A Brief Presentation of "Entering the Middle Way"

, ,DBU MA LA 'JUG PA'I BSDUS DON BZHUGS SO,,

, ,NA MO MANYDZU SHRI YE, GANG GIS RTAN 'BYUNG RMI LAM SGYU MA DANG, ,MIG 'PHRUL GZUGS BRNYAN LTA BUR THUGS CHUD NAS, ,GCIG TU BRTZE BA'I BSAM PAS 'DOMS MDZAD PA, ,RJE BTZUN BLA MA RNAMS LA PHYAG 'TSAL TE, ,RGYAL BA'I GSUNG RAB KUN GYI DGONGS PA'I DON, ,DRANGS NGES MA LUS 'BYED PA'I GZHUNG LUGS MCHOG ,KLU SGRUB LUGS BZANG DE NYID RTOGS PHYIR DU, ,DE LA 'JUG PA'I BSTAN BCOS BSDUS DON BYA, ,DE LA 'DIR DBU MA LA 'JUG PA'I BSTAN BCOS KYI BSDUS PA'I DON GSUM GYIS RIG PAR BYA STE, BSHAD PA LA 'JUG PA'I BYA BA DANG, BSHAD PA NYID NYE BAR DGOD PA DANG, BSHAD PA MTHAR PHYIN PA'I BYA BA'O, ,DANG PO LA GNYIS, SNYING RJE CHEN PO LA THOG MAR BSTOD PA'I RGYU MTSAN BSTAN PA DANG, DE LA BSTOD PA'O, ,DANG PO LA GNYIS, BYANG CHUB SEMS DPA' NYID LA GTZO BOR BSNGAGS PA DANG, DE'I RGYU GSUM GYI NANG NAS SNYING RJE LA LHAG PAR BSNGAGS PA'O, ,DANG PO NI, NYAN THOS ZHES PA RKANG PA BZHI STE, NYAN THOS DANG RANG SANGS RGYAS CHOS CAN, THUB PA'I DBANG PO LAS SKYES TE, DES RTEN CING 'BREL PAR 'BYUNG BA'I GNAS LUGS PHYIN CI MA LOG PAR BSTAN PA LA BRTEN NAS THAR PAR BGROD PA'I DMAN LAM PA YIN PA'I PHYIR, THUB PA'I DBANG PO CHOS CAN, BYANG CHUB SEMS DPA' LAS 'KHRUNGS TE, RANG DANG RGYUD GCIG PA'I BYANG CHUB

, ,SEMS DPAS NYER LEN DANG, RGYUD THA DAD PA'I BYANG CHUB SEMS DPAS BDAG RKYEN BYAS NAS SKYES PA'I PHYIR, MOS SPYOD KYI SAS BSDUS PA'I SNYING RJE CHEN PO DANG, STONG NYID RTOGS PA'I YE SHES DANG, KUN RDZOB BYANG CHUB KYI SEMS GSUM PO CHOS CAN, RGYAL SRAS 'PHAGS PA RNAMS KYI RGYU YIN TE, KHYOD KYI STOBS KYIS DE BSKYED DGOS PA'I PHYIR, GANG ZAG BZHI'I NANG NAS BYANG CHUB SEMS DPA' NYID LA LHAG PAR BSNGAGS PA'I RGYU MTSAN YOD DE, DE LA BSNGAGS PAS DON GYIS THUB PA'I DBANG PO LA YANG BSTOD PAR GO BA DANG, MTHAR THUG THEG PA GCIG TU SGRUB BZHED NAS DE LA BSNGAGS PA'I PHYIR, 'DIS MOS SPYOD KYI SKABS KYI LAM GYI RIM PA BSTAN PAR DGONGS TE, SKABS GZHAN DU GSAL BAR MA BSTAN PA'I PHYIR DANG, THEG PA CHEN PO'I LAM KUN BSTAN PAR BZHED PA'I PHYIR, TSIG GSAL GYIS BSTAN BCOS KYI 'BREL BSTAN PA LAS KYANG SHES SO, ,GNYIS PA NI, GANG PHYIR ZHES PA RKANG PA BZHI STE, SHES BYA CHOS CAN, SNYING RJE CHEN PO LA THOG MAR BSTOD PA'I RGYU MTSAN YOD DE, DE NYID DPE GSUM BZHIN DU RGYAL BA'I LO RTOG PHUN TSOGS SKYED PA LA THOG MTHA' BAR GSUM DU NYE BAR MKHO BA'I GTZO BO'I YAN LAG YIN PAS THOG MAR DE LA BSTOD PA'I PHYIR, GNYIS PA LA GNYIS, SEMS CAN LA DMIGS PA'I SNYING RJE LA BSTOD PA DANG, CHOS LA

DMIGS PA DANG DMIGS PA MED PA'I SNYING RJE LA BSTOD PA'O, ,DANG PO NI, DANG POR ZHES PA RKANG PA BZHI STE, SEMS CAN LA DMIGS PA'I SNYING RJE CHOS CAN, KHYOD LA BSTOD PAR RIGS TE, LAS NYON GYIS RANG DBANG MED PAR 'KHOR BAR 'KHOR BA'I SEMS CAN LA DMIGS NAS SDUG BSNGAL MTHA' DAG LAS SGROL BAR 'DOD PA'I RNAM PAS KHYAD PAR DU BYAS PA'I BLO YIN PA'I PHYIR, DMIGS PA'I KHYAD PAR SEMS CAN RDZAS YOD DGOS PA MIN TE, STONG NYID RTOGS PA'I BYANG CHUB SEMS DPA' RNAMS LA YANG 'DI YOD CING, SEMS CAN DMIGS YUL DU BYAS PA'I TSE PHUNG PO CHOS TZAM DANG RANG BZHIN MED PAS KHYAD PAR DU MA BYAS PAR SEMS CAN TZAM LA DMIGS PAS SEMS CAN LA DMIGS PA ZHES BYA'O, ,GNYIS PA NI, 'GRO BA ZHES PA RKANG PA GNYIS TE, SGRUB BYA'I CHOS SNGA MA LA, CHOS LA DMIGS PA DANG, DMIGS PA MED PA'I SNYING RJE GZHIR BZUNG NAS RGYU MTSAN NI, RAGS PA'I BDAG GIS STONG PA'I PHUNG PO CHOS TZAM LA SEMS CAN DU BTAGS PA LA DMIGS PA DANG, RANG BZHIN GYIS DBEN PA'I RNAM PA CAN GYI SEMS CAN LA DMIGS NAS SDUG BSNGAL MTHA' DAG LAS SGROL BAR 'DOD PA'I RNAM PAS KHYAD PAR DU BYAS PA CAN NO, ,YANG NA GZHUNG GONG 'OG GNYIS KA LA SNYING RJE CHEN PO LA BSTOD PAR 'OS TE, SEMS CAN MTHA' DAG SDUG BSNGAL LAS SGROL BA'I BYED LAS CAN YIN PA'I PHYIR ZHES SBYAR RO, ,GNYIS PA BSHAD PA NYID NYE BAR DGOD PA LA GNYIS, RGYU'I SA DANG, 'BRAS BU'I SA'O, ,DANG PO LA GNYIS TE, SA BCU'I RANG BZHIN DANG, DE DAG

, ,GI GNAS SKABS SU THOB PA'I YON TAN NO, ,DANG PO LA BCU YOD PA'I DANG PO DON DAM SEMS BSKYED KYI THOG MA RAB TU DGA' BA'I SA LA GSUM, MING GI KHYAD PAR GYIS MDOR BSTAN PA DANG, YON TAN GYIS RGYAS PAR BSHAD PA PA DANG, MING GI DON GYIS MJUG BSDU BA'O, ,DANG PO LA GNYIS TE, RTOGS PA'I MING GI KHYAD PAR DANG, GANG ZAG GI MING GI KHYAD PAR RO, ,DANG PO NI, RGYAL BA'I ZHES PA RKANG PA BZHI STE, SNYING RJE'I DBANG GIS 'GRO BA SGROL BA'I PHYIR DU SMON LAM 'BUM PHRAG GRANGS MED PA BCU 'DEBS PAR BYED PA'I MTHONG LAM PA'I MNYAM BZHAG YE SHES CHOS CAN, RGYU'I GNAS SKABS SU DON DAM SEMS BSKYED BCUR PHYE BA'I SEMS DANG PO ZHES BRJOD PAR BYA STE, SA RAB DGA' ZHES PA'I MING GIS KHYAD PAR DU BYAS PA'I MNYAM GZHAG YE SHES YIN PA'I PHYIR, GNYIS PA NI, DE NAS ZHES PA RKANG PA GNYIS TE, BYANG SEMS MTHON LAM PA CHOS CAN, DON DAM PA'I BYANG CHUB SEMS DPA' ZHES PA'I MING GIS BSNYAD PAR BYA STE, DON DAM SEMS BSKYED RGYUD LA LDAN PA'I SEMS DPA' YIN PA'I PHYIR, GNYIS PA LA GNYIS, YON TAN GYI DBYE BA DANG, SBYIN PA'I PHAR PHYIN BYE BRAG TU BSHAD PA'O, ,DANG PO LA GNYIS, DNGOS DANG, NYAN RANG LAS THABS SHES KHYAD PAR DU 'PHAGS PAR SGRUB PA'O, ,DANG PO LA LNGA, RIGS KYI KHYAD PAR DANG, SPANGS PA'I KHYAD PAR DANG, RTOGS PA'I KHYAD PAR DANG, NUS PA'I KHYAD PAR DANG, DPE'O, ,DANG PO GSUM NI, 'DI NI ZHES PA RKANG PA GSUM RIM PA BZHIN TE, DE CHOS CAN, DE BZHIN GSHEGS PA'I RIGS CAN YIN TE, SA SKYES DANG NYAN

RANG GI SA LAS 'DAS SHING KUN TU 'OD KYI SA'I RJES SU 'GRO BA'I LAM SKYES PA'I SLOB LAM PA YIN PA'I PHYIR, KUN SBYOR GSUM SPANGS PA'I BRAL BA DANG LDAN TE, GANG ZAG GI BDAG MED MNGON SUM DU RTOGS PA'I PHYIR, CHOS NYID KYI RO MYONG BA'I DGA' BA MCHOG TU GYUR PA DANG LDAN TE, SA DANG PO'I SKYON DANG BRAL BA'I SEMS DPA' YIN PA'I PHYIR, BZHI PA LA GSUM, RDZU 'PHRUL GYI NUS PA DANG, SA GONG MA GNON PA'I NUS PA DANG, NGAN 'GRO DANG BYIS PA'I RGUD PA 'GOG PA'I NUS PA'O, ,DE RNAMS, 'JIG RTEN ZHES PA'I RKANG PA GCIG DANG, GCIG DANG, GNYIS KYIS RIM PA BZHEN TE, DE CHOS CAN, DUS GCIG LA 'JIG RTEN GYI KHAMS BRGYA G-YO NUS TE, SA DANG POS BSDUS PA'I RDZU 'PHRUL LA MNGA' BRNYES PA'I PHYIR, SA 'OG MA NAS GONG MA GNON CING 'GRO STE, SA 'OG MA'I YON TAN LAS MI LDOG PA'I CHOS MNGON DU GYUR CING GONG MA GNON PA LA SPRO BA CHE BA'I PHYIR, NGAN 'GRO'I LAM MTHA' DAG 'GAGS TE, MI DGE BA MI BYED PA'I SDOM PA THOB CING NGAN 'GROR SKYE BA LA 'GOG PA GNYIS KYANG THOB PA'I PHYIR, SO SKYE'I SA DANG BYIS PA'I RGUD PA LAS 'DAS TE, YON TAN BRGYA PHRAG BCU GNYIS LA MNGA' BRNYES PA'I PHYIR, LNGA PA NI, 'DI NI ZHES PA RKANG PA GCIG STE, DE CHOS CAN, 'PHAGS PA RGYUN ZHUGS DANG CHOS MTSUNGS PA'I RGYU MTSAN YOD DE, DE NYID RANG DANG RJES SU MTHUN PA'I 'PHAGS PA'I CHOS THOB PA'I SKYON DANG BRAL ZHING YON TAN 'BYUNG BA BZHIN DU, KHYOD KYANG THEG PA CHEN PO'I SA THOB PA LA RANG DANG 'TSAM PA'I SKYON ZAD CING YON TAN THOB PA'I PHYIR, GNYIS PA NI, RDZOGS PA'I ZHES PA RKANG PA BZHI

, ,STE, DE CHOS CAN, NYAN RANG LAS LHAG PA'I BSAM PA KHYAD PAR DU 'PHAGS TE, SEMS CAN THAMS CAD KYI PHYIR DU THUB PA'I DBANG PO'I GO 'PHANG THOB PAR DAM BCAS SHING GONG NAS GONG DU 'PHEL BZHIN PA YIN PA'I PHYIR, SA BDUN PA THOB PA'I TSE SHES RAB KYI STOBS KYIS KYANG ZIL GYIS GNON NUS TE, DE THOB PA'I TSE SKAD CIG RE RE LA DE BZHIN NYID LA MNGON SUM DU 'JUG LDANG BYED NUS PA'I PHYIR, GNYIS PA LA GSUM, SA DER SBYIN PA LHAG PAR BSTAN PA DANG, SBYIN PA'I PHAN YON BRJOD PA DANG, DBYE BA'O, ,DANG PO LA GNYIS, DNGOS DANG, SBYIN PA'I YON TAN KHYAD PAR CAN GZHAN GYI GO BYED DU BSTAN PA'O, ,DANG PO NI, DE TSE ZHES PA RKANG PA GNYIS TE, DE CHOS CAN, RNAM MKHYEN GYI RGYU PHAR PHYIN BCU'I DANG PO SBYIN PA'I PHAR PHYIN KHYOD LA LHAG PAR LDAN TE, SBYIN PA'I MI MTHUN PHYOGS DANG BRAL ZHING DON DAM SEMS BSKYED DANG PO LA GNAS BZHIN PA YIN PA'I PHYIR, GNYIS PA NI, RANG SHA ZHES PA RKANG PA GNYIS TE, DE CHOS CAN, SBYIN PAS KHYOD LA RANG LAS BLO DMAN PA'I GANG ZAG GI MNGON SUM TSAD MA LA SNANG DU MI RUNG BA'I YON TAN GYI KHYAD PAR DPOG PA'I RGYU BYED DE, KHYOD BDAG PAS GZHAN GCES PA'I RTOGS PA LA MI 'KHRUL BA'I RANG GI LUS KYI SHA SBYIN PAR GTONG BA LA GUS PAR MTHONG BA'I PHYIR, GNYIS PA LA GSUM, THOG MAR SBYIN PA'I GTAM MDZAD PA'I RGYU MTSAN DANG, SNYING RJE YOD MED KYI SBYIN PA LA THUN MED DU BSNGAGS PA DANG, BYANG CHUB SEMS DPA'I SBYIN PA LA KHYAD PAR DU BSNGAGS PA'O, ,DANG PO

NI, SKYE BO ZHES, RKANG PA BZHI STE, SHES BYA CHOS CAN, THUB PAS PHAR PHYIN RNAMS KYI THOG MAR SBYIN PA'I GTAM MDZAD PA'I RGYU MTSAN YOD DE, PHAR PHYIN GZHAN LAS SBYIN PA LA 'GOD PA SLA ZHING, TSOR BA SDUG BSNGAL MNGON GYUR ZIL GYIS GNON PA'I SDUG BSNGAL PHYIR BCOS KYI BDE BA'I RGYUR GYUR PA'I LONGS SPYOD DE YANG SBYIN PA BTANG BA LAS 'BYUNG BAR GZIGS NAS THOG MAR DE'I GTAM MDZAD PA'I PHYIR, GNYIS PA LA GSUM, SNYING RJE MED PA'I GANG ZAG GI SBYIN PA'I BSNGAGS PA DANG, SNYING RJE CAN GYI SBYIN PA'I BSNGAGS PA DANG, THUN MONG GI DON BSDU BA'O, ,DANG PO LA GNYIS, DE'I SBYIN PA MNGON MTHO'I RGYUR BSTAN PA DANG, DES LEGS KYI RGYUR BSTAN PA'O, ,DANG PO NI, SNYING RJE ZHES PA RKANG PA BZHI STE, DE CHOS CAN, SNYING RJE MED PA'I GANG ZAG GI SBYIN PA MNGON MTHO'I RGYUR 'GYUR TE, GANG ZAG DES RANG BDE 'BA' ZHIG GI PHYIR DU SBYIN PA BTANG BAS SDUG BSNGAL PHYIR BCOS KYI BDE BA'I RGYUR GYUR PA'I LONGS SPYOD 'GRUB PA'I PHYIR, GNYIS PA NI, 'DI YANG ZHES PA RKANG PA BZHI STE, DE CHOS CAN, GANG ZAG DE'I SBYIN PA'ANG NGES PHEGS KYI RGYUR 'GYUR TE, DE'I SBYIN GNAS SU SKABS 'GAR 'PHAGS PA'I SKYE BO DANG 'PHRAD NAS DES THAR LAM BSTAN PA'I STOBS KYIS SRID PA 'GOG CING THAR PA 'THOB PA'I PHYIR, GNYIS PA NI, 'GRO LA ZHES PA RKANG PA GNYIS TE, DE CHOS CAN, BYANG CHUB SEMS DPA' DUS KUN TU SBYIN PA LA DGA' BA'I RGYU MTSAN YOD DE, DE LA SBYIN PA GTONG BA'I TSE SLONG BA PO YID TSIM PAR MTHONG BA TZAM GYIS DGA' BA PHUL DU PHYIN PA

, ,SKYES PA'I PHYIR, GSUM PA NI, GANG PHYIR BRTZE BDAG CES PA RKANG PA GNYIS TE, DE CHOS CAN, SBYIN PA'I GTAM BDE LEGS KUN GYI RTZA BA YIN TE, SNYING RJE YOD MED GNYIS KA'I SBYIN PAS MNGON MTHO DANG NGES LEGS KYI RGYU BYED PA'I PHYIR, GSUM PA LA GNYIS, BYANG CHUB SEMS DPA' SBYIN PA LA LHAG PAR GUS PA'I RGYU MTSAN DANG, DE'I SBYIN PA PHAR PHYIN GZHAN GYI RGYUR BSTAN PA'O, ,DANG PO NI, JI LTAR ZHES PA RKANG PA BZHI STE, DE CHOS CAN, SA THOB PA'I BYANG CHUB SEMS DPA' SBYIN PA GTONG BA LA LHAG PAR GUS PA'I RGYU MTSAN YOD DE, DES PHYI NANG GI BDOG PA THAMS CAD BTANG BAS PHUL DU PHYIN PA'I BDE BA SKYE BA'I PHYIR, DER THAL, SLONG BA'I GTAM THOS PA'I STOBS LAS 'ONGS PA'I RGYAL SRAS 'PHAGS PA'I BDE BA DE, NYAN RANG 'PHAGS PA RNAMS MYA NGAN LAS 'DAS PA'I DBYINGS SU ZHUGS PA'I BYED PA LAS KYANG CHOS LHAG PA'I PHYIR, GNYIS PA NI, LUS BCAD CES PA RKANG PA BZHI STE, SHES BYA CHOS CAN, RGYAL SRAS 'GA' ZHIG GI SBYIN PA BRTZON 'GRUS KHYAD PAR CAN GYI RGYUR 'GYUR TE, CHAGS PA MED PA'I SA MA THOB PA'I BYANG CHUB SEMS DPA' RANG GI SHA BCAD NAS SBYIN PA GTONG BA'I TSE LUS KYI SDUG BSNGAL NYAMS SU MYONG BA LA DPAGS NAS DE LAS STONG 'GYUR GYIS LHAG PAR 'PHEL BA'I GZHAN GYI SDUG BSNGAL RANG GI BLTA BUR MTHONG NAS DE BCAD PA'I CHED DU BRTZON 'GRUS LHAG PAR RTZOM PA'I PHYIR, YANG NA RANG GI SDUG BSNGAL LA DPAGS NAS GZHAN GYI SDUG BSNGAL MI BZOD PA RANG GI MYONG BA LTA BU'I TSUL DU RIG NAS DE BCAD PA'I CHED DU BRTZON PA'I PHYIR, ZHES PA'O, ,GSUM PA NI, SBYIN PA ZHES

PA RKANG PA BZHI STE, DE CHOS CAN, SBYIN PA'I PHAR PHYIN LA GNYIS SU DBYER YOD DE, SBYIN PA'I LAS BYA BYED GSUM RANG BZHIN GYIS STONG PAR MNGON SUM DU RTOGS PA'I 'JIG RTEN LAS 'DAS PA'I SBYIN PA'I PHAR PHYIN DANG, SA DANG PO'I RJES THOB KYIS BSDUS PA'I CHOS 'JIG RTEN PAR GYUR PA'I SBYIN PA GNYIS SU YOD PA'I PHYIR, 'DI NI KUN RDZOB BDEN PAS BSDUS PA'I SBYIN PA'I LAS BYA BYED GSUM LA DMIGS PA DANG BCAS SHING, DE YANG SA DANG POS BSDUS PA'I GTONG BA'I SEMS PA YIN GYI, LAS BYA BYED GSUM BDEN PAR 'DZIN PA LA MI BYA STE, DE LTA NA PHAR PHYIN GYI MING BTAGS NAS KYANG STEN PA MI RIGS PA'I PHYIR RO, ,'JIG RTEN PA'I THA SNYAD KYANG GNYIS SNANG CAN GYI BLO LA BZHAG PA'O, ,GAL TE GANG ZAG 'JIG RTEN PA SO SO SKYE BO'I SBYIN PA BSTAN PAR 'DOD NA YANG BDEN 'DZIN LA RNAM PA THAMS CAD DU BYAR MI RUNG NGO, ,GSUM PA SA'I MING DON GYIS MJUG BSDU BA NI, DE LTAR ZHES PA RKANG PA BZHI STE, SA DANG PO LA GNAS PA'I BYANG CHUB SEMS DPA' CHOS CAN, NOR BU CHU SHEL LAS GRUB PA'I BLA BA'I DKYIL 'KHOR CHA THAMS CAD YONGS SU RDZOGS PA BZHIN DU SA DANG PO'I MI MTHUN PHYOGS THAMS CAD LAS RGYAL NAS RNAM PAR GNAS TE, SA DANG PO'I YON TAN RDZOGS PAR THOB PA'I SEMS DPA' YIN PA'I PHYIR, SEMS BSKYED PA DANG PO BSHAD ZIN TO,, ` ,,GNYIS PA SA DRI MA MED PA LA GSUM, MING GI KHYAD PAR GYIS MDOR BSTAN, YON TAN GYIS RGYAS PAR BSHAD, MING DON GYIS MJUG BSDU BA'O, ,DANG PO NI, DE TSUL ZHES PA RKANG PA GNYIS TE, SA GNYIS PA'I MNYAM GZHAG YE SHES CHOS CAN, DRI MA MED PA'I SA ZHES BYA STE, RMI LAM

, ,DU YANG 'CHAL TSUL GYI DRI MA SPANGS PAS RAB TU PHYE BA'I DON DAM SEMS BSKYED GNYIS PA YIN PA'I PHYIR, RMI LAM DU 'TSAL TSUL GYI DRI MA SPANGS PAR THAL, TSUL KHRIMS KYI PHAR PHYIN RDZOGS PA'I PHYIR, ,GNYIS PA LA GSUM, SA DER TSUL KHRIMS LHAG PAR BSTAN PA DANG, TSUL KHRIMS KYI BSNGAGS PA DANG, TSUL KHRIMS KYI PHAR PHYIN GYI DBYE BA'O, ,DANG PO LA GNYIS, TSUL KHRIMS KYI YON TAN RDZOGS PA DANG, SKYON ZAD PAR BSTAN PA'O, ,DANG PO LA GSUM, SPONG BDUN KUN SLONG DANG BCAS PA DANG GIS 'PHEL BA DANG, SA DANG PO LA LTOS TE CHES YONGS SU DAG PA DANG, DE'I SHES BYED DO, ,DE GSUM, LUS NGAG ZHES PA RKANG PA GNYIS DANG, GNYIS DANG, GNYIS KYI RIM PA BZHIN TE, SA GNYIS PA BA CHOS CAN, DGE BA'I LAS LAM BCU DANG GIS GSOG PAR BYED DE, LUS NGAG YID KYI RGYU BA BCAS RANG GI KHA NA MA THO BA SA BON DANG BCAS PA DAG PAS RAB TU PHYE BA'I SA BRNYES PA'I PHYIR SA BCU BAR, KYE RGYAL BA'I SRAS DAG BYANG CHUB SEMS DPA'I SA DRI MA MED PA LA GNAS PA'I BYANG CHUB SEMS DPA' NI RANG BZHIN GYIS SROG GCOD PA SPANGS PA YIN TE, ZHES SOGS GSUNGS PA CHOS CAN, DGE BA'I LAS LAM BCU PO SA DANG PO LA GNAS PAS MI GSOG PAR BSTAN PA MA YIN TE, SA DANG PO LA LTOS TE SA GNYIS PA'I SKABS SU CHES YONGS SU DAG CING 'PHEL BAR BSTAN PA TZAM YIN PA'I PHYIR, SA GNYIS PA'I SKABS SU DE LAS CHES YONGS SU DAG PAR THAL, SA GNYIS PA BA DE SA DANG PO PA LAS DBANG PO BSDAMS PA MCHOG TU GYUR PAS ZHI

ZHING 'OD CHAGS PA'I PHYIR, GNYIS PA LA GNYIS, TSUL KHRIMS KYI SKYON NGOS BZUNG BA DANG, DES DAG PAR BSTAN PA'O, ,DANG PO NI, GAL TE ZHES PA RKANG PA GNYIS TE, CHOS KYI DE NYID MA RTOGS PA'I DGE SLONG CHOS CAN, TSUL KHRIMS KYI DRI MA MTHA' DAG DANG BRAL BA MA YIN TE, TSUL KHRIMS BDEN PAR BZUNG NAS BDAG TSUL KHRIMS RNAM DAG DANG LDAN NA SNYAM DU RLOM PA'I PHYIR, GNYIS PA NI, DE PHYIR ZHES PA RKANG PA GNYIS TE, SA GNYIS PA BA CHOS CAN, SROG GCOD SOGS GZHI GANG LAS SPONG BA DANG, GANG ZHIG SPONG BA DANG, GANG GIS SPONG BA GSUM LA BDEN PAR 'DZIN PA DANG, DE GSUM BDEN GRUB BKAG PA BDEN PAR 'DZIN PA'I KUN BTAGS DANG, LHAN SKYES KYI SA BON SPANGS PA YIN TE, TSUL KHRIMS KYI DRI MA MTHA' DAG DANG BRAL BA'I SA BRNYES PA'I PHYIR, GNYIS PA LA GSUM, TSUL KHRIMS MA BSRUNG BA'I NYES DMIGS, BSRUNG BA'I PHAN YON, SA GNYIS PA'I TSUL KHRIMS LA LHAG PAR BSNGAGS PA'O, ,DANG PO LA GSUM, TSUL KHRIMS 'CHAL NA NGAN 'GROR LHUNG BA DANG, DAR LTUNG NA SBYIN PA'I 'BRAS BU LA RGYUN MI CHAD DU LONGS SPYOD MI NUS PA DANG, NGAN SONG LAS KYANG THAR BAR DKA' BA'O, ,DANG PO NI, SBYIN PAS ZHES PA RKANG PA GNYIS TE, SHES BYA CHOS CAN, TSUL KHRIMS 'CHAL NA LONGS SPYOD YOD KYANG DE LA LONGS SPYOD PA'I LUS RTEN KHYAD PAR CAN RNYED PAR DKA' STE, DE 'CHAL NA NGAN 'GROR LTUNG BA'I PHYIR, YANG NA SBYIN PAS LONGS SPYOD DANG LDAN YANG TSUL KHRIMS 'CHAL NA BDE 'GRO'I RTEN LA LONGS SPYOD MI NUS TE, DE 'CHAL NA NGAN 'GROR LHUNG NAS SKYIN 'BRAS LA LONGS SPYOD PA TZAM DU ZAD PA'I PHYIR, GNYIS PA NI, SKYED BCAS ZHES PA RKANG BA GNYIS TE, DE CHOS CAN, TSUL KHRIMS 'CHAL NA LONGS SPYOD RGYUN MI 'CHAD DU MI 'BYUNG STE, DE 'CHAL NA NGAN 'GROR SKYES NAS SNGAR GYI SBYIN PA BTANG BA'I 'BRAS BU SKYED DANG BCAS PA LONGS SPYOD PAS ZAD, PHYI MA'I DON DU

, ,SBYIN BA SPEL BAR MI BYED PAS LONGS SPYOD 'BYUNG BA'I RTZA BA'ANG ZAD PA'I PHYIR, YANG NA RTZA BA DANG LO TOG GNYIS KA SNGAR GYI SBYIN PA BTANG BA LA SBYAR TE, SBYIN PA'I NGOS SKAL GYI 'BRAS BU GANG 'BYUNG BA DE RTZA BA YIN LA DE TSUL KHRIMS KYIS 'PHEL BAR BYAS PAS SKYED DO, ,GSUM PA NI, GANG TSE ZHES PA RKANG PA BZHI STE TSUL 'TSAL NGAN 'GROR LHUNG BDE CHOS CAN, RANG DBANG MED PA'I NGAN 'GRO LAS THAR BAR DKA' STE, BDE 'GROR RANG DBANG DU GNAS PA'I TSE YANG NGAN 'GRO'I G-YANG KHA NAS SDIG LTUNG BSDAMS TE RANG NYID 'DZIN PAR MI BYED PA'I PHYIR, GNYIS PA LA GSUM, SBYIN PA'I GTAM MDZAD PA'I RJES SU TSUL KHRIMS KYI GTAM MDZAD PA'I RGYU MTSAN DANG, TSUL KHRIMS RNAM DAG PAR MA CHAD DU LDAN NA SBYIN SOGS KYI 'BRAS BU RGYUN CHAD MI SRID PA DANG, TSUL KHRIMS MNGON MTHO NGES LEGS KUN GYI RGYUR BSTAN PA'O, ,DANG PO NI, DE PHYIR ZHES PA RKANG PA GNYIS TE, SHES BYA CHOS CAN, STON PAS SBYIN PA'I GTAM GYI RJES SU TSUL KHRIMS KYI GTAM MDZAD PA'I RGYU MTSAN YOD DE, SBYIN SOGS KYI YON TAN RNAMS TSUL KHRIMS KYI RJES SU 'GRO DGOS PAS YON TAN GZHAN RNAMS CHUD MI ZA BAR BYA BA'I PHYIR DU DE'I RJES SU TSUL KHRIMS KYI GTAM MDZAD PA'I PHYIR, GNYIS PA NI, YON TAN ZHES PA RKANG PA GNYIS TE, DE CHOS CAN, SBYIN SOGS TSUL KHRIMS KYI ZHING DU 'PHEL NA, 'BRAS BU RGYUN MI 'CHAD DU 'BYUNG BA STE, TSUL KHRIMS YON TAN KUN GYI RTEN GYI GTZO BOR BSNGAGS PA'I PHYIR, GSUM PA NI, SO SO'I ZHES PA RKANG PA BZHI STE, DE CHOS CAN, TSUL KHRIMS YON TAN KUN GYI GZHIR BSNGAGS

TE, MNGON MTHO NGES LEGS GNYIS KA'I RGYU YIN PA'I PHYIR, GSUM PA NI, JI LTAR ZHES PA RKANG PA BZHI STE, SA GNYIS PA BA CHOS CAN, DPE GNYIS BZHIN DU TSUL 'CHAL RGYUD LA GNAS PA MI SRID DE, TSUL KHRIMS KYI PHAR PHYIN YONGS SU RDZOGS PA'I PHYIR; GSUM PA NI, GANG GI ZHES PA RKANG PA BZHI STE, SHES BYA CHOS CAN, SA GNYIS PA'I TSUL KHRIMS KYI PHAR PHYIN LA GNYIS SU YOD DE, SA GNYIS PA BA'I MNYAM BZHAG GIS BSDUS PA'I TSUL KHRIMS KYI 'KHOR GSUM BDEN MED DU MNGON SUM DU RTOGS PA'I YE SHES DANG, RJES THOB KYIS BSDUS PA'I DMIGS BCAS KYI SPONG BA'I SEMS PA GNYIS SU YOD PA'I PHYIR, GSUM PA NI, RGYAL SRAS ZHES PA RKANG BA BZHI STE, SA GNYIS PA BA'I TSUL KHRIMS CHOS CAN, TSUL 'CHAL GYIS BSKYED PA'I YID KYI GDUNGS BA SEL BAR BYED PA YIN TE, DGE BA'I LAS LAM BCU DRI MA DANG BRAL BAS RAB TU PHYE BA'I DON DAM SEMS BSKYED GNYIS PA YIN PA'I PHYIR, STON KA'I ZLA 'OD DRI MA MED PAS SKYE BO'I YID KYI GDUNGS BA SEL BAR BYED PA BZHIN NO; ;SEMS BSKYED PA GNYIS PA BSHAD ZIN TO,, ` ,,GSUM PAS 'OD BYED PA LA GSUM, MING GI KHYAD PAR GYIS MDOR BSTAN, YON TAN GYIS RGYAS PAR BSHAD, MING DON GYIS MJUG BSDU BA'O, ,DANG PO LA GNYIS, DNGOS DANG, 'OD KYI DPA'O, ,DANG PO NI, SHES BYA'I ZHES PA RKANG PA PHYED DANG GSUM STE, SA GSUM PA'I YE SHES CHOS CAN, SA 'OD BYED PA ZHES BYA STE, SHES SGRIB KYI BUD SHING BSREG PA'I YE SHES KYI ME, ZHI BA'I BDAG NYID CAN GYI 'OD 'BYUNG BA'I

, ,DON DAM SEMS BSKYED GSUM PA YIN PA'I PHYIR, GNYIS PA NI, BDE GSHEGS ZHES PA RKANG PA PHYED DANG GNYIS TE, DE CHOS CAN, YE SHES KYI SNANG BA KHYAD PAR CAN 'BYUNG STE, NYI MA SHAR BA'I SNGA ROL GYI ZANGS MDOG LTA BU'I 'OD DANG MTSUNGS PA'I YE SHES KYI SNANG BA 'BYUNG BA'I PHYIR, GNYIS PA LA GSUM, KHYAD CHOS KYI GTZO BO BZOD PA'I PHAR PHYIN BSHAD PA DANG, SA DER THOB PA'I YON TAN GZHAN BSTAN PA DANG, PHAR PHYIN DANG PO GSUM GYI YON TAN BYE BRAG TU BSHAD PA'O, ,DANG PO LA GSUM, SA DER BZOD PA LHAG PAR BSTAN PA DANG, BZOD PA'I BSNGAGS PA DANG, BZOD PA'I PHAR PHYIN GYI DBYE BA'O, ,DANG PO LA GNYIS, SNYING RJE'I STOBS KYIS BZOD PA LHAG PA DANG, SHES RAB KYI STOBS KYIS BZOD PA LHAG PA'O, ,DANG PO NI, GAL TE ZHES PA RKANG PA BZHI STE, SA GSUM PA'I BYANG SEMS CHOS CAN, SNYING RJE'I STOBS KYIS BZOD PA LHAG PAR LDAN TE, GZHAN GYI KHRO BAS BSLAD STE RUS PA DANG BCAS PA'I SHA SRANG RE RE NAS YUN RING BO'I BAR DU SDOD CING BCAD KYANG DE LA SEMS MI 'KHRUG PAR MA ZAD GZHAN GYIS SEMS BSRUNG BAS PHUN SUM TSOGS PA DANG, KHONG KHRO'I NYES DMIGS LA BSAMS NAS LHAG PAR YANG BZOD PA SKYE BA'I PHYIR, GNYIS PA NI, BDAG MED CES PA RKANG PA BZHI STE, DE CHOS CAN, SHES RAB KYI STOBS KYIS KYANG BZOD PA LHAG PAR LDAN TE, CHOS THAMS CAD GZUGS BRNYAN DANG 'DRA BAR MNGON SUM DU GZIGS PA'I SA GSUM PA'I GO 'PHANG BRNYES PA'I PHYIR, GNYIS PA LA GSUM, KHONG KHRO'I NYES DMIGS DANG, BZOD PA'I

PHAN YON DANG, DES NA RTAG TU BZOD PA BSTEN PAR BYA'O, ,DANG PO LA GSUM, KHONG KHROS SNGAR MED KYI SDUG BSNGAL STOBS CAN BSKYED PA DANG, SNGAR YOD KYI YON TAN 'JOMS PA DANG, DE MA THAG NGAN 'GROR 'PHEN PA'O, ,DANG PO LA GNYIS, GNOD BYED LA KHONG KHRO BYA MI RIGS PA DANG, BZOD PA SGOM RIGS PA'O, ,DANG PO NI, GNOD PA ZHES PA RKANG PA BZHI STE, SHES BYA CHOS CAN, GNOD PA BYED PA'I GANG ZAG LA KHRO BA SGOM PAR MI RIGS TE, KHRO BA BYAS BAS TSE 'DIR 'DOD DON MI 'GRUB CING PHYI MA'I BDE BA DANG 'GAL BA'I DMYAL BA'I SDUG BSNGAL 'PHEN PA'I PHYIR, GNYIS PA NI, SNGON BYAS ZHES PA RKANG PA BZHI STE, DE CHOS CAN, GNOD BYED LA BZOD PA SGOM PAR RIGS TE, GNOD BYED KYIS GNOD PA BYAS PA DE SNGAR RANG GIS MI DGE BA BYAS PA'I 'BRAS BU MYONG NAS 'DZAD PA YIN PA LA, SLAR YANG, KHONG PHROS NGAN 'GRO'I RGYUR SGYUR PAS MI RIGS PA'I PHYIR, GNYIS PA LA GSUM, DGE RTZA 'JOMS PA DANG, LANG TSO 'JOMS PA DANG, SHES RAB 'JOMS PA'O, ,DANG PO NI, GANG PHYIR ZHES PA RKANG PA BZHI STE, DE CHOS CAN, KHONG KHRO DE CHOS STOBS DANG LDAN PA'I SDIG PA YIN TE, BYANG CHUB SEMS DPA' RNAMS LA KHROS PA'I SEMS KYIS SBYIN PA DANG, TSUL KHRIMS SOGS KYI DGE BA BSKAL BA BRGYAR BSAGS PA SKAD CIG TZAM GYIS 'JOMS SHING, DE'I RNAM SMIN GYI MTSAMS KYANG MTHA' YAS PA'I PHYIR, GNYIS PA NI, MI SDUG CES PA RKANG PA GCIG STE, DE CHOS CAN, KHRO BAS LANG TSO 'JOMS TE, KHRO BAS KHRO GNYER SDUD CING BZHIN RAS NAG POR BYED PA'I PHYIR DANG DE'I DBANG

, ,GIS DAM PA MIN PA'I BYA BA LA 'KHRID PA'I PHYIR, GSUM PA NI, TSUL DANG ZHES PA RKANG PA GCIG STE, DE CHOS CAN, KHRO BAS RIGS MI RIGS DPYOD PA'I RNAM DPYOD 'JOMS TE, KHRO BAS ZIL GYIS NON NAS BLANG DOR LA RMONGS PAR 'GYUR PA'I PHYIR, GSUM PA NI, MI BZOD PA ZHES PA RKANG PA GCIG STE, DE CHOS CAN, KHONG KHROS DE MA THAG NGAN 'GROR 'PHEN TE, KHONG KHRO SDIG PA STOBS CHEN MTHAR THUG PA YIN PA'I PHYIR, GNYIS PA NI, BZOD PAS ZHES PA RKANG PA LNGA STE, DE CHOS CAN, BZOD PAS SKYON DE DAG DANG 'GAL BA'I YON TAN 'DREN PAR BYED DE, BZOD PAS GZUGS MDZES PA DANG, DAM PA RNAMS KYIS 'DOD PA DANG, BLANG DOR GYI GNAS LA MKHAS PA DANG, TSE GZHAN DU LHA MI'I GO 'PHANG SOGS STER BA'I PHYIR, GSUM PA NI, SO SO'I ZHES PA RKANG PA BZHI STE, DE CHOS CAN, SKYE 'PHAGS KYI KHRO BA DANG BZOD PA'I SKYON YON RIG PAR BYAS NAS RTAG TU BZOD PA BSTEN PAR BYA STE, KHONG KHROS MI 'DOD PA MTHA' DAG 'DREN CING, BZOD PAS YON TAN MTHA' DAG 'DREN PA'I PHYIR, GSUM PA NI, RDZOGS SANGS ZHES PA RKANG PA BZHI STE, DE CHOS CAN, BZOD PA'I PHAR PHYIN LA GNYIS SU YOD DE, SA GSUM PA'I RJES THOB KYIS BSDUS PA'I 'JIG RTEN PA'I PHAR PHYIN DANG, MNYAM BZHAG GIS BSDUS PA'I 'JIG RTEN LAS 'DAS PA'I PHAR PHYIN GNYIS SU YOD PA'I PHYIR, GNYIS PA LA GNYIS, YON TAN 'DREN PA'I

NUS PA DANG, NYON MONGS 'JOMS PA'I NUS PA'O, ,DANG PO NI, SA DER ZHES PA RKANG PA GCIG STE, SA GSUM PA BA CHOS CAN, YON TAN KHYAD PAR CAN GZHAN YANG THUGS SU CHUD DE, BSAM GTAN GZUGS MED DANG TSAD MED BZHI DANG, MNGON SHES LNGA LA SOGS PA THOB PA'I PHYIR, GNYIS PA LA GNYIS, RANG GI NYON MONGS 'JOMS PA'I NUS PA DANG, GZHAN GYI NYON MONGS 'JOMS PA'I NUS PA'O, ,DANG PO NI, 'DOD CHAGS ZHES PA RKANG PA GCIG STE, DE CHOS CAN, RANG RGYUD KYI NYON MONGS PHAL CHER ZAD DE RTEN 'BREL 'PHO BA MED PA DANG, 'JIG PA MED PA'I DON MNGON SUM DU RTOGS PA'I SA GSUM PA'I GO 'PHANG BRNYES PA'I PHYIR, GNYIS PA NI, DES KYANG ZHES PA RKANG PA GNYIS TE, DE CHOS CAN, GZHAN RGYUD KYI 'DOD CHAGS 'JOMS TE, LHA'I DBANG PO'I RNAM SMIN GYI SKYE BA BZUNG NAS GZHAN GYI 'DOD PA'I 'DOD CHAGS LOG PA'I THABS SGRUB CING 'DOD PA'I 'DAM NAS 'DON PA LA MKHAS PA'I PHYIR, GSUM PA LA GSUM, PHAR PHYIN DANG PO GSUM GYI RTEN GYI KHYAD PAR DANG, TSOGS GNYIS GANG GIS BSDUS PA DANG, SKU GANG GI RGYU YIN PA'O, ,DANG PO NI, SBYIN SOGS ZHES PA RKANG PA GNYIS TE, PHAR PHYIN DANG PO GSUM CHOS CAN, KHYOD BYANG CHUB SEMS DPA' KHYIM PA DANG RAB BYUNG GI PHYOGS GNYIS KYI KHYIM PA'I RTEN CAN LA BSNGAGS PA'I RGYU MTSAN YOD DE, KHYIM PA RNAMS KYIS KHYOD SGRUB SLA BAS DE LTAR BSNGAGS PA'I PHYIR, GNYIS PA NI, BSOD NAMS ZHES PA RKANG PA GCIG STE, DE CHOS CAN, TSOGS GNYIS KYI NANG NAS BSOD NAMS KYI TSOGS KYIS BSDUS TE, THABS KYI CHAR GYUR PA'I SAS BSDUS

, ,KYI YON TAN YIN PA'I PHYIR, GSUM PA NI, SANGS RGYAS ZHES PA RKANG PA GCIG STE, DE CHOS CAN, GZUGS SKU'I RGYU YIN TE, BSOD NAMS KYI TSOGS YIN PA'I PHYIR, PHAR PHYIN GZHAN RNAMS KYI RTEN GYI KHYAD PAR SOGS KYANG GO BAR 'GYUR RO, ,GSUM PA NI, RGYAL BA'I ZHES PA RKANG PA BZHI STE, SA GSUM PA BA CHOS CAN, RANG RGYUD KYI SA GSUM PA'I GEGS KYI MUN PA THOG MAR BSAL NAS GZHAN RGYUD KYIS GSUM PA SKYE BA'I GEGS KYANG SEL NUS TE, SA GSUM PA 'OD BYED PA BRNYES PA'I PHYIR, DE CHOS CAN, RANG GZHAN GYI SKYON 'JOMS PA LA CHES RNO BAR 'JUG KYANG SKYON LDAN GYI SKYE BO LA KHRO BAR MI 'GYUR TE, BZOD PA'I PHAR PHYIN LA GOMS SHING SNYING RJES RGYUD SU? MA PA'I PHYIR, SEMS BSKYED PA GSUM PA BSHAD ZIN TO,, ` ,,BZHI PAS 'OD 'PHRO BA LA GSUM, YON TAN GYI KHYAD PAR DANG, MING GI KHYAD PAR DANG, MING GI THA SNYAD DE 'JUG PA'I RGYU MTSAN NO, ,DANG PO NI, YON TAN ZHES PA RKANG PA GNYIS TE, SHES BYA CHOS CAN, 'JIG RTEN LAS 'DAS MA 'DAS KYI YON TAN THAMS CAD BRTZON 'GRUS KYI RJES SU 'GRO STE, DGE BA'I BYA BA LA SPRO BA DANG LDAN PA KHO NA LA YON TAN GSAR DU THOB PA DANG, GONG DU 'PHEL BA DANG YANGS PAR 'GYUR PA'I PHYIR, BRTZON 'GRUS DE RANG 'BRAS TSOGS GNYIS KYI RGYUR YANG 'GYUR TE, SNGA MA'I BSGRUB BYA'I CHOS DE RTAGS SU DGOD DO, ,GNYIS PA NI, BRTZON 'GRUS ZHES PA RKANG PA GNYIS TE, SA BZHI PA'I YE SHES CHOS CAN, SA 'OD 'PHRO BA ZHES BYA STE, BRTZON 'GRUS KYI PHAR PHYIN GYI

YON TAN YONGS SU DAG PA'I SGO NAS BRTZON 'GRUS LHAG PAR 'BAR BA'I DON DAM SEMS BSKYED BZHI PA YIN PA'I PHYIR, GSUM PA LA GNYIS, DNGOS DANG, SPANG BYA ZAD PA'I KHYAD PAR RO, ,DANG PO NI, DER NI ZHES PA'I RKANG PA GSUM STE, DE CHOS CAN, 'OD 'PHRO BA ZHES PA'I MING GI THA SNYAD BYAR RUNG STE, BYANG PHYOGS SO BDUN BSGOMS PA'I STOBS KYIS SNGAR SA GSUM PAR BSHAD PA'I ZANGS KYI SNANG BA LAS LHAG PA'I YE SHES KYI SNANG BA DANG BCAS PA'I DON DAM SEMS BSKYED BZHI PA YIN PA'I PHYIR, GNYIS PA NI, RAB TU ZHES PA RKANG PA GCIG STE, DE CHOS CAN, SPANGS PA'I KHYAD PAR BLA NA MED PA DANG LDAN TE, BDAG DANG BDAG GIR 'DZIN PA DANG DE DANG 'BREL BA'I NYON MONGS KYI SA BON PHAL CHER BCOM PA'I PHYIR, SEMS BSKYED PA BZHI PA BSHAD ZIN TO;; ` ;;LNGA PA SA SBYANG DKA' BA LA GNYIS, MING GI KHYAD PAR DANG, YON TAN GYI KHYAD PAR RO, ,DANG PO NI, BDAG NYID CES PA RKANG PA GNYIS TE, SA LNGA PA'I YE SHES CHOS CAN, SBYANG DKA' BA ZHES BYA STE, KHYOD LA GNAS PA'I SEMS DPA' DE 'JIG RTEN GYI KHAMS THAMS CAD NA GNAS PA'I LHA'I BU BDUD KUN GYIS PHAM PAR BYED MI NUS PA'I KHYOD DON DAM SEMS BSKYED LNGA PA YIN PA'I PHYIR, GNYIS PA NI, BSAM GTAN ZHES PA RKANG PA GNYIS TE, SA LNGA PA'I BYANG SEMS CHOS CAN, SA'I YON TAN PHUN SUM TSOGS PA MNGA' STE, BSAM GTAN GYI PHAR PHYIN LHAG PAR RDZOGS SHING BLO GROS BZANG PO 'PHAGS PA RNAMS KYI BDEN PA BZHI'I GNAS LUGS SHES PA BZHI BA MOS RTOGS PA LA SHIN TU MKHAS PA THOB PA'I PHYIR, SEMS

, ,BSKYED PA LNGA PA BSHAD ZIN TO,, ` ,,DRUG PA SA MNGON DU GYUR PA LA GSUM, YUL CAN SA'I MING DON GYIS MDOR BSTAN PA DANG, YUL STONG PA NYID GTAN LA DBAB PA DANG, SA'I YON TAN BRJOD PA'I SGO NAS MJUG BSDU BA'O, ,DANG PO LA GNYIS, DNGOS DANG, SHER PHYIN GYI CHE BA BRJOD PA'O, ,DANG PO NI, MNGON DU ZHES PA RKANG PA BZHI STE, SA DRUG PA'I YE SHES CHOS CAN, KHYOD LA MNGON DU GYUR PA'I SA ZHES BYA STE, BSAM GTAN GYI PHAR PHYIN YONGS SU RDZOGS PA'I STOBS KYIS GZUGS BRNYAN DANG 'DRA BA'I CHOS NYID KHONG DU CHUD CING SANGS RGYAS KYI CHOS MNGON DU GYUR PA'I DON DAM SEMS BSKYED DRUG PA YIN PA'I PHYIR, 'GOG PA'I SNYOMS 'JUG THOB STE, SHES RAB KYI PHAR PHYIN RDZOGS PA'I PHYIR, GNYIS PA NI, JI LTAR ZHES PA RKANG PA BZHI STE, SHES RAB KYI PHAR PHYIN CHOS CAN, PHAR PHYIN GZHAN LAS MCHOG TU GYUR TE, MIG LDAN GYI SKYES BUS DMIGS PU BYAS TE, LONG BA'I TSOGS GRONG KHYER DU BGROD PA LTAR, PHAR PHYIN GZHAN RNAMS KHYOD KYIS DMIGS PU BYAS TE RNAM MKHYEN GYI SAR BGROD DGOS KYI, KHYOD KYI DMIGS PU DANG BRAL NA, BGROD MI NUS PA'I PHYIR, PHAR PHYIN GZHAN GYI DMIGS PU BYED PAR THAL, YANG DAG PA'I LAM DANG LAM MA YIN PA'I DE KHO NA NYID MTHONG PAS KHYAD PAR DU BYAS PA'I PHAR PHYIN YIN PA'I PHYIR, GNYIS PA LA GSUM, GANG LA BRTEN NAS BSHAD PA DANG, GDUL BYA GANG LA BSHAD PA DANG, CHOS GANG BSHAD PA'O, ,DANG PO NI, JI LTAR ZHES PA RKANG PA BZHI STE, SLOB DPON ZLA GRAGS CHOS CAN, KHYOD KYIS RTEN 'BREL GYI GNAS LUGS GZHAN LA LTO SA MED DU RANG DBANG DU PHYIN CI MA LOG PAR 'CHAD MI NUS KYANG, SLOB DPON GZHAN LA

LTOS NAS 'CHAD NUS TE, SA DRUG PA LA GNAS PA'I BYANG CHUB SEMS DPA' DES CHOS ZAB PA'I CHOS RTEN 'BREL GYI DE NYID MNGON SUM DU RTOGS PA DE LTAR SLOB DPON KLU SGRUB KYIS NGES DON GYI LUNG DANG RIGS PA YANG DAG GIS RGYAS PAR GTAN LA PHAB PA'I GZHUNG DANG MAN NGAG GI RJES SU 'BRANGS NAS KHYED KYIS PHYIN CI MA LOG PAR 'CHAD NUS PA'I PHYIR, GNYIS PA LA GSUM, SNOD BRTAGS PA DANG, SNOD RUNG GI GDUL BYA LA STONG NYID KYI YON TAN KUN 'BYUNG BA DANG, DE LA NYAN PAR GDAMS PA'O, ,DANG PO NI, SO SO'I ZHES PA RKANG PA BDUN TE, STONG PA NYID PHYIN CI MA LOG PA'I GTAM THOS PA TZAM GYIS NANG DU DGA' BA PHUL DU PHYIN PA 'BYUNG ZHING DE'I DBANG GIS MI GNAS MCHI MA 'DZAG PA DANG, LUS KYI BA SPU LDANG BA'I LUS KYI THA SNYAD KHYAD PAR CAN DANG LDAN PA'I TSOGS LAM PA DBANG PO SHIN TU RNON PO DE CHOS CAN, KHYOD LA DON DAM BDEN PA BSTAN PAR 'OS TE, DE BSTAN PA'I SNOD DU GYUR PA YIN PA'I PHYIR, DER THAL, DE BSTAN PA'I SNOD RUNG GI CHOS THAR PA CHA MTHUN GYI DGE RTZA KHYAD PAR CAN RGYUD LA LDAN PA'I SKYES BU YIN PA'I PHYIR, GNYIS PA NI, DE LA ZHES PA RKANG PA DRUG TE, DE CHOS CAN, KHYOD LA STONG NYID PHYIN CI MA LOG PA GO BA'I RJES SU 'GRO BA'I YON TAN KUN 'BYUNG STE, STONG NYID KYI GTAM NYAN PA'I PHYIR DU LUS RTEN KHYAD PAR CAN 'GRUB PA'I PHYIR TSUL KHRIMS YANG DAG PAR LEN PA DANG, DE'I TSE LONGS SPYOD KYIS MI 'PHONGS PA'I PHYIR SBYIN PA GTONG BA DANG, STONG NYID KYI LTA BA SNYING RJES ZIN PAS SANGS RGYAS 'THOB DGOS PAR MTHONG NAS SNYING RJE BSTEN PA DANG, DGE BA'I BSHES GNYEN MNYES PA'I PHYIR DU BZOD PA BSGOM PA DANG, BYANG CHUB MA THOB BAR DU DGE RTZA RGYUN MI 'CHAD PA'I PHYIR RDZOGS PA'I BYANG CHUB TU BSNGO BAS RGYAS

, ,'DEBS PA DANG, RTEN 'BYUNG GI DE NYID ZAB MO STON PA'I BYANG CHUB SEMS DPA' RNAMS LA GUS PA KHYAD PAR CAN 'BYUNG BA'I PHYIR, GSUM PA NI, ZAB CING ZHES PA RKANG PA GSUM STE, DE CHOS CAN, STONG PA RTEN 'BYUNG GI DON DU 'CHAR BA'I LAM 'DI MNYAN PAR 'OS TE, RTEN 'BYUNG RANG BZHIN MTHA' DAG GIS STONG PA'I ZAB MO DANG DE GO BA'I STOBS KYIS DRANGS PA'I SBYIN SOGS RGYA CHE BA'I TSUL NYAMS SU LEN PA LA MKHAS PAR BYAS TE GOMS PAS SA DANG PO THOB NUS PA'I PHYIR, GSUM PA LA GNYIS, BDAG MED GNYIS RGYAS PAR BSHAD PA DANG, STONG NYID BCU DRUG BSHAD PA'O, ,DANG PO LA GNYIS, CHOS KYI BDAG MED BSHAD PA DANG, GANG ZAG GI BDAG MED BSHAD PA'O, ,DANG PO LA GNYIS, MTHA' BZHI'I SKYE BA BKAG PA'I DAM BCA' BSTAN PA DANG, DE SGRUB BYED KYI RIGS PA BSTAN PA'O, ,DANG PO NI, DE NYID CES PA RKANG PA GNYIS TE, PHYI NANG GI DNGOS PO RNAMS CHOS CAN, BDAG LAS SKYE BA MA YIN TE, BDAG LAS SKYE NA SLAR YANG SKYE BA DON MED PA DANG, SKYE BA THUG PA MED PAR THAL BA'I GNOD PAR 'GYUR BA'I PHYIR, GZHAN LAS SKYE BA MA YIN TE, GZHAN LAS SKYE NA RGYU 'BRAS 'CHOL BAR THAL BA'I PHYIR, GNYIS KA LAS SKYE BA MA YIN TE, YA GYAL SO SO LAS SKYE BA MI 'GRUB PA'I PHYIR, RGYU MED LAS SKYE BA MA YIN TE, YUL DUS RE DGA' SKYE BAR DMIGS PA'I PHYIR, GNYIS PA LA BZHI, RIGS PA RGYAS PAR BSTAN PA DANG, DES NA RANG BZHIN GYIS DBEN PAR BSTAN PA DANG, KUN RDZOB PA'I SKYE BA RTEN 'BREL DU BSTAN PA DANG, RIGS PAS RNAM PAR DPYAD PA'I DGOS PA BSTAN PA'O, ,DANG PO LA BZHI LAS, DANG PO BDAG SKYE DGAG PA LA GNYIS, DE 'GOG PA'I RIGS PA RGYAS PAR BSTAN PA DANG, BDAG SKYE KHAS BLANGS NA BYA BYED

THAMS CAD 'CHOL BAR THAL BA'I NYES PA'O, ,DANG PO LA GNYIS, BDAG SKYE BDEN PA GNYIS CHAR DU DGAG PA DANG, BKAG PA'I MJUG BSDU BA'O, ,DANG PO LA GNYIS, DE KHO NA NYID DU GRUB PA DGAG PA DANG, THA SNYAD DU GRUB PA DGAG PA'O, ,DANG PO LA GNYIS, SKYE BA DON MED DU THAL BA DANG, THUG MED DU THAL BA'O, ,DANG PO NI, DE NI ZHES PA RKANG PA GCIG STE, MYU GU CHOS CAN, SLAR YANG SA BON GYI SKAD CIG GNYIS PA'I DUS SU SKYE BA'I 'BRAS BU'I YON TAN 'GA' YANG MED PAR THAL, SA BON GYI DUS NAS KHYOD CHA SHAS THAMS CAD KYIS SA BON GYI BDAG NYID DU GRUB ZIN PA'I PHYIR, BDAG SKYE GZHAN SKYE KHAS LEN PA KUN GYIS 'BRAS BU'I SKYE DUS RGYU'I RJES SU 'DOD PA LA 'DRA'O, ,GNYIS PA LA GSUM, SKAD CIG DANG PO'I DUS SU CHA SHAS THAMS CAD KYIS SKYES ZIN PA SLAR YANG SKAD CIG GNYIS PA'I DUS SU SKYE MI RIGS PA'I DAM BCA' DANG, DE SGRUB PA'I RIGS PA DANG, GZHAN GYI SKYON SPONG DGAG PA'O, ,DANG PO NI, SKYES PAR ZHES PA RKANG PA GCIG STE, SA BON GYI BDAG NYID CHOS CAN, SLAR YANG KHYOD RANG GI SKAD CIG GNYIS PA'I DUS SU SKYE BA MI RIGS PAR THAL, KHYOD RANG GI SKAD CIG DANG PO'I DUS NA CHA SHAS THAMS CAD KYIS RDZOGS PAR SKYES ZIN PA'I PHYIR, 'DI NI SKYE BA DON MED DU THAL BA'I THAL 'GYUR GYI KHYAB PA DE NYID DAM BCAR BYAS NAS KHYAB PA DE MA GRUB PAR RTOGS NA, GNOD PA CAN GYI TSAD MA BSTAN PA'I CHED DU 'CHAD PAR 'GYUR BA'I THUG MED KYI THAL BA 'PHEN PA YIN NO, , GNYIS PA NI, SKYES ZIN ZHES PA RKANG PA GSUM STE, RKANG PA GSUM PA YAR BLANGS NAS, NAS KYI SA BON CHOS CAN, KHYOD ZUR NYAMS PA TZAM YANG MED PAR, 'KHOR BA MA STONGS BAR DU RIGS 'DRA BAR MA CHAD DU SKYE BAR THAL, KHYOD BDAG LAS SKYE BA GANG NAS

, ,ZHIG ,DE LTA NA SKAD CIG GNYIS PA'I DUS SU YANG KHYOD RANG RDZOGS PAR SKYE BA'I DNGOS RGYU SKAD CIG DANG PO'I DUS SU TSANG BA DANG, YANG SKAD CIG GSUM PA'I DUS SU RDZOGS PAR SKYE BA'I DNGOS RGYU SKAD CIG GNYIS PA'I DUS SU TSANG BA SOGS KYI NYES BAR 'GYUR BA'I PHYIR, 'DOD NA, KHYOD LAS NAS KYI MYU GU SOGS SKYE BA MI SRID PAR THAL, KHYOD SPANG RO SOGS SU 'GYUR BA MED PAR DE DAG SKYE BA MI SRID PA GANG ZHIG ,KHYED RNAM PA 'GYUR BA TZAM YANG MED PAR 'KHOR BA MA STONGS BAR DU SKYE BA'I PHYIR, GSUM PA LA BZHI, MYU GUS BON GYI 'JIG BYED DU MI 'THAD PA DANG, RGYU 'BRAS THAMS CAD 'DRES PAR THAL BA DANG, SA BON GYI GNAS SKABS BTANG NAS MYU GUR 'GYUR NA RANG BZHIN GCIG PA NYAMS PA DANG, RANG BZHIN GCIG NA GRUB DUS PHYIN CI LOG TU THAL BA'O, ,DANG PO NI, JI LTAR ZHES PA RKANG PA GCIG STE, MYU GU CHOS CAN, SA BON GYI 'JIG BYED MA YIN PAR THAL, DE DANG RANG BZHIN GCIG YIN PA'I PHYIR, GNYIS PA NI, BYED RGYU ZHES PA RKANG PA GNYIS TE, DE CHOS CAN, SA BON DANG DBYIBS DANG KHA DOG DANG RO DANG NUS PA DANG SMIN PA SO SOR MED PAR THAL, RANG BZHIN GYIS GRUB PA'I GCIG YIN PA'I PHYIR, GSUM PA NI, GAL TE ZHES PA RKANG PA GNYIS TE, DE CHOS CAN, SA BON DANG RANG BZHIN GCIG MA YIN PAR THAL, SA BON GYI GNAS SKABS BTANG NAS KHYOD KYI NGO BOR 'GYUR DGOS PA'I PHYIR, BZHI PA NI, GAL TE ZHES PA RKANG PA BZHI STE, DE CHOS CAN, KHYOD KYI DUS NA SA BON MA GRUB PA BZHIN DU KHYOD KYANG MA GRUB PA 'AM, YANG NA KHYOD BZHIN DU KHYOD KYI DUS NA SA BON YANG GRUB PAR THAL, KHYOD DANG DE GNYIS RANG BZHIN GYIS GRUB PA'I GCIG YIN PA'I PHYIR, KHYOD DANG DE GNYIS RANG BZHIN

GCIG TU KHAS BLANG DU MI RUNG BAR THAL, DE KHAS BLANGS PA LA JI SKAD BSHAD PA'I SKYON DU 'GYUR BA'I PHYIR, GNYIS PA NI, GANG PHYIR ZHES PA RKANG PA GNYIS TE, SHES BYA CHOS CAN, BDAG SKYE THA SNYAD DU YANG MA GRUB PAR THAL, DE GRUB NAS MYU GU GCIG TU GRUB MTHAS BLO MA BSGYUR BA RNAMS KYIS KYANG GRUB DGOS PA LAS DE RNAMS KYIS SA MYUG GCIG TU KHAS KYANG MA BLANGS TSAD MAS KYANG MA GRUB PA'I PHYIR, GCIG TU TSAD MAS MA GRUB PAR THAL, SA BON ZHIG PA'I RJES SU MYU GU 'BYUNG BA 'JIG RTEN PA'I MNGON SUM TSAD MAS GRUB PA'I PHYIR, GNYIS PA NI, DE PHYIR ZHES PA RKANG PA GNYIS TE, DE CHOS CAN, BDAG SKYE THA SNYAD DANG DON DAM GNYIS CHAR DU MA GRUB PAR THAL, DE GRUB PA LA JI SKAD BSHAD PA'I RIGS PAS GNAD CING, SLOB DPON 'PHAGS PAS DGAG BYA LA DON DAM GYI KHYAD PAR MA SBYAR BAR, BDAG LAS MA YIN ZHES SPYIR SMOS PA DGOS PA DANG BCAS PA'I PHYIR, GNYIS PA NI, BDAG LAS ZHES PA RKANG PA BZHI STE, SHES BYA CHOS CAN, LAS BYA BYED THAMS CAD GCIG TU THAL, DNGOS PO RNAMS BDAG LAS SKYE BA'I PHYIR, BDAG LAS SKYE BA KHAS BLANGS DU MI RUNG BAR THAL, BDAG SKYE KHAS BLANGS PA LA NYES PA MTHA' YAS PAR 'GYUR BA'I PHYIR, DER THAL, RGYU 'BRAS RANG BZHIN GCIG TU MI RUNG BA'I PHYIR, GNYIS PA GZHAN SKYE DGAG PA LA GNYIS, SPYIR DGAG PA DANG, RNAM RIG PA'I 'DOD PA BYE BRAG TU DGAG PA'O, ,DANG PO LA GNYIS, BDEN PA GNYIS CHAR DU GRUB PA DGAG PA DANG, BKAG PA LA MI 'THAD PA SPONG BA'O, ,DANG PO LA GNYIS, GZHAN SKYE DE KHO NA NYID DU GRUB PA DGAG PA DANG, THA SNYAD DU GRUB PA DGAG PA'O, ,DANG PO LA GSUM, RGYU 'BRAS NGO BO NYID KYIS GZHAN YIN PA LA GNOD PA BSTAN PA DANG, DE LTAR MIN PA'I RIGS PA BSTAN PA DANG, MTHA' BZHIR BRTAGS NAS DE DAG DGAG PA'O, ,DANG PO LA GNYIS, HA

, ,CANG THAL BAS DGAG PA DANG, RGYU 'BRAS SO SOR NGES PA NYAMS PAR THAL BAS DGAG PA'O, ,DANG PO NI, GZHAN LA ZHES PA RKANG PA GNYIS TE, SA LU'I MYU GU CHOS CAN, SA LU'I SA BON LAS MI SKYE BAR THAL, DE LAS NGO BO NYID KYIS GRUB PA'I GZHAN YIN PA'I PHYIR, KHYAB PA LA BZLOG NA GNOD PA CI YOD SNYAM NA, ME LCE LAS KYANG MUN PA 'THUG PO SKYE BAR THAL, DE GNYIS NGO BO NYID KYIS GZHAN YIN PA'I PHYIR, ZHES RGYU MTSAN MTSUNGS PA'I MGO BSGRE'O, ,GNYIS PA LA GNYIS, DNGOS DANG, RGYU 'BRAS SO SOR NGES PA MI NYAMS PA'I LAN DGAG PA'O, ,DANG PO NI, THAMS CAD CES PA RKANG PA GNYIS TE, SHES BYA CHOS CAN, RGYU KUN LAS RANG GI 'BRAS BU YIN MIN KUN SKYE BAR THAL, RGYU 'BRAS SU 'DOD PA'I SA MYUG DANG, MI 'DOD PA'I ME LCE DANG MUN PA SOGS KYANG NGO BO NYID KYIS GZHAN DU MTSUNGS PA'I PHYIR GNYIS PA LA GNYIS, RTZOD PA DANG, DE SGRUB BYED KYI KHYAD PAR BSGRUB BYA DANG MTSUNGS PAS DGAG PA'O, ,DANG PO NI, RAB TU ZHES PA RKANG PA BZHI STE, KUN LAS KUN SKYE BA MA YIN TE, NGES PA MTHONG BA'I PHYIR, 'DI LTAR RANG BZHIN GZHAN DU MTSUNGS KYANG SA MYUG LTA BU RIGS GCIG PA DANG RGYUD GCIG TU GTOGS PA DANG, PHAN 'DOGS NUS PA SOGS RGYU 'BRAS YIN GYI, DE DAG MA TSANG BA'I SNANG MUN SOGS MA YIN NO ZHE NA, GNYIS PA NI, JI LTAR ZHES PA RKANG PA BZHI STE, SA LU'I SA BON CHOS CAN, NAS KYI SA BON SOGS BZHIN DUS LU'I MYU GU DANG RIGS GCIG DANG RGYUD GCIG TU GTOGS PA DANG PHAN 'DOGS NUS PA MA YIN PAR THAL, DE DANG NGO BO NYID KYIS GZHAN YIN PA'I PHYIR, GNYIS PA LA GNYIS, RIGS PA DNGOS DANG, RGYU 'BRAS DUS MNYAM GYI DPE DGAG PA'O, ,DANG PO NI, MYU GU ZHES PA RKANG PA BZHI STE, MYU GU CHOS CAN, KHYOD KHYOD RANG GI RGYU SA BON

RNAM PAR MA 'GYUR BA'I DUS NA MED PAR THAL, KHYOD DE DANG DUS MNYAM MA YIN PA'I PHYIR, 'DOD NA, SA BON CHOS CAN, KHYOD MYU GU DANG NGO BO NYID KYIS GZHAN MA YIN PAR THAL, DE YIN NA KHYOD KYI DUS NA MYU GU YOD DGOS PA LA KHYOD KYI DUS NA GZHAN PA MYU GU MED PA'I PHYIR, 'DOD NA, KHYED LAS DE SKYE BA GZHAN SKYE YIN PA NYAMS SO, ,GNYIS PA LA GNYIS, SRANG MDA'I MTHO DMAN GYI DPE DON MI MTSUNGS PA DANG, MIG SOGS KYI DPE MI 'THAD PA'O, ,DANG PO LA RTZOD PA DGOD PA NI, JI LTAR ZHES PA RKANG PA GSUM STE, SRANG MDA'I MTHO DMAN DUS MNYAM PA BZHIN DU SA BON 'GAG PA DANG MYU GU SKYE BA DUS MNYAM PAS SA MYUG KYANG DUS MNYAM LA, DES NA RANG BZHIN GZHAN YANG YIN NO ZHE NA, LAN NI, GAL TE ZHES PA RKANG PA LTA STE, SHES BYA CHOS CAN, SRANG MDA'I MTHO DMAN NAS MYUG DUS MNYAM PA'I DPER MI RUNG BAR THAL, SRANG MDA'I MTHO DMAN LA DUS GCIG PA YOD KYANG SA MYUG DER MI RUNG BA'I PHYIR, MI RUNG BAR THAL, MYU GU SKYE BZHIN PA DE SKYE BA LA MNGON DU PHYOGS PA'I MA 'ONGS PA YIN LA, SA BON 'GAG BZHIN PA DE 'GAGS PA LA MNGON DU PHYOGS PA'I DA LTA BA YIN PA'I PHYIR, SA MYUG DUS MI MNYAM YANG MYU GU SKYE BA'I BYA BA DANG, SA BON 'GAG PA'I BYA BA DUS MNYAM MO ZHE NA, MYU GU'I SKYE BA CHOS CAN, BYED PA STE SKYE BA PO MYU GU DANG DUS MNYAM DU THAL, KHYOD DANG DE GNYIS NGO BO NYID KYIS GRUB PA'I RTEN BRTEN PA YIN PA'I PHYIR, 'DOD NA, MYU GU SKYE BA LA MNGON DU PHYOGS PA'I TSE KHYAD MED PAR THAL, BYED PO MYU GU MED PA'I PHYIR, GNYIS PA NI, GAL TE ZHES PA RKANG PA BZHI STE, MIG SHES DE RANG GI LHAN CIG 'BYUNG RGYU MIG SOGS DANG, MTSUNGS LDAN GYI RGYU KUN 'GRO LNGA DANG DUS MNYAM PA'I RGYU 'BRAS YIN PAS GZHAN SKYER RUNG NGO ZHE NA, MIG SHES CHOS CAN, DE DAG KHYOD SKYED BYED DU DGOS PA MED

, ,PAR THAL, DE DAG GI DUS NA KHYOD SKYES ZIN PA'I PHYIR, DE MA GRUB NA, DE DAG DANG NGO BO NYID KYIS GZHAN MA YIN PAR THAL, DE DAG GI DUS NA MED PA'I PHYIR ZHES BSHAD ZIN TO, ,GSUM PA LA MTHA' BZHIR BRTAGS PA DANG, BRTAGS NAS DGAG PA GNYIS, SKYED BAR ZHES PA RKANG PA GNYIS GNYIS TE, RGYU 'BRAS NGO BO NYID KYIS GZHAN PA'I 'BRAS BU SKYED NA MTHA' BZHIS BSDUS PA GANG BSKYED, BZHI KA LTAR YANG MI 'THAD DO, ,SA BON CHOS CAN, KHYOD KYIS MYU GU KHYOD KYI DUS NA RANG BZHIN GYIS YOD PA SKYED PA MA YIN PAR THAL, DE SKYED PA DGOS PA CUNG ZAD KYANG MED PA'I PHYIR, RGYU DUS NA MED PA RANG BZHIN GYIS GRUB PA SKYED DO ZHE NA, DE CHOS CAN, MYU GU MI SRID PAR THAL, MYU GU KHYOD KYI DUS NA MED PA RANG BZHIN GYIS GRUB PA GANG ZHIG, RANG BZHIN DUS NAM YANG 'GYUR MI SRID PA'I PHYIR, 'DOD NA, MYU GU SKYED BA MA YIN PAR THAL, MYU GU RI BONG RVA LTAR MED PA'I PHYIR, MYU GU YOD MED GNYIS KA'ANG MI SKYED DE, MYU GU YOD MED GNYIS KAR 'GYUR MI SRID PA'I PHYIR, YOD MED GNYIS KA MA YIN PA RANG BZHIN GYIS GRUB PA'ANG MI SKYED DE, YOD MED GNYIS KA RANG BZHIN GYIS MA GRUB PA'I PHYIR, GNYIS PA GZHAN SKYE THA SNYAD DU GRUB PA DGAG PA LA, RTZOD PA DANG LAN NO, ,DANG PO NI, GANG GIS ZHES PA RKANG PA BZHI STE, GZHAN SKYE 'GOG PA'I PHYIR DU DON DAM DPYOD PA'I RIGS PA BRJOD PA DON MED PAR THAL, DE BKAG PA LA 'JIG RTEN PA'I TSANG MAS GNOD PA'I PHYIR, GZHAN SKYE SGRUB PA LA YANG DON DAM DPYOD PA'I RIGS PA DGOS PA MED PAR THAL, DE 'JIG RTEN PA'I MNGON SUM TSAD MAS GRUB PA'I PHYIR ZHE NA, GNYIS PA LAN LA GNYIS, 'JIG RTEN GYI GNOD PA'I YUL BSTAN PA'I PHYIR BDEN GNYIS KYI RNAM GZHAG

BSTAN PA DANG, GZHAN SKYE DGAG PA LA 'JIG RTEN GYIS MI GNOD PA'I RGYU MTSAN BSTAN PA'O, ,DANG PO LA GNYIS, RNAM GZHAG SPYIR BSTAN PA DANG, SO SOR BSHAD PA'O, ,DANG PO LA GSUM, BDEN GNYIS KYI MTSAN NYID DANG, KUN RDZOB BDEN PA'I DBYE BA DANG, GZHAN SKYE BKAG PA LA 'JIG RTEN GYIS MI GNOD PA'I DPA', ,DANG PO NI, DNGOS KUN ZHES PA RKANG PA BZHI STE, SHES BYA CHOS CAN, PHYI NANG GI DNGOS PO 'DI RNAMS LA NGO BO GNYIS GNYIS YOD DE, YUL YANG DAG PA MTHONG BAS RNYED PA'I RANG BZHIN GYIS STONG PA DANG, PHYIN CI LOG MTHONG PAS RNYED PA'I SA MYUG SOGS BYA BA BYED NUS GNYIS SU YOD PA'I PHYIR, DE CHOS CAN, BDEN PA GNYIS SU YOD DE, YANG DAG PA MTHONG BA 'PHAGS PA'I MNYAM GZHAG GIS RNYED PA'I DON DE DON DAM BDEN PA DANG, MTHONG BA 'KHRUL BA THA SNYAD PA'I TSAD MAS RNYED PA'I DON DE KUN RDZOB BDEN PA YIN PA'I PHYIR, GNYIS PA LA GSUM, YUL CAN LA YANG LOG TU DBYE BA DANG, YUL LA YANG LOG TU DBYE BA DANG, THA SNYAD DU YANG YOD MI SRID PA'I LOG PA'I KUN RDZOB KYI DPE BSTAN PA'O, ,DANG PO NI, MTHONG BA ZHES PA RKANG PA BZHI STE, DE CHOS CAN, YUL CAN LA YANG LOG GNYIS SU YOD DE, RAB RIB SOGS KYI GNOD PA DANG BRAL BA'I DBANG SHES SOGS 'JIG RTEN PA'I BLO LA LTOS TE PHYIN CI MA LOG PA DANG, GNOD BCAS KYI SHES PA RNAMS PHYIN CI LOG YIN PA'I PHYIR, GNYIS PA NI, GNOD PA MED CES PA RKANG PA BZHI STE, DE CHOS CAN, YUL LA LTOS TE YANG LOG GNYIS SU YOD DE, GNOD PA MED PA'I DBANG PO DRUG GI GZUNG YUL 'JIG RTEN PA'I BLO LA LTOS TE YANG DAG KUN RDZOB DANG, GNOD BCAS KYI DBANG PO'I BZUNG YUL LOG PA'I KUN RDZOB YIN PA'I PHYIR, GSUM PA NI, MI SHES ZHES PA RKANG

, ,PA BZHI STE, DE CHOS CAN, MU STEGS RNAMS KYIS BTAGS PA'I GANG ZAG GI BDAG DANG SGYU MA'I SPRUL GZHI RTA GLANG RANG MTSAN PAR THA SNYAD DU YANG MA GRUB STE, DE DAG LA TSAD MAS GNOD PA'I PHYIR, GSUM PA NI, MIG NI ZHES PA RKANG PA BZHI STE, DE CHOS CAN, RAB RIB CAN GYI MTHONG BAS RAB RIB MED PA'I SHES PAS MTHONG BA LA MI GNOD PA LTAR, GZHAN SKYE BKAG PA LA 'JIG RTEN PA'I BLOS MI GNOD PAR THAL, GZHAN RANG GI MTSAN NYID KYIS MA GRUB PAR 'PHAGS PA'I MNYAM GZHAG GIS GZIGS PA'I PHYIR, GNYIS PA LA GNYIS, KUN RDZOB BDEN PA DNGOS BZUNG BA DANG, DON DAM PA'I BDEN PA DPE'I SGO NAS BSTAN PA'O, ,DANG PO NI, GTI MUG CES PA RKANG PA BZHI STE, GNAS LUGS MTHONG BA LA SGRIB PAR BYED PA'I BLO KUN RDZOB PA NYON MONGS CAN GYI MA RIG PA LA BDEN PAR SNANG ZHING DES BDEN PAR ZHEN PA'I GZUGS SGRA LA SOGS PA CHOS CAN, KUN RDZOB BDEN PA YIN TE, THA SNYAD PA'I TSAD MAS RNYED PA'I DON YIN PA'I PHYIR, NYAN RANG DGRA BCOM PA DANG DBANG THOB PA'I BYANG CHUB SEMS DPA' RNAMS KYI RJES THOB KYI NGOR KUN RDZOB TZAM YAN GYI BDEN PAR GRUB PA MA YIN TE, DE DAG GIS THA SNYAD TZAM DU GZIGS KYI DE DAG GI RGYUD LA BDEN 'DZIN MED PA'I PHYIR, GNYIS PA NI, RAB RIB CES PA RKANG PA BZHI STE, MYU GU RANG BZHIN MED PA CHOS CAN, DON DAM PA'I BDEN PA YIN TE, MIG DAG PAS SKRA SHAD KYI SNANG BA DANG BRAL BA'I SGO NAS SKRA SHAD KYIS DBEN PA MTHONG BA BZHIN DU PHYIN CI LOG GI SNANG BA MTHA' DAG LOG PA'I TSUL GYIS 'PHAGS PA'I MNYAM GZHAG GIS GZIGS PA'I DON YIN PA'I PHYIR, GNYIS PA GZHAN SKYE DGAG PA LA 'JIG RTEN GYIS

MI GNOD PA'I RGYU MTSAN BSTAN PA LA GSUM, DNGOS DANG, GZHAN SKYE 'JIG RTEN PAS KYANG MA GRUB PAR BSTAN PA DANG, RTEN 'BREL RTAG CHAD MED PAR GRUB PA'I YON TAN BSTAN PA'O, ,DANG PO LA GSUM, 'JIG RTEN PA'I SHES PAS BDEN PA'I SPROS PA 'GOG NUS NA HA CANG THAL BA DANG, TSAD MA GZHAN GYIS BDEN PA'I SPROS PA BKAG PA LA YANG MI GNOD PAR BSTAN PA, 'JIG RTEN PA'I SHES PAS GNOD PA'I YUL NGOS BZUNG BA'O, ,DANG PO NI, GAL TE ZHES PA RKANG PA BZHI STE, SHES BYA CHOS CAN, 'JIG RTEN THA MAL PA RNAMS KYIS DE KHO NA NYID MNGON SUM DU RTOGS PAR THAL, 'JIG RTEN THA MAL PA'I DBANG PO'I SHES PA GZHAN BDEN PA BKAG PA LA GNOD BYED DANG, GZHAN BDEN PA SGRUB BYED KYI TSAD MAR RIGS PA'I PHYIR, 'DOD NA, 'PHAGS LAM THOB PAR BYA BA'I PHYIR TSUL KHRIMS BSRUNG BA SOGS DGOS PA MED PAR THAL, 'DOD PA DE'I PHYIR; DES NA 'JIG RTEN THA MAL PA'I DBANG SHES DE KHO NA NYID RTOGS PA'I TSAD MAR MI RIGS PAR THAL, DE LA HA CANG THAL BA'I SKYON YOD PA'I PHYIR, GNYIS PA NI, RNAM KUN ZHES PA RKANG PA GNYIS TE, DE CHOS CAN, GZHAN SKYE BKAG PA LA 'JIG RTEN PA'I SHES PAS MI GNOD PAR THAL, 'JIG RTEN PA'I BLO RANG DGA' BA DE KHO NA NYID LA GNOD SGRUB GANG DU YANG MI RUNG BA'I PHYIR, GSUM PA NI, 'JIG RTEN ZHES PA RKANG PA GNYIS TE, DE CHOS CAN, BUM PA MED DO ZHES 'GOG PAR BYED NA 'JIG RTEN GYI TSAD MAS GNOD DE, BUM PA YOD PAR 'JIG RTEN PA'I TSAD MA LA GRAGS SHING GRUB PA'I PHYIR, GNYIS PA NI, GANG PHYIR ZHES PA RKANG PA BZHI STE, DE CHOS CAN, NYER LEN DANG NYER LEN CAN NGO BO NYID KYIS GZHAN DU 'JIG RTEN PA LA YANG GRAGS PA MED DE, BU'I SA BON TZAM BTAB NAS PHYIS KYI KHYE'U LA DMIGS NAS 'DI NGAS BSKYED

, ,CES PA DANG, SHING GI SA BON TZAM BTAB NAS PHYIS KYI SDONG PO LA DMIGS TE 'DI NGAS BTZUGS SO ZHES STON PA'I PHYIR, GSUM PA LA BZHI, DNGOS DANG, RANG BZHIN GYIS SKYE BA MED PA NGES PAR KHAS BLANG DGOS PA DANG, THA SNYAD 'JOG PA'I TSE RANG BZHIN YOD MED DPYAD NAS BZHAG TU MI RUNG BA DANG, RANG GI MTSAN NYID KYIS SKYE BA THA SNYAD DU YANG MI SRID PA'O, ,DANG PO NI, GANG PHYIR ZHES PA RKANG PA BZHI STE, SA BON CHOS CAN, MYU GU SKYE BA'I TSE KHYOD RGYUN CHAD PAR THAL BA'I SKYON MED DE, DE KHYOD LA LTOS NAS 'BYUNG BA TZAM YIN GYI DE DANG RANG GI MTSAN NYID KYIS GRUB PA'I GZHAN MA YIN PA'I PHYIR, DE CHOS CAN, MYU GU SKYES PA'I TSE KHYOD RTAG PAR GNAS PA'I SKYON MED DE, KHYOD LA LTOS NAS DE LA BYUNG BA TZAM YIN GYI DE DANG RANG BZHIN GCIG MA YIN PA'I PHYIR, DON NI 'DI LTAR YIN TE, SA MYUG RANG BZHIN GCIG PA BKAG RJES SU RANG BZHIN GYIS GRUB NA RANG BZHIN GZHAN YIN DGOS LA, DE LTA NA 'BREL MED SO SOR 'GYUR BAS MYU GU BYUNG YANG SA BON GYI RGYUN DU MI RUNG BAS RGYUN CHAD PAR 'GYUR LA, DES NA RANG BZHIN GZHAN MIN PA'I PHYIR CHAD PA'I SKYON MED PAR STON NO; ;YANG RANG BZHIN GZHAN BKAG RJES SU RANG GI MTSAN NYID KYIS GRUB NA RANG BZHIN GCIG TU 'GYUR LA, DE LTA NA SA BON RTAG PAR 'GYUR BAS, RANG BZHIN GCIG MA YIN PAS RTAG PAR THAL BA YANG MA YIN NO, ,GNYIS PA NI, GAL TE ZHES PA RKANG PA BZHI STE, 'PHAGS PA'I MNYAM BZHAG YE SHES CHOS CAN, KHYOD DNGOS PO 'GOG BYED DU THAL, DNGOS PO DE DE KHO NA NYID DU GRUB PA GANG ZHIG, KHYOD KYIS DNGOS PO DE DE KHO NA NYID DU MA GRUB PAR RTOGS PA'I PHYIR, RTAGS SNGA MA MA GRUB NA, RANG GI MTSAN NYID KYIS GRUB PA NYAMS SO, ,DES NA RANG BZHIN GYIS

SKYE BA MED PA NGES PAR KHAS BLANG DGOS KYI RANG GI MTSAN NYID KYIS SKYE BA MI RUNG BAR THAL, DE LTA YIN NA STONG NYID RTOGS PA DNGOS PO'I 'JIG RGYUR KHAS BLANGS DGOS PA'I PHYIR, GSUM PA NI, GANG PHYIR ZHES PA RKANG PA BZHI STE, SHES BYA CHOS CAN, KUN RDZOB BDEN PA 'JIG PA'I TSE RANG BZHIN GYIS YOD MED DPYAD NAS RANG BZHIN YOD PA'I DBANG DU BYAS TE BZHAG PA MI RIGS PAR THAL, DE LTA NA KUN RDZOB BDEN PA NYAMS PAR 'GYUR BA'I PHYIR, DER THAL, DNGOS PO 'DI RANG BZHIN YOD MED DPYAD NA DE BZHIN NYID KYI BDAG NYID RANG BZHIN MED PA LAS TSU ROL TU GNAS PA MI RNYED PA'I PHYIR, BZHI PA NI, DE NYID CES PA RKANG PA BZHI STE, DE CHOS CAN, RANG BZHIN GYIS SKYE BA THA SNYAD DU YANG MI SRID PAR THAL, RANG BZHIN GYIS SKYE BA DON DAM DU GRUB PA 'GOG PA'I RIGS PA DES, THA SNYAD DU GRUB PA YANG 'GOG NUS PA'I PHYIR, DER THAL, DES RANG GI MTSAN NYID KYIS SKYE BA TZAM DGAG NUS PA'I PHYIR, GNYIS PA BKAG PA LA MI 'THAD PA SPONG BA LA GSUM, RANG BZHIN MED NA MNGON SUM DU MTHONG BA DANG 'GAL BA SPONG BA DANG, KUN GZHI'I RNAM SHES SOGS MED KYANG RANG BZHIN MED PA'I DNGOS PO LA LAS 'BRAS KYI 'BREL BA 'THAD PAR BSTAN PA DANG, LAS 'BRAS KYI 'BREL BA'I RTEN KUN GZHI SOGS GSUNGS PA DGONGS PA CAN DU BSTAN PA'O, ,DANG PO LA GNYIS, DNGOS DANG, BDEN PA GNYIS CHAR DU RTAG CHAD DANG BRAL BAR BSTAN PA'O, ,DANG PO NI, DNGOS PO ZHES PA RKANG PA DRUG STE, DE CHOS CAN, RANG BZHIN GYIS STONG PA'I RGYU LAS RANG BZHIN GYIS STONG PA'I 'BRAS BU SKYE BA NGES PAR KHAS BLANG DGOS PAR THAL, GZUGS BRNYAN RANG BZHIN MED PA LAS DER SNANG GI 'KHRUL PA SKYE BAR MTHONG BA'I PHYIR, DER THAL, DE LTAR 'JIG RTEN NA GRAGS SHING TSAD MAS KYANG GRUB PA'I PHYIR,

, ,GNYIS PA NI, BDEN PA ZHES PA RKANG PA GNYIS TE, DE CHOS CAN, BDEN PA GNYIS CHAR DU RTAG CHAD KYI SKYON MED PAR THAL, DE GNYIS CHAR DU RANG BZHIN GYIS DBEN PA'I PHYIR, GNYIS PA LA BZHI, KUN GZHI MED KYANG RANG BZHIN MED PA'I LAS KYIS 'BRAS BU 'BYIN NUS PAR BSTAN PA DANG, DE'I DPE DANG, RNAM SMIN PHYUNG ZIN PA'I LAS KYIS SLAR YANG 'BYIN PAR THAL BA SPONG BA DANG, DGE MI DGE'I LAS 'BRAS SO SOR NGES PA'O, ,DANG PO NI, GANG PHYIR ZHES PA RKANG PA BZHI STE, DE CHOS CAN, LAS 'BRAS KYI RTEN KUN GZHI SOGS MED KYANG 'GAGS NAS YUN RING PO LON PA'I RANG BZHIN MED PA'I LAS KYIS 'BRAS BU 'BYIN NUS PAR THAL, LAS 'GAG PA RANG BZHIN GYIS MA GRUB PA GANG ZHIG ,DE MA GRUB NA, LAS ZHIG PAS KYANG 'BRAS BU 'BYIN NUS SHING, KUN GZHI MED KYANG GANG ZAG TZAM LAS KYI NUS PA BSGO PA'I GZHIR RUNG BA'I PHYIR, GNYIS PA NI, RMI LAM ZHES PA RKANG PA BZHI STE, DE CHOS CAN, RANG BZHIN MED PA'I LAS KYIS RNAM SMIN SKYED PAR THAL, RMI LAM DU YUL GYI BUD MED BZANG MO DMIGS PA RANG BZHIN MED KYANG SAD PA'I TSE BLUN PO LA CHAGS PA SKYE PA'I RGYUR 'GYUR PA'I PHYIR, GSUM PA NI, JI LTAR ZHES PA RKANG PA BZHI STE, DE CHOS CAN, LAS ZHIG PAS 'BRAS BU 'BYIN NA RNAM SMIN PHYUNG ZIN PA SLAR YANG 'BYIN DGOS PA MA YIN PAR THAL, RANG BZHIN MED PAR MTSUNGS KYANG RAB RIB CAN GYIS SKRA SHAD MTHONG LA, BONG BU'I RVA MI MTHONG BA'I RNAM DBYE SO SOR NGES PA'I DPE MTHONG BA'I PHYIR, BZHI PA NI, DE PHYIR ZHES PA RKANG PA BZHI STE, DE CHOS CAN, RANG BZHIN MED KYANG DGE MI DGE'I LAS 'BRAS SO SOR NGES PA YANG MI NYAMS PAR THAL, RANG BZHIN MED KYANG RNAM SMIN PHYUNG ZIN PA'I LAS KYIS SLAR

YANG MI 'BYIN ZHING, PHYUNG MA ZIN PA'I LAS KYIS 'BYIN PA'I RNAM DBYE SO SOR NGES PA'I PHYIR, DGE MI DGE'I LAS RANG BZHIN MED PAR MNGON SUM DU RTOGS PA'I 'PHAGS PA CHOS CAN, THAR PA THOB PAR 'GYUR TE, LAS KYI DE KHO NA NYID MNGON SUM DU RTOGS PA'I SKYES BU YIN PA'I PHYIR, SHES BYA CHOS CAN, BCOM LDAN 'DAS KYIS SO SO'I SKYE BO RNAMS LUNG LA BRTEN PA MED PAR LAS 'BRAS SHIN TU PHRA BA LA DPYOD BAR BYED PA LA DGAG PA MDZAD PA'I RGYU MTSAN YOD DE, GANG ZAG DES DE LTAR DPYAD NA LAS 'BRAS LA SKUR PA BTAB NAS KUN RDZOB LAS NYAMS DGONGS NAS DGAG PA MDZAD PA'I PHYIR, GSUM PA LA GNYIS, GANG ZAG GANG GI NGOR DGONGS TE GSUNGS PA DANG, DNGOS PO RANG BZHIN GYIS YOD PAR MDO KHA CIG TU GSUNGS PA YANG SGRA JI BZHIN PA MA YIN PAR BSTAN PA'O, ,DANG PO NI, KUN GZHI ZHES PA RKANG PA BZHI STE, SHES BYA CHOS CAN, KUN GZHI'I RNAM SHES DANG GANG ZAG RANG MTSAN PA DANG BDAG GIS DBEN PA'I PHUNG PO RANG MTSAN PA SOGS DE LTAR YOD PA MIN YANG DE LTAR GSUNGS PA LA DGOS PA YOD DE, DE LTAR YOD PA MIN YANG RE ZHIG ZAB MO RTOGS MI NUS PA'I GDUL BYA RNAMS RIM GYIS DE KHO NA NYID LA DRANGS PA'I PHYIR DU DGONGS TE GSUNGS PA'I PHYIR, GNYIS PA NI, 'JIG TSOGS ZHES PA RKANG PA BZHI STE, DE CHOS CAN, DNGOS PO RANG BZHIN MED KYANG RANG BZHIN YOD PA LTAR MDO LAS GSUNGS PA YANG DRANG DON YIN TE, STON PAS 'JIG LTA SPANGS KYANG GANG ZAG LA'ANG ZHIG GI NGOR DE DANG BCAS PA LTAR BSTAN NAS, NGA DE'I TSE DE'I DUS NA 'DI ZHES BYA BAR GYUR TO ZHES SOGS GSUNGS PA DANG MTSUNGS PA'I PHYIR, GNYIS PA RNAM RIG PA'I 'DOD PA BYE BRAG TU DGAG PA LA GNYIS, 'DOD PA BRJOD PA DANG, DE DGAG PA'O, ,DANG PO NI, GZUNG BA ZHES PA SHO LO KA GSUM STE, SA DRUG PA LA

, ,GNAS PA'I BYANG CHUB SEMS DPA' DES SRID PA GSUM PO 'DI DAG RNAM PAR SHES PA TZAM GYI BDAG NYID DU RTOGS PAR 'GYUR TE, GZUNG BA PHYI ROL GYI DON MED PAS DE LA LTOS PA'I 'DZIN PA MA MTHONG ZHING GNYIS STONG GI DE NYID GOMS PAR BYAS NAS SRID PA GSUM GZUNG 'DZIN GNYIS KYIS STONG PA'I RNAM SHES TZAM GYI BDAG NYID DU RANG RIG PA'I TSUL GYIS RTOGS PAR 'GYUR RO, ,PHYI ROL MED KYANG DON SNANG GI SHES PA SKYE BA'I RGYU NI, RLUNG GIS BSKUL BAS RGYA MTSO LAS CHU RLABS 'BYUNG BA BZHIN DU KUN NAS NYON MONGS DANG RNAM BYANG GI CHOS KUN GYI SA BON THAMS CAD PA KUN GZHI'I RNAM SHES LA DON DU MNGON PAR ZHEN PA'I SHES PA GCIG TU BRGYUD DE 'ONGS PAS BZHAG PA'I BAG CHAGS KYI NUS PA SMIN PA LAS DON SNANG GI RNAM SHES DON GYIS DBEN PA TZAM ZHIG 'BYUNG PA YIN NO, ,SBRUL DU 'KHRUL BA THAG PA LA LTOS PA LTAR 'KHRUL PA THAMS CAD 'KHRUL GZHI BDEN PA BA DANG, BTAGS YOD THAMS CAD GDAGS GZHI BDEN PA BA LA LTOS LA DE YANG GZHAN DBANG NYID YIN NO, ,MDOR NA DON SNANG GI SHES PA SOGS PHYI ROL LA LTOS PA MED PAR KUN GZHI LA YOD PA'I RANG GI BAG CHAGS KHO NA LAS 'BYUNG BA DANG, KUN GZHI BDEN PAR YOD PA DANG, SGRA RTOG GI SPROS PA KUN GYIS DNGOS PO DANG KHYAD PAR DU BRTAGS PA'I BTAGS DON DE KUN GZHI SOGS GZHAN DBANG GI DE KHO NA NYID DU MA GRUB PA'I TSUL GYIS YOD DO ZHE NA, GNYIS PA DE DGAG PA LA BZHI, PHYI ROL MED PA'I SHES PA BDEN PA BA DGAG PA DANG, GZUNG 'DZIN GNYIS STONG GI GZHAN DBANG BDEN PA BA 'JAL BYED KYI TSAD MA DGAG PA DANG, KUN RDZOB KUN GYI

GZHI BDEN PA BA DGAG PA DANG, SEMS TZAM GSUNGS PA'I DGONGS PA BSTAN PA'O, ,DANG PO LA BZHI, PHYI DON, MED PA'I SHES PA BDEN PA BA'I DPE DGAG PA DANG, RNAM SHES LAS DBANG DON NGO BO THA DAD DU MED PA'I SGRUB BYED DGAG PA DANG, MI SDUG PA SGOM PA'I SHES PA PHYI ROL MED PA'I SHES PA BDEN PA BAR 'DOD PA DGAG PA DANG, DON SHES BDEN MED DU MTSUNGS PA'I DON BSDU BA'O, ,DANG PO LA GNYIS, YID SHES 'KHRUL PA'I DPE DGAG PA DANG, DBANG SHES 'KHRUL PA'I DPE DGAG PA'O, ,DANG PO LA GNYIS, PHYI ROL MED PA'I DPE DRI BA DANG, DRIS PA'I LAN DGAG PA'O, ,DANG PO NI, PHYI ROL ZHES PA RKANG PA GCIG STE, PHYI ROL MED PA'I SEMS BDEN PA BA'I DPE DRIS PAS, DE'I LAN DU RMI LAM BZHIN NO ZHE NA, GNYIS PA LA GNYIS, DGAG PA MDOR BSTAN PA DANG, RGYAS PAR BSHAD PA'O, ,DANG PO NI, DE BSAM BYA ZHES PA RKANG PA PHYED DANG GSUM STE, SHES BYA CHOS CAN, RMI LAM PHYI ROL MED PA'I SHES PA BDEN PA'I DPER MI RUNG BAR THAL, DE LA 'CHAD 'GYUR GYI RIGS PAS GNOD PA'I PHYIR DANG, NGED DBU MA PA'I NGOR DE PHYI ROL MED PA'I SHES PA BDEN PA BA'I MTHUN DPER MA GRUB PA'I PHYIR, GNYIS PA LA GNYIS, PHYI DON DANG SHES PA BDEN PAR GRUB MA GRUB MTSUNGS PAR BSTAN PA DANG, MI MTSUNGS PA'I LAN DGAG PA'O, ,DANG PO NI, GAL TE ZHES PA RKANG PA BZHI STE, RMI LAM NA SHES PA RANG MTSAN PA YOD DO, SAD PA'I TSE NGAS RMI LAM DU 'DI LTA BU MTHONG NGO SNYAM PA'I YUL CAN DRAN PA YOD PA'I PHYIR SNYAM NA, RMI LAM NA PHYI ROL YANG YOD PAR THAL, GZUGS MTHONG NGO SNYAM PA'I YUL DRAN PA'ANG YOD PA'I TSE 'BYUNG BA'I PHYIR, GNYIS PA LA GNYIS, RTZOD PA DANG, DE DGAG

, ,PA'O; ;DANG PO NI, GAL TE ZHES PA RKANG PA BZHI STE, RMI LAM GYI TSE PHYI ROL GYI GZUGS MED DE, MIG SHES MED PA'I PHYIR, DON DU ZHEN PA'I BLO ZLOG TU MED PAS YID DE YOD LA, DE BZHIN DU SAD PA'I TSE YANG PHYI ROL MED PA'I SHES PA RANG MTSAN PA GRUB BO ZHE NA, GNYIS PA LA GSUM, RMI LAM GYI GNAS SKABS NA YUL DBANG RNAM SHES GSUM KA BDEN MED DU MTSUNGS PA DANG, SAD DUS KYANG DE DANG 'DRA BAR BSTAN PA, DON DANG SHES PA RANG GI MTSAN NYID KYIS YOD MED MI MTSUNGS PA'I SKABS MI SRID PAR BSTAN PA'O, ,DANG PO LA GNYIS, MIG GI DBANG DON LA SBYAR BA DANG, DBANG DON LHAG MA'ANG DE DANG MTSUNGS PAR BSTAN PA'O, ,DANG PO NI, JI LTAR ZHES PA RKANG PA BZHI STE, DE CHOS CAN, RMI LAM DU PHYI ROL RANG MTSAN MED PA BZHIN DU SHES PA YANG RANG MTSAN PA MED PAR THAL, SAD PA'I TSE MIG DANG GZUGS DANG YID GSUM SNANG BA BZHIN DU RMI LAM GYI NGOR YANG GSUM PO DMIGS LA DE'I TSE MIG GZUGS BDEN PA BA MED PA BZHIN DU RNAM SHES KYANG BDEN PA BA MED PA'I PHYIR, GNYIS PA NI, RNA SOGS ZHES PA RKANG PA GCIG STE, DE CHOS CAN, DBANG SOGS LHAG MA RNAMS YUL DBANG RNAM SHES GSUM LA BDEN RDZUN GYI KHYAD PAR MED PAR THAL, BDEN MED DU MTSUNGS PA'I PHYIR, GNYIS PA NI, RMI LAM ZHES PA RKANG PA GSUM STE, DE CHOS CAN, RMI LAM DU SAD PA'I TSE YANG YUL DBANG RNAM SHES GSUM BDEN RDZUN GYI KHYAD PAR MED PAR THAL, BDEN MED DU MTSUNGS PA'I PHYIR, GSUM PA NI, 'DI NA ZHES PA RKANG PA BZHI STE, DE CHOS CAN, DON DANG SHES PA DUS NAM YANG BDEN RDZUN MTSUNGS PAR THAL, MA

RIG PA'I GNYID LAS MA SAD CING GNYID THA MAL PA LAS SAD PA'I TSE YUL DBANG RNAM SHES GSUM YOD PA BZHIN DU RMI LAM GYI NGOR YANG GSUM PO YOD LA SAD PA'I TSE RMI LAM GYI GSUM MED PA BZHIN DU MA RIG PA'I GNYID LAS SAD PA'I 'PHAGS PA'I MNYAM GZHAG GI NGOR THA MAL PA'I SAD DUS KYI GSUM PO MED PA'I PHYIR, GNYIS PA DBANG SHES 'KHRUL PA'I DPE DGAG PA LA GNYIS, RAB RIB CAN GYI SHES PA PHYI ROL MED PA'I SHES PA RANG MTSAN PA'I DPER MI RUNG BA'I RGYU MTSAN DANG, DE DPER BKOD PA LA GNOD PA BSTAN PA'O, ,DANG PO NI, DBANG PO ZHES PA RKANG PA BZHI STE, DE CHOS CAN, RAB RIB CAN GYI SHES PA PHYI ROL MED PA'I SHES PA BDEN PA BA'I DPER MI RUNG BAR THAL, RAB RIB CAN GYI NGOR SKRA SHAD DANG DER SNANG GI BLO GNYIS KA BDEN PAR SNANG BAR DMIGS LA, RAB RIB MED PA'I NGOR GNYIS KA'I SNANG BA LOG PAR MTSUNGS PA'I PHYIR, GNYIS PA LA GNYIS, DNGOS DANG, SKYON SPONG DGAG PA'O, ,DANG PO NI, GAL TE ZHES PA RKANG PA BZHI STE, DE CHOS CAN; MKHAR GZHONG SOGS SU RAB RIB MED PAS BLTAS PA'I TSE SKRAR SNANG GI BLO YOD PAR THAL, DER SKRA SHAD MED KYANG SKRAR SNANG GI BLO RANG GI MTSAN NYID KYIS GRUB PA'I PHYIR, DES NA PHYI ROL MED PA'I RNAM SHES BDEN PA BA MED PAR THAL, YOD NA JI SKAD BSHAD PA'I NYES PAR 'GYUR BA'I PHYIR, GNYIS PA LA GNYIS, 'DOD PA BRJOD PA DANG, DE DGAG PA'O, ,DANG PO NI, GANG PHYIR ZHES PA RKANG PA GSUM STE, SGRA SHAD RANG MTSAN PA YOD MED KYI DBANG GIS DER SNANG GI BLO SKYE MI SKYE YIN NA SKYON DER

, ,'GYUR YANG, DE LTAR MA YIN MOD, 'O NA CI ZHE NA, KUN GZHI LA YOD PA'I SKRAR SNANG GI BLO SKYE BA'I NUS PA SMIN MA SMIN GYIS 'BYUNG BA YIN NO ZHE NA, GNYIS PA LA GNYIS, MDOR BSTAN DANG, RGYAS BSHAD DO, ,DANG PO NI, NUS DE ZHES PA RKANG PA GCIG STE, SHES BYA CHOS CAN, NUS PA RANG MTSAN PA'I DBANG GIS SKRAR SNANG GI BLO SKYE BA MI 'GRUB PAR THAL, NUS PA RANG MTSAN PA MED PA'I PHYIR, GNYIS PA LA GSUM, RNAM SHES DA LTAR BA DANG 'BREL BA DANG, MA 'ONGS PA DANG 'BREL BA DANG 'DAS PA DANG 'BRAL BA'I NUS PA RANG MTSAN PA MI SRID PA'O, ,DANG PO NI, SKYES LA ZHES PA RKANG PA GCIG STE, DE CHOS CAN, RNAM SHES DA LTAR BA'I RANG DUS NA DE BSKYED PA'I NUS PA RANG MTSAN PA MED PAR THAL, DE LTA NA RNAM SHES DE RGYU MED PA'AM RGYUS SKYED PA DGOS MED DU THAL BA'I SKYON DU 'GYUR BA'I PHYIR, GNYIS PA LA GSUM, HA CANG THAL BA DANG, RNAM SHES 'BYUNG 'GYUR LA BSAM NAS NUS PA KHAS LEN PA MI 'THAD PA DANG, NUS PA DANG RNAM SHES KYI GRUB PA PHAN TSUN BRTEN NA, GZHAN DBANG RANG BZHIN GYIS GRUB PA NYAMS PA'O, ,DANG PO NI, MA SKYES ZHES PA RKANG PA GSUM STE, DE CHOS CAN, RNAM SHES MA 'ONGS PA DANG 'BREL BA'I NUS PA RANG MTSAN PA MED PAR THAL, RNAM PAR SHES PA'I NUS PA ZHES BRJOD PA'I TSE RNAM SHES KHYAD CHOS DANG NUS PA KHYAD GZHI YIN LA, RNAM SHES MA 'ONGS PA DA DUNG MA SKYES PA'I PHYIR, KHYAB PA YOD PAR THAL, KHYAD PAR GYI CHOS MED PAR KHYAD PAR GYI GZHI MED PA'I PHYIR, DE MA GRUB SNYAM NA, MO GSHAM GYI BU LA'ANG NUS PA DE YOD PAR THAL, RNAM SHES MED PAR DE'I KHYAD

CHOS CAN GYI NUS PA RANG MTSAN PA YOD PA'I PHYIR, GNYIS PA NI, GAL TE ZHES PA RKANG PA GNYIS TE, DE CHOS CAN, RNAM SHES 'BYUNG 'GYUR GYI NUS PA BDEN PA BA MED PAR THAL, NUS PA BDEN PA BA MED PA'I PHYIR, GSUM PA NI, PHAN TSUN ZHES PA RKANG PA GNYIS TE, DE CHOS CAN, GZHAN DBANG RANG BZHIN GYIS MA GRUB PAR THAL, RNAM SHES DANG NUS PA PHAN TSUN LTOS NAS GRUB DGOS PA'I PHYIR, GSUM PA LA GSUM, 'BREL MED GZHAN GYI NUS PA LAS GZHAN 'BYUNG BAR THAL BA DANG, 'DOD NA GNOD PA BSTAN PA DANG, DE'I LAN DGAG PA'O, ,DANG PO NI, GAL TE ZHES PA RKANG PA GSUM STE, DE CHOS CAN, 'BREL MED GZHAN GYI NUS PA LAS GZHAN 'BYUNG BAR THAL, RNAM SHES SNGA MA 'GAG BZHAN PAS BZHAG PA'I NUS PA SMIN PA LAS RNAM SHES PHYI MA GZHAN 'BYUNG BA GANG ZHIG ,RNAM SHES SNGA PHYI RANG GI MTSAN NYID KYIS THA DAD PA'I PHYIR, GNYIS PA NI, DE PHYIR ZHES PA RKANG PA GCIG STE, SNGA MA 'DOD NA, DE CHOS CAN, RGYUR GYUR MA GYUR KUN LAS 'BRAS BUR GYUR MA GYUR KUN SKYE BAR THAL, 'DOD PA DE'I PHYIR, GSUM PA LA GNYIS, 'DOD PA BRJOD PA DANG, DE DGAG PA'O, ,DANG PO NI, GAL TE ZHES PA RKANG PA PHYED DANG GSUM STE, RGYUN CAN RNAM SHES SNGA PHYI THA DAD KYANG RGYUN GCIG PAS SNGA MA'I NUS PA LAS PHYI MA 'BYUNG BA MI 'GAL LO ZHE NA, GNYIS PA LA GNYIS, SGRUB BYED BSGRUB BYA DANG MTSUNGS PA DANG, DPE BSTAN PA'O, ,DANG PO NI, 'DI NI ZHES PA RKANG PA PHYED DANG GNYIS TE, DE CHOS CAN, RNAM SHES SNGA PHYI LA RGYUN RANG MTSAN PA GCIG RJES SU 'GRO BA BSGRUB BYA DANG MTSUNGS PAR THAL, DE MA GRUB PA'I PHYIR, GNYIS PA NI, BYAMS PA ZHES PA RKANG PA BZHI STE, BYAMS PA DANG NYER SBAS CHOS CAN, RGYUD GCIG

, ,MA YIN PAR THAL, 'BREL MED KYI GZHAN YIN PA'I PHYIR, DE BZHIN DU RNAM SHES SNGA PHYI YANG RGYUD GCIG TU MI RIGS PAR THAL, RANG GI MTSAN NYID KYIS THA DAD PA'I PHYIR, GNYIS PA RNAM SHES LAS DBANG DON NGO BO THA DAD DU MED PA'I SGRUB BYED DGAG PA LA GNYIS, 'DOD PA BRJOD PA DANG, DE DGAG PA'O, ,DANG PO NI, MIG BLO ZHES PA SHA LO KA GSUM STE, BDAG RKYEN DBANG PO 'JOG TSUL NI, KUN GZHI LA YOD PA'I RNAM SHES SKYED PA'I NUS PA SMIN PA LAS MIG GI RNAM SHES SKYE LA MIG SHES KYI DNGOS KYI RTEN DU GYUR PA'I NUS PA DE LA MIG GI DBANG PO ZHES BYA YI, RNAM SHES LAS NGO BO THA DAD PA MED PA BZHIN DU DBANG PO GZHAN LNGA YANG SHES PAR BYA'O, ,DMIGS RKYEN 'JOG TSUL NI, KENG SHU KA LA SOGS PA PHYI ROL GYI TSON GYIS KHA BSGYUR BA LA MI LTOS PAR DMAR PO'I RNAM PA CAN DU SKYE BA BZHIN DU MIG SOGS DBANG PO LAS MA BYUNG BA'I RNAM RIG RNAMS KYANG PHYI ROL GYI RKYEN LA LTOS PA MED PAR DON DU ZHEN PA'I SA BON SMIN PA LAS DON GYI RNAM PA CAN DU 'BYUNG BA LA, DE MA RTOGS PAR DON DU MNGON PAR ZHEN PA YIN TE, DPER NA RMI LAM NA PHYI ROL GYI GLANG PO CHE SOGS MED PAR DER SNANG GI NUS PA SMIN PA LAS DE'I RNAM PA CAN GYI SEMS 'BYUNG BA LTAR SAD PA'I SKABS SU YANG YIN PAS, PHYI ROL MED KYANG SEMS RANG GI MTSAN NYID KYI YOD DO ZHE NA, GNYIS PA LA GSUM, RMI LAM DU MIG MED PAR SNGO SOGS GSAL SNANG GI SHES PA SKYE NA LONG BA LA YANG SAD PA'I TSE DE LTAR SKYE BAR THAL BA DANG, DE'I SKYON SPONG DGAG PA DANG, DNGOS SMRA BA'I RTZOD PA DE DAG SGRUB BYED BSGRUB BYA DANG MTSUNGS PAS KYANG DGAG NUS PA'O, ,DANG PO NI, JI LTAR ZHES PA RKANG PA BZHI STE,

SHES BYA CHOS CAN, LONG BA LA'ANG SAD PA'I TSE NUS PA SMIN PA LAS SNGO SOGS GSAL SNANG GI SHES PA SKYE BAR THAL, RMI LAM GYI TSE MIG MED PAR SNGO SOGS GSAL SNANG GI SHES PA RANG MTSAN PA SKYE BA'I PHYIR, GNYIS PA NI, GAL TE ZHES PA SHO LO KA GNYIS TE; DE MI MTSUNGS TE, RMI LAM GYI CHE SNGO SOGS SNANG BA'I DRUG PA YID KYI SHES PA'I NUS PA SMIN PA'I DBANG GIS DE LTAR SNANG BA YIN LA, SAD PA'I TSE DA LTAR MA YIN NO ZHE NA, DE CHOS CAN, LONG BA LA SAD PA'I TSE SNGO SOGS GSAL BAR SNANG BA'I NUS PA SMIN PA MED PA DE LTAR RMI LAM GYI TSE YANG SNGO SOGS GSAL PAR SNANG BA'I NUS PA SMIN PA MI 'THAD PA'I THAL, KHYED LTAR NA'ANG SKABS DE GNYIS KAR MIG DBANG MED PAR MTSUNGS PA'I PHYIR, RMI LAM DU YANG GNYID SHES PA SKYE BA'I NUS PA SMIN PA'I RGYU MA YIN PAR THAL,, MIG MED PA DE LONG PA LA SAD PA'I TSE SNGO SOGS GSAL SNANG GI NUS PA SMIN PA'I RGYU MA YIN PA'I PHYIR, DES NA RMI LAM DU YANG MIG RDZUN PA NGES PAR KHAS BLANG DGOS PAR THAL, DE'I TSE PHYI ROL GSAL SNANG GI SHES PA YOD PA'I PHYIR, GSUM PA NI, 'DI YI ZHES PA RKANG PA BZHI STE, SHES BYA CHOS CAN, RNAM RIG PAS DNGOS PO RANG MTSAN SGRUB PA'I SGRUB BYED KUN DGAG NUS PAR THAL, DES SGRUB BYED DU BKOD PA KUN BSGRUB BYA DANG MTSUNGS PAR MTHONG BA'I PHYIR, DNGOS PO BDEN PA BKAG PA LA LUNG GIS GNOD PA LA SOGS PA'I NGES PA'ANG MED DE, SANGS RGYAS RNAMS KYIS 'GAR YANG DNGOS PO BDEN PA BA YOD PA NGES PA'I DON DU MA GSUNGS PA'I PHYIR, GSUM PA MI SDUG PA SGOM PA'I SHES PA PHYI ROL MED PA'I SHES PA BDEN PA BAR 'DOD PA DGAG PA LA GSUM, SHES BA RDZUN PAR BSTAN PA DANG, BDEN PA BA LA GNOD PA DGOD PA

, ,DANG; 'KHRUL BA GZHAN YANG DE DANG MTSUNGS PAR BSTAN PA'O, ,DANG PO NI, RNAL 'BYOR ZHES PA RKANG PA BZHI STE, DE CHOS CAN, SA GZHI KENG RUS KYIS GANG BAR MTHONG BA DE YANG PHYI ROL MED PA'I SHES PA BDEN PA BA'I DPER MI RUNG BAR THAL, DER YANG YUL DBANG RNAM SHES GSUM KA RANG BZHIN GYIS SKYE BA MED PAR MTSUNGS PA'I PHYIR, DER THAL, TING NGE 'DZIN DE YUL RDZUN PA YID BYED DU BSTAN PA'I PHYIR, GNYIS PA NI, KHYOD KYIS ZHES PA RKANG PA BZHI STE, DE CHOS CAN, MI SDUG BSGOM PA'I YUL DER MI SDUG PA MI SGOM PA'I GANG ZAG GZHAN GYIS KYANG YOD GTAD NAS GZHI KENG RUS KYIS GANG BAR MTHONG BAR THAL, TING NGE 'DZIN DE DANG YUL KUN LA SNANG RUNG GI SNGO SNANG DBANG SHES SOGS YUL YUL CAN GYI TSUL MTSUNGS PA'I PHYIR, TING NGE 'DZIN DE YUL RDZUN PA YID BYED KYANG MA YIN PAR THAL, SNGO SNANG SHES PA DANG YUL CAN BDEN PA PAR MTSUNGS PA'I PHYIR, GSUM PA NI, RAB RIB CES PA RKANG PA GNYIS TE, DE CHOS CAN, CHU KLUNG RNAG KHRAG TU SNANG BA'I YI DVAGS KYI BLO YANG PHYI ROL MED PA'I SHES PA BDEN PA BA'I DPER MI RUNG BAR THAL, DE RAB RIB CAN GYI SHES PA SOGS DANG MTSUNGS PA'I PHYIR, BZHI PA NI, MDOR NA ZHES PA RKANG PA GNYIS TE, DE CHOS CAN, PHYI ROL MED PA BZHIN DU SHES PA BDEN PA BA MED PAR THAL, DE GNYIS BDEN STONG DU MTSUNGS PA'I PHYIR, GNYIS PA BZUNG 'DZIN GNYIS STONG GI GZHAN DBANG BDEN PA BA 'JAL BYED KYI TSAD MA DGAG PA LA BZHI; TSAD MA MED PAR YOD PAR DAM BCA' BA MI RIGS PA DANG, RANG RIG GIS GRUB PA DGAG PA DANG, DES MA GRUB NA SGRUB BYED GZHAN YANG MED PAR BSTAN PA DANG, SGRUB BYED MED BZHIN DU YOD PAR DAM 'CHA' NA HA CANG THAL BA'O, ,DANG PO NI, GAL TE ZHES PA RKANG PA BZHI STE, DE

CHOS CAN, GNYIS STONG GI GZHAN DBANG BDEN PA BA MED PAR THAL, DE TSAD MAS MA GRUB PA'I PHYIR, KHYAB PA YOD PAR THAL, TSAD MAS MA GRUB PAR YID CES DAM 'CHA' BA MI RUNG BA'I PHYIR, GNYIS PA LA GNYIS, RANG RIG GI DNGOS PO DGAG PA DANG, SGRUB BYED DGAG PA'O, DANG PO NI, DE NYID CES PA RKANG PA GCIG STE, DE CHOS CAN, GZHAN DBANG BDEN PA BA RANG RIG GIS KYANG MA GRUB PAR THAL, RANG RIG NYID MA GRUB PA'I PHYIR, GNYIS PA LA RTZOD PA NI, GAL TE ZHES PA RKANG PA GCIG STE, YUL MYONG BA DANG RANG MYONG BA GNYIS KA YOD DE, NGES GZUGS MTHONG NGO ZHES YUL DANG YUL CAN GNYIS KA DRAN PA YOD PA'I PHYIR DRAN PA'I RTAGS KYIS RANG RIG GRUB PO ZHE NA, LAN LA GNYIS, DRAN PA LA BRTAGS NAS DGAG PA DANG, KHO BO CAG GI LUGS LA DRAN PA MYONG BA DPOG PA 'THAD PA'O, ,DANG PO LA GNYIS, DRAN PA RANG MTSAN PA RTAGS SU BKOD NA BSGRUB BYA DANG MTSUNGS PA DANG, KHYOD LTAR NA DRAN PAS SNGAR GYI MYONG BA DRAN PA MI 'THAD PA'O, ,DANG PO NI, MA GRUB CES PA RKANG PA GNYIS TE, DE CHOS CAN, DRAN PA RANG MTSAN PA RANG RIG GI SGRUB BYED DU MI RUNG BAR THAL, DRAN PA RANG MTSAN PA NYID MA GRUB PA'I PHYIR, DRAN PA TZAM YANG RANG RIG GI SGRUB BYED DU MI RUNG BAR THAL, DE ME LAS ME SHEL DPOG PA LTAR KHYAB PA MA NGES PA'I PHYIR, GNYIS PA NI, RANG RIG CES PA RKANG PA BZHI STE, DE CHOS CAN, RANG RIG GRUB TU CHUG NA YANG PHYIS KYI DRAN PA SPAR GYI MYONG BA'I SGRUB BYED DU MI RUNG BAR THAL, DRAN PA DANG MYONG BA GNYIS RANG BZHIN GYIS GZHAN YIN PA'I PHYIR, DE GNYIS RGYUD GCIG PA SOGS KYANG LAN DU MI RUNG BAR THAL, RANG BZHIN GZHAN YIN PA'I KHAS BLANGS KYIS RGYUD GCIG PA LA SOGS PA'I SGRUB BYED KYI KHYAD PAR YANG 'JOMS PA'I PHYIR, GNYIS PA

, ,NI GANG PHYIR ZHES PA RKANG PA BZHI STE, DE CHOS CAN, KHO BO CAG GI LTAR NA SNGAR GYI MYANG BA PHYIS KYI DRAN PAS DRAN PA 'THAD PAR THAL, KHO BO CAG LTAR NA SNGAR GYI MYONG BA DE LAS NGAS MTHONG NGO SNYAM PA'I YUL CAN DRAN PA DANG NGAS GZUGS MTHONG NGO SNYAM PA'I YUL DRAN PA SKYE BA 'THAD PA'I PHYIR, GSUM PA NI, DE PHYIR ZHES PA RKANG PA BZHI STE, DE CHOS CAN, GZHAN DBANG BDEN PA BSGRUB BYED KYI TSAD MA MED PAR THAL, RANG RIG DE DE SGRUB PA'I SGRUB BYED DU MI RUNG DE SGRUB PA'I TSAD MA GZHAN YANG MED PA'I PHYIR, RANG NYID KYIS RANG NYID MYONG BA MI RIGS PAR THAL, LAS DANG BYA BYED GCIG TU MI 'THAD PA'I PHYIR, BZHI PA NI, GAL TE ZHES PA RKANG PA BZHI STE, DE CHOS CAN, MO GSHAM GYI BU YANG YOD PAR 'DOD RIGS PAR THAL, SGRUB BYED TSAD MA DANG BRAL BA'I GZHAN DBANG BDEN PA BA YOD PA'I PHYIR, GSUM PA KUN RDZOB KUN GYI GZHI BDEN PA BA DGAG PA LA BZHI, GZHAN DBANG BDEN GRUB KHAS BLANGS NA THA SNYAD KYI RNAM GZHAG LAS NYAMS PA DANG, THA SNYAD LAS NYAMS NA BDEN PA GNYIS KA LAS NYAMS PAS THAR PA MI 'THOB PA DANG, DE'I RGYU MTSAN DANG, KHO BO CAG LA KLAN KAR MI 'GYUR BA'O, ,DANG PO NI, GANG TSE ZHES PA RKANG PA BZHI STE, DE CHOS CAN, GZHAN DBANG BDEN PA BA BTAGS YOD KUN GYI RGYUR MI 'THAD PAR THAL, GZHAN DBANG BDEN PA BA MA GRUB PA'I PHYIR, 'JIG RTEN GYI THA SNYAD NYAMS PAR 'GYUR BAR THAL, GZHAN DBANG BDEN PAR GRUB PA'I PHYIR, GNYIS PA NI, SLOB DPON ZHES PA RKANG PA BZHI STE, SEMS TZAM PA CHOS CAN, BDEN PA GNYIS KA LAS NYAMS PAR THAL, GZHAN DBANG BDEN GRUB KHAS BLANGS PAS KLU SGRUB KYI LUGS LAS PHYI ROL TU GYUR PA'I

PHYIR, 'DOD NA, LTA BA DE MA DOR RING LA THAR PA THOB MI SRID PAR THAL, BDEN PA GNYIS KA LAS NYAMS PA'I PHYIR, GSUM PA NI, THA SNYAD CES PA RKANG PA BZHI STE, DE CHOS CAN, LTA BA DE MA DOR BA'I RING LA THAR BA MI 'THOB PAR THAL, THABS DANG THABS BYUNG DU GYUR PA'I BDEN GNYIS KYI RNAM DBYE MI SHES PAR THAR LAM PHYIN CI MA LOG PA DANG 'GAL BA'I LAM LA ZHUGS PA'I GRUB MTHA' SMRA BA YIN PA'I PHYIR, YANG NA THA SNYAD KYI BDEN PA LAS NYAMS NA BDEN PA GNYIS KA LAS NYAM PAR THAL, THA SNYAD PA'I TSAD MA DON DAM RTOGS PA'I THABS SU GYUR PA'I PHYIR, BZHI PA LA GSUM, GZHAN DBANG BDEN PA BA KHAS BLANGS PA LTAR KHO BO CAG GIS KUN RDZOB KHAS MA BLANGS PA DANG, PHUNG PO LHAG MED DU ZHUGS PA'I DGRA BCOM PA'I MNYAM GZHAG GI GZIGS NGOR THA SNYAD KUN RDZOB MED PA LTAR THA SNYAD PA'I TSAD MA'I NGOR YANG MED NA KHO BO CAG KYANG KUN RDZOB MI 'DOD PA DANG, 'JIG RTEN GYI THA SNYAD 'GOG MI NUS SHING BKAG NA 'GOG BYED LA GNOD PA'O, ,DANG PO NI, JI LTAR ZHES PA RKANG PA BZHI STE, SHES BYA CHOS CAN, DBU MA PA KHO BO CAG GIS GZHAN DBANG BDEN GRUB BKAG PA LTAR KHYAD KYIS KUN RDZOB BKAG PAS, KHO BO CAG LA MI GNOD PAR THAL, KHYED GZHAN DBANG BDEN PAR 'DOD PA LTAR BDAG GIS KUN RDZOB KHAS MA BLANGS KYI 'JIG RTEN PAS DE KHO NA NYID RTOGS PA'I THABS SU RANG BZHIN GYIS MED KYANG THA SNYAD PA'I TSAD MA'I NGO LA BLTOS NAS KHAS BLANGS PA'I PHYIR, GNYIS PA NI, JI LTAR ZHES PA RKANG PA BZHI STE, DE CHOS CAN, PHUNG PO LHAG MED DU ZHUGS PA'I DGRA BCOM PA'I MNYAM GZHAG GI GZIGS NGOR KUN RDZOB MED PA BZHIN DU THA SNYAD PA'I TSAD MA'I NGOR YANG MED NA, KHO BO CAG KYANG YOD

, ,PAR MI 'DOD PAR THAL, RIGS PAS BKAG PA KHAS LEN MI RUNG BA'I PHYIR, GSUM PA NI, GAL TE ZHES PA RKANG PA BZHI STE, DE CHOS CAN, 'JIG RTEN PA'I TSAD MAS GRUB PA'I DON NGES PAR KHAS BLANG DGOS PAR THAL, DE BKAG PAS MI GNOD NA DGAG PAR RIGS NA YANG DE 'GOG BYED NYID LA TSAD MAS GNOD PA'I PHYIR, BZHI PA SEMS TZAM GSUNGS PA'I DGONGS PA BSTAN PA LA BZHI, SA BCU PA'I MDO'I DGONGS PA BSHAD PA DANG, DON SEMS YOD MED MTSUNGS PAR BSTAN PA DANG, MDO SDE GZHAN GYI DGONGS PA BSHAD PA DANG, LUNG DE DAG GI DON BSHAD PA LA BRTEN NAS DRANG NGES KYI KHYAD PAR RTOGS PAR 'GYUR BA'O, ,DANG PO LA GNYIS, TZAM SGRA BYED PA PO GZHAN DGAG PA'I DON CAN DU BSTAN PA DANG, GZUGS SEMS GNYIS KYI NANG NAS GZUGS GTZO BO YIN PA DGAG PA'I DON CAN DU BSTAN PA'O, ,DANG PO LA GSUM, DNGOS DANG, DON DE NYID LANG GSHEGS KYIS KYANG BSHAD PAR BSTAN PA DANG, LANG GSHEGS KYI DON BSHAD PA'O, ,DANG PO NI, MNGON GYUR ZHES PA RKANG PA BZHI STE, DE CHOS CAN, PHYI ROL BKAG PA SA BCU PA'I MDO DE'I DGONGS PA MA YIN PAR THAL, MDO DES GZHAN GYIS BTAGS PA'I BDAG LA SOGS PA BYED PA PO YIN PA BKAG NAS SA DRUG PA LA GNAS PA'I BYANG CHUB SEMS DPAS KHAMS GSUM GYI BYED PA PO SEMS TZAM DU RTOGS PAR BSTAN PA'I PHYIR, GNYIS PA NI, DE PHYIR ZHES PA RKANG PA BZHI STE, DE CHOS CAN, KHAMS GSUM GYI BYED PA PO SEMS SU THAL, MU STEGS PA RNAMS KYIS BDAG LA SOGS PA BYED PA POR BRTAGS PA'I LTA BA NGAN PA'I SPO MTHON PO BCOM NAS SEMS BYED PA POR BSTAN PA'I CHED DU LANG GSHEGS LAS, GANG ZAG RGYUN DANG

PHUNG PO DANG, ZHES PA NAS, SEMS TZAM DU NI NGES BSHAD DO, ,ZHES PA'I BAR GYI RDO RJE'I NGAG GSUNGS PA'I PHYIR, GSUM PA NI, JI BZHIN ZHES PA RKANG PA BZHI STE, LANG GSHEGS KYI LUNG DE CHOS CAN, PHYI ROL BKAG PA'I PHYIR DU KHYOD STON PAS GSUNGS PA MIN TE, MU STEGS RNAMS KYIS BRTAGS PA'I GANG ZAG GI BDAG LA SOGS PA BYED PA PO MIN PAR GZIGS NAS SEMS BYED PA POR BSTAN PA'I PHYIR DU KHYOD GSUNGS PA'I PHYIR, GNYIS PA LA BZHI, GZUGS GTZO BO YIN PA DGAG PA'I DON DU BSTAN PA DNGOS DANG, DON DE LTAR NGES PAR KHAS BLANGS DGOS PA'I RGYU MTSAN DANG, SEMS GTZO BO YIN PA'I DON DANG, GZUGS GTZO BO MIN PA'I RGYU MTSAN BSDUS TE BSTAN PA'O, ,DANG PO NI, DE NYID ZHES PA RKANG PA BZHI STE, SHES BYA CHOS CAN, SA BCU PA'I LUNG DE PHYI ROL BKAG PA'I DON CAN MA YIN PAR THAL, DE KHO NA NYID KYI RTOGS PA RGYAS PA LA SANGS RGYAS ZHES TSIG SNGA MA MI MNGON PAR BYAS NAS BSNYAD PA BZHIN DU GZUGS GTZO BO YIN PA BKAG NAS SEMS GTZO BOR BSTAN PA'I PHYIR DU MDO DE LAS SEMS TZAM MO ZHES GSUNGS PA'I PHYIR, GNYIS PA NI, GAL TE ZHES PA RKANG PA BZHI STE, DE CHOS CAN, STON PAS MDO DE LAS RNAM PAR SHES PA, MA RIG PA DANG 'DU BYED LAS SKYE BA'I LTOS CHOS SU GSUNGS PA MI RIGS PAR THAL, SEMS BDEN PAR MA GRUB PAR MKHYEN NAS PHYI ROL BKAG PA MDO DE'I DON YIN PA'I PHYIR, GSUM PA NI, SEMS NYID CES PA RKANG PA BZHI STE, DE CHOS CAN, GZUGS SEMS GNYIS KYI NANG NAS SEMS GTZO BO YIN PAR THAL, SNOD BCUD KYI 'JIG RTEN RNAMS THUN MONG DANG THUN MONG MA YIN PA'I LAS LAS BYUNG ZHING, LAS KYANG SEMS KYI KHYAD PAR 'GA'

, ,ZHIG GI DBANG GIS GSOG PAR BYED KYI SEMS MED PA LA LAS GSOG PA MED PA'I PHYIR, BZHI PA NI, GAL TE ZHES PA RKANG PA BZHI STE, DE CHOS CAN, BSHAD MA THAG PA'I SA BCU PA DANG LANG GSHEGS KYI MDO DE DAG GIS SEMS LAS GZHAN PA'I BDAG LA SOGS PA BYED PA PO YIN PA BKAG GI ,PHYI ROL BKAG PA MA YIN PAR THAL, BDAG LA SOGS PA BYED PA PO YIN PA BKAG PA DANG, GZUGS GTZO BO YIN PA BKAG NAS SEMS GTZO BO'I DON CAN DU BSTAN PA TZAM YIN PA'I PHYIR, GNYIS PA LA GSUM, BDEN GNYIS GANG DU YANG DON SEMS YOD MED DBYE MI NUS PAR RIGS PAS SGRUB PA DANG, LUNG LA BRTEN NAS KYANG RTOGS PAR BYA BA DANG LUNG RIGS KYIS GRUB PA'I BDEN GNYIS KYI RNAM GZHAG BKAG NAS GZHAN DBANG BDEN PA BA MI 'GRUB PA'O, ,DANG PO NI, 'JIG RTEN PA YI ZHES PA RKANG PA DRUG STE, DE CHOS CAN, PHYI ROL GYI DON DANG SEMS GNYIS YOD MED KYI KHYAD PAR 'BYED PA MI RIGS PAR THAL, THA SNYAD PA'I TSAD MA'I NGOR GNYIS KA YOD 'PHAGS PA'I MNYAM GZHAG GI GZIGS NGOR GNYIS KA MED PA'I PHYIR, GNYIS PA NI, DE DAG CES PA RKANG PA GNYIS TE, DE CHOS CAN, PHYI ROL GYI DON MED CING SEMS RANG GI MTSAN NYID KYIS YOD PAR 'DOD PA MI RIGS PAR THAL, SHES RAB KYI PHA ROL TU PHYIN PA'I MDOR DE GNYIS KA BDEN PAR GRUB PA BKAG CING, CHOS MNGON PA'I MDO LAS DE GNYIS KA RANG SPYI'I MTSAN NYID KYI SGO NAS GRUB PA MTSUNGS PAR GSUNGS PA'I PHYIR, GSUM PA NI, BDEN GNYIS ZHES PA RKANG PA BZHI STE, DE CHOS CAN, KLU SGRUB KYIS BZHED PA'I BDEN GNYIS BKAG NAS GZHAN DBANG GI SHES PA MI 'GRUB PAR THAL, GZHAN

DBANG BDEN PA BA BKAG ZIN PA'I PHYIR, DES NA GZHAN DBANG BDEN PA BAR SGRUB PA'I NGAL BA DON MED PAR THAL, DNGOS PO MTHA' DAG DON DAM PAR MA SKYES SHING THA SNYAD DU SKYES PA'I PHYIR, GSUM PA LA GSUM, PHYI ROL SNANG BA YOD MED DE, ,ZHES SOGS DRANG DON DU BSHAD PA DANG, DE SGRUB PA DANG, JI LTAR NAD PA NA BA LA, ZHES SOGS KYI LUNG 'DIS LUNG SNGA MA DANG DE DANG RIGS MTSUNGS PA GZHAN YANG DRANG DON DU SGRUB PA'O, ,DANG PO NI, MDO SDE ZHES PA RKANG PA BZHI STE, PHYI ROL SNANG BA YOD MED DE, ,ZHES PA NAS, SEMS TZAM DU NI NGAS BSHAD DO, ,ZHES PA'I BAR GYI LUNG CHOS CAN PHYI ROL, BKAG PA MDO DE'I DON YIN KYANG SPYIR PHYI ROL MED PAR 'GRUB PA MIN TE, KHYOD DON LA ZHEN NAS NYON MONGS LHAG PAR SKYE BA 'GA' ZHIG GI CHAGS PA BZLOG PA'I CHED DU STON PAS DGONGS TE GSUNGS PA YIN GYI SGRA JI BZHIN PA MA YIN PA'I PHYIR, GNYIS PA NI, 'DI NI ZHES PA RKANG PA GNYIS TE, SHES BYA CHOS CAN, JI SKAD BSHAD PA'I LUNG DE DRANG DON DU THAL, DE DRANG DON DU STON PAS GSUNGS SHING RIGS PAS KYANG 'THAD PA'I PHYIR, GSUM PA LA GNYIS, DNGOS DANG, DRANG DON DU RIGS PAS SGRUB PA'O, ,DANG PO NI, RNAM PA ZHES PA RKANG PA GNYIS TE, DE CHOS CAN, LUNG SNGA MA DE DAG DRANG DON DU THAL, LUNG DE DAG DANG KUN BTAGS RANG BZHIN GYIS MED PA DANG GZHAN DBANG DANG YONGS GRUB RANG BZHIN GYIS YOD PA DANG, KUN GZHI'I RNAM PA SHES SOGS YOD PAR STON PA'I DGONGS PA NGES 'GREL LA SOGS PA'I MDO SDE GZHAN YANG JI LTAR NAD PA ZHES PA'I LUNG 'DIS DRANG DON DU GSAL BAR GRUB PA'I PHYIR, GNYIS PA NI, SHES BYA ZHES PA RKANG PA BZHI STE, DE CHOS CAN, STON PAS DANG POR DON GYIS BSDUS PA'I SHES BYA RANG BZHIN GYIS GRUB PA LA DGAG PA

, ,MDZAD PA'I RGYU MTSAN YOD DE, ,DON GYIS BSDUS PA'I SHES BYA RANG BZHIN GYIS GRUB PA BKAG NA, SHES PA RANG BZHIN MED PA YANG RIM GYIS RTOGS PAS DE LTAR GSUNGS PA'I PHYIR, RIM GYIS RTOGS PAR THAL, DON RANG BZHIN MED PAR RTOGS NA SHES PA RANG BZHIN MED PAR BDE BLAG TU RTOGS PA'I PHYIR, BZHI PA NI, DE LTAR ZHES PA RKANG PA BZHI STE, DE CHOS CAN, JI SKAD BSHAD PA'I LUNG GI LO RGYUS LA BRTEN NAS, RNAM DPYOD CAN GYIS DRANG NGES KYI KHYAD PAR RTOGS PAR 'GYUR TE, DE LA BRTEN NAS RNAM DPYOD CAN GYIS DON GZHAN DU DRANGS MI DGOS PA'I RANG BZHIN MED PAR DNGOS SU STON PA'I MDO NGES PA'I DON DANG, DON DE LAS GONG DU GNAS LUGS GZHAN YOD PAR DRANGS TE BSHAD DGOS PA'I MDO DRANG BA'I DON DU RTOGS PAR 'GYUR BA'I PHYIR, GSUM PA BDAG GZHAN GNYIS KA LAS SKYE BA DGAG PA LA GNYIS, SNGAR BSHAD PA'I RIGS PAS KHEGS PAR BSTAN PA DANG, RIGS PA GZHAN GYIS DGAG PA'O, ,DANG PO NI, GNYIS LAS ZHES PA RKANG PA GSUM STE; DE CHOS CAN, BDAG GZHAN GNYIS KA LAS SKYE BA MI RIGS PAR THAL, DE LA BDAG GZHAN RE RE BA LAS SKYE BA BKAG PA'I RIGS PAS GNOD PA'I PHYIR, DER THAL, DE RE RE BA LAS KYANG SKYE BA DON DAM DU GRUB PA BKAG PA DANG THA SNYAD DU GRUB PA BKAG PA'I RIGS PAS GNOD PA'I PHYIR, GNYIS PA NI, GANG PHYIR ZHES PA RKANG PA GCIG STE, DE CHOS CAN, BDAG GZHAN GNYIS KA TSOGS PA LAS SKYE BA MI 'THAD PAR THAL, DE YA GYAL RE RE BA LAS SKYE BA MI 'THAD PA'I PHYIR, BZHI PA RGYU MED LAS SKYE BA DGAG PA LA GNYIS, SPYIR

DGAG PA DANG, 'JIG RTEN SNGA PHYI'I RGYU 'BRAS MED PA BYE BRAG TU DGAG PA'O, ,DANG PO LA GNYIS, RGYU 'BRAS 'CHOL BAR THAL BA DANG, MTHONG BA DANG 'GAL BAR THAL BA'O, ,DANG PO NI, GAL TE ZHES PA RKANG PA GNYIS TE, DE CHOS CAN, RGYUR GYUR MA GYUR KUN LAS 'BRAS BUR GYUR MA GYUR KUN SKYE BAR THAL, 'BRAS BU RNAMS RGYU MED DU SKYE BA'I PHYIR, GNYIS PA LA GNYIS, 'JIG RTEN PA RNAMS ZHING LAS SOGS LA 'BAD PA BYED PA MI 'THAD PAR THAL BA DANG, RMA BYA'I MDONGS KHRA SOGS MTHONG DU MI RUNG BAR THAL BA'O, ,DANG PO NI, 'BRAS 'BYUNG ZHES PA RKANG PA GNYIS TE, DE CHOS CAN, 'JIG RTEN PA RNAMS STON THOG SOGS KYI CHED DU ZHING LAS SOGS LA 'BAD PA DON MED PAR THAL, 'BRAS BU THAMS CAD RGYU MED DU 'BYUNG BA'I PHYIR, GNYIS PA NI, GAL TE ZHES PA RKANG PA BZHI STE, DE CHOS CAN, 'GRO BA 'DI DAG THAMS CAD NAM MKHA'I AUTPA LA LTAR MNGON SUM TSAD MAS BZUNG DU MI RUNG BAR THAL, 'GRO BA 'DI DAG KUN RGYUS STONG PA'I PHYIR, DES NA RGYANG PHAN KHYOD RANG GI SNGO SOGS SNANG BA'I BLO LTAR 'GRO BA 'DI KUN YANG RGYU LAS BYUNG BAR THAL, DE LTA MIN NA JI SKAD BSHAD PA'I SKYON DU 'GYUR BA'I PHYIR, GNYIS PA LA GSUM, RGYANG PHAN 'JIG RTEN PHA ROL GYI BYUNG TSUL LA RMONGS PA'I RGYU MTSAN DANG, 'JIG RTEN PHA ROL 'GOG PA'I TSE LOG LTA CAN DU RTAGS KYIS GRUB PA DANG, DE'I DPE MA GRUB PA SPONG BA'O, ,DANG PO NI, 'BYUNG BA ZHES PA RKANG PA BZHI STE, DE CHOS CAN, RGYANG PHAN SHIN TU PHRA BA'I 'JIG RTEN PHA ROL LA RMONGS PA'I RGYU MTSAN YOD DE, SHIN TU RAGS PA'I 'BYUNG BA BZHI'I GNAS LUGS LA YANG PHYIN CI LOG TU RMONGS SHING MTHONG BA'I RGYU TZAM KHO NA LAS 'BYUNG BAR 'DOD PA'I PHYIR, GNYIS PA NI, 'JIG RTEN ZHES PA RKANG PA BZHI STE,

, ,RGYANG PHAN CHOS CAN, 'JIG RTEN PHA ROL 'GOG PA'I TSE LOG LTA CAN YIN TE, DE'I TSE LOG LTA'I RNAM PA'I RTEN DU MTSUNGS PA'I LUS DANG LDAN PA'I PHYIR, DPER NA 'BYUNG BZHI BDEN PAR KHAS LEN PA DE'I TSE BZHIN NO, ,GSUM PA NI, 'BYUNG BA ZHES PA RKANG PA BZHI STE, SHES BYA CHOS CAN, SNGAR MA BKAG PA'I 'BYUNG BA BDEN PA BAR GRUB PA CUNG ZAD KYANG MED PAR THAL, GONG DU 'BYUNG BA BDEN PA BKAG ZIN PA'I PHYIR, DER THAL, MTHA' BZHI'I SKYE BA BKAG PA'I SGO NAS DNGOS PO MTHA' DAG RANG GI MTSAN NYID KYIS SKYE BA RGYAS PAR BKAG ZIN PA'I PHYIR, GNYIS PA DES NA RANG BZHIN GYIS DBEN PAR BSTAN PA LA GNYIS, DNGOS DANG, RTZOD SPONG NGO, ,DANG PO NI, GANG PHYIR ZHES PA RKANG PA GNYIS TE, DNGOS PO RNAMS CHOS CAN, RANG BZHIN GYIS SKYE BA DANG BRAL TE, MTHA' BZHI'I SKYE BAS STONG PA'I PHYIR, GNYIS PA LA GNYIS, DNGOS PO RNAMS RANG BZHIN GYIS MED NA BYIS PA RNAMS KYIS THOG MA MED PA NAS DE NYID RTOGS PAR THAL BA SPONG BA DANG, RANG GI MTSAN NYID KYIS MED NA MO GSHAM GYI BU BZHIN DU THA SNYAD DU YANG MED PAR THAL BA SPONG BA'O, ,DANG PO LA GSUM, DE KHO NA NYID YOD BZHIN DU MI RTOGS PA'I RGYU MTSAN DANG, MA RIG PA'I DBANG GIS YUL RNAMS LOG PAR SNANG BA'I RGYU MTSAN DANG, YUL PHYIN CI MA LOG PAR RTOGS PA LAS 'KHRUL BA DE DAG ZLOG PAR BSTAN PA'O, ,DANG PO NI, GANG GIS ZHES PA RKANG PA GNYIS TE, DE CHOS CAN, DNGOS PO MTHA' DAG GDOD NAS RANG BZHIN GYIS DBEN PAR BYIS PA RNAMS KYIS MNGON SUM TSAD MAS MI RTOGS PA'I RGYU MTSAN YOD DE, CHAR SPRIN 'THUG PO LTA BU'I DNGOS PO BDEN PAR 'DZIN PA'I GTI MUG GI SGRIB PA'I DBANG

GIS MI RTOGS PA'I PHYIR, GNYIS PA NI, JI LTAR ZHES PA RKANG PA BZHI STE, DE CHOS CAN, BYIS PA RNAMS KYIS RAB RIB KYI MTHUS SKRA SHAD SNANG BA SOGS LTAR YUL GYI GNAS LUGS PHYIN CI LOG TU MTHONG BA'I RGYU MTSAN YOD DE, BYIS PA RNAMS GTI MUG GI DBANG GIS RGYUD BCINGS PA'I PHYIR, GSUM PA NI, GAL TE ZHES PA RKANG PA BZHI STE, DE CHOS CAN, JI SKAD BSHAD PA'I 'KHRUL BA LDOG PA LA YUL GYI GNAS LUGS PHYIN CI MA LOG PA RTOGS DGOS TE, MI MKHAS PA RNAMS GTI MUG GI DBANG GIS DGE MI DGE'I LAS MNGON PAR 'DU BYAS NAS 'KHOR BAR 'KHOR LA, MKHAS PA RNAMS STONG NYID MNGON SUM DU RTOGS NAS 'KHOR BA LAS GROL BAR 'GYUR BA'I PHYIR, GNYIS PA LA RTZOD PA DANG LAN NO, ,DANG PO NI, GAL TE ZHES PA RKANG PA BZHI STE, DNGOS PO RNAMS RANG BZHIN GYIS MED NA MO GSHAM GYI BU BZHIN DU THA SNYAD DU MED PAR 'GYUR NA THA SNYAD DU YOD PA'I PHYIR, RANG BZHIN GYIS YOD DO ZHE NA LAN LA GSUM, KHO BO CAG LA KLAN KA DE MI RIGS PA DANG, MI RIGS PA'I RGYU MTSAN DANG, DNGOS PO RNAMS DE KHO NA NYID DU MA GRUB KYANG THA SNYAD DU MO GSHAM GYI BU DANG MI MTSUNGS PA'I DON BSDU BA'O, ,DANG PO LA GSUM, THOG MAR RAB RIB CAN LA BRGAL ZHING BRTAGS PAR BYA RIGS PA DANG, YID NANG DU BSDUS NAS KHYOD RANG GI BLO 'KHRUL BA'I SKYE TSUL LA BRGAL BRTAG BYA RIGS PA DANG, DE LTAR BRTAGS NA KHYOD RANG GIS BKOD PA'I KHYAB PA DE KHYOD RANG NYID LA MA NGES PA'O, ,DANG PO NI, GANG DAG CES PA RKANG PA BZHI STE, DE CHOS CAN, JI SKAD BSHAD PA'I RTZOD PA DE THOG MAR RAB RIB CAN LA BRTZAD PAR BYA STE, THOG MAR RAB RIB KYIS MIG NYAMS PA LA RAB RIB CAN KHYOD KYIS RANG BZHIN MED PAR MTSUNGS PA'I SGRA SHAR MTHONG NAS MO GSHAM GYI BU MA MTHONG BA'I

, ,RGYU MTSAN CI YIN ZHES BRTZAD PAR GYIS LA, PHYI NAS MA RIG PA'I RAB RIB CAN LA RANG BZHIN MED PAR MTSUNGS PA'I MO GSHAM GYI BU MI MTHONG BAR GZUGS LA SOGS PA MTHONG ZHES BRTZAD DGOS PA'I PHYIR, GNYIS PA NI, GAL TE ZHES PA RKANG PA BZHI STE, DE CHOS CAN, DNGOS SMRA BA KHYOD RANG NYID KYI BLO LA YANG BRGAL ZHING BRTAGS PAR BYA BAR THAL, JI SKAD BSHAD PA'I RTZOD PA DE DNGOS SMRA BA KHYOD RANG GI BLO LA DRIS LA KHYOD KYIS MI SRID PA'I DON RMI LAM SOGS SU MTHONG LA MO GSHAM GYI BU MA MTHANG ZHES BRTZAD PAR MI BYA ZHING, DE MI RIGS PAR GRUB NA PHYIS NGED LA YANG BRGAL ZHING BRTAGS PAR 'GYUR BA'I PHYIR, GSUM PA NI, DE NYID CES PA RKANG PA BZHI STE, DE CHOS CAN, DE LTAR BRTAGS PA NA RTZOD PA DE'I KHYAB PA KHYOD RANG NYID LA MA NGES PAR THAL, KHYOD RANG GI BLOS RANG BZHIN GYIS SKYE BA MED PAR MTSUNGS PA'I GZUGS LA SOGS PA MTHONG GI MO GSHAM GYI BU MA MTHONG BA'I PHYIR, GNYIS PA LA GNYIS, BDEN PA GNYIS CHAR DU RANG BZHIN GYIS SKYE BA MED PA DANG, DE'I RGYU MTSAN NO, ,DANG PO NI, MO GSHAM ZHES PA RKANG PA BZHI STE, DE CHOS CAN KHO BO CAG DBU MA PAS GZUGS SOGS KUN RDZOB TU RANG BZHIN GYIS SKYE BAR KHAS BLANGS NAS DON DAM DU RANG BZHIN GYIS SKYE BA 'GOG PA MA YIN PAR THAL, MO GSHAM GYI BU BDEN PA GNYIS CHAR DU RANG BZHIN GYIS SKYE BA MED PA BZHIN DU GZUGS SOGS KYANG DE LTAR KHAS LEN PA'I PHYIR, GNYIS PA NI, DE PHYIR ZHES PA RKANG PA BZHI STE, DE CHOS CAN, 'DUS BYAS BDEN PA GNYIS CHAR DU RANG BZHIN GYIS SKYE BA MED PAR THAL, MDO LAS CHOS THAMS CAD DUS GSUM DU RANG BZHIN GYIS STONG PAR NGES PA'I DON DU GSUNGS PA'I PHYIR, GSUM PA NI, BUM

SOGS NGES PA RKANG PA BZHI STE, DE CHOS CAN, DNGOS PO RNAMS RANG BZHIN MED NA THA SNYAD DU YANG MED PA MO GSHAM GYI BU DANG MTSUNGS PA'I SKYON MED PAR THAL, DNGOS PO 'DI RNAMS 'PHAGS PA'I MNYAM GZHAG GI GZIGS NGOR MED CING THA SNYAD PA'I TSAD MA'I NGOR YOD PA'I PHYIR, GSUM PA KUN RDZOB PA'I SKYE BA RTEN 'BREL DU BSTAN PA LA GSUM, DNGOS PO RNAMS MTHA' BZHI'I SKYE BA DANG BRAL BAS LTOS CHOS TZAM GYIS SKYE BAR BSTAN PA DANG, RTEN 'BYUNG RANG BZHIN MED PAR SGRUB PA'I RIGS PAS LTA NGAN MTHA' DAG 'GOG NUS PA DANG, RANG BZHIN GYIS YOD NA MTHAR 'DZIN GYI RTOG PA MI 'THAD PAR BSTAN PA'O, ,DANG PO NI, GANG PHYIR ZHES PA RKANG PA BZHI STE, DNGOS PO CHOS CAN, LTOS CHOS TZAM GYIS SKYE BAR THAL, MTHA' BZHI DANG BRAL BA'I SGO NAS SKYE BA'I PHYIR, GNYIS PA NI, GANG PHYIR ZHES PA RKANG PA BZHI STE, SHES BYA CHOS CAN, RTAN 'BYUNG RANG BZHIN MED PAR RTOGS PA'I RIGS PA 'DIS LTA NGAN GYI DRA BA MTHA' DAG GCOD PAR THAL, STONG PA RTEN 'BREL GYI DON DU TSAD MAS RTOGS NA DNGOS PO MTHAR 'DZIN GYI RTOG PAS BZUNG BA'I DON DE DAG TU BRTAG MI NUS PA'I PHYIR, GSUM PA NI; RTOG RNAMS ZHES PA RKANG PA BZHI STE, DE CHOS CAN, MTHAR 'DZIN GYI RTOG PAS JI LTAR BZUNG BA RNAMS MI 'THAD PAR THAL, DNGOS PO RANG BZHIN GYIS YOD NA RTOG PA DE DAG 'THAD KYANG BUD SHING MED NA ME MED PA BZHIN DU DNGOS PO RANG BZHIN GYIS MED PAR DPYAD ZIN PA'I PHYIR, BZHI PA RIGS PAS RNAM PAR DPYAD PA'I DGOS PA BSTAN PA LA BZHI, MTHAR 'DZIN GYI RTOG PA LDOG PA DE'I DGOS PAR BSTAN PA DANG, SLOB DPON KLU SGRUB KYIS RANG BZHIN YOD MED KYI DPYAD PA RGYAS PAR MDZAD PA RTZOD PA LHUR LEN GYI CHED DU MDZAD PA MA YIN

, ,PA DANG, ZHAR LA LTA BA PHYIN CI LOG LEGS PA BSTAN BCOS MDZAD PA PO'I SKYON MIN PA DANG, RTZOD PA LHUR LEN GYI CHED DU DPYAD PA BYED MI RIGS PA'I RGYU MTSAN NO, ,DANG PO NI, SO SO'I SKYE BO ZHES PA RKANG PA BZHI STE, DE CHOS CAN, MTHAR 'DZIN GYI RTOG PA RNAMS LDOG PA SLOB DPON GYIS DBU MA'I BSTAN BCOS SU BSHAD PA'I RNAM PAR DPYAD PA'I 'BRAS BUR 'GYUR TE, SO SO SKYE BO RNAMS MTHAR 'DZIN GYI RTOG PAS BCINGS PA 'KHOR BAR 'KHOR LA, RNAL 'BYOR PA RNAMS DE KHO NA NYID RTOGS PAS GROL BAR 'GYUR PA'I PHYIR, GNYIS PA NI, BSTAN BCOS ZHES PA RKANG PA GNYIS TE, DE CHOS CAN, SLOB DPON KLU SGRUB KYIS DBU MA'I BSTAN BCOS SU DPYAD PA MDZAD PA RNAMS RTZOD PA LHUR BLANGS NAS GZHAN ZIL GYIS GNON PA'I CHED DU MDZAD PA MA YIN TE, GDUL BYA RNAMS KYIS RNAM GROL THOB PA'I PHYIR DU MDZAD PA'I PHYIR, GSUM PA NI, GAL TE ZHES PA RKANG PA GNYIS TE, DE CHOS CAN, SLOB DPON GYIS DE KHO NA NYID GTAN LA PHAB PA'I STOBS KYIS LTA BA NGAN PA'I LUGS RNAMS NYAMS PA SLOB DPON GYI SKYON DU MI 'GYUR TE, DE RNAMS DNGOS PO'I GNAS LUGS LAS PHYIN CI LOG TU ZHUGS PA'I STOBS KYIS NYAMS PA YIN PA'I PHYIR, BZHI PA NI, RANG GI ZHES PA RKANG PA BZHI STE, DE CHOS CAN, CHAGS SDANG BSAL NAS DE KHO NA NYID LA DPYOD PAR RIGS KYI RTZOD PA LHUR LEN GYI CHED DU BYED PA MI RIGS TE, CHAGS SDANG BSAL NAS DE KHO NA NYID LA DPYAD NA MYUR DU GROL BAR 'GYUR LA, RANG PHYOGS LA CHAGS PA DANG, GZHAN PHYOGS LA SDANG BAS KUN NAS BSLANGS TE DPYAD NA NYON MONGS LHAG PAR YANG 'PHEL BA'I PHYIR, GNYIS PA GANG ZAG GI BDAG MED RGYAS

PAR BSHAD PA LA GNYIS, GANG ZAG GI BDAG 'GOG DGOS PA'I RGYU MTSAN DANG, DE DGAG PA DNGOS SO, ,DANG PO NI, NYON MONGS ZHES PA RKANG PA BZHI STE, GROL BA DON GNYER GYI RTOGS LDAN SKYES BU CHOS CAN, BDAG GNYIS KYI NANG NAS THOG MAR GANG ZAG GI BDAG 'GOG DGOS TE, CHAGS SOGS NYON MONGS DANG SKYE RGA LA SOGS PA'I SKYON RNAMS KYI RTZA BA 'JIG TSOGS LA LTA BA DANG, GANG ZAG GI BDAG KYANG 'JIG LTA'I ZHEN YUL DU MTHONG ZHING CHOS KYI BDAG MED LAS GANG ZAG GI BDAG MED RTOGS PAR SLA BA'I PHYIR, GNYIS PA LA GSUM, GANG ZAG RANG GI MTSAN NYID KYIS GRUB PA BKAG PA DANG, PHUNG PO LA BRTEN NAS BTAGS PA'I BTAGS YOD DU BSTAN PA DANG, KHYAD PAR DU RGYU 'BRAS PHAN TSUN LTOS PA'I BTAGS YOD DU SGRUB PA'O, ,DANG PO LA GNYIS, DGAG PA RGYAS PAR BSTAN PA DANG, MJUG BSDU BA'O, ,DANG PO LA GSUM, PHUNG PO LAS DON GZHAN PA'I BDAG DANG DNGOS PO GCIG PA'I MU GNYIS DGAG PA DANG, RTEN DANG BRTEN PA'I MU GNYIS DGAG PA DANG, BRJOD DU MED PA'I BDAG DGAG PA'O, ,DANG PO LA GNYIS, PHUNG PO LAS DON GZHAN PA'I BDAG DGAG PA DANG, NGO BO GCIG PA'I BDAG DGAG PA'O DANG PO GNYIS, GZHAN SDE'I LUGS BRJOD PA DANG, DE DGAG PA'O, ,DANG PO NI, ZA BO ZHES PA RKANG PA BZHI STE, GRANGS CAN PAS SHES BYA NYI SHU RTZA LNGAR GRANGS NGES BYAS NAS RTZA BZHI BEM PO DANG, RTZA LNGA PA RIG PA DANG, RIG PA DE NYID GANG ZAG GI BDAG TU 'DOD DE; DE YANG RNAM SMIN ZAB PO DANG, RTAG PA'I DNGOS PO DANG, 'BRAS BU BYED PA PO MIN PA DANG, BDE BA LA SOGS PA'I YON TAN GYI BDAG NYID DU MED PA DANG, 'GRO 'ONG GI BYA BA MED PA'I KHYAD CHOS LNGAS KHYAD PAR DU BYAS PAR 'DOD DO, ,DE BZHIN DU BYE BRAG PA SOGS

, ,GZHAN RNAMS KYIS KYANG DBYE BA MI 'DRA BA CUNG ZAD TZAM RE LA BRTAN NAS 'DOD LUGS SO SO THA DAD PAR 'GYUR RO, ,DE RNAMS KYI LUGS GCIG MIN BAR RANG RANG GI LUGS SU SGRUB PA'I DBANG DU BYAS NA, SHES BYA CHOS CAN, MU STEGS PA RNAMS KYI GANG ZAG GI BDAG 'DOD LUGS SO SO THA DAD PAR 'GYUR TE, GRANGS CAN GYIS SHES PAS BSDUS PA'I KHYAD CHOS LNGA LDAN DU 'DOD LA, KHA CIG BEM POS BSDUS PA'I BYED PA PO SOGS SU 'DOD PA'I PHYIR, GNYIS PA LA GSUM, GANG ZAG GI BDAG GI NGO BO DGAG PA DANG, KHYAD PAR DGAG PA DANG, NGAR 'DZIN LHAN SKYES KYI ZHEN GZHIR MI RUNG BA'O, ,DANG PO NI, MO GSHAM ZHES PA RKANG PA BZHI STE, GANG ZAG CHOS CAN, PHYI ROL PAS JI LTAR BRTAGS PA LTAR GYI BDAG GI NGO BOR MED DE, MO GSHAM BU LTAR RANG GI MTSAN NYID KYIS SKYE BA MED PA'I PHYIR, DE CHOS CAN, NGAR 'DZIN LHAN SKYES KYI ZHEN GZHIR MI RIGS PAR THAL, RTAG PA GCIG PU RANG DBANG CAN YIN PA'I PHYIR, DON DAM DU GRUB PA LTA ZHOG KUN RDZOB TU YOD PAR 'DOD MI RIGS PAR THAL, RTAGS SNGA MA DE'I PHYIR, GNYIS PA LA GNYIS, PHYI RGOL RANG LA GRAGS PA'I KHYAB BYED MA DMIGS PA'I RTAGS KYIS DGAG PA DANG, SNANG RUNG MA DMIGS PAS DGAG PA'O, ,DANG PO NI, GANG PHYIR ZHES PA RKANG PA BZHI STE, DE CHOS CAN, PHYI ROL PA'I BSTAN BCOS DE DANG DE LAS MU STEGS RNAMS KYIS BSTAN PA'I BDAG GI KHYAD PAR RTAG GCIG SOGS DER YANG KHYOD MA GRUB STE, KHYOD RANG GI MTSAN NYID KYIS MA SKYES PA'I PHYIR, GNYIS PA NI, DE PHYIR ZHES PA RKANG PA GNYIS TE, DE CHOS CAN, PHUNG PO DANG RANG GI MTSAN NYID KYIS

GRUB PA'I GZHAN DU MED DE, DE LTAR YOD NA DMIGS SU RUNG BA LAS MA DMIGS PA'I PHYIR, GSUM PA NI, 'JIG RTEN ZHES PA RKANG PA DRUG STE, SHES BYA CHOS CAN, RTAG GCIG RANG DBANG CAN GYI BDAG NGAR 'DZIN LHAN SKYES KYI YUL DU MI RUNG BAR THAL, DE LA BLO KHA MA PHYOGS PA'I BDAG LTA LHAN SKYES DANG LDAN PA YOD PA'I PHYIR, DER THAL, BSKAL PA MANG POR DUD 'GROR LU GU RGYUD DU SKYE BA BLANGS PA'I GANG ZAG DE DAG LA YANG NGAR 'DZIN LHAN SKYES MTHONG BA'I PHYIR, DES NA PHUNG PO LAS DON GZHAN GYI BDAG MED PAR THAL, DE YOD PA LA JI SKAD BSHAD PA'I RIGS PAS GNOD PA'I PHYIR, GNYIS PA PHUNG PO DANG NGO BO GCIG PA'I BDAG DGAG PA LA GNYIS, 'DOD PA BRJOD PA DANG, DE DGAG PA'O, ,DANG PO NI, PHUNG PO ZHES SOGS RKANG PA BZHI STE, RANG SDE KHA CIG NA RE, JI SKAD BSHAD PA'I RIGS PAS GNOD PAS PHUNG PO LAS DON GZHAN PA'I BDAG MED PA'I PHYIR NGAR 'DZIN LHAN SKYES KYI DMIGS PA PHUNG PO KHO NA YIN LA, DE YANG KHA CIG ,PHUNG PO LNGA SA BDAG GI MTSAN GZHI DANG, KHA CIG ,SEMS GCIG PU BDAG GI MTSAN GZHIR 'DOD DO, ,GNYIS PA LA BZHI GNOD BYED BRJOD PA DANG, PHUNG PO BDAG YIN PA RANG SDES DRANGS PA'I MDO'I DGONGS PAR MI RUNG BA DANG, BDAG PHUNG PO LA BRTEN NAS BTAGS PAR MDO GZHAN GYIS SGRUB PA DANG, 'JIG LTA SPANG DU MI RUNG BAR THAL BA'O, ,DANG PO LA GNYIS, RNAM GZHAG THAMS CAD 'CHOL PAR THAL BA DANG, BYE BRAG TU THAR PA THOB MI SRID PAR THAL BA'O, ,DANG PO LA BZHI, GCIG DANG DU MA 'CHOL BAR THAL BA DANG, GNYEN POS SPANG BYA SPONG TSUL 'TSAL BAR THAL BA DANG, LAS 'BRAS 'CHOL BAR THAL BA DANG, LUNG MA BSTAN GYI LTA BA 'CHOL BAR THAL BA'O, ,DANG PO

, ,NI, GAL TE ZHES PA RKANG PA GNYIS TE, DE CHOS CAN, GANG ZAG GCIG DUS GCIG TU GANG ZAG DU MAR 'GYUR BAR THAL, PHUNG PO LNGA GANG ZAG DANG GCIG YIN PA'I PHYIR, GNYIS PA LA GNYIS, 'JIG LTA SA BON CHAD PA'I TSUL GYIS SPANG RUNG MA YIN PAR THAL BA DANG, CHAD LTA LA BRTEN PA'I MTHAR LTA SPANG BYA MA YIN PAR THAL BA'O, ,DANG PO NI, BDAG NI ZHES PA RKANG PA GNYIS TE, DE CHOS CAN, BDAG RDZAS YOD DU THAL, BDEN PAR GRUB PA'I PHYIR, 'DOD NA, 'JIG LTA KUN TU MI 'BYUNG BA'I TSUL GYIS SPANG BYA MIN PAR 'DUN PA'I 'DOD CHAGS SPANGS PA'I TSUL GYIS SPANG BYA YIN PAR THAL, DE SPANG BYA YIN PA GANG ZHIG ,RDZAS LA 'JUG PAS 'DZIN STANGS PHYIN CI MA LOG PA YIN PA'I PHYIR, GNYIS PA NI, MYA NGAN 'DAS ZHES PA RKANG PA GCIG STE, DE CHOS CAN, CHAD LTA LA BRTEN PA'I MTHAR LTA BLO PHYIN CI LOG MA YIN PAR THAL, 'JIG LTAS BZUNG BA'I BDAG SNGAR RANG GI MTSAN NYID KYIS YOD LA PHYIS MYA NGAN LAS 'DAS PA'I TSE MED PA 'THAD LDAN YIN PA'I PHYIR, DE MA GRUB NA BDAG PHUNG GCIG YIN PA NYAMS SO, ,GSUM PA LA GSUM, LAS BYAS PA CHUD ZOS PAR THAL BA DANG, MA BYAS PA DANG 'PHRAD PAR THAL BA DANG, SKYON SPONG DGAG PA'O, ,DANG PO NI, MYA NGAN 'DAS ZHES PA RKANG PA GNYIS TE, DE CHOS CAN, MYA NGAN LAS 'DAS PA'I SNGON ROL GYI GANG ZAG RANG GI MTSAN NYID KYIS SKYE 'JIG BYED PAR THAL, DE'I TSE PHUNG PO RANG GI MTSAN NYID KYIS SKYE 'JIG BYED PA'I PHYIR, 'DOD NA, GANG ZAG SNGA PHYI RANG GI MTSAN NYID KYIS THA DAD PAR THAL LO, ,DE 'DOD NA, LAS BYAS PA CHUD ZOS PAR THAL, RNAM SMIN MYONG BA'I GANG ZAG DANG 'BREL BA CAN GYI LAS

BYED PA PO MED PA'I PHYIR, GNYIS PA NI, GZHAN GYIS ZHES PA RKANG PA GCIG STE, DE CHOS CAN, GZHAN GYIS BSAGS PA'I LAS KYI 'BRAS BU GZHAN GYIS ZA BAR RIGS PAR THAL, 'BRAS BU MYONG BA PO DANG LAS SOGS PA PO RANG GI MTSAN NYID KYIS THA DAD PA'I PHYIR, GSUM PA LA RTZOD PA NI, DE NYID CES PA RKANG PA GCIG STE, SKAD CIG SNGA PHYI RGYUD GCIG YIN PAS JI SKAD BSHAD PA'I SKYON MED DO ZHE NA, DE'I LAN DU MJUG BSDU BA NI, SNGAR RNAMS ZHES PA RKANG PA GNYIS TE, RGYUN CAN RANG GI MTSAN NYID KYIS THA DAD PA LA RGYUD GCIG PA MI RUNG BAR THAL; DE LA GONG DU NYES PA BSHAD ZIN PA'I PHYIR, DES NA BDAG PHUNG NGO BO GCIG TU MI RUNG PAR THAL, BSHAD ZIN PA'I NYES PAR 'GYUR PA'I PHYIR, BZHI PA NI, 'JIG RTEN ZHES PA RKANG PA GCIG STE, DE CHOS CAN, BDAG PHUNG NGO BO GCIG TU MI RUNG PAR THAL, DE LTA NA RANG SDE THAMS CAD KYIS 'DOD PA'I BDAG DANG 'JIG RTEN MTHA' DANG LDAN MI LDAN SOGS MTHA' GCIG TU LUNG BSTAN TU MED PA'I LUNG MA BSTAN GYI LTA BA'I RNAM GZHAG NYAMS PAR 'GYUR BA'I PHYIR, GNYIS PA LA GNYIS, BDEN PA MTHONG BA'I RNAL 'BYOR PA LOG LTA CAN DU THAL BA DANG NYON MONGS MI SPONG BAR THAL BA'O, ,DANG PO NI, KHYOD KYI ZHES PA RKANG PA BZHI STE, DE CHOS CAN, BDEN PA MTHONG BA'I RNAL 'BYOR PAS PHUNG PO'I DNGOS PO RNAMS MED PAR RTOGS PAR THAL, BDAG MED PAR RTOGS PA'I PHYIR, DE CHOS CAN, DNGOS POR SMRA BA KHYOD KYI LTAR NA SEMS SAM PHUNG PO LNGA KA BDAG TU MI RIGS PAR THAL, RNAL 'BYOR PAS BDAG MTHA' DAG MED PAR MNGON SUM DU RTOGS PA'I TSE RTAG GCIG RANG DBANG CAN GYI BDAG MED PAR RTOGS KYI PHUNG PO MED PAR RTOGS PAR KHYOD MI 'DOD PA'I PHYIR,

, ,GNYIS PA NI, KHYOD KYI ZHES PA RKANG PA BZHI STE, DE CHOS CAN, BDEN PA MTHONG BA'I RNAL 'BYOR PAS PHUNG PO'I DE KHO NA NYID MNGON SUM DU MA RTOGS PAR THAL, RTAG GCIG RANG DBANG CAN GYI BDAG MED PAR RTOGS PA TZAM YIN PA'I PHYIR, DE CHOS CAN, BDEN PA MTHONG BA'I RNAL 'BYOR PA DE LA NYON MONGS GONG NAS GONG DU 'PHAL BAR 'GYUR BAR THAL, GZUGS RANG GI MTSAN NYID KYIS GRUB PA LA DMIGS NAS 'JUG CING, GZUGS KYI DE KHO NA NYID RTOGS PA MED PA'I PHYIR, GNYIS PA LA GNYIS, RTZOD PA DANG, LAN NO, ,DANG PO NI, GANG PHYIR ZHES PA RKANG PA GNYIS TE, GANG SU DGAG CIG BDAG GO SNYAM DU YANG DAG PAR RJES SU LTA BA DE DAG NI, NYE BAR LEN PA'I PHUNG PO LNGA PO 'DI DAG KHO NA LA YANG DAG PAR RJES SU BLTA'O, ,ZHES GSUNGS PAS, PHUNG PO NYID BDAG TU 'DOD DO ZHE NA, LAN LA GSUM, BDAG PHUNG RANG BZHIN GYIS GZHAN YIN PA 'GOG PA MDO DE'I DGONGS PAR BSTAN PA DANG, MDO GZHAN LAS PHUNG PO BDAG YIN PA DNGOS SU BKAG PAS SGRUB PA DANG, PHUNG PO BDAG YIN PA LA GNOD PA'I RIGS PA GZHAN YANG BSTAN PA'O, ,DANG PO NI, DE NI ZHES PA RKANG GNYIS TE, DE CHOS CAN, JI SKAD BSHAD PA'I MDO DE PHUNG PO BDAG YIN PA'I SHES BYED DU MI RUNG BAR THAL, BDAG PHUNG RANG BZHIN GZHAN YIN PA BKAG PA MDO DE'I DGONGS PA YIN CING DE NYID SGRUB PA'I CHED DU PHUNG PO BDAG YIN PA LA MDO GZHAN LAS DNGOS SU DGAG PA GSUNGS PA'I PHYIR, GNYIS PA NI, GANG PHYIR ZHES PA RKANG PA BZHI STE, DE CHOS CAN, PHUNG PO BDAG YIN PA SNGAR GYI MDO DE'I DGONGS PA MA YIN PAR THAL MDO DE'I DGONGS PA BSTAN PA'I CHED DU MDO GZHAN LAS

PHUNG PO BDAG YIN PA LA DNGOS SU DGAG PA GSUNGS PA'I PHYIR, GSUM PA LA GSUM, DPYAD PA BDUN GYI NANG NAS TSOGS KYI MU DGAG PA DANG, DBYIBS KYI MU DGAG PA DANG, LAS BYA BYED GCIG TU THAL BA'O, ,DANG PO LA GNYIS, PHUNG PO'I TSOGS PA BDAG YIN PA 'GOG PA'I RIGS PA DANG, LUNG NGO, ,DANG PO NI, PHUNG PO ZHES PA RKANG PA DRUG STE, DE CHOS CAN, PHUNG PO'I TSOGS PA GANG ZAG GI BDAG YIN PAR THAL, PHUNG PO GANG ZAG GI BDAG YIN PA GANG ZHIG ,PHUNG PO'I YA GYAL RE RE BA BDAG YIN PA LA GCIG DANG DU MA 'CHOL BA LA SOGS PA'I GNOD PA BSTAN ZIN PA'I PHYIR, 'DOD NA, DE MI RIGS PAR THAL, BDAG NYID BDAG GI MGON DANG DBANG PO SOGS SU GSUNGS LA, TSOGS PA RDZAS SU MED CING KHYOD LTAR NA RDZAS SU MED PA MGON SOGS SU MI 'THAD PA'I PHYIR, DE CHOS CAN, PHUNG PO'I TSOGS PA BDAG TU MI 'THAD PAR THAL, DE LTA NA SHING RTA'I YAN LAG TSOGS PA SHING RTAR 'GYUR DGOS LA DE LA 'OG NAS GNOD PA STON PA'I PHYIR, GNYIS PA NI, MDO LAS ZHES PA RKANG PA GNYIS TE, DE CHOS CAN, PHUNG PO'I TSOGS PA BDAG TU MI RIGS PAR THAL, MDO LAS GANG ZAG PHUNG PO LA BRTEN NAS BTAGS PA SGRA JI BZHIN PAR GSUNGS PA'I PHYIR, GNYIS PA NI, DBYIBS ZHES PA RKANG PA BZHI STE, DE CHOS CAN, GZUGS CAN MA GTOGS MING BZHI'I PHUNG PO BDAG TU MI RUNG BAR THAL, PHUNG PO TSOGS PA'I DBYIBS KHYAD PAR BA BDAG YIN PA GANG ZHIG ,MING BZHI'I PHUNG PO LA DBYIBS MED PA'I PHYIR, GSUM PA LA GNYIS, DNGOS DANG, SKYON SPONG DGAG PA'O, ,DANG PO NI, LEN PO ZHES PA RKANG PA GNYIS TE, DE CHOS CAN, LEN PO GANG ZAG DANG, BLANG BYA PHUNG PO GNYIS NGO BO

, ,NYID KYIS GCIG TU MI RUNG BAR THAL, LAS DANG BYED PA PO GCIG TU 'GYUR BA'I PHYIR, GNYIS PA LA RTZOD PA NI, BYED PO ZHES PA RKANG PA GCIG STE, BYED PA PO MED LA LAS YOD PAR MDO LAS GSUNGS PAS LAS DANG BYED PO GCIG TU MI 'GYUR RO ZHE NA, LAN NI, MA YIN ZHES PA RKANG PA GCIG STE, DE CHOS CAN, BYED PO MED LA LAS YOD PA STON PA'I BZHED PAR MI RUNG BAR THAL, MDO KHA CIG TU RANG BZHIN GYIS GRUB PA'I BYED PA PO BKAG PA YIN GYI THA SNYAD DU GRUB PA BKAG PA MIN LA, BYED PA PO MED PA'I LAS MI SRID PA'I PHYIR, GSUM PA NI, GANG PHYIR ZHES PA SHO LO KA GNYIS TE, DE CHOS CAN, BDAG DANG PHUNG PO GCIG YIN PA DANG PHUNG PO'I TSOGS PA BDAG YIN PA DANG, PHUNG PO NGAR 'DZIN LHAN SKYES KYI ZHEN GZHI SOGS SU MI RIGS PAR THAL, KHAMS DRUG DANG YID KYI NYE BAR RGYU BA BCO BRGYAD DANG SEMS SEMS BYUNG SOGS LA GANG ZAG TU BTAGS PA TZAM DU MDO LAS SGRA JI BZHIN PAR GSUNGS PA'I PHYIR, BZHI PA 'JIG LTA SPANG BYA MA YIN PAR THAL BA LA GNYIS, BDAG MED RTOGS PA'I SHES RAB KYIS BDAG 'DZIN SPONG BA 'BREL MED DU THAL BA DANG, 'BREL MED KYI DPE BSTAN PA'O, ,DANG PO NI, BDAG MED CES PA RKANG PA BZHI STE, DE CHOS CAN, BDAG MED MNGON SUM DU RTOGS PA'I SHES RAB KYIS 'JIG LTA SPONG BA 'BREL MED DU THAL, PHUNG PO LNGA KA'AM SEMS NGAR 'DZIN LHAN SKYES KYI ZHEN YUL DU GYUR PA'I GANG ZAG GI BDAG YIN YANG, DE MED PAR MNGON SUM DU RTOGS PA'I SGO NAS BDAG 'DZIN GYI SA BON SPONG BA MA YIN LA, RTAG GCIG RANG DBANG CAN GYI BDAG NGAR 'DZIN LHAN SKYES KYI ZHEN YUL MA YIN YANG, DE MED PAR

MNGON SUM DU RTOGS PA'I SGO NAS BDAG 'DZIN GYI SA BON SPONG BA YIN PA'I PHYIR, GNYIS PA NI, RANG KHYIM ZHES PA RKANG PA BZHI STE, CHOS CAN DANG BSGRUB BYA'I CHOS SNGA MA LA, RTAGS NI RANG GI KHYIM GYI RTZIG PHUG NA DUG SBRUL YOD PAR DOGS PA'I 'JIGS PA DE, DE NA GLANG PO CHE MED PAR NGES PAS SEL BAR 'DOD PA DANG MTSUNGS PA'I PHYIR, GNYIS PA RTEN DANG BRTEN PA'I MU GNYIS DGAG PA LA GSUM, DNGOS DANG, LDAN PA'I MU DGAG PA DANG, BKAG ZIN PA'I DON BSDUS TE 'JIG LTA'I GRANGS BSTAN PA'O, ,DANG PO NI, PHUNG POR ZHES PA RKANG PA BZHI STE, DE CHOS CAN, BDAG DANG PHUNG PO GNYIS PHAN TSUN DU NGO BO NYID KYIS GRUB PA'I RTEN DANG BRTEN PAR MI 'THAD PAR THAL, RANG BZHIN GZHAN YIN NA DE LTAR 'THAD KYANG RANG BZHIN GZHAN DU MED PA'I PHYIR, GNYIS PA NI, BDAG NI ZHES PA RKANG PA BZHI STE, DE CHOS CAN, BDAG PHUNG PO DANG NGO BO NYID KYIS GRUB PA'I GCIG DANG THA DAD KYI LDAN TSUL GNYIS KA MI 'THAD PAR THAL, NGO BO NYID KYIS GRUB PA'I GCIG DANG GZHAN GANG DU YANG MED PA'I PHYIR, GSUM PA LA GNYIS, DNGOS DANG, BDAG MED MNGON SUM DU RTOGS PA'I YE SHES KYIS 'JIG LTA SPONG BAR BSTAN PA'O, ,DANG PO NI, GZUGS BDAG CES PA RKANG PA BZHI STE, DE CHOS CAN, 'JIG LTA NYI SHUR YOD DE, GANG ZAG GI BDAG YIN PA SOGS DANG BRAL BA'I PHUNG PO LNGA PO RE RE LA PHUNG PO DE DANG DE BDAG YIN PA DANG, BDAG PHUNG PO DANG LDAN PA DANG, PHUNG PO LA BDAG YOD PA DANG, BDAG LA PHUNG PO YOD PA SOGS RNAM PA BZHI BZHI'I SGO NAS LOG PAR 'JUG PA'I 'JIG LTA YOD PA'I PHYIR, GNYIS PA NI, LTA RI ZHES PA RKANG PA BZHI STE, DE CHOS CAN, MDO LAS 'JIG TSOGS LA LTA BA'I

, ,RI'I RTZE MO MTHO BA NYI SHU YE SHES KYI RDO RJES BCOM NAS RGYUN DU ZHUGS PA'I 'BRAS BU MNGON SUM DU BYAS SO ZHES GSUNGS PA'I RGYU MTSAN YOD DE, BDAG MED MNGON SUM DU GSAR DU RTOGS PA'I YE SHES KYIS 'JIG LTA BCOM PA'I SGO NAS RGYUN ZHUGS THOB PAS DE LTAR GSUNGS PA'I PHYIR, GSUM PA BRJOD DU MED PA'I BDAG DGAG PA LA GNYIS, 'DOD PA BRJOD PA DANG, DE DGAG PA'O, ,DANG PO NI, KHA CIG CES PA RKANG PA BZHI STE, MANG POS BKUR PA KHA CIG NA RE, GANG ZAG NI PHUNG PO DANG DE NYID DANG GZHAN NYID DANG RTAG MI RTAG SOGS GANG DU YANG BRJOD DU MED CING RDZAS SU YOD DE, BYED PA PO DANG ZAB PO DANG BCINGS GROL KUN GYI GZHIR GYUR PA'I PHYIR, RANG GI NGO BO'I SGO NAS SHES BYA MA YIN YANG RNAM SHES DRUG GI SGO NAS SHES BYA DANG, BDAG TU 'DZIN PA'I GZHI YANG YIN NO ZHES 'DOD DO, ,GNYIS PA LA GSUM, RDZAS SU GRUB NA BRJOD DU MED PA 'GAL BA DANG, GANG DU'ANG BRJOD DU MED NA BTAGS YOD DU BSTAN PA DANG, DNGOS PO'I CHOS GNYIS DANG BRAL BAS DNGOS PO MA YIN PAR THAL BA'O, ,DANG PO NI, GANG PHYIR ZHES PA RKANG PA BZHI STE, GANG ZAG CHOS CAN, GZUGS SEMS DE NYID DANG GZHAN DU YANG BRJOD DU MED PA MA YIN PA LTAR PHUNG PO LAS DE NYID DANG GZHAN GANG DU YANG BRJOD DU MED PA DE MA YIN PAR THAL, NGO BO NYID KYIS RDZAS SU YOD PA'I PHYIR, GNYIS PA NI, GANG PHYIR ZHES PA RKANG PA BZHI STE, DE CHOS CAN, RANG BZHIN GYIS MA GRUB PA'I BTAGS YOD DU THAL, BUM PA DANG RANG GI CHA SHES GZUGS SOGS LTAR PHUNG PO DANG RANG BZHIN DE NYID DANG, GZHAN GANG DU YANG BRJOD DU MED PA'I CHOS YIN PA'I PHYIR, GSUM PA

NI, KHYOD KYIS ZHES PA RKANG PA BZHI STE, DE CHOS CAN, RANG GI MTSAN NYID KYIS MA GRUB PAR THAL, DNGOS PO'I CHOS SU GYUR PA'I DE KHO NA NYID DANG GZHAN GNYIS KA DANG BRAL NAS, GANG DU YANG BRJOD DU MED PA'I PHYIR, GNYIS PA MJUG BSDU PA NI, DE PHYIR NGAR 'DZIN ZHES PA RKANG PA GSUM STE, SHES BYA CHOS CAN, RIGS PAS RNAM PAR DPYAD NA NGAR 'DZIN LHAN SKYES KYI GZHI PHUNG PO DANG RANG BZHIN GYIS GRUB PA'I GCIG THA DAD DANG RTEN BRTEN PA DANG LDAN PA SOGS GANG DU'ANG MA GRUB PAR THAL, DE LTAR DPYAD PA NA RANG BZHIN GYIS MA GRUB PA'I PHYIR, GNYIS PA GANG ZAG PHUNG PO LA BRTEN NAS BTAGS PA'I BTAGS YOD DU BSTAN PA LA GNYIS, MDOR BSTAN PA DANG, RGYAS PAR BSHAD PA'O, ,DANG PO NI, 'DI NI ZHES PA RKANG PA GCIG STE, DE CHOS CAN, GANG ZAG RANG GI MTSAN NYID KYIS MA GRUB KYANG GANG ZAG BZHAG TU MI RUNG PA DE MA YIN PAR THAL, PHUNG PO LA BRTEN NAS BTAGS PA TZAM DU GRUB PA'I PHYIR, GNYIS PA LA GNYIS, DPE SGRUB PA DANG, DON LA SBYAR BA'O, ,DANG PO LA GSUM, SHING RTA RANG GI YAN LAG RNAMS LAS MTHA' BDUN PO GANG DU YANG MA GRUB PAR BSTAN PA DANG, TSOGS PA DANG DBYIBS KYI MU BYE BRAG TU DGAG PA DANG, SHING RTA'I THA SNYAD NYAMS PA'I NYES PA KHYOD LA 'JUG GI KHO BO CAG LA MI 'JUG PA'O, ,DANG PO NI, SHING RTA ZHES PA RKANG PA BZHI STE, DE CHOS CAN, GANG ZAG PHUNG PO LAS RANG BZHIN GCIG THA DAD GANG DU YANG MA GRUB PAR BSTAN PA BZHIN DU SHING RTA YANG RANG GI YAN LAG LA LTOS TE MTHA' BDUN PO GANG DU YANG MA GRUB PAR THAL, SHING RTA RANG GI MTSAN NYID KYIS MA GRUB PA'I PHYIR, GNYIS PA LA GNYIS, TSOGS PA'I MU DGAG PA

, ,DANG, DBYIBS KYI MU DGAG PA'O, ,DANG PO NI, GAL TE ZHES PA RKANG PA GNYIS TE, DE CHOS CAN, SHING RTA'I YAN LAG SO SOR THAL NAS PHYOGS GCIG TU SPANGS PA'I 'DUS PA DE YANG SHING RTA YIN PAR THAL, SHING RTA'I YAN LAG TSOGS TZAM SHING RTA YIN PA'I PHYIR, GNYIS PA LA GNYIS, MDOR BSTAN DANG, RGYAS BSHAD DO, ,DANG PO NI, GANG PHYIR ZHES PA RKANG PA GNYIS TE, DE CHOS CAN, TSOGS PAR MA ZAD DBYIBS KYANG SHING RTAR MI RIGS PAR THAL, YAN LAG CAN SHING RTA RANG BZHIN GYIS MA GRUB PA GANG ZHIG DE MA GRUB NA YAN LAG KYANG RANG BZHIN GYIS MA GRUB PA'I PHYIR, GNYIS PA LA GNYIS, YAN LAG GI DBYIBS SHING RTA YIN PA DGAG PA DANG, YAN LAG TSOGS PA'I DBYIBS SHING RTA YIN PA DGAG PA'O, ,DANG PO LA GNYIS, SNGAR SHING RTA MA BSGRIGS PA'I DUS KYI 'KHOR LO LA SOGS PA'I DBYIBS SHING RTA YIN PA DGAG PA DANG, DE DANG MI 'DRA BA'I YAN LAG GI DBYIBS SHING RTA YIN PA DGAG PA'O, ,DANG PO NI, KHYOD DBYIBS ZHES PA RKANG PA BZHI STE, DE CHOS CAN, SHING RTA'I YAN LAG SO SOR PHYE BA'I DUS NA SHING RTA MED PA LTAR YAN LAG BSGRIGS PA'I DUS NA YANG SHING RTA MED THAL, MA BSGRIGS PA'I DUS KYI YAN LAG GI DBYIBS KHO NA SHING RTA YIN GYI DE MA YIN PA'I DBYIBS KYI KHYAD PAR SHING RTAR BZHAG PA MED PA'I PHYIR, GNYIS PA NI, DA LTA GAL TE ZHES PA RKANG PA BZHI STE, DE CHOS CAN, SHING RTA MA BSGRIGS PA'I DUS KYI YAN LAG GI DBYIBS LAS RANG BZHIN GZHAN DU GYUR PA'I YAN LAG GI DBYIBS KYANG SHING RTAR MI RUNG BAR THAL, BSGRIGS PA'I DUS KYI YAN LAG GI DBYIBS LA MA BSGRIGS PA'I DUS DANG

MI 'DRA BA'I KHYAD PAR GZHAN YOD NA DMIGS SU RUNG BA LAS MA DMIGS PA'I PHYIR, GNYIS PA LA GSUM, TSOGS PA RDZAS SU MED PAS DE LA BRTEN PA'I DBYIBS SHING RTA RANG MTSAN PAR MI RUNG BA DANG, 'DIR RDZUN PA LA BRTEN NAS RDZUN PA 'DOGS PAR KHAS LEN NA THAMS CAD DE DANG 'DRA BAR KHAS LEN DGOS PA DANG, DPE DES GZHAN YANG KHEGS PAR BSTAN PA'O, ,DANG PO NI, GANG PHYIR ZHES PA RKANG PA BZHI STE, DE CHOS CAN, SHING RTA'I YAN LAG TSOGS PA'I DBYIBS RANG MTSAN PA SHING RTAR MI RUNG BAR THAL, TSOGS PA RANG BZHIN GYIS MA GRUB PAS DE LA BRTEN PA'I DBYIBS KYANG RANG BZHIN GYIS MA GRUB PA'I PHYIR, GNYIS PA NI, KHYOD KYI ZHES PA RKANG PA BZHI STE, DE CHOS CAN, MA RIG PA SOGS RDZUN PA'I RANG BZHIN CAN LAS 'DU BYED SOGS RDZUN PA'I RANG BZHIN CAN KHO NA SKYE BAR THAL, TSOGS PA RDZUN PA LA BRTEN PA'I DBYIBS RDZUN PA SHING RTAR RIGS PA'I PHYIR, GSUM PA NI, 'DIS NI ZHES PA RKANG PA BZHI STE, DE CHOS CAN, SHING RTA'I DPES RDUL RDZAS BRGYAD TSOGS PA LA BUM PA'I BLO SKYE BAR 'DOD PA YANG BKAG PA YIN TE, SHING RTA'I DPES BUM PA'I YAN LAG GI TSOGS PA BUM PA YIN PA'ANG DON GYIS BKAG PA'I PHYIR, GZHAN YANG GZUGS LA SOGS PA'I DBYIBS RANG MTSAN PA SHING RTA DANG BUM PA SOGS SU MI RIGS PAR THAL, GZUGS LA SOGS PA RANG BZHIN GYIS SKYE BA MED PAR BSGRUBS ZIN PA'I PHYIR, GSUM PA SHING RTA'I THA SNYAD NYAMS PA'I NYES PA KHYOD LA 'JUG GI KHO BO CAG LA MI 'JUG PA LA GSUM, RNAM BDUN GYIS DPYAD PA'I TSE BDEN PA GNYIS CHAR DU SHING RTA RANG BZHIN GYIS MA GRUB KYANG RANG GI YAN LAG LA BRTEN NAS THA SNYAD 'THAD

, ,PA DANG, 'JIG RTEN GYI THA SNYAD NGES PAR KHAS BLANGS DGOS PA DANG, DPYAD PA BDUN LA BRTAN NAS DE KHO NA NYID BDE BLAG TU RTOGS NUS PA'O, ,DANG PO NI, DE NI ZHES PA RKANG PA BZHI STE, DE CHOS CAN, RNAM PA BDUN GYIS DPYAD NA BAR NA PA GNYIS CHAR DU SHING RTA RANG BZHIN MA GRUB KYANG SHING RTA'I THA SNYAD NYAMS PA'I SKYON MED PAR THAL, DE LTAR MA GRUB KYANG RANG GI YAN LAG LA BRTEN NAS THA SNYAD PA'I TSAD MA'I LAM NAS DRANGS TE 'JOG NUS PA'I PHYIR, GNYIS PA NI, DE NYID CES PA RKANG PA BZHI STE, DE CHOS CAN, 'JIG RTEN GYI THA SNYAD KYIS BSDUS PA'I SHING RTA DGAG MI NUS SHING NGES PAR KHAS BLANGS DGOS PAR THAL, SHING RTA RANG GI YAN LAG SOGS LA LTOS NAS YAN LAG CAN SOGS SU THA SNYAD PA'I TSAD MAS GRUB PA'I PHYIR, GSUM PA LA GNYIS, DNGOS DANG, SHING RTA MED KYANG DE'I YAN LAG TSOGS PA YOD PA DGAG PA'O, ,DANG PO NI, RNAM BDUN ZHES PA RKANG PA BZHI STE, DE CHOS CAN, BDEN PA GNYIS KYI RNAM BZHAG 'DIR BSHAD PA BZHIN NGES PAR KHAS BLANGS DGOS PAR THAL, SHING RTA SOGS RANG BZHIN GYIS YOD MED RNAM PA BDUN GYI DPYAD PA LA BRTEN NAS DON DAM PA'I BDEN PA BDE BLAG TU RTOGS NUS SHING, KUN RDZOB BDEN PA'I RNAM GZHAG KYANG 'THAD PAR RTOGS PA'I PHYIR, GNYIS PA NI, SHING RTA ZHES PA RKANG PA BZHI STE, DE CHOS CAN, YAN LAG CAN SHING RTA RANG BZHIN GYIS MED NA DE'I YAN LAG TSOGS PA RANG BZHIN GYIS GRUB PA'ANG MI 'THAD PAR THAL, SHING RTA TSIG NA DE'I YAN LAG TSIG PA BZHIN DU SHING RTA RANG BZHIN MED PAR RTOGS PA'I SHES RAB KYI MES SHING RTA'I YAN LAG RANG BZHIN GYIS GRUB PAR 'DZIN PA'I SGRO 'DOGS

'JOMS NUS PA'I PHYIR, GNYIS PA DON LA SBYAR BA LA GANG ZAG DANG PHUNG PO LA SBYAR TE BSHAD PA DANG, DNGOS PO GZHAN LA SBYAR TE BSHAD PA'O, ,DANG PO LA BZHI, PHUNG SOGS LA BRTEN NAS GANG ZAG LEN PA BO SOGS SU 'THAD PA DANG, SPROS PA'I MTHA' GANG DU YANG MA GRUB PA DANG, DER MA GRUB KYANG BDEN PAR SNANG BA GTI MUG GI DBANG GIS YIN PA DANG, BDAG DANG BDAG GI PA RANG BZHIN MED PAR RTOGS PA'I RNAL 'BYOR BAS THAR PA THOB PAR 'GYUR BA'O, ,DANG PO NI, DE BZHIN ZHES PA RKANG PA BZHI STE, DE CHOS CAN, SHING RTA LTAR PHUNG PO SOGS LA BRTEN NAS GANG ZAG NYE BAR LEN PA PO DANG BYED PA PO DANG, PHUNG PO NYE BAR BLANGS BYA DANG LAS SOGS SU 'THAD DE, DE LTAR THA SNYAD PA'I TSAD MAS GRUB PA'I PHYIR, GNYIS PA NI, DNGOS YOD MIN ZHES PA RKANG PA BZHI STE, GANG ZAG CHOS CAN, RTAG MI RTAG SOGS MTHA' GANG DU YA RANG BZHIN GYIS MA GRUB PAR THAL, BDEN PA'I DNGOS PO MED PA'I PHYIR, GSUM PA NI, GANG LA ZHES PA RKANG PA BZHI STE, DE CHOS CAN, BDEN PAR MA GRUB KYANG BLO 'KHRUL BA LA BDEN PAR SNANG BA'I RGYU MTSAN YOD DE, KUN BTAGS DANG LHAN SKYES KYIS BSDUS PA'I GTI MUG GI DBANG GIS DE LTAR SNANG BA'I PHYIR, BZHI PA NI, GANG PHYIR ZHES PA RKANG PA BZHI STE, SHES BYA CHOS CAN, BDAG GI BA YANG RANG BZHIN GYIS MA GRUB PAR THAL, BDAG RANG BZHIN GYIS MED PA'I PHYIR, KHYAB PAR THAL, BYED PA PO MED PA'I LAS MI SRID PA'I PHYIR, RNAL 'BYOR PA 'PHAGS PA CHOS CAN, THAR PA 'THOB PA'I RGYU MTSAN YOD DE, BDAG DANG BDAG GI BA RANG BZHIN MED PAR MNGON SUM DU RTOGS PAS KHYAD PAR DU BYAS PA'I GANG ZAG YIN PA'I PHYIR, GNYIS PA LA GNYIS, DNGOS PO GZHAN

, ,YANG SHING DANG MTSUNGS PAR BSTAN PA DANG DNGOS PO DE DAG LA THA SNYAD JI LTAR 'DOGS PA'I TSUL LO, ,DANG PO NI, BUM PA ZHES PA RKANG PA BZHI STE, SHES BYA CHOS CAN, BUM SNAM SOGS KYANG SHING RTA DANG MTSUNGS PAR RTOGS PAR BYA STE, RNAM PA BDUN GYIS DPYAD NA RANG BZHIN GYIS MA GRUB KYANG, 'JIG RTEN NGA DANG LHAN CIG RTZOD KYI ZHES SOGS KYI LUNG GI DGONGS PA LTAR THA SNYAD PA'I TSAD MAS GRUB PAR KHAS BLANGS DGOS PA'I PHYIR, GNYIS PA NI, YAN LAG CES PA RKANG PA BZHI STE, DE CHOS CAN RNAM PA BDUN DU DPYAD PAS MA RNYED KYANG BUM SNAM SOGS LA THA SNYAD KYI KHYAD PAR RNAMS MI 'THAD PA'I SKYON MED PAR THAL, RNAM PA BDUN DU MA GRUB KYANG YON TAN DANG YON TAN CAN SOGS SU THA SNYAD PA'I TSAD MAS GRUB PA'I PHYIR, GSUM PA KHYAD PAR DU RGYU 'BRAS PHAN TSUN LTOS PA'I BTAGS YOD DU SGRUB PA LA GNYIS, PHAN TSUN LTOS PAR SGRUB PA DANG, PHRAD MA PHRAD BRTAGS NAS RANG BZHIN GYIS GRUB PA DGAG PA'O, ,DANG PO NI, GAL TE RGYU YIS ZHES PA RKANG PA BZHI STE, DE CHOS CAN, RGYU 'BRAS KYI GRUB PA PHAN TSUN LTOS PAR THAL, 'BRAS BU SKYED PA'I NGOS NAS RGYUR BZHAG GI RANG GI NGO BOS GRUB PA MI 'THAD LA, 'BRAS BU YANG RGYU LA LTOS NAS GRUB PA TZAM YIN GYI, RANG GI NGO BOS MA GRUB PA'I PHYIR, DE LTA MIN NA RGYU 'BRAS LA SNGA PHYI'I RIM PA MI 'THAD PAR THAL, RANG BZHIN GYIS GRUB PA'I PHYIR, GNYIS PA LA GNYIS, DNGOS DANG, MTSUNGS PA SPONG BA'O, ,DANG PO LA GNYIS, RGYU 'BRAS RANG BZHIN GYIS GRUB PAR 'DOD PA LA BRTAG PA DE 'JUG PA DANG RGYU MA LTA BUR KHAS BLANGS PA LA SKYON DE MED PA'O, ,DANG PO NI, GAL TE KHYOD KYI ZHES PA

RKANG PA DRUG STE, DE CHOS CAN, RGYU 'BRAS GNYIS RANG BZHIN GYIS PHRAD MA PHRAD GANG RUNG GI SGO NAS 'BRAS BU BSKYED PAR THAL, DE GNYIS RANG BZHIN GYIS GRUB PA'I PHYIR, KHYAB PAR THAL, RANG BZHIN GYIS GRUB PA LA BRTAG PA GZHAN MED PA'I PHYIR, 'DOD NA, GNYIS KA LTAR YANG MI RIGS TE, DE CHOS CAN, RGYU 'BRAS GNYIS NUS PA PHYOGS GCIG TU THAL, RANG BZHIN GYIS PHRAD PA GANG ZHIG ,DE LA CHA SO SOS PHRAD PA MI 'THAD PA'I PHYIR, 'DOD NA, THA DAD MED PAR 'GYUR RO, ,YANG NA RGYU YIN MIN GYI RNAM DBYE MED PAR THAL, RGYU 'BRAS GNYIS SO SOR RANG BZHIN GYIS GRUB PA'I PHYIR, MYU GU CHOS CAN, 'BRAS BUR MI 'THAD PAR THAL, RANG RGYUS MI SKYED PA'I PHYIR, SA BON CHOS CAN, RGYUR 'JOG PA'I RGYU MTSAN MED PAR THAL, RANG 'BRAS DANG BRAL BA'I PHYIR, SNGA PHYI GNYIS KA'I RTAGS CHOS KHAS BLANGS SO,, GNYIS PA NI, GANG PHYIR ZHES PA RKANG PA GNYIS TE, SHES BYA CHOS CAN, DBU MA PA LA JI SKAD BSHAD PA'I SKYON DU MI 'GYUR BAR THAL, SNANG LA RANG BZHIN MED PA SGYU MA DANG 'DRA BA'I RGYU 'BRAS THA SNYAD PA'I TSAD MAS GRUB PA'I PHYIR, GNYIS PA LA GNYIS, MTSUNGS PA'I RTZOD PA DGOD PA DANG, MI MTSUNGS PA'I LAN NO, ,DANG PO NI, SUN 'BYIN, CES PA NAS, RGOL BA'ANG YIN ZHES PA'I BAR SHLOO KA GNYIS TE, DNGOS POR SMRA BA KHA CIG NA RE, KHYOD KYI DGAG PA 'DI NI KHYOD RANG GI TSIG LA THAL BA MTSUNGS PA'I LTAG CHOD YIN TE, 'DI LTAR KHYOD KYIS RGYU 'BRAS RANG BZHIN GYIS GRUB PA 'GOG PA'I SUN 'BYIN DE SUN DBYUNG BYA DANG PHRAD NAS SUN 'BYIN NA NUS PA GCIG PAS THA DAD MED PAR 'GYUR LA, MA PHRAD PAR YIN NA SUN 'BYIN YIN MIN GYI RNAM DBYE MED PAR 'GYUR ZHING

, ,GNYIS PO SPANGS NAS RTOG PA GZHAN YANG MED PAR KHYOD RANG GIS KHAS BLANGS PAS KHYOD RANG GI PHYOGS KHO NA 'JOMS PAR ZAD DO, ,DES NA KHYOD KYIS SUN DBYUNG BYA RGYU 'BRAS RANG BZHIN GYIS GRUB PA SUN 'BYIN MI NUS PAS SHUGS KYIS RGYU 'BRAS RANG BZHIN GYIS GRUB PAR 'GYUR RO, ,KHYOD RGYU MTSAN MED PAR DNGOS PO KUN LA SKUR BA 'DEBS PA'I PHYIR SKYE BO DAM PAS MI BZHED CING, RANG PHYOGS BZHAG DU MED CING GZHAN SUN 'BYIN PA 'BA' ZHIG LA ZHUGS PAS SUN CI PHYIN DU RGOL BA'ANG YIN NO ZHE NA, GNYIS PA LA BZHI, DBU MA PA LA RANG GI TSIG DANG MTSUNGS PA'I LTAG CHOD 'JUG PA MI 'THAD PA DANG, BSGRUB BYA SGRUB BYED SOGS 'THAD PA DPES SGRUB PA DANG, MI 'THAD PA'I DNGOS SMRA BA'I RTZOD PA KHYOD RANG GI BLO SKYEN DU BSTAN PA DANG, DNGOS SMRA BA LA SNGAR BKOD PA'I GNOD BYED DRAN PAR BYAS NAS RTZOD PA GZHAN GYI LAN 'DEBS TSUL YANG RTOGS PAR BYA BA'O, ,DANG PO NI, SUN 'BYIN PAS SUN ZHES PA RKANG PA BZHI STE, DE CHOS CAN, KHO BO CAG DBU MA PA LA PHRAD MA PHRAD BRTAGS PA'I SKYON MTSUNGS PAR 'JUG PA MA YIN PAR THAL, KHO BO CAG SUN 'BYIN LA SOGS PA THAMS CAD RANG BZHIN MED PAR KHAS LEN GYI, DNGOS PO RANG BZHIN GYIS GRUB PAR KHAS LEN PA LA BRTAG PA DE 'JUG PA'I PHYIR, GNYIS PA NI, JI LTAR ZHES PA SHLOO KA GNYIS TE; DE CHOS CAN, RANG BZHIN MED PA'I DON LA BSGRUB BYA SGRUB BYED SOGS 'THAD PAR THAL, PHRAD MA PHRAD KYI RIGS PAS MA DPYAD PAR CHU NANG DU SHAR BA'I GZUGS BRNYAN RDZUN PA'I RTAGS LA BRTEN NAS NYI MA'I DKYIL 'KHOR GYI GZAS BZUNG BA LA SOGS PA'I

KHYAD PAR GO NUS PA BZHIN DU, RANG BZHIN MED PA'I SUN 'BYIN GYIS SUN DBYUNG BYA SUN 'BYIN NUS PA SOGS 'THAD PA'I PHYIR, GSUM PA LA GNYIS, DNGOS DANG, DBU MA PAS DNGOS PO RANG BZHIN MED PAR RTOGS SU GZHUG NUS PA LTAR DNGOS SMRA BAS DNGOS PO RANG BZHIN MED PAR SGRUB MI NUS PA'O, ,DANG PO NI, GAL TE ZHES PA RKANG PA BZHI STE, DE CHOS CAN, DBU MA PA LA PHRAD MA PHRAD KYI SUN 'BYIN MTSUNGS PAR 'JUG SNYAM PA RANG BZHIN GYIS GRUB PAR KHAS LEN PA KHYOD KYI BLO SKYON 'BA' ZHIG YIN PAR THAL, GO BYA GO BYED SOGS RANG BZHIN GYIS GRUB PA YOD NA JI SKAD BSHAD PA'I SKYON DA 'JUG KYANG, DBU MA PAS RANG BZHIN GYIS GRUB PA RDUL TZAM YANG MED PAR KHAS BLANGS PA'I PHYIR, GNYIS PA NI, DNGOS RNAMS ZHES PA RKANG PA BZHI STE, DE CHOS CAN, LHAN SKYES KYI NYON MONGS KYIS BTUMS PA'I STENG DU RTOG GE NGAN PA'I SRAD BUS BRES PA'I DNGOS SMRA BA DANG, DBU MA PA SKYON RNAM PA KUN DU MI MTSUNGS PAR THAL, DBU MA PAS DNGOS PO MTHA' DAG RANG BZHIN MED PAR RTOGS SU BZHUGS SLA BA LTAR DNGOS SMRA BAS DNGOS PO RANG BZHIN GYIS GRUB PAR CUNG ZAD KYANG SGRUB MI NUS PA'I PHYIR, BZHI PA NI, SUN 'BYIN ZHES PA RKANG PA BZHI STE, DE CHOS CAN, DBU MA PA LA JI SKAD BSHAD PA'I SKYON MI 'JUG PAR THAL, DNGOS PO RANG BZHIN GYIS GRUB PA LA SUN 'BYIN LHAG MA MTHA' BZHI'I SKYE BA DANG BRAL BA SOGS GONG DU BSTAN PA YANG SHES PAR BYAS NAS GZHAN GYIS BRTAG PA BYAS PA'I GNOD BYED DU BRJOD PAR BYA BA'I PHYIR, SUN CI PHYIN DU RGOL BA'I SKYON YANG MED PAR THAL, DBU MA PAS DNGOS PO THAMS CAD RANG BZHIN MED PAR KHAS LEN PA'I PHYIR, SKABS 'DIR DNGOS SMRA BA'I RTZOD PA MI 'JUG

, ,PA'I TSUL BSTAN PA LA DAGS PA GZHAN YANG YOD DE, RTZOD PA GZHAN LA LAN 'DEBS TSUL DANG TSUR SUN 'BYIN MI 'JUG PA'I CHUL SOGS KYANG RTOGS PA'I CHED YIN PA'I PHYIR, GNYIS PA STONG PA NYID BCU DRUG BSHAD PA LA GNYIS, MTSAMS SBYAR BA DANG, RGYAS PAR BSHAD PA'O, ,DANG PO LA GNYIS, BSHAD ZIN PA'I MTSAMS SBYAR DANG, 'CHAD PAR 'GYUR BA'I MTSAMS SBYAR RO, ,DANG PO NI, BDAG MED CES PA RKANG PA GNYIS TE, DE CHOS CAN, BDAG MED LA GNYIS SU DBYER YOD DE, KHYAD GZHI'I DBANG GIS GANG ZAG GI BDAG MED DANG CHOS KYI BDAG MED GNYIS SU YOD PA'I PHYIR, BDAG MED GNYIS SU PHYE NAS BSTAN PA LA DGOS PA YOD DE, 'DUL BYA RNAMS SRID PA LAS GROL BA'I CHED YIN PA'I PHYIR, GNYIS PA NI, DE LTAR ZHES PA RKANG PA GNYIS TE, DE CHOS CAN, BDAG MED GNYIS LA DU MAR DBYER YOD DE, GDUL BYA RNAMS KYI SGRO 'DOR GCOD PA'I RAM PA LA LTOS NAS STON PAS STONG NYID BCU DRUG DANG NYI SHU SOGS SU GSUNGS PA'I PHYIR, GNYIS PA LA GSUM, STONG NYID KYI DBYE BSDU DANG, SO SO'I NGOS 'JAN DANG, DE DAG MDO GANG LAS GSUNGS PA'O, ,DANG PO NI, SPROS DANG ZHES PA RKANG PA BZHI STE, DE CHOS CAN, RGYAS PAR STONG NYID BCU DRUG TU DBYE BA DE DAG BSDUN BZHIR YANG 'DU STE, STONG GZHI BCU DRUG PO DE DAG CHOS CAN DANG CHOS NYID GNYIS, CHOS CAN LA DNGOS PO DNGOS MED GNYIS, CHOS NYID LA RANG GI NGO BOS STONG PA DANG GZHAN GYI NGO BOS STONG PA RNAMS SU 'DU BA'I PHYIR, STONG NYID RGYAS PAR STON PA'I MDO DANG DE RTOGS PA'I YE SHES LA THEG PA CHEN PO ZHES BYA STE, SHES SGRIB MTHA' DAG SPONG BA'I CHED DU CHOS KYI BDAG MED RGYAS PAR BSTAN CING RTOGS PA YIN PA'I PHYIR, GNYIS PA LA GNYIS, STONG NYID DANG PO BCU DRUG BSHAD PA DANG, PHYI MA BZHI BSHAD PA'O, DANG PO LA BCU DRUG YOD PA'I DANG PO NANG STONG PA NYID NI, GA

ZHEN BA SHLOO KA GNYIS DANG RKANG PA GCIG STE, MIG SOGS DRUG PO CHOS CAN RANG BZHIN GYIS MED DE, RANG BZHIN GCIG DUS SNGA PHYI RUM DANG 'BREL NAS THENG ZUG TU GNAS PA'I RANG BZHIN GCIG TU MA GRUB, RANG BZHIN DU MA DUS DU MA DANG 'BREL BA'I RANG BZHIN DU MAR YANG MA GRUB PA'I PHYIR TE, BDEN PA'I GCIG DANG DU MA DANG BRAL BA'I PHYIR ZHES PA'I DON NO, DER THAL, RANG BZHIN GYIS DBEN PA DE KHYOD KYI CHOS NYID YIN PA'I PHYIR, YANG NA MIG SOGS DRUG RANG BZHIN GYIS DBEN PA CHOS CAN, NANG STONG PA NYID YIN TE, MIG SOGS NANG GI CHOS RANG BZHIN GYIS STONG PA'I STONG CHA YIN PA'I PHYIR, DE'I RIGS PA LHAG MA RNAMS LA YANG SBYAR RO, ,GNYIS PA PHYI STONG PA NYID NI, GANG PHYIR ZHES PA RKANG PA DRUG STE, GZUGS SOGS PHYI'I CHOS RNAMS CHOS CAN, RANG BZHIN GYIS STONG PA YIN TE, RANG BZHIN GYIS GRUB PA'I GCIG DANG DU MA GANG DU'ANG MED PA'I PHYIR, DER THAL, RANG BZHIN GYIS DBEN PA DE KHYOD KYI CHOS NYID YIN PA'I PHYIR, GZUGS SOGS RANG BZHIN MED PA CHOS CAN, PHYI STONG PA NYID YIN TE, GZUGS SOGS PHYI'I CHOS RNAMS RANG BZHIN GYIS STONG PA'I STONG CHA YIN PA'I PHYIR, DE BZHIN DU LHAG MA KUN LA SBYAR RO, ,GSUM PA PHYI NANG GNYIS KA STONG PA NYID NI, GNYIS CHAR ZHES PA RKANG PA GNYIS TE, PHYI NANG GNYIS KA'I SKYA MCHED CHOS CAN, RANG BZHIN GYIS MED DE, ZHES SBYAR RO, ,BZHI PA STONG PA NYID STONG PA NYID NI, CHOS RNAMS ZHES PA SHO LO KA GNYIS TE, SHES BYA CHOS CAN, CHOS THAMS CAD BDEN PA BKAG PA DE BDEN PAR MA GRUB STE, CHOS THAMS CAD BDEN PAS STONG PA'I PHYIR, STONG PA NYID STONG PA NYID SKABS 'DIR SMOS PA'I DGOS PA YOD DE STONG NYID BDEN PAR 'DZIN PA BZLOG

, ,BA'I PHYIR DU GSUNGS PA'I PHYIR, CHOS RNAMS RANG BZHIN GYIS DBEN PA CHOS CAN DU BZUNG NAS, SNGAR LTAR GCIG DU BRAL SOGS KYANG SBYAR RO, ,LNGA PA CHEN PO STONG PA NYID NI, SEMS CAN ZHES PA SHO LO KA GNYIS TE, SEMS CAN DANG SNOD KYI 'JIG RTEN MA LUS PA KHYAB PA'I PHYOGS RNAMS CHOS CAN, RANG BZHIN GYIS MED DE ZHES SO, ,PHYOGS RNAMS CHEN PO STONG PA NYID KYI GZHIR SMOS PA'I DGOS PA YOD DE, BYE BRAG PA SOGS PHYOGS CHEN POS BSDUS PA'I RTAG RDZAS SU 'DZIN PA BZLOG PA'I PHYIR DU SMOS PA'I PHYIR, DRUG PA DON DAM PA STONG PA NYID NI, DE NI ZHES PA SHO LO KA GNYIS TE, THAR PA MYA NGAN LAS 'DAS PA CHOS CAN, DON DAM PA ZHES BYA STE, SKYES BU'I THOB BYA MCHOG TU GYUR BA'I BRAL BA YIN PA'I PHYIR, DON DAM PA STOD PA NYID 'DIR SMOS PA LA DGOS PA YOD DE, BYE BRAG PA SOGS THAR PA RTAG RDZAS SU 'DZIN PA BZLOG PA'I CHED DU GSUNGS PA'I PHYIR, BDUN PA DANG BRGYAD PA 'DUS BYAS DANG 'DUS MA BYAS STONG PA NYID NI, RKYEN LAS BYUNG PHYIR ZHES PA SHO LO KA RE RE TE, KHAMS GSUM PO DANG 'DUS MA BYAS GNYIS CHOS CAN DU BZUNG NAS NANG STONG PA NYID KYI SKABS LTAR SBYAR RO, ,DGU PA MTHA' LAS 'DAS PA STONG PA NYID NI, GANG LA ZHES PA RKANG PA BZHI STE, RTAG CHAD KYI MTHA' LAS 'DAS PA'I DBU MA'I LAM STONG GZHI CHOS CAN TE, DGOS PA NI DBU MA'I LAM LA BDEN 'DZIN BZLOG PA'I CHED DO, ,BCU PA THOG MA DANG THA MA MED PA'I STONG PA NYID NI, THOG MA ZHES PA SHO LO KA GNYIS TE, THOG MA DANG DE LA LTOS PA'I DBUS DANG THA MA GSUM DANG BRAL BA'I 'KHOR BA NI STONG GZHI CHOS CAN NO, ,'GRO 'ONG BDEN PA BA DANG BRAL

BAS RMI LAM LTA BU'I 'KHOR BA RANG BZHIN GYIS DBEN PA CHOS CAN, THOG MA DANG THA MA MED PA STONG PA NYID YIN TE, BSHAD PA LTAR GYI THOG MTHA' DANG BRAL BA'I 'KHOR BA RANG BZHIN GYIS STONG PA'I STONG CHA YIN PA'I PHYIR, GZHAN RNAMS SNGAR LTAR RO, ,BCU GCIG PA DOR BA MED PA STONG PA NYID NI, DOR BZHES PA SHO LO KA GCIG TE, DOR BYAR MED PA'I SBYIN PA LA SOGS PA'I DGE BA'I CHOS RNAMS STONG GZHI CHOS CAN TE, SBYOR TSAN GSUM PO NANG STONG PA NYID LTAR RO, ,BCU GNYIS PA RANG BZHIN STONG PA NYID NI, 'DUS BYAS ZHES PA SHO LO KA GNYIS TE, 'DUS BYAS LA SOGS PA'I CHOS RNAMS RANG BZHIN GYIS DBEN PA CHOS CAN, RANG BZHIN STONG PA NYID CES SMOS PA LA DGOS PA YOD DE, 'PHAGS PA RNAMS KYIS SHES PA DANG MTHONG BAS GSAR DU BYAS SAM SNYAM PA'I DOGS PA BZLOG PA'I CHED YIN PA'I PHYIR, GZHAN RNAMS SNGAR LTAR RO, ,BCU GSUM PA CHOS THAMS CAD STONG PA NYID NI, KHAMS BCO BRGYAD ZHES PA RKANG PA DRUG STE, 'DUS BYAS 'DUS MA BYAS KYI CHOS THAMS CAD STONG GZHI CHOS CAN NO, , BCU BZHI PA RANG GI MTSAN NYID STONG PA NYID LA PHUNG PO LNGA'I RANG GI MTSAN NYID NI, GZUGS NI ZHES PA RKANG PA BRGYAD DE, GZUGS KYI THUN MONG MA YIN PA'I MTSAN NYID GZUGS RUNG CHOS CAN, RANG BZHIN GYIS MED DE, RANG BZHIN GYIS GRUB PA'I GCIG DANG DU MA GANG DU YANG MED PA'I PHYIR, DE BZHIN DU TSOR BA'I RNAM SMIN MYONG BA DANG 'DU SHES KYI CHOS RNAMS KYI THUN MONG MIN PA'I MTSAN MAR 'DZIN PA DANG, 'DU BYED KYI SEMS YUL LA 'DU BYED BA DANG, RNAM SHES KYI THUN MONG MA YIN PA'I RANG GI MTSAN NYID RNAM

, ,PAR RIG PA RNAMS STONG BZHI CHOS CAN NO, ,PHUNG KHAMS SKYE MCHED GSUM GYI RANG GI MTSAN NYID NI, PHUNG PO ZHES PA RKANG PA BZHI STE, PHUNG PO'I SDUG BSNGAL GSUM GANG RUNG GI RANG BZHIN DANG, KHAMS KYI 'DZIN PAR BYED PAR CHOS MTHUN PAS SBRUL GDUG PA'I MTSAN NYID CAN DANG, SKYE MCHED RNAMS KYI SEMS SEMS BYUNG SKYE BA'I SGO NYID DU GSUNGS PA RNAMS STONG GZHI'O, ,RGYU RKYEN 'DU 'PHROD KYI MTSAN NYID CAN RTEN 'BREL GYI NI, RTEN CING ZHES PA RKANG PA GNYIS SO, ,PHA ROL TU PHYIN PA DRUG GI THUN MONG MA YIN PA'I MTSAN NYID NI, GTONG BA ZHES PA SHO LO KA GNYIS TE, GTONG BA'I SEMS DPA'I PHA ROL TU PHYIN PA DANG, SPONG BA'I SEMS PA DANG, MI MTHUN PHYOGS LA KHRO BA MED PA DANG, DGE BA'I BYA BA LA SPRO BA DANG, DMIGS PA DANG DGE BA'I CHOS THAMS CAD SDUD BA DANG, 'GA' LA YANG CHAGS PA MED PA'I MTSAN NYID CAN RNAMS NI RIM PA BZHIN DU PHAR PHYIN DRUG RI, STONG PA NYID KYI STONG GZHI'O, ,BSAM GTAN GZUGS MED KYI NI, BSAM GTAN ZHES PA RKANG PA BZHI STE, BSAM GTAN GZUGS MED KYI THUN MONG MA YIN PA'I CHOS KHONG KHRO SPANGS PAS SEMS MI 'KHRUG BA'I MTSAN NYID CAN CHOS CAN, RANG BZHIN GYIS MED DE, ZHES SBYAR RO, ,BYANG PHYOGS DANG RNAM THAR SGO GSUM DANG RNAM PAR THAR PA BRGYAD KYI THUN MONG MIN PA'I MTSAN NYID NI, BYANG CHUB CES PA SHO LO KA GNYIS TE, 'KHOR BA LAS NGES PAR 'BYUNG BAR BYED PA'I BYANG CHUB KYI PHYOGS MTHUN GYI CHOS RNAMS DANG, CHOS RNAMS KYI DNGOS PO BDEN PAR 'DZIN PA'I DRI MAS MA SPAGS PA'I RNAM PAR THAR PA'I SGO STONG PA NYID DANG, RGYU'I MTSAN MA BDEN

PAR 'DZIN PA NYE BAR ZHI BA'I MTSAN MA MED PA DANG, 'BRAS BU LA SMON PA BDEN PAR 'DZIN PA DANG BRAL BA'I SMON PA MED PA DANG, SNYOMS 'JUG GI SGRIB PA LAS GROL BAR BYED PA'I RNAM THAR BRGYAD RNAMS STONG GZHI CHOS CAN NO, ,STOBS BCU DANG MI 'JIGS PA BZHI DANG SO SOR YANG DAG PAR RIG PA BZHI DANG TSAD MED PA BZHI DANG SANGS RGYAS KYI CHOS MA 'DRES PA BCO BRGYAD KYI THUN MONG MA YIN PA'I MTSAN NYID NI, STOBS RNAMS, ,ZHES PA NAS, MI 'PHROGS RANG MTSAN NYID CES PA'I PA SHO LO KA BZHI STE, SHIN TU RNAM PAR NGES SHING GTAN LA PHAB PA'I RANG BZHIN CAN GYI STOBS DANG, MI MTHUN PHYOGS SUS KYANG GZHAN DU BYA BAR MI NUS PA SHIN TU BRTAN PA'I MTSAN NYID CAN GYI MI 'JIGS PA DANG, CHOS DANG DON SOGS LA THOGS PA MED PAR 'JUG PA'I MTSAN NYID CAN GYI SO SOR YANG DAG PAR RIG PA DANG, 'GRO BA MTHA' DAG LA PHAN PA CHEN PO SGRUB PA DANG SDUG BSNGAL MTHA' DAG LAS SKYOB PA DANG, BDE BA DANG LDAN SDUG BSNGAL DANG BRAL NA DGA' BA DANG, RJES CHAGS DANG KHONG KHRO DANG MA 'DRES PA'I MTSAN NYID CAN GYI TSAD MED BZHI DANG, NYAN RANG SOGS DANG THUN MONG MA YIN PA'I SANGS RGYAS KYI CHOS MA 'DRES PA BCO BRGYAD RNAMS NI STONG GZHI'O, ,RNAM MKHYEN GYI MTSAN NYID NI, RNAM KUN ZHES PA RKANG PA BZHI STE, CHOS THAMS CAD MNGON SUM DU MKHYEN PA'I MTSAN NYID CAN NI STONG GZHI'O, ,BSDUS TE BSTAN PA NI, GANG ZHIG CES PA RKANG PA BZHI STE, 'DUS BYAS 'DUS MA BYAS KYI CHOS RNAMS KYI THUN MONG MIN PA'I MTSAN NYID CHOS CAN, RANG BZHIN GYIS MED DE, RANG BZHIN GYIS GRUB PA'I GCIG DANG DU MA GANG DU YANG MA GRUB

, ,BA'I PHYIR, BCO LNGA PA MI DMIGS PA STONG PA NYID NI, DA LTA ZHES PA SHO LO KA GNYIS TE, DE LTAR BA SKAD CIG LAS LHAG PAR MI GNAS PA DANG, 'DAS MA 'ONGS ZHIG PA DANG MA SKYES PAS DUS GSUM PO PHAN TSUN GCIG GI DUS SU GCIG MA DMIGS PA CHOS CAN, RANG BZHIN GYIS MED DE, RANG BZHIN GYIS GRUB PA'I GCIG DANG DU MA DANG BRAL BA'I PHYIR, DUS GSUM PHAN TSUN GCIG GI DUS SU GCIG MA DMIGS PA RANG BZHIN GYIS STONG PA DE CHOS CAN, MI DMIGS PA STONG PA NYID CES BYA STE, BSHAD MA THAG PA'I MI DMIGS PA'I DON DE RANG BZHIN GYIS STONG PA'I STONG CHA YIN PA'I PHYIR, BCU DRUG PA DNGOS PO MED PA'I NGO BO NYID STONG PA NYID NI, RKYEN LAS ZHES PA RKANG PA BZHI STE, RGYU DANG RKYEN LAS BYUNG BAS TSOGS PA BDEN PA BA DANG BRAL BA'I 'DUS BYAS RNAMS CHOS CAN, RANG BZHIN GYIS DBEN TE, RANG BZHIN GYIS GRUB PA'I GCIG DU MA DANG BRAL BA'I PHYIR, GNYIS PA STONG NYID PHYI MA BZHI BSHAD PA LA BZHI'I DANG PO DNGOS PO STONG PA NYID NI, DNGOS PO'I ZHES PA RKANG PA BZHI STE, PHUNG PO LNGA PO STONG GZHI CHOS CAN TE, NANG STONG PA NYID KYI SKABS LTAR SBYAR RO, ,GNYIS PA DNGOS PO MED PA STONG PA NYID NI, MDOR BSDUS ZHES PA RKANG PA BZHI STE, 'DUS MA BYAS KYI CHOS RNAMS STONG GZHI CHOS CAN NO, ,GSUM PA RANG GI NGO BO STONG PA NYID NI; RANG BZHIN ZHES PA RKANG PA BZHI STE, CHOS RNAMS KYI RANG BZHIN DON DAM PA'I BDEN PA STONG GZHI STE, DE CHOS CAN, STONG PA NYID KYI DBYE BAR SMOS PA DGOS PA YOD DE, NYAN THOS SOGS KYIS GSAR DU BYAS SAM SNYAM PA DANG, RANG GI NGO BO NYID KYIS GRUB BAM

SNYAM PA'I DOGS PA BZLOG PA'I CHED YIN PA'I PHYIR, BZHI PA GZHAN GYI DNGOS PO STONG PA NYID NI, SANGS RGYAS ZHES PA RKANG PA DRUG STE, SANGS RGYAS RNAMS BYUNG YANG RUNG MA BYUNG YANG RUNG, THOG MA MED PA NAS GNAS PA'I CHOS KUN BDEN PAS STONG PA DE CHOS CAN, GZHAN GYI DNGOS PO STONG PA NYID CES BYA STE, GTZO BO LA SOGS BA'I BYED PA PO DON GZHAN GYIS STONG PA'I DE BZHIN NYID YIN PA'I PHYIR, STONG NYID KYI DBYE BAR BKOD PA YANG BYED PA PO DON GZHAN GYIS BYAS SAM SNYAM PA'I DOGS PA DGAG PA'I CHED YIN NO, ,GSUM PA MDO GANG LAS BSTAN PA NI, SHES RAB BZHES BA RKANG PA GNYIS STE, JI SKAD BSHAD PA'I STONG PA NYID DE DAG CHOS CAN, PHA ROL TU PHYIN PA'I SHER PHYIN GYI MDO SDE LAS GSUNGS TE, BDAG MED GNYIS LA STONG NYID BZHIR BSDU BA DANG, BCU DRUG TU DBYE BA'I SGO NAS MDO SDE LAS GSUNGS PA'I PHYIR, GSUM PA SA'I YON TAN BRJOD PA'I SGO NAS MJUG BSDU BA LA BZHI, MKHYEN PA'I KHYAD PAR, BRTZE BA'I KHYAD PAR, NUS PA'I KHYAD PAR, 'BRAS BU'I KHYAD PAR RO, ,DANG PO NI, DE LTAR ZHES PA RKANG PA BZHI STE, SA DRUG PA LA GNAS PA'I BYANG CHUB SEMS DPA' CHOS CAN, THABS KYI CHAS BSDUS PA'I KUN RDZOB BDEN PA'I STOBS KYIS 'GOG PA LA SNYOMS PAR 'JUG NUS TE, RANG GI LAG NA GNAS PA'I SKYU RU RA BZHIN DU SRID PA GSUM PO 'DI DAG SKYE BA MED PAR MNGON SUM DU GSAL BAR RTOGS PA'I SKYES BU YIN PA'I PHYIR, GNYIS PA NI, RTAG TU ZHES PA RKANG PA GNYIS TE, DE CHOS CAN, DUS RING POR 'GOG PA LA SNYOMS PAR 'JUG PA'I NUS PA THOB KYANG SKABS DER 'GOG PA MNGON DU MI BYED PA'I RGYU MTSAN YOD DE, DE THOB KYANG 'GRO

, ,BA MGON MED PA LA DMIGS PA'I SNYING RJE PHUL DU PHYIN PA'I STOBS KYIS DER 'GOG PA MNGON DU MI BYED PA'I PHYIR, GSUM PA NI, DE GONG ZHES PA RKANG PA GNYIS TE, DE CHOS CAN, KHYOD KYIS SA BDUN PA THOB PA'I TSE NYAN RANG RNAMS SHES RAB KYI STOBS KYIS ZIL GYIS GNON NUS TE, SA DRUG PA RGYUD LA LDAN BZHIN PAS KHYAD PAR DU BYAS PA'I SKYES BU YIN PA'I PHYIR, BZHI PA NI, KUN RDZOB ZHES PA RKANG PA BZHI STE, DE CHOS CAN, RGYAL BA SANGS RGYAS KYI YON TAN RGYA MTSO LTA BU'I PHA ROL TU TSOGS GNYIS KYI RLUNG GI SHUGS STOBS KYIS 'GRO BAR 'GYUR TE, KUN RDZOB KYI LAM GYI RIM PA THABS KYI CHA'I RIGS MA TSANG BA MED PA DANG, DON DAM PA'I LAM GYI RIM PA YE SHES KYI TSOGS KYI RIGS MA TSANG BA MED PA'I GSHOG PA GNYIS RGYAS PAR GYUR PA'I SEMS DPA' 'PHAGS PA YIN PA'I PHYIR, SEMS BSKYED PA DRUG PA BSHAD ZIN TO,, ` ,,BDUN PAS RING DU SONG BA NI, RING DU ZHES PA RKANG PA GSUM STE, SA BDUN PA LA GNAS PA'I BYANG CHUB SEMS DPA' CHOS CAN, SKAD CIG RE RE LA 'GOG PA'I SNYOMS 'JUG LA 'JUG LDANG BYED NUS KYANG ,SKABS DER 'GOG BA MNGON DU BYA BA MIN TE, THABS MKHAS KYI PHAR PHYIN YONGS SU RDZOGS PA'I MA DAG SA PA YIN PA'I PHYIR, SEMS BSKYED PA BDUN PA BSHAD ZIN TO,, ` BRGYAD PAS MI G-YO BA LA GNYIS, SA BDUN PA BAS BRGYAD PA THOB PHYIR DU BRTZON PA'I RGYU MTSAN DANG, SA BRGYAD PA'I YON TAN GYI KHYAD PAR RO, ,DANG PO NI, YANG YANG ZHES PA RKANG PA GSUM STE, DE CHOS CAN, RNAM PA THAMS CAD DU PHYIR MI LDOG PA'I

SA BRNYES PA'I SA MI G-YO BA LA 'JUG PA'I RGYU MTSAN YOD DE, SA BDUN PA MAN CHAD DU THOB PA'I TSOGS GNYIS KYI DGE BA LAS LHAG PA THOB PA'I PHYIR DU DE LA 'JUG PA'I PHYIR, GNYIS PA LA BZHI, RTOGS PA'I KHYAD PAR DANG, SPANGS PA'I KHYAD PAR DANG, NUS PA'I KHYAD PAR DANG, GZUGS SKU THOB PAR BYED PA'I THABS KYI KHYAD PAR RO, ,DANG PO NI, 'DI YI ZHES PA RKANG PA GNYIS TE, SA BRGYAD PA BA CHOS CAN, SNGAR SA DANG POR SMON LAM CHEN PO BCU LA SOGS PA'I SMON LAM 'BUM PHRAG GRANGS MED PA BTAB PA DE DAG CHOS YONGS SU DAG PA THOB PA YIN TE, SMON LAM GYI PHAR PHYIN YONGS SU RDZOGS PA YIN PA'I PHYIR, DE CHOS CAN, NYON MONGS ZAD PAR SPANGS PA'I ZHI BA'I BDE BA LAS RGYAL BA RNAMS KYIS SLONG BAR MDZAD PA'I RGYU MTSAN YOD DE, DE 'BA' ZHIG LA SNYOMS PAR ZHUGS NA CHAD PA'I MTHAR LTUNG ZHING, SANGS RGYAS KYI GZUGS SKU'I YON TAN SGRUB PA'I PHYIR DU DE LAS SLONG BAR MDZAD PA YIN PA'I PHYIR, GNYIS PA NI, CHAGS PA MED PA'I ZHES PA RKANG PA GNYIS TE, DE CHOS CAN, NYON MONGS SA BON DANG BCAS PA ZAD PAR SPANGS PA YIN TE, CHAGS PA MED PA'I BLO RNAM PAR MI RTOG PA'I YE SHES LA DBANG THOB PA'I PHYIR, KHYAB PAR THAL, MI RTOG PA'I YE SHES NYON MONGS DANG LHAN CIG MI GNAS 'GAL LA BRTEN PA'I GNOD BYA GNOD BYED DU SONG BA'I SGO NAS LHAN GCIG DU MI GNAS PA'I PHYIR, GSUM PA NI, NYON MONGS ZAD CING ZHES PA RKANG PA GNYIS TE, DE CHOS CAN, NYON MONGS ZAD PAR SPANGS SHING KHAMS GSUM GYI BLA MAR GYUR KYANG SANGS RGYAS KYI CHOS RDZOGS

, ,PA THOB PHYIR DU SGRIM PAR BYA DGOS TE, DE LTAR GYUR KYANG SANGS RGYAS KYI 'BYOR PA MA LUS PA DA DUNG MA THOB PAS BRTZON DGOS PA'I PHYIR, BZHI PA NI, 'KHOR BA 'GAGS KYANG ZHES PA RKANG PA GNYIS TE, DE CHOS CAN, NYON MONGS RGYU 'BRAS KYI 'KHOR BA SPANGS KYANG SRID PAR TSOGS RDZOGS PAR BYED PA MI 'GAL TE, DBANG BCU THOB CING YID KYI RANG BZHIN GYI LUS KYI SGO NAS TSOGS RDZOGS PAR BYED PA'I PHYIR, SEMS BSKYED PA BRGYAD PA BSHAD ZIN TO,, ` ,,DGU PA LEGS PA'I BLO GROS NI, DGU PA ZHES PA RKANG PA GNYIS TE, SA DGU PA LA GNAS PA'I BYANG CHUB SEMS DPA' CHOS CAN, SA BRGYAD PA'I SKABS LAS CHES YONGS SU DAG PA'I YON TAN THOB STE, STOBS KYI PHAR PHYIN DANG, SO SOR YANG DAG RIG PA BZHI'I YON TAN CHES YONGS SU DAG PA THOB PA'I PHYIR, SEMS BSKYED PA DGU PA BSHAD ZIN TO,, ` ,,BCU PA CHOS KYI SPRIN LA GNYIS, RTOGS PA'I KHYAD PAR DANG, 'PHRIN LAS KYI KHYAD PAR RO, ,DANG PO NI, BCU PA'I ZHES PA RKANG PA GNYIS TE, SA BCU PA LA GNAS PA'I BYANG CHUB SEMS DPA' CHOS CAN, SA DGU PA MAN CHAD LAS CHES LHAG PA'I YON TAN THOB STE, SANGS RGYAS RNAMS LAS 'OD ZER CHEN PO'I DBANG BSKUR DAM PA THOB CING, YE SHES KYI PHAR PHYIN RDZOGS PAR THOB PA'I PHYIR, GNYIS PA NI, CHAR SPRIN ZHES PA RKANG PA GNYIS TE, DE CHOS CAN, 'PHRIN LAS CHES YONGS SU DAG PA THOB STE, CHAR SPRIN LAS CHAR LTAR 'GRO BA RNAMS KYI DGE BA'I LO THOG 'PHEL BA'I CHED DU RTZOL BZHI PA'I SGO NAS LHUN GYIS GRUB PA'I CHOS KYI CHAR 'BEBS PA'I PHYIR,

SEMS BSKYED PA BCU PA BSHAD ZIN TO,, ` ,,GNYIS PAS DE DAG GI GNAS SKABS SU THOB PA'I YON TAN LA GSUM, SA DANG PO DANG GNYIS PA'I SKABS SU THOB PA'I YON TAN GYI GRANGS DANG, GSUM PA NAS BDUN PA'I BAR GYI GNAS SKABS SU THOB PA'I YON TAN DANG, DAG PAS GSUM GYI SKABS SU THOB PA'I YON TAN NO, ,DANG PO NI, DE TSE, ZHES PA NAS, DE DAG STONG NI YANG DAG THOB PAR 'GYUR TE ZHES PA'I BAR TE, SA DANG PO LA GNAS PA'I BYANG CHUB SEMS DPA' CHOS CAN, YON TAN BRGYA PHRAG BCU GNYIS THOB PA YIN TE, DUS SKAD CIG MA GCIG LA SANGS RGYAS BRGYA'I ZHAL MTHONG BA NAS LUS BRGYA'I LUS RE RE LA 'KHOR BYANG CHUB SEMS DPA' BRGYA BRGYA DANG LDAN PAR KUN TU STON PA'I BAR GYI YON TAN RNAMS THOB PA'I PHYIR, SA GNYIS PA LA GNAS PA'I BYANG CHUB SEMS DPA' CHOS CAN, YON TAN STONG PHRAG BCU GNYIS THOB PA YIN TE, DUS SKAD CIG GCIG LA SANGS RGYAS STONG GI ZHAL MTHONG BA NAS RANG GI LUS STONG PO RE RE LA YANG 'KHOR BYANG CHUB SEMS DPA' STONG STONG DANG LDAN PAR KUN TU STON PA'I BAR GYI YON TAN RNAMS THOB PA'I PHYIR, GNYIS PA NI, SA LNGA PO, ZHES PA NAS, MTHA' DAG RAB TU THOB PAR 'GYUR, ,ZHES PA'I BAR TE, RIM PA BZHIN DU YON TAN 'BUM PHRAG DANG, BYE BA PHRAG BRGYA DANG, BYE BA PHRAG STONG DANG, BYE BA PHRAG 'BUM DANG, BYE BA PHRAG KHRIG 'BUM PHRAG STONG 'GYUR DU THOB PAR SBYAR RO, ,GSUM PA LAS BRGYAD PAR THOB PA'I YON TAN NI, MI G-YO'I SAR GNAS ZHES PA RKANG PA BZHI STE, SHES BYA CHOS CAN, SA BRGYAD PA LA GNAS PA'I BYANG CHUB SEMS DPAS SA BDUN PA MAN CHAD KYI YON

, ,TAN LAS CHES LHAG PA THOB STE, DES STONG GSUM GYI 'JIG RTEN GYI KHAMS 'BUM GYI RDUL PHRA RAB KYI GRANGS DANG MNYAM PA'I YON TAN THOB PA'I PHYIR, SA DGU PA'I YON TAN NI, LEGS PA'I ZHES PA RKANG PA BZHI STE, DE CHOS CAN, SA BRGYAD PA PAS KYANG CHES LHAG PA'I YON TAN THOB STE, DES STONG GSUM GYIS 'JIG RTEN KHAMS GRANGS MED 'BUM PHRAG BCU'I RDUL PHRA RAB DANG MNYAM PA'I YON TAN THOB PA'I PHYIR, SA BCU PA'I YON TAN LA GNYIS, GRANGS KYI KHYAD PAR DANG, MTHA'I KHYAD PAR RO, ,DANG PO NI, RE ZHIG CES PA RKANG PA BZHI STE, DE CHOS CAN, SA BCU PA'I YON TAN RANG LAS BLO DMAN RNAMS KYIS GRANGS YONGS SU TSANG BA NGES MI NUS TE, DE'I NGAG GI SPYOD YUL LAS 'DAS PA'I PHYIR, SA BCU PA BA DES SA DGU PA MAN CHAD KYI YON TAN LAS CHES LHAG PA THOB STE, STONG GSUM GYI ZHING BRJOD DU MED PA'I YANG BRJOD DU MED PA RNAMS NA RDUL JI SNYED YOD PA DE RNAMS KYI GRANGS DANG MNYAM PA THOB PA'I PHYIR, GNYIS PA NI, BA SPU'I ZHES PA RKANG PA BZHI STE, DE CHOS CAN, SA BCU PA BA DES DE MAN CHAD LAS CHES LHAG PA'I MTHU KHYAD PAR CAN THOB STE, KUN SLONG GI RNAM RTOG MNGON GYUR DU MED BZHIN DU BA SPU'I KHUNG BU RE RER SANGS RGYAS KYI SKU GRANGS MED PA RE RE ZHING YANG 'KHOR BYANG CHUB SEMS DPA' BGRANG BA LAS 'DAS PAS BSKOR BA DANG, 'GRO BA LNGA'I 'KHOR BA RNAMS KYANG MA 'DRES PAR SKAD CIG RE RE LA STON NUS PA'I PHYIR,, ` ,,GNYIS PA 'BRAS BU'I SA BSHAD PA LA GSUM, MNGON PAR BYANG CHUB PA'I TSUL DANG, MNGON PAR BYANG CHUB PA'I

NGO BO DANG, CHOS KYI SKUR MNGON PAR BYANG CHUB PA'I DUS DANG BZHUGS PA'I DUS BSTAN PA'O, ,DANG PO LA GNYIS, DNGOS DANG, RTZOD SPONG NGO, ,DANG PO LA GNYIS, GNAS GANG DU MNGON PAR BYANG CHUB PA DANG, JI LTAR MNGON PAR BYANG CHUB PA'I TSUL LO, ,DANG PO NI, GANG PHYIR ZHES PA RKANG PA BZHI STE, THUB PA SANGS RGYAS BCOM LDAN 'DAS CHOS CAN, GZHAN DANG MTSUNGS PA MED PA'I SANGS RGYAS KYI YON TAN DE DAG KHYOD KYIS 'OG MIN GYI GNAS SU MNGON DU MDZAD PA YIN TE, NAM MKHA' DRI MA MED PA LA GNAS PA'I NYI MA'I 'OD ZER GYIS GZUGS MTHA' DAG GSAL BAR BYED PA LTAR, SANGS RGYAS KYI SA'I CHOS RNAMS THOB PA'I GEGS DRI MA PHRA MO SBYONG BAR BYED PA'I SA BCU PA BRNYES PA'I TSE SANGS RGYAS KYI CHOS MNGON DU BYA NUS PAR MKHYEN NAS 'OG MIN GYI GNAS DER MNGON DU BYA BA'I PHYIR DU BRTZON PAR MDZAD PA'I PHYIR, GNYIS PA NI, JI LTAR ZHES PA RKANG PA BZHI STE, DE CHOS CAN, KHYOD KYIS DUS SKAD CIG LA THAMS CAD MKHYEN PA'I YE SHES THUGS SU CHUD DE, SNOD THA DAD PA'I NANG GI NAM MKHA' LA DBYE BA MED PA LTAR CHOS THAMS CAD KYANG RO GCIG PA'I GNAS LUGS RANG BZHIN GYIS STONG PA NYID DE 'KHOR BA JI SRID PAR SLAR LDANG BA MED PA'I TSUL GYIS DUS SKAD CIG GCIG LA MNGON DU MDZAD PA'I PHYIR, GNYIS PA LA GNYIS, RTZOD PA DANG, DE'I LAN NO, ,DANG PO NI, GANG TSE ZHES PA RKANG PA BZHI STE, RANG BZHIN GYIS SKYE BA MED PA CHOS RNAMS KYI DE KHO NA NYID YIN ZHING DE MNGON DU BYAS SO ZHES PA MI 'THAD DE, DE KHO NA NYID YIN NA DE LA BLO 'JUG PA MI 'THAD DE, DE'I RNAM PA 'CHAR BA MI SRID

, ,PA'I PHYIR, DE LA BLO MA ZHUGS NA DE SHES PAR 'GAL BAS DE KHO NA NYID MNGON DU BYAS PA ZHES JI LTAR BRJOD, SEMS RANG BZHIN GYIS SKYE BA MED PA YIN NA YANG MKHYEN PA PO MED PAS NGAS DE KHO NA NYID THUGS SU CHUD DO ZHES GZHAN LA STON PA YANG MI 'THAD DO ZHE NA, GNYIS PA LAN LA GNYIS, RANG GIS DE KHO NA NYID RTOGS PA 'THAD PA DANG, GZHAN LA DE NYID STON PA 'THAD PA'O, ,DANG PO NI, GANG TSE ZHES PA RKANG PA BZHI STE, DE CHOS CAN, YUL YUL CAN GNYIS RANG BZHIN GYIS SKYE BA DANG BRAL YANG KHYOD KYIS DE KHO NA NYID RTOGS PA MI 'THAD PA'I SKYON MED PAR THAL, SNGO 'DZIN MNGON SUM TSAD MAS SNGON PO'I RNAM PA LEGS PAR SHAR NAS SNGON PO RTOGS PA LTAR KHYOD KYI MNYAM BZHAG YE SHES DES KYANG RANG BZHIN GYIS SKYE BA MED PA DE'I RNAM PA LEGS PAR SHAR BA'I SGO NAS DE MNGON SUM DU RTOGS PA'I PHYIR, GNYIS PA LA GNYIS, DNGOS DANG, RNAM RTOG MED BZHIN DU GZHAN DON LHUN GRUB TU GRUB PA'I DPE BSTAN PA'O, ,DANG PO NI, DE YI ZHES PA RKANG PA BZHI STE, DE CHOS CAN; GZHAN LA DE KHO NA NYID STON PA MI 'THAD PA'I SKYON YANG MED PAR THAL, KHYOD GZUGS SKU RNAM PA GNYIS LA BZHUGS NAS GDUL BYA DANG 'TSAM PAR DNGOS PO'I DE KHO NA NYID STON CING DER MA ZAD KHYOD KYI MTHUS RTZI SHING NAGS TSAL SOGS LAS KYANG DE KHO NA NYID KYI SGRA BYUNG NAS 'JIG RTEN PAS DE KHO NA NYID RTOGS NUS PA'I PHYIR, GNYIS PA NI, JI LTAR ZHES PA SHO LO KA GNYIS TE, DE CHOS CAN, KHYOD KYIS 'BAD RTZOL NYE BAR ZHI BA'I SGO NAS GZHAN LA DE KHO NA NYID STON CING, SEMS

CAN GYI DON MTHA' YAS PA SGRUB NUS TE, RDZA MKHAN GYIS 'KHOR LO DA LTAR BSKOR BA'I RTZOL BA MNGON GYUR MED BZHIN DU RANG STOBS KYIS 'KHOR ZHING SNOD THA DAD PA'I RGYU BYED PA LTAR RTZOL BA MED BZHIN DU CHOS KYI SKU LA RTAG TU MNYAM PAR BZHAG PA'I NGANG NAS SNGON GYI SMON LAM DANG, GDUL BYA'I BSOD NAMS KYI DBANG GIS GDUL BYA MTHA' DAG GI DON MDZAD PA'I PHYIR, GNYIS PA MNGON PAR BYANG CHUB PA'I NGO BO LA GNYIS, RANG DON CHOS KYI SKU DANG, GZHAN DON GZUGS KYI SKU'O, ,DANG PO NI, SHES BYA'I ZHES PA RKANG PA BZHI STE, RDZOGS PA'I SANGS RGYAS KYI MNYAM BZHAG YE SHES CHOS CAN, CHOS KYI SKU ZHES BYA STE, SHES BYA'I GNYIS SNANG GI BUD SHING MA LUS PA BZLOG PA'I SGO NAS DE BZHIN NYID LA 'KHOR BA JI SRID PAR SLAR MI LDANG BA'I TSUL GYIS MNYAM PAR BZHAG PA'I YE SHES YIN PA'I PHYIR, LONGS SPYOD RDZOGS PA'I SKUS KHYED MNGON SUM DU MDZAD PAR BZHAG TU RUNG STE, SEMS SEMS BYUNG GI GNYIS SNANG GI 'JUG PA MA LUS PA NYE BAR ZHI BA'I YE SHES MTHAR THUG YIN PA'I PHYIR, GNYIS PA LA BZHI, LONGS SKU DANG DE'I RGYU MTHUN PHUN SUM TSOGS PA BSHAD PA DANG, BZHED PA LA MNGA' BSGYUR BA PHUN SUM TSOGS PA DANG, YON TAN PHUN SUM TSOGS PA BSHAD PA DANG, SPRUL PA'I SKU KHYAD PAR DU BSHAD PA'O, ,DANG PO LA GNYIS, LONGS SPYOD RDZOGS PA'I SKU DANG, DE'I RGYU MTHUN PHUN SUM TSOGS PA BSHAD PA'O, ,DANG PO NI, ZHI SKU ZHES PA RKANG PA BZHI STE, LONGS SPYOD RDZOGS PA'I SKU CHOS CAN, SPROS PA MTHA' DAG DANG BRAL ZHING RNAM PAR RTOG PA MI MNGA' BA YIN YANG DPAG BSAM GYI SHING DANG,,

, ,YID BZHIN GYI NOR BU LTAR SEMS CAN GYI MNGON PAR 'DOD PA'I DON SGRUB PA'I RGYUR 'GYUR TE, MTHAR PHYIN PA'I BYANG CHUB SEMS DPA' RNAMS LA DNGOS SU SNANG ZHING, 'KHOR BA JI SRID PAR 'JIG RTEN PA RNAMS KYI MNGON MTHO NGES LEGS KYI DON SGRUB PA'I PHYIR DU RTAG PAR BZHUGS PA'I SKU YIN PA'I PHYIR, GNYIS PA LA BZHI, RANG NYID KYI 'KHOR BA THOG MA MED PA NAS KYI BYUNG TSUL MTHA' DAG SKU GCIG LA DUS GCIG DU STON NUS PA DANG, BYANG CHUB SEMS DPA'I SKABS KYI SPYOD PA KUN STON NUS PA DANG, RANG NYID SANGS RGYAS PA'I GNAS SKABS DANG SANGS RGYAS GZHAN GYI SPYOD PA KUN BA SPU'I KHUNG BUR STON NUS PA DANG, NYAN RANG LA SOGS PA'I SPYOD PA KUN STON NUS PA'O, ,DANG PO NI, THUB DBANG ZHES PA RKANG PA BZHI STE, THUB PA SANGS RGYAS BCOM LDAN 'DAS CHOS CAN, MTHU BSAM GYIS MI KHYAB PA MNGA' BA YIN TE, 'KHOR BA THOG MA MED PA NAS KYI BYUNG TSUL MTHA' DAG ME LONG NANG GI GZUGS BRNYAN LTAR SKU GCIG LA DUS GCIG TU GSAL BAR STON NUS PA'I PHYIR, GNYIS PA SBYIN PA'I PHAR PHYIN LA SPYOD PA'I SKABS KYI BYUNG TSUL STON NUS PA NI, SANGS RGYAS ZHES PA SHO LO KA GNYIS TE, DE CHOS CAN, SNGON SBYIN PA'I PHAR PHYIN LA SPYOD PA'I SKABS KYI BYUNG TSUL MA LUS PA YANG SKU GCIG LA STON NUS TE, SNGON SANGS RGYAS KYI ZHING JI 'DRAR THUB PA'I DBANG PO CI 'DRA BA 'KHOR NYAN THOS DANG BCAS PA SOGS LA SBYIN PA CI TZAM PHUL BA SOGS SKU GCIG LA DUS GCIG TU STON NUS PA'I PHYIR, PHAR PHYIN LHAG MA GZHAN

GYI BYUNG TSUL STON NUS PA NI, DE BZHIN ZHES PA RKANG PA PHYED DANG GSUM STE, DE CHOS CAN, SBYIN PA'I BYUNG MTHA' STON NUS PA KHO NAR ZAD PA MA YIN TE, SNGON GYI PHAR PHYIN LHAG MA RNAMS LA SPYOD PA'I BYUNG TSUL MTHA' DAG KYANG SKU GCIG LA STON NUS PA'I PHYIR, GSUM PA NI, NYID SPYOD PA KUN, ZHES PA NAS, GSAL BAR STON ZHES PA'I BAR TE, DE CHOS CAN, RANG NYID KYI BYANG CHUB SEMS DPA'I SKABS KYI SPYOD PA STON PA KHO NAR ZAD PA YANG MA YIN TE, RANG NYID KYI SANGS RGYAS KYI SKABS KYI SPYOD PA DANG, SANGS RGYAS GZHAN GYI DANG PO THUGS BSKYED PA NAS SANGS RGYAS PA'I BAR GYI SPYOD PA KUN KYANG BA SPU'I KHUNG BU GCIG LA GSAL BAR STON NUS PA'I PHYIR, BZHI PA NI, DE BZHIN ZHES PA RKANG PA BZHI STE, DE CHOS CAN, GANG ZAG GZHAN GYI NGO MTSAR BA'I SPYOD PA RNAMS KYANG STON NUS TE, DUS GSUM GYI BYANG CHUB SEMS DPA' DANG NYAN RANG RNAMS KYI SPYOD PA NGO MTSAR BA RNAMS KYANG BA SPU'I KHUNG BUR DUS GCIG LA STON NUS PA'I PHYIR, GNYIS PA BZHED PA LA MNGA' SGYUR BA PHUN SUM TSOGS PA LA GNYIS, DNGOS DANG, DUS SKAD CIG LA STON PA'I YON TAN GYI GRANGS MTHA' YAS PA'O, ,DANG PO NI, DAG PA ZHES PA RKANG PA BZHI STE, DE CHOS CAN, BZHED PA LA MNGA' BSGYUR BA PHUN SUM TSOGS PA MNGA' STE, RDUL GCIG GI YUL LA NAM MKHA'I MTHAS GTUGS PA'I 'JIG RTEN GYI KHAMS MA LUS PA TSANG PA DANG, 'JIG RTEN GYI KHAMS KUN LA RDUL GCIG GIS KHYAB PAR BSTAN KYANG RDUL RAGS PA DANG, 'JIG RTEN GYI KHAMS CHUNG NGUR MI 'GYUR PA'I SPYOD PA KUN BZHED PA

, ,TZAM GYIS STON NUS PA'I PHYIR, GNYIS PA NI, RNAM RTOG CES PA RKANG PA BZHI STE, DE CHOS CAN, SKAD CIG LA STON PA'I YON TAN GYI GRANGS KYANG MTHA' YAS TE, 'KHOR BA'I BAR DU SKAD CIG RE RE LA STON PA'I YON TAN GYI GRANGS 'DZAM BU'I GLING GI RDUL GYI GRANGS KYIS KYANG GZHAL MI NUS PA'I PHYIR, GSUM PA YON TAN PHUN SUM TSOGS PA LA GNYIS, YON TAN GYI GTZO BO STOBS BCU DANG, PHAL PAS YON TAN BRJOD PA LAS 'DAS PAR BSTAN PA'O, ,DANG PO LA GNYIS, MDOR BSTAN PA DANG, RGYAS PAR BSHAD PA'O, ,DANG PO NI, GNAS DANG, ZHES PA NAS, 'DI DAG GO ZHES PA'I BAR GYI SHO LO KA GSUM STE, SHES BYA CHOS CAN, SANGS RGYAS KYI STOBS RNAM PA BCU YOD DE, DE LA GNAS DANG GNAS MA YIN PA MKHYEN PA'I STOBS NAS ZAG PA ZAD PA MKHYEN PA'I BAR RNAMS SU YOD PA'I PHYIR, GNYIS PA LA BCU YOD PA'I DANG PO GNAS DANG GNAS MA YIN PA MKHYEN PA'I STOBS NI, RGYU GANG ZHIG LAS ZHES PA RKANG PA BZHI STE, SANGS RGYAS KYI THUGS RGYUD KYI STOBS CHOS CAN, GNAS DANG GNAS MA YIN PA MKHYEN PA'I STOBS MNGA' STE, LAS MI DGE BA LAS RNAM SMIN YID DU MI 'ONG BA 'BYIN PA GNAS DANG, YID DU 'ONG BA 'BYIN PA GNAS MA YIN PA SOGS LA MKHYEN PA CHAGS THOGS MED PAR 'JUG PA'I YE SHES MTHAR PHYIN PA YIN PA'I PHYIR, GNYIS PA LAS DANG RNAM SMIN MKHYEN PA'I STOBS NI, 'DOD DANG ZHES PA RKANG PA BZHI STE, DE CHOS CAN, LAS DANG RNAM SMIN MKHYEN PA'I STOBS MNGA' STE, LAS 'BRAS KYI RNAM DBYE LA MKHYEN PA CHAGS THOGS MED PAR 'JUG

PA'I YE SHES MTHAR PHYIN PA YIN PA'I PHYIR, GSUM PA MOS PA SNA TSOGS MKHYEN PA'I STOBS NI, 'DOD CHAGS ZHES PA RKANG PA BZHI STE, DE CHOS CAN, MOS PA SNA TSOGS MKHYEN PA'I STOBS MNGA' STE, SEMS CAN CHAGS SOGS DANG DANG SOGS 'KHOR 'DAS KYIS BSDUS PA'I CHOS RNAMS LA MOS PA SNA TSOGS PA LA MKHYEN PA CHAGS THOGS MED PAR 'JUG PA'I YE SHES MTHAR PHYIN PA YIN PA'I PHYIR, MKHYEN PA ZHES PA MAN CHAD RTAGS PHYI MA KUN LA YANG SBYAR RO, ,BZHI PA KHAMS SNA TSOGS MKHYEN PA'I STOBS NI, SANGS RGYAS ZHES PA RKANG PA BZHI STE, DE CHOS CAN, KHAMS SNA TSOGS MKHYEN PA'I STOBS MNGA' STE, MIG LA SOGS PA'I KHAMS MTHA' DAG GI RAB DBYE LA MKHYEN PA ZHES SOGS SBYAR RO, ,LNGA PA DBANG PO MCHOG DANG MCHOG MA YIN PA MKHYEN PA'I STOBS NI, KUN TU ZHES SOGS RKANG PA BZHI STE, DE CHOS CAN, DBANG PO MCHOG DANG MCHOG MA YIN PA MKHYEN PA'I STOBS MNGA' STE, DBANG PO NYI SHU RTZA GNYIS LA SOGS PA'I RANG GI NGO BO DANG 'BRAS BU LA MKHYEN PA ZHES SO, ,DRUG PA THAMS CAD DU 'GRO BA'I LAM MKHYEN PA'I STOBS NI, LAM 'GA' ZHES PA RKANG PA BZHI STE, DE CHOS CAN, THAMS CAD DU 'GRO BA'I LAM MKHYEN PA'I STOBS MNGA' STE, 'GRO BA RIGS DRUG TU 'GRO BA'I LAM DANG BYANG CHUB GSUM DU 'GRO BA'I LAM GYI RNAM DBYE LA ZHES SO, ,BDUN PA BSAM GTAN DANG RNAM THAR SOGS MKHYEN PA'I STOBS NI, 'JIG RTEN ZHES PA RKANG PA BZHI STE, DE CHOS CAN, BSAM GTAN DANG RNAM THAR SOGS MKHYEN PA'I STOBS MNGA' STE, RNAM THAR BRGYAD DANG, MTHAR GNAS KYI SNYOMS 'JUG

, ,DGU DANG, BSAM GTAN BZHI LA SOGS PA'I NGO BO DANG 'JUG LDANG SOGS LA ZHES SO, ,BRGYAD PA SNGON GYI GNAS RJES SU DRAN PA MKHYEN PA'I STOBS NI, JI SRID CES PA RKANG PA BZHI STE, DE CHOS CAN, SNGON GYI GNAS RJES SU DRAN PA MKHYEN PA'I STOBS MNGA' STE, SEMS CAN MTHA' DAG GI SNGON GYI GNAS KYI RGYU DANG SNGON GYI RNAM PA DANG KHA DOG DANG, YUL PHYOGS JI LTA BUR SKYES PA SOGS LA ZHES SO, ,DGU PA 'CHI 'PHO DANG SKYE BA MKHYEN PA'I STOBS NI, SEMS CAN ZHES PA RKANG PA BZHI STE, DE CHOS CAN, 'CHI 'PHO DANG SKYE BA MKHYEN PA'I STOBS MNGA' STE, 'JIG RTEN MA LUS PA'I 'CHI 'PHO DANG SKYE BA NAM MKHA'I MTHAS GTUGS PA'I RAB DBYE LA ZHES SO, ,BCU PA ZAG PA ZAD PA MKHYEN PA'I STOBS NI, RNAM KUN ZHES PA RKANG PA BZHI STE, DE CHOS CAN, ZAG PA ZAD PA MKHYEN PA'I STOBS MNGA' STE, NYAN RANG LA SOGS PAS NYON MONGS MA LUS PAR SPANGS PA DANG, DE BZHIN GSHEGS PA RNAMS KYIS SHES SGRIB MA LUS PAR ZAD PA SOGS LA MKHYEN PA CHAGS THOGS MED PAR 'JUG PA'I YE SHES MTHAR PHYIN PA YIN PA'I PHYIR, GNYIS PA PHAL PAS YON TAN BRJOD PA LAS 'DAS PA LA GSUM, SANGS RGYAS KYI YON TAN MA LUS PA BYANG CHUB SEMS DPA' RNAMS KYIS KYANG BRJOD MI NUS PA'I DPE DANG, 'ON KYANG 'PHAGS PA KLU SGRUB KYI LUNG LA BRTEN NAS YON TAN CUNG ZAD BSHAD PA DANG, YON TAN GYI RIGS BSDU BA'O, ,DANG PO NI, NAM MKHA' ZHES PA RKANG PA BZHI STE, SHES BYA CHOS CAN, BYANG CHUB SEMS DPA' RNAMS KYIS SRID PA JI SRID PAR SANGS RGYAS KYI YON TAN BRJOD MI

NUS PA DE SANGS RGYAS KYI YON TAN ZAD PA'I DBANG GIS MA YIN TE, NAM MKHA' LDING GI GSHOG PA'I RLUNG GI SHUGS LA NAM MKHA' MTHA' DAG BZAD PA'I NUS PA MED PA LTAR, BYANG CHUB SEMS DPA' RNAMS KYI BLO'I NUS PA ZAD PA'I DBANG GIS SANGS RGYAS KYI YON TAN RDZOGS PAR BRJOD MI NUS PA'I PHYIR, GNYIS PA NI, DE'I PHYIR ZHES PA RKANG PA BZHI'O, ,DE CHOS CAN, DE BZHIN DU SLOB DPON ZLA BA GRAGS PAS KYANG SANGS RGYAS KYI YON TAN MTHA' DAG BRJOD MI NUS KYANG YON TAN GYI PHYOGS TZAM ZHIG 'CHAD NUS PA'I RGYU MTSAN YOD DE, SLOB DPON KLU SGRUB KYIS BSHAD PA LA BRTEN NAS GSUNGS PA YIN PA'I PHYIR, GSUM PA NI, ZAB MO ZHES PA RKANG PA BZHI STE, DE CHOS CAN, SANGS RGYAS KYI YON TAN GYI RIGS GNYIS SU 'DU STE, ZAB PA DANG RGYA CHE BA'I TSUL GNYIS SU 'DUS PA'I PHYIR, YON TAN DE DAG BSTAN BCOS 'DIR BSHAD PA LA DGOS PA YOD DE, DE LA BRTEN NAS YON TAN DE DAG THOB PAR 'GYUR BA'I PHYIR, BZHI PA SPRUL PA'I SKU KHYAD PAR DU BSHAD PA LA GSUM, STON PA NGES PAR 'BYUNG BA'I TSUL DANG, MTHAR THUG PA'I THEG PA GCIG TU SGRUB PA DANG, MTHAR THUG PA'I THEG PA GSUM DU BSHAD PA DGONGS PA CAN DU BSTAN PA'O, ,DANG PO NI, SLAR YANG ZHES PA RKANG PA BZHI STE, THUB PA SANGS RGYAS BCOM LDAN 'DAS CHOS CAN, SPRUL PA'I SKU PHUN SUM TSOGS PA MNGA' BA YIN TE, PHAN LAN DANG GRAGS PA SOGS LA MI BLTA BAR THUGS RJE'I DBANG GIS MDZAD PA BCU GNYIS KYI SGO NAS GDUL BYA MYA NGAN LAS 'DAS PA'I GO 'PHANG LA DKRI PAR MDZAD PA'I SKU YIN PA'I PHYIR, GNYIS PA NI, GANG PHYIR ZHES PA

, ,RKANG PA BZHI STE, DE CHOS CAN, MTHAR THUG PA'I THEG PA GCIG KHO NAR NGES TE, CHOS RNAMS KYI DE KHO NA NYID RO GCIG PAS DNGOS PO BYAS PA'I DBYE BA MED PA BZHIN DU DE NYID MNGON SUM DU MJAL BA'I YE SHES LA RNAM PA MI 'DRA BA'I KHYAD PAR MED CING DRI MA MTHA' DAG ZAD PAR BYED PA YANG STONG NYID MNGON SUM DU RTOGS PA'I YE SHES LAS GZHAN MED PA'I PHYIR, GSUM PA NI, GANG PHYIR ZHES PA SHO LO KA GNYIS TE, DE CHOS CAN, THOG MA NYID DU GDUL BYA MTHA' DAG THEG PA CHEN PO LA 'JUG PAR MI MDZAD PA'I RGYU YOD DE, DE LA 'JUG PA'I MTHUN RKYEN MA TSANG ZHING 'GAL RKYEN DANG BCAS PA'I GDUL BYA MANG PO GZIGS PA'I PHYIR, DE CHOS CAN, DE LTA NA YANG MTHAR RIGS CAN GSUM KA THEG PA CHEN PO DANG GNAS SKABS RANG RANG GI RIGS DANG 'TSAM PA'I THEG PA LA 'GOD PAR MDZAD PA'I RGYU MTSAN YOD DE, DED DPON THABS LA MKHAS PAS LAM GYIS DUB PA'I SKYE BO'I TSOGS LA BAR DU GRONG KHYER SPRUL PA BZHIN DU NYAN RANG DU RIGS NGES PA'I GANG ZAG RNAMS LA THEG PA CHEN PO'I TSU ROL DU RANG GI RIGS DANG 'TSAM PA'I MYANG 'DAS LA 'GOD PA'I MKHYEN RAB DANG THUGS RJE YOD CING, SEMS CAN THAMS CAD KHYED RANG GI GO 'PHANG LA 'GOD PAR DAM BCAS PA DE NYID MTHAR PHYIN PAR YANG MDZAD PA'I PHYIR, GSUM PA CHOS KYI SKUR MNGON PAR BYANG CHUB PA DANG BZHUGS PA'I DUS BSHAD PA LA GNYIS, MNGON PAR BYANG CHUB PA'I DUS DANG, BZHUGS PA'I DUS SO, ,DANG PO NI, BDE BAR ZHES PA RKANG PA BZHI STE, DE CHOS CAN, SNGAR CHOS KYI SKU BRNYES PA'I THOG MA'I DUS MTHA' YAS TE,

SANGS RGYAS KYI ZHING MTHA' YAS PA'I RDUL PHRA RAB KYI GRANGS DANG MNYAM PA'I BSKAL PA DE SNYED KYI SNGON ROL NAS CHOS SKU BRNYES PA'I PHYIR, GSANG BA 'DI LONGS SKU KHAS MI LEN ZHING, SPRUL SKU MYA NGAN LAS 'DAS NAS RIG PA RGYUN CHAD DU 'DOD PA'I NYAN THOS SDE BA LA SOGS PA 'GA' ZHIG GI NGOR RE ZHIG BSNYAD PAR BYA BA MA YIN TE, RE ZHIG DE LTAR BSNYAD NA YON TAN MI 'DREN ZHING SKYON DANG BCAS PA'I PHYIR, GNYIS PA LA GSUM, 'KHOR BA JI SRID KYI BAR DU BZHUGS PA DANG, DE LTAR BZHUGS PA'I RGYU SNYING RJE CHEN PO NGOS BZUNG BA DANG, THUGS RJE CHEN POS ZHI BA PHYOGS GCIG PAR BZHUGS PA 'GOG PAS RGYUN CHAD PA MI SRID PA'O, ,DANG PO NI, RGYAL BA ZHES PA RKANG PA BZHI STE, DE CHOS CAN, SEMS CAN MA LUS PA MYA NGAN LAS 'DAS PA'I GO 'PHANG LA BKOD PA DANG; NAM MKHA'I KHAMS MED PAR GYUR PA DE SRID DU BZHUGS PAR MDZAD PA'I RGYU MTSAN YOD DE, SHER PHYIN GYI YUM GYIS SNYING RJE'I MA MA LA GTAD PA'I DBANG GIS DUS DE SRID KYI BAR DU BZHUGS PAR MDZAD PA'I PHYIR, GNYIS PA NI, GTI MUG CHOS CES PA RKANG PA BZHI STE, DE CHOS CAN, ZHI BA PHYOGS GCIG PAR MYA NGAN LAS MA 'DA' BA'I RGYU MTSAN YOD DE, KHYOD SEMS CAN THAMS CAD LA THUGS BRTZE BA DE DUG ZOS NAS NYON PA'I BU GCIG PA LA MAS BRTZE BAS KYANG BSGRUN DU MED PA'I BRTZE BA YIN PA'I PHYIR, GSUM PA NI, GANG GI PHYIR ZHES PA RKANG PA BZHI STE, CHOS CAN DANG BSGRUB BYA'I CHOS SNGA MA LA RTAGS NI SDUG BSNGAL GSUM GYIS GDUNGS PAR 'GYUR BA'I SEMS CAN THUGS RJE'I YUL DU SONG BA DE NYID GOMS PA MTHAR THUG PA

, ,YIN PA'I PHYIR, ZHES PA'O, ,GSUM PA BSHAD PA MTHAR PHYIN PA'I BYA BA LA GNYIS, JI LTAR BRTZAMS PA'I TSUL DANG, GANG GIS BSGYUR BA'I TSUL LO, ,DANG PO LA LNGA, GANG LA BRTEN NAS JI LTAR BSHAD PA DANG, KLU SGRUB KYI DGONGS PA 'GREL BYED GZHAN LAS THUN MONG MA YIN PA'I KHYAD PAR CAN DU BSTAN PA DANG, DGOS PA GANG GI PHYIR DU BSHAD PA DANG, LUGS 'DI RTOGS NAS LUGS GZHAN DON PAR BYA BA DANG, BRTZAMS PA'I DGE BA BYANG CHUB TU BSNGO BA'O, ,DANG PO NI, LUGS 'DI ZHES PA RKANG PA BZHI STE, SLOB DPON ZLA BA GRAGS PA CHOS CAN, KHYOD KYI BSTAN BCOS 'DI RANG BZO'I NYES PA DANG LOG PAR RTOG PA SOGS KYI SKYON MTHA' DAG DANG BRAL BA YIN TE, NGES PA'I DON GYI LUNG DANG KLU SGRUB KYI MAN NGAG PHYIN CI MA LOG PAS SLOB DPON DE'I BSTAN BCOS KYI DGONGS PA JI LTA BA BZHIN DU BSDUS NAS BRTZAMS PA YIN PA'I PHYIR, GNYIS PA NI, 'DI LAS ZHES PA RKANG PA BZHI STE, SHES BYA CHOS CAN, THAR PA DON DU GNYER BA RNAMS KYIS LUGS 'DI LA 'JUG PAR RIGS TE, DBU MA'I BSTAN BCOS GZHAN DU STONG PA NYID KYI DON PHYIN CI MA LOG PAR BRJOD PA MI 'BYUNG BA BZHIN DU, 'DIR BSHAD PA'I STONG PA RTEN 'BYUNG GI DON DU LUNG DANG RIGS PA'I SGO NAS RGYAS PAR GTAN LA PHAB PA 'DI YANG KLU SGRUB KYI DGONGS 'GREL RANG RGYUD (? BSTAN BCOS) PA MAN CHAD LA MED PAS 'DI NYID KHO NA MCHOG TU GYUR PA'I PHYIR, GSUM PA NI, KLU SGRUB CES PA RKANG PA BZHI STE, DE CHOS CAN, 'DI BRTZAMS PA LA DGOS PA KHYAD PAR CAN YOD DE, LUGS GZHAN LA ZHEN PA

RNAMS KYIS RGYANG RING DU SPANGS PA'I KLU SGRUB KYI BLO GROS KYI MTSO LAS SKYES PA'I DBU MA RTZA BA'I TSIG LE'UR BYAS PA'I ME TOG KU MAD KHA 'BUS PA ZLA BA GRAGS PA'I BLO GROS KYI BSIL ZER GYIS PHYE NAS, DE'I NANG GI BDEN GNYIS PHYIN CI MA LOG PA'I CHU YAN LAG BRGYAD DANG LDAN PAS GDUL BYA'I THAR BA'I RE BA SKOR BA'I CHED DU BRTZAMS PA'I PHYIR, BZHI PA NI, DE NYID CES PA RKANG PA BZHI STE, DE CHOS CAN, GRUB MTHA' SMRA BA RNAMS KYI RTOG GES SBYAR BA'I DON DE DAG MTHONG NAS GANG ZAG GI BDAG STON PA'I MU STEGS BYED KYI GZHUNG LTAR KLU SGRUB KYI BZHED GZHUNG LAS GZHAN LA DGA' BA'I BLO 'DOR BA'I RGYU MTSAN YOD DE, BSHAD ZIN PA'I DE KHO NA NYID ZAB MO 'DI NI SNGON STONG NYID PHYIN CI MA LOG PA LA BAG CHAGS BZHAG PA RNAMS KYIS RTOGS PA YIN GYI, MANG DU MKHYEN PA DANG LDAN YANG DNGOS PO RANG GI MTSAN NYID KYIS GRUB PA LA ZHEN PA'I GRUB MTHA' SMRA BA RNAMS KYIS RE ZHIG MI RTOGS PAS DE DAG LA ZHEN PA DOR BAR BYA BA'I PHYIR, LNGA PA NI, SLOB DPON ZHES PA RKANG PA BZHI STE, KLU SGRUB KYI LUGS BZANG BDEN GNYIS PHYIN CI MA LOG PA BSNYAD PA LAS BYUNG BA'I DGE RTZA GANG YIN PA DE CHOS CAN, 'BRAS BU CHEN PO CAN YIN TE, 'KHOR BA PA RNAMS KYIS BDEN GNYIS PHYIN CI MA LOG PA RTOGS NAS BDE BAR GSHEGS PA'I SAR BGROD PA'I RKYEN DU 'GYUR BA'I PHYIR, GNYIS PA GANG GIS BSGYUR PA'I TSUL NI, RGYA GAR GYI ZHES SOGS SO,, ` ,,CHOS KUN RANG BZHIN RDUL TZAM MED PA DANG, ,BYA BYED RNAM GZHAG LEGS PAR 'THAD PA YI, ,BDEN GNYIS

, ,TSAD MA'I LAM LAS LEGS 'ONGS PA'I, ,SHIN TU RTOGS DKA'I ZLA BA'I GZHUNG BZANG 'DI, ,THAR PAR BGROD PA'I LAM GYI NGO BO DANG, ,GRANGS DANG GO RIM JI LTAR NGES PA DANG, ,SO SO'I DON DANG SNGA PHYI'I 'BRAL BA SOGS, , NGES PA'I THABS KYI DON BSDU LEGS PAR BSHAD, ,RTOG LDAN DANG POR 'JUG PA'I YAN LAG TU, ,GZHUNG LUGS 'DI LA MOS PA CHER BZHAG CING, ,MKHYEN LDAN MANG DU THOS PA'I BSHES GNYEN 'GAS, ,BSKUL PHYIR GO SLA'I NGAG GIS SBYAR TE BSHAD; ;DBU MA'I DGONGS PA SHIN TU GTING DPAG DKA', ,BDAG NI BLO GROS NYAMS CHUNG SBYANGS PA DMAN, ,MA RTOGS LOG RTOG DRI MA'I DBANG GYUR NA, ,DAM PA MKHYEN LDAN RNAMS KYIS BZOD PAR MDZOD, ,'DIR 'BAD DGE BA GANG ZHIG BSAGS PA DES; ;BDAG KYANG DENG NAS SKYE BA THAMS CAD DU, ,BDEN PA GNYIS KYI LAM LAS MI NYAMS SHING, ,'GRO BA KUN KYANG DE DANG MTSUNGS PAR SHOG, ,,DBU MA LA 'JUG PA'I BSDUS PA'I DON 'DI NI MKHYEN RAB DANG THUGS RJE GZHAN DANG MTSUNGS PA MED PAS MTHA' YAS PA'I 'GRO BA LA BDEN PA GNYIS KYI DE KHO NA NYID PHYIN CI MA LOG PA'I LAM DU BGROD PA'I DMIGS BUR GYUR CING, KHYAD PAR DU PHYI NANG GI RTEN CING 'BREL BAR 'BYUNG BA'I CHOS RNAMS SNANG DUS NYID NAS MIG 'PHRUL LTA BUR THUGS SU CHUD PA'I BLA MA RJE BTZUN CHEN PO SKYES MCHOG RED 'DA' BA'I ZHAL SNGA NAS DANG, SDE SNOD GSUM DANG RGYUD SDE BZHI'I DGONGS PA'I DON MTHA' DAG RTEN GYI GANG ZAG GCIG 'TSANG RGYA BA'I LAM GYI YAN LAG TU 'GYUR BA LA MA RTOGS PA DANG

LOG PAR RTOG PA DANG THE TSOM GYI DRI MA SPANGS NAS TSAD MA'I LAM LAS LEGS PAR DRANGS PA'I SGO NAS LAM GYI CHA YONGS SU RDZOGS PA LA RANG NYID SGRUB PA THUGS NYAMS SU BZHES SHING, DE NYID BRTZE BA'I SGO NAS NGAG TSIG DRI MA MED PAS GDUL BYA RNAMS LA LEGS PAR 'DOMS PA'I SGO NAS RGYAL BA RNAMS KYI DAM PA'I CHOS MA LUS PA RGYAL BA'I DGONGS PA JI LTA BA BZHIN DU 'DZIN PAR SMON LAM YONGS SU RDZOGS PA'I SEMS DPA' CHEN PO, ,BLA MA RJE BTZUN BLO BZANG GRAGS PA'I DPAL GYI ZHAL SNGA NAS KYI BKA' DRIN LAS, BDEN PA GNYIS KYI RNAM PAR BZHAG PA LA BLO GROS KYI SNANG BA CUNG ZAD THOB PA RIGS PA SMRA BA'I DGE SLONG DAR MA RIN CHEN GYIS, BSHAD SGRUB BSTAN PA'I 'BYUNG GNAS PHYOGS THAMS CAD LAS RNAM PAR RGYAL BA'I SDE 'BROG RI BO CHE DGE LDAN RNAM PAR RGYAL BA'I GLING DU SBYAR BA'I YI GE PA NI BKA' BZHI PA KUN DGA' LEGS PA'I DPAL LO, ,'DIS KYANG BSTAN PA RIN PO CHE PHYOGS THAMS CAD DU DAR ZHING RGYAS PAR BYED NUS PAR GYUR CIG ,DE LTAR ^ RGYAL TSAB THAMS CAD MKHYEN PA NGA RMA RIN CHEN GYIS MDZAD PA'I DBU MA LA 'JUG PA'I SBYOR t'IK SNGA SOR DBUS GTZANG DU PAR LAM 'KHOD PA 'DI NYID BLO GSAL BA RNAMS LA SHIN TU PHAN CHE BAR MTHONG STE, KHYA DGE DPON SLOB BLO GROS RGYA MTSO'I PHYAG DPE LA GZHIR MDZAD PA'I BLA BRANG BKRA SHIS 'KHYIL KYI BAR MA DANG, MKHAS GRUB MI NYAG PA'I PHYAG DPER GZHIR MDZAD PA'I SKU 'BUM BYAMS PA GLING GI BAR MA GNYIS GO BSDUR GYIS ZHUS DAG PAR BGYIS PA'I MA PHYI LAS LCAGS RTA LOR RGYAL TSAB THAMS CAD MKHYEN PA'I GSUNG 'BUM YONGS RDZOGS KYI BAR GSAR BSKRUN SKABS 'DI NYID KYANG PAR DU BSGRUBS PA'O,, ,,