, ,RDO RJE THEG PA'I RTZA LTUNG GI RNAM BSHAD BZHUGS SO,,
, ,BLA MA DAM PA RNAMS LA PHYAG 'TSAL LO, ,GANG PHYIR RDO RJE 'DZIN PA YI, ,DNGOS GRUB SLOB DPON RJES 'BRANG GSUNGS, ,DE BAS DE LA BRNYAS PA NI, ,RTZA BA'I LTUNG BA DANG POR BSHAD, ,SLOB DPON GANG GIS DBANG BSKUR BA DANG, LAS KYI MAN NGAG MNOS PA DANG, RGYUD BSTAN PA DANG GSUM MO, ,DE LA BRNYAS PA DANG SMAD PA BYAS NAS, KUN DKRIS TSANG NA RTZA LTUNG NGO, ,KUN DKRIS NI, RDO RJE THEG PA'I BKA' DRIN MNOS PA'I SLOB DPON LA, YON TAN CHE CHUNG GANG YIN YANG SLA'I, SNGAGS KYI CHOS KYI 'BREL PA RGYU MTSAN DU BYAS NAS SGO GSUM GYI GUS PAS, BSNYEN BKUR BA'I ZHING GONG MAR 'DZIN PA'I KHUR BOR TE, DA NI 'DIS CI ZHIG BYA SNYAM DU BOR BA NI, BRNYAS PA DANG SMAD PAS RTZA LTUNG DU 'GRO BA'I TSAD DO, ,KUN DKRIS NI BYA BA DE LA ZHUGS PA'I SKAD CIG MA GNYIS PA NAS DNGOS GZHI RDZOGS PA'I DE MA THAG YAN CHAD DU PHYIS SPYOD 'DOD DANG, BYA BA DES DGA' ZHING MGU BA GNYIS DGOS LA, DE GNYIS GANG RUNG GCIG MED NA RTZA LTUNG DU MI 'GRO, DE LA NYES DMIGS SU LTA BA DANG, NGO TSA KHREL YOD MED PA DGOS LA, GANG RUNG GCIG SNGA NA MI 'GYUR RO, ,BDE GSHEGS BKA' LAS 'DAS PA NI, ,LTUNG BA GNYIS PA YIN PAR BSHAD, ,SANGS RGYAS KYIS GSUNGS PA'I SDOM PA GSUM GANG GI BCAS PA YIN PA, DE LA SHES BZHIN DU 'GAL BAR BYED PA, KHYAD DU GSOD 'DOD KYI KUN SLONG YOD PA STE, CHOS GSUM DANG KUN DKRIS
, ,TSANG NA RTZA LTUNG NGO, ,RDO RJE SPUN LA KHROS PA NI, ,NYES PA BRJOD PA GSUM PA YIN, ,BLA MA GCIG LA DBANG BSKUR THOB PA'I RDO RJE SPUN YIN PA, SNGAGS KYI SDOM PA DANG LDAN PA, DER 'DU SHES PA LA ZHE SDANG GIS KUN NAS SLANG NAS, DE'I SKYON BRJOD PA, DES THOS NAS DE'I DON GO BA STE, CHOS LNGA TSANG NAS KUN DKRIS TSAD NA RTZA LTUNG NGO, ,SEMS CAN RNAMS LA BYAMS PA SPONG, ,BZHI PA YIN PAR RGYAL BAS GSUNGS,, SEMS CAN GANG RUNG GCIG LA DMIGS NAS 'DI BDE BA THAMS CAD DANG BRAL NA, SNYAM PA'I BYAMS PA BTANG NAS, KUN DKRIS TSANG NA RTZA LTUNG NGO, ,CHOS KYI RTZA BA BYANG CHUB SEMS, ,DE SPONG BA NI LNGA PA YIS, ,BDAG GIS SEMS CAN MTHA' YAS PA'I DON DU BYANG CHUB SGRUB PAR MI NUS SNYAM NAS SMON SEMS SPONG BA NI LNGA PA YIN LA, 'DI LA KUN DKRIS RTZI RGYU MED DO, ,RANG NGAM GZHAN GYI GRUB PA'I MTHA', ,CHOS LA SMAD PA DRUG PA YIN, , RANG GI GRUB PA'I MTHA' GSANG SNGAGS DANG, GZHAN GYI GRUB PA'I MTHA' PHA ROL TU PHYIN PA'I THEG PA STE, THEG PA GSUM GYI BKA' GANG YANG RUNG BA LA DMIGS NAS 'DI SANGS RGYAS KYIS GSUNGS PA MIN NO ZHES BSAM PA THAG PA NAS BKUR BA 'DEBS PA NA KUN DKRIS TSANG NA RTZA LTUNG NGO, ,YONGS SU MA SMIN SEMS CAN LA, ,GSANG BA SGROG PA BDUN PA YIN, ,DBANG BSKUR NAS SMIN PAR MA BYAS PA, GSANG BA BSGRAGS PA
LA MA DAD PA SKYE BA, DE LA DER 'DU SHES PA, THUN MONG MA YIN PA'I GSANG BA BSGRAGS PA, DE GO BA, GZHAN 'DUL BA'I DGONGS PA CHEN PO MED PA STE, CHOS DRUG DANG KUN DKRIS TSANG NA RTZA LTUNG NGO, ,PHUNG PO SANGS RGYAS MNGA' BDAG NYID, ,DE LA BRNYAS BYED BRGYAD PA YIN, ,MDOR NA RANG GI PHUNG PO LA RGUD PAR BYA BA'I BSAM PAS GDUNG BA'I THABS GANG YANG RUNG BA'I SGO NAS GDUNG BAR BYAS PAS SDUG BSNGAL BAR GYUR NAS KUN DKRIS TSANG NA RTZA LTUNG NGO, ,PHUNG PO GDUNG BA'I SKABS 'DIR MNGON PAR GTZANG MI GTZANG LA SOGS PA'I RGYU MTSAN GYIS PHUNG PO LNGA DE BZHIN GSHEGS PA LNGAR SGOM DU MI RUNG NGO ZHES DE GNYIS SO SOR 'BYED PA'I BRNYAS PA BYAS NA RTZA LTUNG DU 'GRO BA'I SGO GCIG DANG, SNGA MA GNYIS SO, ,RANG BZHIN DAG PA'I CHOS RNAMS LA, ,SOM NYI ZA BA DGU PA YIN, ,STONG NYID ZAB MO LA YID MA CHES NAS SPONG BA NI RTZA LTUNG DGU PA YIN NO, ,GDUG LA RTAG TU BYAMS LDAN PA, ,BYED PA DE NI BCU PAR 'DOD, ,DKON MCHOG GSUM DANG BLA MA LA SMOD PA DANG, BSTAN PA 'JIG PA LA SOGS PA'I SEMS CAN MNGON SPYOD BYA BA'I YUL DU GYUR BA GDUG PA CAN RNAMS TE, DE LA 'DZA' BOR BYAS NAS LUS NGAG GI BYAMS PA BYAS NA X MING SOGS BRAL BA'I CHOS RNAMS LA, ,DER RTOG PA NI BCU GCIG PA, ,CHOS BDAG MED PA'I LTA BA YOD BZHIN MA BSKYANGS BAR ZHAG GCIG 'DAS NA X SEMS CAN DAD DANG LDAN PA LA, ,SEMS SUN 'BYIN PA BCU GNYIS PA, ,THEG CHEN GYI SNOD RUNG GI SEMS CAN 'GA' ZHIG ,THEG PA MCHOG GI GDAMS PA 'GA' ZHIG LA DAD PA LA DE'I BDUN PA BZLOG 'DOD KYIS SEMS SUN 'BYIN PA'I THABS
, ,'GA' ZHIG BYAS NAS LOG NA X DAM TSIG LA NI JI BZHIN RNYED, ,MI BRTEN PA DE BCU GSUM PA, ,'DI LA GNYIS, BLA MED KYI RTZA LTUNG DU 'GRO BA NI, TSOGS 'KHOR RAM, DPA' BO'I STON MO'AM, DPA' MO'I CHO GA TSUL BZHIN DU PHYED PA'I DUS SU, DAM RDZAS BZA' BTUNG SHA LA SOGS PA BTAB PA'I TSE, MI GTZANG BA'AM THE TSOM ZOS NAS DANG DU MI LEN NA RTZA LTUNG NGO, ,RNAL 'BYOR GYI RTZA LTUNG LA RDO RJE LA SOGS PA 'DIS CI ZHIG BYA BSGOM PA KHO NA GTZO BOR GYUR PA YIN TE, LAG PA RNAM PAR 'GYUR BA LA SOGS PA NI MA YIN NO ZHES SKYE BO'I TSOGS KYI NANG DU GNAS NAS, SMOD PA GANG YIN PA DE NI DAM TSIG LAS 'DAS PA STE RTZA LTUNG NGO, ,SHES RAB RANG BZHIN BUD MED LA, ,SMOD PAR BYED PA BCU GCIG PA, ,'DI LA YANG GNYIS LAS, BUD MED KYI TSUL 'DZIN PA'I RDO RJE PHAG MO LA SOGS 'JIG RTEN LAS 'DAS PA RNAMS LA, SKYON GDAGS 'DOD KYIS SKYON GANG YANG RUNG BA BRJOD PA NA RTZA LTUNG NGO, ,GNYIS PA NI, BUD MED MTSAN NYID PA GANG YANG RUNG BA GCIG LA SKYON GDAGS 'DOD KYI KUN SLONG GIS BUD MED KYI RTEN SPYI LA SMOD TSIG TU 'GRO BA'I SKYON BRJOD BYAS PA STE, DE YANG BUD MED KYIS GO NA RTZA LTUNG BCU BZHI PA'O, ` ,SBOM PO BRGYAD KYI DANG PO SHES RAB NI BUD MED DO, ,LEN PA NI RIG MAR BSTEN PA'O, ,DE YANG STOBS KYIS TE RIG MA YONGS SU MA SBYANGS PAR RANG GI MTHU TZAM GYIS RIG MAR BSTAN PA'O, ,GNYIS PA NI, LHA'I NGA RGYAL MED PA DANG, BYIN GYIS MA BRLABS PA DANG, MA DAD PA'I MDUN DANG, KHYAD PAR GYI DUS MA YIN PAR LONGS SPYAD PA'O, ,GSUM PA NI, DBANG MA THOB
PA STE; THOB KYANG MI DAD PA LA BRIS SKU DANG, GLEGS BAM DANG, RGYAN DRUG LA SOGS PA GSANG BA'I RDZAS RNAMS MI GSANG BA STE, MI SBED PAR STON PA DANG, PHYAG RGYA 'CHING BA STON PA'O, ,BZHI PA NI, TSOGS 'KHOR RAM DPA' BO DANG DPA' MO'I STON MO'I DUS SU; DER ZHUGS PA NA LNGA'I NGA RGYAL DANG, SEMS CAN LA SNYING BRTZE BA DANG, YON BDAG GI YID BYED KYI GNAS TSOGS BSAG PA'I ZHING DGOS PA LA, PHAN TSUN RTZOD PA DANG, THA NA LUS KYIS THAL MO BRDEB PA TZAM BYED NA'O, ,LNGA PA NI, DAD LDAN SNOD RUNG GI GANG ZAG GIS CHOS LA DRI BA NA CHOS GZHAN STON PA STE, DPER NA, DON DAM BDEN PA'I MTSAN NYID DRI BA NA, KUN RDZOB BDEN PA'I MTSAN NYID STON PA LA 'GREL PAS 'CHAD DO, ,DRUG PA NI, GSANG SNGAGS LA SUN 'BYIN BYED PA'I NYAN THOS THEG PA'I NANG DU ZHAG DRUG GNANG BA LA, ZHAG BDUN GNAS PA NA SBOM PO STE, DE YANG SROG LA SOGS PA'I BAR CHAD DANG RGYAL PO'I BKA' SKYONG BA'I PHYIR YIN NA NYES PA MED DO, ,BDUN PA NI, LHA'I SGRUB THABS TZAM ZHIG LA BRTEN NAS DE KHO NA NYID SHES PAR NGA RGYAL GYIS GNAS SHING STON NA'O, ,BRGYAD PA NI, DBANG GIS MA SMIN PA'I SNGAGS LA MI DAD PA LA DBANG BSKUR BA'AM, SMIN YANG SNGAGS LA MI DAD PAR PHYI'I CHOS LA MOS PA LA, SNGAGS KYI GSANG BA BSTAN PA'O, ,SBYOR BA LEGS PAR MA BYAS PAR NI, DAM TSIG SNGAR THOB KYANG NYAMS NAS, DE DANG MI LDAN PA LA DBANG DANG 'BREL PA GSUM DGOS PA KHYAD PAR CAN MED PAR BSTAN NAS GO BA NA SBOM PO'O, ,BSNYEN SOGS DAG PAR MA BYAS PAR, ,DKYIL 'KHOR LAS LA 'JUG PA DANG, ,NI; GRANGS DANG, DUS DANG
, ,TSAD DANG, MTSAN MA GANG RUNG GIS BSNYEN PA DANG, SBYIN SREG DANG, LHA'I RNAL 'BYOR SOGS DAG PAR MA BYAS PAR GZHAN LA DBANG BSKUR BA SOGS LA 'JUG PA'O, ,SDOM PA GNYIS KYI BCAS PA LA, ,DGOS PA MED PAR 'DA' BA DANG; ;NI; DPER NA DGE SLONG RDO RJE 'DZIN PAS SBYIN SREG BYED PA NA ME REG GI DUS DRAN DANG, 'BRAS BU LA RUNG BA MI BYED PA LTA BU STE, DE 'DRA DE LA SNGAGS KYI SPOM PO BRGYAD DANG, BCU GCIG GI DBANG DU BYAS PA'O,, ` DUS 'KHOR GYI LUGS KYI SDOM PA SRUNG BA NI, ` RDO RJE'I RIGS LA, RDO RJE DRIL BU, PHYAG RGYA ,BLA MA GZUNG BA DANG BZHI, ` RIN PO CHE'I RIGS LA ,RIN PO CHE, LCAGS, ZANGS, BA LANG, STAG; GLANG CHEN; BU MO; NOR 'DZIN DANG, 'DOD PA'I CHUNG MA RANG GI SHA, ,SBYIN PA RNAM PA BCU RU 'DOD, ,CES PA LTAR SBYIN PA RNAM PA BCU SBYIN PA DANG, ` 'KHOR LO'I RIGS LA, BDUD RTZI LNGA DANG, SHA LNGA DANG, PHUNG PO DBANG PO'I TSOGS SRUNG BA DANG, ` PADMA'I RIGS LA, 'DZAG PA MED PA'I TSANGS SPYOD KYIS SDOM PA SKYONG BA DANG, ` RAL GRI'I RIGS LA, DKON MCHOG MCHOD PA DANG, ` RGYAL BA BSKYED MDZAD RDO RJE RTZE GCIG PA'I RIGS LA, STONG PA DANG SNYING RJE'I BDAG NYID KYIS PHYAG CHEN GYI DNGOS GRUB BSKYED PAR BGYI ZHES PA'O, ,RTZA LTUNG DANG PO NI, DHA RI KA PAS, BLA MA DAM PAR SHES PA DANG; NYON MONGS PAS BSLAD PA'I LUS NGAG GI LAS DANG, GZHAN GYI DON MIN PA DANG, RANG DON LHUR BLANG BA'I BSAM PA DANG, SLAR SBYANG BSAM MED PA DRUG TSANG NA RTZA LTUNG DU 'CHAD DO, ,GNYIS PA NI, DHA RI KA PAS, BLA MA DAM PAR SHES PA DANG,
DES RANG LA CHED DU GTAD PA'I CHOS KYI BGO BA BCAG NAS NYES SPYOD LA 'JUG PA, NYON MONGS PAS BSLAD PA'I LUS NGAG GI LAS DANG, GZHAN GYI DON MIN PA DANG, RANG GI DON LHUR BLANG BA'I BSAM PA DANG, SLAR SBYANG BSAM MED PA DRUG TSANG NA RTZA LTUNG DU 'CHAD DO,, GSUM PA NI, DHA RI KA PAS, RDO RJE SPUN YIN PA DANG, ZHE SDANG GIS SPUN GYI BGO BA BCAG PA, DE MI DGYES PAR SHES PA, NYES SPYOD LA 'JUG PA, NYON MONGS PAS BSLAD PA'I LUS NGAG GI LAS DANG, GZHAN GYI DON MIN PA DANG, RANG DON LHUR BLANGS PA'I BSAM PA DANG, SLAR SBYANG SEMS MED PA'O, ,BZHI PA BYAMS PA BTANG BA NI, DHA RI KA PAS, NYIN MTSAN GCIG TSUN CHAD DU BYAMS PA SLAR MI SKYED PA'O, ,LNGA PA NI, DHA RI KA PAS, MI 'GYUR BA'I RANG BZHIN SHES PA DANG, 'GYUR BA'I BDE BA TZAM DANG DU BLANG BA'I BSAM PA DANG, DE LA LEGS PAR 'DZIN PA DANG, GSANG BA DANG, GZHAN GYI DON DANG, RI LU LA SOGS PA'I DON MIN PA STE BZHI DANG LDAN NA RTZA LTUNG NGO, ,DRUG PA NI, DHA RI KA PAS, GRUB MTHA' NI SHES RAB KYI PHA ROL TU PHYIN PA'I THEG PA YIN LA, DE DANG SNGAGS KYI TSUL THA DAD PAR 'DZIN PA NI, THA DAD LA MCHOG DANG DMAN PAR GZUNG NAS, SNGAGS KYI THEG PA NI MCHOG YIN, MTSAN NYID THEG PA NI DMAN PA YIN ZER NAS, GSANG SNGAGS KYI THEG PA KHO NA ZHES 'DZIN PAR BYED NA RTZA LTUNG NGO, ,BDUN PA NI, DHA RI KA PAS, GSANG BA BSGRAGS NA MI DAD PA SKYE BA DANG, GZHAN 'DUL BA'I DON MIN PA DANG, BDE BA CHEN PO'I GSANG BA BSTAN PA STE CHOS GSUM TSANG NA RTZA LTUNG NGO, ,BRGYAD PA NI, DHA RI KA PAS, RANG NYID GSOD PAR BYED NA SEMS BSKYED PA TZAM NAS RTZA
, ,LTUNG DANG, PHUNG PO SOGS RGYAL BA DANG, LHA PHO MOR SEMS PAR SHES NAS, DE MNAR BAS BDE BA LAS NYAMS PAR SHES PA DANG, GZHAN 'BUL BA'I DON MIN PA GSUM TSANG NA RTZA LTUNG NGO, ,DGU PA STONG PA NYID YIN LA, DE LA MA DAD PA NI 'DZIN PA SPANG BA'I STONG NYID ZAB MO SUN 'BYIN PA LA DHA RI KA PAS BSHAD PA LTAR, DE YANG GZHAN 'DUL BA'I DON MIN PA DANG, STONG NYID SPANGS NAS SPROS BCAS DANG DU BLANGS TE CHOS GNYIS DANG DU BLANGS NA RTZA LTUNG NGO, ,BCU PA DHA RI KA PAS, DAM TSIG LOGS PA DANG PA'I SGO NAS MI BSRUNG BAR, TSIGS BCAD SOGS LHUR LEN PA'I TSUL GYIS BSRUNG BA LTAR BYAS NAS, LKOG TU MI DGE BA BYED PA'O, ,BCU GCIG PA DHA RI KA PAS, DE BZHIN GSHEGS PAS THAMS CAD KYI SKU DANG GSUNG DANG THUGS KYI DE KHO NA NYID KYI RANG BZHIN SNGAGS KYI TSUL BYANG CHUB KYI SEMS ZLA BA'I BDE BA 'GYUR BA MED PA, 'JIG RTEN GYIS DPER BYA BA DANG, BRAL BA BYIN PA LA THE TSOM DANG YID GNYIS KYI DBANG GIS DANG DU MI LEN CING RTOG PAR BYED NA RTZA LTUNG NGO, ,BCU GNYIS PA, DHA RI KA PAS, RNAL 'BYOR PA RNAL 'BYOR GYI RANG TSUL DANG LDAN PA DANG, PHRAG DOG GIS SMRA BA DANG, GZHAN 'DUL BA'I DON MIN PA STE, CHOS GSUM TSANG NA RTZA LTUNG NGO, ,BCU GSUM PA DHA RI KA PAS, TSOGS 'KHOR DANG DPA' BO'I BZA' PA'I DUS LTA BU'I CHO GA DUS LA BAB PA DANG, GZHAN GYI NGO SRUNG MIN PA DANG, GZHAN 'DUL BA'I DUS MIN PAR DUS LA BAB PA'I BZA' BTUNG DANG, BUD MED LA MI THUN BYA BA DANG DU MI LEN NA RTZA LTUNG NGO, ,MI THUN NI RIG MA DANG SNYOMS PAR 'JUG PA STE, 'DI DE LTAR BYED PA'I NUS PA THON PA'I RNAL 'BYOR PA'I DBANG DU BYAS
SO, ,BCU BZHI PA BUD MED LA SMOD PA NI, THAMS CAD LA SMOD CES PA NI, SMOD SA GCIG YIN NA'ANG, SMOD TSUL BUD MED KYI RTEN THAMS CAD LA SMOD TSIG TU 'GRO BAS SMAD NA NGES TE, GDON MI ZA BAR LTUNG BAR 'GYUR RO, ,GZHAN 'DUL BA'I DON MA RTOGS SNYING KA PAS, BSHAD PAS SKYON GDAGS 'DOD DANG, DE GO BA'O, ,RDO RJE THEG PA'I RTZA LTUNG GI RNAM BSHAD GZHAN PHAN SNYING PO 'DI RIG DANG GROL BA'I SPOBS PA DGE BA CAN, GSUNG RAB RGYA MTSO LTA BU LA GZHAN GYI DRING MI 'JOG PA'I DON KHONG DU CHUD PA, 'JIG RTEN LHA DANG BCAS PA'I SKYABS GNAS DAM PA RJE BTZUN RIN PO CHE DAR MA RIN CHEN GYIS NYER MKHOR BSDU BA MDZAD PA'O,, ,,DE LTAR LCAGS RTA LOR RGYAL TSAB THAMS CAD MKHYEN PA'I GSUNG 'BUM YONGS RDZOGS KYI PAR GSAR BSKRUN SKABS 'DI NYID KYANG BAR DU BSGRUBS PA'O,, BKRA SHIS,,