S05455E · GMLW-004921

The Treasure of the Essence of Eloquence, A Commentary to "A Drop of Logic"

TSAD MA RIGS THIGS KYI 'GREL PA LEGS BSHAD SNYING PO'I GTER

מחברauthor

GYALTSAB JE DHARMA RINCHENRGYAL TSAB RJE DAR MA RIN CHEN1364-1432

נמצא בfound inSTUDY OF ACCURATE PERCEPTION (SAUTRANTIKA SCHOOL)

מהדורהrecensionnot applicable - a collected works, not a canon edition

הפנדיטה ההודיIndian panditaDZI NA MI TRA

הלוצאווה הטיבטיTibetan lotsawaBANDE YE SHES SDE LA SOGS PAS RGYA GAR GYI SKAD LAS BOD KYI SKAD DU

פוליוfolios1a–63a

צורהformprose

מצב תרגוםtranslationno English of the text

כיסוי המילון לכותרתdictionary coverage of the title100%

הקבציםThe files

S05455E_TSAD MA RIGS THIGS KYI 'GREL PA LEGS BSHAD SNYING PO'I GTER_The Treasure of the Essence of Eloquence, A Commentary to "A Drop of Logic"_RGYAL TSAB RJE DAR MA RIN CHEN (1364-1432).TXT/TSAD MA_STUDY OF ACCURATE PERCEPTION (SAUTRANTIKA SCHOOL)/TSAD MA RIGS THIGS (Nyāya Bindu Nāma Prakaraṇa)_A DROP OF LOGIC

הטקסטThe text

טיבטיתTibetanS05455E_TSAD MA RIGS THIGS KYI 'GREL PA LEGS BSHAD SNYING PO'I GTER_The Treasure of the Essence of Eloquence, A Commentary to "A Drop of Logic"_RGYAL TSAB RJE DAR MA RIN CHEN (1364-1432).TXT174,622 תוויםcharacters

, ,TSAD MA RIGS THIGS KYI 'GREL PA LEGS BSHAD SNYING PO'I GTER BZHUGS SO, ,

, ,RJE BTZUN BLA MA DAM PA RNAMS LA GUS PAS PHYAG 'TSAL LO, ,GANG GI GSUNG MCHOG NYI MA'I 'OD ZER GYIS, ,BDAG BLO'I GTI MUG MUN PA SEL MDZAD CING, ,THAR PAR 'JUG PA'I LAM BZANG GSAL MDZAD PA, ,BLA MA LHAR BCAS ZHABS LA SPYI BOS 'DUD, ,RIGS CAN THAR PAR 'JUG PA'I SGO GCIG PU, ,RIGS DANG MI RIGS TSUL BZHIN PHYED PA NI, ,RIGS LAM DRI MED SHES LA RAG LAS PAS, ,RIGS PA'I THIGS PA LEGS PAR BSHAD KYIS NYON, ,DE LA DAL BA'I RTEN BZANG PO THOB PA'I DUS 'DIR, RTOGS PA SNGON DU GTONG BA DAG NI 'JIG RTEN PA'I RGAN PO RNAMS KYI LUGS KYI RJES SU MI 'JUG PAR, PHYI MA PHAN CHAD KYI GTAN GYI BDE BA BSGRUB PA LA GUS PAR BYED LA, DE'I THABS KYANG SHING RTA CHEN PO RNAMS KYI RJES SU 'BRANGS NAS LAM PHYIN CI MA LOG PA, YANG DAG PA'I

, ,SHES PAS LEGS PAR GTAN LA PHAB NAS TSUL BZHIN DU NYAMS SU LEN PA LE 'BAD PAR BYA BA YIN LA, YANG DAG PA'I SHES PA DE NI, RJE BTZUN 'JAM PA'I DBYANGS KYIS DNGOS SU RJES SU BZUNG ZHING; THUB PA'I BSTAN PA CHES CHER RGYAS PAR MDZAD PA BDAG NYID CHEN PO SLOB DPON PHYOGS KYI GLANG POS, DON TSAN DRUG TU BSDUS NAS STON PA TSAD MA KUN LAS BTUS PAR GSAL BAR MDZAD DE, DE LA MNGON SUM DANG; RANG DON RJES DPAG DANG, GZHAN DON DANG, DPE DANG DPE LTAR SNANG BRTAG PA DANG, GZHAN SEL BRTAG PA DANG, LHAG CHOD BRTAG PA DANG, DRUG GIS GTAN LA 'BEBS PAR MDZAD DO, ,DE YANG BDAG CAG GI STON PA THUB PA SANGS RGYAS BCOM LDAN 'DAS RNAM GROL DON GNYER LA TSAD MA'I SKYES BUR DNGOS STOBS KYI RIGS PAS BSGRUB PAS GSUNG RAB MTHA' DAG GI DGONGS PA RDZOGS PAR RTOGS PAR GZIGS NAS; THOG MAR THUB PA TSAD MAR GYUR PA'I SGO NAS BSTOD PA MDZAD DO, ,DE'I BRJOD BYA RNAMS KYANG RIGS PA'I SGOR, MNGON SUM DANG NI RJES SU DPAG ,LTAR SNANG BCAS PA BDAG RIG BYED, ,SGRUB PA DANG NI SUN

'BYIN NGAG ,LTAR SNANG BCAS PA GZHAN RTOGS BYED, CES GSUNGS PA LTAR, DE DAG KYANG BRGYAD DU DBYE STE, MNGON SUM DANG MNGON SUM LTAR SNANG DANG, RJES DPAG DANG RJES DPAG LTAR SNANG DANG, SGRUB NGAG DANG SGRUB DAG LTAR SNANG DANG, SUN 'BYIN DANG SUN 'BYIN LTAR SNANG NGO, ,DE DAG GI DON NAS BCU'I DBANG PHYUG RGYAL SRAS KUN TU BZANG PO NYID DU GRAGS PA SLOB DPON CHOS KYI GRAGS PAS, RAB TU BYED PA SDE BDUN GYI SGO NAS GSAL BAR MDZAD DO, ,DE RNAMS LAS LUS LTA PU'I BSTAN BCOS GSUM LAS, RNAM 'GREL DANG, RNAM NGES DANG, RIGS THIGS RNAMS SO, ,DANG PO NI, RANG NYID KYIS SHES BYA'I GNAS MTHA' DAG NGES NAS GZHAN RJES SU 'DZIN PA'I THABS, RTOG GE'I TSIG DON BRGYAD, TSAD MA KUN LAS BTUS PA'I GZHUNG GI CHA DANG SBYAR NAS, RGYAS PAR GTAN LA 'BEBS SHING, DE LAS KYANG MNGON SUM LE'U'I DON RNAL 'BYOR MNGON SUM THAMS CAD MKHYEN PA BSGRUB PA DKA' BA'I GNAS DANG, GTZO BO'I DON DU GZIGS PA DANG, SLOB DPON PHYOGS KYI GLANG POS THUB PA TSAD MAR BSGRUB PA'I SGO NAS, GSUNG RAB KYI DGONGS PA 'GREL BA'I TSUL LA NGO MTSAR SKYED PA'I CHED DU BSTAN PA DANG, STON PA TSAD MAR DNGOS STOBS KYI RIGS PAS RGYAS PAR GTAN LA 'BEBS PA'I LE'U ZUR PA MDZAD DO, ,DE YANG THAMS CAD MKHYEN PA SKYED BYED KYI RGYU MED PA DANG, LAM 'DI 'DRA BA GOMS PAS THAMS CAD MKHYEN PAR GYUR PA'I SHES BYED KYI RGYU 'AM SGRUB BYED YANG DAG MED DO ZHES LOG PAR RTOGS PA GNYIS LAS DANG PO BSAL NAS, STON PA LAM GANG NAS GSHEGS PA RTOGS

, ,PA'I CHED DU, KUN LAS BTUS KYI MCHOD BRJOD KYI TSIGS BCAD PHYED SNGA MA LA JI LTAR 'BYUNG BA'I RIM PA DANG MTHUN PA'I BSHAD PA MDZAD, LOG PAR RTOG PA GNYIS PA BSAL NAS STON PA LAM DE NAS 'BRAS BU DER BYON PA'I SGRUB BYED YANG DAG RTOGS PA'I CHED DU TSIGS BCAD DE LA LUGS LAS LDOG PA'I BSHAD PA MDZAD DO, ,TSAD MA RNAM NGES LAS NI, SLOB DPON PHYOGS KYI GLANG PO LA RTOG GE ME SHES SO ZHES RGOL BDAG GI SDUG BSNGAL GYI RGYU BZLOG PA'I DON DU SNYING RJE CHEN POS KUN NAS BSLANGS NAS, DE DAG GI LOG PAR RTOG PA BSAL BA'I CHED DANG TSAD MA DANG GZHAL BYA'I DE KHO NA NYID, TSAD MA KUN LAS BTUS KYI GZHUNG GI CHA DANG SBYAR ZHING, SNGA MA LAS KYANG CUNG ZAD BSDUS BA TZAM GYI RIGS PA'I DE KHO NA NYID RTOGS PAR 'DOD PA DAG RJES SU BZUNG BA'I DON DU MDZAD DO, ,CHA KUN NAS YONGS SU RDZOGS PA SNGA MA LAS MI RGYAS MOD, RTOG GE'I TSIG DON BRGYAD TSANG BAR STON ZHING, GZHAN DON NI SNGA MA LAS KYANG CHES CHER RGYAS SO, ,RIGS THIGS NI, SBROS PA RGYAS PA'I RJES SU 'JUG MI NUS PA DANG, TSIG NYUNG DUS DON RGYA CHEN PO KHONG DU CHUD NUS PA'I GANG ZAG GNYIS KYI DBANG DU BYAS NAS RTOG GE'I LUS BSDUS NAS BSTAN PA YIN NO, ,LUS DE DAG GI CHA SHAS GSAL BAR BYED PA NI, BZHI STE, GTAN TSIGS THIGS PA DANG, 'BREL PA BRTAG PA DANG, RGYUD GZHAN BSGRUB PA DANG, RTZOD PA'I RIGS PA'O, ,DE LA DANG PO GNYIS NI, RANG DON RJES DPAG GI YAN LAG STE, DANG PO NI, LKOG GYUR RTOGS PA GTAN TSIGS LA RAG LAS SHING, DE YANG MTHA' CHOD PAR RTOGS PA,

RTAGS KYI TSUL GTAN LA PHEBS PA LA RAG LAS PAS, TSUL DRUG LA SOGS PA YOD PA DANG, GCIG TU ZAD PA'I LOG PAR RTOG PA BSAL NAS, TSUL GSUM DU NGES PAR BSGRUB PA'I CHED DU, PHYOGS CHOS DE CHAS KHYAB PA YI, ZHES PA'I GZHUNG SPROS NAS 'CHAD PA YIN NO, ,TSUL GSUM GYI RTZA BA YANG 'BREL PA LA RAG LAS SHING, GZHAN DAG LDAN 'DU LA SOGS PA'I 'BREL PA RDZAS GRUB 'DOD PA DAG GI LOG PAR RTOG PA BSAL NAS, 'BREL PA'I NGO BO DANG, GRANGS LA SOGS PA NGES PA'I CHED DANG, THAR THOB PAR BYED PA'I THABS NI, BDAG MED RTOGS PA'I SHES RAB YIN CING, 'KHOR BA'I RTZA BA NI BDAG 'DZIN YIN LA, DE'I ZHEN YUL GANG ZAG GI BDAG ,'BREL PA RDZAS GRUB BKAG PAS KHEGS PAR DGONGS NAS 'BREL BA BRTAGS PA MDZAD DE, MED NA MI 'BYUNG NGES PHYIR RO ZHES PA'I GZHUNG RGYAS PAR 'CHAD PA YIN NO, ,GZHAN DON GYI YAN LAG NI PHYI MA GNYIS TE, PHYI ROL DON GYIS DBEN PA'I RNAM RIG TZAM YIN NA, GZHAN DON BYED PA'I YUL GZHAN GYI RGYUD TSAD MAS MA GRUB PAS, DE'I DON BYED PA MI 'THAD PAR RGOL BA LA, LUS NGAG GI BYA BA LAS DE'I KUN SLONG DPAGS NAS, DE RANG GI RGYUD DANG 'BREL PA BKAG PAS GZHAN RGYUD BSGRUB PA'I CHED DU, RGYUD GZHAN BSGRUB PA MDZAD DE, RNAM RIG TZAM DU MNGON SUM GYI SKABS SU GTAN LA PHAB PAS, DOGS PA SKYE BA'I GZHI NI, MNGON SUM LE'U YIN LA, LOG PAR RTOG PA'I NGO BO SEL BA NI GZHAN DON GYI YAN LAG GO ,RTZOD PA'I RIGS PA NI, GZHAN GYI DON BSGRUB PA'I TSE ZANG ZING GI SBYIN PA SOGS KYIS RE SHIG PA'I

, ,BDE BA LA SBYOR YANG GTAN DU BA MIN LA, GTAN GYI BDE BA BSGRUB PA NI, GZHI DANG, LAM DANG 'BRAS BU RNAMS LA MTHA' GCIG TU 'DZIN PA'I LOG RTOG DANG, MTHA' GNYIS SU DOGS PA'I THE TSOM TSAD MA'I MTHA' CAN GYI SUN 'BYIN DANG, SGRUB DAG GIS BSAL NAS YANG DAG PA'I LAM LA SBYAR BA KHO NAS 'GRUB PA'I RTZOD PA'I TSUL SHES PA'I YAN LAG TU MDZAD DO, ,DES NA TSAD MA SDE BDUN POS NI, THEG PA CHEN PO'I RIGS CAN YANG DAG PAR RDZOGS PA'I SANGS RGYAS SU BGROD PA'I LAM DANG, SANGS RGYAS NAS RIGS CAN GSUM GYI DON BYED PA'I LAM RNAMS STON PA YIN LA, DE YANG, DGE SLONG DAG GAM MKHAS RNAMS KYIS, ,BSREGS BCAD BRDAR BA'I GSER BZHIN DU, ,LEGS PAR BRTAGS LA DA YI BKA', ,BLANG BAR BYA YI GUS PHYIR MIN, ZHES GSUNGS PA LTAR, GZHAL BYA'I GNAS DANG PO GNYIS DNGOS PO STOBS ZHUGS KYI RIGS PAS DBYAD PA DAG PAR BYED PA DANG, SHIN TU LKOG GYUR STON PA'I SKABS LA YANG, SNGA PHYI 'GAL BA DANG, DNGOS SHUGS 'GAL PA YOD MED DNGOS STOBS KYI RIGS PAS DBYOD PAR BYED LA, SHIN TU LKOG GYUR GYI DON NYID DBYAD PA GSUM GYIS DAG PA'I LUNG GI RTAGS LA BRTEN NAS DPOG PA'I TSUL GTAN LA 'BEBS PA YIN LA, DE RNAMS KYI DANG PO RNAM 'GREL PHYI MA RTZOD RIGS YIN NO, ,RTOG PA'I DRA BA RNAMS BSAL CING ZHES PA SPYI'I MCHOD BRJOD YIN GYI, RGYAN GYI 'GREL BSHAD BYED PA DAG ,LE'U GO RIMS LDOG NAS TSAD MA GRUB PA'I LE'U DANG POR BYED PA NI, RE SHIG

BZHAG GO ,DON BSDUS NA BSTAN BCOS SDE BDUN PO 'DI, BDAG MED GNYIS RIGS PAS RTZAL DU BTON NAS 'CHAD PA NANG RIG GI BSTAN BCOS KYI NANG NAS KYANG MNGON PA'I BSTAN BCOS YIN PAS NANG RIG PA'I GSEB NAS 'DON PA DANG, THAR PA DANG THAMS CAD MKHYEN PA BSGRUB PA'I SGRUB PA SNYING POR BYED PA'I GDAMS DAG GI GTZO BO MI STON PAR, PHYI'I GO RGYA GCOD PA TZAM MO ZHES PA RANG YANG PHUNG BAR BYED LA GZHAN YANG PHUNG BAR BYED PA'I THABS LA 'BAD PAR MI BYA'O, ,NGES PAR LEGS PA LUNG GI SGRUB BYED LA MI BRTEN PAR RIGS PAS THOG MAR BSGRUBS NAS, DE'I RJES SU LUNG LA BRTEN NAS MNGON MTHO SGRUB PA'I RIM PA NI, KLU SGRUB YAB SRAS DANG, PHYOGS GLANG CHOS GRAGS SOGS BZHED PA MTHUN TE, RNAL 'BYOR SPYOD PA BZHI BRGYA PA LAS KYANG, SANGS RGYAS KYI GSUNG LKOG GYUR LA, ,GANG ZHIG THE TSOM SKYE 'GYUR BA, ,DE YIS STONG PA NYID BSTEN TE, ,'DI NYID KHO NAR YID CHES BYA, ZHES GSUNGS PA DANG, RNAM 'GREL LAS, BLANG DANG DOR BYA'I DE NYID NI, ,THABS BCAS RAB TU NGES PA YIS, ,GTZO BO'I DON LA MI SLU'I PHYIR, ,GZHAN LA RJES SU DPAG PA NYID, CES GSUNGS PA RNAMS DON MTSUNGS PA'O, ,DE LA 'DIR RIGS PA'I THIGS PA BSHAD PA LA BZHI STE, MTSAN GYI DON, 'GYUR GYI PHYAG ,GZHUNG GI DON, MJUG GI DON TO, ,DANG PO NI, RGYA GAR GYI SKAD DU, N+YA YAm DANG BIN DU DANG N'A MA DANG, PRA KA RA nA RNAMS RIM PA BZHIN DU, BOD KYI SKAD DU, RIGS PA DANG, THIGS PA DANG, ZHES BYA BA DANG, RAB TU BYED PA ZHES BYA'O, ,GNYIS PA NI, 'PHAGS PA 'JAM DPAL GZHON NUR GYUR

, ,PA LA PHYAG 'TSAL LO, ZHES PA STE, BSGYUR BA'I BAR CHAD ZHI BA DANG, LHAG PA SHES RAB KYI BSLAB PA BRJOD BYA'I GTZO BOR STON PA MNGON PA'I SDE SNOD KYI DGONGS 'GREL DU SHES PA'I CHED DU LO TZTSA BAS BKOD PA'O, ,BLTA BA DANG 'CHAD PA SOGS KYI TSE YANG SKYABS 'GRO'I DON LEGS PAR DRAN PAR BYAS NA, SKABS KYI BAR CHAD ZHI BA SOGS DGOS PA SHIN TU MANG NGO, ,GNYIS PA LA GNYIS, BSTAN BCOS BRTZAMS PA DANG, BLTA BA DANG, NYAN PA SOGS LA 'JUG PA'I YAN LAG DGOS 'BREL RNAM PAR BZHAG PA DANG, DGOS PA DE LDAN GYI BSTAN BCOS BSHAD PA'O, ,DANG PO LA GNYIS, SPYI'I DON DANG, YAN LAG GI DON TO, ,DANG PO LA, DGOS 'BREL GYI DAG BKOD PA'I DGOS PA DANG, TSAD MA SPYI'I RNAM GZHAG GO, ,DANG PO NI, DGOS PA'I DON DANG, BSDUS PA'I DON DANG, TSIG DON RNAMS PHYI MA PHYI MA MA RTOGS PAR, SNGA MA SNGA MA MI RTOGS PAS, RAB TU BYED PA NYAN PA'I SNGON DU, BRJOD BYA DANG, DGOS PA SOGS YOD PAR BSTAN DU ZIN KYANG, DE DAG RTOGS PA'I TSAD MA MED PAS, RTOG PA DANG LDAN PA DAG ,TSIG TZAM LA BRTEN NAS MI 'JUG PA MA YIN NAM, BRTZAM PA'I TSE DE BSTAN PAS CI BYA ZHE NA, SKYON MED DE, RAB TU BYED PA'I LUS NI RNAM PA GNYIS TE, SGRA'I LUS DANG DON GYI LUS SO, ,RJOD BYED SGRA'I DNGOS KYI DGOS PA NI, DON BRJOD PA TZAM YIN PAS, DE TZAM GYIS RTOG LDAN 'JUG PA DANG LDOG PA'I YAN LAG GANG DU YANG MI 'GYUR LA, BRJOD BYA'I DON GYI LUS LA BYA ROG GI SO RTOG PA LTAR DGOS PA CUNG ZAD

KYANG MED NA, RTOG LDAN DE STON PA'I BYA BA BRTZAM PAR MI RIGS PAS, BSTAN BCOS BRTZAM PA'I THOG MAR BRJOD BYA DANG DGOS PA BSTAN PAR BYA BA YIN LA, DE YANG DGOS 'BREL GYI NGAG MA BSTAN NA, RAB TU BYED PA 'DI'I BRJOD BYA NI, DGOS PA PHAL CHER MED SNYAM PA DANG, DGOS PA YOD KYANG, 'JOG PO'I GTZUG RGYAN LEN PA'I MAN NGAG BZHIN DU, DGOS PA BSGRUB MI NUS PA DANG, MA BAG MAR LEN PA'I MAN DAG BZHIN DU, DON DU GNYER BYA MA YIN PA DANG, DGOS PA BSGRUB PA'I THABS RAB TU BYED PA 'DI BAS SLA BA GZHAN YOD PA'AM, RAB TU BYED PA 'DI THABS MA YIN PA SRID SNYAM NA RTOG LDAN 'JUG PAR MI 'GYUR LA, 'CHAD PA PO RNAMS NI BRTZE BAS KUN NAS BSLANGS NAS, DNGOS PO LA MI GNAS PA GANG GI BSAM PA DANG MTHUN PA'I DON STON PA SRID KYI BSTAN BCOS RTZOM PA RNAMS NI DE LTA BU MI SRID DE, BLTA BA DANG NYAN PA SOGS GCIG NAS GCIG TU BRGYUD PA DAG LA SGRA JI BZHIN PA MA YIN PA'I DON BSTAN DGOS PA SRID MTHA' TZAM DU ZAD LA, RTOG LDAN BRJOD BYA SOGS LOG BAR STON PA'I BSTAN BCOS BRTZAM PA YANG MA MTHONG BAS, DGOS 'BREL GYI DAG MTHONG BA NA, SNGAR BSHAD PA'I DON MI 'GYUR GYI THE TSOM DANG 'GAL BA, DON 'GYUR GYI THE TSOM BZHI DRANGS NAS, RTOG LDAN 'JUG BAR 'GYUR BAS, BRJOD BYA DANG DGOS PA SOGS TSAD MAS MA RTOGS KYANG NYAN PA SOGS LA 'JUG PA'I YAN LAG TU NGES PAR 'GYUR BAS SNGAR BSHAD PA'I KLAN KA'I SKABS MED PA KHO NA'O, ,GNYIS PA NI, PHAN PA MTHA' DAG SGRUB PA DANG, MI PHAN PA MTHA' DAG SPONG BA SKYES BU'I 'DOD DON BSGRUB PA LA NGES PAR YANG DAG

, ,PA'I SHES PA SNGON DU 'GRO DGOS PA YIN GYI, DE SNGON DU MA SONG BAR SHES PA GZHAN GYI RJES SU 'BRANGS NA BSLU BAR BYED PAS MNGON MTHO DANG NGES LEGS DON DU GNYER BA'I MKHAS PA RNAMS KYIS DE DAG RGYU 'BRAS TSAD MAS LEGS BAR RTOGS NAS TSUL BZHIN DU NYAMS SU BLANG BAR BYA'O, ,'JIG RTEN NA BRTAN PA'I DON DANG PHRAD PAR BYED PA LA MI SLU BAR BYED PA ZHES BRJOD LA, DE BZHIN DU SHES PA YANG BRTAN PA'I DON DANG PHRAD PAR BYED NA MI SLU BAR RIGS LA PHRAD PAR BYED PA YANG DON LA SKYES BU 'JUG PAR BYED PA YIN GYI, SHES PAS DON SKYED PAR BYED PA'I DON NI MA YIN NO, ,'JUG PAR BYED PA'I DON YANG 'JUG YUL STON PAR BYED PA YIN GYI, SHES PAS SKYES BU'I LAG NAS BZUNG NAS, DON GYI DRUNG DU KHRID PAR BYED PA LA MA YIN LA, DE YANG DON GSAR DU RTOGS PA TSAD MA'I 'BRAS BU YIN PAS, DE TZAM GYIS TSAD MA'I BYA BA YONGS SU RDZOGS PA YIN GYI, SKYES BU DON GYI DRUNG DU 'GRO BAR BYED NA YANG DE BSLU BAR BYED PA MI SRID DO, ,SKYES BUS LAG TU BZUNG BAR MI NUS PA, GLOG LA SOGS PA LTA BU YANG GSAR DU RTOGS PA NYID 'JUG YUL BSTAN PA YIN GYI, DON DANG SKYES BU NGES PAR PHRAD PA DGOS PA'I DON MA YIN NO, ,RNAM 'GREL GYI RANG GI MTSAN NYID DPYAD PHYIR RO, ZHES PA'I SKABS KYI LHA DBANG BLO'I 'GREL BA'I DON MA RTOGS PA'I t'IKKA BYED PA KHA CIG TSAD MA'I 'JUG YUL LA RANG MTSAN GYIS KHYAB PAR BSAMS NAS DNGOS MED RTOGS PA'I RJES DPAG GI GZUNG RNAM DE NYID DE'I 'JUG YUL DU 'DOD PA SOGS PHYIN CI LOG TU SMRA BAR BYED DO, ,DE'I 'GREL PAR THAMS CAD DU DNGOS PO LA REG PA YIN NO ZHES

PA'I DON NI, MTHAR RANG MTSAN LA MA BRTEN PA'I TSAD MA MI SRID PAR STON PA YIN NO, ,DE YANG 'DUS MA BYAS KYI NAM MKHA' DNGOS MED DU RTOGS PA'I RJES DPAG CHOS CAN 'JAL BA'I TSAD MA LA BRTEN LA, CHOS CAN 'JAL BA'I TSAD MA NI, THOGS BCAS KYI GZUGS GZHAN 'JUG PA'I GOS RNYED PA'I RTAGS LAS BAR GYI SNANG BA MNGON PAR SKABS YOD KYI GZUGS LA THOGS BCAS KYI GZUGS BKAG PA YOD PAR BSGRUB PA'I RJES DPAG YIN LA, DE YANG MTHAR MNGON PAR SKABS YOD KYI GZUGS RANG MTSAN PA LA BRTEN PA YIN PAS NGES MTSON NAS GZHAN LA YANG SHES PAR BYA'O, ,GZHAL BYA DNGOS PO'AM DNGOS MED GANG YIN YANG RUNG TSAD MAS RTOGS PA'I DON GANG YIN PA DE NYID LA 'JUG YUL ZHES BYA'O, ,TSAD MA LAS GZHAN GYIS NI, DON RANG DBANG DU RTOGS NAS PHRAD PAR BYED NUS PA MA YIN NO, ,BCAD SHES NI SNGA MAS RTOGS ZIN PA'I RJES SU 'JUG PAR BYED PA YIN LA, THE TSOM NI, DNGOS PO DANG DNGOS PO MED PA GANG YANG MTHA' GCIG TU MA NGES PA YIN LA, DON NGES PA MED PA DANG, PHRAD PA MI SRID CING, LOG SHES NI, JI LTAR BZUNG BA LTAR, DON DANG 'BREL PA MED PAS, DES BSTAN PA'I DON DANG PHRAD MI NUS SO, ,YID DPYOD KYIS KYANG RGYU MTSAN YANG DAG LA BRTEN NAS MTHA' GCIG TU NGES PA MED PAS, YONG NGES KYI RGYU MTSAN MED PAS DON DANG PHRAD PAR MI NUS PAS, 'BRAS BU DON GNYER GYIS DANG POR BSLU BA MED PA'I SHES PA DON THOB PA'I THABS SU BTZAL BAR BYA BA YIN LA, BSTAN BCOS SU YANG, DE NYID DPYAD PAR BYA BA YIN GYI YUL DANG DUS DANG RNAM PA 'GAL BA'I SHES PA NI TSAD MAR GZUNG BAR BYA

, ,BA MA YIN TE, YUL 'GAL BSGO'I BU GA'I GSEB KYI YUL NA, NOR BU'I 'OD GNAS PA LA NOR BU'I SNYAM DU 'DZIN PA'I SHES PA TSAD MA MIN TE, DE NA NOR BU MED PA'I PHYIR DANG, KHANG BA'I PHUG NA NOR BU GNAS PA LA TSAD MA MA YIN TE; DE DNGOS SHUGS GANG LA YANG MA RTOGS PA'I PHYIR RO, ,DUS 'GAL BA NAM PHYED YIN PA LA, NYIN PHYED KYI DNGOS POR 'DZIN PA'I RMI LAM GYI SHES PA LTA BU YANG TSAD MA MA YIN NO, ,RNAM PA 'GAL BA DUNG DKAR PO LA SER BOR 'DZIN PA LTA BU'O, , KHA CIG TSAD MA KUN LAS BTUS KYI 'GREL BSHAD KYI LUGS SU BSAMS NAS, DUNG GI DBYIBS LA CHAD MAR 'DOD BA NI MI 'THAD DE, DUNG GI DBYIBS LA KHA DOG DKAR PO DANG BDAG GCIG PA YIN GYI SER PO DANG 'BREL BA MED PA'I PHYIR DANG, SER PO'I RNAM PA TZAM ZHIG SNANG BAS DUNG GI DBYIBS DNGOS SHUGS GANG LA YANG RTOGS PA MED PA'I PHYIR RO, ,DES NA TSAD MA NI, YUL DUS RNAM PA 'GAL BA LA MI SLU BAR 'GYUR MI SRID PAR SHES PAR BYA'O, ,TSAD MA RNAM 'GREL DANG, RNAM NGES SU TSAD MA SPYI'I MTSAN NYID STON PA'I GZHUNG DGOS 'BREL GYI NGAG LAS LOGS NA YOD PA LTAR 'DIR MED CING, DAG 'DIS KYANG CHAD MA'I MTSAN NYID DON GYIS BSTAN PA LA DGONGS NAS, SLOB DPON CHOS MCHOG GIS TSAD MA SPYI'I RNAM GZHAG SKABS 'DIR MDZAD PA LTAR BSHAD DO, ,GNYIS PA YAN LAG GI DON NI, YANG DAG PA'I SHES PA TSIG DON BRGYAD KYI SGO NAS BSHAD PA LA DGOS PA YOD DE, DE NI SKYES BU'I GNAS SKABS DANG MTHAR THUG GI DON THAMS CAD 'GRUB PA'I THABS SU NGES PAR SNGON DU

'GRO BA CAN YIN PAS NA DE BSTAN NAS RTOGS PA'I CHED YIN PA'I PHYIR RO, DON NI RNAM NGES LTAR DE BSTAN PA'I DON DU 'DI BRTZAM MO, ZHES PAR 'GYUR BAS 'BRAS BU RTOGS PA LA RGYU BSTAN PA'I MING GIS BTAGS NAS BSTAN PA YIN LA, 'DOGS PA'I RGYU MTSAN DANG DNGOS LA GNOD BYED GO BAR ZAD LA, BTAGS PA'I DGOS PA NI BSAM PA'I SHES RAB LA THOS PA'I SHES RAB SNGON DU 'GRO DGOS PAR SHES PA'I CHED YIN NO, ,DES NA YANG DAG BA'I SHES PA ZHES PA DANG, DE ZHES PAS BRJOD BYA BSTAN LA, ,BSTAN TO ZHES PAS DGOS PA DANG BRTZAM PAR DAM BCA' BSTAN LA, SKYES BU'I ZHES SOGS KYIS NYID DGOS DANG GSUM PO THABS DANG THABS BYUNG DU BSTAN PAS 'BREL BA 'PHANGS SO, ,DAG DON NI BSTAN BCOS RIGS PA'I THIGS PA CHOS CAN, BRJOD BYA MED PA MA YIN TE, YANG DAG PA'I SHES PA LA 'KHOR BCAS KHYOD KYIS BRJOD BYAR STON PA'I PHYIR, DGOS PA YOD DE, KHYOD LA BRTEN NAS DE BDE BLAG TU RTOGS PA'I PHYIR, NYID DGOS YOD DE, KHYOD KYI DON BDE BLAG TU RTOGS PA LA BRTEN NAS SKYES BU'I GNAS SKABS DANG MTHAR THUG GI DON 'GRUB PA'I PHYIR, 'BREL BA YOD DE, KHYOD DANG KHYOD KYI DGOS PA DANG, NYID DGOS RNAMS THABS DANG THABS BYUNG DU GNAS PA'I PHYIR, GNYIS PA DGOS PA DE LDAN GYI BSTAN BCOS BSHAD PA LA GNYIS, RANG GIS GZHAL BYA NGES PA'I THABS DANG, NGES NAS GDUL BYA GZHAN RJES SU 'DZIN PA'I THABS BSHAD PA'O, ,DANG PO LA GNYIS, LOG RTOG BZHI BSAL BA'I SGO NAS MNGON SUM LE'U BSHAD PA DANG, LKOG GYUR RTOGS PA'I THABS RANG DON LE'U BSHAD PA'O, ,DANG PO

, ,LA GNYIS, LE'U'I GZHUNG BSHAD PA DANG, LE'U'I MTSAN BSTAN PA'O, ,DANG PO LA BZHI, TSAD MA'I GRANGS LA LOG PAR RTOG PA BSAL BA DANG, MNGON SUM GYI MTSAN NYID LA LOG PAR RTOG PA BSAL BA DANG, TSAD MA GNYIS KYI YUL LA LOG PAR RTOG BA BSAL BA DANG, MNGON SUM TSAD MA'I 'BRAS BU LA LOG PAR RTOG PA BSAL BA'O, ,DANG PO LA, SPYI'I DON DANG, YAN LAG GI DON TO, ,DANG PO LA, DBYE GZHI LA DGOS PA BCAD PA DANG, DBYE BA BSTAN PA'I DGOS PA'O, ,DANG PO NI SLOB DPON CHOS MCHOG GIS, YANG DAG PA'I SHES PA NI GNYIS TE, 'DOD DON THOB PA'I RANG BZHIN DON BYED SNANG CAN DANG, SGRUB BYED DU SNANG BA'AM 'JUG PAR BYED PA'I SHES PA'O, ,DANG PO NI, DPYAD PA BYA BA MA YIN TE, BSTAN BCOS DPYOD PA NI BLANG DOR BYA BA'I THABS SHES PA'I CHED DU YIN LA, DE NI DON THOB PA'I DUS CAN YIN PA'I PHYIR RO, ,GNYIS PA NI, GNAS SKABS DANG MTHAR THUG GI DON THOB PA'I THABS DAM PA YIN PAS DE NYID BSTAN BCOS SU BSHAD PAR BYA BA YIN NO,, ZHES GSUNGS PA LA, SNGA RABS PA KHA CIG GIS DGAG PA MDZAD PA NI, DE'I BZHED PA MA LONGS BZHIN DU DGAG BA MDZAD PA YIN PAS CHES MI RIGS PAR TSAD MA RNAM PAR NGES PA'I RNAM BSHAD CHEN MOR BSHAD ZIN BAS DER SHES PAR BYA'O, ,DE'I DON MDOR BSDUS NA, DANG BOR 'JUG PAR BYED PA'I SHES PA DE NYID TSAD MA GNYIS KYI DBYE GZHIR SHAS PA'I CHED DU DANG POR MI SLU BA DANG, GSAR DU MI SLU BA ZHES DANG PO'I DON LA DOGS PA BCAD PA YIN NO, ,MNGON SUM DANG RJES DPAG SKAD CIG DANG PO TSAD

MA YIN GYI, RIGS RGYUN SKAD CIG GNYIS PA NAS GZHAL BYA LA NGES PA 'DREN YANG, BCAD SHES YIN GYI TSAD MA MA YIN TE, 'THAD LDAN DU DE NYID KYI PHYIR DANG PO'I MNGON SUM DANG RJES SU DPAG PA'I SKAD CIG MA NYID KYIS DON BYED PAR NUS PA'I DNGOS PO'I RGYUN NGES PAS 'JUG PA'I YUL DU BYED PAR NUS PA'I PHYIR, DE'I RGYUN DU GYUR PA GRUB PA DANG BDE BA THA MI DAD PA PHYI MA RNAMS TSAD MA YIN PA SPANGS PA YIN NO, ZHES BSHAD PAS GZHAL BYA LA NGES SHES THOG MAR 'DREN PA'I SKAD CIG MA TSAD MA YIN GYI; GZHAL BYA LA NGES PA 'DREN NUS RGYUN PHYI MA RNAMS RTOGS ZIN GYI DON RTOGS PAR BYED PA'I BCAD SHES SO, ,TSAD MA SDE BDUN DANG, DE'I 'GREL BYED RGYA GAR GYI MKHAS PA SUS KYANG BCAD SHES LA RTOG PAS KHYAB PAR BSHAD PA MED DO, ,CHANG MA DE LA YANG, RANG LAS NGES DANG GZHAN LAS NGES GNYIS YOD LA, DE YANG RNAM NGES LA, MNGON SUM YANG NI DON MED NA, ,MI 'BYUNG BA LAS TSAD MA NYID, ,'BREL BA YI NI RANG BZHIN DE, ,RGYU YIN PAS NA GNYIS KA MTSUNGS, ZHES BSHAD PAS RANG GI GZHAL BYA'I DON MED NA, RANG NYID MI 'BYUNG BA RANG STOBS KYIS NGES PAR BYED NA, RANG NGES DANG GZHAN STOBS KYIS NGES PAR BYED PA GZHAN NGES TE, DPER NA RGYANG RING PO'I MER SNANG GI KHA DOG DMAR 'BAR BA 'JAL BA'I DBANG PO'I MNGON SUM TSAD MA DE SNANG BA LA THE TSOM MA SKYES PA'I SNGA ROL TU NGES PA 'DREN PAS KHYAB LA, MER SNANG BA DE SNANG BA LTAR GYI DON ME MED NA RANG NYID MI 'BYUNG BA LA THE TSOM MA DRANGS PA'I SNGA ROL TU NGES PA DRANGS NA RANG NGES DANG, THE TSOM 'DREN NA GZHAN NGES SO, ,

, ,RJES DPAG TSAD MA NI, DPER NA SGRA BYAS PA YIN PA DANG, BYAS NA MI RTAG PA'I KHYAB PA NGES ZIN MA BRJED PAS SGRA MI RTAG PA MED NA, DE RTOGS KYI TSAD MA RANG NYID MI 'BYUNG BA RANG STOBS KYIS NGES PA BSKYED PAS RANG NGES KHO NA'O; ;MTSAN NYID NI GSAR DU MI SLU BA'I SHES PA GANG ZHIG ,RANG GI GZHAL BYA'I DON SNANG BA LTAR DU GRUB PA MED NA, RANG NYID MI 'BYUNG BA LA THE TSOM 'DREN PA GZHAN NGES DANG, MI 'DREN PA RANG NGES ZHES BYA'O, ,GNYIS PA NI, GRANGS NGES BSHAD PA'I SGO NAS GSAL BA'I DBYE BA BSTAN PA NI TSAD MA SPYI'I MTSAN NYID DANG, BYE BRAG GI MTSAN NYID RNAM PAR DAG PA RTOGS PA'I YAN LAG TU YIN TE, MI SLU BA 'JUG PA'I GZHI 'DI TZAM DU ZAD KYI GZHAN MED PAR NGES PAS SPYI'I MTSAN NYID MTHA' CHOD LA 'DIR 'OG TU GZUNG YUL BSHAD PA DANG, RNAM 'GREL LAS, GZHAL BYA GNYIS PHYIR TSAD MA GNYIS ZHES GRANGS NGES PA'I RGYU MTSAN BSHAD PA LTA BUS GSAR DU MI SLU BA'I SHES PA GANG ZHIG ,RANG MTSAN GZUNG YUL DU BYED PA'I KHYAD PAR DU BYAS PA DANG, SPYI MTSAN GZUNG YUL DU BYED PA'I KHYAD PAR DU BYAS PA DANG, ZHES BYE BRAG GNYIS KYI MTSAN NYID KYANG RNAM PAR DAG PAR RTOGS PAR 'GYUR RO, ,GNYIS PA NI, YANG DAG PA'I SHES PA NI CHOS CAN, RNAM PA GNYIS SU NGES TE, MNGON SUM TSAD MA DANG RJES SU DPAG PA'I TSAD MA GNYIS SU NGES PA'I PHYIR RO, ,'O ZHES PA NI RDZOGS PA'I TSIG STE, 'DI GNYIS KHO NAR ZAD DO ZHES PA'O, ,RNAM PA GNYIS TE, ZHES PA NGES PA'I DON YIN PA DE'I TSE'O ZHES BA DE LTAR GYI DON TE, SGRA DANG NYER 'JAL

SOGS TSAD MA MA YIN CES PA'O, ,DBANG PO SO SO LA BRTEN PAS MNGON SUM ZHES PA NI SGRA BSHAD PA YIN GYI, SGRA 'JUG PA'I RGYU MTSAN NI MA YIN NO, ,DON RANG MTSAN MNGON SUM DU BYED PAS MNGON SUM ZHES PA MNGON SUM BZHI GAL MNGON SUM GYI THA SNYAD 'JUG PA'I RGYU MTSAN NO, ,RTAGS GZUNG ZHING 'BREL BA DRAN PA'I RJES LA DPOG PAS RJES SU DPAG PA ZHES BYA'O, ,DANG ZHES BYA BA NI, TSAD MA GNYIS STOBS MTSUNGS PAR YANG DAG SHES PAS BSDUS PA'I DON YIN NO, ,GNYIS PA LA GNYIS, MNGON SUM GYI MTSAN NYID DANG, MTSAN GZHI'I DBYE BA BSHAD PA'O, ,DANG PO LA GNYIS, DNGOS DANG, RIGS MI MTHUN NGOS BZUNG NAS MTSAN NYID BSHAD PA'O, ,DANG PO LA MTHA' DPYAD PA DANG, YAN LAG GI DON TO, ,DANG PO NI, MNGON SUM ZHES PA'I TSIG GIS MTSON BYA YANG BSTAN MOD KYI, GTZO BO NI MTSON PAR BYED PA'I GZHI GRUB ZIN RJES SU BRJOD PA'I SGRAS BSTAN PA YIN LA, MTSAN NYID NI MA GRUB PA BSGRUB PA'I SGRAS BSTAN PAS MTSAN GZHI'AM MTSON BYA RJES BRJOD KYI SGRA DANG, MTSAN NYID BSGRUB BA'I SGRA ZHES BYA'O, , DE'I DON YANG GZUGS MTHONG DBANG SHES LTA BU DON MNGON SUM DU BYED PAS MNGON SUM ZHES PA'I MTSAN GZHI SPYOD PA PAS KYANG GRUB ZIN PA RJES SU BRJOD NAS MTSAN NYID RTOG BRAL MA 'KHRUL BA SGRUB PAR BYED PA YIN NO, ,YANG KHA CIG DBANG SHES 'KHRUL PA MNGON SUM DU 'DOD PA DGAG PA'I CHED DU MNGON SUM LA MA 'KHRUL BAS KHYAB PA GRUB PA SGRUB PAR BYED PA YIN NO, ,MA 'KHRUL BA MA SMOS NA KHA CIG TSAD MA KUN LAS BTUS KYI MNGON SUM GYI MTSAN NYID STON PA'I SBYIR BTANG GI TSIG ,MTSAN NYID YONGS RDZOGS STON BAR

10a

, ,BSAMS NAS, RTOG MED KYI SHES PA YIN PA'I PHYIR MNGON SUM YIN LA DE LA ZHUGS PAS LJON SHING TZAM DANG PHRAD NUS PAS MI SLU BA YIN PA'I PHYIR, TSAD MAR DOGS PA BSAL BA'I PHYIR MA 'KHRUL BA SMOS SO, ,SDOD PA DANG GRUB BDE RDZAS GCIG PA'I LJON SHING MA BZUNG LA, LJON SHING 'GRO BAR SNANG YANG DE SDOD PA DANG 'BREL PA CUNG ZAD KYANG MED LA, PHYIS LJON SHING DANG PHRAD PA NI, LJON SHING RANG MTSAN 'DZIN PA'I PHYIS KYI MNGON SUM GZHAN GYI BYED LAS YIN NO, ,YANG 'GREL BYED KHA CIG MA 'KHRUL BA'I DON MI SLU BA LA BYED PA YANG BZHED PA MA YIN TE, SNGAR YANG DAG PA'I SHES PA YIN PA'I PHYIR, MI SLU BA GRUB ZIN PA LA YANG MI SLU BAR BSGRUB PA LA DGOS PA MED PAS MA 'KHRUL BA'I DON NI DE MA YIN PA LA DER SNANG DANG BRAL BA'I SGO NAS, RANG MTSAN GZUNG YUL DU BYED PA LA BYA STE, DE MA YIN LA DER SNANG BA 'KHRUL BA'I DON DU, SLOB DPON GYIS SKABS DU MAR GSUNGS PA'I PHYIR RO, ,RIGS MI MTHUN SEL BA'I DBANG DU BYAS NA, GNYIS KA YANG DAG SHES PAR GRUB ZIN PA LA MNGON SUM GYI RIGS MI MTHUN RJES DBAG GCIG PU LAS MED PAS RTOG BRAL SMOS PAS KYANG SEL NUS LA, 'O NA MA 'KHRUL BA SMOS PA CI ZHE NA, SNGAR BSHAD PA LTAR LOG RTOG SEL BA'I CHED YIN NO, ,DE BZHIN DU MA 'KHRUL BA GCIG PUS KYANG RIGS MI MTHUN SEL NUS LA, 'ON RTOG BRAL SMOS PA CI ZHE NA, DBANG SHES RTOG PAR 'DOD PA'I LOG RTOG BSAL BA'I CHED DU YIN NO, ,DE LA DGONGS NAS SLOB DPON CHOS MCHOG GIS GNYIS KA SMOS PA LOG RTOG BSAL BA'I PHYIR YIN NO, ZHES GSUNGS PA LA, DGE PA'I BSHES GNYEN CHA BA'I SLOB MA KHA

10b

CIG NA RE, GNYIS KA SMOS PA LOG RTOG BSAL BA'I CHED YIN NA, RIGS MI MTHUN SEL BA'I MTSAN NYID GANG YIN CES ZER BA NI, PHYOGS GLANG YAB SRAS KYI RIGS PA'I GSANG LEGS PAR THUGS SU CHUNG PA'I SLOB DPON BDAG NYID CHEN PO'I BZHED PA CUNG ZAD TZAM YANG MA GO BZHIN DU NYES PA BRJOD PA NI HA CANG YANG GZU LUMS CHES PA MKHAS PAS BRTAGS NA NGO TSA BA'I GNAS SU SNANG NGO, ,MTSAN NYID 'DI DON SEMS GANG GI DBANG DU BYAS PA YIN ZHE NA, KHA CIG THA SNYAD PA'I MNGON SUM LA DBANG PO'I MNGON SUM DANG YID KYI MNGON SUM GNYIS SU DBYE BA MDO SDE PA KHO NA'I LUGS SU BYED PA NI, LEGS PAR BSHAD PA MA YIN TE, DON SEMS PHYI ROL GYI DON YOD MED RTZED PA'I TSE YANG GZUGS LA SOGS PA 'JAL BA'I DBANG PO'I MNGON SUM TSAD MA GNYIS KAS KYANG RTZOD PA MED PAR KHAS LEN PA YIN NO, ,GZHAN DU NA GZUGS SGRA SOGS MTHUN SNANG DU MA GRUB PAS, DE PHYI ROL GYI DON YIN MIN RTZOD PA'I GZHI MED PAR 'GYUR BA'I PHYIR RO, ,RANG SDE SEMS TZAM PA DANG, GZHAN SDE RTZOD PA NA YANG, KHYED LTAR NA DBUM THAL 'GYUR BA DANG, RANG RGYUD PA RTZOD PA LTAR KHAS LEN DGOS PAS SEMS TZAM PAS KYANG MNGON SUM BZHI'I DBYE BA ZHAL GYIS BZHES PA YIN NO, ,YANG KHA CIG NA RE 'DIR BSHAD PA'I RTOG BRAL NI 'DRES RUNG 'DZIN PA'I RTOG BRAL YIN LA, MA 'KHRUL BA'I DON NI, 'KHRUL PA'I RGYU BZHI PO GANG GIS KYANG 'KHRUL PAR MA SKYED PA YIN CING, SEMS TZAM PAS KYANG, SNGO 'DZIN DPE LTA BU 'DI'I RTOG BRAL DANG, 'KHRUL RGYU BZHIS MA SKYED PAR 'DOD PAS MNGON SUM GYI MTSAN NYID 'DI NI, MDO

11a

, ,SDE PA DANG, SEMS TZAM PA GNYIS KA'I THUN MONG BA YIN NO ZHES ZER BA YANG LEGS PAR BSHAD PA MA YIN TE, 'DIR BSHAD PA'I MA 'KHRUL BA'I DON SNGAR BSHAD PA LTAR DANG, SNGA 'DZIN DBANG SHES 'KHRUL RGYU BZHIS MA SKYED PAR DON SEMS GNYIS KAS 'DOD PAR BDEN MOD KYI, SEMS TZAM PA 'KHRUL RGYU BZHI BO DES MA SKYED PA'I SHES PA LAM 'KHRUL BA'I KHYAB PA KHAS MI LEN PA'I PHYIR RO, ,RNAM 'GREL LAS, MA RIG GIS BSLAD BDAG NYID LA, ,JI LTA'I RANG RKYEN LA BLTOS NAS, ,RNAM RIG DE BZHIN MIN RNAM PA, ,SKYE 'GYUR RAB RIB LA SOGS BZHIN, ZHES BSHAD PA LTAR, BYIS PA'I DBANG MNGON GZUNG 'DZIN RDZAS THA DAD DU ZHE NA PA'I NYON MONGS BA CAN MA YIN PA'I MA RIG PAS BSLAD PAS 'KHRUL BA YIN YANG, MNGON SUM MA YIN PAR MI BZHED PA'I PHYIR RO, ,DE 'KHRUL PAR RTOGS PA CHOS KYI BDAG MED RTOGS PA LA RAG LAS KYANG, KUN TU THA SNYAD PA'I TSAD MA'I RANG BZHIN GTAN LA 'BEBS PA'I SKABS SU, DE MNGON SUM TSAD MAR NGES PAR KHAS LEN DGOS PA'I PHYIR RO, ,SEMS TZAM PAS THA SNYAD DU PHYI ROL GYI DON KHAS LEN NO ZHES PA YANG THA SNYAD PA'I TSAD MA'I GZHAL BYA DON DAM PA'I TSAD MAS SUN 'BYIN PA BDEN PA GNYIS TSA GRANG LTAR KHAS LEN DGOS PA'I RIGS PA'I RNAM GZHAG ZHIB TU KHONG DU MA CHUD PA'I MU COR SMRA BA 'BA' ZHIG TU SHES PAR BYA'O, ,DES NA RANG GI LUGS NI, RJE THAMS CAD MKHYEN PA DANG, CHOS MCHOG CHEN PO'I BZHED PA LTAR MDO SDE PA KHO NA'I LUGS SU SHES PAR

11b

BYA'O; ;SLOB DPON CHOS MCHOG GIS 'THAD LDAN DU MNGON SUM GYI MTSAN NYID KYI SKABS SU ZHIB TU BSHAD BA DANG, GONG DU 'DI THAMS CAD RNAM PAR SHES PAR SMRA BA LA SBYAR BAR BYA BA MA YIN TE, DON GYI MTHU YIS NI ZHES PA RNAM PAR SHES PAR SMRA BA'I TSUL LAS 'DAS PA'I PHYIR RO, ZHES SOGS GSUNGS PA LTAR RO, ,'O NA SEMS TZAM PA'I MNGON SUM GYI MTSAN NYID SKABS GANG DU YANG MA BSTAN PAR 'GYUR RO ZHE NA, SKYON MED DE, TSAD MA RNAM NGES SU GNAS GYUR MTHAR MA PHYIN PA'I BAR DU NGES PAR MI SLU BAR KHAS LEN DGOS PA'I BAG CHAGS BRTAN PA LAS BYUNG BA'I 'DRES RUNG 'DZIN PA'I RTOG PA DANG BRAL BA'I SHES PA MNGON SUM DU BSHAD PA LTAR KHAS LEN DGOS PA'I PHYIR RO, ,GNYIS BA NI, YANG DAG BA'I SHES PA LA GNYIS YOD PA DE LA ZHES PA DUS KYI BDUN PA DANG GNAS GZHI'I BDUN PA SOGS DU MA YOD PA LA GZHI'I BDUN PA STE, DMIGS KYI DGAR TE STON BA'O, ,DON MNGON SUM DU BYED PAS NA, MNGON SUM STE GZUGS 'DZIN DBANG PO'I SHES BA NI MTSAN GZHI MNGON SUM DU MTSON RTOG PA DANG BRAL ZHING MA 'KHRUL BA'O, , MNGON SUM GYI SGRAS MTSAN GZHI RJES BRJOD DANG, MTSON BYA'I RANG LDOG GNYIS KA BSTAN PAS SNGAR BAS PA KHA CIG GIS CHOS MCHOG CHEN PO LA MTSAN NYID MA GRUB PA'I SNGAR MTSON BYA GRUB PA MI 'THAD PA'I GNOD PA BRJOD PA NI, DE'I BZHED PA CUNG ZAD KYANG MA GO BA YIN NO, ,GNYIS PA LA GNYIS, RTOG BRAL BSHAD PA DANG, MA 'KHRUL BA BSHAD PA'O, ,DANG PO NI, BUM PA'I DON SPYI 'DZIN PA'I SHES PA MTSAN GZHI RTOG BA NI MTSON BYA'O, ,BSHAD MA THAG PA'I MTSAN GZHI SHES PA LA BRJOD PA SGRA SBYI DANG DON SPYI 'DRES

12a

, ,RUNG BA SNANG BA MTSAN NYID DE, DON BSDUS NA BRJOD BYA RJOD BYED 'DRES RUNG 'DZIN PA'I SHES PA'O, ,MNGON SUM LA MTSAN NYID DE MA ZHUGS PAS RTOG PA DE DANG BRAL BA'O, ,RTOG BA DANG BRAL ZHING MA 'KHRUL BA'I SHES PA DE MNGON SUM MO ZHES 'OG MA DANG YANG SBYAR RO, ,DE LA SHES PA KHA CIG NI BRJOD BYA RJOD BYED 'DRES PA 'DZIN PA YIN TE, LTO LDIR BA'I DON SPYI DANG, BUM PA ZHES PA'I SGRA SBYI GNYIS BRDA LA BYANG PA'I SHES PA GCIG GI GZUNG YUL DU 'GYUR BA'O, ,BRDA LA MA BYANG BA'I RTOG PA LA, DE GNYIS GANG RUNG DU SNANG BA NI BRJOD BYA RJOD BYED 'DRES RUNG SNANG PAS RUNG BA ZHES SMOS LA, 'DRES PA 'DZIN PA YANG 'DRES RUNG 'DZIN BA YIN PAS RUNG BA SMOS PAS GNYIS KA BSDUS BA YIN NO, ,BRJOD BA DANG 'DRES BA MI 'DZIN NA, RUNG BA 'DZIN BAR GANG LAS SHES ZHEN; SNANG YUL NGES PA MED BA YIN PA'I PHYIR RO, ,GZUGS 'DZIN MIG SHES LTA BU GZUNG DON GYI MTHUS BSKYED PA YIN NA SNANG BA NGES PA YIN YANG, RTOG PA LA SNANG BA NGES BA'I RGYU MED PA YIN NO, ,RTOG PA GZUNG DON LA MI LTOS PA YANG BYIS PA CHUNG DU JI SRID DU NU MA MTHONG BA NA, DE NYID 'DI YIN NO ZHES SNGON MTHONG BA NYID DU MI 'DZIN PA DE SRID DU DU BA BTANG NAS NU MKHAR 'JUG PAR MI BYED PA BZHIN NO, ,SNGA PHYI GCIG TU 'DZIN PA YIN NA GZUNG DON NYE BA LA BLTOS PA 'GAL TE, DON SNGA MA PHYI MA'I DUS NA MED PA'I PHYIR RO, ,GAL TE SGRA RANG MTSAN KHA CIG NI, DON RJOD BYED DU 'GYUR BA LA, KHA CIG BRJOD PAR BYA BA'I DON DU 'GYUR ZHING, RNA BA'I RNAM PAR SHES PAS RJOD BYED RANG MTSAN GZUNG YUL DU BYED PAS BRJOD PA DANG 'DRES RUNG BA 'DZIN PAR 'GYUR LA, DE LTA NA

12b

RTOG PAR 'GYUR RO ZHE NA, SKYON MED DE, RANG MTSAN LA BRJOD PAR BYA BA DANG, BRJOD BAR BYED PA'I DNGOS PO YOD KYANG, BRDA'I DUS NA MTHONG BA NYID DU, RNA BA'I SHES BAS MI 'DZIN BAS RTOG PAR MI 'GYUR LA, RNAL 'BYOR BA'I SHES PA KHA CIG SGRA DANG DON MTHA' DAG SNANG YANG BRDA'I DUS KYI MTHONG BA DE'I TSE MI 'DZIN PAS RTOG BA MED PA YIN NO, ,RANG MTSAN YIN NA BRJOD BYA DANG RJOD BYED DU 'GAL BAR 'DZIN PA NI, BZHI BRGYA PAR, JI LTAR RGYUN LA BLTA NYES NA, ,RTAG PA YOD CES BYA BAR 'GYUR, ZHES GSUNGS PA LTAR, GZHAN SDE'I 'DOD PA LA RANG GI SDE PA'I LUGS SU SMRA BA, BYIS PA 'BA' ZHIG GI LUGS SU SHES PAR BYA'O, ,GNYIS PA NI, MIG LA RAB RIB KYIS GNOD PA 'KHRUL RGYU DBANG PO LA YOD PA DANG, MGAL ME MYUR DU BSKOR BA YUL LA YOD PA DANG, DAL BUS BSKOR NA 'KHOR LOR 'KHRUL BA MI SKYE BAS MYUR DU ZHES SMOS SO, ,GRUR ZHUGS PA NI GRUS 'GRO BA STE, PHYI ROL GYI RTEN LA YOD PA DANG 'KHRUGS BA NI, RLUNG MKHRIS BAD KAN SOGS 'KHRUGS NAS, KA BA 'BAR BAR 'KHRUL PA SKYE BA LTA BU STE, NANG GI RTEN LA YOD PA'O, ,BZHIGS DBANG PO GZHAN DU BSGYUR BA LA KHYAD PAR MED PA'O, ,KHA CIG RMI LAM GSAL SNANG GI SHES PA 'KHRUL RGYU BZHI BAR 'CHAD PA NI, RNAM GZHAG MA CHAGS PA'I GTAM MO, ,SOGS PAS RIM BZHIN DU, LING TOG DANG, MGAL ME YAN MAN DU MYUR DU BSGYUR BA DANG, GLANG PO'I BZHON BA DANG, MNAR MI BZOD PAR MNAN BA SOGS SO, ,RTOG BA DANG BRAL ZHING, 'KHRUL RGYU BZHI PO GANG GIS KYANG 'KHRUL BAR MI SKYED PA'I SHES PA NI MNGON SUM MO, ,GZUGS 'DZIN DBANG SHES

13a

, ,CHOS CAN, MNGON SUM YIN TE, RTOG PA DANG BRAL ZHING MA 'KHRUL BA'I SHES PA YIN PA'I PHYIR, YANG MA 'KHRUL BA YIN TE, 'KHRUL PA'I RGYU BZHI PO GANG GIS KYANG MA SKYED PA'I DBANG PO'I SHES PA YIN PA'I PHYIR RO, ,SKABS 'DIR GZUNG 'DZIN RDZAS THA DAD DU ZHEN PA 'KHRUL RGYUR BYED BA NI 'BREL PA CUNG ZAD KYANG MED DO, ,GNYIS PA LA GNYIS, MDOR BSTAN PA DANG, SO SOR BSHAD PA'O, ,DANG PO NI, MNGON SUM DE NI CHOS CAN RNAM PA BZHI STE DBANG YID KYI MNGON SUM DANG, RANG RIG MNGON SUM DANG RNAL 'BYOR MNGON SUM RNAMS SU YOD PA'I PHYIR, BZHIR DBYE BA NI, RTEN BCAS KYI DBANG PO KHON BLTAB POR 'DOD PA DANG, MDO LAS YID KYI MNGON SUM GSUNGS PA LA NYES PA BRJOD PA DANG, BYE BRAG SMRA BA SOGS RANG RIG KHAS MI LEN PA DANG, SPYOD PA PA SOGS RNAL 'BYOR BA'I SHES PA KHAS MI LEN PA DAG GI LOG PAR RTOG PA BSAL BA'I PHYIR, DGOS PA LA BLTOS PA'I GRANGS NGES SO, ,GZHAN SEMS SHES PA'I MNGON SHES KYANG MNGON SUM YIN MOD KYI BZHI PO 'DI GANG GI YANG NANG DU DBYE BAR MA BKOD LA, DE'I RGYU MTSAN 'DI SO SO SKYE BO LA YANG YOD PAS 'CHAD PAR 'GYUR BA'I RNAL 'BYOR MNGON SUM GYI NANG DU BSDU BAR MI RIGS LA, GRUB MTHA' PHAN TSUN RTZOD PA'I GNOD BYED KYI RTZA BA DBANG PO'I MNGON SUM LA BRTEN DGOS LA DE YANG RANG RIG MNGON SUM GYIS GRUB PA'I TSUL BSTAN NAS GNOD PA BSTAN DGOS PAS, DE GNYIS KYI NANG DU BSDU BAR MI RIGS PA'O, ,DE LA DGONGS NAS RNAM 'GREL DU RNAL 'BYOR RTOGS PA BSAM MI KHYAB, CES BSHAD DO, ,GAL TE SDUD NA YID KYI

13b

MNGON SUM LA MI 'DRA BA GNYIS SU DBYE NAS, YID KYI MNGON SUM DU SDUD PAR RIGS SAM, SHIN TU PHRA BA'I BLO GROS CAN GYIS DPYAD PAR BYA'O, ,'DIR DNGOS SU BSTAN PA'I YID MNGON DU BYED DAM MI BYED SNYAM PA'I DOGS PA'I GNAS MED DO, ,GNYIS PA LA BZHI, DBANG PO'I MNGON SUM DANG, YID KYI MNGON SUM DANG, RANG RIG MNGON SUM DANG, RNAL 'BYOR MNGON SUM BSHAD PA'O, ,DANG PO NI, DBANG PO GZUGS CAN RANG GI BDAG RKYEN DU YOD PA LAS SKYES PAS NA DBANG PO'I SHES PA RTOG PA DANG BRAL ZHING MA 'KHRUL BA GZUGS 'DZIN DBANG PO'I SHES PA LTA BU NI, DBANG PO'I MNGON SUM DANG, MTSAN NYID NI GO BAR ZAD DO, ,DMIGS RKYEN DANG BDAG RKYEN DANG, DE MA THAG RKYEN GSUM GAS LAG RJES GSUM GA SKYED MOD KYI RANG RANG GI THUN MONG MA YIN PA'I LAG RJES NI, RIM PA BZHIN DU YUL GYI RNAM PA'I CHA DANG, YUL 'DZIN NUS KYI CHA DANG, MYONG BA'I CHA RNAMS SO, ,RDZAS THUN MONG BAR NI BSHAD ZIN LA, RIGS THUN MONG MA YIN PA'I RGYU'O, ,DBANG SHES BRJOD BYA RJOD BYED 'DRES PA 'DZIN PA DANG; 'DI'O SNYAM PA'I RTOG BRAL DU MNGON SUM GYIS KYANG GRUB MOD KYI, 'DRES RUNG 'DZIN PA'I RTOG BRAL DU RTAGS KYIS BSGRUB DGOS PA'I TSUL SOGS NI RNAM 'GREL DANG, RNAM NGES KYI RNAM BSHAD DU BSHAD ZIN PAS DER SHES PAR BYA'O, ,GNYIS PA NI; KUN LAS BTUS LAS RNAM PHUG PA'I LOG RTOG DGAG PA'I CHED DU YID KYANG DON DANG, ZHES GSUNGS PA'I DON NI YID KYI MNGON SUM ZHES PA'I TSAD MA GZHAN YOD PA MI 'THAD DE, DBANG MNGON GYIS BZUNGS ZIN 'DZIN NA TSAD MAR MI RUNG LA, MA

14a

, ,BZUNG BA 'DZIN NA 'ON LONG SOGS KYIS SGRA THOS PA DANG, GZUGS 'DZIN PA SOGS SU 'GYUR RO ZHES PA LA SKYON MED DO, ,DBANG MNGON GYI GZUNG DON SKAD CIG MA'AM, RTAG PA LAS MI 'DA' LA, DANG PO LTAR NA, YID MNGON GYI DNGOS RGYU'I DUS NA 'DAS ZIN PAS GZUNG ZIN 'DZIN PA'I SKYON MED LA, GNYIS PA LTAR NA MNGON SUM DANG TSAD MA GANG DU YANG MI RUNG YANG DE LTAR MI 'DOD DE, DBANG MNGON GYIS MA BZUNG BA'I DON 'DZIN YANG THAL BA GNYIS PA'I SKYON MED PA NI, DE MA THAG RKYEN NGOS BZUNG BAS SHES PAR BYED DE, DBANG PO'I MNGON SUM RANG GI GZUNG YUL GYI DE MA THAG PA BAR MCHAD PAR DES DNGOS KYI NYER LEN BYAS PA'I RANG DANG RGYUD GCIG TU GTOGS PA'I DBANG PO'I MNGON SUM GYI GZUNG YUL GYI SKAD CIG GNYIS PAS DMIGS RKYEN BYAS DE LHAN CIG BYED PA'I RKYEN DU YOD PA CAN GYI DBANG PO'I SHES PAS MTSUNGS PA DE MA THAG PA'I RKYEN GYIS BSKYED PA DANG, YID KYI DBANG PO BDAG RKYEN DU YOD PA LAS SKYES PA'I YID KYI RNAM PAR SHES PA CHOS CAN, MNGON SUM YIN TE, RTOG BRAL MA 'KHRUL BA'I SHES PA YIN PA'I PHYIR, YID KYI MNGON SUM YIN TE, RANG GI NYER LEN DBANG PO'I MNGON SUM DANG YID DBANG GI BDAG RKYEN LAS SKYES PA'I DON RIG GI MA 'KHRUL BA'I SHES PA YIN PA'I PHYIR RO, ,DE 'DRA BA'I DBANG SHES KYIS GNOD PA'I SHES PA KHA CIG GI DMIGS RKYEN BYED PA SRID PAS DE BSAL BA'I PHYIR, MTSUNGS PA DE MA THAG PA'I RKYEN ZHES SMOS TE, GNYIS KA SHES PA YIN PAS MTSUNGS PA YANG YIN LA, BAR MCHOD PAS DE MA THAG PA ZHES BYA'O,,

14b

MIG BYED PA DANG LDAN BZHIN PA'I TSE GZUGS GSAL BAR MTHONG BA'I SHES PA MIG SHES YIN GYI GZHAN DU NA SHES PA GANG YANG MIG LA BRTEN PA MA YIN PAR 'GYUR RO, ,GZUGS 'DZIN YID KYI MNGON SUM SO SO SKYE BO'I RGYUD LA YANG YOD CING, TSAD MA'I MTSAN NYID RTEN TZAM DU MTSON PA YIN PAS, TSAD MAR YANG MTSON NUS PA'I PHYIR RO, ,SO SO SKYE BO'I RGYUD KHO NAS KHYAD PAR DU BYAS PA'I TSAD MA DUS MTHA'I SKAD CIG MA GCIG LAS MED KYANG YID KYI MNGON SUM TSAD MAR BZHAG PA LA 'GAL BA MED DO; ;BDAG PO'I RKYEN NI DBANG PO'I MNGON SUM SKAD CIG THA MA'I STENG NA YOD PA'I YID KYI SHES PAS GZUGS RANG MTSAN 'DZIN NUS SU SKYED PA'I CHA DE YIN GYI 'DAS MA THAG PA BDAG RKYEN DU BYED PA'I LUGS GZHAN SNANG BA NI, BDAG NYID CHEN PO'I BZHED PA MA GO BA YIN NO, ,YID KYI MNGON SUM DE YANG BDAG CAG RNAMS KYIS DPYAD PA GSUM GYIS DAG PA'I LUNG LA BRTEN NAS RTOGS PAR BYA BA YIN GYI, TSAD MA GZHAN GYIS RTOGS PAR MI NUS SO, ,MNGON SUM PHYI MA GSUM GYI RNAM GZHAG YANG RGYAS PAR RNAM 'GREL RNAM NGES GNYIS KYI RNAM BSHAD DU BSHAD ZIN PAS 'DIR MA SBROS SO, ,GSUM PA NI, SEMS DANG SEMS LAS BYUNG BA THAMS CAD KYI 'DZIN PA'I RNAM PA CHOS CAN, RANG RIG PA'I MNGON SUM YIN TE, RANG GI GZUNG YUL RANG MTSAN LA BLTOS TE, GNYIS SNANG DANG BRAL BA'I SHES PA YIN PA'I PHYIR, KUN LAS BTUS LAS, RTOG PA'ANG RANG RIG NYID DU 'DOD, ,DON LA MA YIN DER RTOGS PHYIR, CES PA'I DON RNAM 'GREL DU, SHES GANG GANG LA SGRA DON 'DZIN, CES SOGS

15a

, ,KYIS BSHAD PA YANG 'DZIN PA'I RNAM PA DE SHES PA KUN LA RANG RIG MNGON SUM DANG, GZUNG BA'I RNAM PA SOGS SHES PA KUN DE LA MNGON SUM DU SNANG BAR STON PA YIN GYI, SHES PA YIN NA, RANG GI NGO BO LA RANG RIG MNGON SUM YIN PAS KHYAB PAR 'DOD PA NI, GZHUNG DE DAG GI TSIG DON MA GO ZHING RIGS PA'I RNAM GZHAG ZHIB TU MA CHAGS PA YIN NO, ,TSANG MA KUN LAS BTUS LAS, CHAGS LA SOGS, RANG RIG RNAM PAR MI RTOG PA, ZHES PA'I DON YANG DE BZHIN DU SHES PAR BYA'O, ,BZHI PA NI, KUN LAS BTUS LAS, RNAL 'BYOR RNAMS KYI BLA MAS BSTAN, ,MA 'DRES PA YI DON TZAM MTHONG ZHES PA NI, BDEN PA BZHI'I RNAM PA BCU DRUG DNGOS STOBS KYI RIGS PAS GTAN LA PHEBS PA'I DON SGOM PA LAS BYUNG BA'I SHES RAB KYIS, GOMS PAR BYAS PAS SGRA SPYI DANG MA 'DRES PAR GSAL BAR MNGON SUM DU RTOGS PA'I YE SHES RNAL 'BYOR MNGON SUM DU BSTAN PA NI YANG DAG PA'I DON 'PHAGS PA'I BDEN PA BZHI'I RNAM PA BCU DRUG SGOM PA'I RAB KYI MTHA' NA GSAL SNANG CUNG ZAD MA RDZOGS PA STE, DE LAS BYUNG BA'I GSAL SNANG RDZOGS PA'I RNAL 'BYOR PA'I SHES PA CHOS CAN, RNAL 'BYOR MNGON SUM YIN TE, LHAG MTHONG DANG ZUNG DU 'BREL BA'I ZHI GNAS KYI BDAG RKYEN LA BRTEN NAS YANG DAG PA'I DON LA RTOG BRAL MA 'KHRUL BA'I SHES PA YIN PA'I PHYIR RO, ,SLOB DPON CHOS MCHOG GI GSUNG NAS, LHANG TSER GYIS BAR DU CHOD PA BZHIN DU, SGOM BYA'I DON MTHONG BA DE NI RAB KYI MTHA'I GNAS SKABS YIN LA, LAG MTHIL DU SHEL GONG BZHAG

15b

BA BZHIN DU MTHONG BA NI MNGON SUM YIN NO ZHES GSUNG NGO, ,'O ZHES PA'I SGRA NI RDZOGS PA'I TSIG STE, MNGON SUM DE TZAM DU ZAD DO ZHES PA'O, ,BDEN PA BZHI NI RIM PA BZHIN DU, NYER LEN GYI PHUNG PO LNGA DANG, DE SKYED PA'I RGYU LAS NYON DANG, GNYEN PO'I STOBS KYIS SDUG KUN GYI SA BON SPANGS PA'I BRAL BA DANG, BDAG MED MNGON SUM DU RTOGS PA'I SHES RAB BO, ,'THAD LDAN GYI 'GYUR GYI TSIG ZIN LA BSAMS NAS 'GOG BDEN SEMS SU 'DOD PA NI, DE'I DON MIN TE, SEMS KYI STENG GI NGES PAR LEGS PA'I RANG BZHIN DU GYUR PA'I BRAL BA 'DUS MA BYAS LA BZHED PA YIN NO, ,MDO SDE PA'I LUGS KYI GANG ZAG GI BDAG MED RTOGS PA'I RNAL 'BYOR MNGON SUM GYI GZUNG DOR RDUL PHRA RAB BAM SEMS SKAD CIG MA'I RNAM PA SNANG BA YIN GYI, MED PAR DGAG PA GANG ZAG GI BDAG MED NI SHUGS LA RTOGS PAR 'DOD DO, ,SBYOR LA MA CHOS MCHOG THA MA'I GNAS SKABS KYI BDEN PA BZHI LA DMIGS PA'I ZHI GNAS DE SDUG BSNGAL CHOS BZOD KYI NGO BOR GYUR PA'I BDEN BZHI RTOGS PA'I SHES RAB DE'I BDAG RKYEN YIN LA LHAG MTHONG DE NYE BAR LEN PA'I RGYU YIN NO, ,TSAD MA GRUB PAR 'PHAGS PA'I BDEN PA BZHI, DNGOS PO STOBS ZHUGS KYI RIGS PAS BSGRUB PA'I TSUL RGYAS PAR GTAN LA PHAB PA'I DON MA RTOGS PAR SHIN TU LKOG GYUR DU 'DOD PA NI, BDAG NYID CHEN PO YAB SRAS KYI GZHUNG LA THOS BSAM BYED PA SHIN TU NYON MONGS PA'I GNAS SU MTHONG NGO, ,GSUM PA TSAD MA GNYIS KYI YUL LA LOG PAR RTOG PA BSAL BA LA GSUM, MNGON SUM GYI GZUNG YUL NGOS BZUNG BA DANG, DE BSHAD PA DANG, ZHAR BYUNG

16a

, ,RJES DPAG GI GZUNG YUL BSHAD PA'O, ,DANG PO NI, MNGON SUM RNAM PA BZHI PO DE'I GZUNG YUL NI CHOS CAN, RANG GI MTSAN NYID YIN TE, RTOG PAS BTAGS PA MA YIN PAR DNGOS PO RANG GI SDOD LUGS KYI NGOS NAS GRUB PA'I DON YIN PA'I PHYIR RO, ,KHYAB STE, SNGON PO LA SOGS PA'I DON GANG THAG NYE BA NA GNAS PA'I TSE GSAL BAR SNANG BA DANG MI NYE BA DAG LAS SHES PA LA CUNG ZAD MI GSAL BAR SNANG BA'I SNANG BA THA DAD PA'I DNGOS PO DE NI RANG GI MTSAN NYID DNGOS TE, RANG MTSAN YIN PAS KHYAB PA'I PHYIR RO, ,TSAD MA RNAMS KYI YUL NI RNAM PA GNYIS TE, GZUNG YUL DANG ZHEN YUL LO, ,MNGON SUM GYI GZUNG YUL NI, SNGAR BSHAD PA LTAR RANG GI MTSAN NYID KYIS GRUB PA YIN LA DE YANG GZUNG NGOR CHA DANG CHA CAN GNYIS SU MI SNANG ZHING, CHA CAN GYI LDOG PA YANG MI SNANG BAR YUL DANG DUS KYI CHAS DPEN PA LTAR SNANG BA YIN GYI, MNGON SUM GYI GZUNG YUL YIN NA CHA MED YIN PAS KHYAB PAR NI MI BSAM MO, ,RJES DPAG GI GZUNG YUL NI 'DUG TSUGS THUB PA LTAR SNANG YANG, DON NI RTOG PAS SGRO BTAGS PA LTAR DON BYED PAS STONG PA'O, ,ZHEN PA'I YUL NI, TSAD MAS RTOGS PA'I DON TE, RJES DPAG GIS RTOGS PA'I DON LKOG GYUR RANG MTSAN DANG, MNGON SUM GYIS RTOGS PA'I DON RANG MTSAN GNYIS KA ZHEN PA'I YUL YIN NO, ,SLOB DPON CHOS MCHOG GIS MNGON SUM GYI STOBS KYIS DRANGS PA'I NGES SHES KYIS ZHEN PAR BYAS PA LA BTAGS NAS, MNGON SUM TSAD MA LA YANG ZHEN YUL YOD PA'I THA SNYAD MDZAD DO, ,TSAD MA GNYIS KAS RANG MTSAN GZHAL YANG RTOGS TSUL GYI DBANG GI GZHAL

16b

BYA GNYIS SU BZHAG PAR BYA BA YIN GYI, SPYI MTSAN RANG RGYUD PA RJES DPAG GI GZHAL BYAR STON PA NI MA YIN NO, ,GNYIS PA NI, THAG NYE RING GI DBANG GIS DBANG SHES LA SNANG TSUL THA DAD DU 'GYUR BA'I RANG MTSAN DE NYID CHOS CAN, DON DAM PAR YOD PA STE DON BYED NUS PA YIN PA'I PHYIR, KHYAB STE, DNGOS PO'I MTSAN NYID DEN BYED NUS PA KHO NA YIN PA'I PHYIR RO, ,RANG MTSAN DANG DON DAM PAR YOD PA DANG, DNGES PO RNAMS PHAN TSUN KHYAB PAR GSUNGS KYI, DNGOS PO LA RANG MTSAN GYIS MA KHYAB PA DANG DNGOS PO TZAM DON BYED NUS STONG DU 'DOD PA SOGS NI, LOG PAR RTOG PA 'BA' ZHIG YIN TE, SDE BDUN MDO DANG BCAS PA GANG NAS KYANG MA GSUNGS SO, ,RANG MTSAN SGRA'I BRJOD BYAR MI RUNG BA DANG, DGAG SGRUB KYI GZHIR MI RUNG BAR 'DOD PA SOGS KYANG RIGS PA MI SHES PA'I RNAM 'GYUR DU GSAL TE, 'DI LTAR DNGOS PO'I DGAG SGRUB RGYUS 'BRAS BU SNGAR MED GSAR DU BSKYED PA LA RGYUS BSGRUBS PA DANG, SKYES ZIN BZHIG PA LA 'GAGS PAR THA SNYAD BYAS PA'I DGAG SGRUB GANG GI YANG GZHIR MI RUNG PA'I DON DU 'DOD NA NI, RANG MTSAN YIN NA SKYES PA DANG 'GAGS PA MI SRID DO ZHES KHAS LEN DGOS PAS RANG MTSAN YIN NA DON BYED NUS STONG DANG, SPYI MTSAN YIN NA DON BYED NUS PAS KHYAB BO ZHES PHYIN CI LOG 'BA' ZHIG SMRA DGOS PAR 'GYUR RO, ,GAL TE YANG KHYOD GNYEN PO SNGAR MED GSAR DU BSGRUBS PA DANG, SPANG BYA'I SA BON PHYIN CHAD SKYER MI RUNG BAR BYAS PA'I DGAG SGRUB KYI GZHI YIN NA, RANG MTSAN YIN PA 'GAL LO ZHES SMRA BA YIN NA NI TSAD MAS SGRO 'DOGS BSAL BA YANG MI SRID DO, ZHES

17a

, ,KHAS LEN DGOS PAS TSAD MA'I RNAM GZHAG MTHA' DAG LA SKUR PA 'DEBS DGOS PAR 'GYUR RO, ,YANG SDE BDUN NAS DGAG SGRUB KYI RNAM GZHAG GTZO CHE BAR GTAN LA PHAB PA NI, YOD PA LA YOD PAR TSAD MAS GSAR DU RTOGS PA LA TSAD MAS BSGRUB PA DANG, MED PA LA MED PAR RTOGS PA LA DGAG BYA BKAG PA'I THA SNYAD GSUNGS LA, RANG MTSAN YIN NA DE LTA BU'I DGAG PA DANG BSGRUB PA GANG GI YANG GZHIR MI RUNG BAR KHAS LEN PA YIN NA, RANG MTSAN YIN NA TSAD MAS RTOGS PA MI SRID PAS TSAD MA'I GZHAL BYA LA SPYI MTSAN GYI KHYAB PA KHAS LEN DGOS SHING 'BAD PA THAMS CAD 'BRAS BU MED PAR 'GYUR RO, ,RANG MTSAN YIN NA MO GSHAM GYI BU YIN PAS KHYAB BO, ZHES SMRA BA NA MA NGES PA BCUNG ZAD KYANG MED PAR 'GYUR TE, KHYOD LA RANG MTSAN DU BSGRUB NUS PA'I GZHI CUNG ZAD KYANG MI 'DUG PA'I PHYIR, YANG RANG MTSAN DGAG SGRUB KYI GZHIR MI RUNG ZHES SMRAS PAS DGAG SGRUB KYI GZHIR RUNG BA BKAG PA'I GZHI DE NI SPYI MTSAN YIN NO, ZHES SMRA BA YIN NA SPYI MTSAN DANG RANG MTSAN GANG YANG DGAG PA DANG, BSGRUB PA'I GZHI GANG DU YANG MI RUNG NGO ZHES SMRA BA DE LAS NGO MTSAR CHE BCI ZHIG YOD, DGAG SGRUB KYI GZHIR RUNG BA BKAG PA'I DGAG GZHI YIN NA SPYI MTSAN YIN PAS KHYAB PA KHAS LEN NA, RANG MTSAN DGAG SGRUB KYI GZHIR MI RUNG BA ZHES SMRAS PAS DON CI ZHIG BRJOD PA YIN, RANG MTSAN DGAG SGRUB GANG GI YANG GZHIR MI RUNG BAR KHAS BLANGS PA'I PHYIR RO, ,RNAM 'GREL NGES SU, PHA ROL POS BDAG DNGOS MED YIN PAS, SROG

17b

LDOG PA'I GZHIR MI RUNG BA'I PHYIR MTHUN PHYOGS BDAG LAS LDOG PA MED CES KHAS BLANGS PA LA KHAS BLANGS PA 'GAL BA STON PA NA SROG DE BDAG LAS LDOG PA MED DO ZHES BDAG DE SROG LDOG PA BKAG PA'I GZHIR YANG MI RUNG BAR THAL BA 'PHANGS PA KHYOD LTAR NA SUN 'BYIN LTAR SNANG DU KHAS LEN DGOS PA THAL LO, ,RANG MTSAN SGRA'I BRJOD BYA DANG RTOG PA'I YUL MA YIN NA SLOB DPON YE SHES SNYING POS BDEN GNYIS KYI RANG 'GREL DU, SEMS TZAM PAS GZHAN DBANG BDEN GRUB KHAS BLANGS PA LA GAL TE KHYOD RANG MTSAN SGRA'I BRJOD BYA MA YIN PAS BSTAN MI NUS PA YIN NO, ZHES 'DOD NA KHAS BLANGS 'GAL BAR STON BZHED NAS, DE LTA MIN NA SGRA RNAMS KYIS, ,RANG GI MTSAN NYID MTHAR PHYIN NYID, CES GSUNGS PA YANG KHYOD LTAR NA, SLOB DPON YE SHES SNYING POS PHYOGS SNGA MA GO BAR KHAS LEN DGOS SO, ,JI SKAD BSHAD PA DE NI, GANG PHYIR DNGOS KUN RANG BZHIN GYIS, ZHES SOGS KYI RNAM 'GREL GYI RANG 'GREL DU, SGRA DE DAG THA DAD PA THAMS CAD MI 'PHEN YANG THA DAD PA GCIG BRJOD PAS RANG GI MTSAN NYID DPYIS PHYIN PA KHO NAR 'GYUR TE, ZHES SOGS DANG 'GAL BA STON PA YIN NO, ,RANG MTSAN RTOG PA'I YUL DU MI RUNG NA SO SO SKYE BO LA RDUL PHRA RAB DANG DUS KYI THUNG BA'I MTHAR THUG PA RTOGS PA'I TSAD MA MED PAR 'GYUR RO; ;LOG RTOG GI THA CHAD 'DI NI DNGOS PO'I DGAG SGRUB DANG TSAD MA'I DGAG SGRUB KYI KHYAD PAR MI PHYED CING, BSTAN BCOS LA NGAL BA MA BYAS PAR, GZHI YIN LUGS KYI STONG BA NYID DANG, BLOS BYAS KYI STONG PA ZHES PA'I PHYIN CI LOG GI DBYE BA'I THA

18a

, ,SNYAD BYAS NAS GNAS LUGS KYI DON LA TSAD MA'I DGAG SGRUB 'DOR BA'I LUGS NGAN PA DE NYID 'DIR 'ONGS PA YIN NO, ,BSTAN PA NUB PA'I RKYEN DU YANG 'DI CHE STE, GROL BA DON GNYER THAR PAR 'JUG PA'I 'JUG DOGS DAM PA BDAG NYID CHEN PO PHYOGS GLANG YAB SRAS KYI KHRID YIG 'DI DAG LA ZHE BRTZIS MED PAR 'DOR BAR 'GYUR BA'I PHYIR RO, ,RGYAS PAR DGAG PAR BYA BA YIN NA YANG TSIG MNGAS SU DOGS NAS DE TZAM LAS MA SPROS SO, ,RGOL NGAN SKAL CHAD LOG PA'I BSHES DANG PHRAD, ,BSTAN PA NYAMS BYED BDUD KYI GZHAN DBANG GYUR, ,RTAG CHAD MTHAR LHA'I LTA NGAN GDON GYIS ZIN, ,BLO NGAN RNAMS KYIS BSTAN PA 'DI DKRUGS SO, ,GSUM PA LA GNYIS, TSIG DON DANG, RJES DPAG GI YUL 'DIR BSHAD PA'I DGOS PA'O, ,DANG PO NI, DON BYED NUS PA DE LAS GZHAN SGRA MI RTAG PA'I DON SPYI DE NI CHOS CAN, SPYI'I MTSAN NYID DE RJOD BYED SGRA'I BDAG RKYEN TZAM LA BRTEN NAS BLO LA MTSAN NYID RDZOGS PAR 'CHAR NUS PA'I CHOS YIN PA'I PHYIR, YANG NA RTOGS PAS BTAGS TZAM GYI CHOS YIN PA'I PHYIR CES SBYAR RO, ,DON SPYI DE NI CHOS CAN RJES SU DPAG PA'I GZUNG BA'I YUL YIN TE SNANG BA LTAR DON BYED MI NUS KYANG, SGRA MI RTAG RTOGS KYI RJES DPAG TSAD MAS DNGOS SU GZUNG BA'I SGO NAS DE LAS THA DAD PA SGRA MI RTAG PA GSAR DU RTOGS PAR BYED PA'I PHYIR RO, ,RTOG PA RANG GI SNANG BA DON MED PA LA DON DU ZHEN NAS 'JUG PAR BSHAD PA'I DON YANG GZUNG YUL DE NYID RANG MTSAN NO, SNYAM DU ZHEN PA'I DON MA YIN TE ZHEN YUL LA 'KHRUL BAS BSLU BAR 'GYUR BA'I PHYIR

18b

RO; ;DPER NA, ME LONG GI NANG DU BZHIN GYI GZUGS BRNYAN SHAR BA NA GZUGS BRNYAN DE NYID BYANG BZHIN NO SNYAM DU MI ZHEN PAR, GZUGS BRNYAN MTHONG BA LA BRTEN NAS RANG GI BZHIN ZHEN YUL DU BYAS TE SKYON YOD MED RTOG PA BZHIN DU, SGRA MI RTAG PA'I GZUGS BRNYAN SNANG BA LA BRTEN NAS SGRA MI RTAG PAR NGES SHING ZHEN PAR BYED PA YIN NO, ,GNYIS PA NI, RJES DPAG GI YUL 'OG TU BSHAD PAR BYA BA YIN YANG, 'DIR BSHAD PA NI RANG MTSAN BSHAD PA'I GZHUNG 'DI YANG BZLAS PAR BYA DGOS PAS TSIG TSEGS CHUNG BA'I DON DU 'DIR BKOD PA YIN NO, ,RJES DPAG GI ZHEN YUL GYI NGOS NAS DNGOS SU MA BSHAD PA NI, TSAD MA GNYIS KYI ZHEN YUL RANG MTSAN DANG SPYI MTSAN SO SOR NGES PA MED CING GZUNG YUL SO SOR NGES PAS DE LA BRTEN NAS RTOGS NUS PA'O, ,BZHI PA MNGON SUM TSAD MA'I 'BRAS BU LA LOG PAR RTOG PA BSAL BA LA GNYIS, BSDUS PA'I DON DANG, TSIG GI DON TO, ,DANG PO LA GSUM, TSAD 'BRAS BSHAD PA'I DGOS PA DANG, TSAD MA DANG 'BRAS BU YI THA SNYAD KYI DON BSHAD PA DANG; TSAD MA DANG 'BRAS BU GTAN LA DBAB PA'O, ,DANG PO NI, TSAD MA'I MTSAN NYID GSAR DU MI SLU BA'I SHES PA SGRUB PA'I SNGA ROL TU DE GANG LA 'JUG PA'I GZHI MTSAN GZHI BSGRUB DGOS LA, DE YANG 'JIG RTEN NA DON LEGS PAR GO BA DON GYI RNAM PA LEGS PAR SHAR BAS 'JOG PAR GRAGS PA BZHIN DU RIGS PA'I BSTAN BCOS SU YANG, DON RTOGS PA DANG MA RTOGS PA'I KHYAD PAR RNAM PA SHAR BA DANG MA SHAR BAS 'JOG PA YIN NO, ,DES NA GNOD PA MED PA'I MNGON GYUR GYI RNAM PA GSAR DU SHAR BA

19a

, ,DANG, LKOG GYUR GYI RNAM PA SHAR BA'I BLO GNYIS KYI SGO NAS TSAD MA GNYIS KYI MTSAN GZHI GO BAR BYED PA YIN LA, DE GNYIS KYIS GZHAL BYA GNYIS RTOGS PA'I TSAD MA 'JOG PA YANG TSAD MA'I MTSAN GZHI BSGRUB PA'I DGOS PA CAN DU SHES PAR BYA'O, ,DE YANG TSAD MA KUN LAS BTUS LAS, YUL SHES DE YI SHES PA YI, ,BYE BRAG LAS NI TSUL GNYIS NYID, CES DANG, DUS PHYIS DRAN PA LAS KYANG YIN, ZHES PA'I DON RNAM 'GREL LE'U GSUM PA'I MJUG TU SLOB DPON GYIS BSHAD TSUL MI 'DRA BA DU MAS BSHAD PA LAS SHES PAR BYA'O, ,SNGON PO GO BA NAS BZUNG STE GNAS LUGS KYI DON GO BA'I BAR GYIS TSIGS 'DI SHES PA LA RAG LAS YOD PAS MKHAS PA RNAMS KYIS LEGS PAR DPYAD PAR BYA'O, ,TSAD MA'I 'BRAS BU LA CHOD PA'I 'BRAS BU DANG, MA CHOD PA'I 'BRAS BU GNYIS YOD LA, DANG PO NI, GZHAL BYA RTOGS NAS ZHUGS PAS THAR PA DANG THAMS CAD MKHYEN PA'I BAR DU THOB NUS PA'I DON YIN LA, PHYI MA NI GZHAL BYA RTOGS PA'I TSAD MA NYID YIN LA, DE YANG RNAM PA GSAR DU SHAR BA'I SGO NAS 'JOG BYED GZHAN GYIS BAR MA CHOD PAR BZHAG NUS DGOS PA YIN NO, ,GNYIS PA NI, MTSON BYA TSAD MA'I RANG LDOG DANG, MTSAN NYID MI BSLU BA LA TSAD MAR THA SNYAD BYAS PA 'DIR STON PA MA YIN TE, MTSAN GZHI MA GRUB PA'I SNGA ROL TU MTSAN NYID DANG MTSON BYA NGES MI NUS PA'I PHYIR RO, ,DES NA TSAD MA'I MTSAN GZHI LA TSAD MA'I THA SNYAD BYAS PA YIN LA, 'BRAS BU ZHES PA NI TSAD MA RGYUD LA SKYES PA'I DGOS PA YIN NO, ,DE YANG DNGOS KYI DGOS

19b

PA DANG, BRGYUD PA'I DGOS PA GNYIS SU SHES PAR BYA'O, ,GSUM PA NI, SPYIR PHYI DANG NANG GI GRUB MTHA' SMRA BA RNAMS GZHAL BYA RTOGS PA TSAD MA'I 'BRAS BUR KHAS LEN PA LA KHYAD PAR MED LA DE 'JOG PA'I TSAD MA LA MI MTHUN TE, RANG SDE KHA CIG DANG GZHAN SDE 'BRAS BU LAS RDZAS GZHAN GYI TSAD MAS 'JOG PAR 'DOD DE, BYE BRAG SMRA BA RTEN BCAS KYI DBANG PO TSAD MAR 'DOD PA DANG, GRANGS CAN RNA BA LA SOGS PA'I DBANG PO'I 'JUG PA LA 'DOD PA DANG, BYE BRAG PA BA LANG NYID CES PA LTA BU'I SPYI 'DZIN PA'I BLO LA 'DOD PA DANG, RIGS PA CAN PA DBANG DON PHRAD PA LA 'DOD PA DANG, SPYOD PA PA DANG POR DON LA BLTA BA LA 'DOD PA SOGS DE DAG GIS KYANG YUL GYI RNAM PA KHAS MI LEN NA TSAD MA DANG 'BRAS BU GANG YANG MI 'GRUB RNAM PA KHAS LEN NA 'JOG BYED GZHAN MI RIGS TE, GZHAN RNAMS KYIS GZHAL BYA RTOGS PA 'JOG NA BAR DU TSAD MA DU MA BRGYUD DGOS PAS BAR MA CHAD PAR 'JOG MI NUS PA'I PHYIR RO, ,SGRA LEGS PAR THOS PA YIN TE, RNA PA YOD PA'I PHYIR, CES PA LTA BUR 'GYUR BAS SO, ,'DIR NI MDO SDE PA DANG SEMS TZAM PA GNYIS KYI LUGS BZHAG PAR BYA BA YIN LA, DE YANG, SNGON PO GZHAL BYA RANG YUL GYI RNAM PA SHAR BA'I SGO NAS SNGON PO LA GSAR DU MI SLU BA'I SHES PA TSAD MA, SNGON PO RTOGS PA'I TSAD MA 'BRAS BUR BZHAG PA DANG, GZUNG RNAM GZHAL BYA, 'DZIN RNAM TSAD MA, RANG RIG 'BRAS BUR BYAS PA'I RNAM GZHAG NI GNYIS KAS THUN MONG DU 'DOD PA YIN LA, SNGON PO PHYI ROL GYI DON DU 'DOD PA MDO SDE PA'I KHYAD PAR DANG,

20a

, ,SHES PA RANG GI BDAG NYID DU 'DOD PA SEMS TZAM PA'I KHYAD PAR TE, PHYI MA 'DI LA BRTEN NAS TSAD 'BRAS GNYIS PA DANG GSUM PA'I RNAM GZHAG BYUNG BAR SHES PAR BYA'O, ,PHYI ROL GYI DON YOD PA BKAG PA'I LAG RJES LA RNAM GZHAG GNYIS PA DANG, PHYI ROL GZHAL BYAR BYED NA YANG, RANG RIG 'BRAS BUR RIGS SO ZHES MDO SNGA PA LA KHAS BLANGS NANG 'GAL BSTAN PA'I SGO NAS RNAM GZHAG GSUM PA 'BYUNG BA YIN NO, ,KHA CIG GSUM PA'I SKABS SU PHYI ROL GZHAL BYAR BYED PA RANG LUGS, YANG MDO SDE BA'I LUGS LA 'CHAD PA LHA SH'A KA DANG, CHOS MCHOG GI BZHED PAR 'DOD PA NI DON MA RTOGS PA'I RNAM 'GYUR DU GSAL TE, DE NI GZHAL BYA NYID DU 'DOD, CES PA'I SKABS SU SLOB DPON LHA DBANG BLOS MI 'DOD MOD KYI GZHAN DGAG PAR BZHED NAS BSTAN PA YIN NO ZHES DANG, DON RIG TU BTAGS PA YIN NO ZHES SKABS DU MAR 'BYUNG BAS SO, ,PHYI ROL DON GYI TSUL LA 'BRAS BU'I RTOGS PA GNYIS PA YIN NO, ZHES SOGS KYI TSIG LA 'KHRUL BAR MI BYA STE, SNGON PO GZHAL BYAR BYAS PA LTA BU LA THA SNYAD ZOR YANG BAR BYA BA'I CHED DU BTAGS NAS RNAM PAR BZHAG PA YIN TE, GZHAN DU NA RNAM NGES LAS, DE PHYIR SNANG DON DE BLO DAG ,PHYI DON YOD KYANG THA DAD MIN, ZHES LHAN CIG DMIGS NGES DANG, GSAL ZHING RIG PA'I RTAGS KYI DON BSDU'I SKABS SU BYUNG BA LTAR, PHYI ROL GYI DON YOD KYANG SNGON PO SNGOR SNANG SHES PA DANG RDZES THA DAD MA YIN NO ZHES KYANG SMROS SHIG ,GRUB MTHA' BZHI PO GANG GI YANG LUGS MA YIN PA DANG, SEMS TZAM RNAM

20b

BDEN PA'I LUGS SU SMRA BA NI, MUN KHUNG DU RNGO BA 'PHEN PAR ZAD DO, ,GNYIS PA TSIG DON NI, SNGON PO RTOGS PA'I MNGON SUM GYI SHES PA MTSAN GZHI DE NYID KYI DON RTOGS PA'I TSAD MA'I CHA TSAD MA'I 'BRAS BU STE SNGON PO'I RNAM PA SHAR BA'I DBANG GIS DON SNGON PO DNGOS SU RTOGS PA'I TSAD MA 'JOG PA'I NGO BO KHO NA YIN PA'I PHYIR RO, ,SNGON PO'I DON DANG 'DRA BA NYID SNGON PO GSAR DU RTOGS PA'I BLO DE'I 'JOG BYED TSAD MA STE, DE'I DBANG GIS SNGON BO'I DON DNGOS SU RTOGS PA 'GRUB PA'I PHYIR RO; ;SNGON 'DZIN DBANG PO'I MNGON SUM LTA BU LA GZUNG DON GYI GRUB PA BDE RDZAS GCIG GI CHOS KUN GYI RNAM PA SHAR YANG GZUNG YUL GANG GI RNAM PA SHAR PA'I GZUNG RNAM MYONG BA'I 'DZIN RNAM GYI MYONG BYA GANG LA NGES PA DRANGS PA'I GZUNG RNAM DE'I DBANG GIS GZUNG YUL GANG GI RNAM PA SHAR BA'I DON DE RTOGS PAR 'JOG STE, DPER NA SNGO 'DZIN MYONG BA'I RANG RIG GIS SNGON PO'I RNAM PA RTOGS PA'I TSE SNGON 'DZIN DBANG SHES KYIS SNGON PO RTOGS PAR 'JOG PA YIN PAS, SNGA RABS PA KHA CIG GIS CHOS MCHOG CHEN POS DBANG DON PHRAD PA TSAD MA YIN PA BKAG PA LA, RNAM PA SHAR PA LA YANG MGO MTSUNGS BYED PA NI, CHOS MCHOG GI BZHED PA CUNG ZAD TZAM YANG MA GO BA YIN NO, ,GNYIS PA LE'U'I MTSAN BSTAN PA NI, LEGS PAR BSHAD PA RIN PO CHE'I GTER ZHES BYA BA RIGS PA'I THIGS PA ZHES BYA BA'I RAB TU BYED PA LAS MNGON SUM GYI LE'U STE LE'U DANG PO'I 'GREL BA RDZOGS PA'O,, ,,GNYIS PA LKOG GYUR RTOGS PA'I THABS RANG DON LE'U BSHAD PA LA GNYIS, LE'U'I GZHUNG

21a

, ,BSHAD PA DANG, LE'U'I MTSAN BSTAN PA'O, ,DANG PO LA GNYIS, RJES DPAG GI DBYE BA DANG, RANG DON RJES DPAG BYE BRAG TU BSHAD PA'O, ,DANG PO NI, RJES SU DPAG PA ZHES PA'I MING GIS BSTAN PA'I DON DE NI CHOS CAN RNAM PA GNYIS TE, RANG GI DON GYI RJES SU DPAG PA DANG GZHAN GYI DON GYI RJES SU DPAG PA GNYIS SU YOD PA'I PHYIR RO, ,RJES DPAG GI MTSAN NYID BSHAD PAR RIGS PA LA DBYE BA GLO BUR DU CI'I PHYIR BSTAN CE NA, BSHAD PA GZHAN DON RJES DPAG NI SGRA'I BDAG NYID YIN LA, RANG DON RJES DPAG SHES PA YIN PAS DE GNYIS KA MTSAN GZHIR BYAS NAS RJES DPAG TU MTSON PA'I MTSAN NYID THUN MONG BA MED PAS MA BSTAN LA, DBYE BA BSHAD PA NI GNYIS PO SO SO'I MTSAN NYID BSTAN PA'I CHED KHO NAR YIN LA, DBYE BA MA BSTAN PAR YANG DBYE BA GNYIS KYI MTSAN NYID RTOGS MI NUS PA YIN NO, ,GZHAN DON LE'U LAS RANG DON LE'U LOGS SU BRTZAM PAR BYA BA MA YIN TE, RANG DON LE'UR NI TSUL GSUM TZAM GCIG BSTAN PAR BYA BA YIN LA, DE NI GZHAN DON DU YANG STON PA'I PHYIR RO ZHE NA, SKYON MED DE, GZHAN DON LE'U'I BRJOD BYA'I GTZO BO TSUL GSUM STON PA'I NGAG YIN LA, ,RANG DON LE'U NI TSUL GSUM PA'I RTAGS YIN PAS, DE BLO YUL DU SONG BA'I DNGOS KYI 'BRAS BU NI BSGRUB BYA RTOGS PA YIN LA, GZHAN DON RJES DPAG BLO YUL DU SONG BA'I DNGOS KYI 'BRAS BU NI, TSUL GSUM LA DRAN PA BSKYED PA YIN PAS LE'U GNYIS KYI DNGOS KYI DGOS PA DANG BYA BA THA DAD YIN PA'I PHYIR RO, GZHAN YANG MKHAS PAS TSUL

21b

GSUM RTOGS PA NA, RTAGS KYI BRJOD TSUL SHES KYANG MI MKHAS PAS GZHAN LA STON PA NA NGAG LHAG CHAD CAN DU SMRA BA MTHONG BAS DE DAG DGAG PA'I CHED DU GZHAN DON LOGS SU SMOS LA, RANG DON DANG GZHAN DON GYI MING DON NI GO BAR ZAD DO; ;GNYIS PA LA GSUM, RJES DPAG TSAD MA'I MTSAN NYID DANG, TSAD 'BRAS MNGON SUM DANG 'DRA BAR BSTAN PA DANG, RTEN GTAN TSIGS BSHAD PA'O, ,DANG PO NI, RJES DPAG GI MING GIS BSTAN PA'I DON GNYIS YOD PA DE LA SGRA MI RTAG RTOGS KYI RJES DPAG MTSAN GZHI, RANG GI DON GYI RJES DPAG TSAD MA NI MTSON BYA'O, ,RJES SU DPAG PAR BYA BA BSGRUB BYA LA DMIGS PA TSUL GSUM PA'I RTAGS LAS GSAR DU MI BSLU BA'I SHES PA GANG YIN PA DE NI MTSAN NYID DO, ,RIGS MI MTHUN SEL BA'I MTSAN NYID NI SNGAR BSHAD ZIN TO, ,YUL DANG RTAN GNYIS KYI SGO NAS MNGON SUM DANG GZHAN DON RJES DPAG LAS KHYAD PAR DU BYAS PA'O, ,GNYIS PA NI, RANG DON GYI SKABS 'DIR YANG CHOS CAN, TSAD MA'I 'BRAS BU RNAM PAR BZHAG PA NI MNGON SUM DANG 'DRA BAR SHES PAR BYA STE, GZHAL BYA'I KHYAD PAR TZAM MA GTOGS TSAD MA DANG 'BRAS BU SNGA MA DANG MTSUNGS BAR RTOGS PAR BYA BA'I PHYIR, SGRA MI RTAG PA GZHAL BYA, DE'I RNAM PA SHAR NAS DE LA GSAR DU MI SLU BA'I SHES PA TSAD MA, DE DNGOS SU RTOGS PA'I TSAD MA 'BRAS BU'O, ,GSUM PA LA GSUM, TSUL GSUM GYI MTSAN NYID DANG, TSUL GSUM GYI BLTOS GZHI NGOS BZUNG BA DANG, TSUL GSUM DANG LDAN PA'I GTAN TSIGS KYI DBYE BA BSHAD PA'O, ,DANG PO NI, MTSAN

22a

, ,NYID BSTAN PA'I ZHAR LA TSUL GSUM PA'I RTAGS SKABS SU BAB PAS TSUL GSUM PA'I RTAGS LAS ZHES BSHAD PA'I TSUL GSUM PA NYID KYI RTAGS NI 'CHAD PAR 'GYUR BA 'DI YIN NO ZHES PA'O, ,TSAD MA KUN LAS BTUS LAS; RJES DPAG BYA DANG DE MTSUNGS LA, ,YOD DANG MED LA MED PAR NI, ,NGES PA ZHES PA'I DON 'CHAD PA NA, THA MAR SMOS PA'I NGES PA NYID NI, TSUL GSUM GAL BLTA BAR BYA'O, ZHES BSHAD PA LTAR 'DIR YANG THA MA'I NGES PA GONG MA GNYIS LA'ANG SBYAR BAR BYA'O, ,DE'I RGYU MTSAN SA BON LA RTEN NAS MYU GU BZHIN DU RUNG BA TZAM GYI SGO NAS LKOG GYUR RTOGS PA MA YIN TE, TSAD MAS MA RTOGS PA'I DU BA LAS ME MI RTOGS PA'I PHYIR RO, ,MUN KHUNG GI BUM PA SGRON ME LA BRTEN NAS SHES PA BZHIN DU RTAGS KYI NGO BO NGES PA TZAM GYIS RTOGS PA MA YIN TE, CHOS DANG 'BREL BA MA NGES PAR MI RTOGS PA'I PHYIR, ,RTAGS YANG DAG GI MTSAN NYID DU TSUL GSUM TSAD MA'I STOBS KYIS NGES PA ZHES SMRA BA, RNAM GZHAG MA CHAGS PA YIN PAS TSUL GSUM YIN PA'AM TSANG BZHES BYA'O, ,PHYOGS CHOS KYI MTSAN NYID NI RJES SU DPAG PAR BYA BA SHES 'DOD CHOS CAN LA 'GOD TSUL DANG MTHUN PAR YOD PA NYID DU NGES PA DANG, TSIG GI ZUR LA RTAGS SHES 'DOD CHOS CAN LA YOD PA DANG, YOD PA KHO NA DANG, DE LTAR NGES PA BZHI LAS DANG PO MIG SHES KYI GZUNG BYAS SGRA MI RTAG PAR SGRUB PA LTA BU CHOS CAN LA MED PA LA PHYOGS CHOS GRUB PA SEL LA, GNYIS PAS LJON SHING CHOS CAN SROG LDAN YIN TE,

22b

MTSAN MO LO MA 'KHUMS NAS NYAL BA'I PHYIR CES PHA LTA BU RTZOD GZHI LA KHYAB BYED DU MED PA SEL BA LA PHYI MA GNYIS KYIS THE TSOM ZA BA'I MA GRUB PA THAMS CAD SEL LO, ,MA GRUB PA'I GTAN TSIGS LTAR SNANG GI DBYE BA DE LA BRTEN NAS SHES PAR BYA'O,, RJES KHYAB KYI MTSAN NYID NI, BSGRUB BYA'I CHOS DANG 'BREL STOBS KYIS MTHUN PA'I PHYOGS NYID LA YOD PAR NGES PA DANG, 'DIR YANG RTAGS MTHUN PHYOGS LA YOD PA DANG, DE KHO NA YOD PA DANG, DE LTAR NGES PA BZHI LAS, DANG POS BYAS PA SGRA MI RTAG PAR BSGRUB PA'I 'GAL RTAGS YIN PA SEL LA, GNYIS PAS THUN MONG GI MA NGES PA YIN PAS TE, DE NI GNYIS KA LA YOD PA'O, ,PHYI MA GNYIS KYIS, MTHUN PHYOGS LA MED PAR DOGS PA DANG, MI MTHUN PHYOGS LA YANG YOD PAR DGOS PA SEL LO, ,RTAGS KHO NA MTHUN PHYOGS LA YOD CES MI BYA STE, MTHUN PHYOGS LA CHA GNYIS PA'I GTAN TSIGS LA RJES KHYAB MA GRUB PAR 'GYUR BA'I PHYIR RO, ,RTAGS MTHUN PHYOGS LA YOD PA KHO NA ZHES MI BYA STE, NYES PA DE NYID DU 'GYUR BAS GZHAN LDAN RNAM GCOD KYI TSUL DU SBYAR BAR BYA'O, ,LDOG KHYAB KYI MTSAN NYID NI BSGRUB BYA'I CHOS DANG, 'BREL STOBS KYIS MI MTHUN PA'I PHYOGS LA MED PA NYID DU NGES PA'O, ,DE LA YANG MI MTHUN PHYOGS LA MED PA DANG, MED PA KHO NA DANG, DE LTAR NGES PA BZHI LAS, DANG POS BYAS PA SGRA MI RTAG PAR BSGRUB PA'I 'GAL RTAGS YIN PA SEL LA, GNYIS PAS MI RTAG PAS RTZOL BYUNG SGRUB PA LTA BU MI MTHUN PHYOGS LA CHA GNYIS PA'I THUN MONG MA YIN PA'I MA NGES PA YIN

23a

, ,BA SEL LA, MI MTHUN PHYOGS KHO NA LA MED CES SMOS NA, MTHUN PHYOGS KYI PHYOGS GCIG LA MED PA LA LDOG KHYAB MA GRUB PAR 'GYUR BAS, KHYAB BYED DU LDOG PA'I LDOG TSUL SBYAR PA YIN LA, PHYI MA GNYIS KYIS LDOG PA LA THE TSOM ZA BA YIN PA SEL LO, ,RTAGS KHO NA MI MTHUN PHYOGS LA MED CES KYANG SBYAR BAR MI BYA'O, ,MTHUN PHYOGS KHO NA LA YOD PAR NGES NA MI MTHUN PHYOGS LAS LDOG PA GRUB ZIN PA'I PHYIR, KUN LAS BTUS LAS, RJES 'GRO LAS LOGS SU LDOG PAS SMOS PA'I DGOS PA CI ZHE NA, SLOB DPON DBANG PHYUG SNGE NA RE, DE LTAR GRUB ZIN YANG LDOG YUL MI MTHUN PHYOGS NGOS BZUNG NAS SNGA MA DE NYID NGES PAR BYA BA'I DON DU YIN NO ZHES ZER TO, ,SDE BDUN MDZAD PAS, DE BKAG NAS RJES SU 'GRO LDOG GI KHYAB PA GCIG DNGOS SU BSTAN PAS CIG SHOS SHUGS LA 'PHEN PA'I SBYOR BA GYIS KYI DBYE BA BSTAN PA'I DON CAN DU MDZAD DO, ,GNYIS PA NI, DANG PO PHYOGS CHOS KYI LTOS GZHI NI, RJES SU DPAG PAR BYA BA NI CHOS CAN, RTAGS KYI CHUL 'CHAD PA'I SKABS 'DIR SHES PAR 'DOD PA'I MI RTAG PA LTA BU'I CHOS KYI BYE BRAG DANG LDAN PA'I CHOS CAN LA MING DU SBYAR BAR BYA BA YIN TE, DE LA KHYOD KYI MING GIS 'DOGS PA'I RGYU MTSAN DANG, BTAGS PA'I DGOS PA KHYAD PAR CAN DANG, DNGOS LA GNOD BYED RNAMS YOD PA'I PHYIR, YANG RTZOD GZHI SGRA LTA BU CHOS CAN, BYAS PAS SGRA MI RTAG PAR BSGRUB PA'I SHES 'DOD CHOS CAN YIN TE, DE SGRUB KYI PHYIR RGOL SHES 'DOD DANG LDAN PA'I NGOR RGOL BA

23b

YANG DAG GIS BSGRUB BYA'I CHOS KYI DPAG GZHIR GZUNG BA'I PHYIR, RTZOD GZHI LA, PHYOGS KYI MING GIS BTAGS NAS BSTAN PA'I DGOS PA SOGS RNAM 'GREL RNAM NGES GNYIS KYI BZHED PA BZHIN LOGS NA RGYAS PAR GTAN LA PHAB YOD PAS DER BLTA BAR BYA'O, ,GNYIS PA RJES KHYAB KYI LTOS GZHI MTHUN PA'I PHYOGS KYI MTSAN NYID NI BSGRUB TSUL DANG MTHUN PA'I BSGRUB PAR BYA BA'I CHOS KYI SPYI DANG DON MTHUN PA'O, ,BDOD KYI MKHAS PA KHA CIG BSGRUB BYA'I CHOS LDAN MTHUN PHYOGS KYI MTSAN NYID DU MDZAD NAS, MI RTAG PA RANG NYID RANG DANG LDAN PA MI 'THAD PAS BSGRUB BYA'I CHOS KYI RANG LDOG MI MTHUN PHYOGS SU MDZAD PA YANG RIGS PAS GRUB PAR MI SOGS SO, ,YANG KHA CIG RTZOD GZHI DANG MTSUNGS PA MTSAN NYID DU BYAS NAS, RTZOD GZHI MTHUN PHYOGS SU MI BYED PA YANG RNAM PAR NGES PA'I GZHUNG GI DON LEGS PAR MA RTOGS SHING, MKHAS PA CHEN PO YIN KYANG SKABS 'DIR SGRA BSHAD PA DANG 'JUG PA'I KHYAD PAR MA PHYED PAR ZAD DO, ,YANG ME YOD DU NGES NA MTHUN PHYOGS DANG; ME MED DU NGES NA MI MTHUN PHYOGS DANG, GANG DU YANG MA NGES PA'I GZHI PHUNG GSUM YIN PAS MTHUN PHYOGS DANG MI MTHUN PHYOGS DNGOS 'GAL MA YIN PAR 'DOD PA YANG RIGS PAR MI SEMS TE, DE LTA NA ME YOD MED KYANG DNGOS 'GAL MA YIN PAR KUN NAS MTSUNGS TE, DE GNYIS GANG DU YANG MA NGES PAR DU BA DANG LDAN BA'I LA TSAD MAS NGES PA DU MA YOD PA'I PHYIR RO, ,DES PHAN TSUN SPANGS 'GAL GYI DNGOS 'GAL NYAMS PAR GA LA 'GYUR, TSAD MA RNAM NGES LAS, PHAN TSUN

24a

, ,SPANGS TE GNAS PA'I MTSAN NYID YIN PAS, PHUNG PO GSUM PA LDOG PAR BYED DO, ,ZHES GSUNGS PA YANG SEMS PAR RIGS SO, ,GSUM PA LDOG KHYAB SGRUB BYED KYI YAN LAG 'BREL PA'I DON LDOG GI LTOS GZHI MI MTHUN PA'I PHYOGS KYI MTSAN NYID NI SGRUB TSUL DANG MTHUN PA'I BSGRUB BYA'I CHOS KYI SPYIS DON MI MTHUN PA ZHES PA, MTHUN PA'I PHYOGS MA YIN TE DE LA DBYE BA DU BAS ME BSGRUB PA LA MTSON NA, MTHUN PA'I PHYOGS DE LAS GZHAN PA MI MTHUN PHYOGS GRANG DRO GANG YANG MA YIN PA'I REG BYA BTANG SNYOMS PA LTA BU DANG, DE DANG 'GAL BA MI MTHUN PHYOGS GRANG REG DANG, BSGRUB BYA'I CHOS DE MED PA MI MTHUN PHYOGS MES STONG BA'O, ,MED BA MI MTHUN PHYOGS NI, DNGOS SU MTHUN PHYOGS KYIS STONG BAR RTOGS LA, GZHAN GNYIS SHUGS KYI DES STONG BAR RTOGS SHING, GSUM GA YANG MI MTHUN PA'I PHYOGS YIN NO, ,GSUM PA LA GSUM, TSUL GSUM DANG LDAN PA'I RTAGS KYI DBYE BA DANG, DBYE BA DPER BRJOD PA DANG, MTSAN GZHI LA MTSAN NYID NGES BYED KYI TSAD MA BSHAD PA'I SGO NAS GRANGS NGES BSGRUB PA'O, ,DANG PO NI, TSUL GSUM PA YANG CHOS CAN, RTAGS GSUM KHO NA DANG LDAN PA STE, MI DMIGS PA DANG RANG BZHIN DANG, 'BRAS BU'I GTAN TSIGS GSUM KHO NA LA NGES PA'I PHYIR RO, ,YANG GI SGRAS TSUL GSUM PA'I RTAGS BRIS PA'I LAN SDUD PA'O, ,GNYIS PA LA GSUM GYI DANG PO MA DMIGS PA'I GTAN TSIGS KYI DPE LA GNYIS, SBYOR BA DPER BRJOD PA DANG, GTAN

24b

TSIGS KYI KHYAD PAR BSHAD PA'O, ,DANG PO NI, DE LA MI DMIGS PA'I GTAN TSIGS NI DPER NA PHYOGS KYI BYE BRAG SNANG RUNG BUM PA MA DMIGS PA'I GZHI 'GA' ZHIG NA CHOS CAN, BUM PA MED DE, BUM PA YOD NA DMIGS PA'I RIG BYAR GYUR BA LAS MA DMIGS PA'I PHYIR RO ZHES BYA BA LTA BU'O, ,LTO LDIR BAS NGAG PA'I SA PHYOGS CHOS CAN, BUM PA MED DE, LTO LDIR BA DMIGS RUNG MA DMIGS PA'I PHYIR CES KYANG RUNG MOD KYI, BUM PAS DAG PA'I GZHI CHOS CAN, BUM PA MED DE, ZHES MI BYA'O, ,SNANG RUNG BUM PA MA DMIGS PA'I GZHI CHOS CAN, BUM PA MED DE, BUM PA SNANG RUNG MA DMIGS PA'I PHYIR RO, ZHES PA NI YANG DAG TU 'GYUR YANG SHIN TU RTOGS PAR DKA' BA'I GNAS YOD PAS 'OG TU BSHAD PAR BYA'O,, DMIGS PA'I RIG BYAR GYUR PA ZHES SAM, DMIGS PA'I MTSAN NYID KYIR GYUR PA ZHES PA LA, DMIGS PA NI BUM 'DZIN MNGON SU MA YIN LA, DE'I TSAN NYID RKYEN GSUM TSOGS PA STE, DES DMIGS PA MTSON PA'I DON YIN NO ,, DMIGS PA'I MTSAN NYID DU GYUR PA NI, MNGON SUM LA SNANG RUNG STE, DA MI DMIGS PA'I PHYIR RO, ZHES PA GTAN TSIGS SO, ,BUM PA MED PA JI LTAR SNANG RUNG YIN CE NA, 'DI YOD NA NGES PA KHO NAR SNANG BAR 'GYUR BAS SNANG RUNG DU BTAGS BA YIN NO, ,YOD NA NGES PAR SNANG DU RUNG BA CI YIN ZHE NA, DE MTHONG BA'I MNGON SUM GYI RGYU TSOGS GZHAN TSANG BA'I PHYIR TE, DE DANG MNGON SUM GCIG GI GZUNG YUL DU 'DRE RUNG BA'I SA PHYOGS 'DZIN PA'I MNGON SUM GYI RKYEN GSUM TSANG BA'I

25a

, ,PHYIR, DE YANG YOD NA DES PA KHO NAR DMIGS PAR 'GYUR RO, ,SNANG RUNG DU SGRO BTAGS PA'I BUM PA DMIGS BYED KYI TSAD MA MED PA NI SNANG RUNG MA DMIGS PA ZHES BYA'O, ,BUM PAS DBEN PA'I SA PHYOGS DANG, DE 'DZIN PA'I MNGON SUM NI, BUM PA SNANG BA MI DMIGS PAR NGES PA'I RGYU YIN PA'I PHYIR SNANG BA MA DMIGS PA ZHES BYA'O, ,MNGON SUM GCIG GI GZUNG YUL DU 'DRES RUNG GI GZHI MA DMIGS PA DE SRID DU, SNANG RUNG MA DMIGS PAR NGES PA MED PAS SA PHYOGS DANG MNGON SUM GYIS KA LA BUM PA SNANG RUNG MA DMIGS PA ZHES BRJOD PA YIN NO, ,GNYIS PA NI, DMIGS PA'I RIG BYAR GYUR PA NI BUM PA DMIGS PA'I RIG BYAR GYUR PA'I DON TE, DE DMIGS PA'I RKYEN GZHAN DBANG PO DANG YID BYED TSANG BA DE NYID DANG BUM PA NI SA PHYOGS LAS RANG BZHIN KHYAD BAR CAN TE, RANG BZHIN GANG BUM PA YOD PA DMIGS PA'I RKYEN GZHAN DBANG YID DAG KYANG YOD NA BUM PA MNGON SUM KHO NAR 'GYUR BA'O, ,DON NI BUM PAS DBEN PA'I SA PHYOGS NA CHOS CAN, BUM PA YOD NA DMIGS PA KHO NAR 'GYUR BAS KHYAB STE, DE YOD NA SA PHYOGS 'DZIN PA'I MNGON SUM GYI GZUNG YUL DU 'DRES RUNG BA GANG ZHIG RKYEN GZHAN DBANG YID NUS PA MTHU CAN DU TSANG BA'I PHYIR CES PA'O, ,SNANG RUNG MA DMIGS PA LAS MED PA'I THA SNYAD BYED PA YIN GYI DE MED PAR MNGON SUM GYI LAG RJES LAS MED PA'I THA SNYAD NUS PA MA YIN TE, 'DI NI DMIGS SO ZHES BYA BA'AM MA DMIGS SO ZHES RTOG CAN GYI ZHES BSHAD PA LTAR, SA PHYOGS DMIGS PA DANG, BUM PA,

25b

DMIGS BYED KYI TSAD MA MED PA DE TZAM ZHIG MNGON SUM GYI LAG RJES LA NGES PAR NUS PA YIN NO, ,GNYIS PA RANG BZHIN GYI RTAGS NI GTAN TSIGS RANG YOD PA TZAM DU RANG CHAS SU RJES SU 'BREL BAR GYUR PA'I BSGRUB PAR BYA BA'I CHOS KYI GTAN TSIGS TE, DPER NA SHING SHA PA YIN PA'I PHYIR SHING SHA PA THUNG DU 'DI CHOS CAN, SHING NGO ZHES BYA BA LTA BU'O, ,'DI NI SHING SHA PA MANG DU YOD PA'I YUL NA SHING SHA BA'I THA SNYAD MI SHES PA'I GLEN PA GCIG LA SHA BA RING PO ZHIG BSTAN NAS, 'DI SHING YIN NO ZHES BRDA SBYAR BA NA GLEN PA DES SHA PA RING POS KHYAD PAR DU BYAS PA SHING GI THA SNYAD KYI RGYU MTSAN DU BZUNG NAS, THUNG DU MTHONG NA SHING MA YIN NO SNYAM DU GO BAS DE LA SHING SHA PAR RTOGS PA'I YAL GA LA SOGS PA DANG LDAN PA RGYU MTSAN YIN GYI RING PO SOGS MA YIN NO, ZHES STON PAR BYED PAS THA SNYAD BSGRUB TU SHES PAR BYA'O, ,GSUM PA 'BRAS BU'I GTAN TSIGS NI DPER NA DU BA YOD PA'I PHYIR, DU BA DANG LDAN PA'I LA 'DI NA CHOS CAN, ME YOD DO ZHES BYA BA LTA BU'O,, 'BRAS RANG MA DMIGS PA'I RTAGS GSUM GYI MTSAN NYID NI GO BAR ZAD DO, ,GSUM PA LA GNYIS, DBYE BA GSUM STON PA'I RGYU MTSAN DANG, GSUM DU GRANGS NGES PA'I RGYU MTSAN NO, ,DANG PO NI RTAGS KYI MTSAN GZHI STON PA NA GCIG KHO NA BSTAN PAR RIGS PA MA YIN NAM RNAM PA'I RAB DBYE STON NA, RANG BZHIN GYI RTAGS LA YANG MTHA' YAS PA'I PHYIR, GSUM NYID DU MI RIGS SO ZHE NA, TSUL GSUM PA'I RTAGS 'DI LA CHOS CAN, GSUM KHO NAR NGES TE, RANG BZHIN DANG 'BRAS

26a

, ,BU'I GTAN TSIGS GNYIS NI DNGOS BSGRUB PA'O STE, SGRUB RTAGS GNYIS KHO NAR NGES PA DANG, GCIG NI DGAG PA'I GTAN TSIGS SO STE, DGAG RTAGS DANG GSUM DU 'DUS PA'I PHYIR RO, ,BSGRUB BYA'I SGO NAS DBYE BA BYED PA MA GTOGS DBYE MI NUS LA, BSGRUB BYA LA DGAG PA DANG, SGRUB PA GNYIS SU NGES LA, PHYI MA LA BSGRUB BYA'I CHOS DANG, NGO BO THA DAD RTAGS SU BKOD PA DANG, NGO BO THA MI DAD RTAGS SU BKOD PA GNYIS SU NGES SO, ,SLOB DPON SH'AKYA BLOS DE LA GNYIS NI, DNGOS PO BSGRUB PA KHO NA ZHES BYA'I DNGOS PO KHO NA SGRUB CES MI BYA STE, DGAG BA YANG BSGRUB PA'I PHYIR RO, ,GCIG NI DGAG PA KHO NA'I GTAN TSIG ZHES BSHAD PA LTAR 'BRAS RANG GNYIS KYIS KYANG DGAG BA BSGRUB CING, DE LA BRTEN PA'I RJES DPAG GIS DGAG PA 'JAL LA DGAG RTAGS DANG, DGAG RTOG CES MI BYA STE, DE NI DNGOS KYI YUL LA BLTOS PA'I PHYIR RO, ,SGRA CHOS CAN RTAG BA MA YIN TE, BYAS PA'I PHYIR CES PA LTA BU 'GAL KHYAB DMIGS PA'I DGAG RTAGS SU 'GYUR BAS SO, 'O NA DU BA DANG LDAN PA'I LA CHOS CAN, GRANG REG GIS STONG BA'I ME YOD DE, DU BA YOD PA'I PHYIR CES PA YANG DGAG RTAGS SU 'GYUR LA, 'DOD NA 'BRAS RTAGS MA YIN PAR 'GYUR RO, ZHE NA, PHYIR RGOL GYI SHES 'DOD DANG, RGOL BA'I DPAG 'DOD GRANG REG GIS STONG BA LA GTZO BOR ZHUGS NA ME YOD SBYOR TSUL TZAM YIN GYI, DON DGAG RTAGS SU 'GYUR BAS SO, ,'O NA ME MI RTOGS PAR 'GYUR ZHE NA, KHYAB PA MED LA ME LA GTZO BOR SHES 'DOD ZHUGS NA 'BRAS RTAGS YIN

26b

GYI; GRANG REG GI STONG BA SBYOR TSUL TZAM DU ZAD DO, ,GNYIS PA LA GNYIS, 'BREL PA LA BLTOS NAS SGRUB RTAGS GNYIS SU NGES PAR BSGRUB PA DANG, DGAG RTAGS NGES BYED KYI TSAD MA BSHAD PA'O, ,DANG PO LA GNYIS, RANG BZHIN 'BREL PA LA BRTEN NAS BSGRUB BYA GO NUS PA'I RGYU MTSAN DANG, DES SGRUB RTAGS GNYIS KHO NAR GRUB BA'O, ,DANG PO NI, CI'I PHYIR GSUM YANG DAG PA'I GTAN TSIGS YIN LA, DE LAS GZHAN MED CE NA, 'BRAS BU DANG KHYAB BYA'I DON GYIS RGYU DANG KHYAB BYED KYI DON GO BAR BYED DE, DE GNYIS DE LA RANG BZHIN 'BREL PA YOD NA STE YOD PA'I PHYIR RO, ,'BREL BA MED NA MI 'GRUB STE, RGYU DANG KHYAB BYED LA 'BRAS BU DANG KHYAB BYA'I RANG BZHIN DES MA 'BREL NA RGYU DANG KHYAB BYED DER MI 'KHRUL BAR NGES PA MED PA'I PHYIR RO, ,RTAGS SGRON ME BZHIN DU BSGRUB BYA GO BAR BYED PA MA YIN GYI 'BREL PA NGES PA LA BRTEN NAS GO BYA GO BYED DU 'GYUR PA YIN NO, ,GO BYED DE GNYIS GANG ZHIG GANG LA 'BREL PA YIN CE NA, BSGRUB BAR BYA BA'I CHOS KYI DON LA RTAGS 'BREL BA DE YANG CHOS CAN, GNYIS SU YOD DE, BYAS PA LTA BU DNGOS SU NI MI RTAG PA LTA BU'I BSGRUB PAR BYA BA'I CHOS KYI DON GYI BDAG GCIG PA'I KHYAB BYA'I RANG BZHIN YIN PA'I PHYIR DANG, DU BA LTA BU BSGRUB PAR BYA BA'I DON ME LTA BU LAS BYUNG BA'I PHYIR TE, BSGRUB BYA'I CHOS DE'I BDAG GCIG PA'I KHYAB BYA'I RANG BZHIN MA YIN PA DANG DE LAS BYUNG BA MA YIN PA NI, DE DANG 'BREL PA MED PA'I RANG BZHIN YIN PA'I PHYIR RO, ,RANG BZHIN GYI GTAN TSIGS DAM BCA'I DON GYI PHYOGS GCIG

27a

, ,RTAGS SU BKOD PA'I MA GRUB PAR 'GYUR RO, ZHE NA, SKYON MED PA NI, DNGOS SU NI ZHES SMOS TE, SGRA BYAS MI RTAG PA GSUM DON DAM PAR THA DAD MA YIN GYI RTOG PAS BTAGS PA'I THA DAD YIN LA DE YANG NGES DKA' SLA'I KHYAD PAR YOD PAS NYES PA MED LA, GRUB BDE RDZAS GCIG YIN KYANG RJOD BYED SGRA DANG RTOG PA RNAMS SEL BA'I DBANG GIS 'JUG PA YIN GYI BSGRUB PA'I DBANG GIS 'JUG PA DANG, SGRUB PA KHO NA LA 'JUG PA MA YIN PAS DON DAM PA'I GNAS TSOD BSHAD PA NYID KYIS KUN RDZOB TU YOD PA'I TSUL 'BAD MED DU GRUB PA SOGS RNAM GZHAG THAMS CAD 'THAD PAR 'GYUR RO, ,GNYIS PA NI, 'BREL PA GNYIS SU ZAD MOD SGRUB RTAGS GNYIS SU JI LTAR NGES ZHE NA, DNGOS KYI 'BREL PA DE'I BDAG NYID DE LAS 'BYUNG BA DE GNYIS KYANG BSGRUB BYA GO BAR BYED PA'I TSE, RANG BZHIN DANG 'BRAS BU KHO NA'I GTAN TSIGS YIN PA DE BAS NA, DE GNYIS KHO NAS BSGRUB BYA DNGOS PO GRUB BO, ,SGRUB RTAGS GNYIS SU NGES TE, 'BREL PA GNYIS SU NGES PA'I PHYIR RO, ,'BREL PA GNYIS KYI DON LDOG BSGRUBS PAS DGAG RTAGS 'BAD MED DU GRUB PAR 'GYUR BA'I TSUL NI GZHAN DU RGYAS PAR BSHAD ZIN TO, ,GNYIS PA LA GNYIS, DGAG RTAGS KYI 'BREL BA NGES PA'I TSUL DANG, DGAG RTAGS KYI SBYOR PA'I DBYE BA BSHAD PA'O, ,DANG PO LA GSUM, DGAG PA 'GRUB PA SNANG RUNG MA DMIGS PA LA BLTOS PA DANG, MI SNANG BA MA DMIGS PAS MED NGES MI 'GRUB PA DANG, SNANG RUNG MA DMIGS PA'I GTAN TSIGS 'JUG DUS DANG BYED LAS BSHAD PA'O, ,DANG PO NI, GONG DU DGAG PA 'GRUB PA

27b

SNANG BA MA DMIGS PA LA BLTOS PAR BSHAD NA MI SNANG BA MA DMIGS PAS KYANG GRUB PA MA YIN NAM ZHE NA, MED NGES DANG MED PA'I THA SNYAD KYIS DGAG PA BSGRUB PA YANG CHOS CAN, SNANG RUNG MI DMIGS PA JI SKAD SMOS PA KHO NAS DNGOS SU 'GRUB BAR 'GYUR TE, SNANG RUNG GI DNGOS PO YOD NA NI SNANG RUNG MA DMIGS PA DE MI SRID PA'I PHYIR RO, ,DE YANG RKYEN GZHAN TSAD MA'I SNANG RUNG BUM PA YOD NA DMIGS PAS KHYAB PA'I PHYIR, GNYIS PA NI, SNANG RUNG MA DMIGS PA DE LAS GZHAN DU NA MED NGES DNGOS SU SGRUB PA RI MI NUS TE, YUL DU MAS BAR DU CHOD PA'I YUL DANG BSKAL BA DU MAS BAR DU CHOS PA'I DUS DANG YOD KYANG RGOL PHYIR RGOL GANG GIS KYANG DMIGS SU MI RUNG BA RANG BZHIN GYIS BSKAL BA'I DON RKYEN GZHAN TSOGS PA DANG, RANG BZHIN KHYAD PAR CAN DANG BRAL BAS DMIGS PA'I RIG BYAR MA GYUR PA RNAMS LA RANG GI MNGON SUM RANG 'DZIN PAR BYED PA'I RGOL PHYIR RGOL GYI MNGON SUM LOG KYANG BSKAL PA'I DNGOS PO MED PAR NGES PA MED PA'I PHYIR RO, ,DE YANG RANG DANG MNGON SUM GCIG GI GZUNG YUL DU 'DRES RUNG BA'I SA PHYOGS 'DZIN PA'I MNGON SUM GYI DBANG YID GNYIS DANG BRAL BA DANG, SA PHYOGS LAS RANG BZHIN KHYAD PAR CAN BSKAL PA'I DON LAS 'DAS PA MA YIN PAS DMIGS PA'I RIG BYAR MA GYUR PA ZHES BYA'O, ,DE YANG SA PHYOGS LAS DON GZHAN PA'I SHA ZA 'GOG PA LTA BU LA YIN GYI SA PHYOGS SHA ZA DANG GRUB BDE RDZAS GCIG 'GOG PA LA NI SNANG BA MA DMIGS PA SBYAR BAR BYA BA YIN NO, ,GSUM PA NI, SNANG BA MA DMIGS PA SGRUB BYED DU 'GYUR BA'I DUS DANG, NGO BO

28a

, ,DANG BYA BA CI ZHIG BYED CE NA, BUM PA LA SOGS PA MED DU ZIN KYANG SA PHYOGS DANG SHES PA GCIG LA 'DRER RUNG BAR MTHONG BA NA SNANG RUNG NYID DU BRTAG PAR BYA BA YIN PA'I PHYIR, MNGON SUM ZHES SNGAR BSHAD PA LTAR BTAGS NAS BZHAG GO, ,SA PHYOGS DANG DE 'DZIN GYI MNGON SUM GNYIS LA MNGON SUM GYI BUM PA MED CES BYA'I, BUM PA LOG TZAM DANG DER 'DZIN GYI MNGON SUM LOG TZAM LA MI BYA STE, DE LOG TZAM LAS SNANG RUNG GI BUM PA LOG PAR NGES PA MED PA'I PHYIR RO, ,'O NA SNANG RUNG MA DMIGS PA LAS SNANG RUNG GI BUM PA MED PAR NGES PA MA YIN NAM ZHE NA, BDEN MOD KYI SHES PA GCIG LA 'DREN RUNG GI SA PHYOGS 'BA' ZHIG SNANG BA NA, BUM PA YOD NA SNANG BA KHO NAR 'GYUR LA, DE LAS SNANG RUNG MA DMIGS PA NGES PA'I SHUGS LA SNANG RUNG GI DON MED PAR NGES PA YIN TE, SNANG RUNG GI DON YOD NA SNANG BA MA DMIGS PA MI GRUB PA'I PHYIR RO, ,NGES NA KHA SANG DANG DE RING GI BUM PAS DBEN PA'I SA PHYOGS DANG; BUM PA DMIGS RUNG MA DMIGS PA LA MA RMONGS PAR DE DRAN PA'I 'DU BYED MA NYAMS PAR YOD PA'I SGRUB PA PO RGOL BA'I MNGON SUM 'DAS PA DANG DA LTAR GYI YUL KHA SANG DANG, DA LTAR GYI SNANG RUNG GI BUM PA LOG NA BUM PA'I DNGOS PO MED PA'I THA SNYAD 'JUG STE, JI SKAD BSHAD PA'I DUS KYI SNANG RUNG MA DMIGS PA DE NYID KYIS SNANG RUNG GI DNGOS PO MED BAR NGES PAR 'GRUB PA'I PHYIR RO, ,DON NI 'DI YIN TE KHA SANG GI SA PHYOGS DANG, DE RING GI DUS KYI SA PHYOGS DANG,

28b

BUM PA SNANG RUNG MA DMIGS PA GSAL BAR DRAN BA NA, KHA SANG 'DI NA BUM PA MED DE, SNANG RUNG MA DMIGS PA'I PHYIR CES PA DANG, DE RING 'DI NA BUM PA MED DE, SNANG RUNG MA DMIGS PA'I PHYIR CES BSGRUB NUS KYI, PHYIS 'DI NA BUM BA YOD BAR MI 'GYUR TE, MA DMIGS PA'I PHYIR RO, ZHES SGRUB MI NUS TE, MA 'ONGS PA'I BUM PA MA DMIGS PA LA THE TSOM ZA BA'I PHYIR RO, ZHES PA'I DON TO, ,DON BSDUS NA SNANG RUNG BUM PA MA DMIGS PA CHOS CAN, SNANG RUNG BUM PA MA DMIGS PA'I SA PHYOGS NA, SNANG RUNG BUM PA MED PAR BSGRUB NUS TE, DE BSGRUB PA LA TSUL GSUM TSANG BA'I PHYIR CES PA'O, ,DNGOS PO MED PA'I THA SNYAD NI 'DI NA BUM PA MED DO SNYAM PA DANG, DES KUN NAS BSLANG PA'I BUM PA MED DO ZHES PA'I SGRA DANG, DGOS PA MED PAR BUM PA LEN PAR 'GRO BA DANG 'ONG BA'I LUS KYI MED PA'I THA SNYAD GSUM 'JUG PAR BYED DO, ,DON GRUB ZIN PA LA BSAMS NAS BUM MED MI SGRUB PAR 'DOD PA DANG, SBYOR BA 'GOD PA'I TSE BUM PA MED PA'I THA SNYAD BYAR RUNG STE, ZHES ZER BA NI RNAM GZHAG MA CHAGS PA'O, ,MNGON SUM GYIS SA PHYOGS NYI TSE DMIGS PA NA, BUM PA MED DO SNYAM DU NGES PA MNGON SUM GYI BYED PA'I RJES SU 'BRANG BA YIN MOD KYI, SNANG RUNG MA DMIGS PA RTOGS PA'I SHUGS NYID LAS SNANG RUNG GI BUM PA MED PAR RTOGS PA YIN PAS, SNANG BA MA DMIGS PA LA MA LTOS PAR MNGON SUM GYI BUM PA MED PA'I THA SNYAD NUS BA MA YIN NO, ,GNYIS PA LA GSUM, SBYOR BA'I DBYE BA BSHAD PA DANG, RANG DON DU SBYOR BA'I DBYE BA BSHAD PA'I DGOS PA DANG,

29a

, ,DGAG PA 'GRUB PA SNANG RUNG MA DMIGS PA LA BLTOS PAR BSGRUB PA'O, ,DANG PO LA GSUM, GRANGS MDOR BSTAN BA DANG, SO SO'I DBYE BA BSHAD PA DANG, LHAN CIG MI GNAS 'GAL LA BRTEN PA'I DGAG RTAGS BCU RANG BZHIN MA DMIGS PAR 'DUS TSUL LO, ,DANG PO NI, DGAG PA'I GTAN TSIG DE NI CHOS CAN, SGRA SBYOR BA'I TSUL MI 'DRA BA'I BYE BRAG GI RNAM PA BCU GCIG STE, 'GAL ZLA BSGRUB PA DANG, 'BREL YUL BKAG PA'I SGO NAS LHAN CIG MI GNAS 'GAL LA BRTEN PA'I DGAG RTAGS BCU PHUN TSUN SPANG 'GAL LA BRTEN PA'I 'GAL KHYAB DMIGS PA'I DGAG RTAGS RNAM SU YOD PA'I PHYIR, GNYIS PA LA GSUM, 'BREL YUL MA DMIGS PA GSUM DANG 'GAL DMIGS KYI GTZO BO GNYIS BSHAD PA DANG, PHAN TSUN SPANGS 'GAL GYI 'GAL DMIGS BSHAD BA DANG, 'BRAS BU 'GAL DMIGS SOGS BSHAD PA'O, ,DANG PO NI, DGAG GZHI DER DGAG BYA'I CHOS YOD NA MNGON SUM LA SNANG RUNG YIN NA PHAL CHER MNGON SUM GYIS DGAG PA BYED LA GTAN TSIGS KYI BYED PA 'JUG DGOS NA THA SNYAD LA RMONGS PAR ZAD PAS RANG BZHIN MA DMIGS PA'I GTAN TSIGS DNGOS 'JUG DUS YIN PAS RANG BZHIN MA DMIGS PA NI DPER NA DU BA SNANG RUNG MA DMIGS PA'I SA PHYOGS 'DI NA CHOS CAN, DU BA MED DE, DU BA YOD NA DMIGS PA'I RIG BYAR GYUR PA LAS MA DMIGS PA'I PHYIR RO ZHES BYA BA LTA BU'O, ,DE RANG BZHIN MA DMIGS PA'I GTAN TSIGS DNGOS YIN TE, DU MED BSGRUB BYA'I CHOS DANG DE'I DON

29b

LDOG RTAGS SU BKOD PA LA 'BREL ZLA MA DMIGS PA'I TSUL GSUM TSANG BA YIN PA'I PHYIR CES PA'O, ,DNGOS KYI 'BRAS BU MA DMIGS PA NI DPER NA STENG GI CHAR DU BA YOD NA PHYIR RGOL GYI MNGON SUM LA SNANG DU RUNG 'OG GI CHAR ME YOD KYANG, PHYIR RGOL GYI MNGON SUM LA SNANG DU MI RUNG BA'I DU BA SNANG RUNG MA DMIGS PA'I DANG RA KUN NAS BSKOR BA'I BLA GAB MED PA 'DI NA CHOS CAN, DU BA'I DNGOS RGYU NUS PA THOGS PA MED PA DAG RGYUN CHAGS SU GNAS PA MED DE, DU BA MED PA'I PHYIR RO ZHES BYA BA LTA BU'O, , 'DI YANG ME SNANG RUNG GI GZHIR RANG BZHIN MA DMIGS PA SBYAR BAR BYA BA YIN KYANG ME SNANG DU MI RUNG DU BA YOD NA SNANG DU RUNG BA'I TSE 'JUG PA YIN GYI, DE YANG DNGOS RGYU THA MA MA GTOGS ME TZAM MED PA NI, DU BA MED PAS BSGRUB NUS PA MA YIN NO, , DU BAS DBEN PA'I NAM MKHA'I YUL DANG BCAS TE CHOS CAN DU 'GYUR BA YIN NO, ,RNAM NGES SU 'DIR RANG BZHIN MI DMIGS PAR BSHAD DO, ,GZHI DER DGAG BYA'I CHOS DE'I KHYAB BYED YONG NA, SNANG RUNG YIN NA KHYAB BYED MA DMIGS PA 'JUG PAS KHYAB PAR BYED PA MI DMIGS PA NI DPER NA RI'I RTZE MO MTHO BA GNYIS LAS G-YAS KYI RI'I NGOS LA SHING GI TSOGS MANG PO YOD KYANG SHA PA DANG SHING GZHAN GYI KHYAD PAR MNGON SUM GYI STOBS KYIS NGES MI NUS PA DANG THAG NYE RING SOGS MTSUNGS PA'I G-YON GYI RI'I NGOS LA SHING YOD NA MNGON SUM GYIS RTOGS NUS, SHA PA YOD KYANG DE'I LDOG PA LA MNGON SUM GYIS NGES PA 'DREN MI NUS PA'I SHING GIS DAG PA'I G-YON GYI RI'I NGOS 'DI NA CHOS CAN, SHING MED PA'I PHYIR SHA PA MED DO ZHES BYA BA LTA BU'O,

30a

, ,KHYAB BYED MA DMIGS PAR BSGRUB PA NI GO BAR SLA'O, ,GZHI DER GRANG REG YOD KYANG MNGON SUM GYI STOBS KYIS NGES MI NUS, ME YOD NA NGES NUS PA'I GZHIR 'GAL ZLA BSGRUBS NAS 'GOG PA RANG BZHIN 'GAL BA DMIGS PA NI DPER NA MES KHYAB PAR NON PA'I GZHI 'DI NA CHOS CAN, MES KHYAB PAR YOD PA'I PHYIR, GRANG BA'I REG PA RGYUN CHAGS SU GNAS PA MED DO ZHES BYA BA LTA BU'O, ,GRANG REG STOBS CAN RGYUN CHAGS PA MED CES MI BYA STE, ME DANG STOBS MNYAM PA DANG DE LAS STOBS CHE BA RTAGS KYIS 'GOG NA RANG BZHIN MA DMIGS PA'I GTAN TSIGS 'JUG PAS SO, ,'GAL BA MNGON SUM GYIS NGES PA'I TSUL NI, 'GAL 'BREL DES PAR BYE DE PA'I BSTAN BCOS ZUR NA YOD PAS DER BLTA BAR BYA'O, ,DGAG BYA'I CHOS DANG DNGOS SU 'GAL BA'I ME'I 'BRAS BU DMIGS PA RTAGS SU BKOD PA NI DPER NA ME DANG GRANG REG YOD KYANG PHYIR RGOL GYI MNGON SUM LA SNANG DU MI RUNG, DU BA SNANG DU RUNG PA'I DU BA'I TSOGS CHEN POS KHYAB PA'I KHANG MIG 'DI NA CHOS CAN, GRANG BA'I REG PAS KHYAB PA RGYUN CHAGS SU GNAS PA MED DE, DU BA'I TSOGS CHEN POS KHYAB PAR YOD PA'I PHYIR CES BYA BA LTA BU'O, ,SKAR KHUNG GI PHYOGS NAS DU BA SNANG BA DANG, KHANG PA'I NANG GI PHYOGS KUN CHOS CAN GYI NANG DU 'DUS PA YIN NO, ,GRANG REG DANG ME SNANG RUNG YIN NA RANG BZHIN MA DMIGS PA DANG, RANG BZHIN 'GAL DMIGS SBYOR LA GNYIS MI SNANG ZHING 'GAL BA'I 'BRAS BU DMIGS PA'I TSE 'DI 'JUG PA YIN NO, ,DE YANG DU BAS KHANG

30b

MIG GI NANG NA GRANG BAS KHYAB PAR YOD BA SEL NUS PA'I ME RJES SU DPAG PA LAS YIN NO, ,GNYIS PA NI, DGAG BYA'I CHOS DANG 'GAL BAS KHYAB PA DMIGS PA RTAGS SU BKOD PA NI DPER NA DNGOS PO BYUNG BA YANG CHOS CAN, GDON MI ZA BAR 'JIG PAR 'GYUR PAR NGES PA MED PAR THAL, 'JIG PAR 'GYUR BA PHYIS BYUNG GI RGYU GZHAN LA BLTOS PA'I PHYIR RO ZHES BYA BA LTA BU'O, ,YANG SGRAS MA SKYES PA LTA CI SMOS ZHES PA'O, ,LOG RTOG DGAG PA'I CHED DU THAL BA'I SBYOR BA SMRAS PAR ZAD KYI NGES 'PHANGS PA NI, DNGOS PO CHOS CAN, 'JIG PAR 'GYUR PA PHYIS BYUNG GI RGYU LA BLTOS PA MED DE, 'JIG NGES YIN PA'I PHYIR CES PA'O, ,THAL BA LTAR RANG RGYUD DPE LA SBYAR NA, RAS DKAR PO CHOS CAN, SNGON PO'I NGO BOR NGES PA MED DE SNGON POR 'GYUR BA PHYIS KYI TSON DON GZHAN LA BLTOS PA'I PHYIR CES PA LTA BU'O, ,SGRA LA RTAG PA BDAG GCIG PA 'GOG PA NI, RTAG PA SNANG RUNG DU BRTAGS NAS 'GOG PA YIN LA, DE BZHIN DU BUM PA SHA ZA YIN PA 'GOG PA NA, BUM PA DANG 'DRA BAR SNANG RUNG MA DMIGS PAS DGAG PAR BYA BA YIN NO, ,DES NA RTAG MI RTAG LTA BU PHAN TSUN SPANGS 'GAL DU NGES PAR BYED PA NA, SNANG RUNG GI SGRA LA RTAG PA 'GOG PA YANG SNANG MA DMIGS PA KHO NA LAS YIN NO, ,DES NA GTAN TSIGS 'DI YANG RANG BZHIN MA DMIGS PA'I NANG DU 'DUS PA YIN NO, ,GSUM PA NI, DGAG BYA'I CHOS KYI 'BRAS BU DANG DNGOS SU 'GAL BA DMIGS PA NI DPER NA GRANG REG GI RGYU PHYIR RGOL GYI MNGON SUM LA SNANG RUNG DU MI RUNG BA'I MES KHYAB PAR NON PA'I PHYOGS

31a

, ,'DI NA CHOS CAN, GRANG BA'I RGYU NUS PA THOGS PA MED PA DAG RGYUN CHAGS SU GNAS PA MED DE MES KHYAB PAR YOD PA'I PHYIR CES BYA BA LTA BU'O, ,GRANG REG DANG GRANG REG GI RGYU SNANG RUNG YIN NA, DNGOS 'BRAS MA DMIGS PA DANG, RANG BZHIN MA DMIGS PA GO BYED DU 'GYUR LA DE GNYIS YOD KYANG RGYANG RING PO NAS MI SNANG LA ME GSAL BA'I KHA DOG CAN YIN PAS RGYANG RING PO NAS SNANG BA DER SBYAR BAR BYA'O, ,'BRAS BU 'GAL DMIGS KYI GTAN TSIGS YIN TE DGAG BYA'I CHOS KYI DNGOS 'BRAS DANG, DNGOS SU 'GAL BA DMIGS PA LA TSUL GSUM TSANG BA'I PHYIR, GONG 'OG GZHAN LA YANG DE DANG 'DRA BAR SBYAR BAR BYA'O, ,KHYAB PAR BYED PA 'GAL BA DMIGS PA NI DPER NA, BA REG DANG GRANG REG GNYIS KA PHYIR RGOL GYI MNGON SUM LA SNANG DU MI RUNG, ME SNANG DU RUNG ZHING MES KHYAB PAR NON PA'I PHYOGS 'DI NA CHOS CAN, BA MO'I REG PA RGYUN CHAGS SU GNAS PA MED DE, MES KHYAB PAR YOD PA'I PHYIR CES BYA BA LTA BU'O, ,DE GNYIS SNANG DU RUNG BA'I GZHI DER RANG BZHIN MA DMIGS PA DANG, KHYAB BYED MA DMIGS PA SBYAR BAR BYA BA YIN LA, ME LAS GRANG REG MED PAR BSGRUB NAS DE LAS BA REG MED PAR NGES PAR BYED PA YIN NO, ,RGYU MI DMIGS PA NI DPER NA MTSO CHEN PO MI G-YO BA DGU NA RLANGS PA 'THUL BA NAM MKHA'O ZI TZAM DU GYUR PA NA, DU BA YOD KYANG MNGON SUM GYI STOBS KYIS NGES MI NUS, ME YOD NA DES NUS PA'I MES DBEN PA'I MTSO CHEN PO 'DI NA CHOS CAN, DU BA MED DE, ME MED PA'I PHYIR CES BYA BA LTA BU'O, ,DER

31b

YANG DU BA SNANG RUNG YIN NA RANG BZHIN MA DMIGS PA GO BYED DU 'GYUR RO, ,RGYU DANG 'GAL BA DMIGS PA NI DPER NA GRANG BA'I REG PA DANG, DE'I 'BRAS BU SPU LONG BYED PA YOD KYANG PHYIR RGOL GYI MNGON SUM LA SNANG DU MI RUNG, GRANG BA SEL BAR BYED PA'I ME SNANG DU RUNG BA'I MES KHYAB PAR NON PA'I PHYOGS 'DI NA CHOS CAN, GRANG NAS SPU LONG ZHES BYED PA LA SOGS PA'I BYE BRAG DAG RGYUN CHAGS SU GNAS PA MED DE, GDUNG BAR BYED PA'I BYE BRAG GRANG BA SEL BA'I MES KHYAB PA'I TSUL GYIS NYE BA NYID KYI PHYIR RO ZHES BYA BA LTA BU'O, ,SOGS PAS SO TAG TAG BYED PA'O, ,RGYU DANG 'GAL BA'I 'BRAS BU DMIGS PA NI DPER NA SPU LONG BYED PA'I BYE BRAG DANG, RGYU GRANG REG DANG ME YOD KYANG PHYIR RGOL GYI MNGON SUM GYI STOBS KYIS NGES MI NUS, DU BA YOD NA NGES NUS PA'I RGYANG RING BO'I DU BAS KHYAB PAR NON PA'I PHYOGS 'DI NA CHOS CAN, SPU LONG ZHES BYED PA LA SOGS PA'I BYE BRAG RGYUN CHAGS SU GNAS PA DANG LDAN PA'I ME DANG LDAN PA MA YIN TE DU BAS KHYAB PAR YOD PA'I PHYIR CES BYA BA LTA BU'O,, DE GSUM SNANG RUNG YIN NA, RIM PA BZHIN DU RANG BZHIN MA DMIGS PA DANG RGYU MA DMIGS PA DANG RGYU 'GAL DMIGS SBYAR BAR BYA LA, GSUM CHAR MI SNANG BA DER SBYOR BA 'DI BYA'O, ,RGYU DANG 'GAL BA'I 'BRAS BU DMIGS PA'I GTAN TSIGS YIN TE; DGAG BYA'I CHOS KYI RGYU DANG DNGOS SU 'GAL BA'I 'BRAS BU DMIGS PA RTAGS SU BKOD PA LA TSUL GSUM TSANG BA'I PHYIR RO, ZHES PA'O, ,GSUM PA NI, SNGAR RANG BZHIN MA DMIGS PA GCIG PU DGAG PA'I GTAN TSIGS SU BSHAD

32a

, ,NAS 'DIR MI 'DRA BA DU MA BSHAD PA CI ZHE NA, DNGOS KYI 'BRAS BU MI DMIGS PA LA SOGS PA LHAN CIG MI GNAS 'GAL LA BRTEN PA'I MI DMIGS PA'I SBYOR BA BCU PO DE DAG THAMS CAD NI CHOS CAN, DON GZHAN YOD PA 'GAL ZLA SGRUB PA RTAGS SU BKOD PA DANG 'BREL YUL DGAG PA RTAGS SU BKOD PA DAG GI SBYOR BA 'GOD TSUL THA DAD KYANG MTHAR RANG BZHIN MI DMIGS PA'I NANG DU 'DU BAR 'GYUR RO, ,SBYOR BA'I 'GOD TSUL THA DAD KYANG MTHAR DGAG BYA DMIGS BYED KYI TSAD MA BKAG PA'I SGO NAS DGAG BYA 'GOG PAR 'DUS PA'I PHYIR RO, ,DNGOS SU RANG BZHIN MA DMIGS PA BRJOD PA MA YIN GYI ZO CHUN BRGYUD MO BZHIN DU BRGYUD PA'I SGO NAS DE'I NANG DU 'DUS PA YIN TE, JI LTAR ZHE NA; LA LAR NI 'BRAS BU YOD NA SNANG RUNG BKAG NAS DE'I RGYU NUS PA THOGS MED 'GOG PAR BYED LA, LA LAR SNANG RUNG GI KHYAB BYED BKAG NAS KHYAB BYA 'GOG PA SOGS SO, ,GNYIS PA NI, SBYOR BA MI 'DRA BA THA DAD BA DE DAG NI GZHAN DON LE'UR BSHAD PAR BYA BA MA YIN NAM, RANG DON DU STON NA GZHAN DON LE'U LOGS SU BRTZAMS PA DON MED PAR 'GYUR ZHE NA SKYON MED DE, BDAG GI DON GYI RJES SU DPAG PA LA YANG DGOS PA KHYAD PAR CAN YOD PA SHES PA'I PHYIR TU SBYOR BA'I BYE BRAG MI 'DRA BA DU MA BSTAN TO, ,RTOGS LDAN RANG NYID BSTAN BCOS SU SBYOR BA BRIS PA MTHONG BA YANG DANG YANG DU 'DRIS SHING GOMS PAR BYAS PA LAS RGOL BAS BKOD PA LA MI LTOS PAR BDAG NYID KYANG SNGAR BSHAD PA DE BZHIN DU RTAGS LA BRTEN NAS

32b

DGAG BYA RNAM PAR BCAD PA RTOGS PAR 'GYUR PAS DE SHES PA'I PHYIR TU 'DIR BSHAD PA'I PHYIR, GSUM PA LA GNYIS, RTAGS LAS MED NGES 'GRUB PA SNANG RUNG MA DMIGS PA LA BLTOS PAR BSGRUB PA DANG, MI SNANG BA MA DMIGS PAS DGAG BYA YOD MED GANG DU YANG DES MI NUS PAR BSGRUB PA'O, ,DANG PO NI, SNANG RUNG GI DON 'GOG PAR 'DUS NA RANG BZHIN MA DMIGS PAR 'GYUR BAS, DNGOS 'BRAS MA DMIGS PA GZHI DER DGAG BYA'I CHOS SNANG MI RUNG 'GOG PAR BSHAD PA DANG 'GAL LA, SNANG BA MA DMIGS PAS 'GOG PA MA YIN NA, DER 'DUS PAR BSHAD PA JI LTAR YIN CE NA, DGAG BYA MED PA'I DON BSGRUB PA KHYAB BYED MA DMIGS PA SOGS DANG THA SNYAD 'BA' ZHIG BSGRUB PA'I RANG BZHIN MI DMIGS PA DE THAMS CAD LA YANG CHOS CAN, SNANG RUNG MA DMIGS PAR 'DUS TE, SNANG RUNG GI DON BSGRUB PA DANG, BKAG PA LA BLTOS NAS DGAG PA DNGOS SU BSGRUB PAR 'DUS PA'I PHYIR RO, ,JI LTAR ZHE NA, RANG BZHIN 'GAL BA LA SOGS PA DMIGS PA RTAGS SU BKOD PA DANG, RGYU DANG KHYAB BYED LA SOGS PA MI DMIGS PA RTAGS SU BKOD PAS DGAG PA BSGRUB PAR BSHAD PA GANG YIN PA DE DAG NI CHOS CAN, DGAG PA 'GRUB PA SNANG RUNG GI KHYAD PAR LA BLTOS PA YIN TE, DMIGS PA'I RIG BYAR GYUR PA KHO NA DAG LAS LHAN CIG MI GNAS PA'I 'GAL BA DANG, KHYAB BYA DANG KHYAB BYED DANG, RGYU 'BRAS SOGS RTOGS NAS RANG BZHIN LA SOGS PA'I 'GAL BA DMIGS PA DANG KHYAB BYED SOGS MI DMIGS PA 'GRUB PAR YANG RIG PAR BYA BA'I PHYIR, DON BSDUS NA SNGAR BSHAD PA'I

33a

, ,DGAG RTAGS 'DI DAG SNANG RUNG MA DMIGS PAR 'DUS TE, 'GAL 'BREL SOGS TSAD MAS DMIGS PA LA BLTOS NAS MED PA DNGOS SU SGRUB PAR BYED PA'I PHYIR RO, ,DAM BCA' DE NYID LA RTAGS NI YOD KYANG SNANG DU MI RUNG BA GZHAN DAG LA NI LHAN CIG MI GNAS PA'I 'GAL BA DANG RGYU DANG 'BRAS BU YOD PA DANG KHYAB BYED MED NA KHYAB BYA MED PA MI 'GRUB PA'I PHYIR RO, ,DPER MTSON NA KHYAB BYED MED PAR NGES PA LA BRTEN NAS KHYAB BYA MED PAR NGES PA LA NI NGES PAR BLTOS PA'I PHYIR, GNYIS PA NI, SNANG BA MA DMIGS PAS DGAG BYA MED PA DANG, MED PA'I THA SNYAD GO BAR BYED NA MI SNANG BA MA DMIGS PAS CI ZHIG BYED CE NA, YUL DANG DUS DANG RANG BZHIN GYIS BSKAL BA'I YUL GSUM PO GANG YANG RUNG BA BSKAL DON DU SONG BA'I GANG ZAG DES MI DMIGS PA DE'I RGYUD KYI MNGON SUM DANG RJES SU DPAG PA LOG PA'I MTSAN NYID RTAGS SU BKOD PA NI CHOS CAN, BSKAL DON YOD MED LA THE TSOM GYI RGYU YIN GYI MED NGES 'GRUB PA MA YIN TE, PHYIR RGOL DE'I RGYUD KYI BSKAL DON DMIGS BYED KYI TSAD MA LOG KYANG BSKAL BA'I DON MED PAR MI 'GRUB PA'I PHYIR RO, ,TSAD MA YOD PAS GZHAL BYA BZHAG PAR BYA BA YIN GYI, TSAD MA MED PAS GZHAL BYA MED PAR BZHAG PAR BYA BA MA YIN NO, ,'DI'I MTHA' GCOD PA RNAM 'GREL GYI RNAM BSHAD DU BSHAD ZIN PA LAS SHES PAR BYA'O, ,GNYIS PA LE'U'I MTSAN NI, LEGS PAR BSHAD PA RIN PO CHE'I GTER ZHES BYA BA RIGS PA'I THIGS PA ZHES BYA BA'I RAB TU BYED PA LAS RANG GI DON GYI RJES SU DPAG PA'I LE'U

33b

STE LE'U GNYIS PA'I BSHAD PA'O,, ,,GNYIS PA RANG GI GZHAL BYA NGES NAS GDUL BYA GZHAN RJES SU 'DZIN PA'I THABS BSHAD PA LA GNYIS, MTHA' GNYIS SU 'DZIN PA'I DOGS PA SEL BYED SGRUB DAG BSHAD PA DANG, MTHA' GCIG TU 'DZIN PA'I LOG RTOG SEL BYED SUN 'BYIN BSHAD PA'O, ,DANG PO LA GNYIS, DNGOS KYI DON DANG, SGRUB DAG GI YAN LAG DPE BSHAD PA'O, ,DANG PO LA GNYIS, SGRUB DAG YANG DAG DANG LTAR SNANG NGO, ,DANG PO LA GNYIS, RJOD BYED NGAG GI RANG BZHIN BSHAD PA DANG, SHUGS BSTAN PHYOGS KYI MTSAN NYID BSHAD PA'O, ,DANG PO LA GNYIS, GZHAN DON RJES DPAG GI MTSAN NYID DANG, DBYE BA BSHAD PA'O, ,DANG PO NI, GZHAN DON RJES SU DPAG PA NI, RANG GIS MTHONG DON RAB GSAL BYED, CES PA'I DON BSDUS NAS 'DIR BSHAD PA YIN LA, TSIG DES NI, KUN SLONG DANG YUL DANG NGO BO DANG BYED PA'I KHYAD PAR RNAMS STON ZHING GZHAN RNAMS RTOGS PAR SLA LA, RANG GIS MTHONG BA ZHES SMOS PA NI, RNAM GROL DON GNYER THAD PAR BKRI BAR BYED PA'I BSHES GNYEN GYI LAS SU BYA BA BSTAN TE, THAR PA DANG THAMS CAD MKHYEN PA'I LAM 'BRAS BU DANG BCAS PA TSAD MAS MA GRUB PAR NI, TSOGS KYI LAM TZAM YANG YONGS SU RDZOGS PAR RGYUD LA BSKYED MI NUS LA GDUL BYA'I RGYUD KYI TSAD MA DE DAG KYANG, DGE BA'I BSHES GNYEN GYI RGYUD KYI TSAD MA LAS SKYES PA GCIG BYUNG NA MKHAS PAS GZHAN DON BYAS ZHES PA'I GRANGS SU 'GRO BA YIN GYI, GZHAN DU NA DMUS LONG GIS LAM STON PA DANG 'DRA BAR SHES PA'I CHED DU BDAG NYID CHEN PO

34a

, ,YAB SRAS KYIS 'DI LA NAN TAN CHER MDZAD LA, GZHAN DON SKABS KYI RTAGS KYI TSUL GSUM RGOL BA DANG PHYIR RGOL BA GNYIS KAS GRUB PA DGOS PA'I DON YANG DE YIN NO, ,RGYAS PAR TSAD MA RNAM NGES KYI RNAM BSHAD DU BSHAD ZIN TO, ,RGOL BAS SKABS DANG MTHUN PAR BYAS NA MI RTAG PAS KHYAB, DPER NA BUM PA BZHIN, SGRA YANG BYAS SO, ZHES PA'I DAG MTSAN GZHI GZHAN GYI DON GYI RJES SU DPAG PA NI MTSON BYA, TSUL GSUM PA'I RTAGS SKABS DANG MTHUN PAR PHYIR RGOL GYI DOR LHAG CHAD DANG BRAL BAR BRJOD PA'I YAN LAG GNYIS LDAN GYI DAG MTSAN NYID DE YANG DAG PA'I SHES PA LA MNGON RJES GNYIS SU PHYE BA MA YIN NAM, TSIG GI BDAG NYID LA RJES DPAG GCES JI LTAR BRJOD CE NA, SKYON MED DE, RGYU LA 'BRAS BU'I MING GIS BTAGS PA'I PHYIR RO, ,'DOGS PA'I RGYU MTSAN NI RJES DPAG GI RGYU YIN PA'I PHYIR DANG, DGOS PA NI RGOL BAS SGRUB DAG BKOD PA LA BRTEN NAS PHYIR RGOL GYI RGYUD LA RJES DPAG SKYE BA'I CHED YIN PA'I PHYIR TE, BSAM PA'I SHES RAB LA THOS PA'I SHES RAB SNGON DU 'GRO DGOS PAR SHES PA'I CHED YIN LA, DNGOS LA GNOD BYED NI TSIG YIN PAS SO, ,GNYIS PA LA GSUM, MDOR BSTAN PA DANG, RGYAS PAR BSHAD PA DANG, SGRUB NGAG GNYIS KYI PHYOGS DNGOS SU BSTAN MI RIGS PA'I RGYU MTSAN NO, ,DANG PO NI, GZHAN DON RJES DPAG DE NI CHOS CAN, SBYOR BA'I 'GOD TSUL GYI BYE BRAG GI RNAM PA GNYIS TE, DPE DANG RTZOD GZHI GNYIS RTAGS DANG CHOS KYI GZHIR MTSUNGS PAR SBYOR BA CHOS MTHUN PA

34b

NYID CAN DANG MI MTSUNGS PAR SBYOR BA CHOS MI MTHUN PA NYID CAN GNYIS SU YOD PA'I PHYIR, BRJOD TSUL MI 'DRA BA YIN NA BSTAN BYA YANG MI 'DRA BA SO SO THA DAD PAR 'GYUR RO ZHE NA, SGRUB NGAG 'DI GNYIS CHOS CAN, BRJOD TSUL THA DAD KYANG BSTAN BYA 'GAL BA KHO NA MA YIN TE, SBYOR BA'I BYE BRAG MA GTOGS PAR TSUL GSUM STON PA DANG, RJES DPAG BSKYED PA'I BRJOD BYA DANG, DGOS PA'I DON DU NI BYE BRAG CI YANG MED PA'I PHYIR, DE YANG RTZOD PA'I SKABS SU PHYIR RGOL GYIS PHYOGS CHOS DANG KHYAB PA SHES ZIN MA BRJED PA YIN KYANG, RGOL BAS DE LTAR MA SHES NA, SGRUB DAG DGOD DGOS LA, SHES KYANG SGRUB DAG 'GOD NA GRUB ZIN BSGRUB PA RGOL BA'I SKYON DU 'GYUR RO, ,SNGAR SHES KYANG BRJED NAS DRAN RUNG DU YOD PA NI, SGRUB NGAG 'GOD PA'I YUL GYI GTZO BO YIN LA, GRUB MTHA' MI MTHUN PA RTZOD PA'I SKABS DANG, RANG GI GDUL BYA BKRI BA'I SKABS GNYIS KAR GSUM GA GZHI NAS BSGRUB DGOS PA YANG SRID DO, ,KHYAB PA SHES ZIN MA BRJED PHYOGS CHOS BRJOD PA LA, SGRA YANG BYAS ZHES PA TZAM GYIS DRAN NUS KYANG DE TZAM GYIS DRAN MI NUS NA, SKYES NA BYAS PAS KHYAB RDZA'I BUM PA BZHIN SGRA YANG SKYES PA YIN NO, ZHES BRJOD PAR BYA LA DBANG PO RNO BAS SGRA'I BYAS PA MNGON SUM GYIS GRUB BO, ,DE BZHIN DU KHYAB PA MI DRAN PA LA YANG SHES PAR BYA'O, ,GNYIS PA LA GSUM, CHOS MTHUN SBYOR GYI SGRUB NGAG BSHAD PA DANG, MI MTHUN SBYOR BSHAD PA DANG, SBYOR BA GNYIS KYIS KHYAB PA GNYIS PHAN TSUN 'PHEN PA'I TSUL LO, ,DANG PO LA GSUM, MA DMIGS PA DANG, RANG BZHIN DANG

35a

, ,'BRAS RTAGS KYI SBYOR PA BSHAD PA'O, ,DANG PO NI, GZHAN DON RJES DPAG GNYIS YOD PA DE LA RE SHIG MI DMIGS PA'I RTAGS KYI CHOS MTHUN PA NYID CAN NI CHOS GANG YOD NA, DMIGS PA'I RIG BYAR GYUR PA GANG MA DMIGS PA DE LA NI MED PA'I THA SNYAD KYI YUL DU GRUB PAS KHYAB STE, DPER NA RI BONG GI MGO LA RVA LA SOGS PA GZHAN 'GA' ZHIG MED PAR MTHONG BA BZHIN TE, SNANG RUNG BUM PAS DBEN PA'I PHYOGS KYI BYE BRAG GANG NA YOD NA, DMIGS PA'I RIG BYAR GYUR PA'I BUM PA MI DMIGS SO ZHES BYA BA LTA BU'O, ,GZHAN NI RTZOD GZHI LAS GZHAN PA'O, ,DON BSDUS NA, DE SGRUB KYI CHOS MTHUN SPYOR GYI SGRUB DAG YANG DAG YIN TE, DE SGRUB KYI PHYOGS CHOS DANG, RJES KHYAB DNGOS SU BSTAN NAS LDOG KHYAB SHUGS LA 'PHEN PA'I LHAG CHAD DANG BRAL BA'I YAN LAG GNYIS LDAN GYI DAG YIN PA'I PHYIR CES PA STE, 'OG MA RNAMS LA YANG DE BZHIN DU SBYAR RO, ,GNYIS PA LA GNYIS, DNGOS DANG 'BREL PA NGES BYED NGO, ,DANG PO LA, KHYAB PA BSHAD PA DANG, PHYOGS CHOS BSHAD PA'O; ;DANG PO LA GNYIS, RANG BZHIN DAG PA BSTON PA'I SBYOR BA DANG, BLTOS PA BSTON PA'I SBYOR BA'O, ,DANG PO NI, DE BZHIN DU RANG BZHIN GYI GTAN TSIGS KYI SBYOR BA LA YANG GANG DNGOS POR YOD PA DE THAMS CAD NI MI RTAG PAS KHYAB STE, DPER NA BUM PA LA SOGS PA LTA BU'O, ,SGRA YANG DNGOS POR YOD PA'O ZHES BYA BA NI RANG BZHIN DAG PA'I SBYOR BA'O, ,RANG BZHIN DAG PA'I GTAN TSIGS YANG DAG GI DON NI RANG BZHIN GYI TSUL GSUM GANG ZHIG RANG LDOG BLO YUL DU SHAR

35b

BA NA; KHYAD PAR BYED CHOS BLO YUL DU 'PHEN PA LA MI LTOS PA'O, ,GNYIS PA LA BYED CHOS NGO BO THA MI DAD 'PHANGS PA LA BLTOS PA NI, GANG SKYES PA DANG LDAN PA DE NI MI RTAG PAS KHYAB STE, DPER NA BUM PA BZHIN SGRA YANG SKYES LDAN YIN NO, ,ZHES BYA BA DE NI RANG GI RANG BZHIN DU GYUR PA'I CHOS KYI BYE BRAG GIS KHYAD PAR DU BYAS PA 'PHEN PA'I RANG BZHIN GYI SBYOR BA'O, ,SKYE BA RANG GI NGO BOR THOB PAS RANG BZHIN DU GYUR PA'O, ,BYED CHOS DON GZHAN SHUGS LA 'PHANGS PA LA BLTOS PA NI, GANG BYAS PA DE NI MI RTAG PA'O, ,DPER NA BUM PA BZHIN SGRA YANG BYAS SO, ZHES BYA BA NI BYED CHOS DON GZHAN GYI KHYAD PAR GYI BYE BRAG GIS KHYAD PAR DU BYAS NAS 'PHEN PA YIN NO STE BYAS PA ZHES BRJOD PA'I SGRAS BYAS PA'I RANG LDOG BLO YUL DU NGES PA BYED CHOS DON GZHAN BLO YUL DU 'PHANGS PA LA BLTOS TE, BYAS PA'I RANG GI NGO BO LDOG PA NGES SHES KYI YUL DU 'GRUB PAR BYA BA'I PHYIR RGYU GZHAN GYI BYED PA LA BLTOS PA'I NGO BO NI BYAS PA ZHES BYA LA DE BRJOD PA NA BYED PA PO SHUGS LA 'PHEN PA'I PHYIR RO, , BYED CHOS DON GZHAN DNGOS SU 'PHANGS PA LA BLTOS PA NI, STZAL MA THAG TU 'BYUNG BA DANG RKYEN GYI BYE BRAG GIS THA DAD PA NYID CAN DU SKYED PA YIN NA MI RTAG PAS KHYAB STE, DPER NA BUM PA BZHIN SGRA YANG ZHES BYA BA LA SOGS PA YANG DE BZHIN DU BLTA BAR BYA'O, ,RANG BZHIN BLTOS PA PA'I DON NI, RANG BZHIN GYI TSUL GSUM GANG ZHIG RANG LDOG BLO YUL DU 'CHAR BA KHYAD PAR BYED CHOS BLO YUL DU 'PHANGS PA LA BLTOS PA'O, ,GNYIS PA NI, SGRA YANG DNGOS POR YOD PA'AM SKYE BA DANG LDAN

36a

, ,PA'AM BYAS PA YIN NO, ZHES BYA BA'I SGRAS NI PHYOGS KYI CHOS NYE BAR STON TO, ,PHYOGS CHOS LOGS SU BSHAD PA LA DOGS PA YOD DE, TSIG TSEGS BSKYUNG BA'I CHED YIN PA'I PHYIR RO, ,GNYIS PA NI, RANG BZHIN GYI GTAN TSIGS DE 'BREL PA JI LTA BU LA BLTOS PA YIN ZHE NA, LKOG GYUR RTOGS PA'I THABS YIN PAS NA BSGRUB PA'I CHOS RANG BZHIN GYI RTAGS DE DAG THAMS CAD NI RANG GIS TSAD MA JI LTA BU DAG GIS BSGRUB PA'I CHOS TZAM BSGRUB PAR BYA BA'I CHOS RJES SU 'BREL PAR GRUB PA KHO NAR KHONG DU CHUNG PAR BYA STE, RANG BZHIN GYI GTAN TSIGS DU MA YOD PAS 'BREL PA NGES PA'I TSAD MA YANG DU MA YOD PA'I PHYIR, TSAD MA JI LTA BU DAG GIS ZHES MANG TSIG SMOS SO, ,DE YANG GZUGS LA SGRON ME BZHIN DU RUNG BA NYID KYI SGO NAS GO BYED DU 'GYUR PA MA YIN GYI 'BREL PA NGES PA LAS YIN LA, DE YANG BYAS PAS MI RTAG PA BSGRUB PA LA MTSON NA, THOG MAR GNOD PA CAN GYI TSAD MAS 'BREL BA'I DON LDOG GTAN LA DBAB PAR BYA BA YIN LA, DE NI RTAG PA CHOS CAN, BYAS PAS STONG STE, RIM DANG CIG CAR GYI DON BYED PAS STONG PA'I PHYIR, CES PA'I RTAGS LA BRTEN NAS NGES PAR BYED DO, ,LTOS MED KYI RTAGS LA BRTAN NAS 'JIG PA RANG CHAS SU RJES SU 'BREL PA NGES PAR BYED PA NI, BYAS PA CHOS CAN, RANG YOD TZAM NAS 'JIG PA RANG GI NGO BO NYID DU RJES SU 'BREL TE, SKYES PA GANG ZHIG RANG GI SKYED BYED MA YIN PA'I RANG GI 'JIG PA BSKYED PA'I RGYU MED PA'I PHYIR, CES PA'I RTAGS LA BRTEN NAS NGES PAR BYED DO, ,SLOB DPON CHOS MCHOG GIS SKABS

36b

'DIR, BYAS NA MI RTAG PAS KHYAB PA, SPYIR DRAN PA'I BLO RTAGS 'DZIN SEMS DANG, SGRA LA YOD PA'I BYAS PA NYID MI RTAG PA'I RANG BZHIN DU DRAN PA NI, RTAGS CAN RJES DPAG TU GSUNGS SO, ,DE LA SLOB DPON RGYAN MKHAN POS GNOD PA CUNG ZAD BRJOD MOD ZAG PA MED PA'I YE SHES SDE TSAN NYI SHU RTZA GCIG GI RTOGS PA'I RIGS MTHA' DAG TSAD MA'I LAM NAS LEGS PAR DRANGS TE, LAM LEGS PAR BGROD PA'I BDAG NYID CHEN PO DE RNAMS KYI BSAM PA SHIN TU RIG PA DKA'O, ,'DUS BYAS MI RTAG PAR RTOGS PA'I TSAD MA SKYE TSUL TZAM YANG MI SHES PAR BDAG NYID CHEN PO 'DI RNAMS LA GNOD PA BRJOD PA SKAD BYED PA'I GLEN PA DE RNAMS NI MKHAS PAS BRTAGS NA SHIN TU NGO TSA BA'I GNAS SU SNANG NGO, ,GZHUNG DE DAG NI DON BSDUS NA, RTAGS MTHUN PHYOGS LA MTHOD TZAM SOGS LA BLTOS NAS GO BYED DU SBYAR BAR BYA BA MA YIN TE, GO BYED DU 'GYUR BA 'BREL PA TSAD MAS KHONG DU CHUD PA LA BLTOS PA'I PHYIR RO, ,NGES PAR 'BREL PA BTZAL BAR BYA BA YIN TE, MI RTAG PA RANG CHAS SU RJES SU 'BREL PA DE NYID BYAS PA DE'I RANG BZHIN YIN PA'I PHYIR DANG, DE LTA BU'I RANG BZHIN CAN GYI BYAS PA YANG SGRA MI RTAG PAR BSGRUB PA'I GTAN TSIGS YANG DAG YIN PA'I PHYIR, MI RTAG PA BYAS PA'I RANG BZHIN YIN NA, DAM BCA'I DON GYI PHYOGS GCIG GTAN TSIGS SU BKOD PA NYID DU 'GYUR RO ZHE NA, DNGOS SU NA STE DON DAM PAR THA DAD PA MA YIN KYANG DAM BCA'I PHYOGS GCIG RTAGS SU BKOD PAR 'GYUR BA MA YIN TE, LDOG PA NGES DKA' SLA'I DBANG GIS RTAGS YANG DAG TU 'GYUR BA'I

37a

, ,PHYIR RO, ,DPER NA DON LA SHA PA YIN KYANG THAG RING PO NAS YAL GA SOGS DANG LDAN PA MTHONG NA, SHING SNYAM DU NGES KYI SHING SHA PA'O SNYAM DU MA YIN LA, THAG NYE BA NA SHA PA'O SNYAM DU NGES PA LTAR NGES SHES KYI YUL LA GNAS PA'I LDOG PA LA BLTOS NAS SGRUB BYAD KYANG GZHAN LA BSGRUB BYA'I CHOS KYANG GZHAN YIN PAS SKYON MED DO, ,BYAS MI RTAG RANG BZHIN GCIG YIN TE RANG GI RGYU LAS BYAS PA DE GRUB LA DE'I TSE 'JIG PA MA GRUB PA PHYIS BYUNG GI RGYU LA BLTOS NA, MI RTAG PA BYAS PA DE'I RANG BZHIN NYID DU MED PA'I PHYIR DANG BYAS PA MI RTAG PA LA 'KHRUL PA YANG SRID NA NGES PAR 'BREL PA'I PHYIR RO, ,YANG NA PHYIS GRUB PA SNGAR SKYES PA DE'I RANG BZHIN MA YIN MOD, DES BSGRUB PAR BYA BA CI'I PHYIR MA YIN ZHE NA, BYAS PA SNGAR SKYES PAS PHYIS BYUNG GI RGYU LA BLTOS PA'I MI RTAG PA 'GRUB PA MA YIN TE, DE DE LA 'KHRUL PA YANG SRID PA'I PHYIR RO ZHES SBYAR RO, ,GNYIS PA LA GNYIS, SBYOR BA DANG 'BREL PA NGES BYED DO, ,DANG PO NI, 'BRAS BU'I GTAN TSIGS KYI SBYOR BA NI GANG NA DU BA YOD PA DE NA ME YOD DE, DPER NA TSANG MAL LA SOGS PA BZHIN, DU BA DANG LDAN PA'I LA 'DI NA YANG DU BA YOD CES BYA BA LTA BU'O, ,GNYIS PA NI, RANG BZHIN GYI RTAGS SU MA ZAD 'BRAS BU'I GTAN TSIGS 'DIR YANG CHOS CAN, 'BREL PA MA GRUB BZHIN DU GO BYED DU SBYAR BAR BYA BA MA YIN TE, RGYU DANG 'BRAS BU'I DNGOS PO'I 'BREL PA TSAD MAS GRUB PA KHO NA LA RTZOD GZHI'I STENG DU RGYU SGRUB PAR BYA BA LA 'BRAS BU'I GTAN TSIGS SU BRJOD PAR BYA BA'I PHYIR RO, ,ME DU GNYIS KA SNANG RUNG GI GZHIR

37b

DANG PO ME DU GNYIS KA MA DMIGS PA'I NGAG 'DZIN MNGON SUM ZUNG GCIG, ,DE'I RJES SU ME DMIGS DE'I RJES SU DU BA DMIGS PA'I RGYU 'BRAS KYI NGO BO'I 'DZIN PA'I MNGON SUM ZUNG GCIG ,DE'I RJES SU ME MA DMIGS DE'I RJES SU DU BA MA DMIGS PA'I DAG 'DZIN MNGON SUM ZUNG GCIG STE, MNGON SUM PHRUGS GSUM LA BRTEN NAS RGYU MED DANG MI MTHUN PA RGYUR 'DZIN PA'I DOGS PA BSAL NAS RJES SU MTHUN PA'I RGYU 'BRAS NGES PAR BYED DE, GZHAN DU RGYAS PAR BSHAD ZIN TO, ,GNYIS PA LA GSUM, MA DMIGS PA DANG, RANG BZHIN DANG, 'BRAS BU'I GTAN TSIGS KYI CHOS MI MTHUN PA'I SBYOR BA BSHAD PA'O, ,DANG PO NI, DPE DANG RTZOD GZHI RTAGS CHOS GNYIS SU CHOS MI MTHUN PA NYID CAN GYI SBYOR BA NI, DANG POR MA DMIGS PAS STON TE, CHOS GANG YOD LA DMIGS PA'I RIG BYAR GYUR PA DE LA NI DMIGS PA KHO NAR 'GYUR BAS KHYAB STE, DPER NA SNGON PO LA SOGS PA'I BYE BRAG LTA BU YIN LA, SNANG RUNG BUM PAS DBEN PA'I GZHI 'DI NA NI DMIGS PA'I RIG BYAR GYUR PA BUM PA DE LTAR MI DMIGS SO, ZHES PA NI MI DMIGS PA'I SBYOR BA'O, ,SNANG RUNG GI YOD PA LA DMIGS PAS KHYAB PA BSTAN TE, MED PA LOG PA NI YOD PA YIN LA, MI DMIGS PA LOG PA NI DMIGS PA YIN TE, DES NA BSGRUB BYA'I CHOS LOG PAS SGRUB BYED LOG PAR BSTAN PA YIN NO, ,'DI'I LTAR NA RGYU MED DU THAL, DU BA GANG ZHIG ME LAS MA SKYES PA'I PHYIR CES PA LA, ME LAS SKYES PAR THAL, DU BA GANG ZHIG RGYU YOD YIN PA'I PHYIR, CES PA LDOG KHYAB TU SBYAR RO, ,GNYIS PA NI, MI RTAG

38a

, ,BA NYID MED NA DNGOS POR YOD PA'AM SKYE BA DANG LDAN PA'AM BYAS PA MED PA NYID YIN PAS KHYAB STE, DPER NA 'DUS MA BYAS KYI NAM MKHA' BZHIN SGRA NI DNGOS POR YOD PA'AM SKYE BA DANG LDAN PA'AM BYAS PA'O ZHES BYA BA NI RANG BZHIN GYI GTAN TSIGS KYI CHOS MI MTHUN PA'I SBYOR BA'O, ,DE SGRUB KYI CHOS MI MTHUN SBYOR GYI SGRUB DAG YIN TE, DE SGRUB KYI PHYOGS CHOS DANG LDOG PA DNGOS SU BSTAN, RJES KHYAB SHUGS LA 'PHEN PA'I LHAG CHAD DANG BRAL BA'I YAB LAG GNYIS LDAN GYI DAG YIN PA'I PHYIR RO, ,DE BZHIN DU GZHAN LA YANG SBYAR RO, ,GSUM PA NI, ME MED NA YANG DU BA MI 'BYUNG BA NYID YIN PAS KHYAB LA, DPER NA CHU KLUNG BZHIN DU BA DANG LDAN PA'I LA 'DI NA DU BA YOD CES BYA BA NI 'BRAS BU'I GTAN TSIGS KYI SBYOR BA'O, ,GSUM PA LA GNYIS, SGRUB RTAGS KYI SBYOR BAS KHYAB PA GNYIS PHAN TSUN 'PHEN PA'I TSUL DANG, MA DMIGS PA'I RTAGS KYI SBYOR BAS 'PHEN PA'I TSUL LO, ,DANG PO LA GSUM, DNGOS DANG, RJES SU 'GRO LDOG 'PHEN PA 'BREL BA LA BLTOS PA DANG, BSGRUB BYA GCIG BSGRUB PA LA SBYOR BA GNYIS KA NGES PAR SBYAR MI DGOS PA'I RGYU MTSAN NO, ,DANG PO LA RJES 'GROS LDOG PA 'PHEN PA'I TSUL NI, BYAS PAS SGRA MI RTAG PAR SGRUB PA'I CHOS MTHUN PAS KYANG SBYOR BA LA CHOS CAN, DON GYI SHUGS KYIS NI CHOS MI MTHUN PA LDOG KHYAB NYID RTOGS TE MI RTAG PA LOG STOBS KYIS BYAS PA LDOG PA DE MED NA RTAG PA BYAS PA LA 'JUG PAR MI 'GAL BAS BSGRUB PAR BYA BA'I CHOS MI RTAG PA KHO NA LA BYAS PA RJES SU

38b

'GRO PA'I GTAN TSIGS RJES SU 'GRO BA GRUB PA MED PA'I PHYIR RO, ,LDOG PAS RJES 'GRO 'PHEN PA'I TSUL NI DE BZHIN DU CHOS MTHUN PA'I SBYOR BAS KYANG RJES SU 'GRO BA SHUGS LA 'PHEN CING DE LA BRTEN NAS RTOGS TE, BYAS BA MI RTAGS PA KHO NA LA 'JUG PA'I RJES 'GRO DE MED NA NI RTAG PA LA YOD PA MI 'GAL PAS BSGRUB PAR BYA BA'I CHOS MI RTAG PA MED NA GTAN TSIGS BYAS PA MED PAR MI 'GRUB PA'I PHYIR RO, ,GNYIS PA LA GSUM, 'BREL BA MED NA LDOG PA MI 'GRUB PA DANG, 'BREL PA'I DBYE BA DANG, LDOG PA BRJOD PA'I TSIG GIS 'BREL BA BSTAN TSUL LO, ,DANG PO NI, NAM MKHA' SOGS LA MI RTAG PA MED PAS BYAS PA MED KYANG, BYAS NA MI RTAG PA'I KHYAB PA JI LTAR GRUB CE NA, LDOG PA 'GRUB PA NGES PAR 'BREL PA LA BLTOS TE, BYAS MI RTAG RANG BZHIN 'BREL PA MED NA GCIG MI RTAG PA LOG PAS GZHAN BYAS PA NGES PAR LDOG PA MA YIN PA'I PHYIR, GNYIS PA NI, THAMS CAD KYI RANG BZHIN 'BREL BA DE YANG CHOS CAN, RNAM PA GNYIS SU NGES TE, DE'I BDAG NYID DANG DE LAS BYUNG BA'I 'BREL PA ZHES SMROS PA GNYIS SU NGES PA YIN PA'I PHYIR, GSUM PA NI, LDOG PA BRJOD PAS 'BREL PA BSTAN PAR BYA STE, RANG BZHIN 'BREL PA YOD NA, LDOG BYA LDOG BYED DU NGES PA DES NA'I PHYIR, SNGAR BSHAD PA LTAR MI MTHUN SBYOR GYI SGRUB DAG GIS 'BREL PA'I DON LDOG GI PHYOGS GCIG MI RTAG PA LOG PA'I STOBS KYIS BYAS BA LDOG PA DNGOS SU BSTAN LA, DE YANG GNOD PA CAN GYI RTAGS LA BRTEN PA'I RJES DPAG GIS 'JAL ZHING, BYAS MI RTAG GI THA DAD MNGON SUM GYIS GRUB PA

39a

, ,YIN NO, ,'BREL PA GANG YIN PA DA YANG RJES SU 'GRO BA ZHES BYA ZHING, DE BSTAN NA RJES 'GRO'I KHYAB PA BSTAN TE, LDOG PA STON PA'I TSIG GIS NI 'BREL BA BSTAN PA BSDUS PA KHO NA YIN PA'I PHYIR TE, GONG DU BSTAN PA DE LTA PAS NA'O, ,GSUM PA NI, SBYOR BA GNYIS KYI KHYAB PA GNYIS PHAN TSUN 'PHEN PA DE LTA BAS NA BSGRUB BYA GCIG BSGRUB PA LA PHYIR RGOL GYI DOR KHYAB PA GNYIS STON PA'I TSIG GNYIS KYIS SBYOR BAR NGES PA MED DO, ,GANG RUNG GCIG DNGOS SU BRJOD PAS CIG SHOS 'PHEN PAS GNYIS KA DNGOS SU BSTAN PA DGOS PA MED PA DE LTA NA'I PHYIR, DE LTAR 'PHEN TE, RJES KHYAB DNGOS SU STON PA RJES SU 'GRO BA'I GO YANG RUNG LDOG KHYAB DNGOS SU STON PA LDOG PA'I GO YANG RUNG STE, SGRUB DAG GNYIS KYI TSIG GCIG BRJOD PAS KYANG MTHUN PA'I PHYOGS KHO NA LA RTAGS YOD PA DANG MI MTHUN PA'I PHYOGS LA RTAGS MED PA KHO NAR NGES PA GNYIS KAR BSTAN PAR 'GYUR PAS SO, ,DE YANG 'GAL BA'I DOGS PA SHAS CHE NA MTHUN SBYOR DANG, MA NGES PA'I DGOS PA SHAS CHE NA MI MTHUN SBYOR GYI DAG BSTAN PAR BYA'O, ,GNYIS PA LA GNYIS, DNGOS DANG, SBYOR BA GNYIS KYIS PHYOGS DNGOS SU BSTAN PAR BYA BA MA YIN PA'O, ,DANG PO NI, MA DMIGS PA LA YANG SNANG RUNG BUM PA GANG YOD LA DMIGS PA'I RIG BYAR GYUR PA DE NI DMIGS PA KHO NAR 'GYUR RO ZHES DNGOS SU BSTAN PAS RJES SU 'GRO BA 'GRUB BO, ,DE DNGOS SU BSTAN PAS SNANG RUNG BUM PA MI DMIGS NA DE LTA BU MED DO ZHES BYA BAR SHUGS LA RTOGS PA'I PHYIR, GNYIS PA NI, CHOS MTHUN PA DANG

39b

MI MTHUN PA'I SBYOR BA 'DI GNYIS KA LA YANG PHYOGS DNGOS SU BSTAN PAR NGES PA MED DE, DE DNGOS SU MA BSTAN YANG SHUGS LA STON CING DNGOS SU BSTAN PA LA DGOS PA MED PAR MA ZAD DAG LHAG PA LA SOGS PA'I NYES PA DU MA YOD PA'I PHYIR RO, ,MA DMIGS PA'I GTAN TSIGS LA SBYAR TE BSHAD PA NI 'DI LTAR MA DMIGS PA'I GTAN TSIGS KYI CHOS MTHUN PA NYID CAN GYI SBYOR BA LA YANG PHYOGS DNGOS SU BSTAN PAR BYA BA MA YIN TE, SNANG RUNG BUM PA DMIGS PA'I RIG BYAR GYUR BA GANG MA DMIGS PA DE NI SNANG RUNG BUM PA MED PA'I THA SNYAD KYI YUL YIN PAS KHYAB LA, SNANG RUNG BUM PAS DBEN PA'I GZHI 'DI NA YANG DMIGS PA'I RIG BYAR GYUR PA BUM PA DE LTAR MI DMIGS SO ZHES DNGOS SU BSTAN PA'I SHUGS KYIS GZHI 'DI NA BUM PA MED DO ZHES BYA BAR NGES PAR BSTAN PAR 'GYUR BA'I PHYIR RO, ,DE BZHIN DU CHOS MI MTHUN PA NYID CAN GYI SBYOR BA LA YANG PHYOGS DNGOS SU BSTAN BYA MA YIN TE, YOD PA'I THA SNYAD KYI YUL SNANG RUNG BUM PA GANG YOD LA DMIGS PA'I RIG BYAR GYUR PA DE NI DMIGS PA KHO NAR 'GYUR BAS KHYAB NA SNANG RUNG BUM PAS DBEN PA'I GZHI 'DI NA NI DE 'DRA BA'I BUM PA DE LTAR MI DMIGS SO ZHES DNGOS SU BSTAN PAS SHUGS KYIS GZHI DE NA YOD PA'I THA SNYAD KYI YUL SNANG RUNG BUM PA MED DO ZHES BYA BAR BSTAN PAR 'GYUR BA'I PHYIR RO, ,GNYIS PA SHUGS BSTAN PHYOGS KYI MTSAN NYID BSHANG PA LA GSUM, MDOR BSTAN PA DANG, SO SO'I RNAM GZHAG BSHAD PA DANG, DON BSDU BA'O, ,DANG PO NI, PHYOGS DNGOS SU BSTAN PAR BYA BA MA YIN NA PHYOGS KYI MTSAN NYID BSTAN MI RIGS PAR 'GYUR ZHE NA, SKYON

40a

, ,MED DE, SGRUB NGAG GIS DNGOS SU BSTAN MI RIGS PAR BSHAD PA YIN LA, RIGS PA CAN PA SOGS DAM BCA' SGRUB NGAG GI YAN LAG TU 'DOD PA DANG, KHA CIG BSGRUB BYA MA YIN PA BSGRUB BYAR 'DOD PA DANG, YANG DAG GIS DNGOS SU MA SMRAS PAR ZHE BAS 'DOD PA'I DAM BCA' YANG BSGRUB BYA MA YIN PAR 'DOD BA DANG, BSTAN BCOS MKHAN PO'I 'DOD BA RTZOD PA'I SKABS SU BSGRUB BYAR BYED PA SOGS KYI LOG RTOG DGAG PA'I CHED DU BSTAN BCOS SU BSHAD PA LA, KHA NA MA THO BA YOD PA MA YIN NO, ,YANG DAM BCA' SGRUB NGAG GIS DNGOS SU BSTAN PAR BYA BA MA YIN MOD KYI, GAL TE DNGOS SU STON NA YANG MTSAN NYID 'DI LTA BU DANG LDAN PA ZHIG BSTAN PAR BYA BA YIN NO ZHES, LOG RTOG SEL BA'I MTSAN NYID TSAD MA KUN LAS BTUS SU RGYAS PAR BSHAD LA RIGS PA'I SGOR RIGS MI MTHUN SEL BA'I MTSAN NYID TZAM ZHIG BSHAD PA YIN NO, ,GAL TE PHYOGS DNGOS SU STON NA MTSAN NYID JI LTA BU ZHIG DANG LDAN PA ZHIG BSTAN PAR BYA ZHE NA, PHYIR RGOL GYIS GRUB MA ZIN PA'I RANG GI NGO BO DANG BSGRUB BYA SGRUB BYED GZHI MTHUN PA MA YIN PAR BSGRUB BYA KHO NA DANG BSGRUB BYA'I NGO BO KHO NA ZHES PA'I DON TO, ,BSTAN BCOS MKHAN PO'I 'DOD PA YIN PA RGYU MTSAN DU MA BYAS PAR RGOL BA BDAG NYID KYI 'DOD YUL DU BYAS PA DANG, NGAG TU DNGOS SUM SMRAS KYANG RGOL BAS ZHE BAS 'DOD PA DANG TSAD MA BZHIS MA BSAL BA BSTAN PAR BYA BA NI PHYOGS SO ZHES BSTAN PA YIN TE, DE LTA BU ZHIG BSTAN PAR BYA'O ZHES SGRUB NGAG LA BLTOS NA BRTAG PA'I

40b

MTHA' GZUNG BA DANG, BSTAN BCOS SU RANG RGYUD DU BSHAD PAR BYA BA YIN NO, ,SGRA DANG MI RTAG BA'I TSOGS DON MTSAN GZHI, GZHAN DON BSGRUB BYAR MTSON NGO BO'I DON SOGS CHOS LNGA TSANG BA ZHES PA LA, NGO BO DANG MA BSAL BAS SKABS KYI PHYIR RGOL DES GRUB BSAL ZHUGS PA SEL LA KHO NA DANG RANG NYID KYIS SGRUB BYED DU BKOD BZHIN PA DANG, RGOL BA KHO NA'I 'DOD PA MA YIN PA SEL, 'DOD PAS RGOL BA'I ZHE 'DOD MA YIN PA SEL LO, ,DON BSDUS NA RGOL BA RANG KHO NAS BSGRUB BYA KHO NAR 'DOD CING PHYIR RGOL GYI DOR GRUB BSAL MA ZHUGS PA'O, ,SBYOR BA DE LA SHES 'DOD CHOS CAN MA GRUB NA PHYOGS CHOS MI 'GRUB LA TSAD MAS GRUB NA NGO BO'I DON MA TSANG BAS NGO BO'I DON SOGS CHOS LNGA TSAD BA MA GRUB PAS PHYOGS CHOS MA GRUB PA'I PHYIR, RTAGS YANG DAG TU MI RUNG NGO ZHES ZER, DE NI GZHI DE TSAD MAS GRUB PA DANG, GZHI DE TSAD MAS MA GRUB PA DE'I TSAD MA'I NGOR YOD PA 'GAL BAR GZUNG BA'I LOG RTOG STE, DPER NA BUM PA TSAD MA'I NGOR YOD PA DANG, BUM PA TSAD MAS MA GRUB PA TSAD MA'I NGOR YOD PA 'GAL BAR 'DZIN PA LTA BU STE, RNAM NGES KYI RNAM BSHAD DU RGYAS PAR BSHAD ZIN TO, ,BSGRUB BYAR 'OS PA BSGRUB BYAR KHAS BLANGS PA RIGS MI MTHUN SEL BA'I MTSAN NYID DO, ,PHYOGS KYI MTSAN NYID DE LTAR YIN NA, RTAGS YANG DAG TU KHAS BLANG BAR 'OS PA RTAGS YANG DAG TU KHAS BLANGS PA GTAN TSIGS YANG DAG GI MTSAN NYID DU 'GYUR ZHE NA, KUN TU MI MTSUNGS TE, RGOL BAS KHAS MA BLANGS PA RGOL BA'I DAM BCAR MI RIGS SHING, ZHE BAS 'DOD PA KHAS BLANGS

41a

, ,PA TZAM GYIS DAM BCA' RDZOGS PA'I PHYIR DANG, GTAN TSIGS KYI TSUL GSUM PHYIR RGOL GYIS MA GRUB NA, RGOL BAS KHAS BLANGS KYANG YANG DAG TU MI 'GYUR LA, TSUL GSUM GRUB NA RGOL BAS KHAS MA BLANGS KYANG PHYIR RGOL GYI RGYUD LA RJES DPAG SKYE BA'I PHYIR, PHYIR RGOL GYIS MA GRUB PA SGRUB BYED KYI SKYON YIN LA, DAM BCA' YANG DAG GI KHYAD PAR GYI CHOS YIN PA'I PHYIR RO, ,BLA MA LOTZTSA BA CHEN PO MIG SOGS BDAG DON BYED PA YANG, MTSAN NYID LNGA LDAN GYI PHYOGS MTSAN NYID PAR BZHED LA, MI 'THAD DE, DE TSAD MAS DGAG NUS PA'I PHYIR RO SNYAM NA, SGRA MI RTAG PA LA YANG MTSUNGS TE, PHYIS PHYIR RGOL GYIS GRUB ZIN PAR 'GYUR RO ZHES GSUNGS SO, ,GNYIS PA LA LNGA, NGO BO DANG, TSIG PHRAD DANG; RANG NYID DANG, 'DOD PA DANG, MA BSAL BA BSHAD PA'O, ,DANG PO NI, PHYOGS KYI MTSAN NYID KYI ZUR DU RANG GI NGO BO ZHES BYA BA NI SMOS PA DGOS PA DANG BCAS TE, PHYIR RGOL GYIS GRUB ZIN PA PHYOGS YANG DAG TU MI RUNG GI PHYIR RGOL GYI NGOR BSGRUB PAR BYA BA KHO NAR 'DOD PA LAS NGO BO GZHAN MED PA'O ZHES SHES PA'I CHED YIN PA'I PHYIR, GNYIS PA NI, PHYOGS KYI MTSAN NYID KYI ZUR DU RANG GI NGO BO KHO NA ZHES BYA BA SMOS PA DGOS PA YOD DE, PHYOGS YANG DAG YIN NA BSGRUB PAR BYA BA KHO NAR 'DOD PA YIN GYI SGRUB BYAD DU BKOD BZHIN PA NYID YIN YANG RUNG BA MA YIN TE, BSGRUB BYA SGRUB BYED GZHI MTHUN PA MA YIN PAR SHES PA'I CHED YIN PA'I PHYIR RO, ,DPER NA SGRA MI RTAG PA NYID BSGRUB PAR BYA BA LA GTAN TSIGS

41b

MIG GIS BZUNG BAR BYA BRTAGS SU BKOD PA NYID NI SGRA LA MA GRUB PA'I PHYIR, PHYIR RGOL GYI NGOR BSGRUB PAR BYA BA YIN LA, DE SGRA MI RTAG PA 'DIR NI BSGRUB PAR BYED PA KHO NAR BRJOD PA'I PHYIR, BSGRUB PAR BYA BA NYID KHO NAR NI MI 'DOD DO ZHES PA NI SGRUB BYED DU BKOD BZHIN PA YIN PAS SGRUB BYED DU YANG 'DOD PAS BSGRUB BYA KHO NAR MA BZUNG BAS DE LTA BU DE PHYOGS YANG DAG YIN PA BCAD PA'I PHYIR TU KHO NA'I NGES BZUNG SMOS SO, ,KHO NA'I SGRA LOGS SHIG TU BSHAD PAR BYA BA RIGS PA LA RANG GI NGO BO DANG LHAN CIG SBYAR NAS STON PA CI ZHE NA, GANG DANG YANG MA SPYAR BAR KHO NA'I SGRAS BRJOD BYA'I DON GSAL BAR BYED MI NUS PAS, GZHAN DANG LHAN CIG SBYAR BAS NA RNAM GCOD DU MAR 'GYUR LA 'DI NI BSGRUB BYA DANG SGRUB BYED GZHI MTHUN PA PHYOGS YANG DAG TU MI 'GYUR BAR SHES PA'I CHED YIN NO, ,GSUM PA NI, BDAG NYID CES BYA BA NI PHYOGS KYI MTSAN NYID KYI TSIG ZUR DU SMOS PA DGOS PA YOD DE RGOL PHYIR RGOL RTZOD PA'I DUS DE'I TSE BSGRUB PAR BYA BA NYID DU SMRAS PA GANG YIN PA DE KHO NA BSGRUB BYA YIN GYI BSTAN BCOS MKHAN POS KHAS BLANGS KYANG, RTZOD GZHI DE'I CHOS SU BSHAD MA THAG DE'I TSE BSGRUB BYA MA YIN NO ZHES SHES PA'I CHED YIN PA'I PHYIR, RANG SDE KHA CIG DANG GZHAN SDE RNAMS RGOL PHYIR RGOL RTZOD PA MTHA' DAG RANG GIS TSAD MAR KHAS BLANGS PA'I BSTAN BCOS TSAD MA YIN MIN RTZOD PA YIN LA, DAM BCA' ZHES PA YANG BSTAN BCOS DE'I PHYOGS GCIG PHA ROL PO'I BLO NGOR BDEN PA'I DON CAN DU STON PA YIN LA DE'I TSE DAM BCA' DE BSGRUBS PAS LUNG DE'I PHYOGS GZHAN DU

42a

, ,YANG GNOD PA MA BYAS PA GCIG DGOS TE, GAL TE GNOD NA LUNG DE TSAD MA YIN PA BKAG PAS SKABS KYI DAM BCA' LA YANG GNOD PAR 'DOD PA DAG GI LOG RTOG DGAG BZHED NAS RTZOD PA'I DUS SU BSGRUB BYAR KHAS BLANGS PA DE NYID SGRUB NUS MI NUS BRTAG PAR BYA BA YIN GYI SKABS GZHAN LA GNOD PAS SKABS DE'I DAM BCA' 'GAL BAR 'DOD PA NI DNGOS STOBS KYI SKABS SU YANG LUNG SGRUB BYED DU 'DOD PA DAG GI LUGS YIN PAS, DE DGAG BZHED NAS BDAG NYID KYI SGRA SMOS PA YIN NO, ,DES NA GAL TE BSTAN BCOS MKHAN POS 'GA' ZHIG TSAD MAR KHAS BLANGS PA LA BRTEN TE BSGRUB PA SMRAN YANG BSTAN BCOS MKHAN POS DE BYED PAS, CHOS CAN SGRA LTA BU DE LA RTAG PA DANG NAM MKHA'I YON TAN NAM MI RTAG PA DANG BDAG MED PA SOGS CHOS MANG PO ZHIG KHAS LEN DU ZIN KYANG, DE'I TSE RGOL BA DE CHOS GANG BSGRUB PAR 'DOD PA DE NYID BSGRUB PAR BYA BA YIN GYI BSGRUB PAR MI 'DOD PA CIG SHOS NI MA YIN NO, ZHES BSTAN PAR 'GYUR RO, ,DON BSDUS NA PHYOGS KYI MTSAN NYID KYI ZUR DU RANG NYID SMOS PA DGOS PA YOD DE, RTZOD PA'I TSE BSTAN BCOS MKHAN POS TSAD MAR KHAS BLANGS KYANG RGOL BAS 'DOD YUL DU BYAS BA DE NYID SKABS KYI RTAGS DE'I BSGRUB BYA YIN GYI BSTAN BCOS MKHAN POS DE LAS BSHAD PA'I DON MTHA' DAG MA YIN NO, ,ZHES SHES PA'I CHED YI PA'I PHYIR RO, ,BZHI PA NI, PHYOGS KYI MTSAN NYID KYI ZUR DU 'DOD PA ZHES BYA BA SMOS PA NI DGOS PA YOD DE, BSGRUB BYA'I DON GANG LA RGOL PHYIR RGOL RTZOD PAS SGRUB PA BKOD PA DE DAG TU DNGOS SU MA SMRAS KYANG GRUB PAR

42b

'DOD PA STE, RGOL BA'I 'DOD YUL GYI BSGRUB BYAR SHES PAR BYA BA'I CHED YIN PA'I PHYIR, MIG SOGS BDAG DON BYED PA DE NI TSIG TU MA SMRAS KYANG RGOL BAS BSGRUB PAR BYA BA YIN TE, DE NI RGOL BAS ZHE BAS BSGRUB 'DOD NAS SGRUB BYED BKOD PAS RGOL BA GNYIS RTZOD PA'I GZHI YIN PA'I PHYIR RO, ,DPER NA MIG LA SOGS PA NI CHOS CAN, GZHAN GYI DON BYED DE, 'DUS SHING BSAGS PA YIN PA'I PHYIR, DPER NA MAL CHA DANG STAN LA SOGS PA'I YAN LAG BZHIN ZHES BYA BA LTA BU'O, ,SKABS 'DIR SLOB DPON CHOS MCHOG GIS MIG LA SOGS PA'I SOGS SGRAS SDUD TSUL GNYIS GSUNGS TE, DANG PO RNA BA LA SOGS PA BZUNGS BA NI, BEM PO NYER BZHI RTZOD GZHIR BZUNGS NAS DE LAS GZHAN GYI DON BYED PAR BSGRUB PA'I DGOS PA NI, BEM PO NYER BZHI LAS GZHAN PA SHES BYA NYER LNGA PA BDAG SHES RIG GI SKYES BU LAS MED PAS DE 'GRUB PAR BSAMS NAS GRANGS CAN GYIS ZOL SBYOR BKOD PA DE NYID STON PA YIN NO, ,YANG SOGS PA SMOS PAS RNAM PAR SHES PA YANG, GZHAN GYI DON BYED PAR 'GRUB PAR 'DOD DO, ,RNAM PAR SHES PA LAS GZHAN PA NI, BDAG KHO NA YIN PAS ZHES GSUNGS PA'I DON TO, ,RKYEN GSUM GYI YA GYAL DU GYUR PA'I YID BYED DANG, MIG GI RNAM PAR SHES PA LA SOGS PA BZUNG BA'I RNAM PA LA, GRANGS CAN BLO DANG CHEN PO ZHES PA'I MING CAN DU 'DOD PAS DE SOGS SGRAS SDUD PA YIN LA, DON BSDUS NA, SANGS RGYAS PAS KHAS BLANGS PA'I BDAG RKYEN DNGOS SU SMOS NAS, RKYEN GZHAN GNYIS SOGS SGRAS SDUD CING, RKYEN GSUM GYI 'BRAS BU SHES PA DANG, MYONG

43a

, ,BA DANG, RIG PA'I DON BYED PA YIN LA, SANGS RGYAS PAS BSKYED PA'I DON BYED PAR 'DOD KYANG, GRANGS CAN SKYES BU MYONG RIG DE NYID KYIS NYER MKHO'I DON BYED PAR 'DOD DO, ,BDAG SHES RIG GI SKYES BU SGRUB 'DOD NAS SMRAS PA YIN NO,, 'DUS SHING BSAGS PA CHOS CAN, 'DIR BDAG GI DON BYED PA ZHES BYA BA DNGOS SU MA BRJOD KYANG BDAG GI DON BYED PA NYID DU SGRUB PA YIN TE, SANGS RGYAS PA DANG, GRANGS CAN GNYIS BDAG YOD MED RTZOD PA'I SKABS SU GRANGS CAN GYIS MIG SOGS BDAG RTAG PA'I DON BYED PAR SGRUB 'DOD NAS, DE'I SGRUB BYED DU KHYOD BKOD PA YIN PA'I PHYIR RO, ,DES NA PHYOGS KYI MTSAN NYID KYI ZUR DU 'DOD PA SMOS PA DGOS PA YOD DE, RGOL BA'I ZHE BAS 'DOD PA BSGRUB BYA YIN GYI SMRAS PA TZAM KHO NA NI BSGRUB PAR BYA BA MA YIN NO ZHES DON GYIS BSTAN NAS RTOGS PAR 'GYUR BA'I PHYIR RO, ,LNGA PA NI, PHYOGS KYI MTSAN NYID KYI ZUR DU MA BSAL BA ZHES BYA BA SMOS PA NI, DGOS PA YOD DE, MTSAN NYID BZHI PO DE DAG DANG LDAN DU ZIN KYANG BSGRUB PAR 'DOD PA'I DON LA MNGON SUM DANG RJES SU DPAG PA DANG, GRAGS PA DANG, RANG GI TSIG RNAMS KYIS SEL BA DE LAS PHYIN CI LOG TU GRUB PA GANG YIN PA DE NI PHYOGS YIN NO, ZHES BSTAN PA'I CHED YIN PA'I PHYIR, DON BSDUS NA RGOL BAS GANG DAM BCAS PA DE LA, TSAD MA GSUM GYIS BSAL BAS MA ZHUGS PAR MA ZAD SMRAS PA'I TSE PHA ROL PO'I BLO NGOR SNGA PHYI DANG, DNGOS SHUGS 'GAL BA'O SNYAM PA LTA BU'I GNOD PA YANG MA ZHUGS PA DGOS PA'I DON NO, ,GNOD BYED BZHIS BSAL BA DE LA MNGON SUM

43b

GYIS BSAL BA NI DPER NA SGRA NI MNYAN DU MI RUNG ZHES BYA BA DAM BCAS PA LTA BU'O, ,DON DE MNGON SUM GYIS BSAL BA YIN TE, LDOG PHYOGS KYI DON MNGON SUM GYIS GRUB PA'I PHYIR RO, ,YUL LA YUL CAN GYI MING GIS BTAGS NAS MNGON SUM GYIS GNOD PA ZHES BSTAN PA YIN GYI, YUL CAN DNGOS SU GNOD BYED MA YIN TE, DPER NA SGRA 'DZIN NYAN SHES CHOS CAN, SGRA'I STENG DU MNYAN BYA MA YIN PA LA DNGOS SU GNOD BYED MA YIN TE, MNYAN BYA MA YIN PA'I RANG BZHIN LA ZHUGS PA'I PHYIR RO, ,DE LTAR RNAM 'GREL LAS, MNGON SUM SOGS KYI GZHAL BYA LA, ,'JAL BYED SGRA SGRO BTAGS NAS BRJOD, CES BSHAD PA LTAR RO, ,DES YUL CAN LA GNOD BYED KYI MING GIS BTAGS PAR 'DOD PA NI LOG PAR STON PA'O, ,RJES SU DPAG PAS BSAL BA NI DPER NA BUM PA NI RTAG PA'O ZHES BYA BA LTA BU'O, ,DE YANG GRANGS CAN BUM PA LA, DBYU GU LA SOGS PA CUNG ZAD BRDEG BZOD PAR MTHONG BA LAS RTAG PAR 'DOD PA LA, SKYES LDAN LA SOGS PA'I RTAGS KYIS 'GOG PAR BYED PA YIN NO, ,RANG SDER MING BTAGS PA'I BLUN PO MU COR SMRA BA KHA CIG ,BUM PA RTAG PAR 'DOD PA NI GRANGS CAN LAS KYANG CHES CHER 'KHRUL PA SHAS CHE BAR SNANG NGO, ,GRAGS PAS BSAL BA NI DPER NA, RI BONG CAN NI ZLA BA ZHES PA'I SGRAS BRJOD DU RUNG BA MA YIN NO ZHES BYA BA LTA BU'O, ,DE YANG RI BONG CAN CHOS CAN, ZLA BA ZHES PA'I SGRAS BRJOD DU RUNG STE, RTOG YUL NA YOD PA'I PHYIR, CES PA'I RTAGS LA BRTEN NAS SEL BAR BYED DE, PHYOGS CHOS MNGON SUM GYIS GRUB CING KHYAB PA

44a

, ,MNGON SUM GYIS GRUB PA'I GRAGS PA'I GTAN TSIGS GNYIS PA BSGRUB PAR BYED PA YIN NO, ,'DI RTAGS YANG DAG MA YIN PAR 'DOD PA NI RTOG PAS BTAGS PA LA TSAD MA'I GZHAL BYA SKYON MED LEGS PAR 'JOG MI SHES PA'I LOG RTOG YIN PAS SO, ,GZHAN DU NA RNAM 'GREL RNAM NGES GNYIS SU, RIG BYED TSAD MA YIN PA RGYAS PAR BKAG PA YANG 'BREL BA MED BAR 'GYUR BAS SO, ,RANG TSIG GIS BSAL BA NI DPER NA, RJES SU DPAG PA NI TSAD MA MA YIN NO ZHES BYA BA LTA BU STE, DE LTAR BDEN ZHEN GYIS SMRAS PA NA, SHUGS LA 'ONGS PA'I DAM BCAS DNGOS KYI DON DANG 'GAL BAR BYED PA'I PHYIR TE, GZHI CHOS CAN RJES DPAG GI STENG DU TSAD MA MA YIN PAR BDEN ZHEN GYIS DAM BCAS PA NA TSIG DE LAS BRJOD BYA DE 'KHRUL MED DU GO BA'I RJES DPAG KHAS BLANGS PAS RJES DPAG TSAD MA YIN PA DANG MA YIN PA GNYIS KA DNGOS SHUGS LA DAM BCAS PA YIN NO, ,TSIG DE SNGAR BSHAD PA LTAR RGOL BAS BDEN ZHEN GYIS SMRAS PA NA, PHA ROL POS DNGOS SHUGS 'GAL 'DUG SNYAM DU NGES PA DANG, YID CHES SU KHAS BLANGS PAS 'GAL BA ZHUGS PA LA YID CHES BSAL BA ZHES BYA BA'I DNGOS SU RJES DPAG LA TSAD MA YIN MIN GNYIS KA'I GZHI MTHUN SEL BA NI DNGOS PO STOBS ZHUGS KYI TSAD MA'O,, DE BZHIN DU GZHAL BYA'I DON CAN GYI TSAD MA DAG MED DO, ZHES DAM BCAS PA NA, GZHI CHOS CAN TSAD MA GCIG PU'I STENG DU GZHAL BYA 'JAL BYED DU MED PA DANG YOD PA DNGOS SHUGS LA DAM BCAS PA'I 'GAL BA YANG SHES PAR BYA'O, ,YID CHES PA'I

44b

GTAN TSIGS YANG DAG GIS GNOD PA'I YID CHES BSAL BA NI, SBYIN SOGS DKAR PO'I CHOS NI BDE BA STER BYED MA YIN NO, ZHES DAM BCAS PA LTA BU'O, ,GZHAL BYA'I GNAS GSUM PA LA SKUR PA 'DEBS PA'I LOG RTOG GI THA CHAD YID CHES RJES DPAG TSAD MA MA YIN PAR SMRA BA NI, GZHAN DU RGYAS PAR BKAG ZIN TO, ,DE LTAR NA PHYOGS LTAR SNANG BA BZHI TSAD MAS MAS SEL BA GNYIS KYI RIG PAR BYA'O, ,DANG PO NI MTHUN SEL BA GNYIS KYIS RIG PAR BYA'O, ,DANG PO NI, PHYIR RGOL GYIS GRUB ZIN PA DANG DES MA GRUB KYANG BSGRUB PAR BYED PA NYID DU 'DOD BA SGRUB BYED DU BKOD BZHIN PA DANG, RTZOD PA'I DUS DE'I TSE RGOL BA BDAG NYID KYIS BSGRUB PAR BYA BA NYID DU MI 'DOD PA BSTAN BCOS MKHAN BO'I 'DOD PA TZAM DANG ZHE BAS MI 'DOD PA DAG TU SMRAS PA TZAM DANG TSAD MAS BSAL BA LAS ZLOG PA NI BSGRUB PAR BYA BA YIN NO, ,PHYIR RGOL GYIS GRUB ZIN SOGS PHYOGS LTAR SNANG DU SGRUB ZIN PA DE LTAR NA'I PHYIR, SLOB DPON CHOS MCHOG GIS 'DIR GRAGS PA NI RANG BZHIN GYI GTAN TSIGS YIN LA, RANG GI TSIG NI 'BRAS BU'I GTAN TSIG NYID DU BTAGS PAR 'DOD KYI DNGOS SU NI MA YIN NO, ZHES BSHAD PA LA BRTEN NAS GRAGS PA DANG YID CHES LA GTAN TSIGS YANG DAG YIN MIN GYI KHYAD PAR 'BYED PA NI BZHED PA MA YIN TE, 'DIR BSHAD PA NI TSIG SMRA BA POS NGA'I TSIG 'DIL 'KHRUL PA MED PA YIN PAS 'DI LAS DON 'DI RTOGS PAR GYIS SHIG SNYAM PAS NGAG ZHEN PA'I BRJOD BYA DPOG PA'I 'BRES RTAGS SU RLOM BA'I DON YIN LA, DE LTAR YANG 'THAD LDAN DU, DE 'DRA

45a

, ,BA YANG SMRA BA PO'I NGA RGYAL GYI RJES SU DPAG PA'I TSAD MA YIN NO, ZHES BSHAD PA LTAR RO, ,YID CHES KYI GTAN TSIGS MI BZHED PA MA YIN TE, RNAM NGES KYI DBANG PO 'DAS LA LUNG DON GYI, ,RTEN CAN LAS GZHAN RIG PA MED CES PA'I 'GREL PAR GSAL BAR BSGRUB PA'I PHYIR RO, ,GNYIS PA NI, PHYIR RGOL GYIS MA GRUB PAR BYA BA DE NYID KYI NGO BO DANG, RGOL BA'I 'DOD YUL DU BYAS PA DANG TSAD MAS MA BSAL BA NI PHYOGS YIN NO, ,PHYOGS KYI RIGS MI MTHUN SEL BA DE TZAM GYIS RDZOGS PA'I PHYIR TE, RGOL BAS 'DOD YUL DU BYAS SHING PHYIR RGOL GYI BLO NGOR GRUB BSAL MA ZHUGS PA'I DON TO, ,GZHAN GNYIS LOG RTOGS LA BA'I CHED YIN TE, SGRUB BYED DU BKOD BZHIN PA'I TSE PHYIR RGOL GYIS MA GRUB NA SGRUB DGOS PAS, , BSGRUB BYA YIN NAM SNYAM PA SEL BA LA NGO BO KHO NA ZHES PA DANG, RANG GIS KHAS BLANGS PA'I BSTAN BCOS MKHAN PO'I 'DOD PA DANG MI 'GAL BA ZHIG RTZOD PA'I TSE YANG BSGRUB BYAR BYED DGOS SNYAM PA SEL BA LA RANG NYID KYI SGRA SMOS SO, ,DE LTAR NA SNGAR BSHAD PA DE DAG GIS PHYOGS KYI MTSAN NYID NYES PA THAMS CAD DANG BRAL BA KHA NA MA THO BA MED PAR BSTAN PA YIN NO, ,GNYIS PA SGRUB DAG LTAR SNANG BSHAD PA LA GNYIS, DNGOS KYI DON DANG, DNGOS STOBS KYI SKABS SU 'GAL BA LA MI 'KHRUL BA'I GTAN TSIGS LTAR SNANG GI DPE MA SMOS PA'I RGYU MTSAN NO, ,DANG PO LA GSUM, MDOR BSTAN PA DANG, RGYAS PAR BSHAD PA DANG, DON BSDU BA'O, ,DANG PO NI, TSUL GSUM PA'I RTAGS BSHAD PA'I ZHAR LA PHYOGS KYI MTSAN NYID BSHAD NAS,

45b

GTAN TSIGS LTAR SNANG STON PA NI GZHAN GYI DON GYI RJES SU DPAG PA NI TSUL GSUM PA'I RTAGS BRJOD PA STE, ZHES SMRAS PA DE LA STE DE'I PHYIR, SGRUB NGAG TU BKOD NAS TSUL GSUM LAS TSUL GANG YANG RUNG BA GCIG MA SMRAS NA YANG SGRUB PA LTAR SNANG BA YIN NO, ,TSUL GSUM GANG RUNG GCIG MA BSTAN NA YANG SGRUB NGAG YANG DAG TU MI 'GYUR TE, GZHAN DON RJES DPAG LA TSUL GSUM GA LHAG CHAD DANG BRAL BAR STON PA DGOS PA'I PHYIR RO, ZHES PA'O, ,PHYOGS LA MTHU MED SOM NYI DANG, ,MI 'DOD 'DOD PA'I NGES SGRUB BYED, CES GSUNGS PA LTAR, MA GRUB PA'I GTAN TSIGS KYIS NI RTOGS PA CUNG ZAD KYANG MI SKYED LA, MA NGES PA'I GTAN TSIGS KYIS NI SNGA NAS GNAS PA'I THE TSOM LAS MA 'DAS PAR BYED DE, SGRA MI RTAG SGRUB LA GZHAL BYA RTAGS SU BKOD PA LTA BU'O, ,SGRA 'DI GZHAL BYA YIN PA'I PHYIR, BUM PA LTAR MI RTAG PA YIN NAM, 'ON TE GZHAL BYA YIN PA'I PHYIR, NAM MKHA' LTAR RTAG PA YIN NAM SNYAM DU THE TSOM DU 'GYUR BAS SO, ,'GAL RTAGS KYIS MI 'DOD PA'I DON LA NGES PA 'DREN PAR BYED KYI RANG GI BSGRUB BYA LA THE TSOM DANG, LOG RTOG SOGS GANG YANG MI SKYED DO, ,KHA CIG 'GAL RTAGS KYIS BSGRUB BYA LA LOG RTOG BSKYED PAR 'DOD PA NI, 'KHRUL PA CHEN PO YIN TE, 'GAL RTAGS SU SONG BA'I TSE LOG PHYOGS BSGRUB PA'I RTAGS YANG DAG TU 'GYUR BAS KHYAB LA YANG DAG SHES PA DANG, DE'I GZHAL BYA DANG, DNGOS 'GAL 'DZIN PA'I LOG RTOG GNYIS SKYES BU GCIG GI RGYUD LA DUS GCIG MNGON GYUR DU SKYE BA'I SKABS MED PA'I

46a

, ,PHYIR RO, ,GNYIS PA LA GNYIS, MA GRUB PA DANG, MA NGES PA DANG, 'GAL BA'I GTAN TSIGS BSHAD PA'O, ,DANG PO LA GNYIS, BSTAN PA DANG, BSHAD PA'O, ,DANG PO NI, PHYIR RGOL GYI DOR SGRUB BYED DU SMRAS KYANG GO BAR BYA BA PHYIR RGOL BA DANG GO BAR BYED PA RGOL BA GNYIS KA'AM GANG RUNG LA PHYOGS CHOS MA GRUB PA'AM THE TSOM ZA NA YANG MA GRUB PA'I GTAN TSIGS LTAR SNANG YIN TE, RTAGS SU BKOD PA GANG ZHIG SHES 'DOD CHOS CAN GYI STENG DU 'GOD TSUL DANG MTHUN PAR YOD PA KHO NAR MA NGES PA'I PHYIR RO, ,GNYIS PA LA GSUM, RTAGS CHOS CAN GYI STENG DU MA GRUB PA DANG, THE TSOM ZA BA'I MA GRUB PA DANG, CHOS CAN MA GRUB NAS MA GRUB PA'O, ,DANG PO LA GSUM, PHYOGS CHOS RGOL BA DANG, PHYIR RGOL BA GNYIS,, KA LA MA GRUB PA DANG, PHYIR RGOL LAM GRUB PA DANG, RGOL BA LA MA GRUB PA'O, ,DANG PO NI, RTAGS SHES 'DOD CHOS CAN DANG 'BREL BA'I TSUL GCIG MA GRUB PA'AM THE TSOM ZA NA YANG MA GRUB PA'I GTAN TSIGS LTAR SNANG BA YIN TE, GTAN TSIGS NI SNGA MA LTAR SBYAR RO, ,DPER NA SGRA MI RTAG PA'O ZHES BSGRUB PA LA MIG GIS GZUNG BA NYID RTAGS SU BKOD PA NI RGOL BA GNYIS KA LA MA GRUB PA LTA BU'O, ,GNYIS PA NI, LJON SHING RNAMS LA GCER BU PAS SEMS PA YOD PA BSGRUB PAR BYA BA LA SHUN PA THAMS CAD BSHUS NA 'CHI BRTAGS SU BKOD PA NI PHYIR RGOL BA SANGS RGYAS PA LA PHYOGS CHOS MA GRUB STE, SANGS RGYAS PA SHING 'CHI BAR KHAS MI LEN PA'I PHYIR RO, ,SANGS RGYAS PA DE NI MIG LA SOGS PA'I RNAM PAR

46b

SHES PA DANG DBANG PO DANG, SNGON GYI 'PHEN PAS 'PHANGS PA'I LAS KYI NUS PA RDZOGS NAS YID KYI SHES PA GNAS PA'I RTEN TSE 'GAG PA'I MTSAN NYID LA 'CHI BA YIN PAR KHAS LEN PA'I PHYIR RO, ,SHING LA RNAM SHES MED NA DE 'GAG PA GA LA YOD, SHING SKAM PA LA KHO BO CAG 'CHI BAR 'DOD LA DE KHYED LA YANG GRUB PA MA YIN NAM ZHE NA, DE 'CHI BA'I DON DU KHO BO CAG KHAS MI LEN PA'I PHYIR RO, ,DES NA SHING LA 'CHI BA MA GRUB STE, SNGON GYI LAS KYI NUS PA ZAD NAS TSE 'GAG PA LA 'CHI BAR 'DOD LA DE YANG SHING DAG LA MI SRID PA'I PHYIR RO, ,GSUM PA NI, GRANGS CAN GYIS BLO DANG BDE BA LA SOGS PA SANGS RGYAS PA'I NGOR SEMS PA MED PAR BSGRUB PA LA SKYE BA CAN NAM MI RTAG PA NYID RTAGS SU BKOD PA NI PHYOGS CHOS RGOL BA GRANGS CAN BDAG NYID LA MA GRUB PA YIN TE, GTAN TSIGS KYI DON RTZOD GZHI LA 'GOD TSUL DANG, MTHUN PAR MA GRUB PA'I PHYIR RO, ,GRANGS CAN GYIS SKYE 'JIG BYED PA LA SEMS MED BEM PO YIN PAS KHYAB STE, DPER NA GZUGS LA SOGS PA DE TZAM LNGA PO BZHIN, BLO DANG BDE BA YANG SKYE 'JIG CAN YIN PA'I PHYIR, SEMS MED BEM PO YIN NO ZHES PA'I PHYOGS CHOS DANG RJES 'GRO SANGS RGYAS PA'I LUNG LAS BSHAD PAS PHYIR RGAL LA GRUB SNYAM DU BSAM PA'O, ,DE YANG GRANGS CAN SNGAR YOD GSAR DU GSAL BA DANG MI GSAL BA LA SKYE 'JIG TU 'DOD KYI, SNGAR MED GSAR SKYE DANG GTAN MED DU 'GYUR BA'I SKYE 'JIG GRANGS CAN MI 'DOD PAS PHYOGS CHOS RGOL BA LA MA GRUB PA YIN NO, ,LDOG PA NI, GRANGS CAN RANG LA GRUB PAR 'DOD PAS TE, SEMS PA CAN GYI BDAG BCINGS GROL KUN GYI

47a

, ,GZHI YIN PAS SKYE 'JIG DANG BRAL LO SNYAM DU BSAMS PA'O, ,GNYIS PA NI, DE BZHIN DU GTAN TSIGS BDAG NYID DAM DE'I GZHI TSES CAN LA THE TSOM ZA NA PHYOGS CHOS MA GRUB PA YIN TE, RTAGS RTZOD GZHI LA 'GOD TSUL DANG MTHUN PAR BLOS MA NGES PA'I PHYIR RO, ,RTAGS RANG GI NGO BO LA THE TSOM ZA BA NI, DPER NA ME BSGRUB PAR BYA BA LA DU BA YIN NAM RLANGS PA YIN SNYAM DU RLANGS PA LA SOGS PA'I DNGOS POR THE TSOM ZA BA'I 'BYUNG BA 'DUS PA LA ME YOD DE, DU BA YOD PA'I PHYIR CES BKOD PA LTA BU DANG, DU BA NYID DU MA NGES NA THE TSOM ZA BA ME'I RTOGS PA SKYED MI NUS SO, ,GZHI CHOS CAN LA THE TSOM ZA BA NI DPER NI RA SUL DBUS MA NA RMA BYA'I SGRA YOD MED THE TSOM ZA BZHIN DU RMA BYA'I SGRA GRAG PA'I RI SUL DBUS MA 'DI NA CHOS CAN, RMA BYA YOD DE, MA BYA'I SGRA GRAG PA'I PHYIR CES BYA BA LA DE GRAGS PA'I YUL TSAD MAS MI RTOGS PA LTA BU'O, ,MA GRUB PA'I GTAN TSIGS NI, GZHI CHOS CAN DANG, RTAGS RANG GI NGO BO DANG, DE GNYIS KYI 'BREL PA DON LA MA GRUB PA GSUM DANG; THE TSOM ZA BA GSUM DANG, DRUG TU PHAL CHER 'DUS LA 'BREL PA PHYIR RGOL GYIS GRUB ZIN PA GTAN TSIGS KYI SKYON MA YIN YANG, GRUB ZIN PAR SHES KYANG SLAR YANG SGRUB NA RGOL BA'I SKYON YIN PA BZHIN DU BSGRUB BYA GRUB ZIN SGRUB NA YANG SKYON DU SHES PAR BYA'O, ,GSUM PA NI, GZHI CHOS CAN MA GRUB NA YANG PHYOGS CHOS MA GRUB PA YIN TE, SNGAR LTAR PHYOGS CHOS KYI MTSAN NYID MA TSANG BA'I PHYIR RO, ,DPER NA BYE BRAG PAS BDAG KHYAB BYED DU YOD PAR SGRUB 'DOD NAS, LUS

47b

KYI STENG 'OG THAMS CAD NA GANG ZAG GI BDAG GNAS PAR SGRUB PA LA THAMS CAD NA DMIGS PA'I BDAG GI YON TAN NYID RTAGS SU BKOD PA LTA BU'O, ,BDAG GI YON TAN NI BDE SDUG DANG, 'DOD PA DANG, ZHE SDANG LA SOGS PA'O, ,YON TAN NI YON TAN CAN MED PAR MI GNAS PAS BDAG KHYAB PAR BSGRUB PA'O, ,LUS KYI STENG 'OG BAR GSUM THAMS CAD NA GNAS PA SGRUB 'DOD NAS, GANG ZAG GI BDAG CHOS CAN, DE THAMS CAD NA YOD DE, DE THAMS CAD NA KHYOD KYI YON TAN DMIGS PA'I PHYIR CES PA'O, ,'DI DAG LA BRTEN NAS GZHI MA GRUB NA RTAGS YANG DAG GI SHES 'DOD CHOS CAN DU 'GAL BAR 'DOD PA NI, TSAD MA KUN LAS BTUS KYI RANG RTEN LA'O, ZHES PA'I DON RNAM 'GREL DU RGYAS PAR BSHAD PA KHONG DU MA CHUD PA'I RNAM 'GYUR DU GSAL TE, DE'I DON DBU MA SNANG BAR MKHAS PA'I DBANG PO KA MA LA SH'I LAS KYANG GSAL BAR BSHAD DO, ,DES NA RTAGS YANG DAG YIN NA SHES 'DOD CHOS CAN GRUB PAS KHYAB KYANG RTAGS YANG DAG GI SHES 'DOD CHOS CAN YIN NA GRUB MI DGOS TE; MTSAN NYID LNGA LDAN GYI GTZO BO RNAM 'GYUR DU MA'I NYER LEN BYED PA DNGOS SU RTAGS YANG DAG GIS DGAG DGOS PA'I PHYIR RO, ,SHES 'DOD CHOS CAN RANG GI LDOG PA BSGRUB PA'I DBANG DU BYAS NA DGAG RTAGS DANG SGRUB RTAGS KYI SGO NAS KHYAD PAR DBYE DKA'O, ,GNYIS PA LA GSUM, DNGOS KYI MA NGES PA DANG YANG DAG LHAG LDAN BSHAD PA DANG, 'GAL BA'I GTAN TSIGS BSHAD PA DANG, 'GAL BA LHAG LDAN DANG THUN MONG MA YIN PA'I MA NGES PA BSHAD PA'O, ,DANG PO LA GNYIS, DNGOS KYI MA NGES

48a

, ,PA DANG, YANG DAG LHAG LDAN BSHAD PA'O, ,DANG PO NI, DE BZHIN DU PHYOGS CHOS GRUB MTHUN PHYOGS LA MTHONG YANG, MI MTHUN PA'I PHYOGS LA MED PA'I TSUL GCIG MA GRUB NA YANG MA NGES PA'I GTAN TSIGS LTAR SNANG BA YIN TE, RGYU MTSAN DE'I PHYIR RO, ,DE YANG MI MTHUN PHYOGS DANG MI MTHUN PHYOGS GNYIS KA LA KHYAB BYED DU 'JUG PA DANG, GNYI GA LA CHA GNYIS PA DANG, MTHUN PHYOGS LA KHYAB CING MI MTHUN PHYOGS LA CHA GNYIS PA DANG, DE LAS LOG PA STE BZHI'O, DPER NA SGRA RTAG PA NYID KYI CHOS SU BSGRUB PA LA GZHAL BYA NYID RTAGS SU BKOD PA CHOS NI MTHUN PA'I PHYOGS DANG, MI MTHUN PA'I PHYOGS THAMS CAD LA KHYAB BYED DU YOD PA'O, ,LA SOGS PA'I SGRAS SGRA CHOS CAN, RTZOL BYUNG MA YIN TE, LA SOGS PA'I CHOS MI RTAG PA'I PHYIR, CES PA LTA BU, MI MTHUN PHYOGS LA KHYAB BYED DU 'JUG PA DANG, MTHUN PHYOGS KYI PHYOGS GCIG LA YOD PA CHA GNYIS PA LTA BU'O, ,DE YANG MTHUN PHYOGS GLOG LA SOGS PA LA YOD LA, NAM MKHA' SOGS LA MED PAS SO, ,SGRA RTZOL BYUNG DU BSGRUB PA LA MI RTAG PA RTAGS SU BKOD PA NI SNGA MA LAS LOG PAR SHES PAR BYA'O, ,SGRA RTAG STE LUS CAN MA YIN PA'I PHYIR CES PA NI, GNYIS KA LA CHA GNYIS PAR 'JUG PA YIN NO, ,DE YANG MI MTHUN PHYOGS KYI PHYOGS GCIG SEMS PA'I LAS LA 'JUG BUM PA LA MI 'JUG ,MTHUN PHYOGS KYI PHYOGS GCIG NAM MKHA' LA 'JUG ,RDUL PHRA BA LA MI 'JUG STE, BYE BRAG PAS RDUL PHRA RAB RTAG PAR KHAS LEN CING, LUS CAN GYI DON KHAS BLANGS PA'I PHYIR RO, ,

48b

GNYIS PA LA GNYIS, RGYAS PAR BSHAD PA DANG, DON BSDU BA'O, ,DANG PO LA GNYIS, DPE DANG, LDOG PA LA THE TSOM ZA BAR BSGRUB PA'O, ,DANG PO NI, DE BZHIN DU PHYOGS CHOS GRUB MTHUN PHYOGS LA MTHONG YANG LDOG PA'I TSUL DE NYID LDOG PA'I TSUL DE NYID LA THE TSOM ZA NA YANG MA NGES PA'I GTAN TSIGS KHO NA STE, RGYU MTSAN DE NYID KYI PHYIR RO, ,DPER NA BRJOD PAR 'DOD PA'I MI LA LA ZHIG NI, NGAG SMRA PAR 'DOD PA'I LAM PO CHE'I MI CHOS CAN, THAMS CAD MKHYEN PA MA YIN PAS 'DOD CHAGS LA SOGS PA DANG LDAN PAR BSGRUB PA LA DAG SMRA BA DANG, MIG 'BYED 'DZUM BYED PA LA SOGS PA'I CHOS RTAGS SU BKOD PA LTA BU YANG DAG LHAG LDAN GYI MA NGES PA YIN TE, PHYOGS CHOS GRUB MTHUN PHYOGS LA MTHONG YANG MI MTHUN PA'I PHYOGS LAS LDOG PA LA THE TSOM ZA BA YIN PA'I PHYIR RO, ,GNYIS PA LA GNYIS, DAG SMRA KUN MKHYEN MED PAR SGRUB PA LDOG PA LA THE TSOM ZA BAR BSTAN PA DANG, CHAGS LDAN DU BSGRUB PA LDOG PA LA THE TSOM ZA BAR BSTAN PA'O, ,DANG PO LA GSUM, GZHAN GYI LDOG PA BSGRUB PA'I GTAN TSIGS LTAR SNANG DU BSTAN PA DANG, LDOG KHYAB MI 'GRUB PA'I RGYU MTSAN DANG, BSDUS TE BSTAN PA'O, ,DANG PO NI, RTAGS DE'I LDOG PA GRUB STE, DE YANG KUN MKHYEN DAG SMRA BA MED DE, MA DMIGS PA'I PHYIR RO ZHE NA, THAMS CAD MKHYEN PA DAG SMRA PA MA DMIGS SO ZHES BYA BA'I MI DMIGS PA'I RNAM PA DE LTA BU NA MED DES GO BYED YANG DAG MA YIN TE, KUN MKHYEN DAG SMRA BA YOD MED THE TSOM GYI RGYU YIN PA'I PHYIR RO, ,DER THAL, YUL KUN MKHYEN DAG SMRA BA YOD KYANG PHYIR RGOL LA BLTAR MI SNANG BA

49a

, ,NYID KYIS SO, ,'DI DAG NI SPYOD BA PA KUN MKHYEN DANG CHAGS BRAL MA MTHONG TZAM GYIS MED PAR SMRA LA, MCHOG GI SPRUL PA'I SKU CHOS GSUNG BA SOGS MTHONG BA NYID KYIS KUN MKHYEN DANG CHAGS PA DANG BRAL BA 'GOG PA'I GTAN TSIGS LTAR SNANG DU BSGRUB PA DANG, SHES BYA KUN MNGON SUM DU GZIGS PA SOGS YOD KYANG RGOL BA NGAN PA DE DAG LA BLTAR MI SNANG PAR STON PA YIN GYI, SPYIR KUN MKHYEN DANG CHAGS BRAL YOD KYANG TSAD MAS DMIGS SU MI RUNG BAR STON PA MA YIN TE, DNGOS PO STOBS ZHUGS KYI RIGS PAS LEGS PAR GRUB PA'I PHYIR RO, ,'DI DAG NI SANGS RGYAS KYI GZUGS KYI SKU SANGS RGYAS MA YIN PAR 'DOD PA'I SKAL CHAD RNAMS KYI LUGS DANG MTSUNGS PA'O, ,GNYIS PA NI, KUN MKHYEN NGAG SMRA BA MA DMIGS PAS MED CES MI SMRA YI, KUN MKHYEN DANG NGAG SMRA BA LHAN CIG 'GAL BA'I PHYIR RO, ZHE NA, GONG DU BSTAN PA DE BAS NA THAMS CAD MKHYEN PA MA YIN PA LAS LDOG PA KUN MKHYEN SMRA BA LA SOGS PA LDOG PA NI THE TSOM DU GYUR PA YIN GYI, MED NGES KYI LDOG KHYAB 'GRUB PA MA YIN TE, SMRA BA DANG THAMS CAD MKHYEN PA NYID GNYIS LA 'GAL BA GANG YANG MED PA'I PHYIR RO, ,KUN MKHYEN DAG SMRA BA MA MTHONG DU ZIN KYANG THAMS CAD MKHYEN PA GANG YIN PA DE YANG DAG SMRA BA MA YIN NO ZHES LDOG PA MI 'GRUB STE, LDOG PA LA THE TSOM ZA BA'I PHYIR RO, ,'GAL BA GNYIS KYI DBYE BA DANG MTSAN NYID STON PA NI DNGOS PO RNAMS KYI 'GAL BA NI CHOS CAN, RNAM PA GNYIS TE, LHAN CIG MI GNAS PA'I 'GAL BA DANG, PHAN

49b

TSUN SPANGS PA'I 'GAL BAR NGES PA'I PHYIR RO, ,GNOD BYA RGYU MA TSAD PA MED PAR 'BYUNG BA LA GZHAN GNOD BYED STOBS LDAN YOD NA GNOD BYA'I RGYUN MED PAR BYED PA'I PHYIR, LHAN CIG MI GNAS PA'I 'GAL BA STE, GRANG BA DANG TSA BA'I RIG PA LTA BU'O, ,RGYU MA TSANG NAS MED PA DE LAS LHAN CIG MI GNAS 'GAL DU MI RTOGS PA'I PHYIR, RGYU MA TSANG BA MED PA ZHES SMOS SO, ,'O NA RGYU TSANG BA SUS KYANG DGAG MI NUS PA'I PHYIR, DE LAS KYANG 'GAL BAR MI RTOGS PAR THAL BAR 'GYUR RO ZHE NA, SKYON MED DE, RGYU MA TSANG BA MED PA YANG GZHAN GYI SKAD CIG GNYIS PA PHAN CHAD DU RGYU MA TSANG BAR BYED PA'I PHYIR RO, ,SKAD CIG MA GCIG DANG THAG RING PO'I BAR DU CHOD PA LA MNGON SUM GYI 'GAL BA 'DI NGES MI NUS PAS RGYUN DANG, GNOD BYA GNOD BYED THAG NYE BA LAS NGES PAR BYED PA YIN NO, ,DE YANG SKAD CIG DANG PO LA TSOGS PA'I GNAS SKABS KYI GRANG REG RIGS 'DRA PHYI MA BSKYED PA'I NUS PA MED PA'I GNAS SKABS SU RUNG BAR BYED LA, DE YANG DE'I SKAD CIG MA SNGA MA MES BSKYED PA YAN NO, ,PHRAD PA'I DUS KYI TSA REG DES SKAD CIG GNYIS PA'I GRANG REG RIGS 'DRA PHYI MA BSKYED PA'I NUS MED DU DNGOS SU BSKYED NAS SKAD CIG GSUM PA LA GRANG REG GI RGYUN 'GAGS PA NI GNOD BYA LDOG PA MYUR PA'I DUS YIN GYI, DE LAS DUS THUNG BA LA TSA REG GI GNOD PA BYED PA'I TSUL MI RTOGS SHING MNGON SUM TSAD MAS RTOGS MI NUS SO, ,SNANG BA DANG MUN PA GNOD BYA GNOD BYED DU NGES PA'I TSUL YANG, KHANG PA'I GRVA'I PHYOGS GCIG NA MUN PA DANG, PHYOGS GZHAN NA SNANG BA GNAS PA LAS

50a

, ,MUN PA SEL BAR BYED PA MA YIN TE, MUN PAS NON PA'I PHYOGS SU SNANG BA'I SKAD CIG GZHAN SKYED MI NUS PA'I PHYIR RO, ,DES NA MUN PA SEL BAR BYED PA'I SNANG BA NI, 'GRO BA'I CHOS CAN YIN TE, CHU RLABS KYI TSUL DU RIM GYIS YUL GNON PAN MUN PA DANG BAR MCHOD PA'I SNANG BA'I SKAD CIG GZHAN BSKYED PA DE'I TSE, SNANG BA DANG NYE BA'I MUN PA RIGS 'DRA PHYI MA BSKYED PAR BYED CING, SNANG BA DANG NYE BAR 'DUG PA DE RIGS 'DRA PHYI MA BSKYED PA'I NUS PA MED PAR 'GYUR RO; ;YUL DER MUN PA 'GAGS PA DANG, SNANG BA SKYES PA DUS MNYAM PAS DE LTAR RIM GYIS SNANG BAS MUN PA SEL BAR BYED DE, DE YANG KHANG PA'I STENG G-YOGS SHA'I BU GA GZHAN MED PA'I MUN PA'I RGYU MA TSANG BA MED PA NA, SKAD CIG DANG PO LA SNANG BA'I DNGOS RGYU SKYE, DES MUN PA SKAD CIG THA MA RIGS 'DRA PHYI MA BYED PA'I NUS MED DU BSKYED SNANG BA SKYES PA NA MUN PA 'GAGS PAS SKAD CIG GSUM PA LA LDOG PA YIN NO, ,SNGA MA KHA CIG GIS GSUNG RAB DANG DGONGS 'GREL RNAMS SU SNANG MUN DANG 'DAS LA MA GYIS SA BON SPONG BA DPE DON MDZAD PA'I DON ZHIB TU MA RTOGS PAR SNANG BA'I BRGYUD RGYAS GNOD PA DANG, SPANG BYA'I SA BON LA BAR CHAD MED LAM GYI DNGOS RGYUS DNGOS SU GNOD PAR GZUNG NAS BAR CHAD MED LAM GYI DUS NA DO SKAL GYI SPANG BYA'I SA BON YOD PA DANG, DE LA SBYOR LAM CHOS MCHOG SOGS KYIS DNGOS SU GNOD PAR 'DOD PA NI, PHYIN CI LOG 'GA' ZHIG YIN PAS GZHAN DU RGYAS PAR BKAG ZIN TO, ,DNGOS POR YOD PA DANG DNGOS POR MED PA LTA BU CHOS CAN,

50b

PHAN TSUN SPANGS 'GAL YIN TE, GCIG GIS GCIG MTSAN NYID PHAN TSUN SPANGS TE GNAS PA'I MTSAN NYID KHO NAS THA DAD GZHI MTHUN MI SRID PA'I PHYIR RO, ,DPER NA, G-YU'I KHA DOG SNGON POR YONGS SU GCOD PA NA SNGON PO MA YIN PA RNAM PAR GCOD PA YIN TE, DE RNAM PAR MA BCAD NA SNGON POR YONGS SU GCOD MI NUS PA'I PHYIR RO, ,SNGON PO LA SER PO 'GOG PA NA SER PO SNANG RUNG DU BRTAGS NAS DGAG PAR BYA BA YIN TE, YOD KYANG SNANG DU MI RUNG BA MNGON SUM GYIS DGAG MI NUS PA'I PHYIR RO, ,DES NA SNGON PO 'DI LA SER PO MED DE, YOD NA SNANG DU RUNG BA LAS MA DMIGS PAS SNANG BA MA DMIGS PA LAS DGAG PAR BYA BA YIN NO, ,DE BZHIN DU SNGON PO LA SHA ZA 'GOG PA YANG SNGON PO DE NYID SHA ZA YIN PA DANG, SHA ZA'I BDAG NYID DU YOD PA MNGON SUM GYIS DGAG NUS LA SHA ZA DON GZHAN NI MNGON SUM GYIS DGAG MI NUS SHING, RJES DPAG GIS KYANG MED PAR NGES MI NUS SO, ,SNGON PO SKAD CIG MA'I BDAG NYID DU YOD KYANG MNGON SUM GYIS RTOGS MI NUS PAS DE RTAG PA YIN PA RJES DPAG GIS 'GOG PA YIN NO, ,SGRA BSHAD PA NI SNGON PO'I MTSAN NYID ZHUGS PA DER SNGON PO MA YIN PA'I MTSAN NYID MA ZHUGS, SNGON PO MA YIN PA'I MTSAN NYID ZHUGS PA DER, SNGON PO'I MTSAN NYID MA ZHUGS PAS MTSAN NYID PHAN TSUN SPANGS TE GNAS PA ZHES BYA'O, ,SPYIR 'GAL BA MTHA' DAG PHAN CHU NA SPANGS 'GAL DU 'DUS KYANG DNGOS KYI 'GAL BA GNYIS GCIG GI NANG DU GCIG MI 'DU ZHING, BYED LAS KYANG THA DAD PA YIN NO, ,GSUM PA NI,

51a

, ,KUN MKHYEN DAG SMRA BA MI DMIGS KYANG MED PA RTOGS PA MA YIN NO, ,'GAL BA RNAM PA GNYIS KA YANG SMRA BA NYID DANG, THAMS CAD MKHYEN PA NYID LA MI SRID LA, MI 'GAL BA GZHI MTHUN YOD PA'I PHYIR RO, ,SMRA BA DANG KUN MKHYEN GNYIS LA GZHI MTHUN 'GOG PA'I TSAD MA CUNG ZAD KYANG MED PA YIN NO, ,GNYIS PA NI, 'DOD CHAGS LA SOGS PA DANG, TSIG LA SOGS PA LA YANG BDAG GCIG PA DANG, DE BYUNG GI 'BREL PA GANG YANG MED PA'I PHYIR TSIG SMRA BAS CHAGS BRAL 'GOG NUS PA MA YIN NO, ,'DOD CHAGS TSIG GI RGYU YIN NA DE LOG PAS TSIG SMRA BA LDOG PA NGES KYANG DON GZHAN RGYU MA YIN PA 'DOD CHAGS LOG PAS TSIG LA SOGS PA LDOG PA MA YIN NO, ,DE DAG RGYU DANG 'BRAS BU'I DNGOS POR MA GRUB PA'I PHYIR RO, ,TSIG BRJOD 'DOD LAS SKYE BAR KHYED KYIS KHAS BLANGS PAS BRJOD 'DOD DE NYID 'DOD CHAGS YIN NO ZHE NA, MING 'DOGS LA RANG GI DON SO SO THA DAD PA KHO NA YIN TE, SNYING RJES KUN NAS KYANG BSLANGS NAS SMRA BA'I PHYIR RO,, GNYIS PA DON BSDU BA NI, DE LTAR NA TSIG SMRA BA LA SOGS PA CHOS CAN, DAG SMRA BA'I SKYES BU PHA ROL PO CHAGS BRAL DANG, KUN MKHYEN MA YIN PAR BSGRUB PA'I LDOG PA LA THE TSOM ZA BA DANG LDAN PA'I MA NGES PA YIN TE PHYOGS CHOS GRUB MTHUN PHYOGS LA MTHONG YANG, MI MTHUN PHYOGS LA YOD MED THE TSOM DANG LDAN PA'I PHYIR RO, ,GNYIS PA 'GAL BA'I GTAN TSIGS BSHAD PA LA GNYIS, BSGRUB BYA PHYIN CI LOG BSGRUB PA'I 'GAL RTAGS KYI DPE GNYIS BSHAD PA DANG, ZHE 'DOD LA

51b

GNOD PA'I 'GAL RTAGS GSUM PA YOD PA DGAG PA'O, ,DANG PO NI, PHYOGS CHOS GRUB RJES SU 'GRO LDOG GI KHYAB PA'I TSUL GNYIS PHYIN CI LOG TU GRUB PA NI 'GAL BA'I GTAN TSIGS YIN TE, PHYOGS CHOS GRUB MI MTHUN PHYOGS KHO NA LA YOD PA'I PHYIR RO, ,CHUL GNYIS PO GANG ZHE NA MTHUN PA'I PHYOGS KHO NA LA YOD PA DANG, MI MTHUN PA'I PHYOGS LA MED PA KHO NAR NGES PA'O, ,BYAS PA NYID DANG, STZAL MA THAG TU BYUNG BA NYID NI CHOS CAN, DUNG SGRA RTAG PA NYID BSGRUB PA LA 'GAL BA'I GTAN TSIGS LTAR SNANG BA YIN TE, PHYOGS CHOS GRUB KHYAB PA GNYIS PHYIN CI LOG TU GRUB PA'I PHYIR RO, ,GTAN TSIGS 'DI GNYIS NI CHOS CAN, KHYAB PA PHYIN CI LOG TU GRUB PA YIN TE, MTHUN PA'I PHYOGS LA MED PA DANG, MI MTHUN PA'I PHYOGS KHO NA LA YOD PAS SO, ,DE GNYIS NI CHOS CAN, 'GAL BA'I GTAN TSIGS DAG YIN TE, BSGRUB PAR BYA BA PHYIN CI LOG TU BSGRUB PA'I PHYOGS CHOS YIN PA'I PHYIR RO, ,LOG PAR BSGRUB PA LA SNGA MA MTHUN PHYOGS LA KHYAB BYED DU 'JUG PA'I RANG BZHIN GYI RTAGS DANG, PHYI MA 'BRAS RTAGS DANG, MTHUN PHYOGS LA CHA GNYIS PA'I RANG BZHIN GYI RTAGS GNYIS KA'I DPE'O, ,GNYIS PA LA GNYIS, DRI BA DANG, LAN NO, ,DANG PO NI, GTAN TSIGS GNYIS PO DE NI, SMRAS CHOS PHYIN CI LOG TU BSGRUB PA YIN LA, PHYOGS KYI MTSAN NYID KYI ZUR DU 'DOD PA SMOS PAS ZHE 'DOD BSGRUB BYAR BSTAN PA'I PHYIR DE LA GNOD PA 'GAL RTAGS YIN PAS, DAG TU MA SMRAS KYANG ZHE BAS 'DOD PA LA GNOD PAR BYED PA 'GAL BA GSUM PA YANG

52a

, ,YOD PA YIN NAM, DPER NA MIG LA SOGS PA NI CHOS CAN, GZHAN GYI DON BYED DE, 'DUS SHING BSAGS PA YIN PA'I PHYIR, MAL CHA DANG STAN LA SOGS PA'I YAN LAG BZHIN NO ZHES BYA BA LTA BU YIN NO ZHES SMOS TE, CI'I PHYIR ZHE 'DOD LA GNOD PA YIN ZHE NA, MIG LA SOGS PA NI RDUL PHRA RAB 'DUS SHING BSAGS PA YIN LA DE NI RDUL 'DUS PA MA YIN PA SHES RIG RTAG PA GZHAN GYI DON BYED PA NYID DU 'DOD DE, DES NA MIG SOGS BDAG RTAG PA'I DON BYED PA 'GOG NUS PAS BSGRUB BYA PHYIN CI LOG TU BSGRUB PA'I PHYIR GTAN TSIGS 'GAL BA'O, ,SLOB DPON PHYOGS KYI GLANG POS 'GAL RTAGS 'DI YANG BSTAN NA, RNAM 'GREL BYED PA KHYED KYIS DE CI'I PHYIR MA SMRA ZHE NA, GNYIS PA NI, ZHE 'DOD PHYIN CI LOG TU BSGRUB PA'I SGO NAS SNGA MA 'DI GNYIS DANG RIGS THA DAD PA MA YIN NO, ,DE NI ZHES SMOS TE, GANG GI PHYIR GYI DON TE ZHE 'DOD KYI BSGRUB PAR BYA BA LOG PAR SGRUB PA'I SGO NAS SNGA MA 'DI GNYIS KHO NA'I NANG DU MTSON PA'I TSUL GYIS 'DUS PA'I PHYIR, MJUG BSDU PA NI, DAG TU SMRAS KYANG RUNG MA SMRAS KYANG RUNG, MA SMRAS PA ZHE BAS 'DOD PA DANG ZHE BAS 'DOD PA DAG TU SMRAS PA GNYIS LA ZHE 'DOD KYI BSGRUB PAR BYA BA NYID DU NI BYE BRAG CI YANG MED DO, ,SGRA'I SBYOR TSUL THA DAD TZAM MA GTOGS ZHE 'DOD KYI BSGRUB BYA LA GNOD PA LA 'GAL RTAGS BZHI KA KHYAD PAR MED DE, 'DUS PA MA YIN PA'I YUL CAN MIG SOGS CHOS CAN, ZHES SMOS NI MIG SOGS KHYAD GZHI DANG, BDAG RTAG BA KHYAD CHOS SU GZUNG

52b

PA YIN LA, MIG SOGS CHOS CAN, 'DUS PA MA YIN PA'I YUL CAN GZHAN GYI DON BYED DE, ZHES SMOS NA, GZHAN DON BYED PA KHYAD GZHI DANG, CIG SHOS KHYAD CHOS SU GZUNG NAS SBYAR BA MA GTOGS MIG SOGS BDAG RTAG PA'I DON BYED PA 'GOG PA LA KHYAD PAR CUNG ZAD KYANG MED DO, ,'DIR SMOS PA LTAR RTZOD GZHI LA, CHOS KYI NGO BO 'GOG PA DANG, DNGOS POR GYUR PA'I NAM MKHA' CHOS CAN DU GZUNG NAS CHOS CAN GYI NGO BO LA GNOD PA GNYIS KYANG, ZHE 'DOD KYI BSGRUB BYA 'GOG PA LA KHYAD PAR CUNG ZAD KYANG MED DO, ,PHYI MA 'DI'I DON 'DUS MA BYAS KYI NAM MKHA' CHOS CAN, DNGOS PO YIN TE, DON BYED NUS STONG YIN PA'I PHYIR CES PAR 'GYUR RO, ,'GAL RTAGS GNYIS SU NGES PAR 'DOD PA SOGS NI, TSAD MA RNAM PAR NGES PA DANG, DE'I 'GREL PA 'THAD LDAN SOGS BLTA BA'I SKAL BA CAM DANG YANG BRAL BAR ZAD DE, 'GONG TSUL LA YIN NA NI, BZHI NGES PAR KHAS LEN DGOS LA ZHE 'DOD PHYIN CI LOG TU BYED PA LA ZER NA, GNYIS SU DBYER MED DE, RNAM NGES LAS 'GAL BA NI THAMS CAD DU SPYI DE PHYIN CI LOG TU BYED PA KHO NA'I PHYIR RO, ZHES BSHAD DO, ,GSUM PA LA GNYIS, 'GAL BA LHAG LDAN BSHAD PA DANG, THUN MONG MA YIN PA'I MA NGES PA BSHAD PA'O, ,DANG PO NI, RJES SU 'GRO LDOG GI TSUL GNYIS LAS GCIG LDOG PA NI MA GRUB LA PHYOGS CHOS GRUB KYANG CIG SHOS RJES 'GRO LA NI THE TSOM ZAN YANG MA NGES PA YIN TE, PHYOGS CHOS GRUB RJES 'GRO LA THE TSOM ZA BA'I PHYIR RO, ,DPER NA DAG SMRA BA'I LAM PO CHE'I MI CHOS CAN, 'DOD CHAGS DANG

53a

, ,BRAL BA'I THAMS CAD MKHYEN PA YIN TE NGAG SMRA BA'I PHYIR, CES BYA BA LTA BU STE, GTAN TSIGS 'DI LA LDOG PA NI MA GRUB LA, RJES SU 'GRO BA LA NI THE TSOM ZA BA YIN TE, CHAGS CAN DANG, KUN MKHYEN MIN PA LA TSAD MAS MTHONG BA'I PHYIR DANG, CHAGS BRAL DANG KUN MKHYEN DE LA TSIGS LA SOGS PA NI YOD DAM MANG THE TSOM ZA BA YIN NO, ,THAMS CAD MKHYEN PA DANG 'DOD CHAGS DANG BRAL BA DAG NI YOD KYANG RGOL BA DANG, PHYIR RGOL BDAG LA SNANG DU MI RUNG BA'I BSKAL BA YIN PA'I PHYIR, GTAN TSIGS 'DI LHAG LDAN DU SONG BA'I GANG ZAG DE RJES KHYAB LA THE TSOM ZA ZHES MI BYA STE, RTAGS DANG DGAG BYA'I CHOS KYI GZHI MTHUN TSAD MAS MTHONG BAS RJES KHYAB DE'I DOR MED NGES YIN LA, RTAGS MTHUN PHYOGS LA YOD MED THE TSOM ZA BA YIN NO, ,GNYIS PA LA GSUM, BSTAN PA DANG BSHAD PA DANG, DON BSDU BA'O, ,DANG PO NI, PHYOGS CHOS CAN DU SONG BA'I TSE MNYAN BYA CHOS CAN, SGRA MI RTAG PAR SGRUB PA'I MA NGES PA'I GTAN TSIGS KHO NA YIN TE, PHYOGS CHOS GRUB RJES SU 'GRO LDOG GI TSUL DE GNYIS LA THE TSOM ZA NA YANG STE THE TSOM ZA BA'I PHYIR RO, ,MTHUN PHYOGS MI MTHUN PHYOGS GANG RUNG GCIG LA YOD PA TSAD MAS NGES KYANG, MTHUN PHYOGS LA YANG MA MTHONG, MI MTHUN PHYOGS LA YANG MA MTHONG STE, DPER NA, LHA SBYIN DANG, MCHOD SBYIN LAS GZHAN PA'I MNGAL 'JOG PAR BYED PA MED, YA GYAL GANG GIS BZHAG PA MA NGES KYANG MNGAL CHAGS PAR NGES PA BZHIN NO, ,DPER NA GSON

53b

PO'I LUS NI CHOS CAN, BDAG DANG BCAS PA YIN TE SROG LA SOGS PA DANG LDAN PA NYID KYI PHYIR RO, ZHES BYA BA LTA BU STE, BYE BRAG PA GSON LUS LA GANG ZAG GI BDAG YONG BAR SGRUB 'DOD NAS, SROG NI DBUGS RGYU BA SOGS DANG, SOGS SGRAS MIG 'BYED PA DANG, 'DZUM PA SOGS GTAN TSIGS SU 'DOD PA'O, ,GNYIS PA LA GSUM, GTAN TSIGS DE BDAG YOD MED LAS GZHAN PA'I PHUNG GSUM LA GNAS PA MED PA DANG, DE GNYIS GCIG LA YANG YOD PAR MA GRUB PA DANG; DES NA RJES SU 'GRO BA DANG, LDOG PA GNYIS KA MA GRUB PA'I THE TSOM CAN DU BSTAN PA'O, ,DANG PO NI, GSON PO'I LUS BDAG DANG BCAS PA DANG, BDAG MED PAR SGRUB PA LA GTAN TSIGS SROG LA SOGS PA GNAS PAR 'GYUR PA'I GZHI DE GNYIS LAS PHUNG PO GZHAN MED DE BDAG GNAS PA DANG, BDAG RNAM PAR GCOD PA DAG GIS SHES BYA THAMS CAD BSDUS PA'I PHYIR RO, ,TSAD MA KUN LAS BTUS LAS, DE DANG LDAN PA NGES BSDUS PA'I PHYIR DANG, GCIG TU NGES PA LDOG PA'I PHYIR RO, ZHES PA'I SNGA PHYI GNYIS KYI DON 'DI DANG GZHUNG 'OG MAS RIM PA BZHIN DU 'CHAD PA YIN NO, ,GNYIS PA NI, SROG LA SOGS PA CHOS CAN, MTHUN PHYOGS MI MTHUN PHYOGS 'DI GNYIS LAS GCIG LA GNAS PAR YANG NGES PA MED DE MTHUN PHYOGS BDAG DANG BCAS PA'AM MI MTHUN PHYOGS BDAG MED PA GANG LA YANG MA GRUB PA'I PHYIR RO, ,MTHUN PHYOGS MI MTHUN PHYOGS GNYIS KYIS SHES BYA MTHA' DAG BSDUS LA, DE GNYIS GCIG LA YANG YOD PAR MA MTHONG BAS

54a

, ,THE TSOM GYI RGYUR 'GYUR BA YIN NO, ,GZHI GRUB NA YA GYAL GANG RUNG GIS KHYAB CING DE GNYIS GANG DU YANG MA NGES PA'I GZHI TSAD MAS NGES KYANG, YA GYAL GNYIS DNGOS 'GAL YIN PA LA MI GNOD NA, YA GYAL GANG DU YANG MA NGES PA'I GZHI TSAD MAS NGES NI, DE GNYIS PHAN TSUN SPANGS 'GAL GYI DNGOS 'GAL MA YIN PAR 'DOD PA NI, RIGS PA'I LAM LAS 'DAS PA'I 'KHRUL PA CHEN PO'O, ,GSUM PA NI, BDAG YOD MED KYIS THAMS CAD BSDUS SHING DE GNYIS GANG LA YOD MA NGES PA DE BAS NA GSON PO'I LUS DANG CHOS DANG CHOS CAN DU 'BREL PA CAN GYI SROG LA SOGS PA NI CHOS CAN, GSON LUS BDAG BCAS SU SGRUB PA'I MTHUN PHYOGS MI MTHUN PHYOGS DE GNYIS DANG, MA BRAL TE BDAG DANG BCAS PA DANG, BDAG MED PA THAMS CAD LAS LDOG PA NYID DU MA GRUB PA'I PHYIR, MTHUN PHYOGS MI MTHUN PHYOGS DE LA RJES SU 'GRO BA YANG MED DE, BDAG YOD PA DANG MED PA GCIG LA YANG MA GRUB PA'I PHYIR RO, ,SROG DE BDAG LA RJES SU 'GRO BA YANG MED LDOG PA YANG MED PAS RJES SU 'GRO BA DANG LDOG PA GNYIS MED PAR NGES PA MA YIN NAM, DE GNYIS LA JI LTAR THE TSOM ZA ZHE NA, BDAG DANG BCAS PA'AM BDAG MED PA GNYIS KA LAS SROG DE'I RJES SU 'GRO BA DANG LDOG PA GNYIS KA MED PAR NGES PA MED DE, BDAG LA RJES SU 'GRO BA MED PAR NGES NA, BDAG MED LA YOD PAR NGES DGOS, DE LA LDOG PA MED PAR NGES NA, DE LA YOD PAR NGES DGOS PA'I PHYIR TE, BDAG LA RJES SU 'GRO BA DANG

54b

BDAG LA LDOG PA GNYIS NI PHAN CHUN RNAM PAR GCOD PA'I DNGOS 'GAL GYI NGO BO KHO NA YIN PA'I PHYIR RO, ,DE YANG GCIG BDAG MED PAR NGES NA CIG SHOS BDAG MED YONG PAR THE TSOM MI ZA BA'I PHYIR RO, ,GNYIS KA LA RJES SU 'GRO LDOG MA MTHONG PA LA RJES SU 'GRO BA DANG LDOG PA MED PA ZHES BYA STE, DE GNYIS YOD NA CHAD MAS NGES DGOS PA'I PHYIR RO, ,DE BZHIN DU BDAG MED LA MED PAR NGES NA BDAG LA YOD PAR NGES DGOS PA YIN GYI, BDAG MED LA YOD PAR TSAD MAS MA MTHONG BAS, DE LA RJES 'GRO MED PA YIN YANG, DE LA MED PAR NGES PA MA YIN PAS BDAG LA YOD PAR NGES DGOS PA MA YIN NO, ,GSUM PA NI, DE NYID KYI PHYIR SROG LDAN CHOS CAN, GSON LUS BDAG BCAS SU SGRUB PA'I MA NGES PA YIN TE, PHYOGS CHOS GRUB RJES SU 'GRO BA DANG LDOG PA GNYIS LA THE TSOM ZA BA'I PHYIR TE, PHYOGS CHOS GRUB BSGRUB PAR BYA BA BDAG DANG BCAS PA DANG CIG SHOS BDAG MED GANG LA YANG YOD PAR NGES PA MED PA'I PHYIR RO, ,GSUM PA DON BSDU BA NI, GONG DU BSHAD PA'I TSUL DE LTAR NA SNGAR BSHAD PA DE DAG CI RIGS PAR GTAN TSIGS LTAR SNANG BA GSUM PO MA GRUB PA DANG, 'GAL BA DANG, MA NGES PA DAG YIN NO, ,CI RIGS PAR TSUL GSUM PA DAG LAS TSUL RE'AM GNYIS GNYIS LAM GRUB PA'AM THE TSOM ZA BA YIN PA'I PHYIR, TSAD MA RNAM NGES LAS, GCIG RAB MA GRUB THE TSOM NA, ,MA GRUB PA DANG 'KHRUL PA CAN, ,GNYIS MA GRUB PA'AM THE TSOM NA, ,'GAL BA DANG NI 'KHRUL PA CAN, ZHES BSHAD PA LTAR 'DIR YANG SHES PAR BYA LA, DER YANG MDOR BSDUS TE BSTAN PA YIN

55a

, ,GYI, RGYAS PAR DBYE NA MNYAN BYAS SGRA MI RTAG PAR BSGRUB PA'I PHYOGS CHOS SU SONG BA GZHIR BYAS BA LA, MTHUN PHYOGS LA THE TSOM MNGON 'GYUR DANG BCAS PA DANG, YID DPYOD KYIS NGES PA DANG, MED PAR 'DZIN PA'I LOG RTOG DANG, MI MTHUN PHYOGS LA YANG YOD PAR 'DZIN PA'I LOG RTOG DANG, THE TSOM MNGON GYUR DANG BCAS PA SOGS DU MA DBYE BAR BYA'O, ,GNYIS BA DNGOS STOBS KYI SKABS SU 'GAL BA LA MI 'KHRUL BA'I GTAN TSIGS LTAR SNANG GI DPE MA SMOS BA'I RGYU MTSAN LA GSUM, RGYU MTSAN DNGOS DANG, GANG LA SRID PA'I YUL DOS GZUNG BA DANG DPE BRJOD PA'O, ,DANG PO NI, SLOB DPON PHYOGS GLANG GIS 'GAL BA LA MI 'KHRUL BA'I GTAN TSIGS KYI DPE SMOS PA MA YIN NAM, 'DIR MA BSHAD PA CI ZHE NA, SLOB DPON GYIS 'GAL BA LA MI 'KHRUL BA'I GTAN TSIGS DAG KYANG THE TSOM GYI RGYUR BSHAD NA YANG DE 'DIR NI MA SMOS TE, SLOB DPON GYIS LUNG GI YUL LA SRID PAR BSHAD PA YIN LA DNGOS STOBS RJES SU DPAG PA'I YUL TSUL GSUM PA CAN LA MI SRID PAS DE GO BA'I CHED DU 'DIR MA BSHAD PA'I PHYIR RO, ,DNGOS PO STOBS ZHUGS KYI SKABS SU 'GAL BA LA MI 'KHRUL BA'I GTAN TSIGS MI SRID DE, 'BRAS BU'AM RANG BZHIN NAM MI DMIGS PA'I MTSAN NYID TSUL GSUM PA CAN SNGAR JI SKAD SMOS BA LA 'GAL BA LA MI 'KHRUL BA MI SRID LA MI 'KHRUL BA CAN GYI GTAN TSIGS YANG DAG GSUM PO LAS GZHAN NI MED PA'I PHYIR RO, ,GNYIS PA LA GSUM, LUNG GI YUL LA SRID PA DANG, RGYU MTSAN DANG, DNGOS STOBS LA MI SRID PA'I RGYU MTSAN NO, ,DANG PO NI, 'O NA SLOB DPON PHYOGS KYI GLANG POS GTAN TSIGS

55b

KYI SKYON 'DI GANG LA GSUNG ZHE NA, DNGOS PO STOBS ZHUGS KYI YUL LA MI SRID PA DE LTA BAS NA TSUL GSUM LUNG LA BRTEN PA'I RJES SU DPAG PA LA BRTEN TE, GTAN TSIGS KYI SKYON DE BSHAD DE, MI MKHAS PA LUNG DE'I DON DPYOD PA DAG LA 'GAL BA LA MI 'KHRUL BA CAN NI BSGRUB PA'I SKYON DU 'GYUR BAR BSHAD PA'I PHYIR, 'O NA LUNG LAS GRUB PA'I CHUL GSUM YANG TSAD MAS GRUB PA MA YIN NAM ZHE NA, LUNG GI YUL LA DNGOS PO'I GNAS TSOD MA MTHONG BA'I STOBS KYIS ZHUGS PA'I PHYIN CI LOG GI RTOG PAS BZHAG PA'I LUNG LAS GRUB PA'I TSUL GSUM LTAR SNANG KHO NA YIN PAS NA SKYON MED DO, ,GNYIS PA NI, DE YANG GZEGS GZAN LA SOGS PA'I BSTAN BCOS BYED PA RNAMS NI SPYI LA SOGS PA'I DON RNAMS LA 'KHRUL BAS RANG BZHIN LOG PAR STON PA SRID PA'I PHYIR RO; ;GZEGS GZAN GYI BSTAN BCOS DE LAS SPYI RANG GI GSAL BA MTHA' DAG LA DUS GCIG TU 'PHROD 'DU RDZOGS PAR 'BREL BAR YANG BSHAD, GSAL BA MED PA'I BAR NA, SPYI YOD NA DMIGS RUNG MA DMIGS PAR YANG BSHAD PAS SPYI GCIG PU'I STENG DU KHYAB BYA 'GAL BA GNYIS GZHI MTHUN DU KHAS BLANGS PAS DE'I RJES 'BRANG GNYIS TSUL GSUM LUNG LA BRTEN PA'I GTAN TSIGS MI MTHUN PA GNYIS BKOD NAS GSAL BA'I BAR NA SPYI YOD MED MI MTHUN PAR RTZOD PA NI, BSTAN BCOS MKHAN POS DNGOS 'GAL GYI YA GYAL SO SO LA MI 'KHRUL BA'I KHYAB BYA GNYIS KHAS BLANGS PA RTAGS SU BKOD PA 'GAL BA LA MI 'KHRUL BA'I GTAN TSIGS ZHES BYA'O, ,GSUM PA NI, DNGOS PO STOBS ZHUGS KYI BDAG DANG, 'BRAS BU DANG MI DMIGS PA'I GTAN TSIGS YANG DAG

56a

, ,DAG LA NI 'GAL BA LA MI 'KHRUL BA DE MI SRID DE TSUL GSUM DNGOS PO STOBS ZHUGS JI LTA BA BZHIN DU GNAS PAR 'DUG PA TSANG BA'I PHYIR, DNGOS PO'I GNAS TSOD LA GZHI GCIG GI STENG DU DNGOS 'GAL GYI YA GYAL SO SO LA MI 'KHRUL PA'I KHYAB BYA 'GAL BA GNYIS GZHI MTHUN DU 'DUS PA MI SRID DO, ,GSUM PA LA GNYIS, PE LU KAS BKOD PA'I GTAN TSIGS DANG, PE THA RAS BKOD PA'I GTAN TSIGS SA, ,DANG PO NI, GZEGS GZAN GYI SLOB MA GNYIS LAS, LU KAS SPYI GSAL BA MTHA' DAG LA DUS GCIG TU 'PHROD 'DU RDZOGS PAR 'BREL BAR BSHAD PA MTHONG NAS, GSAL BA'I BAR NA YANG YOD PAR SGRUB PA'I RANG BZHIN GYI RTAGS NI, 'DIR DPE NI GANG ZHIG PHYOGS BCU MTHA' YAS PA'I YUL THAMS CAD NA GNAS PA SPYI RANG DANG 'BREL BA CAN GSAL BA DAG DANG DUS CIG CAR DU 'PHROD 'DU RDZOGS PAR MNGON BAR 'BREL BA DE NI GSAL BA YOD PA DANG MED PA'I BAR THAMS CAD NA GNAS BAS KHYAB PA YIN TE, DPER NA NAM MKHA' BZHIN NO SPYI YANG PHYOGS BCU MTHA' YAS PA'I YUL THAMS CAD NA GNAS PA RANG DANG 'BREL PA CAN GSAL BA DAG DANG DUS CIG CAR DU 'PHROD 'DU RDZOGS PAR 'BREL LO, ,KHYAB PA BSGRUB PA NI, KHYAB PA YOD PAR THAL, GSAL BA DE DANG 'BREL PA CAN GYI RANG BZHIN TZAM GYI RJES SU 'JUG BA'I DANG CAN CHA MED KYI RTAG PA DE; DE'I YUL NA 'DUG BA'I RANG BZHIN NYID YIN PAS KHYAB PA'I PHYIR RO, ,DER THAL, YUL GANG NA RDZAS GANG MED PA DE NI DE'I YUL LA BDAG NYID KYIS KHYAB PAR BYED PA MA YIN PAS KHYAB PA'I PHYIR, CES BYA BA NI RANG BZHIN GYI GTAN TSIGS KYI SBYOR BA YIN NO

56b

ZHES ZER TO, ,GNYIS PA NI, SBYOR BA GNYIS PA YANG PE THA RAS GSAL BA'I BAR NA YOD NA, DMIGS RUNG MA DMIGS BAR BSHAD PA MTHONG NAS GSAL BA'I BAR NA YOD PA 'GOG BAR BYED PA NI YOD NA, DMIGS PA'I RIG BYAR GYUR PA LAS GANG ZHIG GANG NA MI DMIGS PA DE NI DE NA MED DE, DPER NA GZHI 'GA' ZHIG NA BUM PA MED DO, ZHES BYA BA LTA BU YIN LA, GSAL BA'I BAR RNAMS NA YANG YOD NA, DMIGS BA'I RIG BYAR GYUR BA'I SPYI MI DMIGS ZHES BYA BA'O, ,DON BSDU BA NI, MI DMIGS PA 'DI DANG RANG BZHIN GYI GTAN TSIGS DE NI CHOS CAN, GZHI CHOS CAN SPYI GCIG LA GSAL BA MED PA'I BAR STONG NA YOD DAM MED THE TSOM SKYED PAR BYED DO, TSUL GSUM LUNG LA BRTEN NAS SPYI GCIG PO 'DI LA PHAN TSUN DNGOS SU 'GAL BA'I DON DU SGRUB PA YIN PAS SO, ,GNYIS PA SGRUB NGAG GI YAN LAG DPE BSHAD PA LA GNYIS, DPE YANG DAG GI MTSAN NYID DANG, DPE LTAR SNANG BSHAD PA'O, ,DANG PO LA GSUM, TSUL GSUM GYI MTSAN NYID LAS LOGS SU DPE'I MTSAN NYID DNGOS SU SMOS MI DGOS PA DANG, RGYU MTSAN RGYAS PAR BSHAD PA DANG, KHYAB PA MI STON NA DPE YANG DAG TU 'GAL BA'O, ,DANG PO NI, SGRUB BYED KYI YAN LAG YIN PAS SGRUB BYED YANG DAG DANG, LTAR SNANG BSTAN PA BZHIN DU SGRUB BA BYED KYI YAN LAG YIN PA'I PHYIR, DE'I RJES SU DPE DANG DPE LTAR SNANG GI MTSAN NYID DBYE BA DANG BCAS PA CI'I PHYIR MI STON CE NA, DPE ZHES BYA BA SGRUB PAR BYED PA'I YAN LAG NI TSUL GSUM LAS LOGS SHIG NA BSTAN DGOS PA YANG MED DE, GTAN TSIGS KYI MTSAN NYID TSUL GSUM SMOS PA DE TZAM GYIS DBE YANG DAG GI DON RTOGS PAS SO, ,

57a

, ,DPE MED NA KHYAB PA JI LTAR NGES ZHE NA, DPE MED CES MI ZER GYI GTAN TSIGS KYI MTSAN NYID GTAN LA PHAB PA LAS LOGS SHIG NA, DER MA 'DAS BA'I BSHAD PAR BYA BA CUNG ZAD KYANG MED DO, ,DPE'I MTSAN NYID BSHAD PA NI, DPE KHONG DU CHUD PA'I CHED YIN LA, DE YANG GTAN TSIGS KYI MTSAN NYID BSHAD PAS KHONG DU CHUD NUS PA'I PHYIR MA BSTAN TO, ,DES NA DPE YANG DAG DE'I MTSAN NYID GTAN TSIGS KYI MTSAN NYID LAS LOGS SHIG TU BRJOD MI DGOS SHING MA BRJOD DE, DE DNGOS SU MA BRJOD KYANG DON GYIS GO BA'I PHYIR RO, ,GNYIS PA LA GNYIS, SBYI'I MTSAN NYID BSHAD BAS DON GYIS GO BA DANG, BYE BRAG GI MTSAN NYID BSHAD PAS DON GYIS GO BA'O, ,DANG PO NI, GTAN TSIGS KYI MTSAN NYID BSHAD PAS DPE'I MTSAN NYID GO BAR 'GYUR TE, GTAN TSIGS YANG DAG NI GZHI 'GA' ZHIG GI STENG DU MTHUN BA'I PHYOGS NYID LA YOD PA DANG, MI MTHUN PA'I PHYOGS THAMS CAD LAS LDOG BA'I TSUL DU BYE BRAG MED PAR BSHAD LA KHYAB PA NGES BA'I GZHI DE NYID DPE YANG DAG GI MTSAN NYID DU GO BA'I PHYIR RO, ,GNYIS PA NI, YANG BYE BRAG TU NI KHYAB PA STON PA'I TSE 'BREL PA NGES BAR BSTAN PAR BYA BA YIN TE, 'BRAS BU DANG RANG BZHIN GNYIS NI RANG GI RGYU LAS SKYE BAS MTHUN PHYOGS KHO NA LA YOD CING, MI MTHUN PHYOGS LA MED PA KHO NA DANG BDAG GCIG PA'I KHYAB BYED DE TZAM GYI RJES SU 'JUG PA YIN PAS MTHUN PHYOGS KHO NA LA YOD PA DANG, MI MTHUN PHYOGS LA MED PAR BSTAN PAR BYA BAR BSHAD BA'I PHYIR RO, ,SBYI GSAL BA'I MTHAR THUG BAS SBYI'I MTSAN NYID DE YANG STON PAR BYED BAS BYE BRAG GI

57b

MTSAN NYID LA MA LTOS BAR GANG YANG RUNG BAS BSTAN PAR BYA BA MA YIN TE, GANG NA DU BA YOD PA DE NA ME YOD LA DPER NA TSAL MANG BZHIN, ME MED NA DU BA GANG NA YANG MED DE, DBER NA GZHAN BA CHU KLUNG LTA BU'O, ,ZHES BSTAN PAR BYA BA'I PHYIR DANG, GANG NA BYAS PA NYID YOD BA DE NA MI RTAG BA NYID YOD BAS KHYAB LA DPER NA BUM PA BZHIN, MI RTAG BA NYID MED NA BYAS PA YANG MI SRID DE, DPER NA NAM MKHA' BDAG LTA BU'O ZHES BSHAD PAR BYA BA'I PHYIR RO, ,GSUM BA NI, DBE YANG DAG GIS KHYAB PA NGES PAR STON CING KHYAB BA NGES PA YANG DPE YANG DAG LA NGES PAR BLTOS TE, KHYAB PA DBES STON PA LAS GZHAN DU NA MTHUN PA'I PHYOGS KHO NA LA YOD BA DANG, MI MTHUN BA'I PHYOGS DAG LA MED BAS JI SKAD BSTAN PA'I KHYAB BA'I RNAM PA DAG BSTAN PAR MI NUS PA'I PHYIR RO, BYE BRAG GI MTSAN NYID KYANG DE LAS GZHAN DU BSTAN PAR MI NUS TE, 'BRAS BU'I GTAN TSIGS NI BSGRUB BYA'I CHOS DE'I 'BRAS BU NYID DU DPE LA NGES PA'AM RANG BZHIN GYI RTAGS NI BSGRUB BYA'I CHOS KYI RANG BZHIN GYIS KHYAB PA DPES STON PA YIN LA, DPE YANG DAG DE'I TSUL NI RJES SU 'GRO LDOG GI KHYAB BA STON PA DE TZAM DU ZAD PA'I PHYIR RO, ,GNYIS PAS LA GSUM, KHYAB PA STON PA DPE YANG DAG TU BSTAN PAS DE STON MI NUS BA'I DPE RNAMS LTAR SNANG DU GO BA'I TSUL BSTAN BA DANG, RGYAS BAR BSHAD BA DANG, DON BSDU BA'O, , DANG BO NI, DPE YANG DAG GI KHYAB BA STON PAR BSHAD PA DGOS BA YOD DE, DE LTAR BSHAD PA 'DIS NI KHYAB PA STON MI NUS BA'I DPE'I NYES PA RNAMS KYANG YANG DAG YIN PA BSAL BA YIN PA'I PHYIR RO, ,GNYIS BA LA GNYIS, MTHUN DPE LTAR SNANG DGU BSHAD PA DANG,

58a

, ,MI MTHUN DPE LTAR SNANG DGU BSHAD PA'O, ,DANG PO LA GSUM, DON SKYON ZHUGS PA'I DPE LTAR SNANG GSUM DANG, BLO SKYON ZHUGS PA GSUM DANG, SGRA SKYON ZHUS PA GSUM MO, ,DANG PO NI, SGRA NI CHOS CAN, RTAG PA YIN TE, LUS CAN MA YIN PA'I PHYIR, DPER NAS SEMS PA'I LAS BZHIN NO, ZHES BKOD PA'I DPE MTHUN DPE LTAR SNANG YIN TE, MTHUN DPER BKOD PA GANG ZHIG DE BSGRUB PAR BYA BA'I CHOS KYIS STONG BA'I PHYIR TE SEMS PA'I LAS MI RTAG PA YIN PA'I PHYIR RO, ,RDUL PHRA RAB BZHIN NO ZHES PA GZHAN 'DRA BA LA SGRUB PA'I CHOS GTAN TSIGS KYIS STONG BA'I PHYIR TE, RDUL BRA RAB RNAMS LUS CAN YIN PA'I PHYIR RO, ,BSGRUB BYA'I CHOS KYIS STONG BA MA YIN TE, BYE BRAG PA RDUL PHRAN RTAG PAR 'DOD PA'I PHYIR, BUM PA BZHIN NO ZHES BYA BA NI GZHAN 'DRA BA LA RTAGS ZUR PHYI MA RTAGS CHOS CAN GNYIS KA MED PA NYID KYI PHYIR TE, BUM PA MI RTAG PA DANG LUS CAN YIN PA'I PHYIR RO, ,GNYIS PA NI, DE BZHIN DU 'DOD CHAGS YOD MED THE TSOM ZA BZHIN DU DAG SMRA BA'I SKYES BU PHA ROL PO CHOS CAN, 'DOD CHAGS DANG LDAN PA YIN TE SMRA BA'I PHYIR, DPER NA LAM PO CHE'I MI BZHIN NO ZHES BYA BA BKOD PA'I DPE DE BLO SKYON CAN GYI MTHUN DPE LTAR SNANG YIN TE, MTHUN DPER BKOD PA GANG ZHIG BSGRUB BAR BYA BA'I CHOS DE LA RJES SU 'GRO MI 'GRO THE TSOM ZA BA'I PHYIR RO, ,MI 'DI NI CHOS CAN, 'CHI BA'I CHOS CAN YIN TE, 'DOD CHAGS LA SOGS PA DANG LDAN PA'I PHYIR RO, ,DPER NA, LAM PO CHE'I MI BZHIN NO ZHES BYA BA NI GZHAN 'DRA BA LA RTAGS ZUR PHYI MA LA SOGS PA GTAN TSIGS DE LA YOD MED THE TSOM ZA BA'I PHYIR RO, ,YANG DE CHOS CAN, THAMS

58b

CAD MKHYEN PA MA YIN TE, 'DOD CHAGS LA SOGS PA DANG LDAN PA'I PHYIR, LAM BO CHE'I MI BZHIN NO ZHES BYA BA LTA BU RTAGS ZUR PHYI MA RTAGS CHOS GNYIS KA DE LA YOD MED THE TSOM ZA BA'I PHYIR RO, ,GSUM PA NI, RJES SU 'GRO BA MED PA NI DPER NA GANG SMRA BA DE NI 'DOD CHAGS LA SOGS PA DANG LDAN PA STE, SLAR RANG LA RGOL BAR 'DOD BA'I MI BZHIN NO ZHES BYA BA'I DPE DE SGRA SKYON CAN GYI MTHUN DBE LTAR SNANG YIN TE, MTHUN DBER BKOD PA GANG ZHIG RJES KHYAB MED PA RJES 'GRO DANG LDAN PA LTAR, SGRAS BKOD BA'I PHYIR RO, ,RJES SU 'GRO BA YOD KYANG RAB TU MA BSTAN PA NI DPER NA BYAS PA'I PHYIR SGRA NI MI RTAG PA STE, BUM PA BZHIN ZHES BYA BA LTA BU'O, ,GZHAN 'DRA BA LA RTAGS ZUR PHYI MA RJES KHYAB YOD KYANG SGRAS MA BSTAN PA'I PHYIR RO, ,DE BZHIN DU RJAS SU 'GRO BA PHYIN CI LOG NI GANG MI RTAG PA DE NI BYAS PA'O, ,DPER NA BUM BA BZHIN ZHES BYA BA LTA BU STE RJES KHYAB PHYIN CI LOG TU BSTAN PA'I PHYIR RO, ,DE DAG NI CHOS MTHUN PAS DPE LTAR SNANG BSTAN PA YIN TE, DE DAG NI SMRA BA PO'I NYES PAS SGRA'I SKYON ZHUGS PA YIN NO, ,GZHAN DON RJES DPAG GI SKABS SU SGRA'I SKYON ZHUGS BAS KYANG RGOL BA PHAM BA'I GNAS SU 'GYUR BA YIN NO, ,GNYIS PA LA GSUM, DON SKYON ZHUGS PA DANG, BLO SKYON ZHUGS PA DANG, SGRA SKYON ZHUGS PA'I DPE LTAR SNANG BSHAD PA'O, ,DANG PO NI, CHOS MI MTHUN PA NI DPER NA SGRA RTAG STE LUS CAN MA YIN BA'I PHYIR DPER NA RDUL PHRA RAB BZHIN ZHES PA'I DPE DE DON SKYON CAN GYI DPE LTAR SNANG YIN TE, MI MTHUN DPER BKOD PA GANG ZHIG BLO SKYON DANG SGRA SKYON MA ZHUGS KYANG BSGRUB PAR BYA BA'I CHOS LAS MI LDOG PA'I PHYIR RDUL PHRA RAB RTAG PAR KHAS BLANGS PA'I PHYIR RO, ,LA SOGS PAS SEMS BA'I LAS NI RTAG BA

59a

, ,LAS MA LOG BSTE LUS CAN MA YIN PA'I PHYIR RO, ,NAM MKHA' BZHIN NO ZHES PA NI RTAGS CHOS GNYIS KA LAS MI LDOG PA CAN DAG YIN NO, ,PHYI MA GNYIS LA YANG SNGA MA LTAR RIGS PAR SBYAR RO, ,GNYIS PA NI, DE BZHIN DU RTAGS DANG CHOS DANG GNYI GA LAS LDOG PA LA THE TSOM ZA BA LA SOGS PA NI DPER NA DRANG SRONG SER SKYA LA SOGS PA NI CHOS CAN, THAMS CAD MKHYAN PA MA YIN PA'AM YID CHES PA NYES PA CHAGS SOGS ZAD PA MA YIN TE, THAMS CAD MKHYEN PA NYID DANG 'DOD CHAGS DANG BRAL BA'I RTAGS SU GYUR PA SKAR MA'I RGYU MTSAN LA SOGS PA'I MAN NGAG SKAR MA'I DPYAD SHES PA'I TSAD MA PHUL DU PHYIN PA STON PA'I BSTAN BCOS BRTZAMS NAS BSTAN BA MED PA NYID KYI PHYIR RO, ,ZHES BYA BA LTA BU'O, ,'OG NAS 'CHAD PAR 'GYUR BA'I DPE GTAN TSIGS 'DI'I BSGRUB PAR BYA BA'I CHOS LAS LDOG PA LA THE TSOM ZA BA YIN TE, KUN MKHYEN DANG CHAGS BRAL LAS LOG MA LOG THE TSOM ZA BA'I PHYIR RO, ,'DIR CHOS MI MTHUN DPE NI GANG ZHIG THAMS CAD MKHYEN PA'I 'DOD CHAGS DANG BRAL BA GANG YIN PA DES NI SKAR MA'I DPYAD SHES PA LA SOGS PA STON PA'I BSTAN BCOS BRTZAMS NAS BSTAN PAS KHYAB STE, DPER NA GCER BU BA'I STON PA KHYU MCHOG DANG SDOD RIS LA SOGS PA LTA BU STE, CHOS MI MTHUN PA'I DPE LAS BSGRUB BYA'I CHOS LAS LDOG PA LA THE TSOM ZA BA'I DPE LTAR SNANG YIN TE, DE SGRUB KYI MI MTHUN DPER BKOD PA GANG ZHIG BSGRUB PAR BYA BA'I CHOS THAMS CAD MKHYEN PA NYID MA YIN PA DANG, YID CHES PA MA YIN PA GNYIS LAS LDOG PA LA THE TSOM ZA BA YIN PA'I PHYIR RO, ,SBYOR BA PHYI MA NI GTAN TSIGS SNGA MA'I MI MTHUN DPE

59b

BKOD PA YIN LA, GTAN TSIGS NI SNGA MA YIN TE DRANG SRONG SER SKYA CHOS CAN, THAMS CAD MKHYEN BA DANG, CHAGS BRAL MA YIN TE, SKAR MA SHES PA'I BSTAN BCOS MA BRTZAMS PA'I PHYIR CES PA STE RTAGS DANG DGAG BYA'I CHOS LA 'GAL BCUNG ZAD KYANG MED PAS GTAN TSIGS YANG DAG TU MI RUNG ZHING MI MTHUN DPE BSGRUB BYA'I CHOS LAS ZLOG PA LA THE TSOM ZA BA'I PHYIR YANG MI RUNG NGO, ,SGRUB PAR BYED PA LAS LDOG PA LA THE TSOM ZA BA NI DPER NA DES BRJOD KYI RIG BYED DANG, SNYAN NGAG GI RIG BYED DANG, MCHOD SBYIN CAN GYI RIG BYED DANG, RIG BYED GSUM RIG PA'I BRAM ZES NI CHOS CAN, SER SKYA LA SOGS PA'I MI 'GA' ZHIG GIS BRJOD PAR 'DOD PA'I TSIG TSAD MAR BZUNG BAR MI BYA STE, SER SKYA SOGS 'DOD CHAGS LA SOGS PA DANG LDAN PA'I PHYIR RO, ZHES BYA BA LTA BU'O, , 'DIR GTAN TSIGS DE LDOG PA STON PA'I CHOS MI MTHUN PA'I DPE NI GANG GI TSIG GSUM RIG PA'I BRAM ZES TSAD MAR BZUNG BAR BYA BA GANG YIN PA DE NI 'DOD CHAGS LA SOGS PA DANG MI LDAN TE, DPER NA DRANG SRONG GO'U TA MA DANG DRANG SRONG RGYAL BA LA SOGS PA LTA BU K'A M'A SHA LA SOGS PA'I SKAR MA SHES PA'I BSTAN BCOS RNAMS BYED PA LTA BU'O, ,GO'U TA MA NI DRANG SRONG YID LAS BYUNG BA'O, ,GO'U TA MA LA SOGS PAS BSGRUB PA'I CHOS GTAN TSIGS 'DOD CHAGS LA SOGS PA DANG LDAN PA LDOG PA LA THE TSOM ZA BA YIN NO MI MTHUN DPE LTAR SNANG YIN TE, MI MTHUN DPER BKOD PA GANG ZHIG GTAN TSIGS CHAGS LDAN LAS LOG MA LOG THE TSOM ZA BA'I PHYIR RO, ,RTAGS CHOS GNYI GA LDOG PA LA THE TSOM ZA BA RTZA BA'I GTAN TSIGS NI DPER NA SER SKYA LA SOGS PA NI CHOS CAN, 'DOD

60a

, ,CHAGS DANG BRAL BA MA YIN TE, THOG MAR THOB PA BDAG GIR BYED PA YONGS SU 'DZIN PA DANG, DE'I RJES SU LDOG PAR SRED PA KUN TU 'DZIN PA DANG LDAN PA'I PHYIR CES BYA BA LTA BU'O, ,'DIR DE'I CHOS MTHUN PA'I DPE NI GANG ZHIG 'DOD CHAGS DANG BRAL BA DE NI YONGS SU 'DZIN PA DANG, KUN TU 'DZIN PA MED DE, DPER NA KHYU MCHOG LA SOGS PA LTA BU STE, KHYU MCHOG NI BYIN PA NA CUNG ZAD KYANG MI LEN PAS YONGS SU 'DZIN PA MED, DE MED PAS KUN TU 'DZIN PA YANG MED DO, ,BSGRUB PAR BYA BA'I CHOS 'DOD CHAGS DANG BRAL BA MA YIN PA NYID DANG, BSGRUB PA'I CHOS RTAGS YONGS SU 'DZIN PA DANG, KUN TU 'DZIN PA DAG MI MTHUN DPE KHYU MCHOG LA SOGS PA LAS LDOG PA LA THE TSOM ZA BA YIN NO, ,RTAGS DE'I MI MTHUN DPE LTAR SNANG YIN TE MI MTHUN DPER BKOD PA GANG ZHIG RTAGS CHOS GNYI GA LAS LDOG PA LA THE TSOM ZA BA'I PHYIR RO, ,DPER NA RTAG NA MA BYAS PAS KHYAB, DPER NA 'DUS MA BYAS PA'I NAM MKHA' BZHIN ZHES PA'I MI MTHUN DPE BYAS MI RTAG LAS LOG MA LOG DPYOD PA LTAR SHES PAR BYA'O, ,GSUM PA LA; LDOG PA'I KHYAB PA GTAN MED PA NI DPER NA NGAG SMRA BA'I SKYES BU PHA ROL PO CHOS CAN, 'DOD CHAGS DANG BRAL BA MA YIN TE, SMRA BA'I PHYIR CES PA LTA BU'O, ,DE'I MI MTHUN DPE STON PA NI, GANG LA 'DOD CHAGS DANG MA BRAL BA NYID MED PA DE NI NGAG SMRA BA MA YIN TE, DPER NA RDO'I DUM BU BZHIN ZHES BYA BA LTA BU STE, GAL TE RDO'I DUM BU LAS CHAGS LDAN DANG NGAG SMRA BA GNYI GA LDOG PA YIN MOD KYI 'ON KYANG LDOG PA'I KHYAB PA MED PA YIN NO, ,RTAGS CHOS GNYIS MED KYANG 'DOD CHAGS DANG BRAL BA THAMS CAD SMRA

60b

BA MA YIN ZHES BYA BAR CHAGS PA LOG STOBS KYIS NGAG SMRA BA LDOG PAS KHYAB PAR LDOG PA MA GRUB PA'I PHYIR, RDO'I DUM BU CHOS CAN GTAN TSIGS DE'I LDOG KHYAB YOD MED KYI MI MTHUN DPE LTAR SNANG YIN TE, DE'I MI MTHUN DPER BKOD PA GANG ZHIG RTAGS CHOS GNYIS MED PA TZAM ZHIG BSTAN YANG LDOG KHYAB MED PAS MA BSTAN PA'I PHYIR, LDOG PA'I KHYAB PA YOD KYANG RAB TU MA BSTAN PA NI BYAS PAS SGRA MI RTAG PAR BSGRUB PA'I CHOS MI MTHUN PA DPER NA SGRA NI BYAS PA'I PHYIR MI RTAG PA STE, DPER NA 'DUS MA BYAS KYI NAM MKHA' BZHIN NO ZHES BYA BA LTA BU'O, ,SBYOR BA DES NI RTZA BA'I GTAN TSIGS BSTAN PA YIN GYI, LDOG KHYAB YOD KYANG MA BSTAN PA'I DPE NI, SGRA NI MA BYAS PA'I PHYIR RTAG PA STE DPER NA NAM MKHA' BZHIN ZHES BYA'O, ,LDOG PA PHYIN CI LOG PA NI DPER NA, GANG MA BYAS PA DE NI RTAG PA YIN TE, DPER NA 'DUS MA BYAS KYI NAM MKHA' BZHIN ZHES BYA BA LTA BU'O, ,DPE DE NI CHOS MI MTHUN DPE LTAR SNANG YIN TE MI MTHUN DPER BKOD PA GANG ZHIG SNGA MAS LDOG KHYAB YOD KYANG MA BSTAN PA DANG, PHYI MAS LDOG PA PHYIN CI LOG TU BSTAN PA'I PHYIR RO, ,RTAG NA MA BYAS PAS KHYAB CES PA LAS LOG NAS BSTAN PA'O, ,GZHAN DON RJES DPAG LTAR SNANG 'DI DAG NI, RGOL BA DPYAD PA MA DAG PAS KHA CIG DON SKYON MA ZHUGS KYANG SGRA LOG PAR SBYAR BA YIN LA, PHAL CHER DON SKYON DANG, SGRA'I SKYON GNYIS KA DANG BCAS PAS DPE BCO BRGYAD PO DE RNAMS NI DPE LTAR SNANG BAR SHES PAR BYA'O, ,GSUM PA DON BSDU BA NI, DPE YANG DAG YIN NA RJES SU 'GRO LDOG GI KHYAB PA SGRA BLO DON GSUM GYI SKYON GSUM DANG BRAL BA STON NUS PAR BSHAD PA'I DON GYI DBANG GIS SNGAR BSHAD PA'I DPE DE RNAMS

61a

, ,DPE YANG DAG YIN PA GSAL BAR RIG PAR BYA'O, ,DPE LTAR SNANG BA DE DAG GI NI GTAN TSIGS KYI SPYI'I MTSAN NYID MTHUN PA'I PHYOGS KHO NA LA YOD PA'I RJES KHYAB DANG, MI MTHUN PA'I PHYOGS THAMS CAD LA MED PA NYID NGES PA NYID DAM BYE BRAG GI MTSAN NYID 'BRAS RANG GI RTAGS KYI RJES SU 'GRO LDOG GI KHYAB PA BSTAN PAR MI NUS PA DE'I PHYIR, DPE LTAR SNANG BA DE DAG LA BRTEN NAS SPYI'I MTSAN NYID KHONG DU CHUD MI NUS KYANG, BYE BRAG GI MTSAN NYID KHONG DU CHUD NUS PA MA YIN NAM ZHE NA, MA YIN TE, BRJOD PA PHYIN CI LOG TZAM GYIS KYANG PHA ROL PO'I DON NGES PA LA GEGS BYED PA'I PHYIR RO, ,GNYIS PA MTHA' GCIG TU 'DZIN PA'I LOG RTOG SEL BYED SUN 'BYIN BSHAD PA LA GNYIS, SUN 'BYIN YANG DAG DANG, SUN 'BYIN LTAR SNANG NGO, ,DANG PO NI, SNGAR BSHAD PA'I SGRUB NGAG GI YAN LAG MA TSANG BA NYID DANG LA SOGS PAS MA GRUB PA DANG, 'GAL BA DANG MA NGES PA BSTAN PA LA PHYOGS CHOS MA GRUB PA SOGS KYI LAN PHYIR RGOL GYIS SMRA BA NI SUN 'BYIN PA DAG YIN NO, ,DE LA SGRUB NGAG NI RGOL BA'I RTEN CAN DANG, SUN 'BYIN NI PHYIR RGOL GYI RTEN CAN YIN LA, DE YANG RGOL BAS SGRUB BYED YANG DAG 'GOD PAR KHAS BLANGS NAS SGRUB NGAG YAN LAG MA TSANG BA BRJOD PA DANG, 'GAL MA NGES MA GRUB PA'I GTAN TSIGS BKOD PA NA PHYIR RGOL GYIS 'DI NI 'GAL BA'I, ,'DI NI MA NGES PA'O ZHES SOGS SKYON LA SKYON DU BRJOD PA NI RGOL BA'I MNGON PAR 'DOD PA'I DON 'GRUB PA'I GEGS BYED PAS SUN 'BYIN YANG DAG YIN NO, ,RGOL BA'I 'DOD YUL PHYIN CI LOG TU BYED NUS PA KHO NA SUN 'BYIN DU 'GYUR BA MA YIN NAM ZHE NA, MA YIN TE, RGOL BA'I

61b

'DOD PA MA GRUB PA BYAS PA TZAM GYIS KYANG SUN 'BYIN DU 'GYUR BA'I PHYIR RO, ,YANG NA RGOL BA RANG GI 'DOD PA'I DON GZHAN GYIS NGES PAR BYED 'DOD PA LA NGES PA MED PAR BYAS PAS PHYIN CI LOG TU BYAS PA ZHES KYANG BYA'O, ,SNGAR BSHAD PA LTAR BSGRUB PA'I SKYON MA TSANG BA DANG 'GAL BA LA SOGS PA SMOS PA GANG DAG YIN PA DE DAG PHYIR RGOL GYI SKYON DU BRJOD PA NI SUN 'BYIN PA YIN TE, DES PHA ROL PO RGOL BA'I 'DOD PA'I DON 'GRUB PA LA GEGS BYED PA'I PHYIR RO, ,DPE'I SKYON BRJOD PA YANG SUN 'BYIN DU 'DUS PA YIN NO, ,SLOB DPON DUL BA LHAS TSIG GANG GIS SKYON RNAMS SGROGS PAR BYED PA DE NI SUN 'BYIN PA ZHES BYA'O ZHES BSHAD DA, ,GNYIS PA NI, SUN 'BYIN PA LTAR SNANG BA NI SKYON MA YIN PA LA SKYON DU BRJOD PA'I LTAG CHOD RNAMS TE, LAN RNAL MA MA YIN PA LA LAN LTAR SNANG BA YANG DAG MA YIN PA'I SKYON BRJOD PA NI LTAG CHOD RNAMS YIN NO, ,LTAG CHOD KYI MTHAR THUG PA NI RANG GIS PHA ROL LA BRJOD PA'I SKYON RANG LA JI LTA BA BZHIN DU MTSUNGS PAR 'JUG PA RNAMS YIN LA, RGYAS PAR NI LAN LOG PA MTHA' DAG LTAG CHOD YIN TE, TSAD MA KUN LAS BTUS PA SOGS LAS SHAS PAR BYA'O, ,PHA ROL PO'I 'DOD PA SKYON MED LA SKYON DU BRJOD PA DA LTA'I RTZOD PA SMRA BA NGAN PA KHA CIG GIS SMRA BA LTAR NA NI TSAR BCAD PAR BYA BA'I GNAS MTHAR THUG PAR BSHAD LA, DE NAS LUGS NGAN PA MI 'DOR NA RTZOD PA BYA BA'I GNAS MA YIN PAR SHES NAS BTANG SNYOMS SU BYA BAR GSUNGS SO, ,SNGAR GONG DU BSHAD PA DE DAG GI DON BSDUS NA SKYE BO MKHAS PAS GDUL BYA 'OS SU GYUR PA THAR PA DANG THAMS CAD MKHYEN PA'I LAM DU BKRI BAR BYED PA LA NI THOG MAR RANG GIS LAM GYI NGO BO DANG GRANGS DANG GO RIMS RNAMS TSAD

62a

, ,MAS LEGS PAR NGES NAS, DE NAS GDUL BYA'I RGYUD KYI MTHA' GCIG TU 'DZIN PA'I LOG RTOGS SUN 'BYIN GYIS NYAMS SMOD PAR BYED LA, SGRUB NGAG LA BRTEN NAS MTHA' GNYIS SU 'DZIN PA'I THE TSOM SEL ZHING, PHYIN CI MA LOG PA'I DON LA NGES PA BSKYED PAR BYED PA YIN GYI, GZHAN DU NA DMUS LONG GIS MIG DANG MI LDAN PA GZHAN LAM DU KHRID PAR BYED PA DANG 'DRA BAS GDUL BYA GZHAN RJES SU 'DZIN PAR 'DOD PA'AM RANG NYID GCIG PU TSUL BZHIN DU SGRUB PA NYAMS SU LEN PAR 'DOD PA RNAMS KYIS KYANG GZHUNG RGYAS PAR NYAN PAR MA NUS NA'ANG, 'DI TZAM GYIS DON KHONG DU CHUD PAR BYAS NAS TSAD MA DANG TSAD MA LTAR SNANG PHYE BA'I MAN NGAG GIS LOG PA'I LAM LA GZHAN GYIS BKRI MI NUS PA'I THABS LA 'BAD PAR BYA'O, ,SDE SNOD 'DZIN PAR RLOM PA RNAMS KYANG, GZHUNG 'DI DAG NI GDAMS NGAG GI GNAD MI STON PA'I PHYI'I GO RGYA GCOD PA TZAM DU MTHONG NAS SGRUB PA BYED 'DOD SKYES PA'I TSE, 'DOR BAR SNANG BAS BDAG LEGS SU 'DOD PA RNAMS KYIS GNAS 'DI LA GZAB PAR BYA'O, ,TSAD MA KUN LAS BTUS DANG DE'I DGONGS 'GREL SDE BDUN PO GSUNG RAB MTHA' DAG GI DGONGS PA 'GREL PAR BYED CING, LHAG PA SHES RAB KYI BSLAB PA'I DMIGS PA BRJOD BYA'I GTZO BOR STON PA MNGON PA'I BSTAN BCOS YIN PA'I DON KHONG DU MA CHUD PAR TSAD MA MDO'I MJUG TU, PHYI ROL PA'I RTOG GE LA BRTEN NAS DE KHO NA NYID KHONG DU CHUD MI NUS PAR GSUNGS PA YANG LOG PAR GO NAS NANG RIG GI BSTAN BCOS LAS PHYI ROL TU GYUR PAR 'DOD PA NI LOG PAR RTOG PA CHEN PO YIN PAS RGYAD RING DU DOR BAR BYA'O, ,GNYIS PA LE'U'I MTSAN BSTAN PA NI, LEGS

62b

PAR BSHAD PA RIN PO CHE'I GTER ZHES BYA BA GZHAN GYI DON GYI RJES SU DPAG PA'I LE'U STE LE'U GSUM PA'I BSHAD PA'O, ,BZHI PA MJUG GI DON LA GNYIS, MDZAD PA PO GANG GIS MDZAD PA DANG, SGYUR BYED GANG GIS BSGYUR BA'O, ,DANG PO NI, BSTAN BCOS RIGS PA'I THIGS PA ZHES BYA'I RAB TU BYED PA BDAG NYID CHEN PO CHOS KYI GRAGS PAS MDZAD PA RDZOGS SO,, ,,GNYIS PA NI, RGYA GAR GYI MKHAN PO DZI NA MI TRA DANG, D'A NA SH'I LA DAD ZHU CHEN GYI LO TZTSA BA BANDE YE SHES SDE LA SOGS PAS RGYA GAR GYI SKAD LAS BOD KYI SKAD DU BSGYUR BA'O;; ` ;;SGRUB DANG SUN 'BYIN 'OD STONG SPROS PA YIS, ,LOG RTOG THE TSOM MUN PA KUN BCOM STE, ,LAM DANG LAM MIN 'BYED PA'I THABS KYI MCHOG ,GZHUNG 'DI'I TSIG DON TZAM ZHIG GSAL BAR BSHAD, ,PHYI ROL DON BSGRUB RNAL 'BYOR SPYOD PA'I LUGS, , TSUL GNYIS 'BYED LA TSAD MAR GYUR PA YI, ,RGYAL RDA BDUN PA DPAL CHEN CHOS MCHOG GIS, ,JI LTAR BKRAL BA'I BZHED PA JI BZHIN BSHAD, ,SDE BDUN RIGS PA'I DE NYID MA RTOGS PAR, ,RTZE GCIG DBEN PAR SGRUB LA BRTZON BYED CING, ,RIM GNYIS ZAB DON SGOM PAR 'DOD PA YANG, ,GZUGS LA DMUS LONG RNAM DBYE BYED DANG MTSUNGS, ,BDAG NYID CHEN PO'I RIGS PA SHIN TU PHRA, ,BLO GROS NYAM CHUNG SBYANGS PA'I STOBS DMAN PAS, ,GAL TE 'DI LA NONGS PA'I TSOGS MCHIS NA, ,BLA MA LTAR BCAS RNAMS KYIS BZOD PAR MDZOD, ,BDAG KYANG DENG NAS TSE RABS THAMS CAD DU, ,LAM NGAN STON PA'I BSHES DANG MI PHRAD CING, ,THEG MCHOG DGE BA'I BSHES KYIS RJES BZUNG STE, ,YANG DAG RIGS PA'I SNANG BA RGYAS BYED SHOG ,DE LTA'I DGE BAR BA DKAR CI YOD DES, ,SDUG BSNGAL GZHAN DBANG

63a

, ,GYUR PA'I MA RNAMS KUN, ,'CHING BYED SRID PA'I ZHAGS PA KUN BCAD DE, ,KUN MKHYEN RGYAL BA'I GRONG KHYER 'JUG PAR SHOG ,RIGS PA'I THIGS PA'I 'GREL PA LEGS PAR BSHAD PA RIN PO CHE'I GTER ZHES BYA BA 'DI RGYAL BA'I RING LUGS PA CHEN PO RJE BTZUN DAM PA RED MDA' PA KU MA RA MA TI'I ZHAL SNGA NAS DANG, RGYAL BA RNAMS KYI DAM PA'I CHOS 'DZIN PA'I SMON LAM LEGS PAR GRUB PA RJE RIN PO CHE THAMS CAD MKHYEN PA BLO BZANG GRAGS PA'I DPAL BZANG PO'I ZHAL SNGA NAS DANG, MKHAS GRUB GANGS CAN BA KUN DGA' DPAL GYI ZHAL SNGA NAS DANG YAB SRAS RNAMS KYIS LEGS PAR BSHAD PA'I BKA' DRIN LAS, BSHES GNYEN CHEN PO RIN CHEN RGYA MTSO'I BLO GROS LA SOGS PA SDOM BRTZON SDE SNOD 'DZIN PA DU MAS BSKUL NAS RIGS PA SMRA BA DAR MA RIN CHEN GYIS 'BROG RI BO CHE DGE LDAN RNAM PAR RGYAL BA'I GLING DU SBYAR BA'O, ,YI GE PA NI SDOM BRTZON SDE SNOD 'DZIN PA RIN CHEN CHOS RGYAL LO, ,'DIS RGYAL BA'I BSTAN PA RIN PO CHE SGO THAMS CAD NAS PHYOGS THAMS CAD DU DAR ZHING RGYAS LA YUN RING DU GNAS PAR GYUR CIG ` AOm SVA STE, PHAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCHOG 'BRAS BZANG LA, ,SPYOD PHYIR BKRA SHIS LHUN GRUB CHOS GRVA CHER, ,CHOS SBYIN 'DZAD MED DAL 'GRO'I RGYUN 'DI SPEL,, ,,SARBA MANGALAm,, ,,

63b

[BLANK PAGE]