI DUS KYI 'KHOR LO DE LA'O, ,DE NYID KHYAD PAR CI LTA BU ZHE NA, A'A LI K'A LIS MTSAN PA'I ZLA NYI SNYOMS PAR 'JUG PA STE KHA SBYAR BA DANG, SA BON H'UM DANG RDO RJE'I BUG PAR KHAMS 'PHYUR BA 'GEG PA'I PHAGS KYI YI GE 'GOD PA DANG, SOGS PAS SA BON YONGS SU GYUR PA'I PHYAG MTSAN BSGOM PA SOGS SPANGS PA STE DE LTA BU LAS BLOS BSKYED PA MA YIN KYANG 'GYUR BA MED PA'I BDE BA NYI KHRI CHIG STONG DRUG BRGYA RDZOGS PA LAS 'KHRUNGS SHING BDE CHEN GYI YE SHES KYI GZUNG BYA SNA TSOGS PA'I STONG GZUGS KYI RNAM PAR SHAR BA'I SKU CAN NO, ,DE LTA BU'I BCOM LDAN 'DAS SKU BZHI'I BDAG NYID DE NYID RGYUD STON PA POR GYUR PAS BSTOD CING PHYAG 'TSAL BA NI, KUN MKHYEN LHAN CIG SKYES PA'I SKU DANG, YE SHES KYI SKU ZHES PA CHOS SKU DANG, RIGS THAMS CAD KYI KHYAB BDAG NYI MA LTA BU'I LONGS SKU DANG, PAD+MA'I 'DAB MA RGYAS PA'I SPYAN SPRUL BA'I SKU STE BZHIN PO DE NYID BCU DRUG GI DBYE BA LAS DU MAR PHYE YANG, SKU BZHI'I BDAG NYID DU NGO BO DBYER MED PA'I SANGS RGYAS STON PA PHUN SUM TSOGS PA DE NI GNAS PHUN SUM TSOGS PA RDO RJE SENG GE'I GDAN LA BZHUGS PA 'KHOR PHUN SUM TSOGS PA LHA DANG LHA MIN GYIS BSTOD PA, ZHU BA PO PHUN SUM TSOGS PA ZLA BZANG GIS GSOL BA BTAB PA SNGON DU BTANG BA LA BRTEN NAS RGYUD STON PAR MDZAD PA DE LA 'DUD DO, ,DE LTAR SNGAR RGYAS PAR BRJOD PA'I YON TAN THAMS CAD BSDUS TE BRJOD PA'I SGO NAS PHYAG 'TSAL BA NI, DAG PA'I SKU DANG YE SHES RDO RJE DON GCIG TU SBYOR ZHING, RGYAL BA MCHOG GI DAM TSIG STE MNYAM PA NYID KYI THUGS RDO RJE DANG CHOS KYI SKU NI GCIG TU SBYOR LA, GSUNG RDO RJE DANG LONGS SPYOD RDZOG
{t'IK CHEN KHAMS LE} *, ,PA'I SKU GCIG TU SBYOR ZHING, SRID PA KHAMS GSUM GYIS MCHOD PA'I SKU RDO RJE DANG SPRUL PA'I SKU GCIG TU SBYOR BA STE, 'DIR YO GA SBYOR BA LA MA BSGYUR BAR RNAL 'BYOR TE ZHES BSGYUR BA MI LEGS SO, ,GONG DU BSHAD ZIN PA LTAR SHES DANG, SHES BYA GNYIS MED SRID MED SRID SONG 'DI NI RDO RJE SEMS DPA' LA SOGS PA SEMS DPA' RNAM PA BZHI DANG, RDO RJE'I RNAL 'BYOR RNAM PAR DAG PA DANG THABS DANG SHES RAB DBYER MED PA'I BDAG NYID DU GYUR PA LHA MI LHA MIN GYIS BSTOD PA'I STON PA DE LA 'DUD DO, ,DE LA KHA {DAM} CIG DAG DANG ZHES PA NAS, SPYI BOS PHYAG 'TSAL TE, ZHES PA'I BAR GYI TSIGS SU BCAD PA GSUM RIM PA BZHIN PHYI NANG GZHAN GSUM LA SBYAR NAS 'CHAD LA, KHA CIG {RANG} RLUNG ME CHU DANG ZHES SOGS SHLOO KA THA MA PHYI DANG, SHLOO KA BAR BA NANG DANG, DANG PO GZHAN LA SBYOR MOD KYI, 'BRAS BU MTHAR THUG GCIG PU LA PHYI NANG GZHAN GSUM DU 'BYED SHES PA'I DUS KYI 'KHOR LO PA ZLA BA BZANG PO LAS KYANG PHUL DU, BYUNG ZHING, 'BRAS BU DUS KYI 'KHOR LO'I YE SHES KYI DKYIL 'KHOR GYI RLUNG ME CHU LA SOGS KYI RNAM PAR SNANG BA DE DAG SBYANG BZHI'I RLUNG ME CHU SA SOGS SU GO BA'I RNAM DPYOD DANG LDAN PA'I SNGAGS PA NI NGO MTSAR BA BSKYED PAR BYED PA'O, ,DES NA 'CHAD 'GYUR GYI TSIGS SU BCAD PA GNYIS NI GTZO BOR DAM PA'I LAM NGES PA'I SGO NAS PHYAG 'TSAL BAR BYED PA YIN TE, DE YANG 'DI LTAR, SGRUB PA PO RTEN GYI GANG ZAG DES BSGRUB PAR BYA BA'I 'BRAS BU, THABS GANG GIS BSGRUB PA'I THUN MONG MA YIN PA'I LAM DANG GSUM LAS DANG PO NI, RLUNG
ME CHU DANG SA'I DKYIL 'KHOR LHUN PO PADMA DANG, ZHES PA'I GANG LA PHYAG 'TSAL BA'I YUL BCOM LDAN 'DAS DUS KYI 'KHOR LO'I GDAN GYI RTEN 'BYUNG BZHI LHUN PO PADMA RNAMS BSTAN PA DES MTSON NAS LAM 'DI NYAMS SU LEN PA'I RTEN GYI GANG ZAG KHAMS DRUG LDAN NYID BSTAN PA YIN NO, ,GNYIS PA THOB BYA'I 'BRAS BU NI SHLOO KA SNGA MAS STON TE, DE YANG SPYI BOS 'DUD CES DRANG NGO, GANG LA NA 'JIG RTEN GSUM GYIS MTSOD PA'I GTZO BO LA'O, ,SKU'I RNAM PA CI 'DRA BA CAN ZHES CE NA, ZHABS GCAG CES SOGS KYI RNAM PA CAN TE, DE YANG DBANG MDOR BSTAN LAS, LUS CAN RNAMS NI 'CHI BA NA, ,ZLA BA BDUD RTZI 'OG TU 'GRO, STENG DU NYI MA RDUL SGRA GCAN, ,RNAM SHES SRID PA'I MTSAN NYID LA, ZHES GSUNGS PA LTAR MNGAL SKYES KHAMS DRUG LDAN GYI SKYES BU RNAMS 'CHI BA'I TSE, KHU RDUL RNAM SHES GSUM GYI TSOGS PA ZHIG NAS, ZLA BA'I MING CAN BDUD RTZI'I KHU BA NI THUR DU 'GRO ZHING, NYI MA'I MING CAN RDUL LAM KHRAG NI STENG DU 'GRO LA, SGRA GCAN GYI MING CAN RNAM PAR SHES PA BAR DOR SONG STE SRID PAR NYID 'TSAMS SBYAR NAS SLAR YANG DE LTA BU'I TSUL GYIS 'KHOR BAR 'GYUR BA YIN NO, ,GZHI DUS KYI RIM PA DE RNAL 'BYOR BAS LAM BSGOM STOBS KYIS DE LAS BZLOG PAR BSGYUR NA 'KHOR BA 'GAG CING BDE BA CHEN PO'I GO 'PHANG THOB PAR 'GYUR TE, DBANG MDOR BSTAN LAS DE PHYIR ZLA BA BDUD RTZI NI, ,STENG DU BGRONG BYA MA YI BDAG ,'OG TU NYI MA RDUL SGRA GCAN, ,RNAM SHES MCHOG GI BDE BA LA, ,ZHES GSUNGS PA LTAR TE, THABS MKHAS KYI LAM GYIS KHU BA NOR BU NAS STENG DU RIM PA BZHIN DRANGS NAS
, ,GTZUG TOR DU BRTAN PAR BYAS SHING, RDUL GTZUG TOR NAS RIM PA BZHIN THUR DU DRANGS TE RDO RJE NOR BUR BRTAN PAR BYAS NA DE'I DBANG GIS RNAM SHES MCHOG TU MI 'GYUR BA'I BDE BA'I NGO BOR SKYE BAR 'GYUR RO, ZHES BYA BA'O, , DE LA BCOM LDAN 'DAS DUS KYI 'KHOR LO'I SKU'I RNAM PA ZHABS GCIG GA-YAS PA DMAR PO BRKYANGS PAS NI RDUL THUR DU DRANGS NAS RDO RJE NOR BUR BRTAN PAR BYAS PA MTSON LA, ZHABS GNYIS PA 'AM GA-YON PA DKAR PO BSKUMS PAS NI KHU BA GYEN DU DRANGS SHING GTZUG TOR DU BRTAN PAR BYAS PA MTSON NO, ,NANG GI NAG PHYOGS MYA NGAN LAS 'DAS PA'I MTHA' MTSON PA'I NYI MA DANG, NANG GI DKAR PHYOGS 'KHOR BA'I MTHA' MTSON PA'I RI BONG CAN LA NI ZHABS DAG BKOD CING DE GNYIS ZHABS KYIS MNAN PAS SRID ZHI'I MTHA' LAS 'DAS PAR STON PA'O, ,KHA CIG ZHABS GA-YAS PA NYI GDAN DANG, GA-YON PA ZLA BA'I GDAN LA BKOD CES 'CHAD PA MI 'THAR DE, DE LTA NA ZLA NYI BRTZEGS PA'I GDAN LA ZHABS GNYIS KA BKOD PAR 'OG NAS GSAL BAR BSHAD PA DAG DANG 'GAL BAR 'GYUR BA'I PHYIR RO, ,TSUL JI LTAR BKOD NA, DUS RTAG TU BDE BA DANG STONG PA'I YE SHES KYIS KYANG GZHIG TU MED PA'I PHYIR RIG PA DANG SHES PA'I GRI GUG GIS MI CHOD CING, GNYIS SNANG THAMS CAD DANG BRAL BA'I PHYIR GZUNG 'DZIN GYI GRI GUG GIS DBYER MED LA, BDE BA CHEN PO'I RGYU YIN PAS 'DOD PAR RO, ,'JIG RTEN GSUM GYIS MCHED PA'I DON NI SNGAR BSHAD PA LTAR RO, ,'O NA SGRUB PA PO NGES
DE LTA BU'I RNAM PA CAN GYI BCOM LDAN 'DAS KYI GO 'PHANG DE NYID THOB PAR BYED PA THABS GANG GIS YIN SNYAM NA, BCOM LDAN 'DAS KYI ZHABS 'OG GI GDAN DNGOS SU BSTAN PAS MTSON NAS THUN MONG MA YIN PA'I LAM GYI GTZO BO NGES PAR BYED PA DE 'DI LTAR, ZLA BA DANG NYI MAS NI 'OG GI BSHANG GCI 'BAB PA'I RTZA GNYIS MTSON LA, DUS MES NI DUD CAN MA MTSON ZHING, ZLA NYI BRTZEGS NAS MNAN PAS DUS ME'I STENG DU, ZHABS KYIS MNAN PAS BSHANG GCI'I RTZA LA RGYU BA'I THUR SEL GYI RLUNG DUNG CEN MAR BKAG PA MTSON NO, ,ZHABS GA-YON GYI 'OG GI DBANG PHYUG DKAR PO DANG NI GA-YAS KYI 'OG GI BDUD 'DOD LHA DMAR POS NI RIM PA BZHIN DU STENG GI RTZA GSUM GYI NANG NAS GA-YON RKYANG MA DKAR PO DANG GA-YAS RO MA DMAR PO MTSON ZHING, SGRA GCAN GYI DKYIL 'KHOR GYI STENG DU DE GNYIS KYI MGO BOR ZHABS NI BKOD PAR GYUR PA'AM, ZHABS KYIS MNAN PAS RO RKYANG GI RLUNG DBU MAR BKAG PA MTSON NO, ,DE YANG SRID PA PHUNG SOGS RNAMS SGRIB BRAL DU BSKYED PAR BYED PA'I PHYAG RGYA CHEN MO SNA TSOGS YUM GYI ZHABS DANG LHAN CIG TU BKOD CES PAS NI, DE LTAR STENG 'OG GI RLUNG DBU MAR BCUG PA LAS STONG GZUGS KYI PHYAG RGYA CHEN MOS 'KHYUD PA'I MCHOG TU MI 'GYUR BA'I BDE BA CHEN PO 'DREN PA MTSON NO, ,DE LTAR DNGOS SU PHYAG YUL BCOM LDAN 'DAS KYI SKU'I BKOD PA BSHAD PAS, SGRUB PA PO'I LUS DE LTA BU'I RNAM PAR BSGOM PA'I BSKYED RIM STON LA, SKU'I RNAM PA DES MTSON PA'I DON NI THUN MONG MA YIN PA'I RDZOGS RIM GYI LAM YIN NO, ,DE'I PHYIR 'DI LTAR SHES NA DA LTA NYID NAS BCOM LDAN 'DAS KYI SKU'I
, ,BKOD PA GDAN DANG BCAS PA'I RNAM PA BLO LA SHAR BA TZAM GYIS THUN MONG MA YIN PA'I LAM GYI GNAD THAMS CAD DRAN PAR NUS PAS SKU'I RNAM PA DRAN THEBS RES KYANG LAM GYI GNAD RNAMS LA BAG CHAGS 'JEGS THEBS RE 'BYUNG LA, RNAM PA DE LTA BU CAN GYI BSKYED RIM BSGOM PA'I DGOS PA NI DES MTSON PA'I RDZOGS RIM GYI KHYAD PAR DE DAG SKYE BA'I SMIN BYED DU BSGOM PA YIN PAR SHES NA, BSKYED RIM MCHOG GI DNGOS GRUB KYI RGYUR SPANG DGOS PA'I LOG RTOG NGAN PA DAG KYANG LDOG PAR 'GYUR RO, ,DE BAS NA DE LTA BU'I RNAM PA CAN GYI BCOM LDAN 'DAS LHA YI DBANG POS BTUD PA'I GTZO BO LA SPYI BOS PHYAG 'TSAL LO ZHES BYA BA STE, STE NI 'OG GI BRTZAM PAR DAM BCA' BA 'DREN PA'I TSIG GO ,DES NA MCHOG GI DAM PA'I LAM NI, GTZO BOR MCHOD BRJOD KYIS NGES PAR BYED PA YIN TE, DE YANG TSIGS BCAD GNYIS PO 'DIS LAM GYI GTZO BO BSHAD MA THAG PA LTAR NGOS BZUNG ZHING STONG NYID SNYING RJE'I BDAG NYID CAN, ZHES SOGS GONG DU BSHAD PA THAMS CAD KYIS NI LAM DE'I KHYAD PAR BSTAN PA YIN TE, SROG DH'U T'IR BCUG NAS STONG GZUGS KYI PHYAG RGYA DANG SBYAR BAS KHAMS DKAR PO NOR BU'I RTZE NAS YAR BRTAN PAR BYED PA DANG, KHAMS DMAR PO GTZUG TOR NAS MAR BRTAN PAR BYED PAS RNAM SHES MCHOG TU MI 'GYUR BA'I NGO BOR SKYES PA DE LA NI, STONG NYID SNYING RJE DBYER MED PA DANG SHES DANG SHES BYA GCIG PA LA SOGS PA THAMS CAD 'BRAS BU'I SKABS DANG RJES SU MTHUN PAR LAM GYI SKABS SU YANG YOD PA'I PHYIR RO, ,BDUD DANG BGEGS
MTHA' DAG NYAMS PAR BYED PA NI GTZO BOR 'OG TU 'JIGS PA BCU DRUG GI NYER 'TSE ZHI BA'I THABS BSTAN PA NYID KYIS NGES PAR BYED LA, 'CHAD PA PO SNGA MA DAG NI MDOR BSDUS 'DIS DAM PA'I LAM NGES PAR BYED TSUL LA BLO KHA PHYOGS PAR MI SNANG NGO, ,GNYIS PA 'GREL BA BRTZAMS PAR DAM BCA' ZHING BRTZAMS PA'I 'GREL BA NYAN PAR BSKUL BA LA GNYIS LAS, DANG PO 'GREL BA BRTZOM PAR DAM BCA' BA LA GSUM, BRJOD BYA RDO RJE'I RNAL 'BYOR 'CHAD PAR 'DOD PAR BSTAN PA KHENGS SKYUNG DANG BCAS PA, RTZA RGYUD DU LUNG BSTAN PA BZHIN BSDUS RGYUD BSDUS TSUL, RTZA RGYUD LA ZLA BZANG GIS RGYA CHER 'GREL BA RTZAMS PA BZHIN BSDUS RGYUD LA RGYA CHER 'GREL BRTZAMS PAR DAM BCA' BA DNGOS SO, ,DANG PO NI, BRJOD PAR 'DOD CES DRANG NGO, ,GANG NA DE LTAR BSHAD MTHAG PA'I RDO RJE'I RNAL 'BYOR GANG ZHIG GO ,DE KHYAD PAR JI LTA BU ZHIG CE NA, DE NI DPAG MED BDE GSHEGS RNAMS KYIS RANG GIS BSTEN CING SKAL BA DANG LDAN PA GZHAN LA BSTAN PA DANG, BYANG CHUB SEMS DPA' NGES DON GYI RDO RJE MCHOG STONG PA LNGA 'DZIN PA, YID SKYOB PAR BYED PAS MI 'GYUR BA'I BDE BA NI SNGAGS TE, DE NYID NYAMS SU MYONG BA'I TSUL GYIS RIG PA KUN GYIS YANG DAG PAR BRJOD PA'AM BSHAD PAR GYUR PA'I 'GYUR MED MCHOG GI BDE BA THABS SHES ZUNG 'JUG GI RNAL 'BYOR DE NI'O, ,GANG DU NA DUS KYI 'KHOR LOR STE DE'I RGYA CHER 'GREL DU'O, ,SU ZHIG GIS NA PADMA DKAR PO BDAG GIS SO, ,BLUN PO ZHES PA NI KHENGS SKYUNG PA'I TSIG STE RJES 'JUG DAG LA NGA RGYAL GYI KHENGS PA DOR BAR BYA'O, ,ZHES SLOB PAR MDZAD PA'O, ,'O NA SANGS RGYAS BYANG CHUB SEMS DPA' CHEN
, ,PA RNAMS KYI SPYOD YUL DE BLUN POS BRJOD PA LA 'BAD MI RIGS SO ZHE NA, NAM MKHA' LA MYUR DU 'GRO BA'I MKHA' 'GRO STE 'DAB CHAGS KYI BDAG PO NAM MKHA' LDING 'GRO STE, DE 'GRO BA'I LAM YIN PAS ZHES 'DAB CHAGS PHAL PA GZHAN PA NAM MKHA' LA 'GRO BA MIN NAM CI STE 'GRO BA MI 'GAL BA DANG MTSUNGS PAS SKYON MED DO, ,'O NA 'BAD PA BYAS KYANG RGYUD DON CHES ZAB PAS 'CHAD PAR MI NUS PA MA YIN NAM ZHE NA, RGYUD KYI RGYAL PO GANG DU SGRUB PA PO RANG GI LUS LA SRID PA PHUNG SOGS MTHA' DAG DANG DER MA ZAD DON DAM DANG KUN RDZOB KYI BRDA CAN GYI SNGAGS DANG BCAS PA RNAMS SGRIB BRAL DU BYED PA'I THABS MA SBAS SHING CHES CHER GSAL BAR, A'A LI BYANG CHUB KYI SEMS KYI THIG LE MI 'GYUR BAR 'DZIN PA'I RGYAL BA'I DBANG POS GSUNGS SHING, DE'I PHYIR RGYUD KYI CHU GTER CHEN PO DER NI RKYAL BA 'AM BRGAL BA'I SLAD DU RAB TU ZHUGS PA DE LA GAL TE BDAG PHA ROL TU PHYIN PAR GYUR NA NI RGYAL BA'I MTHU LAS YIN GYI RANG DBANG DU MA YIN NO, ZHES PA'I RGYAL BA'I MTHU LAS 'CHAD NUS PAR BSTAN NO, ,GNYIS PA NI RTZA RGYUD LAS BTUS PA DUS KYI 'KHOR LO BSDUS PA'I RGYUD 'DI GNAS KA L'A PAR SDUD PA PO 'JAM DPAL GYIS NI BSDUS NAS RGYUD DON MTHA' DAG THUB PA DRANG SRONG RNAMS LA BSTAN TE, DE LTAR RGYUD BSDUS PA'I RGYU MTSAN GANG GI PHYIR NA ZHU BA PO GSANG BDAG GI SPRUL PA ZLA BZANG LA GSUNGS PA MCHOG GI DANG PO'I SANGS RGYAS RTZA RGYUD LAS STON PA STOBS BCU PA SH'AKYA SENG GE RANG NYID KYIS MA 'ONGS PA NA 'BYUNG BA'I 'JAM DPAL GYI SPRUL PA RGYAL PO GRAGS PA LA BSDUS PA'I RGYUD
NI SDUD PAR RJES SU GNANG BA'I SGO NAS SNGON DU LUNG BSTAN PAS DE'I BKA' RJES SU BSGRUB PA'I PHYIR RO, ,'DIR THUB PA MTHA' DAG CES PA LAS, THUB PA RNAMS LA MTHA' DAG NGES PAR BSTAN, CES DBANG GIS BSGYUR BA LEGS SO, ,GSUM PA NI, DE LTAR RTZA RGYUD DANG BSDUS RGYUD GNYIS LAS RTZA RGYUD LA 'GREL BSHAD STE RGYA CHER 'GREL SHLOO KA STONG PHRAG DRUG CU PA ZLA BA BZANG POS GLEGS BAM DU BRIS PA GANG YIN PA DE NI THEG PA KUN GYI DON GSAL BAR BYED PA'I RGYAS BSHAD CHEN PO'I MTSAN NYID CAN TE, DE BZHIN DU PADMA DKAR PO BDAG GIS NI BSDUS PA'I RGYUD LA RGYA CHER 'GREL BA BRI BAR BYA'O, ,KHYAD PAR JI LTA BU ZHE NA, RGYUD DON BSHAD PA THAMS CAD RTZA BA'I RGYUD KYI RJES SU 'JUG CING DE DANG MI 'GAL BA GZHUNG GI TSAD NI SHLOO KA STONG PHRAG BCU GNYIS TE, ZAB DON STON PA'I RDO RJE'I TSIG GSAL BAR BYED PA DANG BCAS PA'O, ,GNYIS PA BRTZAMS PA'I RGYAS 'GREL 'DI NYID MNYAN PAR GDAMS PA NI, TSIG RKANG GNYIS PA LA DBANG 'GYUR DU, RGYUD RGYAL MA LUS THOS NAS YANG DAG YE SHES LAM GNAS RNAL 'BYOR PA YIS KYANG, ZHES LAM LA GNAS PA RNAL 'BYOR PA'I KHYAD CHOS SU SDUD PA'I TSIG LA ZHES PA MED PAR 'JUG TU KYANG SGRA YOD PA DANG, RKANG PA THA MA GNYIS LA'ANG KHENGS DANG LONGS SPYOD RNAM 'JIG DU MA BTAD NAS SEMS NI SANGS RGYAS NYID CHED DU, ,GTAD PAS BLA MA LAS NI GTZO BO'I RGYAS 'GREL GZHAN PHAN SPYED PA MNYAN PAR BYA, ZHES BSGYUR BA NYID SHOD 'GYUR LAS SHIN TU LEGS PAS DE LTAR BSHAD PAR BYA DGOS SO, ,DE LA MNYAN PAR BYA'O ZHES
, ,DRANG NGO, ,GANG NA RGYUD KYI GTZO BO DUS KYI 'KHOR LO'I RGYAS 'GREL GZHAN LA PHAN PA'I SPYOD PA STON PA'O, ,TSUL JI LTA BUS NA RGYAL BAS GSUNGS PA'I TSOGS 'JIG RTEN PA'I DBANG SNGON DU 'GRO BA'I 'JIG RTEN LAS 'DAS PA'I DBANG MCHOG BLANGS NAS DE'I 'OG TU NGA RGYAL GYIS KHENGS PA DANG LONGS SPYOD RNAM PAR 'JIG PA'I CHOS CAN DU MA BTANG NAS SO, ,GANG GI DON DU NA, SEMS NI SANGS RGYAS NYID LA GTAD PAR BYAS TE DE THOB PA'I CHED DU'O, ,GANG LAS NA BLA MA LAS SO,,SU ZHIG GIS NA BYIS PA'I MKHAS PA KHYIM NA GNAS PA LA SOGS KYIS MNYAN PAR BYA BAR MA ZAD RNAL 'BYOR BA YIS KYANG NGO, ,MNYAN NAS JI LTAR BYA ZHE NA, RGYUD 'DI'AM NI BSDUS PA YI RGYUD RGYAL MA LUS THOS NAS, DE'I DON TSUL BZHIN DU NYAMS SU BLANGS PAS YANG DAG YE SHES LAM LA GNAS PAR BYA'O, ZHES PAS NI RGYUD LA THOS PA BYAS PA'ANG DON DE NYAMS SU LEN PA'I CHED DU YIN PAS DE'I NYAMS SU LEN TSUL SHES PA'I DON DU RGYUD LA THOS PA BYED PAR BSTAN PA YIN NO, ,BSHAD SBYAR GYIS KYANG GZHUNG GI 'DON TSUL DE LTAR BYAS SO, ,DE LTA MA YIN PAR RGYUD 'DI NYAN PA LA RGYUD 'DI THOS PA YANG SNGON DU 'GRO DGOS NA THUG PA MED PAR HA CANG THAL BAR 'GYUR RO, ,GSUM PA 'GREL PA PHYIN CI LOG DANG YANG DAG PA'I RNAM DBYE BSHAD PA LA GNYIS LAS, DANG PO PHYIN CI LOG GI 'GREL BA'I SKYON BSTAN PA'I 'CHAD MA THAG PA'I GZHUNG 'DI DAG DBANG MDOR BSTAN LA SOGS PAR MNGON SHES MED PAS RGYUD KYI 'GREL
BA BYED PA BKAG PA'I DON NI, RDZU 'PHRUL DANG LHA'I RNA BA LA SOGS PA THEG PA GONG 'OG THAMS CAD LA THUN MONG DU GRAGS PA'I MNGON SHES LNGA PO DE NYID KYI DBANG DU BYAS PA MA YIN TE, DE LTA BU NI BSAM GTAN DANG PA'I NYER BSDOGS TZAM YANG BCAD KYI SEMS GANG YANG RUNG BA THEB PA'I PHYI ROL PA DAG LA'ANG YOD CING, NYAN RANG LA'ANG YOD PAS DE 'DRA BA'I MNGON SHES YID KYANG RGYUD DON SHES PA LA PHAN RGYU CI 'ANG MED PA'I PHYIR DANG, RGYUD DON ZAB MO DAG DE 'DRA BA'I MNGON SHES KYIS YUL DU BYA BAR MI NUS PA'I PHYIR RO, ,BLA MED KYI 'ANG BSKYED RIM PA DANG, RDOGS RIM GYI RDO RJE BZLAS PA DANG YAN LAG DRUG GI BSAM GTAN GYI YAN LAG GI SKABS SU MNGON SHES LNGA 'GRUB PAR GSUNGS PA SOGS KYI MNGON SHES KYANG RGYUD DON LA MI 'KHRUL BA'I NGES PA MED PAS DE TZAM GYIS DBANG DU MDZAD PA'ANG MA YIN NO, ,'O NA CI ZHE NA, MDO SDE RGYAN LAS, JI LTAR RNAM GNAS YID LA BYED PA LAS, ZHES GSUNGS PA LTAR THUN MONG GI MNGON SHES LNGA PO THAMS CAD RANG RANG GI RNAM GA NAS YID BYED MI 'DRA BA RE RES BSGRUB DGOS LA, BSKYED RDZOGS KYI SKABS KYI'ANG BSHAD MA THAG PA DE LTA BU'I MNGON SHES NI SO SO'I RNAM GNAS YID BYED LA LTOS DGOS PAR DPAL LDAN 'DUS PA SOGS LAS GSUNGS SO, ,DE LTA NA YANG SNGAGS BLA MED KYI THUN MONG MA YIN PA'I BDE BA CHEN POS STONG NYID MNGON SUM DU RTOGS PA'I 'PHAGS PA'I YE SHES GSAR DU RGYUD LA SKYES PA NA MNGON SHES SO SO'I RNAM GNAS YID LA MA BYAS KYANG BDE STONG GI 'PHAGS PA'I YE SHE
{t'IK CHEN KHAMS LE} *, ,DE'I STOBS KYIS DRANGS PA'I MNGON PAR SHES PA LNGA SKYE BAR 'GYUR BA CHOS NYID YIN NO, ,TSUL 'DI NI GRUB CHEN RDO RJE DRIL BU BAS RIM PA LNGA PA LAS, SLOB MA GUS LA KUN MKHYEN GYIS, ,SBYOR YUL YE SHES GANG ZHIG NI, , SKYES PA TZAM GYI MCHOG TU NI, ,DGA' BA DANG NI LDAN 'GYUR ZHING, ,MNGON PAR SHES PA LNGA DANG LDAN, ZHES DANG GRUB CHEN dOm BHI HE RU KAS LHAN CIG SKYES GRUB LAS, DE'I PHYIR BDE LDAN THOB 'GYUR ZHING, ,DPA' BO BDE CHEN GRUB PA YIS, , DON CHEN BDE BA LA BRTEN NAS, ,RNAM PA KUN TU DNGOS GRUB DAG ,NYE BAR RAB TU GNAS 'GYUR ZHING, ,MNGON SHES LNGA YANG 'BYUNG BAR 'GYUR, ZHES GSAL BAR BSHAD DO, ,'DIR YANG DE 'DRA BA'I MNGON SHES KYI DBANG DU MDZAD PA YIN LA, DE YANG TSAD LDAN GZHAN GYIS SNGAR RGYUD DE'I DGONGS PA 'GREL BA'I SROL GTAN NAS MA PHYE BA'I SNGA ROL DU RANG STOBS KYIS RGYUD DE'I DGONGS 'GREL GYI LAM SROL DANG POR 'BYED PA'I 'GREL BA RTZOM PA LA NI DE 'DRA BA'I MNGON SHES THOB PA DGOS SO ZHES BYA BA'I DON YIN TE, SLOB DPON 'PHAGS PA KLU SGRUB DANG, L'U AI PA LA SOGS PA LTA BU'O, ,DE LTA BU'I GO 'PHANG THOB PA'I GRUB CHEN GYIS SROL PHYE BA'I RJES SU ZHUGS NAS RGYUD DON 'GREL PA LA MNGON SHES THOB PA DGOS PA MA YIN PA NI, BYANG CHUB SEMS DPA'I 'GREL PA SKOR GSUM 'DI DAG KYANG BZHED DE, PHYAG RDOR BSTOD 'GREL LAS, RGYUD SHIN TU RGYAS PA NYAN PA'I SKAL BA DANG MI LDAN PA'I DON DU NA, RGYUD RGYAS PA LAS BSDUS
NAS BSTAN PA'I RGYUD RNAMS KYI RDO RJE'I TSIG ZAB MO RNAMS THABS GANG LAS RTOGS PAR BYA BA 'CHAD PA NA, JI SKAD DU DE'I PHYIR BCOM LDAN 'DAS KYIS RTZA BA'I RGYUD THAMS CAD LAS BSDUS PA'I RGYUD BSTAN TO, ,DE YANG RDO RJE'I TSIG MANG BA NYID KYI PHYIR THAR BA DON DU GNYER BA'I MKHAS PA RNAMS KYIS, BLA MA DAM PAS NYE BAR BSTAN PA DANG, BYANG CHUB SEMS DPA' RNAMS KYIS MDZAD PA'I RGYAS 'GREL DANG, RGYUD NI RGYUD GZHAN DU GSUNGS PAS SHES PAR BYA'O ZHES RGYUD GZHAN NAM, BYANG CHUB SEMS DPA'I 'GREL BA 'DI LTA BU'AM BLA MA DAM PA'I MAN NGAG SOGS GANG YANG RUNG BA'I RJES SU 'BRANGS NAS RTOGS DGOS PAR GSUNGS PA'I PHYIR RO, ,RGYUD GZHAN GYI RJES SU 'BRANGS NAS RTOGS PAR BYED TSUL NI GTZO BOR BSHAD RGYUD LA BRTEN NAS RTZA RGYUD KYI DON RTOGS PAR BYED PA YIN LA, 'DUS PA BDE MCHOG LA SOGS PA RGYUD GCIG NA MI GSAL BA'I LAM GYI CHA GCIG NAS SHES DGOS PA'ANG YOD DO, ,DE LTA MA YIN PAR MNGON SHES MED PAS RGYUD KYI 'GREL PA GTAN NAS BYAR MI RUNG BAR SMRA ZHING, 'PHAGS YUL GYI PAn+tI TA MNGON SHES MED PAR 'DUS PA LA SOGS PA'I RGYUD KYI 'GREL BA CHEN PO DAG BYED PA RNAMS LA 'CHAD PAR 'GYUR BA'I NYES DMIGS DAG 'BYUNG BAR 'GYUR RO ZHES DPAL LDAN ZLA BA GRAGS PA SOGS LA ZUR ZA BA'I TSIG DOL PHYOGS, SMRA BA LA ZHUGS PA DAG NI, RANG NYID MNGON SHES THUN MONG BA TZAM YANG THOB PA'I PHYOGS NA YANG MI GNAS PAR RGYUD CHEN MO DAG LA 'GREL BA DANG MTSAN BU DANG BSHAD PA BYED PA LA THE
, ,TSOM MED PAR 'JUG BZHIN DU DE LTAR SMRA BA RANG GI TSIG LA CO 'DRI ZHING, RANG NYID KYI NGANG TSUL RTOG PA LA MI MKHAS BZHIN DU DAM PA MA YIN PA'I LAM STON PA LA ZHUGS PA STE, 'PHAGS PA KLU SGRUB NI RGYAL BA RANG NYID KYIS THEG PA BLA NA MED PA GSAL BAR BYED PAR LUNG BSTAN PA, RDO RJE 'DZIN PA'I SA SKU TSE DE NYID LA MNGON DU MDZAD CING, DUS KYI 'KHOR LO'I RGYUD PHYI MAR YANG KLU SGRUB KYI MTSAN DNGOS SU SMOS NAS DES MDZAD PA'I SKU GSUM LA STOD PA'I LUNG DRANGS PA LA SOGS PA RGYU MTSAN DU MA ZHIG GIS RGYUD DON THOG MAR 'GREL BA'I SROL 'BYED PA LA'ANG SHAM+BHA LA'I RIGS LDAN DAG DANG 'KHRUL PA MI MNGA' BAR KHYAD PAR MED LA, DE NYID DANG, DE NYID KYI DNGOS KYI SLOB MA MCHOG GI DNGOS GRUB BRNYES PA'I 'PHAGS PA DAG DNGOS SU YUN RING DU BSTEN PA'I MAN NGAG BLA NA MED PA MNGA' BA RIG PA 'DZIN PA'I SA BRNYES PA'I DPAL LDAN ZLA BA LTA BU LA RGYUD KYI 'GREL BA BYED PA'I MTSAN NYID DANG MI LDAN NA, GSUNG RAB KYI DON 'BYED PA LA RIGS PA'I MIG BU DANG BRAL BA'I DMUS LONG LTA BU DAG LA DE BAS KYANG RGYUD KYI DON 'DI LTA BU'O ZHES SMRA BA'I NUS PA LTA GA LA YOD, YANG KHA CIG MNGON SHES MED PA 'PHAGS PA'I GO 'PHANG MA THOB PA TZAM LA BYED PA'ANG MI 'THAD DE, BLA MED KYI THUN MONG MA YIN PA'I LAM GYI ZAB GNAS DAG NI NYAN RANG 'PHAGS PA DANG PHAR PHYIN GYI THEG PA CHEN PO TZAM GYIS 'PHAGS PA RNAMS KYI'ANG SPYOD YUL MA YIN PA'I PHYIR RO, ,DE NI TSIG GI DON BSHAD PAR BYA STE, GONG DU BSHAD MA THAG PA LTA BU'I THUN MONG MA
YIN PA'I MNGON SHES MED PA'I SKYES BU GANG ZHIG DPAL LDAN RDO RJE THEG PA LA GNAS SHING ZHUGS NAS, RGYUD DON 'GREL PA'I LAM SPEL THOG MAR 'BYED PA LA RANG DGAR ZHUGS PA DANG, RTOG GE NGAN PA'I BSTAN BCOS DU MA YI RJES SU 'BRANGS NAS RANG GZHAN GYI RNAM RTOG GIS BTAGS PA'I CHOS KYI SNYING STE SEMS DANG LDAN ZHING MI MKHAS BZHIN DU MKHAS PA NYID KYI MNGON PA'I NGA RGYAL GYIS DREGS PA DANG LDAN PAS RGYUD KYI 'GREL BSHAD TE RGYAS 'GREL CHEN PO DAG BYED PA DE NI GLANG CHEN LONG BA CHANG GIS MYOS PA'I SNA LA RAL GRI'I 'KHOR LO 'CHANG BA GA-YUL DU ZHUGS PA BZHIN DU DGRA YI RGYUD BDUD KYI DPUNG NI RGYAL BA'I SLAD DU GANG GNAS PA DE YI RANG GI RGYUD CHOS KYI DPUNG NI NYAMS PAR BYED PA'I PHYIR 'DI NI RTAG TU BDUD KYI GNYEN DU GYUR PA YIN NO, ,DE LTA BU'I DGRA'I RGYUD RGYAL BA DANG, RANG GI RGYUD NYAMS PAR BYED TSUL RGYAS PAR 'CHAD PA NI, RGYUD DON MI SHES BZHIN DU MKHAS PA'I MNGON PA'I NGA RGYAL DANG LDAN PA RGYAL BA'I BDAG PO'I GSUNG GI DGONGS DON NI MI SHES PA'I NGANG TSUL CAN DGONGS DON BLTA BA LA RTAG TU LONG BAR GYUR BAS KHYOD KYIS SROG CHAGS BSAD PAR BYA, ZHES SOGS KYI RDO RJE'I TSIG DAG SGRA JI BZHIN PAR 'CHANG BA'I THEG MCHOG SNGAGS KYI 'GREL BSHAD DAM RGYAS 'GREL BYAS TE, RANG NYID 'GYOD PA LA SOGS PA'I SGRIB PA LNGA DANG NI SROG GCOD PA SOGS MI DGE BA'I LAM LA GNAS NAS BUD MED LA 'DZAG PA'I BDE BAS SEMS DRANGS SHING DPAL LDAN SHES RAB PHYAG RGYA CHEN MO'I BDE BA LAS NYAMS TE RING DU GYUR PA, RDO RJE'I TSIG DAG SGRA JI BZHIN PAR BZUNG BAS DGONGS PA'I DON BCOM ZHING, PHYI YI
, ,LONGS SPYOD DAM PA MA YIN PA'I BZA' BTUNG DANG BUD MED LA SOGS PA LA CHAGS PA DAG GIS ZIL GYIS MNAN PA DE NI RANG GI RJES SU 'JUG PA'I LONG BA GZHAN DAG NGAN SONG DU LTUNG DU BCUG NAS RANG YANG DMYAL BAR RAB TU 'JUG PA'O, , GNYIS PA YANG DAG PA'I 'GREL BA'I YON TAN BSHAD PA LA GNYIS, RGYUD DON 'GREL BA'I SROL THOG MAR 'BYED PA'I RGYAS 'GREL RTZOm PA PO'I MTSAN NYID RDZOGS PAR BSHAD PA, DE 'DRA BA'I BYED PA POS BYAS PA'I 'GREL BA'I YON TAN BSHAD PA'O, ,DANG PO NI; 'ON RGYUD DON 'GREL BA'I SROL 'BYED PA LA 'KHRUL PA PRAL BA'I RGYAS 'GREL BYED PA PO JI LTA BU ZHE NA, STON PA NYID KYIS RGYAL BA'I BDAG PO'I BDE BA TSE 'DI LA STER BA'I RDO RJE THEG PAR GANG ZHIG LUNG BSTAN PA THAB CING, RDO RJE MCHOG MI 'GYUR BA'I BDE BA CHEN PO GNYIS SU MED PA'I YE SHES RANG RGYUD LA 'DZIN PA, 'JIG RTEN DBANG PHYUG BDAG 'DRA'I BYANG CHUB SEMS DPA' DAG RGYUD DON MTHONG DAG NI RGYAS PAR 'CHAD PA'I 'GREL BSHAD DAG DANG RGYUD BSDU BA MDZAD PAR 'OS PA STE, DE DAG RDO RJE THEG PA 'DIR NI, RGYUD DON GANG ZHIG SMRA BA THAMS CAD RANG GI RNYED BKUR SOGS LA LTA BA MA YIN PAR LHA DANG LAG 'GRO MI RNAMS SMIN PA'I DON DU SANGS RGYAS KYI MTHU LAS TE BYIN GYIS BRLABS PA LAS SMRA BA YIN LA, TSIGS SU BCAD BSDAMS BSTAN PA LTA BU GANG DAG SNGAR BSHAD PA DE 'DRA BA'I MNGON SHES LNGA MED PA DE DAG RNYED BKUR SOGS KYI DON DU BDAG CAG RGYAL BA'I DBANG PO YIN ZHES BDEN PA MIN PA RDZUN GYI TSIG SMRA BAR 'GYUR RO, ,DBANG 'GYUR LAS, BDAG 'DRA'I BYANG CHUB
SEMS DPA' MTHA' DAG PA'O, ,DE RNAMS 'DI NI LHA DANG ZHES BSGYUR RO, ,GNYIS PA LA GNYIS, RGYUD DON MA BSHAD PA DANG LOG PAR BSHAD PA'I SKYON 'JOMS PA'I BYED LAS DANG, RGYUD DON RTOGS NAS NYON MONGS BAG CHAGS DANG BCAS PA 'JOMS PA'I BYED LAS SO; ;DANG PO NI, MA 'ONGS PA'I DUS NA PHYI ROL DAR MA ZAD SANGS RGYAS PA YANG RTAG TU RTOG GE DANG SGRA LA SOGS PA'I BSTAN BCOS LA YID GTAD PA'I BLOS LTA BA MI MTHUN PA SNA TSOGS PAR 'GYUR ZHING, DER MA ZAD PHYI ROL PA SOGS GZHAN GYI RTOG GE DANG PHRAD PA'I DBANG GIS LTA BA LOG PA 'BYUNG BAR 'GYUR TE, DE LTAR LOG PA'I RTOG GE LA YID GTAD PA DE YIS 'DOD PA'I YUL RDO RJE THEG PA LA PHYAG RGYA CHEN MO'I LAM NI RANG DGAR STON PAR BYED PA GANG YIN PA DE DAG NYID KYI BLO GROS NGAN PAS BYAS PA'I MA BSHAD PA DANG LOG PAR BSHAD PA'I SKYON NI 'JOMS PAR BYED PA'I 'GREL BSHAD DAM RGYAS 'GREL PAD+MA DKAR PO BDAG GIS BRI BAR BYA'O ZHES BYA BA'O, ,RTOG GE NI RGYU MED RTOG GE BA YIS BTAGS, ZHES PA LTA BU PHYI ROL PA'I GZHUNG TZAM LA RTOG GER BYAS PA DANG, RTOG GE BRTEN CING MA NGES LA, ZHES PA LTA BU DNGOS PO'I GNAS LUGS RTAGS LA BRTAN NAS DON SPYI'I SGO NAS RTOGS DGOS PA LA RTOG GER BYAS PA DANG, GLING SKYES LA SOGS DE DAG NI, GZHAN GYIS GANG SMRAS SMRA BAR BGYI, ZHES PA LTA BU GZHAN GYI TSIG TZAM LA BRTEN PA LA RTOG GER BYAS PA DAG LAS 'DIR NI RTOG GI LTAR SNANG BA DAG YIN GYI TSAD MA SDE BDUN LA SOGS PAS BSTAN PA'I DNGOS PO STOBS ZHUGS KYI RIGS PA LA RTOG
, ,GER BYAS PA DE DAG GI RJES SU 'BRANG BAR MI BYA ZHES RANG GI RIGS PA MI SHES PA RGYU MTSAN DU BYAS NAS PAD+MA DKAR POS TSAD MA'I GZHUNG RGYA CHEN PO DE DAG GI RJES SU 'BRANGS NAS SHAS PAR BYED DGOS PAR 'GREL CHEN LAS DNGOS SU GSUNGS PA LA SKUR PA GDAB PAR MI BYA'O, ,KHA CIG 'DI SHES SGRIB SPONG BA DANG, 'OG MA NYON SGRIB SPONG BA LA 'CHAD MOD KYANG, RGYUD DON LA LOG PAR RTOG PA'I BLO NGAN GYI SKYON NI NYON MONGS KUN BRTAGS KYANG SHIN TU MANG BAS 'GRIG PAR MI SEMS SO, ,GNYIS PA NI, SKYON 'JOMS PA LTA BU'I BYED LAS CAN GYI RGYAS 'GREL DE'I 'DOD DON STER BA LA SOGS PA'I YON TAN CI LTA BU CAN YIN ZHE NA, DE LA SRID PA 'KHOR BA NI RGYA MTSO DANG, KUN MKHYEN RGYAL BA'I GO 'PHANG NI 'JIG RTEN GSUM GYI BDAG PO DANG, BDAG PO DE GANG GIS STER BAR BYED PA'I YE SHES BLA NA MED PA NI YID BZHIN GYI NOR BU RIN PO CHE DANG, SHES RAB PHYAG RGYA CHEN MO RLUNG DAR DANG, MCHOG TU MI 'GYUR BA'I BDE BA GZINGS DANG RGYAS 'GREL MNYAN PA 'AM DED DPON MKHAS PA DANG CHOS MTSUNGS PA'I SGO NAS DE DAG GI GZUGS SU BKOD PA GZUGS CAN GYI RGYAN DU SBYAR NAS STON PA NI, 'DZAG PA'I BDE BA LA CHAGS BRAL MED PA'I ZHES PA NAS GSOD PA LA SOGS MI DGE BA'I LAS KYI RTA GDONG DANG NYON MONGS PA'I CHU PHRAD PA'I SDUG BSNGAL GYI KHOR MO'I SGRA GRAG PA SID PA'I CHU GTER LA NI DPAL LDAN RDO RJE THEG PA'I 'GREL BSHAD 'DI MNYAN PA LTA BU STE, RGYU MTSAN GANG GI PHYIR NA,
SHES RAB PHYAG RGYA CHEN MO'I RLUNG GI DAR GYIS MYUR DU 'GRO ZHING MI GNAS PA'I MYANG 'DAS SRID PA'I PHA ROL TU PHYIN PA DON DU GNYER BA'I SKYES BU CHEN PO RNAMS DAM PA'I BDE BA'I GZINGS KYIS MYUR DU BRGAL BAR BYED PA'I SLAD DU 'GREL BA DE NI GZINGS KYI LAM GYI 'DREN MA DED DPON DANG, NYON MONGS BAG CHAGS DANG BCAS PA'I BDUD TSOGS 'JOMS PA MKHAS PA'I YANG DAG YE SHES NI YID BZHIN NOR BU LTA BU STE, 'GREL BA 'DIS GDUL BYA DAG DE'I GLING DU KHRID NAS 'JIG RTEN GSUM GYI BDAG PO RGYAL BA'I GO 'PHANG NYID STER BA'I THABS 'DI NI KUN TU STON PAR BYED PA'I PHYIR NA'O, ,DBANG 'GYUR LAS 'DOD CHAGS MTHA' YAS CHU LA RNAM 'BYED MED DANG ZHES BSGYUR LA, CHAGS BRAL MED PA ZHES PA'I THAD KYI RGYA DPER, BI BE KA RA HEE TA, ZHES 'BYUNG BA'I BE KA NI 'BYED PA LA 'JUG PAS RNAM 'BYED DANG BRAL ZHES PAR BSGYUR NAS GNAS DANG GNAS MA YIN PA RNAM PAR 'BYED PA'I SHES RAB DANG BRAL BA LA BSHAD PAR BYA'O ZHES MKHAS PA DAG GSUNG NGO, ,BZHI PA YANG DAG PA'I LAM LAS MI GOL BA'I THABS BSHAD PA LA BZHI, GANG LAS GOL BAR MI BYA BA PHYAG RGYA CHEN MO'I LAM MDOR BSTAN PA, DE LAS GOL BA'I RGYU 'DZAG PA DE LAM DU 'DZIN PA SPANG BAR GDAMS PA; PHYAG RGYA CHEN MO'I LAM BRJOD PAR BYED PA'I SGRA BZANG PO 'BA' ZHIG LA ZHEN PA SPANG BAR GDAMS PA, CHEN PO RNAMS KYI SGRA PHAL PA LAS KYANG RTOGS PAR BYA BA'I PHYAG RGYA CHEN MO'I LAM RGYAS PAR BSHAD PA 'PHROS DANG
, ,BCAS PA'O, ,DANG PO NI, GANG ZHIG CES SOGS RKANG PA GNYIS TE GO SLA'O, ,GNYIS PA NI, PHYAG RGYA MO CHEN MO LA BRTEN NAS MI 'GYUR BA'I BDE BA BSGRUB PA'I LAM DE BOR BA STE DE LA MI 'JUG PAR NOR LA CHAGS SHING 'KHYOG PO'I SNYING LDAN LAS KYI PHYAG RGYA DANG YID KYIS BTAGS PA TZAM GYI SHES RAB MA YE SHES KYI PHYAG RGYA DAG KHO NA SANGS RGYAS NYID KYI SLAD DU GANG GIS BRTEN PAR BYED PA DE NI RNAM PAR BRTAGS PA'I BLO CAN LAS DANG YE SHES KYI PHYAG RGYA DE YIS BSGRUB PA DE YANG KHAMS 'PHO BA THOB PAR BYED KYI MCHOG TU MI 'GYUR BA'I BDE BA CHEN PO'I GO 'PHANGS THOB PAR MI 'GYUR RO, ,DE TZAM DU MA ZAD BLA NA MED PA'I SNGAGS KYI SGRUB PA POS KHAMS PHYIR 'DZAG PA'I BDE BA LA CHAGS PA LAS NI BDE CHEN MI 'THOB PA TZAM DU MA ZAD SDIG PAR 'GYUR TE, GANG GI PHYIR NA THUN MONG MA YIN PA'I TSAD MED PA BZHI ZANG PAR BYED PA'I PHYIR RO, ,'DI LTAR 'DZAG PA'I SGO NAS 'DOD CHAGS KYI GDU DANG NYAMS PAR BYAS PA LAS SNYING RJE ZAD PAR 'GYUR LA, SHIN TU SDUG MA STE SRED PA SOGS DANG LDAN PA'I PHYAG RGYA DE LA NI ZHE SDANG SKYE BAS BYAMS BZAD PAR BYED CING, SDANG BA LAS GTI MUG SKYE BAS BDE CHEN DANG MI 'BREL BA'I DGA' BA ZAD PAR BYED LA, GTI MUG 'DI LAS RANG GI RDO RJE'I BYANG SEMS PAD+MAR LHUNG BAR BYAS PA LAS SEMS NI RTAG TU RMONGS TE BTANG SNYOMS ZAD PAR 'GYUR RO, ,TSANGS PA'I GNAS BZHI PO 'DI BDE BA CHEN PO GCIG PU LA LDOG PAS PHYE BA STE, BDE CHEN NYID LA TSANGS PA'I GNAS BZHI 'JOG PA SANGS RGYAS THOD PA'I RGYUD LAS KYANG BSHAD DO, ,GZHAN
YANG MCHOG MIN TE STON PAS BKAG PA'I BZA' BA DANG BTUNG BA LA SOGS MA LUS PA DGONGS PA'I DON MA SHES PAS BSTEN 'DI 'DOD PA'I YUL GZHAN DAG LA 'DZEM MED DU RAB TU 'JUG PA DE YIS RANG GI SEMS LA CO DRIS PA STE YANG DANG YANG DU 'TSE BAR BYAS PAS BDE BA NYAMS SHING LAS NGAN PA'I DBANG GIS SKYE BA DRUG TU 'KHOR BAR 'GYUR RO, ,GSUM PA NI, KHA CIG NA RE, KUN MKHYEN LAM DON ZHES SOGS KYIS TSIG LA RTON PA BKAG NAS DON LA RTON PAR BSGRUB LA BRJOD PA DE NYID YE SHES MA YIN ZHING, ZHES SOGS KYIS RNAM SHES LA RTON PA BKAG NAS YE SHES LA RTON PA DANG 'KHOR BA YI NI BDE BA RANG, MI RTAG PA, ZHES SOGS KYIS DRANG DON LA MI RTON NGES DON LA RTON DGOS PAR BSTAN PA YIN NO ZHES SBYOR YANG GZHUNG DE DANG DE LA RTON PA DE DANG DE'I TSUL 'CHAD PA'I LDOG PA CI'ANG MI SNANG NGO, ,DES NA RGYUD DU MA ZHIG LEGS SBYAR SKAD KYIS GSUNGS PAR MTHONG PAS 'KHRUL GZHI BYAS NAS, BRJOD BYA LHAN SKYES KYI YE SHES STON PA LA RJOD BYED KYANG LEGS SBYAR GYI SKRAD DGOS KYI, SGRA NYAMS PA'AM ZUR CHAG GI SGRA LA LHAN SKYES KYI DON ZAB MO MI SRID DO SNYAM DU SKAD BZANG PO LA, MNGON PAR RTEN PA 'GOG PA YIN TE, 'DI LTAR KUN MKHYEN GYI LAM GTZO BOR DON DU GNYER BA RNAMS LA LEGS SBYAR GYI SGRA DANG SGRA MIN TE, SGRA NYAMS PA GAD ZHIG GI BRJOD BYA YIN ZHES RNAM PAR DPYAD PA LA DGOS PA CHEN PO MOD DE, SNA TSOGS PA'I YUL SKAD NGAN PA BOD SKAD LA SOGS PA YIS KYANG PHYAG RGYA CHEN MO DON DU GNYER BA CHEN MO RNAMS KYI LAM ZAB MO LA RTAG TU 'JUG NUS PA'I PHYIR RO, ,
, ,DE'I RGYU MTSAN YANG THAMS CAD MKHYEN PA'I GSUNG NI SEMS CAN RNAMS KYI MOS PA'I SEMS KYI DBANG GIS RANG RANG GI SKAD DANG MTHUN PA'I GSUNG GIS ZAB MO'I LAM STON PAS GZHAN LAS MCHOG TU GYUR PA YIN LA, BRDA SPROD PA DAG LA GRAGS PA LHAS BKOD PA'I A'IN-TRA BYA KAR nA LTA BU'AM KLUS BKOD PA MH'A shA LTA BU'I SGRA DANG SOGS KYIS BSDUS PA RNAM DBYE DANG TSIG DANG YI GE LA SOGS PA NYI TSE BA LA LHAG PAR ZHEN PA NI RTZOD PA DON GNYER RNAMS KYI CHOS LUGS GZHAN YIN PA'I PHYIR RO, ,LUNG STON DAG CES PA DBANG GIS BRDA SPROD PA LA ZHES BSGYUR BA LTAR RO, ,'O NA YUL SKAD NGAN PA LAS KYANG ZAB MO RTOGS PA'I TSUL JI LTA BU ZHE NA, PHYAG RGYA CHEN PO DON DU GNYER BA'I RNAL 'BYOR LDAN PAS SGRA BZANG POR MA ZAD YUL GYI SKAD THA MAL BA DANG PUR CHAG GI SGRA LAS KYANG ZAB DON KHONG DU CHUD PAR 'GYUR ZHING, DE GNYIS LAS RJOD BYED NGAN PA MI 'DZIN PAR BRJOD BYA BZANG POR GYUR PA'I DON NI 'DZIN PAR BYED DE, DPER NA, CHU LA 'O MA 'DRES NAS NGES PAR ZHUGS PA DE LA, NGANG PAS CHU BZHAG STE 'O MA RAB TU PHYUNG NAS 'THUNG BAR BYED PA BZHIN NO, ,DE NAS DON DAM PA STE MI 'GYUR BA'I YE SHES DE NYID KYI YUL LA SPYOD PA NA, RTAG TU NI STE, DUS NAM YANG PHYAG RGYA CHEN PO DON DU GNYER BA'I SKYES BU CHEN PO RNAM DAG DON DE BRJOD PA'I TSIG BZANG PO LAGS SBYAR KHO NA LA RTON PAS CHED CHER 'DZIN PA MA YIN TE ` RANG GI LTA BA'I 'DOD PA MDOR BSTAN PA LAS JI SKAD DU, KA RA n'A dA PA'I KA RA n'I SGRAS, ,RDO DANG
RKANG PA BRJOD PAR BYAS, ,LA LAR 'ON PA RAB BRJOD DE, DE BZHIN RGYUD RNAMS BSTAN PA'O, ,TZO RE'I SGRA NA 'JIG RTEN 'GAR, ,ZAN GYI DON RAB RTOGS PAR BYED, ,LA LAR CHOM RKUN PA NYID BRJOD, ,DE BZHIN RGYUD DU BSTAN PA RNAMS ZHES 'BYUNG BA LTAR YUL SO SO'I BRDA MI 'DRA BA'I DBANG GIS DON RE RE LA YANG MING MI 'DRA BA DANG, MING RE RE YANG DON MI 'DRA BA SNA TSOGS PA LA 'JUG PA YOD PAS, DON DE LA BRDA BYAS PA'I SO SO'I YUL GYI MING RNAMS KYI DON DE SHES PAR BYED NUS PA LA NGES PAR BSTAN BCOS LA GRAGS PA'I LEGS SBYAR GYI SGRA DAG GI NI DES BZUNG DU CI ZHIG BYA STE DGOS PA MED PA'I PHYIR RO, ,DES NA DON GANG ZHIG LHAN CIG SKYES PA'I YE SHES MA YIN ZHING, DMAN PA'I DON BRJOD PA DE NYID ZUR CHAG GI SGRA DANG, LHAN SKYES KYI YE SHES LTA BU BRJOD PA DE NYID LEGS SBYAR GYI SGRAR GYUR PAS YIN NO ZHES SOGS SU BZUNG BAR BYA BA MA YIN TE, DE LTAR NA SANGS RGYAS KYI GSUNG NI LEGS SBYAR BYA SKAD KHO NAR NGES DGOS SHING, DE LTAR NA LEGS SBYAR LAS GZHAN PA'I SKAD KYIS CHOS STON DGOS PA'I GDUL BYA RNAMS LA CHOS STON MI NUS PAR GDUL BYA'I 'GRO BA NYI TSE BAR 'GYUR BAS, GANG ZHIG 'GRO BA BYE BRAG PA DAG LA RIS SU CHAD PA'I NYI TSE BA'I SKAD DU NGES PA DE NI THAMS CAD MKHYEN PA'I GSUNG MA YIN PA'I PHYIR RO, ,KHA CIG ZUR CHAG SGRA DANG LEGS SBYAR GYI SGRAR GYUR PAS BRJOD PA DE DAG LAS ZUR CHAG DANG SGRA NYAMS PAS NGES PAR BYA BA DE NYID DU GYUR BA NYID DE KHO NA NYID KYI YE SHES MA YIN ZHES 'CHAD PA NI PHYOGS SNGA MA'I LUGS KHAS BLANGS PA YIN LA, GZHAN DOL PHYOGS, RANG, DAG ZUR CHAG GI SGRA DANG LEGS SBYAR GYI SGRAR GYUR PA GANG
, ,GIS BRJOD KYANG DE KHO NA NYID KYI YE SHES MA YIN TE, YE SHES NI THA SNYAD LAS 'DAS SHING SO SO RANG GIS RIG PAR BYA BA YIN PA'I PHYIR RO, ,ZHES 'CHAD PA NI YE SHES SGRA'I BRJOD BYA MA YIN PA YE SHES KYI ZAB KHYAD DU 'DOD PA'I LUGS DE NYID 'ONGS PA STE, YE SHES GZHI MA GRUB PA DANG SANGS RGYAS KYI GSUNGS GIS DE KHO NA NYID KYI YE SHES LAN CIG KYANG GDUL BYA LA MA BSTAN PAR SMRA BA'I PHYOGS 'DI LA 'OG TU ZHING PAR BRTAG PAR BYA'O, ,BZHI BA CHEN PO RNAMS KYI SGRA PHAL PA LAS KYANG RTOGS PAR BYA BA'I PHYAG RGYA CHEN MO'I LAM RGYAS PAR BSHAD PA 'PHROS DANG BCAS PA NI, 'O NA YUL SKAD NGAN PA YIS KYANG CHEN PO RNAMS KYI LAM LA RTAG TU 'JUG ,CES SOGS GONG DU BSHAD PA RNAMS KYIS KUN MKHYEN DON DU GNYER BA DAG GIS YUL GYI SKAD PHAL PA LA BRTEN NAS KYANG RTOGS PAR BYA BAR GSUNGS PA'I PHYAG RGYA CHEN MO DE GANG ZHE NA, MCHOG TU MI 'GYUR BA'I BDE BA CHEN PO DON GYI DBANG BZHI BA DE NYID NI SANGS RGYAS RNAMS KYI SHES RAB MA PRA PHAB PA'I RANG BZHIN GYI GZUGS DANG DBYER MI PHYED PA'I YE SHES TE, GANG ZHIG DBANG BZHI PA DE NI RGYUD GZHAN DU SLAR YANG DE BZHIN 'DI STE, BZHI PA DE YANG DE BZHIN NO, ,ZHES MI GSAL ZHING SBAS PAS BSTAN LA, RGYUD 'DI NYID DU RANG GI PHYAG RGYA CHEN MO CHES GSAL BAR RGYAL PAS GSUNGS SO, ,BSHAD SBYAR LAS BZHI PA NI LHAN CIG SKYES PA'I DGA' BA'I THIG LE 'GOG PA ZHES BSHAD DO, ,'DIR GANG DOL PHYOGS, DAG DBANG GSUM PA'I SHES RAB YE SHES THAR PA'I LAM MA YIN PAR SMA BA NI DBANG GANG MA
RNAMS KYI NANG NAS KYANG DBANG BZHI PA KHO NA MA GTOGS GZHAN RNAMS THAR PA'I LAM MIN PA DANG, SBYOR BA YAN LAG DRUG GI NANG NAS KYANG TING NGE 'DZIN GYI YAN LAG MA GTOGS YAN LAG GZHAN RNAMS THAR LAM MA YIN PAR SMRA BA RDZOGS RIM PHAL CHE BA LA LAM MA YIN NO ZHES SKUR PA 'DEBS PA'O, ,'O NA PHYAG RGYA CHEN MO LAS GZHAN PA'I SHES RAB MA LA 'DZAG PA'I BDE BAS LHAN SKYES SKYED PAR MI NUS SAM ZHE NA, SHES RAB MA BUD MED DANG 'GREGS PA LAS GANG GIS KHAMS DKAR PO PHYIR ZAGS PA DE YI LHAN CIG SKYES BA'I BDE BA THABS CI YIS 'PHEL BAR 'GYUR NA STE MI 'PHEL TE, RTEN NYAMS PA'I PHYIR RO, ,DPER NA, DPYID KYI DUS DANG 'GROGS PA LA ME TOG MA RGYAS PA KHA 'BUS TZAM NAS LHUNG BA'I SHIR TZU TA'I 'BRAS BU CI YIS 'BYUNG STE MI 'BYUNG BA BZHIN NO, ,'O NA SKYE BO THAMS CAD 'GYUR BA'I BDE BA TSOL BA CI ZHI NA, SKYE BO GANG GIS BDE BA NI 'DOD LA 'GYUR MED MA THOB PA DE NI 'GYUR BA DANG BCAS PA'I BDE BA TSOL ZHING DE LAS SDUG BSNGAL BCAN DU GYUR TE, DPER NA BYA BZHIN THAMS CAD SKOM PA'I CHES LA BAB PA'I CHU NI TSOL BAR BYED CING, DE YANG BA TSVA DANG BCAS PAS SLAR SKOM PA 'PHEL BAR 'GYUR LA, BYA TZ'A TA KA GCIG PU SKOM PAR GYUR KYANG SA LA GNAS PA'I CHU 'THUNG BA MA YIN PA BZHIN NO, ,'O NA SDUG BSNGAL BSKYED PA DE BDE BA'I DON DU TSOL BAR MI RIGS SO ZHE NA, BYIS PA RNAMS 'KHOR BA YI NI BDE BA MI RTAG PA DE DAG KYANG JI LTAR BTZAL BA BZHIN DU 'THOB PA MA YIN YANG RMONGS PA CHEN PO'I DBANG
, ,DU SONG BAS 'BAD NAS TSOL BAR BYED CING DE LAS SDUG BSNGAL BAR 'GYUR LA MKHAS PA NA YANG DAG PA 'KHOR LO BSGYUR BA'I RGYAL SRID KYI BDE BA THOB PA YANG THAR PA 'THOB PA'I DON DU MCHIL SNABS LTAR 'DOR BAR BYED DO, , KHA CIG 'DIR PHYAG CHEN LAS MI 'GYUR BA'I BDE BA THOB PA YANG, THABS MKHAS PA BDEN PA MTHONG BA DAG MI GNAS PA'I MYANG 'DAS KYI DON DU 'DOR BAR BYED CES PA NGES DON GYI BSHAD PAR BYED DE, DE'I RGYUR BDEN PAR ZHEN PA'I TSUL RANG NGAM, GYIS BSTEN PAR MI BYED PA'I 'DOR BA LA BSAMS NA MA GTOGS NGES DON GYI BSHAD PAR 'GRO BA DKA' 'O, ,'O NA MI 'GYUR BA'I BDE BA DE DKA' THUB PA'I TSANGS PAR SPYOD PA'I BDE BA DANG MTSUNGS SAM ZHE NA ` MI MTSUNGS PAR STON PA NI ` JI LTAR ZHES SOGS RKANG PA BZHI STE ` SENG GE RI DVAGS ZA BA LO RI'I 'TSAMS SU LAN RA 'KHRID PA DANG, RDO PHYE ZA BA'I PHUG REN DUS RTAG TU 'KHRIG PA BYED PA GNYIS GA LA MCHOG GI BDE BA MED PA DE BZHIN DU, DKA' THUB PA RMI LAM LTA BUR LAN RE TZAM 'DZAG CING 'CHING MI NUS PA DANG, KHYIM PA RTAG TU 'JAG PA GNYIS GA'ANG MCHOG TU MI 'GYUR BA'I BDE BA MED PAR MTSUNGS SO ZHES BYA BA'I DON YIN GYIS, KHU BA 'DZAG NA 'KHOR BA'I SDUG BSNGAL SPANGS PA'I THAR BA TZAM YANG MI 'THOB PAR STON PA MA YIN PAS, 'CHAR KAS KHU BA 'BYIN PA'I DGE 'DUN LHAG MA SPYAD KYANG NYAN THOS DGRA BCOM THOB PAS 'DI LA GNOD PA CI YANG MED DO, ,DKA' THUB PAS NYIN PAR GNYID SAD PA'I TSE BSAMS BZHIN DU KHU BA PHYUNG BA DANG RMI LAM DU
PHYUNG BA LA LTUNG BA BSKYED MI BSKYED KYI KHYAD PAR YOD PA LTAR 'DIR YANG MCHOG GI BDE BA'I BGEGS BYED MI BYED KYI KHYAD PAR YOD PA MA YIN NAM ZHE NA, JI LTAR GNYID LOG PA LA YANG SPRUL GYI NI SO BTAB PA DANG SAD PA'I TSE BTAB PA GNYIS GA LA SROG MI 'TSO BAR 'DRA BA DE BZHIN DU DKA' THUB PA RMI LAM DU 'DZAG PA YANG PHYAG RGYA'I RANG STOBS KYIS KHU BA 'CHING BA'I STOBS MED MA BUD MED KYI SKYE GNAS DANG SBYAR BA DE YIS KHU BA NYAMS PAR BYAS PA DANG MCHOG TU MI 'GYUR BA'I GEGS SU 'DRA'O, ,DE'I RGYU MTSAN RMI LAM DU 'JIG PA DE LA'ANG RNAL 'BYOR GYI STOBS KYIS KHU BA BSDUD CING 'CHING BA'I NUS PA MED PA'I PHYIR RO, ,'O NA PHYAG RGYA LAS SKYES PA'I BDE BA DE MCHOG GI LAM YIN NA DES SEMS KYI DRI MA DAG PAR BYED DGOS PA LA, BDE BA DE NKYID KYIS SLAR 'CHING BA MA YIN NAM CHE NA, JI LTAR RDO DREG SKUD PA'I GOS DAG NI ME YIS BSREGS PA NYID KYIS GOS MI 'TSIG CING DRI MA DAG PAR 'GYUR BA DE BZHIN DU SKYES BU RNAMS KYI DAM PA YI SEMS NI SHES RAB MA DANG SNYOMS PAR ZHUGS PA'I CHAGS PA CHEN PO'I YE SHES KYI ME DAG GIS DRI MA MED PAR BYED DO, ,'DI LA BSHAD SBYAR DU ` 'O NA SAD PA DANG RMI LAM DANG GNYID MTHUG PO'I GNAS SKABS KYI BDE BA DE KHO NA NYID MA YIN NA MI 'GYUR BA'I BDE BA DE MA NING GI BDE BA BZHIN DU MI 'GYUR RAM ZHES PA'I 'TSAMS SBYOR BYAS SO, ,GAL TE PHYAG RGYA'I PAD+MA DANG RDO RJE SBYAR BAS KHAMS GA-YO BAR 'GYUR BA MA YIN NAM, JI LTAR NA DE LAS MI 'GYUR BA'I BDE BA SKYE ZHE NA, JI LTAR TE DPER NA DNGUL CHU NI ME YIS REG PA LAS THABS DANG BRAL NA 'BRES PAR BYED KYI GA-YO BA MED PAR MI 'GYUR PA DE BZHIN DU THABS ZAB MO
, ,DANG BRAL BA'I KHU BA NI BUD MED KYI SKYE GNAS LA REG PA DAG LAS DE'I DUS RTAG TU 'DZAG PAR 'GYUR RO, ,JI LTAR DNGUL CHU ME DANG PHRAD NA GA-YO BA DE YANG SMAN GANG ZHIG ZANGS KYI 'DAB MA LA BYUGS TE MER BCUG PA TZAM GYIS GSER DU BYED PA'I RDZAS KHYAD PAR CAN DANG, SOGS KYI SGRAS MI KA+shI KA DANG BIM LA LA SOGS PA'I RO RNAMS DANG, KA KA+shI DANG K'A PI LA SOGS PA'I NYE BA'I RO RNAMS DANG, SHR'Im GA DANG K'A LA K'U tA LA SOGS PA'I DUG RNAMS DANG, DZAM+BHA LA LA SOGS PA'I BSAM GTAN DANG SNGAGS KYI STOBS KYIS DNGUL CHU'I GNAS SKABS LNGA PO DU BA 'BYUNG BA DANG, TZEG TZEG ZER BA DANG, SBAL BA LTAR MCHOD PA DANG, 'DAR ZHING GA-YO BA DANG, CUNG ZAD KYANG MI GA-YO BA DANG LDAN LAS, SMAN DANG SRAGS LA SOGS PA'I THABS KYIS ZIN PA'I DNGUL CHU DE ME DANG YANG DAG PHRAD PAS DU BA LA SOGS PA GNAS SKABS DANG PO BZHI'I SKYON SPANGS NAS GNAS SKABS LNGA PA CUNG ZAD KYANG MI GA-YO BA'I TSUL GYIS 'CHING NGO, ,DE LTAR BCINGS PA'I DNGUL CHUS LCAGS DANG ZANGS LA SOGS PA'I KHAMS ZOS NAS GSER DU BSGYUR BAR BYED DO, ,DE BZHIN DU SKYE GNAS LA REG PAS GA-YO BAR 'GYUR BA'I KHU BA YANG GZUGS SGRUB DANG SROG SGRUB KYI SHIN TU RNAL 'BYOR GYI THABS KYIS ZIN PA NA, BYANG CHUB KYI SEMS 'DZAG PA DANG, DAL BAR 'JIG PA DANG, GA-YO BA DANG, DAL BAR GA-YOB DANG, CUNG ZAD KYANG MI GA-YO ZHING DRI MA MED PA'I MCHOG STE GNAS SKABS LNGA LAS, SHES RAB GSUM PO DAG DANG RIM PA BZHIN YANG DAG PHRAD PAS KHU BA'I GNAS SKABS DANG PO BZHI'I DRI MA SPANGS TE CUNG ZAD KYANG GNAS GZHAN DU MI GA-YO BA'I GNAS SKABS
LNGA PAR GYUR PA'I TSUL GYIS 'CHING LA, DE LTAR BCINGS PA'I KHU BAS LUS KYI BEM PO'I KHAMS ZA BAR BYED CING SEMS MI 'GYUR BA'I BDE BA CHEN POR BSGYUR BAR BYED DO, ,DE YANG RDO RJE SNYING 'BREL LAS, DU BA DANG NI CEG TZEG DANG, ,SBAL PA BZHIN DU MCHOD PA DANG,, GA-YE BA DANG NI MI GA-YO BA, ,BCUD KYI GNAS SKABS LNGA PA'O, ,'DZAG DANG DE NAS DAL BAR 'DZAG ,GA-YO DANG NGAL GA-YO DRI MED MCHOG ,BSDAMS PA YI NI BYANG CHUB SEMS, ,GNAS SKABS RNAM PA LNGAR 'GYUR RO, BA GA-CI BA'I RTEN SBYOR GYIS, JI LTAR DNGUL CHU 'DZIN PA LTAR, ,RTEN GYI THABS KYI SBYOR BA YIS, ,BYANG CHUB SEMS NI DE BZHIN BZUNG, ,GNAS KYI SKABS KYI SBYOR BA YIS, ,DNGUL CHU GA-YO BA MED PAR BYA, ,BCUD LEN MDAR MED MA BYAS DANG, ,SEMS NI DRI MED MA BYAS NA, ,LUS KYI PHYIR DANG GROL BA'I PHYIR, ,NOR GYI PHYIR DANG BDE MED PHYIR, ,JI LTAR RO YIS ZANGS BSGYUR NA, ,SLAR YANG ZANGS SU 'GYUR MI SRID, ,DE BZHIN YE SHES LUS BSGYUR NA, ,SLAR YANG 'GRO DRUG 'KHRUL MI SRID, CES PA SOGS RGYA CHER GSUNGS PA DANG 'DIR YANG LE'U LNGA PAR 'CHAD PAR 'GYUR BA LTAR RO, ,'O NA PHYAG RGYA CHEN MO DE THABS GANG GIS THOB PAR 'GYUR ZHE NA, JI LTAR ME YI KHAMS NI SHING LA RTAG TU GNAS KYANG SHING RTA RES GCOD PA DANG, SHING GRI CHUNG NGUS SO SOR DBYE BA'I THABS KYI DE ME MTHONG STE, 'ON KYANG GTZUB SHING DANG GTZUB STAN GNYIS LAG PAS BSRUBS PA LAS SHING DE LA GNAS PA'I ME'I KHAMS DAG KYANG MTHONG BAR 'GYUR BA DE BZHIN DU, SEMS KYI 'OD GSAL PHYAG RGYA CHEN MO DE YANG DKYIL 'KHOR SOGS RTOG PAS BTAGS PA YI, SGOM PA'I THABS
, ,RNAMS DAG GIS MI MTHONG STE, 'ON KYANG MTHONG BAR 'GYUR RO, ,GANG NA 'OD GSAL STONG PA NYID KYI GZUGS 'DI'O, ,THABS GANG LA BRTEN NAS NI RKYANG MA DAG DANG NI RO MA LA RGYU BA'I RLUNG GNYIS DBU MAR GCIG TU SBYOR BA'I THABS LAS SO,, TSUL JI LTAR ZHE NA, RANG GI SEMS KYIS BTAGS NAS SGOMS PA MA YIN KYANG RANG GI SEMS KYI SNANG BA STONG GZUGS DE NYID SHAR BA'I TSUL GYIS SO, ,DE YANG SSTONG GZUGS TZAM MA YIN GYI KHYAD PAR BA STONG GZUGS PHYAG RGYA CHEN MO'O, ,RTOG PA'I SGOM PA'I THABS DAG GIS MI MTHONG ZHES GSUNGS PA DE LA RTOG PA'I BSGOM PA JI LTA BUS MI MTHONG ZHE NA, DE NYID 'CHAD PA NI, SNA TSOGS ZHES PA LA SOGS PA STE, 'DI DAG GI DON LA LOG PAR RTOG PA DGAG PA DANG, TSIG GI DON BSHAD PA GNYIS SO, ,DANG PO NI, RGYUD 'DI'I {RANG DOL PHYOGS SOGS} RDO RJE SLOB DPON CHEN PO DU MA ZHIG 'DI SKAD DU, DKYIL 'KHOR GYIS 'KHOR LO BSGOM PA'I BSKYED PA'I RIM PA RTOG SGOM GYIS LAM DANG, DER MA ZAD GCIG DANG DU BRAL SOGS KYI RTAGS LAS BDEN MED DU GTAN LA PHAB PA'I STONG NYID SGOM PA'ANG, PHUNG PO RNAM BCAD KYI STONG NYID SGOM PA'I RTOG SGOM YIN PAS DE LTA BU DANG, GZHAN YANG MTSAN BCAS KYI RDZOGS RIM RTZA GNAS SU THIG LE DANG YI GE DANG GTUM MO'I ME LA SOGS PA SGOM PA'ANG RTOG SGOM YIN PAS DE LTA BU'I RTOG SGOM 'JIG RTEN PA'I LAM THAMS CAD NI MCHOG GI DNGOS GRUB KYI RGYU MA YIN LA, DON 'DI LTAR MDOR BSDUS DANG PO'I GZHUNG 'CHAD MA THAG PA 'DI DAG DANG YE SHES LE'U'I MCHOG MI 'GYUR GYI SKABS
LAS 'CHAD PAR 'GYUR BA DAG GI DON DU SMRA'O, ,'DI DAG NI GSANG SNGAGS BLA NA MED PA'I LAM GYI RTZA BA GCOD PA'I LOG PAR RTOG PA YIN PAS THOG MAR BSKYED RIM MCHOG GI DNGOS GRUB KYI RGYU MA LEN PAR 'DOD PA LA CUNG ZAD BSHAD PAR BYA'O, ,DE YANG 'DI LTAR SMAR BRA NI LUNG DANG RIGS PA'I GNOD PAMI ZAD PA'I SKOR GYUR PA 'DI LTAR, RGYUD KYI LE'U LNGA'I GO RIM NGES PA'I RGYU MTSAN DANG 'GAL, RGYUD KYI DGOS SOGS CHOS BZHI'I RNAM BZHAG GSUNGS PA DANG 'GAL, DBANG BDUN GYI 'BRAS BU 'GRUB TSUL DANG 'GAL, 'TSANG RGYA BA'I RGYUD TSOGS GSUM KA LA BSLAB DGOS PAR GSUNGSPAD ANG 'GAL, RTEN DANG BRTEN DANG PA'I DKYIL 'KYOR BSGOM PA'I SBYANG GZHI 'CHAD PA DANG 'GAL, BSKYED RIM GYI DKYIL 'KHOR LA NANG GI RTZA RLUNG THIG LE'I DAG PA SBYOR ZHING PHRA THIG GI RNAL 'BYOR BSGOM TSUL DANG 'GAL; BZLOG TU MED PA'I GNONG PA GZHAN DU MA BSTAN PA'O, ,DE LA 'GAL BA DANG PO NI, BCUD KYI SEMS CAN LA DE'I RTEN SNOD KYI 'JIG RTEN SNGON DU 'GRO DGOS SHING, DBANG BSKUR BA LA GANG GIS BSKUR BA DANG GANG LA BSKUR BA'I GANG ZAG SNGON DU 'GRO DGOS LA, BSOD NAMS KYI TSOGS SU GYUR PA DKYIL 'KHOR GYI 'KHOR LO BSGOM PA'I SNOD DU RUNG BA LA DBANG BSKUR BA DE'I RGYUR 'GO DGOS PA DANG, YE SHES KYI TSOGS KYIS PHYAG RGYA CHEN MO'I DNGOS GRUB BSGRUB PA LA DE'I RGYUR BSKYED RIM BSOD NAMS KYI TSOGS SNGON DU 'GRO DGOS PA'I RGYU MTSAN GYIS DANG PO 'JIG RTEN KHAMS LE, DE NAS NANG LE DBANG LE SGRUB LE YE SHES LE'U'I RIM PAS GSUNGS PA YIN PAR 'GREL CHEN LAS GSUNGS LA, BSKYED RIM MCHOG GI DNGOS GRUB KYI RGYUR 'GRO BA MI SRID NA, YE SHES KYI TSOGS
{tIK CHEN} *, ,KYI PHYAG RGYA CHEN PO 'GRUB PA BSKYED RIM RGYUR SNGON DU 'GRO BA LA LTOS PA 'GAL BA'I PHYIR RO, ,'GAL BA GNYIS PA NI, 'GREL CHEN DU 'CHAD PAR 'GYUR PA LTAR 'JIG RTEN PA'I DBANG SBYIN PAS BSKYED RIM BSGOM PA MTHAR PHYIN TE BSOD NAMS KYI TSOGS KYI DON BYED PA DGOS PA DANG, 'JIG RTEN LAS 'DAS PA'I DBANG SBYIN PAS RDZOGS RIM BSGOM PA MTHAR PHYIN TE PHYAG RGYA CHEN PO MCHOG GI DNGOS GRUB THOB PA NYID DGOS SU GSUNGS PA DANG 'GAL TE, DE GNYIS RGYUD KYI DGOS PA DANG NYID DGOS YIN NA, RJES SU 'GRO LDOG MI 'KHRUL PA'I RGYU 'BRAS SU 'BREL DGOS PA'I PHYIR RO, ,GAL TE BSKYED RIM NGES PAR RDZOGS RIM GYI RGYUR 'GRO DGOS KYANG BSKYED RIM MCHOG GI DNGOS GRUB KYI RGYUR MI 'GYUR NA BRGYUD RGYUS RGYU'I GO MI CHOD PAR SMRA DGOS PAS SBYOR BA YAN LAG DRUG GI YAN LAG DANG PO LNGA DANG, TING NGE 'DZIN GYI YAN LAG GI'ANG THA MA MA GTOGS THAMS CAD SANGS RGYAS KYI RGYU MA YIN PA DANG, 'JIG RTEN LAS 'DAS PA'I DBANG GONG MA BZHI'ANG SANGS RGYAS KYI RGYU MA YIN PA DANG 'KHOR BA'I THOG MA YOD PA LA SOGS PA HA CANG THAL BA'I NYES PA DU MA ZHIG TU 'GYUR RO, ,'GAL BA GSUM PA NI 'GREL CHEN LAS, DBANG BDUN GYI 'BRAS BU 'CHAD PA'I SKABS SU, GAL TE DKYIL 'KHOR GYI 'KHOR LO MNGON SUM DU BYAD NA, DE'I TSE LUS 'DI NYID KYIS SA BDUN GYI DBANG PHYUG NYID DU 'GYUR RO, ZHES DBANG BDUN THOB PAS BSKYED RIM BSGOMS TE DKYIL 'KHOR GYIS 'KHOR LO MNGON SUM DU BYED NUS PA'I BSKYED RIM MTHAR PHYIN PA TSE DE NYID LA GRUB NA DE'I STOBS
KYIS TSE DE NYID LAS BDUN GYI DBANG PHYUG TU 'GYUR BA DANG, GAL TE SA BDUN GYI DBANG PHYUG MA THOB PAR TSE'I DUS BYAS NA YANG TSE 'DIR BSKYED RIM GRUB PA'I MTHUS SKYE BA PHYI MA LA GDON MI ZA BAR SA BDUN PA THOB PAR GSUNGS TE, 'GREL CHEN LAS, CI STE MI DGE BA BCU DANG BAL STE SHI BAR GYUR NA DE'I TSE DE NAS DGE BA'I DBANG GIS SA BDUN GYI DBANG PHYUG NYID DU 'GYUR RO, ZHES PA NGES PA STE BSOD NAMS KYI TSOGS KYIS SO, ZHES GSUNGS PAS SO, ,KHYOD LA NI 'DI THAMS CAD MI RUNG STE, DE MCHOG GI DNGOS GRUB KYI RGYUR MI RUNG NA DE LA BRTEN NAS SA BDUN GYI DBANG PHYUG TU 'GYUR BA 'GAL BA'I PHYIR RO, ,'GAL BA BZHI PA NI, DPAL LDAN RGYUD DANG 'GREL BA LAS RDZOGS PA'I SANGS RGYAS KYI RGYUR BSOD NAMS DANG TSUL KHRIMS DANG YE SHES KYI TSOGS GSUM LA BSLAB DOGS PAR GSUNGS NAS, DE'I BSOD NAMS KYI TSOGS NI BSKYED RIM LA LAN CIG MA YIN PAR BSHAD PA DANG 'GAL TE, BSKYED RIM MCHOG GI DNGOS GRUB KYI RGYUR 'GRO BA MI SRID NA DE MA BSGOMS PAR YANG 'TSANG RGYA BA YOD DGOS PAS, TSOGS MA LUS PAR MA RDZOGS PA'I SANGS RGYAS YOD PAR THAL BA'I PHYIR RO, ,'GAL BA LNGA PA NI, SGRUBS THABS LE'UR DKYIL 'KHOR GYI RTEN DANG BRTEN PA THAMS CAD PHYI NANG GI SBYANG GZHI DANG RGYAS PAR SBYAR NAS GSUNGS SHING, GTZO BO MNGON BYANG LNGA LAS BSKYED TSUL BAR DO'I RNAM SHES SROG RLUNG GI BZHON PA CAN PHA MA'I KHU KHRAG GI DBUS SU 'JUG PA'I TSUL DANG SBYAR LA, DE NAS DKYIL 'KHOR RGYAL MCHOG GI SKABS NI MNGAL GYI GNAS SKABS DANG SBYAR ZHING, LAS RGYAL MCHOG NI MNGAL NAS BTZAS PA PHAN CHAD KYI GNAS SKABS DANG SBYAR BA 'DI LA DOGS PA CI ZHIG YOD,
, ,SRID PA SKYE 'CHI'I RIM PA DE SBYANG GZHIR BYAS NAS DE DANG RNAM PA MTHUN PA'I BSKYED RIM BSGOM PAS DE SBYONG BA'I DON DU YIN NAM, 'ON TE DE DAG SBYANG GZHIR BYED PA MA YIN GYI PHYI NANG GI CHOS DE DAG DANG 'DRA CHOS SGRIG PA TZAM ZHIG BYED PA GANG YIN PA SMRES SHIG ,DANG PO LTAR NA BSKYED RIM DE DAG SBYONG BYED KYI LAM DU KHAS LEN DGOS PAS MCHOG GI DNGOS GRUB KYIS RGYUR MI 'GYUR BA SHIN TU NYAMS SO, ,GNYIS PA LTAR NA, BSKYED RIM BSGOM RGYU RNAMS PHYI NANG GI CHOS DE DAG DANG 'DRA BAR MA SHES PAR BSGOMS PA LAS 'DRA BAR SHES NAS BSGOMS PA LA RTOG LDAN LA NYE BAR 'KHO BA'I DGOS PA LHAG PO CI ZHIG YOD, 'DRA TSUL DE 'DRA MA SHES KYANG BSKYAD RIM BSGOMS PAS LHA'I RNAM PA LA GSAL SNANG MTHAR PHYIN PA 'GRUB LA, DE LA BRTEN NAS BSGRUBS PAS 'JIG RTEN PA'I DNGOS GRUB CHEN PO DAG 'GRUB PAR NUS LA, KHYED LTAR NA BSKYED RIM LA DGOS PA DE TZAM ZHIG TU ZAD PA'I PHYIR RO, ,GAL TE DE 'DRA'I PHYI NANG DANG 'DRA TSUL MA SHES PAR BSGOMS KYANG LHA LA GSAL SNANG LEGS PAR GRUB PA DANG 'JIG RTEN PA'I DNGOS GRUB 'GRUB PA MI SRID NA RGYUD SDE 'OG MA GSUM LA LHA'I RNAL 'BYOR MTHAR PHYIN PA DANG RIG PA 'DZIN PA DANG MIG SMAN RIL BU LA SOGS 'JIG RTEN PA'I DNGOS GRUB CHEN PO DAG GRUB PA MI SRID PAR THAL LO, ,'GAL BA DRUG PA NI, DKYIL 'KHOR GYI 'KHOR LO RGYAS PA LA YANG NANG LUS KYI RTZA RLUNG THIG LE'I DAG PA RGYAS PAR SGRUB THABS LE'UR YANG GSUNGS SHING, NANG LER LHA DANG LUS KYA RTZA SO SO'I SBYOR TSUL RGYAS PA DANG, KHYAD PAR
PAD+MA GDAN CAN GYI LHA RNAMS RTZA'I GTZO BO RNAMS DANG SBYOR TSUL BYE BRAG TU GSUNGS PA NI, LUS KYI RTZA LA SOGS PA DE DANG DE LHA DE DANG DE'I NGO BOR BSGOM ZHING, LHA DE DANG DE YANG RTZA LA SOGS PA DE DANG DE'I NGO BOR MOS NAS BSGOMS PAS LUS KYI RTZA RLUNG THIG LE THAMS CAD LHAS BYIN GYIS BRLABS NAS LAS RUNG DU GYUR TE, LUS LA GNAD DU BSNUN PA'I RDZOGS RIM BSGOMS PA NA RTZA SO SO'I RLUNG DANG KHAMS DKAR DMAR THAMS CAD JI LTAR 'DOD PA BZHIN GEGS MED PAR MYUR DU 'DU BA LA SOGS PA'I SGO NAS RDZOGS RIM RGYUD LA SKYE BA'I SMIN BYED KHYAD PAR CAN DU 'GYUR PA'I CHED YIN LA, BSKYED RIM PA'I PHRA THIG GI RNAL 'BYOR GYI SKABS SU BDE STONG SBYOR BA 'BAD NAS BSGRUB PA NI RDZOGS RIM GYI BDE BA CHEN PO'I SMIN BYED DU BSGRUB CING BSGOM PA YIN GYI, BSKYED RIM GYIS DGOS PA 'JIG RTEN PA'I DNGOS GRUB BSGRUBS PA 'BA' ZHIG YIN NA, DE THAMS CAD LA DGOS PA CI'ANG MED DE RGYUD SDE 'OG MA GSUM GYI LHA'I RNAL 'BYOR LA BRTEN NAS 'JIG RTEN PA'I DNGOS GRUB CHEN PO DAG BSGRUB PA BZHIN NA, ,DE LTAR NA BSKYED RIM GYI DGOS PA GTZO BO NI RDZOGS RIM SMIN BYED DU BSGOM PA YIN PAS MCHOG GI DNGOS GRUB BSGRUB PA'I LAM GYI RMAD YIN LA, SBYANG GZHI LHAG MA MED PAR SBYANGS NAS DRI BRAL DU BYED PA'I DNGOS KYI RGYU'I GTZO BO RDZOGS RIM YIN KYANG, SBYANG GZHI SRID PA SKYE 'CHI BAR DO'I SBYONG BYED LA SMIN LAM DANG GREL LAM GNYIS SU BYAS PA'I SMIN BYED KYI LAM NI BSKYED RIM YIN NO, ,'DIR MI SHES PA KHA CIG SKYE SHI BAR DO SOGS KYI NANG GI CHOS RNAMS SBYANG BYA YIN GYI SBYANG GZHI MA YIN LA, SBYANG GZHI NI BDE GSHEGS SNYING PO'O ZHES SMRA BA NI,
, ,BDE GSHEGS SNYING PO STONG GZHIR BYAS PA DE 'DUS BYAS KYI TSOGS KYIS STONG BA LUNG PA CHUS STONG PA LTA BU'I NYI TSE BA'I STONG NYID BLO LA BZHAG CING, BSKYED RIM GYIS SBYANG GZHI SBYONG BA DANG SEMS KYI CHOS NYID LA GLO BUR GYI DRI MA LAM GYIS SBYONG BA GNYIS KYI SBYONG TSUL GYIS SHAN MA PHYED PA'I NOR PA MI 'TSAM PA STE, 'DIR BSKYED RIM GYI SBYANG GZHI ZHES PA'I GZHI NI LAM GYIS SBYANG DGOS PA'I GZHI DUS KYI CHOS YIN PAS GZHI ZHES BYA'I DGAG BYA GZHI GANG GI STENG DU 'GOG PA'I GZHI LA ZER BA MA YIN PAS, TSUL DE NI MGO BO'I COD PAN DANG 'DOM DKRIS GCIG TU 'DZIN PA'I MUN SPRUL LO, ,BDUN PA BZLOG TU MED PA'I GNOD PA GZHAN YANG BSTAN PA NI, SGRUBS THABS LE'UR RAL GRI'I RIG 'DZIN LA SOGS PA DANG; MKHA' SPYOD DANG RI LU LA SOGS PA 'JIG RTEN PA'I DNGOS GRUB CHEN PO RNAMS SGRUB TSUL DANG ZHI BA LA SOGS PA'I LAS RAB 'BYAMS RNAMS SGRUB TSUL 'CHAD PA'I SNGON DU, DE DAG LHA JI LTA BU'I RNAL 'BYOR LA BRTEN NAS BSGRUB PA 'CHAD PA NA; 'GREL CHEN LAS, 'DIR BCOM LDAN 'DAS DUS KYI 'KHOR LO DPA' BO GCIG PA 'AM, SHES RAB DANG THABS KYI BDAG NYID DAM, LNGA'I BDAG NYID LA SOGS PA NI, ZHAL LA SOGS PA'I DBYE BA RNAMS KYIS ZHI BA LA SOGS PAR 'GYUR RO, ZHES SOGS KYIS DUS 'KHOR DPA' BO GCIG PA 'AM, LHAN SKYES TZAM GYIS RNAL 'BYOR LA GOMS PAR BYAS PAS KYANG 'JIG RTEN PA'I DNGOS GRUB DE DAG 'GRUB PAR GSUNGS LA, DE LTAR NA BSKYED RIM BSGOM PA LA DGOS PA DE LAS LHAG PA
CI'ANG MED PAS DPAL LDAN RGYU SKAR KYI DKYIL 'KHOR DANG, BSDUS RGYUD DU BSTAN PA'I SKU GSUNG THUGS YONGS RDZOGS KYI DKYIL 'KHOR LA SOGS PA SHIN TU RGYA CHEN PO'I DKYIL 'KHOR DE DAG SGRUB PA'I THABS GSUNGS PA NI DGOS PA MED PA'I SPROS PA 'BA' ZHIG RGYAL BAS GSUNGS PA DANG, DE DAG BSGOM PA RNAMS KYANG DPA' BO GCIG PA TZAM BSGOM PA LA LTOS NA NGAL BA TZAM ZHIG SNYING POR ZAD PAR THAL LO, ,KHO BO CAG LTAR NA NI BSKYED RIM GYI DGOS PA GTZO BO SNGAR BSHAD PA LTAR YIN PA LA, DPA' BO GCIG PA TZAM BSGOM PA SOGS LA NI SBYANG GZHI SBYONG BA DANG, RDZOGS RIM GYI SMIN BYED DU 'GRO BA'I GNAD MA RDZOGS SHING, DKYIL 'KHOR GYI 'KHOR LO THUGS DKYIL DANG YONGS RDZOGS SOGS CI TZAM RGYAS PA TZAM GYIS SBYANG GZHI SBYONG BA DANG, RDZOGS RIM GYI SMIN BYED DU 'GYUR BA'I GNAD RDZOGS LA RGYAS PA'I KHYAD PAR YOD PAS DGOS PA MCHOG TU GYUR PA GONG NAS GONG DU LHAG PA YOD DO, ,GZHAN YANG SNGAGS BLA MED KYI BSKYED RIM BSGOM PA'ANG SANGS RGYAS KYI RGYUR MI 'GYUR NA, RGYUD SDE 'OG MA GSUM GYI LHA'I RNAL 'BYOR DE BAS KYANG SANGS RGYAS KYI RGYUR 'GRO DON MED CING, RGYUD SDE 'OG MA GSUM LA RDZOGS RIM NI MED PAS RGYUD SDE 'OG MA GSUM LA PHA ROL TU PHYIN PA'I THOG PA CHEN PO LAS SANGS RGYAS KYI RGYU'I KHYAD CHES LHAG PO CI'ANG MED PAR 'GYUR BA'I PHYIR, DE 'DRA BA'I GSANG SNGAGS PA YA MTSAN NO, ,THEG PA CHEN PO'I SEMS BSKYED KYIS ZIN CING STONG NYID RTOGS PA'I SHES RAB DANG ZUNG DU CHUD PA'I SGO NAS SNGAGS BLA MED KYI LHA'I RNAL 'BYOR BSGOM STE MCHOD BSTOD BZLAS PA
, ,SOGS BYED PA THAMS CAD SANGS RGYAS KYI RGYUR MI 'GYUR NA, SEMS BSKYED DANG LTA BAS ZIN PA DANG MA ZIN PA'I SKU GZUGS BZHENGS PA, GSUNG RAB KLOG PA, TSA TSA, PHYAG DANG SKOR BA, MCHOD PA 'BUL BA SOGS DE BAS KYANG SANGS RGYAS KYI RGYUR 'GRO DON MED LA, RTOG BSGOM YIN PA SANGS RGYAS KYI RGYUR MI RUNG BA'I SGRUB BYED DU SMRAS PAS NI, DANG BA DANG, SNYING RJE DANG, SPONG SEMS DANG GTONG BA'I SEMS PA LA SOGS PA RTOG PAS BYA DGOS PA THAMS CAD SANGS RGYAS KYI RGYUR 'GRO MI SRID PAR SMRAS SHING, SO SKYE'I RGYUD LA SANGS RGYAS KYI RGYUR 'GYUR BA'I GNAS LUGS RTOGS PA'I SHES RAB MI SRID DGOS PA'I PHYIR LEGS TSOGS MTHA' DAG GI RTZA BA BCAD PA YIN NO, ,RTOG SGOM LAS MI RTOG PA SKYE MI SRID DE 'BRAS BU RGYU DANG RJES SU MTHUN PAR 'BYUNG DGOS PA'I PHYIR, RDO RJE SNYING 'GREL LAS, JI LTAR JI BZHIN RGYU YIN PA, ,DE DANG DE BZHIN 'BRAS BUR 'GYUR, ,KHRE TSA RNAMS LAS SA LU NI, ,NAM YANG SKYE BAR MI 'GYUR RO, ZHES GSUNGS PA'I PHYIR RO ZHE NA, 'O NA SEMS CAN THAMS CAD LA GDOD MA NAS 'DUS BYAS KYI MI RTOG YE SHES KYANG MNGON DU GYUR ZIN PA'AM, YANG NA SEMS CAN GCIG LA YANG 'DUS BYAS KYI MI RTOG YE SHES SKYE MI SRID PAR 'GYUR TE, RANG RGYUD LA 'DUS BYAS KYI MI RTOG YE SHES SKYE BA LA DE'I RIGS 'DRA'I RGYUR RANG RGYUD KYI MI RTOG YE SHES GZHAN NGES PAR SNGON DU 'GRO DGOS PA'I PHYIR RO, ,GZHAN YANG 'GREL CHEN LAS, DE LTAR BSKYED PA'I RIM PA DANG RDZOGS PA'I RIM PAS DUS KYI 'KHOR LO'I SGRUB THABS BCOM LDAN 'DAS 'JAM DPAL GYIS GSUNGS SO ZHES BSKYED RIM DUS 'KHOR BSGRUB PA'I
THABS SU GSUNGS PA LA, KHYED NI MCHOG BSGRUB PA'I THABS GTAN NAS MA YIN PAR SMRA ZHING, RANG NYID SGRUB THABS BSGOM PA DANG DKYIL 'KHOR BSGRUB CING MCHOD PA SOGS THAMS CAD KYI SNGON DU SANGS RGYAS THOB PAR BYA BA'I PHYIR DU DE DAG BYA'O ZHES DAM 'CHA' BA DANG, RJES SU DE'I RGYUR BSNGO BA THAMS CAD RI BONG GI MGO LA RvA 'KHRUNGS PA'I PHYIR DU DE DAG BYED PAR DAM 'CHA' ZHING BSNGO BAS RGYAS 'DEBS PA DANG KHYAD PAR MED PAR 'GYUR PAS RANG NYID LA RANG GIS CO 'DRI BAR BYED PA'O, ,'ON KYANG KHO BO CAG GIS BSKYED RIM SANGS RGYAS KYI DNGOS RGYU MA YIN PAR SMRAS PA YIN GYI, GTAN NAS RGYU MA YIN PA ZHE BA'I 'DOD PA MA YIN NO ZHES KHA CIG SMRA BAR BYED NA, DE LTA NA MCHOG TU LEGS KYIS, 'ON KYANG BRTAG GNYIS SU, AE MA BYANG CHUB SEMS DPA' CHE, ,DAD PA'I SHUGS KYIS RAB TU NYAMS, ,LUS KYI DNGOS MED GA LA BDE, ZHES SOGS KYIS BSKYED RIM SANGS RGYAS KYI RGYUR GSUNGS PA DRANG DON DGONGS PA CAN YIN PAR DAM BCAS NAS DE'I DGONGS GZHI DANG DGOS PA DANG DNGOS LA GNOD BYED RNAMS RGYAS PAR SMRAS PA DANG KHAS BLANGS DNGOS SU 'GAL BA'I NYES PA 'CHOS PA LA GDOD NAN TAN BYA BAR RIGS SO, ,GZHAN YANG BDE MCHOG BSTOD 'GREL DU, MDON BRJOD 'BUM PA'I LUNG DANG SA PA LAS, 'JIG RTEN KUN RDZOB BDEN PA YIS, ,'JIG RTEN DNGOS GRUB BSGRUB PA'I PHYIR, ,SNGAGS BZLAS DE BZHIN CHOG DANG; ;RNAM RTOG BSGOM PA RAB TU GSUNGS, ,DON DAM BDEN PA GSUNGS PA NI, ,YE SHES SKU NI RAB BSGRUB PHYIR, ,KUN RTOG THAMS CAD SPANGS PA YI, ,BSGOM PA DE BZHIN GSHEGS PAS GSUNGS, ZHES 'BYUNG BA'I DON YANG TSIGS BCAD DANG PO NI, KUN
, ,RDZOB BDEN PA LA BRTEN NAS BSKYED RIM PA'I SNGAGS KYI SKU RTOG PAS BTAGS NAS BSGOM PA DANG SNGAGS BZLAS PA SOGS MTHAR PHYIN NA RDZOGS RIM LA LTOS MI DGOS PAR DE TZAM GYIS 'JIG RTEN PA'I DNGOS GRUB 'GRUB PAR STON CING, TSIGS BCAD PHYI MAS KUN RTOG SPANGS PA STE RTOG PAS BTAGS PA MA YIN PAR DNGOS GNAS LA LHA'I SKUR LANGS PA'I RDZOGS RIM PA'I YE SHES KYI SKU MA BSGRUB NA, RGYAL BA'I YE SHES KYI SKU MI 'GRUB PAS GTZO BOR DE'I DON DU GSUNGS PAR STON PA YIN TE, RDZOGS RIM MED NA MI 'GRUB PA DANG RDZOGS RIM MA YIN PA'I RGYU YANG YOD PA LA 'GAL BA CI ZHIG YOD, GZHAN YANG 'DI LTA BUS MTSON NAS LUNG GI DON RNAMS TSUL BZHIN DU BSHAD PAR BYA ZHING, MDOR BSDUS 'DI NYID KYI GZHUNG GI DON NI DA LTA NYID DU TSIG DON BSHAD PAS RTOGS PAR 'GYUR LA, YE SHES LE'U'I GZHUNG GI DON LOG PAR 'CHAD PA DAG GIS LOG PAR RTOG PA SEL BA NI SKABS DE NYID DU 'CHAD PAR 'GYUR RO, ,DE BAS NA RDO RJE THEG PA'I 'BRAS BU LAM BYED KYI THABS KHYAD PAR CAN TSE RABS THAMS CAD DU LHAG PA'I LHAS RJES SU 'DZIN ZHING, RGYUD BYIN GYIS RLOB PAR 'GYUR BA'I SGO DAM PA, LAS KYI SGRIB PA MTHA' YAS PA RNAM PAR SBYOR BA'I DAG BYED KYI CHU BO, RDZOGS RIM BLA NA MED PA RGYUD SDE LAS JI LTAR GSUNGS PA LTAR DKA' BA MED PAR RGYUD LA 'DREN PA'I SMIN BYED KYI RGYU THUN MONG MA YIN PA, SBYANG GZHI SPYOD BYED 'PHROD PA'I GNAD MA LUS PA YONGS SU RDZOGS PA'I DE BZHIN GSHEGS PA'I DKYIL 'KHOR GYI 'KHOR LO BSGOM PA LA RNAL 'BYOR DU BYED PA'I LAM RMAD DU
BYUNG BA 'GOG PA LA NGAL BA BRGYA PHRAG LHUR LEN PA'I MI BZAD PA'I DKA' THUB DE THONG LA BAG YOD PAR BYOS SHIG ,RTZA RLUNG THIG LE BSGOM PA'I RDZOGS RIM LA MTSAN BCAS RTOG BSGOM GYI LAM NGAN PAR 'DOD PA DANG, RIG PAS GTAN LA PHAB PA'I STONG NYID BSGOM PA LAM NGAN PAR SMRA BA'I LOG RTOG GI THA CHAD DE DAG NI 'OG TU RANG RANG GI SKABS SU 'GOG PAR 'GYUR RO, ,DA NI TSIG DON BSHAD PAR BYA STE RTEN DANG BRTEN PA SNA TSOGS PA'I RNAM RTOG LA SOGS PA BSGOM PA BSKYED RIM PA'I LAM GYIS NI PHYAG RGYA CHEN PO'I DNGOS GRUB DE 'THOB PA MA YIN NO, ZHES SBYAR RO, ,'O NA RNAM PA KUN TU BSKYED RIM MCHOG GI DNGOS GRUB KYI RGYUR MI 'GYUR RAM ZHE NA, DE BZHIN GSHEGS PAS GANG GSUNGS PA DE NYID BCU DRUG DANG DGA' BA BZHI'I RAB TU DBYE BA CAN GYI RDZOGS RIM GYI LAM DANG BRAL BA BSKYED RIM RKYANG PAS MI 'THOB PA YIN GYI RDZOGS RIM LA LTOS NAS BSKYED RIM KYANG RGYUR 'GYUR RO, ,'O NA GANG DANG BRAL BAS 'THOB PAR MI NUS PA'I PHYAG CHEN GYI RGYU'I GTZO BO DE YANG GANG ZHE NA, BSKYED PA'I RIM PAR GSUNGS PA'I LHA BSKYED PA'I SA BON H'Um DANG NI KHAMS 'GYUR PA 'GOG PA'I PHAt YIG RDO RJE'I BU GAR 'GOD PA LA SOGS DNGOS PO LA MA GRUB BZHIN DU RTOG PAS BCOS NAS BSGOM PA DANG BRAL BA, RTOG PAS BCOS NAS BSGOM PA MA YIN PAR DNGOS GNAS LA RANG GI LUS LHA'I SKUR LANGS PA'I RDZOGS PA'I RIM PA'I RNAL 'BYOR YE SHES KYI SKU DE DANG LHAN SKYES KYI THUGS DBYER MI PHYED PA NI, MCHOG GI DNGOS GRUB KYI GO 'PHANG MTHAR THUG PA'I DNGOS KYI NYER LEN BYED PAR NUS PA'I RGYU'I GTZO BO DE NYID DE, MCHOG
{t'IK CHEN} *, ,GI DNGOS GRUB DE NYID KYI NI SGRUB THABS DE 'DRA BA'I RDZOGS RIM BSGOM PA LAS GZHAN MA BSGOMS PAR YOD PA MA YIN NO, ,'DIS NI RDZOGS RIM MA BSGOM PAR MI 'GRUB PAR STON GYI RDZOGS RIM MA YIN PA'I RGYU MED PAR MI STON NO, ,SKABS 'DI LA SOGS PA GONG 'OG DU MA ZHIG TU 'DI LTAR GSUNGS PA YANG, BSKYED RIM PA'I LHA'I SKU NI DNGOS POR LA LHA'I SKUR MA GRUB BZHIN DU RTOG PAS BCOS NAS BSGOMS PA'I DBANG GIS YID NGOR LHA'I SKUR SHAR BA TZAM YIN PAS DE TZAM ZHIG GIS MTSAN DPES BRGYAN PA'I LONGS SKU'I DNGOS KYI NYER LEN BYED MI NUS PA DANG SNA TSOGS RNAM RTOG GI LAM ZHES GSUNGS KYI, BSKYED RIM GYI TING NGE 'DZIN LA RTOG BCAS KYI BSGOM GYIS KHYAB PAR SMRA BA NI, TING NGE 'DZIN BSGRUB PA'I TSUL LA BLO KHAM PHYOGS PA STE, BSKYED RIM THOG MAR BSGOM PA'I TSE RTOG BCAS YIN KYANG CI TZAM GOMS PA TZAM GYI GOMS BYA LA GSAL SNANG JE CHER SONG STE BSKYED RIM MTHAR PHYIN PA NA RTEN DANG BRTEN PA'I DKYIL 'KHOR GYI SNANG BA YID SHES LA MNGON SUM DU GSAL BAR SHAR BA'I RTOG MED KYI SHES PAR 'GYUR BA YIN PAS BSKYED RIM GYI TING NGE 'DZIN GYI GTZO BO DE 'DRA BA RTOG BCAS KYI BSGOM GA LA YIN, DE LTA NA YANG DE'I TSE SNANG BA LA MNGON SUM TSAD MA YIN KYANG SNANG GZHIR GYUR BA SNANG BA LTAR RANG GI LUS LHAR GRUB PA YOD MI DGOS LA, KHO BO CAG 'PHAGS PA KLU SGRUB KYIS LEGS PAR BSTAN PA'I RIGS PA'I LAM MTHONG BA'I BLO GROS KYI MIG DANG LDAN PA DAG ,SO SO SKYE BO LA MA 'KHRUL BA'I SHES PA YOD PAR KHAS MI LEN NO, ,YANG DAG
PA DANG YANG DAG BA MA YIN PA'I DON GANG BSGOM KYANG THOG MAR BSGOM PA'I RTOG BCAS KYI BLO DE'I RGYUN GOMS BYA'I SNANG BA GSAL BAR SHAR BA'I RTOG MED KYI SHES PAR 'GYUR BA NI CHOS NYID YIN TE, RIGS PA'I DBANG PHYUG GIS, MI GTZANG ZAD PAR SA LA SOGS, ,YANG DAG MIN PA'ANG BSGOM PA YI, ,STOBS KYIS SPRUL PA RTOG MED DANG, ,GSAL BAR SNANG BA CAN DU MTHONG, ZHES GSUNGS PA LTAR RO, ,RGYUD 'GREL 'DIR PHAGS YIG LA SOGS RTOG PA DANG BRAL BA LA, ZHES PA LTA BU DANG RNAM PAR MA BRTAGS PA ZHES GSUNGS PA DAG KYANG STONG GZUGS KYI SKU KHYAD PAR CAN RJES DRAN GYI SKABS SU GRUB PA LTA BU NI BSKYED RIM GYI LHA SKUR RTOG BAS BCOS PA TZAM GYI SKU'I SNANG BA MA YIN PAR DNGOS PO LA LHA'I SKUR GRUB PA DANG, DE NYID BSGRUB PA'I THABS SU BSGOM PA'I SOR BSAM GYI SKABS SU SHAR BA'I DU BA LA SOGS PA'I STONG GZUGS KHYAD PAR CAN RNAMS KYANG RTOG PAS DU BA LA SOGS PAR BCOS NAS BRTAGS SHING BSGOMS PAS SHAR BA MA YIN PAR RNAL 'BYOR GYI STOBS KYIS RLUNG DBU MAR 'JUG LUGS KHYAD PAR CAN GYI DBANG GIS SHAR BA'I RANG GI SEMS KYI SNANG BA YIN PAS MA BRTAGS PAR NAM MKHA' LA SNANG BA ZHES YANG YANG GSUNGS KYI, YAN LAG DANG PO LHA'I MNYAM GZHAG GI SHES PA RTOG BRAL DU STON PA MA YIN TE, DE YIN NA SO SKYE DANG 'PHAGS PA GZHI MTHUN PA KHAS LEN DGOS PA GDON MI ZA BA'I RGYU MTSAN 'OG TU 'CHAD PA LTAR YIN PAS, MI RTOG PA'I TING NGE 'DZIN GYI RGYUR RTOG BCAS 'GRO MI SRID CES MDO RGYUD THAMS CAD DANG KLU SGRUB THOGS MED SOGS KYIS RGYA CHER BSHAD PA'I LAM BTANG NAS HVA SHANG GI RING LUGS LEN PA LA MCHOG TU RANGS PA THOB PAR MA BYED CIG ,'O NA GANG DANG BRAL BAS PHYAG RGYA CHEN PO'I DNGOS GRUB MI 'THOB PA RDO RJE'I RNAL 'BYOR DE JI LTA BU ZHE NA, SOR BSAM GYIS SROG DBU MAR BCUG PAS DH'U T'I'I NANG DU CHUD PA'I
, ,RANG GI SEMS KYI SNANG BA DU BA LA SOGS PAR SHAR BA'I MTSAN MA KHYAD PAR CAN DAG DANG NI SROG RTZOL DAG GIS RTAG TU RLUNG DBU MAR 'BAB PA DANG, 'DZIN PA SROG DANG THIG LE 'KHOR LO DRUG GI LTE BAR DH'U T'IR 'DOD DGUR 'CHANG BA DANG, RJES DRAN GYI SKABS KYI PHYAG RGYA CHEN MO'I RIG PA'I BRTUL ZHUGS DAG GIS RDO RJE NOR BU'I BYANG SEMS NI PHYIR LTUNG BA MA YIN ZHING DE BZHIN DU KHU BA RANG GNAS BZUNG STE LUS KYI GNAS GZHAN DU YANG MI 'PHYUG PAR DH'U T'I'I NANG NAS STENG DU GTZUG TOR GYIS BAR RIM BZHIN DU BRTZEGS TE MI 'GYUR BAR BYED PA'I LAM 'DI DAG GIS SANGS RGYAS RNAMS KYI NI BDE BA MCHOG TU 'GYUR BA MED PA ZHES RGYUD 'DI LAS MNGON PAR BRJOD PA'AM, RTZA STONG PHRAG BDUN CU RTZA GNYIS 'GAG PA'I RANG BZHIN GYI PHO NYA MO STE, MKHA' 'GRO MA KUN GYI LHAN CIG SKYES PA; BDE MCHOG SOGS LAS MKHA' 'GRO MA'I DRA BA SDOM PA ZHES PA'I MING GIS GSUNGS PA DE NYID THOB PAR 'GYUR RO, ,SNGAR LAM DANG BRAL BAS 'THOB PA MA YIN NO, ZHES BSKYED RIM RKYANG BAS MCHOG MI 'GRUB PAR BSHAD PA LA, 'O NA BSKYED RIM 'BA' ZHIG GIS CI 'GRUB CE NA, LHA'I GZUGS LA SOGS PAR RTOG PA BSKYED RIM GYI 'KHOR LO BSGOM PA 'BA' ZHIG GOMS PAR GYUR PAS NI RIL LU MIG SMAN LA SOGS PA GRUB PA 'JIG RTEN PA DAG 'GRUB PAR 'GYUR TE, 'ON KYANG DE TZAM GYIS 'DOD PA'I DNGOS GRUB CHEN PO MCHOG TU MI 'GYUR BA'I BDE BA DANG ZUNG DU 'JUG PA'I PHYAG RGYA CHEN MO GA LA ZHIG 'THOB STE MI 'THOB PO, ,'O NA LAM ZAB MO DE SANGS RGYAS 'DOD PA KUN LA 'BYUNG NGAM, 'ON TE 'GA' ZHIG TZAM LA 'BYUNG ZHE NA, GANG ZHIG SEMS CAN RNAMS LA BRTZE BA YIS
GZHAN DON DGE BA STE, GZHAN LA PHAN PA'I BYA BA LA RTAG TU BRTZON PA YI NI SLOB MA DBANG BSKUR SOGS KYIS RGYUD DAG PAR BYAS PA'I THEG PA 'DI'I SNOD RUNG RNAMS LA LAM 'DI DAG NI BLA MA DAM PA'I ZHAL GYI DRIN LAS 'BYUNG BA YIN NO, ,LNGA PA LAM BZANG 'PHROG PA'I RGYU SPANGS NAS YANG DAG PA'I LAM SPA BAR BSTAN PA LA GNYIS, LAM BZANG 'PHROG PA'I RGYU SPANG BAR BSTAN PA DANG, DES 'PHROG MI NUS PA'I THABS SU YANG DAG PA'I LAM SBA BAR BSTAN PA'O, ,DANG PO LA GSUM, LAM 'PHROG PA'I CHOM RKUN LA BAG ZON BYA BAR BSTAN PA, SDIG GROGS LA BRTEN NAS LAM BZANG 'DOR BAR 'GYUR BAS DGE BA'I BSHES GNYEN MKHAS PA LA BRTEN NAS BRTAG PAR BSTAN PA, LAM LA BAR DU GCOD PA'I BDUD DO SHES PAR BYAS NAS SPANG BAR BSTAN PA'O, ,DANG PO NI, 'O NA LAM 'DI SLOB MA DAG PA DE LTA BU MA YIN PA'I GANG YANG RUNG BA LA BYIN NA CIR 'GYUR ZHE NA, LAM BZANG RIN CHEN 'DI NI BAG MED PA'I SEMS CAN GZHAN DAG LA BYIN PA NA RANG GI KHYIM STE CHUNG MA MA RUNGS PA'I GNAS 'BROG DGON PA DANG 'DRA BA DAG TU RAB TU ZHUGS PA LA BYIN PA'I LAM BZANG RIN CHEN 'DI YANG YUL NGAN PA LA CHAGS PA'I CHOM RKUN RNAMS KYIS 'PHROG PAR BYED DO, ,DER MA ZAD LAM BZANG PO LA YID MI CHES PA'I THE TSOM DANG, LAS NGAN PA BYAS PA YID LA GCAGS NAS BDAG GIS YANG DAG PA'I LAM MNGON DU BYA MI NUS SNYAM PA'I 'GYOD PA DAG DANG DUS MA YIN PA'I GNYID DANG NI DGE BA LA MI SPRO BA'I LE LO DANG, SEMS RNAM PAR GA-YONGS PA'I
, ,RGOD PA STE SGRIB PA LNGA LA SOGS PA'I CHOM RKUN RNAMS KYIS KYANG BU DANG CHUNG MA SOGS GNYEN 'DUN GYI TSOGS NAGS THIBS PO DANG 'DRA BA'I NANG DU ZHUGS PA YI GANG ZAG DE'I, LAM BZANG RIN CHEN DAG NI 'PHROG PAR BYED DO GZHAN YANG, SROG GCOD NAS LTA BA NGAN PA'I BAR MI DGE BA BCU'I CHOM RKUN DANG, GZHAN LA 'TSE BA DANG, RDZUN DANG 'DOD LOG DANG, MA BYIN LEN DANG CHANG 'THUNG BA STE YOD PA'I SDIG PA LNGA DANG, CHO LO SOGS KYIS RGYAN PO 'GYED PA DANG, KHA NA MA MTHO BA DANG BCAS PA'I SHA ZA BA DANG, SKYES PA DANG BUD MED DANG RGYAL PO DANG RKUN PO DANG DMAG LA SOGS PA'I GTAM BRJOD PA'I TSIG NGAN PA KLOG PA DANG, PHA MES KYI CHED DANG MCHOD SBYIN GYI CHED DU RIG BYED NAS BSHAD PA LTA BU'I MTSUN 'THOR LA SOGS PA BYED PAS GROL BAR BLTA BA 'BYUNG PO'AM YI DvAGS KYI CHOS DANG, SROG GI MCHOD SBYIN SOGS BYED PA KLA KLO 'AM LHA MIN DBANG PO'I CHOS TE NYE BA'I SDIG PA LNGA DANG, BA LANG DANG BYIS PA DANG BUD MED DANG SKYES PA GSONG PA GZHI DANG LHA MI'I BLA MA GSOD PA ZHES PA NI SKU GZUGS DANG MCHOD RTEN BSHIG PA STE GSOD PA LNGA DANG, GROGS PO DANG, RJE BO DANG, SANGS RGYAS DANG YID BRTEN PA'AM BLA MA LA 'KHU BA STE 'KHU BA LNGA DANG YUL LNGA LA DBANG PO MNGON PAR ZHEN PA LNGA STE, CHOM RKUN LNGA PA LNGA PO STE SDE TSAN LNGA PO 'DI DAG GIS LAM BZANG RIN PO CHE NI RTAG TU 'PHROG PAR BYED DO, ,GZHAN YANG SHIN TU ZHES SOGS TE, RGYAL BA NI DRAN SHES BZHIN MED PAR GYUR PA YIN LA, LHAG MA RKANG BA BZHI GO SLA'O, ,DE LTAR NA DE 'DRA BA'I DBANG DU SONG BA LA LAM BZANG SBYIN PAR MI BYA ZHING,
LAM BZANG RIN CHEN LAG TU THOB PA DAG GIS CHOM RKUN DE DAG GIS MI 'PHROG PA'I SLAD DU CHOM RKUN NGO SHES PAR BYA STE NGAG ZON BYA'O, ,GNYIS PA NI RANG NYID KYIS NI THEG PA 'DI YI DGE BA'I BSHES GNYEN GYIS MTSAN NYID LA MKHAS PAR BYA STE, MTSAN NYID DE DAG DANG LDAN PA YIN MIN YONGS SU MA BRTAGS PAR LAM BZANG RIN CHEN RIN THANG CHEN POR GYUR PA YIN NAM MA YIN SHES PAR BYA BA'I PHYIR DU MI SHES KYANG SHES PA LTAR 'CHOS PA'I GA-YON CAN GZHAN LA RTON PAR BYED CING, DE YI TSIG GIS LAM BZANG RIN CHEN LAM NGAN PAR LUNG BSTAN PA LA YID CHES NAS LAM BZANG 'DOR BAR BYED PAR 'GYUR RO, ,DE'I PHYIR THOG MAR DGE BA'I BSHES GNYEN GYI MTSAN NYID LA MKHAS PAR BYAS NAS MTSAN NYID DANG LDAN PA'I DGE BA'I BSHES GNYEN GANG DAG LAM YANG DAG PA'I RIN THANG BZANG PO'I MTSAN NYID RIG PA RNAMS LAM BZANG RIN CHEN RIN THANG CHEN PO YIN MIN YONGS SU RTOG TU GZHUG LA DE DAG RNAMS KYI RNAM PAR DAG PA MI BSLU BA'I TSIG GIS NI RANG GI LAM BZANG RIN CHEN SHES PAR BYA'O, ,RKANG PA DANG PO'I DON LA RANG GI LAM YONGS SU MA BRTOGS PAR STE RTOG MI SHES PAR ZHES MKHAS PA DAG 'CHAD DO, ,GSUM PA NI, DE YANG LAS DANG PO BA DAG LA BDUD NI RDZOGS SANGS RGYAS NAS 'DOD PA'I CHUNG MA YI BAR GYI GZUGS RNAMS DAG GIS LAM LA 'JUG TU MI STER BA DANG LAM LOG PA STON PA SOGS KYI SGO NAS GEGS BYED DO, ,DE'I PHYIR BDUD LAS YONGS SU SHES PAR BYAS NAS SPANG DGOS SO, ,GNYIS PA NI, JI SKAD BSHAD PA'I TSUL
, ,GYIS LAM 'PHROG PA'I 'JIGS PA SHIN TU MANG PA DE'I PHYIR, LAM BZANG PO GCES PAR BSRUNG BA'I DON DU SBA BAR BYA'O, ,GANG NA BLA MA DAM PAS GNANG BA'I LAM BZANG RIN CHEN DAG NI'O, ,GANG GIS NA MCHOG GI DNGOS GRUB 'DOD PA'I SLOB MA YIS SO, ,JI LTAR NA CHOM RKUN LNGA TSAN LNGA LA SOGS PA LAM 'PHROG PA'I RTZA LAG DE DAG YONGS SU BTANG BAR BYAS TE GUS PA CHEN PO'I SGO NAS 'BAD BAS NAN TAN SHIN TU CHEN POS TSUL BZHIN DU LEGS PAR RO, ,DRUG PA DPA' BO'I RIM PA DANG BDAG BYIN RLABS KYI RIM PA GNYIS KYI DRANG NGES BSHAD PA NI, GAL TE DPA' PO'I RIM PA LA SOGS PA MCHOG 'GRUB PA'I LAM GZHAN YANG YOD PA MA YIN NAM, JI LTAR NA PHYAG RGYA CHEN MO'I LAM LA DE TZAM DU GUS PAR BYED CE NA, LHA DRAG PO'I RNAM PA BSGOM PA DPA' BO'I RIM PA DANG, LHA ZHI BA'I RNAM PA BSGOM PA BDAG BYIN GYIS BRLABS PA YI RIM PA DAG KYANG RDZOGS RIM LA MA LTOS PAR DE 'BA' ZHIG GIS 'KHOR BA'I BAG CHAGS MA LUS PA LAS THAR BA'I MCHOG 'GRUB PA'I LAM MA YIN GYI, SHIN TU RNAM PAR DAG PA RDZOGS PA'I RIM PA GCIG PU NI MCHOG GI THAR PA'I SLAD DU DE'I RGYU'I GTZO BOR SANGS RGYAS RNAMS KYIS BSTAN NO, ,GCIG PU ZHES PAS BSKYED RIM LAS GONG NA RDZOGS RIM YOD PA LTAR RDZOGS RIM LAS GONG NA MCHOG GI DNGOS GRUB KYI RGYU GZHAN YOD PA GCOD KYI BSKYED RIM RGYU YIN PA GCOD PA MA YIN NO, ,'O NA DE LTAR BSTAN PA'I RGYU MTSAN CI ZHE NA, THABS DANG SHES RAB KYI RANG BZHIN BLA NA MED PA'I RGYUD DE DAG LA RGYAL BA'I DBANG POS
'TSAMS MED LNGA PO DAG NI BYAS PA RNAMS KYANG TSE DE LA MCHOG GI DNGOS GRUB 'GRUB PA'I GDUL BYAR YANG DAG PAR BZUNG BAR GYUR LA, DE NI DBANG BZHI PA'I LAM GYI DON STONG PA NYID DANG BDE BA CHEN PO NYID NI GANG ZHIG GIS DE 'DRA BA'I LAS SGRIB CHEN PO RNAMS KYANG CHES MYUR BAR ZAD PAR BYED NUS PA'I RGYU MTSAN GYIS YIN GYI, BSKYED RIM 'BA' ZHIG GIS DE LTAR BYED PA MA YIN PAS SO, ,DES NA BCOM LDAN 'DAS KYIS DPA' BO'I RIM PA ZHES GSUNGS PA NI PHYI ROL DRAG PO'I LHA RNAMS BSGOM PA KHO NA LA DGONGS PA MA YIN TE, RDZOGS RIM GYIS LUS LA SROG RLUNG NYI KHRI CHIG STONG DRUG BRGYA ZAD PAR BYED PA NYID LA DGONGS NAS 'DI GSUNGS SO, ,DE BZHIN DU BDAG BYIN GYIS BRLABS PA DAG NI LHA ZHI BA BSGOM PA 'BA' ZHIG MA YIN GYI STONG PA LA KHAMS GSUM PO NI PRA PHAB PA LTAR MTHONG BAR GYUR PA'I MTSAN MA PHYAG RGYA CHEN MO LA DGONGS NAS KYANG DE NYID GSUNGS SO, ,DE YANG 'DIS BSKYED RIM GYI LHA DRAG PO DANG ZHI BA BSGOM PA DPA' BO'I RIM PA DANG, BDAG BYIN RLABS KYI RIM PA MA YIN PAR STON PA MA YIN LA, BSKYED RIM GTAN NAS THAR PA MCHOG GI RGYU MA YIN PAR STON PA 'DI MA YIN GYI, LHA ZHI DRAG BSGOM PA NI DE GSUNGS PA'I RGYUD KYI SGRA JI BZHIN PA'I DON YIN LA RLUNG 'GOG PA DANG STONG GZUGS NI DE'I NGES DON YIN ZHING, NGES DON RDZOGS RIM DE LA MA LTOS PAS SGRAS ZIN GYIS DON DE 'BA' ZHIG GIS MCHOG MI 'GRUB PAR STON PA SNGAR DANG 'DRA'O, ,BSHAD SBYAR LAS, 'O NA KHAMS GSUM PA'I RNAM PA CAN GYI GZUGS MTHONG BA DE LAS JI LTAR KHAMS GSUM PO NYID LOG PA'I
, ,SANGS RGYAS 'THOB PAR 'GYUR ZHE NA ZHES 'TSAMS SBYOR MOD KYANG, SGRUB PA PO'I PHUNG KHAMS SKYE MCHED THAMS CAD 'KHOR BA'I CHOS YIN PA LA 'KHOR BA'I CHOS KYI PHUNG PO LAS SKYES PA'I BDE BAS JI LTAR 'KHOR BA'I CHOS ZAD PA'I MYANG 'DAS THOB CE NA, ZHES DOGS PA BKOD DE 'TSAMS SBYAR NA LAN GYI SKABS KYI SHING SRIN GYI DPE DANG 'BYOR ZHING LEGS SO, ,PHYAG RGYA CHEN MO'I LAM DE'I STOBS KYIS 'KHOR BA SNYING PO MED PA DE, ZAD PAR GYUR PA DE LAS BAR MA CHAD PAR SKYES BU'I LAM BSGOM PA'I 'BRAS BUS SANGS RGYAS NYID 'BYUNG STE, DPER NA SNYING PO MED PA'I CHU SHING GI NI 'BRAS BU SMIN PA DAG NI CHU SHING NYAMS PAS CHU SHING DE RTZA BA NAS YANG DAG PAR 'BYUNG BA BZHIN NO, ,MI 'GYUR BA'I BDE BA DE MA RIG PA'I DBANG GIS BYUNG BA'I LUS 'DI LA BRTEN NAS SKYES KYANG DES SLAR YANG MA RIG PA NYID MA LUS PAR ZAD PAR BYED PA MI 'GAL TE, JI LTAR SDIG PA STE, SRIN BU SHU KA DANG NI SHING SREN KA RKA BA'I RIGS LA SOGS PA'I SEMS CAN RNAMS SHING GANG LAS BYUNG BA DE DAG GI RTZA BA SRIN BU DE NYID KYIS ZOS NAS NYAMS PAR BYED PA DE BZHIN DU THABS SHES GNYIS SU MED PA'I RNAL 'BYOR DAG GIS SEMS MCHOG TU MI 'GYUR BA'I YE SHES DE NI MA RIG PA'I RTZA BA CAN GYI LUS KYI KHAMS LHAN CIG BYED RKYEN DU BYAS PA LAS SKYES KYANG, BDE BA DE NYID BDEN MED RTOGS PA'I SHES RAB TU SKYES PAS 'KHOR BA'I LUS KYI RTZA BA BDEN 'DZIN GYI MA RIG PA BAG CHAGS DANG BCAS PA RIM GYIS SPANGS PA'I STOBS KYIS SGYU MA 'KHOR BA'I LUS KYI RTZA BA BCAD PA'I SGO NAS RNAM PAR NYAMS PAR BYED PA YIN NO, ,'DIR BSHAD SBYAR LAS, 'O NA BYANG CHUB KYI SEMS NI BEM PO'I
KHAMS SU 'DIR BRJOD LA, DE YANG BEM PO MA YIN PA MCHOG TU MI 'GYUR BA'I YE SHES SANGS RGYAS NYID KYI SGRUB PAR BYED PAR JI LTAR BRJOD CE NA, KHU BA 'GYUR BA MED PA'I RANG BZHIN GYIS MCHOG TU MI 'GYUR BA SGRUB PAR BYED CES GSUNGS PA'I PHYIR RO, ,ZHES BSHAD PA'I DON YANG DE NYID DO, ,'O NA SNGAR, BCU DRUG BZHI YI RAB TU DBYE BA CAN, ZHES BSHAD PA'I RAB TU DBYE BA DE JI LTA BU ZHE NA, 'DI NI LUS KYI GNAS SO SO'I SGO NAS DGA' BA BZHIR PHYE BA DE NYID KYI RE RE LA YANG LUS KYI GNAS SO SO'I SGO NAS BZHI BZHIR PHYE BA'I BCU DRUG TU 'BYED TSUL LAS GZHAN PA, MCHOG TU MI 'GYUR PA'I BDE BA NYID LA LDOG PA'I SGO NAS BZHIR PHYE ZHING, DE RE RE LA YANG LDOG PA'I SGO NAS BZHI BZHIR PHYE BA'I DBYE BA BYED TSUL GZHAN STON PA YIN LA, DE YANG 'DI LTAR, 'KHOR 'DAS KYI MTHA' GNYIS MED PA DANG, BYANG SEMS RDO RJE NOR BU'I PAD+MA'I DBUS KYI DBU MA'I NANG NAS GA-YO BA MED PA DANG, THABS SHES PHYOGS RE BA'I RIS SU CHAD PA MED PA DANG, BLA NA MED PA'I BDE BA RAB TU SBYIN PAR BYED PAS 'DOD PA DANG BZHI PO DE NI RNAL 'BYOR BZHI PA RNAL 'BYOR CHEN PO'I TING NGE 'DZIN LA LDOG PAS PHYE BA'O, ,DBUGS NYI KHRI TSIG STONG DRUG BRGYA 'GOG PA'I PHYIR MCHOG TU MI 'GYUR PA DANG, CHAGS PA NANG GI DKAR PHYOGS DANG CHAGS RTZAL NANG GI NAG PHYOGS KYI GNAS PA DANG BGROD PA DANG BRAL BA'I PHYIR 'DOD CHAGS CHEN PO DANG, DNGOS PO STE RTAG PA DANG DNGOS PO MED PA STE CHAD PA'I MTHA' GNYIS MED PA DANG SHES BYA MA LUS PA MTHONG BA'I PHYIR NA YE SHE STE RNAL 'BYOR GSUM PA SHIN TU RNAL 'BYOR NYID LA LDOG PAS PHE BA'O, ,'GRO BA DGA' BAR BYE PA SNGON DU 'GRO BAS SEMS CAN GYI DON LA ZHEN PAS SEMS DPA' DANG, THOG MTHA' BAR DU DGE BAS KUN TU BZANG PO DANG
, ,SDUG BSNGAL DANG BRAL BAS NA NYON MONGS PA MED PA DANG, DUS THAMS CAD DU SEMS CAN THAMS CAD KYI NYON MONGS PA 'PHREG PAR BYED PAS NA NYON MONGS CHEN PO ZHES DKA' 'GREL PAD+MA CAN LAS 'CHAD LA, BSHAD SBYAR DANG, NYI MA DPAL YE SHES KYI 'GREL PA LTAR NA SGRA MED PA DANG SGRA CHEN PO ZHES BTON NAS, BDUD DANG NYON MONGS PA DANG RNAM RTOG MED PA'I PHYIR PHYI NANG GI SGRIB BCAS KYI SGRA MED PA DANG, GZHOM DU MED PA'I SGRA'I NGO BO NYID YIN PA'I PHYIR SGRA CHEN PO ZHES 'CHAD DE, RNAL 'BYOR GNYIS PA RJES SU RNAL 'BYOR LA BZHIR PHYE BA'O, ,'JIG RTEN GYI SPYOD PA RNAM PAR SPANGS PA'I PHYIR LHAN CIG SKYES PA DANG, SKU BZHI'I SGRIB PA ZAD PAS DPAL LDAN BYANG CHUB SEMS KYI THIG LE 'DZIN PA DANG, STONG NYID SNYING RJE DBYER MED PAS DPAL LDAN DUS KYI 'KHOR LO RDO RJE DANG, ,'JIG PA MED MED PA'I TSUL KHRIMS KYI TSOGS YANG DAG PAR RDZOGS PAS THABS DANG SHES RAB BDAG NYID RNAL 'BYOR TE, RNAL 'BYOR DANG PO LA LDOG PAS BZHIR PHYO BA'O, ,YANG NA 'DI DAG LAM DUS LA MA SBYAR BAR BSHAD MA THAG PA DANG 'BREL TE, DE LTAR MA RIG PA'I BAG CHAGS MA LUS PAR SPANGS NAS 'KHOR BA'I RTZA BA BCAD PA'I 'BRAS BUS KYI RDO RJE'I RNAL 'BYOR BDE BA CHEN PO LHAN CIG SKYES PA'I YE SHES DE NYID LA LDOG PA'I SGO NAS DE NYID BCU DRUG TU JI LTAR 'BYED PA 'CHAD PA NI, ZHES 'TSAMS SBYAR NAS TSIG DON SNGA MA LTAR BSHAD PAR BYA'O, ,BDUN PA 'JIGS PA BCU DRUG GI NYER 'TSE ZHI BA'I THABS BSHAD PA LA BZHI, DUS KYI 'KHOR LO'I GO 'PHANG 'THOB PA'I BGEGS ZHI BA'I SLAD DU RNAL 'BYOR MA'I ZHABS DRAN PAR BYA BA BSTAN PA, PHYI NANG GI RNAL 'BYOR MA'I ZHABS DRAN PAS PHYI NANG GI NYER 'TSE BCU
DRUG ZHI BAR BYED TSUL BSHAD PA, RNAL 'BYOR MA'I ZHABS NGOS BZUNG NAS DE NYID TSUL JI LTAR DRAN PAS 'JIGS PA SEL BA BSHAD PA, NGES DON GYI RNAL 'BYOR MA'I GNAS BSTAN CING 'JIG PA SEL BA'I YON TAN BRJOD PA SNGON DU 'GRO BA'I SGO NAS BSTOD PAR BSTAN TE DE'I DGE BA BSNGO BA'O, ,DANG PO NI, DMIGS PA MED PA'I SNYING RJE BDE BA CHEN PO DANG NI STONG PA NYID DBYER MED PA'I SKU MTHAR THUG PA NI DUS KYI 'KHOR LO YIN CING, DE LA DUS NI KUN RDZOB STONG GZUGS KYI GZUGS CAN TE NGO BO CAN MA PHYAG RGYA CHEN MO DANG, PHUNG SOGS THAMS CAD SGRIB BRAL DU GYUR PA'I STONG PA NYID NI 'KHOR LO ZHES BRJOD DE, DE LTAR NA DUS KYI 'KHOR LO NI THAMS SHES GNYIS MED KYI BDAG NYID DU 'DOD CING, 'DI YI DPAL NI MYUR DU THAB PA'I SLAD DU RTAG TU PHYI NANG GI RNAL 'BYOR MA RNAMS KYI ZHABS NI RNAL 'BYOR PA GANG ZHIG BSGOM PA DE'I PHYI NANG GI BGEGS NI RTAG TU NYAMS PAR 'GYUR RO, ,GNYIS PA LA GNYIS, MDOR BSTAN PA DANG, RGYAS PAR BSHAD PA'O, ,DANG PO NI, PHYI NANG GI 'JIGS PA JI LTA BU ZHI BAR 'GYUR ZHE NA, 'JIGS PA BCU DRUG GI MING TZAM SMOS NAS DE DAG ZHI BAR 'GYUR, ZHES MDOR BRJOD PA NI, DGRA DANG ZHES SOGS SHLOO KA'O, ,DE LA DNGOS SU SMOS PA BCU DRUG NI PHYI DANG, DES MTSON PA THIG LE 'PHO BA'I 'GYUR BA'I SGRIB PA BCU DRUG NI NANG GI 'JIGS PA STE, SGRUB PA PO GANG ZHIG PHYI'I RNAL 'BYOR MA RDO RJE DBYINGS KYI DBANG PHYUG MA LA SOGS PA DANG; NANG NGES DON GYI RNAL 'BYOR MA 'OG NAS 'CHANG BA RNAMS KYI ZHABS NI NYIN MTSAN DU DRAN PAR BYED PA DE LA GSAL BAR TE NGES PAR RAB TU NYAMS PAR 'GYUR RO, ,GNYIS PA NI, 'JIGS PA DE DAG JI LTA BU TSUL JI LTAR NYAMS PAR 'GYUR ZHE NA, DE DAG RGYAS PAR
, ,'CHAD PA NI, GLANG PO CHE BA'I TSOGS DANG, SHING RTA BA'I TSOGS DANG, RTA BA'I TSOGS DANG RAB TU MANG BA'I MCHOG NI RKANG THANG DPUNG BU CHUNG GI TSOGS TE, MI THAMS CAD LUS LA GO BGOS SHING, DE DAG GI NANG NAS PHAL CHER GLANG PO CHE LA ZHON PA RNAMS KYI LAG NA MDUNG DANG; SHING RTA BAS 'KHOR LO DANG, RTA BAS RAL GRI DANG, RKANG THANG RNAMS KYIS MDA' GZHU THOGS TE, ZHES BSHAD SBYAR LAS 'CHAD LA, NGES MED DU SBYAR KYANG RUNG BAR MNGON NO, ,DE LTA BU'I DGRA SDE MTSON CHA RNAMS KYI NI GA-YUL DU PHA ROL 'JOMS PAR BYED PA, GSHIN RJE LTA BUR 'CHI BA STER BA, KHROS SHING DRAG PO'I GZUGS CAN PHYOGS DANG 'TSAMS THAMS CAD DU SON PA STE KHYAB PAR GNAS PA'I DGRA BO'I DPUNG TSOGS DE DAG THAMS CAD KYANG GANG ZHIG PHYI'I RNAL 'BYOR MA RNAMS ZHABS NI DRAN FPAR BYED PAS NI, DE'I BYIN RLABS GYIS DGRA BO DAG RANG GI LAG GI MTSON GYIS NI PHAN TSUN BCOM STE RGYAL BA'I GRAGS PA'I DPAL, SGRUB PA POS KUN NAS TE YANG DAG PAR 'THOB BO, ,NGES DON GYI RNAL 'BYOR MA'I ZHABS DRAN PAS NI PHYI'I 'JIG PAS MTSON PA YE SHES KYI LHAN CIG SKYES DGA'I THIG LE'I SGRIB PA NYAMS PA 'THOB PAR 'GYUR LA, GZHAN DAG SGRIB PA DE DANG PHYI ROL GYI DMAG GI DPUNG KHYAD PAR CAN PHRA MO RE RE NAS CHOS MTHUN SBYOR YANG DE LTAR SBYOR DGOS PA LA RGYU MTSAN YANG DAG RNYED DKA' ZHING DE TZAM DU MA SBYAR YANG SKYON MED PAR MNGON NO, ,GNYIS PA PHYI'I RNAL 'BYOR MA'I ZHABS DRAN PAS PHYI ROL TU SENG GE'I 'JIGS PA DANG, NGES DON GYI RNAL 'BYOR MA'I ZHABS DRAN PAS
NANG DU SENG GES MTSON PA SEMS KYI LHAN CIG SKYES DGA'I THIG LE'I SGRIB PA NYAMS PAR BYED PA NI KUN NAS SENG GE'I ZHES SOGS STE, RNGA MA STENG DU GA-YO BA DANG, SDER MO SRA BAS BRTAN PA DANG, NYI MA 'CHAR KA'I MDANGS DANG LDAN PA DMAR SER DU 'DUG PA'I MIG CAN DANG RO 'DZIN TE, LCE KHRAG GIS PHOGS PA'I RAL GRI LTA BU GA-YO BA'I RAL PA CAN BDAG GSOD PAR 'DOD NAS 'ONG BA NA ZHES SBYAR TE LHAG MA GO SLA'O, ,GSUM PA PHYI ROL TU GLANG PO CHE'I 'JIGS PA DANG, NANG DU GLANG PO CHES MTSON PA DAG GI LHAN CIG SKYES DGA'I THIG LE'I SGRIB PA NYAMS PAR 'GYUR BA STAN PA DE, MDOG SNGON ZHES SOGS TE, LAG PAS BCINGS PA ZHES PA SNA YI SKYES BU 'CHING BA DANG, 'BYED BYED CES PA DUM BUR BYED PA'I DON NO, ,BZHI PA PHYI ROL TU MES 'JIGS PA DANG; NANG DU MES MTSON PA LUS KYI LHAN CIG SKYED DGA'I THIG LE'I SGRIB PA NYAMS PAR STON PA NI, KUN NAS ME LCE ZHES SOGS TE GO SLA'O, ,LNGA PA PHYI ROL TU GDANGS CAN NAM KLU'I DBANG PO'I 'JIGS PA DANG NANG DU DES MTSON PA YE SHES KYI KHYAD DGA'I THIG LE'I SGRIB PA NYAMS PAR STON PA NI, KHROS SHING ZHES SOGS SO, ,DRUG PA PHYI ROL TU CHOM RKUN DANG, NANG DU SEMS KYI KHYAD DGA'I THIG LE'I SGRIB PA NYAMS PAR 'GYUR BA STON PA NI, SDANG BA'I SEMS LDAN ZHES SOGS SO, ,BDUN PA PHYI ROL TU ZHAGS PAS 'CHING BA DANG, NANG DU NGAG GI KHYAD DGA'I THIG LE'I SGRIB PA NYAMS PAR 'GYUR BA STON PA NI, LAG PA DAG NI ZHES SOGS SO, ,BRKYAD PA PHYI RU CHU GTER 'JUGS PA DANG, NANG DU LUS KYI KHYAD DGA'I THIG LE'I SGRIB PA NYAMS PAR 'GYUR BAR STON PA NI,
, ,CHU GTER ZHES SOGS TE, SKYE BO GANG DAG CHU GTER GYI BZHON PA GRU BO CHE LA ZHON NAS RGYA MTSO RGYA CHEN POR SONG BA NA, DPAG TU MED PAS MTHA' YAS SHING SHIN TU SHUGS DRAG PO DANG LDAN PA'I RLUNG GIS CHU YI GTER RGYA MTSO NI 'KHRUG PAR BYED CING, PHYOGS KUN TU CHU BO RNAMS KHO MOR 'KHOR BAR BYED LA, CHU GTER GYI LAM KUN CHOM RKUN PA CHU SRIN NYA YI RIGS KYI BKAG PAR GYUR TE, KLU GDUG PA KHROS PAS ME 'BAR BA'I TIL MAR GYI KHU BA 'PHANGS PAS ME'I CHAR CHEN PHYOGS KUN NAS RGYUN TU 'BAB PA LA ZHES SOGS SO, ,DGU BA PHYI RU SHA ZA 'AM RO LANGS KYI 'JIGS PA DANG NANG DU YE SHES KYI MCHOG DGA'I THIG LE'I SGRIB PA NYAMS PAR 'GYUR BA STON PA NI, PHAGS CES ZHES SOGS SO, ,BCU PA PHYI RU MDZE NAD DANG, NANG DU SEMS KYI MCHOG DGA'I THIG LE'I SGRIB PA NYAMS PAR 'GYUR PA STON PA NI, NYIN BZHIN ZHES SOGS SO, ,BCU GCIG PA PHYI RU LHA'I DBANG PO'I PHO NYA BA'I 'JIGS PA DANG, NANG DU DAG GI MCHOG DGA'I THIG LE'I SGRIB PA NYAMS PAR STON PA NI, LHA'I DBANG PO'I PHO NYA GANG ME 'BAR ZHING RAB TU GTZIGS PA DANG BCAS PA'I MCHE BA RNON PO DANG LDAN PA, GDENGS CAN SBRUL GYIS GDONG PA DANG LDAN ZHING LAG NA 'KHOR LO THOGS PA DANG, 'PHROGS BYED SENG GE'I GDONG CAN LAG NA RAL GRI THOGS PA DANG, RI DVAGS SHAR BHA'I GDONG PA CAN MDA'I GZHU THOGS PA DANG, STAG GI GDONG PA CAN RTZE GSUM THOGS PA DANG, GLANG CHEN GYI GDONG CAN LCAGS KYU DANG, RDO RJE THOGS PAS ZHES SOGS SO, ,'GREL PAS DE LTAR DU SBYAR YANG NGES MED DU SBYAR YANG RUNG NGO, ,BCU GNYIS PA PHYI RU DBUL BA'I 'JIGS
PA DANG, NANG DU LUS KYI MCHOG DGA'I THIG LE'I SGRIB PA NYAMS PAR 'GYUR BSTON PA NI, DBYAR NI ZHES SOGS SO, ,BCU GSUM PA PHYI RU BUD MED DANG BRAL BA'I 'JIGS PA DANG, NANG DU YE SHES KYI DGA' BA'I THIG LE'I SGRIB PA NYAMS PAR STON PA NI, MTSAN KHUNG ZHES SOGS SO, ,BCU BZHI PA PHYI RU MI BDAG 'KHRUGS PA'I 'JIGS PA DANG, NANG DU SEMS KYI DGA' BA'I THIG LE'I SGRIB PA NYAMS PAR 'GYUR BA STON PA NI, 'KHUS PHYIR ZHES SOGS SO, ,BCO LNGA PA PHYI RU LTUNG BA DANG, NANG DU NGAG GI DGA' BA'I THEG LE'I SGRIB PA NYAMS PAR 'GYUR BA STON PA NI, GANG DAG CES SOGS TE, GANG DAG LA 'GA' ZHIG TU NI MKHA' LAS RDO RJE RAB TU LTUNG BA DANG, BUD MED DANG 'GROGS PA LAS, RTAG PAR YANG KHU BA 'DZAG CING, SKYE BA 'DIR 'CHI BA DANG KHU BA 'PHOS PAS SEMS BRGYAL BA DANG, CHAGS YUL DANG CHAGS PA DANG BRAL BAR 'GYUR ZHING, SKYE BA GZHAN SLAD DE, TSE RABS GZHAN DU'ANG SLAR YANG DE BZHIN BYED PAS SDUG BSNGAL BAR GYUR PA GANG GIS NGES DON GYI RNAL 'BYOR MA LAS DANG YE SHES DANG MCHOG GI SHES RAB MA'I RDO RJE'I ZHABS CHU SKYES SAM PAD+MA BDE BA CHEN PO'I DPAL DANG LDAN PA DAG BSGOM PA YIS, SGRUB PA PO DE DAG RNAMS KYI PHYI NANG GI RDO RJE LTUNG BA'I 'JIGS PA DE YANG RAB TU ZHI ZHING NYAMS PA NYID DU 'GYUR LA, SLAR YANG SRID PAR SKYE BA DANG LDAN PA MA YIN NO, ,'DIR SHONG 'GYUR LA 'CHI BA NYID 'GYUR ZHES 'BYUNG YANG, 'BRO 'GYUR LAS NYAMS PA NYID 'GYUR ZHES 'BYUNG LA, YANG NA DBANG GI 'GYUR LA, DE DAG RNAMS KYI DE YANG RAB ZHIR 'GYUR RO SLAR YANG SKYE BA LDAN PAR 'GRO BA MIN, ZHES 'BYUNG BA LTAR BSHAD PAR BYAS NA SHIN TU LEGS SO, ,SNGA MA BCU BZHI PHYI 'BA'
, ,ZHIG LA DNGOS SU SBYAR YANG, 'DI DANG 'OG MA PHYI NANG GNYIS GA LA DNGOS SU SBYAR BA NI BCU BZHI PO'ANG PHYI NANG GNYIS KA LA SBYAR DGOS PAR SHES PA'I CHED DO, ,BCU DRUG PA PHYI RU NOR NYAMS PA DANG NANG DU LUS KYI DGA' BA'I THIG LE NYAMS PA'I 'JIGS PA 'PHROG PAR STON PA NI, BAG MED PA SPYOD PA'I SKYE BO GANG DAG NYIN DANG MTSAN MOR BUD MED DANG 'GROGS PA'I BDE BA LA RNAM PAR CHAGS PAS NOR KUN NYAMS PAR GYUR ZHING, SKYE BA GZHAN GYIS 'DZAG PA'I BAG CHAGS BGOS PA'I SEMS LAS NANG GI NOR NYAMS PA 'DZAG PA DE NI SLAR YANG MANG PO RAB TU 'BYUNG BAS GONG DU BSHAD PA'I SHES RAB RNAL 'BYOR MA RNAMS DAG GIS MI MNYAM PA ZLA BA DANG DE'I ZHABS SAM GNAS NI NOR BU DANG MNYAM PA RDUL LAM NYI MA, DE'I ZHABS STE GNAS NI PAD+MA YIN LA, SNA TSOGS PA'I STONG PA NYID KYI GZUGS CAN GANG, RGYAL BA MCHOG GI YE SHES LA, GTZUG TOR GYI LTE BAR BZUNG BAS MCHOD CING 'GYUR BA MED PA'I BDE BA DRANGS PAS BSTOD PAR GYUR PA DE NYID BSGOMS PAS SGOM PA PO DE NI PHYI NANG GI NOR KUN NYAMS PAR MI 'GYUR RO, ,'DIR LUS KYI DGA' BA MCHOG DGA' ZHES SOGS KYI RIM PAS MI STON PAR RIM PA 'DI LTAR 'CHAD PA CI ZHE NA, YE SHES KYI THIG LE 'GOG PA LAS LUS NGAG YID KYI THIG LE 'GOG CING, 'BRAS DUS SU'ANG NGO BO NYID SKU LA BRTEN NAS SKU GZHAN GSUM SPRO BA YIN PAS DE'I PHYIR GO RIM 'DI LTAR BSHAD DO ZHES BSHAD SBYAR MKHAN PO GSUNG NGO, ,GSUM PA NI, 'O NA GANG DRAN PAS PHYI NANG GI 'JIGS PA BCU DRUG 'PHROG PAR 'GYUR BA NGES DON GYI RNAL 'BYOR MA DANG, DE'I ZHABS NI GANG
YIN, DE NYID TSUL JI LTAR DRAN PAS 'JIGS PA 'PHROG PAR 'GYUR ZHE NA, SER SKYA STE DMAR SER NI RTZA ROM STE DE NYID NYI MA'AM ME'I KHAMS KYI RANG BZHIN YIN LA, LUG STE RKYANG MA NI ZLA BA'AM, CHU'I KHAMS KYI RANG BZHIN YIN ZHING, KUN 'DAR MA AA WA DH'U TI NI SGRA GCAN TE NAM MKHA'I KHAMS KYI RANG BZHIN YIN LA, RTZA'I LAM GSUM PO DE LA BGROD PA'I RLUNG RNAMS 'GAGS PAR GYUR PA NI, DBUGS 'GAGS PA MI GA-YO BA'I RNAL 'BYOR DANG LDAN PAS RNAL 'BYOR MA YIN NO, ,DBANG GI 'GYUR LA BGROD PA ZHES PA SONG DU BSGYUR ZHING, SONG BA NA 'GAGS PA'I DON YIN TE 'DI NYID LEGS SO, ,DE'I ZHABS NI DNGOS PO SKYE RIM GYI RLUNG GI DKYIL 'KHOR LNGA DANG, DNGOS MED SDUD RIM GYI RLUNG GI DKYIL 'KHOR LNGA RNAMS KYI RGYU BA RAB TU NYAMS SHING, MNYAM BGROD CES PAS DBU MAR SROG BCUG NAS 'GAGS PAR BYAS PA DE LTA BU'I ZHABS DE DAG LAS ZHABS GCIG NI RNAL 'BYOR MA DE DAG RNAMS KYI YE SHES KYI SKU BRA PHAB PA'I RANG BZHIN YIN LA, ZHABS GCIG NI DE'I LHAN SKYES BDE BA'I GO 'PHANG 'GYUR BA MED PA'O, ,KHA CIG ZHABS GCIG GA-YAS GCIG GA-YON LA 'CHAD PA NI, DES DON GYI ZHABS 'CHAD PA'I SKABS 'DIR MI 'GRIG GO ,BSHAD SBYAR MKHAN PO NI, NYI MA ME KHAMS KYI RANG BZHIN SHES RAB KYI GSUNG RDO RJE MGRIN PA'I 'KHOR LO, ZLA BA CHU KHAMS {RANG},KYI RANG BZHIN DPRAL BA'I 'KHOR LO THABS KYI SKU RDO RJE, SGRA GCAN NAM MKHA'I KHAMS KYI RANG BZHIN GTZUG TOR GYI 'KHOR LO THABS KYI THUGS RDO RJE, DE DAG GI LAM LA BGROD PA'I DBUGS 'GAGS PA RNAL 'BYOR MA'O, ,
, ,'OG GI RTZA GSUM MI STON PA NI, STENG GI GSUM LA BAB PA'I RLUNG 'GAGS NA 'OG GI GSUM YANG 'GAG PAS SO ZHES 'CHAD DO, ,DE LTA BU'I ZHABS DE DAG NYID SGRUB PA PO GANG GIS RDO RJE'I RNAL 'BYOR GYIS DRAN PA DE YI SKYE BA 'DIS RGYUD 'DIR BRJOD PA'I RNAL 'BYOR MA'I ZHABS DRAN PA'I 'BRAS BU'AM PHAN YON PHYI NANG GI 'JIGS PA BCU DRUG MA LUS PA 'PHROG PA MYUR DU 'BYUNG BAR 'GYUR RO, ,BZHI PA NI, 'O NA PHYI RU RNAL 'BYOR MA RNAMS KYI GNAS NAM MKHA' DANG SA LA SOGS PA YIN NA, NANG DU RNAL 'BYOR MA RNAMS KYI GNAS GANG YIN ZHE NA, BSHAD MA THAG PA'I DPAL LDAN RNAL 'BYOR MA DAG GI GNAS NI DBUGS 'GAGS SHING RNAM RTOG GIS MI PHYED PAS RDO RJE DGA' BA MCHOG TU RGYAS PAR BYED PAS NOR BU RIN PO CHE'I ZA MA TOG GAM KHYIM DU GYUR PA GANG YIN PA DE NYID YIN TE, DER 'JUG PA'I CHED DU RGYAL BAS GSUNGS PA'I LAM NYON MONGS PA'I BAG CHAGS MED CING BDUD RNAMS NYAMS PAR BYED PA DE'I SGO NAS YON TAN BRJOD PA SNGON DU BTANG STE, TSUL 'DIS BSTOD PA PAD+MA DKAR PO BDAG GIS RGYUD LA 'JUG PA'I THOG MA 'DIR BRJOD DO, ,DE YANG DBANG 'GYUR LAS, BSTOD PA SNGON MA CAN 'DI DAG GIS BRJOD, CES 'BYUNG BA NYID LEGS SO, ,'DIR RNAL 'BYOR MA BSHAD SBYAR LAS, AA WA DH'U T'I SOGS LA 'CHAD DO, ,DE LTAR BRJOD PA'I BSOD NAMS KYI TSOGS BSNGO BA NI SKYES BU GANG DAG BDUD KYI GROGS KYIS ZIN PAS RTAG TU MI BDEN PA'I MUN PAR SONG ZHING, PHYAG RGYA CHEN MO'I LAM NYAMS PA DE DAG RNAMS KYIS RDO RJE'I RNAL 'BYOR GYI LAM 'DI THOB NAS RDO RJE NOR BU'I KHYIM DANG RING
BA MIN PA STE NYE BAR 'ONG BAR GYUR CIG ,RDO RJE NOR BU'I KHYIM DER ZHUGS NA 'BRAS BU CIR 'GYUR ZHE NA, NGU BA LA SOGS PA'I LAM GYIS PHYAG RGYA CHEN MO'I GZUGS BSGRUBS TE, DE LA BRTEN NAS LHAN SKYES BDE BA'I GO 'PHANG BSGOMS NA SGRUB PA PO DE NI MYUR DU DUS KYI 'KHOR LO MTSAN GYI YAN LAG SUM CU RTZA GNYIS DANG DPE BYAD BRGYAD CU SA BRGYAN PA'I SKU CAN KHAMS GSUM GYI 'GRO BA'I BLA MA YAN LAG BCU GNYIS KYI CHOS KYI 'KHOR LO 'DI BSKOR BA LA GNAS PA, LHA RNAMS NAS MA RIG PA'I MUN PA THAMS CAD 'JOMS PA'I GO 'PHANG THOB PAR 'GYUR RO, ,'DIR NGU BA LA SOGS PA'I LAM SANGS RGYAS KYI RGYU MCHOG TU BSHAD PA LA, RIGS RAL LA SOGS PA KHA CIG NA RE, STONG GZUGS DE 'DRA BA'I SNANG BA CAN GYI GZUGS BRNYAN GYI LAM BSGOMS KYANG SANGS RGYAS KYI LAM DU MI 'GYUR GYI LAM LOG PAR 'GRO STE, MDO SDE LANG KAR GSHEGS PA LAS, DON RAB 'BYED PA'I BSAM GTAN DANG, ,BYIS PA NYER SPYOD BSAM GTAN DANG, ,DE BZHIN NYID MIN BSAM GTAN DANG DE BZHIN GSHEGS PA'I DGE BSAM GTAN, ,RNAL 'BYOR CAN GYIS BRTZON BYAS NA, ,NYI MA ZLA BA'I DBYIBS 'DRA DANG, ,'OD DANG PAD+MA LTA BU DANG, ,RI MO NAM MKHA'I ME 'DRA MTHONG, ,MTSAN MA SNA TSOGS DE DAG NI, ,MU STEGS CAN LAM 'KHRID PAR BYED, ,NYAN THOS DAG DANG RANG RGYAL GYI, ,SPYOD YUL HDU YANG LTUNG BAR BYED, ,'DI DAG THAMS CAD RNAM SPANGS SHING, ,SNANG BA MED PAR NAM GYUR PA, ,DE TSE SANGS RGYAS LHA YI PHYAG, ,SANGS RGYAS ZHING NAS BYUNG BA YIS, ,MGO LA PHYAG
, ,GIS NYUG MDZAD DE, ,YANG DAG RJES SU 'GRO BA'I LTAS, ZHES GSUNGS PA'I PHYIR DE 'DRA BA LA MCHOG TU 'DZIN PA NI MU STEGS CAN GYI LAM DU 'KHRID PAR BYED PA'O ZHES ZER RO, ,DE LA DE'I TSE DUS 'KHOR BA DAG GIS LAN MA THOBS PAR 'DUG PAS, 'DI LTAR SKYON SPONG BA YIN NO ZHES MKHAS PA DAG GIS 'CHAD PA NA TSUL 'DI LTAR SMRA STE, MU STEGS CAN LA MA 'KHRID PA NI MTSAN MA SNA TSOGS MTHONG BA LA GDUG PA'I SLOB DPON GYIS BRDA PHYIN CI LOG TU SPRAD PA'I DBANG GIS 'KHRID PA LA DGONGS LA, 'DI DAG THAMS CAD RNAM SPANGS RANG, SHING, ZHES PA MTSAN MA SNA TSOGS DE DAG SPANGS SHING MED PAR BYED PA LA DGONGS PA MA YIN GYI 'DI DAG CES PA NYE BA'I TSIG YIN PAS MU STEGS CAN DU 'KHRID PAR BYED PA 'DI DAG CES BYA BA'I DON YIN LA, SNANG BA MED PAR NAM GYUR PA, ZHES PA'ANG MTSAN MA SNA TSOGS SNANG BA MOD PA'I CI'ANG SNANG BA MED PA LA DGONGS PA MA YIN GYI, SNANG BA MED PA ZHES PA NI 'OD GSAL STONG GZUGS PRA PHAB PA LTA BU NYID LA BYA BA YIN TE, SDOM 'BYUNG LAS, SNANG BA MED CING THOGS PA MED, ,GNAS MED LUS PA MED PA STE, ,DNGOS PO KUN GYI RANG BZHIN PHYIR, ,DNGOS PO KUN LA RTAG TU GNAS, ,RNAL MA NYID DU SHES BYA STE, ,GANG LA BSGOM PA'ANG RNAL MA NYID, ,NGO BO NYID KYIS DAG BYAS PA, ,DE LA BSAM MI KHYAB BSAM PAS, ,SNA TSOGS GCIG TU SHES PAR BYA, ZHES GSUNGS PA'I PHYIR RO, ,SNANG BA MED PA STONG GZUGS DE NYID NAM GYUR PA STE SEMS DANG 'DRES PAR GYUR PA NA, DE TSE SANGS RGYAS ZHES PA BSAM GTAN
KYI YAN LAG BSTAN PAS, ,LHA'I PHYAG CES PA SROG 'DZIN GYI RNAL 'BYOR GYIS RLUNG GA-YAS GA-YON GNYIS PO DE SANGS RGYAS ZHING NAS BYUNG BA STE DBU MA'I NANG DU BCINGS SHING BRTAN PAR BYAS PA LAS, MGO LA PHYAG GIS NYUG MDZAD DE, ZHES PA RJES DRAN GYI GTUM MO'I MES SPYI BO'I HAm ZHU BA LAS BYANG CHUB KYI SEMS BABS PA'I DGA' BA NYAMS SU MYONG ZHING, YANG DAG RJES SU 'GRO BA'I LTAS, ZHES PA TING NGE 'DZIN GYI YAN LAG GIS KHAMS JI LTAR 'ONGS PA'I RIM PAS STENG DU RJES SU 'GRO BAS DRI MA MED PAR BYED DO, ZHES BYA BA'I DON DU 'CHAD LA, RGYAL BA'I YUM BAR MA LAS, RIN CHEN SNANG BA ZHES BYA BA'I TING NGE 'DZIN DANG, RIN CHEN SGRON MA ZHES BYA BA'I TING NGE 'DZIN DANG, ZLA BA SGRON MA ZHES BYA BA'I TING NGE 'DZIN DANG, NYI MA SNANG BA ZHES BYA BA'I TING NGE 'DZIN DANG, RNAM PA THAMS CAD MTHONG BA ZHES BYA BA'I TING NGE 'DZIN DANG, ZHES SOGS KYIS KYANG STONG GZUGS SANGS RGYAS KYI LAM DU BSTAN TO, ,ZHES SOGS RGYA CHER 'CHAD DO, ,'DI DAG NI SHIN TU LEGS PA MA YIN TE, RGYUD 'DI DAG DANG SEMS 'GREL SKOR GSUM DU STONG GZUGS LA SNANG BCAS KYI STONG NYID DU YANG YANG DU GSUNGS PA PHYOGS 'DIR RLUNG LTAR GRAGS PA'I BRDA CHAD LAS BRGAL NAS STONG GZUGS SNANG MED KYI STONG NYID DU SMRA BA NI LUGS LAS 'DAS PA'I PHYIR DANG, RES 'GA' NI DUS 'KHOR LAS BSHAD PA'I RDO RJE'I RNAL 'BYOR 'DI NYID 'DUS PA BDE MCHOG LA SOGS PA PHA RGYUD MA RGYUD THAMS CAD DU'ANG GSAL BAR MA BSTAN ZHING, GNYIS MED KYI RGYUD DUS 'KHOR 'BA'
, ,ZHIG GIS GSAL BAR BSTAN PA'I KHYAD CHOS SU SMRA LA, RES 'GA' NI PHAR PHYIN THEG PA'I MDOS KYANG TSIG ZIN LA BSTAN PAR SMRA BAS, RANG LA MTHA' GCIG TU RNAM RTOG GTING TSUGS PA'I YID BRTAN MED PAR GSAL BAR BYED PA'I PHYIR DANG, LANG GSHEGS KYI MDO'I TSIG GIS SBYOR DRUG TSANG BAR BSTAN TSUL DE LTAR YIN NA LANG GSHEGS KYI MDO DON RDZOGS PAR NYAN PA LA DBANG BZHI RDZOGS PAR THAB DGOS PA DANG, PHAR PHYIN THOG PA DANG SNGAGS BLA MED KYI THEG PA MI 'GAL BA DANG, MDO DE DAG RGYUD YIN PAR SMRAS PA DGAG TU MED PA DANG, RGYUD SDE 'OG MA GSUM LAS KYANG RDZOGS RIM MA BSTAN PAR RANG NYID KYIS SMRAS PA'ANG YID LAM BZHAG PAR THAL BA LA SOGS PA GNOD PA DU MA ZHIG 'BYUNG BA'I PHYIR DANG, SDOM 'BYUNG LAS GSUNGS PA'I LUNG GIS SNANG BA MED PA SOGS SU BSTAN PA DE STONG GZUGS LA BSHAD PAS NI, STONG GZUGS CHOS THAMS CAD KYI GNAS LUGS SU NGES PAR KHAS BLANGS DGOS TE LUNG DES DNGOS PO KUN GYI RANG BZHIN DANG, DNGOS PO KUN LA KHYAB PA'I RNAL MA ZHES PA DE DNGOS PO'I GNAS LUGS SU GYUR PA'I RANG BZHIN YIN ZHING, RNAL MA ZHES PA NI MA BCOS PA GNAS LUGS LA ZER LA, DE BSGOM PA'ANG GNAS LUGS BSGOM PA YIN PAS, RNAL MA'I SGOM ZHES GSUNGS SHING, GNAS LUGS BDEN STONG DE MNGON SUM DU RTOGS PA'I DON GNYIS SNANG MA LUS PAR DAG PAS SNANG BA MED PA ZHES GSUNGS BA YIN PA'I PHYIR RO, ,SNA TSOGS GCIG TU SHES PAR BYA, ZHES PA NI CHOS CAN SNA TSOGS PA 'DI'I RANG BZHIN STONG PA NYID GCIG TU
DBYER MED PAR SHES PAR BYA, ZHES PA YIN PAS SNA TSOGS ZHES PA'I TSIG GANG NA 'DUG PA THAMS CAD STONG GZUGS SU 'BRU GNON PA'I GTAD MED KYI SMRA BA LHUR MA LEN SHIG, RANG BZHIN GYIS GRUB PAS STONG PA NYID BDE BA CHEN POS RTOGS PA'I SO SKYE'I YE SHES LA NI SNANG NGOR STONG GZUGS KYI SNANG BA MA LOG PAR YOD DU ZIN KYANG DES NGOR SNANG BA MA LUS PAR LDOG DGOS LA, BDE CHEN GYIS BDEN STONG MNGON SUM DU RTOGS PA'I SNANG NGOR YANG STONG GZUGS KYI SNANG BA LHAG MA MED PAR LOG NAS GNYIS SNANG PHRA MOS KYANG BAR MA CHOD PAR CHU LA CHU BZHIN DU 'GRE ZHING, DE'I TSE RANG GI LUS STONG GZUGS KYI SKUR DNGOS GNAS LA GRUB PA YOD KYANG YE SHES DE LA SNANG MI DGOS TE DPER NA PHAR PHYIN THEG PA'I SKABS SU'ANG BYANG SEMS 'PHAGS PA CHOS NYID LA MNYAM PAR BZHAG BZHIN PA'I TSE, BYANG SEMS 'PHAGS PA DE NYID KYI LUS YOD KYANG, JI LTA BA MKHYEN PA'I YE SHES DE LA SNANG MI DGOS PA BZHIN NO, ,DES NA KUN RDZOB STONG GZUGS KYI SNANG BA DANG BCAS PA'I BLO'O NGOR GNYIS SNANG YOD PAS KHYAB CING, STONG GZUGS DE YANG KUN RDZOB DMIGS BCAS KYI CHOS YIN LA, BDE BA CHEN POS DE KHO NA NYID RTOGS PA'I DON KUN RDZOB KYI SNANG BA GANG YANG DMIGS PA MED PAS STONG GZUGS LA DMIGS BCAS DANG BDE BA DMIGS MED DU LAN GCIG MA YIN PAR SEMS 'GREL RNAMS SU GSUNGS LA, N'A RO PAS KYANG DBANG MDOR BSTAN GYI 'GREL PAR DE LTAR GSAL BAR BSHAD DE DA DUNG 'CHAD PAR 'GYUR RO, ,KHO BO CAG GSANG SNGAGS BLA MED KYI RDZOGS
, ,RIM GYI TING NGE 'DZIN DANG, MU STEGS PA DANG SANGS RGYAS PA GNYIS GA'I THUN MONG GI TING NGE 'DZIN DU GTOGS PA'I SEMS GNAS TZAM GYI KHYAD PAR MI PHYED PA'I 'KHRUL PA RMI LAM DU YANG RGYANG RING DU SPANGS PA DAG LA NI SNGAR GYI DOGS PA DE 'DRA BA'I GNAS MED DE, NYI MA ZLA BA'I DBYIBS 'DRA LA SOGS PA'I MTHONG SNANG SNA TSOGS 'CHAR BA NI DE 'DRA BA'I SEMS GNAS THUN MONG BA DU MA ZHIG LA 'BYUNG ZHING, DE DAG LA MCHOG TU BZUNG STE, MU STEGS RIG BYED GSANG BA'I MTHAR SMRA BA LA SOGS PA DAG GIS 'DOD PA LTAR DANG, GZHAN YANG SNYING GI DBUS NA SEMS DRI MA MED PA'I SKYES BU ZHES BYA BA PHUG RON GYI MGRIN PA LTAR KHA DOG SNA TSOGS SU SNANG ZHING GCIG TU MA NGES LA, THAMS CAD KYI BYED PA POR GYUR PA ZHIG YOD DE DE'I 'OD ZER LAS SNA TSOGS SU SNANG BA DE DAG BYUNG ZHING, DE'I NGANG DU THIM PA NA GROL BAR 'GYUR RO, ZHES RDZOGS CHEN PA 'GA' ZHIG GIS STON PA DE LTA BUS MU STEGS CAN LAM 'KHRID PAR BYED PA YIN GYI, 'DIR NI DBANG SNGON DU SONG ZHING DAM TSIG LA GNAS PAS BSKYED RIM GYIS RGYUD SMIN PAR BYAS TE RDO RJE'I LUS LA GNAD DU BSNUN PAS GA-YAS GA-YON GYI RLUNG DH'U T'IR 'GAGS PA LAS DU BA SOGS KYI RTAGS KHYAD PAR BA GNAS DH'U T'I'I NANG DU 'CHAR BAR BYED LA, DE 'DRA BA'I LAM NI MU STEGS BYED PA LTA ZHEG RGYUD SDE 'OG MA MAR BCAD KYI LAM GANG LA'ANG GTAM TZAM YANG MED PA'I PHYIR RO, ,DES NA 'DIR BSNGAGS PA CHER MDZAD PA'I STONG GZUGS KHYAD PAR BA DANG, SEMS GNAS THUN MONG PA TZAM LA YANG MANG DU 'BYUNG
BA'I NYAMS SNANG ZA ZI THAMS CAD KHYAD MED GCIG TU 'DRES NAS SHAN MI PHYED PA DAG LA 'DI 'DRA BA'I DKA' BA DU MA THOG TU 'BAB PAR 'GYUR RO, ,BRGYAD PA RTZOM PAR DAM BCA' BA'I TSUL GZHAN BSHAD PA NI BRI ZHES DRANG NGO, ,GANG NA DUS KYI 'KHOR LO'I 'GREL BSHAD TE RGYAS 'GREL LO, ,RGYU GANG GI DBANG GIS NA, LHA KLU ZHES PA NAS, GTUGS PA GANG YIN PA DPAL LDAN SH'AKYA SENG GE DE'I RTAG TU 'GRO LA BRTZE BA'I THUGS KYIS BSKUL BA DANG, BRTZE BA TZAM NI PHAN BDE PHUN SUM TSOGS PA'I RGYUR 'GYUR BA'I NGES PA MED KYANG, BRTZE BA DER MA ZAD THUB PA DE YIS ZAB PA DANG RGYA CHE BA'I YE SHES KYI SHES RAB KYIS BSKUL ZHING BYIN GYIS BRLABS PA'I DBANG GIS SO, ,BSKUL BA PO DE'I YON TAN GYI KHYAD PAR NI, YANG DAG YE SHES ZHES SOGS SO, ,CI'I PHYIR SENG GE ZHES BYA ZHE NA, BDUD DANG ZHES SOGS SO, ,'O NA RGYA CHER 'GREL 'DI'I BRJOD PAR BYA BA DUS KYI 'KHOR LO DE JI LTA BU ZHE NA, K'A LA TZA KA ZHES PA'I K'A YIG LAS NI K'A RA nE SH'AN TE ZHES PA'I K'A RA nA RGYU, SH'AN TA ZHI BA STE DE LA RGYU NI BYANG SEMS KYI LUS KYI THIG LE YIN LA, ZHI BA NI SAD PA'I GNAS SKABS ZAD PA STE, MDOR NA DPRAL BAR LUS KYI THIG LE 'GAGS PA SPRUL PA'I SKU'O, ,LA YIG LA, LA YO DRA WE ZHES PA STE, LUS KYI THIG LE 'GAGS PA NI RMI LAM GYI GNAS SKABS BSKYED PAR BYED PA'I SROG 'DI LA THIM PA NYID TE MGRIN PAR NGAG GI THIG LA 'GAGS PA LONGS SKU'O, ,DE LAS TZA YIG GI TZA LA TZIT+TA NI GA-YO BA'I SEMS TE, DE YANG SAD RMI'I SKABS SU SGRA SOGS YUL LA GA-YO BA DE NYID
, ,MUN PAS ZIL GYIS MNAN PA'I SEMS GNYID MTHUG GI GNAS SKABS ZAD PAS SNYING KHAR SEMS KYI THIG LE 'GAGS PA CHOS KYI SKU'O, ,DE RGYU CI LAS 'GYUR ZHE NA, KRA YIG LA KRA MA BHANDHA ZHES PA NI RIM PA BCING LAS SO ZHES PA STE RIM PA NI THIG LA 'PHO BA YIN LA, BCINGS PA NI LHAN CIG SKYES PA'I BDE BA STE BZHI PA'I GNAS SKABS ZAD PAS LTE BAR YE SHES KYI THIG LE 'GAGS PA LHAN CIG SKYES PA'I SKU'O, ,'DI NI N'A RO PA DANG AA TZA LA'I LUGS SO, ,DE LTAR YI GE RE RE BAR BSHAD NAS YANG NA, DUS NI 'GYUR BA MED PA'I BDE BA'I YE SHES THABS STONG PA NYID DANG DBYER MED PA'I SNYING RJE'I BDAG NYID DE, 'KHOR LO NI KHAMS GSUM PA'I 'GRO BA MTHA' YAS PA'I SHES BYA'I RNAM PA CAN GYI RNAM BCAS KYI SHES RAB STONG PA NYID KYI BDAG NYID DE 'DI DAG NGO BO GCIG PA NYID NI DPAL DUS KYI 'KHOR LO'O, ,DE LTAR YI GE SO SOS BSHAD PA'I DPAL LDAN DUS KYI 'KHOR LO 'DI NI STE 'DI DANG, RDO RJE'I RNAL 'BYOR RNAM PA THAMS CAD DU BDEN PA GNYIS LA GNAS PA 'DI BRJOD BYA YIN ZHING, BSDUS PA'I RGYUD KYI RGYAL PO 'DI DE'I MNGON PAR BRJOD PAR BYED PA'I RJOD BYED DU 'GYUR RO, ,THAMS CAD NAS ZHES PA 'GYUR MNGAS SU THAMS CAD DU ZHES 'BYUNG BA LEGS SO, ,DES NA BDE BAR GSHEGS PAS RTZA RGYUD DU 'GREL PA BYED PAR LUNG BSTAN CING, BSDUS RGYUD SDUD PA PO 'JAM DPAL GYIS NI BSKUL BAR GYUR PA 'JIG RTEN MGON PO BDAG GIS NI, BSDUS PA'I RGYUD 'DI'I 'GREL BSHAD TE RGYAS 'GREL BRI BAR BYA, 'GREL BSHAD JI LTA BU ZHE NA, RGYUD KYI RDO RJE'I TSIG GI GSANG BA STE
SBAS PA'I DON RNAMS RAB TU GSAL BAR BYED PA'O, ,'ON TE RGYUD 'DIR RDO RJE'I TSIG GSAL BAR GSUNGS PA MA YIN NAM ZHE NA, GSUNGS MOD KYI 'ON KYANG 'JIG RTEN LAS 'DAS PA'I DON ZAB MO RNAMS NI 'KHOR BA'I BDE BA LA CHAGS SHING BDEN BA MA MTHONG BA'I BYAS PA SO SO'I SKYE BO BSTAN BCOS GZHAN SHES PA'I MKHAS PA RNAMS DANG, BSTAN BCOS MI SHES PA'I RMONGS PA RNAMS KYIS RTOGS MI NUS PAS DE RNAMS LA GSAL BAR BSTAN PA'I CHED DU STE DPER NA GSANG ZHING SBAS PA'I NOR GDUG PA'I BU YIS 'JIGS PAS 'JIGS NAS PAS BSRUNGS PA YANG MA YIS BU RNAMS LA PHAN PA'I DON DU GSAL BAR STON PA BZHIN DU GDUG PA'I SLOB DPON GYIS 'JIGS TE BCOM LDAN 'DAS KYI MTHA' DRUG GI SBAS PA'I DON ZAB MO YANG LUS CAN THAMS CAD KYIS BDE BA CHEN PO THOB PA'I DON DU RAB TU GSAL BAR STON PAR BYED DO, ,DES NA RDO RJE SEMS DPA' 'AM DUS KYI 'KHOR LO'I LAM MCHOG NI RGYAS 'GREL GANG GI RNAL 'BYOR BAS RIG PAR BYED PA DE'I PHYIR DRI MA MED PA'I 'OD CES BYA BA'I 'GREL BSHAD TE RGYAS 'GREL 'DI NI MYUR DU STE MA 'GOR BAR BRI BAR BYA'O, ,DE YANG RTZA BA'I RGYUD LA ZLA BA BZANG POS, RGYA CHER 'GREL BA DRI MA MED PA'I 'OD CES BYA BA STONG PHRAG DRUG CU PA MDZAD PA'I MTSAN DE NYID KYIS BSDUS BA'I RGYUD KYI RGYA CHER 'GREL PA STONG PHRAG BCU GNYIS PA LA BTAGS PA MDZAD DE, PHYI NANG GI ZLA BA'I CHA BCU DRUG SGRIB BRAL DU GYUR PA DANG CHOS MTHUN PAS MTSAN YANG DE BZHIN DU BTAGS SO ZHES MKHAS PA DAG GSUNGS SO, ,GNYIS PA MDOR
, ,BSDUS KYI MTSAN BSTAN PA NI BSDUS PA'I RGYUD KYI RGYAL PO DUS KYI 'KHOR LO'I 'GREL BSHAD CES BYA BA NI MDOR BSTAN CHEN PO'I MTSAN NYID DE, 'DIS 'GREL BA NYID KYI BSHAD BYA DANG 'CHAD BYED KYI NGES PA GSUNGS SO, ,RTZA BA'I RGYUD KYI RJES SU 'JUG PA ZHES PAS SNYING PO'I DON LA MI 'KHRUL PA'I NGES PA GSUNGS SO, ,STONG PHRAG BCU GNYIS PA ZHES PAS NI 'GREL PA'I GZHUNG CHED KYI NGES PA GSUNGS SO, ,DRI MA MED PA'I 'OD CES PAS NI 'GREL PA DE'I MTSAN GYI NGES PA GSUNGS SO, ,BDUD DANG BGEGS DAG NYAMS PAR BYED PA MCHOG GI 'DOD PA'I LHA DANG DAM PA'I LAM NGES PA ZHES PAS NI, BRJOD BYA DANG DGOS PA'I KHYAD PAR GYI SGO NAS BTAGS PA'I MDOR BSDUS KYI MTSAN GYI NGES PA STE, DE'I DON NI GONG DU BSHAD ZIN TO, ,MDOR BSDUS CHEN PO STE DANG PO ZHES PAS NI BSDUS RGYUD 'DI LA BRJOD BYA'I DON GYI GTZO BO RNAMS SDE TSAN SDE TSAN DU BSDUS PA'I MDOR BSDUS DU MA YOD PA'I NANG NAS THOG MAR STON PA'O, ,'O ZHES BYA BA NI DAG RDZOGS PA'I TSIG GO, MDOR BSDUS CHEN PO ZHES PA 'DIS BSDUS RGYUD KYI RGYA CHER 'GREL DU MI'I NGES PA GSUNGS SO ZHES GZHAN DAG 'CHAD DO, ,DPAL LDAN MCHOG GI DANG PO'I SANGS RGYAS MNGON PAR BSTOD LAS DE NYID DAM PA'I LAM BZANG NI, ,BDE BLAG NYID DU YANG DAG NGES PA'I 'DOD DGU MCHOG STER RGYAS 'GREL NOR BU'I GZHAL MED KHANG, ,RNAM PAR BRGYAN PA'I RIN CHEN TOG MDZES NGAN RTOG MI GTZANG RDZAB TU 'PHANGS GYUR BDAG GIS NI, ,LEGS BSHAD MTHO RIS GANG+G'A'I CHU BOS BYI DOR BGYIS LAS 'GRO 'DIR LAM BZANG GSAL GYUR CIG, BCOM LDAN
'DAS DPAL DUS KYI 'KHOR LO MCHOG GI DANG PO'I SANGS RGYAS KYI RTZA BA'I RGYUD LAS PHYUNG BA BSDUS PA'I RGYUD KYI RGYAS 'GREL DRI MA MED PA'I 'OD KYI RGYA CHER BSHAD PA DE KHO NA NYID SNANG BAR BYED PA ZHES BYA BA LAS MDOR BSDUS DANG PO'I RNAM PAR BSHAD PA'O,, ,, ` DPAL LDAN PHYOGS KUN YA MTSAN GYIS 'DRI BA, ,SGEG LDAN DPA' BO RAL PA'I COD PAN CAN, RNAM KUN PHYAG RGYA'I MDZES SDUG RDZOGS PA KHYOD, ,BDAG GI SNYING ROL RTZED MDZOD CIG DANG, ,THUB PAS GANG LA GZIGS NAS JI LTA BUR, ,RTZA BA'I RGYUD GSUNGS LA SOGS RNAM PHYE GA, LEGS PAR BSHAD PA'I DGA' STON RGYA CHEN GYIS, ,SKAL BZANG YID KYI 'DOD PA 'JEB BYA, ,MDOR BSDUS GNYIS PA 'DI NYID 'CHAD PA LA BZHI, ,BSHAD PAR DAM BCA' BA DAM BCAS PA'I DON MDOR BSTAN PA, DE NYID RGYAS PAR BSHAD PA, MDOR BSDUS KYI MTSAN BSTAN PA'O, ,DANG PO NI, RGYA CHER 'GREL PA DRI MA MED PA'I 'OD 'DIR BSDUS PA'I RGYUD KYI TSIG DON 'CHAD PA LA 'JUG PA'I DANG POR STE SNGON DU RE SHIG RTZA BA'I RGYUD KYI RJES SU 'BRANGS TE RTZA RGYUD DE'I BRJOD BYA DANG, RJOD BYED DANG 'BREL BA LA SOGS PA DANG, RTZA RGYUD LAS BSDUS PA'I RGYUD DE DANG DE'I 'GREL PA LA SOGS PA LUNG BSTAN PA BRJOD PAR BYA STE, DE DAG BSHAD PA'I PHYI NAS BSDUS RGYUD KYI TSIG DON 'CHAD PA'I SKABS SU BSDUS PA'I RGYUD LA DGOS PA DANG DGOS PA'I DGOS PA LA SOGS PA YANG BRJOD PAR BYA'O, ,GNYIS PA LA GNYIS, RTZA RGYUD GSUNGS TSUL MDOR BSTAN PA DANG, BSDUS RGYUD SOGS LUNG BSTAN TSUL MDOR BSTAN PA'O, ,DANG PO NI, DE LTAR RTZA RGYUD KYI DBANG DU BYAS PA DANG BSDUS RGYUD KYI DBANG DU BYAS
{tIK CHEN} *, ,PA GNYIS YOD PA'I SNGA MA 'DI 'CHAD LA, BSDUS RGYUD LUNG BSTAN TSUL SOGS 'CHAD PA LAS DANG POR RE SHIG RTZA RGYUD GSUNGS TSUL NI, YANG DAG PAR BSTAN TO, ZHES DRANG NGO, ,RGYU MTSAN GANG GZIGS NAS NA, BRJOD BYA SOGS LNGA MNGON PAR GZIGS NAS SO, ,GANG LA NA, GDUL BYA'I SKYE BO NGES PA DANG BRAL BA RNAMS LA'O, ,JI LTAR NA, RANG GI SEMS KYI BSAM PAS CHAGS PA LA MA RGYUD LA MOS PA DANG MTHUN PAR 'O, ,CHOS JI 'DRA BA ZHIG NA, SKYE BA 'DI LA SANGS RGYAS NYID KYI 'BRAS BU RAB TU STER BA RGYUD KYI RGYAL PO BSTAN NO, ,STON PA PO JI 'DRA BA ZHIG GIS BSTAN NA, PHUN SUM TSOGS PA LNGA DANG LDAN PAS STE, GNAS PHUN SUM TSOGS PA BDE BA CHEN PO'I GNAS NAS BZHUGS PA'I BAR DANG, 'KHOR PHUN TSOGS SANGS RGYAS NAS PHYAG BYAS PA'I BAR DANG MDZAD PA PHUN TSOGS KHAMS GSUM GYI 'KHOR LO BSGYUR BA DANG, CHOS PHUN TSOGS MCHOG GI DANG PO'I NAS, DUS KYI 'KHOR LO'I BAR DANG, ZHU BA PO PHUN TSOGS ZLA BA BZANG POS GSOL BA BTAB PAR GYUR PA YIS BSTAN NO, ,RJOD BYED JI LTA BU ZHIG GIS NA, MCHOG GI DANG PO'I SANGS RGYAS STONG PHRAG BCU GNYIS PA STE, DE'I KHYAD PAR NI RAS MED PA NAS BRTAG PA LNGA'I BDAG NYID NI, ZHES PA'I BAR GYI KHYAD PAR DANG LDAN PA'O, ,DGOS PA GANG GI CHED DU BSTAN NA, MI LA SOGS PA'I NAS THOB PAR BYA BA'I PHYIR DU'O, ,GNYIS PA NI, RTZA RGYUD DE LAS DE BZHIN GSHEGS PAS LUNG BSTAN TO, ,GANG ZHIG JI LTAR LUNG BSTAN ZHE NA, BSDUS PA'I RGYUD CES PA NAS, DAM PA'I LAM THOB PA LA, ZHES PA'I BAR TE, MDOR BSTAN GYI GZHUNG 'DI DAG GI TSIG GI DON
NI RGYAS BSHAD KYIS RE RE NAS 'CHAD PAS 'DIR BSHAD MI DGOS SO, ,GSUM PA LA GNYIS RTZA RGYUD GSUNGS TSUL RGYAS PAR BSHAD PA DANG, DE LAS BSDUS RGYUD SOGS LUNG BSTAN PA RGYAS PAR BSHAD PA'O, ,DANG PO LA DRUG RTZA RGYUD KYI BRJOD BYA SOGS CHOS LNGA RGYAS PAR BSHAD PA, LNGA PO DE GZIGS NAS GDUL BYA JI LTA BU LA BSTAN PA RGYAS PAR BSHAD PA, CHOS KHYAD PAR CI LTA BU DANG LDAN PA BSTAN PA RGYAS PAR BSHAD PA, STON PA PO PHUN SUM TSOGS PA LNGA DANG LDAN PA RGYAS PAR BSHAD PA, RJOD BYED KHYAD PAR JI LTA BU DANG LDAN PA BSTAN PA RGYAS PAR BSHAD PA, CHED DU BYA BA GANG GI DON DU BSTAN PA RGYAS PAR BSHAD PA'O, ,DANG PO LA GSUM, BRJOD BYA RGYAS PAR BSHAD PA DANG, RJOD BYED DANG 'BRAL BA RGYAS PAR BSHAD PA, DGOS PA DANG NYID DGOS RGYAS PAR BSHAD PA'O, ,DANG PO LA BZHI, DON GYI LE'U LNGA'I GO RIM DANG GRANGS NGES DNGOS SHUGS LA BSTAN PAS BRJOD BYA'I LUS NGOS BZUNG BA, DE LAS KYANG THABS SHES GNYIS MED KYI RDO RJE'I RNAL 'BYOR BRJOD BYA'I GTZO BOR BSTAN PA, BRJOD BYA'I LUS DE NYID KYANG ZHIB TU PHYE BAS GNAS PA BRGYAD CU RTZA GCIG TU BSTAN PA, DE LTAR BRJOD BYA BSTAN PA RNAMS KYI DON BSDU BA'O, ,DANG PO LA, LE'U'I SKAD DOD PA RI TSE DA ZHES PA YONGS SU BCAD PA LA 'JUG PAS DON TSAN SO SOR YONGS SU BCAD PA DANG, RJOD BYED KYI TSIG SDE TSAN SO SOR YONGS SU BCAD PA GNYIS GA LA'ANG LE'U'I SGRA 'JUG CING, DE'I PHYIR SBYIR LE'U LA BRJOD BYA DON GYI LE'U DANG, RJOD BYED TSIG GI LE'U GNYIS YOD DO, ,DES NA 'DIR YANG RTZA RGYUD KYI BRJOD BYA RAGS PAR BSDUS NA DON GYI LE'U LNGA 'AM BRTAG PA LNGA DANG, ZHIB PAR PHYE NA DON GYI GNAS PA BRGYAD CU
, ,RTZA GCIG TU 'GYUR RO, ,DE LA BRJOD BYA DON GYI LE'U LNGA'I GO RIM NI, RDUL PHRA RAB 'DUS PA SNGON DU 'GRO BA NI SNOD KYI 'JIG RTEN GYI KHAMS YIN TE, RDUL PHRA RAB 'DUS PA NAS, RIM GYIS RI RAB DANG GLING LA SOGS PA'I BAR DU BRTZAMS NAS SNOD CHAGS DGOS PA'I PHYIR RO, ,'JIG RTEN GYI KHAMS CHAGS PA SNGON DU 'GRO BA NI BCUD KYI SEMS CAN RNAMS TE, SNGON DU SEMS CAN GANG DU GNAS PA'I SNOD CHAGS NAS DE'I RJES SU DER GNAS PA PO SEMS CAN DE DAG CHAGS PA YANG SNOD LA BRTEN NAS GNAS DGOS PA'I PHYIR RO, ,SEMS CAN SNGON DU 'GRO BA NI 'JIG RTEN DANG 'JIG RTEN DANG 'JIG RTEN LAS 'DAS PA'I MNGON PAR DBANG BSKUR BA STE, DBANG BSKUR BA LA GANG LA BSKUR BYA'I SLOB MA SOGS DANG, BSKUR BA PO SLOB DPON SOGS SNGON DU GRUB DGOS PA'I PHYIR RO, ,MNGON PAR DBANG BSKUR BA SNGON DU 'GRO BA NI GZUGS SKU DANG RNAM PA MTHUN PAR BSGOM PA GTZO BOR GZUGS SKU'I RIGS 'DRA'I RGYUR GYUR PA'I BSOD NAMS KYI TSOGS BSKYED RIM GYI DKYIL 'KHOR GYI 'KHOR LO BSGOM PA GOMS PAS DE TZAM GYIS KYANG GNAS SKABS SU 'JIG RTEN PA'I DNGOS GRUB CHEN PO RNAMS KYANG BSGRUB PAR NUS PA STE, DKYIL 'KHOR DU BCU GNAS DBANG BSKUR BA MTSAN NYID DANG LDAN PA MA THOB PA DE 'DRAS BSKYED RIM BSGOM PA'I SNOD DU MI RUNG BA'I PHYIR RO, ,'OG MIN GYI SRID PA'I MTHAR THUG PA ZHES PA NI, TSE 'DIR BSKYED RIM BSGOMS PA'I RNAM SMIN LA PHYI MAR 'OG MIN GYI SRID PA 'GRUB PA LTA BU LA MI ZER GYI, LUS 'DI NYID KYIS 'OG MIN GYI BAR DU 'GRO BA'I MKHA' SPYOD KYI DNGOS GRUB CHEN PO'O, RGYUD 'DI'I BSKYED RIM GYI DKYIL 'KHOR BSGOM PA
GOMS PAS DE TZAM GYIS 'JIG RTEN PA'I DNGOS GRUB CHEN PO DE DAG KYANG TSIGS CHUNG NGUS BSGRUB PAR NUS PA NI BSKYED RIM MTHAR PHYIN PA'I TSAD YIN LA, ,DE 'DRA BAS RGYUD SMIN PAR BYAS PA SNGON DU 'GRO BA NI PHYAG RGYA CHEN PO'I YE SHES KYI DNGOS GRUB BSGRUB PA RDZOGS PA'I RIM PA STE, BSKYED RIM MTHAR PHYIN PAS RGYUD SMIN PAR BYED PA'I SMIN LAM SNGON DU MA SONG BAR GROL LAM RDZOGS RIM RGYUD NAS BSHAD PA LTA BU'I MTSAN NYID RDZOGS PA SKYE MI SRID PA'I PHYIR RO, ,DE YANG PHYAG RGYA CHEN MO LA BRTEN NAS SKYES PA'I BDE BA CHEN PO'I YE SHES KYIS BSGRUB PA'I DNGOS GRUB LA PHYAG RGYA CHEN PO'I YE SHES KYI DNGOS GRUB CES BYA LA, PHYAG RGYA CHEN PO DE JI LTA BU ZHE NA, RDUL PHRA RAB 'DUS PA LAS 'DAS PAS BEM PO'I SKU YANG MA YIN ZHING BSKYED RIM GYI DKYIL 'KHOR LA SOGS PA LTA BU DNGOS GNAS LA MA GRUB PAR RNAM PAR RTOG PAS BRTAGS NAS BSGOM PA'I GOMS PA TZAM GYIS YID NGOR SHAR BA'I LHA'I SKU DANG BRAL BA STE DE 'DRA'I SKU LAS 'DAS PA DNGOS GNAS LA STONG GZUGS KYI SKUR GRUB PA'I PHYAG RGYA CHEN PO'O, ,PHYAG RGYA CHEN PO'I DNGOS GRUB 'GRUB TSUL YANG GNYIS STE, SKYE BA SNGA MA RNAMS SU SNGAGS BLA MED KYI THUN MONG MA YIN PA'I LAM LA MA ZHUGS KYANG TSE 'DIR GZUGS SKU'I NYER LEN STONG GZUGS KYI SKU BSOD NAMS KYI TSOGS DANG BDE BA CHEN PO YE SHES KYI TSOGS DAG BSGOMS PA'I STOBS KYIS TSE DE NYID LA DNGOS GRUB MCHOG 'GRUB PA DANG, GZHAN YANG SKYE BA SNGA MA'I DMIGS BCAS KYI STONG PA NYID KUN RDZOB DANG SNYING RJE BDE BA
, ,CHEN PO, DMIGS PA MED PA BSGOMS PA'I 'PHRO LA SHI BA'I BAG CHAGS KYI STOBS KYIS TSE 'DIR LAM GYI 'PHRO RDZOGS PAR BYAS TE, PHYAG RGYA CHEN PO'I DNGOS GRUB 'GRUB PA'O, ,DES NA 'JIG RTEN PA'I DNGOS GRUB CHEN PO RNAMS 'GRUB PA'ANG RDZOGS RIM LA MI LTOS PAR BSKYED RIM RKYANG PAS 'GRUB PAS SNGA MA LA 'OG MIN GYI MTHAR THUG PA ZHES SMOS LA, MCHOG GI DNGOS GRUB NI RIM GNYIS GANG RUNG GCIG GIS MI 'GRUB KYI, BSKYED RDZOGS GNYIS GA MTHAR PHYIN PA LA LTOS PAS 'DIR BSKYED RIM SNGON DU 'GRO BA LA LTOS DGOS PAR DNGOS SU SMOS TE 'DI DAG GON BSKYED RIM MCHOG GI DNGOS GRUB KYI RGYU MA YIN PA'I LOG RTOG GI GNAS MED DO, ,DE'I PHYIR GZHUNG 'DI DAG GI NUS PA THEN PA'I TSIG GI DON GAL CHE BAS SGYU THABS KYI BSHAD PA MI BYA'O, ,DE LTAR SNGA MA SNGA MA PHYI MA PHYI MA'I RTEN DANG RGYUR 'GRO TSUL BSHAD NAS DE'I PHYIR LE'U LNGA RTEN DANG BRTEN PA'I GO RIMS SU BSHAD DO, ZHES STON PA NI, THOG MA'I 'DIR ZHES PA'I TSIG SKABS 'DIR SBYAR TE, JI SKAD BSHAD PA'I TSUL DE BAS NA STE DE'I PHYIR RGYUD 'DIR DANG PO PA ZHES PA NAS, BRTAG PA STE, DE LTAR RTEN DANG BRTEN PA'I RIM PA JI LTA BA BZHIN RGYUD KYI RGYAL PO'I BRJOD BYA NI BRTAG PA LNGA'AM LE'U LNGA'I DON GYI BDAG NYID DO, ,DE LA RGYUD SDE 'OG MA GSUM LTAR NA LHA'I RNAL 'BYOR MTHAR PHYIN PA NA THOG MAR 'JIG RTEN PA'I DNGOS GRUB BSGRUBS NAS DE LA BRTEN TE MCHOG GI DNGOS GRUB BSGRUB PA YIN KYANG, BLA MOD KYI SKABS SU NI THOG MAR 'JIG RTEN PA'I DNGOS GRUB BSGRUB PA LA RAG MI LAS PAR BSKYED RIM MTHAR
PHYIN PA'I DE MA THAG NAS RDZOGS RIM BSGOM PAS MCHOG 'GRUB PA YIN ZHING, BSKYED RIM MTHAR PHYIN NAS DE MA THAG RDZOGS RIM MI BSGOM PAR THUN MONG GI DNGOS GRUB 'GA' ZHIG GIS YID DRANGS NAS 'JIG RTEN PA'I DNGOS GRUB BSGRUB PA LA 'JUG PA NI, BLA MED KYI GDUL BYA DBANG RTUL DU RGYUD SDE CHEN PO DAG LAS GSUNGS PA'I PHYIR, 'DIR BSKYED RIM GYIS 'JIG RTEN PA'I DNGOS GRUB BSGRUB CES GSUNGS PAS 'KHRUL GZHI BYAS NAS, BSKYED RIM MTHAR PHYIN PA NA DE LA BRTEN NAS 'JIG RTEN PA'I DNGOS GRUB BSGRUB NAS DES BROD PA SKYED NAS GDOD MCHOG GI DNGOS GRUB BSGRUB PA'I LAM LA 'JUG PAR BYED PA'I THABS SU BSKYED RIM GSUNGS PA DUS 'KHOR GYI DGONGS PA YIN NO, SNGAM MA MANG POS ZHES SMRA BA'ANG SNGAGS BLA MED KYI LAM GYI SPYI'I RNAM GZHAG MA CHAGS PA'I GTAM YIN NO,, DE YANG LE'U MANG PO 'DI DAG LAS ZHAR BYUNG NGAM PHAL BA'I TSUL GYIS THAMS CAD LAS KYANG PHYI NANG GZHAN GSUM GA 'CHAD MOD KYANG, RANG RANG GI BRJOD BYA GTZO BOR BYAS NAS 'CHAD PA'I DBANG DU BYAS NAS LE'U DANG POS PHYI DANG, GNYIS PA, NANG GTAN LA 'BEBS GZHAN LA LAM DANG 'BRAS BU GNYIS LAS, LAM BSGOM PA'I SNOD RUNG DU BYED PA NI DBANG YIN PA'I PHYIR DE YANG GZHAN GYI KHONGS SU BSDUS NAS DE NYID LE'U GSUM PAS 'CHAD CING, GZHAN DNGOS LAM LA BSKYED RDZOGS GNYIS LAS, SGRUB LER BSKYED RIM GTZO BOR 'CHAD CING RDZOGS RIM KYANG CUNG ZAD 'CHAD LA, YE SHES LE'UR RDZOGS RIM GTZO BOR 'CHAD CING, BSKYED RIM KYANG CHA SHAS CHA SHAS 'CHAD LA, 'BRAS BU MTHAR THUG PA'I RNAM GZHAG KYANG RGYAS
, ,PAR 'CHAD DO, ,DE BAS NA GZHAN 'KHOR DANG BCAS PA STON PA LA LE'U GSUM MO, ,DE'I PHYIR SNGAR BSHAD PA'I GO RIM GYI TSUL DE YANG LE'U SO SOS GTZO BOR GTAN LA 'BEBS PA'I BRJOD BYA'I DBANG DU MDZAD NAS GSUNGS PA YIN NO, ,DE LA PHYI DANG NANG GNYIS NI LAM GYI SBYANG GZHI SHES PA'I PHYIR DU GSUNGS SHING, SNGAGS BLA MED KYI LAM GYI SBYANG GZHI'ANG MA DAG PA'I SNOD BCUD KYI CHOS GNYIS SU GRANGS DES PA'I PHYIR PHYI NANG GNYIS SU GRANGS NGES SO, ,DE SPYOD BYED KYI LAM LA YANG MA DAG PA'I SNANG ZHEN MGO GNON CING SBYANG GZHI LHAG MA MED PAR SBYONG BA'I RDZOGS RIM RGYUD LA DNGOS SU SKYE RUNG DU BYED PA'I SMIN BYED KYIS LAM DANG, SBYANG GZHI LHAG MA MED PAR SBYONG BA'I GROL BYED KYI LAM GNYIS SU NGES PA'I PHYIR BSKYED RDZOGS GNYIS SU GRANGS NGES LA, DE GNYIS BSGOM PA'I GNAS SKABS DANG MTHAR THUG GI 'BRAS BU DNGOS GRUB GNYIS SU GRANGS NGES PA'I PHYIR BRJOD BYA DON GYI LE'U LNGAR GRANGS NGES SO, ,DE LTAR NA 'DIR PHYI NANG GNYIS GTAN LA 'BEBS PA NI CHOS MNGON PA SOGS NAS SNOD BCUD KYI 'JIG RTEN GTAN LA 'BEBS PA LTAR SHES BYA'I MTSAN NYID GTAN LA 'BEBS PA TZAM GYI PHYIR DU MA YIN GYI BSKYED RDZOGS KYI SBYANG GZHI GTAN LA 'BEBS PA'I PHYIR DU YIN PAS 'JIG RTEN GYI KHAMS BYE BA PHRAG BRGYA LA SOGS PA THAMS CAD KYI RNAM GZHAG GTAN LA MA PHAB PA YIN GYI, RIGS RAL LTAR MU STEGS KYI LUGS DANG MTHUN PAR BYED 'DOD NAS STONG GSUM LA SOGS PA'I RNAM GZHAG MA BSHAD PA MA YIN NO, ,DE BZHIN DU NANG LA YANG 'GRO BA GZHAN GYI RNAM GZHAG RAGS PA TZAM RE LAS MA BSHAD PAR GTZO BOR MNGAL SKYES KYI MI KHAMS DRUG LDAN GYI RNAM GZHAG
RGYAS PAR GTAN LA PHAB PA NI, SNGAGS BLA MED KYI LAM THUN MONG MA YIN PA'I LAM GYI THOG MA NAS TSE GANG LA NYAMS SU BLANGS PA'I TSE DE NYID LA MCHOG 'GRUB PA'I GDUL BYA NI MNGAL SKYES KHAMS DRUG LDAN GYI MI YIN PAS KHYAB PAS, DE 'DRA BA'I RTEN GYI GANG ZAG GIS SBYANG GZHI GANG DANG CHOS MTHUN PAR BSKYED RIM BSGOM PA'I SBYANG GZHI DANG SBYONG BYED KYI CHOS MTHUN RGYAS PAR SHES PAR BYA BA'I PHYIR DANG, RDZOGS RIM BSGOM PA'I TSE GANG LA GNAD DU BSNUN PAR BYA BA'I RDO RJE'I LUS KYI GNAS LUGS ZHIB PAR SHES PAR BYA BA'I PHYIR DU YIN NO, ,DE LA YANG THOG MAR PHYI'I RNAM GZHAG ZHIB PAR BSHAD NAS DE'I RJES SU, JI LTAR PHYI ROL DE BZHIN NANG, ZHES BYA BA'I TSUL GYIS, PHYI ROL GYI CHOS RNAMS DANG RE RE NAS NANG LA CHOS MTHUN SBYAR NAS BSHAD PA NA NANG GI RNAM GZHAG RNAMS RTOGS SLAB DANG, ZHIB PAR RTOGS BA'I DGOS PA YOD DO, ,DE'I PHYIR THOG MAR PHYI'I RNAM GZHAG ZHIB PAR BSHAD LA, DE GTAN LA 'BEBS PA NI RTZIS KYI SGO NAS GTAN LA PHAB NA MNGON PA SOGS NAS GSUNGS PA'I RAGS PA'I RNAM GZHAG DE LTA BU MA YIN PAR PHYI'I GZA' DANG RGYU SKAR DANG DUS SBYOR LA SOGS PA'I SGO NAS CHES ZHIB PAR RTOGS PA'I DGOS PA DANG, DRANG SRONG DAG GI RTZIS KYI KHENGS PA GZHOM PA LA SOGS PA'I DGOS PA'I SLAD DU GTAN LA 'BEBS BYED KYI YAN LAG RTZIS KYI RNAM GZHAG RGYAS PAR GSUNGS SO, ,DE LTAR RTZIS KYI YAN LAG GIS PHYI'I RNAM GZHAG SNGAGS MTSAN NYID KYI PHYOGS GZHAN NAS GSUNGS PA LAS KYANG CHES ZHIB PAR GTAN LA PHAB NAS DE DAG RE RE NAS NANG LA CHOS MTHUN SBYAR BA NA, NANG GI SRID PA SKYE 'CHI'I RIM PA DANG RDO RJE LUS KYI GNAS LUGS PHYOGS GZHAN DE DAG TU GSUNGS PA GANG
, ,LAS KYANG CHES ZHIB PAR RTOGS PAR 'GYUR RO, ,DE LTAR RTOGS PA NA DE DAG RE RE NAS BSKYED RIM DANG CHOS MTHUN SBYAR NAS BSHAD PAS BSKYED RIM GYIS SBYANG GZHI SBYONG BA'I GNAD GZHAN GANG LAS KYANG CHES RGYAS PAR 'BYUNG BAS RGYUD 'DIR DKYIL 'KHOR GYI 'KHOR LO BSGOM PA SHIN TU RGYAS PA ZHIG 'CHAD PA'I RGYU MTSAN YANG DE NYID YIN NO, ,DE LTAR BSKYED RIM GYI SKABS SU SBYANG GZHI SBYONG BA'I RNAM GZHAG CI TZAM RGYAS PA DE TZAM DU RDZOGS RIM GYI SMIN BYED DU 'GRO BA'I SGO RGYAS PAS RDZOGS RIM SKYE BA'I NUS PA MCHOG TU 'GYUR RO, ,NANG GTAN LA 'BEBS PA JI TZAM RGYAS PA DE TZAM GYIS RDZOGS RIM GYI GNAD RTOGS PA'I SGO SHIN TU RGYAS SO, ,NANG GI DUS SBYOR GYI RTZA DANG DE LA RGYU BA'I DUS SBYOR DANG 'PHO CHEN BCU GNYIS KYI RLUNG DANG NANG GIS THIG LE DKAR DMAR GYI DKAR PHYOGS DANG NAG PHYOGS KYI 'PHEL 'GRIB KYI CHA SO SO DANG, NANG GI NYI ZLA'I RLUNG GI BGROD PA'I STENG NAS DBU MA LA RGYUS PA'I DBANG GIS BU LON DU 'GYUR TSUL SOGS ZHIB PAR NGES PA LAS NI BSKYED RIM GYI CHA GANG GIS NANG GI CHA GANG SBYONG BA DANG, RDZOGS RIM GYIS GNAD DU BSNUN PA'I GZHI DANG, BSNUN PA'I BYED LAS RNAMS ZHIB PAR DES PAR 'GYUR LA, NANG GI DE DAG NGES PA YANG PHYI'I GZA' DANG RGYU SKAR DANG KHYIM DANG DUS SBYOR LA SOGS PA ZHIB PAR NGES PA SNGON DU SONG NAS DE DANG CHOS MTHUN TSUL NANG LA SBYAR BA LAS GZHAN PA'I THABS KYIS MI RTOGS SHING, PHYI'I DE DAG RTOGS PA RTZIS KYI RNAM GZHAG KHONG DU CHUD PA LA RAG LAS PAS DE'I PHYIR, BSKYED RDZOGS KYIS LAM GYI RGYUD 'DI'I THUN MONG MA YIN PA'I KHYAD PAR RNAMS RTOGS PA'I YAN LAG TU RTZIS KYI RNAM GZHAG RGYAS PAR GSUNGS
PA MA GO BAR, RTZIS LA CE TZAM SBYANGS PAS LUS SEMS DUB PAR BYAS PA'I DUS KYI 'KHOR LO BAR KHAS 'CHE BA DAG KYANG DE LA BRTEN NAS BSKYED RDZOGS GYI GNAD KHOD DU CHUD PA LTA CI SMOS, NANG LUS KYI GNAS LUGS PHYI LA BRTEN NAS GTAN LA 'BEBS TSUL TZAM LA YANG BLO KHAM PHYOGS PAR KHYIM GYI BYA BA TZAM GYI DGE BA DANG MI DGE BA LUNG DU STON PA LA MKHAS PA'I KHENGS PA 'DZIN ZHING, DE TZAM ZHIG GI PHYIR DU LAM ZAB MO LA THOS BSAM BSGOMS PA'I BYA BA RGYANG BSRINGS NAS MDZUB MO SDUG BSNGAL BAR BYED PA DE LTA BU DUS KYI 'KHOR LO BA'I GZUGS BRNYAN DAG NI SPUN LKOGS DANG MTSUNGS PAR SHES PAR BYA'O, ,'DI LTA BU'I PHYI NANG GZHAN GSUM SBYOR TSUL RTOGS PAR BYA BA'I PHYIR DU PHYI NANG GZHAN GSUM GYI CHOS PHAL CHE BA LA SNGAGS KYI YI GE GSUNGS TE, DE YANG SPYIR BTANG LA PHYI ROL DU ZLA BA'I CHOS PHAL CHE BA DBYANGS DANG SBYAR ZHING, ZLA BA LA YANG DKAR PHYOGS DANG NAGS PHYOGS KYI CHA GNYIS SO SOR THABS DANG SHES RAB KYI THA SNYAD MDZAD NAS DKAR PHYOGS LA DBYANGS THUNG DU DANG, NAG PHYOGS LA DBYANG SA RING PO DANG TSEG DRAG CAN DANG, DE BZHIN DU NYI MA'I CHOS PHAL CHE BA GSAL BYED DANG SBYAR ZHING, DE LA YANG LHO BGROD DANG BYAD BGROD KYI CHA GNYIS LA THABS SHES KYI THA SNYAD MDZAD NAS, LTO BGROD GSAL BYED DBYANGS THUNG NGU DANG BCAS PA DDANG GSAL BYED RKYANG PA DANG BYANG BGROD GSAL BYED DBYANGS RING PO DANG, GSAL BYED BRTZEGS PA LA SOGS PA DE LTAR DU SO SOR SBYAR BA LA SOGS PA RGYAS PAR GSUNGS PA DANG, DE BZHIN DU NANG DANG GZHAN LA SBYAR NAS GSUNGS PA NA, PHYI RU
{tIK CHEN} *, ,TSES SUM BRGYA DRUG CU'I SNGAGS KYI YI GER GANG BSHAD PA DE DANG DE NANG DU TSIGS CHEN BCU GNYIS KYI RTZA SUM BRGYA DRUG CU'I SNGAGS DANG, BSKYED RIM LA TSES LHA SUM BRGYA DRUG CU'I SA BON DU 'GYUR BA LTA BU, PHYI'I CHOS GANG GI SNGAGS DE NYID PHYI'I CHOS DE DANG, CHOS MTHUN SBYAR BYA'I NANG GI CHOS DE'I SNGAGS DAG DE'I SBYONG BYED DU SBYAR RGYU'I BSKYED RIM GYI LHA DE DANG DE'I YANG SA BON DANG, SBYANG GZHI PHYI NANG GI CHOS DE DAG SGRIB BRAL DU GYUR BA'I CHA DE DANG DE'I 'ANG SNGAGS SU 'GYUR BA'I SGO NAS; MING GI SNGAGS DANG LHAG PA'I LHA ZHES DE BZHIN GSHEGS PAS BRDA MDZAD PA'I SNGAR KYI YI GE GCIG GIS PHYI'I CHA GCIG NANG GI CHA GCIG BSKYED RIM GYI CHA GCIG RDZOGS RIM GYI CHA GCIG 'BRAS BU'I CHA GCIG RNAMS THUN MONG DU MTSON NAS BSTAN PA NA, PHYI NANG GI CHA DE GNYIS CHOS MTHUN PA DANG, DE GNYIS BSKYED RDZOGS KYI CHA GNYIS PO DES SBYONG BA DANG, CHA DE GNYIS SBYANGS PA'I LAG RJES LA 'BRAS BU'I SKABS KYI CHA DE 'BYUNG PAR SHES PA'I CHED YIN PAS PHYI NANG GZHAN GSUM SBYOR TSUL DE LTAR YIN PA DANG, DE RTOGS PA'I PHYIR DU THAMS CAD LA SNGAS KYI YI GE RGYAS PAR SBYAR TSUL YANG DO LTAR SHES NA NGO MTSAR BA BSKYED PAR BYED DO, ,ZHIB PAR DA DUNG 'OG GI SKRABS SO SOR 'CHAD PAR 'GYUR RO, ,DE LTAR NA {RANG}KHA CIG PHYI NANG GZHAN GSUM DU PHYE BA'I TSE YI GE DE RNAMS GZHAN YIN PAR 'CHAD PA'ANG MI 'THAD DE DE DAG PHAL CHE BA'I YI GE RE RES MTSON PA'I DON LA YANG PHYI NANG GZHAN GSUM KA YOD PA SHAS CHE BA'I PHYIR RO, ,DE YANG NANG LE'I MDOR BSDUS, BZHI PA DANG LNGA PAR GSUNGS
PA LTAR, MA RIG PA'I DBANG GIS NYON MONGS PA RNAMS BYUNG ZHING, NYON MONGS PA'I DBANG GIS LAS SNA TSOGS PA DAG BSAGS PAS, SEMS CAN SO SO'I LAS KYI RNAM SMIN GYI 'BRAS BU LA SO SO'I NANG GI LUS DANG, SO SO'I LAS KYI THUN MONG GI BDAG 'BRAS LA PHYI'I SNOD GRUB PA YIN PAS DE THAMS CAD MA RIG PA'I RTZA BA CAN YIN LA, DE 'DRA BA'I MA RIG PA NI NYON MONGS PA CAN GYI MA RIG PA ZHES GSUNG RAB SPYI'I TSUL LA GRAGS SHING, DE 'DRA BA'I MA RIG PA DE YANG NANG LE SOGS SU 'CHAD PAR 'GYUR PA LTAR BDEN 'DZIN LA GSUNGS PAS RGYUD 'GREL 'DIR BDEN 'DZIN NYON MONGS SU BZHED KYI SHES SGRIB TU MI BZHED PA DPAL LDAN ZLA BA GRAGS PA'I LUGS DANG JI LTA BA BZHIN DU MTHUN LA, SHES SGRIB KYI GTZO BO NI 'DIR 'DZAG PA'I BAG CHAGS ZHES YANG YANG GSUNGS PA LTAR 'JAG PA DE LA SRED PA LA SOGS PA'I NYON MONGS PAS GZHAG PA'I GNYIS SNANG 'KHRUL BA'I BAG CHAGS NYID LA BZHED PAS DE YANG 'DRA'O, ,'DI DAG NI ZHIB PAR 'OG TU MTHA' DPYAD PA 'CHAD PAR 'GYUR LA, DE BAS NA MA DAG PA'I PHYI NANG GNYIS GA'I RTZA BA NI BDEN 'DZIN GYI MA RIG PAR ZAD PA'I PHYIR GZHAN BSKYED RDZOGS KYI LAM GYIS PHYI NANG GNYIS PO DE SBYONG BA YANG BDEN 'DZIN DE DANG 'DZIN STANGS DNGOS SU 'GAL BA'I LAM GYIS MA RIG PA DE RTZAD NAS 'BYIN PA LA RAG LAS KYI, DE'I DNGOS GNYEN BDEN MED RTOG PA'I SHES RAB MED PAR PHYI NANG GNYIS SBYONG BA LUGS 'DI LA MI BZHED DO, ,DES NA SNGAGS BLA MED KYI THUN MONG MA YIN PA'I LAM LA 'JUG PA'I SNGON DU STONG NYID KYI LTA BA RIG PAS LEGS PAR GTAN LA PHEB PA PAR BYAS NAS, BSKYED RIM GYI SKABS SU YANG STONG PA
, ,NYID KYI LTA BA DANG ZUNG DU CHUD PA'I RNAL 'BYOR LA LEGS PAR BSLABS PAS RTEN DANG BRTEN PA'I DKYIL 'KHOR THAMS CAD STONG NYID KYI RNAM ROL DU 'CHAR BZHIG DGOS LA, RDZOGS RIM GYI SKABS SU NI BLA MED KYI RGYUD GZHAN LTAR NA RLUNG DH'U T'IR ZHUGS GNAS THIM GSUM BYED PA'I THABS LUS LA GNAD DU BSNAN LUGS KHYAD PAR CAN LA 'BAD NAS RLUNG DH'U T'IR THIM PA LAS DH'U T'I'I NANG GI GTUM MO KHYAD PAR CAN 'BAR BA NA DES SPYI BO'I HAm YIG ZHU BA'I BDE BA 'DREN NUS PA NAS, BDE BA DE NYID STONG NYID RTOGS PA'I SHES RAB GYI NGO BOR BSKYED DE BDE STONG DBYER MED DU SBYAR NAS BSGOM PA NA STONG NYID RTOGS PA'I YUL CAN GYI BLO THEG PA GZHAN DANG RGYUD SDE GZHAN LAS CHES MCHOG TU GYUR PA'I STOBS KYIS STONG NYID MNGON SUM DU RTOGS PA DANG BDEN 'DZIN GYI SA BON GCOD PA CHES MYUR RO; ;'DIR NI DE NYID KYANG GZHIR 'JOG LA, KHYAD PAR DU BDE BA 'DREN PA'I PHYAG RGYA THUN MONG MA YIN PA ZHIG BSGRUB PA'I PHYIR DU THOG MAR GZUGS SGRUB KYI RNAL 'BYOR RNAMS KYIS STONG GZUGS KHYAD PAR CAN BSGRUBS PA GONG NAS GONG DU GNAS GYUR NAS STONG GZUGS PHYAG RGYA CHEN MO DNGOS GRUB PA NA DE DANG SNYOMS PAR ZHUGS PA'I STOBS KYIS MCHOG TU MI 'GYUR PA'I BDE BA CHEN PO DRANGS PA NA, BDE BA DES CHOS CAN STONG GZUGS KYI CHOS NYID BDEN STONG RTOGS PA'I YE SHES SU SKYES NAS DE NYID GOMS PAR BYAS PAS BDEN 'DZIN BAG CHAGS DANG BCAS PA SPANGS TE GNAS SKABS BZHI'I THIG LE SGRIB BRAL DU BYAS PAS PHUNG KHAMS SKYE MCHED THAMS CAD SGRIB BRAL DU BYAS TE MA DAG PA'I PHYI NANG GI SNANG ZHEN LHAG MA MED PAR SBYONG BA YIN
NO; ;DE'I PHYIR SBYANG GZHI PHYI NANG GNYIS RGYAS PAR BSHAD NAS, DE SBYONG BA'I LAM RIM PA GNYIS BSGOM PA'I SNOD RUNG DU BYED PA'I DBANG BSKUR BA 'CHAD PA'I SNGA ROL DER RANG GZHAN GYI SDE PA DNGOS POR SMRA BA RNAMS KYI LTA BA RIGS PAS SUN PHYUNG NAS DBU MA'I LTA BA MTHAR THUG PA RIGS PAS GTAN LA 'BEBS PA'I TSUL 'CHAD PA MDOR BSDUS ZHIG LOGS SU MDZAD NAS GSUNGS LA, BDEN STONG RTOG PA'I LTA BA DE SBYANG GZHI PHYI NANG GNYIS SBYONG BA'I SBYONG BYED KYI YAN LAG TU MED MI RUNG LA DGONGS NAS, LE'U DANG PO GNYIS KYI MDOR BSDUS GZHAN RNAMS LA DGOS KYI MCHOD BRJOD MA MDZAD PAR NANG LE'I MJUG LTA BA GTAN LA 'BEBS PA'I MDOR BSDUS NAS BZUNG STE MDOR BSDUS RE RE'I MGOR YANG MDOR BSDUS DE'I BRJOD BYA DANG MTHUN PAR BSTOD PA'I MCHOD BRJOD RE RE ZHING MDZAD DO, ,DE'I PHYIR RGYUD DANG 'GREL PA 'DIR DBU MA THAL 'GYUR BA'I LTA BA MTHAR THUG PA RIGS PAS GTAN LA 'BEBS PA RGYUD GZHAN GANG LAS KYANG RGYAS PAR RTZAL DU BTON NAS 'CHAD PA LA DE LAS BZLOG NAS RGYUD 'GREL GYI MGO MJUG THAMS CAD BDEN GRUB BRJOD BYAR BYED PA LA SBYAR NAS 'CHAD PA'I LOG PA'I LAM CHEN PO GSAL BAR MA BYED CIG ,KHA CIG PHYI NANG SNOD BCUD KYI SKYE BA'I CHA BSKYED RIM GYI SBYANG GZHI DANG SDUD PA'I CHA RDZOGS RIM GYI SBYANG GZHI YIN NO ZHES BSKYED RDZOGS SBYANG GZHI SO SOR 'CHAD PA'ANG LEGS PA MA YIN TE; BSKYED RIM GYIS RDZOGS {DOL 'BRANG,}RIM LAM LTOS PAR SKYE BA MA {RIG}LUS PAR SBYONG NUS SHING, RDZOGS RIM GYIS KYANG BSKYED RIM LAM LTOS PAR 'CHI BA MA LUS PAR SBYONG NUS NA GANG RUNG RE KHO NAS KYANG MCHOG GI DNGOS GRUB 'GRUB PAR 'GYUR BAS
, ,GNYIS GA DON MED PAR 'GYUR LA, BSKYED RIM GTAN MCHOG GI DNGOS GRUB KYI RGYU MA YIN PAR SMRAS PA DANG SHIN TU 'GAL ZHING, PHAN TSUL LTOS NAS SBYONG DGOS NA DE 'DRA'I SBYANG GZHI SO SOR SBYOR TSUL SHIN TU MI 'THAD DO, ,YANG GZHAN DAG RTZA RGYUD LAS, JI LTAR PHYI ROL DE BZHIN NANG, ,NANG DE BZHIN DU GZHAN SHES BYA, ZHES PHYI NANG GZHAN GSUM CHOS MTHUN PAR GSUNGS PA'I DON NI, MCHOG TU MI 'GYUR BA'I BDE BA CHEN PO ZHES KYANG BYA, RNAM KUN MCHOG LDAN GYI STONG NYID CES KYANG BYA, BDE DOL 'BRAG GSHEGS SNYING PO ZHES KYANG BYA BA CHOS RNAMS KYI GNAS LUGS NGO BO NYID SKU MTHAR THUG DE NYID PHYI NANG GZHAN GSUM THAMS CAD LA KHYAD PAR MED PAR RANG BZHIN GYI TSUL GYIS KHYAB NAS GNAS PAS PHYI NANG GZHAN GSUM CHOS MTHUN PAR GSUNGS PA YIN GYI, DE LAS MA GTOGS PA'I CHOS MTHUN TSUL GZHAN MANG PO 'CHAD PA DON MA YIN ZHING, 'DIR PHYI NANG GZHAN GSUM GZHAN RNAMS KYI RNAM GZHAG RGYAS PAR BSHAD PA NI GZHAN MTHAR THUG BDE GSHEGS SNYING PO DE RTOGS PA'I THABS SU GSUNGS PA 'BA' ZHIG YIN NO ZHES ZER BA'I MUN SPRUL DE NYID NI 'OG TU RGYAS PAR 'GOG PAR 'GYUR PAS 'DIR MA BRIS SO, ,DE LTAR BRJOD BYA LE'U LNGA'I GO RIM DANG GRANGS NGES PA PHYI NANG GZHAN GSUM SBYOR TSUL DANG BCAS PA LEGS PAR BSHAD ZIN TO, ,GNYIS PA DE LAS KYANG THABS SHES GNYIS MED RDO RJE'I RNAL 'BYOR BRJOD BYA'I GTZO BOR BSTAN PA NI, RGYUD 'DIR THABS DANG SHES RAB KYI BDAG NYID CES SOGS TE, RGYUD KYI BRJOD BYA JI SNYED CIG GTAN LA PHAB PA THAMS CAD DE RTOGS PA'I THABS SU YIN PAS BRJOD BYA'I GTZO BO NI DE YIN TE, DPER NA GSANG BA 'DUS PA'I SKABS SU BRJOD
BYA GZHAN THAMS CAD ZUNG 'JUG RTOGS PA'I THABS SU GSUNGS PAS BRJOD BYA'I GTZO BO ZUNG 'JUG DANG DE RTOGS PA DGOS PA'I GTZO BO YIN PA BZHIN NO, ,DE BAS NA RGYUD 'DI LA THOS BSAM BYED PA THAMS CAD DE RTOGS PA'I THABS SU 'GRO BA ZHIG DGOS SO, ,DE YANG DANG BOR 'BRAS BU DUS KYI 'KHOR LO THUGS MCHOG TU MI 'GYUR PA'I BDE BA CHEN PO DANG SKU STONG GZUGS KYI YAB YUM MNYAM PAR SBYOR BA'I SKU DANG THUGS DBYER MED PA RDUL PHRA RAB KYI CHOS KYI PHUNG SOGS ZAD CING GNAS SKABS BZHI'I SGRIB PA SPANGS PA BDEN DON BCU GNYIS DANG DE NYID BCU DRUG GI BDAG NYID CAN 'DI LTA BU'O ZHES BYA BA DE SHES PAR BYAS NAS, DE 'DRA BA'I 'BRAS BU DANG PO'I SANGS RGYAS RIS MED PA'I DUS 'KHOR DE 'THOB PA LA SNGON DU GANG DBYER MED PAR SBYAR RGYU'I BDE BA DE DANG SKU STONG GZUGS DE'I RIGS 'DRA LAM DUS SU GRUB PA DGOS SO, ,DE YANG SNGON DU SKU DE GRUB NAS DE LA BRTEN NAS BDE BA KHYAD PAR BDE GRUB DGOS, DE GNYIS GRUB BZUNG DU 'JUG PA'I LAM GYIS BEM PO'I KHAMS ZAD PAR BYED CING BDEN 'DZIN BAG CHAGS DANG BCAS PA RIM GYIS SBYANGS NAS GNAS SKABS BZHI'I SGRIB PA SBYONG BA DANG, RLUNG GI 'PHO BA BCU GNYIS RIM GYIS 'GAGS PAS SA BCU GNYIS RIM GYIS BGROD DE 'BRAS BU BDEN DON BCU GNYIS MNGON DU BYED CING, LAM DES GZHI DUS KYI THIG LE 'PHO BA'I 'DZAG PA'I SGRIB PA BCU DRUG RIM GYIS SBYANGS NAS TING NGE 'DZIN GYI YAN LAG GI DGA' BA BCU DRUG RIM GYIS THOB STE 'BRAS BU DE NYID BCU DRUG MNGON DU BYED PA YIN LA, LAM DUS KYI SKU DE GRUB NA DE LA BRTEN NAS BDE BA DE 'GRUB KYANG, SKU DE 'GRUB PA LA SNGON DU SKU DE GANG LAS BSGRUB PA'I GZHIR GYUR PA'I GZUGS SNGAR MED GSAR DU BSGRUB PA
, ,DANG GRUB PA BRTAN PAR BYED PA'I GZUGS SGRUB KYI YAN LAG SOR BSAM GNYIS DANG DE LTAR PHYAG RGYA CHEN MO'I BSGRUB GZHIR GYUR PA'I GZUGS DE NYID GRUB PA BRTAN PA NA, RLUNG SEMS 'DOD DGUR BCINGS BA'I DBANG GIS GZUGS DE LA YANG 'DOD DGUR DBANG BYED PA NUS PA DANG, DE'I DBANG GIS GZUGS DE NYID GONG NAS GONG DU GNAS GYUR PAR BYED PA SROG 'DZIN GYI YAN LAG GNYIS DGOS LA, DE DAG 'GRUB PA LAS STONG GZUGS KYI SKU DNGOS GRUB PA'I RJES DRAN GYI YAN LAG DANG DE LA BRTEN NAS MCHOG TU MI 'GYUR BA'I BDE BGRUB PA'I TING NGE 'DZIN GYI YAN LAG THOB NAS GONG DU BSHAD PA LTAR LAM BGROD DE 'BRAS BU MNGON DU BYED DO, ,DE 'DRA BA'I RDZOGS RIM MTSAN NYID TSANG BA SKYE BA LA NI SBYANG GZHI PHYI NANG DANG CHOS MTHUN PA'I BSKYED RIM RDZOGS PAR BSGOMS NAS RGYUD SMIN PAR BYED PA DGOS SO, ,DE 'DRA BA'I BSKYED RDZOGS BSGOM PA'I SNOD DU RUNG BA LA, RDUL MTSON GYI DKYIL 'KHOR DU DBANG YONGS SU RDZOGS PAR THOB NAS, DAM TSIG DANG SDOM PA LA GNAS PA DGOS SO, ,DE LTA BU'I DBANG GI SNOD DU RUNG BA DANG LAM 'DI LA 'JUG PA'I MTSAN NYID TSANG BA LA NI SNGON DU THEG PA GSUM PO THAMS CAD LA MKHAS PAR SBYANGS SHING LAM THUN MONG PAS RGYUD SBYANGS PA DANG, KHYAD PAR DU DBU MA'I LTA BA MTHAR THUG PA RIGS PA'I LAM NAS DRANGS TE RNYED PA ZHIG DGOS SO, ,DE 'DRA BA'I BSKYED RDZOGS KYI LAM GYI BDEN DON BCU GNYIS DANG DE NYID BCU DRUG YAN LAG DANG BCAS PA'I SBYANG GZHI GANG DANG CHOS MTHUN PA NGES PA LA PHYI NANG GI BDEN DON BCU GNYIS DANG DE NYID BCU DRUG LEGS PAR SHES DGOS LA, KHYAD PAR DU YANG RDZOGS RIM GYI LAM GYI
BDEN DON BCU GNYIS DANG, DE NYID CU DRUG GI GZHI DUS KYI CHOS JI 'DRA BA DAG THABS MKHAS KYI LAM DU BYAS TE 'BRAS BU'I BAR DU RIGS 'DRA YANG LDAN DU 'KHYER BA DANG, GZHI DUS KYI CHOS JI 'DRA BA RIGS 'DRA RGYUN GCOD PA LA SOGS PA RDZOGS RIM GYI BYED PAS 'JUG PA'I GZHI DANG, GANG LA GNAD DU BSNUN PA DANG JI LTAR BSNUN PA SOGS RGYUD 'DI'I THUN MONG MA YIN PA RNAMS LEGS PAR SHES PA LA NANG GI BDEN DON BCU GNYIS DANG DE NYID BCU DRUG SOGS ZHIB PAR SHES DGOS SHING, DE SHES PA LA SNGON DU PHYI'I BDEN DON BCU GNYIS DANG DE NYID BCU DRUG SOGS YAN LAG DANG BCAS PA ZHIB PAR SHES NAS DE DANG CHOS MTHUN PA'I SGO NAS NANG GI SHES PAR BYED DGOS LA, DE SHES PA'I THABS SU BYED RTZIS KYI YAN LAG RNAMS MED DU MI RUNG BA YIN NO, ,'DI LTAR SHES NA RGYUD DON LAM GYI RIM PAR 'GRIG NAS GO RIM DANG GRANGS NGES LAM GYI RIM PA'I SGO NAS LEGS PAR KHONG DU CHUD DE RGYUD KYI BRJOD BYA MTHA' DAG 'TSANG RGYA BA'I LAM GYI YAN LAG TU 'KHYER SHES PA'I SGO NAS MKHAS PA DGES PA'I GANGS SU PHYIN PAR 'GYUR RO, ,GSUM PA BRJOD BYA'I LUS DE NYID KYANG ZHIB TU PHYE NAS GNAS PA BRGYAD CU RTZA GCIG TU BSTAN PA NI GNAS PA BRGYAD CU RTZA GCIG PO 'DI DAG KYANG 'GREL BAR DNGOS SU GSUNGS PA 'DI NI RTZA RGYUD KYI DBANG DU BYAS PA YIN PAS, RTZA RGYUD NA GO RIM 'DI LTAR DU YOD LA, BSDUS RGYUD NA 'DI DAG GI DON TSANG BAR YOD KYANG GO RIM 'DI LAS 'KHRUGS PAR 'BYUNG BA NI, KHA CIG NGAM, DRANG SRONG RNAMS KYI NGA RGYAL GZHOM PA'I SLAD DU YIN NO, ZHES ZER YANG 'PHRENG 'DZIN GYI SDEB SBYOR BSGRIG PA'I DBANG GIS YIN NO, ,DE LA 'DIR RTZA RGYUD NAS GO RIM 'DI LTAR BSTAN PA'I GNAS PA
, ,'DI DAG BSDUS RGYUD KYI GZHUNG 'DI DANG 'DIS BSTAN ZHES SBYAR NAS BSHAD PAR BYA STE, DE YANG BRJOD BYA LE'U LNGA PO 'DI'I NANG GSES KYI BRJOD BYA'I DBYE BA NI 'CHAD PAR 'GYUR BA'I NGO BO NYID KYI GNAS TE, DANG POR RE SHIG 'JIG RTEN GYI KHAMS KYI LE'U LA; THAMS CAD MKHYEN PA ZHES PA LA SOGS PA STON PA PO'I NGO BO NYID KYIS GNAS PA DANG, SENG GE'I KHRI LA BZHUGS PA ZHES PA GNAS BSTAN PA'I DANG LHA MCHOG RNAMS KYIS BTUD PA LA ZHES NYAN PA PO'I 'KHOR CHEN PO PHUN SUM TSOGS PA'I DANG, RGYAL PO ZHES PA NAS, ZHUS PA NI ZHES PA'I BAR GSOL BA 'DEBS PA PO'I DANG RNAL 'BYOR DPAL LDAN ZHES SOGS RKANG PA GCIG RDO RJE'I RNAL 'BYOR SOGS KYI DANG, STONG PA YE SHES ZHES SOGS SHO-LO KA GNYIS PAS STONG PA CHEN PO'I YI GE LNGA DANG LA SOGS PA THIG LE STONG PA YI GE DRUG DANG, RIGS DANG RIGS CAN DANG RANG BZHIN DANG SKYES BU DANG LUS LA SNA TSOGS PA'I TSAD DANG, SRID PA GSUM GYI BKOD PA DANG LHA LA SOGS PA'I LONGS SPYOD SNA TSOGS 'GYUR BA DANG DKYIL 'KHOR DANG DBANG BSKUR BA GSOL BA 'DEBS PA'I DANG, ZLA BA BZANG PO KHYOD LA ZHES SOGS SHLOO KA GSUM PAS STON PA PO'I SOGS DANG, DUS KYI SOGS SHLOO KA BZHI PAS 'JIG RTEN GYI KHAMS BSDUS PA DANG, GA-YON GYI YAN LAG CES SOGS DRUG PA DANG BDUN PAS SGRA GCAN LA SOGS PA'I GZA' BSKYED PA'I SA BON DANG, AA SOGS SUM CU'I DBYANGS GANG ZHES SOGS BRGYAD PA'I RKANG PA GNYIS LHAG TZAM GYIS NYI ZLA'I LONGS SPYOD RGYU SKAR GYI CHU TSOD 'PHEL 'GRIB LA SOGS PA'I SA BON DANG, LHA MI GDANGS CAN ZHES SOGS RKANG PA GSUM PA'I LHAG
DANG BZHI PAS SEMS CAN DANG, SNOD KYI SA BON GYI SNGAGS DANG, SHLOO KA LNGA PAS SNGAGS KYI SKYE GNAS DANG, SHLOO KA DGU PAS SROG GI DBYANGS KYI SKYE GNAS LA SOGS PA 'BYUNG BA DANG SDUD PA'I NGO BO NYID KYI GNAS PA DANG, SHLOO KA BCU PA BCU GCIG PA BCU GNYIS PA BCU GSUM PA RNAMS KYIS RLUNG LA SOGS PA'I DKYIL 'KHOR BZI DANG RGYA MTSO DANG, GLING DANG RI'I GRANGS KYI DANG, SHLOO KA BCU BZHI PA NAS NYER GCIG PA'I BAR GYIS SRID PA SUM CU RTZA GCIG GI DANG, NYER GNYIS PA DANG NYER GSUM PAS 'KHOR LO BSGYUR BA CHEN PO 'BYUNG BA'I DANG, NYER BZHI PA DANG NYER LNGA PAS SHIN TU PHRA BA'I DBUGS LA SOGS PA NYIN MO'I TSAD LA SOGS PA'I DANG, NYER DRUG PAS 'JAM DPAL LUNG BSTAN PA'I DANG, NYER BDUN PA NAS NGA GCIG PA'I RKANG PA GSUM PA YAR BCAD KYIS GRUB PA'I MTHA' DANG BYED PA'I SKAR RTZIS KYI DANG, NGA GCIG PA'I RKANG PA THA MA NAS DRUG CU RTZA GSUM PA YAR BCAD KYIS, KHYIM BCU GNYIS KYI RNAM PAS 'KHOR BA'I DANG, DRUG CU RTZA BZHI PA NAS DGU BCU GO GSUM PA YAR BCAD KYIS DBU MA'I RTZA'I DBUGS RNAMS LAS GZA'I RKANG PA RANG RGYU SKAR GYI RKANG PA SKYE BA'I DANG, GO BZHI PA NAS BRGYA BCU BDUN PA'I BAR GYIS DBYANGS 'CHAR PA LA SOGS PA'I DANG, BRGYA BCO BRGYAD PA NAS BRGYA NYER DRUG PA'I BAR GYIS SGRA GCAN LA SOGS PA'I STOBS KYI DANG, BRGYA NYER BDUN PA NAS BRGYA ZHE BRGYAD PA'I BAR GYIS RDZONG 'JOMS PA DANG BSRUNG BA'I 'PHRUL 'KHOR GYI DANG, BRGYA ZHE DGU PA NAS BRGYA NGA BRGYAD PA'I BAR GYIS 'KHOR LO BSGYUR BAS DUM BU BCU GNYIS SU 'KHOR BA'I DANG, BRGYAD DGU PA NAS BRGYA DRUG CU RTZA GSUM PA'
{t'IK CHEN} *, ,RKANG PA GNYIS PA YAR BCAD KYIS KLA KLO'I CHOS BCOM NAS SANGS RGYAS KYI CHOS RAB TU 'JIG PA'I DANG, BRGYA DRUG BCU RTZA GSUM PA'I RKANG PA THA MA GNYIS DANG RTZA BZHI PA'I RKANG PA DANG PO GNYIS KYIS SEMS CAN MTHA' DAG LA SOGS DANG; BRGYA DRUG CU RTZA BZHI PA'I RKANG PA 'OG MA GNYIS NAS BRGYA DRUG CU RTZA DRUG PA YAR BCAD KYIS 'JAM DPAL DANG 'JIG RTEN DBANG PHYUG SNGON DANG PHYI MAR STON PA PO'I DANG, BRGYA DRUG CU RTZA BDUN PA NAS BRGYA DRUG CU RE DGU PA'I BAR GYIS 'KHOR LO BSGYUR BA CHEN PO LA SOGS PA RIGS LDAN GYI MTHAR THUG PAR MI RNAMS MCHOG GI TSE'I NGO BO NYID KYIS GNAS PA ZHES BYA BA NI 'JIG RTEN GYI KHAMS KYI LE'U LA DE LTAR GNAS PA NYI SHU RTZA BZHI'O, ,DE NAS NANG GI LE'U LA SHLOO KA DANG POS ZHUS LAN DANG, GNYIS PAS PHYI'I CHOS GANG NANG GI CHOS GANG DANG SBYOR BA RANG RANG GI SNGAGS KYI YI GES SHES PAR BYA BA DANG, GSUM PA MI'I LUS SKYED PA LA RGYU DANG 'BRAS BU'I TSOGS PA MDOR BSTAN PA YIN PAS GNAS PA SO SO LA MI SBYOR RO, ,DES NA NANG GI LE'U'I GNAS PA SO SO'I DANG PO SHLOO KA BZHI PA DANG LNGA PAS MNGAL 'DZIN PA DANG BSDUD PA'I DANG, DRUG PA'I RKANG PA DANG POS RDUL DANG SOGS DANG, DRUG PA'I RKANG PA THA MA GSUM DANG, BDUN PA DANG, BRGYAD PA'I RKANG PA DANG PO GSUM GYIS NYA LA SOGS PA GNAS SKABS BCU'I DANG, BRGYAD PA'I RKANG PA THA MA NAS SHLOO KA BCU GSUM PA YAR BCAD KYIS ZLA BA SO SO RE RE ZHING MNGAL 'BYUNG BA'I NGO BO NYID KYIS GNAS PA ZHAR BYUNG DANG BCAS PA DANG, BCU BZHI PA NAS BCU DRUG PA YAR BCAD KYIS SKU
BZHI DANG RDO RJE BZHI DAG PA'I DANG, BCU BDUN PA RDZOGS PA'I BYANG CHUB BZHIS MNGAL 'BYUNG BA'I DANG, 'DI SHLOO KA BRGYAD PA DANG SBYOR BA MI LEGS SO, ,BCO BRGYAD PAS KHAMS DRUG DANG BCU DGU PAS DNGOS SU PHUNG PO DRUG BSTAN CING, PHUNG PO'I GNAS SU RO ZHES PA'I RIGS LAS RO DRUG DANG, NYI SHU PA'I RKANG PA DANG PO GNYIS KYIS YUL DRUG DANG, DE'I RKANG PA PHYI MA GNYIS {RANG,} KYIS DBANG PO DRUG DANG DE LA BRTEN NAS YUL 'DZIN PA'I RNAM SHES DRUG DNGOS SU BSTAN PAS YUL DRUG YONGS SU BCAD PA LAS BYUNG BA'I TSOR BA DRUG SHUGS LA BSTAN NO, ,NYER GCIG PAS GZUGS DRUG DAG NYER GNYIS PAS DNGOS SU DBANG PO DRUG LUS BSAM GYI SGO NAS KHAMS SO SOR PHYE STE BSTAN PA NA DBANG PO DRUG GI GANG LA BSAM PA ZHUGS PA'I YUL DRUG 'DZIN PA'I BYA BA MNGON PAR 'DU BYED PA'I 'DU BYED DRUG KYANG DON GYIS 'PHANGS PA'I TSUL GYIS BSTAN LA, NYER GSUM PA'I RKANG PA DANG PO GSUM GYIS SEMS KYI RNAM PAR 'GYUR BA DRUG BSTAN PA LA, RGYUD 'DIR MGRIN PA DANG RKAN DANG SPYI BO DANG MCHU DANG SO DANG SNA STE DRUG LA 'DU SHES DRUG TU BSHAD PA DANG, YUL LA MTSAN MAR 'DZIN PA'I SEMS BYUNG 'DU SHES LA BYAS PA GNYIS LAS, SEMS KYI RNAM PAR 'GYUR BA DRUG GI RJES SU BYED PA'I YUL LA MTSAN MAR 'DZIN PA'I 'DU SHES DRUG SKABS 'DI'I 'DU SHES DRUG TU BYAS NAS RKANG PA GSUM PO DES DE YANG DON GYIS 'PHANGS PA'I TSUL GYIS BSTAN PAR BYAS NA RUNG ZHING, NYER GSUM PA'I RKANG PA THA MAS LAS DBANG DANG LAS DBANG GIS YUL DRUG DNGOS SHUGS LA BSTAN NO, ,NYER BZHI PAS YE SHES DRUG BSTAN TE, DE YANG BLA MA SNGA MA
, ,DAG STENG 'OG GI RTZA CHEN DRUG LA RGYU BA'I RLUNG DRUG LA YE SHES KYI PHUNG PO DRUG TU 'CHAD KYANG, RANG LUGS NI STENG GI RTZA GSUM LA 'BAB PA'I KHU KHRAG RLUNG GSUM, 'OG GI RTZA GSUM LA 'BAB PA'I BSHAD GCI KHU BA GSUM YIN LA, SHLOO KA DES KYANG SROG 'DZIN GYIS STENG GI RTZA GSUM LA KHU KHRAG RLUNG GSUM 'BAB PA'I BYA BA BYED PA DANG, THUR SEL GYIS 'OG GI RTZA GSUM LA BSHAD GCI KHU BA 'DREN PA'I BYA BA BYED TSUL SOGS 'CHAD PA'I PHYIR RO, ,NYER LNGA PA DANG NYER DRUG PAS RTZA 'KHOR LO DRUG DANG TSIGS KYI GNAS SUM BRGYA DRUG CU BSTAN LA, NYER LNGA PAS GTZUG TOR LA SOGS PA'I RTZA 'KHOR LO DRUG DANG RKANG LAG GI TSIGS CHEN BCU GNYIS KYI RTZA 'KHOR BCU GNYIS TE, 'KHOR LO BCO BRGYAD KHO NA BSTAN GYI GZHAN GANG YANG DNGOS SHUGS LA MA BSTAN PAS, RTZA STONG PHRAG BDUN CU RTZA GNYIS DANG ZHES PA NYER LNGA PAS BSTAN PAR 'CHAD PA LA 'GREL MED DO, ,NYER BDUN PAS 'KHOR LO DRUG SKU BZHI DANG SBYOR BA 'CHAD PAS, DE YANG 'KHOR LO DRUG STON BYED DU SBYAR DU RUNG NGO, ,NYER BRGYAD PAS DKYIL 'KHOR DRUG STENG DANG 'OG GI NGO BO NYID KYIS GNAS PA STON LA, SO GCIG PAS RTZA STONG PHRAG {RANG}, BDUN CU RTZA GNYIS DANG, SO GSUM PA'I CHU TSOD RNAMS NI SOGS CHE BA, BAR NYER GSUM GYIS DBUGS DRUG BRGYA LHAG PA'I STONG PHRAG NYI SHU RTZA GCIG STON TE, 'DI NYER BZHI PAS BSTAN PAR 'CHAD PA NI {RANG}; DES RLUNG BCU BSTAN KYANG RLUNG GI RGYU BA'I GRANGS MA BSTAN PAS MI 'GRIG GO ,DE LTAR NA DE DAG GIS GNAS PA BDUN PA BSTAN NO,, {PHYOGS}, KHA CIG GNAS PA BDUN PA'I
BRJOD BYA'I GRANGS 'DI DAG BSDUS RGYUD LAS KYANG CI RIGS PAR BSTAN ZHES PA TZAM LAS RE RE NAS SBYOR MI SHES PAR SNANG MOD, DE LTAR NA RTZA RGYUD KYI BRJOD BYA'I DON GYI LUS GNAS BGYA GCIG PO RNAMS BSDUS RGYUD KYIS KYANG TSANG BAR MA BSTAN NA, BSDUS RGYUD LA SKYON CHAGS PA'I NYES PAS REG PAR 'GYUR BA LA SOGS PA'I GNOD PA DU MA 'BYUNG BA SHES SLA'O, ,TSIGS BCAD SO DRUG PA SO BDUN PA SO BRGYAD PAS GNAS PA BRGYAD PA'I DUM BU LTE BA'I CHU SKYES LA SOGS PA'I 'DAB MA DANG SO DGU PA BZHI BCU PA ZHE GCIG PA ZHE GNYIS PAS GNAS PA BRGYAD PA'I DUM BU SNA BUG DAG LA GA-YON DANG GA-YAS KYI DKYIL 'KHOR PHUNG PO LNGA DANG KHAMS LNGA 'BAB PA'I NGO BO NYID KYIS GNAS PA BSTAN LA, TSIGS BCAD ZHE DRUG PA DANG ZHE BDUN PAS BSTAN PA YANG BRJOD BYA PHYOGS MTHUN PAS GNAS PA BRGYAD PAR BSDU DGOS SHING, TSIGS BCAD SO BZHI PA'I TSIGS KYI DBYE BAR 'GYUR ZHES PA GNAS PA BDUN PA'I DUM BU DANG, SPYI BO'I PAD+MA LTE BA'I PAD+MA DAG KYANG NUS PA'O ZHES PA GNAS PA BRGYAD PA'I DUM BUR BYED PA YOD KYANG TSIG LA BSGRIG TU RUNG BA TZAM SNANG MED KYI, 'ON KYANG GNAS PA DE GNYIS 'CHAD PA'I CHED DU MA YIN PAR PHYI'I CHOS RNAMS NANG LA RE RE NAS SBYOR BA'I CHED DU GSUNGS PA TZAM YIN PAS DE LTAR GNAS PA GNYIS KYI DUM BUR BYA MI DGOS SO, ,KLA KLO'I 'KHRUG PA {NGAM}; NANG LA SBYOR BA RNAMS GNAS PA BRGYAD PA'I DUM BUR 'CHAD PA MI 'THAD DE, {NGAM}, DE NI RDO RJE'I RNAL 'BYOR GYIS 'PHO CHEN BCU GNYIS KYI RLUNG DKYIL 'KHOR LNGA 'BAB PA 'GOG PA STON PA YIN PAS DKYIL 'KHOR LNGA 'BAB PA STON PA'I DUM BUR SHIN TU 'GAL BA'I PHYIR RO, ,DES NA DON DE NYID
, ,STON PA'I TSIGS BCAD ZHE BRGYAD PA ZHES DGU PA LNGA BCU PA RNAMS BRJOD BYA PHYOGS MTHUN TZAM GYIS GNAS PA DGU BAR BSDUS NAS, NGA GCIG PA NAS DRUG CU PA'I BAR GYIS DBU MA LA RGYUD MTHA' DAG 'BYUNG BA'I NGO BO NYID KYIS GNAS DGU PA DANG, TSIGS BCAD ZHE GSUM ZHE BZHI ZHE LNGA PA RNAMS KYIS SROG LA SOGS PA RLUNG GI BYA BA'I NGO BO NYID KYIS GNAS PA STE BCU PA DANG, NYER DGU PA DANG SUM CU PAS KHAMS RNAMS LAS LHA'I MTSAN MA 'BYUNG BA'I STE BCU GCIG PA DANG, TSIGS BCAD RE GCIG PA NAS RE DRUG PA'I BAR NYI MA DANG ZLA BA DANG ME'I 'CHI LTAS KYI NGO BO NYID KYIS GNAS PA STE BCU GNYIS PA DANG, SO GSUM PA'I TSEG PAR NYER GSUM SNGAR BDUN PA'I DUM BUR SBYAR BA DE MA GTOGS SO GNYIS PA SO GSUM PA'I LHAG SO BZHI PA SO LNGA PA RNAMS PHYI'I CHOS GANG NANG GI GANG DANG CHOS MTHUN PA RE RE NAS SBYOR BA YIN KYANG LE'U 'DI'I GNAS PA GZHAN GANG DANG YANG BRJOD BYA PHYOGS MTHUN RGYU MED CING GNAS PA BCU GSUM PA DANG PHYOGS MTHUN PA TZAM YIN PAS DER BSDU DGOS LA, 'OG GI TSIGS BCAD BRGYAD CU RTZA GNYIS PA NAS, BRGYA GNYIS PA YAR BCAD KYIS LAS KYI RNAM PAR SMIN PAS 'GRO BA DRUG TU SKYE BA'I NGO BO NYID KYI GNAS PA STE BCU GSUM PA DANG, RE BDUN PA NAS GYA GCIG PA YAR BCAD DANG BRGYA GSUM PA NAS BRGYA DRUG PA YAR BCAD KYIS RTZA LA SOGS PA GZA'I RKANG PA 'CHAD PA'I NGO BO NYID KYIS GNAS PA STE BCU BZHI PA DANG, BRGYA BDUN PA NAS BRGYA NYER BZHI PA YAR BCAD KYIS DBU MAR ZHUGS PA'I ZHES SOGS TE BCO LNGA PA DANG, BRGYA NYER LNGA PA NAS
BRGYAD BZHI PA YAR BCAD KYIS PHYI ROL 'JIG RTEN PA'I BYA BA BSGRUB PA'I STE BCU DRUG PA DANG, BRGYAD LNGA PA NAS BRGYA BDUN CU PA YAR BCAD KYIS BLTA BA THAMS CAD RJES SU DPAG PAS YONGS SU BRTAG PA'I STE BCU BDUN PA DANG, BRGYA DON GCIG PA DON GNYIS PA DON GSUM PA RNAMS SEMS CAN SNA TSOGS KYI 'DOD PA DANG RJES SU MTHUN PAR CHOS RAB TU BZHAG PA'I NGO BO NYID KYIS GNAS PA ZHES BYA ZHING DE NAS MJUG GI TSIGS BCAD GCIG NI NYI MA'I SHING RTA'I TSIG YIN PAS GNAS PAS MA BSDUS TE, DE LTAR NA NANG GI LE'U LA GNAS PA BCO BRGYAD DO, ,NANG LE LA GNAS PA 'BYED TSUL BSHAD PA DE NAS DBANG GI LE'U LA JI LTAR 'BYED PA BSHAD PAR BYA'O, ,DE LA SHLOO KA DANG PO NI, ZHUS LAN SOGS STON PAS LE'U'I THUN MONG GI CHOS YIN PA'I PHYIR GNAS PA SO SO'I NANG DU MI BGRANG NGO, ,DE NAS LE'U 'DI'I GNAS PA RNAMS KYI DANG POR TSIGS BCAD GNYIS PA DANG GSUM PAS BLA MA YONGS SU BRTAG PA'I NGO BO NYID KYIS GNAS PA DANG, BZHI PAS MCHOG DANG ZHES SOGS TE GNYIS PA DANG, LNGA PA NAS DGU PA YAR BCAD KYIS LAS RAB 'BYAMS BSGRUB PA LA SOGS TE GSUM PA DANG, TSIGS BCAD BCU PA BCU GCIG PA BCU GNYIS PA'I RKANG PA DANG PO'I PHYED SNGA MAS THAB KHUNG DANG, DE'I RKANG PA DANG PO'I PHYED PHYI MA DANG RKANG PA GNYIS PAS PHUR BU DANG, BCU GNYIS PA'I RKANG PA THA MA GNYIS DANG BCU GSUM PA'I RKANG PA DANG PO GNYIS KYIS BUM PA DANG BCU GSUM PA'I RKANG PA THA MA GNYIS DANG, BCU BZHI PA'I RKANG PA DANG PO GNYIS KYIS GNAS PA GSUM PA'I SOGS KYIS BSDUS PA'I DON DANG, BCU {SHOG LE 124 'CHAD 'DUG}
, ,GNYIS PA'I MGO NAS CUNG ZAD CIG GIS DKYIL 'KHOR GYI 'KHO LO GSHEGS SU GSOL BA'I STE BCU PA DANG, NYIS BRGYA GNYIS PA'I LHAG MAS CHU BO CHEN PO LA SOGS PA DANG ZHES SOGS TE BCU GCIG PA DANG, BRGYA GO BRGYAD PAS DPAL LDAN BLA MA SOGS TE BCU GNYIS PA DANG TSIGS BCAD 'JUG MA NI DE THAMS CAD KYI PHAN YON THUN MONG DU STON PAS GNAS PA SO SO BA'I NANG DU MA BSDUS LA, DE LTAR NA, DBANG GI LE'U LA GNAS PA BCU GNYIS SO, ,DBANG LE LA BSHAD PA DE NAS SGRUB THABS KYI LE'U LA, GNAS PA SO SOR 'BYED PA BSHAD PAR BYA'O, ,DE LA SGRUB LE'I TSIGS BCAD DANG POS ZHUS LAN DANG, GNYIS PAS LHA BSGOM PA MDOR BSTAN PA DANG, GSUM PAS SGRUB THABS GANG DU BSGOM PA'I GNAS BSTAN PAS DE DAG NI LE'U'I THUN MONG BA YIN PAS GNAS PA SO SO'I NANG DU MA BGRANGS LA, SNGAR BRJOD BSRUNG BA BYAS NAS ZHES PAS SGRUB THABS BSGOM PA'I DANG POR BSRUNG BA'I 'KHOR LO LA SOGS PA DANG, TSIGS BCAD BZHI PA'I RKANG PA PHYED DANG GNYIS MA LONGS TZAM GYIS GDONG DAG PA DANG BZHI PA'I RKANG PA GNYIS PA'I LHAG MAS RANG GI SNYING KHA'I ZLA BA'I SA BON GYI 'OD ZER RNAMS LAS DE BZHIN GSHEGS PA SPRO BA'I NGO BO NYID KYIS GNAS PA STE DANG PO DANG, BZHI PA'I RKANG PA THA MA GNYIS DANG, TSIGS BCAD LNGA PA DRUG PA BDUN PAS BLA NA MED PA'I MCHOD PA NAS STONG PA NYID LA DMIGS PA LA SOGS PA'I BAR STE GNYIS PA DANG, BRGYAD PA NAS ZHE DGU PA YAR BCAD KYIS DKYIL 'KHOR
RGYAL MCHOG DANG, LNGA BCU PA NAS BRGYA DGU PA YAR BCAD KYIS LAS RGYAL MCHOG DANG, BRGYA BCU PA NAS BRGYA SO GSUM PA'I BAR GYIS THIG LE'I RNAL 'BYOR DANG PHRA MO'I RNAL 'BYOR LA SOGS PA'I STE GSUM PA DANG, BRGYA SO BZHI PA NAS BRGYA GO GCIG PA'I BAR GYIS PHYI ROL 'JIG RTEN PA'I DNGOS GRUB KYI SGRUB THABS KYI STE BZHI PA DANG, BRGYA GO GNYIS PA NAS NYIS BRGYA PA YAR BCAD KYIS YAN LAG DRUG GI SBYOR BA LA SOGS PA DANG, NYIS BRGYA GCIG PA NAS GNYIS BRGYA GSUM PA YAR BCAD KYIS MCHOD SBYIN LA SOGS PA DANG RIG BYED KYI MTHA' GSANG BA'I DE KHO NA NYID KYI YE SHES SGRUB THABS KYI STE LNGA PA DANG, NYIS BRGYA BZHI PA NAS NYIS BRGYA SO GCIG PA YAR BCAD KYIS SBYIN PA LA SOGS PA BSOD NAMS KYI TSOGS KYI STE DRUG PA DANG, NYIS BRGYA SO GNYIS PA NAS NYIS BRGYA SO BZHI PA'I MTHAR THUG PA'I MNGON SUM DANG LKOG TU GYUR PA'I SEMS BSGOM PA'I NGO BO NYID KYIS GNAS PA ZHES BYA BA GNAS PA BDUN NI SGRUB THABS KYI LE'U LA'O, ,SGRUB LE LA BSHAD PA DE NAS YE SHES KYI LE'U LA SO SOR 'BYED PA BSHAD PAR BYA'O, ,DE YANG TSIGS BCAD DANG PO ZHUS LAN YIN PAS GNAS PA SO SOS MA BSDUS LA, DE NAS GNAS PA SO SO'I DANG POR TSIGS BCAD GNYIS PA NAS BZHI PA'I RKANG PA GCIG YAR BCAD KYIS LUS KYI RUS PA LA SOGS PA'I KHAMS RNAM PAR DAG PA'I DKYIL 'KHOR GYI NGO BO NYID KYIS GNAS PA STE DANG PO DANG, BZHI PA'I RKANG PA GSUM GYIS SKU DANG GSUNG DANG THUGS DANG RIGS DRUG GI LHA'I NGO BO NYID KYIS GNAS PA STE
{t'IK CHEN} *, ,GNYIS PA DANG, LNGA PA NAS BDUN PA YAR BCAD KYIS AA LA SOGS PA DANG, ZHES SOGS TE GSUM PA DANG, BRGYAD PA NAS BCU GNYIS PA YAR BCAD KYIS THABS DANG SHES RAB KYI RGYUD LA SOGS TE BZHI PA DANG, BCU GSUM PA NAS BCU BDUN PA YAR BCAD KYIS 'KHOR LO BSGYUR BA DRUG SPRO BA DANG, BCO BRGYAD PA NAS NYI SHU PA YAR BCAD KYIS SHES RAB DANG, NYER GCIG PA DANG NYER GNYIS PAS THABS DANG, NYER GSUM PA DANG NYER BZHI PA'I RKANG PA GNYIS KYIS BYA BA DANG, NYER BZHI PA'I RKANG PA PHYI MA GNYIS KYIS RNAL 'BYOR RJES SU RIG PA DANG, NYER LNGA PA NAS SO DGU PA YAR BCAD KYIS SDOM PA CHEN PO SPRO BA DANG, BZHI BCU PA NAS ZHE BDUN PA'I BAR GNYIS DE DAG GI GDAN DANG, ZHAL GYI DAG PA DANG LUS DANG BSAM PA 'JUG PA'I TSUL BSTAN PAS DE LTA BU RNAMS KYI NGO BO NYID KYI GNAS PA LNGA PA DANG, RGYAL BA RNAMS KYI 'JIG RTEN KHAMS LA, ZHES SOGS TSIGS BCAD RE DGU PA NAS BRGYAD CU RTZA BRGYAD KYI BAR GYIS RIM PA BZHIN DU MCHOG TU MI 'GYUR BA'I YE SHES BSGRUB DGOS PA'I RGYU MTSAN DANG, BSGRUB PA'I THABS NANG LUS LA GNAD DU BSNUN PA'I RNAL 'BYOR DANG, PHYI ROL PHYAG RGYA LA BRTEN PA DANG, DE 'DRA BA'I NGES DON GYI BSNYEN PA BSGRUB PA GTZO BO YIN ZHING DRANG DON GYI BSNYEN PA DGOS PA GANG GI PHYIR GSUNGS PA'I TSUL RNAMS STON LA, TSIGS BCAD BRGYA BCU GCIG PA'I RKANG PA THA MA, 'DIR NI DBANG BSKUR RNAM PA GNYIS KYANG, ZHES PA NAS BRTZAMS TE, BRGYA NYI SHU RTZA DRUG PA YAR BCAD KYIS KYANG, 'JIG RTEN PA'I DBANG RNAMS BRGYUD NA,
RDZOGS RIM GYI LAM GYI RGYU DANG 'JIG RTEN LAS 'DAS PA'I DBANG RDZOGS RIM GYI SNOD RUNG DU SGRUB BYED GTZO BO DANG, DON GYI DBANG BZHI PA MNGON DU BYED PA'I SGRUB THABS YAN LAG DRUG LA SOGS PA LEGS PAR 'CHAD PA'I PHYIR GZHUNG SNGA PHYI DE DAG GIS NI DBANG BZHI PA MCHOG TU MI 'GYUR BA PHYAG RGYA CHEN PO'I YE SHES KYI DNGOS GRUB KYI SGRUB THABS KYI NGO BO NYID KYIS GNAS PA STE DRUG PA'O, ,DON GSUM PA NAS GYA BRGYAD PA'I BAR GNAS PA BRGYAD PA LA SBYOR {NGAM} BA NI GNAS PA BRGYAD PA'I BYANG CHUB KYI SEMS BSTEN ZHES PA LE'U LNGA PA'I RGYUD RANG GIS SMON PA DANG 'JUG PA'I BYANG CHUB KYI SEMS THUN MONG BA LA DNGOS SU GSUNGS PA LA MA BRTAGS PAR KUN+DA LTA BU'I BYANG CHUB KYI SEMS LA ZUNG BA'I NOR BA'O, ,KHA {DOL} CIG TSIGS BCAD GYA DGU PA SOGS GNAS PA DGU PAR BYAS NAS TSIGS BCAD BCU GSUM PA SOGS YE SHES KYI DKYIL 'KHOR SPRO BA'I GNAS PA LA SBYOR BA DANG, KHA CIG GYA DGU PA SOGS GNAS PA LNGA PA PHYAG RGYA CHEN PO'I SGRUBS THABS, KYIS GNAS PAR BYAS NAS; TSIGS BCAD SUM CU PA SOGS YE SHES KYI DKYIL 'KHOR SPRO BA'I GNAS PAR BYED PA NI ZLOG STE SMRA BA LA ZHUGS PA YIN TE, TSIGS BCAD BCU {PHYOGS}, GSUM PA SOGS DANG SUM CU PA SOGS YE SHES KYI DKYIL 'KHOR SPRO BA LA SBYOR RIGS NA SDOM CHEN GYI DKYIL 'KHOR DANG 'KHOR LO BSGYUR BA DRUG SPRO BA SOGS THAMS CAD KYANG YE SHES KYI DKYIL 'KHOR SPRO BA'I GNAS PA LA SBYOR RIGS PA RNAM PA THAMS CAD DU MTSUNGS PAS GNAS PA LNGA PA'I DUM BU DE RNAMS LAS LOGS SU GNAS PA BDUN PA'I
, ,MTSAN GZHI CUNG ZAD KYANG BZUNG DU MED PAR THAL BA'I PHYIR RO, ,SHES RAB MA YIN THABS KYANG MIN PA 'DI NI, ZHES SOGS GYA DGU PA NAS BRGYA BCU GCIG PA'I RKANG PA GSUM PA YAR BCAD KYIS YE SHES KYI DKYIL 'KHOR SPRO BA'I NGO BO NYID KYIS GNAS PA STE BDUN PA'O, ,TSIGS BCAD RE DRUG RE BDUN RE BRGYAD PA RNAMS NI THEG CHEN GNYIS KYI THUN MONG GI LAM GYI GZHUNG SHING KUN RDZOB KYI BYANG CHUB KYI SEMS BSTAN PA'I SGRUB THABS KYI NGO BO NYID KYIS GNAS PA STE BRGYAD PA'O, ,GANG PHYIR 'DIR AA SOGS ZHES PA LA SOGS PA BRGYA NYER BDUN PA MCHOG MI 'GYUR GYI MDOR BSDUS TSIGS SU BCAD PA GCIG PO NI, SHES PA DANG SHES BYA RNAM PA KUN GYI BDAG NYID PHYAG RGYA CHEN PO'I DNGOS GRUB KYI NGO BO NYID KYIS GNAS PA STE DGU PA'O, ,TSIGS BCAD ZHE BRGYAD PA NAS RE LNGA PA YAR BCAD NI LUS NGAG YID YE SHES KYI THIG LE BZHI'I STENG GI BAG CHAGS KYI DBANG GIS LUS SNA TSOGS PA DANG, BRJOD PA SNA TSOGS PA DANG, GRUB PA'I MTHA' DANG LTA BA SNA TSOGS PAR 'GYUR BA LA SOGS GTZO BOR STON PA'I PHYIR LUS DANG NGAG DANG SEMS KYI BYA BA THAMS CAD BRTAG PA'I GNAS PAR BSDU DGOS LA, LI SOGS DBYANGS BRGYAD CES SOGS BRGYA NYER BRGYAD PA NAS BRGYA RE BZHI BA'I BAR GZHAN RNAMS KYIS KYANG LUS DANG NGAG DANG SEMS KYI BYA BA THAMS CAD BRTAG PA'I NGO BO NYID KYIS GNAS PA STE BCU PA'O, ,BRGYA RE BZHI PA'I RKANG PA GSUM PA, SKAD NI KUN NAS 'CHAD PA MED CING DU MA'I SKAD GZHAN DAG GIS GZHAN GYI SNYING LA 'JUG PA STE, ZHES PAS SEMS CAN
RANG RANG GI BSAM PA DANG MTHUN PAR RANG RANG GI SKAD KYIS CHOS STON PA KUN NAS CHAD PA MED PAR BSTAN PA NYID KYIS GNAS PA BCU DRUG PA MOS PA SNA TSOGS PA'I SEMS CAN GYI BSAM PA'I DBANG GIS CHOS BSTAN PA'I NGO BO NYID KYIS GNAS PA BRJOD BYAR 'PHANGS PA YIN NO ZHES SBYAR DGOS KYI GZHAN LA DE STON BYED GSAL BAR SBYOR DKA'O, ,KHA CIG LI SOGS DBYANGS BRGYAD, CES SOGS PHYAG RGYA CHEN PO'I DNGOS GRUB KYI NGO BO NYID KYIS GNAS PA LA SBYOR DGOS TE, MDOR BSDUS DE'I MGOR STONG CHEN YIG LNGA YIG DRUG LA MCHOD PAR BRJOD PA'I PHYIR ZHES SMRA BA NI, MDOS BSDUS DE'I MCHOD {NGAM}, BRJOD KYIS GANG LA PHYAG 'TSAL BA'I YUL DE MDOR BSDUS DE'I GZHUNG THAMS CAD KYI BRJOD BYAR BYED DGOS PA'I KHYAB PA SHIN TU MA NGES PA'I PHYIR MI 'THAD KYI, GZHUNG RANG GI STON TSUL LA DPYAD PAS SHES PAR 'GYUR RO, ,BRGYA DGU BCU PA NAS NYIS BRGYA PA'I BAR GYIS BCOM LDAN 'DAS GDUL BYA'I DON DU MDZAD PA BCU GNYIS BSTAN NAS CHOS KYI 'KHOR LO BSKOR BA GTZO BOR 'CHAD PA'I PHYIR GNAS PA BCU GCIG PA CHOS KYI PHUNG PO STONG PHRAG BRGYAD CU RTZA BZHI BSTAN PA'I NGO BO NYID KYIS GNAS PA STE, MDZAD PA BCU GNYIS KYI YA GYAL GYI CHOS 'KHOR BSKOR BA NI CHOS PHUNG BRGYAD KHRI BZHI STONG DU NGES PA'I PHYIR RO, ,GZHAN DAG 'DI GNAS LA BCU DRUG PAR 'CHAD DO, ,DE DAG LAS BRGYA GO DRUG PA NI GRAGS PA'I GSUNG YIN NO, ,KHA CIG DOL DAM, SHES RAB RGYUD NI SHAR NAS ZHES SOGS TSIGS BCAD ZHE BRGYAD PA NAS NGA BZHI PA YAR BCAD KYIS GNAS PA 'DI BSTAN PAR 'CHAD PA {RANG}, NI SHIN TU MI
, ,'THAD DO, ,TSIGS BCAD DE DAG SGRAS ZIN LTAR LA BYED NA DUS 'KHOR GYIS ZHAL BZHI NAS RIG BYED BZHI DANG GRUB MTHA' BZHI GSUNGS PA LA SOGS SGRAS ZIN LTAR KHAS LEN DGOS PAS GNOD PA DU MA ZHIG THOG TU 'BAB PAR 'GYUR LA, DGONGS GZHI'I DON LA GZHI DUS KYI THIG LE BZHI'I BAG CHAGS KYI DBANG GIS LTA BA DANG GRUB MTHA' GANG LA MOS PA SOGS SNA TSOGS PA'I DBYE BAR 'GYUR BA STON PA TZAM YIN PAS SANGS RGYAS KYIS CHOS PHUNG BRGYAD KHRI BZHI STONG BSTAN PA 'CHAD BYED DU 'BREL MED PA'I PHYIR RO, ,BRGYA RE LNGA PAS SANGS RGYAS KYI ZHING BSDU BA'I NGO BO NYID KYIS GNAS PA STE BCU GNYIS PA DANG, BRGYA RE DRUG PA DANG RE BDUN PA'I RKANG PA DANG POS NAM MKHA'I KHAMS LA ZHES SOGS TE BCU GSUM PA DANG, BRGYA RE BDUN PA'I RKANG PA THA MA GSUM DANG, BRGYA RE BRGYAD PAS SANGS RGYAS KYI ZHING 'BYUNG BA'I STE BCU BZHI PA DANG, BRGYA RE DGU PA NAS BRGYA GYA DGU PA'I BAR GYIS SANGS RGYAS KYI ZHING RDO RJER BYIN GYIS BRLABS PA'I STE BCO LNGA PA DANG, BCU DRUG PA BSHAD ZIN TO, ,TSIGS BCAD NYIS BRGYA GCIG PA NAS NYIS BRGYA SO GCIG PA LAR BCAD KYIS BCUD DANG BCUD LEN PA SOGS PA LUS KYI DNGOS GRUB SGRUB THABS STE BCU BDUN PA DANG, NYIS BRGYA SO GNYIS PA NAS NYIS BRGYA SO BDUN PA'I BAR GYIS MCHOG TU MI 'GYUR BA'I BDE BAS SEMS CAN THAMS CAD KYI DON MDZAD PA'I STE BCO BRGYAD PA DANG, NYIS BRGYA SO BRGYAD PA NAS NYIS BRGYA BZHI BCU PA'I BAR GYIS CHOS YANG DAG PAR SDUD PA DANG, NYIS BRGYA ZHE GCIG PA DANG, ,ZHE GNYIS PAS RTZIS KYI MING BSDU BA'I STE
BCU DGU PA DANG, NYIS BRGYA ZHE GSUM PA NAS NYIS BRGYA ZHE BRGYAD PA'I BAR GYIS YI GE LNGA DANG YI GE DRUG GI STONG PA CHEN PO DANG THIG LE STONG PA LA BSTOD PA'I NGO BO NYID KYIS GNAS PA ZHES BYA BA GNAS PA NYID SHU NI YE SHES KYI LE'U LA'O, ,DE LTAR NA 'JIG RTEN KHAMS LE LA YUL NYI SHU RTZA BZHI 'AM, ,BYI MA BCU GNYIS DANG RTEN 'BREL BCU GNYIS TE NYER BZHI RNAM PAR DAG PAR BYA BA MTSON PA'I GNAS PA NYI SHU RTZA BZHI, NANG LE LA NANG LUS KYI MDZAD DU GA RTZA DRUG 'KHOR LO DRUG DAG PAR BYA BA MTSON PA'I GNAS PA BCO BRGYAD, DBANG 'BREL DBANG GONG MA GNYIS SU PHYE BAS DAG BYED KYI DBANG BCU GNYIS MTSON PA'I GNAS PA BCU GNYIS, SGRUB LE LA PHYI NANG GI BDUN ZUNG DANG NANG GI SKYE MCHED BDUN RNAM PAR DAG PAR SGRUB PAR BYED PA MTSON PA'I GNAS PA BDUN, YE SHES LE'U LA RNAM PA NYI SHUS MNGON PAR BYANG CHUB PA MTSON PA'I GNAS PA NYI SHU, DE DAG THAMS CAD BSDOMS PAS GANG LA BRGYAN PAR BYA BA'I SKU GCIG DANG DE LA RGYAN PAR BYED PA'I DAB BYED BRGYAD CU MTSON PA GNAS PA BRGYAD CU RTZA GCIG GO ZHES BLA MA DAG GIS GSUNG NGO, ,GNAS PA 'DI DAG GIS RGYUD KYI BRJOD BYA MA LUS PA BSDUS SHING 'DI DAG RGYUD KYI GZHUNG GANG GIS GANG BSTAN YID BRTAN MED PA'I NOR BAR SBYAR NA RGYUD LA BSDUS DON SGRIG PA'I RTZOM PA BRAL BA'AM, BSDUS DON NOR PA 'BA' ZHIG BKOD NAS RGYUD DON PHYIN CI LOG TU BSHAD DGOS PA DU MA ZHIG 'BYUNG BAR 'GYUR LA, 'DI DAG MA NOR BAR ZHIB TU NGES NA RGYUD KYI BRJOD BYA RDZOGS PA'I LUS DUS GCIG TU BLO YUL DU 'TSOR BAR BYED NUS PA DANG, RGYUD KYI
, ,BSDUS DON 'GOD PA LA SPOBS PA GTUGS PAR MI 'GYUR BA LA SOGS PA'I DGOS PA SHIN TU CHE MOD KYI, 'GA' ZHIG GIS ZHIB PAR MA BSHAD PAR SGYUR THABS KYIS BSHAD LA, 'GA' ZHIG GIS LOG PAR SBYAR BA MANG ZHING, GZHAN DAG GIS NI 'JIG RTEN KHAMS LER YANG TSIGS BCAD BRGYA BCO BRGYAD PA LA BCU DGU PA DANG, BRGYA NYER BDUN PA LA NYER BRGYAD {NGAM}, PA DANG, BRGYA ZHE DGU PA LA LNGA BCU PA DANG, BRGYA DRUG CU RTZA {RANG}, GSUM PA'I PHYED PHYI MA LA DRUG CU RTZA BZHI {PHYOGS} PA'I PHYED PHYI MA DANG, BRGYA DRUG CU RTZA BZHI PA'I PHYED PHYI MA LA BRGYA DRUG CU RTZA LNGA PA'I PHYED PHYI MA SOGS DU MA ZHIG RNAM PAR MA BRTAGS PAR NOR BA BRGYUD MA'I MTSAN BU BKOD PA SOGS YID BRTAN MI RUNG BA MANG BAR SNANG BAS KHO BOS RGYUD DON RDZOGS PA LA ZHIB PAR DPYAD DE GZHUNG GANG GIS GNAS PA GANG BSTAN PA TSUL BZHIN DU ZHIB PAR PHYE NAS BLO LDAN DAG GIS YID BRTAN DU RUNG BAR BYAS SO, ,BZHI PA DE LTAR BRJOD BYA BSTAN PA RNAMS KYI DON BSGU PA NI, DES NA RIM PA 'DIS ZHES SOGS SO, ,GNYIS PA BRJOD BYED DANG 'BREL PA RGYAS PAR BSHAD PA LA, RJOD BYED BSTAN PA NI, DON GYI LE'U LNGA DANG GNAS PA'I TSOGS SNGAR BSHAD PA 'DI STON PAR BYED PA'I TSIG GI LE'U LNGA'I TSOGS RGYUD KYI RGYAL PO NI BRJOD PAR BYED PA'O, ,'BREL PA BSTAN PA LA, JI SKAD BSHAD PA'I BRJOD BYA RJOD BYED 'DI DAG PHAN TSUN BRJOD BYA RTOGS PA RJOD BYED LA RAG LAS PA'I MTSAN NYID NI 'BREL PA STE, ZHES MDOR BSTAN NAS, DE NYID RGYAS PAR CHAD PA NI BRJOD
PAR BYA BA MA LUS PA BSDUS PA'I DBANG DU BYAS PA NI BCOM LDAN 'DAS DUS KYI 'KHOR LO DON GYI LE'U LNGA'I GNAS PA GYA GCIG GI NGO BO NYID KYIS BZHUGS PA YIN LA, BRJOD PAR BYED PA NI BRJOD BYA DUS KYI 'KHOR LO BRJOD PAR BYED PA SGRA'I LE'U LNGA'I BDAG NYID DE, ,YANG RGYUD 'DIR BRJOD BYA DE SNYED CIG GTAN LA PHAB PA RNAMS KYANG GANG RTOGS PA'I YAN LAG DU YIN PA'I DANG PO'I SANGS RGYAS BCOM LDAN 'DAS SKU STONG GZUGS KYI RNAM PAR SHAR BA DANG THUGS MCHOGS MI 'GYUR BA'I BDE BA CHEN PO DBYER MED PA RDO RJE'I RNAL 'BYOR MTHAR THUG PA NI BRJOD PAR BYA BA GTZO BO YIN LA, BRJOD PAR BYED PA NI DANG PO'I SANGS RGYAS DE RTOGS PA'I THABS 'BA' ZHIG RTZAL DU BTON NAS BRJOD PAR BYED PA'O, ,'DI LTAR GONG 'OG TU YANG YANG GSUNGS PA YID LA BZHAG NAS RGYUD 'DIR THOS BSAM BYAS PA'I 'BRAS BU LA RDO RJE'I RNAL 'BYOR DE PHYIN CI MA LOG PAR RTOGS PA DGOS DON GYI GTZO BOR SHES PAR BYA STE, SBYOR BA YAN LAG DRUG GI NYAMS LAN GYI GNAD LA SGRO 'DOGS CHOD NAS 'BRAS BU DANG PO'I SANGS RGYAS MNGON DU BYED PA'I THABS LA MKHAS PA'I CHED DU 'BAD PAR BYA'I SNYING PO DOR NAS SPUN PA BTZAL BAR MI BYA'O, ZHES BYA BA BRJOD BYA RTOGS BRJOD BYED KYI TSIG LA RAG LAS PA'I MTSAN NYID NI BRJOD BYA RJOD BYED KYI 'BREL BA'O, ZHES PA 'BREL PA BSTAN PA'I DON BSDU BA'O, ,SKABS 'DIR THABS SHES RAB KYI BDAG NYID, RDO RJE'I RNAL 'BYOR MCHOG GI DANG PO'I SANGS RGYAS BCOM LDAN 'DAS DUS KYI 'KHOR LO
, ,LA SOGS PA LAM DANG 'BRAS BU'I ZAB DON THAMS CAD RGYUD 'DI'I BRJOD BYA DANG, RGYUD 'DI'I BRJOD BYED KYI MTSAN NYID KYIS 'BREL BAR NAN TAN CHEN POS GSUNGS LA, GONG 'OG TU MAR DE LTA BU'I LAM DANG 'BRAS BU'I ZAB DON RNAMS SGRA RTOG GI YUL LAS 'DAS PA DANG, BRJOD MI NUS PA DANG, BSAM PA LAS 'DAS PA SOGS SU YANG YANG GSUNGS PA DAG MI 'GAL BA'I TSUL JI LTAR ZHE NA, DE LA SPYIR GZHUNG GONG 'OG DU MA NAS SGRA RTOG GI YUL LAS 'DAS PAR GSUNGS PA'I TSUL DU MA YOD DE, TSAD MA SDE BDUN SOGS NAS DNGOS PO BUM SNAM SOGS SPYIR SGRAS BRJOD NUS SHING RTOGS PAS NGES NUS KYANG, DE DAG SGRA'I BRJOD BYA YIN PA DON DAM PAR MA GRUB PA LA DGONGS NAS RANG MTSAN THAMS CAD SGRA RTOG GI YUL LAS 'DAS PAR GSUNGS PA LTA BU DANG 'PHAGS PA DGONGS PA NGES 'GREL LAS, DON DAM BDEN PA SGRA RTOG GI YUL LAS 'DAS PAR GSUNGS PA DANG, THEG PA CHEN PO RGYUD BLA MA LAS, BDE BAR GSHEGS PA'I SNYING PO SGRA RTOG GI YUL LAS 'DAS PAR GSUNGS PA DANG, GZHAN YANG DBU MA'I GZHUNG LUGS DAG LAS CHOS NYID SGRA RTOG GI YUL MIN PAR GSUNGS PA LTA BU RNAMS NI, 'PHAGS PA'I MNYAM GZHAG YE SHES KYIS CHOS NYID MNGON SUM DU RTOGS PA'I TSE CHU LA CHU BZHAG PA LTAR GNYIS SNANG PHRA MO YANG MED PAR RO GCIG TU GYUR BA'I SGO NAS RTOGS PA ZHIG YOD LA, DON DAM BDEN PA SGRAS BRJOD PA LA BRTEN NAS RTOG PAS DON DAM BDEN PA'I MTSAN NYID JI LTAR GNAS PA BZHIN GO YANG, DE'I TSE CHOS NYID LA GNYIS SNANG LOG PA MI SRID PAS, DES NA 'PHAGS PA'I YE SHES KYIS RTOGS TSUL
LTAR GNYIS SNANG LOG PA'I SGO NAS RTOGS PA SGRA LA BRTEN NAS RTOG PAS NGES PA LA BYAR MED PAS, DE'I PHYIR CHOS NYID SGRA RTOG GI YUL LAS 'DAS PAR GSUNGS PA YIN ZHING, 'DIR NI MCHOG TU MI 'GYUR BA'I BDE BA LA SOGS PA'I LAM DANG 'BRAS BU DE DANG DE RGYUD LA SKYES PA'I RNAL 'BYOR PA'I TING NGE 'DZIN DE DANG NGES JI LTAR MYONG BA LTAR DU DE DAG 'CHAD PA'I SGRA LA BRTEN NAS GO BA'I RGYUD LA MYONG BAR BYAR MED PAS, DE'I PHYIR RTOGS PA BRJOD PA RNAM PAR SPANGS PA SOGS SU GSUNGS PA YIN NO, ,DE LTA MA YIN PAR GTAN NAS SGRA RTOG GI YUL DU BYAR MI RUNG NA, DON DE DAG RGYUD BSHAD PA DANG NYAN PA LA BRTEN NAS SLOB MAS NGES PAR BYAR MED PAS, DE'I DON DU RGYUD 'CHAD PA DANG NYAN PA SOGS THAMS CAD DON MED DU 'GYUR ZHING, DON GYI DBANG BZHI PA TSIG GIS BRDA SPRAD MI NUS PAR 'GYUR BAS, 'JIG RTEN LAS 'DAS PA'I DBANG BZHI PA SMIN BYED KYI DBANG BSKUR BA'I TSE THABS GANG GIS KYANG BSKUR DU MI RUNG BAR 'GYUR LA, LAM BSGOM PA'I SNGON DU LAM DANG LAM MA YIN PA SO SOR NGES PA BYAR MED PAR 'GYUR RO, ,GSUM PA DGOS PA DANG NYID DGOS RGYAS PAR BSHAD PA NI, BRJOD BYA DANG 'BREL PA BSHAD PA DE NAS DGOS PA DANG NYID DGOS 'CHAD PA LA, RDUL TSON GYI DKYIL 'KHOR DU ZHUGS PA LAS 'JIG RTEN PA'I DBANG BCU SBYIN PAS BSKYED RIM BSGOM PA'I SNOD RUNG DU BYAS TE BSKYED RIM LEGS PAR BSGOM PA MTHAR PHYIN PAS RDZOGS RIM SKYE BA'I RGYUD YONGS SU SMIN TE, BSOD NAMS KYI TSOGS KYI DON BYED PA NI DGOS PA'O, ,SHES RAB YE SHES CHEN PO 'JIG RTEN LAS 'DAS PA'I DBANG BZHI PA SBYIN PAS, RDZOGS RIM BSGOM PA'I SNOD RUNG DU BYAS TE, YAN LAG
{tIK CHEN} *, ,DRUG BSGOMS PAS GZUGS SKU'I NYER LEN STONG GZUGS KYI 'DOD LHA YAB YUM GYI SKUR LANGS PA'I BSOD NAMS KYI TSOGS DANG, CHOS SKU'I NYER LEN MCHOG TU MI 'GYUR BA'I BDE BA CHEN POS BDEN STONG RTOGS PA'I YE SHES KYI TSOGS KYI NUS PA RDZOGS PAS 'BRAS BU RIS MED PA PHYAG RGYA CHEN PO'I DNGOS GRUB THOB PA LA DNGOS SU SBYOR BA'I DON BYED PA NI DGOS PA'I DGOS PA'O, ,STE ZHES PA 'OG MA 'DREN PA'I TSIG GO ,GNYIS PA LNGA PO DE GZIGS NAS GDUL BYA JI LTA BU LA BSTAN PA RGYAS PAR BSHAD PA NI DE LTAR BRJOD BYA LA SOGS PA'I MTSAN NYID LNGA PO 'DI DAG NYID MNGON PAR GZIGS NAS RTZA BA'I RGYUD YANG DAG PAR BSTAN TO ZHES KHONG NAS DRANG NGO, ,GANG LA BSTAN NAS GDUL BYA'I ZHES PA NAS, ZHES BYA BA ZHES PA'I BAR NI SNGAR MDO BSTAN PA'I TSIG SLAR YANG BSHAD BYAR BKOD PA'O, ,DE 'CHAD PA LA NGES PA NI 'DOD PA LNGA LA NYE BAR LONGS SPYOD PA NYES DMIGS SU BLTAS NAS MTHA' GCIG TU DE DANG BRAL ZHING CHAGS PA LAM BYED LA MI MOS PA RNAMS KYI TSUL KHRIMS KYI SDOM PA STE, DE NI NYAN THOS THEG DMAN PA'I MCHOG GI SDOM PA STE SDOM PA MCHOG YIN ZHING, 'DIR NI 'DOD YON LA LONGS SPYOD PA LAS MTHA' GCIG TU RGYAB KYIS PHYOGS PA DE DANG BRAL BA NI NGES PA DANG BRAL BA'O, ,'DIR KHA CIG MCHOG DANG DBYE BA SKAD DOD GCIG PAS, BSLAB PA'I GNAS BYE BA'AM SHIN TU MANG PO BSRUNG BA DGE SLONG DANG, GNAS BCU BSRUNG BA DGE TSUL DANG, GNAS LNGA BSRUNG BA DAG BSNYEN GYI SDOM PA STE, DE DAG TSE JI SRID 'TSO'I BAR DU BSRUNG BA'I NGES PA DANG {RANG}, BRAL BA ZHES 'CHAD PA NI SHIN TU MI 'THAD DO, ,DE LTA NA RGYUD
'DI'I GDUL BYA LA, SO THAR GYI SDOM PA DANG BRAL BA NGES BZUNG DU DGOS PAR 'GYUR LA, DE YIN NA, DE NYID BCU NI YONGS SHES PA, ,GSUM LAS DGE SLONG MCHOG YIN 'BRING, ,DGE TSUL ZHES BYA DE DAG LAS, ,KHYIM NA GNAS PA THA MA'O, ZHES SOGS BLA MED KYI LAM NYAMS SU LEN PA'I RTEN GYI GANG ZAG LA DGE SLONG MCHOG YIN PAR RGYUD 'DI'I SKOR DANG GZHAN YANG DU MA ZHIG LAS GSUNGS PA THAMS CAD DANG 'GAL ZHING, SNGAGS DANG 'DUL BA TSA GRANG LTAR 'GAL BAR 'DZIN PA'I LOG RTOG GI THA CHAD DE NYID SLAR 'ONGS SO; ;DES NA 'DI LTA BU NI SO THAR GYI SDOM PA DANG, THEG DMAN GYI SDOM PA'I SHAN MA PHYED PA'I NOR PA CHEN PO STE, SO THAR GYI SDOM PA LA THEG DMAN GYI SDOM PAS KHYAB NA SDOM PA GSUM LDAN GYIS GANG ZAG SHES BYA LA MI SRID PAR 'GYUR RO, ,DE'I PHYIR NYAN THOS PA'I SDOM PA LA BYA'I, SO THAR GYI SDOM PA TZAM LA MI BYA LA, MCHOG BYE BAR BSGYUR BA'ANG MI LEGS SO, ,DE 'DRA'I NGES PA DANG BRAL BA DE DAG GI RANG GI SEMS KYI BSAM PA NI SPYIR 'DOD PA LNGA LA NYE BAR LONGS SPYOD PA'I SGO NAS LAM BSGRUB PAR 'DOD PA'O, ,DE BZHIN DU 'DOD YON GYI REG BYA KHYAD PAR BA DBANG PO GNYIS KYI BDE BA CHEN PO LAM DU BYED PAR 'DOD PA NI NGES PA DANG BRAL BA RNAMS KYI RANG GI SEMS KYI BSAM PA STE, RANG GI SEMS KYI BSAM PA 'DIS ZHES PA NI, 'DI DANG MTHUN PAR 'DOD YON DE DAG MA SPANGS SHING DE DAG LA LONGS SPYOD PA MA BKAG PA'I SRO NAS GDUL BYA DE LTA BU LA BSTAN NO, ,GSUM PA CHOS KHYAD PAR JI LTA BU DANG LDAN PA BSTAN PA RGYAS PAR BSHAD PA LA DRUG ,MI'I SKYE BA 'DI LA SANGS RGYAS STER BA CHOS KYI KHYAD PAR DU BSTAN 'GRO BA GZHAN GYI TSE DE LA MI STER YANG
, ,SKYE BA GZHAN LA STER BAR BSTAN, MI'I KHYAD PAR JI LTA BU LA STER BA'I KHYAD PAR BSHAD, DE LA RGYUD GZHAN DANG 'GAL BA'I RTZOD PA SPANG, DE LTAR BSTAN PA RNAMS KYI GRUB PA'I DON BSDU, GANG TSE 'DI LA STER BA'I SANGS RGYAS NGOS BZUNG BA'O, ,DANG PO NI, DE 'DRA BA'I GDUL BYA'I BSAM PA DANG MTHUN PAR BSTAN PA'I CHOS DE NYID KYI KHYAD PAR JI LTA BU ZHE NA, MDOR BSTAN DU SKYE BA 'DI LA SANGS RGYAS NYID KYI 'BRAS BU RAB TU STER BA ZHES BSHAD PA'I DON NI LAM 'DI'I THUN MONG MA YIN PA'I THOG MA NAS ZHUGS PA'I SKYE BO STE TSE 'DI'I MI'I SKYE BA LA SANGS RGYAS GNYIS KYI 'BRAS BU RAB TU STER BAR BYED PA RGYUD KYI RGYAL PO'O, ,GNYIS PA NI, 'O NA MI'I SKYE BO KHO NA LA STER GYI 'GRO BA GZHAN LA MA YIN NAM ZHE NA, LHA LA SOGS PA'I 'GRO BA GZHAN LNGA'I TSE DE LA SNGAGS BLA MED KYI THUN MONG MA YIN PA'I LAM GYI THOG MA NAS ZHUGS PAS DE'I SKYE BA LA NI SANGS RGYAS STER BA MA YIN NO, ,DE CI'I PHYIR ZHE NA, LAS KYIS MA YIN PAR SKYES PA'I PHYIR RO, ,DE LA LAS KYIS NI TSE DE LA DGE MI DGE'I LAS BSAGS PA'I RNAM SMIN YANG TSE DE NYID LA SMIN PA'I LAS GSOG PAR NUS PA'I SA'O, ,'O NA 'GRO BA DE DAG LA LAM 'DIS 'BRAS BU DE NAM YANG MI STER RAM ZHE NA, 'DIR ZHES SOGS SO, ,DE LTAR NA MDOR BSTAN GYI SKYE BA 'DI LA ZHES PA'I TSIG DE RGYAS BSHAD KYIS TSE 'DI LA ZHES PA DANG, MI'I RTEN 'DI LA, ZHES PA GNYIS GA LA SBYAR NAS BSHAD PA YIN LA, SKYE BA 'DI ZHES PA CHE GCIG LA MA BYAS NA 'OG GI RTZOD LEN 'BREL MED DU 'GYUR ZHING, SPYIR MI'I SKYE BA LA SANGS RGYAS STER BA TZAM RGYUD 'DI'I ZAB KHYAD DU MI 'GYUR RO, ,
'DIR KHA CIG MI'I SKYE BA KHO NA LA LAM 'DIS SANGS RGYAS STER BA YIN NA BAR DOR 'TSANG RGYA BA RGYUD RNAMS LAS BSHAD PA DANG 'GAL LO ZHES PA'I RTZOD SPONG DU, BAR DOR 'TSANG RGYA BAR BSHAD PA NYAN THOS BAR DOR 'DA' BA LTA BU LA DGONGS SO ZHES SMRA BA NI SNGAGS KYI LAM GYIS 'TSANG RGYA BA'I DGONGS GZHI NYAN THOS KYI MYANG 'DAS LA BYED PA 'BREL MED CHEN PO'O, ,YANG KHA CIG 'DIR MI KHO NA'I RTEN LA 'TSANG RGYA BAR BSHAD PA SPRUL SKU'I DBANG DU BYAS LA, BAR DO DANG 'OG MIN GYI RTEN LA 'TSANG RGYA BA SOGS {SHAR}, SU BSHAD PA LONGS SKU'I DBANG DU BYAS PAS MI 'GAL LO ZHES 'CHAD PA'ANG MI 'THAD DE BCOM LDAN 'DAS {RANG}, SH'AKYA THUB PAS 'DOD KHAMS SU 'PHAGS PA'I YUL DU 'TSANG RGYA BA'I TSUL BSTAN PA LTA BU NI SNGON DU SANGS RGYAS ZIN NAS DE'I RJES SU 'TSANG RGYA BA'I TSUL BSTAN PA TZAM YIN GYI, GSAR DU SANGS RGYAS PA MA YIN PAS 'OG GI RTZOD LAN THAMS CAD 'BREL MED DU 'GYUR ZHING, SNGAGS BLA MED LA BRTEN NAS TSE GCIG LA LONGS SKU MNGON DU BYAS TE 'TSANG RGYA BA MA YIN GYI SPRUL PA'I SKUR 'TSANG RGYA BA'I TSUL STON PA TZAM YIN NO, ZHES KHAS BLANG DGOS PAR 'GYUR LA, TSUL DE NI PHAR PHYIN GYI THEG PA CHEN PO LA YANG YOD DO, ,DES NA SNGAGS BLA MED KYI RGYUD SDE RNAMS LAS SNYIGS DUS KYI MI'I TSE GCIG LA 'TSANG RGYA BA'I RNAM GZHAG GSUNGS PA NI LAM THUN MONG BAS SNGON DU RGYUD SBYANGS ZIN PA'I DBANG PO SHIN TU RNON PO, 'DUS PA LAS RIN PO CHE LTA BU'I GANG ZAG CES GSUNGS PA'I MTSAN NYID CAN LTA BU ZHIG GIS SNGAGS BLA MED KYI THUN MONG MA YIN PA'I LAM GYI THOG MA NAS ZHUGS PA'I TSE DE
, ,NYID LA 'TSANG RGYA BA YIN LA, DE LTAR SNGAGS BLA MED KYI LAM GYI THOG MA NAS ZHUGS PA'I TSE DE NYID LA 'TSANG RGYA BA'I RTEN LA 'DOD KHAMS KYI MI KHAMS DRUG LDAN LAS KYIS BAR SKYES PA ZHIG DGOS PAS KHYAB PAR 'DUS PA BDE MCHOG SOGS KYI GZHUNG LAS 'BYUNG BA DAG DANG SKABS 'DIR BSHAD PA GNYIS 'DRA BA YIN ZHING, RGYUD DANG 'GREL BA 'DI DAG TU YANG SROG RTZOL BAR GYI BSKYED RDZOGS RGYUD LA SKYES ZIN NAS SKABS DER SHIN DE'I 'PHRO SKYE BA GZHAN LA RDZOGS PAR BYAS NAS 'TSANG RGYA BAR DNGOS SU GSUNGS PAS LAM 'DIS SPYIR TSE GCIG LA 'TSANG RGYA BAS KHYAB PAR BZHED PA'I DOGS PA MED LA, SA MTHON POR MA SLAB KYI BAR DU PHAR PHYIN THEG PA'I LAM GYIS BGROD PA'I MTHAR BLA MED KYI LAM GYIS BSNON PA BTAB NAS 'TSANG RGYA BA LTA BU NI 'OG MIN GYI LHA'I RTEN LA YANG YOD CING, DBANG RNON BLA MED KYI LAM GYI THOG MA NAS TSE GANG LA ZHUGS PA'I TSE DE NYID LA 'TSANG RGYA BA DE'I RTEN LA MI DGOS PAS KHYAD PAR BSHAD PA LA, 'O NA DBANG 'BRING BAR DOR 'TSANG RGYA BAR BSHAD PA DANG 'GAL ZHES PA'I DOGS PA BKOD NAS DE SPONG PA'I SLAD DU TSEGS THOB PA NI NGO MTSAR BAR BYA BA ZHIG GO ,DE YANG BLA MED KYI RGYUD GZHAN KYI DGONGS PA KLU SGRUB YAB SRAS DANG ZHAL LUNG LA SOGS PA CHEN PO DAG GIS BKRAL BA'I SROL CHEN PO LA YONGS SU GRAGS PA'I TSUL LA, DBANG PO RAB CHE 'DIR 'TSAD RGYA BA DANG 'BRING TSE 'DIR SPYOD PA BYED PA MA BYUNG BA SOGS KYI DBANG GIS MCHOG MA GRUB PA 'CHI BA 'OD GSAL LAM GYI 'OD GSAL GYI NGO BOR BSKYED
NAS DE LAS LDANG BA NA, THA MAL BA LA BAR DO RANG DGA' BA 'ONG BA'I DOD LA RNAL 'BYOR BA DE LA SGYU MA'I SKU DNGOS GRUB STE, RTAN DE NYID LA LAM LHAG MA RDZOGS PAR BYAS NAS GZHAN LA BAR NGO 'ONG BA'I GNAS SKABS DE NYID DU 'TSANG RGYA BA LA BAR DOR 'TSANG RGYA BA ZHAS THA SNYAD BYAS PA DANG, DBANG RTUL BAR DO'I DOD LA YE SHES KYI SKUR LDANG MI NUS PA SKYE BA BRGYUD NAS 'TSANG RGYA DGOS PA STE, RIM PA GSUM GSUNGS KYANG, RGYUD 'DI'I LAM GYI THUN MONG MA YIN PA'I GNAD LA BLO KHA MA PHYOGS PAR RGYUD GZHAN LA GRAGS PA'I LAM GYIS BGROD TSUL DANG 'DI'I BGROD TSUL GYI MI 'DRA BA'I KHYAD PAR CHE SA RNAMS SU PHAN TSUN BSRAS NAS BAR DOR 'TSANG RGYA BA SOGS KYI RNAM GZHAG RGYUD 'DI'I LAM LA BYAR GTAN MI RUNG NGO, ,'DI GANG LAS SHAS PAR BYA SNYAM NA, RGYUD GZHAN LAS 'BYUNG BA'I SGYU MA'I SKU SGRUB PA DANG 'DI'I STONG GZUGS KYI SKU BSGRUB PA'I MI 'DRA BA'I KHYAD PAR SHIN TU CHE BA LAS KHONG DU CHUD PAR BYA STE, SGYU MA'I SKU GANG LAS BSGRUB PA'I GZHI GNYUG MA'I LUS DANG RAGS PA GNAS SKABS PA'I LUS LA, SKYE BA SNGA MA'I LAS KYI 'PHANGS PA'I RTEN DANG BRTEN PA'I 'BREL BA DE 'CHI BA 'OD GSAL NYAMS SU MYONG BA'I SKABS SU LAS KYI 'PHEN PA ZAD PA'I STOBS KYIS 'CHAD PA NA, GNYUG MA'I LUS BAR DO RANG DGA' BA DANG SGYU MA'I SKU GANG DU LANGS KYANG RAGS PA'I LUS SPANGS NAS LOGS SU GNAS PAR NUS PA YIN LA, DE GNYIS KYI 'BREL PA DON GYI 'OD GSAL TSE 'DIR RGYUD LA SKYES PA'I GNYEN PO'I STOBS KYIS BCAD PA NA GNYUG MA'I LUS DAG PA'I SGYU MA'I SKYAR LANGS PA'ANG RAGS PA'I LUS DUS THAMS CAD DU SPANGS TE GNAS PAR 'DOD NA'ANG GNAS PAR NUS LA, GDUL BYA'I CHED DU 'DZIN PAR
, ,'DOD NA'ANG JI LTAR 'DOD PA LTAR NUS SHING, DER MA ZAD GNYUG MA'I LUS MA DAG PA'I SGYU LUS KYI SKUR LANGS PA'ANG JI SRID RAGS PA DANG GNYUG MA'I LUS KYI RTEN DANG BRTEN PA'I 'BREL BA MA CHAD KYI RING LA DUS THAMS CAD DU RAGS PA'I LUS SPANGS NAS GNAS MI NUS KYANG, SGYU MA LTA BU'I TING NGE 'DZIN LA MNYAM PAR BZHAG PA'I RING LA RAGS PA'I LUS SPANGS NAS GOS LOGS SU PHYE BA'I TSUL GYIS GNAS PAR NUS LA, MNYAM GZHAG DE LA GNAS PAR MI NUS PA NA, SGYU MA'I LUS RANG SHUGS KYIS LUS RAG PA LA 'JUG PAR 'GYUR BAS DE'I TSE SPRUL SKU DANG BSRE BA'I MAN NGAG MNGON DU BYED DO, ,DE LTA NA YANG SGYU MA'I SKU DE LUS RAGS PA'I NANG NA ZA MA TOG GI NANG NA BCUG PA'I RIN PO CHE LTAR SKU'I RNAM PA MDOR BAR DNGOS PO LA GNAS KYI, DON GYI 'OD GSAL THOG MAR MNGON DU MA BYAS BAR DU DE'I RNAM PA RGYUN MI CHAD DO, ,'DUS PA SOGS NAS RTZAL DU BTON NAS 'CHAD CING DE LTAR BDE DGYES SOGS GZHAN LA'ANG KHYER NAS, SGYU MA'I SKU SGRUB TSUL AU RGYAN GYI GNAS DANG 'PHAGS YUL GYI GRUB CHEN DAG GIS BSHAD PA DE'I DOD, RGYUD 'DI SEMS 'GREL SKOR GSUM DANG BCAS PAS STONG GZUGS LAS GRUB PA'I YE SHES KYI SKU SGRUB TSUL RTZAL DU BTON NAS 'CHAD PA LA, DE'I SGRUB GZHI GNYUG MA'I LUS LTA BU GDOD MA NAS RIGS 'DRA MA CHAD PAR GNAS PA MED KYI YAN LAG DRUG GI DANG PO GNYIS KYIS GSAR DU BSGRUBS NAS, DE SGRUB GZHIR BYAS TE GONG NAS GONG DU KHYAD PAR DU GYUR PAR BSGRUBS PA NA RJES DRAN GYI SKABS SU STONG GZUGS KYI SKUR DNGOS GNAS LA LDANG PA YIN MOD KYI, 'ON KYANG DE NI MNYAM GZHAG GIS SKABS
MA GTOGS, JI SRID LAS RLUNG NYIS KHRI CHIG STONG DRUG BRGYA'I RGYU BA SLAR 'BYUNG MI RUNG GI, TSUL GYIS MA 'GAGS KYA BAR DU RJES THOB TU SKU'I RNAM PA RIGS 'DRA MA CHAD PAR GNAS MI NUS LA, MI 'GYUR BA'I BDE BA NYIS KHRI CHIG STONG DRUG BRGYA DANG DE'I RTEN KHAMS DKAR PO CHE DE SNYED DBU MA'I NANG NAS GTZUG TOR BAR DU YAR BRTZEGS PA DANG, KHAMS DMAR PO DE SNYED GTZUG TOR NAS RDO RJE NOR BU'I RTZE BAR DU MAR BRTZEGS PA'I NUS PAS DNGUL CHUS LCAGS KYI KHAMS ZA BA LTAR RDUL PHRA RAB BSOGS PA'I PHUNG PO'I BAM PO'I KHAMS RIM GYIS ZOS PA LHAG MA MED PAR MA GYUR GYI BAR DU STONG GZUGS KYI RTZA BA'I SKU MTSAN NYID PA'ANG MNYAM GZHAG GI GNAS SKABS SU YANG MA DAG PA'I PHUNG PO LAS GO SA LOGS SU SKAD CIG KYANG GNAS MI NUS NA, RAGS PA'I BUNG PO PHYE BEMS PO'I KHAMS CUNG ZAD TZAM YANG MA ZAD CING, LAS RLUNG CHA GCIG KYANG SLAR 'BYUNG MI RUNG GI TSUL GYIS MA 'GAGS PAR STONG GZUGS KYI SKU BAR DO BZHIN DU GNAS NUS PA'I GO SKABS MED LA, TSE 'DIR STONG GZUGS KYI SKU MTSAN NYID PA GRUB NA TSE DE LA 'TSANG RGYA BAS KHYAB KYI 'CHI MI SRID CING, MA GRUB NA BAR DE'I DOD LA SKU DER LHANG BA'I GZHI MED PAS JI LTAR LDANG BAR 'GYUR, BAR DO'I DOD LA SKU DE GRUB PA'I DBANG DU BYAS KYANG KHAMS DKAR DMAR YAR BRTAN PA DANG MAR BRTAN PA LAS MI 'GYUR BA'I BDE BA BSGRUB PA RTEN DE LA JI LTAR BA BSOMS SHIG ,DE'I PHYIR BSDUS RGYUD LAS, RDZU 'PHRUL KUN MKHYEN PA DANG SRID GSUM BLA MA NYID NI RNAL 'BYOR RNAMS KYI SKYE BA 'DI LA STE, ,GAL TE LAM DU RAB ZHUGS 'CHI BAR 'GYUR NA DE TSE DE YI 'DZIN PAS SKYE BA GZHAN LA'O,
, ,ZHES GSUNGS PA LTAR 'GREL CHEN LAS KYANG GSAL BAR GSUNGS PA'I SGO NAS TSE 'DI LA 'TSANG RGYA BA DANG, SKYE BA GZHAN LA BAG CHAGS KYI DBANG GIS LAM GYI 'PHRO NYAMS SU BLANGS NAS 'TSANG RGYA BA'I TSUL GNYIS GSUNGS KYI, BAR DOR 'TSANG RGYA BA'I THA SNYAD TZAM YANG ZUR TZAM ZHIG KYANG MA GSUNGS SO, ,TSUL 'DI DAG NI SHIN TU GSAL BAR THUN MONG DU BSNYAD PAR BYA BA GA LA YIN KYANG, LUGS 'DI LA ZHEN PAS 'JUG PA'I BOD THAMS CAD KYIS RGYUD 'GREL GNYIS KYI DON 'CHAD PA DANG, KHRID YIG DANG PO SPROD SOGS THAMS CAD DU BAR DOR 'TSANG RGYA BA SOGS KYI GTAM SHIN TU MANG BAR SMRAS SHING, DE YANG SNGON LA BAR DO RANG DGA' PA GRUB NAS DE'I RTEN LA 'TSANG RGYA BA'I LUGS SU BYAS NAS, BAR DOR 'TSANG RGYA BA LA TSE 'DIR LAM JI TZAM RDZOGS PA DGOS PA DANG, BAR DOR LAM BSGOM TSUL JI LTAR BYED PA SOGS KYI RTOG DPYOD DANG SMRA BA ZUR TZAM MI BYED LA, 'GA' ZHIG GIS NI GSANG 'DUS SOGS KYI MAN NGAG LAS 'BYUNG BA'I GNYID DANG RMI LAM DANG 'CHI BA DANG BAR DO SOGS KYI BSRE BA'I TSUL DE'I LUGS KYANG, RNAM PAR MA DAG PA ZHIG 'DIR SBYOR PA LA SOGS PAS LUGS 'DI'I LAM GYI PHYOGS TZAM YANG MTHONG BA NYUNG BAR 'DUGS PAS CUNG ZAD TZAM ZHIG GSAL BAR SMRAS LA, SBYOR DRUG GI RGYA GZHUNG DU BYAS PA 'GA' ZHIG LA'ANG YID BRTAN MI RUNG BA DANG, TSAD LDAN GYI GZHUNG DANG 'GAL BA SHIN TU CHE BA CI RIGS PAR YOD DO, ,RGYUD 'DI'I LUGS KYI LAM BGROD TSUL MTHA' DAG PAR SHES PAR 'DOD NA, BSKYED RIM MTHAR PHYIN PA'I MYONG BA'I TSAD 'DZIN PA, RDZOGS RIM YAN LAG DRUG GI GRANGS DANG GO RIM NGES PA DANG, YAN
LAG DRUG SO SO'I THUN MONG MA YIN PA'I NYAMS MYONG RDZOGS PA'I 'TSAMS DANG, DE'I LAG RJES DANG, YAN LAG SNGA MA NAS PHYI MAR 'PHO 'TSAMS SOGS RGYUD LA SKYE TSUL GYI MYONG BA LA TSAD BZUNG NAS LEGS PAR GTAN LA PHEBS PA DANG, BLA MED KYI RGYUD GZHAN THAMS CAD LAS 'BYUNG BA LTAR LUGS 'DIR LAM LA BOGS 'BYIN GYI SPROS BCAS SPROS MED SHIN TU SPROS MED KYI SPYOD PA SPYAD DGOS SAM MI DGOS ZHES BLO KHA PHYOGS PA BYAS NAS, MI DGOS NA GZHAN LA DGOS SHING 'DI LA MI DGOS PA'I KHYAD PAR GANG GI DBANG GIS YIN PA SMRA RGYUD DGOS LA, GAL TE LUGS 'DI LA YANG SPYOD PA DE DAG DGOS NA RGYUD 'DI DAG DANG SEMS 'GREL SKOR GSUM GYI GZHUNG TSAD LDAN SHIN TU RGYAS PA 'DI TZAM ZHIG GI NANG NA SPYOD PA GSUM PO DE'I THA SNYAD ZUR TZAM YANG GANG DU BYUNG, THA SNYAD MED KYANG DON YOD DO ZHE NA, SPYOD PA DE DAG GI DON SKABS GANG GIS BSTAN, PHYAG RGYA'I 'DOD YON LA SPYOD CES PA TZAM ZHIG LA 'CHAD NA, SNGAGS BLA MED KYI LAM GYI SNOD RUNG DU BYED PA'I DBANG THOG MAR BSKUR BA'I DUS NAS PHYAG RGYA'I 'DOD YON LA SPYOD PA'I CHAGS PA LAM PHYED KYI SPYOD PA TZAM DANG, BYE BRAG BA LAM LA BOGS 'BYIN GYI SPYOD PA'I KHYAD PAR TZAM LA YANG RMONGS PAS BLA MED KYI LAM GYI RNAM GZHAG CHAGS PA GSAL BAR BYAS SO, ,DED BZHIN DU 'DIR YANG BOGS 'BYIN GYI SPYOD PA DGOS NA SKABS GANG DU BYED DGOS PA GANG GI PHYIR BYED, STONG GZUGS KYI SKU MA GRUB PA BSGRUB PA'I PHYIR DU BYED DAM, TING NGE 'DZIN GYI YAN LAG TU GYUR BA'I MI 'GYUR BA'I BDE BA MA SKYES PA BSKYED PA'I PHYIR DU BYED DAM, SHES SGRIB LHAG MA
, ,SPANG PHYIR DU BYED, DANG PO LTAR NA LAS DANG YE SHES KYI PHYAG RGYA GANG RUNG LA MA BRTEN PAR BYAR MED PAS, 'DZIN PA MTHAR PHYIN NA, DBANG RNON PHYAG RGYA DE GNYIS GANG LA YANG MA LTOS PAR RJES DRAN GYI SKUR LNGAR NUS PAR GSAL BAR GSUNGS PA 'CHAD PAR 'GYUR BA DANG 'GAL LO, ,'DUS PA SOGS RGYUD GZHAN LAS 'BYUNG BA'I LUGS DE LA NI DBANG PO RNO RTUL GANG YIN YANG SEMS DBEN RDZOGS NAS SGYU MA'I SKUR LDANG BA SPYOD PA GSUM GANG RUNG LA MI LTOS PA MI SRID DO, ,GNYIS PA LTAR NA'ANG STONG GZUGS PHYAG RGYA CHEN MO GRUB NA DBANG RTUL LA MI 'GYUR BA'I BDE BA 'DREN PA THOG MAR LAS RGYAL LAN 'GA'I BAR DU MTSON DGOS PA DANG, DBANG 'BRING LA YE RGYA LA THOG MAR CUNG ZAD MTSON DGOS PA SRID KYI, DBANG RNON LA PHYAG CHEN GRUB PA NAS DE DANG SNYOMS PAR ZHUGS PAS MI 'GYUR BA'I BDE BA DNGOS SU 'DREN NUS PAR BSHAD PA DANG 'GAL LO, ,GSUM PA LTAR NA PHYAG RGYA CHEN MO LA BRTEN NAS MI 'GYUR BA'I BDE BA NYIS KHRI CHIG STONG DRUG BRGYA PHAL CHE BA BAR MA CHAD DU DRANGS NAS THA MA ZHIG 'DREN PA DA DUNG PHYAG RGYA GNYIS GANG RUNG LA BRTEN NAS BDE STONG GI YE SHES THUN MONG BA LA GOMS PAR BYED PA LA RAGS LAS PA YOD PAR HA CANG THAL LO, ,DE LTAR DPYOD PA'I SGO TZAM ZHIG BSTAN TE, 'DI LTAR DPYAD PA NA 'OG TU RNAL 'BYOR MA SO DRUG GI RIGS KYI MKHA' 'GRO MA RNAMS DANG 'DU BA THOB PA'I PHYIR DU RAGS NGO SHES PAR BYED TSUL DANG, PHYAG RGYA'I BRDA STON TSAL DANG, DE DAG DANG TSOGS KYI 'KHOR LO LA 'DU BA'I RNAM GZHAG GSUNGS PA RNAMS KYANG, PHYI'I PHYAG RGYA KHYAD PAR CAN LA BRTEN PA TZAM GYI PHYIR DU YIN
NAM, 'ON TE BYE BRAG PA SPYOD PA'I PHYIR DU YIN ZHES BYA BA LA SOGS PA'I RNAM GZHAG LA MKHAS PAR 'GYUR RO, ,BSHAD MA THAG PA'I TSUL 'DI DAG DANG, 'DI LTA BU GZHAN DAG KYANG SHES NA RGYUD 'DI DANG RGYUD GZHAN GYI DON 'PHAGS YUL DANG AU RGYAN GYI GRUB CHEN DAG GIS BKRAL BA'I LAM SROL CHEN PO DAG GIS SROL MI 'DRA BA'I KHYAD PAR SHIN TU CHE BA RNAMS DANG, RANG RANG GI THUN MONG MA YIN PA'I LAM GYI BGROD TSUL GYI KHYAD PAR RNAMS LA MKHAS PAR 'GYUR ZHING, GANG RUNG GCIG JI BZHIN DU MA BYUNG NA DE LA 'TSANG RGYA BA'I LAM MA TSANG BAR 'DZIN PA'I CHOS SPONG GI SGO CHEN PO RNAMS RANG GIS LDOG PAR 'GYUR LA, GZHAN YANG RGYUD DANG 'GREL BA 'DI DAG TU LUS KYI GNAS BZHI'I THIG LE BZHI LA SGRIB PAR GSUNGS PA MA YIN NAM, DE LTAR NA THIG LE NI BEM PO YIN PAS SGRIB PAR JI LTAR 'GYUR, DE BZHIN DU MI 'GYUR BA'I BDE BA NYIS KHRI CHIG STONG DRUG BRGYA'I SPANG BYA'I GTZO BO LAS RLUNG NYIS KHRI CHIG STONG DRUG BRGYA DANG LUS KYI BEM PO'I KHAMS LA BSHAD PAS, LAM NYAMS SU LEN PA'I SPANG BYA'I GTZO BO BEM PO LA 'JOG PA 'DI LTA BU SANGS RGYAS PA'I GRUB PA'I MTHA' LAS BRGAL LO SNYAM DU DOGS PA JI LTAR SPONG, GAL TE DE DAG SPANG BYAR BSHAD PA NI DE DAG LAS SPANG BYA'I GTZO BO GZHAN MI BZHED PA MA YIN GYI, SEMS RGYUD KYI STENG NA NYON MONGS PA DANG SHES BYA'I SGRIB PA YOD PA DE DAG LAM GYI SPANG BYA GTZO BOR BZHED DO SNYAM NA, SGRIB PA DE DAG MNGON GYUR DANG BAG CHAGS LUGS 'DI LA JI LTA BU NYON MONGS MNGON GYUR DANG 'DZIN STANGS 'GAL BA'I GNYEN PO NI GANG YIN, DE DANG 'DZIN STANGS MI 'GAL YANG DE'I BAG CHAGS MA LUS PAR GNYEN PO DES SPONG NUS PA YOD DAM MED,
, ,'DZIN STANGS 'GAL NA 'GAL BA'I TSUL JI LTAR ZHES SOGS RGYUD 'DI RANG GI LUGS LA ZHIB TU DPYAD NAS SHES DGOS KYI, SGRIB PA MA SPANGS PA'I SANGS RGYAS YOD PAR KHAS BLANG DU MA RUNG LA, LAM 'DIS SGRIB PA SPONG TSUL BSHAD RGYU GTAN MED PAR RGYUD 'DI KHO NA MCHOG GO GZHAN NI MA YIN NO, ZHES SMRAS KYANG DBANG PO SHIN TU RTUL BA TZAM ZHIG GO BAR BYED PA LAS GZHAN DU BRTAGS TU CI ZHIG YOD, 'ON KYANG RJE THAMS CAD MKHYEN PAS BKA' DRIN MA MDZAD PA DE SRID DU GANGS RI'I KHROD 'DIR LAM GYI LUS RAGS PA TZAM LA'ANG BLO KHA PHYOGS PA MA BYUNG BAR SNANG BAS CUNG ZAD TZAM ZHIG 'DIR YANG BSHAD LA 'OG DAG TU'ANG 'CHAD PAR 'GYUR RO, ,GSUM PA NI, 'O NA MI'I SKYE BA YIN NO COG LA 'BRAS BU DE STER RAM ZHE NA, SKYE BA SNGA MA RNAMS SU LAM THUN MONG BA'I BSOD NAMS DANG YE SHES KYI TSOGS DAG LA BSLAB PAS RGYUD SBYANGS PA DANG, KHAMS DRUG GI SA BON SEMS CAN THAMS CAD LA YOD KYANG NANG GI KHAMS DRUG RDZOGS PAR MNGON DU GYUR BA'I BDAG NYID CAN, BLA NA MED PA'I LAM GYI RIGS KYI NUS PA CHES MCHOG TU GYUR BA'I SKYES BU CHEN PO'I GANG ZAG KHYAD PAR BA LA'O, ZHES PA STE RNAM PA GZHAN DU SKYE BA SNGA MAR TSOGS DE DAG MA BSAGS PAS TSE 'DIR LAS NGAN PA MA DAG PA SPYOD PA LA SHAS CHER DGA' BA DANG LDAN PA'I MI'I SKYE BA 'DI LA SANGS RGYAS NYID KYI 'BRAS BU RAB TU STER BA NI MA YIN NO ZHES BYA BA DE BZHIN GSHEGS PA'I GSUNG 'DI LAS RNAM PA GZHAN DU BYA BAR MI NUS PA'I NGES PA'O, ,DE BZHIN GSHEGS PA'I NGES PA ZHES PA GZHAN DAG KYANG 'DI LTAR BSHAD PAR
BYA'O, ,BZHI PA LA GSUM, RTZOD PA DGOD PA, DE'I LAN BSTAN PA, LAN LA RTZOD PA SPANG BA'O, ,DANG PO NI, CI STE ZHES SOGS TE, GAL TE LAS NGAN PA LA MA YIN NA 'DUS PA LAS TSE 'DIR 'TSAMS MED LNGA BYAS PAS KYANG 'GRUB PAR BSHAD PA DANG 'GAL LO ZHES BYA BA'I DON TO, ,GNYIS PA NI, BCOM LDAN 'DAS KYI GSUNG DE NI BDEN TE 'ON KYANG SNGAR BSHAD PA DANG MI 'GAL LO, ,JI LTAR ZHE NA, SKYE BA 'DI LA SNGAR 'TSAMS MED PA LNGA LA SOGS PA MI BZAD PA'I LAS GANG BYAS PA DE DAG SNGAGS KYI THEG PA 'DIR ZHUGS NAS DBANG BSKUR ZHING LAM RIM GNYIS BSGOM PAS PHYAG RGYA CHEN PO MI 'GYUR BA'I TING NGE 'DZIN SKYES PA'I STOBS KYIS BCOM NAS, PHYIS RGYUD LA MI DGE BA GLO BUR BA GZHAN MI 'JUG PAR BYA BA'I PHYIR DU, RDO RJE CHOS 'BYUNG GI KHANG PA DBU MA'I NANG DU SEMS ZHUGS NAS GNAS SKABS BZHI'I SGRIB PA NANG GI BDUD BZHI DANG MI DGE BA'I LAS KUN NAS SLONG BA'I NYON MONGS PA THAMS CAD KYI RTZA BA BDEN 'DZIN GYI RNAM RTOG GIS BGEGS KYI DGRA 'JUG PA'I SGO RNAMS LA BDE STONG DBYER MED KYI YE SHES NYID LA LDOG PAS PHYE BA'I BYAMS PA DANG SNYING RJE DANG, DGA' BA DANG BTANG SNYOMS LA SOGS PA DANG BYANG CHUB KYI PHYOGS KYI CHOS KYI SGO GLEGS BCUG NAS DBU MA'I NANG DE NYID DU RANG GI LUS STONG GZUGS KYI RDO RJE SEMS DPA' STONG GZUGS KYI PHYAG RGYA CHEN MO DANG LHAN CIG MCHOG TU MI 'GYUR BA'I BDE BA BSGRUBS TE, SNGAGS LA MA ZHUGS PA'I GONG DU 'TSAMS MED PA LNGA BYED PA PO RNAMS KYANG TSUL DES SKYE BA 'DI LA SANGS RGYAS NYID KYI 'BRAS BU THOB PAR 'GYUR RO ZHES PA NI DE BZHIN GSHEGS PA BZHED KYANG,
, ,SNGAGS KYI ZHES PA NAS BZHED PA MA YIN NO, ,DE'I RGYU MTSAN SANGS RGYAS PA'I CHOS 'DIR THEG PA GSUM KA LA YANG THOG MAR LAM LA 'JUG PA'I DUS DANG, BAR DU LAM BSGRUB PA'I DUS DANG, THA MAR 'BRAS BU GRUB PA'I SKABS GSUM GSUM 'AM YANG NA THOG MAR THOS PA TSOL BA DANG, BAR DU BSAM PA DANG, THA MA BSGOM PA'I SKABS GSUM KAR DGE BA ZHES BCOM LDAN 'DAS KYIS GSUNGS PA'I PHYIR SNGAGS KYI ZHES PA NAS MA YIN NO, ,KHYAD PAR DU YANG RTZA BA DANG YAN LAG GI DAM TSIG DANG SDOM PA LA SROG DANG 'DRA BAR BLTAS NAS MI BSRUNG NA RTZA LTUNG BYUNG BA'I TSE DE LA BDAG 'JUG DANG BLA MA LAS DBANG LEN PA SOGS KYI SDOM PA SOR CHUD PAR BYAS NAS, LAM BSGOM PA LA 'BAD KYANG TSE DE LA MCHOG 'GRUB PA MI SRID DE, DPER NA RGYAL BA'I SRAS PO GANG LA BYANG SEMS KYI SDOM PA'I RTZA LTUNG MA BYUNG NA TSE DE LAS DANG PO 'THOB RGYU YIN PA LA RTZA LTUNG BYUNG BAS DE NAS SDOM PA SOR CHUD KYANG, TSE DE LAS DANG PO THOB MI SRID PAR BYANG SA LAS GSUNGS PA BZHIN NO, ,GSUM PA LA GNYIS, RTZOD PA DANG, LAN NO, ,DANG PO NI, 'O NA, ZHES SOGS TE GO SLA'O, ,GNYIS PA LA BZHI, LAN MDOR BSTAN, RGYAS PAR BSHAD, SHA LNGA SOGS DGOS PA GANG GI PHYIR BSTEN PA ZHAR BYUNG DANG BCAS PA, RTZA RGYUD KYI LUNG DANG SBYAR BA'O, ,DANG PO NI, NYIN RE BZHIN SHA LNGA BSTEN PAR GSUNGS PA DE NI BDEN TE, 'ON KYANG DE LTAR GSUNGS PA NI MCHOD SBYIN SOGS KYI RGYU GANG GIS PHYIR DU GSOD PA'I MTSAN MA BTAB PA DANG ZHE SDANG SOGS KYIS KUN NAS BSLANG BA'I KHA NA MA THOB PA DANG BCAS PAS
SROG GCOD PAR 'GYUR BA, DE LTA BU DANG 'BREL BA'I SHA SPANG PA'I PHYIR DU RNAL 'BYOR BA RNAMS KYIS MTSAN MA MED PA DANG KHA NA MA THO BA MED PA GOO KU LA SOGS PA'I SHA BZA' BAR BCOM LDAN 'DAS KYIS GSUNGS SO, ,GNYIS PA NI, DE YANG SNGAGS KYI THEG PA 'DIR YUL GANG NA 'JIG RTEN PA RNAMS KYIS SHA GANG BZA' BAR BYA BA MA YIN PA DANG, GANG RIN GYI DON DU BTZONG BAR BYA BA MA YIN PA'I GOO KU LA SOGS PA CHED DU MA BSAD PAR RANG GI LAS KYI SHI BA DANG GA-YUL DU ZHUGS PA NA RANG GIS SNGON GZHAN BSAD PA'I LAS NGAN PA'I 'BRAS BU SMIN PA'AM, SKYABS MED PAR LAM 'JIGS PA DANG BCAS PAR RANG DGAR PHYIN PA LA SOGS PA'I RANG GI SKYON GYIS CHOM RKUN LA SOGS PAS BSAD PA'I SHA DE DAG THAMS CAD RNAL 'BYOR PAS BZA' BAR DE BZHIN GSHEGS PAS GSUNGS SO, ZHES RJES 'GROS BSTAN NAS, DE NYID LDOG PA'I SGO NAS 'CHAD PA NI, RANG ZA BA'I SLAD DU RIN SBYIN NO, ZHES GZHAN LA BSKUL TE RDZAS KYI SA NYOS PA NI MA YIN ZHING, PHA MOS LA SOGS PA'I DUR MCHOD PA DANG SROG GI MCHOD SBYIN LA SOGS PA'I BYA BA LA BSAD PA YANG MA YIN PA RNAL 'BYOR PAS BZA' BAR BYA BA YIN TE, DE LTA BU'I MTSAN MA DANG BCAS PA'I SHA BZA' ZHES DE BZHIN GSHEGS PAS MA GSUNGS SO, ,GSUM PA NI, YANG GANG ZHIG NYI MA SO SOR DAM TSIG GI DON DU BSTEN PAR BYA BA DE NI ZHES PA NAS, DON DU BYA'I LTO BA GANG BA'I DON DU MA YIN NO, ,DE NI SKABS SU BAB PA'I DON DNGOS YIN LA, DE'I ZHAR LAS 'ONGS
, ,PA NI, DE BZHIN DU RTAG PAR MYOS PAR GYUR GYI BAR DU 'THUNG BA SOGS KYI KHA NA MA THO BA MED PA'I TSAD NI BDE BA'I RTEN KUN+DA LTA BU 'PHEL BA SOGS KYI DON DU DANG, BUD MED NI BDE CHEN GYI DE KHO NA NYID BSGOM PA'I SLAD DU SRED PA TZAM GYIS KUN NAS BSLANG PA'I RMONGS PA MED PA'I CHOS KYI 'DU SHES KYIS BSTEN PAR GSUNGS SO, ,BZHI PA NI RNAL 'BYOR PAS BZA' BYA DANG BZA' BYA MA YIN PA'I SHA'I RNAM DBYE RTZA BA'I RGYUD LAS KYANG BCOM LDAN 'DAS KYIS GSUNGS PA 'DI LTA STE, LHA MCHOD PA'I MCHOD SBYIN GYI PHYIR DU GDUL DKA' SDIG PA BYED PA RNAMS KYIS RANG LA GNOD BYED MIN PA NYES MED KYI SEMS CAN GSONG PA DE YI SHA DE ZA BAR 'DOD PA MCHOD SBYIN LA 'DUS PA'I GANG ZAG RNAMS KHA NA MA THO BO DANG BCAS PA DANG, RANG 'JIGS PA LAS SKYOB PA'I DPUNG GNYEN GYI PHYIR DU RGYAL PO SOGS LA BSNYEN BKUR SOGS BYA BAR 'DOD NAS BSAD PA'I SHA ZA BAR 'DOD PA'I BSNYEN BKUR BYA YUL DE DAG KHA NA MA THO BA DANG BCAS PA DANG THA MES KYI DUR MCHOD PA'I MTSUN 'THOR SOGS KYI CHED DU BSAD PA DE YI SHA ZA BAR 'DOD PA'I DUR MCHOD PA LA TSOGS PA'I SKYE BO DE DAG KHA NA MA THO BA DANG BCAS PA DANG, 'DOD GRUB CES PA LA 'GYUR 'GA' ZHIG TU DNGOS GRUB CES 'BYUNG BA LTAR TE, RIG SNGAGS KYI SBYOR BAS DNGOS GRUB PHRA MO 'GRUB PA'I RDZAS KYI DON DU BSAD PA DE YIS SHA ZA BAR 'DOD PA'I SGRUB PA PO DE KHA NA MA THO BA DANG BCAS PA DANG, ZA BA PO DE LAS RIN THOB PAR 'DOD NAS BTZONG BA'I PHYED DU YANG BSAD PA DE YI SHA SHES BZHIN DU NYO BA KHA NA MA THO BA SDIG DANG BCAS PA YIN NA DE DAG ZA BA
LTA CI SMOS, RANG GIS MA BSKUL ZHING MA BSLANGS PA GONG DU BSHAD PA DE DAG LAS BZLOG PA'I SHA RANG GI SNOD DU GZHAN GYIS BYIN NAS LTUNG BAR GYUR BA DE NYID ZA BA LA KHA NA MA THO BA MED DO, ,KHA NA MA THO BA DANG BCAS PA'I SHA GZHIR BYAS PA LA YANG SROG CHAGS GCIG GI SHA DAG NI ZA BA PO MANG PO RNAMS KYIS ZOS PA MCHOG STE SDIG CHUNG LA, SROG CHAGS DU MA'I SHA DAG NI YID SKYES MI GCIG GIS ZOS PA MCHOG MIN PA STE SDIG SHIN TU CHE ZHING, BZA' BYAR GSUNGS PA'I SHA DE DAG BZA' BA NA YANG SRED PAS ZA BA'I GNYEN POR SHA DE SEMS CAN GANG GI YIN PA'I SEMS CAN DE LA SNYING RJE BSKYED DE, DE KHO NA NYID LAS SEMS MA GA-YOS PAR BDEN PAR RNAM PAR MI RTOG PA'I SEMS KYIS NI LHA DANG ZAS KYI RNAL 'BYOR DANG LDAN PAS BZA' BAR BYA BA NI KHA NA MA THO BA MED KYI, DE LAS GZHAN PA RNAL 'BYOR DANG BRAL BAR ZA BA NI KHA NA MA THO BA MED PA MIN TE, SHA'I NGOS NAS KHA NA MA THO BA MED PA'I SHA YIN KYANG ZA BA PO'I ZA TSUL GYI CHA NAS SNGAGS BLA MED KYI BCAS PA DANG 'GAL BA'I KHA NA MA THO BAR 'GYUR BA'I PHYIR RO, ,NYIN RE ZHING SHA LNGA LA SOGS PA BSTEN PAR GSUNGS PA'I SPYI'I DGOS PA SNGAGS BLA MED KYI SGRUB PA PO THAMS CAD KYI DAM TSIG GI PHYIR DU YIN PA LAS GZHAN RGYUD 'DIR DE LTAR GSUNGS PA'I GDUL BYA NYE BA'I BSAM PA LA LTOS PA'I DGOS PA GZHAN STON PA NI, BRAM ZE'I RIGS SU 'DZIN PA'I CHOS LUGS LA MCHOG TU ZHEN PA BZLOG CING DE'I BRTUL ZHUGS KYI MCHOG 'DZIN GZHOM PA'I PHYIR DU'ANG RTAG TU SHA LNGA BZA' BA DANG, CHANG SOGS BTUNG BA DANG, GA-YUNG MO SOGS RIGS BZANG PO MIN PA'I BUD MED LA MNGON PAR BGROD PAR BYA BAR RDO RJE CAN DE NYID GZIGS
, ,PA DAG GIS GSUNGS SO ZHES PA'O, ,DE LA ZAB PO MED NA GSOD PA PO MI 'BYUNG BAS ZA BA PO LA SDIG TU 'GYUR RO ZHES 'DIR PHYOGS SNGA MAR BKOD PA 'DI NYID DBU MA SNYING POR YANG PHYI ROL BA'I 'DOD PAR BKOD CING, DE LTA NA NYO BTZONG BYED PA PO MED NA BRE SRANG LA GA-YO BYED PA MI 'BYUNG BAS, BRE LOG SRANG LOG BYAS PA'I SDIG BRE LOG SRANG LOG BYED PA PO DANG NYO BTZONG BYED PA PO LA MTSUNGS PAR 'BYUNG BAR 'GYUR BA DANG, BSAD BYA MED NA GSOD PA PO MI 'BYUNG BAS BSAD PA'I SDIG BSAD BYA LA'ANG MTSUNGS PAR 'BYUNG BAR THAL BA SOGS DU MAS BKAG GO, ,LNGA PA NI, DE LTAR SOGS SO, ,DRUG PA NI, 'O NA LAM 'DIS MI'I SKYE BA 'DI NYID LA STER BA'I SANGS RGYAS DE JI LTA BU ZHEG YIN CE NA, SANGS RGYAS NYID NI ZHES SOGS TE, THAMS CAD MKHYEN PA NYID LA SOGS PA BZHI NI, RIM BZHIN DU NGO BO NYID SKU DANG SPRUL SKU DANG LONGS SKU DANG CHOS SKU'O, ,GZHUNG 'DIS SNGA MA MANG PO SANGS BLA MED KYI LAM GYIS TSE GCIG LA 'TSANG RGYA BAR BSHAD PA'I SANGS RGYAS NI SA DANG PO TSE DE LA THOB PAR NUS PA TZAM LA DGONGS SO, ZHES SMRA BA'ANG BKAG LA, GZHAN YANG SNGAGS BLA MED KYI THUN MONG MA YIN PA'I LAM LA BRTEN NAS TSE DE LA MTHONG BAM THOB NA TSE DE LA RDZOGS PA'I BYANG CHUB 'THOB PAS KHYAB PA NI BLA MED KYI GZHUNG CHEN MO MTHA' DAG GIS LAM GYI 'GROS BSNYON PAR MI NUS PA'I 'CHAD TSUL YIN PA KHONG DU MA CHUD PA'I GTAM DU SNANG LA, YANG BAN DE CHEN PO DPAL DBYANGS KYIS BLA MED LAS TSE GCIG GIS SANGS RGYAS 'GRUB PAR BSHAD PA NI BCUD LEN SOGS KYIS TSE RIG 'DZIN THOG MAR BSGRUBS NAS TSE BSKAL BAR GNAS NUS PA BYAS TE, DE'I TSE GCIG LA 'TSANG RGYA BA
YIN GYI SNYIGS DUS KYI MI'I TSE'I TSAD RANG DGA' TSE GCIG LA 'GRUB PAR GSUNGS PA MA YIN NO, ZHES BSHAD PA LA BLA MA MANG PO DE LEGS SO ZHES SMRA BA DANG, PHYIS KYI MKHAS PA DAG, DE NI GSANG 'DUS LAS, BYANG CHUB SEMS DPA' RGYAL RGYA MTSO, ,RDO RJE SEMS DPA'I TSE DES 'THOB, CES GSUNGS PA DANG MTHUN NO, ZHES GSUNGS PA RNAMS KYANG, RNAL 'BYOR RGYUD LA SOGS PA NAS TSE'I RIG 'DZIN BSGRUB PA'I TSE GCIG LA 'TSANG {RANG}RGYA BA'I RNAM GZHAG MANG DU BSHAD PAS RGYUD SDE GONG 'OG GI LAM BGROD TSUL GYI KHYAD PAR YANG MA PHYE LA, YO GA'I LHA'I RNAL 'BYOR PHRA RAGS GNYIS MTHAR PHYIN PA'I DUS KYI TSAD DANG BLA MED KYI BSKYED RIM MTHAR PHYIN PA'I TSAD LA LO GCIG LAS RING BA'I TSAD BZUNG BA MA BYUNG ZHING, GSANG 'DUS DUS 'KHOR GYI RDZOGS RIM GYI RIM PA 'AM YANG LAG RE RE NAS DE DANG DE MTHAR PHYIN PA'I TSAD LA LO KHA YAR TZAM MAM ZLA BA KHA YAR TZAM DE'I DUS TSIGS KYI TSAD NGES CAN DU BZUNG NAS BSHAD RGYUD RDO RJE PHRENG BA DANG 'DI RTZA 'GREL SOGS LAS GSAL BAR GSUNGS PA THAMS CAD LA MA BRTAGS PA'I CHOD 'JOG TU SNANG ZHING, KHYAD PAR GSANG 'DUS KYI RGYUD TSI DE RTZA 'GREL NI, SLOB PA'I ZUNG 'JUG PA LA MI SLOB PA'I ZUNG 'JUG PA'I TSE DANG NAD MED PA LA SOGS PA'I YON TAN RNAMS RJES MTHUN PA YOD PAR STON PA KHO NA YIN GYI, BCUD LEN SOGS KYIS TSE'I RIG 'DZIN GRUB NAS DE'I TSE GCIG LA SANGS RGYAS 'GRUB PAR STON PA'I DOGS PA'I GNAS MED PAS, RGYUD DON 'CHAD PA THAMS CAD 'DI LTA BU DANG MTSUNGS PAR MA GYUR CIG SNYAM DU SMON PAR BYA'O, ,BZHI PA STON PA PO PHUN SUM TSOGS PA LNGA DANG LDAN PA
, ,RGYAS PAR BSHAD PA LA LNGA LAS, DANG PO GNAS PHUN TSOGS BSHAD PA LA, BDE BA CHEN PO'I GNAS ZHES PA NI, ZHES PA MDOR BSTAN GYI TSIG BSHAD BYAR BKOD PA'O, ,DA 'CHAD PA LA DRANG DON DU BSHAD PA NI, BDE BA CHEN PO'I GNAS CHOS KYI DBYINGS MTSON PA'I NAM MKHA'I KHAMS MTHA' YAS PA'I MTSAN NYID CAN DOG PA MED PA'I CHOS 'BYUNG NGO, ,DE'I NGES DON NI, NGES DON GYI KUN TU BZANG PO'AM RDO RJE SEMS DPA' 'AM MCHOG TU MI 'GYUR BA'I BDE BA CHEN PO DE NYID KYI GNAS SAM RTEN DU GYUR PA 'JIG RTEN GYI DPE LAS 'DAS PA'I STONG GZUGS PHYAG RGYA CHEN MO'O, ,MCHOG GI ZHES SOGS BSHAD BYA DGOD PA'O, ,DE 'CHAD PA LA SGRA JI BZHIN PA NI CHOS 'BYUNG GI NANG DU CHUD PA'I GZHAL YAS KHANG YIN PA GO SLA BAS DNGOS SU MA GSUNGS PAR DE'I NGES DON GSUNGS PA NI THABS SHES SO SO BA'I RIS SU CHAD PA MED PA SHES PA BDE CHEN DANG SHES BYA STONG GZUGS NGO BO GCIG TU 'DRES PAR GYUR CING SO SOR BCAD DU MED LA, 'BRAL MI SHES PAS DBYER MED PA RNAM PA THAMS CAD STE, DON DAM DANG KUN RDZOB GANG GI SKABS SU'ANG RANG BZHIN GYIS GRUB PAS STONG PA'I CHOS KYI DBYINGS KYI MTSAN NYID DE NGO BO THA SNYAD TZAM DU ME LONG GI PRA PHAB PA DANG MTSUNGS PAR MA BRTAGS PAR SNANG BA STE, DE 'DRA BA'I NGES DON GYI RDO RJE DBYINGS KYI DKYIL 'KHOR CHEN PO DER RO, ,RDO RJE ZHES SOGS BSHAD BYA DGOD PA'O, ,DE 'CHAD PA SGRA JI BZHIN PAR BSHAD PA NI, RDO RJE SENG GE'I KHRI ZLA BA DANG NYI MA DANG DUS ME'I DKYIL 'KHOR SO SOR BCAD DU MED CING DBYER MED PA STE
MNYAM PAR SBYAR BA'I GDAN NO, ,'AM ZHES PA YANG NA NGES DON DU BSHAD PA'I RNAM GRANGS GZHAN SDUD PA'I TSIG GO, NGES DON NI AE'I YI GE'I NGES DON RNAM BCAD DANG RNAM MED KYI STONG PA NYID NAM MKHA'I KHAMS NI RDO RJE SENG GE'I KHRI'O, ,AE WAm ZHES PA'I AE YIG GIS MTSON PA'I DON BDE BA CHEN PO'I RTEN DU GYUR BA'I STONG NYID LA RNAM BCAS RNAM MED GNYIS KA YOD PAR SHES PAR BYA BA'I PHYIR DU BAR PA LA RNAM PA THAMS CAD DU DBYINGS KYI MTSAN NYID NI ZHES SMOS NAS STONG GZUGS PHYAG RGYA CHEN MO RNAM PA THAMS CAD DU RANG BZHIN GYIS GRUB PAS STONG PA'I DBYINGS KYI MTSAN NYID LAS MA 'DAS PAR STON GYI, TSIG DES STONG GZUGS CHOS DBYINGS YIN PAR STON PA MA YIN NO, ,KHA CIG BDE BA CHEN PO'I GNAS NI SA PHYOGS LTA BU DANG RDO RJE DBYINGS KYI DKYIL 'KHOR NI KHANG BZANG LTA BU DANG, RDO RJE SENG GE'I KHRI NI DE'I NANG GI GDAN LTA BU'O ZHES 'CHAD KYANG, SNGA MA GNYIS GA PHYAG RGYA CHEN MO NYID LA BSHAD PAS DE 'DRA'I KHYAD PAR MED DO, ,{NGAM}, DES NA BDE BA CHEN PO'I RTEN NI RNAM BCAS DANG RNAM MED KYI STONG NYID YIN LA, SNGA MA GSUM KAS KYANG NGES DON LA MI 'GYUR BA'I BDE CHEN GYI RTEN STON PA LA DGONGS TE GSUM KA STONG NYID DE DAG LA SBYAR NAS GSUNGS SO, ,RTEN DE LA BRTEN PA'I TSUL GYIS BZHUGS PA NI, RDO RJE SENG GE'I KHRI LA BZHUGS PA 'OG NAS 'CHAD PA'I SKU DANG GSUNG DANG THUGS DANG YE SHES KYI BDAG NYID WAm YIG GI MTSON DON DRANG DON DU DUS KYI 'KHOR LO MTSAN DPES BRGYAN PA'I STON PA DANG, NGES DON DU MCHOG TU MI 'GYUR BA'I BDE BA CHEN PO MTHAR THUG PA STE RDO RJE SENG GE'I KHRI LA BZHUGS PA DE YIS SO, ,GNYIS PA
, ,'KHOR PHUN TSOGS BSHAD PA NI, SANGS RGYAS DANG ZHES SOGS SO, ,DE YANG KHAMS GSUM PAS ZHABS KYI PADMA LA PHYAG BYAS ZHES PA LA, GZUGS MED KHAMS KYI PHYIR MI 'ONG BA LTA BUS NI, ZHABS LA BTUD PA YIN LA, GZHAN RNAMS KYI NI 'DUD PAR BYA BA'I GNAS YIN PA TZAM LA DGONGS NAS DE LTAR GSUNGS SO, ,GSUM PA MDZAD PA PHUN TSOGS BSHAD PA NI, KHAMS GSUM PA'I ZHES SOGS TE, DE YANG GZUGS MED KHAMS SU LUNG GI CHOS 'KHOR BSKOR BA MED KYANG, DER SKYES PAR 'PHAGS PA'I RGYUD LA RTOGS PA'I CHOS 'KHOR YOD DO, ,BZHI PA CHOS PHUN TSOGS BSHAD PA NI, MDOR BSTAN DU MCHOG GI DANG PO'I SANGS RGYAS ZHES BSHAD PA LA, MCHOG GI DANG PO'I SANGS RGYAS NI SKAD CIG GCIG LA SOGS PA'I MTSAN NYID CAN 'GYUR BA MED PA'I BDE BA NI MCHOG YIN LA, BDE BA DE YI DANG POR STE MI 'GYUR BA'I BDE BA MCHOG SNGON DU BSKYED PA LA BRTEN NAS SANGS RGYAS PA NI MCHOG GI DANG PO'I SANGS RGYAS TE, ZHES PA'AM YANG NA SNGAR BSHAD PA LTAR TE, MCHOG GI DANG PO'I SANGS RGYAS DE YIS SO, ,MDOR BSTAN DU RIS MED PA ZHES BSHAD PA LA RIS NI SHES RAB DANG THABS KYI BDAG NYID RE RE BA STE DE'I PHYOGS SU MA CHAD PA DANG, YANG GZUNG BA STONG GZUGS KYI PHYAG RGYA DANG, 'DZIN PA MI 'GYUR BA'I BDE BA GNYIS SO SOR RGYANGS CHAD PA'I MTSAN NYID KYI CHOS NI RIS TE, DE 'DRA BA'I RIS SU CHAD PA DE GAD GIS SPANGS PA DE NI RIS MED PA STE, RIS MED PA DE YIS SO, ,BCOM LDAN 'DAS NAS YIS SO, ZHES PA'I BAR SNGAR BSHAD ZIN PA DANG 'DRA BAS 'DIR BSHAD MI
DGOS SO, ,LNGA PA ZHU BA PO PHUN TSOGS BSHAD PA LA GSUM, RGYUD 'DI ZHU BA PO DNGOS ZLA BA BZANG PO'I MTSAN DEN, DE NYID GSANG BA'I BDAG PO DANG RGYUD GCIG TU BSTAN PA, DE'I MTSAN DON BSHAD PA'O, ,DANG PO NI, ZLA BA BZANG POS ZHES SOGS MDOR BSTAN GYIS TSIG BSHAD BYAR BKOD PA'O, ,DE 'CHAD PA 'DI NI, ZHES SOGS TE, DE BZHIN GSHEGS PA THAMS CAD KYIS CHOS NYAN PA PO 'AM SDUD PA POR GYUR PA MCHOG TU MI 'GYUR PA'I BDE BA'I RTEN DU GYUR PA'I BYANG CHUB KYI SEMS KYI DKAR PO'I CHA PHAL CHER RDZOGS PAS RDO RJE ZLA BA GNAS SKABS BZHI'I SGRIB PA'I MUN PA PHAL CHER SPANGS PAS DRI MA MED PA'I 'OD DO, ,GNYIS PA NI, SEMS CAN THAMS CAD KYI ZHES SOGS SO, ,GSUM PA LA TSUL GSUM LAS, MTSAN DON SGRA ZIN LTAR BSHAD PA NI, GSANG PA NI ZHES SOGS SO, ,GNYIS PA PHYI ROL 'JIG RTEN GYI THA SNYAD KYIS BSHAD PA NI, DE BZHIN DU PHYI ROL DU NI 'JIG RTEN GYI THA SNYAD KYI BDEN PAS GSANG BA'I SGRAS GNOD SBYIN RNAMS BSTAN TE DE DAG GI BDAG PO NI GSANG BA'I BDAG PO'O, , GNOD SBYIN JI LTA BU DE DAG GI BDAG POR BRJOD PA'I DON YANG CI ZHE NA, RO LDAN NA ZHES SOGS TE, AAt KA BR+TI ZHES PA LCANG LO CAN DANG, RO LDAN GNYIS GA LA 'JUG PA LAS 'DIR RO LDAN LA 'JUG PA'I DBANG DU MDZAD LA, DUR KHROD KYI GNOD SBYIN DE DAG 'DZOMS PAS DE DAG GI BDAG POR BRJOD PA STE, DPER NA SENG GE RI DvAGS GSOD PA LA, RI DvAGS KYI BDAG POR BRJOD PA BZHIN NO, ,GSUM PA DES DON DU BSHAD PA NA, NANG DU NI, ZHES SOGS TE, DE YANG RGYUD 'DI'I SKABS SU SA BCU GNYIS
, ,SU GRANGS NGES PA'I DBANG DU MDZAD NAS GSUNGS PA'I RNAM GZHAG 'BA' ZHIG SHAS CHER 'BYUNG BA LA, SA BCU GNYIS KYI 'JOG TSUL NI RLUNG NYIS KHRI CHIG STONG DRUG BRGYA LAS STONG BRGYAD BRGYA PA RE 'GAGS PA DANG MI 'GYUR BA'I BDE BA STONG BRGYAD BRGYA RE RDZOGS PAS SA RE RER 'JOG STE, DE LAS DANG PO NI MOS SPYOD KYI SA DANG, GNYIS PAR BA DGA' SOGS RIM PA BZHIN SBYAR NAS 'PHAGS PA'I SA BCU PA CHOS KYI SPRIN LAS BCU PA TZAM DANG SA BCU PA DE'I KHYAD PAR LAM GNYIS SU PHYE BA LAS RE RER 'JOG PA SLOB DPON AA BHYA KA RAS BSHAD PA LTAR YIN LA, DE YANG STONG BRGYAD BRGYA PA PHRAG DANG PO BCU GCIG LA NI, RLUNG STONG BRGYAD BRGYA PA TSAN PA DANG PO 'GAGS PA DANG MOS SPYOD KYIS RDZOGS NAS, MI 'GYUR BA'I BDE BA STONG BRGYAD BRGYA PA CHEN PA GNYIS PA'I NANG NAS THOG MA RANG GI SKAD CIG DANG PO SKYES PA DANG, MTHONG LAM THOB PA DANG, LAS RLUNG STONG BRGYAD BRGYA PA TSAN PA GNYIS PA'I NANG NAS THOG MA'I RLUNG GCIG SLAR RGYU BA MI SRID PAR BYED PA DUS MNYAM PA SOGS SU RE RE NAS SBYAR BAR BYA ZHING, SKAD CIG MA RNAMS KYANG BYA RDZOGS KYI SKAD CIG MA YIN LA, DE 'DRA BA'I MI 'GYUR BA'I BDE BA SKAD CIG MA RE RE LA YANG BAR CHAD MED LAM DANG RNAM GROL LAM GNYIS SU DBYE DGOS SHING, 'ON KYANG STONG BRGYAD BRGYA PA DANG PO LA NI SPANG BYA'I SA BON SPONG BA'I BAR CHAD MED LAM DANG SPANGS PA'I RNAM GROL LAM BZHAG TU MI RUNG GI 'PHAGS PA'I SA RNAMS LA DE LTAR 'JOG LA, DES NA TSAN PA DANG PO'I SKABS SU LAS RLUNG STONG BRGYAD BRGYA SLAR
'BYUNG MI RUNG DU BYAS PA'ANG SA BON SPANGS PA'I SO SOR BRTAGS 'GOG THOB PA'I TSUL GYIS MA YIN GYI RGYU RKYEN MA TSANG BAS BRTAGS MIN GYI 'GOG PA THOB PA'I TSUL GYIS YIN TE ` DPER NA NYAN THOS KYI SBYOR LAM BZOD PA THOB PAS NGAN 'GROR SKYER MI RUNG BA THOB PA BZHIN NO, ,MCHOG TU MI 'GYUR BA'I BDE BA CHEN PO DON GYI LHAN SKYES KYI RLUNG GI RGYU BA SLAR SKYE MI RUNG DU BYED PA NI SA BON SPANGS PA'I TSUL GYIS YIN PAS, DE'I PHYIR DE LA LAS RLUNG JI SNYED 'GAGS PA'I RIM PA DE SNYED KYI GRANGS DANG MNYAM PA'I SEMS RGYUD KYI SGRIB PA'I SA BON SPONG BA'I RIM PA KHAS BLANG DGOS TE, SEMS RGYUD KYI DRI MA'I SA BON DE SPANGS PA'I SGO NAS LAS RLUNG GI RGYU BA YANG SA BON SPANGS PA'I TSUL GYIS SLAR 'BYUNG MI RUNG DU BYED DGOS PA'I PHYIR RO, ,DES NA DE DAG RE RE LA YANG BAR CHAD MED LAM DANG RNAM GROL LAM GNYIS GNYIS SU 'BYED DGOS PAR GRUB LA, PHA ROL TU PHYIN PA'I THEG PA DANG LAM BGROD TSUL GYI RNAM GZHAG CHES MI MTHUN PAS SPANG BYA'I GRANGS 'BYED TSUL DANG SPONG BA'I GRANGS DANG GO RIM GTAN MI MTSUNGS SO, ,'DIR NI MTHONG LAM BAR CHAD MED LAM GYIS BDEN 'DZIN SA BON DANG BCAS PA MA LUS PAR SPONG BA'I SGO NAS SA DANG POR NYON SGRIB MA LUS PAR SPANGS BAS KHYAB PA NGES PAR KHAS LEN DGOS TE 'CHAD PAR 'GYUR RO, ,DES NA MI 'GYUR BA'I BDE BA NYIS KHRI CHIG STONG DRUG BRGYA'I SKAD CIG MA THA MA'I BAR CHAD MED LAM NI CHOS KYI SPRIN GYI SA'I KHYAD PAR LAM THA MA YIN LA, RNAM GROL LAM NI RDZOGS PA'I SANGS RGYAS KYI YE SHES
, ,YIN NO, ,MI 'GYUR BA'I BDE BA STONG BRGYAD BRGYA PA TSAN PA DANG PO'I NANG NAS SKAD CIG MA THA MA YANG MES SPYOD KYI SAR 'JOG CING, TSAN PA GNYIS PA'I THA MA STONG BRGYAD BRGYA PA RANG YANG SA RAB DGAR 'JOG PA SOGS DANG, BDE BA STONG BRGYAD BRGYA PA CHEN PA BCU GNYIS PA'I SKAD CIG THA MA RIL PO CHOS KYI SPRIN GYI SAR MI 'JOG PA 'GAL LO SNYAM NA, DE LTAR DOGS NA NI CHES RAGS TE, MTHONG LAM BAR CHAD MED LAM DANG RNAM GROL LAM GNYIS SA RAB DGAR 'JOG LA, RGYUN MTHA'I BAR CHAD MED LAM CHOS KYI SPRIN DANG RNAM GROL LAM RDZOGS PA'I SANGS RGYAS KYI SAR 'JOG PA 'GAL BAR THAL LO, ,DE BZHIN DU 'PHAGS PA'I SA DANG PO LA MTHONG LAM DANG BSGOM LAM GYI CHA GNYIS SU 'BYED DGOS PA LTAR, RGYUD 'DI'I LUGS KYI SA BCU GNYIS BA LA YANG CHOS KYI SPRIN GYIS DANG KUN TU 'OD KYI SA'I CHA GNYIS YOD PA DANG MI 'GYUR BA'I BDE BA NYIS KHRI CHIG STONG DRUG BRGYA'I SKAD CIG THA MA DE'I RIGS 'DRA'I RGYUN JI SNYED PA THAMS CAD SA BCU GNYIS PAR BYED PA YIN NO, ,MI 'GYUR BA'I BDE BA SKAD CIG DANG PO RANG NAS STONG BDUN BRGYA GO DGU PA MAR BCAD SA DANG PO DANG, STONG BRGYAD BRGYA PA'I SKAD CIG MA MTHONG LAM DU BYAS NAS SA RAB DGAR 'JOG CING RLUNG 'GAG TSUL LA YANG RIM PA DE LTAR SBYAR NA NI SHIN TU MI 'GRIG STE, 'DI LTAR SA BCU GNYIS PO RE RE LA YANG LAS RLUNG STONG BDUN BRGYA GO DGU RE RE KHO NA 'GAG PA BYAS NAS BCU GNYIS RDZOGS NAS KYANG LAS RLUNG LHAG MA BCU GNYIS MA 'GAGS PAR 'GYUR TE, STONG BDUN BRGYA GO DGU BCU GNYIS KYIS BSGYUR BAS NYIS KHRI CHIG STONG LNGA BRGYA GYA BRGYAD LAS MI 'BYUNG
BA'I PHYIR RO, ,DE LTA MIN NA STONG BRGYAD BRGYA PA DANG PO'I THA MA SA RAB DGAS 'GAG PAR BYED, GNYIS PA'I THA MA 'PHAGS PA'I SA GNYIS PAS 'GAG PAR BYED, CES RIM PA BZHIN SBYAR NA, LAS RLUNG NYIS KHRI CHIG STONG DRUG BRGYA'I THA MA'I SA BON RDZOGS PA'I SANGS RGYAS KYI SAR SPONG DGOS PAR 'GYUR RO, ,LAS RLUNG STONG BDUN BRGYA GO DGU PA 'GAGS PA TZAM GYIS 'PHO BA GCIG GI RLUNG 'GAGS PAR 'JOG NA GZHI DUS LA 'PHO BA GCIG GI RLUNG GIS GRANGS STONG BDUN BRGYA GO DGUR 'GYUR LA; DE 'DOD PA 'PHO BA GCIG GI RLUNG GIS GRANGS KYI THOB TSOD BRTZES PA'I GRANGS YIN NAM DNGOS GNAS LA RGYU BA'I GRANGS YIN, DANG PO LTAR NA THOB TSED LA NANG DU 'PHO BA BCU GNYIS KYI RLUNG LA NYIS KHRI CHIG STONG DRUG BRGYA'I GRANGS MA TSANG BAS PHYI ROL TU YANG CHU TSOD DANG ZHAG GI RNAM GZHAG THAMS CAD 'CHOL BAR 'GYUR RO, ,DNGOS GNAS LA RGYU BA'I GRANGS LA BYED NA, DNGOS GNAS LA 'PHO BA RE'I RLUNG GI STENG NAS LNGA BCU RTZA DRUG RKANG BCAS RE 'CHAD RGYU MA BYUNG BAS, RGYUD 'DI'I LUGS KYI BRDA CHAD THAMS CAD 'CHOL BAR 'GYUR RO, ,'DI DAG GI LHAG MA DA DUNG 'OG TU 'CHAD PAR 'GYUR LA, DE LTAR NA 'DIR RGYUD SDUD PA PO BYANG SEMS SU TSUL BSTAN PA LTAR RE SHIG GDUL BYA'I DOR KHAS BLANGS NAS SDUD PA PO DANG STON PA GNYIS RGYUD THA DAD BA'I DBANG DU BYAS PA'I TSE NA, SDUD PA PO PHYAG RDOR NI SA BCU PA CHOS KYI SPRIN LA GNAS PA YIN KYANG DE'I KHYAD PAR LAM LA MA ZHUGS SHING, SA DE LA GNAS PA DANG DE'I NGO SKAL GYI RLUNG RDZOGS PAR MA 'GAGS
, ,PA MI 'GAL BAS, DE'I PHYIR SUM STONG DRUG BRGYAS DMAN PA ZHES GSUNGS LA, TSIGS DON LHAG MA GO SLA'O, ,LNGA PA RJOD BYED KHYAD PAR CI LTA BU DANG LDAN PA, RGYAS PAR BSHAD PA LA DRUG GANG GI SGO NAS BTAGS PA'I MTSAN GYI KHYAD PAR, SHLOO KA JI SNYED YOD PA'I GZHUNG TSAD KYI KHYAD PAR, BRJOD BYA SPYIR THABS SHES GNYIS MED KYI RNAL 'BYOR GSAL BAR BYED PA'I KHYAD PAR, BRJOD BYA'I GTZO BO DANG PO'I SANGS RGYAS MTSAN BRJOD DANG MTHUN PAR GSAL BAR BYED PA'I KHYAD PAR RGYUD KYI RDO RJE'I TSIG GSAL BAR BYED CING SANGS RGYAS RIN CHEN ZA MA TOG KHA 'BYED PA'I BYED LAS KYI KHYAD PAR, 'BRAS BU DNGOS GRUB GNYIS LA LTOS PA'I LAM 'KHOR DANG BCAS PA MA LUS PAR STON PA'I BRJOD BYA RDZOGS PA'I KHYAD PAR RO, ,DANG PO NI; MCHOG GI ZHES SOGS TE, BRJOD BYA'I SGO NAS RJOD BYED KYI RGYUD LA YANG MCHOG GI DANG PO'I SANGS RGYAS DUS KYI 'KHOR LO ZHES BTAGS PA'I DON TO, ,GNYIS PA NI, STONG PHRAG BCU GNYIS PA ZHES PA NI ZHES SOGS TE, 'DI'I DON LA DUS 'KHOR BA SNGA MA MANG PO ZHIG GIS SDEB SBYOR GYI BRDA CHAD LEGS POR MI SHES PA'I BSHAD PA RE BYED PAR SNANG ZHING, MKHAS PA DAG GIS ZUR TZAM LAS MA GSUNGS PAR SNANG BAS 'DIR CUNG ZAD TZAM GSAL PAR BRJOD PAR BYA'O, ,DE YANG SDEB SBYOR LA GNYIS TE, PRiTnA DANG, DZ'A TI'O, ,DANG PO NI YI GE BGRANG BA YIN LA, GNYIS PA NI PHYI MO BGRANG BA YIN TE, DPER NA, A'A A'I ZHES PA YI GE BGRANGS NA GNYIS YIN LA, PHYI MO BGRANGS NA BZHIR GYUR PA LTA BU'O, ,DE YANG SNGAGS KYI GZHUNG LAS
DBYANGS YIG BCU DRUG DANG, SGRA'I GZHUNG LAS DBYANGS BCU BZHIR BYED PA'I SKABS DANG MI 'DRA BAR SDEB SBYOR LA GRAGS PA'I DBYANGS NYI SHU RTZA GNYIS DANG GSAL BYED SO BDUN TE, YI GE LNGA BCUD DGU YiN PA LAS BRiTTA'I SKABS 'DIR DBYANGS YIG BGRANG BAR BYA BA YIN TE, DE LA DBYANGS NYER GNYIS PO DE NI, GCIG GI TSAD DU BRJOD PAR BYA BA'I THUNG NGU LNGA STE, AA AI AU Ri Li'O, ,GNYIS KYI TSAD DU BRJOD PAR BYA BA'I RING PO BRGYAD DE, A'A A'I A'U R'i AE AEE AO AOO RNAMS SO, ,GSUM LA SOGS PA'I TSAD DU BRJOD PAR BYA BA'I SHIN TU RING PO DGU STE, SNGA MA BRGYAD LA BA LU TA BTAGS PA DANG L'i'O, ,PA LU TA NI SHIN TU RING PO GO BA'I BRDAR MDZAD PA A'A LTA BU'O, ,PRiTTA'I SDEB SBYOR LA YI GE BGRANG BAR BYA BA NI DBYANGS NYER GNYIS PO 'DI DAG GO, 'DIR SHES PAR BYA BA'I YI GE LCI YANG GI RNAM DBYE NI, SREG MED BRTZEGS PA'I DANG PO DANG, ,TSOG DRAG CAN DANG THIG LE CAN, ,TSIG MTHA' RING PO'I DBYANGS RNAMS LCI, ,LHAG MA YI GE YANG BA'O, ZHES 'BYUNG BA LTAR TE, DE'ANG SROG MED BRTZEGS PA'I DANG PO ZHES PA PADMA ZHES PA LTA BU'I PA DANG, TSEG DRAG CAN MA: ZHES PA LTA BU DANG, THIG LE CAN AA ZHES PA LTA BU DANG, TSIG RKANG GI THA MA'I DBYANGS THUNG NGU YANG PHAL CHE LCI'O, ,'ON AKYANG MNYAM PA'I MTHA' DANG DBANG PO RDO RJE LA SOGS PA'I TSIG MTHA' LA NI DE LTAR MA YIN NO, ,TSIG MTHA' MA GTOGS PA'I DBYANGS THUNG NGU RNAMS YANG ZHING, RING PO RNAMS LCI'O, ,DE NAS MING 'DOGS KYI BAR SHES PAR BYA STE, 'DIR YI GE YANG PA GCIG LA MING GI BRDA LA ZHES PA DANG, LCI BA GCIG LA GA ZHES PA DANG, YI GE YANG BA GCIG LA DAL BSO BA LA KA ZHES PA DANG,
{tIK CHEN} *, ,LCI BA LA NGAL BSOB LA WA ZHES PA'I MING GI BRAD CHAD BYED CING, NGAL BSO DANG SDOD DANG GNAS PA DANG, RNAMS NI MING GI RNAM GRANGS YIN LA, DE LA PRA LTAR 'GOD PA NA LA'I MING CAN RNAMS LA RI MO DRANG PO, GA'I MING CAN RNAMS LA RI MO 'KHYOG BO, NGAL BSO MTSON PA THIG LE YIN PA LA YANG BA LA NGAL BSO NA RI MO DRANG BO THIG LE CAN, LCI BA LA NGAL BSO NA RI MO 'KHYEG PO THIG LE CAN BRI'O, ,DE DAG NI YI GE RE RE BA'I BRDA YIN LA, YI GE GSUM BSGRIGS PA'I GSUM KA LA THUN MONG GI MING GI BRDA RE RE 'DOGS TSUL NI, SDEB SBYOR RIN CHEN 'BYUNG GNAS LAS, BHA THOG LCI BA DZA DBUS LCI, ,SA MTHA' LCI BA MA KUN LCI, ,YA THEG YANG BAR DBUS MA YANG, ,TA MTHA' YANG BA NA KUN YANG, ZHES GSUNGS SO, ,DE'I DON NI DBYANGS RE RES BCINGS PA'I YI GE GSUM BSGRIGS PA LA THOG MA'I YI GE LCI ZHING GZHAN GNYIS YANG BA DE 'DRA'I GSUM BSGRIGS LA MING BHA ZHES 'DOGS LA, YI GE DBUS MA LCI ZHING THOG MTHA' GNYIS YANG BA'I GSUM BSGRIGS PA DE LA, MING DZA ZHES BRDA 'DEGS LA, YI GE MTHA' MA LCI ZHING THOG MA DANG DBUS GNYIS YANG BA'I GSUM BSGRIGS DE LA MING SA ZHES 'DOGS SHING, YI GE LCI BA GSUM BSGRIGS PA DE'I MING MA ZHES BYA BA DANG, THOG MA'I YI GE YANG ZHING MTHA' DBUS GNYIS LCI BA'I MONG YA DANG, DBUS MA YANG ZHING THOG MTHA' LCI BA LA MING RA DANG, MTHA'I YI GE YANG ZHING THOG MA DANG DBUS MA LCI BA LA MING TA DANG, GSUM KA YANG BA'I GSUM BSGRIGS LA MING NA ZHES 'DOGS PA'I BRDA BYED PA'O, ,DE LA PRiT+TA'I SDEB SBYOR NI GSUM STE,
MNYAM PA DANG, PHYED MNYAM PA DANG, MI MNYAM PA'O, ,MNYAM PA ZHES PA NI MTSUNGS PA'I DON TE, TSIGS BCAD RE RE'I RKANG BA BZHI GA SDEB SBYOR 'DRA BAS BCINGS PA'I DON TO, ,MNYAM PA'I BRIT+TA LA DBYE NA, DMAR SER CAN GYI YI GE GCIG PA NAS LNGA PA'I BAR GYI SDEB SBYOR YANG BSHAD KYANG, RIN CHEN 'BYUNG GNAS LTAR NA YE GE DRUG PA RAB DGA', BDUN PA DBYANGS SGROGS, BRGYAD PA RJES BSNGAGS NAS, YI GE NYER BDUN PA YAR BCAD RGYUN CHAGS SAM RAB BSAGS ZHES BYA BA'I BAR SDEB SBYOR GYI LUS KYI DBYE BA NYI SHU RTZA GNYIS SAM RTZA GSUM DU NGES SO, ,DE'I GSUM PA RJES SU BSNGAGS PA'I SDEB SBYOR NI LNGA STE, 'DRA MTSUNGS DANG, MTSUNGS LDAN DANG, RKANG BKRA DANG, GLOG PHRANG DANG, BRAM ZE'I BU ZHES BYA BA'I SDEB SBYOR RO, ,DANG PO SA LA SPEL BA'I YI GE BRGYAD KYI BRGYAD PA LA NGAL BSO BA STE, PRA STA RA BRIS NA,? LTA BU'O, ,GNYIS PA NI LA LA SPEL BA'I YI GE BRGYAD KYI THA MA LA NGAL BSO BA STE, ? LTA BU'O, ,GSUM PA NI BHA GNYIS GA GNYIS KYI THA MA LA NGAL BSO BA STE ? LTA BU'O, ,GLOG PHRED NI, MA GNYIS GA GNYIS KYI THA MA LA NGAL BSO BA STE,? LTA BU'O, ,BRAM ZE'I BU NI BHA TA LA GA'I THA MA LA NGAL BSO BA STE,? LTA BU'O, ,DE LTA BU'I RJES SU BSNGAGS PA'I SDEB SBYOR GYI TSIGS BCAD RE LA YI GE SUM CU RTZA GNYIS PA'I TSIGS BCAD STONG PHRAG BCU GNYIS NI, RTZA RGYUD KYI GZHUNG TSAD YIN LA, DE YANG RJES BSNGAGS KYI SDEB SBYOR RIGS LNGA KA CI RIGS PAR YOD PAR MNGON NO, ,DE LTAR NA THA SNYAD KYI GTZUG LAG LA BLO KHA CUNG ZAD KYANG MA PHYOGS PA'I RMONGS PA LA CHOG SHES LHUR BLANGS NAS 'DUG PA DAG KYANG, THA SNYAD KYI GTZUG LAG GI PHYOGS
, ,TZAM LA BLO KHA CUNG ZAD TZAM PHYOGS PAR BYA BA'I PHYIR DANG, BRDA CAN LA YANG MA BYAD KYANG GTZUG LAG 'DI DAG SHES PAR KHAS 'CHE BA DAG KYANG MTHONG NAS RJES BSNGAGS KYI SDEB SBYOR JI LTA BU YIN PA GSAL BAR SMRAS SO, ,GSUM PA LA BZHI, RGYUD 'DI RNAL 'BYOR BLA MED YIN PA'I RGYU MTSAN GYIS THABS SHES GNYIS MED BRJOD PAR BSTAN PA, BLA MED KYI RGYUD GNYIS BDE STONG GI THABS SHES RE RE KHO NA STON BYED YIN PA DGAG PA, GDUL BYA DBANG DUL GYI BSAM NGO LA LTOS PA'I THABS SHES SA SA BA'I RGYUD DU 'JOG TSUL BSHAD PA, DE DAG GI DON BSDU BA'O, ,DANG PO NI, MDOR BSTAN DU RIS MED PA ZHES BSHAD PA'I DON NI, RGYUD 'DI BRJOD BYA RIS MED PAR BRJOD PAR BYAD PA'I PHYIR RO, ,DE YANG 'DIR RIS NI STONG NYID RTOGS PA'I SHES RAB KYI PHYOGS DANG BDE BA CHEN PO THABS KYI PHYOGS TE, PHYOGS DE GNYIS GANG RUNG CIG KHO NAR CHAD PA SPANGS PA GANG GI PHYIR RIS SU CHAD PA DE MED PA'I RGYUD DE NI RIS MED PA SHES RAB DANG THABS KYI BDAG NYID GNYIS SU MED PAR SBYOR BA CAN, RNAL 'BYOR GYI RGYAD CAS RGYAL BAS BLA MED KYI RGYUD THAMS CAD GNYIS SU MED PA'I RGYUD DU GSUNGS SO, ,GNYIS PA LA GSUM, BLA MED KYI RGYUD GNYIS GA LA 'TSAD RGYA BA'I LAM GYI GNAD MA TSANG BAR THAL BA, BLA MED KYI RGYUD LA RNAL 'BYOR GYI RGYUD CAS GSUNGS PA'I MING DON MA TSANG BAR THAL BA, DE DAG GIS GRUB PA'I DON NO, ,DANG PO NI, BLA MED KYI RGYUD KYI RGYAL PO 'DI DBYE GZHIR BYAS PA LA THABS RGYUD DANG SHES RAB KYI RGYUD GNYIS SU 'BYED PA'I TSUL BRJOD PAR BYA BA, BDE BA CHEN PO THABS KYI BDAG
NYID CAN GYI SGO NAS THABS KYI PHYOGS KYI RGYUD DANG, BRJOD PAR BYA BA STONG NYID RTOGS PA'I SHES RAB KYI BDAG NYID CAN GYI SGO NAS SHES RAB KYI PHYOGS KYI RGYUD CES THA DAD BAR 'JOG PA YIN NAM RGYUD LA THABS BDE BA CHEN PO'I BDAG NYID CAN GYI BRJOD PAR BYA BA MED PA DANG; PHA RGYUD LA STONG NYID RTOGS PA'I SHES RAB KYI BDAG NYID CAN GYI BRJOD PAR BYA BA MED PAR 'GYUR RO, ,RGYUD DE GNYIS GA LA DE 'DRA BA'I THABS DANG SHES RAB KYI BDAG NYID CAN GYI BRJOD PAR BYA BA MED NA, RGYUD DE GNYIS GA LA YANG BDE STONG GNYIS SU MED PA'I YE SHES BRJOD BYAR MED PAR 'GYUR RO, ,DE GNYIS GANG LA YANG DE 'DRA'I GNYIS SU MED PA'I YE SHES BRJOD BYAR MED NA DE GNYIS GANG LA YANG SANGS RGYAS NYID THOB PAR BYAD PA'I BLA MED KYI LAM GYI GNAD GTZO BO DE NYID KYANG MED PAR 'GYUR RO, ,DE LTAR SANGS RGYAS NYID THOB BYED KYI BLA MED KYI LAM GYI GNAD GTZO BO GANG YIN PA DE DE GNYIS GA LA MED NA, PHA RGYUD MA RGYUD NAS BSHAD PA'I BLA MED KYI LAM GANG LA BRTEN NAS KYANG 'KHOR BA'O STE 'KHOR BA'I BAG CHAGS MA LUS PAR SPONG MI NUS PAR THAL LO, ,GNYIS PA NI, THABS RGYUD DANG SHES RAB KYI RGYUD CES PA BDE STONG GI THABS SHES KYI SGO NAS SO SOR 'JOG PA DE LTA YIN NA, THABS RGYUD KYI MING CAN RNAL 'BYOR BLA MED KYI RGYUD LA RNAL 'BYOR ZHES PA'I MING 'DI BRJOD PAR BYAD PA DANG BRJOD PAR BYA BA 'BREL BA MED PAR THABS BDE BA CHEN PO DANG STONG NYID RTOGS PA'I SHES RAB KYI BDAG NYID GNYIS SU MED PA BRJOD BYA DANG, RNAL 'BYOR ZHES PA DE RJOD BYAD KYI MTSAN NYID DU MI 'GYUR RO, ,DE LTAR MI 'THAD DE, RNAL 'BYOR BLA MED KYI RGYUD CES PA'I RNAL 'BYOR GYI SGRA NI THABS BDE BA CHEN PO DANG
, ,STONG NYID RTOGS PA'I SHES RAB GNYIS SU MED PAR SBYOR BA'I DON BRJOD PAR BYAD PA YIN PA'I PHYIR NA'O, ,DE'I SHES BYED DGONG PA NI, RNAL 'BYOR BLA MED CES PA'I RNAL 'BYOR GYI DON DE BZHIN DU YIN PA YANG RTZA RGYUD LAS GSUNGS PA RNAL 'BYOR BLA NA MED CES PA'I RNAL 'BYOR GYI DON NI BDE BA CHEN PO THABS KYI CHA GCIG PU BRJOD BYA'I LUS KYI GTZO BOR BYAS PA DANG, STONG NYID RTOGS PA'I SHES RAB GCIG PU BRJOD BYA'I GTZO BOR BYAS PA DAG GIS MA YIN GYI, DE 'DRA'I THABS DANG SHES RAB DBYER MED PAR SBYAR BA'I SGO NAS SNYOMS PAR 'JUG PA NYID DE BZHIN GSHEGS PAS, RNAL 'BYOR BLA MED CES PA'I RNAL 'BYOR GYI DON DU GSUNGS SO, ZHES SO, GSUM PA NI, RNAL 'BYOR CHEN PO'I RGYUD YIN NA BDE STONG GI YE SHES GNYIS GTZO BOR BSTAN DGOS PA DE'I PHYIR RGYUD GANG LA THABS BDE BA CHEN PO DANG SHES RAB STONG NYID RTOGS PA'I BDAG NYID KYI BRJOD PAR BYA BA GNYIS GA YOD PA'I RGYUD DE NI DON DAM PAR TE, DON DAM STONG PA NYID BDE CHEN GYIS YUL DU BYAS PA'I DBANG DU BYAS NA DE 'DRA BA'I THABS SHES KYI SGO NAS SHES RAB KYI RGYUD 'BA' ZHIG KYANG MA YIN, THABS KYI RGYUD 'BA' ZHIG KYANG MA YIN NO, ,DES NA DON DAM PAR ZHAS PA NI GNYIS MED DON DAM PAR GRUB CES PA'AM, DON DAM PAR GNYIS MED KYI RGYUD YIN CES PA MA YIN ZHING, GNYIS SU MED RGYU'I THABS SHES DANG, PHA RGYUD MA RGYUD DU 'JOG PA'I THABS SHES KHYAD MED DU BYAS NAS KUN RDZOB TU PHA RGYUD MA RGYUD SO SOR 'JOG PA'I DON YANG MA YIN TE, DE LTAR NA DON DAM DU THABS SHES GNYIS MED
KYI RGYUD DU BZHAG PA DE'ANG GDUL BYA DBANG RTUL GYI BSAM NGO LA LTOS NAS BZHAG PAR THAL TE, GDUL BYA DE 'DRA BA'I BSAM NGO LA LTOS NAS THABS SHAS SO SO BA'I RGYUD DU BZHAG PA'I THABS SHES DANG, DON DAM DU THABS SHES GNYIS MED KYI RGYUD DU BZHAG PA'I THABS SHES LA KHYAD PAR MED PA'I PHYIR RO, ,YANG NGES DON LA BLA MED KYI RGYUD YIN NA THABS SHES SO SO BA'I RGYUD DU MI 'THAD, DRANG DON LA PHA RGYUD MA RGYUD SO SOR 'JOG CES PA'I DON DU BSHAD NAS, YANG PHA RGYUD MA RGYUD GNYIS MED KYI RGYUD GSUM LA DON LDOG 'JOG PA NA MTSAN GZHI GCIG LA THUN MONG DU RANG, RJES SU 'GRO MI SRID PA'I 'GAL BA SO SOR 'JOG PA NI KHAS BLANGS 'GAL LA, NGES DON DANG DRANG DON YANG SGRA JI BZHIN PA YIN MIN LA BYED PAR SNANG BAS PHA RGYUD MA RGYUD GNYIS GZHI MA GRUB PAR DON GYIS KHAS BLANGS PA YIN NO, ,DE'I PHYIR DON DAM PAR ZHES PA NI DON DAM 'JAL BA LA LTOS PA'I THABS SHES KYI DBANG DU BYAS NAS THABS RGYUD DANG SHES RAB RGYUD GNYIS SU SO SOR DBYER MED CES PA'I DON YIN PAS 'DIR DON DAM ZHES PA NI DE KHO NA NYID RTOGS PA'I BDE BA CHEN PO'I LAM GYI DON DAM GYI DBANG DU BYAS PA YIN NO, ,GSUM PA NI, 'O NA BDE STONG GI THABS SHES KYI SGO NAS PHA RGYUD MA RGYUD SO SOR BZHAG TU MED NA DE GNYIS SO SOR 'JOG PA LHA PHO MO'I THABS SHES KYI SGO NAS 'JOG PAR BSHAD PA LTAR DU NGES SAM ZHE NA, 'JIG RTEN GYI THA SNYAD LA LTOS NAS KUN RDZOB TU STE GDUL BYA'I GZHAN NGO TZAM GYI RNAM GZHAG LA RGYUD GANG DU ME LONG LTA BU'I YE SHES LA SOGS PA'I DBYE
, ,BAS PHUNG PO RNAM PAR DAG PA LAS DE BZHIN GSHEGS PA RNAMS LHA PHO'I RNAM PAR STON PA THABS DANG, YANG YE SHES LNGA'I DBYE BAS KHAMS RNAM PAR DAG PA LAS, DE BZHIN GSHEGS PA RNAMS LHA MO'I RNAM PAR STON PA SHES RAB KYI PHYOGS SU GDUL BYA DBANG PO RTUL PO'I SEMS CAN GYI BSAM PA LA LTOS PA'I DGOS PA'I DBANG GIS DE BZHIN GSHEGS PAS GSUNGS SO, ,TSUL DE'I SGO NAS THABS SHES KYI RGYUD SO SO BAR PHYE BA DGOS PAR DBANG GIS YIN PA, DE BZHIN DU TSUL DE'I SGO NAS RNAL 'BYOR PA'I RGYUD CES PA DANG, RNAL 'BYOR MA'I RGYUD CES PA'I MING CAN SO SOR PHYE BA LA YANG, SHES PAR BYA'O, ,RNAL 'BYOR BLA MED CES PA'I RNAL 'BYOR GYI DON DU GYUR PA'I THABS SHES KYI DE GNYIS KA LA RJES SU 'GRO BA YIN TE, BLA MED KYI RGYUD 'DIR GNYIS SU PHYE BA'I THABS RGYUD 'DI LA BDE STONG GI THABS SHES DBYER MED DU SBYOR BA'I RNAL 'BYOR GYI NGANG TSUL, BRJOD BYA'I GTZO BOR YOD PA'I PHYIR RNAL 'BYOR PA STE RNAL 'BYOR PA'O, ,DE BZHIN DU RGYU MTSAN DE'I PHYIR RNAL 'BYOR MA'I RGYUD DU YANG BRJOD PA'I PHYIR TE, GZHAN DU NA DE GNYIS LA PHA RGYUD MA RGYUD CES PA TZAM LAS RNAL 'BYOR PHA'I RGYUD, RNAL 'BYOR MA'I RGYUD CES RNAL 'BYOR GYI BRDA SBYAR TE GSUNGS PA'I RGYU MTSAN MED PAR 'GYUR RO, ,DE'I PHYIR GDUL BYA GZHAN LA LTOS PA NYID LAS LHA PHO MO'I DBYE BAS RNAL 'BYOR GYI RGYUD DANG RNAL 'BYOR MA'I RGYUD DU YANG GSUNGS PAR 'GYUR RO, ,RDO RJE SNYING 'GREL LAS, RNAL 'BYOR MA RNAMS KUN SPYOD PA, ,GANG DER THABS KYIS RAB TU GNAS, ,BYIS PA RNAMS LA RNAL 'BYOR
MA'I; ;RGYUD CHEN NGA YIS MING DU BTAGS, ,GANG DU THABS KYIS KUN SPYOD PA, ,SHES RAB KYANG NI GNAS GYUR PAS, ,THABS KYI RGYUD CHEN BSHAD PA YANG, ,DE BZHIN THA SNYAD CI LTA BA'O, ZHES GSUNGS PA YANG BLA MED KYI RGYUD GANG DU YE SHES PA DGUG GZHUG SOGS LA RNAL 'BYOR MA RNAMS KUN TU SPYOD CING THABS MI GA-YO BAR BSTAN PA MA RGYUD DANG, RGYUD GANG DU BYA BA DE DAG LA THABS LHA PHO KUN TU SPYOD CING SHES RAB MI GA-YO BAR GNAS PA PHA RGYUD DU NGAS MING BTAGS PA SKABS 'GA' ZHIG TU GSUNGS PA'I GDUL BYA BYIS PA'I BSAM NGO LA LTOS NAS 'JIG RTEN GYI THA SNYAD JI LTA BAR GSUNGS PA TZAM YIN NO ZHES BYA BA'I DON TO, ,GDUL BYA'I BSAM NGO LA LTOS PA'I THABS SHES KYI RGYUD SO SOR 'JOG TSUL YANG LHA PHO MO'I SGO NAS BZHAG PA 'DI TZAM DU MA NGES PAR 'OG TU STON PAR 'GYUR LA GANG DAG RANG LUGS 'THAD LDAN GYI DBANG DU BYAS NAS PHA RGYUD MA RGYUD KYI 'JOG BYED LA, LHA PHO MO'I SGO NAS 'JOG TSUL 'DI LTA BU'I 'JOG BYED SMRA BA NI RNAM PAR MA BRTAGS PA STE, PHA RGYUD KYI GTZO BO GSANG BA 'DUS PA LA YE SHES PA DGUG GZHUG SOGS LHA MOS {NGAM PHYOGS}, BYED PA'I PHYIR RO, ,GZHUNG 'DI DAG 'CHAD PA NA KHA CIG DON DAM ZHES PA DANG, KUN RDZOB CES PA THEG PA CHEN PO SNGAGS DANG PHAR PHYIN GNYIS GA LA GRAGS PA'I BDEN GNYIS KYI YA GYAL GYI DON DAM DANG KUN RDZOB LA BSAMS NAS RGYUD THAMS CAD DON DAM PAR GNYIS MOD KYI RGYUD YIN NO ZHES SMRA BA NI RGYUD {PHYOGS}, THAMS CAD BDEN GRUB TU KHAS LEN PA YIN LA, GZHAN {LA DAM}, LTOS PA'I DON BSKYED RIM LA LTOS PA LA BSHAD NAS, BSKYED RIM GYI SKABS SU YE SHES
, ,PA DGUG GZHUG LA LHA PHO RGYU BA DANG MO RGYU BA SOGS KUN RDZOB TU RGYUD GNYIS KYI 'JOG BYED DU BYAD CING, KUN RDZOB CES PA BDEN GNYIS KYI YA GYAL GYI KUN RDZOB LA BYED PA LA YANG GSANG 'DUS SOGS DU MAS MA NGES SO, ,BZHI PA BRJOD BYA'I GTZO BO DANG PO'I SANGS RGYAS MTSAN BRJOD DANG MTHUN PAR BSHAD PA'I KHYAD PAR LA BZHI, MDOR BSTAN, DON DE SANGS RGYAS THAMS CAD KYIS GSUNGS PAR SGRUB, DE LA RTZOD PA SPANG, DON BSDU PA'O, ,DANG PO NI, RDO RJE 'DZIN PA'I ZHES PA MDOR BSTAN GYI TSIG BSHAD BYAR BKOD PA'O, ,DE'I DON NI, RDO RJE 'DZIN PA'I YE SHES KYI SKU ZHES PA STONG GZUGS RDO RJE'I 'DZIN PA YAB YUM GYI SKU MCHOG TU MI 'GYUR BA'I BDE BA CHEN PO'I YE SHES KYI BDAG NYID DU GYUR PA DE YIN LA, DON DE MTSAN BRJOD DU MNGON DU GYUR PA STE GSAL BAR BSHAD PA LTAR, 'DIR YANG DE 'DRA BA'I DANG PO'I SANGS RGYAS DE BRJOD BYA'I GTZO BOR BYAS NAS GSAL POR MNGON PAR BRJOD PA NYID KYI PHYIR, MTSAN YANG DAG PAR BRJOD PA'I BRJOD BYA'I GTZO BO DE RGYUD 'DI'I BRJOD BYA'I DON DU YANG BYAS PA'I TSUL GYIS 'KHYUD PA ZHES BYA'O, ,GNYIS PA NI, 'DIR CES PA NAS SANGS RGYAS KYANG NGO, ZHES PA DAM BCA' DGONG PA'O, ,DE'I RGYU MTSAN NI DANG PO'I SGRAS NI THOG MA MED PA GO BAR BYED LA DES THA MA MED PA'ANG GO BAR BYED PAS YE SHES KYI SKU DANG THUGS BDE CHEN LHAN CIG SKYES PA'I YE SHES DBYER MED PA DES THOG MA MED PA'I 'DAS PA'I SANGS RGYAS RNAMS KYANG SANGS RGYAS LA THA MA MED PA'I MA 'ONGS PA'I SANGS RGYAS RNAMS KYANG 'TSANG RGYA BAR 'GYUR ZHING,
DA LTA BZHUGS PA RNAMS KYANG TSUL DES SANGS RGYAS PA'I DON TO, ,DE'I PHYIR TSUL DES 'TSANG RGYA BA'I SNGAGS KYI THEG PA DE NYID THOG MA MED PA'I DUS SU NAS MA YIN NO, ,DON 'DI LA DGONGS NAS MTSAN BRDAD 'DIR PHYAG NA RDO RJE YIS GSOL BA 'DEBS PA NA, 'DAS PA'I ZHES PA NAS ZHES GSUNGS SO, ,DES NA MTSAN YANG DAG PAR BRJOD PA NAS YIN NO, ,'DI DAG LA KHA CIG GIS, DANG PO'I SGRAS BSTAN PA'I THOG MA DANG THA MA MED PA'I DON MA SKYES PA DANG MA 'GAGS PA LA BYED PA NI, SPYIR MA SKYES MA 'GAGS PA LA BYED NA, MCHOG TU MI 'GYUR BA'I YE SHES MTHAR THUG RTAG PAR KHAS LEN DGOS LA, DON {RANG,} DAM PAR MA SKYES MA 'GAGS PA LA BYED NA, DE NYID SNGAGS KYI THEG PA DUS GSUM GYI SANGS RGYAS THAMS CAD KYIS GSUNGS PA'I RGYU MTSAN DU 'BREL CI ZHIG YOD, DE'I RGYU MTSAN DU MI 'GOD NA GZHUNG 'DI SKABS 'DIR TSUL JI LTAR 'BREL BA BSHAD DGOS SO, ,KHA CIG DANG PO'I SGRAS THOG MA MED PA BSTAN TE, DE YANG THOG MA MED PA'I DUS SU SANGS RGYAS RNAMS KYIS DANG PO'I SANGS RGYAS 'DI BSTAN PA DANG, DAS MTSON NAS THA MA MED PA'I DUS SU YANG STON PAR 'GYUR ZHES 'CHAD DE, 'CHAD TSUL LEGS PAR {NGAM,} SNANG NGO, ,YANG GZHAN DAG THOG MTHA' MED PA'I DON 'DUS MA BYAS NAM MKHA' LTA BU'I RTAG BRTAN THER ZUG GI DON YIN LA, DE 'DRA BA'I DON NI BDE GSHEGS SNYING PO SEMS KYI CHOS NYID RANG BZHIN RNAM DAG YIN ZHES ZER RO, ,NAM MKHA' NI THOGS {DOL PHYOGS,} PA'I REG BYA BCAD TZAM GYI MED DGAG LA BZHAG PA'I RTAG P
, ,YIN LA, KHYED KYI BDE GSHEGS SNYING PO NI DGAG BYA BCAD PA LA MA LTOS PA SGRUB PA RANG DBANG GI RTAG PA YIN PAS MU STEGS 'DOD PA'I RTAG DNGOS DANG MTSUNGS KYI SANGS RGYAS PA 'DOD PA'I NAM MKHA' RTAG TSUL DANG MI MTSUNGS SHING, DE 'DRA BA'I SNYING PO BSTAN PA SNGAGS KYI THEG PA BSTAN PA'I SGRUB BYED DU GZHUNG SNGA PHYI 'DI DAG 'BRAL MED DU 'GYUR LA CI STA BYED NA MAR ME MDZAD NAS SH'A KYA THUB PA'I BAR GYIS 'PHAGS PA'I YUL DU CHOS BSTAN PA DE'I TSE DE'I DUS NA'ANG YUL DUS DER SNGAGS KYI THEG PA BSTAN PAR THAL SEMS KYI CHOS NYID RANG BZHIN RNAM DAG BDE GSHEGS SNYING PO YUL DUS DER YANG DE DAG GIS BSTAN PA'I PHYIR, 'DOD NA RJES THOGS DE MA THAG GI RGYUD 'GRAL DANG DNGOS SU 'GAL ZHING, 'DUS PA'I LUNG DANG 'GAL SPANG RGYU MED PAR 'GYUR RO, ,YANG KHA CIG RGYUD 'DI LA MTSAN YANG DAG PAR BRJOD PAS 'KHYUD PA BSGRUB BYA DANG, GZHUNG PHYI MA 'DI DAG DE'I SGRUB BYED DU SBYAR NAS RGYUD 'DI MTSAN YANG DAG PAR BRJOD PAS 'KHYUD PA YIN TE, JI LTAR MTSAN YANG DAG PAR BRJOD PA DUS GSUM GYI SANGS RGYAS RNAMS {NGAM}, KYIS GSUNGS PA DANG GSUNG BA DANG GSUNG BAR 'GYUR BA BZHIN DU, DANG PO'I SANGS RGYAS 'DI YANG DUS GSUM GYI SANGS RGYAS THAMS CAD KYIS GSUNGS PA DANG, GSUNG BA DANG, GSUNG BAR 'GYUR BA'I PHYIR ZHES SMRA BA MI 'THAD DE, 'O NA RGYUD 'DI THEG PA DMAN PAS KYANG 'KHYUD PA YIN PAR THAL TE, RGYU MTSAN DE GNYIS MTSUNGS PA'I PHYIR RO, ,MTSAN BRJOD KYI LUNG DRANGS PA 'DI YANG SGRA JI BZHIN PA NYID SKABS DON GYI
SHES BYED DU 'GRO BA YIN GYI, NGES DON GYI BSHAD PA GZHAN BYED PA SKABS DON GYI SHES BYED DU 'BREL MED PAS MI LEGS SO, ,GSUM PA LA DOGS PA DGOD PA NI, 'DIR 'DUS PA LAS ZHES PA NAS, MA GSUNGS SO ZHES PA DANG 'GAL LO ZHE NA, DE'I LAN NI, DE LTAR GSUNGS PA GANG YIN PA DE NI YUL DUS RANG, NYI TSE BA DE'I TSE DE'I DUS NA MA GSUNGS, ZHES DGONGS PA STE, DE YANG 'PHAGS PA'I YUL DU, ZHES PA NAS PHYIR RO ZHES PA'I BAR 'DUS PA LAS DE LTAR GSUNGS PA NI, YUL NYI TSE PA GANGS CAN NAS 'BIGS BYED KYI BAR GYI 'PHAGS PA'I YUL NA DUS DE'I TSE CHAGS PA LAM BYED LA MOS PA'I DNGOS KYI GDUL BYA MED PAS, YUL DUS DAR MA BSTAN PAR GSUNGS PA YIN GYI, SPYIR SANGS RGYAS DE DAG GIS KYANG YUL DUS GZHAN DU GDUL BYA GZHAN LA'ANG MA BSTAN PA NI MA YIN TE, THEG PA THAMS CAD KYI GTZO BOR GYUR PA DE NYID NAM YANG MI STON NA, THAMS CAD MKHYEN PA MA YIN PAR 'GYUR RO ZHES BYA BA'I DON TO, ,DES GRUB PA'I DON NI, THEG PA GONG 'OG THAMS CAD MI STON NA THAMS CAD MKHYEN PA MA YIN PAR THAL BA'I SKYON YOD PA DE'I PHYIR SEMS CAN KYI SA NAS YIN NO ZHES PA'I BAR RO, ,BZHI PA DON BSDU BA NI, RDO RJE 'DZIN PA'I YE SHES KYI SKU ZHES PA MAN CHAD KYIS JI SKAD BSHAD PA DE'I PHYIR NAS 'KHYUD PA'O, ,LNGA PA RGYUD KYI RDO RJE'I TSIG GSAL BAR BYED CING SANGS RGYAS RIN CHEN ZA MA TOG KHA 'BYED PA'I BYED LAS KYI KHYAD PAR BSHAD PA LA GNYIS, RDO RJE'I TSIG DON DBANG BZHI PA'I LAM MA SBAS PAR STON PA'I KHYAD PAR DANG MI 'GYUR BA'I BDE CHEN 'DREN BYED THUN MONG MA YIN PA
, ,STON PA'I KHYAD PAR RO, ,DANG PO LA GSUM, RTZA RGYUD GZHAN DU DON DE JI LTAR SBAS TSUL, RTZA RGYUD 'DIR GSAL BAR BSTAN PA SGRUB BYED DANG BCAS PA DE DAG GI DON BSDU BA'O, ,DANG PO NI RGYUD KYI ZHES SOGS BSHAD BYA DGOD PA'O, ,DE 'CHAD PA LA THOG MAR RTZA RGYUD GZHAN DU DBANG BZHI PA SBAS PA'I TSUL 'CHAD PAR BZHED NAS SBAS TE, ZHES PAS DAM BCA' DANG, PHYIR RO, ZHES PAS SGRUB BYED BKOD DO, ,DE LTAR GSUNGS PAS SBAS PAR 'GYUR BA CI ZHE NA, BZHI PA NI, GSUM PA DANG KHYAD PAR MED PA MA YIN TE, BZHI PA ZHES PA'I TSIG GIS GSUM PA LAS GZHAN DU GSUNGS PA'I PHYIR RO, ,SNYAM DU'ANG 'GYUR ZHING, YANG DE YANG DE BZHIN NO ZHES GSUNGS PA'I PHYIR GSUM PA SHES RAB YE SHES DE NYID BZHI PA DANG KHYAD PAR MED PAR 'GYUR RO, ,SNYAM DU YANG DOGS PAR 'GYUR RO, ,BCOM LDAN 'DAS KYI GSUNG MI GSAL BA 'DI'I PHYIR, RTZA RGYUD GZHAN DE DAG GI RDO RJE'I TSIG TU DON GYI DBANG BZHI PA SLAS PA YIN NO, ,DE'I SBAS PA ZHES PA NI, TSUL BZHI'I NANG NAS SBAS DON DU STON PA MA YIN TE, DON GYI DBANG BZHI PA NI RGYUD DE DAG GI LUGS LA'ANG TSUL BZHI'I NANG NAS MTHAR THUG GI DON YIN GYI, SBAS PA GSUM GANG YANG MA YIN PA'I PHYIR RO, ,'ON KYANG TSIG ZIN GYIS THOB TSOD KYI YI GE'I DON BSHAD PAS GO MI NUS PAR, DE LAS GZHAN PA'I 'CHAD TSUL LA LTOS NAS GO DGOS PA'I MI GSAL BAR BSTAN PAS SBAS PA YIN TE ZHES GSUNGS SO, ,'DUS PA BDE MCHOG LA SOGS PA RTZA BA'I RGYUD KYI RGYAL PO GZHAN THAMS CAD LA RDO RJE'I
TSIG RAB TU GSAL BA MA YIN ZHING, RTZA BSHAD SBYAR NAS RGYUD DON RDZOGS PAR 'DON SHES PA'I BLA MA BRGYUD PA'I MAN NGAG GI RIM PAS RTOGS PAR BYA BA YIN TE, DE 'DRA BA'I RTZA RGYUD DAG NI, RDO RJE PHRENG BA DANG MNGON BRJOD LA SOGS PA BSHAD PA'I RGYUD GZHAN DAG GIS RTOGS PAR BYA ZHES DE BZHIN GSHEGS PAS GSUNGS PA'I PHYIR RO, ,MI SHES PA KHA CIG BSDUS RGYUD GZHAN THAMS CAD KYI DON DUS 'KHOR RTZA RGYUD 'DIS RTOGS PAR BYA ZHES BSHAD NAS DUS 'KHOR LUGS SU MA BSHAD PA'I GSANG 'DUS SOGS KYI 'GREL BYED THAMS CAD KYIS RGYUD DE DAG MA RTOGS PAR 'DOD PA'I SNYING KHAMS LHUR DOL 'BRANG, LEN PA'I RJES SU 'JUG PAS RANG LA SNYING BRTZE BA DOR BAR MI BYA'O, ,'DIS NI 'DUS PA BDE MCHOG SOGS RTZA RGYUD GZHAN RNAMS BSHAD RGYUD DU MA'I RJES SU 'BRANGS NAS RTZA BSHAD SBYOR PA'I BLA MA'I MAN NGAG LA LTOS TE RTOGS DGOS LA, DUS 'KHOR GYI RTZA RGYUD RGYAS PA DANG, DE LAS BTUS PA'I BSDUS RGYUD GANG LA YANG BSHAD RGYUD MA GSUNGS SHING RTZA BSHAD SBYAR BA'I BLA MA'I MAN NGAG LA LTOS MI DGOS PA'I KHYAD PAR YOD PA NI RGYUD DE DAG DANG 'DI LA RDO RJE'I TSIG GI DON GSAL BAR STON MI STON GYI KHYAD PAR YOD PAS YIN PAR GSUNGS PA YIN LA, DE'I DON YANG, DBANG BZHI PA'I LAM LTA BU RDO RJE'I TSIG GI DON MTHAR THUG PA RNAMS KYANG, RTZA RGYUD RANG GI TSIG DON THOB TSOD KYI YI GE'I DON BSHAD PA NYID KYIS RTOGS PAR 'GYUR BA'I TSUL GYIS RGYAS PAR BSHAD PA LTA BU'I DON YIN ZHING, 'DUS PA SOGS SU DBANG BZHI PA'I ZUNG 'JUG GI LAM LTA BU RTZA LA DU BTAN NAS RGYAS PAR 'CHAD KYANG
, ,RTZA RGYUD KYI TSIG ZIN LA JI TZAM THOB TSOD KYI YI GE'I DON DU BSHAD PAS RTOGS MI NUS PAR DE LAS DON GZHAN DRANGS NAS 'CHAD TSUL BSHAD RGYUD KYIS GTAN LA PHAB PA LTAR 'CHAD SHES PA'I RTZA BSHAD SBYOR TSUL GYI GNAD LA 'KHRUL PA ZAD PA 'PHAGS PA KLU SGRUBS DANG RJE BTZUN 'JAM DBYANGS LA SOGS PA'I MAN NGAG PHYIN CI MA LOG PA LA BRTEN NAS SHES DGOS PA'I DON YIN LA, DE 'DRA'I MAN NGAG LA BRTEN NAS RGYUD DON 'GREL BA'I SHING RTA CHEN PO DAG GI 'GREL PAS NI, RDO RJE'I TSIG GI DON DUS 'KHOR LUGS SU MA BSHAD KYANG PHYIN CI MA LOG PAR GTAN LA 'BEBS NUS PA YIN NO, ,GNYIS PA LA GSUM, GSAL BAR BSTAN PAR BYA BA RDO RJE'I TSIG GI DON NGOS BZUNG BA, DE RTZA RGYUD 'DIS GSAL BAR BSTAN PA BSGRUB PA, DE'I DON BSDU BA'O, ,DANG PO NI, BLA MED KYI SNGAGS KYI TSUL 'DI LA ZHES SOGS TE, GSAD PA LA SOGS PA'I LAS RAB 'BYAMS LA THABS 'DI 'BA' ZHIG TZAM GYIS DAM TSIG STA JI LTAR 'DOD PA LAS MI 'DA' BA'I GRUB PA STER BAR BYED PA'O, ZHES PA BSKYED RIM YIN LA, RTZA RGYUD GZHAN DU BZHI PA DE YANG DE BZHIN TE ZHES PAS BSTAN PA LTA BU DBANG BZHI PA'I LAM LA SOGS PA PHYAG RGYA CHEN PO'I DNGOS GRUB KYI 'BRAS BU LAM 'DI LA GTZO BOR LTOS NAS STER BAR BYED PA'O, ZHES PA RDZOGS RIMS SO, ,GNYIS PA NI DANG PO'I SANGS RGYAS KYI RTZA RGYUD 'DI LA BSKYED RDZOGS STAN PA'I RDO RJE'I TSIG DE DAG NYID YI GE'I DON RDZOGS PAR BSHAD PA TZAM GYIS RTOGS PA'I RAB TU GSAL BAR SKABS KYI DON MDOR BSTAN PA DANG, DE NYID RTZA RGYUD RANG GI TSIG
GIS RGYAS PAR BSHAD PA DANG, DE YANG SGRUB BYED DANG, DOGS PA BCAD PA DANG, SKABS KYI DON DE RTOGS PA'I YAN LAG TU 'PHROS PA'I DON GZHAN STON PA SOGS KYANG RTZA RGYUD RANG NYID LAS RAB TU BSHAD PA DE DAG GIS BCOM LDAN 'DAS KYI SA GSAL BAR MDZAD DO, , 'DIR KHA CIG MDOR BSTAN CES PA BSDUS RGYUD DANG DE'I DKA' 'GREL DANG 'GREL BSHAD RGYAS BSHAD CES PA RTZA RGYUD DANG, DE'I DKA' 'GREL DANG RAB TU RGYAS BSHAD DE'I 'GREL BSHAD DE DAG GIS GSAL BAR MDZAD CES 'CHAD PA SHIN TU MA 'BREL TE, NGAM, 'GREL PA DE DAG STON PA BCOM LDAN 'DAS KYIS MDZAD PA MA YIN PA'I PHYIR DANG, 'GREL BAS RDO RJE'I TSIG GSAL BAR BSHAD PA RTZA RGYUD GZHAN LA YANG CHES MANG BAS DE'I CHA NAS 'DI RTZA RGYUD GZHAN LAS KHYAD PAR DU 'PHAGS CHOS SU MI 'GYUR BA'I PHYIR RO, ,DE YANG 'DUS PA LA SOGS PA RGYUD GZHAN DU RTZA LA DU BTON NAS 'CHAD PA'I DBANG BZHI PA'I LAM DE LAS 'DIR MA SBAS PAR GSAL BAR 'CHAD PA'I BZHI PA'I LAM DE NYID KYI THUN MONG MA YIN PA'I KHYAD PAR DANG, GSAL BAR 'CHAD TSUL JI 'DRA BA ZHIG GIS GSAL BAR BSHAD PA STON PA NI, 'DI NYID BSGRUB PA LA ZHES PA'I DON KHA CIG RGYUD 'DI LAS DE GSAL BAR BSTAN PAR BSGRUB PA LA DU SOGS KYI MTSAN MA 'BYUNG BA RTAGS SU BKOD NAS BSGRUB PA LA ZHES PAR 'CHAD PA LTAR MA YIN GYI, 'DI LTAR SHES PAR BYA STE, RGYUD 'DI LAS BZHI PA'I LAM KHYAD PAR BSTON TSUL BAM, YANG MCHOG TU MI 'GYUR BA'I BDE BA 'DI NYID BSGRUB PA LA DE'I RGYUR YANG STONG GZUGS KYI PHYAG RGYA CHEN MO BSGOM PA DU BA LA SOGS PA'I MTSAN MA'I LAM
, ,MA SBAS PAR RAB TU GSAL BAR MDZAD DO, ,TSIG JI LTA BUS NA, RTZA RGYUD LAS STONG PAR ZHES GSUNGS PA LTA BUS SO, ,DES NA BCOM LDAN 'DAS KYIS GSUNGS ZHES PA NAS, RAB TU GSAL BA YIN GYI BLA MA BRGYUD PA'I RIM PA'I MAN NGAG 'GA' ZHIG GIS 'ONGS PA MA YIN LA, RTZA BSHAD SBYAR BA LA MKHAS PA'I BLA MA'I DKA' YAS RTZA BSHAD SBYOR TSUL BSTAN PA LTA BUS BYIN GYIS BRLABS PA LA LTOS PA YANG MA YIN NO, ,BZHI PA'I LAM 'DI LA YANG NYIN DANG MTSAN MAR JI LTAR BSHAD PA BZHIN DU MTSAN NYID DANG LDAN PA'I RGYUD 'DI'I CHED DU BYA BA'I GDUL BYA GTZO BOS BSGOMS NA STONG GZUGS KYI PHYAG RGYA CHEN MO MYUR DU 'BYUNG BAR YID CHES PA'I MTSAN MA YOD DE, NYI MA GCIG NI YONGS SU BRTAG CES DES DE LTAR BSGOMS NA NYIN GCIG LA DU SOGS KYI MTSAN MA 'CHAR BA BCOM LDAN 'DAS KYIS GSUNGS PA'I PHYIR RO, ,'DIR DU BA LA SOGS PA'I MTSAN MA BOR TE, DE MA GTOGS PA GZHAN BSKYED RIM GYI SNGAGS KYI SKU BSGOM PA DANG LA SOGS PA SNGAGS BZLAS PAS THUN MONG GIS DNGOS GRUB BSGRUB PA'I SGRUB THABS NYAMS SU LEN PA'I RNAL 'BYOR PAS THOG MAR BSGRUBS PA'I NYI MA GCIG PO DE NYID KYIS MYUR DU 'GRUB PA'I MTSAN MA MNGON DU 'GYUR BA YONGS SU BRTAG PAR BYA BA MA YIN NO, ,DE NAS BZUNG STE SOR BSAM GYI SKABS LA SOGS PA'I MTSAN MA DAG NI MYUR DU 'GRUB PA'I MTSAN MA YIN GYI STONG GZUGS PHYAG RGYA CHEN MO GRUB PA'I MTSAN MA MA YIN LA STONG GZUGS PHYAG RGYA CHEN MO DNGOS GRUB PA'I MTSAN MA YANG RNAM PA GSUM STE, DANG PO'I ZHES SOGS SO,
DE LA DANG PO'I MTSAN MA NI RJES DRAN GYI SKABS KYI DU BA LA SOGS PA'I LAM STONG GZUGS KHYAD PAR CAN DANG, SBYOR BA YAN LAG DRUG GIS STE, YAN LAG DANG PO LNGAS STONG GZUGS KYI SKU DNGOS RDZOGS PA'I STOBS KYIS DRANGS PA'I YAN LAG DRUG PA TING NGE 'DZIN GYIS YAN LAG DANG POR THOB PA'I 'GYUR BA MED PA'I SKAD CIG THOB PA NAS BZUNG STE MA 'GYUR BA'I BDE BA STONG BRGYAD BRGYAD SDE TSAN DANG PO RDZOGS PA'I BAR GYI MOS SPYOD KYI SA'I GNAS SKABS KYI STONG GZUGS SO, ,BAR MA'I MTSAN MA NI MCHOG TU MI 'GYUR BA'I SKAD CIG BRGYA PHRAG BCO BRGYAD RDZOGS PA'I STOBS KYIS 'PHAGS PA'I SA DANG PO THOB PA DANG DE'I STOBS KYIS RNAM GNAS YID BYED SOGS LA LTOS MA DGOS PAR RANG STOBS KYIS DRANGS PA'I MNGON PAR SHES PA LNGA DANG SNGON MA MTHONG BA'I DON DE KHO NA NYID MNGON SUM DU GSAR DU YANG DAG PAR MTHONG BA DANG, 'JIG RTEN PA'I DNGOS GRUB CHEN PO RNAMS KYANG LAM DE RGYUD LA SKYES PA'I STOBS KYIS 'BAD RTZOL CHEN PO MI DGOS PAR THOB PAR 'GYUR BA YIN LA, DE LTA BU'I SA DE THOB PA NAS BZUNG STE, 'PHAGS PA SLOB PA'I LAM GYI GNAS SKABS KYI STONG GZUGS KYI MTSAN MA'O, ,THA MA'I MTSAN MA NI, MTHA' MA NGES PA LAM RDZOGS PA'I MTHA' SANGS RGYAS NYID DANG RDO RJE 'CHANG NYID DO, ,MCHOG TU MI 'GYUR BA'I SKAD CIG DRUG BRGYA LHAG PA'I STONG PHRAG NYI SHU RTZA GCIG RDZOGS PA'I DBANG GIS SA BCU GNYIS PA RDZOGS PAR THOB NAS PHYAG RGYA CHEN PO'I DNGOS GRUB MTHAR THUG PA THOB PA'I GNAS SKABS KYI STONG GZUGS PHYAG RGYA CHEN MO'O, ,GZHAN DAG MA MTHONG BA'I DON MTHONG BA'I DON 'JIG
, ,RTEN GYI KHAMS MA MTHONG BA LA 'CHAD PA SOGS BYED DO, ,KHA CIG 'DIR DU BA LA SOGS PA'I LAM ZHES PA NI, LAM GYI DMIGS PA LA LAM DU BRTAGS PA YIN GYI DU BA LA SOGS PA'I MTSAN MA NI, 'DUS MA BYAS YIN PAS LAM DNGOS MA YIN NO ZHES LOG PA'I SKAD 'BYIN PA'I TSUL DE NI 'OG TU 'GOG PAR {PHYOGS}, 'GYUR RO, ,GSUM PA NI, DBANG BZHI PA'I LAM STON PA'I RDO RJE'I TSIG LA SOGS PA ZHES PA NAS, DE'I PHYIR DANG PO'I SANGS RGYAS RTZA RGYUD 'DI NI RTZA RGYUD KYI DON RTOGS PA'I CHED DU BSHAD RGYUD GZHAN TSOL BA RNAMS LA LTOS NA DE 'DRA'I 'BAD PA MI DGOS PA RGYUD KYI RGYAL PO THAMS CAD KYI RDO RJE'I TSIG GI DON BZHI PA'I LAM GSAL BAR MNGON DU GYUR PA'O, ,GNYIS PA MI 'GYUR BA'I BDE CHEN 'DREN BYED THUN MONG MA YIN PA STON PA'I KHYAD PAR NI, SANGS RGYAS NAS ZHES PA CES PA BSHAD BYA BKOD PA'O, ,SANGS RGYAS RIN CHEN NI MCHOG TU MI 'GYUR BA'I BDE BA YIN LA, ZA MA TOG NI STONG GZUGS KYI SKU YAB YUM MNYAM PAR SBYOR BA'I RNAM PA CAN DU DNGOS GNAS LA BZHENGS PA'I GSANG BA'I RDO RJE DANG BHA GA'I PADMA STE, DE DAG NI SANGS RGYAS RIN CHEN ZA MA TOG GANG DE NYID MNGON DU BYED PA'I THABS RGYUD KYI RGYAL PO GANG GIS GSAL BAR STON PA'I SGO NAS KHA 'BYED PA DE NI SANGS RGYAS RIN CHEN ZA MA TOG KHA 'BYED PA'O, , 'DIR KHA CIG {PHYAGS}, RDO RJE MCHOG TU MI 'GYUR BA'I BDE CHEN LA BYED PA DANG, RDO RJE {NGAM}, WAm YIG GI DAN DANG PADMA AE YIG GI DON DU 'CHAD PA NI ZA MA TOG GI MING CAN GYI SNOD DANG DE'I NANG GI RIN CHEN KHYAD MED DU 'GYUR BAS LEGS PA MA YIN NO, ,
DRUG PA 'BRAS BU DNGOS GRUB GNYIS LA LTOS PA'I LAM 'KHOR BA DANG BCAS PA MA LUS BSTON PAS BRJOD BYA RDZOGS PA'I KHYAD PAR NI, BRJOD BYA'I KHYAD PAR RNAMS KYANG LAM BSGOM PA'I SNOD RUNG DU BYED PA'I DBANG DANG, SNOD DU GYUR NAS BSGOM PAR BYA BA'I LAM RIM PA GNYIS DANG, LAm DE GNYIS BSGOM PAS THOB PAR BYA BA'I 'BRAS BU DNGOS GRUB GNYIS RNAMS SU BSDUS NAS 'CHAD PA LA, 'JUG PA'I RIM PA DBANG NAS THOG MAR 'JUG PA YIN KYANG, 'DIR BSHAD PA'I RIM PAS THOG MAR BSGOM BYA'I LAM GNYIS 'CHAD PA NI 'JIG RTEN DANG NAS ZHES PA LA, ZHES BSHAD BYA BKOD DE, DE 'CHAD PA LA BSKYED RIM GYI SKABS SU LHA'I KHA DOG DANG, DBYIBS DANG, ZHAL PHYAG SOGS SU GANG SNANG BA DE LTAR DNGOS PO LA MA GRUB BZHIN DU DANG PO NAS RNAM PA DE LTA BUR RTOG PAS BRTAGS SHING BCOS NAS YANG YANG GOMS PA'I DBANG GIS SHAR BA YIN LA, RDZOGS PA'I RIM PA GTZO BO NI BDE BA CHEN PO LHAN CIG SKYES PA RNAM PAR MI RTOGS PA STE, DE'I GZUNG RNAM STONG GZUGS KYI SKUR DNGOS PO LA SHAR BA YIN PAS RNAM PA THAMS CAD DU ZHAL DANG PHYAG DANG KHA DOG DANG DBYIBS KYI RNAM PAR SHAR BA DE LTAR DNGOS PO LA MA GRUB BZHIN DU RTOGS PAS RTAGS PA'I DBANG GIS SNANG BA DANG BRAL BA'I, ZHES BYA BA'I DON TO, ,KHA CIG LHAN SKYES DE RNAM PAR MI RTOG PA YIN PAS DE LA STONG GZUGS SNA TSOGS SNANG YANG LHAN SKYES DE LA KHA DOG DANG DBYIBS SOGS 'DI LTA BU'O SNYAM PA'I RTOG PA SKYE BA DANG BRAL BAR 'CHAD PA NI STONG GZUGS DON DAM BDEN PA MIN PAR KHAS LEN BZHIN {RANG NGAM}, DU YANG RDZOGS RIM GYI GTZO BO 'PHAGS PA'I SA BCU'I DON GYI LHAN SKYES JI LTA BA MKHYEN PA'I YE SHES KYI DON KUN RDZOB STONG GZUGS KYI SNANG
, ,BA KHRA CHEM ME 'CHAR BAR 'DOD PA GRUB MTHA' GONG 'OG GANG GI'ANG RNAM GZHAG LEGS PAR MA CHAGS PA'I GTAM YIN NO, ,LAM GNYIS GA STON PA'I PHYIR RO, ZHES PA YAR BCAD KYI GZHUNG LHAG MA NI GO SLA STE, 'DI DAG GI DNGOS GRUB GNYIS BSGRUB PA'I LAM RIM PA GNYIS KA RDZOGS PAR STON PA'I KHYAD PAR BSHAD DO, ,MNGON PAR RDZOGS PA ZHES SOGS BSHAD BYA BKOD PA'O, ,DE 'CHAD PA NI SKAD CIG GCIG GIS ZHES PA NAS BYANG CHUB PA STE, BZHI PO 'DI RNAMS KYI YONGS SU DAG PA'I DON NI MNGAL SKYES KYI SRID PA SKYE BA'I RIM PA LA BSKYED PA'I RIM PA ZHES THA SNYAD BYAS PA'I GZHI DUS KYI MNGON PAR RDZOGS PAR BYANG CHUB PA BZHI NI, SBYANG GZHI STE SGRIB PA DANG BCAS PA DANG, DE NYID DU BA LA SOGS PA SKU STE GZUGS RDZOGS PA'I RIM PAS SBYANGS TE, SGRIB BRAL DU GYUR BA NI 'BRAS BU MNGON PAR RDZOGS PAR BYANG CHUB PA BZHI RDO RJE BZHI STE TSUL DE LTAR MNGON PAR RDZOGS PA BYANG CHUB PA BZHIS YONGS SU DAG PA'O, ,MNGON PAR RDZOGS PAR BYANG CHUB PA BZHI PHYI NANG GZHAN GSUM LA SBYAR BA SO SO'I RNAM GZHAG NI 'OG TU BSHAD PAR BYA ZHING, KHA CIG NA RE, BSKYED RIM LA BYANG CHUB BZHI SBYOR BA RGYUD 'GREL DU ZUR TZAM YANG MI 'BYUNG BAS MI 'THAD DO ZHES ZER BA NI, BSKYED RIS SANGS RGYAS KYI RGYU MA YIN PA ZHE LA BZHAG NAS RGYUD 'GREL GYI YI GE KLOG PA GYI YI GE KLOG PA NA BSKYED RIM SBYANG GZHI DANG CHOS MTHUN SBYOR PHYOGS, BA'I TSUL YID LA MA BYAS PAR KLOG PA LA ZHUGS PAS YI GE TZAM GYI DON YANG SNANG BZHIN DU MA NGES PAR BYUNG RGYAL DU SMRA BA LA RINGS BAR BYED PA STE, ZHIB PAR 'OG TU RANG RANG GI SKABS SU 'CHAD PAR
'GYUR LA, SBYOR DRUG LA BYANG CHUB BZHI SBYOR BA'ANG MI 'THAD PAR SMRA BA NI, RDO RJE BZHI BYANG CHUB BZHIR 'JOG PA NA YE SHES RDO RJE SKAD CIG GIS DANG, THUGS RDO RJE RNAM PA LNGAS DANG, GSUNG RDO RJE RNAM PA NYI SHUS DANG, SKU RDO RJE SGYU 'PHRUL DRA BAS BYANG CHUB PAR 'JOG PA RGYUD 'BREL LAS GSAL BAR BSHAD CING RANG NYID KYIS KYANG KHAS BLANGS PHYOGS, NAS SOR BSAM SKU RDO RJE'I RNAL 'BYOR DANG, SREG 'DZIN GSUNG RDO RJE'I RNAL 'BYOR DANG, RJES DRAN THUGS RDO RJE'I RNAL 'BYOR DANG, TING NGE 'DZIN YE SHES RDO RJE'I RNAL 'BYOR DU YANG SMRA BZHIN DU, SLAR YANG SBYOR BA YAN LAG DRUG LA BYANG CHUB BZHI'I RNAL 'BYOR DU 'JIG PA BYAR MI RUNG BAR SMRA BA RANG TSIG 'GAL BA DE MI SHES PAR ZAD DO, ,SKU BZHI DANG ZHES SOGS BSHAD BYA BKOD PA'I RIM PA BZHIN DU 'CHAD PA LA, SKU BZHI NI ZHES SOGS NI GZHI DUS KYI GNAS SKABS BZHI BSKYED PA'I THIG LE BZHI LA YANG SKU BZHI'I THA SNYAD BYED CING, DE NI SGRIB PA DANG BCAS PA YIN LA, DE DAG SGRIB BRAL DU GYUR PA'I LDOG PA BZHI 'BRAS BU SANGS RGYAS KYI SKU BZHI'O, ZHES BYA BA'I DON TO, ,RIGS DRUG NI ZHES SOGS NI SGRIB BCAS KYI KHAMS DRUG NI SBYANG GZHI GZHI DUS KYI RIGS DRUG DANG, SGRIB BRAL GYI KHAMS DRUG NI SBYANGS PA 'BRAS DUS KYI RIGS DRUG YIN PA'I DON TO, ,MI 'GYUR BA'I BDE BA YE SHES KYI KHAMS ZHES PA NI, SBYAR GZHI LA MI 'GYUR BA'I BDE BA DNGOS MA YIN KYANG THABS MKHAS KYIS ZIN NA MI 'GYUR BA'I BDE BA DER GNAS 'GYUR DU RUNG BA'I RIGS SU GNAS PAS THA SNYAD DE LTAR GSUNGS LA 'BRAS BU LA NI DNGOS SU 'JUG GO ,BDEN PA BCU GNYIS NI, YAN LAG BCU GNYIS YIN LA, DE
, ,LA YANG GNYIS LAS, GZHI DUS KYI YAN LAG BCU GNYIS NI, MA RIG PA LA SOGS PA BCU GNYIS DANG, RLUNG 'PHA BA BCU GNYIS TE, DE DAG NI SGRIB BCAS KYI YAN LAG BCU GNYIS YIN LA, 'BRAS DUS KYI YAN LAG BCU GNYIS NI, MA RIG PA 'GAGS PA SOGS BCU GNYIS DANG, 'PHO BA BCU GNYIS 'GAGS PA STE DE DAG NI SGRIB BRAL GYI YAN LAG BCU GNYIS SO ZHES BYA BA NI SGRIB PA DANG BRAL BA'O, ZHES BYA BA'I BAR GYI GZHUNG GI DON YIN GYIS, MI SHES PA GANG DAG DON DAM BDE GSHEGS SNYING PO'I BDEN PA BCU GNYIS NI MI 'GYUR BA'I MA RIG PA DANG ZHES PA NAS MI 'GYUR BA'I BDE BA'I SKYE BA DANG, RGA SHI ZHES PA'I BAR DU SBYOR BA DANG, MNGAL SKYES RNAMS KYI MA RIG PA SOGS BCU GNYIS SGRIB BCAS DANG, SANGS DOL, RGYAS RNAMS KYI MA RIG PA SOGS SGRIB BRAL DU 'CHAD PA NI, BDE GSHEGS SNYING PO RTAG PAR KHAS LEN BZHIN DU, DE NYID KYI SKYE BA DANG RGA SHI KHAS LEN PA DANG, SANGS RGYAS KYI SA'I MA RIG PA DANG, MA RIG PA SGRIB BRAL SOGS KHAS LEN PA NI SHES PA RNAL DU GNAS PA SU ZHIG GIS KHAS LEN PAR 'GYUR TE, KUN TU MU STEGS LAS KYANG THA CHAD PA'O, ,DE KHO NA NYID BCU DRUG NI, LHAN CIG SKYES PA'I DBYE BA ZHES PA'I BAR NI DGA' BA BZHI RE RE LA YANG BZHI BZHIR PHYE BA'I DGA' BA BCU DRUG GI DBYE BA YIN LA, DE YANG GZHI DUS KYI LUS NGAG YID YE SHES KYI THIG LE BZHI LA SKU BZHIR THA SNYAD BYAS NAS DE DAG LAS KHAMS 'DZAG PA'I BZHI DUS KYI DGA' BA BZHI PO RE RE LA YANG KHAMS 'BAB PA'I GNAS KYI DBYE BAS SKU'I DGA' BA SKU'I MCHOG DGA' SOGS BZHI LA SPRUL PA'I SKU DANG, SPRUL PA'I GSUNG LA SOGS
PA BZHIR THA SNYAD BYAS PA SOGS DANG, DE BZHIN DU RE RE NAS SBYAR BA'I MNGAL SKYES RNAMS KYI DE KHO NA NYID BCU DRUG NI SGRIB PA DANG BCAS PA YIN TE, BCU DRUG PHYED PHYED CES PA DGA' BA BZHI PO RE RE LA YANG BZHI BZHIR PHYE BA'I RANG RANG GI BZHI PA SO SO'I GNAS SKABS SU THIG LE 'DOR BA'AM 'JIG PA'I PHYIR RO, ,SANGS RGYAS RNAMS KYI DE NYID BCU DRUG NI SGRIB PA DANG BRAL BA YIN TE, BCU DRUG PHYED PHYED THIG LE 'DZIN PA STE DGA' BA BCU DRUG GI 'DZAG PA'I DRI MA SPANGS PA NYID KYI PHYIR RO, ,DE YANG GZHI DUS KYI 'JIG PA'I DGA' BA BCU DRUG GI DRI MA SPANGS PA'I LDOG PAS 'BRAS DUS KYI DE NYID BCU DRUG TU 'JOG PA'I DON TO, ,STONG NYID DANG SNYING RJE'I BCU DRUG TSAN GNYIS BSHAD PA LA, DANG POR DE GNYIS THABS SHES SU 'JOG TSUL BSHAD PA NI, STONG PA NYID BCU DRUG CES PA NI, PHYI ROL TU NAG PO'I PHYOGS MAR BO DANG, NYI MA DANG NANG DU RDUL RNAMS YAR NGO SOGS LA LTOS PA'I SHES RAB KYI PHYOGS SU THA SNYAD BYED PA DANG CHOS MTHUN PAR SNYING RJE BCU DRUG LA LTOS PA'I SHES RAB DANG SNYING RJE BCU DRUG CES PA NI PHYI ROL DU DKAR PO'I PHYOGS YAR NGO DANG ZLA BA DANG NANG DU KHU BA RNAMS MAR NGO SOGS LA LTOS PA'I THABS KYI PHYOGS SU THA SNYAD BYED PA LTAR STONG NYID BCU DRUG LA LTOS PA'I THABS SO, ,DE NAS DE GNYIS SO SO LA BCU DRUG BCU DRUG TU 'BYED TSUL 'CHAD PA NI, STONG PA NYID LA DBYE BA GSUM STE ZHES PA NAS, GSUM PO DE LA STONG PA NYID NI DGAG GZHI PHUNG PO LNGA LA DGAG BYA RANG BZHIN GYIS GRUB PA RNAM PAR BCANG BA'I STONG PA NYID DE, DGAG GZHI'I SGO NAS
, ,LDOG PA LNGAR PHYE BA LA NAG PO'I CHES GCIG LA SOGS PA TSES LNGA'I THA SNYAD KYIS MCHON NAS BRJOD PAR BYA'O, ,DE BZHIN DU LNGA CHEN GZHAN GNYIS LA'ANG SBYAR RO, ,DE NAS ZHES PA NAS BCO LNGA'O, ZHES PA'I BAR DON BSDU BA STE DE DAG NI RNAM MED KYI STONG NYID DON DAM PA'I BDEN PA'O, ,PHYI ROL TU GNAM STONG GI MTHA' DANG ZLA BA PHYI MA'I DKAR PO'I TSES GCIG GI DANG PO MA ZHUGS TZAM GYI DBUS SU NAG PO'I BCU DRUG PAR BTAGS NAS DE'I THA SNYAD KYIS MTSON NAS BRJOD PAR BYA BA NI RNAM PA THAMS CAD PA'I GZUGS KYI STONG PA NYID DE, ,'DI NI RNAM BCAS KYI STONG NYID KUN RDZOB KYI BDEN PA STE, DGAG BYA BDEN GRUB KYIS STONG PA'I CHA NAS BZHAG PA MIN GYIS, DGAG BYA RDUL PHRA RAB KYIS STONG PA'I CHA NAS BZHAG PA'O; ;STONG NYID LA PHUNG PO SOGS LNGA TSAN GSUM GYI SGO NAS PHYE BA DE BZHIN DU SNYING RJE LA YANG DE'I SGO NAS PHYE BAS RNAM PA GSUM STE SEMS CAN LA DMIGS PA DANG, CHOS LA DMIGS PA DANG, DMIGS PA MED PA'O, ,DE LA SNYING RJE LNGA CHEN GSUM NI, PHYI ROL GYI DKAR PO'I TSES GCIG LA SOGS PA LNGA CHEN GSUM GYI THA SNYAD KYIS MTSON NAS RIM PA BZHIN GSUNGS PA'O, ,NYI MA'I MTHA' DAG ZHES SOGS KYANG PHYI ROL TU DKAR CHA BCO LNGA RDZOGS PA DANG NAG CHA MA ZHUGS TZAM GYI LDOG PA LA DKAR BO'I CHA BCO LNGA PA DANG, NAG PO'I CHA DANG PO'I DBUS KYI CHA BCU DRUG PAR THA SNYAD BRTAGS NAS DE'I THA SNYAD KYIS MTSON NAS SNYING RJE BCU DRUG PA BSTAN PA'O, ,DE LA 'DIR SNYING RJE NI THUN MONG BA MA YIN GYI, THUN MONG MA YIN PA SNGAR BSHAD PA LTAR BDE BA
CHEN PO LA SNYING RJER BZHAG PA DE YIN LA, DE LA 'BRAS DUS KYI BDE CHEN LA PHYI'I DKAR CHA 'PHEL BA CHUNG 'BRING CHEN PO GSUM DANG CHOS MTHUN PA'I BDE BA CHUNG 'BRING CHE GSUM GYI DBYE BA BYAR MOD KYANG, 'DIR NI LAM DUS LA 'JOG PA'I DBANG DU MDZAD PAS, PHYI'I LNGA TSAN GSUM DKAR CHA 'PHEL BA, CHUNG NGU'I TSAD DANG 'BRING PO'I TSAD DANG CHEN PO'I TSAD DU RIM BZHIN 'JOG PA DANG MTHUN PAR BDE CHEN CHUNG 'BRING CHEN PO'I TSAD DU LNGA TSAN GSUM PO DE 'JOG LA, THEG CHEN THUN MONG GI SNYING RJE LA YANG SEMS CAN LA DMIGS PA CHUNG NGU DANG; CHOS LA DMIGS PA 'BRING DANG DMIGS PA MED PA'I SNYING RJE CHEN POR 'JOG PAS, SNYING RJE CHUNG 'BRING CHE GSUM GYI CHOS MTHUN DE TZAM GYIS SGO NAS 'DIR SNYING RJE LNGA TSAN GSUM LA DMIGS MED SOGS GSUM GYI THA SNYAD MDZAD PA'O, ,'DIR KHA CIG LAS RGYA LA BRTEN NAS SKYES PA'I BDE BA SEMS CAN LA DMIGS PA DANG, YE RGYA LAS SKYES PA GNYIS PA DANG, PHYAG CHEN LAS SKYES PA GSUM PAR BYED PA MI 'THAD STE, PHYAG CHEN LAS SKYES PA'I BDE CHEN NYID LA GSUM DU DBYE DGOS PA'I PHYIR RO, ,GZHAN DMAD YANG SNYING RJE GSUM DE LTAR KHAS BLANGS NAS, STONG NYID DANG PO BCO LNGA RIM PA BZHIN PHUNG PO LNGA SGRIB BRAL DU GYUR PA DANG, DE BZHIN DU KHAMS LNGA DANG DBANG PO SGRIB BRAL DU GYUR PA LA 'JOG PA NI 'GAL BA YIN TE, DE LTAR NA STONG NYID BCU DRUG 'BRAS DUS KHO NA LA BZHAG DGOS LA, DE YIN NA SNYING RJE BCU DRUG KYANG 'BRAS DUS LA BZHAG DGOS TE, 'DI DAG GCIG PA NYID NI ZHES GSUNGS PA'I PHYIR RO, ,GZHAN DU NA GCIG 'BRAS DUS KHO NA DANG, GCIG SLOB LAM KHO NA NA YOD PA GNYIS GCIG TU SBYOR BA JI LTAR BYED SMROS SHIG ,SNYING RJE'ANG
, ,DE LTAR 'DOD NA NI RDZOGS PA'I SANGS RGYAS KYI SA NA LAS DANG YE SHES KYI PHYAG RGYA GNYIS DANG PHYAG CHEN LA BRTEN PA'I BDE BA GSUM GYI DBYE BA KHAS LEN DGOS PA LAS YA MTSAN CHE BCI ZHIG 'BYUNG BAR 'GYUR, GZHAN YANG SPYIR PHUNG KHAMS DBANG PO'I LNGA TSAN GSUM SGRIB BRAL DU GYUR PA'I CHA NAS BZHAG PA'I 'BRAS DUS KYI STONG NYID KYI DBYE BA'ANG KHAS LEN DGOS MOD KYANG, 'DIR NI 'BRAS DUS KYI DGA' BA BCU DRUG GONG DE MA THAG TU DE KHO NA BCU DRUG GIS BSHAD ZIN MA THAG YIN PA DANG, LNGA CHEN GSUM LA THA SNYAD 'DOGS PA'I RGYU MTSAN BSHAD MA THAG PA LTAR YIN PAS, SNYING RJE BCU DRUG 'BRAS DUS KYI DGA' BA BCU DRUG LA BSHAD DU MI RUNG GI LAM DUS LA 'JOG DGOS LA, DE'I PHYIR DE DANG DBYER MED DU SBYOR BA'I STONG NYID BCU DRUG KYANG PHUNG PO SGRIB BRAL DU GYUR PA SOGS 'BRAS DUS KHO NA LA BSHAD DU MI RUNG NGO, ,DES NA GONG DU YAN LAG BCU GNYIS DANG 'DZAG PA'I BAG CHAGS BCU DRUG SGRIB BRAL DU GYUR PA 'BRAS BU'I GNAS SKABS KYI BDEN DON BCU GNYIS DANG DE NYID BCU DRUG TU BSHAD PA DE LA, DE DAG SGRIB BRAL DU BYED PA'I LAM JI LTA BU SNYAM NA, STONG NYID BCU DRUG DANG SNYING RJE BCU DRUG DBYER MED PAR SBYOR BA'I LAM 'DI YIN NO ZHES BYA BA'I DON TE, DE YANG STONG NYID DANG PO BCO LNGA DANG SNYING RJE BCO LNGA NI YUL YUL CAN DBYER MED PAR SBYOR BA YIN LA, SNYING RJE BCU DRUG PA NI MI 'GYUR BA'I BDE CHEN GANG STONG NYID BCU DRUG PA STONG GZUGS PHYAG RGYA CHEN MO DANG DBYER MED PAR SBYOR BA'O, ,DE LTA NA DMIGS BCAS DMIGS MED KYI SNYING RJE GNYIS GA LA LTOS PA'I THABS SHES DBYER MED RDZOGS PAR BSTAN NO,
'JIG RTEN DANG ZHES SOGS LA GZHAN THAMS CAD DBANG LER RGYAS PAR 'CHAD PA'I PHYIR DANG, TSIG DON 'BA' ZHIG GO SLA BA'I PHYIR 'DIR BSHAD MI DGOS LA, 'JIG RTEN LAS 'DAS PA BCU GCIG PA NI, RGYUD GZHAN DU, BZHI PA DE YANG DE BZHIN NO; ;ZHES PA'I NGES PAS DBANG GSUM PA DPER BYAS TE BZHI PA TSIG GI BRDA SPRAD PA'I SGO NAS SNOD RUNG GI DBANG BZHI PA BSKUR BA DE BZHIN DU, RGYUD 'DIR YANG SKU STONG GZUGS PHYAG RGYA CHEN PO DANG THUGS MCHOG TU MI 'GYUR BA'I YE SHES DBYER MED KYI DON GYI DBANG BZHI PA'I MTSAN NYID BLA MA'I ZHAL LA GNAS PA STE BLA MA'I TSIG GIS BRDA SPRAD NAS SNOD RUNG GI DBANG BZHI PA BSKUR BAR BYA LA, DE LTAR BSKUR BA DES DAG BYA LUS DANG DAG LA SOGS PA SGRIB PA MED PA NYID KYIS SBYONG BAR BYED PA'I NUS PA 'JOG PA'O, , ZHES BYA BA STE BLA MA'I ZHAL LA ZHES PA TSIG DBANG DU BSTAN PA MA GO BAR, KHAMS GSUM GYI BLA MA SANGS RGYAS KYI ZHAL LA RAG LAS ZHES SOGS DANG, BLA MA'I ZHAL GYIS GDAMS PA'I SBYOR BA YAN LAG DRUG CES SOGS 'BREL MED KYI BSHAD PA BYAS SO, ,SNOD RUNG GI DBANG THOB NAS LAM RIM GNYIS BSGOM PA'I 'BRAS NGAM, BU DNGOS GRUB GNYIS NI 'DIR PHYAG RGYA GSUM LA BRTEN PA'I DNGOS GRUB GSUM PHYOGS, 'CHAD PA LA, THOG MAR PHYAG RGYA GSUM NI LAS KYI PHYAG RGYA NI ZHES SOGS NI PRA PHAB PA'I RANG BZHIN CAN NO, ZHES PA NI, BRA PHAB PA'I TSE, GZHON NU MAS ME LONG GI NANG DU GZUGS BRNYAN SNA TSOGS MNGON SUM DU MTHONG BA NA, GZUGS BRNYAN GANG SHAR BA DE DANG DE'I RNAM PA SNGON DU RTOG PAS BRTAGS NAS GOMS PA'I DBANG GIS SHAR BA MA YIN PAR
, ,SNGON DU RTOGS PAS DE 'DRA BA'I RNAM PA YID LA MA BYAS KYANG MNGON SUM DU SHAR BAS MA BRTAGS PAR SHAR BA DANG STONG GZUGS KYANG TSUL DE LTA BUR SHAR BA CHOS MTSUNGS PAS BRA PHAB PA LTA BU ZHES GSUNGS KYI, PRA'I SNANG BA MTHONG BA'I TSE DANG STONG GZUGS MTHONG BA'I TSE GANG ZAG DE'I RGYUD LA RTOG PA MED PAR STON PA MIN LA, PRA PHAB PA'I TSE ME LONG GI NANG DU SHAR BA'I SNOD BCUD KYI SNANG BA DE DAG RDUL PHRA RABS BSAGS PA'I GZUGS SU MA GRUB PA LTAR STONG GZUGS KYANG TSUL DE LTA BU YIN PAS DE'I SGO NAS PRA PHAB PA LTA BUR GSUNGS SO, ,DE DAG LA BRTEN NAS 'GRUB PA'I DNGOS GRUB GSUM LA 'DOD PA NA SPYOD PA NI ZHES SOGS KYI DON, 'JIG PA'I BDE BA NYID 'DOD PA'I DNGOS GRUB TU 'CHAD PA MI 'THAD DE, 'DI NI LAS RGYA LA BRTEN NAS KYANG KHAMS PHYIR MI 'DZAG PA'I NUS PA THOB PA NA LAS RGYAL BRTEN NAS THUN MONG GI DNGOS GRUB BSGRUB PA LA BSHAD DGOS PA'I PHYIR DANG, 'DZAG PA'I BDE BA SKABS 'DIR DNGOS GRUB GSUM {RANG DAM},DU PHYE BA'I DANG PO YIN NA, DE'I RGYUR LAM BSGOM PA DANG DBANG BSKUR BA SNGON DU 'GRO DGOS PAS SEMS CAN THAMS CAD LA TSUL DE SNGON DU SONG BAR HA CANG THAL LO, ,DES NA BSKYED RIM PAS PHYAG RGYA LA BRTEN NAS BSGRUB PAR BYA BA'I THUN MONG GI DNGOS GRUB LA GNYIS LAS, 'DOD PA'I SAS BSDUS PA'I DNGOS GRUB NI BSKYED RIM LEGS PAR MTHAR MA PHYIN KYANG, RGYUD GZHAN LAS RAGS PA'I BSKYED RIM MTHAR PHYIN PA'I TSAD DU BSHAD PA DE TZAM GYI BRTAN POR GYUR BA NA, LAS KYI PHYAG RGYA LA BRTEN NAS KYANG 'GRUB LA, DA DUNG ZHI GNAS
MTSAN NYID PA MA GRUB PAS KHAMS GONG GIS SA BSDUS PA MI 'GRUB PA DANG, BSKYED RIM RDZOGS PAR MTHAR PHYIN PA NA ZHI GNAS MTSAN NYID PA 'GRUB PA DANG, LHA'I RNAL 'BYOR MTHAR PHYIN PA'I STOBS KYIS YE RGYAL BRTEN NAS KYANG GZUGS KYI SRID PA'I DNGOS PO'I SAS BSDUS PA'I MTSAN NYID KYI DNGOS GRUB NI 'THOB PAR NUS SO ZHES BYA BA'I DON TO, ,SKU BZHI DANG ZHES SOGS SNGAR BSHAD BYA PHYOGS GCIG TU BKOD PA DE DAG BSHAD ZIN PA'I DON BSDU BA NI, SKU BZHI LA SOGS PA ZHES SOGS SO, ,DRUG PA CHED DU BYA BA GANG GI DON DU BSTAN PA RGYAS PAR BSHAD PA NI, DE LTAR ZHES PA NAS LNGA'I BDAG NYID BSHAD PA DE YANG CHED DU BYA BA MI LA SOGS PA'I ZHES PA NAS, ZHES PA NI YANG DAG PA'I RNAM PAR GSAL BAR BSHAD PA STE RDO RJE'I TSIG TU SBAS PA'I RNAM PAS NI MA YIN NO, ,GNYIS PA DE LAS BSDUS RGYUD SOGS LUNG BSTAN PA RGYAS PAR BSHAD PA LA GNYIS, BSHAD BYA DGONG DE RGYAS PAR BSHAD, DON BSDU BA'O, ,DANG PO NI, MCHOG GI ZHES PA NAS, YONGS SU RDZOGS PA'O, ZHES PA'I BAR TE 'DIR DRANG SRONG RNAMS LA DBANG BSKUR BA LA SHES RAB YE SHES ZHES SMOS NAS BZHI PA MA SMOS PA NI BRAM ZE'I RIGS SU 'DZIN PA GZHOM PA LA DBANG GONG MA GSUM GYIS CHOG PAS BZHI PA MA SMOS SO, ZHES SMRA BA NI SHIN TU MI 'THAD DE, DE LTAR NA DRANG SRONG RNAMS LA RIGS SU 'DZIN PA'I NGA RGYAL GZHOM PA TZAM GYI CHED DU DBANG BSKUR GYI MCHOG GI DNGOS GRUB KYI LAM RDZOGS PAR BSTAN PA'I CHED DU BSKUR BA MA YIN PAR THAL BA'I PHYIR RO, ,DES NA SHES RAB YE SHES LA SHES RAB PHYOGS, YE SHES TZAM DANG SHES RAB YE SHES CHEN PO GNYIS LAS SNGA MA GSUM PA DANG PHYI MA BZHI PA YIN
{tIK CHEN} *, ,PA LA DGONGS NAS, MCHOG TU MI 'GYUR BZHI PA DE NYID NI, SANGS RGYAS RNAMS KYI SHES RAB YE SHES TE, ZHES SOGS DU MA GSUNGS PA MA GO BA'I MUN SPRUL LO LHAG MA GO SLA'O, ,GNYIS PA NI, DE'I PHYIR ZHES SOGS SO, ,BZHI PA MDOR BSDUS KYI MTSAN BSTAN PA NI, BSDUS PA'I RGYUD KYI ZHES SOGS SO, ,SMRAS PA, DRI MED 'OD DKAR DRA BAS 'BYUNG BA RGYUD CHEN RGYU SKAR BDAG PO'I DPAL, ,DAL BABS SI TA'I LHO PHYOGS RGYUD 'DIR 'BIGS BYED RI BO'I KHONGS SU YANG, ,SAR PAR 'ONGS PA'I DGA' STON 'DI LTAS SNGON DUS BYUNG BA BRJOD PA GANG, ,BDEN MIN TSIG CES GANGS LDAN BAR DU LHA DAG SGROGS PA MA YIN NAM, ,BCOM LDAN 'DAS DPAL MCHOG GI DANG PO'I SANGS RGYAS KYI RTZA BA'I RGYUD LAS PHYUNG BA BSDUS PA'I RGYUD KYI RGYAS 'GREL DRI MA MED PA'I 'OD KYI RGYA CHER BSHAD PA DE KHO NA NYID SNANG BAR BYED PA ZHES BYA BA LAS MDOR BSDUS GNYIS PA'I RNAM PAR BSHAD PA'O, ,? ,,DPAL LDAN SA BCU'I RTZER GSHEGS NAS, ,KA L'A PA DER SENG+GE'I KHRI, ,RNAM GNON RIGS LDAN GRAGS PA DANG, ,PAD DKAR 'DZIN PAR PHYAG 'TSAL NAS, ,DE NYID RIGS SU SKYES PA BDAG ,RANG RIGS LA 'OS RGYAL SRID CHE, ,BZUNG SRAD 'BYUNG PO BDE BYED KYI, ,RGYAL THABS RDZOGS LDAN LTA BU BYA, ,DA NI STON PA DANG GSOL 'DEBS PA PO'I 'BREL BA LA BRGAL LAN SOGS KYI SGO NAS GTZO BOR MDOR BSDUS GNYIS PA'I DOGS GCOD KYI YAN LAG BSTAN PA'I MDOR BSDUS LA GSUM, BSHAD PAR DAM BCA' BA, MDOR BSDUS DNGOS BSHAD PA, MDOR BSDUS KYI MTSAN BSTAN PA'O, ,DANG PO NI, DA NI 'GREL PA 'DIR RTZA RGYUD STON PA PO DANG GSOL BA 'DEBS
PA PO'I 'BREL PA LA YANG DOGS PA SPANGS PA'I SGO NAS JI LTAR 'GREL PA'I TSUL LA SOGS PA BRJOD PAR BYA'O, ,GNYIS PA LA GNYIS, RTZA RGYUD STON PA PO DANG ZHU BA PO'I 'BREL PA LA DOGS PA SPANGS NAS JI LTAR 'BREL PA BSHAD PA DANG, RTZA RGYUD DANG BSDUS RGYUD KYI 'BREL PA LA SOGS PA BSHAD PA'O, ,DANG PO LA GNYIS, DOGS PA DGOD PA DANG, DE'I LAN BSTAN PA'I, ,DANG PO NI, GAL TE NA ZHES SOGS KYI DON LA, KHA CIG SNGA MA 'DUS PA'I RTZA RGYUD DANG PHYI MA DUS 'KHOR RTZA RGYUD GNYIS 'GAL BAR RTZOD PA LA 'CHAD PA NI RGYUD DE GNYIS SNGA PHYI DE LTAR GSUNGS PA LA SHES BYED MED CING SKABS SU MA BAB LA, YANG KHA CIG SNGA MA RTZA RGYUD DANG PHYI MA BSDUS RGYUD 'DIR ZHES ZER BA BAM, YANG SKABS DON DANG 'BREL CHUNG NGO, ,DES NA STON PA PO LA BZHAG PA'I SNGA PHYI RTZA RGYUD STON PA PO SPRUL SKU SHA'KYA THUB PA NI PHYI MA DANG, DE SPRUL PA PO NI SNGA MA YIN LA, 'ON KYANG DE GNYIS 'GAL BAR RTZOD PHYOGS, BA MA YIN ZHING, SH'AKYA THUB PA RGYUD STON PA POR 'BREL BA PHA ROL POS KHAS BLANGS NAS RGAL BA YIN PAS 'DIR DE 'DRA'I SNGA PHYI LA YANG MI BYA'I, RGYUD ZHU BA PO LA BZHAG PA'I SNGA PHYI NI SPRUL PA PO PHYAG RDOR SNGA MA DANG, NGES SPRUL BA'I ZLA BZANG PHYI MA YIN LA, DON LA DE LTAR YIN KYANG PHA ROL POS SNGA PHYI DE GNYIS RGYUD GCIG PAR MA NGES PA'I DBANG GIS 'DIR RTZOD PA YIN NO, ,DES NA BYANG CHUB SEMS DPAS MDZAD PA'I RGYUD KYI 'GREL BSHAD MA THOS SHING MA SHES PA'I DBANG GIS SNGA MA SGRUB PA PO PHYAG RDOR DANG, ZLA BZANG DES SPRUL BA'I PHYI MAR MA GO BA'I RTZOD PA'I TSIG 'BYUNG BAR 'GYUR TE, JI LTA BU 'BYUNG NA RDO RJE THEG PA 'DI LA, ZHES SOGS TE, RGYUD THAMS CAD SDUD
, ,PA POR GSUNGS PA'I PHYAG RDOR ZHU BA POR RIGS KYI, ZLA BZANG MA YIN TE, MNGAL SKYES YIN PA'I PHYIR DANG, DE RGYUD SDUD PA POR BRGYUD GZHAN GANG DU'ANG LUNG BSTAN PA MED PA'I PHYIR RO, ,DES NA RGYAL BA SH'AKYA THUB PA DANG DE STON PA PO DANG GSOL BA 'DEBS PA POR 'BREL BA 'GAL LO ZHE NA, ZHES PA'I DON TO, ,GNYIS PA LA GNYIS, RGYAL BA SH'AKYA THUB PA'ANG RGYUD STON PA POR MI 'THAD PAR THAL BA DANG, DE GNYIS MI MTSUNGS PA'I RGYU MTSAN GYIS LAN DGAG PA'O, ,DANG PO LA GNYIS LAS MDOR BSTAN PA NI, DE'I PHYIR ZHES SOGS DANG, DE RGYAS PAR 'CHAD PA NI, SNGAGS KYI THEG PA 'DI LA ZHES SOGS TE, SH'AKYA THUB RGYUD STON PA POR MI RIGS PAR THAL, LHA MO SGYU 'PHRUL MA'I LHUMS NAS BLTAMS PA'I MNGAL SKYES YIN PA'I PHYIR, ZHES PA'I DON TO, ,GNYIS PA LA GNYIS, DE GNYIS MI MTSUNGS PA'I LAN DGOD PA DANG, DE DGAG PA'O, ,DANG PO NI, YAR THEG PA THUN MONG GI MDO'I SGRAS ZIN TZAM LA ZHEN PA 'GA' ZHIG GIS MDZAD PA BCU GNYIS 'PHAGS PA'I YUL DU BSTAN PA'I TSE SROD LA GZHAN 'PHRUL DBANG BYED KYI BDAG PO DGA' RAB DBANG PHYUG GI DMAG TSOGS BCOM NAS PHYI ROL GYI BDUD BTUL BA'I TSUL BSTAN PA DE KHO NA BCOM LDAN 'DAS KYIS BDUD BCOM PA'I DON DANG, DE'I THO RANGS 'TSANG RGYA BA'I TSUL STON PA DE NYID SNGAR SANGS MA RGYAS PA GSAR DU SANGS RGYAS PAR BZUNG NAS SMRAS PA, DE GNYIS MI MTSUNGS TE SH'AKYA THUB PA DE YI MNGAL NAS BYUNG BA'I RJES SU 'TSANG RGYA BA'I SNGAR SROD LA BDUD BCOM PA BYAS SHING DE'I THO RANGS THUGS RGYUD
RDZOGS PA'I BYANG CHUB BSKYED DE, DE NAS THAMS CAD MKHYEN PA CHOS STAN PAR BYED PA POR GYUR TO, ,MYA NGAN LAS 'DAS PA'I RJES LA MAR ME SHI BA LTAR LHAG MA MED PA'I MYANG 'DAS THOB PAS SLAR YANG MNGAL DU 'JUG PA MED GO ,ZLA BZANG GIS RGYUD BSDUS PA'I SNGON DU BDUD BCOM PA MED PA'I PHYIR RO, ,SHES PA'I LAN SMRA NA, GNYIS PA LA DRUG, SROD LA PHYI ROL GYI BDUD BCOM PA'I TSUL BSTAN PA DE KHO NA BDUD BCOM PA'I DON YIN PA DGAG, BCOM LDAN 'DAS 'PHAGS PO'I YUL DU PHYI ROL GYI BDUD BCOM PA'I TSUL BSTAN PA DE'I SNGON DU SANGS RGYAS ZIN PAR BSTAN, BDUD DANG DE BCOM PA'I DON DNGOS PO LA GNAS PA BSHAD PHYI ROL GYI BDUD 'JOMS PA'I TSUL DE LTA BU'I GDUL BYA'I SNANG NGOR BSTAN, SANGS RGYAS BYANG SEMS RNAMS GDUL BYA'I DON DU LAN DU MAR 'KHOR BAR 'JUG PA'I TSUL BSAM GYIS MI KHYAB PAR BSTAN, DES NA SH'AKYA THUB PA DANG ZLA BZANG STON PA DANG ZHU BA BOR 'BREL BAR BSTAN PAS MJUG BSDU BA'O, ,DANG PO NI, PHYOGS SNGA MA'I TSIG DE LAS NI BDUD BCOM PA DANG DE'I RJES SU SANGS RGYAS PA GNYIS SHIN TU 'GAL BA STE, DE'I PHYIR DE NYID DE GNYIS MI MTSUNGS PAR SGRUB BYED DU MI 'THAD DE, RTAGS RANG NYID MA GRUB PA YIN PAS BSGRUB BYA GZHAN GYI SGRUB BYED YANG DAG MA YIN PA'I PHYIR RO, ,KHA CIG DAM, RANG NYID SANGS RGYAS SU MA GRUB PAR GZHAN SHES BYA THAMS CAD MKHYEN TE CHOS STON PA SOGS KYI SGRUB BYAD MA YIN PA'I PHYIR, ZHES 'CHAD PA NI TSIG DON LA MA ZHUGS SHING, 'OG GI 'DIR ZHES SOGS DANG MA 'BREL LO, ,SNGON DU
, ,BDUD BCOM PA DANG DE'I RJES SU SANGS RGYAS PA GNYIS 'GAL BA'I RGYU MTSAN CI ZHE NA, DE 'CHAD PA NI, 'DIR ZHES SOGS KYI DON, DE GNYIS 'GAL BAR THAL, SANGS RGYAS MA YIN KYANG BDUD MA LUS PAR BCOM PA 'GRO BA GANG GI RIS NA'ANG MI SRID PA'I PHYIR ZHES PA'O, ,KHA CIG NA RE 'O NA SANGS RGYAS PA'I PHYIS BDUD 'JOMS PAR SMRA'O ZHE NA, DANG POR ZHES SOGS TE, DE'ANG MI 'THAD PAR THAL, SANGS RGYAS YIN NA RANG DUS NA SGRIB PA SPANGS PAS KHYAB PA'I PHYIR, ZHES PA'O, ,GAL TE SANGS RGYAS PA DANG BDUD 'JOMS PA'I BYA BA BYED PA DUS MNYAM PA YIN NO ZHE NA, SANGS RGYAS PA DANG CIG CHAR YANG BDUD 'JOMS PA'I BYA BA MI BYA BA MI BYED DE, GANG GI TSE DA DUNG BCOM PAR BYA BA'I BDUD YOD PA DE'I TSE SANGS RGYAS NYID MA YIN TE, DA DUNG RANG GIS BCOM DGOS PA'I BDUD YOD NA SEMS SGRIB PA DANG BCAS PA STA MA SPANGS PA YIN DGOS PA'I PHYIR RO, ,GANG GI TSE SANGS RGYAS NYID YIN PA DE'I TSE DA DUNG BCOM DGOS PA'I BDUD MED DE, SANGS RGYAS YIN NA SEMS SGRIB PA DANG BRAL BA'I PHYIR ZHES PA'I BRTAG PA GSUM PA 'DI LAS GZHAN DU 'GYUR BA CI ZHIG YOD, GNYIS PA NI, BCOM LDAN 'DAS LHA MO SGYU 'PHRUL GYI MNGAL NAS 'BYUNG BA'I GONG DU SANGS RGYAS PA YIN GYI, DE'I PHYIR SNGAR SANGS MA RGYAS PA GSAR DU 'TSANG RGYA BA MIN TE, SANGS RGYAS BCOM LDAN 'DAS MA GTOGS PA STE, SANGS RGYAS MA YIN BA BUD MED KYI MNGAL NAS SKYES PA GZHAN NI SKYES MA THAG NAS SKYES BU CHEN PO'I ZHES PA NAS, MNGON PAR SHES PA DRUG DANG LDAN PA 'DZAM GLING LAS SKYI SA 'DIR YANG YOD PA MA YIN NA, GZHAN DU SRID PA LTA SMOS KYANG CI DGOS PA'I PHYIR RO, ,GSUM PA NI, 'O NA KHYED
CAG RANG LUGS LA BDUD 'JOMS PA'I TSUL JI LTA BU ZHE NA, BDUD BCOM PA'I DON MDZAD PA BCU GNYIS BSTAN PA'I YA GYAL GYI BDUD BCOM PA'I TSUL BSTAN PA DE KHO NA YIN NA, JI LTAR 'JOMS TSUL GONG DU BRTAG PA BYAS PA'I PHYOGS GSUM PO DE LAS MI 'DA' LA, GSUM PO GANG YANG MI 'THAD PA DE'I PHYIR BDUD CES BYA BA NI PHYI ROL GYI KHO NA MA YIN GYI GTZO BOR SEMS CAN RNAMS KYI 'KHOR BA'I SEMS KYI BAG CHAGS KYI DRI MA'O, ,SANGS RGYAS NYID CES BYA BA NI 'KHOR BA'I BAG CHAGS DANG BRAL BA'I SEMS SO, ,'O NA BDUD 'JOMS PA'I DON PHYI ROL GYI BDUD 'JOMS PA KHO NA LA BYAS NA SNGAR BRJOD PA'I BRTAG PA GSUM PO DER KHA TSON CHOD CING GSUM PO GANG YANG MI 'THAD LA, SEMS KYI DRI MA BDUD DU BYAS PA NA DE 'JOMS TSUL BRTAG PA GSUM PO DER KHA TSON MCHOD PA'AM CHOD KYANG GANG RUNG GCIG TU KHAS BLANGS PA LA SNGA MA LA SKYON BRJOD PA MI MTSUNGS PA'I KHYAD PAR CI LTA BU YOD SNYAM NA, 'DI NI MNGON PA KUN LAS BTUS LAS, GNYEN PO ZAG MED KYI YE SHES SKYE BA DANG, DE'I NGO SKAL GYI SPANG BYA 'GAG PA SNANG MUN BZHIN DU DUS MNYAM PAR GSUNGS PA DANG MTHUN PAR NANG GI BDUD SEMS KYI DRI MA'I BAG CHAGS MA LUS PAR 'GAG PA LA MNGON DU PHYOGS PA DANG, SANGS RGYA BA LA MNGON DU PHYOGS PA DUS MNYAM LA, SANGS RGYAS PA DANG BDUD BCOM PA DUS MNYAM PA YIN ZHING, TSUL 'DI NANG LA RUNG YANG MDZIN PA BCU GNYIS KYI YA GYAL PHYI'I BDUD BCOM PA'I TSUL BSTAN PA DE KHO NA BDUD 'JOMS PA'I DON DU 'DOD PA LA TSUL DE MI RUNG STE, SROD LA BDUD BCOM PA
, ,DAD THO RANG SANGS RGYAS PA DUS MNYA PAR BYAR MED PA'I PHYIR RO, ,SANGS RGYAS PA'I SEMS DRI MA THAMS CAD DANG BRAL BA DE LTAR YANG, BCOM LDAN 'DAS KYIS SHES RAB KYI PHA ROL TU PHYIN PA LAS, SANGS RGYAS PA'I SEMS GANG ZHIG 'OD GSAL BAR YOD PA'I SEMS DE NI DRI MA DAD BCAS PA'I SEMS MA YIN NO, ZHES RANG BZHIN GYIS 'OD GSAL BAR GSUNGS TE, DE LTAR GSUNGS PA'I 'OD GSAL BA DE NYID NI RANG BZHIN RNAM DAG TZAM MA YIN GYI, GLO BUR GYI 'KHOR BA'I BAG CHAGS DANG BRAL BA'I SEMS SO ZHES PA'I DON TO, ,YANG NA 'DI LTAR SEMS GANG ZHIG RANG BZHIN GYIS YOD PA'I SEMS DE NI THA SNYAD TZAM DU YANG BYA BA BYED NUS KYI SEMS MA YIN NO ZHES SEMS RANG BZHIN GYIS GRUB PAR 'DZIN PA'I DRI MA'I 'DZIN STANGS KYI MUN PA SEMS KYI RANG BZHIN LA MA ZHUGS PAS SEMS RANG BZHIN GYIS 'OD GSAL BAR GSUNGS TE, DES NA SEMS CAN THAMS CAD KYI SEMS KYANG RANG BZHIN GYIS RNAM PAR DAG PAR GNAS PA'I PHYIR DE TZAM ZHIG GIS SANGS RGYAS PA 'JOG MI NUS PAS, SANGS RGYAS DE NYID NI GLO BUR GYI DRI MA 'KHOR BA'I BAG CHAGS DANG BRAL BA'I SEMS SO, ZHES BSHAD NA 'OD CHES LEGS SO, ,'KHOR BA'I BAG CHAGS ZHES PA NYON MONGS PA'I BAG CHAGS TE, NYON MONGS NYON SGRIB YIN PAS DE'I BAG CHAGS SHES SGRIB YIN NO, ,KHA CIG RANG PA, SEMS GANG ZHIG MI 'GYUR BA'I BDE BA'I RANG BZHIN DU YOD PA'I SEMS DE NI GNAS SKABS BZHI'I 'PHO BA'I BAG CHAGS KYI DRI MA'I RANG BZHIN GYI SEMS MA YIN NO, ZHES 'CHAD KYANG 'PHOB NI
PHYIN THEG PA'I MDO'I TSIG DON RDZOGS RIM LA SBYAR NAS BSHAD PAS MI LAGS LA, YANG GZHAN DAG DON DAM PA'I SEMS GANG ZHIG RANG BZHIN GYIS 'OD GSAL BA YE SHES SU YOD PA'I SEMS DE NI RNAM SHES KYI SEMS MA YIN NO, ,ZHES PA DANG, RANG BZHIN PAR YOD PA'I SEMS DE NI GLO BUR PA'I SEMS MA YIN NO, ZHES SMRA BA NI SEMS DOL, RTAG PA BDEN GRUB KHAS LEN BA MU STEGS KYI LUGS SO, ,DE'I PHYIR BDUD NI ZHES SOGS DE DAG RNAMS KYI DON BSDU BA'O, ,BZHI PA NI, 'O NA DE NYID KYI GONG DU BDUD BCOM ZIN NA MDZAD PA BCU GNYIS KYI YA GYAL GYI PHYI'I BDUD 'JOMS PA CHOGS, DE JI LTA BU ZHIG YIN ZHE NA, 'DIR PHYI ROL DU SANGS RGYAS KYIS BDUD BCOM PA GANG YIN PA DE NI GDUL BYA'I NGOR TSUL BSTAN PA TZAM YIN PAS, RMI LAM BZHIN DU GDUL BYA'I SEMS CAN RNAMS KYI RANG GI SEMS KYI SNANG BA TZAM YIN NO DON DAM PAR STE GDUL BYA'I NGOR TSUL BSTAN PA TZAM MA YIN PA'I DNGOS PO LA DE BZHIN GSHEGS PA'I THUGS DRI MA THAMS CAD DANG BRAL BA'I YE SHES NI RGYAS PAR LE'U LNGA BAR BRJOD PAR BYA'O, ,LNGA PA LA GSUM, MDOR BSTAN PA, RGYAS PAR BSHAD PA, DES NA BCOM LDAN 'DAS DANG PHYAG RDOR YANG GDUL BYA'I DON DU MNGAL BZUNG BAR BSTAN PA'O, ,DANG PO LA SPYIR BSTAN PA DANG, MTSAN GZHI DPER BRJOD PAR DON BSDU PA'O, , DANG PO NI, 'DIR ZHES PA NAS, BRJOD PAR BYA STE BSAM PAR NUS PA MA YIN NO, ,GNYIS PA NI, 'JIG RTEN DBANG PHYUG BDAG CES SOGS TE, TSIG RKANG GNYIS PA NI, DE NI CHOS THAMS CAD RANG BZHIN GYIS STONG PA'I DON DAG STON PAR MDZAD KYANG DUS LAS MI YOD
, ,PAR RANG RANG GI LAS KYI 'BRAS BU GTONG BA MA YIN PAR MYONG BA'I STONG NYID DANG, RTEN 'BREL DBYER MED PAR YANG STON PAR MDZAD CES DANG, MDZAD SPYOD BRTAG MIN NI SO SKYES BSAM GYIS MI KHYAB CING BRTAG PAR MI NUS PA YIN LA LHAG MA GO SLA'O, ,RNAM 'JOMS KYI RGYUD RGYAS PA RDO RJE RI RAB CHEN PO'I RTZE MO'I KHANG PA BRTZEGS PA'I GZUNGS SU 'BYUNG BA, BYANG SEMS RDO RJE SNYING POS CHOS 'PHRUL BSTAN PAS DANG BA SKYES TE, NGAN 'GRO LAS GROL NAS, SUM CU RTZA GSUM DU SKYES PA'I LHAS BCOM LDAN 'DAS LA BSTOD PA LA YANG TSIG 'DI LTAR 'BYUNG YANG, DE 'DRA'I RIGS KYI TSIG THUN MONG BA MDO SDE NA'ANG SHIN TU MANG BAS 'GAL BA MED DO, ,GSUM PA NI, DE'I PHYIR ZHES SOGS SO, ,GNYIS PA RGYAS PAR BSHAD PA LA GNYIS DON DNGOS, DE NYID SGYU MA'I DPES BSTAN PA'O, ,DANG PO NI, PHA ROL TU PHYIN PA ZHES SOGS BYANG SEMS DANG SANGS RGYAS KYI MDZAD PA STON PA'I GZHUNG MTSAN GNYIS TE DU MA NI MA YIN NO, ZHES PA RNAMS SPRUL PA PO GCIG GIS SKU'I RNAM PA MTHA' YAS PA DUS GCIG TU BSTAN PA DE RNAMS RGYUD DU MA NI MA YIN NO, ,ZHES BYA BA'I DEN YIN LA, LHAG MGO SLA'O, ,GNYIS PA NI, DPER NA ZHES SOGS TE, SGYU MA'I SKYES BU CHEN PO DE RGYUD DU MA NI MA YIN NO, ,DE BZHIN DU SANGS RGYAS BYANG CHUB SEMS DPA' RNAMS KYIS SGYU MA'I SNANG BA DANG MTSUNGS PAR BSTAN PA'I SPRUL PA'I SKU DAG GIS ZHES SOGS SO, , GSUM PA NI, DES NA CES SOGS TE, MNGAL 'DZIN PA'I SNGAR SA BCU GNYIS KYI DBANG PHYUG TU GYUR ZIN PA YIN KYANG, GDUL BYA'I DON LA MKHAS PA GDUL BYA RANG RANG GI BLO DBANG TZAM PA'I SKU MTHA' YAS PA'I RNAM PA STON PA'I SGYU 'PHRUL CHEN PO 'CHANG BA STE 'DZIN CING
DE GDOD BDUD 'JOMS PA DAG GSAR DU TSANG RGYA BA SOGS DNGOS PO LA GNAS PA DANG MI MTHUN PAR STON PA'I SGYU 'PHRUL CHEN PO'I MIG 'PHRUL DANG LDAN PA ZHES BSHAD PAR BYA'I NOR BU'I LTE BA'I BAR DU MI 'PHO BA'I BDE BA RIG PAS MKHAS PA, CHAGS PA DANG CHAGS BRAL MED PAS CHAGS PA CHEN PO'I NGO BO, ,SGYU 'PHRUL CHEN PO ZHES SOGS SU BSHAD KYANG, SKABS DON LA 'GRIG PAR MI 'GYUR RO, ,DRUG PA NI, SANGS RGYAS SH'A KYA THUB PA DANG BYANG CHUB SEMS DPA' ZLA BA BZANG PO 'DI GNYIS SPRUL PA'I SKU DAG GIS RGYUD STON PA PO DANG GSOL PA 'DEBS PA POR 'BREL LA, RGYAL BA SH'AKYA THUB PA SPRUL PA PO DANG PO'I SANGS RGYAS DANG BYANG CHUB SEMS DPA' PHYAG NA RDO RJE 'DI GNYIS LONGS SPYOD RDZOGS PA'I SKU DAG GIS STON PA PO DANG GSOL BA 'DEBS PA POR 'BREL BA YIN TE, DE'I PHYIR SNGA MA PHYAG RDOR SDUD PA PO YIN PA DANG PHYI MA ZLA BZANG SDUD PA PO YIN PA 'GAL BA MED PA'I PHYIR DE LTAR RTZOD PA 'JUG PA NI GNAS MED DO, ,'DIS RGYAL BA SH'A KYA THUB PA SPRUL PA PO LONGS SKU MTSAN DPES BRGYAN PA'I RNAM PA CAN GYI RGYUD STON PA POR GSAL BAR BSHAD DO, ,GNYIS PA RTZA RGYUD DANG BSDUS RGYUD KYI 'BREL PA LA SOGS PA BSHAD PA LA GSUM, ,RTZA RGYUD GSUNGS TSUL, DE LAS SPRUL PA'I RGYAL PO RNAMS LUNG BSTAN TSUL, LUNG BSTAN PA LTAR BYA BA MDZAD TSUL LO, ,DANG PO LA GNYIS, ZLA BA BZANG POS GSOL BA BTAB TSUL DANG, DE'I NGOR DE BZHIN GSHEGS PAS RGYUD BSTAN TSUL LO, ,DANG PO NI, PHYAG NA RDO RJE ZHES SOGS SO, ,GNYIS PA NI, DE BZHIN GSHEGS PAS KYANG ZHES SOGS SO, ,GNYIS PA LA GSU, RTZA RGYUD LAS LUNG BSTAN TSUL MDOR BSTAN PA, DE'I SHES BYED KYI RTZA
, ,RGYUD DGOD PA, DE DAG GI DON BSDU BA'O, ,DANG PO NI, MA 'ONGS DUS SU ZHES PA LA SOGS PA'O, ,GNYIS PA LA GNYIS, 'TSAMS SBYAR BA DANG, LUNG DNGOS SO, ,DANG PO NI, 'DIR ZHES SOGS SO, ,GNYIS PA LA LNGA, GRAGS PA RIGS LDAN DU LUNG BSTAN PA, DES RTZA RGYUD GANG LA STON PA'I GDUL BYA'I DOGS PA LA LTOS NAS DER AE WAm GYI TSIG MA SMOS PAR BSTAN PA, DES BSDUS RGYUD SDUD CING PAD DKAR GYIS RGYAS 'GREL BYED PAR LUNG BSTAN PA, KHRO BO DANG BYANG SEMS GANG GIS SPRUL PA'I RGYAL PO GANG 'BYUNG BA RGYAS PAR LUNG BSTAN PA, GRAGS PAS RTZA RGYUD SDUD PA'I PAD KAR GYIS 'GREL 'BYED TSUL GYIS MJUG BSDU BA'O, ,DANG PO NI, THUB PAS RTZA BRGYUD BSTAN PA'I LE 'DI NAS NI DRUG BRGYA 'DAS PA'I LO YIS BRAM ZE'I DRANG SRONG NYI MA'I SHING RTA LA SOGS PA RNAMS SMIN PA'I DON DU 'JAM DBYANGS KYI SPRUL PA MI BDAG GRAGS PA NI SHAM+BHA LA ZHES BYA BAR 'BYUNG LA, 'DI YI BTZUN MO SGROL MA'I SPRUL PA LHA MO CHEN MOR 'GYUR RO, ,SRAS NI PAD DKAR 'DZIN PA 'JIG RTEN DBANG PHYUG GI SPRUL PA STE, THUB PA BDAG GI SHA'KYA'I RIGS RGYAS PA GO'U TA MA ZHES BYA BA'I RGYUD LAS BYUNG BA ZLA BZANG KHYOD KYI RIGS BRGYUD LA 'BYUNG BA'O, ,DE NI 'JAM DPAL GYI SPRUL PA YIN PAS SMRA MKHAS PA RDO RJE'I RIGS KYI DBANG BSKUR BA DANG LDAN PA'I RGYAL PO GRAGS PA DE NYID KYIS RDO RJE'I RIGS KYI DBANG BSKUR BA LAS NI GDUL BYA MI RIGS BZHI THAMS CAD RDO RJE'I RIGS SU RIGS GCIG PAR BYAS PA GANG YIN PA DES STE DE'I RGYU MTSAN GYIS RGYAL PO GRAGS PA LA RIGS LDAN ZHES BRJOD PA YIN GYI, RIG BYED PAR
DAG MA 'ONGS PA NA BRAM ZE GRAGS PA ZHES BYA BA 'BYUNG BAS MI RIGS BZHI PO THAMS CAD BRAM ZE'I RIGS GCIG TU BYED PAR 'GYUR BAS RIGS LDAN NO ZHES ZER BA LTAR TSANGS PA'AM BRAM ZE'I RIGS SU BYAS PA NYID KYIS RIGS LDAN DU 'JOG PA MA YIN NO, , GNYIS PA NI, DE LTA BU'I RIGS LDAN GRAGS PA DES TSANGS PA'I DRANG SRONG NYI MA'I SHING RTA 'KHOR DANG BCAS PA RNAMS LA CHOS RTZA RGYUD STON PA'I TSE 'DI SKAD BDAG GIS THOS PA ZHES PA'I TSIG 'DIS BSTAN NA, STON PA SHA'KYA THUB PA DE RANG NYID KYIS KYANG GZHAN LAS THOS PA'I DBANG GIS 'CHAD PA'I PHYIR DE KUN MKHYEN MA YIN NO ZHES PA'I RTZOD PA STE DOGS PA 'BYUNG BAR 'GYUR BAS, DE'I PHYIR RGYUD 'DIR RGYUD GZHAN LAS 'DI SKAD BDAG GIS THOS PA ZHES SOGS KYIS BSTAN PA'I DON DE NYID SANGS RGYAS SENG GE'I KHRI ZHES SOGS TSIG GI RNAM PA GZHAN GYIS CHOS BSTAN TE, DE'I RGYU MTSAN YANG TSIG GI RNAM PA GANG DANG GANG DAG GIS SEMS CAN RNAMS NI YONGS SU SMIN PAR BYED PA'I RNAM PA DE DANG DE DAG GIS CHOS NI BSTAN PAR BYA BA YIN GYI SGRA DANG SGRA NYAMS DAG GIS KYANG STE DE LA BRTEN NAS KYANG BRJOD BYA'I CHOS BZANG PO RNAL 'BYOR PA NI 'BAD PAS 'DZIN PAR NUS BZHIN DU DON LA MI RTON PAR TSIG 'BRU LA RTON PAR MI RIGS PAS YUL GYI SGRA PHAL PA YIS KYANG SNYING PO'I DON RNYED PA DE LA NGES BAR BRDA SPROD PA'I BSTAN BCOS LA GRAGS PA'I LEGS SBYAR GYI SGRA KHO NA YIS NI CI ZHIG BYA JI LTAR TE DPER NA SA LA STE SA'I STENG NA RIN CHEN GCIG NYID KYANG MING GI DBYE BA MI 'DRA BA THA DAD THA DAD NI YUL GZHAN DANG DE LAS YUL GZHAN GYI BRDA
, ,'DOGS TSUL GYIS SKAD MI 'DRA PA'I DBANG GIS BRJOD KYANG, MING MI 'DRA BA DE DAG THAMS CAD KYIS KYANG DON RIN PO CHE GCIG PO NYID GO BAR BYED PA LA DBYE BA STE KHYAD PAR 'GA' YANG MED PA DE BZHIN DU, STON PA BDAG GI MA DAG PA'I CHOS BSTAN PA'ANG YUL SO SO'I GDUL BYA'I SKAD DANG MTHUN PAR MING SNA TSOGS PAS STON LA SDUD PAR BYED PA PO SNA TSOGS KYIS KYANG SEMS CAN GYI BSAM PA'I DBANG GIS MING SNA TSOGS THA DAD THA DAD KYIS BRJOD NAS SDUD PAR BYED DO, ,RGYU MTSAN DAS NA RGYUD GZHAN DU AE WAm ZHES SOGS KYI TSIG GIS BSTAN PA'I SNYING PO'I DON RNAMS BRJOD BYAR BSDUS PA THAMS CAD MKHYEN PA YE SHES SKU LA SOGS PA'I GLING GZHI'I TSIG 'DI RGYUD 'DIR BDAG 'DOD DO, ,'DI'I BDAG 'DOD CES PA 'JAM DPAL GRAGS PA BDAG 'DOD CES PA LA SBYAR DU MI RUNG STE, RTZA RGYUD STON PA PO'I GSUNG YIN PA'I PHYIR RO, ,DES NA SNYING PO'I DON BSDUS ZHES PA'ANG RTZA RGYUD KYI SNYING PO'I DON BSDUS PA'I BSDUS RGYUD LA BYAR MI RUNG NGO, KHA CIG THEG PA KUN GYI SNYING PO'I DON BSDUS ZHIS PA DANG, KHA CIG RGYUD THAMS CAD KYI SNYING PO'I DON BSDUS PA 'DI LA ZHES 'CHAD KYANG SKABS DON LA MI 'BYOR RO, ,DE LA 'DI SNYAM DU, 'DI SKAD BDAG GIS THOS PA ZHES SOGS KYI SKAD DOD AE WAm MA YA SOGS PHYOGS LA TSUL BZHI'I BSHAD PA BYED PA NI RGYUD SDE CHEN PO DAM, DAG LA YONGS SU GRAGS SHING, DPAL LDAN 'DUS PA'I BSHAD RGYUD KYIS KYANG DE LTAR BSHAD DO, ,DE BAS NA DE NYID YI GE'I DON DU BSHAD PA NA, 'DI SKAD BDAG GIS THOS PA SOGS SDUD PA PO'I TSIG TU BYA DGOS SHING, DE'I TSE
SDUD PA PO DANG STON PA RGYUD THA DAD KYI TSUL DU BYAS PA YIN PA'I PHYIR DE LTAR BSHAD PA LA BRTEN NAS STON PAS RGYUD 'DI GZHAN LA THOS PA YIN NO SNYAM PA'I DOGS PA SKYE BA'I SKABS MED LA, SPYI DON DU 'CHAD PA'I TSE BSKYED RIM LA SBYAR NAS 'CHAD KYI RGYUD KYI TSIG THOS PA LA MI 'CHAD CING, SBAS DON DANG MTHAR THUG GI DON DU 'CHAD PA NA AE WAm SOGS RDZOGS RIM LA SBYAR NAS 'CHAD KYI RGYUD KYI TSIG THOS PA LA MI SBYOR BA'I PHYIR, TSUL DE LTAR BSHAD PA LA BRTEN NAS KYANG STON PAS RGYUD 'DI'I TSIG GZHAN LA THOS NAS 'CHAD PA YIN NAM SNYAM PA'I DOGS PA SKYE BA'I GO SKABS MED PAS DOGS PA DE 'DRA GCOD PA'I CHED DU, AE WAm MA SMOS SO, ZHES BSHAD PA 'DI NI BRTAG MI BZAD DO ZHES DOGS PAR BYED NA, DE LA BSHAD PAR BYA STE, BLA MED KYI RGYUD KYI THOG MAR BZHUGS PA'I GNAS STON PA LA SOGS PA'I GLENG GZHI'I TSIG LA AE WAm MA YA SOGS SMOS NA DE NYID LA TSUL BZHI'I SGO NAS 'CHAD DGOS PA NI BDEN MOD KYI, DE'I PHYIR 'DIR AE WAm GYI TSIG MA SMOS PA YIN NO, ,'DI JI LTAR SHES PAR BYA SNYAM NA, GAL TE DE LTAR SMOS NAS AE WAm SOGS KYI TSIG GI SGRAS ZIN GYI NUS PAS THON TSOD KYI BSHAD PA NI NGES PAR TSIG DE SDUD PA PO'I TSIG TU BYAS NAS BSHAD DGOS KYI, AE WAm GYI DES DE NA THABS SHES KHYAD PAR CAN STON PA LA SBYAR DU MED LA, YI GE'I DON DU 'CHAD PA NA, SDUD PA PO'I TSIG TU BYA DGOS PA NI KHYED RANG NYID KYIS KYANG KHAS BLANGS SO, ,BLA MED KYI RTZA BA'I RGYUD RGYAS PA'AM NYUNG NGU'I RGYUD GANG YIN YANG RUNG STE, RGYUD DE DAG GI DUM BU BKOL BA SOGS MA YIN PAR RGYUD GZHUNG RDZOGS PA YIN NA NI DE'I THOG MA'I BZHUGS PA'I GNAS LA SOGS PA STON PA'I GLENG GZHI'I TSIG GIS BRJOD BYA'I
, ,GTZO BO THABS SHES GNYIS MED DE NYID NGES PAR BSTAN YANG DGOS LA, TSUL 'DI NYID KYANG KHYED RANG GIS KYANG KHAS BLANGS SO, ,DE LTAR NA YE SHES KYI SKU BSGRUB PA'I TSUL DANG DBANG BZHI PA'I LAM GYI RDZOGS RIM GYI GTZO BO NI, TSIG DES DNGOS SU GSAL BAR MA BSTAN PAR, TSIG DE'I SBAS DON DANG MTHAR THUG GI DON DU BYED DGOS PA LAS DON GZHAN CI ZHIG YOD DE, TSUL 'DI KHYED RANG GIS KYANG KHAS BLANGS SO, ,GLENG GZHI'I SKABS SU DE LTAR BSHAD PA'I RGYUD DER NI YE SHES KYI SKU GSAR DU BSGRUB PA'I TSUL DANG, DBANG BZHI PA'I LAM TSIG ZIN LA MI GSAL BAR, SBAS DON DANG MTHAR THUG GI DON DU BYAS NAS 'CHAD DGOS TE, 'DUS PA LAS, SGYU LUS BDAG BYIN RLABS SBAS DON DANG ZUNG 'JUG DBANG BZHI BA'I LAM MTHAR THUG TU BYAS NAS TSIG ZIN GYI YIG DON DU MI 'CHAD PA BZHIN NO, ,DUS KYI 'KHOR LO'I RGYUD 'DIR NI STOD GZUGS KYI YE SHES KYI SKU BSGRUB PA DANG, TING NGE 'DZIN GYI YAN LAG DBANG BZHI PA'I LAM MA SBAS SHING SHIN TU GSAL BAR TSIG ZIN LA STON PAS KHYAD PAR DU 'PHAGS PAR STON 'DOD PA YIN PA'I PHYIR GLENG GZHI'I TSIG GI SGAS DON DU BYAS NAS STON PAR 'DOD PA'I GNAS MED DO, ,DES NA GLENG BZHI'I TSIG GIS DON DE DAG NGES PAR BSTAN DGOS SHING, SBAS PA MA YIN PAR GSAL BAR STON PA KHYAD CHOS SU BYAS PA NA GLENG GZHI'I TSIG ZIN LA DON DE DAG SBYAR NAS 'CHAD DGOS PAR BSNYON DU MED PAR GRUB LA, DE LTAR NA TSIG GI SGRA ZIN GYIS DON 'CHAD PA NA YANG GLENG BZHI'I TSIG DE DAG SDUD PA PO'I GSUNG DU BYA MI RUNG BAR STON PA'I GSUNG DU BYA DGOS SHING, DE LTAR STON PA'I GSUNG DU BYAS NAS TSIG ZIN LTAR GYI DON 'CHAD PA'I
TSE, 'DI SKAD BDAG GIS THOB PA ZHES SMOS NA TSIG DE GSUNG BA BSTON PAR 'GYUR BA LAS GZHAN DU BRTAG TU CI ZHIG YOD, DE'I PHYIR 'DUS PA SOGS GZHAN LA GLENG GZHI'I TSIG TSUL BZHIR 'CHAD TSUL LTAR 'DIR BYAR MI RUNG BAS SKYON GYI GO SKABS DE LTA BU MED LA, 'DI NYID MI 'THAD PAR RGOL NA NI, THOG MAR DBANG BZHI BA'I LAM MA SBAS PAR STON PA DGAG PAR NUS DGOS KYI, RTZA BA NGOS MA ZIN PA'I RGOL BA BO DANG, RGYUD 'DI RANG GI KHYAD CHOS KYI GTZO BO DANG, TSUL BZHI'I DON CHA MED PA'I LAN 'DEBS PA PO THAMS CAD KYIS CI TZAM SMRAS PA MTHA' DAG GZU LUM 'BA' ZHIG TU 'GYUR BA GDON MI ZA'O, ,GZHAN YANG GLENG GZHI SOGS TSUL BZHIR 'CHAD NA, DE DAG TSUL BZHIR 'CHAD TSUL RTZA RGYUD DE NYID DU BSTAN PAS CHOG MOD SNYAM DU DOGS NA NI SNGAGS BLA MED KYI RGYUD KYI RNAM GZHAG RAGS PA'ANG MA CHAGS PAR 'GYUR PAS TSUL BZHI'I SGO NAS JI LTAR 'CHAD PA BSHAD RGYUD KYIS BSTAN PA ZHIG DGOS SHING, DE 'DRA BA'I RTZA BSHAD SBYOR TSUL LA MKHAS PA'I BLA MA'I MAN NGAG LA BRTEN NAS RTOGS DGOS SO, ,'DIR NI BSHAD RGYUD LA MI LHOS SHING RTZA BSHAD SBYOR BA'I BLA MA'I MAN NGAG LA RAG MA LAS PAR DBANG BZHI'I LAM LA SOGS PA GSAL BAR STON PAR KHYAD CHOS SU 'DOD PA'I PHYIR, GLENG GZHI'I TSIG LA TSUL BZHI'I SGO NAS 'CHAD DGOS PAR 'DOD PA GNAS MED PAS AE WAm SOGS KYI TSIG MA SMOS PAR 'DOD PA YIN PAS, DE MA SMOS PA 'GOG NA DBANG BZHI BA'I LAM LA SOGS PA MA SBAS PAR STON DU MI RUNG BAR BSGRUB NUS PA DANG, MA SBAS PAR BSTAN PA 'GOG NUS PA ZHIG DGOS PAS, TSUL JI LTA BU'I SGO NAS BSGRUB CING 'GOG PA BSAM PAR BYA DGOS
, ,SO; ;'DIR RTZA RGYUD GSUNGS PA'I DUS KYI STEN PA LA NYAN PA'I 'KHOR LA DOGS PA DE SKYE BAR MA SMRAS SHING MI 'DOD LA, RIGS LDAN GRAGS PA LA RTZA RGYUD NYAN PA'I GDUL BYA'I GTZO BO DE DAG LA DOGS PA DE LTA BU SKYE BAS DE MI 'BYUNG BA'I PHYIR DU'ANG MA SMOS PAR BSTAN PA YIN LA, DRANG SRONG NYI MA'I SHING RTA LA SOGS PA DE NI, TSE DE LA MCHOG GI DNGOS GRUB THOB PA RIN PO CHE LTA BU'I GANG ZAG YIN PAS BLUN PO'ANG MA YIN ZHING, GDUL BYA'I GTZO BO DUS DER NYE BA'I BSAM PA LA LTOS PA'I DOGS PA BCAD NAS 'CHAD CING, MA 'ONGS PA'I GDUL BYA'I RGYUD LA DOGS PA SKYE BA'I MTHA' SO SO 'GOG PA'AM STON TSUL MA BYAS PA NI SHER PHYIN LA SOGS PA'I MDO LA SHIN TU MANG BAS, RANG NYID KYIS KYANG MNGON RTOGS RGYAN RTZA 'GREL 'CHAD PA'I TSE TSUL DE MANG DU KHAS BLANGS PA DAG DRAN PAR BYA DGOS SO, ,DRANG SRONG NYI MA'I SHING RTA LA SOGS PA RNAMS KYIS DOGS PA DE 'BYUNG BA'I RGYU MTSAN GYIS AE WAm MI 'GOD NA, RGYUD GZHAN DAG LA AE WAm THOG MAR SMOS SHING, 'DI LA MA SMOS PAS 'DI STON PAS GSUNGS PA MA YIN NO SNYAM PA'I DOGS PA 'BYUNG BA'I RGYU MTSAN GYIS DE NYID SMOS PAR RIGS SO ZHE NA, RTZA RGYUD 'GA' ZHIG LA AE WAm SMOS PAR MTHONG BA TZAM GYIS THAMS CAD LA SMOS DGOS PAR BZUNG NAS, DE MA SMOS PAS STON PAS GSUNGS PA'I RTZA RGYUD MA YIN PAR RGOL BA'I RTZOD PA SPANG DGOS NA NI 'DI NYID LA DGOS SU SMRAS PAS CI ZHIG BYA STE, BDE MCHOG RTZA RGYUD LA'ANG THOG MAR AE WAm GYI TSIG MED PA'I PHYIR DE LA'ANG TSUL DE LTAR RGOL NA LAN CI ZHIG 'DEBS PA SMROS SHIG ,RTZA RGYUD 'GA' ZHIG GI THOG MAR SMRAS PA LTAR THAMS CAD LA
SMOS DGOS PA'I NGES PA MI 'THAD PAR, RNAM PA GANG DANG GANG DAG GIS, ZHES SOGS KYI RTZA RGYUD NYID DU GSUNGS NAS DOGS PA DE SPANGS ZIN LA, KLAN KA 'DI LTAR SMRA BAS NA RTZA RGYUD STON PAS GSUNGS PA LUS RDZOGS PA GANG LA'ANG AE WAm THOG MAR MA SMOS PAR DE'I DOD LA SANGS RGYAS SENG GE'I KHRI LA SOGS PA SMOS PA MI SRID PAR 'DOD DGOS LA, DE LTA NA 'DUS PA'I BSHAD RGYUD RDO RJE PHRENG BA LAS, AE NI GSANG BA MKHA' DBYINGS DANG, BHA GA CHOS 'BYUNG PADMA LA, ,RNAL 'BYOR SENG GE'I GDAN LA BZHUGS, ,MCHOG TU RMAD BYUNG STEN PAR MDZAD, ,RDO RJE SEMS DPA' WAm RDO RJE, ,RDO RJE 'JIGS BYED DBANG PHYUG DANG, ,HE RU KA DANG DUS 'KHOR DANG, ,DANG PO'I SANGS RGYAS LA SOGS MTSAN, ZHES 'DUS PA SOGS SU AE YIG GIS BSTAN PA'I DON STON PA GANG LA BZHUGS NAS CHOS STON PAR MDZAD PA'I RTEN DE, RGYUD LA LAR GSANG BA ZHES DANG, LA LAR MKHA' DBYINGS DANG, DE BZHIN DU BHA GA DANG, CHOS 'BYUNG DANG, PADMA DANG, SENG GE'I GDAN ZHES SOGS KYIS BSTAN PA DANG, RTEN DE LA BZHUGS PA WAm YIG GIS BSTAN PA'I DON NI; RGYUD GZHAN DANG GZHAN DU, RDO RJE CAN DANG RDO RJE SEMS DPA' NAS, DUS KYI 'KHOR LO DANG DANG PO'I SANGS RGYAS LA SOGS PA'I MTSAN GYIS BSTAN PAR GSUNGS PA MI 'THAD PAR 'GYUR RO, ,ZHAR LA 'ONGS PAS MCHOG GO ,GSUM PA NI, DE LTAR BU'I RTZA RGYUD DE LAS BSDUS PA PHRENG BA 'DZIN PA'I SDEB SBYOR GYIS BCINGS PA'I TSIGS BCAD SUM CU NI LHAG PA'I PHYOGS BRGYA STE STONG PHRAG GCIG GI CHED LE'U LNGA YIS DPAL LDAN BSDUS PA'I RGYUD DAG RDZOGS PAR NI SMRA BA'I RGYAL PO RIGS LDAN GRAGS PAS STON PAR 'GYUR
, ,TE; DE LTAR RTZA RGYUD LAS SDUD PAR BYED PA PO YANG GRAGS PA 'DI YIN LA, BSDUS RGYUD DE'I 'GREL BSHAD STE RGYAS 'GREL BYED PA NI PAD DKAR 'DZIN DU 'GYUR RO, ,DE LA BRi TTA'I SDEB SBYOR GYI BYE BRAG YI GE NYER GCIG PAR RAB BYED LDAN GYI NANG TSAN ME TOG PHRENG 'DZIN ZHES BYA BA'I SDEB SBYOR NI, SDEB SBYOR RIN CHEN 'BYUNG GNAS LAS, MAR VAN DAG WA RA DAG WA, ,BDUN PA GSUM GYI DAL BSO PHRENG 'DZIN 'GYUR, ,GAL TE RKANG PA SO SO LA MA RA WA', NA NA WA', RA RA WA DANG, DE BZHIN BDUN PA GSUM GYI NGAL BSO BA DE'I TSE PHRENG BA 'DZIN PAR 'GYUR RO, ZHES GSUNGS PA LTAR, YI GE LCI BA GSUM BSGRIGS PA'I MING LAM ZHES THA SNYAD BYA ZHING, DE BZHIN DU YI GE LCI BA GNYIS KYI BAR DU YANG BA GCIG BCUG PA'I GSUM BSGRIGS PA LA RA, YANG BA GSUM BSGRIGS LA NI NA ZHES THA SNYAD BYA'O, ,NGAL BSO'I YI GE LCI BA LA NI WA ZHES THA SNYAD BYA LA, DES NA YI GE NYER GCIG RKANG PA GCIG LA TSANG BA'I RKANG BA DE LA YI GE BDUN TSAN GSUM YOD PA'I BDUN DANG PO'I YI GE DANG PO GSUM LCI BA GSUM BSGRIGS PA, DE'I RJES KYI YI GE GSUM LCI BA GNYIS KYI BAR DU YANG BA GCIG BCUG PA, YI GE BDUN PA DE NGAL BSO'I YI GE LCI BA STE, DE LTAR NA, MA RA W'A ZHES BYA BAR 'GYUR RO, ,YANG BDUN TSAN BAR BA'I YI GE DANG PO GSUM YANG BA GSUM BSGRIGS, DE'I RJES MA GSUM PO 'ANG YOD PA BSGRIGS PA, DE'I RJES KYI YI GE GCIG PO NGAL BSO LCI BA STE, DE LTAR NA, NA NA WA' ZHES BYA BAR 'GYUR RO, ,BDUN TSAN THA MA'I YI GE DANG PO GSUM LCI BA GNYIS KYI BAR DU YANG
BA GCIG BCUG PA, DE'I RJES KYI YI GE GSUM YANG LCI BA GNYIS KYI BAR DU YANG BA GCIG BCUG PA, DE'I RJES KYI YI GE GCIG PO NI NGAL BSO LCI BA STE, DE LTAR NA, RA RA WA' ZHES BYA BAR 'GYUR RO, ,DE LTAR BSDEBS PA'I YI GE NYER GCIG PA'I RKANG PA BZHI KA SDEB SBYOR 'DRA BAS BCANGS PA'I TSIGS SU BCAD PA NI PHRENG BA 'DZIN PA'I SDEB SBYOR ZHES BYA LA, YI GE LCI YID GI RNAM DBYE SOGS SNGAR BSHAD ZIN TO, ,TSUL DE NYID THAMS CAD MKHYEN PA YE SHES SKU DANG NYIN MOR BYED PA'I SKU STE PADMA'I 'DAB MA RGYAS PA'I SPYAN, ZHES PA'I RKANG PA 'DI'I LEGS SBYAR GYI SKAD LA MTSON NAS, PRA STA RA BKOD NA 'DI LTA STE, LCI BA LA RI MO 'KHYOG PO DANG, YANG BA LA DRANG PO DANG, NGAL BSO LCI BA LA 'KHYOG PO THIG LE CAN NO, ?{SRBA'DZNYAm DZNYA'NKA' YA'm DINKA RVISU shAm PADMABAm TATRAmYTA' KshAm}ZHES BKOD PA 'DI LTA BU STE RKAD PA 'DI DANG RGYUD KYI GZHUNG LHAG MA THAMS CAD SDEB SBYOR 'DRA BAS BCINGS SHING YI GE LCI YANG BSDOBS PA DANG NGAL BSO RNAMS 'DI{ }DANG TSUL MTSUNGS PA YIN NO, ,BZHI PA NI, RGYUD 'DI ZHES PA NAS RIM BAS SO, ZHES PA'I BAR GO SLA LA, DE DAG BYANG CHUB SEMS DPA' GANG GI SPRUL PA GANG YIN PA{DHA DH+MA DHA DHA RA DHA DHAmWA NA NA DHAmWA DHA RA DHA DHA RA DANA DHAmWA}? NI ZLA BZANG GI SNGA ROL DU 'DAS PA'I YAB RGYAL PO NYI MA'I 'OD DE NI BGEGS DGRA STE BGEGS MTHAR BYED KYI SPRUL PA STE, PHYAG NA RDO RJE'I SPRUL PA NI ZLA BZANG KHYOD YIN LA, DE NAS GO RIM BZHIN ZHES PA'I BAR GO SLA ZHING, PAD DKAR GYI RJES NAS RIGS LDAN NYI SHU RTZA
, ,GSUM YOD PA LA, GSHIN RJE GSHED SOGS KHRO BO BCU'I SPRUL PA BCU DANG, DE DAG GI BAR BAR DU BYANG CHUB SEMS DPA' KHRO BO LAS GZHAN RE SPEL ZHING, MTHAR KHRO BO LAS GZHAN PA GSUM STE, BCU GSUM PO DE DAG GI RIM PA YIS RIGS LDAN RIGS LA 'BYUNG BAR 'GYUR RO, ,'DIR GANG DAG RIGS LDAN NYI SHU RTZA LNGA LAS MANG BA MI 'DOD CING, RIGS LDAN THA MA 'KHOR LO CAN 'JAM DPAL GYI SPRUL PAR YANG SMRAS NAS, BYANG CHUB SEMS DPA' 'JAM DPAL SPYAN RAS GZIGS GNYIS LAS GZHAN PA BCU GSUM ZHES 'CHAD {RANG,}PA NI KHAS BLANGS DNGOS SU 'GAL BA STE, MJAM DPAL GYI SPRUL PA RIGS LDAN 'KHOR LO CAN BCU GSUM PO'I YA GYAL YIN PA'I PHYIR RO, ,SPYIR RIGS LDAN DU YOD PA DANG RIGS LDAN GYI MGO GANG NAS RTZOM PA DANG RIGS LDAN SO SO'I MTSAN DANG BCAS PA RGYAS PAR 'CHAD PA NI, GRAGS PA ZHES SOGS TE, RIGS LDAN GYI DANG POR BYON PA'I GRAGS PA RIGS LDAN DE NYID, RIGS LDAN NYER BZHI RDZOGS PA DE NAS SLAR YANG MTHA' YAS RNAM RGYAL DE'I SRAS PO 'KHOR LO CHEN PO CAN RIGS LDAN DRAG PO ZHES BYA BAR 'BYUNG BAR 'GYUR TE, SMRA MKHAS DE NYID RTA MCHOG DU MA SPRO BA'I TING NGE 'DZIN GYIS SPRUL PA'I DMAG TSOGS KYIS KLA KLO'I CHOS MTHAR BYED CING 'JOMS PA'O, ZHES PA'I LHAG MA GZHAN GE SLA ZHING, MTHA' YAS DANG RNAM RGYAL SO SOR BYAS NAS RIGS LDAN NYI SHU RTZA DRUG TU 'DOD DAM, PA SNGAR BKAG ZIN LA, PHYAG DMAR GYI SKAD DOD RAK+TA P'A nI ZHES PA 'GA' ZHIG GIS ZANGS PHYAG DANG KHRAG PHYAG CES BSGYUR BA NI 'GYUR MA LEGS
SHING, TZA MIS RGYAL DKA' DANG RIGS LDAN NYI MA BCU GNYIS PA ZHES BA AA DZA RTZOD PA BCU GNYIS PA ZHES PAR BSGYUR BA'ANG SHIN TU MA LEGS TE, AA DZA ZHES PA RGYAL DKA'I SKAD DOD YIN LA, RTZOD PA ZHES PA RIGS LDAN GYI MTSAN DU 'ONG DON MED PAS RIGS LDAN BCU GNYIS PA'I MTSAN GZHI POR BA'I PHYIR RO, ,DPAL SKYONG SENG GE RNAM PAR GNON, ZHES PA 'BRE BAS RGYAL PO GCIG TU 'DOD CING, RVA PAS DPAL SKYONG DANG NI SENG GE RNAM PAR GNON, ZHES GNYIS SU BYED KYANG, MKHAS PA DAG RGYA DPE LA RNAM DBYE THA DAD YOD PAS, DPAL SKYONG DANG, SENG GE DANG, RNAM GNON DANG ZHES GSUM DU BYA'O, ZHES GSUNGS PA LTAR LEGS SO, ,LNGA PA NI, NYI MA'I SHING RTA LA SOGS KYI SMRA MKHAS STEN PA 'BYUNG BAR 'GYUR BA GANG YIN PA DE YIS BSDUS {RANG} RGYUD SDUD PAR BYED CING, RTZA RGYUD LA ZLA BZANG KHYOD NI SDUD PAR BYED PA STE, RTZA RGYUD 'DIR NI SEMS CAN YONGS SU SMIN PAR BYED PA'I SLAD DU ZLA BZANG KHYOD NYID 'GREL BSHAD BYED PA'O, ,'JAM PA'I RDO RJES BSDUS PA'I RGYUD LA 'GREL BSHAD BYED PA NI PAD DKAR 'DZIN PA RANG NYID DO ZHES GSUNGS SO, ,GSUM PA DE DAG GI DON BSDU BA NI RTZA BA'I RGYUD LAS ZHES SOGS SO, ,GSUM PA LUNG BSTAN PA LTAR BYA BA MDZAD TSUL LA BZHI, ZLA BZANG GIS RTZA RGYUD BSTAN CING 'GREL PA SOGS MDZAD TSUL, LHA DBANG LA SOGS PAS RTZA RGYUD BSTAN TSUL, GRAGS PA'I MDZAD PA KHYAD PAR DU BSHAD PA, PAD DKAR GYIS 'GREL BA MDZAD TSUL LO, ,DANG PO NI, DE BZHIN GSHEGS PAS LUNG BSTAN PA'I NGES PA DE'I PHYIR, DES LUNG BSTAN PA LTAR MDZAD PAR DGONGS NAS RTZA BA'I RGYUD KYI RGYAL PO ZHES SOGS TE, THUB PAS RTZA
, ,RGYUD BSTAN PA'I DUS DE NAS LO GNYIS PA LA SEMS CAN RNAMS KYI DNGOS GRUB KYI RGYU'I SLAD DU RIN PO CHE LAS DKYIL 'KHOR GYI 'KHOR LO BLOS BSLANGS BZHENGS PA DANG RDZU 'PHRUL MTHA' YAS PA BSTAN NAS SPRUL PA'I SKU YIS DANG PO SPRUL PA PO, GANG NAS BYON PA DE NYID DU BSDUS NAS PHYAG RDOR GYI LONGS SPYOD RDZOGS PA'I SKU YIS GSHEGS SO, ,'DIS NI RGYUD 'DIR SA BCU GNYIS PA LA SOGS PA SLOB LAM GYI GNAS SKABS KYI RTZA BA'I STONG GZUGS KYI SKU LA LONGS SKU'I THA SNYAD BYED PA DANG, DES SPRUL PA'I KHAMS RAGS PA'I LUS BZUNG BA RNAMS LA SPRUL SKU'I THA SNYAD BYED PA'ANG GO BAR NUS TE, PHYAG RDOR RLUNG STONG BRGYAD BRGYA PA PHRAG BCU GNYIS RDZOGS PAR 'GAGS PA MA YIN PA'I LUGS SU BYAS NAS 'CHAD PA'I SKABS YIN PA'I PHYIR RO, ,GNYIS PA NI, DE NAS LHA'I DBANG GIS ZHES SOGS SO, ,GSUM PA LA BRGYAD, SMIN PA'I DUS GZIGS NAS DRANG SRONG GI 'KHOR LOS TSUL, BOS PA'I 'KHOR LA NGES PA BYIN PA DE LA DRANG SRONG RNAMS DAD PAR MI BYED NA CHAD LAS BKA' STZAL PA, CHAD LAS THOS NAS DRANG SRONG RNAMS 'PHAGS PA'I YUL DU 'GRO BAR 'DOD DE SONG BA, DES GZHAN MA DAD PA BZLOG PA'I PHYIR DU SONG BA'I DRANG SRONG TING NGE 'DZIN GYIS BKUG PA, BKUG PAS NGO MTSAR BAR GYUR PA'I DRANG SRONG RNAMS BSKUL BAS RDO RJE THEG PA LA DAD TSUL, DAD NAS 'KHOR RNAMS KYIS, BSKUL BA'I NYI MA'I SHING RTAS BSDUS RGYUD STON PAR GSOL BA BTAB TSUL, GSOL BA BTAB PA LTAR BSDUS RGYUD BSDUS NAS DE DAG LA BSTAN TSUL LO, ,DANG PO NI, DE NAS LO BRGYAD RDZOGS PA'I RJES LA, ZHES PA NAS, JI LTAR
BYA BA'I NGES PA STER BAR BZHAD PA'I RGYAL PO GRAGS PAS NYI MA'I SHING RTA LA SOGS PA'I DRANG SRONG THAMS CAD BOS PAR GYUR TO, ,ZHES PA'I BAR RO, ,GNYIS PA LA GSUM, DANG PO GNAS GANG DU NGES PA BYIN PA NI, KA L'A PA'I GRONG GI LHO PHYOGS NA, ZHES PA NAS, DKYIL 'KHOR GYI KHANG PA DER ZHES PA'I BAR TE, 'DZAM GLING CHUNG NGU 'DI'I BYANG PHYOGS SHAM+BHA LA'I DUM BU SA GZHI PAD+MA 'DAB MA BRGYAD BA'I RNAM PAR YOD PA'I DBUS SU SUM CHA LTE BA'I RNAM PA RI BO MTHO ZHING MTHA' GANGS RIS BSKOR BA STE, DE'I DBUS NA SHAM+BHA LA ZHES BYA BA GRONG BYE BA LHAG PAR GNAS PA'I GRONG DE DAG GI DBUS NA RGYAL PO'I PHO BRANG 'KHOR DANG BCAS PA'I GRONG KHYER KA L'A PA ZHES BYA BA YOD DO, ,DE'I LHO PHYOGS NA YOD PA'I MA LA YA'I SKYED MOS TSAL GYI DBUS SU RGYAL PO ZLA BA BZANG POS MDZAD PA'I SKU GSUNG THUGS YONGS RDZOGS KYI GZHAL YAS KHANG, BLOS BSLANG GI TSAD 'DIR BSHAD PA 'DI'I SGO NAS DKYIL 'KHOR THIG GIS 'DRI BA LA YANG SA'I KHOR YUG GI ZLUM PO DANG PO GANG NAS BSKOR BA LA SOGS PA SHES PAR BYA DGOS PA'I RNAM BZHAG DAG NI KHO BOS DKYIL 'KHOR GYI THIG GI RNAM PAR BZHAG PA'I YI GE LOGS SU ZHIB PAR BYAS PA DER BSHAD ZIN PA LAS SHES PAR BYA'O, ,GNYIS PA DUS GANG GIS TSE NGES PA BYIN PA NI, DA PO'I ZLA BA'I ZHES SOGS SO, ,GSUM PA NGES PA JI LTA BU ZHIG BYIN PA NI, KYE NYI MA'I SHING RTA LA SOGS PA TSANGS PA'I DRANG SRONG RNAMS, BDAG GI TSIG JI LTA BA BZHIN BSGRUBS NA THAMS CAD MKHYEN PA'I PHUN SUM TSOGS PA BYED PA NYON CIG ZLA BA PHYI MA DPYID 'BRING NAG PA'I ZLA BA'I NYI 'OD LA DRANG SRONG RIG BYAD KYI GZHUNG GIS BSTAN PA'I BYA BA NGES PA MCHOD SBYIN GYI DON
, ,DU SROG GCOD PA SOGS SKYONG BAR BYED PA KHYED RNAMS LA BDAG GIS RDO RJE THEG PA'I BSTAN PA SBYIN BAR BYA'O, DE LTA BU'I RJES SU BSTAN PA SBYIN PAR BYA BA, DE BAS NA KHYED KYIS YUL SNA TSOGS PA GZHAN DANG GZHAN NAS 'ONGS PA NYID KYI TSANGS PA'I RIGS DANG LDAN PA'I BRAM ZE YUL GYI DBANG GIS KUN SPYOD MI MTHUN PA BYED PA GANG YIN PA DE DAG SDE TSAN THA DAD DU BYAS TE, DE NAS DE DAG GI SO SO'I KUN SPYOD 'DI DANG 'DI LTA BU'O ZHES BDAG LA BSTAN PAR BYA'O ZHES BKA' STZAL TO, THA DAD DU BYAS PA ZHES PA RMA'I 'GYUR LAS, LOGS SHIG TU BYAS TE ZHES 'BYUNG ZHING, DE DANG MTHUN PAR SKYE BO GZHAN RNAMS LAS LOGS SHIG TU BKAR NAS BSTAN PAR BYA'O ZHES 'CHAD PA YOD KYANG SNGA MA LTAR LEGS SO, ,DE LTAR BKA' STZAL PA'I TSIG DE YIS ZHES PA NAS, YUL GYI THA SNYAD PHAN TSUN 'GAL BA MI MTHUN PA DAG GIS SPYOD TSUL MI MTHUN PA DU MA RNAM PAR SPYAD PA NA BRAM ZE DE DAG THAMS CAD KYANG PHAN TSUN GCIG LA PHYOGS, GCIG YID MAR RANGS PAS LUS SA LA LHUNG BAR GYUR TO, ZHES 'CHAD PA NI RNAM PAR DPYAD PA NA, ZHES PA SPYAD PA NA ZHES GZHUNG MA DAG PA BKLAGS SHING, KHA CIG RANG RANG GI RIGS KYI SPYOD PA SO SOR NGES PA RNAMS DOR NAS, THAMS CAD BZA' BTUNG LA SOGS PA'I SPYOD PA BSRE DGOS PA DE BLO LA MA 'TSAM PAS LHUNG BAR GYUR NGAM ZHES ZER BA'ANG MI 'THAD DE, BRAM ZE DE DAG GI SPYOD PA MI MTHUN PA DE RNAMS BSRES LA THAMS PHYOGS, CAD KYIS THAMS CAD KUN TU CHOD CIG ,CES RGYAL PO GRAGS PAS KYANG BKA' MA STZAL LA, GZHAN SU ZHIG KYANG DE DAG DE LTAR BYED DU 'JUG PA MED PA'I PHYIR RO, ,DES NA YUL SO SO THA SNYAD 'GAL BA DAG GIS, SPYOD
TSUL SHIN TU MI MTHUN PA DE DAG LAS GANG ZHIG NI RIGS BYED KYI GZHUNG GI NGES PA YIN LA GANG ZHIG NI MA YIN ZHES, RGYAL BO GRAGS PAS RNAM PAR BRTAGS SHING DPYAD BA NA DE LTAR BRTAGS SHING DPYAD PA MA BZOD NAS DRANG SRONG DE DAG THAMS CAD KYANG, LUS SA LA LHUNG SHING BRGYAL BAR GYUR TE, ZHES BSHAD PAR BYA'O, ,GSUM PA NI, DE LTAR DE DAG SPYOD TSUL 'GAL BAR GZIGS NAS ZHES PA NAS, BKA' BZHIN BYA'O ZHES SO, ZHES PA'I BAR GYI PHAL CHE BA GO SLA LA, MOS PA DER, ZHES PA GANG DU 'GRO 'DOD PA DER ZHES PA'O, ,MCHOD SBYIN DON DU ZHES SOGS NI, MCHOD SBYIN LA GSOD PA'I DON DU PHYUGS DAG THAMS CAD BYED PA PO TSANGS PAS BYED CING SPROS ZHES PA'I RIGS BYED KYI TSIG LAS SO, ZHES BYA BA'O, ,SROG GCOD PAR BYED PA'I PHYIR RO, ZHES BYA BA NI SROG GCOD CHOS SU SMRA BAR BYED PA'I PHYIR RO, ZHES BYA BA'I DON TE, ,BZHI PA NI, RGYAL PO GRAGS PA'I GSUNG ZHES PA NAS RAB TU ZHUGS SO, ZHES BYA BA'I BAR TE, KHA BA CAN BOD DANG, LANG KA'I GLING NI SRIN PO'I YUL YIN LA NYI MA BCU PA LA, ZHES PA, RVA PA DAG NYI MA BCUR PHYIN PA'I BCU PA LA 'CHAD, 'BRO BA NYI MA DGU RANG GI YUL DU ZONG BSNGOGS NAS BCU PA LA THOG MAR LAM DU ZHUGS PA LA 'CHAD KYANG SNGA MA LEGS SHING, NAGS TSAL NI PA+MA'I 'DAB BRGYAD LTA BU'I MTHA' SKOR GYI RI'I 'DABS KYI NAGS TSAL MA YIN GYIS, KA LNGA BA'I GRONG LA SOGS PA YOD PA, PAD+MA'I LTE BA LTA BU'I MTHA' SKOR GYI GANGS RI'I 'DAB KYI NAGS TSAL LO LHAG MA GO SLA'O, ,LNGA PA NI, NAGS TSAL PHYI NANG DU RAB TU ZHUGS PA DE DAG THAMS CAD CES PA NAS, MTHONG BAR GYUR TE, ZHES PA'I BAR TE 'DIR RGYU GANG ZHIG ,CES SOGS NI, 'DIR DRANG SRONG 'DI RNAMS YUL BTANG NAS 'GRO
, ,BA'I RGYU NI GANG ZHIG RDO RJE THEG PAR GSUNGS PA DBANG DANG RIM GNYIS LAS SOGS PA RNAMS YANG DAG PA'I YE SHES KYI LAM MA YIN PAR PHYIN CI LOG GI RGYU DE YIN PA'I RGYU DE YIS, ZHES PA DANG, MI LDAN PA'I PHYIR ZHES PA NI MI LDAN PAR 'GYUR BA'I PHYIR RO, ,ZHES PA DANG, RMONGS PAR GYUR PA NI DRAN PA NYAMS PA DANG, RI KHROD PA NI RNGON PA DANG, DOR BA DANG RAB TU SAD PA NI DRAN PA NYAMS PA SLAR RNYED BA'O, ,DRUG PA LA GSUM LAS, DANG PO NGO MTSAR BAR GYUR PA NI, DE MTHONG BA NA ZHES SOGS TE, RAB TU MA SAD PA NI DRAN PA NYAMS PA SANGS PAR MA GYUR BZHIN DU'O, ,GNYIS PA BLON PO'I TSIG GIS BSKUL BA NI TSANGS PA'I DRANG SRONG RNAMS KYIS ZHES PA NAS, GSOL BA THOB CIG CES SO, ZHES BYA BA'I BAR RO, ,GSUM PA BSKUL BAS DAD PAR GYUR PA NI, DE NAS RGYA MTSO'I BLO GROS KYI TSIG DE DANG ZHES PA NAS GSOL BA GDAB PAR BGYI'O ZHES SO, ,ZHES PA'I BAR TE, RAB TU SAD DE TSIG 'DI SMRAS PA ZHES PA NI, RDO RJE THEG PA'I RIGS KYI NUS PA RAB TU SAD DE SMRAS PA'O, ,BDUN PA LA GNYIS LAS, DANG PO 'KHOR RNAMS KYIS NYI MA'I SHING RTA LA GSOL BA 'DEBS PAR BSKUL BA NI, DE SKAD SMRAS NAS, ZHES PA NAS, THAMS CAD KYIS GSOL BA GDAB PAR BGYI'O, ,ZHES PA'I BAR TE, BSTAN BCOS THAMS CAD KYIS GZHAL PAR BYA BA'I BRJOD BYA DON MA LUS PA 'DZIN PA STE KHONG DU CHUD PA'I THUGS CAN, ZHES PA YAR BCAD KYIS NYI MA'I SHING RTA'I YON TAN BRJOD PA SNGON DU BTANG BA'O, ,GNYIS PA BSKUL BA LTAR DES GSOL BA BTAB PA NI, DE NAS TSANGS PA'I DRANG SRONG RNAMS KYIS BSKUL BA'I TSIG DES ZHES PA NAS,
DANG PO'I SANGS RGYAS BSTAN DU GSOL, ZHES PA RTZA RGYUD STON PAR GSOL BA BTAB LA, DE NAS BSTAN DU GSOL ZHES SO, ZHES PA'I BAR GYIS BSDUS RGYUD BSDUD PA DANG, STON PAR GSOL BA BTAB BA'O, ,BRGYUD PA LA BZHI, SDEB SBYOR GYI KHYAD PAR ME TOG PHRENG 'DZIN GYIS BSDUS NAS BSTAN PA, RJOD BYED KYI KHYAD PAR SGRA BZANG PO LA MNGON PAR ZHEN PA BZLOG PA'I BRJOD TSUL GYIS BSTAN PA, DE BZHIN DU RTZA RGYUD LAS KYANG BSTAN PA'I KHUNGS DANG SBYAR BA, 'GREL BAS KYANG TSUL DE LTAR DON LA RTON PA'I SGO NAS DRI BA RGYU MTSAN DANG BCAS PAS DON BSDU BA'O, ,DANG PO NI, DE NAS, ZHES PA NAS, STON MDZOD CES PA'I BAR RO, ,GNYIS PA NI, LEGS SBYAR GYI SGRA BZANG PO SMRA BA DRANG SRONG DE DAG RNAMS KYIS SGRA BZANG PO LA LHAG PAR ZHEN PA SPANG BA'I SLAD DU DON LA GTZO BOR RTON PA NYID LA BRTEN TE, TSIGS SU BCAD PA KHA GCIG TU S'I TA LA SH'I TA 'AM, YA MA LA DZA MA ZHES BYAS PA LTA BU SAm KRI TA LAS GZHAN ZUR CHAG GI SGRA DANG, KHA CIG TU SDEB SBYOR GYI DAL BA SO'I GNAS SU GCOD 'TSAMS MED PA LTA BU GCOD 'TSAMS NYAMS PA DANG, KHA CIG TU RNAM DBYE THOB PA LA RNAM DBYE MED PAR BYAS PA'I TSIG GO ` ,DE LA RNAM DBYE NI RNAM PA BRGYAD DE, DANG PO DON TZAM STON PA, GNYIS PA LAS SU BYA BA, GSUM PA BYED PA BO, ,BZHI PA RAB TU SBYIN PA, LNGA PA 'BYUNG KHUNGS, DRUG PA 'BREL PA, BDUN PA GNAS BZHI, BRGYAD PA BOD PA'O, ,DE DAG TE RE LA YANG, GCIG TSIG, GNYIS TSIG, MANG TSIG GSUM GSUM STE, DANG PO'I GSUM PO NYID BRGYAD PA LA RANG SBYIN NO, ,DE YANG SU, AOO; DZAS; DANG PO'I GSUM MO, AAM; AOOtA, SHAS;
, ,GNYIS PA'I GSUm MO, tA', BHYAM BHYAS, GSUM PA'I GSUm MO, ,NGA SI BHYAM BHYAS, LNGA PA'I GSUM MO DA SRA AOS; A'M; DRUG PA'I GSUM MO, ,DI; AOS; SU PRA; BDUN PA'I GSUM MO, ,DE DAG YOD NA 'DI LTAR 'GYUR TE, BUD DHA: BUD DHO, BUD DHA', ZHES PAR BSGYUR NAS RIM PA BZHIN, SANGS RGYAS, SANGS RGYAS DAG ,SANGS RGYAS RNAMS ZHES PA STE RIM PA BZHIN, RNAM DBYE DANG PO DON TZAM STON PA'O, GCIG TSIG ,GNYIS TSIG ,MANG TSIG STE, SANGS RGYAS GCIG DANG, GNYIS DANG, GSUM PHAN CHAD LA 'JUG GO ,BU DHAm, BU DHOO, BU DHA' NA, ZHES PA RIM PA BZHIN, SANGS RGYAS LA, SANGS RGYAS DAG LA, SANGS RGYAS RNAMS LA ZHES PA STE, GNYIS PA LAS SU BYA BA'I GCIG TSIG ,GNYIS TSIG ,MANG TSIG GO ,BU DHE NA, BU DHA BHYAM, BU DHE ZHES PA RIM PA BZHIN, SANGS RGYAS KYIS, SANGS RGYAS DAG GIS, SANGS RGYAS RNAMS KYIS ZHES PA STE, GSUM PA BYED PA PO'I GCIG TSIG, GNYIS CHOG, MANG TSIG GO ,BU DHA YA, BUD DHA BHAm, BUD DHE BHYA ZHES PA NI, RIM PA BZHIN SANGS RGYAS KYI PHYIR, SANGS RGYAS DAG GI PHYIR, SANGS RGYAS RNAMS KYI PHYIR ZHES PA STE, RIM PA BZHIN BZHIN PA RAB TU SBYIN PA'I GCIG TSIG ,GNYIS TSIG, MANG TSIG GO, BU DDHA TA, BU DHA BHAm ZHES PA RIM PA BZHIN, SANGS RGYAS LAS, SANGS RGYAS DAG LAS, SANGS RGYAS RNAMS LAS ZHES PA STE, RIM PA BZHIN LNGA PA 'BYUNG KHUNGS KYI GCIG TSIG, GNYIS TSIG MANG TSIG GO,
, ,BU DHA' SYA: BU DHA YE: BU DHA NAM, ZHES PA RIM PAS BZHIN, SANGS RGYAS KYI, SANGS RGYAS DAG GI, SANGS RGYAS RNAMS KYI ZHES PA STE DRUG PA 'GREL BA'I, GCIG TSIG, GNYIS TSIG, MANG TSIG GO, BUD DHE, BUD DHA YO: BUD DHA KHYA: ZHES PA RIM PA BZHIN, SANGS RGYAS LA, SANGS RGYAS DAG LA, SANGS RGYAS RNAMS LA ZHES PA BDUN PA GNAS GZHI'I GCIG TSIG ,GNYIS TSIG, MANG TSIG GSUM MO, ,BRGYAD PA LA NI, DANG PO'I RNAM DBYE GSUM PO NYID STER ZHING, KYE SNGON DU SBYAR BA STE, KYE SANGS RGYAS, KYE SANGS RGYAS DAG ,KYE SANGS RGYAS RNAMS ZHES PA LTA BU YIN LA, LEGS SBYAR GYI SKAD LA, HVE SBYAR BA STE, DNGOS SUM LTAR YANG SKABS STOBS KYIS KYANG BOD BA SHES BAR BYA BA YOD DE, ,'DIR DE LTA BU'I RNAM DBYE THOB PA LA MED PA ZLA BA BZANG ZHES PA SU TZAN+tRA : ZHES THOB PA LA, SU TZAN+tRA ZHES RNAM DBYE MED PA DANG, RGYU MA SBRIN TE, ZHES PA'I SGYU MA LA ANtRA ZHES THOB BO LA, ANtRA ZHES PAR BYAS NAS, Am PHYIS PA LTA BU'I SKABSD KHA CIG TU DBYANGS BZHAG PAR 'OS BA PHYIS PA DANG, RGYU NI ZONG DAG NGES PAR 'JOMS ZHES PA'I 'JOMS PA LA, GHAN+TI ZHES THOB PA LA, GHAN+TI ZHES PAR BYAS PA LTA BU GSAL BYED BZHAG BAR 'OS BA PHYIS PA DANG, TSIGS BCAD KHA CIG TU SA'I MING LA MA HI' ZHES RING PO THOB PA LA MA HI ZHES THUNG NGU DANG, DE BZHIN DU THUNG NGU LA YANG RING POR BYAS PA DANG, KHA CIG TU LHA PA'I DON LA BDUN PA, SA LAS DRI, CHU LAS GZUGS, MA LAS RO ZHES SOGS THOB PA LA, SA LA DRI, CHU LA GZUGS, ME LA
, ,RO ZHES BYA BA DANG, BZHI PA'I DON LA DRUG PA NI, SANGS RGYAS RNAMS KYI PHYIR DANG, BLA MA RNAMS KYI PHYIR 'BUL BA LA, SANGS RGYAS THAMS CAD KYIS ZHES BYAS PA DANG, BLA MA LA 'BUL BA LA BLA'I DBUL BA ZHES BYAS PA LTA BU'O, ,KHA CIG TU GZHAN GYI DON GYI TSIG THOB PA CAN GYI BYINGS LA BDAG NYID KYI DON CAN GYI TSIG DANG BDAG NYID KYI DON GYI TSIG THOB PA CAN LA YANG GZHAN GYI DON CAN GYI TSIG SBYAR BA STE, DPER NA 'TSED BA LTA BU RANG GZHAN GANG GIS 'TSED MA NGES PA THUN MONG DU STON NA 'TSED PA'I BYINGS PA TZAL TI SBYAR NAS PA TZA TI ZHES STON LA, GZHAN GYIS 'TSED PA ZHIG, STEN NAS SBYAR NAS BA CI SI ZHES DANG, RANG GIS 'TSED PA ZHIG STON NA BTZA MI ZHES 'THOB PA LA DE GNYIS BZLOG STE SBYAR BA LTA BU DANG, KHA CIG TU GCIG TSIG LA MANG PO'I TSIG SBYAR BA SHING GCIG LAS MED PA LA SHING RNAMS ZHES BYAS PA DANG, MANG PO'I TSIG BTZUN MO RNAMS ZHES THOB PA LA BTZUN MO ZHES GCIG GI TSIG TU BYAS PA DANG, TSIGS BCAD KHA CIG TU PHO'I RTAGS LA MA NING GI RTAGS DANG MA NING GI RTAGS LA PHO'I RTAGS SU SBYAR BA, DPER NA THAMS CAD CES BYA BA DE LA PHO STON NAS SRBA: ZHES PO RTAGS DANG, MO STON NAS RB'A ZHES MO RTAGS DANG, MA NING STON NAS RBAm ZHES MA NING GI RTAGS YIN PA LA, PHO RTAGS THOB PA'I SKABS SU SA-RBAm ZHES MA NING GI RTAGS DANG, MA NING RTAGS THOB PA LA SA-RBA: ZHES PHO'I RTAGS SBYAR BA DANG, ,KHA CIG TU SHA RA ZHES RKAN LAS BYUNG BA SHA YIG THOB PA LA SAR ZHES SOGS BYUNG
BA DANG, YANG DE LA SPYI BO LAS BYUNG BAS TA LA sHA dA RA BYAS PA LTA BU DANG, KHA CIG TU SPYI BO LAS BYUNG BA LA SO DANG RKAN LAS BYUNG BAR BYAS PA shA RA LAS RANG BYAS PA DANG, SHAR ZHES BYAS PA LTA BU'O, ,KHA CIG TU SO LAS BYUNG BAS LA RKAN LAS BYUNG BA SHA YIG TU BYAS NAS SAm BHA RA LA, SHAM BHA RA ZHES SBYAR BA LTA BU DAG DE NYID LA SPYI BO LAS BYUNG BA BYAS BAS TA LA dA RA BYAS PA LTA BU STE, SGRA BA'I GTZUG LAG DANG MI MTHUN PA DE LTA BU GZHAN YANG RGYUD STON PA PO'I MAN NGAG GI RJES SU 'BRANGS PAS SHES PAR BYA'O, ,GSUM PA NI, DE BZHIN DU RTZA BA'I RGYUD LAS BCOM LDAN 'DAS KYIS KYANG, BOD SKAD DU, ZLA BZANG ZHES BSGYUR BA LA DE'I THAD KYI LEGS SBYAR PA SU TZAN-DRA: ZHES RNAM DBYE THOB PA LA SU TZAN-DRA ZHES RNAM DBYE MED PAR BYAS PA DANG, SANGS RGYAS THAMS CAD DANG BLA MA RNAMS KYIS CHED DU SLOB MA YIS ZHES RNAM DBYE BZHI PA THOB PA LA, 'DI'I THAD KYI SKAD DOD LA, SANGS RGYAS THAMS CAD DANG BLA MA RNAMS KYIS SLOB MA'I ZHES DRUG PAR BYAS PA DANG, DRI NI SA LAS 'BYUNG ZHES SOGS RNAM DBYE LNGA PA 'THOB PA LA DRI NI SA LA 'BYUNG BA STE ZHES SOGS RNAM DBYE BDUN PAR BYAS PA DANG, DRA DANG SPOS SOGS MAR ME DANG, ZHES SOGS SU'ANG D'I PI ZHES GCIG TSIG THOB PA LA D'I BI BTIM ZHES MANG TSIG BYAS PA SOGS DANG, DAM PA'I BU YIS BLA MAR DBUL ZHES BZHI PA'I RNAM DBYE THOB PA LA, BLA MA'I DBUL ZHES DRUG PAR BYAS NAS GSUNGS TE, DE LTA BU LA SOGS PA'I SGRA ZUR CHAG GZHAN YANG RNAL 'BYOR PAS RTZA RGYUD KYI LUNG GI TSIG BKLAGS PA LAS RTOG PAR BYA'O, ,BZHI PA NI, DE BZHIN DU 'GREL BSHAD TE BSDUS PA'I RGYUD KYI RGYAS 'GREL 'DI LA YANG SGRA BZANG PO LA ZHEN PA'I MNGON PA'I NGA RGYAL
, ,NYAMS PAR BYA BA'I SLAD DU PAD-MA DKAR PO BDAG GIS DON LA RTON PA NYID LA BRTEN TE SKABS 'GA' ZHIG TU SGRA'I GTZUG LAG DANG, MI MTHUN PA'I TSIG GIS DRI BAR BYA STE, DE'I RGYU MTSAN YANG SPYIR RJOD BYED KYI RNAM PA GANG DANG GANG GIS RIGS BZANG PO DANG, SGRA BZANG PO NI MNGON PA'I NGA RGYAL ZAD PAR 'GYUR BA'I RNAM PA DE DANG NGES DON LA RTEN PA NYID LA BRTEN TE, YUL GYI SKAD GZHAN DANG SGRA'I BSTAN BCOS KYI SKAD GZHAN GYIS SANGS RGYAS DANG BYANG CHUB SEMS DPA' RNAMS GDUL BYA RNAMS LA THAR PA'I DON DU CHOS STON PA'I PHYIR RO, ,GSUM PA MDOR BSDUS KYI MTSAN BSTAN PA NI, BSDUS PA'I RGYUD KYI RGYAL PO ZHES SOGS SO, ,SMRAS PA GZHUNG BZANG TI LA KA YI LUS MDZES LANG TSO'I DBUS SU 'JOGS PA YI, ,NAGS KYI DPAL MO'I SKRA TSOGS RAB BYAS LAN BU GSAR BAS RNAM PA RGYAN PA, ,DON ZAB BCUD 'DZIN ME RTOG PHON PO'I DRI LEN GYIS POS BUNG PA'I TSOGS, ,THUB BSTAN 'GENGS PA'I LEGS BSHAD DAR DIR DREGS PA'I GLU DBYANGS 'DIR BYOS SHIG, BCOM LDAN 'DAS DPAL MCHOG GI DANG PO'I SANGS RGYAS KYI RTZA BA'I RGYUD LAS BYUNG BA BSDUS PA'I RGYUD KYI RGYAS 'GREL DRI MA MED PA'I 'OD KYI RGYA CHER BSHAD PA DE KHO NA NYID SNANG BAR BYED PA ZHES BYA BA LAS, MDOR BSDUS GSUM PA'I RNAM PAR BSHAD PA'O, , RNAM PAR BCAS KYANG RNAM PA MED, ,AE YIG MKHA' KHAMS STONG CHEN LA, ,BZHAGS PA'I WAM YIG BDE BA CHE, GNYIS MED DE LA PHYAG 'TSAL NAS, ,GANG BLO RGYUD SDE'I BANG MDZOD NA, ,SHES BYA'I DNGOS KUN NGAL BSO BA, ,DE LAS LEGS
BSHAD RIN CHEN GYI, ,'DOD DGU MI ZAD SBYIN PAR BYA, ,GNYIS PA BSHAD PA NYE BAR DGONG PA LA GSUM, GLENG BZHI PHUN SUM TSOGS PAS RGYUD KYI DON KUN MDOR BSTAN PA, ZLA BA BZANG POS JI LTAR ZHUS SHING GSOL BA BTAB PA BSHAD PA, ZHUS PA'I DON LE'U SO SOS RGYAS PAR BSHAD PA'O, ,DANG PO LA GNYIS, GLENG GZHI'I TSIG GI BSDUS DON DANG RKANG PA DANG PO GSUM BSHAD NAS DE LA DOGS PA SPANG BA'I MDOR BSDUS, RKANG PA THA MA BSHAD NAS BRJOD BYA'I GTZO BO RDO RJE'I RNAL 'BYOR BSDU BA'I MDOR BSDUS SO, ,DANG PO LA GSUM, BSHAD PAR DAM BCA' PA, MDOR BSDUS KYI GZHUNG BSHAD PA, MDOR BSDUS KYI MTSAN BSTAN PA'O, ,DANG PO NI, DE LTAR RGYUD BSHAD PA LA 'JUG PA'I YAN LAG GSUM BSHAD ZIN PA'I 'OG TU 'JAM DPAL GYI SPRUL PA MI'I DBANG PO GRAGS PA STON PA PO DANG, NYI MA'I SHING RTA GSOL BA 'DEBS PA PO DANG, LA SOGS PAS GSOL BA BTAB PA LTAR ZHAL GYIS BZHES NAS BSDUD RGYUD BSDUS SHING NYAN PAR BSKUL BA BSDUS RGYUD JI LTAR 'BYUNG BA'I 'BREL BA DANG LA SOGS PAS DE'I 'OG TU RGYUD GYI GLENG GZHI'I TSIG BSDUS PA DANG, GSOL BA BTAB PA BSDUS PA DANG, LE'U SO SOS GSOL BA BTAB PA'I DON BSHAD PA RNAMS BSHAD PA'I SGO NAS BSDUS PA'I RGYUD KYI RGYAL PO RNAM PAR RGYAS PAR BSHAD PAR BYA'O ZHES DAM BCAS PA STE, STE NI 'OG MA DAG 'DREN PA'I TSIG GO, ,GNYIS PA LNGA, BSDUS RGYUD STON PA PO PHUN SUM TSOGS PA LNGA LDAN GYI ZHU BA PO LA LEGS SO GNANG STE ZHAL GYIS BZHES NAS NYAN PAR BSKUL BA, BSHAD BYA GLENG GZHI'I TSIG RNAM PAR BKOD NAS DE'I BSDUS DON BSTAN PA, GLENG
, ,GZHI LA BRJOD PAR 'OS PA'I TSIG AE WAm SMOS PA CHAD PA'I RTZOD PA SPANG PA, SMOS PA'I TSIG RNAMS LA BZLOS 'GAL GYI SKYON SPANGS NAS GNAS DANG STON PA GTAN LA DBAB PA, DES NA STON PA PO DANG ZHU BA PO GZHAN LAS KHYAD PAR 'PHAGS PAR BSTAN PA DON BSDU DANG BCAS PA'O, ,DANG PO NI, BSDUS BRGYUD STON PA'I SKABS 'DIR GNAS KYI KHYAD PAR DPAL LDAN DUS KYI 'KHOR LO SOGS DANG, 'KHOR GYI KHYAD PAR LHA DANG SOGS DANG, NGO BO'I KHYAD PAR DE BZHIN GSHEGS PA THAMS CAD KYI SHES RAB KYI NGO BO 'JAM DPAL GYI SPRUL PA'I SKU, ZHU BA PO'I KHYAD PAR NYI MA'I SHING RTAS GSOL BA BTAB PA, MTSAN GYI KHYAD PAR MI'I DBANG PO GRAGS PAS NYI MA'I SHING RTA LA GSOL BA BTAB PA'I LAN DU 'DI SKAD CES GSUNGS SO, ,NYI MA'I SHING RTA KHYOD CES SOGS KYIS ZHUS PA LA LEGS SO GNANG NAS, KHYOD KYI 'DI ZHES SOGS KYIS ZHAL GYIS BZHES TE, KHYOD KYIS KYANG RTZE GCIG PA'I YID KYIS NYON CIG CES NYAN PAR BSKUL LO, ,GANG MNYAN PAR BYA BA'I RGYUD NI, SNGON DU RTZA RGYUD LAS LUNG BSTAN PA'I BSDUS PA'I RGYUD KYI RGYAL PO BRJOD BYA'I GTZO BO DAM PA'I DNGOS PO SHES RAB DANG THABS KYI BDAG NYID KYI RNAL 'BYOR STON PA'O, ,BSDUS PA'I RGYUD DE YANG GANG GIS BSDUS NA BSDUD PAR BYED PA PO RGYAL PO GRAGS PA BDAG GIS SO, ,RGYU GANG LA BRTEN NAS BSDUS NA DE BZHIN GSHEGS PAS SDUD PAR RJES SU GNANG ZHING SDUD NUS PAR BYIN GYIS BRLABS KYI STOBS KYIS SO, ,GANG LAS BSDUS NA YANG DAG PAR RDZOGS PA'I SANGS RGYAS STON PA PO DANG ZLA BA BZANG PO GSOL BA 'DEBS PAR 'GREL PAS
BSTAN PA'I RTZA BA'I RGYUD KYI RGYAL PO CHEN PO LAS PHYUNG BA'O, ,JI LTAR BSDUS NA PHRENG BA 'DZIN PA'I SDEB SBYOR GYIS YANG DAG PAR BSDUS TE'O, ,DAM PA'I DNGOS PO ZHES PA, SNGA PHYI 'DI DAG SAD BHA BA DAM PA'I BSAM PAS ZHES PA LA 'JUG PAS DE LTAR BSGYUR NAS 'CHAD PAR 'DOD PA NI, MDOR BSDUS DANG POR DAM PA'I LAM ZHES GSUNGS PA DANG DON 'DRA BAR 'CHAD MA SHES PA STE, DAM PA'I LAM GYI DNGOS PO ZHES BYA BA'I DON YIN NO, ,GNYIS PA LA GSUM, 'TSAMS SBYAR BA, GLING GZHI'I TSIG DGOD PA, DE NYID BSDUS DON GYIS {PHYOGS}, BSHAD PA'O, ,DANG PO NI, DE NAS ZHES SOGS SO, ,GNYIS PA NI THAMS CAD MKHYEN PA ZHES SOGS TE, THOG MA'I YI GE NYER GSUM GYIS GNAS PA DANG PO DE NAS YI GE LNGAS GNAS PA GNYIS PA, DE NAS YI GE BDUN GYIS GNAS PA GSUM PA, DE NAS YI GE NYER BRGYAD KYIS GNAS PA BZHI PA, GZHUNG LHAG MAS GNAS PA LNGA PA BSTAN LA, MDOR BSDUS BZHI PA LNGA PA DRUG PA GSUM DON GYI CHA NAS LE'U LNGA KA'I THUN MONG BA YIN KYANG, GZHUNG LE'U DANG PO DANG TSAN GCIG TU BZHUGS PA'I DBANG GIS 'DI DAG GI GNAS PA RNAMS LE'U DANG PO'I GNAS PA'I GRANGS SU BGRANGS SO, ,GSUM PA NI, 'DI'I GZHUNG GZHAN THAMS CAD GO SLA LA, PA LHA MCHOG RNAMS KYIS BTUNG PA ZHES PA NI, BA MAR LA DRANGS NAS BTUD PA LA ZHES SBYAR NAS BSHAD RGYU YIN PAS KHRI LA BZHUGS PA ZHES SBYAR BA YIN NO, ,DE'I PHYIR PA ZHES PA'I TSIG MED PAR, LHA'I MCHOG RNAMS KYIS NI, ZHES 'GYUR BCOS PA MA LEGS SO, ,GSUM PA LA GNYIS, RTZOD PA DGOD PA DANG, DE'I LAN BSTAN PA'O, ,DANG PO NI, RNAL
, ,'BYOR BLA NA MED PA'I RGYUD KYI RGYAL PO PHAL CHE BA THAMS CAD DU 'DI SKAD BDAG GIS THOS PA STE AE VAm MA YA SHRU TAm ZHES PA LA SOGS PAS BCOM LDAN 'DAS RDO RJE 'DZIN PA BZHUGS PA'I GNAS NGES PAR BSTAN PA DE BZHIN GSHEGS PAS GSUNGS PA MA YIN NAM, JI LTAR NA, ,YANG DAG PAR BSTAN PA YIN TE, DE LTAR STON PA MI RIGS SO, ,DES NA 'DI SKAD CES SOGS TE, 'DI STON PAS GSUNGS PA'I TZA RGYUD MA YIN PAR THAL, RTZA RGYUD KYI THOG MAR BZHUGS PA'I GNAS STON PA'I AE VAm GYI TSIG MED PA'I PHYIR, ZHES BYA BA YIN GYI RDO RJE BTZUN MO'I BHA GA LA ZHUGS SO, ,ZHES PA LTA BU LA BZHUGS PA'I GNAS STEN PA'I TSIG TU BYAS NAS DE MED PAR RTZOD PA MA YIN NO, ,GNYIS PA LA BCU, RGYUD KYI THOG MAR AE VAm LTA BU LEGS SBYAR GYI SKAD KHO NA NGES BZUNG DU SMOS MI DGOS PA'I SGRUB BYED BSTAN PA, DE NGES BZUNG DU SMOS DGOS PA LA GNOD BYED BSTAN PA, DE SMOS MI DGOS PA'I SGRUB BYED GZHAN BSTAN PA DPE DANG BCAS PA, LEGS SBYAR SKAD KYIS BSDUS PA'I RGYUD RNAMS LA'ANG BZHUGS PA'I GNAS STON TSUL DANG ZHU BA PO RIGS GCIG TU MA NGES PAR BSTAN PA, AE VAm GYIS MTSON PA'I DON GYI MING GI RNAM GRANGS BSHAD PA, RGYUD GZHAN DU GSUNGS PA'I AE VAm GYI TSIG GI NGES DON BSHAD PA DE NYID BLA MA'I MAN NGAG LAS YID CHES GSUM GYI SGO NAS RTOGS PAR BYA BAR BSTAN PA, YID CHES GSUM LDAN GYI RGYUD KYI DON BSDUS PA BSHAD PA, RGYUD GZHAN LAS BSTAN PA'I AE VAm GYI DON DE NYID, 'DI'I GLING BZHI'I DON DU JI LTAR
YOD TSUL BSHAD PA, ,DE'I PHYIR TSIG TZAM LA BRTEN NAS SMAD PAR MI BYA BA DON BSDU DANG BCAS PA'O, ,DANG PO NI, DE'I PHYIR LAN BRJOD PA ZHES MTSAMS SBYAR NAS, 'DIR ZHES PA NAS MA YIN TE, ZHES PAS DAM BCA' STON TE, RTZA BA'I RGYUD KYI RGYAL PO THAMS CAD DU AE VAm ZHES PA LA SOGS PAS ZHES SBYAR RO, ,DE'I RGYU MTSAN GANG GI PHYIR NA, CHOS STON PA PO RNAMS KYANG DON LA GTZO BOR RTON PA LA BRTEN NAS GDUL BYA RANG RANG GI SKAD DANG MTHUN PAR SKAD SNA TSOGS LAS CHOS STON PA NYID KYI PHYIR DANG, SDUD PAR BYED PA PO RNAMS KYANG YUL SNA TSOGS KYI SKAD LEGS SBYAR LAS GZHAN GYIS KYANG YANG DAG PAR SDUS PAR BYED PA NYID KYI PHYIR RO, ,DANG ZHES PA NI, 'DI GNYIS GANG RUNG RES KYANG DAM BCA' DE NYID 'GRUB PA'I RTAGS RNAM GRANGS PAR STEN PA'O, , GNYIS PA NI, GAL TE NAS DE LTA NA'I BAR NI PHYOGS SNGA MA'I 'DOD PA, KHONG DU CHUD PAR STON PA'O, ,'DI SKAD BDAG GIS THOS PA ZHES PA LA SOGS PA ZHES PA BSGYUR GRAGS PA YIN PAS, DBANG 'GYUR DU 'DIR GAL TE, AE VAm MA YRA SHRU TAm ZHES PA LA SOGS PA LEGS PAR SBYAR BA'I TSIG CES 'BYUNG BA LEGS TE, 'DI SKAD BDAG GIS THOS PA ZHES PA LEGS SBYAR GYI TSIG MA YIN PA'I PHYIR RO, ,DE LA GNOD BYED STON PA NI, CHOS KYI PHUNG PO BRGYAD KHRI BZHI STONG DUS DUS DU MANG YANG CIG CHAR GDUL BYA RIGS THA DAD DU MA LA DE BZHIN GSHEGS PAS BSTAN PAR MI NUS PA DANG SDUD PA POS KYANG GDUL BYA RIGS THA DAD DU MA'I RANG RANG GI SKAD DANG MTHUN PAR BRI PA DANG SDUD PAR MI NUS PAR THAL TE, STON PA DANG SDUD PA PO GNYIS KYIS CHOS STON PA DANG SDUD PA SKAD NYI TSE BA LEGS PAR
, ,SBYAR BA'I TSIG GCIG PUR NGES PA YIN PA'I PHYIR RO, ,SKYON GYI RNAM GRANGS GZHAN YANG 'DIR NAS MA YIN PA'I BAR TE, GSUNG NYI TSE BA DE KHO NAR NGES NA SKU YANG NYI TSE BA KHO NAR 'GYUR BAS CIG CAR ZHING MTHA' YAS SU GDUL BYA MTHA' YAS LA SKU DANG GSUNG GI RNAM PAS DON MDZAD PA MED PAR 'GYUR BAS THAMS CAD MKHYEN PA MA YIN PAR 'GYUR NA, DE YANG 'THAD PA MA YIN NO ZHES BYA BA'I DON TO, ,GSUM PA LA GNYIS, SGRUB BYED DNGOS DANG DPE BSTAN PA'O, ,DANG PO NI, 'DIR ZHES PA NAS, ,'DI'I PHYIR STON PA PO THAMS CAD MKHYEN PA SKU'I RNAM PA RIGS GCIG PA MA YIN NO, ,ZHES DANG, STON PAR BYED PA'I GSUNG RIGS GCIG MA YIN NO, ,ZHES PA NAS DGE 'DUN RIGS GCIG MA YIN GYI, 'DIR GDUL BYA'I SEMS CAN RNAMS KYI MOS PA SNA TSOGS KYI DBANG GIS RANG RANG GI MOS PA DANG MTHUN PAR THAMS CAD MKHYEN PA'I SKU'I RNAM PA RIGS MI 'DRA BA DU MA DANG, THAMS CAD MKHYEN PA'I SKAD RIGS MI 'DRA BA DU MA DANG, ZHES PA NAS, CHES BSTAN PA RIGS MI 'DRA BA DU MA YIN NO, ,DE DAG GIS GRUB PA'I DON BSDU BA NI, DE'I PHYIR NAS LHA'I SKAD LEGS SBYAR GCIG PUS RGYUD THAMS CAD BSTAN PA MA YIN NO, ,GNYIS PA NI, 'O NA LEGS SBYAR GCIG PU MA YIN PAR SKAD RIGS MI 'DRA BA SNA TSOGS PA'I SGO NAS BSTAN PAS CHOS BSTAN PA'I DPE JI LTA BU YOD CE NA, 'DIR ZHES PA NAS, MA GA DHA'I PRAL SKAD KYIS CHOS BSTAN PA NI 'DI LTA STE, ARYA PI SO, ,ZHES SOGS BOD SKAD DU BSGYUR NA, 'DI LTAR YANG DE NI BCOM LDAN 'DAS YANG DAG PAR RDZOGS PA'I
SANGS RGYAS RIG PA DANG ZHABS SU LDAN PA, ZHES PA DANG, SU GA TO LO KA SOGS BDE BAR GSHEGS PA 'JIG RTEN MKHYEN PA BLA NA MED PA, ZHES PA YIN PA'O, ,'OG MA GNYIS KYANG BOD SKAD DU BSGYUR NA 'DI DANG 'DRA ZHING, RU KA MA NI GSER LDAN DANG, SU RAM-MA NI 'OD BZANG STE LHAG MA DAG GO SLA LA, DE LTAR NAS MA YIN NA'O BAR NI DPE BSTAN PA'I GRUB PA'I DON BSDU BA'O, ,BZHI PA LA GSUM BZHUGS PA'I GNAS STON PA RIGS GCIG TU MA NGES PAR BSTAN PA DANG, ZHU BA PO RIGS GCIG TU MA NGES PAR BSTAN PA DANG, DE NA RIGS GCIG TU NGES PAR SMRA BAR MI BYA BA BSTAN PA'O, ,DANG PO NI, NGES NA ZHES PA NAS, MA YIN NA'O BAR GYIS MDOR BSTAN NAS, DE NYID MTSAN GZHI LA DPER MTSON PA'I SGO NAS RGYAS PAR 'CHAD PA NI, DANG POR RE SHIG NAS, BSTAN TO'I BAR NI 'DUS PA DANG SGYU 'PHRUL DRA BA'I RTZA RGYUD RGYAS PAR AE VAm LA SOGS PA'I TSIG GIS BZHUGS PA'I GNAS BSTAN PAR 'CHAD PAR BSTAN PA'O, ,RTZA RGYUD RGYAS PA'I DE LA LAR NI, AE VAm SOGS KYI TSIG GIS BSTAN PA MA YIN TE, DANG POR RE SHIG DUS KYI 'KHOR LO'I RTZA RGYUD RGYAS PA MCHOG GI DANG PO'I SANGS RGYAS STONG PHRAG BCU GNYIS PA DANG, 'JIGS BYED KYI RGYUD RGYAS PA, RNAL 'BYOR RJES SU RIG PA STONG PHRAG SUM BCU RTZA DRUG PA DANG BDE MCHOG GI RTZA RGYUD RGYAS PA MNGON PAR BRJOD PA 'BUM PA CHEN PO LAS TE, DE BZHIN DU RTZA BA'I RGYUD KYI RGYAL PO RGYAS PA GZHAN DU MA RNAMS LA YANG SBYAR TE SHES PAR BYA'O, ,RTZA BA'I RGYUD KYI RGYAL PO RGYAS PA RNAMS LA RIGS GCIG TU MA NGES PA JI LTA BA DE BZHIN DU DE NAS
{tIG CHEN} *, ,ZHES PA NAS MA YIN NO'I BAR GYIS BSDUS RGYUD RNAMS LA'ANG RIGS GCIG TU MA NGES PAR BSTAN NAS, 'DUS PA'I RTZA RGYUD RGYAS BSDUS GNYIS GA LAS AE WAm SOGS KYIS BSTAN TSUL JI LTA BU ZHE NA, 'DIR DPAL 'DUS PAR ZHES SOGS DANG, SGYU 'PHRUL DRA BA'I RTZA RGYUD RGYAS BSDUS GNYIS GA'I THOG MAR AE WAm SOGS KYIS BSTAN TSUL NI DE BZHIN DU ZHES SOGS SO, ,'DUS PA DANG SGYU 'PHRUL DRA BA DE BZHIN DU RTZA BA'I RGYUD RGYAS PA DANG DE LAS BYUNG BA'I BSDUS PA'I RGYUD KYI RGYAL PO 'BUM LNGA DGYES PA RDO RJE DANG BRTAG GNYIS LA SOGS PA GZHAN DU MA RNAMS LA YANG TSIG DES, BZHUGS PA'I GNAS NGES PAR BSTAN TO, ,'DI SKAD BDAG GIS THOS PA ZHES SOGS BZHUGS PA'I GNAS STON PA'I TSIG 'DI DAG GI NGES DON SEMS 'GREL RNAMS KYI LUGS 'DIS JI LTAR 'CHAD PA'I TSUL NI, AE YIG GIS MTSON PA'I DON NI BDE BA CHEN PO GANG LA BZHUGS PA'I GNAS RTEN RNAM BCAS DANG RNAM MED KYI STONG BA NYID DO, ,WAm YIG GIS MTSON PA'I DON NI RTEN DE LA BRTEN BA'I MCHOG TU MI 'GYUR BA'I BDE BA CHEN PO'O, ,BDAG GIS ZHES BA NI BDAG NYID KYIS SO, ,THOS PA NI RTOGS PA STE MNGON DU BYAS PA'O, ,DUS GCIG NI MI 'GYUR BA'I BDE BA NYIS KHRI CHIG STONG DRUG BRGYA RDZOGS PA'I SKAD CIG GCIG GO ,BCOM LDAN 'DAS NI DE 'DRA BA'I BDE BA CHEN PO DE'O, ,DE BZHIN GSHEGS PA THAMS CAD KYI PHUNG PO LNGA'O, ,DE RNAMS KYI SKU GSUNG THUGS NI LUS NGAG YID GSUM YIN LA, DE DAG GI BYA BA 'JUG BA'I YUL GYI CHOS CAN NAM MKHA' LA SOGS PA'I KHAMS RNAMS NI RDO RJE BTZUN MO RNAMS ZHES BYA ZHING, BHA GA RNAMS NI 'KHOR LO DRUG GI RTZA'I PAD+MA RNAMS TE,
DE LA ZHUGS PA NI SROG 'GRO BA DANG 'ONG BA'I DBYE BAS RIM PA BZHIN, YON TAN GCIG DANG GNYIS DANG GSUM DANG BZHI DANG LNGA'I BYE BRAG GIS, GTZUG TOR DANG, DPRAL BA DANG, MGRIN PA DANG, SNYING KA DANG, LTE BA'I PAD+MA'I BHA GA RNAMS SU DANG, YON TAN GSUM GYI DBYE BAS KYANG LTE BA DANG, GSANG BA DANG, NOR BU'I PAD+MA'I BHA GA RNAMS SU DGA' BA DANG MCHOG DGA' LA SOGS PA'I DBYE BAS BYANG CHUB KYI SEMS ZHUGS PA NA LUGS 'BYUNG YIN LA, LUGS LAS BZLOG PA NI, SNGAR BYON PA JI LTA BA'I RIM BA LAS BZLOG PAS YON TAN ZAD PAS RDO RJE NOR BU DANG GSANG BAR DANG, YUL ZAD PAS LTE BA NAS GTZUG TOR KYI BAR GYI PAD+MA'I BHA GA RNAMS SU, RGYU MTHUN LA SOGS PA'I RIM PAS BYANG CHUB KYI SEMS ZHUGS SHING BRTAN PAR BYAS PA'I BDE BA CHEN PO DE'I BYED LAS KYIS KHAMS DANG PHUNG PO LA SOGS PA RNAMS SGRIB PA MED PAR BYED PA'O, ZHES 'CHAD PA YIN TE, RDO RJE SNYING 'GREL LAS, DON 'DI NYID GSAL BAR BSHAD PA'I KHUNGS NI, TSIG HA CANG MANG PAS 'JIGS TE MA BRIS SO, ,AE WAm SOGS KYI TSIG LAS GZHAN GYIS BZHUGS PA'I GNAS BSTAN PA'I RGYUD SNGAR BSTAN PA DE RNAMS LAS BZHUGS PA'I GNAS TSIG JI LTA BUS BSTAN PA 'CHAD PA NI, 'DIR MCHOG GI DANG PO'I SANGS RGYAS LAS BCOM LDAN 'DAS KYIS GSUNGS PA NI, GZHAN DKYIL 'KHOR GYI DBANG DU BYAS PA'I BZHUGS PA'I GNAS GDAN DANG BZHUGS PA PO STON PA LA BSHAD PA DANG, GZHAN THABS SHES DBYER MED KYI DBANG DU BYAS PA'I BZHUGS PA'I GNAS SAM RTEN STONG PA NYID DANG BZHUGS PA PO BRTEN PA BDE CHEN LA BSHAD PA GNYIS LAS, DANG PO 'CHAD PA NI THAMS CAD MKHYEN PA SOGS SKU BZHI'I BDAG NYID KYI SANGS RGYAS NI BZHUGS PA PO RGYUD KYI STON PA YIN LA,
, ,DE GANG LA BZHUGS PA'I GNAS NI, NYON MONGS PA'I BAG CHAGS KYI RI DvAGS GSOD PA'I SENG GE'I KHRI STE RTEN ZLA NYI SGRA GCAN DUS ME'I GDAN LA SKU GSUNG THUGS DANG CHAGS PA STE YE SHES BZHI'I DBYE BA YIS PHYE BA'I SKU GSUNG THUGS KYI DKYIL 'KHOR GSUM GYI DBUS KYI BDE BA CHEN PO'I 'KHOR LO'I PAD+MA'I LTE BA LA BZHUGS PA'O, ,GNYIS PA 'CHAD PA NI, SKU GSUNG THUGS RDO RJE GSUM DANG CHAGS PA YE SHES RDO RJE STE BZHI'I BDAG NYID RDO RJE BDE BA CHEN PO DANG SEMS DPA' STONG PA NYID DBYER MI PHYED BA'I RDO RJE'I RNAL 'BYOR RIGS THAMS CAD LA KHYAB PA'I LHAG PA'I LHA 'DI ZHES MDOR BSTAN NAS, SO SOR RGYAS PAR 'CHAD PA NI, DUS KYI 'KHOR LO MCHOG TU MI 'GYUR BA'I BDE BA CHEN PO NI BRTEN PA BZHUGS PA PO YIN LA, DE NYID GANG LA BZHUGS PA'I GNAS SAM RTEN NI, THOG MA SKYE BA DANG, THA MA 'GAG PA RANG BZHIN GYIS MED PA'I STONG PA NYID DO, ,GNAS PA'I TSUL NI, BU DDHA KHONG DU CHUD PA LA'O, ZHES PAS SANGS RGYAS KYI SKAD DOD BU DDHA NI DE KHO NA NYID RTOGS PA'AM KHONG DU CHUD PA'I DON DU BYAS NAS YUL RNAM MED KYI STONG PA DE KHO NA NYID DE LA YUL CAN BDE BA TSON PA CHU LA CHU BZHAG BZHIN RO GCIG TU GYUR TE RTOGS PA'I TSUL GYIS GNAS SO, ,'DIS NI RNAM MED KYI STONG NYID KYI DBANG DU BYAS PA'I BZHUGS PA'I GNAS BSTAN LA, RNAM BCAS KYI DBANG DU BYAS PA NI, MCHOG TU MI 'GYUR BA'I BDE BA CHEN PO DANG PO'I SANGS RGYAS THABS SHES GANG RUNG GCIG GIS RIS SU CHAD PA MED PA, KUN NAS TE RNAM PA THAMS CAD DU RTOG PAS MI PHYED BA'I RDO RJE DBANG PHYUG LA SOGS PA DRUG DANG LDAN PA'I SKAL BZANG NYID BZHUGS PA PO DANG,
DE GANG LA BZHUGS PA'I GNAS SAM RTEN NI KUN NAS SNA TSOGS TE RNAM PA THAMS CAD KYI MCHOG DANG LDAN PA'I STONG PA NYID YIN LA, JI LTAR GNAS PA'I TSUL NI, BRTEN PA BDE CHEN DANG RTEN STONG GZUGS PHYAG RGYA CHEN MO NGO BO DBYER MED PA'I THABS SHES SU SDOM PA'I TSUL GYIS GNAS PA STE, DE LTAR RNAM BCAS DANG RNAM MED KYI STONG NYID DANG MI 'GYUR BA'I BDE CHEN MTHAR THUG PA DBYER MED PA'I RDO RJE'I RNAL 'BYOR DE NYID RLUNG 'PHO BA BCU GNYIS 'GAGS PA'I BDEN DON RNAM PA BCU GNYIS DANG, LHAN SKYES KYI DGA' BA'I CHA BCU DRUG YONGS SU RDZOGS PA'I DE NYID RNAM PA BCU DRUG RANG GI NGO BOR 'DZIN PA'O, ,ZHES PA LA SOGS PAS MCHOG GI DANG PO'I SANGS RGYAS LAS BZHUGS PA'I GNAS NGES PAR BSTAN PAR GSUNGS SO, ,'GREL BAR TSIG 'DI DAG GIS GNAS BSTAN PAR DNGOS SU GSUNGS PA LA GNAS BSTAN PA LA SBYAR BA'I 'CHAD TSUL CUNG ZAD KYANG MI PHYED BAR GANG BYUNG GI BSHAD PA GZHAN RJED PA DANG, STON PA PO PHUN SUM TSOGS PA BSTAN PA LA SBYAR BA TZAM ZHIG BYED PA DANG, GDOD PA NAS SANGS RGYAS PA THER ZUG 'GYUR MED DU GNAS PAS THOG MA THA MA MED PA ZHES DANG, KUN NAS RDO RJE LA SKU DANG YAN LAG KUN NAS SRA ZHING KHONG STONG MED PAR NGAM, PA'I RDO RJE ZHES SOGS MUN SPRUL 'BA' ZHIG GI BSHAD PA BYED PA DAG LA SNYING PO PHYOGS, MA MTHONG NGO, ,DE BZHIN DU RNAL 'BYOR RJES SU RIGS PAR BZHUGS PA'I GNAS TSIG JI LTA BUS BSTAN TSUL LA, RKANG BA GSUM PAR GZUGS KYIS NI, ZHES PA 'GYUR MA LEGS SHING, GZUGS KYI SKAD DOD R'U PA RANG PHYOGS, BZHIN LA'ANG 'JUG PAS RANG BZHIN GYIS ZHES BSGYUR NA
, ,LEGS LA, RTZA MIS TSUL GYIS NI ZHES BYAS SO, ,DE LA RKANG PA THOG MTHA' GNYIS KYIS GNAS DANG, BA RAB GNYIS KYIS BZHUGS PA PO STON TE, LHAG PA'I LHA NI GCIG PO NGES DON GYI STON PA'ANG LHAN CIG SKYES DGA'I RANG BZHIN GYIS NI ZHUGS SO, ,GNAS GANG LA NA STONG GZUGS KYI RDO RJE 'JIGS BYED YAB YUM ZHAL SBYOR GYI RNAM PA CAN GYI YUM RDO RJE MKHA' 'GRO STONG GZUGS PHYAG RGYA CHEN MO'I BHA GA'I PAD+MAR GNAS SO, ,TSUL JI LTAR NA, SRID PA GSUM GYI RNAM PA KUN GYI MCHOG DANG LDAN PA'I STONG NYID DANG BDAG NYID GCIG TU GYUR PA'I TSUL GYIS YANG DAG PAR GNAS SO, ,TZA MIS, SRID GSUM BDAG NYID YANG DAG GNAS, ZHES BSGYUR BA LTAR LEGS KYI, RvA 'GYUR DU BDAG PO ZHES DANG, 'DIR DAG LA ZHES BSGYUR BA MI LEGS SO, ,DE BZHIN DU MNGON PAR BRJOD PA 'BUM PA LAS BCOM LDAN 'DAS KYI TSIG JI LTA BUS GSUNGS PA NI, RKANG PA DANG PO GNYIS KYI DON LA BSTOD 'GREL GYI DON DU RLOMS NAS KHA CIG GIS, LHAN CIG SKYES PA'I SKU SEMS DPA' DE NYID CHOS KUN GYI BDAG NYID RTAG TU SKYE 'JIG DANG BRAL BAR GNAS ZHES 'CHAD PA NI, SANGS RGYAS KYI THUGS RGYUD KYI LHAN SKYES KYI BDE CHEN CHOS THAMS CAD LA GNAS PA DANG, SKYE 'JIG RANG NGAM, MED PA'I RTAG PAR KHAS BLANGS PAS KYANG GRUB PA'I MTHA' 'DRES LA, RANG NYID KYIS SEMS CAN LA SANGS RGYAS MED PAR DAM BCAS PA DANG KHAS BLANGS 'GAL ZHING, RTAG PA'I BDE BA 'DOD BA MU STEGS KYI LUGS SO, ,BSTOD 'GREL GYI DON GTAN MA YIN TE,
BSTOD 'GREL GYI RTZA TSIG TU, GSANG CHEN MCHOG TU DGYES PA DANG, ,KUN GYI BDAG NYID NA RTAG BZHUGS, ,SEMS DPA' PHO NYA KUN RANG BZHIN, ,RDO RJE SEMS DPA' BDE BA'I MCHOG, CES 'BYUNG BA'I RKANG PA DANG PO GNYIS KYI 'GREL PAR, SNGAR GSUNGS PA'I STONG PA NYID KYI DBYINGS CHOS CAN KUN GYI BDAG NYID NA RTAG TU STE, 'DAS PA DANG MA 'ONGS PA DANG, DA LTAR BYUNG BA'I DUS THAMS CAD DU BZHUGS PA STE, SKYE BA DANG 'JIG PA'I CHOS DANG BRAL BA'I PHYIR RO, ZHES PA GSUNGS PA NI, YUL STONG PA NYID CHOS KYI DBYINGS DE CHOS CAN KUN GYI BDAG NYID DU DUS RTAG TU GNAS PA DANG SKYE 'JIG DANG BRAL BAR STON TE, YUL CAN LHAN SKYES KYI BDE BA CHOS CAN KUN LA GNAS PA DANG SKYE 'JIG DANG BRAL BAR STAN PA'I 'KHRUL GZHI TZAM YANG MED PA TSIG ZIN LA SHIN TU GSAL BA'I PHYIR DANG, RTZA BA RANG DU YANG, KUN GYI BDAG NYID NA RTAG BZHUGS, ZHES PA NA'I TSIG GIS KUN GYI BDAG NYID BZHUGS PA'I GNAS SU GSAL BAR STON GYI, BZHUGS PA POR STON PA'I 'KHRUL GZHI TZAM YANG MED PA'I PHYIR RO, ,KHA CIG PHO NYA KUN GYI GSANG BA STONG GZUGS LA 'CHAD PA DRANGS MA THAG PA'I BSTOD 'GREL GYIS CHOS DBYINGS LA BSHAD PA DANG 'GAL LO, ,SEMS DPA' SRID GSUM KUN GYI BDAG NYID DU GNAS PA'I BDE PA LA 'CHAD LA, BDE BA CHEN PO PHYOGS 'KHOR BA'I SDUG BSNGAL THAMS CAD DANG NGO BO DBYER MED DU 'DOD PA'I LUGS DE 'OG TU 'GOG PAR 'GYUR ZHING, SEMS DPA' PHO NYA KUN GYI RANG BZHIN STONG GZUGS KYI SHES RAB LA BYAS NAS,
, ,DE'I BDAG PO NI RDO RJE SEMS DPA' BDE BA CHEN PO THABS SO ZHES 'CHAD PA'ANG, BSTOD 'GREL LAS RDO RJE'I DON SHES RAB LA BSHAD PA DANG DNGOS SU 'GAL LO, ,DE LTAR NA NYUNG NGU'I RGYUD KYI RKANG PA DANG PO GNYIS DANG 'DI'I RKANG PA DANG PO GNYIS DON 'DRA BAR BSHAD DGOS LA, DE 'CHAD PA NA BSTOD 'GREL GOL, LAS SNGAR LTAR BSHAD PAS, 'DIR YANG KUN GYI BDAG NYID GNAS, ZHES PA GNAS KYI KHYAD PAR DU SBYAR DGOS SO, ,DES NA PHO NYA STE MKHA' 'GRO MA KUN GYI GSANG BA'AM BHA GA ZHES GSUNGS PA CHOS KUN GYI BDAG NYID DU GYUR BA'I YUL CHOS KYI DBYINGS SKYE 'JIG THAMS CAD DANG BRAL BA LA GNAS SO, ,GANG GNAS NA YUL CAN SEMS DPA' BDE BA CHEN PO LHAN CIG SKYES PA'I SKU DE NYID GNAS SO, ZHES BAS BZHUGS PA'I GNAS RNAM MED KYI STONG NYID LA BSHAD PA'O, ,PHO NYA KUN NI PHUNG KHAMS SKYE MCHED THAMS CAD SGRIB BRAL DU GYUR BA NAM MKHA' DANG MNYAM PA'I MKHA' 'GRO MA RNAMS TE, BDAG NI THUN MONG MA YIN PA'I BYANG CHUB KYI PHYOGS KYI CHOS SUM CU RTZA BDUN GYI RANG BZHIN DU GYUR PAS PHO NYA KUN RANG BZHIN ZHES BYA ZHING, DE THAMS CAD 'DUS PA'I BDAG NYID NI, SEMS DPA' STE KHAMS GSUM PA'I RNAM PA THAMS CAD KYI MCHOG DANG LDAN PA'I MTSAN NYID KYI CHOS KYI SKU YIN LA, DE NYID NI GANG LA BZHUGS PA'I GNAS SAM RTEN YIN ZHING, DE LA BRTEN PA'I BZHUGS PA PO NI MCHOG TU MI 'GYUR PA'I BDE BA CHEN PO LHAN CIG SKYES PA'I SKU'O, ,RDO RJE STONG PA NYID CHOS KYI SKU DE DANG SEMS DPA' LHAN CIG SKYES PA'I SKU DE NYID DBYER MI PHYED BA NI RDO RJE SEMS
DPA' ZHES BYA'O, ZHES BSHAD PAR BYA STE, PHYAG RDOR BSTOD 'GREL LAS, PHO NYA MO NI MKHA' 'GRO MA RNAMS TE, DE RNAMS SGRIB PA MED PA'I PHUNG PO DANG KHAMS DANG SKYE MCHED NAM MKHA' DANG MNYAM PA'O, ZHES DANG, DE RNAMS BYANG CHUB KYI PHYOGS DANG MTHUN PA'I CHOS SUM CU RTZA BDUN GYI RANG BZHIN DU GYUR PA NI DE'I RANG BZHIN TE PHO NYA KUN RANG BZHIN ZHES PA'O, ZHES DANG, SEMS DPA' NI KHAMS GSUM PA'I MTSAN NYID CHOS KYI SKU'O, ZHES DANG, CHOS DANG LHAN CIG SKYES PA'I SKU 'DI DAG GCIG PA NYID RDO RJE SEMS DPA' ZHES BRJOD PAR BYA STE, RDO RJE ZHES PA CHOS KYI SKU DANG STONG PA NYID DANG SHES RAB PO, ,SEMS DPA' ZHES PA LHAN CIG SKYES PA'I SKU DANG SNYING RJE DANG THABS SO, ,DE LTAR SHES RAB DANG THABS YANG DAG PAR SBYOR BA'I BDAG NYID NI RDO RJE SEMS DPAR MNGON PAR BRJOD PAR BYA'O, ZHES GSUNGS PA'I PHYIR RO, ZHES PA LA SOGS PA BZHUGS PA'I GNAS NGES PAR BSTAN PA GSUNGS TE, DE LTA BU'I 'CHAD TSUL DE YANG BLA MA'I MAN NGAG LAS RTOGS PAR BYA'O, ,GNYIS PA ZHU PA PO RIGS GCIG TU MA NGES PAR BSTAN PA NI, DE BZHIN DU, ZHES SOGS TE, SNGA MA GNYIS GO SLA ZHING, RTZA RGYUD KYI GZHUNG 'DI NYID LA, RvA 'GYUR DU, SEMS CAN NYON MONGS GZHOM PA'I PHYIR, ,BCOM LDAN 'DAS NI BSKUL BAR BYA, ,SKU GSUNG THUGS NI SBYOR BA YIS, ,STON PA'I ZHABS LA PHYAG GNYIS KYIS, ZHES 'BYUNG LA, 'BROS KYANG RKANG PA BAR BA GNYIS GONG 'OG BSNOL ZHING, RMA 'GYUR DU, BCOM LDAN 'DAS KYIS BSKUL MDZAD NAS, ,LUS NGAG SEMS KYI SBYOR BA YIS, ,ZHES 'BYUNG STE, PHYI MA'I TSIG 'DON TSUL LTAR
, ,LEGS LA, DNGOS GRUB KUN TSOGS MTSAN NYID CAN NI DNGOS GRUB 'JIG RTEN DANG 'JIG RTEN LAS 'DAS PA KUN TSOGS PA STE 'GRUB PAR BYED PA'I MTSAN NYID CAN, ZHES PA DANG, A'A LI KA' LI ZHES PA GNYIS NI, 'OG TU RNAL 'BYOR DPAL LDAN DUS 'KHOR KA' PHRENG LDAN PA'I AA 'DUS LA STE ZHES PA DANG 'DRA LA, ZHUS PA'I DON LHAG MA'UNG BSDUS RGYUD KYI ZHUS PA'I TSIG GI DON 'CHAD PAR 'GYUR BA DANG 'DRA BAS 'DIR BSHAD MI DGOS SHING, RGYUD GZHAN GNYIS SOGS LA SBYAR BA'ANG, RNAL 'BYOR PAS SHES PAR BYA'O, ZHES PA'I MTHAR THUG PA GO SLA'O, ,GSUM PA NI, BCOM LDAN 'DAS, ZHES PA NAS, CHOS STON PA PO YIN PA'I PHYIR RO, ZHES PA'I BAR TE, PHYAG RDOR BSTOD 'GREL LAS KYANG, GANG LA 'DI SKAD BDAG GIS THOS PA LA SOGS PA GSUNGS PA DE NI BCOM LDAN 'DAS KYI RGYUD YIN LA, GANG LA MED PA DE NI MA YIN NO, ZHES SANGS RGYAS PA RNAMS KYIS SMRA BAR MI BYA STE, 'DIR SNGAGS KYI TSUL LA MA MTHONG BA'I SKYON BZUNG BAR RTZA BA'I LTUNG BAR 'GYUR RO, ,RTZA BA'I LTUNG BA LA SOGS PAS THOS PA'I MNGON PA'I NGA RGYAL DANG LDAN PA RNAMS MNAR MED PAR 'GRO BAR 'GYUR RO, ZHES GSUNGS SO, ,LNGA PA LA BZHI, MING DU MAS DON GCIG GO BAR BYED PA DPES BSTAN PA, AE YIG BZHI MTSON DON RNAM PA THAMS CAD PA'I STONG PA NYID GO BAR BYED PA'I MING GI RNAM GRANGS BSHAD PA, WAm YIG GI MTSON DON BDE BA CHEN PO GO BAR BYED PA'I MING GI RNAM GRANGS BSHAD PA, GNYIS GA'I MTSAN DON THABS SHES GNYIS MED KYI RNAL 'BYOR GO BAR BYED PA'I MING GI RNAM GRANGS BSHAD PA'O, ,DANG PO NI,
SNGAGS KYI TSUL 'DI LA, BZHUGS PA'I GNAS STON PA LA AE WAm GYI TSIG NYID TE KHO NA MING MA YIN TE, ZHES SOGS KYI DON BKOD NAS DE'I DPE STON PA NI, DPER NA, ZHES SOGS SO, ,GNYIS PA NI, DE BZHIN DU AE YIG DANG, ZHES SOGS TE, 'DIR GSANG BA LA NI GNYIS SMOS PA'I RGYA DPER SNGA MA'I SKAD DOD RA HA SYA, PHYI MA'I SKAD DENG GU HYA ZHES PAR YOD PAS SNGA MA GSANG CHEN DANG PHYI MA GSANG BA ZHES PAR BSGYUR NA LEGS SO ZHES MKHAS PA DAG GSUNG BA DANG, DBANG 'GYUR SU'ANG DE LTAR 'BYUNG BA LEGS SO, ,GSUM PA NI, DE BZHIN DU, WAm YIG DANG ZHES SOGS SO, ,BZHI PA NI, DE BZHIN DU, ZHES PA NAS RTOGS PAR BYA'O, ZHES PA'I BAR RO, ,DRUG PA LA GSUM, 'DUS PA SOGS LAS BSTAN PA'I AE WAm GYI TSIG GI NGES DON BSHAD PA, DE NYID RTZA BRGYUD KYI LUNG DANG SBYAR BA DON BSDU DANG BCAS PA, 'DUS PAR SMOS PA'I AE WAm GYI TSIG GI NGES DON DE NYID RGYUD GZHAN DU DGONGS PA'I SKAD GZHAN GYIS BSTAN TSUL LO, ,DANG PO NI, 'DIR ZHES SOGS TE, DGOS PA DE'I SLAD DU 'DUS PA SOGS KYI THOG MAR AE WAm ZHES PA'I LEGS SBYAR GYI SKAD KYIS BZHUGS PA'I GNAS BSTAN PA DE'I PHYIR 'DUS PA LA SOGS PA'I RGYUD KYI RGYAL PO LA GLENG BZHI'I THOG MAR AE WAm GYI YI GE GNYIS PA 'DIS DBYE BAR NI MI 'DOD DE, DE'I RGYUD MTSAN STON PAS KYANG SGRA DES GSUNGS SHING, SDUD PA POS SGRA DE THOS NAS BSDUS PA'I PHYIR ZHES PA NI YI GE GNYIS PO 'DI SOGS SO, ,'O NA AE WAm GYI, YI GE GNYIS PO 'DI BSGRUB PA'I TSUL JI LTAR BYAS NAS NGES PA'I DON GANG LA BYED CE NA, DE'I PHYIR YI GE GNYIS PO 'DI'I BSGRUB PA'I TSUL DANG, NGES PA'I DON BRJOD PAR BYA STE, DANG POR ZHES PA YI GE 'GOD PA'I GO RIM STON PA'I TSIG GI PHRAD DO, ,DE LA NAM MKHA'I KHAMS
, ,DANG GSANG BA'I PADMA MTSON PAR BYED PA'I AA YIG THOG MAR BRI BAR BYA'O, ,DE'I GRAL 'OG TU, NYI MA DANG RDUL MTSON PAR BYED PA'I RNAM PAR BCAD PA TSEG DRAG BRI BAR BYA'O, ,DE'I GRAL 'OG TU SGRA GCAN DANG BDE BAS BYIN GYIS BRLABS PA'I RNAM PAR SHES PA, MTSON PAR BYED PA'I AA YIG BRI BAR BYA'O, ,DE'I GRAL 'OG TU ZLA BA DANG KHU BA MTSON PAR BYED PA'I RJES SU NGA RO THIG LE BRI BAR BYA'O, ,DE LTAR NA AA: AA: ZHES PA'I TSUL DU BRIS PAR 'GYUR RO, ,'DIR KHA CIG AA YIG NAM MKHA'I KHAMS DANG GSANG BA'I PADMA ZHES SOGS LA, NAM MKHA' PHYI, GSANG BA'I PADMA NANG, AE YIG GZHAN ZHES SOGS SU 'CHAD PA MI 'THAD DE, 'DIR YI GE 'DI DAG BKOD PA NI AE WAm GYI YI GE BSGRUB PA'I PHYIR DU BKOD PA YIN LA, BSGRUBS ZIN RANG BA'I AE WAm GYI YI GES MTSON PA'I DON LA'ANG PHYI NANG GZHAN GSUM DU 'BYED PA YIN PAS BSGRUBS ZIN PA'I AE WAm GYI YI GE'ANG PHYI NANG GI ZLAS DRANGS PA'I GZHAN 'BA' ZHIG TU BZHAG TU MI RUNG BA'I PHYIR RO, ,DE LTAR BKOD PA NA, DBANG LE'I 'GREL PAR SKU RDO RJE BSGRUB PA'I SKABS SU, AA YIG LAS PHA ROL GYI RNAM PAR BCAD PA NI AU YIG TU 'GYUR TE, ZHES 'BYUNG BA LTAR 'DIR BYA DGOS LA, DES NA NYI MA DANG RDUL MTSON PA'I RNAM PAR BCAD PA, TSEG DRAG NI NAM MKHA'I KHAMS MTSON BYED AA YIG SNGA MA DANG, SGRA GCAN RNAM SHES KYI KHAMS MTSON BYED AA YIG PHYI MA 'DI GNYIS KYI BAR DU CHUD BA'I DBANG GIS AU NYID DU 'GYUR NAS 'GRO BA JI LTAR 'THOB PA'I TSUL YANG, RGYUD 'GREL 'DIR SGRA'I RNAM GZHAG 'BYUNG BA RNAMS NI PHAL CHER LUNG DU STON PA TZANTRA PA DANG MTHUN PA YIN PAS DE LTAR BSHAD PAR BYA DGOS SO, ,DE LA MDO DER, SA DANG SA DZU SA DAG GI RU'O, ZHES PA TSIG MTHA'I SA YIG DANG, SA SNGON MA'I YANG DZU SA DAG {BA 'THAB STE, DA 'GYUR NAS 'GRO}
GIS YIG RU YIG TU BYA'O, ,DES NA 'DIR YANG RNAM BCAD SA YIG DNGOS MA YIN KYANG SA YIG LAS BYUNG BA YIN PAS SA YIG DANG CHA MTHUN PAS RNAM BCAD RU YIG TU BYA'O, ,YANG MDOR, AU YIG NI HA SHA LA DANG AA TA LA SA RU'I ZHES PAS RU MTSON PA'I DON YIN PA'I PHYIR RA LA ZHUGS PA'I AU PHYIS TE RA YIG BZHAG GO ,DE NAS MDOR, HA SHA LA DANG AA TA LA SA RU'I 'O ZHES PA GONG GI RI TA AU TA LA ZHES PA LA SNYEGS PAS RA YIG YU YIG TU BYA'O ZHES PA STE, GONG DU AA YIG DANG RANG GI PHA ROL TU HA NAS SHA'I BAR YI GE NYI SHU DANG AA YIG GANG BYUNG YANG BAR GYI RA YIG AU YIG TU BYA'O, ZHES PA STE, 'DI YANG AA YIG GNYIS KYI BAR GYI RA YIG AU YIG TU BYA'O, ,DE'I PHYIR TSEG DRAG PHYIS NAS RU BRI, RA LA ZHUGS PA'I AU MTSON PA'I DON YIN PAS PHYIS NAS RA BZHAG, RA GONG DANG PHA ROL DU AA MTHONG BA'I DBANG GIS AUR 'GYUR BA YIN PAS RA PHYIS NAS AU BRI BAR BYA'O, ,DE'I PHYIR RNAM PAR BCAD PA NYI MA DANG RDUL MTSON BYED DE NYID AU NYID DU BSGYUR ZIN PA THOB PAR GYUR PA NA, 'GA' ZHIG GI BSAM PAS, SGRA'I LUGS KYIS AA DANG AU LAS YON TAN AU YIG TU 'GYUR BA YIN PAS 'DIR YANG AU YIG DE NYID GONG GI AA MTHONG BAS AO YIG TU 'GYUR DGOS SO SNYAM NA SPYIR DE LTAR 'GYUR PA'I SKABS YOD KYANG, SKABS 'DIR AU YIG DE DE'I GONG GI AA MTHONG BAR 'DIR YON TAN GYI YI GER THA SNYAD BYAS PA'I AO YIG TU 'GYUR BA DE MED DO, ,DE'I RGYU MTSAN YANG AU YIG GI GONG GI AA DE NI DON DAM PA'I BDEN PA STONG PA NYID MTSON PA'I AE YIG BSGRUB PA'I BZHIR BKOD PA YIN ZHING, AO YIG TU BSGYUR NA AE BSGRUB TU MI RUNG BA DE LAS TE DE'I PHYIR RO, ,DES NA YON TAN ZHES PA NI 'OG NAS 'CHAD PA LTAR YON TAN GYI YI GE AE AO SOGS THUNG DU DANG, 'PHEL BA'I YI GE AEE AOO SOGS RING PO LA BSHAD PA'I YON TAN DE NYID YIN PAR MA GO BAR, DAM,
, ,DON DAM BDEN PA STONG PA NYID LA KUN RDZOB BDEN PA'I YON TAN MED CES ZER BA DANG, DON DAM LA YON TAN MED PA'I PHYIR ZHES SOGS KYI BSHAD PA BYED PA NI NOR PA'O, ,'O NA AU YIG GANG DU BSGYUR BAR BYA ZHE NA, DE NYID SKABS 'DIR YON TAN GYI YI GER 'GYUR BA MED PA'I PHYIR NA, MDO LAS, AI KA'I YA nA RA AA TZA LA'O, ZHES PA LTAR BSGYUR BAR BYA'O, ,DE'I TSUL NI, RANG, AI Ri AU Li KA ZHES PA 'DI NYID THOG MTHA' BSDUS NAS AI KA'I YI GE ZHES THA SNYAD BYA LA, AA AI Ri AU Li AE AO AOO AEE TZA RNAMS LA'ANG, THOG MTHA' BSDUS NAS, AA TZA'I YI GE ZHES THA SNYAD BYA ZHING, YA RA LA WA nA LA'ANG DE BZHIN DU YA nA'I YI GE ZHES BYA'O, ,DE LA KA TZA nA ZHES PA MTHA'I YI GE GSUM MA GTOGS GZHAN AI KA'I YI GE DGU PO DE DAG LAS GANG YANG RUNG BA, AIS AI MTHONG BA LTA BU MA YIN PAR RANG DANG RIGS MI MTHUN ZHIG MTHONG NA AI KA'I YI GE DE DAG 'GYUR NAS 'GRO'O, ,GANG DU NA YA nA'I YI GE BZHI PO GANG YANG RUNG BA ZHIG TU'O, ,TSUL JI LTAR NA, AI YIS RANG GI PHA ROL TU RANG DANG RIGS MI MTHUN PA'I AA TZA'I YI GE ZHIG MTHONG NA, AI DE YA nA'I YI GE RNAMS KYI NANG NAS YA RU 'GYUR 'GRO LA, DE BZHIN DU AU WA DANG Ri RA DANG Li LA RU 'GYUR RO, ,DE'I PHYIR 'DIR YANG AU YIS RANG DANG RIGS MI MTHUN PA'I AA TZA'I YI GE RANG GI GONG GI AA DE MTHONG BA YIN PAS AU DE WA RU 'GYUR RO, ,DE YANG DBYANGS KYI RAm Li GNYIS RA DANG LAR 'GYUR BA YIN GYI, RA DANG LA LA AI GI GUR ZHUGS PA'I RI DANG LI NI DE LTAR MI 'GYUR LA, DE'I PHYIR 'DIR MI NOR BAR BYA BA'I DON DU GI GU LOG PA BYAS PA NI DBYANGS KYI Ri Li YIN PAR SHES PAR BYA LA, DE YANG SROG MED PA'I YA WA RA LA BZHIR 'GYUR BA YIN PAS AI YA RU 'GYUR
BA'I YA NI SROG MED PA SOGS SU SHES PAR BYA'O, ,DE NAS SGRA'I YAN LAG AU n'A DI LAS AA SvA RA SvA RA SAm YO GA ZHES PA BOD SKAD DU DBYANGS MED LA DBYANGS YANG DAG PAR SBYAR RO ZHES PA STE, DES NA DBYANGS MED PA'AM SROG MED PA NI RANG GI 'GRAM NA GNAS PA'I DBYANGS YIG DANG SBYAR ZHING, DBYANGS YIG DE DE LA BCUG NAS SROG CAN DU BYED PA YIN PAS, 'DIR YANG WA SROG MED DE NYID RANG GI PHYI MA'I AA YIG SGRA GCAN DANG RNAM PAR SHES PA MTSON BYED DE DANG LHAN CIG YANG DAG PAR SBYAR ZHING, AA DE WA LA BCUG PAS SNGAR GYI WA DE SROG DANG LDAN PA NYID DO, ,DE NYID MTHA'I RJES SU NGA RO ZLA BA DANG KHU BA MTSON PA DE DANG YANG DAG PAR SBYAR TE, WA YIG GI STENG DU THIG LER BYIN PAS DE'I PHYIR WAm YIG GO ,ZHES PA WAm YIG GRUB PA'O, ,DE BZHIN DU DANG PO'I BKOD PA'I AA YIG NAM MKHA'I KHAMS DANG GSANG BA'I PADMA MTSON BYED DE NI, AE SGRUB PA'I CHED DU BDUN PA'I MTHA' CAN TE RNAM DBYE BRGYAD KYI NANG NAS BDUN PA GNAS GZHI'I TSIG DE LA SBYIN PAR BYA STE, AE NI 'DIR GNAS SAM RTEN GYI MTSON BYED DU BSGRUB PA YIN PA'I PHYIR RO, ,BDUN PA'I RNAM DBYE YANG SNGAR BSHAD PA LTAR GSUM LAS, 'DIR NI GNAS SAM RTEN GYI NGO BO GCIG GI MTSON BYED DU BSGRUB PA YIN PAS GCIG TSIG NI SBYIN PAR BYAS NAS BKOD DO, ,DE'I RJES SU NGA LA ZHUGS PA'I AI PHYUNG NAS ZUR DU BKOD DE NGA RTAGS KYI DON TZAM YIN PAS PHYI BAR BYA'O, ,DE NAS MDOR AA LAS AA TA AE DE'O ZHES PAS, GONG DU AA YIG RING THUNG GANG RUNG BYUNG ZHING, DE'I PHA ROL TU AI AU BYUNG NA AE NAS DE'I BAR GANG RUNG DU 'GYUR 'GRO STE, AA DANG AI LAS AE YIG TU 'GYUR RO, ,AA DANG AU LAS AO YIG TU 'GYUR RO, ,A'I DANG A'U RING PO YA ROL TU BYUNG BA LA'ANG DO DANG 'DRA'O, ,'DIR MDO DES, GONG DU AA BYUNG BA'I PHA ROL
, ,GYI AI DE AER 'GYUR BA YIN LA, 'GYUR TSUL NI, AA YIG PHA ROL GYI AE YIG PHA ROL GYI AE YIG DANG LHAN CIG SBYAR ZHING GONG GI AA LA BCUG PAS YON TAN DANG LDAN PA STE YON TAN GYI YI GE AE YIG TU 'GYUR TE, DE'I PHYIR DE LTAR BYAS PAS AE YIG GO ,ZHES PA AA YIG GRUB PA'O, ,DE LTAR BSGRUB PA'I AE WAm GYI YI GES MTSON PA'I DON NI, PHYI DANG LUS DANG GZHAN GSUM KA LA YANG SBYAR NAS RTOGS PAR BYA'O, ,JI LTAR NA PHYI ROL TU AE YIG GIS RTEN NAM MKHA'I KHAMS MTSON LA WAm YIG GIS NAM MKHA' 'DI'I DBUS SU GNAS PA'I BRTEN PA ZLA NYI SGRA GCAN GSUM MTSON NO, ,DE YANG SO SOR PHYE NA, WAm YIG GANG LA BSGRUB PA'I GZHI RNAM PAR BCAD PAS NYI MA DANG, SROG TU ZHUGS PA'I AA YIG GIS SGRA GCAN DANG, STENG DU BZHAG PA'I RJES SU NGA ROS ZLA BA MTSON LA, NANG LUS LA SBYAR NA, AE YIG GIS NAM MKHA'I KHAMS DANG CHOS MTSUNGS PA'I MA YI GSANG BA'I PADMA DANG, RNAM BCAD KYIS RDUL MA'I KHRAG DANG AA YIG GIS KUN GZHI RNAM PAR SHES PA'I MING CAN BAG CHAGS KUN GYI GZHIR GYUR PA PHA MA'I KHU KHRAG GI DBUS SU ZHUGS NAS SKYE SRID LEN PAR BYED PA'I YID KYI RNAM PAR SHES PA DANG, RJES SU NGA ROS PHA'I KHU BA'I BDAG NYID RNAMS MA'I GSANG GNAS SU 'TSOGS NAS BRTEN PA MTSON PAR BYED PA YIN LA GZHAN BSKYED RIM LA, AE YIG GIS CHOS KYI DBYINGS KYI RANG BZHIN NAM MKHA'I KHAMS MTHA' YAS PA'I DBUS SU CHUD PA'I GZHAL YAS KHANG GDAN DANG BCAS PA MTSON ZHING, WAm YIG GIS BRTEN PA LHA'I TSOGS MTSON LA, GZHAN RDZOGS RIM DANG 'BRAS BU LA, AE YIG GI RTEN RNAM PA THAMS CAD KYI MCHOG DANG LDAN PA'I STONG GZUGS PHYAG RGYA CHEN MO DANG, WAm YIG GIS
DE LA BRTEN PA'I MCHOG TU MI 'GYUR BA'I BDE BA CHEN PO MTSON ZHING, DER MA ZAD AE YIG GIS NAM MKHA' DANG MTSUNGS PA RANG BZHIN GYIS GRUB PA RNAM PAR BCAD PA'I STONG NYID GANG LA DMIGS PA'I GNAS SAM RTEN DU GYUR PA DANG, WAm YIG GIS BRTEN PA YUL CAN BDE BA CHEN PO'I YE SHES DE DANG DBYER MED PA'I TSUL GYIS GNAS PA MTSON PAR BYED DO, ,GNYIS PA NI, DE LTAR YANG 'DIR RTZA BA'I RGYUD LAS BCOM LDAN 'DAS KYIS GSUNGS PA, AA YIG GIS GANG GI DBUS SU NI SANGS RGYAS KUN GYI BDE BA LEN PA'AM, 'DZIN PA'I GNAS NAM MKHA'I KHAMS STONG GZUGS PHYAG RGYA CHEN MO'I PADMA MTSON PAR BYED CING, WAm YIG GIS DE LA BRTEN NAS GNAS PA'I MCHOG TU MI 'GYUR BA'I BDE BA CHEN PO RDO RJE SEMS DPA' 'DI MTSON LA, RNAL 'BYOR LAS ZHES PA SGYOR BA LAS ZHES BSHAD DGOS SHING, DE YANG SKU GSUNG THUGS DBYER MED BAR SBYOR BA WAm YIG GIS MTSON PA LAS, WAm YIG LA TSOGS PA'I YI GE GSUM GYIS MTSON TSUL SO SOR PHYE NA, THIG LES PHYI RU ZLA BA NANG DU KHU PA, GZHAN DU SKU DANG RNAM PAR BCAD PAS NANG DU RDUL, PHYI RU NYI MA, GZHAN LA GSUNG DANG, AA YIG GIS NANG DU RNAM SHES, PHYI RU MUN CAN NAM SGRA GCAN, GZHAN LA THUGS NI MTSON PAR BYED DO, ,RvA 'GYUR LAS, THUGS NI RNAM SHES SGRA GCAN AA, ZHES PA LEGS SO, ,DE NYID DKYIL 'KHOR LA AE YIG GIS MTSON PA NI, NAM MKHA'I KHAMS MTHA' YAS PA LA RNAM PAR GNAS PA'I SKU GSUNG THUGS KYI RTEN GYI DKYIL 'KHOR LA DBUS SU SKU GSUNG THUGS TE ZLA NYI SGRA GCAN SBYOR BA YI GDAN DANG BCAS PA'O, ,'DIR YANG, SKU GSUNG THUGS KYI SBYOR BA YIS, ZHES YO GA SBYOR BA LA BSHAD DGOS SO, ,WAm YIG GIS MTSON PA NI, SKU GSUNG THUGS KYI RDO RJE GSUM DANG
, ,CHAGS PA STE YE SHES RDO RJE RNAMS DBYER MED PA YI SRID PA GSUM GYI BDAG NYID DU GYUR BA'I CHOS KYI DBYINGS MTSON PA'I CHOS 'BYUNG GI NANG DU CHUD PA GZHAL YAS KHANG GDAN DANG BCAS PA DAG LA GNAS PA'I STON PA PHUN TSOGS SO, ZHES SO, , SRID GSUM BDAG NYID LA GNAS, ZHES PA RNAM BCAD KYI STONG NYID DANG, RNAM MED KYI STONG NYID GNYIS GA LA SBYAR DU RUNG BA LA, GONG GI RNAL 'BYOR RJES RIG GI LUNG DON 'CHAD PA NA RNAM BCAS DANG 'BREL BAR SNANG BAS DE LTAR BSHAD LA, 'DIR RNAM MED DANG 'BREL BAR SNANG BAS DE LTAR BSHAD DO, ,KHA CIG PHYI NANG GZHAN GSUM GYI SRID GSUM BDAG NYID DAG LA GNAS ZHES 'CHAD LA, GZHAN DAG SRID GSUM GZHAN BDE GSHEGS SNYING PO'I SRID GSUM LA GNAS ZHES BYA BA SMRA BA MUN SBRUL LO, ,DES NA AE WAm GYI NGES DON DE LTA BU SOGS MTSON NUS PA'I RGYU NGAM, MTSAN 'DIS LHA RNAMS NAS GSUNGS SO, ZHES DON BSDU BA'O, ,GSUM PA NI, DNGOS DOL, PO GANG ZHIG CES SOGS TE, DES NA AE WAm GYI NGES DON SOGS DE YANG RGYUD GZHAN DANG GZHAN DU DGONGS PA'I SKAD SNA TSOGS KYIS GSUNGS PA PHYOGS PAR BYA'O, ,TSUL JI LTA BUS NA, 'DIR RTZA BA'I RGYUD LAS, BCOM LDAN 'DAS KYIS GSUNGS PA DGONGS PA'I SKAD DANG, ZHES PA LA SOGS PA SGRA MTHA' LA BRTEN PA GNYIS, DON MTHA' LA BRTEN PA GNYIS, SGRA DON GNYIS GA'I MTHA' LA BRTEN PA GNYIS TE BLA MED KYI RGYUD 'DI MTHA' DRUG GI MTSAN NYID DO, ZHES PA'I BCOM LDAN 'DAS KYI GSUNG 'DI'I PHYIR DON THABS SHES DBYER MED AE WAm LTA BU GCIG LA MING GCIG KHO NA NI GTZO BO MA YIN NO, ,'DIR MTHA' DRUG GI DRANG NGES PHAR PHYIN THEG PA'I LUGS KYI DRANG NGES DANG MTHUN PAR DOL PHYOGS, BSHAD PA DANG,
MTHA' DRUG KA BRJOD BYA'I DON GCIG LA SBYAR BA SOGS NI MTHA' DRUG GI RNAM GZHAG LA LEGS PAR MA SBYANGS PA'I GTAM DU SNANG BAS MTHA' DRUG GI RNAM GZHAG RGYUD YE SHES RDO RJE KUN LAS BTUS PA'I DON SGRON GSAL DU RGYAS PAR GTAN LA PHAB PA LTAR SHES PAR BYA'O, ,BDUN PA DE NYID NGAM, BLA MA'I MAN NGAG LAS YID CHES GSUM GYI SGO NAS RTOGS PAR BYA BA BSTAN PA NI, 'O NA SNGAGS BLA NA MED PA 'DIR NGES PA'I DON LA SOGS PA DE DANG DER THABS GANG GIS RTOGS PAR BYA ZHE NA, SNGAGS KYI THEG PA 'DI LA, ZHES SOGS TE, DANG POR RE SHIG BLA MA'I MAN NGAG LA BRTEN NAS RGYUD DON LUNG RIGS KYIS TSUL BZHIN DU NGES PA NA RGYUD LA YID CHES PA DANG, DE LA BRTEN NAS RGYUD DON DE LTAR STON PA'I BLA MA LA YID CHES PAR 'GYUR BA DANG, DE NAS BLA MAS JI LTAR BSTAN PA LTAR BSGOMS PAS RGYUD LAS JI SKAD BSHAD PA LTAR MYONG BA SKYES BA NA BDAG NYID LA YID CHES PA STE, YID CHES PA 'DI GSUM TSANG BA'I STOBS KYIS YANG DAG PAR RDZOGS PA'I SANGS RGYAS KYI LAM YONGS SU DAG PAR 'GYUR RO, ,RNAM PA GZHAN DU DE 'DRA BA'I YID CHES PA RNAM PA GSUM MED PAR LAM GANG BLA MAS, SLOB MA LA BSTAN PA NI, TSE DE LA YANG DAG PAR RDZOGS PA'I SANGS RGYAS KYI 'BRAS BU STER BAR BYED PA POR MI 'GYUR TE, SLOB MA'I RGYUD LA RDZOGS RIM GYI LAM LA MYONG STOBS KYIS YID CHES PA'I DAD PA DMAN PA NYID KYI PHYIR, BSKYED RIM KUN RDZOB KYI BDEN PAS 'JIG RTEN PA'I 'BRAS BU THUN MONG PA'I DNGOS GRUB THOB PAR 'GYUR BA SRID PA TZAM DU ZAD DO, ,DE YANG MYUR DU YID CHES PA'I MTSAN MA 'BYUNG BA'I TSUL NI 'DIR RTZA BA'I RGYUD DANG RGYUD GZHAN DU, BCOM LDAN 'DAS KYIS DAM BCA' BA MDZAD DO, ,BSTOD 'GREL DU RTZA
, ,RGYUD KYI LUNG DRANGS BAR, BSAM PA THAMS CAD YONGS SPANGS TE, ,NYI MA GCIG NI YONGS SU BRTAG ,GAL TE RTAGS NI MA BYUNG NA, ,DE TSE NGA YI RDZUN TSIG YIN, ZHES 'BYUNG BA LTAR RO, ,DES NA RNAM PAR RTOG PA YUL GZHAN LA GA-YENG PA DANG BRAL BA'I SEMS SU BYAS NAS, ZHES SOGS TE, GAL TE, ZHES SOGS NI BLA MAS LAM STON MA SHES PAS SLOB MAS BSGOMS KYANG YID CHES PA'I MTSAN MA MA BYUNG BA BLA MA'I SKYON YIN GYI, BCOM LDAN 'DAS KYIS RDZUN GSUNG BAR MI 'GYUR BA'I DON YIN LA, 'DIR DU BA LA SOGS PA'I NAS GSUNGS SO'I BAR SNGAR LTAR BSHAD ZIN TO, ,BRGYAD PA YID CHES GSUM LDAN GYI RGYUD KYI DON BSDUS PA BSHAD PA NI, 'O NA YID CHES GSUM DANG LDAN PA'I SNGAGS KYI THEG PA 'DI'I BRJOD BYA JI LTA BU ZHE NA, YID CHES PA GSUM DANG LDAN PA'I SNGAGS KYI THEG PA 'DIR PHYI ROL DU ZLA NYI SGRA GCAN DANG NANG DU KHU RDUL RNAM PAR SHES PA RNAM PAR DAG PA'I RIGS GSUM GYI BDAG NYID GTZO BOR BRJOD PA TZAM GYI RGYUD KYI RGYAL PO LA LHA YANG SKU DANG, GSUNG DANG, THUGS KYI BDAG NYID RNAM PAR DAG PA MTSON PA CAN ZHAL GSUM PAR BRJOD PAR BYA'O, ,RIGS BZHI'I BDAG NYID GTZO BOR GYUR PA'I RGYUD LA SKU DANG GSUNG DANG THUGS DANG YE SHES KYI BDAG NYID RNAM PAR DAG PA MTSON PA CAN LHA ZHAL BZHI PA BRJOD PAR BYA BA'O, ,DES NA DE LTA BU'I RGYUD LA RIGS GSUM PO DE NYID PHYI ROL TU DUS MED PA DANG DU YE SHES KYI KHAMS RNAM PAR DAG PA RANG BZHIN GYI RIGS GCIG DANG LHAN CIG RIGS BZHI'I BDAG NYID CAN, BRJOD PAR BYED PA'I RGYUD DANG, RIGS BZHI PO DE DE'I BRJOD PAR BYA BAR 'GYUR RO, ,DE BZHIN DU PHUNG PO LNGA RNAM PAR DAG PA'I RIGS LNGA'I BDAG NYID RANG BZHIN GYIS RIGS GCIG DANG LHAN CIG
RIGS DRUG GI BDAG NYID DU 'GYUR RO, ,'O NA DE DAG LAS DUS KYI 'KHOR LO RIGS DU'I BDAG NYID KYI RGYUD YIN ZHE NA, DUS KYI 'KHOR LO 'DIR RIGS BZHI'I BDAG NYID KYI RGYUD LA RIGS BZHI'I BDAG NYID BRJOD PAR BYAS TE, PHYI ROL TU NYI MA DANG ZLA BA DANG SGRA GCAN DANG DUS ME DANG, NANG DU RDUL DANG KHU BA DANG SEMS DANG YE SHES RNAMS SGRIB BRAL DU GYUR BA'I SGO NAS GCIG TU SBYOR BA GTZO BOR BRJOD PAR BYED BA'O, ,'DIR ZHES PA NAS, GSUM GYIS ZLA NYI SOGS PHYI NANG GI CHOS BZHI PO DE DAG GCIG TU SBYOR BA'I RDO RJE'I RNAL 'BYOR GSAL BAR DE BZHIN GSHEGS PAS GSUNGS PA 'DI LTA STE, DE YANG MTSAN BRJOD KYI LUNG GONG 'OG RNAMS SU DRANGS PA 'DI DAG GI DON MKHAS PA DAG NYI MA DPAL GYIS MTSAN BRJOD 'GREL PAR BSHAD PA LTAR SOR BZHAG MDZAD KYANG DE DAG LA RGYUD 'GREL NYID KYIS DON GANG LA DRANGS PA'I SKABS DON DANG MI 'GRIG PA MANG DU 'BYUNG BAS DPYAD PAR BYA BA'I GZHI'O, ZHES RJE THAMS CAD MKHYEN PA GSUNG NGO, ,'DIR YANG NYI MA DPAL LTAR NA, RKANG PA DANG PO GSUM RIM PA BZHIN GSUNG DANG SKU DANG THUGS RDO RJE, KHA DOG SNA TSOGS DU MAR SNANG ZHING RTOG PA 'JOMS PAS 'BAR BA'I 'OD CAN, RLUNG GNYIS DBU MAR CHUD PAS RDO RJE SKYIL KRUNG, RDO RJE'I RTZER MI 'GYUR BAR GNAS PAS RDZOGS SANGS RGYAS THIG LE BZHI 'DZIN PAS SANGS RGYAS BRJOD PA'I CHOS 'DZIN PA, MI RTOG YE SHES KYI BDAG NYID KYI DPAL LDAN SANGS RGYAS, STONG PA NYID KYI PADMA LAS SKYES PA, RNAM PA THAMS CAD RANG RIG PAS KUN MKHYEN, DER CHOS THAMS CAD 'DUS PAS MDZOD 'DZIN PA, YE SHES KYI SNANG BA GSAL PAS RGYAL PO, ,WAm YIG STONG CHEN YIG LNGA'I NGO BOS 'DOD PA LNGA LA LONGS SPYOD PA LA SOGS PAR SNANG BAS SGYU 'PHRUL SNA TSOGS 'CHANG BA, THIG LE BZHI 'DZIN PAS CHE BA ASANGS RGYAS RIG SNGAGS
, ,'DZIN, CES DANG, RDO RJE RNON PO DANG RAL DRI CHE DANG, 'GYUR MED MCHOG DANG RNAM PAR DAG PA BZHI DRI MA MED PA DANG, RGYU MTHUN DANG, RNAM SMIN, SKYES BU BYED PA'I 'BRAS BU BZHI LA 'CHAD KYANG, RDO RJE SKYIL KRUNG SOGS KYI BSHAD PA PHYAG RDOR BSTOD 'GREL DANG MI MTHUN LA, 'DIR 'GREL BA'I 'TSAMS SBYOR LTAR NA, PHYI NANG GI CHOS BZHI PO DE DAG GCIG TU SBYOR BA'I RDO RJE'I RNAL 'BYOR BSTAN TSUL LA BSHAD RGYU CIG DGOS SHING, PHYI 'GREL DANG BSTUN NA RIGS BZHI DAG PA'I SKU BZHI 'AM RDO RJE BZHI DANG RNAL 'BYOR BZHI STON PA LA SBYAR RGYU CIG KYANG DGOS KYI GZHAN DU NA LUNG 'DI GANG GI CHED DU DRANGS PA DANG MA 'BREL LO, ,YANG KHA CIG GIS RNAL 'BYOR BZHI'I BDAG NYID KYIS RDO RJE SKYIL KRUNG ZHES DANG, KHA CIG GIS RDO RJE BDE CHEN DANG SKYIL KRUNG RNAM PA THAMS CAD PA'I BDE CHEN STONG GZUGS LA 'CHAD PA'ANG PHYAG RDOR GYI BSHAD PA DANG 'GAL ZHING, GZHAN YANG 'CHAD TSUL MI 'GRIG {DOL} PA CI RIGS SU SNANG NGO, ,DE BAS NA 'DI LTAR BSHAD PAR BYA STE, PHYI NANG {PHYOGS} GI NYI MA'I KHYIM GYI 'KHOR LO SGRIB BRAL DU GYUR PAS RDO RJE NYI MA SNANG BA CHE, ,PHYI NANG GI ZLA BA'I 'PHEL ZAD KYI CHA SGRIB BRAL DU GYUR PAS RDO RJE ZLA BA DRI MED 'OD, ,PHYAG RDOR BSTOD 'GREL LAS, 'DIR CHAGS BRAL NI NAG PO'I PHYOGS STE SNGAR BRJOD DO, ,DE'I DANG PO NI GANG ZHIG CHAGS PA CHE, ZHES PA DE'I SKYES BU'I NGES PAR BSTAN PA'O, ,DE BZHIN DU DE'I CHOS MI MTHUN PAS CHA BCO LNGA'I BDAG NYID CAN DKAR PO'I PHYOGS NI CHAGS PA'O, ,DE'I MTHAR CHAGS PA CHEN PO STE CHA BCU DRUG PA ZHES PA'O, ZHES GSUNGS PA LTAR, CHAGS BRAL NAG PHYOGS MA ZHUGS PAS
DE'I DANG PO, ,CHAGS PA DKAR PHYOGS KYI CHA BCO LNGA YONGS SU RDZOGS PA'I DBUS BCU DRUG PA 'BA' ZHIG GIS GNAS SKABS LA GNAS PA'I LHAN CIG SKYES PA'I DGA' BA NI CHAGS PA CHEN PO'O, ,LHAN SKYES DE DANG DBYER MED PA'I STONG GZUGS PHYAG RGYA CHEN PO NI, KHA DOG SNA TSOGS 'BAR BA'I 'OD, CES BYA LA, YANG PHYAG RDOR BSTOD 'GEL LAS, SKYIL KRUNG NI GDAN NO, ,BYANG CHUB KYI SEMS RDO RJE GANG ZHIG RDO RJE SKYIL KRUNG RDZOGS SANGS RGYAS NI BYANG CHUB KYI SEMS 'GYUR BA MED PA'I PHYIR NOR BU'I NANG DU CHUD PA PAD+MA LA GNAS PA ZHES PA'I DON TO, ZHES GSUNGS PAS, SKYIL KRUNG NI GDAN DU BSHAD LA DE YANG BYANG CHUB KYI SEMS GANG DU 'ONGS NAS GNAS PA'I GDAN RDO RJE NOR BU'I NANG DU CHUD PA'I PAD+MA'O, ,GDAN DE LA GNAS PA NI, RDO RJE STE 'GYUR BA MED PA'I BYANG CHUB KYI SEMS SO, ,DE NYID RIM PA BZHIN STENG DU SANG BA GTZUG TOR DU RDZOGS PA'I SKAD CIG LA SANGS RGYAS PA STE, DE YANG KHA DOG SNA TSOGS 'BAR BA'I 'OD CES PA'I STONG GZUGS PHYAG RGYA CHEN MO DE'I LAG RJES YIN TE, 'DIS PHYIR NYI ZLA SGRA GCAN DUS ME DANG, NANG DU KHU RDUL RNAM SHES YE SHES BZHI GCIG TU SBYOR BA'I RDO RJE'I RNAL 'BYOR BSTAN NO, ,SANGS RGYAS BRJOD PA'I CHOS GZHOM DU MED PA'I SKU GSUNG THUGS YE SHES KYI THIG LE BZHI 'DZIN PA'I GSUNG RNAM PA THAMS CAD PA LONGS SKU 'AM GSUNG RDO RJE DANG, BDE BA CHEN PO'I DPAL DANG LDAN PA'I SANGS RGYAS PHYAG RGYA CHEN MO'I PA MA LAS SKYES PA LHAN CIG SKYES PA'I SKU 'AM YE SHES RDO RJE DANG, KUN MKHYEN PA'I MI RTOG YE SHES KYI MDZOD 'DZIN PA CHOS KYI SKU'AM THUGS RDO RJE DANG, BZHED PA TZAM GYIS 'DOD DGUR DBANG BSGYUR PA'I RGYAL PO GDUL BYA DANG 'TSAM PAR SKU'I SNANG BA MTHA'
, ,YAS PAR STON PA'I SGYU 'PHRUL SNA TSOGS 'CHANG BA SPRUL PA'I SKU'AM SKU RDO RJE 'DIS RIGS BZHI'I BDAG NYID BRJOD PAR BSTAN NO, ,YID SKYOB PA'I MCHOG TU GYUR PAS CHE BA SANGS RGYAS RIG SNGAGS RGYAL NI GSUNG LONGS SKU SNGAGS KYI RNAL 'BYOR DANG, DBYIBS SKU RDZU 'PHRUL BGROD PA CAN, ZHES PA LTAR GDUL BYA'I GNAS THAMS CAD DU THOGS PA MED PAR BGROD PA'I RDO RJE RNON PO SPRUL PA'I SKU DBYIBS KYI RNAL 'BYOR DANG, SPROS PA'I RNAM RTOG GI DRA BA MA LUS PA GCOD PA RAL GRI CHEN PO CHOS KYI SKU CHOS KYI RNAL 'BYOR DAG BDE BA CHEN PO 'GYUR BA MED PA'I MCHOG STE LHAN CIG SKYES PA'I YE SHES KYI SKU RNAM PAR DAG PA'I RNAL 'BYOR RO, ZHES SO, ,'DIS RNAL 'BYOR BZHI'I DON BRJOD PAR BSTAN TE, DE LTAR NA, BCOM LDAN 'DAS KYIS GSUNG 'DI'I PHYIR, RGYUD 'DIR RIGS BZHI'I BDAG NYID BRJOD PAR BYA BA STE, RDO RJE BDE BA CHEN PO DANG, SEMS DPA' STONG PA NYID DBYER MI PHYED PA RNAM PAR DAG PA'I RNAL 'BYOR DANG, CHOS DANG, SNGAGS DANG DBYIBS KYI RNAL 'BYOR BZHI'I BDAG NYID CAN BCOM LDAN 'DAS DUS KYI 'KHOR LO NI 'DI'I BRJOD PAR BYA BA'O, ,DUS KYI 'KHOR LO'I RGYUD 'DIR RIGS BZHI'I BDAG NYID BRJOD PAR BYA BA DE LTAR PHUNG PO DANG KHAMS KYI DBYE BAS RIGS LNGA'I BDAG NYID KYANG BRJOD PAR BYA BA YIN TE, DE BZHIN DU SGYU 'PHRUL DRA BA LAS BCOM LDAN 'DAS KYIS GSUNGS PA PHUNG PO LNGA SGRIB BRAL DU GYUR BA MTSON PAS LHA GDONG LNGA PA DANG, KHAMS LNGA SGRIB BRAL DU GYUR PA MTSON PAS ZUR PHUD LNGA PA, PHUNG KHAMS LNGA SGRIB BRAL DU GYUR PA DE YANG LHAN CIG SKYES PA'I RANG BZHIN GYI YE SHES LNGA'I BDAG NYID DU GYUR BAS, ZUR PHUD LNGA PA DE NYID ME TOG GI THOD CAN, ZLUM PA NI BSDOMS
PA'I DON YIN TE, BYANG CHUB KYI SEMS RDO RJE NOR BU NAS RIM GYIS STENG DU SON PA RNAMS MGO BOR GTZUG TOR GYI 'KHOR LO'I LTE BAR, ZLUMS SHING BSDOMS NAS 'DZIN PAS MGO ZLUM NYAN THOS SOGS KYI RANG RANG GI KUN SPYOD NGES PA LA BRTUL ZHUGS ZER BA LTAR PHYAG RGYA DANG SNYOMS PAR 'JUG PA'I BRTUL ZHUGS CHEN PO 'CHANG BA, DE LTAR PHYAG RGYA DANG SNYOMS PAR ZHUGS KYANG KHAMS 'DZAG MED DU 'CHING BA'I TSANGS PAR SPYOD PA MCHOG TU GYUR PAS BRTUL ZHUGS KYI MCHOG CES SO, ,NYI MA DPAL GYIS, SNANG PA DANG SNANG BA MCHED PA DANG SNANG BA NYER THOB DANG 'OD GSAL DANG CHOS SKU'I RANG BZHIN GYI ZUR PHUD LNGA PA ZHES 'CHAD PA NI LUGS 'DI LA SNANG MCHAD SOGS KYI THA SNYAD DANG RNAM GZHAG SEMS 'GREL SKOR GSUM GANG DU'ANG MI 'BYUNG BAS MI LEGS SHING 'GREL PAR PHUNG PO DANG KHAMS KYI DBYE BAS RIGS LNGA'I BDAG NYID BRJOD PA'I SHES BYED DU DRANGS PA DANG MA 'BREL LA, BYANG CHUB KYI SEMS MI 'DZAG PA'I SBYOR BA LAS MGO ZLUM ZHES ZER ZHING, KHA CIG 'PHO BA'I SKRA BREGS PAS MGO ZLUM ZHES DANG, PHUNG SOGS RANG BZHIN MED PAR BYED PAS BRTUL ZHUGS CHEN PO 'CHANG ZHES DANG, GDONG LNGA ZUR PHUNG LNGA GA-YAS GA-YON GYI RLUNG BCU LA 'CHAD DO, ,DE BZHIN DU PHUNG PO DRUG DANG KHAMS DRUG GI DBYE BAS RIGS DRUG GI BDAG {DOL PHYOGS} NYID BRJOD PAR BYA BA DANG, DE BZHIN DU {PHYOGS} LHA'I ZHAL GYI DBYE BAS MTSON PA RIGS BRGYA'I BDAG NYID KYANG BRJOD PAR BYA BA BCOM LDAN 'DAS KYIS ZHES PA NAS GSUNGS PA, 'DI {NGAM} LTA STE BDE BA CHEN PO DANG STONG PA NYID DBYER MED PA'I RDO RJE, SEMS CAN RNAMS LA 'JIGS PA BYED PA'I SGRIB PA'I BAG CHAGS DAG KYANG 'JIGS PAR BYED PA'I BDE CHEN DE NYID KHRO BO'I RGYAL PO'I RNAM PAR BSTAN PA'I
, ,GDONG DRUG STE ZHAL DRUG RAB TU 'JIGS PAS PHUNG PO DRUG SGRIB BRAL DU GYUR PA MTSON LA, ZHAL DRUG POR RE LA SPYAN GSUM GSUM YOD PA'I SPYAN DBUS MA DRUG NI MIG DRUG STE DES DBANG PO DRUG SGRIB BRAL DU GYUR PA MTSON ZHING DE NYID KYI YUL DRUG KYANG SGRIB BRAL DU GYUR PA MTSON LA, LAG PA DRUG GIS LAS KYI DBANG PO DRUG DANG, LAS DBANG GI BYA BA DRUG SGRIB BRAL DU GYUR PA MTSON ZHING, STOBS KYI SGRAS KHAMS DRUG SGRIB BRAL DU GYUR PA DANG LDAN PA ZHES PA'AM, SNGA 'GREL DU ZHAL GYI DBYE BAS ZHES 'BYUNG BA LAS NI, MIG DRUG LAG DRUG SOGS LHAG MA NI, GDONG DRUG 'JIGS PA DANG, RKANG PA THA MA SKABS SU BAB PA'I DON GYI KHUNGS YIN PA LA, DE'I BAR DU TSIG 'GREL PAS DRANGS PA TZAM YIN GYI SKABS KYI DON LA SBYAR MI DGOS PAS GDONG DRUG NYID KYIS PHUNG PO DRUG DANG KHAMS DRUG RNAM PAR DAG PA'I RIGS DRUG MTSON PA YIN NO ZHES BSHAD NA'ANG LEGS PAR MNGON NO, ,KENG RUS NI LHA'I ZHAL RNAM PAR 'GYUR BA'I MI SDUG PA'I RNAM PA CAN YIN LA DE NYID KYANG MCHE BA GTZIGS PA STE, DA NGES DON DU BSHAD NA KAM BDE BA LA'O, ZHES PA'I BYINGS LAS KENG RUS BDE BA MCHE BA GTUM MO'I ME, DE 'BAR BAS RTZE MOR GYUR BA'I PHYIR GTZIGS PA PO ZHES 'CHAD PA LTAR RO, ,KHRO BO HA LA HA LA GDONG BRGYA PA'I ZHAL BRGYAS NI KHAMS SO DRUG ,SO SO GNYIS, THOD PA DUM BU BCU GNYIS, SEN MO NYI SHU RNAMS RNAM PAR DAG PA'I RIGS BRGYA MTSON PAR BYED DO, ,NYI MA DPAL NI, AA WA DH'U T'I'I RNAL 'BYOR GYI RDO RJE 'JIGS BYED KYIS RTOG PA LA SOGS PA RNAMS 'JIGS PAR BYED PA, DGA' BRAL GYI MTHAR GSAL BAS KHRO BO'I RGYAL PO, GDONG DRUG NI SBYOR BA
YANG LAG DRUG ,DES SDUG BSNGAL THAMS CAD GCOD PAS 'JIGS PA, YUL DRUG BDE BA CHEN POR LONGS SPYOD PA'I MIG DRUG CES SOGS DANG, RTZA MTHA' DAG KHU BAS GANG BAS GDONG PA BRGYA BA CAN ZHES 'CHAD DE, ZHAL GYI DBYE BAS PHUNG KHAMS KYI DRUG TSAN DAG PA'I RIGS DRUG MTSON PA 'DIR BRJOD PA DANG ZHAL GYI DBYE BAS MTSON PA'I RIGS BRGYA BRJOD PA'I SHES BYED DU DRANGS PA DANG 'BREL CI'ANG MI SNANG NGO, ,KHA CIG MIG DRUG MNGON SHES DRUG TU SMRA LA, GZHAN DAG DBANG PO DANG YUL GZHAN DON DAM CHOS DBYINGS KYI MIG DRUG LAG DRUG SOGS LA 'CHAD CING DON DAM CHOS SKU MKHA' KHYAB DE'I NGO BO LA DBYE BA MED KYANG, RNAM PA'I SGO NAS RIGS BRGYA LA SOGS PA'I DBYE BA BYED PAR {PHYOGS} SMRA STE SHES PA RTAG PA CHA MED LA RNAM {DOL} PA'I CHA SHAS BRGYAR DBYE NUS PA YA MTSAN NO, ,DE LTAR YID CHES GSUM LDAN GYI RGYUD KYI SPYI'I DON BSDUS NAS BSTAN PA RNAMS KYI DON BSDU BA NI, BCOM LDAN 'DAS KYI GSUNG 'DI'I PHYIR DANG PO'I SANGS RGYAS KYI RGYUD DANG 'DUS PA LA SOGS PA'I RGYUD GZHAN DU BRJOD PAR BYA BA NI RIGS GSUM DAG PA'I ZHAL GSUM PA DANG, ZHES PA NAS, RIGS BRGYA DAG PA'I ZHAL BRGYA PAR RTOGS PAR BYA'O, ,DE LTAR RIGS KYI DBYE BA DANG ZHAL GYI DBYE BA SOGS RGYUD DE DAG LAS MI 'DRA BA DU MA BSTAN KYANG, BDE BA CHEN PO DANG STONG PA NYID DBYER MED PA AE WAm GYI NGES DON BRJOD BYA'I GTZO BOR BYED PA LA KHYAD PAR MED PAR STON PA NI, 'DIR ZHES SOGS SO, ,DE YANG PHYOGS 'DI DAG LAS AE WAm SOGS YI GE BZHI BCU'I NANG NAS HRI DA YA MED PA'I YI GE SO BDUN LAS MI 'BYUNG LA, 'DUS PA'I GLENG GZHI'I YI GE LA NI BZHI BCU YOD CING DE NYID 'GREL BA MKHAN POS BZHI BCUR BSHAD PA MA DAG PA YIN GYI,
, ,BYANG CHUB SEMS DPA'I 'GREL PA LAS 'BYUNG BA LTAR SO BDUN KHO NA'O ZHES BRJOD PA NI HA CANG MI 'CHAM PAR SMRA BA STE, BSHAD BRGYUD RDO RJE PHRENG BA LAS YI GE RE'I DON 'CHAD PA LA SHLOO KA RE GSUNGS PA'I SHLOO KA BZHI BCUS YI GE BZHI BCU BYAS NAS BSNYON DU MED PAR GSUNGS PA'I PHYIR RO, ,DES NA SO BDUN DU BSHAD PA NI HRI DA YA'I DON SNYING PO NYID RDO RJE GSUM DU 'DU BA LA DGONGS NAS, LHA SO DRUG DANG DE'I KHYAB BDAG LHAN CIG SKYES PA'I SKU DANG SO BDUN LA DAG PA SBYOR BA'I CHED DU YI GE SO BDUN DU BSDUS TE GSUNGS PA'O,, ` ,,DGU PA RGYUD GZHAN LAS BSTAN PA'I AE WAm GYI DON DE NYID GLENG GZHI'I DON DU JI LTAR YOD TSUL BSHAD PA NI, THAMS CAD MKHYEN PA ZHES PA LA SOGS PA'I YI GE NYI SHU RTZA GSUM GYIS BCOM LDAN 'DAS KYIS BSTAN PA NI, RGYUD GZHAN DU WAm YIG GIS MTSON PA'I DON STONG PA NYID DANG SNYING RJE DBYER MED PA BYANG CHUB KYI SEMS KYI RDO RJE BDE BA CHEN PO'O, ,RGYUD 'DIR SENG GE'I KHRI YI SGRA YIS BSTAN PA'I DON NI, RGYUD GZHAN DU AE YIG GIS MTSON NAS BSTAN PA'I DON NAM MKHA'I KHAMS RNAM PA THAMS CAD PA STE, RTEN SENG GE'I KHRI RNAM PA THAMS CAD PA, DE LA BRTEN PA BDE BA CHEN PO DBYER MED PA'I TSUL GYIS BZHUGS PA NI SENG GE'I KHRI LA BZHUGS PA'O, ,SANGS RGYAS ZHES PAS BSTAN PA NI, RDO RJE SEMS DPA' BDE BA CHEN PO'O, ,RNAL 'BYOR ZHES PAS BSTAN PA NI DON CHEN PO MCHOG TU MI 'GYUR BA'O, ,MCHOG TU MI 'GYUR BA'I BDE BA CHEN PO'I RNAL 'BYOR 'DI ZHES PA NAS, YANG DAG PAR BRJOD PA, 'DI DAG GI DON LA, NYI MA DPAL GYIS, RANG
BZHIN 'OD GSAL STONG NYID RNAM PA THAMS CAD PA SHES RAB KYI PHA ROL TU PHYIN PA AA LAS BYUNG BA, THAMS CAD RO MNYAM PA GZHOM DU MED PA LAS, AA NI YIG 'BRU KUN GYI MCHOG ,SANGS RGYAS KYI YON TAN STER BAS DON CHEN, SKYE 'JIG MED PAS YI GE DAM PA YON ZHING, DKYIL 'KHOR BCU DBU MAR SON PA'I SROG CHEN PO NI DMIGS PA MED PAS SKYE BA MED PA, RDO RJE BZLAS PA'I NGO BOS TSIG TU BRJOD PA SPANGS PA STE, DBYANGS GSAL GYI RTZA BAR GYUR BAS BRJOD PA KUN GYI RGYU YI MCHOG ,TSIG KUN 'OD GSAL LAS RAB TU GSAL BAR BYED PA ZHES 'CHAD CING, GZHAN LA GSANG BAR BYED PAS BLA MA GSANG SNGAGS CHEN PO'I MCHOG ,BDE BA CHEN PO'I YE SHES DE THOB PAR BYED PAS THEG PA CHEN PO'I TSUL LA GNAS, BZHI PA'I RTZE MO 'CHANG BAS THEG PA CHEN PO'I TSUL GYI MCHOG ;CES 'CHAD PA NI, YE SHES LE'UR YANG LUNG 'DI DANG SBYAR BA'I SKABS SU 'GREL CHEN LAS, MCHOG TU MI 'GYUR BA YANG AA YIG STE, AA YIG LAS BYUNG BA NI YANG DAG PAR RDZOGS PA'I SANGS RGYAS ZHES SOGS KYIS AA YIG MCHOG TU MI 'GYUR BA LA BSHAD PA DANG, KHYED KYIS AA YIG STONG GZUGS LA BSHAD PA MA MTHUN LA, 'DI'I 'TSAMS SBYAR GYIS KYANG MCHOG TU MI 'GYUR BA'I RNAL 'BYOR STON PA'I KHUNGS SU DRANGS SHING, SKYE 'JIG MED PA DON DAM LA BYED NA DAM PA YIN PA'I RGYU MTSAN DU 'BREL MED CING, KUN RDZOB LA BYED NA STONG GZUGS DANG MI 'GYUR BA'I BDE BA GANG LA BYED KYANG, RGYU MED RTAG PAR KHAS LEN DGOS PAS SHIN TU MA LEGS LA, SROG DBU MAR 'GAGS PA DANG DMIGS PA MED PA'I YE SHES GANG YANG
, ,RDO RJE BZLAS PAR 'ONG DON MED CING, BSHAD PA GZHAN DE DAG KYANG LEGS PAR MA MTHONG NGO, ,YANG KHA CIG SMRA BRJOD KYI YUL MIN PAS TSIG TU BRJOD PA SPANGS PA STE, ZHES DANG, PHAR PHYIN GYI THEG PA CHEN PO'I TSUL TE; LAM RNAM KUN MCHOG LDAN GYI STONG PA NYID LA GNAS ZHES 'CHAD PA NI SHIN TU MI LEGS TE, BDE CHEN SGRAS BRJOD MI NUS {DAM PHYOGS} PA DANG STONG GZUGS PHAR PHYIN THEG PA'I LAM YIN PA SNGAR BKAG ZIN {NGAM} TO, ,DES NA 'DI LTAR BSHAD PAR BYA STE, 'DI LTAR MKHYEN PA BZHI LDAN GYI SANGS RGYAS SGRIB PA BAG CHAGS DANG BCAS PA BCOM PA'I BCOM LDAN 'DAS MI 'GYUR BA'I BDE BA'I SKAD CIG NYIS KHRI CHIG STONG DRUG BRGYA RDZOGS PA'I SANGS RGYAS NI AA YIS MTSON PA'I DON MI 'GYUR BA'I BDE BA LAS BYUNG LA, AA YIG GIS MTSON PA'I DON DE NI PHUNG SOGS THAMS CAD SGRIB BRAL DU BYAS NAS RANG GI DON MA LUS PA RDZOGS PA BYED PAS YIG 'BRU STE 'GYUR MED KUN GYI MCHOG YIN ZHING, YI GE'I SKAD DOD AKAsha RA MI 'GYUR PA LA'ANG 'JUG PA LAS SKABS 'DI DAG TU MI 'GYUR BAR BSGYUR NA LEGS SO, ,YI GE STE MI 'GYUR BA'I BDE BA CHEN PO DE NI GZHAN GYI DON CHEN PO 'BYUNG BA'I THABS DAM PA YIN TE, TSUL JI LTAR NA, GA-YAS GA-YON GYI DKYIL 'KHOR CHEN PO BCU'I RLUNG DBU MAR 'GAGS PA'I SROG CHEN PO GZHOM MED KYI GSUNG NI NYIS KHRI CHIG STONG DRUG BRGYA'I RLUNG GI RGYU BA MTHA' DAG SKYE BA STE 'BYUNG BA MED PA'I PHYIR BRJOD 'DOD KYI RTOG PA DANG RLUNG GI GA-YO BA LA BRTEN NAS TSIG TU BRJOD PA SPANGS PA STE, DE LTAR NA YANG GSUNG RNAM
PA THAMS CAD PA'I BRJOD PA KUN GYI RGYU YI MCHOG TU GYUR PA SEMS CAN THAMS CAD KYI SKAD DANG MTHUN PA'I TSIG KUN RAB TU GSAL BAR BYED PA'I TSUL GYIS SO, ZHES PA LA SOGS PA NAS, MGON PO LHAN CIG SKYES PA'I SKU DE NYID RIGS THAMS CAD LA KHYAB PAS RIGS MCHOG CHEN PO STE RGYUD SDE 'OG MA GSUM LAS KYANG, BLA MA 'AM GONG MAR GYUR PA'I GSANG SNGAGS CHE BA'I MCHOG ,YUL PHA ROL TU PHYIN PA'I THEG PA CHEN PO'I TSUL, DE KHO NA NYID LA RO GCIG TU ZHUGS PAS GNAS PA'I YUL CAN LHAN CIG SKYES PA'I YE SHES BDE BA CHEN PO DE NI 'BRAS BU'I THEG PA CHEN PO'I TSUL LAM THABS KYI MCHOG TU GYUR PA YIN NO, ZHES PA'I MTHAR THUG PAS BLA MED KYI RGYUD KYI RGYAL PO THAMS CAD LA BRJOD PAR BYA BA BDE BA CHEN PO'I YE SHES KYI RNAL 'BYOR 'DI BLA MED KYI THEG PA'I GDUL BYA CHUNG NGU DANG 'BRING PAD+MA DANG TZAN DAN LTA BU LA SOGS PA DANG, CHEN PO RIN PO CHE LTA BU'I SEMS CAN GYI BSAM PA'I DBANG GIS BCOM LDAN 'DAS KYIS BLA MED KYI RGYUD RNAMS SU YANG DAG PAR BRJOD DO, ,KHA CIG CHUNG NGU LAS KYI PHYAG RGYA'I DNGOS GRUB 'DZAG PA DE DON DU GNYER BA DANG, 'BRID YE SHES KYI PHYAG RGYA'I DNGOS GRUB GA-YO BA'I BDE BA DON DU GNYER BA DANG, CHEN PO PHYAG RGYA CHEN PA'I DNGOS GRUB MI 'GYUR BA'I BDE BA DE DON DU GNYER BA'I SEMS CAN GYI BSAM PA'I DBANG {NGAM} GIS ZHES 'CHAD DE 'JIG BDE DNGOS GRUB MA YIN PAR SNGAR BSTAN ZIN TO, ,YANG KHA CIG {PHYOGS} RGYUD KYI RGYAL PO THAMS CAD LA ZHES PA RGYUD SDE BZHI KA LA BYAS NAS, GUR LAS DMAN PA RNAMS LA BYA BA'I RGYUD, CES SOGS GSUNGS PA LTA BU'I CHUNG 'BRING CHEN PO'I SEMS CAN GYI BSAM PA'I DBANG GIS ZHES 'CHAD
, ,BA'ANG BLA MED KYI RDZOGS RIM MCHOG BDE CHEN GYI RNAL 'BYOR RGYUD SDE BZHI KA LAS RGYUD SDE RANG RANG GI GDUL BYA LA BSTAN PAR KHAS LEN DGOS PAS MI 'THAD LA, KHA CIG BDE GSHEGS SNYING PO MNGON DU BYED PA'I THABS GDUL BYA SKAL BA CHUNG 'BRING CHE GSUM LA BSLAB PA'I GNAS LNGA SOGS DANG BSKYED RIM DANG RDZOGS RIM BSTAN PA DANG, BDEN PA BZHI DANG, MTSAN NYID MED PA DANG, DON DAM RNAMS NGES KYI DOL, 'KHOR LO RIM PA GSUM BSTAN ZHES PA NI 'BREL MED SMRA BA TZAM DU ZAD DO, ,RGYUD 'DIR GLENG GZHI'I YI GE NYER GSUM GYIS BSHAD PA'I RNAL 'BYOR DE NYID MTSAN BRJOD LAS KYANG BSTAN PA DE BZHIN DU RGYUD 'DIR STONG PA YE SHES ZHES PA LA SOGS PA YI GE BCU BZHIS RIGS DRUG GI BDAG NYID BRJOD PAR BYA BA DE NYID NAS GSUNGS PA 'DI LTA STE, ZHES PA'I KYANG SGRAS BSTAN PA LTAR, RGYUD 'DIR DON DE DANG DE BSTAN PA LTAR MTSAN BRJOD LAS KYANG BSTAN PA'I TSUL GYIS BRJOD BYA MTSUNGS PA'I KHUNGS SU 'DI DAG DRANGS PA YIN GYI RGYUD 'DI LAS DON DE BSTAN TE, MTSAN BRJOD LAS 'DI LTAR GSUNGS PA'I PHYIR ZHES 'CHAD PA MIN NO, ,DE LA NYI MA DPAL GYIS, 'JIG RTEN DANG 'JIG RTEN LAS 'DAS PA'I GSANG SNGAGS NI BSGRUB BYA YIN PA'I PHYIR DON TE, DE NYID PHYAG RGYA CHEN PO KUN BSKYED PA PO RLUNG BCU DBU MAR BRGYU BAS LUS KUN LA THIM PA'I PHYIR THIG LE CHEN BO DE NYID DON DAM BA'I NGO BOS YI GE MED CES 'CHAD KYANG RLUNG DBU MAR BRGYUS PAS LUS KUN LA THIM PA'I RLUNG YA MTSAN ZHING YI GE MED PA'ANG DON DAM LA SBYOR BA MIN GYI, 'GYUR MED KYI DON YIN NO, ,DE'I PHYIR BRJOD MED KYI DON KYANG MA YIN
NO; ;DES NA 'DI YIN TE, RTZA RGYUD LAS, LUS NGAG SEMS KYI KHAMS RNAMS NI, ,GANG PHYIR SKABS GYUR DE YI PHYIR, ,SNGAGS DON SNGAGS KYI SGRA YIS NI, ,STONG NYID YE SHES MI 'GYUR BA, ,BSOD NAMS YE SHES LAS BYUNG SNGAGS, ,STONG NYID SNYING RJE'I BDAG NYID DO; ZHES GSUNGS PA LTAR, STONG NYID SNYING RJE DBYER MED PA'I RDO RJE'I RNAL 'BYOR GYIS GSANG SNGAGS KYI DON LUS NGAG SEMS KYI KHAMS KUN SGRIB BRAL DU BSKYED PA POR GYUR PAS SKYED PAR BYED PA, LUS NGAG YID YE SHES KYI THIG LE MI 'GYUR BAR 'DZIN PAS, THIG LE CHEN PO 'GYUR BA MED PA WAM YIG GI NGES DON STONG PA CHEN PO YI GE LNGA DANG, AE YIG GI NGES DON THIG LE STONG PA YI GE DRUG DBYER MED PA'I BDAG NYID DO, ZHES SO, ,BCU PO DE'I PHYIR TSIG TZAM LA BRTEN NAS SMAD PAR MI BYA BA DON BSDU DANG BCAS PA LA GNYIS DNGOS KYI DON DANG, DON BSDU BA'O, ,DANG PO NI, DES NA SANGS RGYAS RNAMS NI DON GCIG NYID LA YANG MING MI 'DRA BA MTHA' YAS PA DAG GI CHOS STON PAR BYED PA NYID KYI PHYIR ZHES PA NAS, BRJOD PAR MI BYA STE, AE WAM SOGS KYI TSIG THOG MAR SMOS PA'I RGYUD LA RANG GI GRUB PA'I MTHA'I 'DU SHES KYIS ZHEN PA DANG GSANG BA DANG THAMS CAD MKHYEN PA SOGS SMOS PA'I RGYUD LA GZHAN GYI GRUB PA'I MTHA'I 'DU SHES KYIS SDANG BAS DE DAG LA SKYON 'DZIN NA SMOD PA PO SNGAGS KYI SDOM LDAN LA RTZA BA'I LTUNG BA DRUG PAR 'GYUR RO, ,DBANG LER 'GREL CHEN LAS, GRUB PA'I MTHA' NI SHES RAB KYI PHA ROL TU PHYIN PA DANG SNGAGS KYI TSUL LA DE KHO NA NYID KYI LE'U'O, ,DE LA SMOD PA GANG YIN PA DE NI DRUG PA'O, ZHES GSUNGS PA'I SHER PHYIN GZHAN GYI GRUB MTHA' DANG SNGAGS KYI THEG PA TZAM RANG GI GRUB MTHU'I
, ,MTSAN GZHIR 'DIR BZUNG NA SKABS DON LA MI 'GRIG PAS SNGAR LTAR BYA DGOS SO, ,'DIR BKA' MIN NO ZHES SPANGS PAS RTZA LTUNG 'BYUNG BAR DNGOS SU GSUNGS SHING, PHYAG RDOR BSTOD 'GREL LAS KYANG, DE LTAR GSUNGS KYANG BDAG GI RJE THAMS CAD MKHYEN PAS RDO RJE THEG PA BA RNAMS KYI RTZA BA DANG YAN LAG GI LTUNG BA DANG BSLAB PAR BYA BA RGYAS PAR 'CHAD PA DNGOS GRUB KYI SNYE MAR DUS 'KHOR LAS, DRUG PA GRUB PA'I MTHA' SMOD PA, ZHES PA'I DON 'CHAD PA'I SKABS SU, DE YANG SMOD PA TZAM YIN GYI BKA' MA YIN NO; ZHES SPANGS PA MA YIN NO, ZHES GSUNGS PA NI 'DI DANG 'GAL BAR BSAM PAR MI BYA STE, DE NI GONG DER BSHAD PA'I YAN LAG GZHAN TSANG NA SMOD PA TZAM GYIS KYANG RTZA LTUNG DU 'GYUR BA YIN GYI BKA' MA YIN NO ZHES SPANGS PA NI YAN LAG TU NGES PAR DGOS PA MA YIN NO ZHES GSUNGS PA YIN TE RTZA LTUNG BCU BZHI PAR, RANG DANG GZHAN GYI GRUB PA'I MTHA', ,CHOS LA SMOD PA DRUG PA YIN, ,CES PA'I DON 'CHAD PA NI BKA' MA YIN NO ZHES SPANGS PA YAN LAG TU NGES PAR DGOS PA'I LUGS SU 'CHAD PA DANG GNYIS KYI KHYAD PAR DBYE BA'I DON DU GSUNGS KYI BKA' LA BKA' MA YIN ZHES SKUR BA BTAB PA SMAD PAR MI BZHED PA MA YIN NO, ,'DIR KHA CIG RANG GI GRUB PA'I MTHA'I LUNG DANG GZHAN GYI GRUB MTHA'I LUNG GIS DON GCIG MING THA DAD TZAM GYIS BSTAN PAS THA DAD DU BZUNG STE SKYON BRJOD NA ZHES 'CHAD PA DANG, KHA CIG {PHYOGS} RANG GI GRUB PA'I MTHA' SANGS RGYAS KYI GSUNG, GZHAN GYI GRUB MTHA' SANGS RGYAS {NGAM} KYI GSUNG DANG MTSUNGS PA'I MU STEGS KYI TSIG LA 'CHAD PA SOGS LEGS PAR MA MTHONG NGO, ,DE'I PHYIR 'DUS PA SDOM PA DANG PO'I SANGS RGYAS SOGS RGYUD GZHAN
DANG GZHAN LA, GANG ZAG 'GA' ZHIG GIS SNGON DU AE WAM SMOS PA'I RGYUD MANG DU THOS SHING, DE'I PHYIS AE WAM GYI TSIG MED PAR GSANG BA SOGS KYI TSIG GZHAN SMOS PA'I RGYUD THOS PA NA, SNGA MA THOS PA'I AE WAm GYI TSIG DANG PHYI MA THOS PA'I GSANG BA DANG THAMS CAD MKHYEN PA SOGS KYI TSIG MI 'DRA YANG NGES DON MI 'GAL BA'I DON GYIS 'GREL BA SHES NAS, DE DAG DON MI 'GAL BAR SHES PA'I YON TAN DANG MA SHES PA'I SKYON RTOGS PAR BYA'O, ,SNGA MA DANG PHYI MA 'DI LTAR 'CHAD PA LEGS KYI, 'DUS PA SNGA MA DANG BDE MCHOG DUS 'KHOR SOGS PHYI MAR BYED PA DANG, AE WAm SNGA MA DANG GSANG BA SOGS PHYI MAR 'CHAD PA MA LEGS TE, RGYUD DE DAG DANG GLENG GZHI'I TSIG DE DAG LA DUS SNGA PHYI'I GO RIM SUS KYANG BSGRUB PAR {PHYOGS,}MI NUS PA'I PHYIR RO, ,BSHAD MA THAG PA LTAR YON TAN DANG SKYON RTOGS PA LAS RNAM PA GZHAN DU MA RTOGS NA GDUG PA'I SLOB DPON DE BZHIN GSHEGS PA'I SNYING PO LAS ZHES PA'I SNYING PO'I DON, BDE GSHEGS SNYING PO SEMS KYI CHOS NYID LA ZER BA MA YIN GYI YE SHES LE'UR MCHOG TU MI 'GYUR BA'I YE SHES SANGS RGYAS DANG BYANG CHUB SEMS DPA' RNAMS KYI THUGS SU GYUR BA ZHES SHONG 'GYUR DU 'BYUNG BA LA, 'GYUR MANGS SU BYANG CHUB SEMS DPA' RNAMS KYI SNYING POR GYUR BA ZHES DANG, RVAS KYANG SNYING POR BSGYUR BA LTAR HRI DA YA SNYING PO DANG THUGS GNYIS GA RU BSGYUR DU RUNG BA LAS, 'DIR NI DBANG 'GYUR LAS, DE BZHIN GSHEGS PA'I THUGS LAS PHYI ROL TU GYUR BA ZHES 'BYUNG BA LTAR LEGS SO, ,DES NA, DE BZHIN GSHEGS PA'I THUGS MI 'GYUR BA'I BDE CHEN LAS PHYI ROL TU GYUR BA, YUL DANG DBANG PO'I NYE BAR LONGS SPYOD PA 'DZAG PA'I BDE BA SOGS
, ,LA CHAGS SHING GA-YO SGYUS GZHAN BSLU BA'I RDZUN DU SMRA BA RNAMS CHOS LA MA MTHONG BA'I SKYON BZUNG BA LAS MNAR MED PAR 'GRO BAR 'GYUR RO, ,GNYIS PA DON BSDUS NI DE LTAR BRJOD PA'I RIM PA AE WAm DANG GSANG BA DANG CAD MKHEN PA SOGS KYI NGES DON GCIG TU BSGRUB PA'I LUNG DANG RIGS PA DAM PAS SNGA MA STE SNGON DU THOS PA DANG PHYI MA STE DE'I PHYIS THOS PA GLENG GZHI'I TSIG MI 'DRA BA DE DAG GI NGES DON MI 'GAL BAR AE WAm GYI TSIG GIS NGES DON DE NYID THAMS CAD MKHYEN PA ZHES PA LA SOGS PAS KYANG BSTAN PA'I SGO NAS RGYUD KYI RGYAL PO MCHOG GI DANG PO'I SANGS RGYAS BCOM LDAN 'DAS KYIS YANG DAG PAR BSTAN TO ZHES SHES PAR BYA'O, ,BZHI PA SMOS PA'I TSIG RNAMS LA BZLOS 'GAL GYI SKYON SPANGS NAS GNAS DANG STON PA GTAN LA DBAB PA LA GSUM, STON PA'I MTSAN GYI KHYAD PAR LNGA STON PA'I GLENG GZHI'I TSIG LA BZLOS PA'I SKYON GSUM SPANG PA, GNYIS SU MED PA'I YE SHES GZUGS CAN DU THAL BA'I RTZOD PA SPANG BA, MTSAN GYI KHYAD PAR LNGAS BSTAN PA'I STON PA GANG LA BZHUGS PA'I GNAS GNYIS SENG GE'I KHRI'I TSIG GIS BSTAN PA RGYUD KYI LUNG DANG SBYAR BA'O, ,DANG PO LA GSUM, THAMS CAD MKHYEN PA DANG SANGS RGYAS ZHES PA'I TSIG GNYIS LA BZLOS PA SPANG BA, THAMS CAD MKHYEN PA DANG YE SHES KYI SKU ZHES PA'I TSIG GNYIS LA BZLOS PA SPANG PA, YE SHES KYI SKU DANG NYIN MOR BYED PA'I SKU GNYIS GA SMOS PA LA BZLOS PA SPANG PA'O, ,DANG PO LA GSUM, DOGS PA DGOD, SKYON SPANG, DE NYID LUNG DANG SBYAR BA'O, ,DANG PO NI, GLENG GZHI'I TSIG THOS PA'I SKABS 'DIR 'GA' ZHIG GI RGYUD LA 'DI SNYAM DU, THAMS CAD MKHYEN PA DANG SANGS RGYAS ZHES PA'I TSIG GNYIS
BZLOS PAR THAL, MING DE GNYIS KYIS DON GYI DNGOS PO GCIG GO BAR BYED PA'I PHYIR RO, ,DES NA THAMS CAD MKHYEN PA GANG YIN PA DE NYID SANGS RGYAS BCOM LDAN 'DAS MA YIN NAM, THAMS CAD MKHYEN PA ZHES PA'I RJES SU SLAR YANG SANGS RGYAS ZHES PA BZLOS PA'I TSIG 'DI BCOM LDAN 'DAS KYIS DGOS PA CI'I DON DU GSUNGS ZHES PA'I BSAM PA 'BYUNG BAR 'GYUR TE, GNYIS PA NI, DOGS PA DE LTAR SKYE BA'I GNAS YOD PA DE'I PHYIR DE SEL BA'I LAN BRJOD PAR BYA'O, ,'DIR ZHES PA NAS, YONGS SU BRTAGS SHING, DE DAG SANGS RGYAS SU DE RNAMS LA MA GRAGS PAS, DE DAG GI CES PA NAS GSUNGS TE, 'O NA KHYAB 'JUG SOGS DE DAG THAMS CAD MKHYEN PA MA YIN ZHING SANGS RGYAS KHO NA THAMS CAD MKHYEN PA YIN PA'I RGYU MTSAN CI ZHE NA, KHAMS GSUM PO 'DI NI ZHES SOGS TE SANGS RGYAS KHO NA SEMS CAN THAMS CAD KYI SKAD DANG MTHUN PAR CHOS STEN PA'I THAMS CAD MKHYEN PA YIN GYI DE 'DRA'I THAMS CAD MKHYEN PA KHYAB 'JUG SOGS GANG YANG KHAMS GSUM NA MED DE, KHYAB 'JUG DANG DRAG PO SOGS DE DAG NI 'GRO BA DRUG GI NANG TSAN GYI LHAR LAS DANG NYON MONGS PA'I DBANG GIS SKYE BA BLANGS SHING DA DUNG LEN LA, SANGS RGYAS 'BA' ZHIG 'KHOR BA'I BAG CHAGS MA LUS PA SPANGS PA YIN PA'I PHYIR ZHES PA'O, ,GSUM PA NI 'DIR ZHES PA NAS, 'DI LTA STE, 'KHOR BA'I SKYE BA THAMS CAD LAS PHA ROL TU BRGAL BAS MTHAR SON PA PHYIN CHAD BSLAB PAR BYA BA MED PA'I TSUL GYIS LAM GYI BYA BA BYAS PA NYON MONGS PA'I BAG CHAGS KYI RLAN DANG BRAL BA'I SKAM SAR GNAS PA, SHES PA'I SKAD DOD DZA+NY'A NA YE SHES LA'ANG 'JUG PA LTAR 'DIR YE SHES 'BA' ZHIG CES BYA LA, GZHAN {RANG SOGS,}DAG SKABS 'DI'I RGYA DPE LA
, ,BSAL ZHES PA'I SKAD DOD YOD PAS BSAL BA ZHES 'DON DGOS PAR 'CHAD KYANG SHONG 'GYUR LTAR GSAL BA ZHES PA NYID LEGS SO, ,DES NA YUL CHOS NYID DANG RO GCIG TU ZHUGS PA'I JI LTA BA MKHYEN PA'I YE SHES LA MNYAM PAR BZHAG PA 'BA' ZHIG LA GNAS BZHIN DU CHOS THAMS CAD MNGON SUM DU NGES PAR GSAL ZHING MKHYEN PA, SHES RAB KYI MTSON CHAS SGRIB GNYIS KYI BAG CHAGS RNAM PAR 'JAMS PA STE BCOM PA ZHES BYAS NA SANGS RGYAS KYI SPANGS PA LA 'GRO ZHING, 'DZOMS ZHES PA'I TSIG SOR BZHAG NA GDUL BYA'I RGYUD KYI SGRIB PA 'JOMS PA'I 'PHRIN LAS MDZAD PA LA BSHAD DGOS SO, ,NYI MA DPAL GYIS, 'KHOR BA'I PHA ROL NI DGA' BA DANG MCHOG DGA'I PHA ROL DAG' BRAL, MTHAR SON PA NI DBANG BYIN PA, DBANG BZHI PA BYIN PAS BYA BA BYAS PA, CI BDE BA'I SPYOD PAS MYANG 'DAS THOB PAS SKAM SAR GNAS PA, GNYIS SU MED PA'I CHOS KYI SHES PA 'BA' ZHIG PA, BDE BA CHEN PO'I RANG BZHIN DU NGES PAR 'BYUNG BA, ZHES ZER TE, KHYAB 'JUG SOGS DANG SANGS RGYAS LA 'KHOR BA'I PHA ROL PHYIN MA PHYIN SOGS KYI KHYAD PAR YOD PA'I SHES BYED DU DRANGS PA'I TSIG DON LA HA CANG MI 'GRIG PAR SNANG LA, KHA CIG 'BRU GNON 'DI SAR BZHAG BYAS NAS DES GSAL LA DES BSAL BA ZHES BSGYUR BAR 'DOD PA 'GAL BA YIN TE, DE LTA NA BDE BA CHEN PO'I RANG BZHIN MED PA ZHES PAR 'GYUR BA'I PHYIR RO, ,'DI'I THAD KYI RGYA DPE LA NI {shthYU TUNN:} ZHES PA YOD PAS ZHES ZER TE, DE LTAR YOD RANG, NA JI BZHIN PAR BSGYUR NA SKYUG PA ZHES PAR 'GYUR YANG RGYA DPE GCIG LA YOD PA THAMS CAD LA YOD PA'I NGES PA MED DO, ,DE'I PHYIR ZHES SOGS DON BSDU BA'O, ,GNYIS PA LA YANG SNGAR LTAR
GSUM LAS, DANG PO DOGS PA DGOD PA NI, THAMS CAD MKHYEN PA NAS ZHE NA'I BAR RE GNYIS PA LAN NI, DE NYID LA LAN BRJOD PAR BYA STE, 'DIR ZHES PA NAS, 'O NA KYANG YANG DAG AP TDZOG PA'I SANGS RGYAS GZHAN 'PHAGS PA DPAL 'PHRENG GI MDO LAS GSUNGS BA LTAR NYAN THOS DANG RANG SANGS RGYAS DGRA BCOM GYI YID KYI RANG BZHIN GYI LUS YANG YOD PAS DE YE SHES KYI SKU YIN NAM SNYAM PA LA, DE DAG GI YID KYI RANG BZHIN GYI LUS NI YANG DAG PAR RDZOGS PA'I SANGS RGYAS NYID MA YIN PAS YE SHES KYI SKU MA YIN NO ZHES GSAL BAR BYA BA'I SLAD DU ZHES PA NAS BZLAS PA GSUNGS SO, ,SNGAR BZLOS PA'I TSIG TU MI 'GYUR RO, ZHES PA CI BZLOS PA'I TSIG GI SKYON DU MI 'GYUR RO ZHES PA YIN LA, 'DIR NI DGES BA DE 'DRA BA'I DBANG GIS BZLOS PA GSUNGS SO ZHES PA STE, DGOS PA MED PAR BZLOS PA'I TSIG SMOS NA SKYON DU 'GYUR BA YIN GYI DGOS PA'I DBANG GIS SMOS PA LA SKYON MED DO, ,NYAN RANG DGRA BCOM DANG RDZOGS PA'I SANGS RGYAS LA YE SHES KYI SKU YOD MED KYI KHYAD PAR DE NYID GANG GI DBANG GIS YIN ZHE NA, 'DIR ZHES SOGS TE, LHAG MA DANG BCAS MA BCAS NI SHES SGRIB KYI LHAG MA DANG BCAS MA BCAS SO, ,GSUM PA DE NYID LUNG DANG SBYAR BA NI, DE LTAR YANG ZHES SOGS TE, NYON MONGS PA'I BAG CHAGS KYI LHAG MA KUN LAS RNAM PAR GROL ZHING, NAM MKHA'I LAM LTAR THOGS PA MED PA'I YE SHES KYI SKU LA RAB TU GNAS PA ZHES PAS SKU DE LA SPANGS PA'I KHYAD PAR DGOS PAR BSTAN LA, SHES SGRIB KYI LHAG MA MA LUS PAR SPANGS PAS THUGS CHOS NYID DANG RO GCIG TU ZHUGS PA'I MI RTOG PA LA RTAG TU GNAS KYANG SKU NGES GDUL BYA RANG GI SKABL BA DAN 'TSAM PA'I DON 'BUD MED LHUN GRUB TU MDZAD GRUB TU MDZMA PAS YID BZHIN NOR BU CHEN PO'I TSUL 'CHAG
, ,BA YIN LA, DE'I PHYIR RIGS THAMS CAD KYI KHYAB BDAG DE NI RIN CHEN KUN GYI MCHOG YIN NO ZHES SO, ,NYI MA DPAL GYIS, GZUGS KUN LAS NI RNAM GROL ZHING, ZHES BTON NAS, SHA'I SPYAN GYIS MTHONG BA'I STONG GZUGS NI SEMS CAN GYIS MI MTHONG BAS GZUGS KUN LAS RNAM PAR GROL ZHES SOGS SU 'CHAD DE, SHES SGRIB KYI LHAG MA KUN LAS RNAM PAR GROL BA'I SHES BYED DU DRANGS PA'I LUNG GI LHAG MA KUN LAS GROL ZHES PA'I TSIG DANG DON GNYIS KA GZHAN DU BSGYUR NAS 'CHAD PA NI CHAD DU MI 'GRIG PA LHUR LEN PA'O, ,GZHAN DAG LHAG MA RTOG PA KUN LAS GROL ZHES ZER RO, ,KHA CIG NYAN RANG GI MYANG 'DAS YIN NA PHUNG PO'I LHAG MA DANG BCAS PA YIN DGOS LA, RDZOGS PA'I SANGS RGYAS PHUNG PO'I LHAG MA THAMS CAD LAS RNAM PAR GROL BA'I PHYIR ZHES SMRAS NAS, LUNG GI DON YANG PHUNG {RANG,}PO'I LHAG MA KUN LAS RNAM PAR GROL ZHES {DOL PHYOGS,}ZER ZHING KHYAB BDAG GI DON, BRTAN GA-YO KUN LA KHYAB PA YANG YIN, BDAG GI PHA ROL TU PHYIN PA YANG YIN PAS KHYAB BDAG CES ZER LA, DE NI DAM PA'I BDAG CES PA BDEN PAR GRUB PA'I BDAG MTSAN NYID PAR KHAS LEN TE, BDAG BDEN GRUB BRTAN GA-YO KUN LA KHYAB PA MU STEGS KYI LUGS YIN LA, NYAN RANG LA PHUNG PO LHAG MED KYI MYANG 'DAS MI SRID PA THEG PA GONG 'OG THAMS CAD DANG GRUB MTHA' BZHI KA'I LUGS LAS BRGAL BA'I MU COR RO, ,GSUM PA LA YANG GSUM LAS, DAN PO DOGS PA DGOD PA NI GAN YE SHS SKU YIN PA DE NYID CES PA NAS, 'GA' ZHIG SMRA BAR 'GYUR BA 'BYUNG NGO, ,GNYIS PA DE'I LAN BSTAN PA NI, DE'I PHYIR DE LA LAN BRJOD PAR BYA STE, 'DIR GAN ZHES PA NAS 'ON KYANG SANGS
RGYAS PA DBU MA PA LAS, GZHAN RNAM PAR SHES PAR SMRA BA YANG YOD PAS, DE DAG GI 'DOD PA LTAR SHES SGRIB LHAG MA MA LUS PAR SPANGS PA LA GZUNG 'DZIN RDZAS GZHAN DU 'DZIN PA SPANGS PA TZAM GYIS CHOG GO SNYAM DU 'DZIN PA LA RNAM PAR SHES PA BDEN PAR 'DZIN PA'I CHOS NYID LA GNAS PA'I LUGS DE'I LOG RTOG BSAL BAR BYA BA'I SLAD DU, ZHES PA NAS BZLOS PA GSUNGS SO, ,'O NA RNAM RIG PA'I LUGS KYI SHES SGRIB DE TZAM ZHIG SPANGS PAS YANG DAG PAR RDZOGS PA'I SANGS RGYAS KYI YE SHES KYI SKU NYIN MOR BYED PA'I SKU MI 'THOB PA'I RGYU MTSAN CI ZHE NA, 'DIR RNAM PAR SHES PAR SMRA BA RNAMS KYI NANG NA STE LTA BA DE LA GNAS BZHIN DU YE SHES KYI SKU, ZHES PA NAS ZHE NA, DE'I SGRUB BYED BRJOD PAR BYA STE, 'DIR RNAM PAR SHES PAR SMRA BA RNAMS KYI LUGS DE LA GZUNG 'DZIN RDZAS GZHAN DU 'DZIN PA KHEGS KYANG DA DUNG RNAM PAR SHES PA'I CHOS LA BDEN 'DZIN GYIS GNAS PA'I PHYIR DANG, YANG DAG PAR RDZOGS PA'I SANGS RGYAS NI RNAM PAR SHES PA'I CHOS LA BDEN PAR 'DZIN PA NYID LAS 'DAS PA NYID KYI PHYIR RO, ,DE YANG RNAM SHES BDEN 'DZIN NI NYON MONGS PA CAN GYI MUN PA YIN PAS, DE MA SPANGS NA SHES SGRIB SPANGS PA LTA SMOS KYANG CI MZHIG DGOS, DE'I PHYIR DE 'DRA BA'I MUN PA YOD PA BCAD PA'I PHYIR DU NYIN MOR BYED PA'I SKU ZHES SMOS PA'I DON TO, ,'DIR GAN DAG RNAM PAR SHES PA'I CHOS LAS 'DAS MA 'DAS KUN GZHI'I RNAM PAR SHES PA LAS 'DAS MA 'DAS LA BYED CING, RNAM PAR SHES PA'I CHOS NYID 'DAS, ZHES PA'ANG DE LTAR 'CHAD PA MI 'THAD DE, RDZOGS PA'I SANGS RGYAS LA KUN GZHI'I RNAM SHES GNAS GYUR RANG, DGOS PAR RNAM RIG PA'ANG 'DOD KYI, 'PHAGS YUL GYI RNAM RIG PA RDZOGS PA'I SANGS RGYAS @280 *, ,KYI THUGS RGYUD LA KUN GZHI'I RNAM PAR SHES PA YOD PAR 'DOD PA MED PA'I PHYIR RO, ,YANG KHA CIG YANG NA RNAM SHES KYI CHOS NYID LAS 'DAS SHING YE SHES LA GNAS ZHES PA'ANG CHES MI 'THAD DE, RNAM SHES YE SHES GNYIS SU PHYE BA'I RNAM SHES DE DE KHO NA NYID MA RTOGS PA'I BLO LA ZER NA DE LAS 'DAS NAS RDZOGS PA'I SANGS RGYAS 'THOB DGOS PA RNAM RIG BA'ANG 'DOD CING, SHES PA TZAM LA ZER NA RDZOGS PA'I SANGS RGYAS KYI YTE SHES SHES PA MA YIN PAR THAL ZHING, DE LTA NA YUL MI RIG PAR KHAS DGOS SO, ,YANG GZHAN DAG KUN GZHI'I RNAM SHES DNGOS PO'I CHOS NYID LAS 'DAS SHING, KUN GZHI'I YE SHES DNGOS MED KYI SHES PA DASNG 'DUS MA BYAS PA'I SHES PA LA GNAS PA DANG, YE SHES RNAM SHES GNYIS SU PHYE BA'I RNAM SHES NI 'DUS BYAS DANG, YES HES NI DE LA, 'DUS MA BYAS SU SMRA'O, ,DE LTAR NA RNAM RIG PAS RDZOGS PA'I SNGAS RGYA SLA 'DUS BYAS KYI SHES PA YOD PA BCAD PA'I PHYIR DU NYID MOR BYED PA'I SKU RMOS PAR 'DOD DGOS PAR 'GYUR LA, 'DI NI 'DUS BYAS KYI GZUGS SKY GNYIS KYIS SANGS RGYAS KYI GO MI CHOD DO ZHES RANG GYI STON PA LA SKUR PA 'DEBS PA DANG, SHES PA RTAG PA KHA LEN PA MU STEGS KYI RING LUGS TE 'OG TU 'GOG PAR 'GYUR RO, ,GSUM PA DE NYID LUNG DANG SBYAR BA NI, DE LTAR YANG ZHES PA NAS, 'DI LTA STE, 'DI LTA STE, RNAM PAR SHES BA'I CHOS RZAM LA BDEN BAR 'DZIN PA BAG CHAGS DANG BCAS PA NYID LAS 'DAS PAS YUL CAN GYI YES SHES YUL STONG PA NYID GNYIS SU MED PAR CHU LA CHU BZHAG GZHIN DU RO GCIG TU GYUR PA LA RTAG TU MNYAM PR BZHAG PA'I TSUL 'CAHNG BAS RNAM PR MI RTAG BZHIN DU
YANG LHUNG GYIS GRUB CING, DUS GSUM DU RGYUN MI CHAD BAR, SNGAS RGYAS KYI 'PHRIN LAS BYED PA ZHES SO, ,'DA'I THAD KYI SKAD DOD K'A YA ZHES PA SKU DANG LAS BYED PA GNYIS GA LA 'JUG KYANG, SKABS 'DIR LA BYAD PA LA BSGYUR NA LEGS SO, ,NYI MA DBAL NI, KUN GZHI'I CHOS NYID LAS 'DAS ZHES SOGS DASNG, NYIN MO DANG MTSAN MO DANG THUN PA MTAMS KYI DUN GSUM DU YANG DAG PAR BYUNG BA'I SANGS RGYAS CHOS SKU LOGS SKU SPRUL SKU GSUM 'CHANG ZHES ZER ZHING, DUS GSUM SNGAS RGYAS SKU GSUM 'CHANG, ZHES 'DON NO,, DGOS PA DA'I PHYIR YE SHES KYI SKU NYIN MOR BYED BA'I SKU YANG DAG PAR RDZOGS PA'I SNGAS RGYAS ZHES BCOM LDAN 'DAS KYIS BZLOGS PA'I TSIG GSUNGS SO, ,ZHES PA DON BSDU BA'O, ,GNYIS PA GNYIS SU MED PA'I YE SHES GZUGS CAN DU THAL BA'I RDZOD PA SPANG BA LA YANG GSUM LAS DANG BO DEGS PA DGOD PA NI, 'DIR 'GA' ZHIG LA 'DI SNYAM DU, DGOS BCI'I DZAN DU PAD-MA 'DAB MA RGYAS PA'I SYAN ZHES BCOM LDAN 'DAS KYIS GSUNGS TE DE LTAR GSUNG BA MI 'THAD PAR THAL, RGYUD KYI BRJOD PAR BYA BA YE SHES KYI SKU GANG YIN PA DE NI GZUGS CAN DU GRUB PA MA YIN DGOS LA PAD-MA'I 'DAB MA RGYAS PA DANG DBYEBS MTSUNGS PA'I SBAN GANG YIN PA DE NI GZUGS CAN MA YIN NAM STE GZUGS SU GRUB DGOS BA'I PHYIR ZHES DOGS PA'I BSAM PA 'BHUNG BAR 'GYUR BA'IG NAS YOD DO,, GNYIS PA DE'I SKYON SPONG BA NI, DE'I PHYIR DE LA LAN 'RJOD PAR BYA STE, 'DIR ZHES BA NAS 'NGOD PR BYA BA YE SHES GZUGS TZAM DU THAL BA'IS KYON 'RJOD PA GANG YIN PA DE NI YOD PA MA YIN TE, 'DIR NGES PA'I DON DU ZHES PA DRANG DON GYI ZLAS DRANGS PA LA MI ZIR GYI,
, ,TSIG 'DIR BRJOD PAR BYA BA'I DON DU NGES PA LA BYA LA, DE YANG PAD-MA'I 'DAB MA RGYAS PA DANG DBYIBS MTSUNGS PA DE LTAR BRJOD PA MA YIN GYI, PAD-MA'I SGRA YIS 'JIG RTEN GYI KHAMS MTHA' YAS PA'I RTEN NAM MKHA'I KHAMS NYID PAD-MAS MTSON NAS BRJOD DO, ,PAD-MAS MTSON PA'I NAM MKHA'I KHAMS DE LA PAD-MA LA BRTEN PA'I PAD-MA'I 'DAB MA RNAMS RING BOR RGYAS PA BZHIN DU NAM MKHA' DE LA BRTEN PA'I 'JIG RTEN GYI KHAMS RNAMS NA GDUL BYA SBYANG GZHI RIGS BRGYAS MTSON PA TSAD MED PA RNAMS KYANG RING ZHING MTHA' MED PA'I NGO BO NYID GYI GNAS PA NI GANG LA YE SHES KYI GZIGS PA 'JUG PA'I YUL SEMS CAN RNAMS SO, ,PAD-MA'I 'DAB MAS MTSON PA GSUL BYA DE DAG GI MTHA' JI SRED PAR TE SEMS CAN GYIS GAR KHYAB TU BCOM LDAN 'DAS GANG GI YE SHES KYI SPYAN GSUL BYA'I RIGS BRGYA LA SOGS PA JI SNYIED YOD PA DE SNYED KYI MKHYEN PA'I LDOG PA DBYER RUNG BA'I TSUL GYIS RGYAS PA DE NI PAD-MA' 'DAB MA RGYAS PAA'I SBYAN NO, ,'DIR NAM MKHA'I KHAMS STONG PA NYID DAG, RIGS BRGYA NI RNAL 'BYOR MA'I RIGS BRGYA DBANG LER BSTAN PA LTA BU'AM 'PHAGS PA LHAS SBYOD BSDUS SU LUS DBEN GYIS SKABS SU DAM PA RIGS BRGYAR GSUNGS PA DE LTA BU RNAMS KYANG RING DU DOR BA'I JO BO NYID KYIS BON GYI TSUL DU GNAS PA'I SEMS CAN RNAMS ZHES 'CHAD KYANG LEGS PAR 'BYOR PA MA 'THONG NGO, ,GZHA DAG NAM MKHA'I KHAMS NI KUN KHYAB 'OD GSAL RNAM KUYN 'CHOG LDAN GYIS TONG NYID DON DAM BDEN PA DANG, DE NYID DON DAM PA'I SNGAS RGYAS RIGS BRGYA'I NGO BO NYID KYIS GDOD NA NAS SEMS CAN RNAMS LA GNAS ZHES ZER ZHING,
DE LTAR 'CHAD BA'I DGAS PA GYUB PAR BYA BA'I SKAD DU 'GYUR GZHAN THAMS CAD LA SEMS CAN RNAMS SO ZHES 'BYUNG BA SEMS CAN RNAMS LA'O ZHES 'GYUR 'CHOS PAR BYED MOD KYI, 'OG TU 'GOG PAR 'GYUR BAS 'DIR MA SMAS SO, ,DE YANG YE SHES YIN NA PAD-MA RGYAS NGA 'DRA BA'I SPYAN MDA' BAR 'GAL BA'I DOGS PAR RTOGS LDAN LA MI SKYE YANG, 'DIR RNAM PAR MI RTOG PAR YE SHE SNYID PAD-MA'I 'DAB MA RGYAS PA 'DRA BA'I SPYAN NI YIN PAR BSHAD PA LA DE LTA NA YE SHES GZUGS SU GRUB PAR THAL BA 'PHAN PA YIN LA, YE SHES YIN NA GZUGS SU GRUB PA 'GAL DGOS PA NI RANG LUGS LA YANG BZHID PAS 'GAL SBONG SNGAR LTAR MDZAD PA YIN GYI, SBYIR GZUGS YIN NA YE SHES DANG DON GZHAN DU 'GYUR BAS KHYAB PA NI MA YIN TE, DA LTA GZI DUS SU LUS SEMS NGO BO GZIG TU MED KYANG, LAM GYIS MA DAG PA'I PHUNG SOGS SBYANGS NAS YE SHES KYI SKU GRUB PHYIN CHAD YI SHES NYID KYI GZUGS CHA LHA'I SKUR 'CHAR PA YIN PA SNGAS RGYAS KYI SA BEM BO'I SKU MED PA LHAN CIG SKYES PA'I YE SHES NYID GZUGS KYI SKUR SHAR BA YIN PA'I PHYIR SKU MTSAN DPES BRGYAN PA'I GZUGS DANG THUGS BDE BA CHEN BO'I YE SHES GNYIS NGO BO GCIG LA LDOG PA THA DAD PA TZAM YIN NO, ,GSUM BA DE NYID LUNG DANG SBAR BA NI 'DIR ZHES SOGS TE, DE YANG RDO RJE NI GNYIS SU MED PA'I YE SHES CHOS KYI SKU YIN LA, YE SHES DE'I GZIGS PA 'BAR BA STE RGYAS PA NI YUL GANG BA LTA BA LA 'JUG PA'I LTA BYED KYI TSAN BAR MINUS PAR 'JUG PAS MIG MI BZAD PA ZHES BYA LA, SKRA YANG ZHES PA'I YANG SGAS DBU DANG PHYAG DANG ZHABS LA SOGS PA YE SHES KYI SKU MTSAN DPES BRGYAN PA'I RNAM PA CAN GYI YAN LAG LHAG MA
, ,THAMS CAD 'JIN TE, DE YANG BDE BCHOG RTZA RGYUD LAS, KUN TU PHYAG DANG ZHABS LDAN ZHING, KUN TU SYAN DANG DBU DANG ZHAL,,KUN TU GSAN NA LDAN 'JIG RTEN NA, THAMS CD GA-YOGS TE RNAM PAR BZHAGS, ZHES SKU'I CHA SHAS THAMS CAD RE RE NAS KYANG PHAG GI BYA BA BYED NUS PAS KUN TU PHYAG DANG, DE BZHN DU SKU'I CHA RE RE NAS KYANG GSAN PA'I BYA BA BYED PAS KUN TU GSAN LDAN DANG, DE BZHN DU SK'I CHA RE RE NAS KYANG BLTA BA'I BYA BA BYED NUS PAS KUN TU SPAN LA SOGS PAR GSUNGS PA LTAR, SKRA LA SOGS PA SKU'I CHA SHAS RE RE YANG RDO RJE 'BAR BA STE GNYIS SU MED PA'I YE SHES NYID SKU'I CHA DE DANG DE'I RNAM PAR SHAR BA YIN PAS DE 'DRA'I CHA SHES RE RES KYANG BYA BA DE DANG DE BYED NUS NA SNGAS RGYAS KYI YE SHES NYID KYIS BLTA BA'I BYA BA DE LTA BU BYED PA LTA SMOS KYANG CI DGOS PA'I DON YIN NO, ,THAMS CAD GA-YOGS ZHES PA MAN SNYE DBANG 'GGUR DU RGYUD TSIG DE DRANGS PA THAMS CAD KHYAB PAR ZHES 'BYUNG BA LTAR YUIN LA, MAN SNYER DE DAG GI SHES BYED DU DANG PA'I STOBS BSKYED PA'I MDOR, DE BZHIN GSHEGS PA'I GTZUG TOR GYIS KYANG GZIGS SO, ,DE BZHIN DU MDZOD SPAS KYANG GZIGS SO, ,DE LTAR MTSAN RE RES SO, ,DE LTAR DUS CIG CAR DU PHYOGS RNAMS SU 'JIG RTEN GYI KHAMS RAB 'BYAMS THAMS CAD DU GZIGS SO, ,ZHES GSUNGSPA DRANGS SO, ,RDO RJE STE RNAM RTOG GIS MI PHYED PA'I GNYIS SU MED PA'I YE SHES DE NYID YUL DE KHO NA NYID LA GNYIS SNANG PHRA MOS KYANG BAR MCHOD PAR RO MNYAM DU GYUR BA'I TSUL GYIS 'BABS DANG, YE SHES DE SHES BYA'I RNAM PA MTHA' DAG LA YONGS SU GCOD PA'I BYA BA CIG CAR DU THOGS PA MED PAR 'BEBS PAS
'PHEBS PA CHEN PO DANG, DE NYID KYI PHYIR RDO RJE'I MIG STE YE SHES KYI SBYAN DE NI YUL GYI RNAM BA MTHA' YAS BA THAM CAD CIG CAR GZIGS PAS MIG BRGYA PA'AM MIG TSAD MED PA ZHES BRJOD DO, ZHES SO, ,NYI MA DPA' LA LA SOGS PA NI, DBYER MED BDE BA CHEN PO GTZUG, TOR DU RGYAS PAS SKRA YANG RDO RJE 'BAR BA STE, KHAMS GSUM LA PHYAG RGYA CHEN PO'I DBANG BSKUR BAS RJO RJE, GYEN RGYA DANG THUR SEL 'GOG PAS 'DAR BA DANG 'PHAG PA SOGS BYED PAS 'BEBS PA, BDE BA CHEN POS, DNGOS PO THAMS CD LA KHYAB PA'I PHYIR 'BABS PA CHEN PO; LTA NGAN DANG BRAL BA'I BDE BA MTHA' YAS PA NYAMS SU MYUNG BA'I MIG BRGYA PA ZHES SOGS SU 'CHAD KYANG, RLUNG 'GOG PAS 'DAR BA DANG 'PHAG PA ZHES PAS RLUNG DH'U T'IR 'GOG LUGS KYI RNAM PA MA SHAR BA GSAL BAR BYAS LA, GZAHN DAG RDO RJE'I SKU SEMS CAN THAMS CAD LA YE NAS GNAS PA SGRIB BRAL DU BYED PAS RJO RJE 'BEBS PA, YE SHES 'BEBS PAS 'BEBS PA CHEN PO ZHES SOGS ZER KYANG, SEMS CAN THAMS CED LA RDO RJE'I SKU 'DOD MA NAS RANG CHOS SU YOD NA GZHAN GYIS 'BEBS CI ZHIG DGOS TE BYUNG RGYAL DU SMRA BA TZAM DU ZAD DO, ,BCOM LDAN 'DAS KYI GSUNG 'DE'I PHYIR ZHES SOGS NI DON BSDE BA STE, DE YANG YE SHES KYIS SKU NYID GZUGS SU MA GRUB PAS GZUGS DANG BRAL BA YIN NO ZHES GSUNGS KYI, DE DANG NGO BO GCIG PA'I GZUGS MED PAR STON PA MA YUN TE, DE YIN NA SNGAR SPRUL PA YIN SKU GSUNG THUGS ZHES SOGS KYIS SKU LUNGS SPRUL DANG, THUGS LHAN SKYES KYI YE SHES NGO BO GCIG TU BSDOM BAR BSHAD PA DANG DNGOS SU 'GAL BA'I PHYIR RO, ,GSUM PA MTSAN GYI KHYAD PAR LNGAS BSTAN PA'I STON
, ,PA GANG LA BZHUGS PA'I GNAS GNYIS SENG GE'I KHRI'I TSIG GIS BSTN PA RTZA RGYUD KYI LUNG DANG SBYAR BA NI, SNGAS RGYAS SENG GE'I KHRI LA BZHUGS PA STE, SENG GE'I KHRI NI NAM MKHA'I KHAMS RNAM BCAS DANG RNAM MED KYI STONG PA NYID YIN LA, G ZHAN DKYIL 'KYOR LA YANG SENG GE'I KHRI NI ZLA BA DANG NYI MA DANG ME'I DKYIL 'KYOR TE, DE LA BZHUGS PA NISENG GE'I KHRI LA BZHUGS PA'O, ,'DIR RTZA BA'I RGYUD LAS BCOM LDAN 'DAS KYIS GSUNGS PA, 'DUS PA LA SOGS PAR AE YID DANG, BDE BCHOG TU GSANG BA DANG, GUR DU NAM MKHA'I KHAMS DANG, KYEE RDO RJER BHA GA'AM CHOS 'BYUNG DANG, RNAM 'BYOR RJES SU RIG PAR CHU SKHES TE PAD-MA DANG, DANG PO'I SNGAS RGYAS SU SENG GE'I KHRI ZHES SOGS MING SNA TSOGS PAS BSTAN PA;I GNAS SAM RTEN DER BZHUGS PA'I BRTEN PA RDO RJE CAN NI ,'DUS PA SGS SU WAm YIG DANG, GUR DU RDO RJE CAN DANG, RGYUD GZHAN DU RDO RJE SEMS DPA' DANG, RNAL 'BYOR RJES RIG TU RDO RJE 'JIGS BYED DNAG, RGYUD GZAHN LA LAR DBANG PHYUG CHEN PO DANG, BDE mBCHOG TU HE RU KA DANG, RGYUD 'DIR DAG TU DU 'KHOR DANG PO'I SANGS RGYAS LA SOGS PA MTSAN GYI RNAM GRANGS SNA TSOGS PA YUL SOS SO'I SKAD KYI MING RNAMS KYIS RGYUD GZHAN DAG TU DE BZHIN GSHEGS PA BDAG GIS BRJOD CING, GDUL BYA SNANTSOGS SEMS CAN GYIS BSAM PA DANG BTHUN PAS KYANG, RTEN GYI MTSAN NYID BZHUGS PA'I GNAS DANG NI, DE LA BZHUGS PA'I BRTEN PA DAG KYANG
BDAG GIS RGYUD RNAMS SU RJOD LA, RGYUD 'DIR KUN MKHEN STON PA RJO RJE 'DZIN PA'I SNGAS RGYAS SENG GE'I KHRI SNGAR BSHAD PA DE NYID LA BZHUGS LA, ZHU BA PO ZLA BZANG KHYOD KYIS GSOL BA BTAB BA NI DUS KYI 'KYHOR LO'I RGYUD STON PA POR GYUR BA YIN, ZHES SO; ;LNGA PA DES NA STON PA PO DANG ZHU BA PO GZHAN LAS KHYAD PAR 'PHAGS PAR BSTAN PAD ON BSDUS DANG BCAS PA LA GSUM LAS, DANG PO GZHAN GYI STEN PA DANG SDUD PA PO'I SKYON BSTAN PA NI, GDUL BYA SOS SO JI SNYED YOD PA THAMS CAD KYI RANG RANG GI BSAM PA DANG MTHUN PA CHOS STAN PA'I TSUL RGYAS PAR BSHAD PA, DE'I PHYIR THAMS CAD MKHYEN PA NAS, GZAHN GYIS PHAN BTAGS PA'I RGYUL LTOS PA MED PAR GZHAN LA PHAN MDZAD PAS MNYES GSHEN PANYON MONGS PA DANG SHES BYA'I SGRIB PA THAMS CAD LAS, NGES PAR GROL BA'O, ,DEN NA KHYAB 'JUG DANG DRAG SO LA SOGS NA RNAMS KYI YANG GANG GI ZHABS LA PHYAB BYA BA'I GNAS SU GYUR PA'I STON PA SANGS RGYAS BCUM LDAN 'DAS 'BA' ZHIG THAMS CAD MKHYEN PA STE KHYAB 'JUG LA SOGS PA NI THAMS CAD MKHYEN BA MA YIN NA, ,DE'I RGYU MTSAN STONG GSUM GYI STONG CHEN BO'I 'JIG RTEN GYI KHAMS NA 'GRO BA RES MI 'DRA BA MTHA' NAS PA'I RIS RE RE'I NANG TSAN GYI GSAL BA'I DBYE BA'ANG GRANGS LAS 'DAS PA MTHA' YAS BA'I SEMS CAN RNAMS LA RANG RANG GI SKAD KYI RNAM PA MTHA' YAS PA DANG, DUS CIG CAR DU CHOS STON PA'I GRANGS TSAD LAS 'DAS PA MTHA' YAS PA'I SKAD KYIS CIG CAR 'JIG RTEN DANG 'JIG RTEN LAS 'DAS PA'I CHOS STON PA PO SANGS RGYAS LAS
, ,GZHAN KHYAB 'JUG LA SOGS PA NI 'GA' YANG MED PA'I PHYIR TE, DE'I YANG RGYU MTSAN GANG GI PHYIR NA KHYAB 'JUG DANG DRAG PO LA SOGS PA NI, LHA'I SKYE BA GCIG PU NYI TSE BAR LAS KYI DBANG GIS SKYES PA'I PHYIR DANG; SKAD LEGS PAR SBYAR BA GCIG PU NYI TSE BAR SMRA BA'I PHYIR DE DAG NI MA YIN NO, ,DE NYID RGYAS PAR 'CHAD PA NI MI'I 'JIG RTEN 'DIR KHYAB 'JUG LA SOGS PA DE DAG GIS LEGS PAR SBYAR BA'I SKAD KYIS BSTAN PA KHYAB 'JUG GI CHOS SKU DANG, ZHIB PA'I GRUB PA'I MTHA' DANG, KHYAB 'JUG GI 'JUG PA BCU'I LO RGYUS LA SOGS PA SNGON RABS KYI CHOS THAMS CAD NYI TSE BAR MNGON SUM DU MTHONG NGO, ,DE BZHIN DU RIG BYED BZHI PO RNAMS KYANG NYI TSE BA STE, GANG GI PHYIR BRAM ZE DANG RGYAL RIGS KHO NAS RIG BYED KLOG PAR BYED KYI MI RIGS GZHAN GYIS KLOG TU MI RUNG BAR SMRAS PA'I PHYIR RO, ,'DIR RAB TU BYUNG ZHING RIG BYED SGROGS PA'I RIGS SU SKYES PA'I BRAM ZE DANG RGYAL RIGS DAG GIS RIG BYED KLOG PAR BYA'I, RJE'U RIGS DANG ZHES PA NAS, SNGON RABS KYI CHOS RNAMS BRAM ZE STE TSANGS PA'I KHA LAS SKYES PA'I BRAM ZE DANG, DPA' ZHING YUL 'KHOR SKYONG NAS RGYAL RIGS DANG, TSONG LA SOGS PA'I BYA BA BYED CING NOR PHUN SUM TSOGS PA RJE'U RIGS DANG, ZHING LA SOGS PA DMAN PA'I LAS BYED PAS DMANGS RIGS TE, RIGS BZHI PO DE RNAMS KYIS RIGS BYED MNYAN PAR BYA'I, KUN TU RGYU'I CHOS LUGS KYIS RAB TU BYUNG BA 'DZIN PA MED BAS NA
NYA PA LA SOGS PA RNAMS KYI RIGS KYIS NI RIG BYED MNYAN PAR BYA BA MA YIN NO ZHES TE, NYA PA LA SOGS PA'I RIGS TZAM LA RIGS RGYU MTSAN DU BYAS NAS CHOS STON PA DGAG PA'I TSIG 'DI'I PHYIR DE DAG GIS BSTAN PA'I CHOS RNAMS NI GDUL BYA RIS SU CHAD PA NYI TSE BA STE, SEMS CAN THAMS CAD LA SNYOMS PAR PHAN PA BYED PA MA YIN NO, ,MI'I YUL 'DIR ZHES PA NAS RIG BYED KLOG PA DANG, RAB TU BYUNG BA KHYAB 'JUG GI BRTUL ZHUGS SHING GI DBYEG PA RTZE GSUM PA 'DZIN PA SOGS KYANG MI BYA'O ZHES RJE'U RIGS DANG DMANGS RIGS LA SOGS PAS RIG BYED 'DON PA DANG RAB TU BYUNG BA LA DGAG PA BYAS SO, ,BRAM ZE DANG RGYAL RIGS KYIS SGRA GCIG PU LEGS PAR RAB TU SBYAR BAS RIG BYED BKLAGS BAS MTHO RIS SU SKYES TE 'DOD PA'I DON 'JE ZHING STER BAR BYED DE, ZHES PA NI LOG PA'I NGA RGYAL GYI ZIL GYIS NON PA RNAMS KYI BSAM PA YIN GYI DE LTAR STON PA DE THAMS CAD MKHYEN PA MA YIN TE, THAMS CAD MKHYEN PA'I SKAD MED PAR NYI TSE BA'I SKAD TZAM GYIS GDUL BYA NYI TSE BA TZAM LA CHOS STON PAR BYED PA'I PHYIR RO, ,DE BZHIN DU SDUD PA PO DRANG SRONG RNAMS KYIS KYANG, MI'I 'JIG RTEN 'DIR, ZHES PA NAS, RIG PA DGA' BA'I BSTAN BCOS LA SOGS PA 'DOD PA'I DE KHO NA NYID DANG, CHOS THAR PA THOB PA'I THAMS SU RLOMS PA RNAMS DANG, MO DANG SKAR RTZES LA SOGS PA'I YE SHES RNAMS DMANGS RIGS NAS BRAM ZE'I BAR THAMS CAD KYIS THUN MONG BAR YONGS SU SHES PA'I PHYIR DANG, KHYIM P
, ,'KHOR BA'I LONGS SPYOD LA TSOGS PA'I THA MAL PA THAMS CAD DANG BRAM ZE RNAMS YON TAN KHYAD MED PAR 'GYUR DU 'OD BA'I PHYIR RO ZHES BYA BAR SHES NAS, BRAM ZE LA RNYED BKUR LHAG POR 'BYUNG BAR GA LA 'GYUR SNYAM DU RDZAS LA CHAGS PA'I DRANG SRONG GDUG PA RNAMS KYIS DPE MKHYUD BYAS TE, KLU DANG, ZHES PA NAS SDOM BRTZON KUN TU RGYU RNAMS KYI PHA LA GNAS SO, ,DE NAS ZHES PA NAS ZHES SO, ,GNYIS PA NI, 'DIR ZHES PA NAS, RJES SU YI RANG BAR MI BYA'O, ,GNYIS PA RANG GI STON PA DANG SDUD PA PO'I YON TAN BSTAN PA LA GSUM, DNGOS DANG, DON BSDU BA DANG, YON TAN MTHONG BAS GUS KYI SDANG SHUGS KYIS MA YIN PAR BSTAN PA'O, ,DANG PO NI, KHAMS GSUM PO 'DIR, ZHES PA NAS, GLEGS BAM LA BRIS PA RIG BYED LA SOGS PA ZHES PA SGRA DANG SNYAN DANG GAS BZO DANG GSO BA SOGS THA SNYAD KYI GTZUG LAG DANG, 'BREL BA'I 'JIG RTEN PA'I DON STON PAR BYED PA, ZHES PA NAS, DE BZHIN GSHEGS PAS RIGS BZANG PO DANG, RIGS BZANG PO MA YIN PA'I DBANG GIS RIM PA BZHIN, 'GA' ZHIG LA YANG BSGRUB PA DANG BKAG PA MED PAR BSTAN CING, GDUL BYA RIGS BZHI THAMS CAD LA DPE MKHYUD MED PAR RANG RANG GI SKAL BA DANG 'TSAM PA'I CHOS BSTAN PA LA THOS PA DANG BSAM PA DANG BSGOM PAS ZHUGS PAS DA LTA YANG NUB PAR MA GYUR TO, ,RE SHIG STON PAS YUL GYI KHYAD PAR SNA TSOGS PAR SKAD SNA TSOGS PAS CHES BSTAN PA LTA ZHOG GI, SDUD PAR BYED PA PO RNAMS
KYIS KYANG YUL SNA TSOGS PAR SKAD SNA TSOGS PAS BSDUS TE 'DI LTAR DE BZHIN GSHEGS PA ZHES PA NAS, GLEGS BAM LA BRIS TE DE BZHIN GSHEGS PAS JI LTAR GSUNGS PA DANG MTHUN PA'I NGES PAS NYAN THOS KYI SDE SNOD GSUM PHAL CHE BA MA GA DHA'I SKAD KYIS BRIS SO, ,MDO SDE NI SIN HU'I SKAD KYIS SO, ,'DIR DPANG 'GYUR LAS, PHA ROL TU PHYIN PA'I TSUL NI LEGS PAR SBYAR BA'I SKAD KYIS SO, ,SNGAGS KYI TSUL RGYUD DANG RGYUD GZHAN NI LEGS PAR SBYAR BA'I SKAD DANG ZHES 'BYUNG BA LTAR LAGS TE RANG BZHIN DANG RKYEN DANG RNAM 'GYUR GYI MTSAN NYID KYIS LEGS PAR SBYAR BA'I LHA'I SKAD DANG THA MAL PA YUL DBUS KYI SKAD DANG, SGRA NYAMS PA ZUR CHAG GI SKAD DANG, LEGS PAR SBYAR BA MA YIN PA ZHES PA NAS, BRIS SO, ,'DIR SDUD PAR BYED PA ZHES PA NI 'DUL BA LUNG PHRAN TSEGS LA SOGS PA DAG LAS 'BYUNG BA'I BKA' BSDU BA GSUM ZHES GRAGS PA DANG, ,PHYAG NA RDO RJES RGYUD SDE RNAMS BSDUS ZHES 'BYUNG BA LTAR GYI RTZA BA'I SDUD PA PO TZAM LA DGONGS PA MA YIN TE, DE YIN NA DE 'DRA BA'I BKA' BSDU BA GANG DU BYAS PA'I GNAS LA BOD DANG RGYA NAG LA SOGS PA 'OD DON MED PA'I PHYIR DANG 'GREL PA'I TSIG LA'ANG SDUD PAR BYED PA SNA TSOGS KYIS YUL SNA TSOGS KYI SKAD KYIS ZHES 'BYUNG BA'I PHYIR RO, ,DES NA 'DI NI RTZA BA'I BSDU BA DANG GNAS SKABS KYI BSDU BA SPYI'I DBANG DU MDZAD LA, GNAS SKABS KYI BSDU BA LA NI SDUD PAR BYED PA PO YANG 'GA' ZHIG TZAM DU NGES PA MA YIN GYI, YUL SNA TSOGS PA NA BSTAN PA MNYAMS PAR 'DZIN PA'I SKYES BU CHEN PO MTHA' YAS BDAG KYANG SDUD PAR BYED PA YIN
, ,LA, DE DAG GIS SDUD PA'I TSUL YANG GSUNG RAB BLO LA GNAS PA TZAM NI BLO'I MTHU CHUNG BAR GYUR PA NA RIM GYI NUB PAR 'GYUR DU DOGS TE GLEGS BAM LA BRIS NAS MI NYAMS PAR BYED PA NYID KYANG GNAS SKABS KYI BSDU BA TSUL GCIG YIN PAS DE'I TSUL 'DIR SMOS PA YIN GYI, RGYAL PO'I KHAB TU 'PHAGS PA KUN DGA' BO DANG, 'OD SRUNGS DANG NYE BA 'KHOR GYIS SDE SNOD GSUM SDUD PAR BSHAD PA'I BSDU TSUL SDE SNOD GSUM GLEGS BAM LA BRES PA LA 'DIR YANG MI BZHED CING, DE LTAR STON PA'I TSIG ZUR TZAM YANG MED PAS GSUNG RAB GLEGS BAM NGOS LA BKOD PA TZAM BKA' BSDU BA'I DON DU KHAS BLANGS PA'I SKYON MED LA, THEG PA CHEN PO LA RTZA BA'I BSDU BA GCIG DANG GNAS SKABS KYI BSDU BA GNYIS SU BYAS NAS, GNAS SKABS KYI BSDU BA GNYIS KYANG, GCIG NI GLEGS BAM MI NYAMS PAR SDUD PA TZAM YIN LA, GNYIS PA NI, THEG CHEN LA SGRO SKUR SPANGS TE DE'I BSTAN PA RGYAS PAR BYED PA'O, ZHES RANG NYID KYIS SMRAS PA'ANG MKHYEN PAR MDZOD CIG ,BKA' BSDU BA GSUM GYI GONG ROL DU GSUNG RAB GLEGS BAM DU BKOD PA MED DO, ZHES MANG POS SMRA BA NI MANG DU MA THOS PA STE, RGYAL PO MA SKYES DGRA'I BU AU BA ZHES BYA BAS BCOM LDAN 'DAS LA ZHUS NAS GSUNG RAB GLEGS BAM LA BKOD PAR MDO LAS GSUNGS PA'I PHYIR RO, ,DE BZHIN DU, ZHES SOGS LA, RGYA NAG CHEN PO NI MA HA' TZI NA ZHES PA STE DE NYID SKAD ZUR CHAG PAS SMAN TZER SONG BA YIN PAS RGYA SMAN CE'O ZHES 'GA' ZHIG ZER YANG, BOD KYI BYANG NA YOD PAR BSHAD PA DANG 'GRIG PAR
DKA'O, ,PAR SI' KA'I YUL NI SOG PO'I YUL DANG, SPRE'U'I YUL NI NAS GLING ZHES BYA BA HOR YUL GYI BYE BRAG GCIG YIN ZER ZHING, RUG MA ZANGS GLING DANG, SU RA MAM SING-GA'I GLING YIN ZER TE BRTAG GO ,DE LTAR SHAM+BHA LA'I DUM BUR GRANG BYE BA BYE BA'I BDAG NYID KYI YUL DGU BCU RTZA DRUG RNAMS SU YUL DGU BCU RTZA DRUG GI SKAD KYI BRIS SO, ,DE BZHIN DU ZHES SOGS LA, KHA CIG SDUD PA PO NYAN THOS RNAMS KYIS NYAN THOS KYI SDE SNOD GSUM BSDUS PA DANG, SDUD PA PO RANG SANGS RGYAS RNAMS KYIS RANG SANGS RGYAS KYI SDE SNOD GSUM BSDUS ZHES ZER BA NI SHIN TU MI 'THAD DE, RANG SANGS RGYAS KYI RIGS CAN RNAMS KYIS GANG LA THOS DAM BSAM BYA BA'I GZHIR GYUR PA'I SDE SNOD NYAN THOS KYI SDE SNOD LAS LOGS PA MED PAR 'PHAGS PA THOGS MED PA SOGS PA CHEN PO DAG GIS BSHAD PA DANG 'GAL BA'I PHYIR DANG, SANGS RGYAS KYI GSUNG RAB SDUD PA PO RANG SANGS RGYAS BSTAN PA 'DI LA YOD NA SANGS RGYAS 'JIG RTEN DU BYUNG BA'I BSTAN PA DE LA RANG SANGS RGYAS MI SRID PAR KLU SGRUB LA SOGS PA'I CHEN PO RANG GI GZHUNG DANG MDO SDE DU MA LAS GSUNGS PA DANG 'GAL BAR 'GYUR BA'I PHYIR RO, ,DES NA NYAN THOS KYI SDE SNOD LAS RANG RGYAL GYI SDE SNOD LOGS LA BSDU RGYU MED KYANG, THEG PA LOGS PA YIN PAS RTOGS PA'I BSTAN PA NYAN THOS RNAMS KYIS RANG RGYUD LA MNGON DU BYAS PA'I SGO NAS BSDUS PA LAS LEGS PA RANG SANGS RGYAS LA'AR BSDU RGYU YOD PAS DE LA DGONGS NAS 'DI LTAR GSUNGS SO ZHES BSHAD KYANG RUNG LA, YANG NA TSIG GI DON 'DI LTAR BSHAD PAR BYA STE, DE BZHIN DU 'DZAM GLING CHEN PO'I SA DUM BU BCU GNYIS DANG, MTHO RIS DANG MI'I YUL DANG SA 'OG RNAMS SU SEMS CAN SNA
, ,TSOGS KYI SKAD KYIS SDUD PAR BYED PA PO DAG GIS THEG PA GSUM STON PAR BYED PA'I SDE SNOD DANG, GLEGS BAM LA BRIS TE, THEG PA GSUM JI LTA BU ZHE NA, NYAN THOS RNAMS KYIS BGROD PAR BYA BA NYAN THOS KYI THEG PA DANG, RANG SANGS RGYAS RNAMS KYIS BGROD PAR BYA BA, RANG SANGS RGYAS KYI THEG PA DANG, BYANG CHUB SEMS DPA' RNAMS KYIS GROD PAR BYA BA THEG PA CHEN PO STE, DE LA YANG THEG PA CHEN PO PHA ROL TU PHYIN PA RGYU'I BDAG NYID KYI THEG PA DANG, THEG PA CHEN PO GSANG SNGAGS 'BRAS BU'I BDAG NYID KYI THEG PA GNYIS TE, THEG PA DE DAG GSAL BAR BYED BA'I SDE SNOD DANG RGYUD SDE DAG SDUD PAR BYED PA PO SNA TSOGS KYIS YUL SO SO'I SEMS CAN RNAMS GDUL BAR BYA BA'I DON DU YUL SO SO'I SKAD KYIS BSDUS SHING GLEGS BAM LA BRIS PA'O, ,DE LTAR BSHAD PA NA GANG ZAG GSUM PO DE SDUD BYED KYI KHYAD PAR DU SBYAR BA MA YIN NO, ,GNYIS PA NI, SDUD PAR BYED PA ZHES PA NAS, GZHAN NI MA YIN NO 'BAR RO, ,GSUM PA NI, CI STE, ZHES PA NAS, BKUR BAR BYA BA YIN NO, ,DON DE NYID TSIGS SU BCAD PAS SMRAS PA, CHOS DANG CHOS MA YIN PA 'BYED PA LA MKHAS PA RNAMS NI CHOS DANG RJES SU MTHUN PA'I YON TAN LA GUS TE, DE'I PHYIR YON TAN DE DANG MI LDAN NA, SANGS RGYAS LA YANG DBANG PHYUG SOGS LA MI GUS PA LTAR MI GUS PA MIN NO, ZHES DNGOS SU BSTAN PAS, YON TAN DE DANG LDAN NA DBANG PHYUG SOGS LA'ANG SANGS RGYAS LA GUS BA LTAR GUS PAR 'GYUR BA YIN NO, ZHES SHUGS LA STON PAR BYED DO, ,KHA CIG {DAM,}NYAN RANG GI SANGS RGYAS DANG DBANG PHYUG SOGS LA GUS PA MIN ZHES SMRA DGOS PA BYUNG NGO, ,GROL BA DON GNYER RNAMS KYIS BSTEN PAR RIGS PA'I
YON TAN MED PA LA'ANG GUS PA'I BRAM ZE GANG YIN PA DE DAG NI MKHAS PAR RLOM YANG SHIN TU BLUN PA MI DGE BA'I LAS LAS SKYES PA STE 'DI LTAR, SANGS RGYAS PA NI MKHAS PA MA YIN PA'I THA MAL PA DAG KYANG SEMS CAN RNAMS LA PHAN PA'I CHOS STON PAR BYED KYI 'TSE BA CHOS SU MI SMRA NA, DBANG PHYUG LA SOGS LA STON PAR 'DZIN PA BRAM ZE DE DAG NI MCHOG TU MKHAS PAR 'DOD PAS KYANG BDAG GI DGA' MI DGOS TE RANG 'DOD TZAM GYI DBANG GIS SEMS CAN RNAMS LA 'TSE BA CHOS SU STON PAR BYED PA'I PHYIR TE, DPER NA SRIN ME GNAS PA'I 'JIG RTEN TE GLING NA MA YANG RANG GI BU LA ZA BAR SEMS NA GANG ZHIG RANG GI BU LA BRTZE BA MED PA DE LA SKYE BA GZHAN LA BRTZE BA MED PA LTA SMOS KYANG CI ZHIG DGOS PA DE BZHIN DU, DBANG PHYUG SOGS MNYES PAR BYED PA'I MCHOD SBYIN LA SOGS PA'I CHOS KYI RGYU GANG LA RANG GI PHA MA YANG GSOD PAR RANG DON LHUR LEN PA'I BRAM ZE BRJOD PAR BYED NA, PHA MA GSOD PA YANG CHOS SU STON PA DE LA SKYE BO GZHAN NI GSOD PA CI ZHIG GTAM STE LTA SMOS KYANG GA LA DGOS ZHES BYA BA'I DON TO, ,GSUM PA SPYI'I DON BSDU BA NI RGYAS PAR BSHAD ZIN PA DE'I PHYIR MCHOG GI DANG PO'I SANGS RGYAS LA ZHES SOGS SO, ,GSUM PA MDOR BSDUS KYI MTSAN BSTAN PA NI BSDUS PA'I RGYUD KYI RGYAL PO ZHES SOGS SO, ,SMRAS PA, THUB BSTAN 'DZIN MA BDUD RTZI'I ZER GYI GOS DKAR LDAN BYAS 'DOD PA'I GROGS PO MTHONG BA NA, ,YID SRUBS DGA' MA'I REG PA LAS SKYES SPU LONG RAB TU RGYAS PA'I ZOL GYIS BSGRIB NA YANG, ,YID NI MCHOG TU BRTAN PA NYAMS PA'I DANG BA GSAL BYAS AE MA BLO GSAL GZHON NU DAG, LEGS BSHAD MDZES MA'I RTZE DGA' LA
GONG *, ,CHAGS RNAM DPYOD MIG ZUR DGA' BA'I DUS NI MTSON SLAD GYUR, ,BCOM LDAN 'DAS DPAL MCHOG GI DANG PO'I SANGS RGYAS KYI RTZA BA'I RGYUD LAS PHYUNG BA BSDUS PA'I RGYUD KYI RGYAS 'GREL DRI MA MED PA'I 'OD KYI RGYA CHER BSHAD PA DE KHO NA NYID SNANG BAR BYED PA ZHES BYA BA LAS, MDOR BSDUS BZHI PA'I RNAM PAR BSHAD PA'O,, ,,BLA MA'I ZHABS SKYES PAD+MO YI, ,GE SAR GTZUG NA RGOD PA LAS, ,SHES BYA MA LUS RANG NYID KYI, ,NGANG TSUL BDAG LA SMRA BAR BYED, ,DE LTA'I RGYUD SDE NAM MKHA'I SKYED TSAL 'DIR, ,RNAM DPYOD NYI ZLA'I 'GROS KYIS RTZA BA LAS, ,LOG PA'I LTA NGAN MI BZAD MUN PA'I TSOGS, ,THUB PA'I BSTAN LA MING TZAM LHAG MAR BYA, ,GNYIS PA RKANG PA THA MA BSHAD NAS BRJOD BYA'I GTZO BO RDO RJE'I RNAL 'BYOR BSDU BA'I MDOR BSDUS LA GSUM 'TSAMS SBYAR BA, MDOR BSDUS KYI GZHUNG BSHAD PA, MDOR BSDUS KYI MTSAN BSTAN PA'O, ,DANG PO NI, DA NI RGYUD KYI BRJOD BYA'I GTZO BO RDO RJE'I RNAL 'BYOR BSDUS PA'I MDOR BSDUS BRJOD PA RNAL 'BYOR DPAL LDAN DUS 'KHOR ZHES PA LA SOGS PA STE, ZHES PA'O,, GNYIS PA LA BZHI, RDO RJE'I RNAL 'BYOR GYI NGO BO BSDUS NAS BSTAN PA, RDO RJE'I RNAL 'BYOR LA MTHA' GNYIS KYI PHYOGS SU 'DZIN PA DGAG PA, LHAN SKYES KYI SKU NYID LA LDOG PA'I SGO NAS DU MAR 'BYED TSUL BSHAD PA, RGYUD GANG DU RDO RJE'I RNAL 'BYOR DE NYID GANG GI PHYIR STON PAR GSOL BA BTAB PA BSHAD PA'O, ,DANG PO LA BZHI, BLA MED KYI RGYUD 'DI DANG GZHAN GYI'ANG BRJOD BYA'I GTZO BO RIM PA GNYIS SU BSTAN PA, RIM GNYIS DE YANG DGOS PA DNGOS GRUB GNYIS KYI PHYIR DU GSUNGS PAR BSTAN PA, MCHOG GI DNGOS GRUB MTHAR
THUG PA DE YANG 'BRAS BU MCHOG RDO RJE SEMS DPA' BSTAN PA, PHAR PHYIN THEG PAR NGO BO NYID KYI SKU ZHES GSUNGS PA'I MING DE YANG LHAN SKYES KYI SKU LA 'JUG PAR BSTAN PA'O, ,DANG PO NI, BLA MED KYI SNGAGS KYI TSUL 'DI LA 'JIG RTEN KUN RDZOB KYI BDEN PA DANG, 'JIG RTEN LAS 'DAS PA DON DAM PA'I BDEN PA LA YANG DAG PAR BRTEN NAS SANGS RGYAS BCOM LDAN 'DAS KYIS MCHOG GI DANG PO'I SANGS RGYAS KYI RGYUD DANG, BLA MED KYI RGYUD GZHAN DAG TU DON RNAM PA GNYIS NGES PAR BSTAN TE, BSKYED PA'I RIM PA DANG RDZOGS PA'I RIM PA'O, ,GCIG BSKYED RIM NI 'JIG RTEN KUN RDZOB KYIS YIN LA, GNYIS PA RDZOGS RIM NI DON DAM PAS SO, ,DE LA 'DIR RIM GNYIS LA KUN RDZOB DANG DON DAM PAR GSUNGS PA NI , SPYIR BSKYED RIM GYI SKABS SU'ANG DE KHO NA NYID RTOGS BA'I SHES RAB KYIS ZIN PA DANG, BSKYED RIM PA'I BDE STONG SBYOR BA LA GOMS PAR BYED DGOS MOD KYI, 'ON KYANG GZUGS SKU'I RIGS 'DRA'I SKU SNANG PHYOGS LHA'I 'KHOR LO BSGOM PA GTZO CHE BAS KUN RDZOB KYI BDEN PA ZHES GSUNGS LA, RDZOGS RIM LA'ANG SNANG PHYOGS DANG STONG PHYOGS KYI RDZOGS RIM GNYIS YOD MOD KYI, DE LTA NA'ANG SNANG PHYOGS STONG GZUGS KYI PHYAG RGYA CHEN MO BSGRUB PA NI DGOS PA MCHOG TU MI 'GYUR BA'I BDE BA 'DREN PA'I PHYIR YIN LA, RDZOGS RIM GYI GTZO BO MI 'GYUR BA'I BDE BA CHEN PO NI CHOS THAMS CAD KYI GNAS LUGS DE KHO NA NYID DANG DBYER MED PAR ZHUGS PA YIN PAS DON DAM PA ZHES GSUNGS TE, YUL DON DAM PA DANG GNYIS SU MED PAS YUL CAN LA'ANG DON DAM PA ZHES GSUNGS PA YIN GYI, RDZOGS RIM GYI LAM DON DAM BDEN PA MTSAN NYID PAR STON PA MA YIN TE, DPER NA 'DUS
'OG *, ,PA'I SKABS SU YUL GYO 'ONG GSAL DON DAM BDEN PA DNGOS DE DANG GNYIS SU MED PAR SBYAR BAS YUL CAN GYI 'OD GSAL LA LA YANG DON DAM BDEN PA 'O GSAL ZHES GSUNGS PA LTAR RO, ,DE LA GANG 'JIG RTEN JUN RDZOB KYIS BSTAN PA BSENG RIM DE NI, RIM PA DE NYID MTHAR PHYIN KYANG DE LAS GONG DU DRANGS NAS BSTAN DGOS PA'I RIM PA GZHAN YOD PAS DRANG BA'I DON YIN LA, GANG DON DAM PAS BSTAN PA RDZOGS PA'I RIM PA DE NI RIM PA DE MTHAR PHYIN KYANG DE LAS GONG DU DRANGS NAS BSTAN DGOS PA'I RIM PA GZHAN MED PAR LAM MTHAR THUG BA'ANG RDZOGS PA'I RIM PA DE NYID DU NGES BAS NGES PA'I DON TO, ,'DIR GANG DAG BDEN GNYIS PHAR PHYIN THEG PA LA GRAGS PA DANG THUN MONG GI BDEN GNYIS TZAM LA BSAMS NAS, GDUL BYA DON DAM BDEN PA LA GZHUG PA'I THABS SU GSUNGS PAS DRANG BA'I DON ZHES 'CHAD CING, 'PHAGS PA RNAM PAR 'PHRUL PA'I RGYAL POS ZHUS PA'I MDO NGAM, LAS, NGES PA'I DON GYI MDO GANG ZHE NA, BRJOD DU MED PA'I PHYIR MDO SDE THAMS CAD NI NGES PA'I DON GYI MDO SDE LA RTON PA YIN NO, ,NGES PA'I DON GYI MDO SDE 'DI DAG LA GANG DAG MI RTON PA DE DAG NI DRANG BA ZHES BYA'O, ,CI'I PHYIR DRANG BA ZHES BYA ZHE NA, 'DI LTAR NGES PA'I DON DANG 'GAL BA'I CHOS LA GNAS PA YIN PA DE DAG NI DRANG DGOS PA YIN NO, ,GANG GIS DRANG ZHE NA, SGRAS DRANG NGO, ,NGES PA'I DON GYIS MDO SDE DAG LA RTON PA NI SGRAS DRANGS BA MA YIN NO ZHES SOGS GSUNGS PA DANG MTHUN PA'I DRANG DON DANG NGES DON YIN NO ZHES SMRA'O, ,DE LTA NA SGRA JI BZHIN PA MA YIN PA DANG YIN PA LA DRANG NGES SU BYAS PA DANG, KUN RDZOB BDEN PA BRJOD BYA'I GTZO BOR BYED PAS DRANG DON DANG, DON DAM BDEN PA BRJOD BYA'I GTZO BOR BYED PAS NGES DON DU 'JOG
PA'I TSUL GNYIS PO DE GANG RUNG CIG TU BYA DGOS LA, SNGA MA LTAR NA, 'DIR GANG 'JIG RTEN KUN RDZOB KYIS BSTAN PA DE NI DRANG BA'I DON YIN LA ZHES GSUNGS PA'I KUN RDZOB KYIS BSTAN PA'I MTSAN GZHI 'DZIN PA NA, GANG 'JIG RTEN KUN RDZOB KYIS YIN PA DE NI KHA DOG DANG PHYAG DANG MTSAN MA DANG DBYIBS KYI MTSAN NYID CAN NO, ZHES GSUNGS PAS BSKYED RIM LA BSHAD PA'I PHYIR, BLA MED KYI RGYUD SDE RNAMS LAS BSKYED RIM BSGOM PA'I TSUL JI TZAM BSTAN PA DE THAMS CAD SGRAS ZIN LTAR BSGOM DU MI RUNG PA DANG, BSKYED RIM PAS SNGAGS DANG RDZAS DANG TING NGE 'DZIN SOGS KYIS ZHI RGYAS SOGS KYI LAS SGRUB TSUL BSHAD PA RNAMS SGRA JI BZHIN PA LTAR BSGRUBS KYANG 'GRUB MI SRID PAR 'GYUR LA, BLA MED KYI RGYUD KYI 'GREL MDZAD TSAD LDAN PHAL CHE BAS BSKYED RIM PAS 'JIG RTEN PA'I DNGOS GRUB SGRUB TSUL BSHAD PA PHAL CHE BA SGRA JI BZHIN PA YIN PAR GSUNGS PA MTHA' DAG DANG 'GAL LO, ,TSUL GNYIS PA LTAR NA, RDZOGS RIM GYI RNAL 'BYOR THAMS CAD DON DAM BDEN PAR THAL TE, 'DIR DON DAM PAS BSTAN PA NGES DON DU GSUNGS PA'I DON DAM PAS BSTAN PA'I MTSAN GZHIR RDZOGS RIM BZUNG BA'I PHYIR RO, ,DE LTAR NA SBYOR BA YAN LAG DRUG DON DAM BDEN PAR 'DOD DGOS PAS YA MTSAN NO, ,YANG MI SHES PA KHA CIG GLO BUR DRI MA'I SBUBS YIN DRANG DON, RANG BZHIN 'OD GSAL BDE GSHEGS SNYING PO YIN PAS NGES DON ZHES ZER BA NI HA CANG THAL BA STE, DRI MA'I SBUBS ZHES PA SGRIB BYED KYI DRI MA NYID LA BYA DGOS KYI DRI MA'I NANG DU CHUD PA LA BYAR MI RUNG STE SEMS CAN GYI RGYUD KYI BDE GSHEGS, SNYING PO'ANG DRI MA'I NANG DU CHUD BA DER 'DOD PAS SO, ,DE LTAR NA KUN RDZOB 'DUS BYAS THAMS CAD DRI MA YIN PAR KHAS BLANG DGOS PAR 'GYUR LA, PHYI NANG 'DUS BYAS KYI CHOS NA SPRIN
, ,DANG BUM PA LTA BU SPANG BYA DANG, GZHAN 'DUS MA BYAS KYI YE SHES NI SPRIN GYIS BSGRIB PA'I NAM MKHA' DANG, BUM NANG GI MAR ME DANG 'DRA BA SBYANG GZHI YIN NO ZHES KHYOD RANG NYID KYIS KHAS BLANGS SO, ,DE'I PHYIR RDZOGS PA'I SANGS RGYAS KYI GNYIS SU MED PA'I YE SHES ZAG PA MED PA 'DUS BYAS DANG, 'DUS BYAS KYI LONGS SPYOD RDZOGS PA'I SKU DANG, MCHOG GI SPRUL BA'I SKU LA SOGS PA THAMS CAD SPANG BYA DANG GLO BUR GYI DRI MA YIN NO ZHES RANG GI STON PA LA MU STEGS LAS KYANG THAL BAR SKUR PA 'DEBS BAR 'GYUR LA; SEMS CAN RNAMS KYI RGYUD KYI SHES PA THAMS CAD DRI MA DANG SPANG BYAR 'DOD DGOS PAS DRI MA SEMS KYI RANG BZHIN DU SMRA BA'I DPYOD PA PA DANG KHYAD PAR MED CING, KHYOD RANG NYID KYIS SMRAS PA'I TSIG THAMS CAD GRUB PA'I MTHA' DANG GZHUNG LUGS DANG DUS KYI 'KHOR LO'I RGYUD 'GREL PA DANG BCAS PA SOGS MTHA' DAG KYANG SPANG BYAR THAL LA, THEG PA CHEN PO'I LAM GYI GZHUNG SHING SMON PA DANG 'JUG PA'I BYANG CHUB KYI SEMS DANG, DAD PA DANG SNYING RJE DANG SDOM PA GSUM LA SOGS PA THAMS CAD SPANG BYA DANG DRI MAR 'DOD DGOS BAS THEG PA CHEN PO BA'I DRI TZAM YANG MI BRO'O, ,YANG PHYOGS ZHAN DAG GANG BRJOD BYA 'JIG RTEN KUN RDZOB KYIS BSTAN PA DE NI RIGS PAS MI GNAS BA STON PAS DRANGS PA'I DON YIN LA, GANG BRJOD BYA DON DAM PA'I BDEN PA LAS BRTZAMS NAS BSTAN PA DE NI, RIGS PAS DPYAD BZOD PA STON PAS NGES PA'I DON YIN NO ZHES SMRA BA'ANG MU COR TE, 'DIR BSTAN PA'I KUN RDZOB DANG DON DAM NI CHOS CAN DANG CHOS NYID LA MI ZER GYI, LAM RIM PA GNYIS LA DGONGS PAR 'GREL BA'I TSIG LA SHIN TU GSAL LA, BSKYED RIM DRANG DON DANG
RDZOGS RIM NGES DON ZHES PA NI SNGAGS BLA MED KYI RGYUD SDE DGONGS 'GREL DANG BCAS PA LA RLUNG LTAR GRAGS PA'I BRDA YIN TE 'DIR YANG TSUL DE'I DBANG DU MDZAD DO, ,DE'I PHYIR RDZOGS RIM SBYOR BA YAN LAG DRUG THAMS CAD RIGS PAS DPYAD BZOD KYI DON DAM BDEN PAR 'DOD DGOS PAR 'GYUR RO, ,DE LTA NA'ANG 'DIR DON DAM PA'I MTSAN GZHIR STONG GZUGS PHYAG RGYA CHEN MO DANG MCHOG TU MI 'GYUR BA'I BDE BA BZUNG NAS DE NYID MCHOG GI DNGOS GRUB KYI RGYUR BSHAD PA 'DIS NI CHOS NYID DON DAM PA'I BDEN PAR GYUR PA'I STONG GZUGS DANG MI 'GYUR BA'I BDE BA MCHOG GI DNGOS GRUB KYI RGYUR BSHAD CING DE 'DRA'I DON DAM BDEN PA RIGS PAS DPYAD BZOD KYI BDEN GRUB TU SMRA BA NI RJES THOG NYID DU 'GAG PAR 'GYUR BAS 'DIR MA BRJOD, ,KHA CIG MDO TING NGE 'DZIN RGYAL PO LAS, STONG PA BDE BAR GSHEGS PAS BSTAN PA LTAR, ,NGES DON MDO SDE DAG GI BYE BRAG SHES, ,GANG LAS SEMS CAN GANG ZAG SKYES BU BSTAN, ,CHOS DE THAMS CAD DRANG BA'I DON DU SHES, ZHES GSUNGS PA DANG, 'DI'I DRANG NGES SU BSHAD TSUL 'DI RANG, JI LTA BA BZHIN DU MTHUN NO, ,ZHES GSUNGS PA'ANG GONG DU BSHAD MA THAG PA'I TSUL GYIS MI 'THAD LA, DON DAM BDEN PA DE KHO NA NYID RTOGS NAS BSGOM PA NI MCHOG GI DNGOS GRUB TU MA ZAD, 'JIG RTEN PA'I DNGOS GRUB CHEN PO DAG 'GRUB PA'I BSKYED RIM LA THOG MAR SLOB PA NAS ZUNG 'BREL DU MED MI RUNG YIN PAS 'DIR DNGOS GRUB GNYIS KYI RGYU LA SO SOR SBYOR BA'I TSUL 'DI LTA BU MI 'THAD PAR 'GYUR RO, ,DE LTAR DRANG DON DANG NGES DON DU BSHAD PA'I BSKYED BA DANG RDZOGS PA'I RIM PA'I DON RNAM PA GNYIS PO 'DI LA SLOB PA'I TSUL YANG SLOB MA RNAMS KYIS BLA MA'I MAN NGAG LAS KHONG DU
, ,CHUD PAR BYA'O, ,RIM GNYIS KYI GO BA THOS BSAM GYIS GTAN LA 'BEBS PA'I RNAM GZHAG RGYUD DU GSAL ZHING RGYAS PAR BSHAD PA LA YANG NYAMS SU LEN PA'I MAN NGAG GI GNANG BLA MA LA RAG LAS DGOS PA NI SHIN TU MANG NGO, ,DE BZHIN DU ZHES SOGS KYI GZHUNG 'DI LA, RGYUD DANG RGYUD GZHAN THAMS CAD LA BRJOD PAR BYA BA RNAM PA GNYIS TE, GCIG NI 'JIG RTEN KUN RDZOB KYIS YIN LA, GNYIS PA NI DON DAM PAS SO, ZHES PA GZHUNG SNGA MA DANG KHYAD PAR MED PAR BZLAS TE GSUNGS PA 'DI LA DGOS PA CI ZHIG YOD SNYAM DU BSAM PAR RIGS MOD KYI PHAL CHE BAS CI'ANG MI 'CHAD LA, KHA CIG GIS SNGA MA NI BSDUS RGYUD GZHAN DAG TU ZHES SBYAR NAS, PHYI MA NI BSDUS RGYUD THAMS CAD KYI BRJOD BYA DRANG NGES KYIS BSTAN PA DE BZHIN DU RTZA RGYUD DANG PO'I SANGS RGYAS DANG, RTZA RGYUD GZHAN THAMS CAD LA'ANG BRJOD PAR BYA BA DRANG NGES GNYIS TE ZHES 'CHAD DO, {NGAM,} RANG LUGS NI, SNGA MAS RIM GNYIS DRANG NGES SU 'JOG PA DANG, PHYI MAS RIM GNYIS DE BCOS MA BCOS KYI RNAL 'BYOR DU 'JOG PA'I LDOG PA NAS STON PA'I KHYAD PAR YIN TE 'DI LTAR; RIM GNYIS DRANG NGES SU JI LTAR BSHAD PA DE BZHIN DU RGYUD 'DI DANG BLA MED KYI RGYUD GZHAN THAMS CAD LA BRJOD PAR BYA BA RIM PA RNAM PA GNYIS TE, GCIG BSKYED RIM NI 'JIG RTEN KUN RDZOB KYIS BSTAN PA BCOS MA'I RNAL 'BYOR YIN LA, GNYIS PA RDZOGS RIM NI DON DAM PAS BSTAN PA MA BCOS PA'I RNAL 'BYOR YIN NO, ,DES NA 'DIR YANG KUN RDZOB DANG DON DAM NI, DNGOS PO LA MED BZHIN DU RTOG PAS BCOS MA BCOS KYI DON YIN GYI PHAR PHYIN THEG PA LA GRAGS PA'I BDEN GNYIS DANG MI 'DRA'O, ,DE LA GANG 'JIG
RTEN KUN RDZOB KYIS YIN PA BCOS MA'I RNAL 'BYOR DE NI KHA DOG DANG PHYAG MTSAN MA DANG DBYIBS KYI RNAM PA DNGOS PO LA MED KYANG, RTOG PAS BCOS SHING BTAGS NAS BSGOM PA'I MTSAN NYID CAN NO, ,GANG DON DAM PA'I BDEN PAS YIN PA MA BCOS PA'I RNAL 'BYOR DE NI KHA DOG DANG MTSAN MA DANG DBYIBS DNGOS PO LA MED BZHIN DU RTOG PAS BCOS NAS BSGOM PA DANG BRAL BA'O, ,DES NA KHA DOG SOGS DANG BRAL BA'I DON DE LTAR YIN GYI, LHA ZHAL PHYAG GI RNAM PA CAN BSGOM NA BSKYED RIM DANG, RDZOGS RIM LA ZHAL PHYAG GI RNAM PA CAN GYI LHA BSGOM PA MED PAR 'DZIN PA NI BLA MED KYI RGYUD KYI LAM GYI GO BA RAGS PA TZAM YANG MA CHAGS LA, LONGS SKU MTSAN DPES BRGYAN PA DANG RNAM PA MTHUN PA'I DNGOS RGYU LA SKUR BA 'DEBS PA'I LOG RTOG YIN TE 'DIR YANG STONG GZUGS KYI SKU LA SKUR BA 'DEBS PA'O, ,GNYIS PA NI, RIM PA GNYIS PO 'DI DAG LAS GANG 'JIG RTEN PA'I KUN RDZOB KYIS BSTAN PA DE NI, PHYI LA 'OG MIN GYI BAR DU LUS 'DI NYID KYIS 'GRO BA'I MKHA' LA SPYOD PA DANG, SA 'OG GI GTER LA SOGS PA DANG, NANG RANG GI LUS LA BCUD LEN DANG TSO'I RIG 'DZIN LA SOGS PA GRUB PA 'JIG RTEN PA'I DNGOS GRUB BSGRUB PA'I SLAD DU STE DE LTA BU'I DNGOS GRUB KYIS YID DRANGS NAS THOG MAR DE DON DU GNYER BA RNAMS LA, DNGOS PO LA MED BZHIN DU RANG GI SEMS KYIS YONGS SU BRTAGS PA'I CHOS BSGAM PA BSKYED RIM TZAM GYIS RDZOGS RIM LA MA LTES PAR 'JIG RTEN PA'I DNGOS GRUB KYI 'BRAS BU DE DAG STER BAR BYED NUS PA'O, ,GANG DON DAM PA'I BDEN PAS BSTAN PA RDZOGS RIM DE NI DNGOS GRUB 'JIG RTEN LAS 'DAS PA RNAM PA THAMS CAD KYI MCHOG DANG
, ,LDAN PA PHYAG RGYA CHEN PO'I DNGOS GRUB BSGRUB PA'I SLAD DU STE DE DON DU GNYER BA RNAMS LA DNGOS PO LA MED BZHIN DU RANG GI SEMS KYIS YONGS SU BRTAGS SHING BCOS NAS BSGOMS PA'I DBANG GIS SNANG BA TZAM GYI CHOS DANG BRAL BA; GZHON NU MA RNAMS KYIS ME LONG LA SOGS PA ZHES PA'I SOGS KHONGS NAS BRA PHAB BRGYAD KYI LHAG MA BDUN 'DON TE, JI LTAR PRA 'BEBS PA LA 'JUG PA'I RGYUD LAS, ME LONG MTHE BO SGRON ME ZLA, ,NYI MA CHU DANG RAL GRI MIG PRA 'BEBS 'JUG PA BRGYAD RNAMS NI, ,RGYAL BA RNAMS KYIS PRA 'BEBS GSUNGS, ZHES PA DE DAG LA PRA PHAB PA BZHIN DU RNAL 'BYOR PA RNAMS KYIS RANG GI SEMS KYI 'OD GSAL BA MNGON SUM DU NAM MKHA' LA SNANG BA 'DOD PA'I DON GYI 'BRAS BU STER BA'I RGYU'I GTZO BO STE, 'BRAS BU NI 'GYUR BA MED PA'I BDE BA'I YE SHES KYI SEMS SO, ,RANG GI SEMS KYI 'OD GSAL BA ZHES PA NI, STONG GZUGS DE SEMS KYI RANG BZHIN 'OD GSAL ZHES PA SEMS KYI CHOS NYID LA BYAS NAS SEMS KYI CHOS NYID DE MDUN GYI NAM MKHA' LA SNANG BAR STON PA MA YIN GYI, RO RKYANG GI RLUNG DH'U T'IR THIM PA'I DUS KYI DH'U T'IR ZHUGS PA'I GNYIS SPANGS KYI SEMS LA 'OD GSAL GYI SEMS ZHES BYA LA, SEMS DE'I GZUNG BYA STONG JO, GZUGS SNA TSOGS PAR SHAR BA LA RANG GI SEMS KYI 'OD GSAL MNGON SUM DU SNANG BA ZHES GSUNGS SHING, NAM MKHA' LA SNANG BA ZHES PA'I NAM MKHA' NI MDUN GYI BAR SNANG STONG PA LA ZER BA'I GNAS MED CING GO SKABS MED DO, ,'ON KYANG GANGS RI'I KHROD 'DIR GZHAN DAG GIS RDO RJE'I RNAL 'BYOR GYI PHYOGS TZAM YANG MA
MTHONG BA'I GTAM GYI SBYOR BA SHIN TU RGYA CHE MOD KYI CUNG ZAD ZHIB PAR LE'U 'OG MA DAG TU 'CHAD PAR 'GYUR RO, ,GSUM PA NI, RANG GI SEMS KYI SNANG BA STONG GZUGS KYI PHYAG RGYA 'DI DANG, RANG GI SEMS BDE BA CHEN PO LHAN CIG SKYES PA 'DI GNYIS NGO BO GCIG PA NYID NI SHES RAB DANG THABS KYI BDAG NYID DBYER MI PHYED PA'I RDO RJE'I RNAL 'BYOR NAS, BCOM LDAN 'DAS TE, RGYUD GZHAN THAMS CAD DU RDO RJE SEMS DPAR RAB TU GRAGS SO, ,BZHI PA NI, BCOM LDAN 'DAS THABS SHES DBYER MI PHYED PA'I RDO RJE SEMS DPA' BDE BA CHEN PO MTHAR THUG PA'I YE SHES DE NYID RGYU'I MTSAN NYID KYI THEG PA PHA ROL TU PHYIN PA'I TSUL LA NI SHES RAB KYI PHA ROL TU PHYIN PA LAS NGO BO NYID KYI SKU ZHES BYAS SO, ZHES PAS BDE CHEN GYI SKU DE PHAR PHYIN THEG PAR YANG GRAGS PA'I MING NGO BO NYID SKU ZHES PA DE NYID GANG LA 'JUG PA'I DON YIN PAR STON GYI, BDE BA CHEN PO LHAN CIG SKYES PA'I SKU PHAR PHYIN THEG PAR GSUNGS SO ZHES STEN PA'ANG MA YIN LA, BDE CHEN GYI YE SHES MTHAR THUG DE LA NGO BO NYID SKU'I MING 'JUG PAR PHAR PHYIN THEG PAR GSUNGS SO, ZHES STON PA'ANG MA YIN NO, ,DE BZHIN DU ZHES PA NAS, ZHES SO, ,'DI LA KHA CIG NA RE MDZAD PA DANG BZHIR NGES ZHES PAS SKU GSUM MDZAD PA DANG BZHIR NGES PAR BSHAD PAS, SENG GE BZANG POS SKU BZHI STON PAR BSHAD PA DGONGS PA MIN NO ZHES SMRA BA NI MA BRTAGS PAR SMRA BA LA RIGS PA STE, SENG+GE BZANG POS, CHOS SKU MDZAD PA DANG BCANGS, ,RNAM PA BZHIR NI YANG DAG BRJOD, CES BSKU MDZAD PA DANG BCAS PA STON PA LA 'CHAD PAS DE'I LUGS LA GZHUNG DE DANG 'DIR MDZAD PA DANG BZHIR NGES PA DE
, ,ZHES PA LA GSAL MI GSAL DANG 'CHAD TSUL DKA' SLA'I KHYAD CI'ANG MED PAS GZHUNG DE LA JI LTAR 'CHAD PA LTAR 'DI LA'ANG MI RUNG BA MED PA'I PHYIR DANG, RANG GI LTA BA'I 'DOD PA MDOR BSTAN PA LAS SANGS RGYAS SH'KYA SENG GE YIS, ,SEMS CAN BSAM PA'I DBANG DAG GIS, ,SKU NI GCIG GNYIS GSUM DANG NI, ,BZHI DANG LNGA RU GSUNGS PA STE, ZHES GSUNGS NAS, DE LA SKU GCIG TU GSUNGS PA'I TSUL 'CHAD PA NA, SANGS RGYAS THOG MA THA MA MED, ,DANG PO'I SANGS RGYAS RIS MED PA, ,YE SHES MIG GCIG DRI MA MED, ,DE BZHIN GSHEGS PA'I YE SHES SKU, ZHES DANG, GNYIS SU GSUNGS TSUL LA, JI LTAR GZUGS KYI SKU DANG NI, ,DE LTAR SANGS RGYAS CHOS SKU STE,, SEMS CAN BSAM PA'I DBANG GI PHYIR, ,BSTAN BCOS SKYABS GNAS GSUM POS GSUNGS, ZHES DANG, SKU GSUM DU GSUNGS PA'I TSUL, THUGS GSUNG SKU YI DBYE BA YIS, ,SKU GSUM DU NI RAB TU BSGRAGS, ,CHOS DANG LONGS SPYOD SGRUB PA RNAMS,, SNGAGS KYI TSUL LA MI YIS BSGRUBS, ZHES DANG, SKU BZHIR GSUNGS PA'I TSUL, NGO BO NYID LONGS RDZOGS BCAS DANG, ,DE BZHIN GZHAN PA SPRUL PA DANG, ,CHOS SKU MDZAD PAR BCAS PA STE, ,RNAM PA BZHIR NI YANG DAG BSHAD, CES DANG, LNGAR GSUNGS TSUL LA, SANGS RGYAS SKU LNGA'I BDAG NYID CAN, ,KHYAB BDAG YE SHES LNGA YI BDAG ,SANGS RGYAS LNGA BDAG COD PAN CAN, ,SPYAN LNGA CHAGS PA MED PA 'CHANG, ZHES GZHUNG DE DAG TSIG GZHAN GYIS PAR MCHOD PAR MTHAR CHAGS NYID DU GSUNGS PA'I PHYIR 'DIR
SKU BZHI STAN PA LA SBYOR BA SHIN TU 'GRIG LA, LHAN SKYES KYI SKU GCIG TU BSDUR RUNG BA DANG, GNYIS NAS LNGA'I BAR DU'ANG DBYER YOD PA LA 'GAL BA CI'ANG MED DO, ,DE YANG MNGON RTOGS RGYAN DANG RGYUD BLA MA SOGS THEG PA CHEN PO'I GZHUNG DU MA LAS DAG PA GNYIS LDAN GYI CHOS NYID 'DUS MA BYAS LA NGO BO NYID SKUR GSUNGS PA NI NGO BO NYID SKU PHYOGS GCIG YIN LA, 'DIR LHAN SKYES KYI SKU BDE BA CHEN PO'I YE SHES LA NGO BO NYID SKUR BSHAD PA'ANG PHYOGS GCIG YIN ZHING, DE NI 'DUS BYAS YIN PAS DE GNYIS PHAN TSUN GCIG GI DON DE GCIG MA YIN KYANG, DE GNYIS KA NGO BO NYID SKU MTSAN NYID PA YIN ZHING DE GNYIS SKU'I MING DNGOS SU BRJOD PAR MTSUNGS PAS, DE'I PHYIR PHYOGS MTHUN GYI LUNG DANG SBYAR BA TZAM YIN NO, ,DE BAS NA 'DIR LHAN SKYES KYI SKU 'DUS BYAS KYI NGO BO NYID SKUR BZHED PA YIN GYI; NGO BO NYID SKUR BSHAD PAS BDE BA CHEN PO'I YE SHES 'DUS MA BYAS SU KHAS LEN DGOS PAR 'DOD PA DON MA YIN NO, ,GRUB CHEN RDO RJE DRIL BU PAS, 'DI NI NGO BO NYID SKU STE, ,STONG NYID SNYING RJE GNYIS MED PA, ,MA NING ZHES BYAR BRJOD PA STE, ,KHA CIG ZUNG 'JUG CES BYAR BRJOD, CES DANG, MI 'GYUR BDE CHEN YE SHES NI, ,THABS TE THUGS RJE'I BDAG NYID CAN, ZHES GSUNGS PA SOGS KYIS GNYIS SNANG MED PAR YANG DAG PA'I 'OD GSAL STONG PA NYID JI 'DRA BA DE BZHIN DU ZHUGS PA'I SNYING RJE BDE CHEN GYI YE SHES LA NGO BO NYID SKUR BSHAD PAR RJE THAMS CAD MKHYEN PAS GSUNGS PA LTAR YIN PAS, LUGS 'DIR MA ZAD PHYOGS DE DAG TU YANG 'DUS BYAS KYI NGO BO NYID SKU KHAS LEN DGOS SO, ,'DI LTAR KHAS LEN PA'I TSE NGO BO NYID SKU LA 'GOG BDEN GYIS KHYAB PAR
, ,KHAS LEN PA MA YIN PAS 'GOG BDEN 'DUS BYAS YOD PA'I SKYON DU MI 'GYUR RO, ,BCOM LDAN 'DAS RDO RJE SEMS DPA' DE NYID 'BRAS BU'I THEG PA'I MTSAN NYID SNGAGS KYI TSUL LA LHAN CIG SKYES PA'I DGA' BA MTHAR THUG PA DANG LHAN CIG SKYES PA'I SKU ZHES GSUNGS TE, GZUNG BA SHES BYA STONG GZUGS PHYAG RGYA CHEN MO DER 'DZIN PA SHES RAB MCHOG TU MI 'GYUR BA'I BDE BA CHEN PO NGO BO THA DAD PA SPANGS PA, GNYIS SNANG 'KHRUL PA'I BAG CHAGS KYIS BSLAD PA'I RNAM PAR SHES PA'I CHOS NYID LAS 'DAS PA THUGS DMIGS PA MED PA'I BDE CHEN GYIS 'KHOR BA'I MTHA' MNAN CING SKU STONG GZUGS KYIS ZHI BA'I MTHA' MNAN PAS SRID PA DANG MYA NGAN LAS 'DAS PA LA RAB TU MI GNAS PA, SANGS RGYAS THAMS CAD KYI SKU GSUNGS THUGS KYI GSANG BA 'DUS PA DANG, LHA MO STE MKHA' 'GRO MA RNAMS KYI 'KHOR LO SDOM PA YANG BDE BA CHEN PO'I YE SHES KYI SKU 'DI DANG LHAN CIG RO MNYAM PA NYID DO, ,ZHES PA NGES PA'I DON TO, ,DE YANG SKU GSUNG THUGS KYI GSANG BA RNAMS GANG DU 'DU BA'I GNAS KYANG LHAN SKYES KYI SKU DANG MKHA' 'GRO MA'I 'KHOR LO GANG DU SDOM PA'I SDOM GNAS KYANG LHAN SKYES KYI SKUR SDOM PA'O, ,GNYIS PA RDO RJE'I RNAL 'BYOR LA MTHA' GNYIS KYI PHYOGS SU 'DZIN PA DGAG PA LA, SPYI'I DON GYIS LOG PAR RTOG PA'I MTHA' DGAG PA DANG, YAN LAG GI DON GYIS GZHUNG DON GTAN LA DBAB PA'O, ,DANG PO LA GNYIS, ,'DOD PA MDOR BSDUS PA DGOD PA DANG, DE NYID RGYAS PAR
DGAG PA'O, ,DANG PO NI, GANG YANG THOG MA MED PA NAS SNYING LA 'DRIS PA'I DNGOS POR MNGON PAR ZHEN PA'I MDZA' BO DANG 'BRAL BAR DOG PAS CHOS RNAMS RANG BZHIN MED PA'I SGRA TZAM GYIS KYANG KUN TU SKRAG PA'I NGA RO 'BYIN PA LHUR BYED PA, YUN RING PO NAS MU STEGS KYI LTA BA LA 'DRIS PA'I BAG CHAGS YONGS SU SMIN PAS ZAB MOD KHO NA NYID KYI GTAM GYI SNOD DU MI RUNG BA, RIGS PA'I LAM YONGS SU BTANG NAS GANG CI YANG RUNG BA'I MU COR 'BA' ZHIG SMRA BA LA ZHUGS PA DAG GIS 'DI SKAD CES 'DZIN TO, ,CHOS RNAMS KYI DE KHO NA NYID DANG, CHOS NYID DANG, DE BZHIN NYID DANG, STONG PA NYID DANG, BDE BAR GSHEGS PA'I SNYING PO ZHES BYA BA NI, RGYUD 'DIR RNAM PA THAMS CAD KYI MCHOG DANG LDAN PA'I STONG PA NYID DANG, STONG GZUGS PHYAG RGYA CHEN MO DANG, SO SOR SDUD BAR TSOGS KYIS MNGON SUM DU MTHONG BA'I DU BA LA SOGS PA'I MTSAN MA DANG, MCHOG TU MI 'GYUR BA'I BDE BA DANG, LHAN CIG SKYES PA'I SKU DANG, DANG PO'I SANGS RGYAS DANG, 'OD GSAL GYI SEMS LA SOGS PA'I MING GIS BSTAN PA DAG DANG DON GCIG CING KHYAD PAR MED PA YIN LA, DE DAG LA NI NGO BO NYID KYI SKU DANG 'GOG BDEN MTHAR THUG CES KYANG BYA ZHING, DE NYID SEMS CAN THAMS CAD LA GDOD MA NAS RANG CHAS SU GNAS PA, STOBS SOGS BRAL 'BRAS KYI YON TAN THAMS CAD DANG DBYER MED PAR LDAN PA, 'DUS MA BYAS SHING SKAD CIG KYANG 'GYUR PA MED PA, SKYE 'JIGS THAMS CAD BRAL BA'I RTAGS PA DANG, BRTAN PA DANG THER ZUG PA DANG GA-YU DRUNG GI SKU, BRTAN GA-YO THAMS CAD LA KHYAB PA'I RANG BZHIN CHA SHAS THAMS
, ,CAD DANG BRAL BAS CHA MED KUN 'GRO CHOS KYI DBYINGS KYI YE SHES RIGS PAS DPYAD BZOD KYI BDEN PAR GRUB CING, DE NYID GZHAN 'DUS BYAS KUN RDZOB KYI CHOS RNAMS KYIS STONG GI RANG GI NGO BOS MI STONG PA'I GZHAN STONG DON DAM PA'I BDEN PA, KUN GZHI RNAM SHES DANG KUN GZHI YE SHES GNYIS KYI NANG NAS, KUN NAS NYON MONGS KYI CHOS KUN GYI BAG CHAGS BSGO PA'I GZHIR GYUR BA'I KUN GZHI RNAM SHES NI RNAM SHES TSOGS BRGYAD KYI YA GYAL DU GYUR PA 'KHOR BA'I CHOS 'DUS BYAS YIN LA, 'DI NI SANGS RGYAS KYI CHOS KUN GYI GZHIR GYUR BA'I KUN GZHI YE SHES 'DUS MA BYAS TE, 'DUS MA BYAS PA'I SEMS DANG RTAG PA'I SHES PA MTSAN NYID PA YIN LA, DNGOS POR MA GRUB PA'I SHES PA YIN ZHING, DNGOS PO MA YIN KYANG KHA DOG DANG DBYIBS DANG LDAN PA DANG, SHES PA YIN KYANG DU BA LA SOGS PA'I GZUGS SU GRUB PA NI KUN RDZOB 'DUS BYAS LA 'GAL YANG DON DAM 'DUS MA BYAS LA MI 'GAL BAS KUN RDZOB 'GAL 'DU'I SKYON CAN DANG DON DAM 'GAL 'DU'I SKYON MED CES BYA'O, ,STONG GZUG KUN RDZOB BDEN PAR GSUNGS PA NI KUN RDZOB BDEN PA LTA BUR SNANG BAS KUN RDZOB BDEN PAR GSUNGS KYI KUN RDZOB BDEN PA YIN PAS DE LTAR GSUNGS PA MA YIN LA, GZHAN YANG RGYUD KYI RGYAL PO 'DI NYID LAS, SA'I RNAM PA SRA BA MIN ZHING ZHU BA CHU LUS KHU BA MIN TE GSHER BA NYID MIN PHYIR, ,ME YI RNAM PA ME MIN GA-YO BA RLUNG GIS LUS NI GANG ZHIG GA-YO BA MIN PAS RLUNG MA YIN, ,STONG PA'I RNAM PA YIN YANG BLTA BYA DKAR DANG LJANG DANG KHA DOG SNA TSOGS CHEN PO KHA DOG MIN, ,RNAM PA KUN LDAN YIN YANG MTHONG BA MIN TE DRI MA NYON MONGS
BDUD KYI MTHU LAS SO, ZHES GSUNGS PAS, SA DANG CHU LA SOGS PA'I RNAM PAR MTHONG YANG SRA BA LA SOGS PA'I MTSAN NYID DANG, RDUL PHRA RAB KYI RDZAS SU MA GRUB PA'I PHYIR SA LA SOGS PA'I DNGOS PO MA YIN LA, DKAR PO LA SOGS PA KHA DOG SNA TSOGS PA'I RNAM PAR SNANG YANG DNGOS PO'I RDZAS SU MA GRUB PA'I PHYIR KHA DOG GI DNGOS PO NYID MA YIN NO, ZHES PA'I DON YIN LA, RKANG PA THA MAS RNAM PA THAMS CAD DANG LDAN PA'I STONG GZUGS DE SEMS CAN THAMS CAD LA GDOD MA NAS RTAG TU GNAS PA YIN YANG SPYAN LNGA DANG MI LDAN PA'I BYIS PA RNAMS KYIS MI MTHONG STE, DE'I RGYU MTSAN RANG GI SEMS KYI BLO BUR GYIS DRI MA NYON MONGS PA DANG BDUD MA BCOM PA'I MTHU LAS SO, ZHES BSTAN TO, ,DBANG MDOR BSTAN LAS, STONG PA LAS BYUNG GZUGS BRNYAN RGYU, MI 'GYUR LAS SKYES BDE BA 'BRAS, RGYU NI 'BRAS BU'I RGYAS BTAB CING, ,'BRAS BU RGYU'I RGYAS GDAB PA'O, ZHES PA'I DON YANG, RGYU STONG GZUGS DE NYID 'BRAS BU LHAN SKYES BDE BA'I NGO BO YIN ZHING, 'BRAS BU LHAN SKYES PA DE BA YANG RGYU STONG GZUGS KYI NGO BO YIN PAS RGYU 'BRAS DE DAG ME'I 'OD DANG, SREG PAR BYED PA LTAR DBYER MED GCIG TU GYUR PA NI PHAN TSUN RGYAS BTAB PA'I DON NO, ,YANG RGYUD LAS, SA NI CHU LA RAB TU 'JUG CING CHU YANG 'BAR uBYED LA STE GTZANG BAR BYED PA RLUNG LA'O, ,RLUNG NI STONG PA LA STE STONG PA NGES PAR MTSAN MA RNAM PA BCU RU 'GYUR, ZHES SOGS GSUNGS PA'ANG RNAL 'BYOR PAS MTHONG BA DANG NYAMS SU MYONG BA'I RIM PA YIN GYI DU BA LA SOGS PA'I MTSAN MA RANG GI NGO BO GSAR DU BYUNG BA DANG 'GYUR BA DANG BCAS PAR STON PA MA YIN TE, NAM MKHA' LAS BYANG
, ,RANG BYUNG BA YIN PA'I PHYIR RO, ,GCIG DANG DU BRAL SOGS KYI RTAGS LA BRTEN NAS RNAM PAR DPYAD PAS BDEN PAR GRUB PA CUNG ZAD KYANG MA RNYED PA'I STONG PA NYID NI PHYI MTSAN NYID THEG PA'I DBU MA'I GZHUNG LUGS RNAMS SU GRAGS PA'I STONG PA NYID DE, PHUNG PO RNAM DPYAD KYI STONG PA NYID DANG, CHAD PA'I STONG PA DANG, NYI TSE BA'I STONG PA ZHES BYA BA YIN TE, 'PHAGS PA 'JAM DPAL GYIS RANG GI LTA BA'I 'DOD PA MDOR BSTAN PA LAS, PHUNG PO RNAM DPYAD STONG PA NYID, ,CHU SHING BZHIN DU SNYING PO MED, RNAM PA KUN GYI MCHOG LDAN PA'I, ,STONG NYID DE LTAR 'GYUR MA YIN, ZHES GSUNGS PA LTAR RO, ,DES NA PHYI MTSAN NYID THEG PA'I DBU MA'I GZHUNG LUGS TZAM LA BRTEN NAS DBU MA CHEN PO'I LTA BA DANG GRUB MTHA' MTHAR THUG PA KHONG DU CHUD PAR MI 'GYUR BAS DE KHONG DU CHUD PA GSANG SNGAGS RDO RJE THEG PA'I LAM NYAMS SU MYONG BA DANG, RGYUD SDE'I DGONGS PA SA BCU'I DBANG PHYUG GIS BKRAL BA RNAMS MANG DU THOS PAR BYA DGOS SO, ,DE LA CHOS RNAMS KYI DE KHO NA NYID DE MNGON SUM DU MTHONG BA'I THABS NI LUS BYED PA BCINGS PA'I MAN NGAG GI LUS GNAD LTA STANGS SOGS BYAS TE, GA-YAS GA-YON GYI SROG DBU MAR 'JUG PA DANG, SEMS DE KHO NA NYID LA 'JOG PA STE, DE'I 'JOG TSUL YANG, GNAS LUGS YANG DAG PA'I DON SPROS PA'I MTHA' THAMS CAD DANG BRAL BA YIN PAS RNAL 'BYOR PA'I SEMS RIG PA YANG RNAM RTOG GI SPROS PA'I MTSAN MA THAMS CAD DANG BRAL BA'I NGANG DU MNYAM PAR BZHAG PAR BYA LA, SEMS MA BCOS GNYUG MA'I NGANG DU BZHAG NAS CHOS GANG LA YANG
YOD PA DANG MED PA DANG STONG PA DANG MI STONG PA LA SOGS PA CIR YANG MI SEMS SHING YID LA MI BYED PAR MNYAM PAR BZHAG PAR BYA BA YIN TE, PHYAG RDOR BSTOD 'GREL DU, RTZA RGYUD DRANGS PAR, BSAM PA THAMS CAD YONGS SPANGS TE, ZHES PA DANG, DRI MED 'OD LAS, 'DIR DANG PO STONG NYID BYANG CHUB CES PA NI MUN PA LA CUNG ZAD KYANG BSAM PAR MI BYA'O, ,ZHES DANG, SAm BHU tA LAS, STONG PA BSGOM PAR MI BYA STE, ,STONG MIN BSGOM PAR MI BYA'O, ,STONG PA MI SPONG RNAL 'BYOR BAS, STONG MIN YONGS SU MI SPANG NGO,, STONG DANG STONG MIN BZUNG BA LAS, RTOG PA NYUNG MIN SKYE BAR 'GYUR, ,YONGS SU SPANGS NA KUN RTOG STE, ,DE PHYIR DE GNYIS YONGS SU SPANG, ZHES SOGS GSUNGS PA'I PHYIR RO, ,SANGS RGYAS THOB CES PA'ANG SNGAR MED GSAR DU THOB PAR BYED PA MA YIN GYI SNGAR YOD MNGON DU 'GYUR BA LA BSGRIB PA'I GLO BUR GYI DRI MA BSAL NAS MNGON DU GYUR PA LA SANGS RGYAS THOB PAR THA SNYAD BYAS PA YIN ZHING, GLO BUR GYI DRI MA'I SGRIB BYED SEL BA'I BYA BA LAM GYIS BYED PA YIN NO ZHES SMRA STE, 'KHOR LO THA MA DANG SNYING PO'I MDOR GRAGS PA DANG RGYUD BLA MA SOGS KYI DGONGS PA 'CHAD TSUL SOGS KYI BRDOL THABS MANG DU SMRA BA DAG 'DIR YI GE MANGS PAR 'GYUR BAS MA BRIS SHING DE DAG GI DGAG SGRUB RE SHIG BZHAG NAS, RGYUD DANG 'GREL BA 'DI'I SKABS SU MUN SPRUL MANG DU SMRA BA DAG GI DON GYI GTZO BO NYI BAR BSDUS PA TZAM ZHIG BKOD PA'O, ,GNYIS PA NI, SMRA BA 'DI DAG THAMS CAD KYANG SANGS RGYAS PA'I GRUB PA'I MTHA' YONGS SU BTANG STE MU STEGS KYI RING LUGS MA NYAMS PAR BZUNG NAS MDO RGYUD DGONGS 'GREL DANG BCAS PA'I DON LA RANG
, ,DGAR DBANG ZOS PA'I LTA NGAN MI BZOD PA'I GDON GYIS BRLAMS PA'I GTAM GYI SBYOR BA, KHYAD PAR DU YANG DUS KYI 'KHOR LO'I RGYUD DANG 'GREL CHEN LA, SNGON GYI 'KHON LAN GLAN PAR 'DOD PA BZHIN DU, RGYUD KYI BRJOD BYA'I GTZO BO GANG LA RTZAL DU BTON NAS 'CHAD PA DE DANG DE JI LTAR BSHAD PA DE DANG DE NYID LAS BZLOG STE 'CHAD PA 'BA' ZHIG LA NYE BAR ZHUGS NAS, KHO BO CAG GIS 'DI LTAR BSHAD PA 'DI NI DUS KYI 'KHOR LO'I SNYING PO'I DON MTHAR THUG PA'O, ZHES RAB TU BLUN PA'I SKYE BO BSOD NAMS DMAN PA DAG LOG PA'I LAM LA 'KHRID PA'I GA-YO THABS NYE BAR SBYAR BA STE, BDAG LEGS SU 'DOD PA DAG GIS NI SROG 'PHROG PA'I DUG DANG MTSUNGS PAR SPANG BAR BYA'O, ,DE YANG 'DI LTAR MKHAS PA DAG GIS DE KHO NA NYID MTHONG BAR BYED PA'I TSUL NI, DANG POR DE KHO NA NYID KYI BZLOG PHYOGS 'DZIN PA'I BLO LHAN SKYES KYIS JI LTAR BZUNG BA LTAR DU GRUB PA RIGS PAS LEGS PAR BKAG STE, DE LTAR MA GRUB PA'I NGES PA RNAM PAR DAG PA BSKYED NAS NGES PA DE NYID THEG PA GONG 'OG GI RANG RANG GI THABS KYI YAN LAG RNAMS KYIS ZIN PAR BYAS TE LEGS PAR GOMS PAR BYAS PAS, MTHAR RANG GI SEMS DANG DE KHO NA NYID KYI BAR DU GNYIS SNANG PHRA MOS KYANG BAR MA CHOD PAR RO GCIG TU GYUR PA'I TSUL GYIS MNGON SUM DU 'GYUR BA YIN LA, CHOS NYID LUS CAN MA YIN PAS GNAS 'DI LTA BU ZHIG TU KHA DOG DANG DBYIBS 'DI LTA BUR GNAS PA MTHONG ZHES BYA BA KUN MKHYEN GYIS KYANG BZHAG PAR GA LA NUS, DU BA LA SOGS PA'I STOD GZUGS KYI MTSAN MA 'DI DAG NI SNGON DU MTSAN MA DE DAG GI BZLOG PHYOGS BKAG
NAS THOS BSAM GYIS DU BA SOGS KYI MTSAN MA NGES PA'I NGES SHES 'DREN MI DGOS SHING, THOG MAR BSGOM PA'I TSE 'ANG MTSAN MA DE DAG LA DMIGS PA'AM BLO YUL DU BYAS NAS BSGOM MI DGOS PAR LUS KYI BYED BCINGS LTA STANGS SOGS DANG MUN PA'I KHANG BU BSTEN PA DANG, GNAS KHYAD PAR BAR SEMS RTZE GCIG TU GTONG BA SOGS KYI RGYU TSOGS TZAM LAS KHA DOG DANG DBYIBS KYI RNAM PA CAN DU GSAR DU 'CHAR BA DANG, DE YANG THOG MAR PHYI DANG DE NAS NANG DANG DE YANG AA WA DHU TI'I NANG DU 'CHAR BA DANG STONG GZUGS KYI SNANG BA THOG MAR SHAR BA RNAMS RAGS PA DANG DE NAS GOMS PAR GYUR PAS PHRA BAR 'GYUR BA SOGS RGYUD DANG SEMS 'GREL SKONG GSUM GYI BSHAD PA DANG, SGOM PA PO'I MYONG BA DANG RANG BCAG GNYIS GA'I KHAS LEN DANG BCAS PAS GRUB BZHIN DU'ANG SNANG BA DE DAG DNGOS PO MA YIN PAR SMRA BA NI, BSNYON PAR BYED PA STE, DE LTA NA RMI LAM GYI SNANG BA DANG BRA PHAB PA'I ME LONG GI NANG GI SNANG BA LA SOGS PA DE DAG KYANG MA BRTAGS PAR SHAR BA DANG RDUL PHRA RAB BSAGS PA MA YIN PAR SEMS KYI SNANG BA TZAM YIN PAR STONG GZUGS DE DAG DANG KHYAD MED LA, RGYU TSOGS GZHAN LA BRTEN NAS KHA DOG DANG DBYIBS LA SOGS PA'I RNAM PA CAN DU GSAL BAR SHAR BA DANG, RGYU TSOGS DE DAG YONG MED KYI RJES SU 'GRO LDOG BYED PAR NGES KYANG DNGOS POR MI 'GRUB NA RMI LAM GYI SNANG BA DANG BRA PHAB PA'I ME LONG GI NANG GI SNANG BA DANG, CHU NANG GI ZLA BA'I GZUGS SU SNANG BA SOGS DE DAG THAMS CAD LA DNGOS PO YIN PA'I SGRUB BYED GZHAN RDUL TZAM YANG BRTAN PAR MI NUS SO, ,MDOR NA BLO NGOR DGAG BYA BCAD PA LA
, ,LTOS NAS 'CHAR MI DGOS PAR RGYU TSOGS GZHAN YOD NA GSAR DU 'BYUNG ZHING MED NA MI 'BYUNG BAS DNGOS POR MI 'GRUB NA DNGOS PO SHES BYA LA MI SRID PAR KHAS BLANGS KYANG DGAG TU MED LA, GSAR DU BYUNG BA MA YIN GYI LUS BYED BCINGS SOGS KYI RGYU RKYEN GYIS SNGAR YOD GSAL BAR BYAS PA TZAM YIN NO ZHE NA, RDZA BUM DANG MYU GU SOGS KYANG RDZA MKHAN DANG SA BON CHU LUD SOGS KYI RGYU RKYEN GYIS SNGAR YOD GSAL BAR BYAS PA TZAM YIN GYI SNGAR MED GSAR DU BSKYED PA MA YIN NO ZHES BSKAL PA'I BAR DU BSGRE BAR BYA'O, ,DE BAS NA 'BRAS BU THAMS CAD RGYUS SNGAR YOD GSAL BAR BYED PA TZAM YIN NO ZHES BYA BA'I GRANGS CAN GYI GRUB PA'I MTHA' MA NYAMS PAR 'ONGS SO, ,GZHAN YANG GANG RTOGS NAS BSGOMS PAS 'KHOR BA'I RTZA BA GCOD PA'I DE KHO NA NYID STONG GZUGS YIN NA SEMS CAN THAMS CAD KYI BDAG 'DZIN LHAN SKYES LA STONG GZUGS KYI DNGOS KYI BZLOG PHYOGS 'DZIN PA'I 'DZIN STANGS YOD PAR 'GYUR TE, DE YIN NA DE'I DNGOS KYI BZLOG PHYOGS 'DZIN PA'I BLO 'KHOR BA'I RTZA PAR GYUR PA'I BDAG 'DZIN DU NGES PAR 'DOD DGOS PA'I PHYIR RO, ,GZHAN YANG STONG GZUGS PHYAG RGYA CHEN MOS KHAMS RDO RJE NOR BU BRTZE DHU TI'I NANG GI GNAS PAS GZHAN DU MI 'GYUR BAR GNAS PA DANG, MI 'GYUR BA'I BDE BA BSKYED PA SOGS KYI BYA BA BYED PA RGYUD DANG SEMS 'GREL DAG LAS LAN BRGYA PHRAG ZHIG TU GSAL BAR BSHAD BZHIN DU'ANG, DNGOS PO MA YIN PA DE DAG GI LUGS YIN NA LUGS DE LA DON BYED NUS PAS DNGOS POR MI 'GRUB DGOS PAS DNGOS PO SHES BYA LA MI SRID PAR SMRAS KYANG DGAG TU MED PAR 'GYUR RO, ,GZHAN YANG DU BA
LA SOGS PA'I MTSAN MA NAM MNGON DU GYUR PA NA MCHOG TU MI 'GYUR BA'I BDE BA'ANG MNGON DU 'GYUR BAS KHYAB PA'AM MA KHYAB PA GANG 'DOD GRANG, DANG PO LTAR NA, SOR SDUD KYI SKABS NAS MCHOG TU MI 'GYUR BA'I BDE BA MNGON DU 'GYUR DGOS PAS, SOR SDUD NAS TING NGE 'DZIN GYI YAN LAG 'THOB PAR 'GYUR RO, ,MA KHYAB NA MTSAN MA DE DAG DANG MCHOG TU MI 'GYUR BA'I BDE BA NGO BO CHA MED GCIG TU GYUR BA'I DON GCIG MING GI RNAM GRANGS PA TZAM DU SMRAS PA GZHI NAS NYAMS SO, ,GZHAN YANG DU BA LA SOGS PA'I MTSAN MA DE DAG MTHONG MKHAN GYI RNAL 'BYOR PA RANG GI SHES PA LAS RGYANGS CHAD PA'I PHYI ROL TU GRUB PA'AM MA GRUB PA GANG YIN, DANG PO LTAR NA RANG GI SEMS KYI GNAS LUGS SU GYUR PA'I CHOS NYID YIN PA DANG PHYI ROL MA YIN PAR SMRAS PA NYAMS SO, ,GNYIS PA LTAR NA, DU SOGS KYI MTSAN MA MTHONG BA'I SOR BSAM SOGS KYI SHES PA DE CHOS CAN 'KHRUL SHES YIN PAR THAL, MTSAN MA DE DAG RANG LAS RGYANGS CHAD PA'I PHYI ROL TU MA GRUB PA GANG ZHIG, DE DAG RANG LAS RGYANGS CHAD PA'I PHYI ROL LTA BUR SNANG BA'I SHES PA YIN PA'I PHYIR, 'DOD NA DE KHO NA NYID MNGON SUM DU MTHONG BA'I SHES PA RTOG PA LA MA 'KHRUL BAR KHRID YIG NGAG TU LAN DU MAR SMRAS PA SOGS DANG DNGOS SU 'GAL LO, ,RTAGS SNGA PHYI GNYIS GA'ANG DNGOS SU KHAS BLANGS LA MA KHYAB NA 'KHRUL SHES MI SRID PAR SMRAS KYANG GANG GIS 'GOG PA SOMS SHIG, GZHAN YANG RANG JI LTAR GNAS PA LTAR RANG MTHONG MKHAN GYI SHES PA LA MI SNANG ZHING RANG MTHONG MKHAN GYI SHES PA LA SNANG BA LTAR RANG MI GNAS PA NI GNAS TSUL GZHAN DU GNAS NAS SNANG TSUL GZHAN DU SNANG BA'I SGO NAS RANG MTHONG MKHAN GYI SHES PA LA BSLU BAR BYED PAS BSLU BA'I CHOS CAN ZHES BYA LA, DE
, ,LTA BU'I BSLU BA'I CHOS CAN NI RDZUN PA'I DON YIN TE, 'PHAGS PA KLU SGRUB KYIS, BCOM LDAN 'DAS KYIS CHOS GANG ZHIG, BSLU BA DE NI RDZUN ZHES GSUNGS, ZHES GSUNGS PA DANG, MDO LAS KYANG LAN MANG DU GSUNGS PA LTAR RO, ,DES NA DU BA LA SOGS PA'I MTSAN MA DE DAG SOR BSAM SOGS KYI MNYAM PAR BZHAG PA'I SHES PA LA SNANG BA'I TSE NA DU BAR SNANG YANG DU BA MA YIN PA DANG, MER SNANG YANG ME MA YIN PA SOGS SU SMRA BA'I SGO NAS MTSAN MA DE DAG GNAS TSUL GZHAN DU GNAS NAS SNANG TSUL GZHAN DU SNANG BA RDZUN PA'I DON LDOG KHAS BLANGS TE, SLAR YANG DE DAG BDEN PAR GRUB PA YIN NO ZHES DAM 'CHA' BA NI CHES BLUN PAR GO BAR BYED PA'O, ,STONG GZUGS PHYAG RGYA CHEN MO LA BRTEN NAS MCHOG TU MI 'GYUR BA'I BDE BA SKYE BA DANG, LAM BSGOM PA'I THABS LA BRTEN NAS DE DAG MNGON DU PHYED PAR KHAS LEN DGOS BZHIN DU DE DAG RTEN 'BREL MA YIN PAR SMRA BA NI RTEN 'BREL YIN YANG RTEN 'BREL MA YIN NO ZHES SMRA BA DANG KHYAD PAR MED LA, DE TZAM GYIS RTEN 'BREL DU MI 'GRUB NA KUN RDZOB RNAMS RTEN 'BREL YIN PAR 'DOD PA'ANG GANG GIS BSGRUB PA SOMS SHIG, RTEN 'BREL YIN NA NI BDEN PAR GRUB PAS STONG PAR 'PHAGS PA KLU SGRUBS KYIS GSUNGS PA LTAR BDEN MED DU 'BAD PA MED PAR 'GRUB LA, GZHAN YANG KUN RDZOB KYI CHOS RNAMS DANG CHOS NYID LA RANG BZHIN DANG RANG BZHIN CAN GYI 'BREL BA MA GRUB NA CHOS NYID CHOS CAN KUN RDZOB PA RNAMS KYI GNAS LUGS DPE RANG BZHIN DU GYUR PA'I CHOS CHOS CAN YIN PA NYAMS LA, 'BREL PA DE GRUB NA DON DAM PAR KUN RDZOB RI BONG GI RVA LTAR GYUR KYANG DE'I RANG BZHIN BDEN PAR GRUB NAS GNAS PA LAS 'GAL PA GANG ZHIG YOD, GZHAN YANG 'PHAGS PA KLU
SGRUB YAB SRAS KYIS, RTZA BA SHES RAB LA SOGS PA DBU MA'I GZHUNG LUGS DE DAG TU CHOS THAMS CAD BDEN MED DU GTAN LA 'BEBS PA'I RIGS PA'I TSOGS JI SNYED CIG GSUNGS PA DE, THAMS CAD KYIS CHOS CAN KUN RDZOB BDEN MED DU BSGRUB NUS SHING BDEN PA KHEGS PAR NUS LA, CHOS NYID DON DAM BDEN PA BDEN MED DU BSGRUB MI NUS PA'I KHYAD PAR CUNG ZAD KYANG MED PAR RNAM PA THAMS CAD DU MTSUNGS PA NI RIGS PA DE DAG GI RNAM GZHAG LA BLO KHA PHYOGS PA ZHIG YIN NA RTOGS PAR SHIN TU SLA LA, RIGS PA GONG 'OG GANG GI'ANG BRDA TZAM LA YANG MA BYANG BAR GSUNG RAB KYI NGES DON RANG DGAR SMRA BA LA 'JUG PAR 'DOD PA NI SNYING KHAMS 'BA' ZHIG LHUR LEN PA'I SPYI BRTOL TZAM DU ZAD DO, ,KHYAD PAR RGYUD 'GREL 'DI NYID DU NI STONG GZUGS DANG MI 'GYUR BA'I BDE BA NYID BDEN PAR GRUB PA 'GOG PA'I GZHIR BYAS NAS DE DAG BDEN STONG DU DMIGS PHUG STE SGRUB PA RGYAS PAR GSUNGS BZHIN DU DE LAS BZLOG STE SMRA BA NI GNAS MA YIN PA'I LOG PAR RTOG PA YIN LA, GZHUNG DON 'CHAD MA THAG PA 'DI DAG GI RDO RJE'I RNAL 'BYOR LA YANG MTHAR 'DZIN 'GOG PA YANG STONG GZUGS DANG MI 'GYUR BA'I BDE BA LA BDEN PAR 'DZIN PA RTAG PA'I MTHAR LTUNG BA DANG THA SNYAD DU BYA BA BYED NUS TZAM DU'ANG MED PA'I CHAD PA'I MTHA' GNYIS RIGS PA YANG DAG GIS RGYAS PAR 'GOG PA YIN TE TSIG DON BSHAD PAS RTOGS PAR 'GYUR RO, ,GZHAN YANG MCHOG TU MI 'GYUR BA'I BDE BA SKAD CIG NYIS KHRI CHIG STONG DRUG BRGYA'I RIM PA RGYUD DANG 'GREL BA LAS RLUNG LTAR GRAGS PA'I BRDA DANG RANG GIS KHYANG DE NYID KHAS BLANGS
, ,BA GNYIS GA LAS RANG DBANG YOD BZHIN DU DNGOS SU 'GAL BA'I DAM BCA' KHAS BLANGS TE SKAD CIG GI SKYE 'JIG DANG BRAL BA'I RTAG PAR KHAS LEN PA YID RNAL DU MI GNAS PA LAS GZHAN DU BRTAG DU CI ZHIG YOD, DE DAG THAMS CAD RTEN GYI NGOS NAS PHYE BA'I GRANGS TZAM MA GTOGS NGO BO LA DBYE BA MED NAS BCU GNYIS KYANG SNGA PHYI'I RGYU 'BRAS KYI GO RIM MED PAR NGO BO DBYE BA MED PAR 'GYUR TE, MCHOG TU MI 'GYUR BA'I BDE BA NYIS KHRI CHIG STONG DRUG BRGYA LA STONG BRGYAD BRGYA PA BCU GNYIS SU BYAS PA'I RE RE LA YANG SA RER BYAS NAS SA BCU GNYIS SU 'JOG PA KHYAD RANG GIS KYANG KHAS BLANGS PA'I PHYIR RO, ,DE LTA NA LAM BGROD PA'I RIMS PA'ANG MED PAR 'GYUR LA, CHA SHAS NYIS KHRI CHIG STONG DRUG BRGYAR DBYER YOD BA'I CHA MED NI MU STEGS KYIS KYANG KHAS 'CHE BAR MI SPOBS NA, KHYED NI DE DAG LAS KYANG SNYING STOBS DANG LDAN NO, ,GZHAN YANG PHA ROL TU PHYIN PA'I THEG PA CHEN PO BA 'BA' ZHIG GI LAM LA CHOS NYID MNGON SUM DU RTOGS PA'I 'PHAGS PA MI SRID DO ZHES SKYABS GNAS LA SKUR PA 'DEBS SA MA 'ON TE DE DAG LA CHOS NYID MNGON SUM DU RTOGS PA'I 'PHAGS PA KHAS LEN PA JI LTAR 'DOD GRANG, KHAS LEN NA NI PHA ROL TU PHYIN PA'I THEG PA 'BA' ZHIG LAS LA'ANG CHOS NYID MNGON SUM DU MTHONG BA'I YE SHES DE LA STONG GZUGS 'DI NAS BSHAD PA JI LTA BA BZHIN DU MNGON SUM DU SNANG BAR 'GYUR TE, 'DI NAS JI LTAR BSHAD PA'I STONG GZUGS DANG CHOS NYID DANG DE BZHIN NYID DON GCIG CING, KHYAD PAR CUNG ZAD KYANG MED PAS
SO, ,DE LTA NA 'DI NAS BSHAD PA LTA BU'I STONG GZUGS KHYAD PAR CAN 'DI DAG MNGON SUM DU MTHONG BYA NI GA-YAS GA-YON GYI DKYIL 'KHOR BCU'I RLUNG GI RGYU BA DH'U T'I'I NANG DU ZHUGS PA'I STOBS KYIS MTHONG DGOS PAR RGYUD DANG SEMS 'GREL CHA LAG DANG BCAS PA NAS LAN BRGYA PHRAG ZHIG TU GSAL BAR GSUNGS SHING, KHYED RANG DAG GIS KYANG GSAL BAR SMRAS PAS PHA ROL TU PHYIN PA'I THEG PA CHEN PO'I LAM DU'ANG TSUL DE'I SGO NAS MTHONG BAR MI 'DOD BZHIN DU YANG KHAS LEN DGOS SO, ,DE LTAR NA PHAR PHYIN THEG PA'I LAM DER RDZOGS RIM THUN MONG MA YIN PA THAMS CAD BLA MED KYI SKABS JI LTA BA BZHIN DU BZHAG DGOS PAS PHAR PHYIN DANG SNGAGS KYI THEG PA'I LAM KHYAD MED DU SONG ZHING 'DI LTA BU LAS HA CANG THAL BA CI ZHIG SMRAR YOD, SNGON PO DANG DMAR PO DANG SKYE BO LA SOGS PA'I KHA DOG MI 'DRA BA DU MA DANG DBYIBS MI 'DRA BA DU MA MNGON SUM DU MTHONG NAS KYANG DE DAG LA CHA SHAS MI 'DRA BA CUNG ZAD KYANG MED DO ZHES SMRA BA LAS MNGON SUM LA BSNYON PA MCHOG TU GYUR PA MED LA, CHOS RNAMS KYI DE KHO NA NYID NI MNGON SUM DU MTHONG BA LTA ZHOG RTOG PA LA SPYIR 'CHAR BA NA'ANG RNAM PA RIGS MI 'DRA BA DU MA 'CHAR RGYU GTAN MED BA ZHIG DGOS PA YIN GYI DE KHO NA NYID KYI RNAM PA LA 'CHAR TSUL RIGS MI 'DRA BA MTHA' YAS PA MNGON SUM LA'ANG YOD PA DE LTA BU D'PHAGS PA'I YUL GYI THEG PA CHEN PO SU'ANG KHAS MI LEN LA, BDE BA SEMS SU MYONG BA DE NYID SKAD CIG KYANG MI 'GYUR BA'I RTAGS BAR KHAS LEN PA LAS GZHAN PA MU STEGS KYI GRUB PA'I MTHA' 'ANG MED DO, ,GAL TE MI 'GYUR BA'I BDE BA NYIS KHRI CHIG STONG DRUG BRGYA'I DBYE BA DANG BDE BA DE NYID SEMS KYI MYONG BYA YIN PA SOGS NI LAM GYI GNAS SKABS KYI BDE BA YIN PAS DE DAG CHA MED RTAG PAR KHAS MI LEN LA, GZHI 'BRAS
, ,KYI BDE BA CHA MED RTAG PAR KHAS LEN PA YIN NO ZHE NA, DE LTA NA MI 'GYUR BA'I BDE BA NYIS KHRI CHIG STONG DRUG BRGYA'I THA MA TSUN CHAD MI RTAG PAR YOD PA LA, DE'I RIGS 'DRA PHYI MA LHAN SKYES KYI SKU RTAG PAR SKYES 'ONG NA SHIN TU YA MTSAN TE, SKAD CIG SNGA MA MI RTAG PA LA DE'I RIGS 'DRA SKAD CIG PHYI MA RTAG PA DE LTA BU KHYED LAS GZHAN PA SU ZHIG GIS SHES, DE LTA NA LAM GYI STONG GZUGS MI RTAG PA DANG CHOS NYID MA YIN PA DANG, GZHI 'BRAS KYI STONG GZUGS RTAG PA CHA MED KYI CHOS NYID YIN PA'I KHYAD PAR 'BYED RIGS PAR 'GYUR TE, RNAM PA THAMS CAD DU MTSUNGS PA'I PHYIR RO, ,DE LTA NA 'ANG DE LA KHYAD PAR MI 'BYED CING STONG GZUGS DANG MI 'GYUR BA'I BDE BA DON GCIG PA KHAS BLANGS TE TSUL DE LTAR SMRAS NA DNGOS SU 'GAL LO, ,SOR SDUD KYI MTSAN MA DANG PO MTHONG BA NAS 'PHAGS PA YIN PAS KHYAB PAR THAL TE, DE LTA BU'I MTSAN MA DANG PO MTHONG BA'I BLO DE CHOS NYID MNGON SUM DU MTHONG BA'I RNAL 'BYOR MNGON SUM YIN PA'I PHYIR RO, ,DE LTA NA NI THEG CHEN GYI SA DANG PO THOB PA NAS 'BYUNG BAR GSUNGS PA'I YON TAN DE DAG LAS SNA GCIG KYANG MED CING, RJES THOB TU NYON MONGS MNGON GYUR CUNG ZAD KYANG KHA BRI BA'I RNAM PA TZAM YANG MED PA'I KHYED KYI THEG CHEN 'PHAGS PA DE LTA BU NI MA THOB KYANG CI MA RUNG STE, THEG CHEN MTHONG LAM THOB PA'I RNAM 'GYUR DE LTA LAS NA RDZOGS PA'I SANGS RGYAS LA'ANG SGRIB PA MA LUS PAR SPANGS PA DANG YON TAN MA LUS PAR RDZOGS PA 'ONGS MED PA'I PHYIR RO, ,DES LA, PHRUG GU'I DUS NAS SREG PA'I PHRU GU NYID DU YOD PA LAS, 'DAB GSHOG RDZOGS PA NA NAM MKHA' LDING GI DBANG POR 'GYUR BA KHYED LAS GZHAN PA SU ZHIG GIS KHAS 'CHE BAR NUS, 'GREL CHEN LAS, 'DIR DANG POR LAS DANG PO BA'I RNAL 'BYOR PAS MNGON PAR SHES PA MED PAR SHA'I MIG GIS
SNA TSOGS MTHONG NGO, ,DE NAS MNGON PAR SHES PA'I 'TSAMS KYI DBANG GIS LHA'I MIG GIS MTHONG NGO, ,DE NAS CHAGS PA DANG BRAL BA'I 'TSAMS KYI DBANG GIS SANGS RGYAS KYI SPYAN GYIS GZIGS SO, ,DE NAS BYANG CHUB SEMS DPA'I 'TSAMS KYI DBANG GIS SHES RAB KYI SPYAN GYIS GZIGS SO, ,DE NAS YANG DAG PAR RDZOGS PA'I SANGS RGYAS KYI 'TSAMS KYI THUGS KYI DBANG GIS YE SHES KYI SPYAN GYIS GZIGS TE, LHAG MA KUN LAS RNAM GROL ZHING, ZHES SO, ,DE LTAR DE BZHIN GSHEGS PA'I SHA LA SOGS PA'I SPYAN LNGA PO RNAMS NI STONG PA NYID GZIGS PA'I SLAD DU STA ZHES GSUNGS PAS, SOR SDUD KYI SKABS SU MTHONG BA NI MNGON SHES MED PAR SHA'I MIG GTZAM GYIS MTHONG BA YIN LA, 'PHAGS PA'I YE SHES SU 'GYUR BA LA NI BYANG CHUB SEMS DPA'I 'TSAMS KYI DBANG GIS SHES RAB KYI SPYAN GYIS MTHONG BA SOGS DGOS PA YIN PAS, SOR BSAM GYI SKABS LA SOGS PAR CHOS NYID MNGON SUM DU MTHONG YANG 'PHAGS PAR THAL BA'I SKYON MED DO ZHE NA, LTONG GZUGS MTHONG BA TZAM GYIS CHOS NYID MNGON SUM DU MTHONG BAR MI 'GYUR NA, STONG GZUGS MTHONG BA LA LAS DANG PO'I SKABS KYI MTHONG TSUL DANG MNGON SHES THOB PA'I SKABS KYI MTHONG TSUL DANG, 'PHAGS PA'I SA THOB PA'I SKABS KYI MTHONG TSUL LA SOGS PA'I DBYE BA RUNG GI ,SOR SDUD KYI SKABS SU SNGAGS BLA MED KYI THABS KHYAD PAR CAN GYIS ZIN PA'I LAM GYIS CHOS NYID MNGON SUM DU RTOGS NA SOR SDUD KYI SKABS SU MNGON SHES MA THOB PA'ANG 'GAL LA, DER SHES RAB KYI SPYAN GYIS MA MTHONG BA'ANG 'GAL LO ZHES SMRA BA YIN NO, ,DE'I PHYIR TSUL DE NYID LA LAN GDAB PAR BZOD DGOS KYI, DE TZAM GYI LUNG GIS TSIG GIS KHYED CAG LA SKYABS BYED PAR MI 'GYUR
, ,TE, SOR SDUD KYI SKABS SU CHOS NYID MNGON SUM DU MTHONG BAR STON PA'I LUNG RNAM PAR DAG PA ZUR TZAM YANG MED CING, TSUL DE NI RIGS PA'I LAM LAS 'DAS PA'I PHYIR RO, ,GZHAN YANG LE'U LNGA PA'I 'GREL CHEN DU, STONG GZUGS KYI PHYAG RGYA LAS MI 'GYUR BA'I BDE BA 'BYUNG BA MI RIGS TE, DE LA RDUL PHRA RAB TSOGS PA'I LUS MED PA'I PHYIR ZHES PA'I RTZOD PA LA RMI LAM GYI DPES, BDE BA MYONG BA LA RDUL PHRAN TSOGS PA'I LUS MI DGOS PA SOGS 'BAD PAS BSGRUBS PA'I DGOS PA NI, 'BRAS BU'I DUS SU BEM PO'I KHAMS MA LUS PAR ZAD KYANG MCHOG TU MI 'GYUR BA'I BDE BA MYONG BA'I RTEN STONG GZUGS KYI SKUS BYED PAR 'GRUB PA'I DON DU YIN LA, SKABS DER STONG GZUGS KYANG RMI LAM GYI SNANG BA DANG 'DRA BAR RANG GI SEMS KYI SNANG BA TZAM DU GSUNGS PAS SEMS LAS DON GZHAN PA'I RTAG PA BDEN PA BAR 'DOD PA NI MUN SPRUL TE, DE YANG RGYUD KYI LE'U LNGA PA LAS, LUS NI DvANGS SHING RDUL PHRAN NYAMS PA NAM MKHA' DANG MTSUNGS MTSAN LA SOGS PA RNAMS KYIS RAB RDZOGS 'GYUR, ZHES PA NAS, SEMS NI DAM PA'I BDE BAS GANG ZHING MI GA-YO THAMS CAD DUS SU LHAN CIG SKYES PAS 'KHYUD PA'O, ,ZHES SKU GSUNG THUGS NGOS BZUNG BA NA RDUL PRA PHRA RAB TSOGS PA'I LUS NYAMS SHING ZAD PA DVANGS SHING THOGS PA MED PAS NAM MKHA' DANG 'DRA BA'I STONG GZUGS MTSAN DPES SPRAS PA SKU DANG, MI 'GYUR BA'I BDE BA THUGS SU BSHAD DO, ,DES NA DU BA LA SOGS PA'I STONG GZUGS GZHAN RNAMS KYANG GANG DU GNAS GYUR TE MTHAR YE SHES KYI SKU DE 'GRUB PA YANG, LE'U LNGA PA LAS, SA NI CHU LA RAB TU 'JUG CING CHU YANG 'BAR BYED LA STE GTZANG PAR BYED PA RLUNG LA'O, ,RLUNG NI STONG PA LA STE STONG PA NGES PAR MTSAN
MA RNAM PA BCU RU 'GYUR ZHING MTSAN MA NI, ,RNAM PA THAMS CAD PA RU 'GYUR TE MI ZAD MCHOG GI BDE BA GZHOM DU MED PA'I YE SHES SKU, ,YE SHES LAS NI RDZU 'PHRUL DNGOS GRUB TU 'GYUR MI BDAG SKYES BU RNAMS KYI SKYE BA 'DI NYID LA'O, ZHES GSUNGS SO, ,DES NA GSANG 'DUS 'PHAGS LUGS PA DAG ,BDAG BYIN RvABS DANG SGYU LUS DANG KUN RDZOB BDEN PA ZHES PA RNAMS ZUNG 'JUG GI 'JA' LUS KYI SKU'I RGYU THUN MONG MA YIN PAR 'DOD CING, DE LA BSNGAGS PA CHE BA BZHIN DU, 'GREL PA SKOR GSUM NAS STONG GZUGS LA BSNGAGS PA CHE BA YANG DE'I DON YIN TE, BDE MCHOG BSTOD 'GREL LAS, SLAR YANG RANG BYIN RLABS PA STE, ,RJES MTHUN CHO GA'I RIM PA YIS, ,PHYI NAS MTSAN MA MTSON PAR BYA ZHES GUR LAS GSUNGS PA'I DON BKRAL PA NA, 'DIR RANG BYIN GYIS BRLABS PA ZHES BYA BA NI, SO SOR SDUD PAS KUN RDZOB KYI BDEN PA MTHONG BA'O,,MTSAN MA ZHES BYA BA NI SPRIN DANG DU BA LA SOGS PA LTAR RAB TU SNANG BA STE, DE YANG SGRON ME'I MTHAR THUG PAR DANG PO MTHONG BA'O, ZHES STONG GZUGS RANG BYIN RLABS DANG KUN RDZOB BDEN PAR GSUNGS LA, N'A RO PAS KYANG GANG ZHIG BSGOM BYA NI SO SOR SDUD PA DANG, BSAM GTAN GYI YAN LAG GIS BRTAN PAR BYAS PA KHAMS GSUM PA RAB TU GSAL BA'I BDAG NYID KUN RDZOB KYI BDEN PA STE, RJES SU DRAN PAS DE'I RNAL 'BYOR YANG DAG PAR SPO'O, ,DE'I RNAL 'BYOR NI KUN RDZOB KYI BDEN PA'I RNAL 'BYOR TE, YANG DAG SPO NA NAM MKHA'I MTHIL MTHA' DAG KHYAB PAR BLTA BAR BYA'O, ZHES DANG, GZHAN YANG, SGYU MA DANG RMI LAM DANG DRI ZA'I GRONG KHYER DANG
, ,PRA PHAB PA LA SOGS PA BZHIN DU MA BRTAGS PA'I PHUNG PO DANG KHAMS DANG SKYE MCHED LA SOGS PA MA LUS PA MTHONG BA KUN RDZOB KYI BDEN PA MTHONG BA STE, RANG BYIN BRLABS PAR YANG BRJOD DO, ZHES DBANG MDOR BSTAN GYI 'GREL PAR GSUNGS LA, RDO RJE SNYING 'GREL LAS KYANG, 'DIR NAM MKHA' LA DNGOS PO BSGOM BYA NI RMI LAM LTA BU STE RDUL PHRA RAB KYI CHOS NYID LAS 'DAS PA'O, ,DE YONGS SU SHES PA NI DNGOS PO MED PAR BSGOM PAR BYA STE RNAM PAR RTOG PA DANG BRAL BA'I SEMS KYIS SNANG BRNYAN MTHONG BA DE'O, ZHES STONG GZUGS DNGOS PO KUN RDZOB KYI BDEN PA DANG DE GNYIS DNGOS PO MED PAR SHES PAR BYA BAR GSUNGS NAS, TSUL JI LTA BU'I SGO NAS DNGOS PO MED PAR SHES PAR BYA BA 'CHAD PA NA DE NYID LAS, SNANG BRNYAN DE NYID DPE DGU RNAMS KYIS BSGRUBS STE 'DI LTA STE, MIG YONG DANG, SPRUL PA'I GRONG KHYER DANG, SGRA BRNYAN DANG, RMI LAM DANG, SGYU MA'I 'PHRUL 'KHOR DANG, SMIG RGYU DANG, ME LONG GI GZUGS BRNYAN DANG, CHU ZLA DANG, NAM MKHA' ZHES PA'O, ,DE NYID SHES RAB AE YIG TU 'GYUR RO, ZHES STONG GZUGS PHYAG RGYA CHEN MO DE NYID RMI LAM SGYU MA SOGS DANG MTSUNGS PA'I DNGOS PO DANG BDEN PA'I DNGOS PO MED PAR GSAL BAR GSUNGS SHING, DE LTA BU'I CHOS CAN STONG GZUGS PHYAG RGYA CHEN MO DANG, DE NYID BDEN PAR GRUB PAS STONG PA'I CHOS NYID DE GNYIS GA SHES RAB AE YIG GI NGES DON DU BSHAD DO, ,DE'I PHYIR STONG GZUGS KYI RANG BZHIN BDEN STONG DON DAM BDEN PA YIN YANG STONG GZUGS NI KUN RDZOB GYI
BDEN PA YIN PAS STONG GZUGS SGRUB PAR RANG DBANG GI RTAG PAR SMRA BA NI STONG GZUGS BSGRUB PAS CI ZHIG BYED PA MA SHES PA'I BCOL LO, ,DE YANG SNGAR BSHAD PA LTAR DU BA LA SOGS PA'I STONG GZUGS RNAMS GONG NAS GONG DU GNAS GYUR TE, RJES DRAN GYI SKABS SU DNGOS GNAS LA STONG GZUGS KYI 'DOD LHA'I YAB YUM GYI SKUR SNANG BA NI 'BRAS BU'I GNAS SKABS KYI RDO RJE'I SKU MTHAR THUG PA'I RIGS 'DRA'I NYER LEN MTSAN NYID TSANG BA YIN LA, DE LTA NA YANG SKU DE SKAD CIG KYANG RGYU NI MI CHAD PAR RANG GI LUS RAGS PA 'DI LTA BUR GOS RANG DBANG DU MAN NA NAS GNAS NUS PA LA DE'I BGEGS KYI GTZO BO RDUL PHRA RAB TSOGS PA'I LUS NYAMS PAR BYA DGOS SHING, DE NI GSAR 'GYUR GYI RTZIS LCAGS GSER DU BSGYUR BA BZHIN DU BYANG SEMS DH'U TI'I NANG DU GNAS GZHAN DU MI 'GYUR BAR BCINGS PAS BEM PO'I KHAMS ZAD PAR BYED PA'I TSUL RGYAS PAR LE'U LNGA PAR 'CHAD PAR 'GYUR RO, ,DE LTAR MI 'GYUR BA'I BDE BA KHYAD PAR BSGRUB PA'I CHED DU STONG GZUGS KHYAD PAR BA THABS DU MAS 'BAD NAS BSGRUB PA DANG, STONG GZUGS KYI PHYAG RGYA RGYU DANG MI 'GYUR BA'I BDE BA 'BRAS BU YIN PAR DBANG MDOR BSTAN RTZA 'GREL DANG 'GREL PA SKOR GSUM DU LAN GCIG MA YIN PAR BSGRUBS PA DANG, DE YANG KHAMS DKAR DMAR LUS KYI NANG NAS PHYIR MI 'DZAG PAR 'CHING BA TZAM NI THABS KHYAD PAR CAN GYI SGO NAS LAS DANG YE SHES KYI PHYAG RGYAS KYANG SHIN TU NUS MOD KYANG, BYANG SEMS DKAR DMAR DH'U T'I'I NANG DU NOR BU'I RTZE NAS GTZUG TOR BAR DANG, GTZUG TOR NAS NOR BU'I RTZE BAR DU RIM PA BZHIN BRTZEGS NAS GNAS GZHAN DU MI 'GYUR BAR RGYAS 'DEBS PA'I PHYAG RGYA NI STONG GZUGS
, ,PHYAG RGYA CHEN PO LAS GZHAN GANG GIS KYANG DNGOS SU MI NUS SHING, THIG LE DE LTAR GNAS PA LA BRTEN NAS LUGS 'DI'I MI 'GYUR BA'I BDE BA THUN MONG MA YIN PA SKYE BA YIN PAS, DE'I PHYIR, LAS KYI PHYAG RGYA YONGS DOR ZHING, YE SHES PHYAG RGYA RNAM PAR SPANGS, ,PHYAG RGYA CHE LAS YANG DAG SKYES, ,LHAN SKYES GZHAN DANG 'GROGS PA MIN, ZHES SOGS KYIS LUGS 'DI'I KHYED CHOS GTZO BO RANG NI STONG GZUGS DANG MI 'GYUR BA'I BDE BA THUN MONG MA YIN PA'I BSKYED BYA SKYED BYED DU 'GYUR BA 'DI YIN PAR RGYUD DANG 'GREL BA'I MGO 'JUG PAR GSUM DU MA ZHIG TU CHES GSAL BAR RTZAL DU BTON NAS BSHAD PA LA STONG GZUGS RGYUS BSKYED DU MI RUNG ZHING, 'BRAS BU MI 'BYIN PA'I RTAG PA BDEN PA GZHUNG 'DI DAG GI DGONGS PA'O ZHES BZLOG STE SMRA BAR MA BYED CIG, GZHAN YANG STONG GZUGS PHYAG RGYA CHEN MO MI 'GYUR BA'I BDE BA SNGAR YOD GSAR DU SKYED PA'I RGYU MA YIN PA DANG, RTAG PA'I RGYU 'BRAS YIN PAR SMRA BA NI GRANGS CAN GYIS SPYI GTZO BO DANG RNAM 'GYUR RNAMS RGYU 'BRAS SU 'DOD TSUL SOR BZHAG BYAS PA'I LUGS YIN GYI SANGS RGYAS PA'I GRUB PA'I MTHA'I PHYOGS TZAM NA YANG MI GNAS LA, MDO SDE BA YAN CHAD KYI KYI SANGS RGYAS PA'I GRUB PA'I MTHA' SMRA BA MTHA' DAG GI LUGS LA, RTAG PA NI 'JIG PA RNAM PAR BCAD TZAM LA 'DOD KYI, DGAG BYA BCAD PA LA MI LTOS PAR BLO YUL DU 'CHAR BA'I SGRUB PAR RANG DBANG BA'I RTAG PA NI PHYI ROL PA DANG NANG GI SDE PA RTAG DNGOS KHAS LEN PA DAG KHO NA'I LUGS
YIN LA, JI SRID LTA BA MDOR BA'I RING LA GANG ZAG GI BDAG MED THUN MONG BA RAGS PA TZAM YANG BSTAN PA'I SNOD DU MI RUNG NA, BDAG MED GNYIS GI MTHAR THUG PA BSTAN PA'I SNOD DU RUNG BA LTA SMOS KYANG CI DGOS, ,STONG GZUGS PHYAG RGYA CHEN MO DANG MI 'GYUR BA'I BDE BA CHA MED GCIG YIN KYANG PHAN TSUN RGYAS KANG BA BYA DANG 'DEBS BYED DU SMRA BA'ANG BYA BYED GCIG TU KHAS LEN PA YIN PAS BDAG YIN PAS BDAG SKYE KHAS LEN PA LA SOGS PA'I MU STEGS KYI LUGS RNAMS RIGS PA GANG GIS 'GOG PA SOMS SHIG, ,MI 'GYUR BA'I BDE BA ZHES PA'I MI 'GYUR PA'I DON YANG SKYE 'JIG MI BYED PA'I RTAG PA NI MA YIN TE, MI 'GYUR BA'I BZLOG PHYOGS KYI 'GYUR BA NI RGYU LAS SKYES PA DANG SKAD CIG GNYIS PA'I DUS SU SKAD CIG DANG PO MI GNAS PA'I MI RTAG PA LA MA GSUNGS KYI KHAMS 'PHO BA'I 'GYUR BA LA LAN DU MAR GSUNGS PA'I PHYIR RO, ,DES NA STONG GZUGS KUN RDZOB PA YUL CAN LAS LOGS SU GRUB PA LTA BUR SHAR BA LA DGONGS NAS DMIGS PA DANG, BDE CHEN GYIS DE'I CHOS NYID BDEN STONG RTOGS PAS BDE BA DMIGS MED DU GSUNGS PA'I TSUL SNGAR YANG BSHAD CING DA DUNG 'CHAD PAR 'GYUR LA, LE'U LNGA PA'I 'GREL CHEN LAS KYANG, STONG PA NI CHOS RNAMS LA SKYE BA DANG 'GAG PA MED PA'I RANG GI SEMS KYI SNANG BA'O, ,YE SHES NI DE RAB TU RTOGS PA'I MI 'GYUR BA'I BDE BA'O, ZHES STONG GZUGS DE KHO NAR SKYE 'GAG RANG BZHIN GYIS GRUB PAS STONG PA'I CHOS NYID MI 'GYUR BA'I BDE BAS RTOGS PAR GSUNGS SO, ,GZHAN YANG THEG PA CHEN POR SHING RTA CHEN PO DAG GANG GI LUGS LA YANG, GNAS LUGS KYI DON GANG RTOGS NAS GOMS PAR BYAS PAS 'KHOR BAR 'CHANG BA'I RTZA BA BAG
, ,CHAGS DANG BCAS PA MA LUS PAR DAG PAR BYED NUS PA'I RTAGS BYA'I DON MTHAR THUG PA LA DE KHO NA NYID CES BYA ZHING DE RTOGS PA LAS ZAB DON RTOGS PA DANG DMIGS MED KYI DON RTOGS PAR 'JOG PA YIN LA, 'DI'I LUGS KYAS KYANG 'KHOR BA'I RTZA BA BDAG 'DZIN BZHED PA YIN PAS BDAG 'DZIN DES BZUNG BA LTAR GYIS BDAG MED PA'I DON RTOGS PA GOMS PAR BYAS PA NYID KYIS 'KHOR BA'I RTZA BA BAG CHAGS DANG BCAS PA DAG PAR BYA DGOS PA YIN TE, LE'U LNGA PA'I 'GREL CHEN LAS, 'DOD CHAGS KYI 'DZAG PA'I BAG CHAGS KYI DBANG GIS 'KHOR BAR 'KHOR BA YIN NA MA RIG PA'I BAG CHAGS KYI DBANG GIS 'KHOR BAR GSUNGS PA DANG 'GAL LO ZHES PA'I LAN DU, MA RIG PA NI 'DIR SEMS CAN RNAMS KYI THOG MA MED PA'I 'DOD CHAGS KYI BAG CHAGS SO, ZHES PHA ROL TU PHYIN PA'I THEG PA CHEN PO'I DES DON GYI GSUNG RAB GZHAN NAS MA RIG PA'I BAG CHAGS ZHES GSUNGS PA DANG, 'DIR 'DZAG PA'AM 'PHO BA'I BAG CHAGS ZHES BSHAD PA GNYIS GNAD GCIG TU GSUNGS TE KHYAB CHE CHUNG GI KHYAD PAR CUNG ZAD TZAM MO, ,DE BZHIN DU LE'U GNYIS PAR, SGYU MAS RMONGS PAR BYAS PA'I MTHA' DAG 'GRO BA 'DI NI SDUG BSNGAL DAG LAS SDUG BSNGAL 'DZIN PAR BYED, CES PA'I 'GREL PAR, 'DIR 'KHOR BA'I SGYU MA NGAR 'DZIN PA DANG NGA YIR 'DZIN PA'I BDAG NYID CAN GYIS RMONGS PAR BYAS PA NI DMYAL BA DANG YI DvAGS DANG DUD 'GRO'I SDUG BSNGAL DAG LAS SDUG BSNGAL 'DZIN PAR BYED PA'O, ZHES BDAG DANG BDAG GIR 'DZIN PAS
RMONGS PAR BYAS PAR GSUNGS PAS, MA RIG PA 'KHOR BA'I RTZA BAR GSUNGS PA YANG 'JIG LTA LA BZHED PA YIN LA, DE NYID SRED PA'I SA BON YIN PAS 'DOD CHAGS KYI BAG CHAGS ZHES PA'I MING DU BYAS PA 'DOD CHAGS KYI SA BON DU YANG 'GYUR RO, ,DES NA 'KHOR BA'I RTZA BA BDAG 'DZIN YIN PA 'DI THEG PA CHE CHUNG SNGAGS MTSAN NYID THAMS CAD KYI LUGS YIN PAS BDAG MED RTOGS PA'I SHES RAB NI 'KHOR BAR 'CHING BA'I RTZA BA GCOD BYED DU BZHED PA YIN LA, DE BAS NA LE'U BZHI PA'I 'GREL CHEN LAS, DE NAS RTZA BA GSUM DRAN PAR BYA STE, BYANG CHUB TU SEMS BSKYED PA DANG, BDAG MED PA RNAM PAR DAG PA DANG, BDAG TU 'DZIN PA DANG BDAG GIR 'DZIN PA YONGS SU SPONG BA'O, ZHES BDAG 'DZIN SPONG BYED BDAG MED RTOGS PA'I SHES RAB NYID LAM GYI RTZA BAR GSUNGS LA, DBU MA RNAMS KYIS 'GYUR BA MED PA'I BDE BA CHEN PO GNYIS SU MED PA'I YE SHES BSGOM PA NA'ANG BDAG MED P0A GNYIS KYIS BSGOM PAR BYA STE, LE'U LNGA PA'I 'GREL CHEN LAS, DBU MA PA RNAMS LA RMI LAM LTA BUR 'GYUR BA MED CING GNYIS SU MED PA'I YE SHES BSGOM PA STE, DE LTAR GANG ZAG LA BDAG MED PA DANG CHOS LA BDAG MED PA'O, ZHES GSUNGS SO, ,DES NA SNGAGS BLA MED DANG PHAR PHYIN THEG PA LA RTOGS BYED KYI BLO BDE BA CHEN POS RTOGS PA DANG DE LAS GZHAN PA'I YID SHES TZAM GYIS RTOGS PA'I KHYAD PAR SHIN TU CHE BA MA GTOGS, RTOGS BYA'I DE KHO NA NYID NI PHAR
, ,PHYIN THEG PA'I DBU MA PAS GTAN LA PHAB PA'I BDAG MED GNYIS KYI DON MTHAR THUG PA LAS 'DIR YANG CUNG ZAD KYANG MED PAS 'DIR NANG LE'I MDOR BSDUS BDUN PAS DE KHO NA NYID GTAN LA 'BEBS PA NA BDAG GNYIS SU 'DZIN PA RGYAS PAR BKAG NAS BDAG MED GNYIS RIG PAS GTAN LA PHAB CING, CHOS BDAG 'GOG PA'I RIGS PA YANG MDOR BSDUS DE'I 'GREL CHEN LAS, DE'I PHYIR DBU MA PAS SMRAS PA, RNAM PAR SHES PA DON DAM YOD, ,DE YANG MKHAS RNAMS MI 'DOD DE, ,GCIG DANG DU MA'I RANG BZHIN DANG, ,BRAL BAS NAM MKHA'I PADMO BZHIN, ,YOD MIN MED MIN YOD MED MIN, ,GNYIS GA'I BDAG NYID MIN PA'ANG MIN, ,MTHA' BZHI RNAM PAR GROL BA YI, ,DE NYID DBU MA PA YIS RIG, CES GCIG DANG DU BRAL GYI RIGS PA DANG, YANG 'GREL CHEN LAS, DE'I PHYIR 'BRAS BU NI RANG LAS MA YIN, GZHAN LAS MA YIN, GNYIS GA LAS MA YIN, RGYU MED PA CAN YANG MA YIN NO, ZHES MTHA' BZHI'I SKYE BA 'GOG PA SOGS DBU MA'I RIGS PA JI LTA BA BZHIN DU GSUNGS LA, RDO RJE SNYING 'GREL LAS KYANG, SA BON LAS KYANG MYU GU BZHIN, ,DE MED PAR NI DE MI 'BYUNG, ,'BRAS BU RGYU'I RANG BZHIN LAS, ,BDAG LAS MA YIN GZHAN LAS MIN, ,GNYIS LAS MA YIN RGYU MED MIN, ,DNGOS PO GANG RNAMS 'GA' NA YANG, ,SKYE BA NAM YANG YOD MA YIN, ZHES SA BON LA MYU GU LTOS NAS SKYE BA DANG, 'ON KYANG RGYU LAS 'BRAS BU RANG BZHIN GYIS SKYE BA MTHA' BZHI PO GANG DU'ANG MA GRUB PA, 'PHAGS PA KLU SGRUB KYIS RTZA SHER GSUNGS PA'I DON
DPAL LDAN ZLA BAS JI LTAR BKRAL BA DANG MTHUN PAR GSAL BAR BSHAD LA, 'GREL CHEN LAS, 'DI NI MDOR BSDUS PAS GSUNGS PA STE, RGYAS PAR LUNG RGYA CHEN PO LAS SHES PAR BYA'O, ZHES BDAG MED GNYIS BTAN LA 'BEBS TSUL RGYAS PAR DBU MA SOGS KYI GZHUNG LUGS LAS SHES DGOS PAR YANG GSUNGS SO, ,RGYUD 'DI 'GREL BA DANG BCAS PA LAS GSUNGS PA'I TSUL NI DE LTAR YIN PA LA, STONG GZUGS MNGON SUM DU MTHONG BA'I BLOS NI BDAG MED GNYIS GANG YANG RTOGS PA MA YIN TE, 'DI LTAR STONG GZUGS DE KHO NA NYID YIN NA STONG GZUGS DNGOS SU MTHONG BA DE KHO NA NYID DNGOS SU MTHONG BAR BYA DGOS LA, DE LTA NA BLO DE LA STONG GZUGS KYI RNAM PA 'CHAR BA NA BDAG BKAG PA'I RNAM PA 'CHAR DGOS PA LA, SOR SDUD KYI SKABS SU DU SOGS KYI MTSAN MA SNANG BA LTA BU'I BLO DE LA DU SOGS KYI MTSAN MA DE GANG ZAG GI BDAG DANG CHOS KYI BDAG GANG YANG BKAG PA'I RNAM PAR MI SNANG GI, DA LTA MIG LA ME DU SEGS KYI RNAM PA 'CHAR BA LTAR YUL SGRUB PA'I RNAM PA 'CHAR TSUL DU MYONG BAS GRUB PA'I PHYIR RO, ,DE LTA NA BDAG MED GNYIS GANG YANG BSGOM PA MIN PA'I DE KHO NA NYID BSGOM PAR 'DOD PA NI MU STEGS PA'I GRUB MTHA' SMRA BA LAS GZHAN SU YANG MED LA, DE 'DRA BA'I DE KHO NA NYID BSGOM PAS 'KHOR BA'I RTZA BA BDAG 'DZIN LA DNGOS SU GNOD PA CUNG ZAD KYANG MED DO, ,DE'I PHYIR 'DIR YANG STONG NYID NI 'PHAGS PA KLU SGRUB KYI RIGS PA'I TSOGS KYIS RGYAS PAR GTAN LA PHAB PA LTAR SHES
, ,BAR BYA BA YIN GYI GZHUNG DE DAG GIS BSTAN PA'I STONG PA NYID NI CHAD PA'I STONG PA NYID DO ZHES SKUR BA GDAB PAR MI BYA LA, 'PHAGS PA KLU SGRUB NI RIGS LDAN 'JAM DPAL GRAGS PAS BSDUS PA'I RGYUD PHYI MA LAS KYANG KHUNGS SU DRANGS TE, DE LAS JI SKAD DU, SKU RNAMS KYI MTSAN NYID GANG DE 'DIR NI BDE BAR GSHEGS DANG 'PHAGS PA KLU SGRUB BOD KYIS KYANG STE, GANG ZAG GCIG MIN DU MA MA YIN RANG DANG GZHAN LA PHAN PA PHUN TSOGS CHEN PO'I GZHIR GYUR PA; ZHES SOGS SKU GSUM LA BSTOD PA DRANGS SO, ,DE YANG RGYAL BAS 'PHAGS PA KLU SGRUB LUNG BSTAN PA NA YANG, YOD DANG MED PA'I PHYOGS 'JIG BYED, CES SOGS KYIS MTHA' THAMS CAD DANG BRAL BA'I DE KHO NA NYID BSTAN NAS BSTAN PA'I SNYING PO GSAL BAR BYED PAR GSUNGS PA NI, DBU MA RIGS TSOGS KYIS TSUL 'DI LTAR STONG NYID GTAN LA PHAB PA LA DGONGS PA YIN GYI, DE DAG NAS BSTAN PA CHAD STONG YIN NA GZHAN DE LTAR GSUNGS PA'I RGYU MTSAN CI ZHIG YOD, GZHAN YANG 'GREL CHEN LAS, RDO RJE NI MI PHYED PA DANG MI CHOD PA CHEN PO YIN LA, DE NYID THEG PA YIN PAS NA RDO RJE THEG PA STE, GSANG SNGAGS KYI TSUL DANG PHA ROL TU PHYIN PA'I TSUL 'BRAS BU DANG RGYU'I BDAG NYID GCIG TU 'DRES PAR GYUR BA'O, ZHES PAS RGYU'I THEG PA PHA ROL TU PHYIN PA'I TSUL GYI STONG PA NYID DANG, 'BRAS BU'I THEG PA SNGAGS KYI TSUL GYIS BDE BA CHEN PO DBYER MI PHYED PAR SBYOR BA SNGAGS BLA MED KYI RDO RJE THEG PA 'DI LA DGOS PAR GSUNGS PA NI, PHAR PHYIN THEG PA NAS
CHOS THAMS CAD BDEN MED DU GTAN LA PHAB PA'I STONG NYID DANG SBYOR BA'I DON YIN GYI, RNAM KUN MCHOG LDAN STONG GZUGS PHYAG RGYA CHEN MO PHAR PHYIN THEG PA'I TSUL GYI STONG NYID DU 'ONG DON CI ZHIG YOD, RIG PA RNAL DU ZHOG LA SMRA BAR GYIS SHIG RDO RJE SNYING 'GREL LAS KYANG, RIGS PAS RNAM PAR DPYAD NAS SEMS CAN DANG SANGS RGYAS LA SOGS PA'I CHOS THAMS CAD RANG BZHIN MED PA'I STONG PA NYID BSGOM PAR BYA DGOS PAR GSUNGS TE, DE NYID LAS, STONG PA NYID LA DMIGS DON CHED, , SLAR YANG 'DI LTAR RNAM DPYAD BYA, ,RANG BZHIN MED PAS STONG PA STE, ,RGYU MED PA LAS MTSAN MA MED, ,RTAG TU MED LAS SMON MED NYID, ,MNGON PAR 'DU BYED SPANGS PA'O, ,SKYE DANG 'GAG PA SPANGS PA'I PHYIR, ,SMON PA'I DON NI MED PA'O, ,SANGS RGYAS NYID MED SEMS CAN MED, ,CHOS DANG CHOS MIN DE NYID MED, ,JI LTAR SGYU MA RMI LAM DANG, ,DRI ZA'I GRONG KHYER JI LTA BAR, ,DE LTAR SANGS RGYAS SEMS CAN RNAMS, ,DE KHO NA NYID BSGOM PAS BLTA ZHES SOGS BSGOM BYA'I DE KHO NA NYID NI CHOS THAMS CAD RANG BZHIN MED PA'I STONG PA NYID LA GSAL BAR GSUNGS LA, LE'U GNYIS PA'I MDOR BSDUS BDUN PA LAS KYANG, BDAG MED GNYIS GTAN LA PHAB ZIN PA'I MJUG TU, DE PHYIR SEMS CAN DON NI GCIG PU DAG DANG MI BDAG YID KYIS RANG BZHIN MED PA BSGOM BAR GYIS, ,ZHES DE LTAR RIGS PAS BDAG MED GNYIS GTAN LA PHEBS PA'I RJES SU RANG BZHIN MED PAR BSGOM PAR GYIS ZHES, NAN TAN DU GSUNGS PA LA, RANG BZHIN MED PA'I STONG NYID CHAD STONG YIN PAS BSGOM
, ,DU MI RUNG NGO ZHES RGYUD 'DI DANG SEMS 'GREL DAG TU JI LTAR GSUNGS PA LAS CHED DU GNYER NAS BZLOG STE MA SMRA SHIG, GZHAN YANG RDO RJE SNYING 'GREL LAS, GZHAN DU NA RGYUD GZHAN BLTAS NAS, GANG RIGS PAS 'THAD PA RGYUD MANG POS RTOGS PAR BYAS PA'I BCOM LDAN 'DAS KYI NGAG DE GZUNG BAR BYA'I BLUN PO'I DAD PA TZAM GYIS NI MA YIN NO, ZHES RGYUD DON MTHA' DAG LA RIGS PAS DPYAD NAS GANG RIG PAS GRUB PA'I DON BZUNG DGOS PAR GSUNGS SHING, MCHOG MI 'GYUR GYI MDOR BSDUS SU'ANG DE LTAR GSUNGS PA LA, RGYUD DON GYI GTZO BO DE KHO NA NYID RIGS PAS DPYAD NAS GTAN LA 'BEBS PA 'GOG PA DANG, RIGS PA YANG DAG GIS GTAN LA PHAB PA'I DON LA CHU SHING BZHIN DU SNYING PO MED DO, ZHES SMRA BA LAS MI RIGS PA SMRA BA MCHOG TU GYUR PA GANG ZHIG YOD, AE MA BLUN PO DAG GI BLO GROS 'DI NI NAM MKHA' LTAR GO SKABS SHIN TU YANGS PA ZHIG STE, TSAD KYIS GZHAL BAR MI NUS PA'I LOG PAR RTOG PA'I PHUNG PO 'DI LTA BU YANG DOG PA MED PAR GNAS BCAS TE 'DUS PA'I PHYIR RO, ,RANG GI LTA BA'I 'DOD PA MDOR BSTAN PA LAS GSUNGS PA'I PHUNG PO RNAM DPYAD KYI STONG PA, ZHES PA NI, RDUL PHRA RAB BSAGS PA'I PHUNGS SOGS KYI DNGOS PO RNAMS LA RIGS PAS RNAM PAR DPYAD PA NA CUNG ZAD KYANG MA RNYED PA'I TSE, DE LTAR BTZAL BAS MA RNYED PA DE PHUNG SOGS BDEN PAR MED PA'I DON DU MA GO BAR, DE NYID PHUNG SOGS GTAN NAS MED PA'I DON DU BZUNG STE, DE LTAR RIGS PAS BTZAL BA
NA RNYED RGYU CUNG ZAD KYANG MI 'DUG PA'I PHYIR PHUNG SOGS GTAN NAS YOD PA MA YIN NO, ,SNYAM DU BZUNG BA'I CHAD STONG BOD KYI DBU MA THAL 'GYUR PAR KHAS 'CHE BA MANG PO ZHIG GIS SMRA BA DE LTA BU LA GSUNGS PA YIN GYI, DON DAM DPYOD BYED KYI RIGS PA YANG DAG GIS RNAM PAR DPYAD NAS RANG BZHIN GYIS GRUB PA BKAG PA'I STONG PA NYID SNYING PO MED PAR STON PA MIN LA, MCHOG MI 'GYUR GYI 'GREL CHEN LAS RNAM PAR DPYAD PA'I STONG PA CHAD PA'I STONG PA LAS RING DU BYAS PA ZHES GSUNGS PA'I DON YANG DE DANG 'DRA'O, ,DE'I PHYIR RANG GI LTA BA'I 'DOD PA MDOR BSTAN PA LAS, ,PHUNG PO RNAM DPYAD STONG PA NYID, ,CHU SHING BZHIN DU SNYING PO MED, ,RNAM PA KUN GYI MCHOG LDAN PA'I, ,STONG NYID DE LTAR 'GYUR MA YIN, ,SKYE BA MED NA 'GAG MED PA'I, ,SHES BYA GANG ZHIG 'DIR MTHONG BA, ,STONG PA'I DNGOS PO STONG PA NYID, ,PHUNG PO RNAM PAR DPYAD PA MIN, ZHES GSUNGS PA'I SHLOO KA PHYI MAS GSAL BAR BSTAN TE, DE'I DON NI 'DI LTAR, SHES BYA YUL GANG ZHIG 'DIR MTHONG BA'I STONG PA'I DNGOS PO RNAM PA KUN LDAN GYI STONG GZUGS 'DI NI DON DAM PAR SKYE BA MED CING 'GAG PA MED PA'I STONG PA NYID DE, THA SNYAD DU'ANG PHUNG SOGS RNAMS YOD PA RNAM PAR DPYAD PA MIN NO ZHES BYA BA'I DON TO, ,DE YANG LUGS 'DIR RNAM PA KUN GYI MCHOG DANG LDAN PA'I STONG PA NYID CES LAN MANG DU GSUNGS SHING, RDUL PHRA RAB BSAGS PA'I PHUNG SOGS KYIS STONG PA ZHES KYANG GSUNGS PA NA, BEM POR GRUB PAS STONG PA'I SEMS KYI BDAG NYID GCIG LA 'JIG PA MA GO BAR, BEM PO'I PHUNG SOGS
, ,YOD PA BKAG PA'I STONG PA LA DE 'DRA BA'I STONG PA NYID DU 'DOD PA YIN NAM SNYAM PA'I LOG RTOG DGAG PA'I CHED DU DE LTAR GSUNGS SO, ,STONG GZUGS DANG MCHOG TU MI 'GYUR BA'I BDE BA RIGS PAS DPYAD BZOD DU BDEN PAR GRUB NA, LTA BA'I MDOR BSDUS SU RNAM SHES CHOS CAN DU BYAS NAS DE NYID LA BDEN PAR GRUB PA 'GOG PA'I GCIG DANG DU BRAL GYI RTAGS GSUNGS PA DE LA, CHOS CAN KHA SPOS NAS GZUGS DANG MI 'GYUR BA'I BDE BA CHOS CAN DU BZUNG STE RTAGS DE NYID BKOD NA RTAGS KYI TSUL GANG MI 'GRUB PA SMROS SHIG, STONG GZUGS LA MTHAR 'DZIN 'GOG PA'I GZHUNG 'CHAD PAR 'GYUR BA 'DI DAG GIS, STONG GZUGS RANG BZHIN GYIS GRUB PA'I GZUGS SU 'DOD PA DANG GTAN NAS GZUGS SU MED PA GNYIS GA 'GOG PAR MDZAD PA BZHIN DU DBANG MDOR BSTAN LAS KYANG, GAL TE YOD PA'I GZUGS MTHONG NA, ,RANG GI GDONG PA CIS MI MTHONG, ,GAL TE MED PA'I GZUGS MTHONG NA, ,RI BONG RVA YANG JI LTAR MIN, ZHES GSUNGS TE, DE'I DON NI, GAL TE RDO RJE'I RNAL 'BYOR GYI STONG PA'I GZUGS DU BA LA SOGS PA MTHONG BA DE RANG BZHIN GYIS YOD PA'I GZUGS MTHONG BA YIN NA, GANG LA YANG MA LTOS PAR MTHONG BAR 'GYUR TE, GZHAN LA LTOS NA RANG BZHIN GYIS GRUB PA 'GAL BA'I PHYIR RO, ,DE LTOS MED DU MTHONG ZHING GZHAN MI MTHONG BA'I KHYAD PAR MI MTHAD PAS, RANG GI GDONG PA LA SOGS PA KUN MTHONG BAR 'GYUR RO, ,GAL TE GTAN NAS MED PA'I GZUGS MTHONG NA RI
BONG GI RVA YANG CIS MI MTHONG STE MTHONG BAR THAL LO ZHES BYA BA'I DON TE, 'DI NI RTZA SHE LAS, BLTA DE RANG GI BDAG NYID NI, ,DE LA BLTA BA MA YIN NYID, GANG ZHIG BDAG LA MI BLTA BA, ,DE GZHAN DAG LA JI LTAR BLTA ZHES SOGS DANG, DBU MA 'JUG PA LAS, RANG BZHIN GYIS GZHAN DU GYUR PA'I RGYUS 'BRAS SU BSKYED NA LTOS MED DU 'BYUNG DGOS PAS ME LCE LAS KYANG MUN PA 'BYUNG BAR THAL BA SOGS GSUNGS PA DAG DANG RIGS PA'I TSUL 'DRA'O, ,'O NA STONG GZUGS DE'I MTHONG TSUL JI LTAR YIN SNYAM NA, RANG BZHIN GYIS MA SKYES PA'I DON MTHONG BA RMI LAM GYI BU DANG 'DRA BA YIN NO ZHES STON PA NI, SKYE BA MED PA MTHONG BA NI, ,GZHON NU MA'I BU JI BZHIN, ZHES GSUNGS PA LA, DE'I 'GREL BAR NA' RO PAS TING NGE 'DZIN RGYAL PO LAS, JI LTAR BU MO GZHON NU'I RMI LAM NA, ,BU PHO BYUNG ZHING SHI BA DE MTHONG NA, BYUNG NA DGA' ZHING SHI NA MI DGA' LTAR, ,CHOS RNAMS THAMS CAD DE BZHIN SHES PAR GYIS, ,ZHES PA DRANGS NAS, ,GZHON NU MAS SKYE BA MED PA SKYES PAR MTHONG BA DANG LDAN PA GANG YIN PA DE JI LTAR SKYES PA BZHIN DU DE'I BSKYED PAR BYED PA'O, ,ZHES RMI LAM GYI SNANG BA DANG STONG GZUGS KYI SNANG BA GNYIS RANG BZHIN GYIS MED BZHIN DU SKYES PAR 'DRA BAR GSUNGS SO, ,KHA CIG GZHUNG SNGA MA'I DON, DNGOS POR YOD PA'I GZUGS MTHONG NA, ,RANG GI GDONG PA'ANG CIS MI MTHONG, ZHES 'CHAD MOD, DE LTAR NA, DNGOS POR GRUB PA'I GZUGS MTHONG BA'I SO SO SKYE BO'I MIG SHES MI SRID PA'AM, SRID NA DES GZUGS KYI GSAL BA'I DBYE BA THAMS CAD MTHONG BAS KHYAB
, ,PA GANG RUNG DU 'GYUR DGOS LA, DNGOS POR GRUB PA'I GZUGS MI SRID NA RANG LUGS LA YOD PA'I DON CUNG ZAD KYANG KHAS BLANG DU MED PA'I CHAD PA CHEN POR 'GYUR RO, ,DES NA BDAG MED PA'I DON RIGS PA YANG DAG LA BRTEN NAS NGES PA'I RGYUN SKYONG RGYU MED PAR, GANG DU BZUNG YANG RTOG PA'I 'DZIN STANGS YIN PAS CIR YANG MI SEMS SHING GANG DU'ANG YID LA MI BYED PAR MA BCOS SO MA'I DON LA 'JOG PA DUS 'KHOR BA'I GNAS LUGS SGOM TSUL DU SMRA BA NI, RGYUD 'GREL GYI DON LA MNGON SUM DU BSNYON NAS LOG PAR SMRA BA YIN TE, LE'U LNGA PA'I 'GREL CHEN LAS, 'DIR GAL TE BSAM PA MED PA'I YE SHES SANGS RGYAS NYID STER BAR BYED PA YIN NA, DE'I TSE SEMS CAN THAMS CAD SANGS RGYAS SU CI'I PHYIR MI 'GYUR, DE RNAMS KYI GNYID MTHUG PO LA BSAM PA MED PA'I YE SHES RAB TU 'JUG CING, 'DOD PA'I DNGOS PO RNAMS LA CHAGS PA MED LA, MI 'DOD PA'I DNGOS PO RNAMS LA CHAGS PA DANG BRAL BA MED DO, ZHES SOGS KYIS PHYOGS DE LA DMIGS PHUG PA'I DGAG PA RGYAS PAR MDZAD NAS, ,DE'I MJUG TU, 'DIR DE BZHIN GSHEGS PA'I YE SHES NI CHOS THAMS CAD KYI RANG BZHIN MED PA NYID RTOGS PAR BYED PA STE, DNGOS PO THAMS CAD MED PA'I MTSAN NYID SHIN TU GNYID LOG PA'I SEMS NI MA YIN NO, ZHES DE BZHIN GSHEGS PAS JI LTA BA MKHYEN PA'I YE SHES NI CHOS THAMS CAD KYI GNAS LUGS RANG BZHIN MED PA RTOGS PA YIN GYI CI'ANG MA RTOGS PA MA YIN PAR GSUNGS
TE, DE NYID KYI SHES BYED DU SHER PHYIN GYIS MDO DRANGS SO, ,GNAS LUGS YANG DAG PA'I DON SPROS PA'I MTHA' THAMS CAD DANG BRAL BA YIN PAS BLO YANG DE DANG MTHUN PAR YOD MED DANG, STONG MI STONG SOGS GANG DU'ANG YID LA MI BYED CING CI'ANG MI SEMS PAR 'JOG PA GNAS LUGS SGOM TSUL DU SMRAS PA DE NYID KYIS GNAS LUGS KYI DON YANG DAG PA DE YOD MED DANG STONG MI STONG SOGS GANG DU'ANG MA GRUB PAR KHAS BLANGS TE, GNAS LUGS YANG DAG PA'I DON GYI GNAS TSUL DANG MTHUN PAR SEMS 'JOG TSUL YOD MED DANG STONG MI STONG SOGS GANG DU'ANG MI SEMS PAR 'JOG PA NYID YIN PAR KHAS BLANGS PA'I PHYIR RO, ,DE BAS NA GNAS LUGS YANG DAG PA'I DON BDEN PAR YOD PA SOGS SU CI TZAM SMRAS PA'I RTZA BA'I DAM BCA' BA RANG NYID KYIS NYAMS PAR BYAS SHING RIG PA RNAL DU GNAS PA SU ZHIG DE LTAR DAM 'CHA' BAR 'GYUR, GNAS LUGS SGOM TSUL DE LTAR KHAS LEN PAS NI CHOS THAMS CAD YOD MED GANG YANG MA YIN PAR SMRA BA'I GRUB PA'I MTHA' BLANGS NA MCHOG TU MDZES SO, , KHYOD KYI SHES PA RTAG PA DES YUL 'DZIN PA'I BYA BA BYED MI NUS NA SHES PA YIN PA NYAMS TE, GZHAN DU NA RI BONG GI RVA SHES PAR SMRAS KYANG SU ZHIG GIS DGAG PAR NUS, YUL 'DZIN PA'I BYA BA BYED NUS KYANG DNGOS PO MA YIN PAR SMRA NA DON BYED NUS PA LA DNGOS PO'I BRDANG 'DOGS PA TZAM LA YANGS RMONGS PA'I BLUN PO GNAG RDZI MO DANG KHYAD PAR MED DE, BUM PA MA DMIGS PA LA BUM PA MED PA'I THA SNYAD TZAM YANG MI SHES PA LTA BU'O, ,SEMS CAN GYI SEMS KYI CHOS NYID DES SHES BYA THAMS CAD MNGON
, ,SUM DU MI MKHYEN NA RDZOGS PA'I SANGS RGYAS KYI YON TAN THAMS CAD DANG DBYER MED CING 'BRAL MI SHES PA'I YE SHES MTHAR THUG YIN PA 'GAL LA, MKHYEN NA DE NYID SHES BYA THAMS CAD MNGON SUM DU MKHYEN PA LA BSGRIB PA'I SGRIB PAS MA SGRIBS PAR 'GYUR RO, ,DE 'DOD NA GLO BUR GYI DRI MA'I SDU BAS NA GNAS PAR DAM BCAS PA DNGOS SU NYAMS SHING, SEMS CAN SU YANG GLO BUR GYI DRI MA'I SGRIB BYED SEL BA'I PHYIR DU LAM LA GTAN NAS 'BAD MI DGOS PAR THAL LO, GLO BUR GYI DRI MA'I SGRIB BYED KYIS SGRIBS KYANG SHES BYA THAMS CAD MNGON SUM DU MKHYEN PA MI 'GAL NA, SEMS CAN THAMS CAD KUN MKHYEN DU THAL LO, ,'PHAGS PA KLU SGRUB KYIS CHOS DBYINGS BSTOD PA LAS KYANG, DE BZHIN NYON MONGS KYIS SGRIBS PA'I,, CHOS DBYINGS SHIN TU DRI MED PA'ANG, ,'KHOR BAR 'OD NI GSAL MA YIN, ,MYA NGAN 'DAS NA 'OD GSAL 'GYUR, ZHES SEMS KYI CHOS DBYINGS DE'I RANG BZHIN NYON MONGS PA RNAMS DANG BDAG 'DZIN GNYIS KYIS JI LTAR BZUNG BA LTAR MA GRUB PAS DRI MA MED PA'I RANG BZHIN RNAM DAG YIN KYANG DE NYID 'KHOR BA'I GNAS SKABS SU NYON MONGS KYIS SGRIBS PAR GSUNGS SHING, SA BON GYUR PA KHAMS DE NYID, ,CHOS RNAMS KUN GYI RTEN DU 'DOD, ,RIM GYIS SBYANGS PAR GYUR PA LAS, ,SANGS RGYAS GO 'PHANG THOB PAR 'GYUR, ,ZHES SEMS KYI CHOS NYID RANG BZHIN RNAM DAG GLO BUR GYIS DRI MAS SGRIBS PA'I GNAS SKABS NA CHOS NYID DE NYID CHOS KYI SKUR GNAS 'GYUR RUNG GI SA BON DANG, GNAS GYUR GYI RGYU RANG BZHIN GNAS RIGS SU GNAS
PAS KHAMS DANG, SANGS RGYAS KYI CHOS RNAMS KUN 'BYUNG RUNG GI RTEN DANG, DE NYID KHAMS SBONG BYED KYIS RIM GYIS SBYANGS PAS SANGS RGYAS THOB PAR GSUNGS KYI MA SBYANGS PA'I GONG NAS SANGS RGYAS YIN PAR MA GSUNGS LA, KHAMS DE SBYONG BYED KYI GTZO BO YANG MCHOG TU SEMS NI SBYONG BYED PA'I, ,CHOS NI RANG BZHIN MED PA YIN, ZHES CHOS RANG BZHIN MED RTOGS KYI SHES RAB LA GSUNGS LA, JI LTAR RI BONG MGO YI RVA, ,BRTAGS TZAM NYID DE MED PA LTAR, ,DE BZHIN CHOS RNAMS THAMS CAD KYANG, ,BTAGS PA NYID DE YOD MA YIN, ZHES CHOS RNAMS RANG BZHIN MED TSUL YANG RTOG PAS BTAGS PA TZAM KHO NA YOD KYI, RANG GI NGO BOS YONG TSUL RI BONG GI RVA DANG 'DRA PA LA GSUNGS PA SOGS RGYA CHER BSHAD DU YOD PA'I PHYIR RIGS TSOGS KYI RANG STONG DANG CHAD STONG DANG GZHU 'DIS GZHAN STONG YANG DAG PA'I STONG NYID BDEN GRUB BSTAN PAR SMRA BA NI MUN SBRUL 'BA' ZHIG GO, GZHAN YANG RGYUD BLA MA DANG CHOS DBYINGS BSTOD PA SOGS LAS DRI MA MA SBYANGS BA NA SEMS CAN DANG, SBYANGS PA NA SANGS RGYAS SU YANG YANG GSUNGS SHING, SEMS CAN GYI GNAS SKABS NA DRI BCAS DE BZHIN DANG, SANGS RGYAS PA NA DRI MED DE BZHIN NYID CES GZHUNG BCUGS NAS GSUNGS PA LA, SEMS CAN GYI GNAS SKABS NA'ANG DRI MED DE BZHIN NYID DANG, DRI MA MA SBYANGS PA'I DUS NAS KYANG SANGS RGYAS YIN PA SOGS BZLOG STE SMRAS NAS GZHUNG DE DAG GI DGONGS PAR SMRA BA DANG, GZUGS NAS RNAM MKHYEN GYI BAR GYI CHOS CAN DANG CHOS NYID 'KHOR BA DANG MYA NGAN LAS 'DAS PA SOGS MA LUS PA LA RE RE NAS 'GRES RKANG SBYAR NAS BDEN MED DU
, ,STON PA'I SHER PHYIN GYI MDO LA SOGS PAS KUN RDZOB KHO NA BDEN MED DU STON PA YIN NO ZHES SMRA BA SOGS NI RIG PA RNAL DU MI GNAS PA'I GTAM YIN MOD KYI 'DIR BDAG GI DGAG SGRUB RGYAS PAR MA SMRAS SO, ,MDOR NA LUGS 'DI NI KUN RDZOB THAMS CAD KHO RANG GIS KHO RANG STONG PA'I RANG STONG DU KHAS BLANGS NAS, ,THA SNYAD THAMS CAD LA SKUR BA 'DEBS PA'I CHAD PA'I LTA BRGYAD PHAN DANG MTSUNGS PA DANG, DON DAM CHOS THAMS CAD KYI RANG BZHIN CHA MED RTAG PA GRANGS CAN GYI SPYI GTZO BO JI LTA BA DANG, RANG LA GDOD MA NAS GNAS BA'I SHES PA RTAG PA DAM PA'I BDAG CES PA'I BDAG MTSAN NYID PA DE NYID MNGON SUM DU MTHONG BA DO 'PHROD PAS GROL BAR 'DOD PA BDAG SHES RIG GI SKYES BU RTAG PA MNGON SUM DU MTHONG BA NGO 'PHOD PAS GROL BAR 'DOD PA'I GRANGS CAN GYI LUGS JI LTA BA DAG LA BDE BAR GSHEGS PA'I SNYING PO DANG RNAM PA THAMS CAD KYI MCHOG DANG LDAN PA'I STONG BA NYID LA SOGS PA MING BZANG BA'I THA SNYAD KYIS BLUN PO DON LA RNAM PAR MI DPYOD PA MING TZAM GYIS MA GU BA DAG MU STEGS KYI RTAG CHAD KYI LTA BA MA LUS PA LA SBYOR BAR BYED CING, SGOM PA CI'ANG YID LA MI BYED PA RGYA NAG HA SHANG GI LUGS SOR BZHAG NAS SMRA BA'I PHYIR, LTA BA DANG BSGOM PA GANG YANG SANGS RGYAS PA'I GRUB PA'I MTHA' SMRA BA LAS PHYI ROL TU GYUR BA KHA NA YIN PAR SHES PAR BYA'O, ,GAL TE STOD GZUGS KUN RDZOB YIN NA YANG DAG PA DANG LOG PA'I KUN RDZOB GANG DU 'DOD CE NA,
DBU MA RANG RGYUD PA DAG THA SNYAD DU RANG BZHIN GYIS GRUB PA'I DON ZHAL GYIS BZHES SHING, KUN RDZOB LA YANG YUL CAN THAMS CAD YANG DAG KUN RDZOB DANG, YUL LA YANG DAG PA DANG LOG PA'I KUN RDZOB GNYIS SU DBYE BA MDZAD LA, 'JIG RTEN PA'I SHES PA LHAN SKYES KYIS THA SNYAD RANG DGAR BYED PA NA, YUL SKRA SHAD DU SNANG BA DANG, YUL CAN SKRAR SNANG GI SHES PA GNYIS GA'ANG LOG PA DANG, YUL ZLA GCIG DANG YUL CAN DE SNANG GI MIG SHES GNYIS GA YANG DAG PA'I THA SNYAD BYED KYANG, 'PHAGS PA'I DGONGS PA 'PHAGS PA LHA DANG SANGS RGYAS BSKYABS DANG DPAL LDAN ZLA BA SOGS KYIS LEGS PAR BKRAL BA'I DBU MA'I SROL BLA NA MED PA 'DI'I LUGS LA RANG BZHIN GYIS GRUB PA THA SNYAD DU YANG KHAS MI LEN PAS KUN RDZOB LA YANG DAG PA DANG LOG PA'I DBYE BA GNYIS THA SNYAD TZAM DU YANG RANG LUGS LA KHAS MI LEN TE, PHYOGS GZHAN DU RGYAS PAR BSHAD ZIN TO, ,GNYIS PA YAN LAG GI DON GYIS GZHUNG DON GTAN LA DBAB PA LA BZHI, ,GANG LA MTHA' GNYIS SU 'DZIN PA 'GOG PA'I GZHI NGOS BZUNG BA, GZHI DE RTAG CHAD KYI MTHA' DANG BRAL BA'I TSUL DPES BSTAN PA, GZHI DE LA RTAG CHAD KYI MTHA' 'GOG PA'I RIGS BRGYAS PAR BSHAD PA, DGAG BYA'I MTHA' NGOS BZUNG BRGYU MTSAN DANG BCAS PA'O, ,DANG PO NI, 'DIR RDO RJE'I RNAL 'BYOR NYAMS SU LEN PA LA ZHUGS PA RNAMS KYIS RDO RJE'I RNAL 'BYOR YUL DANG BCAS PA LA RTAG CHAD KYI PHYOGS SU 'DZIN PA THAMS CAD NYAMS PAR BYA BA'I SLAD DU RDO RJE'I RNAL 'BYOR GANG ZHIG RIS
, ,MED PA NAS, LHAN CIG SKYES PA'I DGA' BA'I BAR GYIS KHYAD PAR DU BYAS PA CAN 'DI NYID RTAG CHAD KYI PHYOGS SU 'DZIN PA 'GOG PA'I GZHIR BYED DO, ,DE LA GZHAN NI SNGAR BSHAD ZIN PA 'BA' ZHIG YIN LA, DBANG PO THAMS CAD PA, ZHES PA NI, STONG GZUGS MTHONG BA'I YID KYI SHES PA DE LA DBANG PO LNGA'I YUL GZUGS SGRA SOGS THAMS CAD KYI SNANG BA MNGON SUM DU 'CHAR BAS DBANG PO THAMS CAD ZHES BYA'I, DE TSE DBANG SHES THAMS CAD KYIS KYANG YUL 'DZIN PA SLOB LAM GYI RDZOGS RIM 'OG MA NGAG GI SKABS SU MI 'BYUNG NGO, ,SEMS CAN THAMS CAD KYI BDAG NYID DU GNAS PA ZHES PA NI STONG GZUGS PHYAG RGYA CHEN MO MI 'GYUR BA'I BDE BA DANG ZUNG DU 'BREL BA DE DA LTA NYID NAS YONGS SU RDZOGS PAR SEMS CAN THAMS CAD KYI BDAG NYID DU KHYAB NAS YOD PAR STON PA MA YIN TE, DE NYID SEMS CAN THAMS CAD KYI SEMS CAN THAMS CAD KYI SEMS KYI BDAG NYID DU KHYAB NAS YOD CES BSHAD PA'I YOD TSUL STON PA NA, SNGAR DRANGS PA LTAR, JI LTAR TIL SON TIL MAR DANG, ,JI LTAR SHING LA SON PA'I ME, ZHES DPE DE DANG MTSUNGS PAR BSTAN CING, TIL LA MA BTZIR BA'I DUS NYID NAS TIL MAR DNGOS NYID DANG, SHING LA DANG PO NAS ME DNGOS YOD PA GA LA YIN, DES NA DPE DE DAG DANG MTSUNGS PAR RKYEN DANG PHRAD NA 'BYUNG RUNG GI NUS PA 'AM KHAMS GNAS PA TZAM LA DGONGS PA YIN LA, DON 'DI NI DON DAM BSNYEN PA LAS KYANG GSAL BAR BSHAD DE, SHING LAS ME DANG CHU YI SHEL LAS CHU DANG NI, ,ZHO LAS MAR DANG RDO BA RNAMS LAS
LCAGS KYI RIGS, ,BUD MED SKYE GNAS 'GROGS PAS MI NYAMS BDE BA NI, ,SKAL LDAN RNAMS KYIS DE THABS SBYAR BAS BLANG BAR GYIS, ZHES ZHE LAS MAR 'BYUNG RUNG DU YOD PA DE BSRUB BA'I THABS KYI SBYOR BAS MAR LEN PA BZHIN DU SKAL LDAN GYIS KYANG THABS KYI SBYOR BAS MI 'GYUR BA'I BDE BA BLANG BAR BYA BA SOGS SU GSUNGS LA, ZHO LA MAR DNGOS SU YOD PA SNGAR MA MTHONG BA BSRUBS NAS MTHONG BAR BYAS BA NYID ZHO LAS MAR BLANGS PA'I DON MIN PA BZHIN NO, ,DE'I PHYIR DPE DON SBYOR SHES PAR BYA DGOS SO, ,DE LTAR NA 'DIR GANG LA PHYOGS SU 'DZIN PA DGAG PAR BYA BA'I BZHI RDO RJE'I RNAL 'BYOR NI STONG GZUGS PHYAG RGYA CHEN MO DANG MCHOG TU MI 'GYUR BA'I BDE BA'O, ,GNYIS PA NI, RDO RJE'I RNAL 'BYOR DE NYID LA RTAG CHAD KYI PHYOGS GNYIS KYI MTHA' DANG BRAL BA'I TSUL DPES STON PA'I 'GREL BA'I GZHUNG 'DI DAG GI DON 'CHAD PA NA, GZHAN DAG NA RE, STONG PA NYID KYIS GZUGS DANG LHAN SKYES KYI BDE BA CHEN PO 'DI DAG LA SGRUB BYED KYI GTAN TSIGS DANG MTSON BYED KYI DPE CUNG ZAD KYANG MED DE, SGRA RTOG GI YUL LAS 'DAS SHING DPES MTSON DU MED PAS SO, ,DE'I PHYIR 'DI LA DPE MED PA'I PHA TSAB DBANG DU BYAS NAS, BUM PA DANG NAM MKHA'I ME TOG GCIG PA SRID NA DE NYID 'DI'I DPER STON RIGS NA YANG, DE LTA BU MI SRID CING DPE GZHAN GANG GIS KYANG MTSON MI NUS PAS 'DI DAG DPE LAS 'DAS PA YIN NO, ,ZHES BSTAN PAR SMRA BA SHIN TU MI 'THAD DE, 'GREL PA NYID KYI TSIG ZIN GYIS CHOS MI MTHUN PAR GCIG TU GYUR PA NYID 'JIG RTEN PA'I DPER MI RUNG BA GSUNGS KYI, CHOS MI MTHUN PA GCIG PA'I DPE 'JIG RTEN LAS 'DAS
, ,PA'ANG MI SRID PAR MA GSUNGS PA'I PHYIR DANG, 'DI LA DPE GTAN NAS MI SRID NA, GZHON NU MA'I BRA PHAB PA SOGS 'DI'I DPER 'GREL BA'I GONG 'OG RNAMS SU LAN CIG MA YIN PAR SMRAS PA DANG KHAS BLANGS 'GAL BA'I PHYIR DANG, GTAN TSIGS MI SRID NA, LHAN CIG SKYES PA'I YE SHES RGYUD LAM SKYES PA'I SNGA ROL NAS RANG RGYUD KYI MNGON SUM TSAD MAS GRUB PA MI SRID CING, DE SGRUB BYED KYI GTAN TSIGS MI SRID PA'I PHYIR RJES DPAG KYANG MED PAS, YE SHES DE RGYUD LA MA SKYES PA'I GONG DU DE SHES BYA LA SRID PAR NGES PA'I NGES SHES TZAM YANG DRAN DU MED PAR 'GYUR LA, LHAN SKYES KYI YE SHES ZHES DAG TU BRJOD MA THAG DE NYID SGRAS BRJOD MI NUS SO ZHES SMRA PA NI NGA'I MA MO GSHAM MO ZHES SMRA BA DANG MTSUNGS PA'I RANG TSIG DNGOS SU 'GAL BA'O, ,DES NA GZHUNG 'DI DAG GIS 'JIG RTEN PA'I DPER BYA BA LAS 'DAS ZHES 'JIG RTEN PA LA DMIGS KYIS BKAR BAS KYANG SPYIR DPE MI SRID PAR STON PA MIN PAR SHES SO, , KUN RDZOB KYI BUM PA DANG NAM MKHA'I ME TOG GCIG PA MI SRID PAS DPER MI RUNG YANG, DON DAM PA'I BUM PA DANG NAM MKHA'I ME TOG GCIG YIN PAS DE NYID 'DI'I DPER STON PA YIN NO ZHES ZER BA NI, DON DAM PA'I BUM PA DANG NAM MKHA'I ME TOG DE NYID STONG GZUGS PHYAG RGYA CHEN MO DANG MCHOG TU MI 'GYUR BA'I BDE BA YANG GCIG YIN PAR KHYOD LA 'DROD DGOS PAS, DPE DON DU BYAS PA DE DAG GCIG YIN PAR 'GYUR LA, 'DI'I RTZA BA SUN PHYUNG ZIN PA'I PHYIR,
SLAR YANG MANG DU MA BRJOD DO, ,DE BAS NA 'THAD PA'I PHYOGS NI 'DI LTAR SHES PAR BYA STE, 'DIR RDO RJE'I RNAL 'BYOR LA MTHA' GNYIS KYI PHYOGS SU LHUNG BA 'GOG PA NA, RDO RJE'I RNAL 'BYOR GYIS RTOGS BYA GZHI'I GNAS LUGS LA RTAG CHAD KYI MTHA' GNYIS SU 'DZIN PA DGAG PA DANG, RTOGS BYED RDO RJE'I RNAL 'BYOR GYI LAM SRID ZHI'I MTHAR LHUNG BA 'GOG PA GNYIS SU 'GYUR BA LAS, SKABS 'DIR GZHI'I GNAS LUGS RTAG CHAD KYI MTHA' GNYIS BKAG NAS STON PA NA, STONG GZUGS PHYAG RGYA CHEN MO SOGS MTHA' 'GOG PA'I GZHIR MDZAD PA NI CHOS CAN RANG GI SEMS DANG STONG GZUGS KYI CHOS NYID BDEN STONG DE NYID YUL DU BYAS PA DANG YUL CAN MI 'GYUR BA'I BDE CHEN DBYER MED PAR SBYAR BA SHES PA'I DON DU YIN ZHING, DE YANG GZHI'I LTA BRTAG CHAD KYI MTHAR MA LHUNG BA GZHI DNGOS PO THAMS CAD THA SNYAD DU YANG RANG BZHIN GYIS GRUB PAS STONG PA DANG, 'ON KYANG RANG RANG GI 'BRAS BU BSKYED PA SOGS KYI BYA BA BYED NUS SU GNAS PA 'GAL MED DU 'DUR RUNG BA CIG BYUNG NA THA SNYAD DU YANG RTAG CHAD KYI MTHA' DANG BRAL BA'I LTA BA RNAM PAR DAG PA RNYED PAR 'GYUR GYI, CHOS DE RANG BZHIN GYIS GRUB PA BKAG PA NA DE'I SHUL DU CHOS DE'I MTSAN GZHI GANG YANG MA LUS PAR GTAN MED DU SONG NAS, DNGOS PO'I BYA BYED THAMS CAD THAG PA LA SGRUL DU 'KHRUL PA'I SHES NGOR SGRUL DU 'JOG PA LTAR, MED BZHIN DU SNANG BA'I 'KHRUL NGO LA LTOS NAS THA SNYAD DU YOD CES GZHAN NGOR KHAS LEN PA MA GTOGS,
, ,RANG LUGS LA LAS 'BRAS SOGS GANG YANG BZHAG SA GTAN MED DU SONG NA CHAD PA CHEN PO'I GA-YANG DU LTUNG BAR 'GYUR LA, DNGOS PO'I BYA BYED THAMS CAD 'THAD LDAN DU BZHAG PA NA, RANG BZHIN GYIS GRUB PAR BZHAG DGOS PAR SONG NAS, THA SNYAD DU RANG BZHIN GYIS GRUB PA DANG, THA SNYAD DU BDEN PAR YOD PA SOGS KHAS LEN DGOS PA BYUNG NA RTAG PA'I MTHAR LTUNG BAR 'GYUR TE, MDOR NA RANG BZHIN GYIS GRUB PAS STONG PA DANG BYA BYED KYI RNAM GZHAG GNYIS GCIG BZHAG NA, GCIG BZHAG SA MED PAR 'GRO BA 'DI MTHAR THUG PA'I LTA BA GO BA'I GEGS KYI GTZO BO YIN ZHING, THA SNYAD DU DE GNYIS GZHI GCIG LA 'DUR RUNG BA TZAM DU MA ZAD, THA SNYAD DU YANG RANG BZHIN GYIS GRUB PA KHEGS PA NYID KYIS GZHI LAM 'BRAS GSUM GYI BYA BYED KYI RNAM BZHAG THAMS CAD TSAD MAS GNOD MED DU BZHAG PAS CHOG PA'I TSUL LEGS PAR KHONG DU MA CHUD NA YANG DAG PA'I LTA BA MTHAR THUG PA RNYED PA'I THABS MED LA, DON 'DI NYID MGON PO KLU SGRUBS YAB SRAS KYIS SHIN TU ZHIB CING RGYAS PAR RIGS PA'I TSOGS KYIS GTAN LA PHAB PA LTAR 'DIR YANG GSAL BAR GSUNGS SHING SKABS 'DIR YANG STONG GZUGS PHYAG RGYA CHEN MO DANG MCHOG TU MI 'GYUR BA'I BDE BA RANG BZHIN GYIS GRUB PA BKAG NAS RTAG PA'I MTHA' SPONG BA DANG, DE LTA NA YANG STONG GZUGS PHYAG RGYA CHEN MO LA BRTEN NAS MCHOG TU MI 'GYUR BA'I BDE BA 'BYUNG BA'I BYA BYED KYI RNAM GZHAG 'JOG PA MI 'GAL BA'I SGO NAS CHAD PA'I MTHA' SPONG BA'I TSUL DPE DANG RIGS PAS
STON PA YIN LA, DE LA GTAN TSIGS DANG DPE SPANGS PA ZHES PA NI 'JIG RTEN PA'I GTAN TSIGS DANG DPE SPANGS PA'I DON YIN TE, 'OG TU 'JIG RTEN LAS 'DAS PA'I DPER 'GRO TSUL GSUNGS PAS SHES SO, ,'JIG RTEN PA LA DPE MED PA'I SGRUB BYED DU CHOS MI MTHUN PA PHAN TSUN 'GAL BA'I PHYIR ZHES GSUNGS PAS 'DIR 'JIG RTEN LAS 'DAS PA'I DPE STON PA'I SKABS SU CHOS MI MTHUN PA'I PHYIR RO ZHES PA NI, CHOS MI MTHUN PA MI 'GAL BA'I PHYIR RO, ZHES DON GYIS THOB BO, ,DE LA 'JIG RTEN PA NI 'JIG RTEN LAS 'DAS PA DON DAM BDEN PA'I RANG BZHIN KHONG DU MA CHUD PA LTA BA MA RNYED PA'I GANG ZAG DANG 'JIG RTEN LAS 'DAS PA NI DE KHONG DU CHUD PA LTA BA MTHAR THUG PA RNYED PA'I GANG ZAG GO, ,DES NA TSIG GI DON NI 'DI YIN TE, STONG GZUGS PHYAG RGYA CHEN MO DANG DBYER MED PA'I LHAN CIG SKYES PA'I YE SHES DE NYID RTAG CHAD KYI MTHA' DANG JI LTAR BRAL BA'I TSUL MTSON PA LA, LTA BA MTHAR THUG PA MA RNYED NA 'JIG RTEN PA'I SHES NGO LA LTOS NAS, GTAN TSIGS DANG DPE SPANGS PA STE, BLO DE'I NGOR CHA THAMS CAD NAS RANG BZHIN GYIS GRUB PAS STONG PA DANG BYA BYED THAMS CAD 'THAD LDAN DU BZHAG PAS CHOG PA'I GZHI MTHUN GYI DPE MI RNYED PA 'DI YI DPER, 'JIG RTEN LAS 'DAS PA LTA BA MTHAR THUG PA RNYED PA'I SHES NGO LA LTOS NAS, BYA BA BYED NUS SU YOD PA'I TSUL BUM PA LA SOGS PA'I DNGOS PO RNAMS DNGOS PO'I CHA THAMS CAD NAS BYA BA BYED NUS SU YOD PA LTA BU DANG, RANG GI NGO BOS MED PA'I MED TSUL CHA THAMS CAD NAS RANG GI NGO BOS MED PA NAM MKHA'I ME TOG LTA BU'I RANG GI NGO BOS MED
, ,BA DAG GCIG PA'I GZHI MTHUN NYID 'GYUR TE, 'JIG RTEN PA DE 'DRA'I DOR CHOS MI MTHUN PA DE GNYIS 'JIG RTEN LAS 'DAS PA LTA BA MTHAR THUG PA RNYED PA DE'I SHES NGOR GZHI GCIG LA 'DU BA MI 'GAL BA'I PHYIR RO, ,CHOS MI MTHUN PA'I PHYIR RO ZHES PA LA, CHOS MI MTHUN PA MI 'GAL BA'I PHYIR RO, ZHES MI 'GAL BA ZHES PA KHONG NAS GDON PAR BYAS TE GONG DU BSHAD MA THAG PA LTAR RO, ,KHA CIG DNGOS PO DANG DNGOS PO MED PA DON DAM PAR GCIG PA NYID DU 'GYUR TE, YONG MED PHAN TSUN CHOS MI MTHUN PA'I PHYIR RO, ,ZHES SMRA BA NI DNGOS PO DANG DNGOS PO MED PA DON DAM PAR GCIG PA SRID NA DE DPAR 'GYUR TE, ZHES RTAG PA MTHA' BZUNG {RED} BYED PA'I LUGS TE, MI 'THAD PAR GONG DU BSHAD ZIN LA, RTAG PA MTHA' BZUNG MA YIN NA DNGOS PO DANG DNGOS PO MED PA DON DAM PAR GCIG PA YOD DGOS PAS SHIN TU HA CANG THAL LO, ,'JIG RTEN PA DE LTA BU'I SHES NGO LA LTOS NAS NI DE GNYIS GZHI GCIG LA 'DU BA MI SRID DE, DPER NA 'JIG RTEN PA RANG DGA' BA'I SHES NGO LA LTOS NAS DPE BUM PA LTA BU'I YOD TSUL DANG NAM MKHA'I ME TOG LTA BU'I MED TSUL 'DI GNYIS DNGOS SU PHAN TSUN SPANGS NAS CHOS MI MTHUN PA'I PHYIR, DNGOS PO'I CHA GANG GI SGO NAS KYANG BYA BA BYED NUS SU YONG TSUL BUM PA LTA BU DANG, CHA GANG GI SGO NAS KYANG RANG GI NGO BOS MED TSUL NAM MKHA'I ME TOG LTAR SONG BA GZHI GCIG LA 'DU MI SRID PA'I DPER 'GYUR RO, ,CHOS MI MTHUN PA'I RGYU MTSAN, NAM MKHA'I ME TOG NI CHA 'GA' ZHIG GIS YOD PA CHA 'GA' ZHIG GIS
MED PA'I KHYAD PAR MED PAR CHA GANG GI SGO NAS KYANG MED PA THAMS CAD KYIS MED PA YIN LA, BUM PA NI DON BYED TSUL GYI SGO NAS RANG GI DNGOS PO'I CHA 'GA' ZHIG DON BYED NUS SU YOD LA, CHA 'GA' ZHIG DON BYED NUS SU MED PA'I KHYAD PAR MED PAR; RANG GI DNGOS PO'I CHA THAMS CAD KYIS DON BYED NUS SU YOD DO, ,DE LTAR NAM MKHA'I ME TOG NI BDAG NYID THAMS CAD KYIS BUM PA DANG CHOS MI MTHUN ZHING, DE BZHIN DU BUM PA YANG BDAG NYID THAMS CAD KYIS NAM MKHA'I ME TOG DANG CHOS MI MTHUN PA'I PHYIR RO, ,YANG NA CHOS MI MTHUN PA'I RGYU MTSAN BUM PA RANG GI DNGOS PO'I CHA GANG GI SGO NAS KYANG DON BYED NUS SU YOD PA DANG CHOS MI MTHUN PA'I PHYIR NAM MKHA'I ME TOG NI CHA GANG GI SGO NAS KYANG DNGOS POR MED PA THAMS CAD KYIS MED DO, ,DE BZHIN DU NAM MKHA'I ME TOG CHA GANG GI SGO NAS KYANG MED PA DANG CHOS MI MTHUN PA'I PHYIR BUM PA NI, RANG GI DNGOS PO'I CHA THAMS CAD KYIS DON BYED NUS SU YOD DO ZHES BYA BA'I TSUL GYIS SO ZHES BSHAD KYANG RUNG NGO, ,'DI LA YANG KHA CIG PHAN TSUN CHOS MI MTHUN PA'I PHYIR CHOS MI MTHUN PA DON DAM PAR GCIG PA'I DPER 'GYUR RO, ZHES 'CHAD LA, KHA CIG DON BYED NUS PA DANG MI NUS PA CHOS MI MTHUN PA'I PHYIR 'DI NYID GCIG PA ZHIG 'JIG RTEN NA SRID NA {RANG}, CHOS 'OD GSAL RDO RJE'I RNAL 'BYOR GYI DPER 'GYUR RO, ZHES ZER TE, DE GNYIS GA MI BSHAD PA BSHAD ZIN LA, {DAM} KHA CIG PHYOGS, MED PA THAMS CAD KYIS MED DO ZHES PA LA 'BRO 'GYUR DU RNAM PA
, ,THAMS CAD DU DNGOS PO MED PA'I PHYIR RO ZHES 'BYUNG BA LTAR BYAS NAS, NAM MKHA'I ME TOG NI YUL DUS KYI RNAM PA THAMS CAD DU DNGOS PO MED PA'I PHYIR, DE BZHIN DU BUM PA NI YUL DUS KYI DNGOS PO THAMS CAD DU YOD DO, ,MED PA NAM MKHA'I ME TOG DANG CHOS MI MTHUN PA DNGOS POR YOD PA'I PHYIR ZHES BUM PA DANG NAM MKHA'I ME TOG 'DI GNYIS PHAN TSUN YOD MED KYI CHOS LDAN DU MI MTHUN PA'I PHYIR YOD MED KYI DPER 'GYUR RO ZHES ZER TE, BUM PA YUL DUS KYI DNGOS PO THAMS CAD DU YOD NA BUM PA BUM PAS DAG PA'I SA PHYOGS SU YANG YOD DGOS PAS MI 'THAD LA, 'DI DAG GI SKABS DON GYI GTZO BO, RDO RJE'I RNAL 'BYOR CHAD PA'I MTHA' SPANGS PA'I YOD TSUL GYI DPE BUM PA DANG, RDO RJE'I RNAL 'BYOR RTAG PA'I MTHA' SPANGS PA'I MED PA'I DPE NAM MKHA'I ME TOG LTA BU DANG, DPE BUM PA LTAR CHAD PA SPANGS PA'I YOD TSUL DANG, DPE NAM MKHA'I ME TOG LTAR RTAG MTHA' SPANGS PA'I MED TSUL GNYIS RDO RJE'I RNAL 'BYOR LTA BU'I GZHI GCIG LA 'DU BA 'JIG RTEN PA LA MI RUNG YANG 'JIG RTEN LAS 'DAS PA LA RUNG ZHES 'CHAD PA YIN GYI, SPYIR SHES BYA LA YOD PA'I DPE BUM PA DANG MED PA'I DPER NAM MKHA'I ME TOG 'GYUR RO ZHES PA TZAM ZHIG BSHAD PAS CIR YANG MI 'GYUR RO, ,DES NA 'JIG RTEN PA LA BYA BA BYED NUS SU BDAG NYID THAMS CAD KYIS YOD TSUL BUM PA LTA BU DANG, RANG BZHIN GYIS GRUB PA NAM MKHA'I ME TOG LTAR CHA GANG GI SGO NAS KYANG MED PA GNYIS GZHI GCIG LA 'DU MI SRID LA, 'JIG RTEN LAS 'DAS PA LA LTOS NAS NI DE GNYIS GZHI GCIG LA
'DU SRID BA TZAM DU MA ZAD, BUM PA LTA BU'I BYA BA BYED NUS SU YOD PA NYID KYIS NAM MKHA'I ME TOG LTAR CHA GANG NAS KYANG RANG GI NGO BOS MED PAR GRUB PA RTEN 'BREL DANG STONG NYID DBYER MED DU GNAS PA YIN PAS, DE'I PHYIR 'JIG RTEN PA LA LTOS NAS DPE MI SRID PA DANG, 'JIG RTEN LAS 'DAS PA LA LTOS NAS SRID PAR GSUNGS PA YIN LA, DON 'DI NYID DBANG MDOR BSTAN LAS GSAL BAR BSHAD DE, DE YANG STONG NYID DU, PHYAG RGYA CHEN MO GCIG SBYOR BAS, ,'PHEL BAR 'GYUR BA MI 'GYUR BA'O, ,ZHES STONG GZUGS PHYAG RGYA CHEN MO DANG GCIG SBYOR BA STE MNYAM PAR SBYAR BAS 'PHEL BAR 'GYUR RO, ,GANG 'PHEL NA MI 'GYUR BA'I BDE BA'O ZHES BSHAD NAS, DE'I RJES SU DE 'DRA BA'I 'PHEL BA DANG DE'I MI MTHUN PHYOGS ZAD PA'I 'PHEL ZAD RANG GI NGO BOS MED PAR, 'PHEL BA LA NI 'PHEL BA NYID, ,ZAD PA LA NI ZAD PA MED, CES PA NAS, 'GYUR BA LA NI 'GYUR BA MANG, ,MI 'GYUR BA YI MI 'GYUR MED, CES PA'I BAR GYIS RGYAS PAR GSUNGS TE, DE YANG 'PHEL BA LA 'PHEL BA RANG GI NGO BOS MED PA NAS, MI 'GYUR BA'I BDE BA LA MI 'GYUR BA'I BDE BA RANG GI NGO BOS MED PA'I DON TE, DE LTAR GSUNGS PA LA DNGOS SMRA BA DAG DANG, BOD KYI DBU MA THAL 'GYUR BAR KHAS 'CHE BA MANG PO DANG, DBU MA THAL RANG GNYIS GA LAS KYANG BRGAL BA'I DBU MA CHEN PO BAR SMRA BA DAG GI BSAM PA DANG MTHUN PAR KHA CIG 'DI SNYAM DU, 'PHEL ZAD SOGS DE DAG RANG GI NGO BOS MANG NA GTAN MED DU 'GYUR BA'I PHYIR, LAM BSGOM PA LA SOGS PA THAMS CAD 'BRAS BU MED PAR JI LTAR MI 'GYUR ZHES DOGS PA LA, RANG
, ,BZHIN MED KYANG 'BYUNG 'JIG BYED PA SGYU MA DANG 'DRA BAS, ,'BYUNG 'JIG BYED PA'I DNGOS PO DANG RANG BZHIN MED PA'I DNGOS MED MTSAN NYID GCIG PAR BSTAN PA'I PHYIR DU, CHOS RNAMS RANG BZHIN MED PA NI, ,'BYUNG 'JIG SGYU MA JI BZHIN NO, ,'BYUNG RNAMS 'JIG PAR MI 'GYUR TE, ,RANG BZHIN NYID KYIS SKYE MI 'GYUR, ,SNA TSOGS 'DI NI RANG BZHIN MED, ,DNGOS DANG DNGOS MED MTSAN NYID GCIG ,CES GSUNGS SHING, DE'I 'GREL PAR N'A RO PAS, KUN RDZOB TU DON BYA BA BYED PA'I PHYIR DNGOS PO'I NGO BO STE, DE KHO NAR RANG BZHIN STONG PA NYID KYI PHYIR DNGOS PO MED PA'I MTSAN NYID DO, ZHES BYA BA BYAD PA'I DNGOS PO DANG RANG BZHIN GYI DNGOS POR MED PA NGO BO GCIG PA NYID DNGOS DANG DNGOS MED GCIG PAR GSUNGS PA'I DON DU GSAL BAR BSHAD DO, ,DE LTAR GZHI RTAG CHAD KYI MTHA' DANG BRAL BA'I DPE MDOR BSTAN NAS, LAM 'KHOR 'DAS KYI MTHA' DANG BRAL BA'I TSUL 'CHAD PA NI, 'JIG RTEN PA'I BSAM DON CHA THAMS CAD NAS RANG BZHIN GYI MED TSUL NAM MKHA'I ME TOG LTA BU DANG, DNGOS PO'I CHA THAMS CAD NAS DON BYED NUS SU YOD TSUL BUM PA LTA BU GNYIS GZHI GCIG LA 'DUR MI RUNG YANG, 'JIG RTEN LAS 'DAS PA LTA BA MTHAR THUG PA RNYED PA'I BSAM NGOR'DU BA MI 'GAL BA DE BZHIN DU, THEG PA DMAN PA MAN CHAD KYI GANG ZAG GI ZAG BCAS KYID PHUNGS SOGS THAMS CAD MED PA'I CHAD PA MYANMG 'DAS KYI MTHAR MI LTUNG BAR BYAS NA ZAG BCAS SDUG BSNGAL GYI PHUNG SOGS
RANG BZHIN GYIS YOD PA THAMS CAD KYIS YOD PA'I SRID PAR GNAS DGOS LA, DE 'DRA'I SRID PAR MI GNAS NA CHAD PA MYANG 'DAS LA GNAS DGOS KYI, DE GNYIS GANG LA YANG MI GNAS PA'I PHUNG PO GSUM PA LA GNAS PA BYAR MI RUNG YANG, ,THEG PA CHEN PO'I LAM YANG DAG PA LA GNAS PA'I GANG ZAG GIS DE LTA BU GNYIS GA LA MI GNAS PA BYAR RUNG BA 'DI LTAR, CHAD PA MYANG 'DAS DANG CHOS MI MTHUN PA'I PHYIR SRID PA NI NYON MONGS PA'I ZAG BCAS KYI DNGOS PO YOD PA THAMS CAD KYIS YOD DO, ,SRID PA DANG CHOS MI MTHUN PA'I PHYIR CHAD PA MYANG 'DAS NI NYON MONGS PA'I ZAG BCAS KYI DNGOS PO MED PA THAMS CAD KYIS MED DO, ,'DIR CHAD PA'I SGRAS NI MYANG NGAN LAS 'DAS PA NYON MONGS PA'I ZAG BCAS KYI DNGOS PO MED PA'I MTSAN NYID BZUNG NGO, ,DE'I PHYIR THEG PA DMAN PA SOGS THABS MKHAS PA DANG BRAL BA'I LAM GYIS DE GNYIS GA LA MI GNAS PA'I PHUNG GSUM BYED MI NUS KYANG, THEG PA CHEN PO'I LAM GYIS NI DE GNYIS GA LA MI GNAS PAR BYED LA, DE YANG PHA ROL TU PHYIN PA THEG PA CHEN PO DANG RGYUD SDE 'OG MA GSUM LA'ANG RANG GI LAM GYIS 'KHOR 'DAS KYI MTHA' DE GNYIS 'GOG PA PHUL DU BYUNG BA YOD KYANG, 'DIR DE DAG LAS KYANG KHYAD PAR DU GYUR BA'I MTHA' DE GNYIS 'GOG TSUL NI, ,RDO RJE'I RNAL 'BYOR GYIS STONG GZUGS KHYAD PAR BA 'DOD LTA YAB YUM GYI SKUR SHAR BA BSGRUB PAS CHAD PA MYANG 'DAS KYI MTHA' DANG, RANG BZHIN GYIS YOD PA RNAM PAR BCAD PA'I STONG PA NYID DANG DBYER MED PA'I BDE BA CHEN PO BSGRUB
, ,PAS SRID PA'I MTHA' 'GOG CING, LAM GYI TSUL DE'I SGO NAS MTHA' GNYIS MNAN PAS 'BRAS BU 'KHOR 'DAS KYI MTHA' GNYIS GA LAS 'DAS PA RNAM PA THAMS CAD PA'I GZUGS KYI SKU DANG, BDE BA CHEN PO LHAN CIG SKYES PA'I YE SHES SKAD CIG KYANG MI 'BRAL BAR NGO BOR KYI RTEN DANG BRTEN PAR ZUNG DU CHUD PA'I SKU 'GRUB CING, DE NYID KYIS SRID ZHI'I MTHA' GNON TSUL DBANG MDOR BSTAN GYI LUNG DANG SBYAR TE MDOR BSDUS DANG POR BSHAD ZIN TO, ,'DI LTAR 'CHAD MA SHES PAR MAR ME SHI BA LTA BU'I MYANG 'DAS CHAD STONG DANG MED PAR CHOS MI MTHUN PA'I PHYIR SRID PA 'KHOR BA YOD DO, ,'KHOR BA DANG YOD PAR CHOS MI MTHUN PA'I PHYIR CHAD STONG GI MYANG 'DAS NI MED DO ZHES ZER BA TZAM ZHIG 'CHAD PA NI 'DIR 'DI LTAR BSHAD PAS 'KHOR 'DAS GNYIS LA YOD MED KYI KHYAD PAR 'BYED PA TZAM ZHIG LAS BRJOD BYA'I KHYAD PAR GZHAN CI'ANG BSTAN RGYU MA BYUNG LA, CHAD PA MYANG 'DAS GZHI MA GRUB PAR 'GYUR BAS SHIN TU MI 'THAD DO, ,KHA CIG DE LTAR DE GNYIS NGAM, CHOS MI MTHUN PAS YOD PAS MED PA BKAG MED PAS YOD PA BKAG NAS DON DAM PAR YOD MED GNYIS GA MA YIN PAR GCIG TU GRUB BO ZHES SMRA BA'ANG DON DAM PAR GCIG TU GRUB NA DON DAM PAR YOD MED GNYIS GA MA RANG, YIN PAR GRUB PA 'GAL LA, 'KHOR 'DAS DON DAM PAR YOD MED GNYIS GA MA YIN PAR SMRA BA RGYA NAG H'A SHANG GI LUGS ZHE PHUGS SU BZHAG PA'I GTAM DU SNANG BAS SNYING PO MED DO, ,KHA CIG PHYOGS, DE BZHIN DU CI YANG MED PA'I CHAD PA DANG CHOS MI MTHUN PA'I PHYIR ZHES SMRA BA NI, CHAD PA'I SGRAS MYANG 'DAS 'DZIN PAR GSUNGS PA DANG,
'GAL TE CI'ANG MED PA YIN NA MYANG 'DAS YIN PA 'GAL PA'I PHYIR RO, ,DE LTAR BYA BA BYED NUS SU YOD TSUL BUM PA LTA BU DANG, RANG BZHIN GYIS MED TSUL NAM MKHA'I ME TOG LTAR SONG BA GNYIS GZHI GCIG TU 'DU BA 'JIG RTEN LAS 'DAS PA LA RUNG ZHING, 'JIG RTEN PA LA MI RUNG BA SNGAR MDOR BSTAN PA DE NYID SLAR YANG CUNG ZAD RGYAS PAR 'CHAD PA NI, SNGAR BSHAD PA DE BZHIN DU 'JIG RTEN LAS 'DAS PA DON DAM PA'I BDEN PA RTOGS PA'I LTA BA MTHAR THUG PA RNYED PA'I BSAM NGO LA LTOS NAS RDO RJE'I RNAL 'BYOR RTAG CHAD DANG BRAL BA MTSON PA'I DPER, BUM PA LTAR BYA BA BYED NUS SU YOD PA DANG, NAM MKHA'I ME TOG LTAR CHA THAMS CAD NAS RANG BZHIN GYIS MED PA 'DI GNYIS GCIG PA NYID DU 'GYUR TE, 'JIG RTEN PA RANG DGA' BA'I NGOR CHOS MI MTHUN PA DE GNYIS LTA BA RNYAD PA DE'I NGOR GZHI GCIG LA 'DU BA MI 'GAL BA'I PHYIR RO, ,BUM PA LTAR BYA BA BYED NUS SU YOD PA DANG, NAM MKHA'I ME TOG LTAR RANG BZHIN GYIS MED PA 'DI DAG LTA BA MTHAR THUG PA MA RNYED PA'I 'JIG RTEN PA'I BLO KUN RDZOB PA'I NGOR GZHI MTHUN DU 'DU BA'I GCIG PA NYID MED DE, BLO DE'I NGOR DE GNYIS PHAN TSUN CHOS MI MTHUN PAS 'GAL BA'I PHYIR RO, ,DE LTAR MDOR BSTAN PA DANG RGYAS PAR BSHAD PA DE DAG GI DON BSDU BA LA, LTA BA RNYED PA DE 'DRA'I BLO LA LTOS NAS KUN RDZOB TU DON BYED PA'I RGYU MTSAN GANG GIS DNGOS PO GANG YOD PA DE NI KUN RDZOB TU CHA GANG GIS KYANG MED PAR MI 'GYUR ZHING, GANG DON DAM PAR MED PA DE NI CHA GANG NAS KYANG RANG BZHIN GYIS YOD PAR MI 'GYUR TE, CHOS DE NYID GRUB TZAM NAS BYA BA BYED
, ,PA'I DNGOS PO DANG BDEN PA'I DNGOS PO MED PA'I RANG BZHIN DU GNAS PA LAS SO, ,ZHES PA 'JIG RTEN LAS 'DAS PA LA CHOS MI MTHUN PA MI 'GAL BA'I DON BSDU BA'O, ,DE BZHIN DU LTA BA MA RNYED PA'I 'JIG RTEN PA DE 'DRA BA'I GANG ZAG GIS NI CHOS DE BYA BA BYED PA GANG GI YOD PA'I MTSAN NYID DU 'DZIN PA'I SEMS SU 'GYUR BA DES CHOS DE RANG BZHIN GYIS MED PA'I MTSAN NYID DU 'DZIN PAR MI 'GYUR RO, ,RGYU MTSAN GANG GIS BDEN PAR MED PA'I MTSAN NYID DU 'DZIN PA'I SEMS SU 'GYUR BA NGES BYA BA BYED NUS SU YOD PA'I MTSAN NYID KYI SEMS SU MI 'GYUR TE, DE'I NGOR BYA BA BYED PA DANG RANG BZHIN GYIS MA GRUB PA 'GAL BA'I PHYIR RO, ,DES NA BYA BA BYED NUS NA RANG GI NGO BOS GRUB PA DANG, RANG GI NGO BOS MA GRUB NA BYA BA'ANG BYED MI NUS PAR 'DZIN PAS, GANG ZAG DE 'DRA'I NGO LA LTOS NAS DE GNYIS GZHI MTHUN DU 'DU MI SRID DO, ZHES BYA BA 'JIG RTEN PA LA CHOS MI MTHUN PA 'GAL BA'I DON BSDU BA'O, ,GSUM PA GZHI DE LA RTAG CHAD KYI MTHA' 'GOG PA'I RIGS PA RGYAS PAR BSHAD PA LA BZHI, GNAS TSUL DANG SNANG TSUL MI MTHUN PA'I RTAGS KYIS STONG GZUGS PHYAG RGYA CHEN MO DANG MI 'GYUR BA'I BDE CHEN BDEN PAR GRUB PA DGAG PA, DE KHO NA NYID DPYOD PA'I RIG PAS DPYAD NA RDO RJE'I RNAL 'BYOR 'KHOR 'DAS DANG PHYI NANG GZHAN GSUM GANG LA'ANG MI GNAS PAR BSTAN PA, SKYE 'GAG SOGS BDEN PAR GRUB PA CUNG ZAD CIG YOD NA SANGS RGYAS NAS DE KHO NA NYID LA RTAG TU MNYAM PAR BZHAG PA'I RIG DON SNANG DGOS PA LA MI SNANG BA'I
RTAGS KYIS RDO RJE'I RNAL 'BYOR BDEN PAR GRUB PA DGAG PA, DES NA RANG BZHIN GYIS GRUB PA CUNG ZAD KYANG MED PA'I PHYOGS MTHAR LHUNG THAMS CAD DANG BRAL BAR BSTAN PAS DON BSDU BA'O, ,DANG PO LA GNYIS, RIGS PA DNGOS BSHAD PA DANG, DE NYID RTZA RGYUD DANG SBYAR ZHING RGYUD GZHAN THAMS CAD LAS KYANG GSUNGS PAR BSTAN PA'O, ,DANG PO NI, JI SKAD BSHAD PA'I TSUL GYIS DNGOS PO THAMS CAD LA BYA BA BYED PA DANG RANG BZHIN GYIS STONG PA MI 'GAL BA'I PHYIR NA, SKABS 'DIR YANG STONG PA NYID DANG SNYING RJE'I BDAG NYID KYI GZUGS RO RKYANG GI RGYU BA DH'U T'I'I NANG DU 'GAGS PA'I STOBS KYIS RNAM PAR DAG PAR BYAS PA'I SEMS KYI SNANG BA GZHON NU MA'I PRA PHAB PA LTA BU'I SNANG BA NI, BDEN PAR GRUB PA'I GZUGS KYI MTSAN NYID MA YIN TE, JI LTAR SNANG BA LTAR GYIS GZUGS SU MA GRUB PA'I PHYIR, DER THAL, PHYI ROL GYI GZUGS LTA BUR SNANG ZHING RDUL PHRA RAB BSAGS PA'I GZUGS SU MED PA'I PHYIR RO, ,SNGA MA LA KHYAB PA YOD DE, RANG GI SNANG YUL BDEN PAR GRUB PA'I MNGON SUM TSAD MA SNANG YUL LA 'KHRUL PA MI SRID PA'I PHYIR RO, ,YANG DE NYID GTAN NAS GZUGS MED PA'I MTSAN NYID MIN TE, DE NYID RNAL 'BYOR BA'I SEMS LA STONG BA STE NAM MKHAR SNANG BA'I PHYOGS LA MNGON SUM DU MTHONG BYA'I GZUGS SU YOD PA'I PHYIR RO, ,DE'I PHYIR KUN RDZOB STONG GZUGS KYI PHYAG RGYA CHEN MO DE RANG GI NGO BOS STONG PA NYID KYI GZUGS CAN TE NGO BO CAN DANG, RANG BZHIN GYIS GRUB PAS STONG PA NYID DE YANG KUN RDZOB STONG GZUGS
, ,KYI PHYAG RGYA CHEN MO'I GZUGS CAN TE NGO BO CAN YIN TE, GONG DU BSHAD PA'I RIGS PAS BYA BA BYED PA DANG RANG BZHIN GYIS STONG PA'I TSOGS PA CHOS MI MTHUN PA MI 'GAL BA'I RANG BZHIN YIN PAS 'JIG RTEN PA'I DPE LAS 'DAS PA NYID KYI PHYIR RO, ,DES NA SEMS KYI BDAG NYID GANG MI 'GYUR BA'I BDE CHEN 'DREN PA LA SOGS PA'I BYA BA BYED NUS SU YOD PA'I STONG GZUGS PHYAG RGYA CHEN MO RNAL 'BYOR PA RANG GI SEMS KYI BDAG NYID DE NI RANG GI NGO BOS SEMS KYI BDAG NYID DU MED PA, RTAG PA DANG CHAD PA'I MTHA' GNYIS KYI CHOS KYI MTSAN NYID DANG BRAL BA YIN LA, CHOS CAN STONG GZUGS PHYAG RGYA CHEN MO DGAG GZHIR BYAS PA LA DGAG BYA RANG GI NGO BOS YOD PA RNAM PAR BCAD PA TZAM NI STONG GZUGS DE'I DE KHO NA NYID YIN ZHING, DE LTA BU'I STONG PA NYID YUL DU BYAS PA DANG, YUL CAN DMIGS PA MED PA'I SNYING RJE MCHOG TU MI 'GYUR BA'I BDE BA CHEN PO GNYIS GNYIS SNANG GI SPROS PAS BAR MCHOD PAR DBYER MED PA'O, ,DES NA DON DAM PA'I BDEN PA RTOGS PA 'JIG RTEN LAS 'DAS PA'I BLO LA LTOS NAS BDE BA CHEN PO DANG RNAM PA THAMS CAD PA'I GZUGS GNYI KA'I SEMS DAG BYA BA BYED PA DANG RANG BZHIN GYIS STONG PA'I CHOS MI MTHUN PA MI 'GAL BA'I PHYIR, YOD PA DANG MED PA'I MTHA'I LAS 'DAS PA, DNGOS PO 'KHOR BA DANG, DNGOS PO MED PA MYA NGAN LAS 'DAS PA'I MTHA' ZAD PA RDO RJE'I RNAL 'BYOR THABS SHES GNYIS SU MED PA STE, DON DE BRJOD PAR BYED PA'I DE BZHIN GSHEGS PA'I GSUNG THABS SHES PHYOGS RE BA DANG MTHA'
GNYIS KYI RIS SU CHAD PA MED PA BRJOD PAR BYED PA NYID KYI PHYIR RO, ,'DI DAG LA GANGS RI'I KHROD KYI 'CHAD PA PO SNGA PHYI THAMS CAD KYIS PHYIN CI LOG 'BA' ZHIG TU BSHAD MOD KYIS, YI GE HA CANG MANGS PAR 'GYUR BA DANG, LTA BA RNAM PAR DAG PA'I PHYOGS MA MTHONG BA'I GTAM DU SNANG YANG SNGAR BSHAD PA DANG 'OG TU 'CHAD PA DAG LA BRTEN NAS MI 'THAD PAR RTOGS NUS PA'I PHYIR 'DIR LUGS GZHAN BRJOD PA SOGS ZHIB PAR MA BYAS SO, ,'DI DAG RTOGS PA LA NI YOD PA DANG YOD PA'I MTHA' DANG, RTAG PA DANG RTAG PA'I MTHA' DANG, MED PA DANG MED PA'I MTHA' DANG, CHAD PA DANG CHAD PA'I MTHA' LA SOGS PA DAG GI KHYAD PAR ZHIB TU PHYED PA, RIG PA SHIN TU PHRA BA'I GNAS LA BLO KHA PHYOGS PA ZHIG DGOS KYI, GZHAN DU NA DMUS LONG DU MAS GLANG PO CHE'I MTSAN NYID DPYAD PA LTAR 'GYUR RO, ,DE LA'ANG CHOS MI MTHUN PA NI 'JIG RTEN PA'I BLO LA LTOS PA DANG, DE NYID 'JIG RTEN LAS 'DAS PA'I BLO LA LTOS NAS MI 'GAL BA LA CHOS MI MTHUN PA MI 'GAL BA ZHES BRJOD PA YIN GYI, CHOS MI MTHUN PA DANG MI 'GAL PA GNYIS GA BLO GCIG GI NGO LA LTOS NAS 'JOG PA MIN PA NI SNGAR BSHAD PA THAMS CAD DU SHES PAR BYA'O, ,GNYIS PA NI, 'DIR RTZA BA'I RGYUD LAS BCOM LDAN 'DAS KYIS GSUNGS PA, RANG BZHIN GYIS YOD PA DANG GTAN NAS MED PA LAS RNAM PAR 'DAS PAS RTAG CHAD KYI MTHA' GNYIS MED PA, DNGOS PO 'KHOR BA'I MTHA' DANG DNGOS MED MYANG 'DAS KYI MTHA' GNYIS ZAD PA, STONG NYID SNYING RJE DBYER MED PA RDO RJE'I RNAL 'BYOR BDE BA CHEN PO'I BDAG NYID STONG PA NYID KYI GZUGS NI PHYI ROL GYI GZUGS LTA BUR SNANG YANG PHRA RAB RDUL GYI CHOS NYID LAS
, ,'DAS PAS BDEN PAR MA GRUB CING, THA SNYAD DU SEMS KYI SNANG BA TZAM GYI GZUGS SU YANG YOD PAS STONG PA'I CHOS NI RNAM PAR SPANGS PAS, BDEN PAR GRUB PA'I RTAG PA'I MTHA' DANG THA SNYAD TZAM DU YANG MED PA'I CHAD PA'I MTHA' LAS RNAM PAR GROL BA'I RDO RJE'I RNAL 'BYOR RIS MED PA ZHES PA'O, ,DANG PO'I SANGS RGYAS KYI RTZA BA'I RGYUD LAS MTHA' GNYIS DANG BRAL BAR BSTAN PA DE BZHIN DU RGYUD GZHAN DU YANG DE BZHIN GSHEGS PAS THABS SHES DBYER MED KYI RDO RJE'I RNAL 'BYOR RTAG CHAD KYI MTHA' SNGAR LTAR SPANGS PA'I SGO NAS PHYAG RGYA CHEN PO'I DNGOS GRUB STER BA BYED PA PO GSUNGS SO, ,ZHES PAS NI RGYUD THAMS CAD KYI RTOGS BYA'I DE KHO NA NYID MTHAR THUG PA DBU MA'I LTA BA 'PHAGS PA KLU SGRUB YAB SRAS KYIS JI LTAR BSTAN PA DE NYID BSTAN PA LA KHYAD PAR MED PA DANG MCHOG GI DNGOS GRUB KYI RGYUR BDE STONG SBYOR BA'I LTA BA LA DE DGOS PAR BSHAD PA YIN NO, ,GNYIS PA NI, RDO RJE'I RNAL 'BYOR 'PHO BA'I BAG CHAGS RNAM PAR DAG PA MI 'GYUR PA'I SKAD CIG GCIG GIS MNGON PAR RDZOGS PAR SANGS RGYAS PA, SANGS RGYAS KYI YON TAN KUN STER BAS DAM PA'I DON CHEN PO MCHOG TU MI 'GYUR BA LHAN CIG SKYES PA'I DGA' BA 'DI NI DON DAM PAR, 'DOD PA'I SRID PA LA MI GNAS, GZUGS KYI SRID PA LA MI GNAS, GZUGS MED PA'I SRID PA LA MI GNAS, DON DAM PAR 'DOD PA'I KHAMS SPANGS PA'I MYA NGAN LAS 'DAS PA LA MI GNAS, GZUGS KYI KHAMS SPANGS PA'I MYA NGAN LAS 'DAS PA LA MI GNAS, GZUGS MED PA'I KHAMS SPANGS PA'I MYA NGAN LAS 'DAS PA LA MI GNAS TE, DE KHO NA
NYID DPYAD PA'I RIGS PAS DPYAD NA, SRID PA DANG MYA NGAN LAS 'DAS PA GANG LA YANG MI GNAS PA NYID KYI PHYIR RO, ,'KHOR 'DAS GNYIS GA LA YANG MI GNAS TE, DE GNYIS PHAN TSUN SPANGS NAS 'GAL BA'I PHYIR RO, ,DE'I PHYIR SRID PA DANG MYA NGAN LAS 'DAS PA NI GCIG PA NYID SRID PA MA YIN TE, GRIB MA DANG NYI MA BZHIN NO, ,DPER NA ME NI DE KHO NAR GTZUB STAN LA MI GNAS, GTZUB SHING LA MI GNAS, SKYES BU'I LAG PA'I RTZOL BA LA MA GNAS PA YIN KYANG, THA SNYAD TZAM DU DE DAG TSOGS PA LA BRTEN NAS SKYE BA DE BZHIN DU, RDO RJE'I RNAL 'BYOR MCHOG TU MI 'GYUR BA'I DGA' BA YANG DON DAM PAR PHYI 'JIG RTEN DANG NANG LUS DANG GZHAN LAM DANG 'BRAS BU'I CHOS THAMS CAD LA MI GNAS SHING THA SNYAD TZAM DU STONG GZUGS PHYAG RGYA CHEN MO SOGS KYI RGYU RKYEN LA BRTEN NAS SKYE BAR RNAL 'BYOR PAS RTOGS PAR BYA'O, ,'DIR 'KHOR BA DANG CHAD PA MYANG 'DAS KYI MTHAR MA LHUNG BA TZAM STON PA MA YIN PAR GTZUB SHING SOGS KYI DPE DANG, PHYI NANG GZHAN GANG LA YANG MI GNAS PAR BSTAN PA NYID KYIS SHES PAS MYANG 'DAS LA MI GNAS PA'ANG CHAD PA MYANG 'DAS 'BA' ZHIG LA BYA MI DGOS KYI, MYANG 'DAS TZAM LA BYA STE, MI GNAS PA'I MYANG 'DAS LA'ANG DON DAM PAR GNAS PA MED PA'I PHYIR RO, ,GSUM PA LA GNYIS, MTHA' DPYAD PA DANG, TSIG DON NA, ,DANG PO NI, 'OG TU MNGON PAR RDZOGS PAR SANGS RGYAS NAS, SKYE BA DANG 'JIG PA MED CES PA DANG, SANGS RGYAS PA DE'I RJES LA SKAD CIG THAMS CAD MED PA ZHES GSUNGS PA RNAMS KYI DON NI, SANGS RGYAS MA THOB PA'I GANG DU BDE BA CHEN PO SKYE 'GAG BYED PA'I SKAD CIG MA RIM CAN DU YOD PA LA, SANGS RGYAS NAS SKYE 'GAG MI BYED
, ,PA'I RTAG PAR SONG BAR STON PA MA YIN TE, RGYU MI RTAG PA LA 'BRAS BU MI RTAG PA RIM CAN DU SKYE BA'I 'PHRO NYID LA 'BRAS BU THA MA DE RTAG PAR SKYES PA DE 'DRA MI SRID PA'I PHYIR RO, ,DES NA SLOB LAM DU MNYAM GZHAG GI TSE SKYE 'GAG SOGS KUN RDZOB KYI SNANG BA MA LUS PAR LOG NAS CHOS NYID DANG CHU LA CHU BZHAG LTAR DU GYUR PA DANG, RJES THOB TU SKYE 'GAG SOGS KUN RDZOB SNA TSOGS PA SNANG BA SPEL MAR 'BYUNG GI, CHOS NYID MNGON SUM DU RTOGS PA DANG DUS GCIG TU KUN RDZOB SNANG MI SRID LA, SANGS RGYAS PA'I TSE NA MNYAM GZHAG LAS LANGS PA'I RJES THOB MED KYANG, MNYAM GZHAG JI LTA BA MKHYEN PA'I YE SHES DANG RJES THOB JI SNYED PA MKHYEN PA'I YE SHES GNYIS GRUB BDE DBYER MED KYI BLO GCIG GI NGO BOR RGYUD GCIG LA CIG CAR DU DUS THAMS CAD KYI TSE 'BYUNG ZHING, DE 'DRA BA'I JI LTA BA MKHYEN PA'I YE SHES DE NYID GANG LA DE KHO NA NYID DPYOD BYED DU SONG BA'I DON CHOS CAN KUN RDZOB KYI SNANG BA NAM YANG 'CHAR MI SRID LA, GANG LA DE KHO NA NYID DPYOD BYED DU SONG BA'I DON KUN RDZOB KYI SNANG BA GTAN LOG NAS CHOS NYID DANG RO GCIG TU ZHUGS PA'I MNYAM GZHAG LA GNAS PA DE SLOB LAM DU RES 'GA' BA YIN KYANG, SANGS RGYAS PA NAS DUS THAMS CAD DU YIN PAS DE'I PHYIR SANGS RGYAS PA DE NAS ZHES DANG, DE'I RJES LA ZHES SMRAS SO, ,DE 'DRA BA'I MNYAM GZHAG JI LTA BA MKHYEN PA'I YE SHES DE LA 'JIG RTEN LAS 'DAS PA ZHES BYA ZHING, RJES THOB JI SNYED PA MKHYEN PA'I YE SHES LA NI 'JIG RTEN PA ZHES BYA'O, ,DE'I PHYIR 'DIR YANG JI SRID 'JIG RTEN PA'I SEMS YOD PA DE SRID DU ZHES SOGS KYIS 'JIG RTEN PA'I SEMS GANG YIN 'DZIN PA MIN GYI, SKYE 'GAG
BYED PA'I DNGOS PO SKAD CIG MA RNAMS SANGS RGYAS KYI JI LTA BA MKHYEN PA'I YE SHES GANG LA DE KHO NA NYID DPYOD BYED DU SONG BA'I DON MED KYANG, 'JIG RTEN PA'I RJES THOB JI SNYED PA MKHYEN PA'I YE SHES KYI DON YOD PAR STON PA YIN LA, TSUL 'DI NI THEG PA CHEN PO RGYUD BLA MA LAS SHES RAB YE SHES RNAM GROL RNAMS, ,GSAL DANG 'PHRO DANG DAG PA DANG, ,THA DAD MED PHYIR 'OD DANG ZER, ,NYI MA'I DKYIL 'KHOR DAG DANG MTHUNGS, ZHES PA'I 'GREL PAR SLOB DPON 'PHAGS PA THOGS MED KYIS, SHES RAB RNAM PAR MI RTOG PA 'JIG RTEN LAS 'DAS PA'I YE SHES ZHES MNYAM GZHAG JI LTA BA MKHYEN PA 'JIG RTEN LAS 'DAS PA'I KHYAD PAR DANG BCAS NAS SMOS SHING, DE NYID RANG BZHIN RNAM DAG GI DE KHO NA NYID RTOGS PA'I CHA NAS NYI MA'I 'OD GSAL BA'I CHA LTA BU DANG, KUN RDZOB SNA TSOGS PA SNANG BA JI SNYED PA MKHYEN PA'I YE SHES NI NYI MA'I 'OD ZER GZUGS PHRA RAGS THAMS CAD LA SO SOR 'PHRO BA'I BYA BA BYED PA LTAR, CHOS CAN SNA TSOGS PA THAMS CAD RE RE NAS MA 'DRES PAR 'BYED PA'I LDOG PA NAS NYI MA'I 'OD ZER DANG 'DRA LA NYI MA'I 'OD GSAL BA'I CHA DANG ZER 'PHRO BA GNYIS NGO BO THA DAD PA MED PA LTAR YE SHES DE GNYIS KYANG NGO BO THA DAD PA MED PAR GSUNGS PA LUNG DE NYID LAS GSAL BAR SHES SO, ,DE 'DRA BA'I MNYAM RJES LA SNGA PHYI'I RIM PA MED KYANG MNYAM GZHAG DE'I STOBS KYIS THOB PAS RJES LA THOB PA ZHES BYA LA, YE SHES DE GNYIS KYI NGO BO LA 'JIG RTEN LAS 'DAS MA 'DAS KYI KHYAD PAR MED KYANG, 'PHAGS PA KLU SGRUB KYIS, 'JIG RTEN KUN RDZOB BDEN PA DANG, ZHES GSUNGS PA LTAR, YUL 'JIG RTEN KUN RDZOB BDEN PA DANG, 'JIG RTEN LAS 'DAS PA DON DAM YONGS SU DPYOD PA'I LDOG PA NAS YUL CAN LA'ANG THA SNYAD DE LTAR SBYAR BA'O, ,GNYIS PA TSIG GI DON LA, YE SHES GANG MNGON
, ,DU BYAS PA NAS SANGS RGYAS PAR 'JIG PA THOG MAR 'CHAD PA NI, 'DI SKAD CIG GCIG GIS MNGON PAR RDZOGS PAR BYANG CHUB PA ZHES BYA BA'I SKAD CIG GCIG NI, MCHOG TU MI 'GYUR BA'I BDED BA CHEN PO'I SKAD CIG GCIG STE, MCHOG TU MI 'GYUR PA'I BDE BA'I SKAD CIG GCIG PO DE YANG GANG ZHE NA, BDE BA NYIS KHRI CHIG STONG DRUG BRGYA RDZOGS PA'I SKAD CIG MA'O ZHES STON PA NI, SKAD CIG GCIG LA MNGON PAR RDZOGS PAR SANGS RGYAS PA ZHES PA 'DI NI, SNGON DU SMON LAM GYIS BCU GNYIS KYI GNAS SKABS SU DBUGS NYIS KHRI CHIG STONG DRUG BRGYA RIM PA BZHIN 'GAG PA'I GRANGS KYI MTHA' JI SRID PAR MI 'GYUR BA'I BDE BA NYIS KHRI CHIG STONG DRUG BRGYA'I SKAD CIG THAMS CAD RIM GYIS RNAM PAR SGOM PA PO YIN NO, ,DE NAS MCHOG TU MI 'GYUR BA'I BDE BA NYIS KHRI CHIG STONG DRUG BRGYA RDZOGS PA'I SKAD CIG DE LA MNGON PAR RDZOGS PAR SANGS RGYAS PA STE, SA BCU GNYIS SAM BDE BA'I GRANGS DE DAG YANG DAG PAR RDZOGS TE SANGS RGYAS PAS YANG DAG PAR RDZOGS PA'I SANGS RGYAS SO, ,'DIR MI 'GYUR BA'I BDE BA NYIS KHRI CHIG STONG DRUG BRGYA RDZOGS PA'I SKAD CIG GANG LA DE BZHIN GSHEGS PA THAMS CAD MNGON PAR RDZOGS PAR SANGS RGYAS PA'I SKAD CIG DE NAS TE DE PHYIN CHAD DUS THAMS CAD DU BDE BA CHEN PO'I YE SHES GANG LA DE KHO NA NYID 'JAL BYED DU SONG BA'I NGOR CHOS THAMS CAD SKYE BA MED PA GNAS PA MED PA 'JIG PA MED PA STE , DE'I NGOR SPROS PA'I RIS GANG GI 'ANG GNYIS SNANG MED PA'I PHYIR RO, ,DE'I NGOR DE DAG MI SNANG BA'I RGYU MTSAN YANG, SKYE 'GAG SOGS DON DAM PAR GRUB NA DE'I NGOR SNANG DGOS KYANG DE DAG DON DAM PAR MA GRUB PA'I PHYIR RO, ,DE YANG DON DAM PAR GRUB NA,
DE KHO NA NYID DPYOD PA'I RIG NGOR SNANG DGOS PA YIN GYIS, DE KHO NA NYID DPYOD PA'I RIG NGOR YOD NA, DON DAM PAR GRUB DGOS PA MA YIN TE, BUM PA BDEN PAR GRUB NA BUM PA DON DAM PAR BDEN PA YIN DGOS KYANG, CHOS NYID DON DAM DPYOD PA'I TSAD MAS GRUB PA LA CHOS NYID DON DAM PAR GRUB MI DGOS PA'I PHYIR TE, GZHAN DU RGYAS PAR BSHAD ZIN TO, ,SKYE 'GAG SOGS THAMS CAD DON DAM PAR MA GRUB PA'I RGYU MTSAN JI LTA BU ZHE NA, DE DAG DON DAM PAR GRUB PA 'GOG PA'I RIGS PA BSHAD PA NI, 'DIR SKAD CIG GANG LA ZHES SOGS TE, DE YANG 'OG TU 'GREL CHEN NYID LAS, 'DI NYID DON DAM PA'I RIGS PAS MI 'THAD DE, ZHES SKYE 'GAG SOGS 'GOG PA LA DON DAM GYI KHYAD PAR DNGOS SU SBYAR RO, ,DE YANG 'DUS BYAS KYI MTSAN NYID SKYE 'JIG GNAS PA GSUM NI 'DUS BYAS THAMS CAD LA SANGS RGYAS PA THAMS CAD KYIS KHAS LEN NO, ,DE'I PHYIR KUN RDZOB TU 'DUS BYAS THAMS CAD LA SKYE 'JIG GNAS PA YOD KYANG DON DAM PAR MI 'THAD DE, 'DI LTAR 'DUS BYAS RNAMS LA DON DAM PAR SKYE GNAS 'JIG PA YOD NA DUS RIM CAN DU YOD DAM CIG CAR YOD, DANG PO LTAR NA, 'DIR SKAD CIG GANG LA 'DUS BYAS KYI CHOS RNAMS SKYE BAR 'GYUR BA'I SKAD CIG DE RANG BZHIN GYIS GRUB NA DUS THAMS CAD DU SKYE BA'I BYA BA'I GNAS SKABS NYID DU 'GYUR DGOS TE, RANG BZHIN GZHAN DU 'GYUR BA MI 'THAD PA'I PHYIR RO, ,DE LTA NA, DE LA DE'I RJES SU GNAS PA DANG, DE'I RJES SU 'JIG PA'I SKABS MED DO, ,'DIR DNGOS PO DE SKAD CIG GANG LA GNAS PAR 'GYUR BA'I SKAD CIG DE RANG BZHIN GYIS GRUB NA DNGOS PO DE DUS THAMS CAD DU GNAS DGOS PAS, DNGOS PO DE LA MJUG TU 'JIG PA DANG SNGON DU SKYE BA'I SKABS MED
, ,DO, 'DIR SKAD CIG GANG LA 'DUS BYAS KYI CHOS THAMS CAD 'JIG PAR 'GYUR BA'I SKAD CIG DE RANG BZHIN GYIS GRUB NA DUS THAMS CAD DU 'JIG PA'I BYA BA'I GNAS SKABS 'BA' ZHIG TU 'GYUR BAS DE LA SNGON DU SKYE BA DANG GNAS PA'I GNAS SKABS MED DO, ,MED DO ZHES PA 'DI DAG NI MED PAR 'GYUR RO ZHES BYA BA'I DON TO, ,DE LTA NA 'DUS BYAS KYI CHOS THAMS CAD RIM PA JI LTA BA BZHIN SKAD CIG GCIG NYID DANG POR SKYE BA DANG DE'I RJES SU GNAS PA DANG DE'I RJES SU 'JIG PAR MI 'GYUR RO, ZHES BKAG PAS GRUB PA'I DON BSDU BA'O, ,PHYOGS GNYIS PA LTAR KHAS BLANGS NAS 'DUS BYAS GCIG LA 'DUS BYAS SU MTSON PA'I MTSAN NYID SKYE 'JIG GNAS PA GSUM CIG CAR TSOGS PAR SMRA NA DE NYID DON DAM PAR GRUB PA 'GOG PA NI, DNGOS PO RNAMS KYI SKAD CIG RE LA YANG SKYE 'JIG GNAS PA GSUM RANG BZHIN GYIS CIG CAR YANG MI SRID DE, DNGOS PO SKAD CIG GCIG LA SKYE GNAS 'JIG PA'I CHOS THAMS CAD RANG BZHIN GYIS DUS GCIG TU YOD PA LA NI SKYES BU GCIG GI SKYE BA DANG RGA BA DANG SHI BA YANG CIG CAR GYIS YOD DGOS PAR 'GYUR BA LA, GANG ZAG GCIG GI TSE GCIG GI SKYE BA DANG GNAS PA STE RGA BA DANG 'JIG PA STE SHI BA'I SKAD CIG RNAMS DUS GCIG PA NYID SRID PA MA YIN PA'I PHYIR RO, ,'DI NI NANG GI LE'U LAS, GAL TE DUS GCIG LA YIN NA SKYE BA DANG RGA BA DANG SHI BA YANG GCIG PA NYID DO ZHES PA LAS GZHAN PA CI, ZHES GSUNGS PA LTAR SKYE GNAS 'JIG PA KHYAD PAR PA SKYE RGA SHI BA LA SBYAR NA LEGS SO, ,DE YANG MYU GU LTA BU'I DNGOS PO GCIG GI SKYES PA DANG GNAS PA DANG 'JIG PA LA MNGON DU PHYOGS
PA'I SKAD CIG RNAMS DUS MNYAM PA RANG LUGS LA'ANG KHAS LEN PAS DE 'GOG PA LA RTAGS KYI DGAG BYA'I KHYAD PAR SBYAR DGOS LA, SKYE BA LA MNGON DU PHYOGS PA'I SKAD CIG DANG GNAS PA'I SKAD CIG THA SNYAD DU'ANG SNGA PHYI BA YIN PAS DE GNYIS LTA BU DUS CIG CAR BA YIN PA 'GOG PA LA NI KHYAD PAR SBYAR MI DGOS SO, ,CI STE ZHES SOGS KYI PHYOGS SNGA MAS SMRAS PA LTAR GYI DON 'DI THA SNYAD DU RANG LUGS LA'ANG KHAS LEN PA YIN TE, 'DI 'GOG PA NA 'DI NYID DON DAM PA'I RIGS PAS MI 'THAD DE, ZHES THA SNYAD DU 'THAD KYANG DON DAM DPYOD PA'I RIG PAS DPYAD NA MI 'THAD PAR STON PA SHIN TU GSAL BA'I PHYIR RO, ,DE LA DNGOS PO RNAMS KYI RANG RANG GI GRUB DUS KYI SKAD CIG NI GNAS PA'I SKAD CIG CES BYA LA, DNGOS PO DE RANG DUS LAS DUS GNYIS PAR MA GNAS PAR ZHIG PA LA DNGOS PO DE'I 'JIG PA ZHES BYA BA'ANG MANG DU 'BYUNG ZHING, DE 'DRA'I 'JIG PA'I SKAD CIG RANG DUS KYI GNAS PA'I SKAD CIG LAS 'BYUNG BA'I SNGA PHYI BA YOD KYANG, DNGOS PO DE 'JIG PA LA MNGON DU PHYOGS PA'I SKAD CIG DE DANG SNGA PHYI'I RIM PA GTAN MED DE, DNGOS PO THAMS CAD RANG GRUB TZAM NAS DE 'DRA'I 'JIG PA DANG GRUB BDE DBYER MED DU SKYE BA'I PHYIR RO, ,DE BZHIN DU MYU GU LTA BU'I SKAD CIG SNGA MA ZHIG PA'I SKAD CIG LAS MYU GU SKAD CIG PHYI MA SKYE BA LA MNGON DU PHYOGS PA'I SKAD CIG 'BYUNG BA MA YIN TE, MYU GU SKAD CIG SNGA MA ZHIG PA DANG MYU GU SKAD CIG PHYI MA SKYES PA DUS MNYAM PA'I PHYIR RO, ,MYU GU SKAD CIG SNGA MA 'JIG PA LA MNGON DU PHYOGS PA'I SKAD CIG LAS MYU GU SKAD CIG PHYI MA SKYE BA LA MNGON DU PHYOGS PA'I SKAD CIG 'BYUNG BA MIN TE, RGYU 'GAG PA LA MNGON
, ,PHYOGS PA DANG 'BRAS BU SKYE BA LA MNGON DU PHYOGS BA DUS MNYAM PA'I PHYIR RO, ,DES NA GNAS PA'I SKAD CIG LAS 'JIG PA'I SKAD CIG DANG, 'JIG PA'I SKAD CIG LAS SKYE BA'I SKAD CIG RIM PA JI LTA BAR 'BYUNG BA THA SNYAD DU'ANG JI LTAR RIGS SNYAM DU DPYOD PAR RIGS PA YIN NO, ,DE LA DNGOS PO RNAMS RANG GRUB TZAM NAS 'JIG PA LA MNGON DU PHYOGS PAR SKYES PAS DNGOS PO YIN NA 'JIG PA YIN PAS KHYAB KYANG, DNGOS PO DE'I RANG DUS DE NYID DNGOS PO DE'I 'JIG DUS MA YIN TE, DNGOS PO GCIG GI GNAS DUS DANG 'JIG DUS DUS GCIG TU MI RUNG ZHING, DNGOS PO DE DUS NAM GYIS TSE 'JIG NA RANG GI DUS GNYIS PAR 'JIG GO ,ZHES 'JOG DGOS KYI, RANG DUS NA 'JIG GO ZHES 'JOG TU MI RUNG BA'I PHYIR RO, ,DES NA DNGOS PO DE 'JIG PA LA MNGON DU PHYOGS PA'I DUS YIN NA DNGOS PO DE'I 'JIG DUS YIN PAS MA KHYAB LA DE BZHIN DU 'BRAS BU'I SKYE DUS NI RGYU 'GAG DUS LA BYA DGOS KYI, 'BRAS BU DE DUS NAM GYI TSE SKYE NA, KHO RANG GI RGYU DUS NA SKYE'O ZHES 'JOG TU MI RUNG BAS, 'BRAS BU SKYE BA LA MNGON DU PHYOGS PA'I DUS DANG, 'BRAS BU'I SKYE DUS DON MI GCIG STE, DPER NA BYANG CHUB SEMS DPA' PHYIR MI LDOG PA'I LAM GYI GNAS SKABS THAMS CAD BYANG SEMS DE DANG DE 'TSANG RGYA BA LA MNGON DU PHYOGS PA'I DUS YIN KYANG, LAM GYI GNAS SKABS DE DAG THAMS CAD BYANG SEMS DE DUS NAM GYI TSE 'TSANG RGYA BA'I RGYA DUS SU BZHAG TU MI RUNG BA BZHIN NA, ,SPYIR DE LTAR YIN MOD KYANG, 'DIR NI CI RIGS PAR SBYAR DGOS PAR MNGON GYIS GZHAN DU NA SHIN TU 'GRIG DKA'O, ,DE BAS NA TSIG GI DON 'DI LTAR, CI STE SNGA PHYI'I RIM PA JI LTA BAR DNGOS PO DE SKYE BA LA MNGON DU PHYOGS PA'I
SKAD CIG LAS DNGOS PO DE RANG DUS KYI GNAS PA'I SKAD CIG DANG, DNGOS PO DE RANG DUS KYI GNAS PA'I SKAD CIG LAS DE DUS GNYIS PAR MA BSDAD PA'I 'JIG PA'I DUS KYI SKAD CIG DANG, DNGOS PO DE 'JIG PA LA MNGON DU PHYOGS PA'I SKAD CIG LAS DE'I DUS GNYIS PAR RANG GI 'BRAS BU PHYI MA SKYE BA'I DUS KYI SKAD CIG 'BYUNG NGO, ZHES BSHAD DGOS TE, GZHAN TSUL JI LTAR BSHAD KYANG THAMS CAD LA SNGA PHYI'I RIM PA 'ONG DON MED DO, ,SNGAR NI DNGOS PO'I SKAD CIG GCIG NYID SKYE 'JIG GNAS PA RIM CAN DU 'BYUNG BA BKAG PA YIN PAS 'DI DANG MI 'DRA'O, ,LUGS 'DIR NI 'PHAGS PA KLU SGRUB YAB SRAS KYI BZHED PA LTAR, 'DAS MA 'ONGS DNGOS POR BZHED PAS MYU GU'I ZHIG PA LTA BU YANG DNGOS PO YIN NO, ,DE'I LAN NI 'DI NYID KUN RDZOB TZAM DU KHAS LEN PA LA MI RIGS PA MED KYANG, DON DAM PA DPYED PA'I RIGS PAS DPYAD NA DE LTAR GRUB PA MI 'THAD DE, 'DIR DON DAM PAR SKAD CIG SNGA MA MA 'GAGS PA LAS SKAD CIG PHYI MA GZHAN MI 'BYUNG ZHING, DE BZHIN DU SNGA MA 'GAGS PA LAS PHYI MA MI 'BYUNG BA'I PHYIR TE, DPER NA DON DAM PAR SA BON MA NYAMS PA LAS MYU GU MI 'BYUNG ZHING NYAMS PA LAS KYANG MI 'BYUNG BA BZHIN NO ZHES PA STE, DE YANG THA SNYAD DU RANG LUGS LA'ANG MYU GU DE MYU GU RANG DUS NA 'GAGS PA'I SA BON LAS SKYE BA YIN KYANG, DON DAM PAR DE MI RUNG STE, LTA BA'I MDOR BSDUS SU MAR ME'I DPE NYID KYIS GSUNGS PA LTAR, SA BON 'GAGS PA RANG BZHIN GYIS GRUB NA 'GAGS PA DE NYID DUS THAMS CAD DU GRUB DGOS BAS MYU GU SKYE BA LA MNGON DU PHYOGS PA'I DUS NA'ANG SA BON 'GAGS DGOS LA, DE LTAR NA MYU GU SKYE BA LA MNGON DU PHYOGS PA'I DUS NA SA BON 'GAGS NAS MED PA LAS KYANG MYU
, ,GU SKYE NA MAR ME SHI ZIN PA LAS KYANG MAR MI GZHAN SKYE BAR 'GYUR LA, SA BON MA 'GAGS KYANG MYU GU RANG BZHIN GYIS SKYE NA SA BON SKYE BA MA NYAMS PA'I DUS NYID NAS MYU GU SKYE DGOS PAS, MAR ME GCIG LAS GCIG 'BAR BA'I PHRENG BA BZHIN DU SA BON DANG MYU GU 'ANG MNGON SUM LA SNANG BAR 'GYUR RO, ,SA BON DANG MYU GU LA DPYOD PA'I TSUL DE LTAR SKYE GNAS 'JIG PA'I SKAD CIG SNGA PHYI DE DAG LA'ANG 'GYUR LA, DE LTAR SKYE GNAS 'JIG PA SNGA PHYI SO SO BA DANG DUS GCIG PA DAG LA BRTAGS NAS RANG BZHIN GYIS GRUB PA 'GOG PA'I TSUL 'DI NI, RTZA SHE LAS, SKYE LA SOGS GSUM SO SO YI, ,'DUS BYAS MTSAN NYID BYA BAR NI, ,NUS MIN GCIG LA DUS GCIG TU, ,'DUS PA YANG NI JI LTAR RUNG, ZHES GSUNGS PA DANG TSUL 'DRA'O, ,DE LTAR BRTAGS PAS GRUB PA'I DON BSDU BA NI, SHONG 'GYUR GYI 'GYUR 'DI LTAR NA, RTAGS DANG BSGRUB BYA GO LOG PAR 'GYUR BA'I PHYIR 'GYUR CUNG ZAD 'KHRUGS BAR SNANG BAS, 'DI LTAR BSHAD PAR BYA STE, JI SKAD BSHAD PA'I TSUL DE LTAR NA DON DAM PAR YOD PA'I DNGOS PO MED DE, RANG BZHIN GYIS GRUB PA'I SKAD CIG GCIG DANG DU MA GANG YANG MED PA'I PHYIR, KHYAB PA YOD DE, GCIG DANG DU MA DNGOS SU PHAN TSUN SPANGS NAS 'GAL BA'I PHYIR RO, ,DE LTAR SANGS RGYAS KYI SNGA ROL DU MI 'GYUR BA'I BDE CHEN SKAD CIG NYIS KHRI CHIG STONG DRUG BRGYA RIM CAN DU 'BYUNG BA DE DAG RDZOGS PA'I SKAD CIG PHYI MA LA SANGS RGYAS PAR 'JOG PAR BSHAD NAS, SKAD CIG SNGA PHYI'I RIM PA BDEN PAR GRUB PA CUNG ZAD KYANG MED PAR RGYAS PAR GTAN LA PHAB PA 'DIS BDE CHEN DE DAG
BDEN GRUB TU 'DOD PA DMIGS PHUG STE DGAG PA BSTAN PA YIN NO, ,DE LTAR SKYE 'JIG SOGS DON DAM PAR MA GRUB PAR BSTAN PA DE'I PHYIR SANGS RGYAS KYI JI LTA BA MKHYEN PA'I YE SHES DE NYID GANG LA DON DAM 'JAL BYED DU SONG BA'I NGO LA LTOS NAS YE SHES DE LA NAM YANG SKYE 'JIG SOGS DE DAG SNANG MI SRID PAR SNGAR BSHAD PA DE NYID SLAR YANG RGYAS PAR 'CHAD PA NI, 'DIR SKAD CIG THAMS CAD CES PA NAS, SANGS RGYAS TE, ZHES PA'I BAR NI SANGS RGYAS PA'I DUS STON PA STE SNGAR DANG 'DRA'O, ,DE LTAR SANGS RGYAS PA DE'I RJES LA DE PHYIN CHAD DUS NAM YANG SANGS RGYAS RNAMS KYI JI LTA BA MKHYEN PA'I RNAL 'BYOR DE GANG LA DE KHO NA NYID DPYOD BYED DU SONG BA'I DON SKYE 'JIG GNAS PA'I SKAD CIG THAMS CAD MED PA DE'I DON GCIG DANG DU MA DANG BRAL BA, GNYIS SU SNANG BA MED PA'I MCHOG STE YOD PA DANG MED PA GANG YANG DON DAM PAR GRUB PA DANG BRAL BA NYID KYI PHYIR RO, ,'DIR MCHOG GI GNYIS SU MED PA ZHES PA NI GNYIS SU MED PA'I MCHOG CES BSHAD DGOS SO, ,'O NA SKAD CIG GCIG DANG DU MA DE DAG YE SHES GANG LA SNANG ZHE NA, JI SRID DU 'JIG RTEN PA'I SEMS JI SNYED PA MKHYEN PA'I YE SHES 'JAL BYED DU YOD PA DE SRID DU YE SHES DE CHOS RNAMS JI LTAR GNAS PA BZHIN GCIG DANG DU MAS MA 'DRES PAR RNAM PAR DPYOD DE, YE SHES DE LA SKAD CIG MA'I SEMS SNGA PHYI THAMS CAD CIG CAR SNANG BA'I PHYIR RO, ,DES NA GANG GI TSE SANGS RGYAS KYI JI LTA BA MKHYEN PA'I YE SHES RNAM PAR MI RTOG PA'I SEMS DE DE KHO NA NYID 'JAL BYED DU SONG BA'I NGO LA LTOS NAS SKAD CIG GI CHOS THAMS CAD KYI SNANG BA
, ,DANG BRAL BA DE'I TSE YE SHES DES RANG BZHIN MED PAR RTOGS PA ZHES BRJOD DO, ,BZHI PA NI, GANG LA DE KHO NA NYID 'JAL BYED DU SONG BA'I SANGS RGYAS KYI YE SHES NI RANG BZHIN MED PAR RTOGS PA YIN PA'I PHYIR RANG BZHIN MED PA'I PHYOGS NI BCOM LDAN 'DAS KYIS PHYOGS KYI MTHA' THAMS CAD MED PAR GSUNGS SO, ,ZHES GSUNGS TE, RANG BZHIN MED PA'I STONG NYID CHAD STONG DU SMRA BA LA DMIGS PHUG NAS BKA' STZAL PA'O, ,BZHI PA DGAG BYA'I MTHA' NGOS BZUNG BA RGYU MTSAN DANG BCAS PA NI, 'DIR PHYOGS ZHES BYA BA DE YANG CI ZHIG CE NA, GANG DU BZUNG NA MTHAR LTUNG BAR 'GYUR BA'I PHYOGS ZHES BYA BA NI, DNGOS POR BDEN PA DANG, DNGOS PO MED PAR BDEN PA DANG, YOD PAR BDEN PA DANG, MED PAR BDEN PA DANG, ZHES BYA BA NAS, GTI MUG MA YIN PAR BDEN PA ZHES PA DE LTA BU LA SOGS PA RNAMS NI GANG DU BZUNG NA MTHAR LTUNG BA'I PHYOGS ZHES BYA STE, DNGOS PO DANG DNGOS PO MED PA NAS GTI MUG DANG GTI MUG MA YIN PA'I BAR GYI CHOS DE DAG THAMS CAD PHAN TSUN LTOS PA DANG BCAS PA NYID KYIS RTEN CING 'BREL PAR 'BYUNG BA YIN PA'I PHYIR RO, ,KHYAB STE RANG BZHIN GYIS GRUB NA LTOS MED DU GRUB DGOS PA'I PHYIR TE, GZHAN LA LTOS NA BCOS MAR 'GYUR BA'I PHYIR RO, ,'DIS NI RANG BZHIN GYIS GRUB PAS STONG PA NYID KYI RIGS PA THAMS CAD KYI GTZO BO RTEN 'BYUNG GI RIGS PAR BSTAN PA YIN NO, ,GANG YANG MI 'GYUR BA'I BDE CHEN DANG STONG GZUGS DANG BDE GSHEGS SNYING PO SOGS RTEN 'BREL MA YIN PAR SMRA BA LTAR NA CHOS DE DAG BLO YUL DU 'GYUR BA CHOS GANG LA YANG MA LTOS PAR BLO YUL DU
'GYUR DGOS PAR THAL LO, ,DE LTA NA SBYOR BA YAN LAG DRUG BSGOM PA SOGS THABS GANG LA YANG MA LTOS PAR, SEMS CAN THAMS CAD KYIS STONG GZUGS DANG CHOS NYID MNGON SUM DU MTHONG BAR THAL LO, ,RTEN 'BREL DU 'GYUR BA LA SKYE BA RGYU RKYEN LA LTOS DGOS KYI BLO YUL DU 'GYUR BA GZHAN LA LTOS PA TZAM GYIS MI CHOG NA, 'DUS MA BYAS KYI NAM MKHA' LA SOGS PA RNAMS RTEN 'BREL MA YIN PAR THAL LO, ,'DOD NA KUN RDZOB THAMS CAD PA RTEN 'BREL DU SMRAS PA DNGOS SU NYAMS SO, ,DE'I PHYIR GSUNGS RAB KYI BRDA LA MA BYANG BA'I GTAM DU SHES PAR BYOS SHIG ,DES NA YE SHES GANG GI NGO NA JI SKAD BSHAD PA'I PHYOGS 'DI DAG DANG BRAL BA NI SANGS RGYAS RNAMS KYI MI GNAS PA'I MYA NGAN LAS 'DAS PA, RANG BZHIN MED PA'I STONG PA NYID DANG RO GCIG TU GYUR PA'I SGO NAS RTOGS PA STE, GANG LA DE KHO NA NYID 'JAL BYED DU SONG BA'I NGO LA LTOS NAS SKAD CIG GCIG DANG DU MA'I SNANG BA DANG BRAL BA'I YE SHES RNAM PAR MI RTOG PA DE NI RGYAL BA RNAMS KYIS DE KHO NA NYID GZIGS PA'I YE SHES ZHES GSUNGS SO, ,GSUM PA LHAN SKYES KYI SKU NYID LA LDOG PA'I SGO NAS DU MAR 'BYED TSUL BSHAD PA LA GNYIS, DGA' BA BCU DRUG TU 'BYED TSUL DANG, SKU BCU DRUG TU 'BYED TSUL LO, ,DANG PO NI, LHAN CIG SKYES PA'I YE SHES MTHAR THUG PA DANG STONG GZUGS PHYAG RGYA CHEN MO DBYER MI PHYED PA'I RDO RJE'I RNAL 'BYOR DE NYID GDUL BYA'I SEMS CAN RNAMS KYIS RANG GI SEMS KYI BSAM PA'I DBANG GIS LDOG PAS PHYE BA RNAM PA BZHI DANG, BZHI PO RE RE LA YANG BZHI BZHIR LDOG PAS BYE BA RNAM PA BCU DRUG TU YANG SO SOR SNANG STE,
, ,ZHES PA DGA' BA BZHI DANG SKU BZHI MA PHYE BA'I SPYIR BSHAD NAS, RNAM PA BZHI DANG BCU DRUG TU LDOG PAS JI LTAR 'BYED CE NA, DGA' BA BZHI DANG BCU DRUG TU 'BYED TSUL NI DGA' BA DANG ZHES SOGS TE, GZHI DUS KYI THIG LE BZHI 'DZAG PA'I BAG CHAGS KYI SGRIB PA SPANGS PA'I LDOG PA NAS DGA' BA BZHI DANG, GZHI DUS KYI 'DZAG PA'I DGA' BA BZHI PO RE RE LA YANG LUS NGAG YID YE SHES KYI DBYE BAS GZHI BZHIR PHYE BA'I 'DZAG PA'I DGA' BA BCU DRUG SGRIB BRAL DU GYUR PA'I LDOG PA NAS 'BRAS DUS KYI DGA' BA BCU DRUG TU 'JOG PA'I DBYE BA TZAM 'DIR SMOS PA YIN CING GONG DU BSHAD ZIN LA, DE LTA BU 'DI NYID RNAM PA BCU DRUG RLUNG 'PHO BA BCU GNYIS 'GAGS SHING SA BCU GNYIS RDZOGS PA'I DUS GANG GI TSE RNAL 'BYOR PAS MNGON DU BYAS PA'I TSUL GYIS, , RIG PA DE'I TSE DE NYID RNAM PA BCU DRUG RIG CES BCOM LDAN 'DAS KYIS GSUNGS SO, ,KHA CIG GIS 'DI YIS BABS KYI DGA' BA BCU DRUG DANG, 'OG MA MAS BRTAN GYI DGA' BA BCU DRUG LA 'CHAD PA NI DON MIN TE, 'OG MA 'DI DGA' BA'I DBYE BA'I LDOG PA NAS MA BSTAN PAR SKU'I DBYE BA'I LDOG PA NAS DNGOS SU BSTAN PA'I PHYIR DANG, 'BRAS BU MTHAR THUG PA'I GNAS NGAM, SKABS NA YAS BABS DANG MAS BRTAN GYI DBYE BA SHIN TU MI 'THAD PA'I PHYIR RO, ,GNYIS PA NI, GNYIS SU MED PA'I YE SHES DE NYID RNAM PA BZHI DANG BCU DRUG TU SO SOR SNANG TSUL GZHAN YANG, DANG POR SKU BZHIR DBYE BA DANG, DE NAS DE RE RE LA YANG BZHI BZHIR DBYE BAS SKU BCU DRUG TU DBYE BA NI, GNYIS SU MED PA'I YE SHES MTHAR THUG PA DE NYID GDUL BYA'I BSAM NGO LA MA LTOS PA'I DE KHO NA STE DNGOS PO'I GNAS TSOD LA ZHES SOGS KYIS SKU BZHI
DANG DE BZHIN DU ZHES SOGS KYIS RE RE LA YANG BZHI BZHIR PHYE BAS BCU DRUG TU 'BYED TSUL STON TE, DE YANG RANG RANG GI SKU SPRUL SKU DANG BCAS PA'I GSUNG LONGS SKU DANG, THUGS CHOS SKU DANG, YE SHES LHAN CIG SKYES PA BZHI BZHIR PHYE BAS BCU DRUG TU STON PA STE MDOR SDUS DANG POR BSHAD ZIN LA, DE LTAR SKU'I DBYE BAS DE NYID RNAM PA BCU DRUG TU GDUL BYA'I SEMS CAN THAMS CAD KYI SEMS KYIS LHAG PAR MOS PA'I DBANG GIS RAB TU SNANG STE'O, ,BZHI PA RGYUD GANG DU RDO RJE'I RNAL 'BYOR DE NYID GANG GI PHYIR GSOL BA BTAB PA BSHAD PA LA BZHI, RDO RJE'I RNAL 'BYOR GANG ZHUS PA, RGYUD GANG DU ZHUS PA, DGOS SOGS GANG GI DON DU ZHUS PA, DGOS SOGS DE LTA BU YOD PA'I PHYIR SANGS RGYAS THAMS CAD KYIS GSUNGS PAR BSTAN PA'O, ,DANG PO LA DRUG ,GLENG BZHI'I TSIG BZHI SOGS DANG RNAM PAR DAG PA'I RNAL 'BYOR SOGS BZHI RIM BZHIN SBYOR BAS RDO RJE'I RNAL 'BYOR BZHIR DBYE BA, GLENG BZHI'I TSIG BZHI SOGS DANG MKHYEN PA BZHI RIM BZHIN SBYAR BAS RDO RJE'I RNAL 'BYOR BZHIR DBYE BA, GLENG BZHI'I TSIG BZHI DANG MNGON PAR BYANG CHUB PA BZHIR RIM BZHIN SBYAR BAS RDO RJE'I RNAL 'BYOR BZHIR DBYE BA, GLING BZHI'I TSIG BZHI DANG SGRIB PA BZHI SPANGS PA'I SKU BZHI RIM PA BZHIN SBYAR BAS RDO RJE'I RNAL 'BYOR BZHIR DBYE BA, RDO RJE'I RNAL 'BYOR DE NYID RGYAS PAR LE'U GZHAN DU KHA 'PHANG BA, DE LTAR RIGS BZHI'I DBYE BAS BZHI BZHIR PHYE BA'I RDO RJE'I RNAL 'BYOR DE NYID ZHUS PAR BSTAN PA'O, ,DANG PO NI, RDO RJE'I RNAL 'BYOR DE NYID 'BRAS BU SKU BZHI LAS LHAN CIG SKYES PA'I SKU LAM RNAM THAR BZHI LAS STONG PA NYID KYI RNAM PAR THAR PA RNAM PAR DAG PA RDO RJE BZHI LAS YE SHES RDO RJE,
, ,GLENG GZHI'I TSIG BZHI LAS THAMS CAD MKHYEN PA NGO BO SHES RAB DANG THABS DBYER MI PHYED PA'I BDAG NYID RNAL 'BYOR BZHI LAS, RNAM PAR DAG PA'I RNAL 'BYOR ZHES BRJOD DO, ,DE BZHIN DU 'OG MA GSUM LA'ANG SBYOR BA SHES SLA STE, DE LTA BU'I RDO RJE'I RNAL 'BYOR RNAM PA BZHI PO 'DI RGYUD KYI STON PA SANGS RGYAS LA PHYAG NA RDO RJES TE ZLA BA BZANG POS ZHUS SO, ,GNYIS PA NI, STONG PA NYID KYI RNAM PAR THAR PAS RNAM PAR DAG PA ZHES SOGS TE, DE YANG SANGS RGYAS KYI YE SHES GCIG NYID LA LDOG PA'I SGO NAS BZHIR PHYE BA NA, SHES BYA THAMS CAD GZIGS PA'I LDOG PA NAS THAMS CAD MKHYEN PA, MI 'GYUR BA'I BDE BA'I NGO BOR GNAS PA'I LDOG PA NAS LAM GYI RNAM PA MKHYEN PA, MTHA' YAS PA'I SEMS CAN LA RANG RANG GI SKAD DANG MTHUN PAR 'JIG RTEN DANG 'JIG RTEN LAS 'DAS PA'I LAM JI LTAR 'TSAM PA BZHIN CIG CAR STON PA'I LDOG PA NAS LAM MKHYEN PA, GDUL BYA 'DUL BA'I DON DU SKU'I RNAM PA MTHA' YAS PA THAMS CAD CIG CAR STON PA MKHYEN PA'I LDOG PA NAS, RNAM PA THAMS CAD MKHYEN PAR BZHAG PA STE, DE LTA BU'I MKHYEN PA BZHI DANG RNAM THAR BZHI RDO RJE BZHI SKU BZHI RNAMS RIM PA BZHIN GLENG BZHI'I TSIG BZHI DANG SBYAR NAS SHES RAB DANG THABS KYI BDAG NYID RDO RJE'I RNAL 'BYOR LA BZHIR DBYE BA STE TSIG DON DES SHES SO, ,GSUM PA NI, GSUM PA NI, SNGAR BZHI TSAN DE DAG RIM PA LTAR GLENG BZHI'I TSIG BZHI DANG SBYAR BA DE BZHIN DU, GANG GI TSE SHES BYA'I SGRIB PA MA LUS PAR SPANGS PA'I SKAD CIG GCIG GIS CHOS THAMS CAD MNGON PAR TE MNGON DU
GYUR BAR RDZOGS PAR TE MA LUS PAR SANGS RGYAS PA STE RTOGS SHING KHONG DU CHUD PA NI RDO RJE BZHI'I NANG NAS YE SHES RDO RJE STE GLING BZHI'I TSIG BZHI'I NANG NAS THAMS CAD GZIGS PA'O, ,KHAMS LNGA'AM PHUNG PO LNGA SGRIB BRAL DU GYUR CING DKYIL 'KHOR LNGA'I RLUNG 'GOG PAS YE SHES LNGA THUGS SU CHUD PA'I TSUL GYIS RNAM PA LNGAS MNGON PAR RDZOGS PAR SANGS RGYAS PA NI RDO RJE BZHI'I NANG NAS THUGS RDO RJE STE GLENG BZHI'I TSIG BZHI'I NANG NAS YE SHES SKU MCHOG TU MI 'GYUR BA'I BDE BA'O, ,DBANG PO LNGA, YUL LNGA, LAS DBANG LNGA, LAS DBANG GI BYA BA LNGA STE NYI SHU PO DE NYID SGRIB BRAL DU GYUR PA'I SNGOG PAS PHYE BA'I RNAM PA NYI SHU MNGON PAR RDZOGS PAR SANGS RGYAS PA NI RDO RJE BZHI'I NANG NAS GSUNG RDO RJE STE GLENG GZHI'I TSIG BZHI'I NANG NAS 'BRAS BU'I BDEN PA'I DON BCU GNYIS PA SEMS CAN THAMS CAD KYI SKAD KYIS CHOS STON PA PO NYIN MOR BYED PA'I SKU'O, ,DGA' BA BCU DRUG SGRIB BRAL DU GYUR PA'I SGYU MA LTA BU'I SPRUL PA'I DRA BA MTHA' YAS PA STON PA'I TSUL GYIS SGYU 'PHRUL DRA BAS MNGON PAR RDZOGS PAR SANGS RGYAS PA NI RDO RJE BZHI'I NANG NAS SKU RDO RJE STE GLENG GZHI'I TSIG BZHI'I NANG NAS DE NYID RNAM PA BCU DRUG RIG PA MTHA' YAS PA'I SGYU 'PHRUL DRA BA DAG GIS SPRUL PA'I SKU PAD+MA'I 'DAB MA RGYAS PA'I SPYAN NO, ,BZHI PA NI, 'DIR 'KHOR BA PA'I SEMS MED PA DON DAM PA'I SEMS SAM BDE GSHEGS SNYING PO'I SEMS KYI RDO RJE RNAM PA BZHI GLO BUR GYI DRI MAS KYANG RNAM PAR DAG PA NI ZHES DO LA PHYOGS, ZER BA NI, DON DAM PA'I SEMS BKAG ZIN PAS MI 'THAD LA, DE'I DON NI 'DI YIN TE, 'DIR SAD RMI GNYID MTHUG BZHI PPA'I GNAS SKABS
, ,KYI SEMS KYI MI SHIGS PA'AM GZHIG PAR DGA' BAS RDO RJE DANG 'DRA BA'I SGRIB PA RNAM PA BZHI RNAM PAR DAG PA NI SKU BZHI'I MTSAN NYID DU 'GYUR TE, GNYEN POS SHIN TU BZLOG PAR DKA' BA'I 'DZAG PA'I BDE BA LA SRID PA'I 'DOD CHAGS KYI DRI MA STE NYON MONGS PAS SEMS RGYUD LA KUN NAS BSGOS PA'I BAG CHAGS CAN, BUD MED KYI BHA GA DANG SKYES PA'I DBANG PO MNYAM PAR SBYAR BA'I BDAG NYID GZHI'I SEMS KYI GNAS SKABS BSKYED PAR BYED PA'I THIG LE LAM GYIS SGRIB BRAL DU BYAS NAS BAG CHAGS KYI DRI MA'I DNGOS PO MED PAR GYUR BA'I SEMS LHAN CIG SKYES PA'I YE SHES NI NGO BO NYID KYI SKU STE, GLENG GZHI'I TSIG BZHI'I NANG NAS THAMS CAD MKHYEN PA ZHES PA'O, ,MUN PAS ZIL GYIS MNAN PA SHIN TU GNYID LOG PA'I SEMS KYI GNAS SKABS SKYED PAR BYED PA'I THIG LE DRI MA'I DNGOS PO MED PAR BYAS PA'I SEMS SANGS RGYAS KYI RNAM PAR MI RTOG PA'I YE SHES NI CHOS KYI SKU STE, GLENG GZHI'I TSIG BZHI'I NANG NAS YE SHES KYI SKU, ZHES PA'O, ,GNYID KYI GNAS SKABS KYI SROG STE RLUNG GI GA-YO BAS SKYED PA YOD PA DANG MED PA'I SNANG BA SNA TSOGS SHAR BA'I RMI LAM GYI SEMS KYI GNAS SKABS SKYED PAR BYED PA'I THIG LE DRI MA'I DNGOS PO MED PAR BYAS PA'I SEMS KYI BDAG NYID GSUNG RNAM PA THAMS CAD PA LONGS SPYOD RDZOGS PA'I SKU GLENG GZHI'I TSIG BZHI'I NANG NAS NYIN MOR BYED PA'I SKU ZHES PA SOGS RNAM PAR RTOGS PA DU MA'I DNGOS PO'I 'DU SHES SAD PA'I SEMS KYI GNAS SKABS SKYED PAR BYED PA'I THIG LE DRI MA'I DNGOS PO MED PAR BYAS PA'I SEMS KYI BDAG NYID DU GYUR PA, GDUL BYA MTHA' YAS PA'I BSAM PA DANG MTHUN PAR SKU'I SNANG BA SNA
TSOGS PA STON PA NI SPRUL PA'I SKU STE, GLENG GZHI'I TSIG BZHI'I NANG NAS PAD+MA'I 'DAB MA RGYAS PA'I SPYAN ZHES PA'O, ,LNGA PA NI, RGYUD KYI BRJOD BYA'I GTZO BO RDO RJE'I RNAL 'BYOR 'DI YE SHES KYI LE'UR RGYA CHER BRJOD PAR BYA STE, 'JIG RTEN GYI KHAMS KYI LE'U 'DIR NI GTAN LA DBAB BYA'I GTZO BO RDO RJE'I RNAL 'BYOR DE NYID GTAN LA 'BEBS PA'I YAN LAG TU PHYI ROL 'JIG RTEN GYI KHAMS KYI RNAM GZHAG RGYAS PAR 'CHAD KYI RDO RJE'I RNAL 'BYOR NI MDO TZAM ZHIG BSTAN TE, ,DRUG PA NI, JI SKAD BSHAD PA'I TSUL DE LTAR RIGS PA ZHI'I DBYE BAS YE SHES DANG THUGS DANG GSUNG DANG SKU'I BDAG NYID KYI RNAL 'BYOR ZHUS SO, ,STE NI 'OG MA 'DREN PA'I TSIG GO ,'DI LTAR GSUNGS PA NI, RGYUD 'DI'I BRJOD BYA'I GTZO BO GLENG BZHI'I DON DU JI LTAR YOD PA RTOGS PA'I CHED DU RDO RJE'I RNAL 'BYOR LA BZHI BZHIR PHYE BA'I BZHI TSAN RE RE ZHING GLENG GZHI'I TSIG BZHI DANG SBYAR TE GSUNGS SHING, SNGAR RGYUD 'DI RIGS BZHI'I BDAG NYID BRJOD PAR BYED PAR GSUNGS PA DE LA, BRJOD BYA'I RIGS BZHI'I BDAG NYID JI LTA BUR BRJOD PA RTOGS PAR BYA BA'I PHYIR DU, BRJOD BYA RDO RJE'I RNAL 'BYOR LA RIGS BZHI'I DBYE BAS BZHI TSAN DU MAR PHYE NAS, BRJOD BYA DE DAG ZHUS PAR GSUNGS PA YIN NO, ,DE'I PHYIR 'GREL BA'I TSIG 'DI DAG NI, RNAL 'BYOR DPAL LDAN DUS 'KHOR, ZHES SOGS RKANG PA THA MA'I THOG MA'I TSIG RNAL 'BYOR ZHES PA'I DON 'GREL PA YIN GYI, THAMS CAD MKHYEN PA YE SHES SKU DANG, ZHES SOGS RKANG PA DANG PO'I TSIG DON 'CHAD PA MA YIN NO, ,GNYIS PA RGYUD GANG DU ZHUS PA NI, 'O NA BRJOD BYA RDO RJE'I RNAL 'BYOR DE NYID RJOD BYED KYI
, ,RGYUD JI LTA BU ZHIG TU ZHUS ZHE NA, DPAL LDAN DUS 'KHOR RGYUD KYI RGYAL PO LA'O, ,DE YANG JI LTAR GYUR PA LA ZHE NA, KA 'PHRENG LDAN PA'I AA 'DUS LA STE, 'DI'I THAD KYI SKAD DOD LA KA LI YU GA SA MA YE, ZHES PAR YOD PA LA, 'BRO DANG TZA MI GYI CO LA SOGS PA 'GYUR MDZAD SNGA MA MANG PO ZHIG GIS KA LI RTZOD PA DANG YU GA LDAN PA DANG, SA MA YA DUS SU BSGYUR NAS, RTZOD LDAN DUS SU MI RNAMS SHES BYAS KYANG, 'GREL PAR KA 'PHRENG DANG AA 'DUS KYI BSHAD PA BYAS KYI RTZOD LDAN DUS KYI BSHAD PA ZUR TZAM YANG MA BYAS PAS SHIN TU MI LEGS LA, DES NA SPYIR KA LI RTZOD PA DANG SA MA YE DUS LA 'JUG PA'I SKABS YOD KYANG 'DIR DON DANG MI 'BYOR PAS, SHONG GIS KA LI KA PHRENG DANG, YU GA LDAN PA DANG, GA'I KHOG GI AA PHYUNG NAS AA SA MA YE AA 'DUS SU BSGYUR BA NYID SHIN TU LEGS SO ZHES MKHAS PA DAG GSUNG LA, KA PHRENG LDAN PA'I AA 'DUS ZHES PA'I KA'I PHRENG BA NI KA PHRENG STE KA YIG LA SOGS PA GSAL BYED KYI PHRENG BA'O, , DE LTAR KA PHRENG ZHES GSUNGS PA'I DGOS PA NI, RGYUD KYI RJOD BYED KYI TSOGS KYI YI GE THAMS CAD DBYANGS GSAL GNYIS SU 'DUS SHING, KA YIG GSAL BYED KYI PHRENG BA THAMS CAD KYI GTZO BOR RIG PAR BYA BA'I PHYIR KA PHRENG ZHES GSUNGS TE, GTZO BO YIN PA'I RGYU MTSAN NI GSAL BYED RNAMS KYI DANG POR BSTAN PA'AM, GSAL BYED KYIS NI NANG GI RDUL MTSON PA YIN LA, NANG DU MNGAL 'DZIN PA NA RDUL LA KHU BA 'JUG DGOS PAS DANG POR RDUL GYI NGO BO NYID 'GRUB PA
YIN ZHING, MNGAL DU THOG MAR KHU BA GANG LA ZHUGS PA'I RDUL DE SKYES BU'I LUS KYI RDUL THAMS CAD KYI THOG MAR GYUR PA'I GTZO BO YIN PAR SHES PAR BYA BA'I PHYIR DU'ANG GSAL BYED KYI THOG MA'I KA YIG GTZO BOR BSTAN PA'I CHED DU KA PHRENG ZHES SMRAS SO, ,DE BZHIN DU AA'I 'DUS PA NI AA 'DUS TE, AA YIG LA SOGS PA DBYANGS KYI TSOGS PA ZHES BRJOD DO, ,'DIR YANG AA 'DUS ZHES SMROS PA'I DGOS PA NI AA YIG DBYANGS KYI DANG POR BSTAN PA 'AM, AA YIG DBYANGS KYI TSOGS PA'I GTZO BOR BSTAN PA'I PHYIR DU YIN TE, DE YANG DBYANGS KYIS NI NANG GI KHU BA MTSON LA, MNGAL DU RDUL THOG MAR GRUB PA LA KHU BA PHYIS 'JUG PA BZHIN DU GSAL BYED LA DBYANGS PHYI NAS SROG TU 'JUG PA YIN ZHING, MNGAL DU RDUL LA THOG MAR ZHUGS PA'I KHU BA DE SKYES BU'I LUS KYI KHU BA THAMS CAD KYI THOG MAR GYUR PA'I GTZO BO YIN PAR SHES PAR BYA BA'I PHYIR DU'ANG DBYANGS YIG THOG MA'I AA YIG GTZO BOR BSTAN PA'I CHED DU AA 'DUS ZHES SMROS SO, ,GONG DU KA YIG LA SOGS PA GSAL BYED KYI PHRENG BA'O ZHES SMROS PA'I GSAL BYED KYI PHRENG BA JI LTA BU ZHE NA, 'DIR KA'I PHRENG BA NI SOGS SO, ,AA'I 'DUS PA YANG JI LTA BU ZHE NA, 'DIR AA'I 'DUS PA NI SOGS SO, ,DE LTAR KA PHRENG DANG AA 'DUS NGOS BZUNG NAS, DA NI KA PHRENG LDAN PA'I AA 'DUS ZHES PA'I TSIG DON 'CHAD PA LA, AA LA SOGS PA DBYANGS KYI 'DUS PA DAG LAS GANG YANG RUNG BA SROG TU BYAS PA 'DI LA, KA PHRENG GSAL BYED KYI TSOGS LAS GANG YANG RUNG BA LUS SAM YAN LAG TU BYAS PA LDAN PA'I PHYIR KA PHRENG LDAN PA STE, TSUL DE LTA BU'I SGO NAS KA PHRENG LDAN PA'I AA
, ,'DUS KYIS BRTZAMS PA'I DUS KYI 'KHOR LO'I BRJOD PAR BYED PA AA LA SOGS PA SHES RAB KYI YI GE DANG KA LA SOGS PA THABS KYI YI GE'I BDAG NYID RNAL 'BYOR GYI RGYUD DANG PO'I SANGS RGYAS RIS MED PA SGRA'I RGYUD DA LA DUS KYI 'KHOR LO'I BRJOD PAR BYA BA RDO RJE'I RNAL 'BYOR DON GYI RGYUD KYI NGO BO NYID KYI GNAS PA'I DANG PO'I SANGS RGYAS NI ZLA BA BZANG POS ZHUS PA ZHES PA BSDUS PA'I GNAS PA'O, ,GSUM PA DGOS SOGS GANG GI DON DU ZHUS PA NI, DA NI ZHES SOGS KYI 'TSAMS SBYAR NAS, RTZA BA NI, MI RNAMS DGROL BA'I DON DU'O ZHES PA STE, RGYUD 'DI'I CHED DU BYA BA'I GDUL BYA GTZO BO KHAMS DRUG LDAN GYI MI RNAMS DGROL BA'I DON DU BSTAN ZHES PA RGYUD 'DI BSTAN PA'I DGOS PA DANG NYID DGOS GNYIS BSDUS NAS BSTAN PA DE SO SOR PHYE NAS 'GEL BAS 'CHAD PA NI, MI RNAMS DGOL BA'I DON NI GSANG SNGAGS BLA MED KYI THUN MONG MA YIN PA'I LAM LA 'JUG PA'I DANG POR RE SHIG DKYIL 'KHOR DU 'JUG PA DANG, LA SOGS PAS, ZHUGS PA LA DBANG BSKUR BA SOGS KYIS LAM RIM PA GNYIS BSGOM PA'I SNOD RUNG DU BSGRUB PA'I SEMS CAN GYI DON BYED PA NI THOG MA'I DGOS PA STE, DE TZAM DU MA ZAD BSKYED RIM MTSAN NYID TSANG BA BSGOMS PAS BSOD NAMS KYI TSOGS KYIS RDZOGS RIM YONGS RDZOGS SKYE BA'I RGYUD SMIN PA DANG, DKYIL 'KHOR GYI 'KHOR LO'I GZUGS DAM TSIG PA BSGOM PA'I STOBS DANG, RANG GI LUS NGAG YID YE SHES RNAMS SKU GSUNG THUGS YE SHES RDO RJE BZHI DANG NGO BO DBYER MED DU BSGRUB PA'I BSKYED RIM PA'I RANG BYIN GYIS BRLABS PA BSGOMS PA'I STOBS DANG
LHA DRAG PO BSGOM PA DPA' BO'I RIM PA DANG, LTA ZHI BA BSGOM PA BYIN GYIS BRLABS PA'I RIM PAS, ,GNAS SKABS SU RDZOGS RIM MA THOB PA'I GONG DU 'JIG RTEN PA'I DNGOS GRUB BSGRUB PA YANG DGOS PA'O, ,BSKYED RIM GYIS RGYUD YONGS SU SMIN PA DE NAS GONG NAS GONG DU DGOS PA YI YANG DGOS PA GRUB PA NI DGOS PA'I DGOS PA STE, DE LA GONG NAS GONG DU ZHES SMOS PA NI BSKYED RIM DANG 'JIG RTEN PA'I DNGOS GRUB LAS GONG DU GYUR PA'I SLOB LAM DU STONG GZUGS KYI SKU MTSAN NYID PA DANG MCHOG TU MI 'GYUR BA'I BDE BA GRUB PA'ANG GNAS SKABS KYI DGOS PA'I DGOS PA YIN PA DANG, DE LAS KYANG GONG DU GYUR PA MI SLOB LAM GYI RDO RJE 'DZIN PA'I GO 'PHANG NI MTHAR THUG GI DGOS PA'I DOGS PA YIN PA GNYIS GA BSDU BA'I DON DU'O, ,GNAS SKABS DANG MTHAR THUG GI DGOS PA'I DGOS PA DE DAG KYANG GANG ZHE NA, 'DIR GANG DU DMIGS PA GTAD PA'I NAM MKHA'I KHAMS LA, DE LAS YUL GZHAN DU 'GRO BA'I RNAM PAR RTOG PA MED PA'I SEMS DANG, SEMS DES DU BA LA SOGS PA'I MTSAN MA KHYAD PAR BA MTHONG BA RNAMS GONG NAS GONG DU GNAS GYUR PA'I DNGOS PO LA GRUB PA'I STONG GZUGS KYI SKU PHYAG RGYA CHEN MO RNAM PA SNA TSOGS PA'I NGO BO NYID KYI BSGOM PA'I SGRUB THABS KYIS MCHOG TU MI 'GYUR BA'I BDE BA CHEN PO GRUB PA TING NGE 'DZIN GYI YAN LAG GNAS SKABS KYI NYID DGOS DANG, THEG PA GZHAN GYI BSKAL PA GRANGS MED PA DU MA'I BSOD NAMS KYI TSOGS KYI DOD THUB PA'I STONG GZUGS KYI SKU DANG MCHOG TU MI 'GYUR BA'I BDE BA CHEN PO'I YE SHES KYI TSOGS ZUNG DU 'JUG PA DAG GIS MI RNAMS KYI SKYE BA 'DI
, ,LA, PHAR PHYIN THEG PAR SANGS RGYAS KYIS KUN TU 'OD DU GRAGS PA NYID DANG, THEG PA 'DIR RDO RJE 'DZIN PA'I SAR GRAGS PA NYID THOB PA DE MTHAR THUG PA'I NYID DGOS YIN NO, ,SANGS RGYAS NYID DANG RDO RJE 'DZIN PA NYID CES GNYIS GA SMOS PA'I DGOS PA NI JI SKAD BSHAD PA 'DI LTAR YIN TE, GZHAN DAG GIS CI'ANG MA BSHAD DO, ,DE LTAR NA MI RNAMS DGROL BA'I DON DU'O ZHES PA 'DI NI, DGOS PA DANG DGOS PA'I DGOS PA BSDUS PA'I GNAS PA'O, ,BZHI PA DGOS SOGS DE LTA BU YOD PA'I PHYIR SANGS RGYAS THAMS CAD KYIS GSUNGS PAR BSTAN PA NI, ,DGOS SOGS DE LTA BU DANG LDAN PAS BSTAN PAR BYA BA'I CHOS THAMS CAD KYI MCHOG TU GYUR PA 'DI MI STON PA'I SANGS RGYAS YOD PAR MI 'THAD PA'I PHYIR NA MCHOG GI DANG PO'I ZHES PA NAS, STON PAR 'GYUR TE, DUS NAM GYI TSE NA 'DAS PA DANG, ZHES SOGS DANG, 'KHOR GANG LA NA, 'DAS PA DANG, ZHES SOGS DANG, MTHA' YAS PA ZHES PA NAS, 'DAS PA'I TSE YANG DAG PAR BSTAN TO, ,DE LTAR STON TE, ,MA 'ONGS PA NA STON PAR 'GYUR RO, ZHES PA STE MTHA' YAS PA ZHES SOGS KYIS NI SANGS RGYAS RE RES KYANG DUS GSUM CHAR DU 'CHAD PAR STON PA YIN LA, GZHUNG SNGA MAS NI 'DAS PA'I SANGS RGYAS KYIS 'DAS PA'I DUS SU BSTAN, DE LTAR BA'I SANGS RGYAS KYIS DA LTAR BA'I DUS SU STON PA SOGS SU 'CHAD PA YIN PAS KHYAD PAR YOD DO, ,GSUM PA MDOR BSDUS KYI MTSAN BSTAN PA NI, BSDUS PA'I RGYUD KYI RGYAL PO SOGS SO, ,SMRAS PA, ZLA BA LAS NI DUG GI ZER SPRO CHU SHEL LAS NI SREG BYED BZHIN, ,PHYOGS SU 'DZIN PA'I LTA NGAN KUN SEL PAD DKAR ZHAL GYIS BDUD RTZIS KYANG, ,GANG DAG SNYING LA RTAG CHAD MTHA' LTA'I MI BZAD
NAD CHEN 'PHEL 'GYUR BA, ,SANGS RGYAS KYIS KYANG GSO BYA MIN GANG DRUNGS NAS 'BYIN PA KHO BOS BYAS, BCOM LDAN 'DAS DPAL MCHOG GI DANG PO'I SANGS RGYAS KYI RTZA BA'I RGYUD LAS PHYUNG BA BSDUS PA'I RGYUD KYI RGYAS 'GREL DRI MA MED PA'I 'OD KYI RGYA CHER BSHAD PA DE KHO NA NYID SNANG BAR BYED PA ZHES BYA BA LAS MDOR BSDUS LNGA PA'I RNAM PAR BSHAD PA'O,, ,,STONG CHEN YIG LNGA BDE BA CHE, ,RNAM PA KUN LDAN YI GE DRUG, ,DBYER MED RDO RJE SEMS DPA' LA, ,DNGOS PO KUN GYIS PHYAG 'TSAL NAS, ,ZLA BZANG GIS GSOL RDO RJE'I TSIG ,RNAM 'GREL DRI MED 'OD DKAR CAN, ,'GREL BSHAD RGYU SKAR PHRENG MDZES KYIS, ,DPAL MO LTA BUR BRGYAN PAR BYA, GNYIS PA ZLA BA BZANG POS JI LTAR ZHUS SHING GSOL BA BTAB PA BSHAD PA LA BZHI, 'GREL BKOD PAS 'TSAMS SBYAR BA, BSHAD BYA'I RTZA BA BKOD PA, DE NYID 'GREL PAS RGYAS PAR BSHAD PA, MDOR BSDUS KYI MTSAN BSTAN PA'O, ,DANG PO NI, DE LTAR RGYUD STON PA PO DANG GSOL BA 'DEBS PA BSGRUB PA LA SOGS PA DANG, GNAS PA LNGA PA RDO RJE'I RNAL 'BYOR BSDUS PA'I NGO BO NYID KYI GNAS PA BSHAD ZIN NAS, DE NI ZHU BA PO NYI MA'I SHING RTAS GSOL BA BTAB PAR GYUR PA SDUD PA PO BCOM LDAN 'DAS 'JAM DPAL GYI SPRUL PA'I SKU MI'I DBANG PO GRAGS PA'I GANG LAS BSDU PA'I GZHI MCHOG GI DANG PO'I SANGS RGYAS RTZA BA'I RGYUD LAS BSDU TSUL DE BZHIN GSHEGS PAS LUNG BSTAN PA LTAR, GANG BSDUS NA ZLA BA BZANG POS GSOL BA 'DEBS PA'I GNAS PA DRUG PA BSDUS PA DE NYID BSDUS RGYUD KYI TSIGS SU BCAD PA GNYIS PAS GSUNGS PA GNYIS PA NI, STONG PA NAS BSHAD DU GSOL GYI BAR RO, ,GSUM PA LA DRUG ,BSHAD PAR
, ,DAM BCA' BA RGYU MTSAN DANG BCAS PA, GRAGS PA DANG MA GRAGS PA'I BRDA'I DBANG GIS DON GCIG KYANG MING SNA TSOGS PAS GO BAR BYA BAR BSTAN PA, GSOL BA BTAB PA'I TSIG DON RGYAS PAR BSHAD PA, DE LTAR GSOL BA 'DEBS PA'I RGYU MTSAN 'PHROS DANG BCAS PA, RGYUD 'DIR MTSAN BRJOD DANG MTHUN PAR 'CHAD PA'I RGYU MTSAN BSTAN PA, MTSAN BRJOD DANG RGYUD 'DI'I CHE BA BSTAN NAS MNYAN PAR GDAMS PA'O, ,DANG PO LA GNYIS LAS, DANG PO DAM BCA' BA NI, 'DIR NAS, DGROL BAR BYA BO'I BAR RO, ,GNYIS PA DE'I RGYU MTSAN NI, 'DIR RGYUD KYI LE'U LNGA SO SO'I DANG PO'I GSOL BA 'DEBS PA'I TSIGS SU BCAD PA STONG PA ZHES PA LA SOGS PA 'JIG RTEN DANG BSTAN BCOS KYI THA SNYAD SPYI LA MA GRAGS PA'I THA SNYAD DANG MU STEGS LA GRAGS PA'I THA SNYAD LA SOGS PAS BSTAN PA'I RGYUD KYI SBAS PA'I DON RAB TU GSAL BAR BYAS NA RGYUD KYI DON 'OG NAS 'CHAD PAR 'GYUR BA RNAMS BYIS PA'I BLO CAN RNAMS KYIS RTOGS SLA BAR 'GYUR RO, ,RGYU MTSAN DES NA STON PAS ZHUS PA'I DON GSUNGS PA RNAMS RGYAS PAR 'CHAD PA'I DANG POR RGYAS 'GREL LAS MDOR BSDUS PAS GSOL BA BTAB PA'I TSIG DON GSAL BAR BRJOD PAR BYA'O, ,GNYIS PA NI, GSOL BA BTAB PA'I TSIG STONG PA ZHES PA LA SOGS PA'I MING RNAMS KYIS MA MTHONG BA'I DNGOS PO NYI TSE BA'I YUL LA 'JUG PA'I DBANG PO'I SPYOD YUL MA YIN PA DANG, MTHONG BA'I DNGOS PO NYI TSE PA'I DBANG PO'I SPYOD YUL RNAMS RAB TU STON TO, ,DNGOS PO DE DAG STONG PA LA SOGS PA'I MING GIS STON PA CI ZHE NA, SPYIR GRUB MTHA' LA ZHUGS MA ZHUGS THAMS CAD KYANG DON THAMS
CAD LA MING SO SO'I SGO NAS THA SNYAD BYED DGOS PA DPE DANG BCAS PA NI MED PA DANG, ZHES SOGS SO, ,DE LA 'JIG RTEN DANG BSTAN BCOS GONG 'OG THAMS CAD LA THUN MONG DU GRAGS PA'I RANG MING GI THA SNYAD BYED TSUL DPER NA, 'DIR NAM MKHA'I ZHES SO, ,'JIG RTEN PA LA SOGS PA RNAMS DON RNAMS LA RANG RANG GI MING THUN MONG BAS BRDA BYED PA DE BZHIN DU RGYUD DANG GZHAN RNAMS SU, GRUB MTHA' LA MA ZHUGS PA RNAMS LNGA MA GRAGS SHING BSTAN BCOS KYI NANG DU GRAGS PA'I MING SPANGS RTOGS KYI THA SNYAD BSTAN BCOS SPYI DANG THUN MONG BA DU MA DANG, DER MA ZAD GRUB MTHA' LA MA ZHUGS PA RNAMS LA'ANG GRAGS PA'I YUL GYI BRDA SBYAR BA'I MING DANG, 'JIG RTEN PAR MA ZAD BSTAN BCOS GZHAN LA YANG MA GRAGS PA SNGAGS KYI YI GE DU MA'I MING THOD PA LA YANG SNOD CES PA LTA BU DANG, YI GE RE RE'I MING SKYES PA LAGS BUD MED LA dI ZHES PA LTA BU'I BRDA BRTAGS PA RNAMS KYIS DNGOS PO GANG DAG DE BZHIN GSHEGS PAS NGES PAR BSTAN CING ZHES PA NAS, RTOGS PAR BYA'O, ,'DIR GCIG DANG ZHES SOGS LA, SHONG 'GYUR MA BDE BAS, MKHAS PA KHA GCIG 'DIR GCIG LA YANG DNGOS PO MED PA DANG DNGOS PO'I MING SNA TSOGS TE ZHES BSGYUR NA LEGS SO ZHES GSUNGS MOD, P'ON KYANG DPANG LOS, 'DIR DNGOS PO MED PA DANG DNGOS PO GCIG LA YANG MIR SNA TSOGS RNAMS TE, DE'I PHYIR DNGOS RANG DANG PO GCIG LA YANG MING SNA TSOGS KYIS BSTAN PA LA ZHES BSGYUR BA SHIN TU LEGS SO, ,DES NA 'DIR DNGOS PO MED PA DANG DNGOS PO'I DON GCIG LA YANG GRAGS PA DAR MA GRAGS PA'I MING SNA TSOGS STE, DE'I PHYIR RGYUD RNAMS
, ,SU DNGOS PO GCIG LA YANG MING SNA TSOGS KYIS BSTAN PA LA RNAL 'BYOR PA RNAMS KYIS MING GI RJES SU 'BRANGS NAS DON YANG DU MA NYID DU RNAM PAR RTOG PAR MI BYA STE, BLA MA DAM PA SANGS RGYAS BCOM LDAN 'DAS KYIS NYE BAR BSTAN PA SREG BCAD BRDAR BAS GSER BZHIN DU YONGS SU RTAGS PA NI DON LA GTZO BOR RTON PA LA BRTEN PA NYID KYI PHYIR RO, ,DE LTAR NA NGES TSIG GIS BSHAD DU MED KYANG DON GCIG LA MING DU MA SANGS RGYAS KYIS BRDA MDZAD PA'I RJES SU 'BRANGS TE, RDO RJE'I TSIG GI DON RTOGS DGOS PA'I DON TO, ,GSUM PA LA DRUG ,SDONG CHAN YIG LNGA YIG DRUG ZHUS PA BSHAD PA, RIGS DANG RIGS CAN ZHUS PA BSHAD PA, RANG BZHIN DANG SKYES BU SOGS ZHUS PA BSHAD PA, LUS LA SNA TSOGS TSAD DANG 'JIG RTEN GYI BKOD PA ZHUS PA BSHAD PA, LHA DANG LHA MIN RNAMS KYI LONGS SPYOD ZHUS PA BSHAD PA, DKYIL 'KHOR DANG DBANG BSKUR BA ZHUS PA BSHAD PA'O, ,DANG PO LA GNYIS, SPYI'I DON DANG, YAN LAG GI DON NO, ,DANG PO NI, 'DIR 'GREL PAR STONG CHEN YI GE LNGA DANG YI GE DRUG GNYIS GA BSHAD PA 'DI LA, STONG PA YE SHES KYANG STE ZHES SOGS KYI RTZA TSIG GIS GNYIS GA BSTAN PA'I LUGS SU BYAS NAS 'GREL PA YIN NAM, 'ON TE RTZA BAS ZIN PA STONG CHEN YI GE LNGA YIN LA, YI GE DRUG NI 'GREL BAS KHA BSKANGS BA GANG YIN, DANG PO LTAR NA RTZA BA'I TSIG GIS YIG LNGA DNGOS SU BSTAN NAS YIG DRUG SHUGS LA BSTAN PA'AM, 'ON TE GNYIS GA DNGOS SU BSTAN PA GANG YIN, SHUGS LA 'PHANGS NA TSUL JI LTAR 'PHANGS PA
DANG DNGOS SU BSTAN NA BSTAN TSUL JI LTAR YIN SMROS SHIG CE NA, RNAL DPYAD DANG LDAN NA 'DI LTAR DPYOD PA NI RIGS MOD KYI, SNGA MA DAG GIS NI CI'ANG MA DPYAD DO, ,DE LA STONG CHEN YIG DRUG RTZA TSIG GIS MA BSTAN NA RGYUD 'DIR RTZAL DU BTON NAS 'CHAD PA'I RDZOGS RIMS GYI GTZO BO STONG GZUGS PHYAG RGYA CHEN MO LA GSOL BA MA BTAB PAR 'GYUR BA'I PHYIR RTZA BAS BSTAN PAR NGES PAR BYA DGOS SO, ,JI LTAR BSTAN PA'I TSUL YANG DNGOS SHUGS LA BSTAN PA'I KHYAD PAR KHAS MI LEN GYI, RDO RJE'I TSIG RE RE LA YANG STONG CHEN YI GE LNGA LA SBYOR BA'I DBANG DU BYAS PA'I 'CHAD TSUL RE DANG, YIG DRUG LA SBYOR BA'I DBANG DU BYAS PA'I 'CHAD TSUL RE GNYIS GNYIS BYAS TE GNYIS GA YANG TSIG DE'I DON DU MTSUNGS PAR YOD PA'I LUGS SU BYAS NAS 'GREL PAS 'CHAD PA YIN PAS, STONG CHEN YIG LNGA LA SBYAR BA'I 'GREL PA RTZA BA'I TSIG 'GREL DANG, YIG DRUG 'CHAD PA'I 'GREL PA RNAMS RTZA BA'I TSIG 'GREL MA YIN PAR GZUNG DU MI RUNG NGO, ,DPER NA RNAM SHES KYI DRUG TSAN DANG YE SHES KYI DRUG TSAN GNYIS GA STONG BA ZHES PA'I MING GIS THUN MONG DU BSTAN PA LA, STONG CHEN YIG LNGAR BYED PA'I TSE DRUG TSAN DE GNYIS GCIG TU BSDUS TE LNGA'I YA GYAL GYI YI GE GCIG TU BYAS LA, YIG DRUG 'CHAD PA'I TSE DRUG TSAN DE GNYIS GCIG TU MA BSDUS PAR DRUG GI YA GYAL RE RER BYED PA LTA BU'O, ,DE YANG YIG LNGA'I SKABS SU BSHAD PA'I KHAMS KYI SDE TSAN DANG YIG DRUG GI SKABS SU BSHAD PA'I PHUNG PO'I SDE TSAN GZHI DUS LA YANG SO DRUG PA TSAN PA DON GZHAN GNYIS SU YOD PA MA YIN KYANG SNGA MA'I SDUD BYED DRUG KHAMS KYI LDOG PA NAS BSTAN CING, PHYI MA'I SDUD BYED DRUG PHUNG PO'I LDOG PA
, ,NAS BSTAN PA'I STON TSUL THA DAD PA TZAM YIN ZHING, DE'I PHYIR SNGA MA RNAMS KYI MING GI YI GE'ANG DBYANGS SU GSUNGS LA, PHYI MA RNAMS KYI MING GI YI GE'ANG GSAL BYED DU GSUNGS SHING, TSIG DON 'CHAD PA NA TSUL 'DI LTA BU LA SOGS PA RNAMS GSUNG PAR BZHED NAS, GONG DU DON GCIG KYANG GRAGS PA DANG MA GRAGS PA'I MING SNA TSOGS KYIS BSTAN PA DAG SHES DGOS PAR GSUNGS SO, ,'DIR GZUGS SGRUB DANG, GONG DU SGRA SGRUB KYI SKABS GNYIS GA RU SNGON DU WAm BSGRUBS NAS AE PHYIS BSGRUBS PA NI LAM DUS KYI LHAN CIG SKYES PA'I BDE BA LAS 'BRAS DUS KYI STONG GZUGS PHYAG RGYA CHEN MO 'BYUNG BAS YIN NO ZHES BLA MA KHA CIG GSUNG YANG, LAM DUS KYI STONG GZUGS PHYAG RGYA CHEN MO LAS 'BRAS DUS KYI LHAN CIG SKYES PA'I YE SHES DE BAS KYANG 'BYUNG DGOS PAS DGOS PA DE LTAR YIN PA'ANG BZHAG DKA'O, ,'DIR KHAMS DANG PHUNG PO'I DRUG TSAN RNAMS SGRIB BRAL DU GYUR PA'I LDOG {RANG} PA NAS STONG CHEN YI GE LNGA DANG YI GE DRUG TU BZHAG NAS, DE 'DRA BA'I YI GE LNGA BSDUS PAS WAm YIG DANG YI GE DRUG BSDUS PAS AE BSGRUBS YIN PA LA, PHUNG PO DANG KHAMS KYI TSOGS THAMS CAD SGRIB BRAL DU BYED PA'I GNYEN PO DNGOS NI MI 'GYUR BA'I BDE BA CHEN POS DE KHO NA NYID RTOGS PA'I YE SHES YIN GYI STONG GZUGS KYI SGRIB PA'I DNGOS GNYEN BYED PA MA YIN PAS, PHUNG KHAMS THAMS CAD LAM GYIS SGRIB BRAL DU BYED PA'I GNYEN PO GTZO BO LHAN SKYES KYI MI 'GYUR BDE CHEN MTSON PA'I WAm YIG THOG MAR BSGRUBS NAS, DE 'DRA BA'I BDE CHEN DE YANG THUN MONG MA YIN PA'I THABS STONG GZUGS PHYAG RGYA CHEN MO LA BRTEN NAS SKYE
DGOS SO ZHES BSTAN PA'I PHYIR DANG, LHAN SKYES KYI YI SHES DES PHUNG SOGS THAMS CAD SGRIB BRAL DU BYAS PA DE YANG LHAN SKYES KYI BDE CHEN DES AE YIG GIS MTSON PA'I DE KHO NA NYID RTOGS PA'I STOBS KYIS YIN PAR BSTAN PA'I PHYIR DU AE YIG RJES SU BSGRUBS PA YIN NO ZHES BSHAD PA LEGS SO, ,DE YANG AE WAm GYIS NI PHUNG KHAMS THAMS CAD SGRIB BRAL DU BYED PA'I LAM DUS KYI BDE STONG DANG, SGRIB BRAL DU BYAS PA'I 'BRAS DUS KYI BDE STONG GNYIS GA BSTAN PAR BYA DGOS TE, 'DIR STONG CHEN YIG LNGA YIG DRUG LA GSOL BA BTAB PA NI, 'BRAS BU 'BA' ZHIG LA MA YIN GYI RGYUD KYI BRJOD BYA'I GTZO BO STONG GZUGS PHYAG RGYA CHEN MO DANG MCHOG TU MI 'GYUR BA'I BDE BA LA SPYIR GSOL BA BTAB PA LA BYA DGOS PA'I PHYIR RO, ,GZHAN DU NA RDZOGS RIM GYI LAM GTZO BO LA GSOL BA MA BTAB PAR 'GYUR RO, ,GNYIS PA YAN LAG GI DON LA GSUM, RTZA BA'I YI GE BCU BZHI STONG CHEN YI GE LNGA LA SBYAR NAS BSHAD PA DANG, DE NYID STONG CHEN YIG DRUG LA SBYAR NAS BSHAD PA DANG, DE GNYIS THABS SHES DBYER MED RDO RJE SEMS DPA'I DON DU BSHAD PA'O, ,DANG PO LA LNGA, STONG CHEN YI GE LNGA DANG RANG GI MTSON BYED KYIS MTSAN MA DANG BCAS PA SO SOR BSHAD PA, DE THAMS CAD GCIG TU 'DRES PA'I WAm YIG GIS NGES DON RDO RJE'I DON DU BSTAN PA, KHAMS SO DRUG SDUD BYED DANG BSDUD BYA SO SO LA DE BZHIN GSHEGS PAS BRDA MDZAD PA'I MING YIG BSHAD PA, ZHAR LA RIGS BDUN CU RTZA GNYIS SU 'BYED TSUL DANG DE'I MING YIG GI KHYAD PAR BSHAD PA, WAm YIG GI MTSON DON DES DON GYI RDO RJE DE 'DZIN PA NYID RDO RJE 'DZIN PA'I DON DU BSHAD PA'O, ,DANG PO NI, 'DIR ZHES PA NAS, MING
, ,RNAMS KYIS SA CHU ME RLUNG NAM MKHA' YE SHES KYI KHAMS DRUG MTSAN NYID RDZOGS PA'I TSUL GYIS TSANG BA'I SKYES BU CHEN PO SGRUB PA PO GANG DAG GI RGYUD KYIS BSDUS PA'I KHAMS SO DRUG SDE TSAN LNGAR BSDUS PA SGRIB BRAL DU GYUR PA'I STONG CHEN YI GE LNGA BRJOD BYAR BSDUS PA 'DI LTA STE, ZHES PA BSHAD PA'I 'TSAMS SBYOR RO, ,DE YANG GZHI DUS KYI SGRUB PA PO KHAMS DRUG LDAN GYI KHAMS SO DRUG PO RNAMS DRUG TSAN DRUG TU BYAS PA'I DRUG TSAN RE KHAMS RE'I SDE TSAN DU BYAS PAS, NAM MKHA' RLUNG ME CHU SA YE SHES KYI KHAMS KYI SDE TSAN DRUG YOD LA, DE LA NAM MKHA'I KHAMS KYI DRUG TSAN DANG YE SHES KYI KHAMS KYI DRUG TSAN GNYIS GA SDE TSAN GCIG TU BSDUS NAS DE DAG SGRIB BRAL DU GYUR PA STONG PA DANG PO DANG, GZHAN DRUG TSAN RE SGRIB BRAL DU GYUR PA STONG PA RER STON PA YIN NO, ,DES NA 'PHO BA'I BDE BA YE SHES KYI KHAMS LAS GRUB PA'I SROG RLUNG YE SHES KYI PHUNG PO DANG, THIG LA 'PHO BA YE SHES KYI KHAMS DANG, YE SHES KYI KHAMS LAS BYUNG BA'I YID KYI DBANG PO DANG, SGRA DANG KHU BA 'DOR BA'I BYA BA BYED PA'I BDE BA'I GNAS SKABS LAS BYUNG BAS YE SHES MI KHAMS LAS GYUR PA MCHOG GI DBANG PO DUD CAN MA DANG, GCI BA'I DBANG PO'I BYA BA'I CHAR GYUR PA YE SHES KYI KHAMS LAS BYUNG BA'I DRI CHU 'DZAG PA STE YE SHES KYI KHAMS KYI DRUG TSAN NO, ,RNAM PAR SHES PA'I PHUNG PO DANG, LUS KYI NANG GI NAM MKHA'I KHAMS DANG, RNA BA DANG, CHOS KYI DBYINGS RANG BZHIN DU GNAS PA'I KHAMS SAM RIGS DANG, NAM MKHA'I KHAMS LAS BYUNG BA DRI CHU 'DZAG PA'I BYA BA BYED PA'I SKYES PA'I RDO RJE'AM BUD MED KYI BHA GA'I DBANG PO DANG, NAM MKHA'I KHAMS LAS
BYUNG BA MCHOG GI DBANG PO'I BYA BA'I CHAR GYUR PA'I KHU BA 'PHO BA'I BYA BA STE, NAM MKHA'I KHAMS SAM RNAM SHES KYI KHAMS KYI DRUG TSAN NO, ,DE LTAR YE SHES DANG RNAM SHES KYI DRUG TSAN GNYIS PO 'DI RNAMS LAM GYIS SBYANGS NAS SGRIB PA DANG BRAL BA NYID DANG, RO MNYAM PA NYID DANG, GCIG TU 'DRES PAR GYUR PA NYID LA 'DIR STONG PA ZHES PA'I MING GIS BRJOD DO, ,DE YANG THA MAL PA'I DUS SU SGRA DANG YID LA SOGS PA 'DI DAG DON GZHAN DU YOD KYANG SANGS RGYAS NAS SGRIB BRAL DU GYUR BA'I TSE DE DAG THAMS CAD KYANG NGO BO GCIG TU GYUR PAS RO MNYAM PA ZHES BYA LA, BDE CHEN LHAN CIG SKYES PA'I YE SHES KYI RANG BZHIN DU DBYER MED PAR 'DRAS PAS GCIG TU 'DRES PA ZHES BYA STE, 'OG MA RNAMS LA YANG DE BZHIN DU SHES PAR BYA'O, ,DRUG TSAN DRUG PO 'DI DAG LAM GYIS SGRIB BRAL DU BYED PA NA, BSHAD GCI 'DZAG PA LTA BU 'GA' ZHIG RIGS 'DRA RGYUN BCAD PA'I SGO NAS SGRIB BRAL DU BYED DGOS KYI, 'DI DAG GI RIGS 'DRA SANGS RGYAS KYIS SAR MI SRID LA, DE 'DRA BA'I DMIGS BSAL MA GTOGS PA GZHAN DAG NI DRI MA'I CHA LAM GYIS SBYANGS NAS RIGS 'DRA'I RGYUN SANGS RGYAS KYI SNAR YANG RNAM PAR DAG PA'I RANG BZHIN DU SKYE BA YIN NO, ,DES NA 'DI DAG SGRIB BRAL DU BYAS PA'I DON NYAN THOS SDE PA DAG GIS LHAG MED KYI MYANG 'DAS KYI TSE SHES PA RGYUN CHAD PAR 'DOD PA LTAR RNAM SHES DANG YE SHES KYI KHAMS THAMS CAD 'BRAS BU'I TSE RIGS 'DRA RGYUN CHAD NAS, DNGOS PO MED PA NI MA YIN TE, DE'I TSE RNAL 'BYOR PAS SO SO RANG GIS RIG PA'I YE SHES KYIS RIG PA NYID DU YOD PA'I PHYIR RO, ,STONG PA DE NYID NI RGYAL BA RNAMS KYIS GZHOM DU'AM
, ,GZHIG TU MED PAR GSUNGS TE, WAm YIG GI GZUGS BSGRUB PA'I DON DU GZHOM DU MED PA 'DI'I MING GI MTSAN MA NI, 'OG NAS 'CHAD PA'I LHO DANG BYANG DANG SHAR DANG NUB KYI MTSAN MA 'DRI BAR 'GYUR BA RNAMS KYI DBUS SU GRI GUG GI RNAM PA BRIS PA RI MO TZAM BRJOD DU MED PA STE DES MTSON PA'I DON NI, STONG PA CHEN PO'I YIG DANG PO'O, ,'DIR MING GI MTSAN MA ZHES PA LNGA KA LA GSUNGS PA'I DON NI, MTSON PAR BYA BA'I DON DU GYUR PA'I STONG PA CHEN PO LNGA NI KHAMS SGRIB BRAL DU GYUR PA'I SDE TSAN LNGA PO DE YIN LA, LNGA PO DE MTSON BYED KYI MING YIG AA LA SOGS PA'I DBYANGS LNGA NI MING YIN ZHING, MING DBYANGS LNGA PO DE PHYOGS BZHI DBUS DANG LNGAR BRIS NA DE DAG PHYOGS GCIG TU BSGRIGS PA LA WAm GYI GZUGS 'OD BAR BYAR MI RUNG BAS, MING YIG GI YI GE DBYANGS LNGA PO DE MTSON PA'I BRDA 'AM MTSAN MA GRI GUG LA SOGS PA'I GZUGS LNGA PO RE PHYOGS BZHI DBUS DANG LNGAR BRIS PA YIN PAS, MING YIG DE DAG MTSON PA'I MTSAN MA YIN PA'I PHYIR MING GI MTSAN MA ZHES BYA'O, ,DE BZHIN DU LNGA KA LA RE RE ZHING BRJOD DU MED PA ZHES GSUNGS PA'I DON LA, MKHAS PA KHA CIG NA RE, A'A LI SOGS RANG BRIS NA BRJOD BCAS SU 'GYUR BAS DE RNAMS BRJOD MED DU MTSON PA'I BRDAR GRI GUG GI RNAM PA SOGS LNGA BRIS PA YIN NO ZHES GSUNGS PA MI 'THAD DE, DE LTA NA MTSAN MA DE DAG LAS {RANG} WAm YIG BSGRUB PA NA'ANG BRJOD BCAS SU 'GYUR TE,
AE SOGS DANG WAm LA BRJOD BCAS YIN MA YIN GYI KHYAD PAR MED PA'I PHYIR RO, ,DER MA ZAD MTSAN MA LNGA PO DE'ANG WAm GYI MGO BO DANG ZLA TSES SOGS YIN PAS YI GE'I CHA SHAS RE YIN PA'I PHYIR BRJOD BCAS SU 'GYUR RO, ,DES NA 'DIR DBYANGS YIG 'DI DAG BKOD KYANG DE DAG TSOGS PA LAS WAm GYIS GZUGS BYAR MI RUNG BAS MA BYAS PA YIN GYI, BRJOD BCAS SU SONG DOGS NAS MA BKOD PA GA LA YIN, DES NA BRJOD DU MED BZHES PA NI, YE SHES DANG RNAM SHES KYI DRUG TSAN GNYIS PO DE MTSON BYED KYI MING GI DBYANGS SU AA YIG DE NYID BCOM LDAN 'DAS KYIS BRDA MDZAD PA TZAM MA GTOGS BUM PAS LTO LDING BGO BAR BYED PA LTAR AA YIG GIS DRUG TSAN DE GNYIS DNGOS SU BRJOD NAS THUN MONG MA YIN PAR GO BYED DU MED PAS; BRJOD DU MED PA ZHES GSUNGS TE, 'OG MA DAG LA'ANG DE BZHIN DU SHES PAR BYA'O, ,KHA CIG GRI GUG GI RNAM PA NI, AA YIG GIS MTSAN MA'I RI MO SA LA SOGS PA LA BRIS PA'I GZUGS BRNYAN TZAM YIN GYI AA ZHES PA LTA BUR BRJOD PA'I SGRA'I GDANGS SU MED PAS RI MO TZAM BRJOD DU MED PA ZHES GSUNGS PAR 'CHAD PA YANG {PHYOGS} LEGS PA LTAR SNANG YANG DBYANGS KYI MING CAN BRJOD DU MED PA'I YI GE ZHES DANG, KA YIG GSAL BYED BRJOD DU MED PA STE ZHES SOGS KYIS DBYANGS GSAL GYI YI GE DE DAG NYID BRJOD MED YI GER BSHAD PA DANG 'GRIG DKA' BAR SNANG NGO, ,'BRO PA SNGA MA DAG GI BOD YIG LA WAm BSGRUBS NAS GRI GUG LA A'I LAG PA BYAS PA SOGS NI 'DIR DBUS KYI MTSAN MA WAm SGRUB PA'I GZHIR DNGOS
, ,SU BSHAD PA DANG, 'GAL BA SOGS MI 'THAD PA SHES SLA ZHING, SNGA MA DAG GIS RGYAS PAR BKAG ZIN PA LTAR RO, ,DE'I 'OG TU YE SHES KYANG ZHES PA STE, 'DIR KYANG YIG NI STONG PA ZHES PA DE SDUD PA'I DON DU BSTAN TE, KYANG YIG SMOS PAS YE SHES KYANG STONG PA YIN NO ZHES SDUD PA'I DON GI BAR BYED PA'I PHYIR RO, ,DES NA YE SHES ZHES PA'I MING 'DIS STONG PA GSUM PA ZHES PA RTOGS PAR BYA BA 'DI LTA STE, PHUNG PO RNAMS LAS, TSOR BA'I PHUNG PO DANG, KHAMS LNGA LAS ME'I KHAMS DANG, DBANG PO LHNGA'I NANG NAS MIG DANG, YUL LNGA'I NANG NAS RO DANG, LAS DBANG LNGA'I NANG NAS LAG PA DANG, LUS DBANG GI BYA BA LNGA'I NANG NAS 'GRO BA STE MI'I KHAMS KYI DRUG TSAN NO, ,'DI RNAMS NAS NYID NI YE SHES ZHES PA'I MING GIS BSTAN TE, STONG BA CHEN PO YE GI GSUM PA'O, ,'DI'I MING MTSAN MA NI DBU MA GZHOM DU MED PA'I MTSAN MA GRI GUG GI RNAM PA, DE'I LHO RU STE GA-YAS SU THIG LE GNYIS BRI BAR BYA STE BRJOD DU MED PA'O, ,THIG LE ZHES PA'I MING 'DIS STONG PA BZHI PA RTOGS PAR BYA STE, SNGA MA'I KYANG YIG GI NUS PAS THIG LE YANG STOD PA YIN NO ZHES BSDUS PA'I PHYIR RO, ,'DI LTA STE NAS BZHI PA'I BAR SNGA MA LTAR SBYAR TE SHES SLA'O, ,GZUGS BSGRUB PA'I TSE 'DI'I MING GI MTSAN MA NI DBUS KYI MTSAN MA'I KHYAD STE GA-YON DU THIG LE GCIG BRI BAR BYA STE BRJOD DU MED PA'O, ,MCHOG MCHOG RDO RJE 'DZIN PA ZHES PA MCHOG DANG MCHOG DANG RDO RJE 'DZIN PA NI MCHOG MCHOG RDO RJE 'DZIN PA STE, 'O NA RTZA RGYUD DU ` MCHOG DANG RDO RJE 'DZIN PA CHE ` ZHES MCHOG
GCIG LAS MED PA LA 'DIR MCHOG MCHOG CES GNYIS SMOS PA 'GAL LO ZHE NA, MI 'GAL TE, RTZA RGYUD KYI MCHOG DANG ZHES PA'I DANG ZHES PA DE NYID BZAS DBYE BA'I BSDU BA YIN PAS DES MCHOG CES PA GCIG SKYE PHYI MA BSDUS PA'I PHYIR RO, BZLAS DBYE BA'I BSDU BA ZHES BYA BA NI, MING THA DAD KYIS BSTAN BYA'I DON THA DAD SDUS BYED KYI TSIG TU BKOD PA'O, ,SNGAR GYI KYANG YI GE LAS, ZHES PA NAS, GNYIS PA'O, ,ZHES PA'I BAR YANG SNGAR LTAR SBYAR TE, RLUNG GI DRUG TSAN GYI STONG PA 'DI'I MING GI MTSAN MA DBU MA GZHOM DU MED PA'I MTSAN MA'I SHAR TE MDUN DU DBYIG PA'I RNAM PA NANG TZAM CIG BRIS PA'I RI MO TZAM BRJOD DU MED PA'O, ,MCHOG GNYIS PA'I ZHES PA NAS LNGA PO'I BAR SNGAR LTAR SBYAR TE, SA'I KHAMS KYI DRUG TSAN, 'DI'I MING GI MTSAN MA NI DBU MA GZHOM DU MED PA'I MTSAN MA'I NUB TU STE RGYAB TU THOD PA'I RNAM PA BRIS PA BRJOD DU MED PA'O, ,GNYIS PA DE THAMS CAD GCIG TU 'DRES PA'I WAm YIG GI NGES DON RDO RJE'I DON DU BSTAN PA NI, DE LTAR BRJOD PA'I RIM PAS KHAMS KYI SA TSAN RNAMS RE RE NAS SGRIB BRAL DU GYUR PA DAG GANG GI RANG BZHIN DU DBYER MI PHYED PAR GCIG TU 'DRES PAR GYUR PA LNGA TSOGS PA NI STONG PA CHEN PO YI GE LNGA PA MING GI MTSAN MA LNGA TSOGS PAS BSGRUBS PA'I WAm YIG GI GZUGS KYIS MTSON PA'I NGES DON RDO RJE SEMS DPA' BDE BA CHEN PO, ,RDO RJE 'DZIN PA ZHES PA'I RDO RJE'I TSIG GIS BSTAN PA'I DON NGES DON GYI RDO RJE BRJOD DO, ,DE LA SNGAR GYI MTSAN MA LNGA LAS WAm YIG GI GZUGS BSGRUB PA'I TSUL NI, DBUS KYI GRI GUG GI RNAM PA LUS, DBYUG PA'I RNAM P
, ,NI RKANG PA, THONG KHUG GI RNAM PA MGO, THIG LE GNYIS PO NAR MOR BRKYANG STE STENG GI ZLA TSES, BYANG GI THIG LE GCIG PO DE ZLA TSES KYI STENG DU BZHAG PAS RGYA YIG GI WAm GYIS GZUGS SU GRUB PAR 'GYUR RO, ,GSUM PA KHAMS SO DRUG SDUD BYED DANG BSDU BYA SO SO LA DE BZHIN GSHEGS PAS BRDA MDZAD PA'I MING YIG BSHAD PA NI, 'O NA GONG DU STONG PA DE DAG RE RE LA YANG MING GI MTSAN MA BRJOD DU MED PA ZHES SMOS PA'I MING GI YI GE DE DAG JI LTA BU ZHE NA, 'DIR STONG PA LNGA LA DE BZHIN GSHEGS PAS BRDA MDZAD PA'I DBYANGS KYI MING CAN BRJOD DU MED PA'I YI GE LNGA NI 'DI LTA STE, DBUS SU GRI GUG GI RNAM PA BRIS PAS MTSON PA'I STONG PA DANG PO'I MING GI NI AA'O ZHES PA SOGS SU LHAG MA BZHI YANG SBYAR TE, DBYANGS LNGA PO DES STONG PA LNGA PO DE MTSON NA GO BAR BYED PA DE BZHIN DU YON TAN DANG 'PHEL BA DANG YA nAR BSGYUR BA'I RNAM PAR 'GYUR PA CI RIGS PAR GYUR PA'I YI GE SO DRUG ,KHAMS SO DRUG SO SO'I MING YIG TU BSTAN PA RNAMS KYIS MTSON PA'I DON DAG KYANG YI GE LNGA PO 'DIS MTSON PA'I DON GYI NANG DU 'DUS PAR SHES PAR BYA'O, ZHES PA'AM, YANG NA KHAMS SO DRUG PO THAMS CAD SDUD BYED KYI KHAMS LNGA PO 'DI'I RNAM PAR 'GYUR BA YIN PA DE BZHIN DU KHAMS SO DRUG SO SO'I MING YIG RNAMS KYANG KHAMS LNGA'I MING GI DBYANGS LNGA PA 'DI NYID LAS YON TAN DANG 'PHEL BA DANG YA nA'I YI GE CI RIGS PAR BSGYUR BA'I RNAM PAR 'GYUR BA RNAMS SU SHES PAR BYA'O, ,ZHES BSHAD PAR BYA'O, ,DE LTAR WAm YIG NI STONG PA CHEN PO YI GE LNGA 'DUS PA DMIGS PA MED PA'I SNYING RJE'I BDAG NYID, RDUL PHRA RAB KYI
CHOS NYID LAS 'DAS PA PRA PHAB PA'I RANG BZHIN DANG MTSUNGS PA'I PHYAG RGYA CHEN MO LA BRTEN PA RNAL 'BYOR PAS SO SO RANG GIS RIG PA'I YE SHES KYIS RTOGS PAR BYA BA DE NYID MTSON PA'I MING YIG YIN PAR SHES PAR BYA'O ZHES BSHAD PAR BYA'I, MI 'GYUR BA'I BDE BA DMIGS MED KYI SNYING RJE DANG, DMIGS BCAS PRA PHAB PA LTA BU'I STONG GZUGS DON GCIG YIN PA DANG, DE GNYIS GA WAm YIG GIS MTSON PAR BZUNG BAR MI BYA STE, DMIGS BCAS DMIGS MED DON GCIG PA SHES RIG DANG LDAN PA SU YANG DAM 'CHA' BAR MI RIGS PA'I PHYIR DANG AE YIG DANG WAm YIG GI MTSON DON KHYAD MED DU 'GYUR BA'I PHYIR RO, ,SDUD BYED KYIS KHAMS LNGA PO DES BSDU BYAR GYUR PA DRUG TSAN DRUG SO SO'I MING YIG JI LTA BU ZHE NA, 'DIR YE SHES DANG RNAM PAR SHES PA'I PHUNG PO LA SOGS PA'I DRUG TSAN GNYIS KYI, DBYANGS RNAMS NI 'DI LTA STE, ZHES SOGS GZHUNG LHAG MA PHAL CHER GO SLA LA, DE LTAR NA MING YIG 'DI DAG NI KHAMS SUM CU RTZA DRUG GI DBYE BAS THA DAD PA'I DBYANGS SO DRUG DANG, DE YANG RANG BZHIN GYI YI GE LAS YON TAN GYI YI GE DANG 'PHEL BA'I YI GE DANG, YA nA'I YI GE CI RIGS PAR BSGYUR BA'I RNAM PAR 'GYUR BA STE, RANG BZHIN GYI YI GE LA LTOS PA'I RNAM 'GYUR GYI YI GE'O, ,BZHI PA ZHAR LA, RIGS BDUN CU RTZA GNYIS SU 'BYED TSUL DANG DE'I MING YIG GI KHYAD PAR BSHAD PA NI, 'O NA PHUNG PO DRUG LA SOGS PAS SO DRUG TU 'BYED PA SNGAR BSTAN PA DES SHES PAR NUS MOD KYI BDUN CU RTZA GNYIS SU JI LTAR DBYE SNYAM NA, GANG DU PHUNG PO DRUG PO RNAMS RE RE LA YANG DRUG DRUG TU PHYE BA'I SUM CU RTZA
, ,DRUG GI DBYE BAS THA DAD PAR GYUR PA DER KHAMS KYANG SUM CU RTZA DRUG TU DBYE DGOS PAS DE'I TSE PHUNG PO DRUG GI GNAS SU STE DOD LA RO DRUG BZUNG BAR BYA STE, SKYUR BA YE SHES DANG, BSKA BA NAM MKHA' DANG, KHA BRLUNG DANG, TSA BA ME DANG; MNGAR BA CHU DANG, LAN TSvA SA'I KHAMS RNAMS SO, ,AOm AA AI Ri AU Li ZHES PA RNAMS RIM PA BZHIN RO DRUG PO DE'I MING YIG STE, LHAG MA SUM CU MING YIG DANG BCAS PA NI SNGAR BRJOD PA'I CHOGS SO STE SNGAR DANG 'DRA'O, ,'DIR {DAM} LHAG MA GSAL BYED SUM CU ZHES ZER BA NI NOR BA'O, ,LNGA PA WAm YIG GI MTSON DON NGES DON GYI RDO RJE 'DZIN PA NYID RDO RJE 'DZIN PA'I DON DU BSHAD PA NI, DES NA AA SOGS MING GI DBYANGS LNGAS MTSON PA'I DAG PA'I KHAMS LNGA NI STONG PA CHEN PO YI GE LNGA YIN LA, DE YANG DBYANGS SO DRUG GI MING GI YI GES MTSON PA'I KHAMS SO DRUG SGRIB BRAL DU GYUR PA'I DAG PA'I KHAMS BDE CHEN GYI LDOG PA'I DBYE BA SO DRUG 'DI NYID DE, DE NYID RGYAL BA RNAMS KYIS NGES DON GYI RDO RJER BRJOD DE, DE RANG GI NGO BOR 'DZIN PA'I PHYIR RDO RJE 'DZIN PA'O, ZHES PA NI THIG LE MCHOG MCHOG RDO RJE 'DZIN PA ZHES PA'I RDO RJE 'DZIN PA'I BSHAD PA'O, ,GNYIS PA DE NYID STONG CHEN YI GE DRUG LA SBYAR NAS BSHAD PA LA BZHI NGES DON GYI STONG CHEN YIG DRUG NGOS BZUNG NAS MING YIG MTSAN MA DANG BCAS PA BSHAD PA, MTSAN MA DE DAG 'DUS PA LAS BSGRUB PA'I AE YIG GI MTSON DON RDO RJE 'DZIN PA'I RTEN DU BSTAN PA, PHUNG PO DRUG GI SDE TSAN DU BSDUS
PA SO DRUG PO SO SO'I MING YIG BSTAN PA, KHAMS SO DRUG DANG PHUNG PO SO DRUG TU JI LTAR 'BYED TSUL BSHAD PA'O, ,DANG PO NI, THIG LE STONG PA YI GE DRUG 'DUS PA NI AE YIG CHOS 'BYUNG RNAM PA THAMS CAD PA'I STONG PA NYID KYI GZUGS SO, YI GE DRUG NI 'DI LTA STE, ZHES PA NAS, STONG PA NYID DO, ,'DI'I MING GI YI GE NI KA SDE'I YI GE RNAMS GANG DU 'DUS PA'I BDAG NYID KA YIG GSAL BYED BRJOD DU MED PA STE, WAm YIG BSGRUB PA'I DON DU BKOD PA'I MTSAN MA DBU MA GZHOM DU MED PA GRI GUG GI RNAM PA DE'I STENG DU 'DI YI MTSON BYED KYI MTSAN MA THIG LE GCIG BRI BAR BYA ZHING, DE NI STONG PA DANG PO'O, ,ZHES SBYAR ZHING, LHAG MA LNGA LA'ANG DES RIGS 'GRE BA SHES SLA LA, DRUG TSAN RNAMS NI SNGAR BSHAD PA DANG 'DRA'O, ,GNYIS PA NI, DE NAS WAm YIG GI MTSAN MA RNAMS KYI PHYI ROL TU BKOD PA'I THIG LE DE DAG BRKYANG NAS SPEL BA NA, CHOS 'BYUNG GI RNAM PA RGYA YIG GI AE GRU GSUM DU 'GYUR LA, DE LTAR NA DES MTSON PA'I DON DU GYUR PA'I THIG LE STONG PA YI GE DRUG NI CHOS 'BYUNG GI SGRAS BSTAN PA, RDO RJE 'DZIN PA'I RTEN NGES DON GYI AE YIG STE, DE YANG RNAM PA THAMS CAD PA'I STONG PA NYID DMIGS PA DANG BCAS PA PRA PHAB PA'I RANG BZHIN CAN NO, ,'DIR DMIGS BCAS KYI STONG NYID RTZAL DU BTON NAS 'CHAD PAS 'DI LTAR GSUNGS KYI RNAMS MED KYI STONG NYID AE YIG GI NGES DON DU MI BZHED PA MIN PA SNGAR BSHAD PA LTAR YIN PAS STONG GZUGS KYI DE KHO NA NYID KYANG AE YIG GI MTSON DON DU BYA'O, ,DE LTAR AE YIG GI NANG DU WAm YIG
, ,CHUD PAR BSGRUBS PAS NI SHES RAB STONG PA DMIGS BCAS KYI PHYAG RGYA CHEN MO LA THABS BDE BA CHEN PO BRTEN PA MTSON LA, KHAMS DANG DE'I MING YIG DBYANGS KYI YI GE DAG LAS GSAL BYED KYI YI GE WAm YIG BSGRUB CING, PHUNG PO DANG DE'I MING YIG GSAL BYED KYI YI GE DAG LAS SHES RAB STONG PA MTSON BYED DBYANGS KYI YI GE AE BSGRUB PA NI, BSGRUB TSUL DE LTAR BYAS PAS KYANG THABS SHES KYI BDE STONG GNYIS NGO BO DON GZHAN GYI RTEN DANG BRTEN PA MA YIN PAR NGO BO DBYER MED YIN PA MTSON NO ZHES BLA MA MKHAS PA DAG GSUNG NGO, ,GSUM PA NI, 'DIR PHUNG PO DANG KHAMS LA SOGS PA'I MING YIG GI GSAL BYED RNAMS NI ZHES SOGS KYI SDE TSAN DRUG PA LA HA YA RA WA LAKshA ZHES RIM PA BZHIN SBYAR DGOS PA LA; SHONG 'GYUR GYI 'GYUR STAN LA {RANG NGAM} WA RA ZHES YI GE GONG 'OG NOR BA'O ZHES CHOS RJE BU GSUNG BA LTAR TE, BI BHU TA TZANDRA'I PHYAG DPE 'DI KYUS DANG, KHONG GIS MDZAD PA'I MTSAN LA YANG, HA YA RA WA LAKshA SDE BA'I MTHA' LA RE RE'O, ,ZHES 'BYUNG BA LTAR SDE TSAN RE'I MTHAR GO RIM JI LTA BA BZHIN DU SBYAR PAR BYA STE, KA SDE'I YI GE LNGA'I MTHAR HA BZHAG PA DRUG TSAN DANG PO'I MING YIG TU GO RIM BZHIN SBYAR BA DANG, TZA SDE'I YI GE LNGA'I MTHAR YA BZHAG PA DRUG TSAN GNYIS PA'I MING YIG TU RIM PA BZHIN SBYAR BA SOGS SO, ,DE YANG DBYANGS DANG GSAL BYED 'DI DAG GI YANG THUNG NGU'I DBYE BAS PHUNG PO DANG RING PO'I DBYE BAS KHAMS LA SOGS PA'I MING YIG GI DBYE BA SHES PAR BYA'O, ,JI LTAR ZHE NA LUS KYI DBYE BAS
GTZO CHER PHUNG PO RNAMS DANG MIG SOGS DANG LAS KYI DBANG PO RNAMS NI DBYANGS DANG GSAL BYED THUNG NGU'I CHOS YIN TE LUS KYI SGO NAS GTZO CHER THABS YAB KYI RIGS YIN PA'I PHYIR RO, ,KHAMS RNAMS DANG MIG SOGS DANG LAS KYI DBANG PO RNAMS KYI BYA BA 'JUG PA'I YUL RNAMS NI LUS KYI SGO NAS GTZO CHER SHES RAB YUM GYI RIGS SU 'JOG PAS DBYANGS DANG GSAL BYED RING PO'I CHOS RNAMS SO, ,DE LA LUS BSAM GYIS DBYE BA'I DON NI, THABS KYI LUS SU GNAS KYANG DE'I BSAM PA SHES RAB LA ZHUGS PAS LUS KYI SGO NAS THABS DANG BSAM PA'I SGO NAS SHES RAB TU 'JOG PA DANG, SHES RAB KYI BSAM PA THABS LA ZHUGS PAS LUS KYI SGO NAS SHES RAB TU GNAS KYANG BSAM PA'I SGO NAS THABS SU 'JOG PA YIN TE; 'DI NI PHYI NANG GZHAN GSUM DANG SBYANG BZHI DANG SPYOD BYED PHAL CHE BA'I SKABS SU SHES DGOS SO, ,DE BAS NA PHUNG PO DANG DBANG PO RNAMS KYANG LUS KYI SGO NAS DBYANGS GSAL THUNG NGU'I CHOS YIN KYANG BSAM PA'I SGO NAS DE DAG GI DBYANGS GSAL RING POR 'GYUR BA'I SKABS KYANG YOD PA SOGS SU SHES PAR BYA'O, ,BZHI PA NI, RO DRUG DANG ZHES SOGS TE, KHAMS SO DRUG GI DBYE BA SHES SLA LA, PHUNG PO DANG DBANG PO'I RNAM PAR 'GYUR BA SO DRUG NI, MKHAS PA DAG RDO RJE SNYING 'GREL DANG MTHUN PAR 'CHAD PAR BZHED PA LTAR BYA DGOS KYI, MIG GI GZUGS NAS YID KYI GZUGS KYI BAR DRUG DANG, MIG GI YE SHES NAS YID KYI YE SHES KYI BAR DRUG LA SOGS PAR SMRA BA'I {DOL PHYOGS} GZU LUM SA MI {RANG} BYA'O, ,DES NA 'DI LTAR SHES PAR
, ,BYA STE, RNA BA'I RNAM PAR SHES PA LA SOGS PA YID KYI RNAM PAR SHES PA'I BAR RNAM PAR SHES PA DRUG DANG, DE BZHIN DU RNA BA'I DBANG PO'I SGO NAS SGRA 'DZIN PA'I BYA BA MNGON PAR 'DU BYED PA NAS YID KYI DBANG PO'I SGO NAS CHOS 'DZIN PA'I BYA BA MNGON PAR 'DU BYED PA'I BAR 'DU BYED DRUG DANG, DRI DANG GZUGS LA SOGS PA'I YUL DRUG YONGS SU BCAD PA LAS BYUNG BA'I TSOR BA DRUG DANG, 'DU SHES DRUG NI, MGRIN PA DANG, RKAN DANG, SPYI BO DANG, MCHU DANG, SO DANG, SNA STE DRUG PO NYID YIN LA; DRUG PO DE RIM PA BZHIN KA TZA tA PA TA'I SDE TSAN DANG SNA LDAN DANG RJES SU NGA RO STE NAM MKHA' RLUNG ME CHU SA YE SHES KYI KHAMS KYI YI GE SDE TSAN DRUG PO DE 'BYUNG BA'I GNAS SU GYUR PA'I PHYIR MGRIN PA SOGS DRUG PO DE YANG RIM PA BZHIN NAM MKHA' RLUNG ME CHU SA YE SHES KYI KHAMS SU 'JOG CING, GZHUNG GZHAN LA THUN MONG DU GRAGS PA LA, GTZO BO SEMS KYI 'KHOR DU BYUNG BA, YUL SO SO'I THUN MONG MA YIN PA'I MTSAN MA YONGS SU BCAD PAS THA SNYAD SNA TSOGS 'DOGS PA'I BYA BA BYED PA'I SEMS BYUNG LA 'DU SHES SU GSUNGS PA LTAR, MGRIN PA SOGS DRUG PO DE YANG YI GE SDE TSAN DRUG PO 'BYUNG BA'I GNAS SU GYUR PA'I SGO NAS THA SNYAD 'DOGS PA'I BYA BA BYED PA'I PHYIR, 'DU SHES KYI PHUNG PO ZHES GSUNGS KYI, 'DU SHES DNGOS YIN PA LA SHES PA YIN BSAM KHYAB PAR BZHED PA MA YIN NO, ,GZUGS KYI PHUNG PO DRUG NI, RANG RGYUD KYI SA CHU ME RLUNG GI KHAMS BZHI DANG, KHU BA YE SHES KYI KHAMS DANG, KHRAG NAM MKHA'I KHAMS TE DRUG DANG, YE SHES KYI PHUNG PO DRUG
NI STENG 'OG GI RTZA CHEN DRUG NAS RGYU BA'I RLUNG DRUG LA KHA CIG 'CHAD KYANG, STENG GI RTZA GSUM NAS 'BAB PA'I KHU KHRAG RLUNG GSUM, 'OG GI RTZA GSUM NAS 'BAB PA'I BSHANG GCI KHU BA GSUM LA BYA STE, DE DAG NI PHUNG PO'I RNAM PAR 'GYUR RO, ,'DIR KHAMS DANG PHUNG PO LA SO DRUG SO DRUG TU PHYE BA DAG NI DNGOS SU GZHI DUS LA GSUNGS NAS DE'I SGO NAS LAM DANG 'BRAS BU'I RIGS SO SOR 'BYED TSUL KYANG RTOGS PAR BYA BA'I PHYIR DU GSUNGS PA YIN GYI, BDE GSHEGS SNYING PO'I PHUNG KHAMS KYI DBYE BA STON PAR SMRAS NA, PHUNG PO DANG KHAMS KYI RNAM PAR 'GYUR BA THAMS CAD RTAG PA RNAM PAR 'GYUR BA'I RNAM 'GYUR DU SMRAS NAS SMRA BA PO'I RNAM PAR 'GYUR BA SHIN TU GSAL BAR BYED DO, ,'DI DAG KYANG 'CHAD PAR 'GYUR BA NANG GI LE'UR RGYA CHER BRJOD PAR BYA STE, {DOL} LE'U DANG PO 'DIR NI MDOR BSDUS PA TZAM ZHIG NYE BAR BSTAN TO, ,GSUM PA DE GNYIS THABS SHES DBYER MED RDO RJE SEMS DPA'I DON DU BSHAD PA NI, 'DIR STONG PA CHEN PO YI GE LNGA NI DBYANGS GSAL GNYIS SU PHYE BA'I DBYANGS KYI TSOGS TE, DE NYID LA KHU BA DANG ZLA BA'I CHOS, ZHES BRJOD DO, ,THIG LE STONG PA YI GE DRUG NI SHES RAB GSAL BYED KYI TSOGS TE DE NYID LA RDUL DANG NYI MA'I CHOS ZHES BRJOD DO,, DE LTAR GNYIS LAS 'DIR KHU BA ZLA BA'I CHOS SU BRJOD PA STONG CHEN YI GE LNGA BSDUS PA NI WAm YIG BDE BA CHEN PO STE NGES DON GYI RDO RJE'O, ,RDUL DANG NYI MA'I CHOS SU BRJOD PA STONG CHEN YIG DRUG BSDUS PA NI AE YIG NGES DON GYI SHES RAB
, ,STE STONG GZUGS PHYAG RGYA CHEN MO'I PADMA'O, ,RDO RJE DANG PADMA 'DI GNYIS NGO BO DBYER MED PAR RO GCIG TU GYUR BA NYID RDO RJE SEMS DPA'O STE, ZHES PA NI TSIG 'OG MA DAG LA'ANG SBYOR BA GO BAR BYED PA'O, ,'DIR RDO RJE NI MCHOG GI BDE BA DANG ZHES SOGS SHONG 'GYUR LA, RDO RJE'I DON GSUM LAS MA BYUNG ZHING, SEMS DPA'I DON DGU TZAM BYUNG BAS SBYONG TSUL DKA' BAR BYUNG BA LA, MKHAS PA KHA CIG 'DI 'DRA BA'I RIGS RNAMS LA, ZLAS DBYE BA'I BSHAD PA KHA BSKANGS NAS 'GRIG PAR BYA DGOS SO ZHES GSUNGS NAS RDO RJE'I DON GRUB TZAM ZHIG ZUR NAS KHA BSKANGS NAS 'CHAD MED KYANG, SHONG 'GYUR LA 'DIR 'GYUR CUNG ZAD 'KHRUGS PAS MA BDE BA YIN GYI, DBANG 'GYUR LA, RDO RJE'I SKABS SU YE SHES KYI DONG LA SHES PA DANG ZHES 'BYUNG BA SEMS DPA'I SKABS SU SHES BYA DANG ZHES 'BYUNG BA DANG SHIN TU 'GRIG CIG RNAM PA THAMS CAD PA DANG ZHES PA'I TSIG KYANG MED PAR, RDO RJE NI MCHOG GIS BDE BA DANG SHES PA DANG KHU BA'O,, SEMS DPA' NI RNAM PA THAMS CAD PA'I SHES RAB KYI GZUGS DANG SHES BYA DANG NYI MA STE, YE SHES DANG RNAM PAR SHES PAS BYIN GYIS BRLABS PA DANG, SGRIB PA DANG BRAL BA DANG GCIG TU 'DRES PAR GYUR BA DANG, DE KHO NA NYID DANG 'GRO BA'I DON BYED PA PO YIN NO, ZHES BSGYUR BA SHIN TU LEGS PAS DE LTAR BSHAD PAR BYA STE, SNGA MA RDO RJE'I DON GSUM DANG SEMS DPA'I DON GSUM RIM PA BZHIN SBYAR ZHING, DE'I LHAG MA NI ZUNG RE RE RIM PA BZHIN NI RDO RJE DANG SEMS DPA'I DON BYA'O,
DE LTAR NA 'DIR 'GYUR TE, RDO RJE NI MCHOG GI BDE BA DANG, SEMS DPA' NI RNAM PA THAMS CAD PA'I YE SHES RAB KYI GZUGS TE, 'DI GNYIS GCIG PA NYID RDO RJE SEMS DPA'O ZHES SNGAR LTAR SBYAR TE 'OG MA DAG LA'ANG DE LTAR SBYOR RO, ,RDO RJE NI SHES PA DANG, SEMS DPA' NI SHES BYA STE 'DI GNYIS ZHES SOGS SO, ,SHES PA DANG SHES BYA'I DON NI SNGAR SHES DANG SHES BYA GCIG PA'I SKU, ZHES PAR BSHAD PA LTAR RO, ,RDO RJE NI THABS KHU BA'I CHOS DANG, SEMS DPA' NI SHES RAB NYI MA'I CHOS TE 'DI GNYIS SOGS SO, ,RDO RJE NI RNAM PAR DAG PA'I YE SHES KYI KHAMS KYIS BYIN GYIS BRLABS PA DANG, SEMS DPA' NI RNAM PAR DAG PA'I RNAM SHES KYI KHAMS KYIS BYIN GYIS BRLABS PA STE, 'DI GNYIS SOGS SO, ,RDO RJE NI SNGAR WAm YIG GI SKABS SU BSHAD PA'I KHAMS KYI DRUG TSAN RNAMS SGRIB PA DANG BRAL BA NYID DANG, SEMS DPA' NI SNGAR AE YIG GI SKABS SU BSHAD PA'I PHUNG PO'I DRUG TSAN RNAMS RNAM PAR DAG PA'I NGO BOR GCIG TU 'DRES PAR GYUR PA STE 'DI GNYIS GCIG PA NYID NI SOGS SO, ,RDO RJE NI GNYIS SNANG GIS MI PHYED PA'I DE KHO NA NYID LA RTAG TU MNYAM PAR BZHAG PA DANG, SEMS DPA' NI SKU RNAM PA THAMS CAD PAS 'GRO BA'I DON BYED PA PO YIN NO, ,'DI GNYIS NGO BO DBYER MED PAR RO GCIG TU GYUR PA NYID NI RDO RJE SEMS DPA'O, ,DE LTA BU'I RDO RJE DPA' SKU PDANG GSUNG DANG THUGS DANG YE SHES GCIG TU SBYOR BA 'DI NYID BCOM LDAN 'DAS DUS KYI 'KHOR LO'I ZHAL BZHIR RNAM PAR STON PA'I RGYUR 'GYUR TE DE YANG YE SHES KYI KHAMS RNAM
, ,PAR DAG PA NI NUB KYI ZHAL SER PO'I RNAM PAR BSTAN PA'O, ,RNAM PAR SHES PA RNAM PAR DAG PA NI SHAR GYI ZHAL NAG PO'I RNAM PAR BSTAN PA'O, ,ZLA BA KHU BA'I CHA RNAM PAR DAG PA DANG SKU RDO RJE NI BYANG GI ZHAL DKAR PO'O, ,NYI MA RDUL GYI CHA RNAM PAR DAG PA DANG GSUNG RDO RJE NI LHO'I ZHAL DMAR PO'O, ,GNYIS PA RIGS DANG RIGS CAN ZHUS PA BSHAD PA LA GNYIS, RTOGS SLA BA'I DON DU GZHI DUS KYI RIGS DANG RIGS CAN SNGON DU BSHAD PA DANG, 'BRAS DUS KYI RIGS DANG RIGS CAN BSHAD PA DNGOS SO, ,DANG PO NI, SNGON DU AE WAm DANG DE GANG LAS BSGRUBS PA'I DRUG TSAN DE DAG THAMS CAD ZLA BA DANG NYI MA'I CHOS SU BSHAD PA LAS 'PHROS NAS, ZLA BA DANG NYI MA'I CHOS SU BSHAD PA DE DAG THAMS CAD KYANG BSDU NA RIGS DU ZHIG TU 'DU BA DANG PHYE NA DU ZHIG TU 'GYUR BA 'CHAD PA NI, THOG MAR GZHI'I CHOS LA SBYAR NAS BSHAD NA DE DAG RNAM PAR DAG PA'I CHA LA BZHAG PA'I 'BRAS DUS KYI RIGS KYI DBYE BSDU RTOGS SLA BAR DGONGS NAS, GZHI DUS KYI RIGS DANG RIGS CAN 'CHAD PA NI, KHAMS DRUG LDAN GYI SKYES BU MNGAL SKYES KYI RGYUD KYIS BSDUS PA'I ZLA BA DANG NYI MA'I CHOS 'DI DAG NI GTZO BO LUS DANG PHAL PA BSAM PA'I DBYE BAS KHAMS DRUG DRUG TU RTOGS PAR BYA STE, DPER NA KHU BA LAS GTZO BOR BYUNG BA DAG GTZO BO LUS KYI SGO NAS ZLA BA'I CHOS YIN KYANG PHAL PA BSAM PA'I SGO NAS NYI MA'I CHOS YIN PA DANG, RDUL LAS GTZO BOR BYUNG BA DAG GTZO BO LUS KYI SGO NAS NYI MA'I CHOS YIN KYANG PHAL PA BSAM PA'I SGO NAS ZLA BA'I CHOS YIN PA LTA BU'O, ,DES NA 'DI LTAR SHES PAR BYA STE,
KHAMS DRUG PO DE DAG KYANG GANG ZHE NA, SA DANG CHU DANG ME DANG RLUNG DANG RO DANG RO CHEN PO'I CHA SHAS SO, ,CHA SHAS SO'I DOD LA DBANG 'GYUR DU RDUL PHRAN RNAMS SO, ZHES 'BYUNG NGO, ,DRUG PO 'DI RNAMS LA GTZO BOR PHA'I KHU BA LAS BYUNG BA GSUM DANG BYUNG BA MA YIN PA GSUM STE, GSUM PO GANG ZHE NA, CHU'I KHAMS DANG RLUNG GI KHAMS DANG RO'I KHAMS TE KHAMS 'DI DAG NI KHU BA LAS BYUNG BA'O, ,RO'I KHAMS NI NAM MKHA'I KHAMS KYI MING NGO, ZHES DNGOS SU BSTAN PAS KHAMS GZHAN GSUM KHU BA LAS GTZO BOR BYUNG BA MA YIN PAR STON NO, ,GTZO BOR MA'I RDUL LAS BYUNG BA GSUM DANG BYUNG BA MA YIN PA GSUM STE, BYUNG BA GSUM GANG ZHE NA, SA'I KHAMS DANG ME'I KHAMS DANG, RO CHEN PO'I KHAMS TE, KHAMS 'DI DAG NI GTZO BOR RDUL LAS BYUNG BA'O, ,'DIR RO CHEN PO NI, YE SHES KYI KHAMS KYI MING NGO ZHES DNGOS SU BSTAN PAS KHAMS GZHAN GSUM DE LAS GTZO BOR BYUNG BA MA YIN PAR BSTAN NO, ,KHAMS THAMS CAD KYI SDUD BYED DRUG PO DE KHU BA LAS GTZO BOR BYUNG BA DANG RDUL LAS GTZO BOR BYUNG BA GNYIS SU NGES PA'I PHYIR DRUG PO DES BSDUS PA'I KHAMS LHAG MA DAG NI KHU BA LAS GTZO BOR BYUNG BA DANG RDUL LAS GTZO BOR BYUNG BA'I RIGS GNYIS SU 'DU BA'O, ,DE LTAR ZLA BA DANG NYI MA LAS BYUNG BA'I KHAMS GSUM PO RNAMS NI MNGAL NAS SKYES PA RNAMS KYI LUS DANG NGAG DANG SEMS SU 'GYUR TE, JI LTAR 'GYUR NA CHU RLUNG NAM MKHA' GSUM RIM PA JI LTA BA BZHIN DU CHU KHAMS LUS RLUNG KHAMS DAG NAM MKHA' YID DANG, YANG SA ME YE SHES KYANG RIM PA JI LTA BA BZHIN
, ,DU SA LUS ME NGAG YE SHES YID DU 'GYUR RO, ,MNGAL SKYES SU ZHIG GI ZHE NA, ZLA BA'I KHAMS GSUM PO RNAMS THABS PHO'I LUS DANG NGAG DANG SEMS TE, GTZO BOR KHU BA LAS BYUNG BA'I RGYU'I PHYIR RO, ,NYI MA'I KHAMS GSUM PO RNAMS SHES RAB MO'I LUS DANG NGAG DANG SEMS TE, GTZO BOR RDUL LAS BYUNG BA'I RGYU'I PHYIR RO, ,DE'I PHYIR GZHAN SKYED RIM LA SOGS PA'I GNAS SKABS SU YANG CHU RLUNG NAM MKHA' YAB KYI SKU GSUNG THUGS, SA ME YE SHES YUM GYI SKU GSUNG THUGS ZHES THA SNYAD BYED PA YIN NO, ,KHAMS DRUG PO 'DI DAG NI DBANG PO DRUG YUL DRUG LAS DBANG DRUG ,LAS DBANG GI BYA BA DRUG LA SOGS PA RNAMS KYI KHYAB BYED KYI RIGS DRUG GO ,DE'I PHYIR DBANG PO LA SOGS PA DE DAG GI DRUG PO DE'I KHYAB BYA'I RIGS CAN NO, ,DE BZHIN FDU SKYES PA DANG BUD MED KYI LUS NGAG YID KYI KHAMS DE DAG RANG RANG GI GZHI DUS KYI SKU GSUNG THUGS KYI RIGS GSUM DU 'JOG LA, DE NI SKYES PA DANG BUD MED GNYIS GA LA YANG RANG RANG GI NGO BO NYID KYI RIGS YE SHES KYI KHAMS RDZOGS PA DANG LHAN CIG RIGS BZHIR 'GYUR RO, ,RIGS GSUM DANG BZHI PO DE GZHI DUS KYI SKU GSUM DANG SKU BZHIR 'GYUR RO, ,SANG RMI LA SOGS PA'I GNAS SKABS GSUM DANG GNAS SKABS BZHIR 'GYUR RO, ,DE BZHIN DU MI MNGAL SKYES SA CHU ME RLUNG NAM MKHA'I KHAMS LNGA TZAM RIGS SU GNAS PA NI YE SHES KYI KHAMS RDZOGS PA NAS YE SHES KYI KHAMS DANG LHAN CIG RIGS DRUG TU 'GYUR RO, ,DE BZHIN DU MNGAL NAS SKYES PA'I MI RNAMS KYI PHUNG PO
LNGA'I RIGS TZAM DU GNAS PA LAS YE SHES KYI PHUNG PO RDZOGS PA DANG LHAN CIG RIGS DRUG TU 'GYUR RO, ,'O NA JI TZAM BAR DU RIGS GSUM DANG LNGAR GNAS LA JI TZAM NAS RIGS BZHI PA DANG DRUG PAR 'GYUR ZHE NA, BU MO LA SKYES NAS LO FBCU GNYIS KYIS TE BU MO LA LO BCU GNYIS KYI 'TSAMS SU RDUL PHYIR 'BAB PA'I DUS JI SRID PAR RIGS GSUM DANG RIGS LNGA PAR RIG PAR BYA'O, ,SKYES PA LA LO BCU DRUG GI 'TSAMS SU KHU BA 'PHO BA'I DUS JI SRID PAR RIGS GSUM DANG RIGS LNGAR RIG PAR BYA'O, ,YE SHES KYI KHAMS BYUNG BA'I DUS DE DAG NAS 'CHI BA'I BAR DU SKYES PA DANG BUD MED GNYIS GA LA RIGS BZHI DANG RIGS DRUG GO ,JI SKAD BSHAD PA DE BZHIN DU RTZA BA'I RGYUD LAS BCOM LDAN 'DAS KYIS GSUNGS PA LUS NGAG YID KYIS RIGS GSUM DANG NI KHAMS LNGA'AM PHUNG PO LNGA'I RIGS LNGA NYID DNAG SKYES PA DANG BUD MED GNYIS GA LA YANG KHU BA DANG RDUL PHYIR 'PHO BA'I MTSAMS NAS RANG BZHIN GYI RIGS SAM YE SHES KYI RIGS GCIG DANG LHAN CIG RIGS BZHI DANG DRUG TU 'GYUR ZHING, SBYANG GZHI'I RIGS DE DAG GI RIGS CAN NI RGYAS PAR PHYE NA PHUNG KHAMS SO DRUG SO SUM RTZA GNYIS SOR MO NYI SHU, THOD PA DUM BU BCU GNYIS KYI RIGS BRGYA'O, ZHES SO, ,'DIR DNGOS SU SPYAD BZHI'I RIGS KYI DBYE BA STON PA'I KHUNGS SU DRANGS PA YIN PAS 'BRAS BU LA SBYOR BA GTZO BO'I DON MIN NO, ,DE'I PHYIR DON DAM YE SHES KYI SKU'I RIGS KYI DBYE BA STON PA
, ,YIN NO ZHES SMRA BA'ANG DON MIN NO, ,MKHAS PA DAG SBYANG GZHI'I 'BYUNG BA BZHI LA THABS SHES KYI PHYE BAS BRGYAD, DE RE RE LA LUS NGAG YID KYI YE SHES BZHI'I DBYE BAS PHYE BA'I BRGYAD BZHI SO GNYIS NI SO SUM CU SO GNYIS KYI RIGS RKANG LAG BZHI 'BYUNG BA BZHI, DE RE RE 'BYUNG RANG CHUNG LNGA LNGAS PHYE BAS NYI SHU NI SOR MO NYI SHU'I RIGS, RTZA BA'I RIGS SO DRUG THABS SHES KYI PHYE BAS BCU GNYIS SAM, LUS NGAG YID KYI RIGS GSUM RE RE'ANG GZHI DUS KYI SKU BZHI'I RIGS KYIS PHYE BAS THOD PA DUM BU BCU GNYIS KYI RIGS YIN ZHING, PHUNG KHAMS SO DRUG DANG BCAS PA DE DAG SBANG BZHI'I RIGS BRGYA DANG, DE RNAMS RNAM PAR DGE BA 'BRAS BU'I RIGS BRGYA'O ZHES GSUNG NGO, ,GNYIS PA NI, DE LTAR GZHI DUS KYI KHAMS DRUG RIGS DANG, DBANG YUL SOGS DE'I RIGS CAN YIN PA BZHIN DU, GZHAN 'BRAS BU DANG LAM LA'ANG GZHI'I CHOS DE DAG RNAM PAR DAG PA'I SANGS RGYAS DRUG YIN LA, DE'I FKHYAB BYA RIGS CAN NI SEMS DPA' DRUG LA SOGS PA DAG GO ZHES 'CHAD PA NI, SBYANG GZHI'I RIGS DANG RIGS CAN BSHAD PA DE'I 'OG TU DE NI GZHAN LA RIGS KYI RIGS CAN BRJOD PA ZHES 'TSAMS SBYAR NAS SANGS RGYAS ZHES PA LA SOGS PA'O, ZHES BSHAD BYA'I RTZA BA BKOD DE, DO NYID 'GREL PAS 'CHAD PA NI, 'DIR SANGS RGYAS NI YE SHES DANG RNAM SHES LA SOGS PA'I PHUNG PO DRUG RNAM PAR DAG PA'I RDO RJE SEMS DPA' LA SOGS PA DRUG GO DE NI RIGS
YIN LA, DE DAG GI RIGS CAN NA LHA DANG LHA MIN YANG ZHES PA'I YANG YIG GIS BSTAN PA BYANG CHUB SEMS DPA' YID KYI DBANG PO LA SOGS PA STE KUN TU BZANG PO LA SOGS PA DRUG DANG, DE BZHIN DU KHAMS DRUG DAG PA'I YUM DRUG DANG YUL DRUG DAG PA'I LHA MO DRUG DANG, DE BZHIN DU KHRO BO DRUG LAS KYI DBANG PO DRUG DAG PA DANG KHRO BO'I LHA MO DRUG LAS KYI DBANG PO'I BYA BA DRUG DAG PA'O, ,LHA NI LAG PA DANG RKANG PA'I TSIGS BCU GNYIS LA 'CHAD PAR 'GYUR BA LHA CHEN BCU GNYIS RNAMS TE, DE BZHIN DU GSUNG GI RNAL 'BYOR MA TZAR TZIG LA SOGS PA BRGYAD DO, ,LHA MIN NI KLU'I RGYAL PO BCU RNAMS DANG, LHA MO KHYI GDONG MA LA SOGS PA RAB GTUM MA RNAMS SO, ,DE DAG NI THUGS BDE STONG GNYIS SU MED PA'I STONG CHEN YIG LNGA, YIG DRUG DANG, DE NYID SKU LHA'I 'KHOR LO NYID DU SHAR BA'I DKYIL 'KHOR ZHUS PA STE LAM DANG 'BRAS BU'I GNAS SKABS GNYIS GA'O, ,GSUM PA RANG BZHIN DANG SKYES BU SOGS ZHUS PA BSHAD PA LA GNYIS, 'TSAMS SBYAR NAS MU STEGS LA GRAGS PA'I THA SNYAD KYIS BSTAN PA'I DGOS PA BSHAD PA DANG, RTZA BA'I TSIG DON RGYAS PAR BSHAD PA DNGOS SO, ,DANG PO NI, DE LTAR RIGS DANG RIGS CAN ZHUS PA'I LAN DU DA NI RANG BZHIN SOGS NYI SHU RTZA BZHI DANG SKYES BU DANG NYI SHU RTZA LNGA'I THA SNYAD KYIS GSOL BA BTAB PA BRJOD DO, ,THA SNYAD DE LTA BUS BRJOD PA LA DGOS PA CI ZHIG YOD CE NA, MU STEGS PA GRANGS CAN LA SOGS PA RNAMS THA SNYAD DE DAG LA BRTEN NAS DON YANG DAG PA'I LAM LA 'JUG PAR BYA BA'I PHYIR YIN TE, DE BZHIN DU BCOM
, ,LDAN 'DAS KYIS MAHA' MA YA LA SOGS PA'I RGYUD GZHAN LAS GSUNGS PA, SGYU 'PHRUL CHEN MO DRAG CHEN MO NI BRTAN GA-YO'I 'JIG RTEN 'BYUNG BA STE BSKYED PA DANG SDUD PA STE 'JIG PAR BYED PA MO RANG NYID BYED PA PO DANG 'PHROG PA PO RANG NYID THAMS CAD LA DBANG BSGYUR BA'I RGYAL PO, RANG NYID KHYAB BDAG DU GYUR PA'I GTZO BO ZHES BRDZUN PA STE DGONGS PA CAN GSUNGS TE, DON DAM PAR TE DNGOS GNAS LA MU STEGS PA 'DOD PA LTAR GYI BYED PA PO DANG 'PHROG PA PO'I BDAG MED DO, ,DPE DE BZHIN DU GRANGS CAN LA SOGS PA MU STEGS BYED RNAMS KYIS YONGS SU BRTAGS PA'I CHOS RANG BZHIN DANG SKYES BU LA SOGS PA NYI SHU RTZA LNGA'I THA SNYAD DANG GZHAN YANG MU STEGS LA GRAGS PA'I THA SNYAD CI RIGS PA RGYUD 'DIR DGONGS GZHI'I FDON GZHAN LA DGONGS NAS DGOS PA'I DBANG GIS BSTAN NO, ,DON MI 'DRA YANG THA SNYAD PHYE BA DANG 'DRA BA TZAM GYIS SKYON DU 'GYUR NA NI, DPAL GSANG BA 'DUS PA'I LE'U BCU BDUN PAR TSANGS PA'I DAM TSIG DANG, DRAG PO DBANG PHYUG GI DAM TSIG DANG KHYAB 'JUG GI DAM TSIG YANG BSTAN CING, SKU YI RDO RJE TSANGS PAR 'GYUR, GSUNGS GI RDO RJE DBANG PHYUG CHE, ,THUGS KYI RGYAL PO RDO RJE 'DZIN, ,DE NYID KHYAB 'JUG RDZU 'PHRUL CHE, ZHES GSUNGS PA LA SOGS PA RGYUD SDE RNAMS LA DU MA ZHIG YOD PA THAMS CAD LA MTSUNGS PAR 'GYUR LA, RGYUD KYI THOG MAR ZLA BA BZANG POS SKYES BU LA SOGS PA NYI SHU RTZA LNGA DRIS PA YIN GYI, SKYES BU NYI SHU RTZA LNGA DRIS PA'I THA SNYAD GANG NA'ANG MED DO, ,GNYIS PA NI, 'DIR MU STEGS GRANGS CAN PA RNAMS
GYI LUGS LA RTZA BA'I RANG BZHIN RNAM 'GYUR DANG BCAS PA, NYI SHU RTZA BZHI'I BDAG NYID DANG, SKYES BU NI NYI SHU RTZA LNGA PA'O, ,ZHES SHES BYA THAMS CAD DER GRANGS NGES PAR 'DOD DO, ,DE LA GRANGS CAN GYI LUGS KYIS, SPYI GTZO BOR RANG BZHIN KHO NA YIN GYI RNAM 'GYUR MA YIN PA CHOS THAMS CAD KYI RANG BZHIN DANG GNAS LUGS SU GYUR PA'I CHA MED RTAG PAR 'DOD CING, CHEN PO DANG BLO NI MING GI RNAM GRANGS TE, DE DANG NGA RGYAL DANG GZUGS SGRA DRI RO REG BYA LNGA LA DE TZAM LNGA ZHES BRJOD PA DANG BDUN NI RANG BZHIN DANG RNAM 'GYUR GNYIS GA YIN LA, MGO, RNA BA, SNA LCE LUS TE BLO'I DBANG PO LNGA, NGAG LAG PA RKANG PA BSHAD PA'I LAM 'DOMS TE LAS KYI DBANG PO LNGA, SA CHU ME RLUNG NAM MKHA' STE 'BYUNG BA LNGA, YID DANG BCU DRUG NI RNAM 'GYUR KHO NA DANG, BDAG SHES RIG GI SKYES BU NI RANG BZHIN DANG RNAM 'GYUR GNYIS GA MIN PA'I RTAG DNGOS SU 'DOD DE, RANG BZHIN NI RGYU DANG RNAM 'GYUR NI 'BRAS BU'I DON TE, ,DE'I PHYIR DBANG PHYUG NAG PO'I GZHUNG LAS, RTZA BA'I RANG BZHIN RNAM PAR 'GYUR MIN LA, CHEN PO SOGS BDUN RANG BZHIN RNAM 'GYUR ZHING, ,BCU DRUG PO NI RNAM PAR 'GYUR BA STE, ,SKYES BU RANG BZHIN MA YIN RNAM 'GYUR MIN, ZHES SMRAS SO, ,DES NA RTZA BA'I RANG BZHIN NI SPYI GTZO BO YIN ZHING DE DANG CHEN PO SOGS BDUN LA RANG BZHIN BRGYAD CES ZER BAS 'DIR YANG THA SNYAD DE DANG MTHUN PAR RANG BZHIN BRGYAD CES GSUNGS SO, ,'DIR DON GANG ZHIG LA THA SNYAD DE DAG GI GSUNGS ZHE NA, DE LA 'DIR RTZA BA'I RANG BZHIN NI RNAM PAR 'GYUR BAR 'OG TU 'CHAD PA RNAMS MA YIN TE, NAM MKHA'I KHAMS SO, ZHES
, ,PA NI SNGAR STONG CHEN YIG LNGA'I SKABS SU RNAM SHES DANG YE SHES KYI KHAMS KYI DRUG TSAN GNYIS SDE TSAN GCIG TU BSDUS PA LTAR YE SHES KYI KHAMS KYANG NAM MKHA'I KHAMS SU BSDUS PA'I DBANG DU MDZAD PA YIN PAS YE SHES KYI KHAMS LA BYA'O, ,DE NYID RTZA BA'I RANG BZHIN DU 'JOG PA'I RGYU MTSAN YANG SEMS CAN RNAMS KYI BZHI PA'I GNAS SKABS BSKYED PA'I PHYIR TE, DE'I 'BREL SHES PA SHIN TU GNAD CHE BAS BSHAD PAR BYA STE, DE YANG MI MNGAL SKYES PHO MO SNYOMS PAR 'JUG PA'I TSE DE GNYIS KYI KHU KHRAG DBANG PO GNYIS KYI SGOR 'ONGS NAS BZHI PA'I GNAS SKABS KYI DGA' BA NYAMS SU MYONG BA'I TSE KHU KHRAG GNYIS KYI BSDUS SU BAR DO'I RNAM SHES 'JUG PAR 'GYUR GYI DE LTA BU'I BZHI PA'I GNAS SKABS SU MA GYUR PAR BAR DO'I RNAM SHES DER 'JUG PA MI SRID LA, DE LTAR RNAM SHES KHU KHRAG 'DRES PA'I DBUS SU ZHUGS PA'I TSOGS PA DE RIM GYIS 'PHEL BA NA MNGAL DU DBANG PO LNGA LA SOGS PA RNAMS 'GRUB PA'I SNGON DU RNAM SHES KYI RTEN BYED PA'I SA DANG CHU DANG ME DANG RLUNG DANG, DE LA BRTEN NAS YID KYI RNAM PAR SHES PA DANG DE'I 'KHOR GYI BLO SEMS BYUNG RNAMS DANG NGA RGYAL NGAR 'DZIN LHAN SKYES RNAMS GONG NAS GONG DU JE RAGS LA 'PHEL BAR 'GYUR TE, BDUN PO DE NI RTZA BA'I RANG BZHIN LA BRTEN NAS BZHI PA'I GNAS SKABS KYI KHU KHRAG RNAM SHES GSUM TSOGS PA DE NYID 'PHEL BA'I RNAM PAR 'GYUR BA YANG YIN LA, DBANG PO LNGA LA SOGS PA LHAG MA BCU DRUG NI BDUN PO DE 'PHEL BA LA BRTEN NAS CI RIGS PAR SKYES PA'I RNAM 'GYUR YIN PA'I
PHYIR, DE DAG LA LTOS NAS BDUN PO DE RANG BZHIN DU YANG BRJOD DO, ZHES STON PA NI CHEN PO LA SOGS PA ZHES PA NAS MCHOG GI DBANG PO STE, ZHES PA PA'I BAR RO, ,'DIR GZHAN DAG BLO ZHES PA DBANG SHES LA 'DOD PA MI 'THAD DE, NANG LE'I TSIGS BCAD GYA DRUG PA'I 'GREL BAR RANG BZHIN BRGYAD KYI YA GYAL GYI YID BLO NGAR 'DZIN GSUM PO RE RE LA YANG, SAD RMI GNYID KYI GNAS SKABS GSUM GSUM DU BSHAD LA, GNYID {PAL MO CHE} MTHUG DANG RMI LAM GYI GNAS SKABS NA DBANG SHES YOD PAR KHAS LEN PA GNAS MED CING, GNYID DANG RMI LAM GYI TSE DBANG SHES MED PA NANG LE'I 'GREL PAR SHIN TU GSAL BA'I PHYIR RO, ,DE LTAR GSUNGS PAS NI, SGRUB PA PO MI MNGAL SKYES KHAMS DRUG LDAN GYI KHAMS DANG DBANG PO DANG RANG RGYUD KYIS BSDUS PA'I YUL LA SOGS PA PHAL CHE BA BZHI BA'I GNAS SKABS KYIS DNGOS DANG BRGYUD NAS BSKYED PA'I RNAMS 'GYUR DANG, DE'I PHYIR BZHI BA'I GNAS SKABS BSKYED PA'I YE SHES KYI KHAMS DE THAMS CAD KYI RTZA BAR GYUR BA'I RANG BZHIN DU BSTAN PA NA, BZHI PA'I GNAS SKABS BSKYED PA'I THIG LE'I STENG NA YOD PA'I 'DZAG PA'I BAG CHAGS SPANG BYA'I GTZO BOR BSHAD PA DANG YANG 'BREL ZHING, RANG BZHIN LA SOGS PA NANG LA SBYOR BA'I SKABS 'DIR 'DI LTAR BSHAD PAS, GZHAN LA SBYOR BA'I TSE NANG LE'I TSIGS BCAD GYA BDUN PA RTZA 'GREL GYIS, STONG CHEN YIG LNGA'I BDAG NYID KYI LHAN CIG SKYES PA'I YE SHES LA RTZA BA'I RANG BZHIN DU BYAS NAS, RANG BZHIN GZHAN BDUN DANG RNAM PA BCU DRUG PO 'DI DAG GI SGRIB BRAL BU GYUR PA'I CHOS RNAMS RTZA BA'I RANG BZHIN
, ,LHAN SKYES DE'I RNAM PAR 'GYUR BCOM DU GSUNGS PA LEGS PAR RTOGS PAR 'GYUR LA, ,'BRAS BU'I TSE CHOS GZHAN DE DAG SGRIB BRAL DU GYUR PA'I CHA RNAMS NGO BO LHAN SKYES KYI BDAG NYID DU GNAS PA LAS LDOG PA'I RNAM PA DU MAR PHYE BA'I RNAM 'GYUR DU BZHAG GI, RGYU 'BRAS KYI SGO NAS RANG BZHIN DANG RNAM 'GYUR DU BZHAG MI DGOS LA, CUNG ZAD ZHIB PAR NANG LER 'CHAD PAR 'GYUR RO, ,'DI LTAR 'CHAD SHES NA THA SNYAD DE LTA BU RNAMS KYIS DON STON TSUL PHUL DU BYUNG BA 'DI LTAR STON PAS YA MTSAN PA BSKYED PAR BYED DO, ,DE LTAR NA RANG BZHIN DANG RNAM PAR 'GYUR BA NYI SHU RTZA BZHI'O, ,'DIR RTZA LNGA PA KHAMS DRUG LDAN GYI SKYES BU NI SNGAR BSHAD PA'I RANG BZHIN BRGYAD DANG RNAM PAR 'GYUR BA BCU DRUG PO RE RE BA DANG, TSOGS PA GANG YANG MA YIN TE NYI SHU RTZA BZHI PO RE RE BA DANG, TSOGS PA RNAMS NI SKYES BU'I GDAGS GZHI DANG CHA SHAS YIN LA, SKYES BU DE NI DE DAG LA BRTEN NAS BTAGS PA'I CHA CAN DANG KHYAB BYED NYID YIN PA'I PHYIR RO, ,DES NA SKYES BU DE NI GDAGS GZHI DE DAG LA BRTEN NAS BTAGS PA TZAM DU GNAS KYI, GDAGS GZHI NYER BZHI PO DE DAG DANG RANG BZHIN GYI GCIG DANG THA DAD GANG GI'ANG NGO BO NYID DU GRUB PA DANG BRAL BA'O, ZHES PA 'DI NI 'DIR SKYES BU'I MING GIS BSTAN PA NI, MU STEGS 'DOD PA'I NYER LNGA PA BDAG SHES RIG GI SKYES BU LAS, KHYAD PAR DU BYA BA'I PHYIR SMOS LA, ,RANG BZHIN DANG RNAM 'GYUR GNYIS GA MIN PA'I DON YANG DE LTAR YIN GYI, RGYU 'BRAS GANG YANG MIN PAR STON PA MIN NO, ,GANG DAG PHYOGS, THA SNYAD DE DAG
DON GANG LA DGONGS NAS GSUNGS PA'I RANG LUGS KYI RNAM GZHAG STON PA 'DI THAMS CAD MU STEGS KYI 'DOD PA YIN PAR 'KHRUL NAS, SNGAR DBANG PHYUG NAG PO'I GZHUNGS DRANGS PA DE 'DRA BA'I GRANGS CAN GYI 'DOD PA DANG, 'DIR DE LTAR BSHAD PA RNAM GZHAG MI 'DRA BA NI 'DIR BSHAD PA, SNGON GYI GRANGS CAN GYI LUGS DANG, YONGS GRAGS KYI DE NI PHYIS KYI GRANGS CAN GYI LUGS YIN PA'AM, YANG NA SHAMBHA LA'I YUL GYI GRANGS CAN PA DANG 'PHAGS PA'I YUL GYI GRANGS CAN PA'I 'DOD LUGS KYI KHYAD PAR DU SHES PAR BYA'O, ZHES 'GAL SPONG BYED DE, RGYAL BA'I DGONGS DON 'CHAD PA GRANGS CAN GYI 'DOD PA 'CHAD PAR 'KHRUL NAS, DE DANG GRANGS CAN GYI GZHUNG GI 'GAL SPONG GIS SLAD DU TSOGS THOB PA 'DI LTA BU LAS 'KHRUL PA'I RNAM 'GYUR CHE BA GANG ZHIG 'BYUNG BAR 'GYUR TE, AE MA RMONGS PA'I SGYU MA MKHAN 'DI NI SGYU MA'I SNGAGS KYI NUS PA YONGS SU SMIN PA'I MTHU DANG LDAN NO, ,DE YANG PHYI DANG LUS DANG GZHAN GSUM KA LA YANG DON GANG LA DGONGS NAS NYI SHU RTZA LNGA PO DE'I THA SNYAD KYIS GSUNGS PA'I DON GYI BDAG NYID SBYAR BAR BYA BA GRUB STE, NANG LA SBYAR BA NI BSHAD MA THAG PA NYID YIN LA, GZHAN LA SBYAR BA NI DE DAG SGRIB BRAL DU GYUR PA STE, RGYAS PAR NANG LE'I MDOR BSDUS LNGA PAR 'CHAD PAR 'GYUR RO, ,PHYI LA SBYAR BA NI, KHAMS LNGA ZHES PAS SOGS DANG, YUL LNGA ZHES PA SGRA LA SOGS PA DANG, RO DRUG NI KHA BA LA SOGS PA STE GZHAN GO SLA LA, MU STEGS ZANG BYED PA SOGS KHA CIG NI DBANG PO LNGA DANG, LA SOGS PAS YUL LNGA RNAMS DANG,
, ,SA CHU ME RLUNG NAGS KYI BDAG PO 'BRU STE, 'TSO BA'I LUS DRUG DANG BCAS PA'I RNAM 'GYUR BCU GCIG CES 'DOD PA YANG YOD DO, ZHES 'GREL PA MDZAD PAS ZHAR LA BYUNG BA BRJOD PA TZAM MO, ,BZHI PA LUS LA SNA TSOGS CHAD DANG 'JIG RTEN GSUM GYI BKOD PA ZHUS PA BSHAD PA NI, DE BZHIN DU ZHES SOGS TE, TSIG JI LTA BA LAS BSHAD PAR BYA BA GZHAN MED DO, ,LNGA PA LHA DANG LHA MIN RNAMS KYI LONGS SPYOD ZHUS PA BSHAD PA NI, LHA DANG LHA MIN RNAMS KYI LONGS SPYOD DANG ZHES PA NI, 'DIR LHA RNAMS NYIN MO LONGS SPYOD LA, LHA MA YIN RNAMS NI MTSAN MO LONGS SPYOD DE, DE'I PHYIR TSIG 'DIS NI LHA RNAMS DUS GANG GI TSE LONGS SPYOD PA'I NYIN MO'I DUS DANG, LHA MIN RNAMS GANG GI TSE LONGS SPYOD PA'I MTSAN MO'I DUS GNYIS BZUNG BA YIN LA, DE BZHIN DU BYANG DU BGROD PA YANG NYIN MO 'PHEL BAS LHA'I DUS DANG, LHOR BGROD PA MTSAN MA 'PHEL BAS LHA MIN GYIS DUS ZHES BYA STE, MDOR NA NYIN MTSAN GNYIS DANG BGROD PA GNYIS LA SOGS PA'I DUS SU LONGS SPYOD PA'I GZA' RNAMS KYI LONGS SPYOD LA SOGS PA'I LONGS SPYOD RNAMS BSHAD DU GSOL ZHES ZHUS PA'O, ,KHA CIG LHA STE SANGS RGYAS PA'I DKA' THUB PA NYIN MO ZA BA DANG, LHA MIN TE KLA KLO'I DKA' THUB PA RNAMS MTSAN MO ZAS LA LONGS SPYOD PA DANG, BYANG BGROD DANG 'DRA BAR LHA RNAMS MTHO RIS SU 'GRO BA DANG, LHO BGROD DANG 'DRA BAR DAM PHYOGS, LHA MIN RNAMS KLU'I YUL DU 'GRO BA ZHES ZER TE, 'BREL SHIN
TU CHUNG NGO, ,DRUG PA DKYIL 'KHOR DANG DBANG BSKUR BA ZHUS PA BSHAD PA NI, DKYIL 'KHOR DANG NI ZHES SOGS TE, DE LA DKYIL 'KHOR ZHUS PA NI, KUN RDZOB DRANG DON BSKYED RIM PA'I RDUL TSON GYI DKYIL 'KHOR DANG, DON DAM NGES DON RDZOGS RIM PA'I STONG GZUGS KYI YE SHES KYI DKYIL 'KHOR ZHUS PA'O, ,DBANG ZHUS PA NI BCU GCIG STE GO SLA'O, ,BZHI PA DE LTAR GSOL BA 'DEBS PA'I RGYU MTSAN 'PHROS DANG BCAS PA NI, ZHUS PA'I DON DE DAG BCOM LDAN 'DAS KYIS RGYUD GZHAN DU MAR YANG BSTAN PA MA YIN NAM 'DIR SLAR YANG DA LTAR GSOL BA 'DEBS PA DE'I RGYU MTSAN CI'I PHYIR ZHE NA, GTZO BOR DBANG BZHI PA'I LAM RGYUD GZHAN PHAL CHE BAR RTZA BSHAD SBYOR BA'I BLA MA'I MAN NGAG SOGS LA RAG LAS NAS RTOGS DGOS PAS MI GSAL ZHING SHIN TU SBAS PA'I RDO RJE'I TSIG GIS GSUNGS PAS, 'DIR DE 'DRA BA LA LTOS MI DGOS PAR DU BA LA SOGS PA'I DBANG BZHI BA'I LAM SHIN TU GSAL ZHING MA SBAS PAR BSTAN PA'I SKAD DU GSOL BA BTAB PA YIN NO, ,RGYUD GZHAN DE DAG TU DE LTAR MA GSAL BAR STON PA'I RGYU MTSAN CI ZHE NA, 'PHAGS PA'I YUL GYI GDUL BYA'I DBANG GIS TE, 'DI LTAR 'PHAGS PA'I YUL 'DIR MA 'ONGS PA'I DUS NA ZHES SOGS TE, PHAL CHE BA SHIN TU GO SLA LA, 'DIR KHA CIG DANG PO'I SANGS RGYAS LAS, PHYI MA'I DUS KYI RNAL 'BYOR SPYOD MANG DAG, BRKAM ZHING RAB TU MA BSDAMS 'BYUNG BAR 'GYUR, ,SDIG LA RAB DGA' RNAL 'BYOR YO BYAD CHAGS, ,RGYUD CHEN 'DI DANG BZHI PA 'DI SPONG 'GYUR, RGOD CING DBANG PO GA-YER RANG NGAM, LA PHRAG DOG
, ,CAN, ,GNAS LA CHAGS SHING RNYED PA 'DOD PA DAG, SBYOR BA BYED PA'I SKABS LA RAB TU GNAS, ,BZHI PA 'DI NI RAB TU SPONG BAR 'GYUR, ZHES SOGS GSUNGS SO, ZHES 'DREN PA NI MA BRTAGS PA STE, RTZA BRGYUD KYI TSIGS BCAD THAMS CAD RJES SU BSNGAGS PA'I SDEB SBYOR 'BA' ZHIG TU YOD PAR BSHAD LA, 'DI 'DRA BA'I TSIGS BCAD KYI RIGS LA RJES BSNGAGS KYI SDEB SBYOR 'ONG DON MED PA'I PHYIR RO, ,MDO SDE 'DI DANG TING 'DZIN 'DI SPONG 'GYUR, ZHES PA DANG, RGYUD CHEN 'DI DANG BZHI PA 'DI SPONG 'GYUR, ZHES PA BRJES, ,TING 'DZIN 'DI NI RAB TU SPONG BAR 'GYUR, ZHES PA, BZHI PA 'DI NI RAB TU SPONG BAR 'GYUR, ZHES PAR BRJES PA MA GTOGS PA TSIG LHAG MA JI LTA BA BZHIN DU MDO TING NGE 'DZIN RGYAL PO NI YOD DO,, SANGS RGYAS KYI YE SHES DBANG PO GNYIS LAS SKYES PA'I BDE BAR ZHES SOGS NI BOD KYI SNGAGS PA, KHA CIG NA' RO PA'I BZHED PA YIN PAR RLOMS NAS, MCHOG DGA'I MTHA', DGA' BRAL GYI DANG PO GNYIS KYI DBUS THIG LE GNYIS SHER GNYIS GNAS KYI DUS SU 'PHO BA'I BDE BA DE NYID DBANG BZHI PA YIN ZHING, DE DANG RDOG, SANGS RGYAS KYI YE SHES LA RDZOGS MA RDZOGS TZAM MA GTOGS NGO BO LA KHYAD MED, DPER NA CHOS GCIG GI ZLA BA DANG CHOS BCO LNGA'I ZLA BA GNYIS CHA RDZOGS MA RDZOGS MA GTOGS ZLA BAR KHYAD PAR MED PA DANG 'DRA'O ZHES ZER BA LTA BU STE, RGYA GAR DU'ANG 'DI 'DRA'I RIGS 'DOD PA BYUNG SNANG STE, DBANG GSUM PA DPA'I YE SHES BZHI PA'I DON GYI YE SHES SU NGO SPROD PA'I
LOG PA CHEN PO'O, ,'DIR BLA MA DAG SNYIGS MA LNGA'I DUS DAG TU ZHES SOGS KYI TSIGS SU BCAD PA MANG PO ZHIG DRANGS NAS, ZLA BA BZANG POS GSUNGS ZHES, KHA CIG GSUNG YANG ZLA BA BZANG POS 'DI 'DRA ZHIG TU GSUNGS PA'I KHUNGS BSTAN RGYU MED LA, TSIG DE DAG DA' RI RANG NGAM, KA PA'I DBANG GI RAB BYED KYI 'BREL PA NA YOD DO, ,RTZA BA'I RGYUD DANG BSDUS PA'I RGYUD RNAMS SU ZHES PA NI PHAL CHE BA DANG, RTZA BA'I DAM, RGYUD 'GA' ZHIG LA RAB TU GSAL ZHES PA MNGON BRJOD 'BUM PA LTA BU ZHES ZER TE, DUS 'KHOR MA YIN PA'I RTZA RGYUD RGYAS PA 'PHAGS YUL DU MA BYON PA, KHA CIG NA DU BA LA SOGS PA'I LAM YENG GSAL BAR BSTAN PA YOD PAR MNGON NO, ZHES RJE THAMS CAD MKHYEN PA GSUNG NGO, ,DUS 'KHOR GYI RGYUD RGYAS BSDUS GNYIS SU DBANG BZHI PA'I LAM STONG GZUGS KYI SKU DANG MI 'GYUR BA'I BDE CHEN GYI THUGS DBYER MED PA'I SGRUB THAMS MA SBAS SHING GSAL BAR BSTAN PA'I DPER, BSKYED RIM GYI SKOR RNAMS BSHAD RGYUD NAS KHA 'GENGS PA SOGS LA LTOS MI DGOS PAR RTZA RGYUD RGYAS BSDUS RANG NYID NA GSAL ZHING RDZOGS PAR BSTAN PA BKOD PA NI, RTZA BA'I RGYUD MCHOG GI DANG PO'I, ZHES PA NAS, BZHIN NO 'BIR RO, ,DBANG BZHI BA'I LAM RNAM PAR DAG PA'I RIM PA ZHES PA NAS, RAB TU GSAL BAR BSTAN PA LTAR SDUD PAR BYED PA POS KYANG GLEGS PA MA LA RAB TU GSAL BAR BRIS TE, DE YANG DNGOS KYI CHED DU BYA BA'I GDUL BYA'I GTZO BO CHU BO SH'I TA'I BYANG DU SHAMBHA LA LA SOGS PA'I GRONG BYE BA PHRAG DGU BCU RTZA DRUG NA GNAS PA'I SEMS CAN SKAL
, ,BA DANG LDAN PA RNAMS KYI SEMS KYI MOS PA LHAG PAR MKHYEN NAS BCOM LDAN 'DAS KYIS GSUNGS, PHYAG NA RDO RJE ZLA BA BZANG POS DE LTAR GLEGS BAM LA BRIS SO, ,SH'I TA NI BOD SKAD DU BSIL BA'AM DKAR PO STE CHU GZHAN LAS BSIL ZHING SBU BA DKAR POS GA-YOGS PA'O, ,LNGA PA RGYUD 'DIR MTSAN BRJOD DANG MTHUN PAR 'CHAD PA'I RGYU MTSAN BSTAN PA NI, MTSAN YANG DAG PAR BRJOD PA LAS RGYUD 'DIR BSTAN PA DANG JI LTA BA BZHIN DU 'DRA PA'I BZHI PA'I LAM BSTAN PA DE NYID DBANG PO TSAD MAR BYAS NAS, 'PHAGS PA'I YUL GYI PHYIS KYI GDUL BYA'I SEMS CAN RNAMS LA SOGS PA RGYUD 'DI'I DON LA THE TSOM MED PAR 'JUG PAR 'GYUR PA GANG YIN PA DES NA, SNGAGS KYI TSUL THAMS CAD KYI NGES PA'I DON MTSAN YANG DAG PAR BRJOD PA LAS JI LTAR GSUNGS PA DANG MTHUN PAR RGYUD 'DIR BCOM LDAN 'DAS KYIS PHYAG NA RDO RJE LA YANG DAG PAR BSTAN TO, ,RGYUD 'DI DANG MTHUN PAR MTSAN BRJOD DU BCOM LDAN 'DAS KYIS PHYAG RDOR LA BSTAN ZHES PA LA'ANG CUNG ZAD BSHAD DU YOD KYANG, SNGA MA LTAR BYAS NA 'BRAL BAR SEMS SO, ,DRUG PA MTSAN BRJOD DANG RGYUD 'DI'I CHE BA BSTAN NAS MNYEN PAR GDAMS PA NI, DE'I PHYIR GANG GI ZHES SOGS TE, 'DI'I DON LA RJE BTZUN RGA' LO'I GSUNG GIS, TSIG 'DI DAG GIS DNGOS SU LDOG KHYAB BSTAN NAS, SHUGS LA RJES KHYAB BSTAN TE, RDO RJE 'DZIN PA'I LAM DANG LDAN PA DES SNGAGS KYI THEG
PA SHES ZHES SOGS SU 'CHAD LA, DE LA NI SU'ANG DOGS PA MED CING, RGYUD 'DI SHES NA RDO RJE 'CHANG GI LAM SHES PAR BSHAD NAS 'DI'I CHI BA BSTAN DGOS PA LA, RDO RJE 'CHANG GIS LAM ZAB MO SHES NA 'DI SHES ZHES BSHAD PAS 'BRAL MED DE, BLA MA SHES RAB SENG GE NA RE, RJES 'GRO DE LTAR MI BYED DE, DANG PO'I SANGS RGYAS SHES PA DES MTSAN BRJOD SHES, ZHES SOGS SU 'CHAD CING MKHAS PA DAG KYANG DE LEGS SO ZHES GSUNGS MOD KYANG, DE THAMS CAD KYI RTAGS KYI RJES SU 'GRO LDOG LA KHA 'CHAM BYAS NAS SMRA BAR 'DUG PA LA, RTAGS KYI RJES SU 'GRO LDOG GI RNAM PA MA SHAR BA'I GTAM 'BA' ZHIG TU MTSUNGS RED, PA SHES SLA'O, ,DES NA RTAGS KYI RJES SU 'GRO LDOG GANG YIN 'DIR DPYAD MI DGOS KYI, GANG GIS MCHOG GI DANG PO'I SANGS RGYAS KYI RGYUD DON MI SHES PA DES MTSAN YANG DAG PAR BRJOD PA'I DON RDZOGS PAR MI SHES PAS KHYAB BO ZHES DNGOS SU BSTAN PA'I SHUGS KYIS MTSAN BRJOD KYI DON RDZOGS PAR SHES PA LA DANG PO'I SANGS RGYAS KYI RGYUD KYI DON SHES DGOS ZHES SOGS SU SBYAR BAR BYA LA, GANG GIS SNGAGS KYI THEG PA MI SHES PA DE DAG THAMS CAD NI 'KHOR BA PA STE BCOM LDAN 'DAS RDO RJE 'DZIN PA'I LAM DANG BRAL BA'O, ,ZHES PA'ANG 'KHOR BA'I BAG CHAGS MA LUS PAR SPONG BA SNGAGS KYI THEG PA LA RAG LAS PA'I DON GYI, 'KHOR BA SPANGS PA'I THAR PA TZAM THOB PA'ANG SNGAGS LA RAG LAS PA MA YIN TE, NYAN RANG DGRA BCOM
, ,KYANG 'KHOR BA LAS MGROL BAR THAL BA'I PHYIR RO, ,'KHOR BA'I BAG CHAGS NI SHES SGRIB YIN PAS SKYON DE MI 'BYUNG NGO, ,'DI DAG GIS NI SHES SGRIB MA LUS PAR SPANGS PA'I SANGS RGYAS 'THOB PA NGES PAR SNGAGS BLA MED KYI LAM LA RAG LAS PAR BSTAN PAS THEG PA 'DI LA LTOS PA MA YIN PAR THEG PA DANG RGYUD SDE GZHAN GYI LAM RKYANG PAS SANGS RGYAS MI 'THOB PAR BSTAN NO, ,RGYU MTSAN DE LTA BAS NA MCHOG GI DANG PO'I SANGS RGYAS NI MTSAN NYID DANG LDAN PA'I BLA MA DAM PA RNAMS KYIS BSTAN PAR BYA ZHING 'KHOR BA'I BAG CHAGS MA LUS PAR SPANGS PA'I THAR PA DON DU GNYER PA'I SLOB MA DAM PA RNAMS KYIS MNYAN PAR BYA'O, ,BZHI PA MDOR BSDUS KYI MTSAN BSTAN PA NI, BSDUS PA'I RGYUD KYI RGYAL PO ZHES SOGS SO, ,SMRAS PA, GZHUNG BZANG YID 'PHROG MDZES SDUG RDZOGS PA'I LUS, LEGS BSHAD DO SHAL RGOD PA'I 'OD ZER CAN, SGEG LDAN GAR GYIS ROL BA 'DI MTHONG NA, MKHAS RNAMS YID NI ZHAGS PA MED PAR 'CHING, BCOM LDAN 'DAS DPAL MCHOG GI DANG PO'I SANGS RGYAS KYI RTZA BA'I RGYUD LAS PHYUNG BA BSDUS PA'I RGYUD KYI RGYAS 'GREL DRI MA MED PA'I 'OD KYI RGYA CHER BSHAD PA DE KHO NA NYID SNANG BAR BYED PA ZHES BYA BA LAS MDOR BSDUS DRUG PA'I RNAM PAR BSHAD PA'O,, ,,PHYI NANG SRID PA BCU DANG LUS, ,SGRIB BA KUN GYI DRI MED PA, ,RNAM BCU DBANG LDAN CHE BA PO, ,KHYAB BDAG DE LA PHYAG 'TSAL NAS, PHYOGS KYI BU MO'I RNA BA LA, ,DGA' BA'I SPRING YIG KLOG PA BZHIN, ,SKAL LDAN SNYING
GI THIG LE BZHIN, ,RGYAL BAS SPRUL BZHIN 'DIR 'ONGS SO, ,GSUM PA ZHUS PA'I DON LE'U LNGA SO SOS RGYAS PAR BSHAD PA LA LNGA, ,RDUL PHRAN 'DUS PA SNGON DU 'GRO BA 'JIG RTEN GYI KHAMS BSHAD PA'I LE'U, 'JIG RTEN GYI KHAMS SNGON DU 'GRO BA NANG SEMS CAN BSHAD PA'I LE'U, SEMS CAN SNGON DU 'GRO BA 'JIG RTEN DANG 'JIG RTEN LAS 'DAS PA'I DBANG BSKUR BA BSHAD PA'I LE'U, DBANG BSKUR BA SNGON DU 'GRO BA DKYIL 'KHOR GYI 'KHOR LO BSGRUB PA'I THABS BSHAD PA'I LE'U, BSKYED RIM SNGON DU 'GRO BA PHYAG RGYA CHEN PO'I DNGOS GRUB SGRUB PA'I THABS GTZO POR BSHAD PA'I LE'U'O, ,DANG PO LA LNGA, 'JIG RTEN GYI KHAMS PHYI NANG GZHAN GSUM DBYOR MED PAR SBYOR BA STON PA 'JIG RTEN GYI KHAMS BSDUS PA'I MDOR BSDUS, GDUL BYA'I BSAM PA DANG MTHUN PAR 'JIG RTEN GYI KHAMS KYI CHAD BSTAN PA'I MDOR BSDUS, DRANG NGES KYI SGO NAS PHYI NANG GZHAN GSUM GYI DUS KYI 'KHOR LO GTAN LA 'BEBS PA'I YAN LAG SKAR RTZIS KYI MDOR BSDUS, GDUG PA CAN GZHOM PA DANG RANG GNAS BSRUNG BA'I DON DU DBYANGS 'CHAR DANG 'PHRUL 'KHOR GYI MDOR BSDUS, 'KHOR LOS BSGYUR BA CHEN POS KLA KLO'I CHOS 'JOMS PA DANG SANGS RGYAS KYI CHOS 'JOG PA GO SLAR BSTAN PA'O, ,DANG PO LA BDUN, GSOL BA BTAB PA LA DGYES NAS BSHAD PAR ZHAL GYIS BZHES SHING MNYAN PAR BSKUL BA'I LAN BSDUS PA'I TSIGS SU BCAD PA GSUM PA BSHAD PA, RTZA BRGYUD LAS 'JIG RTEN GYI KHAMS BSTAN PA BSDUS PA'I TSIGS SU BCAD PA BZHI PA BSHAD PA, RTZA RGYUD LAS RDO RJE'I LUS
, ,BSTAN PA BSDUS PA'I TSIGS SU BCAD PA LNGA PA BSHAD PA RTZA RGYUD LAS SGRA GCAN LA SOGS PA 'BYUNG BA BSTAN PA BSDUS PA'I TSIGS SU BCAD PA DRUG PA DANG BDUN PA BSHAD PA, RTZA RGYUD LAS ZLA BA'I CHA 'PHEL 'GRIB DANG NYI MA'I BGRAD PAS NYIN MTSAN 'PHEL 'GRIB TU 'GYUR BA SOGS BSTAN PA BSDUS PA'I TSIGS SU BCAD PA BRGYAD PA BSHAD PA, RTZA RGYUD LAS DBYANGS RNAMS KYI SKYA BA'I GNAS LA SOGS PA GSUNGS PA BSDUS PA'I TSIGS SU BCAD PA DGU PA BSHAD PA, MDOR BSDUS KYI MTSAN BSTAN PA'O, ,DANG PO LA GNYIS, BSHAD PAR DAM BCAS PA'I SGO NAS 'TSAMS SBYAR BA DANG, LAN GYI TSIG DON DGROL BA DNGOS SO, ,DANG PO NI DE LTAR GSOL BA BTAB PA'I TSIG DE BSHAD PA DE NAS, DA NI GNAS BA BDUN PA SDUD PAR BYED PA PO 'JAM DPAL GYIS ZLA BA BZANG PO KHYOD LA BDAG MGU ZHES PA LA SOGS PA'I TSIGS SU BCAD PA GSUM PAS RTZA BRGYUD MCHOG GI DANG PO'I SANGS RGYAS LAS BCOM LDAN 'DAS KYIS LAN GYI TSIG GSUNGS PA YANG DAG PAR BSDUS PA DE NYID PAD DKAR BDAG GIS DGROL BAR BYA'O, ,GNYIS PA LA GNYIS, ZHUS PA LA DGYES PAR BSTAN PA DANG, ZHUS PA'I DON BSHAD PAR ZHAL GYIS BZHES PA'O, ,DANG PO NI, ZLA BA BZANG PO, ZHES PA NAS MGU'O, ,RGYU MTSAN GANG LAS DON CI'I PHYIR MGU ZHE NA, GANG ZHIG CES PA NAS 'DI DAG RIGS RNAMS KYIS ZHES PA'I BAR TE, GZHAN RNAMS GO SLA ZHING CHAGS BRAL NI 'PHAGS PA KUN DGA' BO LA SOGS PA'O ZHES GSUNGS PA 'DI LA MDO LAS RGYUN ZHUGS SU BSHAD
PA DANG, 'DIR CHAGS BRAL DU BSHAD PA 'GAL ZHES PA'I DOGS PA BKOD NAS DE'I LAN DU KHA CIG NYAN THOS KYI LUGS KYIS RGYUN ZHUGS YIN PAS CHAGS BCAS SU 'DOD KYANG RGYUD SDE LAS CHAGS BRAL DU BSHAD PAS SKYON MED DO ZHES ZER RO, ,MDO LAS KYANG BKA' BSDU BA DANG PO'I SNGON DU 'OD SRUNG GIS BCOS PA LA SOGS PA'I THABS KYIS DGRA {RANG NGAM} BCOM PA THOB PAR BYAS TE, DGRA BCOM PA THOB NAS BKA' BSDUS PAR BSHAD PAS MDO RGYUD KYI KHYAD PAR GYIS DE'I LAN 'DEBS DGOS PA NI PHONGS PA'O, ,DE BAS NA MDO DANG 'DI LA 'GAL SPONG DGOS PA'I GZHI MED LA, DOGS PA BCAD DGOS PA NI 'DI YIN TE, SGRON GSAL DU, THAMS CAD GSANG BA ZHES PA RNAL 'BYOR CHEN PO'I RGYUD DRANGS PAR, KUN TU BZANG PO NI GNAS BRTAN KUN DGA' BOR GYUR TO, ZHES GSUNGS SHING, DE'I KUN TU BZANG PO NI RGYUD THAMS CAD KYI SDUD PA PO PHYAG NA RDO RJE YIN PAR GSUNGS PAS, DE LTAR GSUNGS PA DANG 'DIR RGYUD DON KUN DGA' BO'I SPYOD YUL MIN PAR BSHAD PA 'GAL LO ZHE NA, ,SKYON MED DE, SPYOD BSDUS LAS GSUNGS PA LTAR, BCOM LDAN 'DAS KYIS DMAN PA LA MOS PA LA CHAGS BRAL GYI SPYOD PA, RGYA CHEN PO LA MOS PA LA SA DANG PHA ROL TU PHYIN PA'I SPYOD PA, ZAB MO LA LHAG PAR MYOS PA LA CHAGS CAN GYI SPYOD PA GSUM BSTAN PA'I NANG NAS, CHAGS BRAL GYI SPYOD PA GANG GI CHED DU BSTAN PA'I GDUL BYA DMAN PA LA MOS PA DAG GI SPYOD YUL MA YIN ZHING, DE'I PHYIR 'DIR CHAGS BRAL ZHES PA'I TSIG NI DGRA BCOM PA TZAM LA MI BRJOD KYI, CHAGS BRAL GYIS LAM DMAN PA
, ,LA MOS PA, 'DOD CHAGS LAM BYED LA MI MOS PA DAG ,'DZIN PA STE, DE BAS NA KUN DGA' BO PHYAG RDOR YIN PA NI, THUN MONG MA YIN PA'I DBANG DU BYAS LA, THUN MONG DU TSUL BSTAN PA TZAM LA STON PA CHAGS BRAL GYI SPYOD PAS DMAN PA LA MOS PA DAG LA CHOS BSTAN PA'I 'KHOR DU KUN DGA' BAS KYANG NYAN THOS KYI TSUL BZUNG NAS DMAN PA LA MOS PA'I RNAM PAR BSTAN PA DANG BSTAN NAS DMAN PA LA MOS PA'I GDUL BYA'I MTSON BYED TZAM DU THUN MONG DU GRAGS CHE BA DPER BKOD PA'O, ,GNYIS PA NI, 'JIG RTEN NA RAB MCHOG TU GYUR PA LHA DANG MI LA SOGS PA 'DI RNAMS KYIS SHES PA MA YIN PA'I DON DE YANG GANG ZHE NA, MDOR BSDUS NA, DUS KYI 'KHOR LO'I RNAL 'BYOR TE, DE NYID YAN LAG DANG BCAS PA'I DBANG DU BYAS NA, MYA NGAN 'DAS PA LA SOGS 'DZIN MA'I MTHAR THUG CES PA KHAMS DRUG PO GANG GIS DANG PO MYA NGAN LAS 'DAS PA YE SHES KYI KHAMS DANG, MTHA' 'DZIN MA SA'I KHAMS TE DE NYID DNGOS SU BSTAN NAS, DE GNYIS KYI DBUS SU STE BAR DU DNGOS SU MA BRJOD PA LA SOGS PA ZHES PA'I TSIG GIS BSDUS PA NYID LAS, NAM MKHA' DANG RLUNG DANG ME DANG CHU'I KHAMS SO, ,KHAMS DRUG PO 'DIS GANG ZHIG SGRIB BRAL DU BYA BA PHYI DANG NANG LUS GNYIS GA BSDUS PA LA, DE DAG SGRIB BRAL DU MA GYUR PA'I TSE YE SHES KYI KHAMS KHYAB BYED DANG KHAMS GZHAN LNGA KHYAB BYA'I 'BRAL BA RNAM PA THAMS CAD DU BZHAG DKA' YANG, GANG GI TSE KHAMS DRUG KA SGRIB BRAL DU GYUR PA'I TSE, YE SHES KYI KHAMS SGRIB BRAL DU GYUR PA MCHOG TU MI 'GYUR
BA'I BDE BA CHEN PO NYID CHA CAN DANG, KHAMS GZHAN LNGA SGRIB BRAL DU GYUR PA'I 'BRAS BU'I SKABS KYI YON TAN RNAMS DE'I CHA SHAS DANG, DE'I GZUNG RNAM LA SOGS PA YIN PAS, DE DAG SGRIB BRAL DU GYUR PA'I NAM MKHA' LA SOGS PA'I KHAMS LNGA PO 'DI DAG NI KHYAB PAR BYA BA STE, KHYAB PAR BYED PA NI YE SHES KYI KHAMS SGRIB BRAL DU GYUR PA'O, ,DE LTAR SGRUB PA PO BDAG NYID KYI RDO RJE'I LUS KYI KHAMS DRUG RDO RJE'I RNAL 'BYOR GYIS SGRIB BRAL DU BYAS PA'I SGO NAS KHYAB PAR BYA BA DANG KHYAB PAR BYED PA'I 'BRAL PAS KHAMS LNGA PO THAMS CAD YE SHES KYI KHAMS GCIG GI BDAG NYID SBYOR BA STE, ZHES YOG SBYOR BA LA'ANG 'JUG PAS 'DIR RNAL 'BYOR ZHES PA SBYOR BAR BSGYUR NA LEGS SO, ,SGRUB PA PO'I LUS KHAMS DRUG RDZOGS PA'I BDAG NYID DU GNAS PA DE BZHIN DU YANG RTZA BA'I RGYUD LAS BCOM LDAN 'DAS KYIS GSUNGS PA, SA DANG NAS, ZHES SO, ZHES PA GO SLA'O, ,GANG DAG KHYAB BYED YE SHES KYI KHAMS BDE GSHEGS SNYING PO CHOS KYI SKUS KHYAB BYA BA BRTAN GA-YO'I KHAMS THAMS CAD LA KHYAB PA'I 'BREL PA LA 'DOD PA NI SNGAR BKAG PAS SHES SO, ,'O NA KHAMS DRUG PO DE DAG SGRIB BRAL DU GANG GIS BYA ZHE NA, LAM {JO} RIM PA GNYIS BSGOMS NAS SGRIB BRAL DU BYA DGOS PA YIN PAS GNAS SKABS SU 'ANG KUN RDZOB 'JIG RTEN PA'I DNGOS GRUB BSGRUB PA LA SOGS PA'I DON DU BSTAN PA, TSIG TU BRJOD PA'I SKAD GDANGS KYI RNAM PA CAN GYI AOm A'A: H'Um LA SOGS PA LA SNGAGS KYI BRDA BYAS PA DRANG DON GYI SNGAGS DANG, GTZO BOR PHYAG RGYA CHEN PO'I DNGOS GRUB KYI DON DU BSTAN PA, STONG NYID SNYING RJE DBYER
, ,MI PHYED PA'I SGO NAS YID SKYOB PAR BYED PA'I RDZOGS RIM GYI RNAL 'BYOR LA SNGAGS SU GSUNGS PA NGES DON DE KHO NA NYID KYI SNGAGS GNYIS GSUNGS PA NI, TSIG GI BGROD PA DANG BCAS ZHES PA LA, TSIG NI DBYANGS GSAL GYI DBYE BAS RNAM PA GNYIS TE, A'A LI K'A LI'I BDAG NYID CAN, DE DAG GI LAM GANG NAS BGROD PA NI TSIG GI BGROD PA STE, MGRIN PA DANG RKAN DANG SPYI BO DANG, MCHU DANG SO'I GNAS RNAMS LAS DBYANGS DANG GSAL BYED RNAMS BRJOD PA'O, ,DES NA MGRIN PA SOGS KYI LAM NAS BGROD NAS 'BYUNG DGOS PA'I TSIG YIN PA'I PHYIR BGROD PA DANG BCAS PA'I TSIG CES BYA ZHING, SPYI BO'I SKAD DOD MU DRA'I SGRA RTZE MO 'AM GYEN LA 'JUG PAS LCE RTZE GYEN LA BZLOG NAS BRJOD DGOS PA LA SPYI BO LAS 'BYUNG BA ZHES BRJOD DO ZHES BLA MA KHA CIG 'CHAD LA, KHA CIG SGRA DE DAG 'BYUNG BA'I GNAS, MGO BO'I SPYI BO NYID YIN TE, DER ME BTZA' BZHAG PA SOGS KYIS SPYI BO LAS 'BYUNG BAR BSHAD PA'I YI GE DE DAG 'DON PA'I GDANGS NYAMS 'GRO BAR MTHONG BA'I PHYIR ZHES ZER RO, ,{RANG} DE 'DRA BA'I BGROD {SDAM} PA DE DANG BCAS PA'I DBYANGS GSAL RNAMS NI SNGAGS KYI BRDA YIS RAB TU BRJOD PA'O, ,'DIR SNGAGS KYI BRDA NI RNAM PA GNYIS TE, GCIG NI DRANG DON GYI SNGAGS KYI BRDA YIN LA, GNYIS PA NI DE KHO NA NYID NGES DON GYI SNGAGS KYI BRDA'O, ,DE LA DRANG DON GYI SNGAGS KYI BRDA NI TSIG TU RAB TU BRJOD PA STE BSKYED RIM GYI DBANG DU BYAS PA 'JIG RTEN PA'O, ,DE KHO NA NYID NGES DON GYI SNGAGS NI DAM PA PHYAG RGYA CHEN PO'I
DNGOS GRUB KYI DON CAN TE GTZO BO'I RGYUR GYUR PA, DBYANGS KYI YI GES MTSON PA'I THABS DANG, GSAL BYED KYI YI GES MTSON PA SHES RAB DANG, GSAL BYED LA DBYANGS ZHUGS PAS MTSON PA THABS SHES GNYIS SU MED PA'I RDO RJE'I RNAL 'BYOR TE, DE NI MGRIN PA LA SOGS PA'I LAM NAS BRJOD PA'I SGRA'I GDANGS MA YIN PAS TSIG TU BRJOD PA SPANGS PA'O ZHES BYA BA YIN GYI, NGES DON GYI SNGAGS SGRA'I BRJOD BYA MA YIN PAR STON PA MA YIN NO, ,DES NA BRDA DAG TU RAB TU BRJOD PA'I SGRA'I GDANGS LA SNGAGS KYI BRDA BYAS PA YIN PA DER AOm A'A: H'Um ZHES PA LA SOGS PA SNGAGS KYI MING NGO, ,GANG DU NA DE KHO NA NYID NGES DON GYI SNGAGS LA SNGAGS KYI BRDA BYAS PA YIN PA DER AA YIG NI CHOS THAMS CAD KYI SGO STE, GDOD MA NAS MA SKYES PA NYID KYI PHYIR RO, ZHES PA LTAR RDZOGS RIM PA'I BDE CHEN GYIS AAS MTSON PA'I DON BDEN PA'I SKYE MED RTOGS PA LA SNGAGS SU SHES PAR BYA'O, ,NGAG TU BRJOD PA SGRA'I GDANGS TZAM LA BZUNG BAR MI BYA STE, 'DIS RDZOGS RIM PA'I NGES DON GYI SNGAGS LA DBU MA PA'I STONG NYID MTHAR THUG RTOGS PAR BSTAN NO, ,DE BZHIN DU SGYU 'PHRUL DRA BA STONG PHRAG BCU DRUG PA LAS NGES DON GYI SNGAGS GSUNGS PA 'DI LTAR ZHES PA LA SOGS PA STE SNGAR BSHAD ZIN TO; ;YANG DE NYID KYI TING NGE 'DZIN GYI DRA BA'I LE'U LAS DRANG DON GYI GSANG SNGAGS KYI SKYE GNAS SU GYUR PA'I MGRIN PA SOGS LAS BRJOD BYA'I SGRA'I GDANGS KYIS RNAM PA CAN GYI YI GE MED PA, NGES DON GYI GSANG SNGAGS CHEN PO NI SKU GSUNG
, ,THUGS KYI RDO RJE'I RNAL 'BYOR GYI RIGS GSUM PA, STONG PA CHEN PO YI GE LNGA DANG THIG LE STONG PA YI GE DRUG DBYER MED PA'O ZHES SO, ,KHA CIG LHAN SKYES KYI YE SHES DE NYID 'JIG RTEN PA LA SOGS PA'I GSANG SNGAGS KYI RGYU YIN PAS SKYE GNAS, MI 'GYUR BAS YI GE MED PA ZHES 'CHAD LA, KHA CIG MI 'GYUR BA'I YE SHES NI GSANG SNGAGS, DE GANG LAS SKYE BA'I GNAS SAM RGYU NI BRJOD {RANG} BYA RJOD BYED KYI SPROS PA DANG BRAL BAS YI GE MED PA'I STONG PA NYID DO ZHES ZER RO, , GZHAN YANG DE KHO NA NYID DAM PA'I DON CAN GYI SNGAGS KYI BRDA SNGAGS {DAM} KYI THEG PA LAS BCOM LDAN 'DAS KYIS GSUNGS PA, 'DI LTAR RTAG CHAD KYI MTHA' GNYIS SPANGS PA'I MYA NGAN LAS 'DAS PA, BDE BA CHEN PO'I RANG BZHIN GYI YE SHES KYI KHAMS RNAM RTOG GI SPROS PAS GZHOM PA'AM GZHIG TU MED CING, SGRAS BRJOD PA TZAM GYIS RJES SU 'BRANG BA'I BLOS MTSAN NYID JI LTA BA BZHIN DU MNGON DU BYA MI NUS PAS BRJOD DU MED PA STE, NGAG TU BRJOD PA'I GDANGS SU MED PA'I DBYANGS THABS DANG GSAL BYED SHES RAB KYI MTSAN NYID CAN NO ZHES SO, ,'O NA DRANG DON GYI SNGAGS KYI GDANGS RNAMS SPYI BO LA SOGS PA'I LUS KYI GNAS NAS 'BYUNG NA LUS KYI GNAS GANG NAS SGRA'I GDANGS GANG 'BYUNG ZHE NA, DE NYID 'CHAD PA NI, NAM MKHA'I KHAMS LA SOGS PA NI KHAMS DRUG GI MTSON BYED KYI MTSAN MA'I SNGAGS KYI BRDA RAB TU BRJOD PA'I MTSAN NYID CAN RNAMS MGRIN PA LA SOGS PA NAS BRJOD PA'I CHOS SU, BCOM LDAN 'DAS KYIS GSUNGS TE, DE YANG
TZANTRA PA LAS, AU TA YIS SDE DANG BCAS PA'O, ZHES 'BYUNG BAS KU DANG TZU LA SOGS PA LA KA DANG TZA LA SOGS PA'I SROG TU ZHUGS PA'I AU YIG DES RANG GANG GI SROG TU SONG BA DE DANG DE'I SDE BA RDZOGS PAR STON PAR BSHAD PA LTAR, 'DIR YANG DBYANGS AA DANG KUS MTSON PA GSAL BYED KA SDE DANG, DBYANGS HA DANG RNAM PAR BCAD PA TSEG DRAG NI HA YIG LAS NAM MKHA'I KHAMS SU MTSON ZHING, DE GNAS MGRIN PA LAS SO, ,DE'I PHYIR MGRIN PA YANG NAM MKHA'I KHAMS SO, ,RDO RJE SNYING 'GREL LAS, MGRIN GNAS AA KU HA THKA NI, ,YI GE HA DES SHES PAR BYA, ZHES SO, ,AI DANG, TZUS TZA SDE DANG, YA SHA NI YA YIG LAS RLUNG KHAMS TE, GNAS RKAN LAS BYUNG LA, DE'I PHYIR RKAN YANG RLUNG GIS KHAMS SO, ,SNYING 'GREL LAS, AI TZU YE SHA SO RKAN LAS,, DBYANGS DANG GSAL BYED MTSAN NYID CAN, ,RLUNG GI KHAMS LAS RAB BYUNG BA, ,YI GE YA YIS SHES PAR BYA, ZHES SO, ,Ri DANG tU SA tA SDE DANG, RA shA NI RA YIG LAS ME'I KHAMS SU MTSON ZHING, GNAS SPYI BO LAS BYUNG LA, DES NA SPYI BO YANG ME KHAMS SO,, DE NYID LAS, RI tU RA shA SPYI BO LAS, ,DBYANGS DANG GSAL BYED MTSAN NYID CAN, ,ME'I KHAMS LAS RAB BYUNG BA, YI GER YIS SHES PAR BYA, ZHES SO, ,DBYANGS AU DANG, BUS PA SDE DANG, WA NYPA ZHES PA'I WA YIG GIS CHU KHAMS SU MTSON TE, DE GNAS MCHU LAS SKYES PAS MCHU YANG CHU KHAMS SO, ,DE NYID LAS, AU PU WA NYPA MCHU LAS SO, ,DBYANGS DANG GSAL BYED MTSAN NYID CAN, ,CHU'I KHAMS LAS RAB BYUNG BAR, ,YI GE WA YIS SHES PAR BYA, ZHES SO, ,DBYANGS Li DANG TUS TE SDE DANG LA SA'I LA YIG GIS
, ,SA KHAMS SU MTSON LA, ,DE DAG GNAS SO LAS SKYES PAS SO YANGS KHAMS SO, ,DE NYID LAS, Li TU LA SA SO LAS BYUNG, DBYANGS DANG GSAL BYED MTSAN NYID CAN, ,SA YI KHAMS LAS RAB BYUNG BAR, ,YI GE LA YIS SHES PAR BYA, ZHES SO, ,DE BZHIN DU YI GE HU LTA BU'I HA MGRIN PA LAS BYUNG ZHING, ,DE LA ZHUGS PA'I AU MCHU LAS BYUNG BAS GNAS GNYIS PA DANG, NAM MKHA' DANG CHU'I KHAMS GNYIS 'DRES PA DANG, BRA PHREm LTA BU MCHU DANG SPYI BO DANG RKAN LAS SKYES PA'I GNAS GSUM PA DANG; KHAMS GSUM 'DRES PA DANG, HRAmLi LTA BU MGRIN PA DANG SPYI BO DANG SO DANG MCHU LAS SKYES PA'I GNAS BZHI PA DANG KHAMS BZHI 'DRES PA DANG, HYRVLA BRTZEGS PA LTA BU GNAS LNGA LAS SKYES SHING KHAMS LNGA PA'I SNGAGS TE, BRTZEGS PA'I SNGAGS RNAMS KYIS KYANG RAB TU BRJOD PA'I BRDAS GNAS DU LAS BYUNG BA SNGAR BSHAD PA LA, DPAGS NAS CI RIGS PAR RIG PAR BYA'O, ,SNGAR BSHAD PA DE DAG GI DON BSDU BA NI, NGAG TU BRJOD PA'I MING GI RANG BZHIN CAN GYI SNGAGS PA DE DAG THAMS CAD KYANG 'JIG RTEN PA'I DNGOS GRUB BSGRUB PA'I SLAD DU NGAG TU BZLAS PA BYA BA DANG, DON GANG LA SNGAGS KYI YI GE GANG BCOM LDAN 'DAS KYIS BRDA MDZAD PA'I DBANG GIS PHYI NANG GZHAN GSUM GYI MING CAN GYIS DNGOS PO RNAMS GO BAR BYED PA'O, ,DE KHO NA NYID KYI BRDA, ZHES PA NAS, NGES PAR BSTAN TO, ,DE LTA BU'I SNGAGS KYI SBYOR BA 'DI MTHA' DAG NI LUS DBUS SU STE SGRUB PA PO'I LUS LA GNAS SHING 'BYUNG BA DANG, DE BZHIN DU BSKYED RIM PA DANG RDZOGS RIM PA'I DKYIL 'KHOR DAG DANG, 'JIG RTEN
DANG 'JIG RTEN LAS 'DAS PA'I DBANG NI ZHES PA NAS, MI YI BDAG PO ZLA BA BZANG PO NYON CIG ,CES PA STE, BCOM LDAN 'DAS KYIS LAN GYI TSIG RTZA RGYUD LAS RGYAS PAR GSUNGS PA BSDUS RGYUD KYIS BSDUS PA'I MDOR BSTAN PA'O, ,GNYIS PA RTZA RGYUD LAS 'JIG RTEN GYI KHAMS BSTAN PA BSDUS PA'I TSIGS SU BCAD PA BZHI PA BSHAD PA LA LNGA, BSHAD PAR DAM BCA' BA, SNGAGS KYI THEG PA BAS SPYIR THEG PA GSUM PO THAMS CAD LA MKHAS PAR BYA DGOS PAR BSTAN PA, DES NA THEG PA DANG GRUB MTHA' GONG 'OG RNAMS LAS 'JIG RTEN CHAGS 'JIG SOGS KYI TSUL MI 'DRA BA DU MA BSHAD PA RNAMS KYANG SHES PAR BYA BAR BSTAN PA, DE DAG LAS 'DIR MNGON PA SOGS NAS BSHAD PA DANG MI 'DRA BA'I 'JIG RTEN CHAGS TSUL GZHAN BSHAD PA, BSHAD ZIN PA'I MJUG BSDU BA'O; ;DANG PO NI DA NI BCOM LDAN 'DAS KYIS ZHES SOGS SO, ,GNYIS PA NI, SNGAGS KYI TSUL 'DI LA SGRUB PA PO SNGAGS PAS NI THEG PA GSUM GYI RANG RANG GI BYANG CHUB TU NGES PAR 'BYUNG BA'I LAM THAMS CAD LA MKHAS PAR BYA LA, ,RANG RGYUD LA BSGRUB PAR BYA BA RDO RJE'I THEG PA GCIG GI 'BRAS BU RDO RJE 'CHANG GI SAR GNAS PAR BYA BAR BCOM LDAN 'DAS KYIS GSUNGS TE, GANG THEG PA GSUM GYI DGENGS PA MI SHES PA STE THEG PA GSUM LA MKHAS PAR MA BYAS PA DE NI DUS LAS TE DUS SHIN TU RING PO 'BAD KYANG, THAMS CAD MKHYEN PA'I LAM LAS NYAMS SHING THAMS CAD MKHYEN PA 'THEB DKA' BAR 'GYUR RO ZHES PA STE, DES NA 'DI NI GNAS SKABS THEG PA GSUM YOD, MTHAR THUG THEG PA GCIG YIN ZHES PA'I DON MIN NO, ,DE YANG SNGAGS BLA MED KYI LAM NYAMS
, ,SU LEN PA LA THEG PA 'OG MA DAG DANG THUN MONG BA'I LAM RANG GI NYAMS LEN GYI YAN LAG DANG LAM GYI GZHIR BYA DGOS PA SHIN TU MANG BA DANG, BDE STONG SBYOR BA BLA MED KYI LAM GYI SNYING PO YIN PA LA, BDE CHEN DANG SBYAR NAS BSGOM PAR BYA BA'I STONG NYID KYI LTA BA MTHAR THUG PA LA RIGS PA'I LAM NAS DRANGS PA'I NGES PA YANG DAG CIG SNGON DU TSOL BA LA NI GRUB MTHA' 'OG MA DAG GIS JI LTAR GTA LA PHAB PA RNAMS LAS GONG MA GONG DAG GIS GTAN LA PHAB PA RIM GYIS KHYAD ZHUGS TSUL LA NGES PA LEGS PAR RNYED PA DANG, RANG RGYUD PA MAN CHAD KYIS JI LTAR GTAN LA PHAB PA'I THUN MONG MA YIN PA'I 'DOD PA RNAMS LA RIGS PAS GNOD PA 'BAB CHU LA LEGS PAR MTHONG BA DGOS KYI, GZHAN DU NA LTA BA MTHAR THUG PA THOS BSAM GYIS SGRO 'DOGS MA LUS PAR CHOD NAS NGES PA RNYED PA 'ONG BA'I GNAS MED PA'I PHYIR DANG, DE MA BYUNG BAR BSGOM PA NI BLUN PO'I MOS MNOS TZAM GYIS BSGOM PAR 'GYUR GYI, THEG PA BLA NA MED PA GANG GI CHED DU BSTAN PA'I GDUL BYA DBANG RNON GYIS LAM NYAMS SU LEN TSUL DU GTAN MI 'GYUR BA'I PHYIR DANG, BYANG CHUB SEMS DPA' RNAMS KYI BZHED DON GYI GTZO BO GDUL BYA RIGS CAN GSUM GYI DON BYED PA YIN ZHING, DE LTAR DON BYED PA LA YANG RANG RANG GI RIGS DANG BSAM PA DANG RJES SU MTHUN PA'I LAM DANG CHOS BSTAN NAS DON BYA DGOS LA, DE LTAR STON PA LA SHES DGOS PAS BYANG CHUB SEMS DPAS NYAN THOS LA SOGS PA'I LAM THAMS CAD SHES PAR BYA DGOS PAR RJE BTZUN BYAMS MGON GYIS GSUNGS PA LTAR YIN PAS, RGYU MTSAN DE DAG GI
PHYIR 'DIR SNGAGS KYI TSUL 'DI LA THEG PA THAMS CAD LA MKHAS PAR BYA DGOS PAR GSUNGS SO, ,'O NA THABS JI LTA BU'I SGO NAS THEG PA GSUM PO THAMS CAD LA MKHAS PAR BYA ZHE NA, DE YANG MTSAN NYID DANG LDAN PA'I BLA MA DAM PA MNYES PA BYAS PA'I DRIN LAS THEG PA GSUM LA MKHAS PAR BYA DGOS KYI, RANG DKAR ZHUGS NA SNGAGS KYI THEG PA LAS SROG CHAGS BSAD PAR GSUNGS PA SOGS KYI LDEM POR DGONGS DON, MI SHES PA'I SGRA JI BZHIN PAR BZUNG STE, SROG GCOD PA LA SOGS PA DANG, MA BYIN PAR YANG BLANG BAR GSUNGS SO SNYAM DU BZUNG NAS DGE 'DUN GYIS TSOGS KHANG DANG GTZUG LAG KHANG GI RDZAS LA NYE BAR LONGS SPYAD PAR BYAS PA DANG, LTA BA MTHAR THUG PA DGE BA'I BSHES GNYEN LAS MA BTZAL ZHING RIGS PA'I LAm NAS NGES PA MA RNYED PAS RTAG PA DANG CHAD PA'I LTA BA NGAN PA'I PHYOGS BZUNG BAS MTHAR LTUNG BA DANG, 'DOD YON LONGS SPYOD PAR GSUNGS PA TZAM LA BRTEN NAS PHYI ROL GYI 'DOD YON LNGA'I YUL NYE BAR LONGS SPYOD PA LA SRID PA'I DBANG GIS CHAGS PAR GYUR NA, RDO RJE SLOB DPON GYI CHOS KYIS TE CHA LUGS KYIS DKON MCHOG GSUM LA CO DRIS NAS DMYAL BAR 'GRO BAR 'GYUR RO, ,CO DRIS ZHES PA RTZA MI SA RMA PHAB CES BSGYUR TE, DON NI BSTAN PA LA GNOD PA BYAS PA'O, ,'O NA BLA MA JI LTA BU BSTEN NAS MNYES PAR BYA ZHE NA, 'DIR 'JIG RTEN PHA ROL DANG 'JIG RTEN 'DI'I DON DU SEMS CAN RNAMS KYIS MNYES PAR BYA BA'I RGAN PA BZHI STE, BZHI GANG ZHE NA, BZHI PO DE DAG LAS YE SHES KYI RGAN PA NI BDE BA CHEN POS CHOS NYID MNGON SUM DU MTHONG BA'I STOBS KYIS MNGON PAR SHES PA THOB PA
, ,DANG, RAB TU DGA' BA LA SOGS PA'I SA THOB PA RDO RJE SLOB DPON DGE SLONG NGAM DE LTA BU NI DGE SLONG DU MA ZAD, KHYIM PA YIN NA YANG MCHOD PAR 'OS PA SO SKYE'I DGE SLONG BCU DANG BSOD NAMS KYI ZHING DU MNYAM PAR BCOM LDAN 'DAS KYIS GSUNGS PA'O, ,DE MED NA GNYIS PA DKA' THUB KYI RGAN PA NI, RAB TU BYUNG BA CHOS GOS NGUR SMRIG 'DZIN PA STE, NGUR SMRIG 'DZIN PA RNAMS LAS LO LA SOGS PA NAS GRIB MA SOR GCIG YAR BCAD KYIS RAB BYUNG GI BSLAB PA RGAN PA DANG, SNGAGS PA RNAMS LAS DBANG GIS SNGAGS KYI SDOM PA THOB PA'I DUS RGAN PA LA KHYIM NA GNAS PA YE SHES DANG MI LDAN PA'I RDO RJE SLOB DPON DGE BSNYEN RNAMS KYIS RTAG TU PHYAG BYA BA STE, DKA' THUB KYIS RGAN PA'I PHYIR DANG, DE DAG LA MNGON PAR SHES PA KHYAD PAR CAN DE LTA BU MED PA'I PHYIR RO, ,GSUM PA THOS PAS RGAN PA NI, THEG PA GSUM LA MKHAS PA NAS, DE LTAR RGAN PA BZHI NI SNGA MA GSUM 'JIG RTEN PHA ROL DON DU GNYER BA DANG BZHI PA NI 'JIG RTEN 'DI TZAM DON DU GNYER BA'I SEMS CAN RNAMS KYIS MNYES PAR BYA'O, ,DE'I PHYIR THEG PA GSUM THAMS CAD SHES PA PO NI THOS PAS RGAN PAR MA ZAD, DKA' THUB KYIS KYANG RGAN PA STE, KHYIM PA LA NI JI SRID RAB TU BYUNG BA'I DKA' THUB PAR MA GYUR PAR NYAN THOS KYI THEG PA DANG THUN MONG GI 'DUL BA'I SDE SNOD LA SO SOR THAR PA'I BSLAB PA MNYAN PA'I SKABS MED DO, ,DE'I PHYIR KHYIM PA RDO RJE 'DZIN PA RNAm YE SHES SKYED PAS, MNGON SHES KHYAD PAR CAN DANG LDAN PA MA GTOGS PA THOS PA DANG DKA'
THUB GANG GIS KYANG RGAN PAR MI 'GYUR ZHING SO SO SKYE BO'I KHYIM PA RAB TU BYUNG BA'I SDOM PA DANG BRAL BA RNAMS NI DGE 'DUN GYI TSOGS KHANG DANG GTZUG LAG KHANG LA NYE BAR LONGS SPYOD PA YANG BCOM LDAN 'DAS KYIS THEG PA GANG DU YANG MA GSUNGS SO, ,DES NA THEG PA GSUM PO THAMS CAD LA MKHAS PAR 'DOD PAS NI YE SHES KYIS RGAN PA'AM, RAB TU BYUNG BA THOS PAS RGAN PA DAG MNYES PAR BYA'O, ZHES BYA BA'I DON TO, ,GSUM PA NI JI SKAD BSHAD PA DE BAS NA THEG PA GSUM LA BRTEN PA'I GRUB PA'I MTHA' THAMS CAD YONGS SU SHES PAR BYA BA'I SLAD DU, DANG POR BYE BRAG TU SMRA BA'I GZHUNG LA BRTEN NAS RDUL PHRA RAB PHYOGS KYI CHA MED 'DUS NAS BRTZAMS PA'I BDAG NYID 'JIG RTEN GYI KHAMS YOD PAR 'DOD PA'I LUGS KYANG SHES PAR BYA DGOS SHING, DE BZHIN DU MDO LAS KHUR KHUR BA'I GANG ZAG YOD DO, ,RTAG PA'AM MI RTAG PAR BDAG MI SMRA'O, ZHES BCOM LDAN 'DAS KYIS GSUNGS PA'I PHYIR, DE LA BRTEN NAS BRJOD DU MED PA'I GANG ZAG GI BDAG KHAS LEN PA'I NYAN THOS SDE PA DAG GI GRUB MTHA' YANG SHES PAR BYA DGOS SO, ZHES BYA BA'I DON YIN GYI, BYE BRAG SMRA BA 'DOD PA LTAR RDUL PHRAN CHA MED KYIS BRTZAMS PA'I 'JIG RTEN GYI KHAMS 'DIR YANG RANG LUGS LA KHAS LEN PA MA YIN TE, GRUB MTHA' SMRA BA GONG 'OG SU'I LUGS LA YANG CHA MED KYI DNGOS POR 'DOD PHYIN CHAD DE BDEN DNGOS SU 'DOD PA YIN LA, 'DIR NI SKYE 'JIG THAMS CAD BDEN MED DU BZHED PAR SNGAR YANG BSGRUBS SHING, LTA BA'I MDOR BSDUS
, ,LA SOGS PAR YANG BSGRUB PAR 'GYUR BA'I PHYIR DNGOS PO CHA MED LUGS 'DIR KHAS LEN PA'I GNAS MED DO, ,'ON KYANG PHYI ROL GYI DON GTAN NAS MI BZHED PA NI MA YIN TE, RDO RJE'I RNAL 'BYOR GYI STOBS KYIS DNGUL CHUS LCAGS KYI KHAMS ZA BAR BYED PA BZHIN DU LUS KYI BEM PO'I KHAMS ZAD PAR BYED PA DANG, STONG GZUGS KYI LUS RDUL PHRA RAB LAS 'DAS SHING DA LTA'I THA MAL KYI LUS RAGS PA RDUL PHRA RABS BSAGS PA'I LUS YIN PA'I KHYAD PAR SOGS LAN GCIG MA YIN PAR GSUNGS LA, 'JIG RTEN GYI KHAMS RDUL PHRAN 'DUS NAS RTZOM PA'I TSUL RGYAS PAR GSUNGS SHING, BEM PO GZHI MA GRUB NA DE DAG THAMS CAD 'GAL BA'I PHYIR RO, ,DES NA 'DIR YANG BEM PO YOD KYANG RDUL PHRAN CHA MED MI BZHED PA DPAL LDAN ZLA BA GRAGS PA'I LUGS DANG KHYAD PAR MED PA YIN NO, ,NYAN THOS SDE PA BCO BRGYAD KYI NANG NAS GNAS MA BU'I SDE PA LA SOGS PA BZHI BRJOD DU MED PA'I BDAG KHAS LEN PAR RTOG GE 'BAR BA LAS GSUNGS SHING SANGS RGYAS PA THAMS CAD KYI GRUB PA'I MTHA' BZHIR SDUD PA'I TSE DE DAG GI GRUB MTHA' BYE BRAG TU SMRA BA'I GRUB MTHAR BSDU DGOS KYI, GZHAN GSUM DU BSDUR MI RUNG BAS BYE BRAG TU SMRA BA'I GRUB MTHA' LA BRJOD DU MED PA'I BDAG KHAS LEN PA YOD PAR 'GREL CHEN 'DI NYID DU GONG 'OG DAG TU GSUNGS PA YIN GYI, BYE BRAG SMRA BA YIN NA BRJOD DU MED PA'I BDAG KHAS LEN PAS KHYAB PAR SKABS GANG DU'ANG KHAS MA BLANGS SHING, BDAG DE PHUNG PO TZAM ZHIG TU KHAS LEN PA'I BYE BRAG SMRA BA YOD PAR
SMRAS PA DANG BRJOD DU MED PA'I BDAG KHAS LEN PA'I BYE BRAG SMRA BA'ANG YID PAR KHAS BLANGS PA LA 'GAL BA CUNG ZAD KYANG MED PAS DE MA THAG TU NANG 'GAL SMRAS PA'I SKYON GYIS GO SKABS MED DO, ,GZHAN DU NA RANG BZHIN GYIS GRUB PA'I DNGOS PO KHAS LEN PA'I DBU MA PA YOD PAR SMRAS PA DAS, RANG BZHIN GYIS GRUB PA'I DNGOS PO THA SNYAD TZAM DU'ANG MI SRID PAR 'DOD PA'I DBU MA PA YOD PAR SMRAS PA'ANG KHAS BLANGS 'GAL BAR 'GYUR RO, ,'ON TE SANGS RGYAS PA'I GRUB MTHA' SMRA BA YIN NA LTA BA BKAR BTAGS KYI PHYAG RGYA BZHI KHAS LEN PAS KHYAD PAR DU BYAS PA ZHIG DGOS LA, BRJOD DU MED PA'I BDAG KHAS LEN NA CHOS THAMS CAD BDAG MED PA ZHES BYA BA'I PHYAG RGYA LAS 'DAS PA'I PHYIR, SANGS RGYAS PA'I LTA BA KHAS LEN PAR MI RUNG NGO, ,DE BAS NA GNAS MA BU BA LA SOGS PA THAMS CAD SKYABS GNAS DANG SPYOD PA'I SGO NAS SANGS RGYAS PAR BZHAG GI ,LTA BA'I SGO NAS SANGS RGYAS PAR BZHAG TU MI RUNG BAS, SANGS RGYAS PA'I LTA BA KHAS LEN PA LA GRUB MTHA' SMRA BA BZHIR GRANGS NGES PAR BSHAD KYANG DE DAG GRUB MTHA' SMRA BA BZHI GANG DU'ANG BYA MI DGOS PA'I PHYIR BRJOD DU MED PA'I BDAG KHAS LEN PA SANGS RGYAS PA'I GRUB MTHA' SMRA BAR BYAS PA NYID MI 'THAD DO ZHE NA, MU STEGS BYED BDAG KHAS LEN PA MTHA' DAG NI, RTAG GCIG RANG DBANG CAN GYI BDAG KHAS LEN PA SHA STAG YIN LA, GNAS MA BU'I SDE BA LA SOGS PA DE DAG KYANG RTAG GCIG RANG DBANG CAN GYI BDAG MED PAR KHAS LEN PAS DE TZAM GYI SGO NAS SANGS RGYAS PA'I GRUB MTHA'I NANG DU BSDU DGOS KYI, DE LTA MA YIN PAR, DES NA NGO
, ,TSA'I LTA BA 'DI, ,SPONG LA DE NI RTAG PAR SMROS, ZHES GSUNGS PA LTAR, RTAG MI RTAG GANG DU'ANG BRJOD DU MED CES SMRAS KYANG RTAG PA'I DON KHAS BLANGS PAR SONG BAS RTAG GCIG RANG DBANG CAN GYI BDAG KHAS BLANGS PAR SONG BA'I PHYIR MU STEGS DANG DON KHYAD MED DO ZHE NA, SEMS TZAM PAS THA SNYAD JI LTAR SMRAS KYANG, RNAM SHES BDEN GRUB KHAS BLANGS PA NYID KYIS DON LA CHOS BDAG KHAS BLANGS PAR SONG BA DANG, RANG RGYUD PAS DNGOS PO RANG GI MTSAN NYID KYIS GRUB BAR SMRAS PA NYID KYIS DON LA BDEN DNGOS KHAS BLANGS PAR SONG BAS DBU MA PA MA YIN PAR THAL BA SOGS MTSUNGS LA, BYE BRAG SMRA BAS 'DUS BYAS KYI MTSAN NYID SKYE 'JIGS GNAS PA 'DUS BYAS LAS DON GZHAN DU KHAS BLANGS PAS 'DUS BYAS KYI NGO BO RTAG PAR KHAS BLANGS PAR SONG BAS LTA BA BKAR BTAGS KYI PHYAG RGYA BZHI KHAS LEN PAR BYAR MI RUNG NGO, ,ZHES BRJOD NA MI MTSUNGS PA'I RGYU MTSAN JI LTAR SMRA BA BRJOD DGOS SO, ,DE BZHIN DU 'JIG RTEN GYI KHAMS 'BYUNG BA CHAGS PA DANG 'GAG PA 'JIG PA'I DUS KYANG GRUB MTHA' THA DAD KYI 'DOD PA MI 'DRA BA DU MA YOD PA RNAMS LA MKHAS PAR BYAS NAS, 'DOD PA MI 'DRA BA SO SO'I KHYAD PAR DANG GSUNG RAB LAS MI MTHUN PA DU MA BSTAN PA RNAMS KYI DGONGS BA'I DON MA 'DRES PAR RIG PAR BYA'O, ,'DI DAG GIS NI RDO RJE THEG PA'I RNAL 'BYOR PA RNAMS KYIS THEG PA GSUM DU GTOGS PA'I GRUB PA'I MTHA' THAMS CAD LA MKHAS PAR BYED DGOS PA NAN TAN CHEN POS BSGRUBS PAS, GANG DAG RDZOGS
RIM ZAB MO LA RNAL 'BYOR DU BYED PAS THOS PA RGYA CHEN PO DOR YANG BYA DGOS PA DANG, DE DAG LA 'BAD PA DON MED PAR SMRA BA LEGS PAR SUN PHYUNG BA YIN NO, ,BZHI PA NI, 'JIG RTEN 'BYUNG 'JIG GI TSUL THAMS CAD LA MKHAS PAR BYA DGOS PA DES NA 'DIR YANG MCHOG GI DANG PO'I SANGS RGYAS LAS GZHUNG GZHAN NAS 'BYUNG BA DANG TSUL MI 'DRA BAR GSUNGS PA'I 'JIG RTEN GYI KHAMS JI LTAR 'BYUNG BA SOGS KYI RNAM BZHAG 'CHAD PA LA, 'JIG RTEN CHAGS PA NI SEMS CAN RNAMS KYI LAS LAS 'JIG RTEN 'BYUNG BA'I DUS KYI DBANG GIS STONG PA RNAMS LAS 'BYUNG BZHES PA LA, STONG PA RNAMS ZHES PA'I DON NI, GRUB MTHA' LA ZHUGS PA DANG MA ZHUGS PA SU YANG RUNG STE, GRUB MTHA'I RNAM BZHAG BYED PA LA ZHUG PA'I SKABS MA YIN PAR 'JIG RTEN PA'I BLO LHAN SKYES MA BRTAGS PAR THA SNYAD LA 'JUG PA'I THA SNYAD KYIS BAR SNANG STONG PA'O, ,ZHES THA SNYAD BYED KYI PHYOGS DE NA THA MAL BA'I MIG LA SOGS PA'I DBANG PO RNAMS KYI SPYOD YUL MA YIN PA, PHAN TSUN 'DAB 'BYAR DU TSOGS PA'I BSAGS RDUL KHYAD PAR CAN DU MA GYUR PA RDUL PHRA RAB SIL BU'I NGO BOS RNAM PAR GNAS PA STE, DE YANG SA DANG, CHU DANG, ME DANG, RLUNG DANG RO STE, NAM MKHA'I RDZAS GO RIM BZHIN DU DRI RO GZUGS REG SGRA'I YON TAN LNGA PA CAN DANG, DRI MA GTOGS PA'I YON TAN BZHI BA CAN DANG, GZUGS REG SGRA'I YON TAN GSUM PA CAN DANG, REG PA DANG SGRA'I YON TAN GNYIS PA CAN DANG, SGRA'I YON TAN GCIG GI RANG BZHIN CAN RNAMS DANG, ZHES PA LA, 'DIR DPYAD PAR BYA BA 'DI YOD DE, NAM MKHA'I RDZAS ZHES PA'I NAM MKHA' NI GANG YIN,
, ,NAM MKHA' DES 'BYUNG BA BZHI KA LA KHYAB PAR BSHAD PA DANG, NAM MKHA'I RDUL PHRAN ZHES BSHAD PA DANG, LE'U LNGA PAR 'JIG RTEN 'BYUNG BA'I DANG PO'I KHAMS LNGA'I YA GYAL GYI NAM MKHA' DE NYID 'BYUNG BA THAMS CAD MNYAM PAR BSHAD PA SOGS KYI DON YANG JI LTAR YIN ZHE NA, RTOG LDAN GYI SKYES BU DAG GIS NI 'DI LTAR DPYOD DGOS PA'I GNAS SHIN TU CHE MOD KYI SNGA MA DAG GIS CI YANG MA DPYAD DO, ,DE LA 'DI LTAR BSHAD PA'I NAM MKHA' NI 'DUS MA BYAS KYI NAM MKHA' LA BYAR MI RUNG STE, RO'I RDZAS ZHES DNGOS PO YIN PAR DNGOS SU GSUNGS SHING, 'DUS MA BYAS NAM MKHA'I RDUL PHRAN KHAS BLANG DU MI RUNG BA'I PHYIR TE, GZHAN DU NA RTAG RDZAS SU GYUR PA'I RDUL PHRAN DBANG PO'I SBYOR YUL LAS 'DAS PA'I 'JIG RTEN RTZOM PAR KHAS LEN PAR 'GYUR BAS MU STEGS BYE BRAG PA'I LUGS DANG KHYAD PAR MED PA'I THAL BA KUN MKHYEN GYIS KYANG BZLOG TU MED PA'I PHYIR RO, ,YANG 'BYUNG BA BZHI RANG RANG GI RDUL SNGA MAS PHYI MA ZLA DANG BCAS PAR BRTZAMS NAS RIM GYIS GROGS RGYAS PAR BYED PA'I NUS PA'I CHA LTA BU LA YANG BYAR MI RUNG STE, DE NI 'BYUNG BZHI'I RDUL DE DANG DE'I GRUB BDE DBYER MED KYI CHOS SU GNAS PA'I DNGOS PO YIN PAS, SA'I RDUL LA KHYAB PA'I NAM MKHA'I KHAMS DE SA'I RDUL DE'I YON TAN LNGA DANG YANG GRUB BDE DBYER MED DU GNAS DGOS LA, DE LTA NA SA'I RDUL LA SOGS PA'I 'JIG RTEN RTZOM BYED KYI RDUL BZHI LA KHYAB PA'I NAM MKHA' 'BYUNG BZHI'I RDUL DE DANG DE'I YON TAN LNGA DANG BZHI LA SOGS PA DE DANG DE DAG DANG BRAL BAR YE SHES LE'U'I 'GREL PA NYID LAS,
RANG RANG GI YON TAN DANG BRAL BA'O, ZHES PAS GSAL BAR BSTAN PA'I PHYIR DE DANG 'GAL BA, 'JIG RTEN 'JIG PA'I TSE MNGON PA NAS BSHAD PA SOGS DANG MI 'DRA BAR SA CHU ME RLUNG NAM MKHA'I SDUD RIM JI LTA BA BZHIN DU BYAS NAS, DANG POR 'JIG RTEN GYI KHAMS SNOD KYI SA'I RDUL PHAN TSUN YANG DAG PAR SBYAR NAS 'DAB CHAGS SU GNAS PA RNAMS SO SOR BYE NAS CHU LA 'JUG PA DANG, CHU'I RDUL RNAMS DE LTAR BYE NAS ME LA 'JUG PA DANG, ME'I RDUL RNAMS DE LTAR BYE NAS RLUNG LA 'JUG PA DANG, RLUNG GI RDUL RNAMS DE LTAR SO SOR BYE NAS SNGAR 'JIG RTEN RTZOM PA'I SNGA ROL GYI RDUL LTAR DBANG PO'I YUL LAS 'DAS PA'I RDUL PHRAN SIL BUR GNAS NAS NAM MKHA' LA KUN TU SPYOD PAR YE SHES LE'UR GSUNGS PA'I NAM MKHA' DA SNGAR 'JIG 'JIG RGYU'I RDUL BZHI PO RNAMS KYI GRUB BDE DBYER MED KYI DNGOS POR MI 'THAD PA'I PHYIR TE, SNGAR NAM MKHA' LAS CHAGS PAR BSHAD PA DANG, PHYIS ZHIG NAS NAM MKHAR KUN TU SPYOD PAR BSHAD PA'I NAM MKHA' 'DRA BA'I PHYIR RO, ,DES NA 'DI NI CHOS KYI SKYE MCHED PA'I GZUGS RNAM PA LNGA'I NANG NAS MNGON PAR SKABS YOD PA ZHES BYA BAR GSUNGS PA, ZLOG BYED KYI REG BYA DANG BRAL BA'I PHYOGS YID KYI RNAM PAR SHES PA KHO NA LA BAR SNANG SKYE BO SENG POR SNANG BA GANG YIN PA DE LA BYA STE, DE NYID KYI DNGOS PO YIN PAS RO'I RDZAS ZHES GSUNGS LA, RO'I RDUL PRA RAB CES PA NI DE 'DRA BA DE NYID BLOS JI TZAM DBYE BAR NUS KYI BAR DU MTHAR RNAM PAR PHYE BA'I CHUNG MTHAR YID NGOR SNANG BA LA, RDUL PHRA RAB CES PA'I THA SNYAD BTAGS PA TZAM MO, ,DE LTAR BSHAD PA NI GZHUNG CHEN
, ,MO GZHAN DAG LAS KYANG MANG DU 'BYUNG NGO, ,DE NYID KYIS NI SA CHU ME RLUNG GI RDUL GOS GANG NA GNAS PA'I GOS THAMS CAD DU YANG KHYAB PA'I PHYIR RO'I RDUL PHRA RAB RNAMS NI THAMS CAD DU YANG KHYAB PAR BYED PA STE, ZHES GSUNGS SO, , YE SHES LE'UR, RO LA THAMS CAD MNYAM PA STE RANG RANG GI YON TAN DANG BRAL BA'O, ZHES GSUNGS PAS NI DE'I GONG DU, DE BZHIN DU DE DAG RNAMS PHAN TSUN SBYOR BAR 'GYUR TE, GTZO BO'I DNGOS PO LA CHUNG NGU'I DNGOS PO'O, ,DES NA SRA BA'I CHOS LA SA'I RDUL PHRA RAB GTZO BO STE, LHAG MA RNAMS NI PHAL PA'O, ,DE BZHIN DU CHU LA CHU'O, ,ME LA ME'O, ,GA-YO BA NYID LA RLUNG NGO, ZHES GSUNGS PAS 'JIG RTEN CHAGS PA'I TSE SRA BA'I CHOS LA SA'I RDUL GTZO BOR PHAN TSUN SBYOR ZHING CHU RDUL SOGS GSUM PHAL PA'I TSUL DU SBYAR NAS RAGS PA GONG NAS GONG DU RTZOM LA, DE BZHIN DU GZHAN GSUM LA'ANG RIGS 'GRE ZHING RO'AM NAM MKHA' KHAMS SNGAR NAS 'BYUNG BA BZHI'I YON TAN DANG BRAL BAR GNAS PA BSHAD PA LTAR GYI BAR SNANG GI GO SA DER SA RDUL GTZO BOR SBYOR ZHING GZHAN GSUM PHAL PAR SBYOR BA SOGS KYI KHYAD PAR MED PAR 'BYUNG BA BZHI KA'I RDUL MNYAMS PAR SBYOR ZHES PA'I DON YIN GYIS, 'BYUNG BA BZHI'I RDUL CHA MNYAM PA NAM MKHA'I KHAMS YIN ZHES PA LTA BUR STON PA MA YIN NO, ,DE'I PHYIR MU STEGS BYE BRAG PAS RTAG PA'I RDUL PHRAN GYIS RAGS PA RTZOM PAR 'DOD PA DANG JI SKAD BSHAD PA'I PHYOGS 'DI LA MTSUNGS PA'I GO SKABS CUNG ZAD KYANG
YOD PA MA YIN NO, ,RDUL PHRA RAB KYANG TSUR MTHONG GI DBANG SHES KYIS MTHONG BA'I YUL MA YIN PA TZAM LA BYAS PA YIN GYI CHA MED PA'I DON MA YIN NO, ,YON TAN DRUG PA CHOS KYI DBYINGS THAMS CAD DU KHYAB PAR BYED PA ZHES FPA NI, KHAMS DRUG GI YE SHES KYI KHAMS NANG LA SBYAR BA'I RTZA DANG RLUNG DANG LUS KYI YAN LAG DANG LUS KYI MDZOD DRUG LA SOGS PA KHAMS DRUG DANG SBYAR BA'I DBANG GIS YE SHES KYIS KHAMS SU 'JOG TSUL YANG DU MA ZHIG YOD MED KYANG GTZO BO NI BDE BA YE SHES KYI KHAMS ZHES PA THABS MKHAS KYIS ZIN NA LHAN CIG SKYES PA'I YE SHES SU GNAS 'GYUR RUNG NYID LA 'JOG PA LTAR PHYI LA SBYAR BA NA'ANG LO DANG ZLA BA DANG KHYIM DANG DUS SBYOR DANG RI DANG GLING DANG SRID PA DANG PHYOGS DANG KHA DOG DANG DBYIBS DANG RIN PO CHE DANG RO LA SOGS PA MTHA' YAS PA ZHIG LA KHAMS DRUG SO SOR PHYE BA'I DBANG GIS YE SHES KYI KHAMS KYI 'JOG TSUL DU MA ZHIG YOD KYANG, GTZO BO NI LHAN CIG SKYES PA'I YE SHES KYI YUL GANG LA DMIGS PAS SGRIB PA RNAM PAR DAG PAR BYA BA'I CHOS KYI DBYINGS RANG BZHIN GYIS GRUB PAS STONG PA'I STONG PA NYID LA 'DIR GSUNGS PA STE, DE NYID 'JIG RTEN CHAGS PA'I RDUL THAMS CAD DU KHYAB PAR GSUNGS PA 'DI NYID STONG PA NYID DE DAG THAMS CAD KYI RANG BZHIN DANG NGO BOR GNAS PA'I TSUL GYIS KHYAB PA YIN LA, 'DIR 'DI LTAR GSUNGS PA NI 'BYUNG BA LNGA'I RDUL THAMS CAD RANG BZHIN GYIS GRUB PAS STONG PA'I NGO BO NYID DU GNAS NA 'JIG RTEN GYI KHAMS 'BYUNG BA DANG 'JIG PA'I
, ,BYA BYED THAMS CAD RUNG LA, RDUL DE DAG RANG BZHIN GYIS GRUB PAS MI STONG NA DE DAG GANG YANG MI RUNG BAR SHES PAR BYA BA'I PHYIR DU YANG YIN NO, ,MDOR NA SNGAR BSHAD PA 'JIG RTEN RTZOM PA'I THOG MA'I SA CHU ME RLUNG NAM MKHA'I RDUL DE DAG NI 'DIR STONG PA ZHES GSUNGS PA'I TSIG GI DON RNAMS SO, ,STONG PA'I MING CAN RLUNG PHRA RAB DE RNAMS LAS 'JIG RTEN 'BYUNG BA'I DUS KYI LAS KYI DBANG GIS, RLUNG ZHES PA NI RDUL PHRA RAB DE RNAMS KYI NANG NAS DANG POR RE SHIG RLUNG GI RDUL PHRA RAB RNAMS PHAN TSUN 'BYAR BAR 'GYUR RO, ,'BYAR BA DE LAS SNGAR MA 'BYAR GONG RANG NYID YANG ZHING GA-YO BA'I NGO BOR YOD KYANG GA-YOS NAS GO SA GZHAN DU BGROD PA'I NUS PA MED LA, 'BYAR NAS YANG ZHING GA-YO BA NYID DU GO SA GZHAN DU BGROD PA NI 'JIG RTEN RTZOM PA'I RLUNG ZHES BRJOD DO, ,DE NYID 'JIG RTEN CHAGS PA'I 'OG GZHI RLUNG GI DKYIL 'KHOR GYI THOG MA'I RGYU YIN GYI, 'OG GZHI RLUNG GI DKYIL 'KHOR DNGOS MA YIN NO, ,DE'I BZHIN DU DE'I RJES SU ME'I RDUL PHRA RAB SIL BUR GNAS PA RNAMS RIM GYIS KUN TU 'BYAR BAR GYUR PA RLUNG DANG LDAN PA'I GLOG GI ME'I RNAM PA LTA BU NI ME'I DKYIL 'KHOR GYI THOG MA RTZOM PA'I ME ZHES BRJOD DO, ,DE BZHIN DU DE'I RJES SU CHU'I RDUL PHRA RAB DE RNAMS 'DUS PA KUN TU 'BYAR BAR GYUR PA RLUNG DANG ME DANG LDAN PA'I CHAR KYI RNAM PA LTA FBU NI CHU'I DKYIL 'KHOR RTZOM PA'I THOG MA'I CHU ZHES BRJOD DE, DE BZHIN DU DE'I RJES SU SA'I RDUL PHRA RAB RNAMS RIM GYIS KUN TU 'BYAR BA NAM MKHA' LA DBANG PO'I GZHU'I RNAM PA LTA BUR SNANG BA NI 'DZIN MA SA'I DKYIL 'KHOR RI GLING DANG BCAS PA
RTZOM PA'I THOG MA'I SA ZHES BRJOD DO, ,DE YANG THOG MAR SHIN TU DvANGS BA'I SA 'JA' TSON LTA BU DE LAS RIM GYIS RAGS SU SONG BAS SHIN TU SRA BA'I SA'I KHAMS RIN PO CHE'I RIGS MCHOG RNAMS LAS DBUS KYI LHUN PO LA SOGS PA DANG, KHAMS 'BRING DANG DMAN PA RNAMS LAS RI GLING GZHAN RNAMS RIM GYIS 'GRUB PAR 'GYUR ZHING, RO'I RDUL PHRA RAB RNAMS NI DE THAMS CAD KYI GO SA DAG TU KHYAB PAR BYED PA STE, DE LTAR STONG PA'I MING CAN 'JIG RTEN DANG POR RTZOM BYED KYI KHAMS LNGA RNAMS LAS RIM GYIS 'PHEL NAS 'OG GZHI RLUNG DANG 'BAR BYAD ME DANG CHU'I DKYIL 'KHOR DANG STENG GI 'DZIN MA'I DKYIL 'KHOR RNAMS SU 'GYUR RO, ,TSUL JI LTAR 'GYUR ZHE NA, CHU LA SOGS PA'I RDUL PHRA RAB RNAMS YANG DAG PAR 'DZIN PA'I RLUNG DANG BZUNG BA DE DAG LAN TSVA BZHIN DU SRA ZHING 'BYAR BAR BYED PA'I SRUB PA'I RLUNG DANG, SRA BAR GYUR NAS 'JIG RTEN MTHA' DAG RNAM PAR 'GOD PA'I DBYIBS KYI RLUNG GI MTHU LAS, ,GLING DANG RI BO LA SOGS PA RNAMS 'GRUB STE, MNGON PA NAS BSHAD PA LTAR 'OG GZHI GSER GYI SA ZHES PA 'DIR MI 'DOD DO, ,DE YANG GLING DANG RI BO RGYA MTSO DANG, ZHES PA LA GZHAN PHAL CHE BA 'OG TU 'CHAD PAR 'GYUR LA, DRANG SRONG NI SKAR MA BDUN NO, ,ZHES PA BLA MA SNGA MA DAG SKAR MA SMIN BDUN LA 'DOD LA RvA 'GYUR DU, DRANG SRONG BDUN YANG SKAR MA'O ZHES PA 'GYUR LEGS TE, DA LTAR NA DRANG SRONG BDUN NI, RTOG GE 'BAR BA LAS, DBANG PO DANG, GSAL BA DANG SDE CAN DANG, BDEN LDAN DANG, GSER CAN DANG, PHYOGS CAN DANG, SHA KUN ZHES PA DRANG SRONG BDUN DU BSHAD PA RNAMS YIN NAM SNYAM STE DE DAG
, ,SKAR MA'I RNAM PA'O, ,DUD 'GRO'I SKYE GNAS RNAM PA BZHI DANG ZHES PA LA, SGO NGA LAS SKYES PA NI NAM MKHA' LDING DANG, DAD PA LA SOGS PA STE RLUNG GI SKYE GNAS LAS SKYES PA'O, ,MNGAL NAS SKYES PA NI GLANG PO'I DBANG PO DANG MA HE LA SOGS PA STE MI'I SKYE GNAS LAS SKYES PA'O, ,DROD GSHER LAS SKYES PA NI SRIN BU DANG PHYE MA LEB DANG GROG SBUR DANG 'BU SRIN DANG NYA LA SOGS BA CI RI, ,SA PA STE, CHU'I SKYE GNAS LAS SKYES PA'O, ,RDZUS TE SKYES PA'I DUD 'GRO'I MTSAN GZHI DPER BCOD PA 'DI'I DON LA THOG MAR 'THA' DPYAD PA BRJOD PAR BYA STE, DE LA KHA CIG NA RE, BRTAN PA'I RDZUS SKYES DANG GA-YO BA'I RDZUS SKYES GNYIS LAS, DANG PO NI, RDZUS TE SKYES PA LA LJON PA LA SOGS PAR BSHAD PA 'DI YIN LA, 'ON KYANG DE NI 'DIR FZHAR BYUNG TZAM DU BSHAD KYI RTZA BAS BSTAN PA'I SKABS KYI DON MA DOL PHYOGS, YIN ZHING, GA-YO BA SEMS CAN GYI RDZUS SKYES NI 'DIR RDZUS SKYES CHEN PO ZHES BSHAD PA GZHUNG GZHAN LAS YONGS SU GRAGS PA'I RDZUS SKYES RNAMS SO ZHES ZER RO, ,'DI NI LUNG GI SHES BYED MED PA DANG, RIGS PA'I GNOD PA 'BAB PA DANG, SHIN TU MA 'BREL BAR SMRAS PA'I NYES PA GSUM GYIS REG GO, JI LTA BU ZHE NA, RE SHIG NYES PA DANG PO NI, GSUNG RAB DGONGS 'GREL DANG BCAS PA GZHAN NA LTA SMOS KYANG CI ZHIG DGOS, RGYUD 'DI 'GREL PA DANG BCAS PA'I SKABS GANG NA YANG BRTAN PA'I RDZUS SKYES ZHES BYA BA'I DON DANG THA SNYAD GANG YANG ZUR TZAM YANG MED PAR, BLUN POS RANG DGAR SMRAS PA'I BRDA CHAD PHYIN CI LOG TZAM DU ZAD PA'I PHYIR RO, ,
CI SGRUB THABS LE'UR, DE LTAR SA'I SKYE BA NI SHING LA SOGS PA BRTAN PA RNAMS SO, ZHES GSUNGS PA MA YIN NAM ZHE NA, DE NYID KYI PHYIR BLUN PO'O ZHES SHES TE, KHO BO CAG GIS SHING LA SOGS PA BRTAN PA RNAMS SKYE BA MA YIN NO ZHES SMRAS SAM, GZHUNG DES NI SHING LA SOGS PA'I BRTAN PA RNAMS SA'I SKYE BA YIN NO ZHES PA TZAM ZHIG BSTAN GYI RDZUS SKYES SU TSIG GANG GIS BSTAN PA SMROS SHIG, SKABS 'DIR RDZUS TE SKYES PA NI LJON PA LA SOGS PA STE ZHES PA NYID KYIS BSTAN PA LJON SHING LA SOGS PA RNAMS RDZUS SKYES SU BSTAN PAS LUNG MED PA MI 'GRUB BO ZHE NA, DE LTAR SMRAS PAS KYANG BLUN PO NYID DU GSAL BAR BSTAN TE, GZHUNG DE NYID BRTAN PA'I RDZUS SKYES STON PA'I GZHUNG YIN NAM, 'ON TE MA YIN, ZHES KHO BO CAG RTZOD PA'I GZHIR 'GYUR BA MA YIN NAM, RTZOD GZHI SGRUB BYED DU SMRA BA RIGS PA'I BRDA TZAM YANG RNAM BA'I LAM DU MA GRAGS PA YIN NO, ,RIGS PAS GNOD PA 'BAB STE, LJON SHING LA SOGS PA RNAMS NI, DROD GSHER KHYAD PAR CAN LA LTOS NAS RIM GYIS SKYE BAR MNGON SUM GYIS MTHONG YANG RDZUS SKYES YIN NA DNGOS PO THAMS CAD RDZUS SKYES SU SMRAS KYANG DGAG TU MED PA'I PHYIR DANG, LAS LAS RDZUS PA STE LAS KYIS SPRUL NAS SKYES PA TZAM GYIS RDZUS SKYES SU 'GYUR NA KHAMS GSUM GYIS SEMS CAN THAMS CAD KYANG RDZUS SKYES SU THAL BA'I PHYIR RDZUS SKYES KYI GO DON NAM, RDZUS SKYES SU 'JOG PA'I SKYE LUGS 'DI 'DRA ZHIG GI 'JOG PA YIN ZHING LJON SHING LA YANG SKYE TSUL DE 'DRA BA DE NYID TSANG 'DUG PAS RDZUS SKYES SO ZHES PA LTA BU RDZUS SKYES SU 'JOG PA'I DON GANG F
, ,YANG DE LA MA TSANG BA'I PHYIR DANG, RDZUS SKYES NI YAN LAG DANG NYID LAG THAMS CAD CIG CAR RDZOGS PA'I TSUL GYIS SKYE BA GSUNG RAB SPYI LA RLUNG LTAR GRAGS PA'I BRDA YIN PAS YAL GA DANG LO MA SOGS DUS SHIN TU RING POS FRIM GYIS RDZOGS KYANG RDZUS SKYES SU SMRA BA HA CANG THAL BA'I GTAM YIN PA'I PHYIR DANG, SNOD KYI 'JIG RTEN SKYE GNAS BZHI'I NANG NAS GANG YIN ZHES DPYOD PA NI RI RAB DANG LJON SHING SOGS BRTAN PA SNOD KYI DNGOS PO RNAMS 'GRO BA RIGS DRUG GI NANG NAS GANG YIN DPYOD PA DANG 'DRA BAR BLUN POS KYANG BZHAD GAD DU BYA BAR 'OS PA'I GNAS YIN PA'I PHYIR RO, ,TSUL DE LTAR NA 'DIR SHIN TU MA 'BREL BAR 'GYUR BA YANG 'DI LTAR, ,DUD 'GRO LA SKYES GNAS BZHI YOD PAR SMRAS BA'I SKYE GNAS GZHAN GSUM LAS SKYES PA'I DUD 'GRO NGOS BZUNG STE, RDZUS TE SKYES PA'I DUD 'GRO NGOS 'DZIN PA SKABS SU BAB NAS DE NYID 'DI LTA BU'O ZHES STON PA NA, LJON PA LA SOGS PA BRTAN PA SNOD KYI RDZUS SKYES RNAMS SA'I SKYE GNAS YIN LA YONGS SU GRAGS PA'I SEMS CAN RDZUS SKYES RNAMS NI NAM MKHA'I SKYE GNAS ZHES PA TZAM ZHIG SMRAS PA LA 'BREL MED PA'I PHYIR TE, DE GNYIS GANG YANG DUD 'GRO MA YIN PA'I PHYIR RO, ,'ON TE YONGS SU GRAGS PA'I RDZUS SKYES RNAMS KYI NANG NA DUD 'GRO RDZUS SKYES KYANG YOD PAS MA 'BREL BA'I SKYON MED DO SNYAM NA, YONGS SU GRAGS PA'I RDZUS SKYES RNAMS KYI NANG TSAN DU GYUR PA'I DUD 'GRO RDZUS SKYES KYI MTSAN GZHI 'DI LTA BU'O ZHES SNGA MA GSUM
LTAR DPER BRJOD NAS BSTAN DGOS KYI DE LTA MIN PAR YONGS SU GRAGS PA'I RDZUS SKYES RNAMS ZHES PA DE'I NANG NA DUD 'GRO RDZUS SKYES KYANG YOD PA TZAM ZHIG GI SKABS 'DIR LAN DU 'GREL PAR SMRA NA, DUD 'GRO RDZUS SKYES JI LTA BU ZHES DRIS PA'I LAN DU SEMS CAN RDZUS SKYES KYI NANG TSAN DU GYUR PA'I DUD 'GRO RDZUS SKYES SO ZHES PAR SOGS DON GYIS NA, DUD 'GRO RDZUS SKYES SO ZHES LAN BTAB PAR SONG BAS BLUN PO'I GTAM YIN PA'I PHYIR PAD+MA DKAR PO'I BZHED PAR SU ZHIG SMRA BAR BYA, MKHAS PA'I MDUN SAR DBYUNG BAR BYA BA MA YIN PA'I TSIG GIS RANG NYID GSAL BAR MA BYED CIG ,KHA CIG MDO LAS, MI'AM CI DUD 'GRO MI'I GZUGS CAN ZHES BSHAD PAS LJON PA RTA MGO CAN LTA BU'O, ZHES 'CHAD CING, YANG NA MDO MDZANGS BLUN NAS; SHING SDONG LA SEMS CAN PHRA MO MANG POS ZOS PA'I SHING DE NYEN PA'I SKAD SNA TSOGS 'DON RANG DAM, BA DE LTA BU'I SEMS CAN DMYAL BA BSHAD PA BZHIN 'DIR YANG SHING GI RNAM PA CAN GYI DUD 'GRO'O ZHES BZHED LA, RANG, 'DIR LJON PA ZHES 'BYUNG BAS SHING DU BYED MI DGOS TE, LJON PA CHOS RNAMS SHES PAR GYIS, ZHES GSUNGS BA LTAR RO, ,LJON SHING ZHES PA'I TSIG 'DIR 'GYUR GANG NA'ANG MED PA LA LJON SHING ZHES 'GREL PA'I TSIG MA DAG PAR BKLAGS NAS RTZOD PA DANG DE LTAR BKLAGS PA DE KHAS BLANGS NAS LAN 'DEBS PA GNYIS KA'ANG YI GE TZAM LA'ANG ZHIB PAR MI RTAG PA'O, ,KHA CIG RANG, LJON PA ZHES PA MI'AM CI LA BYED PAR SMRAS NAS 'DI'I THAD KYI RGYA DPE LA SHING GI SKAD DOD YOD PA 'THAD
, ,LDAN DU SMRA BA NI 'GAL BA STE, MI'AM CI SHING MA YIN PA'I PHYIR RO, ,TZA MI'I 'GYUR LAS, SHIG LA SOGS PA RDZUS TE SKYES PA RNAMS NI SA LAS SKYES PA'O, ZHES 'BYUNG LA, SHUD KE GRAGS PA RGYAL MTSAN GYI 'GYUR LAS KYANG, RDZUS SKYES RNAMS NI SHIG LA SOGS PA RNAMS TE SA'I SKYE GNAS SO, ZHES 'BYUNG ZHING, RKYA DPE KHA CIG LA, 'DI'I THAD KYI SKAD DOD RA TI ZHES PA YOD KYI LJON PA DANG SHING GI SKAD DOD MED DO ZHES KYANG ZER TE, RGYA DPE LA MI 'DRA BA DU MA 'ONG PA NI GZHAN DU MA LA YANG MTHONG BAS RGYA DPE GCIG NA YOD PA THAMS CAD NA YOD MI DGOS SHING, SHIG TU BYAS PA'I 'GYUR BZHIN DU LEGS PAR SEMS SO, ,SHIG LA SKYE GNAS BZHI KA YOD PA SMRA BA LTAR NA'ANG SHIG RDZUS SKYES RNAMS LA SOGS PA NI SA'I SKYE GNAS LAS SKYES PA'O ZHES BSHAD PAS CHOG GO DE LTAR DUD 'GRO RDZUS SKYES SA'I SKYE GNAS SU BSHAD PA NA, 'O NA RDZUS SKYES THAMS CAD 'BYUNG BA BZHI'I NANG NAS SA'I SKYE GNAS PA YIN NAM ZHE NA, MA YIN TE, DUD 'GRO RDZUS SKYES RNAMS SA'I SKYE GNAS YIN PA DE BZHIN DU RDZUS TE SKYE BA CHEN PO LHA RDZUS SKYES RNAMS NI RO STE NAM MKHA'I SKYE GNAS SO, ZHES PA'I DON TO, ,RLUNG DANG ME CHU LA SOGS PA SA'I SKYE GNAS SU BSHAD PA'I DON NI, RLUNG GI KHAMS LA SOGS PAS GTZO BOR LUS SMIN PA'I RGYAS PAR BYED PA'O, ,SNA TSOGS SA DANG 'OG TU ZHES PA LA, SA ZHES PA NI, SNA TSOGS DANG GZHI MTHUN GYI BSDU BA YIN PAS, MA NING GI RTAGS DGOS PA LA MA NING GI RTAGS MED PA SGRA BA DANG
MI MTHUN YANG BCOM LDAN 'DAS KYIS LUNG GI TSIG YIN PAS SKYON MED DO ZHES MKHAS PA DAG GSUNG LA, BLA MA KHA CIG SA ZHES PA'I SKAD DOD KYI SKABS SU MA HI' ZHES RING PO DGOS PA LA MA HI ZHES THUNG NGUR BYAS PA NI KHA CIG TU RING PO LA THUNG NGU DANG, ZHES PA LTAR BCOM LDAN 'DAS KYIS LUNG GI TSIG GIS SO ZHES 'CHAD DO, ,SNA TSOGS KYANG RANG, DE YIN LA SA YANG DE YIN NGAM, PA'I PHYIR SNA TSOGS SA STE, SNA TSOGS SA DE NYID LA GLING DANG DUM BU SO SO BGOS PAS, GLING BDUN GYI RANG BZHIN DANG SA DUM BU BCU GNYIS KYI RANG BZHIN NO, ,'DI LA KHA CIG GLING BDUN GYI RANG BZHIN ZHES PA GLING BDUN PA 'DZAM GLING CHEN PO LAS KYI SA'I RANG BZHIN DANG ZHES 'CHAD DE, GLING GZHAN DRUG NA MI MI GNAS PAR 'DOD PAS 'DIR DE LTAR 'CHAD PA'O, ,MKHAS PA DAG 'DIR SNA TSOGS SA LA GLING BDUN BYED PAR DAM, DNGOS SU BSTAN CING, SNA TSOGS SA DE LA MI RNAMS DANG ZHES GSUNGS PAS GLING BDUN KA NA MI GNAS PAR BSTAN TO, ZHES BZHED DO, ,DE'I 'OG NI SNA TSOGS SA'I 'OG STE KLU'I SRID RANG, PA DANG DMYAL BA'I SRID PA BDUN NO, ,SNA TSOGS DE LA STENG DU, MI RNAMS DANG, 'OG DMYAL BA'I SRID PAR DMYAL BA RNAMS TE, YANG YIG NI KLU'I SRID PA'ANG SNA TSOGS SA'I 'OG NA GNAS PA BSDU BA'I DON TO, ,STONG PA'I ZHES PA NAS ZHES PA NI, 'DIR GZUGS KHAMS KYI LHA'I GZHAL MED KHANG LA SOGS PA RNAMS MA YIN PA'I 'DOD KHAMS KYI RI GLING LA SOGS PA'I BRTAN PA RNAMS BSKYED PA LA LAN TSVA DANG, GA-YO BA MI RNAMS SKYED PA LA SGO NGA DPER 'GYUR TE LAN TSVA DANG NI ZHES PA'I DANG ZHES PA NI 'OG MA SDUD PA'I
, ,TSIG GO ,DPER 'GYUR TSUL JI LTA BU ZHE NA, DPER NA NYI MA'I 'OD KYI SBYOR BA LAS LAN TSVA'I CHU'I RDUL PHRA RAB RNAMS LAN TSVA SRA BA NYID DU 'GYUR BA DE BZHIN DU DANG PO 'JIG RTEN RTZOM PA'I DUS KYI CHU'I RDUL LA SOGS PA RLUNG GIS BSRUBS PA LAS SRA BAR 'GYUR TE LHUN PO LA SOGS PA BRTAN PA RNAMS CHAGS SO, ,DPER NA ZHES PA NAS, DE BZHIN DU MNGAL DU KHU KHRAG 'DRES PA'I NUR NUR PO LA SOGS PA RNAMS RIM GYIS MGO LA SOGS PA'I LUS KYI CHA SHAS NYID DU GYUR NAS GA-YO BA MI'I SEMS CAN RNAMS 'BYUNG BAR RIG PAR BYA'O, ,KHA CIG SKYE GNAS BZHI'I SEMS CAN ZHES ZER MOD, SGONG SKYES DANG SGONG SKYES DPE DON DU BYED PA SHIN TU YA MTSAN CING, RDZUS SKYES DANG SGO NGA'I NANG DU LUS 'GRUB TSUL LA DPE DON CHAS MTHUN MED DO, ,'JIG RTEN GYI KHAMS 'DI'I 'BYUNG {PHYOGS} BA'AM CHAGS PA NI LE'U LNGA PAR RGYAS PAR BRJOD PAR BYA'O, ,LNGA PA NI, 'JIG RTEN GYI KHAMS 'BYUNG BA RTZA RGYUD LAS BSTAN PA BSDUS RGYUD DU BSDUS PA MDOR BSDUS PA'O, ,'DIR SHONG 'GYUR GYI MDOR BSDUS CHEN PO'O ZHES PA MI LEGS KYI, TZA MIS 'JIG RTEN GYI KHAMS BSDUS PA MDOR BSTAN PA'O, ,ZHES PA LEGS LA, RVAS 'JIG RTEN KHAMS MDOR BSTAN PA STE ZHES ZER ZHING LO GRANGS KYIS 'JIG RTEN KHAMS KYI LE'U BSDUS PA MDOR BSTAN PA'O ZHES BSGYUR BA NI SHIN TU MI LEGS SO, ,GSUM PA RTZA RGYUD LAS RDO RJE'I LUS BSDUS PA BSTAN PA'I TSIGS SU BCAD PA LNGA PA BSHAD PA LA LNGA, BSHAD
PAR DAM BCA' BA, PHYI NANG GI SRID PA BCU SGRIB BRAL RDO RJE YE SHES KYI RTEN RDO RJE'I LUS LAS SNGAGS KYI SKYE GNAS 'BYUNG TSUL, SNGAGS KYI SKYE GNAS LAS RNAM BCU DBANG LDAN GYI SNGAGS 'BYUNG SDUD KYI TSUL MTSON DON DANG BCAS PA, DE LTA BU'I SNGAGS KYI NGES DON RIG PA'I PHAN YON BSTAN PA, RNAM BCU DBANG LDAN GYI NGES DON MTSAN BRJOD KYI LUD DANG SBYAR BA'O, ,DANG PO NI, NGA NI 'JAM DPAL GYI LUS DANG ZHES PA LA SOGS PA SRID PA RNAM BCU'I GO RIM DUS KYI STONG PA RNAMS LAS ZHES SOGS GZHUNG SNGA MA'I RIM PA DANG MTHUN PAR BSTAN PA RDO RJE'I LUS BSDUS PA'I TSIGS SU BCAD PA LNGA PA PAD DKAR BDAG GIS DGROL BAR BYA STE ZHES PA'O, ,GNYIS PA NI, LUS ZHES PA NI, PHYI NANG GI ZLA BA SGRIB PA DANG BRAL BA'O, ,ZHES SOGS TE, BRTAN PA ZHES PA KHAMS LNGA'I BDAG NYID CES SOGS DANG, GA-YO BA ZHES PA NI KHAMS DRUG GI BDAG NYID KYI SGRUB PA PO RTEN GYI GANG ZAG GI KHAMS DRUG PO RNAMS SGRIB PA DANG BRAL BA'O, ZHES PA 'DIS SRID PA BCU NANG LA SBYOR BA, SGRUB PA PO MNGAL SKYES KHAMS DRUG LDAN GYI LUS DANG SBYOR BA'I DBANG DU BYAS PAR BSTAN LA, DE'I PHYIR GZUGS GZUGS MED KYI GNAS KYANG PHYI LA SBYOR BA'I TSE RI RAB KYI GTZUG TOR DANG DPRAL BA LA SOGS PA'I THA SNYAD BTAGS NAS GZUGS GZUGS MED KYI GNAS SU GSUNG BA DE DAG DANG SBYOR MOD KYI NANG LA SBYOR BA NA, SGRUB PA PO KHAMS DRUG LDAN GYIS RDO RJE'I LUS KYI CHA LA SBYOR BA SHES PAR BYA'O, ,RNAM PAR SHES PA'I NGA RGYAL TZAM DANG LDAN PA ZHES PA LA, GZUGS MED RNAMS KYIS
, ,NGA'O SNYAM DU 'DZIN PA'I NGA'I GDAGS GZHI RNAM SHES TZAM DU BSTAN PA'I TZAM GYI SGRAS GZUGS MED KHAMS NA GZUGS DANG BEM PO'I KHU BA 'DZAG PA SOGS YOD PA LEGS PAR BCAD PA YIN NO, ,DE LTAR LUS LA SOGS PAS BSTAN PA SGRIB BRAL GYI CHOS BCU'I RANG BZHIN GYI RDO RJE YE SHES MTHAR THUG PA DE NYID GANG LA GNAD DU BSNUN PA LAS SKYE BA'I RTEN SRID PA RNAM PA BCUR THA SNYAD MDZAD NAS DE BZHIN GSHEGS PAS GSUNGS PA, SGRUB PA PO KHAMS DRUG LDAN GYI RDO RJE'I LUS KYI YAN LAG BCU DANG DE SGRIB BRAL DU GYUR PA'I CHOS BCU MTSON DON DU BYAS PA LAS, THIG LE LA SOGS PA SNGAGS KYI YI GE BCU DE MTSON BYED DU 'BYUNG BAR 'GYUR, THIG LE LA SOGS PA BCU JI LTA DU ZHE NA, RNAM BCU DBANG LDAN GYI SNGAGS KYI SKYE BA'I GNAS SAM BSGRUB PA'I GZHIR GYUR BA'O, ,MI'I DBANG PO, ZHES PA NI ZLA BZANG LA POD PA'O, ,'DIR ZLA BA DANG NYI MA LA SOGS PA BCU SNGAGS GANG LAS SKYE BA'I SKYE GNAS SU BYAS NAS, DE LAS SKYES PA'I SNGAGS THIG LE DANG RNAM BCAD LA SOGS PA BCU LA BZUNG DU MI RUNG STE, SNGAGS KYI SKYE GNAS THIG LE LA SOGS PA ZHES PA'I TSIG GIS, 'DIR SNGAGS KYI SKYE GNAS ZHES PA'I SKYE GNAS THIG LE SOGS BCU LA BSHAD KYI, DE LAS SKYES PA'I SNGAGS SU MA BSHAD PA'I PHYIR, DE YANG THIG LE SOGS BCU LAS RNAM BCU DBANG LDAN GYI SNGAGS SGRUB PA'I DON TO, ,RDO RJE'I LUS LA THIG LE SOGS BCU 'BYUNG ZHES PA'ANG
MTSON BYA'I DON DE DANG DE'I DBANG GIS MTSON BYED KYI SNGAGS DE DANG DE BSTAN PA DANG, RDO RJE'I LUS KYI CHOS BCU SGRIB BRAL DU BYAS PA LAS THIG LE SOGS YI GE BCU'I NGES DON 'BYUNG BA LA BYA'I, RDO RJE'I LUS DANG SNGAGS KYI YI GE BCU SKYED BYED DANG BSKYED BYAR MI BZUNG NGO, ,GSUM PA NI, 'O NA SNGAGS KYI SKYE GNAS THIG LE LA SOGS PA RDO RJE'I LUS LAS JI LTAR 'BYUNG ZHING DE DAG RNAM BCU DBANG LDAN GYI SNGAGS KYI SKYE GNAS SU 'GYUR TSUL YANG JI LTAR YIN ZHE NA, 'DIR SNGAGS KYI SKYE GNAS THIG LE LA SOGS PA BCU NI RDO RJE'I LUS LAS 'BYUNG BA'I TSUL YANG, PHYI NANG GI ZLA BA SGRIB BRAL DU BYAS PA LAS THIG LE'I NGES DON DANG, ZHES PA NAS, PHYI NANG GI GZUGS MED PA'I KHAMS KYI GNAS SGRIB BRAL DU BYAS PA LAS GSAL BYED HA YIG GI NGES DON TE, ZHES PA'I BAR DANG, YANG PHYI NANG GI ZLA BA DANG DE SGRIB BRAL DU GYUR BA'I CHA GSUM PO MTSON DON DU BYAS PA LAS DE'I MTSON BYED DU DRANG DON GYI YI GE THIG LE 'BYUNG BA DANG ZHES SOGS SU SBYOR RO, ,THIG LE SOGS BCU PO DE NYID RNAM BCU DBANG LDAN GYI SNGAGS KYI SKYE BA'I GNAS SU 'GYUR BA DANG, DE DAG LAS BSGRUB PA'I TSUL NI THIG LE DANG RNAM BCAD LA SOGS PA BSHAD MA THAG PA'I SNGAGS KYI TSIG 'DI DAG GA-YON SKOR GYIS TE MAS RIM GYIS 'BRI ZHING, BSKOD PAR BYA'O, ,JI LTAR NA, HA KshA MA Li AU Ri AI AA: ZHES PA'I TSUL GYIS SO, ,DE NAS SGRA BDAG AA TZA DANG BRAL BA'I YI GE PHA ROL GYI YI GER DRANG NGO ZHES 'DON LA, DE'I DON AA DANG CE THOG MTHAR YONG BA'I BAR GYIS YI GE AI AU Ri Li AE AEE
, ,AOm AOO RNAMS DANG BRAL BA'I GSAL BYED KYI YI GE SNGA MA NI YI GE PHYI MA'I STENG DU BRTZEG GO ZHES PA STE DE LTAR 'DIR YANG GSAL BYED SROG MED PA SNGA MA GSAL BYED PHYI MA'I STENG DU 'GRO'O, ZHES PA HA KA+shA'I STENG DANG, HA MA'I STAR DU BRTZEG PAR BYA'O, ,DE NAS LA YIG LA SOGS PA RNAMS NI SGRA MDO LAS, AI KA NI AA TZA LA YA nA'O ZHES PAS YA nAR BSGYUR TE, DE YANG AI KA'I YI GE DANG AA TZA'I YI GE GZHI MTHUN YIN PAS Li SA AU MTHONG shA BA NI AE KA'I YI GES RANG GI PHA ROL TU RANG DANG RIGS MI MTHUN GYIS AA TZA'I YI GE MTHONG BA YIN PA'I PHYIR Li YIG DE YA nA'I YI GER 'GYUR 'GRO STE, GANG DU 'GYUR NA LA YIG TU 'GYUR RO, ,DE LTAR AU Ri AI RNAMS LA 'ANG SHES PAR BYA STE, SNGAR BSHAD PA LTAR AU WA DANG, RIR DANG, AI YA RU BSGYUR BAR BYA'O, ,DE LTAR BSGYUR BAS LA WA RA YA ZHES PAR BKOD CHER BA NA, DE NAS GSAL PHYED SNGA MA GSAL BYED PHYI MA'I STENG DU 'GRO'O ZHES PA 'DIR YANG SBYAR TE, LA LA SOGS PA SNGA MA SNGA MA WA LA SOGS PA PHYI MA PHYI MA'I STENG DU BRTZEG PAR BYA'O, ,DE NAS SGRA PA DAG DBYANGS MED DBYANGS DANG SBYAR RO, ZHES 'DON PA LTAR MTHA'I AA YIG DE YA LA BCUG NAS SREG DANG LDAN PAR BYA STE, DES BRTZEGS PA THAMS CAD SROG DANG LDAN PAR 'GYUR RO, ,DE'I PHYIR MTHA'I AA YIG GIS YANG DAG PAR SBYOR BA ZHES GSUNGS SO, ,DE NAS RNAM PAR BCAD PA CHEG DRAG STENG DU ZLA BA PHYED PA'I RNAM PAR BYA'O, ,DE NAS AA NU SAR ZHES PA'I MDO LA STENG DU THIG LE ZLUM PA'O, ,DE'I
STENG DU LHAN CIG SKYES PA'I YE SHES MTSON BYED N'A DA RTZE MO'I RNAM PA PRI'O, ,DA LTAR BYAS PAS HAm+KA+shA+MA+LA+WA+RA+YA ZHES PA DRUB BO, ,DE LTAR NA YON TAN DANG 'PHEL BA LA SOGS PA'I SNGAGS RNAMS KYI SNGAGS KYI SKYE GNAS NA 'DI LTA STE HA KA+shA MA Li AU Ri AI AA: ZHES PA RNAMS YIN LA, DE RNAMS LAS SKYES PA'I BSGRUB PA'I SNGAGS HAm+KA+shA+MA+LA+WA+RA+YA ZHES PA NI PHYI ROL TU 'JIG RTEN GYI KHAMS KYI TSOGS DANG NANG RDO RJE'I LUS DANG, GZHAN BSKYED RDZOGS 'BRAS BU DANG BCAS PA MTSON PAR BYED PA STE, DE LAS PHYI ROL 'JIG RTEN KYI MTSON TSUL MDO TZAM SMOS PA NI NAM MKHA'I KHAMS LA ZHES SOGS TE, KA+shA PAD+MA'I TSUL GYIS GA-YO BA'I TSOGS SO, ZHES PA NI PHYI'I 'JIG RTEN LA LHUN PO'I STENG NA PAD-MA'I RNAM PAR DNGOS SU MED KYANG DKYIL 'KHOR LA LHUN PO'I STENG NA PAD-MA YOD PA'I TSUL GYIS TE DE DANG CHOS MTHUN PAR 'DOD GZUGS KYI LHA GNAS YOD CES PA'I DON TO, ,DE LTAR PHYI LA SBYOR BA MDO TZAM SMRAS NAS, NANG RDO RJE'I LUS DANG PHYI 'JIG RTEN GYI KHAMS DANG GZHAN DKYIL 'KHOR GYI RNAM PA MTSON PA'I TSUL NI, 'JIG RTEN KHAMS LE NANG LA, SGRUB LE RNAMS SU PHYI NANG DANG DKYIL 'KHOR 'CHAD PAR 'GYUR BA LAS DPAG NAS 'DI'I MTSON TSUL BSHAD PAR BYA'O, ,ZHES GSUNGS PA LA 'DI NYID KYI MTSON DON RTOGS PA GTZO BO'I DON DU SNANG BAS LEGS PAR BSHAD PAR BYA'O, ,DE LA RNAM BCU DBANG LDAN LA TSOGS PA'I YI GE BCU PO 'DIS SBYANG GZHI PHYI'I SRID PA BCU DANG, NANG SGRUB PA PO'I RDO RJE'I LUS DANG, PHYI NANG GNYIS PO DE SBYONG BYED BSKYED RDZOGS GNYIS DANG, SBYANGS PA'I 'BRAS BU PHYI NANG
, ,GNYIS SGRIB BRAL DU GYUR BA'I YE SHES RNAMS MTSON PAR BYED DO, PHYI'I SRID PA MTSON TSUL NI, 'GREL BAR DNGOS SU GSAL BA LTAR TE, SROG TU ZHUGS PA'I AAS NAM MKHA' DANG, YA RA WA SA 'OG DANG KHOR YUG TU GNAS PA'I RLUNG ME CHU'I DKYIL 'KHOR GSUM DANG LA YIG RANG GIS STENG GI SNA TSOGS PAD+MA, DANG MA YIG GIS LHUN PO KHAMS LNGA PA DANG, KA+shA YIG GIS 'DOD GZUGS KYI LHA'I GNAS DANG, HA YIG GIS GZUGS MED KYI GNAS MTSON LA RNAM BCAD DANG THIG LES PHYI'I ZLA NYI GNYIS DANG, N'A DA RDO RJE'I MTSAN MA RTZE GCIG PA NI SRID PA BCU PO THAMS CAD LA RANG BZHIN GYI TSUL GYIS KHYAB PA'I BDEN STONG DE BZHIN NYID DO, ,RDO RJE'I LUS MTSON PA'I TSUL NI, YA RA WA LA BZHIS RIM PA BZHIN SGRUB PA PO'I DPRAL MGRIN SNYING KHA LTE BA'I 'KHOR LO DANG, MA YIG GIS LTE BA NAS GSANG GNAS KYI BAR RAM, YANG NA SGAL TSIGS DANG, HA YIG ZLA TSES THIG LE GSUM GYIS SGRA GCAN GYI AA WA DH'U T'I DANG, NYI ZLA'I RTZA RO RKYANG GNYIS RNAMS DANG, KA+shA YIG GIS RTZA DE GSUM GYI MA SNA GANG DU 'DZOMS PA'I GSANG BA'I PAD+MA N'A DAS GZHI DUS KYI YE SHES BZHI PA'I GNAS SKABS KYI BDE BA MTSON PAR BYED DO, ,'DI SA NI GANG LA GNAD DU BSNUN PA'I RDO RJE'I LUS KYI GNAD CHE SA DAG KYANG MTSON PAR BYED DO, ,GZHAN BSKYED RIM LA SBYAR NA, YI GE RNAMS BRTZEGS PA'I GO RIM GYIS BSKYED RIM GYI RTAN DANG BRTEN PA BSKYED PA'I GO RIM KYANG MTSON LA, YA YIG GI SROG TU BCUG PA'I AA YIG GIS NAM MKHA'I KHAMS MTHA'
YAS PA'I RANG BZHIN GYI CHOS 'BYUNG DANG, DE NAS YAR LA LNGA LA BZHIS NAM MKHA'I STENG DU RIM PA BZHIN RLUNG ME CHU SA'I DKYIL 'KHOR BRTZEGS PA DANG, MA YIG GIS DE'I STENG DU RI RAB, KA+shA YIG GIS DE'I STENG GI PAD+MA HA DANG RNAM BCAD DANG, THIG LE GSUM GYIS ZLA NYI SGRA GCAN GYIS GDAN MTSON TE, GDAN MTSON PA'I SHUGS KYIS GZHAL YAS KHANG YANG MTSON LA, N'A DAS DKYIL 'KHOR GYI GTZO BO YE SHES RDO RJE BCOM LDAN 'DAS DUS KYI 'KHOR LO NYID MTSON ZHING, DE MTSON PA'I SHUGS KYIS BRTEN PA LHA THAMS CAD MTSON PAR NUS SO, ,RDZOGS RIM LA SBYAR NA, GONG DU BSHAD PA LTAR YI GE BZHIS MTSON PA'I RDO RJE LUS KYI RTZA 'KHOR BZHI DANG, KA+shA YIG GIS MTSON PA'I GSANG BA'I PAD+MA SOGS SU GNAD DU BSNUN NAS BSGOMS PAS, GSANG BA'I PADMAR GNAS PA'I GTUM MO SBAR TE, SPYI BO NAS KHAMS DKAR PO ZHU BA 'BAB PA GTUM MO'I ME DANG PHRAD PA'I KHAMS DKAR DMAR GYI 'DU 'PHROD LA BRTEN NAS SEMS BDE BA CHEN PO'I NGO BOR SKYE BA YIN LA, DE YANG GTUM MO 'OG NAS 'BAR BA RNAM BCAD DANG, KHU BA STENG NAS 'BAB PA THIG LE DANG, SEMS BDE BA'I NGO BOR SKYES PA N'A DAS MTSON ZHING, MTSON DON DE NI SNGAGS BLA MED KYI THUN MONG BA YIN LA, DER MA ZAD LUGS 'DI'I THUN MONG MA YIN PA YANG RNAM BCAD 'OG TU BYAS PAS KHAMS DMAR PO THUR DU BRTAN PA DANG, THIG LE STENG DU BYAS PAS KHAMS DKAR PO GYEN DU BRTAN PA DANG, DE LA BRTEN NAS SEMS MI 'GYUR BA'I BDE BA'I NGO BOR SKYES PA N'A DAS MTSON CING, KA+shA YIG GIS GANG DU GNAD DU BSNUN PA'I GZHI RANG GI
, ,GSANG BA'I RTZA 'KHOR GYI PAD+MA DANG, BDE BA CHEN PO'I RTEN LAS DANG YE SHES KYI PHYAG RGYA DANG PHYAG RGYA CHEN MO RNAMS KYI GSANG BA BHA GA'I PAD+MA YANG MTSON LA, SROG TU BCUG PA'I AA YIG GIS BDE CHEN DE NYID GANG DANG SBYOR BA'I YUL RANG BZHIN MED PA'I STONG PA NYID MTSON NAS BRTAN PA YIN NO, ,SBYOR BA YAN LAG DRUG GI SOR BSAM DANG SBYOR BA TZAM MKHAS PA KHA CIG MDZAD DE, DE LTAR NA NI YAN LAG DRUG KA DANG SBYAR DU RUNG BAR KHYAD PAR MED DE, DE YANG YI GE BCUS SOR BSAM GYI RTAGS BCU DANG, SROG 'DZIN GYIS 'KHOR LO SO SO'I LTE BAR DKYIL 'KHOR BCU'I RLUNG 'CHING BA DANG, RJES DRAN GYIS RANG 'DOD PA'I GNAS SKABS BCU DANG, TING NGE 'DZIN GYIS LAS RLUNG BCU'I RGYU BA 'GOG CING PHUNG KHAMS BCU SGRIB BRAL DU BYED PA MTSON NO ZHES SBYAR DU RUNG MOD KYI, 'ON KYANG BCU'I GRANGS TZAM GYIS SGO NAS SBYOR BA MA GTOGS KHAMS KYI DBYE BA SOGS GZHAN GYI SGO NAS CHOS MTHUN SBYOR BA DKA' BAR SNANG NGO, ,'DIR KHA CIG RDO RJE'I LUS ZHES PA DON DAM 'OD GSAL DE BZHIN NYID DANG, BDE GSHEGS SNYING PO LA BYED CING, DON DAM BDEN PA RNAM KUN MCHOG LDAN DANG PO'I SANGS RGYAS MTHAR THUG GI SRID PA BCU GZHAN SBYANG GZHI DANG 'BRU'I SNYING PO LTA BU JO, DANG, KUN RDZOB BDEN PA SBYANG BYA SHUN PA DANG 'DRA BA 'KHOR BA'I SRID PA BCU DANG, KUN RDZOB KYI YI GE BCU DANG DON DAM BDEN PA'I YI GE BCU STE GNYIS SU 'BYED CING, DON DAM PA DANG PO'I SANGS RGYAS SRID PA BCU LAS KUN RDZOB KYI SRID PA BCU 'BYUNG ZHES BSHAD NAS,
RDZOGS PA'I SANGS RGYAS LAS 'KHOR BA'I CHOS THAMS CAD 'BYUNG BA'I MUN SBRUL SMRA STE, GONG DU BKAG PA DAG GIS JI LTAR 'GOG PA SHES SLA'O, ,'BRAS BU LA SBYAR NA HAm YIG GIS MTSON PA'I BRTEN PA BDE BA CHEN PO'I YE SHES DANG, KA+shA YIG GIS MTSON PA'I PHYAG RGYA CHEN MO'I GSANG BA'I PAD+MA GNYIS DBYER MI PHYED PAR SBYAR BA'I STOBS KYIS KHAMS DRUG PO THAMS CAD SGRIB BRAL DU GYUR PA'I STONG CHEN YIG LNGA DANG, YIG DRUG MTSON PAR BYED DE, DE LTAR NA 'DIS PHYI NANG GZHAN GSUM DANG GZHI LAM 'BRAS GSUM GYI CHOS RDZOGS PAR MTSON PA'I TSUL RMAD DU BYUNG BA NI DE LTA BU YIN KYANG, GZHAN DAG NI SNYING PO MED PA'I SPUN PA TZAM ZHIG 'BYAR BAS DAL BAR GYUR TO, ,DE LTAR SNGAGS 'BYUNG BA MTSON DON DANG BCAS PA BSHAD NAS, SDUD PA'I TSUL NI, DE LTAR SNGAGS KYI SKYE GNAS HA NAS THIG LE'I BAR RNAMS LAS BSGRUBS PAS RNAM {DUS 'KHOR BA} BCU DBANG LDAN GYI SNGAGS 'BYUNG BAR 'GYUR ZHING SLAR YANG 'DI NYID DU GROL TE ZHES PA NI SLAR YANG SDUD PA'I DUS TE PHAR BSGYUR NA, SNGAR GANG LAS BSGRUBS PA'I YI GE HA KshA MA Li AU Ri AI AA: ZHES PA 'DI NYID LA GROL BA STE THIM NAS, SGRUB GZHI'I YI GE DE DAG TU 'GYUR ZHES PA'O, ,DE NI MTSON BYED YI GE LA SBYAR BA YIN LA, MTSON DON 'JIG RTEN LA SBYAR NA, YI GE BCUS MTSON PA'I DON LHUN PO LA SOGS PA RNAMS JI SKAD BSHAD MA THAG PA'I TSUL DU NAM MKHA' RLUNG ME CHU SA LHUN PO SOGS KYI RIM PAS 'BYUNG BAR 'GYUR ZHING, SLAR YANG SDUD PA'I DUS SU LHUN PO NAS
, ,SA CHU ME RLUNG GI RIM PAS BSDUS TE, NAM MKHA'I KHAMS 'DI NYID DU GROL BA 'AM THIM PAR 'GYUR RO ZHES BSHAD PAR BYA'O, ,PHAL CHE BA CI'ANG MI SMRA LA, KHA CIG SNGAGS KYI SKYE GNAS RDO RJE'I LUS LAS 'BYUNG ZHING SLAR YANG PHYI NANG GZHAN GSUM SDUD PA'I DUS SU RDO RJE'I LUS LA THIM PAR 'GYUR RO, ZHES 'CHAD MOD KYANG, 'BREL BA DANG LEGS PAR MA MTHONG NGO, ,BZHI PA NI, DE LTAR NGAM, GANG GI YANG DAG RIG PA ZHES PA NI, DE LTAR BRJOD PA'I RIM PA PHYI NANG GI SRID PA BCU SGRIB PA DANG BRAL PAR BYED PA'I THABS DANG, SGRIB PA DANG BRAL BA'I 'BRAS BU RNAMS RIG PA'I TSUL 'DIS RDO RJE'I LUS GANG SU ZHIG GIS RIG PA'O, ,DE YANG SNGAGS KYI YI GE BCUS MTSON PA'I DON PHYI'I SRID PA BCU 'BYUNG BA DANG SDUD PA'I TSUL RIG PA DANG, PHYI'I SRID PA BCU DANG CHOS MTHUN PA'I DON NANG RDO RJE'I LUS JI LTAR GNAS PA RIG PA DANG, PHYI NANG GNYIS PO DE SBYANG GZHIR BYAS NAS DE DAG DANG CHOS MTHUN PA'I BSKYED RIM BSGOM PAS RGYUD SMIN PAR BYED PA'I TSUL RIG PA DANG, RGYUD SMIN NAS YI GE BCU'I MTSON DON DU GYUR PA'I RDZOGS RIM SNGAR JI SKAD BSHAD PA BSGOMS PAS SBYANG GZHI PHYI NANG GNYIS PO DE SGRIB BRAL DU BYAS NAS SBYONG BA RIG PA DANG, DE LTAR SGRIB BRAL DU BYAS PA'I 'BRAS BU YI GE BCU'I MTSON DON SNGAR BSHAD PA LTAR RIG PA STE, DE THAMS CAD THOS BSAM GYIS SGRO 'DOGS CHOD PA'I TSUL GYIS RIG PA DANG BSKYED RDZOGS 'BRAS BU DANG BCAS PA DE DAG RIM PA BZHIN RANG RGYUD
LA MNGON DU GYUR PA'I TSUL GYIS RIG PA GNYIS TE, RIG TSUL 'DI 'DRA BA'I SGO NAS RNAM BCU DBANG LDAN BSGRUB PA'I MTSON DON RIG PA LA, DE NI PHYUGS MIN ZHES PA PHYUGS TE MI SHES PA'AM RMONGS PA'I DBANG DU SONG BA MIN PA'O ZHES BSNGAGS PA YIN GYI RNAM BCU DBANG LDAN GYI YI GE BSGRUBS NAS LAG PAS 'DRI SHES PA TZAM LA MKHAS PA DAG YA MTSAN PA CI'ANG MED DO, ,RNAM BCU DBANG LDAN GYIS MTSON PA'I DON GYI GTZO BO RDO RJE'I LUS SGRIB BRAL DU GYUR PA YANG SEMS KYI KUN TU RTOG DAG LAS GROL ZHES PA LA, KUN TU RTOG NI DKYIL 'KHOR BRTAGS PA'I CHOS TE ZHES PA, KUN TU RTOGS PAS BRTAGS TE RTEN DANG BRTEN PA'I DKYIL 'KHOR BSGOM PA'I BSKYED RIM MTHAR PHYIN PAS, RANG GI YID DON PHUNG KHAMS SOGS THAMS CAD GSHEGS PA DANG GSHEGS MA LA SOGS PA'I LHAR MNGON SUM DU SHAR BA'I GSAL SNANG DANG NGA RGYAL 'PHOS PA TZAM GYIS SGRIB BRAL GYI RDO RJE'I LUS SU MI 'GYUR GYI, YID NGOR SHAR BA DE TZAM GYI GNAS SKABS LAS GROL NAS, DNGOS GNAS LA PHUNG KHAMS SOGS THAMS CAD GNAS GYUR TE BDE BA CHEN PO'I YE SHES KYI BDAG NYID LHA'I SKUR GYUR PA NI SEMS KYI KUN TU RTOGS PAS BTAGS PA TZAM GYI BSGOM PAS YID NGOR MA DAG PA'I PHUNG SOGS SBYANGS PA TZAM GYIS GNAS SKABS DAG LAS GROL BA'AM 'DAS PA'O ZHES BYA BA'I DON YIN GYI, BSKYED RIM GYI RTOG BSGOM SANGS RGYAS KYI RGYU MA YIN PAR STON PA MA YIN NO, ,LNGA PA NI, RNAM PA BCU PO 'DI ZHES PA NAS 'DI LTA STE ZLA BA LA SOGS PA PHYI NANG GI SRID PA RNAM PA BCU
, ,PO SGRIB BRAL DU GYUR PA'I DON BCU THIG LE LA SOGS PA SNGAGS KYI YI GE BCU'I NGES DON MTHAR THUG PA NI, THUB PA'I DBANG PO STOBS BCU PA'I LHAN CIG SKYES PA'I YE SHES RIGS THAMS CAD LA KHYAB PA'I BDAG NYID DU GYUR PA STE; YE SHES DE NI SEMS CAN KUN GYI DON NI MA LUS BYED PA DANG, SGRIB BRAL GYI CHOS RNAM PA BCU LA DBANG BYED PA DANG LDAN PAS CHE BA PO STE, GTZO BO'AM MCHOG TU GYUR PA'O, ,DE'I PHYIR MTSON BYED KYI YI GE LA YANG RNAM PA BCU BRTZEGS PA'I STENG DU DBANG BYED PA PO YE SHES RDO RJE DE MTSON PA'I NA' DA BYED PA YIN NO, ,YE SHES DE NI THOG MA MED PA STE GDOD MA NAS RTAG CHAD KYI SPROS PA MED PA'I BDAG NYID DU GNAS PA'I DE BZHIN NYID DANG DUS THAMS CAD DU CHU LA CHU BZHAG PA LTAR DBYER MI PHYED PA'I BDAG NYID GNYIS SNANG 'KHRUL PA'I BAG CHAGS MA LUS PAS DAG PA'I BDAG NYID DU GNAS PA'I PHYIR YANG DAG PA'I MTHA' MNGON DU BYAS PA LA RNAM PAR GNAS SO, ZHES SBYAR RO, ,DE LTAR YANG DAG MTHA' MNGON DU BYAS KYANG CHOS STON PA'I MDZAD PA RGYUN MI CHAD PAR STON PA NI, JI LTAR BSTAN PA LTAR MI BSLU BAS BDEN PAR SMRA BA'I SGO NAS CHOS KYI 'KHOR LO BSKOR BA STE, MI BSLU BA'I RGYU MTSAN TSIG DE'I DON JI LTAR BSTAN PA LAS RNAM PA GZHAN DU MI 'GYUR BA'I PHYIR RO; ;DE'I RGYU MTSAN YANG STON PAS GDUL BYA LA JI SKAD SMRAS PA DE BZHIN DU TSANG MAS DPYAD CING BRTAGS NA YANG BYED KYI DE LAS GZHAN DU TSAD MAS BYA BAR MI NUS PA'I PHYIR RO, ,DE'I RGYU MTSAN YANG CHOS THAMS CAD GANG ZAG DANG CHOS KYI BDAG GNYIS
MED PAR GNAS PA LA JI LTAR GNAS PA LTAR GZIGS NAS BDAG GNYIS SU MED PAR GSUNGS PA'I PHYIR RO, ,DE LTAR NA BDAG MED PA STON PA'I SENG GE'I SGRA DANG LDAN PAS BDAG TU SMRA BA'I MU STEGS KYI RI DvAGS DAN PA RNAMS 'JIG PAR BYED DO, ZHES SO, ,DE BZHIN NYID BDAG CES PA MAR BCAD NI RGYUD SDE GONG 'OG THUN MONG GI DON LA SBYAR NA LEGS PAR SNANG BAS SGEG RDOR LA SOGS PA'I 'GREL BA'I 'CHAD TSUL DANG SHAS CHER MTHUN PAR BSHAD DE, 'DIR NI RNAM BCU DBANG LDAN GYI YI GE LHAG MA'I SROG TU ZHUGS PA'I AA YIG GIS MTSON PA'I SKYE MED KYI DON DE NYID N'A DES MTSON PA'I LHAN SKYES KYI YE SHES DES RTAG TU MNYAM PAR BZHAG PA'I TSUL GYIS RTOGS PA'I YANG DAG, MTHA' MNGON DU BYAS KYANG JI LTAR GZIGS PA LTAR GYI BDAG MED STON PA RGYUN MI CHAD PAS GDUL BYA'I BDAG LTA GCOD PAR RTOGS PA'I CHED DU LUNG 'DI DAG DRANGS PA'O, ,NYI MA DPAL DANG DE'I RJES 'BRANG DAG LTAR NA, SROG RTZOL LA DKYIL 'KHOR BCU'I RLUNG RNAM PA BCU PO DBU MAR GCIG TU GYUR PA DANG, 'DZIN PA LA RLUNG BCA'I DON BCU MNGON PAR 'DOD CING DON DU GNYER BA'I DON 'KHOR LO DRUG GI LTE BAR 'DZIN PA DANG, RJES DRAN LA LHAN SKYES KYI GTUM MO GSAL BA'I NUS PA THOB PA'I PHYIR THUB DBANG MCHOG TU MI 'GYUR BA'I BDE BA BSGRUB PAR NUS PA'I PHYIR STOBS 'DOD PA'I GNAS SKABS BCU'I PHYIR BCU, LHAN SKYES KYI SNANG BAS 'JIG RTEN GSUM KHYAB PA'I PHYIR KHYAB PA'I BDAG PHUNG KHAMS SKYE MCHED KUN GYI DON LHAN SKYES KYI BDE BA GSAL BA'I MTSAN NYID MA LUS PAR BYED PA, TING NGE 'DZIN GYI RLUNG BCU 'GOG PA'I RNAM BCU THABS
, ,DANG, SHES RAB MI 'GYUR BA'I BDE BAS DBANG DU GYUR PA DANG LDAN PA, LHAN SKYES KYI YE SHES KYIS 'JIG RTEN GSUm LA KHYAB PA'I PHYIR CHE BA PO, DANG PO NAS MA SKYES PAS THOG MA MED PA, RTOG PA SPANGS PA'I BDAG NYID DMIGS PA MED PA'I RANG BZHIN SEMS MED PA'I SEMS NI SPROS MED BDAG STE DANG POR DGE BA, DE BZHIN NYID BDE BA CHEN PO'I BDAG NYID DU BYANG SEMS NOR BU'I RTZE MO LAS MI 'PHO ZHING RNAM PAR MI RTOG PAS THA MAR DGE BA CHAGS PA CHEN PO'I MES PHUNG KHAMS SKYE MCHED SGRIB BRAL DU BYAS PAS BAR DU DGE BA'I PHYIR DAG PA'I BDAG PHYIN CI MA LOG PA'I BDE BA MNGON SUM DU GSAL BAS BDEN PAR SMRA ZHING, BDE BA CHEN PO'I TSUL RAB TU GSAL BA'I TSIG MI 'GYUR BA, DU SOGS KYI LAM BSGOMS PAS BDE CHEN 'BYUNG NGO, ZHES JI SKAD SMRAS PA DE BZHIN DU SEMS CAN LA BDAG NYID KYIS BYED PA, KHU BA DANG BDE BA GNYIS SU MED PAR GYUR NAS TSUL DE GSAL BAR STON PAS GNYIS SU MED PAR GSUNGS PA, YANG DAG PA'I YE SHES NYAMS SU MYONG BA'I GNAS KYI MTHA' NOR BU'I RTZE MOR MI GNAS PA'I TSUL GYIS RNAM PAR GNAS PA, SNA TSOGS GZUGS KYI RANG BZHIN NI BDAG MED DE NYID RTOG PAS ZIL GYIS MI NON PAS SENG GE, GZHOM MED KYI SGRA DANG LDAN PA, GZUNG 'DZIN GYI SPROS PA NI MU STEGS, DE NYID MI BRTEN PA'I PHYIR RI DvAGS DANG 'DRA BAS RI DvAGS, DE THAMS CAD NUB PAR BYED PA'I PHYIR NGAN 'JIGS ZHES 'CHAD DO, ,RTZA RGYUD LAS RDO RJE'I LUS RNAM BCU DBANG LDAN GYI SNGAGS KYI YI GES MTSON NAS BSTAN PA BSDUS PA'I DON BSDUS TE MDOR BSTAN PA'O, ZHES PA MJUG BSDU
BA'O, ,BZHI PA RTZA RGYUD LAS SGRA GCAN LA SOGS PA 'BYUNG BA BSTAN PA BSDUS PA'I TSIGS SU BCAD PA DRUG PA BSHAD PA LA LNGA, BSHAD PAR DAM BCA' BA, BDUN ZUNG SA BON DANG BCAS PA BSHAD PA, BSGRUB TSUL GNYIS KYI DBANG GIS AE WA HAmKshAR 'GYUR TSUL SNGAGS KYI TSIGS THAMS CAD LA STONG CHEN YIG LNGA KHYAB BYED DU BSTAN PA, DE NYID KYI NGES DON MTSAN BRJOD KYI LUNG DANG SBYAR BA'O, ,DANG PO NI, DA NI SGRA GCAN LA SOGS PA 'BYUNG BA RTZA RGYUD LAS BSTAN PA BSDUS PA'I BSDUS RGYUD KYI TSIGS SU BCAD PA DRUG PA GA-YON GYI YAN LAG CES PA LA SOGS PA BDAG GIS DGROL BAR BYA STE, ZHES PA'O, ,GNYIS PA LA GNYIS, SPYI'I DON DANG YAN LAG GI DON NO, ,DANG PO LA GNYIS, BDUN ZUNG GI GRANGS DANG MTSAN GZHI SOGS LA DOG PA BCAD PA DANG, 'DI LTAR BSTAN PA'I DGOS PA DANG 'GOD TSUL BSHAD PA'O, ,DANG PO LA GNYIS MI 'THAD PA'I PHYOGS DGAG PA DANG, 'THAD PA'I PHYOGS BZHAG PA'O, ,DANG PO NI, DBUS SU GZHOM MED KYI MTSAN MA GRI GUG GI RNAM PA DANG, DE'I GA-YON DU THIG LE, GA-YAS SU RNAM BCAD, NUB TU THONG BA, SHAR DU DBYUG PA'I RNAM PA RNAMS SNGAR LTAR BKOD NAS, DE DAG GI YANG PHYI ROL DU GA-YON DU MTSAN MA BDUN DANG GA-YAS SU BDUN TE ZUNG CIG, SHAR DU MTSAN MA BDUN DANG NUB TU MTSAN MA BDUN TE ZUNG CIG 'GOD PA LA BGOD BYA SO SO BA'I MING RGYUD DANG 'GREL PAR GSUNGS PA 'DI DAG LAS BDUN TSAN SO SO'I GRANGS SU GANG ZHIG JI LTAR 'DREN PA SOGS LA MI MTHUN PA MANG STE, RvA BA SNGA MA DAG NA RE, SKAR MA PHRA MO DANG, LHA GZHU PHRA MO DANG, SA DANG, MNYAM
, ,GNAS DANG, KHYAB BYED DANG, RUS SBAL DANG, LHA SBYIN RNAMS SHAR GYI BDUN NO, ,SKAR MA SBOM PO, LHA GZHU SBOM PO, RDO BA, GYEN RGYU KLU, RTZA NGAS PA, NOR LAS RGYAL RNAMS NUB KYI BDUN NO, ZHES ZER RO, ,'GRO BA NA RE, SA SHAR DU 'ONG DANG RLUNG NUB TU 'ONG BA MI 'THAD PAS, MNYAM GNAS SOGS RLUNG BDUN SHAR DU, SKAR MA PHRA MO SOGS SA RNAMS NUB TU'O, ZHES ZER LA, RvA BA PHYI MA KHA CIG KYANG DE'I RJES SU 'BRANGS TE, DE'I LUGS KYIS SHAR DU, MNYAM GNAS NAS LHA SBYIN GYI BAR RLUNG BDUN, NUB TU SKAR MA PHRA SBOM GNYIS, LHA GZHU PHRA SBOM GNYIS SA RDO GNYIS, STE DRUG, NOR LAS RGYAL DANG BDUN NO, ,NOR LAS RGYAL RLUNG YIN PAS NUB TU 'BYUNG BA 'GAL LO SNYAM NA, MI 'GAL TE, NOR LAS RGYAL NI MA NING DU BSHAD PA'I PHYIR, DPER NA MA NING DGE SLONG GIS BSTEN NA BUD MED BSTEN PA'I NYES PA 'BYUNG LA, DGE SLONG MA LA SKYES PA BSTEN PA'I NYES PA 'BYUNG BA BZHIN NAM, KHA tvAm GA LHA PHO LA GTAD NA YUM GYI GO CHOD LA, LHA MO LA GTAD NA YAB KYI GO CHOD PA BZHIN NO, ZHES ZER RO, ,SHONG BDAG SKAR MA PHRA SBOM GNYIS LHA GZHU PHRA SBOM GNYIS, SA RDO GNYIS TE DRUG, SER PO 'BAR BA DANG BDUN NUB TU, RLUNG BDUN SHAR DU BYED CING, NOR LAS RGYAL BDUN ZUNG DU MI 'DREN LA, MA PA NANG DU BSHAD PA BDUN ZUNG LA MI 'DREN PA'I SGRUB BYED DU BYED CING, 'DI DAG GI LUGS KYIS 'GREL PAR, DE LTAR SER PO 'BAR BA DE NI RNAM PA BZHI DANG RNAM PA GNYIS SU 'GYUR RO, ZHES PAS KHYAB BYED DBYE BA'I GANGS SU BGRANGS
NAS; KHYAB BYED SER PO 'BAR BA DE NI DE'I KHYAB BYA SKAR MA GNYIS LHA GZHU GNYIS TE RNAM PA BZHI DANG, SA RDO RNAM PA GNYIS DANG BCAS PAS BDUN DU 'GYUR RO, ZHES BSTAN PA'I LUGS SU BYAS PA'O, ,BLA MA SNYE MDO BA NA RE, SHAR DU MNYAM GNAS NAS LHA SBYIN GYI BAR RLUNG BDUN, NUB TU SKAR MA PHRA SBOM GNYIS, LHA GZHU, SA PHRA SBOM GNYIS, RDO BA PHRA SBOM GNYIS TE BDUN YIN NO, ,ZHES ZER RO, ,'DI LA PHYIS KYI MKHAS PA DAG NA RE, RvA BA SNGA MA'I LUGS DE RGYA DPE 'KHRUGS PA LAS BSGYUR BAS 'GYUR 'KHRUGS SHING DE LA BRTEN NAS NOR BA YIN LA SHAR RLUNG NUB SA YIN PA'I PHYIR RLUNG RNAMS SHAR DU SA RNAMS NUB TU 'ONG DGOS SO, ,NOR LAS RGYAL NUB KYI BDUN ZUNG GI YA GYAL DU BYED PA MI 'THAD DE, NOR LAS RGYAL GYI SA BON BDUN ZUNG GI SA BON LAS LOGS SU BSHAD CING, BI BHU TIS KYANG NOR LAS RGYAL NI BZUNG BAR MI BYA'O, ZHES BKAG PA'I PHYIR RO, ,SER PO 'BAR BA BDUN GYI GRANGS SU BGRANG BA YANG MI 'THAD DE, DE LTA NA DKAR PO 'BAR BA DANG DMAR PO 'BAR BA YANG BDUN ZUNG GI GRANGS SU BGRANG DGOS PAR 'GYUR TE, RIGS PA MTSUNGS PA'I PHYIR RO, ,DES NA BLA MA SNYE MDO BA'I BZHED PA LTAR LEGS TE, LHA GZHU RGYA DPE LAS GCIG TSIG GIS GSUNGS PAS GCIG TU 'DREN DGOS PA'I PHYIR DANG, DE NI RNAM BZHI GNYIS KYI DBYE BAS ZHES GSUNGS PAS SA RDO LA RNAM PA BZHIR 'GYUR BA LA 'GRIG PA'I PHYIR RO ZHES GSUNG NGO, ,LUGS 'DI'I LUGS SNGA MA DAG LA GNOD BYED BRJOD PA NI SHIN TU LEGS TE, DE KHO NA BZHIN NO, ,'ON KYANG RANG
, ,NYID KYIS, DE'I PHYI ROL NUB TU RNAM PA DANG BCAS PA'I SER PO 'BAR BA'O, ZHES SOGS KYI NUB KYI THONG BA'I RNAM PA LAS SER PHO 'BAR BA'I MTSAN MA LOGS SU BSTAN PAR BZHED PA LA'ANG, GA-YON GYI THIG LE'I PHYI ROL DU DKAR PO 'BAR BA DANG, GA-YAS KYI RNAM BCAD KYI PHYI ROL DU DMAR PO 'BAR BA'I MTSAN MA LAGS SU 'DRI RIGS PAR THAL, THOD PA'I RNAM PA'I PHYI ROL DU SER PO 'BAR BA'I MTSAN MA LOGS SU 'DRI RIGS PA GANG ZHIG ,RGYU MTSAN MTSUNGS PA'I PHYIR RO, ZHES BRJOD NA KHYAB PA LEGS PAR MTSUNGS PAR 'GYUR RO, ,PHYIS KYI KHA CIG NA RE, NUB KYI THONG BA'I RNAM PA'I PHYI ROL TU SER PO 'BAR BA STE, DE NYID ZUNG BDUN GYI DANG POR BGRANGS SHING, DE NAS SKAR MA PHRA SBOM GNYIS, LHA'I GZHU, SA RDO GNYIS TE DRUG, NOR LAS RGYAL DANG BDUN PO NYID NUB KYI BDUN ZUNG DU BYED LA, 'GREL PA SHONG 'GYUR DU DE LTAR SER PO 'BAR BA 'DI NI, ZHES PA, TZA MI'I 'GYUR DU SER PO 'BAR BA DANG ZHES 'BYUNG BA LTAR BTON NAS, DE LTAR SER PO 'BAR BA DANG RNAM PA BZHI DANG RNAM PA GNYIS SU 'GYUR RO, ZHES PA LA, SKAR MA PHRA SBOM LHA, GZHU STE RNAM PA BZHI DANG, SA RDO RNAM PA GNYIS TE DRUG TU 'GYUR RO, ZHES 'CHAD LA, NOR LAS RGYAL ZUNG BDUN LA MI GTOGS NA KHAMS GANG YANG MA YIN PAR 'GYUR BA DANG, DBUS KYI STONG CHEN LNGAS NOR LAS RGYAL LAM KHYAB PAR 'GYUR BAS, DBUS KYI STONG CHEN LNGA KUN 'GRO KHYAB PA PO MA YIN PAR YANG 'GYUR RO ZHES ZER ZHING, NOR LAS RGYAL BA NI MA MING STE SHI BA'I LUS YONGS SU MI GTONG BA'I PHYIR RO ZHES PA'ANG NOR RGYAL
SA'I TSAN PAR 'DREN PA'I RGYU MTSAN DU BYED DO, ,NUB KYI SA'I TSAN PAR BYED RIGS PA'I RGYU MTSAN NANG LER NOR LAS RGYAL SA KHAMS BAR BSHAD PAS RLUNG DNGOS GNYIS GA YIN PA'I MA NING STE, SHI BA'I LUS YONGS SU ME GTONG BAR SDOD PA'I PHYIR RO, ZHES ZER LA, NOR LAS RGYAL GYI SA BON KshA YIG ZUNG BDUN GYI SA BON LAS LOGS SU GSUNGS PA MI 'THAD PAR 'GYUR RO ZHES PA'I SKYON SPONG LA, KshA YIG NOR RGYAL GYI SA BON DU BSTAN PA MA YIN GYI, 'DIR DBYANGS 'DI RNAMS 'DUS PA DBUS KYI STONG CHEN LNGA PO HAm YIG TU GYUR PA'I RTEN THIG LE STONG PA YI GE DRUG GI GSAL BYED DU 'DUS PA'I KshA YIG BSTAN PA YIN LA, 'OG TU AE WAm KshAm HAm LA SOGS PA'I SNGAGS RNAMS KYI SKABS SU KA+shAm LAN GNYIS SMOS PA'ANG, MJUG MA NOR RGYAL GYI SA BON MA YIN GYI, SNGA MA NI HAm YIG GI STENG DU BSTAN PA'I PHYIR SMOS LA, PHYI MA NI GSAL BYED KYI YI GE THAMS CAD LA YANG STONG CHEN YIG LNGAS KHYAB PA MTSON PA'I DON DU SMOS PA YIN NO, ZHES RGYAL PAR SMRA PAR BYED DO, 'DI NI SHIN TU MI 'THAD DE, SER PO 'BAR BA ZUNG BDUN LA BGRANG NA DKAR PO 'BAR BA DANG DMAR PO 'BAR BA SOGS KYANG 'DREN RIGS PAR THAL BA'I MTSUNGS PA BZLOG TU MED PA'I PHYIR DANG, NUB KYI THONG BA'I RNAM PA LAS SOGS SU SER PO 'BAR BA'I MTSAN MA 'GOD RIGS NA GA-YON GA-YAS KYI THIG LE DANG TSEG DREG LAS LOGS SU DKAR DMAR GYI 'OD ZER 'BAR BA'I MTSAN MA CI'I PHYIR MI 'GOD CES BRGAL BA LA RNAM PA JI LTA BU'I SGO NAS KYANG LAN GDAB PAR MI NUS PA'I PHYIR DANG, NANG LER RLUNG NOR LAS RGYAL SA KHAMS BAR
, ,BSHAD PAS MA NING DU 'GYUR NA, RLUNG KLU YANG MA NING DU 'GYUR TE, NANG LER, SA'I KHAMS LAS NOR LAS RGYAL BA'O, ZHES BSHAD PA'I SKABS DE NYID DU, SA'I KHAMS LAS KLU'O, ZHES KYANG BSHAD PA'I PHYIR RO, ,GZHAN YANG NOR LAS RGYAL RLUNG DANG SA GNYIS GA YIN PA'I RGYU MTSAN GYIS SA'I TSAN PAR 'DREN RIGS NA, MA NANG YIN PA'I TSUL DANG RLUNG YANG YIN PAS RLUNG GI TSAN PAR YANG CI'I PHYIR MI 'DREN, RLUNG DANG SA GNYIS GA YIN PA RGYU MTSAN DU 'GOD NA NI, GNYIS GA'I NANG DU 'DREN PA'AM, YANG NA GNYIS PO GANG GI NANG DU'ANG MI 'DREN PA'I RGYU MTSAN DU BYA DGOS KYI, GANG RUNG CIG KHO NA'I TSAN PAR 'DREN PA'I RGYU MTSAN DU 'GOD PA 'GAL BA'I PHYIR RO, ,RLUNG GI TSAN PA LA BDUN MA TSANG NA NOR RGYAL GYI KHA 'GENGS PAS CHOG MOD KYANG, SHAR GYI RLUNG BDUN NOR RGYAL MA BGRANGS KYANG TSANG BAS DER BGRANG MA DGOS PAS MA BGRANGS PA YIN LA, NUB KYI SA BDUN LA NOR RGYAL MA BGRANGS NA BDUN MA TSANG ZHING, NOR RGYAL SA YIN PAS DES KHA 'GENGS PA LA MI RIGS PA MED PA'I PHYIR, NOR RGYAL NUB KYI BDUN LA 'DREN NO ZHES ZER NA, SKAR MA LA PHRA SBOM GNYIS SU GSUNGS PA LTAR, SA RNGA RE RE LA YANG PHRA SBOM GNYIS GNYIS SU 'BYED PAR SMRA BA GANG GIS 'GOG PA SMROS SHIG ,DE MA KHEGS PAR NOR RGYAL MA BGRANGS NA NUB KYI BDUN MI TSANG BAR MI 'GRUB LA, NOR RGYAL MA BGRANGS NA NUB KYI MI TSANG BAR MA GRUB PAR YANG SA RDO LA BZHIR BYED PA MI KHEGS PAS RTOGS PA PHAN TSUN BRTEN PA STE, RIGS PAS STONG PA'I
'DOD PA TSAD MAR BYAS PA TZAM MO, ,'DIR ZUNG BDUN GYI SKABS SU NUB KYI SA'I TSAN PAR BGRANGS PA LA NI, SBYANG GZHI LA SBYAR BA'I TSE BSTAN BCOS DANG 'JIG RTEN GANG RUNG LA GRAGS PA'I SA MTSAN NYID PA YIN PA ZHIG DGOS KYI, SA'I KHAMS YIN PA TZAM GYIS MI CHOG STE GA-YAS GA-YON GYI ZUNG BDUN GYI NANG NA'ANG, SA'I KHAMS PA YIN PA DU MA YOD LA, SHAR GYI RLUNG BDUN GYI NANG NA'ANG SA KHAMS PA YOD PA'I PHYIR RO, NOR RGYAL NI RLUNG GI NANG TSAN LA KHAMS LNGA 'AM DRUG LA SOGS PAR PHYE BA'I TSE NA SA KHAMS PA YIN KYANG SA MTSAN NYID PA MA YIN TE, KLU BZHIN NO, ,SBYANG GZHI'I SKABS SU SA MTSAN NYID PA YIN NA NI RLUNG YIN PAR 'GAL BAS, SA KHAMS DANG SA'I KHYAD PAR PHYED PAR GYIS SHIG ,NOR LAS RGYAL ZUNG BDUN LA MI 'DREN PA'I GNOD BYED DE DAG KYANG LTAG GCOD 'BA' ZHIG STE, STENG 'OG GI 'OD ZER LJANG SNGON GNYIS KYANG KHAMS GANG YANG MA YIN PAR THAL, ZUNG BDUN LA MI GTOGS PA'I PHYIR, DBUS KYI STONG CHEN LAS DE GNYIS LA MA KHYAB PAR THAL, DE GNYIS ZUNG BDUN LA MI GTEGS PA'I PHYIR, ZHES BRJOD NA GNYIS KA'I 'KHOR GSUM LA LAN MED PA'I PHYIR RO, ,ZUNG BDUN GYI SA BON STON PA'I SKABS SU KshA YIG BSTAN PA DE RTEN THIG LE STONG PA YIG DRUG 'DUS PA'I KshA YIG BSTAN PA YIN NA, SKABS DER BSTAN PA STONG CHEN YIG LNGA 'DUS PA'I HAm YIG KYANG CI'I PHYIR MI STON, RTEN GYI MTSON BYED SMOS NAS BRTEN PA'I MTSON BYED MI SMOS PA'I RGYU MTSAN GANG YIN PA SMROS SHIG ,DE LTAR NA STONG PA CHEN PO YI GE LNGA NI RDO RJE SEMS DPA'I YUL LA ZHES SOGS KYI SKABS SU
, ,HAm YIG DANG KshA YIG RTEN DANG BRTEN PAR GSAL BAR 'CHAD PAS 'DIR RTEN GYI KshA YIG RKYANG PA SMAS PAS DGOS PA CI 'ANG MED LA, STONG CHEN YIG LNGAS KUN LA KHYAB PA MTSON PA'I SNGAGS BSTAN PA'I SKABS SU MJUG TU KshA YIG BSTAN PA'I RGYU MTSAN KHYED KYI 'DOD PA DE LTAR NA, SDEN DU KshA YIG LA BRTAN PAR MTSON PA'I PHYIR DU HAm YIG SMOS KYANG MJUG TU'ANG DBYANGS YIG THAMS CAD LA STONG CHEN YI GE LNGAS KHYAB PA MTSON PA'I PHYIR DU HAm YIG KYANG SMOS RIGS PAR THAL BA KUN TU MTSUNGS SO, ,DE LA 'DOD NA MA SMOS PA'I SKYON CHAGS SO, ,'CHAD PA PO PHAL CHE BAS, GZHOM DU MED PA DE'I STENG DU 'OD ZER LJANG KHU STE, PHYI ROL TU STONG PA'I SA BON LAS BYUNG BA SROG GI RLUNG NGO, ,'OG TU 'OD ZER SNGON PO STE PHYI ROL TU YE SHES KYI SA BON LAS BYUNG BA THUR DU SEL BA'I RLUNG NGO, ZHES PA LA, 'DIR LJANG KHU DE'I PHYI ROL TU ZHES PA DANG 'OD ZER SNGON PO DE'I PHYI ROL TU ZHES 'CHAD PA SHIN TU MI RIGS TE, DE LTAR NA DBUS KYI GZHOM MED KYI STENG 'OG TU 'OD ZER LJANG SNGON GYI MTSAN MA BRIS PA DE DAG GI PHYI ROL TU SROG THUR GYIS MTSAN MA BRI DGOS PAR 'GYUR BAS, STENG 'OG TU HA H'A'O ZHES PA 'OD ZER LJANG SNGON GYI SA BON DU BYAS NA SROG THUR GYI MTSAN MA BKOD PA'I SA BON MI TSANG LA, DE GNYIS KYI SA BON DU BYAS NA 'OD ZER LJANG SNGON GYI SA BON MI TSANG BAS ZUNG CIG GI SA BON CHAD PAR THAL BA'I PHYIR DANG, SROG THUR NAM MKHA' DANG YE SHES KYI RLUNG GNYIS SGRIB BRAL DU GYUR PA'I YE SHES GNYIS LA 'OD ZER LJANG SNGON DU BZHAG PA YIN GYI, DE GNYIS MA YIN PA'I 'OD ZER
LJANG SNGON DER 'GOD RGYU MED PA'I PHYIR RO, ,KHA CIG PHYI ROL TU ZHES PA PHYI NANG GZHAN GSUM GYI PHYI ROL LA 'CHAD PA MI 'THAD DE, DE DAG GI PHYI ROL GA-YON DANG GA-YAS SU YANG, ZHES PA DANG, PHYI ROL TU MNYAM GNAS ZHES BYA BA'I RLUNG NGO, ZHES PA DAG GIS PHYI ROL YANG PHYI NANG GZHAN GSUM GYI YA GYAL GYI PHYI LA BYA DGOS PAR THAL BA'I PHYIR DANG, SROG THUR GYI RLUNG PHYI NANG GZHAN GSUM DU PHYE BA'I NANG YIN GYI PHYI RU 'ONG DON MED PA'I PHYIR RO, ,GNYIS PA 'THAD PA'I PHYOGS BZHAG PA NI, RIGS THAMS CAD KYI KHYAB BYED LHAN CIG SKYES PA'I YE SHES MTSON PA'I MTSAN MA DBUS SU GZHOM MED GRI GUG GI RNAM PA BRIS PA GA-YON GA-YAS RGYAB MDUN GYI MTSAN MA THIG LE TSEG DRAG THOD PA DBYUG PA RNAMS NI GZHI DUS KYI CHU MES RLUNG GI KHAMS BZHI SGRIB BRAL DU GYUR PA'I SO SOR RTOG PA DANG, MNYAM PA NYID DANG, ME LONG LTA BU DANG, BYA GRUB YE SHES BZHI MTSON PA'I MTSAN MA STE, MA RIG PA'I BAG CHAGS KYI MUN PA SPANGS PA'I YE SHES KYI 'OD ZER BZHI PO DE MTSON PA'I MTSAN MA YIN PAS RIM PA BZHIN DKAR PO 'BAR BA, DMAR PO 'BAR BA, SER PO 'BAR BA, NAG PO 'BAR BA ZHES BYA LA, DBUS KYI GZHOM MED KYI STENG 'OG TU MTSAN MA'I THIG LE BKOD PA GNYIS NI, SROG THUR SGRIB BRAL DU GYUR PA'I CHOS KYI DBYINGS KYI YE SHES LA YUL DAG PA GNYIS LDAN GYI CHOS DBYINGS SGRIB BRAL GYI NAM MKHA'I KHAMS KYI LDOG PA DANG, YUL CAN CHOS NYID DANG RO GCIG TU ZHUGS PA'I YE SHES SGRIB BRAL GYI YE SHES KYI KHAMS KYI LDOG PA GNYIS SU PHYE BA'I DANG PO STENG GI MTSAN MA DANG, GNYIS
, ,PA 'OG GI MTSAN MAS MTSON PA LA RIM PA BZHIN 'OD ZER LJANG KHU DANG 'OD ZER SNGON PO ZHES BYA BA'O, ,KHA CIG LJANG KHU CHOS DBYINGS YE SHES DANG, SNGON PO YE SHES LNGA'I KHYAB BYED KYI YE SHES LA 'CHAD PA LTAR NA 'OD GI SNGON PO DANG DBUS KYI GZHOM MED KHYAD MED DU 'GYUR RO, ,RGYAB KYI THOD PA LAS LOGS SU THOD BA'I MTSAN MA'I PHYI ROL TU SER PO 'BAR BA'I MTSAN MA BKOD NAS, DE NYID NUB KYI BDUN TSAN LA 'DREN MI 'DREN RTZOD PA NI GZHI MED KYI RTZOD PA YIN TE, 'DI LTAR, MUN PA MED PA ZUNG CIG DAG NI MUN PA'I MTHA' LA'O, ZHES PAS DKAR PO 'BAR BA DANG DMAR PO 'BAR BA GNYIS DBUS KYI GZHOM MED KYI GA-YAS GA-YON GYI MTHA' LA GNAS PAR BSTAN CING, RGYAB TU SER PO YANG ZHES PA'I YANG SGRAS DON GANG STON PA 'CHAD PA NA, 'GREL BAR YANG YIG GIS NI YE SHES SER PO'I 'OD ZER RO ZHES PA'I DON TO, ZHES PAS 'OD ZER DKAR DMAR GNYIS DBUS KYI GZHOM MED KYI GA-YON GA-YAS LA GNAS PAR MA ZAD RGYAB TU GNAS PA YANG YE SHES SER PO'I 'OD ZER STE SER PO 'BAR BA YIN NO ZHES PA'I DON DU BSHAD DE SER PO YANG ZHES PA'I 'GREL BA'O, ,RGYAB TU GNAS PA JI LTA BU ZHE NA, GZHOM DU MED PA'I RGYAB TU THOD PA'I RNAM PA'I MTSAN MA'I MING CAN NO,, ZHES PA STE, RGYAB TU ZHES PA'I RTZA TSIG GI 'GREL BA'O, ,DE LTAR SER PO YANG ZHES PA DANG, RGYAB TU ZHES PA GNYIS KYI TSIG DON SO SOR BSHAD PA'I DON PHYOGS GCIG TU BSDUS NAS STON PA NI DE'I PHYI ROL NUB TU RNAM PA DANG BCAS PA'I SER PO 'BAR BA'O, ZHES PA STE,
DBUS KYI GZHOM MED DE'I PHYI ROL NUB TU THOD PA'I RNAM PA DANG BCAS PA'I SER PO 'BAR BA'O ZHES PA'I DON TO, ,'DI DAG GZHUNG DON GYI SKABS SU BAB KYANG 'DIR MA BSHAD NA RANG LUGS KYI 'JOG TSUL MTHA' MI CHOD PAR SNANG BAS 'DIR BSHAD DO, ,RTZA 'GREL DE DAG GI TSIG DON 'CHAD MI SHES SHING RTZA 'GREL MA 'BYOR BA DANG, DE'I PHYI ROL TU ZHES PA THOD BA'I MTSAN MA DE'I PHYI ROL TU ZHES BSHAD PAS, RNAM PA DANG BCAS PA ZHES PA'I 'BRU GNON PA LA SDUG BSNGAL BAR GYUR TE, DE'I PHYI ROL RNAM PA DANG BCAS PA'I NUB TU SER PO 'BAR BA'O ZHES 'GYUR 'CHOS LA, DE LTAR 'GYUR BCOS NAS THOD BA'I MTSAN MA'I NUB TU SER PO 'BAR BA ZUR DU 'GOD CING, MKHAS PA KHA CIG DE LTAR BYAS NAS KYANG SER PO 'BAR BA NUB KYI BDUN TSAN LA MI 'DREN PA NI 'GAL BA STE, 'OD ZER LJANG KHU'I SA BON MA GTOGS PA THOD PA'I RNAM PA'I NUB TU BKOD PA RNAMS KYI SA BON GYI SNGAGS BDUN LAS MA GSUNGS SHING, MTSAN MA BRGYAD 'GOD PAR 'DOD PA'I PHYIR RO, ,DES NA SER PO 'BAR BA'I SA BON CHAD PAR 'GYUR RO, ,KHA CIG SER PO 'BAR BA THOD BA'I RNAM PA LAS ZUR DU BYED PA MA BDE BAS, DE'I PHYI ROL NUB TU ZHES PA SKAR MA NGES PA DANG SBYAR, BAR GYI RNAM PA DANG BCAS PA ZHES PA BTON NAS DOR, MTHA'I SER PO 'BAR BA'O ZHES PA GZHUNG GONG MA'I MJUG TU SBYAR TE, GZHOM DU MED PA'I RGYAB TU THONG BA'I RNAM PA'I MTSAN MA'I MING CAN SER PO 'BAR BA STE, DE'I PHYI ROL TU NUB TU SKAR MA PHRA MO SKAR MA SBOM PO'O, ZHES 'GYUR 'CHOS PAR BYED DE, RANG GIS MA SHES PA GANG 'BYUNG DU 'DOD PAS 'GYUR 'CHOS NA HA CANG THAL LO, ,'DIR MTSAN BU 'DEBS PA DAG GIS 'GYUR 'CHOS PA'I MTSAN BU BTAB PA LTAR 'GREL PA'I DKYUS SU BRIS PA DAG NI MI SHES PAS KUN NAS BSLANG PA CHEN PO STE 'GREL
, ,BA'I 'GYUR LO TZTSA BA SU'I 'GYUR DU YANG LUNG BSTAN DU MI RUNG BAR BYED PA DANG, JI TZAM ZHIG NA 'CHAD PA PO'I GRANGS DANG MNYAM PA'I 'GREL PA'I GZHUNG RIGS MI 'DRA BA'I GRANGS SU GYUR NAS BSTAN PA LA GNOD PA CHEN POR 'GYUR BA'I PHYIR RO; ;DE BZHIN DU MDUN GYI DBYUG PA'I RNAM PA LAS PHYI ROL TU NAG PO 'BAR BA'I MTSAN MA ZUR DU BYAS NA'ANG SNGAR BRJOD PA'I NYES PA DANG MTSUNGS PAR 'GYUR TE, 'OD ZER SNGON PO DANG KshA YIG MA GTOGS PA DBYUG PA'I RNAM PA'I PHYI ROL TU SHAR DU 'GOD PA'I MTSAN MA'I SNGAGS BDUN LAS MA BSHAD CING MTSAN MA BRGYUD YOD PA'AM MTSAN MA GCIG GI SA BON GYI SNGAGS CHAD PAR THAL BA'I PHYIR RO, ,DE LTAR GA-YON GA-YAS KYI ZUNG BDUN GYI MTSAN GZHI SOGS 'GREL BA NA DNGOS SU GSAL ZHING MI MTHUN PA'I DOGS PA SEL DGOS PA MI SNANG BAS TSIG DON BSHAD PA LAS LOGS SU 'DIR BSHAD MI DGOS LA, SHAR NUB KYI ZUNG BDUN NI RLUNG BCU'I NANG NAS SROG THUR NI STENG 'OG TU 'GOD PAS SHAR NUB LA MI GTOGS LA, NOR RGYAL ZUNG BDUN GYI BDUN TSAN LA MI GTOGS PAS LHAG MA MNYAM GNAS LA SOGS PA BDUN GYI MTSAN MA DBYUG PA'I RNAM PA'I PHYI ROL TU SHAR DU 'GOD LA, SER PO 'BAR BA'I MING CAN THOD BA'I RNAM PA'I RGYAB TU, RIM PA BZHIN SKAR MA PHRA MO, SKAR MA SBOM PO, LHA'I GZHU, SA PHRA MO, ,SA SBOM PO, RDO PHRA MO RDO SBOM PO RNAMS KYI MTSAN MA 'GOD DE, SA NI PHYI ROL LA RDO LAS GZHAN PA 'JIM PA BYED PA'I SA STE, NANG LA SBYAR BA 'CHAD PAR
'GYUR ZHING, DE DAG NI SHAR NUB KYI ZUNG BDUN NO, ,NOR LAS RGYAL ZUNG BDUN LA MI 'DREN PA'I RGYU MTSAN DU, SA RLUNG 'DRES PA'I MA NING YIN PA BKOD NAS, DE SA KHAMS PA YIN PA'I RGYU MTSAN DU, LCI BA'I YON TAN LDAN PAS SHI BA'I LUS YONGS SU MI GTONG BA'I PHYIR RO ZHES BKOD NA RLUNG SA KHAMS PA GZHAN LA'ANG BDUN TSAN LA MI 'DREN PAR THAL BA SPANG MI NUS SHING, SHI BA'I LUS YONGS SU MI GTONG BA'I GO DON DANG, DE'I RGYU MTSAN LCI BA'I YON TAN LDAN PA BKOD PA'I RGYU MTSAN DANG RGYU MTSAN CAN GYI 'BREL YANG SHIN TU DKA' BAR SNANG BA LA DE DAG MI DPYOD PAR ZER RGYUS PHONGS PA'I SDUG BSNGAL BA LA ROL PA TZAM ZHIG SNYING POR 'DZIN PAR SNANG NGO, ,DES NA KHO BO NI MA NING YIN PA ZUNG BDUN LA MI 'DREN PA'I RGYU MTSAN DU BYED KYANG SA KHAMS PA'I RLUNG YIN PA MA NING YIN PA'I RGYU MTSAN DU MI SMRA ZHING, SA KHAMS PA YIN PAS SHI BA'I LUS MI GTONG BA YIN PAR MI SMRA'O, ,'O NA CI ZHE NA, NOR LAS RGYAL NI LUS KYI SA RLUNG THABS SHES SU 'JOG PA'I DBANG DU BYAS PA'I TSE NA LUS KYIS PHRA RAGS SOGS GANG LA LTOS PA'I THABS KYANG MA YIN LA SHES RAB KYANG MA YIN PA'I PHYIR TE, DE'I RGYU MTSAN, 'CHI BA'I TSE LUS KYI SA PHRA RAGS SOGS THAMS CAD RLUNG GIS 'DOR ZHING, LUS KYI RUS PA DANG SHA LA SOGS PA SRA BA SA'I CHA PHRA RAGS GANG RUNG DANG RTEN DANG BRTEN PA'I TSUL GYIS GNAS PA'I RLUNG THAMS CAD KYI RGYU THA CHAD NAS DOR YANG, NOR LAS RGYAL NI SNYING KHAR KHU RDUL RNAM SHES GSUM 'DUS PA'I TSOGS PA MA ZHIG BAR DU KHU RDUL TSOGS
, ,PA'I GONG BU LUS DBANG GIS MDOR BAR GNAS LA, DE SRID DU NOR LAS RGYAL GYIS KYANG GONG BU DE MI GTONG BAR YONGS SU 'DZIN PA'I PHYIR RO, ,DE'I RGYU MTSAN YANG NOR LAS RGYAL NI LUS KYI RNAM PAR SHES PA'I BZHON PAR GYUR PA'I RLUNG YIN PAR RGYUD GZHAN LAS BSHAD PA LTAR 'DIR YANG KHAS BLANGS PA LA 'GAL BA MED CING, DBANG SHES GZHAN DANG DBANG PO GZHAN 'GAGS KYANG, LUS DBANG NI JI SRID RNAM SHES KYIS MA DOR BA'I LUS KYI CHA CUNG ZAD CIG YOD PA DE SRID DU, LUS DBANG GIS KYANG LUS KYI CHA DE MA DOR BA DANG DE SRID DU RLUNG DES KYANG LUS KYI CHA DE MA DOR BAR BYA DGOS PAR MNGON PAS TSUL 'DI NYID KYIS DBANG DU MDZAD PAR BYAS NA SHIN TU LEGS SO, ,DPER NA JI SRID LUS KYI DBANG PO MA 'GAGS SHING DE DANG RTEN DANG BRTEN PA'I TSUL GYIS GNAS PA LUS KYI RNAM SHES KYI BZHON PAR GYUR PA'I RLUNG GIS MA DOR BA DE SRID DU LUS KYI PHYOGS DE DROD KYIS MI 'DOR LA, NAM ZHIG DE DAG GIS DOR BA NA LUS DE'I PHYOGS DROD KYIS KYANG 'DOR ZHING, DE BZHIN DU SNYING KHA'I DBUS SU KHU RDUL RNAM SHES KYI TSOGS PA MA ZHIG PAR GNAS PA'I RING LA SNYING KHA'I DBUS DER DROD KYANG CUNG ZAD MA DOR BAR GNAS PAR 'DOD DGOS PAS PHYOGS DE LUS DBANG DANG DE LA BRTEN PA'I RLUNG GIS MA DOR BAR YANG 'DOD DGOS SHING, RLUNG GIS DOR BA LA NI RE SHIG DOR BA DANG GTAN NAS DOR BA'I TSUL GNYIS YOD DO, ,GNYIS PA 'DI LTAR BSTAN PA'I DGOS PA DANG 'GOD
TSUL BSHAD PA LA, THOG MAR 'DI DAG NANG LA SBYOR BA'I MTSAN GZHI NGOS ZIN DGOS PAS DE BSHAD PAR BYA STE, RLUNG BCU NI NANG GI RLUNG BCU PO NYID YIN PAS DE LAS GZHAN PA'I NANG LA SBYOR TSUL MI DGOS LA, 'OD ZER SNGON PO NANG DU DUS ME'I RTZA DANG PHYI ROL TU THUR SEL GYI RLUNG ZHES SOGS ZER BA NI DUS ME'I RTZA NANG DANG RTZA DE'I NANG NAS RGYU BA'I RLUNG PHYI RU BYED PA BYUNG RGYAL DU SMRA BA'O, ,GA-YAS GA-YON GYI ZUNG BDUN LA GZA' BCU NANG LA SBYOR BA'I BCU LUS KYI BUG PA LA SBYAR BA, DBANG PO LA SBYAR BA, RTZA LA SBYAR BA SOGS TSUL 'GA' ZHIG YOD KYANG, 'DIR NI NANG LER TSIGS BCAD BZHI BCU PA RTZA 'GREL GYIS, GA-YON NAS NAM MKHA' RLUNG ME CHU SA'I RIM PAS RGYU BA'I DKYIL 'KHOR LNGA LA RIM PA BZHIN DBANG BYED PA'I GZA' SGRA GCAN ZLA BA, GZA' LHAG PA SANGS, MJUG RINGS GA-YAS NAS SA CHU ME RLUNG NAM MKHA'I RIM PAS RGYU BA'I DKYIL 'KHOR LNGA LA RIM PA BZHIN DBANG BYED PA'I GZA', DUS ME NYI MA BKRA SHIS, PHUR BU, SPEN PA RNAMS SU GSUNGS PA DE LA BYA STE, DE YANG GA-YON GYI LNGA NI RIMS BZHIN RNAM SHES LA SOGS PA'I PHUNG PO LNGA DANG, GA-YAS KYI LNGA NI RIM PA BZHIN GA-YAS KYI DKYIL 'KHOR LNGA LA DBANG BYED PA'I SA LA SOGS PA'I KHAMS LNGA RNAMS LA NANG GI GZA' DE DANG DER BZHAG PA'O, ,CHU DANG ME NI GCI BA DANG CHU SER LA SOGS PA LUS KYI GSHER BA'I RANG BZHIN GYI CHU GZHAN RNAMS DANG, ME NI DO BA'I RANG BZHIN GYI LUS KYI CHOS GZHAN RNAMS YIN LA, CHAR DANG GLOG NI CHU ME KHYAD PAR BA STE,
, ,DE YANG CHAR NI NANG LER, PHYI ROL TU CHAR BA GANG YIN PA DES LUS LA 'DIR NI BDUD RTZI STE, LCE DANG LCE'U CHUNG DAG LAS STU KA 'DZAG PA'O, ZHES GSUNGS PA LTAR SPYI BO'I AA WA DH'U T'I LAS BRGYUD NAS LCE DANG LCE'U CHUNG GI RTZA NANG NAS KHU BA BYANG SEMS DKAR PO 'BAB PA DE YIN LA, GLOG KYANG NANG LER ME GSUM GYI NGES PA'I SKABS SU GSUNGS PA LTAR, DBU MA'I NANG GI GTUM MA'I ME YIN ZHING, NUB KYI BDUN TSAN GYI SKABS SU SKAR MA NI NANG LER SO'I PHRENG BA LA GSUNGS PA LTAR, RGYU SKAR NYER BDUN BYI BZHIN, DBYUG GU'I RGYU SKAR BZHI STE PHYI ROL TU SUM CU SO GNYIS PO DE NYID NANG DU SUM CU RTZA GNYIS TE, DE NYID LA NA TSOD RDZOGS MA RDZOGS GNAS SKABS KYI DBYE BAS PHRA SBOM GNYIS SU DBYER RUNG NGO, ,SA PHRA RAGS NI NANG DU SHA PHRA RAGS SO, ,RDO PHRA RAGS NI NANG DU RUS PA PHRA RAGS SO, ,LHA GZHU NI PHYI ROL TU 'JA' TSON TE, DE NYID NANG LA SBYAR BA NA NANG LER, GZHU STE 'JA' TSON NI BSHAD PA DAG GO ,ZHES GSUNGS PA LTAR RO, ,DA NI 'GREL BAR, DE LTAR NA STONG PA CHEN PO YI GE LNGA NI, RDO RJE SEMS DPA'I YUL WAm YIG STE, RDO RJE YAN LAG MED PA'I BSGRUB PA LA HAm YIG STE, DE'I PHYI ROL TU THIG LE STONG PA YI GE DRUG NI WAm YIG GI PHYOGS LA RTEN AE YIG CES BRJOD CING, HAm YIG GI PHYOGS LA SKYE GNAS KshA YIG STE, RDO RJE DANG PAD+MA YANG NGO, ZHES GSUNGS PA'I DON BRJOD PAR BYA STE, DGOD PA'I TSUL DANG DGOS PA SHES PA GNYIS GA LA DE SHES PA SNGON DU 'GRO BA'I PHYIR RO, ,DE YANG AE WAm GZUGS
BSGRUB LA WAm YIG GIS BRTEN PA RDO RJE SEMS DPA' LHAN CIG SKYES PA'I BDE BA CHEN PO'I SKU MTSON ZHING, DE'I PHYOGS LA AE YIG GIS RTEN STONG GZUGS PHYAG RGYA CHEN MO MTSON LA, STONG GZUGS KYIS DUS KYI 'KHOR LO YAB YUM ZHAL SBYOR GYI RNAM PAR DNGOS GNAS LA GRUB PA'I YAB KYI BSANG GNAS KYI RDO RJE NI RDO RJE YAN LAG MED PA ZHES BYA LA, DE NYID HAm YIG GIS MTSON ZHING, YUM STONG GZUGS PHYAG RGYA CHEN MO'I SKYE GNAS SAM BHA GA'I PADMA NI KshA YIG GIS MTSON LA, HAmKshA BRTZEGS PAS NI RDO RJE DANG PAD+MA DE GNYIS MNYAM PAR SBYAR BA MTSON NO, ,DE'I PHYIR DE NYID GTZO BOR BYAS NAS BSGRUB PAS RNAMS BCU DBANG LDAN GYIS YI GE BSGRUB PA GANG DU JI SKAD BSHAD PA DE LA RDO RJE YAN LAG MED PA'I BSGRUB PA ZHES GSUNG NGO, ,ZUNG BDUN GYI SKABS 'DIR 'DI LTAR GSUNGS PA NI, GA-YON GA-YAS MDUN RGYAB TU ZUNG BDUN BDUN DANG STENG 'OG ZUNG CIG RNAMS 'GOD PA DE DBUS SU GANG BZHAG PA LA LTOS PA'I GA-YAS GA-YON SOGS SU BRJOD PA DBUS KYI MTSAN MA NI WAm YIG 'GOD PA DANG HAmKshA 'GOD PA GDAM PA YIN PAR SHES PAR BYA BA'I PHYIR DU YIN LA, DE'I PHYIR DBUS DANG MTHA'I MTSAN MA RNAMS KYI SNGAGS KYI YI GE GSUNG PA NANG LA, AE VAm KshA HAm BZHI KA GSUNGS SO, ,DE LTAR NA DBUS SU VAm YIG DANG HAmKshA GANG YANG RUNG BA BKOD PA'I MTHAR MTSAN MA GZHAN DAG JI LTAR 'GOD PA NI, 'OD SER LJANG SNGON GYI MTSAN MA 'GOD TSUL 'GREL BAR GZHOM DU MED PA DE'I STENG DU 'OD ZER LJANG KHU PHYI ROL DU STONG PA'I SA BON LAS BYUNG BA SROG GI RLUNG NGO, ,'OG TU 'OD ZER SNGON
, ,PO STE PHYI ROL TU YE SHES KYI SA BON LAS BYUNG BA THUR DU SEL BA'I RLUNG NGO, ZHES GSUNGS PA'I DON GZHAN DAG GIS 'OD ZER LJANG KHU DE'I PHYI ROL ZHES SOGS DANG, NANG DU RTZA DANG, PHYI ROL DU RLUNG ZHES 'CHAD PA BKAG ZIN LA, RANG LUGS NI, THOB THANG LA DBUS KYI MTSAN MA'I SPYI BO STE STENG DU 'OD ZER LJANG KHU'I MTSAN MA YIN YANG 'DRI BA'I TSE GZHOM MED DE'I PHYI ROL TU NUB TU 'DRI BAR BYA STE SROG GI RLUNG MTSON PA YIN LA, 'OD ZER SNGON PO THOB THANG LA 'OG TU 'ONG RGYU YIN YANG 'DRI BA NA GZHOM MED DE'I PHYI ROL SHAR DU 'DRI STE DE YANG THUR SEL GYI RLUNG GI MTSON BYED DO ZHES BYA BA'I DON YIN LA, DKYIL 'KHOR LA LHA'I MTSAN MA 'DRI BA'I TSE STENG GI MTSAN MA SHAR GYIS SHAR DANG; 'OG GI MTSAN MA NUB KYI NUB TU 'GOD PA DANG MI 'DRA ZHING, DE YANG NUB KYI THOD PA'I RNAM PA DANG SHAR GYI DBYUG PA'I RNAM PA GNYIS KYI NANG ROL DU'O, ,GA-YON DANG GA-YAS KYI BDUN ZUNG 'GOD TSUL NI, DBUS KYI GZHOM MED KYI GA-YON DU DKAR PO 'BAR BA THIG LE BKOD PA DE'I GA-YON DU, BDUN GYI DANG PO SGRA GCAN GYI MTSAN MA, DE'I GA-YON DU ZLA BA SOGS DANG, GZHOM MED KYI GA-YAS KYI TSEG DRAG DMAR PO 'BAR BA'I GA-YAS SU BDUN GYI DANG PO DUS ME DE'I GA-YAS SU NYI MA SOGS DANG, GA-YON GA-YAS KYI DANG PO GNYIS THABS SHES ZUNG CIG ,GNYIS PA GNYIS THABS SHES ZUNG CIG LA SOGS PA 'GREL PA'I DKYUS NA CHOS GSAL BAS SHES SLA'O, ,SHAR DU GZHOM MED KYI MDUN DU 'OD
ZER NAG PO DBYUG PA'I RNAM PAR KOD PA'I PHYI ROL TU SHAR GYI BDUN TSAN DANG PO MNYAM GNAS KYI RLUNG GI MTSAN MA 'GOD CING, CUB KYI SER PO 'BAR BA THOD BA'I RNAM PA'I PHYI ROL NUB TU NUB KYI BDUN MTSAN DANG PO SKAR MA PHRA MO'I MTSAN MA 'GOD LA, DE NAS SHAR NUB TU RIM PA BZHIN 'GOD PA LA; THOG MAR SHAR GYI DBUS SU MTSAN MA DANG PO BKOD NAS, DE NAS GZHUNG DU SA BON GSUNGS PA'I RIM PAS DBUS MA DE'I GA-YAS SU GCIG ,DE NAS GA-YAS KYI DE'I GA-YAS DANG GA-YON GYI DE'I GA-YON LA SOGS PAR 'PHRENG BSGRIGS SU 'GOD CING, NUB LA 'ANG DE JI LTA BAR BYED PA DANG, SHAR GYI MTSAN MA DANG PO'I RGYAB KYI SHAR DU MTSAN MA GNYIS PA, DE'I RGYAB KYI SHAR DU TSAN MA GSUM PA SOGS RIM PA JI LTA BAS DANG, NUB TU'ANG JI LTA BAR BYAS NAS PHYI NANG DU BSGRIGS PA'I LUGS GNYIS YOD DO, ,SPYIR GANG BYAS KYANG RUNG MOD KYI PHYI NANG DU SGRIG PA CUNG ZAD LEGS SAM SNYAM MO, ,MTSAN MA NI GA-YON DU THIG LE DKAR PO BDUN, GA-YAS SU DMAR PO BDUN, SHAR DU NAG PO BDUN, NUB TU SER PO BDUN 'GOD PA YOD MOD KYI RANG RANG GI SA BON GYI YI GE 'GOD PA GZHUNG GI DGONGS PA YIN LA, DE THAMS CAD KYANG MGO BO THOD PA'I RNAM PA SER PO, RKANG PA DBYUG PA'I RNAM PA NAG PO, RNAM BCAD DMAR PO DANG THIG LE DKAR POS STENG DU BRGYAN PA STE, BSGRUB ZIN PA NA DE LTAR 'GOD DGOS PA TSIG DON LAS RTOGS PAR 'GYUR ZHING, DE YANG LAN TSA'I YI GE LTA BU'I DBANG DU MDZAD NAS GSUNGS PA YIN GYI BOD YIG MA YIN NO, ,NOR LAS RGYAL GYI MTSAN MA SHAR GYIS BDUN RDZOGS PA'I MTHAR BKOD KYANG RUNG LA, 'ON KYANG NOR RGYAL ZUNG BDUN LA MA THE BAR 'DOD PA DAG MTSAN MA 'DI MI 'DRI BAR 'DOD PA MANG NGO, ,DE LTAR BKOD PAS MTSON PA'I DGOS I
, ,PA NI, DBUS KYI WAm YIG GIS MTSON PA MCHOG TU MI 'GYUR BA'I BDE BA CHEN PO DANG AE YIG GIS MTSON PA STONG GZUGS PHYAG RGYA CHEN MO DBYER MI PHYED PA ZUNG DU 'JUG PA'AM, HAmKshAS MTSON PA STONG GZUGS KYI DUS KYI 'KHOR LO YAB YUM GYI RNAM PAR DNGOS PO LA GRUB PA'I RDO RJE DANG PAD+MA MNYAM PAR SBYAR BA'I STOBS KYIS WAM YIG DANG HAm YIG GI RNAM BCAD DANG THIG LE 'OG DANG STENG DU GNAS PAS MTSON PA'I DON KHAMS DKAR PO STENG DU BRTAN ZHING DMAR PO 'OG TU BRTAN PAR 'GYUR LA, DE'I STOBS KYIS STENG 'OG DANG SHAR GYI MTSAN MA RNAMS KYI MTSON DON RLUNG BCU'I RGYU BA NYIS KHRI CHIG STONG DRUG BRGYA 'GOG PAR 'GYUR LA, DE'I PHYIR MTSON BYED DU RLUNG BCU'I MTSAN MA YI GE BCU'I MGOR RNAM BCAD DANG THIG LE DANG N'A DES MTSAN PAR GSUNGS SO, ,RLUNG DE DAG GI RGYU BA 'GOGS PA YANG DKYIL 'KHOR BCU'I RLUNG GI RGYU BA LA DBANG BYED PA'I GZA' BCU'I MING CAN PHUNG PO LNGA DANG KHAMS LNGA SGRIB BRAL DU BYAS PA'I SGO NAS 'GOG DGOS LA, DE BCU SGRIB BRAL DU BYED PA'ANG KHAMS DKAR PO STENG DU BRTAN CING DMAR PO 'OG TU BRTAN PA DANG SEMS MI 'GYUR BA'I BDE BAR SKYES PA DE'I STOBS KYIS YIN PAS, DE MTSON PA'I DON DU GA-YON GA-YAS KYI GZA' BCU'I SA BON GYI MGOR RNAM BCAD THIG LE N'A DA DANG BCAS PA BZHAG GO ,DE LTAR KHAMS DKAR PO STENG DU BRTAN CING DMAR PO THUR DU BRTAN PA DANG SEMS MI 'GYUR BA'I BDE BAR SKYES PA RNAMS TSOGS PA'I BYED LAS LAS LUS KYI BEM PO'I KHAMS THAMS CAD RIM GYIS ZOS
SHING NYAMS PAR BYAS NAS, SMIN PA'I DNGUL CHUS LCAGS KYI KHAMS ZOS NAS ZAD PAR 'GYUR BA LTAR BYED PA LA, GANG ZAD PAR BYA BA RLUNG MA GTOGS PA'I LUS KYI BEM PO'I KHAMS KYI RIG BSDUS NAS GA-YON GA-YAS KYI CHAR DANG GLOG DANG CHU DANG ME DANG, NUB KYI SA BDUN GYIS MTSON PAR BYED CING, KHAMS DKAR DMAR STENG 'OG TU BRTAN PA DANG, SEMS MI 'GYUR BA'I BDE BAR SKYES PA'I STOBS KYIS ZAD PAR BYED PA NI DE DAG GI MTSAN MA'I YI GE RNAMS KYI MGOR RNAM BCAD THIG LE N'A DA DANG BCAS PA BZHAG PAS MTSON PAR BYED DO, ,TSUL DE'I SGO NAS GZHI DUS KYI CHOS DE DAG SGRIB BRAL DU GYUR PA NA THAMS CAD KYANG DBUS KYI MTSAN MAS MTSON PA'I DON STONG CHEN YI GE LNGA'I BDAG NYID DU NGO BO DBYER MED PAR 'GYUR BAS DE MTSON PA'I DON DU SA BON GYI YI GE THAMS CAD RANG RANG GI LUS DANG, MGO THOD BA'I RNAM PA SER PO DANG, RKANG PA DBYUG PA'I RNAM PA NAG PO DANG, RNAM BCAD DMAR PO, THIG LE DMAR PO RNAMS TSOGS PA STONG CHEN YI GE LNGA MTSON PA'I CHOS LNGA LDAN DU GSUNGS SO, ,NANG GI CHOS RNAMS SGRIB BRAL DU GYUR PAS PHYI'I CHOS SGRIB BRAL DU 'GYUR TE, DE'I DON YANG SEMS CAN RNAMS LA MA RIG PA'I BAG CHAGS KYI DBANG GIS MA DAG PA'I SNOD BCUD SNANG BA DE NYID, SHES BYA MA LUS PA MNGON SUM DU MKHYEN PA'I GEGS KYI SGRIB PA SPANGS PA'I STOBS KYIS SNANG GI RANG RGYUD KYI MA RIG PA'I BAG CHAGS KYI DBANG GIS MA DAG PA'I SNOD BCUD KYI SNANG BA 'CHAR MI SRID PAR BYAS PA DANG, RANG NYID LAS DBANG GIS 'JIG RTEN DER GNAS PA'I NUS PA BAG CHAGS DANG BCAS PA ZAD PA'I
, ,DON YIN GYI, MA DAG PA'I SNOD KYI 'JIG RTEN MED PAR 'GRO DGOS PA MA YIN TE, DE LTAR NA MA DAG PA'I SNOD KYI 'JIG RTEN GCIG NA GNAS PA'I GANG ZAG GCIG GIS LAM BSGOMS NAS SANGS RGYAS PA NA 'JIG RTEN DE NA GNAS PA'I SEMS CAN GZHAN THAMS CAD 'BAD MED DU GROL NAS 'JIG RTEN DE STONGS PAR 'GYUR BAR THAL BA'I PHYIR RO, ,BSHAD ZIN PA'I DON 'DI DAG LEGS PAR RTOGS NA ZUNG BDUN GYI RNAM GZHAG GSUNGS PA 'BRAS BU DANG BCAS PAR 'GYUR MOD KYI, SNGON CHAD GZHAN DAG LA YI GE KLOG PA 'BA' ZHIG SNYING POR ZAD DO, ,GNYIS PA YAN LAG GI DON NI, GA-YON GYI YAN LAG TU NI ZHES PA NAS, THIG LE GCIG STE, DE YANG GZHAN 'BRAS BU LA DKAR PO 'BAR BA ZHES PA SO SOR RTOG PA'I YE SHES MTSAN PA'I KHA DOG DKAR PO'I 'OD ZER RO, ,DE NYID NANG LA SBYAR NA 'GRO BA'I BDUD RTZI'I CHA NI, ZHES PA RTZA GA-YON RKYANG MA LA 'BAB PA'I BYANG SEMS DKAR PO'I CHA SHAS NYID DO, ,GA-YAS SU DMAR PO'I MDOG CES PA NI NAS, 'BAR BA NI GZHAN 'BRAS BU LA MNYAM PA NYID KYI YE SHES MTSON PAS KHA DOG DMAR PO'I 'OD ZER RO, ,NANG LA RO MA'I RTZA LA 'BAB PA BYANG SEMS DMAR PO STE SNGA MA LA GSUNGS PA'I DON GYIS GO BAR DGONGS NAS DNGOS SU MA SBYAR BA'O, ,DE DAG GI PHYI ROL NAS, PHYI ROL 'JIG RTEN LA NI SNOD KYI 'JIG RTEN GYI KHAMS LA GNAS PA STE NYID NI NGES PA'I NGES BZUNG GI DON TO, ,'JIG RTEN LA NI ZHES PA'I NI'I TSIG NANG DU NI, SGRUB PA PO'I LUS LA GNAS PA 'PHEN NO, ,'DI RNAMS LA MING NGAM SA BON GYI SNGAGS KYI TSIG NI GRANGS JI LTA BA BZHIN DU
GA-YON DU SGRA GCAN GYI AOm GA-YAS SU DUS ME'I AA: ZHES PA NAS, GA-YON DU CHU'I WA, GA-YAS SU ME'I R'A, ZHES PA ZUNG BDUN NI GZA' MA YIN PA YANG ZUNG GNYIS YOD KYANG, GTZO CHE BA'I GZA' BDUN PO ZHES SMOS PA DON DU GZA' BCU LA SOGS PA ZUNG BDUN PO RNAMS KYI LHAG PA'I STE KHYAD PAR GYI LHA STE SA BON GYI SNGAGS SU BRDA MDZAD PA'O, ,MUN PA MED PA NAS GNAS PA NI, DBUS KYI GZHOM DU MED PA GRI GUG GI RNAM PA LUS SU BYAS NAS VAm YIG BSGRUB PA'I TSE STENG DU THIG LE DANG RNAM BCAD BRTZEGS NAS 'GOD PAR BYA BA'I YAN LAG YIN GYI, WAm YIG LAS GZHAN PA STE ZUR DU 'GOD PAR BYA BA MA YIN NO ZHES PAS DE GNYIS ZUNG BDUN LA MI 'DREN PA'I RGYU MTSAN BSTAN PA YIN GYI GZHAN MANG PO LA SBYOR BA DON MIN NO, , RGYAB TU ZHES SOGS SPYI DON DU ZHIB PAR BSHAD ZIN TO, ,SER PO 'BAR BA THOD BA'I RNAM PA GZHOM MED KYI MTSAN MA'I NUB TU BKOD PA DE NAS DE'I NUB TU RIM PA BZHIN SKAR MA PHRA MO DANG SKAR MA SBOM PO'O, ,DE BZHIN DU DE'I NUB TU LHA'I GZHU'O, ,PHYI ROL TU 'JIG RTEN LA GRAGS PA'I SA NI RNAM PA GNYIS TE, 'JIM PA BYED PA'I SA DANG RDO BA'I GZUGS SO, ,DE LTAR SER PO 'BAR BA'I YAN LAG SA DE NI PHRA RAGS KYI DBYE BAS PHYE NAS PHRA RAGS DANG RDO PHRA RAGS TE RNAM PA BZHI DANG, BSDU NA SA RDO RNAM PA GNYIS SU 'GYUR RO, ,'DIR MA ZAD GA-YON GYI BDUN DKAR PO 'BAR BA'I YAN LAG DANG, GA-YAS KYI BDUN DMAR PO 'BAR BA'I YAN LAG DANG, SHAR GYI BDUN NAG PO 'BAR BA'I YAN LAG YIN NO, ,YAN LAG KYANG KHYAB BYA'AM CHA SHAS SO, ,SROG
, ,CES BYA BA GCIG PU'I ZHES PA NAS, MI GTONG BA'I PHYIR RO, ZHES PA'I BAR NI SNGAR ZHIB PAR BSHAD PAS SHES SO, ,'DI RNAMS LA ZHES SOGS LA, STENG DU HA 'OG TU H'A, SHAR DU AA, NUB TU A'A ZHES SOGS SU SBYAR TE, KshA NI NOR LAS RGYAL GYI SA BON NO, ,GONG DU 'OG DANG STENG DU ZUNG CIG STE, ZHES PA 'CHAD PA NI, STENG 'OG ZUNG CIG NI MUN PA STE DBUS KYI GZHOM MED KYI MTHAR MTSAN MA GZHAN GYIS BAR MA CHOD DE SHAR LHO NUB BYANG GI SNGAGS ZUNG BDUN PO RNAMS NI KHYIM ZHAG RE LA THUN 'TSAMS BZHI DANG, GZA' RE RE'ANG THUN 'TSAMS BZHI LA GLING BZHIR 'CHAR THABS BZHI BZHI BYED PA'I DBYIBS RES GZA' BDUN PO RNAMS KYI LHAG PA'I LHA STE RES GZA' THUN 'TSAMS LA 'CHAR BA SO SO'I SA BON NAM MTSAN MA'I SNGAGS SO, ,SNGAGS 'DI DAG LA LHAG PA'I LHA ZHES GONG 'OG TU LAN MANG DU 'BYUNG BA DAG NI, LHA SO SO'I RIGS BDAG GI LHAS LHA DE DANG DE RIGS GANG YIN PA SHES PAR BYED PA LTAR, MTSON BYED KYI SNGAGS DE DANG DES KYANG MTSON BYA'I DON DE KHAMS KYI RIGS GANG YIN PA DANG, THABS SHES KYI RIGS GANG YIN PA SOGS SO SOR MA 'DRES PAR MTSON NAS SHES PAR BYED PAS DE LTAR GSUNGS SO, ,RES GZA' THUN 'TSAMS LA 'CHAR BA'I SA BON DU 'GYUR TSUL JI LTA BU ZHE NA, THOG MAR GZA' NYI MA LA MTSON NA, GLING 'DIR KHYIM ZHAG GCIG GI MTSAN PHYED NAS TE PHYED PA'I TSE SHAR GLING NA SNGA DRO DANG PO YOD LA, DE'I TSE SHAR NAS TE SHAR
GLING DU RES GZA' NYI MA 'CHAR BA LA SA BON AA, DE'I RJES SU SHAR GLING DER NYI MA PHYED PA NA LHO GLING 'DIR SNGA DRO DANG PO YOD CING, DE'I TSE LHO NAS TE LHO GRING 'DIR RES GZA' NYI MA 'CHAR BA LA SA BON AA: 'DIR NYI MA PHYED PA NA NUB GLING DU SNGA DRO DANG PO YOD CING, DE'I TSE NUB NAS TE NUB GLING DU RES GZA' NYI MA 'CHAR BA LA SA BON A'A, GLING 'DIR NYI MA NUB PA DANG NUB GLING DU NYI MA PHYED PA'I TSE BYANG GLING NA SNGA DRO DANG PO YOD LA, DE'I TSE BYANG NAS TE BYANG GLING DU RES GZA' NYI MA 'CHAR BA LA SA BON AAm, DE BZHIN DU RES GZA' ZLA BA KHYIM ZHAG GCIG GI THUN 'TSAMS BZHI LA GLING BZHIR 'CHAR BA LA RIM PA BZHIN SA BON AI Ri Li AU, ZHES SOGS SU SBYAR TE, SA BON NO, ZHES PA'I BAR DES RIGS 'GRE'O, ,LHO PA GRUB SENG LA SOGS KHA CIG 'DIS GLING 'DIR RES GZA' MTSAN PHYED NAS 'PHO BAR BSTAN NO ZHES ZER BA NI NOR BA RAGS PA STE, GZHUNG 'DIS GLING 'DIR MTSAN PHYED PA NA SHAR GLING DU RES GZA' NYI MA THOG MAR 'CHAR BA GCIG BSTAN LA, DE'I PHYIR GLING 'DIR RES GZA' SPEN PA YOD CING, DE GLING 'DIR SNGA DRO DANG PO RES GZA' NYI MA 'CHAR GYI BAR DU MI 'PHO BA'I PHYIR RO, ,DE YANG 'DI NI MTSON PA TZAM GYIS, RES GZA' NYI MA SHAR GLING DU THOG MAR 'CHAR BA DE DUS SNGA PHYI GANG LA 'CHAR YANG DE'I TSO SA BON AA, LHO GLING 'DIR THOG MAR 'CHAR BA DE DUS SNGA PHYI GANG LA SHAR YANG, DE'I TSE SA BON A'A : ZHES SOGS SU SHES PAR BYA'O, ,GSUM PA SGRUB TSUL GNYIS KYI DBANG GIS AE HAm KshAR 'GYUR TSUL,
, ,NI; DBUS KYI RDO RJE'I ZHES SOGS LA GRI GUG GI RNAM PA RDO RJE'I ZHES PA NI GRI GUG GI MTSON DON RNAM RTOG GIS MI PHYED PA'I RDO RJE STON PA'O, ,RANG GI NUS PA ZHES PA RTZA 'GREL GYI DON NI, KHAMS DKAR PO GYEN DU BRTAN PA'I NUS PA LAS, DMAR PO 'OG TU BRTAN PAR STON PA'I TSIG YIN LA, RANG GI NUS PA ZHES PAS MA GSUNGS PA NYID LAS, ZHES PA'I DON NI, GA-YON GA-YAS KYI THIG LE TSEG DRAG STENG DU ZLA TSES THIG LER BYED PA DNGOS SU BRTAN PA'I SHUGS LA 'DIR DNGOS SU MA GSUNGS KYANG, THONG BA GRI GUG GI MGO DANG DBYUG PA RKANG PAR BYED PA BSTAN PA'I DON TO, ,GZHUNG LHAG MA NI SNGAR AE WAm GZUGS SGRUB KYI SKABS SU BSHAD PA LAS SHES SLA'O, ,DE LTA NA ZHES SOGS NI SPYI DON GYI SKABS KYI TSIG DON DANG BCAS TE ZHIB PAR BSHAD ZIN TO, ,BZHI PA SNGAGS KYI TSIGS THAMS CAD LA STONG CHEN YIG LNGAS KHYAB BYED DU BSTAN PA NI, KUN TU NAS THIG LE'O'I BAR GYIS, DBUS KYI GZHOM MED DKAR DMAR NA GSER GYI 'OD ZER 'BAR BA BZHI DANG BCAS PA'I PHYI ROL TU ZUNG BDUN RNAMS KYI MTSAN MA SNGAGS KYI YI GE 'GOD PA DANG, DE THAMS CAD KYI MGOR RNAM BCAD THIG LE BYED PAR BSTAN NO, ,ZHI BA NAS ZHES PA LA GNYIS SNANG GI SPROS PA ZHI BA NI GZHOM DU MED PA DBUS KYI WAm YIG GIS MTSON PA'I MCHOG TU MI 'GYUR BA'I LHAN CIG SKYES PA'I YE SHES SO, ,DE'I GNAS SAM RTEN NI SHAR DANG NUB KYI MTSAN MAS MTSON PA'I DON RLUNG BCU'I RGYU BA 'GAGS
SHING LUS KYI BEM PO'I KHAMS MA LUS PAR ZAD PA'I STENG GZUGS PHYAG RGYA CHEN MO STE, DE DANG BCAS PA STE ZUNG DU 'JUG PA'I ZHI BA STE MI 'GYUR BA'I BDE BA CHEN PO'I YE SHES NI DNGOS PHO KUN GYI SA TE RANG GI PHUNG PO LNGA DANG KHAMS LNGA'I CHA THAMS CAD NAS SGRIB PA LAS RNAM PAR GROL BA'O, ,DE LTAR GZHI DUS KYI RANG RGYUD KYIS BSDUS PA'I CHOS THAMS CAD SGRIB BRAL DU GYUR PA NI, SGRIB BRAL GYI CHOS DE THAMS CAD STONG CHEN YI GE LNGA STE YE SHES LNGA'I BDAG NYID DU DBYER MED PAR 'GYUR BAS, DE NYID MTSON PA'I SRID DU KUN TU STE PHYI ROL GYI YI GE'I CHOS THAMS CAD LA RKANG PA DANG MGOR RLUNG DANGS DAG GRANGS JI LTA BA BZHIN DU DBYUG PA'I RNAM PA NAG PO DANG THONG BA'I RNAM PA SER PO DANG, MGO BO'I STENG DU CHA STE RNAM BCAD DMAR PO DANG CHA'I STENG DU THIG LE DKAR PO DANG, THIG LE'I STENG DU YE SHES THAMS CAD KYI KHYAB BYED LHAN CIG SKYES PA'I YE SHES MTSON PA'I NA' DE GZHOM DU MED PAR BRJOD PA SNGON PO'O, ,DE LTAR BSGRUBS PA 'DI'I SNGAGS KYI TSIG RNAMS NI, DBUS SU AE WAm'AM, YANG NshAm HAm, ZHES PAS RGYA YIG GI AE GRU GSUM LA'ANG ZLA TSES THIG LE NA' DE, DE'I DBUS SU WAm YIG PHYI ROL TU SNGAGS GZHEN RNAMS PHYOGS SO SOR 'GOD PA'AM, YANG NA DBUS SU shAm YIG GI STENG DU HAm YIG BZHAG PA, DE'I PHYI ROL TU ZUNG BDUN GYI SNGAGS KYI YI GE RNAM BCAD THIG LE NA' DES BRGYAN PA TSES LNGA LDAN RNAMS 'GOD PAR BSTAN TE RIG PAR BYA'O, ,ZHES PA'I BAR GYIS SO, ,shAm THA MA NI NOR LAS RGYAL GYI SA BON TSES LNGA LDAN DU BYAS PA STE, NOR RGYAL SGRIB BRAL DU GYUR PA'I CHA
, ,LA YANG STONG PA LNGAS KHYAB PAR BSTAN PA'I CHED DU YIN LA, DE'I PHYIR 'DI'I MTSAN MA'ANG 'DRI BA DGONGS PA YIN PAR GSAL LO, ,LNGA PA DE NYID KYI NGES DON MTSAN BRJOD KYI LUNG DANG SBYAR BA NI 'DI'I NGES DON MDOR BSDUS PA NAS 'DI LTA STE, RGYAL PO ZHES SOGS LUNG SNGA MA SNGAR BSHAD ZIN TO, ,DE BZHIN DU MCHOG TU MI 'GYUR BA'I LHAN CIG SKYES PA'I YE SHES MTHAR THUG PA NI DUS RTAG TU GANG BA BCU DRUG PA'I GNAS SKABS KHO NA LA GNAS KYI DKAR PHYOGS KYI 'PHEL 'GRIB KYI CHA MED PA, DE NYID PHYI NANG GI BDUN ZUNG RNAMS SGRIB BRAL DU GYUR PA SOGS SGRIB BRAL GYI CHOS KUN LA NGO BO DBYER MED PAR RJES SU 'GRO ZHING, KHYAB PA PO ZHES PA NI, KUN TU YE SHES DANG NI ZHES SOGS RTZA 'GREL GYIS BSTAN PA'I DON DE'I KHUNGS SO, ,ZAB CING RTOGS DKA' BAS PHRA MO, GONG DU BRJOD FPA'I SA BON DBYANGS GSAL YI GE RNAMS KYIS MTSON PA'I PHYI NANG GI CHOS THAMS CAD SGRIB BRAL DU GYUR PAS ZAG PA MED PA, NYON MONGS PA'I RDUL MED CING SHES SGRIB KYI RDUL DANG BRAL BA, DE GNYIS KYIS GLO BUR DRI BRAL BSTAN CING, DRI MA MED CES PAS RANG BZHIN RNAM DAG BSTAN LA, DAG PA GNYIS PO DE DANG LDAN PA'I PHYIR NYES PA SPANGS PA RGYU NYES PA MA LUS PAR SPANGS PAS DE'I 'BRAS BUR GYUR PA'I SKYON MED CES SO, ,GZHAN DAG GZHAN DU 'CHAD KYANG MA BRIS SO, ,SGRA GCAN LA SOGS PA 'BYUNG BA RTZA RGYUD LAS GSUNGS PA BSDUS PA'I MDOR BSDUS TE MDOR BSTAN PA'O, ,LNGA PA RTZA RGYUD LAS ZLA BA'I CHI 'PHEL 'GRIB DANG NYI MA'I BGROD PAS NYIN MTSAN 'PHEL 'GRIB TU 'GYUR BA SOGS BSTAN PA BSDUS PA'I TSIGS SU BCAD PA BRGYAD PA BSHAD PA LA LNGA ` BSHAD PAR DAM
BCA' BA , ZLA BA'I CHA 'PHEL 'GRIB BSHAD GNYI MA'I CHA 'PHEL 'GRIB BSHAD PA, NYIN MTSAN 'PHEL 'GRIB KYI CHU TSOD KYI SNGAGS BSHAD PA, BRTAN GA-YO KHAMS GSUM PA 'BYUNG BA'I SNGAGS BSHAD PA'O, ,DANG PO NI, DE NI ZHES SOGS SO, ,GNYIS PA LA GNYIS MDOR BSTAN PA DANG RGYAS PAR BSHAD PA'O, ,DANG PO NI, AA SOGS SUM CU'I ZHES PA NAS, DE DAG KYANG AA DANG LA SOGS PA AI Ri AU LAm STE HA YA RA WA LAR LDAN PA STE DE DAG DANG BCAS PA'I BCU YOD LA, DE'I AA SOGS LNGA LA DBYANGS THUNG NGU LNGA DANG RING PO LNGAR PHYE BAS BCU DANG YON TAN GYI YI GE AA AE AAR AO AAL LNGA DANG 'PHEL BA'I YI GE AA' AE AA' RA AOO AA' LA LNGA STE, DE LTAR NA HA SOGS LNGA MA GTOGS PA NYI SHU'O, ,AA AI Ri AU Li TA LA SOGS PA YA nA'I YI GER BSGYUR BA LA THUNG NGU LNGA DANG RING PO LNGA'I DBYE BAS BCU STE SNGA MA NYI SHU DANG BSOMS PAS SUM CUR 'GYUR RO, ,DE LTA BU'I DBYANGS KYI YI GES MTSON PA ZLA BA'I DKAR CHA YANG NGO LA 'PHEL PA DANG MAR NGO LA 'GRIB PA'I RGYUR GYUR PA, DKAR PHYOGS DANG NAG PHYOGS KYI CHOS DE DAG KYANG PHYOGS RE RE LA TSES GCIG LA SOGS PA LNGA'I DBYE BA STE LNGA TSAN GSUM GSUM DU 'GYUR RO, ,JI LTAR 'GYUR NA, TSES LNGA TSAN GSUM GYI DANG PO NI DGA' BA RNAM PA GSUM DANG, GNYIS PA GSUM NI, BZANG PO RNAM PA GSUM DANG, GSUM PA GSUM NI RGYAL BA RNAM PA GSUM DANG BZHI PA GSUM NI, STONG PA RNAM PA GSUM DANG LNGA PA GSUM NI, RDZOGS PA RNAM PA GSUM STE, LNGA TSAN DANG PO NI, MUN PA'I YON TAN KYI DBYE BA DANG CHUNG NGU'I TSAD KYI DBYE BAS SO, ,LNGA TSAN GNYIS PA NI, RDUL GYI YON TAN GYI DBYE BA DANG 'BRING PO'I TSAD KYI DBYE BAS SO, ,LNGA TSAN GSUM PA NI, SNYING STOBS
, ,GYI YON TAN GYI DBYE BA DANG CHEN PO'I TSAD KYI DBYE BAS SO, ,GNYIS PA RGYAS PAR BSHAD PA LA GSUM, 'PHEL BA'I CHA DKAR PHYOGS RGYAS PAR BSHAD, 'GRIB CHA NAG PHYOGS RGYAS PAR BSHAD, DE'I SA BON GYI DBYE BA NGOS BZUNG BA'O, ,DANG PO NI; DE LA ZLA BA 'PHEL BA'I CHA BCO LNGA DKAR PO'I PHYOGS LA LNGA TSAN DE'I TSES LNGA RIM PA BZHIN NAM MKHA' DANG LA SOGS PAS RLUNG ME CHU SA'I KHAMS LNGA'I NGO BOS SPRO BA'I RIM PAS GNAS PA LNGA TSAN RNAM PA GSUM MO, ,DE LTAR SPYIR BSTAN NAS, RE DE NAS RGYAS PAR 'CHAD PA NI, 'DIR ZHES SOGS KYIS DKAR PHYOGS KYI SDE TSAN DANG PO'I TSES LNGA, MING SNGAGS DBYANGS THUNG NGU DANG DGA' BA SOGS LNGA DANG KHAMS LNGA DANG RIM PA BZHIN SBYAR BA GRANGS JI LTA BA BZHIN TE MUN PA BSAL BA, SDE TSAN DANG PO CHUNG NGU'I TSAD DO, ,DE NAS RIM PA GNYIS PA LA MING GI SNGAGS YON TAN GYI YI GE LNGA'I DBYE BAS SNGAR LTAR SBYAR BA RNAMS TE, TSES GCIG NAS LNGA'I BAR DANG PO'I SDE TSAN GYI MUN PA BSAL BA DANG PO CHUNG NGU'I TSAD GANG YIN PA DE 'DIR DRUG PA NAS BCU PA'I BAR LA MUN PA BSAL BA 'BRING PO'I TSAD DU GYUR PA DANG, TSES DRUG NAS BCU PA'I BAR NI RANG DUS NA RDUL BSAL BA CHUNG NGU'I TSAD DO, ,DE NAS SDE TSAN GSUM PA LA, HA LA SOGS PA YA nAR BSGYUR BA THUNG NGU RNAMS SA BON TE, DE YANG RE RE ZHING SNGAR LTAR SBYAR BA RNAMS TE GNYIS PA'I SDE TSAN GYI RDUL BSAL BA RANG DUS NA CHUNG NGU'I TSAD DE NYID SDE TSAN GSUM PA 'DIR SLEB PA NA RDUL BSAL BA 'BRING PO'I TSAD DANG, DANG PO'I SDE TSAN GYI DKAR CHA 'PHEL PA RANG DUS NA MUN PA BSAL BA CHUNG NGU'I TSAD DU YOD PA DE NYID NI SDE TSAN GSUM PA'I
SKABS 'DIR SLEBS NAS MUN PA BSAL BA CHEN PO'I TSAD DO, ,DE YANG TSES GCIG GNYIS SOGS TSES BCO LNGA'I GNAS SU 'ONG BA MA YIN GYI, TSES GCIG GI DUS NA 'PHEL BA'I DKAR CHA DE'I RGYUN TSES BCO LNGA'I BAR DU 'ONG BA'I DON TO, ,DANG PO'I SDE TSAN GYI GNAS SKABS NA MUN PA BSAL BA CHUNG NGU'I TSAD DU GNAS PA'I DKAR TSAD DAG RIM GYIS 'PHEL NAS SDE TSAN GSUM PA'I SKABS SU CHEN PO'I TSAD DU PHYIN PA 'DI'I GNAS SKABS KYI DBYE BA RNAM PA LNGA STE, SNYING STOBS KYI YON TAN GYI DBYE BAS TSES BCU GCIG PA LA DANG PO'I TSES GCIG GI DKAR PO 'PHEL BA'I CHA SHAS KYI RGYUN DE CHEN PO'I TSAD KYIS BU MO'O, ,TSES BCU GNYIS PA LA CHEN PO'I TSAD KYIS GZHON NU MA'O, ,TSES BCU GSUM PA LA CHEN PO'I TSAD KYIS LANG TSO MA'O, ,TSES BCU BZHI PA LA CHEN PO'I TSAD KYIS RGAN MO'O, ,TSES BCO LNGA PA LA CHEN PO'I TSAD KYIS YONGS SU SMIN PAR GYUR PA'O, ,DE LTAR TSES GCIG GI DKAR CHA TSES BCO LNGA PA LA YONGS SMIN PAR GYUR PA NI ZLA BA'I DKAR CHA RDZOGS PA ZHES MNGON PAR BRJOD DO, ,ZHES PA 'DI NYID KYIS MTSON NAS TSES GCIG GI DKAR CHA DE SDE TSAN GNYIS PA'I SKABS SU SLEB PA'I TSES DRUG NAS BCU'I BAR LA RIM PA BZHIN RDUL GYI YON TAN GYI DBYE BAS 'BRING PO'I TSAD KYIS BU MO LA SOGS PA LNGAR 'JOG PA DANG, SDE TSAN DANG PO'I TSES LNGA LA RIM PA BZHIN MUN PA'I YON TAN GYI DBYE BAS CHUNG NGU'I TSAD KYI BU MO LA SOGS PA LNGAR 'JOG PA'ANG SHES PAR BYA LA, 'DIR TSES GCIG LA SBYAR BA NI TSES GNYIS LA SOGS PA THAMS CAD LA RE RE NAS DE LTAR SBYOR BA MTSON PA'I DON TE TSES GCIG GI DKAR CHA DE RANG DUS NA BU MO DANG, TSES GNYIS
, ,KYI DUS SU SLEB PA NA GZHON NU MA SOGS YIN KYANG, TSES GNYIS KYI DUS 'PHEL BA'I DKAR CHA DE TSES GNYIS RANG DUS NA CHUNG NGU'I TSAD KYI BU MO DANG GSUM GYI DUS SU SLEB NA, CHUNG NGU'I TSAD KYI GZHON NU MA SOGS SU SBYAR TE, TSES BCU DRUG PA'I DUS SU SLEB PA NA MUN PA BSAL BA CHEN PO'I TSAD KYIS SMIN PAR 'GYUR BA DANG, DE BZHIN DU SDE TSAN PAR BA'I TSES DRUG GI DUS SU 'PHEL BA'I DKAR CHA DE RANG DUS NA RDUL GYI YON TAN GYIS MUN PA SEL BA CHUNG NGU'I TSAD KYIS BU MO DANG, TSES BCU PAR SLEB PA NA DE'I TSAD KYIS SMIN PA DANG, TSES BCO LNGA BAR SLEB PA NA 'BRING PO'I TSAD KYIS SMIN PA DANG, TSES NYI SHU BAR SLEB PA NA CHEN PO'I TSAD KYIS SMIN PAR 'GYUR LA, TSES BDUN PA'I DKAR CHA DE, RANG DUS NA RDUL GYI YON TAN GYI DBYE BAS CHUNG NGU'I TSAD KYIS BU MOR BYAS NAS NYI SHU GCIG LA SMIN PAR 'GYUR BA DANG, DE BZHIN DU TSES BCU GCIG PA'I DUS SU 'PHEL BA'I DKAR CHA DE RANG DUS NA SNYING STOBS KYI YON TAN GYIS CHUNG NGU'I TSAD KYIS BU MOR BYAS NAS NYER LNGA LA CHEN PO'I TSAD KYIS SMIN PAR 'GYUR SHING, TSES BCO LNGA'I DUS SU 'PHEL BA'I DKAR CHA DE RANG DUS NA SNYING STOBS KYI YON TAN GYIS MUN PA SEL BA CHUNG NGU'I TSAD KYIS BU MOR BYAS NAS NYER DGU LA CHEN PO'I TSAD KYIS SMIN PAR 'GYUR TE, DE LTAR RE RE NAS SBYAR NAS SHES PAR BYA ZHING, DKAR CHA RANG DUS KYI TSES DANG POR BYAS PA'I TSES BCO LNGA PA LA SMIN PA THOB NAS RANG DUS KYI TSES GANG YIN PA DANG POR BYAS PA'I TSES BCU DRUG PA LA DKAR CHA DE MUN PAS BSGRIB PAR 'GYUR RO, ,DPER NA TSES BCO LNGA
PA'I DKAR CHA NYER DGU LA SMIN PA THOB NAS, TSES BCO LNGA DANG POR BYAS PA'I BCU DRUG PA GNAM STONG LA DE NYID MUN PAS BSGRIB PAR 'GYUR BA LTA BU'O, ,'DI LTAR NAG PHYOGS LA'ANG SHES PAR BYA STE, TSES GANG LA ZHUGS PA'I MUN PA DE RANG DUS KYI TSES LA BYIS PAR BYAS NAS, DE NYID DANG POR BYAS PA'I TSES BCO LNGA PA LA SMIN PA THOB STE, BCU DRUG PA LA DE NYID DKAR CHAS SEL BAR 'GYUR BA'O, ,DPER NA GNAM GANG LA ZHUGS PA'I MUN PA DE, GNAM GANG DANG POR BYAS NAS BGRANGS PA'I BCU DRUG PA PHYI MA'I DKAR PHYOGS KYI TSES BCO LNGA'I DKAR CHAS SEL BA LTA BU'O, ,DE LTAR DKAR PO'I PHYOGS LA ZLA BA'I CHA 'PHEL BA BCO LNGA'I DBYE BAS THA DAD DE, ZHES MJUG BSDUS PA'O, ,CHA BCO LNGA RDZOGS PA DE'I MTHA' NAG PO'I TSES GCIG GI DANG PO LA DKAR CHA SEL BA'I MUN PA 'JUG PAR RTZOM PA'I DUS KYI DANG PO LA NI LDOG PA'I SGO NAS DKAR PO'I CHA BCU DRUG CES BRJOD KYI DNGOS PO LA DKAR CHA 'PHEL BA BCU DRUG PA MED DO, ,DE ZHES PA NI 'OG MA 'DREN PA'I TSIG GO, ,GNYIS PA NI, DKAR PO'I CHA YONGS SU RDZOGS PA DE'I MTHAR DKAR PO'I PHYOGS KYI TSES GCIG GI DKAR CHA CHEN PO'I TSAD KYIS SMIN PAR GYUR PA DE NAG PO'I TSES GCIG GI MUN PA LA 'JUG PAR 'GYUR TE, NAG PHYOGS KYI TSES GCIG DE'I DUS SU DKAR PO'I CHA GNYIS PA TSES GNYIS KYI DUS CHUNG NGU'I TSAD KYI BU MOR YOD PA DE CHEN PO'I TSAD KYIS YONGS SU SMIN PA RGAN MOR 'GYUR RO, ,DE NAS DKAR PHYOGS KYI TSES GNYIS PA'I DKAR CHA GNYIS PA YANG, NAG PO'I TSES GNYIS PA'I MUN PA LA 'JUG PAR 'GYUR TE, ZHES SOGS
, ,SNGAR BSHAD PA LTAR YIN PAS GO SLA'O, ,DE NAS GNAM STONG GI MTHAR DKAR PO'I CHA DANG POR 'CHAR BA'I 'TSAMS SU NYI MA LA DANG, NYA'I MTHAR CHA BCU DRUG PA'I SKABS DANG PO'I CHA LA ZLA BA LA SGRA GCAN 'JUG PAR 'GYUR RO; ;DE LTAR GZAS 'DZIN PA DUS RNAM PA GNYIS SU NGES TE, NYA LA CHA RDZOGS PA'I MTHAR ZLA BA SGRA GCAN GYIS 'DZIN CING, GNAM STONG LA DKAR CHA DANG PO 'CHAR BA'I THOG MAR NYI MA SGRA GCAN GYIS 'DZIN PA'O, ,'DIR NAG PO'I PHYOGS LA TSES LNGA TSAN GSUM GYI LNGA TSAN RE RER YANG RIM PA BZHIN SA DANG, LA SOGS PA CHU DANG ME RLUNG NAM MKHA'I KHAMS LNGA LNGA'I SGO NAS SDUD PA'I RIM PAS MUN PA 'JUG STE DE'I PHYIR DKAR PHYOGS LA SPRO BA'I RIM PAS SHAR BA'I DKAR CHA RNAMS MDZAD DO, ,JI LTAR 'DZAD TSUL RGYAS PAR 'CHAD PA NI, NAG PO'I ZHES PA NAS, CHUNG NGU'I TSAD DU 'GYUR RO'I BAR GO SLA LA, DE NAS MUN PA ZHUGS PA GNYIS PA'I SDE TSAN LA YANG DKAR PHYOGS KYI SDE TSAN GNYIS PA LA SKYE RIM GYIS 'PHEL BA'I DKAR CHA RNAMS 'DIR SDUD RIM GYIS GZHUGS PA'I MUN PAS BSGRIB PA'I BYA BA SDE TSAN DANG PO LA BRJOD PA'I RIM PAS SHES PAR BYA STE, SDE TSAN DANG PO'I RING DUS NA MUN PA CHUNG NGU'I TSAD DU YOD PA NI SDE TSAN GNYIS PA DE LA SLEB PA'I GNAS SKABS NA MUN PA'I GNAS SKABS GNYIS PA 'BRING PO'I TSAD DO, ,ZHES SBYAR RO, ,BI BHU TI'I PHYAG DPE RGYA DPE NA DE LA GNYIS PA'I SDE TSAN NI MUN PA CHUNG NGU'I TSAD DO, ,DANG PO'I SDE TSAN NI 'BRING PO'I SDE TSAN NO, ,ZHES PA YOD PAR TE DON
'DRA'O, ,DE BZHIN DU NAG PHYOGS KYI TSES LNGA TSAN GSUM PA'I SDE TSAN LA YANG DKAR PHYOGS KYI LNGA TSAN THA MA'I GNAS SKABS SU SKYE RIM GYIS 'PHEL BA'I DKAR CHA RNAMS LA SDUD RIM GYIS ZHUGS PA'I MUN PAS BSGRIB PA'I BYA BA STE SDE TSAN DANG PO'I SKABS SU CHUNG NGU'I TSAD DU YOD PA'I MUN PA GNYIS PA'I SDE TSAN GYI SKABS LA SLEB PA NA 'BRING PO'I TSAD DU GYUR PA NI GSUM PA'I SDE TSAN DE LA SLEB PA NA GNAS SKABS GSUM PA MUN PA CHEN PO'I TSAD DO, ,ZHES SBYAR TE, BI BHU TI'I PHYAG DEB LAS, SDE TSAN DE LA CHUNG NGU'I TSAD DO, ,GNYIS PA'I SDE TSAN NI 'BRING PO'I TSED DO, ,CHA GSUM PA CHEN PO'I TSAD DO, ,ZHES 'BYUNG ZER TE, DKYUS LTAR 'CHAD PA LA MI BDE BA MED DO, ,DE LA CHEN PO'I TSAD KYI DBYE BA RNAM PA LNGA STE, MUN PA CHEN PO'I TSAD KYI DBYE BA NAG PO'I TSES GCIG GI MUN PA DE NAG PO'I TSES BCU GCIG PA LA SLEB PA NA CHEN PO'I TSAD KYI BYIS PA'O, ,ZHES PA NAS, SMIN PAR 'GYUR RO'I BAR SHES SLA'O, ,DE BZHIN DU NAG PO'I TSES GCIG GI MUN PA DE GNYIS PA'I SDE TSAN LA 'BRING PO'I TSAD KYI BYIS PA LA SOGS PA DANG, DANG PO'I SDE TSAN LA NAG PO'I TSES GCIG LA ZHUGS PA'I MUN PA DE TSES GCIG RANG DUS NA CHUNG NGU'I TSAD KYI BYIS PA, DE GNYIS SU SLEB PA NA CHUNG NGU'I TSAD KYI GZHON NU SOGS KYI'O, ,DE NAS DKAR PO'I TSES GCIG 'ONGS PA NA NAG 'PO'I TSES GCIG GI SKABS SU ZHUGS PA'I SA'I KHAMS KYI MTSAN NYID KYI MUN PA CHEN PO'I TSAD KYIS SMIN PA THOB ZAN PA DE SEL BAR 'GYUR RO, ,LNGA'I BAR LA'ANG DE LTAR SBYAR TE, RANG RANG GI DUS LA LTOS PA'I BCU DRUG PA LAS SEL BA'I DON TO, ,DE LTAR DKAR PO'I CHA DANG PO TSES GCIG GI RANG DUS NA CHUNG NGU'I TSAD KYIS BU MO DE DKAR PHYOGS KYI SDE TSAN DANG PO'I SA'I
, ,KHAMS RDZOGS PA TSES LNGA'I MTHAR NI MUN PA SEL BA CHUNG NGU'I TSAD KYIS SMIN PAR 'GYUR RO, ,DKAR CHA GNYIS PA NI TSES LNGA DER RGAN MO'O, ,DKAR CHA GSUM PA NI TSES LNGA DER LANG TSO MA'O, ,DKAR CHA BZHI PA NI TSES LNGA DER GZHON NU MA'O, ,DKAR CHA LNGA PA NI TSES LNGA RANG DUS DER CHUNG NGU'I TSAD KYI BU MO'O, ,DE DAG NI ZLA BA SNGA MA'I DKAR PHYOGS KYI TSES DANG PO LNGA'I DKAR CHA'I RGYUN, ZLA BA SNGA MA'I NAG PHYOGS LA MUN PA ZHUGS NAS NUB PA DE NYID, SLAR YANG ZLA BA PHYI MA'I TSES LNGA PA 'DIR MUN PA ZHUGS PA DE BSAL BA'I TSUL GYIS SHAR BA YIN LA, DA DUNG ZLA BA SNGA MA'I TSES DRUG DANG LA SOGS PA BCO LNGA PA'I BAR GYI DKAR CHA NI ZLA BA SNGA MA'I NAG PHYOGS LA ZHUGS PA'I MUN PA BSAL MA ZIN PAS NUB PAR GYUR PA'I TSUL DU GNAS SO, ,RNAMS ZHES PA TSUL DU BZHED PA LTAR RO, ,'DIR DKAR PHYOGS THABS DANG NAG PHYOGS SHES RAB YIN PA LA, DKAR PHYOGS LA BU MO SOGS KYI THA SNYAD KYIS GSUNGS SHING, NAG PHYOGS LA BYIS PA SOGS KYI THA SNYAD KYIS GSUNGS PA NI BSAM PA'I SGO NAS THA SNYAD MDZAD PA YIN LA, LUS KYI SGO NAS THA SNYAD MDZAD PA NI 'OG TU GSUNG BAR 'GYUR RO, ,DE LTAR CHUNG NGU'I SDE TSAN LA, ZHES PA NAS NUB PAR 'GYUR RO, ZHES PA'I BAR GYI DKAR CHA RNAMS RANG DUS NAS BRTZAS PA'I TSES BCU DRUG PA LA MUN PA ZHUGS NAS NUB PAR 'GYUR ZHING, NUB DUS DE NAS BRTZIS PA'I BCU DRUG PA LA MUN PA BSAL NAS 'CHAR BA'I DON TO, ,'DIR DPYAD PAR BYA BA'I GNAS 'DI YOD DE, CI DKAR PHYOGS LA ZLA BA'I DKAR CHA JI CHER 'PHEL NAS BCO LNGA'I TSE NYA GANG BAR MTHONG LA, NAG PHYOGS LA RIM GYIS 'GRIB
CING GNAM STONG LA MI MTHONG BA 'DI LTAR 'GYUR BA'I RGYU CI ZHIG YIN ZHE NA, 'DI LA CHOS MNGON PA BDAG MI MTHUN TE, MDZOD LAS NYI MA DANG NI NYE BA LAS, ,RANG GI GRIB MAS 'GRIB PAR SNANG, ZHES 'BYUNG ZHING, DE YANG GDAGS PA DANG, GZHUNG 'DI 'GREL PA 'GREL BSHAD DANG BCAS PA DAG GI LUGS LA, ZLA BA DANG NYI MA'I GZHAL MED KHANG GNYIS KYI 'OG GZHI SA'I PHYOGS LA BSTAN PA'I MTHIL GANG YIN PA DE NI RIM PA BZHIN NOR BU CHU SHEL DANG, ME SHEL GYI RANG BZHIN YIN LA, STENG GI PHYOGS RNAMS NI DE LAS GZHAN PA'I KHAMS RNYOG MA CAN LAS BYAS PAR BSHAD CING, GANG GI TSE NYI MA DANG SHIN TU NYE BA LAS DE'I 'OD ZER ZLA BA LA PHOG STE PHAR PHYOGS SU RANG GI GRIB MA PHOG PAR BAB PAS ZLA BA MA LUS PAR 'GRIB PAR SNANG BA DANG, NYI MA DANG CUNG ZAD CUNG ZAD RING BAR GYUR PA NA RANG GI GRIB MAS BSGRIB PA JE CHUNG DU GYUR PA'I PHYIR ZLA BA'I CHA 'PHEL BAR SNANG BAR 'GYUR ZHING, ZLA BA NYI MA DANG SHIN TU RING BAR GYUR NAS RANG GI GRIB MAS CUNG ZAD KYANG BSGRIB PA MED PA DE'I TSE ZLA BA'I DKYIL 'KHOR GANG BAR SNANG BA YIN NO, ZHES 'CHAD DE, DE YANG ZLA NYI THAD DKAR GNAS PA'I NYI MA'I 'OD ZLA BA'I LOGS GCIG LA PHOG PA'I GRIB MA 'OG GZHI LA DANG POR CUNG ZAD BABS PA DE NYI MA JI TZAM NYE BAR GYUR PAS LOGS KYI GRIB MA 'OG GZHI LA 'BAB PA JE CHER 'GYUR TE GNAM STONG GI TSE ZLA BA'I 'GRAM LOGS GCIG GI GRIB MA 'GRAM LOGS CIG SHOS KYI RTZA BAR REG PAS 'OG GZHI MA LUS PA GRIB MAS NON PAR 'GYUR LA, GANG GRIB MAS NON PA DE MI RNAMS KYIS MI MTHONG ZHING, MA NON PA RNAMS MTHONG BAR 'DOD PA'O, ,MDZOD KYI LUGS
, ,LA NYI MA STENG ZLA BA 'OG TU GNAS PA'I MTHO DMA'I KHYAD YOD PA DANG, GNAM GANG LTA BU'I TSE ZLA NYI STENG 'OG THAD KAR 'BAB PA NA, NYI MA'I 'OD ZLA BA'I MTHIL THAMS CAD LA 'PHOG CING, CUNG ZAD CUNG ZAD SHAR NUB LA BSNOL BCAN GYIS 'OG GZHI LA NYI MA PHOG PA JE CHUNG DANG, RANG GI LOGS KYI GRIB MA 'BAB PA JE CHER GYUR PA'I NYI MA'I 'OD PHOG PA RNAMS 'OD DES ZIL GYIS MNAN PAS MI MTHONG LA GRIB MA PHOG PA RNAMS KYI ZLA BA'I RANG MDOG GSAL BAR MTHONG BA YIN NO, ZHES SMRA BA DAG NI LUGS DE LA YANG BYUNG RGYAL SMRA BA STE RANG GI GRIB MAS 'GRIB PAR BSHAD PA'I GZHUNG GI DON NYI MA'I 'OD KYIS 'GRIB PAR SNANG BA DANG, RANG GI GRIB MAS GSAL BAR SNANG BA LA BSHAD NAS BZLOG STE SMRA BA'I PHYIR DANG, GANG SPEL LAS DE NAS PHA ROL GYI NGOS SU RANG GI GZHAL MED KHANG GI 'OD LA GNOD PA BYED PA'I GRIB MAS MTHONG BA LA SGRIB PAR BYAS PA NA, ZLA BA DKYIL 'KHOR MA RANGS PAR SNANG NGO, ,DES NA DE'I PHA ROL GYI DOGS SU GRIB MA 'BAB PAS DKYIL 'KHOR MA RANGS PAR SNANG STE, GRIB MA BAB PA NI MI SNANG LA, MA BAB BA NI SNANG NGO, ZHES BSHAD PA SOGS LA BLTA BA'I BYA BA TZAM YANG MA BYAS PAR RANG DGAR SMRA BA LA ZHUGS PA'I PHYIR RO, ,SLOB DPON CHEN PO 'PHAGS PA THOGS MED KYIS SA'I DNGOS GZHIR GSUNGS PA NI, DE GNYIS KYI 'OG GZHI'I PHYI NGOS SA LA BSTAN BA NI, RIN PO CHE ME SHEL DANG CHU SHEL LAS GRUB CING , GNYIS GA'I MTHIL GYI STENG GSER GYI RVA BAS BSKOR BA, DNGUL DANG BEEd'URYA DANG SHEL DANG GSER GYI RTZIG SKYABS BZHI DANG MDA' YAB DANG ZAM PA RGYUD MA BZHI DANG LDAN PA GZHAL YAS KHANG DANG,
SKYED MOS TSAL DANG, DPAG BSAM GYI SHING LA SOGS PA'I 'BYOR PA DU MA DANG BCAS PA STE, LHA'I BU NYI MA DANG ZLA BA 'KHOR DANG BCAS PA'I GNAS SU BSHAD LA, DE NYID LA ZLA BA'I DKYIL 'KHOR NI YID TZAM GYIS STENG DU 'DZUR BA NA ZLA KHAM DU SNANG STE, DE'I PHA ROL GYI NGOS DE TSU ROL GYI NGOS KYIS BSGRIBS PA'I PHYIR MI SNANG STE, JI LTA JI LTAR 'DZUR BA DE LTA DE LTAR SHIN TU GANG BAR SNANG NGO, ,MAR GYI DO LA NI JI LTA JI LTAR THUNG NGU 'DZUR BA DE LTA DE LTAR BRI BAR SNANG NGO, ,RGYA MTSO CHEN PO NA NYA DANG RUS SBAL LA SOGS PA GNAS PA'I GZUGS BRNYAN 'BYUNG BA'I PHYIR ZLA BA'I NANG NA RI RI PO YOD PAR SNANG NGO ZHES GSUNGS TE, ZLA BA'I DKYIL 'KHOR GYI MTHA' SKOR ZLUM PO MAndAL LTAR YOD PA DE NYID GNAM GANG GI TSE MI RNAMS KYI PHYOGS LA MAndAL GYI MTHA' ZUR LTA BU DE NYID THUR DU BSTAN PA'I TSUL DU GNAS PA YAR NGO'I TSES GCIG NAS YID TZAM STE BAG TZAM STENG DU BTAG PA NAS ZLA KHAM PHRA MA SNANG BA DANG, DE NAS RIM GYIS RIM GYIS STENG DU BTEG PAS MTHIL RDZOGS PAR MTHONG BA NA NYA GANG BAR SNANG BA DANG, SLAR YANG MAR DO LA ZUR DE CUNG ZAD CUNG ZAD THUR DU 'DZUR ZHING NGOS STENG DU PHYOGS PAS BRI BAR SNANG BA'I DON NO, ,ZLA BA'I DKYIL 'KHOR CHA GANG BA DANG BRI BA SOGS SU SNANG BA MNGON SUM TSAD MAS GRUB KYANG DE LTAR 'GYUR BA'I RGYU MTSAN JI LTA BU ZHIG YIN PA NI DA LTA RANG CAG RNAMS LA SHIN TU LKOG TU GYUR PAR SNANG BAS SPYAD PA GSUM GYIS DAG PA'I LUNG RNAM DAG LA BRTEN NAS SHES DGOS SO, ,'ON KYANG DUS 'KHOR BA'I LUGS LA NYI MAS NAM MKHA'I KHYON LA CIG CAR RGYU SKAR NYER BDUN GYI PHYED KYI KHYON LA 'OD
, ,KYIS KHYAB KYI DE LAS LHAG PA MI KHYAB PAR BSHAD LA, TSUL DE NI MNGON PA GANG 'OG GNYIS GA'I LUGS LA'ANG 'DOD DGOS TE, SA'I DNGOS GZHIR NYI MA'I DKYIL 'KHOR NI GLING GNYIS CIG CAR SNANG BAR BYED LA, GLING GNYIS CIG CAR MUN PAR BYED DO, ,DE BAS NA GCIG TU NYI MA PHYED LA, GCIG TU NI 'CHAR RO, ,GCIG TU NI NAM PHYED LA, GCIG TU NI NUB BO, ZHES DANG, MDZOD DU, NAM PHYED NYI MA NUB PA DANG, ,NYI MA PHYED DANG 'CHAR DUS GCIG ,CES GSUNGS PAS, DE GNYIS KA'I LUGS LA CIG CAR GLING BZHI'I PHYED SNANG BAR BYED KYI, DE BAS LHAG PA SNANG MI NUS PAR BZHED PA'I PHYIR DANG, DE DANG GLING BZHI'I STENG GI THAD KYI NAM MKHA'I KHYON LA 'OD KYIS JI TZAM KHYAB PA MTSUNGS PA'I PHYIR RO, ,DE LTAR NA GNAM GANG GI TSE NYI ZLA RGYU SKAR GCIG GI NAM MKHA'I KHYON DU NYE BAR 'DZOM NAS, DE NAS ZHAG RE BZHIN SKAR KHONGS RE TZAM GYI TSAD KYIS RING DU RING DU SONG BA NA, TSES BDUN GYI TSE NYI MAS SHAR DU RGYU SKAR PHYED DANG BDUN LHAG TZAM DANG NUB TU RGYU SKAR PHYED DANG BDUN LHAG TZAM GYI BAR DU 'OD KYIS KHYAB KYI DE PHAN CHAD DU MI KHYAB CING, ZLA BA DANG GNYIS KYI BAR NA YANG DE TZAM YOD PAS NYI MA'I 'OD KYIS ZLA BA LA REG PA TZAM 'ONG DU CHUG KYANG, TSES BRGYAD NAS BCU BZHI'I BAR LA NI ZHAG RE BZHIN KHYAD ZHUGS NAS NYI MA'I 'OD KYIS ZLA BA YOD PA'I PHYOGS SU RGYU SKAR PHYED DANG BDUN DANG BZHI CHA'I KHYON LAS MI SLEB LA, NYI MA DANG ZLA BA'I 'OD KYI BAR RGYU SKAR BRGYAD DANG DGU LA SOGS PAS CHOD PA'I PHYIR NYI MA'I 'OD KYIS ZLA BA LA REG PA'I GO SKABS GA LA
YOD; DE'I PHYIR NYI MA'I 'OD KYIS ZLA BA LA REG PA'I GRIB MAS DE DAG GI TSE JI LTAR 'GRIB PAR 'GYUR ZHES DOGS PAR 'GYUR PA'I GNAS YOD DO, ,'ON KYANG LUGS 'DIR NI, ZLA BA'I DKYIL 'KHOR YANG NANG GI KHU BA DANG CHOS MTSUNGS PA SNANG BA'I CHAR GYUR PA'I KHAMS LNGA DANG, NANG GI RDUL DANG CHOS MTSUNGS PA MUN PA'I CHAR GYUR PA'I KHAMS LNGA STE KHAMS BCU'I BDAG NYID YIN LA, DE GNYIS KYANG RE MOS KYIS 'PHEL 'GRIB DU 'GYUR BA LAS GANG GI TSE SNANG BA'I CHAR GYUR PA'I KHAMS LNGA SKYE RIM GYIS 'PHEL BA DE'I TSE DKAR CHA 'PHEL BAR 'GYUR LA, SNANG BA'I CHAR GYUR PA'I KHAMS LNGA'I 'PHEL BA RDZOGS PA NA MUN PA'I CHAR GYUR PA'I KHAMS SDUD RIM GYIS 'PHEL BA RTZOM PAR 'GYUR ZHING DE'I TSE DKAR CHA RIM GYIS 'GRIB CING NAG CHA RIM GYIS 'PHEL BAR 'GYUR LA, MUN PA'I CHAR GYUR PA'I KHAMS 'PHEL BA RDZOGS PA DANG SNANG BA'I CHAR GYUR PA'I KHAMS LNGA'I 'PHEL BA RTZOM PA BAR MA CHAD PAR 'BYUNG STE, NANG DU KHU BA 'PHEL BA DANG, RDUL 'PHEL BA BAR MA CHAD PAR 'BYUNG BA DANG, GA-YON SKYE RIM GYI DKYIL 'KHOR LNGA DANG, GA-YAS SDUD RIM GYI DKYIL 'KHOR LNGA RGYU BA BAR MA CHAD PAR RE MOS KYI 'BYUNG BA BZHIN NO, ZHES BSHAD PAR BYA LA, SNANG BA'I CHAR GYUR PA'I KHAMS LNGA DANG, MUN PA'I CHAR GYUR PA'I KHAMS LNGA 'PHEL 'GRIB RE MOS SU 'BYUNG BA DE'I RGYU CI ZHIG CE NA, NANG DU KHU RDUL GYI 'PHEL 'GRIB RE MOS SU 'BYUNG BA DANG, GA-YAS GA-YON GYI DKYIL 'KHOR LNGA'I RGYU BA RE MOS KYI SA BAR MA CHAD PAR 'GYUR
, ,BA DE'I RGYU CI ZHIG YIN ZHES BRJOD PAR BYA'O, ,DE NI KHAMS DRUG LDAN GYI SKYES BU'I LUS 'GRUB PA'I RGYUR GYUR PA'I LAS KYI MTHU BSAM GYIS MI KHYAB PA'I DBANG GIS 'BYUNG BA'I RTEN CING 'BREL BAR 'BYUNG BA'I CHOS NYID DO ZHE NA, ZLA BA'I DKYIL 'KHOR GYI KHAMS LNGA'I 'PHEL 'GRIB KYI TSUL LA'ANG RGYU NI TSUL DE LTA BU STE, LAS TSUL BSAM GYIS MI KHYAB PAS SPRUL PA'I RTEN CING 'BREL BAR 'BYUNG BA'I CHOS NYID DO ZHES BRJOD PAR MI NUS PA JI ZHIG YOD DE, DE LAS GZHAN DU SMRA BAR MI BYA'O, ,GSUM PA DE'I SA BON GYI DBYE BA NGOS BZUNG BA NI, DE LTAR AA SOGS SUM BCU'I DBYANGS NI ZLA BA'I CHA'I MING SNGAGS TE, ZLA BA'I CHA GANG ZHIG CE NA DKAR PO'I CHA BCO LNGA RNAMS DANG, DE DAG LA MUN PA ZHUGS PA NAG POR NYE BAR GTOGS PAS NAG PO'I MING CAN RNAMS SO, ,DE DAG GI MING SNGAGS DBYANGS SUM CU GANG ZHE NA, DKAR PO DANG ZHES PA NAS, SGRIB PAR BYED PA'O'I BAR RO, ,DE LA SPYIR DBYANGS RNAMS LAS THUNG NGU NI ZLA BA'O, ,RING PO NI NYI MA'O, ,DE BZHIN DU YON TAN GYI DBYANGS NI ZLA BA'O, ,'PHEL BA NI NYI MA STE, HA LA SOGS PA LNGA NI SNGA MA BZHIN DU THUNG DU ZLA BA'I CHA'I MING SNGAGS DANG, RING PO NYI MA'I CHA'I SA BON NO, ,GNYIS PA NYI MA'I 'PHEL 'GRIB BSHAD PA LA GSUM, SPYIR BSTAN PA BYE BRAG TU BSHAD PA, DON BSDUS TE NGES DON MTSAN BRJOD KYI LUNG DANG SBYAR BA'O, ,DANG PO LA GSUM, YI GE'I SDE BA NGOS BZUNG NAS SO SOR SDUD PAS DBYANGS GSAL GYI RIGS DBYE BA, KHAMS DRUG TU PHYE BA'I GSAL BYED SUM CU DBYANGS
BCU GNYIS KYIS BSGYUR BA LO GCIG LA SPYOD TSUL, NYIN MTSAN GYI 'PHEL 'GRIB NYI ZLA SGRA GCAN GYI CHA BSHAD PA'O, ,DANG PO NI, ZLA BAS DBYANGS SPYOD TSUL DE LTAR YIN PAR MA ZAD NYIN BYED KYANG KA LA SOGS PA'I SDE RNAMS SROG GI DBYANGS DANG BCAS PA NYIN ZHAG STONG DRUG ME STE, SUM BRGYA DRUG CU YI TSAD KYIS SPYOD PAR BYED CES PA'I DON NI, THOG MAR KA LA SOGS PA'I SDE RNAMS, ZHES PA 'CHAD PA LA, 'DIR NAS, TSOGS SO, ZHES PA NI YI GE LNGA LNGA'I TSOGS PA LA SDE BAR 'JOG PA'I DON TO, ,DE LA KA TZA tA PA TA SA'I SDE PA'AM TSOGS PA DRUG NI RIM PA BZHIN NAM MKHA' DANG LA SOGS PA RLUNG ME CHU SA YI SHES KYI KHAMS DRUG DANG, DE DAG GI TSOGS PA CAN NAM NANG TSAN GYI YI GE LNGA LNGA NI RIM PA BZHIN SA DAG LA SOGS PA CHU ME RLUNG DANG NAM MKHA'I KHAMS LNGAR KLOG CING THA SNYAD BYED DE, DBYANGS KYI TSOGS NI DE LTA BU'I DBYE BA MED PAR TSOGS PA DANG TSOGS PA CAN THAMS CAD NAM MKHA' LA SOGS PA'I SKYE BA'I RIM PAS KHAMS LNGAR KLOG GO .'DIR YI GE GANG DBYANGS GSAL GANG DU SO SOR SDUD PAR SHES PAR BYED PA NI, 'JAM DPAL GYI BY'A KA RA nA LAS GSUNGS PA GSAL BYED BKLAG PA THAMS CAD LA SGRA BA GZHAN LA GRAGS PA DANG MI 'DRA BAR 'DIR GSAL BYED DAG SUM CU STE, YA YIG LA SOGS PA BZHI SGRA'I BSTAN BCOS GZHAN DU KA YIG LA SOGS PA GSAL BYED DU BSDUS PA DE DAG 'DIR GSAL BYED DU BKLAG PAR MA BSDUS SHING, AA LA SOGS PA DBYANGS KYI SDE TSAN DU BKLAG PA'AM BRJOD DE, YA SOGS BZHI PO DE RNAMS
, ,NI DBYANGS AI Ri AU Li'I YI GE'I RNAM PAR 'GYUR BA YIN PA'I PHYIR RO, ,DES NA DBYANGS RNAMS NI 'DI LTA STE, ZHES SOGS DANG, DE'I 'OG TU GSAL BYED NI NGA NYA, ZHES PA NAS NYPA SAS ZHES PA STE, AA KA ZHES PAS AA AI Ri AU Li'I BAR BSTAN PA LTA BU SDE PA SO SO'I DANG PO'I YI GE DANG MTHA'I YI GE SBYAR TE BKLAGS PA LAS BAR GYI YI GE RNAMS GO PA'I SGO NAS SDE SO SOR SHES PAR BYED PAS SO, ,SNGAR DBYANGS KYI RNAM PAR 'GYUR BA'O ZHES PA DE'I RGYU MTSAN 'CHAD PA NI, YA YIG LA SOGS PA NI KA YIG LA SOGS PA'I SDE PA'I NANG DU MI 'GYUR TE, SAm PRAS RA nA, ZHES PA 'DIR RAB TU BRJOD PAR BSGYUR ZHING, KHA CIG GIS 'PHO BAR BSGYUR 'GYUR MANGS SU SAm PRA SA RA nA LA DBYANGS KYI CHOS NYID YIN PA'I PHYIR RO, ZHES SKAD DOD SOR BZHAG BYAS KYANG, DBANG GIS SLAR BSGYUR BAS DBYANGS KYI CHOS CAN NYID YIN PA'I PHYIR RO, ZHES BSGYUR BA SHIN TU LEGS TE, AI Ri AU Li BZHI RIM PA BZHIN YAR WA LAR GYUR PA DE NYID SLAR YANG PHAR BSGYUR NA YA AI Ri RA DANG, WA AU DANG, Li LA RU 'GYUR NAS SNGAR GYI DBYANGS AI Ri AU Li RA LOG NAS 'GRO BA'I CHOS CAN NYID YIN PA'I PHYIR RO ZHES PA'I DON TO, ,GNYIS PA NI, DE'I PHYIR ZHES PA NAS, RANG BZHIN TE, KA SDE NAM MKHA'I KHAMS SU GNAS PA'I MGRIN PA LAS BRJOD PA NAS, SA SDE SA'I KHAMS SU GNAS PA'I SO LAS BRJOD PA'I DBANG GIS SO, ,SDE PA DRUG PA NI KA SHA shA WA SA'I YI GE LNGA SO SOR GNAS LNGA NAS BRJOD PA LAS KHAMS LNGA'I BDAG NYID DO, ,KA LA SOGS PA'I ZHES PA NAS, DE DAG KYANG DBYANGS DANG GSAL BYED MTSUNGS PAR LDAN
PAS BRJOD PAR BYA STE, DBYANGS DE DAG SREG TU ZHUGS PA DANG LDAN PA'I GSAL BYED NI DBYANGS DANG BCAS PA'O, ,NYIN GZHAG CES PA NAS, GANG DU ZHES BYA BA LA THUGS PA'I BAR GYI TSIG DON GO SLA STE, SDE PA DRUG GI YI GE SUM CU'I RE RE LA YANG DBYANGS THUNG NGU LNGA DANG THIG LE CAN TE DRUG DRUG SROG TU ZHUGS PAS PHYE BA'I YI GE BRGYA BRGYAD CU LHO 'GROD KYI KHYIM GZHAG GI SA BON DANG, DE BZHIN DU DBYANGS RING PO DANG TSE DRAG CAN GYI SDE PA DRUG GI YI GE RE RE NAS PHYE BA BRGYA BRGYAD CU 'GROD KYI KHYIM GZHAG GI SA BON DU BYAS NAS SA BON DE SNYED KYI GRANGS KYI KHYIM ZHAG ZLA BA DRUG DRUG LA NYI MAS SPYOD PA'I DON TO, ,GSUM PA NI, KHYIM GANG DE DBYANGS THUNG NGU DANG BCAS PA'I SNGAGS KYI SA BON CAN GYI NYIN ZHAG SPYOD PA DER MTSAN MO RING ZHING 'PHEL BAR 'GYUR RO, ,GANG DU DBYANGS RING PO DANG BCAS PA'I GSAL BYED SA BON DU YOD PA'I NYIN ZHAG SPYOD PA DER NYIN MO 'PHEL ZHING RING BAR 'GYUR RO, ,NANG DU KHYIM BCU GNYIS KYI RTZA LA 'PHO CHEN BCU GNYIS KYI RLUNG RGYU BA NA, GA-YON GYI KHYIM DRUG GI RTZA NAS RGYU BA'I RLUNG NI GA-YON KHU BA'I RTZA RKYANG MA LA RGYA ZHING, GA-YAS KYI RTZA DRUG NAS RGYU BA'I RLUNG NI GA-YAS RDUL GYI RTZA RO MA NAS RGYU LA, PHYI ROL DU'ANG LHO BGROD LA MTSAN MO ZLA BA'I CHA 'PHEL ZHING NYIN MO NYI MA'I CHA 'GRIB PA DANG BYANG BGROD LA DE LAS BZLOG PAS DE'I PHYIR 'DIR LHOR BGROD PA NI ZLA BA'O, BYANG DU BGROD PA NI NYI MA'I, ,SA BON LA YANG LUS KYI YI GE GSAL BYED GCIG NI ZLA BA'I CHAR GYUR PA'I'O, ZHES SOGS DANG, DE BZHIN DU SROG GI YI GE DBYANGS THUNG NGU NI ZHES SOGS SOK, ,DE LTAR SGRA GCAN GYI SA BON DBYANGS SHIN TU RING PO LA DBYANGS THUNG NGU
, ,GCIG GI SUM 'GYUR GYI TSAD YOD PA DES MTSON PA'I DON SGRA GCAN LA MUN PA'I YON TAN RNAM PA GSUM STE CHUNG NGU DANG 'BRING DANG CHEN PO'I BDAG NYID DO, ,ZLA NYI SGRA GCAN GYI SA BON LA RIM PA 'DI LTAR GSUNGS PA NI, BU LON GYI RIM PA YIN PAS YE SHES CHA LA DGONGS PA YIN TE ZLA BA LA DRUG CU RTZA BZHI CHA, NYI MA LA SO GNYIS CHA, SGRA GCAN LA BCU DRUG CHA BU LON DU 'GYUR BAS SO, ,'DIR SGRA GCAN GYI SA BON GYI SROG GI DBYANGS SUM 'GYUR DU GSUNGS PA BU LON DU 'GYUR TSUL GYI SGO NAS YIN LA, YE SHES LE'UR SGRA GCAN GYI SA BON DBYANGS PHYED DU GSUNGS PA LONGS SPYOD KYI SGO NAS YIN PAS MI 'GAL LO, ,GNYIS PA BYE BRAG TU BSHAD PA LA GNYIS, ,'PHO BA RNAMS KYI NYIN ZHAG GANG LA YI GE GANG SPYOD TSUL DANG, NYIN MTSAN 'PHEL BA'I NYIN ZHAG RNAMS LA SPYOD PA'I YI GE DE DAG RE RE NAS NGOS BZUNG BA'O, ,DANG PO NI, 'DIR NYI MA LHO PHYOGS SU BGROD PA GANG NAS MGO BRTZAMS PA'I KRKA tA'I KHYIM 'PHO BA'I NYIN ZHAG DANG PO LA KHAMS DRUG SPRO BA'I DBYE BAS KA SDE'I NGA YIG SROG GI DBYANGS AA YIG DANG BCAS PA NYI MAS SPYOD DO, ,NYIN ZHAG GNYIS PA LA DI ZHES PA NAS, RIG PAR BYA'O, ZHES PA'I BAR RO, ,STONG PA'I NYIN ZHAG 'GA' ZHIG LA GZHOM DU MED PA'O, ZHES PA NI NYI MA KHYIM 'PHO BA BCU GNYIS LA NYIN ZHAG GSUM BRGYA DRUG CUR BYAS PA NI RIGS RTZIS YIN GYI, ZHIB TU BRTZIS NA SUM BRGYA DRUG CU RTZA LNGA YOD CING, DE 'DRA BA'I LHAG PO'I NYIN ZHAG 'GA' ZHIG LO DE NI NYI MA'I LONGS SPYOD LA CHAD PA'I BU LON BSAGS PA'I YE SHES KYI CHA'I ZHAG YIN PAS STONG PA'I NYIN ZHAG CES
BYA LA, DE'I SA BON GYIS YI GE NI GZHOM DU MED PA NA' DA'O ZHES MKHAS PA DAG BZHED PA LTAR LEGS LA, KHA CIG GZHOM MED KYI YI GE AA LA 'CHAD KYANG, NYIN ZHAG DANG PO DANG DBYANGS KHYAD PAR MED PA MI 'THAD DAM SNYAM MO, ,GZHUNG GZHAN RNAMS NI LHO BGROD KYI ZHAG RNAMS LA GSAL BYED KYI SDE TSAN LUGS 'BYUNG SDE TSAN RE {RANG}, RE'I NANG GI GSAL BYED {DAM}, KYI LNGA LNGA PO RNAMS LUGS LDOG, SROG TU ZHUGS PA'I DBYANGS DRUG PO'I RIM PA LUGS 'BYUNG DU BYAS PA DANG, BYANG BGROD KYI YI GE RNAMS KYIS GSAL BYED KYI SDE PA LUGS LDOG SDE PA RE RE'I NANG GI YI GE LNGA PO RNAMS LUGS 'BYUNG, DE DAG GI SROG TU ZHUGS PA'I DBYANGS RING PO LNGA DANG TSEG DRAG CAN TE DRUG PO LUGS LDOG TU SBYAR BA STE GO BAR ZAD DO, ,GNYIS PA NI, 'DIR MTSAN MO DANG NYIN MO 'PHEL BA'I RANG BZHIN GYI YI GE RNAMS NI, ZHES PA NAS, GNYI GA NYI MA'I MTSAN NYID YIN NO, ZHES PA'I MTHAR THUG PA'I BAR LA MI SHES PA CUNG ZAD KYANG MED DE, GNYI GA NI DBYANGS GSAL GNYI GA'O, ,GSAL BYED GCIG DBYANGS RING PO DANG LDAN PA NI LUS ZLA BA DANG SOG NYI MA'I BDAG NYID DU 'GYUR RO, ,DE BZHIN DU GSAL BYED GNYIS BRTZEGS PA DBYANGS THUNG NGU DANG LDAN PA NI LUS NYI MA DANG SROG ZLA BA'I BDAG NYID DU 'GYUR RO, ,DE BZHIN DU DBYANGS DANG GSAL BYED KYI DBYE BAS ZLA BA RKYANG PA DANG ZLA BA NYI MA DANG BCAS PA STE RNAM PA GNYIS DANG, NYI MA RKYANG PA DANG NYI MA GCIG ZLA BA DANG BCAS PA STE RNAM PA GNYIS KYI SA BON DU 'GYUR RO, ,DE BZHIN DU LO GNYIS PA LA YON TAN GYIS YI GE DANG LDAN PA'I GSAL BYED RKYANG PA LHOR BGROD KYI NYIN ZHAG RNAMS KYI SA BON DANG,
, ,'PHOL BA'I YI GE DANG LDAN PA'I GSAL BYED BRTZEGS PA RNAMS BYANG BGROD KYI ZLA BA'I NYIN ZHAG RNAMS KYI SA BON DANG, DE BZHIN DU LO GSUM PA YA nA'I YI GE HA YAR WA LA THUNG NGU HAm YIG STE DRUG DANG LDAN PA'I GSAL BYED RKYANG PA RNAMS LHOR BGROD KYI NYIN ZHAG RNAMS KYI SA BON DANG, HA SOGS RING PO LNGA HA: STE DRUG DANG LDAN PA'I GSAL BYED BRTZEGS PA RNAMS BYANG BGROD KYI NYIN ZHAG RNAMS KYI SA BON STE, DE LTAR LO GSUM GSUM LA RIG PAR BYA'O, ZHES PA NI PHYI ROL TU NYI MA'I BGROD PA'I DBYE BAS NYI MA'I RKANG PA'I DBYANGS KYI DBYE BA YIN LA, DE DANG SA BON GYI DBYANGS KYI DBYE BA GZHAN NAM MKHA' LA SOGS PA DKYIL 'KHOR LNGA 'BAB PA SUM BRGYA DRUG CU'I DBYE BAS TSUL MI 'DRA BA THA DAD PA NI NANG LER 'CHAD PAR 'GYUR BA BSHAD PAR BYA'O, ,'DIR KHA CIG DBYANGS 'CHAR DU 'CHAD PAR 'GYUR BA ZHES ZER BA NI RNAM PA MA SHAR BA STE, DBYANGS CHAR GYI SKABS SU BSHAD PA NI ZHAG GCIG GI DUS SBYOR BCU GNYIS GYI CHU TSOD LA YI GE SBYAR BA YIN BAS SUM BRGYA DRUG CU 'ONG DON MED LA, 'DI {NGAM} DANG 'OG TU 'CHAD PAR 'GYUR PA ZHES 'DIR GSUNGS PA GNYI GA LO GCIG GI ZHAG DANG YI GE SBYAR BA YIN PAS SUM BRGYA DRUG CU'I DBYE BAS THA DAD PA NI 'CHAD PAR 'GYUR ZHES DNGOS SU GSUNGS PA'I PHYIR RO, ,'DIR ZLA BA BCU GNYIS KYI ZHAG GI YI GE BSHAD PA 'DI DANG, NANG LER RTZA CHAD 'CHI LTAS KYI SKABS SU MCHU'I ZLA BA DANG CHU SRIN GYI 'PHO BA LA KA SDE'I GSAL BYED BRTZEGS PA'I YI GE
RNAMS LUGS 'BYUNG, DBYANGS RING PO RNAMS LUGS LDOG GO, DPO'I ZLA BA DANG BUM PA'I 'PHO BA LA KA SDE'I YI GE RNAMS RKYANG PA LUGS LDOG, DBYANGS THUNG DU LUGS 'BYUNG, DE BZHIN DU NYA DANG LUG GI KHYIM NAG PA DANG SA GA'I ZLA BA LA TZA SDE SBYOR TSUL GONG LTAR DANG; GLANG 'KHRAG GI ZLA BA GNYIS LA'ANG tA SDE'I YI GE SNGAR LTAR SBYOR ZHING, YI GE SDE TSAN LHAG MA GSUM DBYANGS DANG BCAS PA LHO BGROD KYI KHYIM DRUG GI ZLA BA LA'ANG TSUL DE LTAR SBYAR BA'I SGO NAS GSUNGS PA, DBANG LE DANG, SGRUB LER TSES LHA'I SA BON GYI SKABS SU DE LAS BZLOG NAS, MCHU'I ZLA BA LA KA SDE'I GSAL BYED RNAMS RKYANG PA LUGS LDOG DANG DBYANGS THUNG DU LUGS 'BYUNG, DPO'I ZLA BA LA KA SDE'I GSAL BYED RKYANG PA LUGS 'BYUNG, DBYANGS RING PO LUGS LDOG SOGS THAMS CAD LA SDE TSAN SO SO'I GSAL BYED DANG DBYANGS TSUL DE LTAR SBYAR NAS GSUNGS PA RNAMS SHIN TU MI MTHUN PA CHE BAR BYUNG BA 'DI DAG MI 'GAL BA'I TSUL JI LTAR 'CHAD CE NA, 'DI DAG LA SNGA MA PHAL CHE BA JI LTAR YANG MI GSUNG NGO, ,KHA CIG DGONGS PA BSAM GYIS MI KHYAB PA'AM, YANG NA CHOS THAMS CAD BDEN MED DU BSTAN PA'I PHYIR DU YIN NO ZHES ZER TE, BDEN MED KYI DON CHOS GANG LA YANG 'DI YIN 'DI MIN GYI NGES NGES BYA SA MED PA LA BZUNG BA'I 'CHAL GTAM SHOD DBANG SOGS CHEN PO'O, ,DE YANG SNGAGS MING DANG ZLA BA SO SO'I ZHAG PHYI NANG GZHAN GSUM LA SBYAR BA SOGS MING CAN DU GSUNGS PA 'DI DAG LA MING DANG MING CAN GYI 'BREL PA DNGOS PO PA YOD PAR KHAS BLANGS NA 'GAL BA BDEN MOD KYANG SGRA DNGOS DBANG GIS 'JUG PA
, ,MI SRID PAS DE 'DRA'I 'BREL BA DNGOS PO BA KHAS MI LEN LA, SEMS CAN RNAMS KYIS DON SO SO LA MING JI SNYED CIG BRDA SBYOR BA THAMS CAD NI 'DOD PA TZAM GYI RJES SU BYED PAS MING GCIG NYID KYANG DON THAMS CAD LA RUNG BAR RIGS PA'I DBANG PHYUG GIS GSUNGS SHING, RGYAL BAS MDO DANG RGYUD SDER MING BRDA MDZAD PA DAG KYANG RGYU MTSAN DANG DGOS PA MI 'DRA BA RE GZIGS PA LA BRTEN NAS RES 'GA' GANG ZHIG LA BRDA MDZAD RES 'GA' CI ZHIG LA BRDA MDZAD PA MI 'DRA BA SNA TSOGS PA DANG BRDA MDZAD TSUL THA DAD PA DU MA ZHIG YOD DE, MING GI RJES SU 'BRANGS NAS DON LA GZHAN DU RNAM PAR RTOG PAR MI BYA BAR SNGAR MANG DU GSUNGS PA LTAR RO, ,DE BAS NA RGYU MTSAN DANG DGOS PA PHYOGS RE NAS YI GE SBYOR TSUL MI 'DRA BA DE DAG BRDA MDZAD PA TZAM YIN PAS 'GAL BA MED DO, ,RGYU MTSAN DANG DGOS PA JI LTA BU ZHIG CE NA, SKABS 'DIR PHYI ROL GYI NYI MA'I KHYIM ZHAG GTZO BOR BYAS NAS DE'I MTSON BYED KYI MING GI YI GE GSUNGS PA YIN LA, LHO BGROD KYI KHYIM DRUG PO RE RE LA YANG, RAGS RTZIS SU KHYIM ZHAG SUM CU RER BYAS PA'I SUM CU PA SDE TSAN DRUG PO DE NYID SKABS DANG SBYAR NA RIM PA BZHIN NAM MKHA' RLUNG ME CHU SA YE SHES KYI KHAMS YIN PAS LHO BGROD KYI YI GE SDE TSAN LUGS 'BYUNG DU MDZAD DE, SDE TSAN DRUG RIM PA BZHIN NAM MKHA' RLUNG ME CHU SA YE SHES KYI KHAMS YIN PAS SO, ,KHYIM ZLA GCIG GI KHYIM ZHAG SUM CU PO DRUG TSAN LNGAR BYAS PA'I TSAN PA LNGA PO RIM PA BZHIN NAM MKHA' RLUNG ME CHU SA'I KHAMS YIN PAS SDE TSAN RE'I YI GE LNGA PO LUGS LDOG TU GSUNGS TE,
LUGS LDOG TU BYAS PA NAM MKHA' RLUNG ME CHU SA'I SPRO RIM DU 'GYUR BAS SO, ,ZHAG DRUG TSAN RE'I NANG GI KHYIM ZHAG DRUG PO'ANG RIM PA BZHIN NAM MKHA' RLUNG ME CHU SA YE SHES KYI KHAMS YIN PAS, SROG TU ZHUGS PA'I DBYANGS DRUG PO'ANG LUGS 'BYUNG DU GSUNGS TE, DBYANGS LUGS 'BYUNG SPRO RIM YIN PAS SO, ,PHYI ROL TU LHO BGROD THABS DANG BYANG BGROD SHES RAB YIN ZHING, 'DI PA'I LUGS KYI SHES RAB LA THABS KYI NYIS 'GYUR YIN PAS, LHO BGROD KYI GSAL BYED RKYANG PA DBYANGS THUNG NGU, BYANG BGROD KYI GSAL BYED GNYIS BRTZAGS DANG DBYANGS RING POR GSUNGS SHING, BYANG BGROD KYI KHYIM DRUG GI KHYIM ZHAG SUM CU PA SDE TSAN DRUG PO'I KHAMS SDUD RIM YIN PAS 'DIR BYANG BGROD KYI YI GE'I GSAL BYED SDE TSAN LUGS LDOG TU GSUNGS TE, SDE TSAN LUGS LDOG YE SHES SA CHU ME RLUNG NAM MKHA'I SDUD RIM YIN PAS SO, ,DE'I KHYIM ZLA RE'I KHYIM ZHAG SUM CU RE'ANG DRUG TSAN LNGAR BYAS PA'I TSAN PA LNGA PO KHAMS SA CHU ME RLUNG NAM MKHA'I RIM PA YIN PAS, GSAL BYED KYI SDE TSAN RE'I YI GE LNGA PO LUGS 'BYUNG DU GSUNGS TE, YI GE LNGA LUGS 'BYUNG SA CHU ME RLUNG NAM MKHA'I SDUD RIM YIN PAS SO, ,DRUG TSAN RE'I NANG GI KHYIM ZHAG DRUG PO'ANG RIM PA BZHIN YE SHES SA CHU ME RLUNG NAM MKHA'I KHAMS YIN PAS, YI GE RE RE'I SROG TU ZHUGS PA'I DBYANGS DRUG PO LUGS LDOG TU GSUNGS TE, DBYANGS DRUG LUGS LDOG NI RIM PA BZHIN YE SHES SA CHU ME RLUNG NAM MKHA'I KHAMS YIN PAS SO, ,DES NA 'DIR GSUNGS PA NI GTZO BOR PHYI'I KHYIM ZHAG GI BGROD PA DANG, KHAMS KYI RIM PA DANG MTHUN PAR MDZAD PA'O, ,
, ,NANG LER GSUNGS PA NI, PHYI NANG GZHAN GSUM KA LA SBYOR MOD KYI, GTZO BOR NANG LA SBYAR BA DANG, DE YANG LUS KYI RKANG LAG GA-YON GYI CHA RNAMS LHO BGROD DANG, RKANG LAG GA-YAS KYI CHA RNAMS BYANG BGROD LA MA SBYAR BAR, LAG PA GA-YAS GA-YON GNYIS GA'I TSIGS CHEN DRUG GI RTZA LA RGYU BA'I RLUNG BYANG BGROD KYI KHYIM DRUG GI ZHAG DANG, RKANG PA GA-YAS GA-YON GNYIS GA'I TSIGS CHEN DRUG GI RTZA LA RGYU BA'I RLUNG LHO BGROD KYI KHYIM DRUG GI ZHAG DANG SBYAR NAS DE DAG GI YI GE GSUNGS PA STE, DE LTAR MDZAD PA'I DGOS PA NI, STENG DU SROG GI RLUNG RTZA RNAMS LA RGYUS PAS NYI MA'I 'CHI LTAS 'PHEL BA DANG, 'OG TU THUR SEL GYI RLUNG RTZA RNAMS LA RGYUS PAS ZLA BA'I 'CHI LTAS 'PHEL BAR BSTAN PA'I PHYIR DU YIN NO, ,DE LTAR BYAS PA NA RKANG LAG GNYIS GA LA YANG GA-YON THABS DANG, GA-YAS SHES RAB TU 'JOG CING, SHES RAB LA THABS KYI NYIS 'GYUR YIN PAS, GA-YON GYI RTZA DANG RLUNG LA SBYAR BA'I YI GE GSAL BYED RNAMS RKYANG PA DANG DBYANGS RNAMS THUNG NGU, GA-YAS LA DE'I NYIS 'GYUR DU MDZAD NAS, GSAL BYED RNAMS BRTZEGS PA DANG, DBYANGS RNAMS RING POR GSUNGS SHING, GA-YAS KYI RKANG LAG GI TSIGS CHE CHUNG GI RTZA LA RGYU BA'I RLUNG DE DAG NI, GA-YAS RO MA'I NANG DU DKYIL 'KHOR LNGA SDUD RIM GYIS RGYU BA'I RLUNG GI CHA YIN PAS, DE DAG GI YI GE'ANG GSAL BYED LUGS 'BYUNG DANG DBYANGS LUGS LDOG GI SGO NAS DBYANGS GSAL GNYIS GA SDUD RIMS SU BSTAN LA, GA-YON GYI RKANG LAG GI TSIGS DE DAG LA RGYU BA'I RLUNG NI GA-YON RKYANG MA LA DKYIL 'KHOR LNGA'I RLUNG SPRO RIM GYIS RGYU
PA'I RLUNG GI CHA YIN PAS, DE DAG GI YANG GSAL BYED RNAMS LUGS LDOG DANG, DBYANGS RNAMS LUGS 'GYUR GI SGO NAS SPRO BA'I RIM PAS GSUNGS SO, ,TSES LHA'I SKABS SU NI ZHAG THAMS CAD KYANG TSES ZHAG GI DBANG DU MDZAD KYI, KHYIM ZHAG MA YIN LA, KHYIM ZHAG NYI MA'I CHOS DANG TSES ZHAG ZLA BA'I CHOS YIN PAS, ZHAG THAMS CAD KYI GSAL BYED KYI YI GE BRTZEGS PA MED PAR RKYANG PA 'BA' ZHIG GSUNGS LA, TSES ZLA RE RE RAGS RTZIS KYIS CHOS ZHAG SUM CU RER BYAS PA'I TSES ZHAG SUM CU PA SDE CHEN BCU GNYIS PO DE'I NANG NAS, NAG PA DANG SA GA GNYIS RLUNG, SNRON DANG CHU STONG GNYIS ME, GRO BZHIN KHRUMS STOD GNYIS CHU, THA SKAR SMIN DRUG GNYIS SA, MGO RGYAL GNYIS NAM MKHA', MCHU DBO GNYIS YE SHES SU BYAS NAS, DE LA YANG NAG PA'I ZLA BA NI RLUNG LA THABS SHES GNYIS SU PHYE BA'I THABS DANG, SA GA NI DE LTAR PHYE BA'I SHES RAB YIN PAS, NAG ZLA'I TSES SUM CU'I GSAL BYED KYI YI GE LUGS LDOG GI SGO NAS SPRO RIM DANG DBYANGS THUNG DU, SA GA'I GSAL BYED RNAMS SDUD RIM DANG DBYANGS RING POR MDZAD CING, MCHU DANG DPO'I BAR LA'ANG DE LTAR SHES PAR BYA'O, ,'DI LTAR PHYI NANG GZHAN GSUM THAMS CAD KYI KHAMS SO SO DANG THABS SHES DANG LUS BSAM LA SOGS PA RE RE NAS ZHIB PAR SHES NAS GANG GI SKABS SU GANG BAB PA MA 'DRES PAR 'BYED SHES PA'I MKHAS PA LA 'DI LTA BU LA SOGS PA GONG 'OG DU MA ZHIG GI 'CHAD TSUL MI 'DRA BA JI LTAR BYUNG BA THAMS CAD 'GAL MED DU 'CHAD PA GZO BA'I 'CHAD PA POR 'GYUR MOD KYANG, NGES DON ZAB MO LTA ZHOG 'DI TZAM DAG LA'ANG CI BYA GTOL MED DU GYUR PA SHAS CHE BAR SNANG NGO, ,GSUM PA
, ,DON BSDUS TE NGES DON MTSAN BRJOD KYI LUNG DANG SBYAR BA NI, 'DIR 'DI DAG GI NGES DON MDOR BSDUS PA SGYU 'PHRUL DRA BA LAS, SANGS RGYAS ZHES PA NAS, ZHES BCOM LDAN 'DAS KYIS GSUNGS SO, ZHES LUNG BKOD NAS DE'I DON 'GREL BA NI; RKANG PA THA MA GNYIS DANG PO'I MGOR DRANGS NAS 'CHAD DE, GANG ZHIG GANG DANG 'BREL BA NI, ,RING NA 'DUG KYANG DE DANG DER ZHES BYA BA'I TSUL GYIS SO, ,'DIR NANG GI DKAR PO'I PHYOGS KHU BA 'PHEL BA LA NANG GI TSES LNGA PA DANG BCU PA DANG NYA NI CHAGS PA'O, ,NAG PO RDUL 'PHEL BA'I KHAMS DKAR PO ZANG PA'I PHYOGS LA NANG GI MAR NGO'I TSES LNGA PA DANG BCU PA DANG GNAM STONG NI CHAG BRAL LO, ,'DI GNYIS KYI DBUS THIG LE RDO RJE NOR BU'I RTZE NAS GTZUG TOR BAR DU RIM PA BZHIN MAS BRTAN PA'I DGA' BA'I CHA BCO LNGA'I LNGA PA GSUM LA CHUNG NGU DANG 'BRING DANG CHEN PO'I RDZOGS PA RER BYAS PA'I RDZOGS PA GSUM GYI MJUG MAS BRTAN GYI MCHOG TU MI 'GYUR BA'I DGA' BA BZHI'I NANG NAS DGA' BRAL GYI MTHAR BYUNG BA, ZHES PA NI CHAGS BRAL DANG PE CHAGS PA CHE, ZHES PA'I 'GREL PA'O, ,TSIGS BCAD GZHAN THAMS CAD LA 'GREL PA BYUNG BA LA, RKANG PA THA MA'I 'GREL PA GZHAN MA BYUNG BAS 'DI LTAR SBYAR DGOS TE, KHA DOG GI SKAD DOD WARnA YI GE LA'ANG 'JUG PAS KHA DOG SNA TSOGS TE STONG PA CHEN PO YI GE LNGA YE SHES LNGA'I SNANG BA 'BAR BA'I 'OD GCIG TU 'DRES PAR 'GYUR BA'I RNAL 'BYOR LHAN CIG SKYES PA'I YE SHES MTHAR THUG PA NI DE BZHIN GSHEGS PA RNAMS KYIS THUGS TE, DE'I
PHYIR SANGS RGYAS KUN GYI THUGS, CHEN PO NI MCHOG TU MI 'GYUR BA'I DGA' BA BCU DRUG LA BZHAG PA'I ZLA BA CHA BCU DRUG PA'I MTHAR YI GE LNGA 'DUS PA'I STONG PA CHEN PO'O, ZHES PA RKANG PA DANG PO'I 'GREL BA'O, ,SANGS RGYAS KUN GYI THUGS LA GNAS NI KHAMS DMAR PO GTZUG TOR NAS RDO RJE NOR BU'I RTZE BAR DU THUR LA BSTAN PA'I CHA LA BCU DRUG TU PHYE BA'I NAG PHYOGS LNGA TSAN GSUM RDZOGS PA'I GNAM STONG GI MTHA', PHYI ROL TU DKAR PO'I CHA DANG PO 'CHAR BAR RTZOM PA'I 'TSAMS NYI MA MUN PA BCU DRUG PAR THA SNYAD BYAS PA DANG CHOS MTHUN PA'I MTHAR BEM PO'I KHAMS MA LUS PAR ZAD NAS RNAM PA THAMS CAD PA'I PHYAG RGYA CHEN MO'I SKUR GRUB PA'I THIG LE STONG PA YI GE DRUG GO, ZHES PA DE NYID LA LHAN SKYES KYI SDE CHEN DE GNAS PA'I DON TE RKANG PA GNYIS PA'I 'GREL PA'O, ,DE BZHIN DU SANGS RGYAS KUN GYI SKU CHE BA NI LHAN SKYES KYI SKU STONG PA CHEN PO YI GE LNGA'O, ,SANGS RGYAS KUN GYI GSUNG YANG YIN NI RLUNG 'PHO BA BCU GNYIS 'GAGS PA'I THIG LE STONG PA YI GE DRUG GO, RDO RJE NYI MA SNANG BA CHE NI NYI MA THUR DU BRTAN PA RDZOGS PA'I THIG LE STONG PA YI GE DRUG GO, RDO RJE ZLA BA DRI MED 'OD NI ZLA BA STENG DU BRTAN PA RDZOGS PA'I STONG PA CHEN PO YI GE LNGA'O, ,DE DAG LAS YI GE DRUG SHES RAB NYI MA'I LONGS SPYOD DANG, YI GE LNGA THABS ZLA BA'I LONGS SPYOD KYI CHOS SU 'JOG PA NI NANG LER 'CHAD PAR 'GYUR BA LAS RGYA CHER BRJOD PAR BYA STE, DE NI GSANG SNGAGS SKYE GNAS YI GE MED, CES PAS BSTAN LA, DE BZHIN DU GSANG SNGAGS CHEN PO RIGS GSUM PA, ZHES PAS BSTAN PA'I RIGS KYI DBYE BA YANG NANG GA
, ,LER RGYA CHER BSHAD PAR BYA'O, ,LUNG DON 'GREL PA RANG NYID KYIS 'DI LTAR BSHAD BZHIN DU DE BOR NAS KUN NAS MNAR SEMS MED PA'I THUGS RJE CHEN PO'I NGO BOS SANGS RGYAS KUN GYI THUGS CHEN PO, SEMS MED PA'I SEMS SANGS RGYAS KUN GYI THUGS LA GNAS SHING THIM PA ZHES SOGS DANG, RDO RJE NYI MA SNANG BA CHE DANG RDO RJE ZLA BA DRI MED 'OD RTZA GA-YAS GA-YON LA SBYAR BA SOGS KYI BSHAD PA BYED PA NI, 'GREL PA 'DIR DRANGS PA'I MTSAN BRJOD KYI LUNG RNAMS LA KHO BO CAG GIS BSHAD PA BYAS PA GZHAN MTHA' DAG KYANG 'GREL PA MDZAD PA RANG NYID KYIS LUNG DE DAG LA BSHAD PA MDZAD DU ZIN NA LEGS PAR 'GAL BA'I TSUL 'DI LTA BU RE 'BYUNG NGO ZHES {RANG NGAM} MTSON PAR BYA BA'I SLAD DU BRIS PA'O, ,BZHI PA NYIN MTSAN 'PHEL BA GRIB KYI CHU TSOD KYI SNGAGS BSHAD PA NI, NGA NI ZHES PA NAS, CHU TSOD KYI SA BON GSUNGS PA, ZHES PAS 'TSAMS SBYAR NAS, HA SOGS ZHES PA LA SOGS PA LA, HA SOGS LNGA LA DBYANGS YA nAR BSGYUR BA'I HA SOGS LNGA DBYANGS KYI HA SOGS DANG, DBYANGS BSGYUR BA LAS HA SOGS SU 'GYUR BA MA YIN PA'I DANG PO NAS HA SOGS KYI YI GE'I RIGS SU GRUB PA NI GSAL BYED KYI HA SOGS SU BYA DGOS KYI GSAL BYED KYI HA SOGS GTAN MED PAR 'DIR KHAS BLANG DU MI RUNG BAS GANG DU 'JAM DPAL GYIS BYA KA RA nA LAS GSUNGS PA'I TSUL BSHAD PA DE YANG SGRA BA GZHAN DAG 'DOD PA LTAR HA SOGS LA DBYANGS MED PAR GSAL BYED KHO NAS KHYAB PAR 'DOD PA 'GOG PAR BYA DGOS SO, ,DE BAS NA 'DIR YA nAR BSGYUR BA'I HA LA SOGS PA DE DAG DBYANGS KYANG YIN PAS NA HA SOGS DBYANGS RNAMS SO, ,KYANG YIG
GIS LA nAR BSGYUR BA LAS GZHAN PA'I HA SOGS GSAL BYED DO ZHES PA'I DON TO, ,YANG NA HA SOGS LNGA DBYANGS KYI RNAM PAR 'GYUR BA YIN PA'I CHA NAS DBYANGS DANG HA SOGS KYI YI GE RANG GI LDOG PA NAS GSAL BYED KYANG YIN PA'I DON DU BYAS NAS, SNGAR GSAL BYED KHO NA YIN PA BKAG PA LA BSHAD KYANG RUNG NGO, ,HA SOGS LNGA PO DE DANG, DBYANGS AA AI Ri AU Li THUNG NGU LNGA DANG RING PO LNGA DANG THIG LE DANG RNAM PAR BCAD PA STE BCU GNYIS PA DANG BCAS PA NI DBYANGS DRUG CUR 'GYUR RO, ,DE LA MTSAN MO 'PHEL BA LA ZHES SOGS TE; DE'I TSE MTSAN PHYED NAS NYIN PHYED KYI BAR DBYANGS RING PO DANG LDAN PA RNAMS SA BON DU 'GYUR RO, ,NYIN MO 'PHEL BA LA ZHES SOGS TE, DE'I TSE NYI MA PHYED NAS MTSAN PHYED KYI BAR LA DBYANGS THUNG NGU DANG LDAN PA RNAMS SA BON DU 'GYUR RO, ,DE LTAR ZHES SOGS GZHAN RNAMS GO SLA LA, KHU BA DANG ZLA BA NI SHES RAB KYI STE MO LA BSAM BA ZHUGS PA'I STOBS LAS BYUNG BA NYID KYI PHYIR BSAM PA'I SGO NAS SHES RAB DANG, THABS PHO'I LUS LAS BYUNG BA NYID KYI PHYIR LUS KYI SGO NAS THABS SO, ,'OG MA LA'ANG DE DANG 'DRA BAR SBYAR TE, GZHI DUS KYI THABS SHES PHO MO LA DE LTAR GTZO BOR SBYAR NAS, PHYI NANG CHOS MTHUN PA'I SGO NAS PHYI LA'ANG GONG DU BSHAD MA THAG PA LTA BU LA SOGS PA'I LUS BSAM GYI DBYE BA RNAMS DANG, SBYANG BZHI DANG CHOS MTHUN PA'I SGO NAS SBYONG BYED LAM DANG, 'BRAS BU LHA LA 'ANG LUS BSAM GYI DBYE BA RGYAS PAR BYED PA LA BSHAD NA LEGS PAR GO BAR 'GYUR GYI, 'DIR KHU BA DANG ZLA BA WAm YIG DANG, RDUL DANG NYI MA AE YIG GO ZHES SMRAS {RANG} KYANG 'BREL CI'ANG SHES PAR MI 'GYUR RO, ,DE LTAR THAMS CAD DU RJES SU RTOGS PAR BYA'O ZHES
, ,PA'ANG GZHI DUS KYI THABS SHES PHO MO LA DE LTAR YOD PA DANG CHOS MTHUN SBYAR BA'I SGO NAS PHYI DANG GZHAN LAM DANG, 'BRAS BU THAMS CAD DU LUS BSAM GYIS DBYE BA RJES SU RTOG PAR BYA'O, ZHES BYA BA'I DON TO, ,LNGA PA BRTAN GA-YO KHAMS GSUM PA 'BYUNG BA'I SNGAGS BSHAD PA NI, DA NI ZHES SOGS KYIS 'TSAMS SBYAR NAS, RTZA BA'I TSIG DON 'CHAD PA DNGOS NI LHA MI ZHES SOGS TE, DE DAG THAMS CAD SO SO'I MING DANG AOm LA SOGS PA SBYAR TE, SNGAGS KYI MING GIS BRTAN GA-YO'I CHOS DE DANG DE MING CAN DU BYAS PA'I SNGAGS SU 'GYUR RO, ,DE YANG KHAMS GSUM PO 'DI'I SNOD BCUD KYI DNGOS PO GANG GI MING GANG YIN PA DE SGRUB PA PO RANG GI 'DOD PA'I DON SNA TSOGS BSGRUB PA'I SLAD DU SNGAGS KYI BRDAR 'GYUR TE, CHOS DE DANG DE'I MING GI DANG PO'I YI GE NI GANG YONGS SU GYUR PA LAS CHOS DE DANG DE BSKYED NAS SGOM PA'I YE SHES KYI SA BON DU 'GYUR ZHING, MING MTHA' DAG GI MGOR AOm DANG MTHAR H'Um PHAtA DAM SvA' H'A SOGS SBYAR BA NI BZLAS PA'I SNGAGS SU 'GYUR RO, ,DES NA ZHI BA LA SOGS DON SNA TSOGS BSGRUB PA'I SLAD DU SEMS CAN MTHA' YAS PA'I MING GI DBYE BAS SNGAGS MTHA' YAS PAR KHONG DU CHUD PAR BYA'O, ,DPER NA DGE BA DANG MI DGE BA'I 'BRAS BU'I DON DU MING GIS YI GE DANG POS KHYIM GANG LA SKYES PA'I KHYIM SHES SHING, DE LAS DGE MI DGE'I 'BRAS BU SHES PA DANG, DGRA ZLA GNYIS KYI MING GI YI GE THAMS CAD KYIS KYANG, DBYANGS RNAMS PHYUNG STE MANG NYUNG RTZIS PA NA DBYANGS DMAN PA DANG LHAG PAS GA-YUL 'GYED PA RGYAL PHAM LA SOGS PA'I 'BRAS BU SHES PA BZHIN NO, ,RGYA GAR LA SOGS PA NA BYIS PA SKYES PA NA RTZIS MKHAN GYIS KHYIM GANG LA 'DUG
PA BRTZIS NAS DE'I SGO NAS DE DANG MTHUN PA'I MING 'DOGS PAS DE LTA BU LA LEGS PAR SHES PA YIN GYI, BOD LTA BU DE 'DRA'I RNAM DBYE MED PA LA SHES DKA', ,DE BZHIN DU MING THAMS CAD KYI DANG PO'I YI GES BSGOM PA'I SA BON DANG, MING THAMS CAD KYIS KYANG BZLAS PA'I BYA BA 'DOD PA'I 'BRAS BU 'GRUB STE, RTEN CING 'BREL PAR 'BYUNG BA LA 'KHRUL PA STE BSLU BA MED CING, NOR BU DANG SNGAGS DANG SMAN GYI MTHU RNAL 'BYOR PA RANG GI SEMS RNAL 'BYOR GOMS PA'I STOBS KYIS YONGS SU GYUR PA LAS 'BYUNG BA NA BSAM GYIS MI KHYAB BO, ,AA SOGS KA SOGS LDAN PA DAG LAS ZHES PA LA, MING DE DAG THAMS CAD KYANG A'A LI K'A LIR MA 'DUS PA MED PAS MING GI YI GE'I AA SOGS NI AA YIG LA SOGS PA STE DBYANGS KYI TSOGS SO, ,KA SOGS LDAN PA NI KA YIG LA SOGS PA GSAL BYED LDAN PA DAG LAS SO, ,DE LTAR NI SNGAR BRJOD PA'I MING YIG DANG PO SA BON GYI SNGAGS SU 'GYUR BA'I RIM PA 'DIS SO, ,KHAMS GSUM ZHES PA NAS RANG RANG GI MING YIG DANG PO SA BON DU BYAS PA LAS NGES PAR BSKYED PAR 'GYUR RO, ,MI'I BDAG CES PA NI ZLA BA BZANG PO LA BOD PA'O, ,ZLA BA'I CHA 'PHEL 'GRIB DANG NYI MA'I 'PHEL 'GRIB LA SOGS PA'I SA BON DANG, DON SNA TSOGS PA BSGRUB PA'I SNGAGS DANG PO'I SANGS RGYAS LAS BSDUS PA'I MDOR BSDUS TE MDOR BSTAN PA'O, , DRUG PA RTZA BRGYUD NAS DBYANGS RNAMS KYI SKYE BA'I GNAS LA SOGS PA GSUNGS PA BSDUS PA'I TSIGS SU BCAD PA DGU PA BSHAD PA LA GNYIS, BSHAD PAR DAM BCA' BA DANG, BSHAD PA DNGOS SO, ,DANG PO NI, DA NI ZHES SOGS SO, ,GNYIS PA NI, DBYANGS NI,
, ,ZHES PA NAS, ZHES PA STE, AA SOGS LNGA'I GRANGS JI LTA BA BZHIN KA YIG LA SOGS PA'I SDE BA DANG SBYAR NAS AA KU AI TZU ZHES SOGS SU BYAS PA DANG, THKA LA SOGS PA'I YI GE LNGA PO SO SO DANG SBYAR BA NI THKA SHA shA NYPA SA DANG YANG DAG PAR SBYAR BA RNAMS KYI SKYE GNAS TE, RTZA BAR SOGS PA SMOS PA'I PHYIR HA YA RA VA LA DANG LDAN PA RNAMS KYI SKYE GNAS SO, ,DE LTAR YANG AA KU ZHES PA KA SDE DANG, HA SOGS LNGA'I DANG PO HA YIG DANG, SA SDE'I DANG PO THKA RNAM PAR BCAD PA RNAMS MGRIN PA LAS BYUNG BA'O, ,DE BZHIN DU SBYAR TE, ZHES SKYE BA'I GNAS KHAMS LNGA'I DBYE BAS LNGAR GSUNGS SO, ,MGRIN RKAN STENG GI CHA STE SPYI BO RNAMS YI GE KHAMS JI LTAR GYUR PA'I SKYE GNAS YIN ZHE NA, GSUM PO DE RIM PA BZHIN NAM MKHA' DANG, RLUNG DANG, BSREG ZA MO'I KHAMS LAS SKYES PA'I YI GE'I GNAS SO, ,MCHU DANG SO NI RIM PA BZHIN CHU DANG SA DAG GI KHAMS KYI YI GE SKYE BA'I GNAS SU AA KU HA RNAM PAR BCAD PA'I YI GE LA SOGS PA GONG DU BRJOD PA'I TSAN PA LNGA PO DE RNAM GRANGS JI LTA BA BZHIN DU SKYE BA STE, SKYE BA ZHES PA NI GNAS DE DAG TU STE DE DAG DANG SKYES BU'I RTZOL BA SOGS DANG PHRAD CING LEGS PAR SBYAR BA LAS YI GE DE DANG DE BRJOD PA RNAMS KYI SGRA'I GDANGS RDZOGS PAR THON PA'I SGO NAS DON RTOGS PAR BYED PA'O, ,DE LTAR SNGAGS KYI SKYE BA'I GNAS SHES PA LA DGOS PA CI ZHIG YOD CE NA, 'DIR NAS, GZHAN NI ZHI RGYAS SOGS KYI LAS SGRUB PA LA RIGS LNGAR GTOGS PA'I LHA RNAMS LUS LA BSGOM PA'I GNAS KYI DON DU LUS KYI 'KHOR LO'I DBYE BAS SKYE
PA'I GNAS BRJOD PA, AA SOGS RNAMS NI ZHES PA NAS, RIG PAR BYA'O, ,TSUL JI LTAR NA, 'DIR AA KU HA RNAM PAR BCAD PA'I YI GE GANG YANG RUNG BA NAM MKHA'I KHAMS MI BSKYOD PA'I RIGS KYI LHA BSKYED PA'I DON DU LUS LA 'GOD PA NI GTZUG TOR NAM MKHA'I KHAMS KYI 'KHOR LO LA BSGOM PAR BYA'O, ,LHAG MA BZHI'ANG DE LTAR SBYAR RO, ,DE BZHIN DU RTZA'I 'KHOR LO LNGA PO DE'I KHA DOG KYANG KHAMS LNGA'I DBYE BAS BSGOM PAR BYA STE, SNA TSOGS NI ZHES PA NAS, LTE BA'I 'KHOR LO, DE DAG GANG DU LHA GANG BSGOM PA YANG KHAMS KYI DBYE BAS TE, DE YANG 'KHOR LO GANG NA RANG NYID DANG PHUNG PO KHAMS KYI RIGS MTHUN PA'I LHAG PA'I LHA DANG LDAN PA LA'O ZHES PA NI GRANGS JI LTA BA BZHIN DU RNAM PAR SHES PA'I PHUNG PO DANG NAM MKHA'I KHAMS KYI RIGS SU GYUR PA'I LHAG PA'I LHA MA BSKYOD PA'I RIGS SU GTOGS PA DANG LDAN PA NI, GTZUG TOR GYI 'KHOR LO LA BSGOM PAR BYA'O, ,DE LTAR LHAG MA BZHI LA'ANG SBYAR TE, DE LTAR PHUNG PO KHAMS KYI LHAG PA'I LHA DANG LDAN PA'I 'KHOR LO LNGA LA BSGOM PAR BYA'O, ,ZHES PA MJUG BSDU PA'O; ;CHUL 'DIS DBANG LER 'CHAD PAR 'GYUR BA LA KHAMS KYI RIGS KYI DBYE BAS YAN LAG LA SNGAGS DGOD PA LA SOGS PA RIG PAR BYA'O, ,DE LTAR DBYANGS RNAMS KYI SKYE BA'I GNAS NGES PAR BSTAN PA'O, ZHES PA BSHAD ZIN PAR BSTAN PA'I TSIG GO ;BDUN PA MDOR BSDUS KYI MTSAN BSTAN PA NI, DPAL MCHOG GI DANG PO'I SANGS RGYAS LAS ZHES SOGS SO, ,SMRAS PA, ZAB YANGS RNAM DPYOD 'O MA'I CHU GTER RIGS PA'I RLABS PHRENG GA-YO BA CAN, ,SNGON MED LEGS BSHAD PADMO RGYAS PA'I DON
, ,ZAB DRI LEN GYIS BOS PA, ,SKAL LDAN BUNG BA DGA' BA'I DBYANGS KYI NYES BSHAD NGAN SKYUGS KHROD DAG NA, ,MCHOG TU KHENGS LDAN KHvA TA'I TSOGS LA 'PHYA BA GSAL BAR BYED PA BZHIN, ,BCOM LDAN 'DAS DPAL DUS KYI 'KHOR LO MCHOG GI DANG PO'I SANGS RGYAS KYI RTZA BA'I RGYUD LAS BYUNG BA BSDUS PA'I RGYUD KYI RGYAS 'GREL DRI MA MED PA'I 'OD KYI RGYA CHAR BSHAD PA DE KHO NA NYID SNANG BAR BYED PA ZHES BYA BA LAS MDOR BSDUS BDUN PA'I RNAM PAR BSHAD PA'O,, ,, GSER 'OD 'JAM PA'I SPYAN LDAN PA, ,KHYOD GSUNG SNANG BAS 'JIG RTEN 'DI, ,BDE LEGS GO SKABS THOB PA GANG, ,STON PA DE LA PHYAG 'TSAL NAS, ,MTHA' DAG SEMS CAN BSAM PA LA, ,LAS KYI TSON RIS RNAM BKRA PA, ,MA LUS GZIGS PA DE YI GSUNG, ,DON LDAN GANG 'DI DBYE BAR BYA, ,GNYIS PA GDUL BYA'I BSAM PA DANG MTHUN PAR 'JIG RTEN GYI CHAD BSTAN PA'I MDOR BSDUS LA GSUM, BSHAD PAR DAM BCA' BA, MDOR BSDUS KYI GZHUNG BSHAD PA, MDOR BSDUS KYI MTSAN BSTAN PA'O, ,DANG PO NI, DA NI BCOM LDAN 'DAS KYIS SEMS CAN GYI BSAM PA'I DBANG GI SA STE GDUL BYA'I BSAM NGOR JI LTAR SNANG TSUL LA BLTAS NAS SNOD BCUD KYI 'JIG RTEN GYI KHAMS KYI RGYA DBANGS DANG GRANGS LA SOGS PA'I TSAD RTZA RGYUD LAS GSUNGS PA SDUD PAR MDZAD PA PO 'JAM DPAL GYIS TSIGS SU BCAD PA BCU PA LA SOGS PAS MCHOG GI DANG PO'I SANGS RGYAS RTZA RGYUD LAS BSDUS PA'I ZHES PA NAS, DGROL BAR
BYA'O, ,GNYIS PA LA BZHI, RTEN SNOD KYI 'JIG RTEN GYI CHANGS RLUNG LA SOGS PA'I DKYIL 'KHOR DANG RGYA MTSO DANG GLING DANG RI'I GRANGS LA SOGS PA'I NGO BO NYID KYIS GNAS PA DGU PA BSHAD PA, BRTEN PA BCUD KYI SEMS CAN SRID PA SUM CU RTZA GCIG GI NGO BO NYID KYI GNAS PA BCU PA BSHAD PA, KHYAD PAR DU 'DZAM BU GLING DU 'KHOR LO BSGYUR BA CHEN PO 'BYUNG BA'I NGO BO NYID KYIS GNAS PA BCU GCIG PA BSHAD PA, DE RNAMS KYI DUS NGES BYED SHIN TU PHRA BA'I DBUGS LA SOGS PAS NYIN MO'I TSAD LA SOGS PA'I NGO BO NYID KYIS GNAS PA BCU GNYIS PA BSHAD PA'O, ,DANG PO LA GSUM, BSHAD BYA RGYUD KYI TSIG DGOD PA, DE DANG PHYOGS GZHAN NAS GSUNGS PA TSUL MI MTHUN PA'I DOGS GCOD BSHAD PA, RGYUD KYI TSIG DON BSHAD PA DNGOS SO, ,DANG PO NI, RLUNG GI ZHES PA NAS, ZHES PA LA'I BAR RO, ,GNYIS PA NI, 'GREL CHEN 'DI NYID DU, 'DIR 'JIG RTEN GYI KUN RDZOB TU MOS PA SNA TSOGS PA'I SEMS CAN GYI BSAM PA'I DBANG GIS, ZHES BYA BA NAS BRTZAMS TE, 'JIG RTEN GYI KHAMS KYI TSAD DANG LUS KYI TSAD DKYIL 'KHOR GYI DON DU BCOM LDAN 'DAS KYIS GSUNGS SO, ZHES BYA BA'I BAR NI, THOG MAR DOGS PA GCOD PA'I YAN LAG TU GSUNGS PA YIN NO, ,DOGS PA JI LTA BU ZHIG GCOD PA YIN ZHE NA, CHOS MNGON PA'I MDO LAS SNOD DANG BCUD KYI 'JIG RTEN GYI RNAM PAR BZHAG PA RGYA CHER BSHAD PA DAG DANG, RGYUD 'DIR DE DAG GI RNAM PAR BZHAG PA BSTAN PA DAG LA MI MTHUN PA SHIN TU CHE ZHING GRANGS MANG BAR BYUNG BAS, DE LA KHA CIG SANGS RGYAS RDZUN GSUNG BA 'AM, 'ON TE RANG TSIG 'GAL
, ,BA GSUNG BA GANG YIN SNYAM DU DOGS PAR 'GYUR BA SPANG BA'I SLAD DU 'GREL BA'I DOGS GCOD 'DI DAG GSUNGS PA YIN MOD KYI, DE LTA NA YANG 'PHAGS PA'I YUL DANG GANGS RI'I KHROD 'DI NI MANG DU THOS PA'I SPYAN DANG LDAN PA KHA CIG DE LAS KYANG RNAM PA GZHAN DU RGOL BAR BYED DE 'DI LTAR, CHOS MNGON PA'I SDE SNOD LAS GSUNGS PA GANG YIN PA DE NI BCOM LDAN 'DAS KYI GSUNG RAB LAS 'BYUNG BA'I RNAM BZHAG BSNYON DU MED PA YIN LA, DE DANG SHIN TU 'GAL BA'I TSUL 'DI LTAR BSTAN PA LAS NA 'DI NI BCOM LDAN 'DAS NYID KYIS GSUNGS PA'I RGYUD RNAM PAR DAG PA MA YIN ZHING, 'GREL PA BYED PA PO DAG KYANG SA BCU PA'I BYANG CHUB SEMS DPA' MA YIN NO ZHES MGRIN PA BRGYAD STE SMRA BAR BYED DO, ,DE'I PHYIR MAN NGAG SNYE MA LAS, 'O NA DUS KYI 'KHOR LO DANG DE'I RJES SU 'BRANGS PA'I GZHUNG RNAMS SU THEG PA GSUM DANG 'GAL BA'I RNAM PAR BZHAG PA MANG PO RNAMS BYAS TE, DE'I GZHUNG BYED PA GRAGS PA DANG PAD+MA DKAR PO DANG RDO RJE SNYING PO DANG PHYAG NA RDO RJE'I MING CAN DE RNAMS KYANG BYANG CHUB SEMS DPA' RNAMS MA YIN PA KHO NA'O, ZHES MANG DU MKHYEN PA RNAMS SMRA'O, ZHES PHYOGS SNGA MA BRJOD PAR MDZAD DE, MANG DU MKHYEN PA NI SLOB DPON SH'NTI PA YIN PAR GRAGS LA, RNAMS ZHES PA'I TSIG LAS NI GZHAN YANG YOD PAR GSAL ZHING, BOD DU YANG 'DUS PA PA CHEN PO RDOG DANG RIGS RAL LA SOGS PA SNGA PHYIR CI RIGS SU BYUNG NGO, ,GNAS 'DI NI RGYUD 'DI LA MOS PA THOB PA DANG, NGES PA RNYED PA'I GEGS SHIN TU CHE BA DANG, SNGAGS DANG PHA ROL TU PHYIN PA'I
GZHUNG LUGS CHEN PO MNGON PA'I SDE SNOD LA SOGS PA GZHAN DAG LA GTING PHYIN PA ZHIB PAR SBYANGS SHING MANG DU THOS PA RTOG PA DANG LDAN PA DAG LA NI DOGS PA'I GNAS KYANG SHIN TU CHE'O, ,DE LTA NA YANG LUGS 'DI LA ZHEN PA TZAM GYIS 'JUG PA GZHUNG LUGS CHEN PO GZHAN GANG LA'ANG NGES PA GTING TSUGS PA MA RNYED CING, BLO GROS BLUN PO RIGS PA'I LAM BTANG NAS SNYING KHAMS LHUR LEN PA DAG NI LUGS 'DI DANG MI MTHUN PAR GANG BSTAN PA'I MDO BSTAN BCOS DE DAG THAMS CAD SNYING PO MED CING YID BRTAN DU MI RUNG BA STE, RNAL 'BYOR PA YANG BLO KHYAD KYIS, ,GONG MA GONG MA RNAMS KYIS GNOD, CES GSUNGS PA LTAR, THEG PA DE GRUB MTHA' GONG MA GONG MAS 'OG MA 'OG MA LA GNOD PA YIN PAS, 'DI NAS GSUNGS PA NYID KYIS DE DANG MI MTHUN PA THAMS CAD 'GOG CING DE DAG LA GNOD PA 'BAB PA YIN PA'I PHYIR RO, ,DE BAS NA 'DI KHO NA BDEN GYI MNGON PA SOGS NAS BSHAD PA NI DE LTA MA YIN NO, ZHES GSUNG RAB SPONG BA LA SOM NYI MED PAR ZHUGS TE, LUNG DANG RIGS PA'I GNOD PA GANG LA YANG DOGS PA DANG YA NGA BA MED PAR NGAN SMRAS KYI BZLAS PA LA BRTZON PAR BYAS PA TZAM GYIS LUGS 'DI GNOD MED DU GRUB PAR NSEMS SO, ,DE LTA MOD KYI CHOS GCIG LA MOS PA LTAR SNANG RE SKYES PA NA DE DANG 'CHAD TSUL MI 'DRA BA'I CHOS GZHAN MTHA' DAG SPONG BA LA TSAM TSOM MED PAR 'JUG PA NI RANG GZHAN PHUNG BAR BYED PA'I RGYU YIN PAS, KHO BO CAG DAM PA'I MGON GYIS YONGS ,SU ZIN PA DAG NI LEGS PA MA YIN PAS LAM YONGS SU BTANG STE DAM PA'I TSES SPONG BA'I LAS KYI SGRIB PA LA
, ,MI ZAD PA'I DUG DANG 'DRA BAR BLTAS TE 'DUG GO ,DE YANG 'GREL CHEN RANG NYID KYIS DOGS PA LEGS PAR SPANGS PA 'DI'I DON KHONG DU CHUD NA DOGS PA'I GNAS DAG LAS LDOG PAR 'GYUR MOD KYI, 'ON KYANG THOG MAR 'DI BRJOD PAR BYA STE, CHOS MNGON PA LAS GSUNGS PA DANG RGYUD 'DIR GSUNGS PA LA TSUL MI 'DRA BA SHIN TU CHE BA NI, RI RAB KYI DBYIBS MI 'DRA BA GRU BZHI DANG ZLUM PO'I KHYAD PAR DANG, KHA DOG MI 'DRA BA YANG MNGON PA BA DAG LTAR NA, RI RAB SHAR DNGUL, LHO BEE d'U RA+YA, NUB SHEL DMAR PO, BYANG GSER YIN PAS DE DAG GI KHA DOG CAN YIN LA, DE'I 'OD BAR SNANG LA SONG BAS GLING BZHI SO SO'I THAD KYI NAM MKHA'I KHA DOG KYANG DE DANG DE'I KHA DOG TU SNANG NGO ZHES GRAG GO ,'DIR NI RI RAB KYI SHAR NAG LHO DMAR BYANG DKAR NUB SER BAR BSHAD LA, CHAD KYANG MNGON PA LAS NI DPAG TSAD BRGYAD KHRI CHU 'TSAMS YAN CHAD DU 'PHAGS SHING BRGYAD KHRI CHU'I NANG DU NUB PA LA LHA MA YIN DAG GNAS PAR BSHAD LA, 'DIR NI SA'I STENG DU RI RAB KYI DPANGS DPAG TSAD 'BUM PHRAG GCIG TU BSHAD CING, 'DIR BSHAD PA'I DPAG TSAD 'BUM PHRAG GCIG LA MNGON PA BA'I 'BUM PHRAG GNYIS 'ONG NGO, ,DE BZHIN DU MNGON PA NAS RI RAB KYI MTHA' SKOR LA GSER GYI RI BDUN DANG ROL MTSO BDUN SPEL NAS GNAS PAR BSHAD KYI, DE DAG GI BAR NA GLING MED LA, 'DIR NI 'CHAD PAR 'GYUR BA LTAR GLING DRUG ,MTSO DRUG ,RI DRUG GIS SKOR BA'I PHYI ROL NA GLING BDUN PA 'DZAM GLING CHEN PO DANG, RGYA MTSO BDUN PA PHYI'I RGYA MTSOR GRAGS PA BA TSVA'I RGYA MTSO DANG, RI BDUN PA KHOR YUG GI RIR
BSHAD LA, DE YANG 'DIR NI LCAGS BSREGS KYI RANG BZHIN DU 'DOD DO, ,GLING BCU GNYIS KYI MTHA' SKOR DANG, KHOR YUG GI MTHA' SKOR GYI TSAD SOGS KYANG SHIN TU MI MTHUN PA 'CHAD PAR 'GYUR BA LTAR YOD PA SOGS CHES MANG BA 'DI DAG LA, 'GREL CHEN DU SANGS RGYAS PA'I MDZOD MTHONG NAS ZHES GSUNGS PA TZAM LA BRTEN NAS MNGON PA MDZOD DANG 'GAL BA SPONG BA TZAM ZHIG GIS MI CHOG GI ,SPYIR CHOS MNGON PA'I SDE SNOD PAS GSUNGS PA'I RGYAL BA RANG NYID KYI GSUNG DANG 'GAL BA SPANG DGOS SO, ,DE YANG SANGS RGYAS PA'I MDZOD MTHONG NAS 'KHRUL PA 'DI MI BYA ZHES 'DIR GSUNGS PA'I MDZOD KYANG, MNGON PA MDZOD YIN NAM GZHAN YIN, DANG PO LTAR NA, DBYIG GNYEN NI SANGS RGYAS MYA NGAN LAS 'DAS NAS LO STONG DU NYE BA NA BYON PAR BSHAD CING, STON PA SANGS RGYAS NAS LO GCIG NA RTZA RGYUD GSUNGS PA NAS LO DRUG BRGYA NA 'JAM DPAL GRAGS PA DANG, DE NAS LO BRGYA NA PAD DKAR BYON PA YIN PAS, 'GREL CHEN 'DI BRTZAMS NAS LO BRGYA PHRAG GSUM TZAM 'DAS PA NA MNGON PA MDZOD BRTZAMS PA YIN DGOS PAS DE DANG 'GAL BA SPONG BA 'GREL PA 'DIR 'ONG BA JI LTAR RIGS, 'ON TE DE LAS GZHAN PA'I MDZOD CES BYA BA'ANG GANG ZHIG YIN ZHE NA, 'DI LA BYE BRAG TU SMRA BA DAG KA TA+YA'I BU DANG SH'A RI'I BU LA SOGS PA DGRA BCOM PA BDUN GYIS BSDUS PA'I BKAR 'DOD CING, MDO SDE BDAG NI MDO DANG 'GAL BA DU MA MTHONG BA'I PHYIR MDO MA YIN ZHING BYED PA PO DAG KYANG SO SO SKYE BO YIN NO ZHES SMRA BA'I BSTAN CHOS YE SHES LA 'JUG PA SOGS MNGON PA SDE BDUN DANG, DE DAG GI DON RGYAS PAR
, ,GTAN LA PHAB PA, BYE BRAG TU SMRA BA RNAMS DGRA BCOM PA ZHI LDAN DANG SKUR PO LA SOGS PA DU MA 'DUS NAS BRTZAMS PAR SMRA ZHING, MDO SDE BDAG SO SO SKYE BOS BYAS PAR SMRA BA BSTAN CHOS BYE BRAG TU BSHAD PA ZHES GRAGS PA STE, DE'I MING NI BYE BRAG TU BSHAD PA'I MDZOD CES BYA BA YIN PAS 'DIR GSUNGS PA NI DE YIN NO ZHES BLA MA KHA CIG 'CHAD LA, BLA MA KHA CIG MNGON PA MDZOD LA 'CHAD DO, ,DE'I SNGA MA NI MNGON PA MDZOD KYI MING DON 'CHAD PA'I TSE, 'DI'I GNAS DE YIN PAS CHOS MNGON MDZOD, CES PA'I DON LA 'CHAD TSUL GNYIS MDZAD PA'I PHYI MA'I DON, GNAS MDZOD NAS PHYUNG BA'I NOR GYI SNYING PO LA 'DI NGA'I MDZOD KYI SNYING PO YIN NO ZHES THA SNYAD BYED PA LTAR, 'DI YANG MNGON PA'I MDZOD SDE BDUN DANG BYE BRAG TU BSHAD PA'I GNAS DE NAS PHYUNG BA'I SNYING PO YIN PAS MNGON PA'I MDZOD CES BYA'O ZHES MKHAS PA KHA CIG 'CHAD DE DE DANG MTHUN PAR SNANG NGO, ,DUS 'KHOR DANG MNGON PA THEG PA GONG 'OG GI KHYAD PAR YOD PAS DUS 'KHOR NAS BSHAD PA LTAR 'THAD KYI MNGON PA NAS BSHAD PA LTAR MI 'THAD DO ZHES SMRA BAR RIGS PA MA YIN TE, DE LTA NA SNGAGS BLA MED KYI SKABS SU MNGON PA NAS BSHAD PA'I TSUL DE RANG LUGS LA GTAN KHAS BLANG DU MI RUNG BAR 'GYUR BA LAS, RDO RJE 'CHANG RANG NYID KYIS RGYUD SDOM 'BYUNG DU BSKYED RIM GYI SBYANG GZHI MA DAG PA'I SNOD BCUD KYI RNAM GZHAG MDO TZAM GSUNGS PA YANG MNGON PA LTAR GSUNGS LA, MCHOG GI DNGOS GRUB BRNYES PA'I GRUB CHEN KLU BYANG GIS 'PHAGS PA KLU SGRUBS KYI GSUNG GI MAN NGAG LTAR BKOD
PA'I GZHUNG RNAM GZHAG RIM PAR YANG MNGON PA NAS BSHAD PA'I TSUL JI LTA BAR RNAM GZHAG MDZAD PA'I PHYIR RO, ,'ON KYANG MNGON PA MDZOD RTZA 'GREL LAS JI LTAR GSUNGS PA TZAM ZHIG LAS MA MTHONG BA'I PHYOGS RE BA DAG GIS DUS 'KHOR NAS BSHAD PA DE MNGON PA'I SDE SNOD KYI MDO DANG 'GAL TE, MDZOD RTZA 'GREL NAS BSHAD PA DANG SHIN TU MI MTHUN PA'I PHYIR RO, ZHES SMRA BA NI MTHONG RGYA CHUNG BA STE, SA SDE LAS 'JIG RTEN RNAM PAR BZHAG PA GSUNGS PA DAG DANG MDZOD NAS BSHAD PA LA MI MTHUN PA DU MA YOD LA, SA SDER GSUNGS PA DE YANG MDO JI LTA BA BZHIN YIN PAR GSUNGS PA'I PHYIR RO, ,MI MTHUN PA JI LTAR YOD PA YANG DPER NA, 'OG GZHI RLUNG DANG CHU DANG GSER GYI DKYIL 'KHOR BRTZEGS PA GCIG GI STENG DU GLING BZHI PA'I 'JIG RTEN BYE BA PHRAG BRGYA GNAS PA SA SDE'I LUGS YIN LA, MDZOD PA'I LUGS KYIS GLING BZHI PA'I 'JIG RTEN RE RE LA DKYIL 'KHOR DE DAG BRTZEGS PA RE RE YOD PAR 'DOD PA DANG, MDZOD DU, 'DI 'OG STONG PHRAG NYI SHU NA, ,MNAR MED PA'O DE TZAM MO, ZHES BSHAD LA, SA'I DNGOS GZHIR, 'DI NAS 'OG TU DPAG TSAD KHRI PHRAG DRUG PHYIN PA NA MNAR MED KYI GNAS YOD PAR BSHAD CING, MDZOD PA'I LUGS KYIS TSA DMYAL CHEN PO BRGYAD GRANG DMYAL BRGYAD KYI GNAS THAD SO THAD SOR GNAS PAR 'DOD LA, SA'I DNGOS GZHIR TSA DMYAL DANG PO DANG GRANG DMYAL DANG PO MTHO DMA'I THAD MNYAM ZHING, DE NAS TSA DMYAL RNAMS 'OG TU DPAG TSAD BZHI STONG BZHI STONG GIS CHOD PA NA RIM PA BZHIN GNAS LA, GRANG DMYAL RNAMS DPAG TSAD NYIS STONG NYIS STONG GIS CHOD PA NA GNAS PAR BSHAD PA DANG, MDZOD DU,
, ,'DZAM BU GLING STE NGOS GSUM LA, ,STONG PHRAG GNYIS SO SHING RTA'I DBYIBS, ,GCIG LA DPAG TSAD PHYED DANG BZHI, ZHES 'DZAM BU GLING GI NGOS GCIG LA DPAG TSAD PHYED DANG BZHI LAS MED PAR BYAS LA, ,SA'I DNGOS GZHIR, 'DZAM BU GLING GI NGOS CHUNG SHOS LA DPAG TSAD LNGA BRGYAR BSHAD CING MDZOD DU SHAR LUS 'PHAGS PO'I NGOS CHUNG SHOS LA DPAG TSAD SUM BRGYA LNGA BCUR BSHAD LA, SA'I DNGOS GZHIR DE LA DPAG TSAD STONG DU BSHAD CING, GSER GYI RI BDUN YANG, MDZOD DU, GNYA' SHING 'DZIN, GSHOL MNGA' 'DZIN DANG SENG LDENG CAN, ,DE BZHIN LTA NA SDUG RI DANG, ,RTA RNA DANG NI RNAM 'DUD DANG, ,MU KHYUD 'DZIN RI'O, ,ZHES BSHAD LA, SA'I DNGOS GZHIR, GSER GYI RI BDUN PO 'DI LTA STE, GNYA' SHING 'DZIN DANG, RNAM PAR 'DUD DANG, RTA RNA DANG, LTA NA SDUG DANG, SENG LDENG CAN DANG, GSHOL MDA' 'DZIN DANG, MU KHYUD 'DZIN RNAMS MNGON PAR 'GRUB PAR 'GYUR TE, DE DAG KYANG RIM PAR RI RAB 'KHOR BAR 'DUG GO ,ZHES PHYI NANG GI GO RIM SHIN TU MI MTHUN PAR BSHAD PA LA SOGS PA MI MTHUN PA DU MA ZHIG YOD DO, ,DE LA MNGON PA 'OG MA NAS BSHAD PA NI GDAGS PA SOGS NAS 'BYUNG BA LTAR BSHAD PA STE DE YANG CHOS MNGON PA'I MDO'I RJES SU 'BRANG BA LAS GZHAN MED LA, SA SDER BSHAD PA'ANG MNGON PA'I MDO JI LTA BAR BSHAD PAR GSUNGS PAS CHOS MNGON PA'I MDO NYID LA'ANG MI 'DRA BA DU MA YOD PAR GSAL LA, MDZOD DU, 'DZAM BU GLING PA RNAMS KYI TSAD, ,KHRU BZHI PA
DANG PHYED DANG BZHI, ,SHAR DANG BA LANG SPYOD DANG NI, ,BYANG ZHES BYA BA NYIS 'GYUR BSKYED, CES SHAR LUS 'PHAGS PO'I MI RNAMS KYI LUS TSAD 'DZAM BU GLING PA LAS NYIS 'GYUR DANG, BA LANG SPYOD PA 'DZAM BU GLING PA LAS BZHI 'GYUR DU BSHAD LA; SA'I DNGOS BZHIR, GLING GZHAN GSUM YANG RANG RANG GI KHRU PHYED DANG BZHI PA DANG LUS SHIN TU CHE BAR BSHAD PA TZAM LAS BONGS TSOD GZHAN MA BSHAD KYANG, MDO DRAN PA NYER GZHAG LAS, NUB PA LANG SPYOD PA'I MI'I LUS SHING TA LA BDUN BRTZEGS PA'I TSAD TZAM PA DANG, SHAR LUS 'PHAGS PO'I MI RNAMS SHING NYA GRO DHA'I SDONG PO'I TSAD DANG MTSUNGS PA TZAM GYI LUS SU BSHAD PAS MDZOD DANG MI MTHUN LA, GZHAN YANG MDO DRAN PA NYER GZHAG TU, BA LANG SPYOD PA'I MI RNAMS NU MA GSUM PA DANG, 'DZAM BU GLING PA'I SBRUL GYIS MIG GI SGO NAS SGRA THOS PA LTAR, BA LANG SPYOD PA'I MI RNAMS KYIS MIG GI SGO NAS SGRA THOS SHING DRI 'DZIN LA, RI LA SOGS PAS BAR DU CHOD PA'I GZUGS RNAMS KYANG MTHONG BA DANG; SHAR LUS 'PHAGS PO'I MI RNAMS KYI MIG GIS MTSAN MO MUN PA'I NANG GI GZUGS RNAMS KYANG NYIN MO DANG KHYAD PAR MED PAR MTHONG ZHING, MDA' 'PHANGS PAS SLEB PA TZAM PHAN CHAD KYI SGRA MI THOS PA LA SOGS PA MDZOD DANG GDAGS PA DANG SA SDE SOGS NAS MI MTHUN PA'I RNAM GZHAG MANG DU GSUNGS SHING, DE DAG GI BRDA TSAD DANG BSTUN NA CUNG ZAD MI MTHUN PAR MNGON LA, RI RAB KYI TSAD KYANG STENG DU 'PHAGS PA BRGYAD KHRI BZHI STONG DANG 'OG TU 'ANG BRGYAD KHRI BZHI STONG DU BSHAD CING, KHA DOG KYANG
, ,RI RAB KYI SHAR DNGUL, LHO BEE d'U RA+YA, NUB GSER, BYANG SHEL DKAR POR BSHAD LA, NYI MA'ANG LHUN PO'I RTZE MO'I THAD NAS 'CHAR BA DANG NUB PA DANG, SKYE DGU RNAMS KYI TSE YANG 'PHEL BA NA NYI MA'I DKYIL 'KHOR YANG DPAG TSAD BRGYA PAR 'GYUR BA DANG, GLING BZHI'I TSAD KYANG 'DZAM BU'I GLING NI DPAG TSAD STONG PHRAG BDUN YIN NO, ,BA LANG SPYOD NI DPAG TSAD STONG PHRAG BRGYAD YIN NO, ,SHAR GYI LUS 'PHAGS PO NI DPAG TSAD STONG PHRAG DGU YIN NO, ,BYANG GI SGRA MI SNYAN NI DPAG TSAD STONG PHRAG BCU YIN NO, ZHES BSHAD PA DANG, GSER GYI RI LAS BRGAL BA'I RI RAB DANG NYE BA RNAMS NA YANG GLING MI 'DRA BA DU MA DANG MTSO DANG RI MI 'DRA BA DU MA DPAG TSAD BRGYA PHRAG DU MA'I TSAD DANG LDAN PA LA SOGS PA MTHA' YAS PA ZHIG BSHAD LA, GSER GYI RI BO STONG PHRAG DRUG CU PA RNAMS KYI DBUS NA LHUN PO GNAS ZHES PA TZAM MA GTOGS, GSER GYI RI BDUN GYI GRANGS KYANG MA BSHAD CING, GSER GYI RI BO'I DPANGS TSAD DPAG TSAD KHRI PHRAG TU BSHAD PA SOGS MNGON PA MDZOD DANG SA SDE GNYIS GA DANG SHIN TU MI MTHUN PA CHE ZHING DUS 'KHOR DANG YANG GTAN MI MTHUN NO, ,DER MA ZAD KYI MDO DANG LUNG GZHAN DANG GZHAN LAS KYANG MNGON PA DANG DUS 'KHOR GNYIS GA DANG MI MTHUN PA'I RNAM GZHAG ZUR TZAM ZUR TZAM MANG DU 'BYUNG ZHING, DE DAG THAMS CAD KYANG MI MJED KYI 'JIG RTEN 'DI DANG, DE LAS KYANG KHYAD PAR DU MA GA DHA RDO RJE'I GDAN DU STON PA MNGON PAR RDZOGS PAR SANGS RGYAS PA'I MDZAD PA BSTAN PA'I GLING BZHI PA'I 'JIG
RTEN 'DI NYID KYI DBANG DU BYAS PA'I 'CHAD TSUL DU SNANG BAS, ,MNGON PA'I GZHUNG GANG YANG RUNG BA GCIG DANG MI MTHUN PA TZAM GYIS MI 'THAD PA DANG RGYAL BA'I GSUNG MA YIN PAR SMRA NA MANG DU THOS PA DANG RTOG DPYOD DANG LDAN PA GNYIS GA'I NGANG TSUL LAS 'DAS PA GO BAR BYED DO, CI DRAN PA NYER BZHAG LA SOGS PA'I MDO DE DAG LAS KYANG SNOD BCUD KYI RNAM GZHAG MNGON PA'I GZHUNG DAG DANG CHES MI MTHUN PA STON PA'I PHYIR DE DANG DE'I 'GAL BA'ANG SPONG BAR GYIS SHIG CES BRJOD PAR BYA'O, ,DE BZHIN DU SA SDE DANG MDZOD NAS MI MTHUN PAR BSTAN PA DE DAG LA YANG JI LTAR SMRA BA BSAM PAR BYOS SHIG ,GZHAN YANG MNGON PA'I SDE SNOD NAS BSHAD PA'I TSUL DE YANG MI 'THAD DE, DUS 'KHOR NAS BSHAD PA DANG MI MTHUN PA'I PHYIR ZHES BZLOG STE BRJOD NA CI ZHIG SMRA, DUS 'KHOR NI SANGS RGYAS KYIS GSUNGS PA'I RGYUD RNAM DAG YIN NAM MA YIN ZHES RTZOD PA'I GZHI YIN LA, MNGON PA'I SDE SNOD NI SANGS RGYAS KYI BKA' RTZOD MED DU RANG CAG GNYIS GIS KYANG MTHUN PAR KHAS BLANGS PA MA YIN NAM, JI LTAR NA DE LTAR SMRA BAR 'OS ZHE NA, SPYIR MNGON PA'I SDE SNOD KYI MDO SANGS RGYAS KYI BKA' MA YIN NO ZHES SU ZHIG SMRA, DUS 'KHOR RTZA RGYUD SANGS RGYAS KYI BKA' MA YIN NA MNGON PA'I MDOR GRAGS PA YANG SANGS RGYAS KYI BKA' MA YIN NO ZHES BRJOD PAR BYA'O, ,CHOS MNGON PA'I MDO NI SANGS RGYAS RANG NYID KYIS LUNG BSTAN PA'I SHING RTA'I SROL 'BYED TSAD LDAN DAG GIS BKAR BKRAL BA'I PHYIR MI 'DRA'O ZHE NA, DE BAS KYANG DUS 'KHOR NAS GSUNGS PA'I SANGS RGYAS SENG+GE'I KHRI ZHES PAS
, ,BSTAN PA'I DON NI RGYUD GZHAN DU AE WAM ZHES GSUNGS PA'I AE YIG GIS MTSON PA'I DON DANG KHYAD MED PA DANG, RGYUD GZHAN DU GSUNGS PA'I WAM YIG GIS MTSON PA'I DON NI RGYUD 'DIR DANG PO'I SANGS RGYAS DANG DUS KYI 'KHOR LO ZHES GSUNGS PA DANG DON KHYAD PAR MED PAR DPAL GSANG BA 'DUS PA'I BSHAD RGYUD RDO RJE 'PHRENG BA LAS SNGAR DRANGS PA LTAR GSAL BAR BSHAD CING, GRUB CHEN SHA WA RI DBANG PHYUG DANG, RGYUD 'DI'I LAM GYIS MCHOG GI DNGOS GRUB BRNYES PA'I GRUB CHEN AA NU PA MA RA KA+shI T'A DANG, DPAL LDAN N'A RO TA PA DANG, MKHAS PA AA BHA YA KAR LA SOGS PA 'PHAGS YUL GYI GRUB CHEN DANG PAn CHEN DU MA ZHIG GIS KYANG LEGS PAR BKRAL BA'I PHYIR KUN TU MTSUNGS SO, ,YANG MNGON PA'I SDE SNOD NAS GSUNGS PA'I TSUL DE NYID DGONGS PA CAN YIN NO ZHES NI SMRA BAR 'OS PA MA YIN TE, CHOS MNGON PA'I MDO'I DGONGS PA 'GREL BA LA TSAD MAR GYUR PA'I 'PHAGS PA SKU MCHED LA SOGS PA CHEN PO DAG GIS CHOS MNGON PA'I SDE SNOD KYI DGONGS PA 'GREL BA'I GZHUNG RGYA CHE LA GRANGS MANG BA JI TZAM ZHIG MDZAD PA THAMS CAD DU DGONGS PA CAN DU 'GREL BA'I RNAM GZHAG ZUR TZAM YANG MA BSTAN PAR SGRA ZIN LTAR 'GREL BA'I LUGS 'BA' ZHIG MDZAD CING, BLA MED KYI RGYUD SDE NAS BYE BRAG SMRA BA'I BAR GYI THEG PA DANG GRUB MTHA' GONG 'OG THAMS CAD KYI SKABS SU GRUB CHEN DANG SHING RTA CHEN PO 'PHAGS PA'I SA LA GNAS PA DU MAS SNOD KYI RNAM GZHAG MNGON PA NAS 'BYUNG BA LTAR SOR BZHAG TU ZHAL GYIS BZHES PA
'BA' ZHIG MDZAD PA'I PHYIR RO, ,DE LTA NA'ANG BLUN PO CI'ANG MI SHES PA RGYUD 'DI LA ZHAN PA TZAM GYIS 'JUG PA DAG GIS 'DI DANG MNGON PA'I 'GAL BA SPONG BAR MA NUS NAS MNGON PA NAS BSHAD PA DGONGS PA CAN YIN PAS DE LTAR KHAS BLANG DU MI RUNG GI 'DI KHO NA LTAR KHAS BLANG DGOS SO ZHES SPYI BRTOL SMRA BA NI MKHAS PA DAG GI SNYAN PAR 'OS PA'I GTAM MA YIN TE THEG CHEN 'PHAGS PA DANG GRUB CHEN NYI ZLA LTAR GRAGS PA DAG GI GZHUNG LUGS KHYAD DU GSOD PA LA YANG BCI YANG MED PA'I GLEN PA'I BRDOL GANG MA TZAM DU ZAD PA'I PHYIR RO, ,'DI LTAR SNOD BCUD KYI RNAM GZHAG MNGON PA'I SDE SNOD NAS BSHAD PA DE DAG JI LTAR BSHAD PA LTAR THA SNYAD DU YANG GZHI MA GRUB PA'I DGONGS PA CAN YIN NA, BDE MCHOG LA SOGS PA'I RGYUD SDE DAG NAS RI RAB LA SOGS PA MNGON PA NAS JI LTAR BSHAD PA DANG MTHUN PAR BSGOM TSUL GSUNGS PA DANG, 'PHAGS PA KLU SGRUBS YAB SRAS KYIS DPAL GSANG BA 'DUS PA'I SKABS SU'ANG SBYANG GZHI SNOD BCUD KYI RNAM GZHAG MNGON PA NAS GSUNGS PA JI LTA BAR MDZAD NAS DE DANG MTHUN PA'I BSKYED RIM BSGOM TSUL GSUNGS PA SOGS THAMS CAD RI BONG GI RVA SBYANG GZHIR BYAS NAS DE DANG RNAM PA MTHUN PAR BSGOM PA DANG MTSUNGS PA'I LAM PHYIN CI LOG 'BA' ZHIG TU THAL BAR 'GYUR RO, ,GZHAN YANG 'JIG RTEN GYI KHAMS SPYI'I TSAD DANG DBYIBS LA SOGS PA DE DAG NI DA LTA RANG CAG RNAMS LA SHIN TU LKOG GYUR YIN PAS RANG RGYUD KYI DNGOS PO STOBS ZHUGS KYI TSAD MAS MI 'GRUB PAS YID CHES RJES DPAG TSAD MAS RTOGS PAR BYA DGOS LA, DE LA NI 'CHOS MNGON PA'I MDO'I DON 'PHAGS PA DAG GIS
, ,BKRAL BA'I GZHUNG GI TSOGS DE DAG RANG GIS JI LTAR BSTAN PA LTAR GYI DON LA MI BSLU BAR, RANG GIS DON DE DAG JI LTAR STON PA'I TSUL LA DPYAD PA GSUM GYIS DAG PA'I RTAGS KYIS LEGS PAR 'GRUB PA'I PHYIR CHOS MNGON PA NAS BSHAD PA LTAR KHAS BLANGS PA LA GNOD PA CI'ANG MED DO, ,RNAM GZHAG RIM PA NAS BSTAN PA'I SBYANG GZHI SNOD KYI 'JIG RTEN GYI RNAM GZHAG DE DAG KYANG BYANG CHUB SEMS DPA' DGA' LDAN NAS BABS NAS LHA MO SGYU 'PHRUL GYI LHUMS SU ZHUGS PA'I TSUL BSTAN PA'I 'JIG RTEN 'DI NYID KYI DBANG DU MDZAD PA GZHUNG DE NYID NA DNGOS SU GSAL BAS MI MJED KYI 'JIG RTEN MA YIN PA'I 'JIG RTEN GANG YANG RUNG BA ZHIG GI DBANG DU MDZAD PA'I DOGS PA SHES RIG CUNG ZAD DANG LDAN PA LA 'ONG BA'I GNAS MED DO, ,'GREL PA 'DIR GANG GI PHYIR 'JIG RTEN GYI KHAMS KYI YUL LA MDZOD KYI 'DOD PA DANG, ZHES SOGS KYIS MDZOD NAS BSHAD PA'I 'JIG RTEN GYI KHAMS KYI TSAD DE GZHOM PA'I DON DU 'DI GSUNGS PAR BSTAN PAS MDZOD NAS BSHAD PA MI 'THAD PAR GSUNGS PA YIN NO ZHE NA, NYI MA'I SHING RTA LA SOGS PA SMIN PAR BYA BA'I SLAD DU TSANGS PA'I YUL SA'I TSAD DE RNAM PAR GZHOM PA'I DON DU ZHES RIG BYED PA 'DOD PA'I TSANGS PA'I YUL SA'I TSAD DMIGS KYIS BKAR NAS DE GZHOM PA'I DON DU ZHES GSUNGS KYI, MDZOD NAS BSHAD PA'I LUGS GZHOM PA'I DON YIN PAR BSHAD PA GA LA YIN, DE GZHOM PA'I DON YIN NA DE DANG 'DI'I 'GAL BA SPONG BA LA, SEMS CAN GYI BSAM PA'I DBANG GIS SO, ZHES SOGS 'OG NAS BSHAD PA DE DAG
GIS CI ZHIG BYA STE, 'GAL YANG SKYON MED DE, MDZOD NAS BSHAD PA DE MI 'THAD PAS SO ZHES LAN BTAB PA NYID KYIS CHOG PAS SO, ,RNAM PA GZHAN DU NA JI LTAR PHYI ROL DE BZHIN LUS SU MI 'GYUR TE MI MNYAM PA'I PHYIR RO, ZHES SOGS DANG, 'JIG RTEN GYI KHAMS KYI TSAD DANG LUS KYI TSAD DKYIL 'KHOR GYI DON DU BCOM LDAN 'DAS KYIS GSUNGS SO, ZHES PA DAG KYANG MDZOD NAS BSHAD PA DE MI 'THAD DE, DE 'DRA BA'I 'JIG RTEN GYI TSAD LUS DANG CHOS MTHUN TSUL DANG GZHAN DKYIL 'KHOR GYI TSAD DANG CHOS MTHUN TSUL 'DI NAS BSHAD PA LTAR SBYAR DU MI RUNG BA'I PHYIR ZHES ZER BA GA LA YIN, DE YIN NA NI LTAG CHOD 'BA' ZHIG STE, DUS 'KHOR NAS BSHAD PA'I TSAD 'DI YANG MI 'THAD PAR THAL TSAD 'DI DANG GSANG 'DUS SOGS KYI DKYIL 'KHOR GYI TSAD LA 'DIR BSHAD PA LTA BU'I CHOS MTHUN SGRIGS MED PA'I PHYIR RO, ,GSANG 'DUS SOGS DANG TSAD KYI CHOS MTHUN MI 'GRIG KYANG DUS 'KHOR GYI DKYIL 'KHOR DANG TSAD KYI CHOS MTHUN 'GRIG PAS SKYON MED NA, DUS 'KHOR GYI DKYIL 'KHOR DANG TSAD KYI CHOS MTHUN 'GRIG KYANG GSANG 'DUS SOGS KYI DKYIL 'KHOR DANG SPYAD GZHI SBYONG BYED KYI CHOS MTHUN LEGS PAR 'GRIG PAS SKYON MED DO ZHES KUN TU MTSUNGS TE, GCIG NAS BSHAD PA JI LTA BA BZHIN DU MA BYUNG BA THAMS CAD MI 'THAD DO ZHES SPONG BA NI SHES RAB KYI GROGS KYIS RING DU BTANG BA'I RNAM PAR THAR PA TZAM DU ZAD DO, ,GZHAN YANG MNGON PA NAS BSHAD PA DE GZHOM PA'I DON DU 'DI GSUNGS NA, MNGON PA NAS BSHAD PA DE LA 'JOMS BYED KYI GNOD PA 'DIR CI ZHIG BSTAN PA SMROS SHIG ,MNGON PA NAS BSHAD PA DE DANG MI MTHUN PA'I RNAM
, ,GZHAG CIG DAM BCAS PA TZAM GYIS DE LA GNOD BYED DU MI 'GYUR TE, DAM BCA' MI MTHUN PA PHAN TSUN GNOD BYED DU KHAS LEN PA NI RIGS PA'I BRDA LA MA BYANG BA'I GTAM MO, ,DUS 'KHOR KYI RGYUD SANGS RGYAS KYIS GSUNGS PA'I LUNG RNAM DAG YIN PAS RANG GI DON GYI BZLOG PHYOGS DAM BCAS PA LA GNOD BYED DO SNYAM NA, DE YANG RIGS PA MI SHES PA'I GTAM DU ZAD MOD, RE SHIG 'DI BRJOD PAR BYA STE, CHOS MNGON PA'I MDO YANG SANGS RGYAS KYIS GSUNGS PA'I LUNG RNAM DAG YIN PA'I PHYIR RANG DANG MI MTHUN PAR DAM BCAS PA LA GNOD BYED DO ZHES SMRAS NAS TZA LTAR 'GYUR BA SOMS SHIG ,GAL TE SANGS RGYAS KYI GSUNG SGRAS ZIN GYI DON 'GAL BA DE LTA BU GNYIS LAS NI THEG PA GONG MA GANG YIN PA'I BKAS THEG PA 'OG MA'I BKA'I BSTAN TSUL LTAR GRUB PA LA GNOD PAS 'OG MA'I SGRA ZIN LTAR KHAS BLANG DU MI RUNG BA'I DGONGS PA CAN DU BYED DGOS SO ZHE NA, 'O NA PHAR PHYIN THEG PA'I SKABS SU SROG GCOD PA DANG MA BYIN PA LEN PA SPANG BAR BYA BA GSUNGS PA DANG, BLA MED KYI RGYUD DU KHYOD KYIS SROG CHAGS BSAD PAR BYA, ,MA BYIN PAR YANG BLANG BAR BYA, ZHES SOGS GSUNGS PA'I SGRA ZIN DNGOS SU 'GAL BA DE DAG LA'ANG PHYI MA THEG PA GONG MA NAS GSUNGS PAS SGRA ZIN LTAR KHAS BLANG PAR BYA BA DANG, SNGA MA THEG PA 'OG MA NAS GSUNGS PAS DGONGS PA CAN DU BYA RIGS PAR THAL LA, ,DA LTA BLO GROS KYI NUS PA SHIN TU CHUNG ZHING LOG RTOG GI GNAS MA YIN PA LA'ANG LOG RTOGS GO BA'I DUS SU SNANG BAS CUNG ZAD SMRAS KYI, BLO GROS DANG
LDAN PA'I MKHAS PA YIN NA NI DUS 'KHOR GYI 'JIG RTEN GYI RNAM GZHAG 'DI DAG CHOS MNGON PA GZHOM PA'I DON DU GSUNGS PA YIN NO SNYAM PA'I DOGS PA GNYID KYI RMI LAM DU YANG 'ONG BA'I GO SKABS LTA GA LA YOD, CI STE MNGON PA NAS BSHAD PA'I ZHAG ME THUB 'DOR BA SOGS KYI RNAM GZHAG DE LTAR BYAS NA NYI ZLA GZAS 'DZIN SOGS KYIS BSAL BA MNGON SUM DU 'BAB PAR 'GYUR BA'I PHYIR DPYAD PA GSUM GYIS DAG PA MI 'GRUB BO SNYAM NA, DE NI MNGON PA LAS RE SHIG RAGS RTZIS TZAM GYIS DBANG DU MDZAD PA STE, DE'I PHYIR 'BUL BA LAS KYANG ZLA BA'I SHOL DOR BA DANG RGYU SKAR LA SOGS PA ZHIB PAR SKAR RTZIS MKHAN PO'I RJES SU 'BRANGS TE SHES PAR BYA BAR GSUNGS LA, RAGS RTZIS KYI RNAM GZHAG TZAM ZHIG GSUNGS PA LA ZHIB RTZIS KYI BSAL BA 'BEBS PA'I RIM PA NI PHRA RAGS DU MA ZHIG DUS 'KHOR LAS GSUNGS PA'I RTZIS LA YANG YOD DO, ,'O NA DUS KYI 'KHOR LO NAS GSUNGS PA'I 'JIG RTEN GYI KHAMS KYI RNAM GZHAG 'DI DAG KYANG SGRA JI BZHIN PAR KHAS LEN PA'AM, 'ON TE DGONGS PA CAN DU SMRA BA JI LTAR 'DOD CE NA, 'DI LA SLOB DPON AA BHA KA RAS GONG DU DRANGS MA THAG PA'I PHYOGS SNGA MA BRJOD PA DE'I SNGA ROL DE MA THAG TU, DUS 'KHOR LAS NAM MKHA'I KHAMS KYIS RLUNG GI DKYIL 'KHOR GYI RGYU BA DKYIL 'KHOR GZHAN BZHI LAS LOGS SU BSHAD PA DGONGS PA CAN DU 'CHAD PA NA, MAN SNYER, GANG DUS KYI 'KHOR LOR NAM MKHA'I DKYIL 'KHOR LOGS SU BTON NAS GSUNGS PA DE NI MU STEGS PA'I LTA BA LA MNGON PAR ZHEN PA'I NYI MA'I SHING RTA
, ,LA SOGS PA GDUL BYA RNAMS NGES PA'I DON LA GZHUG PA LA LDEM POR DGONGS PAS DRANG BA'I DON KHO NA STE, PHAG LA SOGS PA'I 'DOD PA'I RJES SU 'JUG PAS RI RAB KYI STENG GI 'TSAMS SU KHAMS GSUM PA'I SNOD KYI 'JIG RTEN GYI BKOD PA LA SOGS PA BSTAN PA BZHIN NO, ZHES DGONGS PA CAN DU GSUNGS LA, PHYOGS SNGA MA SNGAR DRANGS PA DE'I 'JUG THOGS SU'ANG, DUS KYI 'KHOR LOR BSTAN PA RGYUD GZHAN DANG MI 'GAL BA'I DON GYI CHA 'GA' ZHIG GIS NI KHO BOS RANG GI GZHUNG GI PHYOGS RNAMS SU RJES SU 'BRANGS SHING, GDUL BYA 'GA' ZHIG GI BSAM PA'I RJES SU 'JUG PAS 'GAL BA'ANG KHA CIG SPANGS SO, ,DE LAS GZHAN LA NI 'GAL BA MA SPANGS NA YANG 'DI RNAMS LA NYES PA CI'ANG MED DO ZHES PA SHIN TU RGYAS PAR BRJOD PAS CHOG GO ,ZHES GSUNGS TE, DUS 'KHOR NAS GSUNGS PA RGYUD SDE GZHAN DANG MI 'GAL BA DAG SGRA JI LTA BAR KHAS BLANGS NAS BSHAD PA DANG, RGYUD SDE GZHAN DANG 'GAL BA DAG GDUL BYA'I BSAM PA LA LTOS PA'I DGONGS PA CAN DU BKRAL NAS 'GAL BA SPANGS PAR GSUNGS TE, DE LTAR NA SNOD BCUD KYI RNAM GZHAG 'DI LTAR GSUNGS PA MI MTHUN PA RNAMS KYANG PHAG LA SOGS PA'I 'DOD PA'I RJES SU 'JUG PA'AM RGYAS PA'I BHAR TA LA SOGS PA DANG MTHUN PAR DGOS PA'I DBANG GIS BSTAN PA'I DGONGS PA CAN DU GSUNGS SO, ,DGONGS PA CAN DU 'GREL PAR 'DOD PA DE'I PHYOGS LA JI LTAR 'GREL PA'I TSUL SHES DGOS KYANG ZHIB PAR MA GSUNGS PAS LUGS DE LTAR NA 'GREL TSUL
'DI LTAR BYA DGOS SO ZHES MDO TZAM ZHIG KHO BOS BRJOD PAR BYA'O, DE YANG SGRA JI BZHIN DU MI 'CHAD PAS NI 'DI LTAR GSUNGS BA'I DGONGS GZHI DANG DGOS PA DANG DNGOS LA GNOD BYED GSUM BRJOD PAR BYA DGOS SO, ,DE LA DGONGS GZHI NI 'DI LTAR, NANG SKYE BA BU'I LUS LA KHRU BZHI YOD PA LA DGONGS NAS PHYI ROL 'JIG RTEN GYI KHAMS LA YANG DPAG TSAD 'BUM PHRAG BZHI YOD PAR GSUNGS PA YIN TE, DPER NA PHYI ROL TU ZLA BA'I DKAR CHA 'PHEL BA BCO LNGA LAS LOGS PA'I DKAR PO'I CHA BCU DRUG PA DANG; MUN PA ZHUGS PA'I CHA LA BCO LNGA LAS LOGS PA'I NAG PHYOGS KYI BCU DRUG PA GNYIS DNGOS PO LA YOD NA ZLA BA RE LA TSES ZHAG SO GNYIS RE NGES CAN DU YOD PAR 'GYUR BAS DE 'DRA BA'I CHA BCU DRUG PA GNYIS DNGOS PO LA ZUR BA MED KYANG, NANG DU SKYES BU KHAMS DRUG LDAN MNGAL SKYES KYI MI'I LUS LA DKAR CHA 'PHEL BA'I CHA BCU DRUG DANG NYAMS PA'I CHA BCU DRUG DNGOS GNAS LA YOD PA LA DGONGS NAS DE DANG PHYI NANG CHOS MTHUN SBYAR BA'I CHED DU LDOG PA THA DAD TZAM LA BTAGS NAS PHYI ROL TU'ANG CHA BCU DRUG PA GNYIS GSUNGS PA BZHIN NO, ,'DIS MTSON NAS MI MTHUN PAR BSTAN PA'I CHA GZHAN DE DAG PHAL CHE BA'I YANG DGONGS GZHI NI NANG GI CHOS SO SO'O, ,DGOS PA NI, 'DIR 'JIG RTEN GYI KHAMS KYI TSAD GANG YIN PA DE NI JI LTAR PHYI ROL DE BZHIN LUS ZHES GSUNGS PA'I PHYIR, ZHES SOGS DANG, 'DIR BSREGS BCAD CES PA LA SOGS PAS BCOM LDAN 'DAS KYIS DAM BCAS PA NI MA YIN TE, ZHES SOGS GZHUNG SNGA PHYI DE DAG
, ,GIS STON TO, ,'DIR 'JIG RTEN GYI KHAMS KYI RNAM GZHAG GSUNGS PA NI BSREGS BCAD BRDAR BAS GSER BZHIN DU TSAD MAS LEGS PAR BRTAGS PA NA 'DIR JI SKAD BSHAD PA LTAR DNGOS GNAS LA YANG YOD PAR TSAD MAS GRUB NAS BCOM LDAN 'DAS KYIS DAM BCAS PA NI MA YIN GYI, 'ON KYANG 'DI LTAR DAM BCAS PA NI PHYI NANG SBYAR BA'I SGO NAS NANG JI LTAR GNAS PA LEGS PAR RTEGS TE, DE DANG CHOS MTHUN PAR BSOD NAMS KYI TSOGS BSKYED RIM BSGOM PA DANG, DE LA GNAD DU BSNUN PA'I YE SHES KYI TSOGS RDZOGS RIM BSGOM PA'I YUL LA GDUL BYA 'JUG PA'I PHYIR DU GSUNGS PA YIN NO ZHES BYA BA STE, 'JIG RTEN GYI KHAMS DKYIL 'KHOR GYI DON DANG ZHES SOGS KYI DON YANG DE LTAR RO, ,RNAM PA GZHAN DU NA JI LTAR PHYIR ROL DE BZHIN LUS SU MI 'GYUR TE, MI MNYAM PA'I PHYIR RO ZHES PA NI MNGON PA NAS BSHAD PA'I RNAM GZHAG DE MI 'THAD PA'I RGYU MTSAN STON PA MA YIN GYI, DE DANG MTHUN PAR 'DIR MA BSTAN PA'I RGYU MTSAN 'CHAD PA YIN TE, MNGON PA NAS BSHAD PA'I 'JIG RTEN GYI TSAD DE LTAR BSHAD NA NANG GI LUS TSAD DANG SGRIG TSUL 'DI LTAR BYAR MED PAS DKYIL 'KHOR GYI TSAD LA SOGS PA DANG CHOS MTHUN SGRIG TSUL YANG 'DIR BSHAD PA LTAR BYAR MI RUNG BA'I PHYIR MNGON PA NAS BSHAD PA LTAR MA BSTAN NO ZHES BYA BA'I DON TO, ,DGOS PA GZHAN YANG RIG BYED KYI GZHUNG LAS TSANGS PA'I YUL SA GCIG NI DPAG TSAD BYE BA'I KHYON NO ZHES BSHAD PA'I RDZUN DU SMRA BA'I TSIG LA MNGON PAR ZHEN PA'I DRANG SRONG NYI MA'I SHING RTA LA SOGS PA'I MNGON ZHEN DE BZLOG PA'I CHED DU GZA' DANG RTZIS DANG KHYIM
GYI 'KHOR LO DANG LDAN PA'I 'JIG RTEN GYI TSAD 'DI GSUNGS SO ZHES BYA BA STE, GANG GI PHYIR 'JIG RTEN GYI KHAMS KYI YUL LA MDZOD KYI 'DOD PA DANG ZHES PA NI 'CHAD TSUL PHYI MA DANG PHAL CHER 'DRA BAS PHYIS BSHAD PAR BYA'O, ,SANGS RGYAS PA'I MDZOD DANG 'GAL BAS SANGS RGYAS RDZUN GSUNG PA YIN NAM SNYAM PA'I DOGS PA'I LAN DU, SEMS CAN GYI BSAM PA'I DBANG GIS SO, ZHES PA NI GDUL BYA'I SEMS CAN NYI MA'I SHING RTA LA SOGS PA'I MU STEGS KYI LUGS LA ZHEN PA'I BSAM PA LDOG PA'I DGOS PA'I DBANG GIS SO, ZHES BYA BAR BSHAD NAS; DGOS PA KHYAD PAR CAN GYI DBANG GIS DNGOS GNAS LA MA GRUB PA GRUB PA LTAR BCOS NAS MI BDEN PA GSUNG YANG SKYON MED PA'I KHUNGS SU, SEMS CAN KHAMS LAS MI BDEN PA, ,BSOD NAMS TSOGS KYI RGYU YIN TE, ZHES SOGS DRANGS PAR BYA DGOS SO, ,'O NA DNGOS GNAS LA MA GRUB PAR MTSUNGS PA LA RIG BYED PA 'DOD PA'I TSANGS PA'I GNAS LA SOGS PA 'GOG CING 'BUM PHRAG BZHI PA'I 'JIG RTEN 'CHAD PA CI ZHE NA, 'BUM PHRAG BZHI PA'I 'JIG RTEN BSHAD PA LTAR DNGOS GNAS LA MA GRUB KYANG DE LTAR 'CHAD PA'I DGONG GZHI DANG DGOS PA BSHAD MA THAG PA LTAR KHYAD PAR CAN YOD LA, RIG BYED KYI LUGS DE LA DE 'DRA GANG YANG MED PA'I PHYIR RO, ,TSUL DE LTA BU NI PHA ROL TU PHYIN PA'I MDO NA'ANG MANG STE, THA SNYAD DU'ANG MED PAR MTSUNGS KYANG MDO 'GA' ZHIG LAS SHES PA BDEN GRUB BSTAN LA, RTAG GCIG RANG DBANG CAN GYI GANG ZAG LAN CIG KYANG MA BSTAN PAR BKAG PA LTA BU'O, ,DNGOS LA GNOD BYED JI LTA BU ZHE NA 'JIG RTEN GYI KHAMS KYI TSAD DUS 'KHOR NAS GSUNGS PA'I SGRA JI BZHIN PA LTAR DNGOS PO LA NGES NA LE'U 'DIR 'JIG RTEN GYI TSAD DPAG TSAD 'BUM PHRAG BZHIR
, ,BSHAD KYANG, YE SHES LE'UR 'JIG RTEN GYI TSAD 'BUM PHRAG LNGAR BSHAD PAS DE GNYIS GA 'JIG RTEN GCIG GI STENG DU KHAS BLANG BAR BYA'AM JI LTAR 'DOD GRANG, 'BUM PHRAG LNGA NI LUS DNGOS LA KHRU BZHI DANG RAL PA GYEN DU 'GRENG BA'I TSAD LA KHRU GANG STE LNGA YOD PA LA DGONGS NAS GSUNGS PA'I DGONGS PA CAN NO ZHE NA DE LTAR SMRAS PA NYID KYIS 'BUM PHRAG BZHIN BSHAD PA'ANG LUS LA KHRU BZHI YOD PA LA DGONGS PA'I DGONGS PA CAN YIN NO ZHES GSAL BAR GRUB PO, ,'DIR PHUG KHRU LNGA PA'I TSAD GANG DU ZHES SOGS GONG DU BSTAN PA'I DPE 'ANG PHUG DE NA DNGOS GNAS LA 'KHOR LO BSGYUR BA'I RGYAL PO SDE DANG BCAS PA DOG PA MED PAR SHONG BA'I GOS MED KYANG, GDUL BYA GDUL BA'I DGOS PA'I DBANG GIS GDUL BYA DAG GI BSAM PA'I SNANG NGOR 'DOD CHAGS DANG BRAL BA'AM BYANG CHUB SEMS DPA' MTHU THOB PAS BSTAN PA YIN PAS, DON DAM PAR STE DNGOS PO'I GNAS TSOD LA 'DIR BSTAN PA'I 'JIG RTEN GYI TSAD KYANG DE LTAR RIG PAR BYA'O, ,ZHES SBYAR RO, ,DE BZHIN DU GLING BCU GNYIS LA KLA KLO 'JUG PA DANG, DE NYID RIGS LDAN 'KHOR LO CAN GLING BCU GNYIS SU RIM GYIS BYON PAS 'JOMS PA LA SOGS PA GANG GSUNGS PA YANG DGONGS PA CAN TE, DGONGS GZHI NI NANG LE'I MDOR BSDUS GSUM PA'I THOGS MAR, 'KHOR LO CAN NI RDO RJE CAN TE LHA MCHOG BDAG RNAMS YAN LAG BCU GNYIS 'GOG ,CES SOGS KYIS RGYAS PAR BSTAN PA LTAR, BYAMS PA LA SOGS PA TSAD MED PA BZHI LA DGONGS NAS GLANG PO LA SOGS PA'I DMIG GI DPUNG TSOGS YAN LAG BZHIR GSUNGS
SO ZHES SOGS SU SBYAR BA'I TSUL GYIS SO, ,DE LTAR NA DGONGS PA CAN DU 'CHAD PA'I PHYOGS LA NI TSUL DE LTAR BSHAD DGOS PAR SNANG MOD KYI, 'ON KYANG THAMS CAD DGONGS PA CAN DU 'CHAD PA LUGS 'DI LA MI RUNG BAS 'CHAD PAR 'GYUR BA LTAR BSHAD PAR BYA'O, ZHES BDAG GI RJE THAMS CAD MKHYEN PA GSUNGS SO, ,DE YANG 'DI NAS BSHAD PA'I 'JIG RTEN GYI KHAMS KYI TSAD DANG DBYIBS LA SOGS PA'I RNAM GZHAG JI TZAM ZHIG GSUNGS PA THAMS CAD SGRA JI BZHIN DU GZUNG DU MI RUNG BA'I DGONGS PA CAN 'BA' ZHIG TU BYAS NA, MDOR BSDUS BRGYAD PA DANG DGU PA DANG BCU PA GSUM NAS BSTAN PA PHAL MO CHE SGRAS ZIN PA LA JI LTAR BSTAN PA LTAR GZHI MA GRUB PA'I DGONGS PA CAN DU 'GREL DGOS SHING, DE'I SHAN RGYAB PA NA LE'U LHAG MA BZHI LA YANG SGRA JI BZHIN DU KHAS BLANGS PAS CHOG PA NYUNG ZAD TZAM ZHIG KYANG BZHAG DKA' ZHING, 'DIR BSHAD PA LTAR GYI SBYANG GZHI MA DAG PA'I SNOD BCUD RNAM PA DE LTA BU GZHI MA GRUB NA DE DAG DANG RNAM PA MTHUN PAR BSGOM PA'I BSKYED RIM NI RI BONG RvA DANG RNAM PA MTHUN PAR BSGOM PA'I LAM BZHIN DU THAL BAR 'GYUR LA, SBYANG GZHI GZHI MA GRUB PA'I SBYONG BYED KYI LAM BSGOM PA LA 'BAD PA NI NAM MKHA' LNGA LDANG BAR BYED PA'I SKYES BU LTAR BZHAD GANG DU BYA BA'I GNAS SU 'GYUR RO SNYAM DU DGONGS SO, ,GZHAN YANG RIGS PA'I DBANG PHYUG GIS, BLANG DANG DOR BYA'I DE NYID NI, ,THABS BCAS RAB TU NGES PA YIS, ,GTZO BO'I DON LA MI BSLU'I PHYIR, ,GZHAN LA'ANG RJES SU DPAG PA YIN, ZHES DANG, BZHI BRGYA PA LAS, SANGS RGYAS KYIS GSUNGS LKOG GYUR LA, ,GANG ZHIG THE TSOM SKYE 'GYUR BA, ,DE
, ,YIS STONG PA NYID BRTEN NAS, ,'DI NYID KHO NAR YID CHES BYA, ZHES GSUNGS PA LTAR, RGYUD 'DIR YANG KUN NAS NYON MONGS RGYU 'BRAS DANG RNAM BYANG RGYU 'BRAS KYI BLANG DOR GYI GNAS STON PA'I CHA DAG DANG, RANG BZHIN GYIS GRUB PA RDUL TZAM YANG MED KYANG BYA BYED KYI RNAM GZHAG THAMS CAD TSAD MAS GNOD MED DU 'JOG PA'I STONG NYID DANG RTEN 'BREL MI 'GAL BA'I TSUL RTOGS DKA' BA'I GNAS MTHAR THUG PA DANG, TSE GCIG LA MCHOG GI DNGOS GRUB STER BA'I LAM RIM PA GNYIS KYI GNAD RNAMS LA JI TZAM DPYAD KYANG BSTAN PA LTAR GYI DON LA LUNG DANG RIGS PA DAM PAS GNOD PA CUNG ZAD KYANG MI 'BAB PA'I TSUL GYIS TSAD MAS LEGS PAR GRUB CING MI BSLU BA'I PHYIR PHAL BA'I DON LA MI BSLU BAR 'GYUR ZHES BSAM PAR BYA STE, DA LTA'I 'CHAD PA PO DAG GIS LOGS PAR BSHAD PA'I DON LA TSAD MAS GNOD PA 'BAB PA NI RGYUD 'DI'I NYES PAR JI LTAR BRTAG PAR BYA, DE 'DRA BA NI GSUNG RAB DANG DGONGS 'GREL GYI GZHUNG CHEN MO GZHAN DAG LA YANG BRGYA PHRAG ZHIG MTHONG BA YIN NO, ,PHYOGS 'DI LA RGYUD 'DI NYID KYI 'CHAD PA PO GANGS RI'I KHROD KYI MKHAS PA DANG MI MKHAS PA SNGA PHYI DU MA ZHIG NI 'DI NYID NAS BSHAD PA DANG MNGON PA NAS BSHAD PA GANG YANG RUNG BA GCIG DGONGS PA CAN DANG CIG SHOS SGRA JI BZHIN PA'I RNAM DBYE MI 'BYED PAR MI 'GAL BA'I TSUL 'GREL PA'I DGONGS PAR RLOMS NAS 'DI LTAR SMRA STE 'JIG RTEN GYI TSAD DANG DBYIBS LA SOGS PA MI MTHUN PA SNA TSOGS PA GSUNGS PA THAMS CAD KYANG SEMS CAN SO SO LA
LAS KYIS DBANG GIS SNANG TSUL MI 'DRA BA SNA TSOGS PA YOD PA'I RANG RANG GI SNANG TSUL DANG MTHUN PAR GSUNGS PA TZAM YIN GYI, SANGS RGYAS KYI MKHYEN PAS DNGOS PO LA JI LTAR YOD PA LTAR CHAD GZHAL NAS GSUNGS PA NI MA YIN NO, ,SEMS CAN GYI SEMS KYI SNANG TSUL LA NI SNA TSOGS PA ZHIG 'BYUNG BA YIN PAS DE DAG GANG YANG SNANG BA MI 'GAL LO, ZHES 'CHAD CING, RIGS PA'I LAM BTANG BA DAG GIS BLO LA NI GTAM DE NYID KHA NA MA THO BA MED PAR 'TSAM PA YIN NO, ,TSUL 'DI NI SEMS CAN SO SO'I BSAM NGO NA SNANG TSUL MI 'DRA BA SNA TSOGS PA YOD LA , DE DAG THAMS CAD KYANG RANG RANG GI 'KHRUL NGO NA SNANG BA LTAR BDEN CING ` SEMS 'KHRUL PA'I SNANG NGO NA YOD PA DE NYID LA THA SNYAD DU YOD PA ZHES BYA LA, SEMS CAN RANG RANG GI 'KHRUL NGO NA YOD PA TZAM MA GTOGS SANGS RGYAS KYIS GZIGS NGO NA MED CING, DNGOS PO LA TSAD MAS GRUB PA'I SGO NAS SNANG TSUL DE DAG GANG DU YANG YOD PA MA YIN GYI, SANGS RGYAS KYIS GZIGS TSUL DANG DNGOS PO LA GRUB TSUL NI SPROS PA'I MTHA' THAMS CAD DANG BRAL BA YIN PAS, YOD PA YANG MA YIN MED PA YANG MA YIN PA'I BRJOD MED KYI DON DU GNAS SO ZHES 'DOD PA'I LOG RTOG NGAN PA DE NYID YID LA BZHAG PA'I 'CHAD TSUL DU SNANG LA, DE LTAR 'JIG RTEN GYI KHAMS KYI TSAD KUN RDZOB TU JI LTAR 'GYUR DU CHUG MOD CES PA'ANG KUN RDZOB TU SEMS CAN GYI BSAM NGO NA JI LTAR SNANG BA DANG MTHUN PAR BSTAN PA'I DON DANG 'DIR BSREG BCAD CES PA LA SOGS PAS ZHES SOGS KYI
, ,DON KYANG DON LA RTON PA'I SGO NAS RIGS PAS BRTAGS SHING TSAD MAS GZHAL NAS 'JIG RTEN GYI KHAMS KYI RNAM BZHAG GANG YANG DAM BCAS PA 'AM GSUNGS PA NI MA YIN ZHES BYA BA'I DON DU 'CHAD PA'I LUGS TE, 'DI DAG GI LTAR NA; 'JIG RTEN GCIG NYID KYANG CHOS MNGON PAR BSTAN PA'I GDUL BYA DE DAG GI BSAM DON CHOS MNGON PA NAS GSUNGS PA'I TSAD DANG DBYIBS LA SOGS PA DE LTAR SNANG ZHING BSAM NGO DER DE LTAR BDEN LA, DUS 'KHOR BSTAN PA'I GDUL BYA'I GSAM DON 'DI NAS BSTAN PA'I TSAD DANG DBYIBS LA SOGS PA 'DI LTAR SNANG ZHING BSAM NGO DER DE LTAR BDEN GYI, YANG DAG PAR DE DAG GANG DU YANG YOD PA MA YIN NO ZHES SMRA BA YIN TE, TSAD MAS GRUB PA DANG, YANG DAG PAR GRUB PA'I KHYAD PAR MA PHYED CIG, YOD PA DANG BDEN PAR YOD PA'I SHAN MA PHYED PAS, THA SNYAD TSAD MAS GRUB PA GCIG KYANG 'JOG MI SHES PAR, BLO 'KHRUL PA GANG YIN GYI 'KHRUL DON YOD PA LA THA SNYAD DU YOD PA TZAM ZHIG TU SMRA BA 'DI NI, KHO RANG GIS KHO RANG STONG PA RANG STONG GI DON DU BYAS NAS CHOS THAMS CAD RANG STONG DU 'DOD PA'I GRUB PA'I MTHA' RNAM PAR 'JOG PA 'DI DAG GI THA SNYAD 'JOG TSUL YIN LA, DE LTAR NA MU STEGS KYI 'DOD PAS SGRO BTAGS PA'I DON DANG SANGS RGYAS PA RANG LUGS GYI KUN RDZOB TU KHAS LEN RGYU'I RNAM GZHAG JI TZAM ZHIG BYAS PA THAMS CAD TSAD MAS MA GRUB PAR MTSUNGS PA DANG SHES PA 'KHRUL PA'I BSAM DON YOD PA TZAM DU KHYAD PAR MED PA'I PHYIR 'DI 'THAD LA 'DI MI 'THAD DO ZHES GANG DU'ANG DBYE
MI NUS PAR 'GYUR BAS DE LAS THA CHAD PA CI ZHIG BYAR YOD, RIG BYED PAS CHANGS PA'I YUL SA LA DPAG TSAD BYE BA'I KHYON NO ZHES SMRAS PA RDZUN TSIG DANG, RGYUD 'DIR GZA' DANG RTZIS DANG KHYIM GYI 'KHOR LO DANG LDAN PA'I 'JIG RTEN GYI KHAMS KYI TSAD RAB TU BKOD PA RDZUN TSIG MA YIN PA'I KHYAD PAR GTAN MI RUNG BAR 'GYUR TE, RIG BYED PA DANG 'DI'I GDUL BYA GNYIS KYI RANG RANG GI BSAM DON YOD PAR KHYAD PAR MED CING, BSREGS BCAD CES PA LA SOGS PA'I TSUL GYIS TSAD MAS GRUB NAS DAM BCAS PA'I DON DU MED PAR YANG KHYAD PAR MED PA'I PHYIR RO, ,'DIR DE LTAR BSTAN PA RIG BYED PA'I LUGS DE LA NYI MA'I SHING RTA LA SOGS PA'I DRANG SRONG MKHAS PA'I NGA RGYAL CAN RNAMS ZHEN PA DE GZHOM PA'I DON DU GSUNGS PA DANG, 'DIR BSTAN PA DE RIGS PAS GRUB NAS DAM BCAS PA'I DON MA YIN PAR KHAS BLANGS NAS, JI SRID RIGS PA MA BSTAN PA, ,DE SRID KHENGS BCAS DE DAG KUN MKHYEN GYI YANG DBANG MI 'GYUR, ZHES DRANG PA YANG JI LTAR MI 'GAL BA SMROS SHIG, MNGON PA NAS BSHAD PA DANG DUS 'KHOR NAS BSHAD PA'I TSAD DBYIBS CAN GYI 'JIG RTEN GYI KHAMS GNYI GA GZHI MA GRUB PAR THAL, DE GNYIS GA KUN MKHYEN YE SHES KYIS MA GZIGS PA'I PHYIR TE, THAMS CAD MKHYEN PA'I GZIGS PA LOG PAS THAMS CAD DU MED PA GO BAR BYED PAR GSUNGS PA'I PHYIR RO, ,'DI NI LEGS PAR BRTAGS NA CHOS GANG YANG TSAD GRUB TU BZHAG SA MED PAR THAMS CAD LA SKUR BA 'DEBS PA'I CHAD PA CHEN POR 'GYUR BA YIN PAS MCHIL MA'I THAL BA LTAR RGYANG RING DU DOR BAR BYA BA'I
, ,GNAS YIN TE, RGYAS PAR GZHAN DU BKAG ZIN LA, MU STEGS PA DANG RANG SDE DNGOS SMRA BA SOGS SU ZHIG GI 'DOD PAS BTAGS PA'I DON YIN YANG RANG RANG GI LUGS DE TSAD MAS GRUB PA'I DON DU KHAS BLANGS NAS SMRA BAR BYED KYI, LUGS DE TSAD MAS MA GRUB PA'I DON DU KHAS BLANGS NAS, DGONGS PA CAN DU YANG BSHAD DU MI RUNG BA'I LUGS KHYAD PAR DU 'PHAGS PAR KHAS 'CHE BA NI, RGOL BA DE DAG GANG GIS KYANG DPER BYA BAR MI NUS PA'I DBANG PO RTUL POR GO BAR BYED PA'O, ,'DIR RIGS RAL LA SOGS PA NA RE, DUS 'KHOR GYI LUGS 'DI LA KHAMS GSUM RI RAB LA BTZUD PA DANG, STONG GSUM CHAD PA DANG, PHYI'I RGYA MTSO ME'I KHOR YUG GIS BSKOR BA DANG, DE'I STENG DU NYI MA LHOR BGROD PA'I TSE SLOB PA DANG, RI RAB KYI LHO PADMA R'A GA LAS GRUB PA DANG, NYI KHYIM GYI 'KHOR LO RTZIBS BCU GNYIS PA SHAR DU 'GRO ZHING, GZA' SKAR THAMS CAD SHAR DU 'GRO BA DANG, RGYAL CHEN RIS BZHI DANG SUM CU RTZA GSUM RI RAB KYI SMAD DANG, BSAM GTAN BZHI PA RI RAB KYI RTZE MO DANG, ZAD PAR KHAMS GONG MA'I RGYU DANG, RGYA NAG CHE CHUNG GNYIS BOD DANG LI'I BYANG NA YOD PA DANG, RTZOD DUS SU 'KHOR LO BSGYUR BA 'BYUNG BA DANG, DE'I TSE RDZOGS LDAN DU 'GYUR PA DANG, 'DZAM BU GLING CHE CHUNG GNYIS KYI CHUNG BA'I NANG SKOR LA SHAM BHA LA YOD PA LA SOGS PA SANGS RGYAS PA'I THEG PA GSUM GYI GSUNG RAB RTZOD MED RNAMS DANG MI MTHUN ZHING TSAD MA GSUM DANG 'GAL BA DU MA YOD DE, RI RAB LA KHAMS GONG MA'I LHA MI TSUD PA DANG, PHYI'I RGYA MTSO KHOL NAS 'GRO BAR 'GYUR
BA DANG, GLING BAR GYI MUN PA MED PAR 'GYUR BA DANG, 'DZAM BU GLING GI THAD KYI NAM MKHA' DMAR POR 'GRO BA DANG, KHAMS GONG MAR 'PHAGS PA MIN PA MI SKYE BA DANG, RGYA NAG TU BOD 'GRO BA THAMS CAD KHA SHAR LA BLTAS NAS 'GRO BA DANG NYI ZLA GZA' SKAR THAMS CAD NUB LA 'GRO BA MNGON SUM GYIS GRUB PAS GNOD PA LA SOGS PA SKYON BRJOD KYIS MI LANG BA YOD DO, ZHES SMRA ZHING, DE BZHIN BYANG PHYOGS SHAMBHA LA, ,SANGS RGYAS PA YI GZHUNG LA MED, ,DUS 'KHOR GZHUNG LAS 'BYUNG BA NI, ,BHA RA TA YI 'JIG RTEN YIN, ZHES SMRA STE, BHA RA TA NI DRANG SRONG RGYAS PAS BYAS PA MU STEGS KYI GRUB PA'I MTHA' BSHAD PA'I GZHUNG 'BUM PHRAG GCIG PA ZHIG YOD PAR BSHAD PA DE'O, ,'DI LTAR BRJOD PA GANG YIN PA DE DAG NI PHYOGS SNGA MA'I 'DOD PA MA SHES PA DANG RIGS PA LTAR SNANG 'BA' ZHIG TU GYUR PA LA YID RTON PAS RANG NYID SLU BAR BYED PA'I TSIG YIN NO, ,JI LTAR ZHE NA, 'DI NAS RI RAB KYI TSAD DPAG TSAD 'BUM PHRAG GCIG TU MDZAD PA'I RTZE NA SUM CU RTZA GSUM YOD PA DANG, GZUGS GZUGS MED KYI GNAS NI RI RAB KYI RTZE LAS BRGAL BA NA YOD PAR BSHAD LA, RI RAB LUS KYI SGAL TSIGS DANG CHOS MTHUN PA DANG, GZUGS GZUGS MED KYI GNAS DAG NI LUS KYI MGRIN PA NAS GTZUG TOR GYI BAR DANG RIM PA BZHIN CHOS MTHUN SBYAR NAS DNGOS SU GSAL PAR GSUNGS BZHIN DU KHAMS GSUM RI RAB LA BTZUD PA DANG BSAM GTAN BZHI PA RI RAB KYI RTZE MOR BSHAD DO ZHES ZER BAS NI GLEGS BAM TZAM YANG ZHIB TU MA BKLAGS PAR SMRAS PA'I RANG GI NGANG TSUL GSAL BAR BYAS TE, KHAMS GONG GI GNAS DAG LA RI
, ,RAB KYI MGRIN PA DANG GDONG LA SOGS PA'I THA SNYAD MDZED PA TZAM GYIS MGO RMONGS PAR BYAS PA'O, ,DUS 'KHOR GYI LUGS LA STONG GSUM CHAD PAR SMRAS PAS KYANG, GZHUNG TZAM YANG TSANG BA MA BKLAGS PA GO BAR BYAS TE, 'GREL CHEN LAS, STONG GCIG CES BYA BA NI MI MJED KYI 'JIG RTEN GYI KHAMS KYI DBUS NAS STENG DANG 'OG TU STONG PHRAG RE RE STE, SHAR DANG NUB DANG BYANG DANG LHO DANG BDEN BRAL DANG DBANG LDAN DANG RLUNG DANG MER RO, ,DE BZHIN DU STONG PHRAG GNYIS DANG GSUM MO, ZHES GSUNGS PA MA MTHONG BAR SMRAS PA'I PHYIR RO, ,'ON KYANG MNGON PA NAS BSHAD PA DANG TSUL MI 'DRA'O, ,DA LTA CHU KLUNG SHIN TU CHEN PO MCHOG TU GTING ZAB PA'I STENG DU GSER SRAN MA TZAM ZHIG BZHAG NA YANG CUNG ZAD KYANG STENG DU GNAS MI NUS PAR GTING DU NUB PAR 'GYUR BA'I PHYIR GSER GYI SA GZHI DPAG TSAD DU MA'I RNGAMS DANG LDAN PA STENG DU SA CHEN PO RI RAB DANG GSER GYI RI BDUN DANG, GLING BCU GNYIS KHOR YUG GI LCAGS KYI RI DANG BCAS PA 'DI TZAM ZHIG GNAS PA 'OG GI CHU'I DKYIL 'KHOR GYI STENG DU BZHAG PA NA CHU NANG DU CUNG ZAD KYANG BYANG BAR MI 'GYUR BAR GNAS PA JI LTAR 'THAD CES BRJOD NA CI ZHIG SMRA, DE NI LAS KYI MTHUS BZUNG BAS BYING BAR MI 'GYUR BA YIN NO ZHES ZER NA, KHOR YUG GI RI LCAGS BSREGS KYI ME LTA BU'I NANG DU PHYI'I RGYA MTSO CHUD KYANG RGYA MTSO CHER KHOL BA DANG BSKAM PAR MI 'GYUR BA NI LAS KYI MTHU LAS YIN PAS DA LTA LCAGS BSREGS KYI SNOD CHUNG NGU'I NANG DU CHU NYUNG ZAD BLUG PA DANG MI 'DRA'O ZHES SU ZHIG GIS BRJOD PAR MI
NUS, NYI MA'I 'OD ZER KHOR YUG GI PHYI MTHA' BRGAL TE 'GRO BAR GZHUNG 'DI DAG GANG DU'ANG MA BSHAD CING MI 'DOD PAS GLING BAR GYI MUN PA MED PAR THAL BA SU ZHIG LA 'PHEN PAR BYED, GLING SO SO'I THAD KYI NAM MKHA'I KHA DOG RI RAB KYI PHYOGS SO SO'I MDANGS BAR SNANG LA PHOG PA'I KHA DOG YIN PA 'DIR KHAS MI LAN PAS GLING 'DI'I THAD KYI NAM MKHA' DMAR POR THAL BA'I SKYON GA LA YOD, MNGON PA NAS RI RAB KYI KHA DOG TU BSHAD PA MA YIN NAM CI'I PHYIR DE LTAR MI 'DOD CE NA, 'O NA DRAN PA NYER GZHAG LAS, RI RAB KYI BYANG GI KHA DOG GI DBANG GIS SGRA MI SNYAN GYI THAD KYI NAM MKHA' SKYE BOR BSHAD PA'I PHYIR DE LTAR YANG CI'I PHYIR KHAS MI LEN, DE 'DOD NA NI MNGON PA LAS SGRA MI SNYAN GYI THAD KYI NAM MKHA' SER POR BSHAD PA LTAR KHAS LEN PA NYAMS SO, ,DRAN PA NYER GZHAG NAS DE LTAR BSHAD KYANG DE LTAR KHAS MI LEN NA MDZOD RTZA 'GREL NAS BSHAD PA TZAM GYI RGYU MTSAN GYIS DE LTAR KHAS LEN DGOS PA'I RGYU MTSAN CI ZHIG BSTAN DU YOD, GSUNG RAB DAG LAS NI 'CHAD TSUL MI 'DRA BA MTHA' YAS PA ZHIG YOD DE, SANGS RGYAS PHAL PO CHE LAS GLING BZHI PO 'DI'I 'KHOR GYI GLING PHRAN BYE BA PHRAG BRGYAD CU YOD PAR YANG BSHAD CING, BYAMS PA LUNG BSTAN PA'I MDO LAS 'DZAM BU GLING 'DI LA DPAG TSAD KHRI YOD PAR YANG BSHAD DE, DE LTA BU DAG KYANG MNGON PA MDZOD NAS BSHAD PA DANG MI MTHUN PA'I PHYIR RGYAL BA'I BKA' MA YIN NO ZHES PHYOGS GCIG DANG MI MTHUN PA'I RTAGS KYIS THAMS CAD SPANG BAR BYED DAM, BOD KYI DBUS DRANG PO NAS SHAR NUB LA THIG BTAB PA'I DBANG DU BYAS
, ,NA RGYA'I SA CHA PHAL CHE BA NI BOD KYI BYANG DU 'ONG STE, RGYA NAG CHEN PO ZHES KYANG THA SNYAD BYED PA DA LTA RGYA SMAN TZER GRAGS PA NI 'DZAM GLING CHUNG DU LA DUM BU DRUG TU BYAS PA'I YA GYAL GYI RGYA NAG MA YIN NO, ,ZAD PAR KHAMS GENG GI RGYUR BSHAD PA'I DGOS PA 'OG TU 'CHAD CING, NYI ZLA'I RANG 'GROS GA-YON SKOR DU 'GRO BA MNGON SUM LA SNANG BZHIN DU MA NGES PA'I GTAM YIN TE 'CHAD PAR 'GYUR RO, ,PHA ROL TU PHYIN PA'I THEG PA'I MDO DANG BSTAN BCOS RNAMS SU SHAM-BHA LA'I RNAM GZHAG MA GSUNGS PAS MED PAR 'GYUR BA GA LA YIN, DE LTA NA PU LI RAM LA YA LA SOGS PA YUL NYI SHU RTZA BZHI DANG MKHA' LA SPYOD PA'I GNAS DU MA DANG BCAS PA THAMS CAD KYI RNAM GZHAG PHAR PHYIN THEG PA'I GZHUNG GANG LAS KYANG MA BSHAD PA'I PHYIR DE DAG GI BSHAD PA BYED PA THAMS CAD KYANG SANGS RGYAS PA'I THEG PA GSUM GYI GSUNG RAB RTZOD MED RNAMS DANG MI MTHUN NO ZHES SNGAGS BLA MED SPONG BA LA GZENGS MTHO BAR BYOS SHIG, SHAMBHA LA YANG GNAS DE DAG DANG MTSUNGS PAR SNGAGS KYI GRUB PA'I GNAS THUN MONG MA YIN PA YIN PAS GZHUNG THUN MONG BA DAG TU MA GSUNGS PA YIN NO, ,DUS 'KHOR NAS BSHAD PA'I 'JIG RTEN GYI KHAMS KYI RNAM BZHAG BHA RA HA'I 'DOD PA YIN LA, DE TSAD CHEN LAS BKAG GO ZHES ZER BA NI, TSAD MA'I DE KHO NA NYID BSDUS PAR DBANG PO LAS 'DAS PA'I DON MTHONG BA'I SKYES BU BRTAG PA'I RAB BYED LA, DON NI GANG ZHIG THAG RING GNAS, ,YUN RINGS RGYA MTSO RNAMS DANG NI, ,GLING DANG 'JIG RTEN PAR BCAD GANG, ,'DIR GNAS DE DAG SU YIS MTHONG,,
NA LE'I RGYAL DANG DUS 'DAB RGYAL, ,RTA MCHOG LO YI DER SHES SNGON, ,SHING RTA ZHON NAS 'GRO BA NI, ,DUS KYI 'DAB MAS TSIG 'DI SMRAS, ZHES GSUNGS PA DE TZAM ZHIG LAS MED LA, DE NI MU STEGS KYI GZHUNG RTZOM PA PO DRANG SRONG DE DAG GIS GZHUNG DE DAG TU RI RAB DANG GLING DANG LHA'I GNAS LA SOGS PA'I RNAM GZHAG BYAS PA DE DAG YID BRTAN DU MI RUNG STE, GZHUNG DE DAG TU MNGON SUM GYIS GRUB PA'I DON GTAN LA PHANG PA DAG LA'ANG 'KHRUL PA DU MA ZHIG MTHONG NA YUL DUS KYIS CHOD PA'I SHIN TU LKOG TU GYUR PA'I DON RNAMS JI LTAR GNAS PA LTAR MTHONG BA'I MI 'KHRUL BA DE DAG LA GA LA YOD CES BYA BA TZAM ZHIG BSTAN PA YIN GYI DUS 'KHOR NAS BSHAD PA'I RNAM BZHAG 'DI LTA BU 'GOS PA YIN PA'I SHES BYED CUNG ZAD KYANG MED PAS 'DOD PA TZAM GYIS SMRA BA 'BA' ZHIG TU ZAD DO, ,GZHAN YANG 'DUL BA DANG MNGON PA NAS BYANG SGRA MI SNYAN PA SANGS RGYAS KYI BSTAN PA'I SNOD MA YIN PAR BSHAD PA DANG, 'DIR 'KHOR LO CAN GYIS GLING DER SANGS RGYAS KYI CHOS NYE BAR 'JOG CING GLING DER BSTAN PA RDZOGS LDAN DU BYED PA DANG, DE'I SNGA ROL DU SANGS RGYAS KYI CHOS GLING DER RTZOD LDAN DU GYUR PAR BSHAD PAS 'KHOR LO CAN BYON PA'I GONG DU GLING DER SANGS RGYAS KYI BSTAN PA RDZOGS LDAN DU GYUR PA ZHIG 'DOD DGOS PA'I TSUL DE DAG SDE SNOD GZHAN DE DAG DANG JI LTAR MI 'GAL BA BRJOD DGOS SO ZHE NA, BRJOD PAR BYA STE, PHA ROL TU PHYIN PA'I 'DUL BA DANG MNGON PA'I SDE SNOD NAS DE LTAR GSUNGS PA NI THEG PA THUN MONG GIS BSTAN PA'I DBANG DU MDZAD PA'I THEG PA 'OG MA DAG GI RNAM GZHAG YIN TE
, ,DE YANG GTZO BOR GLING DE'I MI RNAMS DGE TSUL PHA MA DANG DGE SLONG PHA MA'I SDOM PA MTSAN NYID RDZOGS PA SKYE BA'I RTEN DU MI RUNG BAS DE'I PHYIR SDOM PA DE DAG GI RTEN LA GLING GSUM GYI SKYES PA DANG BUD MED DGOS PAR GSUNGS SHING, SDOM PA DE DAG DA LTAR GYIS CHO GAS SBYIN PA'I SNGON DU BAR CHAD 'DRI BA NA YANG BYANG GI SGRA MI SNYAN PA MA YIN NAM ZHES 'DRI BAR GSUNGS SO, ,DE DANG SNGAGS BLA MED KYI THEG PA'I TSUL RIGS MI 'DRA BA SHIN TU CHE STE, DPER NA 'TSAMS MED PA LNGA GANG RUNG BYAS NA RTEN DE LA DGE TSUL DANG DGE SLONG GI SDOM PA SKYE MI SRID PAS SDOM PA SKYE BA'I BAR CHAD CAN DU 'DUL BA NAS GSUNGS NA YANG, SNGAGS BLA NA MED PA'I THEG PA 'DIR 'TSAMS MED PA LNGA KA BYAS PAS KYANG CHA DE LA 'TSANG RGYA BA'I KHYAD PAR YOD PAR GSUNGS PA LTA BU'O, ,DE LTA MA YIN NA PHAR PHYIN GYI THEG PA CHE CHUNG GI SDE SNOD DGONGS 'GREL DANG BCAS PA SPYI'I RNAM GZHAG LA, 'TSAMS MED BYAS PA'I RTEN DE LAM LNGA PO GANG YANG TSE DE LA SKYE BA'I SNOD DU MI RUNG BAR BZHAD PA YIN PA'I PHYIR NA, SNGAGS BLA MED KYI RGYUD LAS 'TSAMS MED PA LNGA KA BYAS PA'I RTEN DE LA 'TSANG RGYA BA'ANG YOD PAR BSHAD PA NI THEG PA GSUM GYI GSUNG RAB DANG 'GAL BAS SANGS RGYAS KYI BKA' MA YIN NO ZHES RGYA BSKYED DE SMRA BAR BYED DAM, GZHAN YANG PHAR PHYIN THEG PA DANG RGYUD SDE 'OG MA GSUM GYI LUGS LA BUD MED KYI RTAN LA 'TSANG RGYA BA MI SRID PA DANG, BLA MED DU BUD MED KYIS KYANG TSE DE LA 'TSANG RGYA BA YOD PAR BSHAD PA SOGS DU MA ZHIG LA DE LTAR SBYAR BA BYA'O, ,DE BAS NA BYANG SGRA MI SNYAN PA RAB BYUNG GI
SDOM PA'I RTEN DU RUNG BAR 'GREL PA SKOR GSUM GANG NAS KYANG MA BSHAD CING, RIGS LDAN 'KHOR LO CAN GYIS GLING DER SANGS RGYAS KYI BSTAN PA RDZOGS LDAN DU MDZAD PAR BSHAD PA NI SNGAGS KYI THEG PA'I BSTAN PA LA BKOD PA'I RDZOGS LDAN DU BZHED PA YIN GYI; RGYAL PO DMAG GI SDE DANG BCAS PA GLING DER BYON NAS MI RNAMS LA 'DUL BA'I CHO GAS DGE SLONG GI SDOM PA PHAG PA SOGS KYI TSUL GYIS RDZOGS LDAN DU BYAS PAR BZHED PA GA LA YIN, DPER NA RGYAL PO AINTRA BH'U TES GSOL BA BTAB PAS STON PA AU RGYAN DU BYON TE, STON PA RANG NYID KYANG 'KHOR LO BSGYUR BA'I GZUGS KYIS BTZUN MO DANG BCAS PAS RGYAL PO 'KHOR BCAS LA DBANG BSKUR ZHING CHOS BSTAN PA NA, AU RGYAN GYI YUL GYI RGYAL KHAMS SU RAB BYUNG BSNYEN RDZOGS SU MI GCIG KYANG MA BSGRUBS KYANG RDO RJE THEG PA'I BSTAN PA RDZOGS LDAN DU GYUR PA BZHIN NO, ,DE'I PHYIR GLING DER RIGS LDAN MA BYON PA'I GONG GI BSTAN PA'I DUS BZHI YANG SNGAGS KYI THEG PA'I BSTAN PA'I DBANG DU BYAS PAR KHAS BLANGS PA LA SKYON MED DO, ,'O NA RGYUD SDOM 'BYUNG DANG, RNAM BZHAG RIM PA LA SOGS PAR GLING GZHAN GSUM LONGS SPYOD KYI SA PA YIN GYI LAS KYI SA PA MA YIN PA DANG, LHO 'DZAM BU GLING KHO NA LAS KYI SA PAR GSUNGS PAS GLING GZHAN GSUM SNGAGS BLA MED KYI LAM NYAMS SU LEN PA'I RTEN DU MI RUNG BAR DON GYIS BSHAD PA MA YIN NAM, RGYUD 'DI 'GREL PA DANG BCAS PAR GLING BCU GNYIS PO THAMS CAD LAS KYIS PAR BSHAD CING, GLING DE DAG TU BLA MED KYI THEG PA'I BSTAN PA BYUNG BA DANG
, ,'BYUNG BA'I TSUL DE LTAR NA LAS KYI SA PAR 'DOD KYANG DGOS PAS, BLA MED KYI RGYUD RTZOD MED DANG GRUB CHEN GYI GZHUNG DE DAG DANG JI LTAR MI 'GAL BA SMRA DGOS SO ZHE NA, BSHAD PAR BYA STE, SDOM 'BYUNG LAS, SHAR GYI LUS 'PHAGS BA LANG SPYOD, ,DE BZHIN BYANG GI SGRA MI SNYAN, ,GLING GSUM PO YI MI RNAMS NI, ,LONGS SPYOD CHEN POS YANG DAG 'TSO, ,RNAM RTOG MED CING RNAM DPYOD MED, ,BLUN RMONGS BYE BRAG MI BYED PA'O, ZHES DANG, 'DZAM BU GLING RNAMS LEGS SKYES PA'I, ,LAS KYI SA PAR RAB TU GRAGS, ,LEGS BYAS DANG NI NYES BYAS LAS, ,MCHOG DANG 'BRING DANG THA MA YI, ,SKYE BA SNGA MA'I RNAM SMIN 'DIR, ,SKYE BO KUN LA MTHONG BAR 'GYUR, ZHES GSUNGS PA DE LA, DE LTA BU'ANG GTZO CHER LHO 'DZAM BU GLING PA'I MI'I MCHOG YUL DBUS SU SKYES PA'I DBANG DU BYAS PA YIN PAR, 'DZAM BU GLING GI MCHOG GTZO BO, ,DBUS KYI YUL DU SKYES PA DE, ,DBANG PO RTUL 'BRING RNON PO RNAMS, ,SKYE BA SNGA MA'I DGE BA LTOS, ZHES PAS BSTAN LA, RNAM BZHAG RIM PAR YANG, SHAR GYI LUS 'PHAGS DANG, NUB KYI BA LANG SPYOD DANG, BYANG GI SGRA MI SNYAN GYI MI RNAMS LA LONGS SPYOD CHEN PO DANG LDAN TE, DE LTA MOD KYI BLUN ZHING RMONGS PAS MI SPYOD CING MI 'BYED DO, ,'DZAM BU GLING PA 'DI NI LAS KYI SA PA YIN TE, DES NA LEGS PAR SPYAD PA DANG NYES PAR SPYAD PAS, MCHOG DANG 'BRING DANG THA MA'I SEMS CAN RNAMS SU LAS KYI 'BRAS BU RNAM PAR SMIN PA 'DIR SNANG BAR 'GYUR RO, ,'DI LTA STE YANG 'DZAM BU GLING PA'I MI RNAMS GA-YO DANG SGYU DANG DREGS PA DANG PHRAG DOG DANG GDUG
PA'I BSAM PAS RIMS NAD LA SOGS PAS YONGS SU GZIR BAR 'GYUR RO, ,'ON KYANG MGO SMOS PAS GO BA DANG, DBANG PO RNO ZHING BSGRIN PA STE, DES NA BYANG CHUB SEMS DPA' RNAMS 'DZAM BU GLING GI SKYE BO'I GNAS KYI DBUS SU 'KHRUNGS SHING CHOS STON PAR 'GYUR RO, ZHES GSUNGS PA DE DAG GIS NI, LHO 'DZAM BU GLING 'DI'I YUL GYI DBUS SU SKYES PA'I MI LA TSE 'DIR BSAGS PA'I LAS BZANG NGAN GYI RNAM PAR SMIN PA TSE 'DI NYID LA MTHONG BAR SMIN PA'I LAS GSEG NUS PAR SHIN TU MANG BA LTAR GLING GZHAN GSUM NA GSOG NUS PA CHAR MED PA DANG, GLING 'DI'I YUL DBUS KYI GDUL BYA DBANG PO RNON PO RIN PO CHE LTA BU'I RIGS CAN TSE DE LA GSANG SNGAGS BLA MED KYI LAM GYI THOG MA NAS ZHUGS NAS TSE 'DI NYID LA MCHOG GRUB STE 'TSANG RGYA BAR NUS PA CHES MANG YANG GLING GZHAN NA DE LTAR MED PA DANG, 'JIG RTEN 'DIR MCHOG GI SPRUL SKU MDZAD PA STON PA'I DUS LA BAB PA NA, GLING 'DI'I 'PHAGS PA'I YUL GYI GDUL BYA BCOM LDAN 'DAS KYIS CHOS BSTAN PA DE'I MOD LA 'BRAS BU MNGON DU BYED NUS PA DANG, TSE DE LA DGRA BCOM PAR 'GYUR BA'I GDUL BYA MCHOG TU MANG BA LTAR GLING GZHAN GSUM NA MI MANG BAS BCOM LDAN 'DAS KYANG GLING 'DI KHO NAR MDZAD PA BCU GNYIS KYI YA GYAL GYI 'TSANG RGYA BA'I MDZAD PA STON GYI GLING GZHAN DU MI STON PAS, RGYU MTSAN DE DAG GI SGO NAS GLING 'DI LAS KYI SA PA DANG, GLING GZHAN GSUM LONGS SPYOD CHEN PO DANG LDAN PAS LONGS SPYOD KYI SA PAR BSHAD PA YIN LA, 'DIR NI GLING BCU GNYIS PO THAMS CAD NA YANG RDO RJE THEG PA'I
, ,LAM BSTAN PA'I SNOD DU RUNG BA DANG, LAM NYAMS SU BLANGS PAS DNGOS GRUB CI RIGS PA 'GRUB PA'I SKAL PA YOD PA'I LAS BZANG PO BSAGS PA'I GDUL BYA YOD PA TZAM RGYU MTSAN DU MDZAD NAS GLING BCU GNYIS PO THAMS CAD LAS KYI SA PAR GSUNGS TE, LAS KYI SA PA'I SGRA GLING 'DI KHO NA LA SBYAR BA DANG GLING BCU GNYIS PO THAMS CAD LA SBYAR BA GNYIS GA'ANG RGYU MTSAN PHYOGS RE RE NAS SBYAR BA YIN LA, RGYU MTSAN SNGA MA DE DAG GI DBANG DU BYAS PA'I GLING 'DI KHO NA LAS KYI SA PA YIN PA DANG, RGYU MTSAN PHYI MA 'DI TZAM GYI DBANG DU BYAS NA GLING BCU GNYIS PO THAMS CAD KYANG LAS KYI SA PA YIN PA GNYIS KA KHAS BLANGS PA LA 'GAL BA CUNG ZAD KYANG MED DO, ,SNGAGS BLA MED KYI LAM BSTAN PA DANG NYAMS SU LEN PA SOGS KYI SNOD LDAN GYI GDUL BYA MANG DU YOD PA DANG, DA 'DRA BA'I LAS KYI SA PA YIN PA LA, PHYOGS DER SNGAGS KYI BSTAN PA LEGS PAR ZHUGS PA'I THOG MA DANG RGYAS PA'I DUS NAm YANG SNGAGS BLA MED KYI LAM GYI THOG MA NAS NYAMS SU BLANGS PA'I TSE DE LA MCHOG GRUB NAS 'TSANG RGYA BA MANG DU 'BYUNG BAS KHYAB PA NI MA YIN TE, BOD BZHIN NO, ,RDO RJE MKHA' 'GRO'I 'GREL PAR BHA WA BHA TRAS, 'DI LTAR 'DZAM BU GLING NYID KYI YUL DANG GNAS DE DAG NA RNAL 'BYOR MA RNAMS BZHUGS TE, GLING 'DI NYID LAS KYI SA PA YIN PAS LAS RNAMS 'GRUB PAR 'GYUR GYI, GLING GZHAN RNAMS NA NI DE NYID KYIS LAS KYI SA DER 'BRAS BU SMIN PAR MI 'GYUR TE, GZHAN GYIS 'BRAS BU YIN PA'I PHYIR DE DAG TU LAS MI 'GRUB PAS RNAL 'BYOR MA RNAMS GLING GZHAN DU MI GSHEGS SO, ZHES
BSHAD KYANG, RI G'I AAR LI'I RGYUD DU SHAR LUS 'PHAGS PA DANG 'DZAM BU GLING DANG NUB BA LONG SPYOD DANG BYANG SGRA MI SNYAN BZHI KA GNAS DANG NYE BA'I GNAS LA SOGS PA'I YA GYAL GYI GNAS YIN PA DANG DE BZHIN RNAL 'BYOR MA BZHI GNAS PAR GSUNGS PA'I PHYIR MTHA' GCIG TU MA NGES TA MAN SNYER RGYAS PAR BSHAD PA LTAR RO, ,SGRA MI SNYAN PA SANGS RGYAS KYI BSTAN PA'I SNOD DU RUNG PAR 'GYUR ZHES PA'I RTZOD PA LA LAN 'DEBS PA NA, BYANG SGRA MI SNYAN NA 'PHAGS PA'I GNAS BRTAN CHEN PO BA GU LA 'KHOR DGRA BCOM PA DU MA DANG BCAS PA BZHUGS PAR BSHAD PAS 'DOD LAN 'DEBS PAR SMRA DGOS PA'ANG BYUNG BA NI LAN GYIS SHIN TU PHONGS PA GO BAR BYED PA'I 'BRAL MED CHEN PO STE, BYANG SGRA MI SNYAN DU SKYES PA'I MI TSE DE LA SANGS RGYAS KYI BSTAN PA'I SNOD DU RUNG MI RUNG DPYOD PA'I LAN DU, LHO 'DZAM BU GLING GI MIR 'KHRUNGS NAS LHO 'DZAM BU GLING DU DGRA BCOM THOB PA DE DAG DA LTA BYANG SGRA MI SNYAN NA GZHUGS PAS SKYON MED CES LAN BTAB PA'I PHYIR RO, ,BYANG SGRA MI SNYAN NA BZHUGS PA SGRA MI SNYAN PA'I MI'I DON MDZAD PA'I PHYIR YIN MOD SNYAM NA NI, SANGS RGYAS BYANG CHUB SEMS DPA' DBANG THOB PA DAG DMYAL BA DANG YI DvAGS DANG DUD 'GRO'I GNAS LA SOGS PAR YANG GDUL BYA'I DON DU 'JUG PAR GSUNGS PA THAMS CAD KYIS MA NGES SO, ,'O NA SGRA MI SNYAN DU KLA KLO'I CHOS 'JUG PAR 'DIR BSHAD PA LTAR NA SGRA MI SNYAN NA SROG BCAD NAS SHA DANG KHRAG GSAR PA'I BZA' BTUNG BYED PA LA SOGS PA KLA KLO SOGS PO'I CHOS LUGS RNAMS LA ZHUGS PA'I GNAS SKABS YOD PAR 'GYUR BAS, SGRA MI SNYAN NA NYON MONGS CAN GYI SEMS KYIS GLU LEN PA'I DAG BKYAL MA
, ,GTOGS SROG GCOD SOGS MI SRID PAR CHOS MNGON PA'I SDE SNOD NAS BSHAD PA DANG JI LTAR MI 'GAL ZHE NA, DE NI 'DI LTAR SHES PAR BYA STE, MDO SDE DAG DANG 'DUL BA DANG MNGON PA'I SDE SNOD GONG 'OG DU MA NAS BSKAL PA DANG PO'I MI CHAGS NAS RIM GYIS BRAM ZE LA SOGS PA RIGS BZHI'I DBYE BA BYUNG BA NI LHO 'DZAM BU GLING 'DI KHO NA'I DBANG DU MDZAD KYI GLING GZHAN GSUM NA MI RIGS BZHI'I DBYE BA MED PA'I LUGS SU MDZAD PA LTAR BLA MED KYI SKABS SU'ANG CHEN PO DAG GIS GZHUNG LAS DE'I DBANG DU MDZAD PA 'BYUNG LA, DUS 'KHOR NA YANG GLING GZHAN GSUM NA DE LTA BU'I DBYE BA YOD PAR BSHAD PA MED DO, ,DE BZHIN DU KLA KLO SOG PO ZHES BYA BA'ANG GLING 'DI KHO NA NI YOD KYI, GLING GZHAN GSUM NA YOD PAR DUS 'KHOR GYI SKOR NA YANG ZUR TZAM YANG BSHAD PA MED LA, GLING BCU GNYIS PO THAMS CAD DU KLA KLO'I CHOS 'JUG PA DANG DE RIGS LDAN GYIS 'JOMS PAR BYED PAR BSHAD KYIS, KLA KLO GLING GZHAN DU 'JUG PAR BSHAD PA ZUR TZAM YANG MED CING, KLA KLO 'JUG PA DANG KLA KLO'I CHOS 'JUG PA MI 'DRA'O, ,GLING 'DI'I 'PHAGS PA'I YUL GYI MKHAR KLA KLO THOG MAR 'JUG PA DANG, DE LTAR ZHUGS PA'I KLA KLO'I DBANG PO NI A'A GRA AA NA GHA LA SOGS PA RNAMS YIN PA DANG, DE DAG GI KLA KLO'I CHOS RIM GYIS ZHUGS NAS CHU BO S'I TI'I 'GRAM BAR GYI 'DZAM BU GLING CHUNG NGU'I SA'I CHA PHAL CHER KHYAB PAR GYUR BA NA RIGS LDAN 'KHOR LO CAN 'KHOR DANG BCAS PA'I DMAG GI DPUNG SHAMBHA LA'I GNAS NAS THON NAS CHU BO S'I TA'I LHOR BYUNG STE KLA KLO'I DBANG PO 'KHOR DANG BCAS PA'I DMAG DANG GLING 'DI'I SA'I GZHIR GA-YUL BKYE NAS KLA KLO'I DBANG
PO 'KHOR DANG BCAS PA MA LUS PA 'JOMS PAR BYED PAR BSHAD KYI, GLING 'DI'I KLA KLO'I DBANG PO 'KHOR DANG BCAS PA DE DAG GLING GZHAN RNAMS SU RIM PA BZHIN 'GRO BAR YANG MA BSHAD LA, GLING GZHAN DE DAG NA'ANG GLING 'DIR BYUNG BA DANG 'DRA BA'I KLA KLO'I DBANG PO GZHAN DANG GZHAN 'BYUNG BA'ANG MA BSHAD CING, GLING 'DI MA GTOGS GLING GZHAN DE DAG TU RIGS LDAN 'KHOR LO CAN KLA KLO DANG GA-YUL 'GYED PA SOGS KYANG ZUR TZAM YANG BSHAD PA MED DO, ,'O NA LE'U DANG PO'O GO LAR, KLA KLO RNAMS NI GZHOM PA'I SLAD DU SA YI BDAG PO DBANG PO BCU GNYIS DAG DANG LDAN PAR 'GRO ZHES 'BYUNG BA JI LTAR ZHE NA, DE NI GLING 'DIR KLA KLO DANG GA-YUL 'GYED PA'I TSE SA BDAG 'KHOR LO CAN DBANG PO BCU GNYIS TE LHA CHEN BCU GNYIS KYI GROGS DANG LDAN PAR 'GRO ZHES BYA BA'I DON YIN GYI, GLING BCU GNYIS SU KLA KLO DANG GA-YUL 'GYED PA'I SA BDAG BCU GNYIS 'BYUNG BAR STON PA MIN NO, ,DES NA GLING 'DIR NI KLA KLO'I STON PA RNAMS 'BYUNG ZHING, DE DAG GI RJES SU 'BRANG BA'I KLA KLO SOG PO RNAMS GANG DU ZHUGS PA'I YUL DER MI RNAMS KLA KLO SOG PO'I KUN SPYOD DANG BRTUL ZHUGS NGES PA LA SBYOR BA DANG, KLA KLO'I STON PA DE DAG GIS BZHAG PA'I LTA BA DANG CHOS LUGS LA 'JUG PAR 'GYUR BA YIN LA, GLING GZHAN DE DAG TU NI DE 'DRA BA'I KLA KLO SOG PO'I KUN SPYOD DANG BRTUL ZHUGS SOGS LA 'JUG PA MA YIN GYI, GLING DE DAG TU SNGAR ZHUGS PA'I SANGS RGYAS KYI CHOS KYI RKANG PA BZHI KA PHAL CHER NYAMS NAS, SANGS RGYAS KYI CHOS DE DAG GI BZLOG PHYOGS KYI CHOS MA YIN PA 'PHEL BAR GYUR PA NYID, KLA KLO SOG PA'I LHA DANG DPUNG GNYEN DU GYUR PA BDUD KYI PHYOGS DANG MTHUN PA'I
, ,CHOS ZHUGS PA YIN PAS, DE TZAM LA DGONGS NAS KLA KLO'I CHOS ZHUGS PA'I THA SNYAD MDZAD PA YIN NO, ,DE LTA BAS NA SANGS RGYAS KYI CHOS BLA NA MED PA NYAMS NAS DE DANG MI THUN PA'I CHOS ZHUGS PA TZAM LA MI DGE BA BCU RDZOGS PA MNGON GYUR DU SPYOD PA YOD DGOS PAS MA KHYAB PAS 'GAL BA MED DO, ,'KHOR LO CAN NI RANG GI LUS LA RDO RJE CAN DE, ZHES SOGS RNAMS KYIS NI PHYI ROL TU 'KHOR LO CAN DANG KLA KLO SA LA GA-YUL 'GYED PA DE NYID NANG LA CHOS MTHUN SBYAR BA YIN LA, DE TZAM GYIS 'KHOR LO CAN DANG KLA KLO LA 'KHRUG PA SOGS DNGOS GNAS LA MED PA'I DGONGS PA CAN DU 'GYUR NA, NANG LER GZA' DANG RGYU SKAR LA SOGS PA PHYI ROL GYIS CHOS PHAL CHE BA NANG LA SBYAR BA RNAMS KYIS KYANG GZA' DANG RGYU SKAR GYI DGYE BA LA SOGS PA DE DAG THAMS CAD DNGOS PO LA MED BZHIN DU DGONGS GZHI NANG GI CHOS DE DAG LA DGONGS NAS GSUNGS PA'I DGONGS PA CAN DU BSTAN PAR KUN TU MTSUNGS SO, ,GZHAN YANG RI RAB DANG DE'I MTHA' SKAR LA RI DRUG GLING DRUG MTSO DRUG LA SOGS PA DANG, GLING BCU GNYIS, MTHA'I RGYA MTSO KHOR YUG DANG BCAS PA RNAMS DANG, SA 'OG GI GNAS DANG BCAS PA'I GRANGS DANG DBYIBS DANG TSAD DANG KHA DOG LA SOGS PA RGYUD 'DI NAS JI LTAR BSTAN PA LTAR DU YOD PAS TSAD MAS GNOD PA BSTAN RGYU CI YANG MA SNYED NA 'DI NYID SGRA ZIN LTAR KHAS BLANG DU MI RUNG BAR MI 'GRUB LA, DE MA GRUB NA DE LTAR BSTAN PA DGONGS PA CAN DU BKRAL DGOS PAR YANG MI 'GRUB CING, 'DI NAS BSHAD PA LTAR YOD PA LA GNOD PA BSTAN RGYU MED PAR 'DI NYID MI 'THAD PAR DE BAS
KYANG SHES RIG DANG LDAN PA SU ZHIG SMRA BAR RIGS, DE LTA NA YANG DON DE DAG 'DI NAS BSTAN PA LTAR YOD PA LA DNGOS PO STOBS SHUGS KYI TSAD MA'I GNOD PA BSTAN PAR NUS PA MA YIN TE, RI RAB DANG GLING LA SOGS PA DE DAG NI DA LTA RANG CAG RNAMS LA SHIN TU LKOG TU GYUR PA'I PHYIR RO, ,DE LAS GZHAN KHAS BLANGS SNGA PHYI DANG RANG TSIG 'GAL BA'I GNOD PA'AM, DPYAD PA GSUM GYIS DAG PA'I LUNG GI GNOD PA YANG BSTAN PAR BYA BA CUNG ZAD KYANG MED PA'I PHYIR 'DI LTAR YOD PA LA GNOD BYED CI ZHIG BSTAN DU YOD, CI STE CHOS MNGON PA MDZOD NAS 'DI DANG MI MTHUN PAR GSUNGS PA DE LTA BU DE 'DI LTAR YOD PA LA LUNG GI GNOD BYED DO ZHE NA, 'O NA SA SDE NAS MDZOD DANG MI MTHUN PAR GSUNGS PA DE NYID MDZOD NAS BSHAD PA LTAR YOD PA LA GNOD BYED DANG, GONG DU BSHAD ZIN PA LTAR MDO GZHAN DANG GZHAN LAS MDZOD DANG SA SDE GNYIS KA DANG MI MTHUN PAR GSUNGS PA DE DAG DE GNYIS KA LA GNOD BYED DU THAL BA KUN TU MTSUNGS LA, RGYUD 'DIR RI GLING SOGS KYI DBYIBS TSAD GRANGS GSUM STON PA'I TSIG DANG DE DAG STON PA'I MDZOD KYI TSIG LA DPYAD PA GSUM GYIS DAG PAR BSGRUB DKA' SLA'I KHYAD PAR CUNG ZAD KYANG MED PA'I PHYIR 'DI NYID KYANG MDZOD NAS BSHAD PA LTAR GRUB PA LA GNOD BYED DU THAL LO, ` ,'O NA DON DE DAG 'DI DANG MNGON PA NAS SHIN TU MI MTHUN PAR BSTAN PA LA JI LTAR BSHAD PAR BYA SNYAM NA, DON DE DAG BDAG CAG RNAMS LA SHIN TU LKOG TU GYUR PAS LUNG 'BA' ZHIG LA BRTEN NAS DPYOD DGOS LA, LUNG DE DAG KYANG STON TSUL SHIN TU MI MTHUN ZHING, DE DAG GANG GI YANG SGRA ZIN LTAR GYI DON LA GNOD PA BSTAN RGYU MED PA NA GCIG LTAR DU GRUB LA CIG SHOS LTAR DU MA
, ,GRUB PA'I KHYAD PAR DBYE BAR MI NUS LA, DON GCIG NYID 'GAL BA GNYIS KYI GZHI MTHUN DU KHAS BLANG BA'I GNAS MED CING, MNGON PA DANG DUS 'KHOR GNYIS KAR YANG LHO'I 'DZAM BU GLING GI RGYA GAR 'PHAGS PA'I YUL DU STON PA SH'AKYA THUB PAS MDZAD PA BCU GNYIS BSTAN PA'I 'JIG RTEN 'DI'I RNAM BZHAG STON PA YIN GYI, GANG RUNG GCIG 'DI LA MI GTOGS PA'I 'JIG RTEN LOGS PA GCIG GI RNAM BZHAG STON PA YANG 'ONG BA'I GNAS MED DO, ,DES NA 'DI LTAR, GANG GI TSE BRLAN ZHING GSHER BA PHOR GANG GI NYE 'KHOR DU MI DANG LHA DANG YI DvAGS GSUM TSOGS PA'I TSE, SEMS CAN GSUM PO DE'I LAS SO SO'I DBANG GI CHA CAN BRLAN ZHING GSHER BA PHOR GANG PO DE NYID KYI CHA SHAS GCIG BDUD RTZI DANG, CHA SHAS GCIG RNAG KHRAG DANG, CHA SHAS GCIG CHU DvANGS SHING BSIL BAR SKYES NAS SEMS CAN DE DAG RE RE LA YANG RANG RANG GI LAS DANG MTHUN PA RE RE SNANG GI CHA SHAS GZHAN GNYIS DE'I TSE YOD KYANG MI SNANG LA, BRLAN ZHING GSHER BA PHOR GANG PO DE NYID DE GSUM GA'I GZHI MTHUN DU YOD PA'ANG MA YIN ZHING BRLAN ZHING GSHER BA PHOR GANG PA GCIG GI GO SA NA BDUD RTZI PHOR GANG DANG RNAG PHOR GANG DANG CHU DvANGS SHING BSIL BA PHOR GANG STE, PHOR GANG BA GSUM YOD KYANG CHA SHAS PHOR GANG BA GCIG GI GO SA NA PHOR GANG BA TSAN PA GSUM YOD PA YANG MA YIN TE, TSUL 'DI NYID LA DOGS PA'I MTHA' MA LUS PAR BCAD NAS RIGS PA YANG DAG GIS SHIN TU RGYAS PAR PHYOGS GZHAN DU KHO BOS GTAN LA PHANG ZIN TO, ,DPE DE BZHIN DU, 'PHAGS PA'I YUL DU RGYAL BAS
CHOS BSTAN CING SHAM-BHA LAR RIGS LDAN RNAMS BYON PA'I LHO GLING DBUS MA 'DI NYID CHA CAN DU BYAS PA LA, SEMS CAN SO SO'I LAS KYI DBANG GIS GRUB PA'I MNGON PA NAS BSHAD PA LTAR GYI TSAD DBYIBS KYI CHA SHAS GCIG DANG, 'DI NAS BSHAD PA LTAR GYI CHAD DBYIBS KYI CHA SHAS GCIG STE, TSAD DBYIBS MI 'DRA BA'I CHA SHAS GNYIS DNGOS PO LA YOD PAR KHAS BLANG BAR BYA ZHING CHA CAN LHO GLING DBUS MA GNYIS GLING GCIG GI GO SA NA YOD PAR SMRA BA MA YIN NO, ,DE BZHIN DU LHUN PO GCIG GI GO SA NA CHA CAN LHUN PO GNYIS YOD PA LTA BU MA YIN GYI, CHA CAN LHUN PO GCIG NYID LA, SEMS CAN SO SO'I LAS KYI DBANG GIS SKYES PA'I TSAD DBYIBS KHA DOG GI CHA SHAS 'DI NAS BSHAD PA LTA BU DANG MNGON PA NAS BSHAD PA LTA BU'I MI 'DRA BA GNYIS GNYIS YOD PAR KHAS LEN LA, LHUN PO'I MTHA' SKOR GYI RI CHA CAN DU BYAS PA LA, DE'I GRANGS DANG TSAD DBYIBS KYI CHA SHAS MI 'DRA BA DANG, GLING CHA CAN DU BYAS PA LA DE'I GANGS DANG TSAD DBYIBS KYI CHA SHAS MI 'DRA BA DANG, DE'I MTHA' SKOR GYI RGYA MTSO DANG, 'OG GI 'JIG RTEN CHA CAN DU BYAS PA LA DE'I TSAD DBYIBS GRANGS LA SOGS PA'I SHA SHAS MI 'DRA BA 'DI NAS BSHAD PA DANG MNGON PA NAS BSHAD PA LTA BU GNYIS GNYIS DNGOS GNAS LA YOD PAR KHAS LEN PA YIN NO, ,DE LTAR NA 'GREL PA'I TSIG GI DON 'DI LTAR BSHAD PAR BYA STE, 'DIR 'JIG RTEN GYI KUN RDZOB TU MNGON PA'I MDO NAS GSUNGS PA LTAR BSTAN PAS GDUL BA DANG, 'DI NAS GSUNGS PA LTAR BSTAN PAS GDUL BAR BYA BA'I MOS PA SNA TSOGS PA'I SEMS CAN GYI BSAM PA'I DBANG GIS 'JIG RTEN
, ,GYI KHAMS GCIG NYID KYI TSAD KYANG RIGS MI 'DRA BA SO SO GDUL BYA'I SEMS CAN SO SO RNAMS LA STON PAS GSUNGS SHING, STON PAS GSUNGS KYANG THA SNYAD TZAM DU'ANG DNGOS GNAS LA MED PA MA YIN PAR MNGON PA NAS GSUNGS PA DE LTAR YANG LAS RIGS MTHUN BSAGS PA'I SEMS CAN MANG PO ZHIG GI LAS KYI DBANG GIS GRUB NAS SEMS CAN DE DAG LA RAB TU SNANG LA, DUS 'KHOR NAS GSUNGS PA 'DI LTAR YANG LAS RIGS MTHUN BSAGS PA'I SEMS CAN MANG PO ZHIG GI LAS KYI DBANG GIS GRUB NAS SEMS CAN DE DAG LA RAB TU SNANG NGO, ,DES NA SEMS CAN RNAMS LA GSUNGS SHING ZHES PA TZAM DU MA ZAD PAR RAB TU SNANG NGO ZHES PA'I TSIG KYANG SMOS PA NI DON 'DI SHES PAR BYA BA'I SLAD DU'O, ,DE YANG SEMS CAN GANG GI LAS KYI DBANG GIS 'JIG RTEN GYI TSAD DBYIBS KYI CHA SHAS MNGON PA NAS BSHAD PA DE LTA BU GRUB PA'I SEMS CAN DU MA ZHIG YOD PA DANG, CHOS MNGON PA'I MDO GSUNG BA'I CHED DU BYA BA'I GDUL BYA DE DAG DE LTA BU'I TSAD DBYIBS SOGS BSTAN PAR BYA BA YIN KYANG, MNGON PA GSUNGS PA'I CHED DU BYA BA'I GDUL BYA DE DAG SEMS CAN GANG GI LAS KYIS 'JIG RTEN GYI KHAMS 'DI'I TSAD DBYIBS KYI CHA SHAS MNGON PA NAS BSHAD PA DE LTA BU GRUB PA'I SEMS CAN YIN MI DGOS SHING, TSUL DE LTAR DUS 'KHOR NAS BSHAD PA LA YANG SHES PAR BYA'O, ,DE LTAR GDUL BYA SO SO LA 'JIG RTEN GYI CHAD PHYOGS RE RE GSUNGS KYANG DON DAM PAR TE DNGOS PO LA NI 'JIG RTEN GYI KHAMS GCIG LA YANG TSAD DANG DBANGS KYI CHA SHAS RIGS GCIG TU NGES PA MED DE, SEMS
CAN RNAMS KYI BSOD NAMS KYI LAS RIGS MI 'DRA BA DANG SDIG PA'I LAS RIGS MI 'DRA BA'I DBANG GIS LAS DE DAG GI BDAG 'BRAS SU GYUR PA'I BDE 'GRO DANG NGAN 'GRO'I 'JIG RTEN GYI TSAD DBYIBS KYI CHA SHAS MI 'DRA BA SNA TSOGS PAR 'GYUR BAS SO, ,CI SEMS CAN GYI LAS MI 'DRA BA'I DBANG GIS 'JIG RTEN GYI KHAMS GCIG LA YANG TSAD DBYIBS RIGS MI 'DRA BA'I CHA SHAS THA DAD PAR 'GYUR PAR BYED NUS SAM ZHES DOGS PA LA, DE'I DOGS PA SEL BA DPES STON PA NI, 'DIR RGYA TSAD LA PHYOGS RER KHRU LNGA LNGA DANG, DPANGS LA KHRU LNGA YOD PA'I PUG KHRU LNGA PA'I TSAD GANG DU 'DOD CHAGS DANG BRAL BA DGRA BCOM PA'AM, DBANG THOB PA'I BYANG CHUB SEMS DPA' GNAS PA'I PHUG DER, BSOD NAMS DANG YE SHES BRTEN PA 'PHAGS PA DE'I MTHU DANG RDZU 'PHRUL GYI STOBS KYIS PHUG DER 'KHOR LOS BSGYUR BA'I RGYAL PO DPUNG GI SDE DANG BCAS PA 'ONGS SHING RAB TU 'JUG STE, DE'I TSE PHUG DE SUS KYANG MA BSKYED CING, PHUG DER BZHUGS PA'I 'KHOR LO BSGYUR BA'I SDE YANG DOG PA NYID MA YIN NO, ,DON DAM DAM PAR TE DNGOS PO LA 'JIG RTEN GYI KHAMS GYI TSAD KYI CHA SHAS KYANG 'JIG RTEN GYI KHAMS GCIG LA LAS KYI DBANG GIS RIGS MI 'DRA BA GNYIS YOD PA MI 'GAL BA DPE DE BZHIN DU RIG PAR BYA'O, ,'DIR PHUG KHRU LNGA PA NI 'JIG RTEN GYI KHAMS GCIG GI CHOS MTHUN GYI DPE'O, ,DER 'KHOR LOS BSGYUR BA'I RGYAL PO SDE DANG BCAS PA CHUD NAS GNAS KYANG DOG PA MED PA NI 'JIG RTEN GYI KHAMS GCIG PO DE LA YANG TSAD DBYIBS RIGS MI 'DRA BA GNYIS CHA SHAS SU LDAN NAS GNAS PA DNGOS GNAS
, ,LA YANG MI 'GAL BA'I DPE'O, ,'PHAGS PA DE DAG GI MTHU DANG RDZU 'PHRUL GYI STOBS NI SEMS CAN SO SO'I LAS KYI NUS PA BSAM GYIS MI KHYAB PA'I DPE'O, ,'DIR DON DAM PAR ZHES PA NI DNGOS GNAS LA ZHES PA'I DON DU JI SKAD BSHAD PA LTAR BYA DGOS TE 'GREL PA'I DON DON DAM ZHES PA DE LTAR BSHAD DGOS PA SHIN TU MANG NGO, ,DE LTA MA YIN PAR DON DAM DPYOD BYED KYI RIGS PAS DPYAD PA'AM DON DAM BDEN PA'I DBANG DU BYAS NA 'JIG RTEN GYI KHAMS LA TSAD DANG DPANGS GZHI MA GRUB CES PA'I DON DU 'CHAD PA NI 'BREL MED DO, ,MNGON PA DANG 'DI NAS 'JIG RTEN GYI KHAMS GCIG PO 'DI'I TSAD DANG DPANGS CHES MI MTHUN PA GNYIS BSTAN PAS BCOM LDAN 'DAS LA KHAS BLANGS NANG 'GAL BA'I NYES PAS REG GO SNYAM PA'I DOGS PA GCOD PA'I {RANG} LAN DU, KUN RDZOB TU 'GAL BA GNYIS GSUNGS KYANG GSUNGS PA LTAR DON DAM PAR GZHI MA GRUB PAS SKYON MED CES SMRAS PAR SONG BA'I PHYIR DANG, DE LTAR NA KHAS BLANGS NGANG 'GAL GYI SKYON GANG ZAG SU LA YANG MI SRID PAR 'GYUR BA'I PHYIR DANG, DPE DE LTA BU GZHI MA GRUB PA BZHIN DU ZHES ZER NA 'PHAGS PA'I RDZU 'PHRUL GYI MTHU LA SKUR PA BTAB CING, DPE DE LTA BU DON DAM PAR GZHI MA GRUB PA BZHIN DU ZER NA NI, 'JIG RTEN KHAMS KYI TSAD LA SOGS PA BDEN MED DU GTAN LA 'BEBS PA'I DPER ME LONG NANG GI BYAD BZHIN GYI GZUGS BRNYAN LA SOGS PA RTOGS SLA ZHING PHA ROL POS GRUB PA'I DPE BSTAN DU YOD BZHIN DU RTOGS DKA' ZHING PHA ROL PO'I NGOR GRUB DKA' BA'I DPE BSTAN PAS 'JIG
RTEN DBANG PHYUG DPE STON PA LA MI MKHAS PA'I SKYON DU YANG THAL BAR 'GYUR RO, ,DES NA BSTAN TSUL MI 'DRA BA GNYIS PO 'GAL BAS SKYON CHAGS PA'I DOGS PA GCOD PA LA 'JIG RTEN GYI KHAMS KYI CHAD DPANGS DON DAM PAR MA GRUB CES GTAN LA 'BEBS PA SKABS SU MA BAB PA'I BSHAD PA YIN LA, 'ON KYANG 'DI LTAR SMRA BA NI KUN RDZOB CES PA SEMS CAN GYI 'KHRUL NGO LA BYAS NAS 'KHRUL SNANG LA CI'ANG SNANG LA, DON DAM PAR GANG YANG MA GRUB PAS SKYON MED CES ZER 'DOD PA STE, THA SNYAD DU YOD PA LA TSAD MAS GRUB DGOS PA'I RNAM GZHAG MA CHAGS PA'I GTAM YIN LA, DE LTAR NA NI PHYI NANG GI DAM BCA' DANG GRUB MTHA' SOGS GANG YANG 'DI YIN NO, ,'DI MA YIN NO, ,'DI 'THAD DO, ,'DI MI 'THAD DO ZHES MTHA' GCIG TU BZHAG RGYU CUNG ZAD KYANG MED PAR 'GYUR TE, DE THAMS CAD SMRA BA PO RANG RANG GI 'KHRUL NGO DANG BSAM NGO NA YOD PAR MTSUNGS SHING, DON DAM PAR MED MNYAM DU MTSUNGS PA'I PHYIR RO, ,GAL TE DPE DE NI MTHU LDAN RNAMS KYI RNAM THAR TZAM YIN GYI, THA SNYAD BDEN PA'I DON DE YOD PA MA YIN LA, 'JIG RTEN GYI TSAD NI THA SNYAD BDEN PAR GRUB PA CIG DGOS PAS DPE DON CHOS MI MTSUNGS PA'I PHYIR DE 'DRA BA'I DPE DANG MTSUNGS PAR STON PA MI 'THAD DO, ZHE NA, THA SNYAD BDEN PA'I DON YOD PA ZHES PA SO SO SKYE BO'I SHES DON YOD PA TZAM LA BYED DAM, THA SNYAD DPYOD BYED KYI TSAD MAS GRUB PA LA BYED, DANG PO LTAR NA, PHUG KHRU LNGA PAR ZHUGS NAS DOG PA MED PAR GNAS PAR RANG GI SEMS LA SNANG BA'I 'KHOR LOS BSGYUR BA SDE DANG BCAS PA DE DAG SO SO SKYE BO MA YIN NAM CI, GNYIS PA LTAR NA, 'PHAGS PA
, ,CHEN PO DAG DANG STON PA BCOM LDAN 'DAS KYIS KYANG STENG GI BAR SNANG LA 'CHAG PA DANG GZIMS PA LA SOGS PA SPYOD LAM RNAM PA BZHI MDZAD PAR BSTAN PA DE DAG KYANG TSUL DE LTAR GDUL BYA'I 'KHRUL SNANG LA SHAR BA TZAM YIN GYI, STENG GI BAR SNANG LA SPYOD LAM RNAM PA BZHI MDZAD PA TSAD MAS MA GRUB PAS DE 'DRA BA DNGOS GNAS LA GZHI MA GRUB BO ZHES, SGYU MA MKHAN GYIS LTAD MO BA DAG GI MIG SNGAGS RDZAS KYIS SLAD NAS RTA GLANG SOGS KYI 'KHRUL SNANG SHAR BA DANG SANGS RGYAS BYANG SEMS KYI MTHU DANG RDZU 'PHRUL GYI NUS PA BSTAN PA KHYAD MED PAR SMRA BA'I SKUR PA 'DEBS PA LA ZHUGS PAR 'GYUR RO, ,RNAL 'BYOR PA MTHU LDAN DAG GI MTHU'I NUS PA DANG SEMS CAN GYI LAS KYI NUS PA GNYIS KA BSAM GYIS MI KHYAB PAR MTSUNGS PA'I DON 'DI NI MNGON PA KUN NAS BTUS LAS KYANG, PHYI'I DNGOS PO SNA TSOGS MNGON PAR 'GRUB PAR BYED PA'I LAS BSAM GYIS MI KHYAB PA'O, ,NOR BU DANG SNGAGS DANG SMAN DANG MKHYUD DPYAD DANG LDAN PA'I LAS BSAM GYIS MI KHYAB, RNAL 'BYOR PA THAMS CAD KYIS MTHU'I LAS BSAM GYIS MI KHYAB, BYANG CHUB SEMS DPA' THAMS CAD KYI DBANG GI LAS BSAM GYIS MI KHYAB STE, ZHES GSUNGS LA, DE LTA MA YIN PAR 'PHAGS PA MTHU LDAN RNAMS KYI MTHU'I NUS PA DANG SEMS CAN GYI LAS KYI NUS PA STOBS MI MTSUNGS NA, GLING BZHI RI RAB 'BYUNG BA'I DKYIL 'KHOR DANG BCAS PA MA LUS PA BAR SNANG LA GNAS PA DANG, MNAR MED PA'I
ME CHES CHER TSA BA DE LTA BUS SEMS CAN DER SKYES PA DAG BSKAL PA'I BAR DU BSREGS KYANG 'CHI BAR MI 'GYUR PA LA SOGS PA DU MA ZHIG JI LTAR YIN ZHES BRJOD PAR BYA'O, ,MDO LAS KYANG 'JIG RTEN GYI KHAMS 'GA' ZHIG BAR SNANG LA SPYI BO TSUGS SU GNAS PAR GSUNGS TE, DE LTA BU YANG LAS KYI NUS PA STOBS DANG LDAN PA MA GTOGS PA SU ZHIG GI MTHU LA SRID PAR 'GYUR, DE BAS NA ZHIB TU RNAM PAR MA DPYAD PAR GSUNG RAB KYI STON TSUL SNA TSOGS PA DAG LA GYA TSOMS SU SMRA BA LA RINGS BAR MI BYA'O, ,'O NA 'JIG RTEN GYI KHAMS KYI TSAD DE GNYIS GA DNGOS GNAS LA YANG YOD PAR 'DRA NA MNGON PA NAS BSHAD PA DE SNA TSOGS PA DAG LA GYA TSOMS SU SMRA BA LA RINGS BAR MI MTHUN PA 'DIR BSHAD PA LA DGOS PA LHAG PO CI ZHIG YOD CE NA, 'DIR MNGON PA NAS BSHAD PA DANG MI MTHUN PA'I 'JIG RTEN GYI KHAMS KYI TSAD BSHAD PA GANG YIN PA DE NI, JI LTAR PHYI ROL DE BZHIN LUS ZHES GSUNGS PA'I PHYIR, PHYI NANG GZHAN GSUM CHOS MTHUN SBYAR BAR BYA BA'I CHED YIN LA, DE YANG PHYI ROL 'JIG RTEN GYI KHAMS KYI TSAD NI 'JIG RTEN GYI KHAMS DANG CHOS MTHUN PA'I DKYIL 'KHOR GYI 'KHOR LO BSGOMS NAS SBYANG BAR BYA BA'I DON DANG, 'JIG RTEN GYI TSAD DANG CHOS MTHUN PA'I LUS KYI TSAD BSTAN PA'ANG LUS KYI TSAD SOGS DANG CHOS MTHUN PAR DKYIL 'KHOR GYI 'KHOR LO BSGOMS NAS LUS RNAM PAR SBYANG BA'I DON DU STE, LUS NI DKYIL 'KHOR ZHES BRJOD DO, ZHES GSUNGS PA'I PHYIR RO, ,CHOS MTHUN TSUL JI LTA BU ZHE NA, JI LTAR PHYI ROL TU NAS 'BUM PHRAG BZHI'O, ,
, ,TSAD DE LAS RNAM PA GZHAN DU MNGON PA NAS BSHAD PA LTAR 'DIR YANG BSHAD NA, 'DIR JI LTAR PHYI ROL DE BZHIN LUS SU CHOS MTHUN TSUL BSHAD MA THAG PA DE LTAR SBYAR SA YOD PAR MI 'GYUR TE, MNGON PA NAS BSHAD PA'I LHUN PO'I TSAD LA DPAG TSAD 'BUM PHRAG GCIG MED PAS LUS KYI SGAL TSIGS KHRU GANG DANG MI MNYAM PA STE CHOS MI MTHUN PA'I PHYIR RO, ,'DI NI MNGON PA NAS BSHAD PA'I TSAD DE LTAR 'DIR MI 'CHAD PA'I RGYU MTSAN YIN GYI DE MI 'THAD PA'I RGYU MTSAN MA YIN NO, ,PHYI NANG DE DAG DANG DKYIL 'KHOR CHOS MTHUN TSUL NI 'OG TU 'CHAD PAR 'GYUR RO, ,DE LTAR 'JIG RTEN GYI KHAMS KYI TSAD KUN RDZOBS TU RIGS MI 'DRA BA SNA TSOGS PA SEMS CAN SO SO'I LAS RIGS MI 'DRA BA SNA TSOGS PA JI LTA BA STE DE DANG RJES SU MTHUN PA DE LTAR 'GYUR DU CHUG MOD STE 'GYUR BAR ZAD KYI, 'DIR BSREGS BCAD CES PA LA SOGS PAS TE, RGYAN STUG PO BKOD PA'I MDO LAS, BSREGS BCAD BRDAR BA'I GSER BZHIN DU, LEGS PAR BRTAGS LA YI BKA', ,BLANG BAR BYA YI GUS PHYIR MIN, ZHES GSER BZANG PO BSREGS NA DMAR, BCAD NA DKAR, BRDAR NA SER BA GSUM GYI SGO NAS BRTAG DGOS PA BZHIN DU SANGS RGYAS KYI GSUNG LA DPYAD PA GSUM GYI SGO NAS BRTAGS PA NA RNAM PAR DAG PAR MTHONG NAS LUNG TSAD MAR BLANG BAR BYA'I GUS PA'AM ZHEN PA TZAM GYIS LEN PA MIN PAR GSUNGS PA LTAR, TSAD MAS LEGS PAR DPYAD CING BRTAGS PA NA 'JIG RTEN GYI KHAMS KYI TSAD RIGS GCIG KHO NAR NGES PAR
GZIGS NAS BCOM LDAN 'DAS KYIS 'JIG RTEN GYI KHAMS KYI TSAD GSUNG RAB GANG GI NANG DU YOD DAM BCAS PA NI MA YIN TE, 'ON KYANG TSAD MAS JI TZAM ZHIG BRTAGS KYANG DE LAS RIGS MI 'DRA BA GZHAN DU CUNG ZAD KYANG BRTAG PAR MI NUS PA'I TSUL GYIS DAM BCAS PA NI GANG RTOGS PAS ZIN PA'I SGO NAS BSOD NAS DANG YE SHES KYI TSOGS BSAG DGOS PA DE KHO NA NYID RTOGS PA'I SHES RAB KYI YUL LA YIN TE, CHOS RNAMS KYI GNAS LUGS LA RIGS MI 'DRA BA CUNG ZAD KYANG MED PA'I PHYIR RO, , 'DIS NI KUN RDZOB CHOS CAN LA RIGS MI 'DRA BA JI SNYED CIG YOD KYANG DE DAG GI GNAS LUGS DON DAM LA RIGS MI 'DRA BA'I DBYE BA MED PAR BSTAN PA YIN NO, ,SNGAR NI 'DIR MDZOD NAS BSHAD PA DANG MI MTHUN PA'I TSAD 'DI BSTAN PA'I DGOS PA PHYI NANG GZHAN GSUM CHOS MTHUN SBYOR BA'I DON DU YIN PAR GSUNGS LA, DE NI DGOS PA GZHAN LOG RTOG BZLOG PA LA LTOS PA YANG STON PA 'DI LTAR, GANG GI PHYIR 'JIG RTEN GYI KHAMS KYI YUL LA MDZOD KYI 'DOD PA DANG, RIG BYED KYI GRUB PA'I MTHA' BSAM PAS MI MTHUN PA RNAM PA SNA TSOGS PA YOD PA DANG, DE LTAR MI MTHUN PA DE DAG LAS RIG BYED PA'I LUGS DE NYID TSANGS PA'I YUL SA GCIG NI DPAG TSAD BYE BA'I KHYON NO ZHES RNAM GZHAG PHAL CHER RDZUN DU SMRA BA'I PHYIR THA SNYAD DU'ANG DE LTA BU GZHI MA GRUB LA, MDZOD NAS BSHAD PA LTAR THA SNYAD DU YOD MOD KYI, DE LTA NA YANG 'DIR MDZOD NAS BSHAD PA DE LTA BU BSTAN KYANG RIG BYED PA'I LUGS DE LA MNGON PAR ZHEN PA'I NYI MA'I SHING RTA LA SOG
, ,PA'I LOG RTOG SEL BA SHIN TU DKA' LA, NYI MA'I SHING RTA LA SOGS PA YONGS SU SMIN PAR BYA'I BA'I SLAD DU TSANGS PA'I YUL SA'I TSAD DE RNAM PAR GZHOM PA'I DON DU GZA' DANG SKAR RTZIS DANG KHYIM GYI 'KHOR LO DANG LDAN BA'I 'JIG RTEN GYI KHAMS KYI CHAD 'DI BSTAN PAS RIG BYED PA'I LUGS LA MNGON PAR ZHEN PA DE LDOG PA SHIN TU SLA BAR DGONGS TE 'DIR MDZOD NAS BSHAD PA LTAR MA BKOD PAR 'CHAD PAR 'GYUR BA 'DI RNAM PAR BKOD DO, ,GZHUNG 'DIS MDZOD KYI LUGS DANG RIGS BYED PA'I LUGS MI MTHUN PAR DNGOS SU BSTAN NAS, RIG BYED PA'I LUGS DE RDZUN YIN PAS GZHOM DGOS ZHES DMIGS KYIS BKAR BA NA, MDZOD KYI LUGS RDZUN MIN PA DANG GZHOM MI DGOS BAR SHUGS LA BLO'I NUS PA CUNG ZAD YOD PA DAG GIS SHES PAR NUS SO, ,DES NA NYI MA'I SHING RTA LA SOGS PA'I RIGS BYED PA'I LUGS LA ZHEN PA BZLOG PA'I CHED DU MDZOD NAS BSHAD PA LTAR LAS TSUL MI 'DRA BAR GSUNGS PA DE'I PHYIR 'CHAD PAR 'GYUR BA'I 'JIG RTEN GYI TSAD 'DI LA SANGS RGYAS PA'I MDZED MTHONG NAS 'KHRUL PA STE THE TSOM 'DI MI BYA STE, 'KHRUL PA JI LTA BU NA, JI LTAR BCOM LDAN 'DAS KYIS 'JIG RTEN GYI KHAMS GLING BZHI PA GCIG GI MTHA' SKOR GYI TSAD 'BUM PHRAG GSUM CU SO DRUG LHAG PA DANG ZHES PA NI MDZOD LAS, CHU DANG GSER GYI DKYIL 'KHOR GYI, ,THAD DKAR 'BUM PHRAG BCU GNYIS DANG, ,STONG PHRAG GSUM DANG BRGYA PHRAG NI, ,PHYED DANG LNGA RNAMS KHO NA'O, ,KHOR YUG TU NI SUM 'GYUR RO,
ZHES BSHAD PA LTAR, CHU DANG GSER GYI DKYIL 'KHOR GYI THAD KA'I TSAD DE KHOR YUG LA SUM 'GYUR DU BTANG BA'I TSAD LA DPAG TSAD 'BUM PHRAG SUM CU RTZA DRUG DANG KHRI SUM BRGYA LNGA BCU 'BYUNG BA DE YIN LA, MDZOD KYI LUGS DE'I BA TSVA'I RGYA MTSO'I PHYI ROL 'KHOR YUG GI LCAGS RI'I MTHA' SKOR GYI TSAD LA DE TZAM MED DO, ,DE YANG RGYAL PO SRAS NI GLING BZHI LA SOGS PA GNAS PA'I SA CHEN PO 'DI'I 'OG GI MTHA' SKOR LAS GSER GYI SA GZHI RGYA CHE BAR LHAG PAR 'DOD LA, GZHAN DAG NI GLING RNAMS 'BRU'I PHUNG PA LTAR 'OG NAS 'OG TU RGYA JE CHER GYUR PAS 'OG MTHA' GSER GYI SA GZHI DANG, MNYAM PAR 'GYUR RO ZHES ZER RO, ,CHOS MNGON PA'I MDO LAS KYANG DE LTAR GSUNGS PA DANG, JI LTAR RGYUD 'DIR 'JIG RTEN GYI KHAMS THAD DKAR DPAG TSAD 'BUM PHRAG BZHI DANG MTHA' BSKOR LA 'BUM PHRAG BCU GNYIS KYI TSAD DU GSUNGS, 'DIR BCOM LDAN 'DAS RDZUN GSUNG BA PO YIN NAM CI ZHES PA'O, ,DE LA 'GA' ZHIG RDZUN GSUNG BAR 'DOD PAR GYUR NA DE'I TSIG MKHAS PA RNAMS KYIS KHAS BLANG BAR MI BYA STE, TSAD DE GNYIS GANG RUNG GCIG DNGO PO LA MED BZHIN DU RDZUN GSUNGS PA MA YIN GYI, SNGAR BSHAD PA LTAR 'JIG RTEN GYI KHAMS GCIG NYID LA'ANG SEMS CAN GYI LAS KYI BDAG RKYEN LAS TSAD KYI CHA SHAS MI 'DRA BA DU MAR SNANG BA DE DAG DANG MTHUN PA'I STON TSUL MI 'DRA BA THA DAD PA GDUL BYA'I SEMS CAN GYI BSAM PA'I DBANG GIS MDZAD PA'O, ,DE BZHIN DU YANG RTZA RGYUD LAS, SEMS CAN MOS PA SNA TSOGS PA RIG BYED LA SOGS PA'I GRUB MTHA' SNA TSOGS RIG PA'O, ,STON PA GZHAN DANG GZHAN GYIS BSTAN PA'I SNA TOGS PA'I
, ,LAM LA RAB TU GNAS PA, RTZIS LA SOGS PA DANG RIG PA'I GNAS DU MA SHES PA'I NGA RGYAL GYIS KHENGS PA CAN DE DAG, SANGS RGYAS PA RANG GI GRUB MTHA' LA SGRUB BYED DANG, GZHAN RIG BYED PA SOGS KYI GRUB MTHA' LA GNOD BYED NI, JI SRID RIG PA STE BSNYON PAR MI NUS PAR TSAD MAS GRUB PA MA BSTAN PA DE SRID DU NGA RGYAL GYI KHENGS PA CAN DE DAG KUN MKHYEN GYI YANG DBANG DU MI 'GYUR BA STE GZHUG PAR SLA BA MA YIN NO ZHES PA NI GZA' DANG RTZIS DANG KHYIM GYI 'KHOR LO DANG LDAN PA SOGS TSAD MAS LEGS PAR GRUB PA'I 'JIG RTEN GYI RNAM GZHAG BSTAN NAS NYI MA'I SHING RTA SOGS GZHUG DGOS PA'I SHES BYED DU DRANGS PA'O, ,'O NA JI SRID TSAD MAS GRUB PA'I DON BSTAN PA 'BA' ZHIG LAS GZHAN PA'I THABS KYIS 'DUL BYA GZHUG MI NUS PAS KHYAB BAM ZHE NA, BSTAN PA LTAR DON LA MI GNAS KYANG SEMS CAN LA THABS DES PHAN PAR 'GYUR BA LAS DOGS PA'I DBANG GIS MI BDEN PA STON PA YANG BSOD NAMS KYI TSOGS KYI RGYUR 'GYUR BA YOD PA YIN TE, STONG NYID ZAB MO SNOD MIN LA BSHAD PAS SKRAG PA SKYES TE STONG NYID SPANGS PAS DMYAL BAR SKYE BA LTA BU GZHAN LA GNOD PAR 'GYUR BA LAS TSAD MAS GRUB PA'I DON BDEN PA NI GDUL BYA DE LA MNAR MED LA SOGS RAB TU STER BAR 'GYUR DU DOGS TE RE SHIG SGRA ZIN LTAR DON LA MI GNAS PA'I DGONGS PA CAN BSTAN NAS GDUL BYA GZHUG DGOS PA YANG YOD PAS SPYIR GDUL BYA 'JUG PA'I THABS SU DON BDEN PA RIGS PA'AM TSAD MAS GRUB PA 'BA' ZHIG STON PAS MA KHYAB BO, ,DE LTAR LDEM POR DGONGS PA BSTAN PA
DE DAG KYANG GDUL BYA DE DANG DE'I NGO NA BDEN ZHING, SEMS CAN SO SO'I BSAM PA LA SNANG TSUL MI 'DRA BA DE DAG KYANG SEMS CAN RANG RANG GI THAD KA'I BSAM NGO NA THAMS CAD BDEN LA, SANGS RGYAS RANG GIS KUN RDZOB DE DAG GZHAL NAS GSUNGS PA NI GANG YANG MED DO ZHES ZER BA DAG NI KUN RDZOB GZHI MA GRUB PA DANG, KUN RDZOB KYI RNAM GZHAG LA 'THAD MI 'THAD KYI RNAM DBYE GANG YANG BYAR MED PA'I LUGS NGAN NO, ,GTONG BA PO MIN PA SER SNA'I LAS KYIS YI DVAGS SU SKYES PA RNAMS KYIS BZA' BTUNG GIS GANG NGA'I KHYIM GYI GNAS SU NI PHYIN PA NA, BZA' BTUNG GANG YANG MI MTHONG BAR BZA' BTUNG GIS DAG PA'I RI DANG MTSUNGS PAR MTHONG STE, SDIG PA CHEN PO BYED PA DMYAL BAR SKYES PA DAG GIS KHYIM GYI GNAS NI KHAB RTZE DANG SHAL MA RI LA SOGS PA MTSON CHA YI RNAM PAR GYUR NAS BDAG LA GNOD PAR MTHONG NGO, ,YANG RNAL 'BYOR PA SA 'OG NA SPYOD PA'I DNGOS GRUB THOB PAR GYUR CING, LHA MO RNAMS KYI GRONG DU 'GRO BA'I DNGOS GRUB THOB PA RNAMS KYIS RAB TU BRTAN ZHING MKHREGS PA'I SA GZHI 'DI YANG KUN NAS BUG PA BCAS PA STE MNGON PAR SKABS YOD PAR MTHONG ZHES GSUNGS SO ZHES PA'I SHO LO KA SNGA MA LAS KYI NUS PA BSAM GYIS MI KHYAB PA DANG, SHO LO KA PHYI MA RNAL 'BYOR BA'I MTHU BSAM GYIS MI KHYAB PA'I KHUNGS DRANGS PA YIN TE, DE LTAR NA LUNG DRANGS PA DAG LA DON GANG GI SHES BYED DU DRANGS PA DANG LEGS PAR SGRIG PA NI GONG 'OG THAMS CAD KYI SKABS SU MCHOG TU GAL CHE BA YIN KYANG PHAL CHE BA DE LTA BU'I RTOG PA SPANGS NAS THUG PHRAD DU 'JUG PAS 'BREL MED SMRA BA MANG PAR SNANG NGO, ,KHA CIG SHO LO KA THA MA GNYIS PO 'DI SEMS LAS THA DAD PA'I
, ,'JIG RTEN GYI KHAMS GRUB PA MED PA STON PA LA 'CHAD PA NI, RGYUD 'DRIR BEM PO'I RNAM GZHAG MGO 'JUG THAMS CAD DU YANG DANG YANG DU RANG LUGS LA KHAS BLANGS NAS SLAR YANG SEMS LAS THA DAD PA'I DNGOS PO MED PAR SMRA BA RDAN PA RNAL DU MA BZHAG PA'I GTAM YIN NO, ,SNGAR JI SKAD BSHAD PA DE DAG THAMS CAD KYI DON BSDU BA NI, DE'I PHYIR 'JIG RTEN GYI KHAMS KYI TSAD BCOM LDAN 'DAS KYIS GSUNGS PA NI, LAS RIGS MI 'DRA BA SNA TSOGS PA BSAGS PA'I SEMS CAN RNAMS GYIS LAS JI LTAR BSAGS PA DANG RJES SU MTHUN PAR RANG GI SEMS GYI BAG CHAGS KYI DBANG GIS 'JIG RTEN GYI TSAD DBYIBS SOGS MI 'DRA BA DU MA RAB TU SNANG PA STE, DE LTAR SNANG BA'I SNANG TSUL DANG MTHUN PA DE BZHIN GSHEGS PAS KYANG 'JIG RTEN GYI TSAD LA SOGS PA GSUNGS KYI, SEMS CAN GYI SNANG TSUL LA MA LTOS PAR DE BZHIN GSHEGS PA RANG NYID KYIS MNGON PAR ZHAN PA'I DBANG GIS 'JIG RTEN GYI KHAMS KYI TSAD GZIGS NAS GNYIS SNANG 'KHRUL PA'I GZUNG BA DANG 'DZIN PA'I SNANG TSUL GYI NGO BO'I TSAD GSUNGS PA NI 'GA' YANG MED DO, ,'DIR YANG SEMS LAS THA DAD PA'I 'JIG RTEN GYI KHAMS GZIGS NAS GSUNGS PA MIN ZHES 'CHAD PA YANG PHYI DON KHAS LEN PA'I GRUB MTHA'I RNAM GZHAG MA CHAGS PA'O, ,DE LTAR SEMS CAN RNAMS KYI LAS RIGS MI 'DRA BA'I DBANG GIS SNANG BA'I 'JIG RTEN GYI TSAD DBYIBS SOGS RIGS MI 'DRA BA JI SNYED YOD PA THAMS CAD YONGS SU MKHYEN NAS DE LTAR RIGS MI 'DRA BA
DU MA YOD PA'I NANG NAS 'CHAD PAR 'GYUR BA LTAR GYI 'JIG RTEN GYI KHAMS KYI TSAD 'DI NI TSANGS PA'I DRANG SRONG RNAMS YONGS SU SMIN PAR BYA BA'I DON DU DANG, PHYI'I TSAD DANG LUS KYI TSAD CHOS MTHUN SBYAR NAS, DE DANG CHOS MTHUN PA'I GZHAN DKYIL 'KHOR GYI 'KHOR LO BSGOMS NAS PHYI NANG RNAM PAR SBYANG BA'I DON DU BCOM LDAN 'DAS KYIS GSUNGS SO, ,GSUM PA RGYUD KYI TSIG DON BSHAD PA DNGOS LA BZHI, DPANGS KYI TSAD, ZHENG GI TSAD, KHOR YUG GI TSAD, 'JAL BYED DPAG TSAD KYI TSAD BSHAD PA'O, ,DANG PO NI, 'DIR RLUNG GI MTHA' NAS, ZHES SOGS LA, RLUNG GI MTHA' ZHES PA RLUNG GI 'OG GI ZAD MTHA' YIN LA, GDENGS CAN GYI GNAS ZHES PA LHU DANG LHA MIN GYIS GNAS GNYIS GA'I SPYI MING YIN ZHING, DE NYID DU GZA'I TSOGS RNAMS 'KHOR TE GZA'I TSOGS KYI GNAS DE NAS ZHES PA NAS, GZA'I TSIGS SKAR MA DANG BCAS PA RNAMS YA MTHA' RI RAB KYI RTZE MO'I THAD KA DE NYID NAS 'KHOR TE, GZA'I TSOGS 'KHOR BA'I GNAS KYI YANG MTHA' DE NAS, ZHES PA'I DON YIN LA, RI RAB LA DPANGS TSAD 'BUM DANG LUS KYI SGAL TSIGS KHRU GANG CHOS MTHUN SBYAR BA NA RI RAB KYI STENG DU LHA'I GNAS LA SOGS PA YOD PA'I BAR SNANG LA BTZAL BA'I DPAG TSAD STONG PHRAG NYI SHU RTZA LNGA DPAG TSAD 'BUM GYI BZHI CHA NI LUS LA KHRU GANG GI BZHI CHA MGRIN PA SOR DRUG GI DPANGS YOD PA DANG CHOS MTHUN PAS LHUN PO'I MGRIN PA ZHES THA SNYAD GTAGS SHING, DE BZHIN DU LUS KYI GDONG KHRU GANG GI PHYED SOR BCU GNYIS DANG, GTZUG GTOR SOR DRUG DANG CHOS MTHUN PAS SNGA MA LAS KYANG STENG DU DPAG TSAD STONG PHRAG LNGA
, ,BCU DPAG TSAD 'BUM GYI PHYED KYI GNAS DANG, 'BUM GYI BZHI CHA STONG PHRAG NYI SHU RTZA LNGA LA RIM PA BZHIN LHUN PO'I GDONG DANG LHUN PO'I GZUG TOR GYI THA SNYAD BTAGS PA'O, ,BRTAN PA'I GO 'PHANG GA-YO MED CES PA NI, THIG LE RDO RJE NOR BU'I RTZE NAS RIM GYIS GYEN DU 'ONGS PA MTHAR GANG DU BSTAN NAS GA-YO BA'AM 'GYUR BA MED PAR GYUR PA'I GO 'PHANG GANG DU MNGON DU BYED PA'I GNAS GTZUG TOR YIN PAS DE LTAR SMROS SO, ,DE'I PHYI ROL STONG PA GCIG PU SRID PA GSUM BRAL YON TAN MED CING DE NYID KYIS DMAN PA'O ZHES PA NI, 'OG DANG THAD KAR RLUNG GI DKYIL 'KHOR GYI PHYI ROL DANG, STENG DU GTZUG TOR GYI GNAS SU THA SNYAD BYAS PA DE'I PHYI ROL STONG PA GCIG PU STE, DE YANG SA'I RDUL PHRA RAB 'DUS PA'I NGO BO SA'I DKYIL 'KHOR KHAMS DANG PO DANG, CHU'I RDUL PHRA RAB 'DUS PA'I NGO BO CHU'I DKYIL 'KHOR KHAMS GNYIS PA DANG, ME'I RDUL PHRA RAB 'DUS PA'I NGO BO ME'I DKYIL 'KHOR KHAMS GSUM PA DANG, RLUNG GI RDUL PHRA RAB 'DUS PA'I NGO BO RLUNG GI DKYIL 'KHOR KHAMS BZHI PAR BYAS NAS RIM PA BZHIN BGRANGS PA NA, DE DAG GI PHYI ROL CHOS KYI SKYE MCHED PA'I MNGON PAR SKABS YOD KYI GZUGS LA YID NGOR SO SOR PHYE NAS PHRA RAB TU THA SNYAD BYAS PA DE LTA BU'I NGO BO KHAMS SNGA MA BZHI PO DE LA LTOS PA'I KHAMS LNGA PA NAM MKHA'I KHAMS STONG PA GCIG PU'O ZHES PA'AM, YANG NA 'BYUNG BA BZHI'I RDUL PHRA RAB TSUR MTHONG GI DBANG PO'I YUL DU MA GYUR PA PHAN TSUN 'DAB MA 'BYAR BAR NAM MKHA' GANG LA SIL BUR
GNAS PA'I NGO BO ZHES BSHAD PAR BYA'O, ,KHAMS LNGA PA ZHES PA NI NAM MKHA' DE 'DZIN MA SA'I DKYIL 'KHOR KHAMS DANG POR BYAS NAS BGRANGS PA'I KHAMS LNGA PAR MGO BAR KHAMS LNGA PA CAN ZHES 'CHAD PA NI NOR BA'O, ,DE LTA BU'I NAM MKHA' DE SRID PA GSUM GANG DU YANG MI GTOGS PAS SRID PA GSUM BRAL, RANG LA BRTEN PA'I DRI LA SOGS PA MED PAS YON TAN MED CING, SA'I DE NYID SRA BA, CHU'I DE NYID GSHER BA SOGS MED PAS DE NYID KYIS DMAN PA'O, ,DES NA 'DIR BSHAD PA'I STONG PA GCIG PU ZHES PA 'OG RLUNG GI DKYIL 'KHOR GYI MTHA'I PHYI ROL DANG STONG GTZUG TOR GYI GNAS SU THA SNYAD BYAS PA'I PHYI ROL GYI NAM MKHA'I KHAMS SRID PA GSUM GYI NANG DU DU MA GTOGS PA GZHAN DKYIL 'KHOR LA NAM MKHA'I KHOR YUG DANG CHOS MTHUN PA DE YIN GYI, GZUGS CAN GZHAN 'BYUNG BA'I GO 'BYED PA'I NAM MKHA' YIN TZAM NI SKABS 'DI'I STONG PA GCIG PU ZHES PA'I TSIG GI DON MA YIN TE, DE TZAM ZHIG GIS NI SRID PA GSUM THAMS CAD DU'ANG KHYAB PAR BYED PA'I TSUL GYIS YOD PA'I PHYIR SRID PA GSUM BREL GYI STONG BA GCIG BUR BSHAD PA'I DON DE TZAM ZHIG TU RTOG PAR MI BYA'O, ,'DIR RVA 'GYUR LAS, STONG PA GCIG PU ZHES BYA BA RTEN NAM MKHAS THAMS CAD LA KHYAB PAR BYED PA YIN TE, ZHES BYA BA NI STONG PA GCIG PU ZHES KHONG DU CHUD PAR BYA'O, ,ZHES 'BYUNG STE, 'GYUR CUNG ZAD 'PHYUGS PAR MNGON NO, ,DE LTAR NA LHUN PO'I 'OG TU RLUNG GI MTHA' BAR LA DPANGS DPAG TSAD 'BUM PHRAG GNYIS LUS LA DPYI NAS RKANG MTHIL GYI BAR GYI KHRU DO DANG CHOS MTHUN PAS LUS LA KHRU BZHI YOD PA LTAR, 'JIG RTEN GYI KHAMS KYI
, ,DPANGS TSAD DPAG TSAD 'BUM PHRAG BZHI YIN TE LHAG MA TSIG GI DON DAD DES SHES SHING GO SLA'O, ,GNYIS PA NI, DA NI 'DIR ZHENG GI TSAD GSUNGS PA, ZHES SOGS TE, RLUNG GI DKYIL 'KHOR GYI DBUS SU ZHES PA NI RLUNG GI DKYIL 'KHOR GYIS MTHA' YANG SKYOR ZHING 'OG GZHIR YANG GNAS PA'I NANG DU ME'I DKYIL 'KHOR GNAS PA'I DON YIN LA, DE BZHIN DU 'OG MA GNYIS LA YANG SHES PAR BYA'O, ,ME'I DKYIL 'KHOR CHU'I DKYIL 'KHOR GYI 'OG NA YANG GNAS LA MTHA' YANG SKYOR BA SDER MA'I NANG CHUS BKANG BA LTAR YOD PA'I MTHA' SKYOR BA'I ME RI LA RDO RJE'I RI DANG RTA GDONG GI ME ZHES ZER ZHING KHA CIG ME RI BA TSVA'I RGYA MTSO DANG MTHO DMA' MED PA'I KHAD MNYAM DU YOD PAR 'DONG PA MI LEGS KYI, ME RI CUNG ZAD MTHO BAR BZHED PA DAG LEGS LA, ME DANG RLUNG GI KHOR YUG MTHO DMA'I KHYAD MED PAR MNYAM PAR GNAS SHING, LAN TSVA'I RGYA MTSO CHU'I DKYIL 'KHOR GYI MTHAR ZHES PAS LAN TSVA'I RGYA MTSO DANG CHU'I DKYIL 'KHOR DON GCIG TU BSTAN LA, DKYIL 'KHOR SO SO'I GA-YAS GA-YON PHYOGS RE'I ZHENG TSAD 'DI DAG 'OG TU RANG RANG GI MTHUG RDAMS KYI TSAD KYANG YIN NO, ,DBUS NA LHUN PO YOD PA'I MTHA' SA GZHI GANG GI STENG DU NAM MKHA' LA KHYIM GYI 'KHOR LO SKAR BCAS NYIN DANG MTSAN MOR 'KHOR BA STE ZHES PA NI DBUS NA LHUN PO'O, ,DE LA 'KHOR BA DE CI 'DRA BA ZHIG CE NA, SA'I DKYIL 'KHOR GANG GI STENG NA NAM MKHA' LA KHYIM GYI 'KHOR LO RTZIBS BCU GNYIS PA SKAR MA'I PHUNG
PO MTHA' YAS PA DANG BCAS PA'I SKAR BCAS NYIN DANG MTSAN MOR 'KHOR BA'O, ,'DIR LHUN PO GANG GI STENG DU ZHES PA'I TSIG GIS 'KHRUL GZHI BYAS NAS GZA' SKAR RNAMS LHUN PO'I STENG DU 'KHOR BAR BZUNG BAR MI BYA LA, RVA 'GYUR DU, DE STENG DBUS KYI RI RAB LHUN PO LA NI NYI KHYIM 'KHOR LO SKAR MAR BCAS PA NYIN DANG MTSAN DU 'KHOR ZHES BYA BA LA, DBUS KYI RI RAB LHUN PO JI LTA BUR GYUR PA YIN ZHE NA, SA'I STENG DU NYI KHYIM GYI 'KHOR LO RTZIBS BCU GNYIS PA MTHA' YAS PA'I SKAR MA DANG BCAS PA NI, ZHES 'BYUNG BA 'KHRUL GZHI CHUNG NGO, ,'DIR LHUN PO ZHES PA TZAM GYIS MCHOG PAR DBUS NA ZHES PA'I TSIG SMOS PA 'DI LA RIGS PA STE DGOS PA CI ZHIG YOD, 'GYUR 'DI LA 'DI LTAR BSHAD DGOS LA, RVAS, 'DIR JI LTAR TSIG 'DI RIGS PA YIN ZHES 'DON PA LAGS TE, DE LTAR NA SHES SLA'O, ,LHUN PO GZHAN GCOD PA'I DON GANG GI DBUS NA ZHES PA'I TSIG 'DI BRJOD PAR BYA BA LHUN PO GZHAN YANG YOD DAM CI ZHE NA, LAN BRJOD PA ZHES SOGS DANG, SA'I DKYIL 'KHOR GYI DBUS NAS ZHES PA LHUN PO'I MTHIL DANG 'BYAR BA'I SA'I DBUS DRANG PO NAS SHAR DU PHYI'I RGYA MTSO'I MTHA'I BAR LA DPAG TSAD 'BUM PHRAG GCIG DANG NUB TU'ANG DE LTAR TE 'BUM PHRAG GNYIS DANG, LHO BYANG DU'ANG DE LTAR 'BUM PHRAG GNYIS SO, ,SRID GSUM MTHA' DAG NI MTHO RIS DANG MI'I YUL DANG SA 'OG STE, SRID GSUM MTHA' DAG DUS KYI SBYOR BA DAG LAS RAB TU SKYES ZHES PA, SNOD KY
, ,'JIG RTEN CHAGS PA SKYE BA'I DUS KYI DBANG GIS YANG DAG PAR 'DZIN PA'I RLUNG DANG, DBYIBS RNAM PAR 'GOD BYED KYI RLUNG GI DUS KYI RKYEN RLUNG DANG SBYOR ZHING PHRAD PA DAG LAS SEMS CAN RNAMS KYI DGE BA DANG MI DGE BA'I LAS KYI 'BRAS BU LA NYE BAR LONGS SPYOD PA'I DON DU SKYES SO, ,TSIG DON LHAG MA CHES GO SLA'O, ,GSUM PA NI, DA NI 'DIR KHOR YUG GI TSAD BRJOD PA ZHES SOGS LA, MI YI DBANG PO ZHES ZLA BZANG LA BOS NAS, PHYI RAL SRID PA GSUM GYI GNAS LA DBUS SU LHUN PO DPAG TSAD 'BUM PHRAG GCIG NYID GANG YIN PA ZHES SBYAR TE, GZHAN TSIG BKLAGS PA NYID KYIS SHES SO, ,BZHI PA NI, DA NI PHRA RAB CES PA LA SOGS PAS ZHES PA NAS, TSAD YIN NO'I BAR TE, LTOS 'GRO NAS ZHES PA NI LTOS 'GRO BRGYAD KYI MING GI BRDA YIN LA, NAS DE BRGYAD KYIS SOR GCIG TU 'GYUR RO ZHES PA STE, GZHAN THAMS CAD TSIG BKLAGS PA TZAM GYIS SHES SO, ,GNYIS PA BRTEN BA BCUD KYI SEMS CAN SRID PA SUM CU RTZA GCIG GI NGO BO NYID KYIS GNAS PA BCU PA BSHAD PA LA GNYIS, SRID PA SUM CU RTZA GCIG GI RNAM GZHAG SPYIR BSTAN PA DANG, 'DOD PA'I GNAS KHYAD PAR DU BSHAD PA'O, ,DANG PO LA GNYIS, SO SO'I TSE TSAD SA BON GRANGS KYI DBYE BSDU NANG LA SBYAR BA DANG BCAS TE BSHAD PA DANG, TSE TSAD 'JAL BYED BSKAL PA'I RNAM GZHAG BSHAD BA'O, ,DANG PO NI, DA NI ZHES SOGS KYIS 'TSAMS SBYAR NAS, DANG POR NAS MTHO RIS KYI SA'I BAR KYIS CHOS BZANG ZHES PA GZUGS
MED PA'I SRID PA'I MING DANG TSIG DE DANG LHAN CIG PA'I BSKAL PA ZHES PA LHA'I GNAS TZAM GYIS MING YIN GYI TSE TSAD SOGS 'JAL BA'I DUS KYI BSKAL BA MIN PAR BSTAN TE, DE LTAR NA CHOS BZANG BSKAL PA ZHES PA GZUGS MED SRID PA'I LHA GNAS ZHES PAR 'GYUR BA'I DON TO, ,ZUNG NI ZHES SOGS KYI GZUGS MED PA'I SRID PA LA BZHIR YOD CES PA TZAM ZHIG BSTAN NO, ,BZHI PO DE'I TSE TSAD JI LTA BU ZHE NA, BZHI PO MAS RIM BZHIN BSKAL PA CHEN PO GCIG GNYIS GSUM BZHI'I TSE'O ZHES DGONGS SO, ,BSKAL PA CHEN PO DANG BAR MA DANG CHUNG NGU'I TSAD NI 'OG TU 'CHAD LA, 'DIR 'DI DAG GI TSE TSAD JI LTAR BSHAD PA NI RANG RANG GI LAS KYIS 'PHANGS PA'I TSE'I TSAD DNGOS YIN LA, 'OG TU RANG RANG GI DBUGS LA BGRES PA'I TSE LO BRGYA BAR BSHAD PA NI GDUL BYA GZHUGS PA'I DON DANG PHYI NANG SBYOR BA'I DGOS PA'I DBANG GIS BTAGS TE GSUNGS PA'I LDEM PO DANG DGONGS PA'I RNAM GZHAG YIN NO, ,BZHI PO DE'I GNAS KYI KHYAD PAR JI LTAR BU ZHE NA, RI RAB KYI GTZUG TOR GYI THA SNYAD BTAGS PA'I YA MTHA' NAS BRTZAMS TE, LUS KYI SGRA'I GNAS DANG CHOS MTSUNGS PA, RI RAB KYI DPRAL BA'I GNAS SU THA SNYAD BTAGS PA LA THUG GI BAR TE, LUS LA SKRA'I GNAS KHRU GANG GI BZHI CHA SOR DRUG YOD PA DANG CHOS MTHUN MA PHYI ROL TU DPAG TSAD 'BUM PHRAG GCIG GI BZHI CHA STENG PHRAG NYI SHU RTZA LNGA LA CHA BZHIR BGOS PA STENG 'OG TU BYAS PA DE DAG ZAD PAR STONG PA STE NAM MKHA'I TING NGE 'DZIN BSGOMS PA'I 'BRAS BUR GYUR PA'I GZUGS MED BZHI RNAMS KYI GNAS SO, ,
, ,DE LTAR NA GNAS RE RE'I YA MTHA' NAS 'OG GI MA MTHA'I BAR LA DPAG TSAD DRUG STONG NYIS BRGYA LNGA BCU RER 'GYUR RO, ,KHA CIG YE LER MGO BO'I DPANGS PHYED BCAS BZHIR BSHAD PA LTAR 'DIR SBYOR BA'I DBANG DU BYAS NAS LUS LA SGRA GNAS SOR MO PHYED BCAS BZHI DANG, PHYI ROL TU GZUGS MED KYI GNAS DPAG TSAD KHRI BRGYAD STONG BDUN BRGYA LNGA BCU ZHES ZER BA NI, 'JIG RTEN GYI KHAMS KYI DPANGS TSAD DPAG TSAD 'BUM PHRAG BZHIR BSHAD NAS PHYI NANG SBYAR BA THAMS CAD SUN 'BYIN PA'I SLAD DU SMRA BAR ZAD DE DE LTAR NA 'BUM PHRAG BZHI GANG NAS BTZAL BAR BYA BA SOMS SHIG ,LUS LA DPRAL BA'I GNAS KYI YA MTHA' NAS RKOS KO'I MA MTHA'I BAR GDONG LA SOR BCU GNYIS KHRU PHYED YOD PA DANG CHOS MTHUN PA, GZUGS MED KYI GNAS SU THA SNYAD BYAS PA DE'I 'OG NAS DPAG TSAD STONG PHRAG LNGA BCU DANG, DE'I 'OG NAS LUS KYI MGRIN PA SOR DRUG DANG CHOS MTHUN PA RI RAB KYI MGRIN PAR THA SNYAD BTAGS PA'I NAM MKHA' LA DPAG TSAD STONG PHRAG NYI SHU RTZA LNGA YOD PA'I STENG GI CHA NAS SUM GNYIS YAR STONG PHRAG LNGA BCU LA BSNAN PA DPANGS TSAD CHA MNYAM BZHIR BGOS PA'I CHA DANG PO LA ZAD PAR RLUNG BSGOMS PA'I 'BRAS BUR GYUR PA'I GZUGS KHAMS PA'I GNAS BZHI DANG, DE BZHIN DU CHA RE RE LA GZUGS KYI GNAS BZHI BZHI DANG, BZHI CHAN GSUM RIM BZHIN ZAD PAR ME DANG CHU DANG SA'I TING NGE 'DZIN BSGOMS PA'I 'BRAS BU'O ZHES SBYAR BAR BYA STE, DE BZHIN DU TSANGS PA'I BKAL BZUNG NI ZHES PA NAS ZAD PAR
SA RNAM PA BZHI BSGOMS PA RNAMS KYI'O, ZHES PA'I BAR RO, ,DE LA TSANGS PA 'JIG RTEN LAS 'DAS PA ZHES PA'I 'GYUR 'DI LA TSIG GI 'KHRUL GZHI CUNG ZAD YOD PAS, 'JIG RTEN PA'I ZLAS DRANGS PA'I 'JIG RTEN LAS 'DAS PA LA GZUNG BAR MI BYA'I, RVA 'GYUR DU, TSANGS PA'I 'JIG RTEN LAS 'DAS PA ZHES 'BYUNG BA LTAR SHIN TU LEGS TE, GANG LAS 'DA' RGYU NI TSANGS PA CHEN PO GANG NA YOD PA'I 'JIG RTEN LA BYAS NAS DE'I GONG DU 'DAS PA'I DON TO, ,DE YANG TSANGS PA'I BSKAL PA DANG, TSANGS PA'I 'JIG RTEN LAS 'DAS PA'I BSKAL PA DANG, DPAL GYI BSKAL PA DANG, DKAR PO'I BSKAL PA ZHES PA'I BSKAL PA ZHES PA RNAMS MTHO RIS KYI SA'I MING DANG, DE'I THOG MA'I TSIG SO SO LHA GNAS SDE TSAN BZHI PO RE RE LA SBYAR BA'I THA SNYAD DE SNGAR CHOS BZANG BSKAL PA ZHES PA DANG 'DRA BAS TSE TSAD 'JAL BYED DUS KYI BSKAL PA MIN NO, ,'O NA GZUGS BCU DRUG PO DE'I TSE TSAD JI LTA BU ZHE NA, DE LTAR NA GZUGS CAN GYI BSKAL PA STE LHA GNAS BCU DRUG STE, DE DAG GI TSE TSAD KYANG DUS KYI BSKAL PA'I DBANG DU BYAS PA BAR MA'I BSKAL PA'AM BSKAL PA 'BRING PO BCU DRUG THUB PA NAS BRTZAMS NAS, YAS RIM BZHIN BSKAL 'BRING BCO LNGA DANG BCU BZHI LA SOGS PA BSKAL PA RE RES DMAN PA'I BAR GYI TSE'O, ,SNGON DU GZUGS MED BZHI'I TSE TSAD LA MCHOG GI BSKAL PA'AM BSKAL CHEN ZHES GSUNGS SHING, 'OG TU 'DOD PA BCU GCIG PO THAMS CAD KYI TSE TSAD LA BSKAL PA CHUNG NGU'I SGO NAS DNGOS SU GSUNGS PAS, 'DIR GZUGS BCU DRUG GI TSE TSAD BSKAL 'BRING GI SGO NAS DNGOS SU
, ,MA GSUNGS KYANG, GONG 'OG GI SHUGS KYIS GO NUS PAS DE LTAR BZHED PA LEGS KYI, KHA CIG BCU DRUG GI BRGYAD BSKAL CHEN BRGYAD BSKAL 'BRING DU SMRA BA LA RGYU MTSAN CI YANG MED DO, ,'DIR RTOG LDAN LA SKYE BA'I DOGS PA'I GNAS DPYAD PAR BYA BA GNYIS YOD DE, DE LA DANG PO NI 'DI LTAR, GZUGS MED KHAMS LA GNAS GZHAN LOGS PA DE LTA BU YOD NA, KHAMS 'OG MA NAS SHI NAS DER SKYE BA LA NGES PAR BAR DO KHAS LEN DGOS SHING, DE MI DGOS NA 'DOD PA NAS GZUGS SU SU SKYE BA LA YANG BAR DO CI'I PHYIR DGOS TE, RNAM PA THAMS CAD DU BAR DO KHAS LEN PA'I SGRUB BYED MI SNYED PAR MTSUNGS SO, ,GZUGS MED DU SKYE BA'I BAR DO YOD NA THEG PA CHE CHUNG GI GSUNG RAB GZHAN THAMS CAD LA DE MED PAR GRAGS PA'I BRDA LAS BRGAL BA 'DI LA JI LTAR DRANG, GSUNG RAB DGONGS 'GREL DANG BCAS PA GZHAN LAS MED PAR BSHAD PA THAMS CAD MI 'THAD PAR SMRA'AM, GZHI GCIG LA DNGOS 'GAL GZHI MTHUN DU 'DUR YANG MI RUNG LA, LAS KYI DBANG GIS GZUGS MED LA LAR SKYE BA LA PAR SRID 'ONG LA, LAS KYI DBANG GIS GZUGS MED 'GA' ZHIG TU SKYE BA LA BAR SRID MED PA'ANG 'ONG NGO ZHES KYANG SMRA BAR MI NUS PA'I PHYIR TSUL 'DI NI BZHAG PAR DKA'O ZHE NA, GZUGS MED LA GNAS GZHAN LOGS PAR DNGOS NAS LA YOD PAR KHAS MI LEN TE, GSUNG RAB THAMS CAD SPONG BA LA YANG MKHAS PA SU ZHIG 'JUG PAR 'GYUR ZHING JI SKAD BSHAD PA'I TSUL GYIS ZHIB PAR BRTAGS PA'I RIGS PA'I GNOD BYED BZLOG TU MED PA'I PHYIR RO, ,LAS KYI DBANG GIS GZUGS MED 'GA'
ZHIG TU SKYE BA LA BAR SRID YOD PA DANG 'GA' ZHIG TU SKYE BA LA BAR SRID MED PA'ANG 'ONG DU MI RUNG NA, LAS KYI DBANG GIS 'JIG RTEN GCIG NYID LA TSAD DBYIBS MI 'DRA BA'I CHA SHAS SO SO BA 'GRUB PA SOGS KYANG RUNG BA 'GAL LO ZHES SMRA NA NI, BRLAN ZHING GSHER BA PHOR GANG LA BLTAS PA NA LAS DBANG GIS 'GA' ZHIG LA RNAG KHRAG TU SNANG, 'GA' ZHIG LA BDUD RTZIR SNANG, 'GA' ZHIG LA CHU DRANGS SHING BSIL BAR SNANG, 'GA' ZHIG LA GNAS DANG, 'GA' ZHIG LA MTSON CHAR SNANG BA SOGS DNGOS GNAS LA MED BZHIN DU DNGOS PO GCIG LA SNANG TSUL DE LTAR LAS DBANG GIS 'GYUR BAR 'DOD PA KHYED RANG LA YANG, RI BONG GCIG GI MGO BO LA BLTAS PA NA 'GA' ZHIG LA RVA RNO LA RING BA SNANG, 'GA' ZHIG LA GSER GYI MCHOD SDONG SNANG, 'GA' ZHIG LA SHING LJON PA SKYES PAR SNANG BA SOGS KYI SNANG TSUL THA DAD PA'ANG DNGOS GNAS LA MED KYANG LAS DBANG GIS 'BYUNG BA CI'I PHYIR MI SRID CES BRJOD NA PHUNG 'TSAMS DANG BCAS PA KHAS LEN DGOS PA YID LA ZHOG LA DGAG SGRUB RAGS PA TZAM GYI BRDA LA MA BYANG BA'I GLEN PA'I MGO MTSUNGS MA BYED CIG ,GZHAN YANG GZUGS MED KYI SEMS CAN GANG DU GNAS PA'I SNOD KYI GNAS GZHAN LOGS PA YOD NA NGES PAR SEMS CAN DE DAG LA YANG GZUGS CAN GYI LUS YOD PA MI 'DOD BZHIN DU YANG KHAS LEN DGOS LA, DE 'DOD NA NI 'DU SHES MED PA'I SEMS CAN DANG TSUL MTSUNGS PA 'DI LA BYAR MED PAS NGAG GI SMRA BRJOD KYANG KHAS LEN DGOS PAR RIGS PA SHES PAS MYUR BA NYID DU 'PHUL NUS
, ,PA'I PHYIR DE 'DRA BA'I GZUGS MED KYI KHAMS CHES NGO MTSAR LA, BYANG CHUB SEMS DPA' RNAMS GNAS DER SKYE BA MI LEN PA'I RGYU MTSAN YANG GANG ZHIG YIN PA SMOS SHIG ,DE BAS NA DNGOS GNAS LA, GZUGS MED GANG DU SHI BA'O, ZHES PA LTAR YIN PAS GNAS GZHAN LOGS PA MED MOD KYI, DE LTA NA YANG KHAMS GSUM GYI SEMS CAN SKYE BA MTHO DMA'I RIM PA LTAR GANG DU SKYE BA'I GNAS LA YANG YOD PA'I DBANG DU BYAS NA 'DI LTAR DU THOB BO ZHES GZUGS KHAMS KYI GNAS LAS GONG DU BRGAL BA'I NAM MKHA' LA THOB THAD RTZIS PA'I TSAD RNAM PAR BZHAG NAS PHYI NANG SBYOR BA'I DGOS PA'I DBANG GIS GSUNGS PA TZAM YIN LA, 'JIG RTEN GYI KHAMS KYI RNAM PAR BZHAG PA 'DIR GSUNGS PA'I SPYI 'GANGS NAS THAMS CAD DGONGS PA CAN DU MI 'CHAD KYANG, NANG GSES KYI CHA 'GA' RE DGONGS PA CAN DU 'CHAD DGOS PA 'DI DANG GZHAN YANG 'CHAD PAR 'GYUR BA LTAR YOD DE, PHAR PHYIN THEG PA'I SKABS SU YANG 'KHOR LO BAR PA'I MDO NGES DON DU BYED KYANG DE'I NANG GI CHA RE RE GNYIS GNYIS SGRA JI BZHIN MA YIN PA'I DRANG DON DU BYED DGOS PA DANG, 'KHOR LO THA MA DRANG DON DU 'DOD PA DAG GIS KYANG DE'I NANG NAS CHA 'GA' RE SGRA JI BZHIN PAR KHAS LEN DGOS PA BZHIN NO, ,YANG DOGS PA GNYIS PA NI 'DI SKAD DU, NAM MKHA' DANG RLUNG DANG ME DANG CHU DANG SA'I ZAD PAR RNAMS KYIS RIM PA BZHIN GZUGS MED DANG, GZUGS KYI GNAS BCU DRUG BZHI TSAN BZHIR BYAS PA'I SDE TSAN BZHI PO RE RER SKYE BA 'PHEN
PAR BSHAD PA 'DI LTAR NA KHAMS GONG MA GNYIS SU SKYE BA LA SANGS RGYAS KYI BSTAN PA LA ZHUGS PA DANG LAM ZHUGS YIN PAS KHYAB PAR 'GYUR TE, DE LTA BU MA YIN PA LA ZAD PAR GYI TING NGE 'DZIN MTSAN NYID PA MI SRID PA'I PHYIR RO, ,DE LTAR NA MU STEGS CAN KHAMS GANG DU SKYE BA PHYI MA LA 'GRO BA'I RGYU GRUB PA MI SRID PAR 'GYUR RO, ,DES NA RGYU SNYOMS 'JUG GI GZUGS GZUGS MED KYIS 'BRAS BU SKYE BA'I GZUGS GZUGS MED 'GRUB PA YIN GYI ZAD PAR GYI TING NGE 'DZIN GYIS KHAMS GONG DU SKYE BA 'PHEN PA SNGON MED PA'I GZHUNG LUGS SO ZHE NA, BDEN MOD KYI GSUNG RAB SPYI LA YONGS SU GRAGS PA'I ZAD PAR GYI TING NGE 'DZIN JI LTA BA BZHIN DU 'DIR YANG KHAS LEN MOD KYANG, KHAMS GONG GI SKYE BA 'PHEN BYED DU 'DIR BSHAD PA'I ZAD PAR NAM MKHA' LA SOGS PA LNGA NI GSUNG RAB SPYI LA YONGS SU GRAGS PA'I ZAD PAR BCU'I YA GYAL DU GYUR PA ZAD PAR SA DANG CHU LA SOGS PA'I TING NGE 'DZIN DE DAG MA YIN NO, ,'O NA CI ZHE NA, RGYU SNYOMS 'JUG GI BSAM GTAN DANG, GZUGS MED DE DAG LA ZAD PAR SA DANG CHU LA SOGS PA'I MING GIS BTAGS PA'O, ,DE LTAR BTAGS PA LA RGYU MTSAN DANG DGOS PA CI ZHIG YOD GANG GI SGO NAS DE LTAR BTAGS ZHE NA, GZHUNG CHEN MO GZHAN LTAR NA ZAD PAR ZHES PA'I SGO DON NI RANG RANG GI DMIGS PA DE DANG DES KHYAB PAR SPRA BA'I DON DU GSUNGS TE DE NI ZAD PAR ZHES PA MA LUS PAR BCAS PA DANG MTSUNGS PAR BSHAD PA YIN LA, 'DIR NI 'DOD PA DANG GZUGS KYI 'DOD
, ,CHAGS ZAD PAR BYAS PAS ZAD PAR DANG, TING NGE 'DZIN LNGA PO DE RIM PA BZHIN NAM MKHA' RLUNG ME CHU SA'I KHAMS LNGA'I RIGS SU BSTAN PA'I PHYIR DU ZAD PAR NAM MKHA' LA SOGS PA'I MING GIS BTAGS NAS BSTAN NO, , DE LTAR BSTAN PA LA DGOS PA CI YOD NA 'BRAS BU LHA'I SRID PA SDE TSAN LNGA PO DE'I SDE TSAN RE RE KHAMS RE RER BSTAN PA'I SGO NAS RIM PA BZHIN NAM MKHA' RLUNG ME CHU SA'I KHAMS SU SHES PAR BYA BA'I PHYIR TE, DE YANG 'GRO BA THAMS CAD KHAMS LNGA'AM DRUG GI RIGS SU 'DUS PAR BYA BA'I PHYIR DANG, SBYANG GZHI LA DE LTAR 'DUS PA BZHIN DU SPYOD BYED DKYIL 'KHOR GYIS LHA TSOGS JI SNYED CIG YOD PA THAMS CAD MI BSKYOD PA LA SOGS PA'I RIGS LNGA'AM DRUG TU 'DUS PAR SHES PAR BYA BA'I PHYIR YIN NO, ,GZHUNG LUGS CHEN MO DAG LA LEGS PAR MA SBYANGS SHING, 'GREL PA 'DI'I TSIGS TZAM KLOG PAS TSIM PA, GSUNG RAB PHAL MO CHE'I BRDA TZAM YANG MA CHAGS BDAG GI BLO LA GSUNG RAB GZHAN THAMS CAD DANG 'GAL BAS JI MI SNYAM YANG, MKHAS PA RNAM DPYOD DANG LDAN PA DAG LA SHIN TU DOGS PA GCOD DKA' BA'I GNAS SU 'DUG PAS LEGS PAR BSHAD DO, ,LHUN PO'I MGRIN PAR THA SNYAD BYAS PA'I SUM GNYIS YAR LA BZHAG PA'I 'OG DE NAS BRTZAMS NAS 'OG RLUNG GI DKYIL 'KHOR GYI MA MTHA'I BAR DU 'DOD PA'I SRID PA BCU GCIG STE, SHIN TU DBANG GYUR CES PA BDUD KYI GNAS GZHAN 'PHRUL DBANG BYED NAS 'DOD PA BCU GCIG GI ZHES GSUNGS TE, 'DOD
PA BCU GCIG GI DBYIBS GNAS THA DAD DO ZHES PA'I DON TO, ,DA NI SRID PA SUM CU RTZA GCIG PO DE DAG GI MING GI YI GE'AM SA BON GYI YI GE SO SOR MA PHYE BAR MDOR BSTAN PA TZAM ZHIG 'CHAD PA NI, GZUGS MED DAG NI ZHES PA NAS, 'CHAD PAR 'GYUR BA'I DBYANGS BZHI STE, DE DAG KYANG HA YIG RING THUNG GNYIS NI 'KHRIG PA'I 'DOD CHAGS DANG BCAS PA GZHAN 'PHRUL DBANG BYED DANG 'PHRUL DGA' GNYIS KYI SA BON YIN PAS DE GNYIS DANG BRAL BA'I DBYANGS BZHI'O, ,DES NA HA 'KHRIG BRAL BA ZHES PA'I TSIG 'DI NI STONG PA GZUGS MED KYI SRID PA DRUG TU DOGS PA MED PAR BYED CING BZHIR NGES PAR STON PA'I TSIG GO, AI LA SOGS PA ZHES PA NAS GSUNGS PA YOD PA'O, ,'DIR RVA 'GYUR SOGS 'GA' ZHIG TU, YA LA SOGS PAR ZHES BSGYUR BA NI, RGYA DPER AI AA' DI ZHES PA 'TSAMS SBYAR NAS AA' DI ZHES 'BYUNG BA'I 'TSAMS SBYOR MA PHYED PA YIN NO ZHES MKHAS PA DAG GSUNG NGO, ,GSAL BYED GCIG PA KA SA'O ZHES PA NI, GSAL BYED KA YIG LA SOGS PA MTHA' DAG GI THOG MTHA' KA DANG SA MA BRTZEGS PAR SO SOR BRJOD PAS BAR GYI YI GE THAMS CAD YANG DAG PAR BSDUS PA NI KA SAR 'GYUR TE, TZANDRA PA LAS, SA'I shA RU BSGYUR NAS, KA DANG shAR BSGYUR BA BRTZEGS PA'I YI GE GONG BU GCIG PA KAsHA YIG GO ZHES PA'I DON TO, ,DE LTAR BYAS PA'I KAshA YIG DE YANG 'DOD PA'I SRID PA BCU GCIG PA DMYAL BA'I SA BON NO, ,DE LTAR MTSON BYED SA BON GYI YI GE MDOR BSTAN NAS, MTSON PAR BYA BA SRID PA SUM CU RTZA GCIG BSDU NA SRED PA GSUM DU 'GYUR BA DANG, PHY
, ,NA SO GCIG TU 'GYUR BA RANG MING GIS SO SOR BSHAD PA NI SRID PA ZHES PA NAS SRID PA SUM CU RTZA GCIG GO ,ZHES PA'I BAR TE, GZHAN DAG PHAR PHYIN THEG PA'I GZHUNG LUGS LAS 'BYUNG BA LTAR, GZHAN GYIS SPRUL PA LA DBANG BSGYUR BAS, GZHAN 'PHRUL DBANG BYED, RANG GIS 'DOD YON CI DGAR SPRUL NAS LONGS SPYOD PAS 'PHRUL DGA' ZHES SOGS RE RE NAS MING DON ZHIB PAR 'CHAD KYANG GZHUNG LUGS GZHAN NA GRAGS CHE BAS SHES SLA ZHING, 'DIR YI GE MANGS BAR 'GYUR BAS MA BRIS SO, ,MNGON PA'I SDE SNOD SOGS GZHAN NAS GZUGS KHAMS GNAS RIS BCU BDUN DU GSUNGS PA'I GYA NOM SNANG 'DIR ZUR DU MA BGRANGS PAR BCU DRUG TU MDZAD DE, PHAL CHER SHIN TU MTHONG GI NANG DU SDUD DAM BRTAG PAR BYA'O, ,'GRO BA RIS LNGAR BYED PA'I TSE 'DIR LHA MA YIN LHAR BSDUS LA, DRAN PA NYER GZHAG TU DUD 'GROR BSDUS SO, ,SNGAR SA BON GYI YI GE SO SOR MA PHYE BAR MDOR BSDUS TZAM ZHIG GSUNGS PA DE 'DIR SO SOR PHYE STE SRID PA SO GCIG DANG RER NAS SBYAR NAS RGYAS PAR 'CHAD PA NI, GZUGS MED LA SOGS PA 'DI RNAMS KYI MING GI DBYANGS AA YIG LA SOGS PA RNAMS SRID PA SUM CU RTZA GCIG SNGAR BRJOD PA'I RIM PAS DE DANG YI GE'I GO RIM GRANGS BZHIN DU SBYAR BAR BYA BA 'DI LTA STE, ZAD PAR NAM MKHA'I 'BRAS BU GZUGS MED BZHI DANG RIM PA BZHIN SBYAR RO, ,ZAD PAR RLUNG BSGOMS PA'I 'BRAS BU 'OG MIN LA SOGS PA BZHI DANG RIM PA BZHIN NO ZHES SOGS SU SBYAR RO, ,DGE BA DANG MI DGE BA'I LAS 'DRES
MA'I STOBS KYIS MIR 'GYUR RO, ZHES DANG, GZHAN DAG MDO LAS SDIG PA CHUNG NGUS YI DVAGS DANG 'BRING GIS DUD 'GROR GSUNGS PA DANG 'DI'I 'GAL SPONG BYED MOD KYANG, MDO DANG SA SDE SOGS LAS KYANG MI MTHUN PAR GSUNGS PA'I BSTAN TSUL SNA TSOGS YOD DO, ,SA 'OG PA RNAMS KYI TSE TSAD SNGAR MA BSHAD PA 'DIR 'CHAD PA NI, KLU'I 'JIG RTEN ZHES SOGS DANG, DE LTAR SRID PA SUM CU RTZA GCIG GIS SRID PA GSUM MO ZHES PA'I DON TO, ,ZHES PA MJUG BSDU BA'O, ,KHAMS KYI DBYE BAS NI ZHES PA NAS, 'DI YANG SKU GSUNG THUGS KYI RDO RJE ZHES PA LUS NGAG YID GSUM DU 'GYUR TE, DE YANG MING GI YI GE AA SOGS THABS DANG KA SOGS SHES RAB KYI YI GE'I RAB TU DBYE BA LAS THABS YAB KYI SKU GSUNG THUGS DANG SHES RAB YUM GYI SKU GSUNG THUGS KYI RIGS DRUG GO ZHES SHES PAR BYA'O, ,'DIS NI GZHI DUS LA SRID PA THAMS CAD RDO RJE GSUM DANG THABS SHES KYI RIGS DRUG TU SDUD TSUL BSTAN NO, ,GNYIS PA TSE TSAD 'JAL BYED BSKAL PA'I RNAM GZHAG BSTAN PA NI, BSKAL PA CHUNG NGU'I TSAD NI ZHES SOGS TE, DE BZHIN DU DE'I SDE NI ZHES PA'I DON, KHA CIG BSKAL PA CHUNG NGU'I TSAD RINGS PO ZHAG GCIG TU BYAS NAS BRTZIS PA'I LO BRGYA LA 'CHAD KYANG DON MA YIN LA, BI BHU T'I TZAN+TRA'I PHYAG DPE'I MTSAN DU LO BRGYA LO BRGYAS BSGYUR BA LA 'CHAD PA LTAR KHA CIG BZHED CING, YE SHES LE'U'I TSIGS BCAD BRGYA ZHE BZHI BA'I 'GREL PAR, DE LA GCIG GI SDE TSAN NI GCIG STE ZHES SOGS GSUNGS PAS, BSGYUR BYA GANG YIN DANG MTSUNGS PA'I SGYUR BYED KYIS BSGYUR BA NI SDE'I RTZIS
, ,ZHES ZER BA LTAR BSKAL PA CHUNG NGUR 'JOG PA'I LO BRGYA PO DE NYID BRGYAS BSGYUR BAS SNGA MA LTA BU'I LO KHRI 'BYUNG BA DE NYID LA BSKAL PA BAR MA ZHES BYA LA BSKAL PA BAR MA'I LO KHRI BO DE NYID SLAR YANG KHRIS BSGYUR BAS SNGA MA LTA BU'I LO DUNG PHYUR GCIG 'BYUNG BA DE NYID LA MCHOG GI BSKAL PA ZHES BYA STE, BSKAL PA BAR MA'I SDE YIS MCHOG GI BSKAL PA'O ZHES PA'I DON TO ZHES GZHAN DAG 'CHAD DO, ,DE LTA NA YANG DE'I SDE ZHES PA BSKAL PA CHUNG NGU DE'I SDE TSAN GYI LO LA BYAS NAS, DE'I SGO NAS SNGAR LTAR BGRES PA NI BSKAL PA BAR MA STE, ZHES PA'I DON DU BSHAD NAS, BSKAL CHUNG GI LO DE LTA BU BRGYA BRGYA NA SNGAR BSHAD PA'I DONG SKRA RTZES BKANG BA DE NYID NAS SKRA'I RTZE MOR RE PHYUNG BAS ZAD PA NA BSKAL 'BRING GI ZHAG GCIG ,DE NYID SNGAR LTAR BGRES PA'I LO BRGYA NI BSKAL PA BAR MA STE, BSKAL PA BAR MA'I SDE TSAN GYI LO DE LTA BU BRGYA BRGYA NA SKRA'I RTZE MO RE SNGAR LTAR BYUNG BAS ZAD PA NA MCHOG GI BSKAL PA'I ZHAG GCIG TU BYAS NAS LO BRGYA'I BAR DU BGRES PA YIS MCHOG GI BSKAL PA'O, ZHES BLA MA KHA CIG 'CHAD PA SHIN TU LEGS PAR SNANG BAS RANG LUGS LA DE LTAR 'DOD PAR BYA STE, 'GYUR MANGS SU YANG, DE BZHIN DE'I SDE TSAN GYIS BGRE BA NI BSKAL PA BAR MA'I TSAD DO, ,BSKAL PA BAR MA'I TSAD KYIS BGRE BA NI BSKAL PA MCHOG GI TSAD DO, ZHES DANG, RVA 'GYUR DU, DE LTAR DE'I TSOGS KYI 'GYUR LA BSKAL PA BAR MA ZHES PA'O, ,BSKAL PA BAR MA'I TSOGS KYI 'GYUR LA BSKAL PA MCHOG TU BYUNG BA ZHES PA'O, ZHES 'BYUNG BA'ANG 'CHAD TSUL 'DI DANG
'GRIG PAR SNANG NGO, ,GNYIS PA 'DOD PA'I GNAS BYE BRAG TU BSHAD PA LA LNGA, KLU LA SOGS PA RNAMS KYI GNAS BSHAD PA, MI'I GNAS KYI GLING BZHI'I MTSAN NYID BSHAD PA, RI GLING RGYA MTSO DANG BCAS PA'I RGYA TSAD BSHAD PA, DRANG NGES KYI DKYIL 'KHOR GYI GTZO BO'I GNAS SOGS DANG GNAS BCU GNYIS BSHAD PA, PHYOGS SKYONG SOGS KYI GNAS BSHAD PA'O, ,DANG PO NI, DA NI KLU'I GNAS PA LA SOGS PA RNAMS KYI MING GSUNGS TE, RGYUD DU MING TZAM ZHIG GSUNGS PA DE LA, MING GI THA SNYAD TZAM ZHIG LA RTZOD PA STE DOGS PA MED DO, ,DE BAS NA THA SNYAD DE LTA BU'I MING CAN DE DAG GI GNAS KYI TSAD 'GREL PAS BSHAD PAR BYA STE, ZHES 'GYUR 'DI LA DE LTAR 'CHAD DGOS PAR MNGON LA, KHA CIG 'GYUR MANGS SU MING LA RNAM PAR BRTZAD PA NI MED DE ZHES 'BYUNG BA LTAR BSHAD DO, ZHES GSUNGS PA'ANG DE DANG 'DRA ZHING, PHAL CHER CI'ANG MI SMRA LA, KHA CIG MING NI SEMS CAN GYI 'DOD PA'I DBANG GIS 'JUG PAS 'DI MI RIGS ZHES PA'I RTZOD PA MED DO ZHES ZER RO, ,YANG NA KLkI ZHES BRTZOD PA DANG, RNYOG PA DANG, 'DRES PA SOGS LA 'JUG PA LAS, 'DIR RNYOGS PAR BSGYUR, MING DE LA RNYOG PA MED PA'O ZHES BYAS NAS, KLU'I GNAS KYI MING RIN CHEN SNANG ZHES PA DE LA MING DE LTAR 'DOGS PA'I RGYU MTSAN NI DUS THAMS CAD DU RIN PO CHE'I 'OD KYIS SNANG BAR BYAS PAS NYIN MTSAN GNYI GA MUN PA'I RNYOG PA MED PA'O ZHES BSHAD NAS LEGS SO SNYAM DU KHO BO SAMS SO, ,RDO RJE ME LCE DANG BCAS PA ZHES PA'I MING GIS BSNYAD PAR BYA BA'I DMYAL BA BRGYAD PA NI RTZA BAR DNGOS SU MED KYANG BDUN PA DANG ZHES PA'I DANG YIG GI NUS PAS 'PHANGS NAS
, ,BSTAN PA STE, DE'I GNAS NI RDO RJE KHAB RTZE'I SA'I CHA RTAG TU RAB TU 'BAR BA'O, ,DMYAL BA BRGYAD PA 'DI NI DMYAL BA BDUN PA'I MTHA' NA GNAS KYI DRUG PA DANG BDUN PA BZHIN DU BDUN PA DANG, STENG 'OG TU BYAS PA'I GNAS GZHAN LOGS PA MED DO, ,DE LTAR NA DMYAL BA CHEN PO BRGYAD PO RNAMS NI SA 'OG NA GNAS PA'O ZHES MJUG BSDU BA'O, ,LAN TSVA CHANG DANG ZHES SOGS LA RI RAB KYI 'KHRIS NA ZLA BA'I GLING, DE'I MTHA' NA SBRANG RTZI'I RGYA MTSO, DE'I MTHA' SKAR NAS 'OD SNGON GYI RI, DE LTAR RGYUD DU DNGOS SU BSTAN PA'I RIM PA 'DI DAG LAS, MTSO RNAMS MAS RIM DANG GLING DANG RI RNAMS YAS RIM GYIS SUM SPEL DU SBYAR BAR BYA'O, ,MAN+DA RA'I RI ZHES PA DAL 'BAB BAM DAL 'DZIN DANG, NI shA tA DRUG BRAL LAM, RvAS RTZUB LDAN ZHES DANG, 'GYUR MANGS SU MTSAN MO SNANG ZHES BSGYUR LA, DRO MED BRE BO DANG, BSIL RI S'I TA ZHES 'BROS BYAS KYANG, SHONG 'GYUR SOR BZHAG LEGS SO, ,RAB MCHOG KU SHA'I GLING NI DAG PA'AM GTZANG BA'I GLING NGO ZHES ZER LA, 'DZAM GLING CHEN PO ZLUM PO'I RNAM PA'I LHO PHYOGS KYI PHYI MTHA' NAS NANG MTHA'I BAR LA THAD KAR DPAG TSAD STONG PHRAG NYI SHU RTZA LNGA DANG BYANG DU'ANG DE BZHIN TE, LHO BYANG BSDOMS PAS PHRAG CIG DANG, SHAR NUB TU'ANG DE BZHIN NO, ,LHAG MA 'DIR MA BSHAD PA DAG NI BKLAG PA TZAM GYIS SHES SO, ,GNYIS PA NI, DA NI 'DZAM BU'I GLING CHEN PO LA GLING BZHI RNAMS KYI THUN MONG MA YIN PA'I SO SO'I MTSAN MA GSUNGS PA, ZHES MTSAMS SBYAR NAS, DNGOS LA, BLA MA BI BHU TRI TZAN+TRvA'I PHYAG DPE'I RGYA
DPE LAS, SHAR DU RLUNG NI ZLUM PO PHYED PA ZHES PA NI SHAR RLUNG GI DKYIL 'KHOR GYI RANG BZHIN GYIS ZLUM PO PHYED PA STE ZLA BA PHYED PA'I RNAM PA'O, ZHES DANG, BYANG DU CHU'I DKYIL 'KHOR GYI RANG BZHIN GYIS ZLA BA NYA BA'I RNAM PA'O, ZHES 'BYUNG LA, KHA CIG DE LTAR BYAS NA GZHUNG GONG 'OG THAMS CAD DANG MI 'GRIG CES ZER RO, ,DE LTAR MA BYAS NA DA LTA NYID DU 'DIR GANG ZHIG SHAR ZLUM PO PHYED DANG NUB GRU BZHI YIN PA DE'I PHYIR, ZHES 'BYUNG BA DANG, LE'U 'OG MA DAG TU'ANG RLUNG ZLA BA PHYED PA'I RNAM PA DANG CHU ZLUM POR YANG YANG BSHAD PA THAMS CAD DANG 'GAL BAR 'GYUR GYI, DE LTAR BYAS PA LA MI 'GRIG PA GANG YANG MED PAS BZLOG STE MA SMRA SHIG ,DES NA RGYA DPE DE LTAR BYA DGOS SO, ,SHAR DU RLUNG GI DKYIL 'KHOR DANG, LHOR ME DANG, BYANG DU CHU DANG, NUB TU SA'I DKYIL 'KHOR ZLA BA PHYED PA DANG ZLUM PO DANG GRU GSUM DANG GRU BZHI TSAD RIM PA BZHIN DPAG TSAD STONG PHRAG BDUN BRGYAD DGU BCU PAR BSHAD PA 'DI DAG LA 'DOD PA MI MTHUN PA MANG STE, KHA CIG TSAD DBYIBS 'DI DAG GLING BZHI PO NYID KYI TSAD DBYIBS SU 'DOD DO, ,SHIN TU MI 'THAD DE, DE'I PHYI ROL LHUN PO'I PHYOGS BRGYAD DU STONG PHRAG NYI SHU RTZA LNGA NI 'DZAM BU GLING CHEN PO'I YANGS PA STE ZLUM PO'I RNAM PA'O, ZHES GLING BZHI KA'I ZHED DPAG TSAD STONG PHRAG NYI SHU RTZA LNGA BAR MNYAM PAR BSHAD PA DANG DNGOS SU NANG 'GAL BAR 'GYUR BA DANG, 'DZAM GLING CHUNG NGU LA DUM BU DRUG TU BSHAD PA DE DAG GI TSAD LA SOGS PA SHONG BA'I GO SKABS MED PA SOGS GNOD PA CHES MANG DU 'BYUNG BA'I PHYIR RO, ,KHA CIG GLING BZHI'I
, ,DBUS NA CHAD DBYIBS DE LTA BU'I RNAM PA CAN GYI GLING SO SO'I MTSAN MA'I TSUL DU YOD PA LA, TSAD DE DAG NI SA'I STENG DU ZHES GSUNGS PAS GLING SO SO'I SA'I GZHI LAS DPAG TSAD DE TZAM RO STENG DU 'PHAGS PA'I CHAD DU 'DOD DO, ,SHIN TU MI 'THAD DE, RGYA GAR 'PHAGS PA'I YUL GYI DBUS KYI GNAS DPAG TSAD STONG PHRAG BRGYAD KYIS SA'I MTHIL NAS STENG DU 'PHAGS PA'I DPANGS DANG LDAN PAS BOD DANG RGYA GAR SHAR NUB SOGS MTHA' GANG NAS KYANG YUL DBUS DER RDZU 'PHRUL DANG MI LDAN PAS BGROD PA'I GNAS MED PAR HA CANG THAL BA'I PHYIR RO, ,KHA CIG GLING BCU GNYIS PO THAMS CAD KYI STENG GI RGYA TSAD DANG DBYIBS MI 'DRA BA MED LA, 'ON KYANG TSAD MI 'DRA BA 'DI DAG NI GLING BZHI PO'I STENG RIM NAS 'OG TU JI TZAM SONG BA'I GLING BZHI'I DPANGS TSAD MI 'DRA BA'I KHYAD PAR YIN LA, STENG GI RGYA'I DBYIBS MTSUNGS KYANG STENG 'OG TU TSAD JI TZAM YOD PA'I DPANGS KYI DBYIBS KYANG MI 'DRA BAR GRU GSUM DANG ZLA BA PHYED PA SOGS KYI DBYIBS SU YOD PA YIN NO ZHES ZER RO, ,DE YANG MI 'THAD DE, GLING BCU GNYIS PO THAMS CAD KYI STENG GI RGYA TSAD PHYI MTHA' BA TSvA'I RGYA MTSO LA THUG CING, NANG MTHA' BSIL RI LA THUG PAR MTSUNGS PA LTAR DU THAMS CAD 'OG GI MA MTHA' YANG 'OG GZHI CHU'I DKYIL 'KHOR LA THUG PAR MTSUNGS DGOS KYI, CHU'I DKYIL 'KHOR LA MA REG PA'I BAR SNANG LA RTZA BA ZAD NAS GNAS PA'I GLING MED PA'I PHYIR RO, ,DPER NA MNGON PA BA'I LUGS LA GSER GYI SA GZHI LA GLING BZHI KA'I
RTZA BA REG PAR MTSUNGS PA BZHIN NO, ,'GEL PA NYID LAS, SA'I DKYIL 'KHOR LA GSEG MA'I CHU'I DMYAL BA DPAG TSAD STONG PHRAG NYI SHU RTZA LNGA'O, ,DE'I STENG DU GDONGS CAN KYI GRONG KHYER STENG 'OG TU DPAG TSAD STONG PHRAG NYI SHU RTZA LNGA'O, ZHES PA'I DKYIL 'KHOR GYI DPANGS TSAD DPAG TSAD STONG PHRAG LNGA BCUR BSHAD PA DANG SHIN TU 'GAL TE, GLING GI STENG 'OG GI DPANGS MTHO SHOS LA DPAG TSAD STONG PHRAG BCU LAS MED PAR 'GYUR BAS SO, ,GZHAN YANG STONG PHRAG BDUN BRGYAD DGU DANG, BCU'I DPANGS DE DAG GDONGS CAN GYI GNAS KYI YA MTHA' LA THUG PA NAS SA STENG BAR GYI DPANGS SU 'DOD NA NI 'JIG RTEN GYI KHAMS KYI DPANGS TSAD DPAG TSAD 'BUM PHRAG BZHIR NGES PA NYAMS TE, TSAD DE DAG GI CHOS LHAG PA'I PHYIR RO, ,DES NA DE 'DRA'I DPANGS TSAD DE GDENGS CAN GYI GNAS LA SOGS PA MTHO BA'I CHED YIN NA 'JIG RTEN SPYI'I TSAD NYAMS LA THE BA'I TSAD YIN NA DGOS KYI TSAD DE LTA BU NYAMS SO, ,GONG DU 'GREL PAR, RGYA'I TSAD NI SA'I DKYIL 'KHOR GYI TSAD DO, ZHES PAS DMYAL BA DANG GDENGS CAN GYI GNAS KYI RGYA TSAD SA'I DKYIL 'KHOR GYI TSAD DANG MNYAM PAR BSHAD PAS RI RAB KYI 'OG LTA BU GCIG LA BZUNG DU YANG MI RUNG NGO, ,MKHAS PA KHA CIG TSAD 'DI GLING BZHI'I TSAD DU 'DOD PA DANG, DPANGS TSAD LA 'DOD PA GNYIS LAS, SA'I STENG DU ZHES PA LTAR NA PHYI MA CUNG BZANG NGO ZHES PA TZAM LAS RANG NYID THAG GCOD PAR MI BYED PA LTAR NA'ANG, DPANGS TSAD LA 'DOD PA CUNG BZANG BA JI LTAR YIN PA BSHAD MA THAG PA'I GNOD BYED DAG GIS SHES PAR 'GYUR
, ,RO, ,DE LTAR NA RANG GI LUGS NI GLING BZHI SO SO'I KHAMS KYI RTEN 'BREL GYIS GRUB PA, SHAR LUS 'PHAGS PO'I GLING GI DBUS KYI SA'I CHA DPAG CHED STONG PHRAG BDUN GYI RGYA TSAD TZAM ZHIG GIS DBYIBS ZLA BA PHYED PA'I RNAM PA 'DRA BAR YOD PA DANG DE BZHIN DU GZHAN GSUM LA'ANG SBYAR TE, SA'I STENG DU ZHES PAS RGYA TSAD DANG DBYIBS DES STENG NA YOD PA'I RGYA DBYIBS SU STON KYI, TSAD DE TZAM ZHIG SA STENGS NAS KYANG 'BUR DU DOD PA'I TSUL GYIS GYEN DU 'PHAGS PAR STON PA MA YIN NO, ,DE YANG DA LTA SA'I DPYAD LUNG STON PA'I 'DRA DBYIBS LTAR DU RAGS PA TZAM CHA 'DRA BA'I SA DBYIBS YIN GYI, LHA BZOS BRIS PA LTA BUR YOD MI DGOS LA, PHYI'I GLING GI MTSAN MA DANG MTSUNGS PAR GLING BZHI SO SO'I MI'I BYED DBYIBS KYANG DE 'DRA STE, DE YANG 'DZAM GLING CHUNG NGU 'DI LTA BU'I YANG BOD SOGS MTHA' 'KHOB KYI MI LAS 'PHAGS PA'I YUL DBUS KYI MI BYED DBYIBS SOGS KHA'I RNAM PA GSAL BA SHAS CHE'O, ,DBUS SU LHUN PO STONG PA'I DKYIL 'KHOR KYI RANG BZHIN GYIS THIG LE'I RNAM PA'O ZHES PAS LHUN PO DBYIBS ZLUM POR BSTAN NO, ,DES LHUN PO'I NANG NA SNYING PO ZLUM PO'I DBYIBS CAN YOD PAR STON PA YIN GYI PHYI DBYIBS GRU BZHI YIN NO ZHES KHA CIG ZER RO, ,DE LTAR NA GLING BZHI'I SPYI TSAD LAS LOGS PAR ZLA PHYED SOGS KYI RNAM PAR YOD PA DE DAG GI TSAD GZHAN GSUNGS PA LTAR, LHUN PO'I SPYI TSAD LAS LOGS PAR NANG GI THIG LE ZLUM PO'I DBYIBS SU YOD PA DE TSAD 'DI TZAM ZHIG GO ZHES GSUNG RIGS PA LA
DE LTAR MA GSUNGS PAS KYANG SHES SHING, KHYAD PAR DU YANG LHUN PO'I PHYI DBYIBS GRU BZHIR KHAS LEN PA NI CHES MI 'THAD DE, GONG DU 'GREL CHEN NYID LAS, 'DIR 'JIG RTEN GYI KHAMS THAMS CAD LA THAD KA'I TSAD KYI SUM 'GYUR KHOR YUG GI TSAD DU 'GYUR TE, LHUN PO LA SOGS PA NAS RLUNG GI DKYIL 'KHOR GYI MTHAR THUG PA GLING DANG RI DANG RGYA MTSO LA SOGS PA THAMS CAD KYI'O, ZHES GSUNGS PAS LHUN PO DANG GLING BDUN, RI BDUN MTSO BDUN RNAMS KYI THAD KA'I ZHENG TSAD GANG YIN PA DE MTHA' SKOR LA SUM 'GYUR KYI TSAD YIN PAR GSAL BAR GSUNGS PAS LHUN PO LA YANG TSAD DE KHAS BLANG DGOS LA, GRU BZHI RNAMS KYI THAD KA'I TSAD MTHA' SKOR LA SUM 'GYUR YIN PA BLUN POS KYANG KHAS LEN PA'I GNAS MED PA'I PHYIR RO, ,'O NA DBANG LER SBYIN BSREG GI THAB RNAMS KYI RANG BZHIN BRJOD PA'I SKABS SU, RENGS PA'I THAB NI LHUN PO DANG SA GNYIS KHA SBYAR BA GNYIS KA'I MTSAN MAS MTSAN PA'O, ZHES GSUNGS PAS, RENGS PA'I THAB ZUR BRGYAD PA NI LHUN PO GRU BZHI PA'I ZUR BZHI 'TSAMS BZHIR BSTAN PA'I STENG DU SA'I DKYIL 'KHOR GRU BZHI PA'I ZUR BZHI PHYOGS BZHIR BSTAN NAS KHA SBYAR BAS THAB ZUR BRGYAD DU 'GYUR BAR GSUNGS PA MA YIN NAM, DE LTA NA LHUN PO GRU BZHIR 'DOD DGOS PAR GRUB BO ZHE NA, DE NI DANG POR LHUN PO GRU BZHI PA'I RNAM PA GCIG 'JIM PA LAS BCOS PA'AM THIG TSON GYIS BRIS, DE'I STENG DU SA'I DKYIL 'KHOR GRU BZHI BA'I RNAM PA GCIG DE LTAR BCOS PA 'AM BRIS NAS RENGS BA'I THAB ZUR BRGYAD PA BYED PAR STON PA MA YIN GYI, RINGS PA'I THAB D
, ,GANG RNAM PAR DAG PA'I YON TAN GYI RANG BZHIN GYIS ZUR BRGYAD DU GSUNGS ZHE NA, LHUN PO LA GLING BZHI LA BLTAS PA KHAMS BZHI'I RANG BZHIN GYIS NGOS BZHI YOD LA, SA'I DKYIL 'KHOR LA YANG DNGOS BZHI YOD PA'I GRANGS BZHI TSAN GNYIS PO DE KHA SBYAR BA STE BSDOMS PAS YON TAN BRGYAD DU 'GYUR LA, BRGYAD PO DE RNAM PAR DAG PA'I RANG BZHIN GYI ZUR BRGYAD YIN PAR STON PA STE, DPER NA RMONGS PA'I THAB ZUR DRUG PA LA, 'GREL PAR DE'I SKABS SU, ZUR DRUG PA NI SGRA GCAN DANG SA'I BDAG NYID DE SBRUL GYI MTSAN MAS MTSAN PA'O, ZHES SGRA GCAN LA GDONG MJUG GNYIS DANG, SA'I DKYIL 'KHOR LA NGOS BZHI YOD PA BSDOMS PA'I YON TAN DRUG PO DE RNAM PAR DAG PAS THAB ZUR DRUG PAR BSTAN PA BZHIN TE, GZHAN DU NA DE LA YANG DANG POR SGRA GCAN GYI GZUGS ZUR GNYIS PA BYAS, DE'I STENG DU SA'I DKYIL 'KHOR GRU BZHI'I GZUGS BYAS NAS THAB ZUR DRUG PA BYA DGOS PAR THAL LO, ,DON 'DI NI THAB ZUR BDUN PA'I SKABS SU, DGUG PA'I THAB NI SA DANG ME'I YON TAN GYI BDAG NYID DE, ZHES DE DANG DE'I YON TAN GYI BDAG NYID KYI ZUR BDUN DU GSUNGS KYI, DE DANG DE'I DBYIBS BYAS NAS ZUR BDUN 'CHOS PAR MA GSUNGS PAS KYANG GSAL BAR SHES SO, ,'ON KYANG 'DI DAG, 'CHAD SHES PA'ANG MA BYUNG BAR SNANG LA, KHA CIG GIS NI SPYIR LHUN PO ZLUM PO YIN KYANG, THABS KYI SKABS 'DIR YONGS GRAGS
DANG BSTAN PA YIN ZHES PA TZAM ZHIG SMRA BA LA BRTEN DGOS PA BYUNG LA PHAL CHER RTOG DPYOD MA ZHUGS PA'ANG MANG BAR SNANG NGO, ,DE YANG YE SHES LE'U LAS, MTHA' DAG RI YI BDAG PO'I SHAR NI DAG PA'I AINDRA N'I LA LHO NI PAD+MA R'A GA STE, ,NUB NI KAR KE TA NE SER PO BYANG NI RI BONG 'DZIN PA LTAR DKAR ZLA BA CHU SHEL LO, ,DBUS NI LJANG KHU, ZHES DANG, DE'I 'GREL BAR, DBUS NI LJANG KHU STE, HA YIG STONG BA NAM MKHA'I CHOS CAN NYID KYI PHYIR RO, ,ZHES GSUNGS PA LTAR TE, RI RAB KYI SNYING PO SHAR LHO NUB BYANG RIM PA BZHIN NAM MKHA' RLUNG ME CHU SA'I KHAMS YIN LA, SNYING PO LJANG KHUR GSUNGS PAS LHUN PO'I SNYING PO KHONG STONG MIN ZHING, STONG PA ZHES PA NI NAM MKHA'I KHAMS YIN PA'I DON TO, ,YANG LHUN PO DANG SHAR LHO BYANG NUB KYI GLING BZHI RNAMS KYANG RIM PA BZHIN NAM MKHA' RLUNG ME CHU SA'I KHAMS YIN LA, DE DAG SBYANG GZHI LA SBYONG BYED KYI MING GIS 'DOGS NAM GTOGS STONG CHEN YIG LNGA DANG YE SHES LNGA DNGOS SU 'ONG DON MED DO, ,DA LTAR PHYI'I GLING BZHI'I KHAMS KYIS CHOS MTHUN NANG LUS LA SBYAR BA NI, 'DIR PHYI ROL TU GLING GANG ZHIG SHAR ZLUM PO PHYED PA RLUNG GI KHAMS DANG NUB GRUB BZHIS MTSON PA SA'I KHAMS YIN PA DE'I PHYIR, DE DANG CHOS MTHUN PAR RANG GI LUS RANG BZHIN GYIS MDUN GCI BA 'BAB PA'I PHYIR RLUNG GI KHAMS DANG, RGYAB BSHAD BA 'BAB PA'I PHYIR SA'I KHAMS KYI RANG BZHIN DANG, GA-YON GYI LUS KYI PHYOGS NI RKYANG MA DANG KHU BA ZLA BA'I CHOS GTZO BOR GYUR PAS CHU'I KHAMS DANG, GA-YAS KYI LUS
, ,KYI PHYOGS NI RO MA DANG RDUL NYI MA'I CHOS GTZO BOR GYUR PAS ME'I KHAMS KYI RANG BZHIN NO ZHES BZHAG GO, DE'I PHYIR GONG DU BSHAD PA'I DKYIL 'KHOR BZHI'I RNAM PAS MTSON PA GLING BZHI RNAMS KYI MTSAN NYID DO, ZHES PA MJUG BSDU PA'I TSIG GO, KHA CIG NANG LUS LA DE LTAR YOD PA'I DBANG GIS PHYI'I GLING BZHI'I KHAMS KYANG DE LTAR GRUB PA YIN NO ZHES SMRA BA LTAR NA, 'BRAS BU SNOD SNGON DU GRUB NAS, RGYU BCUD KYI LUS PHYIS 'GRUB PA'I RGYU 'BRAS KYI GO RIM YA MTSAN NO, ,DE BAS NA NANG LUS 'PHEN BYED KYI LAS KYIS LUS 'PHANGS PA DANG, PHYI SNOD 'GRUB PA'I BDAG PO'I RGYUR GYUR PA'I LAS LAS SNOD GRUB PA NA, RGYU LAS DE GNYIS LAS 'BRAS BU SNOD BCUD CES PAS PHYI NANG CHOS MTHUN PA'I TSUL DU GRUB PA YIN GYI, DA LTA'I SNOD 'DI DANG RANG GI LUS RGYU 'BRAS SU 'ONG DON GA LA YOD, CI YANG RUNG BA'I TSIG SMRA BA LHAR BYED CIG, GSUM PA NI, DE NI ZHES SOGS KYIS 'TSAMS SBYAR NAS, DON DNGOS LA, LHUN PO YI NI ZHES SOGS KYI DON NI, LHUN PO'I STENG GI RGYA THAD KAR STONG PHRAG LNGA BCU DANG, RTZA BA LA THAD KAR STONG PHRAG BCU DRUG DANG, DE'I PHYI NAS 'GRAM STEGS LTAR BSKOR BA'I KHOR YUG ZHENG DPAG TSAD STONG PHRAG GCIG PA'O, ,RVA NI LNGA PO RNAMS DAG ZHES SOGS LA, LHUN PO'I RVA LNGA'I 'DOD PA MI MTHUN PA MANG STE, RVA PA DAG RI RAB LA PHUB BRTZEGS PA LTA BU'I BANG RIM 'OG NAS RIM GYIS CHER SONG BA BZHI YOD CING, RVA NI RI RAB KYI STENG GI ZUR BZHI DBUS DANG LDAN
GYEN DU 'GRENG BA'I RNAM PAR YOD PAR 'DOD LA, RTZA MIN RE, RVA BZHI ZUR NAS THUR LA 'PHYANG BA GANGS RI'I STENG DU ZUG PA, GCIG STENG GI DKYIL NAS GYEN DU 'GRENG NGO ZHES ZER RO, ,BI BHU T'I LTAR NA RVA DBUS LHUN PO RANG LA BYAS NAS, ZUR BZHI NAS RVA GZHAN BZHI THUR LA 'PHYANG BA RDO RJE PHYED PA'I RVA RTZE THUR DU BSTAN PA LTA BU'O, ZHES ZER RO, ,SHONG BA NA RE, RI RAB KYI RTZA BA'I RGYU TSAD LTONG PHRAG BCU DRUG NI RI RAB KHONG STONG DU YOD PA'I KHONG STONG PHYI ROL STONG PHRAG GCIG SGONG STONG BA'I PHYI'I SGONG SHUN DANG 'DRA BA LHUN PO'I LOGS DANG STENG 'OG THAMS CAD DU YOD PA DE'I MTHUG RNGAMS KYI TSAD YIN GYI RTZA BA NA 'GRAM STEGS LTA BUR YOD PA MIN LA, RVA LNGA PO SDER KHA 'PHYANG BRTZEGS PA LTAR KHOR YUG TU YOD DO CES ZER RO, ,DE LA CHOS RJE BU STON RIN PO CHES, RVA PA'I LUGS DE LTAR NA GANGS RI RI RAB LAS MTHO BA'AM MNYAM PAR 'GYUR TE, GANGS RI RVA LA REGS PAR BSHAD PA'I PHYIR RO, ,RVA LAS GZHAN PA'I BANG RIM YOD PAR YANG MA BSHAD DO, ,LUGS DE DANG, RTZA MI DANG BI BHU T'I'I BZHED PA THAMS CAD LA, 'DIR LHUN PO'I PHYOGS KYI CHA THAMS CAD DU KHYIM GYI 'KHOR LO 'KHOR BA'I DBANG GIS ME LA REG PA GANG YIN PA DE NI BDUN PA'I PHYIR THOB PA NA LHUN PO'I RVA LA REG CING GANGS RI'I STENG DU 'GRO'O, ZHES GSUNGS PA DANG 'GAL BAR 'GYUR TE, RVA KHOR YUG TU MED PA'I PHYIR RO, ,SHONG PA SOGS KYIS RTZA BA NA 'GRAM STEGS LTAR BSKOR BA'I KHOR YUG ZHENG DPAG TSAD STONG PHRAG GCIG PA KHAS MI LEN PA'ANG, KHOR YUG DE'I PHI ROL RVA BZHI'I KHONG SKYIBS KYI GNAS SU GLING DRUG DANG, ZHES SOGS DANG 'DIR LHUN PO'I
, ,'OG GI CHA LA TSANGS PA'I GNAS NAS PHYOGS THAMS CAD DU DPAG TSAD STONG PHRAG BRGYAD DANG KOR YUG GCIG GO, DPAG TSAD STONG PHRAG DGU'I PHYI ROL DPAG TSAD STONG PHRAG GCIG GI BAR DU GLING DRUG LA SOGS PA RNAMS GNAS SO ZHES PA DANG 'GAL BA'I SNYON YOD DO ZHES SUN 'BYIN PAR MDZAD DE, SUN 'BYIN DE DAG GIS NI LEGS PAR LUGS DE DAG SUN PHYUNG BA YIN NO, ,GLING BCU GNYIS PO GANG DU'ANG BGROD PA MTHAR THUG PA'I TSE NYI MA'I GDUNG BYED RVA LA REG DGOS PA 'CHAD PAR 'GYUR BA LTAR SHIN TU GSAL BAS RVA NI KHOR YUG TU YOD PAR 'DOD DGOS SO, ,DES NA RANG LUGS KYANG DE NYID KYI BZHED PA DANG MTHUN PAR BYA STE, RI RAB ZLUM PO RTZA BA PHRA ZHING KHA GDENGS RGYA CHE BA LA RVA ZLUM PO LNGA 'OG MA LAS STENG MA RGYA JE CHE JE CHER SONG BA SDER 'GAG KHA 'PHYANG CHUNG NGU'I STENG DU CHEN PO BRTZEGS PA LTA BUR GNAS PA'I RVA 'OG MA THUR LA 'PHYANG BA 'KHOR BA DENG RTZA BA'I 'GRAM STEGS LTA BU'I KHOR YUG GI PHYI MTHA' MNYAM PA, DE NAS RVA 'OG MA DE NAS RI RAB KYI KHA'I MTHA' BAR CHA GSUM DU BGOS PA'I CHA RE RE'I MTSAMS NAS RVA RE RE 'PHYANG ZHING, RVA STENG MA NI RI RAB KYI KHA MTHA' LAS THUR DU 'PHYANG BA KHA BA'I RI LA REG PA'O, ,RVA 'OG MA RTZA BA'I STEGS BU LAS THAL BAR PHYIN 'CHAR NA, RVA BZHI'I KHONGS SKYIBS KYI GNAS SU GLING DRUG LA SOGS PA ZHES GSUNGS PA MI 'THAD PAR 'GYUR TE, RVA LNGA'I KHONGS SKYIBS KYI GNAS SU ZHES GSUNG RIGS PAS SO, ,DES NA RVA NI MNGON PA DAG NAS RI RAB KYI BANG RIM ZHES BSHAD PA DE'I DOD YIN TE, DRAN PA NYER
GZHAG TU YANG RI RAB BANG RIM BZHI DANG LDAN PA ZHES PA'I DOD LAN BZHI DANG ZHES 'BYUNG NGO, ,KHA CIG RVA BZHI THUR LA 'PHYANG BA KHOR YUG TU BRJOD PA'I KHONGS SKYIBS SU GLING DRUG RI DRUG CHUD PA DANG, RVA LNGA PA NI RI RAB KYI 'GRAM STEGS LA BYAS NAS THUR DU 'PHYANG BA'I RVA BZHI LAS MED PAR 'DOD PA 'DIR RGYUD DANG 'GREL BA'I TSIG DON LA MI 'GRIG PA 'CHAD PAR 'GYUR LA, YI LER, LHA YI RI BO DAG NI LUS KYI TSAD DU 'GYUR TE RGYUR NI PHYED KYI TSAD YIN NO, ,DE YOD STONG DU RDO RJE'I RNAM PA BRTZEGS PA CHA GSUM PA STE DE YID YANG NI PHYED DU 'GYUR, ZHES PA 'DREN PA LA 'BREL MED LO, ,DES NA TSIG GI DON NI 'DI LTAR, LHUN PO YIN NI STENG GI THAD KA'I RGYA SHAR DANG NUB DANG BYANG DANG LHO'I CHA'I BAR DU DPAG TSAD STONG PHRAG LNGA BCU'O, ,SA GZHI DAG GI GNAS LA REG PA'I LHUN PO'I RTZA BA LA THAD KA'I RGYAR STONG PHRAG BCU DRUG GO, DE'I PHYI ROL TU STONG PHRAG GCIG NI 'GRAM STEGS LTA BU'I KHOR YUG DAG GI PHYOGS RE'I YANG DAG PA'I ZHING NGO, ,RVA NI LNGA PO RNAMS DAG GCIG GI STENG DU GCIG RIM PA BZHIN BRTZEGS PA DANG, RTZA BA'I 'GRAM STEGS NAS GANGS RI'I BAR GYIS GZHI DAG GIS GNAS LA NI RIM PA BZHIN BYA SKYIBS KYI 'OG TU NON PA LTAR KHYAB PA'I TSUL GYIS RVA NANG MA NANG MA LAS PHYI MA PHYI MA RIM PA BZHIN PHYIR SON PA'O, ,RVA LNGA BOR MA ZAD PHYOGS KUN TU NI RTZA BA'I 'GRAM STEGS LTA BU'I KHOR YUG KYANG RTZA BA STONG PHRAG BCU DRUG PA LAS SA'I STENG DU PHYIR SON PA'O, ,DES NA STEGS BU RVA LNGA'I YA GYAL DU 'DOD PA GZHUNG 'DIS BKAG GO, DE'I PHYI ROL GLING
, ,DANG RI BO DAG DANG ZHES PA NI RI RAB KYI PHYI'I KHOR YUG DE'I PHYI ROL RVA PHYI MA BZHI'I KHONGS SKYIBS KYI GNAS SU GLING DRUG DANG MTSO DRUG DANG RI DRUG STE, RI DRUG PO DE RNAMS LAS DRUG PA KHA BA'I RI DANG RVA PHYI MA MNYAM PA STE REG PA'O, GLING BDUN PA NI, 'DZAM BU'I GLING STE, DE'I PHYI ROL NA MTSO BDUN PA LAN TSVA'I CHU GTER GYI CHU'I DKYIL 'KHOR MTHA' THAMS CAD NAS 'KHOR BA DANG, DE'I PHYI ROL GYI MTHA' THAMS CAD NAS 'KHOR BAR RI BDUN PA ME'I DKYIL 'KHOR DANG, DE'I PHYI ROL THAMS CAD NAS 'KHOR BAR RLANG GI DKYIL 'KHOR RO, ,CHU GTER DRUG PO ZHES SOGS LA, ZLA BA ZLA BA ZHES PA NI, RTZIS KYI RI MO'I GNAS THA MAR ZLA BA STE GCIG BRIS, DE'I GNAS GONG MAR ZLA BA STE GCIG BRIS PA BCU GCIG GO ,DES NA 'DIR RE RE'I THAD KA'I RGYA TSAD LA DPAG TSAD BRGYAD BRGYA BRGYAD CU RTZA DGU RER BYAS PA RAGS RTZIS SO, ,DE NYID KYI TSAD ZHIB MOR NI, RI RAB KYI RTZA BA'I THAD KA'I RGYA TSAD STONG PHRAG BCU DRUG GI DBUS NAS GANGS RI'I PHYI MTHA' BAR GYIS PHYOGS GCIG LA STONG PHRAG NYI SHU RTZA LNGA YOD PA'I STENG NAS LHUN PO'I RTZA BA RANG DANG 'GRAM STEGS KYI DPAG TSAD STONG PHRAG DGU BCAD PA'I LHAG STONG PHRAG BCU DRUG PO BGOD GZHIR BYAS PA LAS, BCO BRGYAD KYIS BGOS PAS THOB PA'I THOB NOR GYI GRANGS GYI CHAS GLING DANG MTSO DANG RI DRUG GSUM BCO BRGYAD PO RE RE'I THAD KA'I RGYA TSAD GSAL BAR 'GYUR RO ZHES PA LA, STONG PHRAG BCU DRUG PA DE NYID BCO BRGYAD KYIS BGOS PA'I THOB NOR BRGYAD BRGYA BRGYAD CU
RTZA BRGYAD PO DANG GA TSAD KYI GRANGS YIN LA, LHAG MA BCU DRUG LUS PA BZHIS BSGYUR BAS RGYANG GRAGS SU 'GYUR ZHING, DE NYID BCO BRGYAD KYIS BGOS PAS THOB NOR RGYAD GRAGS GSUM 'BYUNG LA, LHAG MA LAS PA DE, NYIS STONG GIS BSGYUR BYAS GZHU'I PHUNG POR 'GYUR ZHING, DE NYID BCO BRGYAD KYIS BGOS PA'I THOB NOR, GZHI 'DEM STONG DANG BRGYA DANG BCU GCIG 'BYUNG LA, DE'I LHAG MA LUS PA BZHIS BSGYUR BAS KHRU'I GRANGS DANG, DE NYID KYANG NYI SHU RTZA BZHIS BSGYUR BAS SOR GYIS GRANGS KYI PHUNG POR 'GYUR ZHING, DE NYID BCO BRGYAD KYIS BGOS PAS SOR MO BCU DANG NAS BZHI DANG NAS KYI BCU GNYIS CHA GCIG 'BYUNG STE, THOB NOR DE DAG BSDOMS PA'I GRANGS NI BCO BRGYAD PO GANG RUNG GCIG GIS THA DKA'I ZHENG TSAD ZHI BA RTZIS YIN LA, RGYUD DU, ZLA BA LA BA GCIG GIS DMAN PA ZHES GSUNGS PA NI RTZING GE'I TSAD MDOR BSDUS TE BRJOD PA'I 'DIR LHUN PO'I 'OG GI CHA LA TSANGS PA'I GNAS NAS ZHES PA, SHAR NUB LHO BYANG LA TSANGS THIG BTAB PA'I DBANG DU BYAS NA TSANGS THIG PHRAD PA'I GNAS DBUS DRANG PO NAS ZHES PA'I DON TE, DE BZHIN NO ZHES PA'I BAR SNGAR BSHAD PAS SHES SHING GO SLA'O, ,DE LTAR NA ZHES PA NAS, TSAD DE NYID NANG GI LUS LA CHOS MTHUN SBYAR NA, BRANG GI DBUS PHYED GA-YAS MA NI LHUN PO'I GA-YAS KYI CHA'I SA'I DKYIL 'KHOR DANG CHOS MTHUN NO, ,LAG PA GA-YAS KYI DPUNG BA NI LHUN PO'I GA-YAS PHYOGS KYI CHU'I DKYIL 'KHOR DANG CHOS MTHUN NO ZHES DANG LAG PA GA-YAS KYI SOR MO'I MTHA' BAR NI GA-YAS KYI CHA'I
, ,RLUNG GI DKYIL 'KHOR DANG CHOS MTHUN TE, DE BZHIN DU BRANG GI DBUS NAS PHYED GA-YON MA NAS BRTZAMS TE LAG PA GA-YON PA'I SOR MO'I MTHA' BAR YANG LHUN PO'I GA-YON GYI SA'I DKYIL 'KHOR NAS RLUNG GI DKYIL 'KHOR BAR DANG CHOS MTHUN NO, ,DE LTAR NA 'JIG RTEN GYI KHAMS KYI TSAD DO, ZHES PA NI RGYA CHED BSHAD ZIN PA THAMS CAD KYI THUN MONG GI MJUG BSDU BA'O, ,BZHI PA NI, DA NI ZHES PA NAS, GSUNGS TE ZHES 'CHAD PA'I 'TSAMS SBYAR NAS, DON DNGOS NI PHYI ROL TU TSANGS PA'I GNAS DANG ZHES SOGS TE, DE YANG GZHUNG 'DI DAG GI DON NI, PHYI ROL TU LHUN PO'I STENG GI DBUS SU TSANGS PA'I GNAS YIN PA DANG CHOS MTHUN PAR DKYIL 'KHOR LA LHUN PO'I STENG GI DBUS SU GTZO BO DUS KYI 'KHOR LO DANG, PHYI ROL DE DAG CHOS MTHUN PAR, NANG SGRUB PA PO DUS KYI 'KHOR LOR BSGOMS PA'I LUS RI RAB DANG CHOS MTHUN PA'I STENG GI GTZUG TOR GYI NOR BU LA RIGS KYI BDAG PO'AM, YANG NA SNGA MAS DRANG DON GYI DKYIL 'KHOR GYI GTZO BO'I GNAS BSTAN NAS, DES DON LA SGRUB PA POS KHAMS DKAR PO DH'U T'IA'I MA SNA NAS RIM GYIS GYEN DU BRTZEGS PA GZUG TOR GYI NOR BUR BRTAN PAR GYUR TE MI 'GYUR BA'I BDE BA NYIS KHRI CHIG STONG DRUG BRGYA RDZOGS PA'I SKAD CIG LA DANG PO'I SANGS RGYAS DUS KYI 'KHOR LO STONG GZUGS KYI SKUR BZHENGS PA STE, DE NYID NI RGYAL BA MCHOG BCAS YANG DAG BSTOD PA STE RIGS SO SO BA'I SANGS RGYAS THAMS CAD DANG BCAS PA GANG DU 'DUS SHING NGO BO
GCIG TU 'DRES PAR GYUR PA DANG, 'KHOR GYI LHA'I TSOGS BYANG CHUB SEMS DPA' DANG TSANGS PA LA SOGS PAS YANG DAG PAR BSTOD PA'O, ,DRANG NGES KYI GTZO BO GNAS GANG DU BZHENGS PA DE DANG CHOS MTHUN PAR PHYI 'JIG RTEN GYI KHAMS KYI LHUN PO LA NI DE'I DBUS KYI STENG DU TSIG GI DMOD PA GRUB PAS TSIG MDA' ZHES BRJOD PA'I TSANGS PA LA SOGS PA LHA'I TSOGS SO, ZHES SHES PAR BYA STE, KHA CIG GIS GZHUNG 'DI DAG GANG DU'ANG LUNG MA BSTAN LA, KHA CIG GIS PHYI ROL GYI 'JIG RTEN GYI LHUN PO'I DBUS RI RAB KYI GTZUG TOR LA DUS KYI 'KHOR LO BZHUGS, NANG LUS KYI GTZUG TOR GYI NOR BU LA DUS 'KHOR BZHUGS ZHES DANG, LHUN PO LA NI TSIG MDA' ZHES SOGS KYIS LHUN PO'I KHA KHYER LA TSANGS PA SOGS GNAS PA'I DON DU 'CHAD DE, MA DAG PA'I SNOD KYI LHUN PO'I DBUS DANG, MA DAG PA'I LUS KYI GTZUG TOR PHUNG LNGA SGRIB BRAL DU GYUR PA'I SANGS RGYAS THAMS CAD 'DUS PA'I BDAG NYID LONGS SKU DUS KYI 'KHOR LO GANG DU BZHUGS PA'I GNAS SU MKHAS PA SU ZHIG KHAS LEN TE MI 'THAD PAR SHES SLA 'O, ,GZHAN DAG DUS KYI 'KHOR LO RDO RJE SEMS DPA' BRTAN GA-YO THAMS CAD LA SNYING PO'I TSUL DU BZHUGS PAR GZHUNG 'DI DAG GIS BSTAN PAR SMRA BA'I LUGS NI GONG DU BKAG ZIN NO, ,SA GZHI'I 'OG NA GNAS PA KLU RNAMS DAG NI BRAM ZE RGYAL RIGS RJE RIGS DMANGS RIGS GDOL BA'I RIGS TE LNGA'I TSOGS SO, ZHES PA NI TSIG MDA' TSANGS PA LA SOGS PA RNAMS KYI
, ,TSOGS SO ZHES PA'I ZHAR BYUNG TZAM MO, ,DPAL LDAN LHUN PO'I PHYOGS RNAMS KUN TU STE PHYOGS BRGYAD DU ZHES SOGS NI, GLING BZHI GNAS DANG DE'I 'TSAMS BZHI NYE BA'I GNAS, RGYA MTSO'I PHYED NANG MA'I PHYOGS BZHI LA ZHING DANG DE'I 'TSAMS BZHI LA NYE BA'I ZHING LA SOGS PA STE, RGYUD DU, RO KHANG GNAS NI, ZHES 'BYUNG BA'I RO ZHES PA ZHING SOGS GSUM LA NYE BA'I ZHING SOGS GSUM DANG BCAS PA'I DRUG TU STON PA'I GRANGS KYI BRDA TSIG MA YIN GYI, RGYUD DU RO SNGON DU BYAS PA SDEB SBYOR GYI DBANG GIS YIN PAS, KHANG PA DANG NYE BA'I KHANG PA, RO'I GNAS DANG NYE BA'I RO'I GNAS ZHES SBYAR NAS 'CHAD PA 'GREL PA'I DGONGS PAR BYA DGOS LA, KHANG PA NI 'THUNG GCOD DANG, RO'I GNAS NI DUR KHROD DO, , DE'I LHAG MA SHES SLA STE, DE NI GNAS LA SOGS PA BCU GNYIS PHYI LA SBYAR BA YIN LA, NANG LA SBYAR NA, LUS LA YANG ZHES SOGS TE TSIGS CHEN BCU GNYIS DANG, GZHAN LA SBYAR NA SA BCU GNYIS SO, ,LNGA PA NI, DA NI PHYOGS SKYOD RNAMS KYI ZHES SOGS TE, DES NA RNAL 'BYOR PAS YUL 'KHOR LA SOGS PA'I PHYOGS SO SO BSRUNG BA'I DON DU DE DAG RNAMS KYI DBUS SU DUS KYI 'KHOR LO RGYAL BA RNAMS KYI BSKYED MDZAD GZHOM DU MED PA DRAG PO RDO RJE'I SKU RDO RJE SHUGS BSGOM PAR BYA STE DE NI PHYOGS SKYONG RNAMS KYI GTZO BO STE, DE DAG LA BKAS MNGA' BSGYUR BAR BYED PA PO ZHES BYA BA'I DON TO, ,'DI DAG NI PHYOGS BCU'I RANG RANG GI PHYOGS BSRUNG ZHING SKYONG BA'I PHYOGS DE'I BDAG POR BSTAN PA'I PHYIR DU 'DI LTAR GSUNGS PA YIN
GYI, DNGOS GNAS LA BRGYA BYIN GYI GNAS SUM CU RTZA GSUM RI RAB KYI DBUS NA MED PAR BZHED PA'ANG MA YIN LA 'JIG RTEN GYI BCUD 'CHAGS PA NA BCOM LDAN 'DAS DUS 'KHOR RI RAB KYI DBUS SU CHAGS NAS GNAS PA LTA BU'I 'CHAD TSUL YANG MA YIN ZHING, BSRUNG 'KHOR GYI BSRUNGS MA RNAMS SPRO BA'I SKABS SU GSUNGS PA DANG PHYOGS SKYONG DAG 'GOD PA'I PHYOGS 'DI DANG MI MTHUN PA MDZAD PA NI KHAMS KYI RNAM DAG DANG GTZO BOR BSTUN PA YIN LA, 'DIR DE GTZO BOR MA MDZAD PAR RANG NYID PHYOGS GANG GI BDAG PO YIN PA GTZO BOR MDZAD PAS 'GAL BA'I SKYON MED DO, ,'DI DAG BDE GSHEGS SNYING PO'I PHYOGS SKYONG BCU LA 'DOD PA NI MUN SPRUL LA, ,SUM PA KHYAD PAR DU 'DZAM BU'I GLING DU 'KHOR LO BSGYUR BA CHEN PO 'BYUNG BA'I NGO BO NYID KYIS GNAS PA BCU GCIG PA BSHAD PA NI, DA NI NAS ZHES PA LA SOGS PA STE'I BAR 'TSAMS SBYAR BA'O, ,DON DNGOS NI, LHUN PO'I RGYAB CES PA SNGA MA KHA CIG NUB LA 'DOD PA SHIN TU MI 'THAD DE, 'KHOR LO CAN LHUN PO'I PHYOGS GZHAN GSUM GYI SA'I DUM BUR MI 'KHOR BAR THAL BAS SO, RVA 'GYUR DU 'OG CES 'BYUNG BA LTAR PHYIS KYI KHA CIG KYANG 'DOD PA NI LHUN PO DANG SA DUM BU BCU GNYIS MTHO DMA'I KHYAD YOD PAS STENG 'OG TU RUNG NGO SNYAM DU BSAMS PAR ZAD MOD KYANG, MKHAS PA DAG ,BRIshAthA ZHES PA RGYAB KYI SKAD DOD DE NYID PHYI LA YANG 'JUG PAS LHUN PO'I PHYI'I PHYOGS RNAMS SU NI ZHES BSGYUR NA LEGS SO ZHES GSUNGS PA LTAR SHIN TU LEGS TE, DER SA GZHI DAG LA LHA MIN GYI DPUNG GROGS DANG BCAS PA'I KLA
, ,KLO RNAMS KYIS GANG LAS RGYAL BAR DKA' BA'I RIGS LDAN DRAG PO 'KHOR RO, ,SA GZHI GANG DU DUS GANG GIS TSE 'KHOR ZHE NA, SA'I DUM BU GANG DU THOG MAR DE BZHIN GSHEGS PA'I CHOS NI ZHUGS NAS RDZOGS LDAN DU YOD PA DE RIM GYIS GSUM LDAN DANG GNYIS LDAN DANG RTZOD LDAN DU GYUR NAS RNAM PAR NYAMS SHING, DE DAG LAS BZLOG PA'I LHA MA YIN GYI CHOS CHOS MA YIN PA SHAS CHER 'JUG PA'I SA GZHI DER 'KHOR LO CAN 'KHOR TE, RTZOD DUS LA CHOS MIN RAB TU STE SHAS CHER 'JUG PA DE NYID RTZOD DUS 'JUG PA ZHES PA'I DON TO, ,DES NA CHOS MA YIN PA'I BDAG NYID SHAS CHER 'BYUNG BA'I DUS DE NYID RTZOD PA'I DUS SO, ,'DI DAG GIS 'KHOR LO CAN GYI SNGON DU DE BZHIN GSHEGS PA'I CHOS RTZOD LDAN DU GYUR PA BSTAN PAS SANGS RGYAS KYI BSTAN PA'I DUS BZHI SNGA MA BSTAN TE, SANGS RGYAS KYI BSTAN PA DER ZHUGS NAS RDZOGS LDAN DU GYUR PA'I DUS GTAN MA BYUNG NA DE NYAMS NAS RTZOD LDAN DU 'GRO RGYU MED PA'I PHYIR RO, ,RTZOD DUS 'JUG PA'I SA'I DUM BU DER 'KHOR LO CAN 'JUG CES GSUNGS PAS RTOD DUS ZHUGS MA THAG GAM, 'JUG PA DANG MNYAMS DU 'KHOR LO CAN YANG 'JUG DGOS PA MA YIN GYI, RTZOD DUS 'JUG PA'I GLING DER RTZOD DUS KYI MTHAR 'KHOR LO CAN 'JUG PA NYID KYIS, RTZOD DUS 'JUG PA'I GLING DER 'KHOR LO CAN 'JUG PAR BZHAG NUS SO, ,SA'I DUM BU GANG DANG GANG DU KLA KLO'I CHOS TE CHOS MA YIN PA SHAS CHER ZHUGS PA'I DUM BU DE DANG DE NYID DU 'KHOR LO CAN ZHUGS NAS CHOS MA YIN PA NYAMS PAR BYAS TE, RDO RJE THEG
PA'I CHOS RAB TU GYUR PA STE CHOS KYI RKANG PA BZHI RDZOGS PAR BZHAG PA'I SGO NAS RIM PA BZHIN BGROD PAR BYED PA NI RAB TU BGROD PAR BYED PA'O, ,DE LA THOG MAR MJUG TSUL DANG ZHUGS NAS 'KHOR LO CAN GYIS BZHAG PA'I SANGS RGYAS KYI CHOS DE YANG RIM GYIS RTZOD LDAN DU 'GYUR BA'I DUS BZHI GLING SO SOR JI LTAR 'BYUNG BA DANG, DE SO SO'I LO GRANGS DANG BCAS PA RGYAS PAR 'CHAD PA NI, 'DZAM GLING CHUNG NGU 'DIR KLA KLO SOG PO ZHUGS NAS MI RNAMS PHAL MO CHE RIM GYIS KLA KLO'I CHOS LUGS LA BCUG STE, SHAM+BHA LA LA SOGS PA GRUB PA'I GNAS MCHOG DAG MA GTOGS PA, 'PHAGS PA'I YUL DANG KHA CHE BA LA PO BOD DANG RGYA LA SOGS PA'I YUL PHAL CHE BAR SANGS RGYAS KYI CHOS RNAM PAR NYAMS NAS BSTAN PA'I RTZOD DUS KYI MTHAR GYUR PA NA, 'JAM PA'I DBYANGS RIGS LDAN 'KHOR LO CAN GYI TSUL 'DZIN PA DE NYID LHA CHEN BCU GNYIS LA SOGS PA'I GROGS DANG BCAS PA'I DMAG DPUNG GO LAR 'CHAD PAR 'GYUR BA LTAR SHAM+BHA LA'I GNAS NAS THON NAS CHU BO S'I TA'I LHOR BYON TE, KLA KLO RNAMS DANG KYANG YIG GIS DE DAG GI DPUNG GROGS LHA MIN LA SOGS PA'I DMAG TSOGS RNAMS KYANG 'DZAM GLING CHUNG NGU'I MTHIL 'DIR GA-YUL DU BCOM STE RANG GI CHOS RDO RJE THEG PA LA KLA KLO SOG PO DANG LA SOGS PAS DE'I CHOS LA ZHUGS PAS MI GZHAN DE DAG DGOD PA BYAS NAS, DE NAS 'DZAM GLING CHUNG DU 'DI NAS GA-YAS BSKOR GYIS 'GRO BA'I RANG GI MDUN MA'I GLING NGAM, YANG NA RANG GI MDUN TE SNGON DU DUS BZHI SNGA MA'I RTZOD DUS ZHUGS PA DE DANG DER 'KHOR LO CAN RNAM
, ,PAR RGYU'O, ,RDZOGS LDAN NAS ZHES PA NI 'DIR 'KHOR LO CAN GYI SNGON DU BYUNG BA DANG 'KHOR LO CAN GYIS BZHAG PA'I RDZOGS LDAN LA SOGS PA BZHI NI DUS BZHI CHEN PO LAS GZHAN DUS BZHI CHUNG DU BSTAN PA'I DUS BZHI YIN TE, RDZOGS LDAN CHEN PO LA SOGS PA BSKAL PA'I DUS BZHI NI MA YIN NO, ZHES PA'I DON TO, ZHES PA RGYUD KYI TSIG RTZOD DUS GZHAN NI ZHES PA YAR BCAD KYI 'GREL PA'O, ,DUS KYI ZHES SOGS 'CHAD PA NI, DUS BZHI CHUNG BA 'DI NI NYIN ZHAG GCIG LA DUS KYI SBYOR BA 'CHAR BA DANG CHOS MTHUN PAS 'BYUNG BAR 'GYUR TE, DUS NI KHYIM GYIS 'KHOR LO RTZIBS BCU GNYIS PA'O, ,DE'I SBYOR BA NI DUS KYI SBYOR BA BCU GNYIS 'CHAR BA STE, DE YANG THUN 'TSAMS BZHI'I DBYE BAS 'BYUNG BAR 'GYUR RO ZHES PA NI, BCU GNYIS PO GSUM GSUM LA TSAN PA RER BYAS PA'I DUS SBYOR TSAN PA BZHI PO DE NYID NYIN ZHAG GCIG LA SNGA PHYI RIM CAN DU 'BYUNG BAR 'GYUR RO, ,DE BZHIN DU GLING GCIG LA DUS BZHI PO DE YANG SNGA PHYIR RIM CAN DU 'BYUNG NGO ZHES BYA BA'I DON YIN GYI, GLING BCU GNYIS PO GSUM TSAN BZHIR BYAS PA'I GSUM TSAN GCIG NA RDZOGS LDAN, GSUM TSAN GCIG NA GNYIS LDAN SOGS SU STON PA MIN NO, ,DUM BU GANG DU STOBS LDAN 'KHOR LO CAN DE RAB TU ZHUGS PA DER NI BSTAN PA RDZOGS LDAN DU GYUR PA'I DUS ZHUGS NAS BGROD DE, RDZOGS LDAN DUS ZHES BYA BA NI YANG DAG PAR RDZOGS PA'I SANGS RGYAS SH'A KYA THUB PA'I BSTAN PA'I RDO RJE THEG PA'I CHOS KYI RKANG PA BZHI RDZOGS PA
BGROD DO ZHES PA'I DON TE, ,RGYAL PO'I RGYAB TU ZHES SOGS 'DI DAG LA 'GYUR MI 'DRA BA MANG DU YOD PA LA, SHONG 'GYUR SOR BZHAG LA 'DI LTAR 'CHAD DGOS TE, RGYAL PO'I RGYAB TU GSUM LDAN ZHES PA NI, RGYAL PO 'KHOR LO CAN DE ZHUGS PA'I RGYAB TU STE RJES SU DES BZHAG PA'I CHOS RDZOGS LDAN GYI DUS KYI MTHAR CHOS KYI RKANG PA BZHI CHA GCIG MED PA NI GSUM LDAN GYIS MGO YIN LA, DE NAS BRTZAMS TE, GSUM LDAN GYI MTHAR RKANG PA GNYIS MED PA LA THUG GI BAR NI GSUM LDAN DU 'KHOR RO, ,DUS BZHI SNGA MA'I RTZOD PA'I DUS KYANG RGYAL PO 'KHOR LO CAN 'JUG PA'I MDUN TE SNGON DAG TU GLING DER BGROD DE, BSKAL PA STE BSTAN PA'I MTHAR CHOS KYI RKANG PA BZHI MED PA'O, ZHES 'CHAD DGOS KYANG, RGYAB TU ZHES PA RTZA MIS PHYI RU ZHES DANG, RVA DANG, RMAS RJES SU ZHES BSGYUR BA DANG, MDUN ZHES PA YANG RVA DANG RMAS SNGON ZHES BSGYUR BA LTAR LEGS SO, ,RGYAB MDUN ZHES PA'I 'GYUR DANG, RTZOD PA'I DUS KYANG RGYAL PO'I MDUN DAG TU STE ZHES PA'I 'GYUR GYIS 'KHRUL GZHI BYAS NAS, RGYAL PO ZHUGS PA'I SA'I DUM BU NA RDZOGS LDAN, DE'I RGYAB KYI DUM BU NA GSUM LDAN, DE'I MDUN GYI DUM BU NA RTZOD LDAN, RGYAB KYI GSUM LDAN YOD PA'I DUM BU DANG MDUN GYI RTZOD LDAN YOD PA'I DUM BU'I BAR GYI DUM BU NA GNYIS LDAN ZHES, SA'I DUM BU RE RER DUS BZHI GCIG GI GNYIS LDAN SNGON DU ZHUGS, DE'I RJES LA RTZOD LDAN DE'I RJES LA RDZOGS LDAN, DE'I RJES LA GSUM LDAN GYIS RIM PAS 'BYUNG BAR
, ,KHAS LEN DGOS PAS MUN SPRUL LO, ,DES NA 'DIR RVA 'GYUR LAS, GSUM LDAN RGYAL PO'I RJES ZHES BYA BA LA, GSUM LDAN RGYAL PO'I RJES SU 'BYUNG STE, RDZOGS LDAN GYI MTHAR GSUM LDAN LA CHOS KYI CHA GCIG MED DO, ,RTZOD LDAN SNGON DU NI GONG LTAR CHOS KYI CHA BZHI CHAR MED DO, ,BSKAL PA'I MTHAR RO, ,GNYIS LDAN DE NYID GNYIS KYI DBUS NYID DU ZHES BYA BA LA, RTZOD LDAN DANG GSUM LDAN DAG GI DBUS SU GNYIS LDAN LA CHOS KYI CHA GSUM MED DO ZHES BYA BA'O, ZHES 'BYUNG BA LEGS SHING 'KHRUL GZHI CHUNG LA DE LTA NA RTZOD LDAN SNGON DU NI ZHES SOGS KYANG DUS BZHI PHYI MA NYID LA SBYAR BAS CHOG GO, RTZA MI'I 'GYUR DU'ANG, RDZOGS LDAN GYI MTHAR CHOS KYI RKANG PA GCIG MED DO, ,GSUM LDAN GYI MTHAR RKANG PA GNYIS MED DO, ,RTZOD DUS KYI SNGON DU RGYAL POR GNYIS DANG LDAN PA GNYIS DBUS ZHES BYA BA NI RTZOD LDAN DANG GSUM LDAN GYI DBUS SU GNYIS LDAN CHOS KYI RKANG PA GSUM MED DO, ,RTZOD LDAN GYI MTHAR CHOS KYI RKANG PA BZHI MED PAR 'GYUR RO ZHES 'BYUNG NGO, ,'GYUR 'DIR, GNYIS KYI BAR DU NAS GSUM MED PA NI GNYIS LDAN NO ZHES PA'I DON, RKANG PA GSUM TSAD BAR MED PA NI ZHES BSHAD DGOS KYI SOR BZHAG BYAS NA GSUM MED PA'I LHAG MA GCIG LAS MED PA'I RTZOD LDAN DU 'GYUR GYI GNYIS LDAN GYI DON MED DO, ,GLING BCU GNYIS PO THAMS CAD KYI DUS BZHI PO RNAMS DAG GI GRANGS PHYOGS GCIG TU BSDOMS PA'I LO'I GRANGS KYI TSAD NI STONG PHRAG NYI SHU RTZA GCIG RO BRGYA DAG
DANG BCAS PA STE, RO BRGYA ZHES PA DRUG BRGYA LHAG PA'I STONG PHRAG NYI SHU RTZA GCIG GI TSAD DER 'GYUR RO, ,GLING THAMS CAD KYI RDZOGS LDAN GYI LO GRANGS BSDOMS PA'I TSAD NI, DUS DANG MDA' YIS ZHES PA NAS DUS BZHI SO SO'I TSAD MNYAM MO, ZHES PA'I BAR TE, TSIG DON GO SLA'O, ,BZHI PA DE RNAMS KYI DUS NGES BYED SHIN TU PHRA BA'I DBUGS LA SOGS PAS NYIN MO'I CHED LA SOGS PA'I NGO BO NYID KYIS GNAS PA BCU GNYIS PA BSHAD PA NI, ,DE NI ZHES SOGS KYIS BSHAD PA'I 'TSAMS SBYAR NAS, DON DNGOS BSHAD PA LA PHRA ZHES PA NI, MI'I DBUGS 'JUG PA DANG 'BYUNG BA GCIG CHA SHAS DRUG BRGYA LHAG PA'I STONG PHRAG NYI SHU RTZA GCIG TU BGOS PAR GYUR PA, CHA GCIG NI PHRA MO'I DBUGS TE, DBUGS DE NYID NI MI'I LUS LAS SKYES PA'I SRIN BU'I RIGS DANG, LA SOGS PA DE LAS GZHAN PA'I SRIN BU PHRA MO DAG GI RANG LA LTOS PA'I CHU SRANG GCIG GO, ZHES PA NAS, GRANGS SO ZHES PAS MI'I DBUGS 'BYUNG 'JUG GCIG GI YUN TSAD LA SRIN BU PHRA BU PHRA MO DE DAG GI NYIN ZHAG GCIG TU THA SNYAD BYAS PA'O, ,MI'I DBUGS NYIS KHRI CHIG STONG DRUG BRGYA DE DAG 'DAS PAS MI RNAMS KYI RANG GI NYIN ZHAG GCIG GO, DHU RNAMS KYIS SOGS NI, MI'I DBUGS SUM CU'I YUN LA 'BYUNG PO YI DVAGS KYI DBUGS GCIG DANG MI'I DKAR PHYOGS NAG PHYOGS KYI ZLA PHYED GNYIS BSDOMS PA DE DAG GI ZHAG GCIG STE, PHA MES ZHES PA LA, 'GYUR MANGS SU MCHUN DANG, RVAS SER SNA CAN ZHES BSGYUR KYANG, 'BROS 'BYUNG PO ZHES BSGYUR PA GONG DANG MTHUN ZHING LEGS SO, ,MI'I NANG GI CHU TSOD CAS
, ,PA NI RANG GI MI RNAMS KYI DBUGS SUM BRGYA DRUG CU STE LHA 'OG MA RNAMS KYI DBUGS GCIG GO, DE YANG PHRA DBUGS DHU DANG ZHES SOGS KYI RGYUD KYI TSIG DON BSHAD PAS RTZA 'GREL GNYIS GA PHYOGS GCIG TU RTOGS PAR 'GYUR TE 'DI LTAR SNGA PHYI RIM PAS SBYAR NA, PHRA DBUGS SNGAR BSHAD PA LTAR LUS SKYES PHRA MO'I DANG, DHU DANG ZHES PA MI'I ZLA BA DANG 'BYUNG PO'I NYIN ZHAG DANG, NANG GI CHU TSOD CES PA LHA 'OG MA'I DBUGS GCIG DANG, MI'I NYIN ZHAG NI LHA MIN RNAMS KYI DBUGS GCIG DANG NI, DA+HRU DANG ZHES PA MI'I LO GCIG STE NUS PA 'OG MIN PA'I DBUGS GCIG DANG, DUS BZHI CHUNG NGU DAG NI MI LO STONG PHRAG NYI SHU RTZA GCIG DANG DRUG BRGYA RNAMS KYI TSAD YIN LA, DA NI NUS PA 'OG MIN PA'I NYIN ZHAG GCIG GI TSE DANG GTZO BO SRID RTZE BA'I DBUGS GCIG GI TSAD DE, 'DIR 'DU SHES MED 'DU SHES MED MIN SKYE MCHED DU NYE BAR 'GRO BA LA GSUNGS PA'I GTZO BO BCOM LDAN 'DAS DUS KYI 'KHOR LOR SMRA BA NI HA CANG THAL BA'I GTAM MO, ,DE LTAR SOGS SHES SLA LA, CHED 'DI DAG LAS NUS PA'I TSAD MI LO NYIS KHRI CHIG STONG DRUG BRGYA'I TSAD NI 'OG MIN GYI LHA'I NYIN ZHAG GCIG GI TSAD DE, SA GZHI DAG LA 'KHOR LO CAN GYI DUS BZHI NUS PA'I TSAD DU 'JUG CES SO, ,DUM BU DUM BUR ZHES PA NAS RAB TU BSKOR NAS RIGS LDAN 'KHOR LO CAN DE YANG ZHI BA'I GO 'PHANG BDE BA CHEN PO CHOS KYI SKU'I GNAS SU SPRUL PA'I SKU'I BKOD PA NYE BAR BSDUS PA'I TSUL GYIS BGROD DO, ,NYIN ZHAG GCIG LA NYI MA BCU GNYIS SO ZHES PA RTZA 'GREL GYIS DON LA, 'KHOR LO CAN GYI DUS
BZHI'I SNGA ROL DU SANGS RGYAS KYI CHOS KYI DUS BZHI SNGA MA KHAS LEN PA DANG MI LEN PA DU MA ZHIG, SHAM+BHA LA'I RIGS LDAN DRAG PO 'KHOR LO CAN DE NYID GLING BCU GNYIS PO THAMS CAD DU SKU TSE DE NYID LA RIM BZHIN CHOS STON DU 'BYON PA MA YIN PAR, GLING 'DIR KLA KLO BCOM ZHING SANGS RGYAS KYI CHOS BZHAG NAS GLING 'DI NYID DU MYA NGAN LAS 'DA' BA'I TSUL STON LA, DE BZHIN DU RIM PA BZHIN RJE BTZUN 'JAM DBYANGS NYID GLING GZHAN DU SKYE BA BZHES PA'I TSUL STON CING CHOS 'KHOR BSKOR NAS MYA NGAN LAS 'DA' BA'I TSUL STON PAS, GLING BCU GNYIS SU SKYE BA BZHES PA'I TSUL STON PA BCU GNYIS, CHOS 'KHOR BSKOR BA BCU GNYIS, MYA NGAN LAS 'DA' PA BCU GNYIS RIM CAN DU 'BYUNG BA'I TSUL GYIS RGYAL PO SO SO BA BCU GNYIS RIM CAN DU 'BYUNG BAR 'DOD DO, , 'KHOR LO CAN GYI DUS BZHI'I SNGON DU SANGS RGYAS KYI DUS BZHI SNGA MA 'GRO DGOS PAR BSGRUBS ZIN LA, 'KHOR LO CAN GYI DUS BZHI 'JUG PA'I THOG MA'I CHOS STON PA PO 'KHOR LO CAN YIN PA LTAR DUS BZHI SNGA MA'I STON PA YANG RGYAL BA SH'A KYA THUB PA NYID YIN NO, ,DES NA 'KHOR LO CAN GYI DUS BZHI GLING BCU GNYIS SU 'JUG PA'I DBYE BAS 'KHOR LO BSGYUR BA'I NYI MA BCU GNYIS SU 'GYUR BA LTAR RGYAL BA'I NYI MA'ANG BCU GNYIS SU 'DOD DGOS PAR MTSUNGS SHING, DE'I TSE RGYAL BA'I NYI MA BCU GNYIS SU 'GYUR TSUL KHYED 'DOD PA DE LTAR YIN NA, RGYAL BA'I NYI MA BCU GNYIS SU 'GYUR TSUL YANG, GLING RE RER RGYAL BA SH'A KYA THUB PA'I MDZAD PA BCU GNYIS STON PA RDZOGS PAR RE KHAS LEN DGOS PAR KUN TU MTSUNGS PAS MDO RGYUD THAM
, ,CAD DANG 'GAL BA MI 'TSAM PA MANG DU KHAS LEN DGOS PA 'BYUNG LA, GLING GZHAN RNAMS SU RIGS LDAN GYI RGYAL PO SKYE BA BZHES PA'I GNAS DANG YAB YUM LA SOGS PA'I RNAM GZHAG LUNG RIGS GANG LA BRTEN NAS KYANG 'DI LTA'O ZHES SUS KYANG SMRA BAR MI NUS LA, HA CANG THAL NA GLING RE RE NA SHAM-BHA LA RE YOD PA SOGS LAS LEN DGOS PA LA THUG PAR 'GYUR BA'I GO SKABS YOD CING, KHYAD PAR DU YANG RIGS LDAN 'KHOR LO CAN GYI SKU TSE DE NYID LA CHOS BSTAN PA'I DUS BZHI YIN PAS 'KHOR LO CAN DE NYID KYI DUS BZHIR BZHAG DGOS KYI, DE LTA MA YIN PAR SKU TSE GZHAN DANG GZHAN LA CHOS BSTAN PA'I DUS BZHI RNAMS KYANG CHOS BSTON PA PO 'KHOR LO CAN DE DANG RGYUD GCIG YIN PA TZAM GYI RGYU MTSAN GYIS DE DAG GIS CHOS BSTAN PA'I DUS BZHI RNAMS RIGS LDAN 'KHOR LO CAN GYIS DUS BZHI LA GTOGS DGOS NA, RIGS LDAN NYI SHU RTZA LNGA'I DANG PO 'JAM DPAL GRAGS PAS CHOS BSTAN PA'I LO GRANGS KYANG, RIGS LDAN DE DAG GI THA MA 'KHOR LO CAN GYIS CHOS BSTAN PA'I LO GRANGS LA GTOGS PAR THAL, DE GNYIS RGYUD GCIG YIN PA'I PHYIR, DE BZHIN DU DRAG PO 'KHOR LO CAN GYI BSTAN PA'I DUS BZHI DE RIGS LDAN PAD DKAR GYI YAB 'JAM DPAL GRAGS PA'I BSTAN PA'I DUS BZHIR THAL, DE'I PHYIR RO, ,'KHOR LO CAN RIGS LDAN NYER LNGA PA DE NYID GLING BCU GNYIS PO GCIG TU DUS BZHI RDZOGS NAS GCIG SHOS SU DUS BZHI RTZAM PA'I TSUL GYIS GLING BCU GNYIS KYI DUS BZHI THAMS CAD RDZOGS PA'I MTHA'
BAR DU BZHUGS NA SKU TSE'I TSAD MI LO NYIS KHRI CHIG STONG DRUG BRGYA BZHUGS DGOS PAS, TSE LO BRGYA BAR DNGOS SU BSHAD PA DANG 'GAL BA LA SOGS PA'I GNOD PA DU MA 'BYUNG STE, 'OG TU'ANG CUNG ZAD 'CHAD PAR 'GYUR RO, ,DES NA NYI MA'I DKYIL 'KHOR GCIG NYID KHYIM 'PHO BA BCU GNYIS KYI DBYE BAS LO GCIG NYI MA BCU GNYIS ZHES GNAS SKABS KYI DBYE BA BCU GNYIS SU 'JOG PA LTAR, SHAM-BHA LA'I RIGS LDAN 'KHOR LO CAN NYID GLING 'DIR KLA KLO BCOM ZIN NAS GLING NUB MAR BYON TE CHOS 'KHOR BSKOR NAS CHOS MA YIN PA MTHAR MDZAD PA'I TSUL GYI RIM GYIS BYON PA'I SNGA PHYI'I GNAS SKABS BCU GNYIS SA DUM BU BCU GNYIS KYIS PHYE BAS 'KHOR LO BSGYUR BA'I NYI MA BCU GNYIS ZHES BZHAG STE, ,DE LA NI LO MANG PO MI DGOS SO, YANG NA DUS GCIG TU RGYAL PO 'KHOR DANG BCAS PA'I SKU'I BKOD PA MI 'DRA BA BCU GNYIS GLING BCU GNYIS SU BSTAN NAS CHOS MA YIN PA 'JOMS PA DANG SANGS RGYAS KYI CHOS 'JOG PA'I MDZAD PA DUM BU BCU GNYIS SU DUS GCIG LA MDZAD DE, DE 'DRA BA'I SPRUL PA'I SKU BCU GNYIS PA DE LA NYI MA BCU GNYIS SU BSHAD NA SHIN TU LEGS SO, ,DE DAG GANG DU BSHAD KYANG RUNG STE, DUM BU BCU GNYIS RE RE'I DUS BZHI RDZOGS PA LA LO STONG BRGYAD BRGYAR YOD LA, STONG BRGYAD BRGYA PA TSAN PA BCU, GNYIS BSDOMS PA LA MI LO NYIS KHRI CHIG STONG DRUG BRGYA'I GRANGS YOD PA DANG, MA NU'I NYIN ZHAG GCIG LA 'OG MIN PA'I LHA'I DBUGS NYIS KHRI CHIG STONG DRUG BRGYAR BYAS PA GRANGS MNYAM ZHES PA'I DON YIN GYI, DBUGS KYI GRANGS DE
, ,SNYED RIM CAN DU 'BYUNG BA LTAR DUS BZHI RDZOGS PA LA LO DE SNYED RIM CAN DU 'BYUNG ZHES SBYOR BA'I DON MIN ZHING, GLING SO SO'I LO'I GRANGS BSDOMS PA NYIS KHRI CHIG STONG DRUG BRGYA YOD KYANG, DE THAMS CAD LO STONG BRGYAD BRGYA RIM CAN DU BYUNG BA'I YUN TSAD LA RDZOGS PA MI 'GAL TE, DPER NA LHA SBYIN DANG MCHOD SBYIN DANG NYER SBAS GSUM GYI RGYUD LA ZHAG GCIG RGYUS PA'I DBUGS KYI GRANGS BSDOMS NA DRUG KHRI BZHI STONG BRGYAD BRGYA YOD KYANG NYIS KHRI CHIG STONG DRUG BRGYA RIM CAN DU 'BYUNG BA'I YUN TSAD LA DE THAMS CAD RDZOGS PA BZHIN NO, ,'O NA KHYOD RANG LA YANG DUS BZHI SNGA MA'I RDZOGS LDAN THOG MAR 'JUG PA'I TSE DUM BU BCU GNYIS PO THAMS CAD DU SANGS RGYAS KYI CHOS BSTAN PAR KHAS LEN DGOS PAR MI 'GYUR RAM ZHE NA, SHIN TU'ANG LEN TE, 'OG MIN NAS RGYAL CHEN RIGS BZHI'I BAR GYI LHA'I GNAS THAMS CAD DANG, MI'I GNAS KYI GLING SO SOR BYON NAS RGYAL BA SH'A KYA THUB PA'I MCHOG GI SPRUL SKU'I RNAM PA NYID KYIS CHOS BSTAN PA DANG, 'GA' ZHIG TU DKYIL 'KHOR GYI BDAG PO'I RNAM PAS CHOS BSTAN PA LA SOGS PA MDO RGYUD DU MA ZHIG NAS GSUNGS LA, BYANG SGRA MI SNYAN DU STON PA SH'A KYA THUB PA'I SKU'I RNAM PAS CHOS BSTAN PA'I TSUL MDO DRAN PA NYER GZHAG LAS KYANG BSHAD DO, ,DES NA TSIG GI DON LA, NYIN ZHAG GCIG CES PA RNAMS NUS PA'I NYIN ZHAG YIN LA, NUS PA'I DBUGS BRGYA PHRAG BCO BRGYAD DANG, MI RNAMS KYI
LO BRGYA PHRAG BCO BRGYAD KYI YUN CHAD KYIS SA DUM BU RE RE'I DUS BZHI RDZOGS PA'I TSUL GYIS DUM BU BCU GNYIS SU DUS BZHI BGROD DE, ZHES PA'I LAG MA DAG BSHAD ZIN PA NYID KYIS SHES SO, ,DE NI ZHES PA NAS, 'DIR LUS SKYES LA SOGS PA 'DI RNAMS KYI RANG RANG LA LTOS PA'I NANG DU NYIN ZHAG DANG PHYI ROL TU LO SO SO LA YAN LAG GI DBYE BA BYED PA NI, LO GCIG LA ZLA BA'I PHYOGS NYI SHU RTZA BZHI DANG, LO GCIG GI ZLA BA MTHA' DAG CES PA ZLA BA BCU GNYIS DANG, ZLA BA GNYIS KYI BDAG NYID KYI DUS DRUG DANG, ZLA BA GSUM GSUM GYI BDAG NYID KYI DUS BZHI DANG, ME DUS ZHES PA ZLA BA BZHI BZHI'I BDAG NYID KYI DUS GSUM DANG, ZLA BA DRUG DRUG GI BDAG NYID KYI BGROD PA GNYIS TE, RGYAL PO ZHES POS NAS, LO NI MTHA' DAG CES PA 'DI MTHA' DAG LO'I YAN LAG GI DBYE BAR SHES PAR BYA'O, ,DE BZHIN DU DE DAG GI RJES SU BSHAD PAR BYA BA GZHAN YANG NYIN ZHAG NI SOGS TE, LO GCIG LA DUS SBYOR NI ZHES DANG, LO GCIG LA CHU TSOD NI ZHES DANG, LO GCIG LA CHU SRANG NI SOGS SO, ,'DI RNAMS DE LTAR BGROD PA LUS SKYES DANG LA SOGS PA MI LA SOGS PA RNAMS KYI RANG RANG GI NYIN ZHAG SO SO LA PHYI ROL TU LO'I YAN LAG ZLA BA DANG DUS SBYOR CHU TSOD LA SOGS PA 'DI DAG NANG DU RANG RANG GI DBUGS KYI DBYE BAS PHYI NANG CHOS MTSUNGS PAR BGROD DO, ,DE YANG MI LA PHYI NANG CHOS MTSUNGS TSUL GO BDE BAR BRJOD NA 'DI YIN TE, PHYI ROL TU NYIN ZHAG GCIG LA NANG GI LOR 'JOG CING; PHYI ROL TU LO GCIG LA NYI MA KHYIM 'PHO BA'I ZLA BA BCU GNYIS DANG MTSUNGS PAR RLUNG GI 'PHO CHEN BCU GNYIS LA NANG GI ZLA BA BCU GNYIS SU 'JOG GO ,PHYI RU ZHAG GSUM CU'I ZLA BA LA CHU TSOD STONG BRGYAD BRGYA YIN PA LTAR, NANG DU DBUGS STONG BRGYAD BRGYA LA NANG GI ZLA GCIG GI CHU TSOD KYI GRANGS
, ,SU 'JOG CING, DBUGS DGU BRGYAL NANG GI PHYOGS SAM ZLA PHYED DU 'JOG LA ` DBUGS SUM STENG DRUG BRGYA NI NANG GI ZLA BA GNYIS YIN PAS DE 'DRA DRUG LA NANG GI DUS DRUG TU 'JUG PA SOGS TE, DE LTAR SHES NA TSIG DON THAMS CAD BDE BLAG TU SHES TE, DE LA DBUGS DGU BRGYAS NANG GI PHYOGS SAM ZLA BA PHYED DU 'GYUR TE DE 'DRA'I PHYOGS NYI SHU RTZA BZHIS PHYI'I NYIN ZHAG GCIG DANG NANG GI LOR 'GYUR RO, ,DBUGS STONG BRGYAD BRGYAS NANG DU ZLA BA GCIG STE, DE 'DRA'I ZLA BA BCU GNYIS KYIS PHYI'I NYIN ZHAG GCIG DANG NANG GI LOR 'GYUR RO, ,ZHES PA NAS, PHYI RU NYIN ZHAG BRGYA DANG NANG DU LO BRGYAR 'GYUR RO, ZHES PA'I BAR DU DE LTAR SBYAR RO, ,LO BRGYA'I TSE LA MCHOG GI TSE ZHES PA'I THA SNYAD BYAS PA 'DI LA NI, LAS KYI DBANG GIS RANG RANG GI TSAD LAS LHAG PA'AM DMAN PAR 'GYUR RO, ,DER MA ZAD RNAL 'BYOR BA RNAMS KYI ZHES PA NAS, TSE LO BRGYA LAS LHAG PAR 'GYUR TE, DBUGS GCIG CHU TSOD DU 'PHEL BAR 'GYUR RO, ,DE BZHIN DU GONG NAS GONG DU 'PHEL BAR 'GYUR ZHING, SEMS CAN SDIG PA CAN RNAMS KYI SDIG PA'I STOBS KYIS TSE LO BRGYA LAS DMAN PAR 'GYUR RO, ,SEMS CAN RNAMS MCHOG GI TSE TSAD LO BRGYAR NGES PA 'DI LUNG DANG RIGS PA DAM PAS NGES PA NI MED DE, 'ON KYANG DGOS PA'I DBANG GIS BSTAN PA YIN NO, ,DGOS PA JI LTA BU ZHE NA, RIGS BYED DAG LAS SKYES BU TSE LO BRGYA PA, SROG GI DBANG PO BRGYA PA ZHES BRJOD CING GRAGS PAS, DE'I THA SNYAD LA MNGON PAR ZHEN PA'I MU STEGS KYI DRANG SRONG
DE DAG GZHUG PA'I DON DU GSUNGS SO, ,DES NA MI RNAMS KYI MCHOG GI TSE LO BRGYAR NGES PA'O, ZHES PA'I TSIG 'DI NI DON LA MI GNAS BZHIN DU SPROS PA'AM BTAGS NAS GSUNGS PA'I DGONGS PA CAN GYI TSIG STE, DON LA MI GNAS PA'I RGYU MTSAN RDZOGS LDAN GYI DUS KYI MI RNAMS KYI TSE BRGYA LAS LHAG PAR 'PHEL ZHING RTZOD DUS KYI MTHAR CHAS NYUNG BAR 'BRI BA'I DBANG GIS SO, ,'DIR NGES PA'I DON DU DGONGS PA CAN GYI TSIG DE LTA BU GANG LA DGONGS NAS GSUNGS PA'I DGONGS GZHI'I DON NI, SKYES BU TSE LO BRGYA PA SKYES BU DBANG PO BRGYA PA ZHES PA'I SKYES BU'I SGRAS NYIN ZHAG SO SO DANG LO SO SO BRJOD DE, NYIN ZHAG BRGYA DANG LO BRGYAS NANG DANG PHYI LA'O, ZHES PA'I DON NI, NYIN ZHAG BRGYA LA SKYES BU ZHES PA'I MING BTAGS SHIS, DE LA SKYES BU TSE LO BRGYA PA ZHES PA DANG, LO BRGYA LA'ANG SKYES BU'I MING BTAGS NAS DE LA SKYES BU DBANG PO BRGYA PA ZHES BTAGS PA STE, DBANG PO NI SROG GI DBANG POR BZHED PA LEGS KYI MI'I DBANG PO ZHES ZER BA NOR PA YIN LA, TSE LO BRGYA PA DANG SROG GI DBANG PO BRGYA PA DON GCIG KYANG, RIG BYED PAS SKYES BU TSE LO BRGYA PA DBANG PO BRGYA PA ZHES ZER BA'I THA SNYAD DANG BSTUN PA'I CHED DANG, 'DIR BRGYA TSAN GNYIS BYAS PA'I ZHAG BRGYA DANG GTZO BO'I RTZA GA-YON GYI DKYIL 'KHOR LNGA'I 'PHO BA CHOS MTHUN SBYAR, LO BRGYA DANG GTZO BO'I RTZA GA-YAS KYI DKYIL 'KHOR LNGA'I 'PHO BA CHOS MTHUN SBYAR BA'I CHED DU TSE LO BRGYA PA DBANG PO BRGYA PA ZHES LAN GNYIS SMOS SO, ,DE LA GTZO BO LA 'DOD PA MI 'DRA BA DU MA YOD KYANG ZHIB PAR MDOR BSDUS DGU PAR
, ,'CHAD LA, RANG LUGS NI GTZO BO ZHES PA DUS KYI 'KHOR LO ZHES PA'I DON TE, DE LA PHYI NANG GZHAN GSUM YOD PA'I NANG NAS 'DIR NI SBYANG GZHI LA 'BRAS BU'I MING GIS BTAGS PA PHYI DUS KYI 'KHOR LO YIN LA, DE LA YANG 'JOG 'TSAMS MANG DU YOD PA'I NANG NAS 'DIR NI BSKAL PA CHAGS NAS 'JIG PA'I BAR GYIS DUS BZHI CHEN PO LA SOGS PA'I 'KHOR LO RNAMS GANG LA 'JOG PA'I GZHI 'AM CHA CAN DU GYUR BA'I BSKAL PA'I DUS TZAM LA PHYI DUS KYI 'KHOR LOR BYAS PA LA GTZO BO ZHES BYA BA, DE NYID KYI RTZA GA-YAS GA-YON DANG ZHAG LA SOGS PA'I BTAGS PA'I SGO NAS GSUNGS PA'I DGONGS PA CAN GYI TSIG YIN ZHING, DE LA GZA' LO BRGYA BRGYA LA GTZO BO DE'I 'PHO BAR RER BTAGS CING, GZA' LO NYI SHU PA TSAN PA LNGA NAM MKHA' RLUNG ME CHU SA'I RIM PAS 'BYUNG BA LA, GTZO BO DE'I GA-YON GYI RTZA LA RGYU BA'I 'PHO BA GCIG TU BTAGS NAS, DE LA MI LO 'BUM PHRAG NYI SHU RTZA GCIG DANG, KHRI TSO DRUG YOD PA DANG, NYIN ZHAG BRGYA LA NANG DU MI'I DBUGS KYI GRANGS 'BUM PHRAG NYI SHU RTZA GCIG DANG, KHRI TSO DRUG YOD PA'I GRANGS TSAD MTHUN PAS NYIN ZHAG BRGYA LA SKYES BU TSE LO BRGYA PA ZHES BTAGS LA, 'PHO BA SNGA MA DE'I RJES SU GZA' LO NYI SHU PA CHEN PO LNGA SA CHU ME RLUNG NAM MKHA'I RIM PAS 'BYUNG BA'I GZA' LO BRGYA PO DE LA GTZO BO'I RTZA GA-YAS LA RGYU BA'I DKYIL 'KHOR LNGA'I 'PHO BA GCIG TU BTAGS NAS, DE LA MI LO'I GRANGS SNGA MA LTAR 'BYUNG BA DANG, PHYI ROL TU MI LO BRGYA'I CHU TSOD KYI GRANGS MNYAM
PAS, MI LO BRGYA PO DE LA SKYES BU DBANG PO BRGYA PA ZHES BTAGS SO, ,DE LTA BU'I 'PHO BA GNYIS KYI YUN TSAD LA MI LO 'BUM PHRAG BZHI BCU RTZA GSUM DANG KHRI PHRAG GNYIS 'BYUNG BA'I GRANGS DE DANG, NANG DU NYIN ZHAG BRGYA'I DBUGS KYI GRANGS DANG PHYI ROL TU LO BRGYA'I CHU TSOD KYI GRANGS GNYIS BSDOMS PA'I GRANGS DE GRANGS MNYAM PA DANG, DE LTA BU'I GTZO BO'I 'PHO BA GNYIS DANG, DE'I YUN CHAD LA 'BYUNG BA'I MI LO'I GRANGS DE NI BSKAL PA'I DUS BZHI 'AM DUS BZHI CHEN PO GCIG GI TSAD YIN LA, GTZO BO'I 'PHO BA GCIG GI YUN TSAD, NYIN ZHAG BRGYA'I DBUGS KYI GRANGS DANG LO BRGYA'I CHU TSOD KYI GRANGS GNYIS GANG RUNG GCIG DANG GRANGS MNYAM PA'I MI LO'I GRANGS SNGAR BSHAD PA DE NI DUS BZHI CHEN PA GCIG GI PHYED KYI CHED YIN ZHING, GZA' LO BRGYA BRGYA LA 'PHO BA RER BYAS PA'I GTZO BO'I 'PHO BA BCU GNYIS LA GTZO BO'I ZHAG GCIG TU THA SNYAD BYED CING, ZHAG GCIG PO DE LA DUS BZHI CHEN PO THEBS DRUG RDZOGS PA YIN NO, ,DE LTAR NA MU STEGS KYI THA SNYAD DANG MTHUN PA LA SOGS PA DGOS PA'I DBANG GIS BTAGS PA'I THA SNYAD SNA TSOGS PA DE DAG GIS BSTAN PA'I DON NI PHYI NANG GI CHOS DE LTA BU DAG YIN LA, 'DIR GSUNGS PA'I GTZO BO'I DKYIL 'KHOR LNGA'I DBUGS KYI RGYU BA DANG, GONG DU GSUNGS PA'I GTZO BO SRID RTZE BA'I DBUGS KYI GRANGS LA SOGS PA DE DAG NI BTAGS NAS GSUNGS PA'I RNAM BZHAG TZAM YIN GYI, DBUGS MTSAN NYID PA MA YIN NO ZHES SNGAR BYON PA'I DUS 'KHOR BA MKHAS PA THAMS CAD BZHED PA LA MTHUN
, ,NO, ,DE LTAR SHES PAR BYAS NAS TSIG GI DON NI 'DI LTA STE, GTZO BO'I GA-YON GYI RTZA LA DKYIL 'KHOR LNGA RDZOGS PA'I MI LO'I GRANGS DANG NYIN ZHAG BRGYA'I DBUGS KYI GRANGS MNYAM ZHING, DE NAS SLAR YANG GTZO BO'I DKYIL 'KHOR LNGA'I 'KHOR LO GZHAN GA-YAS LA 'JUG PA'I PHYIR DE'I LO GRANGS DANG LO BRGYA'I CHU TSOD KYI GANGS MNYAM PAS NYIN ZHAG BRGYA DANG LO BRGYA LA SKYES BU TSE LO BRGYA PA DBANG PO BRGYA PA ZHES SO, ,DE LTAR NANG DU NYIN ZHAG BRGYA PHRAG GNYIS KYI DBUGS KYI GRANGS KYIS DUS BZHI CHEN PO'I LO GRANGS RNAMS SU 'GYUR TE, NANG DU ZHAG NYIS BRGYA'I DBUGS STONG PHRAG NYI SHU LHAG PA'I 'BUM PHRAG BZHI BCU RTZA GSUM GYIS SO, ,PHYI ROL TU NI LO BRGYA PHRAG GNYIS KYI CHU TSOD KYI GRANGS DE SNYED RNAMS KYIS DUS BZHI CHEN PO'I LO'I GRANGS RNAMS SO, ,DE LTAR GTZO BO'I GA-YAS GA-YON GYI 'KHOR LO GNYIS GA YONGS SU 'KHOR BA RDZOGS PAS, NYIN ZHAG BRGYA LA BTAGS PA'I SKYES BU GNYIS GA'I TSE STE NYIN ZHAG BRGYA PHRAG GNYIS KYI NANG NAS, ZLA BA GNYIS TE NYIN ZHAG DRUG CU'I DBUGS KYI GRANGS DANG MNYAM PA'I LO NI DUS BZHI CHEN PO'I NANG NAS DUS GCIG GSUM LDAN GYI LO GRANGS SU 'JOG GO ,DES MTSAN NAS ZHAG BZHI BCU'I DBUGS KYI GRANGS DANG MNYAM PA'I LO LA GNYIS LDAN GYI LO GRANGS DANG, ZHAG NYI SHU'I DBUGS KYI GRANGS DANG MNYAM PA'I LO LA RTZOD LDAN DANG, ZHAG BRGYAD CU'I DBUGS KYI GRANGS DANG MNYAM PA'I LO LA RDZOGS LDAN GYI LO'I
GRANGS SU 'JOG STE, RDZOGS LDAN LA RKANG PA BZHI YOD PA'I RKANG PA RE'I TSAD ZHAG NYI SHU'I DBUGS KYI GRANGS DANG MNYAM PA'I LO LA 'JOG CING, RKANG PA BZHI PO LAS GCIG MED PA GSUM LDAN, GNYIS MED PA GNYIS LDAN, RKANG PA GCIG KHO NA LUS PA NAS DE MED PAR GYUR GYI BAR RTZOD LDAN DU 'JOG PA'I DON TE, DE LTAR NA ZHAG NYI SHU'I DBUGS KYI GRANGS LA 'BUM PHRAG BZHI DANG STONG PHRAG SUM CU RTZA GNYIS 'BYUNG STE, GTZO BO'I DKYIL 'KHOR GCIG GI LO GRANGS DANG MNYAM MO, ,ZHAG BZHI BCU'I DBUGS KYI GRAGS LA 'BUM PHRAG BRGYAD DANG STONG PHRAG DRUG CU RTZA BZHI 'BYUNG STE, GTZO BO'I DKYIL 'KHOR GNYIS KYI LO GRANGS DANG GRANGS MNYAM MO, ,ZHAG DRUG CU'I DBUGS KYI GRANGS LA 'BUM PHRAG BCU GNYIS DANG STONG PHRAG DGU BCU RTZA DRUG 'BYUNG STE GTZO BO'I DKYIL 'KHOR GSUM GYI LO GRANGS DANG MNYAM MO, ,NYIN ZHAG BRGYAD CU'I DBUGS KYI GRANGS LA 'BUM PHRAG BCU BDUN DANG STONG PHRAG NYI SHU RTZA BRGYAD 'BYUNG STE, GTZO BO'I DKYIL 'KHOR BZHI'I LO GRANGS DANG MNYAM MO, ,DES NA DBUGS KYI GRANGS DE DAG THAMS CAD BSDOMS PAS ZHAG NYIS BRGYA'I DBUGS KYI GRANGS RDZOGS SHING DBUGS STONG PHRAG NYI SHU LHAG PA'I 'BUM PHRAG BZHI BCU'I GRANGS SU SONG LA, LO GRANGS DE DAG THAMS CAD BSDOMS PAS KYANG LO'I GRANGS DE SNYED DU 'GYUR TE, GTZO BO'I DKYIL 'KHOR BCU'I RGYU BA RDZOGS SO, ,KHA CIG 'KHOR LO GNYIS TE 'PHO BA GNYIS YONGS SU 'KHOR BAS SKYES BU GNYIS GA'I TSE ZLA BA GNYIS TE 'PHO BA'AM DUS SBYOR GNYIS DANG, DUS BZHI GCIG GAm YANG NA DUS
, ,DRUG TU BYAS PA'I DUS GCIG GO ZHES 'CHAD PA SOGS TSIG DON LA 'GRIG PAR YANG MI SNANG LA DON GYIS 'CHAD TSUL SO SO LA YANG YID BRTAN DU RUNG BA NYUNG BAR SNANG MOD YI GE MANGS PAS 'JIGS TE MA BRIS SO, ,DE LTAR GTZO BO'I GA-YON DANG GA-YAS KYI DKYIL 'KHOR BCU STE, DKYIL 'KHOR RE RE'I YUN TSAD NI LO STONG PHRAG SUM CU RTZA GNYIS LHAG PA'I 'BUM PHRAG BZHIS DKYIL 'KHOR GCIG TU GTZO BO'I GA-YON GYI RTZA LA SROG RAB TU 'BAB PO, ,DKYIL 'KHOR RE LA TSAD DE CI MA RE'I SGO NAS GA-YON GYI DKYIL 'KHOR LNGA RDZOGS PA 'PHO BA GCIG TU BYAS NAS, DE BZHIN DU GA-YAS KYI DKYIL 'KHOR LNGA LA 'PHO BA GCIG BYAS TE, DKYIL 'KHOR BCU DANG 'PHO BA GNYIS RDZOGS PA NAS PHYI ROL TU GZA' THAMS CAD RANG RANG GI RKANG PA SKYE BA'I GNAS DKYIL 'KHOR RNAMS STONG PA LA 'JUG GO ,DE NAS YANG GTZO BO'I DKYIL 'KHOR BCU'I RGYU BA GZHAN MGO RTZOM PA LA 'JUG PAS SKYES BU GZHAN DBU MA LA NGES PAR 'BYUNG ZHES PA STE, ZHES PA'I SKYES BU GZHAN NI GTZO BO YIN LA, SNGAR SKYES BU TSE LO BRGYA PA DBANG PO BRGYA PA ZHES PA'I SKYES BU DANG MI 'DRA BAR BSTAN PA'I CHED DU GZHAN ZHES PA'I TSIG SMOS SO, ,DE'I DKYIL 'KHOR BCU RDZOGS PA NA SKYES BU DE'I SROG DBU MAR ZHUGS PA'I THA SNYAD BYED CING, DE'I TSE ZAD BYED KYI LO'I DPYID ZLA RA BA'I GNAM STONG LA NAM GRU'I STENG DU NGES PA STONG PA LA ZHUGS NAS, DPYID 'BRING GI TSES GCIG GI SNGA DRO DANG PO LA SKYES BU DE'I RTZA LA DKYIL 'KHOR BCU'I THOG MA'I SROG 'BAB PA ZHES THA SNYAD BYAS PA, LO DANG ZLA BA DANG GZA' DANG SKAR MA LA SOGS PA THAMS
CAD KYI NGES PA 'BYUNG ZHING MGO RTZOM PA'AM SKYE BAR 'GYUR ZHES PA STE, 'GREL PA PHAL CHE BAR NGES PAR 'BYUNG BA ZHES 'BYUNG BAR, MDOR BSDUS DGU PA DANG BSTUN NA, NGES PA 'BYUNG BAR 'GYUR ZHES BYA DGOS LA, DON 'DI NI YE SHES LE'U LAS, GTZO BO'I DBUGS LA GZA'I TSOGS KYIS RKANG PA MTHA' DAG DUS KYI SBYOR BA DAG GIS THIM GYUR TE, ZHES SOGS KYIS KYANG GSAL BAR BSTAN LA, LE'U 'DI NYID KYI TSIGS SU BCAD PA BRGYAD CU RTZA BDUN PA LA SOGS BAR 'CHAD PAR 'GYUR BA LAS KYANG BRJOD PAR BYA'O, , DE BZHIN DU 'PHO BA GCIG DKYIL 'KHOR LNGA LA LO 'BUM PHRAG NYI SHU RTZA GCIG DANG KHRI PHRAG DRUG GI RJES LA GZA' THAMS CAD RANG RANG GI SKYE BA'I GNAS STONG PA LA 'JUG GO ZHES PA'I 'BRU SNON PAS NI, DUS BZHI'I PHYED NA GZA' THAMS CAD STONG PA LA 'JUG PAR BYED DGOS PAS, MDOR BSDUS DGU PA 'CHAD PA'I SKABS DANG MKHAS PA DGA' BYED GNYIS KAR NGES PA STONG PA'I RNAM GZHAG GI DBANG DU BYAS PA'I GZA' THAMS CAD STONG PA LA 'JUG PA DUS BZHI CHEN MO RDZOGS PA'I MTHAR MDZAD PA DANG KHAS BLANGS 'GAL LO, ,GSUM PA MDOR BSDUS KYI MTSAN BSTAN PA NI, DPAL MCHOG GI DANG PO'I ZHES SOGS SO, ,SMRAS PA, SHIN TU LKOG TU GYUR PAR BRJOD GANG 'DIR NI MNGON SUM BYAS PA BZHIN, TSAD MA GSUM GYI GNOD PA LAS 'GONGS SNYENGS BRAL GTAM GYIS LEGS 'DOMS PA, ,GANG DE'I RNAM DPYOD YANGS PA'I MKHA' LA KUN MKHYEN NAM MKHA'I NOR BU DAG ,DGA' BAS 'GROGS PA GZI BRJID PHUNG PO'I 'OD ZER ROL PA MA YIN NAM, BCOM LDAN 'DAS DPAL
, ,DUS KYI 'KHOR LO MCHOG GI DANG PO'I SANGS RGYAS KYI RTZA BA'I RGYUD LAS PHUNG BA BDUS PA'I RGYUD KYI RGYAS 'GREL DRI MED PA'I 'OD KYI RGYA CHER BSHAD PA DE KHO NA NYID SNANG BAR BYED PA ZHES BYA BA LAS MDOR BSDUS BRGYAD PA'I RNAM PAR BSHAD PA'O,, ,,DPAL LDAN PHYI NANG GZA' SKAR GYI, ,'KHOR LO MA LUS STONG PAR THIM, ,BLA MA DUS KYI 'KHOR LO LA, ,DNGOS PO KUN GYIS PHYAG BYAS NAS, ,RGYUD CHEN RGYA MTSO CHEN PO 'DI, ,BRGAL BAR 'DOD PA RNAMS KYI GRU, ,RTZIS KYI CHO GA'I MDOR BSDUS PA'I, ,RGYAS 'GREL GANG 'DI DBYE BAR BYA, ,GSUM PA DRANG NGES KYI SGO NAS PHYI NANG GZHAN GSUM GYI DUS KYI 'KHOR LO GTAN LA 'BEBS PA'I YAG LAG SKAR RTZIS KYI MDOR BSDUS BSHAD PA LA LNGA, ,RTZIS 'BYUNG BA'I RGYU MTSAN SOGS BSHAD PA 'JAM DPAL LUNG BSTAN PA'I NGO BO NYID KYIS GNAS PA, MU STEGS KYI GRUB MTHA' SUN 'BYIN BYED GRUB PA'I MTHA' DANG BYED PA'I SKAR RTZIS KYI NGO BO NYID KYIS GNAS PA, MKHA' LA GZA' SKAR 'KHOR BA'I DBANG GI SA LA DUS SO SOR 'GYUR TSUL STON PA KHYIM BCU GNYIS KYI RNAMS PAS SA 'KHOR BA'I NGO BO NYID KYIS GNAS PA, DE THAMS CAD NANG DANG NGES DON LA SBYAR BA'I DON DU DBU MA'I RTZA'I DBUGS LAS GZA'I RKANG PA DANG RGYU SKAR GYI RKANG PA SKYE BA'I NGO BO NYID KYIS GNAS PA BSHAD PA, MDOR BSDUS KYI MTSAN BSTAN PA'O, ,DANG PO NI, DA NI NAS, MU STEGS KYI SKAR RTZIS KYI ZHES DANG, RGYAL DKA'I NYUNG NGU'I BYED PA RAB TU 'JUG PAR ZHES DANG, DGROL BAR BYA'O ZHES PA'I BAR BSHAD
PAR DAM BCA' BA'O, ,DE 'CHAD PA NI, CHOS BSTAN CES PA RTZA RGYUD DO, ,GRAGS PA ZHES PA NI 'DI'I THAD KYI SKAD DOD LA YA SHA : ZHES RNAM DBYE THOB PA LA SHA ZHES DE MED PAR BYAS PA NI SGRA BA DANG MI MTHUN KYANG RGYAL BA'I LUNG GI BRJOD PA STE, ZHES DANG, MA KHA NI SOG YUL YIN LA, 'DZIN MA LA NI MU STEGS KYI NYUNG NGU'I BYED PA GSAL BAR ZHES BYA'I, SANGS RGYAS PA'I ZHES ZER BA LTAR NA MA'I LA NGU'I TSIG GI MTSAN GZHI MI RNYED PAR 'GYUR RO, ,TSANGS PA LHAR 'DZIN PA DANG, NYI MA LHAR 'DZIN PA DANG, SGRA CAN DBANG PHYUG PA STE DE DAG GI RTZIS KYI GRUB PA'I MTHA' NI RTZIS KYI CHO GA RNAM PAR NYAMS SHING MA DAG PA'O, ,DUS KYI SBYOR BA LAS 'BYUNG ZHES LNGA PA 'BYUNG KHUNGS DGOS PA'I DON LA, SBYOR BA LA 'BYUNG ZHES BDUN PA BYAS PA'O, ,MU STEGS KYI RTZIS GRUB PA'I MTHAR RNAM PAR NYAMS PA STE MA DAG PA DE'I PHYIR, 'DZIN MA LA NI NYUNG NGU'I BYED PA GSAL ZHES GSUNGS PA NI, LA DU MA YIN PA LA 'DI LA DU'O ZHES SMRA BA'I MA'I LA DU'I TSIG GIS BYIS PA 'BRID PAR LTA BU'I TSIG STE, ZHES DANG, MU STEGS KYI LUGS KYI BYED PA LAS KYANG GZA' GRUB PA'I PHYIR RO, ,DE YANG GRUB MTHA' NYAMS PAS BYED PA'I CHO GA MA DAG PA'I RGYU MTSAN NI, BYANG DU BGROD PA'I NYIN ZHAG LA GRIB MAS YONGS SU BRTAGS PAS RI MO PAS NYI MA MANG PO'I GONG DU NYI MA LDOG PAR MTHONG BA'I PHYIR, BYED PA GZHAN MU STEGS PA'I RTZIS LA YANG NYI MA'I DHRU BA DAG PA MA MTHONG NGO, ,DE'I PHYIR BYANG DU BGROD PA'I DUS LA GRIB MAS BRTAGS PAS NYI MA'I DHRU BA DAG PA MED PAS NA NYI MA'I
, ,LONGS SBYOD MA DAG GO ,NYI MA'I LONGS SPYOD MA DAG PAS ZLA BA'I LONGS SPYOD MA DAG STE, DE DAG PA NYI MA DAG PA LA LTOS PA'I PHYIR RO, ,DE BZHIN DU BKRA SHIS LA SOGS PA RNAMS KYIS NYI MA'I LONGS SPYOD LA PHAR SBYANGS PA DANG, DKAR PO LA SOGS PA LA NYI MAS TSUR SBYANGS PAR GYUR PA NA, NYI MA'I LONGS SPYOD MA DAG PA NYID KYI PHYIR GZA' DE DAG GI LONGS SPYOD KYANG MA DAG GO ,DE LTAR NAS SKYES RABS TE SKYES KHYIM GYI DBYANGS KYI DKYIL 'KHOR LA SOGS PA RNAMS DON TE 'BRAS BU DAG PA MED DO, ,MU STEGS DE DAG GI RTZIS KYI GRUB MTHA' DE LTAR NYAMS 'GRO BA'I RGYU NI 'DI YIN TE, 'DIR GRUB PA'I MTHA' LA ZHES PA NAS, MI BZAD PAR TE SHIN TU SLOB DKA' BAR MTHONG NAS, ZHES DANG, MYUR BA DANG, LA SOGS PA 'BYUNG 'GROD DANG 'KHYOG 'GROS TE LAS BZHI'I SPROS PA BYAS SO, ,DE LTAR SBAS SHING BSLAB PAR DKA' BA'I THABS BYAS PA DE'I PHYIR YUN RING PO 'DAS PA'I DUS KYI DBANG GIS MU STEGS PHYI MA DAG GIS KYANG MA SHES PAR PHYI ROL PA'I NYUNG NGU'I RTZIS KYI BYED PA LA ZHES PA NAS, 'O NA KHYED LA RNAM PAR DAG PA'I BYED PA GSAL BA YOD DAM ZHE NA, 'DIR NYIN ZHAG SO SO LA ZHES PA NAS BRJOD PAR BYA'O, ,GNYIS PA LA DRUG ,RTZIS KYI THUN MONG GI GZHI LA ZLA DAG PA'I NGES PA, YAN LAG LNGA'I NGES PA 'PHROS DANG BCAS PA, SGRA GCAN RGYU SKAR LA LONGS SPYOD TSUL, GZA' LNGA RGYU SKAR LA LONGS SPYOD TSUL, GZA' LNGA RGYU BA DANG 'CHAR NUB SOGS BSHAD PA, NYI ZLA BA SGRA GCAN 'JUG TSUL BSHAD PA'O, ,DANG
PO LA GNYIS LAS, DANG PO LO DAG PA'I NGES PA NI, DE NI GNAS PA BCU BZHI PA 'CHAD PA'I DANG POR RE SHIG RIGS LDAN RGYAL DKA'I DUS KYI LO NYUNG NGU'I RTZIS KYI BYED PA GSUNGS PA, ME MKHA' RGYA MTSO ZHES PA LA SOGS PA'O, ,'DIR KHA CIG 'DI SKAD DU KLA KLO'I CHOS MKHA'I YUL DU ZHUGS NAS JI TZAM 'DAS PA'I LO SHES PA'I DON DU THOG MAR KLA KLO'I LO 'JOG LA, DE YANG SGROL BYED KYI LO LA SBRANG RTZI'I BLO GROS KYIS KLA KLO'I CHOS BSTAN PA YIN PAS SGROL BYED NAS ZAD PA'I BAR GYI LO BZHI BCU RTZA GSUM, DE RJES KYI RAB BYUNG DE NAS 'PHAGS YUL DU DUS 'KHOR GYI RGYUD BYON GYI BAR GYI LO DRUG CU SKAR DU LONGS PA DRUG BSRES PAS ME MKHA' RGYA MTSO RU GYUR PA RIGS LDAN ZLA BA'I 'OD KYIS RGYUD DU BRIS PA YIN TE, DES NA, RGYUD KYI RGYAL PO 'DI LA NGES PA NI MI RTAG PA STE, LO DRUG CU'I MTHAR SLAR YANG NGES PA 'GOD PA'I PHYIR RO, ZHES PA 'DI'I DON NI, DPAL DUS KYI 'KHOR LO'I RGYUD KYI RGYAL PO 'DI LA NGES PA STE LO'I PHUNG PO ME MKHA' RGYA MTSO LTA BU DE RGYUD KYI NANG DU DUS RTAG TU 'JOG PA MA YIN GYI, LO DRUG CU SKOR RDZOGS PA'I TSE, DE'I DUS NA SHAMBHA LA NA CHOS STON PA LA SU ZHIG BZHUGS PA'I RGYAL PO DES SNGAR GYI NGES PA DE PHYIS NAS DE LA DRUG CU SKOR GCIG BSNAN NAS BGOD DO, ,ZHES PA'I DON YIN LA, 'O NA DA LTA'I BAR DU LO DRUG CU SKOR MANG DU SONG YANG RGYUD KYI NANG NA ME MKHA' RGYA MTSO'I NGES PA BZHAG PA MA 'GYUR BAR SNANG BA CI SHE NA, SHAMBHA LA NA RGYAL PO RIM PAS DE LTAR BGOD CING YOD KYANG, CHU BO SH'I TI'I LHO PHYOGS SU SHAMBHA LA NAS PHYIS RGYUD KYI GLEGS BAM NA BYON PAS YIN NO, ,'O NA RGYAL DKA' KHO
, ,NAS NYUNG NGU'I BYED PA SBYANG BA BSHAD PA MI 'THAD PAR THAL, GZHAN GYIS KYANG SBYANGS PA'I PHYIR ZHE NA, MA GRUB STE, RGYAL PO GZHAN DE DAG GIS LO'I NGES PA DE LTAR SAR PA SAR PA SPOS KYANG SNGAR SONG GI LO MANG PO DOR NAS DHRU BA KA'I BSNAN 'BRID BYAS PA'I SGO NAS BYED PA'I LO LNGAR NYUNG NGUR MA BYAS PA GSAR DU NYUNG NGUR BYAS PA MA YIN PA'I PHYIR RO, ,RGYAL DKA'I GONG DU RTZA RGYUD GSUNGS TSUN CHAD KYI LO ZHAG GIN BRTZI BA YIN PA LA, DES DHRU BA KA'I BSNON 'BRID BYAS TE, SNGAR GYI LO STONG DRUG BRGYA BRGYAD CU RTZA GSUM RNAMS DOR BA'I PHYIR RO, ,DE YANG LO'I NGES PA 'GOD TSUL RIGS LDAN RE RES LO BRGYA BRGYAR CHOS STON PA'I DBANG DU BYAS NAS SBYAR NA RGYAL DKAS LO BRGYA CU RTZA GNYIS SONG BA'I TSE THOG MAR BSDUS RGYUD DU, ME RO ZLA BA RNAMS LA RAB BYUNG LA SOGS 'DAS PA RNAMS BSRES KLA KLO'I LO NI RAB TU GRUB CES PA BRIS NAS, BYED PA SBYONG BA'I DUS SU 'DAS LO BCU DGU BSRES NAS, LAG PA GDENGS CAN ZLA BAS SBYANGS PAS LHAG MA MED PAR 'GYUR TE, KLA KLO NAS RGYAL DKA'I BAR GYI LO BRGYA BRGYAD CU RTZA GNYIS YOD PA DOR NAS NYUNG NGU'I BYED PA'I LO MGO ME PHO KHYI LO LA BYED PA'O, ,RGYAL DKA'I NGES PA DE NYI MAS LO NYI SHU RTZA GSUM LON GYI BAR DU BRTAG GO ,DES NYER GSUM SONG BA NA NGES PA SNGA MA DE PHYIS NAS, ME MIG LAG PA RNAMS LA RAB BYUNG ZHES SOGS BRIS SHING, YANG DES LO BRGYAD CU RTZA GSUM LON PA'I TSE DRUG CU SKOR RDZOGS PAS SNGAR BRIS PA DE PHYIS TE, ME KLU LAG PA RNAMS LA RAB BYUNG LA SOGS 'DAS PA SHES SOGS RGYUD DU BRIS SO, ,DE NAS SNA
TSOGS GZUGS KYIS LO BZHI BCU RTZA GSUM SONG BA'I DUS SU DRUG BCU SKOR RDZOGS PAS MCHU YON TAN RNAMS LA ZHES SOGS BRIS SO, ,DE NAS ZLA 'OD KYIS LO GSUM SONG BA'I DUS SU DRUG CU SKOR RDZOGS PAS NGES PA SNGA MA PHYIS TE, ME MKHA' RGYA MTSO RNAMS LA ZHES PA 'DI RGYUD DU BRIS SHING, DE NAS DE'I DRUG CU SKOR MA RDZOGS PA'I BAR GYI LO GANG YANG RUNG BA ZHIG LA DUS 'KHOR GYI RGYUD 'PHAGS PA'I YUL DU PHEBS NAS, DE PHYIN CHAD RGYUD KYI GLEGS BAM GSAR PA SHAMBHA LA NAS MA BYON PAS DE LTA'I BAR DU ME MKHA' RGYA MTSO'I NGES PA BRIS PA 'DI NYID DU GNAS PA YIN GYI, SHAMBHA LA'I RGYUD KYI GLEGS BAM LA DA LTA ME MKHA' RGYA MTSO'I NGES PA 'DI PHYIS NAS 'DI'I DOD DU GZHAN BRIS YOD DO, ,ZHES 'CHAD DO, ,DA LA LO'I NGES PA DRUG CU SKOR RE RDZOGS PA NI 'PHO DGOS PA 'GREL PA'I TSIG DE'I DON DU BYA DGOS MOD KYANG, RI MO BYED PA'I TSE 'PHOS PAS CHOG GI ,RI MOR 'DRI DUS JI LTAR NGES PA 'PHO BA LTAR RGYUD LA BRIS BSUB BYED DGOS PA MA YIN LA, ME MKHA' RGYA MTSO'I NGES PA THOG MAR 'JOG PA'I DUS ZLA 'OD KYI DUS LA BYED PA SHIN TU MI 'THAD DE, 'OG TU 'GREL PAR, GSUM LHAG PA'I BZHI BRGYA'I LO'I PHUNG PO LA DE YIS BSRES PA NI KLA KLO'I LOR RAB TU GRUB STE, ZHES DANG, KLA KLO'I DBANG PO'I LO NI LAG PA GDANGS CAN ZLA BAS DMAN PA BRGYAD CU RTZA GNYIS LHAG PA'I BRGYA YIS DMAN PA NI LAG PA GDENGS CAN ZLA BAS DMAN PA STE, SHAMBHA LA'I YUL DU RIGS LDAN RGYAL DKA'I DUS KYI LO'O, ,ZHES PAS MA MKHA' RGYA MTSO KLA KLO'I LO DANG 'BRID PA'I GZHIR BYAS NAS LAG PA GDONGS CAN ZLA BAS PHRI BA'I LHAG RGYAL DKA'I
, ,DUS SU DNGOS SU BSHAD CING, KHYED LTAR NA RGYAL DKA'I DUS SU KLA KLO'I LO ME MKHA' RGYA MTSO GZHI MA GRUB PAS DE GZHIR BZHAG PA LA LAG PA GDENGS CAN ZLA BAS SBYANGS PA'I LHAG RGYAL DKA'I DUS KYI LOR BZHAG RGYU GZHI MA GRUB PA'I PHYIR RO, ,DES NA KHYED LTAR NA 'GREL PAR SHAMBHA LA'I YUL DU RIGS LDAN ZLA 'OD KYI DUS KYI LO'O ZHES GSUNGS RIGS PAR 'GYUR RO, ,DE'I PHYIR DE NYID GZHIR BZHAG PA'I RNAM GZHAG BYAS PA THAMS CAD RTZA BA RUL BA'I SHING LJON PA BZHIN NO, ,RANG LUGS KYI ME MKHA' RGYA MTSO'I RGYU MTSAN SNGAR BSTAN RTZIS KYI SKABS SU BSHAD ZIN LA, BSDUS RGYUD 'GREL PA DANG BCAS PA 'PHAGS PA'I YUL DU LO 'DI LA BYON ZHES PA'I NGES PA YID BRTAN DU RUNG BA BZHAG DKA'O, ,DES NA TSIG GI DON NI 'DI LTAR, RGYUD KYI RGYAL PO 'DI LA LO NGES PAR BYED PA'I RTZIS GZHI'I DHRU BA NI MI RTAG PA STE, LO DRUG CU DRUG CU RDZOGS PA'I MTHAR SLAR YANG NGES PA'AM DHRU BA GSAR PA 'GOD PA'I PHYIR RO, ,'DIR NYUNG NGU'I BYED PA LA LO DAG PA'I NGES PA NI, DE BZHIN GSHEGS PAS RTZA RGYUD BSTAN PA'I LO DE RDZOGS PA'I DUS NAS LO DRUG BRGYA NA 'JAM DPAL GRAGS PA'I CHOS STON PA'I DUS SO, ,DE LA 'DUL BA LUNG GZHI LAS, BCOM LDAN 'DAS KYIS BLA NA MED PA'I YE SHES BRNYES PA NA GRAGS 'DZIN MA LA YANG, BYI'U ZHIG BTZAS SO, ,ZLA BA YANG SGRA GCAN GYIS ZIN TO, ZHES DANG, GRAGS 'DZIN MA'I BU'I MING 'DOGS PAR BYED DE, BTZUN MO'I 'KHOR GYIS SMRAS PA, 'DI BTZAS PA NA ZLA BA YANG SGRA
GCAN GYIS ZIN PAS DE BAS NA KHYE'U 'DI LA YANG SGRA GCAN ZIN CES GDAGS SO, ZHES DANG, MNGON PAR 'BYUNG BA'I MDO LAS, DE NAS RGYAL PO ZAS GTZANG MA LA RANG GI SKYES BU RNAMS KYIS SMRAS PA, LHA DBYES PAR MDZAD DU GSOL, , GZHON NUS BLA NA MED PA'I YE SHES BRNYES SO, ,DE THOB PA DANG NYI MA DE NYID LA GRAGS 'DZIN MA LA YANG KHYE'U ZHIG BTZAS SO, ,BDUD RTZI ZAS LA YANG KHYE'U ZHIG BTZAS SO, ,DE NYID KYI MTSAN MO ZLA BA YANG SGRA GCAN GYIS ZIN NO, ZHES 'BYUNG ZHING, DE YANG 'DUL BA LUNG LAS, ZLA BA GANG LA BCOM LDAN 'DAS KYIS BLA NA MED PA'I YE SHES KHONG DU CHUD PA LAGS ZHES GSOL BA DANG, BCOM LDAN 'DAS KYIS BKA' STZAL PA, KHYIM BDAG DPYID ZLA THA CHUNG LA'O, ZHES DANG, 'GREL PA 'DIR YANG SA KA'I NYA'I SKYA RENGS 'CHAR BA'I TSE BCOM LDAN 'DAS SH'AKYA THUB PA MNGON PAR RDZOGS PAR SANGS RGYAS TE, ZHES GSUNGS PAS SA GA'I NYA'I THO RANGS KYI CHA LA SANGS RGYAS SHING DE'I TSE ZLA BA GZAS ZIN PAR BSHAD LA, DE'I LO DE NYID CHU PHO RTA SNA TSOGS KYI LO YIN TE, DE LA SNGAR BSTAN RTZIS KYI SKABS SU JI SKAD BSHAD PA'I 'DAS LO'I GRANGS GZHIR BZHAG PA'I STENG NAS LUGS LDOG GI RTZIS BYAS TE, LO DE'I SA GA'I ZLA BA'I ZLA DAG BTZAL NAS, DE'I NYA'I NYIN RTZIS BYAS PA NA, GZA' GNAS SU GCIG ,CHU TSOD DU SO BDUN, CHU SRANG ZHE GSUM, DBUGS LNGA, CHA SHAS LNGA, ZLA BA'I SKAR GNAS SU BCU BZHI DANG, CHU TSOD NYIR GCIG ,CHU SRANG BCO LNGA, DBUGS STONGS, CHA SHAS GSUM, NYI SKAR DU GCIG ,CHU TSOD NYER BRGYAD, CHU SRANG NGA BRGYAD
, ,DBUGS LNGA CHA SHAS BRGYAD, SGRA GCAN GYI RTZA BA'I SKAR GNAS SU NYER DRUG ,CHU TSOD BCU BZHI, CHU SRANG BCU GSUM, DBUGS STONGS, CHA SHAS GSUM, GDONG GI SKAR GNAS SU THIG LE DANG, CHU TSOD ZHE LNGA, CHU SRANG ZHE DRUG ,DBUGS LNGA, CHA SHAS BCU, MJUG MA'I SKAR GNAS SU BCU BZHI, CHU TSOD MCO LNGA, CHU SRANG ZHE DRUG ,DBUGS LNGA, CHA SHAS BCU RNAMS SHAR NAS GZAS 'DZIN DANG LEGS PAR 'GRIG PAR 'GYUR BAS SNGAR GYI BSTAN RTZIS KYI 'DAS LO 'JOG TSUL SOGS RNAM PAR DAG CING YID BRTAN DU RUNG BAR GRUB LA, RTZA RGYUD BSTAN PA'I LO DANG ZLA BZANG GIS CHOS BSTAN PA'I LO GNYIS GA DRUG BRGYA'I KHONGS SU BGRANGS NAS BRTZIS NA GZAS 'DZIN GYI RI MO 'DI MI 'CHAR LA, GCIG MA BGRANGS BAR BRTZIS NA 'GRIG 'ONGS PAR MNGON SUM GYIS GRUB PAS, GZHUNG 'DI'I TSIG DON BSHAD MA THAG PA LTAR DANG, LO 'DI NAS NI DRUG BRGYA'I LO YIS, ZHES PA 'ANG LO 'DI'I DE MA THAG PA NAS DRUG RGYA'I LO YIS ZHES PA'I DON DU BSHAD PAR BYA'O, ,DE NAS LO BRGYAD BRGYA NA ZHES SOGS SNGAR BSHAD ZIN LA KLA KLO'I DUS 'OG TU 'CHAD PA'I LO'I TSOGS LAS BRGYAD CU RTZA GNYIS LHAG PA'I BRGYAS YIS DMAN PAR BYAS PA'I LHAG MA BRGYA NYER GCIG GI LO'I TSOGS KYI DUS DE NYID NI RGYAL DKAS NYUNG NGU'I BYED PA RNAM PAR SBYANGS PA DE LA LO'I NGES PAR 'GYUR TE, GANG LAS SBYANGS NA KLA KLO ZHUGS NAS DE BAR GYI LO'I TSOGS LAS SO, ,RAB BYUNG LA SOGS NAS, RNAM BSRES SU 'GYUR RO'I
BAR GO SLA STE, LO DRUG CU NI, RAB BYUNG RNAM BYUNG DKAR PO DANG, ,RAB MYOS SKYE BDAG AAm GI RA, ,DPAL GDONG DNGOS PO NA TSOD LDAN, ,'DZIN BYED DBANG PHYUG 'BRU MANG PO, ,MYOS LDAN DPA' BO KHYU MCHOG DANG, ,SNA TSOGS NYI MA NYI SGROL BYED, ,SA SKYONG MI BZAD THAMS CAD 'DUL, ,KUN 'DZIN 'GAL BA RNAM 'GYUR DANG, ,BONG BU DGA' BA RNAm RGYLA NYID, ,RGYAL BA MYOS BYED GDONG NGAN DANG, ,GSER 'PHYANG RNAM 'PHYANG BSGYUR BYED DANG, , ,KUN LDAN PHAR DANG DGE BYED DANG, ,MDZES BYED KHRO MO SNA TSOGS DBYIG ,ZIL GNON SPRE'U PHUR BU DANG, ,ZHI BA THUN MONG 'GAL BYED DANG, ,YONGS 'DZIN BAG MED CAN KUN DGA' , ,SRIN BU MED DANG DMAR SER CAN, ,DUS KYI PHO NYA DON GRUB DRAG ,BLO NGAN RNGA CHEN PHRAG SKYUG PA, ,MIG DMAR KHRO BO ZAD PA'O, ZHES PHYAG RDOR BSTOD 'GREL LAS 'BYUNG BA LTAR RO, ,RAB BYUNG GI LO DE NYID NI PHYI ROL BA'I RTZIS KYI BYED PA GZHAN THAMS CAD LA LO RNAMS KYI DAG POR RAB GRAGS PA YIN TE, GZA' NYI MA RES GZ'A BDUN GYI DANG POR GRAGS PA BZHIN NO, ,GSUM LHAG PA'I NAS RJE BO'O, ,KLA KLO'I DBANG POS CHOS BSTAN PA'I DUS NAS RGYAL DKAS NYUNG NGU'I BYED PA SBYANGS KYI BAR GYI LO GSUM LHAG PA'I BZHI RGYA PO DE NI RGYA MTSO RNAM RGYAL GYIS BSTAN PA'I LO GRANGS LAG PA GDENGS CAC ZLA BAS DMAN PA NAS, DMAN PA STE, DE'I LHAG NYIS BRGYA NYER GCIG NI SHAMBHA LA'I YUL RIGS LDAN RGYAL DKA'I CHOS BSTAN PA'I DUS KYI LO'O, ,LO GRANGS DE NYI NI NYUNG NGU'I BYED PA LA RTZIS GZHIR BZHAG PA'I LO'I TSOGS SO, ,GNYIS PA ZLA BA DAG PA'I NGES PA NI, LHAG MA DAG KYANG NAS, NAG PA
, ,LA SOGS PA'I LO DA LTAR BA DE'I STENG NAS SNGAR ZLA BA DU ZHIG 'DAS PA RNAMS KYIS BSGRES PA'O, ,SGRES PA YIN NO ZHES PA 'DI DAG GI DON NI LAG LEN RTZIS JI LTA BA STE GO SLA'O, ,'DIR DPYAD PAR BYA STE, MKHAS PA DGA' BYED LA SOGS PA'I BZHED PAS, 'DAS LO BCU GNYIS KYIS BSGYUR NAS ZLA BA'I PHUNG POR BYAS PA LA 'DAS ZLA BSRES PA'I ZLA BA'I TSOGS 'DI DAG THAMS CAD KHYIM ZLAR BZHED DO, ,DE LA BRTAG PAR BYA BA 'DI YOD DE, 'O NA ZLA BA'I TSOGS DE DAG GNAS GNYIS SU BZHAG PA LAS BYUNG BA'I LHAG DE DAG KHYIM ZLA YIN NAM, 'ON TE TSES ZLA YIN, TSES ZLA YIN NA KHYIM ZLA LA BSRE BA MI 'THAD CING, KHYIM ZLA YIN NA BYED PA'I ZLA DAG NI KHYIM ZLA 'I ZLA DAG TU 'GYUR LA, DE 'DOD NA ZLA BA SO SO'I DH'U BA KA MA DAG PAR 'GYUR TE, ZLA DAG NI CHOS ZLA MA YIN GYI KHYIM ZLA YIN PA'I PHYIR RO, ,DE'ANG, BU GA MDA'I CHU TSOD DANG, ,YON TAN SRANG YIN RIG BYED DBUGS, ZHES PA TSE ZHAG RE'I LINGS SPYOD YIN ZHING, TSES ZLA TE TSES ZHAG SUM CU YIN PAS, DE RNAMS SUM CUS BSGYUR NAS, , DBUGS LA DRUG GIS RNYED PA CHU SRANG LA BSRE, DE LA MKHA' ROS RNYED PA CHU TSOD LA BSRE, DE LA MKHA' ROS NYED PA NYER DGU NI GZA' YIN PAS DE LA BDUN GYIS BGO ,DE'I NOR NI ZLA BA RE LA GZA' BDUN GYIS 'KHOR BA'I GRANGS YIN PAS DOR BAR BYA LA, DE RNAMS KYI LHAG MA GZA' GCIG DANG CHU TSOD SO GCIG DANG CHU SRANG LNGA BCU 'BYUNG BA RNAMS BRTZIS 'PHRO YIN PAS, DE DAG GZUNG BA'I DON DU BSDUS RGYUD KYI BYED PA LA ZLA DAG GNAS GSUM DU BZHAG PA'I DBUS MA LA SOS BSGYUR
NAS 'OG MA LA ROS THOB PAS DBUS MA LA SPYAD PA YIN PA'I PHYIR RO, ,GZHAN YANG DE THAMS CAD KHYIM ZLA YIN NA NYI MAS LO RE LA RGYU SKAR GYI 'KHOR LO GCIG PAS LHAG PA RE BGROD PAR 'GYUR TE, KHYIM ZLA BCU GNYIS KYIS RGYU SKAR GYI 'KHOR LO GCIG BGROD LA, DE'I STENG DU GNAS 'OG MA LAS 'BYUNG BA'I ZLA LHAG GI CHA DANG BCAS PA BGROD DGOS PA'I PHYIR RO, ,DE BZHIN DU ZLA LHAG BYUNG BA'I LO LA NYI MAS RGYU SKAR GYI 'KHOR LO LAN CIG 'KHOR NAS SKAR MA GNYIS DANG, CHU TSOD BCU LA SOGS PA LHAG POR BGROD PAR 'GYUR TE, KHYIM ZLA BCU GNYIS LA NYI MAS RGYU SKAR GYI 'KHOR LO LAN CIG 'KHOR, ZLA LHAG GI ZLA BA DE LA SKAR MA GNYIS DANG CHU TSOD BCU LA SOGS PA BGROD PA'I PHYIR RO, ,YANG KHA CIG BCU GNYIS KYIS BSGYUR NAS ZLA BA'I PHUNG POR BYAS PA THAMS CAD TSES ZLA DANG, 'DAS ZLA BSRES PA RNAMS KYANG TSES ZLA BSRES PAR BYAS NAS, TSES ZLA LAS TSES ZLA'I SHOL 'DON PA YIN NO ZHES ZER BA 'ANG MI 'THAD DE, DE LTAR NA BCU GNYIS LO {NAM}, KYI BSGYUR GZHI 'DAS LO'I TSOGS DE DAG TSES ZLA BCU GNYIS RE LA LOR BYAS PA'I TSOGS SU THAL BA'O, ,'DOD NA LO MTSAN NYID PA MA YIN PAR 'GYUR BAS LO DAG RNAM PAR MA DAG PAR 'GYUR ZHING, TSES ZLA BCU GNYIS LA LOR BZHAG PA LO MTSAN NYID PA MA YIN PAR KHYED RANG GIS KYANG KHAS BLANGS PAS SMRA BAR BYA BA CI YANG MED DO, ,YANG KHA CIG 'DAS LO BCU GNYIS KYIS BSGYUR BA KHYIM ZLA'I PHUNG PO DANG, DE LA BSRE BA'I 'DAS ZLA RNAMS TSES ZLA YIN PAR SMRA BA NI, RANG NYIS KYIS 'DAS ZLA
, ,BCU GCIG GI BAR DU BSRE BAR BYA STE, GCUG GNYIS NAS LOR LONGS BAS LO BSRE'I ZLA BA BSRE MI DGOS SO ZHES SMRAS PA DANG KHAS BLANGS SHIN TU 'GAL TE, TSES ZLA BCU GNYIS KYIS LO'I GO MI CHOD PAR KHYE RANG GIS SMRAS PA'I PHYIR RO, ,GZHAN YANG 'DAS LO SOGS PA'I ZLA BA RNAMS BCU GNYIS SU MA LONGS PAR LA TSES ZLA DANG, BCU GNYIS SU LONGS NAS KHYIM ZLAR 'GYUR BA SHIN TU YE MTSAN CHE STE KHYED LAS GZHAN PA SU ZHIG GIS SHES; DES NA ZLA BA'I PHUNG PO DE DAG NI KHYIM ZLA DANG TSES ZLA SO SOR MA PHYE BA'I PHUNG PO YIN LA, DE GNYIS GNAS GNYIS SU BZHAG STE SHOL GYI ZLA BA BTZAL BA NI KHYIM ZLA DANG TSES ZLA SO SOR PHYED NAS KYIM ZLA SUM CU SO PHYED DANG GSUM NA TSES ZLA CU SO PHYED DANG BZHIR 'GYUR BA'I KHYAD PAR MNGON DU 'GYUR BA YIN NO, ,DE YANG 'DI LTAR NYI MA'I YE SHES CHA LA RAGS PAR BRTZIS NA SUM CU CHA, 'BRING DU BRTZIS NA SUM CU SO GNYIS CHA LONGS SPYOD LA CHAR BAR 'GYUR BAS DKYIL 'KHOR LA NOR DU 'GYUR TE, RAGS PAR BRTZIS NA LO GCIG LA ZHAG BCU GNYIS, 'BRING DU BRTZIS NA LO GCIG LA ZHAG BCU GCIG BZHI CHA LHAG PAR 'GYUR MOD KYI, SHIN TU PHRA BAR BRTZIS NA LONGS SPYOD LA DBUGS SO GNYIS PHYED BCAS RE NA DBUGS RE YE SHES CHA YIN PAS BU LON DU 'GYUR ZHING, DE BSAGS PAS PHO BA'I ZHAG GAM KHYIM ZHAG KHYIM SO GNYIS PHYED BCAS NA TSES ZHAG RE BU LON DU 'GYUR LA, ZLA
BA KHYIM SO GNYIS PHYED BCAS NA TSES ZLA RE BU LON DU 'GYUR BA DE NYID DKYIL 'KHOR LA NOR DU 'GYUR BA'I PHYIR, 'DER YANG KHYIM ZHAG SUM CU RTZA GNYIS PHYED BCAS NA TSES ZHAG SO GSUM PHYED BCAS SU 'GYUR BA'I PHYIR, NYI MA'I KHYIM ZHAG RE'I LONGS SPYOD SO GNYIS PHYED BCAS SU BSGYUR BA DANG TSES ZHAG RE'I LONGS SPYOD SO GSUM PHYED BCAS SU BSGYUR BA GNAS GCIG TU 'ONG BA'I PHYIR RO, ,DES NAM MKHA' ME ZLA BAS RNAM PAR DBYE ZHES PA NI, 'DIR KHYIM GYI ZLA BA PHYED DANG BCAS PA'I SUM CU RTZA GNYIS NA TSE ZLA SO GSUM PHYED BCAS SU GYUR NAS TSES KYI LHAG PA'I ZLA BAR 'GYUR TE, TSES ZHAG SUM CU RDZOGS PA'I TSES KYI GNAM STONG LA NYI MAS KHYIM RE RDZOGS PA'I SGO NAS KYIM 'PHO BA'I NUS PA MED PA'I PHYIR RO, ,DES NA NYI MAS KHYIM TE RDZOGS PAR LONGS SPYOD PA LA TSES ZHAG SO GCIG CHUNG MED RE DGOS BAS TSES ZHAG SUM CU LA NYI MAS KHYIM RE LONGS SPYOD PAR MI 'GYUR RO, ,DE'I PHYIR ZLA BA ZHI CHA BA BRGYA SUM CU NA ZLA BA RE LHAG PAS DE GZUNG BAR BYA BA'I DON DU 'OG GI ZLA BA'I PHUNG PO BZHI YIS BSGYUR BA NI BZHI CHA YI PHUNG POR 'GYUR RO, ,'GOD BYED KYI CHA'I PHUNG PO BZHI YIS BSGYUR BAR GYUR BA NA, 'GOD BYED CHA'I PHUNG PO DANG GRANGS NYAM PA'I RGYU MED NA RGYU CAN BZHIS BSGYUR BA YANG MI 'BYUNG NGO ZHES PA'I RIGS PAS BGO BAR BYA BA'I PHUNG PO YANG BZHI YIS BSGYUR BAR 'GYUR RO, ,DE'I PHYIR BGO BAR BYA BA'I PHUNG PO DE LA PHYED BCAS SO GNYIS GZHI CHA'I PHUNG POR BYAS PA BRGYA SUM CUS BGOS PAS RNYED PA'I NOR NI 'BRAS BU ZLA LHAG GI GRANGS
, ,SU 'GYUR TE, RNYED PA STENG DU ZHES SOGS NI, DE RNAMS STENG DU BSRES PA ZLA DAG TU GYUR BA'I DON TO, ,LHAG MA BZHIS BGOS PA'I THOB NOR NI ZLA LHAG BYUNG NAS SNGAR ZLA BA DU SONG GI GRANGS YIN LA, YANG LHAG MA LA BRGYA SUM CUR LONGS PA TZAM DU BSNAN TE, BSNON BYED LA BZHIS BGOS PA'I THOB NOR NI DA ZLA BA DU TZAM ZHIG NA ZLA LHAG 'BYUNG BA'I GRANGS SO, ,LHAG MA GNYIS BYUNG NA ZLA PHYED DU SHES PAR BYA'O, ,BZHIS BSGYUR NAS BRGYA SUM CUS 'GOD PA'ANG SPROS PA'I DON NAM SDEB SBYOR GYI DON DU YIN GYI GNYIS KYIS BSGYUR NAS DRUG CU RTZA LNGAS BGOS KYANG KHYED MED DO, ,GNYIS PA YAN LAG LNA'I NGES PA PHROS DANG BCAS PA LA GNYIS DANG, DNGOS DANG, 'PHROS DON NO, ,DANG PO LA DRUG ,ZLA BA'I NGES PA DANG, TSES RE'I NGES PA DANG, YAN LAG LNGA'I RIM PA DANG, KHYIM BCU GNYIS KYI ZHING BDAG NGOS BZUNG BA DANG, MU STEGS BAS BTAGS PA'I KHYIM BCU GNYIS KYI MING YIG RDZUN PAR BSTAN PA DANG, BDE SDUG GZA' SKAR GYIS MI BYED LUNG GIS BSTAN PA'O, , DANG PO LA GNYIS DGA PA'I NGES PA BTZAL BA DANG, RTOGS SLA BA'I DON DU BYED PA'I NGES PA SBYIN PA'O, ,DANG PO LA GSUM, GZA'I NGES PA, GZA'I RKANG BA'I NGES PA, NYI SKAR GYI NGES PA'O, ,DANG PO NI, DA NI ZHES SOGS TE, STENG 'OG MIG DANG SUM CU BSGRE BA'I RGYU MTSAN DU, DES BA 'DI NI MIG DMAR LA SOGS PA NUB PAR BYED PA LA 'ONGS PA STE, ZHES SOGS KYI DON, MKHAS PA KHA CIG RGYAL DKAS NYUNG NGU'I RTZIS GZHI 'DI RTZOM PA'I SNGA ROL GYI SHING MO BYA'I DPYID ZLA RA BA'I GNAM STONG GI
GZA'I DHU BA KA NA GNYIS DANG CHU TSOD NA SUM CU YOD BA DE MA BYIN NA GNAM STONG LA RGYU ZHING LA YOD PA'I MIG DMAR NUB NAS, MED PA'I NYI MA 'CHAR DU 'ONG BAS DE BSAL BAR BYA BA'I DON DU SBYIN DGOS PA YIN NO, ,DES NA 'DI BAR GYI TSIG MI MNGON PA STE NUB PAR BYED PA BSAL BA'I DON DU 'ONGS PA STE ZHES BYA BA'I DON YIN NA ZHES GSUNG NGO, ,'ON KYANG LA SOGS PA'I SKAD DOD DANG PO LA YANG 'JUG PAS MIG DMAR LA SOGS PA DANG POR SPYOD PA NUB PAR BYED PA LA 'ONGS PA STE, ZHES 'DON PA LEGS TE, STENG 'OG MIG DANG SUM CU MA BYIN NA RGYAL DKA'I NYUNG NGU'I BYED RTZIS THOG MAR RTZOM PA'I DUS KYI NAG PA'I TSES GCIG GI RTZIS LA GZA' MIG DMAR 'CHAR YANG, LO'I 'TSAMS SU GZA' LNGA LHAG PAR DOR NAS, MIG DMAR GZA'I DANG POR SPYOD PA NUB PAR BYED PA STE MI MNGON PAR BYED PA'I DON DU 'ONGS PA STE, DES NA BYED PA'I MGO RTZOM PA'I THOG MAR GZA' RNAMS KYI GRAL MGO'AM THOG MA NYIN DANG POR NAG PA'I TSES GCIG NAS 'CHAR BAR BYED PA'I DON DU LO DE'I GONG SA SKYONG GI LO'I DPE'I ZLA BA'I NYER DGU DANG GNAM GANG LA 'DAS PA'I NYI MA DANG ZLA BA BSGRES PA'O, ,CHU TSOD SUM CU YANG YOD DO ZHE NA, DE NI GZA'I DON DU BYIN PA MIN GYI TSES KYI DON DU BYIN PA YIN NO ZHES BSHAD NA LEGS SO, ,ZLA BA NGES PA LA SOGS PA'I RTZIS 'PHRO THAMS CAD RGYAL DKA'I BYED PA RTZOM PA'I LO MGO NAG BA'I ZLA BA NAS BZUNG BA DE'I TSES GCIG GI SNGA LOGS KYI GNAM GANG PHAN CHAD LA 'DAS PA YIN NO, ,LHAG MA DAG NI MKHAS PA DGA' BYED DU GSUNGS PA JI LTA BAR SHES PAR BYA'O, ,GNYIS PA NI DE NI
, ,GZA'I RKANG BA RNAMS GSUNGS PA, ZHES SOGS DANG, GSUM PA NI, DE NI NYI MA'I SKAR MA'I NGES PA GSUNGS PA, ZHES SOGS TE, DE DAG KYANG MKHAS PA DAG 'BYED DU ZHIB PAR GSUNGS PA JI LTA BA BZHIN DU SHES PAR BYA ZHING, 'OG MA DAG TU'ANG 'DIR MA BSHAD PAR RNAMS DE LTAR SHES PAR BYA STE, DE NYID LAS CUNG ZAD MI 'DRA BA DAG 'CHAD KYI, DE LAS GZHAN DU BSHAD MI DGOS PA DAG NI MKHAS PA DAG 'BYED NA GSAL ZHING RGYAS PA'I PHYIR 'DIR MA BRIS TE YI GE MANGS PAS 'JIGS PA'I PHYIR RO, ,GNYIS PA NI, SLAR YANG BSHAD MA THAG PA'I GZA' SKAR GYI NGES PAR RKANG BRTZIS KYIS DAG PAR MA BYAS PAS MA DAG PA LAS KYANG MA DAG PA'I ZLA BA RE RE'I NGES PA SBYIN TSUL BYIS PA RNAMS KYIS NAS, GZA' GCIG LHAG PAR SBYIN PAR BYA'O, ZHES DANG, RAGS PAR NA ZLA BA RE RER CHU TSOD SUM CU RTZA GNYIS LHAG PA CHU TSOD KYI GNAS SU SBYIN PAR BYA'O, ZHES DANG, TSOGS KYI GNAS SU TSOGS GNYIS LHAG POR SBYIN PAR BYA BAR 'GYUR RO, ,YANG GI SGRAS CHA SHAS RE RER LHAG PAR SBYIN PAR BSTAN TO, ,SKAR MA'I GNAS SU ZHES PA NAS, BCOM LDAN 'DAS KYIS MA 'ONGS PA NA NYUNG NGU'I BYED RTZIS 'BYUNG BA'I TSUL NYID LUNG BSTAN TO, ,GNYIS PA TSES RE'I NGES PA LA ZHI, GZA' TSES KYI NGES PA, SKUR MA'I NGES PA, SBYOR BA DANG BYAD PA'O, , DANG PO NI, DE NI ZLA BA'I NGES PA LAS ZHES PA NAS, GZA'I DON DU, 'O NA RES GZA' RE DANG TSE GRANGS RE NYAMS MAM ZHE NA, MA YIN GYI CHU TSOD KYI GNAS SU TSES GRANGS DOR BAS CHU TSOD LNGA BCU RTZA DGU BYIN PAR 'GYUR TE, ZLA BA'I YE SHES
CHA LA PHRA GRAGS RIM PA GSUM LAS, RAGS PAR NA ZHAG GCIG LA CHU TSOD DRUG CU'I CHA CHU TSOD RES DMAN PA'AM BU LEN DU 'GYUR BA'I PHYIR RO, ,ZHIB PAR NA GZA' LA TSES BYIN CHU SRANG NAS LNGA BCU RTZA DRUG DANG DBUGS GNYIS PHRIN CHU TSOD LNGA BCU RTZA DGU CHU SRANG GSUM DBUGS BZHI BYIN PAR 'GYUR MOD KYI, RGYUD LAS DE LTAR MA GSUNGS PAS ZLA BA GCIG LA CHU SRANG BRGYA DANG BCU CHAD KYANG ZLA BA'I NGES PA'I SKABS SU SOS BAR 'GYUR BA DANG, ZLA BA'I NGES PA LA LHAG PO CUNG ZAD YOD PA'I GNYEN POR DE LTAR MDZAD DO, ,STONG LA STONG PA RNAM DAG CES PA NI, BCU BZHI'I CHA'I LHAG MA GAL TE RKANG 'DZIN STONGS PAR GYUR NA, DE'I TSE CHA SHAS KYI DON LA GTOGS PA RKANG BA'I DON YANG STONGS PA STE, 'O NA RKANG 'DZIN STONGS PA DE'I TSE RTAG PA'I LONGS SPYOD KYI STENG DU RKANG BA'I LONGS SPYOD KYI 'PHEL 'GRIB MED DAM ZHE NA YOD DE, CHU TSOD LNGA RIM PA LA BU LON DU GYUR ZHING RIM MIN LA NOR DU 'GYUR MOD KYI, RGYUN BSDOMS NAS BRTZIS PA'I TSE RIM PAS SNGA RKANG GI CHU TSOD NYI SHU RTZA LNGA NOR 'PHEL BA'I STENG NAS RKANG PA BCU GSUM PA YAR BCAD KYI CHU TSOD NYI SHU BU LON BLANGS NAS, RKANG PA THA MA'I CHU TSOD LNGA BLANG DGOS PA LA, SNGAR GYI NOR GYI 'PHRO CHU TSOD LNGA PO MA BYIN PA NYID KYIS BU LON DAG PAR 'GYUR LA, DE BZHIN DU RIM MIN LA'ANG SHES PAR BYA'O, ,DES NA DON LA SBYIN DOR YOD KYANG BYED PA'I RI MO LA SBYIN PA DANG DOR BA BYA DGOS PA MED DO ZHES PA NI BYED PA'I RTZIS LA RIGS PA'O, ,CHA'I LHAG MA RKANG PA BDUN PA MTHONG NA STE RKANG 'DZIN BDUN BYUNG NA, BDUN PA'I CHU TSOD GCIG DANG SNGAR GYI NYI SHU RTZA BZHI BSDOMS
, ,BAS CHU TSOD NYI SHU RTZA LNGA MNYAM PA RIM PA LA SBYIN PA DANG MI MNYAM PA RIM MIN LA DOR BAR 'GYUR TE, ZLA BA'I CHA 'PHEL BA NA TSES YUN RING BAR 'GYUR BA DANG, 'GRIB PA NA TSES YUN THUNG BAR 'GYUR BA'I DBANG GIS SO, ,'DIR ZLA BA'I CHA 'PHEL 'GRIB NI DKAR NAG GI CHA LA MI BYA'I, ZLA BA'I CHA GCIG RDZOGS PA'I BAR GYI DUS KYI CHA YUN RING DU 'PHEL BA DANG YUN THUNG NGUR 'GRIB PA LA BYA'O, ,'O NA 'PHEL 'GRIB GYI CHA BCO LNGA BCO LNGA YOD LA, 'DIR BCU BZHIS BGOD PAS CHA DANG BGOD BYED MI MTSUNGS SO SNYAM NA CHA BCO LNGA PO DE NYID ZLA BAS RGYU SKAR GYIS KHYIM GYI STENG NAS LONGS SPYOD PA'I TSE 'PHEL 'GRIB TU 'GYUR BAS, RGYU SKAR RE RE'I STENG NAS RANG RANG GI RTAG PA'I LONGS SPYOD LAS 'PHEL 'GRIB TU 'GYUR BA'I CHA RNAMS RTOGS PA'I DON DU RKANG PA'I GNAS BCU BZHIS RKANG PA'I CHU TSOD LA BGOD PA YIN NO, ,ZLA BA'I RKANG RTZIS KYIS DAG PAR BYAS PA DE LA NYI MA'I RAB TU DBYE BA RKANG PAS GSAL BYAS ZHES SOGS DANG, 'DIR ZLA BA'I RKANG PA RNAMS NI NAS, GRUB PA'I MTHA' NGES PA'O ZHES PAS ZLA BA'I RKANG PA RIL PO BSTAN NAS, RKANG PA'I CHA SHAS GZUNG BA'I PHYIR RGYU ZHING YOD PAS ZHES PA NAS, CHA SHAS RNAMS RGYU ZHING YOD PA'I RKANG PAR 'GYUR RO, ,RKANG PA DER DA LTA GZA' RAB TU ZHUGS TE, DE'I PHYIR CHA SHAS KYI LONGS SPYOD DE TSES KYI LONGS SPYOD LA RIM PAR SBYIN PA DANG RIM MIN LA DOR BA'I DON DU RKANG PA SNGUN MA DE BZUNG BAR BYA'O, ,RKANG PA SNGUN MA DE YIS LHAG MA TSOGS KYI CHA SHAS BSGYUR
TE; DE LAS BRGYA NYI SHU RTZA DRUG GIS CHA THOB PA YANG TSOGS KYI LONGS SPYOD DE BZHIN DU SBYIN PA DANG DOR TE, CHA SHAS KYI LONGS SPYOD THAMS CAD SNGAR GYI RKANG PA'I CHU TSOD KYI TSOGS SBYIN DOR BYA BA DE BZHIN DU SBYIN DOR BYA BAR SHES PAR BYA'O, ,DE TZAM GYIS RNAM PAR DAG PA MIN PAS TSES KYI LONGS SPYOD DE NYID LA NYI MA'I RAB TU DBYE BAS BSAL BYAS ZHES PA SNGAR GYI TSES KYI RKANG PA DANG CHA'I LONGS SPYOD RNAMS SBYIN PA'AM DOR BAR BYA BAR 'GYUR RO ZHES PA NI NGES PA'I GRUB PA'I MTHA' 'O, , ZLA BA'I RKANG PA DANG GZA' GZHAN GYI RKANG PA BGROD TSUL MI 'DRA STE, GZHAN GYIS RKANG PA GANG ZIN DE SPYOD CHER BA YIN LA, ZLA RKANG NI DE LA GONG MA'I CHA SHAS KYI SPYAD PA'I LHAG MA DANG, DE'I RKANG PA SNGUN MA'I STENG NAS CHA SHAS CUNG ZAD CIG SPYOD BZHIN PA DE YIN NO, ,RKANG PA SNGUN MAS CHA SHAS BSGYUR BA NI TSES RE LA RKANG PA GCIG GI SUM STONG BDUN BRGYA BRGYAD CU'I CHA LHAG POR SPYOD PA DE BZUNG BA'I DON TO, ,DE RNAMS SNGA RKANG GIS BSGYUR NA BSNON CING PHYI RKANG GIS BSGYUR NA 'BRED PA NI NOR RAM BU LON SNGA RKANG LA 'PHEL ZHING PHYI RKANG LA 'BRID PA'I DON TO, ,ZHIB PAR BRTZI NA CHA SHAS SUM CUS BSGYUR BA LA TSES GRANGS BYIN NAS RKANG PA SNGON MAS BSGYUR BA LA SUM STONG BDUN BRGYA BRGYAD CUS THOB PA CHU TSOD DANG, LHAG MA LA CHU SRANG SOGS BYAS NA RNAM PAR DAG STE, TSES RE LA RKANG PA RE DANG RKANG PA RE'I SUM STONG BDUN BRGYA BRGYAD CU'I CHA RE SPYOD PA'I PHYIR RO, ,CHA SHAS NI RKANG PA'I CHA SHAS YIN PA'I PHYIR CHA SHAS KYI GRANGS DE RKANG PA MDUN MA'I
, ,DUS NYI'I CHA'I GRANGS SO, ,GNYIS PA SKAR MA'I NGES PA LA GNYIS, NYI SKAR DANG ZLA SKAR RO, ,DANG PO LA GSUM NYI MA PHYED DAG DANG, NYI MA'I RKANG RTZIS DAG PA DANG, RKANG PA'I BYED RTZIS BSTAN PA'O, ,DANG PO NI, DE NI NYI MA'I TSES KYI NYIN ZHAG SO SO'I LONGS SPYOD GSUNGS PA, ZHES SOGS TE, NYI MA'I RTAG PA'I LONGS SPYOD CHU TSOD BZHI, CHU SRANG NYER GCIG ,DBUGS LNGA, DE'I BCU GSUM CHA DGU YOD PA LA, 'DIR RAGS PA'I DBANG DU MDZAD NAS, CHU TSOD BZHI DANG CHU SRANG NYI SHUR BYAS TE, CHU TSOD BZHI SBYIN PA'I DON DU, TSES GRANGS GNAS GNYIS SU BYAS PA'I STENG MA BZHIS BSGYUR BA LA CHU SRANG NYI SHU SBYIN PA'I DON DU TSES GRANGS 'OG MA GSUM GYIS BGOS PA'I THOB NOR STENG DU CHU TSOD KYI PHUNG POR BSRE BA YIN TE; CHU SRANG NYI SHU PA GSUM LA CHU TSOD DU LONGS PA'I PHYIR RO, ,GSUM GYI CHA'I LHAG MA NYI SHUS BSGYUR BA NI CHU TSOD DU MA LONGS PA'I CHU SRANG YIN NO, ,CHU TSOD KYI PHUNG PO LA DRUG CUS RNYED PA NI SKAR MA STE, DE RNAMS NYI SKAR GYI DHRU BA KA LA BSNAN PAS TSES GRANGS GANG YIN PA YAR BCAD KYI NYI MA'I RTAG PA'I LONGS SPYOD KYI TSOGS SO, ,RGYUD 'GREL DU DNGOS SU GSUNGS TSOD 'DI LA TSES ZHAG RE LA YANG SRANG GCIG DBUGS LNGA CHA SHAS DGU CHAD CING DE BSAGS PAS ZLA BA RE LA CHU SRANG NGO BRGYAD, DBUGS GNYIS, CHA SHAS BCU CHAD PAS MA DAG MOD, 'ON KYANG DHRU BA KA'I SKABS SU GNAS GSUM DBUS MA DBANG PHYUG GIS BSGYUR BA LA SOGS PAS NYAMS PA SOS NAS DAG PAR 'GYUR BA'I DBANG DU MDZAD DE, 'ON KYANG
SHIN TU DAG PAR BRTZI NA, CHU TSOD BZHI, CHU SRANG NYER GCIG ,DBUGS LNGA, CHA SHAS DGU RNAMS GNAS BZHIR BZHAG NAS TSES GRANGS KYIS BSGYUR TE YAR DRIL NAS DHRU BA KA LA BYIN PAS RNAM PAR DAG PAR 'GYUR RO, ,GNYIS PA NI, DUS KYI RGYU SKAR ZHES SOGS LA, CHU TSOD SBYANG BAR BYA'O, ZHES PA'I BAR GYI DON NI, NYI MA'I LONGS SPYOD THA DAD DU BYAS LA ZHES PA LTAR NYI MA PHYED DAG GNAS GNYIS SU BZHAG PAR BYA STE, RKANG 'DZIN LAS RKANG PA'I DBANG GIS BYUNG BA'I LONGS SPYOD RTOGS PAR BYA BA'I DON DU GCIG DANG, RKANG PA LAS BYUNG BA'I LONGS SPYOD SBYIN DOR BYA BA'I GZHI'I DON DU GCIG BKOD NAS, DE NYID KYI GCIG LA SKAR MA'I GNAS NAS DRUG DANG CHU TSOD NAS ZHE LNGA SBYONG BA NI NYI MA'I SKYES KHYIM DAG PAR BYED PA STE, DE LAS RNAM PA GZHAN DU SKYES KHYIM MA SBYANGS NA BYED PA LA NYI MA'I NYIN ZHAG SO SO RNAM PAR DAG PA MED DO, ' ,DE YANG 'JIG RTEN CHAGS PA'I DUS SU NYI MA RGYU SKAR GYI DANG PO THA SKAR GYI STENG DU SKYES NAS DE NAS RIM PA BZHIN RGYU SKAR LA LONGS SPYOD PA MA YIN GYIS, LUG GLANG 'KHRIG PA STE KHYIM GSUM 'DAS PA KAR KA tA'I KHYIM GYI DANG PO NAB SO'I BZHI GSUM 'DAS PA'I 'TSAMS SU SKYES TE, DE NAS RIM PA'I MGO BRTZAMS NAS JI LTA BA BZHIN DU SPYOD CING, DE LA KAR KA tA, SENG GE ,BU MO GSUM RIM PA'I SNGA NANG, SRANG, SDIG PA, GZHU GSUM RIM PA'I PHYI RKANG STE CHU SMAD KYI BZHI CHA YAR BCAD 'DAS, DE NAS CHU SMAD KYI BZHI GSUM NAS, CHU SRIN, BUM PA, NYA GSUM RIM MIN GYI SNGA RKANG STE NAM GRU 'DAS, DE NAS THA SKAR NAS LUG ,GLANG, 'KHRIG
, ,PA GSUM RIM MIN GYI PHYI RKANG STE NAB SO'I BZHI GSUM 'DAS TE, NYI MA'I DAL RKANG BGROD PA'I TSUL 'DI NI RNAM PA THAMS CAD DU YIN LA, DES NA THOG MA'I RIM PA DANG RIM MIN THEBS GCIG RDZOGS PA'I BAR LA, RANG MA SKYES GONG GI RANG GIS MA SPYOD PA'I SKAR MA DRUG DANG CHU TSOD ZHE LNGA DOR BA YIN LA, DE PHYIN CHAD NI RIM MIN GYI PHYI RKANG LA 'PHEL 'GRIB DAG PA DOR BA YIN NO, ,DE LA RANG SKYES KHYIM NAS RIM PA'I SNGA RKANG MGO 'DZUGS PA'I 'TSAMS MA 'DRES PAR RTOGS PA'I DGOS PA YOD DO, ,BYA BA LHAG MA ZHES PA NAS, DE BZHIN DU NYI MA'I YANG SKYES KHYIM SBYANG DU MA LDANG NA SKYES KHYIM SBYANGS PA'I LHAG MA NAS BRTZAMS PA'I RTZIS 'PHRO RTOGS PAR BYA BA'I DON DU RGYU SKAR GYI 'KHOR LO NYI SHU RTZA BDUN BSNAN TE SKYES KHYIM SBYANG BAR BYA ZHING, 'KHOR LO BSNAN MA BSNAN GANG YIN KYANG SKYES KHYIM SBYANGS PA'I LHAG MA 'KHOR LO PHYED LHAG NA DOR BAR BYA BAR SHES PAR BYA'O, ,'ON KYANG MIG DMAR GYI RGYU BA'I DAL BA'I RKANG PA RNAMS NYI MA DANG THA DAD DO, ,NYI MA YI NI ZHES SOGS KYI DON NI, NYI MA'I RKANG PA YANG RDUL MUN SNYING STOBS KYI DBYE BAS SNGA RKANG LA GSUM STE, KHYIM DANG PO LA DRUG ,GNYIS PA LA BZHI, GSUM PA LA GCIG ,PHYI RKANG LA DE NYID LUGS LAS LDOG PA'O, ,DAL BA'I LAS 'DI LA KAR KA tA LA SOGS PA'I KHYIM DRUG PO RNAMS SU DRUG PO 'DI DAG RKANG PAR 'GYUR RO, ,GZHAN BYA BA LHAG MA 'KHOR LO BSRE BA SOGS NI MIG DMAR LA BRJOD PAR BYA'O, ,DE LA RKANG PA NI CHU TSOD DE, DE YANG KHYIM GCIG GI RTAG PA'I LONGS SPYOD KYI STENGS NAS NOR
RAM BU LON DU 'GYUR TE, ZHAG SO GCIG CUNG MED RE NA RTAG PA'I LONGS SPYOD KYI BRGYA SO LNGAR LONGS PAS NYI MA KHYIM RE BGROD PA'I TSES GZHAG GI GRANGS DANG RTAG PA'I LONGS SPYOD KYI GRANGS MTSUNGS MOD KYI, RKANG PA'I DBANG GIS KHYIM GYI CHU TSOD BGOD PA'I GRANGS MI MTSUNGS TE, 'DI LTAR TSES ZHAG SO GCIG CUNG MED KYI BAR LA RTAG PA'I LONGS SPYOD KYIS GCIG GSUM LNGA 'ONGS PA NA RKANG PA'I CHU TSOD DRUG NI RIM PA'I SNGA RKANG PA DANG PO DANG RIM MIN GYI PHYI RKANG THA MA LA RGYU BA NA BU LON YIN PAS CHU TSOD GCIG GNYIS DGU SPYOD LA, RIM PA'I PHYI RKANG THA MA DANG RIM MIN GYI SNGA RKANG DANG PO LA RGYU BA NA NOR YIN PAS CHU TSOD BRGYA ZHES CIG SPYOD PA YIN NO, ,RKANG PA'I CHU TSOD BZHI NI, RIM PA'I SNGA RKANG GNYIS PA DANG RIM MIN GYI PHYI RKANG LNGA PA LA RGYU BA NA BU LON YIN PAS CHU TSOD BRGYA SO GCIG SPYOD CING, RIM PA'I PHYI RKANG LNGA PA DANG RIM MIN GYI SNGA RKANG GNYIS PA RGYU BA NA NOR YIN PAS CHU TSOD BRGYA SO DGU SPYOD PA YIN NO, ,RKANG PA'I CHU TSOD GCIG NI RIM PA'I SNGA RKANG GSUM PA DANG RIM MIN GYI PHYI RKANG BZHI BA RGYU BA NA BU LON YIN PAS CHU TSOD BRGYA SO BZHI DANG, RIM PA'I PHYI RKANG BZHI PA DANG RIM MIN GYI SNGA RKANG GSUM PA RGYU PA NA NOR YIN PAS CHU TSOD BRGYA SO DRUG SPYOD PA YIN NO, ,DES NA DE RTOGS PAR BYA BA'I DON DU, LONGS SPYOD KYIS NI CHU TSOD BSGYUR NA, ZHES SOGS KYI DON, RKANG RTZIS BYED PA LA SKYES KHYIM SBYANGS PA'I RJES DANG, 'KHOR PHYED SBYANGS PA'I RJES SU BRGYA SO LNGAS BGOS PAS MA THOB PA ZLA GCIG LHAG TZAM GYI BAR NI RIM RIM MIN GYI RKANG PA DANG PO RGYU BA STE, DE'I BAR LA BRGYA SO LNGAS BGOS PAS MA THOB PAS CHU TSOD CHU SRANG DBUGS CHA SHES DANG
, ,BCAS PA RNAMS DRUG GIS BSGYUR TE RANG GRANGS SLONGS PA STENG DU BCUG NAS BRGYA SO LNGAS BGOS PA'I NOR RIM PA LA 'BRID CING RIM MIN LA BSNON PA NI RTAG LONGS KYI BRGYA SO LNGAR SLONGS KYI BAR LA NOR RAM BU LON DU 'GYUR BA'I CHU TSOD DRUG PO DE CHA SO SOR GSIL NA TSES ZHAG RE'I RTAG PA'I LONGS SPYOD KYI STENG NAS KYANG CHU TSOD DRUG GI SO GCIG CHA CUNG MED GCIG NOR RAM BU LON DU 'GYUR BA'I PHYIR RO, ,BRGYA SO LNGAS BGOS PAS THOB NOR GCIG BYUNG NA STENG DU DRUG 'JOG PA NI SNGAR ZLA BA GCIG GI BAR CHU TSOD DRUG NOR RAM BU LON DU GYUR PA DE RGYUN BSDOMS NAS BRTZI BA'I PHYIR DA DUNG NOR DANG BU LON DU 'JOG PA YIN NO, ,LHAG MA CHU TSOD LA SOGS PA RNAMS BZHIS BSGYUR BA NI ZLA BA GCIG LHAG TZAM GYI BAR DU CHOD PA'I NOR RAM BU LON DU GYUR PA DE TSES ZHAG SO SO'I LONGS SPYOD LA CHAGS NAS NOR DANG BU LON DU 'GYUR BA RTOGS PAR BYA BA'I PHYIR RO, ,KHA CIG RKANG PA SNGUN MAS LHAG MA CHU TSOD BSGYUR GYI CHU SRANG SOGS MI BSGYUR BAR 'DOD PA LA SOGS PA MI 'THAD PA'I PHYOGS DGAG PA DAG RGYAS PAR MKHAS PA DGA' BYED LAS SHES PAR BYA'O, ,BGROD PA 'GRO BA'I DBANG GI SA ZHES PA NAS, BU LON DU 'GYUR RO ZHES PA'I BAR RTZA 'GREL GYI DON NI, RKANG 'TSAMS SU NYI MA LDOG PA LA DGONGS NAS BGROD PA 'GRO BA'I DBANG GIS ZHES GSUNGS PA STE, NYI MA'I RKANG PA LAS BYUNG BA'I LONGS SPYOD NYI MA LA NOR DANG BU LON DU 'GYUR BA BZHIN TSES LA YANG NOR DANG BU LON DU 'GYUR BAS, NYI MA LA BSNON PA'I TSE TSES LA YANG BSNON, NYI MA LA 'BRID PA'I TSE TSES LA YANG 'BRID PA YIN NO, ,DES NA RKANG
RTZAS BYAS PA'I 'BRAS BU RNAMS RIM PA LA SBYANG BA NI RIM PA'I SNGA RKANG DU BU LON 'PHEL BAS CHU TSOD JE MANG LA BTANG NAS 'BRID CING, PHYI RKANG DU BU LON 'GRIB PAS JE NYUNG NGU BTANG NAS 'BRID PA YIN NO, ,RIM MIN LA SBYIN PA NI SNGA RKANG LA NOR 'PHEL BAS JE MANG BTANG NAS STER BA YIN LA, PHYI RKANG LA NOR 'GRIB PAS JE NYUNG BTANG NAS STER BA YIN NO, ,'DI NI GZA' LNGA'I NGAL BA LA YANG RIG PAR BYA STE, DE DAG LAS GZHAN DU 'OG NAS 'BYUNG BA'I TSES ZLA 'PHO BA NGES PAR BYED PA'I BYED PA'I RTZIS LA BRJOD PA'I CHO GAS NI NYI MA'I NYIN ZHAG SO SO DAG PA MED DO, ,NYI MA DAG PA BSHAD ZIN TO, ,GSUM PA NI, BYED PA'I BSNON 'BRID JI LTA BU ZHE NA, 'DIR BYED PA BRJOD PA'I BSNON 'BRID KYI CHO GA GSUNGS PA, NYI MA LA NI DUS RE ZHES PA STE, NYI MA KAR KA tA LA GNAS PA RDZOGS PA'I MTHA' NAS LHO BGROD RTZOM PAS CHU TSOD DRUG BU LON DAG TU 'GYUR BA LAS NI PHYED MAR BGOS NAS, PHYOGS TE ZLA PHYED DANG PO'I LONGS SPYOD LA DUS ZHES PA CHU TSOD GSUM DANG, KAR KA tA'I PHYOGS GNYIS PA'I LONGS SPYOD LA RO ZHES PA CHU TSOD DRUG BU LON DU 'GYUR RO, ,DE BZHIN DU SENG GE LA CHU TSOD BZHI BU LON DU 'GYUR BAS PHYED MAR BGOS NAS ZLA PHYED SNGA MA'I LONGS SPYOD LA KHYIM SNGA MA'I DRUG GI STENG DU GNYIS BSNAN NAS SBRUL ZHES PA BRGYAD DANG, PHYI MA'I LONGS SPYOD LA YANG GNYIS BSNAN TE BCU BU LON DU 'GYUR RO, ,DE BZHIN DU BU MO LA CHU TSOD GNYIS BU LEN DU 'GYUR BAS DE PHYED MAR BYAS NAS ZLA PHYED SNGA MA LA 'PHROG BYED TE CHU TSOD BCU GCIG DANG, PHYI MA LA SLAR YANG 'PHROG BYED TE BCU GCIG BU LON DU 'GYUR RO, ,DE NAS RIM PA'I PHYI RKANG DU SRANG LA
, ,BU MO DANG LONGS SPYOD MTSUNGS PAS ZLA PHYED SNGA MAR DRAG PO ZHES PA BCU GCIG DANG, ZLA PHYED PHYI MAR DE LAS GCIG PHRI NAS PHYOGS ZHES PA BCU BU LON DU 'GYUR RO, ,DE BZHIN DU SDIG PA LA SENG GE DANG LONGS SPYOD MTSUNGS PAS ZLA PHYED SNGA MAR SNGAR GYIS BCU LAS GNYIS PHRI STE KLU ZHES PA BRGYAD DANG, ZLA PHYED PHYI MAR SLAR YANG GNYIS PHRI STE CHU TSOD DRUG BU LON DU 'GYUR RO, ,DE NAS GZHU LA KAR KA tA DANG LONGS SPYOD MTSUNGS PAS CHU TSOD DRUG BU LON DU 'GYUR BA LAS, ZLA PHYED SNGA MAR DRUG LAS GSUM PHRI STE ME ZHES PA GSUM DANG, PHYI MAR LHAG MA GSUM YANG PHRI STE NAM MKHA' DAG KYANG ZHES PA STONG PA STE BSNON 'BRID MA BYAS PA NYID KYIS BU LON DAG PA'I PHYIR CI YANG MI 'BRID DE, DE NAS KHYIM ZLA GCIG RDZOGS PA NA LHOR BGROD PA'I MTHAR THUG CING, DE NAS BYANG BGROD KYI MGO RTZOM PAR 'GYUR RO, ,DE NAS NOR 'PHEL BA'I PHYIR SNGAR KHYIM DRUG DU PHRI BA DE BZHIN DU 'BRID BYED KYI CHU TSOD KYI GRANGS DE DAG CHU SRIN LA SOGS PA'I KHYIM DRUG LA ZLOG PAS NOR DU 'GYUR RO ZHES PA NI BYED PA'I RTZIS LA LTOS PA STE, GNAS SKABS THAMS CAD DU TSUL DE LTAR NGES PA'I GRUB PA'I MTHA' LA NI DGONGS PA MA YIN NO, ,DE LTAR NA LO GCIG GI KHYIM GYI ZLA BA BCU GNYIS LA NYI MA BCU GNYIS 'PHO BA'I DBYE BA DAG LA PHYOGS TE ZLA BA PHYED PHYED KYI DBYE BAS ZLA BA DRUG DRUG NI NYIN MOR BYED PA NYI MAS GONG DU JI SKAD BSHAD PA'I TSUL GYIS SPYOD DE ZHES PA DON BSDU BA'O, ,GNYIS PA ZLA SKAR NI, DA NI ZLA BA'I LONGS SPYOD GSUNGS PA ZHES SOGS TE MKHAS PA DGA' BYED LTAR RO
GSUM PA SBYOR BA NI, NYI ZLA BSRES PA SBYOR BA'O, ZHES PA'I DON, NYI MA DANG ZLA BA'I LONGS SPYOD BSRES PA DAG SBYOR BAR 'GYUR RO, ZHES PA TZAM LAS 'GREL PAR MA GSUNGS PA LA, 'DI'I RGYU MTSAN LA MKHAS PA DGA' BYED DU, SBYOR BAS ZLA BAS TSES ZHAG RE LA GANG SPYANG PA DE'I LHAG PA NYI MAS TSES ZHAG RE LA GANG SPYAD PA RE SPYOD PA'I PHYIR RO, ,'DI LA YANG ZLA BA'I LONGS SPYOD LA GZA'I LONGS SPYOD KYIS SBYANGS PA'I LHAG MA DANG NYI MA BSRES PA YIN NA, SBYOR BAS NAM LANGS PA NA CHAD LA SPYAD ZIN GYI LONGS SPYOD RNAMS RI MOR 'CHAR BA YIN MOD KYI, 'DI YANG LONGS SPYOD STOBS MI MTSUNGS PA'I PHYIR BYED RTZIS YIN GYI GRUB PA'I MTHA' NI MA YIN NO, ,GZA'I LONGS SPYOD KYIS MA SBYANGS PA'I ZLA BA DANG NYI MA'I ๏ฟฝLONGS SPYOD BSRES PA NI TSES DE ZAD TSUN CHAD LA SBYOR BAS GANG SPYAD KYI LONGS SPYOD RNAM PAR DAG PA'O, ZHES GSUNGS SHING, BLA MA GZHAN DAG KYANG NYI ZLA BSRES PA SBYOR BAR BYED PA'I RGYU MTSAN, TSES ZHAG RE LA SBYOR BAR NGAS PO GCIG LA YUL GYI CHU TSOD DRUG CU YOD PAS DE 'DRA GCIG DANG, SBYOR BA GNYIS PA'I STENG NAS CHU TSOD GNYIS, CHU SRANG NGA GNYIS, DBUGS GSUM, DBUGS KYI BCU GSUM CHA BRGYAD, DON GSUM CHA GCIG LONGS SPYOD PAS, TSES ZHAG NYER DRUG LA SBYOR BA NYER BDUN DANG, CHU TSOD BCU BZHI, SRANG ZHE BDUN, DBUGS BZHI, DBUGS KYI DON GSUM CHA NYER DRUG SPYOD PA'I PHYIR, NYI ZLA GNYIS BSRES PA NI SBYOR BA SO SO'I 'PHO 'TSAMS RTOGS PA'I DON YIN NO ZHES 'CHAD LA, TSES RE LA NYI ZLA GNYIS KAS YUL GYI CHU TSOD KYI STENG NAS GANG SPYAD DE SBYOR BA RE
, ,RES SPYOD PAS SBYOR BA YUL LA BGROD PA YIN ZHES MANG PO ZHIG MTHUN PAR SMRA LA, NYI ZLA'I LONGS SPYOD BSRES PA'I STENG NAS CHU TSOD DRUG CU LA SBYOR BA RER BYAS NAS 'KHOR LO 'DOR BAR BYED DO, ,DE LA KHA CIG 'DI SKAD DU, SBYOR BA RGYU SKAR GYI STENG DU SPYOD NA, RGYU SKAR NYER BDUN GYI STENG DU SBYOR BA NYER BDUN GNAS PAS, TSES GCIG LA THA SKAR GYI STENG DU SBYOR BA SEL BA YOD LA, SANG TSES GNYIS PA'I NYIN BRA NYE'I STENG DU YANG SEL BA YOD DGOS SHING, DE LTA YIN NA RTAG RTZIS THUB DGOS LA, TSES GNYIS LA BRA NYE'I STENG DU MDZA' BO YOD NA SEL BA THA SKAR GYI STENG DU ZHAG NYER BDUN GYI BAR DU SDOD DGOS TE, SBYOR BA GZHAN RNAMS KYANG SKAR MA LA SPYOD DGOS PA'I PHYIR RO, ZHES ZER BA DANG, DE BZHIN DU SBYOR BA YUL LA BGROD PA YIN NA SBYOR BA THAMS CAD LHAN CIG TU TSOGS NAS YUL LA BGROD DAM, RE RE NAS SNGA PHYI RIM CAN DU BGROD, DANG PO LTAR NA TSES GCIG GI NYI ZLA GNYIS GA'I LONGS SPYOD BSRES BA SBYOR BA SNGA MA SEL BA LTA BUS SPYAD NAS, TSES GNYIS KYI NYI ZLA'I LONGS SPYOD DE SBYOR BA PHYI MA MDZA' BO LTA BUS BGROD PA MIN PAR 'GYUR TE, SBYOR BA THAMS CAD LHAN CIG TU TSOGS NAS YUL LA BGROD PA'I PHYIR RO, ,GNYIS PA LTAR NA, DUS BZHI CHEN PO'I THOG MA'I TSES GCIG LA SBYOR BA SEL BAS THA SKAR RIL PO DANG BRA NYE'I STENG CHU TSOD GNYIS LA SOGS PA BGROD NA, TSES GNYIS KYI NYIN MDZA' BO'I LONGS SPYOD SKAR MA GCIG DANG CHU TSOD GNYIS LA SOGS PA SKAR MA GANG GI STENG NAS BGROD THA SKAR STENG NAS BGROD NA NI TSES GSUM LA SBYOR BA GSUM PA YANG THA SKAR NAS SPYOD
DGOS LA, DE LTAR NA SBYOR BA NYER BDUN PO THAMS CAD KYI RTZIS 'DI THA SKAR KHO NA LA BGROD PA'I RTZIS SU 'GYUR LA, DE 'DOD NA THA SKAR KHO NA LA BGROD PA'I RTZIS BYED LA SKAR MA GZHAN GYI STENG DU BGROD PA'I RTZIS MI BYED PA'I RGYU MTSAN CI YANG MED DO, ,TSES GNYIS KYI NYIN SBYOR BA MDZA' BO'I LONGS SPYOD SKAR MA GCIG DANG CHU TSOD GNYIS LA SOGS PA THA SKAR GYI STENG NAS MI BGROD NA SKAR MA GZHAN GANG GI STENG NAS BGROD BRTAGS NA MI 'GRIG PA'I SKYON CHEN PO YOD DO ZHES ZER RO, ,SBYOR BA NYER BDUN GYIS GANG LA SPYOD PA'I GZHI RGYU SKAR YIN NA, TSES GCIG LA THA SKAR GYI STENG DU SBYOR BA SEL BA YOD LA, SANG TSES GNYIS PA'I NYIN BRA NYE'I STENG DU YANG SEL BA YOD PA SOGS DANG, YANG NA SEL BA THA SKAR GYI STENG DU ZHAG NYER BDUN GYI BAR SDOD CING; TSES GNYIS LA BRA NYE'I STENG DU MDZA' BO YOD PA SOGS KYI LONGS SPYOD TSUL GNYIS PO DER KHA TSON CHOD MI DGOS PAS, DE LTAR BRTAGS PA'I GNOD BYED LTAR SNANG YIN LA, TSES GCIG GI NYI ZLA GNYIS GA'I LONGS SPYOD BSRES PA SBYOR BA SNGA MA SEL BA LTA BUS SPYAD NAS, TSES GNYIS KYI NYI ZLA'I LONGS SPYOD DE SBYOR BA PHYI MA MDZA' BO LTA BUS BGROD PA MIN PAR 'GYUR TE, ZHES GZHAN LA GNOD PA STON PAS NI RANG NYID TSUL DE LTAR BGROD PA YIN PAR KHAS BLANG DGOS TE, THAL BA DE TSAD BSAL DU BYAS PA'I PHYIR RO, ,DE LTAR NA TSES GCIG GI NYI ZLA GNYIS GA'I LONGS SPYOD BSRES PA SBYOR BA DANG PO LTA BUS SPYAD NAS, TSES GNYIS KYI NYI ZLA'I LONGS SPYOD BSRES PA SBYOR BA GNYIS PAS SPYOD CING, TSES GSUM GYI
, ,NYI ZLA'I LONGS SPYOD BSRES PA SBYOR BA GSUM PAS LONGS SPYOD PA SOGS SU 'DOD DGOS PA'I PHYIR SBYOR BA NYER BDUN RDZOGS PA LA TSES ZHAG NYER BDUN DGOS PAR 'GYUR BAS, TSES ZHAG NYER DRUG MA LONGS PA LA SBYOR BA NYER BDUN RDZOGS PAR 'KHOR BAR KHAS BLANGS PA DANG SHIN TU 'GAL LO, ,SBYOR BA YUL LA SPYOD PAR 'DOD PA'I LUGS DE LTAR BKAG NAS, ` ,RANG GI LUGS 'JOG PA NA, NYI ZLA'I LONGS SPYOD BSRES PAS SKAR MA RE LONGS PA'I DUS LA SBYOR BA RES DBANG BYED PA YIN LA, DE YANG TSES GCIG GI NYI ZLA GNYIS KYI LONGS SPYOD BSRES PAS SKAR MA GCIG DANG CHU TSOD GNYIS LA SOGS PA 'BYUNG BA LA, SKAR MA GCIG PU DE BGROD PA'I BAR GYI DUS LA SEL BAS DBANG BYED CING, CHU TSOD GNYIS LA SOGS PA BGROD PA'I DUS LA MDZA' BOS DBANG BYED PA YIN NO ZHES SMRA BA DANG, TSES ZHAG GCIG GI RTAG PA'I LONGS SPYOD CHU TSOD NGA DGU CHU SRANG GSUM, DBUGS BZHI RNAMS NYI SHU RTZA LNGAS BSGYUR TE YAR DRIL BA CHU TSOD ZHE BRGYAD DANG CHU SRANG ZHE GNYIS BSRES TE NYI SHU RTZA BDUN GYIS BGOS PAS, CHU TSOD NGA DRUG ,CHU SRANG NYER DGU, DBUGS SO GNYIS, DBUGS RE RE YANG NYI SHU RTZA BDUN DU BSGYUR BA'I CHA BCU 'BYUNG BA DE SBYOR BA RE RE'I RTAG PA'I LONGS SPYOD YIN LA, TSES KYI 'PHEL 'GRIB KYI DBANG GIS 'PHEL 'GRIB SNA TSOGS SU 'GYUR BA NI MA GTOGS SO ZHES ZER ZHING, DE YANG TSES ZHAG NYI SHU RTZA LNGA, CHU TSOD ZHE BRGYAD, CHU SRANG ZHE GNYIS CUNG MED KYANG ZHE GNYIS
SU BYAS TE DE'I BAR GYI NYI ZLA GNYIS KYI LONGS SPYOD BSRES PAS SKAR MA NYI SHU RTZA BDUN 'BYUNG ZHING, DE'I BAR LA SBYOR BA NYER BDUN GYIS LAN CIG 'KHOR BA YIN PA'I DBANG DU BYAS PAR SMRA'O, ,DE LA NYI ZLA GNYIS KYI LONGS SPYOD BSRES PAS SKAR MA RE LONGS PA'I DUS LA SBYOR BA RES DBANG BYED PA DANG, SKAR MA GCIG PU DE BGROD PA'I BAR GYI DUS LA SEL BAS DBANG BYED CES SMRAS PA'I SKAR MA NI RGYU SKAR GYI CHU TSOD DRUG CU LA SKAR MA RER BYAS PA DE YIN GYI, DE MA YIN PA'I SKAR MA LA BZHAG TU MED LA, RGYU SKAR GYI CHU TSOD NI YUL GYI CHU TSOD YIN PAR THAMS CAD KHAS LEN GYI, DUS KYI CHU TSOD LA 'JOG PA GNAS MED DO, ,DE BAS NA SKAR MA RE BGROD PA LA SBYOR BA RER BYED PA DANG, SBYOR BA YUL GYI CHU TSOD BGROD PA'I SGO NAS 'JOG PA 'GOG PA NI RANG TSIG 'GAL BA CHEN PO'O, ,TSES ZHAG GCIG GI RTAG PA'I LONGS SPYOD CHU TSOD NGA DGU CHU SRANG GSUM DBUGS BZHI RNAMS NYER LNGAS BSGYUR NAS YAR DRIL BGOS NA CHU TSOD ZHE BRGYAD DANG CHU SRANG ZHE GNYIS KYANG NYER LNGAS BSGYUR NAS BSRED DGOS PA LA MA BSGYUR BAR BSRIS PA'I PHYIR LUGS DE RANG LA YANG RI MO SHIN TU MA DAG PA'I NYES PAS REG GO, DES NA RANG GI LUGS NI 'DI YIN TE, SBYOR BA ZHES PA'I SGRA DON NI, NYI ZLA GNYIS KYI LONGS SPYOD PHAN TSUN SBYOR ZHING BSRES PA LAS DUS KYI TSAD RTOG PAR BYA DGOS PAS SBYOR BA ZHES BYA LA, DE YANG ZLA BAS TSES ZHAG GCIG LA RGYU SKAR GYI CHU TSOD KYI STENG NAS CHU TSOD NGA BRGYAD CHU SRANG NYER GCIG DBUGS KYI BCU GSUM CHA DGU YOD PA DAG NYI MAS TSES ZHAG GCIG LA RGYU SKAR GYI CHU TSOD KYI STOD NAS CHU TSOD
, ,BZHI, CHU SRANG NYER GCIG, DBUGS LNGA, DBUGS KYI BCU GSUM CHA PHYED DANG DGU CUNG MED RE SPYOD PA'I NYI ZLA'I LONGS SPYOD DE GNYIS BSRES PAS, RGYU SKAR GYI CHU TSOD DRUG CU SOGS RJES 'BRANG DANG BCAS PA 'BYUNG BA'I TSAD DE MTHA' DAG GI DUS LA SBYOR BA RES TSES ZHAG RE'I RING LA DBANG BYED PA'I DON TO, ,'ON KYANG TSES KYI 'PHEL 'GRIB KYI DBANG GIS SBYOR BA'I LONGS SPYOD KYANG 'PHEL 'GRIB SNA TSOGS SU 'GYUR RO, ,DES NA SBYOR BA'I 'PHO 'TSAMS DANG TSES KYI 'PHO 'TSAMS NGES PAR MTSUNGS DGOS KYI, TSES GCIG GI THOG MA LA SBYOR BA SEL BA DANG, MJUG LA MDZA' BO LTA BUS DBANG BYED PA MI SRID DO, ,'DI LTAR TSES GCIG LA SBYOR BA SEL BAS CHU TSOD DRUG CU LONGS SPYOD LA LHAG CHU TSOD GNYIS LA SOGS PA MDZA' BOS LONGS SPYOD CES PA'I CHU TSOD DE YUL GYI CHU TSOD YIN NAM DUS KYI CHU TSOD YIN, DANG PO LTAR NA SBYOR BA YUL LA BGROD PA 'GOG PA DANG DNGOS SU 'GAL LO, ,GNYIS PA LTAR NA NYIN ZHAG GI CHU TSOD DANG TSES ZHAG GI CHU TSOD GANG GI DBANG DU BYAS KYANG TSES ZHAG GCIG LA CHU TSOD DRUG CU RE GNYIS RJES 'BRANG DANG BCAS PAR LONGS PA MI SRID PAS DE LA SBYOR BA GNYIS KYIS LONGS SPYOD TSUL DE 'DRA BA GA LA SRID, DE'I PHYIR TSUL DE NI RNAM PAR MA RTAGS PA CHEN PO'O, ,DE YANG TSES GCIG LA SKAR MA THA SKAR DANG SBYOR BA SEL BA RI MO LA SHAR BA LTA BU'I TSE, SKAR MA THA SKAR LA RGYU SKAR GYI CHU TSOD DRUG CU YOD PA LAS, TSES GCIG GI TSES ZHAG GI RING LA ZLA BAS THA SKAR GYI THOB THANG GI STENG NAS CHU TSOD NGA BRGYAD RJES 'BRANG DANG BCAS PA SPYAD CING, NYI MAS THA SKAR GYI STENG NAS CHU TSOD
BZHI RJES 'BRANG DANG BCAS PA SPYAD PA'I CHU TSOD GNYIS DANG RJES 'BRANG RNAMS ZLA BAS SPYAD PA DANG THUN MONG DU SONG BAS ZUR DU RTZIR MED CING, ZLA BAS MA SPYAD PA'I THA SKAR GYI CHU TSOD GNYIS MED KYANG NYI MAS SPYAD PA ZUR DU BRTZIS PAS THA SKAR GYI CHU TSOD DRUG CU RDZOGS SO, , DE LTAR ZLA BAS SPYAD PA DANG ZLA BAS SPYAD PA LA MA THE BA NYI MAS SPYAD PA GNYIS GA BSDOMS PAS THA SKAR GYI CHU TSOD DRUG CU RDZOGS PAR LONGS SPYOD PA'I DUS SPYI DE LA SBYOR BA SEL BA ZHES BZHAG CES PA LTA BUR SHES PAR BYA BA YIN NO, ,DES NA NYI ZLA'I LONGS SPYOD BSRES NAS SBYAR BA'I GNAS NAS NYER BDUN GYIS BGOS PA'I LHAG MA GRANGS GANG SHAR BA DES SBYOR BA GANG YIN PA NGOS 'DZIN TE, RI MO GCIG SHAR NA SBYOR BA SEL BA, GNYIS SHAR NA SBYOR BA GNYIS PA MDZA' BO SOGS SO, ,DE LTAR NA TSE LA 'PHEL 'GRIB MED PA'I TSE TSES GCIG LA SBYOR BA DANG PO SHAR NA, TSES GNYIS LA SBYOR BA GNYIS PA NAS TSES NYER BDUN LA SBYOR BA NYER BDUN PA RI MOR 'CHAR BA'I PHYIR TSES ZHAG NYER LNGA 'AM NYER DRUG LA SBYOR BA NYER BDUN RDZOGS PA'I DBANG DU BYAS PA'I SBYOR BA'I RTAGS LONGS 'TSOL BA'I RI MO'I RNAM BZHAG JI TZAM BYAS PA THAMS CAD RANG NYID SDUG BSNGAL BAR BYED PA TZAM DU ZAD DO, ,DE LA NYI ZLA'I LONGS SPYOD BSRES PAS RGYU SKAR GYI CHU TSOD RE GNYIS BYUNG BA'I CHU TSOD GNYIS NI SKAR MA GCIG GI STENG NAS NYI ZLA GNYIS GAS THUN MONG DU SPYAD PA'I CHU TSOD GNYIS LA NYI MAS SPYAD PA DANG ZLA BAS SPYAD PA'I GRANGS KYI LDOG PA SO SOR SHAR BA TZAM YIN GYI, DNGOS PO LA CHU TSOD DRUG CU LAM THE PA'I CHU TSOD GNYIS YOD NAS RI MO LA SHAR BA MA YIN PA'I PHYIR CHU TSOD DRUG CU LAS LHAG PA'I
, ,CHU TSOD PHUD NAS LHAG MA CHU TSOD DRUG CU RJES 'BRANG DANG BCAS PA LONGS SPYOD PA'I DUS DE LA SBYOR BA GCIG TU 'JOG STE, MDOR NA LONGS SPYOD BYA RGYU SKAR GCIG GI CHU TSOD DRUG CU YIN LA, LONGS SPYOD PA PO SBYOR BA MA YIN GYI, NYI ZLA GNYIS YIN ZHING, NYI ZLA GANG RUNG GCIG GIS TSES ZHAG GCIG LA RGYU SKAR GYI CHU TSOD DRUG CU BO DE RDZOGS PAR SPYOD MA NUS PAS, GNYIS GA BSDOMS NAS TSES ZHAG GCIG LA RDZOGS PAR SPYOD PA'I MGO BRTZAMS NAS SPYAD PA RDZOGS PA'I BAR GYI YUN TSAD JI TZAM YOD PA'I DUS DE LA SBYOR BA GCIG TU BYAS NAS, DE NYID DUS DGE MI DGE 'DI LTA BU'O ZHES RNAM GZHAG BYED PA YIN NO, ,SBYOR BA NYER BDUN PO 'DI DANG, TSES RE LA NYI ZLA BSRES PA'I CHU TSOD RE GNYIS SOGS KYI STENG NAS CHU TSOD DRUG CU RE'I DUS LA RIM PA LTAR RES GZA' BZHIN DU DBANG BYED PA'I LHA YIN NO ZHES ZER BA NI RGYU MTSAN MED PA'I MOS MNOS KYI GTAM RANG DGAR SMRA BA TZAM DU ZAD DE, DE LTAR NA DUS KYI 'KHOR LO'I DKYIL 'KHOR GYI KHOR YUG GI LHA 'GOD PA LA, GZA' DANG RGYU SKAR DANG BSTAN PA LA SOGS PA'I LHA THAMS CAD 'GOD PA'I SKABS SU SBYOR BA'I LHA YANG 'GOD RIGS PAR THAL BA DANG, BYED PA RNAMS KYANG LHAR THAL BAR 'GYUR RO, ,SBYOR BA'I GO DON NYA'I TSE ZLA NYI SHAR NUB NAS SBYOR LA, DE NAS RIM GYIS TSES RE LA PHYOGS 'TSAMS NAS RIM PAS SBYOR ZHING; GNAM STONG GI TSE STENG 'OG NAS SBYOR BA LAS DGE MI DGE'I RGYUR 'GYUR BA YIN NO ZHES ZER BA NI, NYI ZLA'I RGYU SKAR GYI LONGS SPYOD SBYOR BA'I GO DON NYI ZLA'I DKYIL 'KHOR PHYOGS GANG NAS SBYOR BA LA BSHAD PA'I NOR BA CHEN PO'O, ,DE LTAR NA SBYOR BA'I RGYU
MTSAN LA LOG PAR RTOG PA BSAL BA'I SGO NAS LEGS PAR BSHAD ZIN TO, ,BZHI PA BYED PA NI, BYED PA DAG NI ZHES SOGS TE, 'DI'I RGYU MTSAN NI, BYED PA BCU GCIG LAS, BZHI NI MI 'PHO BA'I BYED PA STE, NYI SHU DGU'I PHYED PHYI MA NAS TSES GCIG GI PHYED SNGA MA YANG BCAD LA SHA KU NI SOGS RIM PA BZHIN NGES PAS RI MO MA GSUNGS LA, LHAG MA 'PHO BA'I BYED PA BDUN RTOGS PA'I PHYIR DU TSES LA MIG GIS BSGYUR BA NI TSES RE LA BYED PA GNYIS GNYIS YOD PAS SO, ,DE LAS GCIG 'BRID PA NI TSES GCIG GI PHYED SNGA MA LA 'CHAR BDE GA-YO BA'I BYED PA BDUN LA MI GTOGS PAS PHRI BA YIN TE, BYED PA BDUN GYI MGO TSES GCIG GI PHYED PHYI MA NAS BRTZAMS NAS RIM PA BZHIN 'CHAR BA'I DON TO, ,DE LA BDUN GYIS 'GOD PA NI BYED PA BDUN YOD PAS BYED PA'I 'KHOR LOR SLONGS PA RNAMS 'DOR BA'I PHYIR DU'O, ,DOR BA'I LHAG MAR GANG SHAR DE TSES GRANGS DE ZAD TSUN CHAD LA RDZOGS PA STE, DES NA RI MOR 'CHAR BA DE TSES DE'I PHYED PHYI MA RI MOR 'CHAR BA YIN PAS, DE'I SHUGS LA PHYED SNGA MAR BYED PA'I RI MOR GANG SHAR GYI SNGON MA DE YOD PA SHES PAR BYA'O, ,LONGS SPYOD NI TSES KYI LONGS SPYOD PHYED MAR BGOS PA YIN LA, RING THUNG TSES KYI RJES SU 'BRANG ZHING, BYED PA TSES RE'I SNGA PHYI LA 'CHAR BA RNAMS NYIN PHYED NAS MTSAN PHYED DANG MTSAN PHYED NAS NYIN PHYED BAR GYIS PHYI LA 'PHO BAR 'DOD PA NOR BA STE, TSES MTSAN PHYED NAS 'PHO BA'I NGES PA MED CING, CHOS DANG NYIN MTSAN RING THUNG MI GCIG PA'I PHYIR RO, ,GSUM PA YAN LAG LNGA'I RIM PA NI, 'DIR ZHES SOGS KYIS LNGA PO'I NGO BO DBYE BA DANG GO RIM MDOR
, ,BSTAN NAS, SO SO'I NANG GSES KYI DBYE BAS RGYAS PAR 'CHAD PA LA, DANG PO RES GZA'I DBYE BA NI, DE LA GZA' NI ZHES SOGS TE, DE YANG TSES LA RE MOS KYIS 'KHOR BA'I GZA' YIN PAS RES KYI GZA' ZHES ZER TE SGRA BSHAD DO; ;DE LA LNGA BSDUS KYI RI MO BYED PA'I TSE GZA'I GNAS SU BDUN GYIS 'GON PA NI RES GZA' BDUN GYI 'KHOR LOR SLONGS PA RNAMS 'DOR BA'I PHYIR YIN LA, DE LTAR DOR BA'I LHAG MA RI MOR GANG SHAR BA NI GZA' YIN PA LA, DE NYID TSES DE'I SNGA DRO DANG PO PHAN CHAD LA 'DAS PA'I GZA' YIN NAM TSES DE'I NYIN LA 'CHAR BA'I DA LTAR BA YIN ZHES BYA BA LA NI 'DOD PA MI MTHUN PA SNA TSOGS PA STE, DE YANG MKHAS PA DGA' BYED RJES 'BRANG DANG BCAS PA LTAR NA LNGA BSDUS KYI RI MO LA GANG SHAR GYI GZA' SDE SNGA DRO NAM LANGS PHAN CHAD LA 'DAS NAS, NAM LANGS TSUN CHAD NAS SANG NAM LANGS KYI BAR LA DE'I SDUN MA'I GZA' DE RGYU BA YIN PAS GZA' DANG NYIN MTSAN MNYAM ZHING, 'PHO 'TSAMS KYANG NYIN ZHAG DE'I MTSAN MO RDZOGS TZAM NAS 'PHO BA YIN NO; ;RES GZA'I CHU TSOD CHU SRANG LA SOGS PA NI TSES GRANGS BYIN PA GANG YIN PA DE'I NAM LANGS PHAN CHAD LA SPYAD ZIN PA'I LHAG MA RNAMS 'CHAR BA YIN PAS, RI MOR GANG SHAR RNAMS RDZOGS PA NA TSES 'PHO BA YIN NO, ,DES NA GZA'I GNAS NI 'DAS PA YIN LA, LONGS SPYOD NI MA 'ONGS PA 'CHAR RO, ,DE LTAR BYAS NA DUS BZHI CHEN PO'I MTHA'I RJES SU DPYID ZLA 'BRING PO'I GNAM STONG GI RTZIS BYAS PA NA, GZA' NYI SHU RTZA DGU DANG, CHU TSOD SUM CU'AM SUM CU RTZA GCIG DANG, CHU SRANG
LNGA BCU 'BYUNG BA LA, GZA' NYER DGU GNAM STONG GI NAM LANGS PHAN CHAD LA 'DAS, GZA' SUM CU PAS GNAM STONG LA CHU TSOD SUM CU RTZA GCIG DANG CHU SRANG LNGA BCU SPYOD CING, TSES GCIG GI STENG NAS CHU TSOD NYER BRGYAD DANG CHU SRANG BCU SPYOD PA'I PHYIR RO; ;DE LTAR NA TSES SUM CU LA GZA' PHYED DANG BCU GSUM LHAG GCIG YOD PAS, LO GCIG LA GZA' SUM BRGYA DRUG CU RTZA LNGA 'BYUNG ZHING, DE'I RIGS PAS GZA' 'DAS PA 'CHAR BAR GRUB BO, ZHES BZHED DO, ,DE'I SNGON ROL GYI BOD KYI SKAR RTZIS BA PHAL CHE BA MTHUN PAR RI MO GANG SHAR GYI GZA' DE DA LTAR BAR 'DOD PA SHA STAG TU SNANG LA, PHYIS KYI SKAR RTZIS LA MKHAS PAR GRAGS PA KHA CIG KYANG DA LTAR BAR 'DOD DO, ,DE LAS 'THAD PA'I PHYOGS GANG YIN ZHE NA, 'DI NI NGES PAR DA LTAR BA'I PHYOGS KHAS BLANG BAR RIGS TE, DUS BZHI CHEN PO'I MTHAR GZA' STONG PA LA 'JUG PA'I NYIN RTZIS LA GZA' GNAS SU GCIG RI MO LA 'CHAR ZHING, DE'I NYIN GYI GZA' YANG NYI MA YIN PAR RGYUD 'GREL LAS DNGOS SU GSUNGS PA'I PHYIR DANG, YIN LUGS LA GZA' DANG TSES DANG SKAR MA LA SOGS PA RNAMS LO GANG LA BYED PA RTZOM PA'I LO DE'I NAG PA'I TSES GCIG ALA GANG BAB PA DE DANG POR BYAS TE BGRANG DGOS PAS KYANG GRUB STE, 'DI'I TSES GCIG LA MIG DMAR YOD PAS SO, ,GZHAN YANG 'GREL CHEN LAS, ZLA BA STE GZA' GCIG LA GNAS PA DANG, ME STE GZA' GSUM PA DANG, MDA' STE GZA' LNGA PA DANG, RI BO STE GZA' BDUN PA LA LHAG MA GNAS PAR GYUR NA MI RNAMS LA GRUB PA MA YIN TE, NYI MA DANG BKRA
, ,SHIS DANG PHUR BU DANG SPEN PA STE MI MNYAM PA RNAMS LA'O, ,MIG STE GZA' GNYIS PA DANG, RIGS BYED DE GZA' BZHI BA DANG, RO STE DRUG PA LA BYA BA 'GRUB PAR 'GYUR TE, SHIN TU MNYAM PA'I GNAS SU GYUR PA ZLA BA DANG GZA' LHAG PA DANG PA SANGS RNAMS LA LHAG MA GNAS PAR GYUR NA'O, ZHES GSUNGS PA 'DIS GZA' GNAS SU GZA'I 'KHOR LOR LONGS PA DOR BA'I LHAG MAR RI MOR GCIG SHAR NA DE NYIN NYI MA LA GNAS PA SOGS DANG, LHAG MAR RI MO LA MIG STE GNYIS SHAR NA DE'I NYIN GZA' GNYIS PA ZLA BA LA GNAS PA SOGS KYI SGO NAS BZANG NGAN GYI DBYE BA MDZAD PAS GZA' DA LTAR BA BSNYON MED PAR BSTAN PA'I PHYIR DANG, SLOB DPON AA BHYAS KYANG DUS 'KHOR LA 'JUG PAR, GCIG LA SOGS PAS NYI MA LA SOGS PA RTOGS PAR BYED DO, ZHES BSHAD PA'ANG DON 'DIR GNAS PA'I PHYIR RO, ,YANG 'DI SKAD DU, RI MOR GANG SHAR GYI GZA' DE TSES GRANGS DE NYID LA 'CHAR ZHING, TSES GRANGS 'PHOS PA NA GZA' YANG 'PHOS PAS KHYAB BO ZHE NA ZHES PHYOGS SNGA MA BRJOD NAS, DE LTA NA GZA' TSES GRANGS MNYAM DGOS PAS LO GCIG LA GZA' BCU GCIG LHAG PAR 'GYUR TE, TSES BCU GCIG LHAG PA'I PHYIR, 'DOD NA LO'I 'TSAMS SU GZA' LNGA LHAG GO ZHES BSHAD PA DANG 'GAL LO ZHES SKYON BRJOD PA NI SNGA MA KHA CIG LA NYES PA DER 'GYUR GYI KHO BO CAG LA GNOD PA CI YANG MED DE, KHO BO CAG GI LUGS LA GZA' TSES 'PHO 'TSAMS MI MTSUNGS PA'I PHYIR RO, ,YANG TSES ZHAG SUM CU'I RTAG PA'I LONGS SPYOD GZA'
NYER DGU DANG CHU TSOD GNYIS CUNG MED GCIG 'BYUNG BAS, GZA' NYER BRGYAD PA GNAM STONG GI RTZIS BYAS PA'I NAM LANGS GONG DU 'DAS NAS NYER DGU PA DE NANG NAM LANGS NAS SANG NAM LANGS TSUN LA SPYOD CING, CHU TSOD SOGS DE'I RJES SU NYIN MO'I CHA LHAG TZAM SPYOD DGOS PAR 'GYUR TE, DE LTAR NA TSES ZHAG SUM CU'I DUS LA NYIN ZHAG SUM CU DANG NYIN ZHAG GCIG PA'I STENG NAS CHU TSOD SO GNYIS TZAM LONGS SPYOD PAR 'GYUR BA LAS, DE LTA BU MI SRID DO,, DES NA GZA' NYER DGU GNAM STONG GI RTZIS BYED PA'I NAM LANGS GONG DU 'DAS NAS CHU TSOD SOGS KYIS DE'I NYIN MO'I CHA LHAG TZAM SPYOD PAS, TSES ZHAG SUM CU LA NYIN ZHAG NYER DGU DANG, NYIN ZHAG SUM CU'I PHYED LHAG TZAM 'BYUNG BA NI SKABS 'GAR GZA' 'DAS PA'I DON YIN PAS RNAM PA THAMS CAD DU GZA' DA LTAR BA YIN PA MI 'THAD LA, GZA' STONG 'JUG GI NYIN RTZIS BYAS PA LTA BU LA DE LTAR BA'I RI MOR 'CHAR BAS RNAM PA THAMS CAD DU GZA' 'DAS PA YIN PA'ANG MI 'THAD DO ZHES KHA CIG ZER RO, ,DE NI LEGS PAR MA BRTAGS PA STE, 'O NA DE 'DRA BA'I GNAM STONG GI SNGA DRO NAM LANGS PA NAS BZUNG STE DE'I NYIN MO'I CHA LHAG TZAM RDZOGS KYI BAR DE LA GZA' GANG YOD, TSES SNGA MA MA 'PHOS PA'I NYIN ZHAG PHYED KYI RING LA YANG TSES PHYI MA'I GZAS SPYOD PA'AM, 'ON TE NYIN ZHAG PHYED PA DE LA SPYOD PA'I GZA' MED PAR 'DOD GRANG, PHYI MA NI RTZIS KYI
, ,BRDA RAGS PA TZAM CHAGS PA YAN CHAD SU'I LUGS LA YANG MI SRID CING, DANG PO LTAR NA TSES ZHAG SUM CU'I RING LA GZA' NYER DGU 'DAS ZIN NAS KYANG TSES ZHAG SUM CU BA LA SPYOD PA'I GZA' GZHAN YOD PAR 'GYUR BAS TSES ZHAG SUM CU LA GZA' NYER DGU LAS MED PAR KHAS BLANGS PA DANG DNGOS SU 'GAL BA JI LTAR MA YIN, DES NA DE 'DRA BA'I RNAM GZHAG NI RNAM DPYOD CAN KHYED LAS GZHAN SU ZHIG GIS SHES, DES NA GZA' TSES 'PHO 'TSAMS MI MTSUNGS PA'I PHYIR, TSES ZHAG SUM CU PA GNAM STONG GI SNGA TSES RDZOGS NAS TSES 'PHOS KYANG ` GZA' 'PHO MI DGOS PAS NYIN ZHAG DE'I PHYI CHA RI MO LA GANG SHAR GYI GZA' DE'I BZHON PA YIN PA'I PHYIR, DE'I TSE GZA' DA LTAR BA SHAR YANG TSES ZHAG SUM CU'I DUS LA NYIN ZHAG SUM CU SOGS SU 'GYUR BA'I SKYON GYI GO SKABS MED DO, ,GZA' TSES 'PHO 'TSAMS MI MTSUNGS PA KHYED KYI KYANG 'DOD BZHIN DU MTSUNGS DGOS PA GZHIR BZHAG PA'I GNOD PA STON TSUL 'BA' ZHIG GIS DGAG SGRUB MI SHES PA GSAL BAR MA BYED CIG MKHAS PA DGA' BYED DU TSES CHAD LHAG TU SNANG BA'I DUS NA, DPER NA TSES GCIG GI RTZIS BYAS PAS GZA'I GNAS SU GCIG DANG CHU TSOD KYI GNAS SU GNYIS LTA BU BYUNG LA ` DE NAS TSES GNYIS KYI RTZIS BYAS PAS GZA'I GNAS SU GCIG DANG CHU TSOD KYI GNAS SU NGA DGU BYUNG BA NA GZA' GCIG PO DES SNGAR NAM LANGS
PHAN CHAD LA CHU TSOD GNYIS MA GTOGS PA SPYAD NA, DE GZA' GCIG PO DES NYIN ZHAG SNGA MA LA CHU TSOD NGA BRGYAD TZAM DANG, DE NAS NAM LANGS TSUN CHAD LA TSES GCIG GI CHA LA CHU TSOD GNYIS DANG, DE NAS TSES GNYIS RIL PO DANG, DE NAS SANG TSES GSUM GYI RTZIS BYAS PAS GZA' GNYIS DANG DBYUG GU NGA BDUN LA SOGS PAR 'GYUR BAS, DE TZAM NA GZA' GCIG PO DES TSES GCIG DANG GNYIS RIL PO DANG GSUM GYI STENG NAS CHU TSOD GSUM TZAM DANG BCAS PA SPYOD PAS, CHU TSOD DRUG CU NA GZA' RER MA NGES PAR THAL TE, GZA' GCIG GIS TSES GRANGS RIL PO GNYIS DANG GCIG GI CHA SHAS GCIG THUB PA'I PHYIR, 'DOD NA GZA'I CHU TSOD DRUG CUS BGOS PA'I THOB NOR GZA'I GNAS SU 'JOG PA MI RIG PAR THAL, CHU TSOD DRUG CUR MA NGES PA'I PHYIR, ZHES SOGS DANG, GZHAN YANG TSES LHAG PAR SNANG BA'I SKABS SU TSES GCIG LA GZA' GCIG DANG CHU TSOD LNGA BCU NGA BRGYAD, GNYIS KYI RTZIS BYAS PA'I SKABS SU GZA' GSUM DANG CHU TSOD GNYIS TZAM BYUNG NA, TSES GNYIS PA DE LA GZA' DANG PO'I CHA GCIG DANG GNYIS PA RIL PO DANG GSUM PA'I CHU TSOD NGA BRGYAD TZAM ZHIG STE, DE RNAMS SPYOD PAS TSES GCIG LA GZA' RIL PO GNYIS DANG GCIG GI CHA SHAS GCIG THUB PAS NYIN ZHAG RE GZA' RER MA NGES PAR THAL BA DANG, GZA' RE CHU TSOD DRUG CU RER MA NGES PAR THAL BA'I SKYON YOD DO, ,KHO NA RE TSES GNYIS LHAG PA YIN PAS NYIN ZHAG GNYIS THUB BO ZHE NA, DE NI MI RIGS TE, TSES RE LA CHU TSOD DRUG CU RTZA BZHI LHAG TZAM PAS RING PA MED LA,
, ,NYIN ZHAG GNYIS LA CHU TSOD BRGYA NYI SHU YOD PA'I PHYIR RO, ,TSES GNYIS PA DES NYIN ZHAG GNYIS MI THUB PA BDEN MOD KYI, NYIN ZHAG GCIG LA GZA' GSUM 'JUG PA'I SKYON MED DE, BAR GYI NYIN ZHAG RE'I GZA' CHAD PA YIN NO ZHE NA, DE NI MI RIGS TE, GZA' CHAD NA CHU TSOD DRUG CU CHAD CING, DE CHAD NA NYIN ZHAG PHYI MA LA GZA' GSUM 'ONG BAR 'GAL BA'I PHYIR RO, ZHES SOGS TSES KYI CHAD LHAG LA BRTAGS NAS BRGAL ZHING BRTAG PA MANG DU MDZAD PA DAG NI 'DI LTAR, KHYOD NI RANG GI NYES PA DAG, NGA LA YONGS SU SGYUR BYED PA, ,RTA LA MNGON PAR ZHON BZHIN DU, ,RTA NYID BRJED PAR GYUR PA BZHIN, ZHES PA JI LTA BA BZHIN DU KHO BOS MTHONG NGO, ,DE YANG BRJOD PAR BYA STE, TSES GCIG GI RI MO LA GZA' GNAS SU GCIG SHAR BA NI, KHYED LTAR NA TSES GCIG GI SNGA DRO NAM LANGS PHAN CHAD LA 'DAS ZIN PA'I GZA' NYI MA RI MOR SHAR BA YIN LA, DE'I RJES SU TSES GNYIS KYI RI MO BYAS PA NA GZA' GNAS SU GSUM BYUNG BA YANG TSES GNYIS KYI SNGA DRO DANG PO'I GONG DU 'DAS ZIN SHAR BA YIN PAS, TSES GNYIS KYI SNGA DRO DANG PO'I GONG ROL DE MA THAG GI NYIN ZHAG GCIG PO DE'I RING LA GZA' GNYIS 'DAS PAR THAL BAS, NYIN ZHAG GCIG LA CHU TSOD BRGYA NYI SHU THAL BA'AM, YANG NA GZA' RE CHU TSOD DRUG CU RER MA NGES PAR THAL BA THOG TU BAB PA NYID DO, ,GZA' GSUM GYI GCIG TSES GCIG GI SNGA DRO DANG PO'I GONG DU 'DAS SHING, GZA' GNYIS TSES GNYIS KYI SNGA DRO DANG PO'I GONG DU 'DAS ZIN PA'I PHYIR RO, ,DER MA ZAD KYI RI MO LA DE LTAR SHAR BA'I GZA' GSUM TSES GNYIS KYI SNGA DRO NAM LANGS
GONG DU 'DAS PA YIN NA, TSES GNYIS LHAG PAR THA SNYAD BYED PA'I TSE DNGOS GNAS LA TSES GCIG LHAG PA DANG, TSES GCIG LHAG PA'I RI MO TSES GNYIS LA SHAR BAR 'GYUR TE, LUGS DE LA GZA' GNYIS KYI RING LA TSES GCIG TU 'DOD DGOS PA DANG, DE'I RI MO TSES GNYIS KYI RTZIS LA SHAR BAR 'DOD DGOS PA'I PHYIR RO, ,DES NA DE LTA BU NI HA CANG THAL BA'I RNAM GZHAG GO, GZA' GNAS SU GSUM SHAR BA DE LTAR BAR BYAS NA NYIN ZHAG GCIG LA GZA' GSUM SPYOD PA'I THAL BA 'PHEN PA NI HA CANG YANG RTZID BA'I GTAM YIN TE, DE NI TSES GNYIS KYI RTZIS BYAS PA'I GZA' GNAS SU GSUM SHAR BA NA TSES GNYIS KYI CHU TSOD DRUG CU RTZA BZHI LHAG TZAM DANG BCAS PA LA GZA' GSUM ZHUGS PA'I RI MO SHAR BA YIN GYI, NYIN ZHAG GCIG GI CHU TSOD DRUG CU SPYOD PA LA GZA' GSUM ZHUGS PA'I RI MO SHAR BA GA LA YIN, DE YANG TSES GCIG LHAG PAR THA SNYAD BYED PA LTA BU'I TSE TSES GCIG LA GZA' GCIG DANG CHU TSOD NGA BRGYAD, TSES GNYIS KYI RTZIS LA GZA' GSUM DANG CHU TSOD GNYIS SHAR BA NA, TSES GNYIS LA CHU TSOD DRUG CU RTZA BZHI YOD PA'I THOG MA'I CHU TSOD GNYIS NYIN ZHAG SNGA MA'I CHU TSOD DRUG CU'I STENG NAS NYIN ZHAG SNGA MA'I GZAS SPYAD PA DANG, BAR GYI CHU TSOD DRUG CU NYIN ZHAG BAR PA LA SPYOD PA'I GZAS SPYAD PA DANG, MJUG GI CHU TSOD GNYIS LHAG TZAM NYIN ZHAG GSUM PA LA SPYOD PA'I GZAS SPYAD PA YIN PAS, TSES LHAG PA'I TSE TSES GCIG NYIN ZHAG GSUM LA ZHUGS PA DANG, TSES GCIG SPYOD PA LA GZA' GSUM DGOS PA BYUNG BA YIN GYIS, NYIN ZHAG GCIG
, ,SPYOD PA LA GSUM DGOS PAR SONG BA GA LA YIN, DE'I PHYIR YANG GZA' DA LTAR BAR SHIN TU GSAL TE, TSES GNYIS KYI RI MO LA SHAR BA'I GZA' GSUM NI NYIN ZHAG DE LA LTOS NAS GSUM KA DA LTAR BAR SONG BA MA YIN KYANG, TSES DE LA LTOS NAS GZA' GSUM PO DE GSUM KA DE LTAR BAR SONG BA YIN PAS TSES DANG NYIN ZHAG 'DRES NAS MA PHYED PA'I GTAM GYIS DE NYID GSAL BAR MA BYED PAR, KHYED KYI LNGA BSDUS KYI RTZIS BYAS PA DE TSES SO SO'I TSES RTZIS BYAS PA YIN NAM NYIN ZHAG SO SO'I NAM LANGS NAS NAM LANGS KYI BAR GYI NYIN ZHAG GI RTZIS BYAS PA GANG YIN SNYAM DU DRAN PA SEMS LA ZHOG CIG, DE BZHIN DU TSES CHAD PAR THA SNYAD BYED PA'I TSE YANG, NYIN ZHAG GCIG TSES ZHAG GSUM LA ZHUGS PAS, NYIN ZHAG DE'I THOG MA'I CHA TSES GCIG GI LHAG MA DANG, MJUG GI CHA TSES GSUM GYI THOG MAR SONG BAS, DE GNYIS KYI BAR NA TSES GNYIS KYI CHU TSOD NGA BZHI CUNG MED TZAM YOD KYANG CHAD PA ZHES THA SNYAD BYED PA DANG, RI MOR SHAR BA'I GZA' GCIG PA DE NYIN ZHAG GCIG PO DE'I RING LA TSES GSUM GYIS CHA LA DBANG BYED PA YIN NO, ,DE LA KHA CIG NA RE, DE LTA'I DUS KYI TSES LHAG PA LTA BU LA, TSES GCIG GI RTZIS LA GZA' GCIG DANG CHU TSOD NGA BRGYAD TZAM LA TSES GNYIS PA'I RTAG LONGS CHU TSOD NGA DGU SOGS LA RKANG PA LNGA 'PHEL BA DANG BCAS PA BSNAN PAS GZA' GSUM DANG CHU TSOD GNYIS LA SOGS PA 'BYUNG STE, 'DI NI TSES GCIG GI LONGS SPYOD NYIN ZHAG GSUM LA NGO BLTAS PA NA, SNGA MA'I NYIN ZHAG GI TSES
GCIG GI CHU TSOD NGA BRGYAD LA TSES GNYIS PA'I CHU TSOD RE BZHI'I GNYIS BSNAN PAS TSES GNYIS KYI NYIN ZHAG DANG PO'I NAM LANGS PHAN CHAD LA GZA' ZLA BA 'DAS NAS DE RJES KYI TSES GNYIS KYI CHU TSOD RE GNYIS KYI DRUG CU NI NYIN ZHAG GSUM PA LA NGO BLTAS PA'I NAM LANGS PHAN GYI NYI MA BAR PA LA MIG DMAR GYIS RDZOGS PAR LONGS SPYOD CING, CHU TSOD SOGS DE'I RJES SU GZA' LHAG GIS NYIN ZHAG GSUM PA LA DBANG BYAS NAS TSES GSUM LA 'JUG PA YIN PAS, LONGS SPYOD SOGS GZA' PHYI MAS DBANG BYAS PA'I DUS DE TSES GNYIS PHYI MAR BYAS PA DE'I NAM LANGS PHAN LA GZA' MIG DMAR 'DAS LA, LONGS SPYOD SOGS RJES SU SPYOD PAS, TSES GNYIS GNYIS 'GYUR BA'I PHYI MA DE'I NAM LANGS PHAN LA MIG DMAR 'DAS PAR GRUB CING, DE'I SONG TSES GSUM DU BYAS NAS TSES GSUM GYI NGES PA BSNAN PAS GZA' GNAS SU BZHI SHAR BAS TSES GSUM GYI NAM LANGS GONG DU GZA' LHAG 'DAS SHING, CHU TSOD SOGS DE'I RJES SU SPYOD PAS GZA' PHUR BU'I DUS SU YANG GZA' 'DAS PAR GRUB BO ZHES ZER RO, ,'DI LA DRI BAR BYA STE, CI TSES GNYIS SNGA MA'I NYIN ZHAG DE TSES GCIG GI NYIN ZHAG LAS LOGS PA'I NYIN ZHAG YIN NAM, 'ON TE NYIN ZHAG GCIG GI SNGA DRO NAM LANGS NAS CHU TSOD NGA BRGYAD RDZOGS KYI BAR TSES GCIG DANG, LHAG CHU TSOD GNYIS TSES GNYIS KYI SNGA MAR BYAS PA'I NYIN ZHAG DE YIN, DANG PO LTAR NA, TSES GCIG GI SNGA DRO NAM LANGS GONG DU GZA' NYI MA 'DAS SHING, TSES GNYIS SNGA MA'I NYIN ZHAG GI NAM LANGS GONG DU ZLA BA 'DAS
, ,TSES GNYIS PHYI MA'I NYIN ZHAG GIS NAM LANGS GONG DU MIG DMAR 'DAS, TSES GSUM GYI SNGA DRO NAM LANGS GONG DU LHAG PA 'DAS PAR KHAS BLANGS PA'I PHYIR, TSES LHAG PA'I GRANGS BZHIN DU NYIN ZHAG KYANG LHAG PAR KHAS BLANGS PAS SHIN TU 'KHRUL LA GNYIS PA LTAR NA, TSES GCIG GI NYIN ZHAG CES PA YANG DE NYID DU 'DUG PAS, NYIN ZHAG DE'I NAM LANGS GONG ZLA BA 'DAS PA DANG, DE'I RI MO LA GZA' GNAS SU GCIG SHAR BA SHIN TU 'GAL TE, RI MO LA SHAR BA'I GCIG PO DE NI GZA' NYI MA YIN PA'I PHYIR RO, ,TSES GNYIS PHYI MAR BYAS PA'I NYIN RI MO LA GZA' GNAS SU GSUM SHAR BA DE DE'I SNGA DRO NAM LANGS GONG DU 'DAS PA YIN NAM DE'I NYIN YOD PA YIN RTZOD PA'I SKABS SU RI MO LA MIG DMAR SHAR BA DE DE'I SNGA DRO NAM LANGS PA'I GONG DU 'DAS PA YIN PAS GZA' 'DAS PAR GRUB BO ZHES ZER BA NI, GZA' 'DAS PAR SHAR BA YIN TE, GZA' 'DAS PA SHAR BA YIN PA'I PHYIR ZER BA 'DUG PAS DGAG SGRUB KYI BRDA TZAM YANG MI SHES PA GSAL BAR BYAS SHING, DE 'DRAS 'GRUB NA NI, DE NYIN MIG DMAR YOD PA RI MO LA SHAR BA YIN PAS DE LTAR BA YIN PAR GRUB PO ZHES KYANG SU ZHIG GIS SMRA BAR MI NUS, GZHAN YANG RNAM GZHAG MA CHAGS PA DU MAS SMRA PA'I RTOG BTAGS SHIN TU MANG BAR 'DUG NA YANG 'DI TZAM KYIS MTSON PAR NUS PA DANG YI GE MANGS PAS 'JIGS TE DGAG SGRUBS RGYA MA SKYED DO, ` ,DE YANG GZA' DANG TSES LA RTZA BA NAS CHAD PA DANG, DE NYID BAR MA CHAD DU LAN GNYIS LDABS
PA'I LHAG PA NI MED DE, ZLA BA'I DKAR CHA BCO LNGA PO RE RE 'PHEL BA'I DUS LA YAR NGO'I TSES RE DANG, DE 'DRA'I DKAR CHA RE RE 'GRIB PA'I DUS LA MAR NGO'I TSES RE RER 'JOG PA YIN PA LA, YAR NGO'I TSES CHAD PAR THA SNYAD BYED PA'I SKABS SU YANG TSES DE'I THOB SKAL GYI DKAR CHA 'PHEL RGYU MA BYUNG BAR ZLA BA'I DKYIL 'KHOR LA HOR STONG LUS PA MI SRID CING, LHAG PAR THA SNYAD BYED PA'I TSE YANG DKAR CHA GCIG LHAG POR 'BUR BA MED PA'I PHYIR RO, ,DE BZHIN DU MAR NGO LA YANG SHES PAR BYA'O, ,'ON KYANG LHAG CHAD DU SNANG BA NI TSES KYI RKANG PA'I 'PHEL 'GRIB KYI DBANG GIS YIN TE, RKANG PA'I LONGS SPYOD 'PHEL BA NA TSES RE LA CHU TSOD DRUG CU RTZA BZHI LHAG TZAM RE 'BYUNG ZHING, DE NYIN ZHAG GSUM GYI CHA LA SNGAR BSHAD PA LTAR ZHUGS PA NA TSES LHAG PAR SNANG BA YIN LA, RKANG PA'I CHU TSOD 'GRIB PA NA TSES RE LA CHU TSOD NGA BZHI CUNG MED RE YOD CING, DE'I TSE NYIN ZHAG GCIG GI CHU TSOD DRUG CU'I DUS LA TSES GSUM GYI CHA ZHUGS PAS TSES CHAD PAR SNANG BA DE BYUNG BA YIN NO, ,MKHAS PA DGA' BYED DU, GZA'I GNAS SU BDUN GYIS BGOS PA'I THOB NOR DOR BAS GZA' GNAS SU THIG LE SHAR BA NA, GZA' 'KHOR LOR LONGS NAS DOR BA MA YIN PAR THAL, DA DUNG GZA' SPEN PA YOD PA'I PHYIR, ZHES GSUNG PA NI MA NGES TE, 'O NA TSES BZHI BCU GCIG BCO BRGYAD NYER LNGA RNAMS KYI TSES GRANGS MIG GIS BSGYUR NAS GCIG PHRI BA LA BDUN GYIS BGOS PA'I THOB NOR DOR NAS GNAS SU THIG LE SHAR BA NA BYED PA'I 'KHOR LOR LONGS NAS DOR BA MA YIN PAR THAL, DA DUNG BYED PA'I BIsHItA YOD
, ,PA'I PHYIR RO, ,KHA CIG SHOD LOS RES GZA' RGYU TSUL BSHAD PA 'GAL BA'I SKYON BRJOD PA DANG, KHA CIG DE'I DGONGS PA 'CHAD PA SOGS BYED MOD, DE NYID KYIS GANG LA BSAMS KYANG RUNG GI GNOD PA BRJOD PA NI CI YANG MA YIN LA; DGONGS PA 'CHAD PA'I NGAL BAS KYANG CI ZHIG BYA, DE'I PHYIR 'DIR MA SMRAS SO, ,'GREL PAR NGES PA 'DI NI MIG DMAR LA SOGS PA NUB PAR BYED PA LA 'ONGS PA STE, ZHES PA'I DON KHO BOS NI SNGAR TSIG GI DON DU BSHAD ZIN LA NUB PAR BYED PA BSAL BA'I DON DU 'ONGS PA STE, ZHES PA BAR GYI TSIG MI MNGON PA YIN LA, NYI MA LA SOGS PA 'CHAR BAR BYED PA'I DON DU ZHES PA'ANG, 'CHAR BAR BYED PA BSAL BA'I DON DU ZHES PAR GYI TSIG MI MNGON PAR BYAS PA YIN NO ZHES PA'ANG, BAR GYI TSIG MI MNGON PAR BYAS TSUL DE LTAR MA GRUB NA GZA' 'DAS PA LA GNOD PAR DOGS PAS 'DOD PAS BSHAD PA TZAM STE, DE LTAR 'CHAD DGOS PA'I SHES BYED YANG DAG GZHAN CI YANG MED PA'I PHYIR RO, ,DES NA LNGA BSDUS KYI GZA' GNAS SU RI MO GANG SHAR 'DAS ZIN DANG, 'GA' ZHIG GI TSE 'DAS PA 'CHAR, 'GA' ZHIG GI TSE DA LTAR BA 'CHAR ZER BA THAMS CAD NI NOR BA'I 'PHRENG BA YIN LA, 'DI LA YID BRTAN BCAS PAS 'CHI SBYOR LA 'GRUB SBYOR DU LUNG BSTAN NAS RANG LA YID RTON PA DAG BSLU BAR 'GYUR ZHING, 'PHAGS YUL DANG BAL YUL GYI RTZIS PA MTHA' DAG NI GZA' 'DAS PA'I THA SNYAD KYANG MA TSOR BAR SNANG NGO ZHES LO TZTSA BA DAG ZER RO, ,DE LTAR NA GZA'I GNAS LA CUNG ZAD DPYAD PA BSHAD ZIN TO, ,RGYU SKAR NI, ZHES PA NAS, NYI SHU RTZA BDUN NO, ZHES PA'I BAR LA, SMIN DRUG
LA SOGS PA BDUN SHAR SKAR, MCHU LA SOGS PA BDUN LHO SKAR, LHA 'TSAMS NAS GRO BZHIN GYI BAR DRUG LA BYI BZHIN BSNAN PA BDUN NUB SKAR, MON GRE SOGS LNGA DANG THA SKAR BRA NYE BDUN BYANG SKAR YIN LA, BYI BZHIN MA GTOGS PA 'DIR SMOS NYER BDUN DANG, DE GTOGS PA NYER BRGYAD DE, DUS 'KHOR DU'ANG RGYU SKAR NYER BRGYAD KYI DBANG DU BYED DGOS PA'I SKABS KYANG 'GA' RE YOD DO, ,RGYU SKAR 'DI DAG LA MDO NYI MA'I SNYING PO DANG DRANG SRONG KAR KAS BSHAD PA LAS RIGS DANG BRGYUD DANG GANG GI BU YIN PA DANG, ZAS GANG ZA BA DANG GANG LA LHAR 'DZIN PA DANG RE RE LA'ANG SKAR MA'I GRANGS DU YOD PA DANG, YUD TZAM GYI GRANGS DANG, DBYIBS CI 'DRA BA SOGS ZHIB PAR BSHAD KYANG 'DIR GZHUNG MI MTHUN PA THAMS CAD PHYOGS GCIG TU BSDU BA'I NGAL BA MA BYAS LA, RGYU SKAR 'DI DAG RGYUD GZHAN NAS LHA MOR BSHAD CING, RGYA DPE LA YANG MO RTAGS YOD PAS LHA MO YIN NO ZHES CHOS RJE BU GSUNG ZHING, THA SKAR NAS MGO BZUNG BA NI ZLA BA'I SKYES KHYIM GYI DBANG DU BYAS PA'O ZHES KYANG 'CHAD DO, ,DE BZHIN DU ZHES SOGS KYIS SBYOR BA'I DBYE BA BSTAN NAS, BYED PA'I DBYE BA DANG TSES SO SO LA SPYOD TSUL NI, DKAR PO'I ZHES SOGS TE, BA BAm NI GDAB PA, B'A LA BAm NI BYIS PA, KOO LA B'Am NI RIGS CAN, TEE HI LAm NI TIL BRDUNG, GA RA DZAM NI KHYIM SKYES, BA NI DZAM NI TSOD PA, BI shItA NI MJUG PHOD CES PA YIN LA, DE LTAR DKAR PO'I TSES GCIG GI PHYED PHYI MA NAS NAG PHYOGS KYI BCU BZHI PA'I PHYED SNGA MA YAR BCAD LA BYED PA BDUN PA DE DAG LAN BDUN 'KHOR BAS YONGS SU LONGS SPYOD DO, ,DE NAS ZHES SOGS LA, SHA KU NI ZHES PA BOD SKAD DU BKRA SHIS, KIm STU GHAm NI MI SDUG PA ZHES PA YIN LA, DE LTAR NA BYED PA BCU
, ,GCIG STE BSHAD MA THAG PA DE DAG NI YAN LAG LNGA SO SO'I DBYE BA DANG BCAS PA'I RIM PA'O ZHES MJUG BSDU BA'O, ,BZHI PA KHYIM BCU GNYIS KYI ZHING BDAG NGOS BZUNG BA NI, RGYU SKAR RNAMS GANG DU 'KHOR BA'I NAM MKHA'I KHYON LA RGYU SKAR NYER BDUN GYIS BGOS PAS RGYU SKAR RE'I THOB SKAL LA JI TZAM RE THOB PA'I NAM MKHA'I KHYON DE 'DRA BAR NGES PO GNYIS DANG RGYU SKAR GCIG GI THOB SKAL KYI KHYEN GYI BZHI CHA GCIG RNAMS BSDOMS PA'I NAM MKHA'I GOS DE LA NYI MA'I KHYIM GCIG TU 'JOG PAS, RGYU SKAR NYER BDUN GANG DU SPYOD PA'I NAM MKHA'I GOS LA KHYIM DE 'DRA BA BCU GNYIS YOD CING, 'DIR RKANG PA ZHES PA RNAMS NI SKAR MA RE'I THOB SKAL GYI NAM MKHA'I KHYON CHA BZHIR BGOS PA'I BZHI CHA RE'I MING YIN NO, ,DE LA THA SKAR NAS MGO BRTZAMS TE DE 'DRA BA'I KHYIM RNAMS LA RIM PA BZHIN DU LUG LA SOGS PA'I KHYIM GYIS MING GIS BSTAN CING, LUG LA SOGS PA'I KHYIM BCU GNYIS KYI ZHING BDAG NI, RIM PA BZHIN DU MIG DMAR DANG ZHES SOGS TE, NYI MA KHYIM DER ZHUGS MA THAG GI NYIN RES GZA' GANG YOD PA DE, KHYIM DE'I ZHING BDAG GI KHYIM GYI BDAG POR 'JOG PA'O, ,LNGA PA MU STEGS PAS BTAGS PA'I KHYIM BCU GNYIS KYI MING YIG RDZUN PAR BSTAN PA NI, DA NI MU STEGS PA RNAMS KYIS SKYES KHYIM NGOS BZUNG BA'I DON DU KHYIM GYI MING GI YI GE'I DBYE BA SGRO BTAGS NAS BZHAG PA BRJOD PAR BYA STE, 'DIR SKYES RABS SAM SKYES KHYIM GYI DKYIL 'KHOR GYI DBYANGS DANG GSAL BYED YONGS SU MA SHES PA'I PHYIR DRANG SRONG RNAMS
KYIS KHYIM GYI MING GI YI GE'I DBYE BA BTAGS NAS GA-YUL RGYAL LA SOGS PAR BKOD PA 'DI LTA STE, AA AI ZHES PA NAS ZHES BYA BA NI MU STEGS PA RNAMS KYIS BSAM PA RIGS PAS STONG PA STE, YI GE'I KHAMS DANG SKAR MA'I KHAMS MTHUN PA MED PA'I PHYIR NA'O, ZHES PA KHA CIG 'CHAD KYANG, RIGS PAS STONG ZHES GSUNGS PA'I DON NI 'DI YIN TE, RGYA GAR NA MU STEGS KYI DRANG SRONG DAG GIS BYIS PA SKYES MA THAG RTZIS BYAS NAS, SMIN DRUG GI RKANG PA DANG PO LA SKYES NA AA DANG, GNYIS PA LA SKYES NA AI DANG, GSUM PA LA SKYES NA AU DANG, BZHI PA LA SKYES NA AE LAS GRAS PA'I MING 'DOGS, DE'I TSE BYIS PA DE'I TSE TSAD RIM PA BZHIN SNGA MAS LO BRGYA NYI SHU, GNYIS PAS BRGYA, GSUM PAS BRGYAD CU, BZHI PAS DRUG CU THUB CES LUNG STON, DE BZHIN DU GZHAN RNAMS LA YANG SO SOR SBYAR NAS MING GI YI GES SKYES KHYIM DANG, TSE TSOD DANG BDE SDUG LA SOGS PA 'DI DANG 'DIR 'GYUR ZHES LUNG STON PA YIN PA LA, KHYIM DANG SKYES SKAR SOGS KYI STOBS KYIS TSE RING THUNG DANG BDE SDUG SOGS SU 'GYUR BA DE NI RIGS PAS STONG PA'I DON YIN TE, RIGS PAS STONG PA'I RGYU MTSAN GZHUNG 'OG MA DAG GIS 'CHAD PA YIN NO, ,DRUG PA BDE SDUG GZA' SKAR GYIS MI BYED PA LUNG GIS BSTAN PA NI, 'O NA TSE RING THUNG DANG BDE SDUG SOGS GZA' TSES DANG SKYES SKAR SOGS KYI DBANG GIS YIN PAR 'DOD PA'I MU STEGS PA RNAMS KYI BSAM PA RIGS PAS STONG PA'I RGYU MTSAN JI LTA BU ZHE NA, DON DAM PAR TE DNGOS GNAS LA DGE BA STE TSE RING BA LA SOGS PA'I 'DOD PA DANG
, ,MI DGE BA STE TSE THUNG BA LA SOGS PA'I MI 'DOD PA NI SEMS CAN RANG RANG GI LAS KYI DBANG GIS YIN TE, DE LTAR YANG RTZA BA'I RGYUD LAS GSUNGS PA, GZA' TSES ZHES SOGS RKANG PA BZHI'I DON GYI, PHYI ROL PAS GANG LA LAS BYAS PA'I 'BRAS BU MI 'DOD PA 'BYIN PAR BTAGS PA'I GZA' TSES SOGS DE DAG LA YANG BSOD NAMS KYI LAS BYAS PA RNAMS KYI RNAM PAR SMIN PA DGE BA STE YID DU 'ONG BA 'BYIN PAR 'GYUR BA'I DON TE, DE BZHIN DU GANG LA LAS BYAS PA'I 'BRAS BU 'DOD PA 'BYUNG BAR RTZIS LA MNGON PAR ZHEN PA DE DAG GIS BTAGS PA'I GZA' TSES SOGS DE DAG LA YANG BSOD NAMS MA YIN PA'I LAS BYAS PA RNAMS KYIS RNAM PAR SMIN PA NI MI 'DOD PA KHO NA NYAMS SU MYONG BAR 'GYUR RO, ,DON DE 'DI SGRUB PA'I RIGS PA STON PA NI, 'DI NA DA LTA DUS SKAD CIG GCIG LA SKYES PA'I SEMS CAN RNAMS KYI SKYES RABS TE TSE RABS DE NYID LA TSE RING THUNG THA DAD DANG BDE SDUG THA DAD KYI 'BRAS BU NYAMS SU MYONG BAR MNGON SUM DU MTHONG BA'I PHYIR, SKYE DGU RNAMS NI RANG RANG GI LAS BSAGS PA DANG MTHUN PA'I 'BRAS BU LA NYE BAR LONGS SPYOD PAS SKYES KHYIM SOGS GCIG PA'I SEMS CAN DE RNAMS BDE SDUG SOGS KYI 'BRAS BU JI LTAR MYONG BA RIGS GCIG PA MIN NO, ` ,DPER NA STON PA SH'AKYA'I RGYAL PO DANG, MNYAN YOD KYI RGYAL PO GSAL RGYAL MA GA DHA'I RGYAL PO GZUGS CAN SNYING PO, ,SHAR BA'I RGYAL PO GTUM PO RAB SMANG, PAD SA LA'I RGYAL PO 'CHAR BYED RNAMS, LO ZLA BA GZA' TSES SBYOR BYED DUS SBYOR GCIG LA SKYES KYANG MCHOG DMAN GYI KHYAD PAR
CHES SHIN TU CHE BA LTA BU'O, ,DRANG SRONG SKAR MA LA DGA' BAS BCOM LDAN 'DAS MTHONG BA NA, KHYOD NI SKAR MA RGYAL LA SKYES PAS MTSAN DPE LA SOGS PA'I YON TAN DANG LDAN PA'O ZHES SMRAS PAS, SKAR MA RGYAL LA SKYES PA'I KHYI LA SOGS PA YON TAN DE DAG MED PA DU MA YOD PAS MA NGES PAR GSUNGS SO, ,GZHAN DAG GIS SKYES RABS TE SKYES KHYIM THA DAD PA'I 'BRAS BU BDE SDUG THA DAD SNA TSOGS NYAMS SU MYONG STE ZHES 'CHAD PA NI BDE SDUG THA DAD NYAMS SU MYONG BA SKYES KHYIM THA DAD KYI 'BRAS BUR SMRA BA PHYOGS SNGA MA KHAS LEN PA'O, ,GONG DU JI SKAD BSHAD PA LAS GZHAN DU SEMS CAN RNAMS KYI TSE RING THUNG LA SOGS PA GZA' DANG SKYES SKAR SOGS KYI DBANG GIS YIN NA, GA-YUL BKYE BA DANG NAGS BSREGS PA DANG NA NYA PAS RGYA NI BCINGS PA LA, RGYU MTSAN GANG GIS NA BZA' DANG SKYES SKAR SOGS BZANG NGAN THA DAD PA SO SO LAS SKYES PA'I LUS CAN MANG PO RNAMS CIG CHAR DU NI 'CHI BAR 'GYUR, DES NA LUS CAN RNAMS KYI ZHES PA NAS, RDZU 'PHRUL NYAMS ZHES GSUNGS SO, ,RGYUD 'GREL LAS SKABS 'DI DANG LE'U LNGA PA SOGS SU LUNG DANG RIGS PAS NAN TAN DU 'DI LTAR GSUNGS KYANG, DING SANG YANG SHES BYA'I GNAS CUNG ZAD TZAM LA MDZUB MO'I RTZE MO YUN RING DU SDUG BSNGAL CHER MYONG BAR BYAS PA'I DUS KYI 'KHOR LO PA'I GZUGS BRNYAN DAG NI PHYOGS SNGA MAR BKOD PA'I MU STEGS PA'I 'DOD PA LTAR, BDE SDUG GZA' SKAR SOGS KYI RJES SU BYED PA LA MNGON PAR ZHEN NAS LUNG STON PAR BYED DO, ,YAN LAG LNGA'I BYED PA MDOR BSDUS PA'O ZHES BYA BA NI YAN LAG LNGA BSHAD PA LA SOGS PA'I MJUG BSDU BA'O, ,GNYIS PA 'BROS DON LA GNYIS, BYED
, ,RTZIS KYI 'PHO BA'I LONGS SPYOD GRUB MTHA'I RTZIS DANG BCAS PA, KEE LA SHA'I BYANG GI NYIN MTSAN GYI 'PHEL 'GRIB BSTAN PA'O, ,DANG PO LA GNYIS MA DAG PA BYED PA'I RTZIS DANG, DAG PA GRUB MTHA'I RTZIS SO, ,DANG PO LA GSUM, BYED PA LA LO 'PHO BA'I NGES PA DANG, KHYIM BCU GNYIS KYI 'PHO BA'I BSNON BYED BSHAD PA, DE MA DAG PAR BSTAN PA'O, ,DANG PO NI, DA NI BYED PA'I RTZIS LA LO'I 'PHO BA'I NGES PA GSUNGS PA, ZHES 'TSAMS SBYAR NAS, DON DNGOS 'CHAD PA LA, DAG BA'I LO LA ZHES PA NAS, CHU TSOD DU 'GYUR RO ZHES PA'I BAR 'DI DAG GI DON LA, LO 'PHO'I RGYU MTSAN 'DI LTAR SHES PAR BYA STE, LO RE LA NYIN ZHAG SUM BRGYA DRUG CU RTZA LNGA, CHU SRANG SUM CU RTZA GCIG ,DBUGS GCIG ,DE'I SUM BRGYA BCU BDUN CHA NYER GCIG RNAMS 'BYUNG BA LA GZA'I 'KHOR LO DOR BA'I LHAG MA RNAMS LO 'PHO'I LONGS SPYOD YIN ZHING, LO RE ZHING DE LTAR BGROD PA RNAMS SNGA MA SNGA MA'I STENG DU BSAGS PAS LO SUM BRGYA BCU BDUN NA GZA' DANG CHU TSOD LA SOGS PA'I GNAS THAMS CAD STONG PAR 'GYUR TE, DE LTAR LO 'PHO'I BYED PA STONGS PA DE NAS LO SUM BRGYA BCU BDUN KYI BAR DU RTZIS 'PHRO KHO NAR 'GYUR BAS DE'I TSE BYED PA RTZOM NA RTZIS 'PHRO BSRE DGOS LA, DE YANG BYED PA SLA BA'I PHYIR RTZIS 'PHRO STONGS TSUN CHAD KYI LO SBYIN TE, 'DIR RGYUD DU, DAG PA'I LO LA KLU BSRE BAR BSHAD PA BZHIN NO, ,DE NI RGYAL DKA'I LO 'PHO'I RTZIS 'PHRO LA GZA' GSUM DANG CHU TSOD BZHI, CHU SRANG DGU, DBUGS LNGA, DBUGS KYI SUM BRGYA BCU BDUN CHA BCU BDUN STER RGYU YIN NA YANG, BYED PA SLA BA'I DON DU LO BRGYAD BYIN
PA YIN TE, LO 'PHO'I BYED PA'I DKYIL 'KHOR SUM BRGYA BCU BDUN PA TSAR SNGA MA RDZOGS NAS RGYAL DKA'I BYED PA MDZAD KYI BAR LA LO BRGYAD 'DAS PA'I PHYIR RO, ,DE LA RI ZLA ME ZHES PA NI LO'I GRANGS YIN TE, LO SUM BRGYA BCU BDUN GYIS DAG PA'I LO LA KLU BSRES PA DE LA BGOS PA'I RNYED PA DOR NAS BRTZIS PAS LO 'PHO'I GZA' LA SOGS PA 'CHAR BA'I PHYIR DANG, SUM BRGYA BCU BDUN GNAS LNGAR BKOD PA LO 'PHO'I LONGS SPYOD KYIS BSGYUR NAS RANG RANG GI 'KHOR LOS STENG DU BCUG PA'I STENG MA LA BDUN GYIS BGOS PA'I RNYED NOR DER BA LA LHAG MA MED PA'I PHYIR DANG, RI ZLA ME GNAS GNYIS SU BKOD PA'I STENG MA MKHA' MKHA' CHU GTER ZHES PA BZHI BRGYAS BSGYUR BA LA 'OG MAS PHRI BA SOGS RGYUD DANG 'GREL PAR BSHAD PA 'DI LTAR BRTZIS PA'I NOR LA BDUN GYIS DOR BA'I LHAG MA MED PA'I PHYIR RO, ,DAG PA'I LO GNAS GNYIS KYI STENG MA BZHI BRGYAS BSGYUR BA LA 'OG MAS SBYONG BA'I RGYU MTSAN YANG, LO 'PHO'I LONGS SPYOD LO RE BZHIN BSAGS PA'I LO SUM BRGYA BCU BDUN LA GZA' SUM BRGYA GO DGU 'BYUNG BA BKOD NAS RTZIS 'PHRO STONGS TSUN CHAD KYI 'DAS LO GANG YOD KYIS BSGYUR BA'O, ,DE'I PHYIR RTZIS 'PHRO'I LO JI SNYED YOD PA BSRE DGOS SO, ,RI ZLA MES 'GOD PA'I RGYU MTSAN NI, GZA' SUM BRGYA GO DGU LA RI ZLA MES BGOS PA'I NOR RNAMS GZA' GCIG DANG CHU TSOD BCO LNGA CHU SRANG SUM CU RTZA GCIG DBUGS GCIG DBUGS KYI CHA SHAS BRGYA NYI SHU RTZA GCIG TU 'GYUR LA, DA LO 'PHO'I LO RE'I LONGS SPYOD YIN ZHING DE LA LO'I NGES PA ZHES KYANG BTAGS
, ,SO; ;DPER NA ZLA BA GCIG GI LONGS SPYOD GZA' NYER DGU CHU TSOD SUM CU RTZA GCIG CHU SRANG LNGA BCU 'BYUNG BA DE BKOD NAS JI LTAR 'DOD PA'I TSES KYIS BSGYUR TE SUM CUS BGOS PA'I NOR TSES KYI LONGS SPYOD DU 'GYUR PA DANG, GZA' NYER DGU SOGS LA SUM CUS BGOS NA, BU GA MDA' YI CHU TSOD DANG, YON TAN SRANG YIN RIG BYED DBUGS, ZHES PAR 'GYUR BA BZHIN NO, ,DE LTAR BRJOD PA'I NYIN ZHAG GI DKYIL 'KHOR DANG RTZA RGYUD DU 'BYUNG BA 'GAL BAR MI 'GYUR RAm ZHE NA, 'GREL CHEN 'DIR GSAL ZHAG TSOL BA'I SKABS SU, KHA CIG TU NYIN ZHAG SO SO'I GZA' LHAG PA BSAL BA'I DON DU GZA' GCIG DMAN PAR 'GYUR RO, ZHES PA'I SHUGS LAS DKYIL 'KHOR DAG PA GZHAN ZHIG YOD PAR BSTAN CING, DE YANG SNGAR BRJOD PA'I TSUL 'DI YIN TE, DES NA RTZA RGYUD DU GSUNGS PA RAGS PA DANG 'DI NI PHRA BA'I RNAM GZHAG YIN PAR SHES PAR BYA'O, ,GRUB MTHA'I LO'I LONGS SPYOD 'DI DAG BYED PA'I LO NAG PA NAS NAG PA'I BAR BCU GNYIS PO RE'I BAR LA BKOD NAS, DE NYID LA BYED PA LO 'PHO ZHES SKABS 'DIR BTAGS NAS GSUNGS PA YIN TE, RGYU MTSAN NI BYED PA'I LO 'PHO MTSAN NYID PA DANG ZLA BA'I GRANGS DANG RGYUN MTSUNGS PA'I PHYIR RO, ,BTAGS PA'I DGOS PA NI KHYIM SO SO 'PHO BA'I GZA' RTOGS PA'I DON DU'O, ,DNGOS LA GNOD BYED NI, LO GCIG LA NYI MAS RGYU SKAR GYI 'KHOR LO RDZOGS PAR 'KHOR BA LA NYIN ZHAG SUM BRGYA DRUG CU RTZA LNGA CHU TSOD BCO LNGA CHU SRANG SO GCIG DBUGS GCIG DBUGS KYI SUM BRGYA BCU BDUN CHA NYER GCIG RNAMS DGOS PAS GZA'
SUM BRGYA DRUG CU RTZA LNGA RJES 'BRANG BRJOD MA THAG PA DANG BCAS PA SPYAD NAS NYI MA NYA SPANGS TE LUG GI ,KHYIM DU 'GRO ZHING GRUB MTHA'I RTZIS KYI BYED PA LO 'PHO MTSAN NYID PA DE LTAR YIN PA LA, 'DIR BSHAD PA'I LO 'PHO'I NGES PA 'DI LA GZA' SUM BRGYA RE BZHI SOGS LAS MED PAS, DE TZAM GYIS LO 'PHO MA THUB PA'I RGYU MTSAN GYIS DE'I STENG DU GZA' GCIG DANG CHU TSOD NGA BDUN SBYIN DGOS PA BYUNG ZHING, DE BYIN PAS NYI MA NYA SPANGS NAS LUG GI KHYIM DU 'PHO BA'I RES GZA' 'BYUNG BA'I PHYIR RO,, DON 'DI LA DGONGS NAS SLOB DPON CHEN PO AA BHYAS KYANG, GCIG DANG NGA BDUN BYIN PA'I NYI MA NYA SPANGS NAS LUG GI KHYIM DU 'GRO BAR 'GYUR RO, ,ZHES GSUNGS SO, ,GNYIS DANG SUM CU'I GZA' DANG CHU TSOD ZHES SOGS KYIS LO'I NGES PA DE LA GZA' GNYIS DANG CHU TSOD SUM CU BSRE BAR BSHAD PA 'DI, MKHAS PA DGA' BYED DU 'DI'I RTZIS 'PHRO BSRE BA YIN PAR BSHAD PA NI DON MA YIN TE, 'DI'I RTZIS 'PHRO GONG DU DAG PA'I LO LA KLU BSRES PA NYID YIN PA'I PHYIR RO, ,DES NA 'DI NI RGYAL DKA'I BYED RTZIS RTZOM DUS KYI RES GZA'I RTZIS 'PHRO YIN TE, DE'I TSE GNYIS DANG SUM CU MA BYIN NA DE'I NAG PA'I TSES GCIG LA MIG DMAR LA SOGS PA 'CHAR BA'I NGES PAR 'GYUR BAS, DE MI 'CHAR BAR RES GZA'I DANG PO NYI MA LA SOGS PA 'CHAR BAR BYED PA'I DON TO, ,GZA' GNAS SU BDUN GYI CHA STE BDUN GYIS BGOS PA'I LHAG MA NI BYED PA'I LO DE'I THOG MAR SPYOD PA'I GZA' STE, DE LA LO BDAG GI GZA' ZHE
, ,THA SNYAD BYED LA, ZLA BA'I TSES GCIG DAG LA 'CHAR BA DE'I TSE BYED PA'I LO'I 'PHO BAR 'GYUR RO ZHES PAR RGYAL DKA'I DUS KYI LO 'PHO'I BYED PA DE NYID KYI DBANG DU BYAS PA'I LO 'PHO'I RIGS PA'O, ,LO 'PHO GZHAN GYI RTZIS LA YANG RTZIS 'PHRO BSRE BA LA SOGS PA 'DIS MTSAN NAS SHES PAR BYA'O ZHES BSHAD NA LEGS SO, ,DE LTAR BSHAD PA DAG GI DON RI MOR BRI BA'I TSUL 'DIR SMRAS PA, BYED PA'I LO DAG KLU BSRES PA, ,GNAS GNYIS STENG MA BZHI BRGYAS BSGYUR, DE NYID 'OG MAS SBYANGS LHAG MA, ,RI ZLA ME YIS THOB PA GZA', ,DE LHAG MKHA' ROS BSGYUR BA LA, ,MKHA' ROS THOB PA CHU TSOD YIN, ,DE NYID LHAG MA'ANG MKHA' ROS BSGYUR, ,SLAR YANG MKHA' ROS THOB PA SRANG, ,DE'I LHAG MA'ANG ROS BSGYUR NAS, ,RO YIS BGOS THOB DE NYID DBUGS, ,SHUL DU LHAG MA GANG LUS PA, ,DBUGS KYI SUM BRGYA BCU BDUN GYI, ,CHA SHAS YIN NO DE NYID KYI, ,GZA' LA MIG DANG CHU TSOD DU, ,MKHA' ME BYIN TE CHU TSOD LAS, ,MKHA' ROS RNYED PA GZA' LA SBYIN, ,GZA' LA THUB PAS RNYED PA DOR, ,DE RNAMS LO 'PHO'I NGES PA YIN, ,YANG SMRAS PA, GZA' GCIG CHU TSOD BCO LNGA DANG, ,CHU SRANG SO GCIG DBUGS SU 'ANG GCIG ,CHA SHAS BRGYA DANG NYER GCIG NI, ,RANG RANG GNAS SU BKOD PA LA, ,RANG RANG 'KHOR LOS GONG DU GZHUG ,STENG LA THUB PAS RNYED PA DOR, ,LO 'PHO PHYI MA'I NGES PAR 'GYUR, ZHES SHES PAR BYA'O, ,GNYIS PA KHYIM BCU GNYIS KYI 'PHO BA'I BSNON
BYED BSHAD PA NI, DE NI LO'I NGES PA LA ZHES PA NAS, MIG MDA' ZHES PA CHU TSOD KYI GNAS SU LNGA BCU RTZA GNYIS TE, ZHES PA'I BAR 'DI DAG GI DON GO BDE BAR BSDUS TE BRJOD PA NI 'DI LTAR, NYI MA KHYIM NAS KHYIM GZHAN DU, ,'PHO NYIN RES GZA' SHES BYA'I PHYIR, ,SRANG DBUGS CHA SHAS DOR BA YI, ,SNGAR BSHAD LO 'PHO'I NGES PA DE, ,GNAS GZHAN BCU GNYIS DAG TU BKOD, ,DE LTA'I NGES PA BCU GNYIS LA, ,LUG NAS BRTZAMS PA'I KHYIM RNAMS KYI, ,RIM BZHIN BSNON BYED BCU GNYIS SBYIN, ,LUG LA ZLA BA RI 'BYUNG STE, ,GLANG LA RIG BYED MI 'BYUNG NGO, ,RI BONG CAN DANG RI ZLA NI, ,'KHRIGS PA LA STE KAR KA tA, ,GLANG DANG 'DRA BAR SHES PAR BYA, ,ZLA BA MIG LAG SENG GE LA, ,DUS DANG NYAR BZHI BU MO LA, ,RO DANG ZLA MDA' SRANG LA'O, ,GCIG DANG ZHE BDUN SDIG PA LA, ,GZHU LA ME DANG BCU DRUG GO ,RIG BYED RI DANG 'JIG RTEN NI, ,CHU SRIN 'PHO BA DAG LA SBYIN, ,DRUG DANG RIG BYED STONG PA NI, ,DE BZHIN BUM PA DAG LA'O, ,GZA'I GNAS SU STONG PA DANG, ,CHU TSOD GNAS SU MIG DANG MDA', ,NYA'I KHYIM LA SBYIN PAR BYA, ,BCU GNYIS SO SO'I CHU TSOD NAS, ,MKHA' ROS RANG RANG STENG DU BCUG ,STENG LA THUB PAS RNYED PA DOR, ,LHAG MA KHYIM NI DE DANG DER, ,'PHO BA'I NYIN GYI RES GZA' DANG; ;CHU TSOD YIN PAR SHES PAR BYA, ,DE YANG 'DI LTAR LNGA BSDUS KYI, ,NYI MA DAG PA'I SKAR MA NI, ,MKHA' ROS BSGYUR LA CHU TSOD BSRE, ,MDA' YON ZLAS RNYED 'DAS PA'I KHYIM, ,DE YIS 'PHO ZHAG BCU GNYIS BZUNG, ,DE'I NYIN GYI RES GZA'
, ,DANG; ;MTHUN NAM 'ON TE MI MTHUN ZHES, ,BLTAS PAS GSAL BAR MNGON PAR 'GYUR, ,RES GZA' BDUN GYI THOG MA NI, ,NYI MA NYA NAS LUG KHYIM DU, ,'PHO BA'I ZHAG LA 'CHAR BA STE, ,LUG NAS GLANG DU 'PHO BA'I NYIN; ;RES GZA' GNYIS PA 'CHAR BA SOGS, ,BU MO'I BAR DU SHES PAR BYA, ,DE LTA'I GZA' NI DE DAG DE, ,KHYIM ZLA DE DANG DE DAG GI ,BDAG PO'I GZA' ZHES BRJOD PA YIN, ,MKHAS PA DGA' BYED DU SLOB DPON AA BYAS GCIG DANG NGA BDUN BYIN PAS NYI MA NYA SPANGS NAS LUG GI KHYIM DU 'GRO BAR BSHAD PA MI 'THAD CES BKAG PA NI SNGAR BSHAD PA'I TSUL 'DI LTAR, SHES PA NA DGAG PA 'BREL MED DU RTOGS PAR 'GYUR LA, ,'GREL BA'I RGYA DPE LA DE YIS LUG TU 'PHO BAR 'GYUR TE ZHES SOGS YOD PA LA LUG GI 'PHO BAR 'GYUR BA NI RNAM DBYE NOR PA'I 'GYUR SKYON NO ZHES LO NAM 'CHAD DO, ,MKHAS PA DGA' BYED SOGS PHAL CHE BAS BSNON BYED 'DI DAG KYANG SNGA MA'I STENG DU PHYI MA BSNON PA DANG 'BRID PA SOGS MDZAD PA DE DAG NI LEGS PA MA YIN TE, KHYIM 'PHO BA'I NYIN KYI RES GZA' DANG GTAN NAS MI 'GRIG PA'I PHYIR DANG, ZLA BA SO SO'I NGES PA LA TSES SO SO'I LONGS SPYOD STER BA DANG 'DRA BAR LO'I NGES PA LA KHYIM ZLA SO SO'I LONGS SPYOD STER BA YIN PA'I PHYIR RO, ,'DIR t'IKA BYED PA KHA CIG BSNEN BYED SBYIN PA DANG KHYIM 'PHO BA'I RES GZA' DANG JI LTAR SGRIG PA SOGS LA PHYOGS BSLAD PAS TSEGS CHE BA'I DKA' BA THOB PAR GYUR TO, ,GONG DU BSHAD PA DE DAG BYED PA LA LO 'PHO BA'I
LONGS SPYOD DU SHES PAR BYA'O, ZHES BYA BA NI BSHAD ZIN PA'I MJUG BSDU BA'O, ,GSUM PA BYED RTZIS DANG GRUB MTHA'I RTZIS KYI DAG MA DAG GI KHYAD PAR BSTAN PA NI, 'ON TE KHYIM 'PHO'I LO ZLA'I LONGS SPYOD 'DI DAG SNGAR GYI LO ZLA SO SO'I DHRU BA DANG MI MTSUNGS PAS MA DAG GO SNYAM NA, NYI MA'I GRUB PA'I MTHA' LA NI SNGAR GYI LO ZLA'I NGES PA 'DI NYI MA'I KHYIM 'PHO BA'I LONGS SPYOD DU MI 'BYUNG TE, GRUB MTHAR KHYIM RE'I LONGS SPYOD MNGA' YON ZLA BA DANG, LO LA NYI MA'I DKYIL 'KHOR LA BDUN GYIS BGOS PA'I LHAG GCIG LAS MED PA'I PHYIR, 'ON KYANG GANG ZHIG RIG BYED RNAMS KYIS TSES BSGYUR GSAL BAR NOR TE DE'I SUM CHA DAG GIS BSRES PA'O ZHES PAS 'DIS TSES RE'I NYI MA'I LONGS SPYOD LA RAGS PA CHU SRANG GNYIS CHAD PA ZLA BA'I NANG DU BSDOMS PAS CHU TSOD GCIG NYI MA'I TSES KYI RTAG PA'I LONGS SPYOD LA TSANG BA MED DO, ,'ON KYANG ZLA BA'I DHRU BA'I SKABS SU LHAG PO SPROS PA YIS KYANG GNAS GSUM DBUS MA DBANG PHYUG GIS BSGYUR ZHES PA TSES ZHAG RE LA CHU TSOD BZHI, SRANG NYER GNYIS SPYOD PA'I DBANG DU BYAS PA 'DI YIS SNGAR GYI NYI MA'I LONGS SPYOD LA YANG NYAMS PA SOS NAS TSES ZLA GCIG GIS NYI MA'I LONGS SPYOD GSAL BAR 'GYUR RO, ,DES NA NAM LANGS NAS NAM LANGS KYI BAR GYI ZHAG SUM BRGYA DRUG CU LA DUS KYI LOR BZHAG PA'I LO GCIG GI BAR DU NYI MA'I DKYIL 'KHOR GI NYIN ZHAG SUM BRGYA DRUG CU RTZA LNGA'I LONGS SPYOD KYI CHA RAGS PA SRANG BZHI DANG DBUGS GSUM MA GTOGS PA NYI MA'I NYIN ZHAG SO SO'I
, ,LONGS SPYOD DAG PAR 'GYUR RO, ,DE'I PHYIR NYI KHYIM GCIG RDZOGS NAS SLAR YANG KHYIM GZHAN DU 'PHO BA'I BAR LA LOR BZHAG PA'I LO GZHAN LA LTOS TE, 'PHO BA SO SO'I NYIN RE'I LONGS SPYOD NGES PA CHU TSOD BZHI, SRANG NYER GNYIS PO DE LAS GZHAN CHU TSOD BZHI DANG SANG NYER DRUG ,DBUGS GCIG ,DON GSUM CHA NGA DGUR 'GYUR RO, ,DES NA ZLA BA'I NGES PA TSOL BA'I CHO GA 'DIS NAG PA'I ZLA BA NAS SLAR YANG NAG PA'I ZLA BA'I BAR LA LO ZHES RAB LTAR GCIG TU BZHAG PA'I TSES ZLA SO SO TZAM GYI NYI MA'I LONGS SPYOD DAG GO ,DE'I PHYIR NYI KHYIM NGES PAR BYED PA'I LO 'PHO NAS BYED PA'I LO 'PHO BA'I BAR GYI LO GZHAN LA LTOS NAS ZLA BA SO SO'I NGES PA TSOL BA'I CHO GA SKAR MAR GNYIS DANG, CHU TSOD BCU GCIG BYIN PA DES 'PHO ZLA GCIG GIS NGES PA CUNG ZAD DAG GIS RNAM PAR DAG PA NI MA YIN TE, 'PHO ZLA GCIG GI LONGS SPYOD LA CHU TSOD BZHI CHAD PA'I PHYIR RO, ,ZLA BA GCIG SONG BA DE NAS NYI MA'I NYIN ZHAG GI LONGS SPYOD MA DAG STE NYI MA'I TSES ZHAG SO SOR NYI MA'I NYIN ZHAG GI LONGS SPYOD KYI DBUGS GSUM DANG CHU SRANG BZHI MED PA'I PHYIR RO, ,NYI MA'I LONGS SPYOD DAG NA DUS KYI LO GCIG GI LONGS SPYOD RDZOGS PA NA NYI MAS RGYU SKAR RDZOGS PA LA KHYIM ZHAG LNGA'I LONGS SPYOD CHU TSOD NYER GNYIS CHAD PA NYID KYI DBANG GIS NYI MA BYANG DU BGROD PA NAS SLAR YANG BYAD DU BGROD PA'I BAR GYI LONGS SPYOD NYI MA'I NYIN ZHAG LNGA'I LONGS SPYOD CHAD PAR 'GYUR RO, ,DE'I CHA SHAS DUS KYI ZLA BA SO SO LA KHYIM ZLA'I CHU TSOD NYI SHU RTZA LNGA
RE CHAD PAR 'GYUR RO, ,LONGS SPYOD LA CHAD PA DKYIL 'KHOR LA LHAG PAS BYED PA 'PHO BA'I DUS NAS SLAR YANG LO'I BYED PA 'PHO BA'I DUS KYI ZLA BA SO SO LA DUS KYI CHU TSOD NYER LNGA RE LHAG STE, DE BSDOMS PAS DUS KYI LO'I 'PHO 'TSAMS SU NYI MAS KHYIM RDZOGS PA LA GZA' LNGA 'AM, KHYIM ZHAG LNGA LHAG POR DGOS PAS SNGAR GYI LO ZLA'I DHRU BA NYI MA'I KHYIM 'PHO'I LONGS SPYOD DU BYAS NA MA DAG GO ,'DIR JI SKAD BSHAD PA'I CHAD PA DANG LHAG PA JI LTAR SHES NA, NYI MA BYANG DU BGROD PA'I ZLA BA DANG PO NYI MA CHU SRIN GYI KHYIM DU GNAS PA'I MCHU'I ZLA BA LA NYI MA MA LOG PA'I ZHAG BCU'I BAR DU THUR MA'I GRIB MAS NYI MA LOG MA LOG YONGS SU BRTAG PAR BYA STE, BRTAGS PAS NYIN ZHAG GANG NAS BRTZAMS TE THUR MA'I GRIB MA BYANG PHYOGS NAS LOG PAR GYUR PA'I NYI MA DE NI GZA' DE DANG TSES DE DANG SBYOR BA DE DANG BYED PA DES NYI MA CHU SRIN DU 'PHOS PA'I NYIN ZHAG GO, DGUN NYI LOG PA'I NYIN ZHAG DE LA NYI MA'I ZHES PA NAS, ZHES PA'I TSUL 'DI NI BYED PA'I RTZIS KYI RTZA BA 'PHAGS PA'I YUL DBUS KYI DGUN NYI MA LOG PA'I DUS KYI DHRU BA NGES PA'O, ,'DIS MTSON NAS 'PHAGS YUL GYI DBUS DER DBYAR NYI LDOG PA'I NYIN ZHAG LA NYI MA'I LONGS SPYOD SKAR GNAS SU DRUG DANG CHU TSOD DU ZHE LNGA 'BYUNG ZHING, NGES PA DE GZHIR BYAS PA LA NYIN ZHAG SO SOR NYI MA'I DKYIL 'KHOR GYI NYIN ZHAG SUM BRGYA DRUG CU RTZA LNGA RNAMS KYI RGYU SKAR GYI CHU TSOD LA THOB PA RAB TU BSRES TE, DE NAS SNGAR NYI MA'I LONGS SPYOD KYI SKABS SU BRJOD PA'I CHO GAS NYI MA'I RKANG PA RNAMS SBYANG
, ,ZHING DAG PAR BYA'O, ,'DIR RTZA BA'I NGES PA'O ZHES PA'I DON BSHAD MA THAG PA'I TSUL 'DIS BOD LA SOGS PA 'DZAM GLING CHUNG NGU'I YUL GYI DUM BU THA DAD KYI NYI MA LDOG DUS KYI DHRU BA MI 'DRA BA'I KHYAD PAR MTSON NAS BSTAN PAS 'PHAGS YUL DBUS SU DGUN NYI LDOG PA'I NYIN NYI MA'I LONGS SPYOD SKAR GNAS SU NYI SHU DANG CHU TSOD DU BCO LNGA 'BYUNG BA NYID KYIS BOD KYI DGUN NYI LDOG PA'I NYI MA'I LONGS SPYOD DU SKAR GNAS SU BCU DGU 'BYUNG DGOS PA DANG, 'PHAGS YUL DBUS KYI DBYAR NYI LDOG PA'I NYI MA'I LONGS SPYOD DU SKAR GNAS SU DRUG DANG CHU TSOD DU ZHE LNGA BYUNG BA'I RGYU MTSAN GYIS BOD KYI DBYAR NYI LDOG PA'I NYI MA'I LONGS SPYOD LA SKAR GNAS SU LNGA LA SOGS PA 'BYUNG DGOS PA YIN PAS, DE LTA 'DI'I NYI MA LDOG DUS KYI RI MO LA 'CHAR BA DANG 'GREL PAR BSHAD PA MI MTHUN NO SNYAM DU 'GREL PAR BSHAD PA'I DON MA RTOGS PA'I DBANG GIS SDUG BSNGAL BAR MI BYA'O, ,'PHAGS YUL DBUS DANG BOD KYI KHYAD PAR BZHIN DU GLING 'DI'I DUM BU GZHAN SHAMBHA LA LA SOGS PA DAG GIS YANG KHYAD PAR MTSON TE SHES DGOS PAR MNGON LA, BOD 'DIR NYI DAG GI SKAR GNAS SU NYER DRUG DANG CHU TSOD DU THIG LE SHAR BA'I NYIN DPYID NYIN MTSAN MNYAM PA DANG, NYI DAG GI SKAR GNAS SU BCU GNYIS DANG CHU TSOD DU SUM CU SHAR BA'I NYIN STON NYIN MTSAN MNYAM PAR SHES PAR BYA'O, ,'DIR DPYAD PAR BYA BA 'DI YOD DE, PHYIS KYI MKHAS PA KHA CIG NA RE, 'GREL PA 'DIR BYANG DU BGROD PA'I ZLA BA DANG PO LA NYI MA BCU'I
BAR DU THUR MA'I GRIB MAS BRTAG PAR BYA STE, ZHES GSUNGS PA 'DIS DUS 'KHOR RTZA RGYUD GSUNGS NAS BSDUS RGYUD MDZAD KYI BAR DU NYI MA LPOG PA ZHAG BCUS SNGAR SONG BAR BSTAN LA, DRANG SRONG RDA BONG GI DUS NAS DA LTA'I BAR LA NYI MA LDOG PA ZLA GCIG GIS SNGAR SONG BA YIN TE, MDO NYI MA'I SNYING POR, ZLA RANGS TSES BCO LNGA LA NGA'O, 'DIR NI DPYID ZLA RA BA YI, RANG BZHIN YANG NI BRJOD PAR BYA, ,BYANG PHYOGS SU NI KHA BLTAS NAS, ,NYI MA YONGS SU 'KHOR BAR BYED; CES DPYID ZLA RA BA DPO'I ZLA BA LA DGUN NYI LDOG PA DANG, BDAG GIS STON ZLA RA BAR BRJOD, ,LHO PHYOGS NYI MA'I 'KHOR LO LDOG ,NYI MA'I MDUN NO MON GRE YIN, ZHES STON ZLA RA BA KHRUMS KYI ZLA BA LA DBYAR NYI LDOG PAR BSHAD PA'I PHYIR RO, ZHES GSUNGS SHING, MDZOD DU, DBYAR GYI ZLA BA GNYIS PA LA DBYAR NYI LDOG PA DANG, DGUN ZLA BZHI PA LA DGUN NYI LDOG PAR BSHAD PA'ANG DE DANG MTHUN PA'O SNYAM DU BSAMS SO, ,DE NI SHIN TU MI 'THAD DO, ,'DIR BYANG DU BGROD PA'I ZLA BA DANG PO ZHES PA NI MCHU YI ZLA BA YIN PAR NANG LE'I TSIGS BCAD RE BRGYAD PA LAS, 'DIR MCHU'I ZLA BA DANG CHU SRIN GYI 'PHO BA LA, ZHES DANG, KHAMS LE'I TSIGS BCAD BRGYA BCO LNGA PAR, RGYAL DANG MCHU'I 'TSAMS SU CHU SRIN DAG LA, ZHES PAS BSTAN CING, 'DIR LUG LA NYI MA GNAS PAS SA GA'I ZLA BA BYED DO, ZHES GSUNGS PA LA, LUG GI KHYIM DANG SA GA'I ZLA BA NAS KHYIM DANG ZLA BA RIM PA BZHIN BGRANGS PA NA BYANG BGROD KYI ZLA BA DANG PO LA MCHU'I ZLA BA DANG CHU SRIN GYI KHYIM
, ,'BYUNG BA'I PHYIR RO, ,NYI MA BCU'I BAR DU ZHES PA NI, MCHU'I ZLA BA'I TSES BCU'I BAR DU THUR MA'I GRIB MAS NYI MA LDOG PA BRTAG PAR BYA'O, ,DE PHAN CHAD LA BRTAG MI DGOS TE, DE PHAN CHAD LA DGUN NYI LDOG PA MI SRID PA'I PHYIR RO ZHES BYA BA'I DON YIN PAS LUGS 'DI DGUN NYI LDOG PA 'PHYI SHOS KYI MTHA' 'DZIN PA TZAM YIN NO, ,DRANG SRONG RNGA BONG GI LUGS LA YANG DGUN ZLA THA CHUNG LA DGUN NYI LDOG PA YIN TE, NYI MA'I SNYING POR, TSES BCO LNGA LA MCHU YIN NO, ,DGUN ZLA THA CHUNG RANG BZHIN YANG, ,MTHAR GYIS KYANG NI BRJOD PAR BYA, ,LHO YI PHYOGS SU PHYIN NAS KYANG, ,NYI MA YONGS SU 'KHOR BAR BYED, ,MTSAN MO BCO BRGYAD SHES PAR GYIS, ,NYIN PAR YANG NI BCU GNYIS YIN, ,RGYAL YANG MTSAN MO THOB PAR BYED, ,NYI MA'I MDUN NA MON GRE YIN, ZHES DRANG SRONG RNGA BONG GIS BSHAD PA'I PHYIR RO, ,DE LA BCO BRGYAD DANG BCU GNYIS NI YUD TZAM GYI TSAD YIN LA, RGYAL YANG MTSAN MO THOB PAR BYED, ,NYI MA'I MDUN NA MON GRE YIN, CES PA NI, MCHU'I ZLA BA'I NAG PHYOGS KYI TSES GCIG GI SROD LA RGYAL SHAR DU 'CHAR BA DANG NYI MA NUB SONG BA'I RJES THOGS SU MON GRE NUB 'GRO BA MIG GIS DUS GCIG TU MTHONG BAR 'GYUR BA'I DON YIN ZHING, DE'I DUS SU NYI MA CHU SMAD KYI STENG NA YOD PAR GRUB STE, NYI MA NAS SKAR KHONGS GNYIS KYI SKAR MA MTHONG BA YIN PA'I PHYIR RO, ,NYI MA'I MDUN NA MON GRE YIN, ZHES PA MON GRE'I STENG DU NYI MA LDOG PA'O ZHES 'CHAD PA NI DON MIN TE, RGYAL SROD LA 'CHAR BA
DANG NYI MA MON GRE'I STENG NA YOD PA 'GAL BA'I PHYIR RO, ,GDAGS PAR YANG, DGUN ZLA THA CHUNG YAR GYI NGO'I TSES BRGYAD LA MTSAN MO NI YUD TZAM BCO BRGYAD, NYIN MO NI YUD TZAM BCU GNYIS YOD DO, TSES DGU PHAN CHAD MTSAN MO NI 'BRI NYIN MO NI SKYE STE, ZHES DANG, BZHAG PAR YANG, DGUN ZLA THA CHUNG YAR GYI NGO'I TSES BRGYAD LA MTSAN MO NI YUD TZAM BCO BRGYAD, NYIN MO NI YUD TZAM BCU GNYIS YOD DO, ,TSES DGU PHAN CHAD NI MTSAN MO NI 'BRI, NYIN MO NI SKYE STE, ZHES BSHAD PAS GDAGS PA GANG LA ZHAG PA'I LUGS LA YANG DGUN ZLA THA CHUNG LA DGUN NYI LDOG PA YIN NO, ,'O NA MDZOD DU, DBYAR GYI ZLA BA GNYIS PA YI, ,THA MA'I TSES DGU NAS MTSAN RING, ,DGUN RNAMS KYI NI BZHI PO LA, ,THUNG NGUR 'GYUR RO NYIN MA LDOG ,CES BSHAD PA JI LTAR GRANG ZHE NA, 'DI LA PHYIS KYI KHA CIG NA RE, DE NI NOR BA YIN PAS DOR BAR BYA STE, DE NYID NOR BA'I RGYU MTSAN, GDAGS PA DANG BZHAG PAR DGUN NYI LOG NAS DBYAR NYI LOG GI BAR DU ZLA BA BDUN DANG, DBYAR NYI LOG NAS DGUN NYI LDOG GI BAR LA ZLA BA LNGA YOD PA'I DBANG DU BYAS PA LA, DE MA DAG PAR MKHYEN NAS SLOB DPON DBYIG GNYEN GYI DGUN NYI LDOG PA DE LAS ZLA BA GCIG GIS 'PHYI BAR MDZAD DE, DBYAR NYI LDOG PA DANG DGUN NYI LDOG PA'I BAR DU ZLA BA DRUG DRUG YOD PAR MDZAD PAS NONGS PA YIN NO, ,ZHES ZER ZHING, GDAGS PA SOGS KYI DE LAS DBYAR NYI LDOG PA ZLA BA GCIG GIS SNGA BAR BYAS NA RNAM PAR DAG PA YIN NO ZHES ZER RO, ,DE LA
, ,MDZOD KYI GZHUNG DE DAG GI DGONGS PA 'CHAD PA LA 'GREL BSHAD DAG GI 'CHAD TSUL MI 'DRA BA 'DI LTAR YOD DE, RGYAL PO SRAS KYIS, DBYAR GYIS ZLA BA GNYIS PA YI, ,THA MA'I TSES DGU NAS MTSAN RING, ZHES BYA BA NI, DBYAR GYI ZLA BA NI DBYAR ZLA 'BRING PO'I NYA'I NAS STON ZLA THA CHUNG NYA'I BAR BZHI YIN LA, ZLA BA THAMS CAD KYANG MAR GYI NGO SNGA PA STE, DE LA STON ZLA RA BA YAR GYI NGO'I TSES DGU NAS MTSAN MO RING BAR 'GYUR RO, ,DGUN RNAMS KYI NI BZHI PA LA, ,THUNG NGUR 'GYUR RO ZHES BYA BA NI, DGUN GYI ZLA BA NI STON ZLA THA TSUNG NYA NAS DPYID ZLA RA BA NYA'I BAR BZHI YIN TE, DE LA DPYID ZLA RA BA YAR GYI NGO'I TSES DGU NAS MTSAN MO THUNG NGUR 'GYUR RO, ZHES BSHAD PA LTAR NA, HOR ZLA BRGYAD PA LA DBYAR NYI LDOG PA DANG, HOR ZLA GNYIS PA LA DGU NI NYI LDOG DGOS PAR MTHONG NAS, DE NYID GZHUNG RTZA BA'I DGONGS PAR 'OS MED DU BSAM NAS LNGAR BSHAD PA'I 'THAD MI 'THAD KYI DGAG SGRUB DE LTAR BYAS SO, ,'ON KYANG 'DUS BZANG GIS MDZAD PA'I 'GREL PA LAS, DE LA, DBYAR GYI ZLA BA GNYIS PA YI, ,THA MA'I TSES DGU NAS MTSAN RING, ,DBYAR GYI ZLA BA GNYIS PA DBYAR ZLA THA CHUNG GI YAR GYI NGO'I TSES DGU NAS MTSAN MO RING NGO, ,DGUN RNAMS KYI NI BZHI PA LA, THUNG NGUR 'GYUR TE, DE NYID DGUN GYI ZLA BA BZHI BA'I YAR GYI TSES DGU NAS THUNG NGUR 'GYUR ZHES SBYAR TE, DGUN ZLA THA CHUNG GI YAR GYI NGO'I TSES DGU NAS SO, ZHES 'BYUNG ZHING, SLOB DPON PHYOGS KYI GLANG POS MDZAD PA'I 'GREL PA LAS, NYI MA 'GRO BA'I BYE BRAG LAS 'DI NI NYIN MO DANG MTSAN MO RNAMS RING DU
'GYUR TE, ,DE LA YANG, DBYAR GYI ZLA BA GNYIS PA YI, ,THA MA'I TSES DGU NAS MTSAN RING, ,DBYAR ZLA THA CHUNG YAR GYIS NGO'I TSES DGU NAS MTSAN MO RING NGO, ,DGUN RNAMS KYI NI BZHI BA LA, ,THUNG NGUR 'GYUR RO, ,DGUN ZLA THA CHUNG PHYOGS GNYIS PA'I TSES DGU NAS SO, ,NYIN MO BZLOG GANG GI NYIN MO RING BA DE'I TSE MTSAN MO THUNG BAR 'GYUR RO ZHES BSHAD PAS, 'GREL PA DE GNYIS 'CHAD TSUL MTHUN LA, GANG SPEL GYIS NYI MA'I 'GROS KYIS RING THUNG DU 'GYUR ZHES PA TZAM LAS GZHAN CI YANG MA BSHAD DO, , DE YANG 'DUL BA DANG MNGON PA'I GZHUNG LUGS LA GRAGS PA NI, LO GCIG LA DUS TSIGS DRUG TU BYAS PA DANG, LNGAR BYAS PA DANG, BZHIR BYAS PA DANG, GSUM DU BYAS PA'I RNAMS GZHAG YOD PA LAS MDZOD DU 'DI LTAR BSHAD PA'I SKABS NI LO GCIG LA DUS TSIGS GSUM DU BYAS PA YIN LA, 'DUL BA'I SKABS SU, RA BA 'BRING PO THA CHUNG GI RNAM GZHAG GI TSE YAR NGO SNGON 'GRO'I DBANG DU BYAS PA'ANG YOD LA, MAR NGO SNGON 'GRO'I DBANG DU BYAS PA YANG MANG MOD KYI, MDZOD RTZA 'GREL GYI BSHAD PA 'DI DAG NI MAR NGO SNGON 'GRO'I DBANG DU BYAS LA, MDZOD KYI RANG 'GREL LAS, SANGS RGYAS PA'I DUS RNAMS KYI DANG PO NI DGUN TE, ZHES GSUNGS PA LTAR DGUN ZLA RA BA NAS LO MGO 'DZIN PA GZHUNG DE'I LUGS YIN ZHING, DGUN ZLA RA BA YANG MGO'I ZLA BA LA BYED DGOS PA LA NI SHES BYED YANG DAG PA DU MA YOD KYANG 'DIR GZHUNG GZHAN GYI LUGS RGYA CHER BRJOD NA HA CANG MANGS PAR 'GYUR BAS MA BRIS SO, ,DE LTAR NA DBYAR ZLA THA CHUNG NI MAR NGO SNGON 'GRO'I TSE HOR ZLA DRUG
, ,PA'I TSES BCU DRUG NAS HOR ZLA BDUN PA'I BCO LNGA YAR BCAD DANG, DGUN ZLA THA CHUNG NI HOR ZLA BCU GNYIS PA'I MAR NGO'I TSES GCIG NAS HOR ZLA DANG PO'I YAR NGO'I TSES BCO LNGA YAR BCAD YIN PAS, DGUN ZLA THA CHUNG GI HOR ZLA DANG PO'I TSES BRGYAD LA DGUN NYI LDOG PA DANG, DBYAR ZLA THA CHUNG GI HOR ZLA BDUN PA'I YAR NGO'I TSES BRGYAD LA DBYAR NYI LDOG CING, DE DAG GI TSES DGU NAS NYIN ME RING THUNG DU 'GYUR BA 'GREL PA GZHAN GNYIS KYI 'CHAD LUGS DE NYID SLOB DPON DBYIG GNYEN GYI GZHUNG GI DGONGS PAR BYAS NA LEGS SHING, DE YANG DGUN NYI LDOG PA DANG DBYAR NYI LDOG PA PHYI MTHA' GZUNG BA YIN GYI, DE KHO NA LA LDOG PA'I NGES GZUNG MA YIN NO ZHES BSHAD NA SHIN TU LEGS LA, SLOB DPON DBYIG GNYEN GYI DGONGS PA 'GREL PA LA SLOB DPON PHYOGS GLANG LAS TSAD MAR GYUR PA'I RJES 'JUG GZHAN 'ONG DON MED DO, ,HOR ZLA BRGYAD PA LA DBYAR NYI LDOG PA DANG, HOR ZLA GNYIS PA LA DGUN NYI LDOG PA NI DA LTA GLING 'DIR NYI MA LDOG PA JI LTAR PHYI YANG MI SRID LA, DGUN GYI ZLA BA BZHI PA'I MGO HOR ZLA DANG PO'I TSES BCU DRUG NAS 'DZIN KYANG, DGUN NYI LOG NAS ZHAG DRUG BDUN TZAM LAS BAR NA MED PAS, DGUN NYI LDOG PA DANG DBYAR NYI LDOG PA'I BAR NA ZHAG KHA YAR RE'I MTHO DMA' CI RIGS SU 'GYUR BA TZAM MA GTOGS ZLA BA DRUG DRUG YOD PAR 'DRA'O ZHES SHES PA'I PHYIR DU, DGUN RNAMS KYI NI BZHI PA LA, ZHES GSUNGS PA YIN NO ZHES BSHAD PAS 'GAL BA MED DO, ,SLOB DPON DBYIN GNYEN GYI SA NOR PA
BYAS SO ZHES SMRA BA PO RANG NYID KYIS, GDAGS PA DANG BZHAG PAR DGUN NYI LDOG NAS DBYAR NYI LOG GI BAR ZLA BA BDUN DANG, DBYAR NYI LDOG NAS DGUN NYI LDOG GI BAR DU ZLA BA LNGA YOD PA LA, ZHES SMRAS PA DANG, GDAGS PA DANG BZHAG PA DANG NYI MA'I SNYING PO DANG DRI MED 'OD RNAMS SU DPYID MNYAM SA GA'I ZLA BA DANG STON MNYAM SMIN DRUG GI ZLA BAR BSHAD PAS MDO BSTAN BCOS DE RNAMS KYI NYI MA LDOG DUS GCIG CING, ZHES SMRAS NAS, DUS 'KHOR RTZA 'GREL GYI LUGS LA GDAGS PA DANG BZHAG PAR BSHAD PA DE LAS DBYAR NYI LDOG PA ZLA BA GCIG GIS SNGA BAR SMRA BA RNAMS NI RANG TSIG DNGOS SU 'GAL BA'I PHRENG BA SGRIG PA STE, RANG GI NGANG TSUL 'DI LTAR GNAS PA MA RIG PAR NYAN THOS SDE BA'I GRUB PA'I MTHA' LA BRTEN NAS THEG PA THUN MONG GI CHOS MNGON PA'I DGONGS PA 'CHAD PA LA YANG KUN MKHYEN GNYIS PA DBYIG GNYEN GYIS MA GO BA'I NONGS PA BYAS SO ZHES HA CANG YANG MA 'TSAM PA'I GTAM BYUNG RGYAL DU SMRA BA LA MA SHES PA'I SNGA ROL NAS RINGS PAR MA BYED CIG; DRANG SRONG RNGA BONG PHYI ROL PA'I DRANG SRONG YIN ZHING, PHYI ROL PA DANG SANGS RGYAS PA'I DUS KYI RNAM GZHAG LA MI MTHUN PA DU MA YOD PAS, SANGS RGYAS PA'I MDO RGYUD KYI DGONGS PA 'CHAD PA MU STEGS KYI DRANG SRONG GI LUGS DANG 'GRIG MI 'GRIG DBYED PA DON MED LA, DUS KYI 'KHOR LO'I SKABS 'DIR RANG GI LUGS NI, 'GREL CHEN LAS, LHO'I DUM BU 'DIR LUGS LA NYI MA GNAS PAS SA GA'I ZLA BA BYED DO, ZHES DANG, SA'I DUM BU GANG DU LUG GI NYI MA LA DPYID PHYED KYI NYIN MTSAN MNYAM
, ,PAR GYUR NA SRANG GI NYI MA STON PHYED DU 'GYUR RO ZHES GSUNGS PA LA, NAG PA DANG SA GA'I ZLA BA NI DPYID YIN ZHING, THA SKAR DANG SMIN DRUG GI ZLA BA NI STON YIN LA, STON GYI ZLA BA GNYIS PO DE NYID LAS ZLA BA SNGA MA DANG PHYI MA'I 'TSAMS NI STON PHYED DE DE LA STON NYIN MTSAN MNYAM PA DANG, DE BZHIN DU DPYID KYI ZLA BA SNGA PHYI GNYIS PO DE'I 'TSAMS NI DPYID PHYED YIN PAS DE'I TSE DPYID NYIN MTSAN MNYAM PA'I DON TE, DE YANG DBYAR NYI SKAR MA LAG GI BZHI GSUM 'DAS PA'I 'TSAMS SU LDOG CING, DGUN NYI CHU STOD KYI BZHI CHA SONG BA'I DUS SU LDOG LA, RI MO LA NYI DAG GI SKAR MAR BCU DGU DANG CHU TSOD DU BCO LNGA SHAR BA'I NYIN DGUN NYI LDOG PA DANG, DE NAS DE'I SKAR GNAS SU NYER DRUG DANG, CHU TSOD DU THIG LE SHAR BA'I NYIN DPYID NYIN MTSAN MNYAM PA YIN ZHING, DE NAS SKAR MAR LNGA DANG CHU TSOD DU ZHE LNGA SHAR BA'I NYIN DBYAR NYI LDOG PA DANG, DE NAS SKAR GNAS SU BCU GNYIS DANG CHU TSOD DU SUM CU SHAR BA'I NYIN STON NYIN MTSAN MNYAM PA YIN NO, ,DA LTA'I SKAR RTZIS PA MANG POS GLING 'DI'I NYI MA LDOG DUS KYI RTZIS BYAS PAS, MTSAN PHYED NA LDOG PA DANG THO RANGS LDOG PA SOGS KYI RNAMS ZHAG BYED PA NI NYI MA LDOG PA GANG LA ZER GYI GO BA RAGS PA TZAM YANG MA CHAGS PA'I MUN SPRUL YIN TE 'OG TU GO LA'I SKABS SU CUNG ZAD BSHAD PAR BYA LA, KHA CIG NA RE, NYI MA'I SKYES SKAR SBYONG BA THAMS CAD KYANG GLING RANG RANG GI LHOR BGROD KYI THOG MA RTOGS PA'I PHYIR SBYONG BA YIN PAS, GLING BCU GNYIS SU SKYES SKAR RAGS PA MA'I 'DRA BA BCU GNYIS SBYONG BA LA DGONGS NAS 'DIR DBYE BA MA MDZAD CING, ZHIB PAR DPYAD
NAS SA DUM BU BCU GNYIS DUM BU SUM BRGYA DRUG CU RTZA LNGA LHAG TZAM DU BGOS PA'I DUM BU SO SOR ZHAG RE BZHIN DU BSIL RI DANG ME RI LA REG PAS LHOR BGROD BYANG BGROD KYI NYI MA LDOG PA YANG LO RE LA SUM BRGYA DRUG CU RTZA LNGA LHAG TZAM DU 'GYUR PAS DE DANG MTHUN PA'I SKYES SKAR SPYOD DGOS SO ZHES SMRA BA NI SHIN TU RAGS PA'I GNAS LA 'KHRUL PA STE, DE LTA NA 'DZAM GLING CHUNG NGU 'DIR LO GCIG LA STON MNYAM DPYID MNYAM YANG MI 'DRA BA SUM CU LHAG PA'I GRANGS SU 'GYUR ZHING, DE 'DOD NA LHO GLING DBUS MA 'DIR LO GCIG LA DGUN ZLA RA BA SUM CU LHAG TZAM DANG, DE BZHIN DU DGUN 'BRING DE SNYED DANG, DGUN ZLA THA CHUNG DE SNYED DANG, RA BA 'BRING PO THA CHUNG GZHAN RNAMS KYANG DE SNYED RER 'GYUR BAS, GLING RE RER YANG LO RE LA ZLA BA SUM BRGYA DRUG CU LHAG TZAM RER 'GYUR BA'AM, YANG NA GLING 'DIR LO GCIG LA ZLA BA BCU GNYIS LAS MED KYANG, DE'I ZLA GCIG RANGS PO LHOR BGROD MTHAR THUG DANG, GCIG RANGS PO BYANG BGROD MTHAR THUG DANG ZLA BA GCIG RANGS PO STON MNYAM DANG, ZLA GCIG RANGS PO DPYID RANGS PO DPYID MNYAM LA SOGS PAR 'GYUR BA SOGS LUNG RIGS MNGON SUM DANG 'GAL BA'I GNOD PA DU MA 'BAB PAR 'GYUR TE RGYAS PAR MA SPROS SO, ,GNYIS PA DAG PA GRUB MTHA'I RTZIS LA GNYIS, GRUB MTHA'I RTZIS RTZA RGYUD LAS GSAL BAR GSUNGS TSUL DANG, BSDUS RGYUD LAS GSAL BAR MI GSUNG BA'I RGYU MTSAN NO, ,DANG PO NI, RTZA BA'I RGYUD LAS, ZHES PA NAS, MTHAR THUG PA GSUNGS PA 'DI LTA STE, LO GCIG ,CES PA NAS, ZHES SO'I BAR PHAL CHER GO SLA LA DE LTAR BRJOD PA'I RIM PAS
, ,SOGS MJUG BSDU BA'O, ,GNYIS PA NI, BSDUS PA'I RGYUD KYI ZHES PA NAS, GRUB MTHA'I RTZIS GSAL POR MA MDZAD DO, ,MI MDZAD PA DE'I RGYU MTSAN CI'I PHYIR ZHE NA, 'DIR ZHES SOGS SO, ,GNYIS PA KEE LA SHA'I BYANG GI NYIN MTSAN GYI 'PHEL 'GRIB BSTAN PA NI, DA NI KEE LA SHA'I BYANG DU GANGS RI'I BAR NYIN MO DANG, ZHES SOGS TE, DE YANG TSAD 'DI LA ZHES SOGS KYIS CHU TSOD BCU GNYIS KYI 'PHEL 'GRIB BYED PAR BSHAD PA 'DI RAGS RTZIS YIN GYI, ZHIB BAR BRTZIS NA CHU TSOD BCU GCIG CHU SRANG DGU, DBUGS GCIG GO ,ZHES 'CHAD DO, ,GSUM PA SGRA GCAN RGYU SKAR LA LONGS SPYOD TSUL NI, DA NI SGRA GCAN RGYU SKAR LA, ZHES SOGS KYIS BSHAD PA'I SGRA GCAN GYI RGYU MTSAN NI, MKHAS PA DGA' BYED LTAR RO, ,BZHI PA GZA' LNGA RGYU SKAR LA LONGS SPYOD TSUL LA GNYIS, GZA' LNGA SPYI'I GSAL ZHAG DANG, GZA' LNGA SO SO'I NGES PA'O, ,DANG PO NI, DA NI BKRA SHIS LA SOGS PA RNAMS ZHES SOGS TE, ZLA BA SUM CUS BSGYUR NAS TSES BSRE BA NI TSES ZHAG GI PHUNG POR BYAS PA'O, ,GNAS GSUM DU BYAS PA'I 'OG MA LA BDUN BRGYA DANG BDUN GYIS BGOS PAS THOB PA DBUS MA LA BYIN NAS DRUG CU RTZA BZHIS BGOS PA'I RNYED NOR GYI GNAS STENG MA LA 'BRID PA NI TSES ZHAG LAS NYIN ZHAG BYED PA STE, TSES ZHAG DRUG CU RTZA BZHI NA TSES ZHAG RE DANG TSES ZHAG RE'I BDUN BRGYA DANG BDUN GYI CHA RE BU LON DU 'GYUR BA'I PHYIR RO, ,DE NI MI GSAL BZHAG GO ,DE YANG GNAS DBUS MA LAS THOB NOR GYI ZHAG NI LO RE LA ZHAG DRUG TU NGES SO, ,GNAS GNYIS
GCIG LA GZA' RTZIS 'PHRO BYIN NAS BDUN GYIS BGOS PA'I LHAG MA DANG RES GZA' MTHUN NA DAG CING MI MTHUN NA MI GSAL ZHAG LA GCIG SBYANGS NAS DAG PAR BYAS PA NI GSAL ZHAG CES BYA LA, GZA' LNGA'I SPYI'I NYIN ZHAG YIN PAS SPYI NYI ZHES KYANG BYA'O, ,KHA CIG MI GSAL ZHAG LA GZA' MANG POS SPYOD PA NI GZA' GCIG DMAN PAR 'GYUR RO, ZHES GRANGS MDZAD PA DANG 'GAL LO, ,GNYIS PA GZA' LNGA SO SO'I NGES PA LA LNGA, MIG DMAR DAG PA'I NGES PA DANG, LHAG PA DANG, PHUR BU DANG, PA SANGS DANG, SPEN PA DAG PA'I NGES PA'O, ,DANG PO LA GSUM, RTAG PA'I LONGS SPYOD DANG, KHYIM GYI LAS KYI CHO GA DAL BA DAG PA DANG, SKAR MA'I LAS KYI CHO GA MYUR DAG ZHI GZA' LA MTSON TSUL DANG BCAS PA'O, ,DANG PO NI, DA NI BKRA SHIS GSUNGS TE, ZHES SOGS DANG, GNYIS PA NI, DA NI MIG DMAR DAG PA GSUNGS PA, ZHES SOGS TE, GZA' THAMS CAD KYI DAL BA'I LAS LA RIM PA MIN PAS NOR DU 'GYUR TE, RIM PAS NI BU LON NO, ZHES PA NI, GZA' LNGA'I DAL RKANG MGO BZUNG NAS 'KHOR LO PHYED DOR MA DOR GYIS RIM MIN LHOR BGROD DANG, RIM PA BYANG BGROD GNYIS SU BZHAG GO ,DE'I RGYU MTSAN SKYES KHYIM NAS BRTZAMS TE 'KHOR LO PHYED DOR BA'I KHYIM DRUG TU SNGAR RIM PA'I DUS SU NOR DANG BU LON DU GYUR PA DE NYID 'DIR DE LAS LDOG STE 'BYUNG BAS RIM MIN YIN ZHING, SKYES KHYIM NAS BRTZAMS PA'I KHYIM DRUG TU SNGA RKANG DU BU LON DANG PHYI RKANG DU NOR RIM PA BZHIN DU 'GYUR BAS RIM PA'O, ,LONGS SPYOD KYIS NI CHU TSOD BSGYUR LAS ZHES PAS MTSON NAS CHU SRANG SOGS
, ,KYANG BSGYUR DGOS SO, ,GSUM PA NI, DA NI MYUR BA'I LAS KYI CHO GA GSUNGS PA, ZHES SOGS SO, ,GNYIS PA LHAG PA DAG PA'I NGES PA NI, DA NI GZA' LHAG GSUNGS PA, ZHES SOGS DANG, GSUM PA PHUR BU DAG PA'I NGES PA NI; DA NI PHUR BU GSUNGS PA ZHES SOGS DANG, BZHI PA PA SANGS DAG PA'I NGES PA NI, DA NI PA SANGS GSUNGS PA, ZHES SOGS TE, DE LA GZA' LHAG DANG, PA SANGS KYI RI MO LA SHAR BA DANG MIG SKAR MA MTHUN PA NI SU SMRI TI KA RA nA DANG KHA ntA KH'ARYA LAS BSHAD PA'I LAS LNGA PA ZHES BYA BA DANG, SHR'A'I KA RA nA LAS BSHAD PA'I NUB TU 'CHAR BA DANG SHAR DU NUB PA ZHES BYA BAS BYED TSUL RGYUD 'GREL DU MA BYUNG BAS YIN PAS, NYI MA DAG PAS RKANG 'DZIN LA SBYONGS PAS DAG PAR MI 'GYUR GYI, PHYI ROL PA'I RTZIS BZHIN DU NYI BAR GYIS SBYANG BAR BYA'O, ,DRI MED 'OD DU, DE BZHIN ZLA SKYES TE, ZHES PA'I DE BZHIN GYI SGRA NI NYI RKANG DANG BRAL BA'I ZHES BYA BA DANG YANG 'BREL LO, ,'GREL CHEN DU ZLA SKYES DANG DKAR PO LA YANG NYI MAS SBYANG BAR BYA'O, ZHES GSUNGS PA'I PHYIR NYI MA DAG PAS SBYANG DGOS GSUNG ZHING, BYED RTZIS SU YANG DE LTAR MDZAD PA MI 'THAD DO, ,NYI MAS ZHES SMOS PAS NYI MA DAG PAR 'GYUR NA, NYI MAR SA SKYES RNAM PAR SBYOR STE, ZHES PAS KYANG NYI DAG LA SBYONG BA DANG, DUS KYI RGYU SKAR RKANG PA GSUM BCAS BU LON DAG STE NYI MA'I LONGS SPYOD DBUS NAS SBYANG BAR BYA ZHES PA YANG, NYI DAG LA SBYANG BAR BYA DGOS PAR 'GYUR RO, ZHES LO NAM 'CHAD DE, MGO SKAR DANG DE LTAR BYAS NA
'GRIG MOD KYI, DE LTAR BYED NA YANG NYI BAR GYIS SBYONG BA 'GREL CHEN GYI YANG DGONGS PA YIN ZHING, TSUL DE NYID PHYI ROL PA DANG YANG 'DRA'O ZHES BRJOD PAR BYA BA YIN GYI, 'GREL CHEN GYI RTZIS MA DAG CING PHYI ROL PA'I RTZIS DAG GO ZHES LOG PA'I SKAD DBYUNG BAR MI BYA'O, ,RAB GSAL MA NU'I GNAS DAG LA STE ZHES PA RGYU SKAR GYI RKANG PA'I BCU BZHI LA'O, ZHES PA NI PHYED DANG BCU BZHI'I DON NO, ,LNGA PA SPEN PA DAG PA'I NGES PA NI, DA NI SPEN PA GSUNGS PA ZHES SOGS SO, ,GZA' LNGA'I SKABS 'DI DAG GI BSHAD PAR BYA BA LHAG MA THAMS CAD NI, MKHAS PA DGA' BYED DU RGYAS PAR GSUNGS PA LAS SHES PAR BYA'I, ,DE NYID LAS RGYAS SHING GSAL BAR GSUNGS PA LAS KHYAD PAR CUNG ZAD KYANG MING BZHIN DU BRIS PA LA DGOS PA LHAG PO MED CING, YI GE HA CANG MANG BA'I NYES PAR 'GYUR BA'I PHYIR 'DIR DE TZAM LAS BRIS SO, ,LNGA PA GZA'I RGYU BA DANG 'CHAR NUB SOGS BSHAD PA LA GNYIS LAS, DANG PO 'GROS BZHIR RGYU BA'I MTSAN NYID NI, DA NI RGYU BA'I MTSAN NYID GSUNGS PA, ZHES SOGS SO, ,GNYIS PA GZA' 'CHAR NUB SOGS BSTAN PA LA LNGA LAS, DANG PO GZA' 'CHAR NUB KYI DUS BSTAN PA NI, DA NI GZA' RNAMS KYI ZHES SOGS DANG, GNYIS PA 'CHAR BA'I GZA'I LAM MTSON PA NI, DE'I LAM YANG ZHES SOGS TE DE DAG NI MKHAS PA DGA' BYED DU BSHAD PA LTAR SHES PAR BYA LA, GSUM PA LAM GYIS ZHI DRAG GI GZA' DBYE BA NI, GA-YON PA'I LAM LA GNAS
, ,PA ZHES SOGS DANG, ZHI DRAG GI GZA'I 'THOB TSUL NI, DE BZHIN DU SLAR YANG GSAL BAR, ZHES SOGS TE, DE DAG NI GO SLA ZHING, LNGA PA ZLA BA'I RvA'I LTAS BRTAG PA NI, DE BZHIN DU ZLA BA'I RvA MTHO BA YANG, ZHES SOGS TE 'DI'I DON LA, KHA CIG NA RE LHOR BGROD PA ZHES PA ZLA BA LHO BYANG DU BGROD PA'I LHO BGROD NI MA YIN TE, GAL TE YIN NA ZLA BA'I RvA LHO NGOS MTHO BA LO RE BZHIN 'BYUNG BA'I SKYON DU 'GYUR BA'I PHYIR RO, ,DES NA SPYIR ZLA BA NYI MA LA NUB PA YANG GA-YON NAS NUB CING, NYI MA LAS 'CHAR BA NA GA-YON NAS 'CHAR BA YIN PA LA, SKABS KHA CIG TU 'JIG RTEN DU MI SHIS PA'I BYUNG BA'I RGYU LAS NYI MA'I GA-YAS NAS NUB CING GA-YAS NAS 'CHAR BA LA LHOR BGROD PA ZHES BYA ZHING, DE'I TSE RTZE MO 'AM RvA LHO NGOS MA MTHO BAR SNANG BA YIN NO ZHES ZER BA KHA CIG BYANG GI RvA MTHO BA DANG LHO'I RvA MTHO BA GNYIS GA DE LTAR YIN GYIS, NGO BO NYID KYIS NI ZLA BA NYI MA'I GA-YAS GA-YON NAS 'CHAR NUB BYED PA MA YIN TE, 'GRO BA MGYOGS PAS RTAG PAR NYI MA'I MDUN NAS RGYU BA'I PHYIR RO, ZHES ZER RO, ,DRUG PA NYI ZLA LA SGRA GCAN 'JUG TSUL BSHAD PA NI, DA NI NYI ZLA LA SGRA GCAN RAB TU 'JUG PA'I PHYOGS KYI NGES PA GSUNGS TE, TSIGS 'TSAMS SU NI NYA'I 'TSAMS SU NYI ZLA LA SGRA GCAN 'JUG GO YANG YIG GIS GNAM STONG GI 'TSAMS SU YANG NGO, ,SGRA GCAN GDONG DANG ZLA BA MNYAM PAR 'GRO BA NI ZLA BA LA MNGON DU PHYOGS PA STE, GDONG GI SKAR MA'I MDUN NA TSES SNGA MA'I ZLA SKAR GNAS PA STE, DE'I TSE GDONG ZLA BA LA MNGON DU PHYOGS PA 'DZIN PA KHO
NAR 'GYUR RO, ,'DIR MNGON DU PHYOGS PA NI ZLA BA'I SHAR DU 'DZIN PA STE DE BZHIN DU GDONG GI SKAR MA'I LHO NUB NA ZLA SKAR GNAS PA'I TSE GDOR GIS ZLA BA'I BYANG SHAR NAS 'DZIN NO, ,DE NYID SGRA GCAN 'KHOR BA'I DBANG GIS SHES PAR BYA STE, DE NI BYED PA'I RTZIS GZHAN THAMS CAD LA RAB TU GRAGS PA'I PHYIR, 'DIR PHYOGS GANG NAS 'DZIN PA'I TSUL RGYAS PA BCOM LDAN 'DAS 'JAM DPAL GYIS 'BAD PA MA MDZAD DO, ,ZLA BA'I GA-YON DU SGRA GCAN RGYU BA DAG LA GA-YAS MIN DU STE ZHES PA NI GA-YON DU SGRA GCAN 'KHOR BA LA ZLA BA'I GA-YAS MIN GA-YON DU STE BYANG DU ZLA BA 'DZIN PAR 'GYUR RO, ,NYI MA'I BGROD PA'I DBANG GIS GA-YAS LA GA-YAS PA'I CHAR ZHES PA NI NYI MA'I LONGS SPYOD LAS BYUNG DU ZLA BA'I BGROD PA'I DBANG GIS TE NYI MA'I BGROD PA'I DBANG GIS ZHES SO, ,GA-YAS LA STE ZLA BA'I GA-YAS SU LHOR SGRA GCAN 'KHOR BA LA ZLA BA'I GA-YAS SU STE LHO PHYOGS NAS ZLA BA 'DZIN PAR 'GYUR RO, ,DE BZHIN DU SGRA GCAN GYI SKAR MA'I NUB BYANG DU ZLA BA GNAS NA ZLA BA'I SHAR LHO DANG BYANG SHAR DU GNAS NA ZLA BA'I LHO NUB DANG, SHAR LHOR GNAS NA ZLA BA'I NUB BYANG NAS 'DZIN TE, DE LTAR SGRA GCAN GYIS NI PHYOGS 'TSAMS SU 'DZIN RI BONG 'DZIN PA ZHES PA NI DE LTAR BRJOD PA'I RIM PAS 'KHOR BA'I DBANG GIS RI BONG 'DZIN PA SGRA GCAN GYIS PHYOGS 'TSAMS SU 'DZIN NO, ,'BYUNG BA DAG NI RGYAB TU YANG SGRA GCAN SHAR LA SOGS PA'I PHYOGS GZHAN 'KHOR NAS 'BYUNG 'GROS LA GNAS PA DAG NI ZLA BA'I NUB TU 'KHOR BAS SGRA GCAN GYI SHAR DU ZLA BA'I SKAR MA GNAS PA'I TSE SGRA GCAN GYIS ZLA BA RGYAB TU STE NUB PHYOGS NAS 'DZIN NO, ,'DI DAG NI GZAS 'DZIN MI 'BYUNG BA'I ZHAGS 'GA'I GONG NAS RGYU SKAR LA
, ,BRTAGS PA'AM, GO LA'I 'KHOR LO LAS SHES PAR BYA'O, ,ZHIB PAR RTZA BA'I RGYUD DAM GZHAN MU STEGS KYI BYED PA'I RTZIS KYI BSTAN BCOS GZHAN LA YANG BLTAS NAS SGRA GCAN 'KHOR BA DANG SGRA GCAN GYIS 'DZIN PA'I MTSAN NYID LA SOGS PAR SHES PAR BYA'O, ,DE LTAR ZLA BA'I BGROD PA'I DBANG GIS SGRA GCAN ZLA BA'I PHYOGS DANG 'TSAMS SU GNAS PAS ZLA BA 'DZIN YANG, ZLA BA CHA YONGS SU RDZOGS PA'I BCU DRUG PA NI ZLA BA'I SHAR MTHA' KHO NAR BZHAG DGOS PA'I PHYIR DNGOS PO LA ZLA BA'I SHAR GYI PHYOGS SU GTOGS PA KHO NA NAS SGRA GCAN THOG MAR 'JUG KYANG, PHYOGS GZHAN NAS GZUNG BAR SNANG BA DAG NI ZLA BA 'KHOR BA'I DBANG GIS YIN NO, ZHES BLA MA DAG 'CHAD DO, ` ,GSUM PA MKHA' LA GZA' SKAR 'KHOR BA'I DBANG GIS SA LA DUS SO SOR 'GYUR TSUL STON PA KHYIM BCU GNYIS KYI RNAM PAS SA 'KHOR BA'I NGO BO NYID KYIS GNAS PA LA GNYIS, KHYIM BCU GNYIS KYI RNAM PAS STENG DU NAM MKHA' LA 'KHOR TSUL, DE'I DBANG GIS SA DUM BU BCU GNYIS LA DUS 'KHOR TSUL SOGS BSHAD PA'O, ,DANG PO LA GNYIS, GO LA'I GNAS TSUL BSHAD PA DANG, 'JIG RTEN SPYI LUGS KYI GO LA'I RGYA TSAD LA SOGS PA BSHAD PA'O, ,DANG PO LA GNYIS RGYU SKAR GYI GO LA MDOR BSTAN PA DANG, KHYIM GYI GO LA RGYAS PAR BSHAD PA'O, DANG PO NI, DA NI ZHES SOGS KYIS 'TSAMS SBYAR NAS, THA SKAR LA SOGS, ZHES PA RTZA 'GREL GYI DON DNGOS 'CHAD PA STE, LHO GLING DBUS MA 'DIR THA SKAR GYI STENG DU NYI MAS SLOB PA NA DPYID NYIN MTSAN MNYAM PAS DE'I TSE RGYU SKAR GYI GNAS
TSUL GYI DBANG DU BYAS NA, BYANG DU THA SKAR LA SOGS PA NAG PA'I THOB THANG GI NAM MKHA'I GOS PHYED DANG, LHOR NAG PA PHYED LA SOGS PA NAM GRU'I MTHAR SA'I DUM BU 'DIR LUG DANG SRAD DANG LA SOGS PA DUM BU GZHAN DANG GZHAN DU GLANG DANG SDIG PA LA SOGS PA RNAMS LA NYI MA GNAS PA'I TSE DPYID DANG STON GYI NYIN MTSAN MNYAM PA LA, BYANG GANGS RI GNAS LHO ME RI'I BAR GYIS DBUS TE PHYED NI LAN TSvA'I RGYA MTSO'I ZHENG TSAD CHA BZHIR BGOS PA'I BZHI CHA NANG MA'I STENG DU NYIN MTSAN MNYAM PA'I GO LA'I RI MO STE; DE LA NYI MA SLOB PA'I NYIN ZHAG LA DUM BU SO SOR NYI MA 'CHAR BA DANG NUB PA'I RGYU LAS NYIN MO DANG MTSAN MO CHU TSOD SUM CU SUM CU'I BDAG NYID CAN DU 'GYUR RO, ,GNYIS PA LA BZHI LAS, DANG PO BSHAD BYA DGOD PA NI, GO LA DE NYID NI, ZHES PA NAS, ZHES PA NI'I BAR TE, NYIN MTSAN MNYAM PA'I GO LA'I RI MO LAS GA-YAS SU RGYU SKAR GYIS GOS RANGS PO BCU GSUM DANG PHYED MA GCIG STE GNAS BCU BZHI DANG, GA-YON DU'ANG BCU BZHI STE, DE LTAR RGYU SKAR GYI DBYE BAS PHYE BA'I GNAS BCU BZHI LA SRID PA'I GNAS ZHES BYA'O, ,GNYIS PA MI SHES PAS BRTAGS PA'I GO LA DGAG PA NI, LAS KYIS KHYAD PAR CAN 'DZAM GLING CHUNG NGU 'DIR MI SHES PA'I DBANG GIS GO LA'I 'DOD PA RNAM PA SNA TSOGS PA GZA' RNAMS GANG NAS BGROD PA'I GNAS LA SOGS PA'I DBYE BA LUGS THA DAD PA MU STEGS PA KHA CIG BRJOD DO, ,JI LTAR ZHE NA, 'DIR KHYIM GYI GO LA LA GZA' BRGYAD PO ZHES PA NAS, RGYU SKAR LA 'KHOR BA'I GRANGS MNYAM STE, DPER NA, ZHES PA NAS, BA LANG DE RNAMS LA, 'GRO BA MGYOGS BUL YOD KYANG DBUS KYI KA BA LA 'KHOR
, ,GRANGS MNYAM PA DE BZHIN DU GZA' RNAMS KYANG RGYU SKAR LA SPYOD PA'I SGO NAS RI RAB 'KHOR BA'I GRANGS MNYAM PAR RIG PAR BYA'O, ZHES GRAG GO ,ZHES PHYOGS SNGA MA BKOD NAS DE 'GOG PA NI, RANG GI LUGS BZHAG PA 'DOD PA GNYIS PAR BYAS PA LA LTES PA'I 'OD PA DANG PO 'JIG RTEN MU STEGS PA'I LUGS RIGS PAS RNAM PAR DPYAD PAR BYA STE, DE'I RGYU MTSAN YANG 'DIR MU STEGS RANG RANG GI GRUB PA'I MTHA'I BSAM PA'I DBANG TZAM GYIS RNAM PAR BZHAG PAS RTZIS KYI THA SNYAD RNAM PAR DAG PA MED CING, GO LA LA SOGS PA'I 'DOD PA RIGS GCIG TU MI 'GYUR RO, ,RGYU MTSAN DE NYID KYI PHYIR LUGS DE RIGS PAS RNAM PAR DPYAD PAR BYA STE, ZHES BSHAD PAR BYA'O, ,'DI 'GYUR CUNG MA BDE BAS 'BRU SNON DKA' BAR BYUNG 'DUG CING; GYI CO DANG TZA MI DANG LO GRAGS SOGS KYI 'GYUR MI 'DRA BA KHA YAR 'DUG KYANG 'DI LAS BSHAD BDE BA'I KHYAD PAR CI YANG MI SNANG BAS 'GYUR BCOS NAS 'CHAD PA SOGS MA BYAS SO, ,'DIR BLA MA SNGA MA DAG NA RE, KA BA LA NYE BAR 'KHOR BA GANG YIN PA DE NI LA SOGS PA'I GZHUNG 'DI DAG SLOB DPON AA BHYAS RANG GZHUNG DU BYAS PAS SHIN TU NOR BAR SMRA ZHING, AA BHYAS DUS 'KHOR MI SHES PA LA SOGS PA'I SKUR PA 'DEBS PA LA GYA TSOMS SU 'JUG PAR BYED DO, ,DE NI AA BHYAS 'GREL CHEN GYI RANG GZHUNG GZHAN GZHUNG MA PHYED PA MA YIN GYI, DE LTAR SMRA BA PO DE DAG THAMS CAD KYIS AA BHYA'I GZHUNG DER GZHAN 'DOD PA RJOD PA DANG RANG LUGS BKOD PA'I GZHUNG GI 'TSAMS MA PHYED PAR RANG RTAGS BSTAN PA YIN NO, ,AA BHYAS DUS
'KHOR LA 'JUG BAR, 'BRU SNYIL BA'I DBUS KYI KA BA BZHIN DANG GLANG BZHIN 'KHOR BA, ZHES 'BYUNG BA NI RANG LUGS BZHAG PA'I GZHUNG MA YIN GYI, DE NYID LAS 'DIR YANG 'BRU SNYIL BA'I DBUS KYI KA BA BZHIN DANG GLANG BZHIN 'KHOR LA, RGYU SKAR DBYUG GA LA SOGS PA NAS NAG PA'I PHYED KYI BAR DU BYANG PHYOGS KYI RE KHA LA, LHO PHYOGS SU YANG NAG PA'I PHYED LA SOGS PA NAM GRU'I MTHAR RO, ,DE RNAMS KHO NA LA RKANG PA DANG BCAS PA'I RGYU SKAR GNYIS LA KHYIM GCIG NYID DO, ,DE LTAR KHYIM BCU GNYIS PO RNAM PAR BZHAG GO ,ZHES PA NI, GZHAN GYIS LUGS BRJOD PA STE, 'DIR YANG MU STEGS PA DAG GIS TSUL DE LTAR RNAM PAR BZHAG GO ZHES BYA BA'I DON TO, ,MU STEGS KYI 'DOD PA DE NYID 'GOG PA NA, 'DIR GO LA LA ZHES SOGS KYIS, DAL MYUR GYI GZA' RNAMS STENG 'OG TU GNAS SAM GA-YAS GA-YON DU GNAS ZHES BRTAGS NAS DANG PO LA 'GOG PA NA, STENG 'OG TU GNAS PA DE'I TSE MYUR BA DANG DAL BA'I GZA' DAG NAM YANG PHRAD PAR MI 'GYUR TE, RANG GI GNAS STENG 'OG GI LAM YONGS SU MI GTONG BA'I PHYIR RO, ZHES BRJOD PA LA, DON LA MA PHRAD KYANG 'OG GI GZAS STENG GI GZA' BSGRIB PA LAS STENG GI MIS PHRAD PAR BZUNG NAS DE'I THA SNYAD BYED PA YIN NO ZHES PA'I SKYON SPONG 'GOG PA NI, SKYON SPONG 'DI LA GNOD PA BRJOD PA, 'DIR MNYAM PA NYID NI NYI MAS STENG GI GZA' BSGRIB PA LA MTSON NA, NYI MA GUNG GI DUS LA STE SNGA DRO NYI MA 'CHAR BA DANG DGONG MO NYI MA NUB PA'I DUS LA MA YIN NO, ,DES NA SNGA DRO NYI MA 'CHAR BA'I DUS SU ZHES SOGS KYIS BKAG NAS, PHYAGS GNYIS
, ,PA GA-YAS GA-YON DU GNAS PA LA YANG SKYON DE NYID DU 'GYUR BAR STON PA NI, DE BZHIN DU SOGS SO, ,DBUS KYI KA BA LA 'BRU SNYIL BA'I BA LANG NYE RING DU 'KHOR BA LTAR RI RAB LA GZA' RNAMS NYE RING DU 'KHOR TSUL BYIS PA RNAMS ZHES PA NAS BKOD PA STE, 'DIR KHYIM GYI 'KHOR LO'I MTHA' NAS NANG DU RIM PA BZHIN MGYOGS RIM GYIS, GNAS DANG PO LA ZLA BA DANG, ZHES PA NAS, SPEN PA GNAS SO ZHES BYA BA NI MU STEGS 'DOD PA LTAR GNAS DE DANG DER NGES PA MA YIN GYI, LAN RE TZAM SRID PA'O, ,LHUN PO LA GNAS SO SOR NYE RING DU GNAS PA DE YANG PHYOGS 'TSAMS THA DAD NA NYE BA DANG RING BA'I TSUL GYIS GNAS PAR 'DOD PA YIN GYI, PHYOGS GCIG NAS PHYI NANG DU GRAL LA BSGRIGS PA BZHIN GNAS PAR MU STEGS KYANG MI 'DOD DO, ,DE'I PHYIR DON DAM PAR ZHES SOGS NI BKAG PAS GRUB PA'I DON BSDU BA DANG, BYIS PA RNAMS ZHES SOGS NI SNGAR MU STEGS KYI 'DOD PA GZA' RNAMS RI RAB LA NYE RING DU 'KHOR BAR 'DOD PA'I 'DOD TSUL GSAL BAR 'CHAD PA GTZO BO YIN PAS, 'DI DAG RANG LUGS 'JOG PA'I BSDUS DON GYI NANG DU BSHAD PA MI LEGS SO, ,GSUM PA RANG LUGS KYI GZA'I GNAS DANG BGROD TSUL MTSON PA TZAM BSTAN PA NI, ,'DIR KHYIM GYI 'KHOR LO LA ZHES SOGS TE GO SLA'O, ,BZHI PA BGROD PA SHES PA'I DON DU KHYIM GYI GO LA BSTAN PA NI, 'DI DAG GIS ZHES SOGS BSHAD PA'I 'TSAMS SBYOR BA STE, GZHUNG LHAG MAS KHYIM GYI GO LA DNGOS 'CHAD PA LA, GO LA ZHES PA NI SAM KRI TA'I SKAD
SOR BZHAG YIN CING DE NYID LO TZA-TSA BA SNGA MA KHA CIG GIS KHONGS DANG, KHA CIG GIS SBUB DANG, KHA CIG GIS ZLUM POR BSGYUR MOD KYANG, SKABS SU BAB PA NI ZLUM PO YIN LA, DE YANG BSIL RI'I STENG GI NAM MKHA'I MTHA'I BAR GYI SA DANG LAN TSvA'I RGYA MTSO'I STENG GI NAM MKHA' LA GZA' DANG RGYU SKAR RNAMS 'DEGS BYED KYI RLUNG GIS BTEG NAS RI RAB DBUS SU GNAS PA LA BSKOR BA'I TSUL GYIS 'KHOR BA'I ZLUM PO NI KHYIM GYI GO LA ZHES BYA ZHING, 'DI NAS DUM BU BCU GNYIS PO THAMS CAD KYI SPYI'I GO LA DANG, GLING 'DI LTA BU SA DUM BU RE RE'I STENG GI NAM MKHA'I GO LA ZLUM PO STE GO LA CHE CHUNG RIGS GNYIS YOD DE, ,DE LA 'DEGS BYA NI SKAR KHYIM GYI GO LA NYID YIN ZHING, RLUNG NI DE 'DEGS BYED YIN GYI, 'DEGS BYED KYI RLUNG TZAM GO LA'I MTSAN GZHIR MI GZUNG NGO, ,RGYU SKAR GA-YAS SU RGYU SKAR BCU GSUM MO, ZHES PA'I BAR GO LA GZHU'I RNAM PA'I ZHES SOGS KYI DON, GZHU'I DBYIBS DANG PAD 'DAB BZANG PO'I DBYIBS SU GNAS PAR GSUNGS PA 'DIS, LHOR GNAS PA'I RGYU SKAR GYI KHYIM DRUG DANG, BYANG DU GNAS PA'I RGYU SKAR GYI KHYIM DRUG JI LTAR GNAS PA'I DBYIBS MI 'DRA BAR BSTAN NO SNYAM DU PHAL CHE BA ZHIG GIS BZUNG NAS DON SPYI BLO LA 'CHAR DKA' BAR BYUNG 'DUG MOD KYANG, RGYUD LAS, GZHU'I RNAM BA BZHES DANG, BAD 'DAB BZANG PO BZHIN DU ZHES DPE SO SOR SMOS PA NI ME TOG PHRENG 'DZIN GYI SDEB SBYOR SGRIG PA'I PHYIR YIN GYI, PAD 'DAB BZANG PO BZHIN ZHES PA YANG PAD 'DAB YONGS RDZOGS KYI RNAM PA 'OD DON MED PAS PAD+MA'I 'DAB MA ZLUM PO GCIG
, ,GI PHYED KYI RNAM PA YIN LA, DE YANG 'OD MA'I GZHU'I RNAM PA DBYIBS 'DRA BAS, GZHU'I RNAM PA ZHES GSUNGS PA DANG, PAD 'DAB BZANG PO BZHIN ZHES GSUNGS PA GNYIS KYI DON 'DRA'O, ,DE YANG GLING 'DI'I NYIN MTSAN MNYAM PA'I GO LA'I RI MO DBUS SU BYAS NAS GLING 'DI RANG GI THAD KYI STENG GI NAM MKHA' LA SKAR KHYIM BCU GNYIS ZLUM POR BKOD PA'I TSE, ZLUM PO DE'I PHYED KHYIM DRUG GA-YAS DANG, ZLUM PO'I PHYED KHYIM DRUG GA-YON DU GNAS PA'I DON TE, KHYIM DRUG DRUG LA RGYU SKAR GYI GNAS PHYED DANG BCU BZHI BCU BZHI YOD CING, GA-YAS NI ME RI'I PHYOGS DANG, GA-YON NI BSIL RI'I PHYOGS TE, NYI MA KHA SHAR LA BLTAS NAS RANG 'GROS BYED PAS DE'I GA-YAS GA-YON GYI DBANG DU BYAS PA'O, ,GLING BCU GNYIS PO RE RE'I THAD KYI STENG GI SKAR KHYIM ZLUM PO'I DBUS GLING RANG RANG GI NYIN MTSAN MNYAM PA'I RI MO'I STENG NAS GA-YAS GA-YON DU KHYIM DRUG DRUG GNAS TSUL 'DI DANG RIGS 'DRA ZHING, ,NYI ZLA GLING BCU GNYIS PO GANG GI DBANG DU BYAS KYANG RANG 'GROS GLING DE'I SHAR LA KHA LTAS NAS BYED PAR KHYAD PAR MED DO, ,RLUNG 'GROS KYIS NI ZHAG RE BZHIN RI RAB LA GA-YAS BSKOR DU 'DEGS BYED KYI RLUNG GI SHUGS KYIS BGROD PAR BYED DO, ,'OG TU 'GREL PAR, DE'I PHYIR 'KHOR BA'I SHUGS 'DI NI KHYIM GYI YIN GYI, KHYIM GYI GZHI LA GNAS PA'I NYI MA NI MA YIN NO, ,'DIR KHYIM GYI 'KHOR LO NI GA-YAS SKOR GYIS 'KHOR TE, GZA' RNAMS NI KHYIM DAG LA GA-YAS MIN GYI RGYU'O ZHES GSUNGS PA'I DON YANG DE LTAR
YIN LA, NYI MA RANG 'GROS DE LTAR BYAS PAS RGYU SKAR JI 'DRA BA ZHIG GIS THOB SKAL GYI NAM MKHA'I GE SA DER SLEB PA DE'I SGO NAS NYI MA LUG LA SOGS PA'I KHYIM DE DANG DER SLEB PA'I THA SNYAD BYED DO, ,'DIR t'IKA BYED KHA CIG NA RE, SKABS 'DIR KHYIM GYI CHAGS TSUL LHOR GZHU'I RNAM PA DANG BYANG DU PAD 'DAB KYI RNAM PAR GNAS BAR BSTAN PA 'DI GLING THAMS CAD KYI LHO BYANG BGROD PA MTHAR THUG GI SKAR MA'I GNAS TSUL YIN GYI, GLING 'DIR NYIN MTSAN MNYAM DUS KYI KHYIM PHYED PHYED KHO NA'I DBANG DU BYAS PA MA YIN NO ZHES ZER ZHING, GA-YAS SU GNAS BCU BZHI DANG GA-YON DU GNAS BCU BZHI ZHES SOGS LA RI RAB KYI GA-YAS DANG GA-YON ZHES PA DANG, LHOR GZHU DANG BYANG DU PAD+MA'I RNAM PA ZHES PA LA YANG RI RAB KYI LHO DANG RI RAB KYI BYANG ZHES 'CHAD PA BYED DO, ,TSUL DE NI MI RIGS TE, LHOR KHYIM DRUG DANG BYANG DU KHYIM DRUG GNAS PA NI GO LA NYIN MTSAN MNYAM PA'I RI MO'I DBUS NAS LHO'AM GA-YAS SU KHYIM DRUG DANG, BYANG NGAM GA-YON DU KHYIM DRUG GNAS PA LA 'GREL PAS DNGOS SU GSAL BAR BSHAD PA LAS DNGOS SU LDOG STE SMRAS PA'I PHYIR RO, ,GO LA'I DBUS RI RAB KYI DBUS NAS SHAR NUB TU TSANGS THIG BTAB PA'I DBANG DU BYAS PA'I DBUS YIN ZHING, DE'I GA-YAS GA-YON LA BYED DO SNYAM NA; NYIN MTSAN MNYAM PA'I RI MO RI RAB KYI DBUS KYI RI ME LA BYED DGOS PAS SHIN TU YA MTSAN ZHING, GO LA'I DBUS RI RAB KYI DBUS LA BYED NA GO LA'I THAD KA'I RGYA TSAD DPAG TSAD 'BUM PHRAG GNYIS SU 'GYUR BAS DPAG TSAD STONG PHRA
, ,BDUN CU RTZA LNGA'I TSAD DU BSHAD PA DANG, DNGOS SU 'GAL LA, KHYED KYI 'CHAD TSUL DE LTAR NA GZHUNG 'DI DAG KYANG 'JIG RTEN SPYI LUGS KYI GO LA 'CHAD PAR 'GYUR DGOS PAS, 'OG TU DA NI 'JIG RTEN SPYI'I LUGS KYI GO LA'I RGYA GSUNGS PA ZHES 'BYUNG BA'I TSUL LAM BRTAGS PAR 'GYUR BAS, DE LTAR GLING 'DI'I NYIN MTSAN MNYAM PA'I RI MO'I BYANG DU KHYIM DRUG DANG LHOR KHYIM DRUG GNAS PA NI GLING 'DI'I STENG THAD KYI GO LA'I NYIN MTSAN MNYAM PA'I RI MO'I DBUS NAS BSIL RI DANG ME RI LA REG GI BAR DU ZLUM POR BSKOR BA'I ZLUM PO PHYED BYANG MA DANG ZLUM PO PHYED LHO MA'I DBANG DU BYAS LA, YANG TSUL DE JI LTA BA BZHIN DU ZLUM POR BSKOR BA'I ZLUM PO PHYED SHAR MA DANG ZLUM PO PHYED NUB MA GNYIS SU BGOS PA'I DBANG DU BYAS NA, ZLUM PO'I PHYED SHAR DU LUG SOGS DANG, PHYED NUB TU SRANG SOGS TE, PHYED SHAR MAR LUG NAS BU MO'I MTHAR THUG PA LA GNAS SHING, DE BZHIN DU PHYED NUB MAR SRANG LA SOGS PA NYA'I MTHAR THUG PA LA NYI MA RIM PA BZHIN GNAS SO; ;YANG SNGAR JI LTA BA BZHIN DU ZLUM POR BSKOR NAS, GLING 'DI'I STENG THAD KYI ZLUM PO DE NYID PHYOGS 'TSAMS BRGYAD DU CHA BGOS SHING, PHYOGS KYI CHA BZHI YANG PHYED MAR BGOS NAS CHA BRGYAD DU BYAS PA NA ZLUM PO DE NYID PHYOGS 'TSAMS KYI CHA BCU GNYIS SU 'GYUR RO, ,DE LTAR CHA BGOS PA'I DBANG DU BYAS PA'I TSE GLING 'DIR ZLUM PO DE'I SHAR GYI PHYED GA-YON DU THA SKAR DANG, BRA NYE'I THOB THANG GI NAM MKHA'I GO SA RANGS PO DANG, SMIN DRUG GI THOB THANG GI
GNAS KYI BZHI CHA NI LUG GO ,DBANG LDAN DU SMIN DRUG GI GNAS KYI BZHI GSUM DANG, SNAR MA RANGS BO DANG, MGO'I GNAS PHYED NI GLANG NGO, ,BYANG GI PHYED SHAR DU MGO'I GNAS PHYED DANG, LAG RANGS PO DANG, NAB SO'I BZHI GSUM NI 'KHRIG PA'O; ;SLAR YANG BYANG GI PHYED NUB TU NAB SO'I BZHI CHA DANG RGYAL DANG SKAG GNYIS KYI GNAS RANGS PO NI KAR KA tA'O, ,RLUNG DU MA CHU DANG BRE RANGS PO DANG, DBO'I GNAS BZHI CHA NI SENG GE'O, ,NUB KYI PHYED BYANG DU DBO'I GNAS BZHI GSUM DANG, ME BZHI'I GNAS RANGS PO DANG, NAG PA'I GNAS PHYED NI BU MO'O, ,SLAR YANG DE NYID KYI LHOR NUB KYI PHYED DU, NAG PA'I GNAS PHYED DANG, SA RI RANGS PO DANG, SA GA'I GNAS BZHI GSUM NI SRANG NGO, ,BDEN BRAL DU SA GA'I BZHI CHA DANG, LHA 'TSAMS DANG SNON GYI GNAS RANGS PO NI SDIG PA'O, ,LHO'I PHYED NUB TU SNUBS DANG, CHU STONG RANGS PO DAG CHU SMAD KYI GNAS BZHI CHA NI GZHU'O, ,SLAR YANG LHO'I PHYED SHAR DU CHU SMAD KYI BZHI GSUM DANG, GRO BZHIN RANGS PO DANG, MON GRE'I PHYED NI CHU SRIN NO, ,ME RU MON GRE'I PHYED DANG, MON GRU RANGS PO DANG, KHRUMS STOD KYI GNAS BZHI GSUM NI BUM PA'O, ,SHAR GYI GA-YAS PHYED DU, KHRUMS STOD KYI BZHI CHA DANG, KHRUMS SMAD DANG, NAM GRU'I GNAS RANGS PO NI NYA'O ZHES PA NI GLING 'DI'I THAD KYI GO LA 'AM NAM MKHA'I ZLUM SKOR LA KHYIM BCU GNYIS PHYOGS 'TSAMS SO SOR DGOD PA'O, ,'DI LA BLA MA KHA CIG NA RE, DE YANG NYI MA LUG GI KHYIM DU ZHUGS MA THAG
, ,GI SNGA DRO DANG PO LA DE LTAR PHYOGS 'TSAMS MA 'CHOL BAR GNAS SHING, GZHAN GYI TSE RLUNG GI DBANG GIS 'KHOR BAR 'GYUR YANG PHYOGS KYI NGES PA DE LTAR THA SNYAD BYED DO ZHES 'CHAD DO, ,'DI LA DRI BAR BYA STE; CI GLING 'DIR NYI MA LUG GI KHYIM DU ZHUGS MA THAG GI TSE GLING 'DI'I STENG THAD KYI NAM MKHA' LA PHYOGS 'TSAMS DE LTAR MA 'CHOL BAR GNAS PA'AM, 'ON TE DE'I TSE DUM BU BCU GNYIS KYI STENG THAD LA KHYIM BCU GNYIS PHYOGS 'TSAMS DE LTAR GNAS PA GANG LA 'DOD GRANG, DE GNYIS LAS GZHAN DU BRTAG TU MED DO, ,DANG PO LTAR NA, GLING 'DIR NYI MA LUG KHYIM DU ZHUGS MA THAG SNGA DRO DANG PO THA SKAR SHAR BA'I TSE GLING 'DI'I STENG THAD NA RGYU SKAR NYE BDUN RDZOGS PAR GNAS PAR THAL LO, ,'DOD NA DE'I TSE BYANG SGRA MI SNYAN GYI STENG GI NAM MKHA' LA RGYU SKAR GCIG KYANG MED PAR THAL BA SOGS HA CANG THAL BA'I GNOD PA DU MA 'BYUNG ZHING, DE'I TSE GLING 'DI'I THAD KYI STENG GI NAM MKHA' LA KHYIM BCU GNYIS DUS GCIG TU RDZOGS PAR YOD PAR THAL BAS, GLING GANG DU KHYIM GANG SHAR BA NA RANG NAS BGRANGS PA'I KHYIM BDUN PA GLING DER NUB PAS KHYAB PAR 'GREL CHEN NYID DU BSHAD PA SHIN TU NYAMS SO, ,PHYOGS GNYIS PA LTAR NA, SHAR GYI PHYED DU LUG GO ZHES PA'I SHAR NI DUM BU BCU GNYIS KYI YA GYAL GYI SHAR GLING LA 'DOD DGOS PAR 'GYUR LA, DE LTA NA, GLING 'DIR NYI MA LUG KHYIM DU ZHUGS MA THAG SNGA DRO DANG PO THA SKAR GLING 'DIR SHAR MA THAG GI TSE, SHAR GLING GI PHYED LHO MA GLING 'DI LA NYE BA NGOS
NA NYA'I KHYIM DANG SKAR MA KHRUMS DANG, NAM GRU SOGS GNAS PA DANG, SHAR GLING GI PHYED BYANG MA GLING 'DI LAS RING BA NGOS NA LUGS KHYIM DANG THA SKAR SOGS GNAS PAR KHAS LEN PA LAS MI RIGS PA SMRA BA MCHOG TU GYUR PA CI ZHIG YOD, SHAR GYI PHYED DU LUG GO ZHES PA SHAR GYI PHYED BYANG MA DANG, SHAR GYI PHYED DU NYA'O ZHES PA SHAR PHYED LHO MA LA RANG NYID KYIS NGES DON SNYE MAR KHAS BLANGS PA'ANG THUGS LA ZHOG CIG ,PHYOGS 'DI DANG MTHUN PAR SMRA BAR GZHAN DAG LA YANG GNOD BYED DE LTAR 'BYUNG BAR RIG PAR BYA'O, ,'O NA 'DI DAG JI LTAR BSHAD PAR BYA ZHE NA, NYI MA LHOR BGROD MTHAR THUG PA RDZOGS MA THAG GZHU'I KHYIM NAS 'BYUNG ZHING, CHU SRIN GYI KHYIM DU SLEB NAS BYANG BGROD RTZOM PA NA, GLING 'DI'I NAM MKHA'I GO LA ZLUM PO SNGAR PHYOGS 'TSAMS KYI CHA BCU GNYIS SU BYE BA'I LHO'I PHYED SHAR MA'I LHO MTHA' NAS BYANG DU NYIN RE BZHIN RANG 'GROS KYIS BGROD PAS KHYIM ZLA GCIG RDZOGS PA NA CHU SRIN GYI KHYIM SPYAD ZIN NAS, BUM PA'I KHYIM DU SLEB CING, GO LA'I KHYIM BCU GNYIS KYI NANG NAS BYANG GI PHYED SHAR MA'I NAM MKHA'I GO SA RANG KYI NANG NAS ME 'TSAMS KYI CHAR RANG 'GROS KYIS SLEB LA, DE BZHIN DU RIM PA BZHIN BYANG DU BGROD PAS BYANG BGROD MTHAR THUG CING 'KHRIG PA'I KHYIM SPYAD ZIN PA DANG, GO LA'I KHYIM BCU GNYIS KYI NANG NAS BYANG GI PHYED SHAR MA'I NAM MKHA'I GOS RANG 'GROS KYIS SPYAD ZIN NAS, LHOR BGROD KYI MGO RTZOM PA DANG, KAR KA tA'I KHYIM DU SLOB NAS ZHAG RA BZHIN RANG 'GROS KYIS LHO LA 'ONGS PAS KHYIM ZLA GCIG RDZOGS PA NA KAR KA tA'I KHYIM SPYAD ZIN PA DANG, BYANG GI PHYED NUB MA'I GO SA'I BYANG MTHA' NAS
, ,LHO MTHAR RANG 'GROS KYIS SLEB CING, SENG GE'I KHYIM DU ZHUGS NAS, GO LA ZLUM PO'I CHA BCU GNYIS KYI NANG NAS RLUNG 'TSAMS KYI CHA'I BYANG MTHA' NAS LHOR ZHAG RE BZHIN BGROD PAS, KHYIM ZLA GCIG NA CHA DE'I LHO MTHAR RANG 'GROS KYIS SLEB, SENG GE'I KHYIM SPYAD ZIN, DE NAS BU MO'I KHYIM DU ZHUGS NAS GO LA'I CHA BCU GNYIS KYI NUB KYI PHYED BYANG MA'I MTHA' NAS LHOR ZHAG RE BZHIN BGROD PAS KHYIM ZLA GCIG NA CHA DE'I LHO MTHAR RANG 'GROS KYIS SLEB, BU MO'I KHYIM SPYAD ZIN, DE DAG SRANG GI KHYIM DU ZHUGS NAS, NUB KYI PHYED LHO MA'I NAM MKHA'I GO SA'I BYANG MTHA' NAS ZHAG RE BZHIN LHOR BGROD PAS KHYIM ZLA GCIG NA CHA DE'I LHO MTHAR SLEB CING, SRANG GI KHYIM SPYAD ZIN LA, DE LTAR RIM PA BZHIN SBYAR NAS; GZHU'I KHYIM SPYAD ZIN CING, CHA BCU GNYIS KYI NANG NAS LHO'I PHYED NUB MA'I LHO MTHAR SLEB PA NA, LHOR BGROD MTHAR THUG NAS SLAR YANG BYANG BGROD KYI MGO RTZOM PA LA 'JUG STE, DE LTAR BGROD PA'I SRANG GI KHYIM DU STON MNYAM DANG, LUG KHYIM DU DPYID MNYAM BYED DO, ,DES NA BGROD TSUL 'DI LTAR SHES PAR BYED PA LA, NAM MKHA'I GO LA ZLUM PO BCU GNYIS SU PHYE BA'I LHO'I PHYED SHAR MA'I CHA DE NYID KYI LHO MTHA' NAS ZHAG RE BZHIN NYI MA BYANG DU BGROD PA'I MGO BRTZAMS NAS LHO'I PHYED SHAR MA'I GO SA DE'I BYANG MTHAR THON GYI BAR LA NYI MA GLING 'DI'I THAD DU CHU SRIN GYI KHYIM LA GNAS PA SOGS SHES PAR BYA BA'I PHYIR DU, SLAR YANG LHO'I PHYED DU CHU SRIN NO ` ZHES SOGS 'DI DAG GSUNGS PA YIN GYI,
KHYIM BCU GNYIS GLING 'DI'I THAD KYI NAM MKHA' LA PHYOGS 'TSAMS 'DI LTAR MA 'CHOL PAR DUS GCIG TU GNAS PA SKAD CIG TZAM YANG MI SRID DO, ,DE YANG NYI MA NI LHOR BGROD KYI TSE KHA LHOR BLTA BA DANG, BYANG BGROD KYI TSE KHA BYANG LA BLTAS NAS BGROD PA MA YIN GYIS, KHA SHAR LA BLTAS NAS RANG 'GROS BYED KYANG, BYANG BGROD KYI TSE DE RING GLING 'DIR NAM MKHA'I GO SA GANG DU SLEB PA DE LAS SANG NYIN DE'I BYANG DU SLEB PA SOGS SU SHES PAR BYA LA, GLING 'DI'I THAD KYI STENG GI NAM MKHA'I GO SA ZLUM PO PHYOGS 'TSAMS KYI CHA BCU GNYIS SU BGOS PA'I BYANG GI PHYED SHAR MAR BYANG BGROD MTHAR THUG NAS BYANG GI PHYED NUB MA'I GO SA NAS LHOR BGROD RTZEM PA DANG, LHO'I PHYED NUB MA'I LHO BGROD MTHAR THUG NAS LHO'I PHYED SHAR MA'I LHO MTHA' NAS BYANG BGROD MGO RTZOM PA LTAR; GLING GZHAN THAMS CAD DU'ANG RANG RANG GI STENG GI NAM MKHA'I GO LA ZLUM PO PHYOGS 'TSAMS KYI CHA BCU GNYIS SU PHYE BA'I BYANG GI PHYED SHAR MAR BYANG BGROD MTHAR THUG CING PHYED NUB MA NAS LHOR BGROD MGO RTZOM PA DANG, LHO'I PHYED NUB MAR LHO BGROD MTHAR THUG NAS PHYED SHAR MA NAS BYANG BGROD RTZOM PAR KHYAD PAR MED KYANG SKAR KHYIM GYI GZHI GANG LA GNAS NAS LHOR BGROD BYANG BGROD RTZOM PA MI 'DRA BA BCU GNYIS BCU GNYIS YOD DE, GLING 'DIR NYI MA KAR KA tA'I KHYIM DU ZHUGS NAS LHOR BGROD RTZOM YANG LHO GLING NUB MAR SENG GE'I KHYIM DANG, NUB GLING GA-YAS MAR BU MO'I KHYIM DU ZHUGS NAS LHOR BGROD RTZOM PA SOGS 'OG TU 'CHAD PA LTAR YIN PA'I PHYIR RO, ,GONG DU BSHAD PA'I KHYIM DRUG GA-YAS DANG KHYIM DRUG GA-YON DU PAD 'DAB DANG GZHU'I RNAM PAS
, ,GNAS PA'I TSUL DE YANG 'DIR JI SKAD BSHAD PA LTAR YIN GYI, DUS GCIG TU MA YIN LA, DE YANG RGYUD 'GREL PA GNYIS KAR GO LA'I RI MO ZHES YANG YANG GSUNGS PA NI BGROD TSUL DE DAG RI MOR BRIS PA'I DPE RIS BKOD PA MIG LA BSTAN TE SHES PAR BYED PAR BSTAN PA YIN GYI, GLING BCU GNYIS DANG RGYA MTSO'I STENG GI NAM MKHA' LA RI MO SU ZHIG GIS 'DRI BAR BYED, DES NA SHOG BU SOGS LA GO LA'I RI MO ZLUM POR BSKOR BA'I DBUS SU NYIN MTSAN MNYAM PA'I GNAS MTSON PA'I RI MO SHAR NUB LA BYAS PA'I TSE, GA-YAS GA-YON GYI ZLUM PO PHYED PA GNYIS PAD 'DAB DANG GZHU'I RNAM PAR 'GYUR ZHING, DE RE RE LA KHYIM DRUG DRUG GI RI MO BYAS NAS GA-YON GYI KHYIM DRUG GI GSUM LA BYANG BGROD DANG, GSUM LA LHOR BGROD, GA-YAS KYI KHYIM DRUG GI GSUM LA LHOR BGROD DANG GSUM LA BYANG BGROD, GA-YAS KYI DRUG DANG GA-YON GYI DRUG GI BAR DU STON MNYAM DPYID MNYAM BYED PA'I RI MO LA MTSON NAS SHES PAR BYED PA GTZO BO'I DON YIN GYI, RI MO LA KHYIM DRUG DRUG GA-YAS GA-YON DU BKOD PA LTAR GLING RE'I THAD KA'I NAM MKHA' LA DUS GCIG TU YOD PAR 'KHRUL PAR MI BYA'O ZHES KHO BO SMRA'O, ,DE LTAR GO LA LA KHYIM DGOD PA BSTAN NAS KHYIM RNAMS 'CHAR NUB KYI TSUL 'CHAD PA NI, 'DZAM GLING CHUNG NGU 'DIR LUG SHAR BA NA SRANG NUB PO, ,GLANG SHAR PA NA SDIG PA NUB STE, GLING 'DIR 'CHAR NUB JI LTAR BYED PA'I TSUL DE LTAR GLING THAMS CAD DU NYIN MTSAN DU SHAR BA'I KHYIM BDUN PA NI NUB PAR RIG PAR BYA'O, ,GO LA'I RNAM GZHAG
'DI DAG LA BLO GROS CHUNG NGU DAG GIS SMRA BA SNA TSOGS PA ZHIG STE, CUNG ZAD TZAM RNAM PAR DPYAD NA 'DI LTAR, SNYE THANG PA GRAGS SENG GIS, GO LA RMOG BRTZEGS MA ZHES BYA BA BYANG BGROD KYI DUS SU GLING THAMS CAD DU RI RAB LA NYE BAR 'KHOR ZHING, DE NAS JE RING DU SONG NAS LHOR BGROD DUS SU GLING THAMS CAD DU MTHA' 'KHOR BAR 'DOD PA NI GLING THAMS CAD KYI BYANG BGROD DUS GCIG DANG LHOR BGROD DUS GCIG TU THAL BAS RGYUD DANG 'GEL PAR GSAL ZHING RGYAS PAR BSHAD PA LAS BAB COL DU BRGAL BA'I 'KHRUL PA RAGS PA'O, ,'BRO BA KHA GCIG KHYIM DANG GO LA GNYIS KA 'PHYUG PAR 'DOD PA YANG MI RIGS TE, KHYIM RNAMS GLING SO SO'I THAD DU LTE BYANG DU 'PHYUG NA RGYU SKAR RNAMS KYANG 'PHYUG DGOS PAS NYI ZLA LA LHO BYANG GI BGROD PA YOD PA LTAR RGYU SKAR LA YANG YOD PAR 'GYUR ZHING, DE LTA NA NYI ZLA BZHIN DU SMIN DRUG LA SOGS PA'I RGYU SKAR RNAMS KYANG RES 'GA' LHO NAS 'CHAR BA DANG RES 'GA' BYANG NAS 'CHAR BA'I 'CHAR SA THA DAD DU DMIGS DGOS PA LAS, NYI ZLA LA DE LTAR DMIGS KYANG RGYU SKAR LA DE LTAR NAM YANG MA DMIGS PA'I PHYIR, MNGON SUM GYIS BSAL LO, ,YANG 'GROS SNGA MA KHA CIG LA SOGS PA DAG KHYIM DANG GO LA GNYIS KA MI 'PHYUG PAR 'DOD PA LA, GZHAN DAG NA RE, NYI MA LHOR BGROD BYANG BGROD KYI RIM PAS MI 'GRO BAR THAL, GO LA MI 'PHYUG PA'I PHYIR, ZHES SKYON BRJOD NAS, DES NA RJE BTZUN RGA LO'I BZHED PAS KHYIM MI 'PHYUG LA GO LA 'PHYUG PA ZHES BYA BA 'DI LEGS SO DE YANG
, ,KHYIM SKAR GYI 'KHOR LO NI LHOR BGROD DANG, BYANG BGROD MTHOD MA'I KHYAD PAR MED PAR GNAS GCIG NAS RGYUN TU RLUNG 'GROS KYIS GA-YAS SU 'KHOR LA, NYI MA NI LHOR BGROD DANG BYANG BGROD DUS SU MTHO DMA' DANG BCAS PAR 'KHOR BA YIN NO ZHES RANG LUGS 'JOG PAR BYED DO, ,DE LA DRI BAR BYA STE, CI SKABS 'DI'I GO LA ZHES PA GANG LA 'DOD, KHYIM BCU GNYIS RI RAB LA ZLUM POR 'KHOR BA LA 'DOD DAM, NYI MA DE LTAR 'KHOR BA LA 'DOD DAM, RGYU SKAR DANG NYI MA RNAMS GANG DU ZLUM POR 'KHOR BA'I NAM MKHA'I KHYON ZLUM PO LA 'DOD DAM, 'ON TE NYI MA DANG RGYU SKAR DE DAG GANG GIS BTEGS NAS 'KHOR BA'I 'DEGS BYED KYI RLUNG LA 'DOD, DANG PO LTAR NA KHYIM MI 'PHYUG PA DANG GO LA 'PHYUG PA'I KHYAD PAR SHIN TU NYAMS SO, ,GNYIS PA LTAR NA, GO LA ZHES PA NI NYI MA 'KHOR BA NYID LA ZER BAS, RGYU SKAR GYI GO LA DANG KHYIM GYI GO LA ZHES PA'I GO LA BZHAG TU MED PAR 'GYUR ZHING, GO LA LA KHYIM DGOD PA'O ZHES PA YANG NYI MA 'KHOR BA NYID DGOD PA'I GZHIR BYAS NAS DE LA KHYIM BCU GNYIS DGOD PA'O, ZHES 'CHAD DGOS PAR 'GYUR RO, ,GSUM PA LTAR NA, NAM MKHA' LHO BYANG DU 'PHYUG PAR 'DOD PA BZHAD GAD KYI GNAS SO, ,BZHI PA LTAR NA, 'DEGS BYED KYI RLUNG DE LA GNYIS SU YOD PAS, RGYU SKAR 'DEGS BYED KYI RLUNG LA ZER NA DE LHO BYANG DU 'PHYUG CING RGYU SKAR LHO BYANG DU MI 'PHYUG PA 'GAL LO, ,GO LA ZHES PA NYI MA 'DEGS BYED KYI RLUNG LA ZER NA RGYU SKAR DANG KHYIM GYI GO LA SOGS KYI MTSAN GZHI BZUNG DU MED PAR 'GYUR RO, ,YANG KHA CIG
GO LA ZHES PA RGYU SKAR NYER BDUN DANG KHYIM BCU GNYIS DE DAG SO SOR LHUN PO LA ZLUM PO YON PO MTHO DMA'I RNAM PA CAN DU 'KHOR BA'I GZHI RLUNG GI SHUGS LA 'DOD PA MI RIGS TE, DE LTA NA GONG DU, GO LA DE NYID NI RGYU SKAR GYI DBYE BAS 'GYUR TE, ZHES GSUNGS PA LTA BU LA YANG, RGYU SKAR NYER BDUN 'DEGS BYED KYI RLUNG GI SHUGS DE NYID NI RGYU SKAR NYER BDUN GYI DBYE BAS KHYIM BCU GNYIS SU 'GYUR TE, ZHES PA'I DON DU 'CHAD DGOS PAR 'GYUR BA SOGS MI 'GRIG PA SHIN TU MANG BA'I PHYIR DANG, RGYU SKAR RNAMS 'DEGS BYED KYI RLUNG GIS BTEG NAS 'KHOR BA'I RLUNG GI SHUGS DE RGYU SKAR RNAMS GANG DU 'KHOR BA'I GZHI YIN NA, LHAS BYIN RTA LA GZHON NAS RGYUG PAS RTA'I SHUGS DE NYID LHAS BYIN GANG DU RGYUG PA'I GZHIR 'GYUR BA SOGS SU HA CANG THAL BAS RNAMS DBYE LA MI MKHAS PA'I GTAM DU SNANG BA'I PHYIR RO, ` ,DES NA DON LA GNAS PA'I PHYOGS NI 'DI YIN TE, RGYU SKAR NYER BDUN 'DEGS BYED KYI RLUNG GIS BTEG NAS RI RAB LA ZLUM POR 'KHOR BA NI RGYU SKAR GYI GO LA ZHES BYA ZHING, DE NYID RGYU SKAR GNYIS DANG BZHI CHA RE'I YUL GYI KHYON BCU GNYIS SU PHYE BA'I DBANG GIS BZHAG PA'I KHYIM BCU GNYIS LA NYI MA 'DEGS BYED KYI RLUNG GIS BTEG NAS RIM PA BZHIN SPYOD PA'I TSUL GYIS ZLUM POR 'KHOR BA NI KHYIM GYI GO LA ZHES BYA LA, NYI MA KHYIM BCU GNYIS LA SPYOD PAS LHO BYANG DU BGROD PA'I GNAS SAM GZHIR GYUR PA BSIL RI NAS ME RI'I BAR GYI NAM MKHA'I KHYON ZLUM PO LA YANG GO LA ZHES BYA STE, DE DAG THAMS BCAD LA YANG GO LA'I
, ,SGRA DNGOS SU 'JUG MI 'JUG GI KHYAD PAR LUNG DANG RIGS PA GANG GI SGO NAS KYANG DBYE BAR MI NUS PAR GSUM KA'ANG GO LA'I MTSAN GZHIR GZUNG DGOS SO, ,DE BAS NA 'DI LTA BU'I BRDA CHAD GYI CHA SHAS PHRA MO PHYOGS RE LA TSE RIL POR 'BANG LO BYED PA DAG GIS NI GO LA'I MTSAN GZHI TZAM YANG MA SHES PAR SNANG NGO, ,GO LA GANG LA ZER MA SHES NAS GO LA 'PHYUG MI 'PHYUG, DPYAD KYANG NGAL BA TZAM DU ZAD PAS SNYING PO MED LA, GO LA'I MTSAN GZHI BSHAD MA THAG PA LTAR BYAS PA NA GO LA 'PHYUG CES MTHAG GCIG TU DAM 'CHA' BAR JI LTAR RIGS SOMS SHIG, YANG 'DI LTAR GLING 'DIR DBYAR NYI LDOG DUS DAD DGUN NYI LDOG DUS NYI MA 'CHAR SA GCIG TU THAL, 'DI'I LHOR BGROD MTHAR THUG GI DUS NA SHAR LUS 'PHAGS BON STON MNYAM DPYID MNYAM YOD PAS DE'I NYIN MTSAN MNYAM PA'I GO LA'I RI MO'I STENG NAS 'CHAR BA'I PHYI DAG NA, ZHES DOGS PA BKOD NAS, DE'I LAN 'DEBS PA NA, SKYON MED DE, NYI MA SHAR GLING DBUS MA'I THAD DU SLOB MA THAG 'DI NAS MI MTHONG BAR DE NAS RING DU 'PHAGS PA NA MTHO DMA'I KHYAD ZHUGS PAS MTHONG BA YIN PAS SO, ZHES ZER RO, ,DMA' BA NAS 'CHAR BA'I RGYU MTSAN GYIS LHO DANG MTHO BA NAS 'CHAR BA'I RGYU MTSAN GYIS BYANG NAS 'CHAR BA'I KHYAD 'BREL SHIN TU 'GRUB DKA' LA, NYI MA GLING DE'I LTO NAS 'CHAR BAR DMA' BA YIN KYANG, DE'I PHYIR DMA' BA NAS 'CHAR NA LTO NAS 'CHAR BAS KHYAB DGOS SO SNYAM NA NI RIG PA'I RNAM GZHAG RAGS PA TZAM YANG MA CHAGS PAR ZAD DO, ,'ON KYANG DOGS PA DE LTA
BU DANG DE LA LAN GDAB PA LA DKA' BAR 'DZIN PA NI RNAM DBYES 'DI LTAR MA SHES PAS NONGS PA YIN PAS BSHAD PAR BYA STE, SHAR LUS 'PHAGS POR NYI MA PHYED PA DANG GLING 'DIR NYI MA 'CHAR BA DUS GCIG PAR BSHAD PA'I DON NI, SHAR LUS 'PHAGS PAR NYI MA PHYED PA DANG LHO 'DZAM BU GLING GI SA 'DZIN MTHO BA CI RIGS LA NYI MA'I 'OD ZER SHAR BA DUS MNYAM ZHING, DE TZAM LA LHO 'DZAM BU GLING LA NYI MA SHAR ZHES BRJOD KYI, GLING LA NYI MA SHAR BA DANG GLING DE'I GRONG NA GNAS PA'I MI DAG GI MIG GIS NYI MA'I DKYIL 'KHOR SHAR BA MTHONG BA GNYIS DON GCIG TU MA 'DZIN CIG, DES NA SHAR LUS 'PHAGS PO'I GLING GI NYIN MTSAN MNYAM PA'I GO LA'I RI MO ZHES THA SNYAD BYED PA'I NAM MKHA'I KHYON DER NYI MA SLOB PA NA LHO 'DZAM BU'I GLING LA NYI MA THOG MAR SHAR YANG DE MA THAG GLING 'DI'I MI RNAMS KYI MIG GIS NYI MA'I DKYIL 'KHOR SHAR BA MTHONG BA MIN GYI SHAR GLING GI GO LA NYIN MTSAN MNYAM PA'I RIM LAS NYI MA'I DKYIL 'KHOR NAS PHYOGS SU THAL BA NAS GLING 'DIR NYI MA'I DKYIL 'KHOR SHAR BA MTHONG BA YIN ZHING, DE YANG GLING 'DIR LHOR BGROD MTHAR THUG PA'I TSE NYI MA'I DKYIL 'KHOR SHAR GLING GI NYIN MTSAN MNYAM PA'I GO LA'I RI MO 'ONG SA'I STENG NAS CUNG ZAD CIG THAL BA NA SHAR GLING GI NUB DRANG PO LA 'GRO BA MA YIN GYI, SHAR GLING GI LHO NUB PHYOGS LA 'GRO BAS GLING 'DIR NYI MA'I DKYIL 'KHOR 'CHAR BA MTHONG BA NA 'CHAR SA LHO DANG, DE BZHIN DU 'DIR BYANG BGROD MTHAR THUG PA'I TSE SHAR LUS
, ,'PHAGS PO'I NYIN MTSAN MNYAM PA'I GO LA'I RI MO'I STENG NAS, NYI MA'I DKYIL 'KHOR CUNG ZAD TZAM 'PHAGS PA NAS SHAR GLING GI CUNG ZAD NUB BYANG PHYOGS LA 'GRO BAS GLING 'DIR NYI MA'I DKYIL 'KHOR 'CHAR BA MTHONG BA NA 'CHAR SA BYANG PHYOGS LA CUNG ZAD NYE BA'I KHYAD PAR 'BYUNG BA YIN NO, ,DE YANG 'PHAGS PA'I YUL GYI SA'I MTHIL LA NYI MA SHAR MA THAG GI TSE YANG BOD DU NYI MA'I DKYIL 'KHOR SHAR BA MI MTHONG BA SOGS KYI KHYAD PAR SHIN TU CHE BAS, DE LTA BOD RI SHIN TU MTHO BA'I RGYA BRIS PA LTAR GYUR PA'I PHRAG NA 'KHOD PA'I RTZIS PA DAG GIS RANG RANG GI YUL GYI RI RTZE NAS NYI MA'I DKYIL 'KHOR 'CHAR BA MTHONG TSUL GZHIR BZHAG NAS 'DZAM BU GLING SPYI'I NYI MA 'CHAR NUB KYI RNAM GZHAG BYAS KYANG SHIN TU BLUN PA GO BAR BYED DO, ,'DI LTA BU LA MI SHES PA'I GNAS CI YANG MED MOD KYANG BLO'I NUS PA SHIN TU CHUNG BA SHA STAG TU GYUR PA'I DUS SU SNANG BAS GO BDE BAR BRJOD DO, ,DE BZHIN DU GLING 'DIR STON NYIN MTSAN MNYAM DUS NYI MA LHOR BGROD MTHAR THUG GI 'CHAR SA NAS 'CHAR BAR THAL, DE'I TSE SHAR LUS 'PHAGS PO NA LHOR BGROD MTHAR THUG YOD CING DER NYI MA PHYED PA NA 'DIR NYI MA 'CHAR BA'I PHYIR, ZHES PA DANG, 'DIR DPYID NYIN MTSAN MNYAM PA'I TSE NYI MA BYANG BGROD MTHAR THUGS NAS 'CHAR BAR THAL, DE'I TSE SHAR LUS 'PHAGS PO NA BYANG BGROD MTHAR THUG YOD PA'I PHYIR, ZHES PA'I DOGS PA'ANG
BSHAD MA THAG PA'I TSUL DES JI LTAR SEL BA SHES PAR BYA STE, DE'I TSE GLING 'DIR NYI MA'I 'OD ZER THOG MAR NYIN MTSAN MNYAM PA'I RI MO'I STENG NAS 'CHAR BA MA YIN GYI, NYI MA'I DKYIL 'KHOR SHAR LUS 'PHAGS PO'I THAD NA LHOR BGROD MTHAR THUG GI NAM MKHA'I KHYON LA GNAS KYANG, DE NAS 'PHAGS TE RIM GYIS RI RAB PHYOGS KYI NANG LA YO BAR 'ONGS PA SA GLING 'DI'I SHAR MTHA'I THAD DU THOG MAR NYI MA SLEB PA GLING 'DI'I NYIN MTSAN MNYAM PA'I RI MO'I THAD NAS NYI MA'I DKYIL 'KHOR 'CHAR BA YIN LA, NYI MAS SHAR LUS 'PHAGS PO'I NUB MTHA' NAS GLING 'DI'I SHAR MTHA'I THAD DU SLEB PA LA SHAR LUS 'PHAGS PO DANG, RGYA TSAD MNYAM PA'I GLING GNYIS KYI STENG THAD KYI NAM MKHA' BRGAL DGOS PA YID LA ZHOG CIG, GLING 'DIR STON NYIN MTSAN MNYAM PA DANG DPYID NYIN MTSAN MNYAM PA GNYIS KYI NYI MA 'CHAR SA GCIG YIN PAR SMRA BA MI 'THAD DE, DE GNYIS KYI NYI MA 'CHAR SA BAR THAG RING PO MNGON SUM DU MTHONG BA'I PHYIR RO ZHES SKYON BRJOD NAS, RANG LUGS LA STON MNYAM DANG DPYID MNYAM GYI NYI MA 'CHAR SA LHO BYANG GI KHYAD PAR CHEN PO YOD PAR 'DOD PA LTAR NA GO LA'I DPE RIS KYI RI MO 'GOD PA NI STON NYIN MTSAN MNYAM PA'I RI MO DANG, DE LAS BYANG DU DPYID DE NYIN MTSAN MNYAM PA'I RI MO STE GNYIS 'DRI DGOS PAR 'GYUR ZHING, DE GNYIS LA LHO BYANG GI THAG SHIN TU RING PO'I BAR KHYAD YOD NA, STON MNYAM
, ,GYI GO LA'I RI MO LAS BYANG DU KHYIM DRUG LHAG CING, LHOR DRUG MA TSANG, DPYID MNYAM GYI GO LA'I RI MO LAS LHOR KHYIM DRUG LHAG CING BYANG DU KHYIM DRUG MA TSANG BAS GO LA NYIN MTSAN MNYAM PA'I RI MO LAS GA-YAS SU KHYIM DRUG DANG GA-YON DU KHYIM DRUG JI LTAR 'GOD PA SMOS SHIG, YANG 'DI SKAD DU, NYI MA THUNG DUS RING ZHING RING DUS THUNG BAR THAL, RI RAB LA NYE BA'I TSE SA'I KHYON CHUNG BA'I THAD NAS RGYU LA, RI RAB LAS SHIN TU RING BA'I TSE KHYON CHE BA'I THAD NAS RGYU BA'I PHYIR, ZHES DOGS PA BKOD NAS, DE NI RI MOR BRIS PA'I DBANG GIS YIN GYI, DNGOS PO LA NYI MA RING YANG RUNG THUNG YANG RUNG KHYIM DRUG DRUG SPYOD PAR MNYAM STE, SA 'JA' LI'I RIGS PAS SHES SO ZHES LAN 'DEBS PAR BYED DO, ,DE NI DA DUNG DOGS PA LHAG MA CAN GYI TSIG YIN TE LHOR BGROD MTHAR THUG GI NYIN DANG BYANG BGROD MTHAR THUG GI NYIN LA DUS RING THUNG GI KHYAD PAR SHIN TU CHEN PO YOD NA DE GNYIS KHYIM DRUG DRUG SPYOD PAR MNYAM PAR 'GAL LO ZHES BYA BA'I DOGS PA DA DUNG SPANG DGOS PA'I PHYIR RO, ,DE DAG THAMS CAD 'GAL BA MED PA'I TSUL NI 'DI YIN TE, BYANG BGROD KYI MGO BRTZAMS PA NAS NYI MA SNGA MA SNGA MA LAS PHYI MA PHYI MA NYIN RE BZHIN NYI MA STENG GI NAM MKHA' LA JE MTHOR 'DZEGS NAS BGROD PAS NYIN RE BZHIN 'GROS JI BUL DU 'GYUR BA'I PHYIR NYIN JE RING DU 'GYUR ZHING NYIN GYI DUS SHIN TU RING YANG NYI MA
'PHROS SHIN TU BUL BAS KHYIM DRUG LAS LHAG PA MCHOD PA YIN LA, LHOR BGROD KYI MGO BRTZAMS NAS NYIN RE BZHIN NYI MA LHOR 'PHYUG PA DANG 'DRA BAR THUR DU YANG JE DMA' JE DMA' 'BABS PAS NYIN RE BZHIN 'GROS JE MGYOGS SU 'GYUR BA'I PHYIR NYIN JE THUNG DU 'GYUR LA, NYIN GYI DUS SHIN TU THUNG YANG NYI MA 'GROS SHIN TU MGYOGS PAS KHYIM DRUG SPYOD NUS PA YIN ZHING, GYEN LA 'DZEGS PA DANG THUR DU 'BAB PA LA MGYOGS BUL GYI KHYAD PAR CHEN PO 'ONG BA NI BA LANG RDZI YAN CHAD LA BSNYON DU MED PAR GRUB PA YIN NO, ,LHO BYANG GI BGROD PA LA NYI MA MTHO DMA'I RIM PA JI LTAR YOD PA BZHIN DU BYANG BGROD KYI KHYIM DRUG RIM GYIS MTHO BA DANG LHOR BGROD KYI KHYIM DRUG RIM GYIS DMA' BAS GNAS PA DANG, DE'I PHYIR DE DAG GI SKAR MA LA'ANG MTHO DMA'I RIM PA DE LTAR YOD PA NGES PAR 'DOD DGOS SO, ,NYI MA LHOR BGROD MTHAR THUG GI TSE NYI MA GANG DU SLEB PA'I THAD NA DE'I THOB SKAL GYI LHO SKAR DE DANG DE YOD MI DGOS NA, DE'I TSE NYI MA LHOR BGROD MTHAR THUG GI KHYIM GYI GZHI LA'ANG GNAS MI DGOS PAR 'GYUR ZHING, DE GNYIS MI 'GAL NA KHYIM DE DANG DE SKAR MA DE DANG DE'I YUL GYI KHYON LA 'JOG PA SHIN TU 'GAL LO, ,LHO BYANG BGROD PA MTHAR THUG GI TSE BSIL RI DANG ME RI LA NYI MA'I DKYIL 'KHOR DANG GDUNG BYED GANG REG PA YIN LA SOGS PA NI 'OG TU DPYOD PAR 'GYUR RO, ,KHA CIG NA RE, GZHAN YANG 'DI DAG LA THA MAL PA'I MIG GIS MTHONG BA DANG RIGS PAS DPYAD PAS 'GAL BA LTAR SNANG YANG MI BDEN ZHES BRJOD PAR MI BYA STE,
, ,RGYU MTSAN SHIN TU LKOG TU GYUR PA'I PHYIR, DPER NA DGUN NYI LDOG PA'I DUS SU MI PHAL PA RNAMS KYIS NYI MA TSAD DU SDOD PA YUN RING THUNG ZHES ZER BA BZHIN DU, RANG RES MTHONG BA LA YANG RING SHOS GCIG LA ZHAG BRGYAD, YAD DRUG BYAS PA, BZHI BYAS PA, GSUM BYAS PA'I GRIB SO MI 'GYUR BA BYUNG LA, PHAL CHE BA ZHAG TU MI SDOD PA DE MANG DU BYUNG ZHING, DE 'DRA RIGS PAS BRTAGS NA 'ONGS MED CING, LUNG NAS BSHAD PA MED KYANG NGO BO MNGON SUM DU MTHONG BA BZHIN NO, ,ZHES ZER RO, , RIGS PAS GNOD CING LUNG LAS BSHAD PA MED KYANG MNGON SUM TSAD MAS GRUB PAR 'DOD PA LAS THA CHAD PA SU ZHIG KHAS LEN PAR BYED DE, RANG NYID RANG GIS SUN 'BYIN PAR BYED PA'I GTAM MO, ,'DI 'DRA SMRA DGOS PA 'BYUNG BA SOGS NI, RGYA GAR MKHAS PA'I 'CHAD TSUL KHYAD DU BSAD NAS RIGS PA MI SHES PA'I PHO TSOD KYI MOS MNOS TZAM GYIS RNAM GZHAG RANG DGAR BYAS PA LAS BYUNG BA YIN NO, ,DES NA SLOB DPON AA BHYAS DUS 'KHOR LA 'JUG PA LAS, DE BAS NA GRUB PA'I MTHA'I LAM BRJOD PAR BYA STE, DE'I RIM PA 'DI DAG GO, SA GZHI MNYAM PO LA KHRU GANG GI TSAD KYI MAn+dAL GYI DBUS SU GTZUGS PA'I MTHO GANG GI TSAD KYI SHING GI GRIB MA, SNGA DRO RE KHA'I PHYI ROL NAS RIM GYIS BSKUM PA NA, GANG GI TSE MAn+dAL GYI MTHA'I RE KHA'I DBUS SU ZHUGS PA DE'I TSE GNAS DER BYA ROG GI RJES KYI MTSAN MA BYA STE, DE NYID NUB KYI PHYOGS SO, ,PHYI DRO NI MAn+dAL GYI DBUS NAS RIM GYIS BRKYANG PA NA, GANG GI TSE ZHES PA LA SOGS PA SNGAR BZHIN DU MTSAN MA STE, DE NYID SHAR GYI PHYOGS SO, ,'DIR MTSAN MA GCIG GI STENG
DU SKUD PA BZUNG STE, MTSAN MA GZHAN GYI MDUN NAS MAn+dAL THOD LE SKOR GYIS BYA ZHING, MTSAN MA GZHAN GYI STONG DU SKUD PA BZUNG NAS DE BZHIN DU BYAS PAS JI LTAR NYA'I RNAM PAR 'GYUR RO, ,MAn+dAL GNYIS PO 'DI DAG GI DBUS KYI NYA'I RNAM PA'I KHA'I DBUS NI LHO PHYOGS SO, , MJUG MA'I DBUS NI BYANG PHYOGS SO, ,DE LTAR PHYOGS GTAN LA PHAB NAS MAn+dAL GNYIS PO DBYI BAR BYA'O, ,BYANG DU BGROD PA'I NYI MA LAS GONG GI NYI MA BCU PA NAS BRTZAMS NAS NYE MA'I GUNG LA BRTAG PAR BYA'O, ,DE LA THOG MA'I MAn+dAL GYI BYANG PHYOGS KYI MTHA'I RE KHA'I DBUS NAS MAn+dAL GYI NANG DU NYIN MO GANG LA GRIB MA 'JUG PA DE NYI MA BYANG DU BGROD PA'I 'PHO BA'I NYIN MO'O, ,DE'I GZA' DANG, DE'I TSES DANG, DE'I SBYOR BA DANG, DE'I BYED PAS SO, ,ZHES BSHAD PA LTAR BYAS NAS BRTAGS NA RNAM PAR DAG PAR 'GYUR GYI, BOD KYI ZHING PA RANG DGA' BA DAG GI RJES SU ZHUGS TE, RI MTHON PO DAG GI PHRAG NA GNAS PA'I YUL RNAMS KYI NYI MA 'CHAR SA'I RI LA THUR SHING GI DONG BYAS NAS BRTAGS KYANG GRIB MA'I 'PHEL 'GRIB PHRA MO DAG RTOGS PAR MI 'GYUR ZHING, RI LA THUR SHING BCOL NAS SNGA DRO KHANG PA'I BU GA'I NYI MA LA BRTAGS PAS GRIB MA 'PHYUG PAR MA SHES PAR BLUN PO DAG GIS NYI MA TSANG DU SDOD PA ZHES THA SNYAD BYED PA DE'I TSE YANG, BSHAD MA THAG PA LTAR NYI MA'I GUNG LA THUR SHING GIS BRTAGS PA NA GRIB MA RE KHA'I DBUS LAS NANG DU 'JUG PA SOGS KYI 'PHEL 'GRIB NYIN RE BZHIN BYED PAR 'GYUR GYI, DE LTAR GRIB MA RING THUNG DU MI 'GYUR BAR NYIN GCIG KYANG SDOD PA MI SRID PAS, 'PHAGS YUL LA SOGS PA RIG PA'I 'BYUNG GNAS DAG LA GTAN NAS MA GRAGS
, ,PA'I BOD KYI ZHING PA'I THA SNYAD NYI MA TSAD DU SDOD PA YUN RING THUNG LA SOGS PA'I RNAM GZHAG GIS RANG NYID KYANG DE DAG DANG MTSUNGS PAR GO BAR MI BYA'O, ,SPROS PAS CHOG GO, GNYIS PA 'JIG RTEN SPYI LUGS KYI GO LA'I RGYA TSAD LA SOGS PA BSHAD PA LA BZHI LAS, DANG PO GO LA SPYI'I RGYA TSAD BSHAD PA NI, DE LTAR SA DUM BU BCU GNYIS SO SO'I STENG DU KHYIM GYI 'KHOR LO 'KHOR TSUL BSHAD NAS, DA NI GLING BCU GNYIS PA'I 'JIG RTEN SPYI'I LUGS KYI GO LA'I RGYA GSUNGS PA, ZHES 'TSAMS SBYAR TE, ME NAS ZHES SOGS 'CHAD PA NI, 'DIR LHO ME'I DKYIL 'KHOR GYI NANG MTHA'I STENG GI 'TSAMS NAS BYANG KHA BA CAN CHEN PO'I STENG GI 'TSAMS SU GO LA'I LHO BYANG GI THAD DKAR RGYA TSAD DPAG TSAD STONG PHRAG BDUN CU RTZA LNGA'O ZHES PAS BA TSVA'I RGYA MTSO'I PHYOGS GCIG GI KHA ZHENG DPAG TSAD STONG PHRAG LNGA BCU DANG, SA'I DKYIL 'KHOR LA DPAG TSAD STONG PHRAG NYI SHU RTZA LNGA STE, DE GNYIS BSDOMS PAS BDUN CU RTZA LNGA'O, ,DE LTAR BSHAD PA NI NYI KHYIM RGYU SKAR GYI 'KHOR LO DANG BCAS PA GANG DU 'KHOR BA'I GNAS NAM MKHA'I KHYON GYI RGYA TSAD KYANG YIN LA NYI MA KHYIM SO SO LA SPYOD PA'I SGO NAS BYANG GI MTHA' DANG LHO'I MTHA' JI TZAM ZHIG GI BAR DU 'GRO BA'I LHO BYANG GI RGYA TSAD KYANG YIN NO, ,DE BZHIN DU ZHES SOGS KYI DON LA, SHAR DANG NUB CES PA SHAR LUS 'PHAGS PO DANG NUB PA LANG SPYOD LA BYAS NAS, BYANG SGRA MI SNYAN KHA BSKANGS TE, GLING THAMS CAD KYI THAD DU LHO BYANG GI TSAD DE LTAR 'KHOR BA NAS TE, ZHES KHA CIG 'CHAD DO, ,'ON KYANG SHAR DANG NUB 'KHOR BA NAS TE, ZHES PA'I SKABS
SU LHO BYANG MA SMOS PA NI GONG DU LHO ME RI DANG BYANG BSIL RI LA BSHAD PA DE LA LTOS PA'I SHAR NUB YIN PAS 'DIR LHO BYANG MA SMOS PA YIN PA SHIN TU GSAL BAS, GLING BCU GNYIS PO RE RE'I THAD DU YANG LHO BYANG LA DPAG TSAD STONG PHRAG BDUN CU RTZA LNGA YIN PA DE BZHIN DU SHAR DANG NUB KYI RGYA TSAD LA YANG DPAG TSAD STONG PHRAG BDUN CU RTZA LNGA 'KHOR BA NAS TE, ZHES BSHAD PAR BYA ZHING, GSAL BAR LE'U LNGA PA LAS BRJOD PAR BYA'O ZHES PA NI, 'GYUR 'DI LA CHAD PAS, DA LTA'I RGYUD 'GYUR MANGS KYI TSIGS BCAD BRGYA DGU BCU PA DANG, RGYUD KYI TSIGS BCAD 'GREL PAR GNYIS 'BYUNG BA BSNAN PA LTAR NA BRGYA GO GNYIS PA LAS BRJOD PAR BYA'O, ZHES BLA MA KHA CIG 'CHAD DO, ,GNYIS PA DE'I DBUS NAS LHO BYANG DU BGROD PA'I TSAD DANG BCAS PA BSHAD PA LA, DBUS SU ZHES SOGS KYI DON NI GLING RE RE ZHING RANG RANG GI THAD KYI GO LA'I RGYA TSAD BSHAD MA THAG PA DE'I PHYED DPAG TSAD STONG PHRAG SUM CU RTZA PHYED DANG BRGYAD BRGYAD GA-YAS GA-YON DU BZHAG PA'I DBUS SU NYIN MTSAN MNYAM PA STE, GLING RER LO RE LA STON MNYAM NYIN MTSAN GCIG DANG DPYID MNYAM NYIN MTSAN GCIG KHO NA YIN NO ZHES BSTAN PAS, GLING RER LO RE LA LHOR BGROD MTHAR THUG DANG BYANG BGROD MTHAR THUG KYANG NYIN MO RE RER GO NUS SO, ,PHYI NAS SOGS SHES SLA LA, NYIN MTSAN MNYAM PA'I GO LA'I DBUS DE NAS NYI MA KHA SHAR LA BLTAS PA'I GA-YAS DANG ZHES PA NYI MA NYIN MTSAN MNYAM PA'I GNAS DE NAS LHOR BGROD MTHAR THUG PAR LHO PHYOGS SU RIM GYIS 'GRO BA LA KHYIM GSUM, DE NAS BYANG BGROD KYI MGO BRTZAMS TE RIM GYIS BYANG DU 'ONGS
, ,PAS NYIN MTSAN MNYAM PA'I GNAS DER SLEB KYI BAR LA KHYIM GSUM STE SRANG LA SOGS PA KHYIM DRUG DANG, NYIN MTSAN MNYAM PA'I GNAS DE NAS GA-YAS MIN DAG NI STE BYANG DU RIM GYI BGROD PAS BYANG BGROD MTHAR THUG GI BAR LA KHYIM GSUM, DE NAS LHOR BGRED KYI MGO BRTZAMS TE TSUR 'ONGS PAS NYIN MTSAN MNYAM PA'I GNAS DER SLEB KYI BAR LA KHYIM GSUM STE LUGS LA SOGS PA KHYIM DRUG LA RGYU'O, ,NYIN DANG MTSAN MO RGYU SKAR DBYE BA ZHES SOGS NI, BGROD PA GNYIS PO RE RE LA KHYIM ZHAG GI GRANGS BRGYA BRGYAD CU RE'I DON TO, ,GSUM PA BGROD PA GNYIS LA KE LA SHA'I DUM BUR NYIN MTSAN 'PHEL 'GRIB TU 'GYUR TSUL BSHAD PA NI, NYI MA RI BONG CAN ZHES SOGS RTZA 'GREL GYI DON LA, NYI MA ZHES PA NYI MA'I CHA NYIN MO DANG, RI BONG CAN CES PA ZLA BA'I CHA MTSAN MO STE, LHOR BGROD KYI KHYIM ZLA DRUG RDZOGS PA'I NYIN MTSAN THA MA LA NYIN MO CHU TSOD BCUS RING ZHING MTSAN MO CHU TSOD BCUS THUNG BA DANG BYANG BGROD LA DE LAS LDOG PA'I DON TE, CHU TSOD BCUS ZHES PA ZHIB TU BRTZIS NA CHU TSONG BCU CHU SRANG BRGYAD DBUGS GNYIS SNANG NGO ZHES GSUNGS SO, ,BZHI PA DE DANG GLING 'DI'I DUM BU GZHAN GYI 'PHEL 'GRIB MI 'DRA BA'I KHYAD PAR BSHAD PA NI, 'O NA GLING 'DI NYID KYI SA'I DUM BU THAMS CAD DU 'PHEL 'GRIB DE LTAR NGES SAM ZHE NA; GLING 'DIR KEE LA SHA'I DUM BU LA ZHES SOGS TE, GRIB MA'I DBANG GIS ZHES PA'I DON, NYI MA LHUN PO LA NYE BA NA NYIN MTSAN 'PHEL 'GRIB CHE ZHING RING BA NA 'PHEL 'GRIB CHUNG BA'I PHYIR LHUN PO'I GRIB MA'I DBANG GIS ZHES KHA CIG 'CHAD MOD KYANG
GRIB MA'I NGES PA'I DBANG GIS ZHES 'BYUNG BA LTAR, THUR SHING GI GRIB MAS NYIN MTSAN 'PHEL 'GRIB KYI CHA NGES PAR BYAD PA'I DON YIN GYI LHUN PO'I GRIB MA GLING 'DIR 'ONG SA GA LA YOD, DE YANG GLING 'DIR SHAR NUB TU THIG GIS CHA MNYAM PO DRUG TU PHYE BA'I DBANG DU BYAS NA, CHA GANG NA YUL GYI GTZO BO 'PHAGS YUL YOD PA'I DUM BU LA 'PHAGS PA'I YUL GYI DUM BU ZHES BYA BA DANG, DUM BU GAN NA YUL GYI GTZO BO BOD YOD PA LA BOD KYI DUM BU ZHES SOGS SU SHES PAR BYA ZHING, BOD DANG LI LA SOGS PA YUL GYI GTZO BO DE DANG DE DAG KYANG SA'I DUM BU DE DANG DE'I NANG NA YOD PA TZAM DU 'DRA YANG, YUL DE DAG 'GA' ZHIG NI RANG GI SA'I DUM BU DE'I NUB KYI CHA LA GNAS PA DANG, 'GA' ZHIG NI RANG GI SA'I DUM BU DE'I SHAR GYI CHA DANG, 'GA' ZHIG NI DBUS KYI CHA LA GNAS PA SOGS SNA TSOGS YOD PAS BOD DANG LI DANG RGYA NAG SOGS LHO BYANG THAD MNYAM LA YOD MI DGOS KYI, DUM BU DE DANG DE NA YOD PA'I YUL GYI GTZO BOS MTSON NAS DUM BU DE DANG DE'I MING GI THA SNYAD BYAS PAR SHES PAR BYA'O, ,DE'I PHYIR RGYA NAG BOD KYI BYANG NA YOD MED BRTAGS NAS 'GOG PA SOGS DANG, DE LA LAN 'DEBS TSUL GZHAN GYIS SMRAS PA SOGS NI SNYING PO MED PAR SHES PAR BYA'O, ,GNYIS PA DE'I DBANG GIS SA DUM BU BCU GNYIS LA DUS 'KHOR TSUL SOGS BSHAD PA LA DRUG ,STENG DU NYI KHYIM 'KHOR BA'I DBANG GIS GLING BCU GNYIS LA NYIN MTSAN MNYAM PA GNYIS DANG BGROD PA GNYIS 'KHOR TSUL, BGROD PA GNYIS LA NYI MA STENG DU 'GRO BA MTHO DMA'I TSAD DANG NYIN ZHAG RE LA THAD KAR 'GRO BA'I RGYA TSAD, GLING 'DIR NYI MA KHYIM GCIG LA GNAS PA'I RING LA GLING BCU GNYIS
, ,SU DUS DRUG DANG ZLA BA BCU GNYIS SOGS TSANG BAR 'KHOR TSUL, DUM BU BCU GNYIS LA GNAS PA RNAMS KYI GANG DU 'KHOR BA LHUN PO'I GNAS BSTAN PA, LHUN PO'I PHYOGS THAMS CAD DU NYI MA 'KHOR BA'I TSAD BSTAN PA, 'KHOR BA'I TSE KEE LA SHA'I DUM BUR DUS SBYOR 'CHAR TSUL LO, ,DANG PO LA GNYIS LAS, NYIN MTSAN MNYAM PA 'KHOR TSUL NI, DA NI STENG DU NYI MA 'KHOR BA'I DBANG GIS ZHES SOGS TE, GLING BCU GNYIS SU KHYIM SO SO LA NYI MA GNAS PA'I DBANG GIS STON MNYAM BCU GNYIS RIM CAN DU 'KHOR BA DANG DPYID MNYAM BCU GNYIS RIM CAN DU 'KHOR ZHING, DE YANG GLING GANG DU STON MNYAM BYUNG BA'I NYIN ZHAG LA DE NAS GLING BDUN PA LA DPYID MNYAM DU 'GYUR BA'I TSUL GYI STE GO SLA LA, SA ZHES PA LUNG GI TSIG GO ZHES PA NI, MA HA+YAN ZHES THOB PA LA MA HOO ZHES SGRA NYAMS PAR BYAS PA NI SGRIB DANG MA MTHUN YANG RGYAL BA'I LUNG GI TSIG YIN PAS SKYON MED PA'I DON TO, ,DON BSDU BA NI, DE LTAR SA DUM BU BCU GNYIS SU LUG LA SOGS PA'I KHYIM BCU GNYIS KYI DBANG GIS NYI MA 'CHAR BA DANG NUB PA'I RNAM PAR DBYE BAS GLING RE RER YANG RIM GYIS ZLA BA BCU GNYIS DANG DUS DRUG TU 'GYUR RO, ,GNYIS PA BGOD PA GNYIS 'KHOR TSUL NI, DA NI ZHES SOGS TE, GLING 'DI NAS BRTZAMS NAS GA-YAS SKOR GYIS BYANG BGROD 'KHOR TSUL NI GLING 'DIR NYI MA CHU SRIN KHYIM LA GNAS PA'I ZLA BA LA BYANG BGROD MTHAR THUG DANG, DE'I ZLA BA RJES MA LA LHO GLING NUB MAR NYI MA BUM PA'I KHYIM LA GNAS PAS BYANG BGROD MTHAR THUG PA SOGS TE, GA-YAS SKOR DU 'KHOR BA'I MGO GLING 'DI NAS BRTZAMS NAS 'CHAD PA NI 'DIR DE BZHIN
GSHEGS PAS MDZAD PA BCU GNYIS BSTAN NAS CHOS 'KHOR BSKOR BAS GLING BCU GNYIS KYI NANG NAS GTZO BO YIN PA'I DBANG GIS SO, ,GLING RE RER YANG LO GCIG LA BYANG BGROD KYI RJES LA LHOR BGROD 'BYUNG BA KHYIM GYI DBYE BAS GLING BCU GNYIS LA GA-YAS SKOR DU 'KHOR TSUL KYANG 'GREL BAS 'CHAD PA NI, LHUN PO'I LHO ZHES SOGS TA GA SLA'O, ,GNYIS PA LA GNYIS LAS, DANG PO NYI MA STENG DU 'GRO BA'I CHAD BSHAD PA NI, DA NI SA'I DKYIL 'KHOR LA ZHES SOGS TE, GLING BDUN MTSO BDUN RI BDUN GYI NANG NAS 'DIR GLING BDUN PA'I SA'I DKYIL 'KHOR LAS STENG DU NYI MA MTHO DMA'I TSAD JI TZAM 'GRO BA NI, BYANG BGROD MTHAR THUG GI MTHA' DANG LHOR BGRANG RTZOM PA'I DANG PO'I NYIN ZHAG LA NYI MA'I GDUNG BYED DAG KYANG SA LAS DPAG TSAD STONG PHRAG BRGYAD CU RTZA DRUG GI GRANGS NI STENG DU 'PHAGS LA, DE YANG GLING RANG RANG GI DUM BUR LHA GLING DU KAR KA tA DANG BDEN BRAL DU SENG GE LA SOGS PA RANG RANG GI LHOR BGOD PA'I 'PHE BA DANG PO'I NYIN ZHAG LA 'GYUR TE, DE LTAR DUM BU BCU GNYIS PO RNAMS LA RIM PA BZHIN NO, ,LHOR BGROD KYI THOG MA'I NYIN ZHAG DE NAS BRTZAMS TE GA-YAS PHYOGS SU BGROD PA LA YANG DPAG TSAD KYI GRANGS SNGAR BSHAD PA DE LAS ZAD PA'AM BRI BAR 'GYUR TE, MI YI BDAG PO ZHES BOD PA NAS NYI MA'I GDUNG BAR BYED PA NI BYANG BGROD RTZOM PA'I NYIN ZHAG DANG PO LA SA'I STENG DU DPAG TSAD STONG PHRAG BDUN CU RTZA LNGA 'PHAGS PAR RIG PAR BYA'O, ,GLING RANG RANG GI STENG GI KHYIM DRUG GA-YAS DANG KHYIM DRUG GA-YON DU BYAS PA'I DBUS LAS NYIN MTSAN MNYAM PA'I GO LA'I RI MOR 'GYUR TE, NYI MA DE LA GNAS PA NA STONG PHRAG BRGYAD CU RTZA GCIG MDA' NI STE
, ,LNGA BRGYA DANG BRAL BAR GYUR BA GDUNG BYED DANG SA'I BAR GYI DPAG TSAD KYI TSAD DO, ,NYIN MTSAN MNYAM PA'I GO LA'I RI MO DE LAS GANG ZHIG NYI MA'I SA LAS STENG DU 'PHAGS PA'I DPAG TSAD KYI GRANGS BYANG BGROD LA 'PHEL BA DANG LHOR BGROD LA 'GRIB PAR 'GYUR BA DE NI MKHA' MKHA' ZHES SOGS TE DPAG TSAD STONG PHRAG PHYED DANG DRUG GO ,DE YANG RI RAB KYI DPANGS TSAD DPAG TSAD 'BUM YIN ZHING BYANG BGROD MTHAR THUG GI NYIN NYI MA RI RAB KYI RvA DANG MNYAM LA, DE'I TSE GDUNG BYED KYI SNE MO NAS SA'I BAR LA DPAG TSAD STONG PHRAG BRGYAD CU RTZA DRUG TU BSHAD PA'I PHYIR GDUNG BYED KYI RTZA BA NYI MA'I DKYIL 'KHOR LA ZUG 'TSAMS NAS THUR LA 'BAB PA'I RTZE MO'I BAR GYI DPANGS TSAD NI STONG PHRAG BCU BZHI'O, ` ,GNYIS PA NYIN ZHAG RA LA THAD KAR 'GRO BA'I RGYA TSAD NI, DA NI DUM BU BCU GNYIS LA ZHES SOGS TE, DE YANG LHOR BGROD PA LA GNAS PA'I NYI MA ME'I DKYIL 'KHOR GYI DANG PO'I BAR RGYA MTSO'I MTHA' 'TSAMS SU 'GRO BAR BYED DO, ZHES DANG, BYANG BGROD MTHAR THUG LA GANGS RI'I BAR DU 'GRO BAR BSHAD PA 'DI LA, MKHAS PA DAG GI BZHED PAS, NYI MA'I GDUNG BAR BYED PA NI STENG DU STONG PHRAG BDUN CU RTZA LNGAR RIG PAR BYA'O ZHES SOGS GONG DU BSHAD PA 'DIS MTSON NAS LHOR BGROD BYANG BGROD MTHAR THUG GI DUS NA RTA GDONG GI ME DANG LHUN PO'I RvA LA REG PAR BSHAD PA'ANG GDUNG BYED YIN GYI DKYIL 'KHOR MA YIN PAR SHES TE, GAL TE DKYIL 'KHOR REG PA YIN NA DA LTA BYANG BGROD MTHAR THUG DUS NA'ANG NYI MA BOD KYI THAD KA BAS BYANG DU MI 'GRO STE, DE DUS THUR MA LA
BRTAGS PA NA DA DUNG GRIB MA CUNG ZAD BYANG DU LUS 'DUG PA'I PHYIR RO, ,LHO PHYOGS ME RI NI LCAGS RI YIN LA, DE'I PHYI ROL NA SKAR MA MED PAR MNGON PA NAS BSHAD CING, DA LTA LHOR BGROD MTHAR THUG PA'I PHYI ROL NA SKAR MA 'DUG PAR MNGON SUM GYIS GRUB CING, 'OD ZER GYIS REG PA LA BYAS NA HA CANG THAL BAR 'GYUR RO, ZHES 'CHAD DE, ,HA CANG THAL BA'I DON YANG NYI MA'I 'OD ZER GYIS NI LHO BGROD MTHAR THUG GI TSE YANG ME RI LA REG PA DANG, BYANG BGROD MTHAR THUG GI TSE YANG GANGS RI LA REG PA'I PHYIR RO SNYAM DU BSAMS SO, ,DE LA KHA CIG NA RE, NYI MA'I GDUNG BYED ME RI DANG GANGS RI BAR DU 'GRO'I DKYIL 'KHOR DE BAR DU MI 'GRO BAR 'DOD PA NI LHOR BGROD PA LA GNAS PA'I NYI MA ME'I DKYIL 'KHOR GYI DANG PO'I BAR ZHES SOGS DANG, ME'I DKYIL 'KHOR GYI 'TSAMS DE NAS KEE LA SHA'I BYANG DU 'GRO STE GANGS KYI RI LA BYANG GI LAM DU YANG ZHES SOGS KYI GZHUNG 'DI DAG GIS BKAG PA YIN NO, ,ZHES SKYON BRJOD NAS NYI MA'I GDUNG BYED 'OG TU SA LA 'BAB KYI THAD KAR MI 'GRO'O ZHES DAM 'CHA' BA TZAM ZHIG BRJOD PAR BYED KYI, DE'I SGRUB BYED CI 'ANG MI SMRA LA, SNGA MAS BKOD PA'I SGRUB BYED DANG GNOD BYED DE DAG LA YANG LAN SMRA BAR MI BYED DE, ,DE LTA NA YANG DPYAD PA DE TZAM ZHIG GIS DA DUNG PHYOGS GNYIS GA LA GTING PHYIN PAR MA MTHONG PAS 'DI LTAR DPYAD PAR BYA STE, PHYED BCAS MIG KLU ZLAS THOB CES SOGS RTZA 'GREL GYIS ME RI DANG GANGS RI'I BAR GYI THAD KA'I RGYA CHAD DPAG TSAD STONG PHRAG BDUN CU RTZA LNGA LA NYIN ZHAG BRGYA BRGYAD CU RTZA PHYED DANG GSUM GYIS BGOS PA'I RNYED NOR NI LHOR BGROD KYI NYIN
, ,ZHAG RE LA BYANG DU CHAD JI TZAM RE DOR NAS LHOR 'GRO BA'I TSAD DANG, BYANG BGROD KYI NYIN ZHAG RE LA LHOR 'DOR BA DANG, BYANG DU 'GROD PA'I TSAD YIN PAR BSTAN CING, LO GCIG GI BGROD PA GNYIS LA NYIN ZHAG GSUM BRGYA DRUG CU RTZA LNGAR GSUNGS SO, ,DE LTAR BGOS PA'I RNYED NOR LA NI, DPAG TSAD BZHI BRGYA DANG BCU, RGYANG GRAGS GSUM, GZHU 'DOM STONG DRUG BRGYA BDUN CU RTZA GCIG ,SOR NYI SHU RTZA GNYIS, NAS GNYIS, SHIG DRUG ,SKE TSE DRUG ,SKRA RTZE GNYIS, PHRA MO DRUG ,PHRA RAB DRUG, DE'I DON SUM CHA NYER DRUG RNAMS 'BYUNG STE, LHOR BGROD KYI NYIN ZHAG RE LA TSAD DE TZAM RE NYI MA LHOR 'GRO ZHING, BYANG BGROD KYI NYIN ZHAG RE LA NYI MA DE TZAM RES BYANG DU 'GRO BA'O, ,DON 'DI NYID NI 'CHAD PA PO DE DAG THAMS CAD KYIS KHAS LEN PA'I 'DOD PA THUN MONG BA STE, MI RI DANG GANGS RIL GDUNG BYED REG PAR 'DOD PA DAG GIS PHYOGS RE'I GDUNG BYED KYI RING TSAD NI DPAG TSAD STONG PHRAG BCU RE 'DOD CING, ME RI LA YANG 'PHRED LA 'GRO BA'I GDUNG BYED KYIS REG PAR 'DOD PA YIN NO, ,DE LA RE ZHIG BYANG BGROD MTHAR THUGS GI TSE YANG NYI MA'I DKYIL 'KHOR BOD KYI THAD KA LAS BYANG DU MI 'GRO BAR SMRA BA DE NYID SHINT TU MI 'THAD DE 'DI LTAR, LHO 'DZAM BU GLING CHUNG NGU 'DI'I THAD KA'I RGYA TSAD DPAG TSAD STONG PHRAG NYI SHU RTZA LNGA LA GLING 'GI'I 'PHAGS YUL DANG BOD DANG LI LA SOGS PAS DUM BU DRUG GIS BGOS PAS RE RE'I THOB SKAL LA DPAG TSAD STONG PHRAG BZHI BRGYA DANG DRUG CU RE PHYED DANG BDUN, RGYAD GRAGS PHYED, GZHU 'DOM SUM BRGYA DANG SO GSUM, KHRU GANG, SOR BRGYAD 'BYUNG ZHING, BOD KYI BYANG MTHA'
PHAN CHAD LA DA DUNG DUM BU BZHI YOD PAS, DUM BU GCIG GI ZHENG TSAD DE BZHES BSGYUR BA'I TSAD BOD KYI BYANG MTHA'I THAD NAS GANGS RI'I BAR LA YOD DO, ,DUM BU GCIG GI ZHENG TSAD BZHIS BSGYUR BA NA DPAG TSAD STONG PHRAG BCU DRUG DANG DRUG BRGYA DRUG CU RE DRUG ,RGYANG GRAGS GNYIS, GZHU 'DOM STONG SUM BRGYA SUM CU SO GNYIS, KHRU LNGA DANG SOR BRGYAD 'BYUNG BAS KHYED LTAR NA NYI MA BYANG BGROD MTHAR THUG GI NYIN BOD KYI BYANG MTHA'I STENG THAD NAS TSUL ROL NA GNAS NA LTA ZHOG ,BOD KYI BYANG MTHA'I STENG THAD NA GNAS PA'I DBANG DU BYAS KYANG DE'I TSE NYI MA'I DKYIL 'KHOR DANG LHUN PO'I RvI'I BAR LA DPAG TSAD STONG PHRAG BCU DRUG LA SOGS PA BSHAD MA THAG PA DE TZAM ZHIG YOD CING, GDUNG BYED LA STONG PHRAG BCU GNYIS LAS MED PAS, NYI MA BYANG BGROD MTHAR THUG GI NYIN YANG GDUNG BYAD KYIS LHUN PO'I RvA LA DPAG TSAD STONG PHRAG GNYIS DANG DRUG BRGYA RE DRUG RGYANG GRAGS GNYIS GZHUNG 'DOM STONG SUM BRGYA DANG SUM CU SO GNYIS KHRU LNGA SOR BRGYAD KYIS MA REG PAR THAL BAS BYANG BGROD MTHAR THUG GI NYIN GDUNG BYED RvA LA REG PAR DAM BCAS PA GZHI NAS NYAMS SO, ,BYANG BGROD MTHAR THUG GI NYIN NYI MA BOD KYI THAD KA BAS BYANG DU MI 'GRO BAR 'DOD PA DANG, SA'I KHOR YUG GI DKYIL THAD DRANG LAS BYANG DU MI 'GRO BAR 'DOD PA GANG YIN KYANG RUNG, BGROD PA GNYIS MTHAR THUG GI DON GDUNG BYED RvA DANG RTA GDONG LA REG PAR SMRA BA DE DAG LA 'DI BRJOD PAR BYA STE, NYI MA BYANG BGROD KYI MGO BRTZAMS NAS NYIN RE BZHIN GONG DU BSHAD PA'I DPAG TSAD BZHI BRGYA DANG BCU RGYANG GRAGS GSUM LA SOGS PA DE DAG LHOR DOR ZHING BGROD 'ONGS PAS
, ,NYIN ZHAG BRGYA DANG LNGA BCUR NYIN ZHAG PHYED DANG GNYIS LHAG TZAM GYIS MA LONGS PA NA NYI MAS DPAG TSAD STONG PHRAG DRUG CU RE GCIG LHOR DOR ZHING SPYAD ZIN PA NI NYIN ZHAG RE LA JI TZAM 'DOR BA DE BRGYA LNGA BCUS BSGYUR BA'I STENG NAS DPAG TSAD STONG PHRAG DRUG CU RE GCIG PHRI BA'I BSHUL DU NYIN ZHAG RE LA 'DOR BA'I TSAD PHYED DANG GNYIS LHAG TZAM LHAG MAR LAS BAR 'GYUR BA'I RI MOS BSNYON DU MED PAR MNGON SUM DU STON PAR 'GYUR RO, ,DPAG TSAD STONG PHRAG DRUG CU RE GCIG DOR ZIN PA DE NAS LHUN PO'I RvA'I BAR LA DPAG TSAD STONG PHRAG BCU BZHI LAS MED CING, GDUNG BYED LA YANG DPAG TSAD STONG PHRAG BCU BZHI YOD PAS, NYI MA BYANG BGROD MGO BRTZAMS NAS NYIN ZHAG BRGYA LNGA BCUR NYIN ZHAG PHYED DANG GNYIS LHAG TZAM GYIS MA LONGS PA NA NYI MA'I GDUNG BYED LHUN PO'I RvA LA REG PAR 'GYUR BA'I PHYIR DUS DER BYANG BGROD MTHAR THUG PAR THAL ZHING, LHUN PO'I RvA LA REG PA'I BAR LA NYIN ZHAG BRGYA BRGYAD CU RTZA PHYED DANG GSUM DGOS PAR RGYUD 'GREL LAS BSHAD PA DANG KHYED RANG GIS KHAS BLANGS PA GNYIS KA DANG DNGOS SU 'GAL LO, ,BYANG BGROD JI LTA BA BZHIN DU LHOR BGROD LA YANG MTSUNGS PAS, BGROD PA GNYIS RE RE LA ZLA BA LNGA LNGA BAG MED TZAM DANG, LO RE RE LA ZLA BA BCU BAG MED RE LAS MED PAR THAL BA'I GNOD PA SHIN TU CHE BA BSNYON MI NUS PAR THOG TU 'BAB PA SHES PAR BYAS SHIG ,NYI MA'I DKYIL 'KHOR MTHA'I ME RI BAR DU 'GRO YANG DKYIL 'KHOR ME RI LA REG PAR 'DOD MI DGOS KYI, KHOR YUG GI NANG MTHA'I STENG
THAD KYI NAM MKHA' LA SLEB PAS CHOG LA, DE LA NYI MA'I DKYIL 'KHOR, KHOR YUG GI RI'I NANG MTHA'I STENG THAD NA GNAS PA'I TSE YANG RI DANG NYI MA'I BAR NA BAR THAG SHIN TU RING BA'I MTHO DMA'I KHYAD YOD PA'I PHYIR, LHOR BGROD MTHAR THUG GI TSE NYI MA KHOR YUG GI STENG THAD NA YOD KYANG NYI MA DANG KHOR YUG GI BAR GYI NAM MKHA' MTHONG BA MI 'GAL ZHING, MNGON PA NAS KHOR YUG GI PHYI ROL NA SKAR MA MED PAR BSHAD KYANG, MDZOD LAS, BRGYAD PO 'PHANG DU PHYED PHYED DBRI, DE DAG RNAMS SU'ANG 'PHANGS DANG MNYAM ZHES PA LTAR NA, KHOR YUG GI ZHENG TSAD LA DPAG TSAD SUM BRGYA DANG PHYED DANG BCU GSUM YOD CING, DUS 'KHOR LUGS LA NI ZHENG TSAD DPAG TSAD STONG PHRAG LNGA BCU YOD PAS DE TZAM GYI STENG GI NAM MKHA' LA SKAR MA DU MA YOD PA MI 'GAL BAS, NYI MA KHOR YUG GI NANG MTHA'I THAD KAR GNAS PA'I PHA ROL GYI KHOR YUG GI STENG THAD KYI SKAR MA DU MA LHOR BGROD MTHAR THUG GI TSE'ANG MTHONG BAR KHAS BLANGS PA LA GNOD PA CI ZHIG BSTAN DU YOD, GDAGS PA LAS KYANG, 'JIG RTEN BAR 'TSAMS PHAN CHAD DU, ,NYI ZLA DE BZHIN SKAR MA DANG, ,RGYU SKAR TSOGS NI RGYA CHEN KUN, KHOR YUG MI 'DA' 'JIG RTEN GYI, ,BAR 'TSAMS THAMS CAD MUN PAR 'DUG ,CES KHOR YUG GI PHYI MTHA' PHAN CHAD KYI GLING BAR GYI NAM MKHA' LA SKAR MA MED PAR BSHAD KYI, KHOR YUG GI STENG GI NAM MKHA' LA MED PAR GANG NAS KYANG MA BSHAD DO, ,GO LA'I DPE RIS DANG DE'I RNAM GZHAG GI BSHAD PA 'GOD PA NA, LHOR BGROD MTHAR THUG GI TSE CHU'I KHOR YUG GI BZH
, ,GSUM GYI MTHAR NYI MA'I DKYIL 'KHOR GYIS SLEB PAR SMRAS PA LTAR NA, LHOR BGROD MTHAR THUG GI TSE NYI MA'I DKYIL 'KHOR DANG ME RI'I BAR LA DPAG TSAD STONG PHRAG PHYED DANG BCU GSUM LAS MED DGOS SHING, NYI MA'I GDUNG BYED 'PHRED LA DPAG TSAD STONG BCU BZHI YOD PAR KHAS BLANGS PAS, LHOR BGROD MTHAR THUG GI NYIN LAS NYIN ZHAG GSUM LHAG GI GONG DU NYI MA'I GDUNG BYED ME RI LA REG PAR KHAS BLANG DGOS PAR 'GYUR ZHING, DE LTA NA GDUNG BYED ME RI LA REG PA LHOR BGROD MTHAR THUG GI DON YIN PA DANG, BGROD PA GNYIS KYI TSE GDUNG BYED ME DANG RVA LA REG PA LA NYIN ZHAG BRGYA DANG BRGYAD CU RTZA PHYED DANG GSUM GSUM DGOS PAR KHAS BLANGS PA THAMS CAD DANG 'GAL LO, ,KHOR YUG GI PHA ROL NA MNGON PA LAS SKAR MA MED PAR BSHAD PA SKABS 'DIR KHUNGS SU BYAS NAS RNAM GZHAG BYED PA LTAR NA, MNGON PA NAS NYI MA'I DKYIL 'KHOR GYI 'OG GZHI SA LA BSTAN PA'I PHYI 'BA' ZHIG ME SHEL YIN CING, LOGS DANG STENG LA SOGS PA GZHAN RNAMS KHAMS RNYOG PA CAN DANG GSER LA SOGS PA YIN GYI ME SHEL MA YIN PAR BSHAD PAS, NYI MA'I DKYIL 'KHOR GYI 'OG TU GDUNG BYED 'BAB PA LTAR LOGS GA-YAS GA-YON LA YANG GDUNG BYED 'PHRED LA 'GRO BAR SMRA BA NI MNGON PA NAS DE LTAR BSHAD PA DANG 'GAL LO ZHES BRJOD NA LAN CI ZHIG YOD, NYI MA'I DKYIL 'KHOR GYI GZHAL MED KHANG GI LOGS RNAMS KYANG ME SHEL LAS BYAS PAR MNGON PAR MA ZAD DUS 'KHOR GYI YANG SKABS GANG DU YANG MA BSHAD DO, ,'OG TU GDUNG BYED 'BAB PAR BSHAD PA'I SHUGS
KYIS 'PHRED LA'ANG GDUNG BYED GA-YAS GA-YON DU 'GRO BAR BSTAN DGOS NA, 'OG GZHI ME SHEL LAS GRUB PAR BSTAN PA'I SHUGS KYIS LOGS KYANG ME SHEL LAS GRUB PAR BSTAN DGOS PAR 'GYUR ZHING, 'OG GZHI ME SHEL YIN NA LOGS ME SHEL YIN PA'I KHYAB 'BREL GANG GIS SGRUB PA SOMS SHIG ,YANG GZHAN DAG GIS NYI MA'I DKYIL 'KHOR ME LA REG PAR SMRA BA DE DAG NI RANG GI KHAS BLANGS SNGA MA GANG SMRAS YID LA MA BZHAG PAR RANG DGAR SMRA BA STE, MDOR BSDUS BRGYAD PAR 'DZAM BU GLING CHEN PO'I MTHAR PHYOGS THAMS CAD DANG 'OG TU LAN TSVA'I RGYA MTSO RNAM PAR GNAS SO, ZHES PA'I BSHAD PA BYED PA NA, DE LTAR NA DKYIL 'KHOR BZHI PO PHYI MA PHYI MAS NANG MA NANG MA RNAMS KYI LOGS NAS KYANG SKYOR BA'I TSUL DU YOD CING STENG KHANG MNYAM DU GNAS SO; ZHES SMRAS PAS, NYI MA'I DKYIL 'KHOR ME'I NANG MTHA' LA REG NA CHU LA'ANG REG DGOS PAR 'GYUR BA'AM, ME'I NANG MTHA' LAS CUNG ZAD PHA ROL GYI ME LA NYI MA'I DKYIL 'KHOR GYI MTHIL REG PA LA 'DOD NA, NYI MA'I GDUNG BAR BYED PA NI STENG DU STONG PHRAG BDUN CU RTZA LNGAR RIG PAR BYA'O, ZHES LHOR BGROD MTHAR THUG GI NYIN NYI MA'I GDUNG BYED KYI MA SNA'I RTZE MO LAS 'OG TU DPAG CHAD STONG PHRAG BDUN CU RTZA LNGA'I BAR THAG YOD PAR BSHAD PA DANG SHIN TU 'GAL TE, TSAD DE NYID GDUNG BYED DANG GANG GI BAR GYI TSAD YIN PA SMROS SHIG ,KHYED RANG GIS KYANG BGROD PA GNYIS MTHAR THUG GI TSE YANG 'OG TU 'BAB PA'I GDUNG BYED KYI DBANGS DPAG TSAD STONG PHRAG BCU'I SMRAS PA DANG RANG TSIG 'GAL TE, NYI MA'I DKYIL 'KHOR GYI 'OG
, ,GI MTHIL ME RE LA REG NA, DE'I TSE 'OG TU GDUNG BYED KYI DPANGS SOR GANG YANG BZHAG TU MED PA'I PHYIR RO, ,DE BZHIN DU MA RI DANG CHU KHANG MNYAM YIN ZHING NYI MA'I DKYIL 'KHOR ME LA REG NA BOD NAS DE'I TSE NYI MA'I DKYIL 'KHOR MTHONG BA'I GO SKABS GA LA YOD, DE'I PHYIR LHOR BGROD MTHAR THUG GI TSE BOD DU NYIN MO'ANG NYI MA MTHONG MI SRID PAR 'GYUR RO, ,DE'I PHYIR 'DI LTA BU'I GRUB MTHA' RNAM PAR 'JOG PA'I BLO GROS NI YA MTSAN NO, ,DE BAS NA LHOR BGROD MTHAR THUG GI TSE NYI MA'I 'OG TU 'BAB PA'I GDUNG BYED KYI MA SNA'I RTZE MO ME RI LA REG PA'ANG KHAS BLANG BA'I GNAS MED DE, DE'I TSE GDUNG BYED KYI RTZE MO DANG 'OG GZHI'I BAR LA DPAG TSAD STONG PHRAG BDUN CU RTZA LNGAR RGYUD 'GREL LAS DNGOS SU BSHAD PA LA DE LAS GZHAN GANG DU'ANG BSHAD MI NUS PA'I PHYIR RO, ,DE BZHIN DU GDUNG BYED 'PHRED LA 'GRO BA ME RI LA REG PAR 'DOD PA LA YANG LHOR BGROD MTHAR THUG GI TSE NYI MA'I DKYIL 'KHOR DANG ME RI'I KHA MTHA' THAD MNYAM DU 'DOD DGOS LA, DE LTA NA NYI MA'I DKYIL 'KHOR LA 'OG TU GDUNG BYED KYI DPANGS STONG PHRAG BCU BZHI DANG, DE NAS CHU'I BAR LA STONG PHRAG BDUN CU RTZA LNGA YOD PAS, CHU 'TSAMS NAS STENG DU 'PHAGS PA'I ME RI'I DPANGS LA DPAG TSAD STONG PHRAG BRGYAD CU RTZA DGU YOD PAR 'GYUR NA'ANG, LCAGS RI'I DPANGS CHU 'TSAMS LAS DE TZAM DU 'PHAGS NA, MDOR BSDUS BRGYAD PAR, RDO RJE'I RI NI RTA GDONGS GI ME STE LAN TSVA'I RGYA MTSO CHU'I DKYIL 'KHOR GYI MTHAR 'OG DANG THANG KA'I CHA LA GNAS SO, ZHES GSUNGS PA DANG 'GAL BA SOGS GZHUNG GONG 'OG GI 'CHAD TSUL DANG
MI 'GRIG PA MANG BA'I PHYIR DANG, RI GZHAN DRUG GI NANG MA LNGA BO RI RAB KYI RVA 'OG MA SO SO'I KHOR SKYIBS SU CHUD PA DANG GANGS RI RI RAB KYI RVA STENG MA LA REG PAR BSHAD NAS RI BDUN PA LCAGS RI'I DPANGS TSAD DE TZAM YOD KYANG MI STON PA'I RGYU MTSAN MED PA'I PHYIR RO, ,DES NA LCAGS RI DANG CHU'I KHOR YUG LA MTHOD MA'I KHYAD PAR CHEN PO KHAS BLANG DU MI RUNG NGO, ,DES NA RANG GI LUGS NI 'DI LTAR YIN TE, JI SKAD BSHAD PA'I TSUL GYI 'DOD PA MI MTHUN PA DU MAR GYUR PA NI, 'GREL PAR, KHYIM GYI 'KHOR LO 'KHOR BA'I DBANG GIS ME LA REG PA GANG YIN PA DE NI BDUN PA'I PHYOGS THOB PA NA LHUN PO'I RVA LA REG CING GANGS KYI RI'I STENG DU 'GRO'O, ZHES GSUNGS PA 'DI NYID LA, ME DANG RVA LA REG PA'I MTSAN GZHI NYI MA'I DKYIL 'KHOR DANG GDUNG BYED GNYIS SU GRANGS NGES BYAS NAS, GNYIS PO DE GANG YIN DPYOD PA'I LUGS SU BYAS PAS DE LTAR 'DOD PA THA DAD PAR 'GYUR RO, ,DE GNYIS NI GANG KHAS BLANGS KYANG GONG DU BSHAD ZIN PA'I TSUL GYIS MI RIGS PA DU MA ZHIG SMRA DGOS PA 'BYUNG BAS PHYOGS DE GNYIS KA MI 'DOD DO, ,'O NA GZHUNG 'DI'I DON CI ZHE NA, BGROD PA GNYIS LA NYI MA STENG DU MTHOD MA'I TSAD JI TZAM DU 'GYUR BA STON PA NA, NYIN MTSAN MNYAM PA'I GO LA'I RI MO LAS TSAD JI TZAM DU 'GYUR BA NGOS BZUNG NAS, RI MO DE LAS NYI MA LHO BYANG DU 'GRO BA'I 'PHEL 'GRIB KYI TSAD 'DI TZAM RE'O ZHES GO LA'I RI MO'I DBANG DU BYAS NAS BSTAN PA LTAR, 'DIR YANG GO LA'I DPE RIS KYI RI MO BKOD PA LA MTSON NAS STON PA'I DBANG
, ,DU MDZAD PA YIN TE, RI MO LA DBUS SU LHUN PO'I RVA'I KHOR YUG MTSON PA'I RI MO ZLUM PO DANG, PHYI MA THAR ME RI MTSON PA'I RI MO ZLUM PO BKOD NAS, DE GNYIS KYI KHONGS SU NYI MA BGROD PA SO SO LA KHYIM GYI 'KHOR LO 'KHOR BA'I SGO NAS LHO BYANG DU NYIN RE BZHIN BGROD PA'I TSUL MTSON PA'I RI MO RNAMS BSKOR BA NA, BYANG BGROD MTHAR THUG GI NYIN GANG NAS 'KHOR BA MTSON PA'I RI MO DE NYID LHUN PO'I RVA'I RI MO LA REG PAR 'GYUR ZHING, LHOR BGROD MTHAR THUG GI TSE NYI MA GAD NAS 'KHOR BA MTSON PA'I RI MO DE NYID ME RI'I RI MO LA REG PAR 'GYUR LA, 'GREL PAR ME LA REG PA DANG LHUN PO'I RVA LA REG PA ZHES GSUNGS PA NI DE'I DBANG DU MDZAD CING, RI MO DE LTAR REG PAS MTSON PA'I DON NI, BYANG BGROD MTHAR THUG GI NYIN NYI MA GANGS RI'I STENG LHUN PO'I RVA DANG THAD MNYAM DU SLEB PA DANG, LHOR BGROD MTHAR THUG GI NYIN NYI MA ME RI'I NANG MTHA'I STENG THAD DRANG GI NAM MKHA' LA SLEB PA'I DON YIN LA, DE'I TSE YANG NYI MA'I GDUNG BYED KYI MA SNA RTZE MO NAS ME RI'I BAR DPAG TSAD STONG PHRAG BDUN CU RTZA LNGA YOD KYANG RI MO BRIS PA LA STENG 'OG GI BAR STOD 'CHAR SA MA BYUNG BAS LHOR BGROD MTHAR THUG GI RI MO ME RI'I RI MO LA REG PA YIN NO, ,DE YANG GO LA'I RNAM GZHAG 'DI DAG PHAL CHE BA RI MO BRIS PA LA MTSON PA'I DBANG DU BYAS NAS GSUNGS PA SHAS CHE BAS RI MO DANG DES MTSON DON MA 'DRES PA PHYED DGOS SO, ,DE BAS NA TSIG DON LA'ANG, LHOR BGROD MTHAR THUG GI TSE NYI MA ME'I DKYIL 'KHOR GYI DANG PO
STE NANG GI MTHA'I BAR RGYA MTSO'I PHYI MTHA'I 'TSAMS SU SON PA'I THAD DU 'GRO BAR BYED DO ZHES SOGS SU BSHAD PAS SHES SLA STE, BGROD PA GNYIS KYI NYIN ZHAG BRGYA DANG BRGYAD BCU RTZA PHYED DANG GSUM GSUM GYI NYIN ZHAG RE LA THAD KAR 'DOR TSAD JI SKAD BSHAD PA DAG KYANG LEGS PAR GNAS PAR 'GYUR ZHING, BLO GROS KYI GROGS KYIS YONGS SU BTANG BDAG GIS MTHA' MCHOD PA'I DPYAD PA NYUNG ZAD RES DON RNAM PAR BZHAG PA MTHA' DAG NI SPUN LKOGS DANG 'DRA BAR SHES PAR BYA STE SPROS PAS CHOG GO ,GSUM PA GLING 'DIR NYI MA KHYIM GCIG LA GNAS PA'I RING LA GLING BCU GNYIS SU DUS DRUG DANG ZLA BA BCU GNYIS SOGS TSANGS BAR 'KHOR TSUL LA, DE NI ZHES SOGS KYIS 'TSAMS SBYAR NAS, KHYIM GCIG LA NI ZHES SOGS KYIS MDOR BSTAN PA STE, GLING 'DIR LUG LA SOGS PA'I KHIM GANG YANG RUNG BA GCIG LA NYI MA GNAS PAS DUS GCIG DANG ZLA BA GCIG BYED PA'I RING LA YANG DUM BU ZHES PA NAS BYED DE, GLING 'DIR NYI MA KHYIM GCIG LA GNAS PA'I RING LA YANG GLING GZHAN RE RE'I THAD DU KHYIM MI 'DRA BA RE RE LA SPYOD PA'I SGO NAS NYIN RE BZHIN KHYIM GYI 'KHOR LO 'KHOR BA'I DBANG GIS SO, ,DE YANG 'DIR NYIN ZHAG RE RE LA YANG LHUN PO'I PHYOGS KYI CHA THAMS CAD DU NYI MA KHYIM BCU GNYIS KYI 'KHOR LO LA SPYOD CING 'KHOR BA'I DBANG DIS, TSUL DE MTSON PA'I GO LA'I RI MO LA GLING GANG DU LHOR BGROD MTHAR THUG GI NYIN GANG NAS 'KHOR BA'I RI MOS ME RI'I RI MO LA REG PA GANG YIN PA'I RI MO DE NI ZLUM POR
, ,BSKOR NAS GLING DE NAS BGRANGS PA'I GLING BDUN PA'I PHYOGS KYI THAD DU SLEB PA THOB PA THOB PA NA RI MO DES LHUN PO'I RVA'I RI MO LA REG CING, DE'I TSE NYI MA YANG GLING DER GANGS RI'I THAD DRANG LAS STENG DU 'GRO'O ZHES PA'I KHYIM 'KHOR BA'I RIGS PAS, KHYIM ZLA GCIG GI RING LA YANG GLING SO SO'I THAD DU NYI MA KHYIM MI 'DRA BAS SO SOR GNAS PA'I DUS KYI TSOGS LA SOGS PA MTHA' DAG STE THAMS CAD BYED PA RIG PAR BYA'O, ,JI LTAR RIG PAR BYA ZHE NA, TSUL DE NYID RGYAS PAR 'CHAD PA NI, DUM BUM DUM BU ZHES PA NAS SO SOR 'GYUR RO, ,JI LTAR 'GYUR BA'I TSUL YANG GLING 'DIR NYI MA KHYIM GCIG LA GNAS PA'I RNAM PA GANG GIS ZLA BA GANG YIN PA DE LTAR GLING GZHAN RNAMS SU YANG KHYIM GANG DANG GANG LA GNAS PAS ZLA BA GANG DANG GANG YIN PA DE LTAR BRJOD PAR BYA STE, GLING 'DIR KHYIM GCIG NGES PAR BSTAN PAS DE'I TSE DUM BU SO SOR NYI MA GANG LA GNAS PA'I KHYIM GZHAN THAMS CAD RIGS PAR BYA'O, ,LHUN PO'I ZHES PA NAS, DE'I PHYIR GLING 'DIR LUG GI KHYIM DE LA NYI MA GNAS PAS ZLA BA GCIG BYED PA DE'I RING LA DUM BU BCU GNYIS SU ZLA BA BCU GNYIS DANG, DUS KYI TSOGS LA SOGS PA THAMS CAD BYED PA NYID KYI TSUL JI LTA BA DE BZHIN DU BRJOD PAR BYA STE, DE YANG 'GREL BA'I 'GYUR 'DIR, DUM BU GNYIS PA LA SNON GYI ZLA BA BYED DO ZHES SOGS 'BYUNG BA NI 'GYUR MI LEGS TE, GLING 'DIR SA GAS NYA BA'I TSE GLING GZHAN THAMS CAD DU YANG SA GAS NYA BAR MTSUNGS KYI, GLING BCU GNYIS SU
SKAR MA MI 'DRA BA BCU GNYIS KYIS DUS GCIG TU NYA BA MI SRID PA'I PHYIR RO, ,DES NA GLING 'DIR SA GAS NYA BA'I ZLA BAS DPYID ZLA THA CHUNG BYED PA'I TSE ME'I ZUR GYI DUM BU GA-YAS MAR SA GAS NYA BA'I ZLA BAS SBYAR ZLA RA BA BYED PA YIN CING, GLING 'DIR DBYAR ZLA RA BA SNON GYI ZLA BA YIN PA SOGS BZHIN DU GLING GZHAN DU'ANG DE LTAR SBYAR DU MI RUNG NGO, ,DES NA 'GYUR MANGS SU, 'DIR RA RIB KYI LHO'I SA'I DUM BUR LUG LA GNAS PA'I NYI MA DPYID ZLA THA CHUNG GI ZLA BAR BYED DO, ,DUM BU GNYIS PA ME'I 'TSAMS KYI PHYED LA DBYAR ZLA RA BAR BYED DO, ,DE BZHIN DU DUM BU GSUM PAR ME 'TSAMS KYI PHYED PHYI MA LA DBYAR ZLA 'BRING POR BYED DO, ,DE BZHIN DU RI RAB KYI SHAR GYI DUM BU BZHI PA LA SHAR GYI LUS 'PHAGS SU DBYAR ZLA THA CHUNG DU BYED DO, ,DUM BU LNGA PA DBANG LDAN GYI PHYED LA STON ZLA RA BAR BYED DO ZHES PA NAS, DUM BU BCU GNYIS PA BDEN BRAL GYI 'TSAMS KYI PHYED PHYI MA LA DPYID ZLA 'BRING POR BYED DO, ZHES PA'I BAR DU 'BYUNG BA DANG MTHUN PAR RVA 'GYUR DU YANG 'BYUNG BA NYID LEGS SHING, DE LTAR NA GLING 'DIR DPYID ZLA THA CHUNG GI ZLA BA GCIG GI RING LA ME'I ZUR PHYED PHYI MAR DBYAR ZLA RA BA, ME'I ZUR PHYED NANG MAR DBYAR ZLA 'BRING PO NAS, BDEN BRAL GYI ZUR PHYED PHYI MA LHO GLING NUB MAR DPYID ZLA 'BRING GI BAR ZLA BA BCU GNYIS DUS GCIG TU BYED PA'I DON TO, ,DE LTAR DUS GCIG TU YOD TSUL 'CHAD PA NA GA-YON SKOR DU BKOD PA NI DUS 'KHOR BA NA GA-YAS SKOR DU 'KHOR TSUL 'CHAD PA'I CHED YIN TE, DE LTAR NA DGUN DGUN SMAD DPYID SO KA DBYAR STON TE DUS DRUG TU BYAS PA NA
, ,ZLA BA GNYIS GNYIS KYI DUM BU GNYIS GNYIS SU DUS RE RER 'GYUR RO, ,PHYOGS NYER BZHIR 'GYUR BA GO SLA STE, DE LTAR NA NAS SHES PAR BYA'O ZHES DON BSDU BA'O, ,DUS GCIG TU YOD TSUL DE LTAR YIN PA LA ZLA BA BCU GNYIS RIM CAN DU 'KHOR TSUL NI, LHO'I DUM BU 'DIR KHYIM BCU GNYIS KYI DBANG GIS 'PHO BA BCU GNYIS RIM CAN DU 'BYUNG BA LA, DE LTAR ZLA BA GANG ZHIG DPYID ZLA THA CHUNG DU GYUR PA DE NI DE'I MJUG GI 'PHO BA GZHAN LA GA-YAS SKOR GYIS BDEN BRAL GYI ZUR DU 'GRO'O, ZHES PA NAS, ME 'TSAMS KYI ZUR PHYED GZHAN PHYI MA NA GNAS PA'I DBYAR ZLA RA BA NI LHO 'DZAM BU GLING DU 'GRO STE, ZHES PA'I BAR RE RE NAS SBYAR TE BSHAD PA'I MJUG BSDU BA NI, DE LTAR ZHES SOGS SO, ,DE LTAR ZLA BA DANG DUS 'KHOR BA'I DBANG GIS GLING SO SOR NYIN MTSAN 'PHEL 'GRIB TU 'GYUR BA'I TSAD NI TSAD GANG DUM BU ZHES SOGS TE, GLING 'DIR BYANG DU BGROD PA MTHAR THUG PA'I RJES KYI 'PHO BA'I NYIN ZHAG DANG PO LA LHO'I DUM BUR NYIN MO'I TSAD NYAMS PA DANG MTSAN MO'I TSAD 'PHEL BA DE NYID BYANG SGRA MI SNYAN DU MTSAN MO NYAMS PA DANG NYIN MO 'PHEL BA'I TSAD DE, 'DI NAS SA'I DUM BU BDUN PAR NYI MA YUN RING BAR 'CHAR BA'I DBANG DANG LHOR MTSAN MO 'PHEL BA'I DBANG GIS SO, ,TSUL DE NYID KYIS SA'I DUM BU BDUN PA DER RIM BZHIN NYIN MO 'PHEL BA MTHAR THUG PA'I MTHA'I 'PHO BA DE NAS LHO LA NYIN MO 'PHEL BAR 'GYUR RO, ,DE'I TSE LHOR NYIN MO 'PHEL BA DANG MTSAN MO NYAMS PA'I TSAD KYANG BYANG GI DUM BUR DE'I TSE, NYIN MO NYAMS PA DANG MTSAN MO 'PHEL BA'I TSAD LAS GZHAN
DU MA YIN TE, LHO 'DZAM BU GLING DU DE'I TSE NYI MA YUN RING DU 'CHAR BA'I DBANG GIS DANG BYANG GLING NAS DUM BU BDUN PAR DE'I TSE MTSAN MO NYAMS PA'I DBANG GIS SO, ,LHO 'DZAM BU GLING DANG SGRA MI SNYAN LA NYIN MTSAN 'PHEL 'GRIB GYI TSAD JI SKAD BSHAD PA DE LTAR GLING GZHAN THAMS CAD DU RANG RANG NAS BGRANGS PA'I DUM BU BDUN PA SO SO LA RIG PAR BYA'O, ,LAM PHYED CES SOGS NI, CHU'I KHOR YUG GI MTHA' SKOR 'BUM PHRAG DRUG GI KHONGS TSUN CHAD KYI PHYED LA NYI MA'I 'OD DANG PHYED LA MTSAN MOS DUS GCIG TU KHYAB CING, NYI MA'I DKYIL 'KHOR 'CHAR BA'I MDUN PHYOGS SU NYI 'OD RIM PA BZHIN 'CHAR BA DANG, DKYIL 'KHOR GYI RGYAB PHYOGS SU MTSAN MO RIM BZHIN 'BYUNG BA'I DON TO, ,BZHI PA DUM BU BCU GNYIS LA GNAS PA RNAMS KYI GANG DU 'KHOR BA LHUN PO'I GNAS BSTAN PA LA GNYIS, GLING BCU GNYIS RANG RANG LA LTOS PA'I PHYOGS BZHI NGOS BZUNG BAR NGOS DANG, DER DUS LA SOGS PA DUS SBYOR GYIS PHYE BAS JI LTAR RGYU TSUL BSHAD PA'O, ,DANG PO NI, DA NI ZHES SOGS KYIS 'TSAMS SBYAR NAS SHES PAR BYA STE, ZHES PA'I BAR GYIS, GLING BCU GNYIS PO RANG RANG GI GANG NAS NYI MA 'CHAR BA'I PHYOGS DE SHAR DANG, NYI MA GANG DU NUB 'GRO BA'I PHYOGS DE NUB TU BYAS PA NA LHUN PO GLING DE DANG DE THAMS CAD KYI BYANG NA GNAS PAR BSTAN LA, GLING GCIG LA NYI MA SHAR NAS CIG SHOS LA DUS JI TZAM LA 'CHAR BA NI, LHO 'DZAM BU GLING 'DIR NYI MA SHAR NAS CHU TSOD LNGA SONG BA NA LHO GLING NUB MAR 'CHAR BA SOGS
, ,DUM BU SO SOR DPHYUG GU LNGA LNGA'I DUS KYI BAR GYI NYI MA 'CHAR BAR 'GYUR RO, ,RI DANG MNYAM PA BGROD PA DAG DANG ZHES PA NI DUM BU SO SOR RI RAB KYI RvA DANG PHAN TSUN THAD KAR MNYAM PA LA MNGON DU PHYOGS PAR NYI MA BGROD PA NI BYANG BGROD MTHAR THUG DANG MTHA'I ME RI DANG STENG 'OG THAD KAR MNYAM PA LA MNGON PAR PHYOGS PAR NYI MA BGROD PA NA LHOR BGROD MTHAR THUG DAG GE ,'DI LTAR SNGAR YANG BSTAN ZIN PA MA YIN NAM, BZLAS TE BSTAN PAS CI ZHIG BYA SNYAM NA, SNGAR NI NYI MA RI RAB PHYOGS LA BGROD PA LHOR BGROD DU BSTAN PA TZAM YIN LA, 'DIR NI BGROD PA GNYIS DE LTAR 'JOG PA YANG GLING SO SO'I NYI MA GANG NAS 'CHAR BA SHAR DANG NUB PA NUB TU BYAS PA NI, RI RAB GLING DE DANG DE'I BYANG DANG ME RI GLING DE DANG DE'I LHOR GNAS PA'I RGYU MTSAN GYIS YIN NO ZHES SHES PAR BYA BA'I PHYIR BSTAN NO, ,DES NA 'GYUR YANG 'DI NYID LEGS KYI, GYI COS RI RAB LA MNGON PAR PHYOGS NAS NYI MA BYANG DANG LHOR 'GRO'O, ZHES BSGYUR BA LEGS PAR SMRA BA NI DON MA GO BA YIN LA, KHA CIG 'DIS GZA' SKAR THAMS CAD GDONG RI RAB LA PHYOGS PAR BSTAN CES ZER BA NI SHIN TU 'BREL MED CING, 'OG NYID DU SHAR DU PHYOGS PA'I GZA' RNAMS NI ZHES SOGS 'BYUNG BA YANG YID LA MA BZHAG PAR GSAL LO, ,DE NI SOGS GO SLA'O,, GNYIS PA NI, DUS NI GSUM STE SOGS LA, MTSAN PHYED NAS DUS SBYOR BZHI 'DAS KYI BAR SNGA DRO DANG, DE NAS DUS SBYOR BZHI 'DAS KYI BAR GUNG DANG, DE NAS DUS SBYOR BZHI 'DAS KYI BAR PHYI 'PHRENG CES BSHAD DGOS KYI, NYIN MO LA CHA GSUM DU BYAS
PA KHO NA LA BYAR MI RUNG BAR MNGON TE, 'OG NAS DUS GSUM PO 'DI RE RE'ANG DUS SBYOR BZHI BZHIS 'KHOR BAR BSHAD LA, ZHAG GCIG LA DUS SBYOR NYER BZHIS 'KHOR BAR KHAS BLANG DU MI RUNG BA'I PHYIR RO, ,LHAG MA GO SLA LA, DUS LA SOGS PA BSHAD MA THAG PA RNAMS NYIN MTSAN GCIG LA 'KHOR TE, NYIN MTSAN GCIG LA DUS GSUM DU BYAS PA NI DUS RE RE YANG DUS SBYOR BZHI BZHIS 'KHOR RO, ,ZHES DANG, DUS SBYAR GSUM GSUM GYIS ZHES DANG, PHYED DANG GNYIS GNYIS KYIS ZHES DANG, DBYUG GU LNGA LNGAS 'KHOR RO,, ZHES PA RIGS PA TZAM BRJOD PA YIN LA, ZHIB TU BRTZIS PA NI 'OG NAS 'BYUNG BA LTAR RO, ,THUN TSOD PHYED PA BCU DRUG NA THUN TSOD PHYED PHYED KYIS 'KHOR RO, ,YUD TZAM SO GNYIS NI RE RE'ANG THUN TSOD PHYED KYI PHYED KYIS 'KHOR RO, ,CHU TSOD NI ZHES PA NAS, DE LTAR NA NYIN MTSAN DU NANG DU LUS CAN RNAMS KYI DBUGS KYI DBYE BA DANG PHYI ROL DU DUS SBYOR GYI DBYE BAS DUS RNAMS 'KHOR ZHING BGROD DO ZHES PA MJUG BSDU BA'O, ,LNGA PA LHUN PO'I PHYOGS THAMS CAD DU NYI MA 'KHOR BA'I TSAD BSTAN PA LA GNYIS LAS, DANG PO CHU TSOD LA SOGS PA'I DUS LA NYI MA RLUNG 'GROS KYIS 'KHOR PA'I TSAD BSTAN PA NI, DA NI ZHES SOGS KYIS 'TSAMS SBYAR NAS STONG PHRAG DRUG STE, ZHES PA'I BAR NI, NYI MA CHU TSOD GCIG GI YUN LA JI TZAM BGROD PA'I TSAD 'DI DRUG CUS BSGYUR BA NA ZHAG GCIG LA BGROD PA'I DPAG TSAD KYI GRANGS 'OG TU 'CHAD PA DER 'GYUR RO, ,CHU TSOD RE LA BGROD PA'I TSAD CHAR PHYE BA NA, DBUGS GCIG GI YUN LA DPAG TSAD BCU BDUN, RGYANG GRAGS GCIG ,GZHU 'DOM BRGYAD BRGYA BRGYAD CU RTZA BRGYAD LHAG TZAM RE BGROD DGOS SO, ,DE LTAR KHYIM
, ,GYI GZHI LA GNAS PA'I NYIN MOR BYED PA 'DI SHIN TU MGYOGS PAR GA-YAS SKOR DU NAM MKHA' LA 'GRO BA'O, ,DE'I PHYIR NYI MA GA-YAS SKOR DU CHES MGYOGS PAR 'KHOR BA'I SHUGS 'DI NI RGYU SKAR GYI KHYIM GYI 'KHOR LO RLUNG GI SHUGS KYIS GA-YAS SKOR DU 'GRO BA'I GZHAN DBANG DU GYUR BA RLUNG 'GROS YIN GYIS, KHYIM GYI GZHI LA GNAS PA'I NYI MA YI RANG 'GROS KYIS KHYIM LA ZA BA'I TSAD NI MA YIN NO, ,KHA CIG NYI MA KHYIM GYI SHUGS KYIS GA-YAS SU 'KHOR BA KHAS BLANGS NAS, DE RLUNG 'GROS YIN PA MI 'THAD CES SMRA BA NI BAB COL TE, SKAR KHYIM GA-YAS SU 'KHOR BA DE GANG GI SHUGS KYIS YIN ZHES SMRAS NA KHYIM GYI 'KHOR LO 'DEGS BYED KYI RLUNG GI SHUGS KYIS YIN NO, ZHES PA LAS GZHAN SMRA RGYU MED PA'I PHYIR RO,, 'DIR KHYIM GYI 'KHOR LO NI RI RAB LA GA-YAS SKOR GYIS 'KHOR TE, NYI ZLA LA SOGS PA'I GZA' RNAMS NI KHYIM DAG LA RANG 'GROL KHA SHAR DU PHYOGS TE GA-YAS MIN GYIS RGYU'O, ,JI LTAR ZHES PA NAS, BGROD PAR BYED DO, ,DE LTAR NA DON DAM PA STE DON LA GNAS PA'I RIGS PAS ZHES PA NAS, BRJOD DO, ,DRUG CU LA NI ZHES SOGS KYI DON YANG, GLING 'DIR NYI MA LHOR BGROD MTHAR THUG PA'I NYIN LTA BU LA MTSON NA, DE'I TSE NYI MAS GLING 'DI'I LHO'I ME RI'I NANG MTHA' DANG THAD MNYAM DU SLEB CING, DE'I TSE BYANG SGRA MI SNYAN PHYOGS KYI RI RAB KYI RvA DANG THAD MNYAM DU SLEB LA, RI RAB KYI BYANG GI RvA'I MTHA' NAS GLING 'DI'I LHO'I ME RI'I NANG MTHA'I BAR LA THAD KAR DPAG TSAD 'BUM PHRAG GCIG DANG STONG PHRAG NYI SHU RTZA LNGA YOD DO, ,THAD KA'I TSAD DE
ZLUM PO'I MTHA' SKOR LA SUM 'GYUR DU 'GRO BAS DPAG TSAD 'BUM PHRAG GSUM DANG STONG PHRAG BDUN CU RTZA LNGAR 'GYUR ZHING, NYI MA LHO BYANG LA 'PHYUG KYANG TSAD DE TZAM RE NYIN MTSAN RE LA BGROD PAR KHYAD PAR MED PAS, DPAG TSAD ME 'BUM DANG, LNGA DANG RI BO'I STONG PHRAG GI GRANGS NYIN MTSAN RE LA 'KHOR BA'O, ,DE YANG NYIN MTSAN MNYAM PA'I TSE NYIN MO CHU TSOD SUM CU DANG MTSAN MO SUM CU SPYOD DO ZHES BYA BA'I DON TO, ,GNYIS PA NYI MA LHO BYANG DU BGROD PA'I NYIN MTSAN 'PHEL 'GRIB KYI TSAD BSTAN PA NI, GO LA DAG LA, ZHES PA NAS, CHU SRANG GSUM MO, ,KEE LA SHA'I BYANG LA NI DBUGS BZHI DANG CHU SRANG GSUM ZHES SNGAR BSHAD ZIN CING, 'DIR BSTAN PA'I TSAD 'DI NI KE LA SHA'I DUM BU LA YIN GYI ZHES SOGS SO, ,DRUG PA 'KHOR BA'I TSE KEE LA SHA'I DUM BUR DUS SBYOR 'CHAR TSUL NI, DA NI KEE LA SHA'I DUM BU'I DBYE BAS NYIN MTSAN GCIG LA DUS SBYOR BCU GNYIS 'CHAR BA'I DUS KYI TSAD GSUNGS PA, ZHES MTSAMS SBYAR NAS, DON DNGOS NI, LUG GI DUS SBYOR LA NI ZHES PA NAS, KEE LA SHA'I YUL DU NGES PA'O, ,ZHES PA'I BAR GO SLA LA, 'O NA DBYANGS 'CHAR GYI RGYUD LAS, NAM MKHA' MKHA' ZUNG LUG GI TSAD, ,NAM MKHA' RIG BYED MTSE MA GLANG, ,STONG PA NOR LHA ZUNG 'KHRIG PA'I, ,MKHA' SO KAR KO TRA RU DRAN, ,MKHA' DUS ME RNAMS SENG GE LA NAM MKHA' MKHA' MTSO BU MOR DRAN, ,RIM PA'O RIM PA MIN PA LAS, ,SRANG SOGS BZLOG GO GANGS RI'I BDAG ,CES BSHAD PA DANG MI MTHUN PA CI ZHE NA, DE NI KEE LA SHA'I BYANG GI KHA BA CAN GYI BAR DU NYIN MO RING DUS CHU TSOD SO DRUG DANG THUNG
, ,DUS NYER BZHI 'CHAR BA'I DBANG DU BYAS LA, 'DIR NI KEE LA SHA'I DUM BU LA NYIN MO RING DUS CHU TSOD SO LNGA DANG THUNG DUS NYI SHU RTZA LNGA 'CHAR BA'I DBANG DU BYAS PAS SKYON MED DO ZHES 'CHAD DO, ,DUS SBYOR DRUG GIS ZHES PA NAS, 'GYUR RO'I BAR GYI DON NI, NYIN MO RING YANG RUNG THUNG YANG RUNG DUS SBYOR DRUG MTSAN MO'ANG RING THUNG GANG GI TSE YANG DUS SBYOR DRUG 'CHAR BAR NGES PA DANG, NYIN MO RGYU SKAR PHYED DANG BCU BZHI DANG MTSAN MO'ANG PHYED DANG BCU BZHI'I DUS SU 'GYUR BA'I DON TE, DUS SBYOR RE LA SKAR MA GNYIS DANG BZHI CHA DER BYAS NAS NYIN PHYED DANG BCU BZHI DANG, MTSAN PHYED DANG BCU BZHIR BSHAD PA 'DI NI CUNG ZAD RAGS PA TZAM GYI DBANG DU MDZAD PA STE, THA SKAR SHAR NAS YANG THA SKAR 'CHAR GYI BAR LA DUS SBYOR BCU GNYIS CUNG MI RDZOGS PA'I PHYIR RO, ,DE'I RGYU MTSAN GYIS LO GCIG LA NYI MA'I 'KHOR GRANGS SUM BRGYA DRUG CU RE LNGA, THA SKAR GYI 'KHOR GRANGS SUM BRGYA DRUG CU RE DRUG 'BYUNG NGO, ,CHU TSOD CHU SRANG SOGS MANG BA'I DUS SBYOR DANG NYUNG BA'I DUS SBYOR 'CHAR BA'I DUS KYI DBANG GIS, SHAS CHER THUNG BA RNAMS NYIN MO 'CHAR BA'I TSE NYIN MO DANG MTSAN MO RIM PA BZHIN DMAN PA DANG, LHAG PAR 'GYUR ZHING, NYIN MO SHAS CHER DUS SBYOR RING BA RNAMS 'CHAR BA'I TSE DE LA BZLOG PAR 'GYUR TE, DE YANG NYI MA YANG DAG PAR RGYU BA'I DBANG GIS SO, ,DE BZHIN DU NYIN MO GCIG LA YANG SNGA DRO DUS SBYAR RING BA 'CHAR ZHING PHYI DRO THUNG BA 'CHAR BA'I TSE SNGA DRO YUN RING ZHING PHYI DRO YUN THUNG BA DANG, DE LAS LHOG
PA'I TSE SNGA DRO YUN THUNG ZHING PHYI DRO YUN RING BAR 'GYUR RO, ,DES NA GZAS 'DZIN BRTZI BA SOGS LA'ANG 'DI BRTZI BA GNAD CHE'O, ,DUS SBYOR GYI RTZIS KYI RNAM GZHAG GZHAN CHA BDUN THUR MA'I RGYU MTSAN DANG BCAS PA LOGS SU SHES PAR BYA'O, ,BZHI PA DE THAMS CAD NANG DU NGES DON LA SBYAR BA'I DON DU DBU MA'I RTZA'I DBUGS LAS GZA'I RKANG PA DANG RGYU SKAR GYI RKANG PA SKYE BA'I NGO BO NYID KYI GNAS PA BSHAD PA LA GSUM, LO BRGYA'I DBU MA'I DBUGS DANG GA-YAS GA-YON GYI DBUGS NGOS BZUNG, DE PHYI'I GZA' RNAMS KYI RTZIS DANG SBYAR, RTZIS PHYI NANG GZHAN GSUM SBYOR TSUL SOGS GZHAN GYI SPYOD YUL MA YIN PAR BSTAN PA'O, ,DANG PO NI, DA NI LUS LA ZHES SOGS KYIS 'TSAMS SBYAR NAS, STONG PHRAG CES SOGS LA, DUS SBYOR GYI 'PHO BA BCU GNYIS KYI ZHE SOGS NI, ZHAG GCIG LA NANG DU RLUNG GI 'PHO BA BCU GNYIS KYI 'PHO 'TSAMS RER LNGA BCU RTZA DRUG RKANG BCAS RE DBU MAR RGYUS PA RNAMS KYI GRANGS BSDOMS PAS ZHAG GCIG LA DBU MAR RGYUS PA'I DBUGS KYI GRANGS DRUG BRGYA BDUN CU RTZA LNGAR 'GYUR BA'O, ,DE NI DBUGS NYI KHRI CHIG STONG DRUG BRGYA LAS SO SO'I CHA YIS BU LON NGES PAR BYUNG BA'I DBU MA'I DBUGS KYI GRANGS YIN ZHING, DE YANG NYI MA'I YE SHES CHA 'BRING DU BRTZIS PA'O, ,ZHAG GCIG GI DBU MA'I DBUGS KYI GRANGS DE LO BRGYA'I KHYIM GYI NYIN ZHAG GI GRANGS KYI BSGYUR BA NI LO BRGYA'I DBU MA'I DBUGS KYI GRANGS TSAD DU 'GYUR RO, ,'DIR ZHES SOGS LA, 'TSAMS KYIS ZHES PA DAG NI LO BRGYA'I BAR GYI ZHES BYA BA'I DON YIN LA, LHAG MA GO SLA'O, ,GNYIS PA LA DGU, GZA'
, ,BRGYAD KYI 'KHOR LO PHYED DANG GNYIS YE SHES KYI CHA DOR BA'I LO BRGYAR BSTAN PA, GZA' LNGA'I RTZIS NANG LA SBYAR BA BSHAD PA, MJUG RINGS KYI LONGS SPYOD YE SHES KYI CHA'I ZLA BA GCIG DANG SBYAR TE BSHAD PA, GZA' LNGA'I DKYIL 'KHOR YE SHES KYI CHA'I LO GSUM DANG SBYAR BA BSHAD PA, GZA' LNGA'I SKYES KHYIM DAG PA'I DON DU RGYU SKAR GYI BU LON DANG LHAG MA DU BA'I LONGS SPYOD DU BSTAN PA, GZA' RNAMS KYI RGYU BA'I STOBS BSTAN PA, NYI ZLA'I RTZIS NANG LA SBYAR BA BSHAD PA, RTZIS KYI 'BYUNG SDUD NANG LA SBYAR BA BSHAD PA, LNGA BSDUS KYI ZLA BA'I NGES PA NANG LA SBYAR BA BSHAD PA'O, ,DANG PO NI, DA NI GZA' BRGYAD KYI LO BRGYA'I TSAD KYI ZHAG GSUM KHRI DRUG STONG LAS DUS KYI 'KHOR LO STE DBU MA'I SO GNYIS CHA LO GSUM PHYOGS GSUM DANG BRAL BA'I ZHAG LA 'KHOR LO PHYED DANG BCAS PA'I RGYU SKAR GYI 'KHOR LO GCIG LONGS SPYOD PA'I PHYIR DE DAG GI ZHAG GRANGS GCIG TU BSDUS PA NYID KYI GSUNGS PA ZHES 'TSAMS SBYAR NAS DON DNGOS NI, RGYU SKAR GYI 'KHOR LO PHYED DANG GNYIS LA LONGS SPYOD PA'I 'KHOR LO PHYED PA GSUM PO DE RIM BZHIN SNYING STOBS DANG RDUL DANG MUN PA'I DBANG DU BYAS NAS STON PA LAS RE SHIG SNYING STOBS KYI YON TAN GYI DBANG DU BYAS NAS 'KHOR LO PHYED LA LONGS SPYOD PA STON PA NI, ZLA BA'I NAS, ZHES PA NI, ZLA BA'I LONGS SPYOD CHU TSOD NGA BZHI BCO LNGAS BSGYUR BAS RGYU SKAR PHYED RDZOGS PAS ZLA BA'I PHYOGS ZLA PHYED GCIG DBYUG GU SUM CU'I BDAG NYID KYI MTSAN MOR 'GYUR TE, MTSAN
MO GCIG KHYIM GYI 'KHOR LO PHYED LA, ZHES PA NAS, NYI MA'I BGROD PA GCIG NYID NYI MA'I MTSAN PHYED DU 'GYUR TE, BGROD PA LA NYI MAS RGYU SKAR GYI 'KHOR LO PHYED LA NYE BAR LONGS SPYOD PA'I PHYIR RO, ,DE YANG ZLA BAS ZHAG SUM CU LA RGYU SKAR GYI 'KHOR LO RDZOGS PAR 'KHOR BA'I DBANG DU BYAS NAS ZHAG SUM CU PO'I PHYED MTSAN MO'I CHA DANG, PHYED NYIN MO'I CHAR BZHAG CING, NYI MAS BGROD PA GNYIS LA RDZOGS PAR 'KHOR BAS DE'I PHYED MTSAN MO'I CHAR BZHAG PA'O, ,SA SKYES NAS, ZHES PA NI MIG DMAR GYIS ZLA BA BCO BRGYAD NA RGYU SKAR 'KHOR ZHES 'JIG RTEN NA GRAGS PA'I BYED PA BRJOD PAR 'DOD PA'O, ,DE 'JIG RTEN NA GRAGS PA BRJOD PA DE BZHIN DU BLA MA'I NYIN MTSAN PHYED LO DRUG TU 'GYUR TE, BLA MAS RGYU SKAR LONGS SPYOD PA'I ZHAG GRANGS LOR BSDUS TE LHAG BOR BAS LO BCU GNYIS 'BYUNG LA, DE'I PHYED MTSAN MO'I CHA DANG PHYED NYIN MO'I CHA YIN PAS SO, ,NYI MA'I NAS, BGROD PA GCIG ZLA BA DRUG STE, DE BZHIN DU ZLA SKYES GZA' LHAG GI YANG BGROD PA GCIG ZLA BA DRUG GO ,DE YANG GNYIS PA'I DKYIL 'KHOR NYI MA DANG MTSUNGS PA'I PHYIR RO, ,LO BCO LNGA NI SPEN PA'I MTSAN MO GCIG STE, DES LO SUM CU LA RGYU SKAR RDZOGS PAR 'KHOR BAS DE'I PHYED MTSAN MO'I CHA YIN PA'I PHYIR RO, ,MUN CAN ZHES SOGS KYANG RAGS PA TZAM BRJOD PA STE, SGRA GCAN GYIS RGYU SKAR RDZOGS PAR 'KHOR BA LA ZLA BA NYIS BRGYA SUM CU DGOS PA LOR BSDUS NA LO BCU DGU DANG ZLA BA GNYIS 'BYUNG BAS, DE'I PHYED LA LO DGU DANG ZLA BA BDUN 'BYUNG YANG LOR MA LONGS PA'I ZLA BA
, ,BDUN PO BTANG SNYOMS SU MDZAD NAS LO DGU DKYIL 'KHOR PHYED DU BYAS TE MTSAN MO'I CHAR BZHAG PA'O, ,GZA' BRGYAD KYIS RGYU SKAR RDZOGS PAR 'KHOR BA'I ZHAG GRANGS DANG LO'I GRANGS PHYED PHYED PO DE DAG THAMS CAD GCIG TU BSDUS PA NI, ZHES PA NAS DBYE BAS PHYE BA'I LONGS SPYOD RNAMS SO, ,PHYED DANG BCAS PA'I ZHES PA NAS, SNYING STOBS KYI DBYE BAS LO SO GNYIS ZLA BA GSUM PHYED BCAS DANG, DE BZHIN DU RDUL GYI DBYE BAS KYANG DE TZAM DANG, MUN PA'I DBYE BAS KYANG LO SO GNYIS ZLA BA GSUM PHYED BCAS LA LONGS SPYOD PA'I DBYE BAS GSUM KA BSDOMS NA LO BRGYAR 'GYUR TE, ZHES PA NAS TSOGS SU 'GYUR RO, ,PHYI ROL TU BZA' BRGYAD KYIS RGYU SKAR LA LONGS SPYOD PA'I LO GRANGS DE DAG SNYING STOBS LA SOGS PA GSUM GYI DBYE BAS 'CHAD PA'I RGYU MTSAN YANG, 'DIR NANG DU SROG NI ZHES SOGS SO, ,LHA MI NAS, RANG RANG GI DBUGS NAS BRTZAMS PA'I LO BRGYA'I TSAD LAS NAS, 'TSAMS DE NAS BYIS PA GZHON NU LANG TSO RGAN PO SMIN PA'I GNAS SKABS LNGA'I NANG NAS GNAS SKABS LNGA PA 'CHI BA NYID DU 'GYUR RO, ,'O NA LO DGU BCU RTZA DRUG DANG ZLA BA PHYED DANG BCU GCIG GI 'TSAMS DE KHO NAR 'CHI'AM ZHE NA, DER MA ZAD LO GSUM PHYOGS GSUM KYANG RDZOGS NAS SO ZHES PA NI ZLA BA PHYED BCAS SOGS SO, ,DUS 'CHI'I DBANG DU BYAS NAS RANG RANG GI LO BRGYA RDZOGS PA'I 'TSAMS 'DIR 'KHOR BA PA RNAMS LNGA PA NYID THOB NAS 'CHI BAR 'GYUR TE, DE YANG SKYES
BU ZHES PA NAS, BYA'O'I BAR GO SLA'O, ,SKYES BU NAS, DGONGS PA'I SKAD DE GANG LA DGONGS NAS GSUNGS NA, SKYES BU NI PHYI ROL DU DUS BZHI'I BDAG NYID KYI LO KHRI PHRAG GNYIS LHAG PA'I 'BUM PHRAG BZHI BCU RTZA GSUM, NANG DU DBUGS KYI GRANGS DE SNYED KYI MTSAN NYID DO, ,DES NA NANG DU NI ZHAG NYIS BRGYA'I DBUGS KYI GRANGS CHAD SNGAR BSHAD PA DE NYID KYI GRANGS KYIS PHYI ROL TU DUS BZHI'I BDAG NYID KYI LO GRANGS RDZOGS PA NYID DE, DUS BZHI CHEN PO'I LO GRANGS RDZOGS PA GANG GI DUS SU GZA' BCU PO THAMS CAD KYI RGYU BA SKAR MA NAM GRU'I MTHAR, STONG PA LA 'JUG PAR 'GYUR BA YIN ZHING, SKYES BU TSE LO BRGYA PA'I MTHAR YANG DKYIL 'KHOR BCU'I RLUNG RNAMS DBU MAR THIM NAS STONG PA LA 'JUG PAR 'GYUR BA'I PHYIR DUS BZHI'I LO GRANGS DANG DBUGS KYI GRANGS MTSUNGS PA'I ZHAG BRGYA PHRAG GNYIS LA SKYES BU TSE LO BRGYA PA, DBANG PO BRGYA PA ZHES BTAGS PA NI, DGONGS GZHI JI SKAD BRJOD PA LA LTOS NAS DON DAM PA STE DON LA MI GNAS PA'I RIGS PA'O, ,SEMS CAN RNAMS KYI SOGS NI, GONG GI SEMS CAN RNAMS KYI RANG RANG GI LAS KYI DBANG GIS ZHES SOGS DE 'CHAD PA'O, ,LO BRGYA'I DBU MA'I DBUGS LA SOGS PA'I GRANGS NI SHIN TU NGES PA 'DI DAG SOGS KYIS RIGS BYED PA SOGS LA TSUL DE MA GRAGS PAR STON PA'O, ,GNYIS PA GZA' LNGA'I RTZIS NANG LA SBYAR BA BSHAD PA LA GSUM LAS, DANG PO GZA' LNGA'I MYUR RKANG LO GSUM PHYOGS GSUM DANG MNGAL GYI YE SHES CHA'I CHU TSOD DRUG CU'I CHA DANG
, ,SBYAR BA NI, DA NI LO BRGYA'I BAR DU ZHAG RE BZHIN DBU MA AA WA DHU T'I'I NANG NAS JI TZAM BABS PA'I DBUGS KYI TSOGS RNAMS CHU TSOD DU BYAS PA LA ZLA BA'I YE SHES CHA RAGS PA DRUG CU'I CHAS BGOS PAS THOB PA'I CHU TSOD RNAMS GZA' LNGA RGYU SKAR LA 'CHAR BA'I RKANG PA'I CHU TSOD KYI TSOGS DANG SBYAR BA GSUNGS PA, MA BCANG ZHES PA NAS, BU LON DGU NI LO GSUM PHYOGS GSUM GYI DBUGS DBU MA'I YE SHES CHA YIN PA BZHIN DU, MNGAL DU DBUGS 'BYUNG 'JUG MI BYED PAR DBU MAR GNAS PAS MNGAL GYI GNAS SKABS KYI DBUGS YE SHES CHAR BYAS TE, MNGAL GYI ZLA BA DGU SUM CUS BSGYUR PAS NYIS BRGYA BDUN CU 'BYUNG BA DE NYID GNYIS KYI BSGYUR BAS LNGA BRGYA BZHI BCU 'BYUNG BA LA DRUG CUS THOB PA ZHAG DGU, DE CHU TSOD DU BSGYUR BA LA ZLA BA'I YE SHES CHA RAGS PA CHU TSOD DRUG CUS BGOS PAS THOB PA'I BU LON CHU TSOD DGU NI BSRES PAR GYUR BA MTHA' DAG BSDOMS PA RNAMS CHU TSOD KYI TSOGS ZHES PA NAS 'GYUR RO, ,'DIS GZA' LNGA'I RKANG PA NANG GI YE SHES KYI CHA DANG SBYAR LA GONG DU GZA' LNGA'I DKYIL 'KHOR NYI ZLA'I CHAR SBYAR RO, ,SA SKYES LA NI RIG BYED DUS ME ZHES PA CHU TSOD STONG BRGYA SO BZHI PO DE DAG LAS BKRA SHIS KYI BGROD PA GNYIS KYI NOR DANG BU LON GYI CHU TSOD RNAMS BSDOMS PA LA CHU TSOD KYI NAS 'GYUR RO, ,SRID PA'I NAS, ZHES PA NI, CHU TSOD DE DAG MIG DMAR GYI RIM PA RIM MIN GYI RKANG PA'I GNAS BCU BZHI LA LONGS SPYOD DE, DE'I BAR LA MIG DMAR GYI RKANG 'DZIN
LONGS SPYOD DAG PAS SKAR MA'I PHYED DANG BCAS PA'I BCU GSUM BCU GSUM LA LONGS SPYOD PA'I PHYIR RO, ,BCU BZHI LA SRID PA'I GNAS ZHES ZER BA NI, LHA BRGYAD, MI DUD 'GRO'I SKYE GNAS BZHI, DMYAL BA STE BCU BZHIR NANG LER GSUNGS PA LTAR RO, ,RKANG PA RE LA GRANGS DU ZHIG RE LONGS SPYOD CE NA, RGYU BA'I DBYE BA YIN ZHES PA NI, RKANG PA DANG PO LA CHU TSOD NYI SHU RTZA BZHI LA SOGS PA'I DBYE BAS SO, ,SNGA MAR JI TZAM BYIN PA PHYI MAR 'BRID DGOS PA'I PHYIR SNGA PHYI PHYED LA SOGS SO, ,BU LON NOR GYI ZHES PA NAS, RKANG GNAS BCU BZHI NYID KYI DBYE BAS RKANG PA'I CHU TSOD RNAMS NGES PAR SBYAR TE, NYI BAR LA DAL DAG GIS SBYANGS PAS DAL DAG LAS NYI MA'I LONGS SPYOD CUNG MED PA NA BKRA SHIS NYI MA LAS 'THON TE, NYI MA'I DKYIL 'KHOR LAS SHAR BA'I SKAR MA'I LONGS SPYOD NI GNAS DANG PO'O, ,GNAS KYI DBYE BA SOGS LA GYI JO 'GYUR DU, GNAS KYI DBYE BA DE LAS 'CHAR BA'I GNAS GZHAN BCU BZHI RNAMS TE, ZHES BSGYUR BA LEGS SO, ,GNAS KYI DBYE BA DE DAG GIS RKANG PA'I CHU TSOD DAG NGES PAR SBYAR RO, ,TSUL JI LTAR SBYAR NA; RKANG GNAS DANG POR RGYAL DBANG GRANGS TE RKANG 'DZIN DAG PAS RGYU SKAR DANG PO SPYAD PA'I GNAS LA NYI SHU RTZA BZHI'O, ,ZHES PA NAS, SPEN PA'I GNAS BCU BZHI LA RIM PAS BZHAG PAR BYA'O, ZHES PA'I BAR TE 'DI DAG GI SO SO'I RGYU MTSAN DANG DOGS GCOD SOGS NI ZHIB PAR MKHAS BA DGA' BYED DU SHES PAR BYA STE 'DIR YI GE MANGS PAS MA BRIS SO, ,DE LTAR GZA' LNGA PO RNAMS KYI NI RGYU BA MYUR BA'I RKANG PA'I CHU TSOD MTHA' DAG DUS KYI 'KHOR LO YE SHES KYI CHA DAG LAS SHIN TU NGES PAR 'GYUR ZHES PA
, ,NI; DBU MA'I ZHES PA NAS, ZHES BYA STE, DE LAS GZA' LNGA PO RNAMS NYI MA LA NUB NAS SLAR YANG 'CHAR BA'I BAR GYI MYUR BAR RGYU BA'I CHU TSOD KYI TSOGS RKANG PA SO SO'I LONGS SPYOD DO, ,GNYIS PA GZA' LNGA'I DAL RKANG YE SHES CHA'I LO GSUM DANG PHYOGS GCIG LA SBYAR BA NI, DA NI DAL BA'I BYA BA LA GZA' SO SO'I SKYE BA'I KHYIM RNAMS KYI 'PHEL 'GRIB KYI CHU TSOD DAL BA'I RKANG PA RNAMS DBU MA'I YE SHES KYI CHA LA SBYAR BA GSUNGS PA, SUM CU ZHES PA NAS, NOR GYIS BSGYUR BA DAG CES PA LA, LO GSUM DANG PHYOGS GCIG LA ZLA BA SUM CU RTZA PHYED DANG BDUN YOD PA DE LA, GZA' LNGA PO ZLA NYI GNYIS GA'I LONGS SPYOD LA LONGS SPYOD PAS, ZLA BA'I RKANG PA'I YON TAN SGRA SOGS LNGA DANG, NYI MA'I RKANG PA'I YON TAN SNYING STOBS SOGS NI YON TAN BRGYAD DE, YON TAN BRGYAD PO 'DI DAG GIS ZLA BA SO DRUG BSGYUR BAS NYIS BRGYA BRGYAD CU RTZA DGU, ZLA BA PHYED PO BSGYUR BAS ZHAG BRGYA NYI SHU, BRGYA NYI SHU PO SUM CUS BGOS PAS BZHI THOB PA ZLA BA STE, DE RNAMS BSGOMS PA'I GRANGS DANG MNYAM PA'I CHU TSOD DAG NI GZA' LNGA PO RNAMS KYI DAL BA'I BYA BA RKANG PAR 'GYUR RO, ,DE LA GRANGS DU 'BYUNG BA'I MIG BU GA SOGS SO, ,CHU TSOD DE DAG LAS RAB TU GSAL BAR BKRA SHIS LA SOGS PA RNAMS KYI GNAS DRUG GI RIM PA'I PHYED SNGA MA DANG PHYED PHYI MA'I RKANG PA LA RIM PA'I SNGA PHYI'I RKANG PA DANG RIM PA MIN PAS RGYU BA'I SNGA PHYI'I RKANG PA'I CHU TSOD RNAMS SHES PAR BYA'O, ,TSUL JI LTAR NA, GNAS DANG POR DE NYID CES PA NYER LNGA DANG GNYIS PAR BCO BRGYAD DANG, GSUM PAR RI DAG
CES PA BDUN NO, ,BRTAN PAS YI BU ZHES PA NI GZHU KHYIM SA'I KHAMS YIN ZHING DE NAS SKYES PA'I MIG DMAR LA SA SKYES ZHES BRJOD DO, ,DE'I PHYI MA PHYED DE PHYED PHYI MA DANG SNGA MA'I CHA LA STE ZHES PA SNGA MA'I CHA LA 'DI DAG RIM PAS DGOD CES PA'O, ,DE BZHIN DU ZHES PA NAS, MIG BCAS MIG NYER GNYIS DANG NYIN ZHAG BCO LNGA DUS SU STE DUS DRUG TU 'GYUR TE, DAL RKANG GI RIM PA 'DI NI SNGAR RKANG RTZIS KYI SKABS SU BRJOD PA YIN NO, ,DE LTAR DUS KYI 'KHOR LO LO BRGYA'I DBU MA'I YE SHES CHA LO GSUM DANG, PHYOGS GCIG GI ZLA BA'I YONGS SU LONGS SPYOD PA YON TAN BRGYAD KYIS BSGYUR BA CHU TSOD NYIS BRGYA GO GNYIS LAS CHU TSOD DRUG CUS THOB PA'I CHA SHAS ZHAG BZHI DANG CHU TSOD NGA GNYIS NI GZA' LNGA'I KHYIM GYI RKANG PA'I CHU TSOD DU RIG PAR BYA LA, CHU TSOD DRUG CU LAS NGA GNYIS GZA' LNGA'I KHYIM GYI LONGS SPYOD KYI CHU TSOD DU BZHAG PA'I LTAS CHU TSOD BRGYAD NI SGRA GCAN DANG MJUG RINGS KYI RKANG PA'O, ,GSUM PA GZA' LNGA'I KHYIM GSUM GYI LONGS SPYOD YE SHES KYI CHA'I LO GSUM DANG SBYAR BA NI, DA NI ZHES SOGS KYIS 'TSAMS SBYAR NAS, ZLA BA LA NI ZHES SOGS NI, ZLA BA BCO BRGYAD LA RGYU SKAR 'KHOR BA'I DBANG DU BYAS PA 'JIG RTEN LA GRAGS PA STE, GRUB PA'I MTHA'I RANG GI NGO BOS NI DKYIL 'KHOR GYI CHA RI KLU RO YIS THOB PA'I CHU TSOD LA SOGS PA RNAMS ZHIG GCIG GI LONGS SPYOD DU 'GYUR RO, ,ZLA BAR YANG NAS, DES NA MIG DMAR GYI GRUB PA'I MTHA' YI TSAD DES PHUR BU DANG SPEN PA'I LONGS SPYOD DANG MIG DMAR GYI LONGS SPYOD LHAN CIG NYI MA LA RNAM PAR SPYOD PA GSUM PO RNAMS KYI KHYIM ZLA RE'I
, ,LONGS SPYOD BSDOMS PAS CHU TSOD DGU BCUR 'GYUR RO ZHES PA NI DRAG GZA' GSUM GYI GRUB PA'I MTHA'I LONGS SPYOD BSTAN PA'O, ,DE BZHIN DU LNGA DANG 'JIG RTEN ZLA BA STE BRGYA SO LNGA'I GRANGS KYI CHU TSOD NI PA SANGS KYI KHYIM ZLA GCIG GI LONGS SPYOD DO, ,DE MI RIGS TE, PA SANGS KYI MYUR RKANG GI LONGS SPYOD CHU TSOD BDUN, CHU SRANG BCU GNYIS, DBUGS GSUM RNAMS GONG GI ZHAG NGES BSGYUR BAS CHU TSOD NYIS BRGYA SO GNYIS SOGS 'BYUNG BAS SO ZHE NA, LONGS SPYOD DE NI PA SANGS KYI GRUB MTHA'I LONGS SPYOD MA YIN ZHING, GRUB MTHA'I DBANG DU BYAS PA'I LONGS SPYOD NYI MA DANG MNYAM LA, GRUB PA'I MTHA' TSAD MA YIN PA'I PHYIR RO, ,GRUB MTHA'I LONGS SPYOD LA DE LTAR YIN PA'I RGYU MTSAN GANG GI PHYIR ZHE NA, NYI MA'I CES PA NAS, GZA' LNGA PO RNAMS KYI KHYIM ZLA RE'I LONGS SPYOD DE DAG BSDOMS PAS CHU TSOD KYI TSOGS SUM BRGYA DRUG CUR 'GYUR RO, ,SUM BRGYA DRUG CU PO 'DI DAG GZA' LNGA'I KHYIM GYIS ZLA BA GCIG GI LONGS SPYOD DE, DE GSUM GYIS BSGYUR BA STONG BRGYAD CU NI LO BRGYA'I NYIN ZHAG LA ZHAG RE BZHIN GA-YAS GA-YON GYI RGYU BA'I THOB SKAL LAS DBU MAS SPYAD PAS BU LON DU 'GYUR PA'I ZHAG GRANGS STONG BRGYAD CU DANG GRANGS MNYAM PA'I CHU TSOD DE, CHU TSOD STONG BRGYAD BCU'O, ,ZLA BA GCIG GI LONGS SPYOD CHU TSOD DGU BCU PO 'DI NI DRAG GZA' GSUM GYI'O ZHES PA NI, 'JAM DPAL GYIS DNGOS SU MIG DMAR PA SANGS LHAG PA GSUM GYI LONGS SPYOD BSTAN PA LTA BUR SNANG YANG, TSIG ZUR GYIS GRUB PA'I
MTHA'I LONGS SPYOD GSUNGS PA'O, ,ZLA BAR ZHES PA NAS 'DI NI MIG DMAR GYI ZLA BA GCIG GI LONGS SPYOD CHU TSOD DGU BCU ZHES 'JIG RTEN GYI GRAGS PA NYAMS PAR BYA BA'I DON DU TSIG ZUR GYI DON GSUNGS PA'O, ,ZHES PA TZAM LAS 'GREL PAS MA BSHAD PAS TSIGS BCAD DE'I TSIG DON BSHAD NA, ZLA BA GCIG LA LHA'I BLA MA'I RTAG PA'I LONGS SPYOD DU 'GYUR BA NI RAB TU GSAL BAR CHU TSOD DRAG PO STE BCU GCIG GI GRANGS NI CHU TSOD KYI RKANG PA STE CHU SRANG BCO LNGA DANG BCAS PA STE, NYIN ZHAG GCIG LA CHU SRANG NYER GNYIS, DBUGS GNYIS, DBUGS KYI 'DOD CHA BRGYAD, DE'I BDUN BRGYA NYER GNYIS CHA BRGYA YOD KYANG RAGS RTZIS SU BYAS NAS CHU SRANG NYER GNYIS DANG DBUGS GSUM DU BCUG PA'O, ,SPEN PA'I RTAG PA'I LONGS SPYOD LA CHU SRANG DGU LHAG YOD KYANG CHU SRANG DGUR BCUG NAS ZLA BA GCIG LA CHU SRANG SUM CU RNAMS DANG GSAL BAR DUS KYI CHU TSOD BZHI DAG NI NYI MA'I BU SPEN PA'I LONGS SPYOD DO, ,DE GNYIS KYI CHU TSOD GCIG TU BSDOMS PAR GYUR PA NI NYIN ZHAG STE CHU TSOD BCO LNGA ZHES BYA STE, DE GSUM GYIS BSGYUR BAS BZHI BCU ZHE LNGA PO DE YANG GRUB PA'I MTHA' LAS NI MIG DMAR GYI LONGS SPYOD KYI KHA SKONG DU SBYIN LA, 'JIG RTEN GYI GRAGS PA'I DBANG LAS NI, ZLA BA PHYED BCAS MTSAN MOR BCAS TE PHYOGS GSUM GYI ZHAG ZHE LNGA DANG SBYOR TE, GRUB PA'I MTHA' LAS NI DE DU BA'I LONGS SPYOD YIN PAS 'DI DAG DANG MI SBYAR RO, ,LO BRGYA'I NYIN ZHAG RNAMS KYI NYIN BZHIN BU LON DU GYUR PA'I GTZO BO DUS KYI 'KHOR LO'I LO BRGYA'I YE SHES CHA'I LONGS SPYOD LO GSUM PHYOGS GSUM
, ,GYI ZHAG GRANGS DANG MNYAM PA'I CHU TSOD LA NI GZA' LNGA SGRA GCAN DANG DRUG GI YANG LONGS SPYOD DO, ,'O NA PHUR BU SPEN PA GNYIS PHYOGS GSUM GYI LONGS SPYOD DANG SBYOR BA MA YIN NAM ZHE NA, 'DIR PHYOGS GSUM PO SOGS SO, GSUM PA MJUG RINGS KYI LONGS SPYOD YE SHES KYI CHA'I ZLA BA GCIG DANG SBYAR PA NI, DE NI MJUG RINGS YE SHES KYI YANG YE SHES KYI CHA YIN PAS SGRA GCAN GYI LONGS SPYOD LAS MJUG RINGS KYI LONGS SPYOD 'BYUNG BA GSUNGS PA, ZLA GCIG CES SOGS KYI DON NI, GZA' RNAMS KYI DAL RKANG GIS MA SPYAD PA'I ZLA BA GCIG PO DE'I ZHAG SUM CU SGRA GCAN NYI ZLA GNYIS GA'I LONGS SPYOD LA LONGS SPYOD PA'I RGYU MTSAN GYIS YON TAN BRGYAD KYIS BSGYUR BA LA NYI MA'I YE SHES CHA RAGS PA BTON BAS ZHAG BRGYAD, DE CHU TSOD DU BSGYUR TE ZLA BA'I YE SHES CHA RAGS PA DRUG CUS BGOS PAS CHU TSOD BRGYAD, DE LA SGRA GCAN GYI YE SHES CHA CHU TSOD PHYED BU LON DU GYUR PA DE DU BA'I LONGS SPYOD DU BYA BA'I DON TO, ,DE DAG LAS ZHES PA NAS, NYI MA'I KHYIM GYI ZLA BA'I TSAD LA'O, ,SGRA GCAN KHYIM GYIS ZLA BA'I LONGS SPYOD CHU TSOD PHYED DANG BRGYAD PO DE NYI MA DANG BCAS NAS, NYI MA'I PHYOGS RE LA 'CHAR BA'I RKANG PA DANG PO CHU TSOD GSUM MO, ,ZLA BA'I DRI SOGS RKANG PA DANG PO CHU TSOD LNGA'O, , RKANG PA BRGYAD PO SOGS TE, DE LA CHU TSOD LNGA DRI LA SOGS PA'I YON TAN DANG, GCIG SNYING STOBS DANG, GCIG RDUL DANG, PHYED MUN PA'I YON TAN YIN KYANG, LHAG MA CHU TSOD PHYED NI MUN PA MED PA'I RANG BZHIN DU BA'I LONGS SPYOD TE,
DES DMAN PA NI SOGS SO, ,ZLA BA NI GCIG MYOS BYED NI 'DOD PA YIN PAS BCU GSUM STE, DE'I NYIN ZHAG DAG LA ZHES PA NI SOGS SO, ,DUS KYI NYIN ZHAG DUS LA STE, ZHES SOGS NI TSES ZHAG RE CHU TSOD DRUG CUR CHU SRANG LNGA BCU RTZA DRUG BZHI CHAS DMAN PAS TSES ZHAG DRUG CU RTZA BZHI NA NYIN ZHAG DRUG CU RTZA GSUM DU 'GYUR BAS ZHAG GCIG BU LON DU 'GYUR RO, ,ZLA BA'I CHA TSES KYI LONGS SPYOD LA NYIN ZHAG RE LA CHU SRANG LNGA BCU NGA DRUG BZHI CHA LA CHU TSOD RER BYAS PA'I CHU TSOD RE BU LON DU GYUR PA DE NYID NYI MA'I CHU TSOD GNYIS SU GYUR NAS NYIN ZHAG SO SOR LHAG STE, ZLA BA GCIG LA ZHAG GCIG LHAG PAR 'GYUR LA, DE YANG NANG DU RLUNG GI 'PHO 'TSAMS SU DBU MA'I RLUNG LNGA BCU RTZA DRUG BZHI CHA RE RGYUS NAS NYI ZLA'I RGYU BA LA BU LON DU GYUR PA'I DBANG GIS YIN PAS PHYI ROL TU DE LTAR GYUR PA DBU MA'I YAN LAG TU BZHAG PA'I DON TO, ,SGRA GCAN ZLA BA'I LONGS SPYOD CES SOGS GZHUNG LHAG MA DAG GI DON NI, DU BA'I LONGS SPYOD 'GROS DU ZHIG BYED PA LA SOGS PA DOGS GCOD DANG BCAS PAR RGYUD DANG 'GREL BA'I DON MKHAS PA DGA' BYED DU ZHIB PAR GSUNGS PA LAS SHES PAR BYA STE, DE NYID KYIS RGYUD 'GREL GYI TSIG DON KYANG LEGS PAR SHES SLA BAR YOD DO, ,MDOR NA DU BA NYI MA LA ZHUGS NAS DE NAS MYUR 'GROS BYED PA'I TSE NYI MA LAS 'THON NAS LO GSUM GYI BAR DU CHU SRANG GNYIS DANG DBUGS GSUM ZHAG RE LA NYI MA BAS LHAG PAR SPYOD CING, PHYOGS GSUM GYI BAR CHU SRANG LNGA BCU RTZA DRUG BZHI CHA LA CHU TSOD DU BYAS PA'I CHU TSOD
, ,GNYIS GNYIS NYI MA BAS LHAG PAR SPYOD, DE'I ZLA PHYED THA MA LA DU BA MTHONG, DE NAS DAL 'GROS LA PHYOGS GSUM LO GSUM 'BYUNG BAS PHYOGS DANG PO LA DU BA MTHONG, DES NA DU BA MTHONG BA ZLA BA GCIG GO ,PHYOGS GSUM GYI BAR LA SNGAR 'DRA BA'I CHU TSOD GNYIS GNYIS NYI MA BAS BUL BAR BU LON DU SPYOD, DE NAS LO GSUM GYI BAR DU ZHAG RE LA CHU SRANG GNYIS DANG DBUGS GSUM BU LON DU SPYOD, DE RDZOGS NAS NYI MA'I RGYAB TU 'KHYOG 'GROS LA LO GSUM PHYOGS GSUM, 'BYUNG 'GROS LA PHYOGS GSUM LO GSUM GYI ZLA GCIG DU BA DANG BCAS PA 'BYUNG 'GROS RDZOGS PA DANG NYI MA LA THIM, DE LTA BU'I 'CHAR TSUL LAN GCIG SONG NA, DE NAS YANG LO DRUG PHYOGS DRUG NAS 'CHAR BAR NGES PAS DE'I 'CHAR BA MTHA' DAG SHES PAR 'GYUR RO, ,DES NA NYI MA'I SHAR DU DU BA DANG BCAS PAR THOG MA MTHONG BA NAS LO DRUG DANG ZLA BA GSUM NA NYI MA'I NUB TU DU BA DANG BCAS PAR MTHONG LA, NUB TU DU BA DANG BCAS PAR MTHONG BA DE NAS LO DRUG DANG ZLA BA GSUM NA NYI MA'I SHAD DU DU BA DANG BCAS PAR MTHONG BAR 'GYUR ZHING, THOG MAR NYI MA'I SHAR DU MTHONG BA NAS SLAR YANG SHAR DU MTHONG GI BAR LA LO BCU GNYIS DANG ZLA BA DRUG ,DE BZHIN DU NUB TU MTHONG NAS SLAR YANG NUB TU MTHONG GI BAR LA'ANG DE DANG 'DRA'O, ,BZHI PA GZA' LNGA'I DKYIL 'KHOR YE SHES KYI CHA'I LO GSUM DANG SBYAR BA NI, DE NI DUS KYI 'KHOR LO YE SHES CHA'I LO GSUM GYI NYIN ZHAG STONG BRGYAD CU PO DE NYID NYI SHU RTZA LNGAS BSGYUR ZHING, BGROD PA GCIG GI
NYIN ZHAG BRGYA BRGYAD CUS DMAN PA LA DGU BSRES PA RNAMS GZA' LNGA PO RNAMS KYI DKYIL 'KHOR DU GSUNGS PA, LO'I SOGS NI LO GSUM GYI NYIN ZHAG GO ,DE NYID GZA' LNGA YIS BSGYUR TE, GZA' RE RE LA YANG YON TAN LNGA LNGA YOD PAS SLAR YANG LNGAS BSGYUR TE, DE LTAR DUM BU STE LNGAS BSGYUR BA'ANG LNGAS BSGYUR BA DE NI NYI SHU RTZA LNGAS BSGYUR RO, ,BGROD PA'I SOGS NI, LO GSUM LA BGROD PA DRUG ,BGROD PA RE GZA' RES LONGS SPYOD PA'I LHAG BGROD PA GCIG GIS DMAN PA DE LA MNGAL GYI YE SHES CHA SGRA SOGS DANG SNYING STOBS SOGS YON TAN DRUG DANG GSUM GYI RANG BZHIN GYIS ZHAG DGU BSRES PA NI, GZA' LNGA'I NYIN ZHAG GI DKYIL 'KHOR DU 'GYUR RE ZHES PA'O, ,GCIG TU NAS DKYIL 'KHOR DU 'GYUR RO'I BAR GO SLA STE, 'DI DAG RNAM DAG KHA SKONG GI RTZIS YIN PAS BRGYAS BSGYUR BCUS BSGYUR DAG KYANG GRANGS SU BCUG PA'O, ,GZA' SPYI'I GSAL ZHAG LA RTZIS 'PHRO BSRE TSUL STON PA LA NI SOGS 'GREL BAS MA BSHAD PA DAG GI TSIG DON BSHAD NAS SKYES MIG DMAR LA NI 'DAS PA'I RTZIS 'PHRO RI DUS GCIG STE BRGYA DRUG CU RTZA BDUN KYANG NGES PAR NOR DU SBYIN PAR 'GYUR TE, ZLA BA'I BU LHAG PA LA DKYIL 'KHOR GYI CHU TSOD CHU SRANG NYIN ZHAG TU BSDU BA'I DON DU BRGYAS BSGYUR BA'I PHYIR DE DANG SHED MTSUNGS PA'I DON DU LONGS SPYOD KYANG BRGYAS BSNUN PA LA MA 'ONGS PA NA LHAG 'GYUR ME DANG NYI MA RI STE BDUN tSTONG BRGYA NYI SHU RTZA GSUM GYIS DMAN PAR BYA ZHING, PA SANGS KYI DKYIL 'KHOR DAG LA CHU TSOD NYIN ZHAG TU BSDU BA'I PHYIR DU BCUS BSGYUR BA'I LONGS SPYOD KYANG BCUS BSGYUR TE, DE
, ,LA MA 'ONGS PA NA LHAG 'GYUR CHU GTER BRGYAD DE BRGYAD CU RTZA BZHI YIS DMAN PAR BYA'O, ,LHA'I BLON PO PHUNG BU YI DKYIL 'KHOR LA MA 'ONGS PA NA LHAG 'GYUR STONG MKHA' DUS LAG STE NYIS STONG DRUG BRGYA DAG DANG, NYI SKYES SPEN PA'I DKYIL 'KHOR DAG LA MKHA' LAG GDENGS CAN DUS TE BZHI STONG BRGYAD BRGYA NYI SHU RNAMS KYIS BU LON TE PHRI BAR BYA BAR 'GYUR RO, ,DE TZAM GYIS KYANG RNAM PAR DAG PA MA YIN PAS SO SO'I LONGS SPYOD LA SKYES KHYIM SBYANG DGOS PA'I PHYIR, SA SKYES LA NI PHYED BCAS TE CHU TSOD SUM CU DANG SKAR MA DGU SBYANG STE LHAG PA LA PHYED LHAG CES PA RvA 'GYUR SOGS LA PHYED BCAS SU YOD PA LEGS PAS SKAR MA PHYED CHU TSOD SUM CU DANG BCAS PA'I MI BDAG STE SKAR MA BCU DRUG DANG RGYU SKAR NYI MA STE BCU GNYIS BLA MA PHUR BU'I LONGS SPYOD LA DBRI'O, ,PA SANGS LA SKAR MA DRUG DANG NYI SKYES LA SKYON TE BCO BRGYAD SKAR MAR BU LON DU 'GYUR PAS, ,BU LON DE RNAMS MTHA' DAG GZA' RANG RANG GI RTAG PA'I LONGS SPYOD KYI DBUS NAS SPYAD BAR BYA ZHING, DE NAS DAL RTZIS BYA'O, ,MYUR RTZIS NI, DAL BDAG PA'I PHYI NAS GZA' LNGA PO DE DAG GI LONGS SPYOD DE DAG RNAMS NI DAG PAR 'GYUR TE, KYE MI'I BDAG PO ZHES BOS NAS, CI'I PHYIR DAG NA RANG RANG GI SKYE BA'I RGYU SKAR NAS DAL BA'I RGYU BA STE RANG RANG GI RKANG PA RNAMS LONGS SPYOD PA'I DBANG LAS SO, ,DE TZAM GYIS KYANG RNAM PAR DAG PA MA YIN PAS MYUR BA'I DON DU, NYI MA LAS DMA' BAR RGYU BAS NYI MA LAS BGROD PA MYUR BA ZHI GZA' GNYIS NI RANG GI YAN LAG RKANG 'DZIN GYI LONGS
SPYOD DAG LA NYI BAR GYIS SBYANGS PAS MYUR RKANG GI LONGS SPYOD DAG PAR 'GYUR LA, NYI MA BAS BGROD PA BUL BA'I DBANG GIS NYI MA BAS MTHON PO'I GNAS NAS RGYU BA DRAG GZA' GSUM NI RANG RANG GI DANG BA DAG PAS NYI MA BAR PA'I DBUS NAS SBYANGS PAS MYUR RKANG GI LONGS SPYOD DAG PAR GNAS SO, ,LNGA PA GZA' LNGA'I SKYES KHYIM DAG PA'I DON DU RGYU SKAR GYI BU LON DANG LHAG MA DU BA'I LONGS SPYOD DU BSTAN PA NI, DA NI GZA' RNAMS KYI SKYE BA'I SKAR MA DAG PAR BYA'I DON DU RGYU SKAR GYI TSOGS GSUNGS PA RTZA BA'I TSIG DON NI, ZLA BA DRUG GIS GZA' LNGA'I ZLA BA RE RE'I LONGS SPYOD MIG DMAR GYI CHU TSOD DGU BCU, LHAG PA DANG PA SANGS KYI BRGYA SO LNGA RE RE, PHUR BU'I BCU GCIG ,SPEN PA'I BZHI RNAMS BSDOMS PAS CHU TSOD SUM BRGYA BDUN CU RTZA BZHI LA BSGYUR BA NYIS STONG NYIS BRGYA LNGA BCU LAS KYANG DUS KYI 'KHOR LO'I LO GSUM GYI ZLA BA SUM CU RTZA DRUG PO YI CHES THOB PA DRUG CU RTZA GNYIS PO DAG KYANG GZA' LNGA PO RNAMS KYI SKYES KHYIM GYI SKAR MA DANG GRANGS MNYAM LA SKYES KHYIM GANG YIN LONGS SPYOD LA BU LON DU 'GYUR BAS 'DI YANG GZA' LNGA PO'I LONGS SPYOD LA BU LON DU 'GYUR ZHING, LHAG MA BCO BRGYAD NI CHU SRANG DRUG CUS BSGYUR TE SO DRUG GIS BGOS PAS CHU SRANG SUM CU THOB LA, DE NI NYI MA'I RKANG PA DANG PO'I CHU TSOD GSUM DANG RI BONG CAN GYI RKANG PA DANG PO'AM BCU BZHI PA CHU TSOD LNGA STE BRGYAD LAS PHYED DANG BDUN SGRA GCAN GYIS LONGS SPYAD PA'I RJES SU SGRA GCAN GYI LONG MA SPYAD PA'I CHU TSOD PHYED MUN PA MED PA'I NGO BO STE, DE NI MJUG RINGS KYI CHU SRANG GI LONGS SPYOD DU SPROS TE BSHAD PA'O, ,SLAR YANG
, ,MJUG RINGS KYI NI LONGS SPYOD GANG ZHIG NYI MA BAS LHAG PAR SPYOD PA NYIN ZHAG SO SO'I DUS SU CHU SRANG GNYIS DANG DBUGS GSUM YOD PA NI ZLA BA'I CHA PHYOGS GSUM GYI NYIN ZHAG ZHE LNGAS BSGYUR BA LA DRUG CU'I CHA YIS THOB PA CHU TSOD GCIG DANG CHU SRANG NGA GNYIS DBUGS GSUM 'BYUNG BA NI PHYOGS GSUM GYI NYIN ZHAG SO SO'I DUS SU MYUR BAR RGYU BA LA MDUN DU NOR DANG, 'KHYOG POR RGYU BA'I TSE RGYAB TU 'CHAR BA DAG LA YANG BU LON DU 'GYUR RO, ,DES NA ZLA BA DRUG GIS ZLA BA'I LONGS SPYOD CES PA NI RTAG PA'I LONGS SPYOD DE'I STENG DU SKYES KHYIM SBYANGS PAS DAG PA STE, SKABS 'DIR DPANG 'GYUR LA, GRUB PA'I MTHA' LA'O, ZHES PA YOD CING, RGYA DPE LA YANG DE LTAR YOD DO ZHES, CHOS RJE BU GSUNG NGO, ,'ON KYANG GDUL BYA'I SEMS CAN GYI BSAM PA'I DBANG GIS BYED PA'I LONGS SPYOD LA LTOS PAS NYI MA RI BONG CAN GYI ZHES SOGS GSUNGS SO, ,DES NA MJUG RINGS 'CHAR BA'I PHYOGS GSUM GYI LONGS SPYOD LA YANG PHYOGS GSUM GYI NYIN ZHAG ZHE LNGA DAG GIS RGYU BA'I RKANG PA CHU SRANG GNYIS DANG DBUGS GSUM BSGYUR BA NI NAS 'GYUR TE, CHU SRANG GI TSOGS DE NYID LA LNGA BCU RTZA DRUG RKANG BCAS KYIS BGOS PAS THOB PA NI CHU TSOD TE, MJUG RINGS SHAR BA NAS NYIN ZHAG SO SO LA 'GYUR RO ZHES PA NI DU BA'I LONGS SPYOD PA'I TSUL NYID 'BRAS BU'AM BYA BAR RIG PAR BYA'O, ,RvA 'GYUR DU BYED PAR RIG PAR BYA'O ZHES 'BYUNG LA, KHA CIG DE LTAR BTON NAS, BYED PA'I RTZIS KYI DBANG DU BYAS PA'I DU BA'I LONGS SPYOD RIG PAR BYA'O, ,ZHES 'CHAD DO, ,
GANG ZHIG CES SOGS NI, GONG DU JI SKAD BSHAD PA'I TSUL GYIS NYI ZLA'I RKANG PA'I RJES SU SGRA GCAN GYIS LONGS MA SPYAD PA'I CHU TSOD PHYED PO DE MJUG RINGS KYI ZHAG RE'I CHU TSOD BZHI'I STENG DU LHAG PAR SPYOD PA'I CHU SRANG GI LONGS SPYOD YIN ZHES SEMS CAN SMIN PA'I CHED DU GSUNGS PA MA'I LA DU'I TSIG GO ZHES BYA BA'I DON TO, ,NGES PAR NI NYI MAS GANG SPYAD KYI STENG DU CHU SRANG GNYIS DANG DBUGS GSUM LO GSUM GYI BAR LA NOR RAM BU LON DU 'GYUR RO, ,RTZA BAR SLAR YANG ZHES PA MAN CHAD KYIS BSTAN PA LTAR, DE NAS LO GSUM GYI RING LA NYI MA LAS LHAG PAR SPYOD PA'I CHU SRANG GNYIS DANG DBUGS GSUM PO DE PHYOGS GSUM GYI ZHAG ZHE LNGAS BSGYUR TE DRUG CUS BGOS PAS THOB NOR CHU TSOD NGA GCIG DANG, LHAG MA CHU SRANG LNGA BCU NGA GNYIS DANG DBUGS GSUM 'BYUNG STE, DES PHYOGS GSUM GYI BAR LA NOR RAM BU LON DU 'GYUR ZHES DGONGS KYIS GRUB PA'I MTHA' NI MA YIN NO, ,DRUG PA GZA' RNAMS KYI RGYU BA'I STOBS BSTAN PA NI, DA NI GZA' RNAMS KYI RGYU BA'I STOBS GSUNGS PA ZHES 'TSAMS SBYAR NAS, DE NA DNGOS LA DMAN PA ZHES PA NI, 'GROS ZHAN PA DANG, 'KHYOG POR RGYU BA LA ZHUGS PA NI RIM MIN GYI PHYED SNGA MA STE LHAG MA DAG MCHOG TU GO SLA'O, ,BDUN PA NYI ZLA'I RTZIS NANG LA SBYAR BA LA GNYIS, DNGOS KYI DON GANG NANG LA SBYAR BYA'I NYI ZLA'I RKANG PA DANG, ZHAR BYUNG ZLA BA LA SGRA GCAN 'JUG PA'I MTSAN NYID BSTAN PA'O, ,DANG PO NI, DA NI ZHES SOGS TE, DES PA'O ZHES PA'I BAR NI, NANG LER NANG LA SBYAR NAS RGYAS PAR 'CHAD PA LAS SHES DGOS PAS 'DIR MA BSHAD DO, ,ZLA BA DRUG PO DE YI NANG DU RKANG PA LAS BYUNG BA'I LONGS
, ,SPYOD 'GRIB BA DANG NAS, RIM MIN LA 'PHEL BA DANG, RIM PA LA 'GRIB PA STE, RGYU SKAR GYI 'KHOR LO PHYED KYI PHYED BZHI CHA DAG LA NYI RKANG DRUG DANG BZHI DANG GCIG RNAMS PHYED MAR BGOS TE PHYOGS RE LA 'CHAR BA'I RKANG PA'I CHU TSOD MTHA' DAG GCIG TU BSDOMS NA NOR DANG DUS KYI GRANGS TE, DE YANG 'DIR NYI RKANG CHU TSOD BCU GCIG ZLA BA GSUM GYI BAR DU SPYOD PA LA PHYOGS DANG PO LA DRUG GSUM, GNYIS PA LA DRUG ,GSUM PA LA BRGYAD, BZHI PA LA BCU, LNGA PA LA YANG BCU, DRUG PA LA YANG BCU GCIG STE, DE RNAMS BSDOMS PAS BZHI BCU NAS RIG PAR BYA'O, ,DE LTAR 'JOG PA YANG PHYI ROL TU KHYIM BCU GNYIS KYI BDAG NYID ZLA BA BCU GNYIS PO RE RE YANG RKANG 'TSAMS BZHI BZHIS PHYE BAS BZHI BCU RTZA BRGYAD DU 'GYUR LA, ZLA BA'I ZHAG SUM CU PO RE RE YANG THUN 'TSAMS BZHI BZHIS PHYE BAS BRGYA NYI SHUR 'GYUR BA'O, ,DE YANG NYI MAS ZLA BA BCU GNYIS KYIS KHYIM BCU GNYIS LONGS SPYOD LA, ZLA BAS ZLA BA GCIG GIS KHYIM BCU GNYIS LA LONGS SPYOD PA YIN NO, ,GNYIS PA NI, DA NI, ZHES PA NAS LONGS SPYOD TE, RGYU SKAR GCIG GI LONGS SPYOD DE YANG DKYIL 'KHOR THAMS CAD RIL POR 'DZIN PA'I DBANG GIS NYI MA KHYIM BCU GNYIS KYI BDAG NYID DANG ZLA BA CHA BCU DRUG GI BDAG NYID THAMS CAD DU RIL PO 'DZIN PA NYID DU RIG PAR BYA'O, ,RNAM DAG CES PA NAS, DE SNYED NI THAMS CAD DAG NA CHU TSOD BCO LNGA PHYED DAG NA CHU TSOD PHYED DANG BRGYAD LA SOGS PA CHA GCIG GI BZHI CHA'I BAR DU GZA' DANG 'GROGS PAR SHES PAR BYA'O, ,'DI DAG KYANG LAG LEN LA JI LTAR BRTZI BA'I TSUL ZHIB PAR SHES
DGOS MOD KYI 'DIR MA BRIS TE GZHAN DU SHES PAR BYA'O, ,SGRA GCAN 'KHOR BA LA SOGS PA 'DI DAG MU STEGS BYED KYI GRUB PA'I MTHA' LAS ZHES SOGS KYIS NI, RGYUD 'DIR PHYI NANG SBYAR BA LA BRTEN NAS SANGS RGYAS 'THOB PA'I THABS KYI YAN LAG TU SHES PAR BYA BA'I RTZIS KYI RNAM GZHAG TZAM ZHIG BSTAN GYIS, DE LA MI MKHO BA'I RNAM GZHAG RNAMS ZHIB PAR MA BSTAN PA DANG, RTZIS KYANG PHYI ROL PA DANG THUN MONG GI RIG PAR BSTAN LA, DA LTA NI PHYI ROL PA DANG THUN MONG GI RIG PA 'DI DAG LA MKHAS MI MKHAS 'BA' ZHIG GIS DUS KYI 'KHOR LO LA LEGS PAR SHES PA DANG MI SHES PA'I DBYE BA RNAM PAR 'JOG LA, SANGS RGYAS 'THOB PA'I THABS RGYUD 'DI LAS BSTAN PA'I ZAB GNAS LA MKHAS PA DANG MI MKHAS PA'I RNAM DBYE RNAM PAR DPYAD PA'I THA SNYAD TZAM YANG MI SNANG BAS, BLO DANG LDAN PA DAG GIS TSUL 'DI KHONG DU CHUD PAR BYAS TE, KHYIM PA DAG LAS LTO'I RNYED PA GRUB PA TZAM ZHIG SNYING POR 'DZIN PA'I KHYI PHAG GI KUN TU SPYOD PA DAG GI NGANG TSUL BTANG NAS SHES LDAN GROL BA DON GNYER BA DAG GIS BRTAG PAR BYA BA'I DON GYI GTZO BO GANG YIN PA DE NYID DGE BA'I BSHES GNYEN YUN RING DU MNYES PAR BYAS PA'I BKA' DRIN LAS KHONG DU CHUD PA'I SLAD DU 'BAD PA THAMS CAD KYIS DKA' BA BRGYA PHRAG LHUR BLANGS TE, LAM BZANG PO'I RIGS KYI NUS PA YONGS SU SMIN PAS DAL BA'I RTEN LA SNYING PO LON PAR BYA BA'I RIGS SO, ,BRGYAD PA RTZIS KYI 'BYUNG SDUD NANG LA SBYAR BA NI, DA NI ZHES SOGS TE, DUS KYI 'KHOR LO LO GSUM PHYOGS
, ,GSUM DANG BCAS PA'I GZA' RNAMS KYIS SNGAR BSHAD PA, LTAR RGYU SKAR GYI 'KHOR LO PHYED LONGS SPYOD PA'I YUN LA GZA' RANG RANG GI NYIN ZHAG PHYED DU BYAS TE BRTZIS PAS SNYING STOBS RDUL MUN RE RE LA LO SUM CU SO GNYIS PHYED BCAS ZLA BA GSUM GSUM 'BYUNG PAS, DE 'DRA BA'I NYIN ZHAG PHYED DANG GNYIS KYIS LO BRGYA LONGS SPYOD DO, ,ZHES PA NAS, DE YIS GZA'I LO BRGYA BSGYUR PA LA MI'I LO 'BUM PHRAG NYI SHU RTZA BZHI'O, ,DE GNAS GNYIS SU BYAS PA'I 'OG MA LA BCU CHAS THOB PA'I STENG MA LA 'BRID PA'O, ,RTZOD LDAN GYI DUS KYI LO'I TSAD DO, ,ZHES BYA BA'I BAR GYI GZHUNG DAG GI DON NI SNGAR MDOR BSDUS BRGYAD PAR ZHIB PAR BSHAD PAS SHES SO, ,'DIR GTZO BO'I NGOS 'DZIN LA, MKHAS PA DAG SNGAR SRID RTZE BA'I DBUGS LA GTZO BO'I DBUGS ZHES BSHAD PA NI, SRID RTZE BA LA DBUGS KYI 'BYUNG 'JUG MED KYANG MI LO NYIS KHRI CHIG STONG DRUG BRGYA'I YUN TSAD LA SRID RTZE BA'I DBUGS GCIG TU BTAGS NAS, DE 'DRA BA'I DBUGS NAS BRTZAMS TE BSGRES PA'I RANG LA BRGYA SRID RTZE BA'I TSE TSAD DU THA SNYAD MDZAD PA GTZO BO CHE BA YIN LA, 'DIR NI DUS BZHI CHEN PO GCIG LA 'PHO BA GNYIS BYED PA'I GTZO BO ZHES BTAGS NAS GSUNGS PA GTZO BO CHUNG BA'O ZHES BZHED DO, ,DE LTAR 'CHAD PA LA'ANG MI 'THAD PA MED LA, RANG GI LUGS NI SNGAR BRJOD ZIN TO, ,KHA CIG NA RE SRID RTZE BA'I DBUGS RE LA MI LO NYIS KHRI CHIG STONG DRUG BRGYA YOD PAR BSHAD PA NI RING MTHA' LA DGONGS LA,
'DIR SRID RTZE BA'I BYE BRAG 'GA' ZHIG LA DBUGS KYI TSAD SNGA MA'I BCO BRGYAD CHA MI LO STONG NYIS BRGYA LAS MED PA YANG YOD PA GSAL BAR BSTAN PA YIN NO, ,DES NA 'DI'I GTZO BO YANG SRID RTZE BA'I LHA YIN NO ZHES SMRA BA SHIN TU MI RIGS TE; SRID RTZE BA'I LHA LTA SMOS KYANG CI DGOS, 'GRO BA RIS MTHUN SU LA YANG DBUGS KYI TSAD MI MTHUN PA SHIN TU CHE BA DE LTA BU YOD PA SHES BYA LA MI SRID PA'I PHYIR DANG, DBUGS TSAD DE LTAR NA SRID RTZE BA'I LHA LA DUS SU 'CHI BA'I TSE TSAD RING THUNG MI MTHUN PA CHEN PO YANG YOD PAR 'GYUR BA'I PHYIR DANG, 'DIR GTZO BO ZHES BSHAD PA SRID RTZE BA'I LHA YIN PAR GSAL BAR BSHAD PA'I RGYU MTSAN GANG YOD, GONG DU SRID RTZE BA'I LHA LA GTZO BO ZHES PA'I MING MDZAD LA, 'DIR YANG GTZO BO ZHES PA'I MING GIS GSUNGS PA'I PHYIR SNYAM PA LAS GZHAN MED DO, ,DE LA KHYAB PA YOD NA NI DON MI MTHUN PA GNYIS LA MING THUN MONG BA GCIG 'JUG PA MI SRID DGOS PAS RIGS PA'I LAM LAS BRGAL ZHING, MING GCIG LA DON DU MA LA SOGS PAR SNGAR 'GREL PA 'DI NYID DU RGYAS PAR GSUNGS PA THAMS CAD NYAMS SO, ,'DIR GTZO BO ZHES PA SRID RTZE BA'I LHA MA YIN PAR GSAL BAR GO NUS TE, SNGAR SRID RTZE BA'I LHA RNAMS KYI DBUGS TSAD MI LO NYIS KHRI CHIG STONG DRUG BRGYA RE'I YUN TSAD DU BSHAD LA, 'DIR BSHAD PA'I GTZO BO ZHES PA 'DI'I DBUGS TSAD DE LAS MI LO'I GRANGS SHIN TU NYUNG BA LA GSAL BAR BSHAD PA'I PHYIR, ZHES BZLOG
, ,STE SMRAS NA LAN CI ZHIG YOD, GTZO BO ZHES PA DGONGS PA CAN DU 'CHAD PA'ANG MI 'THAD CES SMRAS BA'ANG ZER BA TZAM DU ZAD DE, BZLOG PA LA GNOD PA CAN GYI TSAD MA CI YANG BSTAN RGYU MED PA'I PHYIR RO, ,LO NI 'DI DAG RNAMS KYIS ZHES SOGS KYIS DUS BZHI CHEN PO GCIG RDZOGS PA'I MTHA'I GNAM STENG LA NAM GRU'I STENG DU GZA' RNAMS STONG PA LA 'JUG PA DANG, SLAR YANG ZHES SOGS KYIS DE'I PHYI DE NYIN NAS NGES PA GSAR PA 'BYUNG BA GSUNGS TE, RTZOD LDAN GYI MJUG DE'I DUS SU LHA RNAMS DAG DANG ZHES PA NAS, RTZOD LDAN RDZOGS PA DE NAS RDZOGS LDAN GYI DUS 'JUG PAR 'GYUR RO, ,DA NI CHOS LA SOGS PA GZA'I LONGS SPYOD THAMS CAD STONG PA LA GNAS PA NA SLAR YANG BYED RTZIS DANG NGES PA DHU BA KA 'BYUNG BA'I TSUL GSUNGS PA, ZHES PA'I 'TSAMS SBYOR GYI TSIG LAS KYANG, DE NAS RGYU SKAR RNAMS KYIS ZHES SOGS KYI TSIGS BCAD 'DI RTZA TSIG YIN PAR SHIN TU GSAL LA BI BHU TA TZAN+TRA'I PHYAG DPE'I RGYUD KYI RGYA DPE LA DKYUS NA YOD CING, 'GREL PA'I PHYAG DPE LA YANG RTZA BAR BYAS PA'I MTSAN BU YOD DO ZHES GSUNG PA LTAR NGES PAR RTZA TSIG TU BYA DGOS SO, ,'DI MED NA RTZA BA'I TSIGS BCAD KYI GRANGS KYANG MI TSANG BAS SHONG 'GYUR GYI RTZA BA'I NANG DU 'DI MA BYUNG BA NI RGYA DPE MA DAG PA LAS BSGYUR BA'I SKYON DU MNGON NO, ` ,DE LA GZA' RNAMS DUS BZHI'I MTHAR STONG PA LA 'JUG PA'I TSUL BYED RTZIS KYI DBANG DU BYAS NAS JI LTAR BRTZI BA'I TSUL NI 'DI LTAR, DUS BZHI'I LO GRANGS JI SNYID PA
SUM BRGYA DRUG CUS BSGYUR BA LA, GZA' RNAMS RANG RANG DKYIL 'KHOR LO, ,SUM BRGYA DRUG CUS BSGYUR BA YIS, ,ZHAG GOS BGAS PA'I RNYED PA DOR, ,LHAG MA MED PHYIR STONG PAR ZHUGS, ,BSIL ZER CAN NAM SUM CU'I ZHAG ,NYI LHAG PA SANGS MJUG RINGS KYI, ,NYIN ZHAG MKHA' RO ME NYID DE, ,MOG DMAR ZLA BA BCO BRGYAD DO, ,PHUR SPEN SGRA GCAN RIM PA BZHIN, ,NYI MA MKHAR ME SKYON GYI LO, ,GZA' YI BYED PA'I DKYIL 'KHOR YIN, ZHES SHES PAR BYA STE, YE SHES LE'U'I TSIGS BCAD BRGYA LNGA BCU PA DANG BRGYAD GCIG PAS DON 'DI NYID BSTAN NO, ,BRTZI TSUL 'DI NYID KYI LONGS SPYOD KYI GZHI DANG 'GOD BYED KYI DKYIL 'KHOR LA SOGS PA THAMS CAD 'JIG RTEN GYI GRANGS PA BRJOD PA YIN PAS PHYI ROL PA DANG BSTUN PA'I BYED RTZIS YIN GYI GRUB MTHA'I RTZIS MA YIN KYANG, GRUB MTHA'I RTZIS LA YANG ZAD BYED KYI LO'I MTHA' DPYID ZLA RA BA'I GNAM STONG GI MTHAR GZA' THAMS CAD NAM GRU'I STENG DU 'DUS NAS STONG PA LA 'JUG PAR KHAS BLANG DGOS KYIS, GZHAN DU NA BSKAL PA 'JIG KHA'I DUS BZHI RDZOGS PA'I MTHA'I GNAM STONG GI GRUB MTHA'I RTZIS LA JI LTAR 'BYUNG BA SMROS SHIG ,DUS BZHI RDZOGS PA'I MTHA'I GNAM STONG GI PHYI DE NYIN NAG PA'I TSES GCIG GI NYIN RTZIS LA GZA' GNAS SU THIG LE 'CHAR PAR SMRA BA DANG, DE'I TSES GCIG GI NYIN SNGA MA'I DHRU BA NI MED LA, PHYI MA'I TSES GCIG MA RDZOGS PAS TSES GCIG GI NYIN RTZIS BYAR MED CING, TSES GCIG RDZOGS NAS GNYIS KYI NYIN RTZIS BYAS PAS GZA' GNAS SU GCIG SHAR BA NI TSES GCIG LA 'DAS PA'I GZA' NYI
, ,MA SHAR BA YIN NO ZHES BYA BA LA SOGS PA SMRA BA DAG NA RTZIS KYI BYED LUGS MI SHES PA'I GTAM YIN TE, BRJOD PAR BYA BA MANG DU YOD KYANG 'DIR MA BRIS SO, ,DGU PA LNGA BSDUS KYI ZLA BA'I NGES PA NANG LA SBYAR BA LA GSUM LO GSUM PHYOGS SUM LA SOGS PA'I DBYANGS NGOS BZUNG, LO GSUM GYI GZA' TSES KYI NGES PA LHA DANG SBYAR TE BSTAN PA, PHYOGS GSUM NYI MA'I LONGS SPYOD KYI NGES PA BSTAN PA'O, ,DANG PO NI, DA NI ZHES PA NAS, GSAL BYED SUM CU'I YI GE RE RE NAS DBYANGS BCU GNYIS BCU GNYIS KYIS PHYE BAS SUM BRGYA DRUG CU, YON TAN DANG 'PHEL BAS BSGYUR BA SUM BRGYA DRUG CU YA nAS BSGYUR BA SUM BRGYA DRUG CU STE, DE LTAR NA LO GSUM NYI MA DAG LA STE NYIN ZHAG SO SO'I SA BON KA YIG LA SOGS PA DE DAG YI GE STONG BRGYAD CUR 'GYUR RO, ,AA SOGS THUNG NGU ZHES SOGS KYI YI GE ZHE LNGA PHYOGS GSUM GYI NYIN ZHAG ZHE LNGA'I SA BON DU STON PA STE GO SLA'O, ,HA SOGS TE HA YAR WA LA RNAMS DBYANGS RING THUNG BCU GNYIS KYIS PHYE BAS CHU TSOD DRUG CU RNAMS SU 'GYUR TE, ZHAG GCIG GI CHU TSOD LNGA LNGA'I BDAG NYID KYI DUS SBYOR BCU GNYIS KYI DBYE BAS CHU TSOD DRUG CU'I GRANGS SO, ,'DIR RGYUD DU SU MA 'GYUR GANG YIN DE DAG RNAMS KYANG SGRA GCAN GYI NI MTSAN MO GSUM, ZHES PA'I DON NI, DBYANGS DRUG CU PO SUM 'GYUR DU BYAS PA DBYANGS BRGYA BRGYAD CU GANG YIN PA DE DAG RNAMS KYANG SNGAR TSIGS BCAD BRGYAD PAR BRJOD PA'I CHO GAS ZHES SOGS TE, DE DAG SGRA GCAN GYI NI LONGS SPYOD MTSAN MO'I CHA ZLA BA DRUG LA DUS GSUM DU BYAS PA'I ZHAG
GRANGS SO, ,DPAL LDAN SOGS NI, STONG CHEN YIG LNGA YON TAN GSUM GYI DBYE BAS SUM 'GYUR DU BYAS PA'I CHU TSOD BCO LNGA NI, SGRA GCAN GYI DUS GCIG GI LONGS SPYOD DE NANG DU SROG GI RLUNG GI DUS SBYOR GSUM DU 'GYUR RO ZHES BYA BA NI NGES PA'O, GNYIS PA LO GSUM GYI GZA' TSES KYI NGES PA LHA DANG SBYAR TE BSTAN PA NI, LO BRGYA'I YE SHES CHA DKYIL 'KHOR DU LHA GRANGS DANG PHYI ROL TU LNGA BSDUS LA SBYAR NAS STON PA STE, DE YANG 'BYUNG BA SOGS NI, PHYOGS GSUM GYI ZHAG GRANGS BCAD PA'I LHAG LO GSUM GYI ZHAG STONG BRGYAD CU LA BDUN GYIS BGOS PA'I THOB NOR BRGYA LNGA BCU NGA BZHI, LHAG MA GNYIS LAS GTZO BO YAB YUM STE NGA DRUG PO DE NI LHA GTZO CHE SHOS RNAMS BSDUS PA'I DUS KYI 'KHOR LO'I DKYIL 'KHOR GYI PAD+MA GANG NA CAN GYI LHA'I GRANGS SU 'GYUR RO, ,DE LNGA BSDUS LA SBYAR NA, BRGYA DANG LNGA BCU RTZA DRUG PO DE NYID ZLA BA GCIG GI NGES PA STE DHRU BA KA LA BSRE BA'I ZLA BA NGES PA DANG, GZA' GCIG NI CHU TSOD DRUG CU DANG, GZAR MA LONGS PA'I LHAG MA CHU TSOD SUM CU RTZA GNYIS DANG, TSOGS KYI DHRU BA LA GNYIS YOD PA RAB TU BSRES NAS, CHU TSOD DGU BCU GO BZHIR 'GYUR ZHING, TSES SU GCIG DANG RGYU BA'I RKANG PA DANG PO'I CHU TSOD RNAMS BSDOMS PAS GRANGS BRGYA'O, ,DE'I STENG DU DUS KYI 'KHOR LO LO GSUM GYI LONGS SPYOD STONG BRGYAD CU DAG LAS BDUN GYIS RNAM PAR PHYE BA'I NOR GYI BRGYA NI GZA'I NGES PA GONG DU SONG ZIN PAS BOR TE, NOR LHAG MA LNGA BCU RTZA BZHI DANG, BDUN GYIS BGOS PA'I LHAG MA GNYIS BSDOMS PAS LNGA BCU RTZA DRUG DAG NI GZA'I RKANG PAR 'GYUR RO, ,YANG BDUN
, ,GYIS BGOS PA'I NOR BRGYA NGA BZHI PO DE DAG LAS ZLA BA GCIG GI GZA'I NGES PA LA GZA' GCIG NI LHA MO DRUG CU SOGS SO, ,DE DAG BCAD PA'I LHAG MA CHU TSOD DRUG CU RTZA GNYIS LAS, THUB PA STE BDUN NOR TE BRGYAD KYIS BSGYUR BA LNGA BCU RTZA DRUG GI GRANGS KYI LHA MO RNAMS DANG TSOGS KYI GNAS SU TSOGS GNYIS NI LHA MO GNYIS SU 'GYUR TE, CHU TSOD LA BCU RTZA DRUG LA NYER BRGYAD KYIS BGOS PAS THOB NOR GNYIS 'BYUNG BA'I PHYIR RO, ,DE NAS LHAG MA DRUG 'BYUNG BA NI NYIN RE'I NGES PA CHOL BA NA GZAR TSES SBYIN CHU TSOD DU DOR BA LAS, 'DIR TSES GCIG GI NGES PA LA TSES SBYIN PA DAG NI LHA MO GCIG TU 'GYUR ZHING, ZLA BA'I RKANG PA DANG PO CHU TSOD LNGA NI LHA MO LNGAR 'GYUR TE, LNGA PO GCIG DANG BCAS PA'I DRUG GIS SO, ,GSUM PA PHYOGS GSUM NYI MA'I LONGS SPYOD KYI NGES PA BSTAN PA NI, ZLA BA'I PHYOGS GSUM ZHES PA NAS NYI MA'I KHYIM ZLA GCIG GI LONGS SPYOD LA NI RAB TU GRAGS SO, ,DRUG CUS ZHES PA NAS, NYI MA'I NYIN ZHAG DANG PO LA SPYOD PA'I TSES GCIG LA BZHI YIS BSGYUR BA'I CHU TSOD BZHI, CHU SRANG NYER GNYIS LA SOGS PA DANG LDAN PA'I DBANG PHYUG CHU TSOD DE ZLA BA GCIG GI CHU SRANG BSDOMS PAS CHU TSOD BCU GCIG TU GYUR PA DANG BSDOMS PAS CHU TSOD BCO LNGA GONG GI CHU TSOD BRGYA NYI SHU PO'I GNAS SU SBYIN PAR 'GYUR TE, DES NYI MA'I KHYIM ZLA GCIG GI LONGS SPYOD CHU TSOD BRGYA SO LNGA'I GRANGS SU 'GYUR RO, ,DE LTAR NYI MA'I CHA ZLA BA LA SBYAR ZLA BA'I CHA NYI MA LA SBYAR BAS KYANG THABS SHES DBYER MED MTSON NO ZHES BLA MA DAG 'CHAD DO, ,GSUM PA RTZIS PHYI NANG
GZHAN GSUM SBYOR TSUL SOGS GZHAN GYI DPYOD YUL MA YIN PAR BSTAN PA NI, DE LTAR DPAL LDAN DUS KYI 'KHOR LO LO GSUM PHYOGS GSUM GYI LONGS SPYOD GZA'I TSOGS DANG BCAS PA 'DI DAG CES PA LA SOGS PA SNGAR BRJOD PA'I RIM PAS PHYI 'JIG RTEN DANG, NANG LUS DANG, GZHAN DKYIL 'KHOR SOGS LA DBYER MED PAR TE, JI LTAR PHYI ROL DE BZHIN NANG DANG GZHAN LA YANG CHOS MTHUN PAR BSDUS PA 'JIG PA DANG NI SPRO BA SKYED PA'I SLAD DU SRID PA GSUM NAS GNAS DER GNAS SO, , NYI MA NAS, BOD PA'O DUS KYI GZUGS NI PHYI ROL GYI GZA' RNAMS RANG RANG GI LONGS SPYOD LA LONGS SPYOD TSUL LA SOGS PA'I RANG BZHIN NI ZHES PA STE, GZUGS DANG RANG BZHIN LA SKAD DOD THUN MONG BA YOD KYANG 'DIR GZUGS ZHES PA GNYIS RANG BZHIN DU BYA DGOS SO, ,SROG STE NANG LUS KYI RLUNG JI LTAR RGYU BA DANG CHOS MTHUN PA'I RANG BZHIN GYIS SO, ,SHES RAB THABS KYI RAB DBYE NI PHYI RU NYIN MO DANG MTSAN MO'I DBYE BA DANG NANG DU GA-YON DANG GA-YAS LA ZLA BA DANG NYI MA'I DBYE BA DANG, LA SOGS PA GZHAN DKYIL 'KHOR LA LHA YAB YUM LA SOGS PA'O, ,DE DAG GI SA BON GYI YI GER YANG MNYAM DANG SOGS RING PO SHES RAB DANG THUNG NGU THABS DANG, MYUR 'KHYOG LA SOGS PA'I RGYU BA BZHI YI DBYE BAS RNAM PAR GNAS SO, DE LTAR PHYI NANG GZHAN GSUM SBYOR BA DANG, DE'I DGOS PA DANG BCAS PA RNAMS GZHAN GYI SPYOD YUL MA YIN PAR BSTAN PA NI, CHAGS BRAL NYAN RANG DANG NI THUB MCHOG PHYI ROL PA'I DRANG SRONG GI RIGS DANG, TSANGS DANG ZHES PA DANG, DE LTAR
, ,SNGAR BRJOD PA PHYI NANG GZHAN GSUM SBYOR BA'I TSOGS TSANGS PA LA SOGS PA 'DI DAG SHES PA MA YIN PA'I DON DE NYID JI LTAR PHYAG NA RDO RJE ZLA BA BZANG PO LA RAB TU BSTAN PA BZHIN DU 'DIR YANG MDOR BSDUS PAS RAB TU BSTAN NO, ,ZLA BZANG LA SU ZHIG GIS BSTAN NA, BCOM LDAN 'DAS DUS KYI 'KHOR LO SKU KUN RDZOB RNAM PA THAMS CAD KYI MCHOG DANG LDAN PA'I STONG PA NYID KYI TSUL GYIS RNAM PAR GNAS PA, THUGS MCHOG TU MI 'GYUR BA'I BDE BA CHEN PO LHAN CIG SKYES PA'I YE SHES CHOS NYID DE BZHIN NYID DANG CHU LA CHU BZHAG BZHIN DBYER MI PHYED PAR GYUR PA'I CHOS NYID DE'I SPYI'I MTSAN NYID RANG BZHIN RNAM DAG GI CHA NAS KHYAB PAR BYA BA BRTAN PA DANG GA-YO BA'I DNGOS PO THAMS CAD LA NGO BO DBYER MED PA'I GNAS LUGS KYI TSUL GYIS KHYAB PAR BYED PA, YANG DAG PAR RDZOGS PA'I SANGS RGYAS BCOM LDAN 'DAS THAMS CAD MKHYEN PA, 'JIG RTEN KUN RDZOB DMIGS BCAS STONG GZUGS KYI SKU DANG, 'JIG RTEN LAS 'DAS PA'I DON DAM PA DMIGS MED BDE BA CHEN PO'I THUGS DBYER MI PHYED PA'I NGO BO NYID KYIS SO, ,ZHES PAS NI SNGAR BSHAD PA'I RTZIS PHYI NANG GZHAN GSUM SBYOR TSUL SOGS BSTAN PA'I DGOS PA'ANG THOB BYA 'DI 'DRA BA ZHIG GI CHED DU YIN PAR DON GYIS BSTAN NO, ,DES BSTAN PA BZHIN DU 'DIR STON PA PO SU ZHIG GIS NA, MI'I DBANG PO 'JAM DPAL GRAGS PA BDAG GIS KYANG NGO, ,GDUL BYA GANG LAN, NYI MA'I SHING RTA KHYOD LA'O, ,GANG BSTAN NA, DRANG DON DANG NGES DON BCOM
LDAN 'DAS DUS KYI 'KHOR LO DE NYID DO, ,TSIGS BCAD 'DI RGYUD KYI TSIG MA YIN PAR BLA MA KHA CIG 'CHAD PA LEGS PA YIN TE, ZLA BZANG LA BOD PA'I DOD NYI MA'I SHING RTA LA BOD PA'I PHYIR DANG, 'JAM DPAL GRAGS PA RANG NYID KYI GSUNG DU 'GREL PAS DNGOS SU BSHAD PA'I PHYIR RO, ,BCOM LDAN 'DAS DUS KYI 'KHOR LO KUN RDZOB KYI TSUL GYIS ZHES PA NAS, KHYAB PAR BYED PA'I BAR STON PA PO LA MI SBYOR BAR BSTAN BYA'I CHOS KYI KHYAD PAR DU SBYOR NA, DUS 'KHOR LA PHYI NANG GZHAN GSUM DU PHYE BA'I GZHAN LA DRANG DON DKYIL 'KHOR GYI LHA DANG SBYAR BA DANG NGES DON RDZOGS RIM GYI YE SHES KYI SKU DANG SBYAR BA GNYIS SU YOD PA'I PHYI MA'I DBANG DU BYAS NAS, SNGA MA RNAMS BSTAN PA THOB BYA 'DI'I CHED DU YIN PA LA BSHAD PAR BYA'O, ,'DIR KHA CIG PHYI DANG LUS LA DBYER MED PA CHOS CAN PHYI NANG DANG CHOS NYID NGO BO THA DAD PA'I 'BRU GNON BYAS PAS NI SMRAS PA TZAM NAS RANG NYID RDZOGS PAR BSTAN LA, SROG GI GZUGS ZHES PA BCOM LDAN 'DAS DUS KYI 'KHOR LO CHOS DBYINGS DE NYID SEMS CAN MA DAG PA LA SROG RLUNG GI RNAM PAR SNANG BA LA 'CHAD PA DANG, DANG PO'I SANGS RGYAS BDE GSHEGS SNYING PO BCOM LDAN 'DAS DUS KYI 'KHOR LO BDEN GRUB BRTAG PA DE NYID SEMS CAN LA BRTAN GA-YO'I KUN RDZOB KYI RNAM PAR SNANG BAS KUN RDZOB KYI TSUL GYIS RNAM PAR GNAS PA, ZHES ZER BA NI, MU STEGS RIG BYED GSANG BA'I MTHAR SMRA BA DANG, ,DRANG SRONG CHEN PO NYI MA'I MDOG CAN ZHES BYA BA'I KUN MKHYEN RTAG PA BDEN GRUB BRTAN GA-YO THAD LA KHYAB NAS SEMS CAN RNAMS LA BRTAN GA-YO'I RNAM PAR SNANG BAR 'DOD PA DANG KHYAD PAR BRJOD PAR BYA BA GZHAN CI YANG MED
, ,KYI; DRANG SRONG NYI MA'I MDOG CAN LA BDE GSHEGS SNYING PO DANG DUS KYI 'KHOR LO ZHES MING BRJES NAS BSNYAD PA TZAM DU ZAD DO, ,LNGA PA MDOR BSDUS KYI MTSAN BSTAN PA NI, DPAL LDAN DANG PO'I SANGS RGYAS LAS ZHES SOGS SO, , SMRAS PA, MKHAS MCHOG SNGA MA'I LEGS BSHAD ZLA ZER GANG LA REG PA'I KUN DRA'I TSAL, SLAR YANG DBYE PHYIR NGAL BA MA BYAS LOG PAR RTOG PA'I MUN SEL CING, ,TSIG DON PAD+MO ZUM PAR GNAS GANG RNAM PAR 'BYED LA KHO BO YI, ,LEGS BSHAD NYIN BYED DENG 'DIR SHAR BAS BLO GSAL BUNG PA'I DGA' STON BYAS, BCOM LDAN 'DAS DUS KYI 'KHOR LO MCHOG GI DANG PO'I SANGS RGYAS KYI RTZA BA'I RGYUD LAS PHYUNG BA BSDUS PA'I RGYUD KYI RGYAS 'GREL DRI MA MED PA'I 'OD KYI RGYA CHER BSHAD PA DE KHO NA NYID SNANG BAR BYED PA ZHES BYA BA LAS MDOR BSDUS DGU PA'I RNAM PAR BSHAD PA'O,, ,,GANG GI THUGS RJES BRLAN PA'I SPYAN GYI ZUR, ,REG PAS SNYING GI MUN SEL BLA MA DANG, ,DBYER MED DPAL LDAN DUS KYI 'KHOR LO LA, , YAN LAG MCHOG GIS SLAR YANG PHYAG BYAS NAS, ,RGYAL SRAS DPA' BO SA SKYONG TSUL BZUNG STE, ,SNA TSOGS THABS KYIS 'JIG RTEN DON BSGRUB CING, DAM CHOS RGYAL SRID BSRUNG SLAD GSUNGS PA 'DI, ,MDOR BSDUS TZAM DU 'DIR NI DBYE BAR BYA, BZHI PA GDUG PA CAN GZHOM PA DANG RANG GNAS BSRUNG BA'I DON DU DBYANGS 'CHAR DANG 'PHRUL 'KHOR GYI MDOR BSDUS BSHAD PA LA GSUM, DUS KYI SGO NAS SKAR RTZIS KYIS 'BRAS BU DGE MI DGE BRTAG PA DBYANGS
'CHAR BA LA SOGS PA'I NGO BO NYID KYIS GNAS PA, PHYOGS KYI SGO NAS SKAR RTZIS KYIS 'BRAS BU DGE MI DGE BRTAG PA SGRA GCAN LA SOGS PA SA'I STOBS KYI NGO BO NYID KYIS GNAS PA, DE LTAR SHES NAS DGRA GNAS 'JOMS SHING RANG GNAS BSRUNG BA'I 'PHRUL 'KHOR GYI NGO BO NYID KYIS GNAS PA'O, ,DANG PO LA GSUM DBYANGS 'CHAR NUB KYI SGO NAS DGE MI DGE BRTAG PA, 'DRI BA'I DUS SU SNA LA 'CHAR BA'I SGO NAS DGE MI DGE BRTAG PA, DRIS PA'I DBYANGS KYI SGO NAS DANG, LO LA SOGS PA'I KHYAD PAR LAS DUS SBYOR GYI KHYAD PAR GYI SGO NAS DANG, DRI BA'I DUS KYI DBUGS 'BYUNG 'JUG GI SGO NAS DANG, DUS SBYOR GYI SBYOR BA'I SGO NAS DANG, SKAR MA'I STOBS KYI SGO NAS DANG, GDENGS CAN GYI 'KHOR RA'I SGO NAS DANG, TSE'I GNAS SKABS KYI SGO NAS DANG, RTEN 'BREL GYI SGO NAS DGE MI DGE BRTAG PA'O, ,DANG PO LA GSUM DBYANGS LNGA'I 'CHAR TSUL DANG, DBYANGS SUM CU'I 'CHAR TSUL DANG, DBYANGS DRUG CU'I 'CHAR TSUL LO, ,DANG PO LA GSUM, DBYANGS LNGA'I RANG BZHIN NGOS BZUNG BA DANG, TSES LA DBYANGS 'CHAR TSUL DANG, PHYOGS LA SOGS PA LA 'CHAR TSUL LO, ,DANG PO NI, DE NI ZHES PA NAS, LA SOGS PA'O'I BAR NI SPYI'I 'TSAMS SBYOR RO, ,DBYANGS GANG DAG GI NAS, ZHES PA NI AAN ZHES PAS AA AI AU GSUM DANG, Ri KA ZHES PAS Ri Li GNYIS BSTAN PA LTA BU CHAN TSAN SO SOR BRJOD PA GZUNG BA'I PHYIR BYAS PA, AE AO TZA ZHES PA NI SGRA BA'I LUGS KYIS AA YIG RING THUNG GNYIS KYI PHA ROL TU AI YIG RING THUNG GNYIS BYUNG NA AA YIG GNYIS AE DANG, AA YIG RING THUNG GNYIS KYI PHA
, ,ROL TU AU YIG RING THUNG GNYIS BYUNG NA SNGA MA'I AA AE YIG TU BKLAG PA YIN PA'I PHYIR TE, DE NYID AI YIG DANG AU YIG DAG GI YON TAN SBYAR BA'I YI GE DAG GO RGYUD DANG BSTAN BCOS GZHAN LAS Ri Li BZHI MA NING DU BSHAD KYANG, Ri KA'I AA nA LAS RA LA DAG GO ZHES PA'I SGRA MDO'I TSIG 'DIS, Ri Li'I MTHAR AA NAS nA'I BAR AA AI AU GANG BYUNG YANG Ri RA DANG Li LA RU 'GYUR 'GRO BA'I PHYIR LUGS 'DIR Ri Li MA NING DU MI 'GYUR TE, DE'I RGYU MTSAN Ri YIG Li YIG DAG KYANG AA AI AU GSUM DANG PHRAD NA YON TAN GYI YI GE RA DANG LAR 'GYUR BA DANG LDAN PAS AI YIG LA SOGS PA RNAMS DANG YON TAN CAN DU KHYAD PAR MED DO, ,'DIS LUGS THA DAD PAR STON GYI, RGYUD GZHAN NAS MA NING GI YI GER BSHAD PA 'GOG PA MIN NO, ,DE'I PHYIR AA AI AU nA AE AO TZA, ZHES PA Ri Li BOR BA NI DBANG PHYUG LA SOGS PA BYIS PA RNAMS LA 'JIG RTEN DU GRAGS PA'O, ,'DIR Ri Li GNYIS KYI YON TAN GYI YI GE RA LA GNYIS DANG, YA nA'I YI GER GYUR PA'I RA LA SKYED PAR BYED PA'I PHYIR, AA AI AU nA Ri Li KA ZHES PAR BYA RIGS TE, AI KA NI AA TZA LA YA nA'O ZHES PA, AI AU Ri Li BZHI'I MA THAR AA NAS TZA'I BAR GYI YI GE AA AI AU Ri Li AE AO AEE AOO GANG BYUNG YANG, YA NAS nA'I BAR GYI YI GE YA RA LA WA RNAMS SU 'GYUR 'GRO ZHES PA'I SGRA MDOS Ri Li SA RA LA SKYES PAR BYED PA'I KHYAD PAR GYI PHYIR DANG, AA KA NI AA KA LA RING PO'O ZHES PA'I SGRA MDOS, AA NAS KA'I
BAR GYI YI GE AA AI Ri AU LAm LNGA'I MTHAR RANG RIGS KYI DBYANGS BYUNG NA SNGA MA DBYANGS RING POR 'GYUR BAR BSTAN PA'I SHES PAR BYED PA'I PHYIR RO, ,DANG POR DBYANGS LNGA GANG YIN PA DE DAG YI GE GZHAN DNAG PHRAD PA'I DBNAG GIS AA SOGS SU 'GYUR BA'I RNAM 'GYUR GYI YI GE MA YIN GYI, YI GE GZHAN DANG PHRAD PA LA MA LTOS PAR RANG NYID AA AI RI AU LiR 'BYUNG BA'AM SKYES PAS RANG BYUNG DU LUNG BSTAN PA'AM BRDA SPROD PAR BYED PAS MNYAM PA'AM THUN MONG BA'I NGO BO STE, DE DAG KYANG ZHES SOGS LA LUNG STON PA NI SGRA'I BSTAN BCOS YIN LA LHAG MA GO SLA'O, ,GNYIS PA CHOS LA DBYANGS 'CHAR TSUL LA GNYIS LAS, DANG PO TSES GRANGS GANG LA 'CHAR BA NI, DBYANGS LNGA PO DE DAG CES SOGS SO, ,GNYIS PA DE LTAR SHAR BA LA GZA'I SGO NAS SHIS MI SHIS BRTAG PA NI, GAL TE ZHES PA NAS, RES GZA' DAG YOD PAR MA GYUR NA DE'I TSES DE LA DBYANGS DE SHIS PA 'CHAR BAR 'GYUR RO, ,RNAM PA GZHAN DU NA, ZHES PA NAS, 'BRAS BU DE NYID DBYANGS 'CHAR BA'I MTSAN MAS SHES PAR BYA'O, ,GSUM PA PHYOGS LA SOGS PA LA 'CHAR TSUL LA DRUG LAS, DANG PO DBYANGS LNGA PHYOGS LA SOGS PA LA 'CHAR TSUL MDOR BSTAN PA NI, DE LTAR SOGS SO, ,GNYIS PA PHYOGS LA 'CHAR TSUL NI, 'DIR NAG PO LA SOGS PA ZHES PA NAS, PHYOGS TE ZLA PHYED LA 'CHAR BA'I YUL LA YANG NYIN ZHAG BCU GNYIS LA DBYANGS RE 'CHAR BA'I DBYE BAS PHYOGS GCIG LA DBYANGS GCIG DANG BZHI CHA DE 'CHAR BA'I DBYE BA SHES PAR BYA'O, ,GSUM PA ZLA BA LA 'CHAR TSUL NI DE BZHIN DU LO'I
, ,NYIN ZHAG SUM BRGYA DRUG CU LA DBYANGS LNGA PO 'DI LAN GCIG RDZOGS PAR 'CHAR BA LAS, NYIN ZHAG BDUN CU RTZA GNYIS KYI DBANG GIS ZHES SOGS SO, ,BZHI PA BGROD PA LA 'CHAR TSUL NI, DE BZHIN DU ZHES SOGS SO, ,LNGA PA LO DANG LO DRUG CU LA 'CHAR TSUL NI, RAB BYUNG LA SOGS PA'I LO BCU GNYIS BCU GNYIS LA DBYANGS RE RE 'CHAR BA NI ZHES PA NAS, DE BZHIN DU LO GCIG LA SOGS PA RNAMS LA DBYANGS LNGA THEBS RE RDZOGS TSUL SOGS KYANG SHES PAR BYA'O, ,DRUG PA PHYOGS LA SOGS PA SO SO GNAS SKABS LNGA LNGAR PHYE BA'I SGO NAS DE DAG LA 'CHAR BA'I YI GE RNAMS KYANG GNAS SKABS LNGA LNGAR DBYE BA NI, DE LTAR DBYANGS NI ZHES SOGS KYIS PHYOGS DANG LO LA SOGS PA DGA' BZANG RGYAL STONG RDZOGS PA'I GNAS SKABS LNGA LNGAR PHYE NAS, DGA' BA SOGS KYI GNAS SKABS DE DAG LA 'CHAR BA'I YI GE RNAMS RIM BZHIN BYIS PA GZHON NU LANG TSO RGAN PO SMIN PA'I GNAS SKABS LNGAR 'JOG PA DANG YI GE GANG DANG POR SHAR BA'I TSES LA BYIS PAR GYUR PA DE DE NAS TSES LNGA PA RDZOGS PAR SHAR BA NA NUB PAR 'GYUR RO ZHES 'CHAD PA NI, DANG PO LA NI ZHES SOGS TE GO SLA'O, ,GNYIS PA DBYANGS SUM CU'I 'CHAR TSUL LA BZHI LAS, DANG PO DBYANGS LNGA LAS SUM CUR DBYE BA NI, AA SOGS DBYANGS LNGA GANG DAG CES SOGS TE, LNGA PO YON TAN GSUM GYIS BSGYUR BAS BCO LNGA DE RE RE'ANG DKAR PHYOGS NAG PHYOGS KYI THABS SHES KYI DBYE BAS YI GE RING THUNG GNYIS GNYIS SU PHYE BA SUM CUR 'GYUR BA'O, ,GNYIS PA DE TSES ZHAG LA
'CHAR TSUL NI, KA SOGS SDE PA'I ZHES PA NAS, 'DIR GSAL BYED KYI YUL LA SNGAR TSIGS BCAD BRGYAD PAR, RANG BZHIN GYI DBYANGS DANG, YON TAN DANG, 'PHEL BA DANG, 'PHEL BA DANG, YA nA RNAMS KYIS PHYE BA STONG BRGYAD CUR BSHAD PA NI NYI MA'I KHYIM 'PHO BA'I PHYOGS KYI SA BON DU BSTAN PAR RIG PAR BYA STE, LHOR BGROD KYI SA BON NI SPRO BA STE SKYE BA'I RIM PA DANG MTHUN PAR DBYANGS LUGS 'BYUNG DANG, BYANG BGROD KYI SA BON NI SDUD PA'I RIM PA DANG MTHUN PAR DBYANGS YIG LUGS LAS LDOG PA'I SBYOR BAS GSUNGS SO; ;GSUM PA DUS SBYOR BRTAN GA-YO BRTAG PA NI, NYI SHU RTZA BDUN CES PA NAS GSAL BAR MNGA' ZHES PA DUS SBYOR DE DAG ZHAG GCIG LA 'CHAR BA'I DBANG DU BYAS NA RE RE'ANG CHU TSOD LNGA LNGA'I BDAG NYID KYI RGYU SKAR GYI CHA'AM RKANG PA DGU PA'O,, 'DI DAG SOGS LA, MNYAM PA NI BAR MA YIN ZHING, DUS SBYOR GA-YO BA SHAR BA LA DRIS PA'I BYA BA MYUR DU 'GRUB PA SOGS SO, ,BZHI PA YUD TZAM SUM CU LA 'CHAR BA'I DBYANGS BSTAN PA NI, DE LA NAS, DUS SBYOR GYI TSOGS BCU GNYIS PO DE RE RE LA CHU SRANG BCU'I BDAG NYID KYI YUD TZAM SUM CU'O, ,CHOS KYI NYIN ZHAG GCIG GI DUS CHU TSOD BDUN DANG CHU SRANG SUM CU RE'I TSAD KYI THUN BRGYAD KYI BDAG NYID LA CHU TSOD DAG KYANG DRUG CU KHO NAR 'GYUR RO, ,DANG POR TE THOG MAR ZHES SOGS KYI DON NI, TSES RE LA YUD TZAM SUM CU'I TSAD BYAS NAS, YUD TZAM RE LA DBYANGS RE 'CHAR BA'I TSUL GYIS DBYANGS SUM CU 'CHAR ZHING, DE YANG GONG DU BSHAD PA LTAR TSES GANG LA DBYANGS GANG 'CHAR BA BSHAD PA'I
, ,DBYANGS DE TSES DE'I BDAG PA'I DBYANGS YIN PAS DE NAS MGO BRTZAMS TE 'CHAR BA DANG, DE YANG DKAR PHYOGS LA SPO RIM DANG NAG PHYOGS LA SDUD RIM GYIS 'CHAR BA'I DON TO, ,GSUM PA DBYANGS DRUG CU'I 'CHAR TSUL LA BZHI LAS, DANG PO DBYANGS LNGA'I KHAMS KYI RIGS DANG BDAG PO'I GZA' NGOS GZUNG BA NI, STONG PA ZHES SOGS KYIS DBYANGS LNGA NAM MKHA' SOGS KHAMS LNGA'I RIGS SU STON PA STE, 'DI RNAMS KYANG RIGS LNGA DANG STONG CHEN LNGA DANG SBYOR BAR SMRA MOD, SKABS GZHAN DU DE LTAR YIN KYANG DBYANGS 'CHAR GYI SKABS SU DE LTAR SBYOR BA LA 'BREL CI YANG MED DO, ,'O NA DBYANGS LNGA PO DE SO SO'I BDAG PO'I GZA' GANG DANG GANG YIN SNYAM NA, SGRA GCAN LA SOGS PA'I ZHES SOGS SO, ,GNYIS PA DE DUS SBYAR RE RE LA 'CHAR BA LA BYA BA SGRUB TSUL NI, DE BZHIN DU ZHES SOGS TE, ZHAG DE LA DUS SBYOR RE'I CHU TSOD LNGA PO'I DBUS SU STE NANG DU DBYANGS GANG 'CHAR BA'I BDAG PO'I GZA' DE DE'I RING LA STOBS DANG LDAN PA YIN PAS GZA' DE YI DKYIL 'KHOR BDAG POR GYUR PA'I RING LA DBYANGS DE'I MING CAN GYI, SKYES BUS BYA BA BSGRUB PAR BYA STE, DE YANG DRAG PO'AM, MI MNYAM PA PHO DANG, ZHI BA'AM MNYAM PA ME'I DUS SBYOR GYI DBYE BAS RIM PA BZHIN STONG PA DANG SA LA SOGS PA BSGRUB PAR BYA'O, ZHES BLA MA KHA CIG GSUNG LA, KHA CIG MI MNYAM PA MO DANG MNYAM PA PO ZHES ZER MOD, DE LTAR NA GA-YON RKYANG MA MO'I RTZA DANG GA-YAS RO MA PHO'I RTZA YIN PAR YANG KHAS BLANG DGOS PAR 'GYUR RO, ,MI MNYAM PA DANG MNYAM PA'I DUS SBYOR GYI DBYE BAS STONG PA DANG SA LA
SOGS PA ZHES PA RGYAS PA'I 'CHAD PA NI, GA-YON PA DAG LA ZHES SOGS SO, ,GSUM PA DE DAG LA 'CHAR BA'I DBYANGS RGYAS PAR BSHAD PA NI, 'DIR MNYAM PA'I DUS SBYOR ZHES PA NAS, LHAG PA'I LHA'O ZHES PA'I BAR RO, ,BZHI PA DBYANGS KYI DBYE BA DANG 'CHAR NUB KYI 'BRAS BU SOGS BSHAD PA NI, 'DIR GSAL BYED KYI SROG TU ZHUGS NAS BRJOD PAR 'DOD PA'I DBYANGS NI GSAL BYED KYI YI GE'I DBYANGS SU 'GYUR ZHING, DBYANGS RKYANG PA NI SROG GI DBYANGS SU 'GYUR RO, ,SROG GI DBYANGS DE YANG ZLA BA'I CHA TSES LA DBYANGS THUNG NGU DANG RING PO'I DBYE BA DANG YUD TZAM GYI DBYE BA RNAMS SNGAR BRJOD PA'I TSUL GYIS 'CHAR BAR SHES PAR BYA'O, ,GSAL BYED KYI YI GE 'CHAR BA NI, DUS SBYOR BCU GNYIS KYI DUS SBYOR RE RE LA CHU TSOD KYI TSOGS LNGA LNGA YOD PA'I DBYE BAS 'CHAR BAR SHES PAR BYA'O, ,DBYANGS GSAL 'CHAR BA 'DIR GA-YUL DU ZHUGS PA 'JUG MKHAN SKYES BU'I SROG GI DBYANGS NUB PAR GYUR NA DE NYID 'CHI BAR 'GYUR ZHING, DE'I TSE YI GE'I DBYANGS NUB PAR GYUR NA RMA 'BYUNG STE SROG GI DBYANGS NUB PA'I TSE NAD KYIS BTAB PA'I NAD PA RNAMS NI 'CHI BA DANG, YI GE'I DBYANGS NUB PA'I TSE NAD KYI BTAB PA NI YUN RING DU NYON MONGS PA STE SDUG BSNGAL BAR 'GYUR BA'O, ,DE BZHIN DU NAS, CIG SHOS MING GI THOG MAR GSAL BYED YOD PA NI YI GE'I DBYANGS SO, ,DE LTAR NA NANG LA NAS, PHYI ROL DU YANG DUS SBYOR GYI CHU TSOD CES PA NI, ZHAG GCIG LA 'CHAR BA'I DUS SBYOR DE DAG LAS DUS YOD PA'I DBYANGS NI DUS CAN TE, DE'I 'CHAR BA'I CHU TSOD
, ,NI PHYI ROL GYI BZA' GNAS DANG MNYAM PA'O, ,GZA'I GNAS NI PHYI'I DUS SBYOR GCIG LAS LA SOGS PA'I DKYIL 'KHOR LNGA YOD PA'I DKYIL 'KHOR TE DE DANG GRANGS MNYAM PA'I DBYANGS DANG BCAS PA'I GSAL BYED LHAG PA'I LHAR GYUR PA DANG BCAS PA DAG NI 'CHAR TSUL BSGRUB PA'AM RTOGS PAR BYA STE, DE LAS DGE BA DANG MI DGE BA'I 'BRAS BU YONGS SU SHES PA'I DON DU'O, ,GNYIS PA 'DRI BA'I DUS SU SNAL 'CHAR BA'I SGO NAS DGE MI DGE BRTAG PA NI, DA NI DRIS NA ZHES SOGS KYIS 'TSAMS SBYAR TE, PHO NYA BAS DRIS PAR GYUR NA ZHES PA NAS, NANG SNA BUG GA-YAS KYI RTZAR STONG PA NAM MKHA'I DKYIL 'KHOR LA RLUNG RGYU ZHING DE'I LHAG PA'I LHA DUS ME SHAR BAR GYUR PA NA GA-YUL GYI RGYAL 'PHAM SHES PA'I SLAD DU 'DRI BYED GANG ZHIG GIS, GA-YUL DU 'JUG PA PO'I GTZO BO RGYAL PO LTA BU DE'I MING NAS DANG POR 'BOD PA STE BRJOD PAR BYED NA RGYAL PO'AM SOGS TE, TSUL DE NYID KYIS LHAG MA DAG KYANG SHES SO, ,GA-YUL DU DGRA NI SOGS KYIS NI 'DRI BA POS THOG MAR DGRA'I MING BRJOD PA'I DUS KYI SGO NAS DGRA 'CHI BA SOGS SU STON PA'O, ,DE BZHIN DU YUL GZHAN DU BGROD PA DANG, BAG MA LEN PA DAG LA DE'I DON DU 'DRI NA, PHO NYAS DRIS PA'I TSE SNAG BUG GA-YON GYI LAM LA GNAS PA'I GZA' 'CHAR BA RNAMS KYI NI DGE BA MANG PO'I 'BRAS BUR 'GYUR TE, DE'I TSE DRI BA BYAS PAR GYUR NA'O ZHES PA STE, MJUG BSDU BA NI 'DRI BA'I SOGS SO, ,GSUM PA DRIS
PA'I DBYANGS KYI SGO NAS DGE MI DGE BRTAG PA NI, DA NI DRIS PA'I DBYANGS KYI GRANGS LAS DGE MI DGE BA BRTAG PA GSUNGS PA PHO NYAS ZHES PA LA SOGS PA STE, PHO NYAS BRJOD PA'I TSIG GI GSAL BYED RNAMS DOR TE, GSAL BYED RNAMS KYI SROG TU ZHUGS PA'I DBYANGS RNAMS PHYUNG BA DANG, SNGAR NAS DBYANGS RKYANG PAR YOD PA RNAMS BSDOMS PA'I GRANGS GANG DAG NGES PAR SOGS TE, DE DAG DKYIL 'KHOR BCU'I GRANGS KYIS BSGYUR, DE KHYIM BCU GNYIS KYI GRANGS KYIS BSGYUR, DE CHU TSOD LNGA'I GRANGS KYIS BSGYUR BA LA, LUNG STON PA PO MA GTOGS PA DRUNG NA NYE BA'I SKYE BO DU YOD PA'I GRANGS BSRE BA'O, ,DE YANG BOD LA YI GE'I GRANGS 'DREN PA NA TSEG PAR BGRANG ZHING, DE'I ZHES PA LTA BU BAR NA TSEG MED KYANG GNYIS SU BGRANGS BSRE BA LA 'GA' ZHIG 'DI BA PO PHO NYA'ANG MA THE BAR SMRA BA LTAR BYAS NA MA DAG GO ,BDUN GYI CHA'I SOGS NI, DE LA GZA' BDUN GYIS BGOS PA'I LHAG MAR GCIG LAS NA GZA' NYI MA SOGS TE, DE'I TSE DRIS PA'I DON DE GRUB PA YOD PA MIN PA SOGS SO, ,BZHI PA LO LA SOGS PA'I KHYAD PAR LAS DUS SBYOR GYI KHYAD PAR GYI SGO NAS DGE MI DGE BRTAG PA NI, DA NI ZHES PA NAS, LO LA SOGS PA DE DAG LA DGE BA DANG MI DGE BA'I 'BRAS BU SHES PA'I SLAD DU DUS SBYOR BCU GNYIS SU BGOS NAS DUS SBYOR DE DAG GI DBUS SU RANG RANG GI BDAG PO'I GZA' RAB TU ZHUGS SHING SHAR BA'I TSE NA DUS SBYOR
, ,GYI 'BRAS BU DGE MI DGER 'GYUR LA, DUS SBYOR DE NAS BDUN PA'I GNAS SU GZA' DE NUB CING DUS SBYOR DE'I 'BRAS BU RDZOGS PAR 'GYUR BA STE, LO LA SOGS PA 'DI DAG GI STOBS SU DUS SBYOR RGYU BA'I STOBS LAS STOBS CHE BA GZHAN PA MED DO, ,DE'I PHYIR DUS SBYOR GYI STOBS GTZO BOR GZUNG BAR BYA'O, ZHES PA'O, ,DUS SBYOR GCIG NI ZHES SOGS KYIS, ZHAG GCIG GI DUS SBYOR RE CHU TSOD LNGA LNGAR BYAS PA'I CHU TSOD RE DBUGS SUM BRGYA DRUG CU RE'I YUN TSAD SOGS SU STON PA STE, LO LA SOGS PA'I DUS KYI KHYAD PAR LAS DUS SBYOR GYI KHYAD PAR DBUGS KYI STOBS NGES PA'O, ,LNGA PA 'DRI BA'I DUS KYI DBUGS 'BYUNG 'JUG GI SGO NAS DGE MI DGE BRTAG PA NI, DA NI ZHES SOGS TE, RNAL 'BYOR LDAN PA ZHES PA RDO RJE BZLAS PA DANG PHRA MO'I RNAL 'BYOR ZHES ZER RO,,GA-YON DANG GA-YAS KYI RLUNG GI DKYIL 'KHOR GYI CHU TSOD KYI DOD, SNOD CHEN PO CHUS BKANG BA'I STENG DU TSAD NGES PA CAN GYI SNOD ZHABS LA BU GA CHUNG NGU CAN BZHAG PA'I BU GA NAS CHU ZHUGS PAS SNOD DE KHENGS PA NA CHU TSOD GCIG TU BYED PA SOGS KYIS PHYI ROL LA BSGRUBS NAS SO, ,DA LTAR BYUNG BA SOGS NI, SNGAR BSHAD PA'I DGE MI DGE BRTAG TSUL DA LTA BYAD MI SHES PA MA 'ONGS PA'I 'BRAS BU DGE MI DGE LUNG STON PA'I RTZIS PA NI RAB TU 'JUG CES PA STE RANG
GZHAN LA GNOD PA CHEN PO BYED PA'I DON TO, ,DGE BA DANG SOGS MJUG BSDU BA'O, ,DRUG PA DUS SBYOR GYI SBYOR BA'I SGO NAS DGE MI DGE BRTAG PA LA GNYIS LAS, DANG PO PHYI ROL TU 'CHAR BA DANG BDUN PA'I DUS SBYOR DANG NANG RLUNG GI SGO NAS DGE MI DGE BRTAG PA NI, DA NI ZHES SOGS LA, SNGA DRO DANG PO NYI MA KHYIM GANG NA YOD PA'I DUS SBYOR 'CHAR ZHING, DE NAS RIM PAS BRTZIS PA'I 'CHAR BA'I DUS SBYOR DANG 'CHAR BA LAS BDUN PA'I DUS SBYOR LA SOGS TE, SLAR YANG YANG NANG GI DUS SBYOR BRTZIS PA NI, GAL TE RANG GI GA-YON GYI RTZA LA 'CHAR BA'I DUS SBYOR LA GNAS PAR GYUR PA NA SKYE RIM YIN PAS NGES PAR BRTZAMS PA'I DON NI THAMS CAD 'GRUB CES PAS GA-YAS KYI DUS SBYOR LA GNAS PA'I TSE DE LAS BZLOG PAR SHUGS LAS SHES SHING, STE NI 'OG MA 'DREN PA'O, ,GNYIS PA GZA' SKAR TSES GRANGS DANG SBYOR BA'I DGE MI DGE BSTAN PA NI, DER MA ZAD GZHAN YANG MTHA' DAG SA'I STENG DU DAG PA'I GZA' DANG BSREG TSES SPANGS PA'I TSES LA DON THAMS CAD 'GRUB PA'O, ,DE DAG KYANG GANG ZHE NA, 'DIR ZHES SOGS TE GO SLA'O, ,BDUN PA SKAR MA'I STOBS KYI SGO NAS DGE MI DGE BRTAG PA NI, DA NI ZHES SOGS TE, THOG MAR 'GYUR RO'I BAR NI, RANG GI SKYES SKAR DANG POR BYAS NAS BGRANGS PA'I DGU TSAN GSUM DU BYA BA'I DON TO, ,DE NAS RANG GI SKYES SKAR NAS GCIG GIS BAR DU CHOD PA'I SKAR MA NI GSUM PA LNGA PA BDUN PA DGU PA NI MI MNYAM PA'I GNAS KYI SKAR MA STE, MI MNYAM PA'I
, ,GNAS DE LA GAL TE GDUG PA'I GZA' NYI MA DANG ZHES SOGS DANG, RANG GI SKYES SKAR NAS BGRANGS PA'I SKAR MA GNYIS PA BZHI PA DRUG PA BRGYAD PA NI MNYAM PA'I GNAS YIN LA, DE LA ZLA BA DANG SDIG PA'I GZA' DE DAG LHAN CIG TU YOD PA LA RGYAL BA'O SOGS SO, ,'DIR BI DHU TA TZAN+TRA'I MCHAN LAS, NAD PA'AM 'THAB MO PA'I SKAR MA LA GDUG PA'I GZA' DANG ZLA BA LHAN CIG TU GAL TE MI MNYAM PA'I GNAS GSUM PA RNAMS SU GYUR NA DE'I TSE 'CHI'O, ,MNYAM PA LA SKYE BA'I SKAR MA SHES PAR BYA STE, SKYE BA DANG, PHUN TSOGS DANG, ZAD PA DANG, SO SO BA DANG, 'DAB MA DANG, SGRUB PA DANG, NGES 'DZIN DANG, BYAMS PA DANG, MCHOG TU BYAMS PA ZHES BYA BA GCIG GIS BAR DU CHED PA LA BZANG NGO, ZHES 'BYUNG ZER RO, ,BRGYAD PA GDENGS CAN GYI 'KHOR LO'I SGO NAS DGE MI DGE BRTAG PA NI, DA NI ZHES SOGS TE, NYI SHU RTZA BDUN RNAMS KYIS 'KHOR LO RTZA GSUM PA LA 'KHYOG LNGA PA'I SBRUL GYI GZUGS BRIS LA, DE'I RTZA RE RE LA YANG SKAR MA RE RES SPRAS PAR GYUR BA RGYU SKAR NAM GRU NYID KYI BAR DU BKOD DE, DE NAS BSGRUB BYA'I SKYES SKAR RTZA GANG LA 'DUG BLTAS PAS, SKYES SKAR GNAS PA'I RTZA DE LA SDIG ZLA SOGS TE; DE DAG 'DZOM NA NAD PA'AM ZHES PA NAS, RTZA RGYUD GSUM PA 'KHYOG LNGA PA'I GDENGS CAN GYI 'KHOR LO'I NGES PA'O, ,DE'I 'BRAS BU GA-YUL RGYAL GYI RGYUD LAS, RTZA GSUM BRGYAN PA'I 'KHOR LO LA, ,GANG GNAS GZA' YI
'BRAS BU BRTAG ,NYI MA MIG DMAR SONG BA'I RTZA, ,SPEN PA R'A HU GANG GNAS PA, ,NAD MED NAD 'BYUNG NAD CAN 'CHI, ,BZHIS 'CHI GSUM GYIS NOR NYAMS 'GYUR, ,GNYIS KYIS GNYEN BRLAG GCIG GIS NI, ,NOR NYAMS GNYEN RNAMS LA NAD 'BYUNG,, BUD MED SDUG CING RANG DBANG MED, ,RANG GI SKAR MA GNAS PA LAS, ,BSOD NAMS YOD NA DGE LEGS BYED, ,GANG TSE STENG MA'I RTZA LA SONG, ,DE LA DPON GA-YOG DGE BAR DRAN, ,NAR RNYED THAMS CAD MTHUN PAR 'GYUR, ,MYUR DU THAMS CAD MKHYEN PAR 'GRO ,BAR MA'I RTZA LA SONG BA NA, ,GRONG DANG YUL KHYIM BDE BAR GSAL, ,RTZA NI GCIG LA SONG BA NA, ,BDAG NYID BDE ZHING SKYED PA YIN, ,CHUNG MA KHYO DANG LHAN CIG TU, ,RTZA GCIG PA LA SONG BA NA, ,MYUR DU KHYO NI 'CHI 'GYUR BAS, ,CHUNG MA RING DU SPANG BAR BYA, ,RANG GI RTZA BA BSOD NAMS YOD, ,SHES PA'I 'BRAS BU MDUN NA SDONG, ,CES BSHAD DO, ,RTZA GSUM 'KHYOG BZHI PA'I SBRUL LA, ,SMIN DRUG LA SOGS PA NAS BRTZAMS TE SKAR MA GSUM GSUM RTZA LA SONG ZHING RTZA LA MA SONG BA GCIG GIS BAR DU CHOD PA DANG, ,DE BZHIN DU RTZA GSUM 'KHYOG GSUM PA'I SBRUL LA LAG LA SOGS PA RTZA LA MA SONG BA'I RGYU SKAR GSUM GSUM GYIS BAR DU TSAD PA RNAMS LA SKYES ASKAR RTZA LA ZHUGS SHING; RTZA LA ZLA BA GNAS NA ZHES SOGS SO, ,DE YANG 'KHYOG LNGA PA LA THA SKAR NAS BRTZAMS PA'I SKAR MA GNYIS MGOR DOR BAS SMIN DRUG RTZA LA 'GRO ZHING, 'KHYOG BZHI PA LA SKAR MA MA GSUM MGOR DOR GCIG RTZA LA
, ,MA SONG BAR BYAS PAS LAG RTZAL 'GRO BA'I PHYIR SKAR MGO 'DZIN TSUL DANG BYED TSUL MI 'DRA YANG SKABS DON 'KHOR LO GSUM KA GNAD GCIG GO ,DGU PA TSE'I GNAS SKABS KYI SGO NAS DGE MI DGE BRTAG PA LA GNYIS, TSE'I GNAS SKABS PHRA RAGS BRGYAD BRGYAD DU DBYE BA DANG, GNAS SKABS DE DAG LA YI GE GANG 'CHAR TSUL BSHAD PA'O, ,DANG PO NI TSE'I GNAS SKABS KYI ZHES PA NAS, DE LTAR NA LO BRGYA RTZA BRGYAD LA LO DRUG LA SOGS PA'I GRANGS JI LTA BA BZHIN DU NYI MA LA SOGS PA GZA' BRGYAD PO RNAMS KYIS SPYOD DE DE LTAR RIM PAS SPYOD CES SO, ,'DIR GA-YUL RGYAL LAS, NYI ZLA MIG DMAR SGRA GCAN DANG, PHUR BU SPEN PA GZA' LHAG DANG, ,DU MJUG PA SANGS ZHES BYA BA, ,GZA' RNAMS DGU RU YONGS SU GRAGS, ,LUS CAN TSE'I GNAS SKABS LA, KUN TU DBANG BYED 'DI RNAMS YIN, YONGS SU RDZOGS DANG DBU MA DANG, 'BRING DANG THA MAR SHES PAR BYA, ZHES DANG, RGYU SKAR SMIN DRUG LA SOGS PA, ,LAN GSUM BSKOR BAS NYI SHU BDUN, ,RE MIG THAD DRANG RIM PA LNGA, ,SDE TSAN DGU DGUR GNAS PA LA, ,NYI MA NAS BRTZAMS PA SANGS MTHAR, ,DGU PO RE MIG RNAMS LA GRAG ,CES GZA' DGUR BYAS SHING, 'DIR GZA' BRGYAD DU BSHAD PAS 'DIR GA-YUL RGYAL BZHIN BYAS NA MI 'GRIG LA, 'OG GI NANG GI GNAS SKABS LA GZA' RNAMS 'GOD TSUL GYI RIGS PAS SKAR MA NYI SHU RTZA BDUN LA RKANG PA BRGYA RTZA BRGYAD, DE'I RKANG PA DANG PO DRUG NYI MA, DE NAS BCO LNGA ZLA BA SOGS LA SPYOD PA YIN NAM SNYAM, RES GZA' LA 'DOD PA NI NOR BA 'DRA'O ZHES CHOS RJE BU GSUNG NGO, ,SLAR YANG ZHES PA NAS, ZHES PHYI ROL PA'I RGYUD LAS GRAG GO ,DE LTAR YANG GA-YUL RGYAL LAS, NYI MA RGYAL PO RNYED PA 'BYUNG,
MKHRIS PA'I NAD RNAMS 'BYUNG BA DANG, ,GNYEN GROGS RNAMS DANG BRAL BA DANG, ,NOR ZAD PA DANG RNYED PA'ANG 'BYUNG, ,ZLA BA'I LO BCUR GNYID CHA ZHING, ,BUD MED RNAMS NI MNYAM PAR RNYED, ,GOS DANG RGYAN LA SOGS PA BRNYED, ,RANG PHYOGS DGRAR 'GYUR BU MO SKYE, ,MIG DMAR LO BDUN DGRA RNAMS 'BYUNG, ,GNYEN BSHES RNAMS DANG 'THAB RTZOD 'BYUNG, ,KHRAG DANG MKHRIS PA'I NAD 'BYUNG ZHING, ,GZHAN GYI BUD MED RNAMS DANG 'GROGS, ,LNGA MIN DBANG PO BCO BRGYAD LA, ,NOR ZAD LC
, ,MA YOD PA RGYAL, MED PA 'PHAM MNYAM PA 'DUM PA DANG, MING GI DBYANGS GSAL BYED SO SOR PHYE LA, KHA 'CHAM KHA YAR DU BGRANG PAS LHAG MA MNYAM PA STE ZUNG BYUNG NA 'PHAM PA DANG, MI MNYAM PA KHA YAR BAR GYUR PAS NI RGYAL LA, DBYANGS GSAL SO SOR MNYAM PA RNAMS KYIS 'DUM PAR 'GYUR RE ZHES PA LA SOGS PA BRJOD PAS KYANG 'BRAS MED STON PA NYID YIN TE, GANG GI PHYIR STON PA PO LA YANG MNGON PAR SHES PA LNGA MED PA'I PHYIR RO, ,DES NA SKAR RTZIS LA SOGS PA'I 'JIG RTEN PA'I THA SNYAD THAMS CAD KYIS ZHES SOGS SO, ,BDUN BA RTZA BA'I SGRA GCAN GYI STOBS NI, DA NI CES SOGS TE, RGYU SKAR GANG LA NYI MA YOD PA'I ZHES SOGS NI, SNGA DRO DANG PO'I DBANG DU BYAS NAS, NYI MA GNAS PA'I RGYU SKAR DE SHAR SKAR BDUN GYI DBUS SU BKOD NAS, SKAR MA GA-YON BSKOR GYIS DGOD, SGRA GCAN SKAR MA GANG GI STENG NA GNAS BLTAS LA, DE NAS BRTZAMS TE SGRA GCAN GA-YAS SKOR DU 'KHOR BAS DE DANG BSTUN PA'I DUS KYI TSOD SHES PAR BYA'O, ,'DIR BLTA BA'I CHA NI LTA BA LA GNAS PA'I RGYU SKAR BCU GNYIS RNAMS KYI ZHES SOGS KYI DON, RGYU SKAR NYI SHU RTZA BRGYAD LA SGRA GCAN GYI LUS KYIS NON PA'I RGYU SKAR BCU GNYIS, DE LA GDONG GI SKAR MA BZHI, MJUG MA'I SKAR MA BZHI, BAR NA LTO BA'I CHAR GYUR PA'I SKAR MA BZHI, LUS KYIS MNON PA BLTA BA'I CHA LA GNAS PA BCU GNYIS LA, GA-YAS NAS GDONG GI CHAR GYUR BA BZHI, GA-YON NAS MJUG MA'I CHAR GYUR PA BZHI, BAR NAS MAn+dAL GYI 'OD 'DU BZHIN BLTA BA'I CHA BZHI STE, DE DAG GI DKYIL DANG PO BLTA BA'I CHA'O, ,DE NAS SKAR MA BZHI NI 'TSAMS KYI SKAR MA BZHI'AM, KHA CIG GDONG DANG MJUG MAS MNON PA'I 'TSAMS SU SKAR MA GNYIS GNYIS ZER RO, ,GZHUNG LHAG MA NI BKLAGS PAS SHES SO, ,GSUM PA DE LTAR SHES NAS DGRA GNAS 'JOMS SHING RANG GNAS BSRUNG BA'I 'PHRUL 'KHOR GYI NGO BO NYID
KYIS GNAS PA LA GSUM, MDOR BSTAN, RGYAS PAR BSHAD, ZHU BA PO LA NGES PA SBYIN PA'O, ,DANG PO NI, DA NI, GNAS PA DGU PA GDUG PA'I DGRA'I RDZONG GZHOM PA'I DON DU RGYOGS LA SOGS PA'I 'PHRUL 'KHOR RNAMS GSUNGS PA, ZHES 'TSAMS SBYAR NAS, GDUG PA DA NI GZHOM PA BSGRUB PAR BYA ZHES PA NI LAS SU BYA BAR RIGS PA'AM 'OS PA'O, ZHES PA'I BAR TE, RIGS PA ZHES PA GTAN TSIGS MA YIN NO, ,GNYIS PA LA GSUM, DGRA'I RDZONG 'JOMS PA'I 'KHRUL 'KHOR, RANG GNAS BSRUNG PA'I 'PHRUL 'KHOR, DGRA LAS RGYAL NAS BDE BAR SPYOD PA'I 'PHRUL 'KHOR RO, ,DANG PO LA BDUN, THANG GI RDZONG 'JOMS PA RDO'I 'PHRUL 'KHOR, CHU'I RDZONG 'JOMS PA CHU GRU'I 'PHRUL 'KHOR, RDZONG 'JOMS PA ME'I 'BRU MAR GYI 'PHRUL 'KHOR, RAL GRI 'KHOR BA GRI GUG GI 'PHRUL 'KHOR, RDZONG GI RTZE MO 'BYED PA RLUNG GI 'PHRUL 'KHOR, MKHAR GYI RTZIG PA 'JIG PA RDO RJE GUR GYI 'PHRUL 'KHOR, GO CHA DANG BCAS PA'I GLANG PO CHE 'BIGS PA LCAGS MDE'I 'PHRUL 'KHOR RO, ,DANG PO NI, 'DIR THANG GI RVA BAS BSKOR BA'I RDZONG LA CES SOGS TE, DE DAG KYANG KA BA'I GNAS BRGYAD DU NAS, GNAS NAS PHUG PAS SO, ,MNYAM PA NI SHAR DANG NUB KYI MTHA' STE BUG BA GRANGS MNYAM PAS SO, ,MI MNYAM PA NI LHO DANG BYANG GI MTHA' STE BUG PA GRANGS MI MNYAM PAS SO, ,GNAS BRGYAD PO DE DAG TU GDANG NGU'I BUG PA PHUG PAR 'GYUR PA STE, BUG PA'I TSAD NI KA BA'I ZHENG GI GSUM GYI CHA STE SUM CHA'O, ,DE DAG NAS RGYAB KYI KA BA DAG LA SHAR DU BSTAN PA'I BUG PA BZHI BZHI DANG, LHO BYANG DU BSTAN PA'I RE RE STE BUG PA LNGA LNGA NYID DO, ,MDUN GYI KA BA GNYIS DAG LA NI BUG PA BRGYAD DO, ,'PHRUL 'KHOR GYI RGYA'I TSAD NI,
GONG *, ,KA BA BZHI PO'I RTZA BAR KHRU BCU GRU BZHI STE STENG DU KHRU LNGA GRU BZHI'O, ,RGYOGS MDA' NI NAS, RGYOGS MDA'I MGO BO MJUG MA'I 'PHRUL SHANG AO LOG BCU'I TSAD NI NAS, BA LANG GI MJUG MA'I RNAM PA JE PHRA JE PHRA SONG BA'O, ,DE'I SBOM GYI TSAD NI DBUS KYI SOGS SO; ;SBOM SU NGOS GNYIS KAR SER NYI SHU'O, ,GA-YAS GA-YON GYI RTZE MO'I NAS, DBUS KYI ZLUM PO 'DI'I DBUS SU ZHES SOGS SO, ,MDZUB MO LCE DANG BCAS PA BCUG STE, LCE DANG MDZUB MO'I GZER GNYIS KYIS NAS, GNYA' NON SOR BCU GNYIS PA'I SOR DRUG RGYOGS MDA' LA SBYAR NAS; SOR DRUG NI GNYA' NON GYI TSAD YIN LA, GNYA' NON DE'I BUG BAR RGYOGS MDA'I GNYA' NON GYI BAR DU RGYOGS LCE MDZUB MO DANG BCAS PA BCUG PAR 'GYUR RO, ,ZHES SOGS SO, ,RGYOGS KYI 'PHRUL 'KHOR DE'I NUS PA BRJOD PA GANG ZHIG SOGS 'GREL PAS GO SLAR BZHAG PA NI BKLAGS PAS SHES PA'I PHYIR BSHAD MI DGOS SO, ,GNYIS PA NI, DA NI CES PA NAS, CHU'I 'PHRUL 'KHOR GRU BO CHE'I DON DU GZHUNG SHING SPOM SU SOR DRUG PA KHRU BCU BZHI PA'O, ,GLANG PO CHE 'JUG PA'I 'PHRUL 'KHOR LA GZHUNG SHING SOR NYI SHU RTZA BZHI'O SOGS DANG, 'PHRENG LA GNAS PA'I KA BA DRUG DAG GI GDANG SHING DRUG PO GNYIS GNYIS NANG NGAM PAR NI KHRU DOR MNYAM PA LHAG CHAD MED PA SKYED DO, ,DE'I SNYING PO STE MI LA SOGS PA SDOD PA'I RE MIG RE RE NI KHRU BCU GNYIS SO, ,ZHES SOGS TE, RGYAB TU SKYE BA 'DZIN PA DRUG NI SNYING PO DRUG YOD PA'I DBANG DU BYAS PA'O, ,GSUM PA NI, DA NI RI'I RDZONG BSHIG PA'I DON DU ZHES SOGS SO, ,BZHI PA NI GRI GUG GI ZHES SOGS TE, 'GREL BAR MA GSUNGS LA, RTZA BA'I DON CUNG ZAD BSHAD NA, RAL GRI'I 'KHOR LO'I RTZA BAR SROG SHING GI SNA LA
LCAGS LAS BYAS PA'I GNAM GDAN RTZE GCIG PA NI 'OG GI KHUNG BUR GZHUG CING, GNAM GDAN GYI STENG DU YANG NI 'KHOR LO CHU THAGS KYI GSHOG PA'I 'KHOR LO LTA BU DAG BYAS LA, DE YANG NI SROG SHING GI ZLUM SKOR GYI SOR MO GNYIS GNYIS KYI BAR DU 'KHOR LO'I RTZI BSAR RO GZHUG PAR 'GYUR TE, RTZIBS KYANG SROG SHING GI ZLUM PO'I MTHA' MA MA LUS PA NI KHYAB PAR DGOD PAR BYA'O, ,'KHOR LO'I TSAD NI THAD KAR KHRU NI PHYED DANG GSUM PAR 'GYUR ZHING, GNAM GDAN GYI STENG DU 'KHOR LO LAS GZHAN YANG DER NI 'KHOR LO'I SROG SHING GNAS TE, SROG SHING GI STENG GI RTZE MOR 'OG GI 'KHOR LO'I RTZIBS 'JUG PA LTAR, RAL GRI RNON PO BCUG PA MYUR BAR 'KHOR BAS DGRA'I LUS MA LUS PAR GZHOM PAR BYED DE, DE SKOR BYED NI RAL GRI'I 'PHRUL 'KHOR GYIS NI RTZA BA'I 'OG GI 'KHOR LO CHU'AM RLUNG GIS 'KHOR BA'I DBANG GIS SO, ,LNGA PA NI DE BZHIN DU NAS, RNAM PAR BSHAD PA MED DO, ,ZHES GO LAR BZHAG PA'I RTZA TSIG GI DON MDO TZAM BSHAD NA, THEG PA YIS NI ME'I 'BU MAR 'PHEN PA LA RLUNG GI 'PHRUL 'KHOR BSHAD PA LTA BU'I RLUNG GI 'PHRUL 'KHOR MI RNAMS KYIS DRANGS PAS NAM MKHA' DAG LA 'GRO STE, RANG GI PHYOGS NAS DGRA'I RDZONG GI PHYOGS SU RIM PAS SO, ,'PHRUL 'KHOR DE RDZONG GI STENG DANG CES PA NAS, SA LA THAG PA'I TSAD KYANG RDZONG GI BAR GYI TSAD DE YIS ZHES DANG, RLUNG GI 'PHRUL 'KHOR GYI RTZE LA SKYES BU ME LDAN BKOD DE NAS SBYIN PAR BYA'I BAR RO, ,DRUG PA NI, DE BZHIN DU RDO RJE'I GUR LA YANG RNAM PAR BSHAD PA MED DO, ,ZHES GO LAR BZHAG PA MTSON PA TZAM BSHAD NA, SHING RTA'I 'KHOR LO LTA BU'I 'KHOR LO RNAMS KYI STENG GI CHA LA NAS, GUR GYI RNAM PA'I KHANG PA CHEN PO BKOD PA NI, BAR
'OG *, ,DU SPANG LEB DANG NI, PHYI NAS MA HE'I ZHES PA NAS, 'KHOR LO 'DREN PA'I MI RNAMS DAG GIS ZHES SOGS, 'JUG PAR 'GYUR GYI BAR RO, ,BDUN PA NI, DA NI ZHES SOGS LA, MCHUR TE ZHENG DU SOR DRUGS, RING THUNG LCAGS MDA'I TSAD KYI WA BYAS NAS, WA DE'I NAS, DBYUG PA DKYUS SOR DRUG PA GRU BZHI PA LEB MO'I DBYIBS CAN GYIS WA'I RTZE MOR BUG PA LA LCAGS KYI PHUR PA STE GZER RNAMS KYIS RGYAS BTAB PA'O, ,GA-YAS GA-YON GYI 'TSAMS GNYIS DANG NAS, SLAR 'PHRUL 'KHOR GYI STEGS BU DE'I ZHES DANG, SNGAR GYI LCAGS KYI DBYUG PA'I RTZE MO'I GA-YAS GA-YON GYI BUG PAR 'PHRUL SHING GI RTZE MO GNYIS PO GZHUG PAR BYA'O, ZHES BYAS NAS PHUR PA'I ZHES PA 'DIR GYI CO'I 'GYUR LA MED PA LTAR BYA'O ZHES 'CHAD PA LTAR BDE BA 'DRA'O, ,'PHRUL SHING GI DBUS SU BRE BA'I SO LTA BU'I SOR MO RNAMS ZHES SOGS TE, 'PHRUL 'KHOR 'DI DAG NI BYANG CHUB SEMS DPA' RGYAL PO'I TSUL BZUNG NAS RGYAL SRID KYI SKYE BO MA LUS PA THABS MKHAS PAS YANG DAG PA'I LAM LA 'JUG CING, PHAS RGOL LOG PA'I CHOS LA MNGON PAR GZHOL BA'I RGYAL PO LA SOGS PA 'JAM PO'I THABS KYIS DBANG DU MA GYUR PA DAG TSUL 'DI LTA BUS DBANG DU BYAS NAS YANG DAG PA'I LAM LA GZHUG PAR BYA BA DAG GI CHED DU GSUNGS KYI, DE LTA NI DGOS PA DE DAG GTAN LOG LA SONG ZHING DGAG BYA SHIN TU CHE BA'I PHYIR ZHIB PAR MA BSHAD DO, ,KHA CIG 'DI DAG RDZOGS RIM LA SBYAR BA'I BSHAD PA BYED MOD, DGONGS PA MA YIN ZHING, RGYUD GZHAN DU LAS TSOGS MANG DU GSUNGS PA RNAMS KYANG GRUB CHEN DANG TSAD LDAN GYI CHEN PO DAG GIS SGRA JI BZHIN PAR BSHAD NAS NGES DON GYI BSHAD PA MA MDZAD PA DANG 'DRA STE SGRA JI BZHIN PA LAS
DON GNYIS PA BSHAD DU MED DO, ,GNYIS PA RANG GI GNAS BSRUNG BA'I 'PHRUL 'KHOR LA GNYIS, RGYAL PO'I PHO BRANG BSRUNG BA SA 'OG GI RAL GRI'I 'PHRUL 'KHOR DANG, RGYAL RIGS 'THAB PA'I SHING RTA'I MTSAN NYID DO, ,DANG PO NI, DA NI ZHES SOGS TE, KA BA'I BUG PA LA GDANG BU LTA BU'I 'PHRUL SHING GZHUG PAR BYA'O, ,KA BA'I RTZE MO LA STENG DU ZHES DANG, RAL GRI'I 'CHANG ZUNG GI RTZE MO LA GNAS PA'I PHYAG RGYA'I 'PHRUL SHING GI RTZE MO'I CHA LA NAS, LUGS LDOG TU BSKOR BA'I THAG PAS MNAN PA'O, ZHES DANG, ZLA BA ZHES PA NI 'PHRUL SHING GI GSANG BA'I SKAD DO, ,DBUS ZHES PA NI SPANG LEB LA SPROS PAS BRJOD PA STE, ZHES SOGS SO, ,GNYIS PA NI, DA NI, ZHES SOGS TE, 'KHOR LO'I SROG SHING NI 'KHOR LO'I TSAD LAS GZHI 'GYUR MU KHYUD KYI CHAS CUNG ZAD LHAG PA DANG BCAS PA STE, DKYIL 'KHOR GYI CHA LA 'KHOR LO'I TSAD DE NYID NYIS LDAB KYI TSAD KYIS DBYIBS GRU BZHI DANG MTHA' GNYIS SU 'KHOR LO'I TSAD KYI ZLUM PO BYA'O, ,DE NAS SROG SHING GI STENG DU MI SDOD PA'I GDAN NAM GNAS KYI KHANG PA BYA STE, JI LTAR NA PHYOGS BRGYAD DANG DBUS SU TSAD SHING RTA'I 'KHOR LO'I TSAD DANG MNYAM PA LAS DGU'I CHA STE CHA DGU PA RE MIG DGU'I BDAG NYID DO, ,DE NYID NI ZHES SOGS SHAR NUB LHO BYANG GI LAG PA DRUG DRUG BSNOL BA'O, ,STENG GI CHA PHYED DAG SOGS NI, STENG GI KA BA RNAMS KYI RGYAR GNAS GNYIS YOD PA'I CHA GCIG GNAS KYI TSAD GCIG DOR NAS CHA PHYED LA SOGS SO, ,RAB TU GSAL BA'I LTAS LA CHA PHYED DANG, RNGA YANG LA SOGS PA'I MTSAN MA DAG 'GOD PA LA CHA PHYED DE 'DI DAG NI CHA GNYIS PO ZHES SOGS NAS, NGES PA'O ZHES PA'I BAR GYIS SHING RTA'I MTSAN NYID BSHAD NAS, DBYE BA
, ,'CHANG BA NI, 'DIR LHA RNAMS KYI NI ZHES SOGS SO, ,GSUM PA DGRA LAS RGYAL NAS BDE BAR SPYOD PA'I 'PHRUL 'KHOR LA GSUM, MI BDAG LTAD MO LA BSKYOD PA'I GZHAL YAS KHANG GI MTSAN NYID, DPYID KYI DGA' STON GYI DON DU KHYOGS KYI MTSAN NYID, LDUM RA BCU PA'I DON DU CHU'I 'PHRUL 'KHOR RO, ,DANG PO NI, DA NI LHA RNAMS KYI ZHES SOGS SO, ,GNYIS PA NI, DA NI DPYID KYI DGA' STON GYI SLAD DU ZHES SOGS TE, 'DIR SNGAR GYI GA-YUL DU PHYIR MI LDOG PA'I SHING RTA CHEN PO BZHIN DU SROG SHING BZHI DANG, 'KHOR LO BRGYAD DANG RTZA BA'I GNAS BYA'O ZHES SOGS SO, ,GSUM PA NI, DA NI SANGS RGYAS SOGS MCHOD PA'I SLAD DU ME TOG DANG, NAD PA LA SOGS LA PHAN GDAGS PA'I SLAD DU SMAN GYI LDUM RA LA SOGS PA BCU PA'I DON DU CHU 'DREN PA'I 'PHRUL 'KHOR GYI MTSAN NYID GSUNGS PA, STENG DANG 'OG DANG ZHES PA, RVA 'GYUR SOGS SU 'OG STE ZHES PA LEGS PAS, STENG STE GA-YON GYEN GYI PHYOGS DANG, 'OG STE GA-YAS THUR GYI PHYOGS SU 'PHRUL 'KHOR 'KHYOG PO SBUBS KYI RNAM PA SMYUG DONG LTA BU STE, RTZA BA'I 'PHRUL 'KHOR DU 'JUG PA'I SBUBS RING LA, ,DE'I RTZE MO'AM PHYED DAM, SUM GNYIS TZAM DU SBUBS GZHAN GYI RTZE MO BAR 'TSAMS MED PAR SBYAR BA GCIG LA GCIG MTHUD PAS CHU'I GNAS NAS GANG DU CHU 'DREN PA'I SAR SLEB PA'O, ,DE NAS SBUBS KYI RGYAB NGOS KYI PHYOGS KYI DBUS SU CHU 'JUG PA'I BUG PA DANG BCAS PA'I DBU MA ZHES PA, PHYOGS KUN NAS NANG KHRU BZHI PA SBUBS KYI RNAM PA DAG GIS NI RTZA BA'I 'PHRUL 'KHOR RO, ,DE'I RGYAB KYI BUG PAR BCUG PA'I SBUBS KYI RTZE MO LA BUM PA'I GZUGS LTA BU'I
SNOD KYI KHA'I MGRIN PA'I SBUBS KYI RTZE MO BCUG PAR GYUR BA'O, ,'OG TU BUM PA'I KHA LA YANG BUG PA NI SBUBS KYI BUG PA'I TSAD DO, ,RTZA BA'I 'PHRUL 'KHOR GYI RGYAB TU BUG PA NI SBUBS KYI RTZE MOR CHUD PA'I BUM PA'I MGRIN PA'I SBUBS KYI TSAD DU BYAS NAS, BUM PA YOD PA'I SBUBS LAS GZHAN PA'I SBUBS RTZA BA'I 'PHRUL 'KHOR GYI CHU'I NANG DU GZHUG PAR BYA'O, ,DE NAS RTZA BA'I SBUBS KYI RTZER SBUBS GZHAN SBYAR BA YIN NA BUM PA'I KHA'I BUG BA SBUBS KYI RTZE MO'I MDUN NAS BCUG STE RLUNG MI 'TSOR BAR RGYAS GDAB PA'AM, RTZA BA'I SBUBS KYI SUM GNYIS SOGS KYI BUG BAR SBUBS GZHAN SBYAR BA YIN NA BUM PAS MDUN NAS BKAG CHUR SON PA'I SBUBS KYI RTZE MO'I BUG PA 'BOL NGOS DGAG PAR BYA STE, DE NAS JI SRID RTZA BA'I 'PHRUL 'KHOR CHUS GANG BAR GYUR GYI BAR DU NAS, GZHUG PAR BYA'O DE NAS 'PHRUL 'KHOR PHYI MA LA, CHU'I NANG GI RTZA BA'I 'PHRUL 'KHOR GYI SBUBS KYI BUG BA 'BOL DOS BKAG PA'AM, SBUBS KYI RTZE MO'I BUM PA'I MGYIN PA'I BUG PA DANG, 'PHRUL 'KHOR SNGA MA LA RGYAB KYI SBUBS KYI BUM PA'I BUG PA CIG CAR PHYUNG BA NA, MTSO LAS BUM PA'I NANG GI RLUNG GI SHUGS KYIS CHU 'DREN PAR BYED DO, ,DVANG BA'I CHU DE NYID NAS NGES PA'O, ,GSUM PA ZHUG PA PO LA NGES PA SNYIN PA NI, DA NI 'JAM DPAL GYIS SOGS TE, 'DIR BSTAN PA LA GNOD PA BYED PA'I GDUG PA CAN RNAMS GZHOM PA BSGRUB PA'I DON DU ZHES PA NAS, NYI MA KYE ZHES PA STE, NYI MA'I SHING RTA LA ZHE SDANG CHAGS PA'I DBANG GIS BYA BA MA YIN PA'I NGES PA 'JAM DPAL GYIS GNANG BA JI LTA BA DE BZHIN DU, DUS KYI 'KHOR LO YONGS SU SHES PA DANG LDAN PA'I RJES 'JUG GI GDUL BYA GZHAN RNAMS KYI'ANG ZHE SDANG CHAGS
, ,PA'I DBANG GIS 'DI DAG BYA BA MA YIN NO ZHES BCOM LDAN 'DAS KYIS NGES PA SBYIN PA 'DI'O, ,'DI LTAR NGES PA SBYIN BDAG GO BAR BYAS TE, TSE 'DIR 'TSANG RGYA BA'I ZAB GNAS LA GANG YANG RUNG BA'I MING TZAM GYIS GZHAN NGOR THA SNYAD SGRUB PA TZAM ZHIG LAS, SNYING NAS PHYIN CI MA LOG PA SHES PAR 'DOD PA CUNG ZAD KYANG MA MCHIS PAR ZHE SDANG CHAGS PA'I DBANG DANG, LTO DGANG BA TZAM ZHIG GI CHED DU 'PHRUL 'KHOR 'DI DAG DANG DBYANGS 'CHAR BA LA SOGS PA LA NAN TAN SNYING POR BYED PA LTUR LEN PA 'JIG RTEN PHA ROL BTANG BA'I NGANG TSUL LAS SHES LDAN NGAG GIS BAG YOD PAR BYA'O, ,MDOR BSDUS KYI MTSAN BSTAN PA NI, MCHOG GI DANG PO'I SANGS RGYAS LA SOGS SO, ,LNGA PA 'KHOR LOS BSGYUR BA CHEN POS KLA KLO'I CHOS 'JOMS PA DANG SANGS RGYAS KYI CHOS 'JOG PA GO SLAR BSTAN PA NI, DE NI 'KHOR LO BSGYUR BA CHEN POS KLA KLO'I CHOS 'JOMS PA DANG SANGS RGYAS KYI CHOS RAB TU 'JOG PA NYID LA SOGS PA GO SLA STE, DES NA 'GREL BSHAD DU MA BRJOD DO, ZHES GSUNGS PA LAS 'DI DAG PHYOGS 'DI'I RJES 'JUG GI GDUL BYA RNAMS KYIS RTOGS DKA' BAR 'GYUR BAS DE'I PHYIR ZHIB TU DBYE BAR BYA'O, ,'DI LA DRUG, 'KHOR LO BSGYUR BA SA DUM BU BCU GNYIS SU 'KHOR BA'I NGO BO NYID KYIS GNAS PA, KLA KLO'I CHOS BCOM NAS SANGS RGYAS KYI CHOS RAB TU 'JOG PA'I NGO BO NYID KYIS GNAS PA, SEMS CAN MTHA' DAG LA 'JIG RTEN DANG 'JIG RTEN LAS 'DAS PA'I DNGOS GRUB KYI LAM SBYIN PA'I NGO BO NYID KYIS GNAS PA, 'JAM DPAL DANG 'JIG RTEN DBANG PHYUG MDUN DANG RGYAB TU STON PA PO'I NGO BO NYID KYIS GNAS PA, 'KHOR LO BSGYUR BA CHEN PO LA SOGS PA RIGS LDAN GYI MTHAR
THUG PAR MI RNAMS MCHOG GI TSE'I NGO BO NYID KYIS GNAS PA, 'JIG RTEN GYI KHAMS LAS BRTZAMS TE ZHUS PA'I DON BSHAD ZIN PAR BSTAN NAS LE'U PHYI MA'I DON ZHU BA'I SKABS DBYE BA'O, ,DANG PO LA LNGA, 'KHOR LO BSGYUR BA GANG DU 'KHOR BA DANG GANG NA BZHUGS PA'I GNAS BSTAN PA, 'KHOR LO BSGYUR BA GRANGS JI SNYED 'KHOR BA DANG DE'I BSTAN PA LA DUS BZHI'I DBYE BA BSHAD PA, CHOS RGYAL RNAMS KYI SKYE GNAS KYI KHYAD PAR DANG 'KHOR LO BSGYUR BA 'BYUNG BA'I DUS BSTAN PA, GZHOM BYA KLA KLO'I STON PA 'BYUNG TSUL DANG KLA KLO'I KUN SPYOD BSHAD PA, RTZA RGYUD STON PA POS ZLA BZANG LA NGES PA BYIN PA DANG RIGS LDAN LUNG BSTAN TSUL LO, ,DANG PO NI, NANG GI RGYA MTSO DRUG PA CHANG GI MTSO DANG BDUN PA PHYI'I RGYA MTSO LAN TSVA'I CHU GTER GNYIS KYI DBUS SU, THUB PA STE GLING BDUN PA SA'I DKYIL 'KHOR LA NI 'DZAM GLING CHEN PO LAS KYIS YANG DAG PAR GNAS PA DE NYID KYI PHYI'I MTHA' SKOR GYI TSAD DPAG TSAD 'BUM PHRAG GSUM LA NYI MA'I ZHES PA BCU GNYIS KYI DUM BU'I GLING RNAMS SU MI YI BDAG PO 'KHOR LO BSGYUR BA RIM PAS 'KHOR BAR 'GYUR RO, ,'DIR DKA' 'GREL PADMA CAN LAS BCOM LDAN 'DAS DUS KYI 'KHOR LO 'KHOR BAR 'GYUR RO ZHES ZER TE, 'DIR BCOM LDAN 'DAS DUS KYI 'KHOR LO NI SA BCU GNYIS MTHAR PHYIN PA'I RDZOGS PA'I SANGS RGYAS DANG, RIGS LDAN 'KHOR LO CAN NI SA BCU'I DBANG PHYUG GI BYANG CHUB SEMS DPA'I LUGS SU BYAS NAS 'CHANG BA'I SKABS YIN BAS SHIN TU MA 'BREL LA, MI'I BDAG PO ZHES PA'I TSIG 'DI NYID KYIS LUGS DE SUN PHYUNG BA'ANG YIN NO, ,GLING BCU GNYIS PO DE DAG GI NANG NAS DUM BU GCIG 'DZAM GLING CHUNG NGU 'DI LA PHYI MTHA'I SHAR NUB KYI RING TSAD DPAG TSAD STONG PHRAG NYI SHU LNGA STE, LHO BYANG GI
, ,THAD KAR YANG TSAD DE NYID DO, ` ,DA NI RE SHIG GZHAN DAG GIS BRJOD PA'I MI 'THAD PA'I PHYOGS DGAG PA DANG POR BRJOD PAR BYA STE, DE YANG BLA MA KHA CIG, NOR GYI 'DAB MA ZHES PA 'DI GLING BCU GNYIS PO RE RE LA YANG ZHES BCU GNYIS KA LA SBYAR NAS 'CHAD PA NI, DUM BU GCIG LA ZHES PA'I GCIG TSIG DANG 'GAL BA DANG, DE'I DBUS SU ZHES PA NI NOR GYI 'DAB MA ZHES PA LA NGES PAR SNYEG DGOS PAS, GLING BCU GNYIS PO THAMS CAD LA RANG RANG GI DBUS NA KEE LA SHA'I RI BO SHAMBHA LA DANG BCAS PA YOD PAR THAL BA'I NYES PAR 'GYUR BA GOR MA CHAG GO, 'DZAM GLING CHUNG NGU DE'I DBUS SU ZHES 'CHAD DO ZHE NA, KHYED LTAR NA DUM BU GCIG LA ZHES SOGS GLING BCU GNYIS PO RE RE LA YANG SPYIR STON PA'I TSIG YIN GYI 'DZAM GLING CHUNG NGU SGOS SU STON PA'I TSIG MED PAS, DE'I DBUS SU ZHES PA NI GONG NA SNYEG SA MED PA LA SNYEG PA'I TSIG TU 'GYUR BA'I PHYIR RGYUD SDUD PA PO MI MKHAS PA'I RGOL BAR 'GYUR RO, ,'DZAM GLING CHUNG NGU'I PHYOGS 'TSAMS KYI CHA BRGYAD 'DAB MA BRGYAD DU BYAS NAS, 'DAB MA BRGYAD PO DE YI DBUS SU KEE LA SHA STE ZHES 'CHAD PAS NA KEE LA SHA'I DUM BU 'DZAM BU GLING CHUNG NGU 'DI'I DBUS RANG NA YOD PAR KHAS BLANG DGOS PAR 'GYUR LA, DE LTAR NA GONG 'OG DU MA ZHIG DANG MI 'GRIG PA SHIN TU CHEN POR 'GYUR RO, ,JI LTAR ZHE NA, MDOR BSDUS DGU PA'I 'GREL CHEN LAS, 'DIR KEE LA SHA'I DUM BU LA GRIB MAS NGES PAR NI 'PHAGS PA'I YUL DU MA YIN TE, 'PHAGS PA'I YUL DU BYANG DU BGROD PA'I MTHA' DANG, LHOR BGROD PA NAS BYANG DU BGROD PA'I MTHAR GRIB MA'I NGES PA'I DBANG GIS BCU'I
CHAS 'GRIB CING 'PHEL LO, ,DE BZHIN DU BOD DANG LI DANG RGYA NAG LA SOGS PA'I YUL RNAMS SU DGU CHA DANG BRGYAD CHA DANG BDUN CHA DAG GIS SHAMBHA LA'I YUL LA THUG GI BAR DU GRIB MA'I DBANG GIS 'GRIB CING 'PHEL BAR RIG PAR BYA'O, ZHES GONG DU KEE LA SHA'I DUM BUR DRUG CHAS 'PHEL 'GRIB BYED PAR BSHAD PA'I MJUG TU 'DI LTAR BSHAD PAS 'PHAGS PA'I YUL DANG BOD DANG LI DANG RGYA NAG LA SOGS PA THAMS CAD KYI BYANG NA KEE LA SHA'I DUM BU YOD PA GSAL BAR BSHAD PA'I PHYIR, DE DAG THAMS CAD KYI BYANG NA YOD PA 'DZAM GLING CHUNG NGU'I DBUS SU 'GYUR BA'I GO SKABS GA LA YOD, DUS MTHAR KEE LA SHA'I RI BO LHA YIS BKOD PA'I GRONG NAS 'KHOR LOS BSGYUR BA 'BYUNG BAR 'GYUR, ZHES DANG, KEE LA SHA'I RI BO LHA YIS BKOD PA'I GRONG KHYER GANG DU 'KHOR LO CAN DAG GNAS PAR 'GRO; ZHES 'BYUNG BA DAG GIS RIGS LDAN 'KHOR LO CAN KLA KLO 'JOMS PA'I TSE DANG PO GANG NAS 'BYON PA'I GNAS DANG, BCOM ZIN NAS RANG GI GNAS SU 'BYON PA'I GNAS NI KEE LA SHA'I RI BO LA LHA YIS BKOD PA'I GRONG DE YIN PAR BSHAD PAS, KA L'A BA'I GRONG GI PHO BRANG KYANG 'DZAM GLING CHUNG NGU'I 'DI'I DBUS NA YOD PAR 'GRO ZHING, DE LTA NA SHAM+BHA LA YANG DE'I DBUS NA YOD PAR 'DOD DGOS PAR 'GYUR BA'I PHYIR, DE DAG CHU BO SHYI TA'I BYANG PHYOGS NA YOD PAR DNGOS SU LAN DU MA ZHIG BSHAD PA MTHA' DAG DANG 'GAL BA SU ZHIG GIS MI SHES, YANG KHA CIG 'DZAM GLING CHUNG NGU DE'I SHAR NUB KYI DBUS SU ZHES ZER ZHING PAD+MA CAN DU, GANGS RIS PHYOGS RNAMS KUN TU BSKOR BA'I DON SHAR PHYOGS NAS BRTZAMS TE NUB PHYOGS KYI BAR GANGS KYI RI YIS BSKOR BA'O ZHES ZER RO, ,DE YANG SHAR NUB KYI BAR
, ,ZHES PAS LHO BYANG GNYIS PO YANG 'PHANGS PAR BSAMS NA RUNG GI ,GZHAN DU NA PHYOGS RNAMS KUN ZHES PA'I TSIG DON LA MA ZHUGS SO, ,RKANG PA 'OG MA 'DI DAG GI DON LA, BLA MA KHA CIG ,KEE LA SHA GANGS RI DANG BCAS PA'I DUM BU DE NI DPAG TSAD STONG PHRAG NYI SHU RTZA LNGA'I KUN NAS SUM CHA STE, DE'I PHYI ROL DU NI 'DAB MA RE RE DAG KYANG NYIN BYED YUL LA SOGS PAS BRGYAN PAR 'CHAD DO, ,DE LTAR 'CHAD PA NI GRONG BYE BA PHRAG DGU BCU RTZA DRUG KYANG 'DZAM GLING CHUNG NGU 'DI LA PHYOGS 'TSAMS KYI CHA BRGYAD DU PHYE BA LA 'DAB MA BRGYAD DU BYAS PA'I 'DAB MA RNAMS LA GNAS PAR 'DOD PA'O, ,KEE LA SHA GANGS RI DANG BCAS PA'I TSAD 'DZAM GLING CHUNG NGU'I SUM CHA GCIG YIN NA GLING 'DI LA DUM BU DRUG TU BYAS PA'I DUM BU GZHAN LNGA PO GANG YANG RUNG BA GCIG DANG KEE LA SHA'I DUM BU TSAD LOG PO LAS CHE BA YOD PAR 'GYUR, GONG DU DRANGS MA THAG PA'I NYIN MTSAN GYI 'PHEL 'GRIB KYI CHA RE RE 'GRIB PA DANG 'PHEL BAR MTSUNGS PA DE LTA BU GSUNG BA CHES MI RIGS PAR 'GYUR LA, GRONG BYE BA PHRAG DGU BCU RTZA DRUG SHAM+BHA LA LA MED PAR GLING 'DI'I PHYOGS 'TSAMS KYI CHA BRGYAD 'DAB MA BRGYAD DU BYAS PA LA GNAS PA YIN NA, DPAL LDAN 'BRAS SPUNGS KYI MCHOD RTEN DU STON PA SH'AKYA THUB PAS RGYAL PO ZLA BA BZANG PO GRONG KHYER BYE BA PHRAG DGU BCU RTZA DRUG GI RGYAL PO DGU BCU RTZA DRUG DANG BCAS PA LA DBANG BSKUR ZHING RGYUD BSTAN PA'I RGYAL PO DGU BCU RTZA DRUG NI 'PHAGS YUL DANG RGYA NAG BOD DANG LI LA SOGS PA'I RGYAL PO DU MA LA BYA DGOS PAR 'GYUR ZHING, DE NAS RGYAL PO ZLA BA BZANG POS YUL DGU BCU RTZA DRUG GI
MI RNAMS LA RTZA RGYUD BSTAN PAR BSHAD PA YANG BOD DANG RGYA NAG LA SOGS PA'I MI LA YANG BSTAN PAR BYA DGOS PAS DE LAS YA MTSAN PA CI ZHIG SMRAR YOD, CHU BO SH'I TA'I BYANG GI YUL DGU BCU RTZA DRUG CES YANG YANG GSUNGS PAS KYANG DNGOS SU BKAG PA YIN NO, , YANG KHA CIG NA RE, LAS KYI SA LA GNAS PA'I KEE LA SHA'I DUM BU GANGS KYI RIS BSKOR BA DANG BCAS PA DE NI KUN NAS 'DAB MA GCIG GI SUM CHA MCHU ZHING DU DPAG TSAD STONG STE, STONG PHRAG NYER LNGA LA BRGYAD KYIS BGOS PAS SUM STONG SUM STONG 'THOB LA, LHAG MA STONG LUS PA NI KEE LA SHA GANGS RI DANG BCAS PA'I TSAD DO, 'OG NAS SHAM+BHA LA'I TSAD DPAG TSAD LNGA BRGYA DANG, 'DIR KEE LA SHA GANGS RI DANG BCAS PA'I PHYED NA SHAM+BHA LA YOD PAR GSUNGS SO ZHES ZER ZHING, 'DIS KYANG 'DAB MA BRGYAD NI 'DZAM GLING CHUNG NGU'I SA'I PHYOGS 'TSAMS KYI CHA BRGYAD LA 'DOD DO, ,KEE LA SHA DE'I PHYI ROL TU NI 'DAB MA BRGYAD PO RE RE DAG KYANG ZHES SOGS LA, RI RAB LA GA-YAS SU BSKOR BA'I DBANG DU BYAS PA'I 'DAB MA BRGYAD PO DE'I GA-YAS PHYOGS KYI PHYED, 'DAB BRGYAD KYI 'DAB MA GCIG GI BZHI CHA NA GNAS PA SHAM+BHA LAR GRAGS PA'I YUL THUB MCHOG GI GNAS GRONG KHYIM NI BYE BA PHRAG DGU BCU RTZA DRUG LHAG PAR GNAS PA'O, ZHES 'CHAD DO, ,DE'I SHES BYED NI, MDOR BSDUS GSUM PAR, CHU PO SH'I TA'I BYANG PHYOGS GRONG BYE BA PHRAG DGU BCU RTZA DRUG NA GNAS PA, ZHES PAS SHAM+BHA LA NA GRONG DE SNYED CIG YOD PAR BSTAN LA, MDOR BSDUS GSUM PAR, SHAM+BHA LA LA SOGS PA'I YUL CHEN PO DGU BCU RTZA DRUG TU, ZHES PA'I LA SOGS PA'I TSIG GIS SHAM+BHA LA MA YIN PA'I YUL CHEN PO DGU BCU RTZA DRUG KYANG BSTAN CING, YE SHES LE'UR, BOD DANG RGYA NAG
, ,RGYA NAG CHEN PO LA SOGS PA GRONG BYE BA BYE BA'I LHAG PA'I LHA DANG LDAN PA'I YUL DGU BCU RTZA DRUG RNAMS SU, ZHES PAS KYANG DON DE NYID BSHAD DE, DE 'DRA BA'I GRONG KHYER BYE BA DGU BCU RTZA DRUG NI BOD DANG RGYA NAG LA SOGS PA 'DAB MA BRGYAD KYI SA'I CHA LA GNAS PA'O, ZHES 'DOD DO, ,TSUL 'DI NI MI RIGS PAR SMRA BA STE 'DI LTAR, 'DZAM GLING CHUNG NGU 'DI'I SA'I KHYON GYI PHYOGS 'TSAMS CHA BRGYAD DU BGOS PA'I CHA RE RE'I TSAD DPAG TSAD STONG PHRAG GSUM GSUM DU 'GYUR TE, DE 'DRA'I CHA RE DANG 'DIR BSHAD PA'I 'DAB BRGYAD KYI 'DAB MA RE DON GCIG LA, 'DAB MA DE 'DRA RE'I TSAD DPAG TSAD STONG PHRAG GSUM GSUM YIN PA'I PHYIR RO, ,'DOD NA TSAD DE SHAR NUB KYI DKYUS TSAD YIN NAM LHO BYANG GI ZHENG TSAD YIN, DANG PO LTAR NA, 'DZAM GLING CHUNG NGU'I SHAR NUB KYI PHYI MTHA' LA DPAG TSAD STONG PHRAG DGU LAS MED PAR 'GYUR TE, GLING 'DI'I PHYI MTHA' SHAR NAS NUB KYI MTHA'I BAR LA, SHAR LHO LHO LHO NUB KYI CHA GSUM DU BGOS PA'I CHA RE'I SHAR NUB KYI TSAD LA DPAG TSAD STONG PHRAG GSUM GSUM LAS MED PA'I PHYIR RO, ,CI STE GNYIS PA LTAR 'DOD NA, GLING 'DI'I LHO BYANG GI MTHA' NAS MTHA'I BAR LA DPAG TSAD STONG PHRAG DGU LAS MED PAR 'GYUR TE, RIGS PA SNGA MA DANG MTSUNGS PA'I PHYIR RO, ,DES NA 'DI NI GLING 'DI'I LHO BYANG THAD KAR DPAG TSAD STONG PHRAG NYER LNGA YOD PA DE LA LHO BYANG DU DPAG TSAD STONG PHRAG GSUM GSUM YOD PA TSAN PA BRGYAD DANG LHAG MA DPAG TSAD STONG YOD PA GCIG 'BYUNG BA'I TSAN PA BRGYAD DANG, GLING 'DI'I SA'I KHYON PHYI'I PHYOGS 'TSAMS KYI CHA BRGYAD GNYIS BRGYAD KYI GRANGS MTSUNGS PA LA BRTEN NAS NOR BA'I 'KHRUL PA
CHEN PO STE, PHYOGS 'TSAMS KYI CHA BRGYAD PO RE RE'I PHYI MTHA'I TSAD JI TZAM RE 'THOB PA 'DI GLING 'DI'I PHYOGS BZHI KA'I MTHA' SKOR GYI TSAD DPAG TSAD STONG PHRAG BDUN CU RTZA LNGA DANG PHYED DANG BCU GSUM LA BRGYAD KYIS BGOS PAS THOB PA DE NYID DU 'GYUR PA YIN PA'I PHYIR RO, ,SHAMBHA LA'I TSAD DPAG TSAD LNGA BRGYAR 'DOD PA LA NI GNOD PA 'CHAD PAR 'GYUR RO, ,SHAMBHA LA KEE LA SHA GANGS RI DANG BCAS PA'I PHYED LA GNAS PA DANG, YANG SHAMBHA LA 'DAB MA BRGYAD KYI NANG NAS GA-YAS KYI 'DAB MA GCIG GI BZHI CHA NA GNAS PA DANG, YANG KEE LA SHA GANGS RI DANG BCAS PA 'DAB MA BRGYAD PO GANG LA YANG MA GTOGS PA'I DPAG TSAD STONG PHRAG GCIG GI SA LA GNAS PAR KHAS BLANG PA NI NANG 'GAL BA'I PHRENG BA SGRIG PA LA BRTZON PAR BYED PA'O, ,BLA MA KHA CIG YANG NA 'DZAM GLING CHUNG NGU DE'I GA-YAS KYI PHYED NA SHAMBHA LA STE, 'DAB MA BRGYAD DANG BCAS PA DBUS NA KEE LA SHA'I RI PHYI ROL NA GANGS RIS BSKOR BA, KEE LA SHA GANGS RI DANG BCAS PA LA GLING 'DI'I PHYED GA-YAS KYI SUM CHA YOD CING, DE LTE BA LTA BUR BYAS PA'I PHYI ROL TU 'DAB BRGYAD KYIS BSKOR BA'I 'DAB MA RE'I TSAD KYANG LTE BA DANG MNYAM PA, 'DAB MA BRGYAD PO RE RE LA YUL CHEN PO BCU GNYIS BCU GNYIS YOD PA DE'I THUB PA MCHOG GI GNAS PHO BRANG KA L'A PA NI GRONG BYE BA DANG LDAN PA STE, DE LTAR BSHAD NA SHAMBHA LA LA GRONG BYE BA PHRAG DGU BCU RTZA DRUG YOD PAR BSHAD PA DANG MTHUN PAR 'GYUR RO, ,DE LTAR 'CHAD PA'I TSE PHYOGS BZHI DAG NI RI YIS BSKOR ZHING MDA' YIS BSGYUR BA DPAG TSAD RNAMS KYI TSAD DU NI, ZHES DPAG TSAD LNGA BRGYAR BSHAD PA NI MTHA' SKOR GYI GANGS RI'I TSAD DO, ZHES 'CHAD LA,
, ,MKHAS PA GZHAN DAG KYANG 'DI LTAR BYA BAR BZHED DO, ,LUGS SNGA MA DAG LAS CUNG ZAD 'DI BZANG MOD KYI, DE LTA NA YANG GLING 'DI'I GA-YAS KYI PHYED CES PA GLING 'DI PHYED MAR BGOS PA'I PHYED GA-YAS MA'AM, GLING 'DI LA GA-YAS GA-YON GYI CHA GNYIS SU PHYE BA'I GA-YAS KYI CHA DE'I PHYED CES PA GANG LA BSAMS KYANG RUNG STE, GLING 'DI'I DUM BU DRUG LHO BYANG GI ZHENG TSAD MNYAM PAR BYA DGOS PA'I RGYU MTSAN GONG DU BRJOD ZIN PA LTAR YIN PAS, DE'I PHYIR KEE LA SHA'I DUM BU NAS 'PHAGS PA'I YUL GYI BAR DU NYIN MTSAN 'PHEL 'GRIB KYI CHU TSOD KYI KHYAD PAR BSHAD TSUL LA SOGS PA RNAMS DANG MI 'GRIG GO ,KHA CIG SHAMBHA LA PAD+MA 'DAB BRGYAD KYI RNAM PAR YOD PA'I LTE BA 'DAB MA DANG BCAS PA THAMS CAD BSDOMS PA'I TSAD DPAG TSAD LNGA BRGYAR SMRA STE, MDA' YIS BSGYUR BA'I DPAG TSAD RNAMS KYI TSAD DU NI, ZHES PA'I DON DU BSAMS PAR SNANG YANG, DE NI SHAMBHA LA SPYI'I TSAD STON PA MA YIN GYI, PHO BRANG KA L'A BA'I GNAS KYI TSAD STON PA'I GZHUNG YIN PAR, KA L'A PA PHYOGS BZHI DAG NI RI YIS BSKOR ZHING MDA' YIS BSGYUR BA BRGYA YI DPAG TSAD, CES DNGOS SU BSHAD LA, GZHAN SHES BYED MED DO, ` ,DA NI 'THAD PA'I PHYOGS BRJOD PA'I SGO NAS TSIG GI DON BSHAD PA LA 'JUG PAR BYA STE, DE YANG 'DZAM GLING CHUNG NGU 'DI LA LHO BYANG DU DPAG TSAD STONG PHRAG NYI SHU RTZA LNGA'I ZHENG TSAD YOD PA DE NYID ZHENG TSAD CHA MNYAM DRUG TU BGOS PA'I CHA RE RE NI 'PHAGS PA'I YUL DANG BOD DANG LI DANG RGYA NAG DANG RGYA NAG CHEN PO DANG, KEE LA SHA'I DUM BU STE DUM BU DRUG PO RE RE'I ZHENG TSAD DO, DRUG KA'ANG DKYUS TSAD NI, RANG RANG GI THAD KA'I GLING 'DI'I SHAR NUB KYI MTHAR
JI SRID BAR RO, ,DE LTAR NA DE 'DRA BA'I DUM BU RE'I ZHENG TSAD LA, DPAG TSAD STONG PHRAG BZHI BRGYA DANG DRUG CUS PHYED DANG BDUN, RGYANG GRAGS PHYED, GZHU 'DOM SUM BRGYA DANG SO GSUM, KHRU GANG SOR BRGYAD 'BYUNG BAS, KEE LA SHA'I DUM BU'I ZHENG TSAD NI DE TZAM MO; ;KEE LA SHA'I DUM BU DE NYID KYI BYANG NA LHUN PO GNAS PA RGYAB DANG, LHOR CHU BO SH'I TA 'BAB PA MDUN DU BYAS PA'I RGYAB MDUN LA LTOS NAS, DUM BU DE'I PHYED GA-YAS DANG, PHYED SHAR MA NI PHYED GA-YON PAR BYAS TE, DE'I PHYED GA-YAS NA SHAMBHA LA ZHES BYA BA'I YUL GNAS PA DE'I LHO BYANG GI ZHENG TSAD NI DUM BU DE'I ZHENG TSAD BRJOD MA THAG PA DE NYID DE, MTHA' LA RI DANG GANGS LA SOGS PAS KYANG BSKOR BA'I CHA DANG BCAS PA LA'O, ,DE NYID KYI ZHENG TSAD CHA MNYAM GSUM DU BYAS PA'I DBUS MA NI PAD+MA'I LTE BA DANG MTSUNGS PA'I LTE BA'I CHA YIN LA, DE'I LHO BYANG DANG SHAR NUB LA SOGS PA'I CHA RE RE NI PAD+MA'I 'DAB MA LTA BU RE RE'I ZHENG TSAD DE, DE LTAR NA SHAMBHA LA NI SA GZHI PAD+MA 'DAB MA BRGYAD PA LTA BU'I DBYIBS SU GNAS PA YIN LA, DE'I LTE BA NI KEE LA SHA'I RI BO ZLUM PO STENG THEL CHE ZHING SHIN TU YANGS PA'I STENG GI DBUS SU CHOS RGYAL RIGS LDAN DAG GI PHO BRANG K'A LA BA STE ZHENG DU DPAG TSAD BCU GNYIS PA'O, ,DE'I MDUN LHO'I PHYOGS KYI DBUS NAM LA YA'I SKYED MOS TSAL DPAG TSAD BCU GNYIS PA STE, DE NYID NA RGYAL PO ZLA BA BZANG POS BZHENGS PA'I DUS KYI 'KHOR LO'I GZHAL YAS KHANG DANG BCAS PA'O, ,SKYED MOS TSAL DE'I SHAR NA NYE BA'I YID KYI MTSO THAD KA'I RGYAR DPAG TSAD BCU GNYIS PA DANG, NUB NA PAD+MA DKAR PO'I MTSO TSANG DE DANG MNYAM PA'O, ,PHO BRANG DE'I 'KHOR DU GTOGS PA'I GRONG NI
, ,BYE BA PHRAG GCIG STE, DE DAG THAMS CAD GNAS PA'I KHYON YANGS PA DE'I MTHA' RI DANG NAGS TSAL GYIS BSKOR BA'I RI DAG GI RTZE MO LA GANGS KYI RI DANG BCAS PA'O, ,KEE LA SHA'I STENG MTHA'I PHYOGS THAMS CAD NAS RIS BSKOR BA'I NANG GI KHONG NA KA L'A PA'I PHO BRANG 'KHOR DANG BCAS PA'I SA'I KHYON GYI TSAD NI, KA L'A PA'I PHO BRANG DBUS SU BYAS PA NAS SHAR GYI RI'I RTZA BA LA THUG GI BAR DU DPAG TSAD LNGA BRGYA, DE BZHIN DU NUB KYI RI'I MTHAR THUG GI BAR LA'ANG LNGA BRGYA STE, DE LTAR PHO BRANG DE NAS PHYOGS BZHI KUN TU LNGA BRGYA RE'O, ,PAD+MA'I LTE BA'I TSAD KYI STENG NAS DE NYID PHRI BA'I LHAG NI PHYOGS GNYIS GNYIS BSDOMS PA'I MTHA' SKYOR GYI RI GANGS RI DANG BCAS PA'I RTZA BA'I ZHING TSAD DO, ,LTE BA DE'I PHYI ROL GYI SA GZHI 'DAB MA BRGYAD KYI RNAM PAR GNAS PA'I 'DAB MA RE RE LA GRONG BYE BA PHRAG BCU GNYIS BCU GNYIS DANG, DE 'DRA BA'I BYE BA RE RE LA YANG GRONG 'BUM PHRAG BRGYA BRGYA YOD PA'I 'BUM PHRAG RE LA NI RGYAL KHAMS ZHES BYA BA DANG, GLING GI YUL ZHES BYA BA DANG, YUL 'KHOR ZHES BYA LA, BYE BA PHRAG BCU GNYIS LA NI YUL CHEN PO BCU GNYIS ZHES BYA'O, ,GRONG BYE BA RE RE LA RGYAL PO RE RE STE DGU BCU RTZA DRUG DANG, DE DAG THAMS CAD KYIS KYANG DUS KYI 'KHOR LO STON PAR BYED DO, ,DE LTAR PHYOGS GCIG TU GSAL BAR BRJOD PA'I DON DE DAG RGYUD KYI DON DU JI LTAR GNAS PA NI TSIG DON BSHAD PA LAS SHES PAR 'GYUR TE, DE YANG 'DI LTAR, DUM BU GCIG PO 'DZAM GLING CHUNG NGU 'DI NI DE LTA BU LHAG MA GLING BCU GCIG PO DAG LAS KHYAD PAR DU BYA BA'I CHOS NOR GYI 'DAB MA STE 'DAB MA BRGYAD PA'I PAD+MA LTA BU'I DBYIBS
SU GNAS PA'I YUL DANG BCAS PA'O, ,YUL DE JI LTA BU ZHE NA, 'DAB MA BRGYAD PO DE'I DBUS SU LTE BA LTA BU'I RI BO KEE LA SHA STE DE'I STENG GI CHA LA MCHOG GI GANGS RI YIS NI KUN TU BSKOR BA'O, ,'DZAM GLING CHUNG NGU 'DI'I SA LA DUM BU DRUG TU BYAS PA'I KEE LA SHA'I DUM BU GANG NA GNAS PA PAD+MA 'DAB BRGYAD LTA BU DE'I LTE BA GANG KYI RI DANG BCAS PA DE NI MCHU ZHENG KUN NAS PAD+MA'I SUM CHA STE, LTE BA DE'I PHYI ROL TU NI 'DAB MA BRGYAD PO RE RE DAG KYANG NYIN BYED TE BCU GNYIS KYI YUL CHEN PO DAG DANG, YUL CHEN PO DE DAG RE RE'ANG GLING GI YUL DAG GIS BRGYAN PA'O, ,'DIR LTE BA SUM CTSAR DNGO SU BSTAN PAS 'DAB MA RE'ANG SUM CHAR DON GYIS BSTAN TE, PAD+MA SPYI 'GRO'I RIGS PAS SO, ,DE LTAR CHA GSUM DU GANG LA 'GOD PA'I GZHI NI SA LA KEE LA SHA'I DUM BU ZHES BAS BSTAN TO, ,LTE BA 'DAB MA DANG BCAS PA'I GNAS DE 'DRA BA KEE LA SHA'I DUM BU'I SA LA GNAS ZHES GONG DU SMRAS NA, DUM BU DE'I PHYOGS GANG NA GNAS, PAD+MA 'DAB BRGYAD KYI RNAM PA CAN GYI YUL DE'I MING NI CI ZHIG ,DE'I RGYAL PO DANG DE'I PHO BRANG GI GNAS KYANG JI LTA BU ZHE NA, YUL DE YANG KEE LA SHA'I DUM BU'I RGYAB NA LHUN PO GNAS PA DANG, LHO PHYOGS NA CHU BO SH'I TA 'BAB PA MDUN DU BYAS PA LA LTOS PA'I GA-YAS KYI PHYED TE, PHYED GA-YAS MA NA GNAS SHING, YUL DE'I MING NI SHAMBHA LA ZHES GRAGS LA, YUL DE'I RGYAL PO THUB PA MCHOG CHOS RGYAL DANG RIGS LDAN DAG GI GNAS KA LA' BA'I PHO BRANG 'KHOR NA GRONG NI BYE BA LHAG PAR GNAS PA STE, DE'I PHYI ROL 'DAB MA RE LA BRGYAN PAR BSHAD PA'I YUL CHEN PO DANG GLING GI YUL ZHES PA DE'I TSAD KYANG, BYE BA'I GRONG GIS NGES PAR BCINGS PA RE RE NI YUL CHEN PO RE RE DAG TU 'GYUR TE, GLING GI
, ,YUL LAM, RGYAL KHAMS ZHES PA'I TSAD KYANG GRONG NI 'BUM PHRAG RE RE RNAMS KYIS SO, ,'DIR MANG PO ZHIG 'DI SNYAM DU DOGS PAR BYED DO, ,SHAMBHA LA PAD+MA 'DAB BRGYAD KYI RNAM PAR BYAS PA'I 'DAB MA RE RE LA GRONG BYE BA PHRAG BCU GNYIS RE GNAS PA NI JI LTAR BYAS KYANG RNAM PAR 'JOG PA SHIN TU DKA' STE, RGYAL PO SO SO'I PHO BRANG LA SOGS PA LTA ZHOG GI ,GRONG SHIN TU ACHUNG NGU 'BA' ZHIG MI GRAL LA 'KHOD PA LTAR BAR 'TSAMS MED PAR BKOD KYANG SHONG BA'I GO SKABS GA LA YOD SNYAM NA, DE BAS NA 'DI LA JI LTAR BRJOD PAR BYA ZHE NA, BSHAD PAR BYA STE, 'DI LA NI SHAMBHA LA'I YUL GYI TSAD CHE CHUNG MI MTHUN PA'I 'DOD PA BSHAD MA THAG PA LTAR MANG DU YOD KYANG TSAD CHUNG MTHA' ZHIG GI 'DOD PA LTAR LA MTSON NA DOGS PA GCOD SLA BAS DE'I DBANG DU BYAS TE BRJOD PAR BYA'O, ,DE YANG SHAMBHA LA'I YUL SPYI TSAD DPAG TSAD LNGA BRGYA DANG, DE'I LHO BYANG GI TSAD DE'I SUM CHA RE 'DAB MA'I NANG MTHA' NAS PHYI MTHA' BAR GYI THAD KA'I TSAD DU BYAS PA NA, LTE BA'I THAD KA'I TSAD DPAG TSAD LTA BRGYA'I SUM CHA YIN ZHING, DE NYID MTHA' SKOR LA SUM 'GYUR DU 'GRO BA'I PHYIR LTE BA'I MTHA' SKOR LA DPAG TSAD LNGA BRGYAR 'GYUR LA, DE LA BRGYAD KYIS BGOS PAS DPAG TSAG DRUG CU PHYED DANG GSUM THOB PA NI 'DAB MA GCIG GI RTZA BA'I THAD KA'I ZHENG TSAD DO, ,BYANG GI 'DAB MA'I PHYI MTHA' NAS LHO'I 'DAB MA'I PHYI MTHA' MAR LA THAD KAR DPAG TSAD LA BRGYA YOD PA DE MTHA' SKOR LA SUM 'GYUR YIN PAS, 'DAB MA BRGYAD KYI PHYI'I MTHA' SKOR LA DPAG TSAD STONG PHRAG PHYED DANG GNYIS SO, ,DE NYID LA BRGYAD KYIS BGOS PAS DPAG TSAD BRGYA BRGYAD CU GYA PHYED
DANG BRGYAD THOB PA NI 'DAB MA RE RE'I KHYI'I MTHA' SKOR GYI TSAD DO, ,'DAB MA GCIG GI SA'I MTHIL GYI KHYON MA LUS PA'I TSAD RTOGS PA LA, 'DAB MA GCIG GI NANG MTHA'I TSAD DE DANG PHYI MTHA'I TSAD GNYIS CHE CHUNG MI MNYAM PA LA CUNG ZAD BRTZI DKA' BA BRTZI SLA BAR BYA BA'I CHED DU, PHYI MTHA'I TSAD KYI SUM CHA PHRI NAS, DE NYID NANG MTHA'I TSAD LA SBYIN ZHING BSRE BAR BYA STE, PHYI MTHA'I TSAD DANG NANG MTHA'I TSAD LA SUM CHA DANG SUM GNYIS KYI CHE CHUNG GI KHYAD PAR YOD PA'I PHYIR RO, ,DE LTAR BSRES PA NA PHYI NANG MTHA' GNYI GA'ANG DPAG TSAD BRGYA NYI SHU RTZA LNGA LNGAR TSAD MNYAM PAR 'GYUR RO, ,'DAB MA GCIG GI PHYI MTHA' NAS NANG MTHA'I BAR GYI DKYUS TSAD NI DPAG TSAD LNGA BRGYA'I SUM CHA YIN PAS, DPAG TSAD BRGYA DANG DRUG CU RE PHYED DANG BDUN, 'DOM STONG SUM BRGYA SUM CU SO GSUM KHRU GANG SOR BRGYAD DO, 'DAB MA GCIG GI ZHENG TSAD DANG DKYUS TSAD BSRES PA NI 'DAB MA GCIG GI SA'I KHYON RANGS PO'I TSAD DU 'GYUR BA'I GNAS MED DE, 'JIG RTEN GYI SLA CHOS NYID DU DPER BRJOD NA, BCU BDUN RIS LA, RE MIG BCU DRUG GI 'PHRENG CAN DRUG YOD PA'I RI MO LA, RE MIG BCU DRUG TSAR DU MNGAR BA'I 'PHRENG GCIG NI ZHENG TSAD YIN LA, YANG RE MIG BCU DRUG GI 'PHRENG GCIG DKYUS TSAD YIN NO, ,DE GNYIS BSRES PA RE MIG SUM CU SO GNYIS KYI GRANGS SU 'GYUR ZHING, SPYIR RI MO DE LA RE MIG NYIS BRGYA DANG LNGA BCU RTZA DRUG YOD PAS RI MO DE'I RINGS PO'I KHYON TSAD DU 'GYUR BA'I GNAS MED PA BYIS PAS KYANG SHES PA MA YIN NAM, DES NA 'DAB MA GCIG GI ZHENG TSAD DANG DKYUS TSAD BSRES PA LA GRONG BYE BA PHRAG BCU GNYIS KYI GRANGS KYIS 'GOD PAR BYED NA, GDOD BSGYUR 'GOD
, ,LA GZHI NAS NAN TAN DRAG PO'I DKA' THUB BRTEN PAR BYA BA'I RIGS SO, ,DES NA MGO MJUG GI CHE CHUNG BSHAD ZIN PA LTAR MNYAM PA'I GRANGS DE DKYUS TSAD KYI GRANGS DES BSGYUR BA NA SA'I KHYON JI TZAM YOD PA'I TSAD DU 'GYUR TE, DPER NA RE MIG BCU DRUG GI GRANGS KYIS BCU DRUG BSGYUR NA NYIS BRGYA LNGA BCU RTZA DRUG GI GRANGS SU 'GYUR BA BZHIN NO, ,DE LA GRONG RES PHYOGS RE LA DPAG TSAD DANG RGYANG GRAGS SU LONGS PA LUGS 'DI LA MI 'THOB PAS, BSGYUR BYA DANG SGYUR BYED GNYIS GA 'DEM GYI PHUNG POR BYAS NAS SHED MTSUNGS PAR BSGYUR BAR BYA'O, ,DE LA MGO MJUG CHA MNYAM PA'I DBANG DU BYAS PA'I NANG MTHA' 'AM PHYI MTHA' GANG YANG RUNG BA GCIG GI TSAD DPAG TSAD BRGYA NYI SHU RTZA LNGA BZHIS BSGYUR BAS RGYANG GRAGS KYI GRANGS SU 'GYUR RO, ,DE NYIS STONG GIS BSGYUR BAS 'DOM GRU BZHI BA ZHENG LA SGRIGS PA PHRENG GCIG GI GRANGS SU 'GYUR TE, DE LA 'DOM GRU BZHI PA'I GRANGS SA YA GCIG 'BYUNG NGO, ,DE BZHIN DU DKYUS TSAD KYI DPAG TSAD BRGYA DRUG CU RE DRUG BZHIS BSGYUR BA RGYANG GRAGS KYI GRANGS SO, ,'GYUR RO, ,DE NYIS STONG GIS BSGYUR BAS 'DOM GYI GRANGS SO, ,DE LA DPAG TSAD PHYED 'DOM DU GSIL BA'I 'DOM STONG PHRAG BZHI DANG, YANG 'DOM STONG SUM BRGYA SO GSUM YOD PA RNAMS BSDOMS PAS, 'DOM SA YA GCIG ,'BUM PHRAG GSUM, SUM KHRI, SUM STONG, SUM BRGYA, SUM CU SO GSUM 'BYUNG STEN 'DOM RE DKYUS LA SGRIGS PA'I 'PHRENG GCIG GI GRANGS SO, ,DKYUS KYI 'PHRENG GCIG GI 'DOM GRANGS DES ZHING GI 'PHRENG GCIG GI 'DOM GRANGS DE BSKYAR BAS, KHRAG KHRIG CHEN PO GCIG ,KHRAG KHRIR GSUM, THER 'BUM CHEN PO GSUM, THER 'BUM GSUM,
DUNG PHYUR GSUM, BYE BA GSUM, SA YA GSUM RNAMS 'BYUNG STE, DE NI 'DAB MA GCIG GI SA'I KHYON RANGS PO LA 'DOM GRU BZHI PA JI TZAM YOD PA'I GRANGS SO, ,DE NYID BCU GNYIS KYIS BGO BAR BYA STE, 'DAB MA RE LA GRONG BYE BA'I BDAG NYID KYI YUL CHEN PO BCU GNYIS YOD PA'I PHYIR RO, ,DE LTAR BGOS PA'I RNYED NOR LA, KHRAG KHRIG GCIG ,THER 'BUM CHEN PO GCIG ,THER 'BUM GCIG ,DUNG PHYUR GCIG ,BYE BA GCIG ,SA YA GCIG ,'BUM STONG, KHRI PHRAG BRGYAD, SUM STONG, SUM BRGYA, SUM CU SO GSUM BYUNG BA NI, YUL CHEN GCIG LA 'DOM GRU BZHI PA'I SA JI TZAM YOD PA'I GRANGS SO, ,DE LA LHAG BZHI LUS PA DOR BA'I RNYED NOR BSHAD MA THAG PA DE DAG BYE BA GCIG GIS BGO BAR BYA STE, YUL CHEN GCIG LA GRONG BYE BA GCIG YOD PA'I PHYIR RO, ,DE LTAR BGOS PA'I NOR LA, GRONG RE RE'I THOB SKAL GYI SA'I KHYON, PHYOGS RE LA 'DOM RE YOD PA GRU BZHI BA KHRI PHRAG GCIG STONG PHRAG GCIG BRGYA DANG BCU GCIG GI SA'I KHYON DU GYUR PA'O, ,SHAM+BHA LA'I TSAD SHIN TU CHUNG BA'I LUGS DE LA YANG DE TZAM RE 'THOB NA, KHO BO CAG SHAM-BHA LA'I THAD KA'I RGYA TSAD STONG PHRAG BZHI DANG, BRGYA DRUG CU PHYED DANG BDUN, RGYANG GRAGS PHYED, 'DOM SUM BRGYA SO GSUM KHRU GANG SOR BRGYAD YOD PA DANG, DE SUM 'GYUR 'DAB MA BRGYAD KYI MTHA' SKOR GYI TSAD DU SMRA BA'I LUGS LA NI LTA SMOS KYANG CI ZHIG DGOS, DE LTA NA YANG ZHIB PAR MI DPYOD PA DAG 'DI LTA BU'I RNAM GZHAG MA SHES PA LA BRTEN NAS KYANG DUS KYI 'KHOR LO'I RGYUD LA MA GUS PA DANG YID GNYIS ZA BA'I RGYU BYED PA DAG MTHONG NAS, DE DAG GI DON DU BYIS PA LA GTAM DU BYA BA LTAR GSAL BAR SMRAS SO, ,GNYIS PA 'KHOR LO BSGYUR BA GRANGS JI
, ,SNYED 'KHOR BA DANG DE'I BSTAN PA LA DUS BZHI'I DBYE BA BSHAD PA NI, RKANG PA DANG PO GNYIS LA PAD+MA CAN DANG, DE'I RJES SU 'BRANG BA DAG GIS, SA DUM BU BCU GNYIS DE DAG TU BCOM LDAN 'DAS KYIS CHOS KYI 'KHOR LO JI LTAR BSKOR TSUL NI, GNYIS MED YE SHES KYI RANG BZHIN GCIG DANG, THABS SHES KYI DBYE BAS RNAM PA GNYIS DANG, SKU GSUNG THUGS RDO RJE'I DBYE BAS RNAM PA GSUM DANG, YE SHES RDO RJE DANG LHAN CIG RDO RJE BZHI'I DBYE BAS CHU GTER DBYE BA STE BZHI DANG, MDA' NI PHUNG PO LNGA DAG PA'I LNGA DANG, RO STE YE SHES KYI PHUNG PO DANG LHAN CIG DRUG DANG, RO'I DONG LA MDA' MDA' ZHES 'BYUNG BA LTAR NA MDA' GNYIS PA'ANG PHUNG PO LNGA DAG PA'I RIGS LNGA'O, ,THUB PA SANGS RGYAS KYI RIGS LNGA DANG, 'JIG RTEN TE RIGS GSUM LA SOGS PA'I DBYE BA YIS PHYE BA MI DBANG 'KHOR LO CAN TE BCOM LDAN 'DAS DUS KYI 'KHOR LO NI SEMS CAN GYI DON DU SA GZHI DAG LA 'KHOR TE, PHYAG RGYA CHEN PO'I DNGOS GRUB KYI DON DU RNAM SHES LDAN PA MKHAS PAS BTZAL BAR BYA'O, ZHES ZER RO, ,PHUNG PO LNGA'I RNAM DAG LAN GNYIS SAM GSUM DU ZLOS PAR BSHAD PA'I PHYIR DANG, MI DBANG 'KHOR LO CAN TE BCOM LDAN 'DAS DUS KYI 'KHOR LO ZHES PA NI BYANG CHUB SEMS DPA' 'JAM DPAL TE SANGS RGYAS SH'AKYA THUB PA ZHES PA DANG KHYAD PAR MED PA'I PHYIR DANG, RIGS LDAN 'KHOR LO CAN NI SA BCU PA'I BYANG CHUB SEMS DPAR BYAS NAS 'CHAD PA'I SKABS YIN ZHING KHYED RANG GIS KYANG DE LTAR BSHAD PA'I PHYIR DANG, KLA KLO 'JOMS PA PO'I RGYAL PO LA SOGS PA THAMS CAD BCOM LDAN 'DAS DUS KYI 'KHOR LO NYID LA BSHAD DGOS PAR 'GYUR PA'I PHYIR, RGYUD DON LA ZHUGS PA'I BSHAD PA MA
YIN NO, ,KHA CIG NA RE, DUS GCIG TU RGYAL PO GCIG PA 'KHOR LO CAN, DE'I RJES SU TSANGS PA DANG LHA DBANG GNYIS DUS GCIG LA 'BYUNG BA DANG, DE'I RJES SU DE DAG GI SRAS RGYAL PO GSUM CIG CAR DANG, DE BZHIN DU BZHI DANG, LNGA DANG DRUG DANG BDUN DANG, LNGA DANG 'JIG RTEN TE BRGYA DANG, LA SOGS PA DGU CIG CAR 'BYUNG BA RNAMS TE, DE 'DRA'I DBYE BA YIS PHYE BA ZHES ZER RO, ,RIGS LDAN 'KHOR LO CAN GYI SRAS DANG TSA BO LA SOGS PA DE DAG RIGS LDAN 'KHOR LO CAN GYI DBYE BAR 'OD DON MED PAS, DBYE BA YIS, PHYE BA 'KHOR LO CAN NI ZHES PA'I TSIG DON LAM ZHUGS SO, ,YANG KHA CIG GLING 'DIR KLA KLO 'JOMS PA PO RIGS LDAN 'KHOR LO CAN GCIG PA STE DANG PO DANG, DE NAS DUM BU LHAG MA BCU GCIG TU KLA KLO 'JOMS PA LA RIM GYIS 'BYON PA'I 'KHOR LO CAN GNYIS PA DANG, GSUM BA DANG, BZHI PA DANG, LNGA PA DANG, DRUG PA DANG, BDUN PA DANG, LNGA DANG 'JIG RTEN TE BRGYAD PA DANG, LA SOGS PA DGU PA BCU PA BCU GCIG PA BCU GNYIS PA RNAMS KYI DBYE BA YIS PHYE BA MI DBANG 'KHOR LO CAN BCU GNYIS NI SA GZHI DAG LA 'KHOR TE ZHES 'CHAD CING, DE DAG KYANG LO STONG BRGYAD BRGYA RES BAR DU CHOD PA'I SKYE BA SNGA PHYI'I KHYAD PAR DU 'CHAD DO, ,DE LA GLING BCU GNYIS SU 'KHOR BA'I DBYE BAS RIGS LDAN 'KHOR LO CAN BCU GNYIS SU PHYE BA NI LEGS PAR SMRAS PA YIN LA, SKYE BA MI 'DRA BA BCU GNYIS LA 'DOD PA NI GONG DU BKAG ZIN TO, ` ,RANG GI LUGS NI 'DI YIN TE, NYI MA'I DUM BU RNAMS SU MI YI BDAG PO RIM PAS 'KHOR BAR 'GYUR, ZHES SMRAS PA DE LA, MI YI BDAG PO JI LTA BU 'KHOR BAR 'GYUR ZHE NA, GLING GCIG 'DZAM GLING CHUNG NGU 'DIR THOG MAR KLA KLO 'JOMS PA DANG,
, ,DE NAS GA-YAS SKOR GYIS RIM PA BZHIN GLING GNYIS PA DANG GSUM PA DANG, CHU GTER STE BZHI PA DANG, MDA' STE LNGA PA DANG, RO STE DRUG PA DANG, THUB PA STE BDUN PA DANG, LNGA DANG 'JIG RTEN TE BRGYAD PA DANG, LA SOGS PA GLING DGU PA, BCU PA, BCU GCIG PA, BCU GNYIS PA RNAMS SU KLA KLO 'JOMS PA'I DBYE BA'I GRANGS BCU GNYIS SU PHYE BA MI DBANG 'KHOR LO CAN NI SA GZHI DAG LA 'KHOR TE, DE JI LTAR 'KHOR BA'I TSUL DE NYID RNAM SHES TE SHES RAB LDAN PAS RGYUD 'DI DAG LAS BTZAL BAR BYA ZHING RTOGS PAR BYA'O, ,YANG NA, DE LTAR 'KHOR NAS KLA KLO 'JOMS PA'I NGES DON NANG LER 'CHAD PA LTAR RNAM SHES LDAN PAS BTZAL BAR BYA'O, ZHES BSHAD PAR BYA'O, ,RKANG PA PHYI MA GNYIS LA PAD+MA CAN DANG, DE'I RJES SU 'BRANG BA DAG NA RE, BCOM LDAN 'DAS DE NYID MU STEGS KYI BSAM PA DANG MTHUN PAR KHYAB 'JUG GI MING BZUNG NAS SEMS CAN GYI DON MDZAD PA NI, 'KHOR LO CAN DANG, PHYED CAN DANG, DUM BU CAN DANG, YUL GYI MI BDAG PHYAG RGYA'I LAG PA CAN DANG, DE LAS GZHAN YANG KHYAB 'JUG GI MING GIS SEMS CAN GYI DON MDZAD PA, PHYI ROL TU NI LO GCIG DANG BGROD PA GNYIS LA SOGS PA'I DUS KYI DBYE BA NGES PAR 'GYUR TE, JI LTAR 'JIG RTEN MGON PO SANGS RGYAS KYI YANG GCIG DANG GNYIS LA SOGS PA'I DBYE BAS SEMS CAN GYI DON MDZAD PA NI DE BZHIN NO; ZHES ZER RO, ,'DI YANG KHYAB 'JUG GI MING CAN DE DAG SANGS RGYAS BCOM LDAN 'DAS DUS KYI 'KHOR LO LA 'DOD PAR SNANG STE, MI 'THAD PAR SNGAR BRJOD PA NYID KYIS SHES SO, ,KHA CIG 'KHOR LO CAN DANG ZHES SOGS 'DI DAG GONG GI GCIG GNYIS
GS M DANG LA SOGS PA RNAMS DANG SBYAR NAS 'CHAD DE, GCIG GNYIS ZHES SOGS KYI GCIG PA NI 'KHOR LO CAN DANG, GNYIS PA NI PHYED CAN DANG, GSUM DUS CIG CAR 'BYUNG BA NAS, DGU CIG CAR 'BYUNG BA'I BAR GYI DUM BU CAN DANG YUL GYI MI BDAG PHYAG RGYA'I LAG CAN SPRUL PA'I SKU RNAMS NI DE LAS GZHAN MI DBANG THUB PA PHAL PA RNAMS KYANG PHYI ROL TU NI DUS BZANG NGAN GYI DBYE BA DANG 'TSAMS PAR NGES PAR 'BYUNG BAR 'GYUR TE, JI LTAR 'JIG RTEN MGON PO SANGS RGYAS KYI CHOS DUS BZANG NGAN DANG 'TSOM PAR 'BYUNG BA DE BZHIN NO ZHES ZER LA, YANG KHA CIG RIGS LDAN 'KHOR LO CAN DANG, DE'I RJES SU TSANGS PA LHA DBANG GNYIS CIG CAR 'BYUNG BA 'KHOR LO PHYED CAN DANG, DE NAS TSANGS PA SOGS KYI SRAS MANG PO CIG CAR 'BYUNG BAR 'GYUR BA RNAMS NI DUM BU CAN ZHES BYA STE, DE RNAMS KYI YUL GYI MI BDAG PHYAG RGYA'I LAG CAN SPRUL PA'I SKU RNAMS NI, DE LAS GZHAN MI DBANG THUB PA PHAL PA RNAMS KYANG 'BYUNG NGO ZHES 'CHAD DO, ,RvA PA LTAR NA GCIG GNYIS GSUM DANG MAR BCAD KYI DON 'DI LTAR 'CHAD DE, GCIG GNYIS GSUM DANG RGYA MTSO'I DBYE BAS DUS LDAN NYI MA RNAMS KYI 'JIG RTEN LNGA SOGS DBYE BA YIS, ZHES BTON NAS, CHOS KYI CHA GCIG DANG, GNYIS DANG, GSUM DANG, RGYA MTSO STE BZHI RDZOGS PA'I DBYE BAS RTZOD DUS, GNYIS LDAN, GSUM LDAN, RDZOGS LDAN TE DUS BZHI DANG LDAN PA'I NYI MA NUS PA'I NYI MA STE NUS PA'I NYIN ZHAG GCIG GI DUS RNAMS KYIS PHYI ROL 'JIG RTEN PA'I STON PA GOS DKAR CAN LA SOGS PA LNGA DANG, AA RDHA NO LA SOGS PA'I DBYE BA YIS 'BYUNG BA RNAMS GDUL BA'I PHYIR DU SANGS RGYAS PA'I YANG MI'I BDAG PO
, ,BSTAN PA RDZOGS PA'I BDAG BYED PAS 'KHOR LO CAN NI GANG LA GANG 'DUL GYI GZUGS KYIS SA STENGS SU NYI MA STE DUM BU BCU GNYIS THA DAD PA RNAMS SU BSKOR BAR BYED PA'I GDUL BYA 'DUL BA'I THABS LA MKHAS PA RNAMS 'BYUNG NGO, ,JI LTAR NA, BSTAN PA RDZOGS PA'I BDAG BYED PAS 'KHOR LO CAN GLING BZHI LA DBANG BA DANG, BSTAN PA BYED KYI BDAG BYED PAS BYED CAN GLING GNYIS DANG, BSTAN PA DUM BU'I BDAG BYED PAS DUM BU CAN GLING GCIG DANG GRONG BYA BAS BCINGS PA'I YUL GYI BDAG BYED PAS YUL GYI MI BDAG DANG, PHYAG RGYA THOGS NAS RGYAL KHAMS GRONG 'BUM GYI BDAG NYID LA DBANG BYED PAS PHYAG RGYA'I LAG DANG, DE LAS GZHAN MI PHAL PA'I TSUL BZUNG NAS BSTAN PA 'DZIN NO, ,DE YANG PHYI ROL TU NI DUS KYI DBYE BAS KLA KLO 'BYUNG BA LTAR DE DANG 'TSAM PAR 'DUL BYED RIGS LDAN YANG NGES PAR 'BYUNG BA YIN TE, 'JIG RTEN MGON PO SANGS RGYAS BYANG CHUB SEMS DPA' YIS NI PHYI ROL PA'I STON PA 'DUL BYED JI LTAR BSTAN PA DE BZHIN NO ZHES ZER RO, ,GZHAN DAG KYANG GZHAN DU 'CHAD MOD KYI, YI GE MANG BA TZAM SNYING POR ZAD PA'I PHYIR MA BRJOD DO, ,RANG GI LUGS NI, DE LTAR RIGS LDAN 'KHOR LO CAN GLING BCU GNYIS SU 'KHOR BAS GLING DE DANG DER SANGS RGYAS KYI CHOS BZHAG PA LA DUS BZHI'I RIM PA 'BYUNG BAR STON PA NI, DANG POR KLA KLO BCOM NAS CHOS 'JOG PA PO GLING BCU GNYIS PO THAMS CAD DU BYON NAS DE DAG LA DBANG BSGYUR BA'I 'KHOR LO CAN DANG, GLING 'DI'I PHYED PHYED LA DBANG BYED PA 'KHOR
LO CAN GYI SRAS PO TSANGS PA DANG LHA DBANG NI PHYED CAN DANG, TSANGS PA'I SRAS PO 'OD SRUNG MAN CHAD NI CHU BO SH'I TA'I LHO TSUN CHAD LA MI 'BYON PAR GLING 'DI LA DUM BU DRUG TU BGOS PA'I DUM BU GCIG SHAM+BHA LA'I YUL TZAM LA DBANG BYED PA'I DUM BU CAN DANG PO NI, SHAM+BHA LA'I YUL GYI MI BDAG 'OD SRUNG DANG, DE'I RJES SU 'BYUNG BA PHYAG RGYA'I GRANGS TE DRUG DANG, LAG PA STE GNYIS DANG BCAS PAS BRGYAD PO NI RIGS BCU'I DBANG PHYUG DE DAG LAS GZHAN PAS MA THOB PA 'BYUNG BA DE DAG GI DANG PO 'KHOR LO CAN NAS, DUM BU CAN DGU PA RDZOGS KYI BAR LA, SHAM+BHA LA'I PHYI ROL TU SA'I GZHI LA NI 'KHOR LO CAN GYI BSTAN PA RDZOGS LDAN LA SOGS PA BZHI'I DUS KYI DBYE BA RIM PA LTAR NGES PAR 'BYUNG BAR 'GYUR TE, JI LTAR 'JIG RTEN MGON PO SANGS RGYAS KYI BSTAN PA'I DUS BZHI RIM PA LTAR 'BYUNG BA DE BZHIN NO, ,GZHAN DAG GIS NI DUM BU CAN GYI DON GANG LA BYA BA'I GTOL MA BYUNG LA, PHYAG RGYA LAG PAS 'DZIN PA'I DON YANG JI LTA BU LA BYA BA SHIN TU DKA'O, ,GSUM PA CHOS RGYAL RNAMS KYI SKYE GNAS KYI KHYAD PAR DANG 'KHOR LO BSGYUR BA 'BYUNG BA'I DUS BSTAN PA NI, RKANG PA DANG PO GSUM GYI DON LA, PAD+MA CAN RJES 'BRANG DANG BCAS PA DAG NA RE, MU STEGS GDUL BA'I DON DU DE RNAMS KYI BSAM PA DANG MTHUN PAR SANGS RGYAS KYIS SPRAL PA BSTAN PA NI 'OD ZER DRANG SRONG BDUN DANG, RI GZA' STE GZA' BDUN DANG, THUB PA BDUN RNAMS 'DIR NI SNYING STOBS LDAN PA STE DGE BA'I BSAM PA 'BA' ZHIG GI RANG BZHIN CAN LHA'I RIGS KYI SKYE GNAS TE, KHYAB 'JUG GI 'JUG PA DANG MING MTSUNGS
, ,PA'I SANGS RGYAS KYI SPRUL PA BSTAN PA NYA LA SOGS PA BRGYAD NI DGE MI DGE 'DRES PA'I BSAM PA CAN YIN PAS RDUL GYIS SKYED PA 'BYUNG PO LHA MA YIN GYI RIGS KYI SKYE GNAS ZHES ZER RO, ,RDZOGS PA'I SANGS RGYAS KYI SPRUL PA MI DGE BA DANG 'DRES PA'I BSAM PA CAN CHES NGO MTSAR TE, HA CANG THAL BAR SMRA BA'O, ,DE BZHIN ZHES PA'I DON YANG MA SMRAS SO, ,KHA CIG 'OD ZER NI DRUG DANG, DE NAS BDUN DANG, RI STE BDUN DANG, GZA' STE BDUN DANG, THUB PA STE BDUN NO, ,DE RNAMS BSDOMS PAS 'KHOR LO CAN SO GNYIS LA PHYED CAN GNYIS BSNAN PA'I BZHI PO 'DI RNAMS DE BZHIN SNYING STOBS LDAN PA LHA'I SKYE GNAS TE, DUM BU CAN NYA'I MING CAN RNAMS DANG, RUS SBAL LA SOGS SDE TSAN BRGYAD NI LHA MIN KLA KLO'I RIGS LA 'JIGS PA STER BRDUL GYI RANG BZHIN GYIS 'BYUNG PO'I SKYE GNAS SO, ,ZHES ZER BA YANG, 'OD ZER ZHES PA DRUG LA ZER BAR BSGRUB MI NUS SHING, SO GNYIS PO THAMS CAD LA 'KHOR LOR CAN ZHES PA'I MING 'DOGS KYANG MI LEGS LA, DE BZHIN GYI DON YANG NOR BA'O, ,KHA CIG 'OD ZER NI BCU GNYIS KYI MING STE, GSANG 'DUS KYI BSHAD RGYUD RDO RJE PHRENG BA LAS, DE NI 'OD ZER BCU GNYIS CAD LA 'KHOR LOR CAN ZHES PA'I MING 'DOGS KYANG MI LEGS LA, DE BZHIN GYI DON YANG NOR BA'O, ,KHA CIG 'OD ZER NI BCU GNYIS KYI MING STE, GSANG 'DUS KYI BSHAD RGYUD RDO RJE PHRENG BA LAS, DE NI 'OD ZER BCU GNYIS TE; ;'OD 'PHEL 'OD ZER GZI BRJID MA, ,GSAL BA 'BAR BA 'OD 'BAR MA, ,MIG LA SOGS PA LA BRTEN NAS, ,PHYI ROL GZUGS SOGS 'DZIN PA'O, ,MUN SEL 'OD MA SNANG BA MO, ,GSAL MDZES GSAL 'OD NYI MA
GSAL, ,PHYI ROL GZUGS SOGS RNAM PA'O, ,ZHES GSUNGS PAS SO, ,ZHES ZER BA NI 'DUS PA'I SKOR GYI BRDA LA MA BYANG BA GSAL BAR STON PA STE, 'DUS PA RTZA BSHAD DE DAG GI LUGS LA 'OD ZER ZHES PA RLUNG GI MING YIN LA, SNYING KHA NAS MIG LA SOGS PA'I SGOR 'ONGS TE GZUNG 'DZIN GYI RNAM RTOG BSKYED PAR BYED PA'I RLUNG GI 'OD ZER BCU GNYIS YOD DE, DE GANG ZHE NA, 'OD 'PHEL 'OD ZER GZI BRJID MA, ZHES SOGS SU STON PA YIN PA'I PHYIR RO, , RvA BA LTAR NA, PHYI ROL PA'I STON PA M'A RI TZI DANG, AAm GI RA LA SOGS PA BDUN DANG, GZA' BDUN GYI SPRUL PA BDUN TE, DE LTAR THUB PA STE DRANG SRONG BCU BZHI NI LHA'I SKYE GNAS DANG, NYA LA SOGS PA'I MING CAN BRGYAD 'BYUNG SKYES TE; NYI SHU RTZA GNYIS PO DE RIM PAS BYUNG BA'I GDAN GYI MTHA' TSE LO BRGYA PA'I DUS SU LHA MIN DGRA BO PHYAG NA 'KHOR LO CAN 'BYUNG ZHES 'CHAD DE, SUM CU RTZA GNYIS GDAN GYI MTHAR NI ZHES PA NYI SHU RTZA GNYIS ZHES PAR 'DON NO, , DE LTAR 'CHAD TSUL MANG DU SNANG YANG DON NI 'DI YIN TE, DAM PA'I CHOS KYI 'OD ZER SPRO BA PO ZLA BZANG LA SOGS PA BDUN DANG, DE NAS 'JAM DPAL GRAGS PA LA SOGS PA'I RIGS LDAN RI STE BDUN DANG, GZA' STE BDUN DANG, THUB BA STE BDUN RNAMS DANG, BDUN TSAN GSUM PA'I RJES 'DIR NI DE BZHIN DU YANG BDUN TSAN GCIG STE, RIGS LDAN NYER GCIG PO DE'I RJES KYI DRAG PO 'KHOR LO CAN YAR BCAD BZHI DANG, TSANGS PA DANG LHA DBANG DANG 'OD SRUNG
, ,STE BDUN PO DE'O, ,DE LTAR SO LNGA PO DE NI SNYING STOBS KYI YON TAN LDAN PA 'JIG RTEN LAS 'DAS PA'I LHA'I SKYE GNAS TE, DE'I RJES SU RIM PAS BYUNG BA, SNGAR PHYAG RGYA'I LAG CES BSHAD PA'I DUM BU CAN BRGYAD PO NYA DANG, RUS SBAL DANG, PHAG PA DANG, MI'I SENG GE DANG BCAS MI'U THUNG DANG, YA MAD AGA+NI'I BU RA MA DGRA STA 'DZIN DANG RA MA DANG, NAG PO'I MING CAN RNAMS TE, DE LTAR BRGYAD NI LHA MIN KLA KLO'I RIGS LA 'JIGS PA STER BAR BYED PA RDUL GYI YON TAN GYIS 'BYUNG PO MI'I SKYE GNAS SO, ,DE DAG GI NANG NAS ZLA BZANG LA SOGS PA BDUN DANG, RIGS LDAN NYER LNGA STE SUM CU RTZA GNYIS KYI GDAN GYI MTHA' MA SO GNYIS PAR NI LHA MIN KLA KLO'I DGRA BO TSE LO BRGYA PA PHYAG NA 'KHOR LO CAN 'BYUNG BAR 'GYUR RO, ,RIGS LDAN NYER DRUG TU BYED PA SOGS BKAG ZIN NO, ,BZHI PA GZHOM BYA KLA KLO'I STON PA 'BYUNG TSUL DANG KLA KLO'I KUN SPYOD BSHAD PA NI, ,'O NA KLA KLO'I STON PA JI LTA BU DAG 'BYUNG ZHING, DE'I RJES SU 'JUG PA'I KLA KLO DE DAG GI GNAS DANG KUN SPYOD NI JI LTA BU ZHE NA, A'A TRA ZHES PA PHYED DAM GSHED PO DANG, AA NO GHA ZHES PA RLABS MIN NAM, NAD MED CES PA DANG, PHAG LDAN TE, GSUM PO LHA MIN GYI RIGS, LHAG MA LNGA LAG 'GRO'I RIGS ZHES GZHAN DAG SO SOR 'BYED PA MI LEGS TE, RGYUD 'DI DANG 'GREL PAR KLA KLO'I RIGS MTHA' DAG LA LHA MIN GYI RIGS ZHES
YANG YANG 'BYUNG BA DANG MI MTHUN PA'I PHYIR RO, ,DES NA LHA MIN LAG 'GRO'I RIGS ZHES GCIG TU BSDU BAR BYA STE, GSUM PO DER MA ZAD LHA MIN LAG 'GRO'I RIGS LA MUN PA'I SKYE GNAS CAN RIGS GSUM PO DE LAS GZHAN PA YANG LNGA 'BYUNG STE ZHES PA'I YANG SGRAS, GSUM PO YANG LHA MIN LAG 'GRO'I RIGS DANG MUN PA'I SKYE GNAS CAN DU BSTAN NO, ,DE DAG KYANG GANG ZHE NA, BYI BA DANG, DBANG PO DANG, GOS DKAR CAN DANG, SBRANG RTZI'I BLO GROS DANG, 'JOMS BYED NI BRGYAD PA STE, BRGYAD PO GANG YIN PA DE DAG MUN PA'I SKYE GNAS CAN NO, ,'JOMS BYED LA RvA 'GYUR DU 'KHRUG BYED CES 'BYUNG LA, MUN PA CAN NO ZHES PA 'DI LA, PAD+MA CAN DANG GA RONG LO TZA+TSAS, BRGYAD PA DE NI LONG BA YIN, ZHES 'DON NO, ,GSAL BAR TE NGES PAR MA KHA STE SOG PO'I YUL GYI B'A-GA D'A SOGS GRONG KHYER DU NI KLA KLO'I STON PA RNAMS KYI BDUN PA SBRANG RTZI'I BLO GROS YANG DAG SKYES PA STE, DES KLA KLO'I CHOS RAH+MA nA'I 'JUG PA DAR BAR BYED DO, ,PAD+MA CAN DU BDUN PA GOS DKAR CAN LA 'CHAD PA NI, RANG NYID KYIS GONG DE MA THAG TU DRUG PAR BGRANGS PA YID LA MA BZHAG CING, DRI MED 'OD DANG MI MTHUN PAR SMRA BA'O, ,B'A-GA D'A ZHES PA PAD+MA CAN LA SOGS PAR NGAG SBYIN ZHES 'BYUNG BA LTAR NA, B'A-GA D'A dI SKYE, RGYA GAR NUB PHYOGS NA YOD PA'I dI dI'AM, dI LI ZHES PA SOG PO'I YUL LO ZHES KHA CIG ZER RO, ,DE DAG GI YUL GANG DU 'JIG RTEN NA LHA
, ,MIN GYI YAN LAG STE 'KHOR BDUD KYI RIS STOBS DANG LDAN PA YOD PA DER KLA KLO DE DAG GNAS SHING, SEMS CAN LA BRTZE BA MED PA KLA KLO'I GZUGS SAM CHA LUGS CAN NO, ,GZUGS ZHES PA PAD+MA CAN DU RNAM PA DANG, KHA CIG RANG BZHIN LA 'CHAD DO, ,YUL DER GNAS PA'I MI RNAMS NI RNGA MO DANG RTA DANG BA LANG RANG GIS BSAD NAS KHRAG DANG BCAS PA'I SHA NI CUNG ZAD BCOS PA PHAL CHER MA TSOS PA 'BA' ZHIG DANG, BA GLANG GI SHA DANG, DNGUL CHU ZHES PA LA RvA 'GYUR DU MNGAL GYI CHU ZHES DANG, GA RONG LO TZA+TSAS BU BTZAS CHU ZHES 'DON PA LTAR NA SPRI RU MNGON TE DE DANG, CHU DANG MAR DANG TSA BA GSUM RNAMS MNYAM PAR 'BRAS DANG LO MA DANG BSRES PA NI GCIG TU ME LA BTZOS PA DANG, NAGS KYI 'BRAS BU SHING THOG DAG DANG BCAS PA NI KLA KLO'I YUL GANG DU GNAS PA'I MI RNAMS DAG GI ZAS YIN LA, BTUNG BA BYA RNAMS DAG GI SGO NGA BTZIR BA LA BTZOS PA'I KHU BAR 'GYUR RO MI'I BDAG PO ZHES ZLA BZANG LA BOS NAS, DE NI LHA MIN GYI RIGS KLA KLO RNAMS KYI GNAS SO, ,LNGA PA RTZA RGYUD STON PA POS ZLA BZANG LA NGES PA SBYIN PA DANG RIGS LDAN LUNG BSTAN TSUL NI, THIG LE NI THABS YAB DANG, NUS MA NI SHES RAB YUM STE, DE GNYIS DBYER MI PHYED PAR MNYAM PAR SBYAR BA ZHES PAS STON PA DANG PO'I SANGS RGYAS MDOR BSTAN NAS, DE NYID KYI THUGS GSUNG SKU'I
KHYAD PAR SO SOR PHYE NAS 'CHAD PA LA, THUGS KYI KHYAD PAR NI, DE KHO NA NYID MTHONG BA LA BSGRIB PA'I RAB RIB MA LUS PA SEL BAR BYED PA'I MIG SMAN NGAG DANG, NYON MONGS PA'I SBRUL GDUG PA ZA BAR BYED PA'I MKHA' LDING DANG, RIGS BZHI'I SGRIB PA'I DRI MA 'KHRUD PAR BYED PA'I LHA YI CHU BO DANG, 'JIG RTEN NA DRANG SRONG GI MCHOG TU GRAGS PA'I ME SBYIN DANG NI 'DRA BAR MCHOG TU ZHI BA DANG, DNGOS GRUB GNYIS KYI 'DOD PA'I DON MA LUS PA 'JO BA DANG, BDUD KYIS GZHIG PAR MI NUS PA'I RDZONG DANG, MA RIG PA'I MUN KHROD DU YE SHES KYI SNANG BA BYED PA'I GLOG DANG, ZHES PA RNAMS KYIS BYED LAS BSTAN NAS, BYED LAS DE LTA BU DANG LDAN PA'I RIG PA BZANG PO NANG RIG PA'I MCHOG TU GYUR BA NI 'GYUR MED MCHOG STO MCHOG TU MI 'GYUR BA'I BDE BA YIN LA, ZHES PAS MCHOG TU MI 'GYUR BA'I BDE BA BYED LAS DANG BCAS PA SPYIR BSHAD NAS, DE'I SKAD CIG MA NYIS KHRI CHIG STONG DRUG BRGYA RDZOGS PA'I CHA BCU DRUG PAR GYUR PA DANG, ZHES PAS STON PA DANG PO'I SANGS RGYAS KYI THUGS KHYAD PAR DU NGOS BZUNG BA'O, ,KUN SLONG GI RTOG PA'I GA-YO BA DANG 'BAD RTZOL MED PAR GDUL BYA RANG RANG GI SKAD DANG MTHUN PAR STON PA'I GSUNG RNAM PA THAMS CAD PA LHA YI SKAD DANG, ZHES PA STON PA DE'I GSUNG GI KHYAD PAR DANG, RDUL PHRA RAB BSAGS PA'I LUS MED PA NI RNAM PA THAMS CAD
, ,KYI MCHOG DANG LDAN PA'I STONG PA NYID KYI GZUGS TE, ZHES PAS SKU'I KHYAD PAR BSTAN NO, ,GZHAN DAG NI MIG SMAN GYI MCHOG DANG, BYA'I MCHOG MKHA' LDING DANG, CHU'I MCHOG LHA'I CHU BO DANG, ZHES SOGS DANG, 'GYUR MED MCHOG GI CHA BDE BA DANG, ZHES DANG, CHU ZLA LTA BUR SPRUL PA'I SKU LUS MED CES DANG, KHA CIG ,LUS MED LUS TE LUS KYI MCHOG ,CES SOGS SU 'CHAD DO, ,DE LTA BU'I SKU GSUNG THUGS KYI KHYAD PAR DANG LDAN PA'I RGYAL BA YI NI LONGS SPYOD RDZOGS PA'I YE SHES KYI SKU LAS MA GA-YOS BZHIN DU, 'JIG RTEN DU GDUL BYA'I DON DU YANG DAG PAR RGYU BA'I SH'A-KYA THUB PA LA SOGS PA'I GZUGS 'DI RNAMS KYIS LAS KYI SA LA CHOS STON PA'I SLAD DU 'JUG PAR 'GYUR RO, ,RKANG PA PHYI MA 'DI 'CHAD PA NA GZHAN DAG GIS, MU STEGS KYI RIGS CAN GDUL BA'I DON DU STON PAS MU STEGS KYI CHOS RIG BYED BSTAN PAR SMRA DGOS PA BYUNG ZHING, GDUL BYA 'JIG RTEN GYI BLO RNO BA RNAMS LA RTOG GE DANG SNYAN DNGAS GIG SDEB SBYOR LA SOGS PA'I BSTAN BCOS MTHA' DAG BSTAN CES RTOG GE DANG NANG RIG PA'I BSTAN BCOS TSA GRANG LTAR BZUNG NAS RIGS PA LA MCHOG TU SDANG BA'I GTAM DE NYID 'DIR YANG 'ONGS SO, ,STON PAS MU STEGS KYI CHOS BSTAN PAR 'CHAD DGOS PA NI GZHUNG GI TSIG 'DON MA SHES PA STE, DES NA 'DI
LTAR; BYUNG BAR GYUR BA 'DAS PA DANG, BYUNG BA DA LTAR BA DANG, 'BYUNG 'GYUR MA 'ONGS PA STE, MDOR NA DGE BA DANG MI DGE BA'I LAS 'DI DANG 'DIS 'DAS PA'I DUS NA 'DIR GYUR TO, ,DA LTAR NI 'DIR GYUR TO, ,MA 'ONGS PA NA 'DIR 'GYUR RO ZHES SOGS SNGON DANG PHYI MA'I MTHA' MA LUS PA GDUL BYA RNAMS LA RIG PAR BYED PA'I SGO NAS DE DAG MNGON MTHO'I LAM LA 'DZUD PA DANG, DE'I 'OG TU GDUL BYA DE DAG LA LKOG TU GYUR PA'I DON CHOS RNAMS KYI DE KHO NA NYID RTOG GE STE GTAN TSIGS YANG DAG GIS RIG PAR BYED PA DANG, LA SOGS PA PHAR PHYIN THEG PA NAS RDO RJE THEG PA MTHAR THUG PA'I BAR GYI, 'CHOS SKYAB KYI YON TAN GNYIS DANG LDAN PA'I BSTAN BCOS TE GSUNG RAB MTHA' DAG RANG RANG GI SKAL BA DANG 'TSAM PAR RAB TU SMRA ZHING STON PAR BYED DO ZHES MKHAS PA DAG GI RNA BA LA 'OS PA'I GTAM GYIS BSNYAD PAR BYA'O, ,DE LTA BU'I STON PA SH'A-KYA THUB PA DES ZLA BA BZANG PO 'KHOR DANG BCAS PA LA DPAL LDAN 'BRAS SPUNGS KYI MCHOD RTEN CHEN POR RTZA RGYUD BSTAN NAS NGES PA BYIN PA NI, DPAL LDAN RGYAL PO ZHES BOS NAS, NYI MA 'GA' ZHIG DAG GIS TE LO GCIG GI BAR DU RTZA RGYUD STON PA DANG GZHAL YAS KHANG BZHENGS PA LA SOGS PA'I BYA BA DAG NI RDZOGS PAR BYAS NAS, DE'I MJUG TU SHAM+BHA LA ZHES RAB TU GRAGS PA'I YUL GYI DBUS KYI PHO BRANG KA L'A PA ZHES BYA BA, DE'I PHYOGS BZHI KA DAG NI RI YIS BSKOR ZHING, PHO BRANG DE NAS RI'I RTZA BA
, ,BAR GYI PHYOGS BZHI DAG NI RE RER YANG MNGA' YIS BSGYUR BA BRGYA'I DPAG TSAD LNGA BRGYA'I TSAD DANG LDAN PA DE NYID DU NI ZLA BZANG RANG GI SRAS PO SA SNYING SPRUL PA LHA'I DBANG PO NYID RAB MCHOG MI'I BDAG POR BZHAG PAR BYAS NAS, SPRUL PA'I SKU ZLA BZANG KHYOD NI DANG PO SPRUL PA GANG NAS 'ONGS BA'I RANG GI GNAS SU 'GRO BAR GYIS SHIG ,RANG GI GNAS ZHES PA KHA CIG LONGS SKU'I GNAS DANG, KHA CIG LCANG LO CAN LA 'CHAD DO, ,DE LTAR NGES PA BYIN NAS SPRUL PA'I RGYAL PO DANG RIGS LDAN 'BYUNG TSUL LUNG BSTAN PA NI, DPAL LDAN SH'A-KYA'I RIGS RGYAL PO NYI MA'I 'OD KYI BRGYUD LA RAB TU GSAL BAR MI'I BDAG PO ZLA BZANG NAS LHA'I DBANG LDAN GYI BAR BDUN TE, BRGYAD PA DPAL LDAN GRAGS PA YANG SH'A-KYA'I RIGS SO, ,GRAGS PA 'DI NI DPAL LDAN 'JAM PA'I RDO RJE YI SPRUL PA'I SKU LHA'I MCHOG GIS BTUD PA DE NYID RIGS BZHI PO RDO RJE'I RIGS SU MDZAD PA NYID KYIS RIGS LDAN DU 'GYUR TE, DE YANG 'DI LTAR RDO RJE'I DBANG BSKUR BYIN NAS, MTHA' DAG THUB PA'I RIGS TSANGS PA'I DRANG SRONG BYE BA PHRAG PHYED DANG BZHI LA SOGS PA RIGS BZHI PO RNAMS DAG NI RDO RJE'I RIGS GCIG DAG TU BYED PAR 'GYUR RO, ,RIGS LDAN DE NI YANG DAG RDO RJE THEG PAR MNGON PAR 'DZEGS SHING SA BCU THOB PA LHA MIN KLA KLO'I RIGS LA 'JIGS PA STER BAR BYED PA'I DPAL LDAN GRAGS PA
PHYAG NA MDUNG THUNG CAN DES, SEMS CAN RNAMS KYI THAR PA MCHOG GI DNGOS GRUB KYI SLAD DU SA LA DUS KYI 'KHOR LO BSDUS PA'I RGYUD BSDUS NAS RAB TU GSAL BAR BYED PAR 'GYUR RO, ,RIGS LDAN GRAGS PA NAS MGO BRTZAMS TE RIGS LDAN DE YI DBUS SU GDAN NI NYI SHU RTZA LNGA RIM PAR YONGS SU BGRANGS PA DAG GI DUS KYI MTHAR NYI SHU RTZA LNGA PA NI RIGS LDAN RIGS LA LHA YI DBANG PO TSANGS PA DANG BRGYA BYIN LA SOGS PA LHA'I MCHOG DAG GIS BTUD PA, 'JAM DPAL GYI SPRUL PA DRAG PO'I RIGS LDAN 'BYUNG BAR 'GYUR RO, ,MTSAN LHA YI DBANG PO ZHES BYA BA ZER BA NI NOR BA STE, DE'I SRAS KYI MTSAN YIN GYI, DE LA MTSAN DE LTAR SMOS PA GZHAN GANG DU YANG MI 'BYUNG BA'I PHYIR RO, ,DRAG PO 'KHOR LO CAN DE NI DAM PA RNAMS LA ZHI BA'I GZUGS KYIS CHOS STON TE BDE BA CHEN PO STER ZHES PA DE BZHIN DU DAM PA MIN PA KLA KLO'I RIGS LA 'JOMS PAR BYED PA'I MTHAR BYED NYID DO, ,TSUL JI LTA BUS 'JOMS NA, RDO'I RTA CHIBS PA'I RIGS LDAN 'KHOR LO CAN NI PHYAG NA MDUNG THUNG BSNAMS TE MTHA' DAG DGRA BO KLA KLO DAG LA BSNUN PAR BYED CING, SKU NI NYI MA'I GZI BRJID CAN NO, ,GNYIS PA KLA KLO'I CHOS BCOM NAS SANGS RGYAS KYI CHOS RAB TU 'JOG PA'I NGO BO NYID KYIS GNAS PA LA LNGA, KLA KLO 'JUG PA'I DUS DANG 'JOMS PA'I DUS BSTAN PA, 'KHOR LO BSGYUR BA DPUNG DANG BCAS TE GA-YUL GYI SLAD DU GNAS GANG NAS 'BYUNG BA MDOR
, ,BSTAN PA, DPUNG TSOGS JI LTA BU 'BYUNG BRGYAS PAR BSHAD PA, GA-YUL 'GYED PAS 'JOMS TSUL RGYAS PAR BSHAD PA, BCOM LDAN 'DAS RANG GNAS SU 'BYON PAR BSTAN PAS MJUG BSDU BA'O, , DANG PO NI, SA'I DUM BU 'DIR KLA KLO DUS JI TZAM NAS 'JUG CE NA, RIGS LDAN GRAGS PA'I RIGS KYI DBUS SU LAG PAS BSGYUR BA'I DUS TE GNYIS KYIS BZHI BSGYUR BA NI BRGYAD YIN LA, GRANGS DE SNYED KYI BU PAD DKAR CAN DANG TSA BO BZANG PO NAS SHIN TU BZANG PO LA THUG PA'I BAR BRGYAD PO DAG NI 'DAS PAR GYUR PA RIGS LDAN GRAGS PA 'DAS NAS LO BRGYAD BRGYA LON PA DE'I DUS SU NGES PAR MA KHA'I YUL DU KLA KLO'I CHOS NI RAB TU 'JUG PAR 'GYUR RO, ,DE NAS JI SNYED KLA KLO'I DBANG PO GDUG PA CAN RIM PAR BYUNG BA RNAMS KYI THA MA DANG DUS MNYAM PAR, KLA KLO'I DBANG PO'I GRANGS JI SNYED PA DE SNYED DANG DUS MNYAM PA'I RIGS LDAN RNAMS 'DAS PA'I THA MAR LHA YI MCHOG GIS BTUD PA DRAG PO'I RIGS LDAN YANG 'BYUNG STE, DE YI DUS SU GNYIS PO DAG KYANG 'DZAM GLING CHUNG NGU'I SA YI STENG GI GNAS SU 'KHRUG PA DRAG PO 'BYUNG BAR 'GYUR RO, ,KHA CIG MA KHA'I YUL DU 'BYUNG ZHES ZER RO, ,GNYIS PA NI, DE'I TSE 'KHRUG PA DRAG PO JI LTAR 'BYUNG ZHE NA, GA-YUL DU KLA KLO DAG LA ZHES SOGS RKANG PA GNYIS TE, KLAGS PAS SHES SO, ,GSUM PA NI, RANG GI DPUNG NI YAN LAG BZHI PO 'BYUNG BA DE YANG
RNAM PA DANG GRANGS TSAD JI LTA BU ZHE NA, DRAG PO DBANG PHYUG DANG PHUNG PO ZHES PA LA, GA RONG LO TZA+TSAS SMIN DRUG CES DANG, GYI COS TSANGS PA ZHES BSGYUR RO, ,TSOGS KYI DBANG PO TSOGS BDAG DANG 'PHROG BYED CES PA 'CHI MED MDZOD DU DBANG PHYUG DANG BRGYA BYIN GNYIS KA'I MING GI RNAM GRANGS LA YOD KYANG, 'DIR DRAG PO DNGOS SU SEMS PAS 'PHROG BYED BRGYA BYIN LA BSHAD PA'I, YANG NA 'PHROG BYED CES PA SENG GE'I MING GI RNAM GRANGS KYANG YIN ZHING, KHYAB 'JUG SENG GE'I GZUGS SU BSGYUR BA LA BRTEN NAS KHYAB 'JUG LA YANG 'PHROG BYED CES ZER BAS DE LA BYA ZHING, 'OG MA DAG TU YANG 'PHROG BYED CES PA DBANG PHYUG KHYAB 'JUG BRGYA BYIN SOGS LA SKABS STOBS DANG MTHUN PAR JI LTAR RIGS PAR SBYAR BAR BYA'O, ,DE DAG KYANG RIGS LDAN LA NI DPUNG GI GROGS DAG SBYIN PA'I SLAD DU 'ONG BAR 'GYUR RO, ,DE'I DBYE BA NI BYE BA PHRAG DGU STE, DE DAG THAMS CAD KYANG KHA DOG SNA TSOGS PA'O, ,CHANG GIS DREGS PA'I ZHES SOGS NI, GLANG PO CHE 'BUM PHRAG BZHI DANG, SHING RTA 'BUM PHRAG LNGA'O, ,AKA+shOO HI NI DRUG DANG ZHES PA LA, GLANG PO BA GCIG ,SHING RTA PA GCIG, RTA PHA GSUM, RKANG THANG PA LNGA LA BRTI ZHES BYA'O, ,DE GSUM LA SO N'A MU KHA, DE GSUM LA GU LAM, DE GSUM LA GA nA, DE GSUM LA B'A HI NI, DE GSUM LA PRI TA N'A, DE GSUM LA TZA M'U, DE GSUM LA AA N'I K'I NI, DE BCU
, ,THAM PA NI AAK+shOO HI nI'I TSAD DO ZHES CHOS RJE BU GSUNGS TE, 'CHI MED MDZOD RTZA 'GREL LAS 'BYUNG BA DANG MTHUN NO, ,DE LTAR NA YANG TSUL DE LTAR BYAS PA'I AKshOO HI nI GCIG LA GLANG PO CHE NYIS KHRI CHIG STONG BRGYAD BRGYA BDUN CU 'BYUNG LA, DE DRUG GIS BSGYUR BAS 'BUM PHRAG GCIG, SUM KHRI CHIG STONG NYIS BRGYA NYI SHU 'BYUNG BAS, 'DIR GLANG PO CHE'I GRANGS 'BUM PHRAG BZHIR BSHAD PA DANG MA 'GRIG GO ,RTA PA GSUM GSUM LA RKANG THANG LNGA LNGA 'BYUNG BAR 'CHI MED MDZOD LAS BSHAD PAS, RTA PA BYE BA GSUM LA RKANG THANG BYE BA LNGA 'BYUNG, DE GNYIS KA GSUM GYIS BSGYUR BAS RTA PA BYE BA DGU DAR RKANG THANG DUNG PHYUR GCIG, BYE BA LNGA 'BYUNG BA LA BRTI ZHES ZER, DE GSUM LA SO N'A MU KHA, DE GSUM LA GUL MA, DE GSUM LA GA nA, DE GSUM LA B'A HI NI, DE GSUM LA BRI TA N'A, DE GSUM LA TZA M'U DE GSUM LA AAN'I K'I nI STA BYE BA LNGA, DUNG PHYUR MED THER 'BUM BRGYAD, THER 'BUM CHEN PO GNYIS, PHRAG KHRIG GSUM 'BYUNG STE DE BCU AKshOO HI NI GCIG YIN LA, DE DRUG GIS BSGYUR BA RKANG THANG PA'I GRANGS YIN TE, GLANG PO CHE'I GRANGS GONG DU SMOS ZIN PAS 'DIS STON PA MA YIN NO ZHES GZHAN DAG 'CHAD DO, ,MI YI DBANG PO COD PAN BCINGS PA'I RIGS NI RO DANG DGU BCU ZHES PA DGU BCU RTZA DRUG STE, DE LTA BU'I DPUNG GI TSOGS
KYIS BSKOR BA'I RIGS LDAN 'KHOR LO CAN KHYAB 'JUG DANG, 'PHROG BYED TE DBANG PHYUG LA SOGS PA LHA CHEN BCU GNYIS DAG DANG BCAS PA DMAG GI SDE 'DI DAG GIS KLA KLO'I TSOGS BRLAG PAR BYED PAR 'GYUR RO, BZHI PA NI, DE LTA BU'I RIGS LDAN DPUNG TSOGS DANG BCAS PA DANG KLA KLO'I DBANG PO DPUNG TSOGS DANG BCAS PA GYUL 'GYED PA NA, GANG LA GTAD PA'I SAR MI 'CHOL BAR 'PHOG PAS MCHOG TU GTAD CHA BA'I DPA' BO RNAMS KYI MDAS KLA KLO'I TSOGS LA BSNUN PAR BYA ZHING, GLANG PO'I DBANG POS KLA KLO'I GLANG PO LA BSNUN LA, RDO YI RTA YIS KLA KLO'I RTA RNAMS LA STE MNYAM PA DPA' PA MANG NYUNG GRANGS MTSUNGS PA DANG, MI MNYAM PA GRANGS MI MTSUNGS PA DAG 'KHRUG PA'I GYUL DU SA SKYONG DGU BCU RTZA DRUG RNAMS KYIS KLA KLO'I DBANG PO'I 'KHOR GYI SA SKYONG LA BSNUN NO, KLA KLO'I DMAG DPON RTA'I BZHON PA LA GNAS PA ZLA BA CHEN PO'I BU NI, RIGS LDAN GYI 'KHOR HA NU M'A NA DAS RNON PO'I MTSON GYIS BSNUN PAR 'GYUR ZHING, DRAG POS KLA KLO'I DBANG PO PHAL PA KLA KLO'I MGON DU GYUR PA MTHA' DAG LA BSNUN ZHING, LHA MIN BDAG PO BYAS PA'I BLO LA RIGS LDAN GYIS BSNUN ZHES KHA CIG 'CHAD MONG, KLA KLO'I RGYAL PO PHAL BA RNAMS RGYAL PO DGU BCU RTZA DRUG GI BSNUN BAR BSHAD ZIN CING, LHA MIN BDAG PO DANG BYAS PA'I BLO NANG LER SO SOR BSHAD BA DANG DNGOS SU 'GAL
, ,BA'I PHYIR MI 'THAD DO, ,KHA CIG, DRAG PO KLA KLO'I DMAG DPON KLA KLO'I DBANG MGON ZHES BYA BA MTHA' DAG LHA MIN BDAG POR GYUR BA BYIS PA'I BLO LA ZHES ZER BA NI PHONGS PA GSAL BAR BYED PA'O, ,DON NI 'DI YIN TE, DRAG PO ZHES PA MTSON PA STE, LHA CHEN BCU GNYIS KYIS NI KLA KLO'I DBANG PO'I YANG MGON SKYABS SU GYUR PA'I MTHA' DAG LHA MIN BDAG PO STE NAG PO'I GTZO BO RNAMS LA BSNUN NO ZHES PA YIN LA, KLA KLO'I DBANG PO BYIS PA'I BLO LA DRAG PO'I RIGS LDAN RANG NYID KYIS BSNUN NO, ,DE YANG RIGS LDAN GYI GROGS LHA CHEN BCU GNYIS 'ONG BA LTAR, KLA KLO'I GROGS LA'ANG LHA MIN GYI 'BYUNG PO DAG 'ONG BA DANG, DE DAG LHA RNAMS KYIS 'JOMS PA'I DON TO, ,LNGA PA NI, DE LTAR RIGS LDAN GYI DPUNG NI THAMS CAD DAG GIS GYUL DU KLA KLO'I DPUNG GI TSOGS MA LUS PA BCOM NAS KHYAB 'JUG DANG DRAG PO LA SOGS PA DAG GI 'KHOR DANG BCAS PA'I RIGS LDAN DE NI, KE LA SHA'I RI BO LA LHA YIS BKOD PA'I GRONG KHYER KA L'A PA GANG DU 'KHOR LO CAN GNAS PAR BYED PA'I GZHI DE NYID DU 'GRO BAR 'GYUR RO, ,PAD+MA CAN NAS DUS 'KHOR GYI SPYAN SNGAR 'GRO ZHES ZER RO, ,GSUM PA SEMS CAN MTHA' DAG LA 'JIG RTEN DANG 'JIG RTEN LAS 'DAS PA'I DNGOS GRUB KYI LAM SBYIN PA'I NGO BO NYID KYIS
GNAS PA BSHAD PA NI, DE LTAR KLA KLO'I RGYUN BCAD PA DE'I DUS SU 'DZIN MAS GZHI DAG LA MTHA' DAG SKYE BO'I RIGS NI MI DGE BA SPANGS NAS TSOGS GNYIS KYI LAS LA SPYOD PA'I CHOS DANG, 'DOD PA DANG, NOR DANG, THAR PA STE SDE BZHI'I 'BRAS BU RNAMS RDZOGS SHING, 'BRU RNAMS 'BROG DGON PA DAG TU YANG SKYE BA DANG NI, LJON SHING RNAMS 'BRAS BU BRTAN PO'I LJID KYIS YAL GA DUD PA DE LTA BU DAG 'BYUNG BAR 'GYUR RO, ,KLA KLO'I TSOGS NI 'KHOR GYI SKYE BO DANG BCAS KYI CHOS MA YIN PA RGYUN BCAD PA DE NAS MI YI LO NI BRGYA PHYED LNGA BCU NA RIGS LDAN 'KHOR LO CAN YANG GRUB PA'I GNAS SU GSHEGS PAR 'GYUR TE MYA NGAN LAS 'DA' BA'I TSUL STON PA'O, ,GZHAN DAG PHAL CHE BA MCHOG GI DNGOS GRUB GRUB PAR 'GYUR TE ZHES ZER MOD KYI, RIGS LDAN RJE BTZUN 'JAM DBYANGS YIN PAS KLA KLO 'JOMS PA'I DON DU SHAM+BHA LAR MI 'BYON PA'I SNGON ROL DPAG TU MED PA NAS MCHOG GI DNGOS GRUB GRUB ZIN PA'I PHYIR 'CHAD TSUL DE NYID LEGS PAR MI SEMS SO, ,GNAS GANG DU NA, LHA YIS SOGS SO, ,BZHI PA 'JAM DPAL DANG 'JIG RTEN DBANG PHYUG MDUN DANG RGYAB TU STON PA PO'I NGO BO NYID KYIS GNAS PA LA GSUM, MDOR BSTAN, RGYAS PAR BSHAD, DON BSDU BA'O, ,DANG PO NI, RIGS LDAN 'KHOR LO CAN 'DAS PA DE NAS RGYAL PO JI LTA BU DAG CHOS STON PAR 'GYUR ZHE NA, LHA DANG MI YI BLA MA 'KHOR LO CAN GYI SRAS NI
, ,'JAM DPAL RANG NYID KYI SPRUL PA TSANGS PA DANG SPYAN RAS GZIGS KYI SPRUL PA LHA YI DBANG PO GNYIS TE ZUNG GI RGYAL PO DAG SANGS RGYAS KYI CHOS LA STON PA POR 'BYUNG PA DAG GO, DE GNYIS GNAS GCIG TU DUS MNYAM DU CHOS STON PAR BYED DAM ZHE NA, TSANGS PA NI GLING 'DI LA DUM BU DRUG TU BYAS PA'I NANG NAS, CHU BO SH'I TA'I RGYAB TU STE BYANG PHYOGS SU KEE LA SHA'I DUM BU GCIG LA MI YI BDAG POR 'GYUR TE, CHU BO SH'I TA'I LHO PHYOGS MDUN GYI SA KUN LA NI LHA YI DBANG PO CHOS STON BA'I SLAD DU MI YI BDAG POR 'GYUR RO, ,'DI DAG GI CHOS STON TSUL LA, KHA CIG NA RE, GLING 'DIR 'KHOR LO CAN RANG GIS KLA KLO BCOM NAS, GLING 'DI'I MDUN MA'I DUM BU GLING GCIG LA TSANGS PAS KLA KLO 'JOMS PA DANG, GLING 'DI'I RGYAB KYI DUM BU'I GLING LA LHA DBANG GIS KLA KLO 'JOMS PA DANG, GLING GZHAN DANG GZHAN GYI DUM BU LA 'OD SRUNG LA SOGS PA GZHAN DANG GZHAN RIM GYIS BYON NAS KLA KLO 'JOMS SHING CHOS STON PA SOGS SU 'CHAD DO, ,'KHOR LO CAN RANG NYID KYIS KLA KLO BCAD ZIN NAS TSANGS PA CHOS STON PA LA 'JOG PAR 'CHAD PAR 'GYUR MA THAG PA 'DI DANG, 'KHOR LA CAN MYA NGAN LAS 'DA' BA'I TSUL STON PA NI DUM BU BCU GNYIS THAMS CAD DU KLA KLO BCAD ZIN NAS 'DA' BA YIN PAR, DUM BU DUM BUR KLA KLO'I CHOS NI BCOM NAS 'KHOR LO CAN YANG BDE BA'I GNAS SU 'GRO, ZHES BSHAD PA SOGS
DUM DANG 'GAL BA'I PHYIR DANG, DE DAG THAMS CAD 'KHOR LO CAN RANG NYID KYI SPRUL PA YIN PAS DE DAG GIS BCOM PA 'KHOR LO CAN GYIS BCOM PAR 'DOD PA LA HA CANG THAL BA'I SKYON BRJOD ZIN LA, BRGYUD PA RIM PA DE DAG THAMS CAD 'KHOR LO CAN RANG GI SPRUL PA YIN PA LA SHES BYED LUNG RIGS GNYIS KA MED PAR 'DOD PAS BRJOD PA TZAM DU ZAD PA'I PHYIR MI 'THAD DO, ,GNYIS PA NI, 'KHOR LO CAN GYI DUS BZHI'I THOG MA'I RDZOGS LDAN 'JUG PA'I 'TSAMS SU GLING 'DIR 'KHOR LO CAN GYI RDZOGS LDAN 'BYUNG BA'I SNGON DU GLING 'DI NA DUS BZHI SDA MA'I RTZOD LDAN GYI MA THAR GYUR NAS KLA KLO'I CHOS ZHUGS PA DE'I RGYUN MTHA' DAG SRID PA GSUM GYI BLA MA RIG LDAN DRAG PO 'KHOR LO CAN DAG GIS BCAD PAR BYAS TE, DE LTAR BCAD ZIN NAS LO NI BRGYAD BRGYA RNAMS SU SRAS TSANGS PA KA L'A PA'I KHRIR STON PA POR BZHAG PA MDZAD NAS, 'KHOR LO CAN RANG NYID BDE BA CHEN PO'I GNAS SU 'GRO PAR 'GYUR ZHING 'DA'O, ,LO NI BRGYAD BRGYA RNAMS SU 'KHOR LO CAN BZHUGS TE DE NAS TSANGS PA BZHAG PAR MDZAD CES ZER BA NI, GONG NYID DU LHA MIN DGRA BO TSE LO BRGYA PA PHYAG NA 'KHOR LOR 'GYUR ZHES PA DANG, RANG NYID KYIS KYANG GZHUNG DE 'CHAD PA NA SOR BZHAG PA YID LA MA BZHAG PA'I GTAM MO KHA CIG LO STONG BRGYAD BRGYA TSANGS PA BZHAG PAR MDZAD CES ZER BA NI HA CANG THAL BA STE, 'OG TU DPYAD PAR BYA'O, SLAR YANG TSANGS PA DE NYID KYI
, ,DBUS SU STE RGYUD LA, KYEE MI YI BDAG BO ZHES BOS NAS, SNGA MA SNGA MA'I SRAS RIM PAR 'BYUNG BA RNAMS DAG GI RIGS KYI DBYE BA GONG DU BRJOD BA'I DUM BU CAN 'OD BSRUNGS LA SOGS PA DE DAG TU 'GYUR ZHING, 'DIR LHA DBANG MA SMOS PA NI, CHU BO SH'I TA'I LHO PHYOGS SU STON PA PO YIN PAS SHAMBHA LA'I RGYAL RABS LA BRTZI BAR BYA BA MA YIN PAS SO, ,DE RNAMS DBUS SU TSANGS PAS CHOS THOG MA BSTAN PA NAS LO BRGYAD BRGYA 'DAS PA'I RJES SU LHA MIN KLA KLO'I DBANG PO MI BDAG DANG, PHYI ROL PA'I THUB PA STE DRANG SRONG RNAMS NI KLA KLO PHAL PA GZHAN RNAMS DANG BCAS PA 'BYUNG BAR 'GYUR TE, SLAR YANG KLA KLO 'JUG PA'I DON TO, YANG NA LHA MIN RNAMS KYI'ANG DBANG POR GYUR PA'I MI BDAG CHOS RGYAL DANG, THUB PA DRANG SRONG SPRUL PA'I SKU MA YIN PA'I PHAL PA GZHAN DAG 'BYUNG BAR 'GYUR, ZHES 'CHAD PA LTAR RO, ,RDZOGS LDAN 'TSAMS SU KLA KLO'I CHOS RNAMS MTHA' DAG BCAD NAS BDE BA'I GNAS SU 'GRO ZHES SNGAR BRJOD PA DE GLING 'DI KHO NA'I KLA KLO BCAD NAS BDE BA'I GNAS SU 'GRO BA YIN NAM SNYAM NA, DE MA YIN GYI DUM BU BCU GNYIS MTHA' DAG GI BCAD NAS SO ZHES STON PA NI, KLA KLO RNAMS NI SOGS RKANG PA GNYIS SO, ,GSUM PA NI, SKABS GSUM PA LHA DANG MI YI BLA MA 'KHOR LO CAN GYI SRAS NI TSANGS PA DANG LHA YI DBANG PO GNYIS CHU BO SH'I TA'I RGYAB DANG MDUN DU CHOS STON
TE, RGYAB TU TSANGS PA DANG LA SOGS PA 'OD SRUNG LA SOGS PA'I RIGS RNAMS RNAM PA SNA TSOGS PA'I SGO NAS KEE LA SHA'I DUM BU DE NYID KYIS YI STENG DU CHOS STON PA PO DBYE BA DU MAR 'GYUR RO, ,LNGA PA 'KHOR LO BSGYUR BA CHEN PO LA SOGS PA RIGS LDAN GYI MTHAR THUG PAR MI RNAMS MCHOG GI TSE'I NGO BO NYID KYIS GNAS PA BSHAD PA NI, 'DI NA DPYAD PAR BYA BA 'DI YOD DE, TSANGS PA SOGS LA, ZHES PA 'DI DAG GI DON LA, GZHEN DAG TSANGS PA'I DUS KYI MI RNAMS KYI TSE LA STONG BRGYAD BRGYA, DE'I PHYED DGU BRGYA NI 'OD SRUNG GI DUS KYI MI'I TSA TSAD, DE'I PHYED BZHI BRGYA LNGA BCU MI'I SENG GE'I DUS KYI TSE TSANG, DE NAS MI'U THUD DANG SOGS KYI SGRAS R'A MA GNYIS DANG, NAG BA RNAMS GYI DUS KYI TSE TSAD KYANG RIM PA BZHIN SNGA MA SNGA MA LAS DRUG CU DRUG CUS DMAN PA YIN NO ZHES 'CHAD DO, ,'DI LTAR BYAS NA, RIGS LDAN 'KHOR LO NGAN GYIS KLA KLO BCOM NAS SANGS RGYAS KYI CHOS BZHAG PA'I DUS BZHI RANGS PO'I TSAD LA LO STONG BRGYAD BRGYA LAS MED CING, DE TSANGS PA'I DUS SU RDZOGS ZIN BAS, 'ONG SRUNG SOGS KYI DUS NA BSTAN PA MED PAR THAL LO, ,'DIS NI TSANGS BA'I DUS GYI MI'I TSE TSAD 'DIS TSANGS PA'I SKU TSE'I TSED KYANG LO STONG BRGYAD BRGYAR BSTAN NO ZHES ZER BA YANG RTZA BA NAS DRUNG PHYUNG PA YIN NO, ,TSANGS PA'I RJES KYI 'OD SRUNG MI'I SENG GI MI ZUNG LA SOGS PA DAG GI DUS KYI MI'I TSE TSAD KYI DBYE BA YANG
, ,'KHOR LO CAN GYI BSTAN PA'I DUS BZHI'I GNAS SKABS LA 'JOG DGOS PA NI, DUS BZHI SO SO'I DUS SU MI THUNG SOGS LA ZHES PA'I TSIG GIS BSNYON MED PAR GSAL BAR BYAS SO; ;DES NA TSUL 'DI NI CUNG ZAD KYANG MA BSAMS PA'I GTAM DU KHO BOS MTHONG NGO, ,KHA CIG TSANGS PA LA SOGS PA 'DI DAG RIGS LDAN 'JAM DPAL GRAGS PA DANG PAD DKAR LA SOGS LA SBYAR NAS RGYAL PO 'JAM DPAL GRAGS PA NAS RIGS LDAN DRAG PO'I BAR LA MI'I TSE LO BRGYA PHRAG BCO BRGYAD DANG LDAN ZHES SOGS SU 'CHAD DE, KHA CUNG SKYOGS TE 'CHAD PA MKHAS PA DAG GI RNA BA NA BAR BYED PA'I TSIG TU SNANG BAS YI GE MANGS PAR 'GYUR BA'I PHYIR MA BRIS LA, DE LTAR BSHAD PA'I SGO NAS RGYAL PO SO SO'I SKU TSE'I TSAD RNAM PAR 'JOG PA NI GONG DU BKAG ZIN TO, ,DE BAS NAS 'DI LTAR BSHAD DGOS PAR MNGON TE, TSANGS PA DANG LA SOGS PA R'A MA GNYIS DANG NAG PO YAR BCAD LA, 'KHOR LO CAN GYI DUS BZHI'I TSAD MI RNAMS LO NI BRGYA PHRAG BCO BRGYAD KYI GRANGS DANG LDAN PA LAS, STONG BRGYAD BRGYA'I GRANGS 'DI DAG GI TSE LO DE'I PHYED DGU BRGYA NI TSANGS PAS THOG MAR CHOS STON PA NAS 'OD SRUNGS KYIS CHOS STON PA RDZOGS KYI BAR GYI MI RNAMS KYI TSE TSAD DO, ,DE NAS NYA DANG RUS SBAL PHAG PA'I MING CAN RNAMS KYI BAR LA RIM GYIS RIM GYIS PHRI BAS RAB MCHOG
SA YI STENG DU DPAL LDAN MI YI SENG GE'I DUS KYI MI RNAMS KYI TSE TSAD NI DGU BRGYA PO DE'I PHYED DU DRUG CUS DMAN PA'I TSAD DO, ,DE DAG GI DUS LA RIM GYIS BRI BA DE BZHIN NYID DU DUS BZHI SO SO'I DUS SU MI THUD DANG LA SOGS PA YA MANG AAG NI DANG RA MA DANG NAG PO'I BAR LA YANG RIM GYIS BRI BAR 'GYUR TE, 'PHROG BYED KHYAB 'JUG GI 'JUG PA SO SO'I MING CAN GYI RGYAL PO RIGS LDAN GYI RIGS SU BYUNG BA DE DAG GI MJUG ,NAG POS CHOS BSTAN PA RDZOGS SHING 'KHOR LO CAN GYI DUS BZHI RDZOGS PA'I MTHAR NI JI SRID BRGYA PHRAG GCIG GI LO YI GRANGS KYI SKYE BO'I CHE RU 'GYUR RO, ,GLING 'DIR 'KHOR LO CAN GYI DUS BZHI'I SNGON DU KLA KLO 'JUG PA DE LTAR DUM BU GZHAN THAMS CAD DU YANG THOG MAR SANGS RGYAS KYI BSTAN PA'I DUS BZHI BYUNG BA DE'I DUS SU KLA KLO'I CHOS NI RAB TU 'JUG PA STE, LO NI BRGYAD DANG BRGYA PHRAG GCIG TU ZHES PA, BRGYAD DANG GCIG GI BRGYAR NI ZHES 'DON PA LTAR BYAS NAS RTZIS LA GRANGS KYI GNAS GZHAN 'GOD PA'I RIM PAS MJUG TU BRGYAD BKOD, DE'I GONG DU GCIG BKOD, DE BRGYAS BSGYUR BAS STONG BRGYAD BRGYAR 'GYUR BA DE SRID DU KLA KLO'I CHOS NGES PAR GNAS TE, DE NAS KLA KLO'I CHOS NI NYAMS PA'O, ,GLING 'DIR 'KHOR LO CAN GYI DUS BZHI RDZOGS PA DE NAS ZHES BSHAD PAR BYA BA MA YIN GYI, KLA KLO'I CHOS NYAMS PA DE NAS GLING 'DIR 'KHOR LO CAN GYI
, ,DUS KYI TSAD MI RNAMS LO NI BRGYA PHRAG BCO BRGYAD DANG LDAN ZHES BSHAD ZIN PA'I TSAD DE NYIS KHRI CHIG STONG DRUG BRGYA'I GRANGS KYI STENG NAS PHRI BAS, MI'I LO NI STONG PHRAG NYI SHU LA LAG PA BRGYA STE NYIS BRGYA DANG BRAL BA'I LO'I GRANGS SU DUM BU LHAG MA BCU GCIG LA SANGS RGYAS KYI CHOS 'KHOR LO CAN GYIS GZHAG PA DE NI RAB TU 'JUG STE, GLING BCU GNYIS PO RE RER RDZOGS LDAN GSUM LDAN GNYIS LDAN RTZOD PA'I DUS RNAMS NI MI LO STONG BRGYAD BRGYA RE DUS MNYAM DU 'JUG PA RNAMS KYI LO GRANGS PHYOGS GCIG TU BSDOMS PA'I GRANGS NI NUS PA 'OG MIN GYI LHA'I ZHAG RE'I TSAD KYI MI LO NYIS KHRI CHIG STONG DRUG BRGYA SA GZHI DAG LA NGES PAR RGYU ZHING 'KHOR RO, ,'DI DAG GI RGYU MTSAN SNGAR YA BRJOD ZIN TO, ,DRUG PA 'JIG RTEN GYI KHAMS LAS BRTZAMS TE ZHUS PA'I DON BSHAD ZIN PAR BSTAN NAS LE'U PHYI MA'I DON DU ZHU BA'I SKABS DBYE BA NI, PHYI 'JIG RTEN GYI KHAMS NI SKYED PA'I TSUL DAG DANG KHYIM BCU GNYIS LA GZA' DANG SKAR MA YI 'KHOR LO RGYU BA YI RGYU TSUL DANG, DE DANG MNYAM PAR TE MTSUNGS PAR DUM BU BCU GNYIS LA 'KHOR LO CAN NI 'BYUNG BA DANG DES KLA KLO RNAMS KYI CHOS NI RNAM PAR NYAMS PAR BYAS SHING MCHOG GI BDE BA'I GNAS LA RIGS LDAN GYIS NI DAM PA'I LAM SBYIN PAR TSUL 'DI DAG THAMS CAD BDAG GIS KHYOD LA JI LTA BA BZHIN DU BSHAD DO ZLA BA
BZANG PO KYE ZHES BOS NAS, DUS GSUM LAS BRTZAMS TE SLAR YANG ZLA BZANG KHYOD NI SKYE BO KUN LA 'PHRAL GYI PHAN PA DANG PHUGS KYI THAR PA'I SLAD DU STON PA BDAG LA CI ZHIG 'DRI ZHES LE'U PHYI MA'I DON ZHU BAR BSKUL ZHING SKABS PH YE BA'O, ,GO SLA'I GZHUNG 'DI DAG MDOR BSDUS BCU PO LA MA GTOGS PAR MDZAD PA'I RGYU MTSAN LA, BLA MA DAG NA RI KUN KHYAB NGES DON GYI DUS 'KHOR YE SHES RE KHA'I RNAM PA GNAS BCU'I KHYAB BYED DU GO SLAR BZHAG BA'O ZHES GSUNGS NGO, ,'ON KYANG 'DI DAG GI BRJOD BYA'I GTZO BO 'KHOR LO CAN GYIS KLA KLO BCOM NAS SANGS RGYAS KYI CHOS 'JOG PA NI PHYI NANG GZHAN GSUM DU PHYE BA'I PHYI MA YIN PAS, PHYI BRJOD BYA'I GTZO BOR BYAS PA'I MDOR BSDUS LA MA GTOGS PAR LOGS SU GO SLAR MDZAD PA'O, ,ZHES SHES PAR BYA'O, ,'JIG RTEN GYI KHAMS KYI LE'U'I'GREL BSHAD RDZOGS SO ZHES BYA BA NI LE'U BSHAD ZIN PAR BSTAN PA STE, LE'U'I SKAD DOD PA tRA GOS SAM SNAM BU LA 'JUG LA, JI LTAR GOS KYIS MCHU SBRANG LA SOGS PA'I NYE BAR 'TSE BA BZLOG PA DE BZHIN DU BRJOD BYA'I DON GSAL BAR BSTAN PAS SGRIB PA DANG NGAN 'GRO LAS SKYOB PA DANG, L'A TI LEN PA LA 'JUG PAS 'DIS RGYUD KYI DON LEN PAR BYED PAS LE'U ZHES BYA STE NGES TSIG GIS BSHAD PA'O, ,LE'U'I SKAD DOD PA NI WA TRA ZHES PA YONGS SU BSGYUR BA'AM YONGS SU BRJE BAS NA LE'U ZHES
, ,BYA BA DANG, YANG LE'U'I SKAD DOD PA RI TSOD ZHES PA YONGS SU GCOD PA STE, BRJOD BYA'I DON TSAN SO SOR YONGS SU GCOD PAS NA LE'U, LE'U'I SKAD DOD KRA MA BHED ZHES PA RIM PAR PHYE BA STE, BRJOD BYA'I DON RIM PA SO SOR PHYE STEN PAS NA LE'U ZHES BYA'O, ,DE LTAR LE'U LA SKAD DOD MI 'DRA BA DU MA YOD PAS NGES TSIG KYANG DU MAR 'GYUR BA YOD KYI, 'DIR RGYAD PA LA PA tRA LA ZHES PA YOD DO ZHES GSUNGS PAS NGES TSIG KYANG GONG GI NYID SBYAR BAR BYA'O, ,SRID PA GSUM DANG LHA DANG LHA MIN GYI, ,LONGS SPYOD LA SOGS ZLA BZANG GIS GSOL PA, RGYUD DON PAD DKAR 'DZIN DANG BDAG BLO YIS, ,YONGS SU DPYAD BYA THUN MONG NYID DU GYUR BLA MA'I 'OD DKAR BDUD RTZI 'DZAG PA'I RGYUN, ,TSIM PAR 'THUNGS PAS 'DAB RGYAS DGA' LDAN PA, ,BDAG BLO'I KU MUD LEGS BSHAD ZE 'BRU YI, ,SO 'PHRENG 'DZUM DKAR 'JO SGEG CI YANG BYED, ,BSOS NAMS MTHU LDAN BLO CHEN RNAM DPYOD KYI, ,DPAL 'BYOR MI ZAD GTER LA DBANG BSGYUR BAS, ,GZHUNG LUGS KUN DON NOR BU SBYIN PA LA, ,MCHOD SBYIN BDAG PO GNYIS PA GZHAN YOD MIN, ,GTING ZAB KHRON PA'I CHU LA NYI MA'I 'OD, , RLUNG GI ZAS CAN KHA LA BDUD RTZI'I RO, ,SKUL NGAN RNA BA'I BU GAR LEGS BSHAD GTAM, ,'BAD PA BRGYAS KYANG 'JUG PAR GA LA NUS, ,MKHAS PA'I LEGS BSHAD NYIN BYED GZI BYIN LA, ,KHRO LDAN PHRAG DOG ME YIS RAB
BSKYOD PA'I, ,RNAM 'PHRUL TSIG GI DUD SPRIN CHER SPRO BA, ,BSHES GNYEN GZUGS KYI 'CHOS BAS PHYOGS KUN KHYAB, ,DE DAG RNAMS KYI SNYING NI 'DAR BYED LEGS PAR BSHAD PA'I CHU GTER CHE, RGYA CHEN GTAM GYI GTING MTHA' MI MDOR RIGS PA'I RBA RLABS MKHA' LA 'KHYUD, ,SNA TSOGS DON MANG RAB DKAR LBU BA'I DO SHAL RING PO RNAM PAR 'DZIN, ,KHENGS LDAN MKHAS PA'I DED DPON KUN GYIS BRGAL BAR DKA' BA 'DI SPRUL LO, ,BDAG GIS 'DIR NI DAL BA BYAS LAS RNAM DKAR DGE BA GANG THOB PA, ,DE YIS MNYES GSHIN 'GRO BA MA LUS DKA' BA MED PAR MYUR DU YANG, ,'PHO CHEN BCU GNYIS RLUNG GI 'KHOR LO RDO RJE'I RNAL 'BYOR GYIS BCOM NAS, ,'GYUR MED MCHOG GI BDE BA CHE LA RNAM PAR ROL PA THOB GYUR CIG, BCOM LDAN 'DAS DPAL DUS KYI 'KHOR LO MCHOG GI DANG PO'I SANGS RGYAS KYI RTZA BA'I RGYUD LAS BYUNG BA BSDUS PA'I RGYUD KYI RGYAS 'GREL DRI MA MED PA'I 'OD KYI RGYA CHER BSHAD PA DE KHO NA NYID SNANG PAR BYED PA ZHES BYA BA LAS, 'JIG RTEN GYI KHAMS RNAM PAR BKOD PA'I LE'U'I RNAM PAR BSHAD PA RDZOGS SO,, ,,DGE'O,, ,,