, ,PHYIN CI LOG GI GTAM GYI SBYOR BA LA ZHUGS PA'I SMRA BA NGAN PA RNAM PAR 'THAG PA'I BSTAN BCOS GNAM LCAGS 'KHOR LO ZHES BYA BA BZHUGS SO, ,
, ,PHYIN CI LOG GI GTAM GYI SBYOR BA LA ZHUGS PA'I SMRA BA NGAN PA RNAM PAR 'THAG PA'I BSTAN BCOS GNAM LCAGS 'KHOR LO ZHES BYA BA, BLA MA DANG 'JAM PA'I DBYANGS LA PHYAG 'TSAL LO, ,RAB GSAL MKHYEN PA'I YE SHES GCIG GIS SHES BYA'I TSAD NI THUNG NGUR MDZAD, ,THUGS LA BYAMS PA'I BDUD RTZI YONGS SMIN BRTZE BA'I ZHAGS PAS 'GRO 'DI BCINGS, ,RGYAL BA MA LUS GCIG TU BSDUS PA'I KHYAB BDAG BLA MA RDO RJE 'CHANG, ,CHOS KYI RGYAL PO TZONG KHA PA DE'I ZHABS SKYES 'DAB 'PHRANG SPYI BOS MCHOD, ,GANG DAG PHRAG DOG DUG CHUS MIG LONG ZHING, ,SNYING NI ZHE SDANG GDUG PA'I SBRUL GYI TSANG, ,YID LA 'KHRUL PA'I DKYIL 'KHOR YONGS RDZOGS PA, ,'DI YIS MI 'DZIN LOG PA'I GZHUNG LUGS GANG, ,BA GLANG KHYU YI 'KHOR GYIS KHENGS LDAN PA, ,MKHAS PA'I MDUN SAR NGO TSA YONGS BOR TE, ,'BREL MED BYUNG RGYAL MU COR LHUR LEN PA, ,'DI YIS MI SMRA LOG PA'I GTAM NI CI, ,MA BSLABS SPYI BRTOL SMYON PA'I ZLOS GAR GYIS, ,BSTAN PA 'JIG PA LHUR LEN BDUD KYI GROGS, ,SBRANG BU GLEN PA MAR ME'I RTZE MO LA, ,MCHONG PAR RTZAM 'DI KHO BOS THAL BAR BYA, ,DE YANG MKHAS PA'I SKYE BO RNAMS LA YONGS SU GRAGS PA'I SHES BYA'I GNAS MA LUS PA'I PAD+MO'I TSAL LA, BLO GROS KYI NYI 'OD 'BAD PA MED PAR RAB TU 'JUG PAS SKAL PA MCHOG DANG LDAN PA'I BLO GSAL RKANG DRUG LDAN PA DAG LA, LEGS BSHAD SBRANG RTZI'I DGA'
, ,STON BYA BA'I SLAD DU, DPAL GSANG BA 'DUS PA 'PHAGS LUGS KYI BSKYED RIM RNAM PAR BSHAD PA GZUR GNAS MKHAS PA'I SKYE BO MTHA' DAG GI SNGO MED PA'I MIG GI BDUD RTZI YI GE'I GZUGS KYI 'PHRENG BAR BRGYUS PA GANG ZHIG LA, DUG SBRUL GYIS BLA RTZE'I DRI TSOR BA LTAR MCHOG TU MI BZAD PA'I GDUNG BA DRAG POS SNYING LA RAB TU TSA BA'I SDUG BSNGAL NYAMS SU MYONG BA'I GZHAN DBANG DU GYUR TE, MKHAS PA DGAG SGRUB DANG RGYUD SDE'I RNAM GZHAG LA BLO KHA CUNG ZAD PHYOGS BA MTHA' DAG GI RNA BAR RANG GI GRAGS PA MIN PA'I RNGA BO CHE RANG NYID KYIS BRDUNG BA LA BRTZON PA SKYED PA'I SBYOR BAS LUS DKYIL GYI DGAG SGRUB CUNG ZAD TZAM GYI TSIG NYUNG NGU ZHIG LA LAN 'DEBS PA'I ZOL GYIS RANG GI BLO'I MTSANG MA LUS PA GSAL BAR BYED PA'I YI GE'I 'PHRENG BA MANG PO SPEL BAR BYAS SO, ,DE LTA MOD KYI, MKHAS PA MDO RGYUD MA LUS PA'I DON KUN RIG PA DRI MA MED PA'I MIG GIS LEGS PAR MTHONG BA DAG GI DGAG SGRUB KYI YUL NI, YI GE KLOG PA'I MIG GI BYA BA DANG LDAN PA TZAM ZHIG GA LA YIN, DE LTA NA YANG MNGON SUM DU MTHONG BA LA YANG 'KHRUL PA'I SKYE BO DU MA'I YID RNAM PAR BSLAD PAS RGYAL BA'I BSTAN PA NYIN RE BZHIN NYAMS PAR BYED PA MA BZOD NAS SMRA BA 'DI DAG GI NGANG TSUL NI 'DI LTA BU'O ZHES SMRA BA LA ZHUGS SO, ,DES KHO BO CAG GI TSIG PHYOGS SNGA MAR BKOD NAS SUN 'BYIN PA SMRA BAR 'DOD PA NA, 'DI SKAD CES BOD DAG GIS MA RGYUD
KYI LUS DKYIL MANG POR, SPYI BOR SNA TSOGS RDO RJE, RKANG MTHIL RDO RJE'I SA GZHI, RTZIB MA RDO RJE RVA BA, PAGS PA RDO RJE'I GUR DANG BLA RE, BA SBU MNGA'I DRA BA, SEN MO RI RAB TU 'BAR BA ZHES PA DANG, SNYING KA'I RTZA BZHI SGO BZHI MIG PNYRTZA RE GA'I RTZIG PA, SNA RIN PO CHE'I PHA GU, SO DRA BA DRA PHYED, LCE DANG MCHU 'DOD PA'I YON TAN ZHES SOGS BRIS PA LA, THAMS CAD MKHYEN PA BU STON RIN PO CHES, SDOM PA BSHAD PAR GO RIM BZHIN DU LUS SKYES NAS, ,RDO RJE PHUR BU LHAN CIG SKYES, ,BCINGS PA THIG SKUD RAB TU LDAN, ,SHIN TU MTSAMS MED BRTAN PAR BCINGS, ,GUR NI RUS PA'I 'PHRENG BA NYID, CES PA TZAM MA GTOGS, RGYA GZHUNG GANG NA'ANG DE 'DRA BSHAD PA MI 'DUG GO ZHES GSUNGS PA NI SHIN TU MED DE, LUS GZHAL YAS KHANG DU SKYED TSUL DE 'DRA BA DANG, PHYI'I DKYIL 'KHOR LA LHA DGU LAS MED PA LA, LUS KYI LHA BRGYA LNGA BCU RTZA BDUN LA SOGS PA BKOD CING, LUS DKYIL GYI LHA'I NANG NA PHYI DKYIL GYI LHA GCIG KYANG MED PA SOGS RGYUD RGYA GZHUNG TSAD LDAN GANG NAS KYANG MA BSHAD CING, DON THOB LA'ANG MED KYANG LUS DKYIL DANG LUS LA BKOD PA TZAM GYI KHYAD PAR YANG MA PHYED BA'I BLOS BTAGS LA MAN NGAG MCHOG TU MING BTAGS PA'I MUN SPRUL DU MA ZHIG, BOD KYI LUS DKYIL BSGRUB TSUL RNAMS LA SNANG STE, 'DI DAG DGAG SGRUB RGYAS PAR MA SPROS SO, ,ZHES BYA BA BRIS SO, ,ZHES KHO BO CAG GI TSIG PHYOGS SNGA MAR BKOD NAS DE LA LAN 'DEBS PA NA RTEN GYI LUS DKYIL LA RTZOD PA SPANG BA, BRTEN PA'I LUS DKYIL LA RTZOD PA SPANG BA, RGYUD RGYA GZHUNG LAS MA BSHAD PA'I RTZOD PA SPONG BA GSUM DU BYAS NAS, DAD PO 'CHAD PA NA, LUS GZHAL
, ,YAS KHANG DU BSKYED TSUL KYEE RDOR DU BSHAD PA RNAMS SU STON THAMS CAD MKHYEN PAS BKAG GO ZHES 'DOD PA YANG RNAM PAR MA BRTAGS PA STE, DES MDZAD PA'I RNAL 'BYOR MA KUN SPYOD, NAG PO BA'I SGRUB THABS KYI 'GREL PAR SPYI BOR SNA TSOGS RDO RJE ZHES SOGS DE LTAR GSUNGS PA NI SDOM PA BSHAD PA'I TSIG DE TZAM MA GTOGS PA GZHAN BDE MCHOG GI SKOR GANG NA'ANG 'DUG PA MA MTHONG NGO, ,ZHES BDE MCHOG GI SKOR NAS MA BSHAD CES BRIS KYI RGYA GZHUNG GANG NAS KYANG MA BSHAD CES GANG DU YANG MA BRIS PAS MNGON SUM LA RDZUN DU SMRA BA YIN NO ZHES ZER ZHING, DES NA BU STON THAMS CAD MKHYEN PAS BDE MCHOG GI SKABS SU DE LTAR 'DOD PA LA DGAG PA MDZAD PA YIN KYANG, DON LA GNAS PA'I SKYON MED DO; ;SRUNG 'KHOR LUS LA SKYED TSUL NI, ,SNGAR DRANGS PA'I SDOM PA BSHAD PAR, ,GUR NI RUS PA'I 'PHRENG BA NYID, CES LUS KYI RUS PA'I 'PHRENG BA 'BREL BA RNAMS NI, RDO RJE'I GUR DU BSHAD LA, GUR GYI DON NI, RDO RJE'I SA GZHI LA SOGS PA SRUNG 'KHOR THUN MONG BA SPYI'I MING YIN TE, SLOB DPON AABHYA KA RAS, SA 'OG GI MTHAR THUG PA JI LTAR MNGON PAR 'DOD PA'I RGYAR GCIG TU SRA ZHING MKHREGS PA 'BAR BA'I RDO RJE'I RANG BZHIN GYIS GZHI BSKAL PA'I MTHA' ME LTAR 'BAR BA'I 'OD ZER 'BAR BA'I 'PHRENG BAS MTSAMS BCINGS PA DANG, SA 'OG NAS STENG GI BAR DU SHIN TU MA THOB MA THUG CING MKHRENG PA SRA ZHING 'BAR BA'I RDO RJE'I RVA BA'I STENG DU BAR MTSAMS MED PAR DU MA BU GCIG TU GYUR CING,
STENG RDO RJE'I MDA'I DRA BA DANG, 'OG RDO RJE'I BLA BRES BRGYAN PA'I RDO RJE'I GUR 'BAR BA'O, ,ZHES GSAL BAR GSUNGS PA'I PHYIR RO, ,DES NA LUS KYI SPYI BO'I RUS PA SNA TSOGS RDO RJE, RKANG MTHIL GYI RUS PA RNAMS RDO RJE'I SA GZHI, RTZIB RUS RDO RJE'I GUR LA SOGS PAR LUNG 'DIS BSNYON DU MED PAR GRUB PA YIN NO, ,ZHES BRIS BA 'DI DAG NI MCHOG TU BZHAD GANG DU 'OS PA'I CAL COL CHEN PO KHO NA STE, 'DI LTAR KHO BOS NI, BU STON RIN PO CHE'I GSUNG DE NYID KYI DGONGS PA RDZOGS PAR DRIL NAS BKOD PA YIN GYI; TSIG RIS TZAM ZHIG BKOD PA MA YIN LA, DE YANG SPYI BOR SNA TSOGS RDO RJE ZHES SOGS KYIS LUS DKYIL BSTAN GYI, DKYIL 'KHOR DU SGOM TSUL DE NI, KYE RDOR DANG BDE MCHOG DRIL BU LUS DKYIL GYI SKABS GNYIS KAR KHYAD PAR MED PAR BKOD PA LA BDE MCHOG GI SKOR GANG NA YANG BSHAD PA MI 'DUG KYANG, KYEE RDOR SOGS GZHAN GYI SKABS KYI RGYA GZHUNG NA 'DUG PA GZIGS PA YIN NA NI BDE MCHOG GI SKOR GANG NA YANG 'DUG PA MA MTHONG YANG KYEE RDOR LTA BU GZHAN, 'DI 'DRA ZHIG GI RGYA GZHUNG NA 'DUG PA BDE MCHOG LA SBYAR BAR 'DUG GO ZHES GDON MI ZA BAR GSUNG BAR 'GYUR BA GOR MA CHAG PA YIN PA LA, DE LTAR MA GSUNGS PAR, BDE MCHOG GI SKOR GANG NA YANG 'DUG PA MA MTHONG NGO ZHES PA TZAM ZHIG GSUNGS PA NI RGYA GZUNG GZHAN NAS BSHAD PA LTA SMOS KYANG CI DGOS SO SNYAM DU MKHAS PA CHEN PO DE NYID KYI DGONGS PA LA THE TSOM MI ZA BAR KHONG DU CHUD NAS KHO BOS DE LTAR SMRAS LA, BDAG GI RJE TZONG KHA BA CHEN POS, 'DOD 'JOR BOD KHA CIG, MIG PANYTZA RE KHA'I RTZIG PA ZHES SOGS 'DOD PA
, ,LA, MKHAS PA DAG SDOM PA BSHAD PAR, ,GO RIM BZHIN DU LUS SKYES NAS, ,RDO RJE PHUR BU LHAN CIG SKYES, ,BCINGS PA THIG SKUD RAB TU LDAN, ,SHIN TU MTSAMS MED BRTAN PAR BCINGS, ,GUR NI RUS PA'I 'PHRENG BA NYID, CES PA TZAM MA GTOGS PA, GZHAN BDE MCHOG GI SKOR GANG NA'ANG 'DUG PA MA MTHONG NGO, ZHES GSUNGS PA NI, DE BZHIN DU SNANG STE, BOD KYI BSHAD PA LA DE 'DRA'I RIGS KYI LUS DKYIL SGOM PA KUN BRTAGS MANG BAR SNANG NGO, ,ZHES GSUNGS PA'I DON YANG DE LTAR YIN NO, ,KHYOD KYIS 'DI SKAD DU, BU STON THAMS CAD MKHYEN PAS BDE MCHOG GI SKABS SU DE LTAR 'DOD PA LA DGAG PA MDZAD PA YIN KYANG, DON LA GNAS PA'I SKYON MED DE, ZHES SMRAS NAS, DE'I SGRUB BYED DU SRUNG 'KHOR LUS LA SKYED TSUL NI, SNGAR DRANGS BA'I SDOM PA BSHAD PAR, GUR NI RUS PA'I 'PHRENG BA NYID, CES LUS KYI RUS PA'I 'PHRENG BA 'BREL BA RNAMS NI RDO RJE'I GUR DU BSHAD LA, GUR GYI DON NI RDO RJE'I SA GZHI LA SOGS PA SRUNG 'KHOR THUN MONG BA SPYI'I MING YIN, ZHES SMRAS PAS NI LUS LA SRUNG 'KHOR SOGS BSGOM TSUL DE 'DRA BA DAG, SDOM PA BSHAD PA'I TSIG DE TZAM MA GTOGS PA GZHAN BDE MCHOG GI CHOS SKOR GANG NAS KYANG MA BSHAD PA'I SKYON MED DE, SRUNG 'KHOR LUS LA SKYED PA'I TSUL DE 'DRA BA SDOM PA BSHAD PA'I TSIG NGES BSHAD PA'I PHYIR ZHES SMRAS PAR SONG BA LA BSNYON DU CI ZHIG YOD, SDOM PA BSHAD PA LAS GZHAN NAS MA BSTAN PA MA YIN TE, SDOM PA BSHAD PA NAS BSHAD PA'I PHYIR, ZHES PA
LTA BU'I SGRUB BYED NI, THOG MAR SBYOR BA SLOB PA LA ZHUGS PA'I BYIS PA CHUNG NGU DAG KYANG 'GOD PAR MI BYED NA, NGO TSA YONGS SU BTANG BA KHYOD KYIS 'DI LTA BU'I SGRUB BYED 'GOD TSUL SU ZHIG GI KHA LAS BTZAL TE RNYED, RDO RJE'I GUR ZHES PA'I TSIG DE, BSRUNG 'KHOR THUN MONG BA SPYI'I MING DU BTAGS NAS SMRAS PA YOD KYI, GUR GYI DON SRUNG 'KHOR THUN MONG BA SPYI'I MING GA LA YIN, MING DANG DON GYI RNAM DBYE TZAM GYI BRDA LA YANG MA BYANG BAR GYI TSOMS SU SMRA BA NI THUB CHOD DO, ,GUR BSRUNG 'KHOR THUN MONG BA'I SPYI MING YIN PA'I SHES BYED DU, SLOB DPON AA DHY'A KA RAS, SA 'OG GI MTHAR THUG PA JI LTAR MNGON PAR 'DOD PA YI RGYAR ZHES SOGS DE NYID BSHAD PA DRANGS BA NI GUR ZHES BA SRUNG 'KHOR THUN MONG BA'I CHA SHAS GCIG GI SGOS MING DU SBYAR BA'I LUNG DE SPYI MING DU BSHAD PA'I LUNG DU DRANGS PAS, MKHAS PA'I LUGS CHA GCIG TZAM GYI 'GO MJUG GANG YIN KYANG RTOGS PA'I NUS PA MED PA GSAL BAR SMRAS TE 'DI LTAR, LUNG DES NI RDO RJE'I SA GZHI, RDO RJE'I ME RI, RDO RJE'I RVA BA; RDO RJE'I MNGA'I DRA BA, RDO RJE'I BLA RE RNAMS RANG RANG GI SGOS MING GIS GSAL BAR RE RE NAS SMOS NAS BSTAN PA DE DAG, GUR ZHES PA'I MING GZHAN GYIS SKABS DER BSTAN PA LA DGOS PA CUNG ZAD KYANG MED LA, SKABS DER RDO RJE'I GUR ZHES PA NI; 'OG NA RDO RJE'I BLA RE YOD CING, STENG NA MDA'I DRA BA YOD PA'I BAR GYI MCHOD RTEN GYI DBYIBS CAN GYI SGOS MING DU 'CHANG BAR BZHED NAS STENG RDO RJE'I MDO'I DRA BA DANG, 'OG RDO RJE'I GUR 'BAR BA'O, ,ZHES DMIGS
, ,THUG NAS GSAL BAR GSUNGS SO, ,DE YANG RNAL 'BYOR RDZOGS 'PHRENG GI DKYIL 'KHOR RNAMS KYI THOG MAR 'JAM RDOR GYI SKABS 'DIR SRUNG 'KHOR THUN MONG BA'I CHA RE RE NAS RANG RANG GI SGOS MING GIS RGYAS PAR BSHAD NAS, DKYIL 'KHOR 'OG MA RNAMS SU SRUNG 'KHOR THUN MONG BSGOM PAR STON DGOS PA'I SKABS PHAL CHE BAR, RDO RJE'I GUR ZHES PA PHYOGS GCIG GI MING GIS SRUNG 'KHOR THUN MONG BA SPYI LA BTAGS TE TSIG TSOGS SKYUNG BA'I DGOS PA'I SLAD DU THA SNYAD DE LTAR SBYAR BA YIN TE, DE NYID LAS JI SKAD DU, YE SHES MKHA' 'GRO MA'I DKYIL 'KHOR NI RDO RJE'I GUR GYI NANG DU SNA TSOGS PAD+MA DANG, SNA TSOGS RDO RJE'I LTE BAR GNAS PA'I GZHAL YAS KHANG GI DBUS SU, ZHES DANG, BCU BDUN GYI BDAG NYID KYI DGYES PA RDO RJE'I DKYIL 'KHOR RDO RJE'I GUR GYI NANG DU CHOS 'BYUNG GI DKYIL NA GNAS PA'I GZHAL YAS KHANG GI DBUS SU, ZHES SOGS MANG DU GSUNGS PA LTAR RO, ,DE BAS NA KHYOD NYID KYIS RDO RJE 'PHRENG BSKOR GSUM GYI DON LA, SMRA BA JI SNYED BYED PA DE THAMS CAD NI NGANG TSUL 'DI LTA BU KHO NA'O, ,ZHES BLO DANG LDAN PA DAG GIS KHONG DU CHUD PAR BYA'O, ,GUR NI RUS PA'I 'PHRENG BA NYID, CES PA'I GUR ZHES PA DE, LUS LA SGOM RGYU'I SRUNG 'KHOR THUN MONG BA'I SPYI MING DU BYAS PA NA, LUS LA SRUNG 'KHOR THUN MONG BA BSGOM RGYU THAMS CAD RUS PA'I 'PHRENG BA NYID LAS SGOM PAR 'DOD DGOS SHING, DES NA LUS KYI SPYI BO'I RUS PA SNA TSOGS RDO RJE ZHES SOGS KYI DON 'DI NYID
KHAS KYANG BLANG DGOS SO, ,DE LTA NA KHYOD KYI LUS LA SRUNG 'KHOR BSGOM PA'I TSE, PHAGS PA RDO RJE'I GUR DANG, BA SBU MDA'I DRA BA SKRA SEN ME RIR BSGOM PAR SMRAS PA DANG, KHAS BLANGS SHIN TU 'GAL TE, BAGS PA BA SBU SKRA DANG BCAS PA RUS BA YIN PAR SHES LDAN SU ZHIG KHAS LEN, GUR NI RUS PA'I 'KHRENG BA NYID, CES PA'I DON NI KHYOD KYI 'CHAD TSUL DE LTAR NA, TSIG RKANG DE NYID KYIS LUS LA BSGOM PAR BYA BA'I SRUNG 'KHOR MTHA' YAS BSTAN PAS, TSIG THA MA DES MA BSTAN PA'I DON GANG YANG, GO RIM BZHIN DU LUS SKYES NAS ZHES SOGS RKANG BA DANG PO BZHI LA BSTAN RGYU MED PAR 'GYUR RO, ,YANG 'DI SKAD CES GZHAL YAS KHANG LUS LA SKYED TSUL YANG, DPAL SAMBHU tA'I BRTAG PA DRUG PA'I RAB BYED GSUM PAR, LUS NI DKYIL 'KHOR NYAMS DGA' BAR, ,SGO BZHIR JI SKAD GSUNGS PA'O, ,RANG GI YAN LAG BRGYAD BYUNG BAS, ,KA BA DE YIS BSKOR NAS GNAS, ,DNGOS PO KUN GYI MNYAM PA'I PHYIR, ,GRUB BZHI PAR NI RAB TU GRAGS, ,SKU GSUNGS THUGS KYI NGO BOS NI, ,'KHOR LO GSUM NI GCIG TU GSUNGS, ,RI NI MGO BO'I ZE'U 'BRU LA, ,JI LTAR RTZOM CHEN LA SOGS RIM, ,BLA MA'I DUS THABS RIM NYID KYIS, ,DE NI RDZOGS PAR DKYIL 'KHOR GNAS, ,ZHES GSUNGS LA, DE'I DON NI LUS MI MNYAM PA MED PA'I GZHAL YAS KHANG GRU BZHI SOGS DNGOS SU BSHAD PA DANG, DNGOS SU MA BSHAD KYANG DON LA THOB PA RNAMS, BLA MA BRGYUD PA'I MAN NGAG LAS JI LTAR 'BYUNG BA BZHIN KHA BSKANGS NAS BSGOM DGOS PAR BSHAD LA, JI LTAR KHA BSKANG TSUL BLA MA BRGYUD PA'I SO SO'I MIN NGA
{NGOR LEN} *, ,GIS MI 'DRA BA DU MA YOD KYANG, RJE BTZUN SA SKYA BA'I BLA MA CHOS KYI SPYAN DANG LDAN PA RNAMS KYI BZHED PA 'DI SLOB DPON DGRA LAS RNAM RGYAL GYIS KYEE RDO RJE'I GZHUNG DU BSHAD PA BZHIN BDE MCHOG GI SKABS SU YANG KHA BSKANGS PAS 'GAL BA CI ZHIG YOD CES BRIS SHING, BDE MCHOG LUS DKYIL GYI SKABS SU RGYUD RDO RJE 'PHRENG BAR BSHAD PAS KHA 'GONGS PA'I GZHAN LUGS SU SGOM PA BKOD NAS, DE 'GOG PA NA BDE MCHOG GI LUS DKYIL GYI SKABS SU BSHAD RGYUD RDO RJE 'PHRENG BAS KHA BSKANGS PA YANG MI 'THAD DE BDE MCHOG GI SKABS SU NI LUS 'DEM GANG GRU BZHI MNYAM PA, GZHAL YAS KHANG GRU BZHI YIN PAR SNGAR GYI SAMBHUtA'I LUNG GIS SHES SHING, MAN SNYE DANG DHA RI KA PAS GSUNGS PA LA, RGYUD RDOR 'PHRENG DU LUS KYI GA-YAS GA-YON DANG MDUN RGYAB BZHI GZHAL YAS KHANG GRU BZHIR GSUNGS PA'I PHYIR DANG, BDE MCHOG TU 'BYUNG BA BZHI'I RLUNG SGO BZHIR BSHAD DE, GRUB CHEN DRIL BU ZHABS KYIS, LUS NI MNYAM PA SGO BZHI RLUNG, ,RGYAN RNAMS RAB MDZES HE RU KA'I, ,LUS NI DKYIL 'KHOR DU 'DOD DO, ,ZHES GSUNGS LA, RGYUD RDOR 'PHRENG DU, KHA DANG SNA BUG GA-YAS GA-YON 'OG SGO STE STENG 'OG GI SGO BZHI, DKYIL 'KHOR GYI SGO BZHIR BSHAD PA'I PHYIR RO, ,RGYU MTSAN DE RNAMS KYI PHYIR BDE MCHOG GI SKABS SU RGYUD RDOR 'PHRENG GIS KHA BSKANGS PA MI 'THAD PAR GRUB LA, MA RGYUD NANG MTHUN PA'I PHYIR, KYE RDOR GYI CHOS SKOR NAS KHA BSKANGS PA SHIN TU 'THAD PAR GRUB PA YIN NO, ,ZHES BRIS SO, ,DE LA BRJOD PAR BYA STE, SAM+BHU tA'I LUNG DRANGS MA THAG PA'I SGO BZHIR RDI
SKAD GSUNGS PA'O, ,ZHES PA DE NYID KYIS, JI SKAD GSUNGS PA'I SGO BZHI NI, ,SNGAR RAB BYED NYI SHU PAR, ,GTZO BO DAM PA YA NI SGO, ,STENG DANG 'OG TU RAB TU GRAGS, ,'OG GI SGO NI RNAM PAR SHES, ,STENG GI SGO NI DBYINGS NYID DE, ZHES GSUNGS PA'I STENG 'OG GI SGO BZHI LA MAN NGAG SNYEM LAS BSHAD DE, DE NYID LAS JI SKAD GSUNGS PA NI, BRJOD PA'I RIM PA LAS MA 'DAS PAR TE, NYI SHU RTZA BZHI PAR NI LUS DANG NGAG GI SGO DAG DANG, SEMS KYI SGO YANG MCHOG NYID KYIS NI RNAM PA GNYIS SU BYAS PA, ZHES SGO BZHI RNAMS GSUNGS SO, ,ZHES BSHAD PAS SO DE BAS NA 'DI LTAR, KHYOD KYIS BDE DGYES KYI GZHAL YAS KHANG LUS LA SKYED TSUL SAM+BHU tA'I LUNG DE'I DON DU 'CHAD PA MI 'THAD PAR THAL, KHYOD KYIS GZHAL YAS KHANG LUS LA SKYED TSUL DE LA SNYING GA NAS RGYU BA'I 'BYUNG BA BZHI'I RLUNG SGO BZHIR SKYED PA YIN ZHING, SAM+BHU tA'I LUNG DE'I DON LA STENG 'OG GI SGO BZHI, GZHAL YAS KHANG GI SGO BZHIR SKYED PA'I PHYIR RO, ,DE LA KHYAB PA MED NA BDE MCHOG GI SKABS SU LUS 'DOM GANG GRU BZHI MNYAM PA GZHAL YAS KHANG GRU BZHIR BSGOM PA YIN ZHING RGYUD RDOR 'PHRENG LAS LUS KYI MDUN RGYAB DANG GA-YAS GA-YON BZHI, GZHAL YAS KHANG GRU BZHIR BSHAD PA LAS, BDE MCHOG GI LUS DKYIL GYI SKABS SU RGYUD RDOR 'PHRENG NAS KHA 'GENGS PA MI 'THAD PA'I KHYAB PA YOD PA BUD, SAM+BHU tA'I LUNG DON BRJOD MA THOG PA DE LTAR YIN PA'I PHYIR, LUNG DE NI KHYED RANG GI 'DOD PA DE NYID 'GOG BYED DU DRANGS PA YIN PAR ZAD DO, ,GRUB CHEN RDO RJE DRIL BU PAS MDZAD PA'I LUS DKYIL GYI SGRUB THABS MAR NGOS BSGYUR BA LAS, SBAL TSIGS RI RGYAL DE BZHIN TE, ,
, ,LUS NI MNYAM PAR SGO BZHI PA, ,RGYAN RNAMS RAB MDZES HE RU KA'I, ,LUS KYI DKYIL 'KHOR NYID DU 'DOD, CES 'BYUNG ZHING, 'GYUR GZHAN LAS, LUS NI MNYAM PA GRU BZHI PA, ZHES 'BYUNG BA LA, LUS NI MNYAM PA SGO BZHI RLUNG, ZHES LUNG GI TSIG SHIN TU NOR BAR DRANGS TE, SGRUB BYED KYIS 'PHONGS PAS, CI BYA GTOL MED DU GYUR PA GSAL BAR MA BYED CIG ,SNYING NAS RGYU BA'I RLUNG BZHI SGO BZHIR SKYED PAR SMRAS PAS NI, BDE MCHOG GI LUS DKYIL LA SGO BZHI LUS KYI GNAS GANG DU SKYED PA TZAM YANG MA SHES SO, ,BSHAD RGYUD RDO RJE 'PHRENG BAR, STENG 'OG SGO YI DBYE BA YIS, ,SGO BZHI ZHES NI BSHAD PA YIN, ZHES PA'I DON KHA SNA BSHAD GCI'I LAM GYI BUG PA BZHI SGO BZHIR BSHAD PA MA SHES PAR, KHA DANG SNA BUG GA-YAS GA-YON DANG 'OG SGO BZHI LA SGO BZHIR BSHAD PAR SMRAS PAS, RGYUD KYI RDO RJE'I TSIG MTHA' DAG PHO TSED 'BA' ZHIG GI SNYING KHAMS LHUR BLANGS TE 'CHAD PA GSAL BAR BYAS SO, ,BDE DGYES KYI LUS DKYIL SGOM PA'I LUS RTEN GYI DKYIL 'KHOR DU SGOM TSUL BLA MA'I MAN NGAG GIS KHA 'GENGS PA NA, SLOB DPON DGRA LAS RNAM RGYAL GYI GZHUNG DU BSHAD PA BZHIN KHA 'GENGS PA, RJE BTZUN SA SKYA BA GONG MA RNAMS KYI BZHED PA GTAN MIN PA'I TSUL 'OG TU 'CHAD DO, ,YANG 'DI SKAD CAS, GAL TE BDE MCHOG GI GZHUNG DU MA BSHAD PA KYEE RDOR NAS KHA BSKANG DU MI RUNG NGO SNYAM NA, DE LTA NA KHYED RANG GI BDE MCHOG GI LUS DKYIL GYI SKABS THAMS CAD DU, BSHAD RGYUD RDO RJE 'PHRENG BA NAS BSHAD PA LTAR LUS NI GZHAL YAS KHANG DU GYUR, ,
SANGS RGYAS KUN GYIS YANG DAG BRTEN, ZHES PA NAS, PHUNG PO LNGA NI YANG DAG LNGA, ,RNAM DAG KHA DOG LNGAR NI DBYE, ,DE DAG GZHAL YAS KHANG DU SGOMS, ZHES PA'I BAR GYIS CI RIGS PA KHA BSKANGS LA GSAL GDAB, CES PA YANG MI 'THAD PAR 'GYUR TE, BDE MCHOG GI GZHUNG DU DNGOS SU MA BSHAD PA GSANG 'DUS KYI BSHAD RGYUD NAS KHA BSKANGS PA'I PHYIR RO, ,ZHES SUG RIS SU BYAS SO, ,BDAG GI RJE BLA MAS, L'U AI PA'I SGRUB THABS KYI RNAM BSHAD 'DOD 'JOR, DE BAS GZHAL YAS KHANG BSKYED PA LA, RDO RJE 'PHRENG BAR LUS KYI CHA DU MA ZHIG, GZHAL YAS KHANG GI CHAS SOR SKYED PAR GSUNGS PA RGYAS PA'I LUGS YIN LA, 'DIR NI DPER NA BH'Um YIG GCIG BU LAS PHYI'I GZHAL YAS KHANG THAMS CAD SKYED PA BZHIN TU DRIL BU BAS, LUS NI MNYAM PA GRU BZHI PA, ,RGYAN RNAMS RAB MDZES HE RU KA'I, ,LUS KYI DKYIL 'KHOR NYID DU 'DOD, CES LUS 'DOM GANG YAN MAN DANG PHAN TSUN DU MNYAM PA LAS NGOS BZHI MNYAM PA'I GZHAL YAS KHANG GRU BZHI PA BSKYED PA DANG, PHA GU DANG DRA PHYED SOGS KYI RGYAN GYIS RAB TU MDZES PA'I HE RU KA'I RTEN GYI LUS DKYIL BSGOM PAR BSHAD PA NI BSDUS PA'O, ,ZHES BSHAD RGYUD RDO RJE 'PHRENG BAR BSHAD PA'I LUS RTEN GYI DKYIL 'KHOR DU SGOM TSUL DANG, BDE MCHOG LO DRIL GYI LUS RTEN GYI DKYIL 'KHOR DU BSKYED TSUL MI 'DRA BAR DNGOS SU GSUNGS KYI, BDE MCHOG GI SKABS SU RDO RJE 'PHRENG BA NAS BSHAD PA DE DAG GIS, CI RIGS PAR KHA BSKANGS NAS GSAL GDAB, CES PA'I TSIG ZUR TZAM YANG GANG DU'ANG MA GSUNGS NA MNGON SUM LA BSNYON
, ,PA'I RDZUN GYI TSIG 'DI 'DRA BA DAG RANG DBANG CUNG ZAD YOD PA SU YANG SMRA BAR MI BYED MOD, KHYOD NI DUR KHROD DU BRGYAL BA'I WA SKYES LTAR SU ZHIG GIS RANG DBANG MED PAR BYAS PA SMOS SHIG ,DE'I 'OG TU BRTEN PA LUS DKYIL LA RTZOD PA SPANG BAR RLOMS NAS PHYI DKYIL DANG LUS DKYIL LHA GRANGS MA MTHUN PA'I RTZOD PA SPONG BA, PHYI NANG THUN MONG BA'I LHA MED PA'I RTZOD PA SPANG BA, LUS DKYIL DANG LUS LA LHA 'GOD PA'I KHYAD PAR MA PHYED PA'I RTZOD PA SPANGS PA GSUM BYAS NAS, PHYI'I DKYIL 'KHOR LA LHA DGU LAS MED PA LA, LUS DKYIL GYI LHA BRGYA LNGA BCU RTZA BDUN LA SOGS PA BKOD CING, ZHES KHO BOS BRIS PA 'GOG PA'I SLAD DU DKA' BA LHUR BLANGS PA'I BAB COL MANG DU SMRAS PAS NI, DGAG SGRUB KYIS BRDA BTAGS PA TZAM LA BLO KHA PHYOGS PA YAN CHED THAMS CAD MCHOG TU NGO TSA BAR BYED PA'I TSE DE SNGON MED PA STE, 'DI LTAR PHYI'I DKYIL 'KHOR LA LHA DGU LAS MED PA LA ZHES PA NAS BOD KYI LUS DKYIL SGRUB TSUL RNAMS LA SNANG STE, ZHES BYA BA'I BAR 'DI NYID KYEE RDO RJE'I LUS DKYIL MI 'THAD PA'I SGRUB BYED KYI RTAGS SBYOR BKOD PA DANG, 'THAD PA 'GOG PA'I THAL SBYOR BKOD PA GANG YANG MIN GYI, LUS DKYIL DANG, LUS LA LHA 'GOD PA TZAM GYI KHYAD PAR YANG MA PHYED PAR LUS DKYIL SGOM TSUL MCHOG TU SMRA BA DAG MI 'THAD CES PA'I DAM BCA' TZAM ZHIG SMRAS NAS, MI 'THAD PA'I SGRUB BYED 'THAD PA 'GOG PA'I DGAG SGRUB 'DIR MA SPROS SO, ,ZHES BYA BA'I DON YIN MOD KYI DE LTA NA YANG TSIG 'DI DAG KHO BOS KHYOD KYIS LUS DKYIL SGOM TSUL DE
'THAD PA 'GOG PA'I SBYOR BA BKOD PA YIN NO ZHES, NAN GYIS KHYOD 'DI 'DOD CES PA, GSAL BAR DBANG PHYUG SPYOD PA YIN ZHES BYA BA'I NGANG TSUL LHUR LEN PA KHYOD LA, KHO BOS SBYOR BA BKOD PAR KHAS BLANGS LA SMRA BAR BYA YIS, RTAGS GSAL DANG KHYAB PA'I RNAM DBYE TZAM YANG MI SHES SHING, MA BSLABS BAR DGAG SGRUB LA ZHUGS NAS RNAG NYID 'CHOD BA, KHYO NI DMUS LONG GZUGS LA BLTA BA DANG MTSUNGS MOD KYANG, DGAG SGRUB BGYI BAR CUNG ZAD BLO KHA PHYOGS PA'I GZHON NU LAS DANG PO PA YAN CHAD THAMS CAD KYIS KHO BO'I TSIG 'DI LA BRTAG PAR BYOS SHIG, KHO BOS SNGAR YI GER BKOD PA 'DI THAL SBYOR DU BYED NA NI, 'DI LTAR 'GYUR TE, KHYED KYIS MAN NGAG MCHOG TU MING BTAGS PA'I LUS DKYIL SGRUB TSUL 'DI MUN SPRUL YIN PAR THAL; PHYI'I DKYIL 'KHOR LA LHA DGU LAS MED PA LA, LUS LA LHA BRGYA LNGA BCU RTZA BDUN LA SOGS PA BKOD CING, LUS DKYIL GYI LHA'I NANG NA PHYI DKYIL LA BKOD PA DANG THUN MONG BA'I LHA GCIG KYANG MED PA SOGS KYI TSUL 'DI RGYUD RGYA GZHUNG GANG NAS KYANG MA BSHAD CING, DON THOB LA MED KYANG LUS DKYIL DANG LUS LA LHA BKOD PA'I KHYAD PAR TZAM YANG MA PHYED PA'I BLOS BTAGS YIN PA'I PHYIR, ZHES BYA BAR 'GYUR BA YIN NO, ,DE'I TSE LUS DKYIL SGRUB TSUL DE MI 'THAD PAR THAL, PHYI'I DKYIL 'KHOR LA LHA DGU LAS MED PA LA, LUS DKYIL LA LHA BRGYA LNGA BCU RTZA BDUN LA SOGS PA BKOD PA'I PHYIR, ZHES SMRAS PAR 'GRO DGOS PA AE YIN, DER 'GRO MI DGOS NA KHYOD KYIS PHYI DKYIL GYI LHA GRANGS LAS NANG LUS KYI MANG BA MI RUNG NA, ZHES SMRAS NAS DE LA
, ,DGAG PA MANG DU SMRAS PA 'DI DAG THAMS CAD SU ZHIG GI KHAS LEN 'GOG PA SMROS SHIG ,KHAS LEN MKHAN MED PA 'BA' ZHIG BKAG NAS NAM MKHA' LDANG BA'I DKA' THUB LA GNAS SAM CI, DER 'GRO DGOS NA NI, DNGOS PO'I BYE BRAG YIN PAR THAL, DNGOS PO YIN, DNGOS PO DANG BDAG GCIG TU 'BREL, KHYOD MA YIN ZHING DNGOS PO YIN PA DU MA GRUB PA'I PHYIR, ZHES BKOD PA NA, DNGOS PO'I BYE BRAG YIN PAR THAL, DNGOS PO YIN PA'I PHYIR, ZHES PA'I KHYAB PA KHAS BLANGS PAR 'GRO DGOS SO ZHES ZER BA DANG KHYAD PAR CI ZHIG YOD, AE MA 'DI LTA BU YANG DGAG SGRUB KYI YI GE 'GOD PA LA ZHUGS SO, ,GZHAN YANG PHYI'I DKYIL 'KHOR LA LHA DGU LAS MED PA LA, LUS LA LHA BRGYA LNGA BCU RTZA BDUN LA SOGS PA BKOD CING LUS DKYIL GYI LHA'I NANG NA PHYI DKYIL LA BKOD PA DANG THUN MONG BA'I LHA GCIG KYANG MED PA SOGS RGYUD RGYA GZHUNG TSAD LDAN GANG NAS KYANG MA BSHAD CING, ZHES SMRAS PA NA, PHYI'I DKYIL 'KHOR LA LHA DGU LAS MED PA LA, LUS LA LHA BRGYA LNGA BCU RTZA BDUN LA SOGS PA BKOD PA RGYUD RGYA GZHUNG TSAD LDAN GANG NAS KYANG MA BSHAD PA'I PHYIR ZHES KHAS BLANGS DGOS PA AE YIN, MI DGOS NA PHYI DANG LUS DKYIL GYI LHA GRANGS MI MTHUN PA RGYUD RGYA GZHUNG NAS MA BSHAD PA KHO BOS GANG DU KHAS BLANGS PA SMROS SHIG, DE LTAR DGOS NA, DMAR 'BAR BA'I ME YIN ZHING TSA BA'I REG BYAS STONG PA GZHI MA GRUB PAR KHAS BLANGS NA, DMAR 'BAR BA'I ME YIN PA GZHI MA GRUB PAR KHAS BLANGS DGOS PAR THAL LO, ,DER MA ZAD PHYI NANG GI DKYIL 'KHOR GYI LHA GRANGS MI MTHUN
PA'I LUS DKYIL GYI RNAM GZHAG BYAS PA ZHIG MI 'THAD PAR SMRAS NA PHYI NANG GI LHA GRANGS MI MTHUN PA THAMS CAD MI 'THAD PAR SMRA AE DGOS, MI DGOS NA KHO BOS PHYI DKYIL LA LHA DGU LAS MED PA LA LUS LA LHA BRGYA LNGA BCU RTZA BDUN LA SOGS PA BKOD PA'I KYEE RDOR GYI LUS DKYIL RGYA GZHUNG TSAD LDAN GANG NAS KYANG MA BSHAD, CES SMRAS PA'I DBANG DU BYAS KYANG DE TZAM GYIS SPYIR PHYI NANG GI LHA GRANGS MI MTHUN PA MI 'THAD PAR KHAS BLANGS PA'I RGYU MTSAN GANG YIN, DE YANG KHO BOS KHAS MA BLANGS NA KHYOD KYIS BDE MCHOG LA PHYI NANG GI LHA GRANGS MI MTHUN PA YOD PA SOGS DU MA ZHIG KHO BO CAG LA GNOD BYED DU BKOD PA THAMS CAD 'BREL MED KYI BLA BRDOL 'BA' ZHIG TU GYUR BA GSAL BAR BYAS SO, ,DE BAS NA PHYI DKYIL DANG LUS DKYIL GYI LHA GRANGS MI MTHUN PA'I RNAM GZHAG RGYA GZHUNG TSAD LDAN GANG NAS KYANG MA BSHAD PAR KHO BO CAG GIS SKABS GANG DU YANG, DNGOS SHUGS GANG LA YANG KHAS MA BLANGS SHING, BDE MCHOG DRIL BU BA'I LUS DKYIL SGOM PA'I TSE PHYI DKYIL LA BKOD PA HE RU KA YAB YUM LAS MED KYANG LUS LA BKOD PA'I LHA DRUG CU RTZA GNYIS YOD PA NI, KHO BO CAG GI 'DOD PA GTING TSUGS PA YIN PAS DKYIL 'KHOR GANG LA YANG PHYI NANG GI LHA GRANGS MTHUN DGOS PA RMI LAM DU YANG KHAS MI LEN NO, ,DE'I PHYIR PHYI NANG GI LHA GRANGS MI MTHUN PA YOD PAR D'A RI KA PA SOGS DU MA'I LUNG GIS SGRUB PA'I NGAL BA BYAS PA THAMS CAD NI DON MED PAR DUB BA LHUR LEN PA 'BA' ZHIG TU ZAD DO, ,YANG 'DI SKAD CES SLOB DPON AA BHYAS KYEE RDOR LHA DGU, BDAG MED LHA MO BCO LNGA, YE SHES MKHA' 'GRO LHA BCU GSUM, SANGS RGYAS MNYAM SBYOR
, ,LHA NYI SHU RTZA BZHI, RDO RJE BDUD RTZI LHA DGU RNAMS LA, NANG DKYIL LA LHA NYI SHU RTZA BZHI DANG RTZA DGU BKOD PA RNAMS KYANG MI 'THAD PAR 'GYUR TE, PHYI NANG GI LHA GRANGS MA MTHUN PA'I PHYIR RO, ,RTAGS GRUB STE, MAN SNYE NYER GNYIS PAR 'DIR MA LA YA LA SOGS PA'I GNAS BRGYAD RNAMS NI THUGS KYI 'KHOR LO'O, ,K'A MA RU BA LA SOGS PA BRGYAD RNAMS GSUNG GI 'KHOR LO'O, ,YI DVAGS GNAS LA SOGS PA BRGYAD RNAMS SKU'I 'KHOR LO'O, ,'KHOR LO 'DI RNAMS SU GANG RDO RJE SEMS DPA'I DKYIL 'KHOR DU RDO RJE DRAG MO LA SOGS PA'I LHA MO RNAMS DANG, GANG YANG RIG PA'I RGYAL PO'I DKYIL 'KHOR DU RAB GTUM MA LA SOGS PA RNAMS DANG, GANG YANG KYEE RDO RJE'I DKYIL 'KHOR DANG, BDAG MED MA'I DKYIL 'KHOR DU GOO R'I LA SOGS PA RNAMS DANG, YE SHES MKHA' 'GRO'I DKYIL 'KHOR DU SENG GE MA LA SOGS PA RNAMS DANG, GANG YANG SANGS RGYAS THAMS CAD MNYAM PAR SBYOR BA'I MKHA' 'GRO MA DRA BA SDOM PAR SDOM PA MO DANG, KI LI KI LI MA LA SOGS PA RNAMS DANG; GANG YANG RDO RJE BDUD RTZI'I ZLA BA'I RI MO LA SOGS PA RNAMS TE, DE RNAMS THAMS CAD NYI SHU RTZA BZHI'I RANG BZHIN DU GNAS PA RNAMS SO, ,GANG SPYAN MA LA SOGS PA RNAMS DANG, MKHA' 'GRO MA LA SOGS PA RNAMS DANG, RDO RJE MKHA' 'GRO MA LA SOGS PA RNAMS TE, DE RNAMS NI SUM SKOR MA LA SOGS PA RTZA BZHI'I RANG BZHIN NO, ,RKYANG MA DANG, RO MA DANG, KUN DAR MA RNAMS NI RDO RJE BSNYEMS MA DANG, PHAG MO DANG, BDAG
MED MA DANG, YE SHES MKHA' 'GRO MA'I RANG BZHIN RNAMS SO, ,YANG NA 'DIS CI STE GDUL BYA'I BSAM PA'I DBANG LAS LHA MO'I KHYAD PAR RNAM PAR BZHAG PA LAS GANG CI YANG RUNG BA RNAL 'BYOR DANG RNAL 'BYOR MA'I RGYUD RNAMS SU, RDO RJE LHA MO GSUNGS PA DPAG TU MED PA DE RNAMS THAMS CAD KYANG SO SOR 'KHOR DANG BCAS PA'I RTZA GNYIS KYI RANG BZHIN RNAMS SU SHES PAR BYA'O, ,ZHES BSHAD PA'I RI MO ZHES BRIS PA'I YI GE'I RI MOS RANG GI NANG GI RI MO MA SBAS PA NYID DU GSAL BAR BYAS SO, , 'DI LA NI SHIN TU RMONGS PA'I BYED POS SPRUL PA'I NOR BA'I RNAM 'GYUR CHES CHE BA DU MA ZHIG TSOGS PA STE, 'DI LTAR MAN SNYE'I TSIG JI SKAD DRANGS PA 'DIS NI KYEE RDO RJE LA SOGS PA'I DKYIL 'KHOR GYI LHA'I NANG DU BSHAD PA'I LHA MO DE DAG NANG DU SBYAR BA'I NGES DON GYI BSHAD PA BYAS PA NA, RTZA DE DANG DE'I RANG BZHIN YIN PAR BSHAD PA TZAM YIN GYI RTZA DE DAG YONGS SU GYUR PA LAS LHA MO DE DANG DER SGOM PA DANG, RTZA DE DANG DE'I GNAS SU LHA MO DE DANG DER SKU MDOG THA DAD PA ZHAL PHYAG GI RNAM PA CAN SGOM PAR STON PA'I TSIG ZUR TZAM YANG MED CING, 'DI NI RDZOGS RIM LA SBYAR BA'I NGES DON STON PA'I TSIG YIN GYI, BSKYED RIM GYI CHA GANG YANG STON PA MIN PAS, SAM+BHU tA'I GZHUNG RTZA BA DANG, MAN SNYE GNYIS KA'I BRJOD BYA GANG STON PA'I PHYOGS TZAM YANG MA RIG PAR 'GRON PO MYA NGAM GYI THANG DU SLEB PA LTAR GYUR TO, ,DE LA RAB BYED 'DAR NI GTZO BOR RDZOGS RIM GYI YAN LAG GTAN LA 'BEBS PA YIN ZHING, DE YANG SKU GSUNG THUGS KYI DBYE BA YIS, ,NYI SHU RTZA BZHI NYE BAR BRJOD, CES SOGS KYIS
{NGOR LAN} *, ,LUS KYI RTZA'I GTZO MO RNAMS NGOS BZUNG NAS DE DAG GNAS DANG NYE BA'I GNAS LA SOGS PAR JI LTAR 'JOG TSUL DANG, RTZA GANG NAS KHAMS GANG 'BAB PA SOGS RGYAS PAR GSUNGS PA RNAMS BSHAD ZIN PA'I MJUG TU MAN NGAG SNYE MAS RTZA DE DAG RNAL 'BYOR MA'I RANG BZHIN DU BSHAD PA'I SGO NAS RNAL 'BYOR MA'I RGYUD DU RTZA 'DI DAG LA MKHA' 'GRO MA'I TSOGS DANG, MKHA' 'GRO MA'I DRA BAR GSUNGS PA DAG GI DON 'CHAD PA YIN LA, DE YANG KYEE RDO RJE, BDE MCHOG, RDOR SEMS, RIG PA'I RGYAL PO, YE SHES MKHA' 'GRO MA, SANGS RGYAS MNYAM SBYOR, RDO RJE BDUD RTZI LA SOGS PA BLA MED KYI DKYIL 'KHOR RNAMS SU BSHAD PA'I RNAL 'BYOR MA LHA MO'I TSOGS THAMS CAD NI NGES DON RDZOGS RIM GYI DKYIL 'KHOR 'CHAD PA'I CHED DU, NANG BSHAD BYAS PA NA LUS KYI RTZA DE DAG LA BSHAD NAS, RTZA DE RNAMS LHA MO DE DAG GI RANG BZHIN DU BSHAD CING, DE'I TSE DRA BA'AM TSOGS PA NI 'DUS PA'I DON TE GANG DANG 'DUS NA BYANG SEMS DKAR PO ZHU NAS RTZA DE DAG GI NANG NAS 'BAB PA'I TSUL GYIS BYANG SEMS KUN DE LTA BU DANG 'DUS PA YIN LA SHES RAB MA'I RANG BZHIN DU BZHAG PA'I RTZA RNAMS DANG THABS KUN DE LTA BU 'DUS PA'I DON TO, ,DE LTAR SHES RAB RNAL 'BYOR MA'I RANG BZHIN DU BSHAD PA'I RTZA RNAMS DANG THABS KUN DA LTA BU'I BYANG CHUB KYI SEMS ZHU BA 'DUS PA LAS SKYES PA'I BDE BA CHEN PO LHAN CIG SKYES PA'I YE SHES STONG PA NYID DANG SNYING RJE DBYER MED PA'I DON DAM PA'I BYANG CHUB KYI SEMS NI SA BON DANG PHYAG MTSAN SOGS LAS BSKYED
PA'I BSKYED RIM PA'I DKYIL 'KHOR MIN GYI NGES DON RDZOGS RIM PA'I DKYIL 'KHOR YIN PAR MAN NGAG SNYE MA'I GZHUNG 'DI DAG GIS 'CHAD PA YIN NO, ,DE'I PHYIR KHYED KYIS DRANGS PA'I MAN SNYE'I TSIG DE'I MJUG TU RTZA BDUD BRAL MA NAS GZHI DUS LA BYANG CHUB KYI SEMS MI 'BAB PAS RNAL 'BYOR MA DANG MA SBYOR LA, BRTAG GNYIS LAS 'BAD PAS KUN GYIS LHAG MA SPANGS ZHES GSUNGS PA'I DON DU BSHAD ZIN MA THAG KHO BOS JI SKAD BRJOD MA THAG PA'I NGES DON RDZOGS RIM GYI RNAM GZHAG DE NYID RTZA RNAMS RNAL 'BYOR MA RNAMS KYI RANG BZHIN DU STON PA NI SANBHU tA'I RGYUD TSIG GONG DU 'BYUNG BA RNAMS KYIS GSUNGS PAR STON PA NI MAN SNYE LAS 'DI YANG DON DAM PAR SA BON LA SOGS PA LAS BSKYED PA LTE BA KHO NAR STONG PA NYID DANG SNYING RJE DBYER MED PA'I BYANG CHUB KYI NGO BO NI RDZOGS PA'I DKYIL 'KHOR DU GSUNGS SO, ,ZHES GSAL BAR GSUNGS SO, ,RGYU MTSAN DE NYID KYI PHYIR GONG DU SMOS PA'I DKYIL 'KHOR DE DAG GI LHA'I NANG NA LHA PHO'I RNAM PA YOD PA GANG YANG RTZA'I RANG BZHIN DU MA BSHAD PAR LHA MO RNAMS 'BA' ZHIG DANG SBYAR BA YIN GYI, DE LTA MIN PAR DKYIL 'KHOR DE DAG GIS LUS DKYIL STEN PA YIN NA DKYIL 'KHOR MANG PO DE DAG THAMS CAD KYI LUS DKYIL LA LHA PHO GCIG KYANG MI 'BYUNG BA'I RGYU MTSAN SMRA DGOS FSHING SANGS RGYAS MNYAM SBYOR DANG RDO RJE BDUD RTZI LA SOGS PA'I LUS DKYIL GYI DKYIL 'KHOR GYI GTZO BO GANG YIN KYANG SMRA DGOS SO, ,GZHAN YANG MAN SNYE'I TSIG KHYED KYIS DRANGS BA DE DAG GIS LUS KYI RTZA RNAL 'BYOR MA DE DANG DER BSGOM PA'I
, ,LUS DKYIL SGOM PAR BSHAD PAR KHYED KYIS SMRAS PA DE LTAR NA MAN SNYE'I TSIG DRANGS PA DE NYID LAS GDUL BYA'I BSAM PA'I DBANG LAS LHA MO'I KHYAD PAR RNAM PAR BZHAG PA LAS GANG CI YANG RUNG RNAL 'BYOR DANG RNAL 'BYOR MA'I RGYUD RNAMS SU RDO RJE LHA MO GSUNGS PA DPAG TU MED PA DE RNAMS THAMS CAD KYANG SO SOR 'KHOR DANG BCAS PA'I SUM CU RTZA GNYIS KYI RANG BZHIN RNAMS SU SHES PAR BYA'O, ,ZHES PA 'DIS RTZA SO GNYIS 'KHOR BCAS LA PHA RGYUD MA RGYUD NAS LHA MO DPAG TU MED PA GSUNGS PA THAMS CAD SGOM PA'I LUS DKYIL DPAG TU MED PA BSTAN PAR 'GYUR BAS HA CANG THAL BA'I GTAM MO, ,GZHAN YANG 'DI DAG GIS LHA MO DE RNAMS RTZA'I RANG BZHIN DU BSTAN PA TZAM LA LUS DKYIL BSTAN PAR 'KHRUL PA BSKYED PA 'DI NYID LAS NI LUS DKYIL SGOM LUGS KYI RNAM GZHAG MA CHAGS PA CHES GSAL BAR BYAS SO, ,DE BZHIN DU BDE MCHOG SDOM 'BYUNG GI SGRUB THABS MI 'THAD PA'I GNOD PA BSTAN PA YANG KHAS BLANGS MED PA'I THAL BA 'PHEN PA STE DKYIL 'KHOR GANG GI DBANG DU BYAS KYANG PHYI NANG GI LHA GRANGS MTHUN DGOS PA KHO BOS GANG DU YANG KHAS MA BLANGS PA'I PHYIR RO, ,YANG 'DI SKAD CES PHYI DKYIL LA LHA DGU LAS MED PA LA, NANG DKYIL LA LHA BRGYA LNGA BCU RTZA BDUN LA SOGS PA BKOD PA MI 'THAD NA, BYANG CHUB SEMS DPA' RDO RJE SNYING POS BSHAD PA'I KYEE RDOR GYI SGRUB THABS KYANG MI 'THAD PAR 'GYUR TE, PHYI DKYIL LA LHA DGU LAS MED PA LA, NANG DKYIL LA LHA BRGYA LNGA BCU RTZA DRUG SOGS BKOD PA'I PHYIR RTAGS GRUB STE, RDO RJE
SNYING 'GREL DU, PHYI DKYIL HE RU KA BZHI GANG GTZO BOR BSGOMS KYANG, 'KHOR GOO RA'I LA SOGS PA BRGYAD KYIS BSKOR BA'I LHA DGU LAS MED PA LA, NANG LUS DKYIL DU, DE STENG GNAS PA'I DPA' MO NI, ,MKHA' 'GRO MA YI 'KHOR LO'I GTZO, ,RTZA NI RNAM PA BZHI RNAMS KYIS, ,SPYI BOR 'KHOR LO BRJOD PAR BYA, ,DPRAL BAR BCU DRUG RNAMS KYIS TE, ,MGRIN PAR SUM CU GNYIS RNAMS KYIS, ,SNYING GAR 'KHOR LO BRGYAD RNAMS KYIS, ,DRUG CU RTZA BZHI RNAMS NYID KYIS, ,LTE BA'I 'KHOR LO YANG DAG BSHAD, ,GSANG BAR SUM CU GNYIS RNAMS KYIS, ,RTZA RNAMS 'KHOR LO'I RTZIBS BSHAD PA'AM, ,YANG NA PADMA'I 'DAB MA RNAMS, ,RNAL 'BYOR MA RNAMS NGES BSTEN PA, BYA BA RNAM PA DU MA BYED, CES LUS KYI SPYI GTZUG TU RTZA 'DAB BZHI, DPRAL BAR BCU DRUG ,MGRIN PAR SO GNYIS, SNYING GAR BRGYAD, LTE BAR RE BZHI, GSANG GNAS SU SO GNYIS RNAMS BSGOMS NAS, DE DAG 'KHOR LO'I RTZIBS SAM, PADMA'I 'DAB MAR BSGOMS PA'I STENG DU, LHA MO RNAMS BSGOM PAR BSHAD PA DANG, 'KHOR LO DRUG LA LHA MA RNAMS, ,LNGA BCU RTZA DRUG LHAG PA'I BRGYA'O, ,ZHES RTZA 'DAB KYI LHA MO'I GRANGS DANG, MKHA' 'GRO MA RNAMS KHAMS LNGA RNAMS, ,'DI RNAMS 'KHOR LO LNGA LA GNAS, ,DRUG PA GSANG BAR BDAG PO CHE, ,MKHA' 'GRO SUM CU RTZA GNYIS DANG, ,LHAN CIG KHAMS GSUM DBANG PHYUG GO ,ZHES 'KHOR LO'I LHA RNAMS RANG RANG GI DE BZHIN GSHEGS PA'I YUM GYI RNAM PAR BSGOM PA DANG, DPRAL BAR ZLA BA'I DKYIL 'KHOR NI, ,YANG DAG RDZOGS LA SKU GNAS SO, ,MGRIN
, ,PA'I PHYOGS SU GSUNG RDO RJE, NYI MA'I DKYIL 'KHOR GANG BA LA'O, ,SGRA GCAN DKYIL 'KHOR DBUS GNAS PAR, ,LUS CAN KUN GYI RNAM SHES SO, ,SGRA CAN MJUG MA SA LA NI, ,RIN CHEN LEGS GNAS THE TSOM MED, ,DON YONG DUS ME DKYIL 'KHOR LA, ,SNA TSOGS RDO RJE STENG NA GNAS, ,'KHOR LO PADMA RDO RJE DANG, ,RIN CHEN RAL GRI LNGA PA STE, ,SKYES BU RDO RJE NOR BU DANG, ,SANGS RGYAS DBU LA DRUG PAR BSHAD, ,DE LTAR SANGS RGYAS THAMS CAD KYI, ,RIGS DRUG 'DI RNAMS STOBS CHEN YIN, ZHES 'KHOR LO DRUG GI DBUS SU DE BZHIN GSHEGS PA DRUG PO SGOM TSUL DANG, MIG GNYIS DE BZHIN RNA BA DAG, CES SOGS KYIS NANG GI SKYE MCHED LHA MO BCU GNYIS BSGOM TSUL DANG, SA YIS DRI NI BSKYOD BYAS TE, ZHES PA NAS YID KYI DBANG PO DE NYID LA'O, ,ZHES PA'I BAR GYIS KHAMS RNAMS RDO RJE MAR BSGOM TSUL DANG GSHIN RJE MTHAR BYED RUS PAS BSKYED CES PA NAS, 'OG GI SGRA LAS GNOD MDZES RGYAL PO ZHES PA'I BAR GYIS, KHRO BO BCU LUS LA SKYED TSUL SHIN TU GSAL BAR GSUNGS PA'I PHYIR RO, ,ZHES SMRAS SO, ,'DI LTAR SMRAS PA DAG GIS NI BRTAG GNYIS KYI RGYUD LA LAS DANG PO BA'I BLO'I TSOGS KYI BRDA TZAM YANG MA CHAGS PA GSAL BAR BYAS SHING, KHUNGS DRANGS PA DE DAG GANG GI TSIG YIN PA TZAM YANG MNGON SUM LA 'KHRUL LA, DUS 'KHOR GYI LUGS KYI PHYI NANG GZHAN GSUM SBYOR TSUL BSHAD PA KYEE RDOR GYI LUS DKYIL DU NOR SHING, KYEE RDOR DANG DUS 'KHOR GYI LHA NOR BAS SHIN TU BLUN PA GSAL BAR BYAS SO, ,JI LTAR ZHE NA, BRTAG GNYIS KYI LE'U DANG PO RIGS KYI LE'UR RDZOGS
RIM PA'I GTUM MO'I RNAL 'BYOR GSUNGS PA'I SHO LO KA GCIG GI DON RGYAS PAR 'CHAD PA LA, RTZA RGYUD RGYAS PA'I LUNG RDO RJE SNYING 'GREL DU DRANGS PA YIN TE, JI SKAD DANG NI, GTUM MO ZHES PA LA SOGS PAS GTUM MO'I RNAL 'BYOR BRJOD PAR BYA'O, ,GTUM MO LTE BAR 'BAR BA YIS, ,DE BZHIN GSHEGS PA LNGA BSREGS SHING, ,SPYAN LA SOGS PA RNAMS BSREGS TE, ,BSREGS NAS RI BONG CAN HAm 'DZAG ,CES PA MDOR BSTAN PA'I TSIG STE, MDOR BSTAN PA 'DI'I RGYAS PAR BSHAD PA'I TSIG NI, RTZA BA'I RGYUD LA 'JUG PAR BYA STE, DER BCOM LDAN 'DAS KYIS BKA' STZAL PA, GSANG BA LAS KYANG CHES GSANG BA, RDO RJE SNYING PO NGAS BSHAD NYON, ,CES PA NAS, DE LTA BU SOGS RGYUD RNAMS NI, ,LUS NGAG SEMS RNAMS 'GOG PA LAS, ,DE DAG SA LAS BYIS RNAMS LA, ,RGYAL BA'I DBANG POS BSTAN PA YIN, ZHES PA'I RGYUN GCIG LA BAR MA CHAD DU SGREL BA DER DRANGS PA'I NANG NAS TSIGS SU BCAD PA 'GA' ZHIG GI BAR SKABS PAR SKABS NAS KHOL DU PHYUNG STE KHYOD KYIS 'DIR DRANGS 'DUG LA RDO RJE SNYING 'GREL DU NI, BRTAG GNYIS KYI SHO LO KA GCIG PUS MDOR BSTAN PA'I GTUM MO'I RNAL 'BYOR GYI DON, RTZA RGYUD KYI TSIG 'DI DAG GIS RGYAS PAR 'CHAD PAR BYED CING, KHYOD KYIS 'DI DAG KYEE RDOR GYI LUS DKYIL STON PAR BYAS PAS, RDZOGS RIM GTUM MO'I RNAL 'BYOR 'CHAD PA'I GZHUNG BSKYED RIM GYI LUS DKYIL STON PAR NOR BAS, MGO BO'I COD PAN DANG, MDOMS DKRIS NOR PA KHYOD KYIS RGYUD DON 'CHAD PA'I THUB CHAD LHUR BLANGS PA NI, RGYAL BA'I BSTAN PA LA THAN SKYAL BA'I SLAD DU 'ONGS SO, ,SHO LO KA GCIG
, ,MDOR BSTAN PA'I DON RGYAS PAR 'CHAD PA DANG, MDOR BSTAN DE NYID BRJOD BYA MTHUN DGOS PAS RGYAS BSHAD DE'I DON LUS DKYIL LA 'CHAD NA, MDOR BSTAN DE'I DON YANG DE LA 'CHAD DGOS SHING, DE'I PHYIR BRTAG GNYIS KYI SHO LO KA GCIG PU DE KHYOD KYI LTAR NA KYE RDOR GYI BSKYED RIM GYI LUS DKYIL STON PA'I GZHUNG DU 'DOD DGOS LA, LTE BAR GTUM MO 'BAR BA YIS, ZHES SOGS KYI SHO LO KA 'DI BRTAG GNYIS THOG MAR SLOB PA LA ZHUGS PA'I LAS DANG PO PA DAG KYANG BSKYED RIM GYI LUS DKYIL STON BYED YIN PAR DOGS PA MED NA KHYOD LA GNAS MA YIN PA 'DI 'BYUNG PO SU ZHIG GIS SNYING LA BYIN PA SMROS SHIG ,DE BZHIN DU RDO RJE SNYING 'GREL DU RTZA RGYUD RGYAS PA'I LUNG DRANGS PA RDO RJE SNYING 'GREL GYI TSIG TU 'KHRUL NAS DRANGS PAS BLUN PO'I RANG RTAGS BSTAN LA, RTZA RGYUD RGYAS PA'I LUNG DRANGS PA 'DI DAG GIS GTUM MO'I RNAL 'BYOR GYIS GANG LA GNAD DU BSNUN PA'I RTZA'I 'KHOR LO RNAMS DANG, DE LA GTUM MO'I RNAL 'BYOR GYIS GNAD DU BSNUN PAS, YE SHES SKYE BA'I TSUL DANG PHYI ROL GYI LHA MO RNAMS DANG SNYOMS PAR ZHUGS PAS BDE CHEN BSKYED PA LTAR DU NANG GI RTZA LA GNAD DU BSNUN PAS KYANG KHAMS ZHU BA'I BDE CHEN 'DREN PA'I SGO NAS RTZA RNAMS KYIS LHA MO'I BYA BA BYED NUS PA RTOGS PA'I CHED DU, RTZA RNAMS LHA MO'I NGO BOR BSTAN PA RGYAS PAR GSUNGS PA YIN ZHING, RTZA RNAMS 'KHOR LO'I RTZIBS BSHAD PA'AM, ZHES PA YANG 'KHOR LO DRUG GI RTZIBS ZHES BSHAD PA NI RTZA 'DAB RNAMS YIN PA DANG, GSANG GNAS KYI PADMA'I 'DAB MA, LTE BA DANG, SNYING GA'I PADMA'I 'DAB
MA ZHES SOGS BSHAD PA DAG KYANG, RTZA 'DAB RNAMS LA GO BAR BYA BA'I DON YIN GYI RTZA RNAMS PHYI'I 'KHOR LO'I RTZIBS KYI RNAM PA LTA BUR BSGOM PA SOGS SU STON PA GA LA YIN KYEE RDOR LHA DGU'I LUS DKYIL LA, RTZA 'KHOR LO'I RTZIBS KYI DBYIBS SU SGOM PA NI SNGON MED PA'I GZHUNG LUGS SO, ,'DIR LHA MO RNAMS RTZA'I NGO BOR STON PA NA YANG, KYEE RDOR KHO NA'I LHA MOR MA ZAD RGYUD SDE DU MA NAS LHA MO'I DBYE BA SO SOR GSUNGS PA THAMS CAD RTZA'I NGO BOR SDOM PA 'CHAD PA YIN ZHING, KHYAD PAR LHA MO BRGYA LNGA BCU RTZA DRUG BSGOM PA NI, DUS 'KHOR GYI YIN PAR 'DIR DNGOS SU BSHAD DE, 'KHOR LO DRUG LA LHA MO RNAMS, ,LNGA BCU RTZA DRUG LHAG PA'I BRGYA'O, ,DUS KYI 'KHOR LO ZHES PAR BSHAD, ,RIGS DRUG RNAMS KYIS GCIG BSDUS PA'O, ,ZHES BSHAD PAS SO, ,DE LA RKANG PA DANG PO DRANGS NAS, PHYI MA GNYIS MA BRIS PAR 'DIS 'KHOR LO DRUG LA LHA MO BRGYA DANG DRUG BSGOM PA'I KYEE RDOR LUS DKYIL BSTAN PA YIN NO, ,ZHES RGYUS MED SLU BAR BYED PA'I RDZUN TSIG RNAM PAR MI 'TSAM PA'I BSNYON 'DINGS PAR MA BYED CIG ,DES NA 'DIR RTZA LA SOGS PA LHA MO DANG SBYAR BA RNAMS KYIS KYEE RDOR GYIS LUS DKYIL STEN PA YIN NA NI, LUNG DE NYID LAS, NYE BA'I RTZA RNAMS DU MA STE, ,DE LAS LUS NI RKANG NAS GNAS, ,DE RNAMS STONG PHRAG BDUN CU GNYIS, ,LUS LA DE NYID LHA MO RNAMS, ,BA SPU'I GRANGS KYI 'BYUNG PO STE, ,BYE BA PHRAG GSUM PHYED DANG BCAS, ,SKRA YI GRANGS KYIS GRUB PA RNAMS, ,ZHES GSUNGS PAS, RTZA STONG PHRAG BDUN CU RTZA GNYIS KYI RANG BZHIN GYI LHA MO STONG PHRAG BDUN CU RTZA GNYIS DANG, BA SPU'I RANG
, ,BZHIN GYI 'BYUNG PO BYE BA PHRAG PHYED DANG BZHI SKRA'I GRANGS DANG MNYAM PA'I GRUB PA RNAMS BSGOM PA'I KYEE RDOR GYI LUS DKYIL BSTAN PAR YANG 'GYUR RO, ,GZHAN YANG 'DIS NI GTUM MO'I RNAL 'BYOR GYIS LUS LA GNAD DU BSNUN PA LA, GANG LA GNAD DU BSNUN PA'I GZHI RDO RJE LUS KYI GNAS LUGS RTOGS PA'I THABS KYI YAN LAG DE LTAR GNAD DU BSNUN NAS BSGOM PA'I DGOS PA LA SOGS PA RTOGS PA'I YAN LAG TU, PHYI NANG GZHAN GSUM SBYOR BA'I TSUL STON PAR BZHED NAS LUNG 'DI NYID DU, JI LTAR PHYI ROL DE BZHIN LUS, ,DBUGS DRUG RNAMS KYIS CHU SRANG STE, ZHES SOGS RGYA CHER GSUNGS PA YIN LA, TSUL 'DI NI DANG LA DUS KYI 'KHOR LO'I RGYUD KYI NANG GI LE'U 'GREL PA DANG BCAS PAR, PHA RGYUD MA RGYUD KYI LHA'I GRANGS THAMS CAD NANG GI LUS KYI RTZA DANG, RLUNG GI GRANGS DANG SBYAR NAS GSUNGS PA DANG TSUL 'DRA BA YIN NO, ,KHYOD LTAR NA DE DAG GIS KYANG DPAL LDAN RGYU SKAR GYI DKYIL 'KHOR DANG, GSANG BA 'DUS PA'I DKYIL 'KHOR RNAMS DANG, SGYU 'PHRUL DRA BA'I DKYIL 'KHOR RNAMS DANG, BDE MCHOG SDOM PA CHE CHUNG DAG GI DKYIL 'KHOR LA SOGS PA'I LHA THAMS CAD LUS LA TSANG BAR BSGOM PA'I LUS DKYIL BSTAN PAR 'GYUR TE, RNAM PA KUN TU MTSUNGS PA'I PHYIR, BSHAD PAR BYA BA SHIN TU MANG PO YOD KYANG, MKHAS PA RNAM DPYOD DANG LDAN PA'I MDUN SAR SMRA BAR BYA BA YIN GYI, LHA'I RI MO MKHAN GYIS BKOD PA'I RNAM PAR BKRA BA'I RI MO MCHOG TU MDZES PA DAG ,DMUS LONG GI MDUN DU SHES
LDAN SU ZHIG GIS 'GOD PAR BYED, JI SKAD BSHAD PA'I DON DE LTAR STON PA'I RTZA RGYUD RGYAS PA'I LUNG GTUM MO'I RNAL 'BYOR RTOGS PA'I YAN LAG TU RDO RJE SNYING POS DRANGS PA LA, RDO RJE SNYING POS MDZAD PA'I KYEE RDOR GYI SGRUB THAB SU 'KHRUL NAS, RDO RJE SNYING POS MDZAD PA'I KYEE RDOR GYI SGRUB THABS KYANG MI 'THAD PAR 'GYUR TE, ZHES LUNG 'DI DAG THAR THOR TZAM ZHIG DRANGS PA NYID KYIS, SHES RIG CUNG ZAD YOD PA DAG GIS NI KHYOD KYI NGANG TSUL RDZOGS PAR KHONG DU CHUD PAR 'GYUR RO, ,YANG 'DI SKAD CES PHYI NANG GI 'KHOR LO LHA GANGS MI MTHUN PA SKYON DU 'DOD PA NA, RANG GI KHAS BLANGS MA DRAN PA'I BAB COL TE, DE LTA NA KHYED RANG GI GSANG 'DUS 'PHAGS LUGS KYI SGRUB THABS KYI t'I KA'ANG MI 'THAD PAR 'GYUR TE, PHYI DKYIL LA LHA SO GNYIS LAS MED PA LA, NANG DKYIL LA LHA ZHE DGU BKOD PA'I PHYIR, RTAGS KHAS BLANGS TE, DON YOD GRUB PA BRLA RTZA GNYIS DANG, SA SNYING MIG GNYIS DANG, PHYAG RDOR RNA BA GNYIS DANG, SGRIB SEL TSIGS BCU GNYIS DANG, GNOD MDZES RKANG MTHIL GNYIS LA BKOD PAR RGYU MTSAN DANG BCAS TE BRIS PA DE DRAN PAR GYIS ZHES BRIS SO, ,GSUNG RAB MDO RGYUD GANG GI'ANG BRDA RAGS PA TZAM YANG MA CHAGS PAR 'JAM MED DU SMRA BA LA, GTAM 'DI LTA BU 'OS SO PHYI NANG GI DKYIL 'KHOR LHA GRANGS MTHUN DGOS SO ZHES KHO BOS MA SMRAS PA'I TSUL BRJOD ZIN LA, KHYOD LTAR NA 'PHAGS PA YAB SRAS RNAMS LA KHAS BLANGS NANG 'GAL GI SKYON YOD PAR 'GYUR TE, SGRON GSAL DU PHYI DKYIL LA LHA SO GNYIS 'GOD DGOS PA LUS DKYIL LA LHA SO GNYIS 'GOD DGOS PA DANG 'DRA BAR GSUNGS NAS, LUS DKYIL GYI LHA SO GNYIS YIN PAR BSHAD RGYUD KYI
, ,LUNG GIS BSGRUB PA NA 'DI LTAR GSUNGS TE, JI SKAD DU SGRON GSAL DAG 'GYUR LAS, SKU'I DKYIL 'KHOR DE NYID KYI RE ZHIG LHA SUM CU RTZA GNYIS DGOD PA, SHES PA MED PAR 'DI JI LTAR SHES SHE NA, ZHES PHYOGS SNGA BSU PA NI, LUS DKYIL GYI LHA GRANGS SO GNYIS YIN PA'I SHES BYED MED PAR DE DANG 'DRA BAR PHYI DKYIL LA LHA SO GNYIS 'GOD DGOS PA JI LTAR SHES SHE NA, ZHES BYA BA'I DON TO, ,DE'I LAN 'DEBS PA'I PHYIR DU LUS DKYIL GYI LHA SO GNYIS SU BSGRUB PAR BZHED NAS, SGRON GSAL LAS, DE BRJOD PAR BYA STE, BCOM LDAN 'DAS NYID KYIS, BSHAD PA'I RGYUD LAS RNAL 'BYOR BYE BA'I 'DUS PA'I DON THE TSOM MED PA LA 'JUG PAR BYA STE, SEMS KYIS GZHAN MI BSAM PAR, ,SEMS DPA' CHEN PO MNYAN PAR GYIS, ,RDO RJE SLOB DPON LUS 'DI LA, ,RGYAL BA'I SKU NI RIM BZHIN GNAS, ZHES SOGS DRANGS PA NA, DE MIG DBANG PO GNYIS LA NI, DE BZHIN GSHEGS PAS SNYING PO, ,DE YI RNA BA'I DBANG GNYIS LA, ,BDER BSHEGS PHYAG NA RDO RJE'O, DE YI SNA'I DBANG PO LA, ,DE BZHIN GSHEGS PA MKHA' SNYING PO, ZHES PA DANG, LUS KYI TSIGS RNAMS THAMS CAD LA, ,DE BZHIN GSHEGS PA KUN TU BZANG, ZHES DRANGS SO, ,DE BAS NA SGRON GSAL LA RANG NYID KYIS LUS LA 'GOD PA'I LHA GRAGS SO GNYIS SU KHAS BLANGS PA DANG, DE'I SHES BYED DU MIG GNYIS LAS SNYING 'GOD PA DANG, RNA BA GNYIS KA LA PHYAG RDOR 'GOD PA DANG, TSIGS THAMS CAD LA KUN BZANG 'GOD PAR BSHAD PA'I LUNG DRANGS NAS BSGRUB PA NANG 'GAL LO ZHES SMROS
SHIG, SGRUB THABS MDOR BYAS DANG, RNAM BZHAG RIM BA'I LUGS LA YANG LUS DKYIL GYI LHA GRANGS SO GNYIS YIN CING, MIG GNYIS LAS SNYING DANG, TSIGS RNAMS LA KUN BZANG 'GOD PAR DE DAG TU BSHAD PA YANG NANG 'GAL BAR 'GYUR TE, DE MA 'GAL NA KHO BO LA GNOD PA DE LTAR STON PA CI ZHIG YIN, DES NA KUN BZANG GCIG NYID TSIGS THAMS CAD LA BKOD KYANG, LUS DKYIL GYI LHA GRANGS SO GNYIS SU BYED PA NA, DE THAMS CAD KUN BZANG ZHES GCIG TU 'DREN PAS SKYON GYI DRI TZAM YANG GA LA YOD, DE LTA MIN PAR SA SNYING LAN GNYIS BKOD PA DANG, PHYAG RDOR LAN GNYIS BKOD PA SOGS DKYIL 'KHOR GYI LHA'I GRANGS 'DREN PA NA, LHA'I GRANGS 'DZIN SO SOR BGRANG DGOS NA 'DUS PA 'PHAGS LUGS KYI PHYI DKYIL GYI LHA GRANGS SO GNYIS SU SMRAS PA GZHI NAS NYAMS TE, LHAG MOS KYI SKABS SU LHA SO GNYIS PHYI DKYIL LA BKOD, YANG DKYIL 'KHOR RGYAL MCHOG GI SKABS SU YANG PHYI DKYIL LA LHA SO GNYIS BKOD PAS LHA RE BZHIR THAL PA'I PHYIR RO, ,KHYOD RANG GIS KYEE RDOR GYI PHYI DKYIL LA LHA DGU LAS MED PAR SMRAS NAS, GTZO BO YAB YUM GNYIS, 'KHOR GYI LHA MO BRGYAD DE BCU PHYI DKYIL LA BKOD PA KHAS BLANGS NANG 'GAL LO, ,DE MI 'GAL NA KHO BOS LUS DKYIL GYI LTA ZHE DGU BKOD PAR SONG BA'I RGYU MTSAN CI ZHIG YIN PA RNAM PA KUN TU MTSUNGS SO, ,KHO BOS NI 'DUS PA'I SGRUB THABS KYI t'I KAR, DE'I LUS LA TSOGS JI SNYED PA'I GRANGS DANG MTHUN PA'I KUN BZANG GNAS DE DANG DER BSKYED DGOS TE, RGYUD
, ,RDO RJE 'PHRENG BA LAS, LUS KYI TSIGS NI THAMS CAD LA, DE BZHIN GSHEGS PA KUN TU BZANG, ,ZHES GSUNGS PA LTAR RO, ,ZHES BRIS KYI TSIGS BCU GNYIS LA SGRIB SEL 'GOD PA'I 'DUS PA BA KHO BO LTA ZHOG, RGYA BOD GANG DU YANG SNGON CHAD MA THOS SO, ,DE BAS NA 'DI LTAR KHO BO'I 'DOD PA BKOD PAS NI, RDZUN GYI SMRA BA 'BA' ZHIG GAS BSNYON 'DINGS BA KHO NA LHUR LEN BA'AM YANG NA YI GE KLOG PA GSAL BAR MI SHES PA GAR MA CHAG GO, YANG 'DIS RANG GI NGE NYID STON PA LA CHOG SHES PA MED PAR SLAR YANG 'DI SKAD CES SMRA STE, PHYI NANG THUN MONG BA'I LHA MED PA LA RTZOD PA SPONG BA'I LUGS SU RLOMS NAS 'DI SKAD CES LUS DKYIL GYI LHA'I NANG NA PHYI DKYIL LA BKOD PA DANG THUN MONG BA'I LHA GCIG KYANG MED PAS NOR ZHES PA YANG MA MTHONG BZHIN DU SNGAR SMRAS BYED PAR ZAD DO, ,'DI MI RIGS PAR BSTAN PA LA GSUM, RNAL 'BYOR BLA MED SPYI DANG 'GAL BA, KYEE RDO RJE'I GZHUNG DANG 'GAL BA, RANG GI KHAS LEN PA'I GRUB MTHA' DANG 'GAL BA GSUM ZHES BYAS NAS DANG PO NI, DE LTA NA BDE MCHOG MNGON RJOD BLA MAR GSUNGS PA'I SANGS RGYAS THOD PA'AI SGRUB THABS DE YANG NOR BAR 'GYUR TE, PHYI NANG THUN MONG BA'I LHA MED PA'I PHYIR RO, ,RTAGS GRUB STE, RGYUD DE'I LE'U NYI SHU RTZA DRUG PAR A'A LI K'A LI LAS RANG 'BYUNG, ,GNYIS MED MCHOG TU ZHI BA STE, ,PHYAG GNYIS PA LA ZHAL GCIG PA, ,PHYAG RGYA DRUG GIS RNAM PAR BRGYAN, ,'DZAM BU'I MDOG CAN MNYAM PAR KHYAB, CES PA NAS, THOD PA DANG NI KHA t'Am 'DZIN, ,GA-YAS PA MI
'JIGS PHYAG RGYA CAN, ZHES SOGS KYI GZHUNG LAS, PADMA MA 'DAB BRGYAD KYI LTE BAR 'JIGS BYED DUS MTSAN GYI GDAN LA DPAL BDE MCHOG SANGS RGYAS THOD PA SER PO ZHAL GCIG PA PHYAG GNYIS PA GA-YAS MI 'JIGS PA SBYIN PA DANG, GA-YON THOD PA 'DZIN PA ZHABS GA-YAS BRKYANGS SHING GA-YON BSKUMS PA'I STABS KYIS GTZO BO BSKYED TSUL DANG, MKHA' 'GRO MA DANG L'A MA DANG, ,DU MA SKYES MA DANG GZUGS CAN MA, PADMA'I PHYOGS KYI GDAN LA DGOD, ,THOD PA BZHI PO MCHOG YIN TE, ,MKHA' 'GRO MA NI KHA DOG SER, ,L'A MAA PA LA SHA YI MDOG, ,DU MA SKYES MA NI SNGON MO STE, ,GZUGS CAN MA NI DMAR LA 'BAR, ,THOD PA DANG NI KHA t'Am 'DZIN, ,JI 'JIGS MCHOG KYANG DE BZHIN TE, ,CANG TE'U DANG NI GRI GUG 'DZIN, ,BDUD NI BZHI PO'I STENG NA BZHUGS, ZHES 'KHOR LO BCU GNYIS BSKYED TSUL DANG, THUGS KYI 'KHOR LO SNYING GA RU, HE RU KA YI RNAM PAR BSGOM, ,GSUNG GI 'KHOR LO KHA LA BSGOM, ,SKU YI 'KHOR LO SNGA MA BZHIN, ZHES SOGS KYIS GTZO BO'I LUS KYI SNYING KHAR THUGS KYI 'KHOR LHA BRGYAD SNGON PO, MGRIN PAR GSUNG 'KHOR GYI LHA BRGYAD DMAR PO, SPYI BOR SKU 'KHOR GYI LHA BRGYAD DKAR PO RNAMS 'GOD PAR BSHAD PA DANG, SKU GSUNG THUGS KYI SBYOR BA YIS, ,PHYI DANG NANG GI CHOS RNAMS KUN, ,BYANG CHUB PHYOGS KYIS RNAM PAR DAG, CES PHYI DKYIL LHA BCU GSUM DANG, NANG DKYIL GYI LHA NYER BZHI PO GNYIS CHAR BSDOMS NAS BYANG PHYOGS SO BDUN DANG SBYAR BA'I DAG PA GSUNGS PA'I PHYIR ZHES ZER RO, ,TSUL 'DI NI CI YANG MA BSLABS SHING GANG YANG
, ,MI SHES BZHIN DU ZER RGYUS PHONGS PAR GYUR NAS RGYUD DON GZU LUM GYIS SMRA BA LA ZHUGS PAS LEGS PAR SHES PA'I MKHAS PA DAG GIS MTHONG NA MCHOG TU NGO TSA BAR BYED PA'I GTAM YIN NO, ,JI LTAR ZHE NA, MNGON BRJOD BLA MA'I LE'U NYER DRUG PAR BSHAD PA'I SANGS RGYAS THOD PA'I DKYIL 'KHOR LA NI, PHYI'I DKYIL 'KHOR LA NI PHYI DKYIL 'KHOR LA BKOD PA'I LHA HE RU KA GTZO BO GCIG PU LAS MED LA, L'A MA LA SOGS PA BCU GNYIS NI, PHYI DKYIL LA 'GOD PA MA YIN GYI, LUS KYI NANG DU 'GOD PA YIN LA, DE YANG RANG GTZO BOR BSKYED PA'I SNYING GAR PADMA 'DAB BRGYAD DE'I PHYIR ROL GYI PHYOGS 'TSAMS BRGYAD LA PADMA 'DAB BRGYAD BSGOMS NAS SNYING KHA'I PADMA DBUS MA'I LTE BA LA, RANG DANG 'DRA BA'I YE SHES SEMS DPA' NANG GI HE RU KA LUS DKYIL GYI GTZO BO DANG, DE'I 'DAB MA BRGYAD LA SNYING PO'I RNAL 'BYOR MA BZHI DANG, THOD PA BZHI DE'I PHYI ROL TU SNYING KHAR BKOD PA'I PHYOGS 'TSAMS KYI 'DAB MA BRGYAD LA SGO 'TSAMS MA BRGYAD DE, DE LTAR NA SNYING KHAR YE SHES SEMS DPA' LA LHA MO BCU GNYIS KYIS BSKOR BA BSGOM PA'I DON YIN GYI LHA MO BCU GNYIS LUS KYI NANG DU MI SGOM PAR PHYI DKYIL LA 'GOD PA GA LA YIN, KHO BOS JI SKAD BSHAD PA 'DI NI MNGON BRJOD BLA MA'I 'GREL BA SLOB DPON MKHAS PA CHEN PO SHU RANG GA BDZA GYIS MDZAD PA LA GSAL BAR GSUNGS TE, RGYUD KYI LE'U DER PHYI'I DKYIL 'KHOR GYI DBUS SU GTZO BO SANGS RGYAS THOD PA SER PO ZHAL GCIG PHYAG GNYIS
PA JI LTAR BSKYED PA BSHAD ZIN PA'I DE MA THAG TU, YE SHES SEMS DPA' DE GZUGS CAN, YI GE H'Um LAS BYUNG BAR BSGOM, ZHES GSUNGS PA'I 'GREL BAR, DE'I NU MA'I BAR DU YE SHES SEMS DPA' LHA MO BCU GNYIS KYIS BSKOR BA ZHAL GCIG PHYAG GNYIS PA'I GZUGS CAN BH'Um LAS BYUNG BA BSGOM MO, ,ZHES DANG, MKHA' 'GRO MA DANG L'A MA DANG, DU MA SKYES MA DANG GZUGS CAN MA, ,PADMA'I PHYOGS KYI GDAN LA DGOD, ,THOD PA BZHI PO MCHOG YIN TE, ZHES SOGS KYI 'GREL BAR NU MA'I BAR GYI YE SHES SEMS DPA' LA MKHA' 'GRO MA DANG, L'A MA DANG DU MA SKYES MA DANG GZUGS CAN MA BZHI PADMA'I PHYOGS LA 'GOD LA, PHYI ROL GYI 'DAB MA BRGYAD LA, KHVA GDOG MA DANG GZHIN RJE BRTAN MA LA SOGS PA BKOD DE ZHES GSUNGS PA LTAR RO, , PHYI ROL TU ZHES PA NI NU MA'I BAR GYI PADMA DE'I PHYIR ROL TU ZHES PA YIN GYI, PHYI'I DKYIL 'KHOR DU ZHES PA MIN TE, GONG DU DRANGS MA THAG PA LTAR LHA MO BCU GNYIS SNYING KHAR BSGOM PAR BSHAD PA'I PHYIR RO, ,DE LTAR NA BYANG PHYOGS SO BDUN GYI DAG PA YANG PHYI NANG GI LHA'I GRANGS BSDOM PA DANG SBYOR BA MA YIN GYI LUS KYI NANG GI LHA'I DAG PA YIN TE, SA BCU DAG GI RIM PA DANG, ,SKU GSUNG THUGS KYI SBYOR BA YIS, ,PHYI DANG NANG GI CHOS RNAMS KUN, ,BYANG CHUB PHYOGS KYIS RNAM PAR DAG, CES PA'I 'GREL BAR, DE LTAR LUS KYI NANG DU SA BCU'I RIM PA SKU GSUNG THUGS KYI SBYOR BA BSGOMS NAS BYANG CHUB KYI PHYOGS KYI CHOS SUM CU RTZA BDUN GYI RNAM PAR DAG PA SGOM MO ZHES GSUNGS PA LTAR RO, ,DE BZHIN DU RGYUD 'DI'I LE'U BDUN PAR RDO
, ,RJE SEMS DPA'I DKYIL 'KHOR BSHAD PA LA PHYI NANG THUN MONG BA'I LHA MED PAR SMRA BA YANG CHA MED PA'I RGYUS GTAM 'BA' ZHIG STE, DE LA YANG RDO RJE SEMS DPA'I THUGS KAR RDO RJE SEMS DPA' RANG 'DRA'I YE SHES SEMS DPA' BSGOM PAR RGYUD RANG LAS DNGOS SU BSHAD CING, DE'I 'GREL BAR GZHAL YAS KHANG GI DBUS SU RDO RJE SEMS DPA' ZHAL GSUM PHYAG DRUG BA NI GO SLA'O, ,NU MA GNYIS KYI BAR DU YE SHES SEMS DPA' 'DRA BA LHA MO BCU GNYIS KYIS BSKOR BA SKU GSUNG THUGS KYI 'KHOR LO GSUM H'Um DANG A'A: DANG AOm LAS SKYES PA'I LUS KYI NANG GI DKYIL 'KHOR BSGOM PAR BYA'O ZHES BSHAD DO, ,DE LTAR NA PHYI'I DKYIL 'KHOR LA SANGS RGYAS THOD PA GTZO BOR BKOD CING DE DANG SKU MDOG PHYAG MTSAN SOGS KHYAD PAR CUNG ZAD KYANG MED PA'I SANGS RGYAS THOD PA NANG DU SNYING KHAR LUS DKYIL GYI GTZO BOR BKOD PA DANG, DE BZHIN DU PHYI'I DKYIL 'KHOR GYI DBUS SU BKOD PA'I RDO RJE SEMS DPA' DANG SKU MDOG PHYAG MTSAN SOGS KHYAD PAR CUNG ZAD KYANG MED PA'I RDO RJE SEMS DPA' SNYING KHAR LUS DKYIL GYI GTZO BOR BKOD PA RGYUD RTZA 'GREL NA SHIN TU GSAL BZHIN NA DU DE'I LHA LA PHYI NANG MTHUN MONG BA'I LHA MED DO ZHES SMRA BA NI CI YANG MA MTHOD ZHING GANG GI YANG RGYUS MED BZHIN DU RDO RJE 'CHANG NYID KYI GSUNG RAB LAS RNAM PAR BRGAL TE SMRA BA YIN PAR SHES PAR GYIS LA, KHA TAS MI GTZANG ZAS PA'I MA CHU, SA GCING GZHAN LA 'BAD NAS 'PHYID, ,CES PA'I NGANG TSUL DE RNAM PAR THONGS SHIG, GRUB
CHEN WA BA LA SOGS PA BDE MCHOG RTZA RGYUD KYI DKA' 'GREL DANG, RNAM BSHAD MDZAD PA 'GA' ZHIG GIS LUS DKYIL LA NANG GI HE RU KA DNGOS SU BSAL BAR MA BSHAD PA YANG YOD MOD KYI DE DAG LA YANG NANG GI HE RU KA PHYI'I HE RU KA JI LTA BA BZHIN DU SNYING KHAR BSGOM PA MAN NGAG GIS KHA 'GENGS DGOS PA KHO BO'I BLA MA, RJE THAMS CAD MKHYEN PAS 'DOD 'JOR GSUNGS PA LTAR YIN PAS, BDE MCHOG RTZA RGYUD KYI 'GREL PA RNAMS SU PHYI DKYIL GYI LHA NANG DKYIL LA MA BKOD PA MANG ZHES BA YANG DON LA RNAM PAR DPYOD MI SHES PAR TSIG GI DNGOS ZIN THAR THOR BKLAGS PA RTZAM GYIS GSANG DON ZAB MO CHUNG GSON PAR BYED DO, ,KYEE RDO RJE'I GZUNG DANG 'GAL BA'I TSUL CHAD DGOS PAS SDUG BSNGAL BAR GYUR TE, JO HA RI'I PHYAG RGYA BZHI BA'I LUNG DANG 'GAL BAR SMRAS PA LA NI, 'OG TU BSHAD PAR BYA'O, ,YANG 'DI SKAD CES PHYI NANG THUN MONG BA'I LHA MED PA SKYON DU 'DOD PA NI, KLU SGRUB YAB SRAS KYIS BKRAL BA'I LAM SROL, DPAL BSANG BA 'DUS PA'I GRUB PA'I MTHA' DANG YANG 'GAL TE, DE LTA NA GRUB CHEN A'A RYA DE BAS BSHAD PA'I SPROS BCAS KYI SBYONG BA YANG MUN SPRUL DU 'GYUR TE, PHYI NANG THUN MONG BA'I LHA GCIG KYANG MED PA'I PHYIR RO, ,RTAG GRUB STE, SPYOD PA BSDUS PA'I SGRON MAR, GRUB BZHI BA LA SGO BZHI BA, RTA BABS PA ZHI YIS MDZES PAR BYAS, ,ZHES SOGS KYI GZHAL YAS KHANG GI NANG DU, BUD MED NYI SHU'I TSOGS DANG LHAN CIG GNAS PA DANG, DE NAS DE BZHIN GSHEGS PA THAMS CAD BOD SGYUR MA LTA BUR RAB TU BSTAN PAR BYA BA'I PHYIR, LA LA NI BDE MCHOG SGYU MA LTA BUS 'DOD CHAGS KYI RGYUD KYI NGO BO
, ,NYID KYIS BCOM LDAN 'DAS KYI SPYAN SNGAR 'DUG LA, ZHES SOGS DRANGS TE, PHYI DKYIL LHA MO NYI SHU RTZA GCIG DANG GTZO BO NYID 'GOD PAR BSHAD KYI, RNAM SNANG NAS GNOD MDZES KYI BAR GYI GSANG BA 'DUS PA'I LHA TSOGS RNAMS BKOD PAR MA BSHAD LA, GTZO BOS LUS LA SKU'I DKYIL 'KHOR LHA SO GNYIS BO THAMS CAD 'GOD PAR BSHAD DE, GZHUNG DE NYID LAS, DE LA BCOM LDAN 'DAS BDE BA CHEN PO'I 'KHOR LO BSGYUR BA NI, SNGON 'BYUNG BA'I TSUL GYIS BDAG NYID CAN GYI TING NGE 'DZIN LA DGONGS BA SNGON DU 'GRO BAS, RANG GI SKU'I DKYIL 'KHOR LA GNAS PA'I DE BZHIN GSHEGS PA THAMS CAD TSIM PAR BYA'O, ,ZHES KHYAD PAR GYI NGA RGYAL BSKYED LA, ZHES GSUNGS PA'I PHYIR DANG, DANG PO SBYOR BA YAN CHAD KYI RNAL 'BYOR BSGOM DGOS PA'I PHYIR RO, ,MDOR NA GZHUNG 'DIR PHYI DKYIL LA LHA MO NYID SHU BKOD PA DE NANG DKYIL LA MA BKOD NA, NANG DKYIL GYI SO GNYIS PO DE PHYI DKYIL LA MA BKOD PAS NANG DKYIL DANG PHYI DKYIL LA THUN MONG BA'I LHA GCIG KYANG MED PA'I PHYIR, MCHOG TU GYUR PA'I GZHUNG 'DI YANG 'GOG PAR BYED DAM, ZHES SOGS KYI LOG PA'I GTAM BYUNG RGYAL DU SMRAS PA DAG LA BRJOD PAR BYA STE, TSUL DE NI SPROS BCAS KYI SPYOD PA'I SKABS KYI TSOGS KYI DKYIL 'KHOR STON PA YIN LA, DE YANG GSANG BA 'DUS PA'I TSOGS KYI DKYIL 'KHOR STON PA MIN ZHING, DE LTAR BSHAD PA'I GTZO BO YANG, GSANG BA 'DUS PA'I DKYIL 'KHOR GYI GTZO BO MA YIN NO, ,'O NA CI ZHE NA, SPYOD BSDUS LAS, GSANG BA 'DUS PA ZHES BYA BA'I RGYUD
'DI LAS NI SPROS PA MED PA DANG, SHIN TU SPROS PA MED PA'I SPYOD PA'I GNAS 'BA' ZHIG BSTAN NO, ,ZHES 'DUS PAR SPROS BCAS KYI SPYOD PA'I GNAS LA SOGS PA MA GSUNGS PAR BSHAD NAS, SPROS BCAS KYI SPYOD PA'I TSOGS KYI DKYIL 'KHOR DANG, GNAS LA SOGS PA RGYAS SHING GSAL BAR BSHAD PA SANGS RGYAS MNYAM SBYOR YIN PAS, SANGS RGYAS MNYAM SBYOR GYI DKYIL 'KHOR GYI DBANG DU BYAS PA'I TSOGS KYI DKYIL 'KHOR RGYUD DE LAS GSUNGS PA'I DON 'CHAD PAR BZHAD NAS, SPYOD BSDUS LAS, DE NI SPROS PA DANG BCAS PA'I SPYOD PA DPAL SANGS RGYAS THAMS CAD DANG MNYAM PAR SBYOR BA MKHA' 'GRO MA SGYU MA BDE MCHOG CES BYA BA RNAL 'BYOR CHEN PO'I RGYUD LA 'JUG PAR BYA STE, ZHES GSUNGS NAS, DE NAS YANG DAG BSHAD BYA BA, ,RNAM PA SNA TSOGS MCHOG GYUR BA'I, ,MKHA' 'GRO SGYU MA BAD MCHOG BSHAD, CES PA NAS, BUD MED DAG NI LEGS BSGRUB PA'I, SKAL BZANG RANG GI PHYAG RGYAS MTSAN, TSOGS KYI DKYIL 'KHOR BRTAG PAR BYA, ZHES PA'I PAR SANGS RGYAS MNYAM SBYOR GYI RGYUD DRANGS TE, DE LTAR DRANGS BA'I MNYAM SBYOR GYI RGYUD TSIG DE DAG GI DON 'CHAD PA NI SPYED BSDUS LAS, ZHES GSUNGS PA'I MDO'I TSIG RNAMS KYI DON RGYA CHER DGROL BAR BYA STE, DE LA DANG PO KHO NAR SKYED MOS TSAL LA SOGS PA'I YID DANG RJES SU MTHUN PA'I GNAS, ,ZHES SOGS KYIS GNAS SGRUB TSUL DANG, DER RTEN GZHAL YAS KHANG BSKYED TSUL DANG BCAS PA BSHAD NAS, DER LHA'I RNAL 'BYOR SGOM TSUL 'CHAD PA NI DE LA RIM PA NI 'DI YIN TE, DON DAM PA'I BDEN PA LA DMIGS PA SNGON DU 'GRO BAS BDAG LA BYIN GYIS
, ,BRLAB PA'I RIM GYIS RDO RJE SEMS DPA'I SKUR BDAG NYID BSKYED LA, DKYIL 'KHOR GYI BDAG PO'I TSUL GYIS BDAG NYID 'DUG NAS, ZHES PAS BDAG NYID DKYIL 'KHOR GYI GTZO BOR SKYED TSUL BSTAN TE, DE NI MNYAM SBYOR GYI RGYUD TSIG GONG DU DRANGS NAS BSHAD BYAR BGOD PA DE'I NANG NAS, SANGS RGYAS THAMS CAD MNYAM SBYOR BA, ,SBYOR BA'I DBANG PHYUG RNAM 'PHRUL BAS, ,RDO RJE SEMS DPA' DPAL GYI LHA, ,DE NI RNAM PAR 'PHRUL PA'I BDAG, CES PA DE'I DON 'CHAD PA'I TSIG YIN PAS, SANGS RGYAS MNYAM SBYOR GYI DKYIL 'KHOR GYI GTZO BO RDO RJE SEMS DPA' SDOM PAR STON PA YIN GYI, GSANG 'DUS KYI DKYIL 'KHOR GYI GTZO BO STON PA GA LA YIN, DE LTAR GTZO BO BSKYED PA BSTAN NAS, PHYAG RGYA'I 'KHOR SKYED TSUL STON PA NI, DE NAS DE BZHIN GSHEGS PA THAMS CAD BUD MED KYI SGYU MA LTA BUR RAB TU BSTAN PAR BYA BA'I PHYIR, LA LA NI BDE MCHOG SGYU MA LTA BUS 'DOD CHAGS KYI RGYUD KYI NGO BO NYID KYIS BCOM LDAN 'DAS KYI SPYAN SNGAR 'DUG LA, ZHES SOGS, KHYOD KYIS DRANGS PA'I TSIG DE DAG GSUNGS SO, ,DE DAG NI SANGS RGYAS MNYAM SBYOR GYI LHA MO YIN GYI, GSANG 'DUS KYI LHA MA YIN LA, DE NAS BCOM LDAN 'DAS BDE BA CHEN PO'I 'KHOR LO SGYUR BA NI, SNGON 'BYUNG BA'I TSUL GYIS BDAG NYID CAN GYI TING NGE 'DZIN LA DGONGS PA SNGON DU 'GRO BAS, RANG GI SKU'I DKYIL 'KHOR LA GNAS PA'I DE BZHIN GSHEGS PA THAMS CAD TSIM PAR BYA'O, ,ZHES KHYAD PAR GYI NGA RGYAL BSKYED LA ZHES PAS KYANG GTZO BO RANG GI SKU'I DKYIL 'KHOR TE LUS LA GNAS PA DE BZHIN
GSHEGS PA THAMS CAD CES THA SNYAD BYAS PA'I PHUNG PO THAMS CAD BDE BA CHEN POS TSIM PAR BYA'O, ,ZHES BSAMS NAS PHYAG RGYA'I 'DOD YON LA SPYOD PAR STON PA YIN GYI, 'DUS PA'I LHA SO GNYIS LUS LA BKOD PA'I DON GA LA YIN, SANGS RGYAS MNYAM SBYOR DANG GSANG 'DUS NOR NAS SHAN MA PHYED PA'I NGANG TSUL 'DI LTA BUS KYANG BAB COL 'DI LTAR SMRA BA LA ZHUGS PAS NI BDUD RIGS KYI SDE RNAM PAR 'PHEL BAR MA GYUR GRANG, GTZO BO GSANG 'DUS LA 'KHOR SANGS RGYAS MNYAM SBYOR GYI LHA MO RNAMS 'BA' ZHIG GIS BSKOR BA'I DKYIL 'KHOR RUNG NA, GTZO BO 'JIGS BYED LA 'KHOR DGRA NAG LHA BCU GSUM GYIS BSKOR BA RNAM PA THAMS CAD DU MI RUNG BAR KHYOD RANG GIS SMRAS PA YID LA ZHOG LA, DRAN PA MA GNAS PA'I RNAM 'GYUR GSAL BAR MA BYED CIG, GSANG BA 'DUS PA'I RNAL 'BYOR PAS SPYOD PA BYED PA'I 'DUS PA RANG GI TSOGS KYI DBANG DU BYAS PA'I DKYIL 'KHOR JI LTAR BYA BA MAN NGAG GIS 'CHAD PA SPYOD BSDUS SU GSUNGS PA NI, DE NYID LAS, DE'I RIM PA NI 'DI YIN TE, DANG PO KHO NAR DON DAM PA'I BDEN PA LA DMIGS NAS, BDAG LA BYIN GYIS BRLABS PA'I RIM GYIS MI BSKYOD PA PHYUNG STE RJES SU BCUG NAS, DKYIL 'KHOR GYI BDAG PO NYID DU GNAS LA, DE NAS THA MAL PA'I NGA RGYAL BSAL TE MI BSKYOD PA'I 'KHOR RNAMS RANG GI SKU'I DKYIL 'KHOR LTA BUR YAN LAG TU GYUR PA'I RNAM PAR SNANG MDZAD LA SOGS PA'I DKYIL 'KHOR GYI LHA RNAMS SU LHAG PAR MOS PAS DKYIL 'KHOR GYIS 'KHOR LO'I LHA MA
, ,LUS PA RANG GI PHYAG RGYA DANG RIL POR 'DZIN PA DANG, RJES SU GZHIG PA'I RIM GYIS DON DAM PA'I BDEN PA LA 'JUG GO, ZHES SOGS RGYA CHER GSUNGS PA DAG YIN MOD KYI, DE DAG GI DON 'DIR BSHAD PAR BYA BA'I SKABS MA YIN PAS MA SMRAS SO, ,YANG LUS DKYIL DANG LUS LA LHA BKOD PA TZAM GYI KHYAD PAR YANG MA PHYED DO, ,ZHES SMRA BA YANG SHIN TU MI 'THAD DE, RNAL 'BYOR BLA MED GZHIR BZHAG LA, LUS LA LHA 'GOD PA LA SKYE MCHED DANG SKU GSUNG THUGS BYIN GYIS BRLABS PA'I PHYIR 'GOD PA NI, MIG SOGS STONG NYID DU SBYANGS PA'I NGANG NAS, GNAS DE DANG DER CHO GA GSUM MAM, SA BON TZAM MAM SKAD CIG GIS LHAR BSKYED PA YIN TE, GDONG DRUG GI RGYUD LAS, MIG SOGS BYIN GYIS BRLAB PA LA ZHES SOGS DRANGS NAS, LUS DKYIL NI, RNAL 'BYOR PA RANG GI LUS LA GNAS PA'I RTZA THIG RLUNG SOGS LUS KYI CHA SHAS GANG YANG RUNG BA CIG RGYUR BYAS PA DGOS PA STE, RDO RJE DRIL BU BAS 'DI DAG GNAS SU RNAL 'BYOR PA, ,RTZA YIN DPA' BO NYI SHU BZHI; ;LUS KYI KHAMS SU BRTAG PAR BYA, ZHES GSUNG LA, LUS KYI CHA SHAS LAS GRUB PA'I LHA DE LUS KYI NANG GI GNAS RNAMS SU BKOD PA ZHIG DGOS TE, SLOB DPON PRDZ+NY'A RAK+sHI TAS BDE MCHOG GI SKABS SU 'UG GDONG MA, RNA BA'I BUG PA'I NANG DU SGOM PAR BSHAD CING, SLOB DPON SGRON MA CAN GYI SDES, KYEE RDOR LUS DKYIL 'CHAD PA'I SKABS SU, JI SRID RDUL PHRA RAB DANG MNYAM PA'I DPA' BO DANG DPA' MO'I DBANG PHYUG MA DE'I BDAG NYID LAS SKYES PA, DPA' BO DE RNAMS THAMS CAD SGRUB PA PO RANG GI
LUS KYI NANG DU BSGOM MO, ,GANG DPA' MO'I DBANG PHYUG MA DE RNAMS THAMS CAD DE NYID KYI NANG DU BSGOM MO, ,ZHES BSHAD PA'I PHYIR RO, ,DE LTAR YIN PA DE'I PHYIR SHIN TU ZAB PA'I LUS DKYIL 'DI SKYED TSUL RNAMS LUS DKYIL SKYED TSUL DU MI 'GYUR BA'I SKYON GTAN MED DE, RTZA 'KHOR LO LNGA, 'KHOR LO LNGA LA RDO RJE'I LUS LA RANG GRUB TZAM NAS YOD LA, DE LHA MO RNAMS DANG, 'KHOR LO LNGA'I DBUS KYI THIG LE PHYI THUN MONG GI RTZA DANG BCAS PA GTZO BO YAB YUM LTAR BSKYED NAS LUS KYI NANG SO SO'I GNAS SU BSGOMS PAS BLOS BTAGS MIN NO, ,YUL YUL CAN GYI LHA BCU GNYIS DANG, KHRO BO BCU NI DPAL GSANG BA 'DUS PA 'PHAGS SKOR GYI LUS DKYIL GYI SKABS SU BSHAD PA DANG, MAN NGAG 'DIR BSHAD PA GNYIS 'GOD SA DANG SKYED GZHI KHYAD PAR MED PAS, 'DI DAG JI LTAR LUS DKYIL DU MI 'GYUR ZHES SMRAS PA LA BRJOD PAR BYA STE, 'DI LTAR RANG GI LUS KYI CHA SO SO RGYUR BYAS NAS, CHA DE DANG DE YONGS SU GYUR PA LAS LHA SO SOR BSKYED DE LUS KYI GNAS SO SOR 'GOD PA'I LUS DKYIL SGRUB TSUL KHYOD KYIS SMRAS PA 'DI NI, KHO BO CAG GI BLA MA RJE THAMS CAD MKHYEN PAS, GANGS RI'I KHROD 'DIR SNGON MA BYUNG BA'I LEGS PAR BSHAD PA THUN MONG MIN PA'I LUS DKYIL SGRUB TSUL GSUNGS PA DE'I GNAD LEGS PAR MA LON KYANG, RJE'I GSUNG RAB LAS GSUNGS PA'I RAGS PA TZAM GYI GSUNG GI RJES ZLOS BYAS PAR ZAD KYI, KHO BOS LUS DKYIL DANG LHA BKOD PA TZAM GYI KHYAD PAR YANG MA PHYED CES SMRAS PA DE SU ZHIG LA SMRAS PA AE GO, GO NA KYEE RDOR BDE MCHOG LA SOGS PA'I LUS DKYIL, SGRUB THABS BYED PA PO SNGA MA RNAMS
, ,KYIS BYAS PA'I SGRUB THABS DU MA ZHIG 'DUG PA DE DANG DER, LUS LA LHA BKOD PA TZAM DU MA SONG BA'I LUS DKYIL SGRUB TSUL KHYAD PAR BA 'DI DANG 'DI LTAR BSHAD DO ZHES SGRUB THABS DE DANG DE DAG RANG GI TSIG DRANG RGYU CUNG ZAD TZAM DGOS PA YIN GYI DE DAG GANG NA YANG ZUR TZAM YANG MED PAR KHYOD KYIS KHO BO CIG GI LANG MO BZLAS PA TZAM ZHIG SMRAS NAS, SNGA MA DE DAG LA SKYON MED DO ZHES ZER PA NI, SNA BCAD MA GA-YAR PA'I RGYAN GYIS GZANGS MTHO BAR BYED PA DANG MTSUNGS PA NGO TSA BOR BA'I 'JUG PA YIN NO, ,YANG RGYUD RGYA GZHUNG TSAD LDAN NAS MA BSHAD PA'I RTZOD PA SPONG BA LA MCHOG TU SDUG BSNGAL BA'I DKA' BA BAB PAS CI YANG RUNG BA'I BRDOL GTAM 'DI LTAR SMRA DGOS PA BYUNG STE, RNAL 'BYOR BLA MED SPYI LAS BSHAD TSUL, KYEE RDO RJE'I RGYUD DANG 'GREL PAS BSHAD TSUL, RANG GI KHAS BLANGS PA'I GRUB MTHA' NAS BSHAD TSUL, ZHES SMRAS NAS, DANG PO 'CHAD PA NA, DPAL YE SHES GSANG BA'I SGRUB THABS SLOB DPON SHES RAB GSANG BAS MDZAD PAR, PHYI NANG GI GNAS GNYIS KA LA LHA MTHUN PAR 'GOD PA BDE MCHOG LUS DKYIL LTA BU BSHAD NAS, YANG NA RGYUD KYI MAN NGAG BSGOM, ,'DI NA 'KHOR LO DRUG KYANG YOD, CES SOGS DRANGS NAS, 'DIS KYANG KYEE RDOR LUS DKYIL DANG CHA 'DRA BA'I LUS DKYIL GCIG MA BSTAN NAM, ZHES SMRAS PAS NI DGAG SGRUB LA DMUS LONG LTA BUR GYUR KYANG RANG GIS MI SHES PA'I GLEN PA GSAL BAR BYAS SO, ,'DI LTAR KHYED CAG 'DOD PA LTAR KYEE RDOR LUS DKYIL MA GRUB PAR 'DOD PA'I RGOL PA'I GANG ZAG GI NGOR, KYEE RDOR
LUS DKYIL DE LTA BU SGRUB PAR 'DOD PAS, KHYOD KYIS 'DI SMRAS PA MA YIN NAM, MO GSHAM GYI BU BZHI MA GRUB PAR 'DOD PA'I RGOL BA'I NGOR LHA SBYIN MO GSHAM GYI BU DANG GZUGS DBYIBS CHA 'DRA BAR AE GRUB SMROS SHIG, DA MA GRUB NA KHYOD 'DOD PA LTAR GYI KYEE RDOR LUS DKYIL GZHI MA GRUB PAR 'DOD PA'I RGOL BA'I NGOR YE SHES GSANG BA'I SGRUB THABS KYI TSUL DE KHYOD 'DOD PA LTAR GYI KYEE RDOR LUS DKYIL DANG CHA 'DRA BAR 'BUD DO, ,DE YANG DE'I NGOR MA GRUB NA SGRUB BYED BSGRUB BYA MTSUNGS PA'I MA GRUB PA'I RTAGS KYIS RANG GI DAM BCA' BSGRUB PA SHIN TU GLEN PA GO BAR BYED PA'O, ,YANG BDE MCHOG SDOM PA 'BYUNG BA'I LE'U BZHI PAR, RNAM PA LNGA YI LHA RNAMS NI, ,GZUGS DANG TSOR BA 'DU SHES DANG, ZHES PA NAS, 'OD GSAL GI 'PHANG THOB PAR 'GYUR, ZHES PA'I BAR DRANGS SHING, DE'I 'GREL PAR, 'DI DAG KYANG RIM PA JI LTA BAR ME LONG LA SOGS PA'I YE SHES KYI BDAG NYID DE, ZHES SOGS DRANGS NAS GAL TE 'DI RNAMS LUS LA LHA 'GOD PA YIN GYI LUS DKYIL MA YIN NO SNYAM NA; MA YIN TE, DE NYID LAS SANGS RGYAS NYID 'BRAS RGYUR RU 'GYUR, ZHES PA DE NYID SANGS RGYAS KYI MTSAN NYID 'BRAS BU DANG DE'I RGYUR YANG 'GYUR RO, ,JI LTAR 'GYUR ZHE NA, GSUNGS PA MIG SOGS RNAMS LA BSGOM BYA STE, ZHES PA RANG NYID RDO RJE SEMS DPAR GYUR NAS MIG LA SOGS PA'I SKYE MCHED RNAMS LA BCOM LDAN 'DAS DE NYID 'BRAS BU DANG DE'I RGYUR YANG 'GYUR RO, ,GZUGS KYI SGOR BSGOM PAR BYA'O, ,ZHES BYA BA'I DON TE, DE GSUNGS PA, BCOM LDAN 'DAS DE NYID SA'I SNYING PO'I RNAM
, ,PAS MIG GI SKYE MCHED LA GNAS NAS GZUGS GSUM RNAM PAR SBYANG TE, RDO RJE'I MIG GI SKYE MCHED STER BAR MDZAD DO, ,ZHES BSHAD LA, DE'I DON YANG SDOM 'BYUNG GI RGYUD TSIG 'DI RNAMS KYI DON LUS DKYIL STON BYED DU GRUB CHEN KLU'I BYANG CHUB KYIS GSANG 'DUS LUS DKYIL GYI SKABS SU DRANGS NAS BSHAD PA BYAS PA'I PHYIR RO, ,DES NA SDAM 'PHYUNG RTZA 'GREL LAS, KYEE RDOR LUS DKYIL DANG CHA 'DRA BA'I LUS DKYIL GYI RNAL 'BYOR ZHIG KYANG BSTAN PAR SHES PAR BYA'O, ,ZHES BRIS SO, ,DE LA KHYOD KYIS SDOM 'BYUNG LE'U BZHI BA'I GZHUNG, RNAM PA LNGA YI LHA RNAMS NI, ZHES PA NAS, RNAM LNGA GCIG TU RDZOGS BYANG CHUB, CES PA'I BAR LUS DKYIL BSGOM TSUL STON PAR BYAS NAS DRANGS PAS NI, RANG NYID PHYUGS SU GO BAR BYAS TE, 'DI LTAR DE DAG NI, PHUNG PO LNGA RNAM PAR DAG PA DANG YE SHES LNGA DANG DE BZHIN GSHEGS PA LNGA'I RANG BZHIN GYI MNGON BYANG LNGA LAS DRUG PA RDO RJE SEMS DPA'I SKU GCIG TU RDZOGS PAR STON PA YIN PAS, PHYI'I DKYIL 'KHOR GYI GTZO BO MNGON BYANG LNGA LAS RDZOGS TSUL MNGON BYANG LNGA'I RNAM DAG DANG BCAS PA STON PA YIN NO, ,DE'I PHYIR DE NYID KYI 'GREL PAR, BSKYED PA'I RIM PA BSGOMS PAS DE DAG GI RNAM PAR DAG PA KHO NAS MNGON PAR BYANG CHUB PA RNAM PA LNGA PO BSGOM PAR BYA'O, ZHES STON PA RNAM PA LNGA ZHES PA LA SOGS PA'O, ,DE LA RNAM PA LNGA PO RNAMS GCIG NYID DU YANG DAG PAR RDZOGS PA'I BYANG CHUB RTOGS PA NI 'DI YIN PAS, DRUG PA NI RDO RJE
'CHANG ZHES GSUNGS SO, ,DE LTAR RDO RJE 'CHANG MNGON BYANG LNGA LAS RDZOGS PA DE NYID KYI MIG LA SOGS PA'I SKYE MCHED BYIN GYIS BRLABS NAS, DE LTAR SKYE MCHED BYIN GYIS BRLABS KYI LHA'I RNAM DAG 'CHAD PA NA, MIG LA SOGS PA DRUG LA BSGOM PA'I SA SNYING LA SOGS PA DRUG NI, DBANG PO DRUG RNAM PAR DAG PA DANG, SA SNYING SOGS DE DANG 'KHYUD PAR BSGOM PA'I GZUGS RDO RJE MA LA SOGS PA DRUG NI YUL DRUG DAG PA DANG, YUL DANG YUL CAN GYI LHA DE DAG SNYOMS PAR 'JUG PA'I BDE BA CHEN PO'I YE SHES NI MIG GI DBANG PO'I RNAM PAR SHES PA LA SOGS PA RNAM SHES DRUG RNAM PAR DAG PA THUGS RDO RJE'I RANG BZHIN TE DE LTAR NA, SKYE MCHED BYIN RLABS KYI LHA DE DAG NI SKYE MCHED BCU GNYIS DANG KHAMS BCO BRGYAD RNAM PAR DAG PAR 'GYUR RO, ZHES BYA BA'I DON YIN LA, DON 'DI NYID NI, YUL NI DRUG TU DRAN PA STE, ZHES SOGS KYI 'GREL PAR SHIN TU GSAL BAR BSHAD CING, SANGS RGYAS NYID 'BRAS RGYU RU 'GYUR, ZHES PA YANG, 'DI LTAR MIG LA SOGS PA'I SKYE MCHED BYIN GYIS BRLABS PA'I 'BRAS BU NI, SANGS RGYAS NYID KYI RDO RJE'I MIG GI SKYE MCHED LA SOGS PA BSKYED PA'I RGYUR 'GYUR BA'I DON YIN LA, DE LTAR STON PAR 'DOD NAS DE'I 'GREL PAR RANG RDO RJE SEMS DPAR GYUR NAS MIG LA SOGS PA'I SKYE MCHED RNAMS LA BCOM LDAN 'DAS DE KHO NA, GTI MUG RDO RJE LA SOGS PA'I TSUL DU BSGOM PAR BYA'O, ,ZHES PA'I DON NO, ,DE SKAD DU, DE NYID BCOM LDAN 'DAS SA'I SNYING PO'I RNAM PA YIS, MIG GI SKYE MCHED LA GNAS TE, GZUGS GSUM RNAM
, ,PAR SBYANGS NAS RDO RJE'I MIG GI SKYE MCHED STER BAR BYED DO ZHES RGYAS PAR GSUNGS SO, ,DE RNAMS NYID RGYAS PAR STON PA MIG GI DBANG MO ZHES PA LA SOGS PA'O, ,ZHES BSHAD DO, ,DE NYID BCOM LDAN 'DAS SA'I SNYING PO'I RNAM PA YIS, ZHES SOGS NI 'GREL PA MKHAN POS GZHAN NAS DRANGS PA'I TSIG YIN NO, ,DE LTAR RNAM DAG BSHAD PA RNAMS KYI DON BSDUS TE STON PA NA, 'GREL PA DE DAG GIS 'DI LTAR GSUNGS PA YIN TE, BSKYED PA'I RIM PA SGOM PA PO'I RDO RJE SEMS DPA'I SKU RU DMIGS PA SNGON DU 'GRO BA'I BCOM LDAN 'DAS STONG PA NYID DANG RO GCIG PA'I SKU 'DI'O, ,ZHES NGES PAR BZUNG NAS MIG LA SOGS PA'I DBANG PO RNAMS DANG, GZUGS LA SOGS PA'I YUL RNAMS KYI RANG BZHIN MED PA NYID MNGON DU BYAS NAS, JI LTA BA BZHIN SA BON PHYAG MTSAN YONGS SU GYUR PA YIS MIG LA SOGS PA RNAMS SU GZUGS RDO RJE MA LA SOGS PA LA 'KHYUD PA'I GTI MIG RDO RJE LA SOGS PA BSGOM PAR BYA'O, ,ZHES SKYE MCHED BYIN RLABS LA GSAL BAR BSHAD DO, ,'DI LTAR BSHAD PA 'DI LUS DKYIL SGOM TSUL STON PA YIN NA, KHYOD RANG GI LUS LA LHA BKOD PA TZAM DANG LUS DKYIL SGOM TSUL GYI KHYAD PAR JI LTAR 'BYED PA SMRAS PA NA, SKYE MCHED BYIN RLABS KYI LHA BSKYED TSUL SDOM 'BYUNG 'GREL PAR DRANGS MA THAG PA 'DI LTAR BYAS PA LUS LA LHA 'GOD PA TZAM YIN GYI LUS DKYIL BSGOM PA MA YIN PAR SMRAS PA DANG KHAS BLANGS DNGOS SU 'GAL LO, ,SLOB DPON KLU BYANG GI 'DUS PA'I LUS DKYIL SKABS SU, SDOM 'BYUNG GI LE'U BZHI
PA'I LUNG 'DI DAG DRANGS NAS BSHAD PA BYAS SO, ,ZHES SMRA BA NI, RDZUN SHIN TU CHEN PO STE, RNAM GZHAG RIM PAR SKU'I DKYIL 'KHOR GYI RNAM PAR BZHAG PA STON PA'I SKABS SU RNAM SHES THUGS RDO RJE NYID SA'I SNYING PO'I TING NGE 'DZIN GYIS MIG GI DBANG PO LA BKOD PAS, GZUGS GSUM LA 'OD GSAL BAS THOGS PA MED PAR BYAS PA'I RDO RJE'I MIG GI DBANG PO STZOL BAR 'GYUR RO, ,ZHES SOGS NI RNAM GZHAG RIM PA MDZAD PA PO RANG GI GSUNG YIN GYI LUNG GZHAN DRANGS PA MA YIN PA NI KLOG SHES TZAM GYIS GO NUS LA DE'I SHES BYED DU RNAM GZHAG RIM PAR, JI SKAD DU RNAL 'BYOR THAMS CAD BCOM LDAN 'DAS, ,RDO RJE SEMS DPA' DE BZHIN GSHEGS, ,KHAMS GSUM PA NI MA LUS KYANG, ,DE YIS NYE BAR LONGS SPYOD NYID, CES BDE MCHOG LAS GSUNGS TE, ZHES PA NI MKHA' 'GRO MA SGYU MA BDE MCHOG CES GRAGS PA SANGS RGYAS MNYAM SBYOR LAS DRANGS PA YIN GYI, SDOM 'BYUNG GI LUNG DRANGS PA NI MIN NO, ,DES NA RNAM GZHAG RIM PA'I SKABS DER SDOM 'BYUNG GI LUNG DRANGS PA GCIG KYANG MED LA RNAM GZHAG LAS DE LTAR GSUNGS PA DE DAG NI, RNAM GZHAG RIM PA RANG NYID LAS DON 'DI NYID GSAL BAR RTZA BA'I RGYUD LAS, RDO RJE'I SKYE MCHED DE DAG KYANG, ,BYANG CHUB SEMS DPA'I DKYIL 'KHOR MCHOG ,CES PA DANG, ZHES SOGS KYI GSANG 'DUS RTZA RGYUD KYI TSIG DE DAG 'CHAD BYED DU GSUNGS KYIS, SDOM 'BYUNG GI TSIG DE DAG LA SBSHAD PA BYAS PAR 'KHRUL PA'I GZHI TZAM YANG MED DO, ,SMRAS PA, LUG LTAR GLEN PA'I GLEN PA LA, SMRAS PAS GO BAR GA LA 'GYUR, ,PYUGS NI DBYUG PAS MA GTEGS PAR, ,BSHAD PAS
, ,LAS LA 'JUG NUS SAM, ,DE LTA NA YANG SHES RIG DANG CUNG ZAD LDAN NA BRTAG PAR BYA'O, ,SDOM 'BYUNG RTZA 'GREL DE DAG GIS KYANG KHYOD 'DOD PA'I KYEE RDOR LUS DKYIL DANG CHA 'DRA BA'I LUS DKYIL BSTAN PAR SMRA BA NI GONG DU BSHAD PA LTAR BRJOD PAR BYA'O, ,YANG KYEE RDO RJE'I RGYUD LAS GSUNGS TSUL, DE GRUB CHEN GYIS JI LTAR BKRAL BA'I TSUL DANG BCAS PA SMRA BAR RLOM NAS 'DI SKAD CES, RTZA BA'I RGYUD LAS, AE'I RNAM PA LHA MO SPYAN, ,WAm GYI RNAM PA BDAG MAR BRJOD, ,MA NI LHA MO GOS DKAR MO, ,YA YE RNAM PA BDAG MAR BRJOD, CES YI GE BZHI'I DBYIBS KYI 'KHOR LO BZHI DANG, DE DAG LHA MO BZHI'I RANG BZHIN DU GSUNGS LA, DON LHAG MA RNAMS RGYUD KYI DBU ZHABS RNAMS SU DON THOB LA GSAL BAR BYUNG YANG TSIG DNGOS SU GSAL BAR MA GSUNGS SO, ,DON DE NYID GSAL POR BYA BA'I PHYIR BSHAD PA'I RGYUD SAMBHU tIR RTEN BRTEN PA'I LUS DKYIL SGRUB TSUL RNAMS GSAL BAR GSUNGS TE, DRUG PA'I RAB BYED GSUM PAR HE RU KA LA SOGS PAR LHA, ,GZUGS MDZES PA NI YANG DAG BYUNG, ,LUS NI DKYIL 'KHOR NYAMS DGA' BAR, ,SGO BZHIR JI SKAD GSUNGS PA'O, ,RANG GI YAN LAG BRGYAD BYUNG BAS, ,KA BA DE YIS BSKOR NAS GNAS, ,DNGOS PO KUN GYI MNYAM PA'I PHYIR, ,GRU BZHI PAR NI RAB TU GRAGS, ,SKU GSUNG THUGS KYI NGO BOS NI, ,'KHOR LO GSUM NI GCIG TU GSUNGS, ,RI NI MGO BO'I ZE 'BRU LA, ,JI LTAR RTZOM CHEN LA SOGS RIM, ,BLA MA'I DUS THABS RIM NYID KYIS, ,DE NI RDZOGS PA'I DKYIL 'KHOR GNAS, ,RKANG PA'I MTHIL DU RTZOM CHEN RLUNG, ,GZHU YI DBYIBS SU RNAM
BAR GNAS, ,SUM MDO YI NI GNAS SU NI, ,DE BZHIN GRU GSUM 'BAR BA NYID, ,ZLUM PO'I RNAM PA'I GZUGS KYIS NI, ,CHU NI LTO BAR RNAM PAR GNAS, ,SNYING KHA YANG NI SA NYID DE, ,KUN NAS GRU BZHI PA NYID DO, ,SGAL TSIGS DBYUG GU'I GZUGS KYIS NI; ;RI RAB RI RGYAL DE BZHIN NO, ,ZHES RTEN LUS DKYIL, KYEE RDO RJE DANG BDE MCHOG GNYIS THUN MONG DU GSUNGS PA DANG, BRTAN PA LUS DKYIL YANG DANG PO'I RAB BYED BZHI BAR, YANG DAG SBYOR BYUNG MTSAN NYID NI, ,DE NAS MCHOG TU RAB BSHAD BYA; ;AE NI SA RU SHES PAR BYA, ,LAS KYI PHYAG RGYA SPYAN MA NYID, ,SNYING RJE CHEN MO THABS CHEN MO, ,RANG BZHIN SNA TSOGS SPYOD YUL MA, ,LTE BAR SNA TSOGS 'DAM SKYES MA, ,SPRUL PA'I 'KHOR LOR RNAM PAR GNAS, ,WA NI CHU RU SHES PAR BYA, , CHOS KYI PHYAG RGYA MA M'A KI, BYAMS PA DANG NI SMON LAM TSUL, ,LHA MO RDO RJE'I RIGS GTZO MA, ,SNYING KHAR CHU SKYES 'DAB BRGYAD MA, ,CHOS KYI 'KHOR LO YANG DAG GNAS, ,MA NI MA RU BRJOD PA STE, ,PHYAG RGYA CHEN MO GOS DKAR MO, ,DGA' DANG STOBS KYI RNAL 'BYOR GYIS, ,LHA MO PAD+MA'I RIGS BYUNG MA, ,LKOG MAR CHU SKYES 'DAB BRGYAD GNYIS, ,LONGS SPYOD 'KHOR LOR YANG DAG GNAS, ,YA NI RLUNG GI RANG BZHIN TE, NYON MONGS THAMS CAD RAB 'JOMS BYED, ,DAM TSIG PHYAG RGYA CHEN MOR NGES; ;LHA MO LAS KYI RIGS GTZO MA, ,BTANG SNYOMS YE SHES RNAL 'BYOR GYIS, ,SGRON MA 'KHOR BA SGROL BA MO, ,'DAM SKYES 'DAB MA SUM CU GNYIS, ,BDE CHEN 'KHOR LO CHEN POR GNAS, ZHES 'KHOR LO 'DI DAG LA LHA MO 'DI RNAMS
, ,DGOD PAR GSUNGS SHING SNYE MA'I BZHI PAR, DE LTAR 'DI RNAMS KHAMS DANG PHYAG RGYA DANG, TSAD MED PA DANG PHA ROL TU PHYIN PA RNAM PAR DAG PA'I NGO BO RNAMS TE, STONG PA NYID DANG SNYING RJE'I NGO BO NYID KYIS NA SHES RAB DANG THABS KYI RANG BZHIN SPYAN MA LA SOGS PA'I LHA MO RNAMS SPRUL PA LA SOGS PA'I 'KHOR LO RNAMS LA MOS PAR BYA'O, ,AE WAm MA Y'A'I YI GE BRJOD PAR BYA'O, ,ZHES PA BRJOD PAR BYA BA DANG, RJOD BYED DAG DBYER MED PAR MOS PA BSKYED PA'I RIM PA LA KHA CIG TU; AE WAm MA YA'I YI GE RANG GI NGO BO RNAMS DANG, KHA CIG TU PHYAG RGYA LA SOGS PA'I NGO BO CAN RNAMS KYANG BSGOM PAR BYA'O, ,ZHES GSUNGS PAR 'GYUR RO, ,ZHES GSOL BAR GSUNGS PA'I PHYIR RO, ,'O NA 'KHOR LO BZHI LAS MA BSTAN NO SNYAM NA MA YIN TE, BDE CHEN 'KHOR LO CHEN POR GNAS, ZHES PA'I DON, BDE BA'I RTEN BYANG SEMS KYI GTZO BO SPYI BOR GNAS PAS SPYI BO LA BDE CHEN ZHES BYA LA, DE LAS BYUNG BA'I BYANG SEMS GSANG 'KHOR DU BAB PAS DER BDE BA CHEN PO SKYED PAR BYED PAS GSANG GNAS LA'ANG BDE CHEN DU BTAGS PAR 'GREL PA LAS 'BYUNG BAS, TSIG GCIG GIS STENG 'OG GI 'KHOR LO GNYIS CHAR BSTAN PA YIN NO, ,SNYE MA DANG POR YANG, 'ON KYANG GTZUG TOR DANG, SPYI BO DANG, MGRIN PA DANG, SNYING KHA DANG, LTE BA DANG, GSANG BA DANG, NOR BU'I DBUS SU CHUD PA'I RIM PA JI LTA BAR BZHI DANG, SUM CU RTZA GNYIS DANG, BCU DRUG DANG, BRGYAD DANG, DRUG CU RTZA BZHI DANG, SUM CU RTZA GNYIS DANG, BRGYAD KYI DRANGS CAN PADMA NYID, BHA GA NYID DAD 'KHOR LO NYID DU BSTAN PAR BYA BA RNAMS KYI
DBUS SU MDUD PA'I GZUGS SO, ,ZHES 'KHOR LO LNGA DANG DRUG DANG, BDUN GYI RTZA 'DAB KYI GRANGS GSAL BAR GSUNGS SO, ,DE LTA BU'I 'KHOR LO LNGA'I DBUS SU GTZO BO RIGS LNGA THIG LE LAS BSKYED PA NI, BRTAG PA DRUG PA'I BZHI PAR, RTAG TU BZHUGS PAR 'DOD PA NI, ,SANGS RGYAS KUN GYI SDOM PA DAG ,YANG NA ME LONG LTA BU'I TSUL, ZHES PA NAS, SHIN TU RNAM DAG YE SHES CHER, ,LHA MO KUN GYI RANG BZHIN CAN, ,RDO RJE SEMS DPA' ZHES BYAR BSHAD, ,BDE BA DAM PA RU NI BRJOD, CES DANG, 'GREL BA SNYE MAR, LHA MO KUN GYI STE SPYAN MA DANG, M'A MA K'I DANG, GOS DKAR MO DANG, SGROL MA DANG, RDO RJE BSNYEMS MA RNAMS KYI RANG BZHIN NO, ,ZHES RIGS LNGA'I YUL RNAMS GSAL BAR BSHAD CING, RDO RJE BSNYEMS MA NI RDO RJE DBYINGS KYI DBANG PHYUG MA DANG DON GCIG LA, TSIG RKANG THA MA GNYIS KYIS NI RIGS LNGA LA RDO RJE SEMS DPAS RGYAS 'DEBS PA ZIN PA YIN NO, ,YAN LAG GI LHA RNAMS LUS LA SKYED TSUL YANG, BRTAG PA DANG PO'I BZHI PAR, DE LTAR RIGS NI LNGA RNAMS DANG, ,YE SHES LNGA DANG PHYAG RGYA LNGA, ,'DI LAS RDO RJE SNYING PO DANG; ;KHRO BO KHAMS GSUM SEMS CAN SKYE, ,NANG GI DBYE BA 'DI NYID NI, ,BLA MA'I ZHAL LAS RNYED PAR 'GYUR, ZHES GSUNGS LA, DE'I DON SNYE MAR, GANG YANG DE RNAMS LA SKYES PA RNAMS NI, SEMS DPA' ZHES PA RANG RANG GI RIGS CAN GYI BYANG CHUB SEMS DPA' SA'I SNYING PO'I RIGS LA SOGS PA, MIG NI GTI MUG RDO RJE'O, ,ZHES PA LA SOGS NANG GI SKYE MCHED BDAG NYID KYI BSKYED DE, RNAM PAR DAG PA'I RANG BZHIN DU 'CHAD PAR 'GYUR PA RNAMS DANG, GZUGS RDO RJE MA LA SOGS PA PHYI'I SKYE
, ,MCHED DAM, GZUGS LA SOGS PA RNAM PAR DAG PA'I RANG BZHIN RNAMS DANG, SA LA SOGS PA'I KHAMS RNAM PAR DAG PA'I RANG BZHIN LA SPYAN MA LA SOGS PA RNAMS SO, ,KHRO BO RNAMS KYANG GSHIN RJE GSHAD LA SOGS PA DAD PA LA SOGS PA'I RNAM PAR DAG PA'I NGO BO RNAMS SO, ,ZHES GSAL BAR GSUNGS SO, ,GAL TE RIGS LNGAS BYANG SEMS SPRO TSUL STON GYI, LUS DKYIL GYI LHA MI STEN SNYAM NA, LUNG DE'I RJES KHO NA LA SEMS CAN GYI PHUNG PO YANG DE BZHIN KHO NAR RGYU'I RGYUD KYI RDO RJE 'DZIN PA'I RANG BZHIN KHO NA'O, ,ZHES SGRUB BYED DU MA DANG BCAS NAS LUS DKYIL DU SGRUB PA'I PHYIR, MDOR NA RTZA RGYUD DU LUS DKYIL GYI RNAL 'BYOR DON THOB LA YOD PA DE NYID BSHAD PA'I RGYUD KYI RGYAL PO 'DIS GSAL BAR GSUNGS PA, BLA MA BRGYUD PA'I MAN NGAG GIS 'CHAD TSUL 'DI LTA BU'I SGO NAS RNAM PAR GSAL BAR RTOGS NUS PA YANG GNAD KYI DON DU SHES PAR BYA'O, ,ZHES 'BREL MED KYI BAB COL MKHAS PA RGYUD CHEN PO'I DON SHES PA DAG YID 'BYUNG BA SKYED PAR BYED PA DAG MANG DU BRIS SO, ,BRJOD PAR BYA STE, BRTAG GNYIS SU, AE'I RNAM PA LHA MO SPYAN ZHES RKANG PA BZHIS NI, YI GE BZHI'I DBYIBS CAN GYI, RTZA 'KHOR BZHI PO DE NYID RIM PA BZHIN, LTE BAS, SNYING KHA CHU, MGRIN PA MED SPYI PA RLUNG GI KHAMS YIN ZHING, SPYAN MA SA, M'A MA K'I CHU, GOS DKAR MO ME, SGROL MA RLUNG GI KHAMS YIN PAS, RTZA 'KHOR LO BZHI LA LHA MO BZHI'I THA SNYAD KYIS GSUNGS LA, DE YANG GZHUNG DE NI SDOM PA'I DBYE BA 'CHAD PA'I
SKABS YIN ZHING, DE LA GANG SDOM NA SPYI BO'I HAm YIG ZHU BA DANG, LTE BA'I GTUM MO AAm YIG 'BAR BA GNYIS SDOM, GNAS GANG DU SDOM NA 'KHOR LO BZHI'I DBUS SU SDOM ZHES SHES PAR BYA BA'I CHED DU, GANG DU SDOM PA'I GNAS STON PAR BZHED NAS, AE YIG RNAM PA LHA MO SPYAN, ZHES GSUNGS SO, ,'DI GSUNGS PA YIN PAS RDZOGS RIM GYI YAN LAG DE LTAR STON PA'I GZHUNG YIN PAR MA GO BAR, BSKYED RIM GYI LUS DKYIL STON BYED DU SMRAS PAS, BRTAG GNYIS KYI RGYUD KYI BRDA RAGS PA TZAM YANG MA CHAGS PA GSAL BAR BYAS SO, ,SAMBHU tA'I BRTAG PA DRUG PA'I RAB BYED GSUM PA LAS DRANGS PA DE DAG GI DON DE LTAR DU SMRAS PAS NI, SAMBHU tA'I RGYUD 'GREL BA DANG BCAS PA'I RAB BYED 'DIS DON 'DI STON GYI RGYUS CI YANG MED PA GSAL PAR BYAS TE, 'DI LTAR RAB BYED 'DI NI RGYUD DU BSKYED RIM PA'I DKYIL 'KHOR GSUNGS PA'I NGES DON RDZOGS RIM PA'I DKYIL 'KHOR 'CHAD PA YIN PAS, DE'I PHYIR RAB BYED 'DI'I THOG MAR MAN SNYE LAS, SHES RAB MCHOG GI RDZOGS PA'I RIM PA'I DKYIL 'KHOR LA SOGS PA RGYAS PAR BSTAN PA'I CHED DU 'DRI BA, THOS LAGS ZHES PA LA SOGS PA STE, ZHES GSUNGS SO, ,DE'I PHYIR RAB BYED 'DI'I THOG MAR RGYUD DU, LHA LAGS NYAN PAR 'CHAL LAGS NA, ,NANG GI DKYIL 'KHOR MCHOD PA LA, ,SOGS PA LAS NI JI LTAR LAGS, ZHES 'BYUNG BA'I NANG GI DKYIL 'KHOR ZHES PA NI RDZOGS RIM GYI DKYIL 'KHOR YIN GYI, BSKYED RIM PA'I LUS KYI DKYIL 'KHOR LA ZER BA MA YIN NO, ,DE YANG BDE MCHOG RTZA RGYUD DU GANG DU HE RU KA BSKYED PA'I GNAS
, ,'BYUNG BZHI RI RAB GZHAL YAS KHANG DANG BCAS PA DANG, DE'I NANG DU PADMA'I STENG DU DBYANGS GSAL BKOD NAS MNGON BYANG LNGA LAS BSKYED RIM PA'I HE RU KA RDZOGS TSUL GSUNGS PA DE NYID BSHAD RGYUD SAMBHU tAS, DE DAG THAMS CAD NANG LA SBYAR BA'I NGES DON GYI BSHAD PA GSUNGS NAS, RTZA RGYUD DU SBAS PA'I RDZOGS RIM GSAL BAR MDZAD PA NI, BRTAG PA DRUG PA'I RAB BYED GSUM PAR, HE RU KA LA SOGS PA'I LHA, ZHES SOGS KYIS DRANGS PA 'DI DAG LA SOGS PA RNAMS YIN NO, ,DE YANG 'DI LTAR BDE MCHOG RTZA RGYUD DU, BSKYED RIM GYI SKABS SU, GSANG BA MCHOG GIS DGYES PA SOGS KYI TSIG BZHI DANG, BA'I NGA GNAS ZHES SOGS KYI TSIG BZHIS, 'BYUNG BA RIM BRTZAGS SGOM PA DANG, ,RI STENG SNA CHAGS PADMA YI; ;LTE BAR A'A LI K'A LI SKYES, ZHES PA'I STENG DU RI RAB BSGOM PA DANG, DE'I STENG DU PADMA DANG, DE'I LTE BAR DBYANGS GSAL LAS HE RU KA BSKYED PAR BSHAD PA 'DI'I SKABS SU RDZOGS RIM SBAS PA'I DON BSHAD RGYUD SAMBHU tAS BSTAN PA NI, RKANG PA'I MTHIL DU RTZAM CHEN RLUNG, ,GZHU YI DBYIBS SU RNAM PAR GNAS, ZHES PA NAS, SGAL TSIGS DBYIG PA'I GZUGS KYIS NI, ,RI RAB RI RGYAL DE BZHIN NO, ,ZHES PA'I BAR GYIS BSKYED RIM PA'I 'BYUNG BA RIM BRTZEGS DANG, RI RAB NANG LA BSHAD PA NA LAS KYI RKANG PA NAS MGO BO'I BAR STON PAR MDZAD NAS, DE 'DRA BA DE YANG RDZOGS RIM PA'I LUS KYI DKYIL 'KHOR YIN PAR, JI LTAR RTZOM CHEN LA SOGS RIM, ,BLA MA'I DUS THABS RIM NYID KYIS, ,DE NI RDZOGS PA'I DKYIL
'KHOR GNAS, ZHES PA 'DIS BSTAN PA YIN TE, DE YANG RDZOGS RIM PAS GANG LA GNANG DU BSNUN PA'I GZHIR GYUR PA'I RDO RJE'I LUS KYI DBANG DU MDZAD PA'O, ,NAG PO SPYAD PAS LUS KYI DKYIL 'KHOR LA PHYI NANG GNYIS GSUNGS PA'I PHYI NI BSKYED RIM PA'I LUS DKYIL YIN LA, NANG GI BSHAD MA THAG PA LTAR RDZOGS RIM PAS GANG LA GNAD DU BSNUN PA'I LUS KYI DKYIL 'KHOR, LUS NI DKYIL 'KHOR NYAMS DGA' BAR, ZHES PA NAS, GRU BZHI BAR NI RAB TU GRAGS, ZHES PA'I BAR NI RTZA RGYUD DU PHYI'I GZHAL YAS KHANG GRU BZHI SGO BZHI PA BSHAD PA NANG LA SPYAR NAS, LUS 'DOM GANG GRU BZHI YAN MAN DANG PHAN TSUN DU MNYAM PA LA BSHAD PA STE, DE NYID RDZOGS RIM PAS GANG LA GNAD DU BSNUN PA'I RDO RJE'I LUS NGOS 'DZIN PA'I DBANG DU MDZAD PAS NGES DON GYI BSHAD PA YIN GYI BSKYED RIM PA'I LUS DKYIL GYI RTEN GZHAL YAS KHANG STON PA'I DBANG DU MDZAD PA MA YIN NO, ,SKU GSUNG THUGS KYI NGO BOS NI, ,'KHOR LO GSUM NI GCIG TU GSUNGS, ZHES PA NI, BDE MCHOG GI PHYI DKYIL LA SKU GSUNG THUGS KYI DKYIL 'KHOR GSUM YOD PA DE NANG LA BSHAD PA NA, RDZOGS RIM PAS GANG LA GNAD DU BSNUN PA'I RTZA'I 'KHOR LO GSUM LA BYA BA'I DON NO, ,DES NA SAMBHU tA'I RGYUD DE DAG GI RGYUD DON NI 'DI LTAR YIN PAS LUS ZHES PA'I TSIG GANG BYUNG THAMS CAD LUS DKYIL LA 'CHAD PA NI BLUN PO CHOS LA DBANG ZOS NAS SPYI BRTOL LHUR LEN PA, 'JIG RTEN PHA ROL BTANG BA'I NGANG TSUL YIN PAR SHES PAR BYA'O, ,GZHUNG DE DAG RTZA RGYUD GANG GI DON 'CHAD PA'I BSHAD RGYUD YIN KYANG RGYUS MED PA LA RTZA RGYUD KYI DON GANG TSUL JI LTAR
, ,'CHAD PA'I RNAM GZHAG PHYOGS MTHONG TZAM YANG 'ONG BA'I GO SKABS GA LA YOD, 'DI DAG KYEE RDOR GYI LUS DKYIL GYI RTEN GYI DKYIL 'KHOR STON PA YIN NA NI, CI KYEE RDOR GYI LUS DKYIL LA SKU GSUNG THUGS KYI RNAM GZHAG JI LTAR SBYOR, KYEE RDOR GYI PHYI DKYIL LA 'BYUNG BZHI'I STENG DU RI RAB BSGOM PA MED PA LA, LUS DKYIL LA SGAL TSIGS RI RAB TU SGOM PA 'ONG BA'I RGYU MTSAN GANG YIN, DE GNYIS NANG 'GAL LO ZHES BRJOD NA JI LTAR SMRA, GONG DU MAN SNYE'I LUNG DRANGS MA THAG PA LTAR, DRI BAS RDZOGS RIM PA'I DKYIL 'KHOR JI LTAR LAGS DRIS PA'I LAN DU BSKYED RIM PA'I LUS DKYIL GSUNGS PA LAS MA 'BREL BA CI ZHIG 'BYUNG BAR 'GYUR, ZHES SHES PA RANG BZHIN DU GNAS PA DAG GIS BSAM PAR BYA'O, ,BRTAG PA DANG PO'I RAB BYED BZHI PAR, YANG DAG SBYOR 'BYUNG MTSAN NYID NI, ,DE NAS MCHOG TU RAB BSHAD BYA, ZHES THABS DANG SHES RAB YANG DAG PAR SBYOR BA LAS BYUNG BA'I BDE BA CHEN PO'I YE SHES KYI MTSAN NYID BSHAD PAR ZHAL GYIS BZHES NAS, DE NYID 'CHAD PA NI, GSANG BA MCHOG GIS DGYES PA SOGS KYI DON AE WAm MA YA SOGS DANG SBYAR NAS, RTZA RGYUD KYI GLENG GZHI'I NGES DON RDZOGS RIM LA BSHAD RGYUD KYIS 'CHAD PA, AE NA SA RU SHES PAR BYA, ZHES SOGS TE, RDO RJE MKHA' 'GROS BSHAD PA DANG, SAMBHU tAS 'DI LTAR BSHAD PA 'DRA'O, ,DE LA AE WAm MA YA'I YI GE BZHIS MTSON PA'I DON NI, NANG LUS KYI RTZA 'KHOR LA GNAD DU BSNUN PA DANG, PHYI'I PHYAG RGYA DANG SNYOMS PAR 'JUG PA DANG, DE 'DRA BA'I THABS LA BRTEN NAS SKYES PA'I BDE STONG GI
YE SHES GSUM LAS, DANG PO'I DBANG DU BYAS PA NI YI GE BZHIS MTSON PA'I LTE SNYING MGRIN PA SPYI BO'I RTZA 'KHOR BZHI STE, YI GE BZHIS RTZA 'KHOR BZHI PO DE NYID SA LA SOGS PA KHAMS BZHI'I RANG BZHIN DU YANG SHES PAR BYA'O, ,GNYIS PA NI LAS RGYA'I BUD MED RIGS BZHI LA SPYAN MA LA SOGS PA BZHI'I RIGS SU GSUNGS PA BZHI DANG, YE SHES KYI PHYAG RGYA SPYAN MA LA SOGS PA LHA MO'I RNAM PAR SGOM PA BZHI YI GE BZHIS MTSON PA STE, SPYAN SOGS BZHI YANG SA LA SOGS PA'I KHAMS BZHI RNAM PAR DAG PAR BRJOD DO, ,GSUM PA NI, DE LTAR PHYI'I PHYAG RGYA BZHI DANG SNYOMS PAR 'JUG PA DANG, NANG LUS KYI RTZA 'KHOR BZHI LA GNAD DU BSNUN PA LAS SKYES PA'I THABS BDE BA CHEN PO'I YE SHES DANG, STONG NYID RTOGS PA'I SHES RAB YANG DAG PAR SBYAR BA LA LDOG PAS BYE BA'I THUN MONG MA YIN PA'I BYAMS SOGS BZHI AE WAm LA SOGS YI GE BZHIS MTSON PA STE, GZHUNG DE DAG GIS TSUL 'DI NYID STON PA YIN GYI, RTZA 'KHOR BZHI LA SPYAN MA SOGS BZHI SGOM PA'I LUS DKYIL STON PA'I DOGS PA TZAM YANG RGYUD KYI BRDA RAGS PA TZAM CHAGS PA YAN CHAD LA SKYE BA'I GO SKABS GA LA YOD, 'DI LTAR 'CHAD SHES NA YANG DAG SBYOR BA DANG, DE LAS BYUNG BA'I MTSAN NYID BSHAD PAR ZHAL GYIS BZHES PA'I DON GO BAR 'GYUR BA YIN GYI, BSHAD RGYUD KYI GZHUNG 'DI DAG RTZA RGYUD KYI GLENG BZHI'I NGES DON 'CHAD PA'I GZHUNG YIN PA TZAM GYIS RGYUS KYANG PMED PA LA, 'DI DAG GIS DON JI 'DRA ZHIG STON PA'I RGYUS 'ONG DON JI LTAR YOD, KHYOD KYIS BLUN
{NGOR LAN} *, ,PO'I TSOGS KYI DBUS SU GUR BRTAG SAM GSUM SHES PAR SPYI BRTOL GYIS KHAS 'CHE BA'I TSUL NI 'DI 'DRA'O, ,SAM+DHU tA'I GZHUNG DE DAG GIS BSTAN PA'I DON GYI GTZO BO DE LTAR YIN PA LA 'GREL BAS, ZHAR BYUNG GI TSUL DU, BSKYED RIM PAS BUD MED RIGS BZHE LHA MO BZHIR BSGOM PA'AM, YE SHES KYI PHYAG RGYA SPYAN MA SOGS BZHI GANG RUNG DANG, YANG DAG PAR SBYAR BA LAS BYUNG BA'I BSKYED RIM BA'I BDE STONG GI YE SHES KYANG AE WAm SOGS YI GE BZHIS MTSON NUS PAR 'CHAD PA NI, BSKYED PA'I RIM PA LA KHA CIG TU AE WAm MA YA'I YI GE RANG GI NGO BO RNAMS DANG, KHA CIG TU SPYAN MA LA SOGS PA'I NGO BO CAN RNAMS KYANG BSGOM PAR BYA'O ZHES PAR 'GYUR RO, ,ZHES PA'O, ,BSHAD RGYUD LAS 'DI LTAR NA RTZA 'KHOR BZHI DANG YI GE BZHI SBYAR NAS GLENG GZHI'I NGES DON GSUNGS PA'I DON, NAG PO BA'I RDZOGS RIM RIM PA BZHE BA'I RGYUD KYI RIM PA ZHES BYA BA 'CHAD PA YIN PAS, RTZA BSHAD SBYAR TE GRUB CHEN GYI DGONGS PA LTAR 'CHAD PA LA MKHAS PA'I MDUN SAR NGAN SKYUGS KYI RGYA MTSO KHA NAS 'BYIN PA LA JI MI SNYAM PAR MA BYED CIG ,GZHAN YANG 'DI LTAR, AE NI SA RU SHES PAR BYA, ZHES SOGS 'DI DAG GIS RTZA 'KHOR LO BZHI LA SPYAN MA SOGS SGOM PAR STON PA'I DBANG DU BYAS PA YIN KYANG DE TZAM GYIS KYEE RDOR GYI LUS DKYIL KHYOD 'DOD PA DE LTA BU BSTAN PAR SGRUB PA NI HA CANG THAL BA'I GTAM YIN TE, BSHAD RGYUD RDO 'PHRENG BA DANG, SGRUB THABS MDOR BYAS DANG, RNAM GZHAG RIM PA LA SOGS PA RNAMS KYI GSANG 'DUS MI BSKYOD PA'I LUS DKYIL STON PA'I GZHUNG GIS KYANG KHYOD 'DOD PA LTAR KYI KYEE RDOR GYI LUS DKYIL
BSTAN PAR THAL, LTE BA LA SOGS PA'I GNAS GZHIR SPYAN MA LA SOGS PA BZHI PO DE DAG BSGOM PAR BSTAN PA'I PHYIR RO, ,GZHAN YANG PHA RGYUD MA RGYUD DU MA ZHIG LAS PHUNG PO LNGA SANGS RGYAS LNGAR BSHAD PA DANG, SA LA SOGS PA'I KHAMS BZHI SPYAN SOGS BZHI DANG, LTE BA SNYING KHA SOGS SU SANGS RGYAS LNGA SGOM PA DANG, SPYAN MA SOGS SGOM PAR BSHAD PA SHIN TU MANG BAS, DE THAMS CAD KYIS KHYAD 'DOD PA'I KYEE RDOR GYI LUS DKYIL DE NYID BSTAN PAR THAL LO, ,'DI LTAR KHYOD 'DOD PA'I KYEE RDOR GYI LUS DKYIL DE NYID BSTAN PA'I KHUNGS SU 'GRO BA'I LUNG ZHIG 'DREN PAR 'DOD NA NI, RTEN GZHAL YAS KHAD BSKYED TSUL KHYED RANG 'DOD PA DE LTA BU DANG, BRTEN PA LHA BSKYED TSUL YANG, RTZA 'KHOR LO LNGA'I DBUS SU RIGS LNGA YAB YUM LNGA MNYAM PAR SBYOR BA'I SKU MDOG PHYAG MTSAN KHAMS KYI RNAM GZHAG SOGS KHYOD 'DOD PA DE LTA BU LA, 'KHOR GYI LHA MO'I SKU MDOG PHYAG MTSAN GRANGS RNAMS KHYOD 'DOD PA DE LTA BU DANG, DE YANG KYEE RDOR GYI BSKYED RIM SGOM TSUL GYI DBANG DU BYAS NAS GSUNGS PA'I KHUNGS RNAM PAR DAG PA CIG DRANG RGYA DGOS PA YIN GYI, BDE MCHOG RTZA RGYUD LA SOGS PAR SBAS TE GSUNGS PA BSHAD RGYUD SAMBHU tA SOGS KYIS GSAL BAR BSHAD PA'I RDZOGS RIM GYI RNAM GZHAG STON PA'I GZHUNG RNAMS DANG, RIGS LNGA YUM BZHI'I THA SNYAD GANG BYUNG THAMS CAD DANG, LUS LA RTZA 'KHOR DANG RTZA 'DAB KYI GRANGS 'DI YONG STON PA THAMS CAD KHYOD KYIS KYEE RDOR GYI LUS DKYIL STON PA'I KHUNGS SU DRANGS PA 'DI DAG GIS NI, BLA MED KYI RGYUD SDE GANG GI YANG BRJOD BYA RAGS PA TZAM GYI
, ,PHYOGS MTHONG BA YANG MED CING, BSKYED RDZOGS KYI RNAM DBYE LA KUN TU 'THOMS PA'I NGANG TSUL GSAL BAR SGROGS PA'I CHONG DE 'DON PA LA DUB DUB LTAR DU 'BAD PA YIN NO, ,DE'I MAN SNYER RTZA 'KHOR DANG RTZA 'DAB KYI GRANGS BSTAN PA DRANGS NAS KYEE RDOR GYI LUS DKYIL BSTAN PAR BSGRUBS PAS KYANG 'BREL MED CHEN PO GSAL BAR BYAS LA, KHYOD LTAR NA DUS KYI 'KHOR LO'I NANG GI LE'U DANG, BDE MCHOG GI RDZOGS RIM NAG PO DPYID THIG GI GZHUNG RNAMS KYIS KYANG, KYEE RDOR GYI KHYOD 'DOD PA'I LUS DKYIL 'DI GSAL ZHING RGYAS PAR 'CHAD PA NYID DU HA CANG THAL BAR 'GYUR TE, KHYOD KYIS DRANGS PA'I LUNG 'DI DAG LAS LUS KYI RTZA 'KHOR SOGS STON PA LHAG PAR YANG RGYAS PA'I PHYIR RO, ,SAM+BHU tA'I BRTAG PA DRUG PA'I RAB BYED BZHI BAR, RTAG TU BZHUGS PAR 'DOD PA NI, ,SANGS RGYAS KUN GYI SDOM PA BDAG ,CES SOGS KHYOD KYIS DRANGS PA 'DI DAG GI DON NI 'DI YIN TE, BDE MCHOG RTZA RGYUD KYI GLANG GZHI'I TSIG ,GSANG BA MCHOG GI DGYES PA NA, ,THAMS CAD BDAG NYID RTAG TU BZHUGS, ZHES PA'I NGES DON 'CHAD PA LA BSHAD RGYUD KYI TSIG 'DI DAG GSUNGS PA YIN LA, MAN SNYER, GSANG CHEN MCHOG TU SKYED PA NA, ZHES BTON NAS 'CHAD DO, ,DE YANG DON 'DI DAG BSHAD PAR ZHAL GYIS BZHES NAS NYAN PAR BSKUL BA NA, YANG DAG SBYOR 'BYUNG MTSAN NYID NI, BSHAD PAR BYA YIS LHA MO NYON, ZHES GSUNGS SHING, DE LA YANG DAG SBYOR BA NI, PHYI ROL GYI PHYAG RGYA DANG RNAL 'BYOR BA'I RDO RJE DANG PAD+MA YANG DAG PAR SBYOR BA DANG LTE BA'I GTUM MO'I THIG LE 'BAR BA DANG,
SPYI BO'I HAm YIG ZHU BA'I KHAMS DKAR DMAR YANG DAG PAR SBYOR BA YIN LA, DE LTAR SBYOR BA LAS BYUNG BA'I BDE BA CHEN PO LHAN CIG SKYES PA'I YE SHES NI YANG DAG SBYOR 'BYUNG STE, DE NYID SKABS 'DIR NGES DON GYI RDO RJE SEMS DPA' DANG, BYANG CHUB KYI SEMS RDO RJE ZHES BYA BA'I DON DU 'CHAD PA YIN TE, DE NYID KYI 'GREL BA MAN SNYER, YANG DAG SBYOR 'BYUNG MTSAN NYID NI, RDO RJE SEMS DPA' RANG GI NGO BO STE BYE BRAG TU BSAHD PA'I KHYAD PAR RNAMS KYIS DANG POR RNAM PAR BSHAD ZIN TO, ,YANG NA YANG SBYOR NI PHYI ROL GYI SHES RAB DANG THABS KYI PAD+MA DANG RDO RJE DAG DANG, NANG GI GTUM MO DANG KHU BA DAG SBYOR BA'O, ,DE YOD NA 'BYUNG NGO ZHES PAS, 'BYUNG BA NI LHAN CIG SKYES PA'I DGA' BA'I RANG BZHIN BYANG CHUB KYI SEMS RDO RJE'O, ,ZHES CHES GSAL BAR GSUNG SO; ;DES NA SKABS 'DIR RDO RJE SEMS DPA' ZHES GSUNGS PA NI, DE 'DRA LHAN SKYES KYI BDE BA CHEN PO'I YE SHES LA ZER BA YIN GYI, KYEE RDOR LUS DKYIL GYI LHA'I RIGS BDAG STON PA GA LA YIN, DE'I 'OG TU GLENG GZHI'I TSIG DE NYID KYI DON KHAMS LA SBYAR NAS 'CHAD PA NA, GSANG BA DANG, MCHOG DANG, DGYES PA DANG, THAMS CAD BDAG NYID DANG, RTAG TU BZHUGS ZHES PA LNGAS RIM PA BZHIN DU GONG DU BSHAD PA LTAR YANG DAG PAR SBYAR BA'I GNAS SKABS KYI REG PA SRA BA SA'I KHAMS DANG, KHU BA CHU KHAMS GTUM MO'I ME DMAR PO ME KHAMS, KHAMS DKAR DMAR GA-YO BA'I RLUNG GI KHAMS RNAMS RTEN DANG, DE BZHI LA BRTEN PA'I LHAN CIG SKYES PA'I DGA' BA NAM MKHA'I KHAMS TE, KHAMS LNGA PO DE NYID BRTEN PAR 'CHAD
, ,PA NI, GSANG BA LA NI SA YI KHAMS, ,MCHOG MA DE BZHIN DU NI CHU, ,DGYES PA LA NI ME RU BSHAD, ,THAMS CAD BDAG NYID RLUNG LA GNAS, RTAG TU GZHUGS PAR BRJOD PA 'DI, ,SANGS RGYAS KUN GYI SDOM PA DAG, CES PA STE, DE'I 'GREL BA MAN SNYER, GSANG BA NI KUN TU RGYU STE, DE LA YOD PA NI, GSANG CHEN ME'I KHAMS SO, ,DE'I PHYIR MCHOG GI PHUL DU BYUNG BA CHU STE, SDUD PAR BYED PA NYID KYIS 'DOD CHAGS SKYED PA'I PHYIR RO, ,DGYES PA NI ME STE ME YOD NA 'DOD CHAGS LHAG PA'I PHYIR RO, ,RLUNG NI THAMS CAD BDAG NYID DE, SA LA SOGS PA'I KHAMS GSUM PO THAMS CAD LA KHYAB PAR BYED PA NYID KYI PHYIR 'DI'I BDAG NYID DO ZHES PAS NAS, ,YANG DAG GNAS NI SANGS RGYAS KUN BDAG BDE BA MCHOG ,CAS 'BREL LO, , RTAG TU ZHES PA 'GYUR BA MED PA NYID KYIS MUR THUG PA MED PA'I DUS SU GNAS PA 'DI RAB TU GSUNGS PA NI, GSANG CHEN MCHOG GI DGYES PA NA, ,KUN LA BDAG NYID RTAG TU BZHUGS, ZHES PA 'DIS RNAM PAR SNANG MDZAD LA SOGS PA SANGS RGYAS RNAMS KUN GYI BDAG NYID, SHES RAB BDE BAS MCHOG TU BYED, KHYAB PAR BYED DO ZHES PA, SANGS RGYAS KUN BDAG KHU BA'I NGO BO SA BON LA SOGS PA RNAMS KYIS NYE BAR MTSON PA, STONG PA NYID DANG RO GCIG PA NYID KYIS NAM MKHA' MTSUNGS PA'I PHYIR, NAM MKHA'I KHAMS DGA' BA THAMS CAD KYI NGO BO'O, ,DE SKAD DU YANG PHYAG RGYA CHEN PO THIG LER GSUNGS PA, GSANG BA ZHES PA 'DIR DGA' BA, ,MCHOG CES PA NI MCHOG TU 'GYUR, ,DGYES PA ZHES PA KHYAD DGA'I DGA', ,LHAN SKYES KUN BDAG NA BZHUGS PA'O,,
ZHES SO, ZHES BSHAD PA LTAR RO, ,YANG GONG DU BSHAD PA LTAR KYI YANG DAG PAR SBYOR BA LAS BYUNG BA'I BDE BA CHEN PO LHAN CIG SKYES PA'I YE SHES DE NYID LA, LDOG PA'I SGO NAS DBYE BA BYAS PA'I YE SHES LNGAR 'JOG PA'I TSUL GLENG GZHI'I TSIG CHEN PA LNGA PO DE DANG SBYAR NAS 'CHAD PA NI, YANG NA ME LONG LTA BU'I TSUL, ,DE BZHIN YANG NA MNYAM PA NYID, ,SO SOR RTOG PA'I CHO GA BZHIN, ,DE BZHIN BYA BA NAN TAN LA, ,RTAG TU BZHUGS PAR BRJOD PA 'DI, ,SHIN TU RNAM DAG RANG BZHIN CAN, ZHES PA STE, DE NYID KYI 'GREL PA MAN SNYER, ME LONG LHA BU GANG GI NGO BO KUN MTHONG BA YIN PA DE NI DE SKAD CO, ,GSANG BA NI CHOS KYI DBYINGS RNAM PAR DAG PA STE, ZHES PA NAS, RTAG TU BZHUGS PA SHIN TU RNAM DAG GI CHOS KYI YE SHES TE MU MTHA' MED PA'I DUS SU GNAS PA'I PHYIR RO, ZHES PA'I BAR GYIS, GLENG GZHI'I TSIG TSAN PA LNGA DANG YE SHES LNGA RE RE NAS SBYAR NAS BSHAD PA LTAR RO, ,DE LTAR RDO RJE DANG PAD+MA YANG DAG PAR SBYAR BA DANG, KHAMS DKAR DMAR YANG DAG PAR SBYAR BA LAS BYUNG BA'I BDE BA CHEN PO LHAN CIG SKYES PA'I YE SHES LNGA LDOG PA'I SGO NAS YE SHES LNGAR BZHAG PA DE NYID PHUNG PO LNGA RNAM PAR DAG PA'I LDOG CHA NAS NGES DON GYI RNAM SNANG LA SOGS PA NGES DON GYI DE BZHIN GSHEGS PA RNAMS SU YANG 'JOG PA'I TSUL GLENG GZHI'I TSIG TSAN PA LNGA'I DON DU 'CHAD PA NI, DE BZHIN RNAM PAR SNANG MDZAD NYID, ,YANG NA RIN CHEN 'BYUNG GNAS LA, ,YANG NA 'OD DPAG MED PA YIS, ,GANG TSE RTAG BZHUGS DON LA ZHES PA STE, 'DI LA MAN SNYER GSAL BA RNAM SNANG, MCHOG RIN 'BYUNG, DGYES PA 'OD DPAG MED,
, ,THAMS CAD BDAG NYID DON YOD DU BYAS NAS, RTAG TU BZHUGS PA NI SHIN TU RNAM DAG YE SHES CHE ZHES 'BREL TE, SNGAR BZHIN DU RTAG TU BZHUGS PA MI BSKYOD PA'O, ,ZHES PA'I DON TO, ,ZHES GSUNGS SO, ,DE LTAR KHAMS LNGA DANG, YE SHES LNGA DANG, DE BZHIN GSHEGS PA LNGA RNAMS NI MI GNAS PA'I MYANG 'DAS KYI NGO BO DANG, DUS TSAD MED PAR 'TSO BA'I RGYU DANG, GZHAN GYI YANG TSOGS GNYIS KYI LUS RGYAS PAR BYED PA'I PHYIR RTZI LNGA'I DNGOS PO STE RANG BZHIN DANG, DON DAM PA'I BYANG CHUB KYI SEMS DE NYID KYI RANG BZHIN GZUNG BYA LONGS SPYOD RDZOGS PA'I SKUR SHAR BAS GONG BU ZHES BYA BA DANG, STONG PA NYID DANG GNYIS SNANG PHRA MOS KYANG BAR MA CHOD PA'I LHAN SKYES KYI BDE BA CHEN PO DE MNGON SUM DU SO SOR RANG GI RIG PA'I YE SHES KYIS MTHONG BA NI SA BCU'I DBANG PHYUG KHO NAS YIN PAS RTOGS DKA' BA'I PHYIR, THIG LE'I GZUGS TE THIG LE'I DON PHRA MOR BSHAD PA'O, ,'DI DANG 'DRA BA MED PAS DPE MED PA DANG, BYANG CHUB KYI SEMS DE NYID DE BZHIN GSHEGS PA LNGA LA SOGS PA'I RANG BZHIN YIN PAR MA ZAD, SPYAN SOGS LHA MO LNGA'I RANG BZHIN NO ZHES STON PA NI, BDUD RTZI LNGA YI RANG BZHIN DNGOS, ,THIG LE'I GZUGS TE YID LTA BU, ,SHIN TU RNAM DAG YE SHES CHO, ,LHA MO KUN GYI RANG BZHI CAN, ZHES PA STE, 'DI'I 'GREL BA MAN SNYER, DE LTAR GSUNGS PA'I RIM GYIS, 'DUD RTZI LNGA'I DNGOS GONG BU, ZHES PA KHAMS DANG YE SHES DANG DE BZHIN GSHEGS PA LNGA RNAMS NI MI GNAS PA'I MYA NGAN LAS 'DAS PA'I NGO BO NYID KYI PHYIR DANG, DUS MTHA'
YAS BAR CHAD PA MED PAR 'TSO BA'I RGYU NYID KYI PHYIR DNAG, GZHAN RNAMS KYI YANG TSOGS GNYIS RGYAS PAR BYED PA'I PHYIR BDUD RTZI RNAMS TE, DE'I DNGOS NI DE RNAMS KYI RANG BZHIN DANG, GONG BU NI BYANG CHUB KYI SEMS KYI RANG BZHIN LONGS SPYOD RDZOGS PA'I SKU'O, , THIG LE'I GZUGS ZHES PA PHA BA STE, KU SHA'I RTZE MO LTA BU'I BLO CAN LA SA BCU'I DBANG PHUG RNAMS KHO NAS MTHONG BAR BYA BA NYID KYI PHYIR RO, ,DPE MED PA ZHES PA DPE LAS 'DAS PA STE, GANG NA YANG 'DI 'DRA BA'I BDUD RTZI'I RANG BZHIN CUNG ZAD KYANG YOD PA MA YIN NO, ,LHA MO KUN GYIS TE, SPYAN MA DANG, M'A MA KA'I DANG, GOS DKAR MO DANG, SGRON MA DANG, RDO RJE BSNYEMS MA RNAMS KYI YANG RANG BZHIN NO, ,ZHES GSUNGS PA LTAR RO, ,DE LTAR KHAMS DANG, YE SHES DANG, DE BZHIN GSHEGS PA LNGA LNGAR PHYE BA'I LNGA PA RNAMS NI RDO RJE SEMS DPA' ZHES BSHAD CING RDO RJE SEMS DPA' DE YANG SKABS 'DIR LHAN CIG SKYES PA'I BDE BA CHEN PO NYID LA BRJED CES STON PA NI, RDO RJE SEMS DPA' ZHES BYAR BSHAD, ,BDE BA DAM PA RU NI BRJOD, RANG BYUNG NGO BO 'DI NYID NI, ,CHOS KYI SKUR NI RAB TU BSGRAGS, ,DE YI SHES RAB LHAN CIG SKYES, ZHES GSUNGS TE, ,DE'I 'GREL BA MAN SNYER, DE LTAR GSANG BA ZHES PA LA SOGS PA RNAMS KYI DON RNAM PA GSUM BRJOD PAS KHAMS DANG YE SHES DANG, DE BZHIN GSHEGS PA BZHI RNAMS KYI BRTEN PA LNGA BA'I RANG BZHIN NYID DU RGYAS PAR BSTAN CING RTEN DANG BRTEN PA'I DNGOS PO NI LDOG PA'I DBYE BA NYE BAR BZUNG NAS SO, ,LNGA PA DE YANG STONG PA NYID DANG SNYING RJE DBYER MED PA NYID KYIS RDO RJE 'DZIN PA'I RANG BZHIN
, ,NYID DO, ,ZHES GSUNGS PAS RDO RJE SEMS DPA' ZHES PA LA SOGS PA STE, PHAL CHER BSHAD ZIN TO, ,RDO RJE SEMS DPA' ZHES PA 'DI NI CHOS KYI SKU RU RAB TU BSGRAGS TE, CHOS KYI SKU GSAL BAR BYED PA'O, ,SNYING RJE'I RANG BZHIN GYI BDE BA CHEN PO'I NGO BO NYID YIN NA YANG STONG PA NYID RTOGS PA LA DRI MA MA LUS PA'I RTZA BA MED PAS NA GTZO BO'I PHYIR RO, ,ZHES GSUNGS PA LTAR RO, ,DE YANG RDO RJE SEMS DPA' ZHES PA'I RDO RJE'I DON BDE CHEN DANG STONG NYID RTOGS PA'I SHES RAB DBYER MI PHYED PA LA BYED PAR SNYING RJE'I RANG BZHIN GYI ZHES SOGS 'DIS BSTAN PA YIN NO, ,DE LTA BAS NA LNGA TSAN GSUM PO DE NYID KYI BZHI RTEN DANG LNGA PA BRTEN PAR BYAS NAS, LNGA PA DE YANG RDO RJE SEMS DPA' ZHES PA'I MING CAN BDE BA CHEN PO LHAN CIG SKYES PA'I YE SHES NYID YIN PAR BSNYON DU MED PAR BSHAD PA 'DI NYID LA KHYOD KYIS RDO RJE SEMS DPA' ZHES BYAR BSHAD, CES PA 'DI DE BZHIN GSHEGS PA LNGA'I RIGS BDAG TU GYUR BA'I DE BZHIN GSHEGS PA DRUG PA RDO RJE SEMS DPA' NYID BSTAN PA YIN NO ZHES SMRAS PAS NI, SAM+BHU tA RTZA 'GREL GYI RGYUS CI YANG MED PA GSAL BAR BYAS LA, GLENG GZHI'I TSIG LNGA, KHAMS LNGA DANG SBYAR NAS 'CHAD PA'I TSE NA RTAG TU BZHUGS, ZHES PA'I TSIG LNGA PO DE NYID, KHAMS LNGA PA LA SBYAR NAS 'CHAD PA'I GZHUNG, RTAG TU BZHUGS PAR 'DOD PA NI, ,SANGS RGYAS KUN GYI SDOM PA BDAG ,CES PA DE NYID GLENG GZHI'I TSIG LNGA DANG YE SHES LNGA SBYAR NAS 'CHAD PA'I GZHUNG GI MGO BO LA MA
SBYAR NAS, KHYOD KYIS DRANGS PA 'DIS SAMBHU tA'I RGYUD KYI GZHUNG SPEL BA TZAM LA YANG MA SBYANGS PA GSAL BAR BYAS SHING, GONG DU JI SKAD BRJOD ZIN PA LTAR GZHUNG 'DI DAG GIS RIGS LNGA YAB YUM RNAMS LUS KYI RTZA 'KHOR LO LNGA'I DBUS SU SGOM PA'I BSKYED RIM BSTAN PA YIN NO ZHES ZER BA NI GNAS MA YIN PA LA LOG PAR RTOG PA 'TSANG BAR BYED PA YIN PAR RGYUD 'DI'I RTZA 'GREL GYI RGYUS YOD PA ZHIG YIN NA NI, MI SHES PA'I DON CI YOD, RGYUD DE NYID KYI BRTAWG PA DANG PO'I RAB BYED BZHI PA'I THOG MAR, SEMS CAN KUN LA MNYAM PA'I PHYIR, ,GRUB GSUM RGYA CHEN GZUGS CAN NYID, TSANGS SOGS LHA DANG LHA MIN BCAS, DE RNAMS KYI NI GNAS SU 'GYUR, DE NYID SHES RAB PHA ROL PHYIN, KUN RDZOB RNAM PA'I GZUGS CAN MA, DE NYID YUL LAS RNAM PAR 'DAS, ,SROG CHAG KUN GYI SNYING LA GNAS, ZHES PA'I 'GREL BA MAN SNYER, GTAN LA PHAB PAR GYUR BA NI NGES PA STE NGES PA'I DON RGYAS PAR BDE BA CHEN PO'O, ,CI LTAR 'DI NGES PA'I DON YIN ZHE NA, GSUNGS PA MNYAM NYID PHYIR, ZHES PA SEMS CAN RNAM KUN BDE BA CHEN PO BYANG CHUB KYI SEMS DANG LHAN CIG RO GCIG PA NYID KYI PHYIR TE DE'I BDAG NYID KYI PHYIR, ZHES PA'I DON NO, ,ZHES PA NAS SROG CHAGS KUN GYI SNYING LA STE, SEMS LA DE'I BDAG NYID KYIS GNAS SHING SROG CHAGS RNAMS KYANG DE'I RANG BZHIN NO 'O NA DE KHO NA NYID MA RTOGS PA'I SKABS SU BDE BA CHEN PO NYAMS SU MYONG BA MA YIN NAM, CI LTAR SEMS CAN GYI SEMS KYI BDAG NYID DU BRJOD CE NA, BDE BA CHEN PO NYAMS SU MYONG BAR RUNG BA NYID KYIS SO, ,ZHE
, ,RGYAS PA DANG BCAS PAR GTAN LA 'BEBS PAR 'GYUR RO, ,ZHES PA'I BAR GYIS PHA ROL TU PHYIN PA'I THEG PAR SHES RAB KYI PHA ROL TU PHYIN PA NYID NGES PA'I DON DU GSUNGS PA LTAR BLA NA MED PA'I RGYUD 'DIR DER MA ZAD BDE BA CHEN PO YANG NGES PA'I DON YIN PA SOGS SU RGYAS PAR BSHAD CING, 'DIR SROG CHAGS KUN GYI SNYING LA GNAS, ZHES PA DANG, 'DI'I 'GREL BAR BDE BA CHEN PO NYAMS SU MYONG BAR RUNG BA NYID KYIS SO, ,ZHES 'CHAD PAR 'GYUR BAR GSUNGS PA NI 'OG TU KHAMS GSUM SEMS CAN SKYED, CES PA DANG, DE'I 'GREL BAR 'DOD PA DANG, GZUGS DANG, GZUGS MED PA'I KHAMS GSUM RNAMS 'DI PA'O, ,ZHES PA KHAMS GSUM PA STE, SEMS CAN PHUNG PO YANG DE BZHIN KHO NAR RGYU'I RGYUD KYI RDO RJE 'DZIN PA'I RANG BZHIN KHO NA'O, ,ZHES GSUNGS PA DON 'DRA LA, DE NI KHAMS GSUM GYI SEMS CAN RNAMS KYI SEMS KYI CHOS NYID RANG BZHIN RNAM DAG GLO BUR GYI DRI MA 'BRAL RUNG DANG BDE BA CHEN PO'I YE SHES SKYER RUNG GI NGO BOR GNAS PA DE NYID LA RGYU RGYUD KYI RDO RJE 'DZIN PA ZHES GSUNGS PA YIN GYI, KHAMS GSUM GYI SEMS CAN KUN GYI PHUNG SOGS LHAR SGOM PA'I LUS DKYIL GZHUNG 'DI DAG GIS BSTAN PAR 'DOD PA NI GZUGS MED KHAMS PA'I LUS DKYIL SMRA BA SNGON MED PA'I GZHUNG LUGS SO, ,DE LTAR NGES PA'I DON DU BSGRUBS PA'I BDE BA CHEN PO DE NYID, THEG PA GZHAN GYIS BSKAL PA GRANGS MED DU MAS THOB PAR BYA DGOS PA'I RDZOGS PA'I SANGS RGYAS KYANG RGYUD 'DI'I LAM GYIS TSE GCIG LA THOB PAR NUS PA'I MYUR
LAM GYI GTZO BO YIN PAR STON PA NI, MDOR BSDUS PAS NI SANGS RGYAS NYID, CES SOGS DANG, DE 'DRA BA'I BDE CHEN DE YANG RDO RJE DANG PAD+MA MNYAM PAR SBYAR BA'I 'DOD CHAGS LAS SKYE DGOS KYANG, SEMS CAN GZHAN NYON MONGS PA GANG GIS BCINGS PA'I NYON MONGS PA DE NYID KYIS DAG PAR BYED KYI NYON MONGS PAS 'CHING NUS PA MA YIN NO ZHES, GTI MUG CHAGS DANG NGA RGYAL DANG, ZHES SOGS KYIS RGYAS PAR SGRUB STE, DE'I MJUG TU, DE LTAR NA BDE BA CHEN PO'I YE SHES DE NYID LAS 'BRAS BU'I GNAS SKABS KYI LHA'I RNAM PA MI 'DRA BA THAMS CAD SKYE BA DANG, 'BRAS BU'I GNAS SKABS KYI LHA'I RNAM PA MI 'DRA BA CI TZAM SPROS PA DE DAG THAMS CAD KYANG NGES DON GYI RDO RJE SEMS DPA' BDE STONG DBYE MED KYI YE SHES MTHAR THUG PA DE'I NGO BO YIN NO ZHES STON PA NI, DE LTAR RIGS NI LNGA RNAMS DANG, ZHES PA NAS, BLA MA'I ZHAL LAS RNYED PAR 'GYUR, ZHES PA'I BAR KHYOD KYIS DRANGS PA DE RNAMS YIN NO, ,DON 'DI NI DE NYID KYI 'GREL BA MAN SNYER, DE LTAR PHUNG PO RNAM PAR DAG PA'I NGO BO SANGS RGYAS LNGA RNAMS TE, 'DI RNAMS KYANG STONG PA NYID KHO NA NYID DO, ,ZHES PAS STONG PA NYID DANG SNYING RJE DBYER MED PA NYID KYIS NA DRUG PA RDO RJE SEMS DPA'I RANG GI NGO BO KHO NA'O, ,ZHES PA NAS, RDO RJE 'DZIN PA 'DI KHO NA BDAG NYID LA DBYE BAR BYA'O, ,ZHES PAS, DGA' BA LA SOGS PA'I DBYE BA THA DAD PA'I LHAN CIG SKYES PA'I BDE BA CHEN PO'I NGO BO NI GSAL BAR BLA MA LAS RTOGS PAR BYA STE, ZHES SOGS KYI BAR GYIS GSAL BAR BSHAD DO, ,DE'I PHYIR 'DI LAS RDO RJE SNYING PO DANG KHRO BO SKYE ZHES PA NI, PHYI NANG GI SKYE MCHED RNAM PAR DAG PAR BSHAD PA'I LHA RNAMS
, ,DANG; DAD SOGS RNAM PAR DAG PA'I KHRO BO RNAMS BDE BA CHEN PO 'DI LAS SKYE BA DANG, BDE BA CHEN PO'I RANG BZHIN GYI RDO RJE SEMS DPA'I NGO BO NYID DU STON PA YIN GYI, YAN LAG LHAR BSGOM PA'I LUS DKYIL SGOM TSUL STON PA GA LA YIN, SKABS 'DIR MAN SNYER, MIG NI GTI MUG RDO RJE'O, ,ZHES PA LA SOGS PAS, NANG GI BDAG NYID CAN GYI SKYE MCHED RNAM PAR DAG PA'I RANG BZHIN DU 'CHAD PAR 'GYUR BA RNAMS DANG, ZHES SOGS DRANGS NAS DE DAG GIS YAN LAG GI LHA BSKYED PA'I LUS DKYIL BSTAN PAR SMRAS PA DANG, GONG DU LUS LA LHA BSKYED TSUL TZAM DANG, ,LUS DKYIL SGOM PA'I KHYAD PAR 'BYED PA NA, SKYE MCHOD BYIN RLABS KYI LHA SGOM PA RNAMS LUS LA LHA BKOD PA TZAM YIN GYI, LUS DKYIL SGOM TSUL MA YIN PAR SMRAS PAS KHAS BLANGS 'GAL LO, ,DE BZHIN DU RDO RJE GUR GYI LE'U BDUN PAR, SEN MO BA SBU DE BZHIN KHAMS, ZHES PA NAS, SA YE KHAMS NI RNAM DAG PA, ,SPYAN NI 'KHOR LO MDZES PA NYID, ,RDO RJE BTZUN MO DANG PO STE, ,PAD+MA'I BU MO TSA BA NYID; ;SGROL MA RLUNG NI RNAM DAG PA, ZHES PA'I BAR DRANGS PAS NI, LHA LA LUS KYI KHAMS KYI DAG PA SBYAR BA DE NYID LUS DKYIL STON PAR SMRAS PAS, LUS KYI DAG PA DANG LUS DKYIL SGOM PA'I SHAN MA PHYED PA GSAL BAR BYAS SO, ,YANG KYEE RDO RJE'I RGYUD KYI DON GRUB CHEN RNAMS KYIS JI LTAR BKRAL BA'I TSUL 'CHAD PA'I LUGS SU BYAS NAS, 'DI LTAR BRIS TE, DE LTAR KYEE RDO RJE'I RGYUD GSUM LAS LUS DKYIL SGOM TSUL GSAL BAR GSUNGS PA DE SA DRUG PA LA GNAS PA'I SEMS DPA' CHEN PO DPAL BI RLA
BA'I ZHABS KYI GDAMS NGAG TU, LUS KYI DKYIL 'KHOR MTHONG NAS RTAGS BRTAN PA, ZHES SOGS DANG, LAM BSDUS BAR, DKYIL 'KHOR LNGA LA BTUD DE BSKRUN, ZHES SOGS SU DON BSDUS NAS BSTAN CING, MAN NGAG MA NYAMS PAR GRUB CHEN RNAMS KYI SNYAN BRGYUD DU GTAN LA PHAB PA YIN NO, ,MAN NGAG 'DI'I LUGS 'PHAGS YUL GYI GRUB CHEN PHYI MA RNAMS KYIS JI LTAR BKRAL NA, GRUB PA'I SLOB DPON NAG PO PAS, ,BDAG NYID CHEN PO RGYAL BA'I SKU, ,PHYI ROL DE BZHIN NANG DE BZHIN, ,DE BZHIN GSANG PAR SHES PAR BYA, ,RKANG PA BSKYOD PA MDOR DRONG SHES, ,LTO BA RTAG TU CHUR BSTAN PAS, ,STOD DU DBYIBS KYI GZHIR SHES BYA, ,'KHOR LO BDE BA DE BZHIN GNAS, ,BHA GA NAM MKHA' YIN PA'O, ,BSHAD LAM DRAG GTUM DUR KHROD CHE, ,GSANG GNAS DBYIBS CAN DE BZHIN DU, ,RNA BA DGOD DANG GA-YER KHAR BRJOD, ,KHA NI TSANG TSING 'BAR BA SNA, ,MI ZAD DMYAL TSOGS MIG TU BSTAN, ,SHI RA SHING NI DNGOS PO STE, ,ME TOG DBANG PO 'BRAS BUR BCAS, ,KA BA GCIG DANG SGO DGUR LDAN, ,BDAG MED HE RU KA BDE BA, ,THABS DANG SHES RAB YA NAS 'BREL, ,NYI ZLA GA-YAS DANG GA-YON GYI STE, ,GNYIS MED 'BREL BAS RTAG TU PHRA, ZHES RTEN GZHAL YAS KHANG LUS DKYIL DANG, SKU DANG PHYAG RGYA YUM GYI TSOGS, ,'BRAS BU SDE PA SKAD CIG DGA', , RANG BZHIN NYID DU RTAG PAR GNAS, ,BZHI GNYIS NAS BRTZAMS DRUG CU'I BAR, ,DE SOGS STONG PHRAG BDUN CU GNYIS, ,DE LAS RGYAS PAR BRJOD MI LANG, ,RANG BZHIN SPRUL PA RGYAL BAS GSUNGS, ,ZHES 'BYUNG BA'I DON, ,SKU NI RIGS LNGA, PHYAG RGYA
, ,NI YUM LNGA, YUM GYI TSOGS NI RTZA 'DAB LA GNAS PA'I LHA MO BRGYA LNGA BCU RTZA GNYIS BSTAN LA, DE RNAMS GANG DU 'GOD NA, BZHI GNYIS TE SNYING KHA CHOS KYI 'KHOR LO RTZA 'DAB BRGYAD DANG, LTE BAR RTZA 'DAB DRUG CU RTZA BZHI DANG; DE GNYIS PAR NAS MGRIN PAR BCU DRUG ,SPYI BO DANG GSANG GNAS SO GNYIS RE STE, PHO BRANG LNGA LA SNGAR GYI LHA RNAMS 'GOD PAR BSHAD PA YIN NO, ,ZHES BRIS SO, ,DE LA LUS KYI DKYIL 'KHOR MTHONG NAS RTAGS BSTAN PA ZHES SOGS KYI DON JI LTAR YIN PA NI ZUR TZAM 'OG TU 'CHAD LA, NAG PO BA'I LUNG DRANGS PA DE NYID NI 'BREL MED DE, 'DI LTAR KHYOD KYIS KYEE RDOR GYI DKYIL 'KHOR KA BA GCIG PA DANG, SGO DGU PAR KHAS LEN PA AE YIN, DE LTA MA YIN NA KA BA GCIG PA DANG SGO DGUR LDAN ZHES PA LUS DKYIL GYI RTEN GZHAL YAS KHANG JI LTAR SBYOR, DE BZHIN DU SHI RA SHID NI DNGOS PO STE, ,ME TOG DBANG PO 'BRAS BUR BCAS, ZHES PA DANG, NYI ZLA GA-YAS DANG GA-YON GYI STE, ZHES PA YANG LUS DKYIL GYI GANG STON PA YIN SMRA DGOS SO, ,GZHAN YANG BHA GA NAM MKHA' YIN PA'O, ,ZHES PAS LUS DKYIL GYI GANG ZHIG BSTAN PAR 'DOD, ,DES NA BRJOD BYA'I DON 'DI YIN BSHAD RGYU MED PA'I LUNG PHYOGS SU GTAN MI 'GRO BA 'BA' ZHIG DRANGS PAS CIR YANG MI 'GYUR RO, ,DE LA KA BA GCIG CES PA NI AA WA DH'U T'I YIN ZHING, SGO DGUR LDAN ZHES PA NI LUS KYI BU GA DGU YIN LA, NYI ZLA GA-YAS DANG GA-YON GYI STE, ZHES PA NI, GA-YAS GA-YON GYI RO RKYANG GNYIS YIN ZHING, RO RKYANG GNYIS KYI NANG NAS 'ONGS
TE; SGO DGU LA 'BYUNG 'JUG BYED PA'I RLUNG RNAMS AA WA DH'U T'I'I NANG DU THIM PA LAS, LTE BA'I BDAG MED MA GTUM MO'I ME AA THUNG DANG, SPYI BO'I HE RU KA HAm YIG GNYIS PHRAD PA'I THABS SHES SBYAR BA'I STOBS KYIS BDE STONG GNYIS SU MED PA'I YE SHES RGYUD LA 'BRAL SHING SKYE BA NYID RTOGS DKA' BA'I DON GYIS NA SHIN TU PHRA BA YIN NO, ,ZHES STON PA NI, BDAG MED HE RU KA BDE BA, ,THABS DANG SHES RAB YE NAS 'BREL, ZHES PA DANG, GNYIS MED 'BREL BA RTAG TU PHRA, ZHES PA'O, ,DE'I PHYIR 'DI DAG GIS LUS DKYIL GYI RTEN GZHAL YAS KHANG BSTAN PAR SMRA BA NI BYUNG RGYAL DU SMRA BA'O, ,GZHAN YANG SKU DANG PHYAG RGYA YUM GYI TSOGS, ,'BRAS BU BDE BA SKAD CIG DGA', ,RANG BZHIN NYID DU RTAG PAR GNAS, ,BZHI GNYIS NAS BRTZAMS DRUG CU'I BAR, ZHES PA'I DON NI, NGO BO NYID KYI SKU LA SOGS PA'I SKU BZHI DANG, PHYAG RGYA CHEN PO LA SOGS PA'I PHYAG RGYA BZHI DANG, SPYAN MA LA SOGS PA'I YUM BZHI DANG, GNAS BRTAN PA LA SOGS PA'I SDE PA BZHI DANG, RNAM PA SNA TSOGS PA'I SKAD CIG MA LA SOGS PA'I SKAD CIG MA BZHI DANG, DGA' BA MCHOG DGA' LA SOGS PA'I DGA' BA BZHI STE BZHI TSAN DE RNAMS DANG RTZA 'KHOR BZHI SBYOR TSUL BRTAG GNYIS DANG SAM+DHA'U tIR RGYAS PAR GSUNGS PA DE'I DON YIN PA LA, DE LTAR YIN MIN THE TSOM TZAM YANG MA SKYES PAR KHYOD KYIS LUS DKYIL SGOM PA LA SBYOR TSUL BLO BZO'I MUN SPRUL HA CANG THAL BA 'DI LTAR SMRAS PAS NI, KHYOD RANG NYID KYI MTSAN NYID YONGS SU RDZOGS PAR BSTAN PA YIN NO, ,YANG 'DI SKAD CES DE BZHIN DU RDO RJE'I GLU'I 'GREL
, ,PAR; MA LA AA BE ZHES BYA BA NI, DBANG PO'I DPA' MO'I DBANG PHYUG MA THAMS CAD 'DU BA'I, DPA' BO THAMS CAD KYI SGRAS NI RTAG PA LA SOGS PA'I 'KHOR LO BSGYUR BA DRUG GO ,DPA' MO'I DBANG PHYUG MA THAMS CAD KYI SGRAS NI GTI MUG RDO RJE MA LA SOGS PA 'KHOR LOS BSGYUR BA DRUG GO ,JI SRID RDUL PHRA RAB DANG MNYAM PA DPA' BO DANG DPA' MO'I DBANG PHYUG MA, DE'I BDAG NYID LAS SKYES PA DPA' BO DE RNAMS THAMS CAD SGRUB PA PO RANG GI LUS KYI NANG DU BSGOM MO ZHES 'BYUNG LA, DE'I DON 'KHOR LO BSGYUR BA DRUG NI, PHO BRANG LNGA'I DBUS KYI RIGS LNGA DE RNAMS KYI DBU RGYAN RDO RJE SEMS DPA' DANG DRUG YIN LA RDUL PHRA RAB DANG MNYAM PA NI RTZA RGYUD PHYI MAR RI RAB DANG MNYAM PA'I RNAL 'BYOR MA ZHES BSHAD PA'I DON LTAR, LUS KYI RTZA RNAMS SPYAN MA LA SOGS PA'I LHA MO RNAMS SU BSKYED ZIN PA YIN LA, DE RNAMS KYANG SGRUB PA PO'I BI TZU BRDZA DU BSKYED PA'I LUS LA 'GOD PAR 'GREL BA DE NYID DU BSHAD DO, ,DE BZHIN DU YONGS SU RDZOGS PA'I PAn+dI TA NGAG DBANG GRAGS PA DANG, RGYAL BA MNGA' BDAG MEE TRI PA GNYIS KYI MAN NGAG BRGYUD PA LAS KYANG, MAN NGAG 'DI DANG PHAL CHER 'DRA BA'I KYEE RDO RJE'I LUS DKYIL 'BYUNG BA DANG, RJE ZHAM LCAM SRING, MKHAS PA MANG LAM PA, BLA MA KO BRAG PA LA SOGS PA MKHAS PA DANG, GRUB PA BRNYES PA'I RNAL 'BYOR GYI DBANG PHYUG RAB TU MANG PO RNAMS KYIS THOS BSAM SGOM GSUM GYI GTAN LA PHAB CING, YI GER BKOD PA'I BSTAN BCOS MANG DU MDZAD PA YIN NO, ,ZHES BRIS PA NI SNYING PO MED PA'I GTAM YIN TE, DPA' BO DANG DPA' MO'I DBANG PHYUG MA THAMS
CAD SGRUB PA PO RANG GI LUS KYI NANG DU SGOM, ZHES BSHAD PA TZAM GYIS KHYOD 'DOD PA LTAR GYI KYEE RDO RJE'I LUS DKYIL 'GRUB PA LA PHAN RGYU CI YANG MED PA'I PHYIR TE, GZHAN DU NA RGYUD RGYA GZHUNG GANG YIN KYANG RUNG, LUS DKYIL STON PA'I TSIG YIN NA, KHYOD 'DOD PA LTAR GYI KYEE RDOR LUS DKYIL STEN PA'I TSIG YIN PAS KHYAB PAR THAL BA'I PHYIR DANG, LUS KYI NANG DU LHA BSGOM PA YIN NA LUS DKYIL BSGOM PA YIN PAS KHYAB PAR THAL BA'I PHYIR DANG, DE LTAR YIN NA LUS LA LHA BKOD PA TZAM DANG, LUS DKYIL LA KHYAD PAR CHEN PO YOD PAR KHYOD RANG GIS GONG DU SMRAS PA GZHI NAS NYAMS PAR 'GYUR BA'I PHYIR RO, ,GZHAN YANG RJE BTZUN SA SKYA BA CHEN PO LA SOGS PA'I RJE BTZUN GONG MA DE DAG GIS GRUB CHEN BIR+WA BA'I GSUNG NGAG GI DON PHYIN CI LOG PAR BKRAL BA'I TSUL 'DI LTAR YIN ZHES BSNYON DU MED PA SMRA RGYU DGOS PA YIN GYI, RJE BTZUN SA SKYA PA LA SOGS PA'I DGONGS PA JI LTA BA YIN PAR GRUB KYANG, DE TZAM LA YID CHES PAR MI BYED PA'I RGOL BZHIG YIN NA, DE'I NGOR ZHAM LCAM SRING DANG, BLA MA MANG LAM PA LA SOGS PAS TSUL 'DI 'DOD PAR 'DOD PAS YID CHES SU RE BA NI BZHAD GAD KYI GNAS YIN NO, ,GZHAN YANG 'DI SKAD CES, BYE BRAG TU SA DRUG GI DBANG PHYUG DPAL BIR+WA BA'I SMROS 'DZIN GRUB CHEN DGRA LAS RNAM RGYAL GYIS GSAL BAR BSHAD DO, ,JI SKAD DU, RNAL 'BYOR CHES MCHOG RANG GIS LUS, ,GRUB PA'I DKYIL 'KHOR SKAD CIG BLTA, ,LTE BA DRUG CU RTZA BZHI'I RTZA, ,SA YI RANG BZHIN SPYAN MA SER, ,LAS KYI PHYAG RGYA'O, ,SNYING GA BRGYAD KYI RTZA RNAMS LAS, ,RDO RJE BTZUN MO M'A MA K'I, MDOG SDO GRI GUG THOD PA 'DZIN, ,GAR
, ,GYIS LEGS ROL CHU YI KHAMS, ,CHOS KYI PHYAG RGYA'O, ,MGRIN PA'I 'KHOR LO LONGS SPYOD CHER, ,BCU DRUG RTZA LAS GOS DKAR MO, ,ME KHAMS RNAM DAG KHA DOG DMAR, ZHAL GCIG PHYAG GNYIS MDZES BA MA, ,PHYAG RGYA CHEN PO'O,, GSANG BAR PAD+MA SUM CU GNYIS, SGROL MA LJANG SNGO RLUNG GI KHAMS, ,STENG GI BDE CHEN 'KHOR LO LA, ,RDO RJE DBYINGS KYI DBANG PHYUG MA, ,SUM CU GNYIS LDAN KHA DOG DKAR, ,BDE CHEN NAM MKHA' NYID DU BRJOD, ,DAM TSIG GI PHYAG RGYA'O, ,RNAM SNANG LA SOGS SANGS RGYAS RNAMS, ,'KHOR LO'I DBUS SU ROL CING GNAS, ,ZHAL SKU MDOG MTSAN LA SOGS PA, ,JI LTAR RGYUD LAS GSUNGS BZHIN BSGOM, ,BSAM GTAN MA LUS RNAL 'BYOR GANG, ,RGYAL CHEN 'KHOR LOS BSGYUR BA LNGA, ,BDE BA DAM PA'I YUL DANG BCAS, ,GA-YAS BRKYANG BA YI ROL PA'I SKU, ,'KHOR LO'I MDOG MTSUNGS ZHAL GCIG PA, ,'KHOR LO PAD+MA RDO RJE DANG, ,RIN CHEN RAL GRI GA-YAS NA STE, ,GA-YAS MIN PAR NI DRIL BU'O, ,KUN GYI DBANG BSKUR GNAS SU NI, RDO RJE SEMS DPA' ZLA BA'I MDOG ,SHES RAB MA DANG MNYAM SBYAR BA, ,RDO RJE DRIL BU 'DZIN PA BSGOM, ,MIG DANG RNA BA SNA DANG NI, ,LCE LUS YID LA SA SNYING NGO, ,RDO RJE 'DZIN DANG NAM MKHA'I SNYING, ,'JIG RTEN DBANG PHYUG SGRIB SEL DANG, KUN TU BZANG RNAMS RIGS DRUG GI ,MDOG DANG MTSAN MA JI BZHIN SKU, ,LNGA PA SNA TSOGS RDO RJE STE, ,RAL GRI DAG NI SPANGS PA'O, ,LAS KYI PHYAG RGYA'O, ,DE BZHIN GZUGS SGRA DRI DANG RO, ,REG DANG CHOS KYI KHAMS RNAMS LA, ,GZUGS KYI RDO RJE MA SOGS DRUG,
BDAG PO'I MDOG CAN PHYAG GNYIS MA, ,ME LONG PI WAm DRI RO'I SNOD, ,NA BZA' CHOS 'BYUNG 'DZIN PA'O, ,CHOS KYI PHYAG RGYA'O, ,LAG PA GA-YAS PAR GSHIN RJE GSHED, ,GA-YON LA SHES RAB MTHAR BYED DO, ,BSHAD SGOR PAD+MA MTHAR BYED DO, ,BGEGS MTHAR BYED PA GSANG GNAS SU'O, ,DPUNG GA-YAS MI GA-YO GA-YON 'DOD RGYAL, PUS MO GA-YAS PAR DBYUG SNGON CAN, ,GA-YON PA LA NI STOBS PO CHE, ,GTZUG TOR CAN NI SPYI BO STE, ,RKANG MTHIL DAG LA GNOD MDZES SO, ,KUN KYANG KHA DOG NAG PO STE, ,GNYIS DANG GSUM PA DKAR DMAR PO, ,THO BA BE CON PAD BZANG PO, ,RDO RJE RAL GRI LCAGS KYU DANG, ,DBYUG PA RTZE GSUM CHOS 'KHOR LO, ,GTUN SHING RNAMS NI GA-YAS NA STE, ,GA-YON KUN SDIGS MDZUB MDZAD PA'O, ,PHYAG RGYA CHEN PO'O, ,KHRO BO RNAMS LA 'KHYUD PA'I YUM, ,BDE BA'I RANG BZHIN KHRO MO BCU, ,RANG GI YAB DANG 'DRA BA STE, ,LHA MO'I CHA LUGS 'DZIN PA LA, ,DAM TSIG GI PHYAG RGYA'O, ,THAMS CAD RTZA LAS SKYES PA'I DNGOS, ,SKU GSUNG THUGS KYI 'KHOR LO MCHOG ,MKHAS PAS RANG GI LUS NYID LA, ,DNGOS GRUB PHYIR NI 'BAD PAS SGOMS, ,GZHAN YANG RDO RJE'I SA GZHI STE, ,RKANG MTHIL GNYIS YIN RTZIB RUS RNAMS, ,RDO RJE'I RvA BA RGYAS PA STE, ,KUN GA-YOG RDO RJE'I RvA BA'O, , ME NI SEN MO NYI SHU DANG, ,JI LTAR SNA TSOGS RDO RJE NI, ,MA LUS SKYED CING SPRO BYED PA, ,SPYI BOR GNAS PA'ANG DE BZHIN NO, ,LAS KYI PHYAG RGYA RGYA'O, ,GTUM DRAG BSHAD GI DBYIBS CAN TE, ,GSANG BA'I TSANG TSING KHA RU'O, ,'BAR BA ZHES BYA'I DUR KHYOD NI, ,SNA YI
{NGOR LAN} *, ,BU GA GNYIS NA GNAS, ,NYAL SOGS DE BZHIN MI BZAD PA, ,MIG GNYIS LA NI GNAS PA'O, ,HA HAR DGOD DANG GA-YER KA CAN, ,RNA BA GNYIS NA GNAS PA'O, ,CHOS KYI PHYAG RGYA'O, ,RKANG PA'I LUS NI RLUNG CHEN PO, ,SUM MDO MA STE LTO BA CHU, ,BRANG NI SA RU SHES BYA STE, ,SGAL TSIGS RI RAB TU BRJOD DO, ,PHYAG RGYA CHEN PO'O, ,LUS KUN MNYAM PA GRU BZHI PA, ,RTZA YI BU GA SGA BZHI YIN, ,RKA BA BRGYAD PO RKANG RNAMS DAG, MIG NI RTZEG PA LNGA RNAMS SO, ,RNA BA RTA BABS SNA BA GU, LCE NI MCHOD PA MCHU SNAM BU, ,SO NI DRA BA LA SOGS RGYAN, ,MA LUS SA RU BSAM PA'O, ,DAM TSIG GI PHYAG RGYA'O, ,RTEN DANG BRTEN PA'I LUS DKYIL THAMS CAD PHYAG RGYA BZHIR BSDUS NAS GSAL BAR GSUNGS PA'I PHYIR RO,,ZHES SMRAS SO, ,'DI LA BSHAD PAR BYA STE, PHYAG RGYA BZHI PA ZHES BYA BA'I GZHUNG KHYOD KYIS JI SKAD SMRAS PA 'DI LTA BU CHEN DZE' TA RI PAS MDZAD PA RTZOD MED CIG YOD NA NI MKHAS PA SNGA PHYI GANG YANG RUNG BA CIG TZAM LA YANG GRAGS PAR RIGS PA LA, MKHAS PA SNGA PHYI SU LA YANG MA GRAGS SHING, RGYA BOD KYI MKHAS PA GANG GIS KYANG KHUNG SU DRANGS PA TSIG GCIG KYANG MED LA, DE'I PHYIR BSTAN 'GYUR GSAR RNYING GANG GI NANG NA YANG 'DI LTA BU MED DO, ,DE BAS NA 'DI LTA BU DRANGS KYANG KHO BO CAG LA KHUNGS SU MI 'GYUR LA, GZHUNG DE LTA BU SU ZHIG GIS BYAS KYANG RUNG KHYED 'DOD PA LTAR GYI LUS DKYIL 'GRUB PA LA PHAN PA LTA ZHOG, GNOD PAR 'GYUR BA YIN NO, ,JI LTAR ZHE NA, GSUNG NGAG RING PO CHE'I GDAMS NGAG
GI LUGS KYIS LUS DBYIBS KYI DKYIL 'KHOR SGOM PA'I TSE NA, RTZA'I DKYIL 'KHOR PHO BRANG LNGA'I LHA BRGYA LNGA BCU RTZA BDUN DANG, ZHAR LA DRAN PAR BYA BA SKYE MCHED KYI LHA BCU GNYIS, YAN LAG LA KHRO BO BCU STE BRGYA DANG BDUN CU RTZA DGRUR BZHED CING, KHYED KYANG LUGS DE NYID SMRA BAR RLOM PA MIN NAM CI, DE LTAR NA PHO BRANG LNGA'I RTZA 'KHOR GYI DBUS SU, DE BZHIN GSHEGS PA LNGA YUM DANG BCAS PA SA BON LNGA LAS BSKYED NAS, RTZA 'DAB SO SO LA 'KHOR GYI LHA MO 'KHOR LO RANG RANG GI RTZA 'DAB KYI GRANGS NGANG MNYAM PAR SKYED PAR RJE BTZUN SA SKYA PA CHEN PO LA SOGS PA RNAMS KYIS GSUNGS PA LTAR 'DOD DGOS PA LA, PHYAG RGYA BZHI PA ZHES BRJOD PA'I GZHUNG 'DI NI, SNYING KHAR BRGYAR KYI RTZA RNAMS LAS, ,RDO RJE BTZUN MO M'A MA K'I, ZHES SOGS KYIS SNYING KA'I 'KHOR LO RTZA 'DAB BRGYAD PA YONGS SU GYUR PA LAS, M'A MA K'I BSKYED PA SOGS SU BSTAN 'DUG PA 'DI LUGS DE DANG JI LTAR MI 'GAL BAR 'DUG PA SOMS SHIG, GZHAN YANG RTZA BA'I DKYIL 'KHOR GYI 'KHOR GYI LHA BRGYA LNGA BCU RTZA GNYIS BSKYED PA STON PA'I TSIG ZUR TZAM YANG GZHUNG 'DI NA MI SNANG ZHING, ZHAR LA DRAN PAR BYA BA'I SKYE MCHED KYI LHA DANG, YAN LAG GI KHRO BO RNAMS BSHAD PA TZAM DU 'DUG PAS, 'DIS KHYOD 'DOD PA'I LUS DKYIL YONG SU RDZOGS PA GSAL BAR BSTAN PA JI LTAR 'GRUB, GZHAN YANG RJE BTZUN SA SKYA PA CHEN PO RANG NYID KYIS LUS DBYIBS KYI DKYIL 'KHOR SGOM TSUL MDZAD PA LAS, YAN LAG GI H'Um BCU'I KHRO BO YANG DRAN PAR BYA'O, ,ZHES PA TZAM LAS
, ,MA GSUNGS KYANG, BLA MA 'PHAGS PA LA SOGS PA RJES 'JUG GI GTZO BO RNAMS KYIS PADMA MTHAR BYED KHA LA 'GOD PAR BSHAD CING, KHYOD KYIS DRANGS PA'I GZHUNG 'DIR, BSHAD SGOR PADMA MTHAR BYED DE, ZHES BSHAD PAS KHA DANG BSHAD LAM JI LTAR MI 'GAL BA SOMS SHIG, GZHAN YANG PADMA MTHAR BYED BSHAD SGROR 'GOD PA NI, RGYUN TSAD LDAN GYI GZHUNG GANG DANG YANG MI MTHUN ZHING, DU MA ZHIG DANG 'GAL BA'I PHYIR, RGYU MTSAN DES KYANG 'DI DZ'E TA RI BAS MDZAD PA MA YIN PAR NGES SO, ,GZHAN YANG KHYOD KYIS GONG DU, DRIL BU BA'I GZHUNG DRANGS NAS 'BYUNG BZHI'I RLUNG SGO BZHIR BSKYED PA DANG, BDE MCHOG DANG KYEE RDOR GYI LUS RTEN GYI DKYIL 'KHOR DU BSKYED TSUL MTHUN MONG BA YIN PAR KHAS BLANGS SHING, KHYOD KYIS DRANG PA'I PHYAG RGYA BZHI ZHES PA'I GZHUNG 'DIR NI, RTZA'I BU GA SGO BZHI YIN, ZHES BSHAD PA YANG 'GAL BA YIN NO, ,KHYOD KYIS GZHUNG 'DI DANG GSUNG NGAG RIN PO CHE'I GDAM NGAG GNYIS GCIG TU 'DOD PA LA DOGS SPONG BYAS PA'I SKABS SU, GZHUNG 'DIR MIG SOGS LA SEMS DPA' DRUG 'GOD PAR BSHAD CING, GDAMS NGAG TU MIG SOGS LA GTI MUG RDO RJE SOGS 'GOD PAR BSHAD PA'I DOGS PA BSUS NAS, DE'I LAN DU RDO RJE GUR LAS, YID LA KUN TU BZANG PO YIS, ,DE NYID MKHA' 'GO BDAG MED MA, 'DI RNAMS SKYI SA NI THAMS CAD SBYANG, ZHES KUN BZANG DANG BDAG MED MA GCIG PAR BSHAD PA'I RIGS PAS GZHAN RNAMS LUGS GNYIS GANG BKOD KYANG 'GAL BA MED DO, ,ZHES SMRAS
PA NI, RGYUD DON GTAN NAS MA GO BA'I GZU LUMS YIN TE, 'DI LTAR, GTI MUG RDO RJER RAB SBYOR BAS, ,MIG GI RNAM PAR SHES PA SBYANG ZHES PA NAS, YID LA KUN TU BZANG PO YIS, ZHES PA'I BAR GYIS CHOS CAN NANG GI SKYE MCHED DRUG SEMS DPA' DRUG GIS SBYONG BAR BSHAD NAS, DE RNAMS KYI CHOS NYID GLO BUR DRI BCAS KYI DE BZHIN NYID DE BDAG MED MA SGOM PAS SBYONG BAR STON PA NI, DE NYID MKHA' 'GRO BDAG MED MA, ZHES PA YIN PAS, DE NYID CES PA DE BZHIN NYID LA ZER BA YIN GYI, KUN BZANG DE NYID CES SPREL RGYU GA LA YIN, BDAG MED MA NI GSHEGS MA YIN ZHING, KUN BZANG NI SEMS DPA' YIN LA, DE'I PHYIR DE GNYIS GCIG YIN PAR 'DOD PA KHYOD NI PHYUGS LAS KYANGS PHYUGS SO, ,YANG KHYOD KYIS GZHUNG DU KHRO BO BCU LA RANG 'DRA'I YUM YOD PAR BSHAD LA, GDAMS NGAG TU YUM MA BSHAD PAS 'GAL LO SNYAM NA, MI 'GAL TE, RGYUN GYI NYAMS LEN LA DMIGS PA NYUNG BA DANG, KHRO BO BCU'I KYED RDOR GYI GZHUNG PHAL CHE BA NAS YUM DNGOS SU GSAL POR MA BSHAD PA DE DANG MTHUN PAR BYAS PA LA, YUM DANG BCAS PA SGOM NUS NA, RJE BTZUN RIN PO CHE RDO RJE 'CHANG GNYIS PAS, KHRO BO BCU YUM DANG BCAS PAR GUR RGYUN DU GSUNGS PAS 'GAL BA MED DO, ,ZHES BRIS SO, ,'DIS NI GSHIN RJE'I GSHED NAG PO ZHAL GCIG PHYAG GNYIS PA LA RANG 'DRA'I YUM RO LANGS MA NAG MO ZHAL GCIG PHYAG GNYIS MA GSAL BAR SMRAS PA YIN PAS, RO LANGS MA NAG MO ZHAL GCIG PHYAG GNYIS MA MI SRID DO, ,ZHES BLUN PO'I TSOGS KYI DBUS SU CA CO'I SGRA BSGRAGS PA THAMS CAD, RANG GI TSIG GIS NYAMS
, ,PAR BYAS PA YIN NO, ,GZHAN YANG KHYOD KYIS 'DI SKAD CES,'ON KYANG BSHAD PA'I RGYUD RDO RJE 'PHRENG BAR LE'U DRUG TZAM MTHUN PAR YUL NYI SHU RTZA BZHI DANG, NANG GI GNAS NYI SHU RTZA BZHIR SBYAR BA BDE MCHOG GI LUS DKYIL DU YANG BSHAD LA, LE'U DRUG CU RTZA GSUM PAR YANG GSANG BA 'DUS PA NYID KYIS LUS DKYIL GSAL BAR BSHAD DO, ,LE'U BCU BDUN PAR KYEE RDO RJE'I LUS DKYIL 'DI CHA 'DRA BAR GSUNGS PA STE, JI SKAD DU, 'KHOR LO'I GRANGS KYI DBYE BA YIS, ,DE BZHIN RMAD DU BYUNG BA'I MCHOG, 'KHOR LO DRUG PA RTEN BCU DRUG, LUS LA LHA YI GZHAL YAS KHANG, ,RNAL 'BYOR JI BZHIN GNAS JI BZHIN, ,ZHES LUS GZHAL YAS KHANG DU SKYED TSUL MDO TZAM DANG, RLUNG GI 'KHOR LOR GNAS PA'I RTZA, ,'DAB DRUG RLUNG GI MKHA' LA SPYOD, ,'DAB GSUM ME YI 'KHOR LOR BSHAD RTZA GSUM NAS NI RIM GYIS 'CHAR, ,DE BZHIN LONGS SPYOD 'KHOR LO YANG, ,RTZA NI BCU DRUG YANG DAG BRJOD, ,CHOS KYI 'KHOR LOR GNAS PA'I RTZA, ,BRGYAD NI KUN LA KHYAB PA'O, , DE BZHIN SPRUL PA'I 'KHOR LOR YANG, ,DRUG CU RTZA BZHI 'CHAR BAR BSHAD, ,BDE BA CHEN PO'I 'KHOR LO CHER, ,RTZA NI SUM CU RTZA GNYIS SU, ,DE LTAR MDOR BSDUS RIM PA YANG, ,BRGYA DANG SUM CU'I GCIG LHAG PA, ,RTZA RNAMS SU NI YANG DAG BSHAD, CES GSANG GNAS RLUNG 'KHOR LA 'DAB MA DRUG, SUM MDO ME 'KHOR LA GSUM, LTE BA SPRUL 'KHOR LA RE BZHI, SNYING KHAR CHOS 'KHOR LA BRGYAD, MGRIN PA LONGS SPYOD 'KHOR LO LA BCU DRUG, SPYI BO BDE CHEN 'KHOR LO LHA
SO GNYIS RNAMS RTZA'I MING DANG BCAS PA BSHAD NAS, PHUNG PO LNGA'I BDAG NYID LUS, ,MKHA' 'GRO LNGAR NI RAB TU GRAGS, ,DE NYID 'BYUNG BA LNGA YIS NI, YE SHES LNGA NI RNAM PAR GNAS, ,DE PHYIR 'BAD PA THAMS CAD KYIS, ,RTZA YI 'KHOR LO SHES PAR BYA, ,JI LTAR CHU YI DBUS KYIS SHING, ,MYUR DU YANG NI 'PHEL NAS 'GRO, DE LAS 'BRAS BU SOGS LDAN PA, STER BA 'DI LA THE TSOM MED, ,DE BZHIN PHUNG PO'I SHING ZHES BYA, ,RTZA YI CHU YIS 'PHEL NAS NI, ,'PHEL BAS YANG DAG 'BRAS BU NI, ,THAMS CAD MKHYEN PA NYID STER BYED, ,LHA YI RNAM PA'I NGO BO YIS, ,RTZA RNAMS RANG BZHIN BSGOM PAR BYA, ZHES SO, ,DE LA TSIG RKANG DANG PO GNYIS KYI DON 'KHOR LO LNGA'I DBUS SU MKHA' 'GRO LNGA BSGOM PA DANG, TSIG RKANG PHYI MA GNYIS KYIS RTZA 'DAB RNAMS LA LHA MO BRGYAD DANG SUM CU SO CIG 'GOD PA BSTAN TE, RGYAS PAR SLOB DPON AA LANG KA KA LA SHA'I 'GREL PAR BSHAD DO, ,ZHES BZHAD GAD KYI SLAD DU CHED KYIS BKOD DO, ,DE LA BSHAD RGYUD RDO RJE 'PHREN BAR GSANG 'DUS SOGS KYI LUS DKYIL BSHAD PAS KHYOD KYI KYE RDOR GYI LUS DKYIL DE LTA BU 'GRUB PA LA PHAN PA CI YANG MED CING, RLUNG GI 'KHOR LO GNAS PA'I RTZA, ,'DAB DRUG RLUNG GI MKHA' LA SPYOD, ,'DAB GSUM ME YI 'KHOR LOR BSHAD, ,RTZA GSUM NAS NI RIM GYIS 'CHAR, ZHES PA NI, KHYOD RANG NYID KYIS DRANGS PA'I RTZA BA'I RTZA GSUM NAS NI YANG DAG BSHAD, CES PA DE NAS TSIG RKANG PA DRUG SONG BA NA, SMIN MA'I DBUS NA RLUNG 'KHOR LO, ,ZHES RLUNG GI 'KHOR LO 'DAB MA DRUG PA DE NYID SMIN MA'I DBUS NA GNAS PAR DNGOS SU BSHAD CING, DE
, ,NAS SHLOO KA GCIG SONG BA NA, RTZA GSUM GRU GSUM ME DKYIL 'KHOR, ,MGRIN PA'I 'OG TU BSHAD PA YIN, ZHES MI 'KHOR GRU GSUM RTZA 'DAB GSUM PA DE NYID MGRIN PA'I 'OG TZAM NA GNAS PAR DNGOS SU BSHAD BA LA, KHYOD KYIS RLUNG 'KHOR 'DAB MA DRUG PA GSANG GNAS NA DANG, ME 'KHOR 'DAB MA GSUM PA SUM MDOR GNAS PA RGYUD 'DI NYID KYIS BSTAN PAR SMRAS PA 'DIS, RGYUD KYI YIG 'PHRENG KHA YAR ZHIG MTHAR CHAGS SU KLOG PA'I BYA BA TZAM YANG MA BYAS BZHIN DU, SPYI RTOL 'BA' ZHIG GIS NGO TSA BOR BA'I SMRA BA LHUR LEN PA GSAL BAR BYAS LA, AA LANG KA KA K'A LA SHA'I 'GREL BAR NI, MGRIN PA LONGS SPYOD KYI 'KHOR LO'I 'OG GI ME 'KHOR LA RTZA DBU MA LA BRTEN PA'I MDUD PA GSUM DANG, NU MA GA-YAS GA-YON GYI RTZA GNYIS DANG, RTZA 'DAB GSUM STE BRGYAD YOD PAR DANG, SMIN 'TSAMS KYI RLUNG GI 'KHOR LO LA 'DAB MA DRUG DANG, SMIN MA GA-YOS GA-YON GYI RTZA GNYIS TE BRGYAD YOD CING, DE DAG LA BTANG ZUNG LA SOGS PA RLUNG BRGYA RTZA BRGYAD KYI NANG NAS BRGYAD PO DE NYID RGYU BAR DNGOS SU BSHAD PAS, RTZA 'KHOR DE GNYIS GSANG GNAS DANG SUM MDO NA YOD PA SOGS AA LANG KA KA LA SHA'I 'GREL BAR BSHAD DO, ,ZHES ZER BA NI HA CANG THAL BA'I RDZUN CHEN POS MNGON SUM LA BSNYON PAR BYED PA'O, ,PHUNG PO LNGA YI BDAG NYID LUS, ,MKHA' 'GRO LNGAR NI RAB TU GRAGS, ZHES PA NI, SGRUB PA PO'I LUS KYI PHUNG PO LNGA LA MKHA' 'GRO LNGA DANG, DE BZHIN GSHEGS PA LNGA'I THA SNYAD BYAS PAR STON PA YIN GYI, RTZA 'KHOR
LNGA'I DBUS SU RIGS LNGA SGOM PA'I LUS DKYIL STON PA GA LA YIN, LHA MO'I RNAM PA'I NGO BO YIS, ,RTZA RNAMS RANG BZHIN BSGOM PAR BYA, ZHES PA YANG PHUNG PO NGA'I SHING LJON PA 'DI NYID KYI RTZA STONG PHRAG BDUN CU RTZA GNYIS PO THAMS CAD GTUM MO'I MES ZHU BA'I BYANG CHUB KYI SEMS KYI CHU RGYUN GYIS 'PHEL ZHING KHYAB PAR BYAS PA LAS, BDE BA CHEN PO'I YE SHES GONG NAS GONG DU 'PHEL ZHING DE LA BRTEN NAS THAMS CAD MKHYEN PA'I 'BRAS BU STER BAR BYED PA YIN NO, ,ZHES DA BZHIN PHUNG PO'I SHI BA ZHES BYA, ZHES SOGS KYIS BSTAN NAS, DE LTAR RTZA RNAMS DANG, KUN DA LTA BU'I BYANG CHUB KYI SEMS PHRAD PA LAS, BDE BA CHEN PO STER BA'I LHA MO'I BYA BA BYED PA'I RGYU MTSAN GYIS, RTZA RNAMS LHA MO'I RANG BZHIN, ZHES GSUNGS PA YIN GYI, RTZA RNAMS LHA MO'I SKU'I RNAM PAR SGOM PA STON PA GA LA YIN, GAL TE YIN DU CHUG KYANG 'KHOR GYI LHA BRGYA DANG LNGA BCU RTZA GNYIS SGOM PA'I LUS DKYIL BSTAN PA'I SHES BYED DU, BRGYA DANG SUM CU RTZA GCIG SGOM PAR BSHAD PA DRANGS PA LAS BZHAD GANG DU 'OS PA GANG ZHIG YOD, RIGS PA MI SHES PA'I BLUN PO RNAMS LA NI RNAM 'GYUR 'DI LTA BU 'OS PA KHO NA'O, ,LUS KYI GZHAL YAS KHANG DU YANG, ,DE NYID KYI NI NANG BZHUGS PA, ,DE BZHIN GSHEGS DANG LHA MO DANG, ,GZUGS LA SOGS DANG SANGS RGYAS SRAS, ,KHRO BO BCU ZHES BYA BA NI, ,DE NYID MCHOG NI YANG DAG BZHUGS, ,ZHES PA TSIG RKANG DRUG PO 'DIS LUS GZHAL YAS KHANG DU BSKYED PA'I RJES SU BRTEN PA LHA BSKYED PA LA DE BZHIN GSHEGS PA LNGA DANG, SPYAN MA SOGS
, ,LHA MO BZHI DANG, GZUGS RDO RJE MA SOGS LNGA DANG, RGYAL BA'I SRAS PO BRGYAD DANG, KHRO BO BCU STE, LHA SUM CU SO GNYIS PO BSGOM PA'I LUS DKYIL STON PA YIN LA, DE NYID KYIS KHYED 'DOD PA LTAR GYI KYEE RDOR GYI LUS DKYIL DANG CHA 'DRA BA'I LUS DKYIL BSTAN PAR SMRA BA NI, PHYOGS THAMS CAD RNAM PAR BSLAD PA'I GTAM MO, ,DE LTAR PHYIN CI LOG GI SMRA BA 'DI THAMS CAD RDOL GTAM 'BA' ZHIG LAS MA 'DAS PA'I TSUL MDO TZAM ZHIG RDZOGS PAR BSHAD ZIN NAS,, ` ,,DA NI 'DI BRJOD PAR BYA STE, KHYED KYIS KYEE RDO RJE'I LUS KYI DKYIL 'KHOR LA RTZOD PA SPANG BA'I PHYIR DU RGYA CHER SMRAS PA DE THAMS CAD N CUNG ZAD PHYOGS SU 'GROR RUNG BA TSIG GCIG KYANG MA DMIGS PA'I PHYIR CHU SHING GI SDONG PO BZHIN DU BRJOD BYA'I DON GYI SNYING POS STONG YANG TSIG GI YAL 'DAB RGYAS PAR RMONGS PA'I BYA TSOGS MGU BAR BYED PA TZAM ZHIG TU ZAD DO, ,DE LTA MOD KYI RJE BTZUN SA SKYA PA CHEN PO LA SOGS PA RJE BTZUN GONG MA GANG GI GSUNG RAB NA'ANG 'DI NYID RGYUD KYI TSIG GANG DANG YANG SBYAR BA MED CING, KHYAD PAR DU YANG DZE' TA RI PAS MDZAD PA'I PHYAG RGYA BZHI PA ZHES BYA BA'I KHUNGS DRANGS PA ZUR TZAM YANG MED PAS DE DANG GSUNG NGAG RING PO CHE'I GDAMS NGAG GNYIS,, ,, GZHUNG DANG, ,GDAMS NGAG CES BSGRIGS NAS 'CHAD PAR 'DOD PA NI RANG 'DOD PA NI RANG 'DOD KYI GZU LUMS 'BA' ZHIG YIN LA, SA SKYA PA'I RJE BTZUN GONG MA DAG GI BZHED PA NI GRUB CHEN BIRWA PA'I GSUNG NGAG RDO RJE'I TSIG RKANG ZUR TZAM BSTAN PA DE
NYID ZHAL NAS ZHAL DU BRGYUD PA'I BLA MA DAM PA'I GDAMS NGAG GIS GSAL BAR MDZAD PA'I MAN NGAG KHYAD PAR CAN DU BZHED PA YIN GYI, RTZA 'KHOR SO SO'I THA SNYAD DANG, PHUNG PO LNGA GSHEGS PA LNGA DANG, KHAMS BZHI GSHEGS MA BZHI ZHES SOGS KYI THA SNYAD GAR YOD PA'I PHA RGYUD MA RGYUD THAMS CAD KYIS KYEE RDO RJE'I LUS DKYIL 'DI NYID BSTAN PAR MI BZHED DO, ,DE BAS NA 'DI NYID TSUL BZHIN DU SGRUB PAR 'DOD NA NI, 'DI NYID GRUB CHEN BERWA PA'I GSUNG NGAG GI DON DU SONG TSUL PHYIN CI MA LOG PAR 'CHAD SHES PA CIG DGOS PA YIN LA, DE LTAR 'CHAD SHES PA DANG, RGYUD SDE RTZOD MED GZHAN DANG 'GAL BA'I DOGS PA LEGS PAR DPYOD SHES PA ZHIG BYUNG NA RGYU MTSAN GZHAN 'TSOL BA'I NGAL BAS CI ZHIG BYA, RGRUB CHEN BIRWA PA'I GSUNG GI DON DU SONG BAR GRUB KYANG, DE NYID MI 'THAD DO ZHES SHES LDAN SU ZHIG SMRA BAR BYED, DE LTAR NA KHYED 'DOD PA'I LUS DKYIL SGOM TSUL DE NYID GRUB CHEN BIRWA PA'I GSUNG NGAG GI DGONGS PAR SONG TSUL LEGS PO ZHIG 'CHAD NA RANG LA 'CHAD RGYU CI 'DUG SOR MO NANG DU KHUG LA SOMS SHIG, DE BZHIN DU RGYUD SDE GZHAN DANG MI MTHUN PA'I DOGS PA GCOD PAR 'DOD NA, RTOGS LDAN LA SKYE BA'I DOGS PA BLO LA SHAR NAS DE LA LAN PHYIN CI MA LOG PAR 'DEBS SHES PA CIG DGOS PA YIN, DE 'DRA BA'I RIGS AE YIN PAR 'DUG SNYAM DU KHA NANG DU PHYOGS LA SOMS SHIG, RTOGS LDAN LA 'CHAR BA'I DOGS PA JI LTA BA ZHE NA, SPYAN MA RIN 'BYUNG GI YUM DU
, ,BYAS PA NI, RIGS LNGA YAB YUM GYI RNAM GZHAG STON PA' RGYUD SDE THAMS CAD DANG MI MTHUN NO SNYAM DU DOGS PA LTA BU'O, ,GZHAN YANG DOGS PA DPYAD DGOS PA MANG DU YOD MOD KYI RE ZHIG MA BRIS SO, ,'DIR SMRAS PA, RNAM DPYOD BLO BROS YAL GA'I KHYON YANGS SHING, ,LEGS BSHAD ME TOG DKAR PO'I DRI BSUNG GIS, ,SKAL BZANG YID KYI GDUNG BA KUN SEL BA, ,SNGON MED YONGS 'DU'I DBANG PO 'DI NA 'KHRUNGS, ,YONGS SU RDZOGS PA'I BDE GSHEGS BSTAN PA'I KHUR, ,GANG GI DPUNG PA'I KA BAS YONGS BZUNG BA, ,SPOBS PA'I STOBS RDZOGS KHO BO DANG MTSUNGS PA'I, ,SMRA MKHAS CHE NA 'DI NA GZHAN YOD MIN, ,GSUNG RAB MA LUS LTA BA'I MIG STONG LDAN, ,GANG GI LAG NYAL RIGS PA'I RDO RJE YIS, ,RGOL NGAN LHA MIN KUN GYI KLAD 'GEMS DER, ,DMUS LENG GLEN PA DBYUG PAS GA-YUL 'GYED DO, ,NYIN BYED BYE BA LAS RGYAL RIGS PA'I 'OD, ,PHYOGS KUN 'GENGS PA'I GZI 'RJID MA BZOD PAR, ,THUB PA'I BSTAN LA THAN SKYE LA 'BYUNG PO'I BYA, ,LTAS NGAN SRIN BYA LTA BUR CA CO SGROG, MI GTZANG TSOGS KYIS LUS BYUGS SPRE'U GANG, ,DRI NGAN NYES PA GZHAN LA BGO BYED CING, ,RIGS PA'I SBAR KHYIM MI BZAD SENG GE LA, ,RANG NYAMS SLAD DU CO 'DRI CI YANG RTZOM, ,SDANG BAS RAB BSKYOD PHRAG DOG LCE GNYIS KYIS, ,RNAM RGYAS BRDZUN GYI DUG NI RAB SPRO ZHING, ,DGE BA'I SROG 'PHROG BLO NYAMS GDUG PA'I SPRUL, ,MUN PA'I KHUNG BUR LHUR 'JUG AE MA MTSAR, ,GZHUNG LUGS SON LA 'THAD
DANG MI 'THAD CES, ,RNAM PAR DPYAD PA MKHAS PA'I TSUL MTHONG NAS, ,BLUN RMONGS RANG GI NGANG TSUL MI LTA BAR, ,DGAG SGRUB SMYON PA'I ZLOS GAR CI YANG BYED, ,TSIG BZHI'I DON YANG RTOGS PA'I NUS MED PAR, ,'BREL MED TSIG GI DPUNG TSOGS 'TSOL BA'I PHYIR, ,LUS SEMS YONGS SU GDUNG BA'I DKA' THUB KYIS, ,RANG GI MIG LA BRTZE BA MA DOR ZHIG, ,DING SANG THUB PA'I BSTAN PA NI, ,SNUM ZAD MAR ME LTAR GYUR BA, ,CUNG ZAD TZAM GYI LHAG MA LA, ,BRTEN PA'I GNAS SKABS THOB 'DI YANG, ,BDUD RIGS 'BYUNG POS YOD BSGYUR ZHING, ,'JIG RTEN PHA ROL YONGS BTANG BA, ,BSHES GNYEN GZUGS CAN DU MA YIS, ,PHYOGS 'TSAMS KUN NAS RNAM PAR DKRUGS, ,MA SBYANGS SKYE BO'I TSOGS NANG, ,RDZUN GYI 'PHRENG RING BRGYUS PA YIS, ,RMONGS PA NGO MTSAR SKYED PA'I GTAM, ,BLUN PO'I YID LA 'BAB 'GYUR ZHING, ,MDO RGYUD GZHUNG LA LEGS SBYANGS PA, ,GZUR GNAS MKHAS PA'I SKYE BO NI, ,LEGS NYES 'BYED PA'I MTHU LDAN PA'I, ,BLO GROS GSAL LDAN CHON DKYON MED, ,DE LTA NA YANG BDAG GIS NI, ,GSUNG RAB LOG PAR SGRUB BYED PA, ,MA BZOD BSTAN LA GUS PA'I BLOS, ,GNAD LA REG PA'I GTAM 'DI BSNYAD, ,KYEE RDO RJE'I LUS KYI DKYIL 'KHOR LA RTZOD PA SPONG BA'I ZOL GYIS, RGYUD SDE DU MA'I DON LOG PA 'BA' ZHIG TU SMRA BA'I PHYIN CI LOG GI GTAM GYI SBYOR BA LA ZHUGS PA'I SMRA BA NGAN PA RNAM PAR 'THAD PA'I BSTAN BCOS GNAM LCAGS 'KHOR LO ZHES BYA BA 'DI NI, ,
, ,RGYAL BA'I GSUNG RAB MA LUS PA'I DON DRI MA MED PA'I RIGS PAS RNAM PAR 'BYED PA LA MKHAS PA'I MDUN SAR 'JIGS PA MED PA KHYU MCHOG RLABS PO CHE'I GNAS THOB PA, SDE SNOD GSUM DANG RGYUD SDE BZHI'I DGONGS DON PHYIN CI MA LOG PAR MTHONG BA'I BLO GROS KYI MIG CA NA, SHA'KYA BTZUN PA DGE LEGS DPAL BZANG POS,GRUB PA'I GNAS MCHOG 'BROG RI BO CHE DGA' LDAN RNAM PAR RGYAL BA'I GLING DU SBYAR BA'O, ,DGE'O,