The 'Illumination of the Difficult,' being an Explanation of the Commentary Known as the 'Meaning Clarified'

, ,'GREL PA DON GSAL GYI RNAM BSHAD RTOGS DKA'I SNANG BA ZHES BYA BA MKHAS GRUB THAMS CAD MKHYEN PAS MDZAD PA BZHUGS SO,,

, ,SHES RAB KYI PHA ROL TU PHYIN PA'I NAM NGAG GI BSTAN BCOS MNGON PAR RTOGS PA'I RGYAN GYI 'GREL PA DON GSAL BA'I RNAM BSHAD RTOGS PAR DKA' BA'I SNANG BA ZHES BYA BA BLA MA DANG RJE BTZUN 'JAM PA'I DBYANGS KYI ZHABS KYI PAD+MO LA SKYE BA RKUN TU GUS PAS PHYAG 'TSAL LO, ,GANG ZHIG ZHI BA'I RGYU SKAR 'PHRENG, ,RGYAL SRAS RI BONG 'DZIN PA'I DPAL, ,KUN MKHYEN NAM MKHA' NOR BU DAG, GANG GIS BSKRUN DE RGYAL GYUR CIG, THUB PA PHYOGS KUN RI DAGS MIG CAN GYI, ,MDZES SDUG RDZOGS PA SNYAN PA'I BA GAM RTZER, ,MI NYAMS BSOD NAMS RKANG STEGS LA 'JOGS PA, ,'PHROG BYED RAL BA'I KUN DGA' RGYAL GYUR CIG, GANG ZHIG MA LUS 'GRO BA'I SNYING LA RAB DKAR BYAMS PA'I GA PUR THIGS RGYUN LAN CIG MIN PAR LHUNG BA GANG, ,DE YI RAB BSIL GRAGS PA'I DRI BZANG NOR 'DZIN PA MO'I 'GRAM BA LA NI SGOL BYED MDZUB MOS BRIS GYUR PA, ,RGYAL BA'I COD PA NA ME TOG DKAR PO'I SNYE MA YIS KYANG GZHON NU'I KHUR BZHIN GTZUG TOR BRAL BA NYID DU BYED, ,DPAL LDAN SA YI MGON PO KHYOD KYIS BSNGAS PA'I YAL 'DAB BA DE GSHEGS ZHAL GYI ROL RTZED DGA' BA RGYAL GYUR CIG, DNGOS POR SMRA BA GLANG CHEN SMYON PA'I THOD PA'I BUM PA BRAL BYED CING, ,STONG NYID SENG GE'I GAD RGYANGS DRAG POS SRID PA'I BRAG RI HRUL POR BYED, ,BDE GSHEGS BSTAN PA GANGS RI'I SUL NA SNYING RJE'I MIG DMAR G-YO BA CAN, ,DPAL LDAN GDONG LNGA'I DBANG PO KHYOD KYIS 'PHRAN LAS BZANG POS SKYONG GYUR CIG, LEGS PAR BSHAD PA'I GZHUNG LUGS KYIS, ,MA NYAMS RNAMS DPYOD DBYIN PA GANG, ,DE

, ,YI LEGS BSHAD BDUD RTZI YANG, ,SKAL BZANG SNYING LA SBYIN PAR BYA, ,PHRAG DOG ME YIS MGRIN PA'I PHUG SKAMS SHING, ,LOG PA'I PHUD SGRA 'BYIN PA'I GDUG PA'I SPRUL, ,DE DAG 'DAB BZANG DBANG PO'I SBAR KHYIM LAS, ,LEGS LONGS RDO RJE'I RTZE LA BAG YOD BYOS, ,'DIR MNGON PAR RTOGS PA'I RGYAN GYI 'GREL PA DON GSAL BA NYID NI KANG BSHAD PAR BYA BA'I CHOS YIN NO, ,DE LA RE SHIG BSTAN BCOS KYI 'GREL NI, BDE BAR GSHEGS PAS CHOS KYI 'KHOR LO RIM PA GSUM DU BSKOR BA LAS, THAG PA CHEN PO'I SDE SNOD NI RNAM PA GNYIS TE, 'KHOR LO BAR PA MTSAN NYID MED PA'I MDO DANG, THA MA LEGS PAR RNAMS PAR PHYE BA DANG LDAN PA'I 'KHOR LO'I, ,DE LA BAR PA'I GTZO BO NI, SHER PHYIN STONG PHRAG BRGYA PA LA SOGS PA DANG, THA MA'I GTZO BO NI MDO SDE DGONGS PA NGES PAR 'GREL PA'O, ,DE GNYIS LAS, 'PHAGS PA KLUB SGRUB YAB SRAS KYI MAN NGAG GI RJES SU 'BRANGS TE, BAR PA NGES DON DU GTAN LA PHAB NAS, MTHA' BRAL DBU MA'I TSUL GSAL BAR BYED PA DANG 'PHAGS PA THOGS MED SKU MCHED DANG, THEG PA CHEN PO MDO SDE'I RGYAN DANG, DBUS DANG MTHA' RNAM PAR 'BYED PA LA SGOS PA'I RJES SU 'BRANGS TE, 'KHOR LO THA MA NGES DON DU GTAN LA BAB NAS RNAM RIG PA TZAM GYI TSUL GSAL BAR BYED PA STE, DE LTAR THEG PA ZHEN PO LA SHING RTA'I SROL CHEN PO GNYIS SU NGES PA YIN NO, ,DE YANG 'KHOR LO BAR PA SHER PHYIN GYI MDO NGAG GI BRJOD BYA'I DON NI GNYIS TE, SNYING PO'I DON DANG, MNGON PAR RTOGS PA'I RIM PA'O, ,SNYING PO'I DON NI,

CHOS THAMS CAD KYI GNAS LUGS STONG PA NYID DON DAM PA'I BDEN PA YIN LA, DE YANG RGYAS 'BRING BSDUS GSUM GYI MDOS DNGOS SU GTZO BOR BSHAD CING, DE NYID 'PHAGS PA KLU SGRUB YAB SRAS KYIS DBU MA RIGS PA'I TSOGS RNAMS SU RGYAS PAR 'GREL BAR MDZAD LA, RJE BTZUN BYAMS PA MGON POS SNYING PO'I DON DE NYID JI LTAR GSAL BAR MDZAD PA'I TSUL NI GZHAN DU 'CHAD PAR 'DOD DO, ,MNGON PAR RTOGS PA'I RIM PA NI RGYAS 'BRING BSDUS GSUM LAS, SNYING PO'I DON DNGOS SU BSTAN PA'I SHUGS LA RTOGS PAR BYA BA YIN PAS SA 'OG GI GTER LTAR RTOGS DKA' ZHING RTOGS NA DON CHE BAR DGONGS TE, RJE BTZUN GYIS MNGON PAR TOGS PA'I RIM PA DE DAG GSAL BAR STON PA GTER GYI KHA BYANG LTA BU'I MAN NGAG MNGON PAR ROGS PA'I RGYAN MDZAD DO, ,DE LA YANG SLOB DPON SNGA MA DAG GIS RANM 'GREL MANG DU MDZAD KYANG KHA CIG GIS SNYING PO'I DON RNAM RIG PA TZAM GYI TSUL DU GNAS PA LA BRTEN NAS BKRAL ZHING, GZHAN DAG GIS MTHA; BRAL DBU MA DANG MTHUN PAR BKRAL YANG, YUM GSUM GA'I RGYAN DU MA SBYAR LA, 'DIR NI SNYING PO'I DON MTHA' BRAL DBU MA'I TSUL DANG, MNGON PAR RTOGS PA'I RIM PA YUM GSUM GA'I RGYAN DU SBYAR BA'I SGO NAS GSAL BAR MDZAD PA NYID DU BZHED DE, SLOB DPON SENG GI BZANG PO RANG DANG GZHAN GYI GRUB PA'I MTHA' RGYA MTSO'I PHA ROL DU BYON CING, SHER PHYIN GYI ZAB DON GYI NYING KHUS BLO GROS KYI LUS RGYAS PA, LHAG PA'I BSAM PA RMAD DU BYUNG BA DANG LDAN PAS RJE BTZN RANG NYID LAS GNANG BA MNOS TE, SLAD KYI 'GREL BA DON GSAL BA 'DI NYID MDZAD DO, ,'DI LA GSUM, BSHAD PA LA 'JUG PA, BSHAD PA NYE BAR DGOD PA, BSHAD PA YONGS SU RDZOGS PA'I BYA BA'O, ,DANG PO LA BZHI,

, ,MCHOD PAR BRJOD CING DAM BCA' BA, RNAM BSHAD SNGA MA JI LTAR BYUNG TSUL, RANG NYID 'GREL PA RTZOM PA'I RGYU, KHENGS SKYUNGS SHING RTZOM PAR SPRO BA BSTAN PA'O, ,DANG PO NI, GUS PHYAG 'TSAL, GANG LA NA, SHER PHYIN LA'O, ,CI'I CHED DU NA, DE'I RGYAN TSIG LE'UR BYAS PA DAG, YUM KUN GYI RGYAN DU 'GYUR BAR NI RNAM PAR DBYE PHYIR RO, ,DE LA DGOS PA CI YOD NA, 'BYED PA'I GEGS BAR CHAD SEL BA DANG, DAM PA'I SPYOD PA DANG MTHUN PA'I PHYIR RO, ,'DIR SHER PHYIN NI, DE'I RGYAN TSIG CES SHER PHYIN GYI RGYAN DANG, MNGON PAR ROGS PA'I RGYAN DON GCIG TU BSHAD PAS, MNGON RTOGS BRGYAD KA LA RJES SU 'GRO BA'I MNGON RTOGS TZAM LA SHER PHYIN GYI BRDA SBYAR BA DE NYID YIN LA, DE'I PHYIR KHA CIG GZHUNG SHER PHYIN DANG, KHA CIG CHOS NYID DANG KHA CIG 'BRAS BU SHER PHYIN KHO NA LA 'DOD PA DAG NI DON MIN NO, ,GZHUNG 'DIS SHUGS LA DGOS SOGS CHOS BZHI 'PHANGS TE DE YANG YUM GSUM RGYAN DANG BCAS PA SGRA'I BRJOD BYA, MNGON RTOGS BRGYAD DON GYI BRJOD BYA, 'GREL PA 'DI LAS BSTAN BCOS YUM KUN GYI RGYAN DU 'GYUR TSUL SHES PA DGOS PA, BRJOD BYA THOS BSAM GYIS GTAN LA PHANG PA DE DAG BSGOM BYUNG GIS NYAMS SU BLANGS PA LAS RNAM MKHYON 'THOB PA NYID DGOS SO, ,GNYIS PA NI, CI SLOB DPON SNGA MA DAG GIS BYAS PA'I 'GREL PA 'GA'ZHIG YOD DAM MED, YOD NA BTZAM MI DGOS LA, MED NA MAN NGAG MED PAS BRTZAM MI NUS SO ZHE NA, SLOB DPON SNGA MA BZHI'I 'GREL PA YOD KYANG DE DAG NI BSHAD PA PHYOGS RE BA YIN LA, 'DIR DE DAG LAS KHYAD PAR DU GYUR PAR BYA'O ZHES SHES PA'I PHYIR DU SLOB DPON SNGA MA BZHI'I 'GREL PA BYAS TSUL 'CHAD PA LA BZHI LAS

DANG PO THOGS MED KYIS BKRAL TSUL NI, RNAM BSHAD MDZAD, GANG GI NA, BSTAN BCOS CHEN PO RGYAN GYI'O, ,SUS NA 'PHAGS PA THOGS MED KYIS SO, ,DE'I YON TAN NI, SNYING RJES 'GRO LA CHAGS PAS KUN CHAGS MDZAD PA'AM, ,YANG NA SNYING RJES 'GRO LA CHAGS PAS RANG DON LA CHAGS MED MDZAD PA'I SGO NAS GZHAN SDUG BSNGAL LAS SKYOB NYID KYI YON TAN DANG LDAN NO, ,RTZOM PA'I RGYU NI MI PHAM MGON PO LA GSAN NAS NI'O, ,GNYIS PA DBYIG GNYEN GYIS MDZAD TSUL NI, RNAM PAR BKRAL LO, ,GANG NA BSTAN BCOS CHEN PO'O, ,GANG GIS NA, DBYIG GNYEN GYIS SO, ,DE'I YON TAN 'GRO BA'I DON MNGON MTHO NGES LEGS KYI RTZA LAG TU GYUR PA'O, ,JI LTAR NA RANG GI MOS PA GTZOR BYED PAS SHES BYA NANG GI YIN PA SEMS TZAM GYI TSUL LA YANG DAG BRTEN NAS SO, ,'DIS SNGA MA YANG LTA BA 'DI DANG MTHUN PAR BSTAN TE, 'DIS LTA BA DE LTAR 'GREL PA NI DE'I RJES SU 'BRANGS PA YIN PA'I PHYIR RO, ,GSUM PA 'PHAGS GROL GYIS MDZAD TSUL NI, RNAM PAR PHYE, GANG NA, BSTAN BCOS CHEN PO'O, ,SUS NA RNAM PAR GROL BA ZHES BYAS KYANG NGO, ,DE'I YON TAN NI, 'PHAGS PA'I KHONGS SU GTOGS PA'I YI'O, JI LTAR NA, DBYIG GNYEN DES BYAS PA YANG DAG PAR BYAS PA MIN PAR MTHONG NAS PHYOGS SU MA LHUNG PA DBU MAR GNAS PA'I BLOS MTHA' BRAL DBU MA'I TSUL DU'O, ,'DIS 'OG MA YANG LTA BA 'DI DANG MTHUN PAR SHES TE, RGYU MTSAN SNGAR LTAR RO, ,BZHI PA BTZUN PA GROL SDES BSHAD TSUL NI, RNAM BSHAD BYAS SO, ,GANG NA BSTAN BCOS CHEN PO'O, ,SUS NA RNAM PAR GROL SDE'O, ,SUS NI DE'I 'OG TU'O, ,YON TAN NI DAD PA'I SA LA GNAS PA YIS SO, ,JI LTAR NA BSTAN BCOS 'DI YUM GSUM PO MTHA' DAG GI RGYAN DU MA RNYED PAR NYI KHRI KHO

, ,NA'I RGYAN DU SBYAR TE'O, ,'PHAGS PAS BSHAD PA LAS NUS PA LHAG PO MED PAS DON MED DO SNYAM NA, RANG GI BLO GROS 'PHEL BA DANG RJES SU MTHUN BA'I PHYIR YIN PAS SKYON MED DO, ,GSUM PA LA RNYED PA NGO MTSAR BAR BSTAN PA DANG, BKA' DRIN GYI LAN DU DBYE RIGS PAR BSTAN PA'O, ,DANG PO NI, DE LTAR MKHAS PAS SNANG BYAS SHING DBYIG GNYEN SOGS 'GA' ZHIG KHO NAS RIGS STOBS KYIS MA RNYED PA'I BSTAN BCOS 'DI'I DE NI MNGON RTOGS BRGYAD YUM GSUM PO MTHA' DAG GIS BSTAN PA DANG, MTHA' BRAL DBU MA DANG MTHUN PA DE LTAR RNYED PA GANG DE YA MTSAN NO, ,GNYIS PA NI, DE LTAR SHIN TU RNYED DKA' BA'I ZAB MO'I LAM SHER PHYIN 'DI JI ZHIG LTAR SANGS RGYAS DBANG GIS RNYED PA NI MKHAS PA RNAMS KYIS DBYE BAR RIGS TE BSGRUB PA'I MCHOD PA NYID BLA NA MED PA'I MCHOD PA YIN PA'I PHYIR RO, ,BZHI PA NI, YUM DON MA LUS PA MNGON DU GYUR PA'I SGO NAS RNAM PA KUN TU BDAG GI NI SPYOD YUL MIN YANG 'GREL PA 'DI RTZOM PA LA SPRO BA SKYES SO, ,CI'I CHED DU NA, RANG GZHAN LA PHAN GDAGS 'DOD PAS SO, ,DE'I RGYU MTSAN NI YUM DON 'CHAD PA 'DI BSOD NAMS KHYAD PAR CAN DAG BSGRUB CING BSKYED BA DANG RJES SU MTHUN PA'I RGYU YIN PA'I PHYIR RO, ,GNYIS PA BSHAD PA NYE BAR DGOD PA LA GSUM, BSOD NAMS SPEL BA'I YAN LAG MCHOD BRJOD, BSTAN BCOS LA GZHAN 'JUG PA'I YAN LAG DGOS 'BREL, 'JUG BYA BSTAN BCOS KYI RANG BZHIN DNGOS BSHAD PA'O, ,DANG PO LA, MTSAMS SBYAR, RTZA BA, 'GREL PA GSUM, DANG PO NI, PHYAG 'TSAL BA ZHES DRANG NGO, ,SUS NA BYAMS PAS SO, ,DUS NI RE SHIG BSTAN BCOS RTZOM PA'I DANG POR RO, ,GANG LA NA YUM LA'O, ,JI LTAR

NA NYER ZHIR KHRID PA SOGS YON TAN JI LTA BA BZHIN DU BRJOD PA SNGON DU 'GRO BA CAN GYIS SO, ,DGOS PA NI DNGOS SU 'PHAGS PA BYAMS PA RANG NYID DAM PA'I SPYOD PA DANG MTHUN PAR RAB TU STON PAS DANG, CHED DU BYA BA GDUL BYA GZHAN DAG BCOM LDAN 'DAS MA YON TAN RIN PO CHE PHUL DU DBYUNG DU MED CING DPAG TU MED PA'I 'BYUNG GNAS LA RAB TU DVANG BA BSKYED PA'I CHED DU'O, ,DVANG BA LA DGOS PA CI YOD CE NA, DVANG BA'I DON GYI SHUGS KYIS YUM LA THOS BSAM BSGOM PAS 'JUG PAR BYA BA'I PHYIR DU'O, ,'JUG PA LA DGOS PA CI YOD NA SHER PHYIN GYI YUM LA RAB TU DVANG BAS 'JUG PA NI LEGS PA THAMS CAD 'THOB PA'I THOG MA'I RGYU'I GTZO BO YIN NO ZHES TSAD MAS GRUB PA'I PHYIR RO, ,JI LTAR GRUB CE NA BYAMS PA'I MNYAM GZHAG SO SO RANG GIS RIG PA'I YE SHES KYIS YONGS SU DPYAD NAS DES DRANGS PA'I RJES THOB YE SHES KYIS NGES PAR BZUNGS NAS SO, ,RTZA BA LA, TSIG DON DANG, MTHA' DPYAD PA GNYIS, DANG PO NI, GANG ZAG NYAN THOS ZHI BA TSOL RNAMS THABS KUN SHES NYID KYIS 'BRAS BU NYER ZHIR KHRID MDZAD GANG YIN DANG GANG DAG BYANG SEMS 'GRO LA PHAN PAR BYED RNAMS THABS LAM SHES NYID KYIS 'BRAS BU 'JIG RTEN DON SGRUB MDZAD PA GANG YIN PA DANG, THABS RNAM MKHYEN GANG DANG YANG DAG LDAN PAS GANG DAG THUB PA RDZOGS PA'I SANGS RGYAS RNAMS 'BRAS BU BDEN GNYIS KYI RNAM PA KUN DANG LDAN PA DRANG NGES SNA TSOGS PA'I CHOS KYI 'KHOR LO 'DI GSUNG BAR MDZAD PA'I SGO NAS NYAN THOS BYANG CHUB SEMS DPA'I TSOGS BCAS SANGS RGYAS KYI NI YUM DU GYUR PA SHER PHYIN DE LA PHYAG 'TSAL LO, ,GNYIS PA MTHA' DPYAD PA LA, THOG MAR GZHI SHES, DE NAS LAM SHES

, ,DE NAS RNAM MKHYEN LA BSTOD PA'I GO RIM 'DI LTAR 'BYUNG BA CI, YUM SRAS KYI DON NI GANG, PHYAG YUL GYI YUM GANG LA BYA ZHE NA, GO RIM LA KHA CIG NA RE, 'DI NI MDO'I GLENG GZHI'I 'GREL PA YIN PAS DE DANG MTHUN PAR BYAS PA YIN NO, ,DE YANG, BYA RGOD PHUNG PO'I RI LA DGE SLONG LNGA STONG TZAM ZHES SOGS KYIS RTEN NYAN THOS BSTAN LA, THAMS CAD KYANG DGRA BCOM PA, ZAG PA ZAD PA ZHES SOGS KYIS 'BRAS BU NYER ZHI BSTAN CING, BYANG CHUB SEMS DPA' CHEN PO TSAD MED GRANGS MED PA ZHES SOGS KYIS RTEN BYANG SEMS DANG, THAMS CAD KYANG GZUNGS RAB TU THOB PA ZHES SOGS KYIS 'BRAS BU BSTAN LA, BCOM LDAN 'DAS NYID KYIS GDAN SENG GE'I KHRI BSHAMS NAS ZHES SOGS KYIS SKU'I SNANG BA BYUNG BA RNAMS KYIS RTEN SANGS RGYAS DANG, GSUNG GI SNANG BA BYUNG BA RNAMS KYIS 'BRAS BU CHOS 'KHOR BSTAN LA, GSUM GA'I SKABS SU'ANG THABS GZHI SHES, LAM SHES, RNAM MKHYEN GSUM KHONG NA GNAS PA RJE BTZUN GYIS DNGOS SU KHA BSKANG BA YIN NO ZHES ZER RO, ,DON MI 'THAD DE, 'PHAGS SENG GNYIS KHAS MCHOD BRJOD DANG GLENG GZHI MA SBYAR ZHING, 'GREL CHEN DU GLENG GZHI DGONGS 'BREL GYI MJUG TU BSHAD PA DANG 'GAL BA'I PHYIR DANG, RTZA BA'I RTEN STON PA'I SKABS KYI NYAN THOS NI NYAN THOS 'PHAGS PA SLOB MI SLOB GNYIS KA LA BYA DGOS SHING, 'BRAS BU NYER ZHI THOB PA'I NYAN THOS NI DGRA BCOM KHO NA YIN PAS DON THA DAD LA, GLING GZHI'I SKABS KYI DGE SLONG LNGA STONG ZHES PA DANG, THAMS CAD KYANG DGRA BCOM PA ZHES SOGS DON GCIG PA'I PHYIR DANG, LAM SHES KYI 'BRAS BU 'JIG RTEN GYI DON NI, GDUL BYA'I RGYUD KYI MNGON MTHO NGES LEGS

YIN LA, GLENG GZHI'I SKABS KYI GZUNGS RAB TU THOB PA, ZHES SOGS KYIS NI BYANG SEMS RANG RGYUD KYI YON TAN KHO NA BSTAN PA YIN PA'I PHYIR RO, ,DES NA GO RIM 'DI NI SHER PHYIN LA BRTEN NAS GDUL BYA THEG PA GSUM LA RIM GYIS 'JUG PA'I GO RIM DANG MTHUN PAR BYAS PA YIN NO, ,YUM SRAS KYI DON LA, SNGA RAB PA DAG DANG, PHYIS KYI RJES 'BRANGS KHA CIG DUS MNYAM PA'I MKHYEN GSUM DANG 'PHAGS BZHI RNAM PAR BZHAG 'JOG GI RGYA 'BRAS YIN LA, SNGA PHYI DAG BSKYED BYA BSKYED BYED KYI RGYU 'BRAS YIN, CES SMRA BA NI CHAS MI RIGS TE, RNAM PAR BZHAG 'JOG YIN NA MTSAN MTSON YIN DGOS LA, NYAN THOS DANG GZHI SHES, BYANG SEMS DANG LAM SHES, DUS MNYAMS DAG PHAN TSUN GCIG YIN NA GCIG YIN PA 'GAL BA'I PHYIR RO, ,DES NA MKHYEN PA SNGA MA SNGA MA RNAMS NI RANG RANG GI 'BRAS BU PHYI MA DAG BSKRUN PA'I YUM YIN PAS RGYU 'BRAS MTSAN NYID PA YIN LA, RDZOGS PA'I SANGS RGYAS DANG PO DANG, MTHONG LAM PA SKAD CIG DANG PO DAG KYANG RANG RGYUD KYIS BSDUD PA'I RNAM MKHYEN DANG LAM SHES SOGS SNGA MA LAS MA SKYES KYANG SHER PHYIN SNGA MA SNGON DU SONG BA LAS SKYES PA YIN NO, ,PHYAG YUL GYI YUM LA KHA CIG SKABS 'DI'I PHYAG YUL GZHI SHES NI, NYAN RANG KHO NA'I RGYUD KYI GZHI SHES YIN NO, ,ZHES SMRA BA MI 'THAD DE, DE LTA NA GZHI SHES KYI YON TAN BRJOD PA LAS YUM LA DVANG BA SKYE BA'I GDUL BYA YANG, NYAN RANG GI RIGS CAN YIN PAS KHYAB PAR THAL LO, ,DE 'DOD NA, DE 'DRA'I DVANG BA LAS YUM LA THOS BSAM BSGOM PAS 'JUG PA'I GDUL BYA YIN NA'ANG, DES KHYAB PAR THAL LO, ,DE 'DOD NA, YUM RGYAS 'BRING BSDUS GSUM GYI DNGOS KYI CHED DU BYA BA'I GDUL BYA

{KA PHAR PHYIN} *, ,THEG CHEN GYI RIGS CAN MED PAR THAL BA DANG, BSTAN BCOS 'DI THEG CHEN THUN MONG MIN PA'I SDE SNOD MIN PAR THAL BA DANG, NYAN RANG GI BSTAN BCOS 'DI'I BRJOD BYA THOS BSAM BSGOMS PA'I SHES RAB KYIS MA MYANGS PAR BSHAD PA LA SOGS PA THAMS CAD DANG 'GAL BAR 'GYUR RO, ,SANGS RGYAS KYI YE SHES KHO NA YANG, SKABS 'DI'I PHYAG YUL GYI YUM DU 'THAD PA MIN TE, DE LTA NA, YUM 'DIS NYAN RANG GI BZHED DON BSGRUB PA'I TSUL, 'DIS NYAN RANG GI RIGS CAN RNAMS LA GZHI BDAG MED PAR STON PA'I CHOS 'KHOR BSKOR BAS GZHI SHES KYI RTOGS PA SKYES TE, RIM GYIS NYON MONGS SPANGS NAS ZHI BA THOB PAR BYED PA MA GTOGS THABS GZHAN MED PAS, PHYAG YUL GYI YUM YIN NA, NYAN RANG GI BZHED DON DNGOS SU MI SGRUB PAS KHYAB PAR THAL BA'I PHYIR RO, , DE BAS NA RANG LUGS NI, GANG ZAG GI BDAG MED MNGON SUM DU RTOGS PA DANG, RNAM RTAGS MTSAN MA LUS PA MNGON SUM DU RTOGS PA GSUM KA CHA SHAS SU LDAN PA'I BDAG MED MNGON SUM DU RTOGS PA'I SHES RAB TZAM DE NYID YIN LA, DE NI SHER PHYIN MTSAN NYID PA YIN ZHING, 'PHAGS PA BZHI GA'I DNGOS KYI YUM YIN NO, ,RNAM MKHYEN CHA SHES SU LDAN PA'I SHES RAB YIN NA, SANGS RGYAS KYI YE SHES SU MI 'GYUR RAM ZHE NA, 'O NA DON BYED PA CHA SHAS SU LAN PA'I CHOS YIN NA DNGOS POR 'GYUR RO ZHES BRJOD NA LAN CI YOD SOMS SHIG, DES NA SHER PHYIN THAMS CAD MKHYEN PA NYID KYI BDAG NYID TSUL GSUM PA CAN ZHES SOGS DANG YANG LEGS PAR 'GRIG PAR 'GYUR LA, SANGS RGYAS KYI YE SHES NYAN RANG GI YUM YIN NA GNOD PA GZHAN YANG 'BAB PAR SEMS

SO, ,GSUM PA 'GREL PA LA, DGOS DON, BSDUS DON TSIG DON, BRGAL LAN DANG BZHI, DANG PO LA DNGOS KYI DGOS PA DANG, BRGYUD PA'I DGOS PA DANG, DON BSDU BA'O, ,DANG PO LA DVANG PA'I RKYEN DANG, DVANG BA'I RANG BZHIN GNYIS, DANG PO NI, TSIGS SU BCAD PA 'DIS NA YUM 'DI'I CHE BA'I BDAG NYID PHUL DU BYUNG BA DANG LDAN PAR BRJOD DO, ,GNYIS PA LA GNYIS LAS, DBANG RTUL DVANG BA SKYE TSUL NI DE THOS NAS RE SHIG DAD PA'I RJES SU 'BRANG BA RNAMS NI YUM GYIS 'PHAGS BZHIR BSKRUN PA 'DI LA THE TSOM MED PAR MYUR DU RAB TU'AM, SHUGS DRAG PO'I DVANG BA SKYE'O, ,GNYIS PA DBANG RNON DVANG BA SKYE TSUL NI YUM DE LA RAB TU SKYED PAR BYED PA NYID DO, ,GANG NA DBANG RTUL DU MA ZAD CHOS KYI RJES SU 'BRANG BA RNAMS KYANG NGO, DVANG BA'I NGO BO JI LTA BU ZHIG SKYED PAR BYED NA, SHER PHYIN THAMS CAD MKHYEN PA NYID GSUM GYI BDAG NYID TSUL GSUM PA CAN TE MKHYEN GSUM RANG GI BDAG NYID DU LDAN PA DES SANGS RGYAS LA SOGS PA BSKRUN PAR MDZAD PA NI GDON MI ZA BAR SRID PA NYID DO ZHES NGES PAR BZUNGS TE'O, ,NGES PA DE GANG LAS SKYE ZHE NA, DBANG RTUL BZHIN DU TSIG THOS PA KHA NA LAS SKYES PA MIN GYI, GZHI DANG LAM DANG RNAM PA BDEN PA'I SKYE BA MED PAR YONGS SU SHES PA'I BDAG NYID CAN MCHOD BRJOD KYI TSIGS SU BCAD PA'I DON GYI MTSAN NYID KYI YUM DE 'DRA YOD PA LA RIGS PAS GNOD PA 'BAB MI 'BAB DPYAD PA NA GNOD PA MA MTHONG NAS NGES PA DE SKYE BA YIN NO, ,DES NA GZHUNG 'DIS DBANG RNON NGES PA SKYE BA NI, DBANG RTUL BZHIN TSIG THOS PA TZAM LAS SKYE BA MIN PAR, TSIG DE'I DON LA TSAD MAS GNOD PA YOD MED DPYAD NAS MED PAR MTHONG BA NA SKYE ZHES DBANG PO RNO RTUL GYI NGES SHES SKYE

, ,TSUL GYI KHYAD PAR TZAM ZHIG BSTAN PA YIN GYI, GNOD BYED 'DI 'DRA ZHIG MED PAR MTHONG ZHES PA DANG, SGRUB BYED 'DI 'DRA ZHIG YOD PAR MTHONG ZHES PA'I GNOD BYED DANG SGRUB BYED KYI MTSAN GZHI NGOS 'DZIN PA MIN ZHING DE'I PHYIR GZHAN DAG GIS SHER PHYIN ZHES SOGS SGRUB BYED BZUNG BA LA SBYOR BA NI RIGS PA'I RNAM PA MA CHAGS PA YIN TE, DE LTA NA YUM GYIS SRAS 'PHAGS BZHI GDON MI ZA BAR BSKRUN PA DE YUM GYIS SRAS 'PHAGS BZHI BSKRUN PA'I SGRUB BYED YANG DAG TU 'GYUR PAS SGRA MI RTAG PA'ANG SGRA MI RTAG PA'I SGRUB BYED DU THAL LO, ,CI STE SGRUB BYED DU MI SMRA'I DES DE'I SGRUB BYED SHUGS LA 'PHANGS PAR SMRA'O ZHE NA, 'O NA SGRA MI RTAG PA BRJOD PAS SGRA MI RTAG PA'I SGRUB BYED SHUGS LA 'PHANGS PAR THAL LO, ,DES NA DAM BCA' DANG SGRUB BYED MA PHYED PA'I GTAM DE LA RIGS PA SHES PA DAG NGO TSA BA'I GNAS SU BYED PA YIN NO, ,GZHI LAM RNAM GSUM BDEN PA'I SKYE MED DU GANG GIS 'GRUB NA GCIG DANG DU MA'I NGO BO NYID DANG BRAL BA'I PHYIR ZHES BYA BA LA SOGS PA'I TSAD MAS 'GRUB BO, ,RTAGS 'DI DAG GI RNAM PAR BZHAG PA NI RGYAS PAR LOGS SU BSHAD PAR BYA'O, ,GNYIS PA BRGYUD PA'I DGOS PA LA DVANG BA LAS 'JUG TSUL NI YUM DE LA RAB TU DVANG BAS KYANG DE'I YON TAN RIGS CAN THAMS CAD KYI BZHED DON SGRUB PA THOB PAR MNGON PAR 'DOD PA'I GANG ZAG GNYIS KA YANG YUM DE DANG DE LA BRTEN PA'I GSUNG RAB SHIN TU RGYAS PA'I SDE SNOD LA RNAM PA THAMS CAD DU GZUNG BA LA SOGS PA'I DON DU SHIN TU GUS PAR BYED DO, ,ZHUGS PA LAS 'BRAS BU THOB TSUL NI DE NAS THOS PA LAS BYUNG BA LA SOGS PA'I SHES PA GSUM SKYE BA'I RIM GYIS

LEGS PA'I MCHOG RNAM MKHYEN THOB PAR 'GYUR RO, ,GSUM PA NI, DE'I PHYIR BCOM LDAN 'DAS MA LA RAB TU DVANG BA NI LEGS PA THAMS CAD 'THOB PA'I RGYU'I GTZO BO YIN NO, ,GNYIS PA BSDUS DON NI, 'DIR MKHYEN GSUM GYI YON TAN BRJOD PA'I SGO NAS YUM LA BSTOD PA LA RGYU MTSAN DANG DGOS PA CI YOD CE NA, DE LA RGYU MTSAN YOD DE, THAMS CAD MKHYEN PA NYID MKHYEN GSUM GYIS NI DON BRGYAD BSDUS LA BRGYAD PO DE DAG KYANG SHER PHYIN GYI YON TAN MA TSANG BA MED PA'I RGYU MTSAN GYIS DE LTAR BSTOD PA YIN PA'I PHYIR, DE LTAR BSTOD PA LA DGOS PA YOD DE, MKHYEN GSUM DES KYANG 'CHAD PAR 'GYUR PA'I TSUL GYIS 'PHAGS BZHI'I BZHED PA'I DON THAMS CAD PHUN SUM TSOGS PAR SGRUB NUS PA YIN PAS YUM GYIS 'PHAGS BZHI BSKRUN NUS PAR SHES PA'I CHED DU DE LTAR BSTOD PA YIN PA'I PHYIR, DE LTAR RGYU MTSAN DANG DGOS PA GNYIS PO DE THUGS LA BZHAG NAS THAMS CAD MKHYEN PA NYID GSUM GYIS SGO NAS SHER PHYIN LA BSTOD DO, ,DES NA GZHUNG 'DIS MKHYEN GSUM NI MNGON RTOGS MTHA' DAG SDUD BYED YIN PAS SHER PHYIN GYI YON TAN GTZO BO YIN LA, DE'I PHYIR GTZO BOR GYUR PA'I YON TAN YIN PA'I RGYU MTSAN GYIS DE LTAR BSTOD CES STON PA YIN GYI, GSUM GYIS BRGYAD BSDUS PA'I PHYIR, GSUM LA BSTOD PA NA BRGYAD KA LA MA BSTOD PA'I SKYON MED CES PA NI NOR PA CHEN PO STE, DE LTAR NA CHOS THAMS CAD LA BSTOD PAR THAL BA'I PHYIR DANG, SGRA SEL 'JUG MIN PAR THAL PA'I PHYIR RO, ,BSDUS TSUL LA LO CHEN, MKHYEN GSUM GTAN LA DBAB BYA YIN PAS DUS GSUM GYI 'PHAGS PA THAMS CAD KYI RGYUD DANG 'BREL LA, SBYOR BZHI DANG CHOS SKU SBYOR BA NYAMS SU LEN PA PO'I RGYUD DANG

, ,'BREL BA TZAM YIN PAS RGYA CHE BAS CHUNG BA BSDUS SO, ,ZHES BYA BA MI 'THAD DE, GSUM GYI LNGA BSDUS TSUL DU SONG GI BRGYAD BSDUS PA'I TSIG DON LA MA ZHUGS PA'I PHYIR DANG, GZHAN RGYUD KYI MKHYEN GSUM DANG SBYOR BZHI CHOS SKU LA GTAN LA DBAB BYA YIN MIN GYI KHYAD MED LA, RANG RGYUD KYI DE DAG LA RGYUD DANG 'BREL MA 'BREL KHYAD PAR MED PA'I PHYIR RO, ,LAR SDUD BYED KYI MKHYEN GSUM CHOS SUM CU LA BYAS NAS, DES SBYOR BZHI DANG CHOS SKU BSDUS PAR 'DOD PA LA'ANG, TSIG DON LA MA ZHUGS PA'I NYES PA SNGA MA SO NA GNAS SO, ,'BRI DANG, DE'I RJES 'BRANG DAG MKHYEN GSUM RANG BZHIN YIN LA, SBYOR BZHI DANG CHOS SKU NI, DE RAB DE'I GO RIM DE'I ZHES SOGS KYI TSUL GYIS DE'I GNAS SKABS YIN PAS RANG BZHIN GYI GNAS SKABS BSDU'O, ,ZHES ZER BA LA'ANG, GSUM GYIS LNGA BSDUS TSUL TZAM DU SONG ZHING, TSOGS SBYOR NA'ANG MKHYEN GSUM YOD PAR THAL, DE NA GSUM PO DE'I GNAS SKABS LA BZHAG PA'I SBYOR BA YOD PA'I PHYIR RO, ,GNAS SKABS CAN MED PAR DE'I GNAS SKABS MI SRID DE, SOR MO MED PA'I KHU TSUR BZHIN NO, ,DES NA 'DI NI MKHYEN GSUM DANG, DE'I RNAM PA DANG, DE'I SBYOR BA RNAMS KYI KHYAD PAR LEGS PAR MA PHYE BA'I NONGS PA'O, ,SDUD BYED SANGS RGYAS KYI SA'I MKHYEN GSUM GYIS SDUD BYA MTSON BYED KYI CHOS SUM CU DANG SBYOR BZHI DANG CHOS SDUD PAR BYED PA'ANG 'THAD PAR DKA' STE, CHOS SUM CUS MKHYEN GSUM DE DANG DE'I GO CHOD NA, SEMS BSKYED BCU SOGS RNAM MKHYEN DU THAL ZHING, GO MI CHOD NA SDUD BYA MKHYEN GSUM MI TSANG BA'I PHYIR RO, ,DES NA RANG LUGS NI MKHYEN GSUM TZAM SDUD BYED YIN LA,

'PHAGS PA SO SO'I THUGS RGYUD KYI MKHYEN GSUM GYI GSAL BA SO SO BA DAG NI SDUD BYA YIN LA, BSDUS TSUL NI KHYAB BYED KYIS KHYAB BYA BSDUS PA'O, ,GSUM PA TSIG DON LA, BSTOD PA DANG PHYAG 'TSAL BA GNYIS, DANG PO LA GSUM GYI DANG PO GZHI SHES KYI YON TAN BRJOD PA'I SGO NAS BSTOD PA NI, THOB PAR MDZAD PA GANG YIN PA DANG ZHES DRANG NGO, ,GANG ZAG GANG GIS NA NYAN THOS DANG DE'I PHYOGS SU BSLAN NAS ZHI BA TSOL RNAMS ZHES PA'I TSIG GI RIM PA GCIG GIS SHUGS LA BSTAN PA RANG SANGS RGYAS KYANG STE RANG DON DU MYA NGAN LAS 'DA' BAR 'DOD PA RNAMS SO, ,'ON KYANG RANG SANGS RGYAS NYAN THOS LAS KHYAD PAR GTAN MED PA MIN TE, GZUNG RTOG SPANGS PA SOGS RNAM PAR THAR PA CUNG ZAD TZAM ZHIG GIS LHAG PA'I PHYIR RO, ,THABS GANG GIS NA SHER PHYIN GYI YON TAN GZHI THAMS CAD SKYE BA MED PAR YONGS SU SHES PA NYID KYIS SO, ,'BRAS BU GANG NA, PHUNG PO DANG BCAS PA DANG PHUNG PO MED PA'I MTSAN NYID KYI MYANG 'DAS RNAM PA GNYIS THOB PAR MDZAD DO, ,DE LA THEG DMAN GYI LHAG BCAS MYANG 'DAS NI, THEG CHEN LAM GYIS NYON MONGS MA LUS PAR SPANGS SHING LAS NYON GYI 'BRAS BU SDUG BSNGAL GYI PHUNG PO MA SPANGS PA'I GNAS SKABS KYI SO SOR BRTAGS 'GOG DANG, LHAG MED MYANG 'DAS NI, LAM DES NYON MONGS DANG, SDUG BSNGAL GNYIS KA MA LUS PAR SPANGS PAS RAB TU PHYE BA'I SO SOR BRTAGS 'GOG GO ,GNYIS PA LAM SHES KYI YON TAN BRJOD PA'I SGO NAS BSTOD PA NI, GANG ZAG BYANG CHUB SEMS DPA' 'KHOR BA JI SRID PAR 'GRO BA'I DON BYED PA RNAMS THABS LAM THAMS CAD SKYE BA MED PAR RTOGS PA'I NGO BO NYID KYIS 'BRAS BU 'GRO BA MTHA' DAG GI DON BSGRUB PAR MDZAD

, ,PA GANG YIN PA DANG, GSUM PA RNAM MKHYEN GYI YON TAN BRJOD PA'I SGO NAS BSTOD PA NI, BSKOR BAR MDZAD, GANG ZAG GANG GIS NA, SANGS RGYAS NYES SPYOD THAMS CAD KYI RTZA BA SPANGS PAS YANG DAG PAR BSDAMS PA'I SKU CAN RNAL 'BYOR CAN GYI DBANG PHYUG NI NYAN RANG DANG, BYANG SEMS THAMS CAD KYI GTZO BO GYUR PA RNAMS KYIS SO, ,THABS GANG LA BRTEN NAS NA RNAM PA THAMS CAD SKYE BA MED PAR THUGS SU CHUD PA'I RNAM MKHYEN, GANG DANG LDAN NA'O, ,'BRAS BU GANG NA SPYOD PA BRGYAD KHRI BZHI STONG GI GNYEN POR CHOS KYI 'KHOR LO MA LUS PA RNAM PA THAMS CAD DU BSKOR BA'O, ,'DI'I MTHA' DPYAD BA LA CHOS KYI PHUNG PO DANG 'KHOR LO NI GANG, DRANG BA DANG NGES PA'I DON YANG JI LTA BU, 'KHOR LO THAMS CAD CIG CAR DU BSKOR RAM, RIM CAN DU BSKOR ZHE NA, DE YANG RGYAL BA'I GSUNG RAB THAMS CAD BRJOD BYA BSLAB PA GSUM GYI BYE BRAG LAS SDE SNOD GSUM DU 'GYUR TE, 'DI LTAR RGYUD SMIN PAR BYED PA LHAG PA TSUL KHRIMS KYI BSLAB PA GTZO BOR STON PA 'DUL BA'I SDE SNOD DANG, SMIN PA GROL BAR BYED PA'I LAM LA ZHI LHAG GNYIS LAS ZHI GNAS KYI CHA BSAM GTAN DANG, GZUGS MED PA'I TING NGE 'DZIN GYIS BSDUS PA'I LHAG PA SEMS KYI BSLAB PA GTZO BOR STON PA MDO SDE'I SDE SNOD, LHAG MTHONG GI CHA LHAG PA SHES RAB KYI BSLAB PA GTZO BOR STON PA MNGON PA'I SDE SNOD RNAMS SO, ,RJOD BYED KYI BYE BRAG LAS NI GSUNG RAB YAN LAG BCU GNYIS SU 'GYUR TE, 'DI LTAR, MDO SDE DBYANGS BSNYAD LUNG BSTAN DANG, ,TSIGS BCAD CHE BRJOD GLENG GZHI DANG, ,RTOGS BRJOD DE LTA BU BYUNG DANG, ,SKYES RABS SHIN TU RGYAS PA DANG, RMAD BYUNG GTAN LA PHAB PA'I SDE, ZHES BYA BA DAG GO, MI MTHUN PHYOGS KYI GNYEN PO'I BYE BRAG LAS

NI CHOS KYI PHUNG PO BRGYAD KHRI BZHI STONG DU 'GYUR TE, 'DI LTAR, 'DOD CHAGS LA GTZO BOR SPYOD PA DANG, ZHE SDANG LA GTZO BOR SPYOD PA DANG, GTI MUG LA GTZO BOR SPYOD PA DANG, GSUM PO CHA MNYAM LA SPYOD PA RNAMS NYI KHRI CHIG STONG RE RE STE, BRGYAD KHRI BZHI STONG GI GNYEN POR DE DAG GI GNYEN PO STON PA'I CHOS KYI PHUNG PO BRGYAD KHRI BZHI STONG GSUNGS SO, ZHES 'PHAGS PA KLU SGRUB KYIS SHER PHYIN THABS KYI LE'U'I 'GREL PAR GSUNGS PAR DGONGS 'GREL GYI 'GREL PA LAS BSHAD LA, MDZOD DU, CHOS KYI PHUNG PO BRGYAD KHRI DAG, CES 'BYUNG NGO, CHOS KYI PHUNG PO'I TSAD LA, KHA CIG SHA RI'I BUS BYAS PA'I BSTAN BCOS KYI PHUNG PO DANG, CHOS PHUNG GCIG TSAD MNYAM LA, DE LA SHO LO KA DRUG STONG YOD DO, ZHES ZER RO, ,KHA CIG PHUNG PO DAN BDEN PA LA SOGS PA DON GYI SNA RE RE RDZOGS PAR STON PA'I GTAM GYI TSOGS LA 'DOD LA, THAG CHEN PA'I LUGS LA GLING PO CHE RAB BRTAN GYIS BKUR BAR 'OS PA'I SNAG TSAS CHOS PHUNG GCIG 'BRI NUS PAR 'DOD PA SOGS LA CHOS BSHES KYIS BSHAD KYANG NYON MONGS PA BRGYAD KHRI BZHI STONG DU BYA BA'I NYON MONGS RE RE'I GNYEN PO RDZOGS PAR STON PA'I GTAM GYI TSOGS RE RE LA CHOS PHUNG RE RE BYA STE, JI SKAD DU SPYOD PA RNAMS KYI GNYEN POR NI, ,CHOS KYI PHUNG PO MTHUN PAR GSUNGS, ZHES PA LTAR RO, ,DUS KYI BYE BRAG LAS NI, CHOS KYI 'KHOR LO GSUM DU 'GYUR BA YIN LA, DE YANG BYE BRAG SMRA BA RNAM NA RE, CHOS KYI 'KHOR LO NI MTHONG BA'I LAM YIN TE, KUN SHES KO'U DI N+Y'A LA MTHONG LAM SKYES PA NA, LHA RNAMS KYIS AA LA LA 'JIG RTEN DU CHOS KYI 'KHOR LO BSKOR RO, ZHES 'BYUNG BAS SO, ZHES ZER LA, DE YANG RTOGS PA'I CHOS 'KHOR GYI DBANG DU BYAS PA'O, ,LUNG GI CHOS 'KHOR LA NI, NYAN THOS SDE BA DAG, THEG CHEN GYI

, ,BKA' MI 'DOD PA'I PHYIR, MTSAN NYID MED PA'I CHOS 'KHOR SOGS KHAS MI LEN LA, BDEN PA BZHI'I 'KHOR LO NYID LAN GSUM DU BZLAS SHANG RNAM PA BCU GNYIS SU BSKOR BAR 'DOD DO, ,'DIR NI CHOS KYI 'KHOR LO GNYIS LAS, RTOGS PA'I CHOS KYI 'KHOR LO NI, MTHONG LAM DANG SGOM LAM DAG YIN LA, TSOGS SBYOR NI MIN TE, MI MTHUN PHYOGS KYI SA BON GCOD MI NUS PA'I PHYIR RO, ,LUNG GI CHOS KYI 'KHOR LO NI, GSUNG RAB YAN LAG BCU GNYIS PO THAMS CAD DO, CI'I PHYIR 'DI DAG LA 'KHOR LO ZHES BYA ZHE NA, GDUL BYA'I RGYUD LA RIM GYIS 'PHO ZHING MI MTHUN PHYOGS GCOD BAR BYED PAS RGYAL PO'I 'KHOR LO DANG CHOS MTHUN PA'I PHYIR, LUNG GI CHOS KYI 'KHOR LO DE YANG RNAM PA GSUM STE, 'DI LTAR BDEN PA BZHI'I 'KHOR LO DANG, MTSAN NYID MED PA'I 'KHOR LO DANG, LEGS PAR RNAM PAR PHYE BA DANG LDAN PA'I 'KHOR LO'O, ,DE LA DANG PO NI, GNAS DRANG SRONG RGYU BA RI DVAGS KYI NAGS SU, DNGOS KYI CHED DU BYA BA'I GDUL BYA NYAN THOS KYI THEG PA LA YANG DAG PAR ZHUGS PA RNAMS LA DUS SNGAR GSUNGS LA, 'KHOR LO 'DI'I MDO DNGOS NI, LNGA SDE BZANG PO LA BSTAN PA BDEN BZHI'I MDO ZHES BYA BA DE NYID YIN LA, DE DANG BRJOD BYA PHYOGS MTHUN GYI MDO RNAMS 'KHOR LO DER SDUD PA YIN GYI, 'KHOR LO DANG POR GTOGS PA'I MDO YIN NA DUS SNGAR GSUNGS PAS KHYAB PA MIN TE, 'DUL BA RUNG MTHUN GYI MDO MYA NGAN LAS 'DA' KHAR GSUNGS PA'I PHYIR RO, ,MTSAN NYID MED PA'I 'KHOR LO NI GNAS BYA RGOD PHUNG PO'I RI LA SOGS PAR DNGOS KYI CHED DU BYA BA'I GDUL BYA THEG PA CHEN PO LA YANG DAG PAR ZHUGS PA RNAMS LA, DUS BAR DU GSUNGS SHING BRJOD BYA STONG PA NYID LAS BRTZAMS TE, CHOS THAMS CAD BDEN PAR MED PA DANG, NGO BO NYID MED PAR BSHAD LA, MTSAN GZHI

NI SHER PHYIN RGYAS 'BRING BSDUS GSUM LA SOGS PA YIN ZHING, DE DANG BRJOD BYA PHYOGS MTHUN GYI MDO RNAMS 'KHOR LO BAR PAR SDUD DO, ,LEGS PAR RNAM PAR PHYE BA DANG LDAN PA'I CHOS 'KHOR NI, GNAS YANGS PA CAN LA SOGS PAR DNGOS KYI CHED DU BYA BA'I GDUL BYA THEG PA THAMS CAD LA YANG DAG PAR ZHUGS PA RNAMS LA, DUS THA MAR GSUNGS SHING, BRJOD BYA NGO BO NYID RNAM PA GSUM LAS BRTZAMS TE, KUN BRTAGS MTSAN NYID NGO BO NYID MED PA DANG, GZHAN DBANG SKYE BA NGO BO NYID MED PA DANG, YONGS GRUB DON DAM PA NGO BO NYID MED PAR BSHAD LA, 'KHOR LO 'DI'I MDO DNGOS NI DGONGS PA NGES PAR 'GREL BA NYID YIN CING, DE DANG BRJOD BYA PHYOGS MTHUN GYI MDO RNAMS 'KHOR LO THA MA'I MDOR SDUD PA YIN NO, ,DE LA THEG PA DMAN PA LA YANG DAG PAR ZHUGS PA DANG, THEG PA CHEN PO LA YANG DAG PAR ZHUGS PA'I DON NI, DE DANG DE'I RIGS NGES PA YIN LA, THEG PA THAMS CAD LA YANG DAG PAR ZHUGS ZHES PA NI, RKYEN GYI DBANG GIS THEG PA GANG DU YANG BSGYUR DU RUNG PA LA NGES PA'I RIGS CAN GYI BYANG SEMS SO, ,THEG PA GSUM GA'I GANG ZAG TSANG BA 'KHOR DU 'DUS PA'I DON NI MIN TE, RANG SANGS RGYAS SANGS RGYAS KYI 'KHOR DU MI SRID DO, ,MTSAN NYID MED PA'I 'KHOR LO DUS BAR PAR GSUNGS PA GANG LAS SHES NA, YUM GYI MDOR, DE'I CHE LHA'I BU BRGYA STONG TSAD MED PA RNAMS NAM MKHA' LA ME TOG GTOR NAS SKAD MTHUN PAR 'DI SKAD DU, KYE BDAG CAG LA SOGS PAS NI DENG 'DZAM BU'I GLING DU BCOM LDAN 'DAS KYIS SHIN TU GYA NOM PA'I CHOS KYI 'KHOR LO GNYIS PA BSKOR BAR MTHONG NGO, ZHES GSUNGS SHING, DGONGS PA NGES 'GREL LAS KYANG, STONG PA NYID SMOS PA'I RNAM PAS CHES NGO MTSAR RMAD DU BYUNG BA'I CHOS KYI 'KHO

, ,LO GNYIS PA BSKOR ZHES DANG, LEGS PAR RNAM PAR PHYE BA DANG LDAN PA'I SHIN TU NGO MTSAR RMAD DU BYUNG BA'I CHOS KYI 'KHOR LO GSUM PA BSKOR ZHES MTSAN NYID MED PA'I 'KHOR LO GNYIS PA DANG, LEGS PAR RNAM PAR PHYE BA'I 'KHOR LO GSUM PAR BSHAD PAS MTSAN NYID MED PA'I 'KHOR LO 'KHOR LO GSUM PA YIN NO, ZHES MKHAS RLOM GANG DAG SMRA BA NI MNGON SUM DU BSNYON PAR BYED PA YIN NO, 'KHOR LO GSUM PO 'DI'I DRANG NGES KYI TSUL YANG, PHAL CHEN SDE PA SOGS KHA CIG SANGS RGYAS KYI GSUNG LA DRANG DON MI SRID PAR 'DOD CING, THAMS CAD YOD PAR SMRA BA SOGS DRANG NGES GNYIS KA KHAS LEN LA, THEG PA CHEN PO LA SHING RTA'I SROL 'BYED GNYIS MI MTHUN TE, 'DI LTAR 'PHAGS PA KLU SGRUB YAB SRAS LTAR NA, 'PHAGS PA BLO GROS MI ZAD PA BSTAN PA'I MDO DANG, TING NGE 'DZIN RGYAL PO SOGS LAS GSUNGS PA LTAR, STONG PA NYID DON DAM PA'I BDEN PA GTZO BOR STON PA NGES DON DANG, KUN RDZOB BDEN PA GTZO BOR STON PA DRANG DON YIN LA, DRANG NGES KYI DON YANG GNAS LUGS BTZAL BA NA, DES DNGOS SU BSTAN PA DE NYID GNAS LUGS SU MA SONG BAR, DE LAS GONG DU DRANGS NAS GNAS LUGS GZHAN TSOL DGOS PA'I PHYIR, DRANG DON DANG, MDO SDE DE'I DON GNAS LUGS SU NGES PA'I PHYIR NGES DON ZHES BYA'O, ,DE'I PHYIR 'KHOR LO DANG PO LAS KYANG BDEN DNGOS BSHAD CING, THA MA DGONGS 'GREL SOGS LAS GZHAN DBANG DANG YONGS GRUB BDEN PAR GRUB PAR BSHAD LA, DE DAG LA GNAS LUGS SEMS PA'I RIGS PAS GNOD PA'I PHYIR DRANG DON YIN ZHING, BDEN PAR MED PA'I NI CHOS THAMS CAD KYI

GNAS LUGS DON DAM PA'I BDEN PA YIN PA'I PHYIR, BAR PA MTSAN NYID MED PA'I 'KHOR LO NYID NGES DON YIN NO, ZHES BZHED PA YIN NO, ,DON 'DI NI KLU SGRUB YAB SRAS KYI GZHUNG LUGS DAG LAS CHES GSAL ZHING RGYAS PAR GZHUNG BTZUGS TE BSHAD DO; 'PHAGS PA THOGS MED SKU MTSAD KYIS MDO SDE RGYAN DANG, DBUS MTHA' RNAM 'BYED SOGS KYI RJES SU 'BRANGS TE, MDO GANG MDO GZHAN GYI RJES SU 'BRANGS NAS MDO DE'I DGONGS PA BSHAD DGOS PA NI DRANG DON DANG, MI DGOS PA NI NGES DON YIN LA, 'KHOR LO DANG PO LAS PHYI ROL YOD PAR BSHAD PA DANG, BAR PA LAS CHOS THAMS CAD NGO BO NYID MED PAR BSHAD PA GNYIS KA YANG DGONGS 'GREL GYI RJES SU 'BRANGS NAS DGONGS PA BSHAD DGOS KYI, SGRA JI BZHIN DANG KHAS BLANG DU MI RUNG BA'I PHYIR, DRANG DON YIN LA; DGONGS PA NGES 'GREL LAS NI, KUN BRTAGS BDEN PAR MED PA DANG, GZHAN DBANG BDEN PAR GRUB CING, DON DAM BDEN PA MIN PA DANG, YONGS GRUB DON DAM BDEN PA YANG YIN CING, BDEN PAR GRUB PA ZHES LEGS PAR PHYE NAS BSHAD PA SGRA JI BZHIN DU KHAS BLANGS PAS CHOG GI, MDO GZHAN GYI RJES SU 'BRANGS NAS DGONGS PA BSHAD MI DGOS PA'I PHYIR, NGES DON YIN NO, ZHES BYANG SA DANG, RNAM PAR GTAN LA DBAB PA BSDU BA DANG, THEG BSDUS DANG, RGYAN DANG, DBUS MTHA'I 'GREL PA 'GREL BSHAD DAG DANG, SUM CU PA RTZA 'GREL DANG, RNAM BSHAD RIGS PA LA SOGS LAS GSAL BAR BSHAD CING, DES NA DGONGS 'GREL LAS, GZHAN DBANG BDEN PAR GRUB PA DANG, MTHAR THUG THEG PA GSUM YIN PAR RKANG BTZUGS NAS LEGS PAR BSGRUBS SHING, MDO DE DANG, DE'I

, ,RJES 'BRANG GI BSTAN BCOS DE DAG LAS GZHAN DBANG BDEN PAR GRUB PA DE NYID KUN BRTAGS PA LTAR DU GRUB PAS STOD PA GZHAN STONG GI DON DU BSHAD PAS, MTHAR THUG THEG PA GCIG TU NGES PA DANG, GZHAN DBANG RI BONG GI RvA DANG MTSUNGS BA DANG, BDE GSHEGS SNYING PO 'DUS MA BYAS 'DUS BYAS KYIS STONG PA GZHAN STONG GI DON DU 'DOD BZHIN DU, DGONGS PA NGES 'GREL SOGS DE DAG NGES DON DU SGRUB PA LA 'BAD PA BYED PA DE DAG NI, RANG NYID KYIS RANG GI MGUL PA GCOD PA DANG MTSUNGS SO, 'DIR NI YI GE MANGS PAR 'GYUR BAS GZHAN DU RTOGS PAR BYA'O, ,DE LTA BU'I 'KHOR LO DE DAG KYANG, KHA CIG CIG CAR DU SKAD CIG GCIG LA BSKOR BAR 'DOD PA NI BAB CHOL TE, SANGS RGYAS NAS RING PO MA LON PAR CHOS KYI 'KHOR LO THAMS CAD SKAD CIG GCIG LA CIG CAR DU BSKOR NAS, CHOS 'KHOR BSKOR BA'I MDZAD PA RDZOGS NAS MYA NGAN LAS 'DA' BA'I MDZAD PA STON PA CHOS NYID YIN PAS SANGS RGYAS PA'I MDZAD PA BSTAN NAS ZHAG 'GA' ZHIG LON PA TZAM NA MYA NGAN LAS 'DA' BA'I MDZAD PA BSTAN PAR THAL BA'I PHYIR RO, ,DE BAS NA SNGAR BSHAD PA LTAR RIM CAN DU GSUNGS PAR SHES PAR BYA'O, ,GNYIS PA PHYAG 'TSAL BA NI, DE LTAR SANGS RGYAS NYAN THOS LA SOGS PAS YONGS SU BSKOR BA DE SGRUB PAR BYED PA NYID KYI YUM DE LA PHYAG 'TSAL LO, ,BZHI BA BRGAL LAN LA, BRGAL BA DANG, LAN GNYIS, DANG PO NI, MCHOD BRJOD BYAS PAS BYA BA 'GA' ZHIG LA 'JUG PAR SHES NAS BYA BA GANG LA 'JUG CES 'DRI BA LA, BSTAN BCOS MNGON RTOGS RGYAN RTZOM PA LA 'JUG CES KHONG NAS DRANG NGO, 'O NA BRJOD BYAR GANG SDUD, GZHI

GNYAN RNAM PA GANG RUNG RE RE KHO NA SDUD NA, 'BAD PA DON MED PA SOGS KYI SKYON 'DI DAG YOD LA, GSUM KA SDUD NA YUM GYI MDO DANG ZLOS PAR 'GYUR ZHES PA'I DOGS PA GCOD PA LA DOGS PA THA MA DGONGS 'GREL GYIS GCOD CING, DANG PO'I DOGS GCOD SLOB DPON GYI KHA BSKANGS PA YIN NO, ,DES NA MTHA' MCHOD PA'I SKYON YANG MED LA, KHA CIG MKHYEN GSUM LA PHYAG 'TSAL BAS DE BRJOD BYAR BYAS PA'I BSTAN BCOS RTZOM ZHES DAM BCAS PA BRKAL YUL DU 'CHAD PA NI, MKHYEN GSUM BRJOD BYAR BYAS PA'I BSTAN BCOS RTZOM NA GANG BRJOD BYAR BYAS PA'I BSTAN BCOS RTZOM ZHES 'DRA BA, LHA SBYIN KHYOD KYI MING CI ZHES 'DRI BA'I BLUN PO DAG DANG 'DRA BA YIN NO, ,TSIG DON NI, DE LTAR PHYAG 'TSAL BA DANG BSTOD PA SNGON DU 'GRO BA'I BSTAN BCOS MNGON PAR RTOGS PA'I RGYAN GZHI DANG GNYEN PO DANG RNAM PA RNAMS LAS GANG YANG RUNG BA ZHIG BSDUS PAR MDZAD GRANG, PHYOGS DANG PO LTAR NA NI RTZEM PA'I 'BAD PA DON MED PA YIN TE, SHER PHYIN GYI MDO 'DI LAS NI MTSAN NYID KYI BSTAN BCOS THEG PA THUN MONG GI MNGON PA'I SDE SNOD DAG LAS MA SMOS PA'I GZHI GANG YIN PA DE 'BYUNG BA NI MED DO, ,DE'I PHYIR MDO DE GNYIS BRJOD BYA KHYAD PAR MED PAR 'GYUR RO, ,GNYIS PA LTAR NA YANG RNAM PAR BYANG BA'I DNGOS PO KHO NA BSDUS SHING KUN NAS NYON MONGS PA'I DNGOS PO MA BSDUS PAS GNYAN PO 'DI GANG GI GNYEN PO YIN PA KHONG DU CHUD PAR MI 'GYUR RO, ,GSUM PA LTAR NA YANG RNAM PA YE SHES KYI 'DZIN STANGS DAD GZHI MED PA TZAM ZHIG BSDUS PA STE, SGRO 'DOGS GANG LA GCOD PA'I GZHI DANG MA 'BREL BA KHO NA BSTAN PAR 'GYUR BA'I PHYIR, YE SHES KYI 'DZIN STANGS GANG GIS GZHI GANG

, ,LA SGRO 'DOGS GCOD PA'I DON RTOGS PA MED PAS GROL BA DON GNYER LAM KHO BA'I DON CUNG ZAD KYANG MA BSHAD PA'I PHYIR DON MED PA YIN SNYAM DU GZHAN DAG SEMS PAR 'GYUR BA MIN ZHE NA, GNYIS PA LAN LA DNGOS DANG, MKHYEN GSUM GYIS 'PHAGS BZHI'I MNGON RTOGS BSDUS PA'I RGYU MTSAN STON PA'I MDO DGONG PA DANG, MDO'I DON BSDUS TE MKHYEN GSUM GYI RANG BZHIN BSHAD PA DANG, LAN GYI DON BSDU BA'O, ,DANG PO NI, MNGON RTOGS RGYAN CHOS CAN, GSUM PO RE RE KHO NA BSDUS PA'I SKYON YOD PA DE NI MIN TE, PHYOGS GSUM CHAR GYIS KYANG BSDUS PA'I PHYIR RO, ,GSUM CHAR BSTAN PA LA DGOS PA CI YOD CE NA, MKHYEN GSUM GTAN LA DBAB PA'I CHAD DU'O, ,DE'I DGOS PA YANG, 'DIR NI 'PHAGS BZHI'I MNGON RTOGS MTHA' DAG GTAN LA 'BEBS PAR 'DOD PA YIN CING, GANG GI PHYIR NYAN THOS DANG, RANG SANGS RGYAS DANG, BYANG CHUB SEMS DPA' DANG, BLA NA MED PA'I SANGS RGYAS RNAMS KYI GO RIM JI LTA BA BZHIN DU THAMS CAD MKHYEN PA NYID GSUM GYIS MNGON PAR RTOGS PA MTHA' DAG BSDUS PAS NA'O, ,GNYIS PA LA GNYIS LAS, BAR MA'I MDO DGONG PA LA, MDOR BSTAN, RGYAS BSHAD GNYIS, DANG PO NI, MKHYEN GSUM GYIS 'PHAGS BZHI'I MNGON RTOGS BSDUS PA'I RGYU MTSAN MDO LAS BSHAD PA 'DI LTAR RGYAL BA'I YUM BAR MA LAS RAB 'BYOR CES SOGS SO RGYAS BSHAD LA GSUM LAS, GZHI SHES KYIS NYAN RANG GI MNGON RTOGS BSDUS PA'I RGYU MTSAN LA, DRIS LAN GNYIS LAS, DRI BA NI, BCOM LDAN 'DAS ZHES SOGS SO, ,LAN NI, RAB 'BYOR THAMS CAD NI PHYI DANG NANG GI CHOS RNAMS JI SNYED PA 'DI TZAM ZHIG YIN LA DE DAG

KYANG NYAN THOS DANG RANG SANGS RGYAS RNAMS KYIS GANG ZAG GI BDAG DANG, GZUNG BA CHOS KYI BDAG MED PAR SHES SHING, DE TZAM GYIS DE DAG GI BZHED DON YANG BSGRUB NUS KYI LAM THAMS CAD KYIS KYANG MIN LA RNAM PA THAMS CAD DU MKHYEN PA YANG MIN PAS DE'I PHYIR NYAN THOS DANG RANG SANGS RGYAS RNAMS KYI MNGON RTOGS NI THAMS CAD SHES PA NYID KYIS BSDUS ZHES BYA'O, ,GNYIS PA LAM SHES KYIS BYANG SEMS KYI MNGON RTOGS BSDUS PA'I RGYU MTSAN LA GNYIS LAS, DRI BA NI, BCOM LDAN 'DAS ZHES SOGS SO, ,LAN NI, RAB 'BYOR CES BOS NAS BYANG CHUB SEMS DPA' RNAMS KYI MNGON PAR RTOGS PA NI MKHYEN GSUM GYI NANG NAS LAM GYI RNAM PA SHES PA NYID KYIS BSDUS ZHES BYA BA'I RGYU MTSAN YOD DE, BYANG SEMS KYI BZHED DON GYI GTZO BO RIGS CAN GSUM GYI DON BSGRUB PA YIN CING, DE'I CHED DU BYANG CHUB SEMS DPA' RNAMS KYIS NI NYAN THOS KYI LAM GANG YIN PA GANG ZAG GI BDAG MED RTOGS PA'I YE SHES DANG RANG SANGS RGYAS KYI LAM GANG YIN PA GZUNG BA BDEN MED RTOGS PA DANG, SANGS RGYAS KYI LAM GANG YIN PA 'DZIN PA BDEN MED RTOGS PA'I LAM THAMS CAD BSGOM BYUNG GIS BSKYED PAR BYA ZHING THOS BSAM GYIS LAM THAMS CAD SHES PAR BYA'O, ,DE DAG KYANG SPANGS RTOGS KYIS YONGS SU RDZOGS PAR BYA ZHING DE DAG GI LAM GYI BYA BA YANG BYED DGOS PA DE'I PHYIR, 'O NA LAM GYI BYA BA THAMS CAD BYA 'AM ZHE NA, YANG DAG PA'I MTHA' MNGON DU MI BYA'O, ,DUS NAM YANG MI BYA'AM ZHE NA, RANG NYID CHOS SKU LAS MA G-YOS BZHIN DU GZHAN DON LHUN GRUB RGYUN MI CHAD DU 'BYUNG BAR GYUR CIG PA'I SMON LAM YONGS SU RDZOGS PAR MA BYAS PA DANG, RANG NYID SANGS RGYAS NAS CHOS 'KHOR BSKOR BA'I MDZAD PA STON PA'I DNGOS KYI CHED DU BYA

, ,BA'I GDUL BYAR GYUR PA'I SEMS CAN RNAMS CHOS 'KHOR BSKOR BA'I CHOS THOS PA'I TSE DE LA 'PHAGS LAM SKYE RUNG DU BYAS PA'I SGO NAS YONGS SU SMIN PAR MA BYAS PA DANG, RANG NYID THOG MAR LONGS SKU MNGON DU BYED PA'I SANGS RGYAS KYI ZHING LAS NYON GYI DBANG GIS BYUNG BA MIN PAR BSOD NAMS KYI TSOGS KYI DBANG GIS 'BRAS BUR GYUR BA ZHIG DGOS PAS DE LTA BU'I TSOGS RDZOGS PA'I SGO NAS YONGS SU MA SBYANGS PAR MI BYA'I, DE GSUM BYAS NAS YANG DAG MTHA' MNGON DU BYAS KYANG SKYON MED DO, , DE LA NYAN RANG DGRA BCOM LA YOD PA'I SPANGS RTOGS TZAM ZHIG DMAN LAM SNGON DU MA SONG BA'I THEG CHEN GYIS GANG DU RDZOGS ZHE NA, DE 'DRA BA'I SA BDUN PA MAN CHED DU MI RDZOGS TE, NYON MONGS MA SPANGS PA'I PHYIR DANG, DE MA SPANGS PAR YANG NYON MONGS MA LUS PA SPANGS PA'I RAB TU PHYE BA'I RTOGS PA RNAM GROL LAM MI 'THOB CING, NYAN RANG DGRA BCOM PA LA DE 'DRA'I RTOGS PA YANG YOD PA'I PHYIR RO, ,DE DAG TU NYON MONGS MA LUS PAR MA SPANGS TE, NYON YID KYI RGYUN 'CHAD PA'I MA MTHA' THEG CHEN LAS BRGYAD PAR BSHAD PA'I PHYIR DANG, NYON YID SPANGS NA RNAM PAR MI RTOG PA'I YE SHES LA DBANG THOB DGOS PAR, YID DANG 'DZIN DANG RNAM PAR RTOG, GYUR PHYIR RNAM PAR MI RTOG PA, ZHES SOGS KYIS GSUNGS PA'I PHYIR RO, ,DES NA SPANGS RTOGS THAMS CAD SA DANG PO NAS RDZOGS PA DANG, RTOGS PAS DANG PO NAS RDZOGS PAR BZHED PA GNYIS KA YANG 'THAD PA MIN NO, ,YANG DAG MTHA' NI, KHA CIG NGO BO NYID SKU LA 'DOD PA MI 'THAD DE, RDZOGS SMIN MA SBYANGS PAR DE MNGON DU BYED NUS PA MI SRID PAS, DE LTAR GDAMS PA LA DGOS PA MED PA'I PHYIR

RO, ,KHA CIG CHAD PA MYANG 'DAS LA 'DOD PA MI 'THAD DE, RDZOGS SMIN SBYANGS GSUM BYAS NAS MNGON DU BYED PAR THAL BA'I PHYIR RO, ,DES NA RANG LUGS NI, CHOS NYID TZAM LA YANG DAG PA'I MTHA' ZHES BYA ZHING, DE NYID MNGON DU BYAS PA'I CHAD NI, DE LA RTAG TU MNYAM PAR BZHAG PA YIN LA, SA BRGYAD PA NAS DE LA RTAG TU MNYAM PAR 'JOG NUS PA YIN NO, ,'O NA DES CHOS SKU MNGON DU BYED NUS PAR THAL LO ZHE NA, SKYON MED DE, CHOS NYID LA RTAG TU MNYAM PAR 'JOG NUS KYANG DAG PA GNYIS LDAN GYI CHOS NYID LA RTAG TU MNYAM PAR 'JOG NUS PA MIN PA'I PHYIR RO, , RTAG TU MNYAM PAR BZHAG PA SANGS RGYAS KYI CHOS MA 'DRES PA MIN PAR THAL LO ZHE NA, DE YIN KYANG MNYAM PAR 'JOG NUS PA TZAM CHOS MA 'DRES PA YIN MI DGOS PA'I PHYIR RO SKYON MED DO, ,GSUM PA RNAM MKHYEN GYIS SANGS RGYAS KYI MNGON RTOGS BSDUS PA'I RGYU MTSAN LA GNYIS LAS, DRI BA NI, BCOM LDAN 'DAS ZHES SOGS, LAN NI, RAB 'BYOR RNAM PA NGO BO GANG DAG DANG, RTAGS 'BRAS BU GANG DAG DANG, MTSAN MA RGYU GANG DAG GIS CHOS RNAMS RAB TU BRJOD PA'I RNAM PA DE DAG DANG, RTAGS DE DAG DANG, MTSAN MA DE DAG DE BZHIN GSHEGS PA KHO NAS MNGON SUM DU THUGS SU CHUD DE DE'I PHYIR DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYI MNGON RTOGS NI RNAM PA THAMS CAD MKHYEN PA NYID KYIS BSDUS PA CES BYA'O, ,GNYIS PA BSDUS PA DANG RGYAS PA'I MDO DRANG BA NI, DE BZHIN MDOR BSDUS PA LAS KYANG NYAN THOS KYI SA LA SLOB PAR 'DOD PAS KYANG, ZHES BYA BA LA SOGS PA GSUNGS LA, RGYAS PA LAS KYANG RGYA CHER GSUNGS SO, ,GNYIS PA NI, DE LA THAMS CAD SHES PA NYID NI YUL GZUGS LA SOGS PA'I CHOS LA RNAM PA MI RTAG PA LA SOGS PA RTEN CAN

, ,'BRAS BU GANG ZAG GI BDAG TU RMONGS PA SPANGS PA CAN YIN NO, ,LAM SHES PA NYID NI THEG PA THAMS CAD KYI NGES PAR 'BYUNG BA SHES PA DANG, RANG DON DU DE KHO NA NYID MNGON DU MI BYED PA'I RTEN CAN GZHAN DON DU SEMS CAN MA SDUD PA SDUD PA LA SOGS PA BYED PA CAN YIN NO, ,RNAM PA THAMS CAD MKHYEN PA NYID NI CHOS THAMS CAD SKYE BA MED PAR RTOGS PA'I RTEN CAN 'BRAS BU NAM MKHA'I KHAMS KYI MTHAS GTUGS PAR SEMS CAN GYI DON RGYUN MI CHAD PA DANG, YANG DAG PA NYID KYI MTHA' RTAG TU MNYAM PAR BZHAG PA'I TSUL GYIS RTOGS PA DANG, MA RIG BAG CHAGS KYI SA DANG ZAG PA MED PA'I LAS KYIS YID KYI RANG BZHIN GYI LUS LEN PA'I MTSAMS SBYAR BA NYID SPANGS PA CAN YIN NO, ,GSUM PA NI, DE LTA BAS NA MNGON PAR RTOGS PA'I RGYAN NI GZHI DANG GNYEN PO DANG RNAM PA MTHA' DAG BSDUS PA DANG, MNGON PAR RTOGS PA RIL RDZOGS PAR BSTAN PA YIN NO ZHES BYA BA 'DI 'THAD PA YIN NO, ,GNYIS PA LA GSUM, MTSAMS SBYAR NI, SKYE BO BLO GROS DMAN PA DAG BCOM LDAN 'DAS RGYAS PA DANG, 'BRING DANG, MDOR BSDUS PA LA DAD PA'I SEMS CAN GSUM LA PHAN 'DOGS PAR BZHED PA'I THUGS RJE CAN NYID KYIS RGYAL BA'I YUM GSUM PO DE DANG DE LAS MNGON PAR RTOGS PA BRGYAD KYI RIM PA SHES RAB KYI PHA ROL TU PHYIN PA'I DON MTHA' DAG GSAL BAR MDZAD PA MIN NAM, BCOM LDAN 'DAS 'PHAGS PA MA RGYAL BA LAS RGYAL BAS YANG DE BSTAN PA LA DON CI ZHIG YOD SNYAM DU DOGS PA BSAL BA'I PHYIR RO DANG, BSTAN BCOS 'DI'I DGOS SOGS BZHI'I DON LA NGON 'GYUR THE TSOM SKYED PA NYID KYIS 'JUG PA'I YAN LAG RANG GI BSTAN BCOS KYI BRJOD PAR

BYA BA DANG, DGOS PA DANG, DGOS PA'I YANG DGOS PA DANG, 'BREL BA KHONG NA YOD PA RNAMS GSUNGS TE, 'DI LTAR, RTZA BA NI, BDE BLAG TU NI RTOGS PA ZHES BYA BA RGYAN RTZOM PA'I DGOS PA YIN NO, ,GANG RTOGS PA ZHE NA, RNAM PA THAMS CAD MKHYEN NYID LAM, ,STON PAS 'DI LAS BSHAD PA GANG, ,GZHAN GYIS MYONG BA MIN PA DE'O, ,RTOGS PA'I YANG DGOS PA NI, MTHONG 'GYUR PHYIR DU'O, ,SUS NA BLO DANG LDAN PAS SO, ,GANG NA CHOS SPYOD BCU'I BDAG NYID KYI MDO'I DON NO, ,GANG GI SGO NAS NI, DRAN PA LA BZHAG NAS SGOM PAS SO, 'BREL BA NI, RGYAN LAS DGOS PA KHYAD PAR CI YOD CE NA, GDUL BYA RNAMS KYIS BDE BLAG TU RTOGS PAR 'GYUR BA NI BSTAN BCOS RTZOM PA'I DGOS PA YIN NO, ,GANG RTOGS PA ZHE NA, SHER PHYIN GYI DON SMON PA BYANG CHUB KYI SEMS DANG NYAMS LEN BSGRUB PA LA SOGS PA'I MTSAN NYID DO, ,RTOGS PA LA YANG DGOS PA CI YOD CE NA, BSTAN BCOS KYI BRJOD BYA RNAM PA THAMS CAD MNGON SUM DU BYED PAR 'GYUR BA ZHES BYA BA DGOS PA'I YANG DGES PA'I CHED DU MNGON PAR 'DOD DO, ,MNGON DU BYA RGYU'I BRJOD BYA DE GANG ZHE NA, BCOM LDAN 'DAS CHO 'PHRUL RNAM PA GSUM GYIS 'GRO BA MTHA' DAG LA RJES SU STON PAR MDZAD PA DE NYID KYIS RGYAL BA'I YUM RNAM PA GSUM CHAR LAS BRJOD PAR BYA BA NYID DU BSTAN PA GANG YIN PA'O, ,DE YANG GANG ZHE NA, MNGON RTOGS BRGYAD YIN LA, DE YANG RNAM PA THAMS CAD MKHYEN PA NYID KYI CHOS BCU NI SANGS RGYAS NYID KYI LAM STE RTZE BAR DE GCIG PO SMOS PA NI DES MNGON PAR RTOGS PA GZHAN THAMS CAD NYE BAR MTSON PA LHUR LEN PA YIN NO, ,DE DAG SUS MNGON DU BYED NA PHYI ROL PA DANG CIG SHOS KYI 'DOD CHAGS DANG BRAL BA NYAN RANG LA SOGS PA CHOS THAMS CAD BDAG MED PA LA GOMS PA

, ,MA BYAS PA RNAMS KYIS THOS PA LAS BYUNG BA LA SOGS PA SHES PA'I RIM GYIS DNGOS SU MA MYANGS TE, RJOD PAR BYED PA YUM GSUM DANG BRJOD PAR BYA BA DE DAG THABS DANG THAB KYIS BSGRUB PAR BYA BA'I TSUL GYIS 'BREL PAR MDZAD PA'I PHYIR, KHYAB STE, NYAN RANG GIS SHIN TU RGYAS PA'I SDE SNOD LA THOS BSAM MI BYED PAS SO, ,DES NA BYANG CHUB SEMS DPA' RANG DANG GZHAN GYI DON PHUN SUM TSOGS PA BSGRUB PA CI LA YANG MA RAG PAR CHAS PA DAG KHO NAS MNGON DU BYED DO, ,TSUL JI LTAR NA, THOS BSAM GYIS NYAMS SU MYONG BA SHIN TU GSAL BAS BZHAG PA'I BAG CHAGS LAS BYUNG BA'I DRAN PA'I SHES PA LA SHES RAB KYI PHA ROL TU PHYIN PA'I MDO'I DON MA LUS PA MNGON PAR RTOGS PA BRGYAD KYI BDAG NYID BYANG CHUB KYI SEMS DANG SBYIN PA LA SOGS PA BSGRUB PA'I SPYOD PA LEGS PAR BZHAG NAS BSGOMS PAS CHOS KYI DBYINGS CHOS CAN, KUN TU 'GRO BA'I RTOGS PA'I MTSAN NYID PA RAB TU DGA' BA LA SOGS PA BCU RTOGS PA'I RIM PAS MNGON DU BYED PAR 'GYUR RO, ,RTZA BAR CHOS SPYOD BCU ZHES PA'I 'GREL PA SBYIN PA ZHES PA YIN PAS, 'DIR PHAR PHYIN BCU LA CHOS SPYOD BCU ZHES SHES PAR BYA'O, ,SNGA RABS PA DAG BYANG CHUB KYI SEMS DANG, ZHES PAS DANG PO SEMS BSKYED DANG, SBYIN SOGS KYIS THA MA SGRUB PA BSTAN PA'I SGO NAS, RNAM MKHYEN GYI CHOS BCU LA CHOS SPYOD BCUR BSHAD PA YIN NO ZER RO, ,GSUM PA 'JUG BYA BSTAN BCOS KYI RANG BZHIN BSHAD PA LA RGYAS PA LA DANG PO LA MNGON RTOGS BRGYAD DU DBYE, BAR MA LA DAD PA LA DRUG TU BSDU, BSDUS PA LA DAD PA LA GSUM DU BSDU PA'O, ,DANG PO LA BSDUS DON LUS RNAM GZHAG, TSIG DON YAN LAG RGYAS BSHAD GNYIS, DANG PO LA BZHI LAS,

MTSAMS SBYAR NI, DE LTAR 'GREL BA LA SOGS PAS BSNYAD NAS SHES RAB KYI PHA ROL TU PHYIN PA'I LUS RNAM PAR BZHAG PA GSUNGS SO, ,DGOS PA NI, NYAN PA PO GDUL BYA RNAMS KYIS BSTAN BCOS KYI DON BDE BLAG TU RTOGS PAR BYA BA'I PHYIR DANG, 'CHAD PA POS YAN LAG RGYAS BSHAD DU BSTAN BCOS KYI DON RNAM PAR DBYE BAR BYAS PA YANG GO RIM MA 'DZINGS PA NYID KYIS BSHAD PAR BYA SLA BAR GZIGS NAS DE'I PHYIR DU'O, ,GANG GIS JI LTAR NA, TSIG LE'UR BYAS PA BCO LNGAS MDO DANG RGYAS PAR BSTAN PA'O, ,GNYIS PA RTZA BA LA, LUS MDOR BSTAN PA DANG, RGYAS PAR BSHAD PA GNYIS, DANG PO NI, BSHAD BYA GZHUNG SHES RAB KYI PHA ROL TU PHYIN PA NI 'CHAD BYED DNGOS PO BRGYAD KYIS YAN LAG BSHAD DO, ,BRGYAD PO GANG ZHE NA, RNAM KUN CES PA NAS DE RNAMS BRGYAD, CES PA'I BAR RO, ,'DIR MTHA' DPYAD PA LA, SHER PHYIN GYI RNAM GZHAG, MKHYEN GSUM GYI RNAM GZHAG, DNGOS BRGYAD KYI GRANGS DANG GO RIM NGES PA'O, ,DANG PO LA, SHER PHYIN GYI MTSAN NYID, CHOS RAB TU RNAM 'BYED GANG ZHIG SRID ZHI'I PHA ROL TU PHYIN PA'AM PHYIN PAR BYED PA DE LA DBYE NA, GZHUNG LAM 'BRAS BU SHER PHYIN GSUM LAS, DANG PO NI, SHER PHYIN GYI GTZO BO 'BRAS BU SHER PHYIN, DE NYID YUL DANG BCAS PA RDZOGS PAR STON PA'AM, 'BRAS BU SHER PHYIN THOB PA'I THABS STON PA'I THEG CHEN GYI BSTAN BCOS TE, SHER PHYIN 'BUM PA LA SOGS PA'O, LAM SHER PHYIN NI, 'BRAS BU SHER PHYIN DE NYID THEG PA GZHAN GYIS PAR MA CHOD PAR 'THOB PA'I RGYUR GYUR PA'I LAM STE, THEG CHEN SLOB LAM RNAMS SO, ZHES GZHAN DAG 'CHAD LA, DE LTAR NA LAM SHER PHYIN DNGOS YIN NAM MIN SLA'I THEG CHEN SLOB LAM

, ,YIN NA, LAM SHER PHYIN MTSAN NYID PA YIN PAS KHYAB PAR 'GYUR LA, DE LTA NA SBYIN PA DANG TSUL KHRIMS LA SOGS PA'I LAM YIN NA LAM SHER PHYIN YIN PAS KHYAB PAR 'GYUR BA'I PHYIR, SBYIN PA YIN NA SHER PHYIN YIN PAS KHYAB PAR THAL LO, ,DE BAS NA THEG CHEN GYI BSTAN BCOS YIN KYANG BSOD NAMS KYI TSOGS DANG 'BREL BA TZAM ZHIG STON PA RNAMS NI GZHUNG SHER PHYIN MIN LA, YE SHES KYI TSOGS KYI DBANG DU BYAS PA'I THEG CHEN GYI BSTAN BCOS KHO NA GZHUNG SHER PHYIN YIN NO, ,GZHAN DU NA THEG CHEN GYI MDO YIN NA, SHER PHYIN GYI MDO YIN PAS KHYAB PAR THAL LO, ,DE BZHIN DU YE SHES KYI TSOGS SU GTOGS PA'I THEG CHEN GYI LAM DAG LAM SHER PHYIN YIN GYI BSOD NAMS KYI TSOGS TZAM DU GYUR PA'I THEG CHEN GYI LAM DAG LAM SHER PHYIN MIN NO, ,DE LA NI SLOB LAM YIN PAS KYANG MA KHYAB STE, BDAG MED RTOGS PA'I SHES RAB NYID LAM SHER PHYIN YIN KYANG SLOB LAM DANG MI SLOB LAM GANG YANG MIN PA'I PHYIR RO, ,GAL TE DE LAM SHER PHYIN MIN NA, 'BRAS BU SHER PHYIN THOB PA'I THABS SU GYUR PA'I LAM, DE'I MTSAN NYID DU SMRAS PA DANG 'GAL LO, ,SANGS RGYAS KYI SA'I LAM BDEN YANG LAM SHER PHYIN YIN LA, NGES NA LAM SHER PHYIN DANG 'BRAS BU SHER PHYIN 'GAL BA MIN NO, ,'BRAS BU SHER PHYIN NI, SANGS RGYAS KYI YE SHES SO, ,'DI DAG LAS, GZHUNG SHER PHYIN YIN NA SHER PHYIN DANGS MIN PAS KHYAB STE, SHES PAR 'GAL PA'I PHYIR RO, ,DES NA DE LA SHER PHYIN DU 'DOGS PA'I RGYU NI NGE BRJOD BYAR STON PAS SO, ,DGOS PA NI, DE RGYUD LA SKYED PAR 'DOD PAS 'DI LA THOS BSAM BYED DGOS PAR SHES PA'I CHED DU'O, ,'BRAS BU SHER PHYIN YIN NA SHER PHYIN DNGOS YIN PAS KHYAB CING, THEG CHEN 'PHAGS PA'I RGYUD KYI LAM

SHER PHYIN NI, SHER PHYIN DNGOS YIN LA GAL TE SLOB LAM NA SHER PHYIN MTSAN NYID PA MED NA PHAR PHYIN GZHAN RNAMS KYANG MED PAR 'GYUR PAS, PHA ROL TU PHYIN PA DRUG NYAMS SU LEN PA'I BYANG SEMS MI SRID PAR THAL BA DANG, RANG NYID KYIS PHAR PHYIN DRUG LDAN DU NYAMS SU LEN PA'I LAM DANG, SGRUB PA DANG SBYOR BA'I RNAM GZHAG DU MA ZHIG SMRAS PA THAMS CAD DANG KHAS BLANGS NANG 'GAL BA DANG, MDO LAS, SHES RAB KYI PHA ROL TU PHYIN PA LA SLOB PA'I RNAM PAR BZHAG PA MTHA' YAS PA ZHIG GSUNGS PA DANG 'GAL BAR 'GYUR BA SOGS NYES PA SHIN TU CHEN PO DANG MANG PO DAG TU 'GYUR RO, ,'O NA SLOB DPON GYIS SANGS RGYAS BCOM LDAN 'DAS KYI GNYIS SU MED PA'I YE SHES SGYU MA LTA BU NI DNGOS YIN LA, DE THOB PA DANG RJES SU MTHUN PA NYID KYIS NA TSIG DANG NGAG GI TSOGS KYI GZHUNG DANG, MTHONG BA LA SOGS PA'I MTSAN NYID CAN GYI LAM LA YANG SHER PHYIN ZHES BYA BA NI BTAGS PA'O ZHES GSUNGS PA JI LTAR DRANG ZHE NA, BRGYAD STONG DON BSDU'I SHES RAB PHA ROL PHYIN GNYIS MED CES SOGS KYI 'GREL PAR SLOB DPON DPA' BOS, GTZO BO LAS DBANG DU BYAS PA'O ZHES GSUNGS PA LTAR SANGS RGYAS KYI GNYIS SU MED PA'I YE SHES NI GTZO BO'I SHER PHYIN DNGOS YIN LA GZHUNG LAM LA YANG GTZO BO'I SHER PHYIN GYI SGRAS BTAGS NAS BSTAN PA YIN PAS GNOD PA CI YANG MED DO, ,GNYIS PA MKHYEN GSUM GYI RNAM GZHAG LA, GZHAN LUGS DGAG PA NI, KHA CIG NA RE, GZHI SHES YIN NA NYAN RANG 'PHAGS PA KHO NA DANG, LAM SHES YIN NA BYANG 'PHAGS KHO NA'I RGYUD LA YOD PAS KHYAB CES SMRA BA MI 'THAD DE, SKABS GSUM PA'I BRJOD BYA'I GTZO BO YIN NA, BYANG SEMS KYI RGYUD LA MED PAS, KHYAB PAR THAL LO, ,DE

, ,'DOD NA, MNGON RTOGS BRGYAD KA BYANG SEMS KYIS THOS BSAM GYIS DRAN PA LA BZHAG NAS BSGOM BYUNG GIS MNGON DU BYED PAR DGONGS 'GREL GYI 'GREL PAR BSHAD PA DANG 'GAL BA'I PHYIR DANG, RNAM PA THAMS CAD MKHYEN PA NYID DANG, DANG ZHES BYA BA'I SGRAS BSDUS PA LAM SHES PA NYID LA SOGS PA SNGAR BSHAD PA DAG KYANG YIN TE, ZHES SANGS RGYAS LA LAM SHES GZHI SHES GNYIS KA YOD PAR BSHAD PA DANG 'GAL BA'I PHYIR RO, ,KHA CIG GZHI SHES YIN NA, NYAN RANG GI RTOGS RIGS DANG, LAM SHES YIN NA BYANG SEMS KYI RTOGS RIGS DANG, RNAM MKHYEN YIN NA SANGS RGYAS KYI RTOGS RIGS YIN PAS KHYAB PAR SMRAS NAS GZHI SHES KYI MTSAN NYID, GZHI BDAG MED PAR MNGON SUM DU RTOGS PA'I YE SHES LAM SHES KYI MTSAN NYID, LAM GSUM RANG BZHIN MED PAR MNGON SUM DU RTOGS PA'I YE SHES ZHES SMRA BA NI 'GAL TE, RNAM MKHYEN CHOS CAN, GZHI SHES YIN PAR THAL, MTSAN NYID DE'I PHYIR, RTAGS GRUB STE, GZHI GRUB NA KHYOD KYIS RANG BZHIN MED PAR MNGON SUM DU RTOGS PAS KHYAB PA'I PHYIR, 'DOD NA, NYAN RANG GI RTOGS RIGS YIN PAR THAL, DE'I PHYIR, 'KHOR GSUM MO, SANGS RGYAS BYANG SEMS KYI RTOGS RIGS DANG, NYAN RANG GI RTOGS RIGS MI 'GAL NA, THEG CHEN GYI RTOGS RIGS DANG, THEG DMAN GYI RTOGS RIGS MI 'GAL BAR THAL LO, ,YANG BYANG SEMS DANG SANGS RGYAS KYI THUGS RGYUD KYI GANG ZAG GI BDAG MED RTOGS PA'I LAM YIN NA, NYAN THOS KYI LAM YIN PAS KHYAB CES BZHED PA'ANG 'THAD PAR MI SEMS TE, SDUG BSNGAL SPANGS PA'I MYA

NGAN LAS 'DAS TE GANG ZAG SU'I RGYUD LA YOD KYANG NYAN THOS KYI MYANG 'DAS YIN PAS KHYAB PAR THAL BA'I PHYIR DANG, NYON MONGS 'GAGS PA'I 'GOG PA DE YIN NA, NYAN THOS KYI 'GOG PA YIN PAS KHYAB PAR THAL BA'I PHYIR DANG, THEG CHEN 'PHAGS PA'I THUGS RGYUD LA NYAN THOS KYI THEG PA YOD PAR THAL BA'I PHYIR RO, ,KHA CIG DE DAG GI RTOGS RIGS YIN PAS KHYAB CES SMRA BA LA'ANG, RIGS SU THAL, ZHES PA'I SGO NAS NYES PA KUN MTSUNGS SO, ,RANG LUGS NI, RNAM MKHYEN GYI MTSAN NYID, RNAM RTAGS MTSAN MA MA LUS PAS BSDUS PA'I CHOS THAMS CAD MKHYEN PA'I YE SHES MTHAR THUG, SA MTSAMS NI RDZOGS PA'I SANGS RGYAS KHO NA'I THUGS RGYUD LA YOD DO, ,SANGS RGYAS KYI JI LTA BA MKHYEN PA'I YE SHES DANG, THA SNYAD PA MKHYEN PA'I YE SHES GNYIS NI RNAM MKHYEN MIN TE, GAL TE DE DAG YIN NA RNAM MKHYEN YIN DGOS NA, DNGOS PO YIN NA DON DAM YIN PAS KHYAB PAR THAL, DE YIN NA DON DAM DPYOD BYED KYI MNGON SUM TSAD MA'I DNGOS KYI GZHAL BYA YIN PAS KHYAB PA'I PHYIR, MA GRUB NA SANGS RGYAS KYI JI LTA BA MKHYEN PA'I YE SHES YIN NA RNAM MKHYEN YIN PAS KHYAB PA BUD, DES NA RNAM MKHYEN GYIS KYANG JI LTA BA MKHYEN LA, JI LTA BA MKHYEN PA'I YE SHES MIN NO, ,DE MI 'GAL LAM ZHE NA, 'O NA LAM SHES NA, LAM SHES YIN PAS KHYAB PAR THAL ZHING, SNGON PO 'DZIN PA'I MIG SHES YIN NA SNGO 'DZIN MIG SHES YIN PAS KHYAB PAR THAL, DE 'DOD NA, KHRA 'DZIN MIG SHES KYANG DER THAL LO, ,BRJOD PAR BYA BA MANG YANG RE SHIG BZHAG GO, LAM SHES KYI MTSAN NYID RANG BZHIN MED PAR MNGON SUM DU RTOGS PA'I SHES RAB KYI

, ,DNGOS SU ZIN PA'I SGO NAS LAM GSUM GANG YANG RUNG BA'I MTSAN NYID LA MYONG STOBS KYI SGRO 'DOGS CHOD PAS RAB TU PHYE BA'I MKHYEN PA, DBYE NA GSUM LAS, NYAN THOS KYI LAM SHES PA'I LAM SHES KYI MTSAN NYID DANG, RANG SANGS RGYAS DANG, BYANG SEMS KYI LAM SHES PA'I LAM SHES KYI MTSAN NYID KYANG SNGA MAS RIGS BSGRE'O, ,SA MTSAMS NI, BYANG SEMS 'PHAGS PA THAMS CAD KYI MNYAM GZHAG DANG, SANGS RGYAS LA YOD DO, ,GZHI SHES KYI MTSAN NYID, GZHI PHUNG SOGS LA BTAGS PA'I GANG ZAG RANG SKYA THUB PA'I RDZAS SU MED PA TZAM DANG, GZUNG BA BDEN MED TZAM GANG RUNG MNGON SUM DU RTOGS PAS PHYE BA'I MKHYEN PA, SA MTSAMS THEG PA GSUM GA'I 'PHAGS PA'I RGYUD LA YOD DO, DE YANG GANG ZAG GI BDAG MED TZAM RTOGS PA'I YE SHES NI NYAN THOS KYI LAM YIN TE, NYAN THOS KYI MYANG 'DAS DNGOS SU THOB BYED KYI LAM YIN PA'I PHYIR RO, ,DE YIN NA DES MA KHYAB PAS, BYANG SEMS 'PHAGS PA'I RGYUD KYI GANG ZAG GI BDAG MED TZAM MNGON SUM DU RTOGS PA'I YE SHES NI NYAN THOS KYI LAM MIN LA, GANG ZAG GI BDAG MED TZAM MNGON SUM DU RTOGS PA'I YE SHES NYAN THOS KYI LAM YIN ZHING, DE BYANG SEMS 'PHAGS PA'I RGYUD LA YOD KYANG, BYANG SEMS 'PHAGS PA'I RGYUD LA NYAN THOS KYI LAM YOD MI DGOS SO, ,DES NA YE SHES DE NYAN THOS KYI LAM YIN CING, DE BYANG SEMS LA YANG YOD PA SOGS LA DGONGS NAS, NYAN THOS KYI LAM GANG YIN PA DANG, ZHES SOGS DANG, THEG PA GSUM CHAR 'THOB PA'I RGYU ZHES SOGS GSUNGS PA YIN GYI, BYANG SEMS KYI RGYUD LA YOD PA'I YE SHES DE DAG NYAN THOS KYI LAM YIN PA SOGS LA DGONGS NAS, DE LTAR GSUNGS PA MIN LA, DE YANG NYAN THOS KYI LAM GANG ZAG GI BDAG MED TZAM RTOGS PA'I

YE SHES DE BYANG 'PHAGS LA YANG YOD CING, THEG CHEN SBYOR LAM GYIS DE'I RGYU'ANG BYED CES SOGS SU SHES PAR BYA'O, ,DPER NA, BUM PA'I KHYAB BYED DNGOS PO TZAM GYIS KA BA LA'ANG KHYAB KYANG KA BA'I DNGOS PO BUM PA LA KHYAB MI DGOS PA LTA BU'O, ,DE LA BYANG SEMS 'PHAGS PA'I RGYUD KYI GANG ZAG GI BDAG MED TZAM RTOGS PA'I MKHYEN PA NI GZHI SHES YIN GYI LAM SHES MIN LA, CHOS BDAG MED PAR MNGON SUM GYIS RTOGS PA'I SHES RAB KYIS DNGOS SU ZIN PA'I SGO NAS GANG ZAG GI BDAG MED MNGON DU RTOGS PA'I YE SHES DE NYID KYI MTSAN NYID JI LTA BA BZHIN DU RANG RGYUD LA MYONG BA'I YE SHES NI NYAN THOS KYI LAM SHES PA'I LAM SHES YIN GYI GZHI SHES MIN NO, ,'DIS GANG ZAG GI BDAG MED TZAM RTOGS PA'I YE SHES KYI MTSAN NYID LA MYONG STOBS KYI SGRO 'DOGS CHOD PA'I PHYIR, NYAN THOS KYI LAM TZAM GYI MTSAN NYID LA SGRO 'DOGS CHOD PA YIN NO, ,'DIS LAS GZHAN RNAMS LA'ANG RIGS BSGRE STE SHES PAR BYA LA, DE'I PHYIR BYANG SEMS 'PHAGS PA'I RGYUD LA LAM SHES GZHI SHES GNYIS KA YOD KYANG, DE GNYIS PHAN TSUN GCIG YIN NA GCIG YIN PAR 'GAL LO, ,'DIS SANGS RGYAS KYI SAR YANG RIGS BSGRE'O, ,KHA CIG NYAN THOS KYI LAM SHES PA'I LAM SHES KYIS NYAN THOS KYI LAM SHES TSUL CHOS KYI SPYAN GYIS 'PHAGS PA'I GANG ZAG THAMS CAD KYI RTOGS PA MNGON SUM DU 'BYED PAR GSUNGS PAS DE'I SGO NAS SHES SO ZHES ZER RO, ,'DI NI MI 'THAD DE, DE LTA BU'I CHOS KYI SPYAN NI KUN RDZOB TZAM DU DNGOS SU SPYOD PA'I BLO YIN PA'I PHYIR, BYANG SEMS 'PHAGS PA CHOS NYID LAM NYAMS PAR BZHAG PA'I TSE NA MED PAS KHYAB LA,

, ,DE'I PHYIR, DE'I TSE NA NYAN THOS DANG RANG SANGS RGYAS KYI LAM SHES PA'I LAM SHES MED PAS KHYAB PAR THAL LO, ,KHO RANG KUN RDZOB TZAM SPYOD PA'I BLO YIN KYANG RANG BZHIN MED RTOGS KYI SHES RAB KYIS ZIN PA'I SGO NAS DE'I TSE'ANG YOD PAR MI 'GAL LO ZHE NA, 'O NA DES ZIN PA'I SGO NAS DE'I GZUGS 'DZIN MIG SHES SOGS DBANG SHES THAMS CAD YOD DO, ZHES SMRA BA CIS 'GOG SOMS SHIG, KHA CIG TSOGS SBYOR BA SO SKYE LA YANG GZHI SHES LAM SHES DNGOS YOD PAR SMRA BA MI 'THAD DE, MDO LAS, THAMS CAD SHES PA NYID LA SHES PA DANG MTHONG BAS BLTAS NAS 'DA', ZHES PA'I 'GREL PAR, 'PHAGS PAS RJES SU DPAG PA'I SHES PA BSAL BA'I DON DU MTHONG BA SMOS LA, 'KHRUL PA'I MTHONG BA BSAL BA'I DON DU SHES PA SMOS SO, ZHES BSHAD PA DANG 'GAL BA'I PHYIR DANG, LAM GSUM DON SPYI'I TSUL GYIS SHES PAS LAM SHES KYI GO CHOD NA, TSOGS SBYOR NA RNAM MKHYEN YANG YOD PAR THAL BA'I PHYIR RO, ,MDOR BSDUS PA TZAM ZHIG BKOD PA YIN LA, MKHYEN PA GSUM GYI RNAM PAR BZHAG PA KHO BO 'BA' ZHIG GI LEGS PAR BSHAD PA YIN NO, ,GSUM PA DNGOS BRGYAD KYI GRANGS DANG GO RIMS NGES PA NI, CI'I PHYIR MNGON RTOGS BRGYAD DU GRANGS NGES ZHE NA, THEG CHEN GYI RIGS CAN RTEN GYI GANG ZAG GCIG 'TSANG RGYA BA'I CHA RKYEN GYI DBANG DU BYAS NAS BRGYAD DU GRANGS NGES TE 'DI LTAR SHES PAR BYA BA'I YUL LA, 'BRAS BU MTHAR THUG RNAM MKHYEN DANG, DE'I RGYU LAM SHES DANG, LAM SHES KYI YAN LAG GZHI SHES RNAMS SU GRANGS NGES SHING, DE NYID SGOM BYUNG GIS NYAMS SU LEN PA'I SBYOR BA LA MKHYEN GSUM GYI RTOGS PA DBANG DU

BYED PA RGYU 'BRAS DANG, DBANG THEB NAS BRTAN PA THOB PAR BYED PA RGYU 'BRAS GNYIS SU NGES PAS SBYOR BA BZHIR GRANGS NGES LA, THOB BYA'I 'BRAS BU LA SKU BZHI 'PHRIN LAS DANG BCAS PAR GRANGS NGES PA'I PHYIR RO, ,GO RIM NI, SKABS RANG RANG GI MTSAMS SBYOR LAS SHES PAR 'GYUR ZHING, LUS RNAM PAR BZHAG PA DAG GI TSIG DON NI, YAN LAG RGYAS BSHAD DAG BSHAD PAS BSHAD PAR 'GYUR BA DANG, SHIN TU MDOR BSDU BAR 'DOD PA'I PHYIR 'DIR MA BRIS LA, THUB PA'I RNAM KUN MKHYEN PA NYID DO, CES PA NI, CHOS BCU PO 'DI MNGON SUM DU RTOGS PA MTHAR THUG PA'I YE SHES NI RNAM MKHYEN YIN NO, ZHES YUL GYIS YUL CAN MTSON PA'I SGO NAS BSTAN PA'I RNAM MKHYEN DE NYID RTEN THUB PA RDZOGS PA'I SANGS RGYAS KYI RTOGS PA YIN NO, ZHES DANG, NYAN THOS LA SOGS MA MTHONG BA'I LAM ZHES PA'ANG 'GYUR RNYING LAS, MTHONG LAM NYAN THOS LA SOGS PA'I ZHES PA LTAR RTEN GYI GANG ZAG NGOS GZUNG BA YIN NO, ,GSUM PA BSDUS TE BSHAD PA NI, DE LA TSIG LE'UR BYAS PA DANG PO GNYIS KYI NI CHOS CAN YUM GYI LUS MDOR BSTAN PA YIN TE, , DNGOS PO BRGYAD KYI RKANG GRANGS TZAM BSTAN NAS BSTAN PA'I PHYIR RO, ,TSIG LE'UR BYAS PA LHAG MA BCU GSUM GYIS CHOS CAN, DE DAG NYID KYI DON BSDUS NAS RGYAS PAR BSHAD DE, DON BDUN CU'I RKANG GRANGS TZAM BSTAN PA'I PHYIR, DE LTAR BSDUS PA DANG RGYAS PAR BSHAD PA'I PHYIR LEGS PAR BSHAD PA YIN NO, ,BZHI PA RGYAS PAR MA BKROL BA'I RGYU MTSAN NI, BSDUS PA'I DON GYI TSIG LE'UR BYAS PA RNAMS NI BSTAN BCOS MDZAD PA NYID KYIS SEMS BSKYED PA NI GZHAN DON PHYIR, ZHES BYA BA LA SOGS

, ,PA 'CHAD PAR 'GYUR BA'I YAN LAG RGYAS BSHAD KYI BSTAN BCOS MTHA' DAG GIS 'CHAD PAS DE DAG RNAM PAR BSHAD PAS 'DI DAG KYANG BSHAD PAR BSAMS TE, 'DIR YANG BSHAD NA ZLOS BA'I NYES PAR 'GYUR DU DOGS NAS RNAM PAR MA BKROL LO, ,GNYIS PA TSIG DON YAN LAG RGYAS BSHAD LA, GTAN LA DBAB BYA MKHYEN PA GSUM, ,NYAMS SU BLANG BYA SBYOR BA BZHI, THOB BYA CHOS SKU'O, ,DANG PO LA 'BRAS BU RNAM MKHYEN, DE'I RGYU LAM SHES, DE'I SHES BYA NYAN THOS KYI LA GZHI SHES BSHAD PA'O, ,DANG PO LA 'GEL YA DGOD, CHOS BCU BSHAD, SKABS BSDU BA'O, ,DANG PO NI, DE LTAR BSDUS PA'I DON KUN BSTAN NAS DNGOS BRGYAD KYI DANG POR RNAM PA THAMS CAD MKHYEN PA NYID SDUD PA'I TSIG LE'UR BAYS PA RNAM PAR BSHAD PA'I SGO NAS BSHAD PAR BZHED DO, ,DANG POR 'CHAD PA'I RGYU MTSAN, BYANG CHUB SEMS DPA' BYANG CHUB RJES SU THOB PAR 'DOD PAS RNAM PA THAMS CAD MKHYEN PA NYID THOB PAR BYA DGOS SO, ,DE'I RGYU MTSAN, DE DES DON DU GNYER BYA'I 'BRAS BU MTHAR THUG YIN PAS SO, ,GNYIS PA LA BSAM PA SEMS BSKYED, DE NAS GDAMS NGAG NOD TSUL, DE NAS DE DON NYAMS SU BLANGS PA LAS RTOGS PA SKYE BA'I RIM PA BSHAD PA'O, ,DANG PO LA GNYIS LAS, SPYI'I DON LA, NGO BO, MTSAN NYID DBYE BA, SA MTSAMS SO, DANG PO NI, 'PHAGS PA THOGS MED SKU MCHED LTAR NA, SEMS BSKYED PA BYED PAS SEMS BSKYED, CES SGRA BSHAD NAS, SEMS BSKYED KYI NGO BO, SEMS BYUNG DU BZHED LA, DE'I PHYIR BYANG SA LAS, BYANG CHUB SEMS DPA'I SMON LAM GYI MCHOG NI SEMS BSKYED PA STE, ZHES DANG

DBYIG GNYEN GYIS DON GNYIS LA DMIGS PA'I SEMS DPA' NI SEMS BSKYED PA'O, ZHES SOGS SO, ,'PHAGS SENG LTAR NA, SEMS BSKYED CES PA'I SGRA BSHAD TSUL SEMS KYANG YIN LA, BSKYED PA YANG YIN PAS SEMS BSKYED CES BYAS NAS SEMS BSKYED YIN NA GTZO BO SEMS YIN DGOS PAR BZHED LA, DE YANG YID SHES DGE BA ZHIG LA BZHED DE, 'PHAGS PAS SEMS BSKYED PA ZHES BYA BA LA, SEMS NI RNAM PAR SHES PA STE RNAM PAR RIG PA'O, ,RNAM PAR RIG PA DE YANG GANG ZHE NA, YID KYI RNAM PAR SHES PA STE, DKAR PO'I CHOS THAMS CAD LA DMIGS PA NI DE LA SRID PA'I PHYIR RO, ZHES SOGS SO, ,GNYIS PA MTSAN NYID NI, GZHAN DON 'DOD PAS KUN NAS BSLANG ZHING RDZOGS PA'I BYANG CHUB 'DOD PA GROGS SU LDAN PA'I GTZO BO YID SHES, GSUM PA DBYE BA LA, NGO BO'I SGO NAS DBYE NA, SMON PA SEMS BSKYED, 'JUG PA SEMS BSKYED GNYIS SO, ,'DI GNYIS KYI KHYAD PAR LA, KHA CIG CHOGS BLANGS MA BLANGS ZHES 'DOD PA MI 'THAD DE, TSAD LDAN DU MAS SMON SEMS LEN PA'I CHO GA BSHAD PA LA CO 'DRI BA'I PHYIR RO, ,KHA CIG SO SKYE DANG, 'PHAGS PA'I RGYUD LA 'CHAD PA MI 'THAD DE, TSOGS SBYOR NA LAM LA 'GRO BZHIN PA LTA BU'I SEMS BSKYED MED PAR THAL BA'I PHYIR RO, ,KHA CIG NYER GNYIS KYI DANG PO GSUM DANG, THA MA BCU DGU LA BYAS NAS, DANG PO GSUM TSOGS LAM KHO NA NA YOD PAR 'DOD PA MI 'THAD DE, RDZOGS PA'I BYANG CHUB 'DOD PA'I 'DUN PA SANGS MA RGYAS PAR YOD PAS DE DANG MTSUNGS LDAN GYI SEMS BSKYED KYANG DE DAG PAR DU YOD DGOS PA'I PHYIR RO, ,KHA CIG 'BRAS BU BYANG CHUB KHO NA LA DMIGS PA

, ,DANG, RGYU PHYIN DRUG TZAM LA DMIGS PA CES 'DOD PA MI 'THAD DE, 'JUG PA SEMS BSKYED LA YANG DAG RDZOGS PA'I BYANG CHUB 'DOD, CES PAS BSHAD PA'I MTSAN NYID MA TSANG BAR THAL BA'I PHYIR RO, ,KHA CIG 'DI GNYIS NI GROGS BSLAB PAS ZIN MA ZIN KHO NAS PHYE BA YIN PA DANG, YANG DE GNYIS 'GAL BAR KHAS BLANGS NAS SEMS BSKYED KYI BSLAB BYA 'CHAD PA NA, SMON SEMS KYI BSLAB BYA DANG, 'JUG SEMS KYI BSLAB BYA ZHES 'CHAD PA NI DNGOS SU 'GAL BA YIN NO, ,RANG LUGS NI, THEG CHEN SEMS BSKYED GANG LAM LA SLOB PA'I BYA BAS MA ZIN PA NI SMON SEMS KHO NA YIN LA, DE GANG DES ZIN PA NI 'JUG SEMS YIN CING, SMON 'JUG 'GAL BA MIN NO, ,SEMS BSKYED KYI DBYE TSUL GZHAN NI MDOR BSDU BAR 'DOD PAS MA BRIS SO, ,BZHI PAS MTSAMS NI, SMON SEMS LAM DU MA ZHUGS PA LA YOD DE, DANG POR RDZOGS PA'I BYANG CHUB LA THOB 'DOD MA SKYES NA, THEG CHEN GYI LAM LA YANG SLOB PAR MI 'GYUR BA'I PHYIR RO, ,YA MTHA' NI SA BCU BA'O, ,RDZOGS PA'I SANGS RGYAS KYI SA NA SEMS BSKYED MED DE, RANG NYID KYIS GZHAN DON DU SANGS RGYAS THOB PAR 'DOD PA DANG, DE'I CHED DU LAM LA SLOB PA GANG YANG MED PA'I PHYIR RO, ,CI STE THEG CHEN 'PHAGS PA'I MNYAM GZHAG RNAM PAR MI RTOG PA'I YE SHES DAG DON DAM SEMS BSKYED YIN PAS, RDZOGS PA'I SANGS RGYAS LA YANG SEMS BSKYED YOD DGOS SO ZHE NA, DE LTA NA THEG CHEN 'PHAGS PA CHOS NYID LA MNYAM PAR BZHAG PA'I TING NGE 'DZIN DANG, SHES RAB GNYIS KA THEG CHEN SEMS BSKYED DU KHAS BLANGS DGOS PAS, SEMS BSKYED YIN NA GTZO BO SEMS YIN

DGOS PA NYAMS PAR 'GYUR RO, ,DA NI KUN RDZOB SEMS BSKYED KYI DBANG DU BYAS PA'O, ZHE NA DON DAM SEMS BSKYED YIN NA, GTZO BO SEMS YIN MI DGOS SHING, KUN RDZOB SEMS BSKYED YIN NA, DE YIN DGOS PA'I KHYAD PAR TSIG LA DGA' BA KHYOD KYIS SMROS SHIG, DES NA THOGS MED SKU MCHED DANG DPAL LDAN ZLA BA SOGS KYIS DON DAM SEMS BSKYED BSHAD KYANG, 'PHAGS SENG GI GZHUNG GANG LAS KYANG, DON DAM SEMS BSKYED CES PA LAN CIG MA BSHAD DO, ,'O NA SEMS BSKYED NYER GNYIS KYI THA MA GSUM SANGS RGYAS SA LA BSHAD PA CI ZHE NA, DE NI 'OG TU BSTAN PAR BYA'O, ,GNYIS PA YANG LAG GI DON LA, MTSAN NYID, DMIGS YUL, DBYE BA, SA MTSAMS SO, DANG PO LA DNGOS DANG, RTZOD SPANG GNYIS, DANG PO LA MTSAMS SBYAR NI, SEMS BSKYED PA RANG GI NGO BO DMIGS PA DANG BCAS PA STON NO, RTZA BA NI, SEMS BSKYED PA NI CES PA MTSON PA DANG LHAG MAS MTSAN NYID BSTAN NO, ,'GREL BA NI, RANG NYID SANGS RGYAS SU GRUB NAS GZHAN GYI DON GYI PHYIR BSKAL PA JI LTA BA BZHIN DU 'BAD PAR BYA'O SNYAM PA'I DGOS PA RGYUR LDAN ZHING, GZHAN GYI DON DU YANG DAG PAR RDZOGS PA'I BYANG CHUB 'DOD PA GROGS SU LDAN PA'I YID SHES NI THEG CHEN GYI SEMS BSKYED PA'I MTSAN NYID DBYE NA, SMON PA DANG 'JUG PA'I NGO BO NYID RNAM PA GNYIS SO, ,GNYIS PA LA, RTZOD YUL NI, RTZA BA'I SGRAS ZIN NO, ,DE YANG SEMS BYUNG YIN NA GTZO BO SEMS YIN PAR 'GAL BAS 'DOD PA SEMS BSKYED KYI MTSAN NYID DU SMOS PA MI 'THAD SNYAM PA STE, 'DI LA SEMS SEMS BYUNG RDZAS THA DAD DU 'DOD MI DGOS SO, ,RTZOD TSUL NI, YANG DAG PAR RDZOGS PA'I BYANG CHUB 'DOD PA NYID NI DE DON DU GNYER BA DGE BA'I CHOS LA 'DUN PA SEMS

, ,LAS BYUNG BA YIN LA, SEMS BSKYED PA NI SEMS YUL KHYAD PAR DU 'PHAGS PA SNANG BA CAN 'BYUNG BA MIN NAM, JI LTAR NA GZHAN DON DU BYANG CHUB 'DOD PA DE SEMS BSKYED PA'I MTSAN NYID YIN PAR 'GYUR ZHE NA, DE'I LAN BSTAN PA NI, SEMS BSKYED YIN NA SEMS BYUNG YIN PA BDEN MOD KYI 'ON KYANG RTZA TSIG 'DIR SEMS BSKYED LA 'DOD PA'I MING GIS TE BRDAR BTAGS PA LA BRTEN PA YIN PAS NYES PA MED DO, ,'DOD PA'I CHOS GSUM GANG ZHE NA, 'DOD PA LA GNYIS TE, 'DI LTAR SEMS CAN SDUG BSNGAL BA LA MI BZOD PA'I SNYING RJE CHEN PO LAS SEMS CAN MTHA' DAG SDUG BSNGAL LAS BSGRAL BAR BYA'O SNYAM PA'I GZHAN DON BYED 'DOD PA 'BYUNG NGO, ,DE LTAR 'DOD PA NA SANGS RGYAS LAS GZHAN LA DE'I NUS PA MED PAR MTHONG NAS RDZOGS PA'I BYANG CHUB THOB PAR 'DOD PA 'BYUNG LA, DE DANG MTSUNGS LDAN GYI YID SHES NI SEMS BSKYED YIN PAS DE'I PHYIR, GZHAN DON 'DOD PA'I 'DOD PA SEMS BSKYED KYI RGYU DANG, BYANG CHUB 'DOD PA'I 'DOD PA GROGS SU 'GYUR BA YIN ZHING, DE LTAR 'DOD PA LA GNYIS YOD PAS, LAN GYI SKABS SU YANG TSUL GNYIS 'BYUNG BA YIN NO, t'IKA BYED GANG DAG 'DOD PA GCIG BYAS NAS, DE'I MING GIS SEMS BSKYED LA BTAGS TSUL GNYIS BYED PA DAG LA 'DOD PA DE SEMS BSKYED KYI RGYU DANG, GROGS GNYIS KA YIN PAR KHAS LEN DGOS PA'I PHYIR, DE GNYIS DUS MNYAM PA'ANG YIN, MI MNYAM PA'ANG YIN CES DNGOS 'GAL KHAS LEN DGOS PAR 'GYUR RO, ,DES NA 'DOD PA CES PA GZHAN DON 'DOD PA LA BYAS PA'I BTAGS TSUL 'CHAD PA NI, RTZA TSIG 'DIR CHOS CAN, GZHAN DON 'DOD PA'I MING GIS SEMS BSKYED LA 'DOGS PA'I RGYU MTSAN YOD DE, DGE BA'I CHOS GZHAN DON LA 'DUN PA'I

RGYU MTSAN NYID DE DON DU GNYER BA YOD NA BYANG CHUB KYI SEMS BSKYED PA'I RGYUS 'BRAS BU BSTAN PA'I SGO NAS DE LTAR BTAGS PA'I PHYIR, DE LA DGOS PA YOD DE, DE LTAR GZHAN DON DON DU GNYER BA'I BYANG CHUB SEMS DPA' DGE BA'I CHOS MTHA' DAG 'PHEL BAR 'GYUR RO ZHES SHES PAR BYA BA'I PHYIR DU BTAGS PA YIN PA'I PHYIR, LAN GYI RNAM PA GCIG TU NI 'DOD PA CES PA BYANG CHUB 'DOD PA LA BYAS NAS CHOS CAN BYANG CHUB 'DOD PA'I MING GIS SEMS BSKYED LA BTAGS PA'I RGYU MTSAN YOD DE, SKABS 'DI'I SMON LAM NI DON DU GNYER BA STE YANG DAG PAR RDZOGS PA'I BYANG CHUB 'DOD PA NYID YIN LA, DE DANG LHAN CIG SPYOD PA'I RGYU MTSAN GYIS SEMS BSKYED PA LA DE'I SGRAR BSTAN PA YIN PA'I PHYIR, DE LA DGOS PA YOD DE, DE LTAR NA BYANG CHUB SEMS DPA' RNAMS LA SMON LAM DANG, MTSUNGS PAR LDAN PA'I SEMS DE SKYE'O ZHES SHES PAR BYA BA'I PHYIR, GNYIS PA DMIGS YUL LA GSUM LAS, DRI PAS MTSAMS SBYAR BA NI, NGO BO LA RTZOD PA'I DRI BAR MA ZAD KYANG GANG 'DOD PA'I BDAG NYID DNGOS KYI DMIGS YUL YANG DAG POR RDZOGS PA'I BYANG CHUB DE NI GANG YIN, GANG GI DON DU SEMS BSKYED PA CHED DU BYA BA DMIGS YUL GZHAN GYI DON GANG YIN ZHE NA, RTZA BA NI, BYANG CHUB DANG GZHAN DON DE DANG DE NI YUM GSUM GYI MDO BZHIN DU BSTAN BCOS LAS BSDUS DANG RGYAS PA'I SGO NAS BRJOD DO, ,'GREL BA NI RE RE KHO NAR MA ZAD RGYAL BA'I YUM RNAM PA GSUM CAR LAS KYANG GZHAN DON DANG BYANG CHUB BSTAN LA JI LTAR BSTAN NA, NYI KHRI'I MDO'I MGO 'JUG GI TSIG SNA BSDUS PA NI, SHER PHYIN PA LA MI DMIGS PAR SGRUB PAR BYA'O ZHES SHES PAR BYED PA'I DON CAN GYIS BYANG CHUB MDOR BSTAN, SBYIN PA LA

, ,SOGS PA THAMS CAD LA SBYIN PAR BYA BA DANG, SBYIN PA PO DANG, LEN PA PO LA SOGS PA MI DMIGS PAR SGRUB PAR BYA'O ZHES SHES PAR BYED PA'I DON CAN GYIS BYANG CHUB RGYAS PAR BSHAD, SEMS CAN THAMS CAD SKAL PA JI LTA BA BZHIN DU MYA NGAN LAS 'DAS PA LA DGOS PAR 'DOD PAS SHER PHYIN PA 'DI NYID LA BSGRUB PAR BYA'O ZHES PAS GZHAN DON MDOR BSTAN CING, SER SNA CAN LA SOGS PA RNAMS SBYIN PA LA SOGS PA LA DGOD PAR 'DOD PAS SHER PHYIN PA 'DI NYID LA BSGRUB PAR BYA'O ZHES PAS GZHAN DON RGYAS PAR BSHAD PA LA SOGS PA NI RGYAS BSDUS KYI TSIG SDUD PA'O, ,DE DAG GI DON RAB TU STON PA LHUR LEN PA RGYAN GYI NGAG GIS MDO DE 'DRA'I DON DANG MI 'GAL BAR MTSAN NYID STON PA'I RTZA TSIG GIS BYANG CHUB DANG GZHAN DON GYI MING TZAM SMOS PA'I SGO NAS MDOR BSDUS PA DANG RAB DBYE STON PA'I RTZA TSIG GIS PHAR PHYIN BCUR PHYE SHING, GZHAN DON BYED TSUL DPES BSTAN NAS RGYAS PAR BSHAD PA'I SGO NAS YANG DAG PAR RDZOGS PA'I BYANG CHUB DANG, GZHAN GYI DON BSTAN TE, DE LTAR NA SEMS BSKYED PA NI GZHAN GYI DON GYI PHYIR YANG DAG PAR RDZOGS PA'I BYANG CHUB 'DOD PA'I BDAG NYID YIN PAR RJE BTZUN GYIS RANG BZOR BSTAN PA MIN GYI MDO GZHAN DU BSHAD PA YIN PAR SHES PAR BYA'O, ,'O NA RGYAS BSDUS KYI MDO MI 'GOD PA CI ZHE NA, GTZUG LAG GI GZHUNG SKABS KYI DON SEMS BSKYED, STON PA LHUR LEN PA NI YUM GSUM THAMS CAD LAS KYANG GSUNG MOD KYI TSIG MNGOS SU DOGS NAS RGYAS BSDUS KHUNGS NYID DU MA BRIS SO, ,GSUM PA DBYE BA LA SA MTSAMS NI, DE LTAR ZHES SOGS RTZA BA NI DE YANG

ZHES SOGS SO, ,'GREL BA LA RGYAS PAR BSHAD PA DANG, DON BSDU BA'O, ,DANG PO NI, 'DUN PA DANG LDAN PA'I SEMS BSKYED CHOS CAN, SA LTA BU YIN TE, CHOS DKAR PO THAMS CAD KYI GZHI'I DNGOS PO YIN PA'I PHYIR, ZHES SOGS SU GO RIM BZHIN BSHAD PAR BYA STE GO SLA'O, ,DE YANG BYANG CHUB 'DOD TZAM DANG, BYANG CHUB THOB NAS 'GRO BA LA PHAN BDE BYED 'DOD DANG, BYANG CHUB KYI PHYIR DU RGYU LA SLOB 'DOD RNAMS GROGS SU LDAN PA'I CHA NAS 'DUN LDAN SOGS GSUM DU PHYE LA, BYANG CHUB KYI RGYUR SBYIN PA LA SLOB 'DOD SOGS BCUR PHYE BA'I BYE BRAG GIS DE DAG DANG MTSUNGS PAR LDAN PA'I SEMS BSKYED LA YANG, SBYIN PA DMIGS YUL DU LDAN PA'I SEMS BSKYED SOGS BCUR 'GYUR ZHING, GZHAN DON BYED PA'I RGYU BSOD NAMS DANG YE SHES, RKYEN YE SHES, BSTAN BYA BYANG PHYOGS GZHAN DON BYED PA'I GROGS SNYING RJE LHAG MTHONG GZHAN DON BYED TSUL CHOS STON PA YIN PAS CHOS STON PA'I BDAG RKYEN GZUNGS SPOBS, NGO BO CHOS KYI DGA' STON, GZHAN DON MCHOG LA GNYIS LAS, SLOB LAM GYI GZHAN DON MCHOG BDAG GZHAN MNYAM NYID DU DNGOS SU RTOGS NAS RIS SU MA CHAD PAR BYED PA'I BGROD PA GCIG PA'I LAM, MI SLOB PA'I GZHAN DON KHYAD PAR BA CHOS SKU'I BDAG RKYEN LAS MDZAD PA BCU GNYIS STON PA STE, GZHAN DON GYI CHED DU DE RNAMS LA DMIGS PA'I DON GNYER RNAMS DANG MTSUNGS PAR LDAN PA'I SEMS BSKYED RNAMS KYANG DE DAG DMIGS YUL DU LDAN PA'I SEMS

, ,BSKYED CES BYA LA, DE'I PHYIR MNGON SHES DANG LDAN PA'I SEMS BSKYED CES SOGS SU GSUNGS PA YIN PAR SHES PAR BYA STE, GZHAN SU LA YANG YID BRTAN YOD PA MA MTHONG NGO, ,DES NA SEMS BSKYED KYIS 'PHAGS PA'I CHOS KYIS BYANG SEMS KYI CHA RKYEN MA TSANG BA MED PAR LAN MANG DU BSHAD PA THAMS CAD KYANG LEGS PAR 'GYUR RO, ,KHA CIG 'DI DAG MI ZAD PA BRGYAD CU DANG, SBYOR BA MI 'THAD CES SMRA BA NI, DBYIG GNYEN GYIS, DPE NYI SHU RTZA GNYIS DANG LDAN PA'I SEMS BSKYED PA 'DI NI 'PHAGS PA BLO GROS MI ZAD PA'I MDO LAS MI ZAD PA NYID 'BYUNG BA DANG SBYAR BAR KHONG DU CHUD PAR BYA'O, ZHES GSUNGS PA MA MTHONG BAR ZAD DO, ,GNYIS PA NI, DE LTAR NA ZHES SOGS SO, ,BZHI PA SA MTSAMS NI, DE LA SEMS BSKYED PA DANG PO GSUM NI CHUNG NGU DANG 'BRING DANG CHEN PO NYID KYIS RIM BZHIN LAS DANG PO PA'I SA TSOGS LAM GSUM GYIS GTZO BOR BSDUS SO, ,DE'I 'OG TU GCIG NI SA DANG PO LA 'JUG PA'I SBYOR BA'I LAM GYIS GTZO CHER BSDUS SO, ,DE'I 'OG TU BCU NI RAB TU DGA' BA LA SOGS PAS BCUS BSDUS TE DANG PO MTHONG LAM DANG LHAG MA RNAMS SGOM PA'I LAM GYI SPYOD YUL CAN YIN NO, ,DE'I 'OG TU LDAN NI KHYAD PAR GYI LAM GYIS BSDUS SO, ,KHYAD PAR LAM AA BHYAS, SA BCU PA LA BSHAD KYANG, 'DIR NI DAG SA TZAM LA BYA'O, ,DE'I 'OG TU SEMS BSKYED PA THA MA GSUM NI SBYOR BA DANG DNGOS GZHI DANG MJUG GI DBYE BAS SANGS RGYAS KYI SAS BSDUS SO, ,'DIR SANGS RGYAS PA NI, RDZOGS PA'I SANGS RGYAS KYI DBANG DU BYAS PA MIN TE, BYANG SEMS KYI DBANG

DU BYAS PA'I PHYIR RO, ,'DI CIS SHES ZHE NA, NYER GNYIS PA'I SKABS KYI MDOR, SH'A RI'I BU GZHAN YANG BYANG CHUB SEMS DPA'I SPYOD PA BSTAN PAR 'DOD PA DANG, ZHES PA NAS, GLANG PO CHE'I LTA STANGS KYIS BLTA BAR 'DOD PAS YUM LA BSLAB PAR BYA'O, ZHES GUSNGS PA'I PHYIR DANG, MDO SDE RGYAN LAS, RGYAL SRAS RNAMS KYI SEMS BSKYED PA, ,SPRIN DANG 'DRA BAR BSTAN PA YIN, CES DANG, MDO SDE RGYAN GYI 'GREL PAR, SLOB DPON DBYIG GNYEN GYIS, BGROD PA GCIG PA NYID NI SA DER GTOGS PA'I BYANG CHUB SEMS DPA' RNAMS KYI BYA BA BYED PA THA MI DAD PA'I PHYIR RO, ZHES DANG, NYI KHRI SNANG BAR YANG BGROD PA NYID NI SA DER GTOGS PA'I BYANG CHUB SEMS DPA' RNAMS GZHAN GYI DON GYI BYA BA THA MI DAD PA'I PHYIR RO, ZHES GSUNGS PAS SO, DES NA SANGS RGYAS KYIS ZHES GSUNGS PA YANG SA BCU PA LA SANGS RGYAS KYI SAR BYAS PA YIN TE, DE BAS NA 'GREL CHEN DU 'DI NI NGES PAR SO SO SKYE BO'I BYANG CHUB SEMS DPA' NAS DE BZHIN GSHEGS PA'I BAR DU DBYE BA'I RGYU DANG 'BRAS BU'I BDAG NYID CAN GYI DBYE BA'I DBANG DU BYAS PAR RIG PAR BYA'O, CES PA NAS, GZHAN DU NA RGYU RAB TU DBYE BA TZAM GYIS NI DE'I DBYE BA RNAM PA THAMS CAD BYAS PAR MI 'GYUR BAS NA DBYE BA YONGS SU RDZOGS PAR MI 'GYUR RO ZHES BYA BA NI KHA CIG GI'O, ZHES PAS GZHAN LUGS BRJOD PA YIN LA, GZHAN DAG NI RGYAL PO CHEN PO DE DANG 'DRA BA LA SOGS PA SEMS BSKYED PA BRGYAD PO NYID BYANG CHUB SEMS DPA'I SA LAS KHYAD PAR GYI LAM GYIS BSDUS PA NYID YIN NO ZHES ZER RO

, ,ZHES PA RANG LUGS YIN PAR SHIN TU GSAL LO, ,SGRIB PA SPANGS PA'I SEMS BSKYED DU BSHAD BA NI PHAL CHER SPANGS PA LA DGONGS PA STE, GZHAN DU NA RGYAN LA ZHAG LA BA 'DU BAR 'GYUR RO, ,SA MTSAMS 'DI DAG KYANG LAM DE DANG DE'I GNAS SKABS NA, DON GNYER DE DANG DE DAG DANG LDAN PA'I SEMS BSKYED GTZO CHE, ZHES PA YIN GYI, SEMS BSKYED DE DAG DE LAS GZHAN NA MED PAR STON PA MIN NO, ,GNYIS PA LA GNYIS LAS, SPYI'I DON NI GDAMS NGAG CES BYA BA 'DI YANG CI ZHIG CE NA, PHAN BDE'I THABS 'DOMS PA'I NGAG STE, DE LA MNGON MTHO DANG, NGES LEGS KYI THABS 'DOMS PA GNYIS YOD CING, PHYI MA LA THEG DMAN DANG, THEG CHEN GYI GDAMS NGAG GNYIS LAS, PHYI MA'I MTSAN NYID, THEG CHEN GYI LAM DANG 'BRAS BU GANG RUNG RGYUD LA BSKYED PA'I THABS 'DOMS PA'I NGAG, DE LA THEG CHEN GYI YON TAN MA THOB PA THOB PHYIR 'DOMS PA'I RJES BSTAN DANG, DE THOB ZIN MI NYAMS SHING 'PHEL BA'I 'DOMS PA'I GDAMS PA GNYIS SU YOD DO, ,THEG CHEN GDAMS NGAG NYAN PA NI TSOGS LAM GYI GONG NAS KYANG YOD DE, TSOGS LAM RGYUD LA BSKYED PA'I THABS NYAN DGOS PA'I PHYIR RO, ,DES NA NYAN PA PO CHOS RGYUN GYI TING NGE 'DZIN THOB PAS MA KHYAB LA, CHOS RGYUN GYI TING NGE 'DZIN NI BDAG RKYEN BSAM GTAN LA BRTEN NAS JI LTAR THOS PA'I TSIG DANG DON GO RIM DE NYID KYIS MA BRJED PAR 'DZIN NUS PA'I DRAN PA DANG SHES RAB MTSUNGS LDAN DANG BCAS PA'O, ,'DI YANG MA MTHA' TSOGS LAM CHEN PO NAS THOB

SRID DO, ,GDAMS NGAG KHYAD PAR CAN DANG KHYAD PAR CAN MIN PA NI STON PA PO 'PHAGS PA DANG SO SKYE, BRJOD BYA DON DAM DANG KUN RDZOB SOGS KYIS PHYE BA CI RIGS SU YOD DO, ,CHOS SHES NA RE, NYAMS LEN SGRUB PA YANG GDAMS NGAG GO, ZHES ZER RO, ,DE LA RGYU MTSAN CI ZHIG YOD, LAS LA YOD PA'I GDAMS NGAG YIN PA'I PHYIR RO, ZHE NA, GDAMS YUL THAMS CAD DE YIN PA'I PHYIR, BDEN PA BZHI LA SOGS PA CHOS THAMS CAD GDAMS NGAG TU THAL LO, ,GZHAN YANG MTSON BYA MIN NA MTSAN NYID YIN DGOS PA SOGS SU 'GYUR ZHING, DE DAG LA GDAMS NGAG GI MTSAN NYID GANG YANG MA TSANG NGO, ,DE LA 'DIR SEMS BSKYED KYI RJES SU GDAMS NGAG STON PA NI, BYANG CHUB RGYU DANG BCAS PA DANG, GZHAN DON RGYA CHEN PO LA DON GNYER SKYES NAS BYANG CHUB THOB PAR BYED PA DANG, DE'I RGYU LA SLOB PAR DAM BCAS SHING SEMS BSKYED NAS BYANG CHUB DANG GZHAN DON GYI RGYU LA BSLAB DGOS LA, DE YANG RANG DGAR RANG STOBS KYIS SLOB TSUL SHES MI NUS SHING, GZHAN DGE BA'I BSHES GNYEN LA MNYAN NAS SHES PAR BYA DGOS LA, DE YANG PHYOGS RE TZAM MNYAN NAS SHES MI NUS KYI, LAM GYI CHA RKYEN MA LUS PA MNYAN NAS SHES PAR BYED DGOS PAS DE'I PHYIR, YUL BCU LA GDAMS NGAG 'DOMS TSUL GSUNGS PA YIN NO, ,SEMS BSKYED PA LAM LA SLOB TSUL SHES PAR 'DOD PA DAG GIS NI YUL 'DI TZAM ZHIG LA TSUL 'DI LTAR 'DOMS PA'I GDAMS NGAG MNYAN PAR BYA DGOS SO ZHES BYA BA'I DON TO, GDAMS NGAG STON PA PO SANGS RGYAS YIN PAS NI MA KHYAB STE, NYAN

, ,THOS KYIS KYANG THEG CHEN GYI CHOS STON PA YOD NA BYANG CHUB SEMS DPA' LTA SMOS KYANG CI DGOS PAS SO, ,GNYIS PA YAN LAG GI DON LA, SPYI'I MTSAMS SBYAR, SO SO'I DON BSHAD, GRANGS NGES KYI MJUG BSDU, RTOGS DKA' BYE BRAG TU BSHAD PA'O, ,DANG PO NI SEMS BSKYED KYI NGO BO'I ZHAR LA DBYE BA BRJOD NAS DE'I 'OG TU GDAMS NGAG 'CHAD DO, ,DE'I RGYU MTSAN DE LTAR BYANG CHUB KYI SEMS DANG PO LA SOGS PA BSKYED PA'I BYANG CHUB SEMS DPA' DAG DUS JI LTA BA BZHIN DU GDAMS NGAG DON DU GNYER BAR BYED PA DE'I TSE BYANG CHUB TU SEMS BSKYED PA THOB ZIN PA YONGS SU BSRUNG BA'I DON GYIS MNGON PAR 'PHEL BAR BYA BA'I PHYIR DANG, SEMS NYER GNYIS PO DES YUL DU 'PHANGS PA'I CHOS BYANG CHUB DANG GZHAN DON RGYA CHEN PO NAG 'GRUB PAR BYA BA'I PHYIR DU CHOS 'DOMS DGOS PA'I PHYIR RO, ,GNYIS PA LA RTZA 'GREL GNYIS LAS, RTZA BA NI, BSGRUB DANG ZHES SOGS TE, YUL BCU'I BYE BRAG GIS GDAMS NGAG KYANG BCU'O, ZHES PA'O, ,'GREL BA LA BCU LAS, LAM GYI NGO BO SGRUB PA NYAMS SU LEN TSUL LA GDAMS PA NI SGRUB PA LA GDOMS PA DANG, ZHES PA BSHAD GZHI'O, ,TSUL JI LTAR NA BYANG CHUB KYI SEMS KYI RAB TU DBYE BA JI SKAD BSHAD PA SGRUB PA LA THABS SHES KHYAD PAR CAN GYIS 'JUG PAR BYA'O ZHES SLOB PA'I TSUL GYIS SO, ,DE YANG THA SNYAD DU KUN RDZOB KYI BDEN PA LA MI 'DA' BAR DON DAM PAR MI DMIGS PA'I TSUL GYIS 'JUG CES PAS SHES RAB KHYAD PAR CAN DANG, CHED DU BYA BA NYAN THOS LA SROGS PA DANG THUN MONG MIN PA 'JUG CES PAS THABS

KHYAD PAR CAN BSTAN NA, ,NGAG DON NI, BYANG SEMS YID BZHIN BYANG SEMS YANG DAG PAR RJES SU MI MTHONG ZHES SOGS KYI MDO TSIG CHOS CAN, SGRUB PA RANG GI NGO BO LA 'DOMS PA'I GDAMS NGAG YIN TE, THABS SHES KHYAD PAR TZAN GYI SGO NAS THEG CHEN GYI LAM NYAMS SU LAN TSUL BYANG SEMS LA 'DOMS PA'I GDAMS NGAG YIN PA'I PHYIR, 'DIR BDEN PA GNYIS KYI RNAM PAR BZHAG PA JI LTA BU ZHE NA, DBYE GZHI CHOS TZAM MO, ,DBYE NA KUN RDZOB DANG, DON DAM PA'I BDEN PA GNYIS SO, ,'BYED PA'I RGYU MTSAN GNAS TSUL DANG, SNANG TSUL GNYIS KYIS PHYE BA'O, ,SO SO'I NGO BO LA GNYIS LAS, KUN RDZOB BDEN PA CES PA'I SGRA BSHAD NI, BDEN GNYIS LAS, GANG ZHIG GIS SAM GANG DAG LA, YANG DAG SGRIB BYED DE KUN RDZOB, CES PA LTAR GNAS LUGS LA SGRIB PA'I BLO KUN RDZOB PA LA, RANG BZHIN SGRIB PA'I PHYIR KUN RDZOB CES GSUNGS NAS, DE'I DON BDEN PA'I PHYIR KUN RDZOB BDEN PA CES BYA'O, ,MTSAN NYID NI THA SNYAD DPYOD BYED KYI TSAD MAS DNGOS SU RNYED PA'I DON, KHA CIG RTEN 'BREL SNA TSOGS SU SNANG BA ZHES ZER BA NI, DON LDOG DANG GZHI LDOG MA PHYED PA'O, DBYE NA YANG DAG KUN RDZOB DANG, LOG PA'I KUN RDZOB GNYIS TE, DE YANG MTSAN NYID RIM BZHIN SNANG BA LTAR THA SNYAD TZAM DU MI BSLU BA DANG, SNANG BA LTAR THA SNYAD DU BSLU BA'I CHOS, DPER NA GSER BUM BUM PAR SNANG BA LTAR THA SNYAD DU BSLU BA'I CHOS, DPER NA GSER BUM BUM PAR SNANG BA DANG, SMIG RGYU CHUR SNANG BA'I SNANG BA LTA BU'O, ,CHOS DE LTAR SNANG BA LTAR THA SNYAD DU YANG MA GRUB PAS CHOS DE THA SNYAD DU YANG MA GRUB MI

, ,DGOS TE, BUM PA'I SGRA DON BZHIN NO, ,DON DAM BDEN PA LA SGRA BSHAD NI, BDEN GNYIS LAS, BSLU BA MED PA'I RIG PA NI, DON DAM BDEN PA YIN TE, ZHES GSUNGS PA LTAR, DE KHO NA NYID DPYOD PA'I RIG SHES NI; MI BSLU BA'I PHYIR DON DAM ZHES BYAS NAS, DE'I DON MI BSLU BA'I PHYIR BDEN PA CES BYA STE, MDOR NA RIG SHES KYI DON MI BSLU BA'I PHYIR DON DAM BDEN PA ZHES BYA'O, ,MTSAN NYID KHA CIG RANG BZHIN SPROS BRAL GANG ZHIG, ,YONGS GCOD DU SHES BRJOD GZHAL BYA LAS 'DAS PA, CES ZER BA LA NI MED DGAG THAMS CAD DON DAM BDEN PAR THAL LO, ,RANG LUGS NI, DON DAM DPYOD BYED KYI TSAD MAS DNGOS SU RNYED PA'I DON, DBYE NA RNAM GRANGS PA DANG, RNAM GRANGS MIN PA'I DON GNYIS, DANG PO NI, GCIG DANG DU BRAL GYI RTAGS LAS MYU GU BDEN MED DU RTOGS PA'I RJES DPAG TSAD MA'I DNGOS KYI GZHAL BYA MYU GU BDEN MED LTA BU STE, DE YANG DGAG BYA BDEN GRUB RNAM PAR BCAD PA'I SGO NAS NGES DGOS PAS DON DAM PA DANG MTHUN PA'I PHYIR, DON DAM PAR RNYED PA TZAM YIN LA, DON DAM DNGOS NI MIN PAS RNAM GRANGS PA'I DON DAM ZHES BYA'O, ,CI'I PHYIR DNGOS MIN ZHE NA, MYU GU BDEN MED MYU GU YIN PAS DNGOS PO YIN PA'I PHYIR KUN RDZOB YIN NA, ,DES NA RNAM GRANGS MIN PA'I DON DAM DNGOS NI, MYU GU'I BDEN MED LTA BU, DGAG BYA SPROS PA'I MTHA' MA LUS PA RNAM PAR BCAD TZAM GYI MED DGAG DAG GO, ,MYU GU BDEN MED NI MA YIN DGAG YIN NO, ,BDEN GNYIS NGO BO GCIG THA DAD GANG YIN ZHE NA, DON DAM PAR NGO BO

GCIG THA DAD GANG YANG MIN LA, ,THA SNYAD DU NGO BO GCIG YIN TE, CHOS CHOS CAN YIN PAS BDAG GCIG TU 'BREL BA'I PHYIR RO, ,BDEN GNYIS MDO TZAM BSHAD ZIN TO, ,GNYIS PA DMIGS YUL BDEN BZHI LA GDAMS PA LA, GDAMS YUL BDEN BZHI BSHAD PA DANG, TSIG DON GNYIS, DANG PO LA BDEN BZHI SO SO'I NGO BO GRANGS NGES DANG GO RIM NGES PA'O, ,DANG PO LA BZHI LAS, SDUG BDEN LA MTSAN GZHI NI, LAS NYON GYI 'BRAS BU SNOD BCUD GNYIS TE, KUN LAS BTUS LAS, SDUG BSNGAL BDEN PA GANG ZHE NA, DE NI SEMS CAN SKYE BA DANG SKYE BA'I GNAS KYIS KYANG RIG PAR BYA'O, ZHES PA LTAR RO, ,MTSAN NYID NI MI RTAG MTSAN GZHI'I SGO NAS SHES PAR BYA BA'I ZAG BCAS, BZHI PO GANG ZHE NA, SKAD CIG RE RE ZHING 'JIG PA'I MI RTAG PA DANG GNOD PA'I BDAG NYID YIN NGES SDUG BSNGAL BA DANG, DON GZHAN GYI BDAG GIS STONG BA DANG, RANG GI NGO BO GANG ZAG GI BDAG TU MED PA RNAMS SO, ,DE DAG LAS GNYIS PA RANG GI MTSAN NYID DANG, GZHAN GSUM SPYI'I MTSAN NYID DE, BDEN PA GZHAN DANG THUN MONG THUN MONG MIN PA'I BYE BRAG GO, CI'I PHYIR BZHI PO 'DI SDUG BSNGAL GYI MTSAN NYID DU BSTAN ZHE NA, SDUG BSNGAL LA LOG PAR ZHUGS PA'I PHYIN CI LOG BZHI'I GNYEN POR TE, RTAG PAR 'DZIN PA'I GNYEN POR MI RTAG PA DANG, GTZANG BA DANG, BDEN PAR 'DZIN PA'I GNYEN POR SDUG BSNGAL BA DANG, BDAG TU 'DZIN PA'I GNYEN POR RNAM PA LHAG MA GNYIS RNAMS BSTAN TO, ,CI'I PHYIR SDUG BSNGAL SHES BYAR BSTAN ZHE NA, SDUG BSNGAL BDEN PA SHES PA NI BDEN PA GZHAN GSUM LA YANG BLANG DOR LA 'JUG PA'I THOG MA'I SGO

, ,YIN PA'I PHYIR RO, ,GNYIS PA KUN 'BYUNG LA, MTSAN GZHI NI, NYON MONGS PA DANG DES BSAGS PA'I LAS GNYIS SO, ,MTSAN NYID NI, RGYU KUN 'BYUNG RAB SKYE RKYEN GYI RNAM PAR SPYAD NAS SPANG BAR BYA BA, DE YANG SRID PA'I SDUG BSNGAL GYI RTZA BA YIN PAS RGYU SDUG BSANGL RDZAS RIGS KUN SKYE BAS KUN 'BYUNG SDUG BSNGAL DRAG TU BSKYED PAS RAB SKYE BRGYUD MAR SKYES PAS RKYEN NO, ,CI'I PHYIR KUN 'BYUNG SPANG BYAR BSTAN ZHE NA, KUN 'BYUNG MA SPANGS NA SDUG BSNGAL YANG SPANG MI NUS PA'I PHYIR RO, ,GSUM PA 'GOG BDEN LA, MTSAN GZHI NI, DGAG GZHI SEMS KYI CHOS NYID LA, 'GOG BYED LAM BDEN GYI DGAG BYA, LAM RANG GI SPANG BYA'I SA BON BKAG PA'I BRAL BA DAG GO, ,'DI DANG CHOS NYID GNYIS KHYAD PAR MED PA NI MIN TE, 'DI GNYIS DGAG BYA GANG BKAG PA'I SGO NAS 'JOG PA'I DGAG GZHI DGAG BYA, 'GOG BYED, 'GOG TSUL RNAMS KHYAD PAR SHIN TU CHE BA'I PHYIR RO, ,MTSAN NYID NI, 'GOG PA, ZHI BA, GYA NOM PA, NGES 'BYUNG GI RNAM PAR DPYAD NAS MNGON DU BYA BA'I BRAL BA DE YANG NYON MONGS SPANGS PAS 'GOG PA, SDUG BSNGAL SPANGS PAS ZHI BA, 'DI LAS 'DOD BYA MCHOG MED PAS GYA NOM, THOB PA SLAR MI LDOG PA'I RTAG PA'I GNAS YIN PAS NGES 'BYUNG NGO, ,DE YANG PHAN YON 'DI DAG GI SGO NAS THOB BYA DON DAM PAR MA SHES NA LAM LA YANG SLOB PAR MI 'GYUR BAS SNGON DU BYA BAR BSTAN TO, ,BZHI PA LAM BDEN LA, MTSAN GZHI NI, ZAG MED YE SHES RNAMS TE, 'KHOR DANG BCAS NAS LAM LNGA'O, ,MI SLOB LAM LAM BDEN MIN NA, 'GOG BDEN YANG NI MIN

PAS CHOS DKON MCHOG MIN PAR 'GYUR ZHING, TSOGS SBYOR LAM BDEN YIN NA SO SKYE LA 'GOG BDEN YOD PAR THAL LO, ,MTSAN NYID NI, LAM, RIGS PA, BSGRUB PA, NGES 'BYIN GYI RNAM PAR DPYAD NAS BSTAN PAR BYA BA'I ZAG MED YE SHES, DE YANG THAR PAR BGROD BYED YIN PAS LAM RANG GI SPANG BYA SA BON GYI GNYEN PO BYED PAS RIGS PA, SEMS PHYIN CI MA LOG PAR BSGRUB PAS SGRUB PA 'DIS RTAG PA'I GNAS SU GDON MI ZA BAR PHYIN PAR BYED PAS DES 'BYIN NO, ,'GOG PA MNGON DU BYED PA'ANG 'DI SGOM PA LA RAG LAS PAS BSGOM BYAR BSTAN TO, ,GNYIS PA GRANGS DANG GO RIM NGES PA NI, CI'I PHYIR BZHIR NGES ZHE NA, THAR PA DON GNYER BLANG DOR LA 'JUG PA'I GZHI, KUN NAS NYON MONGS DANG RNAM BYANG GNYIS SU NGES SHING, DE RE RE LA YANG RGYU 'BRAS GNYIS GNYIS SU NGES PAS DE'I PHYIR, BDEN PA BZHIR NGES SO, ,GO RIM NI, NAD KYI SDUG BSNGAL SHES PA NA, DE SPANG PA'I PHYIR DE'I RGYU LA RTOG CING RGYU SHES NAS SPONG NUS PAR MTHONG BA NA, DE SPANGS PA LA THOB 'DOD RDZOGS PAR SKYE LA, DE NAS DE'I RGYU SPANG PA'I PHYIR SMAN BSTEN PAR BYED PA DANG MTHUN PAR RTOGS PA SKYE BA'I RIM PA'I DBANG DU BYAS PA STE, RGYUD BLAR, NAD NI SHES BYA NAD KYI RGYU NI SPANG BYA LA, ,BDE GNAS THOB BYA SMAN NI BSTEN PAR BYA BA LTAR, ,SDUG BSNGAL RGYU DANG DE 'GOG PA DANG DE BZHIN LAM, ,SHES BYA SPANG BYA RIG PAR BYA ZHING BSTEN PAR BYA, ZHES GSUNGS PA LTAR RO, ,GNYIS PA TSIG DON LA BZHI LAS, DANG PO SDUG BSNGAL BDEN PA LA 'DOMS PA NI, 'DOMS, GANG LA NA, SDUG BSNGAL BDEN PA LA'O, ,JI LTAR NA KUN RDZOB TU GZUGS LA SOGS PA LAS NYON GYI

, ,'BRAS BUR GYUR PA RNAMS SDUG BSNGAL DU SHES PAR BYA ZHING, DON DAM PAR DE'I CHOS NYID STONG PA NYID DANG SHES PHYIN PA DAG DE BZHIN NYID KYI NGO BO RANG BZHIN GCIG GO SHES PAR GYIS SHIG, CES STON PAS SO, ,NGAG DON NI, GZUGS STONG PA NYID LA BRTZON NA BRTZON ZHES BYA'O, ,ZHES PA'I MDO TSIG CHOS CAN, SDUG BSNGAL BDEN PA LA 'DOMS PA'I GDAMS NGAG YIN TE, BDEN GNYIS LAS MI 'DA' BAR SDUG BSNGAL SHES PAR BYED TSUL TSUL BZHIN 'DOMS PA'I GDAMS NGAG YIN PA'I PHYIR, GNYIS PA KUN 'BYUNG LA 'DOMS PA NI, 'DOMS, GANG LAN KUN 'BYUNG BA LA'O, ,JI LTAR NA, THA SNYAD DU SDUG BSNGAL GYI RGYUR GYUR BA'I GZUGS LA SOGS PA NI KUN 'BYUNG DU SHES PAR BYA BA YIN KYANG DON DAM PAR KUN 'BYUNG BA DANG, 'GOG PA DANG, KUN NAS NYON MONGS PA DANG, RNAM PAR BYANG BA'I CHOS CAN MIN TE, STONG PA NYID DANG, GZUGS LA SOGS PA RGYUR GYUR PA DAG RANG BZHIN THA MI DAD PA NYID KYIS SO ZHES STON PAS SO, ,NGAG DON NI, GZUGS SKYE BA'I CHOS CAN NAM, ZHES SOGS KYI MDO CHOS CAN, CHOS RTAGS SNGA MAS 'GRE'O, ,GSUM PA 'GOG PA LA 'DOMS PA NI, 'DOMS, GANG LA NA, 'GOG PA LA'O, ,JI LTAR NA, THA SNYAD DU GLO BUR DRI BRAL GYI STONG PA NYID 'GOG BDEN YIN KYANG DON DAM PAR DE LA NI GZUGS MED PA NAS MA RIG PA SKYE BA YANG MED, MA RIG PA 'GAG PA YANG MED, RTOGS PA PHUN TSOGS SNGAS RGYAS KYANG MED, SPANGS PA PHUN TSOGS BYANG CHUB KYI BAR DU YANG MED, DON DAM PAR SKYE BA DANG, 'GOG PA DANG, KUN NAS NYON MONGS PA DANG, RNAM PAR BYANG BA DANG

NYON MONGS PA DANG, 'PHEL BA LA SOGS PA DANG GRAL BA'I PHYIR, ZHES STON PAS SO, ,NGAG DON NI, SH'A RI'I BU STONG PA NYID MI SKYE MI 'GAG CES SOGS KYI MDO TSIG CHOS CAN SOGS SO, ,BZHI PA LAM LA 'DOMS PA NI, GANG LA NA, LAM LA'O, JI LTAR NA LAM DANG, RIGS SGRUB DANG, DES 'BYIN LA 'DOMS PA GSUM GYI, DANG PO NI, BSGOM BYA SBYIN PA LA SOGS PA PHA ROL TU PHYIN PA DANG, BYANG SEMS BDAG NYID PHAN TSUN BSGOM BYA SGOM BYED DU LDAN PAR BDEN PA DANG, MI LDAN PAR BDEN PA MIN PA NYID DU RTOGS LA SGRUB BO ZHES STON PA'O, ,GNYIS PA NI NANG YUL CAN STONG PA NYID KYI TING NGE 'DZIN LA SOGS PA NI PHYI YUL STONG PA NYID LA SOGS PA DANG PHAN TSUN YUL YUL CAN DU LDAN PAR BDEN PA DANG MI LDAN PAR BDEN PA MED PA NYID DU RTOGS LA SGRUB BO ZHES STON PA'O, GSUM PA NI, SNGON GYI MTHA' LAM DANG PHYI MA'I MTHA' RNAM MKHYEN DAG PHAN TSUN NGES PAR 'BYUNG BYED DANG 'BYUNG BAR LDAN PAR BDEN PA DANG MI LDAN PAR BDEN PA MIN PA NYID DU RTOGS LA SGRUB BO ZHES STON PA'O, , GZHAN DAG DON DAM PAR PHAN TSUN LDAN PA YANG MIN, MI LDAN PA YANG MIN ZHES SMRA BA NI DNGOS 'GAL LO, ,NGAG DON NI, BDAG NYID SBYIN PA'I PHA ROL TU PHYIN PA LA BRTZON ZHES BYA BA'AM, ZHES SOGS KYI MDO TSIG CHOS CAN, LAM LA 'DOMS PA'I GDAMS NGAG YIN TE, BDEN GNYIS LAS MI 'DA' BAR LAM BDEN SHES DPAR BYED TSUL BZHIN 'DOMS PA'I NGAG YIN PA'I PHYIR, GSUM PA RTEN DKON MCHOG GUM LA 'DOMS PA LA GNYIS LAS, SPYI DON LA THEG CHEN THUN

, ,MONG MIN PA'I SKYABS NGOS GZUNG, THEG PA THUN MONG GI SKYABS GSUM GSUNGS PA'I DGOS PA BSHAD, DE DAG LAS CHOS DANG DGE 'DUN MTHAR THUG GI SKYABS MIN PAR BSTAN, DKON MCHOG GI SGRA DON BSHAD PA'O, ,DANG PO LA SANGS RGYAS DKON MCHOG GI MTSAN NYID, DON GNYIS MTHAR PHYIN, DE YANG RANG DON MTHAR PHYIN GYI YON TAN GSUM, GZHAN DON MTHAR PHYIN GYI YON TAN GSUM STE, RGYUD BLA MA LAS, 'DUS MA BYAS SHING LHUN GYIS GRUB, ,GZHAN KYI RKYEN GYIS RTOGS MIN PA, ,MKHYEN DANG BRTZE DANG NUS PAR LDAN, ,DON GNYIS LDAN PA'I SANGS RGYAS NYID, CES GSUNGS PA'I DANG PO GSUM DANG, PHYI MA GSUM MO, ,THEG CHEN GYI CHOS DKON MCHOG GI MTSAN NYID GANG ZHIG GANG GIS 'DOD CHAGS DANG BRAL BA'I THEG CHEN GYI RNAM BYANG BDEN PA, DE LA YANG 'GOG BDEN GYI YON TAN GSUM DANG, LAM BDEN GYI GSUM STE, BSAM MED GNYIS MED RTOGS MED PA, ,DAG GSAL GNYEN PO'I PHYOGS NYID KYIS, ,GANG ZHIG GANG GIS CHAGS BRAL BA, ,BDEN GNYIS MTSAN NYID CAN DE CHOS, CES GSUNGS PA'I DANG PO GSUM DANG, PHYI MA GSUM MO, ,THEG CHEN GYI DGE 'DUN DKON MCHOG GI MTSAN NYID, JI LTA JI SNYED KYI YE SHES GZIGS PA DAG PA'I BYANG SEMS 'PHAGS PA; ;DE YANG JI LTA BA MKHYEN PA'I NI, SEMS KYI CHOS NYID RANG BZHIN GYIS RNAM PAR DAG SPROS PA'I MTHA' MA LUS PA BKAG PA'I DE BZHIN NYID DE MNGON SUM DU RTOGS PA'O, ,DE BZHIN NYID DE LA NI BDE BAR GSHEGS PA'I SNYING PO ZHES

KYANG BYA'O, ,JI SNYED PA MKHYEN PA'I DON LA, RGYUD BLAR, SHES BYA MTHAR THUG RTOGS PA'I BLOS, ,THAMS CAD MKHYEN PA'I CHOS NYID NI, ,SEMS CAN THAMS CAD LA YOD PA, ,MTHONG PHYIR JI SNYED YOD PA NYID, CES GSUNGS PA'I DON, SEMS CAN THAMS CAD KYI CHOS NYID DE MNGON SUM DU RTOGS PA TZAM LA MI BYA STE, DE LTA NA JI LTA BA MKHYEN PAR THAL BAS SO, ,SEMS CAN THAMS CAD RE RE NAS MA 'DRES PAR DE DAG GI CHOS NYID KYI KHYAD PAR DU BYAS NAS MNGON SUM DU RTOGS PA LA MI BYA STE, DE LTAR KUN MKHYEN DU THAL BAS SO, ,DES NA 'DI NI MNYAM GZHAG TU CHOS NYID DE MNGON SUM DU RTOGS PA'I SGO NAS RJES THOB TU CHOS NYID DE SEMS CAN THAMS CAD KYI SEMS KYI RANG BZHIN YIN PAR NGES TE, SNANG STONG TSOGS PA SGYU MA LTA BU'I DON MNGON SUM DU GYUR PA LA BYA'O, ,GNYIS PA NI, GZHAN DAG GONG DU DRANGS PA'I GZHUNG DE DAG GIS SKYABS GSUM DU PHYE NAS, DE LTAR PHYE BA DE'I DGOS BSTON PA, STON PA BSTAN PA BSLAB DON GYI, ,THEG PA GSUM DANG PHYED GSUM LA, ,MOS PA RNAMS KYIS DBANG BYAS NAS, SKYABS GSUM RNAM PAR BZHAG PA YIN, CES GSUNGS PAR SMRA BA DAG BAB BCOL TE, THEG CHEN THUN MONG MIN PA'I DKON MCHOG GSUM NGOS BZUNGS NAS, THEG CHEN GYI 'GOG LAM KHO NA CHOS DKON MCHOG DANG, BYANG SEMS 'PHAGS PA KHO NA DGE 'DUN DKON MCHOG TU BZHAG PA'I RNAM GZHAG DE, THEG PA GSUM LA MOS PA'I DBANG DU BYAS PA NI 'BREL BA CUNG ZAD KYANG MED CING 'GAL BA YIN NO, ,DES NA GONG DU DE LTAR BSHAD PA LA, 'O NA BCOM LDAN 'DAS KYI MDO LAS, THEG DMAN GYI MYANG 'DAS RNAMS KYANG CHOS

, ,DKON MCHOG DANG, THEG CHEN 'PHAGS PA RNAMS KYANG DGE 'DUN DKON MCHOG TU GSUNGS PA DE JI LTA BU ZHE NA, DE NI THEG PA GSUM LA SO SOR MOS SHING, SO SOR BYA BA BYED PAR 'DOD PAS GDUL BYA RIGS CAN GSUM GA'I DBANG DU BYAS NAS GSUNGS PA'I THUN MONG GI RNAM GZHAG YIN LA, 'DIR NI THUN MONG MIN PA'I DBANG DU BYAS PA YIN PAS MI 'GAL LO ZHES BYA BA YIN TE, DE'I PHYIR, RGYUD BLA'I 'GREL PAR, SEMS CAN RNAMS THEG PA LA RIM GYIS GZHUG PA'I DON YIN NO, ZHES SOGS SO, ,GSUM PA NI, SPANG PHYIR BSLU BA'I CHOS CAN PHYIR, ,MED PHYIR 'JIGS DANG BCAS PA'I PHYIR, ,CHOS RNAM GNYIS DANG 'PHAGS PA'I TSOGS, ,GTAN GYI SKYABS MCHOG MA YIN NO, ZHES GSUNGS PAS BSTAN LA, DE YANG GZHAN DAG SNGAR BSTAN PA'I CHOS DANG DGE 'DUN DE DAG MTHAR THUG GI SKYABS MIN PAR SGRUB PA KHO NA LA SBYOR BA BAB COL TE, SNGAR NI THEG CHEN GYI 'GOG LAM DANG BYANG SEMS 'PHAGS PA KHO NA CHOS DANG DGE 'DUN DKON MCHOG TU SMRAS LA, 'DIR NI NYAN RANG DGRA BCOM DANG, DMAN PA'I 'GOG BDEN YANG MTHAR THUG GI SKYABS MIN PAR BSGRUB PA'I PHYIR RO, ,DES NA 'DI NI THUN MONG GI SKYABS GSUM RNAM PAR BZHAG PA'I DGOS PA BSTAN PA LAS 'PHROS PA YIN TE, 'DI LTAR DE LTAR GNAS SKABS SU THEG DMAN DANG BYANG SEMS 'PHAGS PA THAMS CAD DGE 'DUN DANG, DE GNYIS KA'I 'GOG LAM YANG CHOS DKON MCHOG TU BSHAD KYANG, DE DAG NI MTHAR THUG GI SKYABS MIN TE, CHOS LA LUNG RTOGS GNYIS LAS LUNG

NI GZINGS DANG 'DRA BAR RTOGS PA MTHAR THUG PA NA RANG GI DON RTOGS PA'I THABS SU SPANG BA YIN PA'I PHYIR DANG, RTOGS PA'I CHOS LA SLOB PA'I LAM BDEN NI, DE NYID 'BA' ZHIG LA YID BRTAN BCAS NA SLU BAS DA DUNG DE LAS GONG DU KHYAD PAR GZHAN TSOL DGOS PA'I PHYIR RO, ,GANG DAG DE NI 'DUS BYAS YIN LA, 'DUS BYAS YIN NA RDZUN PA BSLU BA'I CHOS CAN YIN PAS MTHAR THUG GI SKYABS SU MI RIGS PA'I PHYIR, ZHES SMRA BA LA NI, GZUGS SKU GNYIS KYANG MTHAR THUG GI SKYABS MIN PAR THAL LO, ,SLOB PA'I 'GOG BDEN LA NYAN THOS KYI MYANG 'DAS MTHAR THUG GI SKYABS MIN PAR MED PHYIR, ZHES PAS DNGOS SU BSTAN TE, DE CHOS CAN, MTHAR THUG GI SKYABS MIN PAR THAL, DE YIN NA SPANG BYA MTHA' DAG LAS GROL DGOS PA LA KHYOD NYON MONGS PA DANG, SDUG BSNGAL TZAM MED PAS KHYAD PAR DU BYAS PAS 'GOG PA YIN PA'I PHYIR, 'DIS MTSON NAS SLOB LAM GYI 'GOG PA THAMS CAD DER RTOGS NUS SO, ,DE'I PHYIR 'GREL PAR NYON MONGS PA DANG SDUG BSNGAL MED PA TZAM GYIS RAB TU PHYE LA, ZHES GSUNGS SO, ,GANG DAG NYAN THOS SDE GNYIS MAR ME SHI BA LTAR MED PAR 'DOD PA'I PHYIR, ZHES SMRA BAS NI RANG MTSANG STON PA YIN TE, MTHAR THUG THEG PA GSUM DU 'DOD CING NYAN THOS KYI MYANG 'DAS MED PAR 'DOD PA'I SDE GNYIS DE GANG NA YOD STON CIG ,BYE BRAG SMRA BA NI RTAG RDZAS SU YANG 'DOD DO, ,DNGOS POR MED PA'I PHYIR ZER NA, NGO BO NYID KYANG MTHAR THUG GI SKYABS MIN PAR THAL, GZHAN YANG RANG GI DAM BCA' LA SGRUB BYED GZHAN LUNG 'GOD PA LAS NGO MTSAR BA MED

, ,DO; ;'PHAGS PA SLOB PA DE DAG KYANG MTHAR THUG GI SKYABS MIN TE, RANG NYID DA DUNG SGRIB PA'I 'JIGS PA DANG BCAS PA'I PHYIR, DES NA SANGS RGYAS NYAG GCIG MTHAR THUG GI SKYABS SU 'THAD DO, ,BZHI PA NI, 'BYUNG BA DKON PHYIR DRI MED PHYIR, ,MTHU LDAN PHYIR DANG 'JIG RTEN GYI, ,RGYAN GYUR PHYIR DANG MCHOG NYID PHYIR, ,'GYUR BA MED PHYIR DKON MCHOG NYID, CES GSUNGS PA LTAR RO, ,GNYIS PA YAN LAG GI DON LA GSUM LAS, DANG PO SANGS RGYAS DKON MCHOG LA GDAMS PA NI, SANGS RGYAS LA 'DOMS, JI LTAR NA, DON DAM PAR DBYINGS DANG YE SHES SU MI SBYOR TE, RTOGS PA SANGS RGYAS DANG DBYINGS BYANG CHUB DAG ,STONG PA NYID DU MTSAN NYID GCIG PA NYID KYIS SO, ,DON DAM PAR SANGS RGYAS DANG RNAM MKHYEN MTSAN MTSON DU MI SBYOR TE, SANGS RGYAS SU BYED PA'I CHOS KYI MTSAN NYID, RNAM PA THAMS CAD MKHYEN PA NYID DON DAM PAR MI DMIGS PAS SO, ,DE'I PHYIR, DE LA GZUGS LA SOGS PA YUL DU DON DAM PAR MI SBYOR BAS SANGS RGYAS DON DAM PAR MI DMIGS SHING KUN RDZOB TU DMIGS PAR BYA BA DANG DMIGS PAR BYED PA BDEN MED DU MNYAM PA NYID DU SHES PA MTHAR THUG PA SANGS RGYAS YIN NO, ZHES BYA BAR LUNG 'BOGS PA'O, ,NGAG DON NI, GZUGS LA RNAM PA THAMS CAD MKHYEN PA NYID KYIS SBYOR BAR MI BYED DE CES SOGS KYI MDO TSIG CHOS CAN, SANGS RGYAS LA 'DOMS PA'I GDAMS NGAG YIN TE, BDEN GNYIS LAS MI 'DA' BAR SANGS RGYAS STON PAR 'DZIN TSUL TSUL BZHIN 'DOMS PA'I NGAG YIN PA'I PHYIR, GNYIS

PA NI, CHOS LA 'DOMS, JI LTAR NA THA SNYAD DU THAMS CAD MKHYEN PA NYID GSUM GYIS BSDUS PA'I RNAM BYANG CHOS YIN LA, DON DAM PAR GZHI DANG GNYEN PO DANG RNAM PA MTHA' DAG YUL DU BSDUS PA MKHYEN PA GSUM PO DAG GIS BSDUS PA'I RNAM BYANG GI CHOS THAMS CAD NGO BO NYID MED DO ZHES LUNG 'BOGS PA'I TSUL GYIS SO, ,GZHAN DAG GIS 'CHAD MA SHES SO, ,NGAG DON NI, BYANG CHEN SHER PHYIN LA SPYOD PA'I TSE, GZUGS DNGOS PO YOD CES BYA BAR MI SBYOR ZHES SOGS KYI MDO TSIG CHOS CAN; RTAGS CHOS RIGS BSGRE'O, ,GSUM PA NI, DGE 'DUN LA 'DOMS, JI LTAR NA, THA SNYAD DU BYANG CHUB SEMS DPA' 'PHAGS PA SLOB PA PHYIR MI LDOG PA RNAMS GROGS DGE 'DUN YIN PAR SHES PAR BYAS NAS DON DAM PAR DE DAG LA SKYE BA MED PA NYID DU 'JUG P R BYA'O ZHES LUNG 'BOGS PAS SO, ,DGE 'DUN LA DBYE BA DU YOD NA RTZA BA'I DBYE BA 'BRAS BU LA GNAS PA GSUM DANG ZHUGS PA BZHI'I BYE BRAG GIS SKYES BU CHEN PO BDUN PO RANG SANGS RGYAS DANG LHAN CIG BRGYAD PO YAN LAG GI DBYE BA DBANG PO RTUL PO LA SOGS PA'I BYE BRAG GI GRANGS NYI SHUR 'CHAD PA'O, ,DGRA BCOM YANG YOD PA MIN NAM ZHE NA, THEG CHEN DGRA BCOM PA SANGS RGYAS DKON MCHOG GI KHONGS SU GTOGS PA NYID KYIS DGE 'DUN DU MA GTOGS PA'O, ,NGAG DON NI, PHYIR MI LDOG PA'I BYANG CHEN MA GTOGS PA DBANG PO RTUL BA YIN TE, ZHES SOGS KYI MDO TSIG CHOS CAN, RTAGS CHOS 'GRE'O, ,BZHI PA BYA BA NGAN ZHEN GYI LE LO'I GNYEN PO LA ZHEN PA'I BRTZON 'GRUS LA GDAMS PA NI, BRTZON 'GRUS BRTZAMS PA NYID

, ,KYIS JI SKAD BSHAD PA'I DON LA NAN TAN BYED PA NI LUS LA SOGS PA'I BDE BA PHAL PA LA CHAGS PA'I BSOD NAMS NYID KYIS LA LA BYA BA NGAN PA LA MNGON PAR ZHEN PAR 'GYUR BAS DE'I GNYEN POR MA ZHEN PA'I BRTZON 'GRUS LA CHAGS YUL LUS LA SOGS PA BDEN PA'I NGO BO NYID MDOR BSTAN PA'I SGO NAS 'DOMS PA'O, ,LNGA PA SGYID LUG PA'I LE LO'I GNYEN POR NGAL BA MED PA LA GDAMS PA NI, LAM LA DUS YUN RING MO ZHIG TU GOMS PAR BYAS KYANG, 'DOD PA'I DON BYANG CHUB MA GRUB NA NGAL BA'I RANG BZHIN CAN YONGS SU SKYO BAR 'GYUR BAS DE'I GNYEN POR YONGS SU NGAL BA MED PA LA GZUGS LA SOGS PA NAS YANG DAG PAR RDZOGS PA'I BYANG CHUB KYI BAR LA BDEN PAR RLOM PA MED PA NYID DU BSTAN PA'I SGO NAS 'DOMS PA'I NGAG GO ,DRUG PA ZHUM PA'I GNYEN PO LAM YONGS SU 'DZIN PA'I BRTZON 'GRUS LA GDAMS PA NI, PHYOGS BCU NA BZHUGS PA'I SANGS RGYAS LA SOGS PA LA, DON RE RE'I PHYIR LAM GYI LUNG NOD PAR BYA DGOS NA, DE 'DRA GA LA NUS SNYAM DU SEMS ZHUM PAR 'GYUR BAS DE'I GNYEN POR LAM YONGS SU BZUNG BA LA CHOS RNAMS RANG BZHIN GYIS MA SKYES PA NYID DU BSLAB PA'I SGO NAS 'DOMS PA'I GDAMS NGAG GO, BDUN PA SPYAN LNGA LA GDAMS PA NA MING DON GRANGS JI LTA BA BZHIN DU SBYAR NA, SHA'I SPYAN NI, DNGOS PO TSANG SO SOR NGES PA STONG GSUM TSUN CHAD KYI GZUGS PHRA RAGS KYI YUL CAN DANG, LAS KYI RNAM PAR SMIN PA LAS BYUNG BA LHA'I SPYAN NI 'JIG

RTEN GYI KHAMS DU MA'I SEMS CAN RIGS THAMS CAD KYI 'CHI 'PHO BA DANG SKYE BA'I YUL CAN DANG, SHES RAB KYI SPYAN NI CHOS THAMS CAD LA MTSAN MAR RNAM PAR MI RTOGS PA DANG, CHOS KYI SPYAN NI 'PHAGS PA'I GANG ZAG THAMS CAD KYI DBANG PO RNO RTUL SOGS RTOGS PA DANG, SANGS RGYAS KYI SPYAN NI CHOS THAMS CAD RNAM PA THAMS CAD DU MNGON PAR RDZOGS PAR BYANG CHUB PA'I YUL CAN YIN NO ZHES KUN RDZOB TU DE LTAR MTSAN NYID SHES PAR BYAS NAS RGYUD LA BSKYED CING DON DAM PAR SPYAN LNGA DE BZHIN NYID DU GCIG PA NYID DU RTOGS LA SGRUB PO ZHES SLOB PA NI SPYAN LNGA LA 'DOMS PA'O, ,SA MTSAMS NI, MA MTHA' SHA'I SPYAN TSOGS LAM, LHA'I SPYAN SBYOR LAM, SHES RAB KYI SPYAN MTHONG LAM MNYAM GZHAG, CHOS KYI SPYAN DE'I RJES THOG THOB, SANGS RGYAS KYI SPYAN RJES MTHUN PAS BRGYAD PA NAS YOD CING, THA MA 'DI DNGOS SANGS RGYAS SA NA'O, ,NGAG DON NI BYANG CHEN SHA'I MIG GANG GIS ZHES SOGS KYI MDO TSIG CHOS CAN, SPYAN LNGA LA 'DOMS PA'I GDAMS NGAG YIN TE, BDEN GNYIS LAS MI 'DA' BAR SPYAN LNGA RGYUD LA SKYE TSUL TSUL BZHIN 'DEMS PA'I GDAMS NGAG YIN PA'I PHYIR, BRGYAD PA MNGON SHES DRUG LA GDAMS PA NI, RDZU 'PHRUL GYI MNGON PAR SHES PA BSAM GTAN GYI MTHUS SA G-YO BA LA SOGS PA DANG, LHA'I RNA BA'I MNGON PAR SHES PA 'JIG RTEN GYI KHAMS THAMS CAD NA GNAS PA'I SGRA CHUNG NGU DANG CIG SHOS BSAM GTAN GYI MTHUS THOS PA'I RNA BA'I SHES PA DANG, GZHAN GYI SEMS SHES PA'I

, ,MNGON PAR SHES PA BSAM GTAN GYI MTHUS GZHAN GYI SEMS 'DOD CHAGS DANG BCAS PA LA SOGS PA YONGS SU SHES PA DANG, SNGON GYI GNAS RJES SU DRAN PA'I MNGON PAR SHES PA BSAM GTAN GYI MTHUS RANG DANG GZHAN GYI TSE RABS SNGA MA DU MA RJES SU DRAN PA DANG, BSAM GTAN MNGON PAR 'DU BYED PA LAS BYUNG BA'I LHA'I MIG GI MNGON PAR SHES PA 'JIG RTEN GYI KHAMS DU MA'I GZUGS THAMS CAD BSAM GTAN GYI MTHUS MTHONG BA DANG, ZAG PA ZAD PA SHES PA'I MNGON PAR SHES PA NYON MONGS PA DANG SHES BYA'I SGRIB PA SPONG BAR BYED PA'I YE SHES RNAMS SO, ZHES KUN RDZOB TU DE DAG GI MTSAN NYID SHES PAR BYED CING, DON DAM PAR GZOD MA NAS ZHI BA NYID DU RTOGS PAR BYA'O ZHES BSTAN PA NI MNGON PAR SHES PA DRUG LA 'DOMS PA'O, ,SA MTSAMS NI, DANG PO LNGA, PHYI ROL PA DANG LAM MA ZHUGS LA'ANG YOD CING, DRUG PA DGRA BCOM GSUM LA'O, ,NGAG DON NI, SHER PHYIN LA SPYOD PA'I BYANG CHEN MNGON PAR SHES PA'I PHA ROL TU PHYIN PA 'THOB STE, ZHES SOGS KYI MDO TSIG CHOS CAN, CHOS RTAGS 'GRE, DGU PA SPANG BYA KUN BRTAGS KYI GNYEN PO LA GDAMS PA NI, MTHONG BA'I LAM BDEN PA BZHIS BSDUS PA SKAD CIG MA BCU DRUG GI NGO BO NYID CHOS DANG RJES SU SHES PA'I BZOD PA DANG SHES PA'I BDAG NYID CAN DAG RNAL 'BYOR PA'I CHOS THAMS CAD BDEN PA'I NGO BO NYID MED PAR RTOGS PAS SGYU MA MKHAN BZHIN DU THAMS CAD LA BDEN PAR MNGON PAR ZHEN PA MED PA'I LUS CAN RNAMS KYIS MTHONG LAM DES SPANG BAR BYA BA'I DNGOS PO MTHONG SPANGS KYI GNYEN

PO NYID DU RNAM PAR SGOM PAR BYED DGOS SO, ZHES STON PA NI MTHONG BA'I LAM LA 'DOMS PA'O, ,NGAG DON NI, RAB 'BYOR BYANG CHEN RNAMS LA ZHES SOGS KYI MDO TSIG CHOS CAN, MTHONG LAM LA 'DOMS PA'I GDAMS NGAG YIN TE, BDEN GNYIS LAS MI 'DA' BAR MTHONG SPANG GI GNYEN POR MTHONG LAM BSGOM TSUL TSUL BZHIN 'DOMS PA'I NGAG YIN PA'I PHYIR, BCU PA SPANG BYA LHAN SKYES KYI GNYEN PO LA GDAMS PA NI, JI LTAR 'DUS BYAS LAM DANG 'DUS MA BYAS 'GOG PA DAG BDEN MED DU NGO BO GCIG PA NYID KYIS DON DAM PAR PHAN TSUN RIGS THA DAD DU GDAGS PAR MI NUS PA BZHIN DU SGOM LAM GYIS KYANG MTHONG BA'I LAM GYIS MNGON SUM DU BYAS PA DNGOS PO LAS RIGS THA MI DAD PA LA DMIGS PA STE, GNYIS KAS CHOS NYID TZAM LA MNGON SUM DU DMIGS PA'I PHYIR MTHONG BA DANG BSGOM PA DAG RTOGS PA RIGS THA DAD DU GYUR PA MED PAS MTHONG LAM GYIS DMIGS PA'I CHOS NYID LAS RIGS THA DAD PA'I YUL MNGON SUM DU RTOGS PA'I SGOM PA'I LAM ZAG MED MTSAN NYID PA RNAM PAR BZHAG PA NI MED KYI 'ON KYANG DE NI MTHONG LAM GYIS RTOGS PA'I CHOS NYID YUN RING DU GOMS BAR BYAS PA'I RTEN CING 'BREL PAR 'BYUNG BA'I CHOS NYID KYIS DES SPANG BAR BYA BA'I DNGOS PO SGOM SPANG GI GNYEN PO NYID DU RNAM PAR SGOM PAR BYED DO ZHES STON PA SGOM PA'I LAM LA 'DOMS PA'O, ,NGAG DON NI, RAB 'BYOR 'DUS BYAS KYI DBYINGS MED PAR ZHES SOGS KYI MDO TSIG CHOS CAN, CHOS RTAGS 'GRE, GSUM PA GRANGS NGES MJUG BSDU

, ,PA NI, GDAMS NGAG NI BCUR GRANGS NGES SO, ,DE'I RGYU MTSAN NI 'DI TZAM KHO NAS DON THAMS CAD PHUN SUM TSOGS PAR 'GYUR BAS SO, ,DE'I RGYU MTSAN JI SKAD BSHAD PA DE LTAR NA BYANG CHUB KYI SEMS DANG DES 'PHANGS PA'I CHOS KYI NGO BO NYID SHER PHYIN PA LA BSGRUB PA'I SGOM TSUL GYI RNAM PA GANG YIN PA MI DMIGS PA DANG, DE'I DMIGS PA GANG YIN PA 'PHAGS PA'I BDEN PA BZHI DANG, THUN MONG MIN PA'I RTEN GANG YIN PA THEG CHEN GYI SKYABS GSUM DANG, LAM KHYAD PAR DU 'GRO BA RGYU YIN PA MA CHAGS PA DANG, LAM BOR NAS MI LDOG PA 'GRO BA'I RGYU GANG YIN PA YONGS SU MI NGAL BA DANG, THEG PA GZHAN GYIS MI 'GRO BA'I RGYU GANG YIN PA LAM YONGS SU 'DZIN PA DANG, LAM SGRUB PA LA GZHAN GYI DRIN MI 'JOG PAR 'GRO BA'I NYID KYI RGYU GANG YIN LA SPYAN LNGA DANG, GZHAN DON BYED PAS TSOGS BSAGS TE RNAM PA THAMS CAD MKHYEN PA NYID YONGS SU RDZOGS PA'I RGYU GANG YIN PA MNGON PAR SHES PA DRUG DANG, SPANG BYA MTHA' DAG SPANGS BA MTHAR THUG PA'I RGYU YIN PA MTHONG BA DANG SGOM PA'I LAM DE DAG STE, DE DAG THAMS CAD LA 'DOMS TSUL GDAMS NGAG GI SKABS SU BSHAD PA'O, ,BZHI PA RTOGS DKA' BA BYE BRAG TU BSHAD PA LA GNYIS LAS, SPYI DON NI, 'DIR SKABS SU BAB PA'I BRJOD BYA NI, BOD DAG GIS MTSON BYA DON GYI DGE 'DUN ZHES THA SNYAD BYAS PA THEG CHEN GYI ZHUGS 'BRAS KYI RNAM GZHAG YIN LA, DE RTOGS PA'I YAN LAG TU MTSON BYED DPE'I DGE 'DUN DU THA SNYAD BYAS PA NYAN

THOS KYI ZHUGS 'BRAS KYI ZHUGS 'BRAS DAG KYANG BSHAD PAR BYA BA TZAM YIN MED KYANG 'DIR NI MANGS BAS 'JIGS TE MA BRIS LA, THEG CHEN GYI ZHUGS 'BRAS KYI RNAM GZHAG LA, DNGOS BTAGS BSHAD PA, GRANGS DANG MTSAN NYID LA DPYAD PA, SA MTSAMS SO, ,DANG PO LA DGAG BZHAG SPANG GSUM LAS, DANG PO NI SKABS 'DIR, DGE 'DUN DKON MCHOG LA 'DOMS PA'I SKABS SU MDO LAS MING GI THA SNYAD DNGOS SU MA SMOS PA'I BYANG SEMS MANG PO ZHES GSUNGS PA LA, RJE BTZUN GYIS DE DAG THAMS CAD BDE BLAG TU RTOGS PAR BYA BA'I PHYIR ZHUGS 'BRAS KYI THA SNYAD KYIS NYI SHUR BSDUS TE BSTAN CING DE DAG KYANG GZHAN DAG NA RE BTAGS PA PA'I DBANG DU BYAS PA YIN CING, 'DOGS PA'I RGYU MTSAN SPANG RTOGS 'GA' ZHIG CHA 'DRA BA TZAM DANG, DGOS PA THEG CHEN GYI GANG ZAG MA NGES PA'I RIGS CAN RNAMS BYANG SEMS 'PHAGS PA LA DGE 'DUN DKON MCHOG TU YID CHES SU, ZHUGS PA'I SGO NAS THEG CHEN DU DRANG BA'I PHYIR DANG, DNGOS LA GNOD BYED BYANG SEMS YIN PAR BSHAD PA'I PHYIR, ZHES ZER RO, ,DE MI 'THAD DE, RGYUN ZHUGS SOGS KYI MING BTAGS PA TZAM GYIS BYANG SEMS DGE 'DUN DKON MCHOG TU YID CHES NAS 'JUG PA DE THEG DMAN GYI DGE 'DUN DKON MCHOG TU YID CHES NAS 'JUG PA YIN NAM, THEG CHEN GYI DGE 'DUN DKON MCHOG TU YID CHES NAS 'JUG PA YIN, DANG PO DE MI 'THAD DE, DE LTAR NA DE 'DRA'I RIGS CAN THEG CHEN LAM DU 'JUG PA LA, LAM DE YANG THEG DMAN GYI LAM DU YID CHES SKYE

, ,DGOS PAR THAL BA'I PHYIR DANG, THEG CHEN GYI LAM LA SLOB 'DOD DANG, THEG CHEN GYI SKYABS 'GRO DANG, SEMS BSKYED SOGS GANG YANG RGYUD LA MED PA'I THEG CHEN LAM ZHUGS YOD PAR THAL BA'I PHYIR RO, ,GNYIS PA LTAR YANG MI 'THAD DE, DE LTAR NA NYAN THOS LA, BYANG SEMS MTHONG LAM PA DANG, BSGOM LAM PA SOGS LA THA SNYAD BTAGS NA THEG DMAN GYI DGE 'DUN DKON MCHOG TU YID CHES SKYE BAR THAL BA'I PHYIR DANG, GZHAN YANG DE 'DRA BA'I RIGS CAN THEG CHEN LAM LA GZHUG PA'I PHYIR DU BYANG SEMS LA NYAN THOS KYI ZHUGS 'BRAS KYI MING 'DOGS DGOS NA, THEG CHEN GYI 'BRAS BU LA THOB 'DOD BSKYED PA'I PHYIR DU RDZOGS PA'I SANGS RGYAS LA NYAN THOS DGRA BCOM GYI MING 'DOGS PAR THAL BA'I PHYIR RO, ,BYANG SEMS YIN PA NI RGYUN ZHUGS SOGS DNGOS YIN PA'I GNOD BYED DANG, DNGOS MIN PA'I SGRUB BYED GANG DU YANG MI 'THAD DE, DE NYID DNGOS YIN MIN RTZOD PA'I GZHI YIN PA'I PHYIR, GZHAN DU NA SGRA YIN PA DE SGRA MI RTAG PA'I SGRUB BYED YANG DAG TU THAL BAR 'GYUR RO, ,KHA CIG RGYUN DU ZHUGS PA NAS RANG SANGS RGYAS KYI BAR THOB PAR MI BYED CES GSUNGS PA DNGOS LA GNOD BYED DU SMRA BA MI RIGS TE, DE NI BYANG SEMS GYIS THEG DMAN GYI 'BRAS BU MNGON DU MI BYED PAR BSHAD PA YIN LA, DE NYID THEG CHEN LA ZHUGS 'BRAS MTSAN NYID PA MED PA'I SGRUB BYED DU 'BREL PA MED PA'I PHYIR RO, ,DES NA 'DOGS PA'I RGYU MTSAN DANG DGOS PA MA GRUB PA'I PHYIR, BTAGS PA BAR MI 'THAD DO, ,KHA CIG BYANG SEMS YIN NA, RGYUN ZHUGS ZHUGS PAR 'GAL BAR KHAS BLANGS NAS DE MA THAG

'GREL PA'I TSIG DON 'CHAD PA NA, 'DI LTAR SMRA STE, 'CHAD PAR 'GYUR BA'I LAM SHES PA NYID KYIS BSDUS PA'I MTHONG BA'I LAM SKAD CIG MA BCO LNGA LA GNAS PA, RGYUN ZHUGS 'BRAS GNAS KYI SPANG RTOGS SGRUB PA LA BRTZON PAS NA, 'BRAS BU DANG PO LA ZHUGS PA STE, DE LA DBANG RTUL DAD PA'I RJES 'BRANGS DANG, DBANG RNON CHOS KYI RJES 'BRANGS GNYIS SO, ZHES BYA BA NI DNGOS 'GAL LO, ,KHA CIG RGYUN ZHUGS KYI MTSAN NYID KUN SBYOR GSUM SPANGS PAS RAB TU PHYE BA'I DGE SBYONG GI TSUL GYI 'BRAS BU LA GNAS PA CES SMRAS NAS, 'GREL PA'I TSIG DON 'CHAD PA NA, MTHONG LAM SKAD CIG BCU DRUG PA LA GNAS PA'I BYANG SEMS CHOS CAN, RGYUN ZHUGS SU GDAGS SU RUNG STE, KUN SBYOR GSUM SPANGS PAS RAB TU PHYE BA'I DGE SBYONG GI TSUL GYI 'BRAS BU THOB PHYIR BRTZON PA'I BYANG SEMS YIN PA'I PHYIR, ZHES ZER RO, ,DE CHOS CAN, RGYUN ZHUGS SU THAL LO, MTSAN NYID DE'I PHYIR, 'KHOR GSUM DNGOS SO, ,YANG KHA CIG, MTHAR GYIS PA'I RGYUN ZHUGS ZHUGS PA'I MTSAN NYID, MTHONG LAM GYI SNGAR 'DOD PA'I BSGOM SPANGS KYI NYON MONGS CUNG ZAD MA SPANGS PA'AM, LNGA PA'I BAR CI RIGS PAR SPANGS KYANG RUNG, DRUG PA MA SPANGS LA, RTOGS PA'I KHYAD PAR SBYOR LAM STAN GCIG PA NAS SKAD CIG MA DANG PO BCO LNGA GANG RUNG LA GNAS PA'O ZHES ZER ZHING, BYANG SEMS YIN NA RGYUN ZHUGS ZHUGS PAR 'GAL LO, ZHES SMRAS NAS TSIG DON 'CHAD PA NA, SKABS GNYIS PAR 'CHAD PAR 'GYUR BA'I LAM SHES PA NYID KYIS BSDUS PA MTHONG LAM SKAD CIG BCU DRUG GI DANG PO BCO LNGA LA BRTEN

, ,NAS GNAS SHING, SNGAR 'DOD PA'I SGOM SPANGS MA SPANGS PA'I BYANG SEMS CHOS CAN ZHES SMRA BA'ANG BYANG SEMS DE LA MTSAN NYID DE CHANG BAR DNGOS SU 'GAL BA YIN NO, ,GNYIS PA RANG LUGS NI, 'DIR BYANG SEMS LA ZHUGS 'BRAS KYI RNAM GZHAG MDZAD PA NI, DNGOS KYI DBANG DU MDZAD PA YIN TE, BTAGS PA BA'I TSUL LA JI SKAD BSHAD PA'I GNOD PA 'BAB PA'I PHYIR DANG, BTAGS PA BAR BZHED NA 'DOGS PA'I CHOS GSUM SOGS 'CHAD RIGS PA LA, SLOB DPON GYIS GANG DU YANG MA BSHAD PA'I PHYIR DANG, 'GREL CHEN LAS, PHYIR MI LDOG PA 'KHOR LO'I MDO LAS, BYANG CHUB SEMS DPA'I DAD PA'I RJES SU 'BRANG PA NAS BRTZAMS NAS RANG SANGS RGYAS KYI BAR DU GANG ZAG GI RNAM GZHAG BCOM LDAN 'DAS NYID KYIS SHIN TU GSAL BAR GSUNGS PA'I PHYIR RO, ZHES SOGS KYIS PHYIR MI LDOG 'KHOR LO'I MDO SHES BYED DU DRANGS NAS BYANG SEMS RGYUN ZHUGS SOGS YOD PAR LEGS PAR BSGRUB PA'I PHYIR DANG, SRID RTZER 'GRO GZUGS KYI 'DOD CHAGS BCOM PA TZAM LA BSHAD PA YANG, BYANG SEMS LA SRID RTZER 'GRO MTSAN NYID PA 'JOG BZHED CING, BYANG SEMS SRID RTZER SKYE MI BZHED PA'I RGYU MTSAN GYIS MIN GYI, GZHAN DU NA DE LA RGYU MTSAN MED PAR 'GYUR BA'I PHYIR RO, ,PHYIR MI LDOG 'KHOR LO'I MDO'I DGONGS PA NI BYANG SEMS LA ZHUGS 'BRAS KYI THA SNYAD BTAGS PA'I DGONGS PA 'CHAD PA YIN NO, ZHES SMRAS PA'ANG MI 'THAD DE, CI THEG DMAN GYI MDOR BYANG SEMS LA DE 'DRA'I THA SNYAD BTAGS PA DGONGS PA YIN NO, ,PHYIR MI LDOG 'KHOR LO'I MDO RANG NYID DU DE LTAR BTAGS PA'I DGONGS GZHI 'CHAD PA YIN

NAM; YUM GYI MDO SOGS SU DE LTAR BTAGS PA'I DGONGS GZHI 'CHAD PA YIN NAM, GANG 'DOD DRANG, DANG PO MI 'THAD DE, THEG DMAN GYI MDO LAS, DE LTAR BTAGS PA MED PA'I PHYIR DANG, KHYED RANG YANG KHAS MI LEN PA'I PHYIR RO, ,GNYIS PA MI 'THAD DE, MDO DE'I GLENG GZHI'I MJUG DE MA THAG TU, BCOM LDAN 'DAS KYIS GANG LA DGONGS TE, RGYUN DU ZHUGS PA'I 'BRAS BU BSTAN PA DANG, ZHES PA NAS RANG SANGS RGYAS KYI BAR BSTAN PA BSHAD DU GSOL, ZHES ZHUS PAS, DE'I LAN GSUNGS PA GANG ZHIG, MDO DER DE'I GONG DU ZHUGS 'BRAS KYI THA SNYAD BYANG SEMS LA BTAGS PA MED PA'I PHYIR RO, ,GSUM PA YANG MI 'THAD DE, PHYIR MI LDOG 'KHOR LO'I MDO LAS, DGRA BCOM PAR BRJOD PA'I RGYU MTSAN YANG GSUNGS PA GANG ZHIG ,YUM GYI MDO SOGS SU BYANG SEMS LA DGRA BCOM PA GSUNGS PA MED PA'I PHYIR DANG, SANGS RGYAS LA DGRA BCOM PAR GSUNGS PA'I DGONGS PA SOGS 'CHAD PAR KHAS LEN NA, SANGS RGYAS DGRA BCOM BTAGS PA BAR THAL BA'I PHYIR RO, ,DES NA PHYIR MI LDOG 'KHOR LO'I MDO NI, MTHAR THUG THEG PA GCIG SGRUB PA'I PHYIR GSUNGS PA YIN LA, DE YANG NYAN THOS LAS, MTHAR THUG GI MYANG 'DAS KYI RGYUN LA ZHUGS PA'I RGYUN ZHUGS SOGS MED PAR BSTAN NAS, BYANG SEMS LA DE DAG YOD PAR STON PAR BYED PA YIN LA; MDO 'DI'I 'CHAD TSUL RGYAS PAR GZHAN DU RGYAS PAR 'CHAD PAR 'DOD DO, ,NYAN THOS LA RGYUN ZHUGS SOGS DNGOS MED PA'ANG MI 'THAD DE, DE LTA NA NYAN THOS 'PHAGS PA DNGOS MED PA'ANG GANG GIS 'GOG ,NYAN THOS LA DGE SBYONG GI 'BRAS BU

, ,YANG MED PAR 'DOD DGOS PAS, ZAG MED BAR CHAD MED LAM DANG, RNAM GROL LAM DANG, 'GOG BDEN DNGOS LA SOGS PA YANG MED PAR THAL BAR 'GYUR RO, ,'O NA NYAN THOS LA MYANG 'DAS DNGOS KYANG YOD DAM ZHE NA, MTHAR THUG GI MYANG 'DAS DNGOS MED PA YIN GYI MYANG 'DAS TZAM YANG MED PA MIN TE, THAR PA'ANG MED PAR THAL BA'I PHYIR DANG, MYANG 'DAS YIN NA MI GNAS PA'I MYANG 'DAS YIN PAS KHYAB PAS MYANG 'DAS KYI MTHAR LHUNG BA MI SRID PAR THAL BA'I PHYIR DANG GZHI SHES KYIS NYER ZHIR KHRID PA'I BZHED DON BSGRUB MI NUS PAR THAL BA'I PHYIR RO, ,GSUM PA LA RTZOD PA SPANG BA NI, BYANG SEMS LA PHYIR MI 'ONG MTSAN NYID PA MED PAR THAL, PHYIR MI 'ONG GI MING CAN GYI BYANG SEMS DE, DA DUNG 'GRO BA'I DON DU 'DOD PAR SKYE BA TSAD MED PA 'DZIN PA'I PHYIR ZHE NA, 'O NA NYAN THOS PHYIR MI 'ONG DE'ANG, SLAR THEG CHEN LAM DU ZHUGS NAS GZHAN DON DU 'DOD PAR SKYE BA TSAD MED PA 'DZIN NAM, MI 'DZIN, MI 'DZIN NA MTHAR THUG THEG PA GSUM DU THAL LO 'DZIN NA DER THAL, DE'I PHYIR, 'KHOR GSUM DNGOS SO, ,'O NA KUN LAS BTUS LAS, BYANG SEMS LA DNGOS YOD PA BKAG PA CI ZHE NA, GZHUNG DE NI MTHAR THUG GI THEG PA GSUM GYI TSUL STON PA'I MDO NGES DON DU KHAS BLANGS PA'I DBANG DU BYAS PA YIN PAS 'DIR MI GNOD DO, ,'O NA BYANG SEMS RANG SANGS RGYAS YOD DAM ZHE NA, 'DIR RANG SANGS RGYAS ZHES GSUNGS PA DANG, NYAN THOS RANG SANGS RGYAS ZHES PA'I RANG SANGS RGYAS NI TSUL SHIN TU MI 'DRA STE, THEG DMAN GYI DE NI RANG NYID GCIG PU'I PHYIR DU BYANG CHUB MNGON DU BYAS PA'I PHYIR RANG SANGS RGYAS ZHES BYA

BA YIN PAS, DE YIN NA DGRA BCOM YIN PAS KHYAB PA YIN NO, ,'DIR NI SANGS RGYAS MED CING BYANG SEMS GZHAN MED PA'I 'JIG RTEN DU RANG NYID GCIG PUR GNAS NAS BYANG CHUB MNGON DU BYED PA LA GSUNGS PAS DGRA BCOM MIN DGOS PA'I PHYIR RO, GZHAN DU NA THEG CHEN DGRA BCOM DU 'GYUR BAS DGE 'DUN DKON MCHOG GI NANG DU CI'I PHYIR STON, DE BAS NA MDO DANG 'GREL PA RNAMS LAS SHIN TU GSAL BAR GSUNGS PAS TSUL DE YIN PAS SKABS 'DIR THEG DMAN RANG SANGS RGYAS DANG TSUL 'DRA BAS BTAGS PA BAR 'DOD PA NI BAB COL LO, ,DE'I PHYIR, THEG DMAN LA NI RANG NYID GCIG PU'I PHYIR SANGS RGYAS PAS RANG SANGS RGYAS ZHES BYA BA YIN LA, 'DIR NI RANG NYID GCIG PUR GNAS NAS GNAS DER SANGS RGYA BAR 'GYUR BA'I PHYIR RANG SANGS RGYAS ZHES BYA BA YIN CING, MDO LAS RANG BYANG CHUB TU MNGON PAR RDZOGS PAR 'TSANG RGYA BAR 'GYUR BA DAG YOD DE, ZHES GSOL BAR GSUNGS KYANG 'GREL PA GNYIS SU RANG SANGS RGYAS SO ZHES SMOS PA NI TSIG TSOGS SKYUNGS PA YIN PAS, DON NI BSER RU LTAR GNAS NAS RANG NYID MNGON PAR RDZOGS PAR 'TSANG RGYA BA ZHES BYA BA YIN CING, DE LTA BU DNGOS YIN PA'I BYANG SEMS SHIN TU'ANG YOD DO, ,GNYIS PA GRANGS LA DPYAD PA NI NYI SHU'I GRANGS 'JOG TSUL LA, LE BRGYAD MAR, GZHUNG GIS ZIN PA NYI SHU DANG BRGYAD PA DANG, 'BRAS GNAS DANG PO GSUM DANG, DGRA BCOM 'BRAS ZHUGS RNAMS KYI MDO NYI SHU RTZA LNGA 'BYUNG BA LA, 'PHAGS PAS GZHUNG GI 'OG MIN 'GRO NAS SRID RTZER 'GRO BA'I BAR LNGA PO GONG 'PHOB ZHES GCIG TUB GRANGS SHING, BRGYAD PA DANG 'BRAS GNAS PAR PA GNYIS DGRA BCOM

, ,ZHUGS PA DANG BCAS PA MNAN PAS NYI SHUR 'CHAD LA, SLOB DPON GYIS BRGYAD PA DANG, PHYIR MI 'ONG 'BRAS GNAS TZAM PO DANG, 'OG MIN 'GRO RNAMS DBYE GZHIR BYAS NAS RANG RANG GI DBYE BA LAS GRANGS 'DZIN LA SOGS PA MANG GRANGS SHING, BYANG SEMS GZUGS MED KHAMS SU SKYE BA DON DU MI GNYER BAS SRID RTZER 'GRO DANG GZUGS KYI CHAGS BCOM GCIG TU BSDUS NAS SO SOR MA BGRANGS SHING, RGYUN ZHUGS DANG PHYIR 'ONG 'BRAS GNAS TZAM PO DANG, DGRA BCOM ZHUGS PA GSUM MDO LAS KHA BSKANGS TE NYI SHUR MDZAD DO, ,GSUM PA SA MTSAMS NI, RGYUN ZHUGS ZHUGS PA'I MA MTHA' SA DANG PO DANG, DGRA BCOM ZHUGS PA SA BCU PA LA 'PHAGS PAS BSHAD CING, GZHAN RNAMS KYI NANG GSES KYI SA MTSAMS ZHIB TU DKA' BAR SNANG NA LOGS SU BSHAD PA LTAR 'DOD DO, ,GNYIS PA YAN LAG GI DON LA MTSAMS SBYAR NI, DGE 'DUN DKON MCHOG GI SKABS SU BDE BLAG TU RTOGS PAR BYA BA'I PHYIR BAR SKABS KYI TSIGS SU BCAD PA GSUNGS SO, ,RTZA BA NI DBANG PO ZHES SOGS SO, , 'GREL PA LA LNGA LAS, ZUNG DANG PO RGYUN ZHUGS KYI SKOR LA ZHUGS GNAS GNYIS KYI DANG PO NI, 'CHAD PAR 'GYUR BA'I LAM SHES PA NYID KYIS BSDUS PA MTHONG BA'I LAM SKAD CIG BCU DRUG GI DANG PO BCO LNGA GANG RUNG LA BRTEN NAS GNAS SHING, SNGAR 'DOD PA'I SGOM SPANGS MA SPANG PA'I BYANG SEMS CHOS CAN, 'BRAS BU DANG PO LA ZHUGS PA YIN TE, KUN SBYOR SPANGS PAS RAB TU PHYE BA'I THEG CHEN GYI DGE SBYONG GI TSUL GYI 'BRAS BU THOB PHYIR DU BRTZON PAS SO, ,DBYE NA RNAM PA GNYIS TE, DBANG RTUL DAD PA'I RJES 'BRANG

DANG, DBANG RNON CHOS KYI RJES 'BRANG GI BYE BRAG GO ,GNYIS PA LA TZAM KHYAD GNYIS KYI DANG PO NI DE'I 'OG TU DE NYID BCU DRUG PA LA GNAS PA RGYUN DU ZHUGS PA YIN NO, ,GNYIS PA NI, DE'I 'OG TU DE NYID SGOM SPANGS GSUM MAM BZHI SPANGS SHING, LHA'I SKYE BA RIGS MTHUN GNYIS SAM GSUM LON PA LHA DANG MI'I SKYE BA RIGS MTHUN GNYIS SAM GSUM LEN PA LHA DANG MI'I RIGS NAS RIGS SU SKYE BA NYID KYIS 'BRAS GNAS TZAM PO LAS GZHAN KHYAD PAR CAN RNAM PA GNYIS YIN NO, ,ZUNG GNYIS PA PHYIR 'ONG GI SKOR LA ZHUGS 'BRAS GNYIS LAS, DANG PO NI, DE'I 'OG TU SNGAR GYI BYANG SEMS DBANG PO RTUL PO DANG RNON PO DE GNYIS BCU DRUG PA GNAS PA DANG PA DANG MTHONG BAS THOB PA DAG CHOS CAN, 'BRAS BU GNYIS PA LA ZHUGS PA YIN TE, PHAL CHER LA 'DOD CHAGS DANG BRAL BA LAS RAB TU PHYE BA'I THEG DMAN GYI 'BRAS BU THOB PHYIR DU BRTZON PA'I BYANG SEMS YIN PA'I PHYIR, 'BRAS GNAS LA TZAM KHYAD KYI DANG PO NI, 'DOD NYON DRUG PA SPANGS PA'I RNAM GROL LAM LA GNAS PA'I BYANG SEMS CHOS CAN, LAN CIG PHYIR 'ONG PA YIN NO, GONG GI 'BRAS BU DE 'DRA LA GNAS PA'I BYANG SEMS YIN PA'I PHYIR, GNYIS PA NI, BYANG SEMS PHYIR 'ONG DE NYID 'DOD PA'I SGOM SPANG NYON MONGS BDUN NAM BRGYAD SPANG ZHING DGU PA MA SPANGS PA NI CHOS CAN, GZHAN PAR CHAD GCIG PA YIN TE, 'DOD PAR SKYE BA LAN CIG BLANGS NAS NYER LAN GYI PHUNG PO SPANGS PA'I ZHI BA MNGON DU BYED PA'I PHYIR 'ONG YIN PA'I PHYIR, ZUNG GSUM PA PHYIR MI 'ONG GI SGOR LA ZHUGS GNAS GNYIS KYIS DANG PO NI, DE'I 'OG TU BYANG SEMS DAD PA DANG MTHONG BAS THOB PA DE DAG 'DOD PA'I

, ,SGOM SPANGS NYON MONGS DGU PA SPONG BA LA BRTZON PA NA CHOS CAN, 'BRAS BU GSUM PA LA ZHUGS PA YIN TE, THA MA'I CHA DANG MTHUN PA LNGA SPANGS PAS RAB TU PHYE BA'I THEG CHEN GYI 'BRAS BU THOB PHYIR DU BRTZON PA'I PHYIR, DE YANG SNGA MA BZHIN DU GRANGS 'DZIN GCIG YIN, GNYIS PA LA, DBYE GZHI NI DGU PA DE SPANGS PA'I RNAM GROL LAM LA GNAS PA'I BYANG SEMS CHOS CAN, PHYIR MI 'ONG YIN TE, DE 'DRA'I 'BRAS BU LA GNAS PA'I PHYIR, GNYIS PA LA DBYE NA LNGA LAS, DANG PO BYANG SEMS BAR MA DOR 'DA' BA NI, GZUGS SU SKYE BA'I KUN SBYOR SPANGS LA, MNGON PAR GRUB PA'I KUN SBYOR MA SPANGS PAS GZUGS KYI BAR SRID GRUB PA NA LAM MNGON DU BYAS NAS NYER LEN GYI PHUNG PO SPANGS PA'I ZHI BA 'THOB PA'O, , SKYES NAS 'DA' BA NI, KUN SBYOR GNYIS KA MA SPANGS PAS GZUGS SU SKYES TZAM NA DE 'THOB PA'O, ,MNGON PAR 'DU BYED DANG BCAS PAS 'DA' BA NI, GZUGS SU SKYES NAS 'BAD RTZOL CHEN POS DE 'THOB PA'O, ,MNGON PAR 'DU BYED PA MED PAR YONGS SU MYA NGAN LAS 'DA' BA NI, GZUGS SU SKYES NAS 'BAD PA CHUNG DUS DE THOB PA'O, ,LNGA PA NI, GONG DU 'PHO BA STE, DE YANG GNYIS KYI DANG PO 'OG MIN GYI MTHAR THUG PAR 'GRO BA NI, 'PHAR BA DANG, CHED DU 'PHAR BA DANG, GNAS THAMS CAD DU 'CHI 'PHO BA NYID KYIS GONG DU 'PHO BA SRID RTZER 'GRO LAS GZHAN RNAM PA GSUM STE, RIM BZHIN PHYI MA LA TSANGS RIS SU SKYES NAS, DE'I RJES MA LA 'OG MIN DU DE 'THOB PA DANG, TSANGS RIS NAS GNAS 'OG MA GSUM GANG RUNG DU SKYE ZHING, BAR GYI GNAS

GZHAN BRGAL TE 'OG MIN DU DE 'THOB PA DANG, TSANGS CHEN MA GTOGS PA'I GZUGS KYI GNAS GZHAN THAMS CAD DU SKYES NAS 'OG MIN DU DE 'THOB PA RNAMS SO, ,GNYIS PA BYANG SEMS PHYIR MI 'ONG DE NYID SRID PA'I RTZE MO'I MTHAR THUG PAR 'GRO BA NI GZUGS KYI 'DOD CHAGS DANG BRAL BAS DER SKYE BA'I NUS PA YOD PA STE, DBYE NA, MTHONG BA'I CHOS LA ZHI BA DE 'THOB PA DANG, RNAM THAR BRGYAD TING NGE 'DZIN GYI LUS KYIS MNGON DU BYED PA GONG 'PHO LAS GZHAN RNAM PA GNYIS SO, ,BZHI PA DGRA BCOM PA NYID KYI 'BRAS BU LA ZHUGS PA NI, SRID RTZE'I NYON MONGS DGU'I SA BON SPONG BA LA BRTZON PA'I BYANG SEMS SO, ,LNGA PA RTZA BAR BSE RU LTA BU ZHES GSUNGS PA RANG NYID GCIG PUR GNAS NAS SANGS RGYAS THOB PAR BYED PA'I BYANG SEMS NI, SANGS RGYAS MI BZHUGS SHING, BYANG SEMS GZHAN MED PA'I 'JIG RTEN DU TSE DE LA 'TSANG RGYA BA STE, DE LTAR NA NYI SHU'O, ,GSUM PA DE DON NYAMS SU BLANGS PA LAS RTOGS PA SKYE BA'I RIM PA BSHAD PA LA, THOG MAR SGOM BYUNG GI RTOGS PA NGES 'BYED CHA MTHUN SKYE TSUL BSHAD PA DANG, THEG CHEN GYI SGRUB PA SPYI'I RNAM GZHAG BSHAD PA'O, ,DANG PO LA GNYIS LAS, SPYI'I DON LA, RTEN, NGO BO, BLO RIGS DPYAD PA DANG GSUM, DANG PO NI, THEG CHEN SBYOR LAM SKYE BA'I LUS DANG, SEMS KYI RTEN JI LTA BU ZHE NA, TSE DE LA SKYE BA'I RTEN GYI GANG ZAG NI, GLING GSUM GYI SKYES PA DANG, BUD MED 'DOD LHA DANG BCAS PA GANG RUNG ZHIG DGOS LA, SEMS KYI RTEN NI, BSAM GTAN SA DRUG GANG YANG RUNG BA LA BRTEN CING BYANG SEMS THABS MKHAS PAS 'DOD SEMS LA YANG

, ,BRTEN PAR NUS PA YIN LA, SPYIR ZHI GNAS KYI SEMS MTSAN NYID TSANG BA ZHIG LA MA BRTEN PAR LHAG MTHONG GI SHES DNGOS SKYE MI SRID DO, ,GZUGS MED PA'I SEMS LA BRTEN PA MIN TE LHAG MTHONG SHAS CHUNG BA'I PHYIR RO, ,NYER BSDOGS PHYI MA RNAMS LA YANG MIN TE, DANG PO'I DNGOS GZHI MA THOB PAR DE DAG MI 'THOB CING, DNGOS GZHI THOB NAS NYER BSDOGS LA BRTEN PA DGOS PA MED DE, ZHI GNAS SHAS CHUNG BA'I PHYIR RO, ,GNYIS PA NGO BO LA, MTSAN NYID DANG DBYE BA GNYIS, DANG PO NI, THEG CHEN THAR PA CHA MTHUN RDZOGS RJES SU BYUNG ZHING BDEN PA MNGON RTOGS DANG RJES SU MTHUN PA'I 'JIG RTEN PA'I SGOM BYUNG, GNYIS PA DBYE BA LA, DROD, RTZE MO, BZOD PA, CHOS MCHOG BZHI'O, ,DROD KYI MTSAN NYID, THEG CHEN SBYOR LAM DU CHOS THAMS CAD RANG BZHIN MED PAR GTAN LA PHAB PA'I DON SGOMS PAS GZUNG BA BDEN MED LA GSAL SNANG DANG POR THOB PA TZAM GYI 'JIG RTEN PA'I SGOM BYUNG, RTZE MO'I MTSAN NYID, THEG CHEN GYI DROD LA LTOS TE GZUNG BA BDEN MED LA GSAL SNANG LHAG PAR GYUR PA TZAM GYIS RAB TU PHYE BA'I 'JIG RTEN PA'I SGOM BYUNG, BZOD PA'I MTSAN NYID, 'DZIN PA BDEN MED LA GSAL SNANG DANG POR SKYES PA TZAM GYIS PHYE BA'I 'JIG RTEN PA'I SGOM BYUNG, CHOS MCHOG GI MTSAN NYID, THEG CHEN GYI BZOD PA LA BLTOS TE, 'DZIN PA BDEN MED LA GSAL SNANG LHAG PAR GYUR PA'I 'JIG RTEN PA'I SGOM BYUNG, DE YANG SPYIR CHOS THAMS CAD BDEN MED DU SGOM PAR 'DRA YANG, JI LTAR RAGS

PA'I RIM PAS RTOGS BYA LA GSAL SNANG RIM CAN DU SKYE BA YIN NO, ,GSUM PA BLO RIGS DPYAD PA NI, KHA CIG SBYOR LAM 'DI DAG YUL CHOS NYID LA SGOM BYUNG GI GSAL SNANG THOB PA'I PHYIR RNAL 'BYOR MNGON SUM YIN NO ZHES ZER RO, ,DE LTAR NA THEG CHEN SBYOR LAM PAS CHOS NYID MNGON SUM DU RTOGS PA'I PHYIR, THEG CHEN 'PHAGS PAR THAL ZHING THEG CHEN SBYOR LAM GYIS MTHONG SPANG GI SA BON SPONG NUS PAR THAL LO, ,KHA CIG RNAL 'BYOR MNGON SUM YANG MIN ZHING, SGRA DON 'DZIN PA'I RTOG PA YANG MIN GYI, GNYIS SNANG GI RTOG PA TZAM MO ZHES ZER RO, ,'O NA 'DI YUL CHOS NYID LA SGRA DON 'DZIN PA'I RTOG MED SHES PA YIN NA, DE CHOS NYID LA 'KHRUL BA'AM, MA 'KHRUL BA GANG YIN, DANG PO LTAR NA, THEG CHEN SBYOR LAM CHOS CAN, CHOD NYID LA LOG SHES YIN PAR THAL, CHOS NYID LA RTOG MED 'KHRUL SHES YIN PA'I PHYIR, GNYIS PA LTAR NA CHOS CAN, RNAL 'BYOR MNGON SUM YIN PAR THAL, CHOS NYID LA RTOG MED MA 'KHRUL BA'I SHES PA YIN PA'I PHYIR, ZHES PA BZLOG TU MED DO, ,DES NA THEG CHEN SBYOR LAM MNYAM GZHAG YE SHES NI SGRA DON 'DZIN PA'I RTOG PA YIN TE, RANG YUL CHOS NYID DE DE'I DON SPYI SHAR BA'I SGO NAS 'DZIN PA'I BLO YIN PA'I PHYIR, 'ON KYANG CHOS NYID LA GSAL SNANG YOD PAR BSHAD PA NI, SGOM STOBS KYIS DE'I DON SPYI GSAL BAR SNANG BA'I DON YIN GYI, MNGON SUM DU GSAL BAR SNANG BA'I DON MIN NO, ,GNYIS PA YAN LAG GI DON LA, MDOR BSTAN, RGYAS BSHAD, DANG PO LA GSUM LAS, MTSAMS SBYAR NI, LAS DANG PO PA DE LTAR

, ,GDAMS NGAG THOB PA LA NGES PAR 'BYED PA'I YAN LAG 'BYUNG BAS DE'I 'OG TU NGES PAR 'BYED PA'I YAN LAG 'CHAD DO, ,RTZA BA NI, KHYAD PAR 'PHAGS SO, ,GANG LAS NA, NYAN THOS BSE RU LTA BU DANG BCAS PA DAG GI SBYOR LAM LAS SO, ,GANG NA BYANG CHUB SEMS DPA' SKYOB PA YI DROD SOGS SO, ,GANG GIS NA DMIGS PA DANG NI RNAM PA DANG, ,RGYU DANG YONGS SU 'DZIN PA DANG, RANG GI BDAG NYID JI BZHIN DU RNAM RTOG BZHI PO LDAN PA LA BRTEN PA DANG, CHUNG DANG 'BRING DANG CHEN PO NI, DBYE BA RNAMS KYIS SO, ,NGAG DON NI, THEG CHEN GYI DROD SOGS BZHI CHOS CAN, THEG DMAN GYI DROD SOGS BZHI LAS KHYAD PAR 'PHAGS TE, DMIGS PA, RNAM PA, RGYU, YONGS 'DZIN, RTOG PA, DBYE BA RNAMS KYIS DE DAG LAS KHYAD PAR 'PHAGS PA'I PHYIR, DE YANG 'PHAGS SENG GNYIS KAS CHUNG 'BRING GI DBYE BA YANG KHYAD CHOS SU BZHED PA YIN TE, 'GREL CHEN GNYIS SU DE LTAR BSHAD PA'I PHYIR RO, ,'O NA CHUNG 'BRING GI DBYE BA KHYAD CHOS SU 'GYUR TSUL JI LTA BU SNYAM NA, 'DIR SBYOR LAM BCU GNYIS SU PHYE BA NI, CHOS KYI BDAG MED KYI DMIGS RNAM MI 'DRA BA BCU GNYIS KYIS PHYE BA YIN LA, DE LTA BU'I DMIGS RNAM MI 'DRA BA'I SGO NAS THEG DMAN GYI SBYOR LAM LA DBYE BA BYAR MED PA'I PHYIR RO, ,'O NA RNAM PA'I KHYAD CHOS DANG BZLOS PAR MI 'GYUR RAM ZHE NA, DE NI CHOS KYI BDAG MED KYI RNAM PA SPYI'I LDOG PA NAS BSTAN ZHING, 'DI NI DE LA YANG RNAM PA MI 'DRA BA DU MA DBYER YOD PA'I LDOG PA NAS KHYAD CHOS SU BRJOD PA YIN PA'I PHYIR, DE LTAR NA NYI KHRI SNANG BAR

RNAM PA'I KHYAD PAR GYIS NI RNAM PA CHUNG NGU DANG, 'BRING DANG, CHEN PO YIN TE, ZHES GSUNGS PAS LEGS PAR BSHAD PAR 'GYUR RO, ,'O NA 'GREL CHUNG NGU CHUNG 'BRING GI DBYE BA KHYAD CHOS SU BSHAD PA CI ZHE NA, SHIN TU'ANG BSHAD PA YIN TE, DMIGS PA MI RTAG LA SOGS PA, ZHES SOGS RTZA 'GREL RNAMS KYIS CHOS KYI BDAG MED RTOGS PA'I DMIGS RNAM MI 'DRA BA BCU GNYIS KYI SGO NAS CHUNG 'BRING CHEN PO BCU GNYIS SU DBYE BA BYED TSUL RGYAS PAR 'CHAD PA YIN PA'I PHYIR RO, ,DE BAS NA, DE DAG NI DMIGS RNAM GYI KHYAD CHOS TZAM PO RGYAS PAR 'CHAD PA MIN LA, MDOR BSTAN GYI 'GREL PA LAS KYANG, DE'I 'OG TU CHOS KYI MCHOG CES BYA BA ZHES PA YAN CHAD KYIS KHYAD GZHI BSTAN NAS, CHUNG NGU DANG 'BRING DANG CHEN PO 'CHAD PAR 'GYUR BA ZHES PA YAN CHAD KYIS CHUNG 'BRING GI DBYE BA KHYAD CHOS SU STON CING, DE NYID KHYAD CHOS SU 'GYUR BA'I RGYU MTSAN, BYANG CHUB SEMS DPA' RNAMS KYI NGES PAR 'BYED PA'I CHA DANG MTHUN PA RNAMS NI, ZHES BYA BA LA SOGS PAS 'CHAD DO, ,DES NA GZHUNG PHAL CHE BAR CHUNG DANG 'BRING DANG CHEN PO 'CHAD PAR 'GYUR BA ZHES PA LAS MI 'BYUNG YANG MA DAG PAR MNGON PAS 'CHAD PAR 'GYUR BA DANG, ZHES BSHAD PAR BYA'O, ,DE LTAR BYAS NA 'GREL CHEN DANG SHIN TU 'GRIG PA 'GYUR TE, 'GREL CHEN LAS NGES PAR PAR 'BYED PA'I CHA DANG MTHUN PA BZHI PO 'JIG RTEN PA'I SGOM PA LAS BYUNG BA'I DRO BAR GYUR PA ZHES BYA BA LA SOGS PA BRJOD PAR BYA BA YIN PA LAS, ZHES PA YAN CHAD KYIS KHYAD CHOS BSTAN CING, DE BZHIN DU JI SKAD BSHAD PA'I RNAM PAR RTOG PA DANG

, ,LDAN PA LA BRTEN PA 'DI DAG RE RE ZHING CHUNG NGU DANG 'BRING DANG CHEN PO'I DBYE BAS KHYAD PAR DU 'PHAGS PA YANG BRJOD PAR BYA BA YIN PAS ZHES GSUNGS PA'I PHYIR RO, ,SNGON CHAD NGES 'BYED CHA MTHUN GYI GZHUNG 'DI DAG CHA TZAM YANG 'CHAD SHES PA MA BYUNG BAR SNANG NGO, ,'GREL PA NI, KHYAD PAR DU 'PHAGS PA YIN NO, ZHES DRANG NGO, ,GANG LAS NA, NYAN THOS LA SOGS PA DRO BA LAS SO, GANG NA, BYANG CHUB SEMS DPA' RNAMS KYIS THOS PA LA SOGS PA RAB KYI MTHAR PHYIN PA THOB PA THAR PA'I CHA DANG MTHUN PA DAD PA LA SOGS PA'I MTSAN NYID KYI DGE BA'I RTZA BA'I 'OG TU BYUNG BA 'BRAS BU BDEN PA BZHI RTOGS PA DANG RJES SU MTHUN PA, NGO BO 'JIG RTEN PA'I SGOM PA LAS BYUNG BA, DBYE NA, NGES PAR 'BYED PA'I CHA DANG MTHUN PA BZHI PO DRO BAR GYUR PA ZHES BYA BA'I DGE BA'I RTZA BA DANG, DE'I 'OG TU RTZE MOR GYUR BA DANG, DE'I 'OG TU BZOD PAR GYUR PA DANG, DE'I 'OG TU CHOS KYI MCHOG CES BYA BA RNAMS SO, ,KHYAD CHOS GANG GIS NA CHUNG NGU LA SOGS PA RIM GYIS SKYE BAS SAM, BYANG CHUB SEMS DPA' DANG 'BREL PA DBANG PO RTUL PO LA SOGS PA GANG ZAG GIS CHOS KYI BDAG MED RTOGS TSUL MI 'DRA BA'I BYE BRAG GIS PHYE BA CHUNG NGU DANG 'BRING DANG CHEN PO 'CHAD PAR 'GYUR BA DANG, DMIGS PA'I KHYAD PAR GYIS NGO BO NYID BDEN PA BZHI'I DNGOS PO MI RTAG SOGS LA DMIGS PA DANG, CHOS SU BLTA BA'I GNYEN PO NYID KYIS BDEN PAR MNGON PAR ZHEN PA MED PA LA SOGS PA RNAM PAR ZHUGS PA DANG, THEG PA GSUM CHAR

GTOGS PA STE, MTHONG LAM DU BDAG MED GSUM GA RTOGS PA'I RGYU'I NGO BO DANG, DGE BA'I BSHES GNYEN THABS LA MKHAS PA'I MTSAN NYID KYIS SRID ZHI LAS YONGS SU 'DZIN PA DANG LDAN PA DANG, MTHONG BA DANG SGOM PAS SPANG BAR BYA BA'I GZUNG BA DANG 'DZIN PA'I RNAM PAR RTOG PA RNAM PA BZHI PO RTZE MO'I SKABS NAS 'CHAD PAR 'GYUR BA'I TSUL DAG DANG 'BREL PAR 'BYUNG BA YIS SO, ,NGAG DON SNGAR DANG 'DRA'O, ,DE DAG GI KHYAD PAR DU 'PHAGS PA'I RGYU MTSAN CI ZHE NA, KHYAD CHOS THA MA LNGA PO JI SKAD BSHAD PA DE DAG GIS KHYAD PAR DU 'PHAGS PAR 'GYUR TE, NYAN THOS DE DAG GI DRO BAR GYUR PA LA SOGS PA DGE BA'I RTZA BA NI THEG DMAN GYI LUGS LAS GZUGS SU RUNG BA LA SOGS PA'I MTSAN NYID KYI DNGOS PO'I BDAG NYID KYIS BDEN PA BZHI TZAM LA DMIGS PA DANG, GANG ZAG GI BDAG TU BLTA BA'I GNYEN PO NYID KYIS MI RTAG PA LA SOGS PA'I RNAM PAR ZHUGS PA DANG, RANG GI THEG PA BDAG MED NYI TSE BA RTOGS PA KHO NA'I CHED DU DANG, SNGAR BSHAD PA'I YONGS SU 'DZIN PA DANG BRAL BA DANG, RNAM PAR RTOG PA RNAM PA BZHI DANG, THEG CHEN SBYOR LAM LA LDAN PA'I TSUL DE NYID KYIS MI LDAN PAR 'BYUNG NGO ZHES 'BYUNG BA'I PHYIR RO, ,KHYAD CHOS DANG PO CHUNG 'BRING GI DBYE BA DE NYID KYIS KYANG KHYAD PAR DU 'PHAGS PA YIN TE, BYANG CHUB SEMS DPA' RNAMS KYIS NGES PAR 'BYED PA'I CHA DANG MTHUN PA BCU GNYIS PO DE RNAMS NI THABS LA MKHAS PA'I STOBS KYIS BZOD PA 'BRING GI GNAS SKABS KHA CIG TU NI RGYU'I SGO NAS CHOS MCHOG CHUNG NGU'I GNAS SKABS KHA CIG TU NI 'BRAS BU'I GNAS SKABS BZOD PA CHUNG NGU'I GNAS SKABS KHA CIG TU NI BDEN GNYIS KYI NGO BO NYID KYI SGO NAS DROD CHUNG NGU SOGS KHA CIG TU NI NYID KYI RNAM PA'I

, ,SGO NAS KHYAD CHOS JI LTAR SRID PA BZHIN KHYAD GZHI BDEN PA BZHI'I DNGOS PO LA DMIGS PA'I SGO NAS PHYE BA YIN CING, NYAN RANG THABS MI MKHAS PA'I SBYOR LAM LA DE 'DRA'I SGO NAS DBYE BA BYAR MED PA'I PHYIR RO, ,CHOS KYI BDAG MED RTOGS PA'I DMIGS RNAM MI 'DRA BA BCU GNYIS PO DER NGES SAM ZHE NA, SNGA MA BCU GNYIS PO DE BZHIN DU, CHOS KYI BDAG MED KYI RNAM PA GZHAN GYIS KYANG BDEN PA BZHI LA KUN TU DMIGS SO ZHES BYA BAR SHES PAR BYA STE, SHES SGRIB RIGS JI SNYED PA'I GNYEN PO YANG DE SNYED 'JUG PA'I PHYIR RO, ,'O NA DE DAG THAMS CAD 'DIR MI 'CHAD PA CI ZHE NA, MDOR BSDUS TE RNAM PAR BGROL BA TZAM DU BRJOD PAR 'DOD PAS MA SPROS SO, ,BDEN BZHI LA RNAM PA DE TZAM YOD PA MI 'THAD DE, BCU DRUG TU NGES PAR GSUNGS PAS SO ZHE NA, GANG GI PHYIR 'DI NI THEG DMAN LAS RNAM PAR GZHAG PA GZHAN KHO NA YIN TE, DE'I PHYIR THEG PA GZHAN LA BRTEN NAS NI DE DANG MI MTHUN PA'I THEG CHEN GYI SKABS GANG DU YANG SUN 'BYIN PAR BRJOD PAR MI BYA'O, ,GNYIS PA RGYAS PAR BSHAD PA LA, DBYE BA DANG RGYU'I KHYAD CHOS RTOG PA'I KHYAD CHOS, YONGS 'DZIN GYI KHYAD CHOS BSHAD PA DANG GSUM, DANG PO LA SPYI'I MTSAMS SBYAR, SO SO'I DON BSHAD, BRJOD TSUL LA RTZOD PA SPANG BA DANG GSUM, DANG PO NI, GANG GI SGO NAS CHUNG 'BRING CHEN PO BCU GNYIS SU 'BYED PA'I DMIGS PA DANG RNAM PA'I KHYAD PAR JI LTA BU YIN ZHE NA DE'I PHYIR ZHES SOGS SO, ,GNYIS PA LA BZHI YI DANG PO DROD LA GSUM DU 'BYED PA'I TSUL LA, RTZA 'GREL GNYIS KYI DANG PO NI DMIGS PA ZHES SOGS SO, ,THEG PA GSUM CHAR THOB PA'I RGYU

ZHES PA BCU GNYIS PO THAMS CAD KYI MJUG TU RE RE ZHING SBYAR RGYU YIN PAS, RTZA BAR DROD CHUNG NGU'I MJUG TU SBYAR BA YIN KYANG, 'GREL PAS TSIG TSOGS SKYANGS PA'I PHYIR PHYOGS GCIG TU BSHAD DO, ,'GREL BA LA, DMIGS RNAM GYI KHYAD PAR GSUM BSHAD PA DANG, DE NYID KYI PHYIR DROD LA GSUM DU PHYE BA SGRA DON DANG BCAS PA'O, ,DANG PO NI, DE LA DU : KHA LA SOGS PA'I BDEN PA BZHI PO LA BRTEN PA MI RTAG PA LA SOGS PA RNAM PA BCU DRUG CHOS CAN, DROD CHUNG NGU'I DMIGS PA YIN TE, DES BDEN 'DZIN GYI SGRA 'DOGS GCOD PA'I GZHI YIN PA'I PHYIR, DROD CHUNG NGU LA GNAS PA'I BYANG SEMS KYI RGYUD KYI SDUG BSNGAL LA SOGS PA'I BDEN PA LA MNGON PAR ZHEN PA DANG, LHAG PAR DMIGS PA LA SOGS PA 'GOG PA'I YE SHES CHOS CAN, THEG CHEN GYI DROD CHUNG NGU DE'I RNAM PA YIN TE, DMIGS PA DE LA BDEN 'DZIN GYI SGRO 'DOGS GCOD PA'I DROD CHUNG NGU'I 'DZIN STANGS YIN PA'I PHYIR, SBYOR BA 'GOG TSUL 'DI GNYIS DMIGS RNAM LHAG MA THAMS CAD LA RIGS 'GRE'O, ,THEG CHEN GYI DRO BA LA SOGS PA THAMS CAD KYANG THEG PA GSUM CHAR GTOGS PA STE, THEG CHEN MTHONG LAM DU BDAG MED GSUM GA MNGON SUM DU MTHONG BA'I RGYU'I NGO BO YIN PAR KHONG DU CHUD PAR BYA'O, ,THEG CHEN GYI DROD 'BRING GI DMIGS PA NI, MOS PA DANG DE KHO NA NYID YID LA BYED PA DAG GIS GRANGS BZHIN DU GZUGS LA SOGS PA SGRUB PA BDEN PA BA DANG, DE 'GOG PA'I DGAG PA BDEN PA BDAG MED DMIGS SHING MA MTHONG BA ZHES BYA BAS KHYAD PAR DU BYAS PA'I CHOS NYID YIN NO, ,RNAM PA NI, DON DAM PAR MID THAMS CAD MED PA NYID KYIS RGYUN MI 'DR

, ,BA DANG, RGYUN 'DRA BAR 'JUG PA'I MTSAN NYID DAG BDEN PAR MED PA ZHES BYA BA RTOGS PA'I DROD 'BRING GI YE SHES YIN NO, ,CHEN PO'I DMIGS PA NI GZUGS NAS SANGS RGYAS ZHES BYA BA'I BAR GYI CHOS THAMS CAD BRDAR BTAGS PA'I CHOS THA SNYAD PA YIN NO ZHES BYA BAS KHYAD PAR DU BYAS PA'I CHOS NYID YIN NO, ,RNAM PA NI DGE BA LA SOGS PA NYID KYI CHOS DON DAM PAR GANG DU YANG BRJOD DU MED PA ZHES BYA BA RTOGS PA'I DROD CHEN PO'I YE SHES YIN NO, ,GNYIS PA NI, DE LTAR NA THEG CHEN GYI DRO BAR GYUR PA DMIGS PA DANG RNAM PA GSUM PO DE DANG LDAN PA RNAM PA GSUM MO, ,CI'I PHYIR DROD CES BYA ZHE NA, RNAM PAR MI RTOG PA'I YE SHES KYI ME'I SNGA LTAS SU GYUR PA'I SGOM BYUNG GI YE SHES DANG PO YIN PA'I PHYIR RO, ,GNYIS PA RTZE MO GNYIS KYI RTZA BA NI, GZUGS SOGS MI GNAS DE DAG NI, CES SOGS SO, ,'GREL PA LA SNGAR LTAR GNYIS KYI DANG PO NI, CHUNG NGU'I DMIGS PA NI, GZUGS LA SOGS PA NI DON DAM PAR GZUGS LA SOGS PA RANG GI NGO BO DANG BRAL BA'I NGO BO NYID YIN PAS RANG GI NGO BO STONG PA NYID KYIS GZUGS LA SOGS PA LA BDEN PAR MI GNAS PA ZHES BYA BAS KHYAD PAR DU BYAS PA'I CHOS NYID YIN NO, ,RNAM PA NI, DON DAM PAR GZUGS LA SOGS PA CHOS THAMS CAD DANG, STONG PA NYID DAG PHAN TSUN NGO BO GCIG YIN PAS STONG PA NYID LA MI RTAG PA LA SOGS PA BDEN PAR MED PA NYID KYIS GZUGS LA SOGS PA DAG LA RTAG PA DANG MI RTAG PA LA SOGS PA NYID DU BDEN PAR MI GNAS PA ZHES BYA BA RTZE MO CHUNG NGU'I YE SHES SO, ,'BRING GI DMIGS PA NI, CHOS KYI DBYINGS KYI NGO BO NYID KYIS MI RTAG PA LA SOGS PA DANG STONG PA NYID RNAMS NI BDEN PA'I RANG GI

NGO BO MED PA YIN PAS, MI RTAG PA NYID LA SOGS PA DANG STONG PA NYID DAG PHAN TSUN BDAG NYID GCIG PA ZHES BYA BAS KHYAD PAR DU BYAS PA'I CHOS NYID YIN NO, ,RNAM PA NI BDEN PA'I NGO BO NYID BKAG PAS GZUGS LA SOGS PA LA RANG GIR MI BYED PA ZHES BYA BA RTZE MO 'BRING GI YE SHES GANG YIN PA DE YIN NO, ,CHEN PO'I DMIGS PA NI, BDEN PA'I NGO BO NYID MED PA NYID KYIS GZUGS LA SOGS PA DE DAG LA SNGON PO LA SOGS PA'I CHOS SPROS PAS MTSAN MAR MI MTHONG BA ZHES BYA BAS KHYAD PAR DU BYAS PA'I CHOS NYID YIN NO, ,RNAM PA NI, RTZE MO CHEN PO'I SHES RAB KYIS YANG DAG PAR CHOS RAB TU RNAM PAR 'BYED PAS DNGOS PO THAMS CAD BDEN PAR MI DMIGS PAR NGES PAR RTOG PA ZHES BYA BA YIN NO, ,GNYIS PA NI, DE LTAR NA RTZE MOR GYUR BA DMIGS PA DANG RNAM PA DANG LDAN PA RNAM PA GSUM MO, ,CI'I PHYIR RTZE MOR GYUR PA ZHES BYA ZHE NA, MI MTHUN PHYOGS KYIS DGE BA'I RTZA BA G-YO BA LAS KHYAD PAR DU 'PHAGS PA'I RTZE MO YIN PA'I PHYIR RO, ,GSUM PA BZOD PA LA GNYIS KYI DANG PO NI, ,GZUGS SOGS NGO BO NYID MED NYID, CES SOGS SO, ,'GREL PA LA SNGAR LTAR GNYIS KYI DANG PO LA, THEG CHEN GYI BZOD PA CHUNG NGU'I DMIGS PA NI GZUGS RUNG SOGS MTSAN NYID KYI NGO BO NYID DANG, GZUGS SOGS NGO BO NYID KYIS MTSAN NYID DAG GI RANG BZHIN STONG PA NYID DU GCIG PA NYID KYIS GZUGS LA SOGS PA BDEN PA'I NGO BO NYID MED PA NYID CES BYA BAS KHYAD PAR DU BYAS PA'I CHOS NYID YIN NO, ,RNAM PA NI, BDEN PA'I DNGOS PO MED PA NYID YIN KYANG SKYE BO DMIGS PA CAN GYI NGOR GZUGS LA SOGS PA NGO BO NYID MED DO ZHES BYA BAR RTOGS PA'I BZOD PA CHUNG NGU'I YE SHES YIN NO, ,

, ,'BRING GI DMIGS PA NI, RANG BZHIN GYIS MA SKYES PA NYID KYIS GZUGS LA SOGS PA LA BDEN PA'I SKYE BA YANG MED MYA NGAN LAS 'DAS PA YANG MED CES BYA BAS KHYAD PAR DU BYAS PA'I CHOS NYID YIN NO, ,RNAM PA NI, CHOS THAMS CAD KYI RANG GI NGO BO RTOGS PA KHO NAS LUS LA SOGS PA RNAM PA THAMS CAD DU RNAM PAR DAG PA'I RGYUR GYUR PA ZHES BYA BA BZOD PA 'BRING GI YE SHES YIN NO, ,CHEN PO'I DMIGS PA NI, DON DAM PAR RANG DANG SPYI'I MTSAN NYID MI 'THAD PAS, CHOS THAMS CAD MTSAN MA MED PA NYID CES BYA BAS KHYAD PAR DU BYAS PA'I CHOS NYID YIN NO, ,RNAM PA NI, RANG BZHIN KHO NAS GZUGS LA SOGS PA MTSAN MA RNAMS KYI RTEN DANG BRAL BA NYID KYIS SPROS PA'I MTHA' GANG DU YANG MOS PA YID LA BYED PAS MI MOS SHING DE KHO NA NYID YID LA BYED PAS YONGS SU SHES PA MED PA ZHES BYA BA'I BZOD CHEN GYI YE SHES YIN NO, ,GNYIS PA NI, DE LTAR NA BZOD PAR GYUR PA DMIGS PA DANG RNAM PA DANG LDAN PA RNAM PA GSUM MO, ,CI'I PHYIR BZOD PA ZHES BYA ZHE NA, PHYIN CHAD NGAN 'GROR SKYE BA MED PAS CHOS CHEN PO STONG NYID LA BZOD PA'I YE SHES DANG PO YIN PA'I PHYIR RO, ,BZHI PA CHOS MCHOG LA GNYIS KYIS RTZA BA NI, TING NGE 'DZIN SOGS SO, ,'GREL PA LA SNGAR LTAR GNYIS KYI, DANG PO LA THEG CHEN CHOS MCHOG CHUNG NGU'I DMIGS PA NI, CHOS THAMS CAD SKYE BA MED PA DANG DPA' BAR 'GRO BA LA SOGS PA'I TING NGE 'DZIN BSGOMS PAR BYA'O ZHES BYA BAS KHYAD PAR BYAS PA'I SGO NAS MA 'ONGS PA NA BSGOM BYA TING NGE 'DZIN DE DAG GI CHOS NYID

DMIGS PA YIN NO, ,RNAM PA NI, RANG GI SMON LAM DANG BSOD NAMS DANG YE SHES DANG CHOS KYI DBYINGS KYIS LHUN GYIS GRUB PAR 'JIG RTEN GYIS KHAMS THAMS CAD DU BSKAL BA JI LTA BA BZHIN DU TING NGE 'DZIN GYI BYED PA 'JUG PA ZHES BYA BA'I CHED DU, DON DAM PAR TING NGE 'DZIN DE DAG DANG GZUGS SOGS KYI RANG BZHIN DBYER MED PAR RTOGS PA'I CHOS MCHOG CHUNG NGU'I YE SHES YIN NO, ,'BRING GI DMIGS PA NI, YANG DAG PAR ZHUGS PA'I TING NGE 'DZIN DANG LDAN PA'I RNAL 'BYOR PA LA SANGS RGYAS RNAMS KYIS LUNG STON PAR MDZAD PA 'DI NI CHOS NYID DO ZHES BYA BAR NGES NAS LUNG STON PA'I RGYU'I TING NGE 'DZIN GYIS GANG LA DMIGS PA'I CHOS NYID DMIGS PA YIN NO, ,RNAM PA NI, BDEN PAR RNAM PAR RTOG PA THAMS CAD MI 'THAD PAS BYANG CHUB SEMS DPA' CHOS MCHOG 'BRING LA GNAS PA TING NGE 'DZIN GYI RANG GI RTOG PA LA BDAG NI MNYAM PAR BZHAG PA'O SNYAM PA LA SOGS PA 'KHOR GSUM DU RTOGS PA MI 'BYUNG BA ZHES BYA BA YIN NO, ,CHEN PO'I DMIGS PA NI, CHOS NYID KYI TING NGE 'DZIN DANG, BYANG CHUB SEMS DPA' DANG, SHER PHYIN PA DANG, DON GSUM PHUN TSUN NGO BO GCIG PA'AM, STONG PA NYID DU MNYAM PA ZHES BYA BA YIN NO, ,RNAM PA NI CHOS THAMS CAD BDEN PAR YOD PA MIN PA NYID KYIS DON DAM PAR TING NGE 'DZIN DU RNAM PAR RTOG PA NI THABS DAM PA'O ZHES BYA BAR BRTAGS NAS DE LTAR MI RTOG PA'I CHOS MCHOG CHEN PO'I YE SHES SO, ,GNYIS PA NI, DE LTAR NA CHOS KYI MCHOG CES BYA BA DMIGS PA DANG RNAM PA DANG LDAN PA RNAM PA GSUM MO, ,CI'I PHYIR CHOS MCHOG CES BYA ZHE NA, 'JIG RTEN PA'I CHOS

, ,THAMS CAD KYI MCHOG YIN PA'I PHYIR, GSUM PA BRJOD TSUL LA RTZOD PA SPANG PA LA, DGAG BZHAG GNYIS LAS, DANG PO NI, KHA CIG NA RE, RTZOD PA'I YUL NI SAm SKRi TA'I SKAD LA, GZUGS SOGS KYI 'DU 'GOD GNAS BRAL ZHES SOGS GZHUNG LHAG MA THAMS CAD CHOS BRJOD KYI SGRAR YOD PAS DE LA RTZOD PA YIN NO ZHES ZER BA MI 'THAD DE, BOD SKAD LA RTZOD YUL MED PAS RTZOD LAN 'DI 'BREL MED DU THAL BA'I PHYIR DANG, 'GYUR LOG PAR THAL BA'I PHYIR DANG, LEGS SBYAR LA GZHUNG LHAG MA THAMS CAD DON LOG PAR THAL BA'I PHYIR TE, GSUM PO'I PHAN TSUN NGO BO GCIG ,TING 'DZIN RNAM PAR MI RTOG PA, CES SOGS SU SBYAR DGOS PA'I PHYIR, GZHAN DAG DMIGS PA MI RTAG LA SOGS PA, ,BDEN PA'I RTEN CAN DE YI NI, ZHES PA'I DRUG SGRA 'DI GZHUNG LHAG MA THAMS CAD LA'ANG RJES SU 'GRO BA YIN PAS RTZOD YUL DE NYID LA ZHEN PA'ANG THAD PAR MI SEMS TE, THAL BA PHYI MA SO NA GNAS PA'I PHYIR RO, ,RGYA BOD KYI BSHAD PA BYED PA GZHAN DAG LA NI SNYING PO CI'ANG MI SNANG BAS DGAG YUL GYI RNAM GRANGS MANG PO DGOD PAR MA BYAS SO, ,THAMS CAD KYANG MTHUN PAR, DMIGS PA DANG PO STON PA'I GZHUNG CHOS CAN, BRJOD PA'I SGRA DANG GZHUNG LHAG MA THAMS CAD CHOS BRJOD KYI SGRAR KHAS BLANGS NAS, LAN GYI SKABS SU CHOS DANG CHOS CAN BRJOD PA'I SGRA 'DI DAG LA KHYAD PAR GZHAN SPONG MI SPONG MA GTOGS BRJOD BYA'I DON LA KHYAD PAR CI'ANG MED DO, ZHES SMRA BA NI BAB COL TE, SBYOR LAM BCU GNYIS KYI DMIGS RNAM LA KHYAD PAR CI YANG MED PAR THAL, GZHUNG 'DI DAG GI BRJOD BYA LA KHYAD PAR CI'ANG MED PA'I PHYIR, 'DOD NA DROD RTZE SOGS THAMS CAD KHYAD MED

DU 'GYUR ZHING, GZHUNG LAS DMIGS RNAM GYI KHYAD PAR BCU GNYIS BSHAD PA LA DNGOS SU BSNYON PAR BYED PA YIN NO, ,DES NA RNAM 'GREL SOGS SU BSHAD PA'ANG, BA LANG GI RTA MIN PA CES PA'I CHOS BRJOD KYIS SGRAS BA LANG CHOS SU BRJOD CING, BA LANG RTA MIN PA CES PA'I CHOS CAN BRJOD PA'I SGRAS BA LANG CHOS CAN DU 'PHANGS PAS, SGRA DE GNYIS GCIG GIS CHOS SU 'PHANGS PA DANG, GCIG GIS CHOS CAN DU 'PHANGS PA GNYIS KA BA LANG GI LDOG PA DE NYID YIN PA'I PHYIR, KHYAD PAR MED CES PA YIN GYI SGRA DE GNYIS KYI BRJOD BYA, KHYAD PAR CI'ANG MED CES PA MIN PAS RANG NYID BSAL BAR MA BYED CIG GNYIS PA RANG LUGS LA RTZOD PA NI, SBYOR LAM GYI YE SHES THAMS CAD KYANG BDEN BZHI LA SGRO 'DOGS GCOD PA SHA STAG YIN PAS, BDEN BZHI RTEN CHOS CAN LTA BU DANG, DMIGS RNAM LHAG MA THAMS CAD DE LA BRTEN PA'I CHOS LTA BUR BSTAN DGOS TE, GZHAN DU NA BDEN BZHI DANG MA 'BREL BA'I DMIGS RNAM YAN GAR BA BSTAN PAR 'GYUR BAS, GZHI GANG GI STENG GI CHOS NYID LA YE SHES KYIS SGRO 'DOGS JI LTAR GCOD MI SHES PA'I PHYIR RO, ,DE LTAR YIN PA LA 'DIR DROD CHUNG NGU'I DMIGS PA STON PA NA, BDEN BZHI RTEN DANG, MI RTAG SOGS DE LA BRTEN PA'I KHYAD CHOS LTA BUR BRJOD NA'ANG, DMIGS RNAM LHAG MA THAMS CAD STON PA NA, KHYAD GZHI BDEN BZHI LA MA BRTEN PAR KHYAD CHOS DMIGS RNAM KHO NA BRJOD PAR MI RIGS SO ZHE NA, LAN LA DMIGS RNAM LHAG MA BDEN BZHI DANG RTEN DANG BRTEN PAR DNGOS SU MA BRJOD PAR DE DAG BDEN BZHI LA MA BRTEN PAR MI 'GYUR PA'I LAN DANG, DROD CHUNG NGU'I DMIGS PA BDEN BZHI LA BRTEN PAR DNGOS SU BRJOD PA'I

, ,SHUGS KYIS GZHAN DAG KYANG BRTEN PAR 'PHANGS PA'I LAN NO, ,DANG PO NI, SBYOR LAM BDEN PA MNGON RTOGS DANG RJES SU MTHUN PA'I LAM YIN PAS DE DAG GI DMIGS PA DANG RNAM PA STON PA NA, BDEN BZHI KHYAD PAR CAN GYI CHOS CAN TE KHYAD GZHI DANG, DMIGS PA DANG RNAM PA DE LA BRTEN PA'I KHYAD CHOS SU BRJOD PAS BRJOD PAR BYA BA YIN NA YANG DMIGS PA MI RTAG LA SOGS PA BDEN PA'I RTEN CAN ZHES BYA BA MA GTOGS PAR, DMIGS RNAM LHAG MA RNAMS STON PA'I TSE BDEN BZHI KHYAD GZHIR MA BRJOD PAR DMIGS PA DANG RNAM PA KHYAD PAR CAN GYI CHOS 'BA' ZHIG BRJOD PAS THAMS CAD DU BRJOD PA NI DROD CHUNG NGU'I DMIGS PA BDEN BZHI DANG 'BREL CING, DMIGS RNAM LHAG MA RNAMS BDEN BZHI DANG MA 'BREL PAS MIN GYI BRJOD TSUL TZAM THA DAD PAR ZAD LA, BDEN BZHI DANG 'BREL BAR DNGOS SU BRJOD MA BRJOD KYIS BDEN BZHI DANG 'BREL MA 'BREL GYI KHYAD PAR 'BYUNG BA MIN TE, CHOS BRJOD KYI SGRAS BA LANG KHYAD CHOS SU BRJOD CHOS CAN BRJOD PA'I SGRAS BA LANG KHYAD GZHIR BRJOD KYANG KHYAD PAR GZHAN SPONG BA DANG MI SPONG BA MA GTAGS PAR 'DI DAG LA DON GYI KHYAD PAR BA LANG TZAM BRJOD PA NI KHYAD PAR 'GA' YANG MED DO ZHES RIGS PA'I DBANG PHYUG GI LUGS LAS 'BYUNG PA'I PHYIR RO, ,DES NA 'DIS CHOS CHOS CAN BRJOD PA'I SGRA DE GNYIS BRJOD TSUL THA DAD PA TZAM YIN KYANG DON BA LANG GI LDOG PA BRJOD PA LA KHYAD PAR MED PA LTAR 'DIR YANG BDEN BZHI DANG 'BREL BAR DNGOS SU BRJOD MA

BRJOD KYI BRJOD TSUL TZAM THA DAD PA YIN GYI, DON LA BDEN BZHI DANG 'BREL BA'I DMIGS RNAM BRJOD PAR KHYAD PAR MED DE ZHES PA YIN GYI, DMIGS PA DANG PO STON PA CHOS CAN BRJOD PA'I SGRA DANG DMIGS RNAM LHAG MA STON PA RNAMS CHOS BRJOD KYI SGRA YIN ZHES STON PA NI MIN NO, ,NGAG DON NI, SHES BYA CHOS CAN, DROD CHUNG NGU'I DMIGS PA STON PA NA BDEN BZHI DANG 'BREL BAR DNGOS SU BRJOD CING, DMIGS RNAM LHAG MA RNAMS DE DANG 'BREL BAR DNGOS SU MA BRJOD PA'I BRJOD TSUL THA DAD PA TZAM GYIS DE DAG LA BDEN BZHI DANG 'BREL MA 'BREL GYI KHYAD PAR YOD MI DGOS PAR THAL, BA LANG LA BLTOS PA'I CHOS CHOS CAN BRJOD PA'I SGRA GNYIS BRJOD TSUL THA DAD KYANG BA LANG GI LDOG PA BRJOD PA LA KHYAD PAR MED PA'I PHYIR, LAN GNYIS PA NI, LAN GYI RNAM PA GCIG TU NA TSIG LE'UR BYAS BA SDEB PA'I NGOR BRJOD TSUL THA DAD PAR BRJOD KYANG DROD CHUNG NGU'I DMIGS PA BDEN BZHI DANG 'BREL PAR DNGOS SU BSTAN PA'I SHUGS KYIS LHAG MA LA YANG SDUG BSNGAL LA SOGS PA BDEN PAR RTOGS PA KHO NA DMIGS PA DANG RNAM PAR BYA BA SHUGS LA 'PHANGS PA YIN NO, ,MNGON PAR ZHEN PA LA SOGS PA BKAG PA DANG LDAN PA DROD CHUNG NGU'I DMIGS PA BDEN BZHI DANG 'BREL NA DE KHO NAR SGRUB PA DANG DGAG PA DANG BRAL BA DROD 'BRING GI DMIGS PA YANG BDEN BZHI DANG 'BREL BAR 'GYUR DGOS PA'I PHYIR TE, BDEN PA MNGON RTOGS DANG RJES SU MTHUN PA'I MNGON RTOGS RIGS RGYUN GCIG YIN PAS SO, ,'OG MA DROD CHEN PO SOGS DAG LA YANG DE BZHIN DU SHES

, ,PAR BYA'O, ,KHA CIG SKABS DON 'OG MA DAG CES ZER RO, ,NGAG DON NI, SHES BYA CHOS CAN, DROD CHUNG NGU'I DMIGS PA BDEN BZHI DANG 'BREL BAR DNGOS SU BSTAN PA'I RTZA TSIG GIS SBYOR LAM GYI DMIGS RNAM LHAG MA'ANG DE DANG 'BREL BAR SHUGS LA 'PHEN PAR THAL, SBYOR LAM BCU GNYIS PO THAMS CAD BDEN PA MNGON RTOGS DANG RJES SU MTHUN PA'I MNGON RTOGS RIGS RGYUN GCIG YIN PA'I PHYIR DANG, GZHUNG SNGA PHYI 'DI DAG SHIN TU DKA' YANG, KHO BO 'BA' ZHIG LAS GZHAN GYIS PHYOGS TZAM DU GOM PA MA DOR RO, ,GNYIS PA KHYAD CHOS RTOG PA RGYAS PAR BSHAD PA LA, SPYI'I DON DANG, TSIG GI DON GNYIS, DANG PO LA, NGO BO DANG, RNAM GZHAG DPYAD PA'O, ,DANG PO NI, SEMS RTZING BA'I RNAM PA LA RTOG PAR BYAS PA DANG, GNYIS SNANG TZAM LA RTON PAR BYAS PA DANG, SGRA DON 'DZIN PA'I RTOG PA GSUM LAS, 'DIR GANG YIN ZHE NA, 'DIR BSTAN RTOG PA RNAMS NI SGRA DON 'DZIN PA'I RTOG PA YIN TE, THAMS CAD KYANG DON SPYI 'DZIN PA'I RTOG PA 'BA' ZHIG YIN PA'I PHYIR RO, ,DE LTA NA YANG GNYIS SNANG DANG, RTZING BA'I RNAM PA CAN GYI RTOG PA YIN PAR MI 'GAL LO, ,GNYIS PA RNAM GZHAG DPYAD PA LA, DGAG BZHAG GNYIS LAS, DANG PO NI, KHA CIG NA RE, 'DIR BSHAD RTOG PA TZAM DGAG PA'I RNAM PA CAN YIN LA, DE YANG SBYOR LAM BZHI LA NGO BOR LDAN PA THEG CHEN MTHONG LAM GYIS SPONG BAS KHYAD PAR 'PHAGS PA YIN NO ZHES ZER RO, ,DE YANG MI 'THAD DE, 'DIR BSTAN RTOG PA TZAM DGAG PA'I RNAM PA CAN YIN NA, SKABS LNGA PA'I SKABS SU BSHAD PA'I RTOG PA

RNAMS KYANG THAMS CAD DGAG PA'I RNAM PA CAN DU KHAS BLANGS DGOS TE, 'GREL CHEN LAS, DE LTAR 'OG NAS 'CHAD BA'I RTZE MO'I MNGON PAR BSDUS PA'I MTHONG BA DANG SGOM PA'I LAM GYIS SPANG BAR BYA BA'I RNAM PAR RTOG PA BZHI PO RNAMS KYIS GRANGS JI LTA BA BZHIN DU NGES PAR 'BYED PA'I CHA DANG MTHUN PA 'DI DAG KUN NAS NYON MONGS PA LA BRTEN PAR BRJOD PAR BYA'O, ZHES BSHAD PAS SO, ,DE LTAR KHAS LEN NA YANG 'JUG PAR BYA'O, ZHES GZUNG BAR RNAM PAR RTOG PA, ZHES SOGS KYIS DNGOS SU BSGRUB PA'I RNAM PA CAN DU BSHAD PA THAMS CAD DANG 'GAL BAR 'GYUR RO, ,RTOG PA BZHI PO 'DI SBYOR LAM LA NGO BOR LDAN PA MTHONG LAM GYIS SPONG BAR KHAS BLANGS PA DANG, ,KHYOD RANG GIS RTOG PA 'DI DAG LA MTHONG SPANG DANG SGOM SPANGS GNYIS GNYIS YOD PAR KHAS BLANGS PAS DNGOS SU 'GAL ZHING, GZHUNG RTZA 'GREL THAMS CAD DU, MTHONG SPANG SGOM SPANG GNYIS GNYIS YOD PAR BSHAD PA THAMS CAD DANG 'GAL BAR 'GYUR RO, ,GZHAN YANG RTOG PA BZHI PO THEG CHEN SBYOR LAM GYI NGO BOR GYUR PA'I SGO NAS DE LA LDAN NA, DE DAG THEG CHEN SBYOR LAM LA BDAG GCIG TU 'BREL BAR 'GYUR ZHING, DE LTA NA THEG CHEN SBYOR LAM KHEGS NA, DE DAG KHEGS DGOS PAS, THEG CHEN 'PHAGS PA YIN NA SGRIB PA CI YANG RGYUD LA MED PAS KHYAB PAR THAL LO, ,KHA CIG RTOG PA 'DI DAG DANG THEG CHEN SBYOR LAM MTSUNGS PAR LDAN PA'I SGO NAS KHYAD PAR DU 'PHAGS SO ZHES 'DOD PA YANG MI 'THAD DE, DE LTAR NA DE GNYIS 'DZIN STANGS MTHUN PAR THAL,

, ,DMIGS RNAM MTSUNGS PA'I PHYIR, 'DOD NA THEG CHEN SBYOR LAM CHOS CAN, BDEN MED RTOGS PA'I YE SHES MIN PAR THAL, BDEN 'DZIN GYI RTOG PA DANG 'DZIN STANGS MTHUN PA'I PHYIR, KHA CIG SBYOR LAM 'DI DAG THEG CHEN GYI RNAL 'BYOR MNGON SUM YIN PAR KHAS BLANGS NAS, SLAR YANG SBYOR LAM BZHI PO RIM BZHIN RTOG PA BZHI PO YIN ZHES SMRA BA NI, DNGOS 'GREL SMRA BA LA DANG GIS CHAS PA ZHIG GO, YANG KHA CIG SPANG BYAR LDAN PAS KHYAD PAR DU 'PHAGS ZHES SMRA BA YANG MI 'THAD DE, DE'I SPANG BYA YIN NA DE'I KHYAD CHOS YIN PAR 'GAL BA'I PHYIR DANG, MTHONG SGOM GYI LAM DON MED PAR THAL PA'I PHYIR RO, ,CI STE DE'I SPANG BYA YIN KYANG DES SPONG BA'I CHA NAS KHYAD PAR DU 'PHAGS PA'I PHYIR, KHYAD CHOS SU 'JOG PA MI 'GAL ZHE NA, SGRIB PA GNYIS BAG CHAGS DANG BCAS BRDZOGS PA'I SANGS RGYAS KYI KHYAD CHOS YIN PAR THAL, DE DAG SPANGS PA'I SGO NAS DE KHYAD PAR DU 'PHAGS PA'I PHYIR, YANG KHA CIG SKABS 'DIR BSTAN GYI RTOG PA YIN NA, THEG CHEN LAM GYI SPANG BYA'I GTZO BO YIN PAS KHYAB CING, DE YANG YUL GZUNG BA DANG 'DZIN PA LA DMIGS NAS, DGAG SGRUB GANG RUNG GI RNAM PAR MNGON PAR ZHEN PA DAG RIM PA BZHIN, GZUNG RTOG DANG 'DZIN RTOG GI MTSAN NYID YIN LA, GZUNG BA NI LONGS SPYOD BYA STE, DE LA YANG KUN NAS NYON MONGS DANG RNAM BYANG GI GZUNG BA GNYIS YOD CING, 'DZIN PA NI LONGS SPYOD PA PO STE, DE YANG SHES RIG GIS BSDUS PA CHOS KYI RANG BZHIN DANG, BDAG TU THA SNYAD BTAG PA GANG ZAG GI RANG BZHIN NO, ,DE YANG 'DIR, THEG CHEN LAM GYI SPANG BYA'I GTZO

BOR GYUR BA'I RTOG PA THAMS CAD STEN PA YIN PAS, DGAG RTOG DANG SGRUB RTOG GNYIS KA BSTAN DGOS KYI, GANG YANG RUNG BA ZHIG BSTAN PA TZAM DU 'DOD PA LA NI MA TSANG BA'I SKYON DU 'GYUR RO, ,SBYOR BZHI YANG RIM PA BZHIN 'DIR BSTAN RTAG PA BZHI YIN PAR 'GYUR BA'I SGO NAS, NYAN RANG GI SBYOR LAM LAS KHYAD PAR DU 'PHAGS PA YIN NO, ZHES BYA BAR RNAM PAR BZHAG NAS, NYON MONGS PA RNAMS NI BYANG SEMS KYI LAM GYI SPANG BYA'I GTZO BO MA YIN NO, ZHES 'CHAD PAR BYED PA DAG KYANG MDZES PA MIN TE, 'DI LTAR THEG CHEN SBYOR LAM CHOS CAN, KHYOD 'BAD PA DU MA'I SGO NAS BYANG CHUB SEMS DPA'I RGYUD LA SKYED MI DGOS PAR THAL, KHYOD BYANG CHUB SEMS DPA'I RGYUD LA SPANG BAR BYA BA'I GTZO BO YIN PA'I PHYIR, CHOS CAN, KHYOD RDZOGS PA'I SANGS RGYAS KYI GO 'PHANG THOB BYED MIN PAR THAL, KHYOD DE 'THOB PA'I GEGS KYI GTZO BO YIN PA'I PHYIR, SHES BYA CHOS CAN, SHES SGRIB YIN NA NYAN RANG GI LAM LAS KHYAD PAR DU 'PHAGS PAS KHYAB PAR THAL, THEG CHEN SBYOR LAM DE BYANG SEMS LAM GYI SPANG BYA'I GTZO BOR GYUR PA'I RTOG PA YIN PA'I RGYU MTSAN GYIS NYAN RANG SBYOR LAM LAS KHYAD PAR DU 'PHAGS PA'I PHYIR, 'DOD NA, 'KHOR BA PA YIN NA, NYAN RANG DGRA BCOM LAS KHYAD PAR DU 'PHAGS PAR THAL LO, ,THEG CHEN SBYOR LAM CHOS CAN, SHES SGRIB MIN PAR THAL, CHOS KYI BDAG MED RTOGS PA'I YE SHES YIN PA'I PHYIR RO, ,BSAL BA KHAS, GANG ZAG RDZAS YOD DU 'DZIN PA'I RTOG PA CHOS CAN, 'DZIN RTOG YIN PAR THAL, 'DZIN PA DGAG SGRUB GANG RUNG GI RNAM PAR MNGON PAR ZHEN PA

, ,YIN PA'I PHYIR, RTAGS KHYAB DNGOS, 'DOD NA, DE CHOS CAN, THEG CHEN LAM GYI SPANG BYA'I GTZO BO YIN PAR THAL, 'DZIN RTOG YIN PA'I PHYIR, 'KHOR GSUM KA DNGOS, KHA CIG NA RE, SKABS 'DIR BSTAN GYI RTOG PA YIN NA, SGRUB RTOG YIN PAS KHYAB STE, 'DIR BSTAN RTOG PA YIN NA, THEG CHEN LAM GYI SPANG BYA'I GTZO BO YIN PAS KHYAB LA, DGAG RTAG NI, DGAG PA'I RNAM PA CAN YIN PAS, BDEN MED RTOGS PA'I YE SHES DANG 'DZIN STANGS MTHUN PA'I PHYIR RO, ,DES NA 'DIR GSUNG RTOG DANG 'DZIN RTOG GNYIS KYI MTSAN NYID RIM BZHIN, GZUNG BA DANG 'DZIN PA LA DMIGS NAS BSGRUB PA'I RNAM PAS ZHEN PA, GSUNG 'DZIN GONG GI 'DOD PA DANG 'DRA ZHING, KHYAD CHOS SU 'GYUR TSUL YANG, THEG CHEN SBYOR LAM GYI MNYAM GZHAG TU RTOG PA 'DI DAG GIS SA BON LDAN LA, RJES THOB TU MNGON 'GYUR LDAN PAS KHYAD PAR DU 'PHAGS SO, ,ZHES ZER LA, 'DI YANG GANG ZAG GI BDAG 'DZIN DANG NYON MONGS PA'I SGRIB PA RNAMS NI BYANG SEMS KYI SPANG BYA'I GTZO BO MIN NO, ZHES SMRA'O, ,PHYOGS 'DI YANG RNA BA LA 'BAB PA MIN TE, SHES BYA CHOS CAN, CHED LTA YIN NA BDEN MED RTOGS PA'I YE SHES DANG 'DZIN STANGS MTHUN PAS KHYAB PAR THAL, DGAG RTOG YIN NA, DE DANG 'DZIN STANGS MTHUN PAS KHYAB PA'I PHYIR, DES NA BDEN MED BDEN PAR 'DZIN PA SOGS THEG CHEN LAM GYI SPANG BYA'I GTZO BO MIN PAR 'DOD DGOS PAS, SHES SGRIB KYIS BSDUS PA'I MTHAR 'DZIN GYI LTA BA PHYOGS GCIG SPANG BYA'I RGYA LAS GROL BAR BYAS PA YIN NO, ,SHES BYA CHOS CAN, GSUNG 'DZIN LA BSGRUB PA'I RNAM PA MNGON PAR ZHEN PA'I RTOG PA'I SA BON MNYAM GZHAG TU LDAN ZHING, MNGON GYUR RJES THOB TU LDAN PAS, THEG CHEN SBYOR LAM

DO, THEG DMAN SBYOR LAM LAS KHYAD PAR DU 'PHAGS PA MIN PAR THAL, DE NYID THEG DMAN SBYOR LAM LA YANG TSUL DE LTAR DU LDAN PA'I PHYIR, DER THAL, THEG DMAN SBYOR LAM GYI MNYAM GZHAG TU GZUNG BA DANG 'DZIN PA'I CHOS RNAMS BDEN PAR 'DZIN PA'I SA BON LDAN ZHING, RJES THOB TU MNGON GYUR LDAN PA'I PHYIR, GANG ZAG RDZAS YOD DU ZHEN PA'I NGAR 'DZIN CHOS CAN, 'DIR BSTAN 'DZIN RTOG YIN PAR THAL, 'DZIN PA LA DMIGS NAS BSGRUB PA'I RNAM PAS ZHEN PA'I PHYIR, RTAGS KHYAB DNGOS, 'DOD NA, THEG CHEN LAM GYI SPANG BYA'I GTZO BO YIN PAR THAL, 'DOD PA DE'I PHYIR, 'KHOR GSUM KA DNGOS, DE NI GNYIS PA RANG GI LUGS BRJOD PAR BYA STE, DE YANG SKABS 'DIR BSTAN PA'I RTOG PA NI, SHES BYA'I SGRIB PA DANG RJES SU MTHUN PA'I GTZO BOR GYUR PA YIN GYI, NYON MONGS PA'I SGRIB PAR GYUR PA'I RTOG PA DAG NI 'DIR BSTAN PA MIN LA, DE LTAR BAS NA SHES SGRIB KYI ZAG BCAS SU GYUR BA'I RTOG PA TZAM DBYE GZHI, DBYE NA GZUNG RTOG DANG 'DZIN RTOG GNYIS SO, DE LA GZUNG BA DANG 'DZIN PA NI GANG, TSUL JI LTAR DU RTOG CE NA, LO TZTSA BA CHEN PO GZUNG 'DZIN GYI TSUL GSUM STE, SKYE MCHED KYI DBANG DU BYAS PA GZUGS SOGS PHYI'I SKYE MCHED GZUNG BA DANG, MIG SOGS NANG GI SKYE MCHED 'DZIN PA'O, ,YUL YUL CAN GYI DBANG DU BYAS PA BEMS PO RNAMS GZUNG BA DANG RIG PA RNAMS 'DZIN PA'O, ,BDAG DANG BDAG GI BA'I DBANG DU BYAS PA, LONGS SPYOD PA PO'I BDAG 'DZIN PA DANG, LONGS SPYOD BYA'I BDAG GI BA GZUNG BA'O, ,DE DAG LAS 'DIR NI THA MA'I DBANG DU BYAS PA'O, ZHES GSUNGS KYANG, 'PHAGS SENG GIS MU BZHI DPYAD PA DANG MI 'GRIB PA'I PHYIR MI 'THAD LA, DES NA 'DZIN PA NI LONGS SPYOD PA PO'I

, ,DBANG DU BYAS PA YIN CING, DE YANG SHES PA DANG GANG ZAG GO, GZUNG BA NI LONGS SPYAD BYA'I DBANG DU BYAS PA YIN CING, DE LA YANG KUN NAS NYON MONGS KYIS BSDUS PA DANG, RNAM BYANG G PHYOGS KYIS BSDUS PA GNYIS SO, ,DE'I PHYIR 'DZIN RTOG YANG GNYIS TE, RDZAS 'DZIN RTOG PA DANG, BTAGS 'DZIN RTOG PA'O, ,DE BZHIN DU GZUNG RTOG GNYIS TE, KUN NAS NYON MONGS KYI PHYOGS LA BRTEN PA'I RTOG PA'O, ,'PHAGS PAS GZUNG RTOG DANG PO 'DI DNGOS PO TZAM LA BRTEN PA'I RTOG PAR BYAS NAS 'DI DANG RNAM BYANG GZUNG RTOG MI 'GAL ZHING, GZUNG RTOG THA MA YIN NA DANG PO'ANG YIN DGOS LA, DANG PO THA MA MIN PA'ANG YOD PAR BZHED DO, ,DE LTA NA 'DI SLOB DPON GYIS, DANG PO KUN NAS NYON MONGS DANG, THA MA RNAM BYANG LA BRTEN PA'I RTOG PA YIN PAS 'GAL BAR BZHED PA'I LUGS BZHIN BSHAD PAR BYA'O, ,DE LA YUL DE DAG LA YANG RTOG PA'I TSUL NI GNYIS GNYIS TE BSGRUB PA'I RNAM PAS RTOG PA DANG, DGAG PA'I RNAM PAS RTOG PA'O, ,DE YANG 'DI LTAR KUN NAS NYON MONGS KYI GZUNGS BA BDEN PAR 'DZIN PA'I SGRUB RTOG DANG, KUN NAS NYON MONGS KYI PHYOGS KYI GZUNG BA BDEN PAR MED PA DE NYID BDEN PAR 'DZIN PA LTA BU NI KUN NAS NYON MONGS KYI PHYOGS LA BRTEN PA'I DGAG RTOG YIN NO, ,DE BZHIN DU KUN NAS NYON MONGS KYI PHYOGS KYI GZUNG BA BDEN PAR SNANG BA'I RTOG PA DANG, DE'I PHYOGS KYI GZUNG BA'I BDEN MED DE NYID BDEN PAR SNANG BA'I RTOG PA GNYIS KA YANG KUN NAS NYON MONGS KYI PHYOGS KYI LA BRTEN PA'I RTOG PA YIN NO, ,TSUL 'DIS LHAG MA RNAM BYANG GI PHYOGS DANG, 'DZIN PA GNYIS LA'ANG RTOGS TSUL RIGS BSGRE BAR BYA'O, ,DE LTA NA 'DIR

BSTAN GZUNG RTOG GI MTSAN NYID, SHES SGRIB KYI ZAG BCAS GANG ZHIG RANG GI DMIGS YUL DU GYUR BA'I GZUNG BA DE NYID DGAG SGRUB GANG RUNG GI RNAM PAS BDEN PAR SMAD BA'I RTOG PA, 'DIR BSTAN 'DZIN RTOG GI MTSAN NYID, RANG GI DMIGS YUL DU GYUR BA'I 'DZIN PA DE NYID, DGAG SGRUB GANG RUNG GI RNAM PAS BDEN PAR SNANG BA'I RTOG PA, DE DAG GIS DBYE BA RNAMS KYI MTSAN NYID KYANG RIGS BSGRE'O, ,DE LTA BU'I RTOG PA BZHI PO RE RE LA YANG MTHONG SPANG GI ZAG BCAS SGOM SPANG GI ZAG BCAS GNYIS GNYIS SU PHYE BAS BRGYAD 'GYUR LA, DE DAG RE RE LA YANG CHUNG NGU 'BRING CHEN PO'I DBYE BAS DGU DGU DANG, DE YANG KHAMS GSUM GYI BYE BRAG GIS BRGYA RTZA BRGYAD DU 'GYUR RO, ,DE LTAR 'DIR BSTAN RTOG PA TZAM GYI NGO BO DANG DBYE BA BSHAD NAS, DE NI THEG CHEN SBYOR LAM GYI KHYAD CHOS SU 'GYUR BA'I TSUL BSHAD PAR BYA STE, DE YANG RTOG PA BZHI PO 'DI THEG CHEN SBYOR LAM GYI KHYAD CHOS YIN GYI, 'DIR BSTAN RTOG PA YIN NA THEG CHEN SBYOR LAM GYI KHYAD CHOS YIN PAS KHYAB PA NI SHES RIG DANG LDAN PA SU YANG DBANG YOD BZHIN DU KHAS LEN PAR MI BYED LA, GANG DAG BYANG SEMS KYI SPANG BYA'I GTZO BOR GYUR PA'I RTOG PA YIN NA, 'DIR BSTAN RTOG PA YIN PAR KHAS BLANGS NAS, SLAR YANG 'DIR BSTAN RTOG PA YIN NA, THEG CHEN SBYOR LAM GYI KHYAD CHOS SU GYUR PA'I RTOG PA YIN PAS KHYAB PAR 'DOD PA DAG GIS NI, CHOS KYI BDAG 'DZIN YIN NA, THEG CHEN SBYOR LAM GYI KHYAD CHOS YIN PAR 'DOD DGOS PAS, DUD 'GRO MTHA' DAG GI RGYUD KYI BDEN 'DZIN GYI SHES PA MA LUS PA BYANG SEMS SBYOR LAM PA'I RGYUD LA YOD PAR THAL BA'I PHYIR, TSUL 'DI NI LKUGS PA'I 'DZUM BAG YIN NO, ,DES NA 'DI LTAR SHES PAR BYA STE, THEG

, ,CHEN SBYOR LAM MNYAM GZHAG GI YE SHES THAMS CAD SGRA DON 'DZIN PA'I RTOG PA YIN KYANG, CHOS KYI BDAG MED RTOGS PA'I YE SHES YIN PAS, RANG YUL BDEN PAR 'DZIN PA'I 'DZIN STANGS MED KYI, RANG YUL GYI STENG GI CHOS NYID LA DNGOS SU DMIGS PA'I PHYIR, BDEN PAR 'DZIN PA'I 'DZIN STANGS TZAM ZHIG YOD DO, ,DE'I PHYIR RANG GI ZHEN YUL CHOS NYID DE LA MA 'KHRUL PA'I SHES PA YIN PAS, BDEN PA MNGON PAR RTOGS PA DANG RJES SU MTHUN PA'I LAM DU 'GYUR BA YIN NO, ,DE LTA NA YANG SO SO SKYE BO'I RGYUD KYI RTOG PA YIN PAS, RANG GI ZHEN YUL CHOS NYID DE'I DON SPYI 'CHAR BA NA, CHOS NYID BDEN PAR GRUB BA LTA BUR SNANG BA'I BDEN SNANG YOD DE, SO SO SKYE BO'I RGYUD KYI RTOG PA YIN NA BDEN 'DZIN GYI BAG CHAGS KYIS BSLAD PAS KHYAB PA'I PHYIR RO, ,DE'I PHYIR SNANG YUL LA 'KHRUL PA'I SHES PA YIN CING, SHES SGRIB KYI ZAG BCAS KYANG YIN TE, BDEN SNANG DE SHES SGRIB KYI BAG CHAGS KYIS BSLAD PA'I STOBS LAS BYUNG BA YIN PA'I PHYIR RO, ,CHOS NYID BDEN PAR SNANG BA YOD KYANG, CHOS NYID BDEN PAR 'DZIN PA'I 'DZIN STANGS YOD MI DGOS TE, DPER NA BUM 'DZIN RTOG PA LA RANG GI SNANG BA PHYI ROL GYI BUM PA SNANG BA'I SNANG BA YOD KYANG RANG GI SNANG BA DE NYID PHYI ROL BUM PA'O SNYAM DU 'DZIN PA'I 'DZIN STANGS MED KYI BUM PA'O SNYAM DU 'DZIN PA TZAM ZHIG GI 'DZIN STANGS YOD PA LTA BU'O, ,DES NA THEG CHEN SBYOR LAM DE YANG CHOS NYID ZHEN YUL DU BYAS PA'I SGO NAS, DE NYID BDEN PAR GRUB PA LTA BUR SNANG BA'I RTOG PA YIN PA'I PHYIR, 'DIR BSTAN DGAG RTOG SHES SGRIB KYI ZAG BCAS YIN CING DE'I SGO NAS NYAN RANG GI SBYOR LAM LAS KHYAD PAR DU 'PHAGS PA YIN TE, NYAN RANG

GI SBYOR LAM YIN NA CHOS NYID ZHEN YUL DU BYED PA'I RTOG PA YIN PAR 'GAL BA'I PHYIR RO, ,'O NA RNAM PA'I KHYAD CHOS DANG BZLOS PAR MI 'GYUR RAM ZHE NA, MI 'GYUR TE, RNAM PA NI 'DZIN STANGS KYI NGOS NAS YIN LA, 'DI NI SNANG TSUL GYI NGOS NAS YIN PA'I PHYIR, 'O NA SHES SGRIB KYI ZAG BCAS YIN NA SHES SGRIB YIN MI DGOS SAM ZHE NA, MI DGOS TE, DE DGOS NA NYON MONGS PA'I ZAG BCAS YIN NA'ANG NYON MONGS YIN DGOS PAR THAL LO, ,DE 'DOD NA, NYAN THOS DGRA BCOM LHAG BCAS KYI GNAS SKABS KYI SDUG BSNGAL GYI PHUNG PO DAG NYON MONGS YIN PAR THAL BAS, NYAN THOS DGRA BCOM GYIS NYON MONGS MA SPANGS PAR 'DOD PAR GYIS SHIG DANG GZHAN YANG SHES SGRIB KYI ZAG BCAS YIN NA SHES SGRIB YIN DGOS NA, SHES SGRIB KYI 'BRAS BU YIN NA SHES SGRIB YIN PAR THAL LO, ,GAL TE SO SKYE'I RTOG PA YIN NA, SHES SGRIB KYI BAG CHAGS KYIS BSLAD PA'I BDEN SNANG YOD PAS KHYAB PAS SHES SGRIB KYI ZAG BCAS YIN DGOS ZHES SMRA BA DE LTAR NA, NYON MONGS PA DAG KYANG SHES SGRIB KYI ZAG BCAS SU 'GYUR RO ZHE NA, 'DOD PA YIN TE, NYON MONGS PA THAMS CAD KYANG SHES SGRIB KYI RTZA BA CAN YIN PA'I PHYIR, LAS DANG NYON MONGS RNAM RTOG LAS, ,DE DAG SPROS LAS SPROS PA NI, ,STONG PA NYID KYIS 'GAG PAR 'GYUR, ZHES GSUNGS PA LTAR RO, ,DE NI 'PHAGS SENG GIS GZUNG 'DZIN GYI RTOG PA LA MU BZHI BRTZIS PA'I DON BSHAD PAR BYA'O, ,DE YANG GZUNG RTOG YIN LA 'DZIN RTOG MIN PA'I MU NI, GZUGS SOGS PHYI'I SKYE MCHED DAG BDEN PAR SNANG BA'I RTOG PA LTA BU'O, ,'DZIN RTOG YIN LA GZUNG RTOG MIN PA'I NI, RANG GI SHES PA'I 'DZIN RNAM SKAD

, ,CIG MA BDEN PAR SNANG BA'I RTOG PA LTA BU STE, 'DZIN RNAM DE NI GZUNG 'DZIN GNYIS SU PHYE BA'I 'DZIN PA KHO NA YIN PA'I PHYIR, GNYIS KA YIN PA NI, GZUNG RNAM RGYUN LDAN LA DMIGS NAS BDEN PAR SNANG BA'I RTOG PA STE, DE NI RANG YUL LA BLTOS NAS GZUNG 'DZIN GNYIS SU PHYE BA'I 'DZIN PA YIN LA, 'DZIN RNAM LA BLTOS NAS DE LTAR PHYE BA'I GZUNG BA YIN PA'I PHYIR, GNYIS KA MIN PA NI, GNYIS SNANG MED PA'I YE SHES SHER PHYIN LTA BU'O, ,'GREL CHEN GNYIS SU MU GSUM PA 'DI LA SHES PA RGYUN LDAN ZHES SMOS PA NI, DUS MTHA'I SKAD CIG MA SO SKYES NGES MI NUS PA LA DGONGS PA'O, ,KHA CIG MU GSUM PA LA, GANG ZAG GZHAN RGYUD KYI SHES PA LA RTOG PA CES SBYOR BA NI, 'GREL CHEN GNYIS SU, GSUM PA NI, SKAD CIG GZHAN GYI DE NYID DO, ZHES GSUNGS PA'I SKAD CIG GZHAN ZHES PA, DE'I GONG DU SKAD CIG GCIG DANG LDAN PA'I RNAM PAR RIG PA'O, ZHES GSUNGS PA'I SKAD CIG GCIG LAS GZHAN SKAD CIG DU MA BSAGS PA'I RGYUN LA GSUNGS PA MA GO BAR ZAD DO, ,DE NI SO SO SKYE BO 'PHAGS DBYE BAS, ZHES SOGS KYI GZHUNG GIS, 'DZIN RTOG GNYIS SO SO SKYE BO DANG 'PHAGS PA'I GANG ZAG LA SO SOR NGES PAR BSHAD PA LA DOGS PA BCAD PA, 'GREL CHEN GNYIS KA LAS MTHUN PAR GSUNGS PA DE'I DON BSHAD PAR BYA'O, ,DE YANG NYI KHRI SNANG BA LAS, CHOS THAMS CAD BDAG MED PA YIN NO ZHES, CHOS DE LTA BU RNAMS SO SO'I SKYE BOS KYANG RTOGS PA MIN NAM, DES NA 'DZIN PA'I RNAM PAR RTOG PA DANG PO'I RNAM PAR RIG PA NI MA KHYAB PAR 'GYUR RO ZHE NA, DE DAG GI DON NI MOS PA YID LA BYED PA YIN LA, 'DIR NI DE

KHO NA NYID YID LA BYED PA BRJOD PAR 'DOD PA YIN PAS SNYING PO MED DO, ZHES DANG, 'PHAGS PA LA YANG 'DI LTA BU YOD PA YIN TE, DGE SLONG DAG MTSAN MO 'DAS NA NANG BAR GYI DUS SU NGAS SROG CHAGS CE SPYANG SKAD 'BYIN PA THOS SO ZHES GSUNGS BYA BA DANG, DE BZHIN DU NGA DE'I TSE DE'I DUS NA RI DvAGS KYI RGYAL PO SENG GE YAN LAG MA SMAD PA CES BYA BAR GYUR TO, ZHES GANG GSUNGS PA MIN NAM, DES 'DZIN PA'I RNAM PAR RTOG PA GNYIS PA'I RNAM PAR RIG PA MA KHYAB PAR 'GYUR RO ZHE NA, DE'I TSIG DE NI THA SNYAD PA YIN GYI DON DAM PA NI MIN PA DES DES NA SNYING PO MED DO, ZHES GSUNGS PA 'DI DAG GI DON CI ZHE NA, DE YANG SO SO SKYE BO 'PHAGS DBYE BAS, ZHES SOGS KYI GZHUNG GIS RDZAS 'DZIN RTOG PA SO SKYE KHO NA LA YOD CING, BTAGS 'DZIN RTOG PA 'PHAGS PA KHO NA LA YOD PAR BSHAD PA MIN TE, DE LTA NA BTAGS 'DZIN RTOG PA THEG CHEN SBYOR LAM PA LA YOD PAR BSHAD PA DANG DNGOS SU 'GAL BA'I PHYIR TE, DE LTA BU'I RNAM PAR RTOG PA BZHI DANG NGES PAR 'BYED PA'I CHA DANG MTHUN PA BZHI PO GRANGS BZHIN DU LDAN PA YIN NO, ZHES SOGS SMRAS SHING, RTZA BAR YANG RNAM RTOG BZHI PO LDAN RTEN PA ZHES SMRAS PAS SO, ,SO SO SKYE BO LA YANG RDZAS 'DZIN YOD CING, 'PHAGS PA LA YANG BTAGS 'DZIN YOD CES KYANG BSTAN PA MIN TE, DE LTA NA RTZOD LAN GONG DU DRANGS PA 'DI DAG 'BREL MED DU 'GYUR BA'I PHYIR TE, SO SKYE LA YANG YOD NA, 'PHAGS PA LA MED DGOS LA, 'PHAGS PA LA YANG YOD NA, SO SKYE LA MED DGOS SNYAM PA'I DOGS PA 'BYUNG BA LA 'BREL GANG YANG MED PA'I PHYIR DANG, GAL TE DE 'DRA'I DOGS PA BYUNG BA YIN NA'ANG, LAN 'DEBS TSUL DE NYID LA 'BREL

, ,MED PA'I PHYIR RO, ,DES NA GZHUNG GIS DE GNYIS GANG YANG RUNG BA ZHIG BSTAN PA'I DBANG DU BYAS NAS SNGA MA DAG GIS 'DI'I DON GTAN LA 'BEBS PA'I BSHAD PA MANG DU BYAS PA DAG NI, RI DvAGS SMIG RGYUS 'DOD PA DANG MTSUNGS PA YIN NO, , DE BAS NA 'DI LTAR SHES PAR BYA STE, SO SO SKYE BO 'PHAGS DBYE BAS, ZHES SOGS KYIS, RDZAS 'DZIN RTOG PA NI SO SKYE'I ZHEN NGO DANG MTHUN PAR BDEN PAR SNANG BA'I RTOG PA YIN LA, BTAGS 'DZIN RTOG PA NI, 'PHAGS PA'I GZIGS NGO DANG MTHUN PAR BDEN PAR SNANG PA YIN NO; ZHES BSTAN PA YIN CING, DE LA DOGS PA 'DI LTAR 'BYUNG STE, CHOS THAMS CAD BDAG MED DU 'DZIN PA SO SKYE LA YANG YOD PAS, BDAG MED DANG BTAGS YOD SOGS SU BDEN PAR SNANG BA NI, CI'I PHYIR 'PHAGS PA'I GZIGS NGO DANG MTHUN PA KHO NAR BRJOD CE NA, SO SKYE 'GA' ZHIG LA MOS PA YID BYED KYI TSUL GYIS CHOS BDAG MED PA SOGS SU 'DZIN PA YOD KYANG MNGON SUM DU MA THONG BA MED CING, 'DIR NI 'PHAGS PAS CHOS BDAG MED PAR MNGON SUM DU GZIGS PA DE'I GZIGS NGO DANG MTHUN PAR BDEN PAR SNANG BA ZHES BRJOD PAR 'DOD PA YIN PAS RTZOD PA DE LA SNYING PO MED DO, ,GAL TE 'PHAGS PA LA YANG, NGA DE'I TSE ZHES SOGS SU 'DZIN PA YOD PAS, RDZAS 'DZIN RTOG PA'ANG 'PHAGS PA'I GZIGS NGOR MTHUN PAR MI 'GYUR RAM ZHE NA, 'PHAGS PAS NGA THA SNYAD PA TZAM GZIGS PAS, THA SNYAD KYI RNAM GZHAG LA 'JUG PA'I TSE, NGA DE'I TSE ZHES SOGS GSUNGS PA YIN GYI, NGA BDEN PAR GZIGS PA'AM, NGA RDZAS YOD DU GZIGS PA MIN PAS, NGA RDZAS YOD LA DMIGS NAS BDEN PAR SNANG BA'I RTOG PA NI 'PHAGS PA'I GZIGS NGO DANG MTHUN PAR

BDEN PAR SNANG BA MIN NO ZHES BYA BA NYID 'GREL PA GNYIS KYI DGONGS PA RMA MED PA'O, ,'O NA 'DIR RDZAS 'DZIN RTOG PA GANG ZAG RDZAS YOD DU 'DZIN PA LA BSHAD PAS GANG ZAG GI BDAG 'DZIN DU MI 'GYUR RAM ZHE NA, GANG ZAG LA DMIGS NAS RNAM PA RANG SKYA THUB PA'I RDZAS YOD DU 'DZIN PA NI GANG ZAG GI BDAG 'DZIN YIN KYANG, 'DIR GANG ZAG RDZAS YOD LA DMIGS NAS RNAM PA BDEN PAR 'DZIN PA'AM, BDEN PAR SNANG BA LA BSHAD PAS CHOS KYI BDAG 'DZIN GYI ZAG BCAS SU 'GYUR GYI, GANG ZAG GI BDAG 'DZIN DU MI 'GYUR RO, ,DE'I PHYIR JI LTAR 'DOD PA BZHIN DU 'GRO BA THOGS PA LA DON DAM PA'I DNGOS POR MNGON PAR ZHEN PAS 'DZIN PAR RNAM PAR RTOG PA ZHES GSUNGS PA YIN NO, ,KHA CIG RDZAS 'DZIN LA RTOG PA DANG, BTAGS 'DZIN LA RTAG PA ZHES BYAS NAS, YUL RDZAS 'DZIN DANG BTAGS 'DZIN GNYIS SO SKYE DANG 'PHAGS PA LA SO SOR BSHAD PA YIN GYI, YUL CAN RDZAS 'DZIN RTOG PA DANG, BTAGS 'DZIN RTOG PA GNYIS GANG ZAG DE GNYIS LA SO SOR DES PAR BSHAD PA MIN NO ZHES ZER BA NI MI 'THAD DE, NYI KHRI SNANG BA DANG 'GREL CHEN DU, SO SKYE LA YANG CHOS BDAG MED PAR RTOGS PA YOD PAS, 'DZIN PA'I RNAM PAR RTOG PA DANG PO'I RNAM GZHAG MA KHYAB PAR 'GYUR ZHES PA'I DOGS PA BKOD PA 'BREL MED DU 'GYUR BA'I PHYIR TE, BTAGS 'DZIN SO SKYE LA MED PAR BSHAD PA LA, 'O NA BTAGS 'DZIN LA RTOG PA'I RNAM GZHAG MA KHYAB PA'I SKYON DU 'GYUR RO STE, SO SKYE LA YANG CHOS BDAG MED PAR 'DZIN PA YOD PAS BTAGS 'DZIN YOD PA'I PHYIR, ZHES PA'I DOGS PA 'BREL MED 'DI LTA BU RTOGS LDAN SU ZHIG 'GOD PAR BYED, DE MA ZAD 'DI LTAR SMRA BAS NI,

, ,RTZOD PA DANG, LAN GNYIS KAS, SO SKYE LA RTOG PA DE'I YUL MED NA RTOG PA DE YANG MED PAS KHYAB PAR KHA 'CHAM PA NYID DU SMRA DGOS TE, GZHAN DU NA, SO SKYE LA BTAGS 'DZIN MED PAR BSHAD PA LA, 'O NA 'DZIN RTOG DANG PO'I RNAM GZHAG MA KHYAB PA'I SKYON DU 'GYUR CES PA'I RTZOD PA 'ONG DON MED CING, LAN GYI KYANG BTAGS 'DZIN MED KYANG DE LA RTOG PA MED MI DGOS PAS BTAGS 'DZIN RTOG PA'I RNAM GZHAG LA MA KHYAB PA'I SKYON MED CES LAN 'DABS PAR RIGS KYI SO SKYE'I BDAG MED RTOGS PA MOS PA YID BYED YIN PAS SKYON MED CES PA'I LAN BTAB PA 'BREL MED DU 'GYUR BA'I PHYIR RO, ,SO SKYE LA RTOG PA DE'I YUL DE MED NA, DE LA RTOG PA'ANG MED PAS KHYAB NA, SO SKYE LA SHES BYA THAMS CAD YOD PAR THAL, DE THAMS CAD LA RTOG PA'I PHYIR RO, , GZHAN YANG LUGS 'DI NI BTAGS PA'I DNGOS POR MNGON PAR ZHEN PA NYID KYIS 'DZIN PA'I RNAM PAR RTAG PA CES SOGS LA MNGON SUM DU BSNYON PAR BYED PA YIN TE, DE LTA NA BTAGS PA'I DNGOS POR MNGON PAR ZHEN PA LA SOGS SU 'GYUR BAS SO, ,'DI DAG LA BRJOD PAR BYA BA MANG YANG 'DIR YI GE MANGS BAR 'GYUR BAS MA BRIS LA, RTOG PA'I RNAM GZHAG 'DI DAG CHES SHIN TU DKA' YANG, JI LTA BA BZHIN 'CHAD SHES PA GZHAN MA MTHONG NGO, ,GNYIS PA TSIG GI DON LA, SPYI'I MTSAMS SBYAR, SO SO'I DON BSHAD, LDAN TSUL GYI DON BSDU BA'O, ,DANG PO NI, RNAM PAR RTOG PA CES SOGS SO, ,GNYIS PA LA, MDOR BSTAN RGYAS PAR BSHAD PA'O, ,DANG PO LA GNYIS LAS, GZUNG RTOG MDOR BSTAN LA, RTZA BA NI, GZUNG BAR RTOG PA, DBYE GZHI, DBYE NA RNAM PA GNYIS SO, ,'BYED PA'I RGYU MTSAN, KUN NAS NYON

MONGS PA'I GZHI'I RTEN CAN DANG DE'I GNYEN PO'I PHYOGS LA BRTEN PA'I BYE BRAG GIS SO, ,GNYIS PO DE NI SO SOR RNAM PA DGU DGU STE RMONGS PA DANG, RNAM BYANG GI PHUNG PO SOGS YUL DGU DGU'I BYE BRAG GIS SO, ,'GREL PA NI, GZUNG PAR RNAM PAR RTOG PA DBYE GZHI, DBYE NA, KUN NAS NYON MONGS PA'I GZHI'I RTEN CAN DANG GNYAN PO'I RTEN CAN NYID KYIS RNAM PA GNYIS YIN LA MA RIG PA DANG RNAM PAR BYANG BA'I PHUNG PO LA SOGS PA'I RAB TU DBYE BAS GNYIS PO RE RE LA'ANG RNAM PAS DGU DGU'O, ,RTZA 'GREL GNYIS KA LA, NGAG DON NI, GZUNG RTOG CHOS CAN, GNYIS YOD DE, KUN NAS NYON MONGS GZUNG RTOG DANG, RNAM BYANG GZUNG RTOG GNYIS YOD PA'I PHYIR, KUN NAS NYON MONGS GZUNG RTOG CHOS CAN, DGU YOD DE, MA RIG PA SOGS YUL DGU LA RTOG PA DGU YOD PA'I PHYIR, RNAM BYAD GZUNG RTOG CHOS CAN, DGU YOD DE, RNAM BYANG GI PHUNG PO SOGS DGU LA RTOG PA DGU YOD PA'I PHYIR, GNYIS PA 'DZIN RTOG MDOR BSTAN LA, RTZA BA NI RDZAS DANG, ZHES SOGS DANG, 'GREL PA NI, GANG ZAG RDZAS SU YOD PA DANG, ZHES SOGS TE, TSIG DON DANG, DAG DON NI, SNGA MAS RIGS BSGRE'O, ,GNYIS PA RGYAS PAR BSHAD PA LA GNYIS LAS, MTSAMS SBYAR NI, YUL GYI SGO NAS DGU DGUR YOD CES BSHAD PA DE LA DGU PO SO SO MING GI SGO NAS MDOR BSDUS PA'I DON NI 'DI YIN TE, GNYIS PA SO SO'I NGO BO LA BZHI LAS, , KUN NAS NYON MONGS GZUNG RTOG RGYAS BSHAD NI, KUN NAS NYON MONGS KYI GTZO BO MA RIG PA DANG, DE'I 'BRAS BU ZAG BCAS KYI GZUGS LA SOGS PA'I PHUNG PO DANG, KUN NAS NYON MONGS KYI KHYAD PAR MING DANG GZUGS LA MNGON PAR ZHEN PA DANG, KUN NAS NYON

, ,MONGS KYI BYED LAS, GZHI'I DUS SU MTHA' GNYIS LA CHAGS PAR BYED PA DANG LAM GYI DUS SU MNGON MTHO'I RGYU KUN NAS NYON MONGS PA DANG RNAM PAR BYANG BA'I BLANG DOR MI SHES PA DANG NGES LEGS KYI 'PHAGS PA'I LAM LA DANG POR MI GNAS PA'AM MI 'JUG PA DANG, ZHUGS KYANG LAM GYI YUL DMIGS PA DANG LAM BSGOM PA PO BDAG LA SOGS PA DANG, LAM GYI 'BRAS BU RNAM PAR DAG PA SKYED PA LA SOGS PA LA RMONGS PAR BYED PA STE, DE LTAR YUL DGU PO DE DAG GAM, DE DAG GI STENG GI BDEN PA BKAG PA DAG BDEN PAR SNANG BA KUN NAS NYON MONGS PA GZHI'I RTEN CAN GZUNG BAR RNAM PAR RTOG PA RNAMS SO, ,GNYIS PA RNAM BYANG GZUNG RTOG RGYAS BSHAD NI, RNAM BYANG GI NGO BO ZAG PA MED PA'I PHUNG PO DANG, DE NYID KYI RKYEN RNAM BYANG SKYE BA'I SGO DANG, SA BON RIGS DANG JI LTAR SKYE BA'I TSUL RNAM BYANG GI SKYE BA DANG DE 'DRA'I RNAM BYANG LA DBYE NA, GZHI'I RNAM BYANG STONG PA NYID DANG, LAM GYI RNAM BYANG TZAM PHA ROL TU PHYIN PA'I DON DANG, LAM GYI RNAM BYANG KHYAD PAR BA MTHONG BA DANG, BSGOM PA DANG, 'BRAS BU'I RNAM BYANG MI SLOB PA'I LAM RNAMS TE YUL DGU PO DE LA BRTEN PA GNYEN PO'I RTEN CAN GYI GZUNG BAR RNAM PAR RTOG PA DGU PO RNAMS SO, ,GSUM PA RDZAS 'DZIN RTOG PA RGYAS PAR BSHAD PA NI, BDAG RANG DBANG CAN DANG GCIG PUR BDEN PAR SNANG BA DANG, RGYU LAS GSOG PA PO'I BDAG DANG, YUL LA BLTA BA PO LA SOGS PA BDAG TU BDEN PAR SNANG BA DANG, 'KHOR BAR KUN NAS NYON MONGS PA'I RTEN DANG, 'JIG RTEN PA'I LAM GYIS 'DOD CHAGS DANG BRAL BA'I

RTEN DANG, 'JIG RTEN LAS 'DAS PA'I MTHONG BA DANG SGOM PA'I LAM GYIS 'DOD CHAGS DANG BRAL BAR BYED PA'I RTEN DANG, LAM GYIS DON BYAS PA THAR PA THOB PA'I RTEN RNAMS SU 'GYUR BA BDAG BDEN PAR SNANG BA STE, DE LTAR GANG ZAG RDZAS SU YOD PA'I RTEN CAN 'DZIN PAR RNAM PAR RTOG PA DGU PO RNAMS SO, ,BZHI PA BTAGS 'DZIN RTOG PA RGYAS PAR BSHAD PA NI, SEMS CAN TZAM GYI GDAGS GZHI PHUNG PO DANG, SKYE MCHED DANG, KHAMS DANG, SO SKYE'I GDAGS GZHI KUN NAS NYON MONGS KYI RTEN CING 'BREL PAR 'BYUNG BA DANG, 'PHAGS PA TZAM GYI GDAGS GZHI RNAM PAR BYANG BA DANG, 'PHAGS PA SLOB PA DMAN 'BRING MCHAG GSUM GYI GDAGS GZHI RIM BZHIN MTHONG BA DANG, SGOM PA DANG, KHYAD PAR GYI LAM DANG, 'PHAGS PA DGRA BCOM PA'I GDAGS GZHI MI SLOB PA'I LAM RNAMS TE, SEMS CAN SPYI DANG KHYAD PAR RNAMS GDAGS GZHI DANG DE DGRA LA BRTEN NAS BTAGS PA TZAM DU BDEN PAR SNANG BA SKYES BU BTAGS PAR YOD PA LA BRTEN PA'I 'DZIN PA'I RNAM PAR RTOG PA DGU PO RNAMS SO, ,RGYAS BSHAD 'DI DAG LAM MDOR BSTAN DU BSHAD PA'I DBYE SBYOR DGOD PAR BYA'O, ,GSUM PA NI, DE LTA BU'I RNAM PAR RTOG PA BZHI DANG, NGES PAR 'BYED PA'I CHA DANG MTHUN PA BZHI PO GRANGS BZHIN DU LDAN PA YIN TE, DES CHA BZHI PO DE RIM PA BZHIN DU GZUNG 'DZIN BZHI PO DE RANG BZHIN MED PA ZHEN YUL DU BYAS NAS BDEN PAR SNANG BA'I RTOG PA YIN PA'I PHYIR RO, ,GSUM PA YONGS 'DZIN GYI KHYAD CHOS LA GSUM LAS, MTSAMS SBYAR NI, RTZA BAR TSIGS BCAD, SLAR MDO DANG MTHUN PAR BYA BA'I CHED DU YONGS SU 'DZIN PA

, ,RTOG PA'I SNGAR GSUNGS NA YANG RGYAS BSHAD DU YANG CHUNG 'BRING GI DBYE BA DANG RTOG PA'I MJUG THOGS SU BAR SKABS KYI TSIGS SU BCAD PAS YONGS 'DZIN GSUNGS PA LA DGOS PA YOD DE, YONGS 'DZIN PHYIS BSHAD CING DE DAG DE'I SNGAR BSHAD PA DE'I STOBS KYI DBYE BA DANG RTOG PA JI SKAD BSHAD PA YANG KHYAD PAR DU 'GYUR RO ZHES BSTAN PA'I PHYIR DU YIN PAS SO, ,RTZA BA NI, 'PHAGS PA LTAR NA, RNAM MKHYEN YID BYED DANG LDAN ZHING ZAB MO LA SEMS MI 'GONG BA NYID LA SOGS PA DE'I MI MTHUN PHYOGS NYAN RANG GI YID BYED DANG DNGOS POR MNGON ZHEN SOGS POR BAS NI RNAM PA KUN TU NANG YONGS 'DZIN THABS MKHAS YIN NO, ,YONGS 'DZIN PHYIS BSHAD CING DE DAG DE'I SNGAR BSHAD PA DE'I STOBS KYIS DBYE BA DANG RTOG PA JI SKAD BSHAD PA YANG KHYAD PAR DU 'GYUR RO, ZHES BSTAN PA'I PHYIR DU YIN PAS SO, ,RTZA BA NI, 'PHAGS PA LTAR NA, RNAM MKHYEN YID BYED DANG LDAN ZHING ZAB MO LA SEMS MI 'GENG BA NYID LA SOGS PA DE'I MI MTHUN PHYOGS NYAN RANG GI YID BYED DANG DNGOS POR MNGON ZHEN SOGS BOR BA NA RNAM PA KUN TU GDUL BYA'I BSAM PA JI LTA BA BZHIN DU NGO BO NYID MED SOGS STON BYED CING, DE'I MI MTHUN PHYOGS SDIG SROGS BOR BA RNAM PA KUN TU PHYI YONGS 'DZIN DGE BSHES YIN NO, ,SLOB DPON LTAR NA GSUM PA 'GREL PA NI STONG NYID LA SEMS MI 'GONG ZHING MI SKRAG PA LA SOGS PA THABS MKHAS PAS BSAM PA JI LTA BA BZHIN DU DNGOS PO MTHA' DAG BDAG MED PA LA SOGS PAR STON PAR BYED PA PHYIN DRUG GI MI MTHUN PA'I PHYOGS KYI CHOS SER SNA LA SOGS PA

DANG MI LDAN PA'I GANG ZAG NI CHOS CAN, THEG CHEN GYI YONGS SU 'DZIN PA YIN TE, THEG CHEN GYI DGE BA'I BSHES GNYEN YIN PAS SO, ,BYANG SEMS SBYOR LAM PA CHOS CAN, NYAN RANG SBYOR LAM PA LAS YONGS 'DZIN GYIS KHYAD PAR 'PHAGS TE, THEG CHEN DGE BSHES DE LTA BUS SRID ZHIR MI LTUNG BAR YONGS SU 'DZIN PA'I PHYIR, GNYIS PA THEG CHEN GYI SGRUB PA SPYI'I RNAM GZHAG BSHAD PA LA, BSGRUB PA'I RTEN, YUL, DON DU GNYER BYA, RANG GI NGO BO DANG BZHI, DANG PO LA GNYIS LAS, SPYI'I DON LA, GRUB MTHA' SMRA BA GZHAN GYI LUGS BSHAD PA DANG, DBU MA PA RANG GI LUGS BSHAD PA LAS, DANG PO NI BYE BRAG SMRA BA DAG, RIGS KYI NGO BO SEMS MA CHAGS PA 'DOD PA CHUNG BA DANG, CHOG SHES PA'I BDAG NYID LA 'DOD CING, DBYE NA, CHOS DANG, BSOD SNYOMS DANG, GNAS MAL NGAN DON GYIS CHOG SHES PA GSUM DANG, SPONG BA DANG BSGOM PA LA DGA' BA'O, ,MDZOD LAS, MA CHAGS 'PHAGS RIGS DE LAS NI, ,GSUM NI CHOG SHES BDAG NYID DO, ZHES PA LTAR RO, ,DE LA DANG PO GSUM GYIS TSUL DANG, THA MA LAS BSTAN TE, TSUL 'DI LA GNAS NAS LAS 'DI BYAS NA 'PHAGS PA'I CHOS THOB PAR 'GYUR, ZHES BYA BA'I DON TO, ,MDZOD LAS, GSUM GYIS TSUL BSTAN THA MA LAS, ZHES PA LTAR RO, ,MDO SDE PA NI, YE SHES KYI STENG NA YOD PA, 'PHAGS CHOS BSKYED PA'I NUS PA NYID LA RIGS SU 'DOD DE, SLOB DPON RGYAL BA'I SRAS KYIS, MDO SDE PA DAG GI RIGS SHES BYA BA NI, SEMS KYI SA BON NUS PA YIN TE, SO SO'I SKYE BO DANG, SLOB PA'I GNAS SKABS NA YANG, YONGS SU NYAMS PA'I CHOS CAN GYI SA BON LA RIGS SHES BYA'O, ZHES GSUNGS PA LTAR RO, ,RNAM RIG PA DAG GI 'DOD PA

, ,NI, MDO LAS, BYANG CHUB SEMS DPA' RNAMS KYI RIGS DE NI THOG MA MED PA NAS 'ONGS PA CHOS NYID KYI THOB PA SKYE MCHED DRUG GI KHYAD PAR GANG YIN PA STE, ZHES 'BYUNG BA'I DON DU BSAMS NAS SKYE MCHED DRUG GI KHYAD PAR NI RANG BZHIN GNAS PA'I RIGS DANG, RKYEN GYIS YANG DAG PAR BSGRUBS PA'I SA BON NI RGYAS 'GYUR GYI RIGS SU BZHED DE, BYANG SA LAS, DE LA RANG BZHIN DU GNAS PA'I RIGS NI, BYANG CHUB SEMS DPA' RNAMS KYI SKYE MCHED DRUG GI KHYAD PAR GANG YIN PAS TE, DE NI GCIG NAS GCIG TU BRGYUD DE 'ONGS PA, THOG MA MED PA CHOS NYID KYI THOB PA DE LTA BU YIN NO, ,DE LAS YANG DAG PA BSGRUBS PA'I RIGS NI, SNGON DGE BA'I RTZA BA GOMS PAR BYAS PA LAS THOB PA GANG YIN PA STE, ZHES GSUNGS PA STE, DE YANG KUN GZHI'I RNAM PAR SHES PA RNAM PAR BZHAG NA DE'I STENG NA YOD PA DANG, RNAM PAR MA BZHAG NA NANG GI SKYE MCHED DRUG GI STENG NA YOD PA'I ZAG PA MED PA'I SA BON RIGS 'DRA SNGAR MED GSAR DU RKYEN GYIS BSGRUBS PA MIN GYI, THOG MA MED PA NAS RIGS BRGYUD DE 'ONGS PA 'PHAGS LAM SKAD CIG DANG PO'I NYER LEN BYED PA ZHIG STE, GAL TE 'DI MED NA ZAG MED YE SHES SKAD CIG DANG PO LA SKAL MNYAM GYI RGYU MED PAR 'GYUR RO, ZHES ZER RO, ,DE 'DRA'I ZAG PA MED PA'I SA BON DE NI GANG LA LDAN PA'I NANG GI SKYE MCHED DRUG PO RNAMS SA BON DE'I MI 'DRA BA'I KHYAD PAR GYIS THEG PA GSUM GYI RIGS CAN SO SOR MTSON PAR BYED PA'I PHYIR, SKYE MCHED DRUG GI KHYAD PAR ZHES BYA LA THOS PAS GSO BAR BYA BA YIN PA'I PHYIR, THOS PA'I BAG CHAGS ZHES KYANG BYA ZHING DE 'DRA'I

ZAG PA MED PA'I SA BON GANG, ZAB PA DANG RGYA CHE BA'I CHOS THOS PA'I RKYEN GYIS GSO BAR BYA BA NI THEG CHEN GYI RIGS DANG, GANG ZAG GI BDAG MED TZAM STON PA'I CHOS THOS PAS GSO BAR BYA BA NYAN THOS KYI ZAG MED YE SHES KYI NYER LEN DU GNAS PA NI NYAN THOS KYI RIGS PA RTEN CING 'BREL PAR 'BYUNG BA LUGS 'BYUNG LUGS LDOG SOGS STON PA'I CHOS THOS PAS GSO BAR BYA BA RANG RGYAL GYI 'PHAGS LAM BSKYED RUNG GI NGO BOR GNAS PA NI, RANG SANGS RGYAS KYI RIGS SHES BYA LA, ZAG MED KYI SA BON GANG, NGO BO NYID KYIS THEG PA GSUM GANG RUNG GI RTOGS PA'I RGYUR NGES PA NI NGES PA'I RIGS SHES BYA ZHING, RKYEN DBANG GIS THEG PA GSUM GA'I RTOGS PA'I RGYUR BSGYUR DU RUNG PA NI MA NGES PA'I RIGS YIN LA, GANG ZAG GANG GI RGYUD LA ZAG EMD KYI SA BON MED PA NI RIGS CHAD PA CES BYA'O, ,RNAM RIG PA RIGS CHAD MI 'DOD DO, ZHES SMRA BA DAG NI BAB COL TE, SANGS RGYAS KYI RIGS CHAD PA MI 'DOD PA NA, SEMS CAN THAMS CAD SANGS RGYAS KYI RIGS CAN DU 'DOD DGOS PAS, MTHAR THUG THEG PA GSUM DU 'DOD PA'I GO SKABS MED LA, SANGS RGYAS KYI RIGS CHAD PA YOD NA DE BZHIN DU NYAN THOS DANG RANG SANGS RGYAS KYI'ANG RIGS CHAD 'DOD DGOS PAS, THEG PA GSUM GA'I RIGS CHAD 'DOD PA DANG, RIGS CHAD MI 'DOD PA CHES SHIN TU 'GAL BA YIN NO, ,DES NA MDO SDE RGYAN LAS, DKAR PO DMAN PA YOD PA RGYU DANG BRAL, ZHES PA'I 'GREL PAR, GTAN YONGS SU MYA NGAN LAS MI 'DA' BA'I CHOS CAN NI RGYU DANG BRAL BA YIN TE, GANG LA YANG YONGS SU MYA NGAN LAS 'DA' BA'I RIGS NYID MED PA'O, ZHES GSUNGS PA YIN NO, ,DA NI GNYIS PA DBU MA PA RANG GI LUGS BSHAD PAR BY

, ,STE; DE YANG RIGS LA RNAM PA GNYIS TE, RANG BZHIN DU GNAS PA DANG, RGYAS PA LAS GYUR BA'O, ,DANG PO NI, SEMS KYI CHOS 'DI RANG BZHIN RNAM DAG NYID YIN LA, DE YANG GANG ZAG GANG RANG BZHIN GYIS DBANG PO RTUL BAS, RANG GI SEMS KYI CHOS NYID DE, GANG ZAG GI BDAG MED TZAM GYI RTOGS PA'I RTEN DU RE SHIG NGES PA NI NYAN THOS KYI RIGS NGES PA DANG, DE BZHIN DU GANG ZAG DE RANG BZHIN GYIS DBANG PO 'BRING DU GYUR PAS RANG GI SEMS KYI CHOS NYID DE, RE SHIG BDAG MED PHYED DANG GNYIS RTOGS PA TZAM GYI RTEN DU NGES PA NI, RANG RGYAL DU RIGS NGES PA DANG, RANG BZHIN GYIS DBANG PO RNO BAS, RANG GI SEMS KYI CHOS NYID DE DANG PO NAS THEG CHEN GYI RTOGS PA'I RTEN DU NGES PA NI THEG CHEN DU RIGS NGES PA ZHES BYA ZHING, RANG GI SEMS KYI CHOS NYID DE RKYEN DANG PHRAD NA THEG PA GSUM GA'I RTOGS PA'I RTEN BYED PA NI MA NGES PA'I RIGS CAN ZHES BYA'O, ,MTHAR THAMS CAD KYANG, THEG CHEN GYI RTOGS PA'I RTEN DU NGES PAS SEMS CAN THAMS CAD LA MTHAR THUG SANGS RGYAS KYI RIGS KYIS KHYAB PA YIN NO, ,DES NA RANG BZHIN GYI DBANG PO RNON PO'I SEMS CAN GYI RGYUD KYI CHOS NYID RANG BZHIN GYIS RNAM DAG NI THEG CHEN GYI RANG BZHIN DU GNAS PA'I RIGS YIN LA, THEG PA CHEN PO'I RGYAS 'GYUR GYI RIGS NI, THEG PA CHEN PO'I CHOS THOS PA DANG, BSOD NAMS KYI TSOGS BSAGS PA'I RKYEN GYIS BZHAG PA'I MA 'ONGS PA NA GZUGS SKU PHUN TSOGS 'GRUB PA'I SA BON NUS PA'I NGO BOR GNAS PA'O, ,DE LTA BU'I SEMS KYI CHOS NYID RANG BZHIN GYIS RNAM PAR DAG STE, THEG PA CHEN PO'I LAM GYIS

GLO BUR GYI DRI MA DANG BRAL BAR BYAS NAS DRI MA MA LUS PAS DAG PAR GYUR PA NA CHOS SKU MNGON DU BYAS PA ZHES BYA LA, RGYAS 'GYUR GYI RIGS SA BON GYI NGO BO NYID NUS PA MTHU CAN DU GYUR PAS NYER LEN BYAS SHING RGYUN MTHA'I YE SHES KYIS DNGOS KYI LHAN CIG BYED RKYEN BYAS PA LAS LONGS SPYOD RDZOGS SKU DANG, DE'I BDAG RKYEN LAS SPRUL BA'I SKU 'GRUB PA YIN NO, ,GANG DAG THEG CHEN GYI LAM THAMS CAD RGYAS 'GYUR GYI RIGS YIN ZHING, RGYAS 'GYUR GYI RIGS KYIS RIGS KYI GO MI CHOD PAR SMRA BA NI SKUR BA 'DEBS PA CHEN PO STE, DE LTA NA GZUGS SKU GNYIS KYIS SANGS RGYAS KYI GO MI CHOD PAR THAL LO, ,KHYAB STE, RIGS 'DI GNYIS LAS SANGS RGYAS KYI, ,SKU GSUM THOB PAR 'DOD PA YIN, ZHES SOGS GSUNGS PAS SO, ,KHA CIG RANG BZHIN GNAS RIGS 'DUS BYAS KYANG YOD DE, DRI BCAS KYI SEMS 'OD GSAL BA'I BDAG NYID KYANG SANGS RGYAS KYI YE SHES KYI NYER LEN YIN PAS RIGS SU 'DOD PAR BYA BA YIN PA'I PHYIR, ZHES SMRA BA DANG, RGYAS 'GYUR GYI RIGS NI LAM THAMS CAD LA 'DOD CING, DE'ANG RIGS DNGOS MIN PAR SMRA BAR BYED DO; ;'O NA RGYUN MTHA'I YE SHES CHOS CAN, RANG BZHIN GNAS RIGS YIN PAR THAL, SANGS RGYAS KYI YE SHES KYI NYER LEN YIN PA'I PHYIR, 'KHOR GSUM GA KHAS LEN DGOS TE, RNAM MKHYEN GYI NYER LEN YIN PAR SKABS SNGA PHYI DAG TU LAN MANG DU SMRAS PAS SO; ;GZHAN YANG SEMS MYONG BA GSAL RIG RANG BZHIN GNAS RIGS YIN NA CHOS KYI DBYINGS KYI NGO BO NYID KHO NA LA RIGS ZHES BSTAN TO ZHES PA'I NGES BZUNG MI 'THAD PAR THAL BA'I PHYIR DANG, NYI KHRI SNANG BAR, RNAM RIG PAS ZAG MED KYI SA BON RANG BZHIN

, ,GNAS RIGS SU SMRAS PA 'GOG PA'I SKABS SU DA 'DUS BYAS YIN PAS RANG BZHIN GNAS RIGS DANG RGYAS 'GYUR GYI RIGS LA KHYAD PAR MED PAR 'GYUR ZHES DGAG PA BRJOD PA DANG 'GAL BA'I PHYIR DANG, SEMS MYONG BA GSAL RIG DE NYID GLO BUR GYI DRI MAS DAG PA NA NGO BO NYID SKU YIN PAS, NGO BO NYID SKU 'DUS BYAS YOD DO, ZHES SMRA BA YANG DGAG MI NUS PA'I PHYIR, PHYOGS 'DI NYES PA DU MA'I GNAS SO, ,LUS CAN LA ZAG PA MED PA'I SHES PA SBRANG MA'I RTZI DANG 'DRA, ZHES PAS SHES PA YIN PA'I RANG BZHIN GNAS RIGS BSHAD PA MIN NAM ZHE NA, MIN TE, DE LTA NA 'DI NI DRI BCAS KYI KHAMS TZAM MTSON PA'I DPE STON PA'I SKABS YIN PAS, DRI BCAS KYI KHAMS TZAM SHES PAR KHAS LEN DGOS PAR 'GYUR BAS, CHOS NYID DRI BCAS LA 'DUS BYAS KYIS KHYAB PAR 'GYUR RO, ,DES NA 'DI NI DRI MED DE BZHIN NYID LA CHOS DBYINGS YE SHES ZHES BRJOD PA LTAR, DRI BCAS DE BZHIN NYID LA ZAG PA MED PA'I SHES PA ZHES PA'I THA SNYAD BYAS PA TZAM YIN NO, ,'O NA BYANG CHUB SEMS DPA'I SEMS KYI CHOS NYID RIGS SU 'GYUR BA'I TSUL JI LTA BU ZHE NA, DE LA RGYU BYED PAS RIGS SU 'GYUR TSUL DANG, RTEN BYED PAS RIGS SU 'GYUR TSUL GNYIS GSUNGS PA LAS, DANG PO'I DON NI, RANG BZHIN GNAS RIGS KYI SGRUB PA BSKYED PA MIN GYI, 'ON KYANG SEMS KYI CHOS NYID RANG BZHIN RNAM DAG 'DI YOD NA, DRI MA SEMS RGYUD GLO BUR BAR 'GYUR BAS, DE 'BRAL BAR BYED PAS SGRUB PA 'BYUNG BA 'THAD LA, SEMS KYI CHOS NYID RANG BZHIN RNAM DAG MED NA DRI MA SEMS KYI RANG BZHIN DU 'GRO DGOS PAS, DE SEMS RGYUD LA 'BRAL BAR BYED PA'I

SGRUB PA 'BYUNG BA MI 'THAD CING, DE'I PHYIR RGYU DANG CHOS MTHUN PAS RANG BZHIN GNAS RIGS BSGRUB PA'I RGYUR GSUNGS PA YIN NO, ,GNYIS PA RTEN BYED PAS RIGS SU 'GYUR TSUL NI JI LTAR NAM MKHA' YOD NA RLUNG DANG SA'I DKYIL 'KHOR LA SOGS PAS GO SKABS 'BYED LA, MED NA MI 'BYED PAS DE DAG NAM MKHA' LA BRTEN PAR BSHAD PA LTAR SEMS KYI CHOS NYID RANG BZHIN RNAM DAG YOD NA, SEMS RGYUD LA THEG PA GSUM GYI YON TAN GNAS PA'I GO SKABS YOD CING, MED NA MED PAS DE'I PHYIR RANG BZHIN GNAS RIGS BSGRUB PA'I RTEN DU BSHAD PA YIN TE, JI SKAD DU, SA NI CHU LA CHU RLUNG LA, ,RLUNG NI MKHA' LA RAB TU GNAS, ,MKHA' NI SA CHU DAG DANG NI, ,RLUNG GI KHAMS LA GNAS MA YIN, ,DE BZHIN PHUNG PO KHAMS DBANG RNAMS, ,LAS DANG NYON MONGS DAG LA GNAS, ,LAS DANG NYON MONGS TSUL BZHIN MIN, ,YID BYED DAM PA RAB TU GNAS, ,TSUL BZHIN MIN NA YID BYED NI, ,SEMS KYI DAG PA LA RAB GNAS, ZHES GSUNGS PA LTAR RO, ,DE BAS NA RIGS KYI DON MDO TZAM BSHAD ZIN TO, ,GNYIS PA TSIG GI DON LA, RIGS KYI RANG BZHIN BSTAN PA DANG, DE LA RTZOD PA SPANG BA GNYIS, DANG PO LA GSUM LAS, MTSAMS SBYAR NI, THEG CHEN GYI SGRUB PA DANG LDAN PA LA NGES PAR 'BYED PA'I CHA DANG MTHUN PA JI SKAD BSHAD PA DANG MTHONG BA'I LAM LA SOGS PA GZHAN YANG 'BYUNG BAS SBYOR LAM GYI 'OG TU SGRUB PA 'CHAD CING DE YANG RTEN LA RAG LAS THOG MAR SGRUB PA'I RTEN DU GYUR PA RIGS 'CHAD DO, ,RTZA BA NI, RTOGS PA YI NI ZHES SOGS TE, 'GREL BA BSHAD PAS SHES SLA'O, ,'GREL BA LA RTEN CHOS SGRUB PA BCU

, ,GSUM GYI NGO BO DANG GO RIM BSHAD PA, GRANGS NGES BSHAD PA, DE DAG GI RTEN CHOS NYID RIGS SU BSTAN PA'O, ,DANG PO NI, BYANG SEMS KYI DON DU GNYER BYA THAMS CAD SKYON SEL BA DANG, YON TAN MNGON DU BYED PA GNYIS SU NGES PA LA, DE YANG SKYON MA BSAL BAR YON TAN MI 'THOB PAS, DANG POR SKYON SEL TSUL 'CHAD CING DE LA YANG SEL BYED KYI GNYEN PO MA SKYES PAR SEL MI NUS PAS GNYEN PO SNGAR BSHAD LA, GNYEN PO YANG MNGON GYUR MGO GNON PA'I 'JIG RTEN PA'I LAM SNGAR SKYES NAS SA BON SPONG BA 'JIG RTEN LAS 'DAS PA'I LAM PHYIS SKYE LA, DE LA YANG KUN BRTAGS KYI SA BON SNGAR SPONG ZHING, LHAN SKYES KYI SA BON PHYIS SPONG DGOS TE, DE BAS NA RE SHIG DANG POR 'JIG RTEN PA'I NGES PAR 'BYED PA'I CHA DANG MTHUN PA RNAMS SO, ,DE'I 'OG TU 'JIG RTEN LAS 'DAS PA'I MTHONG BA DANG SGOM PA'I LAM DAG GO ,GNYEN PO BSTAN PA DE'I 'OG TU GNYEN PO DE DAG GIS SPANG BYA SPONG TSUL STON PA NI, GNYEN PO DE DAG SKYES PA'I STOBS KYIS SPANG BYA SPONG LA, TSUL JI LTAR SPONG NA, RKUN PO SLAR NANG DU MI LDOG PAR BYAS PA'I SGO NAS PHYUNG BA DANG SGO PHAR BCAD PA DUS MNYAM PA LTAR GNYEN PO BAR CHAD MED LAM SKYE BA DANG MI MTHUN PA'I PHYOGS DGAG PA DAG DUS MNYAM ZHING, RNAM GROL LAM SKYES PA DANG, NGO SKAL GYI MI MTHUN PHYOGS 'GAG PA DUS MNYAM MO, ,DE LTAR GNYEN PO DANG SPONG TSUL BSHAD NAS, DE'I 'OG TU SPANGS PA'I NGO BO BSHAD PA NI, SPANG GNYEN DE DAG BDEN PAR MI DMIGS PAS DE DAG DON DAM PAR SKYE BA DANG 'GAG PA DANG LDAN PA RNAM PAR

RTOG PA SPANGS PA'O, ,DE LTAR SKYON BSAL NAS YON TAN MNGON DU BYED PA YIN PAS DE'I 'OG TU YON TAN MNGON DU BYED TSUL STON CING, DE YANG RANG RGYUD LA THABS SHES KHYAD PAR CAN MA THOB PAR DMAN PA'I GANG ZAG LAS MTHU PHUL DU BYUNG BA MI 'THOB PAS DE'I 'OG TU SNGON GYI SMON LAM DANG, SBYIN PA LA SOGS PA THABS LA MKHAS PA'I STOBS KYIS 'KHOR BA DANG MYA NGAN LAS 'DAS PA LA MI GNAS PA'I MTSAN NYID KYI SHES RAB DANG THABS SO, ,DE LTAR THABS SHES KHYAD PAR CAN THOB PA NA, DE'I 'OG TU DE DAG SKYES PAS NYAN THOS LA SOGS PA DANG THUN MONG MA YIN PA'I CHOS SO SO YANG DAG RIG PA LA SOGS PA 'THOB BO, ,DE 'THOB PA NA GZHAN DON PHUL DU BYUNG BA BYED NUS PAS DE'I 'OG TU GZHAN DON GYI SGRUB PA 'CHAD LA; DE LA YANG GNAS SKABS KYI GZHAN DON PHUN TSOGS MNGON DU SONG BA LAS MTHAR THUG GI GZHAN DON PHUN TSOGS 'BYUNG DGOS PAS DANG POR GDUL BYA'I BSAM PA JI LTA BA BZHIN DU GZHUG PA LA SOGS PA LA LDEM POR DGONGS PA'I SGO NAS THEG PA GSUM GYI LAM LA DGOD PA'I MTSAN NYID KYIS GZHAN GYI DON GYI GO RIM GYI SGRUB PA 'CHAD DO, ,'DIR LDEM DGONGS RNAM PA BZHI LAS GZHUG PA LA LDEM POR DGONGS PA NI PHYI ROL BA BSTAN PA LA GZHUG PA'I PHYIR DU, GANG ZAG BDEN PAR YOD PA GSUNGS PA LTA BU'O, ,MTSAN NYID LA LDEM POR DGONGS PA NI, SEMS TZAM PA DAG, MTSAN NYID GSUM LA DGONGS NAS SHER PHYIN GYI MDO LAS CHOS THAMS CAD MTSAN NYID MED PAR BSHAD PA LA 'DOD KYANG, 'DRIR NI

, ,DGONGS PA NGES 'GREL SOGS SU MTSAN NYID GSUM LA BDEN PAR GRUB MA GRUB KYI KHYAD PAR BSHAD PA LTA BU LA GZUNG DGOS SO, ,KHA CIG 'DIR MNGON PA LAS CHOS RNAMS KYI RANG GI MTSAN NYID GSUNGS PA LA 'DOD DO, ZHES ZER BA NI, DBU MA RANG RGYUD PA RANG GI MTSAN NYID KYIS GRUB PA'I CHOS KHAS LEN PA MI GO BAS GRUB MTHA' LA BLO KHA MA PHYOGS PAR GSAL BAR BYAS SO, ,GNYEN PO LA LDEM POR DGONGS PA NI, DGONGS PA CAN TE, DE YANG MNYAM PA NYID LA DGONGS PA NI, SANGS RGYAS LA BRNYAS PA'I GNYEN POR MNYAM PA NYID GSUM LA DGONGS NAS NGA DE'I TSE SANGS RGYAS RNAM PAR GZIGS SU 'GYUR RO, ZHES GSUNGS PA LTA BU'O, ,MNYAM PA GSUM NI, RGYU TSOGS GNYIS, 'BRAS BU CHOS SKU, GZHAN DON 'PHRIN LAS MNYAM PA'O, ,DON GZHAN LA DGONGS PA NI, LAS DANG SRID PA SPANG BYA ZHING, ,SBYOR BA'I RNAM SHES MCHOG 'DZIN GNYIS, ,SKYE MCHED YUL DANG BCAS BCOM NA, ,MI DE DAG PA NYID DU 'GYUR BA'I DON LA DGONGS NAS, PHA DANG MA NI BSAD BYA ZHING, ZHES SOGS GSUNGS PA LTA BU'O, ,DUS GZHAN LA DGONGS PA NI, BDE BA CAN DU SKYE BAR SMON LAM BTAB PA TZAM GYI DER SKYE BAR 'GYUR RO, ZHES GSUNGS PA LTA BU'O, ,GANG ZAG GI BSAM PA LA DGONGS PA NI, SBYIN PA LA MCHOG 'DZIN GYI GNYEN POR, SBYIN PA LA SMAD NAS TSUL KHRIMS LA BSNGAGS PA LTA BU'O, ,BSGYUR BA LA LDEM POR DGONGS PA NI, RAB TU GRAGS PA'I YI GE RNAMS MA GRAGS PA'I DON ZAB MO STON BYED DU BSGYUR BA STE, JI SKAD DU, SNYING PO MED LA SNYING POR SHES, ,PHYIN CI LOG LA LEGS

PAR GNAS, ,NYON MONGS PAS NI RAB NYON MONGS, ,BYANG CHUB DAM PA THOB PAR 'GYUR, ZHES GSUNGS PA LTA BU STE, DE LA SNYING PO NI RNAM G-YENG NGO, ,DE MED PA LA SNYING POR SHES, ZHES PAS, ZHI GNAS KHYAD PAR CAN BSTAN TO, ,RTAGS SOGS LAS PHYIN CI LOG LA LEGS PAR GNAS, ZHES PAS MI RTAG BDEN PA'I RNAM PA RTOGS PA'I LHAG MTHONG BSTAN LA, YUN RING POR GZHAN DON GYI DKA' SPYAD KYIS NYON MONGS PAS RAB TU NYON MONGS, ZHES PAS SNYING RJE BSTAN TE, DE LTAR TING NGE 'DZIN DANG, SHES RAB SGOM ZHING, SNYING RJES GZHAN DON LA 'BAD NA BYANG CHUB DAM PA THOB CES PA'O, ,DE MANG DGOS PA'I DBANG GIS LDEM PO'I NGAG GAM, SGRA JI BZHIN PA MIN PA GSUNGS PA NI LDEM DGONGS YIN LA, DGONGS GZHI GTZO BOR GYUR PA NI DGONGS PA CAN YIN CING, DGONGS PA CAN LA LDEM DGONGS KYIS KHYAB LA, LDEM DGONGS LA, DGONGS PA CAN GYI MA KHYAB STE, SGRA JI BZHIN DU GZUNG DU MI RUNG BA LA DGONGS GZHI YID BSAM KHYAB PA'I PHYIR RO, ,DE LTAR GNAS SKABS KYI GZHAN DON PHUN TSOGS LAS DE'I 'OG TU 'KHOR BA JI SRID PAR MTSAN MA MED CING LHUN GYIS GRUB PAR GZHAN GYI DON GYI YE SHES MTHAR PHYIN PA 'BYUNG BA'I PHYIR TE, 'DI NI SGRUB PA BCU GSUM GYI GO RIM YIN NO, ,GNYIS PA NI, SGOM BYUNG GI THEG CHEN SGRUB PA BCU GSUM PO 'DIR GRANGS NGES TE, 'DIS KYANG RNAM MKHYEN DON DU GNYER BA'I SKYES BU'I DON THAMS CAD MA TSANG BA MED PAR PHUN SUM TSOGS PA YIN PA'I PHYIR RO, ,DE YANG TSOGS LAM NI THOS BSAM GYI SHES RAB KYI GTZO BOR GYUR BAS RIGS SAD BYED KYI RKYEN GYIS RIGS SAD PA'I SGOM BYUNG GI GNAS SKABS MIN

, ,PAS 'DIR MA SMOS SO, ,'GREL GZHUNG SNGA MA RNAMS LA NGAG DON SO SOR 'GOD NA, THEG CHEN SBYOR LAM CHOS CAN, RTEN CHOS BCU GSUM GYI DANG POR 'CHAD PA'I RGYU MTSAN YOD DE, THEG CHEN GYI SGOM BYUNG GI RTEGS PA DANG PO YIN PA'I PHYIR RO, ZHES SOGS SO, ,SNGAR BSHAD GO RIM LA DPAGS TE DGOD PAR BYA'O, ,GSUM PA NI, SGRUB PA'I CHOS KYI GNAS SKABS THA DAD PA'I BYE BRAG GI BYANG CHUB SEMS DPA'I RNAM PA BCU GSUM PA'I CHOS KYI DBYINGS KYI NGO BO NYID KHO NA LA CHOS CAN, THEG CHEN GYI RIGS ZHES BSTAN TE, JI SKAD DU BSHAD PA'I THEG CHEN SGRUB PA'I CHOS KYI GZHIR GYUR PA'I DE BZHIN NYID YIN PA'I PHYIR RO, ,GZHUNG 'DI RTEN LA RIGS ZHES BYA, ZHES PA'I 'GREL BA YIN PAS DON SDUR 'CHAD PA MIN NO, ,GNYIS PA RTZOD PA SPANG PA LA, RTZOD PA DGOD PA DANG LAN GNYIS, DANG PO LA GNYIS LAS, SNGA 'GREL NI, GAL TE CHOS KYI DBYINGS KHO NA 'PHAGS PA'I CHOS RTOGS PAR 'GYUR BA'I RGYU YIN PA'I PHYIR, DE'I BDAG NYID CAN GYI BYANG CHUB SEMS DPA'I CHOS NYID BLA NA MED PA'I SANGS RGYAS KYI CHOS RNAMS KYI RANG BZHIN DU GNAS PA'I RIGS YIN NA, 'O NA NI DE'I TSE CHOS NYID DE NI GANG ZAG THAMS CAD LA SPYIR GNAS PA YIN PA'I PHYIR, BYANG CHUB SEMS DPA' KHO NA SANGS RGYAS KYI RIGS CAN MIN SNYAM PA'I SKYE BO BLO GROS DMAN PA'I NGOR DOGS PA BSU BAR BAR SKABS KYI TSIGS SU BCAD PA, RTZA BA NI, THEG PA GSUM GYI RIGS NI THA DAD DU RUNG BA MIN PAR THAL, BYANG SEMS KYI CHOS NYID KHO NA THEG CHEN GYI RIGS YIN PA GANG ZHIG ,THEG PA GSUM GYI GANG ZAG THAMS CAD CHOS KYI DBYINGS

LA RANG BZHIN RNAM DAG YIN PAR DBYER MED PA'I PHYIR ZHE NA, GNYIS PA LAN LA, RGYU'I SGO NAS RIGS GSUM DU 'BYED PA'I LAN DANG, RTEN GYI SGO NAS RIGS GSUM DU 'BYED PA'I LAN NO, ,DANG PO NI, JI LTAR NYAN THOS KYI THEG PA LA SOGS PA'I RTOGS PA GANG ZAG GI BDAG MED TZAM DANG, BDAG MED PHYED DANG GNYIS DANG, 'DZIN PA CHOS KYI BDAG MED RTOGS PA'I RIM GYIS GANG ZAG GANG LA RTOGS PA DE DAG GNAG DMIGS PA DE BZHIN DU THEG PA GSUM GYI 'PHAGS PA'I CHOS RTOGS APR BYA B'AI PHYIR GANG ZAG DE DANG DE'I SEMS KYI CHOS DBYINGS RTOGS PA DE DANG DE'I RGYU'I NGO BOR RNAM PAR 'JOG PA'I SGO NAS THEG PA GSUM GYI RIGS NYID DU THA SNYAD 'DOGS SO ZHES BYA BA'I LAN ZHIG KYANG RJE BTZUN GYIS GZIGS SHING BZHED PA YIN TE, RIGS KYI DON BSGRUB PA'I RGYU BYED PA LA GSUNGS PA'I PHYIR RO, ,NGAG DON NI, SHES BYA CHOS CAN, CHOS DBYINGS RANG BZHIN RNAM DAG TU KHYAD PAR MED KYANG THEG PA GSUM GYI RIGS SO SOR DBYER MI RUNG BA'I SKYON MED DE, RIGS CAN GSUM GYI SEMS KYI CHOS NYID KYIS THEG PA GSUM GYI 'PHAGS CHOS SO SO'I RGYU BYED PAR RNAM PAR BZHAG PA'I SGO NAS RIGS GSUM GYI DBYE BA BYED PA'I PHYIR, 'DIR GANG ZAG DAG JI LTAR ZHES PA DPE STON PA'I GZHUNG LA SBYAR BA'I BSHAD PA BYED PA NI RNAM PAR MA BRTAGS PA STE, NYI KHRI SNANG BA LAS, JI LTAR DMIGS PA NA 'PHAGS PA'I CHOS RNAMS KYI RGYUR 'GYUR 'DI LTAR RIGS YIN PAR BRJOD PA DES NA, 'DIR HA CANG THAL BA CI STE TSOL BAR BYED, CES GSUNGS PA'ANG DPE STON BYED DU THAL BA'I PHYIR TE, 'DI DANG DON GCIG PAS SO, ,GZHAN

, ,YANG CHOS DBYINGS RIGS YIN NA, THEG PA GSUM GYI RIGS SO SOR DBYER MI RUNG NGO, ZHES PA'I RTZOD PA'I LAN 'DEBS PA NA, RIGS NGO BO GCIG YIN KYANG THEG PA GSUM GYI RIGS SO SOR DBYER RUNG BA DPER BRJOD DU BYAS NAS DON JI LTA BU ZHIG LAN DU SMRA, DER MA ZAD, CHOS KYI DBYINGS LA DMIGS PA'I 'PHAGS PA GSUM PO GANG GI CHOS RTOGS PA'I RGYU'I NGO BO RNAM PAR 'JOG PA'I SGO NAS ZHES PA'I BSHAD PA BYED PA NI, NYAN RANG 'PHAGS PA'I RTOGS PAS CHOS NYID LA DMIGS PAR SMAS PA DANG, NYAN RANG 'PHAGS PA LA CHOS KYI BDAG MED RTOGS PA MED PAR RANG NYID KYIS SMRAS PA DNGOS SU 'GAL BA'I PHYIR YIN NO, ,DE BAS NA SGRUB PA'I RGYU BYED PA DANG, RTEN BYED PA'I SGO NAS RIGS SU 'JOG TSUL GNYIS GSUNGS PA'I PHYI MA LA BRTEN PA'I LAN RTZA BAS DNGOS SU GSUNGS SHING, SNGA MA'I SGO NAS LAN GDAB TSUL 'GREL BAS KHA BSKANGS PA YIN NO, ,GNYIS PA LA GSUM LAS MTSAMS SBYAR NI, DE LTA MOD KYI SLA CHOS NYID DE GO SLA BAR BYA BA'I DON 'JIG RTEN PA'I DNGAGS SAM THA SNYAD KYIS LAN GZHAN DU GSUNGS SO, ,RTZA BA NI, SHES BYA CHOS CAN, CHOS NYID RANG BZHIN RNAM DAG TU 'DRA YANG RIGS GSUM DU DBYER MI RUNG BA'I SKYON MED DE, DER 'DRA YANG, BRTEN PA'I CHOS THEG PA GSUM GYI RTOGS PA'I BYE BRAG GIS RTEN CHOS DBYINGS DE YI DBYE BA RIGS GSUM DU YONGS SU BRJOD NUS PA'I PHYIR, 'GREL PA NI, DPER NA 'JIM PA'I PHUNG PO GCIG LAS MNGON PAR GRUB CING ME LCE GCIG GI SO BTANG BA'I RTEN BUM PA LA SOGS PA RIGS GCIG KYANG BRTEN PA SBRANG RTZI DANG LI KHAR LA

SOGS PA BLUG PA NYID KYIS DE DANG, DE'I SNOD THA DAD PAR 'BYED PA DE BZHIN DU BRTEN PA'I CHOS THEG PA GSUM GYIS BSDUS PA RTOGS PAR BYA BA THA DAD PA NYID KYIS RTEN RIGS THA DAD PA NYID DO ZHES BSTAN TE, ,NGAG DON RTZA BA BZHIN NO, ,GNYIS PA BSGRUB PA'I YUL LA GSUM LAS, MTSAMS SBYAR NI, JI SKAD CES SOGS, RTZA BA NI, DMIGS PA ZHES SOGS TE, 'GREL PA BSHAD PAS SHES SLA'O, ,'GREL PA LA TSIG DON BSHAD PA DANG, MTHA' DPYAD PA GNYIS, DANG PO LA SO SOR BSHAD PA DANG, DE DAG KUN BSGRUB PA'I DMIGS PAR BSTAN PA GRANGS NGES DANG BCAS PA'O, ,DANG PO NI, BYANG CHUB SEMS DPA' RNAMS SGRUB PA NYAMS SU LEN PA'I TSE RE SHIG DANG POR DGE BA DANG, MI DGE BA DANG LUNG DU MA BSTAN PA STE GO RIM BZHIN DU DAG SBYONG GI TSUL NYID DANG, SROG GCOD PA LA SOGS PA DANG, LUNG DU MA BSTAN PA'I LUS KYI LAS LA SOGS PA LA, BYE BRAG SO SOR MA PHYE BAR SPYIR DMIGS NAS RIM BZHIN DU BLANG BYA DANG, DOR BYA DANG, BTANG SNYOMS SU BYA BAR YONGS SU GCOD DO, ,DE'I 'OG TU GSUM PO DE DAG NYID 'JIG RTEN PA LA SOGS PA RNAM PA GNYIS PO DBYE BA BZHI NYID KYIS DMIGS PA LHAG MA RNAMS PHYE NAS YONGS SU GCOD DE, 'DI LTAR GRANGS BZHIN DU BYIS PA'I SKYE BO THAMS CAD DANG 'BREL PA'I PHUNG PO LNGAS BSDUS PA 'JIG RTEN PA'I BSAM GTAN DANG, 'PHAGS PA'I SKYE BO THAMS CAD KYIS BSDUS PA'I BSAM GTAN BZHI LAS, DANG PO NI, ZHI GNAS DMAN PA DANG, PHYI MA ZHI GNAS MCHOG TU YONGS SU GCOD DO, ,DE'I 'OG TU ZAG BCAS NYE BAR

, ,LEN PA'I PHUNG PO LNGA LA SOGS PA NI BDAG TU LTA BA'I GNYEN PO MIN ZHING, DRAN PA NYE BAR BZHAG PA BZHI LA SOGS PA NI DER LTA BA'I GNYEN PO ZAG MED KYI LHAG MTHONG YIN PAR YONGS SU GCOD DO, ,DE LTAR ZHI GNAS DANG LHAG MTHONG GI YE SHES DE DAG GIS SGRO 'DOGS GCOD PA'I GZHI LA YANG RGYU DANG RKYEN LA RAG LAS PA 'DOD PA'I KHAMS LA SOGS PA NI KUN RDZOB DANG RGYU RKYEN LA MI BLTOS PA'I DE BZHIN NYID NI DON DAM BDEN PA YIN PAR YONGS SU GCOD DO, ,DE'I 'OG TU YE SHES DE DAG GI GZHI BDEN GNYIS LA SGRO 'DOGS BCAD PA 'BRAS BU YANG 'PHAGS PA'I SKYE BO THAMS CAD KYI RGYUD LA 'BYUNG BA'I BSAM GTAN BZHI SOGS NI THUN MONG GI YON TAN DANG, YANG DAG PAR RDZOGS PA'I SANGS RGYAS KYI RGYUD LA 'BYUNG BA'I CHOS CAN STOBS BCU SOGS NI THUN MONGS YIN PA'I YON TAN YIN PAR GTAN LA 'BEBS PAR BYED DO, ,GNYIS PA NI, DE LTA BU LA SOGS PA CHOS THAMS CAD CHOS CAN, THEG CHEN SGRUB PA'I DMIGS PA YIN TE, BYANG SEMS KYI GONG DU BSHAD PA JI LTA BA BZHIN DU RTOGS PA'I GO RIM GYI DMIGS PAS NA'O, ,THEG CHEN SGRUB PA'I DMIGS PA CHOS CAN, KHYOD LA RNAM PA BCU GCIG GO, ,KHYOD LA DGE SOGS GONG DU BSHAD PA DE RNAMS YOD PAS SO, ,GZHAN DAG GZHUNG 'DI DON BSDUR BYED PA DANG, RTZA BA'I RKANG PA DANG PO MDOR BSTAN DU BYED PA 'GAL BA YIN TE, DE LTA BU ZHES SOGS 'DI RKANG PA DANG PO'I 'GREL PA YIN PAS SO, ,GZHAN DU NA DE'I 'GREL PA GANG YIN SMROS SHIG, RTZA 'GREL KUN LA NGAG DON NI, DGE SOGS CHOS CAN, THEG CHEN SGRUB PA'I DMIGS PA YIN TE

DES BLANG DOR BTANG SNYOMS SU BYA BA SOGS SU DPYOD PA'I GZHI YIN PA'I PHYIR, CES SO, GNYIS PA MTHA' DPYAD PA LA, RNAM RIG PA'I 'DOD PA 'GOG TSUL BSHAD PA DANG, RIGS DANG DMIGS PA'I KHYAD PAR BSHAD PA GNYIS, DANG PO NI, NYI KHRI SNANG BAR, RNAM RIG PA'I 'DOD PA 'GOG PA'I TSUL GSUNGS PA'I DGONGS PA BRGYAD STONG 'GREL CHEN DU BLANGS PA'I DON BSHAD PAR BYA STE, DE LA YANG DANG POR RNAM RIG PA'I 'DOD PA LA SKYON BRJOD PA NI, 'GREL CHEN LAS, GANG DAG CHOS KYI DBYINGS RTAG TU RNAM PAR DAG PA GNYIS SU MED PA'I YE SHES NYID DMIGS PA YIN NO SNYAM DU SEMS PA DE DAG GIS RTAG TU RNAM PAR DAG PA NYID YIN PA'I PHYIR RO, ,GONG NAS GONG DU RNAM PAR DAG PA KHYAD PAR DU 'GRO BA JI LTAR BRJOD PAR BYA ZHES GSUNGS TE, DE'I DON NI, RNAM RIG PAS CHOS NYID YONGS GRUB BDEN PAR GRUB PA DE NYID YE SHES KYI DMIGS PAR 'DOD PA YIN PA DE YANG MI 'THAD DE, SEMS KYI CHOS NYID SNGAR DRI MA DANG BCAS PA LA, PHYIS LAM SGOM STOBS KYI DRI MAS DAG PA GONG NAS GONG DU 'GROR MED PAR THAL, CHOS NYID DE BDEN PAR GRUB PA'I PHYIR, KHYAB STE, DRI BCAS SU BDEN PAR GRUB NA RNAM PA THAMS CAD DU DRI BCAS DE NYID DU GNAS DGOS PA'I PHYIR, DER THAL, CHOS NYID DRI BCAS KYI GNAS SKABS DER BDEN PAR GRUB NA GNAS SKABS DE GNAS LUGS SU 'GYUR BAS NAM YANG MI 'DOR DGOS PA'I PHYIR, ZHES BYA'O, ,DE LA SEMS TZAM PAS SKYON SPANG BA 'GOG PA NI, 'GREL CHEN LAS, CHU KHAMS GSER DANG NAM MKHA' RNAMS, ,DAG

, ,PA BZHIN DU DAG PAR 'DOD, CES BYA BA YIN NO ZHE NA, DE LTA NA NI DAG PA NI DE KHO NA NYID KYI YE SHES YIN NO ZHES GNYEN PO'I PHYOGS MNGON PAR ZHEN PA YIN PA'I PHYIR, MI MTHUN PA'I PHYOGS LA MNGON PAR ZHEN PA DON GYIS 'PHANGS PA YIN NO, ,DE BAS NA MI MTHUN PA DANG GNYEN PO'I PHYOGS KYI RNAM PAR RTOG PA SPANGS PA MED PAS PHYOGS GCIG PA'I DAG PAR THAL BAR 'GYUR RO, ZHES GSUNGS TE, DE'I DON NI KHO BO CAG NI, CHU DANG GSER GYI NGO BO BSAL NAS DAG PAR BYED PA MIN GYI DE DAG RNYOG MA DANG DRI MA SAL BA LTAR, CHOS NYID RANG BZHIN GYIS RNAM DAG DE NYID KYI NGO BO BDEN PAR GRUB KYANG, DE NYID GNYEN POS SBYONG PAR BYED PA MIN GYI DE LA SGRIB PA'I DRI MA SBYONG BA YIN PAS, CHOS NYID BDEN PAR GRUB NA DRI MA SBYANGS PA'I DAG PAR KHYAD PAR DU 'GROR MED PAR THAL BA'I SKYON MED DO ZHE NA, DE LTA NA YANG CHOS NYID LA SGRIB PA'I DRI MA SBYONG BA'I GNYEN PO CHOS NYID LA DMIGS PA'I YE SHES DE KHO NA NYID DU BDEN PAR GRUB PAR THAL, YUL BDEN PAR GRUB NAS DE'I YUL CAN BDEN PAR MA GRUB PAR 'GAL BA'I PHYIR, 'DOD NA, MI MTHUN PHYOGS DRI MA BDEN PAR GRUB PAR THAL, GNYEN PO YE SHES BDEN PAR GRUB PA'I PHYIR, KHYAB STE, BYA BYED GNYIS LA BDEN PAR GRUB MA GRUB KYI KHYAD PAR MI 'THAD PA'I PHYIR DANG, GZUNG BA MED NA DE 'DZIN MED, CES DAG GI KHAS BLANGS PA DANG YANG MTSUNGS PA'I PHYIR RO, ,THAL BA DE 'DOD PA YIN NO, ZHES SPANG GNYEN GNYIS KA LA BDEN PAR MNGON PAR ZHEN PAR BYED NA NI CHOS

NYID LA SGRIB PA'I DRI MA DANG, CHOS NYID RTOGS PA'I YE SHES GNYIS MI MTHUN PA DANG GNYEN PO'I PHYOGS KYI GNOD BYA GNOD BYED DU MI 'THAD PAR THAL, DRI MA BDEN PAR GRUB NA NAM YANG MED PAR MI 'GYUR DGOS PA'I PHYIR, ZHES PA'I SKYON GYI RNAM PAR RTOG PA SPANGS PA MED PAR SON GNAS PAS CHOS NYID DE DAG PA PHYOGS GCIG PA'I RANG BZHIN RNAM DAG KHO NAR GNAS NAS GLO BUR DRI BRAL GYI DAG PA MI SRID PAR 'GYUR RO ZHES BYA BA'O, ,DBU MA PA RANG LA MTSUNGS PA SPANG BA NI, 'GREL CHEN PAS, KHYOD KYI PHYOGS LTAR NA, RAB 'BYOR RNAM PA THAMS CAD MKHYEN PA NYID KYI DMIGS PA NI DNGOS PO MED PA YIN NO, ZHES BYA BAS DMIGS PA'I MTHAR THUG PA JI LTAR YIN ZHE NA, NYES PA MED DE, GANG GI PHYIR RIG PA'I RJES SU 'GRO BA'I DNGOS PO MED PA YIN PA'I PHYIR NA, DNGOS PO MED PA NI YANG DAG PA'I KUN RDZOB YIN PAR BRJOD NA, DE KHO NA NYID KYI RANG BZHIN SGRIB PA DE RIM GYIS SGYU MA LTA BUR RTOGS PA NI RNAM PAR DAG PA YIN NO, ZHES GSUNGS TE DE'I DON NI, KHYED LTAR NA'ANG, RNAM MKHYEN GYI DMIGS PA DNGOS MED DU KHAS BLANGS PAS, DE LA DRI MA DAG PA MI RUNG BA'I SKYON SNGAR BSHAD PA RNAMS MTSUNGS SAM ZHE NA, MI MTSUNGS TE, KHO BOS DON DAM DPYOD BYED KYI RIGS PAS DPYAD PA NA BDEN PA'I DNGOS POR MED PA DE MNYAM GZHAG YE SHES KYI DMIGS PAR KHAS BLANGS KYI, DNGOS PO CI YANG MED PA TZAM DMIGS PAR KHAS MA BLANGS LA, DE 'DRA'I DNGOS MED DE YANG YANG DAG KUN RDZOB TU YOD PA YIN PAR BRJOD KYI, KHYAD KYI CHOS NYID LTAR BDEN GRUB TU KHAS MA BLANGS

, ,PA'I PHYIR RO, ,DE LTA NA DE KHO NA NYID KYI RANG BZHIN SGRIB PA'I BLO LA KUN RDZOB 'DI DAG BDEN PAR SNANG BA RIM GYIS DAG NAS, MNYAM GZHAG TU CHOS NYID DE LA DMIGS PA'I STOBS KYIS, RJES THOB TU KUN RDZOB 'DI DAG SGYU MA LTA BUR RTOGS PA JE CHER 'GYUR BA NI, RNAM PAR DAG PA KHYAD PAR DU 'GYUR BA'I DON YIN NO, ZHES BYA BA YIN NO, ,BRGAL LAN 'DI DAG NI DON LA SNGAR GZHAN DAG GIS PHYOGS TZAM MA MTHONG BAR SNANG BAS, KHO BO 'BA' ZHIG 'DI LTAR DU DPYIS PHYIN PAR BSHAD PA LA 'PHAGS PA DANG SLOB DPON THUGS RANG PAR MDZOD CIG, GNYIS PA NI, 'GREL CHEN LAS, DE LTAR BYAS NA, RANG BZHIN GTZO BOR GYUR PA NI RIGS YIN LA RNAM 'GYUR GTZO BOR GYUR PA NI DMIGS PA YIN PAS GNYIS KA YANG GNYIS KA YIN PA DGAG PA MED DO, ZHES GSUNGS TE, DE YANG RIGS NI CHOS NYID KHO NA YIN LA, DMIGS PA LA DON DAM DANG KUN RDZOB GNYIS KA YOD PAS, RIGS DANG DMIGS PA MI 'GAL LO ZHES BYA BA'I DON TO, ,GNYIS PA BSGRUB PA'I DON DU GNYER BYA CHED DU BYA BA BSHAD PA LA GNYIS LAS, DANG PO SPYI'I DON LA, NGO BO, DBYE BA, SA MTSAMS, GRANGS DANG, GO RIM NGES PA'O, ,DANG PO NI, THEG CHEN SGRUB PA'I CHED DU BYA BA'I MTSAN NYID, THEG CHEN SGRUB PA NYAMS SU LEN PA'I DGOS PA, GNYIS PA DBYE NA, SEMS CHEN PO, SPONG BA CHEN PO, RTOGS PA CHEN PO GSUM, DANG PO NI, RDO RJE LTA BU'I SEMS BSKYED PA LA SOGS PA, RGYU DANG 'BRAS BU'I GNAS SKABS KYI THUGS RJE CHEN PO 'KHOR DANG BCAS PA'O, ,DE

YANG SEMS 'DIS RANG NYID SEMS KYI PHUNG PO CHEN PO DANG, SDE CHEN PO KUN GYI MCHOG NYID DU BYED PA'I PHYIR, SEMS CHEN PO ZHES BYA'O, ,SEMS CAN GYI PHUNG PO CHEN PO NI, 'KHOR BA'I SEMS CAN SPYI DANG, SDE CHEN PO NI ZHUGS PA DANG GNAS PA'I GANG ZAG RNAMS SO, ,GNYIS PA NI, BDAG GNYIS SU BYA BA CI RIGS PA'AM, MA LUS PAR SPANGS PA DANG, GSUM PA NA, BDAG MED GNYIS RTOGS PA'O, ,SA MTSAMS NI, 'DI DAG RE RE LA YANG GNAS SKABS DANG MTHAR THUG GNYIS SU PHYE NAS, DANG PO THEG CHEN TSOGS LAM NAS YOD CING, GNYIS PA SANGS RGYAS KYI SA NA YOD PAR SHES PAR BYA'O, ,'GREL CHEN LAS, RTOGS PA CHEN PO LAS DANG PO PA DANG, MOS PA SPYOD PA SOGS NA'ANG YOD PAR BSHAD CING, BYANG CHUB SEMS DPA' SEMS DPA' CHEN PO 'DI LA SEMS CHE BA YOD PA'I PHYIR, SEMS DPA' CHEN PO ZHES BYA'O, ZHES KYANG 'BYUNG BA DANG, NYI KHRI SNANG BAR YANG, SEMS CHEN PO DANG RTOGS PA CHEN PO GNYIS KA SEMS DANG PO BSKYED PA NAS YOD PAR DNGOS SU BSHAD PAS SO, ,BZHI PA NI, RGYAL PO PHA ROL GYI SDE GZHOM PAR 'DOD PA DANG, ,MI MTHUN PHYOGS KYI DGRA GZHOM PA DANG, YUL 'KHOR LA SOGS PAR KHYAD PAR RTOGS PAR BYA BA THOB PA DANG, RANG NYID 'GRAN ZLA MED PA'I MCHOG TU GYUR PA STE, GSUM PO 'DI TZAM ZHIG GI DON DU G-YUL SPROD PA LA 'JUG PA BZHIN DU, BYANG SEMS KYANG MI MTHUN PHYOGS MA LUS PAR SPANGS PA DANG, RTOGS BYA MA LUS PA KHONG DU CHUD PA DANG, DE'I SGO NAS RANG NYID SEMS CAN KUN GYI MCHOG TU GYUR PA STE, GSUM PO 'DI TZAM GYI DON DU THEG

, ,CHEN SGRUB PA NYAMS SU LEN PA YIN PAS, CHED DU BYA BA GSUM PO 'DIR GRANGS NGES LA, DE YANG CHED DU BYA BA'I GTZO BO YIN PAS SEMS CHEN PO DANG POR BSTAN CING, DE NYID KYANG MI MTHUN PHYOGS MA LUS PA SPANGS PA'I SGO NAS 'THOB DGOS PAS, DE'I 'OG TU SPONG BA CHEN PO BSTAN LA, SPANG BYA DANG RTOGS BYA RTOGS PA'I SGO NAS SPANG DGOS PAS, DE'I 'OG TU RTOGS PA CHEN PO BSTAN TO, ,GNYIS PA TSIG DON LA GSUM LAS, MTSAMS SBYAR NI, DMIGS PA ZHES SOGS SO, ,RTZA BA NI, SHES PAR BYA'O, ,GANG NA CHED DU BYA BA 'DI'O, ,GANG GIS NA, RANG 'BYUNG BYANG SEMS KYI'O, ,GANG GI SGO NAS CHEN PO GSUM GYIS SO, ,GSUM PO GANG ZHE NA, SEMS CAN KUN GYI MCHOG NYID DU BYED PA'I SEMS CHEN PO DANG, SPONG BA CHEN PO DANG, RTOGS PA CHEN PO DANG GSUM PA'O, ,'GREL PA NI, RNAM PA THAMS CAD DU RNAM PA THAMS CAD MKHYEN PA NYID YONGS SU SHES PA'I SGO NAS MA 'ONGS PA NA 'BYUNG BAR 'GYUR BA SANGS RGYAS BYANG CHUB SEMS DPA' RNAM PA NYID KYI CHED DU BYA BA RNAM PA GSUM DU SHES PAR BYA'O, ,DE'I DON DU GNYER BYA CHEN PO NYID GSUM DANG LDAN PAS SO, ,DER THAL, SEMS CAN THAMS CAD SEMS CAN KUN GYI MCHOG NYID KYI SEMS CHEN PO NYID DANG, SPONG BA CHEN PO NYID DANG, RTOGS PA CHEN PO NYID KYI DBANG DU BYA STE, DE LTAR BYANG SEMS SGRUB PA LA 'JUG PA DE'I PHYIR, RTZA 'GREL GNYIS KA LA NGAG DON NI, CHEN PO GSUM CHOS CAN, BYANG SEMS KYI CHED DU BYA BA YIN TE, DES GANG GI DON DU SGRUB PA LA 'JUG PA'I DON DU GNYER

BYA YIN PA'I PHYIR, BZHI PA SGRUB PA'I NGO BO LA GNYIS LAS, SPYI'I DON NI, THEG CHEN SGRUB PA'I MTSAN NYID, SEMS BSKYED LA GNAS NAS RANG BZHIN GYI DON RTZOM ZHING, BYANG CHUB CHEN PO'I CHED DU BRTZON PA'I BYA BA, DE LTAR YANG MDO SDE RGYAN LAS, GNAS RTZOM 'BRAS BU 'BYUNG BA CHE BDAG NYID, ,RGYAL BA SRAS BCAS RNAMS KYIS SGRUB PA YIN PAR BSNGAGS, ZHES SO, ,DBYE NA BZHI LAS, GO CHA'I SGRUB PA'I MTSAN NYID, RANG GZHAN GYI DON DU PHYIN DRUG NYAMS SU LEN PAR BSAMS PAS GO DGOS PA'I BYA BA, MA MTHA' TSOGS LAM NAS YOD, 'JUG PA'I SGRUB PA'I MTSAN NYID, RGYU'AM 'BRAS BU'I THEG CHEN LA SBYOR BA'I BRTZON 'GRUS KHYAD PAR CAN GYIS DNGOS SU GNON PA'I BYA BA, MA MTHA' THEG CHEN GYI DROD NAS YOD DO, ,CHOS NYID LA SGOM BYUNG GI RTOGS PA SKYES PAS SO, ,TSOGS SGRUB KYI MTSAN NYID, ZAG PA MED PA'I TSOGS GNYIS KYI DPUNG DNGOS SU GSOG PA'I BYA BA, MA MTHA' THEG CHEN GYI CHOS MCHOG CHEN PO NAS YOD DE, THEG CHEN MTHONG LAM ZAG MED DNGOS SU BSKYED PA'I BYA BA YOD PAS, ZAG MED KYI YE SHES KYI TSOGS DNGOS SU GSOG PA'I BYA BA MA MTHA' DE NAS YOD PAS SO, ,DES NA TSOGS SGRUB KYIS BSAG BYA'I TSOGS NI GTZO BOR ZAG MED YIN PAS MTHONG BA LA SOGS PA'I LAM DANG, ZHES SBYOR LAM MA SMOS PA YIN LA, DE DNGOS SU GSOG PA'I BYA BA CHOS MCHOG CHEN PO NA YOD PAS, THOGS MED KYIS TSOGS KYI SGRUB PA NI BRTZE BA NAS BRTZAMS TE, GZUNGS KYI BAR NI MNGON SUM DU SBYOR BA'I RANG BZHIN CHOS MCHOG CHEN POS

{PHAR PHYIN} *, ,BSDUS PA YIN NO, ZHES GSUNGS LA, SLOB DPON GYI KYANG DE DANG MTHUN PAR BSHAD PA YIN NO, ,NGES 'BYUNG SGRUB PA'I MTSAN NYID, RNAM MKHYEN NAM RDO RJE LTA BU'I TING NGE 'DZIN GANG RUNG DU DE MA THAG NGES PAR 'BYIN PA'I BYA BA, SA MTSAMS SA BCU PA KHO NA NA YOD LA, PHYIS KYI t'IKA BYED DAG KHYAD PAR GYI LAM GYI NGO BO NYID CES 'BYUNG BAS SA BRGYAD PA NAS YOD DO ZHES ZER YANG, KHYAD PAR LAM NI DAG SA TZAM MIN GYI SA BCU PA YIN TE, NGES PAR 'BYUNG BA LA SANGS RGYAS KYI SA DANG, RDO RJE LTA BU'I TING NGE 'DZIN LAS GZHAN MA BSHAD PAS SO, ,CI'I PHYIR SGRUB PA BZHIR DES ZHE NA, SPYIR SGRUB PA NYAMS SU LEN PA'I BYA BA THAMS CAD BSAM SBYOR GNYIS SU NGES SHING, SBYOR PA LA'ANG, SBYOR BA TZAM DANG KHYAD PAR CAN GNYIS SU NGES LA, KHYAD PAR CAN LA'ANG RGYU GSOG PA DANG, 'BRAS BU BSKYED PA'I SBYOR BA KHYAD PAR CAN GNYIS SU NGES PA'I PHYIR RO, ,GO RIM JI LTA BU ZHE NA, DMAG DPON DAG THOG MAR RANG NYID GO BGOS, DE'I 'OG TU PHYIR 'BYUNG BA LA SOGS PA'I BYA BA RTZOM, DE'I 'OG TU DPUNG GSOG ,DE'I 'OG TU G-YUL SPRAD DE, PHA ROL GYI SDE BCOM NAS YUL LA DBANG BYED PA DANG MTHUN PAR 'DI'I GO RIMS KYANG SHES PAR BYA'O, ,GNYIS PA YAN LAG GI DON LA, DRI BAS MTSAMS SBYAR BA DANG, DE'I LAN BSHAD PA GNYIS, DANG PO NI, DE LTAR ZHES SOGS SO, GNYIS PA LA, DBYE GZHI, DBYE BA, SA MTSAMS, PHYE BA SO SO'I NGO BO'O, ,DANG PO NI, THAMS CAD MKHYEN PA NYID GSUM GYI YUL LA DMIGS NAS THOS BSAM GYIS GTAN LA

'BEBS PA NI SPYIR DGE BA'I CHOS THAMS CAD KYI RTEN BYED PA CAN YIN PAS DE 'DRA'I BYA BA DANG, DE LTAR THOS BSAM GYIS GTAN LA PHAB NAS RNAM PA KUN MNGON PAR RDZOGS PAR RTOGS PA LA SOGS PA RNAM PA BZHI LA, MNGON PAR RTOGS PA RE RE ZHING PHA ROL TU PHYIN PA DRUG RTEN CAN DU NYAMS SU LEN PA'I BYA BA NI SGRUB PA STE'O, ,NGAG DON NI, THEG CHEN TSOGS LAM CHOS CAN, THEG CHEN SGRUB PA YIN TE, MKHYEN GSUM THOS BSAM GYIS GTAN LA 'BEBS PA'AM, SBYOR BAS PHAR PHYIN DRUG LDAN DU NYAMS SU LEN PA'I BYA BA YIN PA'I PHYIR, SNGA RABS PA DAG ,SPYI'I SGRUB PA DANG BYE BRAG GI SGRUB PA CES PA'I THA SNYAD BYED DE, ,GNYIS PA DBYE BA NI, GO CHA DANG, 'JUG PA DANG, TSOGS DANG, NGES PAR 'BYUNG BA'O, ,GSUM PA SA MTSAMS NI, DE LTAR SGRUB PA BZHI GO RIM JI LTA BA BZHIN DU SA MTSAMS DANG SBYAR NA, MA MTHA' RGYUD PAS SBYOR BA, TSOGS LAM GYI NGO BO NYID KYI SGRUB PA'I MTSAN NYID GO CHA DANG MA MTHA' DNGOS SU SBYOR BA'I MOS SPYOD KYI LAM GYI NGO BO NYID KYI BSGRUB PA'I MTSAN NYID 'JUG PA DANG, MNGON DU SBYOR BA CHOS MCHOG CHEN PO DANG, MTHONG BA DANG SGOM PA'I LAM GYI NGO BO NYID KYI SGRUB PA'I MTSAN NYID TSOGS DANG SA BCU PA'I KHYAD PAR KYI LAM GYI NGO BO NYID KYI SGRUB PA'I MTSAN NYID NGES PAR 'BYUNG BA RNAMS SO, ,'DI LTAR BYAS NA 'GREL CHEN DU, DE LA 'PHAGS PA THOGS MED KYIS, GO CHA DANG 'JUG PA'I SGRUB PA DAG NI, GO RIM BZHIN DU BRGYUD PA DANG, DNGOS SU SBYOR BA'I RANG BZHIN TSOGS DANG MOS PA SPYOD PA'I SAS BSDUS PA YIN NO, ,TSOGS KYI SGRUB PA NI, BRTZE BA NAS BRTZAMS

, ,TE, GZUNGS KYI BAR NI MNGON DU SBYOR BA'I RANG BZHIN CHOS MCHOG CHEN POS BSDUS PA YIN NO, ,SA DANG PO RAB TU DGA' BA'I RANG BZHIN DU GYUR PA'I TSOGS KYI SGRUB PA NI, MTHONG BA'I LAM GYI BDAG NYID YIN LA, GNYIS PA LA SOGS PA'I RANG BZHIN NI BSGOM PA'I LAM GYI NGO BO NYID YIN CING, GNYEN PO'I PHYOGS KYI BDAG NYID KYI SGRUB PA NI LAM GNYIS KA'I SPYOD YUL CAN YIN LA, NGES PAR 'BYUNG BA'I SGRUB PA NI BSGOM PA'I LAM LA BRTEN PA YIN NO, ZHES BSHAD DO, ,DE LTAR SBYOR BA DANG, MTHONG BA DANG, SGOM PA DANG, KHYAD PAR GYI LAM GYI RANG BZHIN BSGRUB PA'I MTSAN NYID, GO CHA DANG, 'JUG PA DANG, TSOGS DANG, NGES PAR 'BYUNG BA RNAMS ZHES GSUNGS PA LEGS PAR BSHAD PAR 'GYUR RO, ,DE YANG RTZA BAR SGRUB PA'I DPYOD BA BZHI PO SO SO'I NGO BO MA GTOGS, DBYE GZHI DANG, SA MTSAMS DNGOS SU MA BSTAN PA 'GREL BAS KHA BSKANGS PA YIN NO, ,BZHI PA PHYE BA SO SO'I NGO BO LA BZHI LAS, GO SGRUB LA MTSAMS SBYAR NI, BZHI PO DE RNAMS KYI NANG NAS BSAM PA'I BRTZON 'GRUS KYI NGO BO NYID KYIS DANG PO GO CHA'I SGRUB PA GSUNGS PA, RTZA BA NI, SO SOR SBYIN PA LA SOGS DE DAG RNAM PA DRUG TU BSDUS PA YIS GO CHA SGRUB PA GANG YIN DE DRUG TSAN DRUG GI MDO JI LTA BZHIN BSHAD DO, ,'GREL PA LA, SO SOR 'BYED TSUL DANG, DRUG TU BSDUS TSUL LO, ,DANG PO NI, SBYIN PA'I GO CHA BSHAD PA DANG, TSUL DE GZHAN LA BSGRE BA'O, ,DANG PO NI, CHOS KYI SBYIN PA LA SOGS PA SBYIN PAR BYED PA DANG, DE'I NGO BO SBYIN PA NYAN THOS KYI YID LA BYED PA LA SOGS PA SPONG

BA TSUL KHRIMS DANG, SKYE BO THAMS CAD KYIS MI SNYAN PAR SMRA BA NYID BZOD PA BZOD PA DANG, 'DUN PA SKYED PA BRTZON 'GRUS DANG, THEG PA GZHAN DANG MA 'DRES PA'I RTZE GCIG PA NYID KYIS BLA NA MED PA YANG DAG PAR RDZOGS PA'I BYANG CHUB TU BSNGO BA BSAM GTAN DANG, SBYIN PAR BYA BA LA SOGS PA BDEN PAR MI DMIGS PA SHES RAB STE, DE LTAR YUL DRUG LA GO RIM BZHIN DU, BSAM PA'I GO CHA NYID KYIS KHYAB PAR BYED PA NI SBYIN PA'I GO CHA DRUG GO ,GNYIS PA NI, DE BZHIN DU PHAR PHYIN DRUG LDAN DU TSUL KHRIMS BSRUNG BAR BYED, BZOD PA RDZOGS PAR BYED, BRTZON 'GRUS RTZOM, BSAM GTAN SGRUB, SHES RAB SGOM PAR BYED PAR GO BGOS PA DRUG DRUG GO ,DE DAG GI SBYIN PA NI DE DAG LA GZHAN 'GOD PA YIN PAR SHES PAR BYA'O, ,GNYIS PA NI, DE LTAR SBYIN PA LA SOGS PA'I PHA ROL TU PHYIN PA SO SOR SBYIN PA LA SOGS PA DRUG DRUG TU BSDUS PAS NA DRUG TSAN DRUG GI RNAM PA SUM CU RTZA DRUG YIN MOD KYI, GO CHA'I SGRUB PA RNAM PA DRUG TU BSDUR RUNG STE SBYIN PA'I SBYIN PA NAS, SHES RAB KYI SBYIN PA'I BAR DRUG SBYIN PA DANG, LA SOGS PA SBYIN PA'I SHES RAB NAS, SHES RAB KYI SHES RAB KYI BAR DRUG SHES RAB TU CHOS MTHUN PA YIN PA'I PHYIR SHES RAB SGOM PAR BYED DO, ,ZHES PA YAN CHAD RTZA 'GREL GNYIS KA LA, NGAG DON NI, TSOGS LAM PA'I GO CHA CHOS CAN, GO SGRUB YIN TE, PHAR PHYIN RE RE YANG PHAR PHYIN DRUG LDAN DU NYAMS SU LEN PAR GO BGOS PA'I BSAM PA'I BRTZON 'GRUS YIN PA'I PHYIR, GNYIS PA 'JUG SGRUB LA GSUM LAS, MTSAMS SBYAR NI, DE LTAR ZHES SOGS SO, ,RTZA BA NI, BSAM GTAN ZHES SOGS

, ,SO; ;'GREL PA LA, DNGOS DANG, ZHAR BA RTOGS DKA' BA BYE BRAG TU BSHAD PA'O, ,DANG PO NI, 'JUG PA'I SGRUB PA RNAM PA DGU'O, ,DGU GANG ZHE NA, BYANG SEMS KYI 'JUG BYA THAMS CAD RGYU DANG 'BRAS BU'I THEG CHEN GNYIS SU NGES LA; RGYU'I THEG CHEN YANG TSOGS GNYIS SU NGES SHING, YE SHES KYI TSOGS LA ZHI LHAG GNYIS LAS, ZHI GNAS KYI NGO BO BSAM GTAN DANG GZUGS MED PA'I SNYOMS PAR 'JUG PA DANG, BSOD NAMS KYI TSOGS SBYIN PA LA SOGS PA PHA ROL TU PHYIN PA DRUG DANG; LHAG MTHONG GI NGO BO, MTHONG BA DANG, BSGOM PA DANG, MI SLOB PA DANG, KHYAD PAR GYI LAM DANG, TSOGS GNYIS GSOG PA'I KUN SLONG CHAD MED PA BZHI DANG, DNGOS GZHI MI DMIGS PA DANG LDAN PA DANG, RJES DNGOS PO THAMS CAD LA 'KHOR GSUM DAG PA DANG, 'BRAS BU'I THEG CHEN GYI DBYE BA CHED DU BYA BA GSUM DANG, YON TAN MNGON PAR SHES PA DRUG DANG, NGO BO RNAM PA THAMS CAD MKHYEN PA NYID DAG LA DNGOS SU 'JUG PA'I SBYOR BAS YANG DAG PAR GNAS PA'I MTSAN NYID KYI BYA BA NI'O, ,DE DAG LA CI'I PHYIR 'JUG SGRUB CES BYA ZHE NA, THEG PA CHEN PO'I CHOS MTHA' DAG SBYOR BAS GNON PA'I NGO BO NYID YIN PAS SO, ,RTZA 'GREL GNYIS KA LA, NGAG DON NI, THEG CHEN GYI SBYOR LAM DROD CHOS CAN, 'JUG SGRUB YIN TE, MTSAN NYID DGOD DO, ,GNYIS PA RTOGS DKA' BYE BRAG TU BSHAD PA LA, BSAM GTAN GZUGS MED BSHAD PA DANG, TSAD MED BZHI BSHAD PA GNYIS, DANG PO LA RGYU, NGO BO, 'BRAS BU GSUM GYI DANG PO NI, GANG GIS BSAM GTAN DANG GZUGS MED PA RNAMS THOB PAR BYED PA'I RGYU NI YID LA BYED PA BDUN TE, 'DI LTAR

MTSAN NYID RAB TU RIG PA DANG, MOS PA LAS BYUNG BA DANG, RAB TU DBEN PA LAS BYUNG BA DANG, DGA' BA SDUD PA DANG, DPYOD PA DANG, SBYOR BA'I MTHA' DANG, SBYOR BA'I MTHA'I 'BRAS BU YID LA BYED PA'O, ,DANG PO NI, MNYAM PAR BZHAG PA'I SA BA'I YID BYED GANG GIS SA 'OG MA RNAMS RAGS PA DANG, SA GONG MA RNAMS ZHI BA'I MTSAN NYID DU DPYOD PAR BYED PA STE, DE YANG THOS BSAM 'DRES PA'I RANG BZHIN CAN DU RIG PAR BYA'O, ,'DI NI 'DOD PA'I RTEN LA BSGOM PA'I DBANG DU BYAS KYI, GZUGS KHAMS SU SEMS LONG MED PAR SEMS TING NGE 'DZIN LA GNAS PAR 'GYUR BAS BSAM BYUNG MED LA, GZUGS MED NA SGRA MED PAS THOS BYUNG YANG MED DO, ZHES BSHAD KYANG, GZUGS KHAMS NA BSAM BYUNG MED PAS SO SKYE'I DBANG DU BYAS SO, , GNYIS PA NI, DE'I 'OG TU THOS BSAM LAS 'DAS TE, GCIG TU BSGOM PA'I RNAM PAS ZHI RIGS KYI MTSAN MA LA DMIGS PA'I ZHI GNAS DANG LHAG MTHONG SGOM PAR BYED PA STE, DE NI SGOM BYUNG NGO, ,GSUM PA NI, THOG MAR SPONG BA'I LAM DANG LDAN PA'I YID LA BYED PA STE, DES SA 'OG MA RNAMS KYI NYON MONGS CHEN PO GSUM SPONG ZHING, DE'I PHYOGS KYI GNAS NGAN LEN DANG BRAL BA 'THOB BO, BZHI PA NI, DE'I 'OG TU RNAL 'BYOR PA DE DE GSUM SPANGS PA'I DGA' BDE CHUNG NGU LA REG CING, NYON MONGS 'BRING GSUM SPONG BA'I SPONG BA'I GNYEN PO YID LA BYED PA'O, ,LNGA PA NI, DE'I 'OG TU NYON MONGS KUN SPANGS SAM SNYAM PA'I RTOG PA 'BYUNG BAS BRTAG PA'I PHYIR, SDUG PA'I MTSAN MA YID LA BYED CING SO SOR RTOG PA YI'O, ,DRUG

, ,PA NI, DE LTAR DPYOD PAN CUNG ZAD SPANGS PAR SHES NAS, CHUNG NGU GSUM SPONG BA'I GNYEN PO YID LA BYED PA'O, ,BDUN PA NI, GONG SA'I DNGOS GZHI'I SEMS THOB PA'O, ,DE LA DANG PO GNYIS NI, SBYOR BA'I LAM MO, LNGA PA NI, KHYAD PAR LAM DANG BDUN PA RNAM GROL LAM MO, ,DANG PO DRUG NI NYER BSDOGS YIN LA, THA MA DNGOS GZHI'O, ,GNYIS PA NGO BO LA, MTSAN NYID, DBYE BA, RNAM GZHAG DANG GSUM, DANG PO NI, BSAM GTAN GZUGS MED GNYIS KA LA RGYU 'BRAS GNYIS GNYIS LAS RGYU SNYOMS 'JUG GI BSAM GTAN GYI MTSAN NYID, YAN LAG GI SGO NAS 'OG SA LAS 'DA' BA'I SEMS RTZE GCIG PA MTSUNGS LDAN DANG BCAS PA, 'BRAS BU SKYE BA'I MTSAN NYID, SKYE BA GZHAN DU SNYOMS 'JUG GI BSAM GTAN BSGOM PA'I RNAM SMYIN, RGYU MTHUN GYI 'BRAS BUR GYUR PA, DE YANG TSANGS RIS NAS 'OG MIN PAR GYI SEMS CAN RNAMS KYI SKYES THOB KYI CHOS RNAMS SO, ,RGYU SNYOMS 'JUG GI GZUGS MED KYI MTSAN NYID, DMIGS PA'I SGO NAS 'OG SA LAS 'DAS PA'I SEMS RTZE GCIG PA MTSUNGS LDAN DANG BCAS PA, 'BRAS BU SKYE BA'I GZUGS MED KYI MTSAN NYID SNGA MAS 'GRO ZHING, GZUGS MED DU SKYES PA'I SEMS CAN GYI SKYES THOB KYI CHOS RNAMS SO, ,DE YANG BSAM GTAN GYI SNYOMS 'JUG RNAMS NI, SA GONG 'OG KUN TU BLTA BA'I PHYIR, DMIGS PAS 'DA' BA MED LA, 'OG MA'I YAN LAG RAGS PA RNAMS LAS NGES PAR 'BYUNG BA'I PHYIR YAN LAG MI 'DRA BA'I BYE BRAG YOD PAR, YAN LAG GI 'DA' ZHES BYA ZHING, GZUGS MED RNAMS NI, ZHI GNAS

SU RO GCIG PA'I PHYIR YAN LAG MI 'DRA BA MED KYI, DMIGS PA MI 'DRA BA'I SGO NAS NGES PAR 'BYUNG BA'I PHYIR, DMIGS PAS 'DA' ZHES BYA'O, ,GNYIS PA DBYE BA NI, BSAM GTAN BZHI DANG GZUGS MED BZHI'O, ,DE LA BSAM GTAN DANG PO'I DNGOS GZHI'I SNYOMS 'JUG NI, GNYEN PO'I YAN LAG RTOG DPYOD GANG RUNG GIS 'OG SA LAS 'DOD CHAGS DANG BRAL BAS RAB TU PHYE BA'I SEMS RTZE GCIG PA MTSUNGS LDAN DANG BCAS PA GANG ZHIG ,SDIG PAS DBEN PA LAS SKYES PA'I DGA' BDE PHAN YON GYI YAN LAG TU LDAN PA, 'DI LA DNGOS GZHI TZAM PO DANG, ,BYANG PAR CAN GNYIS KYI DANG PO NI, RTOG DPYOD GNYIS KA DANG LDAN LA, GNYIS PA NI, RTOG PA LA 'DOD CHAGS DANG BRAL ZHING DPYOD PA TZAM DANG LDAN PA'O, ,'DI'I YAN LAG LNGA'I NANG NAS RTOG PA NI CHES RAGS PA'I PHYIR RO, ,BSAM GTAN DANG PO LA 'DOD CHAGS DANG MA BRAL BAS KYANG SPONG NUS PAS YAN LAG RAGS PA LA 'DOD CHAGS DANG BRAL MA BRAL GYI BYE BRAG GIS, TZAM KHYAD GNYIS SU PHYE LA, GNYIS PA YAN CHAD KYIS, YAN LAG RNAMS NI RANG SA LA 'DOD CHAGS DANG MA BRAL PAR SPONG MI NUS PA'I PHYIR, TZAM KHYAD KYI DBYE BA MED DO, ,BSAM GTAN GNYIS PA'I SNYOMS 'JUG NI, NAD RAB TU DvANG BA GNYEN PO'I YAN LAG GI RTOG DPYOD LAS 'DOD CHAGS DANG BRAL BAS RAB TU PHYE BA'I SEMS RTZE GCIG PA MTSUNGS LDAN DANG BCAS PA GANG ZHIG ,TING NGE 'DZIN LAS SKYES PA'I DGA' BDE PHAN YON GYI YAN LAG TU LDAN PA, BSAM GTAN GSUM PA NI, GNYEN PO'I YAN LAG DRAN SHES BZHIN BTANG SNYOMS GSUM GYIS DGA' BA LAS 'DOD CHAGS

, ,DANG BRAL BA LAS RAB TU PHYE BA'I SEMS RTZE GCIG PA MTSUNGS LDAN DANG BCAS PA GANG ZHIG ,DGA' BAS DBEN PA'I BDE BA PHAN YON GYI YAN LAG TU LDAN PA, BSAM GTAN BZHI PA NI, GNYAN PO'I YAN LAG DRAN PA DANG BTANG SNYOMS YONGS SU DAG PAS BDE BA LA 'DOD CHAGS DANG BRAL BAS RAB TU PHYE BA'I SEMS RTZE GCIG PA MTSUNGS LDAN DANG BCAS PA GANG ZHIG TSOR BA BTANG SNYOMS PHAN YON GYI YAN LAG TU LDAN PA, DE LA BSAM GTAN GYI MI MTHUN PHYOGS NI RNAM PA GSUM STE, CHEN PO DANG, 'BRING DANG, CHUNG TU 'O, ,DANG PO NI, 'DOD PA LA 'DUN PA DANG RNAM 'TSE STE, DE DAG GIS BSAM GTAN MA THOB PA 'THOB PA LA GEGS BYED DO, ,GNYIS PA NI, RTOG PA DANG DPYOD PA STE, DE DAG GIS THOB PA KHYAD PAR DU 'GYUR BA LA GEGS BYED DO, ,GSUM PA NI, DGA' BA DANG BDE BA STE, DE DAG GIS SEMS LAS SU RUNG BA LA MCHOG TU GEGS BYED DO, ,DE LA CHEN PO SPANGS PA DANG PO DANG, 'BRING DANG BRAL BA GNYIS PA DANG, GSUM PA DANG, CHUNG NGU DANG BRAL PA BZHI PA STE, DE LTAR NA BZHI PA SEMS LAS SU RUNG BA'I MCHOG YIN NO, ,DE LTAR 'GYUR BA BSKYED PA'I TSOR BA MTHA' DAG LAS 'DOD CHAGS DANG BRAL BA NA, RNAL 'BYOR PAS 'DU SHES NYID YUL LA MTSAN MAR 'DZIN PA'I SGO NAS RGYUD 'KHRUG BYED DU RTOGS NAS, 'DU SHES LAS NGES PAR 'BYUNG BA'I DON DU GZUGS MED KYI SNYOMS 'JUG RNAMS SGOM PAR BYED DO, ,DE LA NAM MKHA' MTHA' YAS SKYE MCHED KYI SNYOMS 'JUG NI, SBYOR BA'I DUS SU GZUGS DANG THOGS PA'I 'DU SHES RNAM PAR BSHIG STE,

DNGOS GZHI'I DUS SU DE NYID MNGON DU GYUR PA'I TING NGE 'DZIN MTSUNGS LDAN DANG BCAS PA'O, ,RNAM SHES MTHA' YAS SKYE MCHED KYI SNYOMS 'JUG NI, SBYOR BA'I DUS SU NAM MKHA'I YUL CAN <GYI RNAM SHES DE NYID KYANG MTHA' YAS SO SNYAM DU YID LA BYAS PAS DNGOS GZHI'I DUS SU ZHES SOGS SO, ,CI YANG MED SKYE MCHED KYI SNYOMS 'JUG NI, SBYOR BA'I DUS SU GZUNG BYA CI YANG MED DO SNYAM DU YID LA BYAS PAS DNGOS GZHI'I DUS SU ZHES SOGS SO, ,'DU SHES MED 'DU SHES MED MIN GYI SKYE MCHED KYI SNYOMS 'JUG NI, 'DU SHES RAGS PA NI NAD DANG 'BRAS DANG ZUG RDU'O, ,'DU SHES MED PA NI KUN TU RMONGS PA'O, ,'DU SHES MED MIN YOD MIN NI MCHOG TU ZHI BA'O, ,SNYAM DU YID LA BYAS PAS DNGOS GZHI'I DUS SA DE NYID MNGON DU GYUR PA'I TING NGE 'DZIN DANG SHES RAB MTSUNGS LDAN DANG BCAS PA'O, ,DE YANG BSAM GTAN DANG GZUGS MED DANG PO GSUM LA, NYON MONGS CAN DANG, DAG PA PA DANG, ZAG MED GSUM GSUM YANG LA, SRID RTZE LA NI SNGA ME GNYIS YOD KYI ZAG MED MED DE, SEMS KYI RGYU BA CHES MI GSAL BA'I PHYIR RO, ZHES BSHAD PA'ANG THEG CHEN GYI DBANG DU BYAS KYI, THEG CHEN LA NI 'DAS LAM SRID RTZE'I SEMS LA BRTEN PA YOD DO, ,BSAM GTAN DANG PO'I NYER BSDOGS LA, DAG PA BA DANG ZAG MED GNYIS YOD LA, NYER BSDOGS LHAG MA RNAMS LA DAG PA 'BA' ZHIG YOD DO, ,THAMS CAD LA NYON MONGS CAN NI MED DE, 'DI DAG NI 'DOD CHAGS DANG BRAL BAR BYED PA'I LAM YIN PA'I PHYIR, NYON MONGS CAN GYIS 'DOD CHAGS DANG BRAL

, ,PAR BYED MI NUS PA'I PHYIR RO, ,CI'I PHYIR NYER BSDOGS LHAG MA RNAMS LA ZAG MED MI 'BYUNG ZHE NA, GANG GIS 'OG SA'I DNGOS GZHI MA THOB PAR GONG MA'I NYER BSDOGS LA SNYOMS PAR 'JUG MI NUS LA, GONG MA'I NYER BSDOGS THOB PA DE NI 'OG MA'I DNGOS GZHI LA BRTEN NAS LAM SGRUB KYI 'OG MA NI NYER BSDOGS LA BRTEN PA MIN TE, GONG MA'I NYER BSDOGS LAS 'OG MA'I DNGOS GZHI CHES ZHI BAS LAM SGRUB SLA BA'I PHYIR RO, ,DANG PO'I NYER BSDOGS LA NI ZAG MED YOD DO, BSAM GTAN GYI DNGOS GZHI MA THOB PA'I RGYUN ZHUGS LA SOGS PA RNAMS NI, DANG PO'I NYER BSDOGS KHO NA LA BSTEN NAS LAM SGRUB PA'I PHYIR TE, 'DAS LAM ZHI LHAG ZUNG 'BREL YIN CING, DNGOS GZHI'I SEMS MA THOB PA'I PHYIR RO; ;DES NA DANG PO'I NYER BSDOGS KYIS, KHAMS GSUM GA LAS 'DOD CHAGS DANG BRAL BAR BYED NUS PA'I PHYIR, MI LCOGS PA MED PA ZHES BYA'O, ,DNGOS GZHI RNAMS KYIS 'OG SA LAS 'DOD CHAGS DANG BRAL BAR MI BYED DE, NYER BSDOGS KYIS BRAL BAR BYAS ZIN PAS MI DGOS PA'I PHYIR RO, ,DNGOS GZHI ZAG BCAS RNAMS NI, RANG SA DANG GONG SA'I SPANG BYA'I GNYEN PO MI BYED DE, RANG SA'I SRED PAS BCINGS PA'I PHYIR DANG, GONG SA LAS DMAN PA'I PHYIR RO, ,DE'I PHYIR DE DAG NI, MTHONG CHOS LA BDE PAR GNAS TZAM DANG, YON TAN MNGON PAR SGRUB PA'I LAM YIN GYI 'DOD CHAGS DANG BRAL BAR BYED PA'I LAM YIN MIN LA, DNGOS GZHI ZAG MED RNAMS NI RANG SA DANG GONGS SA'I GNYEN PO BYED PAS 'DOD CHAGS DANG BRAL BAR BYED PA'I LAM YANG

YIN CING, NYER BSDOGS RNAMS NI 'OG SA KHO NA'I GNYEN PO BYED PA'I PHYIR, 'DOD CHAGS DANG BRAL BAR BYED PA'I LAM KHO NA YIN GYI, YAN LAG GIS MA ZIN PAS YON TAN MNGON PAR BSGRUB PA'I LAM MIN LA, MI MTHUN PHYOGS SPONG PA'I RTZOL PA DANG BCAS PA MTHONG CHOS LA BDER GNAS MIN NO, ,DE LA BSAM GTAN DANG GZUGS MED DE DAG NYON MONGS CAN NI RANG SA'I NYON MONGS DANG MTSUNGS PAR LDAN PA'I SEMS RTZE GCIG PA'O, ,DE LA BZHI LAS SRED PA SHAS CHE BA NI, BSAM GTAN GYI BDE BA LA RO MYANG BA'I SRED PAS BCINGS PA'O, ,LTA BA SHAS CHE BA DANG, NGA RGYAL SHAS CHE BA DANG, THE TSOM SHAS CHE BA RNAMS NI RIM BZHIN DE DANG DES BCINGS PA'O, ,DE DAG NI SA BON RUL BA BZHIN RNAM SMIN MI 'PHEN PA'I PHYIR RGYU SNYOMS 'JUG GI BSAM GTAN MIN LA, BSAM GTAN TZAM NI YIN TE, GZHAN DU NA BSAM GTAN NYON MONGS CAN MI SRID PAR 'GYUR RO, ,DAG PA BA NI, RANG SA'I NYON MONGS KYIS MA BSLAD PA'I DGE BA RTZE GCIG PA MTSUNGS LDAN DANG BCAS PA STE, DE'ANG BZHI LAS NYAMS PA CHA MTHUN NI, BSAM GTAN DAG PA BA GANG GI MJUG THEGS SU RANG SA'AM 'OG SA'I NYON MONGS SKYE PA DANG RJES SU MTHUN PA'O, ,GNAS PA CHA MTHUN NI, GANG GI MJUG TU RANG DANG SA GCIG PA'I DAG PA PA GZHAN 'DREN PA'O, ,KHYAD PAR CHA MTHUN NI, GANG GI MJUG TU SA GONG MA'I DAG PA BA GZHAN 'DREN PAR BYED PA'O, ,NGES 'BYED CHA MTHUN NI, 'DAS LAM 'DREN PAR BYED PA'O, ,SRID RTZE LA KHYAD PAR CHA MTHUN MED DE, GONG NAS GZHAN MED PAS SO, ,GZHAN RNAMS LA BZHI GA YOD DO, ,'DAS LAM GYI NGO BOR

, ,SKYES PA'I BSAM GTAN DANG GZUGS MED NI ZAG MED DO, ,GSUM PA RNAM GZHAG LA, YAN LAG DANG, GRANGS DANG, GO RIM RNAM PAR BZHAG PA GSUM, DANG PO LA, YAN LAG GI DBYE BA, PHYE BA'I SO SO'I DON, GRANGS NGES DANG GSUM; DANG PO NI, BSAM GTAN DANG PO LA YAN LAG LNGA DANG, GNYIS PA LA BZHI DANG, GSUM PA LA LNGA DANG, BZHI PA LA BZHI STE, SNGAR MTSAN NYID SKABS SU BSHAD PA BZHIN NO, ,GNYIS PA NI, BSAM GTAN DANG PO'I YAN LAG RTOG PA NI, 'DOD PA RAGS PA DANG, BSAM GTAN DANG PO ZHI PA'O, ,ZHES KUN TU TSOL BA'I RNAM PA CAN NO, ,DPYOD PA NI, DE DAG GI KHYAD PAR ZHIB MOR DPYOD PA'O, ,DE GNYIS GNYAN PO'I YAN LAG YIN TE, BSAM GTAN DANG PO'I MI MTHUN PHYOGS RNAMS SPONG BAR BYED PA'I PHYIR RO, ,MI DGE BAS DBEN PA LAS, SKYES PA'I DGA' BDE PHAN YON GYI YAN LAG YIN TE DES BSAM GTAN PA'I LUS SEMS LA PHAN 'DOGS PA'I PHYIR, SEMS RTZE GCIG PA GNAS KYI YAN LAG YIN TE, DE LA BRTEN NAS GNYAN PO DANG PHAN YON GYI YAN LAG 'JUG PA'I PHYIR RO, ,DE BZHIN DU BSAM GTAN GNYIS PA NA DRAN SHES BZHIN BTANG SNYOMS GSUM GYI RANG BZHIN GYI NANG RAB TU DVANG BA GNYEN PO'I YAN LAG DANG, TING NGE 'DZIN LAS SKYES PA'I DGA' BDE PHAN YON GYI YAN LAG YIN CING, BSAM GTAN GSUM PA LA DRAN SHES BZHIN BTANG SNYOMS GSUM GNYEN PO'I YAN LAG YIN LA, DGA' BA MED PA'I BDE BA PHAN YON GYI YAN LAG GO, ,BZHI PA LA DRAN PA DANG, BTANG SNYOMS

YONGS DAG GNYAN PO'I YAN LAG DANG, TSOR BA BTANG SNYOMS PHAN YON GYI YAN LAG GO ,DE YANG BSAM GTAN DANG PO NA, DRAN SHES BZHIN BTANG SNYOMS GSUM YOD KYANG RTOG DPYOD KYIS MNGON PAR BSLABS PAS RANG GI NGO BO LAS MI BYED PA'I PHYIR YAN LAG TU MA SMOS LA, GNYIS PA NA LAS BYED KYANG DGA' BAS ZIL GYIS MNAN PA'I PHYIR, RANG GI MING GIS MA BSTAN PAR NANG RAB TU DVANG BA ZHES PA'I MING GIS SMOS SHING, GSUM PAR DGA' BA'I KUN DKRIS LAS GROL BA'I PHYIR RANG MING GIS SMOS LA; BZHI BAR BSAM GTAN GYI SKYON THAMS CAD LAS GROL BA'I PHYIR YONGS DAG GI SGRAS BSTAN TO, ,'O NA DANG PO GNYIS KYI DGA' BA DE'I RANG BZHIN JI LTA BU ZHE NA, BYE BRAG SMRA BA NI, DGA' BA YID SHES 'KHOR GYI TSOR BA SIM PA YIN LA, BDE BA NI SHIN TU SBYANGS PA NYID YIN NO ZHES ZER RO, ,MDO SDE PA KHA CIG DGA' BA NI SNGA MA LTAR YIN LA, BDE BA NI, DBANG SHES 'KHOR GYI TSUL BA SIM PA YIN TE, MDO LAS, BDE BA LUS KYIS MYONG ZHES 'BYUNG BA'I 'BYUNG BA'I PHYIR DANG, BSAM GTAN BZHI BA NA SHIN SBYANGS KHYAD PAR DU GYUR BA YIN KYANG BDE BA YAN LAG TU MA SMOS PA'I PHYIR ZHES ZER RO, ,'DIR NI BSDU BAR BSHAD PA LTAR, YID SHES 'KHOR GYI TSOR BA SIM PA DE NYID YE SHES 'KHOR BCAS LA PHAN 'DOGS PA'I PHYIR, DGA' BA ZHES BYA LA TING NGE 'DZIN DANG MTSUNGS PAR LDAN PA'I KHA NANG DU PHYOGS TE, DBANG PO DANG BCAS PA'I LUS LA PHAN 'DOGS PA'I PHYIR BDE BA ZHES BRJOD DO, ,BSAM GTAN GSUM PA NA NI YID SHES 'KHOR GYI TSOR BA SIM PA DE NYID DRAN SHES BZHIN BTANG SNYOMS KYIS YONGS SU ZIN PAS

, ,SEMS G-YO BA'I BYA BA MI BYED PA'I PHYIR, DGA' BA ZHES MI BRJOD LA, KHA NANG DU PHYOGS TE DBANG PO DANG BCAS PA'I LUS LA PHAN 'DOGS PA'I PHYIR, BDE BA ZHES BRJOD DO, ,GSUM PA NI, CI'I PHYIR YAN LAG 'DI DAG TU GRANGS NGES ZHE NA, GNOD PA SPONG BA'I YAN LAG ,PHAN PA BSGRUB PA'I YAN LAG, RTEN GYI YAN LAG RNAMS KYI NANG DU 'DUS PA'I PHYIR, GNYIS PA CI'I PHYIR, BSAM GTAN BZHIR GRANGS NGES ZHE NA, RIM BZHIN SDUG BSNGAL GYI TSOR BA RAGS PA DANG PHRA BA DANG, BDE PA'I TSOR BA RAGS PA DANG PHRA BA BZHI LAS NGES PAR 'BYUNG BA'I DBANG DU BYAS NAS BZHIR NGES SO, ,DE'I PHYIR GZUGS MED BZHIR NGAS ZHI NA, GZUGS MED RNAMS NI 'DU SHES LAS NGES PAR 'BYUNG BAS RAB TU PHYE BA YIN CING, DE LA 'DU SHES NI GNYES TE, PHYIR ROL GZUGS DANG NANG RNAM SHES LA BKRA BAR 'DZIN PA'O, ,DANG PO LA SPANG BYA GZUGS DANG, THOGS PA'I 'DU SHES DANG, GNYEN PO NAM MKHA'I 'DU SHES SO, ,DE GNYIS LA RIM BZHIN NGES PAR 'BYUNG BA NI, NAM MKHA'I MTHA' YAS SKYE MCHED DANG, RNAM SHES MTHA' YAS SKYE MCHED GNYIS LA YIN LA, RNAM SHES LA BKRA BAR 'DZIN PA LA, MI MTHUN PHYOGS RNAM SHES LA ZHEN PA DANG, DE'I GNYEN PO CI YANG MED PA'I 'DU SHES KYI MTSAN MA GNYIS LAS RIM BZHIN NGES PAR 'BYUNG BA GZUGS MED THA MA GNYIS TE, DE LTAR NA BZHIR NGES SO, ,GO RIM NI, RNAL 'BYOR BA'I RGYUD LA JI LTAR SKYE BA'I RIM PAS BZHAG GO, ,GSUM PA 'BRAS BU NI, BSAM GTAN DANG PO CHUNG NGU DANG, 'BRING DANG, CHEN POR YONGS SU BSGOMS PA LAS, GO RIM BZHIN DU TSANGS RIS DANG, TSANGS PA MDUN

NA 'DON DANG, TSANGS CHEN RNAMS SU SKYE LA, DE BZHIN DU GNYIS PA DANG, GSUM PA DANG, BZHI PA RNAMS CHUNG NGU DANG, 'BRING DANG, CHEN PO RNAMS SU BSGOMS PA LAS, GO RIM BZHIN DU, BSAM GTAN GNYIS PA DANG, GSUM PA DANG, BZHI PA'I SKYE BA GSUM GSUM 'GRUB PAR SHES PAR BYA'O, ,GZUGS MED RNAMS CHUNG 'BRING CHEN POR BSGOMS PA LAS NI GZUGS MED KYI SKYE BA MTHON PO DANG, DMA' BA DANG, NGAN PA DNAG, BZANG PO CI RIGS PA 'GRUB PAR SHES PAR BYA'O, ,DE LA CHUNG NGU NI GUS SBYOR DANG; RTAG SBYOR GNYIS KA DANG MI LDAN PA DANG, CHEN PO GNYIS KA DANG LDAN PA'O, ,BSAM GTAN DANG GZUGS MED 'DI DAG GIS RNAM PAR BZHAG PA LA BSHAD PAR BYA BA MANG DU YOD KYANG 'DIR NI SHIN TU MDOR BSDUS SO, ,GNYIS PA TSAD MED BZHI BSHAD PA LA; TSAD MED PA NI, BZHI STE, BYAMS PA DANG, SNYING RJE DANG, DGA' BA DANG, BTANG SNYOMS TSAD MED PA'O, ,CI'I PHYIR 'DI DAG LA TSAD MED PA BYA ZHE NA SEMS CAN TSAD MED PA LA DMIGS PA DANG, TSOGS TSAD MED PA'I RGYU DANG, YE SHES MED PA'I SBYOR YUL DU GYUR BA'I PHYIR RO, ,DE LA DANG PO NA, BSAM GTAN LA BRTEN NAS, MTHA' YAS PA'I SEMS CAN BDE BA DANG 'PHRAD PAR 'DOD PA'I RNAM PA CAN GYI TING NGE 'DZIN DANG SHES RAB MTSUNGS LDAN DANG BCAS PA DANG, GNYIS PA NI, SDUG BSNGAL DANG BRAL BAR 'DOD PA DANG; GSUM PA NI BDE BA DANG MI 'BRAL BAR 'DOD PA DANG, BZHI PA NI, CHAGS SDANG GI RGYU NYON MONGS DANG BRAL BAR 'DOD PA'I RNAM PA CAN NO, ,DE DAG RE RE LA YANG SEMS CAN LA DMIGS PA DANG, CHOS LA DMIGS PA DANG, DMIGS PA MED PA'I

, ,BYAMS SOGS GSUM GSUM LAS, DANG PO NI, SEMS CAN RDZAS YOD LA DMIGS PA DANG, GNYIS PA NI, PHUNG SOGS CHOS TZAM DU BDEN SNANG MDOR BAR, DE 'DRA'I PHUNG SOGS LA BTAGS PA'I SEMS CAN LA DMIGS PA DANG GSUM PA NI, PHUNG SOGS SGYU MA LTA BUR SNANG BA'I SGO NAS DE LA BRTEN NAS BTAGS PA'I SEMS CAN LA DMIGS PA STE, DANG PO SO SKYE, GNYIS PA NYAN RANG 'PHAGS PA, GSUM PA BYANG 'PHAGS RNAMS LA YOD DO, ,'DI DAG GI 'BRAS BU YANG, GNAS SKABS KYI 'BRAS BU NI, TSANGS PA'I GNAS SU SKYE BA RNAM SMIN GYI 'BRAS BU, TSOGS RDZOGS PAR BYED PA BDAG PO'I 'BRAS BU, SEMS CAN SMIN PAR BYED PA SKYES BU BYED PA'I 'BRAS BU, RTAG TU DE DAG DANG MI 'BRAL BA RGYU MTHUN PA'I 'BRAS BU, GNOD SEMS MGO NON PA BRAL 'BRAS SO, ,MTHAR THUG GI 'BRAS BU NI RNAM MKHYEN 'THOB PA'O, ,GSUM PA TSOGS SGRUB LA, SPYIR BSTAN PA DANG, RTOGS DKA' BYE BRAG TU BSHAD PA GNYIS, DANG PO LA GSUM LAS, MTSAMS SBYAR NI, DE LTAR ZHES SOGS SO, ,RTZA BA NI, BRTZE DANG ZHES SOGS SO, ,'GREL BA NI, SNYING RJE LA SOGS PA NI CHOS CAN, TSOGS KYI SGRUB PA YIN TE, BYANG CHEN DNGOS SU 'BYIN PAR BYED PA'I RGYU TSOGS YIN PAS SO, ,DER THAL, 'DI DAG GIS YANG DAG PAR 'GRUB PA'I NGO BOS BYANG CHUB CHEN PO 'BRAS BUR 'DZIN PAR BYED PA'I PHYIR NA'O, ,JI LTAR 'DZIN NA BDEN PAR MI DMIGS PAS KUN RDZOB KYI BDEN PA LAS MI 'DA' BAR RGYU'I THEG PA CHEN PO'I DON MTHA' DAG SGRUB PAS SO, ,TSOGS SGRUB DE YANG DBYE NA RNAM PA BCU BDUN

NO; ;DE DAG GANG ZHE NA, SNYING RJE DANG ZHES SOGS SO, ,RTZA 'GREL GNYIS KA LA NGAG DON NI, 'DIR BSAM GTAN SNYING RJE SOGS BCU BDUN CHOS CAN, TSOGS SGRUB YIN TE, MTSAN NYID DGOD DO, ,'DIR TSIG LA SOGS PA'I GZUNGS SHES BYA BA 'DI CI ZHE NA, GZUNGS KYI NGO BO NI TING NGE 'DZIN DANG MTSUNGS PAR LDAN PA'I DRAN PA DANG SHES RAB YIN PA, GSANG SNGAGS KYI GZUNGS NI GSANG SNGAGS KYI RGYU YIN GYI NGO BO MIN NO, ,DBYE BA NI, AA RA PA NA TZA LA SOGS PA'I YI GE LA DMIGS NAS, AA NI CHOS THAMS CAD KYI SGO STE, MA SKYES PA'I PHYIR ZHES YI GE STONG PA NYID MTSON BYED DU BYAS TE, BSGOMS PAS SGOM PA YONGS SU RDZOGS PA NA, STONG NYID LA MI SKRAG PA TING NGE 'DZIN DANG, SHES RAB NI BZOD PA'I GZUNGS DANG, DE NAS SANGS RGYAS DANG BYANG SEMS KYIS BSTAN PA'I CHOS RNAMS KYI TSIG DANG DON GO MIN DE NYID KYIS 'RJOD PA MED PAR 'DZIN PAR NUS PA'I DRAN PA DANG TING NGE 'DZIN MTSUNGS LDAN DANG BCAS PA NI, TSIG GI GZUNGS DANG, DON GYIS GZUNGS SO, ,SDIG PA ZHI BA LA SOGS PA GZHAN SKYOB PA'I GSANG SNGAGS RTZOM PAR NUS PA'I DRAN PA DANG, TING NGE 'DZIN GSANG SNGAGS KYI GZUNGS SO, ,SA MTSAMS NI, TSIG DANG DON GYI GZUNGS MA MTHA' TSOGS LAM CHEN PO NAS DANG, BZAD PA'I GZUNGS SBYOR LAM BZOD PA NAS DANG, GSANG SNGAGS KYI GZUNGS MTHONG LAM NAS YOD CING, SGO DON NI 'DZIN PAR BYED PAS NA GZUNGS TE, TSIG DANG DON 'DZIN PAS SAM, LEGS PA'I LAM LAS MI NYAMS PAR 'DZIN PAS SO, ,GNYIS PA RTOGS DKA' BYE BRAG

, ,TU BSHAD PA LA, YE SHES KYI TSOGS, SA'I TSOGS, GNYEN PO'I TSOGS BYE BRAG TU BSHAD PA'O, ,DANG PO NI, YE SHES KYI DBYE BA YUL GYI STONG NYID DBYE BA LA RAG LAS SHING, DE YANG STOD GZHI CHOS CAN GYI DBYE BA LA RAG LAS PAS; CHOS CAN NYI SHU PO 'DIR SMRAS PA, MIG SOGS NANG DANG GZUGS SOGS PHYI ROL RNAMS DANG NI, DBANG RTEN SOGS PHYI NANG GNYIS KAS BSDUS PA DANG, STONG PA'I DNGOS PO DANG PHYOGS BCU DANG MYA NGAN LAS 'DAS PA LAM DANG, RKYEN LAS SKYES PA DANG, CIG SHOS 'DUS MA BYAS DANG, MTHA' LAS 'DAS PA'I DBUS DANG, THOG MA DANG MTHA' MA MED PA'I 'KHOR BA DANG, BTANG ZHING DOR BA MED PA DANG, 'PHAGS PA'I SHES MTHONG GIS MA MDZAD PA'I RANG BZHIN DANG NI CHOS KUN DANG, CHOS KYI SKYE 'GAG LA SOGS DANG, 'DAS SOGS DUS GSUM DANG, RGYU RKYEN LDAN PA'AM TSOGS PA DANG, GCIG SHOS NGO BO NYER LEN GYI PHUNG PO LNGA DANG, NAM MKHA' DANG, STONG PA NYID CES BYA BA DANG, STONG PA NYID BYED PA PO GZHAN GYIS STONG PA CHOS KYI GZHAN GYI NGO BO NYID DANG, DE LTAR CHOS CAN NYI SHU PO DE DAG DON DAM PAR RANG RANG NGO BOS STONG PA'I PHYIR, DE LTAR DE DAG GI STONG NYID NYI SHU PO DE LA GO RIM BZHIN DU NANG DANG, PHYI DANG, DE GNYIS KA DANG, CHEN PO DANG, DON DAM PA DANG, 'DUS BYAS DANG, 'DUS MA BYAS DANG, MTHA' LAS 'DAS PA DANG, THOG MA DANG, THA MA MED PA DANG, DOR BA MED PA DANG, RANG BZHIN DANG, CHOS THAMS CAD DANG, MTSAN NYID DANG, MI DMIGS PA DANG, DNGOS PO MED PA DANG, DNGOS PO DANG, DNGOS PO MED PA DANG, RANG GI NGO BO DANG, GZHAN GYI STONG PA NYID CES

BYA BA STE, STONG PA NYID NYI SHUR 'DOD LA, DE LTAR YUL STONG NYID NYI SHU'I BYE BRAG GIS DE DAG GI YUL CAN YE SHES KYI TSOGS KYANG NYI SHU'O, ,DAG DON NI, SHES BYA CHOS CAN, YE SHES KYI TSOGS NYI SHU YOD DE, DE'I YUL STONG NYID NYI SHU YOD PA'I PHYIR, DER THAL, STONG GZHI CHOS CAN NYI SHUR NGES PA'I PHYIR, 'DIR YE SHES KYI SA MTSAMS DANG, DMIGS PA GANG YIN DPYAD PA SOGS CHES GAL CHE BA'I GNAS 'GA' ZHIG MDOR BSDUS NA MTHA' MI CHOD, RGYAS PAR BSHAD NA MANGS PAR 'GYUR BAS 'DIR MA BRIS SO, , LOGS SU BSHAD PAR 'DOD DO, ,GNYIS PA SA'I TSOGS BYE BRAG TU BSHAD PA LA, SPYI'I DON NI, SA'I NGO BO, ,DBYE BA, KHYAD CHOS, 'PHO TSUL, SGRA DON DANG LNGA'O, ,DANG PO NI, RTOGS PA DANG, YON TAN PHYI MA'I RTEN BYED PA'I BYANG SEMS KYI ZAG MED YE SHES THABS DANG BCAS PA'O, ,GNYIS PA DBYE BA NI, RAB TU DGA' BA SOGS BCU'O, ,GSUM PA KHYAD CHOS LA, LUS 'DZIN PA'I KHYAD PAR NI, SA BCU LA RIM PA BZHIN DU, 'DZAM GLING GI RGYAL PO DANG, 'KHOR LOS BSGYUR BA'I RGYAL PO DANG, BRGYA BYIN DANG, 'THAB BRAL DANG, DGA' LDAN 'PHRUL DGA', GZHAN 'PHRUL DBANG BYED BZHI'I BDAG PO DANG, STONG GI BDAG PO TSANGS PA DANG, STONG GSUM GYI BDAG PO TSANGS PA CHEN PO DANG, 'OG MIN DU LHA'I BU DBANG PHYUG CHEN PO RNAMS SU RNAM SMIN GYI LUS YONGS SU 'DZIN PAR 'GYUR RO, , YON TAN GYI GRANGS NI, SA DANG POR SKAD CIG GCIG LA, SPRUL SKU'I SANGS RGYAS BRGYA MTHONG, DE DAG GIS BYIN GYIS BRLABS PA SHES, TING NGE 'DZIN BRGYA LA 'JUG ,'JIG RTEN GYI KHAMS BRGYA G-YO ZHING BRGYAR 'GRO, 'JIG RTEN GYI KHAMS BRGYA SNANG BAR BYED, SEMS

, ,CAN BRGYA SMIN, BSKAL PA BRGYAR GNAS, DE DAG GI SNGON DANG PHYI MA'I MTHA' LA 'JUG ,CHOS KYI SGO BRGYA 'BYED, LUS BRGYA STON, LUS RE RE LA BYANG SEMS KYI 'KHOR BRGYA PHRAG RE RE STON PA STE, YON TAN BRGYA PHRAG BCU GNYIS 'THOB BO, ,DE BZHIN DU SA GNYIS PA LA STONG 'GYUR DANG, GSUM PA LA BRGYA STONG 'GYUR DANG, SA BZHI PA LA KHRAG KHRIG DANG, SA LNGA BA LA KHRAG KHRIG PHRAG BRGYA STONG DANG, SA DRUG PA LA KHRAG KHRIG BRGYA STONG DANG, SA BDUN PA LA BYE BA KHRAG KHRIG BRGYA STONG DANG, SA BRGYAD PA LA STONG GSUM 'BUM PHRAG BCU'I RDUL SNYED DANG, SA DGU PA LA SANGS RGYAS KYI ZHING GRANGS MED 'BUM PHRAG BCU'I RDUL SNYED DANG, SA BCU PA LA SANGS RGYAS KYI ZHING JI SNYED YOD PA'I RDUL GYI GRANGS DANG MNYAM PA 'THOB BO, ,PHA ROL TU PHYIN PA'I KHYAD PAR NI, SA BCU LA RIM BZHIN, PHAR PHYIN BCU RANG RANG GI MI MTHUN PHYOGS DANG BRAL BA'I SGO NAS YONGS SU DAG PA 'THOB BO, ,GZHAN YANG RMI LAM GYI KHYAD PAR DANG, GZUNGS DANG, SPANGS PA'I KHYAD PAR SOGS DU MA MDO LAS BSHAD DO, ,BZHI PA 'PHO TSUL NI, SA GANG GIS YONGS SU SBYONG BAR 'GYUR BA'I CHOS GANG YIN PA RNAMS JI SRID MA RDZOGS PAR DE SRID DU SA DE YIN LA, RDZOGS NAS NI SA GZHAN YIN PAR SHES PAR BYA'O, ,ZHES 'GREL CHEN LAS BSHAD PA LTAR RO, ,LNGA PA SGRA DON NI, RGYAN LAS, 'BYUNG PO DPAG MED 'JIG MED PHYIR, ,DPAG TU MED PA DE DAG LAS, ,PHYI PHYIR GONG DU 'GRO LDAN PHYIR, ,DE DAG NYID NI SAR 'DOD DO, ZHES GSUNGS PA LTAR RO, ,GNYIS PA YAN LAG GI DON LA, SPYI'I MTSAMS SBYAR BA DANG, SO SO'I DON BSHAD PA GNYIS, DANG PO NI, SA'I TSOGS LA ZHES SOGS GSUNGS SO, ,GNYIS PA LA

RGYU'I SA DANG, 'BRAS BU'I SA GNYIS, DANG PO LA DGU'I SA DANG PO'I YONGS SBYONG LA, RTZA BA NI, YONGS SU SBYONG BA ZHES SOGS GSUNGS, 'GREL PA NI, RTZA 'GREL JI LTA BA BZHIN SBYAR NA, GZHI DGE BA THAMS CAD LA RANG DON YID BYED KYI GYA GYU MED PA'I BSAM PA DANG, RANG DANG GZHAN GYI DGOS PA SGRUB PA LA PHAN PA NYID DANG, SEMS CAN THAMS CAD LA BYAMS SOGS KYI SEMS RTZE GCIG PA NYID DANG, BDOG PA THAMS CAD YONGS SU GTONG BA DANG, DGE BA'I BSHES GNYEN MGU BAR BYED PA DANG, RIGS CAN GSUM GYI PHYIR DU THEG PA GSUM DU GTOGS PA DAM PA'I CHOS KYI DMIGS PA 'DOD PA DANG, KHYIM NA GNAS PA LA MNGON PAR MI DGA' BA DANG, BLA NA MED PA'I SANGS RGYAS KYI SKU 'DOD CING YID LA BYED PA DANG DAM PA'I CHOS RAB TU STON PA DANG, BDEN PAR SMRA BA NYID CES BYA BA DE LTA BU'I MTSAN NYID KYI CHOS BCUS RNAM PA THAMS CAD DU BSKYED PAR BYA BA YIN PA'I PHYIR RO, YONGS SU SPYOD PA'I RGYU'I KHYAD PAR BDEN PA'I NGO BO NYID MI DMIGS PAS BYED PAR DU BYAS PA'I MTSAN NYID KYI YONGS SU SBYONG BA DAG KHO NAS SA DANG PO RAB TU DGA' BA THOB ZIN KHYAD PAR DU BYED PA'I SGO NAS YON TAN YONGS SU RDZOGS PAR 'THOB PA YIN NO, ,RTZA 'GREL GNYIS KA LA, NGAG DON NI, CHOS BCU PO 'DI CHOS CAN, SA DANG PO'I YONGS SBYONG YIN TE, SA DANG PO THOB ZIN YON TAN GYI SGO NAS RDZOGS PAR BYED PA'I SA DANG PO'I THABS SHES KHYAD PAR CAN YIN PA'I PHYIR, DAG DON 'DI YONGS SBYONG LHAG MA THAMS CAD LA RIGS 'GRE'O, ,GNYIS PA'I YONGS SBYONG LA, RTZA BA NI, TSUL KHRIMS ZHES SOGS SO, ,'GREL PA NI, DGE BA'I CHOS SDUD PA NAS SBYIN PA LA SOGS

, ,PA'I PHA ROL TU PHYIN PA DRUG LA SPRO BA ZHES BYA BA DE LTA BU'I YONGS SU SBYONG BA SNGA MA BZHIN DU MI DMIGS PA'I SHES RAB KYIS ZIN PA'I SGO NAS YONGS SU SBYONG BA BYAS PA'I KHYAD PAR RNAM PA BRGYAD KYIS SA GNYIS PA DRI MA MED PA 'THOB PA YIN NO; ;SA GSUM PA'I YONGS SBYONG LA, RTZA BA NI, THOS PA ZHES SOGS SO, ,'GREL PA NI, DAM PA'I CHOS NYAN PAS NGOMS MI SHES PA NAS RANG DANG GZHAN LA BLTOS NAS MI DGE BA'I CHOS MI BYED PA CES BYA BA DE LTA BU'I YONGS SU SBYONG BA RNAM PA LNGA PO SNGA MA BZHIN BDEN PA'I NGO BO NYID DU MI RTOG PA'I SHES RAB KYIS ZIN PA'I SGO NAS YONGS SU SBYONG BA BYAS PAS SA GSUM PA 'OD BYED PA RTOGS PA YIN NO, SA BZHI PA'I YONGS SBYONG LA, RTZA BA NI, NAGS GNAS ZHES SOGS SO, ,'GREL PA NI, RTAG TU DGON PAR GNAS PA DANG, RNYED PA MA THOB PA LA MNGON PAR 'DOD PA MED PA DANG, RNYED PA THOB PA LA LHAG PAR DON DU GNYER BA MED PA DANG, ZAS LA CHAGS PA'I GNYEN POR BSOD SNYOMS PA NYID LA SOGS PA STAN GCIG PA DANG, ZAS PHYIS MI LEN PA GSUM DANG, GNAS LA CHAGS PA'I GNYEN POR DGON PA BA DANG, SHING DRUNG PA DANG, BLA GAB MED PA BA DANG, DUR KHROD PA DANG, GOS LA CHAGS PA'I GNYEN POR CHOS GOS GSUM PA DANG, PHYING BA PA DANG, PHYAG DAR KHROD PA DANG, MAL STAN LA CHAGS PA'I GNYEN PAR RTZOG BU BA DANG, GZHI JI BZHIN PA STE, SBYANGS PA'I YON TAN BCU GNYIS YANG DAG PAR SDOM PA DANG, BSLAB PA BLANGS PA SROG LA SOGS PA'I PHYIR YANG YONGS SU MI GTONG BA DANG, 'DOD PA'I YON TAN LA NYES DMIGS SU BLTA BAS SMOD PA DANG,

GDUL BYA DANG MTSAMS PAR MYA NGAN LAS 'DAS PA GSUM LA GZHOL BAR BYED PA DANG, BDOG PA THAMS CAD YONGS SU GTONG BA DANG, DGE BA SGRUB PA LA SEMS MI ZHUM PA DANG, DNGOS PO THAMS CAD LA BDEN PAR MI BLTA BA ZHES BYA BA DE LTA BU'I YONGS SU SBYONG BA SNGA MA LTA BU SHES RAB KYIS ZIN PA RNAM PA BCUS SA BZHI PA 'OD 'PHRO BA CAN GNON PA YIN NO, ,SA LNGA PA'I YONGS SBYONG LA, RTZA BA NI, 'DRIS DANG ZHES SOGS SO, ,'GREL PA NI, RNYED PA LA SOGS PA'I DON DU RAB TU BYUNG PA DANG 'GROGS PA LA SOGS PA DE LTA BU'I MTSAN NYID KYI CHOS BCU RNAM PAR SPONG ZHING DE DAG LAS BZLOG PA'I CHOS DON GYIS 'PHANGS PA YONGS SU SBYONG BA RNAM PA BCU GNYIS SNGA MA BZHIN DU MI DMIGS PAR RTOGS PA'I SHES RAB KYIS ZIN PA'I SGO NAS YONGS SU SBYANGS PAS SA LNGA PA SBYANG DKA' BA 'THOB PA YIN NO, ,SA DRUG PA'I YONGS SBYONG LA, RTZA BA NI, SBYIN SOGS BLANG BYA'I CHOS DRUG YONGS SU RDZOGS SHING SLOB MA DANG NI BSE RU LA DGA' BA SOGS SPANG BYA DRUG SPANGS PAS SA NI DRUG PA YANG DAG 'THOB BO, 'GREL PA NI, SA DRUG PAR, SHER PHYIN GYI YON TAN YONGS SU DAG PA THOB PAS PHA ROL TU PHYIN PA DRUG YONGS SU RDZOGS PA ZHES BYA LA, DE DAG GI NANG NAS MI MTHUN PHYOGS SPONG BA'I TSUL KHRIMS DANG GZHAN DON LA RTZE GCIG PA'I BSAM GTAN RDZOGS PAS NYAN THOS DANG RANG SANGS RGYAS LA 'DOD PA'I SEMS SPONG BA DANG, CHOS LA DUS RTOG GI BZOD PA'I PHAR PHYIN RDZOGS PAS NGO BO NYID MI DMIGS PA LA SKRAG PA'I SEMS SPONG BA DANG, SBYIN PA'I PHAR PHYIN RDZOGS PAS SLONG BA PO'I SKYE BAS BLANGS

, ,NA ZHUM PA'I SEMS SPONG BA DANG BRTZON 'GRUS KYI PHAR PHYIN RDZOGS PAS BDOG PA THAMS CAD RANG GI NGANG GIS GTONG BAR ZHUGS PA LA MI DGA' BA'I SEMS SPONG BA DANG, THABS MKHAS KYI SHER PHYIN RDZOGS PAS RANG NYID BKREN YANG SLONG BA PO'I SKYE BO SPONG PA'I SEMS SPONG BA STE, DE LTA BU'I YONGS SU SBYONG BA BCU GNYIS KYIS SNGA MA BZHIN DU MI DMIGS PAR RTOGS PAS ZIN PA'I SGO NAS YONGS SU SBYANGS PAS SA DRUG PA MNGON DU GYUR PA THOB ZIN GYI YON TAN YONGS SU RDZOGS PA'I SGO NAS KUN SHES PAR 'GYUR BA YIN NO, ,SA BDUN PA'I YONGS SBYONG LA, SPANG BYA NYI SHU SPONG TSUL DANG, GNYEN PO NYI SHU BSTEN TSUL LO, ,DANG PO LA RTZA BA NI, BDAG DANG ZHES SOGS SO, ,'GREL PA NI, BDAG DANG ZHES PA NAS, 'GAL BA BRJOD PA 'DZIN PA YONGS SU SPONG BA STE, NYES PA DE LTA BU NYI SHU DANG BRAL NAS BZLOG PA'I CHOS DON GYI 'PHANGS PA YONGS SU SBYONG BA RNAM PA NYI SHUS SNGA MA BZHIN DU SA BDUN PA RING DU SONG BA THOB ZIN YON TAN GYI SGO NAS KUN SHES PAR 'GYUR BA YIN NO, ,GNYIS PA LA MTSAMS SBYAR NI, DON GYIS 'PHANGS PAS CHOS NYI SHU POS 'DI BSTAN PA'I PHYIR, RTZA BA NI, RNAM THAR ZHES SOGS SO, ,'GREL PA NI, RNAM PAR THAR PA'I SGO CHOS THAMS CAD BDEN PAR GRUB PA BKAG PA STONG PA NYID DANG, MYA NGAN LAS 'DAS PA SPROS PA'I MTSAN MA MED PA DANG, ZAG BCAS KYI CHOS LA SMON PA MED PA YANG DAG PAR SHES PA DANG GSUM NI, GO RIM BZHIN DU BDAG DANG SEMS CAN DANG SROG TU 'DZIN PA DANG GSUM GYI GNYEN PO YIN NO, ,DGE BA BCU'I LAS KYI LAM LA BSAG PAR BYA BA DANG, GSOD PA PO DANG, BSAG PA MI DMIGS

PA LA SOGS PA NI BDAG TU 'DZIN PA'I GNYEN PO YIN NO, ,SKYE BO THAMS CAD LA DMIGS PA'I SNYING BRTZE BA DANG, DNGOS POR DMIGS PA MED PA DANG, CHOS THAMS CAD MNYAM PA NYID DU RTOGS PA DANG, GSUM NI RIM BZHIN CHAD PA DANG, RTAG PA DANG, MTSAN MAR 'DZIN PA GSUM GYI GNYEN PO'O, ,MTHAR THUG GI THEG PA CHEN PO GCIG TU RTOGS PA NI MTHAR THUG GI RIGS GSUM THA DAD PAR 'DZIN PA'I GNYEN PO'O, ,MI SKYE BA YONGS SU SHES PA DANG, CHOS ZAB MO LA NGES PAR RTOG PA'I BZOD PA KHONG DU CHUD PA DANG, SHES BYA THAMS CAD THEG PA CHEN PO'I THABS GZUNG 'DZIN GNYIS MED KYI SGO NAS RAB TU STON PA GSUM NI RIM BZHIN PHUNG KHAMS SKYE MCHED DU BDEN PAR 'DZIN PA GSUM GYI GNYEN PO'O, ,DE BZHIN DU RTOG PA THAMS CAD GCAD PA NAS GDUL BYA DANG MTHUN PAR THAMS CAD DU BDAG GI LUS RAB TU STON PA'I BAR RNAMS NI, RIM BZHIN KHAMS GSUM LA GNAS PA NAS 'GAL BA BRJOD PA 'DZIN PA'I BAR GYI GNYEN PO STE, DE LTAR YONGS SU SBYONG BA RNAM PA NYI SHU PO 'DIS KYANG SNGA MA BZHIN DU SA BDUN PA RTOGS PAR 'GYUR BA YIN NO, ,SA BRGYAD PA'I YONGS SBYONG LA, RTZA BA NI, SEMS CAN KUN YID CES SOGS SO, ,'GREL PA NI, SEMS THAMS CAD KYI ZHES SOGS, YONGS SU SBYONG BA'I CHOS DE LTA BU RNAM PA BRGYAD KYIS SNGA MA BZHIN DU MI DMIGS PAR RTOGS PAS ZIN PA'I SGO NAS SBYANGS PA NAS BRGYAD PA MI G-YO BA THOB ZIN RDZOGS PAR NYAMS SU MYONG BAR 'GYUR BA YIN NO, SA DGU PA'I YONGS SBYONG LA, RTZA BA NI, SMON LAM ZHES SOGS SO, ,'GREL BA NI, SMON LAM MTHA' YAS PA DANG, LHA LA SOGS PA'I

, ,SEMS CAN THAMS CAD KYI SKAD SHES PA DANG, SPOBS PA CHU BO LTAR MI ZAD PA DANG, SKYE BO THAMS CAD KYIS BSNGAGS PA'I MNGAL DU 'JUG PA DANG, RIGS RGYAL PO DANG LA SOGS PA BRAM ZER GNAS PA DANG, RUS NYI MA LA SOGS PA LAS SKYES PA DANG, CHO 'BRANG MA LA SOGS PA DANG, BDUN BRGYUD TSUN CHAD DU LEGS PAR 'BREL BA'I GNYEN DAM PA BYON BYON PA DANG, RANG DBANG PA'I 'KHOR DANG, BRGYA BYIN LA SOGS PAS MNGON PAR BSTOD PAR SKYE BA DANG, SANGS RGYAS LA SOGS PAS BSKUL TE KHYIM NAS NGES PAR 'BYUNG BA DANG, YID BZHIN GYI NOR BU DANG 'DRA BA'I BYANG CHUB KYI SHING AA SHVAD THA DANG, KLU SHING LA SOGS PA DANG, CHOS SKU'I RANG BZHIN GYI SANGS RGYAS DANG, STOBS SOGS SANGS RGYAS KYI CHOS KYI NGO BOR GYUR PA YON TAN THAMS CAD YONGS SU RDZOGS PAR BYED PA ZHES BYA BA DE LTA BU'I ZHES SOGS SO, ,GNYIS PA 'BRAS BU'I SA LA GSUM GYI MTSAMS SBYAR NI, RGYU'I SA RNAMS KYI YONGS SU SBYONG BA DE LTAR SA SO SO LA NGES PAR BSTAN NAS 'BRAS BU'I SA NYID DU YONGS SBYONG DE DAG MA BSHAD PAR SA 'OG MA THAMS CAD KYI YON TAN BSDU BA'I SGO NAS SA BCU PA'I MTSAN NYID 'CHAD DO, ,DE YANG SA BCU PA LA YONGS SBYONG MI 'CHAD PA'I RGYU MTSAN LA, LO TZTSA BA CHEN PO SA SNGA MA SNGA MA LAS PHYI MA PHYI MA KHYAD PAR DU 'GYUR BAR SHES PA'I PHYIR YONGS SBYONG STON PA YIN PA LAS BCU BA 'DIS DGU PA LAS 'DAS PA'I 'BRAS BU'I SAR BSTAN PA NYID KYIS KHYAD PAR DU GYUR BAR SHES PA'I PHYIR, YONGS SBYONG MA BSTAN CES GSUNGS KYANG, YONGS SBYONG BSTAN PA'I DGOS PA

DE TZAM DU MA NGES LA, GZHAN DAG SA DGU PA'I YONGS SBYONG BCU GNYIS PO NYID BCU PA'I YANG YIN PAR 'DOD PA NI, SA DE DANG DE'I YONGS SBYONG MA RDZOGS PAR DE SRID DUS DE YIN PAR SMRAS PA DANG CHES 'GAL BA YIN TE, SA BCU PAS DGU PAR THAL BAS SO, ,DES NA RANG LUGS NI, SA BCU PA THOB PA NA 'OD ZER CHEN PO'I DBANG BSKUR THOB PA NYID KYIS SA'I YON TAN THAMS CAD 'BAD MED DU MNGON DU GYUR PAS YONGS SBYONG GI 'BAD RTZOL LA MI BLTOS PA'I PHYIR MA BSTAN PA YIN NO, ,RTZA BA NI, SA DGU ZHES SOGS SO, 'GREL PA NI, SA DGU 'DAS NAS SANGS RGYAS KYIS DE LA SMON LAM SHES PA GANG GIS GNAS PA'I SA DE NI, BYANG CHUB SEMS DPA'I SA BCU PA YIN PAR SHES PAR BYA'O, ,'O NA SANGS RGYAS KYIS YIN NA BYANG SEMS KYI SAR 'GAL LO ZHE NA, MI 'GAL TE, SA BCU PA LA NI BYANG CHUB SEMS DPA' SANGS RGYAS KHO NAR BRJOD PAR BYA YI YANG DAG PAR RDZOGS PA'I SANGS RGYAS NI MIN NO ZHES MDO LAS 'BYUNG BA'I PHYIR RO, ,'DA' BYA SA DGU GANG ZHE NA, MING DON GO RIM BZHIN DU BSHAD PA NI NYAN THOS LA SOGS PA THEG DMAN GYI SBYOR LAM BZHI CHOS CAN, RIGS KYI SA YIN TE, DMAN PA'I BYANG CHUB TU RTOGS PA'I STOBS KYIS RIGS NGES PA'I SO SKYE'I RTOGS PA YIN PA'I PHYIR, DE YANG BYE BRAG SMRA BA DANG, MDO SDE PA KHA CIG ,RANG BZHIN GYIS NGES PA MI 'DOD CING, RTOGS PA'I STOBS KYIS BYANG SEMS DANG RANG RGYAL GYI THEG PA RNAMS DROD RNAM RIGS NGES PAR 'DOD DE, MDZOD LAS, STON DANG BSE RU BYANG CHUB PAR, ,BSAM GTAN MTHA' RTEN GCIG LA KUN, CES PA LTAR RO, ,NYAN THOS NI BZOD CHEN NAS RIGS NGES PAR 'DOD KYI, DE'I SNGAR MIN TE, GNYIS SLOB

, ,RIGS LAS LDOG NAS NI, ,SANGS RGYAS SU 'GYUR GZHAN GSUM YANG, ZHES BRJOD PA MA THOB BAR DU THEG CHEN DU YANG 'JUG SRID LA, BZOD 'BRING MAN CHAD DU RANG RGYAL DU YANG LDOG PA BSHAD PAS SO, ,DES NA DE DAG LTAR NA NYAN THOS KYI BZOD CHEN DANG CHOS MCHOG RIGS KYI SAR 'DOD LA, SEMS TZAM PA NYAN RANG RIGS MA NGES PA LHAG MED MA THOB PAR DU THEG CHEN DU 'JUG SRID PAS DE LA RIGS KYI SA BZHAG TU MED LA, NGES PA'I RIGS CAN RNAMS TSOGS LAM NAS NGES KYANG, RTOGS PA'I STOBS KYIS CHOS MCHOG NAS NGES PAS, CHOS MCHOG RIGS KYI SAR 'DOD CING, 'DIR SLOB DPON GYI BZHED PAS MA NGES PA'I RIGS CAN LA RIGS KYI SA MI BZHAG LA, NYAN RANG MA NGES PA'I RIGS CAN RNAMS RTOGS PA'I STOBS KYIS SBYOR LAM NAS PHYIR MI LDOG PAS SBYOR LAM BZHI RIGS KYI SAR BZHAG STE, 'GREL CHEN LAS, PHYIR MI LDOG PA CES BYA BA NI, NGES PAR 'BYED PA'I CHA RTAGS PAS RANG BYANG CHUB LAS PHYIR MI LDOG PA'O, ZHES RANG RGYAL GYI LAM SHES KYI MDO'I 'GREL PA'I SKABS SU BSHAD PAS SO, ,'DIR GZHAN DAG GIS MDZOD BZHIN DU RANG LUGS LA BSHAD PA NI, GRUB MTHA' SMRA BA BZHI GAS THEG PA GSUM GYI RNAM GZHAG BYED PA MA GO BAR NYAN RANG GI THEG PA'I RNAM GZHAG GANG BYED THAMS CAD DON SMRA GNYIS KYI LUGS BZHIN DU BYED DGOS SNYAM PA'I MUN SPRUL GANG CI YANG RUNG BA CHEN PO'O, ,'BRAS BU DANG PO LA ZHUGS PA NI BRGYAD PA'I SA DANG, RGYUN DU ZHUGS PA NI MTHONG BA'I SA DANG, LAN CIG PHYIR 'ONG BA'I RTOGS PA NI SRAB PA'I SA DANG, PHYIR MI 'ONG BA'I SA NI 'DOD CHAGS DANG BRAL BA'I SA DANG, DGRA BCOM

PA NYID KYI RTOGS PA NI BYAS PA RTOGS PA'I SA DANG, LHAG MA ZHUGS PA GSUM GYI RTOGS PA NI NYAN THOS KYI SA'O, ,DE LTAR GSUM PO GCIG TU BSDUS NAS NYAN THOS KYIS SA ZHES GSUNGS PA LA DGOS PA YOD DE, SA BCU PA'I 'DA' BYA LA TSUL LAM THEG PA GSUM GYI RTOGS PA RNAM PAR BZHAG PAR DGONGS PAS BSDUS PA YIN PA'I PHYIR, RANG SANGS RGYAS RNAMS KYI RTAGS PA NI RANG SANGS RGYAS KYI SA DANG, JI SKAD BSHAD PA'I BYANG CHUB SEMS DPA' SA RNAM PA DGU PO BYANG SEMS KYI SA ZHES GRANGS 'DZIN GCIG KHO NA STE DE LTAR RNAM PA DGU PA'O, ,RTZA 'GREL GNYIS KA LA, NGAG DON NI, RGYUN MTHA'I YE SHES CHOS CAN, SA BCU PA YIN TE, DMAN PA SA BRGYAD DANG, BYANG SEMS KYI SA 'OG MA RNAMS LAS 'DAS NAS SANGS RGYAS KYI SA TZAM LA GNAS PA'I BYANG SEMS KYI MNGON RTOGS YIN PA'I PHYIR, GSUM PA LA GSUM LAS, MTSAMS SBYAR NI, GNYEN PO'I ZHES SOGS SO, ,RTZA BA NI, MTHONG DANG ZHES SOGS SO, ,'GREL BA NI, GZUNG BA'I RNAM PAR RTOG PA KUN NAS NYON MONGS PA'I DNGOS PO TZAM DANG, GNYEN PO'I RTEN CAN GNYIS DANG, 'DZIN PA'I RNAM PAR RTOG PA GANG ZAG RDZAS SU YOD PA DANG, SKYES BU BTAGS PAR YOD PA'I RTEN CAN GNYIS SO SOR KUN BRTAGS KYI CHA RNAMS MTHONG BA'I LAM DANG, LHAN SKYES KYI CHA RNAMS SGOM PA'I LAM LA SPANG BAS GZUNG BA DANG 'DZIN PAR RNAM PAR RTOG PA BRGYAD NYE BAR ZHI BAR BYA BA'I PHYIR, MI MTHUN PA'I PHYOGS KYI RAB TU DBYE BAS BDEN PA GNYIS KA'I RNAM PA LA BRTEN NAS MNGON DU BYA DGOS PA'I LAM GNYIS PO KHO NA'I GNAS SKABS KYI KHYAD PAR GNYEN PO RNAM PA BRGYAD DO, ,NGAG DON NI, GNYEN PO

, ,TSOGS SGRUB CHOS CAN, BRGYAD YOD DE, MTHONG SPANG GZUNG 'DZIN GYI RNAM RTOG BZHI'I GNYEN PO MTHONG LAM BZHI DANG, SGOM SPANG GZUNG 'DZIN GYI RNAM RTOG BZHI'I GNYEN PO SGOM LAM BZHI YOD PA'I PHYIR, BZHI PA NGES 'BYUNG SGRUB PA LA BZHI LAS, MTSAMS SBYAR NI, DE LTAR ZHES SOGS SO, ,RTZA BA NI, CHED DU BYA DANG ZHES SOGS SO, ,'GREL PA NI, MTHAR THUG GI NGES PAR 'BYUNG BA'I NGO BO NI, CHED DU BYA BA JI SKAD BSHAD PA DANG, DE LA'ANG GZHAN DON DANG, RANG DON GNYIS LAS, GZHAN DON 'PHRIN LAS KYI RGYU CHOS THAMS CAD MNYAM PA NYID RTOGS PA DANG 'PHRIN LAS KYI NGO BO SEMS CAN GYI DON BYED PAR BYED PA RGYA CHE BA DANG, MTSAN MA MED PAR BYED PA NYID KYIS LHUN GYIS GRUB PA DANG, RANG DON SPANG RTOGS GNYIS LAS, JI LTA BA RTOGS PA RTAG PA DANG CHAD PA DANG BRAL BA'I NGO BO'I GNAS SKABS GYI KHYAD PAR DANG, SPANGS PA THEG PA GSUM GYI DON SGRIB PA GNYIS KA SPANGS PA 'THOB PA DANG, JI SNYED PA RTOGS PA JI SKAD BSHAD PA'I RNAM PA THAMS CAD MKHYEN PA NYID DANG, GNAS SKABS KYI NGES PAR 'BYUNG BA RNAM MKHYEN DE'I KHYAD PAR GYI LAM RDO RJE LTA BU'I TING NGE 'DZIN TE, NGES PAR 'BYUNG BAR BYA BA'I GZHI DE LTA BU DAG LAS KHYAD PAR DU 'PHAGS PA'I CHOS GZHAN MED PA'I PHYIR DON DAM PAR DE DAG THAMS CAD MI DMIGS PA NYID KYIS KUN RDZOB TU DE DAG TU NGES PAR 'BYUNG BAR BYA BA RNAM PA BRGYAD YIN PAS NGES PAR 'BYUNG BA'I SGRUB PA NI RNAM PA BRGYAD DO, ,NGAG DON NI, NGES 'BYUNG SGRUB PA BRGYAD DU NGES TE, GNAS SKABS DANG MTHAR THUG GI NGES PAR 'BYUNG BA BRGYAD DU NGES PA'I PHYIR, GSUM PA SKABS BSDU BA NI, SHES RAB KYI PHA ROL TU PHYIN PA'I MAN NGAG GI BSTAN BCOS MNGON

PAR RTOGS PA'I RGYAN GYI 'GREL PA DON GSAL BA'I RNAM BSHAD RTOGS PAR DKA' BA'I SNANG BA LAS, SKABS DANG PO'I 'GREL PA'O,, ` ,,GNYIS PA RGYU THUN MONG MIN PA LAM SHES LA, MTSAMS SBYAR, CHOS BCU GCIG BSHAD, SKABS BSDU BA'O, ,DANG PO NI, RNAM MKHYEN GYI 'OG TU LAM SHES 'CHAD DO, ,RNAM PA THAMS CAD MKHYEN PA NYID KYI CHOS BCU RTOGS SHING KHONG DU CHUD PA NI LAM SHES PA NYID YONGS SU SHES PA MED NA MED PAS SO, ,DE'I RGYU MTSAN YANG, RNAM MKHYEN GYI CHOS BCU NI RNAM MKHYEN GYI RGYU 'BRAS GNYIS KA STON PA YIN LA, DE LTA NA'ANG SNGAR NI RGYU BYANG SEMS KYI 'PHAGS LAM GYI KHYAD PAR BCU'I YONGS SBYONG TZAM ZHIG BSTAN KYANG BYANG SEMS KYI 'PHAGS LAM NGO BO LAM GSUM SHES PAR BYED TSUL DANG, MTHONG SGOM LAM GYI RNAM PAR BZHAG PA LAM DE DAG GI LDOG PA'I SGO NAS MA BSTAN PAS, DE'I PHYIR RNAM MKHYEN CHOS BCU LAS, RGYU'I CHAS BYANG SEMS KYI LAM LOGS SU DRANGS TE 'DIR KHYAD PAR DU BSHAD PA YIN NA, ,DE LTAR YANG 'GREL CHEN LAS, MTHONG BA'I LAM DE'I NGES PAR 'BYED PA'I CHA DANG MTHUN PA NI, RNAM PA THAMS CAD MKHYEN PAR BSHAD PA LAS GZUNG BAR BYA'O, ,GAL TE DE LTAR YIN NA, RAB TU DGA' BA LA SOGS PA'I SA RNAMS KYANG, DER SMOS PAS BYANG CHUB SEMS DPA' RNAMS KYI MTHONG BA LA SOGS PA'I LAM BSTAN PA YIN PA'I PHYIR, YANG CI'I PHYIR BSTAN CE NA BRJOD PAR BYA STE, RGYU DANG 'BRAS BU MA LUS PAR THUGS SU CHUD PA LA BLTOS TE, DE BZHIN GSHEGS PA RNAMS KYI RNAM PA THAMS CAD MKHYEN PA NYID BRJOD PA YIN LA, RGYAL BA'I SRAS RNAMS KYI LAM NI DE LAS GSUNGS PA MIN NO, ZHES DOGS PA

, ,BSAL BA'I PHYIR DE NYID LAS RGYU 'BRAS TZAM ZHIG DRANGS NAS BYANG CHUB SEMS DPA' RNAMS KYI MTHONG BA'I LAM BDAG NYID CAN LAM SHES PA NYID DU LOGS SHIG TU BZHAG PA YIN NO, ZHES SOGS SO, ,GZHAN DAG NI LAM SHES MED NA RNAM MKHYEN MI 'THOB PAS LAM SHES 'CHAD CES BSHAD MOD, LAM SHES MED NA MED CES PAR SONG GI LAM SHES YONGS SU SHES PA MED NA MED CES PAR MA SONG LA, 'DIR MKHYEN PA GSUM NI, THOS BSAM GYIS GTAN LA 'BEBS PA'I YUL DU BSTAN PA TZAM YIN PAS, LAM SHES LAS RNAM MKHYEN SKYE BA'I GO RIM LAS, RNAM MKHYEN GYI CHOS BCU KHONG DU CHUD PA, LAM SHES KYI CHOS BCU GCIG KHONG DU CHUD PA LA BLTOS PA'I GO RIM NYID SKABS SU BAB PA YIN NO, ,GNYIS PA CHOS BCU GCIG BSHAD PA LA, LAM SHES KYI YAN LAG DANG, YAN LAG CAN GYI LAM SHES GNYIS, DANG PO LA, RTZA BA NI, LHA RNAMS ZHES SOGS SO, ,'GREL PA LA, LAM SHES SKYE BA'I RTEN, RANG RGYUD KYI SGRIB PA GANG SPONG BA RANG BZHIN, GZHAN JI LTAR RJES SU 'DZIN PA'I BYED PA DANG GSUM, DANG PO LA, DNGOS KYI RTEN DANG, BRGYUD PA'I RTEN GNYIS, DANG PO LA GNYIS LAS, GEGS DANG BRAL BA NI, LAM SHES GSUNGS PA'I TSE DE BZHIN GSHEGS PA'I RANG BZHIN GYI 'OD DAG GIS LHA LA SOGS PA RNAM PAR SMIN PA 'OD MOG MOG POR MDZAD PA NI CHOS CAN, DGOS PA YOD DE, LHA DE DAG LA LAM SHES PA NYID DE MA THAG SKYE BAR RUNG BA NYID DU BSGRUB PA'I PHYIR DANG, NGA RGYAL BCOM PA'I RGYUD KHO NA LA RTOGS PA LAM SHES DNGOS SU SKYE BO ZHES BYA BAR PHYIS KYI GDUL BYAS SHES PAR

BYA BA'I PHYIR DU MDZAD PA'I PHYIR, DE'I PHYIR MDO DE'I TSIG ZUR GYIS LAM SHES DE MA THAG SKYE BA'I RTEN NGA RGYAL BCOM PA ZHIG DGOS BAR BRJOD PA YIN NO, ,GNYIS PA MTHUN RKYEN DANG LDAN PA'I RTEN NI, LAM SHES DE YANG CHOS CAN, SKYE YUL SO SOR NGES PA YIN TE, KHYOD THOB MA THAG PA'I GANG ZAG YIN NA, BYANG CHUB TU SEMS BSKYED PA KHO NA YIN PAS SO, ,GNYIS PA NI, 'DOD CHAGS DANG BRAL BA NYAN RANG DGRA BCOM DANG, DE LAS CIG SHOS KYI RNAL 'BYOR PA 'DOD CHAGS DANG MA BRAL BA'I NYAN RANG SLOB PAS KYANG SANGS RGYAS NYID THOB PAR BYA BA'I PHYIR LAM SHES PA NYID BSKOM PAR BYA BA YIN PAS KHYAB PA YIN NO, ,RIGS CAN GSUM GYI SKYE BO THAMS CAD BLA NA MED PA YANG DAG PAR RDZOGS PA'I BYANG CHUB KYI MTHAR THUG PA CAN YIN PA DE'I PHYIR GAL TE YUL NGES PA DANG ZHES PA'I MDOR, GANG YANG DAG PA'I SKYON MED PA LA ZHUGS PA DE DAG LA NI, BLA MED RDZOGS PA'I BYANG CHUB TU SEMS BSKYED PA'I MTHU MED DE, ZHES SOGS KYIS NYAN RANG DGRA BCOM LAM SHES BSGOM MI SRID PAR BSTAN PA MIN NAM ZHE NA, DE NI DE MA THAG MI SKYE BA'I DBANG DU BYAS PA YIN TE, THEG PA GSUM RNAM PAR BZHAG PA NI DGONGS PA CAN YIN GYI NGES DON MTSAN NYID PA MIN NO ZHES MDO DE NYID KYI LUGS LAS 'BYUNG BA'I PHYIR RO, ,CIG SHOS KYI RNAL 'BYOR PA BYANG SEMS MIN TE, LAM SHES SEMS BSKYED PA LA SKYE BAR BSTAN MA THAG YIN PAS SO, ,PHYI ROL PA LA BYED PA LA 'BREL PA GANG YANG MED DO, ,'DI'I MTHA' DPYAD PA NI, MTHAR THUG THEG PA GCIG TU NGES PA'I RGYU MTSAN CI ZHE NA, SEMS TZAM PA DAG DGONGS GZHI THEG PA GSUM

, ,GYI CHOS DBYINGS RANG BZHIN RNAM DAG TU THA DAD MED PA DANG, LAM BDAG MED RTOGS PA DANG, 'BRAS BU RNAM GROL DU MTSUNGS PA LA SOGS LA DGONGS NAS, DGONGS PA NYAN THOS MA NGES PA THEG CHEN DU DRANGS PA DANG, BYANG SEMS MA NGES PA'I RIGS CAN THEG CHEN DU BZUNG BA'I PHYIR, MTHAR THUG THEG PA GCIG TU GSUNGS PA YIN GYI, NGES DON LA MTHAR THUG GI THEG PA GSUM YIN TE, KHAMS DANG, MOS PA DANG, SGRUB PA DANG, 'BRAS BU RNAMS GSUM DU NGES SHING, DGRA BCOM LHAG MED DU ZHUGS PA SLAR SKYE BA MED PA'I PHYIR, ZHES 'DOD KYANG, 'DIR NI MTHAR THUG GI THEG PA GCIG TU NGES TE, MTHAR THUG PA'I MYANG 'DAS THOB NA 'JIGS PA MED PA'I GNAS THOB DGOS PA LA, NYAN RANG GI MYANG 'DAS THOB KYANG SHES SGRIB KYI 'JIGS PA DANG BCAS PA'I PHYIR RO, ,DES NA SANGS RGYAS MA THOB PAR MYANG 'DAS MTHAR THUG MED PAS MTHAR THUG THEG PA GCIG TU NGES SO, ,DES NA NYAN RANG LHAG MED DU ZHUGS PA'ANG, DAG PA'I ZHING DU PADMA'I SPUBS SU YID KYI RANG BZHIN GYI LUS BLANGS TE ZAG MED KYI TING NGE 'DZIN LAS SANGS RGYAS KYI 'OD ZER GYIS SAD PAR BYAS NAS SLAR THEG CHEN DU 'JUG PAR LANG GSHEGS LAS BSHAD CING, NYAN RANG GI THEG PA GSUNG PA NI, 'KHOR PA'I LAM GYIS DUB PA'I GDUL BYA 'GA' ZHIG RE SHIG DBUGS 'BYUNG BA'I CHED DU YIN NO, ,'O NA NYAN RANG DGRA BCOM THEG CHEN GYI LAM GANG NAS 'JUG CE NA, TSOGS LAM NAS 'JUG DGOS TE, CHOS NYID SGOM PA DANG MNGON SUM DU RTOGS PA DUS MNYAM MI 'ONG BAS MNGON SUM DU RTOGS PA'I GONG

DU CHOS NYID DON SPYI'I TSUL GYIS RTOGS PA'I 'JIG RTEN PA'I SGOM BYUNG 'GRO DGOS SHING, DE NI SBYOR LAM YIN LA, DE'I SNGON DU TSOGS GSOG PA DANG 'BREL PAR BYAS PA'I SGO NAS CHOS NYID THOS BSAM GYIS GTAN LA 'BEBS PA 'GRO DGOS SHING DE NI TSOGS LAM YIN PA'I PHYIR RO, ,'O NA 'KHOR BA'I MTHA' YOD DAM MED CE NA, SHES BYA CHOS CAN, 'KHOR BA ZAD PA'I MTHA' YOD PAR THAL, MYANG 'DAS YIN NA 'KHOR BA ZAD PA'I MTHA' YIN DGOS PA'I PHYIR, GZHAN DU NA MYANG 'DAS THOB KYANG 'KHOR BA MA ZAD PAR 'DOD DGOS PAS 'KHOR BA'I ZAD MTHA' MED DO, ZHES 'DOD PA NI THAR BA LA SKUR BA 'DEBS PA'O, ,GAL TE MYANG 'DAS THOB PA NA MYANG 'DAS THOB PA'I GANG ZAG RANG GI 'KHOR BA ZAD PA YIN GYI, 'KHOR BA TZAM ZAD PA MIN PAS, DE TZAM GYIS 'KHOR BA ZAD PA YOD PAR MI 'GYUR RO ZHE NA, 'O NA SANGS RGYAS PA NA RANG RGYUD KYI SGRIB GNYIS SPANGS PA YIN GYI, SGRIB GNYIS TZAM SPANGS PA MIN PAS, SANGS RGYAS YOD KYANG SGRIB GNYIS SPANGS PA YOD MI DGOS SO, ZHES SMRAS NA LAN CI YOD SOMS SHIG ,DES NA 'KHOR BA'I ZAD MTHA' MED NA NYON MONGS ZAD PA MED DGOS PAS, SGRIB GNYIS MA LUS PAR ZAD PA YOD DO ZHES 'DOD PA DANG, CHOS SHIN TU DNGOS SU 'GAL BA YIN NO, ,DES NA 'KHOR BA ZAD PA YOD DE, NYON MONGS ZAD PA YOD PAS SO, ,'O NA SEMS CAN THAMS CAD 'TSANG RGYA'AM MI RGYA ZHE NA, RGYA STE, SEMS CAN THAMS CAD KYI SEMS RGYUD LA SGRIB GNYIS GLO BUR BA YIN PAS GNYEN PO DANG PHRAD NA 'BRAL RUNG YIN CING, SANGS RGYAS KYI 'PHRIN LAS SEMS CAN THAMS CAD LA 'JUG PA'I

, ,PHYIR RO, ,DE YANG SANGS RGYAS RE RE'I 'PHRIN LAS KYANG SEMS CAN THAMS CAD LA 'JUG DGOS TE, SEMS CAN THAMS CA THUGS RJE'I YUL DU DONG BAS KHYAB PA'I PHYIR DANG, GANG LA SANGS RGYAS KYI THUGS RJE ZHUGS PA LA 'PHRIN LAS 'JUG PAS KHYAB PA'I PHYIR RO, ,GZHAN DU NA SEMS CAN THAMS CAD KYI DON DU SANGS RGYAS THOB PAR BYA'O ZHES THUGS BSKYED PA DANG, DE KHO NA'I PHYIR DU TSOGS GNYIS BSAGS PA THAMS CAD DON MED DU THAL BAR 'GYUR TE, SANGS RGYAS KYANG SEMS CAN THAMS CAD KYI DON BYED MI NUS PA'I PHYIR RO, ,DE LTAR NA SANGS RGYAS RE RE 'ANG SEMS CAN THAMS CAD MYA NGAN LAS MA 'DAS KYI BAR DU MYA NGAN LAS MI 'DA' BAR GSUNGS PA LEGS PAR GNAS PAR 'GYUR RO, ,SEMS CAN THAMS CAD 'TSANG RGYA NA, SEMS CAN THAMS CAD SANGS RGYAS PA'I DUS SRID DGOS LA, DE LTA NA SANGS RGYAS KYI 'PHRIN LAS RGYUN CHAD PA'I GNAS SKABS SRID PAR 'GYUR RO ZHE NA, SEMS CAN THAMS CAD 'TSANG RGYA BA LA, SANGS RGYAS PA'I GNAS SKABS SRID MI DGOS TE, SEMS CAN LA TSAD MED PA'I PHYIR RO, ,GZHAN YANG NYES PA 'DI NI, KHYOD RANG LA YANG MTSUNGS TE, SEMS CAN THAMS CAD 'TSANG RGYA MI RGYA GNYIS SU GRANGS NGES LA, 'TSANG RGYA RGYU RNAMS RGYAS TSAR PA NA SANGS RGYAS KYI 'PHRIN LAS RGYUN CHAD PAR THAL BAS SO, , KHYOD KYIS BRJOD PA 'DI NI KHYAB PA 'GAL BA'ANG YIN TE, SEMS CAN THAMS CAD SANGS RGYAS LA BKOD NA, SANGS RGYAS KYI 'PHRIN LAS RGYUN MA CHAD DGOS PA'I PHYIR TE, GDUL BYA SANGS RGYAS LA BKOD PA SANGS RGYAS KYI 'PHRIN LAS YIN PAS

SO, GZHAN DU NA, DU BA SKYES PA NA, ME'I 'BRAS BU RGYUN CHAD DGOS PAR 'DOD PA DANG, KHYAD PAR CI 'DUG SOMS SHIG ,THOG MA DANG THA MA MED PA STONG PA NYID KYI STONG GZHI CHOS CAN, 'KHOR BA MIN PAR THAL, 'KHOR BA'I MTHA' YOD PA'I PHYIR ZHE NA, DER 'KHOR BA THOG MA DANG MTHA' MA MED PAR GSUNGS PA NI, 'GRO 'ONG BRAL PHYIR RMI LAM LTA BU'I ZHES DANG, DE'I THAD KYI MDO LAS KYANG, SKYE BA SNGA MA NAS 'DIR 'ONGS PA DANG, 'DI NAS PHYI MAR 'GRO BA MED PA'I DON DU GSUNGS LA, DE YANG DON DAM PA'I DBANG DU BYAS KYI GZHAN DU NA SKYE BA SNGA PHYI MED PAR 'GYUR RO, ,DE BAS NA KHO BOS JI SKAD BSHAD PA BZHIN SHES PAR BYA ZHING 'DI DAG LA BRJOD PAR MANG YANG RE SHIG BZHAG GO ,GNYIS PA NI, BYANG CHUB TU SEMS BSKYED PA'I BYANG SEMS NI CHOS CAN, NYON MONGS PA RNAM PA THAMS CAD DU CHED DU GNYER NAS SPONG BA MIN PA CES BYA BA NI RANG BZHIN YIN TE, 'KHOR BA JI SRID PAR SEMS CAN GYI DON BYED PAR BZHUGS PA'I SLOB PA YIN PA NYID KYIS GZHAN DON DU SHES SGRIB SPONG BA DON DU GNYER GYI, RANG DON DU NYON MONGS SPANGS PA TZAM DON DU MI GNYER PA'I PHYIR RO, ,'KHOR BA JI SRID PAR SEMS CAN GYI DON BYED PA NI SANGS RGYAS KYANG YIN PAS, DE LA ZHUGS PAR BSHAD PA TZAM GYIS 'KHOR BAR SKYE BA LEN GA LA DGOS, DE'I PHYIR t'IKA BYED DAG GIS MA 'KHRUL BA BYAS LA 'DIR NYON MONGS MI SPONG BAR BSHAD PA'ANG SKYE BA LEN PA'I RGYUR DGOS NAS MIN TE, DAG SA LA GNAS PAS GZHAN DON DU SKYE BA LEN PA MI SRID PAS KHYAB PAR THAL BA'I PHYIR DANG, SKYE BA LEN NA LAS NYON GYI DBANG GIS LEN PAS KHYAB PAR

, ,THAL BA'I PHYIR RO, ,BYANG SEMS KYIS NYON MONGS GTAN MI SPONG BAR BSHAD PA MIN TE, DE LTA NA SANGS RGYAS LA'ANG NYON MONGS YOD PAR THAL LO, ,NYON MONGS KYI BAG LA NYAL SA BCU PA'I BAR DU MI SPONG BAR BSHAD PA TZAM YANG MIN TE, BAG LA NYAL YIN NA NYON MONGS MIN DGOS PA'I PHYIR TE, DMIGS RNAM MI 'DZIN PAS SHES PA MIN DGOS PA'I PHYIR RO, ,KHA CIG SNYING RJE DANG, SMON LAM DANG, SEMS BSKYED SOGS DGE BA'I RTZA BA DANG MTSUNGS LDAN GYI CHOS SU BLO GROS RGYA MTSO'I MDO LAS GSUNGS PA DE DAG 'DIR MI SPONG BA RGYU'I NYON MONGS SU 'DOD CING, DE YANG NYON MONGS DANG SKYE BA LEN PA'I RGYUR 'DRA BAS NYON MONGS SU BTAGS SO, ZHES ZER BA'ANG MI 'THAD DE, LAM SHES KYIS SEMS BSKYED SOGS SPONG MI SPONG GI DOGS PA BLUN PO GNAG RDZI'I NGOR YANG DPYAD MI DGOS PA'I PHYIR RO, ,DES NA 'DIR NI NYON MONGS TZAM BYANG SEMS KYIS CHED DU GNYER NAS MI SPONG BAR BSTAN PA TZAM YIN NO, ,GSUM PA NI, DE'I 'OG TU DE LTA BU'I RANG BZHIN CAN GYI LAS NI RANG DON DU YANG DAG PA'I MTHA' MNGON DU MI BYED PA DANG, GZHAN DON DU SHES RAB DANG THABS MKHAS PAS SEMS CAN YONGS SU MA BSDUS PA YONGS SU SDUD PA LA SOGS PA YIN PAS DE NYID LAM SHES KYI BYED PA YIN NO, ,NGAG DON NI, DE 'DRA PHYI MA PHYI MA CHOS CAN, LAM SHES SNGA MA SNGA MA'I BYED LAS YIN TE, DE'I 'BRAS BU YIN PA'I PHYIR, GNYIS PA YAN LAG CAN GYI LAM SHES LA, NYAN THOS DANG, RANG RGYAL DANG, BYANG SEMS KYI LAM SHES PA'I LAM SHES GSUM,

DANG PO LA, LAM SHES DNGOS DANG, RGYU NGES 'BYED CHA MTHUN GNYIS, DANG PO LA, SPYI'I DON NI, NYAN THOS KYI LAM SHES PAR BYED TSUL LA, GZHAN DAG GIS 'DOD PA NI, SNGAR BKAG ZIN LA RANG LUGS LA GANG ZAG GI BDAG MED MNGON SUM DU RTOGS PA'I YE SHES NYAN THOS KYI LAM YIN CING, YE SHES DE LA MYONG STOBS KYIS SGRO 'DOGS CHOD PA'I YE SHES NYAN THOS KYI LAM SHES PA'I DON DU BSHAD PA LA, DE'I DON YANG JI LTA BU ZHE NA, SPYIR NYAN THOS DANG RANG SANGS RGYAS KYI LAM NI, BYANG SEMS KYIS YONGS SU SHES PAR BYA BA TZAM GYI LAM DE DANG DE'I 'BRAS BU MNGON DU BYA BA TZAM MIN PAS, GANG ZAG DANG GZUNG BA CHOS KYI BDAG MED RTOGS PA YANG BYANG SEMS KYIS SHES PAR BYA BA'I MNGON RTOGS TZAM YIN GYI, MNGON DU BYA BA'I MNGON RTOGS MIN PA'I PHYIR, MTHONG LAM DU BDAG MED GNYIS MNGON SUM DU RTOGS PAR BYED PA TZAM YIN GYI, SGOM LAM DU RTOGS ZIN SGOM PAR BYED DGOS PA NI MIN NO, ,NYON SGRIB NI, 'DZIN PA BDEN MED RTOGS PA'I YE SHES KYIS SHES SGRIB SPANGS PA'I ZHAR LA SPONG PAS DE'I GNYEN POR SGOM MI DGOS LA, NYAN RANG GI RIGS CAN RJES SU 'DZIN PA NI MTHONG LAM DU SHES PA TZAM GYIS CHOG PA'I PHYIR, DE BAS NA NYAN RANG GI LAM SHES PA'I LAM SHES GNYIS KYANG MTHONG LAM GYIS BSDUS PA YIN PAS, ,DE GNYIS MTHONG LAM KHO NA'I DBANG DU BYAS TE, NGES 'BYED CHA MTHUN DANG 'BREL BAR BSTAN CING, BYANG SEMS KYI LAM SHES PA'I LAM SHES NI MTHONG SGOM SO SOR PHYE NAS BSTAN PA YIN LA, DE YANG SBYOR LAM DU GZHI GANG ZAG GI BDAG MED PA DANG, GANG ZAG

, ,GI BDAG MED RTOGS PA'I YE SHES KYIS GZUNG BA LTAR YANG DON DAM PAR MA GRUB PA'I TSUL THOS BSAM GYIS GTAN LA PHAB PA LTAR BSGOMS PAS MTHONG LAM DU GANG ZAG GI BDAG MED MNGON SUM DU RTOGS PA NA, DE'I 'OG TU RTOGS PA DE'I CHOS NYID LA MNYAM GZHAG TU MNGON SUM DU DMIGS PAS RJES THOB TU MNYAM GZHAG DE'I STOBS KYIS GANG ZAG GI BDAG MED RTOGS PA'I SHES RAB DE SGYU MA LTA BUR DRAN PA'I SGO NAS, DE'I MTSAN NYID JI LTA BA BZHIN DU RTOGS PA'I NGES SHES 'DREN PAR NUS PA YIN LA, DE'I PHYIR MNYAM GZHAG YE SHES DE LA NYAN THOS KYI LAM LA MYONG STOBS KYIS SGRO 'DOGS GCOD PA CES BYA ZHING, TSUL 'DI RANG RGYAL GYI LAM SHES PAR BYED TSUL YANG RIGS BSGRE'O, ,GNYIS PA TSIG DON LA GSUM LAS MTSAMS SBYAR NI, DE LTAR RTEN LA SOGS PA BRJOD NAS LAM SHES PA NYID KYI SKABS SU LAM GSUM PO THAMS CAD SPANGS RTOGS KYI SGO NAS RDZOGS PAR BYA DGOS PAS NYAN THOS KYI LAM SHES 'CHAD DO, ,RTZA BA NI, SHES PAR BYA, GANG DU NA, LAM SHES NYID KYI TSUL LA NI'O, ,GANG NA 'PHAGS PA'I BDEN PA BZHI DAG GI RNAM PA RTOGS PA'I NYAN THOS LAM 'DI LA'O, ,GANG GI SGO NAS NA MI DMIGS PAR RTOGS PA'I SHES RAB KYIS ZIN PA'I SGO NAS NI'O, ,'GREL BA NI SKABS 'DIR, MDO LAS, BDEN BZHI'I RNAM PA NYI SHU RTZA DRUG GSUNGS PA DE LA SDUG BSNGAL BDEN PA'I GO RIM BZHIN DU MI RTAG PA DANG, SDUG BSNGAL BA GNYIS NI RANG MING GIS BSTAN CING, STONG BA'I MTSAN NYID BDAG MED PA CES PA'I MING GZHAN GYI BSHAD LA,

BDAG MED DE DAG GI MTSAN NYID ZHI BA'I RNAM PA CES PA'I MING GZHAN GYIS BSHAD PAS DE LTAR RNAM PA BZHI DAG DANG, GZHUNG 'DI 'GYUR MA DAG PAS, GSER GLING BA'I 'GREL BSHAD DU, STONG PA'I MTSAN NYID BDAG MED PA DANG, DE DAG GI MTSAN NYID ZHI BA'I RNAM PA BZHI DAG DANG, ZHES 'BYUNG BA LTAR RO, ,KUN 'BYUNG BA'I BDEN PA'I RGYU DANG, KUN 'BYUNG BA DANG RAB TU SKYE BA DANG, RKYEN GYI NGO BOR RNAMS NI RIM BZHIN, NAD DANG, 'BRAS DANG, ZUG RNGU DANG, SDIG PA'I RNAM PA CES PA'I MING GZHAN RNAMS KYIS BSTAN TO, ,DE DAG NI SDUG KUN SO SO BA'I RNAM PA YIN CING, DER MA ZAD SDUG BSNGAL DANG, KUN 'BYUNG GI BDEN PA DE DAG NYID SO SO LA YID 'BYUNG BA DANG, 'DOD CHAGS DANG BRAL BAR BYA BA DANG, 'GOG PAR BYA BA'I RNAM PA GSUM GSUM YOD LA; DE DAG NI MDO LAS RIM BZHIN PHA ROL LA SOGS PA'I RNAM PA GNYIS DANG GNYIS DANG GSUM RNAMS KYIS MTSON TE BSTAN PA YIN NO, ,JI LTAR NA SDUG KUN CHOS CAN, MTHONG LAM DU YID 'BYUNG BAR BYA BA'I MTSAN NYID CAN YIN TE, PHYIR RGOL BAS PHA ROL DANG, GNOD BYED YOD PAS 'JIG PA'I CHOS CAN GYI RNAM PA'I NGO BO NYID DAG TU BSGOM PAR BYA BA YIN PA'I PHYIR, DE CHOS CAN, BSGOM LAM THA MAR 'DOD CHAGS DANG BRAL BAR BYA BA DAG GI NGO BO YIN TE, G-YO BA DANG RAB TU 'JIG PA'I RNAM PA DAG TU BSGOM PAR BYA BA YIN PA'I PHYIR, DE CHOS CAN, LHAG MED DU 'GOG PAR BYA BA'I RANG GI NGO BO YIN TE, 'DI PHYI'I GNOD PA'I GNAS SU GYUR PAS 'JIGS PA DANG, SEMS CAN GYI GNOD PAS GLAGS THONG BAS NAD 'GO BA DANG,

, ,SEMS CAN MIN PA'I GNOD PAS GLAGS THOD PAS 'TSE BA'I RNAM PA RNAMS SU YID LA BYA BA YIN PA'I PHYIR, 'O NA PHA ROL SOGS KYIS YID 'BYUNG BA SOGS BSTAN PA YIN KYANG YID 'BYUNG BA SOGS GSUM SDUG KUN GYI RNAM PA YIN PAR GANG LAS BSTAN ZHE NA, SDUG KUN LA YID 'BYUNG BA DANG, 'DOD CHAGS DANG BRAL BAR BYA BA'I DANG, 'GOG PA'I PHYIR ZHUGS PA YIN NO ZHES RNAM GRANGS BSDU BA LAS 'BYUNG BA'I PHYIR RO, ,'DI NI LUNG DON BLANGS BA'O, ,'GOG PA'I BDEN PA'I 'GOG PA'I RANG GI NGO BO BDAG MED PA'I MING GIS DANG, ZHI BA, RANG MING GIS DANG GYA NOM PA'I RNAM PA'I BDAG NYID DBEN PA ZHES PA'I MING GIS DANG, NGES PAR 'BYUNG BA'I MTSAN NYID STONG BA NYID DANG, MTSAN MA MED PA DANG, SMON PA MED PA DANG, MNGON PAR 'DU BYED PA MED PA'I RNAM PA DAG GI MING GIS DANG, LAM GYI BDEN PA'I LAM DANG, RIGS PA DANG, SGRUB PA DANG, NGES PAR 'BYIN PA'I RNAM PA RNAMS RANG GI MING GIS BSTAN TE, DE LTAR MDO LAS BSTAN PA'I BDEN BZHI'I RNAM PA RNAMS RTOGS PA NYAN THOS RNAMS KYI LAM YIN PAR NGO BO NYID MI DMIGS PA'I SHES RAB KYIS ZIN PA'I SGO NAS LAM SHES PA NYID KYI SKABS SU BYANG CHUB SEMS DPAS DE LTAR YONGS SU SHES PAR BYA'O, ,RTZA 'GREL GNYIS KA LA, NGAG DON NI, GANG ZAG GI BDAG MED RTOGS PA'I LAM LA MYONG STOBS KYIS SGRO 'DOGS CHOD PA'I THEG CHEN MTHONG LAM CHOS CAN, NYAN THOS KYI LAM SHES PA'I LAM SHES YIN TE, BDEN BZHI'I RNAM PA BCU DRUG MNGON SUM DU RTOGS PA'I YE SHES LA THABS SHES KHYAD PAR CAN GYIS

ZIN PA'I SGO NAS MYONG STOBS KYIS SGRO 'DOGS CHOD PA'I BYANG SEMS 'PHAGS PA'I YE SHES YIN PA'I PHYIR, GNYIS PA LA GSUM LAS, MTSAMS SBYAR NI, BDEN PA ZHES SOGS SO, ,RTZA BA NI 'PHAGS PA ZHES SOGS SO, ,'GREL PA NI, GZUGS LA SOGS PA PHUNG PO DON DAM PAR, RANG RANG GI NGO BO NYID KYIS STONG PA'I PHYIR STONG PA NYID RNAMS PHAN TSUN THA DAD PA MED PA DANG, GZUGS LA SOGS PA SNGA MA BZHIN DU BDEN PAR MI DMIGS PA DANG, DE BZHIN DU GZUGS LA SOGS PA LA RTAG PA'ANG BDEN PA MIN, MI RTAG PA'ANG BDEN PA MIN ZHES BDEN PAR MI DMIGS PA'I TSUL GYIS GNAS PA BKAG PA DANG, GANG GI PHYIR DE BZHIN GSHEGS PAS BYANG CHUB MNGON PAR RDZOGS PAR SANGS RGYAS NAS BDEN PA'I CHOS RNAMS MA GZIGS PA ZHES BYA BA TSAD MA'I SKYES BU MI DMIGS PA'I GTAN TSIGS KYIS 'THAD PAS SA RAB TU DGA' BA LA SOGS PA LA BDEN PAR MI GNAS PA RGYAS PAR MDO LAS JI SKAD DU BSTAN PA CES BYA BA'I RNAM PA RNAMS GO RIM BZHIN DU BDEN PA BZHI'I DMIGS PA LA DMIGS NAS DES PAR 'BYED PA'I CHA DANG MTHUN PA BZHI SKYE BA YIN NO, ,RTZA 'GREL GNYIS KA LA, NGAG DON NI, SHES BYA CHOS CAN, THEG CHEN MTHONG LAM DU NYAN THOS KYI LAM BDEN PAR MI DMIGS PA'I SGO NAS SHES PA'I RGYU YOD DE, THEG CHEN SBYOR LAM DU BDEN BZHI'I RNAM PA BCU DRUG BDEN MED RTOGS PAS ZIN PAR BYAS TE SGOM PA'I PHYIR, GNYIS PA RANG RGYAL GYI LAM SHES LA, RTEN GANG GI KHYAD PAR DE LA BRTEN PA'I LAM SHES PAR BYED TSUL, LAM SHES DE'I RGYU NGES CHA BSHAD PA'ANG GSUM, DANG PO LA KHYAD CHOS DNGOS DANG, DE LA DOGS PA BCAD PA'O, ,

, ,DANG PO LA GSUM LAS, MTSAMS SBYAR NI, NYAN THOS KYI LAM GYI MJUG THOGS SU RANG SANGS RGYAS KYI LAM BRJOD PAR RIGS MOD KYI NYAN THOS RNAMS LAS RANG RGYAL DE DAG JI LTAR KHYAD PAR DU 'PHAGS NA GANG GIS NA DE DAG GI LAM NYAN THOS KYI LAM LAS GZHAN YIN NO SNYAM PA'I DOGS PA BSU BAR RE SHIG NYAN THOS LAS RANG RGYAL KHYAD ZHUGS PA NYID DU SGRUB PA 'CHAD DO, ,RTZA BA NI, RANG BYUNG ZHES SOGS SO, ,'GREL BA LA, LAM BGROD PA'I KHYAD PAR DANG, CHOS STON PA'I KHYAD PAR GNYIS, DANG PO NI, LUGS LAS NYAN THOS RNAMS NI GZHAN GYIS BSTAN PA LA BLTOS NAS SRID PA THA MA'I TSE RANG GI BYANG CHUB RTOGS PAR 'GYUR LA, GZHAN DAG KYANG BRJOD PA DANG BCAS PAS CHOS BSTAN PAS DE DAG PA LA 'JUG PAR BYED DO ZHES 'BYUNG NGO, ,RANG SANGS RGYAS RNAMS NI SNGON THOS PA LA SOGS PA MNGON PAR 'DUS BYAS PAS SRID PA THA MA'I TSE SLOB DPON GZHAN GYIS BSTAN PA LA MA BLTOS PAR BDAG NYID KYIS RANG GI BYANG CHUB MNGON PAR RTOGS PAR 'GYUR TE DE'I PHYIR RANG RGYAL DE DAG LA SRID PA THA MA'I TSE SANGS RGYAS LA SOGS PAS BSTAN MI DGOS SO ZHES BYA BA NI NYAN THOS LAM LAS LAM BGROD TSUL KHYAD ZHUGS PA NYID GCIG YIN NO, ,'DI RKANG PA DANG PO GNYIS KYI 'GREL BA'O, ,DE BZHIN DU SGRAR BRJOD PA'I CHOS BSTAN PA'I SGO NAS NYAN PA PO RNAMS KYIS 'CHAD PA PO'I SHES PA'I RTZA LA RTOGS PAR BYED PA YIN NA, RANG RGYAL DE DAG NI RANG GIS THOB PA'I YE SHES DANG SMON LAM LA SOGS PA'I MTHUS SGRA MED PA'I CHOS

BSTAN PAS, GZHAN DAG DGE BA BCU LA SOGS PA LA 'JUG PAR BYED DE, DE'I PHYIR DE DAG GI YE SHES KYI RTZAL NYAN PA POS MI RTOGS PA NYID NI KHYAD ZHUGS PA GNYIS PA YIN NO, ZHES PA RKANG PA THA MA GNYIS KYI 'GREL BA'O, ,NGAG DON NI, RANG RGYAL CHOS CAN, LAM BGROD TSUL NYAN THOS LAS KHYAD PAR 'PHAGS TE, SRID PA THA MA'I TSE SLOB DPON GZHAN LA MA BLTOS PAR RANG BYUNG GI YE SHES MNGON DU BYED PA'I PHYIR, CHOS CAN, CHOS STON TSUL NYAN THOS LAS KHYAD PAR 'PHAGS TE, SGRA MED DU CHOS STON PA'I PHYIR, GNYIS PA LA GSUM LAS, MTSAMS SBYAR NI, CHOS STON PA NI NGAG GI LAS YIN PAS YANG JI LTAR SGRA MED PAR CHOS STON SNYAM PA'I DOGS PA BSU PAR, RTZA BA NI GANG GANG SOGS SO, ,'GREL BA NI SHES BYA CHOS CAN, SGRA MED PAR CHOS STON PA CES BYA BA MI 'GAL TE, SGRA MED KYANG DON DE RANG RGYAL GYI YID LA BSAMS PA TZAM GYIS RANG GI GDUL BYA GANG GI DON GANG LA RNAM PA JI LTAR NYAN PAR 'DOD PA DE'I RNAM PAR SHES PA LAS DON DE RNAM PA KHO NA LTAR SNANG BAR 'GYUR BAS SO, ,KHYAB STE CHOS STON PAS ZHES SOGS SO, ,DE LTAR STON NUS PA CI ZHE NA, RNAM PAR BRTAGS RNAM PAR MA DPYAD PAR TSIG TU MI SMRA BAS BRJOD PA NI RNAM PAR G-YENG BA YIN LA, DE YANG RGYUD 'KHRUG PAR BYED PA YIN PAS BYANG CHUB SEMS DPAS 'DI LTAR SANGS RGYAS SU GYUR NAS NANG GI BRJOD PA RNAM RTOG MED PAR CHOS STON PAR GYUR CIG CES SMON LAM BTAB BO, ,DE BAS NA SANGS RGYAS PA'I TSE RTOG PA MED PAR CHOS STON PA DANG, RGYU'I TSUL 'DRA BA'I PHYIR RO, ,JI LTAR

, ,NA; RANG SANGS RGYAS NYID KYI GNAS SKABS NA YANG SNGON SLOB LAM GYI TSE, NGAG GI BRJOD PA MED PAR CHOS STON PAR GYUR CIG CES PA'I SMON LAM DANG LA SOGS PA DE'I RGYUR TSOGS BSAGS SHING YE SHES BSGOMS PA'I MTHUS DE LTAR NUS PA YIN NO, ,'DIR SMON LAM SOGS KYI MTHUS SANGS RGYAS RTOG MED DU CHOS STON NUS PA LTAR RANG SANGS RGYAS KYANG DE'I MTHUS SGRA MED DU CHOS STON NUS ZHES DPE DON SBYAR BA YIN RANG SANGS RGYAS DANG SANGS RGYAS SGRA MED DU CHOS STON PAR 'DRA'O, ZHES SBYOR BA NI MIN TE, GSUNG DBYANGS YAN LAG DRUG CU MI SRID PAR THAL BA'I PHYIR RO, ,RANG SANGS RGYAS SGRA MED DU LUS KYIS CHOS STON CES 'CHAD PA DAG NI BAB COL STE, LUS NGAG GI RNAM PAR RIG BYED LA KUN SLONG DGOS MI DGOS KHYAD PAR MED PAS NGAG GI CHOS BSTAN PAS SHES PA'I RTZAL RTOGS NA LUS KYIS BSTAN PAS KYANG RTOGS PA'I PHYIR RO, ,DES NA RANG SANGS RGYAS KYI YID LA TSIGS SU BCAD PA BSAMS PAS LHA'I DBANG PO'I THE TSOM BSAL BAR MDO LAS GSUNGS PA LTAR RO, ,YID KYIS CHOS STON PA YIN TE, RTZA 'GREL GNYIS KA LA NGAG DON NI, RANG RGYAL CHOS CAN, SGRA MED DU CHOS STON NUS TE, SMON LAM LA SOGS PA'I MTHUS RANG GI YID LA BSAMS PA TZAM GYIS GDUL BYA LA DON DE GO BAR BYED NUS PA'I PHYIR, GNYIS PA LA GSUM LAS, MTSAMS SBYAR NI, DE LTAR ZHES SOGS SO, ,RTZA BA NI, THEG CHEN MTHONG LAM BA'I GZUNG BA BDEN MED DU RTOGS PA'I YE SHES DE CHOS CAN, GZUNG BA PHYI ROL GYI DON, BDEN 'DZIN

GYI RTOG PA SPONG STE, GZUNG BA CHOS KYI BDAG MED PAR RTOGS PAS RAB TU PHYE BA'I SLOB LAM YIN PA'I PHYIR, DE CHOS CAN, 'DZIN PA BDEN 'DZIN RTOG PA KHYOD KYIS MI SPONG STE, KHYOD 'DZIN PA BDEN MED RTOGS PA MIN PA'I PHYIR, DE CHOS CAN, BYANG SEMS KYI CHOS NYID LA BRTEN PA YIN TE, BYANG SEMS 'PHAGS PA'I RGYUD LA YOD PA'I RTOGS PA YIN PA'I PHYIR, DES NA KHYAD PAR GSUM PO DE DANG LDAN PA'I LAM RANG RGYUD LA NYAMS SU MYONG BA NYID KYIS, BSE RU LTA BU'I LAM GZUNG BA BDEN MED RTOGS PA'I YE SHES DE NYID YANG DAG BSDUS PAR BDEN PAR MI DMIGS PA'I SHES RAB KYIS ZIN PA'I SGO NAS SHES PAR BYA'O, ,GANG DAG GI 'DIR LAM SA GANG GI RTEN DANG, CHOS NYID NYID RIGS KYI RTEN BYAS NAS DANG PO RANG SANGS RGYAS DANG, GNYIS PA RANG SANGS RGYAS KYI SEMS KYI CHOS NYID LA BYED PA NI, SKABS 'DI'I RTEN GYI GANG ZAG ,RGYAL SRAS PHYIR MI LDOG LA SOGS PA YIN PAR RGYAL SRAS BDEN LA MKHAS DANG PHYIR MI LDOG PA DANG, ZHES SOGS KYIS BSTAN CING, YUM RGYAS 'BRING BSDUS PA GSUM KA LAS, BYANG SEMS CHEN POR BSHAD PA DANG DNGOS SU 'GAL LO, ,GZHAN DAG SHES BYA RANG RGYAL GYI LAM BYANG SEMS KYI RGYUD KYI GZUNG BA BDEN MED RTOGS PA'I YE SHES LA BZHED PA DANG LAM DE'I RTEN RIGS RANG RGYAL GYI CHOS NYID LA BZHED PA DANG 'GAL LA, KHA CIG SKABS 'DI, RTEN RIGS KYI SEMS KYI CHOS NYID LA BYED PA DANG, SHES BYA RANG RGYAL GYI LAM RANG RGYAL KHO NA'I RGYUD LA YOD PA BYANG SEMS KYIS GZHAN RIG GI SHES PAR 'DOD PA NI DE BAS KYANG NANG 'GAL BA

, ,CHEN PO'O, ,DES NA GZUNG BA BDEN MED RTOGS PA NI RANG RGYAL GYI LAM YIN CING, GZUNG BA BDEN MED RTOGS PA DE BYANG SEMS DANG, RANG RGYAL GNYIS KA'I RGYUD LA YOD LA, BYANG SEMS KYI RGYUD LA YOD PA, BYANG SEMS KYI SEMS KYI CHOS NYID LA BRTEN CING, RANG RGYAL GYI RGYUD LA YOD PA, RANG RGYAL GYI SEMS KYI CHOS NYID LA BRTEN NO, ZHES SHES PAR BYA'O, ,'O NA RANG RGYAL LA THOS BSAM BYA BA'I GZHI NYAN THOS KYI SDE SNOD LAS LOGS PA MED CING, THOS BSAM GYIS JI LTAR GTAN LA PHAB PA LTAR SGOM BYUNG GIS NYAMS SU LEN PA YIN PA LA, NYAN THOS DANG RANG RGYAL LA GZUNG BA BDEN MED RTOGS MA RTOGS KYI KHYAD 'BYUNG BA JI LTAR YIN CE NA, ,GNYIS KAS THEG DMAN GYI SDE SNOD LA THOS BSAM BYED PA 'DRA YANG, THEG DMAN GYI SDE SNOD LAS BDAG MED PHRA RAGS GNYIS BSTAN TE, RAGS PA GANG ZAG GI BDAG MED DANG, PHRA BA GZUNG BA CHOS KYI BDAG MED PA NYAN THOS KYI DBANG PO RTUL BA'I PHYIR, THEG DMAN GYI SDE SNOD LA THOS BSAM BYAS KYANG, BDAG MED RAGS PA TZAM DE DAG GO YI, PHRA BA MI GO LA, RANG RGYAL GYI RIGS CAN DBANG PO RNO BAS BDAG MED PHRA BA'ANG GO BA YIN TE, DPER NA THEG CHEN GYI RIGS CAN THAMS CAD THEG CHEN GYI SDE SNOD LA THOS BSAM BYED PAR 'DRA YANG, GDUL BYA DBANG PO RNO RTUL GNYIS LA, THEG CHEN GYI SDE SNOD NAS GZHAN DBANG BDEN GRUB BKAG MA BKAG GI CHOS KYI BDAG MED PHRA RAGS GNYIS BSTAN PA LA BRTEN NAS, CHOS KYI BDAG

MED GO TSUL GNYIS 'BYUNG BA BZHIN NO, ZHES SHES BAR BYA'O, ,DE LTA MIN PAR THEG DMAN GYI SDE SNOD LAS GANG ZAG GI BDAG MED LAS MA BSHAD KYANG, RANG RGYAL DBANG PO RNO BAS DE LAS BSHAD PA'I RTEN 'BREL YID LA BYAS PA NA, GZUNG MED RTOGS NUS NA, BYUNG SEMS DE LAS KYANG DBANG PO CHES RNO BAS, DE LAS BSHAD PA'I RTEN 'BREL YID LA BYAS PA NA 'DZIN MED RTOGS NUS PAR THAL BA'I PHYIR RO, ,RIGS CAN GSUM GA LA THEG DMAN GYI SDE SNOD GCIG BU BSTAN PAS CHOG PAR THAL LO, ,'GREL BA NI, RANG SANGS KYI LAM SHES PAR BYA'O, ,SUS NA, BYANG CHUB SEMS PAS SO, ,GANG GI CHED DU NA, RANG RGYAL GYI RIGS CAN RJES SU BZUNG BA'I PHYIR DU SHES PAR BYA BA'I RANG DON DU RNAM PA THAMS CAD DU SHES PAR NI MIN NO ZHES BYA BA NI'O, ,JI LTAR NA, RANG SANGS RGYAS KYI LAM LA JI SKAD BSHAD PA'I BDEN PA BSGOM PA KHO NA DANG, DNGOS PO JI LTA BA BZHIN DU RTEN CING 'BREL BAR 'BYUNG BA BSGOMS PAS GZUNG BA DANG 'DZIN PA'I DON GYIS RNAM PAR RTOG PA DAG GO RIM BZHIN DU SPANGS PA DANG MA SPANGS PA DANG, RANG SANGS RGYAS KYI THEG PAS BSDUS PA GZUNG BA BDEN MED RTOGS PA'I LAM DE GANG LA BRTEN PA'I CHOS KYI GZHI'I KHYAD PAR RIGS KYIS NYAN THOS KYI LAM LAS KHYAD PAR DU 'PHAGS PA DANG LDAN PA'I CHOS RTOGS PAR RO, ,RTZA 'GREL GNYIS KA LA NGAG DON NI, GZUNG BA BDEN MED RTOGS PA'I YE SHES LA MYONG STOBS KYI SGRO 'DOGS CHOD PA'I THEG CHEN MTHONG LAM YE SHES CHOS CAN

, ,RANG RGYAL GYI LAM SHES PA'I LAM SHES YIN TE, THABS SHES KHYAD PAR CAN GYIS ZIN PA'I SGO NAS GZUNG BA BDEN MED RTOGS PA'I LAM LA MYONG STOBS KYIS SGRO 'DOGS CHOD PA'I BYANG SEMS 'PHAGS PA'I YE SHES YIN PA'I PHYIR, GSUM PA LA GSUM LAS, MTSAMS SBYAR NI, NGES PAR SOGS SO, ,RTZA BA NI, BTAGS PA'I SOGS SO, ,'GREL BA NI, GZUGS LA SOGS PA'I MING GIS CHOS KYI BRDA LAS BYUNG BA'I BTAGS PA'I CHOS NYID DANG MA 'GAL BAR THA SNYAD DU RAB TU STON PA DANG, GZUGS LA SOGS PA LA DON DAM PAR 'GRIB PA DANG 'PHEL BA MED PA LA SOGS PA'I DON DU SLOB PA DANG, BDEN PA'I NGO BO NYID KYIS STONG PA'I PHYIR GZUGS LA SOGS PA LA NANG DANG, PHYI LA SOGS PA STONG PA NYID KYIS MTSAN MAR YONGS SU MI 'DZIN PA DANG, GZUGS LA SOGS PA LA BDEN PA'I SKYE BA DANG 'GAG PA LA SOGS PA CHAD PA CES BYA BA'I RNAM PA RNAMS KYI GO RIM BZHIN DU BDEN PA BZHI'I DMIGS PA LA DMIGS PAS NGES PAR 'BYED PA'I CHA DANG MTHUN PA BZHI SKYE BA YIN NO, ,NGAG DON NI, NYAN THOS KYI SKABS KYI RIGS BSGRE'O, ,GSUM PA BYANG SEMS KYI LAM SHES LA, SPYI'I MTSAMS SBYAR BA DANG, SO SO'I NGO BO'O, ,DANG PO NI, DMAN MCHOG GI RIM PAS RANG SANGS RGYAS KYI LAM GYI MJUG THOGS SU BYANG CHUB SEMS DPA'I LAM 'CHAD DO, ,GNYIS PA LA MTHONG LAM DANG SGOM LAM GNYIS, DANG PO LA GNYIS KYI SPYI'I DON LA, RTEN DANG BRTEN PA GNYIS, DANG PO LA MTHONG LAM GSAR DU SKYE BA'I LUS RTEN NI, GLING

GSUM GYI SKYES PA DANG BUD MED 'DOD LHA DANG BCAS PA KHO NA'I RTEN LA SKYE YI, KHAMS GONG GI RTEN LA MI SKYE STE, DE DAG GI SO SKYE RNAMS SKYO BA SHAS CHUNG BA'I PHYIR, SEMS RTEN NI, NYAN RANG GI MTHONG LAM BSAM GTAN SA DRUG KHO NA LA BRTEN CING GZUGS MED LA MI BSTEN TE, GZUGS MED KYI SEMS NI LTAG MTHONG SHES CHUNG BA'I PHYIR DANG, GZUGS MED KYI SEMS KYIS 'DOD KHAMS LA MI DMIGS LA, MTHONG LAM KHAMS GSUM KA'I MTHONG SPANGS GI GNYEN PO BYED PA'I PHYIR, 'ON KYANG BYANG SEMS NI THABS MKHAS PAS THEG CHEN MTHONG LAM SA DGU PO GANG YANG RUNG BA'I NGO BOR SKYED NUS PA YIN TE, DE'I PHYIR SA DGU LA NI ZHES PA'I 'GREL BAR, NYI KHRI SNANG BA DANG, 'GREL CHEN GNYIS KA RU, SA DGU KA GNYEN PO'I RTEN DU BSHAD CING, 'DOD PA KHAMS DANG SRID RTZE NA, ,BYANG CHUB LAM GYI YAN LAG SPANGS, CES BSHAD PA NYAN THOS THABS MI MKHAS PA'I DBANG DU BYAS PA YIN PAS, DE DANG 'DI MI 'GAL LO ZHES 'GREL CHEN DU BSHAD DO, ,GANG ZAG GI BDAG MED RTOGS PA'I THEG CHEN MTHONG LAM YIN NA, CHOS KYI BDAG MED RTOGS PA'I THEG CHEN MTHONG LAM YIN PAS KHYAB PAR THAL LO, ,GNYIS PA BRTEN PA MTHONG LAM LA, NGO BO, DBYE BA, RNAM GZHAG GSUM DANG PO NA, THEG CHEN MTHONG LAM GYI MTSAN NYID THEG CHEN CHOS MCHOG CHEN PO'I MJUG THOGS SU SKYES SHING, BDAG MED MNGON SUM DU GSAR DU RTOGS PA'I THEG CHEN GYI BDEN PA MNGON RTOGS, GZHAN DAG THEG CHEN MTHONG LAM TZAM GYI MTSAN NYID DU CHOS NYID

, ,GSAR DU MTHONG PA ZHES PA'I TSIG ZUR DU 'GOD PA MI 'THAD DO, GANG ZAG GI BDAG MED RTOGS PA'I THEG CHEN MTHONG LAM YIN NA, CHOS KYI BDAG MED RTOGS PA'I THEG CHEN MTHONG LAM YIN PAS KHYAB PAR THAL LO, ,'DOD NA, NYAN THOS KYI LAM SHES PA'I LAM SHES YIN NA BYANG SEMS KYI LAM SHES PA'I LAM SHES YIN PAS KHYAB PAR THAL LO, ,KHA CIG CHOS NYID GSAR MTHONG GI YE SHES YIN NA MTHONG LAM YIN PAS KHYAB PAR KHAS BLANGS NAS THEG CHEN SGOM LAM MNYAM GZHAG YE SHES RNAMS RNAL 'BYOR MNGON SUM TSAD MAR KHAS LEN PA DANG, TSAD MA'I MTSAN NYID RANG GI GZHAL BYA LA GSAR DU MI BSLU PA'I SHES PA, ZHES 'DOD PA DAG NI, NANG 'GAL BA'I PHUNG PO CHEN PO SPUNGS PA'O, ,DBYE NA SHES BZOD SKAD CIG BCU DRUG GO DE YANG SDUG BSNGAL LA CHOS BZOD NI, SDUG BSNGAL MTHONG SPANG PA'I BAR CHAD MED LAM MO, ,SDUG BSNGAL LA CHOS SHES NI, DE'I RNAL GROL LAM MO, ,DE GNYIS KA'ANG SDUG BSNGAL GYI CHOS NYID LA DNGOS SU DMIGS PAR KHYAD PAR MED CING, SNGA MAS SDUG BSNGAL MTHONG SPANG SPONG BA DANG, PHYI MAS SDUG BSNGAL GYI CHOS NYID LA, RJES THOB TU NGES SHES 'DREN PA'I BYA BA BYED PA YIN NO, ,SDUG BSNGAL LA RJES BZOD DANG, RJES SHES GNYIS KYANG SDUG BSNGAL GYI CHOS NYID LA DNGOS SU DMIGS PAR KHYAD PAR MED LA, SNGA MAS SHES BZOD SNGA MA GNYIS LA 'PHAGS PA'I CHOS RNAMS KYI RGYUR NGES PA'I NGES SHES RJES THOB TU 'DREN PA'I BYA BA BYED

CING, PHYI MAS RJES BZOD DE NYID LA DMIGS PA'I NGES SHES 'DREN PA'I BYA BA BYED LA, 'DI GNYIS KHYAD PAR LAM YIN NO, ,DES NA 'GREL CHEN LAS, CHOS SHES PA'I BZOD PA DANG, CHOS SHES PAS NI GZUNG PA RTOGS LA, RJES SU SHES PA'I BZOD PA DANG, RJES SU SHES PAS 'DZIN PA RTOGS SO, ,ZHES GSUNGS PA DANG, KUN LAS BTUS SU, SDUG BSNGAL LA RJES SU RTOGS PAR SHES PA GANG ZHE NA, SDUG BSNGAL LA CHOS SHES PA'I MJUG THOGS SU, SDUG BSNGAL LA CHOS SHES PA'I BZOD PA DANG, SDUG BSNGAL LA CHOS SHES PA'I 'DI GNYIS, 'PHAGS PA'I CHOS RNAMS KYI RGYU'O ZHES SO SO RANG LA MNGON SUM DU GYUR PA'I SHES RAB ZHES SOGS GSUNGS PA YANG, KHO BOS BSHAD PA 'DI LTAR YIN LA, DE SKAD BYAS NA, 'GREL CHEN DU CHOS NYID MNGON SUM DU MTHONG BAR KHYAD PAR MED KYANG, RJES THOB TU NGES SHES 'DREN TSUL GYI NUS PA MI 'DRA BA BCU DRUG MNYAM GZHAG TU RIM CAN DU THOB PAS, MTHONG LAM LA SKAD CIG BCU DRUG PHYE BAR BSHAD PA'ANG LEGS PAR GNAS PAR 'GYUR RO, ,DE LTA YIN PAR RJES BZOD RJES SHES KYI GZHAL BYA YIN PAR 'DOD PA LTAR NA, THEG CHEN MTHONG LAM YIN NA, CHOS NYID GSAR RTOGS KHAS MA BLANGS PA DANG DNGOS SU 'GAL ZHING, YE SHES DE DAG DON DAM PAR BDEN PAR THAL BAR 'GYUR RO, ,GANG DAG KUN LAS BTUS SEMS TZAM GYI BSTAN BCOS SU KHAS BLANGS NAS, SEMS TZAM PA CHOS NYID YONGS SU GRUB BA KHO NA MNYAM GZHAG YE SHES KYI DMIGS PAR 'DOD PA LA, DMIGS PA DAG LA

, ,KHYAD PAR DU 'GROR MED PAR THAL BA DBU MA PAS 'PHEN NO ZHES SMRAS NAS, SLAR YANG KUN LAS BTUS KYI LUGS LA, RJES BZOD RJES SHES RNAMS GYIS YE SHES LA DNGOS SU DMIGS PAR 'DOD PA NA 'GAL BA CHEN PO YIN LA, KUN LAS BTUS, DBU MA CHEN PO'I BSTAN BCOS DANG, DE DAG GI LUGS LA THEG CHEN 'PHAGS PA'I MNYAM GZHAG SNANG MED KYIS KHYAB PAR KHAS BLANGS NAS, KUN LAS BTUS KYI LUGS LA RJES BZOD RJES SHES KYI YE SHES LA DNGOS SU DMIGS PAR 'DOD PA DE BAS KYANG DNGOS 'GAL LO, ,KHA CIG KUN LAS BTUS, MDO SDE PA'I GRUB MTHA'I DBANG DU BYAS PAR KHAS BLANGS NAS, KUN LAS BTUS KYI LUGS LA, THEG CHEN MTHONG LAM CHOS NYID LA DMIGS PAR 'DOD PA NI, GRUB MTHA'I RNAM GZHAG MA CHAGS PA'I GTAM YIN NO, ,SHES BZOD BZHI BDEN PA LHAG MA RNAMS LA'ANG RIGS BSGRE'O, ,GSUM PA RNAM GZHAG NI, THEG CHEN MTHONG LAM LA'ANG, GANG ZAG GI BDAG MED RTOGS PA DANG, CHOS KYI BDAG MED RTOGS PA'I MTHONG LAM GNYIS LAS, DANG PO NI, CHOS NYID RTOGS PA'I MTHONG LAM MIN TE, YIN NA DON DAM DPYOD BYED KYI TSAD MAR 'GRO DGOS PA LA, KHO'I RNYED DON GANG ZAG GI BDAG MED KUN RDZOB YIN PA'I PHYIR, GAL TE GANG ZAG GI BDAG MED DON DAM YIN NA, NYAN RANG GIS KYANG CHOS KYI BDAG MED RTOGS PAR THAL LO, ,'O NA, MTHONG LAM DE GNYIS GO RIM JI LTAR SKYEN, SBYOR LAM CHOS MCHOG CHEN PO DANG, SDUG BSNGAL LA CHOS BZOD

BAR MA CHAD DU SKYE DGOS PA'I PHYIR, MNYAM GZHAG TU BDEN BZHI'I CHOS NYID LA DMIGS PA'I YE SHES SKAD CIG BCU DRUG PAR MA CHAD DU SKYES NAS, DE'I RJES SU CHOS CAN BDEN BZHI'I RNAM PA BCU DRUG MNGON SUM DU MTHONG BA'I YE SHES SKYE BA YIN NO, ,'O NA MTHONG LAM SKAD CIG MDU YIN CE NA, 'DI LA 'GREL CHEN DU, 'BRAS BU'I MNGON PAR RTOGS PA SKAD CIG GCIG YIN CING, SO SOR RTOGS PA'I MNGON RTOGS SKAD CIG BCU DRUG YIN PAR 'DOD PA'I LUGS GCIG DANG; SO SOR RTOG PA'I MNGON RTOGS KYANG SKAD CIG GCIG TU 'DOD PA'I LUGS GNYIS BKOD NAS, LUGS THA MA LA, ZHUGS 'BRAS KYI RNAM GZHAG MI RUNG BA'I SKYON BRJOD CIG LUGS DANG PO'I GZHUNG BTZUGS PAR MDZAD DO, ,DE'I DON LA GZHAN DAG NA RE, MTHONG LAM DE 'BRAS BU'I MNGON PAR RTOGS PA LAS SAKD CIG GCIG YIN LA, SO SOR RTOGS PA'I MNGON RTOGS LAS SKAD CIG BCU DRUG YIN NO, ,ZHES 'CHAD PAR BYED DO, ,KYEE MA, SKAD CIG BCU DRUG PO LA BAR CHAD MED LAM DANG, RNAM GROL LAM SOGS KYI KHYAD PAR DU MA BKOD NAS 'GAL BAR KHAS BLANGS BZHIN DU, SLAR YANG MTHONG LAM DE SKAD CIG BCU DRUG YIN PAR, KHAS LEN PA NI CHES NGO MTSAR RO, ,GZHAN YANG MTHONG LAM CHOS CAN, SKAD CIG GCIG KYANG YIN, SKAD CIG DU MA YANG YIN PAR THAL, 'BRAS BU'I MNGON PAR RTOGS PA LA PAR, KHAS LEN PA NI CHOS NGO MTSAR RO, ,GZHAN YANG MTHONG LA CHOS C BCU DRUG YIN PA'I PHYIR, DE BAS NA DON NI 'DI YIN TE 'BRAS BU'I MNGON PAR RTOGS PA CES PA

, ,NI, SBYOR LAM GYI 'BRAS BU BDEN PA MNGON PAR RTOGS PA TZAM LA ZER BA YIN LA, SO SOR RTOGS PA'I MNGON RTOGS ZHES PA NI 'BRAS BU'I MNGON RTOGS DE NYID CHA SO SOR PHYE BA'I MNGON RTOGS LA ZER BA YIN PAS 'BRAS BU'I MNGON RTOGS SKAD CIG GCIG YIN CES PA NI, MTHONG LAM DE SKAD CIG MA GCIG YIN CES PA'O, ,SO SOR RTOGS PA'I MNGON RTOGS SKAD CIG BCU DRUG YIN CES PA NI, MTHONG LAM GYI CHA SHAS SU GYUR PA'I MNGON RTOGS SKAD CIG BCU DRUG YOD, CES PA'O, ,SKAD CIG KYANG RANG GRUB DUS LAS, DUS GNYIS PAR MI SDOD PA LA SKAD CIG PAR BYAS PA'O, ,DES NA MNYAM GZHAG YE SHES DE RANG GRUB DUS LAS GNYIS PAR MI SDOD PA'I SKAD CIG MA GCIG YIN PA DANG, DE LA SKAD CIG BCU DRUG YOD PA MI 'GAL TE, SKAD CIG BCU DRUG PO RDZOGS PAR MA GRUB PAR DU DE NYID RDZOGS PAR MA GRUB CING, BCU DRUG RDZOGS NAS DUS GNYIS PAR MI BSDOD PA'I PHYIR RO, ,DPER NA ZLA BA GCIG RANG RDZOGS PAR GRUB NAS DUS GNYIS PAR MI SDOD PA DANG, KHO'I CHA SHAS ZHAG SUM CU YOD PA MI 'GAL BA BZHIN NO, ,DE LTAR MTHONG LAM LA CHA SHAS SKAD CIG BCU DRUG DBYER RGYU MED NA RGYUN ZHUGS ZHUGS PA DANG, 'BRAS GNAS KYI RTOGS PA SO SOR DBYE MI NUS PAS, ZHUGS 'BRAS KYI RNAM GZHAG MI RUNG BA'I SKYON 'PHEN PAR MDZAD PA YIN TE, DES NA 'BRAS BU'I MNGON RTOGS LAS MTHONG LAM DE SKAD CIG GCIG YIN CING, MTHONG LAM DE SO SOR RTOGS PA'I MNGON RTOGS KYI DBANG DU BYAS NAS, SKAD CIG BCU

DRUG YIN NO, ,ZHES BSHAD PA ZUR TZAM YANG MED CING, 'BRAS BU'I MNGON RTOGS SKAD CIG GCIG DANG, SO SOR RTOGS PA'I MNGON RTOGS SKAD CIG BCU DRUG GO, ZHES BSHAD LA, SKAD CIG GI GRANGS LA GRUB MTHA' GONG 'OG RTZOD PA DAG KYANG SKAD CIG BCU DRUG YOD MED RTZOD PA YIN GYI, MTHONG LAM DE SKAD CIG BCU DRUG YIN MIN RTZOD PA GA LA YIN NO, ,MTHONG LAM DE 'BRAS BU'I MNGON RTOGS SKAD CIG GCIG YIN CING, DE LA SO SOR RTOGS PA'I MNGON RTOGS SKAD CIG BCU DRUG YOD PA LA DGONGS NAS, 'GREL CHEN DU, DGONGS PA 'DI NYID KYIS NA MTHONG LAM PA'I LAM GYI MNGON PAR RTOGS PA SKAD CIG MA GCIG YIN KYANG, SO SOR RTOGS PA'I MNGON RTOGS SKAD CIG BCU DRUG NYID DU BSHAD PA YIN NO, ,ZHES SOGS SO, , DE LTAR SKAD CIG BCU DRUG MNYAM GZHAG TU RIM CAN DU SKYE YANG, RJES THOB TU NGES PA 'DREN PA'I NUS PA BCU DRUG MNYAM GZHAG TU RIMS KYIS 'THOB PA'I SGO NAS YIN CING, SDUG BSNGAL LA CHOS BZOD KYI TSE BDEN PA GZHAN RNAMS KYI CHOS NYID MTHONG YANG, DE DAG LA SGRO 'DOGS SEL BA'I NUS PA MED NA, SO SKYE DANG KHYAD CI YOD CE NA, GANG SEL BA'I NUS PA THOB PA'I SGRO 'DOGS DE'I SA BON SPONG MI SPONG GI KHYAD PA YOD DO, ZHES 'GREL CHEN LAS BSHAD DO, ,BDEN BZHI LA SGRO 'DOGS SEL BA'I NUS PA GO RIM DE LTAR 'THOB PA'ANG, TSOGS LAM DANG, SBYOR LAM DU, NAD NI SHES BYA NAD KYI RGYU NI SPANG BYA LA, BDER GNAS THOB BYA SMAN NI BSTEN PAR BYA BA LTAR, ,SDUG BSNGAL RGYU DANG DE 'GOG PA DANG DE BZHIN LAM, SHES BYA SPANG BYA RIG

, ,BAR BYA ZHING BSTEN PAR BYA, ZHES PA'I GO RIM DANG MTHUN PAR THOS BSAM GYIS GTAN LA PHAB CING BSGOM PA'I STOBS KYIS YIN NO, ,MTHONG LAM GYI RNAM BZHAG PA 'DI DAG KHO BO 'BA' ZHIG GIS 'DI LTAR LEGS PAR BSHAD PA NI MKHAS PA DAG DGA' BA BSKYED PA'I CHED DU'O, ,GNYIS PA NI TSIG GI DON LA SKAD CIG MDOR BSTAN, RNAM PA BRGYAS PAR BSHAD, RNAM PA MA BSTAN PAR 'DOD PA DGAG PA'O, ,DANG PO LA MTSAMS SBYAR NI, RANG SANGS RGYAS ZHES SOGS SO, ,RTZA BA NI, BDEN DANG SOGS SO, ,'GREL BA NI, BYANG CHUB SEMS DPAS BSGOM PAR BYA BA'I LAM NI PHAN YON CHEN PO ZHES MDO LAS BRJOD DO, ,SKABS GANG DU NA, LAM SHES PA NYID KYI SKABS SU'O, ,DE YANG GANG ZHE NA, CHOS SHES PA'I BZOD PA DANG, CHOS SHES PA DANG, RJES SU SHES PA'I BZOD PA DANG, RJES SU SHES PA DANG, SHES PA'I SKAD CIG MA BZHI PO SO SOR BSDUG BSNGAL LA SOGS PA BDEN PA DANG, YUL YUL CAN DU 'BREL BA DBANG DANG LDAN PA TSE 'DI DANG GZHAN PA'I YON TAN DAG DANG LDAN PA'O, ,GNYIS PA LA GSUM LAS, MTSAMS SBYAR NI, DE DAG RNAM PA JI LTA BUR SGOM PAR BYA ZHE NA, RTZA BA NI, DE BZHIN NYID DANG ZHES SOGS SO, ,'GREL BA LA RGYAS PAR BSHAD PA DANG, DON BSDU BA'O, ,DANG PO LA BZHI LAS, SDUG BSNGAL GYI RNAM PA BZHI NI, DON DAM PA'I TSUL NYID KYIS DE BZHIN NYID DANG, SANGS RGYAS DAG LA RTEN DANG BRTEN PA'I DNGOS POR MED PAS DE'I PHYIR, DE DAG PHAN TSUN RNAM GRANGS KYIS GNAS PAR KHAS MI LEN PA DANG, GZUGS LA SOGS PA DON DAM PAR

CHOS KYI DBYINGS KYI NGO BO NYID KYIS CHEN PO NYID DANG, DE BZHIN DU DE DAG DON DAM PAR 'JAL BYED KYI TSAD MA MED PA NYID DANG, SNGA MA BZHIN DU DE DAG TSAD KYIS GUGS DU MED, NAM MKHA' TSAD MED PA BZHIN DU'O, ZHES DE LTAR CHOS RNAMS LA DMIGS NAS SDUG BSNGAL GYI BDEN PA'I RANM PA BZHI PO DE DAG SKYE BA YIN NO, ,GNYI PA KUN 'BYUNG GI BDEN PA BZHI NI, GZUGS LA SOGS PA LA BDEN PA'I NGO BO MED PA NYID KYIS RTAGS PA DANG, TSAD MA'I MTHA' NYID LA SOGS PA MED PA DANG, KUN 'BYUNG LA CHOS KYI SHER PHYIN PA LA GNAS PA NI CHOS KYI DBYINGS KYI NGO BO NYID KYIS GZUGS LA SOGS PA'I RANG BZHIN LA DE BZHIN GSHEGS PA NYID DU NGES PAR 'DZIN PA DANG, DE BZHIN DU SHER PHYIN DE LA GNAS PA NI CHOS THAMS CAD LA BLANGS DANG DOR BA MED PAR BSGOMS PA LA SOGS PA DANG, BDEN PA'I NGO BO NYID MED PAR MOS PA SNGON DU 'GRO BA TSAD MED PA BZHI BSGOM PAR BYA'O, ZHES BYA BA DE LTA BU NI KUN 'BYUNG BDEN PA'I RNAM PA DAG YIN NO, ,GSUM PA 'GOG PA'I RNAM PA NI, GZUGS LA SOGS PA DON DAM PAR GNYUG MA RANG BZHIN KHO NAS STONG PA NYID DANG, CHOS KYI DBYINGS DANG TSAD MED PAR MNYAM PA DGE BA'I RTZA BA RNAMS KYIS 'BRAS BU DE BZHIN GSHEGS PA NYID 'THOB PA DANG, SHER PHYIN PAR GNYEN PO RNAMS RNAM PA THAMS CAD DU BSTAN PA DANG, SHER PHYIN DE NYID KYIS PHYI DANG NANG GI 'TSE BA RAB TU ZHI BA ZHES BYA BA DE LTA BUR CHOS RNAMS LA DMIGS NAS 'GOG PA'I BDEN PA'I RNAM PA BZHI PO DAG SKYE BA YIN NO, ,BZHI BA LAM BDEN KYI RNAM PA BZHI NI, NGO BO NYID MED PAR SGOM PA KHO NAS

, ,GZUGS LA SOGS PA 'DUS BYAS DANG, MA BYAS PA 'DUS MA BYAS LA MNGON PAR ZHEN PA ZHI BA DANG, SHES RAB THABS LA MKHAS PA LA ZHUGS PA LA SANGS RGYAS RNAMS KYIS LHAS BYAS BA DANG, 'BYUNG BA LAS GYUR PA DANG, NANG GI BDAG NYID CAN GYI GNOD PA GSUM LAS RIM BZHIN BSRUNG BA DANG, BSKYAB PA DANG, SBA BA DAG MDZAD PA DANG, SANGS RGYAS NYID MNGON PAR 'DOD PA'I BDAG NYID SROG GCOD PA SPONG BA LA SOGS PA RNAM PA THAMS CAD MKHYEN PA NYID KYI RGYU LA GNAS NAS; DE NYID LA GZHAN DAG 'GOD PA DANG, SBYIN PA LA SOGS PA MI ZAD PAR BYED 'DOD PAS YANG DAG PAR RDZOGS PA'I BYANG CHUB TU BSNGO BA ZHES BYA BA DE LTA BUR CHOS RNAMS LA DMIGS NAS LAM GYI BDEN PA'I RNAM PA BZHI PO DE 'BYUNG BAR 'GYUR BA YIN NO, ,GNYIS PA NI, DE LTA BU RNAM PA NI LAM ZHES PA NYID KYI SKAD CIG MA DAG YIN NO, ,RNAM PA 'DI DAG MNYAM RJES GANG GI RNAM PA YIN CE NA, RJES THOB SOGS SU 'BYUNG BA'I TSE 'DI PHYI'I PHAN YON SOGS DNGOS SU BSTAN PAS MTSON NAS, MNYAM GZHAG SKAD CIG MA BCU DRUG GI CHOS KYI BDAG MED PA'I RNAM PA BSTAN PA YIN CING, DE LTAR MTSON NAS BSTAN PA NI GDUL BYA NYE BA'I BSAM PA LA BLTOS PA'I DGOS PA'I DBANG GIS YIN LA, 'GREL CHEN DU SKYE BAR 'GYUR RO ZHES GSUNGS PA NI, SKAD CIG BCU DRUG SKYE BA NA, RNAM PA 'DI LTA BUS CHOS RNAMS LA DMIGS NAS SKYE BAR 'GYUR RO ZHES PA YIN GYI RNAM PA 'DI DAG GI MJUG TU SKAD CIG MA BCU DRUG SKYE BAR STON PA MIN NO, ,RNAM PA 'DI DAG SBYOR LAM GYI RNAM PAR BZHED PA NI TSIG

LE'UR BYAS PA NYE BAR MTSON PA LHUR LEN PA'I GZHUNG GIS MTHONG LAM GYI RNAM PA'I DON MA BSHAD PAR 'DOD PA DAG GI PHYOGS SU BSTAN PAR 'GYUR RO, ,NGAG DON NI, THEG CHEN MTHONG LAM CHOS CAN, SKAD CIG MA BCU DRUG YOD DE, SDUG BSNGAL LA CHOS BZOD NAS LAM LA RJES SHES KYI BAR DU YOD PA'I PHYIR, GSUM PA LA 'DOD PA BRJOD PA NI, RGYAN GYI 'GREL BYED KHA CIG NI 'DIR, MTHONG LAM MDOR BSTAN GYI TSIG LE'UR BYAS PA'I DON NYE BAR MTSON PA LHUR LEN PA'I RGYAS BSHAD KYI GZHUNG GI RNAM PA'I DON LA BSHAD PAR MTHONG BA'I LAM GYI SKAD CIG PA BCU DRUG GI GRANGS NYE BAR MTSON PA NYI TSE MDZAD PAR ZAD DE, BSHAD PA DANG MA BSHAD PA'I NGES PAR 'BYED PA'I CHA DANG MTHUN PA LA SOGS PA'I DON GYI TSIG LE'UR BYAS PA RNAMS SU'ANG DE BZHIN DU BLTA BAR BYA'O, ZHES ZER RO, ,GNYIS PA DE DGAG PA NI, SENG BZANG SOGS GZHAN DAG NA RE DE LTA NA'ANG GZHUNG DE DAG GIS NI, MNYAM GZHAG TU SBYOR MTHONG SGOM PA'I RIM PA DANG, RJES THOB TU MNGON RTOGS YID LA BYED PA'I RIM PA SOGS MA BSTAN PAR MNGON PAR RTOGS PA'I RIM PA CUNG ZAD KYANG MA BSTAN PAR 'GYUR LA, GZHAN YANG TSIG DON LA'ANG MA ZHUGS TE, DMIGS PA DANG NI RNAM PA DANG, ZHES BYA BA LA SOGS PA TSIGS SU BCAD PA'I DON KYANG JI LTAR DRANG ZHING; THEG CHEN SBYOR LAM NYAN RANG GI SBYOR LAM LAS DMIGS RNAM GYIS KHYAD PAR 'PHAGS PAR BSTAN PA DANG 'GAL BAR 'GYUR RO, ZHES ZER RO, ,GNYIS PA LA, SGOM LAM GYI BYED PA DANG, BYED PA CAN GYI SGOM LAM GNYIS, DANG PO LA GSUM

, ,GYI MTSAMS SBYAR NI, MTHONG BA'I ZHES SOGS SO, ,RTZA BA NI KUN NAS ZHES SOGS SO, ,DE YANG DANG PO BZHI DANG, LNGA PA DANG, DRUG PA RNAMS NI RIM BZHIN, SGOM LAM GYI BYED 'BRAS, RGYU MTHUN GYI 'BRAS BU, BDAG 'BRAS SO; ;'GREL PA NI, RMUGS RGOD SOGS ZHI BAS RNAM PA THAMS CAD DU SEMS LA RANG DBANG NYID DU BYED PA DANG, NGA RGYAL BCOM PAS DGE BA'I BSHES GNYEN LA SOGS PA SKYE BO DAM PA THAMS CAD LA 'DUD PA DANG, DE LTAR PHYI NANG GI MTHUN RKYEN GNYIS DANG LDAN PAS NANG GI NYER 'TSE SGOM SPANG 'DOD CHAGS LA SOGS PA ZIL GYIS GNON PA DANG, PHYI'I NYER 'TSE PHA ROL GYIS BYAS PA'I GNOD PA RJES SU SGRUB PA'I YUL MIN PA NYID DANG, MTHAR THUG GI 'BRAS BU YANG DAG PAR RDZOGS PA'I BYANG CHUB SGRUB PA DANG, GNAS SKABS SU RTEN SGOM LAM PA GNAS PA'I YUL YANG MCHOD PAR BYA BA NYID DU BYED PA STE, DE LTAR BYED PA RNAM PA DRUG YIN NO, ,NGAG DON NI, THEG CHEN SGOM LAM GYI BYED PA CHOS CAN, DRUG YOD DE, SEMS LAS SU RUNG ZHING, THEG CHEN DGE BSHES KYIS 'DZIN PA'I BYED PA GNYIS, PHYI NANG GIS NYER 'TSE ZHI BA'I BYED PA GNYIS, RDZOGS BYANG SGRUB CING RTEN YUL MCHOD RTEN DU BYED PA GNYIS RNAMS SU BYED PA'I PHYIR; GNYIS PA LA DBYE BA BSTAN NAS, MTSAMS SBYAR BA DANG, SO SO'I NGO BO 'O, ,DANG PO NI, BYED PA'I 'OG TU SOGS SO, ,GNYIS PA LA ZAG BCAS SGOM LAM DANG, ZAG MED SGOM LAM GNYIS, DANG PO LA DBYE BA BSTAN PAS,

MTSAMS SBYAR BA DANG, SO SO'I NGO BO, ,BYED LAS KYI DON BSDU BA'O, ,DANG PO NI, GNYIS YOD PA DE'I PHYIR DANG PO NI SGOM PA'I LAM ZAG PA DANG BCAS PA 'CHAD CING, DE LA'ANG MOS PA DANG BSNGO BA DANG, RJES SU YI RANG BA YID LA BYED PA CES BYA BA RNAM PA GSUM YOD DO, ,DE LA MOS PA'I NGO BO NI, MNYAM GZHAG TU CHOS NYID MNGON SUM DU MTHONG BA'I STOBS KYIS, RJES THOB TU YUM LA YON TAN JI LTAR YOD PA LTAR NGES PA YID CHES PA'I DANG PO'O, ,DE YANG YUM LA DON GSUM SGRUB PA'I NUS PA YOD PA LAS, YUM GYIS RANG DON SGRUB NUS PA'I CHA LA MOS BCUNG ZAD LHAG PA'I SGOM LAM NI, RANG DON MOS PA CES BYA LA MA DAG SA BDUN GYI SGOM LAM RJES THOB NA YOD DE, SA DE DAG TU GANG ZAG GI BDAG 'DZIN LHAG MA MED PAR MA SPANGS PA'O, ,YUM GYI RANG DON SGRUB PA DANG, GZHAN DON SGRUB PA'I NUS PA GNYIS KA LA CHA MNYAM DU MOS PA LHAG PA NI GNYIS DON MOS PA YIN CING, SA BRGYAD PA DANG DGU PA'I RJES THOB NA YOD DE, NYON YID SPANGS PAS BDAG GZHAN MNYAM NYID DU RTOGS PA'I PHYIR RO, ,YUM GYIS GZHAN DON SGRUB PA'I NUS PA LA LHAG PAR YID CHES PA'I MOS PA NI GZHAN DON MOS PA STE, SA BCU PA'I RJES THOB NA YOD DE, SKABS DER GZHAN DON SANGS RGYAS DANG CHA 'DRA BA'I PHYIR, SGOM LAM BSNGO BA'I MTSAN NYID, MOS PA SOGS LAS BYUNG BA'I DGE RTZA RDZOGS PA'I BYANG CHUB KYI RGYUR BSGYUR BAR BYED PA'I 'DUN PA MTSUNGS LDAN DANG BCAS PA THEG CHEN SGOM LAM GYIS BSDUS PA'O, ,SGOM

, ,LAM RJES SU YI RANG NI, RANG GZHAN GYI DGE RTZA LA DGA' BA'I RNAM PA CAN DANG BA'I NGO BOR GYUR PA'I THEG CHEN SGOM LAM, KHA CIG MOS BSNGO YI RANG GSUM PO 'DI SGRA DON 'DZIN PA'I RTOG PA MIN NO, ZHES SMRA BA BAB COL TE, SGOM LAM BSNGO BA YID LA BYED PAS, BSNGO SA MA 'ONGS PA NA 'THOB 'GYUR GYI RDZOGS PA'I SANGS RGYAS DANG, BSNGO BYA RANG GZHAN GYIS BSAGS PA'I DUS GSUM GYI DGE RTZA THAMS CAD MNGON SUM DU MTHONG NGAM, DON SPYI'I TSUL DU DMIGS, DANG PO LTAR NA KUN RDZOB TU THAL LO, ,GNYIS PA LTAR NA SGRA DON 'DZIN PA'I RTOG PA MIN PA NYAMS SO, ,'DIS RJES SU YI RANG LA'ANG MTSUNGS SHING, MOS PA YUM GYI YON TAN JI LTAR YOD PA LTAR, NGES PA'I NGES SHES SU BSHAD PAR GSAL LO, ,'O NA 'DI DAG ZAG BCAS SU BSHAD PA ZAG PA GANG GANG GI DBANG DU BYAS PA YIN ZHE NA, SHES SGRIB KYI ZAG BCAS YIN CING, DE YANG THEG CHEN SGOM LAM YIN PAS BDEN PAR 'DZIN PA'I 'DZIN STANGS MED CING, SHES SGRIB MIN LA, ZHEN YUL LAM 'KHRUL PA YIN KYANG, BDEN 'DZIN GYI BAG LA NYAL MA SPANGS PA'I RGYUD GYI RTOG PA YIN PAS RANG YUL DE BDEN PAR GRUB PA LTA BUR SNANG BA'I BDEN SNANG YOD CING, DE'I PHYIR SNANG YUL LA 'KHRUL BA YIN LA, BDEN SNANG DE YANG SHES SGRIB KYI SA BON LAS BYUNG BA YIN PAS, SHES SGRIB KYI ZAG BCAS SU 'GYUR BA YIN NO, ,'O NA SHES SGRIB KYI SA BON LAS BYUNG NA, SHES SGRIB TU MI 'GYUR RAM ZHE NA, 'O NA NYON MONGS RNAMS KYANG SHES SGRIB TU THAL LO, ,'DI DAG LA KHA CIG GIS LOG PAR

BSHAD CING, GZHAN DAG YID BRTAN MA RNYED PAR SGYU THABS KYIS DOR BAR SNANG NGO, ,GNYIS PA SO SO'I NGO BO LA GSUM LAS, MOS PA LA DNGOS DANG, PHAN YON GNYIS, DANG PO LA GSUM LAS, MTSAMS SBYAR NI, GSUM PO RNAMS KYI NANG NAS SGOM PA'I LAM DANG PO MOS PA YID LA BYED PA ZHES BYA BA 'CHAD DO, ,RTZA BA NI, MOS PA ZHES SOGS SO, ,LUS DANG, YAN LAG DANG, NYING LAG GI DBYE BA'I DBANG DU BYAS PA'O, ,'GREL BA'ANG DE LTAR GSUM LAS, RTZA BA'I DBYE BA NI, ZAG BCAS SGOM LAM LA GSUM YOD PAR MA ZAD, MOS PA'I NGO BO YANG RNAM PA GSUM MO, ,GSUM PO GANG ZHE NA, YUM GYIS RANG DANG, GNYIS KA DANG, GZHAN GYI DON SGRUB PA'I NUS PA GSUM LA RIM BZHIN DMIGS PA NYID DANG, RANG DON DANG, GNYIS DON DANG, GZHAN DON MOS PA GSUM MO, ,'O NA TSOGS LAM SOGS SU YUM LA YON TAN JI LTAR YOD PA LTAR MOS PA DE DAG KYANG 'DIR GZUNG NGAM ZHE NA, 'DI NI RJES THOB TU JI LTAR MOS PA BZHIN MNYAM GZHAG TU CHOS NYID MNGON SUM DU MTHONG BA'I DGE BA'I CHOS KYI RTEN NAM, 'BRAS BUR GYUR BA SGOM PA'I LAM GYI DBANG DU BYAS PA YIN PAS DANG POR TSOGS LAM SOGS SU MNGON DU MI BYED DO, ,NGAG DON NI, THEG CHEN SGOM LAM MOS PA CHOS CAN, GSUM DU YOD DE, MNYAM GZHAG TU CHOS NYID MTHONG BA'I STOBS KYIS YUM GYI DON GSUM SGRUB PA'I NUS PA LA RIM BZHIN LHAG PAR MOS PA'I RANG NYID MOS PA SOGS GSUM YOD PA'I PHYIR, GZHUNG 'DI NA YANG CES PA 'GYUR MA DAG PA STE, 'GREL CHEN LAS, JI LTAR MOS PA BZHIN MTHONG BA'I DGE

, ,BA'I CHOS KYI RTAN CAN BSGOM PA'I LAM GYI DBANG DU BYAS PA YIN PAS, ZHES PA LTAR BSHAD DO, YAN LAG GI DBYE BA NI, DE DAG KYANG ZHES SOGS DANG, NYID LAG GI DBYE BA NI, DE YANG SO SOR ZHES SOGS TE, NGAG DON DBYE SBYOR RO, ,DE DAG GI DON BSDU BA NI, DE LTAR NA, SOGS SO, ,GNYIS PA MOS PA'I PHAN YON LA, MTSAMS SBYAR NI, DE SGOM PA'I ZHES SOGS SO, ,RTZA BA NI, SHES RAB CES SOGS SO, ,'GREL BA NI, RJES THOB TU YUM DON GSUM GYI 'BYUNG GNAG SU JI LTAR MOS PA BZHIN MNYAM GZHAG TU MTHONG BA'I CHOS KYI MTSAN NYID SHER PHYIN PA LA ZHUGS PA'I MOS PA YID LA BYED PA DANG POR RANG DON MOS PA'I GNAS SKABS DGU DAG TU SO SOR BSTOD PA RNAM PA DGU GO RIM BZHIN DU SNGA MA LAS PHYI MA GONG NAS GONG DU MNGON PAR DGA' BAR BYED CING BSTOD PAR 'DOD, DE BZHIN DU GNYIS PA GNYIS DON MOS PA DANG GSUM PA GZHAN DON MOS PA'I GNAS SKABS DGU DAG TU SO SOR BKUR PA DANG BSNGAGS PA RNAM PA DGU DGUS GO RIM BZHIN DU GONG NAS GONG DU MNGON PAR DGA' BAR BYED CING BKUR PA DANG BSNGAGS PAR 'DOD DE, DES NA BSTOD PA LA SOGS PA 'DI DAG NI SANGS RGYAS KYIS MOS PA SGOM PA'I BYANG SEMS KYI YON TAN GYI DON YANG DAG PA JI LTA BA BZHIN RTEGS NAS YON TAN JI LTAR YOD PA BZHIN BRJOD PA'I MTSAN NYID CAN YIN GYI YON TAN YOD PA DANG MI 'TSAMS PAR BRJOD PA'I GCAM BU'AM NGO BSTOD KYI NGO BO NYID NI MIN NO, ,RTZA 'GREL LA, NGAG DON NI, SHES BYA CHOS

CAN; SGOM LAM MOS PA PHAN YON CHEN PO DANG BCAS PA YIN TE, DE'I STOBS KYIS DE SGOMS PA'I BYANG SEMS SGOM LAM PA LA SANGS RGYAS THUGS RANG SA PA'I BSTOD BKUR BSNGAGS GSUM MDZAD PA 'THOB PA'I PHYIR, GNYIS PA BSNGO BA LA MTSAMS SBYAR NI, DE LTAR MOS PA LAS DE BYANG CHUB KYI YAN LAG TU BSGYUR PA'I BSNGO BA 'BYUNG BAS GNYIS PA BSNGO BA YID LA BYED PA 'CHAD DO, ,RTZA BA NI, YONGS SU CES PA RKANG PA GNYIS KYIS BSNGO BA'I NGO BO STON CING, KHAMS GSUM RTOGS PA MA YIN DANG, ZHES PA'I BAR RNAMS KYIS BSNGO BA'I KHYAD CHOS STON LA, LHAG MAS BSNGO BA'I DBYE BA STON NO, ,DE YANG DE NI ZHES PA RKANG PA GCIG GIS BSNGO BYA'I RDZAS LA, MNGON ZHEN 'GOG PA DANG, DE NAS GCIG GIS BSNGO BYED KYI SEMS LAS NGON ZHEN 'GOG PA DANG, DPEN PA DANG ZHES PAS, BSNGO BA PO GANG ZAG LA MNGON ZHEN 'GOG PA DANG, SANGS RGYAS BSOD RNAMS TSOGS, ,RANG BZHIN DRAN PA'I SPYOD YUL CAN, ZHES PAS BSNGO RGYU'I DGE RTZA LA RTEN GYI NGOS NAS BZANG NGAN DU BDEN ZHEN 'GOG PA DANG, THABS BCAS CES PAS DGE RTZA PHYIN DRUG LA NGO BO'I SGO NAS BZANG NGAN DU BDEN ZHEN 'GOG PA DANG MTSAN MA MED PA DANG, ZHES PAS BSNGO BYED SOGS DE DAG THAMS CAD LA BDEN MED DU BDEN PAR ZHEN PA 'GOG PA DANG, SANGS RGYAS RJES SU YI RANG DANG, ZHES PA JI LTAR BSNGO BA'I TSUL 'KHOR GSUM MI DMIGS PAR BSNGO BA DANG, KHAMS GSUM RTOGS PA MA YIN DANG ZHES PAS BSNGO BA KHAMS GSUM DU MI BSNGO BAR RDZOGS BYANG DU BSNGO BAR BSTAN NO

, ,'GREL BA NI BSNGO BA PO THEG PA GSUM GYIS GDUL BAR BYA BA'I SEMS CAN LA LAM GSUM NYE BAR STON PA'I RGYU'I NGO BO'I BYED PA DANG SDOM PA BYANG SEMS KYIS CHED DU BYA BA SEMS CAN THAMS CAD KYI DON GYI DGOS PA MI ZAD PAR BYA BA'I PHYIR, BSNGO SA YANG DAG PAR RDZOGS PA'I BYANG CHUB TU BSNGO BA'I TSUL RNAM PA BCU GNYIS BYED DO, ,BCU GNYIS GANG ZHE NA, MING DON GO RIM SBYAR NAS BSHAD PA NI, JI SKAD BSHAD PA'I MOS PA'I DGE BA BYAN CHUB TU BSNGO BAS NYAN RANG LAS KHYAD PAR CAN ZHES DE LTAR MDO LAS MING DU BTAGS PA'I BSNGO BA YID LA BYED PA NI BLA NA MED PA'I BYANG CHUB MI DMIGS PA LA DMIGS PA'I BSNGO BA'O, ,MI DMIGS PA'I BSNGO BA ZHES DE LTAR MING DU BTAGS PA YID LA BYED PA NA BSNGO BYA TSUL KHRIMS LA SOGS PA'I PHUNG PO BDEN PAR MI DMIGS PA LA DMIGS PA'O, ,PHYIN CI MA LOG PA NI SNGO BAR BYED PA'I SEMS DANG, DBEN PA NI BSNGO BA PO'I GANG ZAG BDAG LA SOGS PA DANG LDAN PA'I DNGOS PO DANG DE'I DGE BA'I RTZA BA'I TSOGS KYI RANG BZHIN DRAN PA'I BSNGO BA NI DUS GSUM GYI SANGS RGYAS KYI DGE BA DANG, BYANG SEMS RANG GI DGE BA BZANG NGAN DU DON DAM PAR MI DMIGS PA LA DMIGS PA'I BSNGO BA'O, , THABS LA MKHAS PA DANG BCAS PA'I BSNGO BA YID BYED NI, SBYIN PA LA SOGS PA DRUG LA BZANG NGAN GYI KHYAD PAR DON DAM PAR MI DMIGS PA LA DMIGS PA'I BSNGO BA'O, ,MTSAN MA MED CES PA'I MING DU BTAGS PA'I BSNGO BA YID

BYED NI, BSNGO BYA SOGS DE DAG THAMS CAD BDEN MED DU BDEN PA'I MTSAN MA MI DMIGS PA LA DMIGS PA'I BSNGO BA'O, ,SANGS RGYAS KYIS GNANG BA'I MING CAN NI 'KHOR GSUM GYI LAM THAMS CAD BDEN PAR MI DMIGS PA LA DMIGS PA'I BSNGO BA'O, ,BSNGO SA KHAMS GSUM PAR MA GTOGS PA'I MING CAN NI, 'DOD PA LA SOGS PA'I KHAMS BDEN PAR MI DMIGS PA LA DMIGS PA'O, ,BSOD NAMS CHEN PO 'BYUNG BAR CHUNG NGU ZHES DE LTAR MING DU BTAGS PA'I BSNGO BA NI GDUL BYA DGE BA BCU LA SOGS PA'I LAS KYI LAM LA BKOD PA'I DGE BA BDEN PAR MI DMIGS PA LA DMIGS NAS BSNGO BA'O, ,BSOD NAMS CHEN PO 'BYUNG BA 'BRING GI MING CAN NI GDUL BYA RGYUN DU ZHUGS PA LA SOGS PA LA BKOD PA'I DGE BA MI DMIGS PA LA DMIGS NAS BSNGO BA'O, ,BSOD NAMS CHEN PO 'BYUNG BA CHEN PO ZHES BYA BA DE LTAR MING DU BTAGS PA'I BSNGO BA YID LA BYED PA NI GDUL BYA BLA NA MED PA'I BYANG CHUB LA GNAS PAR BYAS PA'I DGE BA RNAMS BDEN PAR MI DMIGS PA LA DMIGS NAS BSNGO BA'O, ,RTZA 'GREL LA NGAG DON NI, BYANG SEMS KYIS YUM LA MOS PA SGOM PA SOGS KYI DGE RTZA RDZOGS BYANG DU BSNGOS PA'I BSNGO BA CHOS CAN, TSUL BCU GNYIS YOD DE, BSNGO BA'I RANG BZHIN DANG, KHYAD CHOS BRGYAD DANG; DBYE BA GSUM RNAMS SU YOD PA'I PHYIR, GSUM PA RJES SU YI RANG LA GSUM LAS MTSAMS SBYAR NI, DE LTAR SOGS SO, ,RTZA BA NI, THABS DANG SOGS TE DANG POS RANG TSUL, ,GNYIS PA LA RANG YUL, THA MA GNYIS KYIS NGO BO BSTAN NO, ,'GREL PA

, ,NI KUN RDZOB TU THABS KYIS DGE RTZA RNAMS DMIGS NAS DON DAM PAR MI DMIGS PA NYID KYIS RANG GZHAN GYI DGE BA'I RTZA BA RNAMS LA RAB TU DGA' BA'I SEMS KYIS RJES SU YI RANG BAR BYA BA DAG YIN NO, ,NGAG DON NI, SA GNYIS PA'I SGOM LAM RJES SU YI RANG CHOS CAN, SGOM LAM RJES SU YI RANG YIN TE, RANG GZHAN GYI DGE BA LA THABS SHES KHYAD PAR CAN GYI SGO NAS DGA' BA SGOM PA'I SGOM LAM YIN PA'I PHYIR, GSUM PA NI, GSUM YOD PA DE LA MOS PA YID LA BYED PAS NI 'BYUNG KHUNGS DAG NAS GSER GYI GAR BU BZHIN DU BSOD NAMS GSAR PA MNGON PAR 'DU BYED DO, ,BSNGO BA YID LA BYED PAS NI BSOD NAMS DE GSER MGAR GYIS GSER SBRAM RGYAN DU BSGYUR BA BZHIN DU YANG DAG PAR RDZOGS PA'I BYANG CHUB KYI YAN LAG TU BYED DO, ,RJES SU YI RANG BA YID LA BYED PAS NI RANG DANG GZHAN GYI BSOD NAMS BYA BA MNYAM PA NYID 'THOB CING GZHAN GYI DGE BA 'DUS BYAS DANG, DE LA RJES SU YI RANG BA BSOD NAMS MNYAM ZHES BYA BA STE, DE YANG SA THOB PA'I DBANG DU BYAS PA'O, ,GNYIS PA ZAG MED SGOM LAM LA, DBYE BA'I SGO NAS MTSAMS SBYAR, SO SO'O NGO BO RGYUS PAR BSHAD PA'O, ,DANG PO NI, ZAG PA DANG BCAS PA'I 'OG TU ZAG PA MED PA'I SGOM PA'I LAM STE, DE YANG SGRUB PA SGOM LAM DANG, RNAM DAG SGOM LAM RNAM PA GNYIS SO, ,'DI GNYIS KYI KHYAD PAR KHA CIG RTOGS PA DANG, SPANGS PA'O, ZHES SMRA BA MI 'THAD DE, SPANGS PA NI 'GOG BDEN YIN PAS, SGOM LAM DU MI 'THAD PA'I PHYIR RO, DES NA BAR

CHAD MED LAM DANG, RNAM GROL LAM YIN PAR SHES PAR BYA'O, ,GNYIS PA LA GNYIS LAS, SGRUB PA SGOM LAM LA MTSAMS SBYAR NI, GNYIS YOD PA DE'I PHYIR DANG PO YON TAN MNGON PAR SGRUB PA'I MTSAN NYID KYI SGOM PA'I LAM 'CHAD DO, ,RTZA BA NI, DE YI NGO ZHES SOGS SO, ,'GREL PA NI, ZAG MED SGOM LAM GYI NGO BO NI GZUGS LA SOGS PA PHYIN CI MA LOG PAR MTHONG BA'I SHES RAB NYID DO, ,DE MA ZIN PA'I PHAR PHYIN GZHAN GYIS SANGS RGYAS MI 'THOB PA'I MCHOG NYID DO, ,CHOS THAMS CAD KYI KHYAD PAR SKYE BA MED PAR RTOGS PAR SBYOR BA NI KUN LA BDEN PAR MNGON PAR 'DU MI BYED PA SGOM LAM GYI RNAM PA'O, ,GNAS SKABS SU DE LTA BU'I NGO BO NYID LA SOGS PA DANG LDAN PA'I LAM CHOS RNAMS MI DMIGS PA NYID DU RTOGS PA GONG MA GONG MA RIM BZHIN RNAL 'BYOR BA'I RGYUD LA BSKYED PA NI GTOD PAR BYED PA'O, ,MTHAR THUG DON CHEN PO SANGS RGYAS NYID DU BYED PA'I PHYIR DON CHEN PO NYID DO, ,NGAG DON NI, SA GNYIS PA'I BAR CHAD MED LAM CHOS CAN, SGRUB PA SGOM LAM YIN TE, SBYIN SOGS LAS KHYAD PAR 'PHAGS PA CHOS THAMS CAD BDEN MED DU MNGON SUM DU MTHONG BA'I SHES RAB KYI NGO BOR GYUR BAS GNAS SKABS DANG MTHAR THUG GI YON TAN KHYAD PAR BSKYED PA'I SGOM LAM BAR CHAD MED LAM YIN PA'I PHYIR, GNYIS PA LA RGYU DANG, RANG BZHIN GNYIS, DANG PO LA MTSAMS SBYAR NI, DE'I 'OG TU SOGS SO, ,RTZA BA NI SANGS RGYAS SOGS TE, DANG PO GSUM GYIS MTHUN RKYEN DANG, LHAG MAS 'GAL RKYEN BSTAN NO, ,'GREL BA LA GNYIS LAS, MTHUN RKYEN

, ,NI, SANGS RGYAS LA SOGS PA MNYES PAR BYED PA DANG, SBYIN PA LA SOGS PA'I PHA ROL TU PHYIN PA RDZOGS PAR BYED PA DANG, ZHI GNAS LA MKHAS PA ZHES BYA BA NI, LHAG MTHONG GI NGO BO RNAM DAG SGOM LAM SKYE BA'I RGYU DAG YIN NO, ,'GAL RKYEN NI, NANG GI RIGS DMAN PAS CHOS ZAB MO LA MA MOS PA DANG, DBANG PO DMAN PAS DNGOS POR 'DZIN PA DANG, PHYI'I RKYEN BDUD KYIS GNOD PA BYAS PA DANG, MI DGE BA'I GROGS PO DANG 'GROGS PA ZHES BYA BA NI SGOM LAM MI SKYE BA'I RGYU DAG YIN NO, ,NGAG DON NI, RNAM DAG SGOM LAM CHOS CAN, KHYOD PHYI NANG GI MTHUN RKYON JI SKAD BSHAD PA TSANGS SHING, PHYI NANG GI 'GAL RKYEN JI SKAD BSHAD PA DE DAG DANG BRAL PA LAS SKYE DGOS TE, SHES SGRIB KYI ZAG PA MED PA'I LHAG MTHONG GI YE SHES YIN PA'I PHYIR, GNYIS PA LA, SPYIR BSTAN PA DANG, BYE BRAG TU BSTAN PA GNYIS, DANG PO LA MTSAMS SBYAR NI, DE LTAR 'THOB PA DANG MI 'THOB PA'I RGYU DAG DANG, DE NAS SKABS SU BAB PA RNAM PAR DAG PA'I 'PHAGS PA SO SO'I KHYAD PAR MA PHYE PAR SPYIR 'CHAD DO, ,RTZA BA NI, 'BRAS BU SOGS SO, ,'GREL PA NI, 'DIR GANG DAG YUL CAN RNAM GROL LAM DRI MAS DAG PA NA, DE'I YUL GZUGS SOGS KYANG DRI MA DE DAG CES 'CHAD PA MI 'THAD DE, DE LTAR NA SANGS RGYAS KYI YE SHES DRI MAS DAG PA NA, CHOS THAMS CAD DRI MAS DAG DGOS PAS DRI MA SHES BYA LA MI SRID PAR 'GYUR RO, ,KHA CIG PHYOGS DE LA DGAG PA DA LTAR BRJOD NAS, RANG LUGS 'JOG PA NA DES NA RGYU BAR CHAD MED LAM GYIS BSAL BA'I DRI

MA DE NYID KYIS DE'I YUL GZUGS SOGS KYANG RNAM PAR DAG PAS NA, 'BRAS BU RNAM PAR DAG PAS GZUGS RNAM PAR DAG PAR BRJOD KYI, SPYIR YUL CAN DAG PAS YUL DAG CES BRJOD PA NI MIN NO, ZHES SMRA BA NI, DE MA THAG TU BAR MA CHAD PAR NANG 'GAL DNGOS SU SMRA BA STE, RNAM MKHYEN SKAD CIG DANG PO'I RGYU BAR CHAD MED LAM GYIS BSAL BA'I DRI MA DES RNAM MKHYEN DE'I YUL GZUGS SOGS KYANG DAG PAR THAL LO, ,'DOD NA SANGS RGYAS KYI YE SHES DRI MAS DAG NA, CHOS THAMS CAD DRI MAS NGAG MI DGOS PA NYAMS SO, ,BAR CHAD MED LAM DRI MAS DAG PA NA DRI MA DE NYID KYIS, DE'I YUL SOGS KYANG DAG DGOS PA DANG, YUL CAN DAG PAS YUL DAG MI DGOS PA 'ANG RANG TSIG 'GAL BA YIN NO, ,DES NA 'DI'I GZUGS SOGS ZHES PA NI, YUL TZAM LA ZER BA MIN GYI, RNAM GROL LAM SKYES PA'I GANG ZAG GI GZUGS SOGS PHUNG PO LNGA'I CHOS NYID LA ZER BA YIN LA, DE'I PHYIR 'GREL CHEN DU KUN RDZOB DE BZHIN NYID GANG YIN, ,CES PA LUNG DRANGS NAS DE DANG MTHUN PAR BSHAD CING, GZUGS LA SOGS PA'I SGYU MA LTA BUR GYUR PA'I RNAM PAR DAG PA GANG YIN PA DE NYID CES SOGS SO, ,DES NAS GNYIS PA'I RNAM GROL LAM MI MTHUN PHYOGS KYIS DAG PA'I DAG PA DANG, SA GNYIS PA'I PHUNG PO'I CHOS NYID DRI MAS DAG PA'I DAG PA RIGS THA MI DAD DE, GNYIS KA'I DAG PAS GNYIS PA'I NGO SKAL GYI SPANG BYAR GYUR PA'I DRI MA DE NYID YIN PAS SO, ZHES BYA BA YIN NO, ,TSIG DON NI, 'PHAGS PA'I GANG ZAG GI DGE

, ,SBYONG GI TSUL GYI 'BRAS BU RNAM GROL LAM GANG YIN PA DE RANG GI MI MTHUN PA'I PHYOGS THAMS CAD DANG BRAL BA NYID KYIS RNAM PAR DAG PA GANG YIN PA DE NYID GANG ZAG DE'I GZUGS LA SOGS PA'I CHOS NYID, RNAM PAR DAG PA YIN TE, GANG GI PHYIR NA DE DAG RNAM PAR DAG PA NGO BO THA MI DAD CING, RIGS SO SOR BCAD DU MED PA NYID KYI PHYIR DER THAL, DE GNYIS RANG GI MTSAN NYID GLO BUR DRI BRAL DANG, SPYI'I MTSAN NYID RANG BZHIN RNAM DAG GANG GI CHA NAS KYANG RIGS DANG NGO BO THA DAD PA NYID MIN PA DE'I PHYIR, DER THAL, SA GNYIS PA'I 'BRAS BU RNAM GROL LAM DANG, SA GNYIS PA BA GZUGS LA SOGS PA'I CHOS NYID RNAM PAR DAG PA NI GNYIS KA YANG SA GNYIS PA'I NGO SKAL GYI SPANG BYAR GYUR PA'I GZUGS LA SOGS PA LA BDAG TU MNGON PAR ZHEN PA LA SOGS PA DANG BRAL BAS RAB TU PHYE BA'I RNAM DAG YIN PA NYID KYIS SO, ,DE LTAR NA GZUGS RNAM PAR DAG PAS 'BRAS BU RNAM PAR DAG PAR MDO LAS BRJOD DO, ,NGAG DON NI, SA GNYIS PA'I RNAM GROL LAM RANG GI MI MTHUN PHYOGS KYIS DAG PA'I DAG PA DANG, SA GNYIS PA BA PHUNG PO'I CHOS NYID DRI MAS DAG PA'I DAG PA CHOS CAN, RIGS DANG NGO BO THA MI DAD DE, SA GNYIS PA'I NGO SKAL GYI DRI MAS DAG PA'I RAB TU PHYE BA'I DE'I RGYUD KYI RNAM DAG YIN PA'I PHYIR, GNYIS PA LA 'PHAGS BZHI'I RNAM DAG GI DBYE BA, SANGS RGYAS KYI RNAM DAG SHIN TU BAR SGRUB PA, SGRUB BYED LA KLAN KA SPANGS TE BSHAD PA'O, DANG PO LA MTSAMS

SBYAR NI, RNAM PAR SOGS SO, ,RTZA BA NI NYON MONGS SOGS SO, ,'GREL PA NI, NYAN THOS DGRA BCOM GYI RGYUD KYI RNAM GROL LAM RANG GI MI MTHUN PHYOGS KYIS DAG PA'I DAG PA CHOS CAN, NYAN THOS KYI DAG PA YIN TE, 'DOD CHAGS LA SOGS PA'I NYON MONGS PA TZAM SPANGS PAS RAB TU PHYE BA'I DAG PA YIN PA'I PHYIR, RANG SANGS RGYAS KYI RGYUD KYI DE CHOS CAN, RANG SANGS RGYAS KYI DAG PA YIN TE, NYON MONGS DE DANG SHES BYA'I SGRIB PA'I PHYOGS GCIG PO GZUNG BAS RNAM PAR RTOG PA TZAM SPANGS PAS RAB TU PHYE BA'I DAG PA YIN PA'I PHYIR, BYANG SEMS 'PHAGS PA'I DE CHOS CAN, BYANG CHUB SEMS DPA' RNAMS KYI DAG PA YIN TE, THEG PA GSUM GYI DRI MA STE, RANG GI NGO SKAL GYI SGRIB PA NYON MONGS DANG, GZUNG RTOG DANG, 'DZIN RTOG GNYIS KA SPANGS PAS RAB TU PHYE BA'I DAG PA YIN PA'I PHYIR, GLO BUR DRI MAS SHIN TU RNAM PAR DAG PA RANG BZHIN RNAM DAG GI CHOS KYI DBYINGS LAS BYUNG BA NYID NI CHOS CAN, BLA NA MED PA'I SANGS RGYAS KYI YIN PAR 'DOD DE, NYON MONGS PA DANG SHES BYA'I SGRIB PA BAG CHAGS DANG BCAS PA RNAM PA THAMS CAD DU SPANGS PAS RAB TU PHYE BA'I DAG PA YIN PA'I PHYIR, GNYIS PA LA, DRI BA NI, LAM SHES PA NYID KYI SKABS SU BYANG SEMS KYI RNAM PAR DAG PA SMOS PA'I ZHAR LA SOGS SO, ,LAN LA GNYIS LAS, RTZA BA NI, SA DGU LA NI SOGS SO, ,'GREL PA NI, 'DOD PA'I KHAMS DANG, BSAM GTAN DANG, GZUGS MED PA'I SNYOMS PAR 'JUG PA DAG STE, SA DGU LA BRTEN PA'I BYANG SEMS KYI SGOM LAM CHUNG NGU'I CHUNG NGU LA SOGS PA

, ,RNAM PA DGU, MI MTHUN PHYOGS CHEN PO'I CHEN PO LA SOGS PA RNAM PA DGU'I GNYEN PO'I NGO BOR GO RIM BZHIN DU DRI MA'I RNAM PA THAMS CAD DANG BRAL BA'I SGO NAS RNAM PAR DAG PA'I RGYU DANG, NYAN RANG GI SGOM LAM CIG SHOS DRI MA PHYOGS GCIG GIS RNAM PAR DAG PA'I RGYU YIN PA'I PHYIR, 'BRAS BU SANGS RGYAS DANG NYAN RANG GI RNAM PAR DAG PA SHIN TU BA DANG CIG SHOS ZHES BYA'O, ,NGAG DON NI SHES BYA CHOS CAN, SANGS RGYAS DANG NYAN RANG GI RNAM DAG LA SHIN TU BA DANG, SHIN TU BA MIN PA'I KHYAD PAR 'THAD DE, BYANG SEMS KYI SGOM LAM DE DRI MA MA LUS PA'I GNYEN POR GYUR PA'I SGOM LAM SHIN TU BA YIN CING, NYAN RANG GI SGOM LAM DRI MA PHYOGS GCIG TZAM GYI GNYEN PO YIN PA'I PHYIR, 'DIR SKABS SU BAB PA GNYEN POS SPANG BYA SPONG BA'I TSUL LA MTHA' DPYAD PA BSHAD PAR BYA STE, DE LA SPANG BYA GANG GNYEN PO GANG GIS TSUL JI LTAR SPONG ZHE NA, SPANG BYA NI GNYIS TE, MTHONG SPANG DANG SGOM SPANG NGO; ;DANG PO NI, BSHES GNYEN NGAN PAS CHOS LOG BSTAN PA SOGS KYI MTHU LAS BYUNG BA'I SGRIB PA KUN BRTAGS KYI CHA DANG, GNYIS PA NI, SEMS CAN THAMS CAD LA THOG MA MED PA NAS MTSUNGS PAR 'BREL BA'I SGRIB PA LHAN SKYES KYI CHA RNAMS TE, RE RE LA YANG MNGON GYUR DANG, SA BON GNYIS GNYIS SU YOD CING, SA BON NI DMIGS RNAM MI 'DZIN PA'I NUS PA'I NGO BOR GNAS PA YIN LA, NUS PA DE LAS DMIGS RNAM 'DZIN PAR SKYES PA'I SGRIB PA NI MNGON 'GYUR

RO; ;YANG SGRIB PA NI GNYIS TE, ZHI GNAS KHYAD PAR CAN LA SGRIB PA DANG, LHAG MTHONG LA SGRIB PA'O, ,DANG PO LA NI, SNYOMS 'JUG GI SGRIB PA ZHES KYANG BYA ZHING DE NYON MONGS MIN TE, NYON MONGS MA LUS PAR SPANGS PA'I NYAN THOS SHES RAB RKYANG PAS RNAM GROL LA YANG YOD PA'I PHYIR RO, ,SHES SGRIB MIN TE, NYAN THOS DGRA BCOM GNYIS KA'I CHA LAS RNAM GROL DAG GIS KYANG MA LUS PAR SPANGS PA'I PHYIR RO, ,DE NI JI LTAR 'DOD PA BZHIN SPRUL PA DANG, SNYOMS PAR 'JUG PA SOGS LA BAR DU GCOD PA LUS SEMS LAS SU MI RUNG BA'I NGO BOR GYUR PA'O, ,LHAG MTHONG LA SGRIB PA NI GNYIS TE, NYON MONGS PA'I SGRIB PA DANG SHES BYA'I SGRIB PA'O, ,DANG PO NI, GTZO BOR THAR PA TZAM THOB PA LA GEGS BYED PA'I SGRIB PA, GNYIS PA NI, GTZO BOR THAMS CAD MKHYEN PA THOB PA LA GEGS BYED PA'I SGRIB PA, RE RE LA'ANG MNGON GYUR DANG SA BON GNYIS GNYIS YOD CING NYON MONGS PA'I SGRIB PA MNGON GYUR NI, SER SNA DANG PHRAG DOG LA SOGS PA DANG RTZA BA DANG NYE BA'I NYON MONGS PA RNAMS SO, ,DE DAG NI NYON MONGS PA DANG DE'I SGRIB PA GNYIS KA YIN LA, 'DOD CHAGS LA SOGS PA RNAMS KYI SA BON NI NYON SGRIB YIN KYANG NYON MONGS MIN TE, NYON MONGS YIN NA, SHES PA YIN PAS DMIGS RNAM 'DZIN DGOS PA'I PHYIR RO, ,SHES SGRIB MNGON GYUR NI, BDEN 'DZIN GYI RTOG PA DAG YIN LA, SA BON NI DE NYID BSKYED PA'I BAG LA NYAL NUS PA'I NGO BOR GNAS PA'O, ,DE YANG MNGON GYUR DANG SA BON GNYIS PA SHES SGRIB YIN NO, ,GNYIS PA GNYEN PO NI BZHI STE, RNAM PAR SUN 'BYIN PA'I GNYEN PO

, ,DANG' SPONG BA'I GNYEN PO DANG, RTEN GNYEN PO DANG, THAG BSRING GNYEN PO'O, ,DANG PO NI, THOG MAR ZAG PA DANG BCAS PA'I CHOS RNAMS LA NYES DMIGS SU BLTA BA STE, 'DOD CHAGS KYI GNYEN POR MI SDUG PA SGOM PA LTA BU'O, ,CI'I PHYIR 'DI SPONG BA'I GNYEN PO MIN CE NA, 'DOD CHAGS NI YID DU 'ONG BA'I RNAM PAR ZHUGS LA, MI SDUG PA NI YID DU MI 'ONG BA'I RNAM PAR ZHUGS PAS, RE SHIG 'DOD CHAGS MNGON GYUR ZIL GYIS MNAN PA TZAM YIN GYI, GNYIS KA'ANG YUL GYI GNAS TSUL LAS, PHYIN CI LOG TU DMIGS PAR 'DRA BA'I PHYIR RO, ,SPONG BA'I GNYEN PO NI, SBYOR BA'I LAM DANG, BAR CHAD MED PA'I LAM MO, ,DE YANG DANG PO MNGON GYUR DANG, PHYI MA SA BON GYI SPONG GNYEN YIN NO, ,RTEN GNYEN PO NI RNAM PAR GROL BA'I LAM DANG, THAG BSRING GNYEN PO NI KHYAD PAR GYI LAM MO, ,GSUM PA GNYEN POS SPANG BYA JI LTAR SPONG BA'I TSUL LA, DGAG BZHAG GNYIS LAS, DANG PO NI, KHA CIG NA RE, SPANG BYA MNGON GYUR 'DAS PA 'GAGS PAS SPANG MI DGOS, MA 'ONGS PA MA SKYES PAS SPANG MI NUS, DA LTAR BA LAM DANG MNYAM DU MI 'JUG PA'I PHYIR, SA BON SPONG BA YIN LA, DE YANG SA BON MA 'ONGS PA SPONG BA YIN NO ZHES SMRA'O, ,SA BON MA 'ONGS PA CHOS CAN, SPANG MI NUS PAR THAL, MA SKYES PA'I PHYIR, 'KHOR GSUM KHAS SO, ,SNANG BAS MUN PA MI SEL BAR THAL, MUN PA 'DAS PA 'GAGS, MA 'ONGS PA MA SKYES, MUN PA DA LTAR BA SNANG BA DANG MNYAM DU MI 'JUG PA'I PHYIR

ZHES KUN TU MTSUNGS SO, ,KHA CIG PHYOGS DE LA GNOD BYED PHYI MA 'DI RANG GIS KYANG BKOD NAS DE MA THAG DE BAS NA, MNGON GYUR LA GNOD PA BYED PA'I SGO NAS SPONG BA MIN TE, 'DAS PA 'GAGS, MA 'ONGS PA MA SKYES, DA LTAR BA NI LAM DANG MNYAM DU MI 'JUG PAS DNGOS SU GNOD PA BYAR MED PA'I PHYIR, SA BON LA MI MTSUNGS TE, DMIGS RNAM MI 'DZIN PAS LAM DA LTAR BA DANG MNYAM DU 'JUG TU RUNG BA'I PHYIR RO, ,ZHES ZER RO, ,SNANG BAS MUN PA LA DNGOS SU GNOD PA BYAR MED PAR THAL, MUN PA 'DAS PA 'GAGS, MA 'ONGS PA MA SKYES, DA LTAR BA SNANG BA DANG MNYAM DU MI 'JUG PAS DNGOS SU GNOD PA BYAR MED PA'I PHYIR, 'KHOR GSUM PHUD MTSAMS DANG BCAS PA DE MA THAG RANG NYID LA LDOG PAR 'GYUR BAS DRAN PA RNAL DU MA BZHAG PA'O, ,SA BON DANG BAR CHAD MED LAM MNYAM DU 'JUG PA'ANG MIN TE, 'DI LTAR MTHONG LAM GYI NGO BOR SKYES PA'I YID SHES DE LA, MTHONG SPANG GI SA BON YOD DAM, MTHONG LAM MNYAM GZHAG GI TSE DE'I RGYUD LA MTHONG SPANG GI SA BON CAN GYI YID KYI RNAM PAR SHES PA GZHAN YOD, DANG PO LTAR NA YID SHES DE ZAG BCAS ZAG MED GNYIS KA'I GZHI MTHUN DU THAL LO, ,GNYIS PA LTAR NA, GANG ZAG GCIG GI RGYUD LA YID KYI RNAM PAR SHES PA RDZAS THA DAD PA GNYIS DUS CIG CAR YOD PAR 'GYUR BAS GANG ZAG DE RGYUD DU MAR THAL LO, ,GNYIS PA RANG LUGS NI, BYANG SEMS MTHONG LAM PA DANG, SGOM LAM PA MI RTOG YE SHES LA MNYAM PAR BZHAG BZHIN PA'I RGYUD LA, DE'I TSE SGRIB PA GNYIS GANG GI'ANG SA BON MED DE, YOD NA GONG D

, ,BSHAD PA LTAR, MTHONG LAM SGOM SPANGS KYI BAG CHAGS BSGO GZHI YIN PA SOGS SU GDON MI ZA BAR KHAS LEN DGOS SO, ,DE'I TSE SGRIB PA'I SA BON MED KYANG, SPANGS PA'I DBANG GIS MED PA MIN GYI, ZAG MED KYI YID KYI RNAM PAR SHES PA DANG, SGRIB PA'I SA BON CAN GYI YID SHES ZAG BCAS GNYIS RGYUD GCIG LA CIG CAR SKYE MI RUNG BA'I RGYU MTSAN GYIS, YID SHES ZAG BCAS DE RE SHIG SKYE BA'I GOo BKAG PA'I DBANG GIS MED PA YIN NO, ,DES NA RJES THOB TU SLAR YANG SGRIB PA'I SA BON SKYE PAR 'GYUR RO, ,DE'I PHYIR MTHONG LAM BAR CHAD MED LAM GYI TSE GANG ZAG DE'I RGYUD LA MTHONG SPANGS MED KYANG SPANGS PA MIN LA, SPONG BZHIN PA YIN ZHING, RNAM GROL LAM GYI TSE SPANGS PA ZHES BYA'O, ,DE YANG SPYIR MNGON GYUR DANG, SA BON GANG SPONG YANG, DA LTAR BA SPONG BAS KHYAB STE, SGRIB PA MNGON GYUR DANG, SA BON GANG YIN KYANG DA LTAR BA YIN DGOS PA'I PHYIR TE, 'DAS MA 'ONGS YIN PA'I DNGOS PO MI SRID PA'I PHYIR RO, ,'ON KYANG GNYEN PO RANG DUS NA 'DAS PA DANG, 'GAGS PA'I SA BON SPANG MI DGOS LA, GNYEN PO RANG DUS NA LHAN CIG 'JUG PA'I DA LTAR BA YIN PA'ANG MI SPONG GI ,DE GSUM GANG DU'ANG MA PHYE BA'I RANG GI NGO SKAL GYI SPANG BYA'I SA BON TZAM SPONG BA YIN LA, SPANGS BA'I DON SA BON DE MA 'ONGS PA NA RANG RGYUD LA 'BYUNG MI RUNG DU BYAS PA'O, ,DES NA KUN LAS BTUS LAS, 'DAS PA NA 'GAGS PA'I PHYIR MIN, ZHES SOGS KYIS KYANG, GNYEN PO RANG DUS NA 'DAS PA DANG MA 'ONGS PA DANG, LHAN CIG 'JUG PA GANG YANG MI SPONG BAR BSTAN LA, 'ON KYANG GNAS NGAN LEN GYI RNAM PA GANG YIN PA DE LAS SPONG STE, ZHES SOGS KYIS DE GSUM GANG YANG

MIN PA'I GNAS NGAN LEN TZAM SPONG BAR BSTAN PA YIN ZHING, GNAS NGAN LEN GYI RNAM PA DE SPANGS PAS MA 'ONGS PA NA NYON MONGS PA MI SKYE BA'I CHOS CAN DU GNAS PA DE NI SPONG BA'O, CES PA DANG, RNAM 'GREL LAS, SKYE 'DOD NYES PA BCOM PA'I PHYIR, ZHES SOGS KYIS SA BON SLAR SKYE MI RUNG DU BYAS PA SPANGS PA'I DON DU BSHAD PA YIN GYI, SA BON MA 'ONGS PA SPONG BAR STON PA MIN NO, ,TSUL 'DIS RGYUN MTHA'I BAR THAMS CAD DU SHES PAR BYA ZHING PHYOGS 'DI LA MKHAS RLOM DAG GIS RANG GI NGANG TSUL GSAL BAR BYAS PA'O, , GSUM PA LA DRI BA NI, JI LTAR BYANG SEMS KYI SGOM LAM SHIN TU BA YIN ZHEN ZHES PA STE, SA DGU LA NI ZHES SOGS KYIS BYANG SEMS KYI SGOM LAM SHIN TU BA YIN PA SANGS RGYAS KYI RNAM DAG SHIN TU BA YIN PA'I SGRUB BYED DU BKOD PA DE LA, 'O NA DE DRI MA MA LUS PA'I GNYEN PO BYED PA'I SGOM LAM SHIN TU BAR JI LTAR 'GRUB CES DRIS PA YIN GYI, JI LTAR SANGS RGYAS KYI RNAM DAG SHIN TU BA YIN ZHE NA, ZHES PA NI, SA DGU LA NI ZHES PA'I DRI BA DANG KHYAD PAR MED DO, ,LAN LA GNYIS LAS, RTZA BA NI, 'PHAGS PA LTAR NA, BYANG SEMS KYI SGOM LAM KHAMS GSUM GYI DRI MA MA LUS PA'I GNYEN PO NYID DU 'DOD PA YIN TE, 'JAL DANG GZHAL BYA DAG MNYAM PAR RTOGS PA NYID KYIS SO, ,DE LA 'O NA CHOS MNYAM PA NYID YIN NA, GNYEN POS SPANG BYA SPONG BA'I RIM PA MI 'THAD PAS DRI MA MTHA' DAG GI GNYEN POR 'GAL LO ZHES PA'I KLAN KA DON DAM PAR CHOS THAMS CAD MNYAM PA NYID YIN PAS SPANG GNYEN GYI GO RIM MI 'THAD KYANG, THA SNYAD DU SPANG GNYEN GYI RIM PA MI 'THAD PA'I SKYON MED CES PA'I SGO NAS SPANGS PA YIS 'GAL BA MED PAR GRUB BO, ZHES PA'O, ,SLOB DPON LTAR NA,

, ,'GREL PA NI, BYANG SEMS KYI SGOM PA'I LAM SHIN TU BA JI SKAD DU BSTAN PA DE DRI MA MTHA' DAG GI GNYEN PO'I NGO BO NYID YIN, KHAMS GSUM PA'I RNAM PA CAN GYI SHES PA 'DZIN PA DANG, SHES BYA GZUNG BDAG BDEN PAR MI DMIGS PA NYID KYIS MNYAM PA NYID DU RTOGS PA GANG YIN PA DE NYID KYIS SO, ,'DI RGYU MTSAN LA MI SBYOR BDAG NI, MNYAM PA NYID KYIS ZHES PA'I RTZA TSIG LA MA BRTAGS PA'O, ,RTAGS DE SPYIR DRI MA MA LUS PA'I GNYEN PO BYED PA TZAM DU GRUB TU CHUG KYANG, GNYEN PO BYED TSUL DE LAS DGU LA NI ZHES PAR BSHAD PA'I MI MTHUN PHYOGS CHE RIMS NAS 'GAG CING, GNYEN PO CHUNG RIMS NAS SKYE BA MI 'THAD DE, 'DI LTAR GNYEN PO NI CHEN PO LA SOGS PA CHE RIM NAS SKYE BA YIN TE, DANG POR SKYE BA'I LAM RNAMS NI RTZOL BA CHEN POS SKYE DGOS PAS CHEN PO YIN LA, PHYI MA RNAMS NI RTZOL BA CHUNG NGUS SKYED PAS CHUNG NGU YIN PAS SO, ,MI MTHUN PHYOGS NI CHUNG NGU'I LA SOGS PA CHUNG RIMS NAS 'GAG PAR RIGS TE, DANG PO NI SPANG SLA BAS CHUNG NGU DANG, PHYI MA RNAMS NI SPANG DKA' BAS CHEN PO YIN PA'I PHYIR RO, ZHES BYA BA'I KLAN KA GOS LA CHAGS PA'I DRI MA RAGS PA 'BAD PA CHUNG NGUS SEL ZHING, PHRA MO SEL BA LA, BTZO BLAG MKHAN CHE THANG DU 'BAD PA'I DPES SPANGS PA'I SGO NAS SLONG TSUL DE 'THAD PAR 'GRUB BO, ,DE YANG MDO LAS, DON DAM PAR SPANG GNYEN MA GRUB PA'I LAN DNGOS SU BSTAN NAS, KUN RDZOB KYI LAN SHUGS LA 'PHEN CING, BSTAN BCOS LAS, MDO'I SHUGS BSTAN KHON GNAS PA DE NYID DNGOS SU GSAL BAR BKOD PA YIN NO, ,DE DAG GIS GRUB PA'I DON BSDU BA NI, DE'I PHYIR 'BRAS BU

SANGS RGYAS KYI RNAM PAR DAG PA SHIN TU BA YIN PAR RNAM PAR BZHAG GO ,GSUM PA NI, SHER PHYIN PA'I MAN NGAG GI BSTAN BCOS MNGON PAR RTOGS PA'I RGYAN GYI 'GREL BA DON GSAL BA'I RNAM BSHAD RTOGS PAR DKA' BA'I SNANG BA LAS, SKABS GNYIS PA'I 'GREL PA'O,, ` ,,GSUM PA LA MTSAMS SBYAR NI, MTSON BYED KYI CHOS BSHAD, SKABS BSDU BA'O, ,DANG PO NI, GZHI THAMS CAD GANG ZAG GI BDAG MED PAR YONGS SU SHES PA MED PAR NYAN THOS KYI LAM LEGS PAR YONGS SU SHES PA MED PAS THAMS CAD SHES PA NYID 'CHAD DO, ,'DIR GANG DAG GZHI SHES SPANG BYAR MA SHES PAR, LAM SHES DE'I GNYEN POR, MI SHES ZHES SOGS KYIS BSHAD PA BYED PA 'KHRUL BA YIN TE, LAM SHES GNYEN POR MA SHES PAR YANG GZHI SHES DE'I SPANG BYAR, MI SHES PAS RTOGS PA PHAN TSUN RTEN BRTEN PAR MTSUNGS PA'I PHYIR DANG, GZHI MA SHES PAR LAM MI SHES, ZHES 'BYUNG GIS, GZHI SHES MA SHES PAR LAM SHES MI SHES ZHES MI 'BYUNG BAS, GZHUNG GI TSIG DON LAM ZHUGS PA'I PHYIR DANG, GANG ZAG RGYUD THA DAD PA'I RTOGS PA PHAN TSUN SPANG GNYEN DU 'GUR BA MI SRID PA'I PHYIR DANG, DE LTAR NA SKABS GSUM PA'I BRJOD BYA'I GTZO BO MTSAN 'DZIN GZHI SHES SU 'GYUR DGOS NA YANG, DE NI CHES MI 'THAD DE, MNGON RTOGS RGYAN GYI BRJOD BYA MNGON RTOGS BRGYAD PO THAMS CAD NYAN RANG GIS MA MYANGS PAR BSHAD PA'I PHYIR DANG, RGYAN GYI CHED DU BYA BA'I GDUL BYA NYAN RANG GI RIGS CAN YANG YOD PAR THAL BA'I PHYIR RO, ,DES NA BDEN GZHI MI RTAG SOGS SU RTOGS PA'I RNAM PA CAN CHOS KYI BDAG MED RTOGS

, ,PAS MA ZIN PAS KHYAD PAR DU BYAS PA'I BYANG SEMS KYI GZHI SHES NYID SKABS 'DI'I BRJOD BYA YIN TE, 'GREL CHEN LAS, LAM SHES PA NYID KYI SKABS SU NYAN RANG LA SOGS PA'I LAM YANG BSHAD PAS THAMS CAD SHES PA NYID KHO NA BSHAD PA MIN NAM, CI'I PHYIR YANG THAMS CAD SHES PA NYID LOGS SU BSTAN CE NA, BRJOD PAR BYA STE, DE LA LAM SHES NYID KYI TSUL LA NI, ,'PHAGS PA'I BDEN PA GZHI DAG GI, ,RNAM PA MI DMIGS SGO NAS NI, ,NYAN THOS LAM 'DI SHES PAR BYA, ZHES MI DMIGS PAR SGOM PA LA SOGS PA'I RIM GYIS NYAN THOS LA SOGS PA'I LAM BYANG CHUB SEMS DPAS BSGOM PAR BYA'O, ZHES BRJOD PA YIN NO, ,DE BAS NA MI RTAG PA LA SOGS PA'I RNAM PAS 'PHANGS PA RNAMS KYIS GZHI MA LUS PA YONGS SU SHES PA'I DON DU THAMS CAD SHES PA NYID LOGS SU BSHAD PAR BZUNG NGO, ZHES GSUNGS PA'O, ,GNYIS PA LA, DNGOS DANG, ZHAR LA MKHYEN GSUM GYI MJUG BSDU BA'O, ,DANG PO LA GZHI SHES KYI NGO BO, ,NYE RING GI RGYU MTSAN, MI MTHUN PHYOGS DANG GNYEN PO'I DBYE BA, GZHI SHES SGOM PA'I SBYOR BA, SBYOR BA DE'I MNYAM NYID, MNYAM NYID RTOGS PA'I 'BRAS BU MTHONG LAM DANG DRUG GO, ,DANG PO LA, RTZA BA NI, TSU ROL PHA ROL MTHA' LA MIN ZHING, DE DAG BAR NA MI GNAS PA, BYANG SEMS KYI GZHI SHES CHOS CAN, 'BRAS BU'I SHER PHYIN PA LA NYE BAR 'DOD DE, DUS RNAMS MNYAM PA NYID SHES PHYIR RO, ,MDO LAS KYANG 'DI KHO NA BZHIN BSHAD DO, ,'GREL BA LA, DNGOS BSTAN NI, BYANG SEMS KYI GZHI SHES CHOS CAN, SRID PA DANG ZHI BA LA MI GNAS PA YIN TE, ,GO RIM BZHIN DU SHES

RAB KYIS TSU ROL GYI MTHA' 'KHOR BA PHUNG PO'I RGYUN RTAG PA DANG, SNYING RJES PHA ROL GYI MTHA' MYA NGAN LAS 'DAS PA STE, PHUNG PO'I RGYUN CHAD PA'I MTSAN NYID DANG, DE DAG GI BAR NA YANG MI GNAS PAS SO, ,DE LTAR SRID ZHI LA MI GNAS PA'I SHER PHYIN GANG YIN PA DE NI CHOS CAN, SANGS RGYAS DANG BYANG CHUB SEMS DPA' RNAMS LA NYE BAR GYUR BAR 'DOD DE, DUS GSUM PA'I CHOS RNAMS BDEN PA'I SKYE BA MED PA'I RNAM PAR MNYAM PA NYID DU RTOGS PAS SO, ,SHUGS BSTAN NI, NYAN THOS LA SOGS PA RANG GIS RTOGS PA TZAM GYI SHER PHYIN PA GZHI SHES CHOS CAN, PHUNG PO'I DNGOS PO DANG DNGOS PO MED PAR BDEN PAR MI DMIGS PA'I MTSAN 'DZIN GYI SA BON GYIS BCINGS PA NYID KYIS 'KHOR BA DANG, MYA NGAN LAS 'DAS PA LA GNAS PA YIN PAR SHES PAR BYA'O, ,SNYING BRTZE BA DANG, RANG BZHIN MED RTOGS KYI SHES RAB DANG BRAL BA'I GZHI SHES YIN PA'I PHYIR, DES NA DE CHOS CAN, YANG DAG PA'I SHER PHYIN PA DANG RING PAR GYUR TE, DUS GSUM MNYAM PA NYID DU SHES PA MED PA'I PHYIR RO, ,'DI MDO BSTAN BCOS LA JI LTAR BSHAD CE NA, BYANG SEMS KYI KUN SHES PA NYID KYI RANG BZHIN STON PA'I SKABS LAS BZLOG STE BSTAN PAS SO, ,GNYIS PA LA GNYIS LAS, RTZOD PA NI, RGYU MTSAN DE'I SGO NAS JI LTAR NA NYAN THOS DANG BYANG CHUB SEMS DPA' LA SOGS PA LA YANG DAG PA'I SHER PHYIN PA RING PA DANG CIG SHOS SU 'GYUR BA MI 'THAD PAR THAL, DUS GSUM MNYAM PA NYID DU SHES PA NA GZHI'I GNAS LUGS RTOGS PA KHO NA YIN LA, GZHI'I GNAS LUGS RTOGS PA DE YANG NYAN RANG DANG BYANG SEMS THAMS CAD LA YOD PA MIN NAM STE,

, ,YOD PA'I PHYIR TE, GZHI SHES YOD PAS SO, ,RTAGS SNGA MA DER THAL, KLU SGRUB KYI LUGS LAS, RTEN CING 'BREL BAR 'BYUNG BA GANG, ,DE NYID KHYOD NI STONG BAR BZHED, CES 'BYUNG BAS SO, ZHE NA, GNYIS PA LAM LA GNYIS LAS, RTZA BA NI, DE NI SOGS SO, ,'GREL BA LA THEG DMAN GYI GZHI SHES RING BA'I RGYU MTSAN, BYANG SEMS KYI NYE BA'I RGYU MTSAN, THUN MONG GI MJUG BSDUR BSTAN PA'O, ,DANG PO NI NYAN RANG DE DAG LA CHOS CAN, RGYAL BA'I YUM RING BAR GYUR TE, DUS GSUM MNYAM PA NYID KYI YE SHES DE MED PA DE'I PHYIR RO, ,DER THAL, NYAN THOS LA SOGS PA RNAMS KYIS DNGOS PO'I RANG GI NGO BO'AM GNAS LUGS MI SHES PAS SO, ,DER THAL, DNGOS PO SPROS PA'I MTSAN MA DANG LDAN PAR RTOGS PAS SO, ,DPER NA, SGYU MA MKHAN GYIS SPRUL PA'I DNGOS PO RTA GLANG SOGS SNANG BA LA DE'I RANG GI NGO BO MI SHES PAS RTA GLANG GI NGO BO NYID MED PAR MI SNANG BA BZHIN DU'O, ,RTAGS DER THAL, THEG CHEN DGE BA'I BSHES GNYEN DANG RANG BZHIN MED RTOGS KYI SHES RAB SOGS THABS MKHAS PA DANG BRAL BAS SO, ,GNYIS PA NI, SHES BYA CHOS CAN, BYANG SEMS DE DAG LA YUM 'DI YANG DAG PAR NYE BAR 'GYUR TE, BYANG CHUB SEMS DPA' RNAMS LA NI GZUGS LA SOGS PA'I CHOS KYI GNAS LUGS YONGS SU SHES PA YOD PA DE NYID MNYAM PA NYID YONGS SU SHES PA'I YE SHES YIN TE, DE'I PHYIR RO; ;DER THAL, DUS RING MO ZHIG NAS THEG CHEN DGE BA'I YE SHES GNYEN YANG DAG PAR MGU PAR BYAS PA'I MAN NGAG PHYIN CI MA LOG PA CAN BDEN PA GNYIS LA BRTEN PA THOS PA LA SOGS PA'I SHES PA SKYE BA'I THABS LA MKHAS PAS DNGOS POR

MNGON PAR ZHEN PA 'KHRUL PA'I MTSAN MA CI RIGS PAR BSAL BAS SO, ,GSUM PA NI, DES NA GZHI SHES PAR 'DRA YANG THABS MIN PAS NI RING BA NYID YIN LA THABS KYIS NI MI RING BA NYID YIN NO, ,GSUM PA LA, GZHI LAM LA MTSAN 'DZIN GYI SPANG GNYEN DANG, 'BRAS BU LA MTSAN 'DZIN GYI SPANG GNYEN DANG, DE DAG GI DON BSDU BA'O, ,DANG PO LA SPANG BYA DANG, GNYEN PO'O, ,DANG PO LA GSUM LAS MTSAMS SBYAR NI, DE LTAR SOGS SO, ,RTZA BA NI, GZUGS SOGS SO, ,DE YANG SKABS 'DI DAG TU NYAN RANG GI GZHI SHES LA MTSAN 'DZIN GZHI SHES DANG, MI MTHUN PHYOGS KYI GZHI SHES SU BSHAD CING, BYANG SEMS KYI GZHI SHES LA, GNYEN PO GZHI SHES SU BSHAD PA'I DON NI, NYAN RANG GI RGYUD KYI GZHI SHES MTSAN 'DZIN YIN PA DANG, DE BYANG SEMS KYI RGYUD KYI GZHI SHES KYI SPONG BA'I DON YIN TE, 'DI LTAR 'PHAGS PA'I MNYAM GZHAG YE SHES SU GYUR BA'I GZHI SHES NI RNAL 'BYOR MNGON SUM YIN LA, MTSAN 'DZIN YIN NA RTOG PA YIN DGOS PA'I PHYIR DANG, CHOS KYI MTSAN 'DZIN YIN NA, BDAG 'DZIN YIN DGOS LA, NYAN RANG 'PHAGS PA'I RGYUD KYI GZHI SHES BDAG MED RTOGS PA'I MNGON SUM YIN PA'I PHYIR DANG, CHOS KYI MTSAN 'DZIN YIN NA, SHES SGRIB MNGON GYUR YIN DGOS PAS, 'JIG RTEN LAS 'DAS PA'I LAM MIN PAR THAL BA'I PHYIR DANG, KUN LAS BTUS DANG, GTAN LA DBAB PA BSDU PA LAS 'JIG RTEN PA DANG 'JIG RTEN LAS 'DAS PA'I LAM GYI KHYAD PAR MTSAN MAR 'DZIN MI 'DZIN LA BSHAD PA DANG 'GAL BA'I PHYIR DANG, BYANG SEMS KYI RGYUD KYI GANG ZAG GI BDAG MED RTOGS PA'I YE SHES KYIS, NYAN RANG GI RGYUD KYI CHOS KYI MTSAN 'DZIN SPONG BA LA,

, ,BDAG 'BREL GANG YANG MED PA'I PHYIR TE, DE LTAR NA BYANG SEMS GCIG SANGS RGYAS PA NA, NYAN RANG THAMS CAD CHOS KYI MTSAN 'DZIN LAS GROL BAR THAL LO, ,GAL TE BYANG SEMS RANG RGYUD LA 'BYUNG BA SPANG BA YIN GYI, NYAN RANG GI RGYUD LA 'BYUNG BA SPONG BA MIN NO ZHE NA, DE LTA NA SPANG MI DGOS TE, NYAN RANG GI RGYUD KYI GZHI SHES BYANG SEMS 'PHAGS PA'I RGYUD LA NAM YANG 'BYUNG MI SRID PA'I PHYIR RO, ,DES NA DON NI 'DI YIN TE, NYAN RANG 'PHAGS PA GZHI SHES LA MNYAM PAR BZHAG PA'I GNAS SKABS NA YANG, CHOS BDEN 'DZIN GYI SA BON RGYUD LA MA NYAMS PAR YOD CING, DE'I STOBS KYIS RJES THOB TU MTSAN 'DZIN MNGON GYUR 'DREN PAR BYED PAS NYAN RANG 'PHAGS PA'I MNYAM GZHAG NA YOD PA'I GANG ZAG GI BDAG MED MNGON SUM DU RTOGS PA'I YE SHES KYANG; CHOS KYI MTSAN 'DZIN GYI SA BON DANG RJES SU 'BREL BA'AM, SA BON DANG BCAS PA'I GZHI SHES YIN PA'I PHYIR, MTSAN 'DZIN GZHI SHES BYA ZHING, CHOS LA MTSAN 'DZIN BYANG SEMS LAM GYI MI MTHUN PHYOGS YIN ZHING, NYAN RANG GI RGYUD KYI GZHI SHES KYANG MTSAN 'DZIN DE'I SA BON DANG BCAS PA'I PHYIR, MI MTHUN PHYOGS KYI GZHI SHES KHO RANG BYANG SEMS LAM GYI SPONG BA GA LA YIN, BYANG SEMS KYI RGYUD KYI GZHI SHES NI, CHOS LA MTSAN 'DZIN, GNYEN PO KHYAD PAR CAN RANG BZHIN MED RTOGS KYI SHES RAB KYIS ZIN PAS GNYEN PO GZHI SHES ZHES ZER RO, ,DES NA NYAN RANG GI RGYUD KYI GZHI SHES NI, GANG ZAG GI BDAG MED MNGON SUM DU RTOGS PA'I YE SHES YIN PAS, NYON MONGS PA'I ZAG MED YIN KYANG CHOS LA MTSAN 'DZIN GYI SA BON BCAS PAS SHES

SGRIB KYI ZAG BCAS SO, ,GSUM PA 'GREL BA NI, RJES THOB TU GZUGS LA SOGS PA DUS GSUM PA'I CHOS SO SKYE'I ZAG PA DANG BCAS PA DANG, DGRA BCOM PA'I ZAG PA MED PA DANG, 'PHAGS PA SLOB PA'I ZAG BCAS ZAG MED GNYIS KA'I NGO BO BDEN PA'I DNGOS POR MA GYUR BA THAMS CAD LA BDEN PA'I DNGOS POR DMIGS PA NYID KYIS MNYAM GZHAG TU GZHAN GYIS KUN BRTAGS PA LTAR GYI GANG ZAG GI BDAG GIS STONG PA NYID DU BLTA BA DANG, SBYIN SOGS LA MTSAN MAR 'DZIN PA'I SGO NAS SGRUB PA'I 'DU SHES NI GO RIM BZHIN GANG ZAG GI BDAG 'DZIN DANG SER SNA SOGS DE DAG GI GNYEN PO YIN NA YANG GANG GIS BCINGS PA'I CHOS KYI MTSAN 'DZIN DE GNAS LUGS LAS PHYIN CI LOG TU ZHUGS PA NYID KYIS THEG CHEN LAM GYIS SPANG BYA BA YIN PA'I PHYIR, MTSAN 'DZIN DES BCINGS PA'I GZHI SHES KYANG BYANG SEMS KYI MI MTHUN PHYOGS DANG 'BREL BA'I GZHI SHES YIN NO, ,NGAG DON NI, SHES BYA CHOS CAN, NYAN RANG GI RGYUD KYI GZHI SHES DE MI MTHUN PHYOGS KYI GZHI SHES YIN TE, DE GANG ZAG GI BDAG MED RTOGS PA'I CHA NAS NYON MONGS KYI GNYEN PO YIN NA YANG, BYANG SEMS LAM GYI SPANG BYA CHOS KYI MTSAN 'DZIN DE'I SA BON DANG RJES SU 'BREL BA YIN PA'I PHYIR, GNYIS PA LA MTSAMS SBYAR NI, BYANG CHUB SEMS DPA' CES SOGS SO, ,RTZA BA NI, SBYIN LA SOGS LA CES PA RKANG BA GSUM MO, ,DE'I 'GREL BA NI, 'KHOR GSUM RNAM PAR DAG PA'I SBYIN PA LA SOGS PA LA GANG ZAG GI BDAG MED PAR RTOGS PA'I SGO NAS RANG DANG GZHAN SBYOR BA'I BYANG SEMS KYI GZHI SHES NI CHOS CAN, RNAM PA THAMS CAD GNYEN PO GZHI SHES YIN TE, GNAS LUGS LA YANG

, ,DAG PAR ZHUGS PA'I THABS SHES KHYAD PAR CAN GYIS ZIN PA'I PHYIR DANG BDEN PAR CHAGS PA'I TSOGS KYI GNAS SAM, SA BON THAMS CAD BKAG PA'AM MED PAS BLANG BAR BYA BA'I GZHI SHES YIN PA'I PHYIR, GNYIS PA LA SPANG BYA, SPANG BYA'I RGYU MTSANG GNYEN PA, ,RGYU MTSAN LAS 'PHROS PA'I DON NO, ,DANG PO LA, RTZA BA NI, RGYAL LA SOGS LA DMIGS PA'I DAD SOGS DANG 'BREL BA'I CHAGS PA PHRA MO DANG MI MTHUN PA PHYOGS YIN NO, ,'GREL PA NI, DE BZHIN GSHEGS PA LA SOGS PA LA BDEN PAR 'DZIN PA'I SGO NAS PHYAG 'TSAL PA LA SOGS PA NI BSOD NAMS KYI TSOGS KYI RGYU YIN PA NYID KYIS SAM MA DAD PA LA SOGS PA'I GNYEN PO YIN MOD KYI BDEN 'DZIN GYI CHAGS PA PHRA MO'I NGO BO NYID KYIS RNAM PA THAMS CAD DU BYANG SEMS KYI BLANG BYA MIN PAS MI MTHUN PA'I PHYOGS YIN TE, 'DIS SANGS RGYAS LA MTSAN 'DZIN GYI SGO NAS PHYAG 'TSAL BA SOGS RNAM PA THAMS CAD DU BYANG SEMS KYI BLANG BYA MIN PAR BSTAN GYI, SANGS RGYAS LA PHYAG 'TSAL SOGS BLANG BYA MIN PAR MA BSTAN NO, ,NGAG DON NI, DE BZHIN GSHEGS PA LA BDEN PAR 'DZIN PAS GA 'TSAL BA CHOS CAN, BYANG SEMS KYI BLANG BYA YIN PAS MA KHYAB STE, BDEN 'DZIN GYIS ZIN PA'I PHYIR, GNYIS PA LA GNYIS LAS, DRI BA NI, YANG JI LTAR CHAGS PA PHRA MO MI MTHUN PA'I PHYOGS YIN ZHE NA, GNYIS PA LAN LA, RTZA BA NI, CHOS KYI SOGS SO, ,'GREL PA NI SHES BYA CHOS CAN, DE BZHIN GSHEGS PA LAS BDEN PAR DMIGS PA YANG BYANG SEMS LAM GYI MI MTHUN PA'I PHYOGS YIN NO, ,GANG GI PHYIR NA CHOS KYI RIGS RNAMS BDEN PA'I NGO BO NYID KHO NAS STONG PAS CHOS DE DAG RANG BZHIN GYIS

ZAB BA YIN PA DE'I PHYIR RO, ,GSUM PA LA MTSAMS SBYAR NI, 'O NA DE JI LTAR SPANG ZHE NA, RTZA BA NI, CHOS RNAMS SOGS SO, ,'GREL PA NI, THEG CHEN MTHONG LAM BAR CHAD MED LAM CHOS CAN, DE BZHIN GSHEGS PA LA BDEN PAR CHAGS PA SPONG BA YIN TE, GZUGS LA SOGS PA CHOS THAMS CAD RANG BZHIN GCIG PA KHO NA STE, 'DI LTA STE RANG BZHIN MED PA'O ZHES SHES PA DANG SHES BYA MNYAM PA NYID DU SHAS PA'I BAR CHAD MED LAM YIN PA'I PHYIR, BZHI PA LA ZAB PA'I RGYU MTSAN DANG, RTOGS DKA' BA'I RGYU MTSAN GNYIS, DANG PO LA GNYIS LAS DRI BA NI, YANG JI LTAR SOGS SO, ,LAN LA, RTZA BA NI, MTHONG BA ZHES SOGS SO, ,'GREL PA NI, RANG BZHIN STONG PA NYID DE CHOS CAN, ZAB PA NYID YIN TE, RTOGS PAR DKA' BA NYID DU MDO LAS BSHAD PA DE'I PHYIR, RTOGS DKA' BA'I DON YANG GANG GI PHYIR NA MIG LA SOGS PA'I RNAM PAR SHES PA THAMS CAD KYI GNYIS SNANG DANG BCAS PA'I SGO NAS DMIGS PA'I DON GSAL BA'I PHYIR RO, ,GNYIS PA LA DRI BA NI, YANG DE LTAR SOGS SO, ,LAN LA RTZA BA NI, GZUGS LA SOGS PAR SOGS SO, ,'GREL PA NI, GZUGS LA SOGS PA NAS SANGS RGYAS KYI CHOS MA 'DRES PA'I RNAM PA'I BAR GYI RANG BZHIN STONG PA NYID DE NI CHOS CAN, RTOGS PAR DKA' BA YIN TE, GNYIS SNANG SOGS KYI SPROS BA'I MTSAN MA GANG DU YANG YONGS SU MI SHES PA'AM, SHES PAR BYAR MED PAS GNYIS SNANG GI BLOS BSAM PA LAS 'DAS PA NYID DU 'DOD PA DE'I PHYIR, GSUM PA LA MTSAMS SBYAR NI, DE LTAR SOGS SO, ,RTZA BA NI, DE LTAR 'DU SHES SO, ,'GREL PA NI, THAMS CAD SHES PA NYID KYI SKABS SU NYAN THOS DANG BYANG CHUB SEMS DPA' LA SOGS PA'I

, ,GZHI SHES LA CHOS CAN, GO RIM BZHIN DU MI MTHUN PHYOGS DANG GNYEN PO'I RAB TU DBYE BA SHES PAR BYA'O, ,GONG DU DE LTAR BSHAD PA'I TSUL GYIS MTSAN 'DZIN GYI SA BON DANG BCAS PA DANG, THABS SHES KHYAD PAR CAN GYIS ZIN PA'I BYE BRAG YOD PA'I PHYIR, BZHI PA LA MTSAMS SBYAR NI, DE LTAR SOGS SO, ,RTZA BA NI GZUGS SOGS CES PAS GZHI'I NGO BO LA ZHEN SPYOD 'GOG PA DANG DE MI RTAG SOGS DANG, ZHES PAS GZHI'I KHYAD PAR LA ZHEN SPYOD 'GOG PA DANG, DE MA RDZOGS DANG, ZHES SOGS KYIS GZHI'I DBYE BA LA ZHEN SPYOD 'GOG PA DANG, SNANG BA RNAM BDUN SHES BYED DO ZHES PAS GZHI BDEN MED DU SHES BYED KYI RTAGS LA ZHEN SPYOD 'GOG PA BSTAN NO, ,'GREL PA LA, DNGOS BSTAN BYANG SEMS KYI SBYOR BA DANG, SHUGS BSTAN NYAN RANG GI SBYOR BA'O, ,DANG PO NI, BSTAN CES DRANG NGO, ,GANG NA BYANG CHUB SEMS DPA' RNAMS KYIS YUL DE DANG DE LA ZHEN SPYOD BKAG PA'I SGO NAS SBYOR BA RNAM PA BCU'O, ,JI LTAR NA DNGOS BSTAN RJES SU 'GRO BA'I SGO NAS SO, ,BCU PO GANG ZHE NA, GANG ZAG GI BDAG MED GOMS PAR BYED PA'I BYANG SEMS KYI SBYOR LAM CHOS CAN, GZHI'I NGO BO LA ZHEN SPYOD BKAG PA'I SBYOR BA YIN TE, GZUGS LA SOGS PA'I CHOS THAMS CAD LA SGRUB PA RANG DBANG BAR YONGS SU SHES PA BSAL BA'I SGO NAS SBYOR BA'I RNAL 'BYOR YIN PA'I PHYIR, DE CHOS CAN, GZHI'I KHYAD PAR LA ZHEN SPYOD 'GOG BA'I SBYOR BA YIN TE, DE DAG NYID KYI MI RTAG PA DANG STONG PA NYID LA SOGS PA LA SGRUB PA'I YONGS SU SHES PA GSAL BA'I SGO NAS SBYOR BA'I RNAL 'BYOR YIN PA'I PHYIR, DE CHOS CAN,

MTSAN NYID LA ZHEN SPYOD BKAG PA'I SBYOR BA YIN TE, SO SOR MA RDZOGS PA KUN BRTAGS DANG, RDZOGS PA YONGS SU GRUB PA DANG, DE GNYIS KYIS MTSON PA GZHAN DBANG LA SGRUB PA'I ZHES SOGS SO, ,SBYOR BA 'GOD TSUL DES 'GRE'O, ,CHAGS PA MED PA LA DE LTAR SBYOR BA GNYEN PO LA ZHEN SPYOD 'GOG PA DANG, GZHAN DU MI 'GYUR BA DANG, BYED PA PO MED PA NYID LA DE LTAR SBYOR BA BZHI'I CHOS NYID LA DANG, GO RIM BZHIN DU THAMS CAD MKHYEN PA NYID GSUM GYI NANG NAS RNAM MKHYEN GYI BDAG NYID NI DON DAM PAR MI DMIGS SHING KUN RDZOB TU BSKAL PA GRANGS MED GSUM GYIS THOB PAR BYA DGOS PAS CHED DU BYA BA BYA DKA' BA DANG LAM SHES PA NI DON DAM PAR MI DMIGS SHING, KUN RDZOB TU LAM GSUM LA SLOB KYANG RDZOGS SMIN MA SBYANGS PAR DE DAG GI 'BRAS BU MNGON SUM DU MI BYED PAS SBYOR BA BYA DKA' BA DANG, GZHI SHES NI, DE RANG RGYUD LA SKYES NAS DE'I SGO NAS NYAN RANG GI RIGS CAN GYI DON BYED KYANG, RANG NYID NYON MONGS TZAM SPANGS PA'I 'BRAS BU MNGON DU MI BYED PAS BYED PA'AM LAS SU BYA BA BYA DKA' BA'O, ,DE DAG LA DE LTAR SBYOR BA NI, BYA DKA' RNAM GSUM SBYOR BA LA DANG, GDUL BYA'I SKAL PA JI LTA BA BZHIN DU 'BRAS BU THOB PAS MI STONG PA NYID LA DE LTAR SBYOR BA NI SBYOR BA'I 'BRAS BU LA DANG, BSRUNG BYED GZHAN GYI RKYEN GYIS MI 'GRO BA NYID LA DE LTAR SBYOR BA SBYOR BA'I PHAN YON LA DANG YONGS SU 'GYUR BA SOGS BDUN LA DE LTAR SBYOR BA GZHI RANG BZHIN MED PAR SHES BYED KYIS RTAGS LA ZHEN SPYOD 'GOG PA'I SBYOR BA'O, ,RTAGS DE DAG GIS JI LTAR SHES PA BYED CE NA, SNANG BA PHYI NANG GI DNGOS PO RNAMS CHOS CAN, DON DAM PAR BDEN

, ,PAR MED DE, GNYIS SNANG GI BAG CHAGS YONGS SU 'GYUR BA TZAM GYI SNANG BA YIN PA'I PHYIR RMI LAM BZHIN, TING NGE 'DZIN RGYAL PO LAS, JI LTAR BU MO GZHON NU'I RMI LAM NA, ,BU PHO BYUNG ZHING SHI BA DES MTHONG NAS, ,BYUNG NA DGA' ZHING SHIN MI DGA' LTAR, ,CHOS RNAMS THAMS CAD DE BZHIN SHES PAR GYIS, ZHES PAS BSTAN TO, ,CHOS CAN, DE YIN TE, RGYU RKYEN MNYAM DU TSOGS PA LAS BYUNG BA'I SNANG BA TZAM YIN PA'I PHYIR, SGYU MA BZHIN DE LAS SGYU MA BYED PA DAG GIS GZUGS SPRUL TE, RTA DANG GLANG PO SHING RTA SNA TSOGS BYAS, ,DE LA JI BZHIN SNANG BA GANG YANG MED, ,CHOS RNAMS THAMS CAD DE BZHIN SHES PAR GYIS, ZHES SO, ,BDEN PAR SNANG YANG SNANG BA LTAR GRUB PA 'GAL BA'I PHYIR, SMIG RGYU BZHIN JI LTAR SO KA'I NYI MA PHYED DUS SU, ,SKYES BU SKOM PAS GDUNGS SHING 'GRO BA YIS, ,SMIG RGYU DAG LA CHU YI PHUNG POR SNANG, ZHES SOGS SO, ,RKYEN LA RAG LAS PA'I SNANG BA YIN PA'I PHYIR, SGRA BRNYAN BZHIN, JI LTAR MI DAG NAGS KYI KHROD 'DUG STE, ,SKYES BU GLU LEN DU DANG DGOD PA LAS, ,BRAG CHA SNANG YANG SNANG BA GANG YANG MED, ,CHOS RNAMS THAMS CAD DE BZHIN SHES PAR GYIS, ZHES SO, ,RANG BZHIN LAS MA 'PHOS PA'I SNANG BA YIN PA'I PHYIR, MIG YOR RAM GZUGS BRNYAN BZHIN, JI LTAR NAM MKHA' DVANGS PAR ZLA SHAR PA, ,DE YI GZUGS BRNYAN DVANG BA'I MTSOR SNANG YANG, ,ZLA BA CHU YI NANG DU 'PHOS PA MED, ,CHOS RNAMS THAMS CAD DE BZHIN SHES PAR GYIS, ZHES SO, ,BDEN PA'I RDZAS KYIS RTEN MED PA'I SNANG BA YIN PA'I PHYIR, DRI ZA'I GRONG KHYER BZHIN, BDEN PA'I BYED PA PO MED PA'I SNANG BA YIN PA'I PHYIR, DPER NA SPRUL PA BZHIN, JI LTAR SPRUL PA DRI ZA'I GRONG KHYER DANG

RMI LAM JI BZHIN SGYU MA JI BZHIN DU, ,MTSAN MA SGOM PA'ANG NGO BO NYID KYIS STONG, ,CHOS RNAMS THAMS CAD DE BZHIN SHES PAR GYIS, ZHES SO, ,DE LTAR BSTAN PA'I SBYOR BA 'DI DAG JI SRID GZHI'I CHOS LA MNGON ZHEN GYI DRI MA YOD KYI BAR DU SGOM DGOS PAS LAS DANG PO BA'I SA NAS SA BCU PA'I BAR DU BSGOM PA YIN NO, ,DE'I PHYIR NGES 'BYED CHA MTHUN MIN NO, ZHES GZHAN DAG SMRA BAR BYED DO, ,DE NI MI 'THAD DE, 'PHAGS PA DANG, SLOB DPON GNYIS KAS BZLOS SPONG GI SKABS SU NGES 'BYED CHA MTHUN DU BSHAD PA DANG, 'GAL ZHING RANG NYID KYIS KYANG BZLOS SPONG GI SKABS SU NGES 'BYED CHA MTHUN DU SMRAS PA DANG, DNGOS SU 'GAL BA'I PHYIR RO, ,DE BAS NA GANG ZAG GI BDAG GIS STONG BA'I GZHI, GZUGS SOGS RNAMS BDEN MED DU GTAN LA PHAB NAS, DE LTAR BDEN MED DU GTAN LA PHAB PA'I GZHI DE NYID GANG ZAG GI BDAG GIS STONG BAR SGOM PA'I BYANG SEMS KYI NGES 'BYED CHA MTHUN DU GYUR PA'I GZHI SHES KYI SBYOR BA NYID BSHAD PA YIN LA, DE'I DGOS PA YANG BYANG SEMS KYI SBYOR LAM DU DE LTAR SGOMS PAS MTHONG LAM DU GZHI SHES MTSAN 'DZIN DANG MA 'BREL BAR SKYE BA YIN LA, NYAN RANG GIS DE LTAR MA SGOMS PAR MTSAN 'DZIN DANG 'BREL BAR SKYE BA YIN NO, ZHES SHES PA'I CHED YIN NO, ,GNYIS PA NI, NYAN THOS LA SOGS PA YI NI, DE LTAR DNGOS SU BSTAN PA'I SHUGS KYIS NI JI SKAD BSHAD PA LAS BZLOG STE, GZHI LA BDEN 'DZIN MA BKAG PA GANG ZAG GI BDAG GIS STOD PA TZAM ZHIG BSGOMS TE, SBYOR BA YIN NO, ,LNGA PA LA, MTSAMS SBYAR NI, MNYAM PA NYID KYI SOGS SO, ,RTZA BA NI, GZUGS LA SOGS SO, ,'GREL PA NI, GZUGS LA SOGS PA'I NGO BO LA MNGON PAR ZHEN PA DANG, SNGON PO LA SOGS PA DE'I MTSAN MA'AM

, ,KHYAD CHOS DANG, RAB DBYE DU MA'I SPROS PA DANG, DE DAG RTOGS PA'I SHES PA RNAMS LA BDEN PAR RLOM PA RNAMS RNAM PA THAMS CAD DU MI DMIGS PA NI THEG CHEN GZHI SHES SBYOR LAM PA'I MNYAM PA NYID DAM 'DZIN STANGS YIN PAS SAM MNYAM PA NYID KYIS SO, ,NYAN RANG GI MNYAM NYID BZHI DANG MI LDAN PAR SHUGS LA SHES SO, ,NGAG DON NI, BYANG SEMS KYI GZHI SHES KYI SBYOR BA CHOS CAN, NYAN RANG GI GZHI SHES KYI SBYOR BA LAS KHYAD ZHUGS TE, GZUGS SOGS LA MNGON ZHEN 'GOG PA'I MNYAM NYID BZHI LDAN GYI SBYOR BA YIN PA'I PHYIR, DRUG PA MNYAM NYID RTOGS PA'I 'BRAS BU MTHONG LAM LA, SKAD CIG MA MDOR BSTAN, RNAM PA BSGOM TSUL RGYAS PAR BSHAD, ZHAR BYUNG SGOM LAM MI STON PA'I RGYU MTSAN NO, ,DANG PO LA MTSAMS SBYAR NI, SBYOR BA'I SOGS SO, ,RTZA BA NI, SDUG BSNGAL SOGS SO, ,'GREL PA NI, 'DIR BSTAN SKAD CIG MA BCU DRUG GI BDAG NYID KYI YE SHES NI CHOS CAN, THAMS CAD SHES PA NYID KYI SKABS SU BSTAN PA'I MTHONG BA'I LAM YIN TE, GANG ZAG GI BDAG MED MNGON SUM DU RTOGS PA'I YE SHES RANG BZHIN MED RTOGS KYIS ZIN PA'I MTHONG LAM YIN PA'I PHYIR, BCU DRUG GANG ZHE NA, BDEN PA'I SO SO LA SOGS SO, ,GNYIS PA LA MTSAMS SBYAR NI, BDEN PA'I RNAM PA GANG YIN ZHE NA, RTZA BA NI, GZUGS RTAG MIN SOGS SO, ,'GREL PA LA, DNGOS BSTAN BYANG SEMS KYI MTHONG LAM, SHUGS BSTAN NYAN RANG GI MTHONG LAM, DANG PO LA, SKAD CIG MA'I RNAM PA SO SOR BSHAD PA DANG, DON BSDU BA'O, DANG PO LA BZHI LAS, SDUG

BSNGAL GYI RNAM PA BZHI NI, BDEN PA'I NGO BO NYID MED PA'I PHYIR, GZUGS LA SOGS PA DON DAM PAR RTAG PA DANG MI RTAG PA NYID DANG BRAL BAS NA, RTAG PA YANG MIN, MI RTAG PA YANG MIN PA DANG, DON DAM PAR SDUG BSNGAL BA DANG, SDUG BSNGAL BA MIN PA DANG BRAL BA NYID KYIS PHUNG PO RGYUN RTAG PA DANG, RGYUN CHAD PA'I MTHA' DANG BRAL BA DANG, DON DAM PAR STONG PA DANG MI STONG PA DANG BRAL BA'I PHYIR RNAM PAR DAG PA DANG, DON DAM PAR BDAG DANG BDAG MED PA'I NGO BO NYID MIN PAS MA SKYES PA DANG MA 'GAGS PA DANG, KUN NAS NYON MONGS PA MIN PA DANG, RNAM PAR BYANG BA MIN PA DANG, NYAMS 'PHEL MED PA SOGS MNGON SUM DU RTOGS PAS RAB TU PHYE BA'I MTHONG LAM YE SHES CHOS CAN, SDUG BSNGAL BDEN PA RTOGS PA'I YE SHES KYI RNAM PAR DAG PA YIN TE, MI RTAG SOGS BZHI SGYU MA LTA BUR MNGON SUM DU GSAR DU MTHONG BAS RAB TU PHYE BA YIN PA'I PHYIR, GNYIS PA KUN 'BYUNG GI RNAM PA NI, SDUG BSNGAL GYI RGYU DANG RGYU MIN PA SOGS DE NYID KYI PHYIR, DON DAM PAR NAM MKHA' DANG 'DRA BA DANG, DON DAM PAR SDUG BSNGAL RDZAS RIGS KUN 'BYUNG BA DANG, KUN 'BYUNG BA MED PA DANG MI LDAN PA'I PHYIR NYON MONGS PA DANG NYE BA'I NYON MONGS PA THAMS CAD GDOD MA NAS SPANGS PA DANG, DON DAM PAR SDUG BSNGAL DRAG TU RAB TU SKYE BA DANG, RAB TU MI SKYE BA DANG MA 'DRES PAS YONGS SU 'DZIN PA LAS GROL BA DANG, DON DAM PAR SDUG BSNGAL RGYUD MAR BSKYED PA'I RKYEN DANG RKYEN MIN PA LAS RNAM PAR GROL BA'I PHYIR RANG GI NGO BOR BRJOD DU MED PA ZHES BYA BA RNAMS KUN 'BYUNG BDEN PA'I RNAM PA DAG YIN NO, ,SBYOR BA 'GOD TSUL SNGA MAS 'GRE'O, ,GSUM PA 'GOG PA'I RNAM PA BZHI NI, GANG GI PHYIR DON DAM PAR NYON MONGS

, ,'GAGS PA'I 'GOG PA DANG 'GOG PA MED PA DANG MA 'BREL BA DE'I PHYIR 'GOG PA'I BDEN PA'I DON TSIG TU BRJOD PAS RGYUD GZHAN LA SBYIN DU MED PA DANG DON DAM PAR SDUG BSNGAL ZHI BA DANG MA ZHI BA MED PAS DMIGS PA MED PAR BYED PA DANG, DON DAM PAR 'DOD CHAGS MCHOG TU GYUR PA'I GYA NOM PA DANG, GYA NOM PA MIN PA DANG BRAL BA'I PHYIR MTHA' GNYIS LAS 'DAS SHING RNAM PAR DAG PA DANG, DON DAM PAR RTAG PA'I GNAS SU NGES PAR 'BYUNG BA DANG, NGES PAR 'BYUNG BA MED PA YANG MED PA'I PHYIR NAD THAMS CAD MI SKYE BA'I YON TAN DANG LDAN PA ZHES BYA BA DE LTAR RTOGS PA'I MTHONG LAM NI 'GOG PA'I BDEN PA'I RNAM PA YIN NO, ,BZHI PA LAM GYI RNAM PA BZHI NI, DON DAM PAR LAM DANG LAM MIN PA DANG BRAL BA'I PHYIR NGAN SONG CHAD PA DANG, DON DAM PAR NYON MONGS KYI GNYEN PO BYED PA'I PHYIR RIGS PA DANG RIGS PA MIN PA DANG MA 'DRES PA'I PHYIR 'BRAS BU MNGON DU BYA BA'I DON GYI THABS LA RNAM PAR MI RTOG PA NYID DANG, DON DAM PAR SEMS PHYIN CI MA LOG PAR SGRUB PA DANG SGRUB PA MIN PA LAS RNAM PAR GROL BA NYID KYIS CHOS THAMS CAD KYI MTSAN MA DAG DANG MA 'BREL BA DANG, DON DAM PAR NGES PAR 'BYIN PA DANG NGES PAR 'BYIN PA MIN PA MED PA NYID KYIS BRJOD PAR BYA BA DANG BRJOD PAR BYED PA'I NGO BO NYID MTSAN NYID SHES BYA DANG SGRA GNYIS LA GNYIS 'DZIN GYI SHES PA SKYE BA MED PA ZHES BYA BA DE LTAR RTOGS PA'I MTHONG LAM GYI YE SHES NI LAM GYI BDEN PA'I RNAM PA DAG YIN NO, ,GNYIS PA NI, DE LTA'I RNAM PA CAN GYI KUN SHES PA NYID KYI SKAD CIG MA DAG NI BYANG CHUB SEMS DPA' RNAMS KYI MTHONG LAM YIN NO, ,GNYIS PA NI, NYAN

THOS RNAMS KYI MTHONG LAM SKAD CIG MA BCU DRUG NI CHOS CAN, KUN SHES PA NYID STON PA'I SKABS 'DIR SHUGS LA BSTAN PA'I MTHONG BA'I LAM YIN TE, RANG BZHIN MED RTOGS KYIS ZIN PA DE LAS BZLOG PA MI RTAG PA LA SOGS PA'I RNAM PA DAG TU SGOM PAR BYA BA MTSAN 'DZIN DANG 'BREL BA'I MTHONG LAM YIN PA'I PHYIR, GSUM PA NI, LAM SHES KYI SKABS LTAR 'DIR YANG SGOM LAM LOGS SU CI'I PHYIR MA BSTAN CE NA, SHES BYA CHOS CAN, GANG ZAG GI BDAG MED MNGON SUM DU RTOGS ZIN GOMS PAR BYED PA'I SGOM PA'I LAM NI SKABS 'DIR MA BSTAN PA'I RGYU MTSAN YOD DE, NYAN THOS KYI LAM GANG ZAG GI BDAG MED RTOGS PA'I YE SHES NI BYANG CHUB SEMS DANG SA NYAN THOS KYI RIGS CAN RJES SU GZUNG PHYIR DU YONGS SU SHES PAR BYA BA TZAM YIN GYI, RANG NYID DE'I 'BRAS BU NYON MONGS TZAM SPANGS PA MNGON DU BYA PHYIR DU GOMS PAR BYED PA NI MIN PAS DE'I RGYU MTSAN GYIS MA BSTAN PA YIN PA'I PHYIR, DES NA 'DIR GANG ZAG GI BDAG MED GOMS PAR BYED PA'I SGOM LAM BSTAN MA BSTAN DPYOD PA YIN PA'I PHYIR, NYAN THOS KYI RGYUD KYI MTSAN 'DZIN GZHI SHES SU GYUR PA'I SGOM LAM DANG, BYANG SEMS KYI CHOS KYI BDAG MED GOMS PAR BYED PA'I SGOM LAM BSTAN MA BSTAN DPYOD PA GANG YANG 'BREL MED DE, MTSAN 'DZIN GZHI SHES SU GYUR PA'I MTHONG LAM BYANG SEMS KYIS SHES PAR BYA BA'I MNGON RTOGS MIN LA, CHOS KYI BDAG MED GOMS PAR BYED PA'I SGOM LAM NI, BYANG SEMS KYI MNGON DU BYA NBA'I MNGON RTOGS KYANG MIN PAS 'DIR SHES PAR BYA BA'I MNGON RTOGS YIN PA'I PHYIR, MNGON DU BYA BA'I MNGON

, ,RTOGS MIN PAS ZHES PA'I RGYU MTSAN BKOD PA DAG DANG, RGYA MTSO'I PHA ROL DANG TSU ROL BZHIN GYUR PA'I PHYIR RO, ,KHA CIG NYAN THOS KYI LAM MTHONG BYED BYANG SEMS KYI MTHONG LAM DNGOS SU BSTAN PAS MTHONG BYA BZLOG PA'I SGO NAS SHUGS LA 'PHANGS ZHES SMRA BO NI, SKABS 'DIR NYAN THOS KYI LAM MTHONG BYED, BYANG SEMS KYI MTHONG LAM MNYAM GZHAG YE SHES SU SMRAS PA DANG, GONG DU NYAN THOS KYI LAM SHES TSUL BYANG SEMS KYI RJES THOB KYI CHOS KYI SPYAN GYIS SHES PAR SMRAS PA CHES 'GAL BA'I KHUR BLANGS PA RANG NYID KYIS MA MTHONG BAR ZAD DO, ,GZHAN YANG DE LTA NA LAM SHES KYI MTHONG LAM GYIS KYANG NYAN THOS KYI LAM BZLOG PA'I SGO NAS SHUGS LA 'PHEN NUS PAR MTSUNGS PAS, SKABS 'DIR MTHONG LAM YANG BSTAN PA DON MED PAR 'GYUR RO, ,GNYIS PA LA GSUM LAS, MTSAMS SBYAR NI, DE LTAR RGYAS PAR BSTAN NAS THAMS CAD MKHYEN PA NYID GSUM MJUG BSDU BAR MDZAD DE, MNGON RTOGS KYI DON MTHA' DAG SDUD PAR BYED PA 'DI NYID KYIS SO, ,RTZA BA NI 'PHAGS PA LTAR NA, RAB 'BYOR SHER PHYIN PA 'DI NI CHOS GANG YANG THOB PAR BYED PA MIN ZHES PA 'DI DANG, RAB 'BYOR SHER PHYIN 'DI NI 'DOD PA'I KHAMS LA SHIN TU 'DA' BAR BYED PA'AM GNAS PAR BYED PA MIN ZHES PA YANG 'DI DANG YANG RAB 'BYOR SHER PHYIN 'DI NI SANGS RGYAS KYI CHOS RNAMS STER BAR BYED PA'AM 'PHROG PAR BYED PA MIN ZHES PA 'DI YIN TE, DE LTAR GNAS SKABS SAM MDO CHEN GSUM PO DAG GIS MKHYEN PA RNAM PA GSUM PO 'DI NI MJUG BSDUS TE RDZOGS PAR YONGS SU BSTAN PA YIN NO, ,DE LA MDO DANG POS GZHI SHES, GNYIS PAS LAM SHES

GSUM PAS RNAM MKHYEN MJUG BSDUS LA, DE'I PHYIR 'PHAGS PAS GZHI SHES NAS MAS RIMS SU BSDU BA MDZAD PA NI, NYI KHRI DANG MTHUN PAR MDZAD PA YIN CING, SLOB DPON GYIS RNAM MKHYEN NAS YAS RIMS SU BSDU BA MDZAD PA NI BRGYAD STONG PA DANG MTHUN PAR MDZAD PA YIN NO; ;NGAG DON NI, MDO TSIG GSUM PO DE CHOS CAN, RAB 'BYOR GYI LE'U, MTHA' GNYIS RNAM DAG GI LE'U, SPYOD PA KHYAD PAR CAN GYI LE'U GSUM GYIS MJUG BSDUS PA YIN TE, LE'U GSUM PO DES MKHYEN GSUM RGYAS PAR BSHAD PA'I MJUG TU KHYOD KYIS MKHYEN GSUM MDOR BSDUS NAS BSTAN PA YIN PA'I PHYIR, GANG DAG LE'U DE GSUM GYIS RDZOGS PAR BSTAN CAS SBYOR BA NI BAB COL LO, ,'GREL PA NI, GONG DU BSHAD MA THAG PA'I TSUL DU RNAM PA THAMS CAD MKHYEN PA NYID MTSON BYED KYI CHOS BCU PO 'DI DANG LAM SHES PA NYID KYI CHOS BCU PO 'DI DANG GZHI LAM SHES PA NYID KYI CHOS DGU PO 'DI LTA STE, DE LTAR LE'U GSUM GYIS RNAM MKHYEN, LAM SHES GZHI SHES RNAM PA GSUM PO YONGS SU RDZOGS PAR MDZAD PA YIN NO, ,GZHAN DAG GIS BSHAD MA THAG PA'I TSUL DU BYED PA DE LTAR ZHES PA'I 'GREL PAR MA GO BAR SKYON SPONG LA SBYOR BA SOGS MUN SPRUL BYAS SNANG NGO, ,GSUM PA SKABS BSDU BA NI, SHES RAB KYI PHA ROL TU PHYIN PA'I MAN 'GAG GI BSTAN BCOS MNGON PAR ROTOGS PA'I RGYAN GYI 'GREL PA DON GSAL BA'I RNAM BSHAD RTOGS PAR DKA' BA'I SNANG BA LAS, SKABS GSUM PA'I 'GREL PA'O, , ` , ,GNYIS PA NYAMS SU BLANG BYA SBYOR BA BZHI BSHAD PA LA, DBANG DU BYED PA RGYU 'BRAS DANG, BSTAN PA RGYU 'BRAS GNYIS, DANG PO LA DBANG DU BYED PA'I RGYU RNAM KUN DANG, DBANG DU THOB PA RTZE MO'I SBYOR BA GNYIS, DANG PO LA,

, ,'BREL BKOD PAS MTSAMS SBYAR, 'BREL PA CAN GYI RAB DBYE BSHAD, SKABS BSDU BA'O, ,DANG PO NI, SHES BYA CHOS CAN, MKHYEN GSUM GYI 'OG TU RNAM PA KUN MNGON PAR RDZOGS PAR RTOGS PA 'CHAD PA'I RGYU MTSAN YOD DE, THAMS CAD MKHYEN PA NYID GSUM THOS BSAM GYIS YONGS SU SHES PA NI THAMS CAD MKHYEN PA NYID GSUM SGOM PAR BYED PAS BSHAD PA YIN PA'I PHYIR, GANG GI PHYIR SGOM NA THOS BSAM GYIS MKHYEN GSUM GYI RTOGS PA'I MTSAN NYID SOGS SHES PAR MI ZAD DE DAG GI RTOGS PA RANG RGYUD LA MYONG BA'I SGO NAS DBANG DU BYA BA'I PHYIR YANG NGO, ,JI LTAR SGOM NA, RNAM PA DANG LAM DANG GZHI SHES PA RNAMS MTSAN NYID DANG DBYE BA'I DANG RGYU LA SOGS PA'I SGO NAS SPROS PA MIN PAR YE SHES RANG RANG GI 'DZIN STANGS KYI RIGS THAMS CAD RNAM PA BRGYA DANG BDUN CU RTZA GSUM DU BSDU BA'I SGO NAS SO, ,DE'I DGOS PA YANG YE SHES 'DI DAG SGOM PA NI, 'DI'I MTSAN NYID NI 'DI'O, ,DBYE NA 'DI SNYED CIG GO SNYAM PA SOGS SGOM PA YANG MIN LA, LHA BSGOM PA LTA BU YANG MIN GYI, RNAL 'BYOR PA'I SHES PA YE SHES DE DANG DE'I 'DZIN STANGS KYI NGO BOR BSKYED NAS SGOM PA YIN TE DPER NA SNYING RJE SGOM PA BZHIN NO, ,GNYIS PA LA RNAM PA SBYOR BAS SGOM TSUL, SBYOR BA DANG POR SKYES PA'I GNAS SKABS, SKYES BA KHYAD PAR DU GYUR PA'I RTAGS KYI RAB DBYE, KHYAD PAR DU GYUR PA'I GANG ZAG GI SGOM RIM BSHAD PA'O, ,DANG PO LA, BSGOM BYA RNAM PA'I RAB DBYE, SGOM PA PO RTEN GYI GANG ZAG ,GANG GIS BSGOM PA'I SBYOR BA'I DBYE BA, SBYOR BA BSGOMS PA'I PHAN YON YON TAN, SBYOR BA BSGOMS PA'I TSE DOR BYA'I GOL SA SKYON, SBYOR BA'I RANG BZHIN MTSON BYED KYI MTSAN NYID, SGOM BYUNG GI SBYOR BA'I NYER RGYU THAR PA CHA MTHUN BSHAD PA'O, ,DANG

PO LA, SPYI DON DANG, TSIG GI DON NO, ,DANG PO NI, KHA CIG RNAM PA LA DON RNAM DANG SHES RNAM GNYIS LAS, 'DRI BSTAN BRJOD BYA'I GTZO BO NI DON RNAM NYID YIN LA, MDOR BSTAN DU SHES RNAM DNGOS SU BSTAN CING, RGYAS BSHAD DU DON RNAM DNGOS SU BSTAN TO, ZHES SMRA BAR BYED LA, DON RNAM NI YE SHES KYI SGO 'DOGS BCAD PAR BYA BA'I YUL DANG, SHES RNAM NI YUL CAN YE SHES NYID LA 'DOD DO, ,DE YANG 'THAD PA MIN TE, 'DIR BSTAN BRJOD BYA'I GTZO BOR GYUR PA'I BSGOM BYA RNAM PA YIN NA RANG GI MI MTHUN PHYOGS KYI GNYEN PO YIN DGOS PA'I PHYIR TE, MDOR BSTAN GYI RTZA 'GREL 'DI DAG BSGOM BYA RNAM PA'I MTSAN NYID STON BYED KYI GZHUNG YIN PA'I PHYIR RO, ,GZHAN YANG GZHI SHES DANG, LAM SHES DANG, RNAM MKHYEN GYI RNAM PA BRGYA DANG BDUN CU RTZA GSUM PO 'DI LAS GANG YANG MIN, 'DIS SGOM BYA'I RNAM PA SKABS 'DIR ZUR TZAM YANG MA GSUNGS PA'I PHYIR, TSUL DE NYID SMRA BA NI GZHUNG RTZA 'GREL LA DNGOS SU BSTAN BAR BYED PA YIN NO, ,DE BAS NA 'DIR BSTAN BSGOM BYA'I RNAM PA NI SHES RNAM KHO NA YIN TE, MDO LAS KYANG, RNAM PA RNAMS LA PHA ROL TU PHYIN PA'I SGRAS GSUNGS SHING, MDOR BSTAN GYIS RNAM PA THAMS CAD YE SHES SU GSUNGS BA'I PHYIR DANG, MDOR BSTAN DU BSTAN PA DE NYID RGYAS BSHAD KYIS 'CHAD PA MIN NA, LUS DANG YAN LAG MI MTHUN PAS SKYON CHAGS PAR 'GYUR BA'I PHYIR RO, ,'O NA MED PA DANG MI SKYE BA SOGS BSHAD PA CI ZHE NA, MED PA DANG MED PA'I RNAM PA LA KHYAD PAR CHA STE, MED PA ZHES PAS YUL BDEN PA'I RNAM PA BSTAN KYANG, MED PA'I RNAM PA NI DA RTOGS KYI YE SHES YIN NO, ,DE LTA MIN NA MIG YOR GYI RNAM PA YANG MIG YOR NYID LA 'DOD DGOS NA YANG, MIG YOR GYI SHES SGRIB GZUNG RTOG GI GNYEN POR JI LTAR 'GYUR, GZHAN YANG DE BZHIN NYID KYI RNAM PA'ANG DE BZHIN NYID LA 'DOD

, ,DGOS PAR 'GYUR LA, DE LTA NA THUN MONG MIN PA'I LAM DU BSHAD PA DANG 'GAL LO, ,DES NA RNAM MKHYEN GYI RNAM PA SGOM PA NA YANG, SANGS RGYAS KYI THUGS RGYUD LA YOD PA'I MKHYEN PA GSUM DANG, 'DZIN STANGS KYI RIGS MTSUNGS PA'I YE SHES DA LTA THUGS RGYUD LA BSKYED NAS SGOM PA LA SHES PAR BYA ZHING RNAM MKHYEN DANG, RNAM MKHYEN GYI RNAM PA LA KHYAD MED PA GZHAN DAG GI LTAR NA NI, RNAM MKHYEN GYI RNAM PA SBYOR BAS RGYUD LA BSKYED NAS BSGOMS PA NA RNAM MKHYEN RGYUD LA BSKYED NAS SGOM DGOS PAS CHOGS LAM NA'ANG RNAM MKHYEN YOD PAR THAL PA BZLOG TU MED DO, ,GNYIS PA TSIG DON LA, MDOR BSTAN, RGYAS PAR BSHAD, DON BSDU BA'O, ,DANG PO LA, RTZA BA NI, BZHI BDEN PA'I RNAM PA SHES PA'I YE SHES KYI BYE BRAG RNAMS LA RNAM PA ZHES BYA STE, RNAM PA SPYI'I MTSAN NYID DO, ,DBYE NA DU YOD CE NA DE NI RNAM PA GSUM DU 'DOD DE, 'BYED PA'I RGYU MTSAN, KUN MKHYEN NYID NI RNAM PA GSUM DU NGES PAS DES NA MKHYEN GSUM GYI RNAM PA MTSAN GZHI, SKABS 'DIR BSTAN BSGOM BYA RNAM PAR MTSON, BDEN PA'I RNAM PA LA DMIGS PA'I BYANG SEMS KYI YE SHES, ZHES DGOD PAR BYA'O, ,'GREL PA NI, MTSAN NYID DANG DBYE BA'O, ,DANG PO NI, RTAG PA DANG BDE BA LA SOGS PAR 'DZIN PA'I MI MTHUN PA'I PHYOGS KYI GNYEN PO'I CHOS NYID KYI NGO BO NYID KYIS MI RTAG PA LA SOGS PA LA DMIGS PA'I YE SHES KYI BYE BRAG RNAMS BSGOM BYA RNAM PA NYID DU RNAM PAR RIG PA NI 'DIR BSTAN RNAM PA'I MTSAN NYID DO, ,GNYIS PA NI, DE DAG KYANG RNAM PA GSUM KHO NAR BZHED DO, ,'BYED PA'I RGYU MTSAN, THAMS CAD MKHYEN PA NYID GSUM GYI BYE BRAG GIS SO, ,MTSON SBYOR SNGAR LTAR RO, ,GNYIS PA LA SPYI'I MTSAMS SBYAR, SO SO'I DON BSHAD PA'O, ,DANG PO NI, RNAM PA RNAMS

SPYIR BSTAN NAS DA NI KHYAD PAR DU PHYE NAS, 'CHAD DO, ,GNYIS PA LA GSUM LAS, DANG PO GZHI SHES KYI RNAM PA LA, RTZA 'GREL GNYIS LAS, RTZA BA NI, RKANG PA DANG PO GNYIS KYIS BCOM LDAN 'DAS SHER PHYIN 'DI NI MA MCHIS PA'I PHA ROL TU PHYIN PA'O, ZHES PA NAS MI G+YO BA'I PHA ROL TU PHYIN PA'O; ZHES PA'I BAR GYI MDO DGOD PA'O, ,RKANG PA THA MA GNYIS KYIS MDO'I MTSAMS PHYE NAS 'CHAD PA'O, ,'GREL PA LA, BDEN PA BZHI'I RNAM PA SO SOR BSHAD, GRANGS KYI SGO NAS DON BSDU BA'O, ,DANG PO LA BDEN PA DANG PO GSUM GYI RNAM PA BSHAD PA DANG, LAM BDEN GYI RNAM PA BSHAD PA'O; ;DANG PO NI, MKHYEN PA GSUM GYI RNAM PA GSUM YOD PA DES RE SHIG THAMS CAD SHES PA NYID KYI DBANG DU BYAS NAS RNAM PA NYER BDUN GSUNGS PA DE DANG POR 'CHAD DO, ,DE YANG SKABS 'DI'I MDO LAS MED PA'I RNAM PA LA SOGS BSHAD PA RNAMS MI RTAG PA LA SOGS PA YONGS SU GRAGS PA'I RNAM PA DAG DANG SBYAR NAS BSHAD NAS, RTAG TU MED PA DANG, SDUG BSNGAL DON DAM PAR MI SKYE BA DANG DON GZHAN GYIS BDAG GIS DBEN PA DANG, RANG GI NGO BO BDAG TU RTOG PAS MI BRDZI BA RNAMS NI GA RIM BZHIN DU SDUG BSNGAL LA BDEN PA'I MI RTAG SDUG BSNGAL STONG PA BDAG MED BZHI'I MTSAN NYID DAG BSTAN PA YIN NO, ,DE DAG RTOGS PA'I THEG CHEN YE SHES CHOS CAN, 'DIR BSTAN SDUG BSNGAL BDEN PA'I RNAM PA YIN TE, SDUG BSNGAL BDEN PA'I MTSAN NYID RTOGS PA'I BYANG SEMS KYI YE SHES KYI 'DZIN STANGS YIN PA'I PHYIR, NGAG DON NI RIGS 'GRO'O, ,DON DAM PAR SDUG BSNGAL BSKYED PA'I GNAS MED PA DANG NAM MKHAR LTAR SKYE 'GAG MED PA DANG, SGRA RJOD BYED DU 'JUG PA'I RGYU RTOG DPYOD MED PA DANG MING BZHI'I PHUNG PO BDEN PAR MED PA RNAMS KYIS GO RIM BZHIN DU KUN 'BYUNG GI RGYU LA SOGS PA'I MTSAN

, ,NYID DAG YIN NO, ,YE SHES KYIS MNGON DU BYED DGOS KYI RKANG GIS SONG NAS THOB BYA MIN PAS 'GRO BA MED PA DANG, GNYIS SNANG GI RNAM PA'I SGO NAS MI 'PHROGS PA DANG, DON DAM PAR DRI MA MI ZAD PA DANG, DON DAM PAR SKYE BA MED PA RNAMS NI 'GOG PA'I BDEN PA'I 'GOG PA LA SOGS PA DAG YIN NO, ,GNYIS PA LA RTEN LAM GYI DBYE BA, BRTEN PA RNAM PA'I RAB DBYE, GRANGS KYI DON BSDU BA'O, ,DANG PO NI, THAMS CAD SHES PAS BSDUS PA'I LAM RNAM PA GSUM MO, ,GSUM PO GANG ZHE NA, NYON MONGS PA'I SGRIB PA'I GNYEN PO NYID DU NYON MONGS KYI ZAG PA MED PA'I LAM GANG ZAG GI BDAG MED RTOGS PA'I YE SHES GCIG DANG SHES SGRIB GZUNG RTOG GI GNYEN PO SGOM PA'I LAM GZUNG RTOG GI ZAG PA DANG BCAS PA RJES THOB DANG, MNYAM GZHAG DE ZAG PA MED PA GNYIS YIN PAS SO, , ZAG MED DES MNYAM GZHAG MTHONG SGOM GNYIS KA BSDUS SO, ,GZHI SHES KYI SKABS SU SHES SGRIB KYI GNYEN PO STON PA MA 'BREL LO ZHE NA, SKYON MED DE, THAMS CAD SHES PA NYID KYIS RANG SANGS RGYAS RNAMS KYANG BSDUS PAS DE'I PHYIR RANG SANGS RGYAS DE DAG GIS SHES BYA'I SGRIB PA GZUNG RTOG GI GNYEN PO NYID DU GZHI SHES SGOM PAS SO NGAG DON NI, GZHI SHES BSDUS PA'I LAM BDEN CHOS CAN, GSUM DU YOD DE, NYON MONGS PA'I ZAG MED DANG, SHES SGRIB GZUNG RTOG GI ZAG BCAS GCIG DANG, ZAG MED GCIG RNAMS SU YOD PA'I PHYIR, 'DIS NI RANG SANGS RGYAS GZUNG RTOG GI GNYEN POR GZHI SHES SGOM PAR SHES SGRIB GZUNG RTOG GNYEN POR GYUR BA'I GZHI SHES YOD PA'I SGRUB BYED BKOD PA YIN GYI, SKABS 'DI NYID GZHI SHES KYI RNAM PA'I RTEN LAM GSUM PO DE NYAN RANG GI RGYUD KYI LAM YIN PAR STON PA MIN TE, DA LTA NA

SKABS 'DIR BSTAN GZHI SHES KYI SHES RNAM RNAMS KYANG NYAN RANG GI RGYUD LA YOD PA KHO NAR 'GYUR LA, DE LTA NA RNAM PA BRGYA BDUN CU RTZA GSUM PO SGOM PA'I RTEN GYI GANG ZAG, SANGS RGYAS RNAMS LA LHAG PAR BYAS, ZHES SOGS KYI MTSAN NYID CAN GYI THEG CHEN GYI GANG ZAG DGOS PAR BSHAD PA DANG 'GAL PA'I PHYIR DANG, GZHI SHES KYI RNAM PA 'DI DAG SGOM PA'I RNAM RDZOGS SBYOR BA NYAN RANG LA'ANG YOD PAR THAL ZHING, DE LTA NA RTZE SBYOR SOGS KYANG YOD DGOS PAS NYAN RANG LA SBYOR PA BZHI KA YOD PAR THAL BAS SO, ,GNYIS PA LA GSUM LAS, LAM DANG PO'I RNAM PA NI, LAM GSUM YOD PA DE LA LAM DANG PO'I RNAM PA LA BYED PA PO'I RNAM PA LA BYED PA PO'I GANG ZAG GI BDAG MED PA DANG, SHES PA PO'O GANG ZAG GI BDAG MED PA DANG, GONG DU 'PHO BA PO'I GANG ZAG GI BDAG MED PA DANG, NYON MONGS 'DUL BA PO'I GANG ZAG GI BDAG MED PA RTOGS PA ZHES MDO LAS GSUNGS PA'I RNAM PA BZHI NI GO RIM BZHIN DU LAM RIGS PA LA SOGS PA'I MTSAN NYID DAG GI DBANG DU BYAS PA YIN NO, ,LAM GNYIS PA'I RNAM PA LA RMI LAM DANG, SGRA BRNYAN DANG, MIG YOR DANG, SMIG RGYU DANG, SGYU MA'I RNAM PA STE LNGA MDO LAS GSUNGS PA'I DON NI GO RIM BZHIN DU DPE DE DAG GIS MTSON PA, PHYI'I GZUNG BA DON DAM PAR NGO BO NYID MED PA DANG, MA SKYES PA DANG, MA 'GAGS PA DANG, GZOD MA NAS ZHI BA DANG, RANG BZHIN GYIS YONGS SU MYA NGAN LAS 'DAS PA'I MTSAN NYID DAG RTOGS PA'I DBANG DU BYAS PA STE, DE DAG NI SPYIR SHES BYA'I SGRIB PA GZUNG RTOG TZAM GYI GNYEN POR GYUR PA DAG YIN NO, ,LAM GSUM GYI RNAM PA LA KUN NAS NYON MONGS MED PA DANG, RNAM PAR BYANG BA MED PA DANG, GOS PA MED PA DANG, SPROS PA MED PA DANG, RLOM PA MED PA DANG MI G+YO BA'I RNAM PA STE DRUG MDO LAS GSUNGS

, ,PA DAG GI DON NI GO RIM BZHIN DU SHES BYA'I SGRIB PA GZUNG RTOG CHAGS SOGS KYIS KUN NAS NYON MONGS PA DANG, DAD SOGS KYIS RNAM PAR BYANG BA DANG, NYON MONGS PA'I BAG CHAGS DANG, GZUGS LA SOGS PA'I GNYIS SNANG GI SPROS PA DANG, RANG GI RTOGS PA THOB PA DANG, THOB ZIN YONGS SU NYAMS PA RNAMS LA BDEN PAR RNAM PAR RTOG PA DRUG PO RNAMS KYIS SO SOR NGES PA'I GNYEN POR GYUR PA DAG YIN NO, ,GZHUNG TSAN GSUM LA NGAG DON NI, RIM BZHIN, BYED PA PO'I GANG ZAG GI BDAG MED RTOGS PA'I GZHI SHES CHOS CAN, LAM GYI RNAM PA YIN TE, BYED PA PO'I GANG ZAG GI BDAG 'DZIN GYI GNYEN POR GYUR PA'I GZHI SHES YIN PA'I PHYIR, ZHES PA NAS, GZUNG BA BDEN MED RTOGS PA'I MNYAM GZHAG GI YE SHES CHOS CAN, YONGS SU NYAMS PAR RNAM PAR RTOGS PA'I GZUNG RTOG GI GNYEN PO YIN TE, GZUNG MED RTOGS PA'I MI G-YO BA'I RNAM PA YIN PA'I PHYIR, ZHES PA'I BAR DU DGOS PAR BYA'O, ,GSUM PA NI, DE LTAR NA LAM GYI BDEN PA LA RNAM PA BCO LNGA STE'O, ,GNYIS PA NI SPYIR NA SOGS SO, ,GNYIS PA LAM SHES KYI RNAM PA LA GSUM LAS, MTSAMS SBYAR NI, DE'I 'OG TU LAM SHES PA NYID KYI RNAM PA 'CHAD DO, ,RTZA BA NI, MDO LAS, SHER PHYIN 'DI NI 'DOD CHAGS DANG BRAL BA'I PHYIR ZHES PA NAS, SHER PHYIN 'DI NI DNGOS PO MED PA'I NGO BO NYID STONG PA NYID KYI PHAR PHYIN NO, ZHES PA'I BAR RNAM PA SUM CU RTZA DRUG GSUNGS PA TSIGS SU BCAD PA 'DIS, BDEN PA BZHI PO LA SBYAR NAS 'CHAD DO, ,'GREL PA LA, SPYIR BSTAN, SO SOR BSHAD, GRANGS KYI DON BSDU BA'O, ,DANG PO NI, MDO LA KA RNAM PA SUM CU RTZA DRUG GSUNGS PA DE DAG KUN 'BYUNG BA DANG, LAM DANG, SDUG BSNGAL DANG, 'GOG PA'I BDEN PA LA GRANGS BZHIN DU RNAM PA

BRGYAD DANG ZHES BYA BA DANG LA SOGS PA BDUN DANG LNGA DANG BCU DRUG GI DBANG DU BYAS PAR KHONGS SU CHUD PAR BYA'O, ,BDEN BZHI'I GO RIM SKABS GZHAN DANG MI MTHUN PA CI ZHE NA, GZHAN DU BSHAD PA YUL CAN RTOGS PA'I GO RIM YIN LA, 'DIR DON GYI RIM PA'I SGO NAS BSTAN TE, DE YANG KUN NAS NYON MONGS PA'I PHYOGS LA BRTEN PA'I KUN 'BYUNG BA'I BDEN PA DAG NI RGYU YIN LA SDUG BSNGAL GYI BDEN PA DAG NI 'BRAS BU YIN ZHING CIG SHOS RNAM BYANG GI PHYOGS LA BRTEN PA'I LAM GYI BDEN PA DAG NI RGYU YIN LA 'GOG PA'I BDEN PA DAG NI 'BRAS BU YIN PAS SO, ,NGAG DON NI, LAM SHES KYI RNAM PA CHOS CAN, SUM CU RTZA DRUG YOD DE, KUN 'BYUNG GI RNAM PA BRGYAD, LAM GYI BDUN, SDUG BSNGAL BDEN PA'I LNGA, 'GOG BDEN PA'I BCU DRUG RNAMS SU YOD PA'I PHYIR, GNYIS PA LA KUN 'BYUNG GI RNAM PA SPANG GNYEN DANG, LAM GYI RNAM PA DAM BCA' DANG GTAN TSIGS DANG, DU : KHA'I RNAM PA RANG SPYI'I MTSAN NYID DANG, 'GOG PA'I RNAM PA PHAN YON GYI SGO NAS BSTAN PA'O, ,DANG PO NI, BDEN PA BZHI'I RNAM PA BSTAN PA DE LA RGYU KUN 'BYUNG BDEN PA'I RNAM PA BRGYAD YIN NO, ,RGYU KUN 'BYUNG RAB SKYE RKYEN GYI GNYEN POR GYUR PA GSUM DANG GSUM DANG, GCIG DANG GCIG STE DE LTAR NO'O, ,GANG ZHIG GANG GI GNYEN PO YIN CE NA, DA LTAR BA'I PHUNG PO LA 'DOD CHAGS DANG BRAL BA DANG, MA 'ONGS BA'I PHUNG PO LA 'DUN PAS MI GNAS PA DANG, YANG SRID LA DGA' BA NYE BAR ZHI BA'I LAM SHES KYI RNAM PA NI CHOS CAN, RGYU GANG YIN PA'I GNYEN PO YIN TE, 'DUN PA DANG 'DOD CHAGS LA DGA' BA'I GNYEN PO YIN PA'I PHYIR, 'DOD CHAGS MED PA DANG, ZHE SDANG MED PA DANG, GTI MUG MED PA'I LAM SHES KYI RNAM PA DAG NI CHOS CAN, KUN 'BYUNG BA DANG YIN PA'

, ,GNYEN PO YIN TE, 'DOD CHAGS DANG, ZHE SDANG DANG, GTI MUG GI GNYEN PO YIN PA'I PHYIR, NYON MONGS PA MED PA'I LAM SHES KYI RNAM PA DAG NI CHOS CAN, RAB TU SKYE BA GANG YIN PA'I GNYEN PO YIN TE, KUN TU RTOG PA'I GNYEN PO YIN PA'I PHYIR, BDEN PA'I SEMS CAN MED PAR RTOGS PA'I LAM SHES KYI RNAM PA DAG NI CHOS CAN, RKYEN GANG YIN PA'I GNYEN PO YIN TE, SEMS CAN DU MNGON PAR ZHEN PA'I GNYEN PO YIN PA'I PHYIR, DE YANG KUN 'BYUNG SPANGS BYAR SHES PA'I CHED DU SPANG GNYEN GYI SGO NAS BSTAN TO, ,GNYIS PA NI LAM GYI BDEN PA'I RNAM PA NI BDUN YIN TE, LAM RIGS PA SGRUB PA NGES 'BYIN DE RNAMS KYI NGO BO NYID GNYIS DANG GNYIS DANG GCIG YOD PA DE LTAR NA'O, ,DE DAG KYANG GANG ZHE NA, DAM BCA' DANG 'THAD PA'I TSUL DU GO RIM BZHIN DU SBYAR NAS BSHAD PA NI, TSAD MED PA'I LAM SHES KYI RNAM PA DAG NI CHOS CAN, SEMS CAN THAMS CAD LA GO SKABS 'BYED PA'I LAM YIN TE, JI LTAR SEMS CAN THAMS CAD LA GO SKABS 'BYED PA'I TSUL 'KHOR 'DAS KYI MTHA' GNYIS DANG MA 'BREL BA'I SGO NAS 'BYED PA'I LAM YIN PA'I PHYIR, CHOS DBYINGS THA MI DAD LA RTOGS PA'I LAM SHES KYI RNAM PA DAG NI CHOS CAN, RIGS PA GANG YIN PA'I RNAM PA YIN TE, JI LTAR RIGS PA YIN PA'I TSUL NYAN RANG LA MCHOG TU 'DZIN PA MED PAS RANG DON YID BYED KYI GNYEN PO YIN PA'I PHYIR, RNAM PAR MI RTOG PA'I LAM SHES KYI RNAM PA DAG NI CHOS CAN, SGRUB PA GANG YIN PA'I RNAM PA YIN TE, JI LTAR SGRUB PA YIN PA'I TSUL GZHAL DU MED PA'I CHOS NYID RTOGS PAS SEMS PHYIN CI MA LOG PAR SGRUB PA YIN PA'I PHYIR, BDEN PAR CHAGS PA MED PA'I LAM SHES KYI RNAM PA DAG NI CHOS CAN, NGES PAR 'BYUNG

PA'I RNAM PA YIN TE, JI SKAD BSHAD PA'I TSUL GYIS LAM RIGS PA SGRUB PA YIN PA'I PHYIR, DES NA SNGA MA RNAMS PHYI MA 'DI'I SGRUB BYED DU 'GYUR BA LA DGONGS NAS, 'DI LA SGRUB BYED LOGS PA MA GSUNGS PA YIN NO, ,GSUM PA NI, MI RTAG PA DANG, SDUG BSNGAL BA DANG, STONG PA DANG, BDAG MED PA DANG, LNGA PA MTSAN NYID MED PA'I RTOGS PA'I RNAM PA'I NGO BO NYID RNAMS CHOS CAN, SDUG BSNGAL BDEN PA'I RNAM PA YIN TE, SDUG BSNGAL BDEN PA'I RANG SPYI'I MTSAN NYID RTOGS PA'I YE SHES KYI 'DZIN STANGS YIN PA'I PHYIR, DE LTAR NA RNAM PA LNGA YIN NO, ,BZHI PA NI, MDO LAS STONG NYID BCU DRUG GI RNAM PA BCU DRUG GSUNGS PA 'GOG BDEN GYI MTSAN NYID BZHI DANG SBYAR BA NI, NANG DANG PHYI DANG GNYIS KA STONG PA NYID RTOGS PA'I RNAM PA GSUM CHOS CAN, 'GOG PA RTOGS PA'I RNAM PA'I NGO BO NYID YIN TE, NANG DANG PHYI DANG GNYIS KA'I DNGOS PO RNAMS SU BDEN PAR ZHEN PA'I DRI MA DGAG PAS RAB TU PHYE BA'I CHOS NYID RTOGS PA'I YE SHES YIN PA'I PHYIR, STONG PA DANG, CHEN PO DANG, DON DAM PA DANG, 'DUS BYAS DANG, 'DUS MA BYAS DANG, MTHA' LAS 'DAS PA DANG, THOG MA DANG THA MA MED PA DANG, DOR BA MED PA STONG PA NYID RTOGS PA'I RNAM PA STE BRGYAD NI CHOS CAN, ZHI BA RTOGS PA'I RNAM PA'I NGO BO NYID YIN TE, KUN PO RTAGS PA'I BDAG GIS STONG PA DANG SNOD KYI 'JIG RTEN DANG, DON DAM PA DANG, 'DUS BYAS DANG, 'DUS MA BYAS DANG, RTAG PA DANG, CHAD PA'I MTHA' DANG BRAL BA DANG 'KHOR BA THOG MA DANG THA MA MED PA DANG RTOGS PA'I CHOS DOR PA MED PA RNAMS LA BDEN PAR MNGON PAR ZHEN PA DGAG PAS PHYE BA'I CHOS NYID RTOGS PA'I YE SHES YIN PA'I PHYIR, RANG BZHIN STONG PA NYID RTOGS PA'I RNAM PA CHOS CAN, GYA NOM PA RTOGS PA'I RNAM PA YIN TE, GZHAN GYIS KUN BRTAGS PA'I BYED PA POR

, ,ZHEN PA DGAG PAS RAB TU PHYE BA'I CHOS NYID RTOGS PA'I YE SHES YIN PA'I PHYIR, CHOS THAMS CAD DANG, RANG GI MTSAN NYID DANG, MI DMIGS PA STONG PA NYID RTOGS PA'I RNAM PA DE GSUM CHOS CAN, JI LTAR NGES PAR 'BYUNG BA RTOGS PA'I RNAM PA YIN TE, BRTAGS PA TZAM GYI BDAG NYID BDEN PA'I YUL DU 'KHRUL PA DANG, MTSAN NYID 'KHRUL PA DANG, DUS SU 'KHRUL PA RNAMS DGAG PAS RAB TU PHYE BA'I CHOS NYID RTOGS PA'I YE SHES YIN PA'I PHYIR, DNGOS PO MED PA'I NGO BO NYID STONG PA NYID RTOGS PA'I RNAM PA GCIG PO CHOS CAN, NGES PAR 'BYUNG BA'I NGO BO RTOGS PA'I RNAM PA KHO NA YIN TE, BDEN PA'I NGO BO NYID DU ZHEN PA DGAG PAS RAB TU PHYE BA'I CHOS NYID RTOGS PA'I YE SHES YIN PA'I PHYIR, DE LTAR NA 'GOG PA'I BDEN PA'I RNAM PA BCU DRUG YIN NO, ,LAM BSTEN BYAR SHES PA'I PHYIR DU 'THAD PA'I SGO NAS DANG, SDUG BSNGAL SHES BYAR BSTAN PA'I PHYIR RANG SPYI'I MTSAN NYID DANG, 'GOG PA THOB BYAR SHES PA'I PHYIR DU PHAN YON GYI SGO NAS BSTAN TO, ,GSUM PA NI, PHYIR NI SOGS SO, ,GSUM PA LA GSUM LAS, DANG PO MTSAMS SBYAR BA NI DE'I 'OG TU SOGS SO, ,RTZA BA NI, RKANG PA DANG PO GNYIS KYIS, MDO LAS YUM 'DI NI DRAN PA NYE BAR BZHAG PA'I PHA ROL TU PHYIN PA'O, ZHES PA NAS, YUM 'DI NI SANGS RGYAS KYI PHA ROL TU PHYIN PA'O, ZHES PA'I BAR BSHAD BYA'I MDO DGOD PA'O, ,LHAG MAS DE 'CHAD PAR BYED DO, ,GSUM PA 'GREL PA LA, MDOR BSTAN PA DANG, RGYAS PAR BSHAD PA'O, ,DANG PO NI, DRAN PA NYER BAR BZHAG PA NAS BZUNGS TE SANGS RGYAS KYI RNAM PA'I MTSAR THUG PA BRGYA DANG BCU MDO LAS GSUNGS PA RNAMS NI THAMS CAD MKHYEN PA NYID GSUM GYIS BSDUS PA'I LAM YIN PA'I SGO NAS GRANGS

BZHIN DU SANGS RGYAS DANG, NYAN THOS RNAMS LA THUN MONG DU YOD PA'I RNAM PA SUM CU RTZA BDUN DANG, SANGS RGYAS DANG BYANG CHUB SEMS DPA' RNAMS LA THUN MONG DU YOD PA'I RNAM PA SUM CU RTZA BZHI DANG, SANGS RGYAS RNAMS KHO NA LA YOD PA'I RNAM PA SUM CU RTZA DGUR BZHED DO, ,RNAM MKHYEN GYI RNAM PA STON PA NA NYAN RANG BYANG SEMS DANG THUN MONG BA'I RNAM PA DE DAG CI'I PHYIR STON CE NA, RNAM PA THAMS CAD MKHYEN PA NYID KYIS 'PHAGS PA'I GANG ZAG THAMS CAD KYI RTOGS RIGS YAR LDAN DU BSDUS PA'I PHYIR SKYON MED DO, ,DE YANG GZHI SHES DANG, LAM SHES KYI RNAM PA NYAN RANG DANG, BYANG SEMS DANG, SANGS RGYAS LA RIM BZHIN THUN MONG DU YOD PAS RNAM MKHYEN GYI RNAM PA STON PA NA DE DAG DANG THUN MONG PA'I RTOGS PA RNAMS KYI RNAM PA YANG GYI DGOS SO, ZHES SHES PAR BYA BA'I PHYIR DANG, RNAM MKHYEN GYI RNAM PA BRGYA DANG BCU'I NANG NAS 'DI DAG NYAN RANG THUN MONGS PA'I RTOGS RIGS YIN LA, 'DI DAG BYANG SEMS DANG THUN MONG BA'I RTOGS RIGS YIN CING, 'DI DAG SANGS RGYAS KHO NA'I RTOGS RIGS YIN NO ZHES SHES PA'I PHYIR SLOB MA RNAMS LA ZHES DANG, BYANG CHUB SEMS DPA' RNAMS LA ZHES GSUNGS PA YIN GYI, NYAN THOS KYI RGYUD KYI GZHI SHES DANG, BYANG SEMS KYI RGYUD KYI LAM SHES SU STON PA NI MIN NO, ,GZHAN DAG GIS NI PHYOGS MA MTHONG BAR SNANG NGO, ,NGAG DON NI, RNAM MKHYEN GYI RNAM PA CHOS CAN, BRGYA DANG BCU YOD DE, NYAN THOS DANG THUN MONG BA'I RTOGS RIGS GZHI SHES KYI RNAM PA SO BDUN, BYANG SEMS DANG THUN MONG PA'I RTOGS RIGS LAM SHES KYI RNAM PA SO BZHI, SANGS RGYAS KHO NA'I RTOGS RIGS THUN MONG MIN PA'I RNAM MKHYEN GYI RNAM PA SO DGU RNAMS SU YOD PA'I PHYIR, RGYAS PAR BSHAD PA LA GSUM LAS, GZHI SHES KYI RNAM PA LA, SO SOR BSHAD, SPYI'I DON BSDU BA'O, ,DANG PO NI, RNAM MKHYEN GYI

, ,RNAM PA GSUM YOD PA DE LA THAMS CAD SHES PA NYID KYI RNAM PA LA BDUN LAS DAN GPO DNGOS PO LA YONGS SU RTOG PA'I LAM LA DRAN PA NYE BAR BZHAG PA'I RNAM PA BZHI'O, ,'DI LA DMIGS PA, RNAM PA, NGO BO, ,DGOS PA, SA MTSAMS DANG LNGA LAS, DMIGS PA NI, LUS DANG, TSOR BA DANG, SEMS DANG, CHOS RNAMS LA DMIGS SO, ,CI'I PHYIR 'DI DAG DMIGS PAR BZHAG CE NA, BYIS PA PHYIN CI LOG GI BLO CAN RNAMS LUS LA BDAG GI GNAS KYI DNGOS PO DANG, TSOR BA LA BDAG GI LONGS SPYOD KYI GZHI DANG, SEMS LA BDAG GI DNGOS PO DANG CHOS LA BDAG KUN NAS NYON MONGS PA DANG RNAM PAR BYANG BA'I RGYUR RTOG PA DE LAS LOG PAR BYA BA'I PHYIR RO, ,DE LA LUS NI GSUM STE, RANG RGYUD KYI MIG SOGS NANG DANG, GZUGS SOGS GYI DANG, GZHAN GYI DBANG PO DANG, RANG GI DBANG RTEN SOGS GNYIS KA'I LUS SO, ,TSOR BA SOGS GSUM LA'ANG, RTEN DANG DMIGS YUL GYI SGO NAS DE BZHIN DU GSUM GSUM MO, ,RNAM PA NI, LUS MI GTZANG BA, TSOR PA SDUG BSNGAL, SEMS MI RTAG, CHOS BDAG MED PAR SGOM BA'O, ,NGO BO NI, LUS TSOR SOGS LA RANG SPYI'I MTSAN NYID KYI SGO NAS RTOGS PAR BYED PA'I SHES RAB DANG, DE'I DMIGS RNAM MA RJED PA'I DRAN PA MTSUNGS LDAN DANG BCAS PA'O, ,DGOS PA NI, BDEN PA BZHI LA 'JUG PAR BYA BA'I PHYIR TE, DE YANG DANG POS SDUG BSNGAL GYI BDEN PA LA 'JUG STE, LUS 'DU BYED KYI SDUG BSNGAL GYIS RAB TU PHYE BAR RTOGS PAR 'GYUR BA'I PHYIR RO, ,GNYIS PAS KUN 'BYUNG BDEN PA LA 'JUG STE, KUN 'BYUNG GI GTZO BOR SRED PA GSUM DU RTOGS NAS SPONG BAR 'DOD PA'I PHYIR RO, ,GSUM PAS 'GOG PA'I BDEN PA LA 'JUG STE, BDAG DANG BRAL PA'I RNAM SHES SKAD CIG MAR RTOGS PAS MYA NGAN LAS 'DA' BA'I TSE BDAG CHAD KYI DOGS PA MED PA'I

PHYIR RO, ,BZHI PAS LAM BDEN LA 'JUG STE, CHOS TSOGS SOGS SPANG BYA DANG, RNAM BYANG BLANG BYAR RTOGS PA'I PHYIR RO, ,SA MTSAMS NI TSOGS LAM CHUNG NGU NAS SO, ,NGAG DON NI, TSOGS LAM CHUNG NGU'I DRAN PA NYER GZHAG BZHI CHOS CAN, DNGOS PO LA YONGS SU RTOG PA'I LAM YIN TE, LUS TSOR SOGS LA RANG SPYI'I MTSAN NYID KYIS YONGS SU RTOG PA'I DRAN PA SHES RAB MTSUNGS LDAN DANG BCAS PA YIN PA'I PHYIR RO, ,GNYIS PA NI, DE'I 'OG TU DE LTAR YONGS SU RTOG PA LA ZHUGS PA LA BRTZON 'GRUS 'BYUNG BAS RTZOL BA LAS BYUNG PA'I LAM 'CHAD LA, DE YANG TSOGS LAM 'BRING GIS BSDUS PA'I YANG DAG PAR SPONG PA BZHI CHOS CAN RTZOL BA LAS BYUNG PA'I LAM YIN TE, MI DGE BA SKYES PA DANG, MA SKYES BA DAG LA DMIGS NAS GO RIM BZHIN DU YANG DAG PAR SPONG BA DANG, MI SKYE BA DANG, DGE BA SKYES PA DANG, MA SKYES PA DAG LA DMIGS NAS GO RIM BZHIN DU 'PHEL PA DANG BSKYED PA'I RGYU BLANG DOR LA SPRO BA'I BRTZON 'GRUS YIN PA'I PHYIR, BSGOM TSUL NI DE LTAR BLANG DOR BYA BA'I PHYIR DU 'DUN PA BSKYED, 'BAD PA BRTZON 'GRUS RTZOM, SEMS RAB TU 'DZIN, RAB TU 'JOG PAR BYED PA YIN LA, DGOS PA NI MI MTHUN PHYOGS NYAMS SHING GNYEN PO 'PHEL BA'O, ,GSUM PA TING NGE 'DZIN YONGS SU SBYONG BA'I LAM NI, BLANG DOR BYED PA'I BRTZON 'GRUS DANG LDAN PA NI SEMS LAS SU RUNG PA NYID DU BYED PAS DE'I 'OG TU TING NGE 'DZIN YONGS SU SBYONG BA'I LAM 'CHAD DO, ,DE YANG TSOGS LAM CHEN POS BSDUS PA'I RDZU 'PHRUL GYI RKANG PA'I RNAM PA CHOS CAN, TING NGE 'DZIN YONGS SU SBYONG BA'I LAM YIN TE, TING NGE 'DZIN GYIS GRUB PA'I BYA BA SPRUL BSGYUR SOGS LA DMIGS NAS SPONG BA'I 'DU BYED BRGYAD DANG LDAN PA'I SGO NAS SGOM PA'I TING NGE 'DZIN MTSUNGS LDAN DANG BCAS PA YIN PA'I PHYIR, DE YANG GROGS KYI SGO NAS BZHI'O, ,GZHI GANG

, ,ZHE NA, 'DUN PA'I TING NGE 'DZIN NI GUS SBYOR DANG, BRTZON 'GRUS KYI TING NGE 'DZIN NI RTAG SBYOR DANG, SEMS KYI TING NGE 'DZIN NI SNGON GOMS PA'I SA BON BRTAS PA DANG, DPYOD PA'I TING NGE 'DZIN NI GZHAN GYIS BSTAN PA'I CHOS RAB TU RNAM 'BYED RNAMS LA BRTEN NAS RIM BZHIN SEMS RTZE GCIG PA NYID LA RIG PA'O, ,DE LA YANG DBUS MTHAR, LE LO DANG NI GDAMS NGAG RNAMS, ,BRJED DANG BYING DANG RGOD PA DANG, ,'DU MI BYED DANG 'DU BYED DANG, ,'DI DAG NYES PA LNGAR 'DOD DO, ZHES PA LTAR, MI MTHUN PHYOGS LNGA YOD CING, DE'I GNYEN POR SPONG PA'I 'DU BYED BRGYAD BSGOM STE, DE LA LE LO'I GNYEN PO DNGOS NI, RTZOL BA'O, ,DE'I GNAS NI 'DUN PA'O, ,RGYU NI DAD PA'O, ,'BRAS BU NI SHIN TU SBYANGS PA'O, ,GDAMS NGAG BRJED PA'I GNYEN PO DRAN PA'O, ,BYING RGOD KYI GNYEN PO SHES BZHIN NO, ,BYING RGOD SOGS KYI GNYEN PO 'DU MI BYED PA'I GNYEN POR SEMS MNGON PAR 'DU BYED PA'I SEMS DPA'O, ,BYING RGOD ZHI BA NA SEMS 'DU BYED PA'I GNYEN POR BTANG SNYOMS SO, ,DGOS PA NI, RDZU 'PHRUL SOGS JI LTAR 'DOD PA BZHIN MNGON DU GYUR PA'O, ,BZHI PA NI, TING NGE 'DZIN GYIS SEMS YONGS SU SBYONG BA BYAS PA LA DRO BA DANG RTZE MO'I SBYOR BA 'BYUNG PAS MNGON PAR RTOGS PA SBYOR PA'I LAM CHAD LA, DE YANG DRO BA DANG RTZE MO GANG RUNG GI NGO BO NYID BDEN PA LA YID CHES PA'I DAD PA DANG, BLANG DOR BYED PAR SPRO BA'I BRTZON 'GRUS DANG, BDEN PA'I DMIGS PA MA BRJED PA'I DRAN PA DANG, DMIGS PA LA RTZE GCIG PA'I TING NGE 'DZIN DANG, BDEN PA RNAM PAR 'BYED PA'I SHES RAB KYI DBANG PO'I RNAM PA LNGA CHOS CAN, MNGON PAR RTOGS PAR SBYOR BA'I LAM YIN TE, BDEN PA MNGON RTOGS LA DBANG BYED PA'I RNAM BYANG DBANG PO GANG ZHIG STOBS KYI NGO BOR MA GYUR BA'I PHYIR, LNGA PA NI, DRO BA LA SOGS PA THOB PA LA

BZOD PA DANG, CHOS KYI MCHOG 'BYUNG BAS DE'I 'OG TU MNGON PAR RTOGS PA DANG 'BREL PA'I LAM 'CHAD LA, DE YANG BZOD PA DANG CHOS MCHOG GANG RUNG GI TING NGE 'DZIN DANG, DAD PA DANG, BRTZON 'GRUS DANG, DRAN PA DANG, ,SHES RAB RNAMS CHOS CAN, BDEN PA MNGON PAR RTOGS PA DANG 'BREL PA'I LAM YIN TE, RANG RANG GI MI MTHUN PHYOGS KYIS BRDZI BAR MI NUS PA'I STOBS SU GYUR BA'I SGOM BYUNG GI DAD SOGS YIN PA'I PHYIR, DRUG PA NI, DRO BA LA SOGS PA BZHI RTOGS PA LA BDEN PA MTHONG BA'I LAM 'BYUNG BAS DE'I 'OG TU MNGON PAR RTOGS PA'I LAM 'CHAD LA, DE YANG BDEN PA'I RANG BZHIN LA DMIGS NAS, DE LAS SEMS MI G-YENG BAR BYED PA'I GNAS KYI YAN LAG DRAN PA DANG, RANG BZHIN GYI YAN LAG CHOS RAB TU RNAM PAR 'BYED PA DANG, MTHONG SPANGS LAS NGES PAR 'BYUNG BA'I YAN LAG BRTZON 'GRUS DANG, PHAN YON GYI YAN LAG DGA' BA DANG, NYON MONGS PA MED PA'I GZHI GNAS DANG NGO BO'I YAN LAG SHIN TU SBYANGS PA DANG, TING NGE 'DZIN DANG, BTANG SNYOMS YANG DAG BYANG CHUB YAN LAG GI RNAM PA BDUN CHOS CAN, MNGON PAR RTOGS PA'I LAM YIN TE, BDEN PA MNGON SUM DU GSAR DU MTHONG BA'I YE SHES YIN PA'I PHYIR, 'DI DAG SGOM PA'I TSUL NI, DRAN PA YANG DAG BYANG CHUB KYI YAN LAG GIS SDUG BSNGAL LA DMIGS NAS DES DBEN PA TSOL ZHING GNAS, KUN 'BYUNG LA DMIGS NAS DE LAS 'DOD CHAGS DANG BRAL BA TSOL ZHING GNAS, 'GOG PA LA DMIGS NAS DE MNGON DU BYED BA TSOL ZHING GNAS, LAM LA DMIGS NAS NYON MONGS RNAM PAR SPONG BAS YONGS SU BSGYUR BA TSOL BA STE, LHAG MA DRUG SGOM TSUL YANG DE BZHIN NO, ,CI'I PHYIR BYANG CHUB YAN LAG CES BYA ZHE NA, DBUS MTHA'I 'GREL BSHAD LAS, MNGON PAR RDZOGS PAR BYANG CHUB NI RNAM PAR MI

, ,RTOG PA'I YE SHES SO, ,DE LA DRAN PA LA SOGS PA BDUN NI BYANG CHUB DANG MTHUN PA'I PHYIR DE'I YAN LAG GO, CHOS RAB TU RNAM 'BYED NI RTOGS PA'I BDAG NYID YIN PAS NA BYANG CHUB STE, DE DAG GI GROGS SU GYUR PAS NA YAN LAG GO, ZHES PA LTAR RO, ,BDUN PA NI, BDEN PA MTHONG BA YONGS SU SHES PA LA SGOM PA'I LAM 'BYUNG BAS DE'I 'OG TU RNAM PAR DAG PAR NGES PAR 'BYIN PA'I LAM 'CHAD LA, DE YANG NGES PAR DMIGS PA DANG SGOM TSUL GONG DANG 'DRA ZHING, NGO BO NI MTHONG LAM MNYAM GZHAG TU RTOGS PA'I CHOS NYID DE RJES THOB TU YONGS SU BCOD PAR BYED PA'I YANG DAG PA'I LTA BA DANG, RANG GIS RTOGS PA LTAR GZHAN LA STON PAR BYED PA'I NGAG KUN NAS SLONG BA YANG DAG PA'I RTOG PA DANG, DES KUN NAS BSLANGS TE RANG GIS RTOGS PA LTAR GZHAN LA STON PAR BYED PA YANG DAG PA'I NGAG DANG, SROG GCOD SOGS LUS KYI LAS RNAM PAR DAG PA YANG DAG PA'I LAS KYI MTHA' DANG, KHA GSOG DANG TSUL 'CHOS SOGS MED PAS YANG DAG PA'I 'TSO BA DANG, SGOM SPANG MA LUS PA SPANG BA'I PHYIR DU DE'I GNYEN PO LA RTZOL BA YANG DAG PA'I RTZOL BA DANG, ZHI GNAS DANG RAB TU 'DZIN PA DANG BTANG SNYOMS KYI RGYU MTSAN MA BRJED PA'I DRAN PA DANG, MNGON SHES SOGS YON TAN KHYAD PAR CAN GYI SGRIB PA SEL BA'I CHED DU BSGOM PA YANG DAG PA'I TING NGE 'DZIN 'PHAGS PA'I LAM YAN LAG RNAMS SO, ,DE LTA BU'I 'PHAGS LAM YAN LAG BRGYAD CHOS CAN, RNAM PAR DAG PAR NGES PAR 'BYIN PA'I LAM YIN TE, SGOM SPANG RNAM PAR DAG PAR BYED PA'I LAM YIN PA'I PHYIR, GNYIS PA NI, DE LTAR NA SANGS RGYAS DANG SLOB MA NYAN THOS RNAMS LA THUN MONG DU YOD PA KUN SHES PA NYID KYI LAM GYI RTEN CAN GYI RNAM PA SUM CU RTZA BDUN NO, ,GNYIS PA LAM SHES PA NYID KYI RNAM PA LA DRUG LAS, ,DANG PO GNYEN PO'I LAM LA, RNAM

BAR THAR BA'I SGO GSUM GYI RNAM PA GSUM MO, ,GSUM PO GANG ZHE NA, GO RIM BZHIN DU SBYAR TE BSHAD PA NI, SDUG BSNGAL GYI MTSAN NYID STONG BA DANG, BDAG MED PA RTOGS PA'I RNAM PA'I NGO BO NYID NI CHOS CAN, RNAM PAR THAR PA'I SGO DANG PO STONG PA NYID KYI RNAM PA YIN TE, BDAG TU LTA BAS BYAS PA'I GNYEN PO YE SHES YIN PA'I PHYIR, 'GOG PA DANG LAM GYI BDEN PA'I MTSAN NYID RTOGS PA'I RNAM PA'I NGO BO NYID NI CHOS CAN, RNAM PAR THAR PA'I SGO GNYIS PA MTSAN MA MED PA'I RNAM PA YIN TE, BDAG LTA DE'I RGYU MTSAN CAN GYI RNAM PAR RTOG PA'I GNYEN PO YE SHES YIN PA'I PHYIR, MI RTAG PA DANG, SDUG BSNGAL BA DANG, KUN 'BYUNG BA'I BDEN PA'I MTSAN NYID RTOGS PA'I RNAM PA'I NGO BO NYID NI CHOS CAN, GSUM PA SMON PA MED PA'I RNAM PA YIN TE, KHAMS GSUM PA LA BLANG BYAR SMON PA'I GNYEN PO YE SHES YIN PA'I PHYIR, STONG PA NYID DANG, STONG PA NYID KYI TING NGE 'DZIN DANG, RNAM PAR THAR PA'I SGO STONG PA NYID KYI ZHES MDO LAS GSUNGS PA RNAMS KYI KHYAD PAR NI, BSDU BAR, GANG DU STONG PA NYID DANG, MTSAN MA MED PA DANG, SMON PA MED PA BYE BRAG MED PAR GSUNGS PA DER NI DE DAG THOS PA DANG BSAM PA DANG BSGOMS PA LAS BYUNG BA NYID YIN PAR BLTA BAR BYA'O, ,GANG DU DE DAG TING NGE 'DZIN GYI SGRA KHO NAR GSUNGS PA DER NI DE DAG BSGOM PA LAS BYUNG BA 'JIG RTEN PA DANG 'JIG RTEN LAS 'DAS PA NYID YIN PAR BLTA BAR BYA'O, ,GANG DU DE DAG RNAM PAR THAR PA'I SGO'I SGRAR GSUNGS PA DE NI, DE DAG 'JIG RTEN LAS 'DAS PA NYID YIN PAR BLTA BAR YA'O, ZHES PA LTAR RO, ,GNYIS PA SPRUL PA'I LAM LA RNAM PAR THAR PA GSUM MO, ,RGYU MTSAN NI NANG GZUGS CAN DANG GZUGS CAN DANG GZUGS CAN MIN PAS PHA ROL GYI GZUGS LA BLTA BA ZHES BYA BA RNAM PAR THAR PA 'DI GNYIS DANG, SDUG PA'I RNAM PAR THAR PA GCIG STE DE LTAR NA'O, ,RNAM THAR 'DI DAG SA GANG LA BRTEN NAS GANG ZAG GANG GIS BSGOM ZHE NA, GANG ZAG

, ,NI THEG CHEN PO TSOGS LAM CHEN POS KYANG BSGOM SRID LA, NYAN THOS PHYIR MI 'ONG LUS MNGON BYED DANG, DGRA BCOM PA GNYIS KA'I CHA LAS RNAM GROL BA RNAMS KYIS BSGOM PAR BYED CING, RNAM THAR PHYI MA GNYIS LA SNGA MA SNGA MA THOB PA RTEN GYI KHYAD PAR YIN LA, DE YANG MDZOD LAS, GZUGS MED CES BYA KHAMS GSUM GYI, ,RTEN CAN LHAG MA MI LAS SKYE, ZHES PA LTAR MI'I RTEN LA SGOM PAR BYED DO, ,SEMS NI MDZOD LAS, MI SDUG BSAM GTAN GNYIS NA YOD, CES PA LTAR, RNAM THAR DANG PO GNYIS, 'DOD PA DANG, BSAM GTAN DANG PO'I SAS BSDUS PA'I KHA DOG LA CHAGS PA'I GNYEN POR RIM BZHIN BSAM GTAN DANG PO DANG GNYIS PA LA BRTEN PAR BSHAD LA, KUN LAS BTUS LAS, BSAM GTAN BZHI BA'I RAB MTHA' LA BRTEN PAR BSHAD CING, 'GREL CHEN LAS, GO RIM BZHIN DU NANG GZUGS CAN DANG GZUGS CAN MIN PA'I BDAG NYID BSAM GTAN GZUGS MED PA'I SNYOMS PAR 'JUG PA LA BRTEN, ZHES GZUGS MED LA YANG BRTEN PAR BSHAD PA DANG, NYI SNANG DU'ANG DE DANG MTHUN PAR BSHAD PA NI, MDZOD KYI DE NYAN THOS PA'I LUGS DANG, KUN LAS BTUS KYI DE THEG PA THUN MONG GI RNAM GZHAG YIN LA, 'DI'I SPRUL PA'I LAM NI LAM SHES KYIS BSDUS PA BYANG SEMS KHO NAS BSGOM PA YIN CING, BYANG SEMS THABS LA MKHAS PAS, GZUGS MED KYI SEMS LA BRTEN NAS KYANG GZUGS LA BLTA NUS TE, 'DOD SEMS LA BRTEN NAS 'DAS LAM MNGON DU BYED NUS PA BZHIN SNYAM DU DGONGS NAS 'GREL CHEN GNYIS SU DE LTAR GSUNGS SO, ,DE YANG RNAM THAR DANG PO SGOM PA PO GZUGS MED KYI SNYOMS 'JUG THOB NA RANG LA GZUGS KYI 'DU SHES MOS PA YID BYED KYI TSUL GYIS BZHAG LA, RNAM THAR GNYIS PA SGOM PA PO GZUGS MED KYI SNYOMS 'JUG THOB NA, DE LA BRTEN NAS RANG LA GZUGS KYI 'DU

SHES BSHIG CING, MA THOB NA RANG LA GZUGS KYI 'DU SHES MOS PA YID BYED KYIS BSHIG NAS SGOM NO, ,TSUL JI LTAR SGOM ZHE NA, RNAM THAR DANG PO GNYIS SGOM PA'I TSUL NI BLTA'O, ,DMIGS PA GANG LA ZHE NA, PHYI ROL GYI GZUGS CHUNG NGU CHEN PO KHA DOG BZANG PO DANG NGAN PA RNAMS LA'O, ,CHE CHUNG NI SNOD BCUD KYI GZUGS DANG, BZANG NGAN NI MDZES MI MDZES SO, ,JI LTAR NA GO RIM BZHIN DU RNAM THAR DANG POS NI, NANG LTA BA PO RANG LA GZUGS CAN DANG, RNAM THAR GNYIS PAS GZUGS CAN MIN PA'I 'DU SHES NYE BAR BZHAG PAS BLTA LA, GNYIS KAS KYANG CHE CHUNG SOGS DE DAG LA DE BAS KYANG CHE PA'AM CHUNG BA SOGS GANG DANG GANG DU SPRUL 'DOD PA DE DANG DER MOS PAR BYED PA'O, ,NGES TSIG NI CI'I PHYIR GZUGS CAN DANG GZUGS CAN MIN PA'I RNAM THAR ZHES BYA ZHE NA, RIM BZHIN, RANG LA GZUGS KYI 'DU SHES RNAM PAR MA BSHIG PA DANG, RNAM PAR RANG SHIG PA'I PHYIR RO, ,DGOS PA NI JI LTAR 'DOD PA BZHIN SPRUL PA LA SGRIB PA'I GNYEN POR RO, GZUGS KYI 'DU SHES BSHIG MA BSHIG GNYIS KYI DGOS PA NI, SPRUL PA BYED PA'I TSE, SPRUL PA PO SNANG BA DANG MI SNANG BAR BYA BA'I PHYIR RO, ,RNAM THAR GSUM PA SGOM TSUL NI, GNAS SO GANG LA NA, SDUG PA'I RNAM PAR THAR PA LA'O, ,DGOS PA DE GO RIM BZHIN DU GZUGS SDUG PA SPRUL PA LA DGA' BA DANG, MI SDUG PA SPRUL PA LA MI DGA' BA KUN NAS NYON MONGS DE DAG GI GNYEN POR, JI LTAR NA SBYOR BA'I DUS SU SDUG MI SDUG PHAN TSUN LTOS PA'I 'DU SHES DANG RJES SU 'BREL BA'I 'DU SHES DANG, DNGOS GZHI'I DUS SU SDUG PAR RO GCIG PA'I 'DU SHES GSUM GYI SGO NAS BSGOM MO, ,'DI GZUGS CAN GYI RNAM THAR GSUM GYI MCHOG YIN PA'I PHYIR RO, ,'PHAGS PA RNAMS 'DI LA LAN MANG DU GNAS PAS, MDO LAS LUS KYI MNGON SUM DU BYAS NAS RDZOGS PAR BYAS TE GNAS SO, ZHES SOGS SO, ,RNAM THAR 'DI DAG LA SGO ZHES

, ,PA'I TSIG 'GYUR MA DAG PA'O, ,NGAG DON NI, LAM SHES KYIS BSDUS PA'I GZUGS CAN GYI RNAM THAR GSUM PO 'DI CHOS CAN, SPRUL PA'I LAM YIN TE, BYANG SEMS KYIS GZHAN DON DU SPRUL PA SNA TSOGS LA DBANG 'BYOR BAR BYA BA'I CHED GTZO BOR SGOM PA YIN PA'I PHYIR; GSUM PA MTHONG BA'I CHOS LA BDE BAR GNAS PA'I LAS LA GNYIS LAS, DANG PO NI, BYANG SEMS 'PHAGS PA'I GZUGS MED PA'I SNYOMS PAR 'JUG PA'I RNAM PA BZHI CHOS CAN, THAR PA DANG MTHUN PAR GNAS PA'I LAM GYI RANG BZHIN YIN TE, RANG SA'I RO MYANG GI SGRIB PA LAS GROL PHYIR DU SGOM PA'I GZUGS MED KYI RNAM THAR YIN PA'I PHYIR, GNYIS PA NI, BYANG SEMS 'PHAGS PA'I 'DU SHES DANG TSOR BA 'GOG PA'I RNAM THAR CHOS CAN, ZHI BAR GNAS PA'I LAM GYI RANG BZHIN YIN TE, 'DU SHES DANG TSOR BA 'GOG PA'I SNYOMS 'JUG YIN PA'I PHYIR, DE LTAR NA RNAM PA LNGA'O, ZHES DON BSDU BA'O, ,BZHI PA 'JIG RTEN LAS 'DAS PA'I LAM LA CHOS CAN, DGU YOD DE, 'DAS LAM GYI NGO BOR SKYES PA'I BSAM GTAN BZHI DANG GZUGS MED PA BZHI DANG, 'DAS LAM GYI STOBS KYIS THOB PA'I 'GOG PA'I SNYOMS PAR 'JUG PA RNAMS SU YOD PA'I PHYIR, 'DIR 'GOG PA'I SNYOMS 'JUG GI MTHA' DPYAD PA LA, SLOB DPON SNGA MA'I LUGS DGOD PA DANG, 'DIR SLOB DPON GYI LUGS GANG YIN DPYAD PA'O, ,DANG PO NI 'PHAGS PA THOGS MED LTAR NA, KUN LAS BTUS LAS, 'GOG PA'I SNYOMS PAR 'JUG PA GANG ZHE NA, CI YANG MED PA'I SKYE MCHED KYI 'DOD CHAGS DANG BRAL LA SRID PA'I RTZE MO LAS GYEN DU BSKYOD PA'I ZHI BAR GNAS PA'I 'DU SHES SNGON DU BTANG BA'I YID LA BYED PAS SEMS DANG SEMS LAS BYUNG BA'I CHOS BSTAN PA MIN PA RNAMS DANG, BSTAN PA DE DAG LAS KYANG KHA CIG 'GOG PA LA 'GOG PA'I SNYOMS PAR 'JUG PA

ZHES GDAGS SO, ZHES GSUNGS PA LTAR, ZHI GNAS KHYAD PAR CAN SRID RTZE'I SEMS DANG, LHAG MTHONG KHYAD PAR CAN 'JIG RTEN LAS 'DAS PA'I SHES RAB GNYIS LA BRTEN NAS, NYAN RANG 'PHAGS PA DAG TSOR 'DU RAGS PA SO MI GSOD PA ZHI BAR GNAS PA'I 'PHAGS PA'I GNAS PA MCHOG LA GNAS PAR BYA BA'I PHYIR DANG, BYANG SEMS 'PHAGS PA GZHAN DON DU TING NGE 'DZIN LA RTZAL SBYANG BA'I PHYIR DU, DGAG BYA SEMS DANG SEMS LAS BYUNG BA'I CHOS BSTAN PA MIN PA TSOGS DRUG 'KHOR DANG BCAS PA RNAMS DANG, BSTAN PA KUN GZHI DANG, NYON YID GNYIS KYI NANG NAS NYON YID 'KHOR DANG BCAS PA BKAG CING, RE SHIG SKYE BA DANG MI MTHUN PAR BYAS PA LA, 'GOG PA'I SNYOMS PAR 'JUG PA ZHES BZHED LA, DPAL LDAN ZLA BA GRAGS PA LA SOGS PA'I DBU MA THAL 'GYUR BA DAG NI SPROS PA'I MTSAN MA MA LUS PA 'GOG PA'I RNAM PAR MI RTOG PA'I YE SHES LA SNYOMS PAR 'JUG PA YANG 'GOG PA'I SNYOMS 'JUG TU BZHED DO, ,GNYIS PA NI, 'DIR 'PHAGS SENG GNYIS JI LTAR BZHED CE NA, KHA CIG SPROS PA BKAG PA'I YE SHES LA SNYOMS PAR 'JUG PA 'PHAGS SENG GI DGONGS PAR 'DOD PA MI 'THAD DE, DE LTA NA 'DIR 'DAS LAM DNGOS SU 'CHAD PAR RIGS PA LA, NYI KHRI SNANG BAR, 'GOG PA'I SNYOMS PAR 'JUG PA NI 'JIG RTEN LAS 'DAS PA'I LAM GYIS THOB PA'I PHYIR RO, ZHES 'DAS LAM STOBS KYIS THOB PAS 'DAS LAM DU GSUNGS PA'I PHYIR RO, ,DER MA ZAD, NYAN RANG 'PHAGS PA SPROS PA BKAG PA'I MI RTOG YE SHES LA SNYOMS PAR 'JUG PA YOD DGOS PAS CHOS KYI BDAG MED RTOGS PA'I NYAN RANG 'PHAGS PA YOD PAR THAL LO, ,DE BAS NA, NYAN RANG LA CHOS KYI BDAG MED RTOGS PA MED PAR 'DOD BZHIN DU TSUL 'DI KHAS BLANGS NA 'GAL BA 'DU BAR 'GYUR RO, ,KHA CIG GZHUNG GI DGONGS PA

, ,DE LTAR YIN TE, MTHONG LAM RTZE SBYOR DU GSUNGS PA'I PHYIR DANG, ZAG MED KYI YE SHES KYI SDE TSAN GYI SKABS SU YE SHES SU GSUNGS PA'I PHYIR RO, ZHES ZER BA NI CHES SHIN TU MA NGES TE, THOD RGAL GYI SPEL CHOS BSHAD PAS DER 'GYUR NA, 'DOD SEMS KYANG DER THAL ZHING, ZAG MED KYI YE SHES KYI SDE TSAN DU BSHAD PAS DER KHAS LEN NA, ZAD PAR GYI SKYE MCHED RNAMS KYANG SPROS PA BKAG PA'I MI RTOG YE SHES LA 'DOD DGOS PAR THAL BA'I PHYIR RO, ,DE BAS NA 'PHAGS SENG GI DGONGS PA NI, SLOB DPON 'PHAGS PA THOGS MED KYIS BSHAD PA DANG MTHUN PAR GSAL LO, ,GAL TE DE LTA NA KUN GZHI KHAS LEN DGOS PA LA DBU MA PA YIN PA'I PHYIR, KUN GZHI KHAS LEN PA MI RIGS SO ZHE NA, DBU MA PA YIN PAS KUN GZHI KHAS MI LEN DGOS PA'I NGES PA MED DE, RNAL 'BYOR SPYOD PA'I DBU MA PA NI THA SNYAD DU SEMS TZAM PA DANG MTHUN PAR GRUB PA'I MTHA' RNAM PAR 'JOG PA'I PHYIR DANG, NYI KHRI SNANG BAR, SLOB DPON BZANG SKYONG GIS SKABS SU BAB PA KUN GZHI'I RNAM PAR SHES PA LA SOGS PA SHES BYA RNAM PA BCUS BSDUS PA'I SNYING PO MKHYEN PA YIN PA'I PHYIR RNAM PA THAMS CAD MKHYEN PA NYID DO ZHES BYA BA 'DI NI CHES LEGS TE, YONGS SU GRUB PA LA DMIGS PA'O, ,ZHES THEG BSDUS SU KUN GZHI'I RNAM SHES LA SOGS PA GNAS BCU GSUNGS PA'I PHYIR GNAS DE DAG MKHYEN PA RNAM MKHYEN GYI DON DU GSUNGS PAS KUN GZHI'I RNAM SHES BZHED PAR CHES SHIN TU GSAL LO, ,TSIG MANGS PAS 'JIGS TE MDOR BSDUS PAR BKOD DO, ,LNGA PA SPONG BA'I LAM LA YUL BDEN PA BZHIS BSDUS PA NYON MONGS PA DANG MI LDAN PA'I MTSAN NYID BZOD PA BZHI CHOS CAN, SPONG BA'I LAM YIN TE, BAR CHAD MED PA'I LAM GYI RNAM PA YIN PA'I PHYIR,

DRUG PA NI SBYIN PA LA SOGS PA'I PHA ROL TU PHYIN PA RNAM PA BCU CHOS CAN, SANGS RGYAS NYID KYI LAM YIN TE, RDZOGS BYANG GI RGYU TSOGS GNYIS KYI GTZO BO MA TSANG BA MED PA'I BYANG SEMS KYI RTOGS RIGS YIN PA'I PHYIR, GNYIS PA NI, DE LTAR NA SOGS SO, ,GSUM PA LA MDOR BSTAN, RGYAS PAR BSHAD, DON BSDU BA'O, ,DANG PO NI, RNAM PA THAMS CAD MKHYEN PA NYID KYI RNAM PA STOBS SOGS SO DGU NI CHOS CAN, THUN MONG MIN PA'I LAM GCIG BU KHO NA YIN TE, SLOB LAM DU MTSAN NYID JI LTA BA'I RTOGS RIGS SKYE MI SRID PA'I SGO NAS SHIN TU PHUL DU BYUNG BA'I RTOGS PA YIN PA'I PHYIR, GNYIS PA LA BRTEN PA YON TAN DANG, RTEN YE SHES SO, ,DANG PO LA BZHI LAS, STOBS BCU NI, THUN MONG MIN PA'I RNAM PA DE LA NI BZHI YOD PA LAS RE ZHIG STOBS BCU DANG POR 'CHAD LA, DE YANG SBYIN PA LAS LONGS SPYOD 'BYUNG BA GNAS DANG DBUL PO 'BYUNG BA GNAS MIN PA SOGS DANG, LAS KYI RNAM PAR SMIN PA DANG GDUL BYA'I BYANG CHUB GSUM LA MOS PA SNA TSOGS PA DANG, 'JIG RTEN GYI KHAMS SAM RIGS DU MA DANG, DBANG PO MCHOG DANG MCHOG MIN PA DANG, MTHO RIS DANG THAR PA THAMS CAD DU 'GRO BA'I LAM DANG, BSAM GTAN SNYOMS 'JUG GI 'DUN NAS NYON MONGS PA DANG RNAM PAR BYANG BA DANG, SNGON GYI GNAS THAMS CAD RJES SU DRAN PA DANG, 'CHI 'PHO DANG, SKYE BA DANG, ZAG PA ZAD PA RNAMS LA CHAGS THOGS MED PAR 'JUG PA'I MKHYEN PA RNAM PA BCU CHOS CAN, STOBS KYI RNAM PA YIN TE, MI MTHUN PHYOGS 'JOMS PA LA MTHU DANG LDAN PAS RAB TU PHYE BA'I THUN MONG MIN PA'I MKHYEN PA MTHAR THUG YIN PA'I PHYIR, GNYIS PA MI 'JIGS PA BZHI NI, NGA NI SANGS RGYAS SO ZHES BDAG NYID ZHAL GYIS 'CHES PA DANG, 'DOD CHAGS LA SOGS PA BAR CHAD BYED PA NYID DU BRJOD PA DANG, THAMS CAD ZHES PA NYID LA SOGS PA'I LAM BYANG CHUB GSUM DU NGES PAR 'BYUNG BA

, ,NYID DU RAB TU BSTAN PA DANG, BDAG NYID KYI ZAG PA THAMS CAD ZAD PA NYID DU ZHAL GYIS 'CHES PA LA RGOL BA PO MED PAR BYED PA'I YE SHES MTHAR THUG BZHI CHOS CAN, MI 'JIGS PA'I RNAM PA YIN TE, RANG DON SPANGS RTOGS MTHAR THUG TU DAM BCAS PA DANG, GZHAN LA LAM DE'I BAR CHAD BSTAN PA LA CHOS MTHUN GYI RGOL BAS BAG TSA BA MED PAR BYED PA'I YE SHES MTHAR THUG YIN PA'I PHYIR, GSUM PA SO SO YANG DAG PAR RIG PA'I RNAM PA BZHI NI, THUN MONG MIN PA'I RNAM MKHYEN GYI YE SHES CHOS CAN, CHOS DANG, DON DANG, NGES PA'I TSIG DANG, SPOBS PA SO SO YANG DAG PAR RIG PA YIN TE, GO RIM BZHIN DU MING GI RNAM GRANGS DANG, CHOS KYI RANG DANG SPYI'I MTSAN NYID DANG, YUL GYI SKAD SO SO DANG, CHOS RAB TU PHYE BA'I YUL LA CHAGS THOGS MED PA DANG, THUN MONG MIN PA'I YE SHES MTHAR THUG YIN PA'I PHYIR, BZHI PA MA 'DRES PA'I RNAM PA NI, SKU LA 'KHRUL PA DANG, GSUNG LA CA CO DANG, THUGS LA DRAN PA NYAMS PA DANG, THUGS MNYAM PAR MA BZHAG PA DANG, 'KHOR 'DAS LA BDEN PA'I THA DAD PA NYID KYI 'DU SHES DANG, SO SOR MA BRTAGS PAR GDUL BYA YAL BAR 'DOR BA'I BTANG SNYOMS MI MNGA' BA'I SPYOD PA RNAM PA DRUG CHOS CAN, SPYOD PA MA 'DRES PA YIN TE, KHYOD KYI RIGS SANGS RGYAS KHO NA LA MNGA' BA'I SPYOD PA YIN PA'I PHYIR, GZHAN DON LA 'DUN PA DANG, DE LA SBYOR BA'I BRTZON 'GRUS DANG, DE'I THABS MA BRJOD PA'I DRAN PA DANG CHOS NYID LA RTZE GCIG PA'I TING NGE 'DZIN DANG, MKHYEN PA ZANG MI SHES PA'I SHES RAB DANG, 'KHOR BA JI SRID PAR RNAM PAR GREL BA NYAMS PA MI MNGA' BA'I RNAM PA DRUG CHOS CAN, RTOGS PA MA 'DRES PA YIN TE, KHYOD KYI RIGS SANGS RGYAS KHO NA LA MNGA' BA'I RTOGS PA YIN PA'I PHYIR, SANGS RGYAS KYI SKU DANG GSUNG DANG THUGS KYI 'PHRIN LAS

RNAMS GSUM CHOS CAN, 'PHRIN LAS MA 'DRES PA YIN TE, RGYU DUS KYI KUN SLONG YE SHES SNGON DU 'GRO ZHING, DE DUS KYI KUN SLONG YE SHES KYI RJES SU 'BRANG BA'I 'PHRIN LAS MTHAR THUG YIN PA'I PHYIR, DUS GSUM GZIGS PA'I SANGS RGYAS KYI YE SHES KYI RNAM PA GSUM CHOS CAN, YE SHES MA 'DRES PA YIN TE, 'DAS PA DANG MA 'ONGS PA DANG DA LTAR BYUNG BA LA 'DOD PA TZAM GYIS SHES PAS MA CHAGS RNAM PA THAMS CAD SHES PAS MA THOGS PA'I YE SHES YIN PA'I PHYIR, DON BSDU BA NI, DE LTAR NA SANGS RGYAS KYI CHOS MA 'DRES PA BCO BRGYAD KYI RNAM PA DAG GO ,GNYIS PA RTEN YE SHES LA GSUM LAS; JI LTA BA MKHYEN PA'I YE SHES NI, SANGS RGYAS KYI JI LTA BA MKHYEN PA'I YE SHES CHOS CAN, DE BZHIN NYID KYI RNAM PA YIN TE, SANGS RGYAS THAMS CAD KYIS GNAS LUGS SU MTHUN PAR BSHAD PA'I DE BZHIN NYID RTOGS PA MTHAR THUG PA'I YE SHES YIN PA'I PHYIR, JI SNYED PA MKHYEN PA'I YE SHES NI, SANGS RGYAS KYI JI SNYED PA MKHYEN PA'I YE SHES CHOS CAN, RANG BYUNG GI RNAM PA YIN TE, JI SNYED PA'I CHOS THAMS CAD LA RANG DBANG DU THUGS SU CHUD PA'I SGO NAS MNGA' BSGYUR BA'I YE SHES MTHAR THUG YIN PA'I PHYIR, GSUM PA DE GNYIS KA CHA SHAS SU LDAN PA'I RNAM MKHYEN GYI YE SHES NI, SANGS RGYAS KYI YE SHES CHOS CAN, SANGS RGYAS NYID KYI RNAM PA YIN TE, JI LTA JI SNYAD KYI RNAM PA THAMS CAD MNGON PAR RDZOGS PAR BYANG CHUB PA'I YE SHES YIN PA'I PHYIR, GSUM PA NI, DE LTAR NA SOGS SO, ,CI RNAM MKHYEN GYI RNAM PA 'DI DAG BYANG CHUB SEMS DPAS SGOM PA'I TSUL JI LTA BU ZHE NA, SPYIR BYANG SEMS KYI SGOM RNAM PA BZHI STE, MOS PA YID LA BYED PA'I SGOM DANG, MTSAN NYID RJES SU DPYOD PA'I SGOM DANG, SMON LAM GYI SGOM MO, ,DANG PO NI, GANG SGOMS PA NA BLO DE'I MTSAN NYID JI LTA BAR MI SKYE BAR, RJES SU MTHUN PA TZAM DU SKYE BAS TE, DPER NA TSOGS

, ,LAM DU DBANG PO LNGA BSGOMS PA LTA BU'O, ,GNYIS PA NI, GANG BSGOMS PA NA BLO DE'I MTSAN NYID JI LTA BAR SKYE BA STE, DPER NA TSOGS LAM DU DRAN PA NYER GZHAG BSGOMS PA LTA BU'O, ,GSUM PA NI, MA 'ONGS PA NA RANG RGYUD LA 'BYUNG BAR 'GYUR BA'I MNGON PAR RTOGS PA DE DANG DE'I MTSAN NYID 'DI DANG 'DI'O ZHES PA YID LA BYED CING SO SOR RTOG PA'I SHES RAB KYIS DPYED PAR BYED PA'O, ,BZHI PA NI, GO 'BANG DE DANG DE THOB PAR YID KYIS SMON PAR BYED CING, DE'I CHED DU TSOGS GSOG PAR BYED PA'O, ,LAS DANG PO BA NYID NAS TSUL BZHI PO 'DAS BSGOM BYAR MA GYUR PA'I MNGON PAR RTOGS PA NI MED DO, ,DE LA RNAM MKHYEN GYI RNAM PA 'DI DAG KYANG, BYANG CHUB SEMS DPA' SA BDUN PA MAN CHAD DU, THUN MONG GI RNAM PA SUM CU BDUN DANG SUM BU BZHI NI MOS PA YID BYED KYI TSUL GYIS SGOM PA YIN TE, BYANG SEMS DE DAG GI RGYUD LA SPYIR GZHI SHES LAM SHES MTSAN NYID JI LTA BAR SKYE YANG, SANGS RGYAS KYI GZHI SHES LAM SHES RJES SU MTHUN PA TZAM SKYE BA'I MTSAN NYID JI LTA BAR MI SKYE BA'I PHYIR RO, ,STOBS SOGS SO DGU NI RJES MTHUN PA TZAM YANG MI SKYE BAS MTSAN NYID RJES SU DPYOD PA DANG, SMON LAM GYI TSUL GYIS SGOM PAR BYED LA, SA BRGYAD PA YAN CHAD DU NI STOBS SOGS KYANG RJES MTHUN PA THOB PA'I PHYIR MOS PA YID BYED KYI TSUL GYIS SGOM PA YIN NO ZHES SHES PAR BYA'O, ,GSUM PA LA, ZAG BCAS ZAG MED KYI KHYAD PAR BSHAD PA DANG, GRANGS KYI MJUG BSDU BA'O, ,DANG PO NI, RNAM PA BRGYA BDUN CU RTZA GSUM PA DE LA THAMS CAD SHES PA NYID KYI RNAM PA NYER BDUN NI, NYAN THOS DANG BYANG CHUB SEMS DPA' LA YOD PA'I BYE BRAG GI GO RIM BZHIN DU NYON MONGS PA'I ZAG PA MED PA DANG, ZAG PA DANG BCAS PA DAG KYANG YIN NO, ,LAM SHES PA NYID KYI RNAM PA SO DRUG NI BYANG CHUB SEMS DPA' RNAMS KYIS

NYON MONGS PA CHED DU GNYER NAS SHIN TU MA SPANGS PA'I PHYIR ZAG PA DANG BCAS PA KHO NA YIN NO, ZHES DGOS PA'I DBANG GIS RNAM PAR BZHAG PA YIN TE, BYANG CHUB SEMS DPA' RNAMS NI RANG RGYUD KYI NYON MONGS CHED DU GNYER NAS SPONG BA'I GNYEN POR GZHI SHES DANG LAM SHES GANG YANG SGOM PAR MI BYED DO ZHES SHES PAR BYA BA'I PHYIR DE LTAR GSUNGS PA TZAM YIN GYI SPYIR BYANG SEMS KYI GZHI SHES DANG LAM SHES THAMS CAD NYON MONGS PA'I ZAG BCAS YIN PAS KHYAB PA MIN TE, DE LTA NA BYANG SEMS 'PHAGS PA'I RGYUD LA ZAG MED YE SHES MI SRID PAR THAL BAS SO, ,YANG NA GZHUNG CHEN GSUM PO 'DIS NYAN THOS KYI RGYUD LA GZHI SHES NYON MONGS PA'I ZAG BCAS MED, BYANG SEMS KYI GZHI SHES LAM SHES GNYIS KA LA NYON MONGS PA'I ZAG BCAS YOD, SGRIB GNYIS GANG GI 'ANG ZAG BCAS MI SRID CES BSTAN PA YIN PAR BSHAD PAR BYA ZHING ZAG PA DANG BCAS PA YOD PA KHO NA'O; ZHES PA'ANG, ZAG PA DANG BCAS PA KHO NA'O, ZHES BYA BA NI MIN NO, ,ZHES BSHAD NA CHES SHIN TU LEGS PAR BSHAD PA YIN TE, GZHAN DAG NI SKABS 'DIR RANG GI NGANG TSUL GSAL BAR BYED DO, ,GZHUNG TSAN GNYIS LA NGAG DON NI, SHES BYA CHOS CAN, NYAN THOS KYI RGYUD KYI GZHI SHES NYON MONGS PA'I ZAG BCAS MED, BYANG SEMS KYI GZHI SHES LAM SHES GNYIS KA LA NYON MONGS PA'I ZAG BCAS YOD DE, NYAN THOS NYON MONGS CHED DU GNYER NAS SPONG PAS KHYAB, BYANG SEMS GZHI SHES DANG LAM SHES GANG YANG NYON MONGS KYI GNYEN POR CHED DU GNYER NAS MI SGOM GYI GTZO BOR SHES SGRIB KYI GNYEN POR LAM SGOM PA'I PHYIR, SHES BYA CHOS CAN, RNAM PA THAMS CAD MKHYEN PA NYID KYI LAM GYI RNAM PA BRGYA DANG BCU PO NI ZAG PA MED PA KHO NA DAG YIN NO, ,YANG DAG PAR RDZOGS PA'I SANGS RGYAS KYIS NYON MONGS PA DANG SHES BYA'I SGRIB PA BA

, ,CHAGS DANG BCAS TE RNAM PA THAMS CAD DU SPANGS PAS CHOS THAMS CAD LA MNGA' BSGYUR BA'I PHYIR RO, ,GNYIS PA NI, RNAM PA RNAMS GCIG TU BSDOMS NA RNAM PA BRGYA BDUN CU RTZA GSUM YOD DO, ,GNYIS PA BSGOM PA PO RTEN GYI GANG ZAG LA GSUM LAS; MTSAMS SBYAR NI, THEG CHEN GYI SBYOR BA KHYAD PAR CAN DAG GIS RNAM PA RNAMS SGOM DGOS NA DE DAG KYANG SBYOR BA PO KHYAD PAR CAN BSTAN PA MED PAR BRJOD PAR MI NUS PAS SBYOR BA'I SNGON DU YUM NYAN PA LA SOGS PA'I SNOD SBYOR BA PO 'CHAD DO, ,RTZA BA NI, SANGS RGYAS RNAMS PA ZHES SOGS DANG, DGE BA'I BSHES KYIS MGON BCAS PA, ZHES PAS 'DI RE RE ZHING GI MJUG TU SBYAR NAS 'GREL BAS 'CHAD PAR BYED DO, ,'GREL BA NI, THEG CHEN TSOGS LAM PA CHOS CAN, KHYOD GO RIM JI LTA BAR RNAM PA'I MTSAN NYID CAN GYI YUM 'DI'I GZHUNG NYAN PA'I SNOD NYID YIN PAR SANGS RGYAS LA SOGS PA BZHED DE, KHYOD 'DAS PA DANG DA LTAR BYUNG BA'I SANGS RGYAS RNAMS LA SPYIR DGE BA'I RTZA BA DANG POR BSKRUN CING PHYIS GONG NAS GONG DU SBYANGS PA THEG CHEN DGE BA'I BSHES GNYEN DAG GIS BYIN GYIS BRLABS PA YIN PA'I PHYIR, DE CHOS CAN, DE'I CHOG 'DZIN PA'I SNOD NYID YIN PAR SANGS RGYAS LA SOGS PA BZHED DE, DE BZHIN GSHEGS PA RNAMS LA LUS LA SOGS PA BSNYEN BKUR GYIS MNYES PAR BYAS PA THEG CHEN DGE BA'I BSHES GNYEN DAG GIS BYIN GYIS BRLABS PA YIN PA'I PHYIR, DE CHOS CAN, DE'I DON MA BRJOD PAR SEMS DPA'I SNOD NYID YIN PAR SANGS RGYAS LA SOGS PA BZHED DE, SANGS RGYAS LA SOGS LA THE TSOM GYI DON YONGS SU 'DRI BA THEG CHEN DGE BA'I GSHES GNYEN DAG GIS BYIN GYIS BRLABS PA YIN PA'I PHYIR, DE CHOS CAN, DE'I DON SGOM BYUNG TSUL BZHIN YID LA BYED

PA'I SNOD NYID YIN PAR SANGS RGYAS LA SOGS PA BZHED DE, SBYIN PA LA SOGS PA'I PHA ROL TU PHYIN PA BCU SGRUB PA DANG LDAN PA THEG CHEN DGE BA'I BSHES GNYEN DAG GIS BYIN GYIS BRLABS PA YIN PA'I PHYIR, GSUM PA GANG GIS SGOM PA'I SBYOR BA'I DBYE BA LA GSUM LAS, MTSAMS SBYAR NI, DE LTAR SBYOR BA PO BSTAN NAS SBYOR BA 'CHAD DO, ,RTZA BA LA, RANG BZHIN GYI SBYOR BA, GNAS SKABS KYI SBYOR BA, DE 'GRUB BYED RGYU'I SBYOR BA DANG GSUM, DANG PO LA, ZHEN SPYOD 'GOG TSUL GYI SGO NAS PHYE BA DANG, YUL GYI SGO NAS PHYE BA GNYIS LAS, DANG PO NI, GZUGS LA SOGS PA MI GNAS PHYIR, ZHES PAS YUL LA ZHEN SPYOD 'GOG PA'I SBYOR BA DANG, DE LA SBYOR BA BKAG PA'I PHYIR, ZHES PAS YUL LA ZHEN SPYOD 'GOG PA'I SBYOR BA BSTAN TO, ,GNYIS PA NI, GZHI'I CHOS DE YI DE BZHIN NYID ZAB PHYIR, GZHI SHES KYI RNAM PA SGOM PA ZAB PA'I SBYOR BA DANG, LAM GYI CHOS NYID DE RNAMS GTING DPAG DKA' BA'I PHYIR LAM SHES KYI RNAM PA SGOM PA'I SBYOR BA NI GTING DPAG DKA' BA'I SBYOR BA DANG, RNAM PA DE DAG TSAD NI MED PA'I PHYIR RNAM MKHYEN GYI RNAM PA BSGOM PA'I SBYOR BA NI TSAD MED PA'I SBYOR BA'O, ,SBYOR BA LNGA PO 'DI LAS DANG PO BA'I SA NAS SA BCU PA'I BAR GYIS THAMS CAD NA YOD PA'I PHYIR RANG BZHIN GYI SBYOR BA ZHES BYA BA, DE NAS SBYOR BA BCU BZHI NI SA'I GNAS SKABS SO SO LA RIGS SU CHAD PA'I PHYIR GNAS SKABS KYI SBYOR BA ZHES BYA ZHING SBYOR BA THA MA NI SBYOR BA 'DI GNYIS KA'I 'GRUB BYED THABS KYI SBYOR BA'O, ,SA MTSAMS GANG NA GANG YOD PA NI 'GREL BA 'CHAD PA NA PHYOGS GCIG TU BSHAD PAR BYA'O, ,GSUM PA 'GREL BA NI, RANG BZHIN GYI SBYOR BA LNGA DANG, GNAS SKABS KYI SBYOR BA BCO LNGA STE NYI SHU YIN NO, ,DE DAG KYANG GANG ZHE NA, RANG BZHIN GYI SBYOR BA NI MING DON GRANGS BZHIN DU SBYAR NA, BYANG SEMS KYI DE KHO NA NYID RTOGS PA'I MNYAM GZHAG YE SHES

, ,CHOS CAN, GZUGS LA SOGS PA LA MI GNAS PA'I SBYOR BA YIN TE, GZUGS LA SOGS PA LA BDEN PA'I NGO BO NYID MED RTOGS PA NYID KYIS BDEN PAR MI GNAS PA'I SBYOR BA YIN PA'I PHYIR MA SBYAR BA'I SBYOR BA YIN TE, DE DAG LA BDEN PAR MI SBYOR BA NYID SBYOR BA YIN PAR RTOGS PA'I RNAL 'BYOR YIN PA'I PHYIR, ZAB PA'I SBYOR BA YIN TE, GZUGS LA SOGS PA DE DAG NYID DE BZHIN NYID KYI NGO BO NYID KYI ZAB PAR RTOGS PA'I SBYOR BA YIN PA'I PHYIR, GTING DPAG DKA' BA'I SBYOR BA YIN TE, GTING DPAG DKA' BA LAM GYI CHOS NYID RTOGS PA'I RNAL 'BYOR YIN PA'I PHYIR, TSAD MED PA'I SBYOR BA YIN TE, RNAM PA CHOS NYID TSAD MED PA ZHES BYA BA DE LTAR RTOGS PA'I SBYOR BA YIN PA'I PHYIR, GNYIS PA GNAS SKABS KYI SBYOR BA LA, DON DANG MING GONG BZHIN DU SBYAR BA NI, BYANG SEMS TSOGS LAM PA DBANG RTUL GYI TING NGE 'DZIN CHOS CAN, TSOGS CHEN PO YUN RING MO ZHIG NAS MNGON PAR RDZOGS PAR 'TSANG RGYA BA'I SBYOR BA YIN TE, SHER PHYIN GYI SA LA SKRAG PA MNGON GYUR SKYE SRID PA'I SGRUB PA DANG LDAN PA'I SBYOR BA YIN NO, ,THEG CHEN GYI DROD CHOS CAN, LUNG BSTAN PA THOB PA'I SBYOR BA YIN TE YUM LA MI SKRAG PA'I SGRUB PA DANG LDAN PA'I SBYOR BA YIN PA'I PHYIR, THEG CHEN RTZE MO CHOS CAN, PHYIR MI LDOG PA NYID KYI SBYOR BA YIN TE, YUM THOS SOGS KYIS YANG DAG PAR 'DZIN PA'I SGRUB PA YIN PA'I PHYIR, THEG CHEN BZOD PA CHOS CAN, NGES PAR 'BYUNG BA'I SBYOR BA YIN TE, RTAG TU ZAB MO DE'I CHOS BSGOM PA'I SGRUB PA YIN PA'I PHYIR, THEG CHEN CHOS MCHOG CHOS CAN, BAR CHAD MED PA'I SBYOR BA YIN TE, BDUD BZHI DANG SA GNYIS KYI BAR CHAD KYI CHOS SPONG BA'I SGRUB PA YIN PA'I PHYIR, THEG CHEN MTHONG LAM CHOS CAN, YANG DAG PAR MNGON PAR RDZOGS PA'I BYANG CHUB LA NYE

BA'I SBYOR BA YIN TE, ZAG PA MED PA'I CHOS GSAR DU SKYES PA'I RTEN NYID KYI SGRUB PA YIN PA'I PHYIR, SA GNYIS PA NAS BDUN PA'I BAR GYI YE SHES CHOS CAN, MYUR DU MNGON PAR RDZOGS PAR BYANG CHUB PA'I SBYOR BA YIN TE, MYUR DU 'BRAS BU CHOS KYI SKU MNGON PAR 'GRUB PA'I SGRUB PA YIN PA'I PHYIR, SA BRGYAD PA'I YE SHES CHOS CAN, GZHAN GYI DON DANG, 'PHEL BA DANG, 'GRIB PA MED PA DANG, CHOS DANG CHOS MIN PA LA SOGS PA MI DMIGS PA DANG, GZUGS LA SOGS PA BSAM GYIS MI KHYAB PA'I RNAM PA 'GOG PA DANG, GZUGS LA SOGS PA'I DNGOS POR RNAM PAR MI RTOG PA RNAMS KYI SBYOR BA YIN TE, RIM PA BZHIN DU CHOS KYI 'KHOR LO RAB TU BSKOR BA DANG, DON DAM PAR 'PHEL BA DANG 'GRIB PA MI MTHONG BA DANG, 'DOD PA'I KHAMS SU MI DMIGS PA DANG, GZUGS LA SOGS PA BSAM GYIS MI KHYAB PA'I RNAM PAR BDEN PA'I RLOM PA MED PA DANG, GZUGS DANG DE'I MTSAN MA DANG, DE'I NGO BO NYID DU BDEN PAR RNAM PAR MI RTOG PA'I SGRUB PA YIN PA'I PHYIR, SA DGU PA'I YE SHES CHOS CAN, 'BRAS BU RIN PO CHE SBYIN PA'I SBYOR BA YIN TE, 'BRAS BU DANG PO MTHONG BA'I SA NAS SANGS RGYAS KYI BAR GDUL BYA'I RGYUD LA SGRUB PA DANG LDAN PA'I SBYOR BA YIN PA'I PHYIR, SA BCU PA'I YE SHES CHOS CAN, RNAM PAR DAG PA'I SBYOR BA YIN TE, GZUGS SOGS KYI CHOS NYID DRI MAS RNAM PAR DAG PA'I SGRUB PA DANG LDAN PA'I SBYOR BA YIN PA'I PHYIR, TSOGS LAM NAS SA BDUN PA'I BAR GYI THEG CHEN GYI SGRUB PA CHOS CAN, SA MTSAMS LA SBYOR BA YIN TE, LO SKOR DANG ZLA BA SOGS SU SA MTSAMS BCAD NAS BRTZON PA'I THEG CHEN SGRUB PA DANG LDAN PA'I SBYOR BA YIN PA'I PHYIR, BZHI PA SBYOR BA BSGOMS PA'I PHAN YON TAN LA GSUM LAS, MTSAMS SBYAR NI, YON TAN

, ,MTHONG BA SNGON DU BTANG NA SOGS SO, ,RTZA BA NI, BDUD KYI MTHU BCOM LA SOGS PA MDO LAS GSUNGS PA'I SBYOR BA'I YON TAN RNAM PA BCU BZHI'O, ,'GREL BA LA, 'BRAS BU DANG RGYU GRANGS BZHIN DU SBYAR NAS BSHAD PA NI, GONG DU BSHAD PA'I PHYIR CI MA LOG PA'I SBYOR BA LA MNGON PAR DGA' BA'I BYANG SEMS CHOS CAN, BDUD KYI MTHU BCOM PA'I YON TAN 'BYUNG STE, RGYU'I GNAS SKABS SU SANGS RGYAS KYIS BYIN GYIS BRLABS PA THOB PAS SO, ,DE CHOS CAN, SANGS RGYAS KYIS DGONGS SHING MKHYEN PA NYID DANG, SANGS RGYAS KYIS MNGON SUM DU MDZAD PA DANG, YANG DAG PAR RDZOGS PA'I BYANG CHUB NYE BAR GYUR BA DANG, DON CHEN PO SANGS RGYAS DANG 'PHRAD CING MTHO RIS SU SKYE BA NYID LA SOGS PA DANG, RANG GANG DU SKYE BA'I YUL SANGS RGYAS KYIS DPYAD CING LUNG BSTAN PA DANG, ZAG PA MED PA'I YON TAN THAMS CAD RDZOGS PA DANG, YUM DON SMRA BA'I SKYES BU NYID DANG, BDUD LAS KYIS MI PHYED PA NYID DANG, DGE BA'I RTZA BA NYAN RANG DANG THUN MONG MIN PA SKYE BA DANG, DAM BCAS PA'I DON JI LTA BA BZHIN DU SGRUB PA DANG, 'BRAS BU RGYA CHEN PO YONGS SU 'DZIN PA DANG, MA 'ONGS PA NA SEMS CAN GYI DON SGRUB PA DANG, TSE RABS GZHAN DU'ANG SHER PHYIN TSANG BAR NGES PAR 'THOB BO ZHES BYA BA'I YON TAN DE DAG 'BYUNG STE, RIM BZHIN SANGS RGYAS KYIS DGONGS PA DANG, YE SHES KYIS MKHYEN CING SHA'I SPYAN GYIS GZIGS PA DANG, BYANG CHEN LA NYE BAR GYUR BA DANG, PHAN YON CHEN PO DANG SHER PHYIN STON PAS SANGS RGYAS KYI BYA BA BYED PA DANG, GNYEN PO'I CHOS YONGS SU RDZOGS PA DANG, RNAM PA THAMS CAD MKHYEN PA NYID KYI GTAM BRJOD PA DANG, DE BZHIN GSHEGS PAS GROGS MDZAD PA DANG, 'JIG RTEN LAS 'DAS PA'I CHOS TSOL BA'I DGA' BA RGYA CHEN SOGS BSKYED PA DANG, DE'I

DAM BCAS PA'I TSIG LA SANGS RGYAS KYI RJES SU YI RANG BA DANG, THEG CHEN GYI CHOS ZAB MO MNGON PAR 'DOD PA DANG, DE LTA SEMS CAN GYI DON BYED PA DANG, DA LTA SHER PHYIN PA TSANG BAR RNYED PA CES BYA BA DE DAG THOB PAS SO, ,LNGA PA SBYOR BA SGOM PA'I TSE DOR BYA'I GOL SA SKYON GSUM LAS MTSAMS SBYAR NI, DE'I 'OG TU SOGS SO, RTZA BA NI, SKYON NI ZHES SOGS TE 'DI DAG LAS DANG PO BA'I SA NAS SHAS CHE BA DANG, SBYOR LAM BZHI NA CHA PHRA BA DANG, MA DAG SA BDUN NA SHIN TU CHA PHRA BAR YOD LA, MDO LAS 'DI THAMS CAD BDUD LAS SU GSUNGS PA NI, KHA CIG BDUD LAS DNGOS DANG, KHA CIG BDUD LAS DANG 'DRA BA DANG, KHA CIG DE LTAR SPYOD NA BDUD KYIS GLAGS RNYED PAR 'GYUR BAS BDUD LAS SU BZHAG GO ,'GREL PA LA, SBYOR BA'I 'GAL RKYEN RANG LA GNAS PA NYI SHU, RANG GZHAN GANG RUNG LA GNAS PA MTHUN RKYEN MA TSANG BA NYE GSUM, GZHAN LA BRTEN PA'I 'GAL RNYEN GSUM MO; ;DANG PO LA SPOBS PA'I DBANG DU BYAS PA NI, TSOGS CHEN POS 'THOB PA DANG, SPOBS PA HA CANG MYUR BA'O, ,GNAS NGAN LEN GYI DBANG DU BYAS PA NI, LUS KYI GNAS NGAN LEN DANG, SEMS KYI GNAS NGAN LEN DANG, RIGS PA MIN PAS BSKYED PA KHA DON BYAS PA LA SOGS PA'O, THEG CHEN LAS NYAMS PA'I RGYU BDUN NI, THEG CHEN GYI SDE SNOD LAS PHYIR PHYOGS PA'I RGYU MTSAN 'DZIN PA NYID DANG, SHER PHYIN POR NAS DMAN PA'I SDE SNOD LA 'JUG PA'I RGYU LA MNGON PAR ZHEN PA NYAMS PA DANG, DE LTAR BYED PA YUM GYI NOM PA'I RO MYANG BA NYAMS PA DANG, DE LTAR BYED PA RNAM PA THAMS CAD DU THEG PA'I MCHOG KUN TU 'DZIN PA NYAMS PA DANG, DE LTAR BYED BA RTAG TU CHED DU BYA BA RNAM MKHYEN LAS NYAMS PA CES BYA BA NI BCU TSAN DANG PO'O, ,DMAN PA'I SDE SNOD LA RNAM MKHYEN TSOL BA RGYU DANG 'BRAS BU'I 'BREL BA NYAMS PA DANG, DE LTAR TSOL BA GONG NA MED PA CHOS SKU

, ,LAS NYAMS PA'O, ,THEG CHEN LAS G-YENG BA'I RGYU NI YUL RNAM PA MANG PO LA RNAM PAR RTOG PA'I SPOBS PA 'BYUNG BA DANG, YUM YI GER 'DRI BA LA YUM DU MNGON PAR ZHEN PA DANG DNGOS PO MED PA LA YUM DU MNGON PAR ZHEN PA DANG, YI GE LA YUM DU MNGON PAR ZHEN PA DANG, YI GE MED PA TZAM LA YUM DU MNGON PAR ZHEN PA DANG, YUL DANG GROGS LA SOGS PA YID LA BYED PA DANG, RNYED PA DANG, BKUR STI DANG, TSIGS SU BCAD PA RO MYANG BA DANG, LAM MIN PA BDUD KYIS BSTAN PAS THABS LA MKHAS PA TSOL BA ZHES BYA BA NI BCU TSAN GNYIS PA'O, ,GNYIS PA SKYON SLOB DPON LA BSTEN PA, RANG NYID LA BRTEN PA, GNYIS KA LA BRTEN PA'O, ,DANG PO NI, GRANGS BZHIN DU NYAN PA PO SNGA MA DANG 'CHAD PA PO PHYI MA DANG MNGON PAR 'BREL BAS TSOGS PA'I YON TAN LAS NYAMS PA STE GANG YANG RUNG BA ZHES PA NI, BZLOG NA YANG NYES PAR 'GYUR BAR STON PA'O, ZHES ZER BA BAB COL STE, SLOB DPON 'DUN PA CHE ZHING SLOB MA SNYOMS LAS CHE BA SOGS SKYON YIN YIN NA, RNAM PA THAMS CAD DU DPON SLOB BLO MNYAM DGOS PAS SANGS RGYAS KYI SLOB MA SANGS RGYAS YIN PAS KHYAB DGOS PAR THAL LO, ,DES NA GANG YANG RUNG BA ZHES PA NI, NYAN PA PO PHYI MA DANG MA 'BREL ZHING, 'CHAD PA PO SNGA MA DANG MA 'BREL BAR STON PA STE, 'OG MA LA YANG DE BZHIN SHES PAR BYA'O, ,DE YANG NYAN PA PO 'DUN PA DANG 'CHAD PA PO SNYOMS LAS CHE BA NYID KYIS TSOGS PA'I CHOS LAS NYAMS PA DANG, ZHES SOGS SU BSHAD PAR BYA STE GO SLA'O, ,GNYIS PA NI, GZHAN DON DU NGAN SONG GI 'GRO BA LAS YID PHYIR PHYOGS PA DANG, RANG DON DU BDE 'GROR 'GRO BA LA YID BDE BA STE GNYIS SO, ,GSUM PA NI, 'CHAD PA PO DANG NYAN PA PO DAG CES SOGS TE GO SLA'O, ,GSUM PA GZHAN LA BRTEN PA'I 'GAL RKYEN NI, CHOS DANG GANG ZAG LA BDUD

KYIS 'BYED PA'I SBYOR BA DANG, MI SDUG PA SGOM PA LA SOGS GNAS LUGS SGOM PAR STON PA BCOS MA NYE BAR SGRUB PA DANG, YUL JI LTA BA BZHIN MIN PA BDUD SANGS RGYAS SU SPRUL PA SOGS LA DGA' BA BSKYED PA CES BYA BA GZHAN GSUM STE, DON BSDU BA NI, DE LTAR NA SKYON BZHI BCU RTZA DRUG YIN NO, ,NGAG DON NI, 'DIR BSTAN SBYOR BA'I SKYON CHOS CAN, BZHI BCU RTZA DRUG YOD DE, RANG LA GNAS PA'I 'GAL RKYEN NYI SHU, MTHUN RKYEN MA TSANG BA NYER GSUM, 'GAL RKYEN GZHAN LA BRTEN PA GSUM RNAMS SU YOD PA'I PHYIR, DRUG PA SBYOR BA'I RANG BZHI MTSON BYED MTSAN NYID BSHAD PA LA, SPYI'I DON DANG, TSIG GI DON NO, ,DANG PO LA, GZHAN GYI 'DOD PA BRJOD CING DE DGAG PA DANG, RANG GI LUGS BZHAG PA'O, ,DANG PO NI, BOD KYI BLA MA DAG 'DI LTAR BZHED DE, SBYOR BA'I MTSAN NYID, MTSON BYA, MTSON TSUL, MTSON PA'I DGOS PA'O, ,DANG PO LA SHES KHYAD BYED PA GSUM LAS, SHES MTSAN NI, SKABS 'DIR MDO BSTAN BCOS LAS SHES PA BCU DRUG PA PHRAG GSUM DNGOS SU GSUNGS PA NI SBYOR BA'I MTSAN NYID MIN GYI SANGS RGYAS KYI THUGS RGYUD KYI MKHYEN GSUM GYI RTOGS PA YIN LA, SBYOR BA'I MTSAN NYID, SBYOR BA'I MTSAN NYID, SANGS RGYAS KYI SHES PA DE DAG SKYED PAR BYED PA'I NUS PA BCU DRUG PA GSUM SBYOR BA LA YOD PA DE NYID YIN NO, ,DE LTA NA YANG SKABS 'DIR SHES PA BCU DRUG PA PHRAG GSUM DNGOS SU BSTAN PA NI, NUS PA LA SHES PA'I SGRA NYE BAR BRTAGS NAS BSTAN PA YIN TE, 'DOGS PA'I RGYU MTSAN NI, 'BRAS BU RGYU LA BRTAGS PA'O, ,DOGS PA NI NUS PA GZHAN LAS KHYAD PAR DU BYA BA'I PHYIR RO, ,DNGOS LA GNOD BYED NI, SHES PA 'DI DAG SBYOR BA'I MTSAN NYID DNGOS MIN TE, DE BSDUS PA DANG, ZHES SOGS KYI MDOR, DE BZHIN GSHEGS PAS SHER PHYIN PA LA BRTEN NAS SEMS BSDUS PA DANG G-YENGS

, ,PA MKHYEN ZHES SOGS KYIS DE BZHIN GSHEGS PAS SHES PAR BSHAD PAS GNOD PA'I PHYIR RO, ,DE YANG BCU DRUG PHRAG GSUM DU PHYE BA NI GDUL BYA NYE BA'I BSAM PA LA BLTOS PA YIN GYI YANG DAG PAR SANGS RGYAS KYI MKHYEN GSUM GYI RTOGS PA BSKYED PAR BYED PA'I NUS PA GSUM MO, ,KHYAD MTSAN NI, BSAM MI KHYAB SOGS CHOS KYI BDAG MED RTOGS PA'I KHYAD PAR BCU DRUG YIN LA, BYED MTSAN NI, SBYOR BA BZHI DANG RJES SU MTHUN PA'I RTOGS PA LA GZHAN 'GOD PA'I NUS PA'O, ,MTSON BYA NI MKHYEN GSUM SBYOR BAS SANGS RGYAS BSKYED PA'I NUS PA YIN LA, NUS PA DE GANG LA LDAN PA'I MTSAN GZHI NI NGO BO NYID BCU DRUG GO, MTSON TSUL NI, SHES MTSAN GYIS THEG CHEN SBYOR BA SANGS RGYAS BSKYED PA'I NUS LDAN DU MI LDAN RNAM GCOD KYI TSUL GYIS MTSON PAR BYED LA, KHYAD MTSAN GYI NUS PA DE GZHAN LA BKAG NAS THEG CHEN SBYOR BA KHO NA SANGS RGYAS SKYED BYED DU MTSON, ZHES GZHAN LDAN RNAM GCOD KYI TSUL GYIS MTSON ZHING, BYED PAS SANGS RGYAS KYI 'PHRIN LAS PHUN TSOGS SKYED BYED DU MTSON PAR BYED DO, ,MTSON PA'I DGOS PA NI, BYANG SEMS SEMS BSKYED PA NI, SANGS RGYAS DON DU GNYER BA YIN PAS SHES MTSAN GYIS DE LTAR MTSON PA NYID KYIS THEG CHEN SBYOR BA SANGS RGYAS SKYED PA'I NUS LDAN DU SHES NAS 'JUG PAR 'GYUR LA, KHYAD MTSAN GYIS NUS PA DE GZHAN LA YOD PAS THEG DMAN LA 'JUG PA SOGS LAM GYI GOL SA SPONG, BYANG SEMS SANGS RGYAS DON DU GNYER BA'ANG GZHAN DON BYA BA'I PHYIR YIN PA LA BYED MTSAN GYIS SANGS RGYAS KYI 'PHRIN LAS SKYED BYED DU MTSON PA LA BRTEN NAS, BYANG SEMS RANG GI MNGON PAR 'DOD PA'I DON GYI GTZO BO THAMS CAD BSGRUB PA'I NUS PA THEG CHEN SBYOR BA KHO NA LA SHES NAS THEG CHEN SBYOR BA

NYAMS SU LEN PA LA SHIN TU GUS PAR 'GYUR BA YIN NO, ZHES BZHED DO, ,DE LTA NA SHES KHYAD BYED PA GSUM PO GANG YANG THEG CHEN SBYOR BA'I MTSAN NYID MIN PAR SANGS RGYAS BSKYED PA'I NUS LDAN GYI MTSAN NYID DU THAL BAR 'GYUR BA'I PHYIR, GZHUNG GI TSIG LA MI ZHUGS KYANG SKABS SU BAB PA'I DON NYAMS SO, ,THEG CHEN SBYOR BA MTSAN GZHI, SANGS RGYAS BSKYED PA'I NUS LDAN DU MTSON PA LA SANGS RGYAS KYI MKHYEN GSUM GYI RTOGS PA BSKYED PA'I NUS PA DANG LDAN PA MTSAN NYID YIN KYANG, DE NYID THEG CHEN SBYOR BA'I MTSAN NYID DU 'GYUR NA, BUM PA MTSAN GZHI DNGOS POR MTSON PA LA; DON BYED NUS PA MTSAN NYID DU GYUR BA'I TSE, DON BYED NUS PA DE BUM PA'I MTSAN NYID DU THAL BAR 'GYUR RO, ,GZHAN YANG SBYOR BA'I NUS PA LA 'BRAS BU SANGS RGYAS KYI SHES PA'I MING GIS BTAGS PA LA SHES BYED CUNG ZAD KYANG MED PA'I PHYIR, YID BRTAN PAR DKA'O, ,YANG PHYIR BAS KYI MKHAS PA KHA CIG NA RE, SKABS 'DIR BSTAN GYI SHES PA BCU DRUG PA PRAG GSUM PO DAG NI, SANGS RGYAS PA'I RTOGS PA MTHAR THUG YIN PAS THEG CHEN SBYOR BA'I 'BRAS BU YIN LA, 'DI DAG GIS MTSON PA'I TSUL NI 'BRAS BU SANGS RGYAS KYI MKHYEN PAS RGYU THEG CHEN GYI SBYOR BA MTSON PA YIN LA, DE YANG JI LTAR NA SBYOR BA NYI SHU MTSAN GZHI, DE BZHIN GSHEGS PA'I RGYUR MTSON, DE BZHIN GSHEGS PA 'BYUNG RUNG DANG LDAN PA MTSAN NYID DO, ,MKHYEN GSUM SBYOR BA MTSAN GZHI, DE BZHIN GSHEGS PA'I MKHYEN PA'I RGYUR MTSON, DE BSKYED PA'I NUS LDAN MTSAN NYID DE BU BSKYED PA'I NUS LDAN GYIS BUR MTSON BA BZHIN NO, ZHES ZER RO, ,DE NI MI 'THAD DE, DE LTA NA THEG CHEN SBYOR BA MTSAN GZHI DANG, SANGS RGYAS BSKYED PA'I NUS LDAN MTSON BYAR SONG GI, THEG CHEN SBYOR BA MTSON BYAR MA SONG PAS 'DI DAG THEG CHEN SBYOR BA'I MIN PA

, ,THAL BA'I SKYON SO NA GNAS PA'I PHYIR DANG, DE BZHIN GSHEGS PA'I MKHYEN PA'I RGYU DANG, DE BSKYED PA'I NUS LDAN NGO BO GCIG YIN GYI, RGYU 'BRAS MIN PAS 'BRAS BU RGYU MTSON DU SMRAS PA DANG, MTSON SBYOR DE LTAR SMRAS PA KHAS BLANGS NANG 'GAL BA'I PHYIR DANG ZHES PA 'DI DAG SANGS RGYAS KYI MKHYEN PA YIN PA LA SHES BYED GANG YANG MED PA'I PHYIR RO, ,'O NA MDO LAS, DE BZHIN GSHEGS PAS SEMS BSHUS PA DANG G-YENGS PA MKHYEN ZHES SOGS BSHAD PA MIN NAM ZHE NA, MDO LAS, DE BZHIN GSHEGS PA'I SHES PA BCU DRUG PA PHRAG GSUM SGRAS ZIN LA DNGOS SU BSTAN NAS DE'I SHUGS LA RGYU BYANG SEMS KYI MKHYEN PA'I SHES PA BCU DRUG PA PHRAG GSUM SBAS DON GYI TSUL DU BSTAN PA YIN CING, BSTAN BCOS SU MDO'I SBAS DON MNGON RTOGS KYI RIM PA GTZO BOR BSTAN PA YIN PAS BYANG SEMS KYI MKHYEN PAR GYUR PA'I SHES PA BCU DRUG PA PHRAG GSUM BSTAN GYI, DE BZHIN GSHEGS PA'I MKHYEN PA MTSAN NYID DU BSTAN PA MIN NO, 'O NA BSTAN BCOS SU YANG THUB PAS DE BZHIN NYID RTOGS TE, ZHES BSHAD PA MIN NAM ZHE NA, THUB PA CES PA 'BYUNG YANG RDZOGS PA'I SANGS RGYAS YIN PAS MA KHYAB STE, BYANG SEMS LA YANG THUB PA'I SGRAS BSTAN PA YOD PA'I PHYIR TE, THUB PA'I SKAD CIG GCIG PA YIS, ZHES 'BYUNG BA LTAR RO, ,GNYIS PA RANG GI LUGS BZHAG PA LA, MTSAN NYID, MTSON BYA, MTSAN GZHI MTSON TSUL, MTSON PA'I DGOS PA'O, ,DANG PO NI, SHES PA, KHYAD PAR, BYED PA RNAMS TE, SHES PA LA YANG GZHI SHES, LAM SHES, RNAM MKHYEN GYI SHES MTSAN GSUM MO, ,DE LA BYANG SEMS KYI MKHYEN PA GANG, GZHI GANG ZAG GI BDAG MED PAR THABS SHES KHYAD PAR

CAN GYIS ZIN PA NI GZHI SHES KYI SHES MTSAN YIN LA, BYANG SEMS KYI MKHYEN PA GANG LAM GSUM RANG BZHIN MED PA'I SGO NAS MTSAN NYID JI LTA BA BZHIN DU RTOGS PA NI LAM SHES GYI SHES MTSAN YIN CING, DE BZHIN GSHEGS PA'I MTHONG CHOS LA BDE BAR GNAS SOGS SANGS RGYAS KYI SA'I SHES RNAM DAG MTSAN NYID JI LTA BA BZHIN DU RTOGS NAS DE DAG DANG DMIGS RNAM RJES SU MTHUN PAR SGOM PA'I BYANG SEMS KYI MKHYEN PA NI, RNAM MKHYEN GYI SHES MTSAN YIN NO, ,KHYAD MTSAN NI, BYANG SEMS KYI MKHYEN PAS CHOS KYI BDAG MED RTOGS PA'I TSUL TE, SNGA MA GSUM DANG 'DI NYID LA BCU DRUG BCU DRUG TU PHYE BA NI GDUL BYA NYE BA'I BSAM PA LA BLTOS NAS YIN NO, ,BYED MTSAN NI, BYANG SEMS KYI SBYOR BAS DA LTA RANG RJES SU MTHUN PA'I MKHYEN GSUM GYI RTOGS PA LA GDUL BYA GZHAN 'GOD PA'I BYED PA STE BCU GCIG TU PHYE BA NI GDUL BYA NYE BA'I BSAM PA BLTOS PA YIN NO, ,MTSON BYA NI THEG CHEN GYI GZHI SHES KYI SBYOR BA DANG, LAM SHES KYI SBYOR BA DANG, RNAM MKHYEN GYI SBYOR BA GSUM YIN LA, MTSAN GZHI NI NGO BO NYID BCU DRUG STE, DE YANG MTSON PA'I TSUL NI, NYAN THOS RTAG SOGS KYIS DBEN PA'I NGO BO NYID DANG PO BZHI PO DE MTSAN GZHI, THEG CHEN GYI GZHI SHES KYI SBYOR BA YIN PAR MTSON, DE BZHIN GSHEGS PA 'BYUNG BA SHES PA SOGS THABS SHES KHYAD PAR CAN GYIS ZIN PA'I SGO NAS GZHI GANG ZAG GI BDAG MED PAR RTOGS PA'I SHES PA BCU DRUG GI NGO BOR GYUR CING, GDUL BYA MYANG 'DAS LA 'GOD PA'I BYED PA DANG LDAN PA'I SBYOR BA YIN PA, DE BZHIN DU MYA NGAN LAS 'DA' BAR DKA' BA SOGS NGO BO NYID BAR PA LNGA PO DE MTSAN GZHI, LAM SHES KYI SBYOR BA YIN PAR MTSON, RNAM THAR SGO GSUM SHES PA SOGS LAM GYI DE KHO NA NYID RTOGS PA'I SHES PA BCU DRUG GI NGO BOR GYUR CING, PHAN BDE SKYOB

, ,PA SOGS GDUL BYA THEG CHEN LA 'GOD PA'I BYED PA BDUN DANG LDAN PA'I SBYOR BA YIN PA, NGO BO NYID THA MA BDUN PO DE MTSAN GZHI, RNAM MKHYEN GYI SBYOR BA YIN PAR MTSON, SANGS RGYAS KYI MTHONG CHOS LA BDE BAR GNAS SOGS 'BRAS BU'I SHES RNAM DAG GI DE KHO NA NYID RTOGS PA'I SHES PA BCU DRUG GI NGO BOR GYUR CING, 'JIG RTEN GYI RTEN MDZAD PA'I BYED PA DANG LDAN PA'I SBYOR BA YIN PA, CES PA STE, DE LTAR NA SHES MTSAN RIM PA GSUM GYIS MKHYEN GSUM GYI SBYOR BA GSUM PO DE NYID RIM BZHIN RANG BZHIN JI LTA BA BZHIN DU MTSON PAR BYED PA YIN LA, DE'I PHYIR THAMS CAD SHES PA NYID KYI SBYOR BA RNAMS JI LTA BA BZHIN MTSON PAR BYED PAS NA SHES PA'I MTSAN NYID THAMS CAD SHES PA NYID KYIS BSDUS PA YIN NO, ,ZHES SOGS GSUNGS PA RNAMS LEGS PAR BSHAD PAR 'GYUR RO, ,KHYAD MTSAN GYIS MTSON PA'I TSUL NI, LAM SHES DANG RNAM MKHYEN GYI SBYOR BA MTSAN GZHI, NYAN RANG GI SBYOR BA LAS KHYAD PAR DU 'PHAGS PAR MTSON, BSAM MI KHYAB SOGS CHOS KYI BDAG MED RTOGS PAS KHYAD PAR DU BYAS PA'I SBYOR BA YIN PA, 'O NA NGO BO NYID BCU DRUG PO DE DAG MTSAN GZHI YIN GYI, MTSON BYA MIN NA, NGO BO NYID GANG MTSON BYA YANG, ZHES GSUNGS PA CI ZHE NA, NGO BO NYID BCU DRUG PO GANG YIN PA DE DAG GZHIR BYAS NAS SBYOR BA GSUM DU MTSON PAR BYA BA MIN PAS NA, NGO BO NYID GANG MTSON BYA YANG, ZHES GSUNGS PA YIN CING, 'DI DAG MTSAN NYID KYIS THEG CHEN SBYOR BA DAG MTSON PA'I BYA BA 'JUG PA'I GZHI YIN PAS 'DI DAG LA MTSAN NYID KYI SGRA SBYAR BA DE MTSAN NYID KYI SGRA LAS LA 'JUG PAR BSGRUB PA'I DBANG DU BYAS PA YIN PAR BSHAD PA CHAS SHIN TU 'THAD PAR 'GYUR BA YIN NO, ,'O NA LAM SHES DANG RNAM

MKHYEN GYI SBYOR BA LAS KHYAD PAR DU 'PHAGS PAR KHYAD MTSAN GYI SKABS SU DNGOS SU BSTAN CING, THEG CHEN GYI GZHI SHES KYI SBYOR BA DE LTAR MA BSTAN PA CI ZHE NA, 'DI LA MKHAS PA DU MA DAG GZHI SHES TZAM GYI LDOG PA NYAN RANG LA YANG YOD CING, BYANG SEMS KYI RGYUD KYI SBYOR BA DE, LAM SHES KYI SBYOR BA'I KHONGS SU 'DU BAS 'DIR DNGOS SU MA BSTAN PA YIN NO, ZHES BZHED PA MI 'THAD DE, GZHI SHES KYI SBYOR BA'I BYED PA DNGOS SU BSTAN PA MI 'THAD PAR THAL, GZHI SHES KYI BYED PA TZAM NYAN RANG LA YANG YOD CING, BYANG SEMS KYI RGYUD KYI GZHI SHES KYI BYED PA LAM SHES KYI BYED PA'I KHONGS SU 'DU BAS SO, ,DES NA BYANG SEMS KYI RGYUD KYI MKHYEN GSUM GYI SBYOR BA THAMS CAD NYAN RANG GI SBYOR BA LAS KHYAD PAR DU 'PHAGS PA CAN DU 'DRA YANG KHYAD PAR DU 'PHAGS TSUL MI 'DRA STE, BYANG SEMS KYI RGYUD KYI GZHI SHES KYI SBYOR BA NI KHO RANG GI NGO BO GANG ZAG GI BDAG MED RTOGS PA'I RNAM PA CAN YIN KYANG KHO BDAG MED RTOGS PA'I SHES RAB KYIS ZIN PA'I CHA NAS NYAN RANG GI SBYOR BA LAS KHYAD PAR DU 'PHAGS PA YIN LA, SBYOR BA GZHAN GNYIS NI RANG GI NGO BO'ANG CHOS KYI BDAG MED RTOGS PA'I RNAM PA CAN YIN PAS, NYAN RANG GI SBYOR BA LAS KHYAD PAR DU 'PHAGS PA YIN NO, ,DE LA KHYAD PAR 'PHAGS TSUL SNGA MA NI, SKABS GSUM PAR, BYANG SEMS KYI GZHI SHES KYI SBYOR BA DE MNYAM NYID GZHI'I SGO NAS CHOS KYI BDAG MED RTOGS PA'I SHES RAB KYIS ZIN PA'I SBYOR BA YIN PAR BSTAN ZIN PAS 'DIR BSTAN PA YIN NO, ,DE LA'ANG KHYAD MTSAN STON PA'I SKABS SU MTHONG LAM KHO NA LA DNGOS SU SBYAR NAS GSUNGS PA NI MTSON PA'I DON DU YIN GYI, MTHONG LAM SKAD CIG BCU DRUG KHO NA KHYAD MTSAN DU STON BZHED PA MIN LA, t'IK BYED GANG DAG GZHI SHES KYI SBYOR BA NYAN RANG KHO NA'I RGYUD LA YOD PAR KHAS BLANGS NAS

, ,GZHI SHES KYI SHES MTSAN RDZOGS PA'I SANGS RGYAS KYI THUGS RGYUD KYI MKHYEN PA DANG, DES GZHI SHES KYI SBYOR BA MTSON TSUL 'BRAS BU RGYU MTSAN DU SMRA BA NI NANG 'GAL BA'I PHUNG PO CHEN PO YIN LA, GANG DAG GZHI SHES KYI SHES MTSAN YANG NYAN RANG KHO NA'I RGYUD KYI RTOGS PA'I KHYAD PAR DU SMRA BA NI GZHUNG DU GZHI SHES KYI SHES MTSAN BCU DRUG PA DE DAG CHOS KYI BDAG MED RTOGS PA'I SHES RAB KYIS ZIN PA'I RNAM PA CAN DU DE BZHIN GSHEGS PAS DE BZHIN RTOGS PA STE ZHES SOGS KYIS DNGOS SU BSTAN PA DANG 'GAL ZHING; KHA CIG SHES MTSAN GYIS SBYOR BA SANGS RGYAS SKYED BYED DU MI LDAN RNAM GCOD KYI TSUL GYIS MTSON PA DANG, KHYAD MTSAN GYIS GZHAN LDAN RNAM GCOD KYI TSUL DU MTSON PA MI 'THAD PAR SMRAS NAS, SLAR YANG SHES MTSAN GYIS THEG CHEN SBYOR BA MI LDAN RNAM GCOD KYIS MTSON PAR BYED LA, KHYAD MTSAN GYIS GZHAN LDAN RNAM GCOD KYIS MTSON PAR BYED PAS KHYAD MTSAN LA GZHI SHES KYIS KHYAD MTSAN MA BSTAN PA YIN NO, ,ZHES ZER BA NI DNGOS SU 'GAL BA NGO MI SHES PAR ZAD DO, ,LNGA PA MTSON PA'I DGOS PA NI, SBYOR BA'I RANG BZHIN JI LTA BAR MA SHES NA SGOM MI NUS PAS DE'I PHYIR SBYOR BA SGOM PA'I SNGON DU RANG BZHIN BDE BLAG TU SHES PA'I CHED YIN NO, ,GNYIS PA YAN LAG GI DON LA, SPYI'I MTSAMS SBYAR, SO SO'I DON BSHAD PA'O, ,DANG PO NI, GO RIM BZHIN DU YON TAN BLANG BA DANG SKYON DOR BAS SBYOR BA RNAMS BSGOM PAR BYA BA NI ZHES SOGS SO, ,GNYIS PA LA MDOR BSTAN, RGYAS PAR BSHAD, DON BSDU BA'O, ,DANG PO LA, RTZA BA NI, BYED PA GANG GIS SBYOR BA'I RANG BZHIN MTSON PAR BYED PA DE SBYOR BA'I MTSAN NYID DU SHES PAR BYA'O, ,DE YANG RNAM PA GSUM TE, SHES PA DANG,

KHYAD PAR DANG BYED PA'I MTSAN NYID DO, ,NGO BO NYID BCU DRUG PO GANG YIN PA DE NYID SBYOR BAR MTSON PAR BYA BA YIN PA'I PHYIR, YANG MTSAN NYID CES PA'I SGRA SBYAR BA YIN TE, DE LA SNGA MA NI, MTSAN NYID KYI SKAD DOD, LUGS ZHES PA DE BYED PA LA 'JUG PAR BSGRUBS PA'I DBANG DU BYAS PA DANG; PHYI MA NI LAS LA 'JUG PAR BSGRUBS PA'I DBANG DU BYAS PA YIN NO, ,GNYIS PA 'GREL PA LA, BYED PAR BSGRUBS PA'I MTSAN NYID DANG, LAS SU BSGRUBS PA'I MTSAN NYID GNYIS LAS, DANG PO NI, MTSAN NYID KYI SGRA BYED PAR BSGRUBS PA 'DIS SBYOR BA RNAMS MTSON PAR BYED PAS NA MTSAN NYID CES PA'I DBANG DU BYAS NA SHES PA DANG, KHYAD PAR DANG, BYED PA RNAMS SBYOR BA'I MTSAN NYID YIN CING LAS SU BSGRUBS PA DE RNAMS THEG CHEN SBYOR BAR MTSON PAR BYA BA YIN PAS NGO BO NYID KYI MTSAN NYID DE LTAR NA MTSAN NYID NI RNAM PA BZHIR SHES PAR BYA'O, ,RTZA 'GREL GNYIS KA LA, NGAG DON NI, SHES KHYAD BYED PA GSUM PO CHOS CAN, KHYOD LA MTSAN NYID KYI SGRA SBYAR BA'I RGYU MTSAN YOD DE, MTSAN NYID KYI SGRA SBYAR BA YIN PA'I PHYIR, NGO BO NYID BCU DRUG CHOS CAN, KHYOD LA MTSAN NYID KYI SGRA SBYAR BA'I RGYU MTSAN YOD DE, MTSAN NYID KYI SGRA LAS SU BSGRUBS PA'I DBANG DU BYAS NAS KHYOD LA MTSAN NYID KYI SGRA SBYAR BA YIN PA'I PHYIR, GNYIS PA LA SHES PA, KHYAD PAR, BYED PA, NGO BO NYID KYI MTSAN NYID DO, ,DANG PO LA GZHI SHES, LAM SHES, RNAM MKHYEN GYI SHES MTSAN GSUM, DANG PO LA MTSAMS SBYAR NI, MTSAN NYID BZHI YOD PA DE LA ZHES SOGS SO, ,RTZA BA NI, SNGA MA RNAMS KYIS RGYAS PAR BSHAD CING, RKANG PA THA MA GNYIS KYIS DON BSDUS SO, ,'GREL PA NI, DE BZHIN GSHEGS PA 'BYUNG BA SHES PA DANG, 'JIG RTEN DE 'JIG PA MED PAR SHES PA DANG, SEMS

, ,CAN GYI SEMS KYI SPYOD PA DANG, SEMS NANG DU BSDUS PA DANG, SEMS PHYIR RNAM PAR G-YENGS BA DANG, SEMS NAM MKHA' LTAR MI ZAD PA'I RNAM PA DANG, SEMS 'DOD CHAGS DANG BCAS PA LA SOGS PA DANG, RTZA BA'I SOGS PA CES BYA BA'I SGRAS BSDUS PA SEMS 'DOD CHAGS DANG BRAL BA DANG, SEMS KYI RANG BZHIN CHOS DBYINGS YIN PAS RGYA CHEN PO DANG, SEMS BDEN MED YON TAN GYI RTEN DU MNYAM PAS CHEN POR GYUR PA DANG, DON DAM PAR SO SOR NGES PA'I RTEN MED PAS SEMS TSAD MED PA DANG, SEMS DBANG PO LA BSTEN DU MED PA DANG, SEMS SPYAN LNGAS LTAR MED PA DANG, SEMS G-YO BA DANG LA SOGS PA 'DU BA DANG, BKRAM PA DANG, BCUM PA RNAMS 'KHRUL GZHI PHUNG PO LA BRTEN NAS 'KHRUL PAR SHES PA DANG ZHES PA STE, 'DI LTA BA BZHI'I MTHA' ZAD PA NI PHYI ROL PA'I DRANG SRONG 'GA' ZHIG GIS LTA BA DRUG CU RTZA GNYIS KYI DON THAMS CAD BCU BZHIR BSDUS NAS BCOM LDAN 'DAS LA ZHUS PA NA, DE THAMS CAD KYANG KHYAD GZHI MED PA'I KHYAD CHOS LAS BRTZAMS TE, 'DRI BA 'BA' ZHIG TU DGONGS SHING, KHYAD GZHI BDAG BKAG NA DON DU MI 'GYUR BAR DGONGS NAS DE'I TSE GANG DU YANG LUNG MA BSTAN PAS NA, LUNG DU MA BSTAN PA'I LTA BA BCU BZHI ZHES BYA LA, DE DAG KYANG GANG ZHE NA, SNGON GYI MTHA' DANG, PHYI MA'I MTHA' DANG, MYANG 'DAS LA BRTEN PA BZHI BZHI DANG, LUS SROG LA BRTEN PA GNYIS RNAMS TE, DANG PO GSUM NI RIM PA BZHIN, RGYU DANG 'BRAS BU DANG, GROL BA'I BDAG GI GNAS SKABS LA RTOG PA YIN LA, PHYI MA NI LUS SROG GI GNAS SKABS LA RTOG PA YIN NO, ,DE YANG, BDAG DANG 'JIG RTEN RTAG PA DANG, MI RTAG PA DANG, GNYIS KA YIN PA DANG, GNYIS KA MIN PA'I PHUNG GSUM DU BDEN PAR BLTA BA NI, SNGON GYI MTHA' LA BRTEN PA BZHI'O, ,BDAG DANG 'JIG RTEN

MTHA' DANG LDAN PA DANG MI LDAN PA DANG, GNYIS KA YIN PA DANG, GNYIS KA MIN PA BDEN PAR LTA BA RNAMS NI, PHYI MA'I MTHA' LA BRTEN PA BZHI'O, ,DE BZHIN GSHEGS PA GRONG PHAN CHAD 'BYUNG BA DANG, MI 'BYUNG BA DANG, GNYIS KA YIN PA DANG GNYIS KA MIN PAR LTA BA RNAMS NI MYANG 'DAS LA BRTEN PA BZHI'O,,LUS SROG GCIG TU BLTA BA DANG, THA DAD DU BDEN PAR BLTA BA NI LUS SROG LA BRTEN PA GNYIS SO, ,DE LA BDAG NI GANG ZAG GI BDAG DANG, 'JIG RTEN NI DE'I GDAGS GZHI PHUNG PO LNGA DANG, LUS NI DBANG PO DANG BCAS PA'I SKYES BU'I LUS YIN LA, SROG NI BDAG GI RNAM GRANGS SO, ,DE LTA BU'I BDAG DANG 'JIG RTEN DE NYID RGYU DANG RGYU MED GANG LAS KYANG GSAR DU SKYES PA MIN GYI, GDOD MA NAS GRUB PA'I RANG BZHIN DU BLTA BA NI RTAG PAR BLTA BA'I DON YIN LA, DE BZHIN DU RGYU MED DU GSAR DU SKYES PAR BLTA BA NI MI RTAG PAR BLTA BA'I DON YIN CING, DE GNYIS KYI RANG BZHIN GDOD MA NAS YOD PA DANG, GNAS SKABS GSAR DU SKYES PAR BLTA BA NI GNYIS KA YIN PAR BLTA BA YIN CING, DE GNYIS GANG DU YANG BRJOD DU MED PAR BLTA BA NI GNYIS KA MIN PAR BLTA BA'O, ,DE BZHIN DU BDAG DANG 'JIG RTEN DE DAG SHI 'PHOS PA'I 'OG TU RGYUN CHAD PAR 'DOD PA NI, MTHA' DANG LDAN PAR BLTA BA DANG, TSE 'DI'I BDAG DANG 'JIG RTEN DE DAG MA 'GYUR BAR TSE PHYI MAR 'JUG PAR 'DOD PA MTHA' DANG MI LDAN PAR BLTA BA DANG, DE DAG RANG BZHIN 'JUG CING GNAS SKABS MI 'JUG PAR 'DOD PA GNYIS KAR BLTA BA DANG, DE GNYIS GANG DU YANG BRJOD DU MED PAR 'DOD PA GNYIS KA MIN PAR BLTA BA'O, ,DE BZHIN GSHEGS PA PHUNG PO LHAG MED DU MYA NGAN LAS 'DAS PA'I TSE GROL BA BDAG YOD PAR BLTA BA DANG, SNGAR BDAG YOD PA LA MYA NGAN LAS 'DAS PA'I TSE RGYUN CHAD PAR BLTA BA DANG, RANG BZHIN YOD CING GNAS

, ,SKABS RGYUN CHAD PAR BLTA BA DANG, DE GNYIS GANG DU YANG BRJOD DU MED PAR LTA BA RNAMS NI MYANG 'DAS LA BRTEN PA BZHI'O, ,'DI DAG LAS BDAG DANG 'JIG RTEN RTAG PA DANG, MTHA' DAD MI LDAN PA DANG, DE BZHIN GSHEGS PA GRONGS NAS 'BYUNG BAR BLTA BA RNAMS NI GRANGS CAN SOGS RTAG PAR LTA BA RNAMS KYI LTA BA YIN CING, DE YANG YUL LA SGRUB PA'I RNAM PAS 'JUG PA'I PHYIR G-YO BA'I LTA BA ZHES BYA'O, ,MI RTAG PA DANG MTHA' DANG LDAN PA DANG, DE BZHIN GSHEGS PA GRONGS NAS MI 'BYUNG BAR LTA BA RNAMS NI, RGYANG PAN SOGS CHAD PAR BLTA BA RNAMS KYI LTA BA YIN LA, DE YANG YUL LA DGAG PA'I RNAM PAS 'JUG PA'I PHYIR 'DU BA'I LTA BA ZHES BYA'O, ,'DIR KHA CIG 'GREL CHEN DU BZHI TSAN DANG PO LA, DANG PO GRANGS CAN GYI LTA BA G-YO BA, GNYIS PA RGYANG PAN GYI LTA BA 'DU BA ZHES GSUNGS NAS, LHAG MA YANG DE BZHIN DU SBYAR BAR BYA'O ZHES GSUNGS PAS, BZHI TSAN GNYIS PA'I SKABS SU MTHA' DANG LDAN MI LDAN ZHES GO RIM BSGYUR DGOS PAR SMRA LA, KHA CIG GO RIM BSGYUR MI DGOS TE, TSE PHYI MA'I THOG MA DE TSE 'DI'I MJUG GAM MTHA' YIN PAS MTHA' LDAN DU LTA BA GRANGS CAN LA RUNG NGO ZHES ZER RO, ,MTHA' LDAN GRANGS CAN LA SBYOR BA MI 'THAD DE, DBU MA RTZA BA LAS, GAL TE 'JIG RTEN MTHA' YOD NA, 'JIG RTEN PHA ROL JI LTAR 'GYUR, ZHES SOGS KYIS MTHA' LDAN GYI DON SHI BA'I 'OG TU RGYUN CHAD PA MTHA' DANG MI LDAN PA'I DON, TSE 'DI'I BDAG DANG 'JIG RTEN PA DE GNYIS KA PHYI MAR 'JUG PA LA BYAS NAS DE GNYIS KA LA 'JIG RTEN PHA ROL MI RUNG BA'I SKYON BRJOD PAR MDZAD PAS SO, ,DES NA 'GREL CHEN GYI DE NI JI RIGS PAR SBYAR BAR BYA'O, ZHES PA'I DON NI, GSUM PA RNAMS NI GCER BU PA'I LTA BA YIN LA, CHA

GCIG 'GOG PA DANG CHA GCIG BSGRUB PA'I RNAM PA CHA MNYAM DU YOD PAS BKRAM PA CES BYA'O, ,BZHI PA RNAMS NI BRJOD DU MED PA'I BDAG KHAS LEN PA GNAS MA BU PA'I LTA BA YIN CING, DGAG SGRUB GNYIS KA 'GOG PA'I RNAM PAS ZHUGS PA'I PHYIR BCUM PA ZHES BYA'O, ,LUS SROG GCIG TU BLTA BA BYE BRAG PA DANG, THA DAD DU BLTA BA GRANGS CHEN GYI LTA BAR SA'I DNGOS GZHI LAS BSHAD CING, SNGA MA G-YO BA DANG, PHYI MA BDU BA'I LTA BA'O, ,G-YO BA LA SOGS PA'I SEMS DON DAM PAR DE BZHIN NYID KYI RNAM PAR SHES PA DANG, DE BZHIN GSHEGS PAS DE BZHIN NYID RTOGS PA DE BZHIN LA BSTAN CING MING GI BRNGAR BRTAGS PA SHES PA CES BYA BA STE, MDOR NA JI SKAD BSHAD PA 'DI RNAMS KYI SHES PA'I RNAM PA'I BYE BRAG BCU DRUG PO 'DI CHOS CAN, THAMS CAD SHES PA NYID KYIS BSDUS PA'I SHES PA'I MTSAN NYID YIN TE, DBEN PA SOGS NGO BO NYID DANG PO BZHI PO RNAMS THAMS CAD SHES PA NYID KYI SBYOR BA RNAMS SU JI LTA BA BZHIN MTSON PA MTSAN NYID YIN PAS NA'O, ,GNYIS PA LA MTSAMS SBYAR NI, DE'I 'OG TU SOGS SO, ,RTZA BA NI STONG NYID SOGS SO, ,'GREL PA NI, RANG GI NGO BOS STONG PA NYID DANG, RGYU'I MTSAN MA MED PA DANG, 'BRAS BU LA SMON PA MED PA DANG, BDEN PA'I SKYE BA MED PA DANG, 'GAG PA MED PA DANG, RTZA BA'I SOGS PA CES, BYA BA'I SGRAS BSDUS PA'I KUN NAS NYON MONGS PA MED PA DANG, RNAM PAR BYANG BA MED PA DANG, SPANG BYA'I DNGOS PO MED PA DANG, RANG BZHIN GYIS MYA NGAN LAS 'DAS PA'I NGO BO NYID DANG CHOS KYI DBYINGS KYI RTEN MED PA DANG, RANG BZHIN MI 'GYUR BAS NAM MKHA'I MTSAN NYID DE DRUG DANG, CHOS NYID SUS KYANG RNAM PAR 'KHRUG PA MED PA DANG, CHOS NYID GZHAN GYIS BLO SNGON DU BTANG STE 'DU MI BYED PA DANG CHOS NYID RGYU RKYEN GYIS MA BYAS PAS RNAM PAR MI

, ,RTOG PA DANG, KUN RDZOB TU CHOS NYID LA RNAM PAR MI RTOG PA'I BAR GYI RAB TU DBYE BA DANG, DON DAM PAR RAB TU DBYE BA DE DAG KYANG MTSAN NYID MED PAR SHES PA CES BYA BA STE, MDOR NA JI SKAD BSHAD PA 'DI RNAMS KYI SHES PA'I RNAM PA'I KHYAD PAR BCU DRUG CHOS CAN, SHES PA'I MTSAN NYID LAM SHES PA NYID KYIS BSDUS PA YIN NO, ,JI LTA BA BZHIN DU DKA' BA LA SOGS PA'I NGO BO NYID LNGA PO DE LAM SHES PA NYID KYI SBYOR BDAG TU MTSON PAS NA'O, ,GSUM PA LA MTSAMS SBYAR NI, DE'I 'OG TU SOGS SO, ,RTZA BA NI, DE NI SOGS SO, ,'GREL PA NI; DE BZHIN GSHEGS PA DE NYID KYI CHOS RNAM MKHYEN LA BRTEN NAS MTHONG CHOS LA BDE BAR GNAS DANG GUS PAR BYA BA DANG, BLA MAR BYA BA DANG, MNYES PAR BYA BA DANG, MCHOD PAR BYA BA DANG, BDEN PA'I BYED PA PO MED PA DANG, YE SHES YUL THAMS CAD DU 'GRO BA DANG, SPROS PA'I MTHA' GANG DU YANG MA MTHONG BA DE KHO NA MTHONG BA'I DON DU STON PAR MDZAD PA DANG, SPYIR 'JIG RTEN STONG PA NYID KYI RNAM PAR STON PA SHES PA DANG ZHES BA SPYIR BSTAN NAS, DE NYID SO SOR PHYE NAS 'CHAD PA NI, GDUL BYA 'KHOR DU MA BSDUS PA RNAMS YANG DAG PAR BSDUS NAS THOS BSAM GYI SHES RAB BSKYED PA'I DON DU 'JIG RTEN STONG PA NYID DU BRJOD PAR MDZAD PA DANG, BSDUS PA RNAMS 'JIG RTEN PA'I SGOM BYUNG GI SHES RAB BSKYED NAS SMIN PAR BYA BA'I DON DU 'JIG RTEN STONG PA NYID DU NGES PAR MDZAD PA DANG, SMIN PA RNAMS 'JIG RTEN LAS 'DAS PA'I SGOM BYUNG GI SHES RAB BSKYED NAS GROL BAR BYA BA'I DON DU 'JIG RTEN STONG PA NYID DU MTHONG BAR MDZAD PA DANG, ZHES PA'AM, YANG NA NYAN RANG GI RIGS CAN RNAMS LA THAMS CAD SHES PA NYID KYI SGO NAS 'JIG RTEN STONG PA NYID DU BRJOD PAR MDZAD PA DANG, CHED DU BYA BA LA ZHUGS PA BYANG

'PHAGS RNAMS LA LAM SHES PA NYID KYI SGO NAS 'JIG RTEN STONG PA NYID DU SHES PAR MDZAD PA DANG, CHED DU BYA BA'I DON MTHAR PHYIN PA SANGS RGYAS RNAMS LA RNAM MKHYEN GYI SGO NAS 'JIG RTEN STONG PA NYID DU MTHONG BAR MDZAD PA DANG, ZHES BSHAD PAR BYA STE, SNGA MA NI YUM LA BRTEN NAS SANGS RGYAS KYIS GZHAN DON MDZAD PA DANG, PHYI MA NI YUM NYID KYIS 'PHAGS BZHI'I BZHED DON BSGRUB PA'I DBANG DU BYAS PA'O, ,DE BZHIN DU CHOS NYID BSAM GYIS MI KHYAB PA NYID DU STON PA DANG, SPROS PA ZHI BA NYID DU STON PA DANG, 'JIG RTEN RANG BZHIN GYIS 'GOG BA DANG, MTSAN 'DZIN GYIS 'DU SHES 'GOG PA SHES BA CES BYA BA RNAMS TE, MDOR NA JI SKAD BSHAD PA 'DI RNAMS KYI SHES PA'I RNAM PA'I BYE BRAG BCU DRUG CHOS CAN, SHES PA'I MTSAN NYID RNAM PA THAMS CAD MKHYEN PA NYID KYIS BSDUS PA YIN NO, ,DMIGS PA SOGS NGO BO NYID THA MA BDUN PO JI LTA BA BZHIN DU RNAM PA THAMS CAD MKHYEN PA NYID KYI SBYOR BA DE DAG TU MTSON PAR BYED PAS NA'O, ,GNYIS PA KHYAD MTSAN LA, MTSAMS SBYAR BA DANG, DON DNGOS BSHAD PA'O, ,DANG PO NI, DE LTAR BAR SKABS KYI TSIGS SU BCAD PA DGUS SHES PA'I MTSAN NYID DE DAG MKHYEN GSUM GYI SBYOR BA DE DANG DER 'JOG PA TZAM GYI SPYI'I NGO BO NYID DU BRJOD NAS SHES PA'I RNAM PAS MKHYEN GSUM GYI SBYOR BA RNAMS KYI NYAN RANG LAS KHYAD PAR 'PHAGS PAR 'JOG BYED KYANG SHES PAR BYA BA YIN PAS SHES PA'I MTSAN NYID KYI 'OG TU BAR SKABS KYI TSIGS SU BCAD PAS KHYAD PAR GYI MTSAN NYID 'CHAD DO, ,DE YANG SHES MTSAN GYIS NI RIM BZHIN MKHYEN GSUM GYI SBYOR BA TZAM DU MTSON PAR BYED PA'I SPYI'I NGO BO NYID DU MTSON ZHES BYA LA, KHYAD MTSAN GYIS NYAN RANG GI RTOGS PA LAS KHYAD PAR DU 'PHAGS PAR 'JOG BYED

, ,YIN PAS KHYAD PAR DU MTSON PA CES BYA'O, ,GNYIS PA LA MDOR BSTAN, RGYAS PAR BSHAD, DMAN LAM DNGOS SU MA BSHAD PA'I RGYU MTSAN NO, ,DANG PO LA RTZA BA NI, BSAM MI KHYAB CES SOGS SO, ,'GREL PA NI, MDO LAS, SDUG BSNGAL LA SOGS PA'I BDEN PA'I YUL CAN CHOS DANG RJES SU SHES PA'I BZOD PA DANG SHES PA'I MTSAN NYID BCU DRUG GIS MTSON NAS BSTAN PA, BSAM GYIS MI KHYAB PA DANG MI MNYAM PA LA SOGS PA'I 'DZIN STANGS KYI KHYAD PAR GYIS KHYAD PAR DU BYAS PA'I SLOB LAM GYI MNGON RTOGS CHOS CAN, KHYAD PAR GYI MTSAN NYID YIN NO, ,LAM SHES PA NYID DANG, LA SOGS PA RNAM MKHYEN GYI SBYOR PA DAG NYAN RANG GI SBYOR BA LAS KHYAD PAR DU 'PHAGS PAR MTSON PAS NA'O, ,GNYIS PA LA MTSAMS SBYAR NI, YANG SOGS SO, ,RTZA BA NI BSAM MI KHYAB DANG ZHES SOGS SO, ,'GREL BA NI, BYANG CHUB SEMS DPA'I LAM SHES PA NYID DANG, LA SOGS PA SANGS RGYAS KYI RNAM MKHYEN KYI SBYOR BA BZHI NI CHOS CAN, KHYAD PAR GYI LAM YIN TE, KHYAD PAR BCU DRUG GANG GIS NYAN THOS LA SOGS PA'I LAM RNAMS LAS KHYAD ZHUGS PA'I LAM YIN PA'I PHYIR, KHYAD PAR BCU DRUG GANG ZHE NA, YANG DAG PAR RDZOGS PA'I SANGS RGYAS LA SOGS PAS LEGS PAR YONGS SU GZUNG BA'I SHES RAB KYI RTOBS KYIS RTOG GIS BSAM GYIS MI KHYAB BA NYID DANG, ZLA DANG MI MNYAM PA NYID DANG, TSAD MAS GZHAL BA LAS YANG DAG PAR 'DAS PA DANG, GRANGS KYIS BGRANGS PA LAS YANG DAG PAR 'DAS PA DANG BZHI NI SDUG BSNGAL GYI BDEN PA'I SDAD CIG MA BZHIS MTSON NAS BSTAN PA'I KHYAD PAR DAG YIN NO, ,'PHAGS PA'I GANG ZAG THAMS CAD KYI YON TAN SDUD PA DANG SKYES BU JI LTA JI SNYED LA MKHAS PAS RIG PAR BYA BA NYID DANG, NYAN THOS LA SOGS PA'I SPYOD YUL MIN PA'I DNGOS

PO YONGS SU SHES PA DANG, THEG CHEN RANG GI LUGS LA BLTOS PA'I MNGON PAR SHES PA NYAN RANG LAS SHIN TU MYUR BA'I SHES PA DANG BZHI NI LA SOGS PA KUN 'BYUNG BDEN PA'I SKAD CIG MA BZHIS MTSON PA'I KHYAD PAR DAG YIN NO, ,KUN RDZOB DANG DON DAM PA'I BDEN PA LA BRTEN PA'I CHOS THAMS CAD DON DAM PA BRI BA MED PA DANG GANG BA MED PA'I NGO BO RTOGS PA DANG, 'KHOR GSUM RNAM PAR DAG PAS SBYIN PA LA SOGS PA'I PHA ROL TU PHYIN PA RTAG TU RAB TU SGRUB PA DANG, YANG DAG PAR SBYOR BAS BSKAL PA DU MAR SGRUB PA'I BSOD NAMS DANG YE SHES YANG DAG PAR 'GRUB PA DANG, RNAM PAR MI RTOG PAR THABS SHES KYI CHOS THAMS CAD DMIGS PA RNAMS NI 'GOG PA'I SKAD CIG MA BZHIS MTSON PA'I RNAM PA DAG YIN NO, ,CHOS KYI DBYINGS KYI NGO BO NYID BYANG CHUB SEMS DPA'I LAM GYI RTEN RIGS DANG LDAN PA DANG, SMON LAM LA SOGS PA'I PHA ROL TU PHYIN PA YONGS SU RDZOGS PA'I RGYU TSOGS DAD LDAN PA DANG THEG CHEN DGE BA'I BSHES GNYEN GYI THABS KYIS YONGS SU GZUNG BA DANG, BYANG CHUB GZHAN DANG GZUGS SOGS LA MNGON PAR ZHEN PA'I RO MYANG BA MED PA RNAMS NI LAM GYI SKAD CIG MA BZHIS MTSON PA'KI KHYAD PAR DAG YIN NO, ,GSUM PA NI, GANG LAS KHYAD PAR DU 'PHAGS PA'I NYAN RANG GI LAM MA BSHAD NA DE LAS KHYAD PAR DU 'PHAGS PAR MI SHES SO, ZHE NA, NYAN RANG DE DAG GI LAM NI CHOS CAN, 'DIR DNGOS SU MA BSHAD PA'I RGYU MTSAN YOD DO, GO SLA BAS MA BSHAD PA YIN PA'I PHYIR, GO SLA BAR THAL, JI SKAD BSHAD PA KHYAD PAR DANG BRAL BA'I MNGON PAR ZHEN PA LA SOGS PAS BCINGS PAR SKYE BA MTSAN NYID CAN DU SNGAR BSHAD DE DAG GI SHUGS LA SHES NUS PA'I PHYIR, GANG DAG SKABS GSUM PA'I BRJOD BYA'I GTZO BO'I GZHI SHES DANG, GZHI SHES RNAM PA NYER BDUN SOGS NYAN RANG

, ,GI RGYUD KYI RTOGS PAR 'DOD PA DAG GIS GZHI SHES KYI SBYOR BA NYAN RANG GI RGYUD KYI SBYOR PAR KHAS LEN DGOS LA, DE'I PHYIR KHAD MTSAN GYIS LAM SHES RNAM MKHYEN GYI SBYOR BA GZHI SHES KYI SBYOR BA LAS KHYAD PAR DU 'PHAGS PAR MTSON PAR THAL LO, ,'DOD NA KHYAD PAR 'PHAGS YUL DNGOS SU MA BSTAN PA NYAMS SO, ,DES NA MUN SPRUL CHEN PO'O, ,GSUM PA LA MTSAMS SBYAR NI, KHYAD PAR GYI SOGS SO, ,RTZA BA NI PHAN DANG SOGS SO, ,'GREL BA LA SO SOR BSHAD PA DANG, BSDUS TE BSTAN PA'O, ,DANG PO LA GSUM LAS, GZHI SHES KYI BYED PA NI, THAMS CAD SHES PA NYID KYI BYED BA CHOS CAN, GSUM YOD DE, GDUL BYA RGYUD LNGA'I 'GRO BA LAS BTON NAS MYANG 'DAS LA 'GOD PA MA 'ONGS PA'I PHAN PA DANG, YID MI BDE BKROL NAS MYANG 'DAS LA 'GOD PA TSE 'DI'I BDE BA DANG, YANG SRID MI LEN PAR BYED PAS SDUG BSNGAL MED PA'I RNAM PAR SMIN PA MIN PA'I CHOS NYID NYE BAR BSGRUB PA'I DON GYIS RIM BZHIN PHAN DANG, BDE DANG, SKYOB PA'I BYED PA RNAMS SU YOD PA'I PHYIR, GNYIS PA LAM SHES KYI BYED PA NI, LAM SHES PA NYID KYI BYED PA CHOS CAN, BDUN YOD DE, LHAG MED KYI MYANG 'DAS LA 'GOD PAS GTAN DU PHAN PA DANG 'DRE BA MED PAR CHOS BSTAN PAS SDUG BSNGAL GYI RGYU BZLOG PA DANG, 'KHOR BA DANG MYA NGAN LAS 'DAS BA MNYAM PA NYID DU RTOGS PA DANG, SRED PA'I BRLAN DANG BRAL BA'I MYANG 'DAS STON PAS RANG DANG GZHAN GYI DON RTOGS PA'I RTEN GYI NGO BO DANG, GZHAN GYI DON SGRUB PA DANG, SEMS CAN GYI DON LHUN GYIS GRUB PAR 'JUG PA DANG, THEG PA GSUM GYI LAM GYIS RANG RANG GI SPANG BYA LAS NGES PAR 'BYUNG YANG DE'I 'BRAS BU YANG DAG MTHA' RDZOGS SMIN MA SBYANGS PAR MNGON DU MI BYED PAR ZHES BYA BA 'DI RNAMS GDUL BYA 'DUL BA'I DUS JI LTA BA BZHIN

DU YANG DAG PAR NYE BAR SGRUB PA'I DON GYIS RIM BZHIN SKYANGS DANG GNAS DANG, DPUNG GNYEN DANG, GLING DANG, LONGS 'DREN DANG, LHUN GYIS GRUB PA DANG, THEG PA GSUM GYI 'BRAS BU MNGON DU MI BYED PA'I BYED PA RNAMS SU YOD PA'I PHYIR, GSUM PA RNAM MKHYEN GYI SBYOR BA'I BYED PA NI, RNAM PA THAMS CAD MKHYEN PA NYID KYI SBYOR BA LA NI CHOS CAN, BYED PA GCIG YOD DE, RNAM PA THAMS CAD MKHYEN PA NYID KYI CHOS THAMS CAD STON PA DE NYE BAR SGRUB PA'I DON KYIS RTEN GYI MDZAD PA DE YOD PA'I PHYIR, 'DIR RNAM MKHYEN GYIS CHOS THAMS CAD STON PA SANGS RGYAS KYI MDZAD PA YIN LA, DE NYE BAR SGRUB PA RNAM MKHYEN SBYOR BA'I BYED PA YIN NO, ,GNYIS PA NI, DE LTAR NA BYED PA'I RNAM PA RIM PA GSUM PO DAG CHOS CAN, BYED PA'I MTSAN NYID YIN NO, ,GO RIM JI LTA BA BZHIN DU THAMS CAD MKHYEN PA NYID KYI SBYOR BA DAG MTSON PAR BYED PA'I MDZAD PA'I CHA YIN PAS NA'O, ,BZHI PA NGO BO NYID KYI MTSAN NYID LA, MTSAMS SBYAR NI, BYED PA'I MTSAN NYID KYI ZHES SOGS SO, ,RTZA BA NI SNGA MA RNAMS KYIS DBYE BA BSTAN NAS, RKANG BA THA MA GNYIS KYIS DE DAG LA MTSAN NYID KYI SGRA SBYAR BA'I RGYU MTSAN BSTAN NO, ,'GREL PA LA DBYE BA DANG, DE DAG LA MTSAN NYID KYI SGRA SBYAR BA'I RGYU MTSAN NO, ,DANG PO NI, GZHI SHES SBYOR BA'I NGO BO NYID NI THAMS CAD SHES PA NYID KYI NYON MONGS PAS DBEN PA'I NGO BO NYID CHOS CAN, BZHI YOD DE, 'DOD CHAGS LA SOGS PA NYON MONGS PA DANG, DE'I RTAGS LUS KI GNAS NGAN LEN DANG, DE'I MTSAN MA TSUL BZHIN MIN PA YID LA BYED PA LA SOGS PA DANG, 'DOD CHAGS DANG 'DOD CHAGS MED PA LA SOGS PA MI MTHUN PA'I PHYOGS DANG GNYEN PO DAG GI RNAM RTOG GI STONG PA NYID KYI DBEN PA RNAMS SU YOD PAS SO, ,GNYIS PA LAM SHES SBYOR BA'I NGO BO NYID NI, LAM SHES PA NYID KYI SBYOR BA NGO BO NYID LA CHOS

, ,CAN, LNGA YOD DE, DON DAM PAR MED PA'I SEMS CAN LA MYA NGAN LAS 'DA' BAR GO GYON PAS BYA DKA' BA DANG, THEG PA GZHAN DU MI LTUNG BA MTSAN NYID KYIS MTHA' GCIG TU RNAM MKHYEN DU NGES PA DANG, YUN RING PO NAS BSGRUB PAR BYA BA MCHOG NYID KYI CHED DU BYA BA GSUM DANG BSGOM PAR BYA BA DANG, BSGOM PA PO'I CHOS MA DMIGS PA DANG, BDEN PA'I NGO BOR MNGON PAR ZHEN PA MTHA' DAG BKAG PA ZHES BYA BA DE LTA BU DAG TU YOD PA'I PHYIR, RNAM PA THAMS CAD MKHYEN PA NYID KYI SBYOR BA'I NGO BO NYID LA CHOS CAN, BDUN YOD DE, THAMS CAD SHES PA NYID DANG LAM SHES PA NYID KYIS YUL DU BSDUS PA'I DNGOS PO'I KHYAD PAR LA DMIGS NAS SGOM PA DANG, 'JIG RTEN GYI SGRUB PA RANG DBANG BAR BDEN PAR 'DZIN PA LAS BZLOG STE BSTAN PAS MI MTHUN PA'I NGO BO NYID DANG, GZUGS LA SOGS PA THOGS PA MED PAR SHES PA DANG, SHES BYA DANG SHES PA BDEN PAR MI DMIGS PAS GZHI MED PA DANG, DE BZHIN NYID KYIS 'GRO BA MED PA'I NGO BO DANG, GZUGS LA SOGS PA BDEN PA'I NGO BO NYID MED PAS SKYE BA MED PA DANG, DNGOS PO DANG, DNGOS PO MED PA DANG, LA SOGS PA DE GNYIS KA MIN PA DANG, GSUM GYI DNGOS PO DE BZHIN NYID MI DMIGS PAR RTOGS PA'I NGO BO ZHES BYA BA DE LTA BU DAG YOD PA'I PHYIR, GNYIS PA NI DE LTAR NA NGO BO NYID BCU DRUG PO DE CHOS CAN, NGO BO NYID KYI MTSAN NYID DU BZHED DO, ZHES RTZA BAR KHYOD LA MTSAN NYID KYI SGRA SBYAR BA'I RGYU MTSAN YOD DE, KHYOD GO RIM JI LTA BA BZHIN DU THAMS CAD MKHYEN PA NYID GSUM GYI SBYOR BA DAG MTSAN NYID DANG LDAN PA BZHIN DU MTSON PA'I GZHIR GYUR PA'I LAS SU BYA BA YIN PAS RGYU MTSAN DE LTAR NA KHYOD LA MTSAN NYID KYI SGRA SBYAR BA YIN PA'I PHYIR, GSUM PA DON BSDU BA NI,

SHES MTSAN ZHE BRGYAD, KHYAD MTSAN BCU DRUG, BYED MTSAN BCU GCIG, NGO BO NYID BCU DRUG YOD PA DE LTAR NA SOGS SO, ,BDUN PA SGOM BYUNG GI SBYOR BA'I NYER RGYU THAR PA CHA MTHUN BSHAD PA LA, SPYI'I DON DANG, YANG LAG GI DON NO, ,DANG PO LA, RTEN, MTSAN NYID, SGRA DON, DBYE BA'O, , DANG PO NI, THEG CHEN SEMS BSKYED SKYE RUNG BA'I RTEN KUN LA 'DI'ANG RUNG ZHING, DE'ANG THEG CHEN GYI SEMS BSKYED NI, GLING GSUM GYI MI DANG 'DOD GZUGS KYI LHA DANG, NGAN SONG GSUM GYI 'GRO BA 'GA' LA'ANG SKYER RUNG BA YIN PA'I PHYIR, THAR CHA'ANG DE DAG LA RUNG BA YIN NO, , SEMS RTEN NI, 'GA' ZHIG NA RE, 'DOD SEMS KHO NA LA BRTEN TE, 'DI THOS BSAM GYI SHES RAB GTZO BOR GYUR PA YIN CING, BSAM GTAN LA BRTEN SGOM BYUNG DU 'GYUR BAS SO, ZHES ZER BA MI 'THAD DE, THEG CHEN TSOGS LAM CHEN PO PA'I CHOS RGYUN TING NGE 'DZIN BSAM GTAN LA BRTEN PAS KHYAB PA'I PHYIR, DES NA THEG CHEN THAR CHA NI 'DOD SEMS DANG BSAM GTAN SA DRUG GZHAN DANG YANG RUNG BA LA BRTEN PA YIN NO, ,TSOGS LAM NA THOS BSAM GZO YI SGOM BYUNG MED CES PA DANG, CHOS NYID THOS BSAM GYI SHES RAB KYIS LEGS PAR GTAN LA PHABS PA YOD KYANG, SGOM BYUNG GI CHOS NYID LA GSAL SNANG SKYES PA MED CES PA'I DON YIN GYI SPYIR TSOGS LAM NA SGOM BYUNG GI SHES RAB GTAN MED DU 'CHAD PA MIN LA SGOM BYUNG GI SHES RAB YIN NA CHOS NYID LA DMIGS PAS KHYAB NA, NYAN RANG LA SGOM BYUNG GI SHES RAB MED PAR THAL BAR 'GYUR RO, ,SGA DON NI NYI KHRI SNANG BA LAS, THAR PA NI BRAL BA'I KHYAD PAR ZHIG STE, CES BSHAD PA LTAR, THAR PA NI 'KHOR BA'I SKYE BA MA LUS PA ZAD PA'I BRAL PA YIN LA, DE'I CHA NI SBYOR LAM DU MI KHOM PA BRGYAD LA SOGS PA ZAD PA

, ,DE PHYIN ZHING, DE DANG MTHUN PA'AM DE'I RGYU YIN PA'I THAR PA'I CHA DANG MTHUN PA ZHES BYA'O, ,GSUM PA MTSAN NYID NI, RANG 'BRAS NGES 'BYED CHA MTHUN GYI RGYUR GYUR BA'I TSOGS LAM GYI DGE PA, BZHI PA DBYE NA, THEG PA GSUM GYI THAR CHA GSUM MO, ,DE DAG GI MTSAN NYID KYANG GO RIM BZHIN, RANG 'BRAS NYAN THOS KYI NGES CHA'I RGYU'I RIGS SU GNAS PA'I NYAN THOS KYI TSOGS LAM GYI DGE BA, ZHES SOGS SU 'DON PA BSGYUR ZHING BSHAD PAR BYA'O, ,GNYIS PA YAN LAG GI DON LA MTSAMS SBYAR BA DANG, DON DNGOS BSHAD PA'O, DANG PO NI THAR PA'I SOGS SO, ,GNYIS PA LA NGO BO DANG, DBYE BA'O, ,DANG PO LA, RTZA PA NI, MTSAN MED SOGS SO, ,'GREL PA NI, BDEN PA'I MTSAN MA MED PAR DMIGS PA'I SHES PA'I RNAM PAS SBYIN PA LA SOGS PA'I PHA ROL TU PHYIN PA NAS RNAM PA THAMS CAD MKHYEN PA NYID LA THUG PA RNAMS RANG RGYUD LA SA BON NUS LDAN BZHAG CING, RIGS SAD PAR BYED PA'I SGO NAS BSKYED PAR MKHAS PA'I BYANG SEMS TSOGS LAM PA'I RGYUD KYI THABS SHES NI CHOS CAN, RNAM PA THAMS CAD MNGON PAR RDZOGS PAR RTOGS PA 'DI LA THEG CHEN THAR PA'I CHA DANG MTHUN PA YIN PAR 'DOD DO, ,RANG 'BRAS THEG CHEN NGES CHA'I RGYUR GYUR PA'I TSOGS LAM GYI THABS SHES KHYAD PAR CAN YIN PA'I PHYIR, GNYIS PA LA, MTSAMS SBYAR NI, MKHAS PA DE GANG YIN ZHE NA SOGS SO, ,RTZA BA NI, SANGS RGYAS SOGS SO, ,'GREL PA LA, MKHAS PA'I DBYE BA DANG, DE DAG CHE CHUNG 'BRING SOGS KYI KHYAD PAR BSHAD PA'O, ,DANG PO NI, YUL CAN DAD PA DANG, BRTZON 'GRUS DANG, DRAN PA DANG, TING NGE 'DZIN DANG, SHES RAB KHYAD PAR CAN BDEN PA MNGON RTOGS LA DBANG BYED PA'I SGOM BYUNG MIN BAS DANG PO'I NGO BO NYID MIN PA RNAMS KYIS GRANGS BZHIN

DU SANGS RGYAS DANG, SBYIN SOGS DANG, BSAM PA PHUN TSOGS SEMS BSKYED DANG, RNAM PAR MI RTOG PA'I SHES RAB DANG, CHOS THAMS CAD KYI RNAM PA THAMS CAD YONGS SU SHES PA LA SOGS PA YUL RNAM PA LNGA LA MKHAS PA YIN NO, ,NGAG DON NI THEG CHEN THAR PA CHOS CAN, KHYOD LA YUL GYI SGO NAS LNGAR YOD DE BYANG SEMS TSOGS LAM PA'I DAD SOGS LNGA YOD PA'I PHYIR, GNYIS PA NI, THEG CHEN THAR CHA YUL LNGA LA MKHAS PA DE LTA MOD KYI DE DAG THAMS CAD KYIS BLA NA MED PA'I BYANG CHUB THEG PA GZHAN GYIS BAR MCHOD PAR 'THOB PAS KHYAB PA MIN TE, DE YANG 'DI LTAR SPYIR THEG CHEN THAR CHA LAS NYAN THOS KYI RIGS CAN RDZOGS BYANG DU SEMS BSKYED PA'I RGYUD KYI THAR CHA DANG, RANG RGYAL GYI RIGS CAN RDZOGS BYANG DU SEMS BSKYED PA'I RGYUD KYI THAR CHA DANG, THEG CHEN GYI RIGS CAN THEG CHEN DU SEMS BSKYED PA'I RGYUD KYI TAR CHA GSUM YOD LA, GSUM PA LA YANG THEG CHEN GYI RIGS CAN GYI BYUNG SEMS DBANG PO RNO 'BRING RTUL GSUM GYI THAR CHA GSUM MO, ,DE LA THAR PA CHA MTHUN GYI NGO BOR GYUR PA'I DAD PA LA SOGS PA GANG THEG CHEN GYI RIGS CAN RDZOGS BYANG DU SEMS BSKYED PA'I RGYUD LA YOD PAS CHEN PO DE'I NANG NAS KYANG THEG CHEN GYI RIGS CAN DBANG PO RNON PO'I RGYUD LA YOD PA NI BLA NA MED PA YANG DAG PAR RDZOGS PA'I BYANG CHUB THEG PA GZHAN GYIS BAR MA CHOD PAR RTOGS PAR SLA ZHING TSOGS CHUNG DUS RTOGS NUS LA, THEG CHEN GYI RIGS CAN RDZOGS BYANG DU SEMS BSKYED PA'I RGYUD LA YOD PA'I THAR CHA CHEN PO DE DAG NYID THEG CHEN GYI RIGS CAN BYANGS SEMS DBANG PO RTUL PO'I RGYUD LA YONG PAS NA RDZOGS BYANG THEG PA GZHAN GYIS BAR MA CHOD PAR RTOGS PAR DKA' BA'AM TSEGS CHEN POS RTOGS SHING 'THOB PAR BYE

, ,DGOS ZHES BYA BA 'DI NI RGYU'I KHYAD PAR GYIS 'BRAS BU LA 'THOB DKA' SLA'I KHYAD PAR 'BYUNG BA RTEN 'BREL GYI CHOS NYID YIN PAS GDON MI ZA BAR KHAS BLANGS DGOS SO, ,DE YANG THEG CHEN GYI RIGS CAN RDZOGS BYANG DU SEMS BSKYED PA DBANG PO 'BRING PO'I RGYUD KYI THAR CHA NI SNGA MA PAS RTOGS DKA' ZHING, PHYI MA BAS RTOGS SLA BAR DON GYIS SHES SO, ,DE LTAR THEG CHEN GYI RIGS CAN RDZOGS BYANG DU SEMS BSKYED PA DBANG RTUL GYIS KYANG RDZOGS BYANG THEG PA GZHAN GYIS BAR MA CHOD PAR THOB PAR DKA' BAR DNGOS SU BSTAN PA'I SHUGS KYIS NA RANG RGYAL DU RIGS NGES PA DANG, NYAN THOS SU RIGS NGES PA RDZOGS BYANG DU SEMS BSKYED PA'I RGYUD KYI THAR CHAS RDZOGS BYANG THEG PA GZHAN GYIS BAR MA CHOD PAR 'THOB PA'I RGYU MI BYED PAR BSTAN CING, 'O NA GANG DAG DE DAG GIS RDZOGS BYANG THEG PA GZHAN GYIS BAR CHOD PAR MI 'THOB CE NA, SKABS 'DIR BSTAN, THAR CHA 'BRING PO RANG RGYAL DU RIGS NGES PA RDZOGS BYANG DU SEMS BSKYED PA'I RGYUD KYI DAD SOGS RNAMS KYIS NI RDZOGS BYANG GI GONG DU RANG SANGS RGYAS KYI BYANG CHUB RTOGS PAR BYED LA, SKABS 'DIR BSTAN THAR CHA CHUNG NGU NYAN THOS SU RIGS NGES PA RDZOGS BYANG DU SEMS BSKYED PA'I RGYUD KYI DAD SOGS RNAMS KYIS NI RDZOGS BYANG GI SNGA ROL DU NYAN THOS KYI BYANG CHUB RTOGS PAR BYED DO ZHES BYA BA 'DI DON GYIS 'PHANGS PA YIN NO, ,DAG DON NI, THEG CHEN THAR CHA'I NGO BOR GYUR BA'I DAD SOGS LNGA CHOS CAN, KHYOD KYIS RDZOGS BYANG THEG PA GZHAN GYIS BAR MA CHOD PAR 'THOB PA'I RGYU BYED PAS MA KHYAB STE, KHYOD RANG RGYAL DU RIGS NGES PA RDZOGS BYANG DU SEMS BSKYED PA'I RGYUD LA YOD PAS DE'I SNGA ROL DU NYAN THOS KYI BYANG CHUB 'THOB RGYU BYED PA'I PHYIR, 'DIR GZHAN DAG SKABS 'DI'I THAR CHA CHUNG 'BRING CHE

GSUM DANG, RTUL 'BRING RNO GSUM KHYAD MED DU BYAS NAS, DE YANG NYAN THOS DANG RANG RGYAL DANG THEG CHEN GYI THAR CHA GSUM LA 'CHAD PA NI RNAM PAR 'KHYAMS TE, MDO DANG 'GAL, BSTAN BCOS DANG 'GAL, 'GREL PA'I TSIG DON LA MA ZHUGS PA'I PHYIR, MDO DANG JI LTAR 'GAL NA; SKABS 'DI'I THAR CHE CHUNG DU STON PA'I MDOR, BYANG CHEN THOG MAR SEMS BSKYED PA NAS BZUNG STE, RNAM MKHYEN DANG LDAN PAS SBYIN GTONG, ZHES SOGS GSUNGS PAS, CHUNG NGU'I RTEN GYI GANG ZAG BYANG SEMS YIN PAR BSNYON MI NUS PAR GRUB PA'I PHYIR DANG, NYI SNANG LAS KYANG DE LA SBYIN PA LA SOGS PA MTSAN MAR MI BYED PAR YANG DAG PAR BSGRUBS PAS NI CHUNG DU GSUNGS PA YIN NO, ,CHOS THAMS CAD STONG PA NYID KYI RNAM PAR BSLAB PAR BYA'O, ZHES PAS NI 'BRING GSUNGS PA YIN TE, ZHES SOGS GSUNGS SHING, NYAN RANG GI THAR CHA YIN NA, MTSAN MA MED PA'I RNAM PAS SBYIN SOGS BSGRUB PA DANG, CHOS THAMS CAD STONG PA NYID KYI RNAM PAS SLOB PA SOGS SU 'GAL BA'I PHYIR RO, ,BSTAN BCOS DANG JI LTAR 'GAL NA, RTZA BAR SKABS 'DIR BSTAN GYI DAD SOGS LNGA PO YUL RNAM PA LNGA LA MKHAS PAR BSHAD CING, NYAN RANG GI THAR CHA YIN NA BSAM PA PHUN TSOGS LA MKHAS PA SOGS SU 'GAL BA'I PHYIR RO, ,'GREL BA'I TSIG GI DON LA MA ZHUGS TE, CHEN PO DANG RNON POS ZHES BZLAS NAS SMOS PA DGOS PA MED PA'I PHYIR, YANG KHA CIG CHEN PO DANG RNON PO THEG CHEN GYI RIGS CAN RDZOGS BYANG DU SEMS BSKYED PA'I THAR CHA DANG, 'BRING NI RANG RGYAL GYI RIGS CAN RDZOGS BYANG DU SEMS BSKYED PA'I THAR CHA DANG, CHUNG NGU'AM RTUL PO NI, NYAN THOS KYI RIGS CAN RDZOGS BYANG DU SEMS BSKYED PA'I THAR CHA LA 'CHAD PA'ANG MI 'THAD DE, MDO LAS, RAB 'BYOR BYANG CHEN CHOS

, ,THAMS CAD KYI DE BZHIN NYID LA RAB TU SEMS PA NA, BYANG CHEN GANG GIS SEMS MI ZHUM, MI 'GOD YID LA 'GYOD PA MED CING, MI DNGANG, KUN TU MI SKRAG ,KUN TU SKRAG PAS ZIN PAR MI 'GYUR NA BYANG CHEN BLA MED RDZOGS BYANG DU 'BYUNG BAR 'GYUR RO, ZHES GSUNGS PA MI ZHUM MI DNGANGS PA'I RTUL PO'I THAR CHA'I RTAGS DANG, MI 'GONG ZHING MI SKRAG PA, 'BRING GI RTAGS DANG, MI 'GYOD CING KUN TU SKRAG PAS ZIN PAR MI 'GYUR PA RNON PO'I RTAGS SU BSHAD LA, NYAN RANG GI RIGS CAN RDZOGS BYANG DU SEMS BSKYED PA'I LAS DANG PO BA YIN NA STONG NYID ZAB MO LA SEMS MI ZHUM PA DANG MI DNGANGS PA SOGS SU 'GAL BA'I PHYIR RO, ,DE BAS NA KHO BOS BSHAD PA JI LTA BA BZHIN DU SHES PAR BYOS SHIG ,GNYIS PA SBYOR BA DANG POR SKYES PA'I GNAS SKABS LA, DNGOS DANG, BZLOS SPONG GNYIS, DANG PO LA MTSAMS SBYAR NI, THAR PA'I SOGS SO, ,RTZA BA NI, DRO BA SOGS SO, ,'GREL PA LA SO SOR BSHAD PA DANG, DON BSDU BA'O, ,DANG PO LA BZHI LAS, DANG PO DROD NI, RNAM PA THAMS CAD MNGON PAR RDZOGS PAR RTOGS PA 'DI LA SEMS CAN LA DMIGS PA NAM DRO BAR GYUR PA YIN PAR BZHED DO, ,RNAM PA GANG GIS ZHE NA, CHAGS SDANG MED PA'I MNYAM PA'I RNAM PA DANG, TSE 'DI'I BDE BA BSGRUBS PAS BYAMS PA GNYIS NI CHUNG NGU DANG, PHYI MA'I BDE BA BSGRUB PAS PHAN PA DANG, KHONG KHRO BA MED PA DANG, RNAM PAR 'TSE BA MED PA'I SEMS NI 'BRING STE DE LTAR RNAM PA GSUM DANG, SKYES PA DANG BUD MED RGAN PA RNAMS LA PHA DANG MA'I SEMS DANG, MNYAM PA RNAMS LA SPUN DANG SRID MO'I SEMS DANG, GZHON PA RNAMS LA BU DANG BA MO'I SEMS DANG, PHAN 'DOGS PA'I BSHES DANG, YID BRTAN PA'I GROGS DANG, RUS GCIG PA'I GNYEN DANG, MI GCIG PA'I SNAG GI NYE

MTSAMS KYI SEMS KYI RNAM PA CHUNG 'BRING LAS GZHAN RNAM PA LNGA'O, ,LNGA TSAN GNYIS SU BYAS PA NI, LNGA TSAN DANG PO LA RE RE DANG, PHYI MA LA GNYIS GNYIS BGRANG BAR SHES PA'I CHED DO, ,GNYIS PA RTZE MO NI, SEMS CAN LA DMIGS PA NI RTZE MOR GYUR BA YIN NA, ,RNAM PA GANG GIS ZHE NA; MDOR NA MI DGE BA LA GRANGS BZHIN DU SPONG BA'I SGO NAS LDOG PA DANG GZHAN BDAG NYID CAN DE'I SGO NAS GZHAN RNAMS SDIG PA LAS LDOG PA DANG, GZHAN BDAG NYID MA BSKUL BAR DE BZHIN NYID DU ZHUGS PA LA BSNGAGS PA BRJOD PA LA MTHUN PAR BYED PA CHUNG NGU'I RNAM PA DANG DGE BA LA GRANGS BZHIN LEN PA'I SGO NAS ZHUGS PA'I BDAG NYID CAN DE'I SGO NAS DGE BA LA GNAS PA DAG LA SBYOR BA DANG, GZHAN BDAG NYID DE BZHIN DU ZHUGS PA LA BSNGAGS PA BRJOD PA DANG, MTHUN PAR BYED PA NI 'BRING GI RNAM PA STE, DE LTAR RNAM PA GNYIS PO NANG GSES KYI CHOS KYI RAB TU DBYE BAS NI RNAM PA MTHA' YAS PA ZHES BYA BA DE RNAMS KYIS SO, ,GSUM PA BZOD PA NI, RTZE MOR GYUR PA LA SEMS CAN LA DMIGS PA DAG JI LTA BA BZHIN DU 'DIR YANG SEMS CAN LA DMIGS PA BZOD PA YIN NO, ,RNAM PA GANG GIS ZHE NA, RTZE MOR GYUR PA LA RANG DANG GZHAN GYI RTEN GYI DBYE BAS RNAM PA DAG JI LTA BA DE BZHIN DU 'DIR YANG RANG GI RTEN CAN ZHES PA, RANG SDUG BSNGAL LA SOGS PA'I BDEN PA LA DMIGS PA LA GNAS NAS GZHAN GYI RTEN CAN ZHES PA GZHAN SDUG BSNGAL LA SOGS PA'I BDEN PA LA DMIGS PA LA SBYOR BA DANG, BSNGAGS PA BRJOD PA DANG MTHUN PA NYID KYI RNAM PA RNAMS KYIS SO, ,DES NA RTZE MOR GYUR PA LA DMIGS PA DAG JI LTA BA DE BZHIN DU ZHES PAS SEMS CAN DMIGS PAR BSTAN CING BDEN PA LA DMIGS PA CES PA'I DMIGS PA, ZHES PA DE SHES PA ZHES PA'I 'GREL PA YIN PA LA, DE LTAR MA GO

, ,BAR BOD DAG SLOB DPON LA BDEN PA DMIGS PAR BSHAD PA NOR ZHES PA'I 'GREL PA 'CHAD, GANG LA SBYOR BA'I YUL NGES PA GZUNG ZHES ZER BA NI RANG GI BLO SKYON GYIS BDAG NYID CHEN PO LA SKUR BA 'DEBS PAR BYED PA'O, ,BZHI PA CHOS MCHOG NI, SNGA MA BZHIN DU RANG DANG GZHAN GYI RTEN CAN KHO NAS SMIN PAR BYED PA DANG GROL BAR BYED PA LA SOGS PA'I RNAM PA DAG GIS SEMS CAN LA DMIGS PA NI CHOS KYI MCHOG YIN NO, ,GZHUNG RIM PA BZHI LA, NGAG DON NI RIM PA BZHIN, DROD LA GNAS PA'I BYANG SEMS KYI MNGON RTOGS CHOS CAN, KHYOD 'DIR BSTAN DROD YIN TE, KHYOD KYIS RJES THOB TU MNYAM PA'I SEMS SOGS BCUS SEMS CAN LA DMIGS PAS KHYAD PAR DU BYAS PA'I THEG CHEN GYI DON MNGON RTOGS YIN PA'I PHYIR, RTZE MO LA GNAS PA'I BYANG SEMS KYI MNGON RTOGS CHOS CAN, 'DIR BSTAN RTZE MO YIN TE, KHYOD KYIS RJES THOB TU DGE SDIG LA BLANG DOR BYED PA LA RANG GNAS NAS GZHAN DE LA SBYOR BA SOGS KYIS SEMS CAN LA DMIGS PAS KHYAD PAR DU BYAS PA SOGS SO, ,BZOD PA LA GNAS PA'I BYANG SEMS KYI MNGON RTOGS CHOS CAN, 'DIR BSTAN BZOD PA YIN TE, KHYOD KYIS RJES THOB TU BDEN PA'I RNAM PA LA DMIGS PA LA GNAS NAS, GZHAN DE LA SBYOR BA SOGS KYIS SEMS CAN LA DMIGS PA SOGS SO, ,CHOS MCHOG LA GNAS PA'I BYANG SEMS KYI MNGON RTOGS CHOS CAN, 'DIR BSTAN CHOS MCHOG YIN TE, KHYOD KYIS RJES THOB TU RANG SEMS CAN SMIN GROL BYED PA LA GNAS NAS, GZHAN DE LA 'GOD PA SOGS KYIS SEMS CAN LA DMIGS PAS KHYAD PAR DU BYAS PA'I THEG CHEN GYI DON MNGON RTOGS YIN PA'I PHYIR, GNYIS PA NI DE LTAR NA SOGS SO, ,GNYIS PA LA, RTZOD PA DANG, LAN GNYIS DANG PO

NI; SKABS DANG PO DRUG PHAL CHE BAR, SBYOR MTHONG SGOM GSUM GSUM KA BSTAN PA MI 'THAD DE, BZLOS PA'I NYES PAR 'GYUR BA'I PHYIR RO ZHE NA, GNYIS PA LAN LA, DGAG BZHAG GNYIS LAS, DANG PO GZHAN LUGS DGAG PA NI, KHA CIG NA RE, SKYON MED DE, SKABS DANG PO GSUM DU LDOG PA MI 'DRA BA'I SGO NAS STON CHU BA THA DAD PA YOD LA, SBYOR PA DANG PO GSUM GYI SKABS SU DAG SA'I ZAG MED YE SHES LA SBYOR MTHONG SGOM PA'I MING GIS BTAGS NAS BSTAN PA YIN PA'I PHYIR, DE LA 'DOGS PA'I RGYU MTSAN RIM GYIS SKYE BAR CHOS MTHUN PAS SO, , BTAGS PA'I DGOS PA DAG SAR 'BAD RTZOL NYE BAR ZHI BAS ZAG MED YE SHES THAMS CAD CIG CAR SKYE'AM SNYAM PA'I DOGS PA DGAG PAR BYA BA'I CHED YIN NO, ,DNGOS LA GNOD BYED BZLOS PAR 'GYUR BA'O, ZHES ZER LA, KHA CIG RNAM PA THAMS CAD DU KHYAD PAR LAM GYIS BSDUS PA CES PA DNGOS LA GNOD BYED BSTAN TO, ZHES ZER RO, ,BTAGS PA BAR 'DOD PA THAMS CAD 'DI TZAM ZHIG LA MTHUN LA, 'O NA DAG SA'I YE SHES GANG DANG GANG LA, SKABS GANG DANG GANG GI SBYOR MTHONG SGOM PA'I MING GIS BTAGS ZHE NA, 'DI LA MI MTHUN TE, DE YANG KHA CIG NA RE, SA BRGYAD PA'I YE SHES DANG, DGU PA DANG BCU PA'I YE SHES RNAMS LA RIM BZHIN RNAM KUN GYI SBYOR MTHONG SGOM PA'I MING GIS BTAGS LA, DE BZHIN DU YE SHES DE GSUM LA RTZE SBYOR DANG MTHAR GYIS PA'I SKABS SU YANG LAM GSUM GYI MING GIS BTAGS SO ZHES ZER RO, ,DE NI MI 'THAD DE, SBYOR BA DANG PO GSUM GYI SKABS SU BZLOS SKYON CHAGS PAR THAL, DAG SA'I YE SHES GSUM PO DE MTSAN NYID PA LAN GSUM BSTAN PA'I PHYIR, MA KHYAB NA SKABS DE DAG TU BSTAN PA'I SBYOR MTHONG SGOM GSUM MTSAN NYID PA YIN NA BZLOS SKYON 'BYUNG BA BUD, YANG KHA

, ,CIG NA RE, SA BRGYAD PA'I YE SHES CHUNG NGU 'BRING CHEN PO GSUM LA RNAM KUN GYI SKABS SU DANG, SA DGU PA'I YE SHES CHUNG NGU 'BRING CHEN PO GSUM LA RTZE SBYOR GYI SKABS SU DANG, SA BCU PA'I YE SHES CHUNG NGU 'BRING CHEN PO GSUM LA MTHAR GYIS PA'I SKABS SU SBYOR MTHONG SGOM PA'I MING GIS BTAGS PA YIN NO ZHES ZER RO, ,DE LTA NAS BRGYAD PA MAN CHAD DANG, SA BCU PA NA RTZE SBYOR MI SRID PAR THAL, SBYOR LAM RTZE SBYOR DANG MTHONG LAM RTZE SBYOR DANG, SGOM LAM RTZE SBYOR GANG YIN KYANG, SA DGU PA'I YE SHES YIN PAS KHYAB PA'I PHYIR, 'DOD NA SA DE DAG NA MKHYEN GSUM BSDUS BSGOM LA BRTAN PA THOB PHYIR SGOM PA'I SBYOR BA MED PAR THAL ZHING, 'GREL CHEN LAS, MTHONG LAM PA DANG SGOM LAM PAS SPANG BAR BYA BA'I GZUNG BA DANG 'DZIN PA'I RNAM PAR RTOG PA 'DI DAG KYANG SA BCU PA DANG 'BREL BA'I KHYAD PAR GYI LAM LA SPONG PAR BYED PA YIN LA, ZHES MTHONG LAM RTZE SBYOR DANG, SGOM LAM RTZE SBYOR GYI NGOS SKAL GYI SPANG BYA RTOG PA DE DAG GI BAG LA NYAL PHRA ZHING PHRA BA'I DNGOS GNYEN SA BCU PA'I YE SHES SU BSHAD PA DANG 'GAL BA'I PHYIR DANG, SDUD 'GREL LAS, LEGS PA'I BLO GROS LA SOGS PA GNYIS LA NI RTZE MO'I MNGON PAR RTOGS PA BSTAN TO, ZHES RTZE SBYOR KHYAD PAR CAN SA DGU PA DANG BCU PA GNYIS KA LA BSHAD PA DANG 'GAL BA'I PHYIR DANG, GZHAN YANG SRID ZHI MNYAM NYID KYI SBYOR BA THOB PA'I GONG DU PHYIR MI LDOG PA'I RTAGS 'THOB PAR PHYIR MI LDOG PA'I DON BSDU DANG, SRID ZHI MNYAM NYID KYI MTSAMS SBYAR LAS SHES LA, SRED ZHI MNYAM NYID SBYOR BA SA BRGYAD PA 'THOB MA THAG TU 'THOB PAS KHYAB CING, KHYED RANG GIS KYANG DE LTAR KHAS BLANGS PA'I PHYIR, RNAM KUN GYI SBYOR MTHONG BSGOM GSUM

THAMS CAD SA BRGYAD PA YAN CHAD KHO NA LA SMRA BAS 'DOD PA SNGA PHYI GNYIS KA LA CHES GNOD PAR 'GYUR BA YIN NO, ,YANG KHA CIG SA BRGYAD PA'I YE SHES CHUNG NGU, SA DGU PA'I YE SHES CHUNG NGU, SA BCU PA'I YE SHES CHUNG NGU GSUM PO RNAM KUN GYI SKABS SU DANG, SA GSUM PO DE'I YE SHES 'BRING GSUM LA RTZE SBYOR GYI SKABS SU DANG, SA GSUM PO DE'I YE SHES CHEN PO GSUM LA MTHAR GYIS PA'I SKABS SU SBYOR MTHONG BSGOM PA'I MID GIS BSTAN TO ZHES ZER BA MI 'THAD DE, ,DANG PO SA BRGYAD PA'I YE SHES CHUNG NGU, DE NAS SA DGU PA DANG BCU PA'I YE SHES CHUNG NGU, DE NAS SA BRGYAD PA'I YE SHES 'BRING SKYE BA LA SOGS PAR THAL, GDAGS GZHI'I YE SHES RNAMS DANG SBYOR MTHONG SGOM PA'I LAM RNAMS RIM GYIS SKYE BAR CHOS MTHUN PAR GANG ZAG GI GDAGS GZHI DE LTAR 'THAD PA'I PHYIR, RTAGS ZUR GNYIS KA KHAS BLANGS SO, ,KHA CIG ZAG MED YE SHES CHUNG 'BRING CHE GSUM NI DAG SA'I BYANG SEMS DBANG PO RNO 'BRING RTUL GSUM GYI MNGON RTOGS LA 'DOD PA'ANG MI 'THAD DE, GANG ZAG GSUM PO DE'I YE SHES RNAMS RIM GYIS SKYE BA'I NGES PA MED PA'I PHYIR, GZHAN YANG SBYOR BA DANG PO GSUM GYI SKABS KYI SBYOR MTHONG BTAGS PA BAR 'DOD PA'I RGYU MTSAN DANG, BTAGS PA'I DGOS PA LA SOGS PA DE DAG KYANG 'THAD PA MIN TE, 'DI LTAR DAG SA'I ZAG MED KYI CHUNG 'BRING CHE GSUM CHAR SKYE PA'I DOGS PA'I RGOL BA'I DOR, DE GSUM CIG CAR MI SKYE BAR SGRUB PA NA, RGOL PHYIR RGOL GYI RTZOD GZHI CHUNG 'BRING CHE GSUM TSAD MAS MTHUN SNANG DU GRUB BAM MA GRUB, PHYI MA LTAR NA RGOL BA DE'I NGOR DE SGRUB KYI RTAGS YANG DAG TU MI 'GYUR RO, ,GRUB NA CHOS CAN TSAD MAS GRUB PA NA BSGRUB BYA GRUB PAR 'GYUR TE, SA BRGYAD PA'I YE SHES

, ,CHUNG 'BRING CHEN PO DANG, SA DGU PA'I YE SHES CHUNG 'BRING CHEN PO DANG, SA BCU PA'I YE SHES CHUNG 'BRING CHEN PO RNAMS SU NGES NAS, YE SHES DE DAG CIG CAR SKYE BA'I PHYIR DOGS PA MCHOD PA MI SRID PA'I PHYIR, GAL TE DE LTAR NGES KYANG DE 'DRA DOGS PA MI CHOD NA SBYOR MTHONG SGOM GSUM DANG CHOS MTHUN PAR NGES PAS KYANG DOGS PA DE MI CHOD PAR THAL LO, ,DNGOS LA GNOD BYED KYANG MI 'THAD DE, SKABS DANG PO GSUM GYI SBYOR MTHONG SGOM GSUM YANG BZLOS PAR THAL, DNGOS YIN PA'I PHYIR, ZHES BRJOD NA LAN CI YOD, GAL TE SKABS DANG PO GSUM GYI SBYOR MTHONG SGOM GSUM MTSAN NYID PA YIN KYANG STON TSUL MI 'DRA BA'I SGO NAS BSTAN PAS BZLOS SKYON MED DO ZHE NA, SBYOR BA DANG PO GSUM GYI SKABS SU BSTAN PA'ANG MTSAN NYID PA YIN KYANG, BZLOS SKYON MED PAR THAL, STON TSUL THA DAD YIN PA'I PHYIR, DAG SA'I YE SHES YIN PA'ANG DNGOS LA GNOD BYED DU SMRA BA NI BAB COL TE, DAG SA'I YE SHES YIN MIN RTZOD PA'I SKABS YIN PA'I PHYIR, RTZOD PA'I SKABS YIN KYANG GNOD BYED DU 'GYUR NA, SBYOR LAM YIN PA'ANG DAG SA'I YE SHES YIN PA LA GNOD BYED DU 'GYUR BAR MTSUNGS PAS SBYOR BA DANG PO GSUM GYI SBYOR MTHONG SGOM GSUM MTSAN NYID PA YIN PA DANG, DAG SA'I YE SHES YIN PA GNYIS KA'ANG DNGOS LA GNOD BYED YOD SNYAM DU 'GYUR RO, ,BAG LA NYAL KUN 'DZOMS PA DANG, ZHES PA DANG, CHOS MCHOG GI SKABS SU MDO LAS, RANG RNAM MKHYEN GYI YE SHES BSKYED PA LA GNAS NAS GZHAN DE LA 'GOD PA DANG, ZHES SOGS KYIS GNOD DO, ZHE NA, MI 'THAD DE, BAG LA NYAL MA LUS PA BCOM PA SA BRGYAD PA NA'ANG MED CING, 'JOMS PA'I BYA BA RJES MTHUN PA TZAM SBYOR LAM NAS KYANG YOD PA'I PHYIR DANG,

RNAM MKHYEN GYI YE SHES KYI'ANG DNGOS SU BSKYED PA SA BRGYAD PA NA'ANG MED CING, BRGYUD NAS BSKYED PA SBYOR LAM NA'ANG YOD PA'I PHYIR RO, ,GZHAN YANG SBYOR BA DANG PO GSUM GYI LAM BTAGS PA BAR 'PHAGS PA MI BZHED KYANG SLOB DPON GYI GZHUNG 'DI'I BZLOS SPONG GI DGONGS BA LAM GSUM BTAGS PA BA YIN NO ZHES SMRA BA NI, SLOB DPON GYI GZHUNG LA 'DRIS PAR MA BYAS PA'I BAB COL CHEN PO YIN TE, 'GREL CHEN NA'ANG BZLOS SPONG GI GZHUNG TSIG 'DI JI LTA BA BZHIN DU YOD PAS 'GREL PA CHE CHUNG GNYIS KA'I DGONGS PA LAM GSUM BTAGS PA BAR 'GYUR NA'ANG DE NI MIN TE, SBYOR BA DANG PO GSUM GYI LAM GSUM BTAGS PA BAR BZHED NA, SBYOR LAM PA PHYIR MI LDOG TU SGRUB DGOS KYI BYANG SEMS YIN NA SA BRGYAD PA BAR 'GREL PA CHE CHUNG GNYIS KA'I LUGS LA BZHED RIGS PAR 'GYUR BAR THAL, 'GREL CHEN DU LA LA RIGS NGES PA YIN KYANG NGES PAR 'BYED PA'I CHA DANG MTHUN PA'I GNAS SKABS SU YANG THABS KYI KHYAD PAR BSAM GYIS MI KHYAB PAS PHYIR MI LDOG PA NYID DU NGES PA YIN NO, ZHES SOGS KYIS SBYOR LAM PA RIGS MA DES BA DBANG RNON PHYIR MI LDOG TU RTAGS 'DI DAG GIS SGRUB KYI DBANG RTUL SGRUB MI NUS PAR GSUNGS LA, YANG 'GREL CHEN LAS, SA BRGYAD PA LA NI THAMS CAD PHYIR MI LDOG PAR NGES PA NYID DU BZHAG PA'I PHYIR, ZHES SOGS KYIS SA BRGYAD PA THOB NAS DBANG PO RNON PO 'BRING RTUL GSUM THAMS CAD PHYIR MI LDOG PA'I RTAGS THOB PAR BSHAD PA'I PHYIR, SBYOR LAM PA PHYIR MI LDOG GI RTAGS SU BSHAD PA 'DI DAG SA BRGYAD PA KHO NA'I RTAGS MIN PAR BZHED PA CHES SHIN TU GSAL LO, ,DE'I PHYIR SBYOR BA DANG PO GSUM GYI LAM GSUM YANG BTAGS PA BAR MI BZHED

, ,PAR GRUB LA, DE LTAR MIN PAR BZHED NA BZLOS SPOD GI GZHUNG GIS BTAGS PA BAR SMRAS PA DANG, DRO BA LA SOGS PA BZHI'I NGO BO NYID YIN PAR KHONG DU CHUD PAR BSHAD PAR BYA'O, ZHES SOGS KYIS MTSAN NYID PAR SMRAS PA RANG TSIG DNGOS SU 'GAL BAR YANG 'GYUR RO; ;GZHAN YANG SGOM LAM PA PHYIR MI LDOG PA'I RTAGS LA SOGS PA'I SKABS SU SGOM LAM GYI THA SNYAD KYIS BSTAN PA'I DAG SA'I YE SHES DE DAG SGOM LAM DNGOS YIN PA LA GNOD BYED SOGS CHOS GSUM TSANG BA'I PHYIR, DE DAG SGOM LAM MIN PAR THAL LO, ,GAL TE SGOM LAM BTAGS PA BA YIN CES PA NI, SA DGU'I DBYE GZHIR GYUR PA'I SGOM LAM BTAGS PA BA YIN PA LA BYED DO ZHE NA, DE LTA NA SBYOR BA DANG PO GSUM GYI SKABS SU SGOM LAM GYI THA SNYAD KYIS BSTAN PA'I DAG SA'I YE SHES DANG, SKABS GNYIS PAR BSHAD PA'I ZAG BCAS SGOM LAM GSUM PO DE LA SGOM LAM DNGOS BTAGS KYI KHYAD PAR 'BYED MI RIGS PAR THAL, DE DAG THAMS CAD SA DGU'I DBYE GZHIR GYUR BA'I SGOM LAM MA YIN PAR MTSUNGS PA'I PHYIR, KHYAB PA KHAS, 'DOD NA KHYED RANG GIS KHYAD PAR DNGOS SU PHYE BA DANG 'GAL LO, ,YANG KHA CIG NA RE, SBYOR BA DANG PO GSUM GYI LAM GSUM BTAGS PA PA YIN PA MI 'THAD PAS, SLOB DPON GYI BZLOS SPONG GI GZHUNG GI DGONGS PA'ANG LAM GSUM MTSAN NYID PAR SMRA LA, DE'I TSUL YANG JI LTA BU ZHE NA, SA BRGYAD PA'I YE SHES KYI DBYE BA GSUM RTOGS PA'I DON DU, RNAM KUN GYI SKABS SU LAM GSUM DANG, SA DGU PA DANG, SA BCU PA'I DKYIL STOD KYI CHA GNYIS RTOGS PA'I DON DU RTZE MO'I SKABS SU DANG, SA BCU PA'I DKYIL SMAD LA CHA GSUM DU PHYE BA RTOGS PA'I DON DU MTHAR GYIS PA'I SKABS SU LAM GSUM MTSAN NYID PA DAG BSTAN PA YIN NO, ,DE LA DGOS PA CI YOD CE NA, DAG SAR 'BAD

RTZOL NYE BAR ZHI BAS DAG SA'I ZAG MED YE SHES THAMS CAD CIG CAR SKYE'AM SNYAM PA'I DOGS PA DGAG PA'I CHED DU LAM GSUM PO MTSAN NYID PA DAG BSTAN PAS, DAG SA'I ZAG MED YE SHES CHUNG 'BRING CHE GSUM DAG MTSON NAS BSTAN PA YIN NO, ,MTSON NUS PA'I RGYU MTSAN, DMIGS RNAM MTSUNGS SHING RIM GYIS SKYE BAR CHOS MTHUN PAS SO ZHES ZER RO, ,DE YANG MI 'THAD DE, SHES BYA CHOS CAN, SKABS DANG PO GSUM DU SBYOR MTHONG SGOM GSUM LAN GSUM BSTAN BAS KYANG DAG SA'I YE SHES ZAG MED CHUNG 'BRING CHE GSUM DE DAG MTSON NUS PAR THAL, DE DAG DANG DMIGS RNAM MTSUNGS SHING RIM GYIS SKYE BAR CHOS MTHUN PA'I PHYIR, RTAGS KHYAB KHAS, 'DOD NA SKABS DANG PO GSUM DU SBYOR MTHOD SGOM GSUM BSTAN PA NYID KYIS YE SHES DE DAG CIG CAR SKYE BA'I DOGS PA KHEGS ZIN PA'I PHYIR NA DOGS PA DE BCAD PA'I PHYIR DU SBYOR BA DANG PO GSUM DU LAM GSUM BSTAN PA DON MED PAR THAL LO, ,GZHAN YANG LAM GSUM DANG RIM GYIS SKYE BAR CHOS MTHUN PAS YE SHES DE DAG CIG CAR SKYE BA'I DOGS PA GCOD PA DANG MI 'THAD PAR BSHAD ZIN CING, ZAG MED KYI YE SHES CHUNG NGU DANG 'BRING DANG CHEN PO ZHES PA'ANG SA BCU PA'I DKYIL STONG DKYIL SMAD DU PHYE BA'I CHA SOGS LA BYED PA LA RGYU MTSAN GANG YANG MED PA'I PHYIR YID BRTAN MI RUNG NGO, ,GNYIS PA RANG GI LUGS LA, SKABS DANG PO GSUM DU LAM GSUM BSTAN PA FRNAMS MI BZLOS PAR BSTAN PA NI, RNAM PA THAMS CAD MKHYEN PA NYID LA SOGS PA MNGON PAR RTOGS PA RNAM PA GSUM GYI SKABS LA NI CHOS CAN, 'JIG RTEN PA'I NGES PAR 'BYED PA'I CHA DANG MTHUN PA RTOGS PA SNGON DU 'GRO BAS 'JIG RTEN LAS 'DAS PA MTHONG

, ,BA'I LAM DANG SGOM PA'I LAM RTOGS PA'I TSUL CI RIGS PAR, LAM GSUM BSTAN PA YIN KYANG BZLOS PA'I SKYON MED DE, NYAN RANG LAS KHYAD PAR 'PHAGS PA'I CHOS KYI BDAG MED RTOGS TSUL GYI RNAM PA BCU GNYIS DANG, LAM GSUM DANG, GZHI THAMS CAD GANG ZAG GI BDAG MED PAR RNAM PAR BSGOM PA'I DBYE BAS DGOS PA DANG STON TSUL THA DAD PA'I PHYIR, SBYOR BA DANG PO GSUM BSTAN PA MI BZLOS PAR BSTAN PA NI, RNAM PA KUN MNGON PAR RDZOGS PAR RTOGS PA LA SOGS PA SBYOR BA DANG PO GSUM GYI SKABS LA NI FLAN GSUM GSUM BSTAN KYANG BZLOS PA'I SKYON MED DE, 'DI LTAR NGES 'BYED CHA MTHUN GYI NGO BOR GYUR PA'I SBYOR BA GSUM GOMS PAR BYAS NAS, SGOM PA GONG NAS GONG GI GNAS SKABS KYI KHYAD PAR GYI RNAM PA THAMS CAD DU 'JIG RTEN PA LAS KHYAD PAR DU 'PHAGS PA'I 'JIG RTEN LAS 'DAS PA'I LAM GYIS BSDUS PA'I YE SHES ZAG PA MED PA CHUNG NGUS MTHONG LAM DANG, 'BRING MA DAG SA BDUN DANG, CHEN PO DAG PA'I YE SHES KYIS BSDUS PA'I SBYOR BA RNAMS SKYE BA'I SGO NAS SBYOR BA GSUM PO RE RE'ANG LAM GSUM KA'I GNAS SKABS SU RIM GYIS SKYE BA YIN PAS RNAM RDZOGS SBYOR BA THAMS CAD SBYOR LAM LTA BU'I GNAS SKABS SU RGYUN GCIG PA CIG CAR RDZOGS PAR SKYES NAS DE'I RJES SU RTZE SBYOR THAMS CAD MTHONG LAM LTA BU'I SKABS SU RGYUN GCIG PA CIG CAR RDZOGS PAR SKYES, DE'I RJES SU MA DAG SA BDUN LTA BU'I SKABS SU MTHAR GYIS SBYOR BA THAMS CAD RGYUN GCIG LA CIG CAR RDZOGS PAR SKYE BA'I LAM GSUM NGO RE RE'I SKABS SU'ANG, SBYOR BA GSUM PA TSANG BAR SKYE BA MIN NAM SNYAM PA'I DGOS PA SKYE BA DGAG PAR BYA BA'I PHYIR DANG, SBYOR BA

GSUM PA STON PA NA RE RE'I SKABS SU'ANG NGES PAR 'BYED PA'I CHA LA SOGS PA LAM GSUM KA'I THA SNYAD DNGOS SU SMOS PA'I SGO NAS GSUNGS PA YIN PAR SHES PAR BYA'O, ,'O NA MTHAR GYIS PA'I SBYOR BA'I SKABS SU THA SNYAD DNGOS SU JI LTAR SMOS ZHE NA, MING GI THA SNYAD DNGOS SU MA SMROS KYANG, LAM DE DANG DE STON PA'I DBANG DU BYAS PA'I SGRA'I THA SNYAD DNGOS SU SMOS PA YIN PAS SKYON MED DO, ,NGAG DON NI, RJE BTZUN CHOS CAN, SBYOR BA DANG PO GSUM KA'I SKABS SU LAM GSUM KA STON PA'I SGRA'I THA SNYAD DNGOS SU SMOS PA'I SGO NAS GSUNGS PA LA DGOS PA YOD DE, LAM GSUM PO RE RE'I GNAS SKABS NA YANG SBYOR BA GSUM KA YOD PA MIN PAR LAM RE RE KHO NA'I SKABS SU SBYOR BA RE RE KHO NA RGYUN GCIG LA CIG CAR RDZOGS PAR SKYE'AM SNYAM PA'I DOGS PA 'BYUNG BA DGAG PA'I CHED DU DE LTAR GSUNGS PA'I PHYIR, KHO BO 'BA' ZHIG GIS DBYIS PHYIN PAR BSHAD PA LA BLO GROS LDAN PA DAG DGA' BAR BYOS SHIG ,GSUM PA SKYES PA KHYAD PAR DU GYUR PA'I RTOGS KYI RAB DBYE BSHAD PA LA SPYI'I DON DANG, YAN LAG GI DON NO, ,DANG PO NI, PHYIR MI LDOG PA'I DON NI GANG, DER SGRUB PA'I RTAGS KYANG JI LTA BU, RTAGS DE DAG GIS PHYIR MI LDOG PAR SGRUB TSUL YANG GANG ZHIG YIN CE NA, DE LA PHYIR MI LDOG PA NI GNYIS TE, BSAM PA PHYIR MI LDOG PA DANG, SBYOR BA PHYIR MI LDOG PA'O, ,DANG PO NI, RANG DON YID BYED KYI BLO NAM YANG MI SKYE BAR GYUR PA YIN LA, GNYIS PA NI, SBYOR BAS THEG DMAN GYI LAM LA SLOB MI SRID PA'O, ,PHYIR MI LDOG PA'I GANG ZAG GNYIS TE, RIGS KYI STOBS KYIS PHYIR MI LDOG PA DANG, RTOGS PA'I STOBS KYIS PHYIR MI LDOG PA'O, ,DANG PO NI, THEG CHEN DU RIGS NGES PAS SEMS BSKYED PA TZAM NAS RDZOGS BYANG LAS PHYIR MI LDOG PA'O, ,GNYIS PA NI, THEG CHEN GYI RTOGS

, ,PA KHYAD PAR CAN RGYUD LA SKYES PA'I STOBS KYIS PHYIR MI LDOG PA'O, ,DE LA RIGS NGES PA NI, SBYOR PA'I SNGON DU SNYING RJE DANG, ZHES SOGS KYIS RIGS KYI RTAGS LAS SHES LA, RTOGS PA'I STOBS KYIS PHYIR MI LDOG PA NI 'DIR BSHAD PA'I RTAGS RNAMS KYIS DPOG PA YIN NO, ,DE'I PHYIR 'DIR BSHAD PA'I RTAGS RNAMS NI RTOGS PA'I STOBS KYIS PHYIR MI LDOG PA'I RTAGS YIN LA, DE YANG RIGS KYI STOBS KYIS PHYIR MI LDOG PA YIN KYANG, RTOGS PA'I STOBS KYI KYANG PHYIR MI LDOG PA THOB PA LA 'GAL BA MED DE, DE LTAR NA SBYOR LAM DU NGAN 'GRO RGYUN CHAD PA'I PHYIR BRTAGS MIN 'GOG PA THOB KYANG SLAR YANG MTHONG LAM DU NGAN 'GRO'I SA BON BCOM PA'I SGO NAS BRTAGS THOB PA BZHIN NO, ,DE BAS NA RIGS STOBS KYIS PHYIR MI LDOG PA YIN KYANG JI SRID RTOGS PA'I STOBS KYIS PHYIR MI LDOG PA MA THOB KYI BAR DU 'DIR BSHAD PA'I PHYIR MI LDOG GI RTAGS 'DI DAG 'THOB PA MIN NO, ,DE'I PHYIR 'DIR BSHAD PA'I RTAGS KYIS PHYIR MI LDOG PA DPAG PAR BYA BA'I GANG ZAG NI RIGS NGES PA DANG, MA NGES PA'I BYANG SEMS RTOGS PA'I STOBS KYIS PHYIR MI LDOG THOB PA DAG GO ,DE YANG RTOGS PA'I STOBS KYIS PHYIR MI LDOG PA'I GANG ZAG NI GSUM STE, SBYOR LAM PA DANG, MA DAG SA BA DANG, DAG SA LA GNAS PA'O, ,DE DAG LAS, MA NGES PA'I RIGS CAN GYI SBYOR LAM PA DBANG RNON PHYIR MI LDOG PAR SGRUB PA YIN GYI, DBANG 'BRING DANG DBANG RTUL SGRUB MI NUS PA DANG, SA BRGYAD PA THOB NAS DBANG PO RNO RTUL THAMS CAD PHYIR MI LDOG PAR 'GREL CHEN LA GONG DU DRANGS PA LTAR DNGOS SU GSUNGS PA'I SHUGS KYIS MTHONG LAM MA DAG SA LA GNAS PA DBANG 'BRING DANG DBANG RNON SGRUB NUS SHING DBANG RTUL SGRUB MI NUS PAR SHUGS LA SHES SO, ,DE DAG PHYIR MI LDOG PAR SGRUB PA'I RTAGS NI MDO LAS NYI SHU DANG BCU DRUG LA

SOGS PA GSUNGS PA GDUL BYA NYE BA'I BSAM PA LA BLTOS PA YIN GYI YANG DAG PAR NA 'BRAS BU BYANG CHEN BSKYED PA LA NUS PA MTHU CAN DU GYUR BA'I THABS SHES KHYAD PAR CAN DANG, DES KUN NAS BSLANG BA'I LUS DAG GI RNAM PAR RIG BYED KHYAD PAR CAN DAG YIN NO, ,GZHAN DAG NA RE, THABS SHES KHYAD PAR CAN PHA ROL POS MA GRUB BAS LUS NGAG GI RIG BYED KHO NA RTAGS YIN NO ZHES ZER RO, ,DE LTA NA THABS SHES PHA ROL POS LUS NGAG GI RTAGS LAS KYANG RTOGS MI NUS SAM NUS, DANG PO LTAR NA LUS NGAG GI RTAGS LAS PHYIR MI LDOG PAR YANG SGRUB MI NUS PAR THAL LO,, NUS NA RTAGS YANG DAG GI PHYOGS CHOS YIN NA PHYIR RGOL GYIS GRUB PAS KHYAB PAR THAL, THABS SHES PHYIR RGOL GYIS LUS NGAG GI RTAGS LAS RTOGS NUS KYANG MNGON SUM GYIS MA GRUB PAS DE NYID PHYIR MI LDOG TU SGRUB PA'I RTAGS SU MI RUNG BA'I PHYIR RO, ,THO NA SO SO RANG GI RIG PA'I SKAD CIG MA RNAMS JI LTAR GZHAN YID CHES PAR BYED PA'I MTSAN NYID DAG YIN ZHES GSUNGS PA JI LTAR DRANG ZHE NA, DE'I DON NI, RNAL 'BYOR PA BYANG 'PHAGS RNAMS KYI RJES THOB KYI THA SNYAD NI, SEMS CAN GDUL BA'I DGOS PA'I DBANG MA GTOGS PAR THAMS CAD DU MNYAM GZHAG GIS RTOGS PA DANG RJES SU MTHUN PA MIN NA DE DAG GI LUS NGAG GI THA SNYAD DE DAG JI LTAR GZHAN BYANG 'PHAGS LA THABS SHES KHYAD PAR CAN YOD PAR YID CHES PAR BYED PA'I MTSAN NYID DAG YIN TE MIN PAR THAL LO ZHES PA'O, ,RTAGS KYIS SGRUB PA'I TSUL NI, BYANG SEMS SBYOR LAM PA DBANG RNON YIN PA LA, PHYIR RGOL GYIS SBYOR LAM PA DBANG RNON YIN PAR MA NGES SHING, BYANG SEMS TZAM YIN PAR NGES PA'AM, SBYOR LAM PA DBANG RNON YIN PAR NGES KYANG DE NYID LA RDZOGS BYANG LAS PHYIR MI LDOG PAS KHYAB PAR MA NGES PAR 'DI BLA MED RDZOGS

, ,BYANG LAS PHYIR LDOG GAM MI LDOG SNYAM DU THE TSOM ZA BA'I NGOR SNGA RGOL KYANG BYANG SEMS DE NYID DAM, GANG ZAG GZHAN GYIS BYANG SEMS DE CHOS CAN, BLA MED RDZOGS BYANG LAS PHYIR MI LDOG STE, RANG DON YID BYED SKYE BA'I GO SKABS MED PA'I THABS SHES KHYAD PAR CAN DANG, 'DZIN PA CHOS KYI BDAG 'DZIN LA GNOD BYED STOBS LDAN DU GYUR PA'I SGOM BYUNG GI SHES RAB KHYAD PAR CAN DANG LDAN PA'I BYANG SEMS YIN PA'I PHYIR, ZHES 'GOD PAR BYED LA, DE'I PHYOGS CHOS RJES THOB LUS NGAG GI RTAGS LAS SGRUB DGOS SO, ,KHYAB PA NI, DE LTA BU'I THABS SHES KHYAD PAR CAN GYIS RDZOGS BYANG BSKYED PA LA 'GAL RKYEN GYIS GEGS BYED MI NUS SHING, GEGS MA BYAS NA RDZOGS BYANG BSKYED PAR NGES PA'I PHYIR, ZHES PA'I RTAGS KYIS SGRUB LA, RDZOGS BYANG BSKYED PA'I GEGS NI SEMS CAN GYI DON LA MI SPROS PA DANG, SHES BYA'I SGRIB PA GNYIS SU ZAD LA, DANG PO GANG ZAG DE'I RGYUD LA 'BYUNG MI SRID CING GNYIS PAS GANG ZAG DE'I RGYUD KYI CHOS KYI BDAG MED RTOGS PA'I SHES RAB GOMS BYA LA GSAL SNANG RAB KYI MTHAR THUG PAR 'GRO BA'I NUS PA NYAMS PAR BYED MI NUS PA'I PHYIR RO, ,DES NA GANG DAG PHYIR MI LDOG GI RTAGS KYI KHYAB 'BREL LUNG KHO NAS GRUB DGOS PAR 'DOD PA DE DAG GIS NI BDAG MED RTOGS PA'I SHES RAB KYIS NI BDAG 'DZIN SPONG BA DANG, BYANG CHUB KYI SEMS KHYAD PAR CAN GYIS SNGON YID BYED KYI BLO 'GOG PA TZAM DANG, THEG CHEN GYI THABS SHES KYI NUS PA MTHU CAN LAS RDZOGS PA'I SANGS RGYAS 'BYUNG BA TZAM YANG DNGOS STOBS KYIS SGRUB MI NUS PAR KHAS LEN PA YIN PAS, GANG ZAG DE DAG GIS RDZOGS PA'I SANGS RGYAS SHES BYA LA SRID PA TZAM DU'ANG RTAGS KYIS SGRUB MI NUS SO, ,DE YANG RDZOGS BYANG

LAS PHYIR MI LDOG PAR 'GRUB PA LA, PHYIR LDOG MI SRID PAR BSGRUB DGOS KYI SANGS RGYAS RUNG TZAM DU BSGRUB PAS CI LA'ANG MI PHAN TE, SANGS RGYAS SRID NA PHYIR LDOG MI SRID PAS KHYAB PA'I PHYIR RO, ,DES RDZOGS BYANG LAS PHYIR MI LDOG TU 'GRUB PA LA, DMAN PA'I BSAM SBYOR GANG GIS KYANG BAR MA CHOD PAR SANGS RGYA NGES SU BSGRUB DGOS SO, ,'O NA 'GREL CHEN LAS RUNG BA NYID RJES SU DPAG PAR NGES PAR GZUNG BAR BYA'O, ZHES BSHAD PA CI ZHE NA, GDON MI ZA BAR RDZOGS BYANG THOB TU RUNG BA KHO NA DPOG ,CES PA MIN GYI, SANGS RGYAS SRID PA TZAM DU SGRUB CES PA MIN NO, ,DE LA JI SKAD BSHAD PA NI GZHAN NGOR SGRUB PA'I DBANG DU BYAS PA YIN LA, SNGAR TSOGS LAM DU KHYAB 'BREL THOS BSAM GYIS NGES PA MA BRJED PAR YOD PA LA PHYIS PHYOGS CHOS RANG LA MYONG BAS GRUB PA NA, KHO BO RDZOGS BYANG LAS PHYIR MI LDOG PAR 'GYUR RO SNYAM DU GLO BUR BA'I RTAGS YANG DAG TU 'GYUR BA'ANG SRID DO, ,GNYIS PA YAN LAG GI DON LA, SPYI'I MTSAMS SBYAR BA NI, JI SKAD BSHAD PA'I NGES PAR 'BYED PA'I CHA DANG MTHUN PA THOB PA LA PHYIR MI LDOG PA'I BYANG CHUB SEMS DPA'I DGE 'DUN 'BYUNG BAS PHYIR MI LDOG PA'I DGE 'DUN GYI MTSAN NYID 'CHAD DO, ,'GYUR 'DI LTAR GDON NO, ,GNYIS PA SO SO'I DON BSHAD PA LA, BYANG SEMS GSUM PHYIR MI LDOG PA'I DAM BCA' DGOD, DE SGRUB PA'I RTAGS BSHAD, DON BSDU BA'O, ,DANG PO LA, RTZA BA NI, NGES 'BYED SOGS SO, ,'GREL PA NI SRID ZHI'I DGRA LAS RGYAL BA'I DPA' BO GANG DAG NGES PAR 'BYED PA'I CHA DANG MTHUN PA BZHI DANG, MTHONG BA DANG SGOM PA'I LAM 'CHAD PAR 'GYUR BA LA GNAS PA DE DAG NI CHOS CAN, BYANG CHUB SEMS DPA' SLOB PA PHYIR MI LDOG PA'I DGE 'DUN YIN NO, ,'OG NAS 'CHAD PA'I RTAGS DE DANG DE RTOGS PA'I TSUL GYIS GNAS PA'I BYANG SEMS

, ,YIN PA'I PHYIR, GNYIS PA LA SBYOR LAM DANG, MTHONG LAM DANG, SGOM LAM LA GNAS PA'I PHYIR MI LDOG PA'I RTAGS SO, ,DANG PO LA, MDOR BSTAN, RGYAS PAR BSHAD PA'O, ,DANG PO LA, MTSAMS SBYAR NI, GSUM PO DE RNAMS KYI PHYIR MI LDOG PA'I MTSAN NYID MA 'DRES PA GANG YIN ZHE NA RE SHIG SOGS SO, ,RTZA BA NI, GZUGS LA SOGS PA CES SO, ,'GREL PA NI, GZUGS LA SOGS PA LAS LDOG PA DANG, THE TSOM MED PA LA SOGS PA'I RNAM PA NYI SHU CHOS CAN, KHYOD KYI SGO NAS NGES PAR 'BYED PA'I CHA DANG MTHUN PA LA SOGS GZHAN PA'I DBANG RNON RNAMS KYI PHYIR MI LDOG PA'I MTSAN NYID YIN PAR SHES PAR BYA BA YIN TE, KHYOD DE SGRUB KYI RTAGS YANG DAG YIN PA'I PHYIR, GNYIS PA LA MTSAMS SBYAR NI, YANG SOGS SO, ,RTZA BA NI, GZUGS LA SOGS PAS ZHES SO, ,'GREL PA NI, DOD DANG, RTZE MO DANG, BZOD PA DANG, CHOS KYI MCHOG LA GNAS PA'I BYANG CHUB SEMS DPA' DBANG RNON BLA NA MED PA'I BYANG CHUB LAS PHYIR MI LDOG PA YIN PAR RTAGS NYI SHU PO 'DI DAG GIS SHES PAR BYA'O, ,NYI SHU PO GANG ZHE NA, BZHI LAS, DANG PO DROD KYI RTAGS NI BDEN PA'I NGO BO NYID MED PA GZUGS LA SOGS PA'I CHOS LAS BDEN ZHEN LDOG PA DANG, DKON MCHOG LA SHES NAS DAD PA THOB PAS THE TSOM ZAD PA DANG, SMON LAM GRUB BAS LAS 'BRAS LA SKUR BA 'DEBS PA'I LOG PAR LTA BA CAN DANG, DMYAL BA DANG, YI DVAGS DANG, DUD 'GROR SKYE BA DANG, SANGS RGYAS KYI BKA' MI THOS PA DANG, 'KHOR RNAM BZHI MED PA'I YUL MTHA' 'KHOB TU SKYE BA DANG, YID DANG LCE'I DBANG PO MA TSANG BA RIM BZHIN GLEN PA DANG LKUGS PA'I DNGOS PO DANG, LHA TSE RING PO 'DU SHES MED PAR SKYE BA ZHES BYA BA MI KHOM PA BRGYAD

ZAD PA DANG, SNYING RJES BDAG DANG GZHAN DGE BA'I CHOS LA SBYOR BA DANG, BDAG DANG GZHAN DU BRJE BA NYID KYIS SEMS CAN GZHAN GYI YUL LA YONGS SU BSDOS PAS SBYIN PA LA SOGS PA DANG, DER MA ZAD CHOS DE BZHIN NYID YANG DAG PAR RTOGS PAS STONG NYID ZAB MO'I DON LA SOM NYI MI BYED PA DANG, GCIG TU GZHAN LA PHAN PA NYID DU ZHUGS PAS BYAMS PA'I LUS DANG NGAG DANG YID KYI LAS DANG, BSLAB PA GSUM GYI SBYOR BA PHUN SUM TSOGS PAS SGRIB PA MED PA'I TSUL KHRIMS LA BAR DU GCOD PA'I 'DOD PA LA 'DUN PA DANG, GNOD SEMS DANG, ZHI GNAS LA BAR DU GCOD PA'I GNYID DANG, RMUGS BA DANG, LHAG MTHONG LA BAR DU GCOD PA'I RGOD PA DANG, NGAN PA BYAS PA LA YID LA BZHAG PA'I 'GYOD PA DANG, BTANG SNYOMS LA BAR DU GCOD PA'I THE TSOM DANG MI 'GROGS PA DANG, ZHES TE, DE LA GNYID RMUGS GNYIS DANG, RGOD 'GYOD GNYIS SGRIB PA RE RER BYAS PA NI, RGYU DANG BYED LAS GNYEN PO GCIG PA'I PHYIR RO, ,GNYEN PO STONG NYID RNAM PAR SGOM PA NYID KYIS MA RIG PA'I NGANG, LTA BA'I BAG LA NYAL THAMS CAD 'JOMS PA DANG, BLANG DOR GYI GNAS LA SEMS PHYIN CI LOG TU MA YONGS PAR RTAG TU MNYAM PAR BZHAG PA NYID KYIS DRAN PA NGANG SHES BZHIN DANG LDAN PA DANG, PHYI NANG GI GTZANG SBRA KUN TU SPYOD PA NYID KYIS GOS LA SOGS PA YONGS SU SPYOD PA GTZANG BA ZHES BYA BA RNAM PA BCU GCIG GO, ,DAG DON NI, SBYOR LAM DROD LA GNAS PA'I BYANG SEMS DBANG RNON CHOS CAN, RDZOGS BYANG LAS PHYIR MI LDOG STE, GZUGS LA SOGS PAS LDOG PA LA SOGS PA JI SKAD BSHAD PA'I RTAGS PA BCU GCIG DANG LDAN PA'I BYANG SEMS YIN PA'I PHYIR, PHYOGS CHOS GRUB STE, DE DAG LAS MI 'KHRUL

, ,PA'I RJES THOB LUS NGAG GI THA SNYAD BCU GCIG MTHONG BAS SO, ,GNYIS PA RTZE MO'I RTAGS NI, DGE BA'I RTZA BA 'JIG RTEN THA MA LA BA LAS MNGON PAR 'PHAGS PA THOB PA NYID KYIS LUS LA SRIN BU'I RIGS BRGYAD KHRI MI 'BYUNG BA DANG, DGE BA'I RTZA BA SEMS BSKYED SOGS RNAM PAR DAG PAS RANG DON YID BYED KYI SEMS GYA GYU MED PA DANG, RNYED PA DANG BKUR STI LA SOGS PA LA MI LTA BA NYID KYIS PHYAG DAR KHROD PA NYID LA SOGS PA SBYANGS PA'I YON TAN YANG DAG PAR LEN PA DANG, SBYIN PA LA SOGS PA PHYIN DRUG 'JIG RTEN PA DANG NYAN RANG LAS KHYAD PAR DU GYUR PA BSGRUBS BAS DE DAG DANG 'GAL BA SER SNA DANG 'CHAL PA'I TSUL KHRIMS LA SOGS PA MED PA DANG, CHOS THAMS CAD STONG NYID DU YANG DAG PAR SDUD PA NYID KYIS CHOS NYID DANG MI 'GAL BAR SHER PHYIN PA'I RNAM THAR DANG LDAN PAR 'GRO BA DANG, SNYING RJES 'GRO BA NYID KYIR BYAS PA NYID KYIS GZHAN GYI DON DU DMYAL BAR YANG 'GRO 'DOD PA ZHES BYA BA RNAM PA DRUG GO, NGAG DON NI RTZE MO LA GNAS PA'I BYANG SEMS DBANG RNON CHOS CAN, RDZOGS BYANG LAS PHYIR MI LDOG STE, DGE RTZA 'JIG RTEN LAS MNGON PAR 'PHAGS PA SOGS BSHAD PA'I RTAGS DRUG DANG LDAN PA'I BYANG SEMS YIN PA'I PHYIR, GSUM PA BZOD PA'I RTAGS NI, RANG GI RTOGS PA LA YID CHES PA'I CHOS NYID KYIS BDUD SOGS GZHAN GYIS LAM GZHAN DU BKRIR MI BTUB PA DANG, SANGS RGYAS NYID KYI THABS SHES PA LA MKHAS PA NYID KYIS PHYIN DRUG DANG 'GAL BA LAM LTAR BCOS PA NYE BAR STON PA BDUD NYID DU RTOGS PA CES BYA BA RNAM PA GNYIS SO, ,DAG DON NI, BZOD PA LA GNAS PA'I BYANG SEMS DBANG RNON CHOS CAN, RDZOGS BYANG LAS PHYIR MI LDOG STE, GZHAN GYIS BKRIR MI

BTUB PA, LA SOGS PA'I RTAGS GNYIS DANG LDAN PA'I BYANG SEMS YIN PA'I PHYIR, BZHI PA CHOS MCHOG GI RTAGS NI, CHOS MCHOG LA GNAS PA'I BYANG SEMS DBANG RNON CHOS CAN, RDZOGS BYANG LAS PHYIR MI LDOG STE, 'KHOR GSUM RNAM PAR DAG PAS SPYOD PA THAMS CAD LA SANGS RGYAS DGOS PA CES BYA BA RTAGS RNAM PA GCIG DANG LDAN PA'I BYANG SEMS YIN PA'I PHYIR, GNYIS PA LA MDOR BSTAN, RGYAS PAR BSHAD PA'O, ,DANG PO LA MTSAMS SBYAR NI, NGES PAR 'BYED PA'I SOGS SO, ,RTZA BA NI, MTHONG BA'I SOGS SO, ,'GREL PA NI BSDUG BSNGAL LA SOGS PA'I BDEN PA'I SGO NAS CHOS DANG RJES SU SHES PA'I BZOD PA DANG, SHES PA'I SKAD CIG MA BCU DRUG GI MING CAN RGYAS BSHAD NAS 'CHAD PA'I RTAGS BCU DRUG NI CHOS CAN, BYANG CHUB SEMS DPA' MTHONG BA'I LAM LA GNAS PA'I PHYIR MI LDOG PA'I SHES BYED KYI MTSAN NYID YIN TE, DE SGRUB KYI RTAGS YANG DAG YIN PA'I PHYIR, GNYIS PA LA MTSAMS SBYAR NI, SKAD CIG MA SOGS SO, ,RTZA BA NI, GZUGS SOGS ZHES SO, ,'GREL BA LA RTAGS KYI RAB DBYE DANG, RTAGS KYI NGO BO LA DOGS PA BCAD PA'O, ,DANG PO LA BZHI LAS, DANG PO SDUG BSNGAL BDEN PA'I SKAD CIG MA'I RNAM PA NI DON DAM PAR RANG GI MTSAN NYID STONG PA NYID KYIS GZUGS LA SOGS PA CHOS SU BDEN PAR RTOGS PA LAS LDOG PA DANG, SANGS RGYAS LA SOGS PAS BYIN GYIS BRLABS PAS BLA NA MED PA'I BYANG CHUB KYI SEMS MI G-YO BAR BRTAN PA NYID DANG, THEG PA CHEN PO'I CHOS KHYAD PAR CAN BSGRUBS PAS NYAN THOS DANG RANG SANGS RGYAS KYI THEG PA LAS SEMS RNAM PAR LOG PA DANG, STONG NYID RTOGS PA'I CHOS RAB TU RNAM PAR 'BYAD PA'I

, ,PA'I MTHUS BSAM GTAN DANG GZUGS MED SNYOMS PAR 'JUG PA LA SOGS PAR SKYE BA'I YAN LAG YONGS SU ZAD PAR ZHES BYA BA NI SDUG BSNGAL GYI BDEN PA'I RNAM PA YIN NO, ,GNYIS PA KUN 'BYUNG GI SKAD CIG MA NI, MTHONG SPANG GI MI DGE BA DANG BRAL BA NYID KYIS LUS DANG SEMS YANG ZHING LAS SU RUNG BA NYID DANG, SEMS CAN GDUL BA'I THABS LA MKHAS PA'I MTHUS, MNGON PAR ZHEN PA MED PAR 'DOD PA LA NYE BAR SPYOD PA DANG, YUL GYI NYIS DMIGS MTHONG BAS RTAG TU TSANGS PAR SPYOD PA NYID DANG, BYANG CHUB KYI SEMS MI BRJED PA LA DBANG BA'I SKYES BU DAM PA'I YO BYAD YANG DAG PAR RNAM PAR DAG PA NYID CES BYA BA BZHI NI KUN 'BYUNG GI RNAM PA YIN NO, ,GSUM PA 'GOG PA'I RNAM PA LA BZHI LAS, DANG PO CHOS BZOD KYI MING GIS BSTAN PA'I SKAD CIG MA NI, STONG PA NYID MNGON SUM DU RTOGS PA LA GNAS PA NYID KYIS PHUNG PO DANG, SKYE MCHED DANG KHAMS RNAMS LA SBYOR BA DANG, RJES SU SBYOR BA DAG TU MI BYA'O ZHES MDO LAS GSUNGS PA DE LTAR DANG POR ZHEN PAS SBYOR BA DANG, RGYUN DU ZHEN PAS RJES SU SBYOR BA'I GNAS PA SO SOR BKAG PA'O, ,GNYIS PA 'GOG PA LA CHOS SHES PA'I MING GIS BSTAN PA NI, MTHONG LAM GYI MI MTHUN PA'I PHYOGS BSAL BA'I RNAM GROL LAM YIN PA NYID KYIS MTHONG LAM GYI RTOGS PA'I BAR CHAD BYED PA'I CHOS RNAMS LA SNGA MA BZHIN DU SBYOR BA DANG RJES SU SBYOR BA'I GNAS PA SO SOR BKAG PA'O, ,GSUM PA 'GOG PA LA RJES BZOD KYI MING GIS BSTAN PA'I RNAM PA NI, RNAM PAR DAG PA'I SKYON YONGS SU SHES PA NYID KYIS BYANG CHUB KYI TSOGS SBYIN PA LA SOGS PA LA SNGA MA BZHIN DU SBYOR PA DANG, RJES SU SBYOR BA GTAM LA

GNAS PA SO SOR BKAG PA'O, ,DE YANG GTAM ZHES PA'I DON NI, 'GREL CHEN LAS, DNGOS PO'I RNAM RTOG SDUG KUN SHES PA'I DUS SU BCOM PAS 'DIR 'GOG PA'I GTAM TZAM GYI GNYEN POR BSTAN PA'I PHYIR RO, ZHES GSUNGS PA LTAR SPANG GNYEN GYI DON LA MNGON PAR ZHEN PA'I MTHONG SPANGS SNGAR GCOM ZIN PAS 'DIR SPANG GNYEN GYI THA SNYAD LA ZHEN PA'I MTHONG SPANG GI SPROS PA TZAM 'GOG PAR STON PA'O, ,BZHI PA 'GOG PA LA RJES SHES KYI MING GIS BSTAN PA'I RNAM PA NI, GZUNG BA DANG 'DZIN PA'I ZHEN PA MTHA' DAG SPANG PAR BYA BA NYID KYIS MTHONG SPANG GRI RNAM SMIN GYI CHAR GYUR PA'I DBANG PO DANG, RTEN GRONG KHYER LA SOGS PA MTHONG BA DANG, MTHONG LAM GYIS RNAM SMIN DE DAG GI RGYU MTHONG SPANG 'JIG LTA SPONG BA'I G-YUL 'GYED PA RNAMS KYI MING LA SNGA MA BZHIN DU DANG POR ZHEN PA'I SBYOR BA DANG, RGYUN DU ZHEN PA'I RJES SU SBYOR PA'I GNAS PA RJES SU BKAG PA ZHES BYA BA STE, DE LTAR NA JI SKAD BSHAD PA BZHI NI 'GOG PA'I RNAM PA YIN NO, ,'DI'I MTHA' DPYAD PA LA, MDO LAS, G-YUL DANG, GRONG DANG, GRONG KHYER DANG, GRONG RDAL DANG, DMAG GI GTAM GYI SBYOR BA DANG, RJES SU SBYOR BA LA BRTZON PAR MI GNAS, ZHES GSUNGS PA'I DON NI, MTHONG LAM GYIS 'JIG LTA MTHONG SPANG SPONG BZHIN PA NI G-YUL 'GYED PA'I SGRAS BSTAN LA, 'JIG LTA MTHONG SPANG GI 'BRAS BU RNAM SMIN GYI CHAR GYUR PA'I PHUNG PO ZAG BCAS KYI DBANG PO BCU BZHI DANG, DE DAG GI RTEN 'BYUNG BA DANG 'BYUNG BA LAS GYUR BA DANG, GZUGS SOGS YUL JUG PO RNAMS NI GRONG LA SOGS PA'I SGRAS BSTAN PA YIN CING, DE YANG DBANG PO RNAMS GRONG GI SGRAS BSTAN PA'I RGYU MTSAN NI, GRONG SKYES BU'I RTEN YIN PA LTAR DBANG PO 'DI DAG KYANG RANG 'BRAS RNAMS KYI RTEN YIN PAS SO, ,DBANG PO'I RTEN 'BYUNG BA DANG 'BYUNG

, ,'GYUR RNAMS GRONG KHYER GYI SGRAS STON PA'I RGYU MTSAN NI, GRONG KHYER GRONG GI RTEN YIN PA LTAR 'DI DAG KYANG DBANG PO'I RTEN YIN PA'I PHYIR RO, ,YUL DRUG PO GRONG RDAL GYI SGRAS STON PA'I RGYU MTSAN NI, TSONG 'DUS DANG BCAS PA'I GRONG NI GRONG RDAL ZHES BYA LA, DE NYID SKYES BU'I 'JUG LDOG GI GZHI YIN PA LTAR 'DI DAG KYANG RNAM SHES 'JUG LDOG BYED PA'I GZHI YIN PA'I PHYIR RO, ,DE YANG 'JIG LTA MTHONG SPANGS BZHI DANG, 'JIG LTA DES MTHONG SPANG RNAM SMIN GYI CHA 'DI DAG SKYED PA'I NUS PA SOGS SDUG KUN SHES PA'I DUS SU BCOM ZIN CING, DE DAG DANG MTHONG LAM LA YANG SPANG GNYEN DU ZHEN PA'I MTHONG SPANG YANG SNGAR BCOM ZIN LA, 'DIR NI SPANG GNYEN DE DAG G-YUL 'GYED PA'I MING TZAM LA ZHEN PA'I MTHONG SPANGS 'GAGS PAR STON PA NYID SKABS KYI DON YIN NO, ,DE'I PHYIR SKABS 'DIR MIG DBANG NAS LUS DBANG GI BAR LNGA, PHO MO'I DBANG PO GNYIS, SROG YID KYI DBANG PO GNYIS, TSOR BA BDE SDUG, YID BDE, YID MI BDE, BTANG SNYOMS KYI DBANG PO LNGA STE, BCU BZHI PO DAG 'GAGS PA'I 'GOG PA DU THOB DPYOD PA DANG, DBANG PO NYI SHU RTZA BZHI'I RNAM GZHAG RGYA CHER 'CHAD PA DAG NI SKABS SU BAB PA'I DON MIN PAS, 'DIR DE DAG 'CHAD PA'I SPROS PA MA BYAS SO, ,BZHI PA LAM GYI RNAM PA NI, SBYIN PA LA SOGS PA'I KHYAD PAR 'KHOR GSUM RNAM DAG RTOGS PAS SER SNA DANG 'CHAL PA'I TSUL KHRIMS LA SOGS PA LA SBYOR BA DANG, RJES SU SBYOR BA GNAS PA SO SOR BKAG PA DANG, CHOS THAMS CAD RNAM PAR THAR PA'I SGO GSUM GYI NGO BO NYID DU RTOGS PA YIN PAS DON DAM PAR BYANG CHUB SOGS RTOGS PA'I CHOS RDUL TZAM YANG MI DMIGS PA DANG

RANG NYID PHYIR MI LDOG PAR MNGON PAR YID CHES PA THOB PAS THAMS CAD MKHYEN PA NYID GSUM GYI BDAG NYID KYI RANG GIS THOB PA'I SA GSUM LA JI LTA BA BZHIN DU NGES PA NYID KYIS GNAS PA DANG, GCIG TU GZHAN DON LA GZHOL BA NYID KYIS RNAM PA THAMS CAD MKHYEN PA NYID LA SOGS PA'I CHOS KYI DON DU SROG GTONG BA ZHES BYA BA BZHI NI LAM GYI RNAM PA'I MING CAN DAG YIN NO, ,NGAG DON NI, BYANG SEMS MTHONG LAM PA DBANG 'BRING CHOS CAN, RDZOGS BYANG LAS PHYIR MI LDOG STE, SHES BZOD SKAD CIG MA'I MING GIS MDO LAS BSTAN PA'I RJES THOB LUS NGAG GI RTAGS KHYAD PAR CAN JI SKAD BSHAD PA BCU DRUG THOB PA'I PHYIR, SKAD CIG MA RNAMS LA SO SOR 'GOD NA, CHOS CAN DANG SGRUB CHOS 'DRA, SDUG BSNGAL LA CHOS BZOD KYI MING GIS BSTAN PA'I GZUGS SOGS LA BDEN PAR RTOGS PA LAS LDOG PA'I RTAGS KHYAD PAR CAN THOB PA'I PHYIR, ZHES SOGS SU DGOD PAR BYA'O, ,GNYIS PA RTAGS KYI NGO BO LA DOGS PA BCAD PA NI, GAL TE 'DIR BSHAD PA'I RTAGS CHOS KYI DON DU SROG GTONG BA SOGS PHAL CHE BA NI RJES THOB LUS NGAG GI THA SNYAD DU SNANG BA LA, RTZA BAR, DE 'DRA'I SKAD CIG BCU DRUG NI ZHES MNYAM GZHAG GI SKAD CIG MAR GSUNGS PA CI ZHE NA, SKYON MED DE, RJES THOB LUS NGAG GI THA SNYAD LA MNYAM GZHAG SKAD CIG MA'I MING GIS NYE BAR BTAGS NAS BSHAD PA'O, ,'ON 'DOGS PA'I RGYU MTSAN DANG, BTAGS PA'I DGOS PA GANG ZHE NA, RGYU MTSAN NI DE LTAR BZOD PA DANG SHES PA'I SKAD CIG MA BCU DRUG GIS BSDUS PA 'DI RNAMS MNYAM GZHAG TU YANG DAG PAR THOB PA NA DAG PA 'JIG RTEN PA GZUNG BA DANG 'DZIN PAR MNGON PAR ZHEN PA'I RNAM

, ,PA CAN RJES SHES KYI RNA BA SEMS KYIS BSDUS PA SKYE ZHING, DES KUN NAS BSLANG NAS RANG DANG MTHUN PA'I 'BRAS BU GZUGS LA SOGS PA'I 'DU SHES LDOG PA LA SOGS PA LUS NGAG GI RIG BYED BCU DRUG BSKYOD PA'I PHYIR, RGYU MING 'BRAS BU LA BTAGS PA YIN NO, ,DE'I PHYIR MNYAM GZHAG SKAD CIG MA BCU DRUG GI 'BRAS BUR GYUR PA'I RJES THOB LUS NGAG GI THA SNYAD BCU DRUG PO RNAMS SKABS 'DIR BSTAN PA'I BYANG CHUB SEMS DPA' MTHONG BA'I LAM LA GNAS PA'I PHYIR MI LDOG PA'I MTSAN NYID DAG YIN NO, ,DAG DON NA, SHES BYA CHOS CAN, SKABS 'DIR GZUGS LA SOGS LAS LDOG PA LA SOGS PA'I LUS NGAG GI THA SNYAD BCU DRUG LA MNYAM GZHAG SKAD CIG MA'I MING GIS 'DOGS PA'I RGYU MTSAN YOD DE, MNYAM GZHAG DES BSKYED PA'I RJES THOB YE SHES KYIS KUN NAS BSLANG BA'I 'BRAS BU YIN PA'I RGYU MTSAN GYIS BTAGS PA YIN PA'I PHYIR, DGOS PA NI SHES BYA CHOS CAN, SKABS 'DIR DE LTAR BTAGS PA LA DGOS PA YOD DE, BDEN PA MTHONG BA'I RNAL 'BYOR BA RNAMS KYI LUS NGAG GI THA SNYAD NI SEMS CAN GDUL PA'I DGOS PA'I DBANG MA GTOGS PAR THAMS CAD DU MNYAM GZHAG GI RTOGS PA DANG MTHUN PA KHO NA'O ZHES SHES PAR BYA BA'I PHYIR NYE BAR BTAGS NAS BSHAD PA'I PHYIR, BZLOG PA LA GNOD BYED STON PA NI, 'PHAGS PA'I LUS NGAG GI THA SNYAD DE DAG MNYAM GZHAG GI RTOGS PA DANG MTHUN PA DE LTA MIN NA DE DAG RNAL 'BYOR BA 'PHAGS PA'I RGYUD LA YOD PA'I SO SO RANG GIS RIG PA'I SKAD CIG MA RNAMS YOD PAR JI LTAR GANG ZAG PHA ROL PO GZHAN YID CHES PAR BYED PA'I MTSAN NYID DAG YIN TE, MIN

PAR THAL LO, ,'DIR DNGOS LA GNOD BYED NI BSTAN MI DGOS TE, DOGS PA SMRA BA PO RANG GIS DNGOS MIN PAR GRUB ZIN PAS RTZOD PA SMRAS PA YIN PA'I PHYIR RO, ,GZHAN DAG GIS GZHUNG 'DI LOG PA NYID DU BSHAD DO, ,GSUM PA LA, SGOM LAM GTAN LA DBAB PA DANG, SGOM LAM LA GNAS PA PHYIR MI LDOG PA'I RTAGS DNGOS BSHAD PA'O, ,DANG PO LA, SGOM LAM GYI KHYAD CHOS, KHYAD GZHI SGOM LAM GYI MTSAN NYID, MTSAN NYID DE LDAN GYI DBYE BA, DE DAG LA RTZOD PA SPANG BA'O, ,DANG PO LA MTSAMS SBYAR NI, DKYUS MA'I DON LTAR NA, DE'I 'OG TU SOGS SO, ,RTZA BA NI, RKANG PA DANG POS SGOM LAM GYI RANG BZHIN ZAB PAR BSTAN, GNYIS PAS ZAB MO'I MTSAN GZHI NGOS GZUNG, RKANG PA THA MA GNYIS KYIS MTSAN GZHI DE ZAB PA'I RGYU MTSAN BSTAN TO, ,'GREL PA NI, THEG CHEN SGOM PA'I LAM CHOS CAN, RANG BZHIN ZAB PA YIN TE, RANG GI GNAS LUGS ZAB MO NYID DU LDAN PA'I PHYIR RO, ,GNAS LUGS ZAB MO GANG ZHE NA, SHES BYA CHOS CAN, STONG PA NYID LA SOGS PA GANG YIN PA DE NI ZAB MO YIN TE, DON DAM STONG PA NYID LA SOGS PA LA YANG GZUGS MED CING GZUGS SOGS DON DAM DU MA GRUB PAS GO RIM BZHIN DU STONG PA LA SOGS PA LA SGRO 'DOGS PA DANG, STONG PA NYID LA SOGS PA GZUGS LAS GZHAN PA YANG MIN PAR GZUGS SOGS KYI RANG BZHIN YIN PAS SKUR PA'I MTHA' LAS GROL BA NYID YIN PA'I PHYIR, KHA CIG ZAB MO YUL DU LDAN, CES SBYOR PA MI 'THAD DE, DE LTA NA DNGOS PO BRJOD DU MED PA LA, ZHES SOGS KYI RTZOD LAN RNAMS 'BREL MED DU 'GYUR BAS SO, ,DE NI YUL CAN SGOM LAM LA YUL ZAB MO'I MING GIS BTAGS PA'I BRJOD TSUL LA RTZOD PA YIN NO

, ,ZHES ZER NA, DE LTA NA RTZOD PA DE'I LAN DU YUL CAN LA YUL GYI MING GIS BTAGS PA YIN PA'I LAN 'DEBS PAR RIGS KYI, DON DAM DU NYAMS 'PHEL MI BYED KYANG KUN RDZOB TU BYED PA'I LAN 'BREL BA MED DO, ,'O NA KHYED RANG LA'ANG STONG NYID RANG BZHIN DU LDAN PAS NYAN RANG LAS KHYAD PAR 'PHAGS PA MI 'THAD DE, NYAN RANG GI SGOM LAM LA'ANG NYAN RANG GI STONG NYID RANG BZHIN DU LDAN PA'I PHYIR RO, ZHE NA, 'DI NI SGOM LAM ZAB PA'I RGYU MTSAN GYIS NYAN RANG LAS KHYAD PAR 'PHAGS PAR SGRUB PA MIN TE, SKABS 'DIR SGOM LAM NYAN RANG GI SGOM LAM LAS KHYAD PAR 'PHAGS PAR SGRUB PA LA 'BREL BA GANG YANG MED CING, DGOS PA'ANG MED DE SNGAR NAS RIM PAR BSGRUBS ZIN PA'I PHYIR RO, ,DE BAS NA SGOM LAM LA DON DAM PAR MTSAN NYID DANG DBYE BA LA SOGS PA BYAR MED KYANG KUN RDZOB TU BYED PAR SHES PAR BYA BA'I PHYIR DU, SGOM PA'I LAM NI ZAB PA STE, ZHES SOGS KYIS SGOM LAM GYI RANG BZHIN STONG PA NYID DU BSTAN, SHLOO KA 'OG MA GNYIS POS KUN RDZOB TU MTSAN NYID DANG DBYE BA BYED PA'I TSUL BSTAN PA YIN NO, ,GNYIS PA LA, MTSAMS SBYAR NI, DE LTAR SOGS SO, ,RTZA BA NI, RKANG PA THA MA GNYIS KYIS BSGOM BYA DANG, THA MA GNYIS KYIS SGOM TSUL DANG, NGO BO BSTAN TO, ,'GROL BA NI, SA GNYIS PA'I YE SHES CHOS CAN, THEG CHEN SGOM PA'I LAM YIN TE, THOS PA DANG BSAM PA DANG SGOM PA LAS BYUNG BA'I SHES RAB DAG GAM TING NGE 'DZIN GYI SBYOR BA DANG DNGOS DANG RJES LAS BYUNG BA'I SHES RAB GANG RUNG GIS GO RIM BZHIN DU NGES PAR 'BYED PA'I YAN LAG DANG, LA SOGS PA MTHONG LAM DANG, RANG GI SNGA LOGS KYI SGOM LAM GSUM GANG

RUNG GI GNAS SKABS LA NGES PAR MTHONG BA'I DON YANG DANG YANG DU SEMS PA DANG 'JAL BA DANG NGES PAR RTOGS PA GANG RUNG GIS KHYAD PAR DU BYAS PA'I LAM YIN PA'I PHYIR, SGOM LAM DE NYID DE'I YUL JI LTAR YIN ZHE NA, RGYUN CHAGS PA'I PHYIR SNGA MA SNGA MA PHYI MA PHYI MA'I YUL YIN NO, ,GSUM PA LA MTSAMS SBYAR NI, DE RNAM PA DU CIG CE NA, RTZA BA NI, SGOM LAM DE NI SA BCU RGYUN CHAGS SU 'BYUNG BA YIN PA'I PHYIR RNAM PA DGUR DBYER RUNG BAR BZHED DO, ,GANG GI SGO NAS NA, THEG CHEN SGOM LAM CHUNG DANG 'BRING DANG CHEN PO RNAMS CHUNG NGU'I CHUNG NGU SOGS SU SPANG BYA'I SGO NAS DBYE BA YI RNAM PAS RNAM PA DGUR DBYE'O, ,'GREL PA NI, GONG DU BSHAD PA DE LTAR NA SGOM LAM DON DAM PAR STONG PA NYID KYI MTSAN NYID YIN KYANG KUN RDZOB TU SGOM PA'I LAM DGU YIN NO, ,KUN RDZOB TU RNAM PA'I SGO NAS RNAM PAR RTOG PA'I GNYEN PA'I DBYE BA LAS GRANGS BZHIN DU 'DOD PA'I KHAMS LA SOGS PA DGU DAG TU SGOM LAM DGU RGYUN CHAGS SU 'BYUNG BA'I PHYIR, DE YANG SA DGU GANG RUNG LA BRTEN PA'I SGOM LAM DGU RNAM RTOG DGU'I GNYEN POR GRANGS BZHIN DU 'BYUNG ZHES PA YIN GYIS DGU DANG SGOM LAM DGU GRANGS BZHIN DU SBYOR BA MIN TE, DANG PO'I NYER BSNGOGS LA BRTEN PA'I SGOM LAM CHE 'BRING CHUNG GSUM KA SRID PA'I PHYIR RO, ,RNAM RTOG GI DBYE BAS JI LTAR DBYE ZHE NA, SGOM SPANG RNAM PAR RTOG PA CHEN PO DANG 'BRING DANG CHUNG NGU RNAMS RE RE ZHING CHEN PO DANG, 'BRING DANG CHUNG NGU'I BYE BRAG GIS THA DAD PA'I PHYIR RO, ,DE DAG GI GNYEN PO CHUNG NGU DANG 'BRING DANG CHEN PO RNAMS KYANG RE RE ZHING CHUNG NGU DANG 'BRING DANG CHEN PO'I BYE BRAG GIS THA DAD PA'I PHYIR RO, ,SPAN

, ,GNYEN GYI RIM PA DE MI 'THAD DE ZHE NA, MUN PA SHIN TU CHEN PO NI SNANG BA CHUNG DUS SEL LA CHUNG NGU NI CHEN POS SEL TO ZHES BYA BA'I DPES 'THAD DO, ,SPANG BYA NYON SGRIB KYI SGO NAS MI 'BYED PA CI ZHE NA, BYANG CHUB SEMS DPA' RNAMS KYIS CHED DU GNYER NAS SPANG BYA'I NYON MONGS PA NI RTOG PA'I ZHES 'BYUNG BAS SO, ,NGAG DON NI, SA DGU GANG RUNG LA BRTAN PA'I SGOM LAM CHOS CAN, CHUNG NGU'I CHUNG NGU SOGS DGUR DBYER RUNG STE, SPANG BYA RNAM RTOG CHEN PA'I CHEN PO SOGS DGUR YOD PA'I PHYIR; BZHI PA LA GRANGS NGES LA RTZOD PA SPANG BA, RANG BZHIN LA RTZOD PA SPANG BA, BYED LAS LA RTZOD PA SPANG BA'O, ,DANG PO LA RTZOD PA DANG, LAN NO, ,DANG PO NI, RGYAL BA'I YUM GSUM PO DE DANG DE LAS SGOM LA MA KYI RNAM PA RE RE'I DBANG DU MDZAD DE 'BRAS BU BSONG NAMS GRANGS MED PA DANG GZHAL DU MED PA DANG TSAD MED PA SKYE BAR GSUNGS PA'I PHYIR, SGOM LAM RE RES BSOD NAMS GRANGS MED SKYED PA BZHIN DU SPANG BYA RNAM RTOG KYANG GRANGS MED SPONG DGOS PAS, SGOM LAM RE RES SPONG BA'I RTOG PA'I BYE BRAG RNAM PA MANG BA MIN NAM, JI LTAR RTOG PA'I DBYE BAS RNAM PA DGU ZHES BYA ZHE NA ZHES PA STE, DE YANG t'IK BYED GZHAN DAG 'BRAS BU BSOD NAMS GRANGS MED SOGS BSKYED PAR GSUNGS SHING 'BRAS BU'I MANG NYUNG RGYU'I MANG NYUNG LA RAG LAS PAS SO, ZHES 'GOD PA NI CHES MA 'THAD DE; RGYU SGOM LAM RE RES KYANG 'BRAS BU BSOD NAMS GRANGS MED SOGS BSKYED PAR DES NAS RGYU GCIG GIS 'BRAS BU DU MA SKYED MI SRID DAM SNYAM PA'I DOGS PA 'BYUNG BA'I GO SKABS MED PA'I PHYIR RO, ,LAN LA, RTZA BA NI, 'PHAGS PA LTAR NA, GRANGS MED

GSOGS BSTAN PA DE RNAMS DAM PA'I DON DU BZOD PA MIN PAS MI 'THAD DO ZHE NA, DON DAM PAR MI 'THAD KYANG KUN RDZOB TU NI THUGS BRTZE BA'I RGYU MTHUN GYIS GSUNG, DE DAG THUB PA'I BZHED PA YIN NO, ZHES 'CHAD LA, SLOB DPON LTAR NA 'GREL BAS 'CHAD PA NI, RTZOD PA DE LA DON DAM PAR 'BRAS BU BSOD NAMS GRANGS MED SOGS BSKYED PA RTAGS MA GRUB TZAM LAN 'DEBS PA NI, MDO LAS, SGOM LAM GYI 'BRAS BU BSOD NAMS GRANGS MED PA DANG GZHAL DU MED PA DANG, TSAD MED PA SKYE BAR BSTAN PA TSIG TU BRJED PA'I NGO BO RNAMS KYIS NI, DON DAM PAR NA RGYU SGOM LAM DON GCIG TU RAB TU SBYAR BA'I RNAM PA GCIG NYID KYANG, 'BRAS BU BSKYED TSUL GYI LDOG PA LA BLTOS NAS BSOD NAMS GRANGS MED SOGS NYE BAR BSKYED PA THA DAD PA NYID KYI NGO BOS DBYE BA BYA BAR BZOD PA MIN NO, ,SGOM PA'I LAM NI JI SKAD BSHAD PA'I STONG PA NYID GNAS LUGS SU LDAN PA'I MTSAN NYID CAN YIN PA'I PHYIR, NGAG DON NI, SGOM LAM CHOS CAN, DON DAM PAR KHYOD KYIS 'BRAS BU BSOD NAMS GRANGS MED SOGS BSKYED PA MI 'THAD PAR THAL, KHYOD KYI GNAS LUGS STONG NYID YIN PA'I PHYIR, KUN RDZOB TU KHYAB PA MA NGES PAR BSTAN PA NI, KUN RDZOB TU NI MDO LAS BSHAD PA'I CHOS KYI NGO BO NYID SGOM LAM LA 'BRAS BU BSOD NAMS GRANGS MED SOGS SKYE BAR JI SKAD BSHAD CING BSTAN PA'I DE DAG NI BYIS PA'I SKYE BO RNAMS LA SGOM LAM LAS 'BRAS BU RGYA CHEN PO SKYE BAR RAB TU STON PA NYID KYIS 'BRAS BU LA BOD PA BSKYED PA'I CHED DU DMIGS PA MED PA'I THUGS RJE CHEN PO'I RANG BZHIN GYIS CHOS KYI DBYINGS KYI SKU MNGON DU GYUR PA'I RGYU MTHUN PAR GYUR BA'I GSUNG YIN PAR DE BZHIN

, ,GSHEGS PAS BZHED PAS DE TZAM GYI SGOM LAM SPANG BYA'I NGOS NAS DGU LAS MANG BA NYID DU THAL BAR MI 'GYUR RO, ,NGAG DON NI, SHES BYA CHOS CAN, THEG CHEN SGOM LAM RE RAS 'BRAS BU BSOD NAMS GRANGS MED SOGS BSKYED PAR GSUNGS PA'I RGYU MTSAN GYIS, SGOM LAM DE RTOG PA'I NGOS NAS DGUR GRANGS ME NGES MI DGOS PAR THAL, RNAM RTOG CHEN PO'I GNYEN POR GYUR PA'I SGOM LAM CHUNG NGU LTA BU CIG NYID KYIS KYANG 'BRAS BU BSOD NAMS GRANGS MED SOGS BSKYED PAR GDUL BYA'I CHED DU THUB PAS GSUNGS PA TZAM YIN PA'I PHYIR, GZHUNG 'DI DAG LA t'IK BYED GZHAN DAG GIS MA RTOGS PA'I NGA RO CI YANG BSGRAGS MOD KYI MNGAS SU DOGS PAS 'DIR DGAG BZHAG MA SPROS SO, ,GNYIS PA LA RTZOD PA DANG, LAN NO, ,DANG PO LA GSUM LAS, MTSAMS SBYAR NI, STONG PA NYID KYI SOGS SO, ,RTZA BA NI DNGOS PO SOGS SO, ,'GREL PA NI GANG LA RTZOD NA, SGOM PA'I LAM NI ZAB PA STE, ZHES SOGS KYIS SGOM LAM GYI RANG BZHIN STONG PA NYID DU SMRAS PA LA RTZOD NGO, ,JI LTAR RTZOD NA, CHOS NYID KYI RANG GI NGO BOR 'DOD PA'I LAM GYI DNGOS PO BDEN PA'I NGO BO NYID KYIS YANG DAG PAR NA DE NYID DANG GZHAN NYID DANG GNYI GA DANG GNYI GA MIN PA NYID DU BRJOD DU MED PA LA GOMS PA PHUL DU PHYIN PAR BYAR MED PA'I PHYIR, MI MTHUN PA'I PHYOGS DANG GNYEN PO DAG GO RIM BZHIN DU 'BREL PA DANG SKYE BAR MI RUNG NGO, ,DE BAS NA SGOM PA CES BYA BA'I LAM GYIS SNGANG BYA MI MTHUN PA'I PHYOGS KYI NGO BO NI CI ZHIG BOR, GNYEN PO RNAM PAR BYANG BA NI CI ZHIG 'THOB STE, BER THOB CUNG ZAD KYANG MI BYED PA NYID PAS THEG CHEN SGOM LAM RNAM RTOG GI GNYEN POR NYE

PAR DGOD PAR MI BYA BA KHO NA'O ZHE NA, RTZA 'GREL LA, NGAG DON NI, SHES BYA CHOS CAN, THEG CHEN SGOM LAM GYIS RNAM RTOG NYAMS PA DANG, GNYEN PO 'PHEL BA'I BYA BA MI BYED PAR THAL, THEG CHEN SGOM LAM GYI RANG BZHIN STONG PA NYID YIN PA'I PHYIR, ZHES PA'O, , GNYIS PA LAN LA MTSAMS SBYAR NI, STONG NYID YIN KYANG NYAMS 'PHEL MI BYED PA DE LTA YIN TE, 'DI LTAR RTZA BA NI, BYANG CHUB SOGS SO, ,'GREL BA LA, KUN RDZOB TU MA NGES PA DANG, DON DAM DU 'DOD PA'I LAN NO, ,DANG PO LA DPE DGOD PA NI, JI LTAR RKYEN GYIS KHYAD PAR DU BYAR MED PA'I DE BZHIN NYID KYI MTSAN NYID YIN KYANG DE KUN RDZOB TU BYANG CHUB SPROS PA MED PA'I YE SHES KYI BDAG NYID KYI CHOS KYI SKU LA SOGS PA RANG BZHIN GYI SANGS RGYAS KYI BDAG PO TZAM GYIS GDUL BYA'I SKYE BO RNAMS KYI BSOD NAMS DANG YE SHES KYI TSOGS CHA CHUNG DE RJES SU MTHUN PA DANG, DON KHYAD PAR CAN GZUGS SKU GNYIS SU SNANG BA'I SMES BSKYED PA'I SGO NAS GDUL BA'I MNGON PAR 'DOD PA'I DON SGRUB PAR BYED PA DE BZHIN DU, ZHES PA STE, BYANG CHUB DE BZHIN NYID MTSAN NYID YIN KYANG, JI LTAR BYANG CHUB DE BZHIN DU ZHES PA'I 'GREL PA'O, ,DON LA SBYAR BA NI BSGOM PAS GLO BUR GYI DRI MA DANG BRAL BA'I SGO NAS MNGON SUM BYAS PA'I SGOM LAM 'DI DON DAM PAR DE BZHIN NYID KYI MTSAN NYID YIN KYANG, KUN RDZOB TU SPANG BYA NYAMS PA DANG GNYEN PO 'PHEL BA SOGS MNGON PAR 'DOD PA'I DON GYI BYA BA BYED DO, ZHES BA STE, DE YANG DE'I MTSAN NYID BZHED KYANG, 'DI NI 'DOD PA'I DON SGRUB BYED, CES PA'I 'GREL PA'O, ,DNGE DON GNYIS KA LA NGAG DON NI, THEG CHEN SGOM LAM CHOS CAN, KHYOD KYI RANG BZHIN STONG PA NYID YIN KYANG

, ,NYAMS 'PHEL MI BYED PA'I SKYON MED DE, KHYOD DON DAM PAR STONG NYID YIN KYANG, KUN RDZOB TU KHYOD BSGOMS PAS SPANG BYA NYAMS SHING GNYEN PO 'PHEL BA'I BYA BA BYED PA'I PHYIR, DPER NA, BYANG CHUB DON DAM PAR STONG NYID YIN KYANG KUN RDZOB TU CHOS SKU'I BDAG RKYEN LAS GZUGS SKU GNYIS KYIS GDUL BYA'I DON BYED PA BZHIN NO, ,GNYIS PA NI, DON DAM PAR NI NYAMS PA DANG 'PHEL BA DGAG PA'I TSUL DU BZHED PAS DE'I TSE BDEN PAR SBYOR BA MED PA NYID YANG DAG PAR SBYOR BA YIN PAR NYAMS PA MED DO, ,NGAG DON NI, THAL 'GYUR DE DON DAM GYI DBANG DU BYAS NA GNOD BYED YANG DAG MIN PAR THAL, 'DOD LAN DON MTHUN THEBS PA'I PHYIR, 'DI MDO LAS, RAB 'BYOR DE DE BZHIN NO, ,DE DE BZHIN TE, BRJOD DU MED PA'I CHOS LA YONGS SU 'PHEL BA 'AM 'GRIB PA MED DO, ZHES PAS BSTAN LA, RTZA BA'I DE YANG DE YI MTSAN NYID BZHED, CES PAS SHUGS LA 'PHANGS SHING, DE NYID 'GREL BAS NUS PA PHYUNG STE BSHAD PA YIN NO, ,GSUM PA LA, RTZOD PA DANG, LAN NO, ,DANG PO LA MTSAMS SBYAR NI, DE LTAR SOGS SO, ,RTZA BA NI, RKANG PA GNYIS SO, ,'GREL BA NI, JI LTAR DON KHYAD PAR CAN SNANG BA'I SEMS BSKYED PA'I SGO NAS BYANG CHUB BSKYED PA'I DON BYED DE BYED MI RIGS PAR THAL, BYANG CHUB KYI SEMS SNGA PHYI RE RE KHO NA DANG, SNGA PHYI LHAN CIG TSOGS PA DANG, SNGA PHYI RIMS KYIS 'BYUNG BA GANG GI SGO NAS KYANG, BYANG CHUB BSKYED PAR MI RIGS PA DE BAS NA'O, ,RTAGS GSUM RIM BZHIN SGRUB PA NI, SNGA PHYI RE RE KHO NAS BYANG CHUB PAR NI RIGS PA MIN NO, ,SNGA PHYIR GYUR PA'I BYANG CHUB KYI SEMS RE RE LA SANGS

RGYAS KYI BYANG CHUB SGRUB PAR BYED PA'I RNAM PA THAMS CAD MKHYEN PA NYID KYI CHOS BCU LA SOGS PA'I RGYU TSEGS KYI DON MTHA' DAG MI SNANG BA'I PHYIR RO, ,'DOD PA'I DON SGRUB PAR BYED PAR SNANG BA SEMS CIG CAR 'BYUNG BA MANG PO NYID KYIS KYANG MIN TE GTZO BO SEMS RIGS MTHUN DU MA RGYUD GCIG LA CIG CAR MI SRID PA'I PHYIR RO, DER THAL, SEMS CAN RNAMS NI RNAM PAR SHES PA RGYUD RE RE BA'O, ZHES 'BYUNG BAS SO, ,BLA NA MED PA'I ZHES PA NAS, SNGA PHYIR GYUR PA'I RIMS KYIS 'BYUNG BA MANG PO NYID KYIS KYANG MIN TE, PHYI MA DE BYUNG MA THAG TU SNGA MA PHYI MA LA RJES SU 'GRO BA MED DE NYID DU 'JIG PAS NA SNGA PHYI PHAN TSUN 'BREL BA MED PA'I PHYIR RO, ,'DIR GZHAN DAG ,GNYIS PAS CIG CAR 'BYUNG BA'I MANG PO 'DUS PAS BSKYED PA BKAG PA YIN LA, GSUM PA NI, RIMS KYIS 'BYUNG YANG, SNGA MA RNAMS PHYI MA MA SKYES KYI BAR DU GNAS NAS SNGA PHYIR SKYES PA MANG PO KHAN CIG TSOGS PAS BSKYED PA BKAG PA YIN NO, ZHES SMRA BA MI 'THAD DE, BYANG CHUB BSKYED TSUL GSUM PO 'DIR MTHA' CHOD NA, GSUM PO GANG YANG MI 'THAD PAS BYANG CHUB BSKYED MI SRID PAR 'GYUR RO, ,MTHA' MCHOD NA, MTHA' MA CHOD PA'I DEGS PA BSU NAS, SLOB DPON DOGS PA BSU BA LA MI MKHAS PA'I SKYON DU 'GYUR ZHING, DOGS GCOD BYAS KYANG DOGS PA'I MTHA' MA CHOD PAS DGOS NUS MED PAR THAL LO, ,'DI LA KHA CIG NA RE SGRUB BYED GSUM PO DER MTHA' CHED DAM, MA CHOD, CHED NA BYANG CHUB BSKYED PAR MI 'THAD LA, MA CHOD NA SLOB DPON DOGS PA BSU BA LA MI MKHAS PAR THAL LO, ZHES BZLOG NA, 'KHOR GSUM KA DNGOS SU KHAS

, ,LEN PAS DE NI SUN 'BYIN YANG DAG MIN ZHES ZER RO, ,'DI NI BZHANG GAD KYI GNAS SU BYA BA YIN TE, BYANG CHUB BSKYED TSUL GSUM PO DER MTHA' CHOD CING, GSUM PO GANG YANG MI 'THAD NA, BYANG CHUB MI BSKYED PA'I SGRUB BYED GSUM PO DER MTHA' CHOD CING, GSUM PO GANG YANG MI 'THAD NA BYANG CHUB BSKYED DGOS PA'I PHYIR RO, ,MKHAS PA RANG GI SMRAS SO COG 'DI DANG MTSUNGS PAR YID BRTAN MED PAR GSAL BAR MA BYED CIG ,'DI LA YANG KHA CIG 'BRAS BU BSKYED PA LA RGYU RE RE BA DANG TSOGS PA GNYIS SU NGES LA, MA TSOGS PAR 'BRAS BU BSKYED MI SRID CING, TSOGS PA LA CIG CAR 'BYUNG BA MANG PO TSOGS PA DANG, RIMS KYIS 'BYUNG BA MANG PO TSOGS PA GNYIS SU NGES SO, ZHES PA'I TSUL LA BRTEN NAS BSHAD NUS PAS SUN 'BYIN NGES SUN MI PHYIN NO, ZHES SMRA BA NI BAB TZOL TE, RGYU RE RE BA DANG, CIG CAR 'BYUNG BA TSOGS PA DANG, RIM GYIS 'BYUNG BA LHAN CIG TSOGS PAS 'BRAS BU BSKYED PA GSUM DU MTHA' CHOD CING, GSUM PO DE GANG YANG MI 'THAD PAS 'BRAS BU BSKYED MI SRID PAR THAL BA BZLOG TU MED PAR SON GNAS PAS SO, ,DES NA 'GREL CHEN LAS SNGAR BSHAD PA'I PHYOGS MNGON PAR 'DOD PA MIN PA'I PHYIR, PHYOGS PHYI MA LA RAB TU GRAGS PA'I DPE'I TSUL GYIS LAN GDAB PA'I PHYIR ZHES GSUNGS PA LTAR, RIM GYIS 'BYUNG BAS MI BSKYED PA LA RTAGS MA GRUB PA'I LAN DANG, DE'I SGRUB BYED LA MA NGES PA'I LAN 'DEBS PA YIN NO, ,GNYIS PA LAN LA, MTSAMS SBYAR NI, BSKYED TSUL GSUM PO GANG GI SGO NAS KYANG BYANG CHUB MI BSKYED PAR BRTZOD PA DE NI YANG DAG PA MIN PAS LAN 'DI LTAR, RTZA BA NI, 'PHAGS

PA LTAR NA, MAR ME'I DPE'I TSUL GYIS NI, SEMS BSKYED KYI BYANG CHUB BSKYED TSUL DE, ZAB MO'I CHOS NYID RNAM PA BRGYAD KYI RJES SU 'BRANGS NAS SHES PAR BYA BA YIN PAS BSAM GYIS MI KHYAB BO, ZHES 'CHAD DO, ,SLOB DPON LTAR NA, BYANG CHUB BSKYED TSUL DANG ZAB MO BRGYAD DON RE RER BYAS NAS MAR ME'I DPES DE GNYIS MTSON PAR BZHED DE, ,'GREL BA LA, DPE SGRUB PA, DPE DON SBYAR BA, DON GZHAN YANG MTSON TSUL LO, ,DANG PO LA LTOS MED DU MI SREG PA, LTOS NAS SREG PA, DE GNYIS KA'I DON BSDU BA'O, ,DANG PO LA, SKAD CIG DANG POS LTOS MED DU MI SREG PA NI, JI LTAR ME LCE DANG SNYING PO PHRAD PA SKAD CIG MA DANG PO LA CHOS CAN, ME LCE'I SKAD CIG MA GNYIS PA MED PAR RGYU'I MTSAN NYID SREG PAR BYED PA DANG, 'BRAS BU'I MTSAN NYID BSREG PAR BYA BA TSIG PA MED DE, RANG GI RGYAS KHYOD SNYING PO DANG PHAN TSUN GYI SGO NAS DUS MNYAM DU PHRAD TZAM DU BSKYED PAS SNYING PO SREG PA LA NUS PA KHYAD PAR CAN DU MA BYAS PA'I PHYIR, DE BZHIN DU ME LCE DANG SNYING PO KHYAD PAR CAN SKYE BA SKAD CIG MA GNYIS PA YANG CHOS CAN, SKAD CIG MA DANG PO LA MA BLTOS PAR RGYU DANG 'BRAS BU'I MTSAN NYID SREG PAR BYAD PA DANG BSREG PAR BYA BA MED DO, ,SKAD CIG MA DANG PO MED PAR KUN RDZOB TU YANG 'BYUNG BA MED PA'I PHYIR, GAL TE RGYU MED NA RTAG TU YOD PA'AM GTAN NAS MED PA LA SOGS PAR THAL BAR 'GYUR RO, ,GNYIS PA NI GANG GI PHYIR SNGA PHYI LTOS MED DU MI SREG PA DE LTA YIN PA DE'I PHYIR SHES BYA CHOS CAN, MAR ME'I SKAD CIG SNGA PHYI PHAN TSUN LTOS NAS SNYING PO SREG PAR BYED PA DANG BSREG PAR BYA BA TSIG PA YOD DE, MAR ME DANG SDONG BU GNYIS KA PHRAD PA'I KHYAD PAR CAN GYI SKAD CIG MA DANG PO LA BSTOS NAS ME LCE DANG PO

, ,DES BYAS PA SNGONG BU SREG PA LA SNGA MA LAS MTHU PHUL DU PHYIN PA DANG LDAN PA KHYAD PAR CAN SKAD CIG MA GNYIS PA LA SOGS PA YOD PA NA, DE'I TSE PHYI MA SKYES PA NA SNGA MA 'JIG RGYU DON GZHAN MED PAR ZHIG KYANG GO RIM BZHIN DU RGYU ME LCE THA MA SKYE BA DANG 'BRAS BU SNYING PO RDZOGS PAR 'JIG PA'AM TSIG PA DUS MNYAM DU DMIGS PA'I PHYIR, DE'I TSE RGYU MED PAR ZHIG KYANG, ZHES PA RTZOD PA'I SGRUB BYED PHYI MA KHYAB PA MA NGES PAR STON PA'I TSIG GO ,SNGA MA LA BLTOS NAS PHYI MA 'BYUNG BA'I RGYU MTSAN YOD DE, GANG GI TSE RKYEN NYID YOD PA TZAM GYIS BDAG NYID KYI RTEN CING 'BREL BAR 'BYUNG BA CHOS NYID KYIS MA BRTAGS GCIG BUR NYAMS DGA' BA NYID DU SNGA PHYI RGYU DANG 'BRAS BU'I 'BRAL BA GRUB PA'I STOBS KYIS SO, ,GSUM PA NI, DE BAS NA, ZHES PA NAS, ZHES BYA BA'I BAR RO, ,GNYIS PA NI, SHES BYA CHOS CAN, SEMS BSKYED SNGA PHYI PHAN TSUN LTOS NAS BYANG CHUB THOB PAR RIGS TE, MAR ME'I SKAD CIG MA SNGA MA BZHIN DU DRAN PA NYER GZHAG SOGS BYANG CHUB SGRUB PAR BYED PA YUL GYI DNGOS PO TSAD YOD PA ZHIG SNANG BA'I RNAM PAR SHES PA SNGA MA LA BRTEN NAS SNGA MA DE LA SNANG BA'I DON GYIS DBEN PA SNGA MA BAS LHAG PAR KHYAD PAR DU 'PHAGS PA'I DON SNANG BA'I RNAM PAR SHES PA PHYI MA SKYE BA'I RIM PAS BYANG CHUB SKYE BA'I PHYIR, 'DIR NI MAR MA'I DPES SHES TE, MAR ME'I DPE'I TSUL GYIS SEMS BSKYED SKAD CIG MA SNGA PHYIR GYUR PA GNYIS YUL BYANG CHUB BSKYED PA GCIG LA NYE BAR SBYOR BAR SHES PA LHUR LEN PAS SO, ,GSUM PA NI, JI LTAR SMOS PA'I DPE KHO NAS BYANG CHUB BSKYED TSUL 'GAL 'GAL 'DRA YANG MI 'GAL BAR SHES PAR BYED PA LTAR DPE DES, ZAB MO'I CHOS

NYID RNAM PA BRGYAD KYANG 'GAL 'GAL 'DRA YANG MI 'GAL BAR KHONG DU CHUD PAR BYA'O, ,YIN PAS ZHES PA 'GYUR MA DAG CING, 'GREL CHEN DANG 'GYUR RNYING LAS, BYA'O ZHES RDZOGS TSIG 'BYUNG BA LTAR RO, ,DE'I PHYIR 'DI 'OG MA'I MTSAMS SBYAR DU BYED PA NOR PA CHEN PO STE ZAB MO'I CHOS NYID RNAM PA BRGYAD, CES PA'ANG 'OG MA'I MTSAMS SBYAR DU THAL BAS SO, ,GNYIS PA LA MTSAMS SBYAR NI, SGOM PA'I LAM LA SOGS SO, ,RTZA BA NI SKYE BA SOGS SO, ,'GREL BA LA ZAB MO'I DBYE BA DANG, ZAB PA'I RGYU MTSAN NO, ,DANG PO NI SHES BYA CHOS CAN, RTEN CING 'BREL BAR 'BYUNG BA ZAB PA YIN TE, SEMS BSKYED SKAD CIG MA SNGA MA DANG PHYI MA NGAG RE RE KHO NAS KYANG BYANG CHUB BSKYED PA MA YIN NO, ,DE GNYIS GANG GI YANG NGO BO NYID MED PAS KYANG MIN LA, KUN RDZOB TU BSGOMS PAS RTOGS PAR BYA BA'I DON KHYAD PAR DU 'PHAGS PA PHAN TSUN LTOS NAS BSKYED DO ZHES BYA BA YIN PA'I PHYIR CHOS CAN, 'GAG PA ZAB PA YIN TE, DNGOS PO THAMS CAD BYUNG BA NYID NAS RANG BZHIN GYIS NGO BO NYID MED PAS DON DAM PAR 'GAG PA MED LA, KUN RDZOB TU YANG 'GAG GO ZHES BYA BA YIN PA'I PHYIR, CHOS CAN, BYANG SEMS KYI DE BZHIN NYID MNGON SUM DU BYED TSUL ZAB PA YIN TE, BYANG SEMS KYIS GNAS SKBAS THAMS CAD DU DE BZHIN GOMS PAR BYAS KYANG THABS KYIS RDZOGS SMIN MA SBYANGS PAR DE MNGON DU MI BYED PA'I PHYIR, BYANG SEMS KYI SHES BYA ZAB PA YIN TE, BYANG SEMS RNAMS, DE BZHIN NYID KYI RANG BZHIN GYI CHOS NYID LA KUN RDZOB TU SBYIN PA LA SOGS PA RNAM PA DU MA RJES SU SGRUB PA ZHES BYA BA YIN PA'I PHYIR, CHOS CAN, BYANG SEMS KYI SHES PA ZAB PA YIN TE, BYANG SEMS KYI DE BZHIN NYID KYI NGO BO NYID KYIS BDEN PAR MTHONG BA ME

, ,PA NYID DE GNAS LUGS MTHONG BA ZHES BYA BA YIN PA'I PHYIR, CHOS CAN, BYANG SEMS KYI SPYOD PA ZAB PA YIN TE, BYANG SEMS 'PHAGS PA RNAMS CHOS NYID KYIS THAMS CAD LA MTSAN MAR SPYOD PA MED PA NYID SPYOD PHAR RO ZHES BYA BA YIN PA'I PHYIR, CHOS CAN, BYANG SEMS KYI GNYIS SU MED PA RTOGS PA ZAB PA YIN TE, BYANG SEMS RNAMS MTSAN MA YOD MED GNYIS SU MED PA'I NGO BO NYID DU CHOS THAMS CAD SGRUB PO ZHES BYA BA YIN PA'I PHYIR, SHES BYA CHOS CAN, BYANG SEMS KYI THABS LA MKHAS PA ZAB PA YIN TE, BYANG SEMS KUN RDZOB TU TSOGS THAMS CAD YONGS SU RDZOGS PA LA DON DAM DU DE'I 'BRAS BU SANGS RGYAS NYID MI THOB PA CES BYA BA YIN PA'I PHYIR, GNYIS PA NI SHES BYA CHOS CAN, SKYE BA SOGS BRGYAD PO DE RGYA MTSAN DE DAG GI SGO NAS ZAB PA NYID YIN PA 'THAD DE, RGYU MTSAN DE DAG GI SGO NAS BSAM GYIS MI KHYAB PA'I RNAM PAR THAR PA'I SGO NAS PHAN TSUN 'GAL BA'I LTAR SNANG BA'I DON MI 'GAL BAR SGRUB PAS SO THAMS CAD LA THUN MONG DU DAG DON NI, BYANG SEMS SGOM LAM PA CHOS CAN, RDZOGS BYANG LAS PHYIR MI LDOG STE, ZAB MO BRGYAD MNGON DU GYUR PA'I SGO NAS RTOGS PA'I BYANG SEMS YIN PA'I PHYIR, 'DIR t'IKA BYED GZHAN DAG ZAB MO BRGYAD RTOGS PA RTAGS SU SMRA BA DANG, GONG DU PHYIR MI LDOG GI RTAGS LUS NGAG GI RIG BYED KHO NAR SMRAS PA DNGOS SU 'GAL LO, ,GSUM PA NI, SLOB PA SOGS SO, ,GSUM PA KHYAD PAR CAN GYI GANG ZAG GI SGOM RIM LA CHOS SKU'I NYER RGYU SRID ZHI MNYAM NYID, GZUGS SKU'I NYER RGYU ZHING DAG SBYOR, 'PHRIN LAS KYI NYER RGYU THABS MKHAS SBYOR BA'O,

DANG PO LA MTSAMS SBYOR NI, PHYIR MI LDOG GI RTAGS KYI 'OG TU CHOS SKU'I SANGS RGYAS NYID THOB PA'I RGYU MTSAN 'KHOR BA DANG MYA NGAN LAS 'DAS PA MNYAM PA NYID KYI SBYOR BA 'CHAD PA'I RGYU MTSAN YOD DE, 'BAD RTZOD GYIS SLOB PA'I TSOGS KYI CHOS PHYIR MI LDOG PA'I RTAGS THOG MAS SANGS RGYAS NYID THOB PAR BYA BA'I PHYIR DU DE'I NYE RGYU LA 'BAD PAS BSHAD PA YIN PA'I PHYIR, RTZA BA NI, DNGOS DANG, KLAN KA SPANG PA GNYIS SO, ,DANG PO NI, DAG PA'I YE SHES CHOS CAN, SRID DANG ZHI BA LA BLANG DOR DU BDEN PAR MI RTOG STE, 'KHOR 'DAS KYI CHOS RNAMS RMI LAM 'DRA BAR BDEN MED DU MNYAM PAR RTOGS PA'I PHYIR, DE YANG MDO LAS, SH'A RI'I BUS RAB 'BYOR LA SMRAS PA, RAB 'BYOR RMI LAM DU STONG PA NYID DANG, MTSAN MA MED PA DANG, SMRON PA MED PA'I TING NGE 'DZIN LA SNYOMS PAR ZHUGS NA, CI SHER PHYIN RNAM PAR 'PHEL LAM, RAB 'BYOR GYIS SMRAS PA, NYIN PAR BSGOMS PAS 'PHEL NA RMI LAM DU BSGOMS PAS KYANG 'PHEL LO, ,DE CI'I PHYIR ZHE NA, RMI LAM DANG NYIN PAR NI RNAM PAR RTOG PA MED PAS SO, ZHES PA'I DON BSDUS PA'O, ,GNYIS PA NI, TSUL DE LA LAS MED PAR THAL BA LA SOGS PA YI KLAN KA'I LAN NI MDO LAS, JI SKAD BSHAD PAR ZAD DON MDO LAS BSHAD PA JI LTAR ZHE NA, 'DI LA LAS MED PAR THAL BA, RMI LAM DMIGS BCAS SU THAL BA, LUNG DANG 'GAL BAR THAL BA HA CANG THAL BA'I KLAN KA SPANG PA'O, ,DANG PO LA KLAN KA DANG, LAN NO, ,DANG PO NI, SH'A RVI'I BUS RAB 'BYOR LA SMRAS PA, RAB 'BYOR BYANG CHUB SEMS DPA' SEMS DPA' CHEN POS RMI LAM DU GANG ZAG GIS BYAS BA'I LAS DE GSOG PA'AM 'BRI BAR 'GYUR BA YOD DAM, ZHES PAS TE 'DI NI SNGAR RMI LAM DANG NYIN PAR NI RNAM PAR RTOG PA MED PA'O, ,ZHES SOGS RAB 'BYOR GYIS

, ,SMRAS PA LA RTZOD PA'O, ,DON NI SAD PA NA DGE SDIG GI LAS GSOG PA MED PAR THAL, BDEN PA'I NGO BO NYID MED PA'I PHYIR, RMI LAM BZHIN ZHES PA'O, ,GNYIS PA LA NI, SH'A RI'I BU, BCOM LDAN 'DAS KYIS CHOS THAMS CAD RMI LAM LTA BUR GSUNGS PA DE LTAR NA, DE LAS GSOG PA'AM BRI BA MED DO, ZHES PAS DON DAM DU 'DOD PA'I LAN DANG, 'ON TE SAD NAS RNAM PAR RTOG NA NI DE LAS GSOG PA'AM BRI BAR YANG 'GYUR RO, ZHES PAS KUN RDZOB TU DPE MA GRUB CING RTAGS MA NGES PAR STON NO, ,'DI'I MJUG TU NYI KHRIR, RAB 'BYOR GYIS SMRAS PA, NYIN PAR SROG GCOD PA DANG, RMI LAM NA SROG GCOD PA DE LA DE BDAG GIS BSAD DO, ,DE BDAG GIS BSAD PA LEGS SO ZHES PA DE RNAM PAR RTOG NA, SH'A RI'I BU KHYOD DE LA JI SKAD ZER CES 'BYUNG LA, 'DI t'IKA BYED GZHAN DAG KLAN KA GNYIS PAR BYAS NAS KLAN KA GNYIS PA SMRA BA PO RAB 'BYOR DANG, KLAN KA GSUM PA SMRA PA PO SH'A RI'I BUR 'CHAD PA NI MI 'THAD DE, KLAN KA 'DI DAG SNGA MA SNGA MA'I LAN LA PHYI MA PHYI MA RGOL BA'I PHYIR NA, RAB 'BYOR RANG NYID KYI DAM BCA' RANG NYID KYIS BKAG PA DANG, SH'A RI'I BU RANG NYID KYIS SMRAS PA'I LAN LA RANG NYID KYIS KLAN KA 'PHANGS PAR THAL BAS SO, ,DES NA 'DI'I DON NI, RAB 'BYOR GYIS SHA' RI'I BU LA KHO BO NI, RMI LAM DU BSAD PA SOGS RMI BA LA RDZAS KYIS GSOS BTAB NA LAS GSOG PAS DPE MA GRUB PAR SMRA LA; KHYOD RMI LAM DU BSAD PA SOGS RMI BA LA RJES KYIS GSOS BTAB NA LAS GSOG MI GSOG JI LTAR SMRA, ZHES DRIS PA'O, ,DES NA 'DI NI KLAN KA DANG PO'I LAN GYI 'PHRO YIN LA, KLAN KA GNYIS PA 'DI LAS 'PHROS PA'O, ,KLAN KA GNYIS PA LA RTZOD PA NI, SHA' RI'I BUS SMRAS

PA, RAB 'BYOR DMIGS PA MED PAR LAS MI SKYE STE, LAS NI DMIGS PA DANG BCAS PAR SKYE'O, ,DMIGS PA MED PAR SEMS MI SKYE STE, SEMS NI DMIGS PA DANG BCAS PA KHO NAR SKYE'O, ZHES PA STE, DON NI, RMI LAM NA CHOS CAN, GSAD BYA GSOD BYED SOGS KYI DMIGS YUL BDEN PA PA YOD PAR THAL, LAS GSOG PA YOD PA'I PHYIR, DPER NA SAD PA'I GNAS SKABS BZHIN, ZHES KHO BO NI SAD DUS SU LAS GSOG PA YOD CING RMI LAM NA MED PAR 'DOD DE, DE LTA MIN NA SKYON DE YOD DE, ZHES PA'O, ,LAN NI, RAB 'BYOR GYIS SMRAS PA, SH'A RI'I BU DE DE BZHIN NO, ,DE DE BZHIN TE, DMIGS PA MED PAR LAS MI SKYE'O, ,DMIGS PA MED PAR SEMS DPA' MI 'BYUNG NGO ZHES SOGS TE, DON NI LAS GSOG PA LA DMIGS YUL KUN RDZOB PA TZAM DGOS PAR KHO BO YANG 'DOD LA, DE'I PHYIR RMI LAM DU BSAD PA SOGS RMI BA LA RJES KYIS GSOS BTAB PA'I TSE NA YANG DMIGS YUL RTOG PAS BRTAGS PA'I KUN RDZOB PA TZAM YOD LA, DON DAM PAR SAD PA'I GNAS SKABS NA YANG DMIGS YUL MED PAS DPE MA GRUB CING, KHYAB PA MA NGES PA'O, ,GSUM PA LA, KLAN KA NI SH'A RI'I BUS SMRAS PA, RAB 'BYOR LAS DANG SEMS DPA' NI DBEN PA'O, ZHES BCOM LDAN 'DAS KYIS GSUNGS NA, JI LTAR DMIGS PA DANG BCAS PAR LAS SKYE STE, DMIGS PA MED PAR MIN CES SOGS TE, DON NI t'IKA BYED GZHAN DAG 'DIR SH'A RI'I BU LAS DANG SEMS DPA' THAMS CAD BDEN PAR KHAS BLANGS PAR 'CHAD PA NI CHES MI RIGS TE, KLAN KA DANG PO DANG GNYIS PA'I SKABS SU SHA' RI'I BU RANG GIS LAS BDEN GRUB TU YANG YANG KHAS BLANGS PA DANG DNGOS SU 'GAL BA'I PHYIR RO, ,DES NA 'DI YIN TE RAB 'BYOR KHYOD KYIS SNGAR BCOM LDAN 'DAS KYIS THAMS CAD RMI LAM LTA BUR

, ,GSUNGS PA DE LTAR NA, ZHES BCOM LDAN 'DAS KYIS LAS DANG SEMS DPA' THAMS CAD BDEN PAR GRUB PAS DBEN PAR GSUNGS PAR KHAS BLANGS LA, 'DIR LAS DANG SEMS DPA' THAMS CAD DMIGS BCAS SU KHAS BLANGS PAS DE GNYIS KHAS BLANGS 'GAL LO ZHES BYA BA'I DON TO, ,GNYIS PA LAN NI, SH'A RI'I BU MTSAN MAR BYAS NAS DMIGS PA DANG BCAS PAR LAS SKYE STE DMIGS PA MED PAR MIN ZHES PA STE, DON NI, DMIGS BCAS SU KHAS BLANGS PA NI, BDEN PA'I DMIGS BCAS MIN GYI, MTSAN BCAS KYI RTOG PAS BRTAGS PA TZAM GYI DMIGS BCAS SU KHAS BLANGS PA YIN PAS DE DANG MI 'GAL LO ZHES BYA BA'O, ,BZHI PA LA, KLAN KA NI SH'A RI'I BUS SMRAS PA, RAB 'BYOR BYANG CHEN RMI LAM DU SBYIN PA BYIN PA NAS SHES RAB KYI BAR SGOMS TE, DGE BA'I RTZA BA DE YANG ZHES SOGS TE, DON NI, 'O NA RMI LAM DU DGE RTZA BSNGOS PAS BSNGO BA YANG DAG TU THAL, RMI LAM NA LAS GSOG PA YOD PA'I PHYIR, 'DOD NA LAS DANG SEMS DPA' THAMS CAD YANG DAG KUN RDZOB KYI DMIGS SU KHAS BLANGS PA DANG 'GAL LO ZHES PA'O, ,LAN NI, RAB 'BYOR GYIS BYAMS PA LA KHA 'PHANGS SHING BYAMS PAS BYAMS PA'I MING LAN LON NAM, ZHES SOGS KYIS 'KHOR GSUM MI DMIGS PAS BSNGOS NA BSNGO BA YANG DAG TU 'GYUR BAR SHUGS KYIS BSTAN CING, DNGOS SU BYAMS PAS KYANG LAN MA BSTAN PA NI DBU MA PA LA BDEN GNYIS 'GAL BAR BRTZOD PA'I DOGS PA THAMS CAD KHO BOS KYANG BCAD MI NUS KYI DE'I DBANG DU BYAS NAS MA 'ONGS PA'I SANGS RGYAS BRGYUD MAR 'BYUNG BA YIN NO, ZHES BSTAN PA YIN NO, ,KLAN KA DANG LAN

'DI DAG GZHAN DAG GIS YANG DAG PAR MA BSHAD DO, ,GSUM PA 'GREL PA LA DNGOS DANG, KLAN KA SPANG PA'O, ,DANG PO NI, DAG SA'I MNYAM GZHAG YE SHES CHOS CAN, SRID ZHI MNYAM PA NYID KYI SBYOR BA YIN TE, 'KHOR BA DANG MYA NGAN LAS 'DAS PA DAG LA BLANG DOR THA DAD PA NYID DU BDEN PAR MI RTOG PA'I DAG SA'I RNAL 'BYOR YIN PAS NA'O, ,DER THAL KHYOD KYIS RJES THOB TU YANG 'KHOR BA DANG RNAM PAR BYANG PA MI MTHUN PA DANG GNYEN PO RNAMS SNANG BRNYAN TZAM GYI NGO BOS RMI LAM DANG 'DRA BA NYID DU RTOGS PA'I PHYIR, GNYIS PA LA KLAN KA DANG, LAN NO, ,DANG PO NI, GNYID MA LOG PA'I GNAS SKABS NA YANG CHOS CAN, MI DGE BA BCU DANG SBYIN PA LA SOGS PA MED PAR 'GYUR BA MIN NAM STE YIN PAR THAL, RMI LAM DANG 'DRA BA NYID YIN PA'I PHYIR, GNYID LOG PA'I GNAS SKABS BZHIN DU'O, ZHES BYA BA LA SOGS PA'I KLAN KA RNAMS SO, ,DE LA 'GREL PA'I RNAMS ZHES PA RTZA BA'I SOGS KYI DON YIN PAS SOGS KHONGS NAS KLAN KA LHAG MA GSUM SDUD LA, DE YANG KLAN KA BZHI PO THAMS CAD BDEN PAR MA GRUB NA DGE SDIG DANG BSNGO BA SOGS MI RUNG BAR RTZOD PA SHA STAG YIN PAS MDO'I LAN THAMS CAD RE RE NAS DNGOS SU MA BKRAL YANG, DON DAM DU LAS MED CING KUN RDZOB TU LAS 'BRAS 'JOG TSUL GYI SGO NAS LAN BTAB PA GCIG PU 'DI NYID KYIS, BDEN GNYIS 'GAL BAR BRTZOD PA'I KLAN KA THAMS CAD KYI LAN THEBS PAR DGONGS NAS LAN GZHAN RNAMS RE RE NAS DNGOS SU MA BSHAD PA YIN NO, ,GNYIS PA LAN LA, RTAGS MA NGES PAR BSTAN, DPE MA GRUB PAR BSTAN, DES GRUB PA'I DON NO, ,DANG PO LA, DON SMRA BA LA GRAGS PA'I DPE SGRUB, DE DBU MA PA LA'ANG MTSUNGS PAR BSTAN

, ,PA'O, ,DANG PO LA DGAG GZHAG GNYIS LAS, GZHAN LUGS DGAG PA NI, t'IKA BYED THAMS CAD KHA MTHUN PAR 'DI SKAD DU, DON SMRA BA SDE GNYIS, DON DAM SKAD CIG MA LA BSANG BYA GSONG BYED SOGS MED PAS, NYAN THOS SDE GNYIS, RANG LUGS LA'ANG MI DGE BA BCU DANG SBYIN SOGS BDEN PAR MA GRUB PAR 'DOD KYANG, KUN RDZOB TU RANG RGYUN LA BSAD BYA GSOD BYED SOGS SGRO BRTAGS NAS, THA SNYAD TZAM DU MI DGE BA BCU DANG, SBYIN SOGS SU 'JOG PA LTAR ZHES 'CHAD DO, ,DE NI CHES MI 'THAD DE, DE LTA NA DBU MA PAS, LAS 'BRAS SOGS CHOS THAMS CAD BDEN MED DU KHAS BLANGS PA LA, DNGOS SMRA BAS NYIN PAR YANG LAS GSOG PA MED PAR THAL, LAS BDEN PAR MED PA'I PHYIR, ZHES 'PHANGS PA'I THAL BA 'DI, DE MA KHANG BZLOG NA 'KHOR GSUM KA DON SMRA BAS DNGOS SU KHAS LEN PAR THAL BA'I PHYIR RO, ,DES NA LAS 'BRAS BDEN MED DU RANG YANG KHAS LAN BZHIN DU, DBU MA PAS DE LTAR KHAS BLANGS PA LA THAL BA 'PHEN PA'I DON SMRA DE GNYIS GANG NA BZHUGS KHYOD KYIS STON CIG, GZHAN YANG, 'JIG RTEN SNA TSOGS LAS LAS SKYES, ZHES PA'I GRUB PA'I MTHA' YIN PAR KHAS BLANGS PAS, DON SMRA LAS RDZAS GRUB TU KHAS LEN PAR SMRAS LA, DE MA THAG TU DON SMRA GNYIS LAS RIGS RGYUN LA RTOG PAS BRTAGS PA TZAM DU 'DOD PAR SMRAS PAS DNGOS SU 'GAL BA BAR MA CHAD DU SMRAS PA YIN NO, GZHAN YANG, DNGOS SMRA BA RIGS RGYUN LA GANG 'JOG SGRO BRTAGS SU SMRA BAR 'DOD PA 'DI NI, DNGOS SMRA BA'I LUGS 'JOG PA NA, DNGOS PO YIN NA SKAD CIG CHA MED DANG, RDUL PHRAN CHA MED

GANG RUNG YIN DGOS ZHES PA'I ZOL GYIS, DNGOS PO THAMS CAD RNAM PAR 'JIG PAR BYED CING SKUR PA 'DEBS PA'I GRUB PA'I MTHA' MI BZAD PA'I GDON SNYING LA 'ONGS PA YIN MOD KYI, GZHAN DU RGYAS PAR BKAG ZIN CING, DKYUS MA 'CHAD PA'I GEGS SU 'GYUR BAS 'DIR MA BRIS SO, ,RANG LUGS NI JI LTAR PHYI ROL GYI DON SMRA BA'I RANG SDE GNYIS KYI LUGS LA 'DI LTAR 'DOD DE, BSAD BYA GSOD BYED SOGS GNYIS CHOS SO SOR PHYE BA'I RNAM GZHAG BYED PA PO'I RTOG PA LA JI LTAR SNANG BA LTAR GRUB PA'I SGO NAS DON DAM PAR SUS KYANG SU YANG BSAD PA YANG MED, MA BSAD PA YANG MIN, SUS KYANG SU'I NOR BLANGS PA YANG MED MA BLANGS PA YANG MIN, GAL TE DE LTAR GRUB NA, RTOG PA DE DAG SNANG YUL LAM 'KHRUL BAR 'GYUR BAS, BSAD BYA GSOD BYED SOGS KYI SNGA PHYI THAMS CAD DUS 'DRES PAR GNAS DGOS PA LA DNGOS PO SKAD CIG MA NYID KYIS PHYIS RGYU MED PAR 'JIG PA YIN LA GZHAN YANG RTOG PA DE DAG SNANG YUL LA MA 'KHRUL NA BSAD BYA DE YANG GSOD PA POS MTSON BSNUN PA SOGS KHO NA'I RKYEN GYIS SHI BA DANG, RKUN PO PHROGS PA KHO NA'I DBANG GIS NOR DANG BRAL BA SOGS SU 'GYUR DGOS SHING, DE LTAR NA DE DAG LAS LA MI BLTOS PA DGOS PA LA GRUB PA'I MTHA' LAS KYANG, 'JIG RTEN SNA TSOGS LAS LAS SKYES, ZHES 'BYUNG BA LTAR LAS LAS SKYES PA'I PHYIR RO, ,DE LTAR 'DOD PA'I PHYOGS LA BSAD BYA GSOD BYED SOGS KYI GNYIS CHOS SO SOR PHYE BA'I RNAM GZHAG BYED PA'I RTOG PA LA JI LTAR SNANG BA LTAR MA GRUB KYANG, BSAD BYA'I SROG GI RGYUN 'JUG PA DANG 'GAL BA DNGOS PO SKYED PA LA GSOD PA LA SOGS PAR RTOG PA'I SGO NAS RTOG PAS BSAD BYA GSOD BYED SOGS GNYIS GNYIS SO SOR 'BYED PA'I RNAM GZHAG BYAS PA LTAR DU SROG GCOD PA LA

, ,SOGS PA MI DGE BAR RNAM PAR 'JOG PA 'THAD PA YIN TE, DPER NA TSUL BZHIN MIN PA YID LA BYED PA LA SOGS PA DANG LDAN PA LA MI DGE BA LA SOGS PAR 'JOG PA DANG 'DRA BAR RO, ,GNYIS PA NI, JI LTAR DNGOS SMRA BA KHYOD RANG GI LUGS LA GSAD BYA GSOD BYED SOGS GNYIS SO SOR PHYE BA'I RNAM GZHAG BYED PA'I RTOG PA LA JI LTAR SNANG BA LTAR MA GRUB KYANG, RTOG PA DES MI DGE BA DANG DGE BA'I RNAM GZHAG BYAS PA LTAR 'JOG PA RUNG BA DE BZHIN DU, NGED DBU MA PA'I LUGS LA YANG DNGOS PO RMI LAM DANG 'DRA BAR BDEN MED YIN YANG BYIS PA PHYIN CI LEG 'CHING BA MTHA' DAG MNYAMS PA RNAMS LA DGE MI DGE DE DANG MTHUN PA'I DON GYI DNGOS PO LA SOGS PA SNANG BA MNGON PAR ZHEN PAS DE DAG MI DGE BA'I RNAM GZHAG BYED PA DANG MTHUN PAR BLO KUN RDZOB PA'I RNAM GZHAG BYAS PA'I RJES SU 'BRANGS TE, KUN RDZOB TZAM DU DGE MI DGE'I LAS SU 'JOG PA 'GAL BA MED DO, ZHES BYA BA LA SOGS PA'I LAN DE DANG DE DNGOS SMRA BA NGES DON DU 'DOD PA'I GSUNG RAB LAS PHYOGS GZHAN SHER PHYIN GYI MDO LAS GSUNGS SO ZHES KHONG DU CHUD PAR BYA'O, ,KHA CIG PHYOGS GZHAN 'PHAGS PA GROL SDE LA SOGS PA MDO 'GREL BYED PA'I SLOB DPON GZHAN GYI BSTAN BCOS LAS KHONG DU CHUD PAR BYA'O, ZHES 'CHAD PA NI, RTZA 'GREL TZAM YANG SBYOR MA SHES PAS TE, 'DI NYID LAN JI SKAD BSHAD PAR ZAD, CES PA'I 'GREL PA YIN PAS SO,, GZHAN DU NA, RTZA BA DE'I 'GREL PA 'CHAD PA'AM, YANG NA LAN NI 'PHAGS GROL GYI BSTAN BCOS LAS JI SKAD BSHAD PAR ZAD CES BYAMS MGON GYIS 'PHAGS GROL SOGS KYI BSTAN BCOS LA KHA 'PHANGS PAR THAL LO, ,DAG DON NI, SHES BYA CHOS CAN, DON DAM DU

LAS MED NA DGE MI DGE'I RNAM GZHAG MI RANG BA'I SKYON MED DE, DON DAM DU MED KYANG BLO KUN RDZOB PA LHAN SKYES KYI RNAM GZHAG BYAS PA'I RJES SU 'BRANGS NAS THA SNYAD TZAM DU DGE MI DGE'I RNAM GZHAG BYED PA 'THAD PA'I PHYIR, DPER NA DNGOS SMRA BA'I LUGS LA RTOG PA LA JI LTAR SNANG BA LTAR MA GRUB KYANG, RTOG PAS THA SNYAD BYAS PA DANG MTHUN PAR GSAD BYA GSOD BYED SOGS GNYIS CHOS SO SOR PHYE BA'I RNAM GZHAG BYED PA MI 'GAL BAR 'DOD PA BZHIN NO, ,GNYIS PA LA BSTAN BCOS KYI LUNG LA BRTEN NAS DPE MA GRUB PAR BSTAN PA DANG, MDO LA BRTEN NAS MA GRUB BAR BSTAN PA'O, ,DANG PO NI, GZHAN YANG RMI LAM GYI 'BRAS BU MI BSKYED PA'I DPE MA GRUB PAR THAL, NYI SHU PA LAS, RMI LAM SEMS NI GNYID KYI NYAMS, ,DES NA 'BRAS BU 'DRA MA YIN, ZHES BYA BAS RMI LAM GYI LAS KYIS SAD DUS LAS 'BRAS BU DMAN PA TZAM ZHIG SKYED PAR BSHAD PA 'THAD PA'I PHYIR, 'DIR NYI SHU PA'I LUGS JI LTAR 'GREL ZHE NA, SLOB DPON THA SNYAD DU RNAL 'BYOR DPYOD PA'I GRUB MTHA'I RNAM GZHAG DANG MTHUN PAR ZHAL GYIS BZHES PAS SKYON MED DO, ,GNYIS PA NI, DE BZHIN DU MDO LAS RMI LAM NA YANG DGE BA DANG MI DGE BA SPYAD PA NI SAD PA'I GNAS SKABS NA KYE MA BYAS SO LEGS PAR BYAS SO ZHES RJES SU YI RANG NAS RJES KYI GNAS SKABS KYI SEMS KYIS MNGON PAR ZHEN PA'I GSOS KYIS YONGS SU GSOS TE DGE MI DGE 'PHEL BAR HGSUNGS PA DE'I PHYIR DPE MA GRUB BO, ,GSUM PA NI, DES NA KLAN KA MED CING, LUNG RIGS KYIS GRUB PAS 'KHOR BA DANG MYA NGAN LAS 'DAS PA NI BDEN MED DU MNYAM PA NYID DO, ,GNYIS PA LA MTSAMS SBYAR NI, GNYIS KA SOGS SO, ,RTZA BA NI, SEMS CAN SOGS SO, ,'GREL PA NI, SA DGU PA'I BYANG SEMS KYI PHYIN DRUG GI SBYOR BA CHOS CAN,

, ,SANGS RGYAS KYI ZHING RNAM PAR DAG PA'I SBYOR BA YIN TE, SEMS CAN DANG SNOD KYI 'JIG RTEN GYI BYE BRAG GIS SANGS RGYAS KYI ZHING RNAM PA GNYIS YOD PA LA GO RIM BZHIN DU CUNG ZAD BKRES PA DANG, SGOM PA LA SOGS PA DANG, SNOD RDO BA DANG, TSER MA LA SOGS PA NYID KYIS MA DAG PA GANG YIN DE'I GNYEN POR RANG 'TSANG RGYA PA'I ZHING GI BCUD LA, LHA'I NYE BAR DPYAD PA DANG, SNOD LA GSER GYIS PHYOGS LA SOGS PA DAG PA BSKYED PA'I SGO NAS RNAM PAR DAG PAR BYED PA'I NYER RGYUR GYUR PA'I DAG SA'I RNAL 'BYOR YIN PA'I PHYIR, GSUM PA LA MTSAMS SBYAR NI, RANG GI SOGS SO, ,RTZA BA NI, 'PHAGS PA LTAR NA, YUL DANG ZHES PAS SBYOR BA'I YUL DANG, SBYOR BA CAN 'DI NA ZHES PAS NGO BO BSTAN LA, LHAG MAS DBYE BA BSTAN ZHES 'CHAD CING, SNGA MA GNYIS LA'ANG MDO SO SOR SBYOR RO, ,SLOB DPON DE GNYIS LA MDO SO SOR MI SBYOR BAR DGRA RNAMS LAS NI 'DAS PA'I YUL LA SBYOR BA CAN ZHES SOGS SU SBYAR NAS 'CHAD DO, ,'GREL PA NI, SHES RAB KYI PHA ROL TU PHYIN PA YUL RNAM PA BCU MNGON SUM DU BYA BA LA DUS DANG DUS MIN PA SHES PA'I DAG SA'I SBYOR BA NI THABS LA MKHAS PA'I SBYOR BA YIN NO, ,BCU GANG ZHE NA, SA BCU PA'I YE SHES CHOS CAN, LHA LA SOGS PA'I BDUD LAS 'DAS PA YIN TE, MYANG 'DAS LA BAR CHAD BYED PA'I CHOS LAS YANG DAG PAR BRGAL BA'I DAG SA'I YE SHES YIN PA'I PHYIR, DE LA BDUD BZHI'I NGO BO GANG ZHE NA, PHUNG PO'I BDUD NI NYER LEN GYI PHUNG PO LNGA'O, ,NYON MONGS PA'I BDUD NI KHAMS GSUM GYI NYON MONGS SO, ,'CHI BDAG GI BDUD NI RANG DBANG MED PAR SROG 'GAG PA'O, ,LHA'I BU'I BDUD NI, BDUD GZHAN GSUM LAS 'DA' BAR BYED PA'I DGE BA LA BAR DU GCOD PA GZHAN 'PHRUL DBANG BYED KYI LHA'I

RIS SO, ,CI'I PHYIR BDUD CES BYA ZHE NA, 'CHI BA MED PA'I MYANG 'DAS LA GEGS BYED PA'I PHYIR RO, ,BZHIR PHYE BA NI, BSDU BA LAS, GANG 'CHI BA DANG, GANG GIS 'CHI BA DANG, 'CHI BA'I NGO BO GANG YIN PA DANG, 'CHI BA LAS 'DA' BA LA GEGS BYED PA RNAMS KYI DBANG DU BYAS PAR BSHAD DO, ,'DI DAG LAS SA GANG DU 'DA' ZHE NA, NYAN RANG GI MTHONG LAM NAS LHA'I BU'I BDUD LAS 'DA' STE, SHES NAS DAD PA THOB PAS SO, ,DGRA BCOM LHAG BCAS NYON MONGS PA'I BDUD LAS 'DA' ZHING, GNYIS KA'I CHA LAS RNAM GROL TSE BYIN GYIS RLOB NUS PAS 'CHI BDAG GI BDUD LAS KYANG 'DA' LA, LHAG MED DU PHUNG PO'I BDUD LAS 'DA'O, ,THEG CHEN SBYOR LAM DU LHA'I BU'I BDUD LAS 'DA' STE PHYIR MI LDOG THOB PAS SO, ,SA BRGYAD PA NAS NYON MONGS DANG PHUNG PO'I BDUD LAS 'DA' STE NYON MONGS MA LUS PA SPANGS SHING YID KYI RANG BZHIN GYI LUS THOB PAS SO, ,SA DER TSE LA DBANG THOB PAS 'CHI BDAG LAS KYANG 'DA'O, ,CHOS CAN, MI GNAS PAR GNAS PA'I THABS LA MKHAS PA YIN TE, CHOS THAMS CAD BDEN MED DU MNYAM PA NYID RNAM PAR SGOM PA'I DAG PA'I RNAL 'BYOR YIN PA'I PHYIR RO, ,CHOS CAN GZHAN GYI DON SNGON GYI SMON LAM GYI SHUGS KYIS 'PHANGS PA BYED PA YIN TE, SMON LAM GYI PHYIR GRUB PAS SO, ,CHOS CAN, NYAN RANG DANG THUN MONG MIN PA'I THABS LA MKHAS PA YIN TE, THEG CHEN GYI DKA' BSPYOD PA THAMS CAD SHIN TU GOMS PA NYID KYIS SO, ,CHOS CAN, CHOS THAMS CAD LA 'DZIN PA MED PA YIN TE, CHOS DKAR PO THAMS CAD LA RE MYANG GI DRI MAS RNAM PAR DAG PAS SO, ,CHOS CAN, BDAG GI NGO BO MI DMIGS PA YIN TE, RNAM PAR THAR PA'I SGO STONG PA NYID LA GNAS PAS SO, ,CHOS CAN, SPROS PA'I MTSAN MA MED PA YIN TE, RNAM PAR

, ,THAR BA DE SGO MTSAN MA MED PA LA GNAS PAS SO, ,CHOS CAN, 'KHOR BA LA SMON PA MED PA YIN TE, RNAM PAR THAR PA'I SGO SMON PA MED PA LA GNAS PA NYID KYIS SO, ,CHOS CAN, RANG RGYUD LDAN PHYIR MI LDOG TU GZHAN GO BAR BYED PA'I RTAGS KYI THABS LA MKHAS PA YIN TE, GZHAN GYI PHYIR MI LDOG PA'I RTAGS LAS BRTZAMS TE, DRI BA SNGON DU BTANG BA CAN LA PHYIR MI LDOG PA'I RTOGS PA DANG RJES SU MTHUN PA'I PHYIR MI LDOG PA'I CHOS BRJOD PA'I NUS LDAN YIN PA'I PHYIR, CHOS CAN, TSAD MED PA'I THABS LA MKHAS PA YIN TE, RIG PA'I GNAS LNGA LA SOGS PA'I YUL THAMS CAD SHES PA'I DAG SA'I YE SHES YIN PA NYID KYIS SO, ,SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN GYI 'GREL PA DON GSAL BA'I RNAM BSHAD RTOGS PAR DKA' BA'I SNANG BA LAS SKABS BZHI PA'I 'GREL PA'I BSHAD PA'O,, ` ,,GNYIS PA DBANG THOB PA RTZE MO'I SBYOR BA LA, 'BREL DGOD PAS MTSAMS SBYAR, 'BREL PA CAN GYI RAB BYED BSHAD, SKABS BSDU BA'O, ,DANG PO NI RNAM RDZOGS SBYOR BA'I MJUG TU, RTAGS LA SOGS PA BSNYAD PA SNGON DU 'GRO BA'I SGO NAS RTZE MO'I MNGON PAR RTOGS PA 'CHAD PA'I RGYU MTSAN YOD DE, RNAM PA THAMS CAD MNGON PAR RDZOGS PAR RTOGS PA THOB PA LA DE RAB KYI MTHAR PHYIN PA'I RTZE MO'I RTOGS PA 'BYUNG BAS DE LTAR BSTAN PA YIN PA'I PHYIR RO, ,DGOS PA YOD DE, GO SLA BAR BYA BA'I PHYIR, GNYIS PA LA SBYOR LAM RTZE MO DANG, MTHONG LAM RTZE MO DANG, SGOM LAM RTZE MO DANG, BAR CHAD MED PA'I RTZE MO'O, ,DANG PO LA, SO SO'I RANG BZHIN DANG DON BSDU BA'O, ,DANG PO LA RTAGS DANG, RNAM 'PHEL DANG, BRTAN PA DANG, SEMS KUN DU GNAS PA'I RTZE SBYOR RO, ,DANG PO LA RTZA BA NI, DRONG LA GNAS

PA'I BYANG SEMS DBANG RNON, RTZE MOR PHYIN PA'I SBYOR BA THOB PA YIN TE, RMI LAM NA YANG CHOS RNAMS KUN RMI LAM LTA BUR LTA BA LA SOGS PA'I RTAGS RNAM PA BCU GNYIS THOB PA'I BYANG SEMS YIN PA'I PHYIR, 'GREL PA NI, RTZE MO'I MNGON PAR RTOGS PA THOB PA'I GNAS SKABS KYI KHYAD PAR GYI RTAGS YIN, DE YANG SNGAR BSHAD PA NI, RDZOGS BYANG LAS PHYIR MI LDOG PA TZAM GYI RTAGS YIN LA, 'DI RTZE SBYOR THOB PA'I RTAGS YIN PAS KHYAD PAR GYI ZHES SMOS SO, ,RTAGS GANG ZHE NA, RNAM PA BCU GNYIS NI'O, ,BCU GNYIS PO GANG ZHE NA, NGO BO'I SGO NAS 'BRAS BU'I RTAGS BRGYAD, RANG BZHIN GYI RTAGS BZHI'AM, DUS KYI SGO NAS RMI LAM GYI RTAGS DRUG DANG, SAD PA'I RTAGS DRUG GO ,DANG PO NI, CHOS CAN, RTZE SBYOR THOB PA YIN TE, SHIN TU GOMS PA'I PHYIR RMI LAM GYI GNAS SKABS NA YANG CHOS THAMS CAD RMI LAM DANG 'DRA BA LA SOGS BAR BLTA BA'I BYANG SEMS YIN PA'I PHYIR, 'OG MA RNAMS LA'ANG 'DI BZHIN SBYAR RO, ,RMI LAM NA YANG NYAN THOS LA SOGS PA'I SA LA DGA' BA'I SEMS MI BSKYED PA DANG, RMI LAM NA YANG, DE BZHIN GSHEGS PA LA SOGS PA ZAB MO'I CHOS STON PA MTHONG BA DANG, RMI LAM NA YANG SANGS RGYAS KYI RDZU 'PHRUL GYIS RNAM PAR 'PHRUL BA DMIGS PA DANG, RMI LAM NA SDUG BSNGAL MYONG BA NA SAD PA'I TSE CHOS THAMS CAD RMI LAM DANG 'DRA BAR STON PA'I SEMS SKYE BA DANG, RMI LAM DU DMYAL BA LA SOGS PA SEMS CAN MTHONG BA SNGON DU 'GRO BAS RANG GI SANGS RGYAS KYI ZHING DU NGAN SONG SPONG BA RJES SU DRAN PA DANG, GNYIS PA NI, BDAG RDZOGS BYANG DU LUNG BSTAN NA ME 'DI ZHI BAR GYUR CIG CES BRJOD PAS GRONG KHYER LA SOGS PA TSIG PA RAB TU ZHI BAR BYED PA'I BDEN PA'I BYIN GYIS BRLABS GRUB PA DANG, BDAG DE LTAR LUNG BSTAN NA

, ,MI MIN PAS BZUNG BA 'DI BTANG BAR GYUR CIG CES BRJOD PAS GNOD SBYIN LA SOGS PA MI MIN PA MED PAR BYED PA'I BDEN PA'I TSIG GRUB PA DANG, RANG NYID KYIS BDUD LAS MNGON PAR SHES PAS PHA ROL BDUD DANG SDIG GROGS ZIL GYIS GNON PA'I DGE BA'I BSHES GNYEN BDEN PA DANG, GZHAN DON DU RNAM PA THAMS CAD DU SHER PHYIN PHA ROL TU PHYIN PA LA SLOB PA DANG, THAMS CAD LA BDEN PAR MNGON PAR ZHEN PA MED PA DANG, BDEN MED DU SPYOD PAS SANGS RGYAS KYI BYANG CHUB LA NYE BAR GYUR BA ZHES BYA BA RNAMS SO; ,GNYIS PA LA MTSAMS SBYAR NI, DE LTAR SOGS SO, ,RTZA BA NI, MDO LAS RAB 'BYOR GAL TE 'DZAM BU GLING GI SKYE BO JI SNYED YOD PA DE DAG CES SOGS KYIS 'DZAM BU GLING GI SKYE BO SNYED KYIS SANGS RGYAS MCHOD PA'I DGE LA SOGS RNAM MANG DU NI DANG POR DPER MDZAD NAS DE DAG LAS BSOD NAMS GONG NAS GONG DU RNAM PAR 'PHEL BA BCU DRUG GIS MTSON NAS BSTAN PA'I SBYOR LAM RTZE MO'I BDAG NYID NI RNAM 'PHEL GYI RTZE SBYOR RO, 'GREL PA NI, RNAM PAR 'PHEL PA YIN NO, ,GANG NA RTZE MO'I BSOD NAMS KYI GNAS SKABS BCU DRUG GI NGO BO NYID NI'O, ,CI'I PHYIR RNAM PAR 'PHEL BA ZHES BYA ZHE NA, ME TOG LA SOGS PAS SANGS RGYAS MCHOD PA'I DGE BA LA SOGS PA RNAM PA MANG PO BSTAN PA DANG PO DPER MDZAD NAS DE LAS GONG NAS GONG DU BSOD NAMS KHYAD PAR DU 'PHAGS PA NYID KYIS SO, ,BCU DRUG GANG ZHE NA, 'DZAM BU GLING LA SOGS PA STONG GSUM GYI 'JIG RTEN GYI KHAMS KYI SEMS CAN SNYED KYIS DE BZHIN GSHEGS PA LA MCHOD PA PAS RTZE SBYOR BSGOMS PA BSOD NAMS LHAG PA DANG, DE LAS KYANG KHYAD PAR DU RTZE MO'I SHER PHYIN YID

LA BYED PA LHAG PA DANG, DE LAS KYANG MI SKYE BA'I CHOS LA MOS PA'I BZOD PA THOB PA DANG, DE LAS KYANG KHYAD PAR DU BYANG CHUB PAR BYA BA DANG BYANG CHUB PAR BYED PA'I CHOS BDEN PAR MI DMIGS PA DANG, DE LAS BYANG KHYAD PAR DU 'DZAM BU GLING GI SEMS CAN THAMS CAD DGE BA BCU LA SOGS PA DANG GZUGS MED PA'I SNYOMS PAR 'JUG PA THOB PA LAS RTZE SBYOR BSOD NAMS KHYAD PAR DU 'PHAGS PA DANG, LHA'I RIGS THAMS CAD NYE BAR 'ONG ZHING BYANG CHUB LA BSKUR BA DANG, BDUD LAS THAMS CAD ZIL GYIS GNON PA DANG, STON PA DANG 'DRA BAR THEG PA GCIG LA MA ZHUGS PA'I SKYE BO LA MTSUNGS PAR GNAS PA CES BYA BA PHYI GTZO BOR GYUR PA'I BSOD NAMS RNAM PA BRGYAD DANG, YANG RNAM PA THAMS CAD DU GZUGS MED KYI SEMS THOB KYANG DER MI SKYE BA LA SOGS PA'I THABS LA MKHAS PAS BSLAB PA YONGS SU DAG PA DANG, RTZE MO THOB NAS GDON MI ZA BAR SANGS RGYAS SU NGES PAS SANGS RGYAS KYI RIGS CAN NYID DANG, 'BRAS BU SANGS RGYAS NYID THOB PA'I RGYU MTSAN SEMS BSKYED SOGS KYI NUS PA GZHAN LAS LHAG PA DANG, PHA ROL TU PHYIN PA'I MI MTHUN PA'I PHYOGS KYI SEMS MI SKYE BA DANG, BDEN PA'I GZUGS LA SOGS PA DANG LDAN PAR RTOGS PA'I SEMS RAB TU MI SKYE BA DANG, SHER PHYIN DU PHA ROL TU PHYIN PA KUN BSDUS PA SHES PA DANG, THEG PA GSUM GYI PHUN SUM TSOGS PA THAMS CAD 'THOB PA DANG, LTA BA THAMS CAD DANG BRAL BAS YANG DAG PAR RDZOGS PA'I BYANG CHUB LA NYE BAR GYUR PA CES BYA BA PHYI LAS GZHAN NANG GTZO BOR GYUR PA'I BSOD NAMS RNAM PA BRGYAD DO, ,NGAG DON NI, RTZA 'GREL GNYIS KA LA, THEG CHEN SBYOR LAM RTZE MO CHOS CAN, RNAM 'PHEL GYI RTZE SBYOR YIN TE, MDO LAS, BSOD NAMS GONG NAS GONG DU 'PHEL PA BCU DRUG GIS MTSON

, ,NAS BSTAN PA'I SBYOR LAM YIN PA'I PHYIR, GSUM PA MTSAMS SBYAR NI, DE LTAR SOGS SO, ,RTZA BA NI, THEG CHEN SBYOR LAM BZOD PA CHOS CAN, BRTAN PA'I RTZE SBYOR YIN TE, RANG DON KUN MKHYEN NYID GSUM CHOS RNAMS KYI RTOGS PA YONGS SU RDZOGS PA BLA NA MED PA DANG, GZHAN DON THABS MKHAS KYI SEMS CAN DON YONGS SU MI GTONG BA GNYIS KYIS MTSON NAS MDO LAS MNGON PAR BRJOD PA'I SBYOR LAM YIN PA'I PHYIR, 'GREL BA NI, GZHAN DON 'PHRIN LAS KYI KHYAD PAR GONG DU BSHAD PA DE LTAR BSOD NAMS 'PHEL BA'I YANG DAG PA'I THABS LA MKHAS PA'I STOBS KYIS, RNAM PAR MI RTOG PA RTOGS PA'I GNAS SKABS NA YANG SNYING RJE CHEN PO MNGON DU BYED PA'I NGO BOS SEMS CAN GYI DON YONGS SU MI GTONG BA'I MTSAN NYID RANG DON RTOGS PA'I KHYAD PAR RNAM PA THAMS CAD MKHYEN PA NYID LA SOGS PA JI SKAD BSHAD PA'I THAMS CAD MKHYEN PA NYID GSUM GYI CHOS SEMS BSKYED PA LA SOGS PA GONG DU SMOS PA YONGS SU RDZOGS PA BLA NA MED PA NI NGES PAR BSTAN PA'I RTZE MO YIN NO, ,NGAG DON NI RTZA BA LTAR RO, ,BZHI PA LA, MTSAMS SBYAR NI, DE LTAR SOGS SO, ,RTZA BA NI, SHUGS LA YONGS SU BSGRAGS PA YIN NO, ,GANG NA SEMS KUN TU GNAS PA'I RTZE MO'I TING NGE 'DZIN NI'O, ,GANG GIS NA, MI LDOG BYANG CHUB MCHOG LA RAB TU ZHUGS PA YI, ,SEMS BSKYED PA LA BSAM PA THAG PAS YI RANG BA, ,STONG GSUM RI RAB SRANG LA GZHAL BAS TSAD BZUNG RUNG, ,RJES SU YI RANG DGE BA DE NI DE LTA MIN, ZHES PA'I MDO TSIG GIS SO, ,JI LTAR NA GLING BZHI PA DANG, STONG SPYI PHUD DAG DANG, STONG GNYIS PA BAR MA DANG, STONG GSUM GYI 'JIG RTEN DAG GIS CHU LA SOGS

BTZAL BA'I SRANG GRANGS DPER MDZAD NAS DPE DES DNGOS SU BYANG SEMS BZHI'I SEMS BSKYED LA YI RANG BA'I DGE BA'I BSOD NAMS MANG BAR BSTAN NAS SHUGS LA RTZE MO DE'I BSOD NAMS MANG PO MTSON NAS BSTAN PA NYID KYIS NI'O, ,'DIR NI SHUGS BSTAN MNGON RTOGS KYI RIM PA NYID SKABS SU BAB PA YIN PAS DNGOS BSTAN GYI DPE DANG, SHUGS BSTAN GYI DON GNYIS SBYAR NAS DNGOS SU BSTAN PA YIN NO, ,BYANG SEMS BZHI NI 'PHAGS PAS RNAM RTOG BZHI'I GNYEN PO MTHONG SGOM LAM RTOGS PA PO'I DBANG DU BYAS PAR BSHAD PAS, SA DANG PO DANG, SA BDUN PA'I BAR DRUG DANG, SA BRGYAD PA DANG, SA BCU PA LA GNAS PA RNAMS LA GO RIM BZHIN BZHED PAR BSAL LA, RJES SU YI RANG BA'I YUL NI, BYANG SEMS DE DAG GI DGE BA'O, ,RJES SU YI RANG BA BZHI PO NI CHOS MCHOG LA GNAS PA'I BYANG SEMS SO, ,DES NA DPE DES; MDOR DNGOS SU CHOS MCHOG LA GNAS PA'I BYANG SEMS KYIS BYANG SEMS GZHAN BZHI PO DE'I DGE BA LA YI RANG BA'I BSOD NAMS MTSON NAS SHUGS LA BYANG SEMS CHOS MCHOG PA'I RGYUD KYI TING NGE 'DZIN GYI BSOD NAMS MTSON PA YIN NO, ,MTSON NUS PA'I RGYU MTSAN, DNGOS BSTAN YI RANG GI DGE BA DANG, SHUGS BSTAN RTZE MO'I TING NGE 'DZIN DE GNYIS GROGS DANG GROGS CAN YIN PAS SO, ,'GREL PA NI, MDO LAS, GLING BZHI PA LA SOGS PA STONG GSUM GYI 'JIG RTEN GYI KHAMS RNAMS KYIS RDO CHU SOGS GCAL BA'I SRANG GRANGS SO SOR DPER MDZAD NAS DNGOS SU BSTAN PA'I DPE DE DAG LAS PHA ROL TU PHYIN PA LA SOGS PA THAMS CAD KYI NGO BO NYID KYI BSOD NAMS DANG YE SHES KYI TSOGS BSOD NAMS MANG POR BSTAN PA NYID KYIS CHOS MCHOG GI TING NGE 'DZIN GYI MTSAN NYID SHUGS LA BRJOD PA NI SEMS KUN TU

, ,GNAS PA'I RTZE SBYOR YIN NO, ,DPE DE LAS DON DE TSAD MANG BA'I RGYU MTSAN NI, TSAD SRID PA NI SRANG TSAD KYIS GZHAL BAR NUS ZHES BYA BA'I TSUL GYIS STONG GSUM GYI TSAD GZUNG BAR NUS LA, TSOGS GNYIS DE DAG TSAD CAN LAS KHYAD PAR 'PHAGS SHING TSAD LAS 'DAS PA'I PHYIR RO, ,RTZA 'GREL LA, NGAG DON NO, THEG CHEN CHOS MCHOG GI TING NGE 'DZIN CHOS CAN, SEMS KUN TU GNAS PA'I RTZE SBYOR YIN TE, MDO LAS, STONG GSUM SRANG LA BCAL BA'I TSAD LAS BSOD NAMS MANG BAR BSTAN PAS MTSON NAS GSUNGS PA'I THEG CHEN SBYOR LAM YIN PA'I PHYIR, GNYIS PA DON BSDU PA NI, RTAGS LA SOGS PA BZHI PO DE DAG NI GO RIM BZHIN DU DRO BA LA SOGS PA THEG CHEN GYI NGES PAR 'BYED PA'I CHA DANG MTHUN PA BZHI'I NGO BOS YIN PAR KHONG DU CHUD PAR BYA'O, ,GNYIS PA MTHONG LAM RTZE SBYOR LA, MTSAMS SBYAR BA DANG, SO SO'I DON BSHAD PA'O; ;DANG PO NI, NGES PAR 'BYED PA'I CHA DANG MTHUN PA'I 'OG TU MTHONG BA'I LAM BSTAN PA LA, RGYU MTSAN YOD PA YIN TE, DE LAS DA SKYE BAS SO, ,GNYIS PA LA MI MTHUN PHYOGS DANG, GNYEN PO'O, ,DANG PO LA MDOR BSTAN, RGYAS PAR BSHAD PA, DON BSDU BA'O, ,DANG PO LA, GZUNG RTOG DANG, 'DZIN RTOG MDOR BSTAN PA'O, ,DANG PO LA MTSAMS SBYAR NI, DE LA SOGS SO, ,RTZA BA NI, RKANG PA DANG POS YUL GZUNG BA'I RNAM RTOG CES PAS NGO BO, ,SO SOR DE DGU'I BDAG NYID CES PAS DBYE BA, LHAG MAS RTOG PAR 'JOG PA'I RGYU MTSAN BSTAN BSTAN CING, DE YANG, MDO LAS GNYIS KYI 'DU SHES SU MI 'GYUR BA DANG, ZHES SOGS KYIS GNYEN PO DNGOS SU BSTAN NAS RTOG PA SHUGS LA 'PHANGS SHING 'DIR RTOG PA'I DBYE BA DNGOS SU BSTAN NO, ,'GREL BA LA, NGO BO, DBYE BA, RGYU MTSAN NO, ,DANG PO NI, 'JUG PA MTSAN MAR MI DMIGS PA DANG,

LDOG PA MTSAN MAR DMIGS PA'I NGO BO NYID DAG PA GO RIM BZHIN DU BYANG CHUB SEMS DPA' DANG NYAN THOS LA SOGS PA CHOS LEN PA DANG 'DOR BA'I SGO NAS GZUNG BA'I ZHES BDEN PAR SNANG BA'I GZUNG BAR RNAM PAR RTOG PA CHOS CAN, MTHONG LAM RTZE SBYOR GYI MI MTHUN PHYOGS SU GYUR PA YIN TE, DE SKYE BA'I GEGS YIN PA'I PHYIR, DPER NA MTHONG SPANGS NYON MONGS PA DANG 'DRA BAR RO, ,GNYIS PA NI DE DAG LA SO SOR RNAM PA DGU DGU YOD DE, YUL DGU DGU'I DBYE BA'O, ,GSUM PA NI, RTOG PA DE GNYIS CHOS CAN, YUL JI LTA BA BZHIN MIN PAR SNANG BA'I RANG GI NGO BO DAG TU SHES PAR BYA STE, DNGOS PO'I GNAS LUGS DANG MA 'BREL BAR 'JUG PA NYID KYIS, RANG YUL PHYIN CI LOG TU SNANG BA'I PHYIR, GNYIS PA LA MTSAMS SBYAR NI, DE LTAR SOGS SO, ,RTZA BA NI, NGO BO, DBYE BA, RTOG PAR 'JOG PA'I RGYU MTSAN NO, ,DANG PO NI, 'DZIN RTAG CHOS CAN, SEMS CAN DON DAM PA'I RDZAS DES TAGS YOD DU BDEN PAR SNANG BA'I SGO NAS RNAM PAR RTOG PA'I 'DZIN PA GNYIS YOD PA DAG TU 'DOD RIGS TE, SO SO SKYE BO'I 'DZIN TSUL LTAR BDEN PAR SNANG BA DANG, 'PHAGS PA'I GZIGS TSUL LTAR BDEN PAR SNANG BA'I RTOG PA GNYIS YOD PA'I DBYE BAS SO, ,DE DAG SO SOR DGU DGU'I BDAG NYID DU DBYER YOD DE, YUL DGU DGU YOD PAS SO, ,GSUM PA NI, RTOG PA DE DAG 'DZIN PA YANG DAG PA YI NGO BOS STONG BA'I MTSAN NYID YIN TE, DE DAG YUL YANG DAG PA GANG GI 'DZIN PAR 'DOD DE 'DZIN PA MIN PA'I PHYIR, DER THAL, GAL TE DE DAG GI YUL DE DAG GIS BZUNG BA LTAR GYI DON DE BZHIN DU MED PA'I PHYIR, 'GREL BA NI, GSUM LAS, NGO BO NI 'DZIN PAR RNAM PAR RTOG PA CHOS CAN, AGNYIS YOD DE, SO SO SKYE BO DAG GI 'DZIN STANGS DANG MTHUN PAR GO RIM

, ,BZHIN DU SKYES BU RDZAS SU BDEN PAR YOD PAR SNANG BA LA BRTEN PA CAN DANG, 'PHAGS PA'I GANG ZAG DAG GIS GZIGS TSUL DANG MTHUD PA GO RIM BZHIN DU SKYES BU BTAGS PAR YOD PAR BDEN PAR SNANG BA LA BRTEN PA CAN GYI 'DZIN PA DAG YOD PAS SO, ,DE 'DRA'I 'DZIN RTOG KUN BRTAGS GNYIS CHOS CAN, MTHONG LAM RTZE SBYOR GYI MI MTHUN PHYOGS SU GYUR PA YIN TE, DE SKYE BA LA GEGS BYED PA YIN PA'I PHYIR, GNYIS PA NI, DE CHOS CAN, SO SOR RNAM PA DGU DGU YOD DE, YUL DGU DGU YOD PA'I DBYE BAS SO, ,GSUM PA NI RTOG PA DE DAG NI CHOS CAN, YUL JI LTA BA BZHIN MIN PAR SNANG BA'I RANG GI NGO BO DAG TU SHES PAR BYA STE, 'DZIN PA YANG DAG PA'I NGO BOS BDEN PA'I NGO BO YIN PAS, RANG YUL PHYIN CI LOG TU SNANG BA'I PHYIR, DER THAL, SNANG YUL YANG DAG PA GANG GI YANG 'DZIN PA MIN PA'I SHES PA YIN PA DE'I PHYIR, DER THAL, GANG GI TSE DE DAG GI YUL GYI DNGOS POR GYUR PA'I BZUNG BA'I DON DAG DE DAG LA JI LTAR SNANG BA DE BZHIN DU GRUB PA'I GZUNG BA'I NGO BOR YOD PA MIN PA ZHES BYA BA'I SHES PA YIN PA DE'I TSE'O, ,GNYIS PA RGYAS PAR BSHAD PA LA, GZUNG RTOG DANG, 'DZIN RTOG DANG, RGYAS BSHAD DO, ,DANG PO LA 'JUG PA DANG, LDOG PA GZUNG RTOG GO, ,DANG PO LA, MTSAMS SBYAR NI, GZUNG BA'I SO, ,RTZA BA LA, RTOG PA'I YUL, NGO BO DBYE BAS SO, ,DANG PO LA, BYANG SEMS KYI LAM DANG, LAM GYI 'BRAS BU'O, , DANG PO LA, LAM GYI RANG BZHIN, LAM GYI RGYU, LAM GYI RKYEN, DMIGS PA BYED PA STE LNGA YOD LA, DE DAG KYANG RKANG PA DANG PO BZHIS STON NO, ,GNYIS PA LA RANG DON GNYIS, GZHAN DON GNYIS TE, RKANG PA GNYIS KYIS BSTAN NO, ,DE NAS PHYED DANG GNYIS KYIS NGO

BO DANG, PHYED KYIS DBYE BA BSTAN NO, ,'GREL PA LA, DBYE BA DANG, GNYEN PO'O, ,DANG PO NI, DON DAM PAR PHYIN DRUG DBEN PAS DBEN PA BYANG CHUB MA GTOGS PA NGO BO NYID YIN KYANG, KUN RDZOB TU SANGS RGYAS SU BGROD BYED YIN PAS YUL DE LA SKYON MED PA NYID KYIS GZUNG BAR BYA BA NYID DU 'JUG PAR BYA'O ZHES BYA BAR BDEN PAR SNANG BA'I RTOG PA CHOS CAN, GZUNG BA'I RNAM PAR RTOG PA DANG PO 'JUG PA'I PHYOGS KYI RTEN CAN YIN TE, KHYOD BYANG SEMS KYI LAM BLANG BYAR BDEN PAR SNANG BA'I RTOG PA YIN PA'I PHYIR, SBYOR BA 'GOD TSUL 'DIS 'GRE'O, ,SA MI G-YO BA LA SOGS PA LA RIM GYIS 'JUG PAS SANGS RGYAS KYI RIGS SU NGES PA DANG, THEG CHEN SBYOR LAM GYIS CHOS RNAMS SGYU MA LTA BUR RTOGS PAS MTHONG BA LA SOGS PA LA YANG DAG PAR 'GRUB PA DANG, DMIGS PA SNANG BRNYAN TZAM DU ZAD PAS THEG CHEN LAM GYI SHES PA'I DMIGS PA MA 'KHRUL BA DANG, YON TAN DANG SKYON MTHONG BA SNGON DU 'GRO BA'I BLANG BAR BYA BA DANG DER BAR BYA BA NYID KYI GNYEN PO DANG, MI MTHUN PHYOGS LEN PA DANG 'DOR BA DANG, DRI MA THAMS CAD DANG BRAL BA NYID KYIS RANG GI MKHYEN GSUM GYIS RTOGS PA THOB PAR BYED PA DANG, RGYU DMAN ZHING 'BRAS BU GYA NOM PA MIN PA NYID KYIS NYAN THOS LA SOGS PAS THAG BSRINGS PAR BYED PA DANG, GDUL BYA'I BSAM PA JI LTA BA DANG MTHUN PAR SPRUL BAS SEMS CAN GYI LAS DANG, YANG DAG PA'I THABS LA MKHAS PA'I STOBS KYIS SKYE BO THAMS CAD MYA NGAN LAS 'DAS PA LA DGOD PAR BYA BA 'BRAS BU LA SKYON MED PA NYID KYIS GZUNG BAR BYA BA NYID DU 'JUG PAR BYA'O ZHES BDEN PAR SNANG BA'I RTOG PA CHOS CAN, GZUNG BA'I RNAM PAR RTOG PA DANG PO 'JUG PA'I PHYOGS KYI RTEN CAN YIN TE, THEG CHEN LAM GYI 'BRAS BU LA BLANG BYAR BDEN PAR SNANG BA'I RTOG PA YIN PA'I PHYIR, GNYIS

, ,PA NI, DE DAG GI GNYEN PO JI LTA BU ZHE NA, DE 'DRA'I RTOG PA KUN BRTAGS RNAM PA DGU PO DE YANG MNGON GYUR RNAMS NI MTHONG BA'I LAM GYI SBYOR BA CHOS MCHOG GI GNAS SKABS KYI SPANG BAR BYA BAR BZHED PA YIN NA, ,GNYIS PA LA MTSAMS SBYAR NI, GZUNG BAR RNAM PAR RTOG PA GNYIS PA SOGS SO, ,RTZA BA NI, LDOG PA'I PHYOGS KYI RTEN CAN GYI RNAM RTOG YUL GYI DBYE BAS DGU'I BDAG NYID 'DI DAG GI LDOG YUL RNAMS NI NYAN THOS LA SOGS YID LA 'BYUNG NGO, YUL DGU PO GANG ZHE NA, RTOGS PA DANG, YONGS 'DZIN DANG, LAM DANG, DBANG PO DANG, THABS DMAN PA STE, LAM GYI NGO BO DMAN PA'I DBANG DU BYAS PA LNGA NI, RKANG PA DANG PO DRUG GIS BSTAN TO, ,SPANGS PA DANG, YE SHES DANG, GZHAN DON DANG, MYANG 'DAS DMAN PA STE, LAM GYI 'BRAS BU DMAN PA'I DBANG DU BYAS PA BZHI NI LHAG MAS BSTAN TO, , 'GREL PA LA, RTOG PA'I DBYE BA DANG, GNYEN PO'O, ,DANG PO NI, 'KHOR BA DANG MYA NGAN LAS 'DAS PA GANG YANG RUNG BA ZHIG TU LTUNG BA NYID KYIS RTOGS PA DMAN PA NYID LA NYES PA DANG BCAS PA NYID KYIS GZUNG BAR BYA BA MIN PA NYID DU RTOGS PAR BYA'O ZHES BDEN PAR SNANG BA'I RTOG PA CHOS CAN, GZUNG BA'I RNAM PAR RTOG PA GNYIS PA LDOG PA'I PHYOGS KYI RTEN CAN YIN TE, NYAN RANG GI LAM LDOG BYAR BDEN PAR SNANG BA'I RTOG PA YIN PA'I PHYIR, SBYOR BA DES 'GRE'O, ,DGE BA'I BSHES GNYEN THABS LA MKHAS PA DANG BRAL BA NYID KYIS THEG CHEN GYI YONGS SU 'DZIN PA MED PA DANG, SHES BYA'I SGRIB PA MTHA' DAG GI GNYEN PO MIN PA NYID KYIS RDZOGS BYANG SGRUB PA LA MA CHANG BA DANG, DE BZHIN GSHEGS PA LA SOGS PA GDAMS NGAG LA BLTOS PA DANG BCAS PA NYID KYIS, GZHAN GYI RKYEN GYIS 'GRO BA NYID DANG, SEMS CAN THAMS CAD

NAS CHED DU BYA BA LOG PA DANG, NYON MONGS PA'I SGRIB PA 'BA' ZHIG GI GNYEN PO NYID KYIS NYI TSE BA'I LAM GYI BYED PA DANG, MTSAN MAR DMIGS PAS BCINGS PA DANG BCAS PA NYID KYIS 'BRAS BU DANG PO LA SOGS PA RTOGS PA THA DAD PA NYID DANG, NYAN RANG DGRA BCOM KYANG MA RIG PA'I BAG LA NYAL MA SPANGS PA NYID KYIS RANG DON DU MNYAM GZHAG LA GNAS PA DANG, GZHAN DON LA 'GRO BA YANG DAG PAR MI SHES PA DANG, THEG PA CHEN PO THEG PA GSUM GYI YON TAN THAMS CAD SDUD PAR BYED PA NYID KYIS RNAM PA THAMS CAD MKHYEN PA NYID MYA NGAN LAS 'DAS PA 'OG MA THAMS CAD KYI MJUG TU 'GRO DGOS PAS NYAN RANG GI MYANG 'DAS NYES PA DANG BCAS PA NYID KYIS SOGS SO, ,GNYIS PA NI, NYAN THOS DANG RANG SANGS RGYAS KYI RGYUD LA BLANG BAR BYA BA NYID DU 'JUG PA'I YUL DE DAG LDOG BYAR BDEN PAR SNANG BA'I RTOG PA KUN BRTAGS RNAM PA DGU PO DE YANG THEG CHEN MTHONG BA'I LAM GYIS SEMS DANG SEMS LAS BYUNG BA 'JUG PA BAR CHAD MED PA'I LAM GYI GNAS SKABS KYI SPANG BAR BYA BAR BZHED PA YIN NO, ,GNYIS PA 'DZIN RTOG RGYAS PAR BSHAD PA LA GNYIS LAS, DANG PO RDZAS 'DZIN RTOG PA RGYAS BSHAD LA, MTSAMS SBYAR NI, SO SO'I SKYE BO'I SOGS SO, ,RTZA BA LA, YUL DANG YUL CAN GNYIS LAS, YUL LA GTZO BO SHER PHYIN DANG, PHAL PA PHAR PHYIN GZHAN LNGA'O, ,DANG PO'I BYED PA'I DBANG DU BYAS PA GSUM, RTOGS PA'I DBANG DU BYAS PA GSUM, SPYOD PA DANG NUS PA'I DBANG DU BYAS PA RE RE RNAMS NI, RKANG PA DANG PO DRUG GIS SO, ,GZHAN LNGA'I DBANG DU BYAS PA NI, ,JI LTAR 'DOD BZHIN 'GRO NYAMS LA, ZHES PA'O, ,YUL CAN NI, RKANG PA THA MA'O, ,'GREL BA LA DBYE BA DANG, GNYEN PO'O, ,DANG PO NI, SHER PHYIN GYIS KUN RDZOB TU SGYU MA BZHIN DU

, ,YON TAN 'DZIN PA DANG SKYON GTONG BA LA DON DAM PA'I NGO BOR SNANG BAS MNGON PAR ZHEN PA'I RTOG PA CHOS CAN, 'DZIN PA'I RNAM PAR RTOG PA DANG PO SKYE BU RDZAS SU YOD PA'I RTEN CAN YIN TE, SO SKYE'I ZHEN TSUL LTAR SNANG BA'I RTOG PA YIN PA'I PHYIR SBYOR BA 'DIS 'GRO'O, ,YANG DAG PAR BDEN PA NYID DU YID LA MI BYED PAR BDEN MED DU YID LA BYED PA DANG, BDEN PAR 'DZIN PA CHOS NYID KYIS KHAMS GSUM CAR DANG NYE BAR 'BREL BA DANG, CHOS NYID STONG PA NYID DU RTOGS NAS BDEN PA'I MI GNAS PAR GNAS PA DANG, DNGOS PO LA MNGON PAR ZHEN PAS THAMS CAD LA BDEN MED DU MNGON PAR ZHEN PA DANG, BDEN PA'I RDZAS SU YOD PA MED PAS CHOS THAMS CAD BRDAR BTAGS PA DANG, DE KHO NA NYID SHES PA'I MA CHAGS PAS, MNGON PAR MA ZHEN PA SNGON DU 'GRO BA'I CHAGS PA DANG, 'KHOR 'DAS MNYAM PA NYID BSGOM PA'I GNYEN PO NYID KYIS, BLANG DOR THA DAD DU 'DZIN PA'I GNYEN PO DANG, SHER PHYIN DANG BRAL BA'I PHAR PHYIN LNGA NI, SHES RAB KYI PHA ROL TU PHYIN PA YANG DAG PAR MA SHES PA NYID KYIS JI LTAR 'DOD PA BZHIN DU 'GRO BA THOGS PA LA DON DAM PA'I SOGS SO, ,GNYIS PA NI, RNAM PA DGU PO DE YANG, MTHONG BA'I LAM GYI SOGS SO, ,GNYIS PA BTAGS 'DZIN RTOG PA RGYAS BSHAD LA, MTSAMS SBYAR NI, 'DZIN PAR SOGS SO, ,RTZA BA LA, YUL DANG, NGO BO GNYIS SO, ,NYAN RANG GI LAM GYI DBANG DU BYAS PA, BYANG SEMS KYI LAM GYI DBANG DU BYAS PA, LAM GYI MI MTHUN PHYOGS KYI DBANG DU BYAS PA STE, RIM PA LTAR RKANG PA GNYIS DANG, BZHI DANG GCIG GIS SO, ,NGO BO NI THA MAS SO, ,'GREL PA LA, DBYE BA DANG, GNYEN PO'O, ,DANG PO NI, NYAN RANG GI

LAM GYIS NYAN THOS LA SOGS PA'I BYANG CHUB TU NGES PAR 'BYUNG BA NYID KYIS THEG CHEN GYI CHED DU BYA BA JI LTA BA BZHIN DU NGAS PAR MI 'BYUNG BA LA BTAGS PA'I DNGOS POR BDEN PAR SNANG BA'I SGO NAS MNGON PAR ZHEN PA NYID KYI RTOG PA CHOS CAN, 'DZIN PA'I RNAM PAR RTOG PA GNYIS PA SKYES BU BTAGS PAR YOD PA'I RTEN CAN YIN TE, 'PHAGS PA'I GZIGS TSUL LTAR, BDEN PAR SNANG BA'I RTOG PA YIN PA'I PHYIR, SBYOR BA 'DIS 'GRE'O, ,THEG DMAN RANG GI MNGON PAR 'DOD PA'I LAM MED PAS THEG CHEN GYI LAM GZHAN LA LAM MIN PAR NGES PAR 'DZIN PA DANG, BYANG SEMS LAM GYI RGYU DANG, 'BRAS BU KUN RDZOB KYI NGO BOS SKYE BA DANG, 'GAG PA DANG, DAG PA DANG MA DAG PAR RIM BZHIN MTSAN 'DZIN GYI BAR CHAD MED PA DANG DE LAS BZLOG PA'I CIG SHOS SU SNANG BA NYID KYIS LAM GYI DNGOS PO MTHA' DAG RJES THOB TU'ANG RGYUN MI CHAD PAR LDAN PA DANG MI LDAN PA DANG, NAM MKHA' LA GNAS PA'I BYA DANG 'DRA BA NYID KYIS GZUGS LA SOGS PA LA MI GNAS PA'I TSUL GYIS GNAS PA DANG, BYANG CHUB KYI NAS 'JIG PA DANG, DE BZHIN NYID LAS KHYAD PAR DU 'PHAGS PA'I 'DOD BYA'I CHOS MED PAS DON DAM PAR 'DOD PA MED PA DANG, DON DAM PA'I BDEN PA LA BRTEN NAS BYANG CHUB KYI RGYU MED PA DANG, SER SNAS MTSON PA PHYIN DRUG GI MI MTHUN PHYOGS SHIN TU GOMS PAR BYAS PA'I CHOS NYID KYIS 'DUD LA SOGS PA PHYI RGOL BA'I DNGOS PO DMIGS PA LA BTAGS PA DNGOS POR SOGS SO, ,GNYIS PA NI, RNAM PA DGU PO DE YANG MTHONG BA'I LAM GYI SOGS SO, ,GSUM PA DON BSDU BA NI, DE LTAR BAR SKABS KYI TSIGS SU BCAD PA DGUS DNGOS SU GZUNG 'DZIN GYI RNAM PAR RTOG PA RNAM PA BZHI NYID LA SO SOR MTHONG LAM PA'I LAM GYI MI MTHUN PHYOGS RNAM PA DGU DGUR PHYE BA YIN LA, DE'I SHUGS KYIS DE DAG SPANGS

, ,PA NYID DU GNYEN PO SBYOR BA DANG 'JUG PA RNAM PA BZHI YANG SPANG BYA DE BZHIN DU NANG SEL GYI DBYE BA RE RE LA DGU DGUR THA DAD DO ZHES BYA BAR KHONG DU CHUD PAR BYA'O, ,GNYIS PA GNYEN PO LA GSUM, MTHONG LAM GYIS BYANG CHEN BSKYED PA'I LHAN CIG BYED PA'I RKYEN, 'BRAS BU BYANG CHUB CHEN PO NYER LEN MTHONG LAM RTZE SBYOR RO, ,DANG PO LA MTSAMS SBYAR NI, DE LTAR SOGS SO, ,RTZA BA NI, GZHAN 'BRAS BU RTOGS PA'I CHOS LA 'GOD PA DANG, RGYU LUNG GI CHOS LA 'GOD PA DANG, RANG NYID BYANG CHUB KYI RGYU LA SBYOR BA GSUM, RIM BZHIN RKANG PA GCIG DANG GCIG DANG GNYIS SO, ,'GREL PA NI 'CHAD PAR 'GYUR BA'I MTSAN NYID CAN GYI BYANG CHUB LA GDUL BYA GZHAN DAG MTHONG BA'I LAM LA SOGS PA STON PAS RAB TU 'GOD PA NI LHAN CIG BYED RKYEN GCIG YIN NO, ,BYANG CHUB KYI RGYU MTSAN KHO NAR DE DAG LA YANG DAG PA'I TSIG DANG DON LA SOGS PA'I SGO NAS SHES RAB KYI PHA ROL TU PHYIN PA YANG DAG PAR SO SOR GTONG PA NI RKYEN GNYIS PA YIN NO, ,BYANG CHUB THOB PAR BYED PA'I BAR CHAD MED PA'I RGYU SHES RAB KYI PHA ROL TU PHYIN PA RANG GI SGOM PA LA SOGS PA BSOD NAMS CHES MANG PA'I MTSAN NYID NI GSUM PA YIN NO, ,DAG DON NI, GZHAN BYANG CHUB KYI RGYU LUNG RTOGS LA 'GOD PA DANG RANG NYID KYANG CHEN GYI RGYU TSOGS LA SLOB PA CHOS CAN, BYANG CHEN GYI RGYU YIN TE, MTHONG LAM GYIS BYANG CHEN BSKYED PA'I LHAN CIG BYED RKYEN YIN PA'I PHYIR, GNYIS PA LA, DBU MA PA'I BYANG CHEN NGOS BZUNG, DNGOS SMRA BA'I BYANG CHEN DGAG, THAR PA KHAS LEN NA STONG NYID KYANG KHAS BLANG RIGS PAR BSTAN PA'O, ,DANG PO LA MTSAMS SBYAR NI, GANG GI DON DU SOGS SO, ,RTZA BA NI, DRI MA ZAD PA DANG, MI SKYE BA SHES PA'I YE SHES BYANG CHUB YIN NO ZHES MDO LAS BRJOD DE DE

YI DON YANG DNGOS SMRA BA DAG KUN 'BYUNG BDEN PA PA GNYEN PO'I STOBS KYIS ZAD PA DANG, SDUG BSNGAL BDEN PA PA GNYEN PO'I STOBS KYIS SNGAR MED MI SKYE BAR BYAS PA LA DE LTAR SHES PA'I YE SHES LA 'DOD KYANG, DE NYID 'OG NAS 'GOG LA, 'DIR RANG LUGS LA DRI MA BDEN PA SNGAR YOD ZAD PAR BYAR MED CING SNGAR MED SKYE BA MED PA'I PHYIR NA GDOD MA NAS ZAD PA DANG MI SKYE BAR SHES PA'I YE SHES MTHAR THUG DE DAG GO RIM BZHIN DU ZAD MI SKYE SHES PA'I YE SHES YIN PAR SHES PAR BYA'O, ,'GREL PA NI, CHOS KYI SKU LA SOGS PA YUL JI LTA BA BZHIN RTOGS PA'I MTSAN NYID KYI YE SHES NI CHOS CAN, BYANG CHUB CHEN PO YIN PAR BRJOD DO, DRI MA RNAMS GDONG MA NAS ZAD PA DANG MI SKYE BA LA DE LTAR SHES PA CHOS THAMS CAD PHYIN CI MA LOG PAR RTOGS PA'I MTSAN NYID KYI YE SHES MTHAR THUG YIN PA'I PHYIR, 'DI'I PHYOGS SGRUB PA LA LUNG RIGS GNYIS LAS, DANG PO NI NYON MONGS PA DANG SHES BYA'I SGRIB PA'I DRI MA DNGOS SMRA BAS BDEN PA SNGAR YOD SKYES PA DANG, SNGAR MED MA SKYES PA NYID DU BTAGS PA RNAMS NI CHOS CAN, DON DAM 'GAG PA DANG SKYE BA MED DE, CHOS KYI DBYINGS KYI NGO BO NYID YIN PA'I PHYIR, NAM MKHA' BZHIN DU'O, RTAGS GRUB STE, DNGUS MTHA' LAS, CHOS KYI DBYINGS NI MA GTOGS PAR, ,'DI LTAR CHOS YOD MA YIN TE, ZHES 'BYUNG BAS SO, ,GNYIS PA NI DON DAM PAR 'GAG PA DANG SKYE BA MED DE, GCIG DANG DU MA'I NGO BO NYID DANG BRAL BA DANG RGYU DANG 'BRAS BU'I MTHA' BZHI 'GOG PA'I TSAD MA LA SOGS PAS BDEN PAR 'THAD PA'I DNGOS PO MED PAS SO, ,DPER NA NAM MKHA'I PAD+MA BZHIN DU'O, ,GNYIS PA LA GNOD BYED KYI GTAN TSIGS BSTAN PA DANG, KHAS BLANGS

, ,NANG 'GAL BSTAN PA'O, ,DANG PO LA, MTSAMS SBYAR NI, GANG GI PHYIR DE LTA YIN PA DE'I PHYIR DNGOS SMRA BA GANG DAG KUN 'BYUNG GI DNGOS PO BDEN PA BA SNGAR YOD 'JIG PA'I BSAM PAS ZAD PA LA ZAD DO SNYAM PA'I SHES PA DANG, SDUG BSNGAL GYI DNGOS PO BDEN PA BA SNGAR MED MI SKYE BA'I BSAM PAS MI SKYE BA LA MI SKYE'O SNYAM PA'I SHES PA NI ZAD PA DANG MI SKYE BA SHES PA YIN PAR BRJOD CING BYANG CHUB KYANG DE 'DRA'I ZAD PA DANG MI SKYE BA SHES PA YIN PAR BRJOD PA DE DAG LA DRI MA BDEN PA BA GNYEN PO'I STOBS KYIS ZAD PA DANG MI SKYE BA MED PA KHO NAS SHES PA DE RUNG BA MIN NO ZHES BAR SKABS KYI TSIGS SU BCAD PAS GSUNGS PA, RTZA BA NI, 'GOG PA SOGS SO, ,'GREL BA NI, DNGOS PO LA LOG PAR MNGON PAR ZHEN PA KHYOD KYIS 'DOD PA LTAR MTHONG BA'I LAM GYI STOBS KYIS RNAM PAR RTOG PA LA SOGS PA NGO BO BDEN PAR GRUB PA SNGAR YOD SKYES PA NI CI ZHIG ZAD CING, MI SKYE BA'I CHOS CAN MA SKYES PA'I SPANGS PA NI CI ZHIG SKYES TE ZAD THOB BDEN PA BA CUNG ZAD KYANG MED PA KHO NA YIN PAR THAL, DRI MA SKYES PA DANG MA SKYES PA DAG GO RIM BZHIN DU DON DAM PAR ZAD PA DANG SKYE BA'I GEGS BYED PA'I MTSAN NYID KYI 'GOG PA DANG BRAL BA DE BZHIN NYID KYI RANG BZHIN YIN PA'I PHYIR, DE'I PHYIR DBU MA PA KHO BO CAG GIS SNGAR BSHAD PA'I GZHUNG LUGS KHO NA KHAS BLANG BAR BYA'O SNYAM DU DGONGS PA YIN NO, ,GNYIS PA LA MTSAMS SBYAR NI, DE LTA MIN TE CHOS YANG DAG PAR YOD PAR KHAS LEN NA, BDEN PAR GRUB PA SUS KYANG MED PAR BYA MI NUS PAS BCOM LDAN 'DAS KYIS NYON MONGS PA DANG SHAS BYA'I SGRIB PA RNAM PAR RTOG

PA RNAM PA THAMS CAD DU SPANGS PA NGO MTSAR CHE BA'I GNAS YIN NO ZHES BYA BAR, BAR SKABS KYI TSIGS SU BCAD PA GSUNGS PAS SO, ,RTZA BA MI BCOM LDAN 'DAS KYIS SHES SGRIB GNYEN POS SPANGS PA 'GAL BAR THAL, SHES SGRIB BDEN PAR GRUB PA'I PHYIR, CES PA'O, ,'GREL PA LA, SHAS SGRIB GNYEN POS SPONG TSUL GYI RIM PA BSHAD PA DANG, TSUL DE DNGOS SMRA BA LA MI 'THAD PAR BSTAN PA'O, ,DANG PO LA MTHA' DPYAD PA DANG, TSIG DON BSHAD PA'O, ,DANG PO NI, RNAL 'BYOR GYIS 'DI DAG SPANG BYA GANG GI GNYEN POR TSUL JI LTA BA, GANG ZAG GANG GIS DGOS PA GANG GI PHYIR SGOM ZHE NA, DE YANG SPYIR THEG CHEN GYI LAM LA MNGON RTOGS YID LA BYED PA'I RIM PA DANG, SNYING PO'I DON SGOM PA'I RIM PA GNYIS LAS, DANG PO NI, GZHUNG GI TSOGS SKABS BRGYAD PO THAMS CAD KYIS 'CHAD LA, 'DIR NI PHYI MA 'CHAD PA YIN NO, ,DE YANG SNYING PO'I DON SGOM PA'I RIM PA NI 'DI YIN TE, BYANG CHUB SEMS DPA' DAG ZHI BA TZAM DON DU MI GNYER BAS NYON MONGS KYI SA BON CHED DU GNYER NAS, SPONG BA'I THUN MONG MIN PA'I 'PHAGS LAM MI BSGOM KYANG NYON MONGS MNGON GYUR MGO MA MNAN NA NI SEMS RGYUD RAB TU MA ZHI ZHING LAS SU MI RUNG BAR GYUR PAS RANG GI DON TZAM YANG MI 'GRUB NA, GZHAN GYI DON LTA SMOS KYANG CI DGOS PAR MTHONG STE, TSOGS LAM DU DANG POR NYON MONGS MNGON GYUR MGO GNON PA LA, NYAN THOS LAS KYANG BRGYA 'GYUR GYIS BRTZON PAR GSUNGS SO, ,DE'I PHYIR TSOGS LAM DU NYON MONGS MNGON GYUR MGO MNAN PA TZAM GYI CHED DU BDAG MED LA DMIGS PA RNAL 'BYOR GYIS BSGOMS TE, DE BAS NA 'DI NI SHES SGRIB KYI GNYEN PO SGOM PA LA RGYUD SNOD DU RUNG BA TZAM DU BYED PA'I YAN LAG YIN NO, ,DE NYID JI LTAR SGOM PA'I TSUL NI, DANG POR RTAGS YANG DAG L

, ,BRTEN PA'I RJES DPAG GIS RTAGS GCIG RANG DBANG CAN GYI GANG ZAG GI BDAG YOD PA'I SGRO 'DOGS BCAD NAS, DE'I RJES SU NGES SHES DE'I RGYUN RTZE GCIG PA'I ZHI GNAS KYI SEMS KYIS GOMS PAR BYED CING, 'JOG PAR BYED PA'O, ,DE YANG GANG LA 'JOG PA'I YUL NI, DGAG GZHI PHUNG PO SOGS KYI STENG DU DGAG BYA GANG ZAG RANG SKYE BA RNAM PAR BCAD TZAM GYI MED DGAG DE LA'O, ,GANG GIS 'JOG PA NI DE NYID RIGS PAS GTAN LA PHABS PA'I NGES SHES BYED PA MA NYAMS PA'I GANG ZAG GIS SO, ,GANG 'JOG NA, ZHI GNAS MTSAN NYID PA YONGS SU RDZOGS PA'I LAM RJES MTHUN PA TZAM GYI NGO BOR SKYES PA'I SEMS SO, ,TSUL JI LTAR 'JOG NA, DMIGS PA DE NYID KYI RGYU MTSAN LA YANG DPYOD PAR MI BYED NA GZHAN LA LTA SMOS KYANG CI DGOS, DE'I PHYIR DMIGS PA DE NYID LAS CUNG ZAD KYANG MI G-YO PAR BYING RGOD DANG BRAL BAR 'JOG GO, DES NA BDAG MED LA SEMS MI G-YO BAR 'JOG PA MED NA BDAG 'DZIN MGO GNON YANG MI NUS LA, MI G-YO BAR 'JOG PA LA GANG 'JOG PA'I SEMS DE ZHI GNAS RJES MTHUN PA TZAM ZHIG YAN CHAD KYI NGO BOR SKYES BA CIG MED NA DE LTA'I SEMS RANG DGA' BA BZHIN DU DMIGS PA LAS GZHAN DU MI G-YO BAR RGYUN LDAN DU 'JOG MI NUS SO, ,'DIR LHAG MTHONG BSGOM PA'I SNGON DU ZHI GNAS BSGOM PA 'GRO DGOS PA'I DON NI DE NYID YIN NO, ,DE'I 'OG TU SHES SGRIB SPONG PA'I CHED DU RNAL 'BYOR LHAG MA GSUM LA 'JUG GO, DE YANG BOD GANG DAG RNAL 'BYOR DANG PO NYAN THOS PA'I RNAL 'BYOR, GNYIS PA SEMS TZAM RNAM BDEN PA RANG RGYAL GYI, GSUM PA RNAM BRDZUN PA'I, BZHI PA DBU MA PA'I RNAL 'BYOR YIN NO, ZHES 'CHAD PA NI CHOS MI 'THAD DE, DE LTAR NA DNGOS SMRA BA LA SGRIB

PA SPONG BA 'THAD PA'I TSUL RANG GIS RNAM PAR BZHAG NAS YANG DNGOS SMRA BA LA DE MI RUNG BAR SMRA BA DNGOS SU 'GAL BAR 'GYUR PA'I PHYIR DANG, RNAL 'BYOR BZHI STON PA'I GZHUNG GI MTHA'I TSIG RNAMS DANG, LANG GSHEGS KYIS, SEMS TZAM LA NI BZLAS NAS KYANG, ,SNANG BA MED LA BZLA BAR BYA, ZHES PA LA SOGS PA'I MTSAMS SBYOR BA'I THOG MTHA'I TSIG GI NUS PA LAS, 'DI DAG GANG ZAG GCIG GIS RIM CAN DU SGOM PA'I RNAL 'BYOR DU CHES GSAL BA'I PHYIR DANG, SEMS TZAM THEG CHEN GYI MDO 'KHOR LO THA MA'I BKA' LA BRTEN NAS GRUB PA'I MTHA' RNAM PAR 'JOG PA DANG, RANG RGYAL NYAN THOS KYI SDE SNOD KHO NA LA BRTEN NAS THOS BAS MA SGOM GSUM BYED PA'I GRUB PA'I MTHA' KHYAD PAR MED PAR THAL BA'I PHYIR DANG, SEMS TZAM RNAM BRDZUN PA BDEN PAR MA GRUB PA'I SHES PA KHAS LEN PAR THAL PA'I PHYIR RO, YANG PHYIS KYI t'IKA BYED DAG, RNAL 'BYOR GYIS GNYIS PA NI, DROD RTZE'I NGO BO STE, DER GZUNG BA RANG BZHIN MED PA LA GSAL SNANG LHAG PA'I PHYIR, RNAL 'BYOR GYIS GSUM PA NI, BZOD MCHOG STE, DER 'DZIN PA RANG BZHIN MED PA LA GSAL SNANG LHAG PA'I PHYIR, CES 'CHAD PA'ANG LEGS PA MIN TE, DROD RTZER LHAN CIG DMIGS NGES KYI RTAGS LAS PHYI DON MED PAR RTOGS PA LTAR GZUNG BA MED PA'I RTAGS LAS GZUNG RNAM BDEN PAR MED PAR RTOGS PAR YANG KHYAD PAR MED LA, BZOD MCHOG TU, RIGS PA DE LAS GZUNG RNAM BDEN MED DU NGES PA LTAR RTEN 'BREL GYI RTAGS LAS GNYIS SU MED PA'I SHES PA SGYU MA BZHIN DU NGO BO NYID MED PAR RTOGS KYANG KHYAD PAR MED PA'I PHYIR, DER THAL, TSOGS LAM DU CHOS THAMS CAD BDEN MED DU THOS BSAM GYI SHES RAB KYIS RTOGS ZIN MA BRJOD PAR

, ,YOD PA'I PHYIR, GAL TE 'DI'I RTOGS PA NI, SGOM BYUNG GI SHES RAB KYIS RTOGS PA'I DON YIN NO ZHE NA, 'O NA SGOM BYUNG GI SHES RAB KYIS MNGON SUM DU RTOGS PA'I DON YIN NAM, 'ON TE GSAL SNANG THOB PA TZAM GYI SGO NAS RTOGS PAS KYANG CHOG, DANG PO LTAR NA, RNAL 'BYOR BAR PA GNYIS SBYOR LAM YIN PA 'GAL LO, ,GNYIS PA LTAR NA, CHOS MCHOG CHEN PO'I YE SHES KYIS GNYIS SU MED PA'I YE SHES BDEN MED LA GSAL SNANG MA THOB PA STE, RNAL 'BYOR GSUM PAS GNYIS SU MED PA'I YE SHES 'BA' ZHIG BDEN MED DU MA RTOGS PAR BSHAD PA'I PHYIR DANG, DE NYID NI BZOD MCHOG RNAMS LA BRJOD RIGS PA'I PHYIR RO, ,'DOD NA GNYIS SU MED PA'I SHES PA BDEN MED DU MNGON SUM GYIS RTOGS PA'I MTHONG LAM SKAD CIG DANG PO'I DNGOS KYI NYER LEN DU GYUR PA MIN PAR THAL LO, ,GZHAN YANG 'DI LTAR NA, BYANG SEMS KYIS GZUNG BA BDEN MED LA GSAL SNANG MA THOB BAR DU 'DZIN PA BDEN MED DU GTAN LA PHAB NAS SGOM PAR MI BYED PAR THAL ZHING, DE LTA NA GZUNG BA BDEN MED DU RTOGS PA'I MTHONG LAM SKYES NAS, DE'I RJES SU 'DZIN PA BDEN MED MNGON SUM DU RTOGS PA'I MTHONG LAM 'BAD PAS BSKYED DGOS PAR MTSUNGS SHING, DROD LA GNAS PA'I BYANG SEMS CHOS THAMS CAD BDEN MED DU SGOM PA MI SRID PAR THAL LO, ,DE BAS NA 'DI YIN TE, TSOGS LAM DU GANG ZAG GI BDAG MED PA SGOMS NAS NYON MONGS MNGON GYUR MGO MNAN PA TZAM BYAS NA, SHES SGRIB SPONG BA'I LAM SGOM PA LA RGYUD LAS SU RUNG BAR BYAS TE, GDOD SHES SGRIB SPONG BA LA 'JUG PA NA, DANG POR SHES SGRIB KUN BRTAGS MNGON GYUR RTAGS YANG DAG LA BRTEN PA'I NGES SHES KYIS MGO MNAN PA TZAM GYI SGO NAS SPONG BA'I BYA BA MA BYAS PAR, BDEN 'DZIN LHAN SKYES

MNGON GYUR MGO GNON PA TZAM GYI SGOM BYUNG YANG SKYE MI NUS TE, SGRA RTAG 'DZIN KUN BRTAGS MNGON GYUR BYED PA MA NYAMS PA'I BAR LA, SGRA'I PHRA BA'I MI RTAG PA LA GSAL SNANG SKYE MI SRID PA BZHIN NO, ,DE YANG BDEN 'DZIN KUN BRTAGS MNGON GYUR MGO GNON PA TZAM NI, RTAGS YANG DAG LA BRTEN BA BDEN MED RTOGS PA'I NGES SHES KYIS BYED DE, DPER NA SGRA MI RTAG RTOGS KYI RJES DPAG GI BYED PA MA NYAMS KYI BAR LA, SGRA RTAG 'DZIN KUN BRTAGS MNGON GYUR MI SKYE BA BZHIN NO, ,'ON KYANG BDEN MED LA SGOM BYUNG GI GSAL SNANG MA SKYES NA BDEN 'DZIN LHAN SKYES MNGON GYUR RTAGS LA BRTEN PA'I NGES SHES TZAM GYIS MGO GNON MI NUS TE, DPER NA SGRA MI RTAG RTOGS KYI RJES DPAG RGYUD LA YOD KYANG, DE TZAM GYIS KHA SANGS GI SGRA DE 'DI'O SNYAM DU DUS 'DRES PAR 'DZIN PA'I RTAG 'DZIN LHAN SKYES MNGON GYUR BYED PA MA NYAMS PAR SKYE BA 'GOG MI NUS PA BZHIN NO, , DES NA TSOGS LAM DU BDEN 'DZIN KUN BRTAGS MNGON GYUR RTAGS YANG DAG LA BRTEN PA'I NGES SHES KYIS MGO MNAN NAS, DE'I RJES SU BDEN 'DZIN LHAN SKYES MNGON GYUR SGOM BYUNG GI BDEN MED LA GSAL SNANG SKYES PA'I SGO NAS MGO GNON PA'I SBYOR LAM LA 'JUG CING, DE'I 'OG TU BDEN MED MNGON GYUR DU RTOGS PA'I SGO NAS BDEN 'DZIN GYI SA BON SPONG BA'I MI RTOG YE SHES MTHONG LAM DAG SKYE BA YIN NO, ,DE LTAR YIN PA LA, TSOGS LAM DU BDEN MED RTAGS LAS RTOGS PAR BYED PA NA YANG SGRO 'DOGS RIGS PA'I RIM PAS GCOD PAR BYED PA YIN PAS, LHAN CIG DMIGS NGES KYI RTAGS LAS PHYI DON LA BDEN 'DZIN BKAG STE, PHYI DON BDEN MED DU RTOGS PA'I NGES SHES BSKYED PA'I TSUL RNAL 'BYOR GYIS GNYIS PA'I GZHUNG STON PAR BYED DO, ,DE'I 'OG TU MIG SHES LA SNGON PO SNANG BA DE NYID PHYI ROL DU BDEN PA KHEGS PA NA YUL BDEN PA'I RTAGS

, ,KYIS YUL CAN MIG SHES NYID BDEN PAR GRUB PA 'GOG PA NI RNAL 'BYOR GYI SA GSUM PA STON NO, ,DE YANG RNAL 'BYOR GYIS GSUM PA'I SKABS SU 'DZIN PA'I MTSAN NYID RNAM PAR RIG PA TZAM DE YANG BSAL TE, ZHES DANG, RNAL 'BYOR GYIS GNYIS PA'I SKABS SU 'DZIN PA'I RNAM PA CAN GYI SEMS LA MNGON PAR ZHEN PA YONGS SU MA BOR BAS, ZHES GSUNGS PAS 'DZIN PA'I RNAM PA ZHES PA NI, MIG SHES LTA BU GCIG LA GZUNG RNAM DANG 'DZIN RNAM GNYIS SU PHYE BA'I 'DZIN RNAM MIN TE, DE YIN NA RNAL 'BYOR GYIS GNYIS PAR DE BDEN MED DU RTOGS PAR BSHAD PAS, GNYIS SNANG DANG BRAL PA'I RANG RIG BDEN MED DU RTOGS PAR BSHAD PA YIN LA, GNYIS SU MED PA'I YE SHES 'BA' ZHIG 'DI YANG DAG PAR YOD PA'I NGO BO YIN SNYAM DU NGES PAR BYAS, ZHES PA GNYIS SNANG DANG BRAL BA'I RANG RIG BDEN PAR BZUNG BAR BSHAD PAS DE GNYIS DNGOS SU 'GAL BAR 'GYUR RO, ,DES NA 'DZIN PA'I RNAM PA CAN CES PA NI, GANG GZUNG BAR BYA BA SNGON PO DANG, DE'I BLO DAG CES PA'I ZHES PA DANG SPREL BAR BYA BA YIN NO, ,'DI LTAR SNGON PO 'DZIN PA'I RNAM PA CAN GYI SEMS MIG SHES LA, ZHES BSHAD PAR BYA ZHING DE NA RNAL 'BYOR GYI SA GSUM PAR DON SNANG GI SHES PA BDEN MED DU RTOGS KYANG GNYIS SNANG DANG BRAL BA'I RANG RIG BDEN MED DU MA RTOGS PAR BSTAN PA YIN NO, ,'O NA RNAL 'BYOR GYI SA GSUM PAR GZUNG BA MED NA DE 'DZIN MED PA'I RIG PAS MIG SHES BDEN MED DU RTOGS PA LA RNAL 'BYOR GYI SA GNYIS PAR LHAN CIG DMIGS NGES KYI RTAGS KYIS SNGON PO SOGS BDEN MED DU RTOGS DGOS TE, GZHAN DU NA GZUNG BA MED NA ZHES PA'I PHYOGS MI 'GRUB PA'I PHYIR DANG, SNGA MAS YUL DANG, PHYI MAS YUL CAN BDEN 'DZIN 'GOG PA MIN

BAR THAL BA'I PHYIR RO, ,GAL TE LHAN CIG DMIGS NGES KYI RTAGS KYIS SNGON PO SOGS BDEN MED DU RTOGS NUS NA NI, SEMS TZAM PAS KYANG SNGO SOGS LA BDEN 'DZIN GYI SGRO 'DOGS KUN BRTAGS CHOD PAR THAL BAR 'GYUR RO SNYAM DU DOGS NA, DE'I DON NI 'DI YIN TE, LHAN CIG DMIGS NGES KYI RTAGS KYIS SNGON PO PHYI DON DU BDEN PA KHEGS PA NA, DE NYID RTAGS SU BYAS NAS, 'DI LTAR SNGON PO BDEN PAR GRUB PA NA, RANG SNANG YUL DU BYED PA'I SHES PA LA JI LTAR SNANG BA LTAR BDEN DGOS TE, GZHAN DU NA RANG GNAS TSUL GZHAN DU GNAS NAS, RANG SNANG YUL DU BYED PA'I SHES PA LA SNANG TSUL GZHAN DU SNANG BA'I PHYIR BRDZUN PA BSLU BA'I CHOS CAN DU SONG GI BDEN PAR GRUB PAR 'GAL LO, ,DE LTAR NA YANG SNGON PO NI RANG 'DZIN MIG SHES LAS GNYIS SU CHAD PAR SNANG YANG GNYIS SU BDEN PA LHAN CIG DMIGS NGES KYI RTAGS KYIS KHEGS PA'I PHYIR, BDEN PAR GRUB PA MIN NO, ,ZHES NGES PA NA, MIG SHES DE YANG BDEN PAR GRUB NA DON DAM PAR PHYIN CI MA LOG PA'AM, YANG DAG PAR 'GRUB DGOS LA, DE LTAR NA YANG MIG SHES NI RANG YUL DE RANG LA SNANG BA LTAR MI BDEN PA'I PHYIR RO, ,DE 'DZIN MIG SHES DON DAM PAR PHYIN CI MA LOG PA MIN PAS BDEN PAR MA GRUB PO, ZHES NGES PAR BYED PA NI, GZUNG BA MED NA 'DZIN PA MED DO SNYAM DU NGES PAR BYAS NAS ZHES SOGS KYI DON TO, ,DE'I PHYIR DGOS PA DE DAG GI KLAN KA'I SKABS MED DO, ,DE'I 'OG TU GNYIS SNANG DANG BRAL BA'I RANG RIG TZAM YANG BDEN MED DU RTEN 'BREL GYI RTAGS KYIS NGES PAR BYED PA'I TSUL NI, DE YANG ZHES PA NAS NGO BO NYID MED PA STE, ZHES PA'I BAR RO, ,DES NA 'DI DAG GIS NI TSOGS LAM DU CHOS KYI BDAG 'DZIN KUN BRTAGS MNGON GYUR MGO GNON PA'I YAN LAG TU CHOS KYI BDAG MED RIGS PA DANG, PHRA BA DANG, SHIN TU PHRA BA GSUM PO DE RTOGS YANG DAG LA BRTEN NAS NGES PAR BYED PA'I TSUL

, ,BSTAN PA YIN NO, ,YANG DAG PAR NA, ZHES PA NAS SNYAM DU BSGOMS PAS ZHES PA'I BAR GYIS, CHOS KYI BDAG 'DZIN LHAN SKYES MNGON GYUR MGO GNON PA'I CHED DU SBYOR LAM DU CHOS KYI BDAG MED SGOM TSUL BSTAN PA YIN NO, ,SGOM PA'I STOBS GRUB PA YAN CHAD KYI NI, CHOS KYI BDAG 'DZIN GYI SA BON GYI GNYEN PO RNAM PAR MI RTOG PA'I YE SHES DAG SBYOR LAM DE'I RIM PAS SKYES NAS MTHAR RNAL 'BYOR PA'I SHES BYA'I SGRIB PA SPONG BAR BSTAN PA YIN NO, ,'O NA DE YANG ZHES PA YAN CHAD LA TSOGS LAM DU RTAGS KYIS NGES PAR BYED TSUL, SBYOR LAM DU SGOM TSUL, 'PHAGS LAM MNGON DU 'GYUR TSUL GSUM STON PA'I CHA GSUM YOD KYANG RNAL 'BYOR GYI SA GCIG TU BYED LA, RNAL 'BYOR GYI SA BAR BA GNYIS LA RTAGS KYI TSOGS LAM DU BDEN MED NGES PAR BYED TSUL GYI CHA RE RE RNAL 'BYOR GYI SA RE RER BGRANGS PA CI ZHE NA, BAR PA GNYIS NI, RTAGS KYIS NGES PAR BYA BA PHRA RAGS THA DAD PA'I KHYAD PAR CHER YOD PA'I PHYIR, DE RTAGS KYIS NGES PAR BYED PA LA YANG, RNAL 'BYOR GYIS GNYIS SU BYAS LA DE YANG ZHES PA MAN CHAD KYIS BSTAN PA'I TSOGS LAM DU NGES BYA, SBYOR LAM DU BSGOM BYA, 'PHAGS LAM DU MNGON SUM DU RTOGS BYA GSUM KA YANG CHOS KYI BDAG MED PHRA RAGS KYI KHYAD PAR DE LTA BU MED PAR GCIG NYID YIN PA'I PHYIR, DE RTOGS PA'I RNAL 'BYOR GYI SA GCIG TU BYAS SO, ,RNAL 'BYOR GYI SA LHAG MA DAG GI RTAGS YANG DAG GIS NGES PA'I DON RNAMS JI LTAR SGOM PA'I TSUL YANG RNAL 'BYOR GYI SA DANG PO LA BSHAD PA BZHIN DU SHES PAR BYA'O, ,RNAL 'BYOR GYI SA 'DI DAG CHES SHIN TU DKA' ZHING DON CHE BA'I GNAS YIN KYANG, GZHAN DAG LA YID BRTAN CI YANG MI SNANG BAS 'DIR CUNG ZAD TZAM

ZHIG PHYOGS MTSON PAR BYAS PA YIN LA, MA NGES PAS 'JIGS TE MA BRIS SO, ,GNYIS PA TSIG GI DON LA, RNAL 'BYOR GYIS BZHI LAS, DANG PO LA BSAM BYUNG GI RIG PA NI, DE LA ZHES PA DAG NYE BAR 'GOD PA'I TSIG PHRAD DO, ,PHUNG SOGS CHOS CAN, GANG ZAG RANG SKYA THUB PA'I RTAG RDZAS SU GYUR BA'I BDAG GIS STONG STE, SKYE BA DANG 'JIG PA'I CHOS CAN YIN PA'I PHYIR, NGES PAS NGES PAR BYED PA'O, ,SGOM BYUNG GI RNAL 'BYOR NI, BDAG DES DBEN PA'I PHUNG PO LA SOGS PA RTEN CING 'BREL BAR 'BYUNG BA SKYE BA DANG 'JIG BA'I CHOS CAN LA YANG DAG PAR DMIGS TE, GANG ZAG GI BDAG MED DO SNYAM DU SGOM PA'O, ,BSGOMS PA'I 'BRAS BU NI, TSOGS LAM DU DE LTAR BSGOMS PAS GANG ZAG GI BDAG TU MNGON PAR ZHEN PA KUN BRTAGS MGO MNAN PA'I TSUL GYIS YONGS SU BOR NAS CHAGS SDANG LA SOGS PA'I NYON MONGS PAS SEMS RGYUD RAB TU MA ZHI BAR BYED PA RTZE GCIL BAR GYUR BA'O, ,NGAG DON NI, BYANG SEMS CHOS CAN, TSOGS LAM DU GANG ZAG GI BDAG MED THOS BSAM GYIS NGES PAR BYAS NAS BSGOMS BA LA DGOS PA YOD DE, GANG ZAG GI BDAG 'DZIN KUN BRTAGS MNGON GYUR MGO MNAN PA'I SGO NAS NYON MONGS KYIS SEMS RGYUD RAB TU MA ZHI BAR BYED PA RTZE GCIL BA'I CHED DU DE LTAR BYED PA'I PHYIR, RNAL 'BYOR GYI SA GNYIS PA NI, SNGON PO DANG DE 'DZIN PA'I BLO DBANG SHES DAG LHAN CIG DMIGS PA DER SNGON PO 'DI NI SEMS KYI BDAG NYID TZAM KHO NA YIN GYI, PHYI ROL PHYI DON MED DO ZHES BYA BAR YID LA BYED CING NGES PAR BYED LA, DE LTAR NGES PA'I BYED LAS NI, DE'I TSE SNGON PO DE 'DZIN PA RNAM PA CAN GYI SEMS SNGON 'DZIN DBANG SHES LA BDEN BAR MNGON PAR ZHEN PA YONGS SU MA BOR YANG, SNGON PO

, ,LA PHYI ROL GYI DON DU MNGON PAR ZHEN PA KUN BRTAGS MNGON GYUR MGO GNON PA'I TSUL GYIS SPANGS PA'O, ,TE CES PA NI, DE NAS RNAL 'BYOR GYI SA GSUM PA LA 'JUG CES PA'I GO RIM STON PA'I TSIG GO, NGAG DON NI, LHAN CIG DMIGS NGES KYI RTAGS LAS SNGON PO SNGO SNANG DBANG SHES DANG RDZAS GZHAN MIN PAR NGES PA'I BLO CHOS CAN, KHYOD KYIS SNGON PO PHYI ROL GYI DON DU ZHEN PA'I SGRO 'DOGS KUN BRTAGS MNGON GYUR MGO GNON NUS TE, KHYOD KYIS SNGON PO SEMS KYI BDAG NYID YIN PAR NGES PA'I BLO CHED MA GZHAN LA LTOS MED DU 'DREN NUS PA'I PHYIR, RNAL 'BYOR GYI SA GSUM PA NI, DNGON PO DE BDEN PAR GRUB NA, RANG SNANG YUL DU BYED PA'I SHES PA LA JI LTAR SNANG BA LTAR GRUB DGOS SHING, DE LTAR NA SNGO SNANG DBANG SHES LA RGYANGS CHAD DU SNANG BA LTAR BDEN PAR GRUB DGOS PA LA JI SKAD BSHAD PA'I RTAGS KYI DE KHEGS PA'I PHYIR, SNGON PO BDEN PAR MA GRUB CING, GZUNG PA SNGON PO BDEN PAR SNANG BA MED NA DE 'DZIN PA'I DBANG SHES KYANG BDEN PAR MED DGOS TE, PHAN TSUN LTOS PA'I PHYIR RO SNYAM DU NGES PAR SEMS PAS SNGON PO SOGS 'DZIN PA'I RNAM PAR SKYE BA'I MTSAN NYID GNYIS SNANG GI RNAM PAR RIG PA TZAM DE YANG BDEN PAR 'DZIN PA'I SGRO 'DOGS KUN BRTAGS MNGON GYUR MGO MNON PA'I TSUL GYI SA BSAL TE, DE LTAR NA YANG DE'I TSE GNYIS SU SNANG BA MED PA'I YE SHES RANG RIG PA 'BA' ZHIG 'DI BDEN PA YANG DAG PAR YOD PA'I NGO BO YIN NO SNYAM DU SGRO 'DOGS PA KUN BRTAGS KYANG MGO MNAN PA'I SGO NAS NGES PAR BYAS NAS SO, ,NGAG DON NI, BYANG SEMS TSOGS LAM PA CHOS CAN, GNYIS SNANG GI SHES PA BDEN 'DZIN KUN BRTAGS MNGON GYUR MGO GNON NUS TE, SNGO SOGS BDEN MED DU NGES SHING DE DAG BDEN PAR MED NA

BDEN 'DZIN GYI SHES PA YANG BDEN PAR MED DGOS PAR NGES PA'I PHYIR, RNAL 'BYOR GYI SA BZHI PA LA, BSAM BYUNG GI RIGS PA, SGOM BYUNG GI NYAMS LEN, BSGOMS PAS SHES SGRIB SPONG TSUL LO, ,DANG PO NI, SNGO SOGS DANG GNYIS SNANG GI SHES PAR MA ZAD, GNYIS MED KYI RANG RIG DE YANG, BDEN PA'I NGO BO NYID MED PA STE RTEN CING 'BREL PAR 'BYUNG PA YIN PA'I PHYIR SGYU MA BZHIN DU'O ZHES NGES PAR BYED DO, ,GNYIS PA NI, CHOS THAMS CAD YANG DAG PAR NA GCIG TU BDEN PA'I DNGOS PO DANG DNGOS PO MED PA LA SOGS PAR BRTAGS PA'I NGO BO NYID DANG BRAL BA YIN NO SNYAM DU BSGOMS PAR NYAMS SU LEN NO, ,GSUM PA NI, DE LTAR 'JIG RTEN PA'I LAM GYIS BSGOMS PA'I STOBS GRUB PA NA BLO GSAL BA KHA CIG GIS NOR BU CHU SHEL DANG DNGUL LA SOGS PA PHAN TSUN SGRO MI 'DOGS PAR JI LTA BAR SHES PA BZHIN DU BDEN SNANG GI 'KHRUL PA'I MTSAN MA MTHA' DAG SPANGS PA SGYU MA LTA BU'I BDAG NYID DU GYUR PA'I CHOS THAMS CAD BDEN MED DU SNANG PA'I BLO RNAM PAR MI RTOG PA RANG GI MYONG BA LTAR GZHAN LA BRJOD KYANG BRJOD PA TZAM GYIS GZHAN LA DE LTA BU'I MYONG BA SKYE MI NUS PA'I PHYIR RNAL 'BYOR PA SO SO RANG GIS RIG PAR BYA BA JI ZHIG LTAR YANG DAG PAR SKYES PA NA DE NYID GONG NAS GONG DU KHYAD PAR DU GYUR PA'I STOBS KYIS RNAM PAR RTOG PA'I SA BON RIMS KYIS SPANGS TE, MTHAR RNAL 'BYOR PAS SHES BYA'I SGRIB PA THAMS CAD YANG DAG PAR SPONG NGO, ,NGAG DON NI SHES BYA CHOS CAN, BYANG CHUB SEMS DPAS MTHAR SHES BYA'I SGRIB PA MA LUS PAR SPANGS PAR 'THOB NUS TE, DES CHOS THAMS CAD BDEN MED DU RIGS PAS GTAN LA PHAB CING, SGOM BYUNG GIS NYAMS SU BLANGS PAS 'PHAGS LAM RNAM PAR MI RTOG PA'I YE SHES RIM CAN DU SKYES RE BDEN 'DZIN GYI SA BON MA LUS PAR SPONG NUS PA'I PHYIR,

, ,GNYIS PA TSUL DE DNGOS SMRA BA LA MI 'THAD PAR BSTAN PA NI, GAL TE DNGOS PO DON DAM DU MED PA DE LTA MIN TE, SKAD CIG MA'I CHOS SHES BTZAL GYI NGO BO DANG GZUGS SOGS SHES BYA'I MTSAN NYID RNAMS GAL TE DON DAM PAR YOD PA NYID DU GYUR NA, DE'I TSE DRI MA DE DAG LA CHOS CAN, GNYEN PO SGOM PA NAM MKHA' BZHIN DU GNOD PA CUNG ZAD KYANG MI BYED PAR THAL, SEMS RGYUD LA KHYOD KYIS GNYEN PO BSKYED DU MED PA DANG, KHYOD SPANG DU MED PAS RANG GI NGO BO 'DZIN PA'I SGO NAS SEMS KYI RANG BZHIN LA ZHUGS PA'I PHYIR, DPER NA DUS THAMS CAD DUN MKHA' THOGS BCAS KYI RDZAS MED PA TZAM GYI NGO BO 'DZIN PAS DE NYID NAM MKHA' LA MED PAR GNYEN POS BYED MI NUS PA BZHIN DU'O, ,DE'I PHYIR DNGOS SMRA BA GZHAN DAG GIS 'DOD PA LTAR NA, DNGOS POR MNGON PAR ZHEN PA PHYIN CI LOG NAM YANG MI BZLOG PAS BCOM LDAN 'DAS KYI SHES BYA'I SGRIB PA RNAM PA THAMS CAD RNAM PA THAMS CAD DU SPANGS PA GANG YIN PA'ANG CHOS RNAMS KYANG BDEN PAR YOD PA KHAS LEN PA GANG YIN PA DE NI PHAN TSUN 'GAL BA'I DON KHAS LEN PAS BYAMS PA KHO BOS MTSAR DU BRTZES SO ZHES BYA BA'I DON YIN NO, ,NGAG DON NI DRE MA CHOS CAN, KHYOD SEMS RGYUD LA SPANG DU MI RUNG BAR THAL KHYOD SEMS RGYUD LA BDEN PAR GRUB PA'I PHYIR, RTAGS KHAS 'DOD NA, THUB PAS SHES SGRIB SPANGS BA 'GAL BAR THAL, 'DOD PA DE'I PHYIR, GSUM PA THAR PA KAS LEN NA STONG NYID KYANG KHAS LEN RIGS PAR BSTAN PA LA MTSAMS SBYAR NI, DE LTAR NGES PA DON DAM DU YOD PA'I PHYOGS BSAL NAS SOGS SO, ,RTZA BA LA LTA BA GTAN LA 'BEBS TSUL, BSGOMS PAS GNAS LUGS MTHONG TSUL, MTHONG BAS GROL BA THOB TSUL LO, ,DANG PO NI CHOS 'DI LA KUN RDZOB KYI DNGOS PO SKUR BA 'DEBS PA'I

SGO NAS BSAL BAR BYA BA CI YANG MED CING DON DAM GYI DNGOS PO SGRO 'DOGS PA'I SGO NAS BZHAG PAR BYA BA CUNG ZAD KYANG MED PAS KUN RDZOB YANG DAG PAR YOD PA NYID LA, DON DAM DU RANG BZHIN MED PA'I CHOS NYID KYI NGO BOR YANG DAG PAR LTA'O, ,GNYIS PA NI SGRO SKUR DANG BRAL BA'I LTA BAS GTAN LA PHAB BA'I DON DE NYID GOMS PAR BYAS NA YANG DAG PA'I DON MNGON SUM DU MTHONG BAR 'GYUR RO, ,GSUM PA NI DE LTA BU'I YE SHES DE SKYES NA RIMS KYIS PHYIN CI LOG LAS RNAM PAR GROL BAR 'GYUR RO, ,'GREL PA LA RTZA BA LTAR GSUM LAS, DANG PO NI, GANG GI PHYIR DNGOS POR MNGON PAR ZHEN PA LAS GROL BAR MI 'THANG BA DE'I PHYIR CHES GANG LA YANG SKUR PA 'DEBS PA'I NGO BO BSAL BA MA BYAS PAR GZUGS LA SOGS PA RTEN CING 'BREL PAR 'BYUNG BA KUN RDZOB TU YANG DAG PAR YOD PA'I NGO BO 'DI NYID LA KUN RDZOB TZAB DU YOD PAR BRTAG PAR BYA BA'I CHOS GANG LA YANG SGRO 'DOGS PA'I NGO BOS BZHAG PAR MA BYAS PAR GZUGS LA SOGS PA 'DI NYID LA BDEN PA'I RANG BZHIN MED BA LA SOGS PA'I NGO BOR BRTAG PAR BYAS TE'O, ,GNYIS PA NI JI LTAR LTA BAS GTAN LA PHAB PA DE BZHIN DU GOMS PAR BYAS NGAS DE KHO NA NYID MNGON SUM DU MTHONG BAR 'GYUR RO, ,GSUM PA NI, YE SHES DE SKYES PA NA RIMS GYIS PHYIN CI LOG BZLOG PAS RNAM PAR GROL BAR 'GYUR RO, ,NGAG DON NI, SHES BYA CHOS CAN, BDEN GNYIS SGRO SKUR DANG BRAL BAR LTA BAS GTAN LA PHAB PA'I DON GO GNAS PAR BYAS NA GROL BAR 'GYUR TE, DE LTAR BYAS NA DE KHO NA NYID MTHONG NAS PHYIN CI LOG BZLOG PAR 'GYUR BA'I PHYIR, BDEN PAR MED KYANG SPANG GNYEN 'THAD DO, ,SGYU MA'I GLANG POS SGYU MA'I GLANG PO GZHAN ZHIG PHAM PAR BYAS PA BZHIN DU'O, ,GSUM PA LA GNYIS, MTHONG LAM DNGOS DANG, DE'I SPANGS PA LA

, ,DBANG BYED BA'I SGOM LAM MO, ,DANG PO LA GSUM LAS, MTSAMS SBYAR NI, DE LTAR SOGS SO, ,RTZA BA NI SBYIN PA SOGS SO, ,'GREL BA LA NGO BO DANG BYED LAS GNYIS, DANG PO NI SKAD CIG MA GCIG PA SDUG BSNGAL LA CHOS SHES PA'I BZOD PAS BSDUS PA 'KHOR GSUM RNAM BAR DAG PAS RAB TU PHYE BA'I SBYIN PA LA SOGS PA PHA ROL TU PHYIN PA DRUG PO DAG SO SOR SBYIN PA LA SOGS PA NGO BOR RE RE RE SNGA MGO SGRUB TU BSHAD PA BZHIN DU PHAN TSUN BSDUS PA GANG YIN PA'I SGO NAS NGO BO GCIG NYID KYANG LDOG PA'I RNAM PA SUM CU RTZA DRUG CAN SKYES PA GANG YIN PA DE NI RTZE MO'I MNGON PAR RTOGS PA 'DIR MTHONG BA'I LAM YIN NO, ,'DIR ZHES DMIGS KYIS BKAR BA'I DON NI, RTZE SBYOR GYI SKABS SU PHAR PHYIN RE RER DRUG DRUG BSDUS PA'I SGO NAS MTHONG LAM BSTAN NAS, SKABS GZHAN DU NI MTHONG LAM DE NYID STON TSUL GZHAN GYIS BSTAN TO ZHES PA'I DON NO, ,NGAG DON NI, THEG CHEN SDUG BSNGAL LA CHOS BZOD CHOS CAN, THEG CHEN MTHONG LAM YIN TE, PHAR PHYIN RE RER YANG PHAR PHYIN DRUG LDAN DU NYAMS SU LEN PA'I THEG CHEN GYI BDEN PA MNGON RTOGS YIN PA'I PHYIR, GNYIS PA NI, MTHONG LAM RTZE SBYOR DE RDZOGS PAR SKYES PA NA MTHONG SPANGS GZUNG 'DZIN GYI RNAM RTOG DE DAG GIS BSDUS PA'I RNAM PAR RTOG PA BSKYED PAR BYED PA'I BAG CHAGS KYI NYON MONGS PA BRGYA RTZA BRGYAD SPANGS PA RTEN CING 'BRAL BAR 'BYUNG BA'I CHOS NYID KYIS 'THOB STE, 'BRAS BU MTHONG SPANGS KYIS GZUNG BA DANG 'DZIN PA'I RNAM PAR RTOG PA BRGYA RTZA BRGYAD SPANGS PAS SO, ,RNAM RTOG BRGYA RTZA BRGYAD DU DBYER RUNG STE, GZUNG 'DZIN GYI RNAM PAR RTOG PA BZHI PO SO SOR RNAM PA DGU NYID KYIS SO DRUG TU YOD PA DE 'DOD PA'I KHAMS KYIS SO DRUG, ,GZUGS KYI

KHAMS KYI SO DRUG, GZUGS MED PA'I KHAMS KYI SO DRUG RNAMS SU DBYE BAS SO, ,GNYIS PA LA MTSAMS SBYAR NI, MTHONG LAM GYI RTOGS PA'I RGYU MTSAN DE LA DBANG DU BYA BA'I PHYIR SOGS SO, ,RTZA BA LA, MNYAM GZHAG SENG GE RNAM BSGYINGS DANG, RJES THOB RTEN 'BREL LA RTOG PA GNYIS, RIM BZHIN RKANG PA GNYIS GNYIS KYIS STON LA, DANG PO NI MDO LAS, DE RNAM THAR BRGYAD DANG SNYOMS 'JUG DGU PO DE DAG RNAM PAR PHYE ZHING SENG GE RNAM PAR BSGYINGS PA'I TING NGE 'DZIN LA SNYOMS PAR 'JUG GO ZHES SOGS DANG, GNYIS PA NI MDO LAS, RTEN CING 'BREL BAR 'BYUNG BA'I YAN LAG BCU GNYIS LUGS DANG MTHUN PA DANG LUGS DANG MI MTHUN PA LA SO SOR RTOG PAR BYED CES SOGS KYIS BSTAN TO, ,'GREL PA LA YANG SNGAR LTAR GNYIS LAS, DANG PO NI MTHONG BA'I LAM THOB PA'I RNAL 'BYOR PA DE RNAM THAR BRGYAD DANG SNYOMS 'JUG DGU'I RANG BZHIN GYI TING NGE 'DZIN SENG GE RNAM PAR BSGYINGS PA LA SNYOMS PAR ZHUGS NAS DE LAS LANGS TE RJES THOB LA 'JUG GO ,CI'I PHYIR TING NGE 'DZIN SENG GE RNAM PAR BSGYINGS PA ZHES BYA ZHE NA, SENG GE BSGYINGS PA RI DvAGS GZHAN GYIS BAG TSA BA MED PA LTAR MTHONG SPANGS KYI NYON MONGS PA DANG SHES BYA'I SGRIB PA'I 'JIGS PA MED PA'I PHYIR RO, ,GNYIS PA MNYAM GZHAG DE LAS LANGS PA'I DUS PHYIS RJES THOB TU YANG DAG PAR RTOG GO ,GANG LA NA, RTEN CING 'BREL BAR 'BYUNG BA LA'O, ,JI LTAR NA, MA RIG PA'I RKYEN GYIS 'DU BYED RNAMS ZHES BYA BA SOGS KUN NAS NYON MONGS LUGS DANG MTHUN PA DANG, SKYE BA 'GAGS PAS RGA SHI 'GAG GO ZHES BYA BA LA SOGS PA RNAM BYANG GI LUGS DANG MI MTHUN PAR RO, ,DE LA SNGA MAS MA RIG PA 'GAGS PAS 'DU BYED 'GAG CES SOGS RNAM BYANG LUGS 'BYUNG DANG, GNYIS PAS RGA SHI GANG LAS BYUNG ZHES SOGS KUN NAS NYON MONGS KYI LUGS

, ,MI MTHUN PA'I TSUL GYIS SHUGS LA 'PHEN PAR BYED DO, ,DGOS PA CI'I PHYIR DU RTOG CE NA, 'KHOR BA'I 'JUG PA RGYU 'BRAS SDUG KUN GYI BDEN PA LA MKHAS PAR BYA BA'I PHYIR DU KUN NAS NYON MONGS LUGS MTHUN DANG LUGS LDOG SGOM PAR BYED LA, 'KHOR BA'I LDOG PA RGYU 'BRAS 'GOG LAM GYI BDEN PA LA MKHAS PAR BYA BA'I PHYIR DU RNAM BYANG LUGS MTHUN DANG LUGS BZLOG TU SGOM PAR BYED DO, ,DE YANG 'DI LTAR KUN NAS NYON MONGS KYI RTEN 'BREL LUGS MTHUN DU BSGOMS PAS NI KUN 'BYUNG GI BDEN PA'I RANG BZHIN RTOGS PAR 'GYUR TE, LAS NYON GYI GTZO BO MA RIG PA DANG 'DU BYED GNYIS 'KHOR BA'I RTZA BAR RTOGS PAR 'GYUR BA'I PHYIR, DE LUGS BZLOG TU BSGOMS PAS NI, SDUG BSNGAL GYI BDEN PA'I RANG BZHIN KHONG DU CHUD PAR 'GYUR TE, SKYE BA DANG RGA SHI DAG LAS NYON GYI 'BRAS BU SMIN PA MTHAR THUG PA'I NGO BOR RTOGS PAR 'GYUR BA'I PHYIR RO, ,RNAM BYANG GI RTEN 'BREL LUGS MTHUN DU BSGOMS PAS LAM BDEN GYI RANG BZHIN RTOGS PAR 'GYUR TE, MA RIG PA'I GNYEN PO BDAG MED RTOGS PA'I SHES RAB KYIS MA RIG PA'I RTZA BA GCOD NUS PAR RTOGS PAR 'GYUR PA'I PHYIR RO; ;DE LUGS BZLOG TU BSGOMS PAS 'GOG BDEN GYI RANG BZHIN KHONG DU CHUD PAR 'GYUR TE, NYON MONGS PA CAN GYI MA RIG PA SPANGS PA'I 'BRAS BU MTHAR THUG PA NI, SKYE BA DANG RGA SHI 'GAGS PA NYID YIN PAR RTOGS PAR 'GYUR BA'I PHYIR RO, ,NGAG DON NI, SA GNYIS PA'I YE SHES LA GNAS PA'I BYANG SEMS CHOS CAN, MNYAM GZHAG TU SENG GE RNAM PA BSGYINGS LA SNYOMS PAR ZHUGS NAS RJES THOB TU RTEN 'BREL LA RTOG PA LA DGOS PA YOD DE, MTHONG LAM RNAM GROL LAM GYI RTOGS PA'I RGYUN LA DBANG BYA BA'I CHED YIN PA'I PHYIR, 'DIR NANG GI

KUN NAS NYON MONGS KYI RTEN CING 'BREL BAR 'BYUNG BA YAN LAG BCU GNYIS KYI MTHA' DPYAD PA LA YAN LAG BCU GNYIS PO SO SO'I NGO BO, ,TSE DU ZHIG LA RDZOGS PA, SA MTSUNGS SPYAD PA'O, ,DANG PO LA, MA RIG PA NI, GANG GI DBANG GIS BDEN PA DANG LAS 'BRAS SOGS LA RMONGS PAR BYED PA'I SEMS BYUNG NYON MONGS CAN, RIG PA YE SHES KYI MI MTHUN PHYOGS, 'DI MTHONG SPANGS DANG SGOM SPANGS GANG YIN ZHE NA, SGOM SPANGS KHO NA YIN PAS KHYAB PA MI 'THAD DE, MTHONG SPANGS KYI MA RIG PAS LAS 'BRAS LA SKUR BA 'DEBS PA'I LTA BA NGAN PA BSKYED DE NGAN 'GRO'I SKYE BA 'PHEN PA MI SRID PAR THAL BA'I PHYIR RO, ,DON GSANG MKHAN PO SOGS MTHONG SPANGS KHO NAR 'DOD PA YANG MI 'THAD DE, NYAN THOS KYI LAM MTHONG LAM THOB PA NA DGRA BCOM YANG THOB PAS KHYAB PAR THAL, DE'I TSE 'KHOR BA'I RTZA BA MA LUS PA SPANGS PAS KHYAB PA'I PHYIR, MA GRUB NA YAN LAG BCU GNYIS KYI DANG POR GYUR BA'I MA RIG PA YIN NA MTHONG SPANGS YIN PAS KHYAB PA BUD, DE BAS NA, 'DI LA MTHONG SPANGS DANG SGOM SPANGS KYI CHA GNYIS KA YOD PA 'THAD LA DE'I PHYIR RNAL 'BYOR SPYOD PA'I SA LAS RGYUN DU ZHUGS PAS YAN LAG DU SPANGS ZHE NA; THAMS CAD PHYOGS GCIG STE GANG YANG RIL GYIS SPANGS PA NI MIN NO ZHES SOGS SO, ,'DU BYED NI, MA RIG PA DE'I DBANG GIS BSAGS PA'I YANG SRID 'PHEN BYED KYI LAS SO, ,RNAM PAR SHES PA NI, 'DU BYED DES LAS KYI BAG CHAGS GANG LA BGOS PA'I KUN GZHI'I RNAM PAR SHES PA'O, ,MING DANG GZUGS NI RNAM SHES MA'I MNGAL DU NYID 'TSAMS SBYAR BA'I SKAD CIG GNYIS PA NUR NUR PO LA SOGS PA'I GNAS SKABS SU BYUNG BA'I PHUNG PO LNGA'O, ,SKYE MCHED DRUG NI, MING GZUGS 'PHEL BA LAS MIG LA SOGS PA'I DBANG PO DRUG

, ,DOD PAS SO, ,REG PA NI, YUL DBANG RNAM SHES GSUM PHRAD PA LAS YUL YID DU 'ONG MI 'OD PAR MA GSUM YONGS SU SPYOD PA'O, ,TSOR BA NI REG PAS YONGS SU SPYAD PA DANG MTHUN PAR, SIM GDUNG BAR MNYAMS SU MYONG BA'O, ,SRED PA NI YANG SRID DON DU GNYER PA'I 'DOD CHAGS SO, ,LEN PA NI SRED PA BYE BRAG PA 'CHI KHA'I GNAS SKABS SU BYUNG BA PHYI MI'I PHUNG PO LA LHAG PAR CHAGS PA'O, ,SRID PA NI, DE LTA BU'I LEN PAS KUN GZHI'I RNAM SHES KYI STENG GI LAS KYI BAG CHAGS DE NYID GSOS BTAB STE, SKYE BA PHYI MA MNGON PAR GRUB PAR BYED PA LA NUS PA MTHU CAN DU GYUR BA'O, ,SKYE BA NI DE LTA BU'I BAG CHAGS CAN GYI RNAM SHES MA'I MNGAL DU ZHUGS NAS PHUNG PO RIM GYIS GRUB PAS SO, ,RGA SHI NI, NA TSOD DANG SROG GYUR BA'O, ,RGA SHI YAN LAG GCIG TU GYUR PA NI, MA RGAS PAR 'CHI BA YOD PA'I PHYIR RO, ,'O NA MA RIG PA LA RKYEN GZHAN MED NA RGYU MED DU 'GYUR LA, YOD NA MA RIG PA YAN CHAD DAD PO YIN PA NYAMS SO ZHE NA, SKYON MED DE, YAN LAG SNGA MA SNGA MA PHYI MA PHYI MA'I RKYEN DU BZHAG PA NI, KUN NAS NYON MONGS BYED KYI RKYEN GYI DBANG DU BYAS PA YIN LA, MA RIG PA KUN NAS NYON MONGS BYED KYI RKYEN NI MA RIG PA SNGA MA NYID LAS GZHAN MED PA'I PHYIR RO, ,GNYIS PA NI, YAN LAG BCU GNYIS PO 'DI DAG KYANG DUS JI SRID GCIG LA TSAR GCIG RDZOGS PAR 'GYUR ZHE NA, TSE GSUM LA RDZOGS DGOS TE, DE YANG 'DI LTAR MA RIG PA DANG 'DU BYED DANG RNAM PAR SHES PA RNAMS NI, SNGON GYI SKYE BA LA YONGS STA RDZOGS TE, DE DAG NI SKYE BA 'PHEN BYED YIN PA'I PHYIR DANG, LAS BSAGS PA'I TSE DE LA TSE RABS BZHAN GRUB PA MI SRID PA'I PHYIR RO, ,MING GZUGS NAS TSOR BA'I BAR NI TSE BAR PA LA RDZOGS TE, DE DAG NI SNGON GYI LAS KYIS 'PHANGS PA'I RNAM SMIN GYI RANG BZHIN YIN PA'I PHYIR

RO; ;SRED PA DANG LEN PA DANG SRID PA GSUM YANG CHO BAR BA LA RDZOGS TE, TSE RABS SNGA MA'I LAS KYIS 'PHANGS PA'I RNAM SMIN GYI RKYEN CAN YIN CING, TSE RABS PHYI MA'I SKYE BA 'GRUB BYED YIN PA'I PHYIR RO, ,SKYE BA DANG NA SHI NI TSE PHYI MA LA RDZOGS TE, TSE 'DI'I THA MA SRID PA YIN CING, DE'I RKYEN LAS SKYE BA 'GRUB PA'I PHYIR DANG, SKYE BA'I RKYEN LAS KYANG RGA SHI 'GRUB PA'I PHYIR RO, ,DE LA SKYE BA DANG PO GNYIS NI, BAR MA CHAD DU 'BYUNG BA'I NGES PA MED DE, DE LTAR GYI MING GZUGS 'DI DAG BSKAL PA BRGYA'I SNGA ROL GYI MA RIG PA DANG 'DU BYED KYIS 'PHANGS PA SRID PA'I PHYIR RO, ,SKYES NAS MYONG 'GYUR GYI LAS KYI RNAM SMIN YIN NA, DE'I TSE TSE DANG PO GNYIS KYANG BAR MA CHAD DU 'BYUNG BA SRID LA, TSE THA MA GNYIS NI BAR MA CHAD KHO NAR 'BYUNG BA YIN NO, ,DE BAS NA TSE 'DI'I BDE BA DANG RGA SHI RNAMS NI, TSE 'DI'I MING GZUGS SOGS DANG RTEN 'BREL TSAR GCIG PA MIN GYI, SKYE BA SNGA MA'I MING GZUGS SOGS DANG RTEN 'BREL TSAR GCIG PA YIN TE, DE DAG TSE 'DI'I SRID LEN SRID PA'I RKYEN LAS BYUNG BA MIN GYI, TSE SNGA MA'I SRID LEN SRID PA'I RKYEN LAS BYUNG BA'I PHYIR RO, ,DE BAS NA BYIS PA RNAMS LA TSE GCIG NYID LA YANG YAN LAG BCU GNYIS PO THAMS CAD TSANG BA YOD MOD KYI, DE'I YAN LAG BCU GNYIS PO THAMS CAD RTEN 'BREL TSAR GCIG TU GTOGS PA NI MIN NO, ,GSUM PA NI YAN LAG BCU GNYIS PO 'DI DAG THAMS CAD SA MTSUNGS YANG YOD DE, GANG GI TSE 'DOD PA NAS SHI 'PHOS NAS 'DOD BAR SKYE BA DE'I TSE'O, ,'GA' ZHIG MI MTSUNGS PA YANG YOD DE, KHAMS DANG SA GZHAN NAS SHI 'PHOS NAS GZHAN DU SKYE BA DE'I TSE'O, ,DE LA 'DU BYED DANG, MING GZUGS DANG, SKYE MCHED DRUG NAS SRED PA'I BAR GANG YIN PA DE DAG NI GANG DU SKYE BA'I SA BA KHO NAR GTOGS PA'I

, ,PHYIR SA MTSUNGS PA YIN TE, SA GZHAN GYI 'DU BYED KYIS SA GZHAN GYI RNAM SMIN MI 'GRUB PA'I PHYIR DANG, SA GZHAN GYI TSOR BA LAS GZHAN GYI SRID PA MI 'PHEL BA'I PHYIR RO, ,MA RIG PA DANG RNAM PAR SHES PA NI GANG DU LAS GSOG PA'I RTEN DE'I RNAM PAR SMIN PA'I KUN GZHI'I RNAM SHES YIN PA'I PHYIR DANG, MA RIG PA YANG SHAS CHER NYON MONGS PA CAN GYI YID DANG MTSUNGS PAR LDAN PA YIN LA, DE YANG GANG DU SKYES BA DE YI SA BA YIN PA'I PHYIR RO, ,LEN PA DANG SRID PA NI SKYE BA DANG RGA SHI GANG DU GTOGS PA DE'I SA PA YIN TE, DE DAG NI GANG DU SKYE BA'I PHUNG PO LA CHAGS PA'I MTSAN NYID CAN SKYE BA DANG RGA SHI MNGON PAR GRUB PA'I NYE RGYU YIN PA'I PHYIR RO, GSUM PA SGOM LAS RTZE SBYOR LA, GNYEN PO SGOM LAM, SPANG BYA RNAM RTOG, GNYEN POS SPANG BYA SPANGS PA'I PHAN YON NO, ,DANG PO LA MTSAMS SBYAR BA NI, DE LTAR MTHONG BA'I LAM BRJOD NAS DE'I RJES SU RTEN SGOM PA'I LAM 'CHAD DO, ,DE'I RGYU MTSAN NI, MI MTHUN PA'I PHYOGS SPONG BA DANG, LA SOGS PA YON TAN BRTEN PA NI GRUB PA SNGON DU 'GRO BA YIN PAS NA'O, ,DGOS PA NI GO SLA BAS SO, ,RTZA BA LA MTHA' DPYAD PA DANG, TSIG GI DON GNYIS, DANG PO LA MDO LAS BSTAN TSUL, BSTAN BCOS KYIS BSDUS TSUL, THOD BRGAL GYI RANG BZHIN GTAN LA DBAB PA'O, ,DANG PO NI, MDO LAS, RAB 'BYOR BYANG CHUB SEMS DPA' CHEN PO'I TING NGE 'DZIN SENG GE RNAM PAR BSGYINGS PA GANG ZHE NA, RAB 'BYOR 'DI LA BYANG CHEN 'DOD PAS DBEN, SDIG PA MI DGE BA'I CHOS KYIS DBEN PA RTOG PA DANG BCAS DPYOD PA DANG BCAS, BDEN PA LAS SKYES PA'I DGA' BA DANG BDE BA CAN BSAM GTAN DANG PO NYE BAR BSGRUBS TE GNAS SO ZHES BYA BA NAS 'DU SHES DANG TSOR BA 'GOG PA NYE BAR BSGRUBS TE GNAS SO ZHES PA'I BAR GYIS

MTHAR GNAS KYI SNYOMS 'JUG DGU LA LUGS MTHUN DANG LUGS MI MTHUN DU SONG ZHING 'ONGS PA SBYOR BA SENG GE RNAM PA BSGYINGS PHRUGS GNYIS DANG YANG MDO LAS, RAB 'BYOR BYANG CHEN GYI TING NGE 'DZIN NI THOD BRGAL GANG ZHE NA, ZHES PA NAS, 'DU SHES DANG TSOR BA 'GOG PA NYE BAR BSGRUBS TE GNAS SO ZHES PA'I BAR GYIS SNYOMS 'JUG DGU LA LUGS MTHUN DU YAR SONG BA BAR DU GANG YANG MA SPEL BA'I DNGOS GZHI THOD PA RGAL GYI TING NGE 'DZIN PHRUGS GCIG DANG, YANG MDO LAS, 'GOG PA LAS LANGS NAS BSAM GTAN DANG PO LA'O, ,DE LAS LANGS NAS 'GOG PA LA'O, ,ZHES PA NAS SRID RTZE BAR LA SNYOMS PAR 'JUG STE, ZHES PA'I BAR GYIS YAR SONG SNYOMS 'JUG BRGYAD LA 'GOG PA SPEL BA DANG, YANG MDO LAS, MNYAM PAR MA BZHAGS PA'I SEMS MNGON DU BYED DO ZHES PA'I BAR GYIS MAR 'ONG SNYOMS 'JUG DGU LA 'DOD SEMS SPEL BA STE, DE LTAR PHRUGS LNGA MDO LAS BSTAN TO, ,DE LA SENG GE RNAM BSGYINGS GYI SKABS SU BSTAN PA'I MTHAR GNAS KYI SNYOMS 'JUG DGU LA SNYOMS PAR 'JUG PA'I TING NGE 'DZIN DANG, 'DI'I SKABS SU BSTAN PA'I PHRUGS DANG PO GNYIS SENG GE RNAM BSGYINGS KYI RING NGE 'DZIN YIN PAR KHYAD PAR MED KYANG, SNGA MA NI RTEN 'BREL LA RTOG PA'I SBYOR BA YIN LA, PHYI MA NI THOD RGAL LA 'JUG PA'I SBYOR BA YIN PA'I PHYIR DGOS PA LA CHES MI 'DRA BA'I KHYAD PAR YOD DO, ,'O NA PHRUGS DANG PO DANG GSUM MTHAR GYI SNYOMS 'JUG DGU LA LUGS MTHUN DE YAR SONG BA TZAM DU KHYAD PAR MED PA LA, SBYOR BA LA DNGOS GZHI'I KHYAD PAR 'BYUNG BA CI ZHE NA, RANG GI MJUG THOGS DE MA THAG TU SNYOMS 'JUG BRGYAD DAM DGU LA SPEL CHOS MI 'DRA BA GZHAN SPEL BA'I SGO NAS SNYOMS PAR 'JUG PA'I NUS PA THOB PA DANG MA THOB PAS TING NGE 'DZIN GYI RTZAL 'BYONGS PA DANG MA 'BYONGS PA'I KHYAD PA

, ,CHEN PO YOD PA'I PHYIR RO, ,GNYIS PA NI, RTZA BA'I RKANG PA DANG PO GNYIS KYIS SBYAR BA PHRUGS GNYIS DANG LHAG MA RNAMS KYIS PHRUGS THA MA DNGOS SU BSDUS SHING, BAR PA GNYIS DANG MTHA' BSDUS PA'I SHUGS KYIS GO SLA BAR DGONGS NAS DNGOS SU MA BSDUS PAR, NAS ZHES PA'I SGRAS KHONG NAS 'DREN PA YIN LA, 'GREL BAR PHRUGS BZHI PA YANG DNGOS SU BSTAN CING, PHRUGS GSUM PA PHRUGS DANG PO DANG SNYOMS PAR 'JUG TSUL KHYAD PAR MED PAS GO SLA BAR DGONGS TE DNGOS SU MA BSDUS SO, ,'DI DAG LA SH'AN+TI BA SOGS KYI 'CHAD TSUL MI 'DRA BA MANG DU YOD MOD KYI 'DIR SENG GE BZANG PO'I GZHUNG LUGS 'CHAD PA'I SKABS YIN PA'I PHYIR, MI MTHUN PA THAMS CAD PHYOGS GCIG TU BSGRIGS PA LA NGAL BA MA BYAS SO, ,GSUM PA LA, GANG LA SPEL BA'I GZHI, GANG SPEL BA'I DNGOS PO, ,JI LTAR SPEL BA'I TSUL, DGOS PA, SA MTSAMS SO, ,DANG PO NI, MTHAR GYIS GNAS PA'I SNYOMS PAR 'JUG PA DGU STE, 'PHAGS PA RNAMS KYIS MNGON DU BYA BA'I SEMS GNAS PA'I THABS NI DE TZAM DU ZAD PA'I PHYIR RO, ,GNYIS PA NI, 'GOG PA DANG 'DOD SEMS TE, DE DAG NI GO RIM BZHIN DU SEMS GNAS PA RNAMS KYI NANG NAS ZHI BA DANG MA ZHI BA'I MTHAR THUG PA YIN PAS, 'DI DAG DANG SPEL TE SGOM PA NA TING NGE 'DZIN GYI RTZAL RDZOGS PAR 'GYUR BAS SO, ,DE YANG BSAM GTAN BZHI DANG GZUGS MED BZHI LA 'GOG PA SPEL GYI SNYOMS 'JUG DGU KA LA NI MIN TE, 'GOG PA DANG 'GOG PA RIGS MI 'DRA BA MED PAS THOD BRGAL GYI DON MED PA'I PHYIR RO, ,'DOD SEMS NI SNYOMS 'JUG DGU KA DANG SPEL LO, ,GSUM PA NI, DNGOS GZHI PHRUGS GSUM GYI DANG PO RDZOGS PA'I RJES SU BSAM GTAN DANG PO LA SNYOMS PAR 'JUG GO ,DE LAS LANGS NAS 'GOG PA LA'O,,

ZHES PA NAS SRID PA'I RTZE MO LA SNYOMS PAR 'JUG GO ,DE LAS 'GOG PA LA SNYOMS PAR 'JUG GO ZHES PA'I BAR NI, YAR SONG 'GOG PA SPEL BA'I 'JUG TSUL YIN LA, DES NA YAR SONG 'DI LA GNAS BCU DRUG LAS MED DO, ,'O NA SRID RTZE'I RJES KYI 'GOG PA LAS LANGS NAS YANG SRID RTZE LA SNYOMS PAR ZHUGS TE, DE'I RJES SU 'DOD SEMS MNGON DU BYED PA MIN NAM, JI LTAR NA GNAS BCU DRUG LAS MED CE NA, 'DI LA KHA CIG SRID RTZE'I MJUG GI 'GOG PA LAS LANGS SRID RTZER NUD CHUNG BYAS PA'I DGOS PA NI, 'GOG PA DANG 'GOG PA SPEL DGOS LA, NUD CHUNG MA BYAS NA DE MI NUS PAS DE'I PHYIR NUD CHUNG BYAS PA YIN LA, DES NA NUD CHUNG BYAS PA'I SRID RTZE'I SEMS DANG DE'I RJES SU 'GOG PA LA SNYOMS PAR ZHUGS PA GNYIS KA YAR SONG GI GNAS SU BGRANG BAR BYA BA YIN NO, ZHES ZER BA MI 'THAD DE, 'GOG PA DANG 'GOG PA SPEL DGOS NA BSAM GTAN DANG PO DANG BSAM GTAN DANG PO SPEL DGOS PA SOGS SU RIGS PA MTSUNGS PA'I PHYIR RO, ,GONG DU BSHAD PAS KYANG GNOD PA'I PHYIR DANG, YAR SONG GI RJES SU 'GOG PA DANG 'GOG PA SPEL BA MDO DANG BSTAN BCOS RTZA 'GREL GANG DU'ANG MI 'BYUNG BA'I PHYIR RO, ,YANG KHA CIG NUD CHUNG BYAS PA'I DGOS PA NI, SRID RTZE'I RJES KYI 'GOG PA DE 'GOG PA GZHAN LAS KYANG CHES ZHI BA YIN PAS DE DANG BAR MA CHAD DU 'DOD SEMS MNGON DU BYED MI NUS PA'I PHYIR SRID RTZER NUD CHUNG BYAS NAS DE'I RJES SU MTSAMS 'DZIN GYI 'DOD SEMS MNGON DU BYED PA YIN NO, ,DE'I PHYIR 'DOD SEMS NI YAR SONG MAR 'ONG GNYIS KYI MTSAMS 'DZIN ZHING, DE'I SNGA ROL GYI SRID RTZE NI DE MNGON DU BYED PA'I THABS YIN PAS 'DI GNYIS YAR SONG MAR 'ONG GANG GI YANG GNAS SU BGRANG BAR BYA BA MIN NO ZHES 'CHAD DO, ,NUD CHUNG GI DGOS PA DE YANG MI 'THAD DE, YUM RGYAS PA DANG,

, ,'BRING DANG, NYI KHRI LAS NUD CHUNG MED PAR SRID RTZE'I RJES KYI 'GOG PA'I MJUG THOGS DE NYID DU 'DOD SEMS MNGON DU BYED PAR BSHAD PA DANG 'GAL BA'I PHYIR RO, ,KHA CIG DANG POR SBYOR BA'AM, DBANG PO RTUL PO LA NUD CHUNG DGOS LA, LEGS PAR BYANG BA DANG, DBANG PO RNON PO LA NUD CHUNG BYED MI DGOS SO ZHES SMRA BA YANG, SBYOR BA DANG DBANG RTUL LA NUD CHUNG BYED DGOS PA'I RGYU MTSAN GANG YANG MED PA'I PHYIR RDZUN GYI RIB MA TZAM DU ZAD DO, ,DES NA RANG GI LUGS NI 'DI YIN TE, BYANG SEMS 'GA' ZHIG SRID RTZE'I RJES KYI 'GOG PA LAS LANGS NAS TING NGE 'DZIN LA RTZAL SBYANG BA'I CHED DU SLAR YANG SRID RTZER LOG STE, DE NAS 'DOD SEMS MNGON DU BYED PA DE LTA BU SRID PA TZAM YIN PAS KHRI BRGYAD STONG PA 'BA' ZHIG TU DE LTA BU'I SNYOMS PAR 'JUG PAR BSHAD PA YIN LA, 'ONG KYANG PHAL CHE BA DE LTAR MI BYED PA'I PHYIR DE LAS GZHAN PA'I YUM RGYAS 'BRING BSDUS PA GANG DU YANG SRID RTZE'I RJES KYI 'GOG PA LAS LANGS NAS, 'DOD SEMS MNGON DU BYED PAR BSHAD PA MA GTOGS, SRID RTZER NUD CHUNG BYED PAR BSHAD PA CUNG ZAD KYANG MED CING, BSTAN BCOS RTZA 'GREL DU YANG DE DANG MTHUN PAR BSHAD PA YIN PAS, SRID RTZER NUD CHUNG BYAS PA DE GANG GI GNAS SU BGRANG BAR BYA BA YIN ZHES RTZOD PA'I GZHI MED DO, ,'O NA 'GREL BAR DE LAS YANGS NAS DE MA THAG PA'I SNYOMS PAR 'JUG PA LA DMIGS TE, ZHES PAS NUD CHUNG BYED PAR BSHAD PA MIN NAM ZHE NA, MIN GYI DE'I DON NI 'DI YIN NYE, LAR SONG GI MJUG GI 'GOG PA DE LAS LANGS NAS SLAR YANG SNYOMS 'JUG GZHAN GYIS BAR MA CHOD PA'I DE MA THAG TU MAR 'ONG GI THOG MA'I 'GOG PA'I SNYOMS PAR

'JUG PA LA 'JUG PAR BYA'O SNYAM DU DMIGS TE, 'GOG PA'I SNYOMS 'JUG DE NYID 'TSAMS PHYED PAR BYA BA'I PHYIR 'DOD PA NA SPYOD PA'I RNAL 'BYOR SHES PA 'TSAMS KYI NGO BOR BZHAG CES PA'I DON YIN NO, ,DE'I PHYIR 'DOD SEMS DE NI YAR 'OD DANG MAR 'OD GNYIS KYI 'TSAMS 'DZIN YIN PAR, GANG GI'ANG GNAS SU BGRANG BAR BYA BA MIN NO, ,DE NAS MAR 'ONG GI THOG MA 'GOG PA LA'O, ,DE NAS 'DOD SEMS LA'O, ,ZHES PA NAS BSAM GTAN DANG PO LA'O, ,DE NAS 'DOD SEMS LA'O, ZHES PA'I BAR DU STE, DE NAS MAR 'ONG 'DI LA GNAS BCO BRGYAD YOD DO, ,'O NA SEMS ZHES PA 'DI LA JI LTA BU ZHIG CE NA, GSER GLING PAS RNAM PAR SHES PA MNYAM PAR MA BZHAG PA NI RNAM PAR RTOG PA'I SHES PA'O, ,ZHES DANG, 'DOD PA LA NI MI DGE BA'O, ,ZHES SOGS DANG, CHOS SHES KYIS 'DOD PA NA SPYOD PA'I RNAM PAR SHES PA NI RIGS PA DANG, THA PA DANG, NGAN PA DANG, RTZIB PA RNAMS STUG PO LA SOGS PA'I RNAM PA SGYU MA TZAM DU LTA BA'AM, SEMS CAN DMYAL BA LA SOGS PA JI LTAR GNAS PA RNAMS SGYU MA TZAM DU LTA BA'O, ,ZHES BSHAD CING, BOD KHA CIG KYANG DE LTAR SMRA BA DANG, KHA CIG 'DOD PA'I SEMS RANG DGA' BA LA SMRA BA NI CHOS NOR PA STE, DE DAG GANG YIN YANG TING NGE 'DZIN DU 'GAL BAS THOD RGAL GYI TING NGE 'DZIN LA SNYOMS PAR 'JUG PA'I GNAS SU RANG NYID KYI SA BGRANG BA DANG KHAS BLANGS NANG 'GAL BA'I PHYIR DANG; THOD BRGAL SNYOMS 'JUG SGOM LAM RTZE SBYOR MIN PAR THAL BA'I PHYIR DANG, CHOS SHES KYIS DE LTAR NA KUN MKHYEN YE SHES KYANG 'DOD SEMS SU THAL TE, 'DOD PA'I RNAM SHES SGYU MA LTA BUR DMIGS PA'I PHYIR DANG, GZUGS KYI SO SKYE DMYAL BA SDUG

, ,BSNGAL BAR DMIGS SHING DRAN PA'ANG 'DOD SEMS SU THAL BA'I PHYIR RO, ,DES NA RANG LUGS NI 'DOD SEMS RTZE GCIG PA ZHI GNAS KYI CHAR GYUR PA'O, ,'O NA MNYAM PAR MA BZHAG PA'I SEMS SU 'GAL LO ZHE NA, MNYAM BZHAG MIN PA ZHES GSUNGS PA NI, MNYAM RJES GNYIS KYI NANG NAS RJES THOB YIN GYI MNYAM BZHAG MIN ZHES PA MIN GYI, SNYOMS 'JUG DGU LA MNYAM PAR BZHAG PA'I SA PA DANG, DE LAS BZLOG PA LA MNYAM BZHAG MIN PA'I SA PAR BYAS PA GNYIS KYI NANG NAS MNYAM PAR BZHAG PA'I SA PA MIN ZHES PA'O, ,THOD BRGAL GYI TING NGE 'DZIN 'DI DAG SGOM LAM DNGOS SAM DNGOS MIN ZHE NA, DNGOS YIN TE, DE YANG PHYIR ZHI GNAS DANG LHAG MTHONG ZUNG DU 'JUG CES PA'I DON NI, PHRUGS GNYIS GNYA' ZHING GCIG GIS SBREL BA LTA BU NI MIN GYI, YUL CAN ZHI GNAS KYI SEMS SU SKYES PA YUL CHOS NYID LA DMIGS NA ZHI LHAG ZUNG 'BRAL DU 'GYUR BA YIN NO, ,'DIR YANG SGOM LAM PA'I 'DOD SEMS RTZE GCIG PA DANG, BSAM GTAN BZHI DANG GZUGS MED BZHI GANG RUNG GI DE BAR SKYES PA RNAMS KYIS YUL CHOS NYID LA DMIGS NAS SNYOMS PAR 'JUG PA DANG, DE 'DRA'I STOBS KYIS THOB PA'I 'GOG SNYOMS KYI DBANG DU BYAS PA YIN NO, ,BZHI PA DGOS PA NI, SA BDUN PA MAN CHAD DU TING NGE 'DZIN RTZAL SBYANG BA DANG, DAG SAR YON TAN MNGON DU BYA BA'I CHED DU 'JUG GO ,LNGA PAS 'TSAMS NI, SA GNYIS PA NAS 'JUG STE, MTHONG LAM RTZE SBYOR GYI RNAM GROL LAM LA DBANG DU BYED PA SENG GE RNAM BSGYINGS YIN CING, SENG GE RNAM BSGYINGS ZHES MNYAM RJES KYI THOGS NAS THOD RGAL LA 'JUG PAR

BSHAD PA'I PHYIR RO THOD BRGAL GYI SNYOMS 'JUG GI TSUL JI LTA BA KHO BO 'BA' ZHIG GIS GSAL BAR BYAS SO, ,GNYIS PA TSIG GI DON LA, SBYOR BA PHRUGS GNYIS NI, 'GOG DANG BCAS PA'I SNYOMS 'JUG DGUR LUGS MTHUN DANG LUGS BZLOG RNAM PA GNYIS SU YAR SONG ZHING MAR 'ONGS NAS DNGOS GZHI LA 'JUG GO ,DNGOS GZHI PHRUGS GSUM NI, SNYOMS 'JUG LA BAR DU YANG MA SPEL BA'I YAR SONG GCIG DANG, DE NAS YAR SONG SNYOMS 'JUG BRGYAD LA 'GOG PA SPEL BA GCIG RDZOGS NAS DE'I RJES SU 'DOD PAR GTOGS PA'I RNAM PAR SHES PA RTZE GCIG PA MNYAM PAR BZHAG PA'I SA PA MIN PA GCIG GIS 'TSAMS GZUNG STE MAR 'OD LA THOD RGAL DU NI SNYOMS PAR 'JUG GO ,JI LTAR ZHE NA, 'TSAMS 'DZIN GYI 'DOD SEMS DE'I 'OG TU 'GOG PA LA'O, ,DE NAS 'DOD SEMS LA'O, ,DE NAS 'GOG PA GCIG PU BRGAL NAS SRID RTZE LA, DE NAS 'GOG PA DANG SRID RTZE GCIG BRGAL CI YANG LA, DE NAS 'DOD SEMS LA, DE BZHIN DU GSUM BRGAL RNAM SHES LA, BZHI BRGAL NAM MKHA' LA, LNGA BRGAL BSAM GTAN BZHI PA LA, DRUG BRGAL GSUM PA LA, BDUN BRGAL GNYIS PA LA, BRGYAD BRGAL BSAM GTAN DANG PO LA, DE NAS 'DOD SEMS LA'O, ,CI'I PHYIR 'DI DAG LA THOD BRGAL GYI SNYOMS 'JUG CES BYA ZHE NA, BSAM GTAN DANG PO NAS 'GOG PA'I BAR DU SPEL GZHI DANG SPAL CHOS RIGS MI 'DRA BAR SPEL NAS 'GRO BA'I PHYIR DE SKAD CES BYA'O, ,'GREL BA LA SBYOR BA, DNGOS GZHI, MING DON GYI SGO NAS MJUG BSDU BA'O, ,DANG PO NI, SONG ZHING 'ONGS NAS ZHES DRANG NGO, ,SU ZHIG NA, BYANG CHUB SEMS DPA' SGOM LAM PA RNAMS NI'O, GANG LA NA BSAM GTAN BZHI DANG, GZUGS MED PA BZHI DANG

, ,'GOG PA'I MTSAN NYID KYI SNYOMS PAR 'JUG PA DGU LA'O, ,JI LTAR NA BSAM GTAN DANG PO NAS BZUNG NAS 'GOG PA'I BAR DU 'ONGS NAS, DE'I 'OG TU 'GOG PA NAS BZUNGS TE BSAM GTAN DANG PO'I BAR DU 'ONGS TE TSUL DE LTAR LUGS DANG MTHUN PA DANG LUGS DANG MI MTHUN PA RNAM PA GNYIS KYIS GNYIS PA DNGOS GZHI LA CHUNG NGU NI GO SLA'O, ,'BRING NI, YANG BSAM GTAN DANG PO LA SNYOMS PAR ZHUGS TE, DE LAS LANGS NAS 'GOG PA LA'O, ,DE BZHIN DU 'DU SHES MED MIN GYI SKYE MCHED KYI BAR LA RE RE'I MJUG TU 'GOG PA LA SNYOMS PAR ZHUGS TE MAR 'ONG TZAM MO, ,JI LTAR ZHE NA, YAR 'ONG GI MTHA'I 'GOG PA DE LAS LANGS NAS DE DANG SNYOMS 'JUG GZHAN GYIS BAR MA CHOD PA'I DE MA THAG PA MAR 'ONG GI THOG MA'I 'GOG PA LA SNYOMS PAR 'JUG PA LA SNYOMS PAR 'JUG PAR BYA'O SNYAM DU DMIGS TE, YAR SONG GI MTHA' DANG, MAR 'ONG GI THOG MA'I 'GOG SNYOMS DE GNYIS 'TSAMS PHYED PAR BYA BA'I PHYIR, 'DOD PA NA SPYOD PA'I RNAM PAR SHES PA RTZE GCIG PA 'TSAMS KYI NGO BOR BZHAG NAS BYANG SEMS THABS MKHAS PA'I STOBS KYIS YAR SONG GI MTHA'I 'GOG PA LAS LANGS TE, 'TSAMS 'DZIN GYI RNAM PAR SHES PA MNYAM PAR MA BZHAG PA'I SA PA DE LTA BU DE MNGON DU BYAS NAS 'DOD SEMS, DE'I 'OG TU MAR 'ONG GI THOG MA'I 'GOG PA LA'O, ZHES PA NAS, DE BZHIN DU BRGYAD KYI BAR DU BOR NAS BSAM GTAN DANG PO LA'O, ,DE NAS MNYAM PAR MA BZHAG PA LA'O, ,RTZA 'GREL GNYIS KA LA NGAG DON NI, BYANG SEMS SGOM LAM PA CHOS CAN, KHYOD MTHAR GNAS KYI SNYOMS 'JUG DGU LA GZHAN MA SPEL BAR LUGS 'BYUNG

DANG LUGS BZLOG TU SNYOMS PAR 'JUG PA'I SBYOR BA PHRUGS GNYIS DANG, DE'I RJES SU YAR SONG GCIG DANG, DE'I RJES SU MAR 'ONG SNYOMS 'JUG BRGYAD LA 'DOD SEMS SPEL BA GCIG RNAMS LA SNYOMS PAR 'JUG PA'I DGOS PA YOD DE, KHYOD TING NGE 'DZIN LA RTZAL SBYANG ZHING YON TAN MNGON DU BYA BA'I CHED DU DE LTAR 'JUG PAR BYA BA'I PHYIR GSUM PA NI, SA GNYIS PA'I THOD BRGAL GYI TING NGE 'DZIN CHOS CAN, MI 'DRA BAR 'GRO BA THOD BRGAL GYI TING NGE 'DZIN YIN TE, JI LTAR BSHAD PA DE LTAR GCIG LA SOGS PA BOR NAS BSAM GTAN DANG PO NAS 'GOG PA'I SNYOMS PAR 'JUG PA LA THUG GI BAR DU SPEL GZHI DANG SPEL CHOS RIGS MI 'DRA BA SPEL BA'I SGO NAS 'GRO BA'I TING NGE 'DZIN YIN PAS NA'O, ,YANG DE CHOS CAN, SGOM LAM GYI RTZE SBYOR YIN TE, SNYOMS PAR 'JUG PA DGU LA DBANG PO NYID KYI MTSAN NYID THOD BRGAL GYI TING NGE 'DZIN MNGON DU BYED PA'I THEG CHEN GYI RJES LA MNGON RTOGS YIN PAS NA'O, ,GNYIS PA SPANG BYA RNAM RTOG LA SPYI'I 'TSAMS SBYAR BA DANG, SO SO'I DON BSHAD PA DANG, DON BSDU BA'O, ,DANG PO NI, DE LTAR SOGS SO, GNYIS PA LA, GZUNG RTOG DANG 'DZIN RTOG GO ,DANG PO LA, 'JUG PA GZUNG RTOG DANG, LDOG PA GZUNG RTOG GNYIS, DANG PO LA 'TSAMS SBYAR NI, RE SHIG SOGS SO, ,RTZA BA NI, RKANG PA DANG PO GNYIS KYIS SHES BYA'I DBANG DU BYAS PA GSUM, DE NAS GNYIS KYIS LAM GYI DBANG DU BYAS PA DRUG STE YUL DGU DANG, DE NAS GCIG GIS YUL CAN RTOG PA'I NGO BO DANG, RKANG PA THAMS GNYEN PO BSTAN PA YIN NO, ,'GREL BA NI, MDOR BSDUS PA LA DGA' BA'I SEMS CAN RJES SU 'DZIN PAS STON PAS CHOS MDOR BSDUS PA GSUNGS PA DANG, RGYAS PA LA DGA' BA'I SEMS CAN RJES SU 'DZIN PAS CHOS RGYAS PA GSUNGS PA DANG,,

, ,STON PAS JI LTAR BSHAD PA BZHIN CHOS KYI DON LA NAN TAN MI BYED PAS SANGS RGYAS KYI BA STANGS TE YONGS SU MA BZUNG BA DANG, ,BYUNG BA 'GOG PA NYID KYI MTHONG LAM GYI DUS SU SBYOR BA'I LAM GYI YON TAN MED PA DANG, YANG DAG PAR BYANG CHUB SKYE BA'I RGYU DANG MI LDAN PAS MTHONG BA'I LAM GYI YON TAN BDEN PAR MED PA DANG, MA 'DAS PA DNGOS PAR MED PA NYID KYIS MTHONG LAM GYI DUS SU SGOM PA'I LAM GYI YON TAN MED PA DANG, PHYIN CI LOG ZHI BA NYID LA SOGS PAS THEG CHEN GYI MYA NGAN LAS 'DAS PAR SBYOR BA'I LAM DANG, STONG PA NYID GSAR DU MNGON PAR BSGRUB PA NYID KYIS MTHONG LAM PA'I LAM DANG RANG BZHIN MED PA MTHONG ZIN SGOM PAR BYED PA NYID KYIS SGOM PA'I LAM STE MDOR NA DNGOS DANG LDOG PA CI RIGS PA'I SGO NAS SKABS 'DIR BSTAN PA'I YUL DGU LA DMIGS NAS BDEN PAR SNANG BA'I RTOG PA LHAN SKYES CHOS CAN, KHYOD SGOM SPANGS GZUNG BA'I RNAM PAR RTOG PA DNGOS YIN TE, KHYOD THEG CHEN GYI LAM 'JUG BYAR BDEN PAR SNANG BA'I RTOG PA LHAN SKYES YIN PA'I PHYIR, ,GNYEN PO GANG GIS SPONG ZHE NA, SGOM SPANGS 'JUG PA GZUNG RTOG RNAM PA DGU CHOS CAN, SGOM PA'I LAM GYI SBYOR BA'I GNAS SKABS KYI YUL CAN YIN TE, SBYOR BA'I GNAS SKABS 'DI SPANG BAR BYA BA NYID KYIS SO, ,GNYIS PA LA MTSAMS SBYAR NI, DE LTAR SOGS SO, ,RTZA BA NI, RKANG PA DANG PO GNYIS KYIS GNYEN PO DANG,,

LHAG MAS LDOG BYA NYAN RANG GI LAM GYI DBANG DU BYAS PA'I YUL DGU BSTAN TO, ,'GREL BA NI, NYAN RANG GI TSOGS LAM DU THEG CHEN GYI DGE BA'I BSHES GNYEN LA SOGS PA DANG BRAL BAS BYANG CHUB KYI SEMS MI SKYE BA DANG GZHAN DON DU SANGS RGYAS LA DMIGS PA'I BSOD NAMS KHYAD PAR DU 'PHAGS PA MED PAS BYANG CHUB KYI SNYING PO YID LA MI BYED PA DANG, ,SBYOR LAM DU NYAN THOS KYI SOGS DANG, RANG SANGS RGYAS KYI SOGS DANG,, MTHONG LAM DU THABS KHYAD PAR CAN DANG 'BREL BA'I SHES RAB KYI SOGS DANG, ,SGOM LAM DU MTSAN MAR DMIGS PA SOGS DANG, ,MI SLOB LAM DU MI RTAG SOGS KYI DMIGS PA SGOM PA LA BLTOS PA MED PA NYID KYIS SGOM PA MED PA DANG, ,CHOS NYID LA DMIGS PA YANG MED, GANG ZAG GI BDAG MED MI DMIGS PA YANG MED PAS, ,GNAS LUGS SGOM PA YANG MED GTAN NAS SGOM PA MED PA YANG MIN PA DANG, ,PHYIN CI LOG TU MNGON PAR ZHEN PAS DON JI LTA BA BZHIN RTOGS PA MIN PA NYID RNAMS LA DMIGS PA'I GZUNG BA'I RNAM PAR RTOG PA GNYIS PA RNAM PA DGU'O, ,DE DAG GI GNYEN PO GANG ZHE NA, GNAS SKABS DE NA SPANG BAR BYA BA NYID KYIS SGOM PA'I LAM GYI SEMS DANG SEMS LAS BYUNG BA 'JUG PA BAR CHAD MED PA'I GNAS SKABS KYI YUL CAN NAM GNYEN PO CAN YIN NO, ,NGAG DON NI, NYAN RANG GI LAM 'BRAS LDOG BYAR BDEN PA BSNANG BA'I

[FIRST] *, ,RTOG PA LHAN SKYES CHOS CAN, SGOM SPANG LDOG PA GZUNG RTOG YIN TE, SGOM LAM BAR CHAD MED LAM GYI SPANG BYA GANG GIS THEG DMAN LA LDOG BYAR ZHEN PA'I RTOG PA YIN PA'I PHYIR, GNYIS PA 'DZIN RTAG LA, RDZAS 'DZIN RTOG PA DANG BTAGS 'DZIN RTOG PA GNYIS SO, ,DANG PO LA MTSAMS SBYAR NI, DE LTAR SOGS SO, ,RTZA BA NI, RKANG PA DRUG GIS YUL DANG, THA MA GNYIS KYIS YUL CAN RTOG PA'I NGO BO STON TO, ,YUL LA YANG SHES BYA'I DBANG DU BYAS PA GSUM, NYAN THOS DANG BYANG SEMS KYI SHES RAB GNYIS, THABS GNYIS, SO SKYE'I LTA SPYOD GNYIS RNAMS RIM BZHIN NO, ,'GREL BA NI, PHUNG PO LAS MA GTOGS PA'I RDZAS SU YOD PAR YANG MA SKYES PAS SEMS CAN DU BTAGS PA DANG BLO 'KHRUL BA LA SNANG BA TZAM DU ZAD PA'I PHYIR CHOS SU BTAGS PA DANG, THAMS CAD DU KHYAB PAR 'GRO BA'I PHYIR RNAM PA THAMS CAD MKHYEN PA NYID LA SOGS PAS YUL DU BYAS PA'I CHOS THA SNYAD DU STONG BA YIN PA NYID DANG, RNAM PA THAMS CAD DU MNGON PAR ZHEN PA MA SPANGS PAS NYAN RANG GI SHES RAB CHOS LA CHAGS PA DANG, BDEN PA'I NGO BO NYID MOD PAR RTOGS PAS BYANG SEMS KYI SHES RAB CHOS JI LTA BAR RAB TU RNAM PAR 'BYED PA DANG, NYAN RANG CHEN PO GSUM GYI CHED DU BYA BA MI BYED PAS RANG DON DU DNGOS POR 'DZIN PA'I CHED DU BYA BA BYED PA DANG, BYANG

SEMS GZUGS LA SOGS PA LA MTSAN MAR MI DMIGS PA'I PHYIR THEG PA GSUM GYIS NGES PAR 'BYUNG BA DANG, BYIS PA RNAMS 'PHAGS LAM LA YANG DAG PAR RAB TU MA ZHUGS PA NYID KYI YON TAN MA DAG PA DANG, BDEN PA'I SBYIN PA LA SOGS PA LA MTSAN MAR DMIGS TE BSGRUBS PAS SPYOD PA RNAM PAR 'KHRUGS PA STE MDOR NA JI SKAD BSHAD PA'I YUL DGU LA SNGA MA MTHONG SPANGS SU BSHAD PA BZHIN DU BDEN PAR ZHAN PA'I RTOG PA LHAN SKYES RNAM PA DGU CHOS CAN, SGOM SPANGS 'DZIN PAR RNAM PAR RTOG PA DANG PO YIN TE, SGOM PA'I LAM GYI SBYOR BA NYER BA SOGS KYI GNAS SKABS KYI YUL CAN NAM GNYEN PO CAN GANG GI RANG YUL GYI 'DZIN PA BDEN PAR SNANG BA'I BLO LHAN SKYES YIN PA'I PHYIR, GNYIS PA BTAGS 'DZIN RTOG PA LA, MDOR BSTAN, RGYAS BSHAD GNYIS KYI DANG PO LA MTSAMS SBYAR NI, DE LTAR SOGS SO, ,RTZA BA'I TSIG DON 'GREL PAS 'CHAD PA NI SGOM LAM GYI MI MTHUN PA'I PHYOGS 'DZIN PA'I RNAM PAR RTOGS PA SEMS CAN DU BTAGS PA DANG SEMS CAN DU BTAGS PA DANG SEMS CAN DER RNAM PAR BZHAG PA RGYU PHUNG PO DAG BDEN PAR SNANG BA TZAM GYI YUL CAN RNAM PA DGU CHOS CAN, SGOM LAM DE DANG SPANG GNYEN DU 'BREL BA YIN TE, SGOM PA'I LAM GYIS YANG DAG PAR SPANG PAR BYA BA YIN PA'I PHYIR, GNYIS PA LA MTSAMS SBYAR NI, JI LTAR ZHES SOGS SO, ,RTZA BA NI, RKANG PA DANG PO RNAMS KYIS

[SECOND] *, ,YUL DANG, THAMS YUL CAN BSTAN TO, ,'GREL BA NI, RGYU 'BRAS NGO BO MA LUS PA'I RNAM PA THAMS CAD SOGS DANG, THEG PA GSUM GYI LAM THAMS CAD SOGS DANG, GZHI PHUNG PO SOGS SAM THAMS CAD BDAG MED PAR YONGS SU MA SHES PAS SOGS DANG, GNYEN PO SHER PHYIN PA YONGS SU MA SHES PAS SPANG BYA THAMS CAD SOGS DANG, GZUGS LA SOGS PA'I SHES BYA DANG DE BZHIN NYID DAG NGO BO DBYER MED DU YONGS SU MA SHES PAS SOGS DANG, BDUD LA SOGS PA'I RANG GI NGO BO YONGS SU MA SHES PAS THEG DMAN DANG RNAM MKHYEN GYI LAM MI MNYAM PA NYID LA KUN TU RMONGS PA DANG, DON LA SOGS DANG, 'DOD CHAGS LA SOGS PA'I NGO BO STONG PA NYID SOGS DANG, GZUNG BA DANG 'DZIN PA'I BDEN PAS STONG PA'I MTSAN NYID YONGS SU MA SHES PAS GNYIS SU MED PA LA KUN TU RMONGS PA STE, MDOR NA YUL DGU PO DAG LA DMIGS NAS SNGA MA BZHIN DU BTAGS PA TZAM DU BDEN PAR SNANG BA'I RTOG PA LHAN SKYES RNAM PA DGU CHOS CAN, SGOM SPANGS 'DZIN PA'I RNAM PAR RTOG PA THA MAR BZHED PA YIN NO, ,SGOM PA'I LAM GYI SEMS DANG SEMS LAS BYUNG BA 'JUG PA BAR CHAD MED PA'I GNAS SKABS KYI YUL CAN NAM, GNYEN PO GANG GI RANG YUL DU GYUR PA'I 'DZIN PA'I BDEN SNANG GI BLO LHAN SKYES YIN PA'I PHYIR, GSUM PA DON BSDU BA NI,, SGOM PA'I LAM GYI ZHES SOGS TE, NGAG

DON NI, GNYEN PO SGOM LAM LA BZHI YOD DE, SGOM SPANGS RTOGS PA RIGS MI 'DRA BA BZHI YOD PAS SO, ,GSUM PA PHAN YON LA MTSAMS SBYAR NI, BYANG CHUB SEMS DPA'I SGOM PA'I LAM CHEN PO'I CHEN PO LA GNAS PA LA CHOS CAN, YON TAN PHUN SUM TSOGS PA THAMS CAD BRTEN TE, SNGA MA MTHONG SPANGS SPONG TSUL BZHIN DU SGOM SPANGS RNAM PAR RTOG PA BRGYA RTZA BRGYAD SPANGS PA DANG, DUS MNYAM PA KHO NAR DE DAG GIS BSDUS PA'I NYON MONGS PA BRGYA RTZA BRGYAD SPANGS PAS SO, ,RTZA BA'I TSIG DON 'GREL PAS 'CHAD PA NI, BYANG CHUB SEMS DPA' SGOM PA'I LAM CHEN PO'I CHEN PO LA GNAS PA THEG PA GSUM GYI SPANGS RTOGS KYI 'BRAS BU RAB GYI MTHAR PHYIN 'THOB PA DE DAG GIS MDZES PAR GYUR PA LA CHOS CAN SNYING RJE'I GZHAN DBANG DU GYUR PAS RNAM PA THAMS CAD DU 'GRO BA'I BDE BA SKYES PAR MKHAS PA'I YON TAN PHUN SUM TSOGS PA THEG PA GSUM GYIS BSDUS PA THAMS CAD RNAM PA THAMS CAD DU 'BAD RTZOL MED PAR MNGON DU 'OD PA'I RNAM PAS BRTEN PAR BYED DE, SGOM PA'I LAM LA YUN RING DU GOMS PAS RNAM PAR RTOG PA RIGS BZHI PO 'TSE BAR BYED PA NYID KYIS YAMS KYI NAD DU GYUR PA 'DI RNAMS ZAD NAS YON TAN GYI GEGS BYED PA MED PAS SO,, ,DPER NA NAD ZAD CING

[FIRST] *, ,LUS RGYAS TE, DGA' BAS DBUGS 'BYIN PA THAB PA BZHIN DU'O, ,YON TAN JI LTAR MNGON DU 'ONG ZHE NA, RGYA MTSO CHEN PO LA CHU BO BZHI PO DAG BZHIN DU'O, ,BZHI PA BAR CHAD MED PA'I RTZE MO LA, NGO BO, ,DMIGS PA LA LOG RTOG PAS LAS BA'O, ,DANG PO LA 'TSAMS SBYAR NI, SGOM PA'I LAM GYI SOGS SO, ,RTZA BA'I TSIG DON 'GREL BAS 'CHAD PAS NI, 'DIR BAR CHAD MED PA'I TING NGE 'DZIN CES BYA'O, ,GANG ZHE NA, RANG GI DNGOS 'BRAS RNAM PA THAMS CAD MKHYEN PA NYID GANG YIN PA DE SANGS RGYAS NYID YIN PAS, SANGS RGYAS NYID 'THOB PA LA LAM GZHAN GYIS BAR CHAD PA MED PA'I TING NGE 'DZIN GANG YIN PA DE NI'O, ,'DI MDO NAS JI LTAR BSTAN CE NA, 'GA' ZHIG NAS DPER MDZAD NAS DE BZHIN GSHEGS PAS BAR CHAD MED RTZE, KHYAD PAR DU 'PHAGS SHING BSOD NAMS MANG PO NYID KYIS MTSON NAS BSTAN TO, NGAG DON NI, RGYUN MTHA'I YE SHES CHOS CAN, BAR CHAD MED PA'I RTZE SBYOR YIN TE, RNAM MKHYEN DNGOS SU BSKYED PA'I SGO NAS BSOD NAMS GZHAN LAS KHYAD PAR DU 'PHAGS PAR MDO LAS BSTAN PA'I RTZE SBYOR YIN PA'I PHYIR, GNYIS PA LA 'TSAMS SBYAR NI, DE'I DMIGS PA ZHES SOGS SO, ,RTZA BA'I TSIG DON 'GREL BA LAS 'CHAD PA NI, CHOS THAMS CAD CHOS CAN, BAR CHAD MED PA'I TING NGE 'DZIN 'DI'I DMIGS PA'I RKYEN DU THA SNYAD BYA STE, DES BDEN PA'I DNGOS PO MED PAR DMIGS PA'I SGO NAS SGRO 'DOGS GCOD PA'I GZHI YIN PA'I PHYIR, MKHYEN GSUM GYI DMIGS RNAM MA BRJOD PA'I DRAN PA CHOS CAN, RANG 'BRAS BAR CHAD MED RTZE'I BDAG PO'I RKYEN YIN TE, DE LA DBANG BYED PA'I RGYU YIN PA'I PHYIR, RANG BZHIN GYIS SPROS PA MA LUS PA ZHI BA'I YE SHES NYID CHOS CAN,

DE'I RNAM PA YIN TE, DE'I 'DZIN STANGS YIN PA'I PHYIR, GSUM PA LA, MDOR BSTAN PA DANG, RGYAS PAR BSHAD PA'O, ,DANG PO LA, 'DI LA NI ZHES SOGS RTZA BA'I TSIG DON 'GREL BAS 'CHAD PA NI, GNAS 'DI LA NI, ZHES SOGS TE NGAG DON NI, SHES BYA CHOS CAN, BAR CHAD MED RTZA'I DMIGS PA LA BDEN GNYIS RNAM 'BYED KYI THABS LA MKHAS PAS BDEN GNYIS 'GAL BAR RTZOD PA'I KLAN KA BSAL BAR BYA STE, MA GSAL NA, DMIGS PA'I RANG BZHIN MI RTOGS PA'I PHYIR, BAR CHAD MED RTZE CHOS CAN, ZAB PA YIN TE, BDEN GNYIS LA MI MKHAS PAS KHYOD KYI DMIGS PA RTOGS DKA' BA'I PHYIR, GNYIS PA LA 'TSAMS SBYAR NI, BLO'I NOR CAN SOGS SO, ,RTZA BA NI, RKANG PA DANG PO DGUS YUL DANG DE NAS PHYED KYIS RTEN GANG ZAG DANG, DE NAS PHYED KYIS NGO BO DANG, DE NAS GNYIS KYIS DBYE GRANGS BSTAN TE, ,'GREL PA LA, BSAL BYA KLAN KA DANG, DE BSAL NAS TING NGE 'DZIN BSKYED TSUL LO, ,DANG PO NI, LOG PAR RTOG PA BCU DRUG GO, GANG ZAG GANG GI ZHE NA, SKYE BO BYANG CHUB SEMS DPA' THABS LA MI MKHAS PA MI SHES PAS DNGOS POR RAB TU SMRA BA THAMS CAD KYIS LOG PAR RTOG PA'O, ,NGO BO JI LTA BU ZHE NA, PHAN TSUN 'GAL BA LTAR SNANG BA'I DON GZHI GCIG LA BSGRUBS PAS MI 'THAD PA SEMS PA NYID KYI RNAM PA CAN MTHA' GZHAN DU DGOS PA DANG BCAS PA'I THE TSOM GYI NGO BO YIN NO, ,YUL GANG LA LOG PAR RTOG CE NA, JI SKAD BSHAD PA'I RNAM MKHYEN KYI YUL LA LOG PAR RTOG PAR GNYID KYI RNAM PA THAMS CAD MKHYEN PA NYID KYI RTEN CAN ZHES SOGS SO, ,BCU DRUG PO GANG ZHE NA, RNAM MKHYEN GYI DMIGS PA MI 'THAD PAR THAL, 'DUS BYAS DANG 'DUS MA BYAS KYI KHAMS DAG DNGOS PO MED PA NYID KYIS SO, ,ZHES DON DAM

[SECOND] *, ,GYI KHAS BLANGS RTAGS SU BKOD NAS KUN RDZOB KYI RNAM GZHAG SUN 'BYIN PA DON DAM SGO CAN GYI KLAN KA DMIGS PA 'THAD PA LA LOG PAR RTOG PA'O, ,DE BZHIN DU DBU MA PA'I KUN RDZOB KYI KHAS BLANGS RTAGS SU BKOD NAS DON DAM GYI RNAM BZHAG SUN 'BYIN PA LA KUN RDZOB SGO CAN GYI KLAN KA ZHES BYA'O, ,'O NA DE DAG LA LAN JI LTAR BDAB PAR BYA ZHE NA, KHA CIG DON DAM SGO CAN LA KUN RDZOB TU RTAGS MA GRUB CES MTHA' GCIG TU RTAGS MA GRUB KYI LAN 'DEBS PAR 'DOD PA DANG, KHA CIG DON DAM SGO CAN GYI KLAN KA KUN RDZOB TU RTAGS MA GRUB, DON DAM DU 'DOD, DON DAM DE'I PHYIR NA, KUN RDZOB TU DER THAL LA KHYAB PA MA NGES ZHES SOGS KYI LAN 'DEBS PAR 'DOD PA NI CHES MI 'THAD DE, KHOS RNAM MKHYEN GYI DMIGS PA MI 'THAD PAR THAL ZHES BRJOD PA'I TSE, DON DAM DU RNAM MKHYEN GYI DMIGS PA MI 'THAD PA'AM, KUN RDZOB TU RNAM MKHYEN GYI DMIGS PA MI 'THAD PA GANG YANG RUNG BA ZHIG NGES PAR THAL CHOS SU 'GRO DGOS SAM, DE GNYIS GANG YANG MA SONG BAR RNAM MKHYEN GYI DMIGS PA MI 'THAD PA TZAM THAL CHOS SU SONG, DE BZHIN DU RTAGS LA YANG SBYAR RO, ,DE LA PHYI MA LTAR NA LAN 'DEBS TSUL DE LTAR BYED PA DANG 'GAL LO, ,DANG PO LTAR NA SGRA MI RTAG PAR SGRUB PA'I TSE, SGRA'I MI RTAG PA 'AM BUM PA'I MI RTAG PA GANG YANG RUNG BA ZHIG NGES PAR BSGRUB BYA'I CHOS SU 'GRO DGOS PAR THAL LO, ,CI STE MI RTAG PA THAMS CAD DE GNYIS SU KHA CHON MCHOD CING, RNAM MKHYEN GYI DMIGS PA BDEN GNYIS GANG RUNG DU KHA TSON CHOD PAS MI MTSUNGS SO ZHE NA, BDEN GNYIS SU KHA TSON CHOD PA TZAM GYIS DMIGS PA MI 'THAD PAR THAL ZHES BRJOD PA NA, KUN RDZOB TU DMIGS PA MI 'THAD PA

PA DANG, DON DAM DU DMIGS PA MI 'THAD PA GANG RUNG THAL CHOS SU NGES PAR 'GYUR DGOS NA, SGRA MI RTAG PAR SGRUB PA'I TSE, DON DAM DU MI RTAG PA DANG, KUN RDZOB TU MI RTAG PA GANG RUNG BSGRUB BYA'I CHOS SU NGES PAR 'GYUR DGOS PAR THAL LO, ,DES NA RANG LUGS NI DON DAM SGO CAN GYI KLAN KA LA DON DNGOS MED KYANG KUN RDZOB TU DMIGS PA 'THAD PA'I PHYIR, KHYAB PA MA NGES SO ZHES PA LTA BU KUN RDZOB KYI SGO NAS KHYAB PA MA NGES PA'I LAN DANG, KUN RDZOB SGO CAN GYI KLAN KA LA, KUN RDZOB TU DE LTAR YOD KYANG, BDEN DNGOS MED PA'I PHYIR DON DAM DU MI 'THAD PAS, KHYAB PA MA NGES SO ZHES KUN RDZOB KYI SGO NAS KHYAB PA MA NGES PA'I LAN GDAB PAR BYA'O, ,DE BZHIN DU SBYAR RO, ,DMIGS PA'I NGO BO NYID NGES PAR MED PAR THAL, RNAM PA THAMS CAD DU RANG BZHIN MED PA'I PHYIR, ZHES DMIGS PA'I NGO BO NYID NGES PAR GZUNG BA LA LOG PAR RTOG PA DANG, RNAM MKHYEN GYI YE SHES MED PAR THAL, DNGOS PO DANG, DNGOS PO MED PA MI DMIGS PAS SO, ,ZHES RNAM PA THAMS CAD MKHYEN PA NYID KYI YE SHES LA DANG, BDEN GNYIS MI 'THAD PAR THAL, CHOS THAMS CAD DE BZHIN NYID KYI NGO BO NYID KYIS SO, ,KUN RDZOB DANG DON DAM PA'I BDEN PA LA DANG SBYOR BA MI 'THAD PAR THAL, SBYIN PA LA SOGS PA MI DMIGS PAS SO, ,ZHES SBYOR BA LA DANG, SANGS RGYAS MED PAR THAL, RTOGS PAR BYA BA MED PAS SO, ,ZHES SANGS RGYAS DKON MCHOG LA DANG CHOS MED PAR THAL, MING DU BTAGS PA TZAM DU ZAD PAS SO ZHES CHOS DKON MCHOG LA DANG, DGE 'DUN MED PAR THAL, GZUGS LA SOGS PAR DMIGS PA BKAG PAS SO ZHES DGE 'DUN DKON MCHOG LA DANG, THABS MKHAS MED PAR THAL, LAM SBYIN

, ,PA LA SOGS PA MI DMIGS PAS SO ZHES THABS LA MKHAS PA LA DANG, SANGS RGYAS KYI MNGON RTOGS MED PAR THAL, DNGOS PO DANG DNGOS PO MED PA GNYIS KA'I NGO BO RTOGS PA BKAG PAS SO ZHES DE BZHIN GSHEGS PA'I MNGON PAR RTOGS PA LA DANG, RTAG PA SOGS PHYIN CI LOG MIN PAR THAL, MI RTAG PA NYID LA SOGS PA YANG SPROS PA RNAM PAR BZHAG PA TZAM YIN PA NYID KYIS SO ZHES RTAG PA LA SOGS PAR PHYIN CI LOG PA LA DANG, LAM SGOM PA MI 'THAD PAR THAL, LAM RNAM PAR 'BRAS BU MNGON SUM DU MI BYED PAS SO ZHES LAM LA DANG, SPANG BYA MED PAR THAL, DOR BYA MED PAS SO, ,GNYEN PO MI 'THAD PAR THAL, BLANG BYA MED PAS SO ZHES MI MTHUN PA'I PHYOGS DANG GNYEN PO LA SOGS PAR RTOG PA GNYIS DAG DANG, MTSAN NYID MI 'THAD PAR THAL, RTEN CHOS CAN MED PAS SO ZHES CHOS KYI MTSAN NYID LA DANG, YUL SGO, PA MI 'THAD PAR THAL, BSGOM BYA RANG DANG SPYI'I MTSAN NYID MI 'THAD PAS SO ZHES SGOM PA LA LOG PAR RTOG PA'O, ,GNYIS PA NI, BAR CHAD MED PA'I TING NGE 'DZIN BKYED PAR BYA'O, ,SU ZHIG GIS ZHE NA, BYANG CHUB SEMS DPA' DGE BA 'DOD PA RNAMS KYIS SO, ,THABS GANG GIS ZHE NA, 'GAL RKYEN LOG RTOG DE LTA BU RNAM PA STONG DU BSAL BA SNGON DU 'GRO BA'I SGO NAS, MTHUN RKYEN DMIGS RNAM LA RJES PA RNAM PA THAMS CAD DU YANG DAG PAR BSKYED NAS SO, ,LOG RTOG JI LTAR SEL ZHE NA, BDEN PA GNYIS KA LA BRTEN PA THABS LA MKHAS PAS SEL DGOS TE, RTZOD PA'I TSUL BDEN GNYIS GANG RUNG RE LA BRTEN PA'I KHAS BLANGS RTAGS SU BKOD NAS CIG SHOS SUN 'BYIN PAR BYED PA DE BAS NA

KUN RDZOB SGO CAN GYI KLAN KA LA GO RIM BZHIN DU DON DAM DANG, DON DAM SGO CAN GYI KLAN KA LA KUN RDZOB KYI SGO NAS KHYAB PA MA NGES PA'I LAN GDAB DGOS PAS SO, ,NGAG DON NI, BAR CHAD MED RTZE BSKYED PAR 'DOD PA'I BYANG SEMS CHOS CAN, KHYOD KYIS BAR CHAD MED RTZE BSKYED PA'I 'GAL RKYEN SEL ZHING MTHUN RKYEN NGES PAR BSKYED PA LA BDEN GNYIS RNAM 'BYED KYI THABS LA MKHAS DGOS TE, KHYOD KYIS BDEN GNYIS 'GAL BAR BRTZOD PA'I DON DAM SGOM CAN GYI KLAN KA LA KUN RDZOB DANG, KUN RDZOB SGO CAN GYI KLAN KA LA DON DAM GYI SGO NAS LAN GDAB DGOS PA'I PHYIR, GSUM PA SKABS BSDU BA NI, SHER PHYIN PA'I MAN NGAG GI BSTAN BCOS MNGON PAR RTOGS PA'I RGYAN GYI 'GREL BA DON GSAL BA'I RNAM BSHAD RTOGS PAR DKA' BA'I SNANG BA LAS SKABS LNGA PA'I RNAM PAR BSHAD PA'O, ,GSUM PA BRTAN PA THOB PA'I DON DU SGOM PA MTHAR GYIS PA'I SBYOR BA LA GSUM, 'BREL BKOD PAS 'TSAMS SBYAR, 'BREL PA CAN GYI RAB BYED BSHAD, SKABS BSDU BA'O, ,DANG PO LA, RTZE SBYOR GYI 'OG TU MTHAR GYIS PA'I MNGON PAR RTOGS PA 'CHAD PA'I RGYU MTSAN YOD DE, RTZE MO'I MNGON PAR RTOGS PA THOB PA'I BYANG SEMS KYIS MKHYEN GSUM GYI MTSAN NYID SOGS SO SO BA THOS BSAM GYIS GTAN LA PHAB PA DANG, MKHYEN GSUM RNAM PAR BSDUS PA NYAMS SU BLANGS PA'I SKABS NYID DU RTOGS PA'I DON RNAMS GO RIM BZHIN DU YID LA SLANGS NAS BRTAN PAR BYA BA'I PHYIR RNAM PAR SGOM PAR BYED PA'I RGYU MTSAN GYIS DE LTAR BSHAD PA'I PHYIR, GNYIS PA LA, RTZA BA NI, SBYOR BA PHUN TSOGS SBYIN PA NAS SHES RAB KYI BAR DAG DANG, BSAM PA PHUN TSOGS SANGS RGYAS LA SOGS RJES SU DRAN PA DRUG DANG, DE DAG RNAM PAR DAG

, ,BYANG CHOS THAMS CAD BDEN PA'I DNGOS PO MED PA'I NGO BO NYID KYIS SNGAR RTOGS ZIN GOMS PAR BYED PA'I SBYOR BA DE CHOS CAN, MTHAR GYIS PA'I BYA BAR BZHED DE, THEG CHEN GYI THABS SHES KYIS SNGAR THOB ZIN RNAMS BRTAN POR BYA BA'I PHYIR DU SGOM PA'I BYANG SEMS KYI RNAL 'BYOR YIN PA'I PHYIR, 'GREL BA LA GSUM LAS, SBYOR BA PHUN TSOGS NI, SBYIN PA'I PHA ROL PHYIN PA LA SOGS PA 'KHOR GSUM RNAM PAR DAG PAS RAB TU PHYE BA DRUG RNAM PA THAMS CAD DU YONGS SU RDZOGS PAS SA BCU YANG DAG PAR SGRUB PAR BYED PA'I BYANG SEMS SBYOR LAM PA'I RNAL 'BYOR GANG YIN PA DE NI CHOS CAN, SKABS 'DIR MTHAR GYIS BA'I BYA BAR BZHED PA YIN TE, RANG GIS SNGAR THOB ZIN PA'I THABS SHES RNAMS KHYAD PAR DU GYUR BA'I SGO NAS BRTAN POR BYA BA'I PHYIR DU SGOM PA'I BYANG SEMS KYI RNAL 'BYOR YIN PA'I PHYIR, SA BCU RDZOGS PA LA PHAR PHYIN BCU RDZOGS PA DGOS PA MIN NAM ZHE NA, SKYON MED DO, PHA ROL PHYIN PA LHAG MA BZHI NI SHER PHYIN PA'I NANG DU 'DUS PAR RO, ,GNYIS PA BSAM PA PHUN TSOGS LA, RTEN DKON MCHOG DRAN PA NI, DRAN PA NYE BAR BZHAG PA LA SOGS PA DANG, BYANG CHUB KYI YAN LAG GI RNAM PA DANG, 'PHAGS PA'I LAM YAN LAG BRGYAD PA STE LAM GSUM DON DAM PAR DRAN PA MED CING KUN RDZOB TU RGYU LAM GSUM PO DE'I MTSAN NYID KYI SGO NAS 'BRAS BU SANGS RGYAS RJES SU DRAN PA RNAM PA GSUM PO GO RIM BZHIN DU NGES PAR 'BYED PA'I CHA DANG MTHUN PA DANG, MTHONG BA DANG, SGOM PA'I LAM RJOD PAR BYED PA YIN LA, NGAG DON NI, DRAN PA NYER GZHAG SOGS KYI SGO NAS SANGS RGYAS RJES SU DRAN PAR BYED PA'I SBYOR LAM GANG YIN PA DE NI CHOS CAN, CHOS RTAGS SNGAR

DANG 'DRA, 'OG MA THAMS CAD LA YANG NGAG DON 'DI BZHIN DU PHRAL TE DGOD PAR BYA'O, ,DGE BA DANG MI DGE BA DANG LUNG DU MA BSTAN PA'I CHOS SNGAR BSHAD PA DE BZHIN DU DON DAM PAR DRAN PA MED CING KUN RDZOB TU MTSAN NYID KYI SGO NAS RJES SU DRAN PA DANG, SNGA MA BZHIN DU BYANG CHUB SEMS DPA' 'PHAGS PA PHYIR MI LDOG PA DGE 'DUN RJES SU DRAN PA DANG BDE BZHIN DU LAM GYI GZHI TSUL KHRIMS DANG, LAM GYI YAN LAG GTONG BA DANG, LAM NYAMS SU LEN PA'I DBANG PO LHAR SKYES PA'I 'PHAGS PA RNAMS DAN DRAN CING KUN RDZOB TU MTSAN NYID KYI SGO NAS RDZAS SU DRAN PA'I, ,GSUM PA DE DAG RNAM PAR DAG PAR BYAD PA'I SBYOR BA NI, GZUGS LA SOGS PA'I CHOS THAMS CAD BDEN PA'I DNGOS PO MED PA'I NGO BO NYID DU SNGAR KHONG DU CHUD PAS PHYIS RTOGS ZIN GOMS PAR BYED PA GANG YIN PA DE NI CHOS CAN, SKABS 'DIR MTHAR GYIS PA'I BYA BAR BZHAD PA YIN TE, RTAGS NI SNGAR LTAR RO, ,GSUM PA NI SHER PHYIN PA'I MAN NGAG GI BSTAN BCOS MNGON PAR RTOGS PA'I RGYAN GYI 'GREL BA DON GSAL BA'I RNAM BSHAD RTOGS PAR DKA' BA'I SNANG BA LAS SKABS DRUG PA'I RNAM PAR BSHAD PA'O,, ` ,,BZHI PA BRTAN PA THOB NAS SGOM PA SKAD CIG MA'I SBYOR BA LA, 'BREL BKOD PAS 'TSAMS SBYAR, 'BREL BA CAN GYI RAB BYED BSHAD, SKABS BSDU BA'O, ,DANG PO NI, MTHAR GYIS PA'I 'OG TU SKAD CIG MA GCIG PA MNGON PAR RDZOGS PAR BYANG CHUB PA'I SBYOR BA 'CHAD PA'I RGYU MTSAN YOD DO, MTHAR GYIS PA'I MNGON PAR RNAM PAR SGOM PA NA, SNGAR THOB PA DE DAG NYID SKAD CIG MA GCIG GIS BSGAMS PAS DE LTAR BSHAD PA YIN PA'I PHYIR RO, ,DE LTAR SGOM NUS TO, BRTAN PA THOB PA'I DON DU SHIN TU GOMS PAR BYAS PA'I

, ,PHYIR RO, ,GNYIS PA LA SPYI'I DON DANG, TSIG GI DON GNYIS LAS, DANG PO NI, SKAD CIG MA'I SBYOR BA BZHI PO 'DI DAG DBYE GZHI, GANG LA TSUL JI LTAR DBYE ZHE NA, DBYE GZHI NI SA BCU RGYUN MTHA'I YE SHES SO, ,DBYE NA RNAM PAR SMIN PA MIN PA DANG, RNAM PA SMIN PA DANG, MTSAN NYID MED PA DANG, GNYIS SU MED PA'I SKAD CIG SBYOR BZHI'O, ,JI LTAR 'BYED PA'I TSUL NI, RGYUN MTHA'I YE SHES GCIG NYID KYANG YON TAN MNGON DU BYED TSUL DANG, YUL RTOGS TSUL GYI LDOG PAS BZHIR PHYE BA YIN TE, DE YANG 'DI LTAR SA BDUN PA MAN CHAD KYI ZAG MED KYI YON TAN RNAMS NI 'BAD RTZOL GYIS BSKYED PAR BYA BA YIN PA'I PHYIR, RNAM PAR SMIN PA MIN PA ZHES BYA LA, DE DAG MNGON DU BYED PA'I LDOG PA NAS RNAM PAR SMIN PA MED PA'I SKAD CIG SBYOR ZHES BYA'O, ,DAG SA'I ZAG MED KYI YON TAN RNAMS NI 'BAD MED DU THOB PA'I PHYIR RNAM PAR SMIN PA ZHES BYA LA, DE DAG RIGS MNGON DU BYED PA'I LDOG PA NAS RNAM PAR SMIN PA'I SKAD CIG SBYOR ZHES BYA'O, ,DE BZHIN DU KUN BYANG GI CHOS BDEN PA'I MTSAN NYID MED PAR SHES PA'I LDOG PA NAS MTSAN NYID MED PA'I SKAD CIG SBYOR DANG, CHOS THAMS CAD GZUNG 'DZIN GNYIS SU MED PAR RTOGS PA'I LDOG PA NAS GNYIS SU MED PA'I SKAD CIG SBYOR ZHES BYA'O, ,MNGON DU BYED TSUL NI RGYUN MTHA' YE SHES KYI SNGAR SLOB LAM GYI GNAS SKABS SU THOB PA'I ZAG MED KYI YON TAN GYI RIGS GCIG MNGON DU BYAS PA'I DUS DE'I TSE SLOB LAM DU THOB PA'I ZAG MED KYI YON TAN GYI RIGS THAMS CAD SKAD CIG GCIG LA MNGON DU BYED CING, DE'I SKAD CIG GNYIS PA DE RNAM MKHYEN GYI YE SHES SU SKYE BA YIN NO, ,DE'I PHYIR MDO

LAS SKAD CIG GCIG DANG LDAN PA'I SHES RAB KYIS CHOS THAMS CAD RNAM PA THAMS CAD DU MNGON PAR RDZOGS PAR BYANG CHUB CES GSUNGS SO, DE LTAR MNGON DU BYED NUS PA'I RGYU MTSAN SOGS NI TSIG DON GYIS RTOGS PAR 'GYUR RO, GNYIS PA NI, SBYOR BA DE YANG LDOG PA'I MTSAN NYID KYI RNAM PA BZHI YOD PA LAS DANG PO RNAM PAR SMIN PA MIN PA'I SKAD CIG SBYOR LA, DNGOS DANG, DE MTSON BYED KYI DPE GNYIS, DANG PO LA 'TSAMS SBYAR NI, DANG PO SOGS SO, RTZA BA'I TSIG DON 'GREL PAS 'CHAD PA NI, THUB PA BYANG CHUB SEMS DPA' RGYUN MTHA' PA'I RTOGS PA NI CHOS CAN, SKAD CIG MA GCIG PA'I MNGON PAR RDZOGS PAR BYANG CHUB PA'I SBYOR BA DANG POR SHES PAR BYA STE, RNAM PAR SMIN PA MIN PA'I ZAG MED KYI CHOS RIGS GCIG MNGON DU BYAS PA'I DUS SU KUN MNGON DU BYED NUS PA'I SLOB LAM GYI YE SHES MTHAR THUG YIN PA'I PHYIR, TSUL JI LTAR MNGON DU BYED NA, MANG PO YUL DU BYED PA'I SHES PAS GCIG YUL DU BSDUS PA YOD PA 'BA' ZHIG TU MA ZAD KYI 'ON KYANG ZAG MED KYI CHOS GCIG YUL DU BYED PA'I YE SHES KYIS DU MA YUL DU BYED PA YOD DE, SBYIN PA LA SOGS PA'I YE SHES GCIG DMIGS PAR BYA BA'I YUL DU BYED PA RGYUN MTHA'I SKAD CIG MA GCIG PA'I YE SHES DNGOS PO RNAMS KYI RANG BZHIN SO SOR NGES PAR 'DZIN PA'I PHYIN CI LOG DANG BRAL BA NGO BOS SBYIN PA LA SOGS PA NAS DPE BYED BZANG PO BRGYAD CU'I BAR GYI MTSAN NYID KYI CHOS RNAMS YUL DU BSDUS PA'I PHYIR, DE NAS GZHUNG 'DI'I DON NI 'DI LTAR BSHAD PAR BYA BA YIN GYI, YUL CAN GYIS GCIG MNGON DU BYAS PA NI KUN MNGON DU BYED NUS TE, YUL GCIG GIS KUN BSDUS PA'I PHYIR ZHES PA LA SBYOR BA NI, BLO CHOS DANG DON CHOS KHYAD PA

, ,MED PAR 'KHRUL BA'I NOR BA CHEN PO YIN LA, ZAG MED KYI YE SHES GCIG MNGON DU BYAS PA NA KUN MNGON TU BYED NUS PA'I RGYU MTSAN GZHUNG 'OG MA RTZA 'GREL GYIS 'CHAD PA YIN CING, 'DIR NI DE'I SGRUB BYA NYID 'CHAD PA YIN NO, GZHAN YANG GCIG YUL DU BYED PA'I YE SHES KYIS KUN YUL DU BYED PA YOD PAR LUNG GIS KYANG 'GRUB STE, 'PHAGS PA LHA'I GZHUNG LUGS LAS CHOS KYI DBYINGS KYI RANG GI NGO BOR GCIG PA LA DGONGS NAS, CHOS DBYINGS DE DNGOS PO GCIG GI DE BZHIN NYID YIN PAR MA ZAD DNGOS PO KUN GYI NGO BO NYID YIN LA, DNGOS PO KUN GYI DE BZHIN NYID YIN PAR MA ZAD DNGOS PO GCIG GI NGO BO NYID KYANG YIN PAS GANG GIS DNGOS PO GCIG GI GNAS LUGS SU GYUR BA'I DE BZHIN NYID MNGON SUM DU MTHONG BA DE YIS DNGOS PO KUN GYI DE BZHIN NYID MNGON SUM DU MTHONG NGO, ZHES 'BYUNG BA'I PHYIR RO, DES NA LUNG 'DIS CHOS NYID DNGOS PO GCIG GI GNAS LUGS YIN PA LTAR DNGOS PO KUN GYI GNAS LUGS YIN CES STON PA YIN GYI, t'IKA BYED GZHAN DAG GIS 'CHAD PA LTAR DNGOS PO GCIG GI CHOS NYID DE DNGOS PO KUN GYI CHOS NYID YIN CES PAR BSHAD NA, BUM PA'I STENG DU BDEN PAR GRUB PA BKAG PA'I CHA DE KA BA'I STENG DU BDEN PAR GRUB PA BKAG PA'I CHA YIN PA SOGS SU 'GYUR BAS GRANGS CAN GYI SPYI GTZO BO DANG, KHYAD PAR CUNG ZAD KYANG MED LA, KHA CIG DON DAM PAR DNGOS PO GCIG GI NGO BO NYID DNGOS PO KUN GYI NGO BO NYID DU 'DUS ZHES 'CHAD PA YANG MI 'THAD DE, DON DAM PAR DNGOS PO GCIG GI NGO BO NYID GZHI MA GRUB PAS DNGOS PO KUN GYI NGO BO NYID DU 'DUS PA 'GAL BA'I PHYIR RO, GNYIS

PA 'TSAMS SBYAR NI, YANG JI LTAR SOGS SO, RTZA BA'I TSIG DON 'GREL BAS 'CHAD PA NI, BYANG SEMS RGYUN MTHA' PA CHOS CAN, SKAD CIG MA GCIG KHO NA LA ZAG PA MED PA'I YE SHES GCIG DMIGS NA DE DANG RIGS MTHUN PA MNGON DU BYED NUS PA'I RGYU MTSAN YOD PA YIN TE, SNGON GYI SMON LAM GYI 'PHEN PA DANG, CHOS THAMS CAD KYI GNAS LUGS CHOS KYI DBYINGS KYI RANG BZHIN DU RO GCIG PAR GOMS PA MTHAR PHYIN PA'I MTHUS DE LTAR NUS PA'I PHYIR, DPER NA SKYES BU ZHES SOGS SO, GNYIS PA RNAM PAR SMIN PA'I SKAD CIG SBYOR LA, 'TSAMS SBYAR NI, DE LTAR SOGS SO, ,RTZA BA'I TSIG DON 'CHAD PA NI, RGYUN MTHA'I YE SHES NI, SHER PHYIN PA'I SKAD CIG MA GCIG PA'I MNGON PAR RDZOGS PAR BYANG CHUB PA'I SBYOR BA GNYIS PA YIN TE, SKAD CIG MA GCIG KHO NA LA RNAM PAR SMIN PA'I GNAS SKABS SU THOB PAR GYUR PA'I ZAG PA MED PA'I CHOS RNAMS KYI RIGS THAMS CAD MNGON DU GYUR PA'I SGO NAS RTOGS PA'I SLOB LAM GYI YE SHES MTHAR THUG YIN PA'I PHYIR, NAM GYI TSE RTOGS ZHE NA, GANG GI TSE BYANG CHUB SEMS DPA' GNYAN PO BSGOMS PAS MI MTHUN PA'I PHYOGS THAMS CAD DANG BRAL BA NA RNAM PAR BYANG BA'I PHYOGS RNAM PAR SMIN PA CHOS NYID KYI GNAS SKABS SU THOB PA'I YON TAN RNAMS DRI MA THAMS CAD DANG BRAL BAS STON KA'I ZLA BA'I 'OD BZHIN DU DKAR BA'I NGO BO NYID DU SKYES PA DE'I TSE'O, GSUM PA MTSAN NYID MED PA'I SKAD CIG SBYOR LA, 'TSAMS SBYAR NI, DE LTAR SOGS SO, RTZA BA'I TSIG DON 'CHAD PA NI, RGYUN MTHA'I YE SHES CHOS CAN, SKAD CIG MA GCIG PA MNGON PAR RDZOGS PA BYANG CHUB PA'I SBYOR BA GSUM PA YIN TE, SBYIN PA LA SOGS PA ZHES PA NAS MTSAN NYID MED PA NYID DU SHES PA'I SLOB LAM GYI RNAL 'BYOR MTHAR THUG

, ,YIN PAS NA'O, DE LTAR SHES NUS PA'I RGYU MTSAN YOD DE, SNGON CHOS THAMS CAD CES PA NAS SGRUB PAS YUN RING DU GNAS PA'I RGYU MTSAN GYIS DE LTAR SHES PA'I PHYIR, BZHI PA GNYIS SU MED PA'I SKAD CIG SBYAR LA, 'TSAMS SBYOR NI, DE LTAR SOGS SO, RTZA BA'I TSIG DON 'CHAD PA NI, RGYUN MTHA'I YE SHES CHOS CAN, SKAD CIG MA GCIG PA'I MNGON PAR RDZOGS PAR BYANG CHUB PA'I SBYOR BA BZHI PA YIN NO, ,CHOS RNAMS KYI DE KHO NA NYID GNYIS SU MED PA'I TSUL DU SKAD CIG MA GCIG KHO NAS RTOGS PA'I SLOB LAM GYI RNAL 'BYOR MTHAR THUG YIN PAS NA'O, DE LTAR RTOGS NUS PA'I RGYU MTSAN YOD DE, YUN RING MO ZHES PA NAS CHOS THAMS CAD KYANG GZUNG 'DZIN GNYIS SU BDEN PA DANG BRAL BA DE LTA BU'I CHOS NYID YIN NO ZHES RTOGS NUS PA'I PHYIR, GSUM PA SKABS BSDU BA NI, SHER PHYIN PA'I MAN NGAG GI BSTAN BCOS MNGON PAR RTOGS PA'I RGYAN GYI 'GREL PA DON GSAL PA'I RNAM BSHAD RTOGS PAR DKA' BA'I SNANG BA LAS SKABS BDUN PA'I RNAM PAR BSHAD PA'O,, ` ,,GSUM PA THOB BYA'I 'BRAS BU CHOS KYI SKU LA, 'BREL BKOD PAS 'TSAMS SBYAR, 'BRAL BA CAN GYI RANG BYED BSHAD, SKABS BSDU BA DANG GSUM LAS, DANG PO NI, SKAD CIG SBYOR GYI 'OG TU CHOS SKU GSUNGS PA'I RGYU MTSAN YOD DE, SKAD CIG MA GCIG PA'I MNGON PAR RDZOGS PAR BYANG CHUB PA RNAM PAR SGOM PA'I SKAD CIG MA GNYIS PA LA, CHOS KYI SKUR MNGON PAR RDZOGS PAR BYANG CHUB PA 'BYUNG BA'I RGYU MTSAN GYIS YIN PA'I PHYIR, GNYIS PA LA SPYI DANG, YAN LAG GI DON NO, DANG PO LA SKU DANG, YE SHES DANG, 'PHRIN LAS KYI RNAM PAR BZHAG PA GSUM MO, DANG PO LA DBYE BA DANG, PHYE BA SO SO'I NGO BO DANG, DNGOS BTAGS DPYAD PA

BA DANG GSUM MO, DANG PO NI, GZHAN DAG NA RE, 'PHAGS PA LTAR NA, NGO BO NYID SKU DANG, LONGS SPYOD RDZOGS PA'I SKU DANG SPRUL BA'I SKU STE GSUM KHO NAR NGES PA YIN LA, SLOB DPON LTAR NA ZAG MED KYI YE SHES NYER GCIG PO RNAMS CHOS KYI SKU ZHES SKU LOGS PAR RNAM PAR BZHAG NAS SKU BZHI KHO NAR BZHED KYI, SKU GSUM DU MI BZHAD DO ZHES ZER RO, ,DE NI MI 'THAD DE, SLOB DPON SKU GSUM DU MI BZHED NA, 'GREL CHEN DU, RNAM PA KUN GYI MCHOG LDAN SKU NI GSUM PO NGES PAR THOB PAR SHOG ,CES GSUNGS PA DANG DNGOS SU 'GAL LO, ,'PHAGS PA YANG RDZOGS PA'I SANGS RGYAS KYI ZAG MED KYI YE SHES RNAMS NGO BO NYID SKU DANG, GZUGS SKU GANG YANG MIN PA'I SKU LOGS PAR BZHED DGOS TE, GZHAN DU NA RDZOGS PA'I SANGS RGYAS KYI RNAM MKHYEN LA SOGS PA'I RTOGS PA'I CHA THAMS CAD SKU MIN PAR THAL BA'I PHYIR RO, ,'DI LA KHA CIG 'PHAGS PA LTAR NA, ZAG MED KYI YE SHES RNAMS NGO BO NYID SKU'I YON TAN YIN CING, YON TAN YANG YON TAN CAN GYI KHONGS SU 'DUS PAS SKU LOGS PAR MI 'THAD PA YIN NO ZER RO, ,DE LTA NA GZUGS SKU GNYIS KYANG SKU LOGS PAR MI 'THAD PAR 'GYUR TE, NGO BO NYID SKU DANG, GZUGS SKU RANG BZHIN DANG RANG BZHIN CAN YIN PAS KHONGS SU 'DU BA'I PHYIR 'KHOR GSUM KHAS SO, ,GZHAN YANG 'PHAGS PA LTAR NA, CHOS SKU YIN NA SKU MIN PAS KHYAB PAR THAL TE, CHOS SKU YIN NA NGO BO NYID SKU YIN PAS KHYAB PAR BZHED CING SKU'I DON NI LUS KYI DON NAM, NGO BO NYID SKU LA SKU ZHES PA'I SGRA SBYAR BA DE BTAGS PA BA'I DBANG DU BYAS PAR BZHED PA'I PHYIR TE, NYI KHRI SNANG BAR, DE LA SKU ZHES BRJOD PA NI, SNGON GYI GNAS SKABS KYI RJES SU 'BRANG NAS NYE BAR BTAGS PA YIN PAR RIGS PAR BYA'O, ,ZHES GSUNGS

, ,PAS SO, ,DE BAS NA 'PHAGS PA LHA DANG SLOB DPON GNYIS KA YANG, MDOR BSDU NA RANG DON CHOS KYI SKU DANG, GZHAN DON GZUGS KYI SKU GNYIS SU BSDU BA DANG, GZUGS SKU LA LONGS SPRUL GNYIS SU PHYE BAS SKU GSUM DANG, CHOS SKU LA SPANGS PA'I NGO BO NYID KYI SKU DANG, RTOGS PA ZAG MED KYI YE SHES GNYIS SU PHYE BAS SKU BZHIR DBYER RUNG BAR BZHED PA LA NI KHYAD PAR CUNG ZAD KYANG MED LA, 'ON KYANG SKABS 'DI'I GZHUNG GI 'CHAD TSUL LA MI MTHUN PA YIN TE, 'DI LTAR 'PHAGS PA LTAR NA, BYANG CHUB PHYOGS MTHUN TSAD MED DANG, ZHES BYA BA LA SOGS PA NI, THUB PA'I NGO BO NYID SKU NI, ZHES SOGS KYI RGYAS BSHAD YIN PAS, GZHUNG DE GNYIS KYIS ZAG MED KYI YE SHES LA CHOS SKUR BZHAG PA'I SKU DANG, NGO BO NYID SKU GNYIS LAS GANG RUNG ZHIG BSTAN NA BSTAN MNYAM DU 'DOD DGOS LA, DE'I PHYIR BYANG CHUB PHYOGS MTHUN TSAD MED DANG, ZHES SOGS KYIS ZAG MED KYI YE SHES LA SKU LA LOGS PAR BZHAG PA'I CHOS SKUR 'CHAD PA YIN NA, THUB PA'I NGO BO NYID SKU NI, SOGS KYANG DE NYID 'CHAD PAR 'GYUR BAS, NGO BO NYID SKU MA BSTAN PAR 'GYUR RO, ,GZHUNG SNGA PHYI GNYIS KAS KYANG NGO BO NYID SKU KHO NA STON PA YIN NO, ,ZHES BZHED LA SLOB DPON NI GZHUNG DE GNYIS MDOR BSTAN RGYAS BSHAD MIN GYI, DANG POS NGO BO NYID SKU DANG, GNYIS PAS ZAG MED KYI YE SHES LA CHOS SKUR BZHAG PA DE NYID 'CHAD PA YIN PAS 'DIR SKU BZHIR PHYE BA'I DBANG DU BYAS PA YIN NO, ,ZHES BZHED PA TZAM YIN CING, DE DAG GI BRGAL LAN NI TSIG DON GYIS RTOGS PAR NUS SO, ,GNYIS PA SO SO'I NGO BO NI, NGO BO NYID SKU'I MTSAN NYID, STOBS SOGS BRAL

'BRAS SUM CU RTZA GNYIS DANG LDAN PA'I DAG PA GNYIS LDAN GYI DE BZHIN NYID, LONGS SPYOD RDZOGS SKU'I MTSAN NYID, BSOD NAMS KYI TSOGS KYI RNAM SMIN GYI 'BRAS BUR GYUR PA'I NGES PA LNGA LDAN GYI GZUGS SKU MTHAR THUG SPRUL SKU'I MTSAN NYID, BSOD NAMS KYI TSOGS KYI BDAG 'DRAS GANG ZHIG ,SO SKYE LAS DAG LA YANG DNGOS SU SNANG BA'I GZUGS SKU'O, ,BYANG CHUB PHYOGS MTHUN TSAD MED DANG, ZHES SOGS KYIS BSTAN PA'I CHOS SKU'I MTSAN NYID, YE SHES KYI TSOGS KYI RGYU MTHUN GYI 'BRAS BUR GYUR PA'I ZAG MED KYI YE SHES MTHAR THUG GO ,'DI DAG GI SPROS PA RGYAS PAR GZHAN DU SHES PAR BYA ZHING 'DIR MANGS PAS 'JIGS TE MA BRIS SO, ,GSUM PA DNGOS BTAGS DPYAD PA NI, KHA CIG NA RE, NGO BO NYID SKU SANGS RGYAS MIN TE, SHES BYA MI MKHYEN PA'I PHYIR RO, ,ZHES ZER BA NI BAB COL TE, MKHYEN PA MED PA'I PHYIR RO, ,ZHES ZER RAM, MKHYEN PA MIN PA'I PHYIR RO ZHES ZER, DANG PO LTAR NA MA GRUB STE, STOBS SOGS BRAL 'BRAS KYI YON TAN THAMS CAD 'DI LA MNGA' BA'I PHYIR DANG, RNAM PA THAMS CAD MKHYEN PA'I YE SHES KYANG 'DI'I BDAG NYID YIN PA'I PHYIR, GNYIS PA LTAR NA GZUGS SKU GNYIS KYANG SANGS RGYAS MIN PAR THAL LO, ,GZHAN YANG MI GNAS PA'I MYA NGAN LAS 'DAS PA STE, CHOS THAMS CAD MNGON PAR RDZOGS PAR BYANG CHUB PA'I BYANG CHUB KYANG YIN PAR THAL, DAG PA GNYIS LDAN GYI 'GOG BDEN SANGS RGYAS YIN PA'I PHYIR RO, ,YANG KHA CIG NA RE, GZUGS SKU GNYIS KYANG SANGS RGYAS MIN TE, SANGS RGYAS KYI GZUGS BRNYAN TZAM YIN PA'I PHYIR, DE LTAR YANG RGUD BLAR, JI LTA BEE d'U RYAS GZHI GTZANG MA LA, ,LHA DBANG LUS KYI GZUGS BRNYAN SNANG BA

, ,LTAR, ,DE BZHIN 'GRO SEMS SA GZHI GTZANG MA LA, THUB PA'I DBANG PO'I SKU YI GZUGS BRNYAN 'CHAR, ZHES GSUNGS PAS SO, ,ZHES ZER RO, ,DE LTA NA DE BZHIN GSHEGS PA'I SKU LA NGAN SEMS KYIS KHRAG PHYUNG BA'I MTSAMS MED MI SRID PAR THAL BA DANG, SANGS RGYAS KYI BKA' MI SRID PAR THAL BA DANG, SANGS RGYAS YIN NA DNGOS SU CHOS 'KHOR MI BSKOR BAS KHYAB PAR THAL BA DANG, BYANG SEMS LA DNGOS SU SNANG BA'I SANGS RGYAS MI SRID PAR THAL LO, ,RGYUD BLA'I LUNG DE NI, JI LTAR BEE d'U RYA'I SA GZHI GTZANG MA LA BRGYA BYIN GYI GZUGS BRNYAN 'CHAR GYI SA PHAL PA LA MI 'CHAR BA LTAR, GDUL BYA'I SEMS LAS DAG CING GTZANG BA LA GZUGS SKU'I GZUGS BRNYAN NAM RNAM PA 'CHAR GYI MA DAG PA LA MI 'CHAR ZHES PA DANG, RTOG PA MED KYANG GDUL BYA'I DON BYED PA'I DPE TZAM YIN GYI BRGYA BYIN GYI GZUGS BRNYAN BRGYA BYIN MIN PA LTAR, GZUGS SKU SANGS RGYAS MIN ZHES STON PA MIN PAS SNYING PO MED PA'I TSIG GIS RGYUD MA RUNGS PAR MA BYED CIG ,GNYIS PA YE SHES KYI RNAM GZHAG NI, RDZOGS PA'I SANGS RGYAS KYI YE SHES DE YANG SO SOR PHYE NA RNAM PA GNYIS YOD DE, 'DI LTAR JI LTA MKHYEN PA DANG JI SNYAD MKHYEN PA'I YE SHES SO, ,DANG PO NI, RDZOGS PA'I SANGS RGYAS KYI THUGS RGYUD LA YOD PA DON DAM PA'I BDEN PA CHOS NYID 'JAL BAS KHYAD PAR DU BYAS PA YIN LA, JI SNYED PA MKHYEN PA'I YE SHES NI, JI SNYED PA KUN RDZOB KYI BDEN PA CHOS CAN SNA TSOGS PA 'DI 'JAL BAS RAB TU PHYE BA YIN CING, DE LA JI LTA BA MKHYEN PA'I YE SHES KYIS JI SNYED PA DNGOS SU 'JAL BA MIN LA, JI SNYED PA MKHYEN PA'I YE SHES KYIS JI LTA BA DNGOS SU 'JAL BA MIN NO, ,'DI JI LTAR SHES

PAR BYA ZHE NA, GAL TE DE LTA MIN PAR 'JAL NA, KUN RDZOB BDEN PA CHOS CAN, KHYOD DON DAM BDEN PAR THAL, KHYOD DON DAM DPYOD BYED KYI TSAD MAS DNGOS SU RNYED DON YIN PAS KHYAB PA'I PHYIR, MA GRUB NA KHYOD SANGS RGYAS KYI JI LTA BA MKHYEN PA'I YE SHES KYI DNGOS KYI GZHAL BYA YIN PA BUD DO, ,GAL TE DE LTA NA DON DAM DPYOD BYED KYI TSAD MA'I DNGOS KYI GZHAL BYA YIN NA, DES DNGOS SU RNYED DON YIN DGOS PAR SONG BAS, MYU GU DANG BDEN MED KYI TSOGS DON DE MYU GU BDEN MED DU 'JAL BA'I RIGS SHES RJES DPAG GIS DNGOS SU RNYED DON DU THAL, DE'I DNGOS KYI GZHAL BYA YIN PA'I PHYIR, 'DOD NA DON DAM BDEN PAR THAL LO ZHE NA, MI MTSUNGS TE, 'DI LTAR DON DAM DPYOD BYED KYI RIGS SHES RJES DPAG GI DNGOS KYI GZHAL BYA YIN PA LA DPE DNGOS SU RNYED DON YIN PAS KHYAB CING, DON DAM DPYOD BYED KYI RNAL 'BYOR MNGON SUM TSAD MAS DNGOS SU GZHAL NA DES DE DNGOS SU RNYED DON YIN PAS KHYAB PA'I PHYIR RO, ,DER THAL, DON DAM DPYOD BYED KYI RIGS SHES RJES DPAG YIN PA LA, RANG GI DNGOS KYI GZHAL BYA YIN NA GNYIS SNANG NUB PA'I SGO NAS 'JAL BAS MA KHYAB CING, DON DAM DPYOD BYED KYI RNAL 'BYOR MNGON SUM YIN NA RANG GI DNGOS KYI GZHAL BYAR GANG SONG THAMS CAD GNYIS SNANG NUB PA'I SGO NAS 'JAL BAS KHYAB BA'I PHYIR DANG, YUL DE LA GNYIS SNANG YOD NA YUL DE LA DON DAM DPYOD BYED KYI TSAD MAR 'GAL BA'I PHYIR TE, DON DAM PA'I BDEN PA NI GNYIS SNANG GI SPROS PA MA LUS PA YANG ZHI BA YIN PA'I PHYIR RO, ,DES NA DE 'DRA'I RIG SHES DE YANG MYU GU'I STENG DU BDEN PA RNAM PAR BCAD TZAM LA DON DAM DPYOD BYED KYI TSAD MA YIN KYANG, DE LA GNYIS SNANG MED LA, MYU GU DANG BDEN MED KYI TSOGS DON LA GNYIS SNANG

, ,YOD KYANG DON DAM DPYOD BYED KYI TSAD MA MIN NO, ,'DI DAG GI DGAG SGRUB RGYAS PAR GZHAN DU 'CHAD PAR 'DOD DO, ,GZHAN YANG DON DAM DPYOD BYED KYI TSAD MA DANG, KUN RDZOB DPYOD BYED KYI TSAD MA MI 'GAL NA, DE DAG GI DNGOS SU RNYED DON GNYIS KYANG MI 'GAL BAR THAL, 'GAL NA SANGS RGYAS KYI YE SHES THAMS CAD JI LTA BA DANG JI SNYED PA MKHYEN PA'I YE SHES GNYIS GA YIN PA 'GAL LO, ,'O NA RNAM MKHYEN GANG LA BYA ZHE NA, YE SHES DE GNYIS KA CHA SHAS SU LDAN PA'I SANGS RGYAS KYI YE SHES NYID YIN NO, ,DES JI LTA BA YANG 'JAL LA, JI SNYED PA YANG 'JAL MOD KYI, JI LTA BA MKHYEN PA'I YE SHES DANG, JI SNYED PA MKHYEN PA'I YE SHES YIN MI DGOS TE DPER NA KHRA 'DZIN MIG SHES KYIS SNGON PO 'DZIN YANG SNGO 'DZIN MIG SHES YIN MI DGOS PA BZHIN NO, DE LA JI LTA BA MKHYEN PA'I YE SHES DE NI DAG PA GNYIS LDAN GYI CHOS DBYINGS RTOGS PAS RAB TU PHYE BA'I PHYIR CHOS DBYINGS YE SHES BYA LA JI SNYED PA MKHYEN PA'I YE SHES DE NYID YUL 'JAL TSUL GYI LDOG PA'I SGO NAS YE SHES BZHIR PHYE BA YIN NO, ,DE YANG 'DI LTAR YE SHES DES CHOS CAN MTHA' DAG LA RIS SU MCHAD PAR DMIGS PA'I LDOG PA NAS ME LONG LTA BU'I YE SHES DNAG, BDAG GZHAN MNYAM NYID DU DMIGS PA'I LDOG PA NAS MNYAM PA NYID KYI YE SHES DNAG, CHOS CAN MTHA' DAG GI NANG SEL GYI DBYE BA MA 'DRES PAR RTOGS PA'I LDOG PA NAS SO SOR RTOG PA'I YE SHES DANG, SGO LNGA'I SNANG BA LA 'DOD DGUR DBANG BSGYUR BA'I NUS PA DANG LDAN PA'I LDOG PA NAS BYA BA GRUB PA'I YE SHES SU BZHAG PA'I PHYIR, SLOB DPON MA TA CI TRIS BSHAD PA LTAR RO, ,'O NA YE SHES DE

DAG GIS YUL RNAM PA DANG BCES PA'AM, 'ON TE RNAM PA MED PAR 'JAL ZHE NA, 'DI LA SNGON GYI SLOB DPON DAG GI 'CHAD LUGS MI 'DRA BA GNYIS 'BYUNG MOD KYI GZHUNG 'DIR 'THAD PA'I PHYOGS NI 'DI YIN TE, SANGS RGYAS KYI YE SHES LA RANG GI NGO BO MYONG BA GSAL RIG GI CHA DANG, YUL RTOGS PA'I CHA GNYIS DBYER MI RUNG NA, SANGS RGYAS LA RANG RIG MED PAR 'GYUR LA, YOD NA GZUNG RNAM DANG 'DZIN RNAM GYI CHA GNYIS YOD PA'I PHYIR, YUL GYI RNAM PA 'CHAR BAR GRUB BO, ,DE'I PHYIR RNAM PA DANG BCAS PA NYID DU 'THAD DO, ,DE YANG SANGS RGYAS KYI GZUGS KYI SKU GNYIS PO DE SANGS RGYAS KYI YE SHES NI MIN TE, DE YIN NA SHES PA YANG YIN, KHA DOG DANG DBYIBS KYI KHYAD PAR DU BYAS PA YANG YIN PA SRID PAR THAL BA'I PHYIR, GDUL BYA SO SKYES KYANG RNAM MKHYEN MNGON GSUM DU MTHONG BA SRID PAR THAL BA'I PHYIR, 'ON KYANG GZUGS SKU GNYIS PO DE SANGS RGYAS KYI YE SHES DANG BDAG NYID GCIG YIN GYI RDZAS GZHAN NI MIN TE, RDZAS GZHAN YIN NA RNAM MKHYEN DANG DUS MNYAM ZHING RDZAS GZHAN YIN PAS 'BREL MED DU GYUR LA, NGES NA SANGS RGYAS MIN PAR THAL BA'I PHYIR RO, ,SANGS RGYAS KYI YE SHES MIN YANG YE SHES KYI BDAG NYID MI 'GAL TE, RTOG PA DANG DE MYONG RANG RIG BZHIN NO, ,GSUM PA 'PHRIN LAS LA BYEB YUL LA YOD PA DANG, BYED PA PO LA YOD PA GNYIS, DANG PO NI, SANGS RGYAS KYI YE SHES KYI BDAG RKYEN LAS BYUNG BA'I GDUL BYA'I RGYUD KYI MNGON MTHO'AM NGES LEGS KYI RANG BZHIN GYI DGE LEGS SO, ,GNYIS PA NI, SANGS RGYAS KYI YE SHES LA YOD PA'I DE DAG SGRUB PA'I NUS PA'O, ,DE LA SNGA MA DNGOS DANG, PHYI MA BTAGS PA BA'O, ,GNYIS PA YAN LAG GI DON LA, RTEN SKU'I

, ,DBYE BA DANG BRTEN PA 'PHRIN LAS BSHAD PA'O, ,DANG PO NI, DE YANG NGO BO NYID KYI SKU LA SOGS PA'I DBYE BAS RNAM PA BZHI YIN PA LAS, DANG PO NGO BO NYID KYI SKU 'CHAD DO, ,DE LA RTZA BA NA 'PHAGS PA LTAR NA THUB PA'I NGO BO NYID SKU NI RNAM PA KUN TU RNAM PAR DAG CING ZAG PA MED PA'I CHOS GANG DAG THOB PAR GYUR PA'I YE SHES DE DAG GI RANG BZHIN NAM GNAS LUGS SU GYUR PA'I MTSAN NYID CAN NO, ,ZHES 'CHAD LA, DE LTAR NA ZAG PA MED PA'I CHOS ZHES SANGS RGYAS KYI YE SHES SO, ,SLOB DPON LTAR NA, THUB PA'I NGO BO NYID SKU NI SLOB LAM DU ZAG PA MED PA'I CHOS 'JIG RTEN LAS 'DAS PA'I YE SHES GANG DAG BSGOMS PA LA BRTEN NAS THOB PAR GYUR CING RNAM PA KUN TU GLO BUR GYI DRI MAS RNAM PAR DAG PA DE DAG GI RANG BZHIN GDOD MA NAS RNAM PAR DAG PA'I CHOS DBYINGS SKYE BA MED PA'I MTSAN NYID CAN NO, ,ZHES 'CHAD DO, ,'GREL PA LA DNGOS DANG, CHOS CAN GYI SKU GSUM LOGS SU BZHAG PA'I DGOS PA'O, ,DANG PO NI, THUB PA SANGS RGYAS BCOM LDAN 'DAS KYI NGO BO NYID KYI SKU NI CHOS CAN, ZAG PA MED PA YIN TE, DRAN PA NYE BAR BZHAG PA LA SOGS PA YE SHES KYI BDAG NYID 'JIG RTEN LAS 'DAS PA'I CHOS KYI DBYINGS KYI NGO BO NYID KYIS SO, ,SANGS RGYAS KYI YE SHES GANG DAG YIN PA DE DAG GI RANG BZHIN NGO BO NYID KYIS SKYE BA MED PA'I NGO BO NYID NI CHOS CAN, NGO BO NYID SKU 'DI YIN TE, DRI MA RNAMS GLO BUR BA YIN PA NYID KYIS RNAM PA THAMS CAD DU RNAM PAR DAG CING, RANG BZHIN GYIS DRI MAS DBEN PA'I MTSAN NYID DU GYUR PA'I 'GOG BDEN MTHAR THUG YIN PA'I PHYIR, NGO BO NYID SKU CHOS CAN, 'JIG RTEN LAS 'DAS PA'I LAM GYIS MNGON DU BYAS PA'I SGO NAS

'THOB KYI RGYU RKYEN GYIS GSAR DU BSKYED CING BYAS PA NI MIN TE, RNAM PAR SHES PA SGYU MA LTA BUS CHOS THAMS CAD KYI GNAS LUGS RTOGS PAR CHOS LA DRI MA BSAL BA'I STOBS KYIS 'THOB PA YIN CING, RANG NYID BCOS MA MIN PA'I GNAS LUGS YIN PA'I DON GYIS SA, ,GNYIS PA NI, DRAN PA NYE BAR BZHAG PA LA SOGS PA YE SHES KYI BDAG NYID TZAS SOGS SMRAS PA LA, SKU LHAG MA GSUM PO NGO BO NYID SKU LA SKU LEGS PAR 'JOG PA MI 'THAD PAR THAL, DE'I BDAG NYID YIN PA'I PHYIR ZHE NA, SKU LHAG MA GSUM PO CHOS CAN, DON DAM PAR NGO BO NYID SKU DE DANG THA MI DAD KYANG, THA DAD RNAM PAR BZHAG PA LA DGOS PA YOD DO, DON DAM PAR CHOS NYID KYI NGO BO YIN KYANG YANG DAG PA'I KUN RDZOB TU SNANG BA GANG ZAG SO SO'I JI LTAR MOS PAS THA DAD DU PHYE BA YIN NO, ,ZHES BSTAN PA'I CHED DU YIN PA'I PHYIR, SNANG TSUL THA DAD PAS JI LTAR PHYE NA, SKU LHAG MA GSUM PO RIM PA BZHIN SANGS RGYAS DANG, BYANG CHUB SEMS DPA' DANG, NYAN THOS LA SOGS PA'I DNGOS KYI SPYOD YUL DU RNAM PAR BZHAG PA YIN NO, ,DON DAM PAR THA MI DAD PA'I RGYU MTSAN LUGS LAS, STONG NYID CES BYA SHES PA LAS, ,GZHAN NI 'GA' YANG YOD MIN TE, ,GANG PHYIR DBEN PAS DBEN GYUR LAS, ,THA MI DAD PA NYID DU 'DOD, ,CES 'BYUNG BA'I PHYIR, GNYIS PA CHOS KYI SKU LA, DNGOS KYI DON, YON TAN GYI KHYAD PAR, DE LA RTZOD PA SPANG BA DANG GSUM, DANG PO LA, GZHUNG 'DIS YE SHES KYI SKU BSTAN PAR BSHAD, MA BSTAN PAR 'DOD PA DGAG, BSTAN PAR 'DOD PA LA RTZOD PA SDANG BA'O, ,DANG PO LA MTSAMS SBYAR NI, DE LTAR SOGS SO, ,RTZA BA NI BYANG CHUB CES SOGS SO, ,'GREL PA LA, YON TAN SO SOR BSHAD PA DANG BSDOMS TE SKUR

, ,BZHAG PA GNYIS, DANG PO LA, YON TAN 'DI DAG PHAL CHER SNGAR BSHAD ZIN PAS YAR MI 'CHAD CING, SNGAR MA BSHAD PA RNAMS 'DIR BSHAD PAR BYA'O, ,DE YANG SDE TSAN NYER GCIG GI SDANG ZAD PAR LA BRGYAD LAS, MTSAN NYID NI, BSAM GTAN LA BRTEN NAS DMIGS PA'I SNANG BA MTHA' YAS PA SPRO BA BYED PA'I 'JIG RTEN PA'I TING NGE 'DZIN DANG SHES RAB MTSUNGS LDAN DANG BCAS PA'O, ,GNYIS PA SGRA DON NI, RGYUN MI 'CHAD PAR KHYAB PAR SPRO BA'I PHYIR ZAD PAR ZHES BYA'O, ,GSUM PA RTEN LA LUS RTEN NI, MDZOD LAS, GZUGS MED CES BYA KHAMS GSUM GYI, ,RTEN CAN LHAG MA MI LAS SKYE, ,ZHES GSUNGS PA LTAR YIN LA, SEMS RTEN NI, KUN LAS BTUS LAS, THAMS CAD KYANG BSAM GTAN GYI DNGOS GZHI LA BRTEN PAR BSHAD LA, MDZOD LAS, DANG PO BRGYAD BSAM GTAN BZHI PA DANG, THA MA GNYIS NAM MKHA' DANG RNAM SHES LA BRTEN PAR BSHAD DO, ,BZHI PA DMIGS PA LA, SA'I DMIGS RTEN MA BSHAD CING, GZHAN RNAMS KYI RIM PA LTAR, SNOD CHU GTZANG MAS BKANG BA DANG, ME SBAR BA DANG, RLUNG LUS LA PHOG PA DANG, TSON SNGON POS DKYIL 'KHOR BYAS PA DANG, DE BZHIN DU SER PO DANG, DMAR PO DANG, DKAR POS BYAS PA DANG, MTHO GANG SOR BZHI TZAM GYI BU GA NAS NAM MKHA'I MTHONGS BTOD PA DANG, BUM PA'I NANG DU MAR ME BZHAG PA'I 'OD BU GA'I NGOS NAS RTZIG PA LA PHOG PA RNAMS SO, ,LNGA PA SBYONG BA'I TSUL NI, BSAM GTAN GYI DNGOS GZHI LA BRTEN NAS DMIGS RTEN DE DAG YUL DU BYAS TE, CHU ZHES SOGS SO SO'I MING TZAM LA DMIGS NAS YANG DANG YANG DU GOMS PAR BYED PAS SO, ,DE YANG SBYANGS PA MA BYAS PA'I DBANG DU BYAS PA YIN GYI, SNGAR SBYANGS PA BYAS PA LA NI

DMIGS RTEN MTHONG BA TZAM GYIS RANG BZHIN MNGON DU 'GYUR PA YOD DE, 'PHAGS PA LEGS MTHONG BZHIN NO, ,DRUG PA MTSAN MA LA, 'DZIN PA'I MTSAN MA NI, SNGA MA BRGYAD LA DMIGS RTEN G-YO BA'I RNAM BCAN DANG, PHYI MA GNYIS LA RIM BZHIN, BSKYED KYANG MI 'PHEL BA DANG, THOGS BCAS SU SNANG BA STE MA GRUB PA'I RTAGS SO, ,SNANG BA'I MTSAN MA NI, NAM MKHA' LA GNAS PA'I NOR BU'I RLUNG LTAR MI G-YO BA'I RNAM PA CAN DU SNANG BA DANG, NAM MKHA' LA GNAS PA'I ZLA BA DMAR PO LTA BU DANG, 'DUG PA LTAR MI G-YO BA DANG, SNGON PO SOGS BZHI'I DMIGS RTEN NAM MKHAR 'PHAGS NAS NOR BU'I RLUNG G-YAB SNANG BA DANG, NAM MKHA'I DKYIL 'KHOR LTAR GYUR NAS GNAS SHING BSKYED NA 'PHEL BA DANG, SNANG BA'I TSOGS STUG PO RAB TU DANG BA DANG 'DRA BAR THAMS CAD LA GSAL BA RNAMS TE, GRUB PA'I RTAGS SO, ,BDUN PA BYED LAS NI, RIM PA LTAR SPRUL NAS GOMS PA 'DOR BA SOGS DANG, PHUNG PO SBYONG BA SOGS DANG, RLUNG LTAR MGYOGS PA SOGS DANG, RIN PO CHE SNGON PO SOGS KYI SA GZHING BSKYUR BA SOGS DANG, RTZIG PA SOGS LA THOGS MED DU 'GRO BA DANG, RMUGS PA DANG, GNYID KYANG RING DU BYED PA LA SOGS PA'I, ,BRGYAD PA DBYE BA NI, ZAD PAR GYI TING NGE 'DZIN CHOS CAN, KHYOD LA RNAM PA BCU YOD DE, KHYOD LA DBYE NA BDAG RKYEN BSAM GTAN LA BRTEN NAS DMIGS YUL SA DANG CHU DANG ME DANG RLUNG DANG SNGON PO DANG SER PO DANG DMAR PO DANG DKAR PO DANG NAM MKHA' DANG RNAM PAR SHES PA ZHES BYA BA RNAMS LA SO SOR DMIGS NAS JI LTAR 'DOD BA BZHIN KHYAB PAR SPRO BA'I 'JIG RTEN PA'I TING NGE 'DZIN DANG SHES RAB MTSUNGS LDAN DANG BCAS PA RNAMS SU YONG BA'I PHYIR, CI'I PHYIR SKYE MCHED GZHAN LA ZAD PAR MA BZHAG CE NA, DBANG PO

, ,RNAMS NI PHYI ROL DU SPRO MI NUS LA, SGRA LA RGYUN MED CING, DRI RO GZUGS KHAMS NA MED PAS KHYAB PAR SPRO MI NUS PA'I PHYIR DANG, RTEN 'BYUNG BA MED PAR BRTEN PA 'BYUNG 'GYUR KHYAB PAR SPRO MI NUS PA'I PHYIR RO, ,DRUG PA RKYEN GYIS MI GNOD PA'I SKYE MCHED LA, NANG GZUGS SU 'DU SHES PA DAG GIS SO SOR CHUNG NGU'I RNAM PA DAG TU PHYI ROL GYI GZUGS RNAMS LA BLTA BA DANG, CHEN PO'I RNAM PA DAG TU PHYI ROL GYI GZUGS RNAMS LA LTA BA GNYIS DANG, NANG GZUGS MED PAR 'DU SHES PA DAG GIS KYANG DE LTAR BLTA BA GNYIS GYI SGO NAS DMIGS PA DE DAG ZIL GYIS MNAN NAS SHES ZIL GYIS MNAN NAS MTHONG ZHES BYA BA BZHI NI, RNAM THAR DANG PO GNYIS KYI RGYU LAS BYUNG BA YIN CING, CHE CHUNG NI SNOD BCUD DANG, BZANG NGAN NI LHA MI DANG, MDZES MI MDZES NI YID DU 'ONG MI 'ONG YIN LA, SHES PA NI ZHI GNAS KYIS DANG, MTHONG BA NI LHAG MTHONG GIS SO, ,YANG NANG GZUGS MED PAR 'DU SHES PA DAG KHO NAS PHYI'I GZUGS SNGON PO KHA DOG SNGON PO SNGON PO LTA BUR STON PA, 'OD SNGON PO 'BYUNG BA RNAMS LA BLTA ZHING DE DAG ZIL GYIS MNAN NAS SHES, ZIL GYIS MNAN NAS MTHONG BA'I TING NGE 'DZIN DANG SHES RAB MTSUNGS LDAN DANG BCAS PA DANG, DE BZHIN DU SER PO DANG, DMAR PO DANG, DKAR PO DAG ZIL GYIS MNAN NAS SHES SHING MTHONG BA'I TING NGE 'DZIN DANG SHES RAB MTSUNGS LDAN DANG BCAS PA ZHES BYA BA BZHI STE, SDUG PA'I RNAM THAR GYI RGYU LAS 'BYUNG BA'O, ,DE YANG MDO LAS, NANG GZUGS MED PAR 'DU SHES PAS PHYI ROL GYI GZUGS SNGON PO, KHA DOG SNGON PO, SNGON PO LTA BUR STON PA, 'OD SNGON PO 'BYUNG BA RNAMS LA BLTA STE, DPER NA ZAR MA'I ME TOG GAM YUL BAR NA SE'I RAS PHUN SUM TSOGS PA SNGON PO, KHA DOG

SNGON PO, SNGON PO LTA BUR STON PA, 'OD SNGON PO 'BYUNG BA BZHIN DU NANG GZUGS MED PAR 'DU SHES PAS PHYI ROL GYI GZUGS SNGON PO, KHA DOG SNGON PO, SNGON PO LTA BUR STON PA, 'OD SNGON PO 'BYUNG BA'I GZUGS DE DAG ZIL GYIS MNAN NAS SHES ZIL GYIS MNAN NAS MTHONG STE DE LTAR 'DU SHES PA 'DI NI ZIL GYIS GNON PA'I SKYE MCHED LNGA PA'O, ,ZHES DANG, DE BZHIN DU SER PO LA DONG KA'I ME TOG DANG, DMAR PO LA BANDHU DZI KA'I ME TOG DANG, DKAR PO LA SKAR MA PA BA SANGS DANG SBYAR NAS GZHAN GSUM KA LA YANG GSUNGS SO, ,DE LA NI SNGON POR MDOR BSTAN PA'O, ,KHA DOG SNGON PO NYID NI LHAN SKYES SO, ,SNGON PO LTA BUR STON PA NI SBYAR BA LAS BYUNG BA'O, ,'OD SNGON PO 'BYUNG BA NI GNYIS KA LA SNGON PO'I MDANGS YOD PA'O, ,ME TOG NI LHAN SKYES KYI DPE'O, ,RAS NI SBYOR BYUNG GI DPE'O, ,YUL BA RA NA SI'I RAS DPER MDZAD PA NI KHA DOG CHES GSAL BA'I PHYIR RO, ,DE LTAR ZIL GYIS GNON PA'I SKYE MCHED RNAM PA BRGYAD DO, ,NGAG DON NI, ZIL GYIS GNON PA'I SKYE MCHED CHOS CAN, RNAM PA BRGYAD YOD DE, DBYIBS ZIL GYIS GNON PA BZHI DANG, KHA DOG ZIL GYIS GNON PA BZHI RNAMS SU YOD PA'I PHYIR, BDUN PA NYON MONGS PA MED PA NI, BSAM GTAN LA BRTEN PA GANG ZAG PHA ROL GYIS SOGS SO, ,BRGYAD PA SMON GNAS MKHYEN PA NI, YANG DAG PAR SOGS SO, BCU GCIG PA NI, SANGS RGYAS KYI YE SHES CHOS CAN, YONGS SU DAG PA YIN TE, RTEN LUS 'DOR LEN DANG, DMIGS PA SPRUL BSGYUR DANG THUGS TING NGE 'DZIN GRANGS MED PA DANG, YE SHES GZUNGS KYI SGO DPAG TU MED PA LA DBANG BYED PA'I PHYIR, BCU GNYIS PA NI CHOS CAN, DBANG BCU THOB STE, TSE LA DBANG BA SOGS BCU YI NUS PA THOB PA'I PHYIR, DE YANG TSE LA DBANG BA NI, TSE JI LTAR

, ,'DOD PA BZHIN BYIN GYIS RLOB NUS PA'O, ,SEMS LA DBANG BA NI, JI LTAR 'DOD PA BZHIN TING NGE 'DZIN LA SNYOMS PAR 'JUG NUS PA'O, ,MAS PA LA DBANG BA NI NOR GYI CHAR 'BEBS PA'I, ,LAS LA DBANG BA NI, SA GANG MAR MYONG 'GYUR GYI LAS SA 'OG MAR SMIN PAR BSGYUR NUS PA'O, ,SKYE BA LA DBANG BA NI, BSAM GTAN LAS MNYAMS BZHIN DU 'DOD PAR SKYE BA LEN NUS PA'O, ,MOS PA LA DBANG BA NI, SA LA SOGS PA JI LTAR MOS PA BSGYUR NUS PA'O, ,SMON LAM LA DBANG BA NI, GDUL BYA 'DUL BA'I SMON LAM GRANGS MED PA 'GRUB PA'O, ,RDZU 'PHRUL LA DBANG BA NI, GDUL BYA 'DUL BA'I RDZU 'PHRUL DPAG TU MED PA STON NUS PA'O, ,YE SHES LA DBANG BA NI, SO SO YANG DAG PAR RIG PA BZHI PHUL DU BYUNG BA THOB PA'O, ,CHOS LA DBANG BA NI, GSUNG RAB YAN LAG BCU GNYIS JI LTAR 'DOD PA BZHIN DU STON NUS PA'O, ,LHAG MA NI GO SLA'O, ,GNYIS PA BSDOMS TE SKUR BZHAG PA NI, BYANG CHUB KYI PHYOGS DANG MTHUN PA LA SOGS PA SPROS PA MED PA'I YE SHES KYI BDAG NYID ZAG BCAS GNAS YONGS SU GYUR PAS ZAG MED DU GYUR PA THAMS CAD KYANG NGO BO NYID SKU LAS THA DAD PA'I CHOS KYI SKUR MNGON PAR BRJOD PA YIN CES BYA BA NI SENG GE BZANG PA LA SOGS PA KHA CIG GI BZHED PA'O, ,GANG DAG BDAG NYID MKHAN PO RNAM SNANG MDZAD LA SOGS PA'I 'DOD PA BKOD PA TZAM DU SMRA BA LA SHES BYED KYI LUNG RIGS GANG YANG MED PA'I PHYIR YID BRTAN MED DO, GNYIS PA MA BSTAN PAR 'DOD PA DGAG PA LA, 'DOD PA BRJOD PA DANG, SUN 'BYIN BSHAD PA GNYIS, DANG PO NI 'DI LTAR, BZHUNG SNGA PHYI MDOR BSTAN RGYAS BSHAD DU 'DOD PA GZHAN DAG NI, THUB PA'I NGO BO NYID SKU NI, ,ZAG PA MED PA'I CHOS GANG DAG, THOB GYUR RNAM KUN RNAM

DAG PA, ,DE DAG RANG BZHIN MTSAN NYID CAN, ,ZHES BYA BA'I RKANG PA GNYIS PO DE SGRA JI BZHIN PA NYID DU SANGS RGYAS KYI THUGS RGYUD KYI 'JIG RTEN LAS 'DAS PA'I ZAG PA MED PA'I CHOS RNAMS KHO NA STON PAR KHAS BLANGS NAS NGO BO NYID KYI SKU NI DE DAG GI RANG BZHIN DAM CHOS NYID DU GYUR PA SKYE BA MED PA NYID GANG YIN PA DE'I MTSAN NYID CAN YIN TE, DE BAS NA DE LA CHOS KYI SKU ZHES BRJOD PA YIN ZHES SPREL LO, ,'O NA CHOS NYID LA CHOS KYI SKU ZHES CI STE BRJOD CE NA, DE NYID KYANG CHOS NYID KYI SKU YIN PA LAS SDEB SBYOR GYI DBANG GIS NGO BO NYID KYI RKYEN PHYIS TE MI MNGON PAR BYAS NAS CHOS KYI SKU'I THA SNYED KYIS BSTAN TE ZHES RNAM PAR BSHAD NAS 'O NA CHOS KYI SKU DE BZHIN NYID DE ZAG MED KYI CHOS GANG DAG GI RANG BZHIN GYI MTSAN NYID CAN YIN PA CHOS CAN, ZAG PA MED PA'I CHOS DE DAG KYANG GANG DAG CIG YIN CE NA, DE RGYAS PAR 'CHAD PA NI, BYANG CHUB PHYOGS MTHUN TSAD MED DANG ZHES BYA BA LA SOGS PA NAS RNAM PA THAMS CAD MKHYEN PA NYID DANG, ZHES BYA BA'I BAR GYI TSIG LE'UR BYAS PA LA 'JUG PAR BYED DO, ,ZHES ZER RO, ,GNYIS PA NI, GZHUNG SNGA PHYI DE GNYIS MDOR BSTAN RGYAS BSHAD DU MI 'DOD PA GZHAN DAG NA RE, SKU GSUM PO GANG YANG MIN PA'I SKU BZHI BRGYAN GYI RTZA TSIG GIS DNGOS SU MA BSTAN PAR 'DOD PA DE DAG GI LTAR NA SKYON 'DI YOD DE, RNAL 'BYOR PA'I KUN RDZOB TU DON KHYAD PAR CAN GZUGS SKU GNYIS KYI SNANG BA SKYED PA'I SGO NAS CHOS STON PA LA SOGS PA DON GYI BYA BA MDZAD PA GNAS YONGS SU GYUR PAS GNYIS SU MED PA'I SEMS DANG, SEMS LAS BYUNG BA ZAG MED KYI YE SHES SDE TSAN NYER GCIG PO RNAMS CHOS CAN, KHYOD JI LTAR SKU GSUM DU BSDU STE, NGO BO NYID SKU DANG, LONGS SKU SPRUL SKU GSUM

, ,GANG RUNG YIN PAR THAL, DE GSUM GANG YANG MIN PA'I SKU SKABS 'DIR MA BSTAN PA GANG ZHIG, KHYOD SKABS 'DIR DNGOS SU MA BSTAN PAR GDON MI ZA BAR KHAS BLANGS DGOS PA'I SANGS RGYAS KYI SKU YIN PA'I PHYIR, ZHES ZER RO, ,GSUM PA BSTAN PAR BSHAD PA LA RTZOD PA SPANG BA LA, RTZOD PA DGOD PA DANG, LAN GNYIS, DANG PO NI, KHA CIG NA RE, NGO BO NYID LONGS RDZOGS BCAS DANG, ZHES SOGS KYI TSIG LE'UR BYAS PA LAS NGO BO NYID CES BYA BA'I SGRA'I MJUG THOGS SU CHOS KYI SKU ZHES BYA BA'I SGRA MI 'BYUNG BA'I PHYIR, YAN LAG RGYAS BSHAD DU, NGO BO NYID SKU STON PA'I MJUG THOGS SU NGO BO NYID MIN PA'I CHOS KYI SKU STON PA'I YAN LAG RGYAS BSHAD 'BYUNG BAR MI RIGS SO, ,DE BAS NA SKABS 'DIR DNGOS SU BSTAN PA'I SKU NI GSUM KHO NA'O ZHES ZER RO, ,GNYIS PA LA NI, GZHAN DAG NA RE, BYANG CHUB PHYOGS MTHUN TSAD MED DANG, ZHES SOGS NGO BO NYID SKU MIN PA'I CHOS SKU 'CHAD PA'I YAN LAG RGYAS BSHAD YIN KYANG, 'DI'I LUS RNAM BZHAG MA TSANG BA'I SKYON MED PAR THAL, CHOS SKU MDZAD PA DANG BCAS PA, ZHES PA'I CHOS SKU ZHES PA'I TSIG DE 'DI'I LUS RNAM GZHAG YIN PA'I PHYIR, DE LTAR NA YANG TSIG DE NGO BO NYID CES PA'I DE MA THAG TU MA SMOS PA'I RGYU MTSAN YOD DE, YE SHES KHO NA DANG MDZAD PA SBYAR BA'I CHED DU DE LTAR GSUNGS PA YIN PA'I PHYIR, DE LTAR SBYAR BA LA DGOS PA YOD DE, DE LTAR SBYAR BA'I SHUGS KYIS YE SHES KHO NA 'PHRIN LAS KYI BDAG RKYEN GYI GTZO BOR RTOGS PA'I DGOS PA NYE BAR BSTAN PA'I CHED YIN PA'I PHYIR, 'O NA CHOS SKU DANG MDZAD PA GNYIS KA LHAN CIG SBYAR NAS NGO BO NYID CES PA'I DE MA THAG TU SMOS BAS CHOG MOD CE NA, TSIG LE'UR BYAS PA SBYAR BDE BA'I NGO BOR MTHA' NYID DU SMOS PA YIN

NO, ,DE'I PHYIR GSUNG RAB KYI PHYOGS GZHAN NAS SKU BZHIR GSUNGS PA THAMS CAD KYANG CHOS SKU LA 'DUS BYAS DANG 'DUS MA BYAS GNYIS SU PHYE BA'I DBANG DU BYAS PA YIN PAS TSUL 'DI DANG MI 'GAL BAR 'GYUR RO, ZHES ZER RO, ,GNYIS PA LA NYON MONGS PA MED PA'I KHYAD PAR DANG SMAN GNAS MKHYEN PA'I KHYAD PAR RO, ,DANG PO LA MTSAMS SBYAR NI, NYAN THOS SOGS SO, ,RTZA BA'I TSIG DON 'GREL PAS 'CHAD PA NI, DE BZHIN GSHEGS PA RNAMS KYI NYON MONGS MED PA'I TING NGE 'DZIN NI CHOS CAN, NYAN THOS KYI NYON MONGS PA MED PA'I TING NGE 'DZIN LAS KHYAD PAR 'PHAGS TE, NYAN THOS LA SOGS PA NYON MONGS PA MED PA'I TING NGE 'DZIN BDAG MTHONG BA LAS 'GA' ZHIG GI NYON MONGS PA SKYE BAR GYUR NA MI RUNG NGO ZHES BSAMS NAS TING NGE 'DZIN LA ZHUGS NAS, BDAG LA DMIGS NAS MI'I NYON MONGS PA SKYE BA YONGS SU SPONG BA NYID TZAM YIN LA, KHYOD GRONG LA SOGS PAR GDUL BYA'I SKYE BO MTHA' DAG GI NYON MONGS PA'I RGYUN DRUNGS 'BYIN PAR MDZAD PA YIN PA'I PHYIR, GNYIS PA LA, 'TSAMS SBYAR NI, NYAN THOS SOGS SO, ,RTZA BA'I TSIG DON 'GREL PAS 'CHAD PA NI, DE BZHIN GSHEGS PA'I SMON GNAS MKHYEN PA NI CHOS CAN, LHUN GYIS GRUB PA YIN TE, MTSON MA MED PA NYID DU RANG GI RANG GIS 'JUG PA'I PHYIR, GZUGS LA SOGS PA LA CHAGS PA DANG BRAL BA YIN TE, DNGOS PO LA MNGON PAR MA ZHEN PAS SO, ,SHES BYA THAMS CAD LA MKHYEN PA THOGS PA MED PA YIN TE, NYON MONGS PA DANG SHES BYA'I SGRIB PA BAG CHAGS DANG BCAS TE SPANGS PAS SO, ,RGYUN RTAG TU GNAS PA YIN TE, 'KHOR BA JI SRID PAR GNAS PA'I PHYIR, 'DRI BA KUN GYI LAN 'DEBS PAR MDZAD PA YIN PAR BZHED DE, YANG DAG PA'I SO SOR RIG PA BRNYAS PAS

, ,SO, ,SANGS RGYAS KYI SMON GNAS MKHYEN PA CHOS CAN, NYAN THOS KYI SMON GNAS SHES PA LAS KHYAD PAR 'PHAGS TE, KHYOD LHUN GYIS GRUB PA LA SOGS PA'I KHYAD PAR LNGA DANG LDAN ZHING, NYAN THOS LA SOGS PA YI NI JI SKAD BSHAD PA LAS BZLOG PA NYID KYIS DE LTA MIN PA'I PHYIR, GSUM PA RTZOD PA SPANG BA LA, BSTAN BCOS SNGA PHYI LA 'GAL BA SPANG BA DANG, MDE DANG BSTAN BCOS LA 'GAL BA SPANG BA'O, ,DANG PO LA RTZOD PAS 'TSAMS SBYAR BA DANG, DE'I LAN NO, ,DANG PO NI, GANG LA RTZOD NA, SNGAR SKYE LA THUGS RJE CHEN PO DANG ZHES PA'I SKABS SU CHOS SKU SKYE BO MTHA' DAG LA THUGS RJE CHEN PO'I RANG BZHIN DU KHAS BLANGS PA DANG, RTAG GNAS DANG, ZHES PA'I SKABS SU CHOS SKU 'KHOR BA CI SRID PAR RGYUN RTAG PAR KHAS BLANGS PA LA RTZAD DO, ,JI LTAR NA SANGS RGYAS DE RTAG TU THUGS RJE CHEN PO'I NGO BO NYID KYI CHOS KYI SKU LA BZHUGS NA YANG RTAG TU JI LTAR DON MI MDZAD DE, RES 'GA' SEMS CAN 'GA' ZHIG GI DON MI MDZAD PAR SNANG BA JI LTAR YIN CES BYA BA'I LAN GDAB PA'I PHYIR BAR SKABS KYI TSIGS SU BCAD PA, GNYIS PA LAN LA, SKAL LDAN LA DNGOS SU SNANG PA'I LAN DANG, SKEL MED LA MI SNANG BA DPES BSTAN PA'O, ,DANG PO LA RTZA BA'I TSIG DON 'GREL PAS 'CHAD PA NI, BCOM LDAN 'DAS CHOS CAN, SKAL LDAN GYI GDUL BYA GANG GI'ANG DON MI MDZAD PA MI SRID DE, DGE BA'I BSHES GNYEN LA SOGS PA DANG 'PHRED PAS SNGON BSKYED PA'I DGE BA'I RTZA BA'I SA BON SANGS RGYAS LA SOGS PA LA DMIGS PA'I RGYU YONGS SU BRTAS PAR GYUR NAS SEMS CAN GANG LA GANG GI DUS SU CHOS STON PA LA SOGS PA MDZAD NAS YUN DU 'PHRAD PAR GYUR PA DE'I TSE DE'I DON BYA BA'I PHYIR DU SNGON GYI SMON LAM

GRUB PAS GDUL BYA LA DE DANG DER SNANG BA DANG 'TSAM PAR DON GYI BYA BA MDZAD PAS KHYAB PAS SO, ,'ON KYANG SKAL MED KYI DON DNGOS SU MI MDZAD PA'I RGYU MTSAN YOD DE, DUS THAMS CAD DU YID BZHIN GYI NOR BU LTAR NYE BAR GNAS KYANG, RANG GI LAS KYI NYES PAS SKYED PA LA SANGS RGYAS DNGOS SU SNANG BA RGYU MA CHAD PAS SANGS RGYAS KYIS YE SHES STON PA'I 'BRAS BU DNGOS SU SMIN PAR RE SHIG MDZAD PAR MI SNANG BA'I PHYIR RO, SNYAM DU BYAMS PAS DGONGS PA YIN NO, ,GNYIS PA LA 'TSAMS SBYAR NI, DE JI LTA BU ZHIG SOGS SO, ,RTZA BA'I TSIG DON 'GREL PAS 'CHAD PA NI, DPER NA SOGS TE GO SLA'O, ,GNYIS PA LA RTZOD PA DANG LAN NO, ,DANG PO NI, RTZOD PA'I SKABS KYI KHYAB PA ZHES CHOS SKU LA SBYOR RGYU YIN PA LA, CHOS SKU THAMS CAD LA KHYAB PA YIN PAR SNGAR RTZA BA'I SKABS GANG DU'ANG DNGOS SU MA SMRAS PAS RTZOD PA 'DI BSTAN BCOS RANG GI RTZOD SPANG LA SBYAR NA 'BREL MED DU 'GYUR PA YIN NO, ,DES NA DON NI 'DI YIN TE, CHOS SKU YE SHES KYI BDAG NYID YIN NA, RNAL 'BYOR PA SO SOR NGES PA'I RGYUD KYI RTEN LA YOD PA'I PHYIR, MDO LAS, JI LTAR CHOS SKU SEMS CAN THAMS CAD LA KHYAB PA ZHES KYANG BRJOD DE, DE DANG 'GAL LO, ,YE SHES YIN NA SKAD CIG RE RE LA 'BYUNG DGOS PA'I PHYIR, JI LTAR MDO LAS CHOS KYI SKU RTAG PA ZHES KYANG BRJOD DE, DE DANG 'GAL LO ZHE NA, LAN LA, RTZA 'GREL GNYIS KA'I NGAG DON, DE GNYIS 'GAL BA'I SKYON MED PAR THAL, MDO LAS, DE LTAR GSUNGS PA MDZAD PAS KHYAB PA DANG, RGYUN MI 'CHAD PA TZAM LA DGONGS PA YIN PA'I PHYIR, TSIG DON GO SLA'O, ,DON 'DI'I PHYIR NYI KHRI SNANG PA LAS KYANG, DE LTAR DGONGS PA 'DIS SANGS RGYAS THAMS CAD DU SONG BA DANG RTAG PA YIN PAR

, ,BSHAD PA'I PHYIR BSTAN BCOS DANG 'GAL BA MED DO, ,ZHES GSUNGS PA YIN NO, ,GSUM PA LONGS SPYOD RDZOGS PA'I SKU LA RANG BZHIN DANG, YON TAN RGYAS PAR BSHAD PA'O, ,DANG PO LA 'TSAMS SBYAR NI, DE LTAR SOGS SO, ,RTZA BA'I TSIG DON 'GREL PAS BSHAD PA NI, BSOD NAMS KYI TSOGS KYI RNAM SMIN GYI 'BRAS BUR GYUR PA'I MTSAN SUM CU RTZA GNYIS DANG, DPE BYAD BZANG PO BRGYAD CUS SPRAS PA'I NGO BO NYID KYI GZUGS SKU 'DI NI CHOS CAN, SANGS RGYAS BCOM LDAN 'DAS KYI LONGS SPYOD RDZOGS PA'I SKU YIN TE, BYANG CHUB SEMS DPA' CHEN PO SA BCU LA BZHUGS PA RNAMS DANG, THABS GCIG TU THEG PA CHEN PO'I CHOS KYI LONGS SPYOD KYI DGA' BA DANG BDE BA SHIN TU KHA NA MA THO BA MED PA NYE BAR SPYOD PA'I PHYIR RO, ,GNYIS PA LA MTSAN DANG DPE BYAD BSHAD PA'O, ,DANG PO LA DNGOS DANG, DE'I RGYU BSHAD PA'O, , DANG PO LA 'TSAMS SBYAR NI, MTSAN CES DANG, RTZA BA NI, DON 'GREL PAS RGYU DANG BCAS TE LHAN CIG TU 'CHAD PAR BYED LA, RTZA 'GREL GYI TSIG DON GO SLA'O, ,CI'I PHYIR MTSAN ZHES BYA ZHE NA, 'DI DAG GANG LA YOD PA DE SKYES BU CHEN POR MTSON PAR BYED PA'I PHYIR RO, ,GNYIS PA LA GNYIS LAS, MDOR BSTAN LA, 'TSAMS SBYAR NI, RGYU GRUB PAS ZHES SOGS DANG, RTZA BA'I DON 'GREL PAS 'CHAD PA NI, MTSAN GANG GI ZHES SOGS TE, DE YANG GONG DU BSHAD PA'I RGYU DE RNAMS BSKAL BA GRANGS MED GCIG TU GOMS PAR BYAS PA YE SHES KYI TSOGS KYI LHAN CIG BYED RKYEN GYIS NUS PA MTHU CAN DU BYAS PA LAS 'DI DAG 'GRUB PA'I DON TO, ,RGYAS BSHAD LA 'TSAMS SBYAR NI, RGYU DE SOGS DANG, TSIG DON NI, RGYU NI BLO MA SKYEL BA SOGS TE, SNGAR BSHAD ZIN TO ZHES PA'O, ,GNYIS PA DPE BYAD BSHAD PA LA, 'TSAMS

SBYAR NI, DE LTAR SOGS SO, ,RTZA BA'I TSIG DON PHAL CHE BA GO SLA ZHING, YAN LAG DANG NYING LAG SHIN TU RNAM PAR 'BYES PA NI SBOM PHRA SOGS 'TSAM PA'O, ,SKU ZLUM PA NI, LTE BA'I 'OG PHYOGS DBYIBS ZLUM PA'O, ,SKU SKABS PHYIN PA NI RKED PA SKABS PHYE PA'O, ,SKU MA RNYONGS PA NI HA CANG MI RING PA'O, ,PHYAL BYANG BA NI MTHO DMA' DANG, RDZENG RDZENG POR RGYUR BA MIN PA'O, ,LTE BA ZAB PA NI GTING RING PA'O, ,DPAL BE'U SOGS KYIS BRGYAN PA NI, PHYAG ZHABS LA DE 'DRA'I RI MO YOD PA'O, ,'DI DAG LA CI'I PHYIR DPE BYAD CES BYA ZHE NA, 'DI DAG GANG LA YOD PA'I NANG GI SPANGS RTOGS KYI YON TAN GZHAN LA GO BAR BYED PA'I DPE YIN PA'I PHYIR RO, ,YON TAN JI LTA BU ZHE NA, SEN MO ZANGS KYI MDOG LTA BUS NANG GI YON TAN 'DU BYED THAMS CAD LA 'DOD CHEGS DANG BRAL BA MTSON PA LTA BU'O, ZHES SOGS SU SHES PAR BYA'O, ,BZHI PA SPRUL PA'I SKU LA MTSAMS SBYAR NI, DE LTAR SOGS SO, ,RTZA BA'I TSIG DON 'GREL PAS 'CHAD PA NI, SH'A KYA THUB PA LA SOGS PA'I GZUGS GANG GI 'KHOR BA JI SRID PAR 'JIG RTEN GYI KHAMS THAMS CAD DU MDZAD PA BCU GNYIS KYI SGO NAS RIGS CAN GSUM GYI SEMS CAN RNAMS KYI 'DOD PA'I DON MNYAM PA NYID DU MDZAD PA'I SKU DE NI CHOS CAN, SANGS RGYAS BCOM LDAN 'DAS KYI SPRUL PA'I SKU YIN TE, RIGS CAN GSUM KA LA DNGOS SU SNANG BA'I GZUGS SKU YIN PA'I PHYIR SPRUL SKU CHOS CAN, RGYUN MI 'CHAD PA YIN TE, 'KHOR BA JI SRID DU MDZAD PA BCU GNYIS STON PA RGYUN CHAGS PA'I PHYIR, GNYIS PA 'PHRIN LAS LA GSUM LAS, MTSAMS SBYAR LA BSHAD ZIN GYI MTSAMS SBYAR DANG, 'CHAD 'GYUR GYI MTSAMS SBYAR RO, ,DANG PO NI, GONG DU DI SKAD BSHAD PA DE LTAR NGO BO NYID KYI SKU'I BDAG NYID RANG

, ,BZHI RNAM DAG GI CHA DE BSKAL BA GRANGS MED PA GSUM DU BSOMS PA'I STOBS LAS 'BYUNGS BA SANGS RGAYS NANG KHO NA'I DNGOS KYI SPYOD YUL NYID DU ZAG MED KYI YE SHES SDE TSAN NYER GCIG LA LTOS NAS CHOS SKUR RAB TU RTOGS SHING NGES PAR GZUNG BA DANG, LA SOGS PAS BCU'I BYANG SEMS KYI DNGOS KYI SPYOD YUL NYID LA SOGS PA MTSAN DPE LA LTOS NAS LONGS SKUR RAB TU BTAGS PA DANG, LA SOGS PA NYAN THOS KYI YANG DNGOS KYI SPYOD YUL NYID DU LA SOGS PA 'KHOR BA JI SRID PAR MDZAD PA BCU GNYIS STON PA LA LTOS NAS SPRUL SKUR RAB TU BTAGS SHING NGES PAR GZUNG BA'I SKU GSUM BSTAN NAS ZHES PA'O, ,GNYIS PA NI, DE'I 'OG TU 'PHRIN LAS GSUNGS SO, ,DGOS PA GANG GI CHED DU NA, GDUL BYA'I SKYE BO'I SNANG BA LA BRTEN PA 'PHRIN LAS THAMS CAD GTZO BOR CHOS KYI SKU YIN NO, ,CHOS SKU DE'I BDAG PO LA BRTEN NAS BYUNG BA'I PHYIR, ZHES SHES PA'I CHED DU'O, ,DE'I BDAG RKYEN LAS BYUNG BAR THAL, KUN RDZOB TU SANGS RGYAS KYI YE SHES KHO NA LONGS SPYOD RDZOGS PA'I SKU LA SOGS PAR SNANG BA BSKYED PA'I SKYON NAS DE NI BYA BA MDZAD PA'O, ,RTZA BA NI DE BZHIN CES SOGS SO, ,DE'I DON 'GREL PAS 'CHAD PA LA, 'PHRIN LAS KYI DBYE BA, 'PHRIN LAS KYI DUS DES GO RIM GZHAN MTSON TSUL LO, ,DANG PO LA LAM GYI RTEN MNGON MTHO LA 'GOD PA DANG, NGES LEGS KYI RGYU LAM LA 'GAD PA DANG, NGES LEGS KYI NGO BO LAM GYI 'BRAS BU LA 'GOD PA'O, ,DANG PO LA SANGS RGYAS KYI YE SHES CHOS CAN, GDUL BYA NGAS LEGS LA 'GOD PA'I DANG POR, MNGON MTHO LA 'GOD PAR MDZAD DE, 'GRO PA BZANG PO LHA YI DANG BZANG PO MIN PA NGAN 'GRO LA MNGON PAR ZHEN PA MED PAR GNAS PA MTSAN NYID

NGANG SONG DU 'GRO BAR RAB TU ZHI BA'I 'PHRIN LAS MDZAD PAS SO, ,GNYIS PA LA TSOGS LAM LA 'GOD PA DANG, SBYOR LAM DANG, MTHONG LAM, SGOM LAM 'GOD PA'O, ,DANG PO LA SBYOR BA DANG, LTA BA DANG, SPYOD PA RNAM DAG LA 'GOD DE, SBYIN PA DANG, LA SOGS PA SNYAN PAR SMRA BA DANG, DON SPYOD PA DANG, DON MTHUN PA STE BSDU PA'I DNGOS PO BZHI LA 'GOD PA'I PHYIR, GNYIS PA NI LTA PA RNAM DAG LA 'GOD PAR BYED DE, THOS PA LAS BYUNG BA LA SOGS PA SHES PA LAS MI MTHUN PA'I PHYOGS DANG GNYEN PO DON BA DANG, BLANG BAR BYA BA'I SGO NAS RTAGS PAR MDZAD PA'I PHYIR, GSUM PA LA GZHAN DON GYI SPYOD PA DANG, RANG DON GYI SPYOD PA DANG, GNYIS DON GYI SPYOD PA 'GOD PA'O, ,DANG PO NI, GZHAN DON GYI SPYOD PA RNAM DAG LA 'GOD PAR BYED DE, SGYU MA MKHAN SGYU MA'I SEMS CAN LA CHAGS SDANG MED PA BZHIN DU RJES SU CHAGS PA LA SOGS PA RNAM PAR DBEN PA NYID KYIS SEMS CAN GYI DON TE GZHAN GYI DON SGRUB PA'I THABS BYAMS PA LA SOGS PA'I MTSAN NYID JI LTA BA'I BDAG NYID LA 'GOD PA'I PHYIR, GNYIS PA LA RANG DON GYI SPYOD PA RNAM DAG LA 'GOD DE, DE'I RJES LA RANG GI DON 'KHOR GSUM RNAM PAR DAG PAS RAB TU PHYE BA'I PHA ROL TU BYIN PA DRUG LA GOMS PAR BYED PA LA 'GOD PAR MDZAD PA'I PHYIR, GSUM PA NI, DE'I 'OG TU GNYIS DON GYI SPYOD PA RNAM DAG LA 'GOD DE, RANG DANG GZHAN GYI DON GYI MTSAN NYID SANGS RGYAS KYI LAM STE, DGE BA BCU'I LAS KYI LAM LA 'GOD PAR MDZAD PA'I PHYIR, GNYIS PA NI, DE NAS SBYOR LAM LA 'GOD DE, CHOS THAMS CAD RANG BZHIN GYIS STONG PA NYID DON SPYI'I TSUL GYIS GOMS PAR BYED PA LA 'GOD PAR MDZAD PA'I PHYIR, GSUM PA NI, DE'I RJES LA MTHONG LAM LA 'GOD DE, SBYIN PA'I PHA ROL TU PHYIN

, ,PA LHAG PAR GYUR PA LA BRTEN NAS SA DANG PO CHOS GYI DBYINGS KUN TU 'GRO BA RTOGS PA'I MTSAN NYID GZUNG 'DZIN GNYIS SU MED PA'I CHOS DANG POR MNGON DU GYUR PA LA 'GOD PA'I PHYIR, BZHI PA SGOM LAM LA 'GOD PA LA DRUG LAS, DANG PO NI, SA GNYIS PA NAS LNGA PA'I BAR LA RIM GYIS 'GOD DE, DE NAS TSOGS YONGS SU RDZOGS PA RGYUR GYUR PAS SA GNYIS PA LA SOGS PA BZHIR TSUL KHRIMS LA SOGS PA'I PHA ROL TU PHYIN PA BZHI'I CHOS THAMS CAD BRDA RAB TAGS PAR SHES PA'I SGOM NAS RNAM PAR DAG PA LA 'GOD PA'I PHYIR, GNYIS PA NI, DE'I RJES LA SNGA MA DE BZHIN DU RIM GYIS SA DRUG PA LA 'GOD DE, SHES RAB KYI PHA ROL TU PHYIN PA LA BRTEN NAS SHES PA DANG SHES BYA'I DNGOS POR MNGON PAR MA ZHEN PA'I MTSAN NYID CHOS THAMS CAD DMIGS SU MED PA'I YE SHES LA 'GOD PA'I PHYIR, GSUM PA NI, DE'I 'OG TU SA BDUN PA LA 'GOD DE, THABS KYI PHA ROL TU PHYIN PA LHAG PA'I STOBS KYIS SEMS CAN YONGS SU SMIN PAR BYED PA LA 'GOD PA'I PHYIR, BZHI PA NI, DE NAS SA BRGYAD PA LA 'GOD DE, STOBS KYI PHA ROL TU PHYIN PA LHAG PA'I STOBS KYI NYAN THOS LA SOGS PA DANG THUN MONG MIN PA'I BYANG CHUB SEMS DPA'I LAM LA 'GOD PA'I PHYIR, DE NAS SA BRGYAD PA DE NYID LA CHOS THAMS CAD LA MNGON PAR ZHEN PA SPANGS PA'I SRID ZHI MNYAM NYID KYI SBYOR BA LA 'GOD DO, ,LNGA PA NI, DE'I RJES LA SA DGU PA LA 'GOD DE, SMON LAM GYI PHA ROL TU PHYIN PA LHAG PA'I MTHUS BYANG CHUB MYUR DU 'THOB PA LA 'GOD PA'I PHYIR, DRUG PA SA BCU PA LA 'GOD PA LA, SA BCU THOB MA THAG DANG, SKYE BA GCIG GIS THOGS BA DANG, SRID PA THA MA LA 'GOD PA'O, ,DANG PO NI, DE'I 'OG TU SA BCU PA LA 'GOD DE, YE SHES

KYI PHA ROL TU PHYIN PA LHAG PA'I LTOBS KYIS SANGS RGYAS KYI ZHING SNA TSOGS RNAM PAR DAG PA 'GOD PA'I PHYIR, GNYIS PA NI, YANG DE NYID LA SKYE BA GCIG GIS THOGS PA LA 'GOD DE, RANG GI NGO BO TSO PHYI MA LA YANG DAG PAR RDZOGS PA'I BYANG CHUB TU, SO SOR NGES PA LA 'GOD PA'I PHYIR DANG, PHYOGS BCU'I 'JIG RTEN GYI KHAMS KYI SEMS CAN GYI DON DANG 'JIG RTEN GYI KHAS THAMS CAD DU SANGS RGAYS KYI DRUG DU NEY BAR 'GRO BA LA SOGS PA LA 'GOD PA'I PHYIR, GSUM PA DANG, NUS PA DANG, SPANGS RTOGS, DAG PA'I RGYU'I TSOGS SO, ,DANG PO NA, SA BCU THOB MA THAG DANG, SKYE BA GCIG GIS THOGS PA LA BKOD ZHIN PA DE LTA BU'I RIM PAS YANG SA BCU PA DE NYID LA KHYAD PAR GYI LAM GYI RANG GI NGO BO BYANG CHUB MTHA' DAG GI YON TAN 'DREN PAR BYED PA'I CHOS KYI MTSAN NYID BYANG CHUB KYI YAN LAG DANG, TSOGS GNYIS KYI YE SHES DNAG 'BRAS BUR 'BREL PA CHUNG MI ZAB DANG, JI SNYED PA'I RTOGS PA DNGOS PO THAMS CAD YANG DAG PA JI LTA BA BZHIN DU RTOGS PA DANG SPANGS PA LA PHYIN CI LOG MNGON GYUR THAMS CAD SPANGS PA DANG, PHYIN CI LOG GI GZHIS BON GTAN MED PAR SPANGS PA'I YES SHES DANG, DAG PA'I RGYU TSOGS NI RANG BZHIN GYIS YONGS SU DAG PA'I MTSAN NYID KYI BYANG CHUB SEMS DPA'I RNAM PAR BYANG BA DANG, GLO BUR GYI DRI MA THAMS CAD DANG 'BREL BA'I RGYU TSOGS DANG JI LTA BA'I RTOGS PA STONG PA NYID KYI NGO BO NYID KYI 'DUS BYAS DANG 'DUS MA BYAS DON DAM PAR THA MI DAD PAR YONGS SU SHES PA RNAMS LA BKOD NAS SO, ,GSUM PA NI, SNGAR JI SKAD BSHAD PA'I TSUL DE LTAR RANG LA BSTAN PA'I RGYU'I GTZO BO DON BDUN CU'I DANG PO SEMS BSKYED PA STON PA NA, GRANG TSAN SEMS BSKYED KYI DBYE BA NYER GNYIS SU PHYE NAS, LAS DANG

, ,PO PA'I SEMS BSKYED NAS SANGS RGYAS KYI SA'I BAR GYI SEMS BSKYED BSTAN PA'I GO RIM DNGOS SU BSTAN PA'I RIM PAS LHAG MA BAR GYI TSIG GI DON GROGS SU GYUR PA'I LAM RNAMS KYIS NYAMS SU LEN PA'I GO RIMS KYANG SHUGS LA KHONG DU CHUD PAR BYA ZHING, GZHAN LA BRTEN PA'I RKYEN GYI GTZOG BO DON BDUN CU'I THAM 'PHRIN LAS STON PA NA GDUL BYA MNGON MA THOS 'GOD PA NAS MI GNAS PA'I MYANG 'DAS LA 'GOD PA'I BAR BSTAN PA'I GO RIM DNGOS SU BSTAN PA RIM PAS LHAG MA BAR GYI GDON GDUL BYA'I RGYUD LA SKYE BA'I YON TAN RNAMS KYI JI LTAR SKYE TSUL GYI GO RIM KYANG SHUGS LA KHONG DU CHUNG PAR BYA STE 'ON KYANG DNGOS SU BKOD NA TSIG MANGS SU DOGS NAS SENG BZANG BDAG GIS NI MA BRIS SO, ,DAG DON NI, SENG BZANG CHOS CAN, SEMS BSKYED KYI GROGS LAM RNAMS JI LTAR NYAMS SU LAN PA'I GO RIM DANG, 'PHRIN LAS LA BSTEN NAS GDUL BYA'I RGYUD LA YON TAN SKYE TSUL GYI GO RIM DNGOS SU MA DRIS PA'I RGYU MTSAN YOD DE, DE GNYIS SEMS BSKYED NYER GNYIS DANG, 'PHRIN LAS NYER BDUN GYI GO RIM DNGOS SU BKOD PA'I SHUGS KYIS GO NUS SHING, DE DAG DNGOS SU BKOD NA TSIG MANG DU DOGS NAS MA BKOD PA'I PHYIR, t'IG BYED GZHAN DAG DON BDUN CU'I DANG PO DANG THA MA LA, JOG RIM SA 'TSAMS BSTAN PA'I SHUGS KYIS LHAG MA DON RE BRGYUD KYI GO RIM SA 'TSAMS KYANG KHONG DU CHUD PAR BYA ZHES 'CHED MOD, KHONG DU PAR BYA TSUL RDZUN GYI RIB MA MA MBYED PAR GSAL PHOR SMROS SHIG DANG, KHO BOS NI SU LA YANG SMRA MI NUS PA YOD PAR MA MTHONG NGO, ,GSUM PA SKABS BSUD PA NI, SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR

RTOGS PA'I RGYUN GYI 'GREL BA DON GSAL BA'I RNAM BSHAD RTOGS PAR DKA' BA'I SNANG BA LAS SKABS BRGYAD PA'I 'GREL PA'O,, ` ,,GNYIS PA BAR MA LA DAD PA LA DRUG TU BSDUS PA LA, 'TSAMS SBYAR NI RGYAS PA LA SOGS SO, ,RTZA BA'I TSIG DON 'GREL PAS 'CHAD PA NI, RNAM PA THAMS CAD MKHYEN PA NYID LA SOGS PA THAMS CAD MKHYEN PA NYID NI CHOS CAN, GTAN LA DBAB BYA'I MTSAN NYID YIN TE, DANG POR THOB BSAM GYI TSE SEMS BSKYED SOGS CHOS SU CUS MNGON PAR MTSON PA'I GRA NAS YIN PAS SO, ,RNAM PA THAMS CAD MNGON PAR RDZOGS PAR RTAGS PA NI TSIG CAN, THAMS CAD MKHYEN PA NYID GSUM GYI SBYOR BA YIN TE, MKHYEN GSUM THOS BSAM GYIS BTAN LA PHAB PA'I RJES DE NAS RTOGS PA LA DBANG DU BYA BA'I PHYIR DU 'DIS THAMS CAD MKHYEN PA NYID GSUM RNAM PA'I SGO NAS SGOM BYA LA SBYOR BAS SO, ,RTZE MO'I MNGON PAR RTOG PA NI CHOS CAN, THAMS CAD MKHYEN PA NYID GUSM SGOM PA'I RTOGS PA RAB KYI GNAS SKABS YIN TE, MKHYEN GSUM RNAM PAR SGO NAS BSGOMS PA DE NAS SHIN TU GOMS PA PHUL DU BYUNG BAR 'GRO BA'I PHYIR, MTHAR GYIS PA'I MNGON PAR RTOGS PA NI CHOS CAN, THAMS CAD MKHYEN PA NYID GUSM GYI GO RIM GYI GNAS SKABS YIN TE, DBANG THOB PA DE NAS SNGAR RTOGS PA'I DNGOS PO BRTAN PA THOB PA'I SGO NAS NGES PAR BYA BA'I PHYIR DU SO SO BA DNAG MTHA DAG TU RNAM 'BYOR BSGOMS PA'I DON SLAR YANG DANG YANG DU YIN LA BYED PA'I SGO NAS GZHUNG SRONG BAR BYED PAS SO, ,YANG DAG PAR SKAD CIG MA GCIG PA'I MDON PAR RDZOGS PAR BYANG CHUB PA NI CHOS CAN, THAMS CAD MKHYEN PA NYID GSUM GYI SBYOR BA MTHAR THUG PA'I GNAS SKABS YIN TE, GO RIMS KYIS GOMS

, ,PA MTHAR THUG PA'I RJES DE NAS SLAR SBYOR BA KHYAD PAR DU 'GROR MED PAS SO, ,CHOS KYI SKU MDZAD PA DANG BCAS PA CHOS CAN, THAMS CAD MKHYEN PA NYID GSUM GYI RNAM PAR SMIN PA YIN TE, SBYOR BA MTHAR THUG PA DE NAS SBYOR BA DE'I 'BRAS BU MTHAR THUG YIN PAS SO, ,DE LTAR NA SOGS SO, ,YAN LAG RGYAS BSHAD NI SNGA MA KHO NA BZHIN DU BSHAD PAR BYA BA YIN NO, ,GSUM PA BSDUS PA LA DAD PA LA MNGON PAR RTOGS PA GSUM DU BSDU BA LA, MTSAMS SBYAR NI, BAR MA LA SOGS SO, ,RTZA BA NI YUL CAN SOGS SO, , 'GREL PA NI, DANG POR RNAM PA THAMS CAD MKHYEN PA NYID LA SOGS PA THAMS CAD MKHYEN PA NYID GSUM GYI NGO BO NYID NI CHOS CAN, 'JUG PA'I YUL GYI RGYU YIN TE, THOS BSAM GYIS GTAN LA DBAB BYA'I MKHYEN PA YIN PA'I PHYIR, DE LA JI LTAR RAB TU SBYOR ZHE NA, DE'I 'OG TU RNAM PA THAMS CAD MNGON PAR RDZOGS PAR RTOGS PA LA SOGS PA RNAM PA BZHI NI CHOS CAN, SBYOR BA YIN TE, MKHYEN GSUM RNAM PAS SKOM PA'I RNAL 'BYOR YIN PAS SO, ,SBYOR BA DE LTA BU DANG LDAN PA'I RGYU DE'I 'BRAS BU CI ZHIG YIN CE NA, DE'I 'OG TU CHOS KYI SKU 'PHRIN LAS DANG BCAS PA NI CHOS CAN, 'BRAS BU YIN TE, SBYOR BZHI BSGOMS PAS THOB BYA MTHAR THUG YIN PA'I PHYIR, DE LTAR RGYAL BA'I YUM RNAM PA GSUM GYI DON BSDUS PA BRGYAD DRUG TU PHYE BA LAS GZHAN RNAM PA GSUM STE, RGYAS BSHAD NI BRGYAD DU PHYE BA'I SKABS DE KHO NA BZHIN DU BSHAD PAR BYA'O, ,DE YANG RGYAS 'BRING BSDUS PA'I KHYAD PAR GNYIS LAS, TSIG RGYAS 'BRING BSDUS PA NI YUM GSUM STE, GDUL BYA DBANG PO RTUL 'BRING RNO GSUM GYI DBANG DU BYAS PA'O, ,DON RGYAS 'BRING BSDUS PA NI, MNGON PAR RTOGS

PA BRGYAD DANG, DRUG DANG GSUM DU PHYE BA STE, YUM GSUM PO RE RES KYANG 'DI GSUM KA STON PAR BYED PA'I PHYIR, GDUL BYA RE RE LA YANG SPRO BA DANG BSDU BA'I TSUL SHES PAR BYA BA'I SLAD DU GSUM KA BSTAN PAR BYA BA YIN NO, ,ZHES BDAG GI BLA MA BZHED DO, ,GSUM PA BSHAD PA MTHAR PHYIN PA'I BYA BA LA, YUM GSUM BRJOD BYA GCIG TU BSTAN PA DANG, 'GREL BA JI LTAR BYAS PA DANG, BYAS PA'I DGE BA BSNGO BA DANG, KHENGS BSKYUNG ZHING DGA' BA RJES SU BSGRAG PA'O, ,DANG PO NI JI SKAD BSHAD PA'I DON BRGYAD DANG, DRUG DANG GSUM LA BDUN CUR PHYE BA THAMS CAD RGYAS 'BRING BSDUS PA KUN GYI BSDUS DON DU KHYOD KYIS BSHAD NA, CI YUM KUN BRJOD BYA GCIG PA ZHIG YIN NAM ZHE NA, DE LTAR SMRA STE, DE YANG LA LA BRGYAD STONG PA LAS, MNGON PAR RTOGS PA BRGYAD KYI DON TSANG BA TZAM DANG, GZHAN BAR MA NYI KHRI LAS MNGON DON RE RE LA YANG MING GI RNAM GRANGS DU MAS BSHAD BYED DE'I STON PA'I TSIG KYANG CHANG BA TZAM DANG, GZHAN RGYAS PA LAS DON RE RE LA YANG MING GI RNAM GRANGS DU MAS BSHAD BYED DE'I PHYIR, MKHAS PA RNAMS KYIS YUM GSUM PO KUN LA'ANG DON BSDUS DE TZAM DU SHES PAR BYA'O, ,DE LTA MIN NA YUM GSUM PO THAMS CAD KYIS SKYES BU GCIG 'TSANG RGYA BA'I CHA RKYEN DU GYUR BA'I MNGON RTOGS KYI RIM PA THAMS CAD TSANG BAR LEGS PAR BSDUS PA MIN PA'I SKYON DU 'GYUR RO, ,'O NA BZLOS PA'I SKYON DU MI 'GYUR RAM ZHE NA, MI 'GYUR TO; YUM GSUM PO DE LA TSIG BSDUS PA DANG, RGYAS PA SOGS RAB TU DBYE BAS KHYAD PAR YOD PA KHO NAR ZAD PAS SO, ,GNYIS PA NI, TSIG LE'UR BYAS PA'I 'GREL BA GSAL BA 'DI NI BYAS SO, ,SUS NA, SENG GE BZANG POS SO, ,GANG GI SGO NAS NA, 'PHAGS PA

, ,RNAM PAR GROL SDE YI MTHU YIS YUM GYI DON MTHONG BA'I SGO NAS NI'O, ,DGOS PA MNGON RTOGS BRGYAD GO BAR SLA PHYIR RO, ,TSUL JI LTAR ZHE NA, MDO'I TSIG DANG NI BRGAL LAN GYI DAG SOGS DANG RE RE NAS SBYOR BA MA BYAS PAR MKHAN PA YANG NGAG RNAM SNANG MDZAD BLA MA BZANG LA PHYAG 'TSAL ZHING GNANG BA THOB NAS SO, ,GSUM PA NI, DE SDEBS CES SOGS TE GO SLA'O, ,BZHI PA LA, KHENGS BSKYUNG ZHING BZOD PAR GSOL BA NI BSTAN BCOS KYI DON KUN MNGON DU GYUR PA'I SGO NAS BDAG GI SPYOD YUL GANG NA ZHIG YIN TE MIN NO, ,DE'I RGYU MTSAN SHES RAB MI GSAL BA DANG, BSTAN BCOS KYI DON RANG GI BLO LAS PHYI ROL GYUR PAS SO, ,DES NA 'DI NI BDAG NYID CHEN PO 'PHAGS PA RNAMS KYI BLO'I SPYOD YUL YIN GYI BSTAN BCOS DON NI MA LUS PA DE LAS GZHAN PA'I SPYOD YUL GANG NA YIN, BDAG GI SPYOD YUL MIN PA 'ON KYANG RANG DANG GZHAN GYI NGOR, BDAG GIS 'BAD PA BGYIS PA LA NONGS PA YOD NA SKYE BO MKHAS PA RNAMS BZOD PAR MDZOD CIG ,DGA' BA RJES SU BSGRAGS PA NI KYE MA NI NGO MTSAR BA'I TSIG GO, DNGOS POR SMRA BA'I GZHUNG LUGS SNA TSOGS KYIS LOG SHES DANG THE TSOM GYI MYA NGAM GYI THANG LA YUN RING DU 'PHYIN PAR BYAS NAS RAB TU DUB PAR GYUR BA'I BLO GROS KYI NGAL BSO'I BSTI GNAS SHES RAB KYI PHA ROL TU PHYIN PA'I LUGS 'DI, THEG CHEN DGE BA'I BSHES GNYEN MGU BAR BYAS PA LA SOGS PA'I RGYUS YUN RING MO ZHIG NAS MTHONG BA YIN NO, ,ZHES BYA BA STE, DE LTAR NA BSTAN BCOS MTHA' DAG BSHAD ZIN TO,, ` ,,DPAL LDAN MKHAS LA RANG GI 'OD ZER GYIS, ,LEGS PAR BYUNG BA'I MDANGS

BZANG NYI MA'I 'OD, ,PHAM BYAS THUN 'TSAMS MDZES PA'I BLO GOS CAN, ,SMRA BA'I TOG DER SLAR YANG PHYAG 'TSAL LO, ,MGON PO 'KHOR BA'I ZAM STEGS LA, ,RINGS PAR CHAS PA DE YI ZHAL, ,'DZUM DKAR ZLA 'OD BYU RU YI, ,YAL 'DAB NGOS LA RAB BRDAR NAS, ,RAB DKAR LEGS BSHAD ME TOG GI, DOG PA SHES BYA'I ME LONG LA, ,MKHYEN PA BZHIN DU 'GREMS MDZAD CING, ,'GRO LA GSUNG GI BDUD RTZI YI, ,BGO SKAL MDZAD PA GANG LAGS PA, ,DE DAG KUN LAS STONG NYID KYI, ,GTAM 'DI KHO NA SNYING POR BSNYAD, ,SNYING PO LAS KYANG SNYING POR NI,, GCES PAR SBAS PA'I RIM PA 'DI, ,RIN CHEN MAR GAD CHU BA CAN, ,GSER GYI PAD+MO'I KHONG GNAS PA, ,DRI BZANG RDZOGS PA'I SNYING PO CAN, ,LEGS BSHAD RDUL TSOGS THIG LE LA, ,MA PHAM CHOS KYI BLA MA DES, ,SBRANG RTZI RGYAL MTSAN MDZAD PAR GYUR, ,DE NYID RING LUGS GANGS KYI SUL, ,BGRONG BA KUN GYI SPYI BO LA, ,BZANG PO RI DVAGS DBANG PO YIS, ,SBAR MO NGAL BSO BGYIS PA LAGS, ,BYANG PHYOGS RGYUD 'DIR DE YI GZHUNG, ,SMRA BA RGYA MTSO'I RDUL SNYED KYIS, ,MYOS PA YI GE 'THOR BA'I TSIG, 'GRAN PA BZHIN DU ZLOS GAR BYAS, ,DE LTA MOD KYI SNGON SPYAD PA; ;BYED PA LAS KYANG BGO SKAL NI, ,MI MNYAM RNAM DPYOD BYIN PA'I DPAL, ,BZANG PO DPAL 'BYOR MTSUNGS PA THOB, ,'DI NI MI PHAMS ZHAL GYI BCUD, ,GA BUR THIGS RGYUN MA NYAMS PA, ,BSIL BA'I MTHU LAS GDUNG BRAL ZHING, ,SNYING LA MDZA' BCUGS SBYIN PAR BYED, , DE PHYIR BDAG GIS BLO LDAN RI DVAGS MIG ,BSKAL BZAD GZHUNG LUGS NAGS MTHAR RTZE BA LA, ,SNGON MED DRI BZANG RDZOGS PA'I ME TOG 'PHRED, ,GTAM 'DI RNA LUNG MDZES PA'I RGYAN DU BYAS, ,TSUL 'DIR 'BAD LAS RAB DKAR DGE BA'I DPAL, ,GANG ZHIG THOB DES DGA'

, ,LDAN GZHAL MED KHANG, ,RGYAL TSAB ZHAL GYI DGA' STON GYIS MTHO BAR, ,SHER PHYIN DAM PA'I DPAL LA SPYOD PAR SHOG, ,,SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN GYI 'GREL BA DON GSAL BA'I RNAM BSHAD RTOGS PAR DKA' BA'I SNANG BA ZHES BYA BA 'DI NI, 'JIG RTEN GSUM NA 'GRAN PA'I ZLA THAMS CAD DANG BRAL BA RGYAL BA'I RING LUGS PA THAMS CAD KYI GTZUG GI NOR BU DON GYI SLAD DU MTSAN NAS SMOS TE RJE BTZUN DAM PA KU MA RA MA TI'I ZHAL SNGA NAS DANG, 'GRO BA MA LUS PA'I MIG GCIG PU, RGYAL BA KUN GYI DAM PA'I CHOS MA LUS PA 'DZIN PA LA BYANG CHUB SEMS DPA' BLO GROS CHEN PO DANG MI GNYIS PA, THAMS CAD MKHYEN PA BLO BZANG GRAGS PA'I DPAL GYI ZHAL SNGA NAS LA SOGS PA RJE BTZUN DAM PA THUGS RJE CHEN PO DANG LDAN PA RNAMS KYI ZHABS RDUL SPYI BOS LEN PA, RGYAL BA'I GSUNG RAB MTHA' DAG GI DGONGS DON 'BYED PA LA MI 'JIGS PA'I SPOBS PA DGE BA CAN, MANG DU THOS PA'I DGE SLONG DGE LEGS DPAL BZANG PO ZHES BYA BAS, GTZANG NYANG STOD RIG PA'I 'BYUNG GNAS KYI CHA DGE SBYANG DANG BRAM ZE CHOS DANG DON YONGS SU TSOL BA DAG GIS BSTEN PAR BYA BA'I GNAS RDO RJE'I GDAN DU SBYAR BA'O,