A Record Made by the Dharma Lord Gyaltsab as He Studied the Chapter on Direct Perception at the Feet of Je Tsongkapa

, ,RGYAL TSAB CHOS RDZAS [?] RJE'I DRUNG DU GSAN PA'I MNGON SUM LE'U'I BRJED BYANG BZHUGS SO,,

, ,RJE BTZUN BLA MA DAM PA RNAMS LA PHYAG 'TSAL LO, ,DE LA 'DIR RNAM 'GREL LE'U GSUM PA SLOB DPON LHA DBANG BLOS JI LTAR BKRAL BA'I TSUL 'CHAD PA LA TSAD MA'I BSTAN BCOS SPYI'I DGOS PA DANG, TSAD MA KUN LAS BTUS DGOS PA GANG GI CHED DU MDZAD PA DANG, LE'U 'DI NYID KYI DON RNA PAR 'GREL PA'O, ,DANG PO NI, TSAD MA RNAM NGES LAS, PHAN PA DANG MI PHAN PA THOB PA DANG SPONG BA NI NGES PAR YANG DAG PA'I SHES PA SNGON DU 'GRO BA CAN YIN PAS DE MI MKHAS PA RNAMS LA BSTAN PA'I DON DU 'DI BRTZAM MO ZHES GSUNGS PA LTAR, TSE 'DI DANG PHYI MAR RE SHIG PA DANG GTAN DU BA'I PHAN GNOD LA 'DOR LEN BYED PA NI DE'I THABS LA 'DOR LEN PHYIN CI MA LOG PAR BYAS PA LAS YIN LA, DE YANG YANG DAG PA'I SHES PAS GTAN LA PHAB PA

, ,LA RAG LAS PAS, DE NYID TSAD MA'I BSTAN BCOS SU GTAN LA 'BEBS PA YIN PAS DE LA RTOG GE'I TSIG DON BRGYAD DE, MNGON SUM DANG RJES DPAG LTAR SNANG DANG BCAS PA BZHI DANG, BSGRUB PA DANG SUN 'BYIN LTAR SNANG DANG BCAS PA BZHI'O, ,DE LA DANG PO BZHI NI MNGON SUM DANG RANG DON LE'UR RANG NYID KYIS GZHAL BYA NGES PA'I THABS SU STON LA, PHYI MA BZHI NI GZHAN RJES SU 'DZIN PA'I CHED DU GZHAN DON LE'UR 'CHAD DE, RIGS PA'I SGOR, MNGON SUM DANG NI RJES SU DPAG ,LTAR SNANG BCAS PA BDAG RIG PHYIR, ,BSGRUB PA DANG NI SUN 'BYIN NGAG ,LTAR SNANG BCAS PA GZHAN RTOGS PHYIR, CES GSUNGS SO, ,GNYIS PA NI, THAR PA DON DU GNYER BA DAG RGYAL BA'I BSTAN PA THAR 'DOD KYI 'JUG NGOGS YIN NAM, DE LAS PHYI ROL TU GYUR PA DAG YIN SNYAM NAS DPYOD PA ZHUGS PA DAG RJES SU BZUNG BA'I CHED DU, RGYAL BA'I BSTAN PA KHO NA THAR 'DOD KYI 'JUG NGOGS SU NGES PAR BYA BA'I CHED DU SLOB DPON GYIS TSAD MA KUN LAS BTUS PA MDZAD PA YIN LA, DE LA LE'U DRUG YOD KYANG, RNAM 'GREL MDZAD PAS

SEL BA RTAG PA RANG DON GYI NANG DU BSDUS SHING, DPE DANG DPE LTAR SNANG DANG LTAG CHOD RTAG PA GZHAN DON DU BSDUS NAS LUS LTA BU'I BSTAN BCOS GSUM LA LE'U BZHI DANG GSUM DU MDZAD DO, ,RNAM 'GREL LE'U GNYIS PA NI KUN LAS BTUS KYI MCHOD BRJOD KYI TSIG DON RGYAS PAR BSHAD PA LA BRTEN NAS, SLOB DPON PHYOGS KYI GLANG POS RGYAL BA SANGS RGYAS BCOM LDAN 'DAS DANG DE'I BSTAN PA KHO NA THAR 'DOD LA TSAD MAR BSGRUB PA NYID KYI SGO NAS, GSUNG RAB MTHA' DAG GI DGONGS PA 'GREL PA YIN NO ZHES NGES PA'I CHED DU LE'U ZUR DU MDZAD LA, LE'U GZHAN GSUM DE'I YAN LAG TU SHES PAR BYA'O, ,SLOB DPON RGYAL DBANG BLO'I GSUNG NAS, GZUGS GSAL PO BLTA BA LA SHES 'DOD ZHUGS NAS DE'I THABS SU MIG GI RAB RIB LA SOGS PA'I SKYON SEL BA LA 'BAD PA BZHIN GNAS SKABS DANG MTHA'I THOB BYA LA DON GNYER ZHUGS PA DAG DE'I THABS LA RMONGS PA'I BLO'I SKYON SEL BA LA 'BAD DGOS PA'I TSAD MA KUN LAS BTUS KYIS BLO'I SKYON SEL BA'I THABS PHYIN CI MA LOG PAR STON PA YIN NO GSUNG NGO, ,GSUM PA LA MTSAMS SBYAR BA NI, SLOB DPON GYIS ZHES PA NAS BRTZAMS PA YIN NO ZHES PA'I BAR TE, SLOB DPON CHOS GRAGS KYIS TSAD MA'I MTSAN NYID KYI BSTAN BCOS KUN LAS BTUS KYI TSIG DON GNYIS KA 'CHAD PA'I RGYU RANG DON RJES DPAG SNGAR BZHAG PA DANG, DE NAS KUN LAS BTUS KYI MCHOD BRJOD KYI TSIGS BCAD PHYED RDZOGS PAR BSHAD NAS, TSAD MA'I MTSAN NYID KYI BSHAD PA MDZAD PA'I PHYIR, GZHAL BYA GNYIS PHYIR, CES SOGS LE'U GSUM PA GSUNGS SO, ,LE'U DANG PO'I

, ,RANG 'GREL GYI MTSAMS SBYOR DU, DE LA DON DANG DON MA YIN PA RNAM PAR 'BYED PA NI RJES SU DPAG PA LA BRTEN PA'I PHYIR YIN LA ZHES PA'I DON LA, 'GREL BSHAD BYED PA SNGA MA KHA CIG GIS DON PHAN PA DANG DON MA YIN PA GNOD PA LA BSHAD PA LA SLOB DPON SH'AKYA BLOS, DE NI MI RIGS TE, DE GNYIS KHO NA RNAM PAR 'BYED PA RJES DPAG LA BRTEN PA'I PHYIR RO, ,DE GNYIS RNAM PAR 'BYED PA RJES DPAG KHO NA LA BRTEN PAS RANG DON RJES DPAG DANG POR 'CHAD, DANG PO MI RIGS TE, BTANG SNYOMS SU BYA BA RJES DPAG GIS RTOGS DGOS PA DU MA YOD PA'I PHYIR, GNYIS PA YANG MI RIGS TE MNGON SUM GYIS KYANG 'BYED NUS PA'I PHYIR, DES NA DON NI RIGS PA DANG 'THAD PA SLOB DPON PHYOGS GLANG GIS GSUNGS PA'I TSAD MA'I MTSAN NYID SOGS YIN LA, MI RIGS SHING MI 'THAD PA NI DON MA YIN PA STE CHOS 'DI LAS PHYI ROL TU GYUR PA DAG GIS BSHAD PA'I TSAD MA'I MTSAN NYID SOGS YIN LA, DE DAG RNAM PAR 'BYED PA'I CHED DU RNAM 'GREL BRTZAMS SHING DE DNGOS SU 'BYED PA YANG RJES DPAG KHO NA LA RAG LAS PAS RANG DON RJES DPAG DANG POR BSHAD LA, MCHOD BRJOD KYI DON DE DAG DNGOS SU 'BYED PA YANG RJES DPAG NYID LA RAG LAS PAS KUN LAS BTUS KYI TSIG DON GNYIS KA 'CHAD PA'I RGYU RANG DON RJES DPAG DANG POR BZHAG GO ,TSIG DON GNYIS KA RDZOGS PAR 'CHAD PAS TSAD MA RNAM NGES KYI LE'U'I GO RIMS DANG MI MTHUN PAS 'GAL BAR MI BSAM MO, ,LOG RTOG BZHI BSAL BA'I CHED DU LE'U GSUM PA GSUNGS PAR BSTAN PA'I MDOR BSTAN NI, TSAD MA DANG ZHES SO,

GRANGS LA LOG PAR RTOG PA BSAL BA NI DE LA DANG POR ZHES SOGS SO, ,DE LA TSAD MA'I GRANGS NGES BSGRUB PA LA RTAGS DGOD PA DANG, TSUL BSGRUB PA'O, ,DANG PO NI, GZHAL BYA GNYIS PHYIR, CES PAS STON TO, ,DE LA MNGON RJES GANG YANG MA YIN PA'I TSAD MA GSUM PA MED DE, RANG SPYI GANG YANG MIN PA'I GZHAL BYA GSUM PA MED PA'I PHYIR CES PAS GRANGS NGES 'GRUB PAR 'DOD PA SHIN TU MI RIGS TE, GRANGS NGES BSGRUB PA LA DGAG PHYOGS DANG SGRUB PHYOGS KYI PHUNG GSUM GNYIS KA BSAL DGOS PAS, DE TZAM GYIS MI CHOG PA'I PHYIR DANG, MNGON RJES GANG YANG MIN PA'I TSAD MA YOD NA GRANGS NGES 'JIG PAR 'DOD PA NI GRANGS NGES SGRUB PA'I TSUL LA BLO KHA LEGS PAR MA PHYOGS PA'I LTAG CHOD 'BA' ZHIG YIN TE, KHYOD LTAR NA DBYE GZHI KHAS BLANGS NA GRANGS NGES SGRUB TU MI RUNG ZHING, DE BSGRUBS NA DBYE GZHI KHAS BLANG DU MI RUNG BAR 'DOD PA'I PHYIR DANG, MNGON SUM BZHIR GRANGS NGES PA DANG, PHUNG PO LNGAR GRANGS NGES PA SOGS LA YANG NYES PA DE NYID 'JUG PAS KHYOD LTAR NA GRANGS NGES CUNG ZAD KYANG BYAR MED LA, GAL TE BYED NA KHYOD RANG GI NYES PA DE NYID THOG TU 'BAB PA'I PHYIR RO, ,DES NA SGRUB PHYOGS LAS DGAG PHYOGS KYI PHUNG GSUM 'GOG PA LA DOGS PA SHAS CHE LA, DE YANG GZHAN SDES MNGON RJES LAS NGO BO THA DAD PA'I DPE NYER 'JAL SOGS KYI TSAD MA GZHAN KHAS BLANGS PA YIN LA, DE 'GOG PA LA SNGAR BKOD PA'I RTAGS LTAR SNANG 'BA' ZHIG YIN PAS SLOB DPON CHOS MCHOG GIS BKOD PA LTAR BYA STE, MNGON RJES LAS NGO BO THA DAD PA'I TSAD MA PHUNG GSUM PA

, ,MED DE, RANG SPYI LAS NGO BO THA DAD PA'I GZHAL BYA PHUNG GSUM PA MED PA'I PHYIR, CES PA STE, 'GREL PA DE NYID KYI GRANGS NGES SGRUB PA'I SKABS LAS GO BAR ZAD DO, ,GRANGS NGES BSGRUB PA LA PHUNG GSUM GNYIS KA SEL BA DGOS KYANG DE GRANGS NGES KYI SGRUB BYED DU 'GOD PA NI MIN NO, ,GZHAL BYA GNYIS PHYIR, CES PA TSAD MAR SONG BA RANG MTSAN DANG SPYI MTSAN GNYIS SU NGES PA RTAGS SU BKOD PA MA YIN TE, RJES DPAG GIS RANG MTSAN 'JAL BA DANG, MNGON SUM GYIS SPYI MTSAN 'JAL BA DU MA YOD PA'I PHYIR RO, ,GNYIS PA TSUL BSGRUB PA LA KHYAB PA BSGRUB PA NI, TSAD MA KUN LAS BTUS KYI RANG 'GREL DU, GZHAL BYA GNYIS SU NGES PAS TSAD MA GNYIS SU NGES TE, RANG GI MTSAN NYID KYI YUL CAN NI MNGON SUM YIN LA, SPYI'I MTSAN NYID KYI YUL CAN NI RJES SU DPAG PA YIN NO ZHES SOGS DANG, SLOB DPON RGYAL DBANG BLOS NGES BZUNG GI DON DU BSHAD CING, TSAD MA MNGON SUM GCIG PUR DOGS PAR MI BYA STE, RANG MTSAN LAS GZHAL BYA GZHAN MTHONG BA'I PHYIR, CES PAS GRANGS NYUNG BA SEL LA, GZHAL BYA GNYIS SU NGES PAS MANG BA SEL BAR BZHED DO, ,DON NI, RANG MTSAN GYI RNAM PA DNGOS SU SHAR ZHING GZUNG YUL DU BYAS NAS GZHAL BYA 'JAL BA, SPYI MTSAN GYI RNAM PA DNGOS SU SHAR ZHING GZUNG YUL DU BYAS NAS GZHAL BYA 'JAL BA GNYIS SU NGES PAS TSAD MA GNYIS SU NGES PA'O, ,RTZA BA'I RTAGS KYI DAM BCA' BSHAD PA NI 'DIS 'JAL BAR BYED PAS NA ZHES SOGS SO, ,'JAL BA LA LAS

SU BYA BA DANG BYED PA GNYIS KYI BYED PA'I NGOS NAS TSAD MAR BZHAG LA, DE YANG GNYIS KHO NAR NGES PA NI, MNGON SUM GCIG PUR NGES PA MIN TE, RJES DPAG KYANG TSAD MAR BSGRUB PAR 'GYUR BA'I PHYIR, TSAD MA'I MTSAN NYID STON PA LA GRANGS LA SOGS PA GSUM STON PA DON MED DO ZHE NA, DON MED MA YIN TE, GSUM PO DE MTSAN NYID RNAM PAR DAG PA RTOGS PA'I DON CAN YIN PA'I PHYIR, DE YANG MNGON RJES DAG LA MI SLU BAS TSAD MAR MTSON PA'I THUN MONG GI MTSAN NYID GCIG TU 'GYUR LA, MTSON BYAR GYUR PA'I MNGON RJES GNYIS LA SPYI'I MTSAN NYID LAS, GZHAN PA'I MTSAN NYID GCIG YOD PA MA YIN NA, GCIG PU DES DE GNYIS SO SOR MTSON MI NUS PA'I PHYIR, DBYE BA NGES PA'I SGO NAS BSTAN NA BYE BRAG GI MTSAN NYID RNAM PAR DAG PA RTOGS LA, DE RTOGS NA SPYI'I MTSAN NYID KYANG RNAM PAR DAG PA RTOGS PA'I PHYIR RO, ,SPYOD YUL MA BSTAN NA SKRA SHAD 'DZAG SNANG SOGS KYANG CHAD MAR BZUNG NAS DE DAG BSLU BA MTHONG NAS TSAD MA LA MI SLU BA'I NGES PA MED PAR DOGS PA BCAD PA'I CHED DU SPYOD YUL BSTAN TO, ,TSAD MA'I 'BRAS BU MA BSTAN NA TSAD MA GZHAL BYAR RTOGS PA LAS NGO BO THA DAD DU DOGS PAR 'GYUR LA, GZHAL BYA MI SHES PA YANG TSAD MAR MI RUNG BA'I PHYIR TSAD MA'I 'BRAS BU BSTAN PA YIN NO, ,TSAD MA GNYIS LAS MANG BA YANG MI 'THAD DE, GZHAL BYA GNYIS LAS MANG BA DANG GZHAL BYA GCIG LA YANG TSAD MA DU MA 'JUG PA GANG YANG RGYU MTSAN DU MI 'THAD PA 'CHAD PAR 'GYUR RO, ,'GREL PAR RGYU MTSAN BKOD PA 'DI DAG RTZA BA'I DAM BCA' BSHAD

, ,PA YIN GYI RTZA BA'I GTAN TSIGS BKOD PA NI MA YIN NO, ,PHYOGS CHOS BSGRUB PA LA GNYIS YIN GYI PHUNG GSUM DGAG PA NI, GAL TE SPYI ZHES SO, ,AUTPA LA SNGON PO LTA BU'I RANG SPYI 'DRES PA'I GNYIS YIN GYI PHUNG PO GSUM PA YOD PAS RANG SPYI RE RE BA RNAM PA GNYIS SU NGES PA MA YIN NO ZHE NA, MA YIN TE, RANG MTSAN DANG SPYI MTSAN SO SO RE RE BA RNAM PA GNYIS MA GTOGS PA'I GZHAL BYA GZHAN YOD PA MA YIN PA'I PHYIR RO, ,SPYIR RANG MTSAN DANG SPYI MTSAN LAS MA GTOGS PA'I GZHAL BYA MED PA NI PHA ROL PO YANG 'DOD PAS YA GYAL SO SOR NGES PA MA YIN PA'I GZHAN MED PA'O, ,GNYIS YIN GYI PHUNG GSUM YOD NA GRANGS NGES 'JIG PA RANG LUGS LA YANG 'DOD DGOS SO, ,AUTPA LA BYE BRAG DANG SNGON PO SPYI YIN PAS AUTPA LA SNGON PO PHUNG PO GSUM PAR 'DOD NA MI RIGS TE, GNYIS KA RANG MTSAN 'BA' ZHIG YIN PA'I PHYIR RO, ,SNGA MA RANG MTSAN DANG PHYI MA SPYI MTSAN DU 'DOD NA YANG MI RIGS TE, SNGON PO RANG MTSAN KHO NA YIN PA'I PHYIR RO, ,DON BYED NUS PA DANG MI NUS PA GNYIS PHAN TSUN SPANG 'GAL LA BRTEN PA'I DNGOS 'GAL YIN LA, 'BRAS BUS CUNG ZAD BYED NUS PA DE NI RANG MTSAN KHO NA YIN LA, DON BYED MI NUS PAS GZHAL BYA DE NI SPYI MTSAN YIN PAS GNYIS YIN GYI PHUNG GSUM RNAM PA THAMS CAD DU MI SRID DO, ,GAL TE TSAD MA GNYIS KYI GRANGS NGES SGRUB PA'I RNAM GZHAG 'DI DAG MDO SDE PA KHO NA'I DBANG DU BYAS SAM, SEMS TZAM PA DANG THUN MONG BA'I DBANG DU BYAS PA YIN, DANG PO MI RIGS TE, 'OG NAS GNYIS STONG GI DE KHO NA NYID RGYAS PAR

GTAN LA 'BEBS PAS DE MNGON SUM DU RTOGS PA'I RNAL 'BYOR MNGON SUM DBYE BA'I YA GYAL DU BSDUS PA'I TSAD MA GNYIS KYI GRANGS NGES 'CHAD DGOS SHING, DE YANG SKABS 'DI MA GTOGS GZHAN DU MA BSHAD PA'I PHYIR DANG, RANG MTSAN GYI SGRUB BYED PHYI MA GSUM 'GYUR MED YONGS GRUB LA YANG NGES PAR TSANG BA'I PHYIR RO, ,GNYIS KA'I THUN MONG BA'I DBANG DU BYAS NA YANG 'GYUR MED YONGS GRUB DON BYED MI NUS PA YIN YANG SPYI MTSAN DU SEMS TZAM PA KHAS MI LEN ZHING MI RIGS PA'I PHYIR RO ZHE NA, RNAM RIG PAS DON BYED MI NUS PA LA SPYI MTSAN GYIS KHYAB PA DANG, RANG MTSAN LA DON BYED NUS PAS KHYAB PA KHAS MI LEN ZHING, RGYU MTSAN PHYI MA GSUM 'GYUR MED YONGS GRUB LA YANG GRUB PA BDEN YANG SKABS 'DIR NI MDO SDE PA KHO NA'I DBANG DU BYAS PA YIN GYI RNAM RIG PA'I THUN MONG MA YIN PA'I LUGS STON PA'I DBANG DU MA BYAS TE, THUN MONG BA'I DBANG DU BYAS PA NI, DPER NA, SNGAR LE'U GNYIS PAR GROL BA DON GNYER GYI STON PA'I MTSAN NYID BSHAD PA DANG, 'OG NAS RNAL 'BYOR MNGON SUM GYI SKABS SU YANG SNGAR LE'U GNYIS PAR BSHAD PA LA KHA 'PHANGS NAS THUN MONG PA'I RNAL 'BYOR MNGON SUM BSHAD PA BZHIN NO, ,DE'I DBANG DU BYAS NA GANG ZAG GI BDAG MED 'JAL PA'I RNAL 'BYOR MNGON SUM GYIS GANG ZAG GI BDAG MED SHUGS RTOGS DANG, DNGOS SU DNGOS PO RANG MTSAN GZUNG YUL DU BYED PA YIN TE, RNAL 'BYOR RNAMS KYI BLA MAS BSTAN, ,MA 'DRES PA YI DON TZAM MTHONG, ZHES BSHAD PA DANG, DE NYID RIGS PA DRUG CU PA'I 'GREL PAR PHYOGS SNGAR BLANGS NAS DGAG

, ,PA MDZAD PA LAS GSAL BAR SHES SO, ,'GYUR MED YONGS GRUB RTOGS PA'I RNAL 'BYOR MNGON SUM GYIS NI DNGOS SU RTOGS PA YIN GYI SHUGS LA RTOGS PA MIN NO, ,GNYIS MA YIN GYI PHUNG GSUM DGAG PA NI 'O NA ZHES SO, ,SKRA SHAD SOGS GSAL BAR SNANG BA'I TSE SKRA SHAD DE NYID RANG MTSAN MA YIN TE, DON BYED MI NUS PA'I PHYIR RO, ,SPYI MTSAN MA YIN TE, GSAL BAR SNANG BA'I PHYIR DANG, GSAL BA GZHAN LA RJES 'GRO MI BYED PA'I PHYIR, YUL YIN TE, GSAL BAR SNANG BA'I PHYIR, DES NA GNYIS KA MIN PA'I GZHAL BYA PHUNG PO GSUM PA YOD DO ZHE NA, SNGA MA GNYIS KYI KHYAB RTAGS RANG LUGS LA YANG KHAS LEN KYANG, PHYI MA LA KHYAB PA MA GRUB STE, YUL DU TSAD MAS GRUB NA, GZHAL BYA GNYIS PO GANG RUNG GCIG YIN NAM, DE LAS GZHAN PA'I PHUNG PO GSUM PA YIN ZHES DPYAD RIGS PA LA YUL DU TSAD MAS MA GRUB PA'I PHYIR, PHUNG GSUM DU THAL BAR MI 'GYUR RO, ,SKRA SHAD DE NYID YUL MA YIN TE, YUL YIN NA BRDA LA BYANG BAS GANG DU SNANG BA DE NYID DU GRUB PAR MOS SHING ZHEN DGOS PA LA DE LTAR MA GRUB PA'I PHYIR, 'DIR NI SKRA SHAD 'DZAG SNANG GI DBANG SHES LA SNANG BA'I SKRA SHAD DU SNANG BA NYID YUL YIN PA 'GOG PA YIN GYI, SKRA SHAD DU SNANG BA SHES SAM, SKRA SHAD DU SNANG BA'I RNAM PA YUL YIN PA 'GOG PA MIN NO, , SBYOR BA NI SKYES BU GANG RANG RGYUD KYI TSAD MA LA GNYIS SU SNANG BA'I YUL GYI NGO BO NYID DU MOS PA MED PA DE LA, TSAD MA DES GNYIS SU SNANG BA'I SGO NAS RTOGS BYA'I YUL GYI THA SNYAD 'JUG PA MA YIN PAS KHYAB STE, DPER NA GZUNG RNAM DANG DE 'JAL BA'I

'DZIN PA'I RNAM PA BZHIN, RAB RIB CAN LA SNANG BA'I SKRA SHAD KYANG RANG RGYUD LDAN GYI SKYES BUS ZHES SOGS KHYAB BYED MA DMIGS PA'O, ,DPE MA GRUB PA'I SKYON MED DE, 'DZIN RNAM GYI NGOR GNYIS SNANG NUB PA'I PHYIR, RJES KYI RTOG PA LA YUL YUL CAN DE GNYIS SO SOR SNANG YANG GZUNG RNAM DANG DE MYONG GI 'DZIN RNAM LA GNYIS SNANG YOD PAR THAL BAR MI 'GYUR RO, ,GNYIS MA YIN GYI PHUNG GSUM SEL BA 'DI DON TSAN BZHI PO 'DI'I SKABS GANG DU SBYAR KYANG 'DRA BA YIN NO, ,SGRUB BYED GNYIS PA NI, CHOS GNYIS LA THUN MONG DU RJES SU 'GRO BA 'DRA BA THUN MONG BA DANG, GZHAN LA RJES SU MI 'GRO BA'I DON DU BZHAG NA RNAM PA THAMS CAD DU MI RUNG STE, SNGON PO LA SOGS PA RANG GI GSAL BA DU MA LA RJES SU 'GRO BA'I PHYIR, DES NA BLO LA SNANG TSUL GYI NGOS NAS BZHAG STE, RTOG PA LA CHOS GCIG DU MA LA THUN MONG DU RJES SU 'GRO BAR SNANG LA, SNANG BA DE NYID SPYI MTSAN DANG, SNGO 'DZIN MNGON SUM LTA BU LA THUN MONG MA YIN PAR SNANG BA'I DON DE NYID RANG MTSAN TE, MDOR NA THUN MONG BA 'DZIN PA'I RTOG PA'I GZUNG YUL DANG, DE LTAR MIN PA'I GZHAL BYA GNYIS SU GRANGS NGES PA'O, ,SGRUB BYED GSUM PA NI, RJOD BYED SGRA'I BDAG RKYEN LAS BYUNG BA'I SGRA BYUNG GI SHES PA LA SNANG GI ,RTOG MED KYI SHES PAS MTHONG BA BZHIN DU GZHAN DANG MA 'DRES PAR SNANG BA MED PA'I DON DE SPYI MTSAN DANG, DE LTAR MIN PA'I GZHAL BYA RANG MTSAN NO, ,DON NI, GZHAL BYA GZHIR BYAS PA LA RJOD BYED SGRA'I BDAG RKYEN TZAM LAS RANG GI NGO BO RDZOGS PAR 'CHAR THUB PA DANG, MI THUB PA GNYIS SU GRANGS NGES SO, ,BUM PA ZHES PA'I SGRA NYAN SHES KYIS

, ,BZUNG NAS DE'I STOBS KYIS DRANGS PA'I RTOG PA LA BUM PA'I RNAM PA 'CHAR BA NI RJOD BYED KYIS BRJOD BYA BRJOD PA'I DON TO, ,RANG MTSAN DON DAM PAR SGRA'I BRJOD BYA YIN PA SNGAR YANG BKAG CING PHYIS KYANG 'GOG PAR 'GYUR GYI SPYIR BRJOD BYA MA YIN PAR 'DOD PA NI KHO BO'I MA MO GSHAM MO ZHES PA DANG CHOS MTSUNGS SO, ,SGRUB BYED BZHI PA NI, YUL GANG ZHIG RANG LAS GZHAN PA'I YID BYED SOGS YOD PA TZAM GYIS RANG NYID RTOGS NUS PA DE NI SPYI MTSAN DANG, DE DAG YOD KYANG RANG NYID KYIS THUN MONG MA YIN PA'I SDOD LUGS KYI NGOS NAS GRUB PA MED NA RTOGS MI NUS PA'I YUL DE NI RANG MTSAN NO, ,RGYU MTSAN BZHI PO DE DANG PO RANG SPYI GNYIS KYI RANG GI NGO BO'I SGO NAS BZHAG LA, PHYI MA GSUM YUL CAN GYI NGOS NAS BZHAG STE, DE YANG GCIG RJOD BYED DANG GNYIS BLO'I NGOS NAS BZHAG GO ,DON DAM DON BYED NUS PA GANG, ZHES SOGS DON BSDU BA'O, ,DE DAG NI TSAD MA'I GRANGS NGES SGRUB PA'I RGYU MTSAN ZUNG LNGA PO GANG ZHIG KUN RDZOB TU YOD PA DANG DON DAM DU YOD PA'I KHYAD PAR PHYE NAS STON PA'O, ,RTZOD SPANG LA MTSAN NYID MI SRID PA SPANG BA DANG, KHYAB CHES PA SPANG BA DANG, MA KHYAB PA SPANGS NAS DES GRUB PA'I DON DANG, RGYU MTSAN ZUNG LNGA PA LA MTSUNGS PA SPANG BA RNAMS KYIS SHES PAR BYA'O, ,DANG PO NI, DON DAM PAR DON BYED NUS PA MI SRID DO, BLO LA SNANG BA'I DBANG GIS BZHAG PA MIN PA'I YUL RANG NGOS NAS GRUB PA MI SRID PA'I PHYIR, KHYOD KYI MTSAN NYID MI SRID PA YIN NO ZHE NA, MI 'THAD DE, SA BON SOGS KYI MYU GU SOGS LA PHAN 'DOGS PA'I NUS PA MNGON SUM GYIS

MTHOB BAS GTAN TSIGS MA GRUB PA YIN NO, ,GNYIS PA NI, DE DAG KUN RDZOB TU SKYE BA YIN GYI DON DAM PAR MA YIN PAS MTSAN NYID KHYAB CHES PAR 'GYUR RO ZHE NA, MING JI LTAR 'DOGS LA RANG GI SGRO MA BTAGS PAR DON BYED NUS PA DON DAM PAR YOD PAR RIGS PA KHO NA'O, ,GZHAN YANG KHYED KYIS KUN RDZOB TU SKYE ZHES PA'I KUN RDZOB PA RDZUN PA'I DON GANG YIN, NUS PA THAMS CAD KYIS MED PA YIN NA, KUN RDZOB TU SKYE ZHES PA 'GAL BAR 'GYUR TE, DON BYED NUS PA DANG MI NUS PA PHAN TSUN SPANG 'GAL YIN PA'I PHYIR KUN RDZOB KYI DON SKYE BA'I DON DU 'DOD NA KUN RDZOB TU SKYE ZHES PA SKYE BA SKYE ZHES PAR 'GYUR BAS MI 'THAD LA, DON DAM DU SKYE BA MED DO, ZHES PA'I DON SKYE BA MED PA MI SKYE ZHES PAR 'GYUR BAS, SKYE BA MED PA SKYE BAR RANG GIS KYANG KHAS MA BLANGS PAS MI RIGS SO, ,GSUM PA NI, KUN RDZOB TU YOD PAS KYANG DON BYED NUS PAS MTSAN NYID 'KHRUL BAR 'GYUR RO, ZHE NA, KUN RDZOB TU YOD PA NI SPYI MTSAN YIN LA DES NI THA NA RANG 'DZIN SHES PA SKYED PA TZAM GYI YANG BYA BA MI BYED DE, DE LA PHAN 'DOGS BYED KYI RJES SU 'GRO LDOG BYED PA MA MTHONG BA'I PHYIR RO, ,DES NI RDZAS LA SOGS PA LA RTOG PA'I BLO'I YUL GZHAN DAG KYANG BSHAD PA YIN NO, ,BZHI PA NI, RANG SNANG BA'I SHES PA SKYE BA BDAG RKYEN DBANG PO DANG YID BYED LA SOGS PA YOD PA TZAM GYIS RANG NYID YUL DU YOD PA SPYI MTSAN YIN NA, SKRA SHAD 'DZAG SNANG GI DBANG SHES LA SNANG BA'I SKRA SHAD SPYI MTSAN DU THAL BAR 'GYUR RO ZHE NA, SKRA SHAD SOGS SPYI MTSAN MA YIN TE, RANG SNANG MKHAN GYI SKYES BU BRNGA LA BYANG BAS DON DU MOS SHING ZHEN PA MED PA'I PHYIR RO, ,'O NA DNGOS

, ,MED BUM MED LA SOGS PA YANG SPYI MIN PAR 'GYUR TE, DON DU ZHEN PA MED PA'I PHYIR RO ZHE NA, SPYI'I NGO BO NYID DU GYUR PA'I BUM MED SOGS LA NYES PA DER MI 'GYUR TE, PHYI ROL GYI DON DU ZHEN PA MED KYANG RNAM BCAD DGAG PA'I SGO NAS SHES BYAR 'DZIN CING ZHEN PA MTHONG BA'I PHYIR, PHYIS KYI RTOG PAS SKRA SHAD 'DI DE LTAR SNANG BA'I DBANG SHES KYI YUL YIN NO SNYAM PA'I TSE RTOG PA LA SNANG BA'I SKRA SHAD DBANG SHES KYI YUL YIN PA DE SPYI YIN LA, RTOG PAS SKRA SHAD RANG MTSAN PA DANG 'DRA BAR ZHEN PA'I GZUNG BYA YANG SPYI YIN NO, ,DBANG SHES LA SKRA SHAD GSAL BAR SNANG BA SHES PA'I RDZAS YIN NA, GZUGS 'DZIN RTOG PA LA GZUGS MA YIN PA LAS LOG PAR SNANG BA YANG RTOG PA'I RDZAS SU KHAS LEN DGOS PAS, RANG MTSAN DU THAL BAR 'GYUR RO ZHE NA, DE LA CHA GNYIS YOD DE, GZUGS KYI GSAL BA RNAMS GZUGS 'DZIN RTOG PA LA GZUGS MA YIN PA LAS LOG PAR SNANG BA SGRA DON DANG, RTOG PAS BTAGS PA'I CHOS YIN YANG GSAL BA KUN LA RJES SU 'GRO BA'I NGO BO YIN PA NYID KYIS SPYI YIN TE, GZUGS KYI GSAL BA RNAMS LA THUN MONG DU RJES 'GRO BYED PA'I PHYIR DANG, GZUGS KYI GSAL BA RNAMS GZUGS MA YIN PA LAS LOG PAR RANG RGYU LAS SKYES PA'I SGO NAS DBANG SHES LA DE LTAR SNANG BA'I PHYIR DANG, DBANG SHES DES BSKYED PA'I GZUGS 'DZIN RTOG PA LA YANG GZUGS MA YIN PA LAS LOG PAR SNANG BA MTSUNGS PA'I PHYIR RO, ,GZUGS 'DZIN RTOG PA'I RDZAS NYID GZUGS MA YIN PA LAS LOG PAR SNANG BA'I RNAM PA DE NYID SHES PA'I RDZAS YIN PAS RANG MTSAN

YIN GYI, GZHI GCIG NYID YUL SO SO LA LTOS NAS KYANG RANG MTSAN DANG SPYI MTSAN GYI GZHI MTHUN DU KHAS LEN PA MIN NO, ,SGRA'I YUL GYI SPYI RTOG PA LA GZUGS MA YIN PAR SNANG BA DE GSAL BA RANG MTSAN DANG RDZAS GCIG GAM THA DAD YIN PA NI SNGAR GSAL BA RNAMS NI RJES MI 'GRO ,ZHES PA'I SKABS SU BKAG ZIN LA, 'O NA PHYI ROL GYI GZUGS NYID DO SNYAM DU DOGS PA LDOG PA'I DON DU, BRJOD BYA NYID PHYIR DE DNGOS MIN, ZHES GSUNGS TE, DE RANG GI SNANG TSUL RDZOGS PAR ZHES PA NI SPYI MTSAN DU GYUR PA RTOG PA'I SNANG BA DE'O, ,DE LA RTAGS DGOD PA DANG, KHYAB PA BSGRUB PA GNYIS KYI DANG PO NI, RTOG PA LA GZUGS MA YIN PA LAS LOG PAR SNANG BA CHOS CAN, GZUGS KYI DNGOS PO MA YIN TE, GZUGS ZHES PA'I BDAG RKYEN TZAM LA BRTEN NAS SGRA BYUNG SHES PA LA RANG GI SNANG TSUL RDZOGS PAR SNANG BA'I SGO NAS SGRA'I BRJOD BYAR GYUR PA YIN PA'I PHYIR, KHYAB PA LA GNOD PA CAN GYI TSAD MA MED DO ZHE NA, GZUGS BLTA BA LA MIG LA SOGS PA'I DBANG PO'I TSOGS DGOS PA MED PAR THAL, GZUGS ZHES PA'I SGRA TZAM LA BRTEN NAS RANG GI NGO BO THUN MONG MA YIN PA RDZOGS PAR 'CHAR NUS PA'I PHYIR RO, ,'DOD NA, TSAD MAS BSAL BAS KHYAB PA GRUB PO, ,DES NA SGRA BYUNG SHES PA DANG DBANG SHES MA 'KHRUL BA GNYIS YUL GCIG TU 'GYUR BA MA YIN TE, YUL SNANG BA'I TSUL MI MTSUNGS PA'I PHYIR, DPER NA BUM SNAM 'DZIN PA'I DBANG SHES GNYIS BZHIN NO, ,SGRA TZAM GYI BDAG RKYEN LA BRTEN NAS RTOG PA LA MTSAN NYID JI LTA BA BZHIN DU SNANG BA'I YUL GANG YIN PA DE RTOG PA'I SNANG YUL GYI DON YIN GYI DE LA SNANG YANG RANG MTSAN

, ,NI RTOG PA'I SNANG YUL MIN NO, ,RTOG PA LA BUM PA MA YIN PA LAS LOG PAR SNANG BA DE NYID PHYI ROL PA RNAMS KYIS DNGOS POR 'DOD LA, DE DNGOS PO YIN PA BKAG PA NA NYES PA DE NYID RANG MTSAN LA YANG MTSUNGS NAS RANG MTSAN SGRA'I BRJOD BYA MA YIN ZHES KHAS LEN PA NI THAR PA DANG THAMS CAD MKHYEN PA MTHA' DAG LA SKUR BA 'DEBS PA YIN LA, YANG RANG MTSAN SGRA DANG RTOG PA'I YUL DU KHAS BLANGS PA NA SGRA DON DNGOS PO YIN PA RIGS PAS LEGS PAR MA KHEGS NA, GZHAN SDE DANG GRUB MTHA' MTSUNGS PAS RTAG CHAD KYI LTA BA LAS MA 'DAS SO, ,RTOG PA'I GZUNG RNAM DU GRAGS PA NI BAG CHAGS LA BRTEN NAS BUM 'DZIN RTOG PA RANG NYID BUM PA'I GZUGS BRNYAN DU SKYES PA'I BUM PA'I GZUGS BRNYAN RTOG PA RANG GI CHAR GYUR PA DE NYID YIN LA, DE BUM PA MA YIN PA LAS LOG PAR SNANG BA MIN TE, GZUGS 'DZIN DBANG SHES MA 'KHRUL BA NYID GZUGS SU MI SNANG BA LTA BU'O, ,MANG POS BKUR BA PA KHA CIG NA RE, RTOG PA DANG DBANG SHES SNANG BA MI MTSUNGS PAS YUL GCIG MA YIN PA DE LTAR NI 'GYUR MOD KYI, PHYI ROL GYI GZUGS LA SOGS PA YANG SGRA'I BRJOD BYAR SONG BA DE NYID MA YIN YANG SGRA'I BRJOD BYA DE NYID RANG MTSAN YIN TE, LDAN MIN 'DU BYED KYIS BSDUS PA'I MING DANG MTSAN MA RNAM PAR SHES PA LAS RDZAS THA DAD PA DE NYID SGRA'I BRJOD BYA YIN ZHES ZER TO, ,RTOG PA LA SNANG BA'I SGRA'I SPYI DANG DON SPYI LA MING DANG MTSAN MAR THA SNYAD BTAGS PA'O, ,DE DGAG PA NI, DON DE DAG 'CHAD PA PO DANG NYAN PA PO 'BREL PA STE DE DAG GI RGYUD DU BTAGS

PA ZHIG GAM, PHYI ROL GYI DON GYI STENG 'BA' ZHIG NA GNAS PA'AM, DE GSUM GANG DANG YANG 'BREL MED KYI DNGOS PO ZHIG YIN, DANG PO LTAR NA, BUM PA ZHES PA'I SGRA LAS PHYI ROL GYI DON BUM PA LA 'JUG PAR MI 'GYUR PAR THAL, DES DE MA BRJOD PA'I PHYIR, DES NI GZUNG RNAM LA PHYI ROL TU BTAGS PA'I CHA SGRAS BRJOD PA YIN GYI RANG MTSAN MA BRJOD PAR 'DOD PA YANG LAGS PAR BKAG PA YIN NO, ,DE LTAR NI 'GYUR MOD KYI PHYI ROL GYI BUM PA DANG DE'I MING DANG MTSAN MA GCIG TU ZHEN PA'I SGO NAS 'CHAD NYIN BYED PA PO THA SNYAD BYED PA YIN NO ZHE NA, PHYI ROL GYI BUM PA DANG DE'I MING DANG MTSAN MA DNGOS PO LA GCIG TU GYUR NAS GCIG TU ZHEN PA YIN NAM, DON LA MING DANG MTSAN MAR BTAGS NAS GCIG TU ZHEN PA'AM, YANG NA MING DANG MTSAN MA LA PHYI ROL GYI BUM PAR BTAGS NAS GCIG TU ZHEN PA'AM, YANG NA PHAN TSUN GNYIS KA GDAGS GZHI DANG BTAGS CHOS SU BYAS NAS GCIG TU ZHEN PA YIN, DANG PO LTAR NA, DBANG PO'I MNGON SUM GYI YUL DU GYUR PA'I PHYI ROL GYI BUM PA BSNYON MI NUS PAR MTHONG BA'I PHYIR LDAN MIN 'DU BYED KYIS BSDUS PA'I MING DANG MTSAN MA DANG GCIG TU MI 'GYUR RO, ,PHYI ROL GYI BUM PA BLTA BA LA MIG LA SOGS PA'I DBANG PO'I TSOGS 'BRAS BU DANG MI LDAN PAR THAL, BRJOD BYED SGRA TZAM LAS DE JI LTA BA BZHIN DU RTOGS PA'I PHYIR, MING SOGS RANG MTSAN BRJOD BYAR KHAS BLANGS PA'I SKABS DON YANG NYAMS PAR 'GYUR BAR THAL, RGYU MTSAN SNGA MA DE'I PHYIR, PHYOGS GNYIS PA LTAR NA YANG MIG LA SOGS PA'I DBANG PO DON MED PA'I NYES PA'I GNAS SKABS

, ,DE NYID DU THAL, RJOD BYED SGRA TZAM LAS DON GZHAN DANG MA 'DRES PAR JI LTA BA BZHIN DU RTOGS PA'I PHYIR, PHYOGS GSUM PA LTAR NA, RGYAL PO DANG NUS PA MNYAM PA'I SKYES BU LA RGYAL PO ZHES BTAGS PAS DE GO BA'I BLOS RGYAL PO MI GO BA BZHIN DU BUM PA ZHES PA'I SGRA LA BRTEN NAS DON BUM PA LA 'JUG PAR MI 'GYUR PAR THAL, BUM PA'I SGRA BYUNG GI SHES PAS BUM PA MA RTOGS PA'I PHYIR, MI BLUN PO LA BA LANG ZHES BRJOD PA LA BRTEN NAS MI BLUN PO GO BA'I BLO DES BA LANG MI RTOGS PA BZHIN DU, MING DANG MTSAN MA GDAGS GZHIR BYAS PHYI ROL GYI BUM PA BTAGS CHOS SU BYAS PA'I SGO NAS GCIG TU ZHEN PA'I SGRA BYUNG GI SHES PAS MING DANG MTSAN MA GO BA'I PHYI ROL GYI BUM PA BRJOD BYA'I GTZO BOR MI GO'O, ,BRTAG PA BZHI PA LTAR NA YANG MIG LA SOGS PA'I DBANG PO DON MED PAR THAL BA DANG, SGRA LAS DON LA MI 'JUG PA'I SKYON GNYIS KA YOD DE, MING DANG MTSAN MA RANG MTSAN PA DANG PHYI ROL GYI DON RANG MTSAN PA 'DRA BAS GCIG TU 'KHRUL NAS DON GYI RJES SU 'JUG PAR BYED DO, ZHE NA, MI 'THAD DE, DUS 'GA' ZHIG GI TSE 'KHRUL NAS DON LA 'JUG KYANG DUS KUN GYI TSE SGRA LAS DON LA 'JUG PAR MI 'THAD PAR THAL TE, RES 'GA' MING DANG MTSAN MA LA YANG 'JUG DGOS PA'I PHYIR, DPER NA MTSE MA SBUN LTA BU'O, ,YUL SO SOR NGES PA NA GNAS PA'I DON GNYIS 'DRA BA YOD KYANG CIG SHOS LA 'JUG PAR MI 'GYUR BA DE BZHIN DU YUL LA 'KHRUL NAS 'JUG PAR MI RIGS TE, MING DANG MTSAN MA 'CHAD NYAN BYED PA'I RGYUD 'BA' ZHIG TU

GTOGS PA'I PHYIR, SGRA BYUNG SHES PA'I SNANG BA BRJOD BYAR 'DOD PA LA DON LA MI 'JUG PA'I NYES PA MTSUNGS PA MA YIN TE, RTOG PA NGO BO NYID KYIS 'KHRUL PAS DNGOS PO 'DZIN PA BZHIN DU SNANG ZHING, RANG GI SNANG BAS DE NYID LA DON DU ZHEN NAS 'JUG PAR 'GYUR BA'I PHYIR, RTZA BA 'GREL PA DANG BCAS PA GZHAN RNAMS NI GO BAR ZAD LA, RMI LAM NA YID KYI SHES PA RTOG PA DANG RTOG MED GNYIS YOD PA'I RTOG PA LA SGRA DON GZUNG YUL DU BYED PA DANG GZUNG RNAM SHES PA'I NGO BOR GYUR PA GNYIS KHAS LEN PA SAD DUS DANG 'DRA LA, RTOG MED LA SNGO SOGS GSAL BAR SNANG BA SOGS NI SAD PA'I DUS KYI SKRA SHAD 'DZAG SNANG GI DBANG SHES LA SNANG BA'I SKRA SHAD DANG 'DRA LA, SNGON PO GSAL BAR SNANG BA SHES PA'I NGO BO YIN PAR YANG SKRA SHAD GSAL BAR SNANG BA DANG 'DRA'O, ,RMI LAM GYI LUS LOGS SU CHAD PA LTAR SNANG BA'I LUS DNGOS PO DANG MTHUN PAR LOGS SU GRUB PA MA YIN TE, MAL NA GNAS PA'I LUS LA DBUGS 'BYUNG RNGUB MED PAR THAL BA DANG, DE NYID SHI BAR THAL BA DANG DE LA MTSON BSNUN NAS BSAD PAS SROG GCOD KYI LAS LAM MI RDZOGS PAR THAL LO, ,KHYAB PA YOD DE, SKYES BU GCIG LA DUS GCIG TU RNAM PAR SHES PA'I RGYUD THA DAD PA GNYIS MED PA'I PHYIR RO, ,GZHAN YANG MIG BLO MA 'KHRUL BA GZUNG DON DANG LDAN PAR RGYU MTSAN GANG LAS 'DOD DRIS PAS 'BRAS BUS RNAM SHES LDOG PA'I RTAGS LAS GZUNG DON GYIS PHAN 'DOGS PA'I NUS PA GRUB PA'I PHYIR RO ZHE NA, 'O NA SPYI BLO LA GZUNG DON MED PA CAN THOB PAR 'GYUR TE, YID BYED SOGS NAD GI RGYU TZAM YOD NA YOD PA'I PHYIR,

, ,MA GRUB STE, SNAM BU 'DZIN PA'I RTOG PA LA BUM PA'I SPYI MI SNANG BA NI SNAM BU LA DE MED PA'I STOBS KYIS DER SNANG GI BLO MA SKYES PA YIN PAS YUL YOD MED KYI RJES SU 'GRO LDOG BYED PA YIN NO ZHE NA, MA YIN TE, RTOG PA DE LA BUM SPYI MI SNANG BA NI RANG GI BAG CHAGS KYI NYER LEN GYI KHYAD PAR GYIS RTOG PA GNYIS CIG CAR MI SKYE BA'I RGYU MTSAN GYIS YIN GYI, DE GNYIS LA SNANG YUL DNGOS POR GYUR PA SO SOR DMIGS PA'I DBANG GIS MA YIN NO, ,SNAM BU DE LA BLOS BUM PA'O SNYAM DU BSGYUR NAS RTOG PAR BYED PA'AM, RTOG MED KYI YUL LA BUM PA'O SNYAM DU RTOG PA'I TSE YANG BUM PA'I DON SPYI SHAR YANG YUL STENGS NAS BUM PA YOD PA MA YIN NO, ,'CHAD NYAN DON GSUM GANG DANG YANG 'BREL MED KYI LDAN MIN 'DU BYED YOD NA YANG SGRA LAS DON LA MI 'JUG PA'I NYES PA SO NA GNAS SO, ,DON RANG MTSAN KHO NA'I STENG NA YOD PA'I LDAN MIN 'DU BYED BRJOD PA YIN NA, DI RING GI DUS NA RGYAL PO MANGS POS BKUR BA DANG, 'KHOR LOS BSGYUR BA'I RGYAL PO DUNG ZHES BRJOD DU MI RUNG BAR 'GYUR TE, DI RING GI DUS NA SNGA MA ZAD CING 'GAGS, PHYI MA MA SKYES PAS DE DAG LA BRTEN PA'I CHOS GZHAN DAG KYANG 'GAGS PA DANG MA SKYES PA'I PHYIR, GZHAN SDE NA RE, KHO BO CAG LTAR NA SGRA YAN GAR BA'I SPYI SGRAS BRJOD PAS DNGOS PO YANG BRJOD LA, DBANG PO'I TSOGS DON MED DU THAL BA'I SKYON YANG MED DO ZHE NA, DE'I DGAG PA GZHAN RNAMS NI GO BAR ZAD LA, SPYI RTAG DNGOS DES RANG 'DZIN SHES PA LA PHAN 'DOGS PA'I NUS PA YOD NA DUS RTAG TU BSKYED DGOS LA, DUS

'GA' ZHIG GI TSE MI SKYED NA DUS NAM YANG MI SKYED DGOS TE, NUS PA'I RANG BZHIN DU RTAG NA DUS RTAG TU NUS DGOS PA DANG, NUS MED DU RTAG NA DUS NAM YANG NUS PA MED DGOS PA'I PHYIR, DE'I RGYU MTSAN RTAG PA LA MTHUN RKYEN DANG 'GAL RKYEN GYIS NUS PA 'PHEL BA DANG ZAD PA'I CHED DU BCOS SU MI RUNG BA'I PHYIR, GZHAN SDE RTAG PA KHAS LEN PA RNAMS NI RTAG 'DZIN LHAN SKYES KYIS JI LTAR ZHEN PA LTAR SNGA PHYI GCIG TU 'DZIN CING, DE YANG BSGRUB PA RANG DBANG BA'I TSUL GYIS 'DZIN PA LTAR GRUB PAR 'DOD LA, RANG SDE DE 'DRA BA'I RTAG PA KHAS LEN PA NI SU YANG MED DO, ,BYE BRAG SMRA BA RTAG PAS BYA BA BYED NUS PAR KHAS LEN PA YANG DGAG BYA THOGS PA'I REG BYA DANG BRAL BA NYID LA RTAG PAR 'DOD KYI, BSGRUB PA RANG DBANG BA'I TSUL GYIS 'CHAR BA'I RTOG PA NI BLUN PO 'BA' ZHIG LA GRAGS PA'O, ,MKHAS PA LA GRAGS PA'I RTOG PA NI DGAG BYA 'JIG PA LOG PA'I SPYI DANG BYE BRAG GIS BSDUS PA'I TSAD MAS LEGS PAR GRUB PA RNAMS SO, ,RTAG PA TSAD MAS MA GRUB PAR 'DOD PA NI RIGS PA'I GNOD PA DU MA DANG BCAS PA'O, ,SPYI YAN GAR BA SPYI 'DZIN SHES PAS GZUNG DON DU BYAS NAS 'DZIN NA NYES PA GZHAN YANG SPYI 'DZIN RNAM PAR SHES PA DE LA SNANG BA'I SNGON PO LA SOGS PA'I RNAM PA'I CHA SNANG BAR RNAM PAR DES PA STE MTSON NUS PA'I KHA DOG LA SOGS KYI RNAM PA DE DAG SHES PA DE LA GANG GIS SPRUL ZHING GTAD PA YIN, SPYIS MA YIN TE, DE KHA DOG DBYIBS SOGS KYIS STONG BAR KHAS BLANGS PA'I PHYIR, GSAL BAS MA YIN TE, DE MI SNANG BAR SPYI YAN GAR BA SNANG BA'I PHYIR, GAL TE

, ,DON MNGON 'GYUR RAM GSAL BAR SNANG BA NI BDAG RKYEN MIG LA SOGS PA'I DBANG PO LA BRTEN NAS YIN LA, LKOG GYUR GYI DON RANG MTSAN 'DZIN PA DANG SPYIR MI GSAL BAR SNANG BA NI RJOD BYED SGRA'I BDAG RKYEN LA BRTEN NAS YIN PAS GNYIS KAS RANG MTSAN GZUNG YUL DU BYED PAR 'DRA YANG, MIG LA SOGS PA'I DBANG PO'I TSOGS DON MED DU THAL BAR MI 'GYUR RO ZHE NA, DE'I LAN DU YUL GCIG LA DMIGS PAS GSAL MI GSAL SO SOR SNANG BA MI 'THAD PAR THAL BA 'PHEN PA MI 'THAD DE, SKYES BU GCIG GIS MI RTAG PA SOGS DON GCIG SNGAR MI GSAL BAR SNANG BA GOMS STOBS KYIS PHYIS MNGON SUM DU GSAL BAR SNANG BA MTHONG BA'I PHYIR, GSAL MI GSAL GYI KHYAD PAR MED PAR THAL BA 'PHEN PA YANG MI 'THAD DE, NYE RING LA SOGS KHYAD PAR GYI, ,GSAL DANG MI GSAL MI RUNG NGO, ZHES GZUGS GCIG LA THAG NYE RING NAS BLTA BA'I DBANG SHES LA GSAL MI GSAL GYI KHYAD PAR MTHONG BA'I PHYIR RO, ,DE NAS SPYI 'DZIN GYI SHES PAS GZUNG DON DU BYAS PA'I DON DE NYID DBANG SHES KYIS KYANG GZUNG DON DU BYAS NAS 'DZIN PA'I PHYIR GSAL MI GSAL THA DAD DU SNANG BA MI 'THAD PAR THAL BA'O, ,DE LTAR, BRJOD BYA NYID PHYIR DE DNGOS MIN, ZHES PA LAS 'PHROS PA'I RTZOD SPANG RGYAS PAR BSHAD NAS, SPYI MTSAN DNGOS MED DU SGRUB PA'I RIGS PA GNYIS PA STON PA NI, RIGS 'DIR GSAL BA LAS GZHAN NAM ZHES SOGS SO, ,GONG 'OG KUN TU SPYI GSAL RDZAS GCIG TU 'DOD PA GRANGS CAN DANG, RDZAS THA DAD DU 'DOD PA BYE BRAG PA'I LUGS BKOD NAS DGAG

PA MDZAD DE, DE LA GRANGS CAN GYIS CHOS RNAMS KYI GNAS LUGS DON DAM PAR GRUB PA'I RANG BZHIN GANG YIN PA DE NYID GTZO BO ZHES KYANG BYA, RNAM 'GYUR RNAMS LA RJES SU 'GRO BA'I SPYI YANG YIN NO, ,RJES SU 'GRO BA'I TSUL NI SNGON PO'I RANG BZHIN GANG YIN PA DE NYID SER PO'I RANG BZHIN DANG, SER PO'I RANG BZHIN GANG YIN PA DE NYID SNGON PO'I RANG BZHIN YIN PAR 'DOD DO, ,DE LTA NA RIGS LDAN GYI GSAL BA SNGON PO DE'I RANG BZHIN DE SNGO SER SOGS KUN LA RJES SU 'GRO BA'I RIGS MA YIN PAR THAL GSAL BA'I NGO BO SNGON PO DE SER PO SOGS GZHAN LA RJES SU 'GRO BA BRTEN PA MED PA'I PHYIR, YANG NA SNGON PO'I RANG BZHIN GANG YIN PA DE NYID SER PO'I RANG BZHIN DANG, SER PO'I RANG BZHIN GANG YIN PA DE NYID SNGON PO'I RANG BZHIN DU GYUR PA'I RIGS SU MI 'THAD PAR THAL, GSAL BA'I NGO BO'AM RANG BZHIN DE DAG PHAN TSUN RJES 'GRO MI BRTEN PA'I PHYIR TE, GSAL BA NANG PHAN TSUN RJES 'GRO MI BYED PA'I PHYIR, BYE BRAG PA SPYI GSAL RDZAS GCIG PA LA SKYON DER 'GYUR GYI KHO BO CAG SPYI GSAL RDZAS THA DAD PA LA SKYON MED DO ZHE NA, GSAL BA 'DI'I SPYI 'DI YIN NO ZHES THA SNYAD DNGOS SU BYAR MI RUNG BAR THAL, SPYI GSAL RDZAS THA DAD PAS BUM PA'I GSAL BA RNAMS LA BUM PA'O SNYAM PA'I SPYI BLO 'JUG PA MI RUNG BA'I PHYIR SPYI DANG GSAL BA 'BREL MED DU 'GYUR TE, BDAG GCIG PA'I 'BREL PA YANG MI 'THAD, DE LAS BYUNG BA'I 'BREL PA YANG MI 'THAD PA'I PHYIR, SPYI GSAL LTOS MED YIN PAS DON DAM PA'I 'BREL PA GRUB PA YANG MI RIGS TE, 'BIGS BYED DANG GANGS CAN LTA BU'O, ,GSAL BA

, ,DON GZHAN SPYI'I BLTOS SA DANG SPYI'I BLTOS CHOS YIN NA SPYI GSAL BA'I 'BRAS BUR GYUR NA YANG DE 'THAD PA MA YIN TE, SPYI RTAG PA GNYIS KYI PHYIR RGYU 'BRAS MA YIN PA'I DON GANG YIN PA DE NI LTOS MED YIN LA, DE LTA NA 'BREL PA YOD PA MA YIN PAS GSAL BA DE'I SPYI'O ZHES DON DAM PA'I 'BREL PA RIGS PA MA YIN NO, ,RGYU 'BRAS KYI 'BREL PA DON DAM PAR GRUB PA BKAG NAS SPYI GSAL GYI 'BREL PA DON DAM PAR GRUB PA DGAG PA NI, GZHAN YANG RE SHIG CES SO, ,MYU GU SA BON LAS GRUB ZIN PA'I PHYIR DE LA RAG LAS PA MED PAR THAL BA SOR BZHAG GZHUNG GI DON DU BYED PA NI, RGYU LAS GRUB NA 'BRAS BU MA YIN PAS KHYAB PA KHAS LEN DGOS PAS HA CANG THAL BAR 'GYUR LA, SNGA MA KHA CIG GIS BRTAG PA BYAS PA LTAR MYU GU CHOS CAN, 'BRAS BU YIN TE, PHAN GDAGS BYA YIN PA'I PHYIR, CES PA LA MYU GU GRUB ZIN NA PHAN GDAGS BYAR MI RUNG BAS PHYOGS CHOS MA GRUB, GRUB MA ZIN NA CHOS CAN MA GRUB PAS PHYOGS CHOS MA GRUB PA'I NYES PAR 'GYUR BAS DE LA RTAGS YANG DAG MI RUNG BAR 'GYUR RO, ,DES NA 'GREL PAR DE LA GRUB PA'I 'OG TU SA BON LA SOGS PA YANG CUNG ZAD MI BYED PA DE BAS NA ZHES GSUNGS PA LTAR, MYU GU CHOS CAN, RANG NYID GRUB ZIN PA'I 'OG TU SA BON LA RAG LAS PA MED PAR THAL, RANG GI RGYU SA BON LAS GRUB ZIN PA'I PHYIR, 'DOD NA MYU GU 'DI SA BON 'DI'I 'BRAS BU PA'O, ,SNYAM PA'I 'BREL PA RTOG PAS BTAGS PA TZAM DU THAL, MYU GU DE RANG NYID GRUB ZIN PA'I 'OG TU SA BON LA RAG LAS PA MED PA'I PHYIR, DE LA KHYAB PA GRUB PA'I DON NI,

SA MYUG GI 'BREL PA RTOG PA'I GZUNG YUL YIN PAS DE RDZAS SU GRUB NA RTOG PA MA 'KHRUL BAR 'GYUR LA, DE LTA NA 'BREL PA 'DZIN PA'I RTOG PA LAS MYUG RVA G-YAS G-YON BZHIN DU DUS MNYAM DU SNANG BAS DUS MNYAM DU GRUB DGOS PAR 'GYUR BA'O, ,DU BA YIN NA ME SNGON DU SONG BA'I KHYAB PA DANG, ME SNGON DU MA SONG NA DE MI 'BYUNG ZHING ME YOD NA DE'I RJES SU BYED PA'I 'BREL PA'I LDOG PA MNGON SUM GYI GZUNG YUL DU BYED NA YANG RGYU 'BRAS SU DUS MNYAM PAR 'GYUR BA'O, ,'BREL PA RTOG PAS BTAGS PA TZAM YIN PAS TSAD MA'I GZHAL BYA MA YIN PAR 'DOD PA NI LTAG CHOD 'BA' ZHIG YIN TE, TSAD MA'I GZHAL BYA YIN PA 'GOG PA DANG RTOG BTAGS SU BSGRUB PA DANG SGRUB BYED GANG 'GOD KYANG SE'U BCU PA'I NGAG LTAR 'BREL MED DU KHAS BLANGS DGOS PAR 'GYUR BAS SO, ,DES NA 'BREL BRTAG LAS, DE PHYIR DNGOS PO THAMS CAD KYI, ,'BREL PA YANG DAG TU NA MED, CES DGAG BYA LA KHYAD PAR SBYAR NAS BSHAD PAS 'BREL PA DON DAM PAR GRUB PA 'GOG PA YIN GYI, TSAD MA'I GZHAL BYA YIN PA RNAM PA THAMS CAD DU 'GOG TU MI RUNG NGO, ,RTOG PAS BTAGS PA LA DON BYED NUS PA'I GZHI MTHUN LEGS PAR 'JOG MA SHES NA DBU MA CHEN PO'I LUGS LAS 'DAS PA LTAR, TSAD MAS GRUB PA'I GZHI MTHUN 'JOG MI SHES NA GZHUNG LUGS 'DI LAS PHYI ROL TU GYUR PAR SHES PAR BYA'O, ,RGYU 'BRAS KYI 'BREL PA YANG DON DAM PAR MA GRUB NA SPYI GSAL GYI 'BREL PA DON DAM PAR GA LA GRUB, SNYAM DU DGONGS NAS 'BRAS MIN JI LTAR YANG, ZHES GSUNGS SO, ,SPYI MTSAN GSAL BA DANG RDZAS GCIG DANG THA DAD

, ,GANG DU YANG MA GRUB PA DE'I PHYIR RANG GI NGO BOS GRUB PA'I RANG BZHIN MED PAR GRUB PO, ,SPYI GSAL BA LAS RDZAS DE NYID GZHAN GANG DU YIN PAR BRJOD DU MED PAS DNGOS PO'I RANG BZHIN MED PA YIN LA, DE NYID SPYI 'DZIN YIN NA RI BONG GI RVA YANG SPYI 'DZIN YIN PAR 'GYUR RO ZHE NA, GTAN MED RIGS SU THAL BAR MI 'GYUR TE, RANG BZHIN MED PA THAMS CAD SPYIR KHAS MI LEN PA'I PHYIR, RANG BZHIN MED NA 'GA' ZHIG KYANG SPYIR MI 'GYUR TE, RI BONG GI RVA BZHIN NO ZHE NA, SPYI GANG YIN PA DNGOS POR MI 'GYUR BAR THAL BA GRUB ZIN BSGRUBS LA, GCIG GI RNAM PA CAN GYI SHES PA'I YUL DU MI 'GYUR BAR THAL, RANG BZHIN MED PA'I PHYIR, CES BRJOD NA KHYAB PA MA NGES SO, ,DES NA RI BONG GI RVA GSAL BA'I SPYIR MI 'GYUR TE, GSAL BA LA LTOS PA MED PA'I PHYIR, DNGOS PO MED PA YIN YANG SPYIR BZHAG CING RJOD BYED SGRAS BSTAN PA'I DGOS PA NI, DE PHYIR NGO BO LA BRTEN NAS, ZHES TE, RTOG PA LA BUM MA YIN LAS LOG PAR SNANG BA DON DAM PAR NGO BO NYID MED PA YIN YANG RIGS SU BTAGS SHING BZHAG PA RJOD BYED SGRAS BSTAN PA'I DGOS PA NI KHYAD PAR RANG MTSAN LA SKYES BU 'JUG PA'I DON DU YIN NO, ,SPYI 'DZIN 'KHRUL PAR BSTAN PA NI, DE LA NGO BOR SNANG BA'AM, ZHES TE, SPYI BLO SNANG BA LA 'KHRUL PA'I TSUL NI 'GREL PA LAS RIGS KYI NGO BOR SNANG BA'I SGO NAS PHYI ROL GYI DON LA GCIG TU ZHEN PA GANG DE 'KHRUL PA YIN NO ZHES TE, DPER NA RGAN PO BRDA BYANG RANG GI BZHIN LA SKYON YOD MED ME LONG LA BRTEN NAS RTOG PA NA ME LONG GI NANG GI BYAD BZHIN GYI GZUGS BRNYAN BYAD BZHIN DU SNANG ZHING,

SNANG BA DE LA BRTEN NAS BYAD BZHIN RTOGS PAR BYED KYI GZUGS BRNYAN DE NYID BYAD BZHIN NO SNYAM DU ZHEN PAR NI MI BYED KYI, DE BZHIN DU BUM 'DZIN RTOG PA LA RIGS KYI NGO BOR GYUR PA BUM PA'I GZUGS BRNYAN SNANG BA'I SGO NAS BUM PA'O SNYAM DU ZHEN PAR BYED KYI, BUM PA'I GZUGS BRNYAN DE NYID BUM PA'O SNYAM DU ZHEN PAR MI BYED PA NI KHA NANG DU LOG PAS SHES SO, ,DE YI DNGOS PO STONG DE DAG ,DE YI NGO BOR ZHEN PA'I PHYIR, CES SOGS KYANG DON DE BZHIN DU GO BAR BYA'I RTOG PA MTHA' DAG ZHEN YUL LA 'KHRUL BAR MI GZUNG NGO, ,'KHRUL BA'I RGYU NI THOG MED PA'I, ZHES SO, ,MED DGAG GZHAN SEL GYI SPYI DNGOS MED DU BSGRUB PA NI, DON RNAMS KYIS NI, ZHES TE, RJOD BYED SGRA LA BRTEN NAS SHUGS LA RTOGS PAR BYA BA BUM PA'I STENG GI BUM MA YIN RNAM PAR BCAD PA DE LA YANG NGO BO CUNG ZAD KYANG MED PA YIN YANG, RJOD BYED RNAMS KYIS BRJOD PAR BYED PA YIN NO, ,BLO'I GZHAN SEL GYI SPYI DNGOS MED DU BSGRUB PA LA SPYI 'DZIN 'KHRUL BAR BSTAN PA DANG, DE'I GZUNG YUL RDZUN PAR BSTAN PA'I DANG PO NI, NGO BO MED CAN, ZHES TE, SPYI 'DZIN GYI BLO LA DNGOS POR SNANG BA DE DNGOS PO'I NGO BO CUNG ZAD KYANG MED PA CAN YIN YANG DE LA DON DU 'KHRUL NAS 'JUG PA'I SNANG BA GANG YIN PA DE NYID SPYI YIN PAR KHO BO CAG 'DOD LA, DE YANG DNGOS POR RIGS PA MA YIN TE, RDZUN PA NYID YIN PA'I PHYIR, BLO DE NYID 'KHRUL PA YIN TE, BUM GSAL RDZAS THA DAD PA DU MA LA SPYI NYID DU STE BUM PA'O SNYAM DU MTHONG BA'I PHYIR, DE'I DON NI RDZA BUM MTHONG NA YANG BUM PA'O SNYAM PA DANG, DNGUL BUM MTHONG NA YANG BUM PA'O SNYAM DU NGES PA'I 'DZIN

, ,STANGS LA GCIG GI MTSAN GZHIR GZUNG DU RUNG BA'I BUM PA'O SNYAM PA YOD KYI, BUM GSAL RDZAS THA DAD PA DU MA GCIG TU 'DRES PAR ZHEN PA NI MED DO, ,GNYIS PA NI, BSLAD PHYIR, CES TE, SPYI BLO'I SNANG BA DE NYID RDZUN PA YIN TE, BSLAD PA STE DNGOS POR SNANG BA'I NGO BO YIN YANG SNANG BA LTAR GYI DNGOS POR RTAG PA'I RTEN MA YIN PA'I PHYIR TE DE KHO NA NYID DU DNGOS POR MED BZHIN DU DNGOS POR SNANG BA'I PHYIR, DNGOS POR MED PA'I RDZAS GCIG DANG THA DAD GANG DU YANG BRJOD PAR BYA BA MA YIN NO, , 'DIS NI BLO'I SEL BA LA DON DAM PAR NGO BO CUNG ZAD KYANG MED PAR BSTAN TO, ,GAL TE BUM SPYI DE BUM PA'I NYE BAR LEN PA GZUGS DRI SOGS LAS RDZAS DE NYID DANG GZHAN DU BRJOD DU MED NA'ANG, BUM SNAM RDZAS SHIN TU THA DAD PAS BUM PA'I SPYI DE SNAM BU LAS RDZAS GZHAN DU BRJOD PAR BYAR YOD PAS DE NYID DANG GZHAN DU BRJOD DU MED PAS DNGOS PO MA YIN PAR SGRUB PA'I GTAN TSIGS MA GRUB BO ZHE NA, BUM PA ZHES BYA BA'I TSOGS PA STE SPYI SNAM BU LAS RDZAS GZHAN DU BRJOD PAR BYAR YOD PA DE LTAR NA YANG DNGOS PO MA YIN PAR THAL, RANG GI TSOGS PA GZUGS DRI SOGS LAS RDZAS DE NYID DANG GZHAN DU BRJOD PAR BYA BA MA YIN PA'I PHYIR, GANG DU YANG BRJOD BYA MA YIN PA DE YANG DNGOS PO NYID MA YIN PAS KHYAB PA'I PHYIR BUM SPYI DNGOS PO MA YIN PAR 'DOD DO, ,DE LTA MA YIN TE, DNGOS PO YIN NA GZUGS DRI SOGS DE LAS KYANG RDZAS DE NYID DANG GZHAN GANG DU YANG BRJOD DU MED PAR MI 'GYUR NA, BRJOD DU MED PA DE YOD PA YANG YIN TE, DNGOS PO'I RANG BZHIN MED PA NYID YIN PA'I PHYIR, DNGOS PO YIN

NA DNGOS PO GANG LA LTOS KYANG DE NYID DANG GZHAN DU BRJOD BYA MA YIN PAR MI 'GYUR TE, DNGOS PO LA RDZAS GCIG DANG THA DAD KYI RTAG PA LAS MA 'DAS PA'I PHYIR, DES NA BUM SPYI DNGOS MED DU BSGRUB PA LA DNGOS PO GANG LA LTOS NAS KYANG RDZAS DE NYID DANG GZHAN DU BRJOD DU MED PA'I PHYIR, CES RTAGS KHYAD PAR DANG BCAS PA MA GRUB PA MA YIN LA, RTAGS ZUR SNGA MA MED PAR RDZAS GCIG DANG THA DAD GANG DU YANG MED PA SPYIR BKOD KYANG RTAGS MA GRUB PA'I SKYON MED DE, BUM SPYI DE SNAM BU LAS KYANG RDZAS GZHAN DU BRJOD PAR BYAR MED PA'I PHYIR, BUM SPYI DANG SNAM BU'I SPYI RTOG PA LA RDZAS THA DAD DU SNANG ZHING DE LTAR THA SNYAD BYED PAR NI NYER LEN BUM SNAM RDZAS THA DAD PAS THA DAD DU BTAGS PA TZAM YIN NO, ,GZHAN YANG SGRA BLO 'JUG PA SPYI DNGOS PO PA KHYAD CHOS SU 'DOD PA'I RGYU MTSAN GYIS YIN NA, 'DAS MA 'ONGS KYI BUM PA LA YANG SPYI DNGOS PO PA YOD PA'I RGYU MTSAN GYIS BUM PA'I SGRA SBYOR BAR 'GYUR LA, DE 'DOD DO ZHE NA, BUM SPYI CHOS CAN, DNGOS POR MED PA 'DAS MA 'ONGS KYI CHOS SU JI LTAR YANG MI 'GYUR BAR THAL, RDZAS SU MED PA'I PHYIR, YANG NA RDZAS SU MED PAR THAL, DNGOS POR MED PA'I CHOS YIN PA'I PHYIR, 'DAS MA 'ONGS GYI BUM PA LA BUM PA'I SGRA BTAGS MING DU 'JUG NA RGYU MTSAN MED PAR MTSUNGS BZHIN DU 'DAS MA 'ONGS KYI BUM PA LA BTAGS MING DU 'JUG LA SNAM BU SOGS LA BTAGS MING DU MI 'JUG PA MI 'THAD DO, ,'DAS PA DANG MA 'ONGS PA'I BUM PA BYUNG ZIN PA'I KHA SANG GI BUM PA DANG 'BYUNG 'GYUR SANG NYIN GYI BUM PA LA BRJOD NA BUM PA'I SGRA DNGOS MING DU 'JUG PAS, BUM

, ,PA'I MING 'JUG PA 'GOG PA MI 'THAD LA, BUM PA ZHIG PA DANG MA SKYES PA'I DNGOS MED LA BRJOD NA YANG BUM PA'I SGRA 'JUG PA MI 'THAD LA, DI RING GI DUS NA KHA SANG GI BUM PA ZHIG KYANG KHA SANG GI BUM PA ZHES BRJOD DU RUNG MI RUNG LA BYED NA BTAGS MING DU 'JUG PA 'GOG PA YANG MI 'THAD DE, DNGOS MING DU DE LAS KYANG MI 'JUG PA'I PHYIR RO, ,DA LTAR GYI BUM PA CHU 'DZIN PA'I DON BYED NUS PAR YOD PA DE LTAR 'DAS MA 'ONGS KYI BUM PA LA YANG CHU 'DZIN PAR GYUR ZIN PA DANG 'BYUNG BAR 'GYUR BAS CHU SKYOR GYI DON BYED NUS PA NYID 'DAS MA 'ONGS KYI BUM PA LA BTAGS MING DU 'JUG PA'I RGYU MTSAN YIN NO ZHE NA, CHU SKYOR GYI DON BYED NUS PA YIN NA BUM PA NYID YIN PA'I DNGOS MING DU 'JUG PA LDOG TU MED LA, BUM PA ZHIG PA LTA BU'I DNGOS MED YIN NA 'DOGS PA'I RGYU MTSAN DE NYID MED PA'I PHYIR BTAGS MING YANG MI RIGS SO, ,DE BZHIN DU MA 'ONGS PA LA YANG SBYAR NAS SHES PAR BYA'O, ,GZHAN YANG THA DAD PA'I SPYI DON GZHAN KHYAD PAR GYI CHOS SU YOD PA DE LA DNGOS MING DANG DE 'DRA MED PA'I MING 'JUG PA BTAGS MING DU 'DOD PA YANG MI 'THAD DE, 'JIG RTEN NA MING GANG LAS 'DRA BA DANG 'BREL PA SOGS LA LTOS PA MED PAR BLO 'KHRUL MED DU 'JUG PA'I DON DE LA DNGOS MING DANG, DON DE DANG 'DRA BA SOGS RGYU MTSAN DU BYAS NAS PHYIS MING DU BTAGS PA 'JIG RTEN NA YOD PA DE DOR BAR RIGS PA MA YIN NO, ,BUM PA'I SPYI LA'ANG SPYI DON GZHAN KHYAD PAR GYI CHOS SU MED KYANG BUM PA'I SPYI ZHES PA'I MING DNGOS MING DU 'JUG PAS GNAS MA YIN PA LA ZHEN

PAS CI ZHIG BYA, BRJOD BYA'I DON DNGOS POR YOD MED KYI SGO NAS DNGOS MING DANG BTAGS MING GI KHYAD PAR 'BYED PA YANG MI 'THAD DE, BRJOD BYA'I DON DNGOS POR MED NA'ANG THOG MAR GRAGS PAS BKOD PA'I MING DE DON DE LA DNGOS MING DANG, PHYIS 'DRA BA SOGS KYIS 'KHRUL NAS MING DU BTAGS PA DON DE LA PHAL PA BTAGS MING YIN NO, ,'JIG RTEN PA RNAMS NI 'DAS MA 'ONGS KYI BUM PA LA BUM PA'I BLO 'KHRUL MED DU SKYE ZHING, DA LTAR BA'I BUM PA DANG KHYAD PAR MED PAR BUM PA'I SGRA DNGOS MING DU SBYOR BAS KHYO BO CAG LA KLAN KA BTZAL DU MED DO, ,BUM PA CHAG ZIN PA LA SNGAR GYI BUM PA DE ZHES THA SNYAD BYED PA'O, ,DPER NA MNGON PAR 'DOD PA'I DON SGRUB PA'I NUS PA MED PA'I BU DNGOS POR YOD NA'ANG BU MED CES BTAGS MING DANG, RI BONG RVA LA SOGS PA LA MED CES DNGOS MING DU 'GYUR BA LTA BU'O, ,GZHI MA GRUB KYANG GRANGS CAN GYIS BTAGS PA'I GTZO BO MTSAN NYID LNGA LDAN LA GTZO BO ZHES PA'I MING DNGOS MING DANG, YUL GYI RGAN PO 'GA' ZHIG LA GTZO BO ZHES PA BTAGS MING DU 'JUG PA DANG, YANG GRANGS CAN GYIS BTAGS PAR GYUR PA'I GTAN MED KYI SKYES BU LA SKYES BU ZHES PA DANG, BYA BA BYED NUS KYI SKYES BU LA SKYES BU ZHES PA'I DNGOS BTAGS KYI KHYAD PAR YANG SHES PAR BYA STE, DPE PHYI MA 'DI DAG DE LTAR GRAGS PA'I 'CHAD PA PO DANG NYAN PA PO'I DBANG DU BYAS KYI 'JIG RTEN NA GRAGS PA'I DNGOS BTAGS KYI KHYAD PAR NI MA YIN NO, ,DE LTAR SPYI MTSAN DNGOS MED DU SGRUB PA'I RIGS PA GNYIS BSTAN NAS, RIGS PA GSUM PA NI, ZHIG PA LA SGRA LAS ZHES SO, ,MA ZHIG PA DA LTAR BA'I BUM PA LA RTOG

, ,PA'I SNANG BA DNGOS POR MED DE, ZHIG PA 'DAS PA'I BUM PA LA RTOG PA'I BLO DANG SNANG TSUL MTSUNGS PA'I PHYIR, MI GSAL BAR SNANG BA MTSUNGS PA YIN GYI DUS SNGA PHYI DANG 'BREL BA'I SNANG TSUL NI YOD DO, ,'DAS MA 'ONGS DNGOS MED DU KHAS MI LEN PA DE'I LUGS DE LA YANG DA LTAR DON BYED NUS PA'I GNAS SKABS KYI NGO BO MNGON SUM GYIS DMIGS PA BZHIN DU, 'DAS MA 'ONGS LA DMIGS PA'I BLO LA YANG SNANG TSUL DE LTAR YOD PA MA YIN PAS DE'I NGOR YANG GTAN TSIGS DANG DPE MA GRUB PA MA YIN NO, ,SNANG BA LA SOGS ZHES PA'I RKANG PA GNYIS NI MI MTHUN PA'I DPE STON PA YIN LA, SKABS 'DI DAG TU PHAL CHER SPYI BLO'I SNANG BA DNGOS MED DU SGRUB PA'I RIGS PA NYID 'CHAD PA YIN NO, ,DA LTAR BA'I BUM PA LA RTOG PA'I BLO SNANG BA MTSUNGS PAS DNGOS POR GYUR PA'I SPYI GZUNG YUL DU MI BYED PAR MI 'GRUB STE, GSAL BA LA LTOS MED KYI SPYI YAN GAR BA GZUNG DON DU BYED PAS SNANG BA MTSUNGS PA YIN NO ZHE NA, DE SNGAR DE MTSUNGS MA YIN DANG, ZHES PA'I SKABS SU LDOG ZIN PAS LAN MA YIN NO, ,BYE BRAG PAS GSAL BA SNGAR MTHONG NAS SPYI 'DZIN DE'I RJES SU SKYE BA YIN KYANG GSAL BA LA SGRA BLO 'JUG PA SPYI MTHONG BA LA RAG LAS PAR 'DOD DO, ,SPYI MTSAN DNGOS MED DU SGRUB PA'I RIGS PA BZHI PA CHA SHAS CUNG ZAD KYANG MED PA'I SPYI YIN PA NYID KYIS DNGOS MED DU BSGRUB PA NI, GZHAN YANG GANG GI PHYIR CES SO, ,RE SHIG CHA THA DAD MED PA'I SPYI GCIG 'DOD DU CHUG NA YANG GSAL BA RDZAS THA DAD PA RNAMS GNAS SKABS LA SOGS PA'I RNAM PA MI 'DRA BA 'GA' ZHIG GIS THA DAD PAR KHAS BLANG

BAR BYA STE, GSAL BA RDZAS THA DAD PA 'DI RNAM 'GYUR MI 'DRA BA DE'I RTEN CAN YIN PA'I PHYIR, GANG YANG 'GRO BA RNAM 'GYUR GYI DNGOS PO RNAMS GTZO BO CHA MED GCIG GI RANG BZHIN DU 'DOD PA'I GRANGS CAN DES KYANG RDUL MUN SNYING STOBS GSUM THA DAD PA DANG, SEMS CAN YIN MIN PHAN TSUN THA DAD PAR 'DOD PA YIN NO, ,DES NA GSAL BA RDZAS THA DAD PA RNAMS THA DAD PA DGAG MI NUS PAS KHYAD PAR CAN GYI GSAL BA RNAMS KHYAD PAR MED PA'I SPYI CHA MED GCIG GI RANG BZHIN DU MI RIGS SO, ,KHYAD PAR CAN DANG KHYAD PAR CAN MA YIN PA'I NGO BO GNYIS YOD NA DNGOS PO CHA MED GCIG GI RANG BZHIN DU JI LTAR 'GYUR, SPYI GSAL RDZAS GCIG PA LA SKYON DE YOD PAS RDZAS GZHAN DU 'DOD NA ,SAL BA DE DAG GI SPYI 'DI LO ZHES PA 'BREL MED DU 'GYUR RO, ,RNAM DPYOD GZHAN SEL KHAS LEN PA LA NI RDZAS GCIG DANG THA DAD KYI SUN 'BYIN DE DAG 'JUG PA MED DE, MTHE BONG MA YIN PA DE MDZUB MO LHAG MA BZHI LA KHYAD PAR MED PAR RJES SU 'GRO BA'I SPYI YIN PA LTA BU'O, ,SPYI MTSAN DE 'OS MED DU SGRUB PA'I RIGS PA LNGA PA DANG DRUG PA RTZA BA 'GREL PA DANG BCAS PA NI GO BAR ZAD DO, ,RIGS PA BDUN PA NI RNAM PA 'GAS KYANG ZHES SO, ,RTOG PA LA BUM PA MA YIN PA LAS LOG PAR SNANG BA DNGOS POR MI RUNG STE, DE YIN NA GSAL BA LA LTOS MED KYI YAN GAR BAR SNANG DGOS PA LA RNAM PA 'GAS KYANG RNAM SHES LA, DE LTAR SNANG BA MED PA'I PHYIR, DNGOS PO RDZAS THA DAD PA YIN SHES PA GCIG GI GZUNG YUL YIN NA YANG SO SOR SNANG DGOS TE, LUS KYI SHES PA GCIG GI YUL DU GYUR PA'I RLUNG DANG NYI MA'I 'OD ZER GYI REG BYA LTA BU'O,,

, ,GZHAN RNAMS NI GO BAR ZAD DO, ,RANG MTSAN MA GTOGS PA'I GZHAL BYA GZHAN CUNG ZAD KYANG DON BYED NUS PAR YOD PA MA YIN PA DANG, RANG MTSAN GCIG PU GZHAL BYAR BZHAG PA'I DGONGS PA NI DNGOS MED TSAD MA'I GZHAL BYAR MI RUNG BAR STON PA MIN TE, DE LTA YIN NA, GZHUNG GONG 'OG DU MA DANG RIGS PA DU MA DANG 'GAL BAR 'GYUR RO, ,DES NA THA MAL PA LAS MNGON PAR 'PHAGS PA SKYES BU RTOG PA DANG LDAN PA DAG PHYI MA PHAN CHAD DU BLANG PAR BYA BA PHAN PA SKYED PA NI GANG ZHIG YIN, DOR BAR BYA BA GNOD PA SKYED PA NI GANG ZHIG YIN, 'DOR LEN BYA BA DE DAG GI RGYU NI GANG ZHIG SNYAM DU DPYOD PA'I DBANG DU BYAS LA, DON BYED NUS PA DE YANG RANG MTSAN KHO NA LAS GZHAN MED PAS RANG MTSAN GCIG PU GZHAL BYA ZHES BYA'O SPYI LA YANG DPYOD PA 'JUG PA MA YIN NAM CI LTAR DE KHO NA GZHAL BYA YIN ZHE NA, DE LA DPYOD PA YANG RANG MTSAN KHO NA'I RTEN CAN YIN TE, SPYI DNGOS POR PHYI ROL BDAG GIS STON PAR BYED LA, CI DE 'GA' ZHIG LA DON BYED PAR RUNG NGAM MI RUNG ZHES DNGOS PO'I RJES SU 'BRANGS NAS DPYOD PA YIN GYI GTAN MED DU NGES ZIN NA 'BRAS BU DON GNYER DPYOD PA CUNG ZAD KYANG MI BYED DO, ,DNGOS MED RTOGS PA'I TSAD MA RNAMS KYANG SNGAR BSHAD PA DE'I YAN LAG TU RTOG LDAN LA NYE BAR MKHO BA YIN GYI, DE LTA MA YIN NA 'KHRIG PA DON GNYER GYI BUD MED KYI 'DOD DON DE SGRUB PA'I CHED DU MA NING KHYAD PAR GYI GZHIR BZUNG NAS GZUGS BZANG MI BZANG SPYOD PA DANG 'DRA'O, ,GZHAL BYA GCIG KHO NA YIN NA SLOB DPON PHYOGS GLANG GIS GZHAL BYA GNYIS SU GSUNGS PA'I

DON CI YIN ZHE NA, RANG MTSAN LTAR SPYI MTSAN RANG RGYUD PA YOD PA'I SGO NAS GNYIS BZHED PA MA YIN GYI, MNGON SUM GYIS RANG MTSAN RTOGS PAR BYED PA NI THUN MONG MA YIN PA'I RANG GI NGO BO GZHAN DANG MA 'DRES PAR SNANG BA'I SGO NAS RTOGS PAR BYED LA, RJES DPAG GIS LKOG GYUR RANG MTSAN RTOGS PAR BYED PA NA RANG MTSAN LAS GZHAN PA'I NGO BO LA RANG MTSAN DU SNANG BA'I SGO NAS RANG MTSAN LA ZHEN NAS RTOGS PAR BYED PAS GNYIS SU BSHAD PA YIN NO, ,DE LTA MA YIN NA LKOG GYUR GYIS MA RTOGS PA'I RJES DPAG TSAD MAS SPYI MTSAN DE NYID DPYOD PAR BYED PA YIN NA SPYI MTSAN DE NYID LA 'JUG PAR 'GYUR TE, DE TZAM RTOGS PA'I BSAM PA CAN YIN PA'I PHYIR, ME LA MI 'JUG PAR MI 'GYUR BAR THAL, BUM PA YONGS SU DPYAD NAS SNAM BU LA MI 'JUG PA LTA BU'O, ,DES NA RJES DPAG RANG MTSAN 'JAL BAR BYED PA NA YANG RANG GI GZUNG BYA DNGOS PO RANG MTSAN DU SNANG NAS RANG MTSAN LA ZHEN PAR BYED PA YIN NO, ,DE LA GZHAN DAG GIS KHAS BLANGS BRJOD NAS DE MI 'THAD PAR RTZOD PA LA, KHAS BLANGS BRJOD PA NI GAL TE GZHAN GYI NGO BOS NI RTOGS NA ZHES PA STE, GAL TE SPYI MTSAN MI GSAL BAR SNANG BA'I RJES DPAG RANG GI GZUNG RNAM SNANG BA'I SGO NAS RANG GI MTSAN NYID DU ZHEN NAS RTOGS PA YIN LA, DE YANG DON JI LTA BA BZHIN MA YIN PA LA ZHEN PAS 'KHRUL BAR 'DOD NA, 'KHRUL PA'ANG ZHES TE, 'GREL PA 'DI'I LTAR NA YANG SGRA YOD PAR GSAL TE, SMIG RGYU LA CHUR 'DZIN 'KHRUL PA LTAR SPYI 'DZIN GYI RNAM PAR SHES PA YANG 'KHRUL PA YIN NA, RANG MTSAN MI RTOGS PAR 'GYUR BAS TSAD MA MA YIN PAR 'GYUR RO,,

, ,RTZOD PA PO'I THAL 'GYUR GYI SBYOR BA NI YUL GANG ZHIG YUL GANG LAS GZHAN GYI NGO BO YIN PA DE LA NI DE RTOGS PA NA CIG SHOS DE RTOGS PAR MI 'GYUR TE, SGRA 'DZIN GYI SHES PAS GZUGS MI RTOGS PA LTA BU'O, ,RANG GI MTSAN NYID KYANG RTOG PA'I GZUNG RNAM LAS GZHAN GYI NGO BO YIN ZHES PA'I KHYAB BYED 'GAL DMIGS KYI THAL BA DANG, GANG 'KHRUL BA YIN PA DE TSAD MA MA YIN PAS KHYAB, DPER NA MIG SER GYI NANG KYIS DUNG SER POR MTHONG BA LTA BU'O, ,RJES DPAG KYANG 'KHRUL PA YIN NO ZHES PA'I KHYAB BYED 'GAL DMIGS KYI THAL BA'O, ,RANG MTSAN GYI BSAM PA CAN GYI RJES DPAG NI TSAD MA YIN PAS MA 'KHRUL BA DANG, RANG MTSAN GYI NGO BO 'BA' ZHIG RTOGS PA'O, ,THAL BAS 'PHANGS PA'I LDOG PA RANG RGYUD NI, TSAD MA YIN NA MA 'KHRUL BAS KHYAB STE, MNGON SUM LTA BU'O, ,RJES DPAG KYANG TSAD MA YIN NO, ZHES PA'I KHYAB BYED 'GAL DMIGS DANG, GANG GI YUL GANG GI RTOG BYED YIN PA'I YUL DE NI RTOGS BYA DE'I NGO BO NYID YIN PAS KHYAB STE, RJES DPAG KYANG RANG GI MTSAN NYID RTOGS PA YIN NO, ZHES PA'I RANG BZHIN GYI GTAN TSIGS YIN NO, ZHES PA NI RTZOD PA PO'I BSAM PA'O, ,DE'I LAN NI BSAM PA LA ZHES SO, ,BSAM PA'I DON LA BSLU BA MED PAS TSAD MAR 'JOG PA YIN NO, ,ZHAN DAG RJES DPAG GZUNG RNAM LA PHYI ROL TU ZHEN NAS 'JUG PAR BYED PA YIN LA, DES JI LTAR ZHEN PA LTAR MA GRUB PA NI RANG BZHIN SEMS PA'I BLO PHYI MA ZHIG GIS RTOGS PAR 'DOD LA, DE LA KHA CIG NA RE RANG BZHIN SEMS PA'I BLO PHYI MA MNGON SUM DU MI 'THAD PAS RJES DPAG TU BYED DGOS LA, DE YANG

GZUNG RNAM LA PHYI ROL TU ZHEN PAS DE LA YANG RANG BZHIN SEMS PA'I BLO GZHAN ZHIG BTZAL DGOS PAS, THUG PA MED PAR 'GYUR LA, RANG BZHIN SEMS PA'I RJES DPAG PHYI MA GCIG ZHEN YUL LA MA 'KHRUL NA DANG PO'I RJES DPAG LA YANG MTSUNGS PAS RJES DPAG GANG YIN ZHEN YUL LA MA 'KHRUL BAR 'DOD DGOS ZHES PA NI LEGS PAR BSHAD PA'O, ,SNGAR THAL 'GYUR GYI SBYOR BA GNYIS BKOD PA'I DANG PO DE'I DAM BCA' DE RTOGS PA NA CIG SHOS RTOGS PAR MI 'GYUR BA'I DON, RTOGS BYA'I DON LA CIG SHOS DE 'DRA BA YOD PA MA YIN PAR BSGRUB PA YIN NA, NOR BU'I 'OD LA NOR BUR ZHEN PAS MA NGES LA, RANG MTSAN JI LTA BA BZHIN DU 'DZIN PA MA YIN PAR SGRUB NA GRUB ZIN BSGRUB PA'O, ,LDOG PA RANG RGYUD 'PHANGS PA'I GTAN TSIGS DANG PO LA NOR BU'I 'OD LA NOR BUR 'DZIN PA'I BLOS MA NGES PAR 'GREL PA MKHAN GYIS MDZAD PAS TSAD MAR BZHED PAR GSAL LA, SLOB DPON SH'AKYA BLOS RJES DPAG TU MDZAD DO, ,RTZOD PA POS BKOD PA'I RANG RGYUD GNYIS PA NI MA GRUB PA'I RTAGS SU, BRJOD BYA NYID PHYIR, CES SOGS KYIS LAN BTAB ZIN PAR BSHAD DO, ,DPE 'DI'I DON LA SLOB DPON CHOS MCHOG GIS SHES PA DE GNYIS TSAD MA MA YIN PAR MTSUNGS KYANG NOR BU THOB PA'I SHES PA GZHAN GYI RGYU BYED MI BYED KYI KHYAD PAR YOD PA DPER BKOD PA YIN GYI, RJES DPAG TU BYED PA SLOB DPON GYI DGONGS PA MA YIN TE, RTZOD PA PO RJES DPAG TZAM LOG SHES YIN PAS TSAD MA YIN PAR 'DOD PA LA RJES DPAG BYE BRAG PA GCIG DPER 'GOD PA RNAM PA THAMS CAD DU MI RIGS PA'I PHYIR RO, ,'JIG RTEN NA RJES DPAG TSAD MAR GRAGS PA KHA

, ,CIG DPER BYED PA'ANG MA YIN TE, RJES DPAG TSAD MA YIN PA LA BSNYON CING SKUR BA 'DEBS PAR BYED PA'I PHYIR RO, ,GZHAN YANG RJES DPAG LA RTAGS CHOS KYI 'BREL PA NGES PA SNGON DU 'GRO DGOS PA LA 'DI LA DE MED PA'I PHYIR, 'DI RTAGS SU BKOD NA GO SKABS 'DI NA NOR BU YOD DE, NOR BU'AM NOR BU'I 'OD GANG RUNG YIN PA'I PHYIR CES PAR 'GYUR BAS THE TSOM ZA BA'I MA GRUB PAR 'GYUR RO, ,RTAGS MI 'KHRUL BAR 'DZIN PA GNYIS BSHAD PA'I DANG PO DPE'I STENG DU SPYIR GRUB PA DANG, PHYI MA DE NYID DUS PHYIS DRAN PA YIN GYI PHYI MA 'DI RJES DPAG TU BYED PA CHOS MCHOG GI BZHED PAR MI RUNG NGO, ,DPE DE NYID DON LA SBYAR BA NI RJES DPAG LOG SHES SU BZHAG PA NI SNANG YUL LA 'KHRUL BA'I DON YIN GYI ZHEN YUL LA 'KHRUL BA NI MA YIN LA, SGRO BTAGS RTOGS PA LAS GZHAN DU RANG MTSAN RTOGS PA BZHAG TU MED PAR CHOS MCHOG GIS BSHAD PA NI RANG MTSAN 'JAL BA'I RJES DPAG GI ZHEN YUL GYI RANG LDOG RTOG BTAGS SU STON PA YIN GYI, GZUNG YUL DU GYUR PA'I SGRO BTAGS DE NYID RTOGS PA'I SGO NAS RANG MTSAN RTOGS PAR BZHED PA MIN NO, ,NOR BU'I 'OD LA NOR BUR ZHEN PA 'GOG PA NA SLOB DPON CHOS MCHOG GIS RTAGS LA BRTAGS NAS 'GOG PA DANG, DAM BCA' BA LA BRTAGS NAS 'GOG PA GNYIS MDZAD DE, DANG PO NI, GZHAN DAG GIS NOR BU'AM NOR BU'I 'OD GANG RUNG YIN PA RTAGS SU BYED PAR GSAL TE, DE LA DMIGS PHUG NAS DGAG PA MDZAD PA'I PHYIR DANG, PHYOGS SNGA MA'I 'DOD PA MA DGONGS PA YANG MI SRID PA'I PHYIR, GANG RUNG RTAGS SU MI

RIGS TE, GZHI 'GAR NOR BU'I 'OD NGES PA'I GANG ZAG GIS NOR BU YOD PA MA NGES PA MI SRID CING, KHYAD PAR NOR BU DANG NOR BU'I 'OD GNYIS LA THE TSOM ZA BZHIN DU GANG RUNG GI SPYI TSAD MAS NGES PA MI SRID PA'I PHYIR RO, ,SNGA MA KHA CIG GIS SLOB DPON CHOS MCHOG GIS DGAG PA MDZAD PA DE MI 'THAD DE, YA GYAL BA LANG DANG BA MEN GANG YANG MA NGES KYANG GANG RUNG GI SPYI CHAD MAS NGES NAS RVA CAN DPOG PA'I RTAGS SU 'GYUR BAS SO ZHES ZER BA MI MTSUNGS TE, PHYI MA 'DI YA GYAL GANG RUNG RE RE BKOD NAS KYANG GZHI 'GAR RVA CAN DPOG PA'I RTAGS SU 'GYUR BA YOD LA, SNGA MA LA YA GYAL GANG BKOD KYANG PHYOGS CHOS MI SRID PA'I PHYIR RO, ,DES NA SLOB DPON CHOS MCHOG GIS SGO GSEB LTA BUR NOR BU'I 'OD MTHONG BA NA NOR BU DANG NOR BU'I 'OD GANG YIN GTOL MED PAR 'DI NA NOR BU 'DUG GO SNYAM PA YIN PAS, RTAGS SU 'GOD NA NOR BU'AM NOR BU'I 'OD YIN PAS NOR BU YOD DO ZHES THE TSOM GYI YUL NYID RTAGS SU 'GYUR BAS THE TSOM ZA BA'I MA GRUB PA LTAR SNANG DU 'GYUR RO, ,DAM BCA' LA BRTAGS NAS MI 'THAD PA NI 'DI NA NOR BU YOD DO SNYAM DU ZHEN LA KHANG NANG GI PHUGS LTA BUR THOB PAS PHYOGS DE NA NOR BU YOD PA LA MI SLU BA 'ONG NGO ZHE NA, SGO GSEB NA NOR BU 'DUG GO SNYAM DU YUL GYIS KHYAD PAR DU BYAS NAS ZHEN PAS DPYAD SAR MA THOB THOB SAR MA DPYAD PAS TSAD MAR MI RUNG STE YUL DANG DUS DANG RNAM PA LA 'KHRUL PA TSAD MAR MI RUNG BAS SO, ,DE LA RTZOD PA SPANG BA LA, SKAD CIG MA YIN MIN LA BRTAGS NAS MI 'THAD PA SPANG BA DANG, GCIG DANG DU MA LA BRTAGS NAS MI 'THAD PA SPANG BA DANG, PHRA RAGS LA BRTAGS NAS MI

, ,'THAD PA SPANG BA'O, ,DANG PO NI, SNGON 'DZIN MNGON SUM LTA BUS SKAD CIG MA MA DPYAD LA, THOB PA'I SNGON PO NI SKAD CIG MA YIN PA DANG, LA ME LDAN DU RTOGS PA'I RJES DPAG GIS KYANG SKAD CIG MA MA NGES KYANG THOB PA'I DNGOS PO NI SKAD CIG MA YIN PAS DE DAG KYANG TSAD MA MA YIN PAR 'GYUR RO, ZHE NA, SKYON MED DE, SKAD CIG MA'I LDOG PA TSAD MA GZHAN GYIS NGES PAR BYA BA YIN YANG, SNGO 'DZIN MNGON SUM GYIS SNGON PO NYID THOB PAS DPYAD PA DE NYID MA THOB PAR THAL BAS SKYON MED LA, THOB PA'I SKAD CIG MA DE YANG YONGS SU DPYAD PA'I SNGON PO'I KHONGS SU GTOGS PAS 'GAL BA MED DO, ,GNYIS PA NI, MNGON SUM LA CHA DU MA CAN DU MI SNANG ZHING SNGON PO GCIG YONGS SU DPYAD LA, THOB PA NI CHA DU MA'I RANG BZHIN THOB PAS SO, ZHE NA, SKYON MED DE, MNGON SUM GYI GZUNG NGOR CHA DANG CHA CAN MI SNANG YANG SNGON PO GZUNG ZHING DE LA BRTEN NAS SNGON PO THOB PA YIN PAS SO, ,NOR BU'I 'OD LA NOR BUR SHES PA LA NI SGO GSEB NA YOD PAR GZUNG NAS RA BA'I PHUGS SU THOB PAS TSAD MAR MI RUNG NGO, ,GSUM PA NI, SNGO 'DZIN MNGON SUM GYIS MTHONG ZHING DPYAD PA'I SNGON PO NI RAGS PA YIN LA THOB PA'I TSE PHRA MO RNAMS THOB CING BYA BA BYED PAS DPYAD PA MA THOB, THOB PA MA DPYAD PA'I NYES PA DE LA YANG MTSUNGS TE, RAGS PA DANG PHRA BA 'GAL BA'I PHYIR RO ZHE NA, GZHI GCIG LA PHRA RAGS 'GAL YANG SNGO 'DZIN MNGON SUM GYIS MTHONG BA'I SNGON PO DE NYID RAGS PA YIN LA THOB PA'I SNGO RDUL DU MA YANG RAGS PA GCIG GI RANG BZHIN YIN PAS SKYON MED DO, ,'O NA MNGON SUM LA RAGS PA SNANG BAR 'GYUR RO ZHE NA, SNGON PO DON

GYI CHOS YIN YANG SNGO RDUL DU MA SNGON POR SNANG BA BLO CHOS YIN PA BZHIN DU SNGON PO DANG SNGO RDUL DU MA DON GYI CHOS YIN YANG DE DAG RAGS PAR SNANG BA RTOG PA'I SGO NAS CHOS YIN GYI DBANG SHES LA MI SNANG NGO, ,DES NA SLOB DPON CHOS MCHOG GIS GNOD PA SNGA PHYIR 'PHANGS PA DANG RTZOD PA DE RNAMS KYI LAN BTAB PA DE DAG GZHAN GYIS LDOG PAR DKA' BAS LUGS DE KHO NA LEGS PAR MNGON NO, ,RTZOD LAN GYI DON BSDUS NA PHYOGS DE NA NOR BU YOD DO SNYAM PA NI LOG SHES KYI 'DZIN STANGS MA YIN TE, SGO GSEB KYI 'OD KYI SNANG BA KHYAD PAR GYI GZHIR GZUNG NAS DE NA NOR BU 'DUG GO SNYAM DU ZHEN PA'I PHYIR, DE'I RGYU MTSAN RA PHUGS GZHAN GANG LA YANG BLO KHA MA PHYOGS PAR SGO GSEB KYI SNANG BA MIG SHES KYIS MTHONG NAS NOR BU 'DUG GO SNYAM DU ZHEN PA'I PHYIR, DE DGAG PA MDOR BSDUS PA NI, BLO DE TSAD MA MA YIN PAR THAL, GZHI GANG NA 'DUG SNYAM DU DPYAD PA DER MED PAS MA THOB, GANG DU THOB SA DER DNGOS SHUGS GANG LA YANG BLO KHAM PHYOGS BSAM DPYAD PA'I PHYIR, KHYAB PA YOD DE, SGO GSEB KYIS KHYAD PAR DU BYAS NAS DE NA GNAS PA'I NOR BU DANG RA PHUGS KYIS KHYAD PAR DU BYAS NAS DE NA GNAS PA'I NOR BU GNYIS 'GAL BA'I PHYIR, DE LA RTZOD PA NI 'ON SNGO 'DZIN MNGON SUM GYIS THOB PA MA DPYAD PAS DE YANG TSAD MA MA YIN PAR THAL TE, SKAD CIG MA MA DPYAD CING SKAD CIG MAR GYUR PA'I SNGON PO THOB PA'I PHYIR RO ZHE NA, SKAD CIG MAR BLOS MA DPYAD PA DANG SKAD CIG MAR GYUR PA'I SNGON PO THOB PA LA 'GAL BA CUNG ZAD KYANG MED DE, DPYAD PA'I SNGON PO YANG SKAD CIG MA'I KHONGS SU GTOGS PA'I PHYIR, YANG MNGON SUM GYIS GCIG DPYAD LA THOB

, ,PA'I TSE DU MA THOB PAS TSAD MA MA YIN PAR THAL TE, GCIG DANG DU MA 'GAL BA'I PHYIR CES PA DANG, YANG MNGON SUM GYIS GZUNG ZHING DPYAD PA'I SNGON PO RAGS PA YIN LA THOB PA'I TSE PHRA MO THOB PAS TSAD MA MA YIN PAR THAL TE, RAGS PA DANG PHRA BA 'GAL BA'I PHYIR CES PA'I RTZOD PA RNAMS KYANG MI MTSUNGS PA RTOGS PAR SLA'O, ,DE LTAR RANG MTSAN KHO NA GZHAL BYAR BYAS PA'I TSE'ANG RANG GI THUN MONG MA YIN PA'I NGO BO GZUNG YUL DU BYAS PA'I SGO NAS GSAR DU RTOGS PA DANG, SPYI MTSAN GZUNG YUL DU BYAS PA'I SGO NAS GSAR DU RTOGS PA'I MNGON RJES KYI MTSAN NYID CI 'DRA BA DANG, GZHAL BYA GNYIS SU GSUNGS PA'I DON GANG YIN PA DANG, GZHAL BYA GNYIS SU GRANGS NGES PA'I PHYOGS CHOS BSGRUBS NAS RTZA BA'I RTAGS KYI KHYAB PA BSGRUB PA NI, DA NI JI LTAR ZHES SO, ,DON RANG MTSAN YUL RUNG BA NA NYE BA'I TSE SKYE NYE BA MA YIN PA'I LDOG PA'I GZUNG DON GYI NUS PA'I STOBS LAS RJES SU 'GRO LDOG BYED PA'I SGO NAS GZHAL BYA GSAR DU RTOGS PA DE LA MNGON SUM TSAD MA ZHES BYA LA, YUL DE LA LTOS NAS 'DZIN PA RANG DBANG CAN ZHES BYA'O, ,DE LAS GZHAN PA'I NGO BO DBANG PO'I SHES PA'I GZUNG YUL LAS 'DAS PA'I SPYI MTSAN GZUNG YUL DU BYAS PA'I SGO NAS RTOGS DGOS PA'I DON DE LA GZHAL BYA LKOG GYUR DANG, DE GSAR DU RTOGS BYED LA RJES DPAG TSAD MA ZHES BYA'O, , DON GANG GANG ZAG GANG LA MNGON GYUR DU SONG BA DE LA LKOG GYUR DU MA SONG LKOG GYUR DU SONG BA DE LA MNGON GYUR DU MA SONG BAS RTOGS PA PO'I DA LTAR GYI GNAS SKABS LA LTOS NAS BZHAG PAS 'GAL BA KHO NA YIN GYI, DE LTA MA YIN PAR GNAS SKABS SO SO

LA LTOS NAS NI LTA BA PO LA SNGAR LKOG TU GYUR PA PHYIS MNGON DU 'GYUR BA YOD PAS MNGON LKOG GI MTSAN NYID 'CHOL BAR THAL BAR 'GYUR RO, ,DES NA DON GANG LA MNGON SUM YIN PA'I DON DE THUN MONG MA YIN PA'I NGO BO SNANG BAR KHAS LEN PA'I PHYIR DE LAS GZHAN PA NI SPYI'I MTSAN NYID YIN NO, ,RNAM PAR RTOG PA'I SHES PAS KYANG RANG MTSAN GZUNG YUL DU BYED NA MNGON GYUR DU 'GYUR BAS MNGON LKOG MI 'GAL BAR 'GYUR RO, ,RANG MTSAN GZUNG YUL DU BYAS KYANG DBANG PO GZUGS CAN PA'I SGO NAS RTOGS PA MED PAS, MNGON GYUR DU MI 'GYUR RO ZHE NA, LKOG GYUR MA YIN PA'I DON DBANG SHES KYIS 'DZIN PA'I TSE RANG MTSAN GZUNG DON DU BYAS NAS 'DZIN PA LAS LHAG PA MED PA'I PHYIR RGYU MTSAN GANG GIS NA DBANG PO GZUGS CAN PA'I SGO NAS MI RTOGS PAS MNGON GYUR MA YIN PAR 'GYUR, DA LTA NA BDE SOGS KYANG MNGON GYUR MA YIN PAR THAL, DBANG PO GZUGS CAN PA'I SGO NAS RTOGS PA MED PA'I PHYIR TE, RANG GI NGO BO 'DZIN RNAM GYIS MNGON SUM DU RTOGS PA'I PHYIR, RTOG PAS KYANG RANG MTSAN GZUNG YUL DU BYED NA GZUGS BLTA BA LA MIG DBANG DON MED DU THAL BAR 'GYUR BAS SKYON 'DI BRJOD BYA NYID PHYIR DE DNGOS MIN, ZHES PA LAS SKYON GZHAN YIN NO, ,RANG MTSAN GZUNG YUL DU BYAS NAS 'DZIN PAR 'DRA NA GSAL MI GSAL GYI KHYAD PAR YANG MI 'THAD PAS GZUGS GSAL BAR SNANG BAS DBANG PO 'BRAS BU DANG BCAS PAR 'GYUR RO ZHES BSHAD PA YANG MI RIGS PAR 'GYUR RO, ,DES NA RNAM PAR RTOG PA THAMS CAD DON NYAMS SU MYONG BAS BZHAG PA'I BAG CHAGS LAS SKYES PA'I 'KHRUL PA YIN NO, ,SPYI MTSAN GZUNG YUL DU

, ,BYAS PA'I SGO NAS RTOGS DGOS PA'I DON DE LKOG GYUR YIN PAS KHYAB STE, DE RTOGS PA'I RTEN DON GZHAN TSUL GSUM PA'I RTAGS LAS RTOGS DGOS PA'I PHYIR, DE YANG DU BA'I RTAGS LAS SPYI ME TZAM ZHIG RTOGS PAR 'GYUR GYI RTZVA LAS BYUNG BA SOGS KYI KHYAD PAR RNAMS RTOGS PA MA YIN TE, RJES DPAG GIS RANG MTSAN GZUNG YUL DU BYED NA KHYAD PAR MTHA' DAG RTOGS DGOS PAR 'GYUR RO, ,DE DAG GI DON BSDU BA NI, MNGON SUM LKOG TU GYUR PA LAS, ZHES SOGS SO, ,DE LA RTZOD SPANG NI DNGOS POR MED NA GZHAL BYA MA YIN PAS KHYAB STE, DPER NA 'JIG RTEN PHA ROL BZHIN, ,SPYI YANG DNGOS POR MED PA'O, ,DE LTAR SPYI SOGS GZHAL BYA MA YIN PAR GRUB PAS TSAD MA MNGON SUM KHO NA'O ZHE NA, PHAN GNOD SKYED BA'I DON GANG YIN SNYAM DU RTOG PA'I RTOG LDAN GYIS BRTAG PAR BYA BA'I GZHAL BYA RANG MTSAN KHO NAR NGES PA KHO BO CAG KYANG 'DOD LA, DE NYID RTOGS TSUL GYI SGO NAS GZHAL BYA GNYIS SU BZHAG PA YIN NO, ,DNGOS MED NGES PA'I TSAD MA MED NA RTAGS DE KHYOD RANG GI TSAD MAS MA NGES PAS GZHAN LA YANG DE GO BA'I RTAGS PA BSKYED MI NUS LA, TSAD MAS GRUB NA DE NYID KYIS RTZA BA'I RTAGS LA KHYAB PA MA NGES PAS TSAD MA GNYIS PA GRUB PA KHO NA'O, ,DBANG PO'I MNGON SUM NYID KYIS SPYI DANG 'JIG RTEN PHA ROL MED PA DANG, SKYES BU KHYAD PAR CAN MED PA SOGS GRUB PAS TSAD MA GNYIS PA MED DO ZHE NA, DGAG GZHI DNGOS SU RTOGS NAS MED DGAG DBANG PO'I MNGON SUM GYIS SHUGS LA RTOGS PA KHYOD KYI LUGS LA MI RUNG BAS MED DGAG DNGOS RTOGS SU KHAS LEN DGOS LA, DE MI RIGS TE, DBANG MNGON GZUNG

DON GYI NUS PA'I STOBS LAS SKYE BA'I PHYIR, DE MA GRUB NA, SGRIB BYED KYIS BAR DU CHOD PA SOGS LA DMIGS NAS KYANG DBANG MNGON SKYE BAR THAL BAR 'GYUR RO, ,SPYI DANG 'JIG RTEN PHA ROL MED PA'I RNAM PA SHAR NAS DBANG PO'I MNGON SUM GYIS DNGOS SU 'JAL BA 'DOD PA MA YIN GYI, SPYI DANG 'JIG RTEN PHA ROL LA DBANG PO'I MNGON SUM 'JAL BYED DU 'JUG PA LOG PA NYID SPYI DANG 'JIG RTEN PHA ROL MED PA DBANG PO'I MNGON SUM GYIS RTOGS PA'I DON YIN NO ZHE NA, DE NI RANG TSIG DANG 'GAL BA YIN TE, DBANG MNGON DANG DBANG MNGON MED PA GCIG TU MI RUNG BA'I PHYIR DANG, DBANG MNGON LOG PAS DE MED PAR 'PHANGS SHING SPYI DANG 'JIG RTEN PHA ROL MED PA DBANG MNGON GYIS GRUB PAS DE YOD PAR 'PHANGS PA'I PHYIR RO, ,DE DAG MED DE, DBANG PO'I MNGON SUM GYIS MA DMIGS PA'I PHYIR CES PA'I DON YIN NA DE LA LDOG KHYAB 'KHRUL PA MED PA CAN MA YIN TE, RTOG PA PO'I DBANG PO'I MNGON SUM 'JAL BYED DU 'JUG PA LDOG PA'I DON GZHAN YANG SNANG BA'I PHYIR, LDOG KHYAB 'KHRUL PA MED PA CAN YIN NA DGAG RTAGS LA BRTEN PA'I RJES DPAG KHAS BLANGS PAR 'GYUR RO, ,'BRAS RTAGS LA BRTEN PA'I RJES DPAG KYANG DON GYIS KHAS BLANGS TE, NGAG SMRA BA SOGS LA 'JUG PA LAS PHA ROL PO LA SEMS YOD PAR KHAS BLANGS PA'I PHYIR, RTAGS SU 'DOD PA KHA CIG 'KHRUL BAR MTHONG BAS THAMS CAD LA YID BRTAN PA BYAR MED DO ZHE NA, KHYOD RANG GIS LTAR SNANG 'GA' ZHIG YANG DAG TU GZUNG NAS DE BSLU BAR MTHONG BA NA, RTAGS THAMS CAD DE DANG 'DRA BAR ZHEN PA YIN GYI RTAGS YANG DAG 'KHRUL PA MI SRID DE, 'BREL PA TSAD MAS

, ,NGES PA LAS BSLU BA MI SRID PA'I PHYIR RO, ,RTAGS GANG LAS GZHI LA LAR BSGRUB BYA'I CHOS TSAD MAS RTOGS PA GRUB PA DE YANG RTAGS CHOS BDAG GCIG GAM DE LAS BYUNG BA'I 'BREL PA NGES PA LAS YIN LA, RTAGS DE NI NAM YANG BSLU BA MI SRID PAS YANG DAG GI RTAGS GZHAN YANG DE'I MTSAN NYID CAN DU SHES PAR BYA'O, ,DES NA LTAR SNANG 'GA' ZHIG BSLU BAS YANG DAG LA SKYON CUNG ZAD KYANG MED DO, ,SPYI BLO TSAD MA MIN NA 'JIG RTEN PHA ROL BZHIN DU KUN DGA' RA BA SOGS LKOG GYUR GYI DON THAMS CAD MED PA THOB PAR THAL BA 'PHANGS PA LA DBANG MNGON GYIS DA LTAR DMIGS PA KHO NA YOD CES MI SMRA'I, SNGAR MTHONG ZIN PA DANG MA 'ONGS PA NA MTHONG BAR 'GYUR BA RNAMS KYANG YOD PAR 'DOD PAS DUS NAM YANG DBANG MNGON GYIS MA DMIGS PA 'JIG RTEN PHA ROL LA SOGS PA MED PAR 'DOD DO ZHE NA, 'JIG RTEN PHA ROL LA YANG RNAM GRANGS GANG GI SGO NAS KYANG DBANG MNGON GYIS MTHONG BAR MI 'GYUR BA RGYU MTSAN GANG LAS YIN TE, DE LA NGES BYED KYI TSAD MA MED PA'I PHYIR, DE SU'I DBANG MNGON GYIS KYANG MTHONG BAR MI SRID DO ZHE NA, RTOGS PA PO LA SOGS PA'I GNAS SKABS KYI KHYAD PAR LA LTOS NAS DON LA LA DBANG PO LAS 'DAS PAR BRJOD KYI, 'JIG RTEN PHA ROL YANG DUS GZHAN DU DBANG MNGON GYIS MI 'DZIN PA'I NGES PA MED PA'I PHYIR, GZHAN YANG MIG DBANG GIS MIG SHES BSKYED PA'I NUS PA SOGS KYANG SO SO SKYE BOS DBANG MNGON GYIS RTOGS PA MED PAS BLO DE DAG SKYE BA RGYU MED DU THAL BAR 'GYUR RO, ,DES NA SPYI'I SGO NAS LKOG GYUR GYI DON RTOGS PA'I TSAD MA RTOG PA LAS

MA 'DAS PAS RJES DPAG TSAD MA YOD DO ZHES SHES PAR BYA'O, ,RTZOD SPANG LA RTZOD PA NI, GZHAL BYA NGES NA ZHES SOGS, DE'I LAN NI, SKYON 'DIR ZHES SO, ,KHA DOG MI RTAG PAR RTOGS PA'I TSAD MA RANG SPYI 'DRES PA 'JAL BA'I TSAD MA GSUM PAR THAL BA'I SKYON MED PAR THAL, KHA DOG DANG MI RTAG PA GNYIS KA'I SPYI SBYAR NAS GZUNG YUL DU BYED PA'I RJES DPAG YIN PA'I PHYIR, MI RTAG PA DANG SBYOR BA DE'I TSE SPYI DNGOS PO MA YIN PAS SPYI MTSAN THOB PAR 'GYUR GYI RANG MTSAN MA YIN PAS DE LA MI 'JUG PA'I PHYIR RO ZHE NA, MI RTAG PA DNGOS MED KYI NGO BO MA YIN PAR THAL, KHA DOG GI RDZAS YIN PA'I PHYIR, SPYI MTSAN GZUNG BAS RANG MTSAN MI 'GRUB PA'I SKYON MED PAR THAL, RJES DPAG LA KHA DOG MI RTAG PA'I SPYI'I RNAM PA SHAR BA DE LTAR GRUB PA DAG GI KHA DOG MI RTAG PA RANG MTSAN GRUB PA'I PHYIR, SPYI MTSAN BSGRUBS PAS RANG MTSAN GRUB PA MI 'THAD DE, GZHAN SPYI MTSAN LA GZHAN RANG MTSAN YOD PHA MA YIN PA'I PHYIR CE NA, SKYON MED DE, SPYI GZUNG BA'I SGO NAS KHA DOG MI RTAG PA DE NYID GRUB PA'I PHYIR, DNGOS PO RANG MTSAN LA JI LTAR ZHEN PA LTAR DNGOS PO LA GNAS PA DE DAG DON LA MI SLU BA YIN GYI, GZHAN MA YIN NO ZHES BSTAN PA'I PHYIR BRGYUD PAS ZHES SOGS GSUNGS SO, ,RTAGS CAN RJES DPAG GIS JI LTAR ZHEN PA LTAR GYI DON DE SGRUB PAR BYED PA'I RTAGS RTAGS 'DZIN SEMS KYI RGYU YIN LA, DE RTAGS 'DZIN RJES DPAG GI RGYU YIN PAS RJES DPAG BSGRUB BYA LA MI SLU BA YIN GYI RANG MTSAN LAS BRGYUD NAS SKYES KYANG SGRA RTAG 'DZIN LTA BU LOG SHES NI MI SLU BA YIN NO, ,DE LA LOTZTSA BA CHEN POS SLOB DPON CHOS MCHOG

, ,GI 'GREL BAR RTZOD LAN JI LTAR BYUNG BA BRJOD PA DANG, DE LA 'THAD MI 'THAD DPYAD PA DANG, LOTZTSA BA CHEN PO RANG GI LUGS BRJOD PA DANG, DES SLOB DPON CHOS MCHOG LA SKYON BRJOD BYAS PA SOGS 'JUG MI 'JUG DPYAD PA'O, ,DANG PO NI, BDE BYED CES PA'I PHYI ROL PA KHA CIG GIS SLOB DPON CHOS GRAGS KYIS RTAGS 'DZIN SEMS MI SLU BAR GZHUNG 'DIS BSTAN PAR BSAMS NAS DE LA MI 'THAD PA DANG, SKABS SU MA BAB PA'I GNOD PA GNYIS BRJOD DE, DANG PO NI, RTAGS 'DZIN RTAGS LA MI SLU BA YIN NAM RTAGS CAN LA MI SLU BA YIN, DANG PO LTAR NA, MNGON SUM MAM RJES DPAG YIN, DANG PO LTAR NA DER SNANG BAS STONG PA 'GAL, PHYI MA LTAR NA RJES DPAG MI SLU BAR BSGRUB PA NI RTAGS CAN NYID LAS MA 'DAS PA'I PHYIR, GNYIS PA NI, RJES DPAG 'KHRUL YANG MI SLU BAR STON PA SKABS SU BAB PA YIN GYI RTAGS 'DZIN MI SLU BAR BSGRUB PA SKABS SU MA BAB PA'I PHYIR RO, ,YANG DON GANG GZUNG ZHING JI LTAR ZHEN PA LTAR GRUB PA LA MI SLU BAR 'THAD PA YIN GYI RTAGS 'DZIN GYIS RTAGS GZUNG ZHING ZHEN YANG RTAGS CAN YUL DU MA BYAS PA'I PHYIR DE LA MI SLU BA MI 'THAD DO ZHES ZER TO, ,GNYIS PA NI, RTAGS 'DZIN SEMS KYIS RTAGS GCIG PU YUL DU BYED PA MA YIN GYI RTAGS DANG BSGRUB BYA'I CHOS KYI 'BREL PA YANG 'JAL BAR BYED PAS 'BREL YUL MI RTAG PA LA YANG MI SLU BAS, SNGAR BSHAD PA'I SKYON MED LA, SKABS SU MA BABS PA'I SKYON YANG MED DE, RTAGS CAN RJES DPAG MI SLU BAR BSGRUB PA LA DE RTAGS 'DZIN SEMS LA 'BREL, DE RTAGS LA 'BREL, DE BSGRUB BYA'I CHOS LA 'BREL BA DES PA LA RAG LAS

PA'I PHYIR, GSUM PA NI, LOTZTSA BA NA RE CHOS MCHOG GI BZHED PA DE MI 'THAD DE, RTAGS 'DZIN MNGON SUM YIN NA DER SNANG BAS STONG BA DANG 'GAL LA, RJES DPAG YIN NA RTAGS CAN NYID YIN PAS DE LAS LOGS SU SMOS PA DON MED CING SNGAR BSHAD PA'I SKABS SU MA BABS PA'I NYES PA YANG YOD LA, TSAD MAR MI 'DOD PA YANG MI 'THAD DE, MI SLU BA TSAD MA SPYI'I MTSAN NYID YIN PA'I PHYIR, DES NA RTAGS 'DZIN MI SLU BAR STON PA MA YIN GYI, RTAGS CAN GYI BLO NYID MI SLU BAR BSGRUB PA LA BRGYUD NAS 'BREL BA'I TSUL STON PA YIN NO, ,'BREL TSUL STON PA LA 'BREL YUL TSAD MAR SGRUB MI DGOS TE, MNGON SUM YANG NI DON MED NA, ,MI 'BYUNG BA LAS TSAD MA NYID, CES MNGON SUM MI SLU BAR BSGRUB PA 'BREL BA SGRUB PA'I SGO NAS YIN KYANG, 'BREL YUL TSAD MAR KHAS BLANGS MI DGOS PA BZHIN NO ZHES ZER TO, ,BZHI PA NI, SLOB DPON CHOS MCHOG LA NYES PA BRJOD PA DE DAG MI 'THAD DE, RTAGS 'DZIN MI SLU BAR BSGRUB PA SKABS SU MA BAB STE, RTAGS CAN GYI BLO NYID MI SLU BAR BSGRUB PA NYID SKABS SU BABS PA YIN PA'I PHYIR CES PA MI 'THAD DE, RTAGS CAN MI SLU BAR BSGRUB PA LA RTAGS 'DZIN SEMS LA 'BREL, DE RTAGS LA 'BREL BAR NGES PAR BSGRUB DGOS LA, RTAGS 'DZIN SEMS NI TSUL GSUM 'JAL BA'I TSAD MA DANG DE'I STOBS KYIS DRANGS PA'I DPYAD SHES YIN PAS DE TSUL GSUM LA MA SLU BAR NGES PAR BSGRUB DGOS PA'I PHYIR RO, ,RTAGS 'DZIN RJES DPAG YOD NA RTAGS CAN LAS LOGS SU BSTAN PA DON MED PAR THAL, RTAGS CAN RJES DPAG GI NANG DU 'DUS PA'I PHYIR, CES PA'I NYES PA YANG MI GNAS TE, RTAGS 'DZIN

, ,RJES DPAG RTZA BA'I BSGRUB BYA RTOGS PA'I RJES DPAG GI NANG DU 'DUS PAS DE LAS LOGS SU BSTAN PA DON MED PAR THAL BA NI RTAGS MA GRUB STE, SPYIR RJES DPAG GI NANG DU 'DUS PAS SNGA MA DE LAS THA DAD DU BYAS PA DON MED DU THAL BA NI KHYAB PA MA GRUB PAS SUN 'BYIN LTAR SNANG KHO NA'O, ,RNAM NGES LAS, MNGON SUM RANG GI GZHAL BYA LA MI SLU BA DE DANG 'BREL BA'I SGO NAS YIN PA BZHIN DU RJES DPAG KYANG DE DANG MTSUNGS PAR BSHAD PAS RANG GI GZHAL BYA LA 'BREL PA BSGRUB PA SKABS SU BABS PA YIN GYI, RTAGS 'DZIN MI SLU BAR BSGRUB PA SKABS SU MA BABS SO ZHES PA YANG 'GAL TE, DE MI SLU BAR BSGRUB PA 'BREL PA SGRUB PA'I YAN LAG TU NGES PAR DGOS PA'I PHYIR, RTAGS 'DZIN MNGON SUM YOD NA, DER SNANG BA YIS STONG BAR DE MA THAG TU 'CHAD PAR 'GYUR BA DANG 'GAL LO ZHES PA MI 'THAD DE, RTAGS 'DZIN MNGON SUM YOD KYANG DE LA 'DIR DOGS PA DPYAD MI DGOS SHING, 'KHRUL PA YIN NA MI SLU BAR 'GAL SNYAM PA'I DOGS PA RJES DPAG NYID LA YOD PAS DE DPYAD PA SKABS SU BABS PA'I PHYIR, DES NA SLOB DPON CHOS MCHOG GI LUGS NYID SKYON MED PAR GNAS SO, ,TSUL GSUM 'JAL BA'I TSAD MA NYID RTAGS 'DZIN SEMS YIN LA, DE LA LHA SH'AKA DANG SLOB DPON CHOS MCHOG MI MTHUN PA MED DO, ,'O NA SLOB DPON SH'AKYA BLOS PHYOGS CHOS 'JAL BA'I RTAGS 'DZIN SEMS TSAD MA'I RGYU YIN PAS TSAD MAR BTAGS NAS BZHAG CES BSHAD PA DANG 'GAL LO ZHE NA, SKYON MED DE, MNGON SUM LAS DUS PHYIS BYUNG BA ZHES SMOS PAS PHYOGS CHOS 'JAL BA'I

MNGON SUM GYI RJES SU SKYES PA'I DPYAD SHES NYID LA DGONGS PA'O, ,DES NA RTAGS CAN RJES DPAG NYID RANG GI GZHAL BYA LA MI SLU BA NI DE NYID TSUL GSUM 'JAL BA'I TSAD MA LAS SKYE DGOS PAS RTAGS 'DZIN SEMS LA 'BREL, DE RANG GI GZHAL BYA TSUL GSUM PO LA 'BREL, TSUL GSUM PO BSGRUB BYA LA 'BREL BA'I DON TO, ,LHAG MA GZHAN RNAMS NI GO BAR ZAD DO, ,'GAL ZLA DMIGS PA DANG 'BREL ZLA MA DMIGS PA'I DGAG RTAGS THAMS CAD MA DMIGS PA RTAGS SU 'PHANGS PA'I DON NI, RANG BZHIN 'GAL DMIGS LA DPER MTSON NA, MES KHYAB PAR NON PA DE DGAG BYA'I CHOS GRANG REG DANG GRANG REG GI YUL CAN GYI TSAD MA KHEGS PA'I NGO BOR GNAS PA TZAM GYI DON MA YIN LA, DNGOS SU MES KHYAB PAR NON PA RTOGS NAS SHUGS LA GRANG REG DMIGS BYED KYI TSAD MA MED PAR RTOGS PA'I DON YANG MA YIN TE, DE LTA NA GNOD PA DU MA DANG BCAS PA'I PHYIR, DES NA DON GANG DANG GANG YOD PAR 'JOG PA LA DMIGS BYED KYI TSAD MA MTHONG BA'I SGO NAS 'JOG DGOS PAR 'DRA BAR DON GANG DANG GANG MED PAR 'GRUB PA YANG DE'I YUL CAN GYI TSAD MA MED PAR RTOGS PA'I SGO NAS GRUB DGOS KYI DMIGS BYED KYI TSAD MA MA BKAG NA DE MED PA MI 'GRUB PA'I PHYIR RO, ,DES NA RTAGS SU MES NON PA LTA BU'I BSGRUB PA BKOD NA YANG, GRANG REG MED PA'I SGRUB BYED GRANG REG GI YUL CAN GYI TSAD MA MED PA DON GYI SHUGS KYIS NGES PAR 'PHAN DGOS PA YIN TE, YUL CAN BKAG PA BLO YUL DU MA SONG BAR DE'I RJES SU YUL MED PA BLO YUL DU 'GRUB PA MI SRID PA'I PHYIR RO, ,YUL CAN BKAG PAS YUL DE MED PAR SGRUB PA'I GTAN TSIGS DE NI DNGOS SU NI RANG

, ,BZHIN MA DMIGS PA'I GTAN TSIGS YIN LA, DGAG RTAGS THAMS CAD KYIS RTAGS DE NYID 'PHEN PAS KHYAB PAS RANG BZHIN MA DMIGS PA'I GTAN TSIGS KYI NANG DU 'DUS PA ZHES BYA'O, ,DGAG RTAGS GSUM DU BSDUS PA'I SGO NAS MJUG BSDU BA NI, MI DMIGS PA NI 'DI TZAM ZHIG CES SO, ,DE YANG 'BREL PA GNYIS KYI DON LDOG GI DNGOS 'BREL YOD PA'I DBANG DU BYAS PA'O, ,DNGOS MED NGO BO MIN DE NYID, CES PA NAS 'DI'I BAR NI RJES DPAG GIS SPYI MTSAN GZUNG YANG RANG MTSAN LA MI SLU BA'I RGYU MTSAN 'PHROS DON DU BYAS NAS RGYAS PAR BSHAD PA YIN LA, DKYUS MA'I DBANG DU BYAS NA KHA DOG SPYI LA SBYOR PHYIR RO, ,RJES SU DPAG BAS MI RTAG SOGS, ZHES SBYAR RO, ,MAR ME'I SKAD CIG THA MA 'DZIN PA LTA BU RIGS 'DRA PHYI MA MTSAMS MI SBYOR BA'I KHA DOG GI SKAD CIG THA MA MTHONG BA'I MNGON SUM TSAD MAS DRANGS PA'I KHA DOG 'DI MI RTAG GO SNYAM PA'I DRAN SHES LA ZER NA RANG 'DREN BYED KYI TSAD MA SNGA MAS RTOGS ZIN BYED PA MA NYAMS PA'I DON RTOGS PAR BYED PAS TSAD MA NYID DU MI 'DOD PAS RGYU MTSAN GANG GIS DE LAS KHA DOG MI RTAG PA'I RNAM PA DANG LDAN PA'I RANG SPYI 'DRES PA'I GZHAL BYA PHUNG GSUM 'JAL BA'I TSAD MA PHUNG GSUM DU BSGRUB PA YIN TE MI 'THAD DO, ,RJES DPAG SKAD CIG GNYIS PA MAN CHAD DUS PHYIS BYUNG BA RNAMS KYANG DPYAD SHES YIN GYI TSAD MA MA YIN PAR RTOGS PAR BYA'O, ,KHA DOG SKAD CIG THA MA MI RTAG PAR MNGON SUM GYI STOBS KYIS DRANGS PA'I NGES SHES SKYE DUS NI KHA DOG ZHIG DUS YIN GYI KHA DOG GI RIGS 'DRA BAR MA CHAD PA'I DUS NA TSU ROL MTHONG BA LA DE MI SRID DO, ,DE RTOGS

ZIN LA 'JUG PA'I RGYU MTSAN NI RANG 'DREN BYED KHA DOG SKAD CIG THA MA MTHONG BA'I DBANG PO'I MNGON SUM GYIS DE'I MI RTAG PA SNGAR RTOGS ZIN PA'I PHYIR, DE'I RGYU MTSAN DES KHA DOG SKAD CIG THA MA RTOGS PA GANG ZHIG DE DANG DE'I MI RTAG PA GRUB BDE RDZAS GCIG LA, DES RIGS 'DRA PHYI MA MTSAMS MI SBYOR BA'I PHYIR, DE RTAG PAR 'KHRUL PA'I RTAG 'DZIN KUN BRTAGS DANG LHAN SKYES GNYIS KA MED DE, DNGOS PO RTAG PAR 'KHRUL PA LA 'DRA BA GZHAN 'BYUNG DANG, YOD PA BAR MA CHAD GNYIS KA TSANG DGOS PA'I PHYIR RO, ,DES NA MNGON SUM DES SKAD CIG THA MA DE 'JAL BA NA DE'I MI RTAG PA YANG GRUB PA YIN NO, ,MI RTAG PA PHYIS 'BYUNG DU 'DOD PA DANG ZHIG PA LA MI RTAG PAR 'DOD PA 'GOG PA NI DE LTAR NA ZHES SOGS TE, GANG ZHIG GANG GI GRUB BDE RDZAS GCIG PA'I BDAG NYID DU GYUR PA DE, DE GRUB DUS NA GRUB PAS KHYAB STE, DPER NA ZHES SO, ,KHA DOG GI MI RTAG PA YANG KHA DOG DANG GRUB BDE RDZAS GCIG PA'I BDAG NYID DU GYUR PA YIN NO, ,CI STE YANG DE'I MI RTAG PA DE LAS DON GZHAN YIN NA DE 'JIG PAR MI 'GYUR TE, 'BREL MED GZHAN YOD NA DE'I 'JIG PAR RUNG BA MA YIN NO, ,'JIG PA DON GZHAN DANG LDAN PAS DNGOS PO 'JIG PA'I RANG BZHIN CAN DU GYUR PA ZHES RTOG PA YANG MI RIGS TE, MI 'JIG PA'I RANG BZHIN CAN GYI RDZAS YIN NA PHYIS 'BYUNG GI RGYU GZHAN GYIS 'JIG PAR BYED MI NUS LA, 'JIG PA'I RDZAS SU GNAS NA 'JIG PA DON GZHAN KHAS BLANGS PA LA 'BRAS BU CUNG ZAD KYANG MED PA CAN YIN TE, LE'U GNYIS PAR BSTAN ZIN TO, ,ZHIG PA LA MI RTAG PAR 'DOD PA YIN NA DNGOS PO DANG RDZAS DE NYID DANG GZHAN DU BRJED PAR BYA BA MA

, ,YIN PAS, DNGOS PO MED PA'I PHYIR KUN RDZOB PA RTOGS PAS BTAGS PA'I MI RTAG PAR 'GYUR GYI DON DAM PAR GRUB PA MA YIN NO, ,GANG YANG RTOG PA LA SNANG BA'I DBANG DU BYAS PA YIN NA CUNG ZAD CIG RDZAS SU YOD NA RANG MTSAN LAS RDZAS DE NYID DANG GZHAN GANG RUNG DU BZHAG NUS PAR 'GYUR NA, DE YANG MA YIN TE, DNGOS POR MED PA'I PHYIR CES BSTAN ZIN TO, ,KHA DOG GI MI RTAG PA ZHES CHOS DANG CHOS CAN GYI SGO NAS BRJOD PA'I PHYIR RDZAS GZHAN YIN NO, ZHE NA CHOS DANG CHOS CAN GYI RTOG PAS BTAGS PA TZAM YIN GYI DNGOS PO MA YIN TE, SGRA MI RTAG CES BRJOD PA'I TSE CHOS RDZAS GZHAN MA YIN TE, CHOS KYI SGRA NI CHOS CAN LAS DON GZHAN MA YIN PA ZHIG STON PA'I PHYIR RO, ,DE LTAR BRJOD PA'I TSE CHOS CAN GANG YIN PA DE NYID CHOS MA YIN TE, DE LTAR NA CHOS BRJOD KYI SGRAS KYANG CHOS GZHAN 'PHANGS PAR THAL BAR 'GYUR BA'I PHYIR RO, ,DES NA DE'I TSE CHOS CHOS CAN RDZAS DU MA STE THA DAD PA BRJOD PA MA YIN GYI, RTOG PAS BSKYED PA STE BRTAGS PA'I THA DAD BRJOD PA YIN NO, ,CHOS CAN GCIG LDOG CHOS SNA TSOGS SU SNANG BA DE RTOG PA'I SNANG BA'I RJES SU BYED PA YIN GYI, RANG GI MTSAN NYID KYI NGOS NAS DE LTAR GRUB PA MIN NO, ,DES NA SPYI'I RTEN KHA DOG SKAD CIG THA MA MNGON SUM GYIS GZUNG ZHING GRUB PA NA SPYI DE NYID KYI MI RTAG PA YANG GZUNG ZHING GRUB PA YIN NO, ,KHA DOG GI RIGS 'DRA PHYI MA MTSAMS SBYOR BA'I GNAS SKABS LTA BU KHA DOG MI RTAG PA MNGON SUM GYIS MA GZUNG BA STE MA GRUB NA, DE GRUB CING RTOGS PAR BYA BA'I PHYIR TU RJES DPAG 'JUG PA YIN NO, ,MNGON SUM GYIS KHA DOG GI CHA SHAS THAMS CAD GZUNG NA DE GRUB DGOS PAS RJES

DPAG 'JUG PA DON MED DO ZHE NA, GRUB BDE RDZAS GCIG GI RANG BZHIN LA PHYOGS GCIG KHO NA 'DZIN PA MA YIN GYI, 'ON KYANG RNAM PA THAMS CAD 'DZIN LA, DE LTA NA YANG 'KHRUL PAS BAR CHOD NAS NGES PA MA YIN PAS CHA THAMS CAD LA TSAD MA MA YIN NO, ,NYAMS SU MYONG BAR KHYAD PAR MED KYANG GONG BU GCIG LA GOMS PA CHE CHUNG DANG THAG NYE RING LA SOGS PA'I DBANG GIS NGES PA SKYE TSUL DU MA MTHONG BAS SO, ,SKYON DE NI MNGON SUM NGES SHES SU 'DOD PA DAG LA 'JUG STE, DE LTA NA MTHONG BA THAMS CAD NGES PAR KHAS BLANG DGOS SO, ,KHO BO CAG LA NI GZUNG YANG MA NGES PA DAG LA SGRO 'DOGS GCAD PA'I CHED DU RJES DPAG 'JUG PA NYES PA CUNG ZAD KYANG MED DO, ,SKABS LA LAR KHA DOG MI RTAG PAR MI SHES PA'I RGYU MTSAN NI SGO THA DAD GCIG TU 'KHRUL BA BZHIN DU SNGA PHYI GCIG TU 'KHRUL BA'I 'KHRUL RGYUS ZIN PA'I DBANG GIS YIN LA, DE YANG NANG GI 'KHRUL RGYU BLO GZHAN PA DANG PHYI'I 'KHRUL RGYU YOD PA BAR MA CHAD DANG 'DRA BA GZHAN 'BYUNG YOD PAS YIN NO, ,PHYI MA'I RGYU MTSAN SKAD CIG SNGA PHYI THA DAD GZUNG DU ZIN KYANG SO SOR MTHONG BA MED PAS YIN NO, ,'DRA BA GZHAN 'BYUNG DNGOS PO RTAG PAR 'KHRUL BA'I RGYUR DGOS PA'I RGYU MTSAN NI, 'DRA BA'I SKAD CIG GZHAN MTSAMS SBYOR BA MED PA'I MAR ME'I SKAD CIG THA MA MNGON SUM GYIS MTHONG BA'I BYIS PA'I SKYE BO'I BAR GYIS MI RTAG PAR YONGS SU GCOD NUS PA'I PHYIR, CHOS KYI BSDOMS BZHI'I NANG NAS 'DU BYED SKAD CIG MAR SGRUB PA'I RIGS PA MGO MJUG KUN TU GZHUNG GZHAN LAS KYANG CHES SHIN TU PHUL DU BYUNG ZHING RGYAS PAR GTAN LA PHAB PA'I DGOS PA NI ZAG BCAS THAMS CAD SDUG BSNGAL DU RTOGS PA LA RTOG

, ,PA 'DI SNGON DU 'GRO DGOS SHING, DE SONG NA PHUNG PO BDAG MED PA DANG MYA NGAN LAS 'DAS PA ZHI BA SOGS PHUL DU BYUNG BA RTOGS PA'I DGOS PA YOD DO, ,MNGON SUM GYIS GZUNG YANG MA NGES PA'I DPE NI NUS PA DNGOS PO'I RANG BZHIN DU, ZHES SOGS SO, ,SA BON GYIS MYU GU BSKYED PA'I NUS PA SA BON GYI RANG BZHIN DU MED NA MYU GU DANG RGYU 'BRAS KYI 'BREL PA MED PAR 'GYUR LA, SA BON GYIS MYU GU BSKYED PA'I NUS PA LA PHAN 'DOGS PAS KYANG RGYU 'BRAS SU MI 'GRUB STE, DE LTA NA NUS PA THUG MED RTOGS DGOS PAS RTZA BA'I RGYUD NYID MI 'GRUB LA, NUS PA THA MA GCIG MYU GU LA PHAN 'DOGS PA'I NUS PA'I RANG BZHIN DU KHAS LEN NA SA BON LA YANG MTSUNGS PAS NUS PA'I RANG BZHIN DU GRUB LA, NUS PA GZUNG YANG MNGON SUM GYIS NGES PA MI 'DREN PA'I RGYU MTSAN NI, 'BRAS BU DE MA THAG 'BYUNG BA MED PAS RMONGS PAS ZIL GYIS NON NAS NGES SHES 'DREN NUS KYI GSAL BOR MTHONG BA MED PAS RMONGS PA DE LDOG PA'I CHED DU RJES DPAG 'JUG PA YIN NO, ,'KHRUL RGYU DANG BRAL BA'I BLO GROS CHEN POS MNGON SUM GYIS MTHONG TZAM NYID NAS CHA THAMS CAD LA NGES PAR 'DREN PAR BYED CING DNGOS POS KYANG RANG GI GNAS TSOD JI LTAR YOD PA MA LUS PA RTOGS PA'I BLO SKYED PAR BYED DO, ,RANG SDE KHA CIG ZHIG PA LA MI RTAG PAR 'DOD PA DE'I LTAR NA YANG SNGAR MNGON SUM GYIS MTHONG ZHING PHYIS MA DMIGS PA'I RTAGS LA KHA DOG MI RTAG PAR RJES DPAG GIS RTOGS PA YIN PAS RANG SPYI 'DRES PA 'DZIN PA'I TSAD MA PHUNG GSUM DU THAL BA'I SKYON MED DO, ,ZHIG PA MI RTAG PAR MI RUNG BAR BSAMS NAS RIGS PA CAN

PAS YOD PA TZAM MI RTAG PA MA YIN TE, NAM MKHA' SOGS KYANG MI RTAG PAR THAL BAS SO, ,DES NA MTHA' GNYIS SU CHAD PA'I DBUS NA YOD PA DE LA 'PHROD 'DU'I 'BREL PA GRUB PA DE NYID MI RTAG CES BRJOD PA'I SGRA'I DON YIN NO ZHE NA, MTHA' GNYIS PO DE GANG YIN DRIS PAS SNGA NA MED PA DANG PHYIS MED PA GNYIS YIN NO ZHE NA, MED PA DE GNYIS MI RTAG PA CI'I PHYIR MA YIN DRIS PAS DE GNYIS DNGOS MED YIN PAS DNGOS PO'I MI RTAG PA ZHES PA DANG DNGOS PO LA MI RTAG PA YOD CES PA DNGOS PO MI RTAG CES RNAM DBYE DRUG PA DANG BDUN PA DANG CHOS CHOS CAN SOGS MI RUNG BA'I PHYIR RO ZHE NA, 'O NA DNGOS PO'I SNGA NA MED PA ZHES SOGS KYANG MI RUNG BAR THAL, DNGOS PO DANG 'BREL PA MED PA'I PHYIR TE DNGOS PO DANG SBYAR NAS DRUG SGRA SOGS GANG YANG MI RUNG BAR KHAS BLANGS PA'I PHYIR, YOD PA NYID CES PA'I SPYI RTAG PA GCIG YIN NA DE LA 'PHROD PA 'DUS PA YANG RTAG PA YIN PAS MTHA' GNYIS POS KHYAD PAR DU BYAS PA YANG MI 'THAD DO, ,GAL TE RGYU 'BRAS GNYIS PO MTHA' YIN NO ZHE NA, KHYAD PAR DU BYED CHOS RGYU 'BRAS KYANG MED PAR 'GYUR TE, SNGAR MED DANG DNGOS PO'I 'BREL PA MED PA'I PHYIR TE, RIGS PA CAN PAS DNGOS PO SNGAR MED MI 'DOD PA'I PHYIR, RGYU 'BRAS GNYIS KYIS KHYAD PAR DU BYAS PA'I MI RTAG PAR BRJOD PA DE YANG MI 'GRUB PAR THAL, KHYAD PAR BYED CHOS MED PA'I PHYIR, SNGAR MED GSAR SKYE'I 'BRAS BU KHAS MI LEN GYI GRUB ZIN GYI MYU GU YOD PA NYID DANG 'BREL BAR BYED PA PO RGYU YIN NO ZHE NA, DE LA YANG GNOD PA SNGA MA NYID DU 'GYUR BAS 'BRAS BU MED PA DANG DNGOS PO RIL RTAG PAR KHAS LEN DGOS PAR 'GYUR RO,

, ,MNGON SUM GYI MTSAN NYID LA LOG PAR RTOGS PA BSAL BA NI DE LA THOG MAR TSAD MA RNAM NGES KYI 'GREL PAR SLOB DPON CHOS MCHOG GIS MNGON SUM ZHES BYA BA NI MTSAN GZHI RJES SU BRJOD PAS TE, MNGON SUM GYIS BRJOD PAR BYA BA MNGON SUM DU BYED PA'I SHES PA RAB TU GRAGS PA DE NI RTOG PA DANG BRAL ZHING MA 'KHRUL BA'O, ZHES DE LTAR MNGON SUM RJES SU BRJOD NAS RTOG PA DANG BRAL BA NYID LA SOGS PA'I MTSAN NYID SGRUB PAR BYED PA YIN NO ZHES MTSAN GZHI GRUB ZIN PA'I DON DE NYID SLAR YANG RJES SU BRJOD PA'I SGRA NI MTSAN GZHI'AM MTSON BYA RJES KYI SGRA ZHES ZER LA, MTSAN NYID RTOG BRAL MA 'KHRUL BA SNGAR MA GRUB PA SGRUB PA'I CHED DU BRJOD PA YIN PAS DE BRJOD PA'I SGRA LA MTSAN NYID SGRUB PA'I SGRA ZHES ZER TO, ,DE LA 'PHROS DANG BCAS PA'I SLOB DPON CHOS MCHOG GI RANG LUGS BZHAG PA MI 'THAD PA DANG, GZHAN LUGS BKAG PA MI 'THAD PA DANG, SLOB DPON CHOS MCHOG GI LUGS 'THAD PAR SGRUB PA'I BOD SNGA MA DAG GI SGRUB BYED RNAMS LTAR SNANG YIN PA DANG, DES NA LOTZTSA BA CHEN PO'I BZHED PA NYID RNAM PAR NGES PA'I GZHUNG GI BZHED PAR 'THAD PA'I BRGAL LAN RGYAS PAR GTAN LA PHAB PA NI, BLA MA GRO LUNG PA CHEN POS MDZAD PA'I RNAM BSHAD CHEN MOR BLTA BAR BYA'O, ,DE LA RANG GI LUGS NI SLOB DON CHOS MCHOG GI BZHED PA NYID SKYON MED PAR GNAS TE, SLOB DPON CHOS MCHOG GI LUGS 'THAD PA DANG MI 'THAD PA'I SGRUB PA'I PHYOGS GNYIS KAS KYANG PHYOGS SNGA MA LEGS PAR MA DGONGS PA YIN TE RNAM PAR BZHAG 'JOG LA MTSAN MTSON DU BYAS NAS MTSON BYA

RJES BRJOD DANG MTSAN NYID SGRUB PAR BZHED PA MA YIN TE, RNAM PAR 'JOG BYED MA NGES PAR RNAM PAR BZHAG BYA NGES PAR SLOB DPON CHOS MCHOG MI BZHED CING, DE'I RNAM PAR BZHAG BYA MA YIN PAR THAL BAR 'GYUR RO, ,DES NA 'DIR RTOG BRAL MA 'KHRUL BA'I SHES PA'I RNAM PAR BZHAG BYA NI MNGON SUM TSAD MA YIN LA 'DIR NI DPYOD PA PA LA SOGS PAS DON MNGON DU BYED PAS NA MNGON SUM ZHES PA'I SGRA'I DON NGES KYANG DE RTOG PAR SGRO 'DOGS PAS RTOG BRAL MA 'KHRUL BA SNGAR MA GRUB PA SGRUB PAR SHIN TU GSAL BA'I PHYIR RO, ,DES NA RJES BRJOD KYI SGRA'I DON NI DON MNGON DU BYED PAS MNGON SUM ZHES PA DE YIN LA DE LA MTSAN GZHI GZUGS 'DZIN PA'I DBANG PO'I SHES PA SOGS DANG, KHO RANG GI RANG LDOG RNAMS SU YOD PAS RTOG BRAL MA 'KHRUL BA'I SHES PA MA GRUB PAR YANG DON DE DAG NGES NUS PA MNGON SUM GYIS GRUB PA'I PHYIR RO, ,DES NA SLOB DPON CHOS MCHOG GIS MING DANG MING CAN 'BREL PAR 'DOD PA LA GNOD PA STON PA'I SKABS SU MING DON GYI 'BREL PA NGES PAR BYED PA TZAM YIN NA MING CAN RTOG BRAL MA 'KHRUL PA GZHI LA MA BRTEN PAR GRUB PA MI SRID CING, SNGAR BSHAD PA'I GZHI GNYIS PO GANG RUNG GI STENG DU GRUB NA DBANG SHES RTOG BRAL DU SGRUB PA'I GZHUNG RGYUN PHYI MA 'DI DAG GIS SNGAR MA GRUB PA'I DON CI ZHIG SGRUB PAR BYAR YOD, CES PA'I BRTAG PA RNAMS 'JUG PA KHO NA'O, ,MTSAN NYID MA GRUB PA'I SNGAR MTSON BYA GRUB PA SLOB DPON CHOS MCHOG GI BZHED PAR 'DOD PA DE'I LTAR NA, SGRUB BYED GANG YANG MED PA NI BSGRUB PA MI 'THAD LA, DON MNGON DU BYED PA'I SHES PA 'JOG BYED DU BYAS NAS DES GRUB PAR 'DOD PA

, ,YANG MI 'THAD DE, MNGON SUM LA RTOG BRAL MA 'KHRUL BAS KHYAB LA, DE LA RTOG BRAL DANG MA 'KHRUL PA GANG GIS KYANG KHYAB PA MI 'GRUB PA'I PHYIR RO, ,DES NA CHOS MCHOG GI DGONGS PA NI t'IKKA'I TSIG DON LEGS PAR BSHAD PA LAS RTOGS PAR 'GYUR TE, 'DI LTAR MNGON SUM RTOG BRAL MA 'KHRUL BA, ZHES BSHAD PA'I MNGON SUM GYI SGRA'I DON NI LKOG TU MA GYUR PA'I DON MNGON SUM DU BYED PA'I SHES PA DPYOD PA PAS KYANG GRUB ZIN PA KHYAD GZHI SGRA 'DZIN NYAN SHES MA 'KHRUL BA LTA BU YIN LA, RTOG BRAL MA 'KHRUL BA NI DE'I STENG DU MA GRUB PA SGRUB PAR BYA BA MI RTAG PA LTA BU YIN PAR CHES SHIN TU GSAL BAS MTSAN NYID MA GRUB PA'I SNGAR MTSON BYA GRUB PA LA GNOD PA BRJOD PA NI PHYOGS SNGA MA MA LON PA'O, ,DE LA GRUB PA DANG RJES BRJOD KYI SGRA'I SKABS GNYIS LAS MTSAN GZHI DON MNGON DU BYED PA'I SHES PA DANG, MTSAN NYID RTOG BRAL MA 'KHRUL BA GRUB ZIN PA LA NI MTSAN NYID RJES SU BRJOD NAS MTSAN GZHI STE MTSON BYA MNGON SUM SHES PAR BYED LA, DE DANG MTSAN NYID SNGAR MA GRUB PA LA NI MTSAN NYID SGRUB PAR BYED DO, ,DE'I DPE NI DPER NA ZHES SO, ,DPE 'DI'I DON YANG MTSAN MTSON DU MI BZHED PAR CHES SHIN TU GSAL LO, ,GZHAN LUGS DGAG PA NI MING DANG ZHES SOGS TE, SLOB DPON ZHI BA BZANG PO LTAR MING 'DI'I DON GANG YIN ZHES PA DANG, DON 'DI'I MING GANG YIN ZHES PA LA MING DON 'BREL PAR BYED PA YIN NO ZHES PA YANG SKABS SU MA BAB STE, SPYIR TSAD MA'I GRANGS SOGS DANG BYE BRAG TU MNGON SUM RTOG PA DANG 'KHRUL BAR LOG PAR RTOGS

PA SEL BA'I SKABS YIN PA'I PHYIR, KHYAB PA YOD DE, MING DANG MING CAN 'BREL BAR BYED PA LA MING CAN DA DUNG MA GRUB PA'I PHYIR, DGOS PA YANG CUNG ZAD KYANG MED DO, ,MTSAN NYID LA LOG RTOG BSAL DGOS PA MA BSAL BA'I PHYIR, RANG GI 'DOD PAS MNGON SUM GYI SGRA'I DON SNGAR BSHAD PA KHYAD GZHIR GZUNG NAS DE'I STENG DU MTSAN NYID SGRUB PAR BYED PA LA MING DANG MING CAN 'BREL PAR BYED PA ZHES PA'I MING BTAGS NA YANG 'DOD PA'I DON LA LOG RTOG MA BSAL BAR 'GYUR BA'I PHYIR, 'THAD PA'I DNGOS PO DE LA PHA ROL POS MING GZHAN DU BTAGS NA YANG RTOG BRAL MA 'KHRUL PA NI MNGON SUM ZHES PA'I SGRA'I DON MA YIN LA, DON MNGON DU BYED PA'I SHES PA NYID MNGON SUM GYI SGRA'I BRJOD BYA YIN LA, SNGA MA DE'I KHYAD PAR YIN TE, DPER NA SGRA RNA BAS ZHES SO, ,DPE DE BZHIN DU MNGON SUM GYI SHES PA SOGS BZHI MNGON SUM GYI SGRA'I DON DU GRAGS SHING GRUB PAR GYUR PA RJES SU BRJOD NAS KHYAD PAR RTOG BRAL MA 'KHRUL PA SGRUB PAR BYED PA YIN GYI SNGAR MED KYI MING DANG MING CAN 'BREL BAR SGRUB PAR BYED PA MA YIN NO, ,GANG YANG PHYOGS GZHAN DON MNGON DU BYED PA'I SHES PA GRUB ZIN LA MTSAN NYID GRUB ZIN PA RJES SU BRJOD PAR BTAGS NAS MTSON BYA MNGON SUM SGRUB PAR RTOGS PA DE YANG DON PHYIN CI LOG LA BRTEN PA YIN TE, MNGON SUM GYI SGRA'I DON DANG MTSAN NYID SGRUB PA'I NGAG 'DZIN NA YANG DE LTAR MA MTHONG NGO ZHES BSTAN ZIN PA'I PHYIR RO, ,RIGS PAS KYANG MI 'THAD DE, PHYOGS GZHAN DU KHYAD PAR RTOG BRAL MA 'KHRUL BA DE DAG MNGON SUM GYI DON MNGON DU BYED PA'I SHES PA LA

, ,GRUB BAM, GZHI MED PAR GRUB, PHYI MA MI SRID PAS, DANG PO LTAR NA, NGAG 'DIS SNGAR MA GRUB PA'I DON CI ZHIG GRUB PAR 'DOD, DES NA KHO BO CAG LTAR 'THAD PA MDOR BSTAN GYI NGAG 'DI NYID KYI NGAG RGYUN PHYI MA RGYAS BSHAD KYI TSIG RNAMS KYIS 'THAD PAR BRJOD PAS GRUB PA DANG RJES BRJOD TSUL 'DI NYID RIGS SO, ,MTSAN NYID NYE BAR GZUNG BA'I DGOS PA STON PA NI 'DIR YANG ZHES SO, ,SPYIR MTSAN NYID LA RIGS MI MTHUN SEL BA DANG, LOG RTOG SEL BA GNYIS LAS MTSAN NYID GNYIS NGES PAR SMOS PA RIGS MI MTHUN RNAM PAR BCAD PA'I DON MA YIN GYI LOG RTOG BSAL BA'I DON YIN NO, ,RIGS MI MTHUN SEL BA'I DBANG DU BYAS NA TSAD MA MA YIN PA NI YANG DAG SHES PAR GRUB ZIN PA NYID KYIS BSAL LA, DE GZHIR BYAS NA RTOG BRAL SMOS PA'I BSAL BYA RJES DPAG NYID YIN LA, MA 'KHRUL BA SMOS PA'I YANG BSAL BYA RJES DPAG NYID YIN TE, YANG DAG SHES PAR GYUR PA'I RTOG PA DANG 'KHRUL PA DE LAS MED PA'I PHYIR, DES NA YANG DAG SHES PAR GRUB PA LA RIGS MI MTHUN SEL BA'I DBANG DU BYAS NA YA GYAL RE RES GRUB KYANG, LOG RTOG SEL BA'I CHED DU GNYIS SMOS TE, DBANG PO MIG SER GYIS NYAMS PAR BYAS PA'I SHES PA LTA BU 'KHRUL PA KHA CIG MNGON SUM DU 'DOD PA DANG, MNGON SUM 'GA' ZHIG RTOG PAR 'DOD PA DGAG PA'I CHED YIN NO, ,SPYI'I DON 'DI DAG LA DON TSAN BZHI YOD PA'I RJES BRJOD KYI SGRA DANG SGRUB PA'I GTAN LA DBAB PA NI TSUL 'DI NYID RIGS PA YIN NO ZHES PA YAN CHAD YIN LA, RIGS MI MTHUN DANG LOG RTOG SEL BA'I MTSAN NYID DU 'GRO TSUL

NI 'DIR YANG ZHES PA NAS THAMS CAD SPANGS BA YIN NO ZHES PA'I BAR RO, ,SKABS 'DIR MTSON BYA STON PA'I TSIG YOD DAM MED CE NA, NGES PAR DNGOS SU SMOS DGOS PA MA YIN TE, MTSAN NYID RTOG BRAL MA 'KHRUL BA RGYAS PAR GTAN LA PHAB PA NYID KYIS MTSON BYA BDE BLAG TU GO BA'I PHYIR DANG, BSTAN DGOS NA'ANG BSTAN PA MIN TE, 'DI'I PHYI 'GREL DU SHES PA GANG YIN PA DE NI MNGON SUM MO ZHES PAS BSTAN TO, ,MTSAN MTSON GNYIS GANG RUNG GCIG DNGOS SU BSTAN NA GNYIS KA DNGOS SU BSTAN DGOS PA MA YIN TE, RNAM 'GREL DU MTSON BYA DNGOS SU BSTAN KYANG MTSAN NYID SPYIR BTANG DMIGS BSAL DU MA'I SGO NAS SHUGS LA GO DGOS PA YOD PA'I PHYIR, DE LA TSAD MA SPYI'I MTSAN NYID DANG DE LA MNGON RJES GNYIS SU GRANGS NGES GRUB ZIN NAS BYE BRAG MNGON SUM TSAD MA'I MTSAN NYID SGRUB PAR BYED PA LA RTOG BRAL MA 'KHRUL BA TZAM GYIS RDZOGS PA MA YIN LA, MNGON SUM TSAD MA'I BSAL BYA LA TSAD MA MIN PA DANG TSAD MA YIN PA GNYIS KYI PHYI MA NI MI SLU BAR GRUB PA NYID KYIS BSAL ZIN LA, MNGON SUM MA YIN PA'I TSAD MA NI RJES DPAG NYID DU NGES PAR RTOG BRAL SMOS PAS KYANG RJES DPAG BSAL NAS, MNGON SUM TSAD MAR MTSON NUS LA, MA 'KHRUL BAS KYANG DE LTAR NUS PAS YA GYAL RE RES KYANG RIGS MI MTHUN SEL NUS LA, RTOG BRAL GYIS DE LTAR NUS NAM 'KHRUL PA SMOS CI DGOS SNYAM NA, LOG RTOG SEL BA'I CHED DU SMOS LA, PHYI MAS DE LTAR NUS NA SNGA MA DGOS PA MED DO SNYAM NA YANG LOG RTOG SEL BA'I CHED DU SMOS PAS YA GYAL GANG RUNG RE RIGS MI MTHUN SEL BA'I TSE CIG SHOS LOG RTOG

, ,SEL BA LA SBYAR BA DE LTAR GNYIS KA YIN PAS GNYIS KA BSDOMS PA SMOS PA NI LOG RTOG BSAL BA'I DON DU YIN NO, ,MA 'KHRUL BA SMOS NA MIG SER GYIS NYAMS PA'I MIG GI SHES PA GZUNG YUL LA 'KHRUL BAS MNGON SUM MA YIN PAR SHES LA, TSUL GSUM PA'I RTAGS LAM BRTEN PAS RJES DPAG MA YIN ZHING SNANG ZHEN GANG LA YANG MI SLU BA MED PAS TSAD MA GZHAN YANG MA YIN PAR GRUB BO, ,MA 'KHRUL BA SMOS PA MED NA KHA CIG DE 'DRA'I SHES PA RTOG PAR ZHEN NAS MNGON SUM TSAD MA MA YIN PAR 'JOG PA DANG, KHA CIG DON TZAM LA MI SLU BA DANG RTOG MED DU ZHEN PAS MNGON SUM TSAD MAR 'JOG PA'I LOG RTOG DE DAG MA 'KHRUL BA SMOS PAS SPANGS PA YIN NO, ,DON TSAN GSUM PA MTSAN NYID 'DI DON SEMS GNYIS KA'I DBANG DU BYAS SAM, MDO SDE PA KHO NA'I DBANG DU BYAS SNYAM PA'I DOGS PA GCOD PA NI, GZHAN DAG CES SOGS TE, KHA CIG MDO SDE PA BZHIN SEMS TZAM PA'I YANG MNGON SUM GYI MTSAN NYID THUN MONG BA BSTAN PA'I PHYIR MA 'KHRUL BA'I DON MI SLU BA LA 'DOD LA, SLOB DPON DUL BA LHA YANG DE LTAR 'DOD DO, ,DE DGAG PA LA MA 'KHRUL BA'I SGRA'I DON GZUNG YUL LA MA 'KHRUL BA YIN PAR BSGRUB PA DANG, MI SLU BA LA 'DOD PA DGAG PA'O, ,DANG PO NI, GANG GI ZHIG PHYIR CES TE, SLOB DPON GYIS MA 'KHRUL BA'I DON DE LTAR MI BZHED DE, DE'I LDOG ZLA 'KHRUL PA DE'I MTSAN NYID NI PHYIN CI LOG TU SNANG BA YIN NO ZHES SNANG BA LA 'KHRUL BAR DE DANG DER GSUNGS PA'I PHYIR RO, ,YANG RNAM PAR RTOG PA NI MNGON SUM YIN TE, DNGOS PO RANG MTSAN MI SNANG BA'I SHES PA YIN PA'I PHYIR CES GSUNGS PA

NA YANG MNGON SUM YIN NA, DNGOS PO JI LTAR GNAS PA DANG MTHUN PAR SNANG BA GZUNG YUL DON BYED NUS PA LA MA 'KHRUL BA YIN PAR BRJOD PA'I PHYIR YANG RJES DPAG DE MA YIN LA DER 'DZIN PAS 'KHRUL PAR YANG DANG YANG DU GSUNGS PA NA MNGON SUM DE LAS LDOG PAR MI BZHED NA RJES DPAG 'BA' ZHIG 'KHRUL PAR BSTAN PA DGOS PA MED LA, BZHED NA DE NI GZUNG YUL LA 'KHRUL BA YIN GYI ZHEN YUL LA 'KHRUL PA MA YIN LA, 'KHRUL TSUL DE LAS LDOG PAS MNGON SUM MA 'KHRUL BA YIN PA'I PHYIR MNGON SUM GZUNG YUL LA MA 'KHRUL BA YIN PAR GRUB PO, ,GNYIS PA NI, MNGON SUM TSAD MA YANG DAG PA'I SHES PAR GONG DU BSGRUB ZIN PAS MA 'KHRUL BA'I DON MI SLU BA LA BYED NA MNGON SUM TSAD MA'I MTSAN NYID YANG DAG PA'I SHES PA'I RTOG PA DANG BRAL ZHING MI SLU BA ZHES PAR 'GYUR BAS MA 'KHRUL BA'I DON DE LA BYED PA DON MED DO, ,RNAM RIG PA'I LUGS MGO MJUG KUN LA SBYAR BAR BYA BA MA YIN TE, RJES DPAG 'BA' ZHIG GZUNG YUL LA 'KHRUL BA DANG DBANG PO'I MNGON SUM GZUNG DON GYI MTHU LAS SKYES PAS RTOG BRAL DU BSGRUB PA SOGS RNAM RIG PA LA SBYAR DU MI RUNG BA'I PHYIR RO, ,'O NA RNAM RIG PA'I MNGON SUM GYI MTSAN NYID GANG DU YANG MA BSTAN PAR 'GYUR RO, ZHE NA, SKYON MED DE, RTOG PA DANG BRAL BA LA BAG CHAGS BRTAN MI BRTAN GYI DBANG GIS 'JOG PA TSAD MA RNAM PAR NGES PA NYID DU GSUNGS PA'I PHYIR RO, ,DES NA MA 'KHRUL BA'I DON GZUNG YUL LA MA 'KHRUL BAR GRUB NA MDO SDE PA 'BA' ZHIG LA SBYAR DGOS PAR LEGS PAR GRUB PA YIN NO, ,KHA CIG NA RE ZLA BA GNYIS LA SOGS

, ,PA'I SHES PA MNGON SUM TSAD MA YIN PA LDOG PA'I DON DU MA 'KHRUL BA SMOS PA MI RIGS TE, DE CHA 'GA' ZHIG LA MI SLU BAS TSAD MA YIN PA'I PHYIR DANG, PHYOGS GLANG GIS KYANG MNGON SUM GYI MTSAN NYID DU MI 'KHRUL BA SMOS PA MA MDZAD PAR, RTOG PA DANG BRAL MNGON SUM MO, ZHES GSUNGS SO, ,NGES SHES KYI YUL THAMS CAD LA MI SLU BA TSAD MAR RTOGS PA'I DON DU MI SLU BA SMOS NA YANG MI RIGS TE, DON GYI BDAG NYID THAMS CAD LA MI SLU BA'I SHES PA 'GA' YANG MED DO ZHES ZER TO, DE DGAG PA NI, SLOB DPON PHYOGS GLANG GIS MNGON RJES GNYIS KHO NA TSAD MAR GSUNGS PA MI RIGS PAR THAL, KHYED LTAR NA BYIS PA'I RTOG PA YAN CHAD CHA 'GA' ZHIG LA MI SLU BA MA YIN PA MED LA, BDAG NYID THAMS CAD LA MI SLU BA 'GA' YANG MED PA'I PHYIR, DES NA TSAD MA GNYIS SU NGES PAR BSTAN PA'I PHYIR, RTOG PA 'GA' ZHIG BSLU BAR BZHED PA MIN NO, ,KHYED LTAR NA SHES PA THAMS CAD MI SLU BAR KHAS BLANGS NUS PAR 'GYUR RO, ,DES NA SLOB DPON GYI DGONGS PA NI DON BYED NUS PA'I DON GANG 'JUG YUL DU GYUR BA'I DON DE THOB PA LA BRTEN NAS MI SLU BAR 'JOG LA, DE YANG NGES SHES KYI YUL DU GYUR PA'I BDAG NYID THAMS CAD LA MI SLU BA YIN NO, ,THUN MONG BA'I CHOS GANG LA MI SLU BA DE YANG KHYAD PAR LA MI SLU BA YIN LA, TSAD MA'I STOBS KYIS DRANGS PA'I DES SHES DE KHYAD PAR GCIG LA BSLUS NA SPYI LA MA BSLUS PA ZHES BYA BA MED LA, DES NA BDAG NYID THAMS CAD LA BSLUS PA YIN NO, ,SMIG RGYU LA CHU'I RANG BZHIN SPANGS PA YIN PAS CHU'I CHA GANG LA MI SLU BA SPANGS LA, NOR BU PHUGS DANG 'OD SGO GSEB NA 'DUG

PA LA NOR BU 'DUG SNYAM PA YANG NOR BU YOD PA'I YUL SPANGS PA YIN PAS NOR BU'I CHA DANG CHA CAN GANG LA YANG TSAD MA MA YIN LA, MTSAN PHYED KYI DUS NA NYIN PHYED KYI BU BYUNG BAR RMIS PA YANG DUS LA 'KHRUL BAS TSAD MA MA YIN PAS, CHA GZHAN LA BSLUS NAS PHYOGS GCIG LA MI SLU BA ZHES BYA BA'I TSAD MA MI SRID DO, ,DES NA RJES DPAG LAS THA DAD PA'I RTOG PA TSAD MA YIN PA SPANGS PA BZHIN DU, SLOB DPON 'DI DAG KYANG MNGON SUM YIN PA SPANGS PAR BZHED PAS DE'I DON DU MA 'KHRUL BA SMOS PA YIN NO, , BZHI PA NI, YUL LA 'KHRUL PA MNGON SUM TSAD MAR MI RUNG BA NI, NOR BU SGRON ME'I 'OD DAG LA ZHES PA'I SKABS SU RTOGS LA, DUS LA 'KHRUL BA DER MI RUNG BA NI, DOGS PA'I GNAS CHUNG BAS MA SMOS LA, RANG BZHIN LA 'KHRUL BA'I DOGS PA BSKYED PA NI, GAL TE DNGOS PO'I GNAS TSOD DANG 'GAL BA 'DZIN PA, 'KHRUL BAS TSAD MAR RUNG BA NI, SNGO 'DZIN DBANG SHES 'KHRUL BAR THAL, RDUL PHRA RAB MA 'DRES PA RNAMS LA 'DRES PAR 'DZIN PA'I PHYIR, PHYI ROL GZUNG DON DU BYAS NAS 'DZIN PA'I LUGS LA, RDUL PHRA RAB PHYOGS KYI CHA BCAS SU MI RUNG BA'I LUGS JI LTAR 'THAD PA'I TSUL GYIS LAN GDAB PAR BYA'O, ,SNGO SNANG DBANG SHES RANG BZHIN 'DRES PA 'DZIN PA'I DON DE, RDUL PHRA RAB RNAMS RANG BZHIN THA DAD PA MA 'DRES PA'I DON YIN PA LA RANG BZHIN THA DAD MED PAR 'DRES PAR 'DZIN PA'I DON YIN PA'AM, GO SA SO SOR GNAS PA, GO SA GCIG TU 'DZIN PA'AM, BAR STONGS DANG BCAS PAR GNAS PA, BAR STONGS MED PAR 'DZIN PA'AM, DBANG SHES RIGS MI MTHUN GYI GZUNG DON GYIS

, ,BAR BCAD NAS GNAS PA LA, BAR MA CHAD DU 'DZIN PA, MA 'DRES PAR GNAS PA 'DRES PAR 'DZIN PA'I DON YIN, SKYON DANG PO MED DE, DE LTA NA GONG BU RDUL PHRAN TZAM DU SNANG BAR THAL BA'I PHYIR, SKYON GNYIS PA MED PA YANG DES GRUB LA, SKYON GSUM PA YANG MED DE, BAR STONGS DANG, BAR STONGS MED PA GNYIS KA DNGOS POR MED PAS DBANG MNGON GYI GZUNG DON MA YIN NO, ,SKYON BZHI PA YANG MED DE, KHA DOG DANG, REG BYA'I RDUL PHRA RAB, BAR MA CHAD PAR, MIG SHES LA MI SNANG ZHING, REG RDUL GYIS STONG BAR KHA DOG GI RDUL SNANG BA 'DRES PA'I DON YIN NA 'DOD DE, DE LA REG BYA MI SNANG BA'I PHYIR, DE MI SNANG YANG RANG BZHIN 'GAL BA 'DZIN PAR MI 'GRUB BO, ,KHA DOG REG BYA'I YUL NA GNAS PAR MTHONG BAS YUL LA 'KHRUL LO, ZHE NA, MI RIGS TE, REG BYA LAS RDZAS THA DAD PA'I YUL 'GA' YANG MIG SHES LA MI SNANG LA, DE MI SNANG NA, DE'I YUL NA KHA DOG YOD PAR JI LTAR SNANG, DES NA 'DRES PAR 'DZIN PA NI, YID BLO RTOG PA YIN GYI DBANG MNGON MA YIN NO,, DES NA DBANG MNGON NI, 'KHRUL TSUL RNAM PA GSUM GAR DU MED PAS MA 'DRES PA LA 'DRES PAR 'DZIN PA JI LTAR 'THAD, PHYI DON RAGS PA DANG, PHYOGS THA DAD PA NI, 'GAL BA CUNG ZAD KYANG MED LA, GANG LA MNGON SUM DU SONG BA'I DON DE'I CHA GZHAN LA 'KHRUL BA DANG, CHA GZHAN DNGOS POR MED PA YIN NA, RNAM PA THAMS CAD DU MNGON SUM TSAD MAR MI RUNG LA, CHA GZHAN TSAD MA DES MA GZHAL NA, TSAD MA GZHAN LAS KHONG DU CHUD PAR BYA BA YIN LA, 'KHRUL SHES NI, RANG YUL GYI CHA THAMS

CAD LA 'KHRUL BAS, DE MNGON SUM YIN PA LOG PA'I DON DU MA 'KHRUL BA SMOS PA YIN NO, ,SLOB DPON RGYAL DBANG BLO LA SOGS PA GZHAN DAG ,DUNG SER 'DZIN GYI DBANG SHES, KHA DOG GI CHA LA TSAD MA MIN YANG, DBYIBS KYI CHA LA TSAD MA YIN LA, DE CHA THAMS CAD LA TSAD MA YIN PA LDOG PA'I DON DU, MI 'KHRUL BA SMOS SO, ZHES ZER BA YANG MI RIGS TE, CHA GCIG LA TSAD MA YIN NA, CHA GZHAN LA TSAD MA YIN PAR BSGRUB PA DGOS PA MED LA, 'JUG YUL LA TSAD MA MI 'KHRUL BA'I CHED DU, SMOS PA YANG MI 'THAD DE, THA SNYAD LAS THA SNYAD LA TSAD MA MA YIN PA RANG KHO NA LAS RTOGS SO, ,DBYIBS NI, KHA DOG LAS RDZAS THA DAD PA'I DON BYED NUS PA MA YIN PAS, KHA DOG LA MA 'KHRUL NA DBYIBS LA MA 'KHRUL BAR GA LA 'GYUR, DUNG GI SGRA YANG, DBYIBS KYI KHYAD PAR CAN GYI KHA DOG LA 'JUG LA, DUNG THOB PA YANG, TSAD MA GZHAN LA BRTEN NAS YIN GYI, SER POR 'DZIN PA LAS NI MA YIN NO, ,DES NA, RANG BZHIN 'GAL BA 'DZIN PA NI, YUL GYI CHA THAMS CAD LA BSLU BA YIN PAS MNGON SUM TSAD MAR MI RUNG NGO,, YANG SLOB DPON CHOS MCHOG GIS TSAD MA RNAM NGES KYI 'GREL PA'I MGOR, TSAD MA SPYI'I RNAM GZHAG 'CHAD PA LA, DON DRUG STE, DBYE GZHI DANG, DBYE GRANGS DANG, GRANGS DE NYID MTSAN NYID RNAM PAR DAG PA RTOGS PA'I DON CAN YIN PA DANG, MNGON RJES GNYIS KYI SGRA BSHAD PA DANG, TSAD MA SPYI'I MTSAN NYID DANG, MI SLU BA DE NYID TSAD MA RANG GZHAN GANG GIS NGES PA'O, ,DANG PO NI, GANG ZHIG THOB PA DANG SPANG BA'I RGYU 'KHRUL MED GANG YIN SNYAM DU RNAM PAR DPYAD PA'I SKABS KYI 'JUG BYED KYI YANG DAG

, ,SHES PA DE LA DBYE NA, RNAM PA GNYIS YIN NO ZHES BSTAN PA'I DON DANG, DON BYED SNANG GI SHES PA MA YIN NO ZHES BSTAN PA'I DON DU DE ZHES SMOS, DON BYED SNANG GI SHES PA TSAD MA GNYIS KYI DBYE GZHI DANG, TSAD MA TZAM DANG 'JUG BYED KYI YANG DAG SHES PA GANG 'GAG PA'I CHED DU RGYU MTSAN SBYAR BAR BYA BA YIN NO, ,SLOB DPON CHOS MCHOG GIS 'JUG BYED KYI YANG DAG SHES PA DBYE GZHIR SMOS PA LA DGOS PA MED MOD KYI, RGYU MTSAN DE NYID KYIS TSAD MA GNYIS SU GRANGS MA NGES SNYAM PA LOG PAR RTOG PA 'BA' ZHIG YIN PAS, DE DBYE GZHIR GZUNG NAS TSAD MA'I GRANGS NGES 'JOG PA YOD MED DPYAD PAR BYA BA YIN GYI, 'GREL PA'I DGONGS PA MA RTOGS BZHIN DU DGAG PA BYED PA NI MI RIGS SO, ,RNAM PA GNYIS ZHES PA NI GRANGS KYI DBYE BA DANG, LHAG MA MING GI DBYE BA YIN LA, LHAG MAS RNAM PA GNYIS SU NGAS PA GRUB KYANG, GONG DU RNAM PA GNYIS SU STE ZHES SMOS PA NI, 'JIG RTEN NA YANG MTHONG STE, DPER NA SNUM 'KHUR DAG NI GNYIS SO ZHES PA BZHIN TE, DAG NI TSIG YIN PAS GNYIS GRUB KYANG, GRANGS RTOGS PA'I DON DU YANG GNYIS SMOS PA BZHIN NO, ,YANG NA, TSAD MA LA MNGON RJES KHO NAR NGES SO ZHES GRUB ZIN BSTAN PA'I DON DU SMOS PA YIN NO, ,KHA CIG 'JIG RTEN NA GRAGS KYANG DGOS PA MED PA DPER LEN PA MI RIGS PAS BSHAD PA PHYI MA GNYIS LEGS SO ZHES GSUNGS PA NI, MI 'THAD PA RTOGS PAR SLA'O, ,GNYIS PA NI, YANG DAG SHES PA'I SPYI'I MTSAN NYID KHO NA RIGS MI MTHUN LAS BYE BRAG TU PHYE NAS BSTAN PAR BYA BA MA YIN NAM, GRANG BSTAN

PAS CI BYA ZHE NA, BDEN TE, SPYI'I MTSAN NYID RNAM PAR DAG PA RTOGS PA'I DON CAN YIN TE, MI SLU BA 'JUG PA'I GZHI, DE TZAM DU ZAD DO, ZHES PA'I GRANGS NGES MA RTOGS NA, SPYI'I MTSAN NYID RNAM PAR DAG PA MI RTOGS PA'I PHYIR RO, ,'O NA MNGON SUM GYI MTSAN NYID STON PA'I SNGON DU DE'I GRANGS STON DGOS PAR 'GYUR RO ZHE NA, MI MTSUNGS TE, DE NI TSAD MA GNYIS KYI GRANGS DANG, SPYI'I MTSAN NYID RTOGS ZIN PA'I 'OG TU STON PAS TSAD MIN DANG, RJES DPAG BCAD PA NYID KYIS MNGON SUM TSAD MA BDE BLAG TU GO BA'I PHYIR RO, ,GSUM PA NI, MI 'DOD PA LOG PA'I DON DU 'DOD PA'I MNGON SUM GYIS SGRA BSHAD 'JUG GNYIS STON TE, PRA TYAKshA ZHES PA'I SGRA SO SOR PHRAL NA, PRA TYA ZLOS PA DANG, AAKshA DBANG PO LA 'JUG PAS, DBANG PO SO SO LA BRTEN PAS MNGON SUM MO, ZHES PA SGRA BSHAD PA'I RGYU MTSAN NO, ,SGRA 'JUG PA'I RGYU MTSAN NI, DON RANG MTSAN MNGON SUM DU BYED PAS NA MNGON SUM DU GRAGS PA YIN NO, ,SGRA BSHAD 'JUG GI RGYU MTSAN DE DAG SHES PA'I GSAL BA GCIG LA 'DU BAS DBANG PO SO SO LA BRTEN PAS MTSON NAS SGRA 'JUG PA'I RGYU MTSAN SHES PAR BYED DE, MNGON SUM BZHIG LA MNGON SUM GYI SGRA 'JUG PA YIN NO, ,'GRO BA'I DON GYIS BA GLANG ZHES 'GRO BA'I BYA BAS BA GLANG GI SGRA 'JUG PA'I RGYU MTSAN SHES PAR BYED KYANG, 'GRO BAS STONG PA'I GONG BU LA BA GLANG GI SGRA MI 'JUG PA MIN NO, ,RTAGS GZUNG ZHING 'BREL PA DRAN PA'I RJES LA BSGRUB BYA DPAG PAS RJES DPAG GO ,DANG ZHES PA TSAD MA GNYIS KA STOBS MTSUNGS PAR BSTAN PA'I CHED DU BSDUS PA'I TSIG GO ,

, ,ZHES BYA'O ZHES PA NI, DE LTAR TSAD MA GNYIS KHO NA YIN NO, ZHES PA DANG, DON RTOGS ZIN PA LA GRANGS KYI TSIG YIN PA DE'I TSE RDZOGS TSIG GO ,LNGA PA NI, DNGOS PO'I DE KHO NA NYID 'DZIN PA TZAM DANG GZUNG ZIN THOB PAR BYED PA TSAD MA'I DON DU 'JOG NA RJES DPAG TSAD MA MA YIN PAR 'GYUR LA, MA GZUNG BA'I DON THOB PAR BYED PA TSAD MA YIN NA, SMIG RGYU LA CHUNG 'DZIN YANG TSAD MAR THAL BAR 'GYUR RO SNYAM DU DOGS PA BSAL BA'I CHED DU TSAD MA SPYI'I MTSAN NYID BSTAN PA NI, 'DI DAG GIS ZHES SOGS SO, ,TSAD MA SPYI'I MTSAN NYID DU MI SLU BA DANG MA SHES DON GSAL GNYIS BSTAN PA DANG, 'DIR BSTAN PA RNAMS DON LDOG MI 'DRA BA GSUM STON PA MA YIN GYI, SNGA MA GNYIS KYANG 'DI'I NANG DU 'DUS PA YIN NO, ,LOTZTSA BA CHEN POS YONGS SU DPYAD NAS SHES PA'I TSIG GIS KHYAB CHES PA GCOD LA, 'JUG PA NA ZHES PAS MI SRID PA BCAD NAS MA KHYAB PA GCOD PA SHUGS LA GO BAR BYED CES GSUNG NGO, ,MI SLU BA MED PAR MI 'GYUR BA'I DGAG PA GNYIS KYIS MI SLU BAR GO BAR BYED DO, ,MI SLU BAR BYED PA NYID TSAD MA YIN LA, DE YANG THOB PAR BYED PA NYID YIN NO, ,MI SLU BAR BYED PA RGYU MTSAN GANG LAS ZHE NA, BTZO SREG SOGS KYI DON SGRUB PAR BYED PA PO ME NI GANG LA MI SLU BA'I YUL YIN LA, DE THOB PAR BYED PA YIN NO, ,DNGOS PO 'DZIN PA TZAM TSAD MA MA YIN TE, MNGON SUM GYIS SKAD CIG MA GZUNG YANG DE SGRUB BYED DANG, DE THOB PA DANG, DE THOB PA'I THABS KYANG MA YIN LA, DNGOS PO GZUNG DON DU MA BYAS KYANG RJES DPAG GIS KYANG DON THOB PA'I PHYIR, DON

THOB PA'I RANG BZHIN DON BYED SNANG CAN GYI MNGON SUM NI, BSTAN BCOS LAS ZHAR BYUNG TZAM DU DPYAD PA YIN GYI GTAN LA DBAB BYA'I GTZO BO MA YIN NO, ,MNGON SUM GYIS GZUNG BA'I DON THOB BYA'I YUL MA YIN TE, CHA SHAS DANG BRAL BA'I SKAD CIG MA NYID SNANG BA'I PHYIR, RJES DPAG GIS GZUNG BA YANG DNGOS POR MED LA, ZHEN YUL YANG SGRO BTAGS YIN PAS DON BYED PA GANG ZHIG THOB PAR BYED CE NA, 'JUG YUL THOB PAR BYED PAS DE LA MI SLU BAR BRJOD DE, MA GZUNG BA 'JUG YUL YIN NA SMIG RGYU LA CHUR 'DZIN LTA BU YANG TSAD MAR HA CANG THAL BAR 'GYUR BA SPANG BAR BYA BA'I PHYIR DON YONGS SU DPYAD NAS ZHES SMOS TE, BCAD PA LA LTOS NAS 'JUG PAS NGES PA DANG 'JUG PA RGYU 'BRAS BU BSTAN TO, ,YONGS SU GCOD BYED 'JUG BYED YIN LA, BCAD DON 'JUG YUL YIN PAS SKYON MED DO, ,DANG PO'I GCOD BYED NGES SKYES BU BCUG PA'I PHYIR RTOGS ZIN GYI DON LA TSAD MA MED DO, ,DES NA MNGON SUM SKAD CIG DANG PO DANG, RJES DPAG SKAD CIG DANG PO NYID TSAD MA YIN GYI, DE DANG BYED PA 'JUG PA'I YUL MTSUNGS PA'I GRUB PA DANG BDE BA THA MI DAD PA'I RIGS 'DRA PHYI MA RNAMS DPYAD SHES YIN GYI, TSAD MA MIN PAS, TSAD MA NI MA RTOGS PA'I DON CAN KHO NA YIN NO, ,DES NA DANG PO'I 'JUG BYED NYID TSAD MAR GO BAR BYA BA'I CHED DU 'JUG PAR BYED PA'I YANG DAG SHES PA NYID TSAD MA GNYIS KYI DBYE GZHIR SMOS PA YIN NO, ,'DIR MI SLU BA TSAD MA SPYI'I MTSAN NYID DU BZHAG PA DON SEMS THUN MONG BA'I DBANG DU BYAS SAM, DON SMRA BA 'BA' ZHIG GI DBANG DU BYAS ZHE NA, THUN MONG BA'I DBANG DU

, ,BYAS PA YIN LA, 'O NA DE LA, MNGON RJES GNYIS SU GRANGS NGES SGRUB TU MI RUNG BAR 'GYUR TE, RTOG BRAL MA 'KHRUL PA MNGON SUM GYI DON DU BZHAG PA MDO SDE PA KHO NA'I DBANG DU BYAS PA'I PHYIR CE NA, SKYON MED DE, TSAD MA LA MNGON RJES GNYIS SU NGES PA THUN MONG BA YIN KYANG MNGON SUM GYI DON LDOG SO SOR NGES PA 'GAL BA CUNG ZAD KYANG MED DE, RTOG PA DANG BRAL ZHING GSAR DU MI SLU BA'I SHES PA, MNGON SUM TSAD MA'I DON DU RNAL 'BYOR SPYOD PA PAS KHAS LEN PA'I PHYIR RO, ,DES NA YUL LA 'JUG PAR BYED PA TZAM YIN KYANG, DPYAD SHES KYIS BSDUS PA'I MNGON RJES KYI RIGS 'DRA PHYI MA RNAMS TSAD MA MA YIN GYI, GZHAN LA LTOS PA MED PAR DANG PO'I 'JUG BYED NYID TSAD MAR GO BA'I CHED DU 'JUG PAR BYED PA'I YANG DAG SHES PA NYID DBYE GZHIR BZHAG PA YIN GYI TSAD MA YIN NA DANG PO'I 'JUG BYED YIN PAS MA KHYAB PAR STON PA MIN NO, ,TSAD MA SPYI'I MTSAN NYID STON PA NA DON BYA BA LA BSLU BA MED PA ZHES DNGOS PO LA MI SLU BA 'BA' ZHIG TSAD MAR STON PA MI RIGS TE, DNGOS MED 'JAL BA'I TSAD MA YOD PA'I PHYIR, DE MI SRID NA, DAM BCAS PA RANG GI TSIG DANG 'GAL BAR 'GYUR RO ZHE NA, DNGOS MED 'JAL BA'I TSAD MA MI SRID CES, SMRA BA RANG GI TSIG DANG 'GAL BAR 'GYUR BA BDEN MOD KYI DE LA TSAD MA RNAM PAR NGES PA'I GTAN TSIGS LTAR SNANG 'CHAD PA'I SKABS KYI 'BREL PA 'DI DAG NI BLOS BKOD PA 'BA' ZHIG TU ZAD DO, ZHES RNAM 'GREL DU BSHAD ZIN TO, ,'BREL PA BLOS BYAS PA NI MED PA LA YANG GANG GAS LDOG ,DE DANG DE MA YIN PA'I BRDA CAN

RNAMS KYI ZHES SOGS KYI RTZA TSIG DANG, DE'I 'GREL PA SLOB DPON CHOS MCHOG GIS MDZAD PA GNYIS SU, DOGS PA BCAD DE KHA CIG NA RE, DNGOS MED LA CHOS DANG CHOS CAN 'THAD MOD, TSAD MA'I GZHAL BYAR JI LTAR 'THAD DE, DE LA DON BYED PA'I NUS PA MED LA TSAD MA RNAMS NI, GZHAL BYA LAS SKYE DGOS PA'I PHYIR RO ZHE NA, SNGON PO 'DI YOD DO ZHES PA DANG, SNGON PO MA YIN PA MED DO ZHES PA DANG, SNGON PO DANG SNGO MA YIN GNYIS KA YOD PA DANG, GNYIS KA MA YIN PA YOD PA MTHA' GCIG TU NGES PA THA SNYAD BYAR MI RUNG BAR THAL, DNGOS MED 'JAL BA'I TSAD MA MED PA'I PHYIR, BRDA BYED PA RNAMS KYIS 'DI YOD DO GZHAN MED DO ZHES PA'I THA SNYAD NGES PAR BYED DGOS LA, DNGOS MED LA GZHAL BYAR THA SNYAD DE DAG MI RUNG BA'I PHYIR RO, ,DNGOS PO'I YUL CAN KHO NA SNGAR TSAD MAR BSHAD PA MA YIN NAM, CI LTAR DNGOS MED GZHAL BYA YIN ZHE NA, DE KHO NA TSAD MA MA YIN TE, TSAD MA NI, NGES SHING KHONG DU CHUD PA'I DON THOB PAR BYED PA YIN LA, DNGOS POR YOD DAM MED KYANG RUNG, DES THAG BCAD PA LA, TSAD MA GANG GIS KYANG GNOD PA MED NA TSAD MAR 'GYUR LA, DE NI DNGOS MED 'JAL BA'I TSAD MA LA YANG YOD DO, ,'O NA DE LA 'JUG YUL THOB PA JI LTAR 'THAD SNYAM NA RANG GI SGRA LTA BU GNOD PA'I RANG BZHIN MED PAR NGES NA SGRA MED PA KHONG DU CHUD PA'I DON DE NYID THOB PA'I DON YIN NO, ,'O NA GTAN TSIGS THIGS PAR SGRUB RTAGS 'DZIN PA'I RTOG PA DON BYED NUS PA MI 'DZIN PAS TSAD MA MA YIN PAR BSHAD PA DANG, RNAM 'GREL DANG, RNAM PAR NGES PA'I LUGS GNYIS PAR DGAG RTAGS

, ,LA BRTEN PA'I RJES DPAG KYANG DON BYED NUS PA LA MI SLU BAR BSHAD PA JI LTAR YIN ZHE NA, SKYON MED DE, DNGOS PO DNGOS SU RTOGS PA'I TSAD MA MTHA' DAG GIS DNGOS MED SHUGS LA RTOGS PAR BYED LA, DNGOS MED DNGOS SU RTOGS PA'I TSAD MAS, DNGOS PO DNGOS SHUGS GANG LA YANG RTOGS PAR MI BYED KYANG, GZHI CHOS CAN 'JAL BA'I TSAD MA LTA BU RANG MTSAN LA MI SLU BA'I TSAD MA DANG MA 'BREL NA GZHI GANG LA YANG TSAD MAR MI 'GYUR BAR STON PA'I DON YIN NO, ,RANG MTSAN LA 'BREL PA MED NA SGRO BTAGS 'DZIN PA YANG TSAD MAR MI RUNG BA LA DGONGS NAS, DNGOS MED 'BA' ZHIG PA DANG, DNGOS MED 'BA' ZHIG PA DANG, DNGOS MED RANG RGYUD PA 'JAL BA'I TSAD MA MED PAR GSUNGS SO, ,YONGS SU DPYAD PA'I DON THOB PAR BYED PA KHO NA TSAD MA YIN NO ZHES SMRAS PA NA, DUNG SER 'DZIN SOGS TSAD MA YIN PA SPANGS PA YIN TE, DE NGES PAS GZHAN NGES NA HA CANG THAL BAR 'GYUR LA, YUL DANG DUS DANG, RANG BZHIN THA DAD PAS RDZAS THA DAD DU 'JOG MI NUS NA 'GA' YANG RDZAS THA DAD MED PAR THAL BAR 'GYUR RO, ,SNGON PO GZUNG BA NA GZUNG YANG 'KHRUL PAS MA NGES PA NI TSAD MA GZHAN GYIS NGES PAR BYED DE SKAD CIG MA BZHIN NO, ,KHA DOG GI RDUL PHRAN MANG PO RNAMS DBANG SHES GCIG LA SNANG BA NA, RING PO LA SOGS PA'I DBYIBS SNANG BA NI, KHA DOG DKAR PO'I YUL LA RNAM PAR GNAS PA'I DBYIBS NI, KHA DOG GI RDUL PHRAN SO SOR SNANG BA'I CHOS YIN GYI RANG DBANG DU GRUB PA'I DNGOS PO'I CHOS MA YIN PA'I PHYIR, DKAR PO MA GZUNG NA DE'I CHOS KYIS, KHA DOG GZHAN GYI CHOS KYI DBYIBS

MA GZUNG BAS BSLU BA YIN PA'I PHYIR DUNG SER 'DZIN TSAD MA MA YIN NO, ,DUNG THOB PA NI REG BYA 'DZIN PA LTA BU'I SHES PA GZHAN KHO NA LAS YIN NO, ,'JUG BYED KYI TSAD MAS BSTAN PA'I DON THOB 'DOD KYI BYA BA DANG LHAN CIG PA'I BLO 'JUG PA MIN LA DE YOD DAM MED KYANG RUNG, GZHAL BYA NGES PA TZAM GYIS MTHAR THUG PA'I PHYIR SNGO 'DZIN TSAD MA SNGON DU 'GRO BA'I 'JUG PA NI YUL GZHAN THOB PA'I RGYU MA YIN NO, ,DES NA BCAD DON THOB PAR BYED PA LA TSAD MA GNYIS KA BYE BRAG MED DO, ,DRUG PA NI, KHA CIG , GOM PA BGROD NAS THOB PA LTA BU LA, THOB PA'I DON DU BSAMS NAS TSAD MA LA 'JUG YUL THOB BYED YIN PAS KHYAB NA, CI ZHIG LTAR 'JUG YUL THOB PAR MI BYED PA DE TSAD MAR MI 'GYUR NA, DE YANG MI RIGS PAS, 'JUG YUL STON PA TZAM GYIS TSAD MA'I BYA BA RDZOGS PA YIN NO ZHE NA, BDEN TE, 'JUG YUL LAG TU THOB PA'I SHES PA PHYI MA NI 'JUG BYED KYI YANG DAG SHES PA'I 'BRAS BUR NGES PAR LDAN PA MA YIN TE, TSAD MA LA DE DANG LDAN PA'I NGO BO YIN PAS MA KHYAB PA'I PHYIR, DES NA 'JUG YUL THOB PA'I NUS PA YOD PA TZAM GYIS CHOG CING, DNGOS SU LAG PAS THOB PA'I 'JUG BYED MA YIN PA DE LA YANG DON THOB RUNG YOD PAS TSAD MA KHO NA YIN NO, ,NUS PA NGES PA DANG, DON BDEN PA NGES PA DANG, DON MED NA MI 'BYUNG BA'I 'BREL PA NGES PA NI, DON GCIG LA, DE DAG KYANG RJES DPAG DANG, DON BYED SNANG CAN DANG MNGON SUM GOMS PA CAN RNAMS NI, RANG KHO NA LAS NGES PAR 'GYUR RO, ,MNGON SUM GOMS PA CAN NI, DON MED NA MI 'BYUNG BA SNGAR YANG DANG YANG DU GOMS PA DANG, PHYIS

, ,MTHONG BA'I DON CHOS MTHUN PAR MTHONG BAS, RJES DPAG TU 'GYUR BA MA YIN TE, GZHAL BYA'I DON LKOG TU MA GYUR PA'I PHYIR, DPER NA NOR BU ZHES SO, ,DE BZHIN DU ME DANG 'BREL PA NGES ZIN MA BRJOD PA'I ME MA MTHONG BAR DU BA MTHONG TZAM GYIS ME'I 'BRAS BU RTOGS PA YANG MNGON SUM YIN GYI RJES DPAG MA YIN NO, ,GANG YANG RJES SU DPAG BYA LAS MA 'DAS SO ZHES PA NI DON THOB PA'I DUS KYI MNGON SUM DANG GOMS PA CAN LTA BU YUL NYAMS SU MYONG BA MA GTOGS PA TSAD MA DANG TSAD MA MA YIN PAR 'GRUB PAR THAL BA'I GNOD PA RGYANG PAN LA GSUNGS PA'I PHYIR, GOMS PA CAN DON MED NA MI 'BYUNG BAR RANG LAS NGES PAR BSTAN TO, ,RJES DPAG DON MED NA MI 'BYUNG BAR RANG LAS NGES PAS KHYAB PA BZHIN DU MNGON SUM NI DES KHYAB PA MA YIN TE, 'ON KYANG SNANG BA RANG STOBS KYIS NGES PAS KHYAB PA YIN NO, ,MDOR NA, TSAD MA MTHA' DAG RANG GI GZHAL BYA LA RANG STOBS KYIS NGES PA 'DREN PAS KHYAB LA, GZHAL BYA'I DON MED NA TSAD MA RANG NYID MI 'BYUNG BA LA THE TSOM DRANGS NAS DE SEL BYED TSAD MA GZHAN LA RAG LAS PA YANG YOD LA, RANG NYID KYIS SEL BAR BYED PA YANG YOD PA'I DON TO, ,SNANG BA RANG LAS NGES NAS, BDEN PA GZHAN LAS NGES PA NI, 'GA' ZHIG YOD PAR ZHES TE, KHA DOG DMAR PO NGES NAS, MA YIN PA'I CHA GZHAN LAS NGES PAR BYED PA'O, ,SPYIR RANG LAS NGES SHING KHYAD PAR GZHAN LAS NGES PA NI, YANG 'GA' ZHIG LO MA ZHES SOGS TE, DON LA SHA PA YIN PA YAL GA LO 'DAB DANG LDAN PA'I DNGOS PO GZUNG

NAS SHING TZAM DU NGES SHING, SHA PA YIN MIN THE TSOM ZA BA NA, SHA PA MED NA, MI 'BYUNG BA TSAD MA GZHAN LAS NGES PAR BYED LA, SHA PA LA 'JUG BYED KYANG SHING TZAM 'JAL BA'I TSAD MA DE NYID YANG DPE GZHAL BA'I SGO NAS 'JUG BYED MA YIN TE, THE TSOM DRANGS PA'I SGO NAS 'JUG PA'O, ,KHYAD PAR RANG LAS NGES SHING SPYIR GZHAN LAS NGES PA NI, CI LTAR THUN MONG DU GYUR PA'I ZHES SOGS TE, SHING GI DON BYED PA YANG KHYAD PAR GYI MTHAR THUG DGOS PA DE BZHIN DU SKAD CIG MA SNGO SER SOGS KUN LA RJES SU 'GRO BA'I THUN MONG BA YIN LA, SNGO 'DZIN MNGON SUM TSAD MAS SNGON PO GZUNG BA NA SKAD CIG MA GZUNG YANG 'DOD DON 'GRUB PA NI SNGON PO'I MTHAR THUG PAS DE LA TSAD MAR 'GYUR GYI, SKAD CIG MA GZUNG YANG NGES PA MA YIN ZHING DE'I MTHAR THUG PA MA YIN PAS DE LA TSAD MA MA YIN TE, SNGON PO KHO NAS 'JUG YUL GYI DON BYED PA RDZOGS PA'I PHYIR, DES NA SKAD CIG MA NI TSAD MA GZHAN LAS NGES PAR BYA BA YIN NO, ,SPYI DANG KHYAD PAR GNYIS KA RANG LAS NGES PA NI, KHYAD PAR GZUNG BA NA YANG ZHES SOGS TE, SHING DANG SHA PA GNYIS KA GZUNG ZHING SHA PA LA THE TSOM DANG BRAL BA SHING SHA PA 'JAL BA'I TSAD MA NI SPYI DANG KHYAD PAR GNYIS KA LA TSAD MA YIN LA, SKAD CIG MA NI, SNGO 'DZIN MNGON SUM GYIS GZUNG YANG MA NGES SHING, SNANG BA RANG LAS NGES PA YANG MA YIN PAS TSAD MA GZHAN KHO NAS SGRUB PAR BYED DO, ,DE BZHIN DU KHA DOG NGES PA NA DE DANG LHAN CIG RGYU BA'I REG BYA SOGS KYANG TSAD MA GZHAN GYIS NGES PA LA LTA BAR BYA'O, ,REG PA DE YANG DON BYED SNANG GI TSAD MA 'BA' ZHIG LA NGES

, ,PA MA YIN TE, MED NA MI 'BYUNG BA'I DON 'GA' ZHIG MTHONG BA LAS KYANG NGES PAR BYED DO, ,DES NA MNGON SUM TSAD MA'I RJES SU SKYES PA'I THE TSOM NI SNANG BA NGES PA'I 'OG TU YIN TE, DE MA NGES NA SHA PA'AM 'ON TE GZHAN YIN SNYAM PA MI RIGS PA'I PHYIR RO, ,DES NA THE TSOM GYIS MNGON SUM TSAD MA'I BYA BA 'GOG PA MA YIN TE, DE NYID KYI PHYIR GZHAL BYA'I DON BZHIN DU MNGON SUM GOMS PA CAN LTA BU RANG NYID LAS DON NYAMS SU MYONG BA DES PA'I DON MED NA RANG GI NGO BO MI 'BYUNG BA'I RANG GI NGO BO LA YANG GZHAN MNGON SUM DE NYID TSAD MA YIN NO, ,PHYIS 'BYUNG BA'I THE TSOM SEL BYED KHYAD PAR SHA PA 'JAL BA'I TSAD MA DES SHA PA MED NA SNGAR GYI SHING TZAM 'JAL BA'I TSAD MA MI 'BYUNG BA'I 'BREL PA 'DZIN PA YANG MA YIN TE, DES SHES PA SNGA MA DE MI 'DZIN PA'I PHYIR, TSAD MA PHYI MA DE RTAGS LA BRTEN PA'I TSAD MA MA YIN TE, DE SKYES PA TZAM GYIS MNGON 'GYUR GYI DON LA THE TSOM SEL BA'I PHYIR DANG, KHYAB PA DRAN PA YANG MED PA'I PHYIR, YUL NYAMS SU MYONG BA'I SHES PA'I GSAL BA GOMS PA CAN GYI MNGON SUM TSAD MA SHES PA PHYI MAS TSAD MAR RJES SU DPAG DGOS NA, RGYANG PAN LA GNOD PA BRJOD PA'I SKABS SU YUL NYAMS SU MYONG BA MA GTOGS PA CUNG ZAD KYANG TSAD MA'AM TSAD MA MA YIN PA MI 'GRUB PAR THAL BA'I GNOD PA GSUM MI RIGS PAR 'GYUR RO, ,DE'I PHYIR SNANG BA NGES PAS MNGON SUM TSAD MA'I BYA BA RDZOGS PA YIN LA, RTOG PA TSAD MA NI DE LTAR MA YIN TE, NGES PA'I DBANG GIS YUL 'JOG PA YIN NO, ,RTAGS LA MA BRTEN PA'I RTOG PA NI THABS GZHAN

DU DOGS PA MA LOG PAS THE TSOM ZA BA YIN LA, DON THOB BYED KYANG MA YIN TE, YOD MED GNYIS KA YIN PA LA DNGOS PO LA MI SRID PA'I PHYIR RO, ,RTOGS PA TSAD MA NI, DNGOS PO DANG DNGOS MED GANG GZHAL BYA'I DON MED NA MI 'BYUNG BA RANG STOBS KYIS NGES PA'I SGO NAS TSAD MAR 'GYUR LA, MNGON SUM TSAD MA'I BYA BA NI SNANG BA NGES PAR BYA BA LAS YIN PAS THE TSOM GYIS DE'I BYA BA MI 'GOG KYANG SGRO 'DOGS KYIS 'GOG PAS RNAM 'GREL LAS SHES SO, ,KHA CIG MNGON SUM GOMS PA CAN MA YIN PA'I TSAD MA NI TSAD MA MA YIN PA LAS 'JUG GO ZHES PA NI 'BREL MED YIN TE, TSAD MAR MA NGES PA LAS 'JUG CES BRJOD PAR BYA BA YIN NO, ,MED NA MI 'BYUNG BA TSAD MA GZHAN GYIS NGES PAR BYED PA DE LA 'JUG PA DANG TSAD MA GNYIS RTOGS PA PHAN TSUN BRTEN PA'I NYES PA MED DE, THE TSOM LAS KYANG 'JUG PA'I PHYIR RO, ,GANG YANG DBANG PO SKYON MED PA DANG, YUL THAG NYE BA LA MI SLU BA'I MNGON SUM NI TSAD MAR NGES PA LAS 'JUG PA YIN NO ZHES PA YANG MI RIGS TE, ZLA BA GNYIS SNANG GI DBANG SHES ZLA BA GNYIS LA 'KHRUL YANG NAM MKHA' DRI MA MED PA LA MI SLU BA'I PHYIR TE, GANG YANG RGYANG PAN PA LA RJES DPAG TSAD MAR BSGRUB PA DANG DON SEMS GNYIS LA KHYAD PAR MED PAR BRJOD PA'I DON DU 'DI DAG GI DON YONGS SU BCAD NAS ZHES BRJOD PA YIN NO, ZHES ZER BA MA 'BREL BA YIN TE ZHES GSUNGS PA NI, TSAD MA SPYI'I MTSAN NYID, DON SEMS GNYIS KYI THUN MONG MA YIN PAR STON PA MA YIN GYI, 'DIR GRANGS NGES BSGRUBS NAS SPYI'I MTSAN NYID STON PAR BYED PA YIN LA, DE'I RGYUN

, ,LA 'BYUNG BA'I YA GYAL MNGON SUM KYI MTSAN NYID THUN MONG BA YIN PA 'GOG PA YIN NO, ,BSAGS PA DAG NI TSOGS PA YIN ZHES PA'I SKABS SU LUNG 'GAL SPONG BA NA, MDO SDE PA'I LUGS KYI DBANG SHES KYIS PHYI ROL GYI DON 'DZIN PA NA TSOGS PA'I SPYI DANG BYE BRAG GANG YANG GZUNG DON DU MI BYED LA RDUL PHRAN SIL LE BAR SNANG BA YANG MA YIN ZHING, RAGS PA'I RNAM PA YANG MI SNANG LA, SNGA MA'I RGYU RKYEN LA BRTEN NAS DBANG SHES BSKYED NUS KYI RDUL PHRAN KHYAD PAR CAN DU GYUR PA NA, DE'I NANG GI RDUL PHRAN RE RE NAS KYANG BSAGS PA ZHES BYA BA'I SGRA 'JUG PAS, RNAM PAR SHES PA'I TSOGS LNGA BSAGS PA LA DMIGS ZHES BSHAD PA YIN GYI, SPYI'I SPYOD YUL CAN MA YIN NO, ,SLOB DPON DBYIG GNYEN GYI LUNG GI DON YANG ZLA MED KYI RDUL PHRAN GYIS DBANG SHES BSKYED MI NUS KYI, DU MA BSAG DGOS LA, GZUGS ZHES PA DANG, SNGON PO ZHES PA SKYE MCHED LA NGES PAR 'DREN DGOS PAS RDZAS KYI RANG MTSAN GYI YUL CAN MA YIN GYI, SKYE MCHED KYI RANG MTSAN GYI YUL CAN ZHES BSHAD PA YIN NO, ,DE DAG GI DON BSDUS NA PHYOGS SNGA MAS RNAM PAR SHES PA'I TSOGS LNGA BSAGS PA LA DMIGS PAR BSHAD PAS DE LA DMIGS NA TSOGS PA LA DMIGS PAS KHYAB LA, DE LTA NA, SPYI LA DMIGS PAS RNAM PAR RTOG PAR THAL BAR 'GYUR RO, ZHES PA'I RIM PA GSUM BYUNG BA'I SNGA MA LA KHYAB PA MED PAR STON PA YIN LA, DE YANG DBANG SHES BSKYED NUS KYI RDUL PHAN KHYAD PAR CAN DU GYUR PA'I RDUL PHRAN RE RE NAS DBANG SHES KYI DMIGS RKYEN BYED PA'I NUS PA DANG

LDAN PAS BSAGS PA ZHES BSHAD LA, DE DAG BSAGS PA CAN DU BYAS PA'I BSAGS PA ZHES BYA BA DE DAG MA YIN PA'I DE DAG LAS NGO BO GCIG DANG THA DAD GANG YANG DBANG SHES KYI GZUNG NGOR MI SNANG YANG DE DAG RE RE NAS KHA DOG GI RNAM PA GTOD PAS GZUNG DON DANG RANG 'DRA'I RNAM PA GTOD PA ZHES BYA'I, DE'I STENG GI CHOS THAMS CAD KYI RNAM PA MA GTAD PAS, RANG 'DRA'I RNAM PA MA GTAD NA HA CANG THAL BAR 'GYUR RO, ,DBANG BLO DE'I GZUNG NGOR SNANG BA'I RDUL RE RE BA RNAMS TSOGS PA'I SGRAS BRJOD PAR BYA BA YANG MA YIN LA, DE LAS NGO BO GCIG DANG THA DAD KYI TSOGS PA DANG TSOGS PA CAN GANG YANG DE'I GZUNG NGOR MI SNANG NGO, ,ZLA MED KYI RDUL PHRAN GYIS DBANG SHES LA RNAM PA GTOD PA'I NUS PA MED CING, DU MA BSAGS NAS RNAM PA GTOD DGOS PAS, MTSUNGS PA'I SPYOD YUL CAN YIN PA'I PHYIR, SKYE MCHED KYI RANG MTSAN GYI YUL CAN YIN GYI, RDZAS KYI RANG MTSAN GYI YUL CAN MA YIN PA ZHES BYA'O, ,GAL TE SNA TSOGS DE GCIG NA ZHES PA'I SBYOR BA LAM NGES PA SPANGS NAS, RNAM PA BDEN PA'AM RDZUN PA'I LUGS RNAM PAR BZHAG PA NI, RNAM NGES KYI LHAN CIG DMIGS NGES 'CHAD PA'I SKABS SU SLOB DPON CHOS MCHOG GIS RGYAS PAR BSHAD PA DE NYID BSHAD NA RTOGS SLA BAS DE'I DON BRJOD PA LA, 'GAL BA'I CHOS DU MA DANG LDAN PAS, GCIG YIN PA 'GOG PA DANG, DNGOS PO GCIG YIN PA 'GOG PA SOGS NI RIGS PA LTAR SNANG 'BA' ZHIG YIN TE, DE LTA YIN NA GCIG GI MTSAN GZHIR RUNG BA CUNG ZAD KYANG MI RNYED PAR 'GYUR RO, ,DES NA CHOS MCHOG CHEN PO'I LUGS 'DI BZHIN DU YIN TE, 'DI NI, PHYI ROL GYI DON KHEGS RJES SU, RNAM BDEN RDZUN RTZOD PA YIN PAS 'DI SKAD DU

, ,'DI DAG GCIG PAR MI SGRUB CES SOGS NI, SBYOR BA'I 'GOD TSUL LA RDZAS THA DAD BKAG PA TZAM BSGRUB KYI RDZAS GCIG MI SGRUB CES PA MA YIN TE, SBYOR BA'I 'GOD TSUL LA RNAM BDEN RDZUN MI MTHUN PA MED PA'I PHYIR RO, ,DES NA SNGON PO LA SOGS PA'I GZUNG RNAM RDZAS GCIG TU BDEN PAR MI SGRUB KYI, DU MAR BDEN PA BKAG PA TZAM YIN NO ZHES PA'I DON TO, ,RNAM BDEN PA NA RE, CI'I PHYIR DE LTAR SMRA, SNGON PO LTA BUS RDZAS GCIG TU BDEN PA 'THAD PA YIN TE, SHES PA LA GSAL BAR SNANG BA YANG MI BDEN NA RIG PA BDEN PAR TSAD MA GANG GIS RTOGS PAR BYED SHES PA LA, MI BDEN PA GSAL BAR BYED PA'I NUS PA YOD NA, BDEN PA YANG GSAL DGOS TE, BDEN PAS NYES PA CI YANG MA BYAS PA'I PHYIR CE NA, RNAM BRDZUN PAR SMRA BAS DE DGAG PA NI, SNGON PO CHOS CAN, RDZAS GCIG TU BDEN PA MA YIN TE, PHYOGS CHOS BYAS PA'I 'GAL BA'I CHOS DU MA DANG LDAN PA'I PHYIR, KHYAB PA MED NA, RAGS PA YAN LAG CAN GYI RDZAS GCIG TU BDEN PA CI'I PHYIR 'GOG STE KHYAD PAR MED PA'I PHYIR, YAN LAG CAN LA, KHA BSGYUR MA BSGYUR SOGS 'GAL BA DU MA 'DUS PA YIN LA, BLO LA DE LTAR MA YIN PAS KHYAD PAR YOD DO ZHE NA, BEM PO SHES PA'I RAGS PA GANG YIN KYANG RUNG, PHYOGS CHOS BYAS PA'I 'GAL BA DU MA DANG LDAN NA GCIG TU BDEN MI BDEN GYI KHYAD PAR CI YOD DE, BLO'I RDZAS YIN PAS, RAGS PA'I NYES PA NYAMS PA MA YIN NO, , DE KHO NA MA YIN GYI PHYOGS CHA THA DAD PA'I 'GAL BA 'DUS NA GCIG TU MI BDEN PA MANG DU BSHAD ZIN TO, ,'GAL BA DE LTAR 'DUS KYANG, GCIG TU BDEN NA, YAN LAG CAN YANG DE LTAR 'GYUR LA, DE DU MAR KHAS LEN DGOS NA KHYAD MED PAS SHES PA'I

RAGS PA YANG DU MAR BDEN PAR KHAS BLANG DGOS SO, ,GZHAN YANG RGYUN, ZHES SOGS GO BAR ZAD LA, SNGON PO THA DAD MED PA GCIG TU BDEN PA SPANG BAR RIGS PA YIN NO, ,DU MAR BDEN PA DGAG PA NI, GAL TE SNGON PO DU MAR BDEN NO ZHE NA, DRUG GI CIG CAR SBYAR BA ZHES PA'I GNOD PA PHYI ROL GYI RDUL PHRAN LA BKOD PA BZHIN DU SHES PA'I RDUL PHRAN LA YANG THAL BAR 'GYUR RO, ,PHYI ROL GYI RDUL PHRAN LA SKYON DE YOD KYI, SHES PA LA MED DO ZHE NA, PHYI ROL ZHES BYA BA, RVA ZED DE BA MED KYI, GO SA GNON PA'I TSAD CHUNG DU MANG PO PHAN TSUN GYI GO SA SPANGS NAS SKYES PAS YUL RGYAS PAR KHEGS PA DANG LDAN PA LA BRJOD LA, DE NI RNAM PAR SHES PA'I RDZAS SNGO SER SOGS LA YANG BDEN PAR GRUB PAR KHAS BLANGS PAS SKYON BYE BRAG MED PAR 'JUG PA'I PHYIR, SNGO SER SOGS BDEN PAR GRUB PA KHAGS SHING, KUN RDZOB TU YOD PAR MTSUNGS PAR THAL BAS DU MAR BDEN PA MI RIGS SO, ,GZHAN YANG RNAM PAR SHES PA'I RDUL PHRAN NYAMS SU MYONG BAR 'DOD PA RNAMS LA, RAGS PA'I RNAM PA GSAL BAR MYONG BA LDOG MI NUS LA, SHES PA'I RDUL PHRAN GCIG LA RAGS PA MED CING, RDUL PHRAN MANG PO LA YANG MED PAS SHES PA'I RAGS SNANG BDEN PAR MED DO, ,PHYI ROL GYI RDUL PHRAN SO SOR SNANG BA'I STENG GI CHOS RAGS PA YIN PA BZHIN DU SHES PA'I RDUL PHRAN RNAMS KYI CHOS RAGS PAR SNANG BAR 'GYUR BA YANG MA YIN TE, RAGS PAR SNANG BA MA YIN PA'I SHES PA'I RDUL PHRAN DBANG SHES GANG GIS KYANG MA GZUNG BA'I PHYIR, RAGS PA GSAL BAR SNANG BA NYAMS SU MYONG BAR MI 'GYUR BA ZHIG NA MYONG BA YANG YIN PA DE'I PHYIR, BDEN PAR YOD PA MA YIN PA'I RAGS

, ,PA'I RNAM PA SHES PA BDAG NYID LA STON PAR BYED PA MTHONG BAS SHES PA LA SNGON PO LA SOGS PA'I BDEN MED GSAL BAR BYED PA'I NUS PA YOD PAR GRUB BO, ,SNGON PO LA SOGS PA RAGS PA'I RNAM PA BDEN PAR MED PA, RIGS PAS LEGS PAR GRUB PAS, SHES PA'I RDUL PHRAN GZHAN CI ZHIG LUS SHING, DE BRTAGS PAS KYANG DGOS PA CI ZHIG YOD, GANG GI PHYIR NA RNAM BDEN PA KHYED KYIS SNGO SOGS RAGS PA'I RNAM PA 'DI, DE KHO NA NYID DU GRUB PAR BYA BA'I PHYIR DANG, SNGO SOGS SNANG BA'I DBANG SHES LA BDEN MED GSAL BAR BYED PA'I NUS PA DANG MI LDAN PAR BYA BA'I PHYIR, SNGO SOGS GZUNG BA'I RNAM PA BDEN PAR BRTAGS SHING KHAS BLANGS PA YIN NO, ,DE MI BDEN PA DANG RNAM SHES BDEN MED GSAL BAR BYED PA'I NUS PA DANG LDAN PAR GRUB NA SHES PA'I RDUL PHRAN RTOGS PA DON MED DO, ,DES NA, RNAM PA BDEN RDZUN GYI KHYAD PAR THUN MONG MA YIN PA NI 'DI YIN TE, DE LA 'GYUR MED YONGS GRUB 'JAL BA'I 'PHAGS PA'I MNYAM GZHAG MA RIG PAS MA BSLAD PA NI, SEMS TZAM PA GNYIS KAR 'DOD LA, SO SO SKYE BO'I RGYUD LA YANG RANG RIG MNGON SUM GYI NGOR GNYIS SNANG NUB PAS DE MA RIG PAS MA BSLAD PA YANG GNYIS KA MTHUN LA DBANG SHES LA PHYI ROL GYI DON SNANG BA'I CHA MA RIG PAS BSLAD CING 'KHRUL YANG GZUGS SGRA SOGS GSAL BAR SNANG BA LA MA RIG PAS BSLAD PA CUNG ZAD KYANG MED CING GZUGS SGRA SOGS MA RIG PAS MA BSLAD PA'I SHES PA'I GZUNG YUL NYID YIN PAS BDEN PAR GRUB PAR 'DOD DO, ,RNAM RDZUN PA NI, GZUGS SGRA SOGS SNANG BA LA LTOS NAS KYANG MA RIG

PAS BSLAD PA YIN PAS GZUNG BA'I RNAM PAS BSDUS PA SNGO SER SOGS SO SO SKYE BO'I MI RIG PAS MA BSLAD PA'I SHES PA'I GZUNG YUL DU 'GYUR BA MI SRID PAR BZHED PAS MA RIG PAS MA BSLAD PA'I SNANG YUL NYID RNAM BDEN RDZUN RTZOD PA'I BDEN TSAD YIN GYI RNAM RDZUN PAS SNGO SER SOGS DNGOS POR KHAS MI LEN CES ZER BA NI DE DAG GI LUGS LEGS PAR MA RTOGS SHING LUNG DANG RIGS PA DU MA LAS PHYI ROL TU GYUR PA YIN NO, ,DES NA SNGON PO CHOS CAN, GCIG TU BDEN PAR MED DE, PHYOGS KYI CHA'I 'GAL BA DU MA DANG LDAN PA'I PHYIR, CES PA'O, ,RAGS SNANG 'DI, RTOG PAS MA 'KHRUL BAR YANG MI RIGS TE, GSAL BAR SNANG BA'I PHYIR, KHYAB STE RTOG PA LA YUL GSAL BAR MI SNANG BA'I PHYIR, SMIG RGYU DAG LA, CHUR RTOGS DUS NA GSAL SNANG YOD PA BZHIN NO ZHES KYANG BRJOD MI NUS TE, DE LA CHUR RTOGS DUS NA DBANG SHES LA SMIG RGYU GSAL BAR SNANG BA'I 'KHRUL RGYU YOD PA BZHIN DU, 'DIR RTOG PA MED PA'I DUS NA RAGS PA GSAL BAR SNANG BAS RAGS PA'I SNANG BA RTOG PA'I SNANG BAR 'GYUR BA 'GA' YANG YOD PA MA YIN NO, ,GZHAN YANG RTOG PA RANG GI NGO BOS MYONG BA NA GSAL SNANG YOD KYANG RAGS SNANG MED DO, ,RTOG PA RANG GI BDAG NYID DON MED PA LA DON DU ZHEN NAS 'JUG PAS DON GSAL BAR SNANG DO ZHE NA, SNGO SOGS, DON BDEN PAR MED PA GSAL BA 'DI NGES PAR BRTAGS NA BDEN MED GSAL BAR GNAS PA YIN TE, DON BDEN PAR MED PA GSAL BA NA, BDAG NYID GSAL BA'AM, GZHAN GSAL BAR BYED PA GANG RUNG DU 'GYUR TE, RNAM PA GZHAN MI SRID PA'I PHYIR, RAGS PA RANG GI BDAG NYID DON DAM

, ,PAR GSAL BA MA YIN TE, RNAM SHES KHO NA DON DAM PAR GSAL BA'I PHYIR DANG, DON MED PA NI DNGOS PO MA YIN PA'I PHYIR, RANG NYID GSAL BA'I NGO BOR, BDEN PAR MA GRUB PA GZHAN GYIS RAGS PA GSAL BAR BYED PA NA YANG, SHES PA DE NYID MI BDEN PA GSAL BYED DU SKYES PAR GRUB PO, ,MA RIG PA'I DBANG GIS GSAL BA YIN NO SNYAM NA, MA RIG PA DE DNGOS MED YIN NA, DNGOS MED KYIS DNGOS MED GSAL BAR BYED PA MI 'THAD LA, DNGOS PO YIN ZHING, RNAM PAR SHES PA YIN NA, DE LAS KYANG DNGOS MED JI LTAR GSAL TE, DNGOS PO DANG DNGOS MED LA 'BREL PA MED PA'I PHYIR, DE'I PHYIR, MA RIG PAS BSLAD PA'I DBANG SHES MI BDEN PA'I RANG BZHIN GSAL BAR BYED PA'I PHYIR, SNGO SER SOGS MA RIG PA'I DBANG GIS GSAL BA YIN NO ZHES BRJOD PA LA SKYON MED DO, ,DE'I PHYIR PHYI ROL GYI DON LTA BU BDEN MED 'DZIN PA'I SHES PA RTOG MED THAMS CAD MI BDEN PAR GSAL BAR BYED PA MA RIG PAS BSLANG PAR BLTA BAR BYA'O, ,GNAS SKABS THAMS CAD DU GSAL BAR SNANG BA'I SNANG LDOG GANG YIN PA DE THAMS CAD BDEN PAR YOD NA, TSANGS PAS KYANG SHES PA 'GA' ZHIG YOD KYANG 'KHRUL BAR BZHAG MI NUS SO, ,BDEN MED GSAL BA YOD NA, SHES PA LA MI BDEN PA GSAL BA'I NUS PA BRGYA BYIN GYIS KYANG BSNYON MI NUS SO, ,DES NA SNGO SER SOGS SNANG BA'I DBANG SHES MI BDEN PA GSAL BA'I NUS PA LAS MA 'DAS SO, ,DE YANG MA RIG PA'I DBANG GIS GSAL BAR BYED KYI, BDEN PA NI MA YIN TE, DE DANG MA RIG PA LA 'BREL PA MED PA'I PHYIR RO, ,SNGO 'DZIN

GYIS GZHAL BA'I SNGON PO NI SPANG BAR NUS PA MA YIN LA, GNOD BYED MTHONG BA'I ZLA GNYIS LTA BU BSLU BAS SPANG BAR BYA'O, ,DES NA, SNGO SER SOGS GCIG TU BDEN PAR GRUB PA MA YIN NO ZHES BYA BAR GNAS LA, 'KHRUL SHES DPER BRJOD PA'I DGOS PA YANG DE NYID DO, ,GZHAN DU NA, SNGON PO DANG SNGON PO'I RANG BZHIN DAG ,LHAN CIG DMIGS PA NGES PAS, RDZAS THA DAD YOD PA MA YIN GYI RDZAS GCIG PA BZHIN DU, SNGON PO DANG DE'I BLO DAG KYANG ZHES BRJOD PAR 'GYUR RO, ,'KHRUL SHES LA SNANG BA'I ZLA BA GNYIS PHAN TSUN DANG, DE DANG DER SNANG BA'I DBANG SHES GNYIS RDZAS THA DAD YOD PA MA YIN PA'I DPE DE BZHIN DU BLTA BAR BYA'O, ,GTAN TSIGS KYI DON NI, SNGON PO DMIGS NA SNGO 'DZIN DMIGS PA DANG, SNGO 'DZIN DMIGS NA, SNGON PO DMIGS PA'I DON MA YIN TE, SNGO 'DZIN GYIS SNGON PO DMIGS KYANG DE DMIGS PA'I RANG RIG GIS, SNGON PO MA DMIGS PA'I PHYIR RO, ,DES NA SNGON PO DMIGS NA, SNGO 'DZIN DMIGS PA'I BDAG NYID DANG, DE BZHIN DU CIG SHOS LA YANG SBYAR TE, YUL GZHAN GNYIS GRUB SDE RDZAS GCIG PAS, YUL GNYIS PO DON GZHAN 'GOG PA YIN PAR SHES PAR BYA'O, ,SNGA MA KHA CIG SEMS TZAM 'GOG PA NA, DRUG GI GCIG SBYAR BA'I RIGS PAS PHYI ROL BDEN PA 'GOG NUS KYI PHYI ROL TZAM 'GOG MI NUS TE, DE LTA NA DUS CHA LA BRTAGS PA'I 'GAL BA'I CHOS DU MA 'DUS PAS SHES PA TZAM YANG 'GOG NUS PAR 'GYUR RO, ZHES ZER BA NI RNAM PA THAMS CAD DU MI MTSUNGS TE, DBANG SHES LA, YUL RAGS PA DANG BCAS PA SNANG BAS KHYAB LA, SHES PA

, ,MYONG BA'I RANG RIG LA GNYIS SNANG NUB PAS SHES PA CHA BCAS SU SNANG BA MI SRID PA'I PHYIR RO, ,GAR LA SOGS PA LA SKYES BU DU MAS THUN MONG DU LTA BA LA, LHAS BYIN GYI MIG SHES KYIS DMIGS TSOD KYI SHES BYA GAR DMIGS PAR MI 'GYUR BA'I LHA SBYIN MIG SHES DMIGS PA'I BDAG NYID 'GA' YANG MED PAS, DES MA NGES PA MED DO, ,LHAS BYIN GYIS SNGO 'DZIN DANG DE YIS DMIGS TSOD KYI SNGON PO GNYIS LHAN CIG DMIGS NGES SU GRUB PA NYID KYIS SNGON PO DANG, SNGOR SNANG SHES PA LHAN CIG DMIGS NGES SU GRUB PA LA GNOD PA CUNG ZAD KYANG MED DE, GZHAN DU NA, RGOL PHYIR RGOL RTZOD PA'I TSE, CHOS CAN MTHUN SNANG DU GRUB PA MED PAR THAL BAR 'GYUR RO, ,GDUL BYA'I RGYUD KYI SEMS DANG BCOM LDAN 'DAS KYIS THUGS KYIS MA NGES PA YANG MED DE, DE LA LHAN CIG DMIGS NGES YIN PA'I PHYIR TE GZHAN RGYUD KYI SEMS DMIGS BYED DES CIG SHOS DMIGS PA'I NGES PA MED PA'I PHYIR, SEMS DANG SEMS BYUNG GIS KYANG KHYAB PA 'KHRUL BAR MI 'GYUR TE, DMIGS BYED GNYIS SO SOR BDAG NYID THA DAD PA'I PHYIR, ,DE BZHIN GSHEGS PA'I THUGS DMIGS PA'I 'DZIN RNAM DES SHES BYA MTHA' DAG DMIGS PA MA YIN GYI, 'ON KYANG GZHAN YANG YOD PA MA YIN NO, ,LHAN CIG TU DMIGS RGYU GNYIS DMIGS BYED KYIS SAM DMIGS BYED GNYIS LDOG PA GCIG CES BYA BA KHAS MA BLANGS PA'I PHYIR, KHYOD LA BRJOD PA'I SKYON MI SRID DO, ,KHYAB PA BSGRUB PA NI, RANG BZHIN THA DAD PA STE ZHES SOGS TE RDZAS THA DANG DUS MI MNYAM PA LA LHAN CIG TU DMIGS PA MED LA, DUS

MNYAM PA LHAN CIG DMIGS NGES MED DE, 'BREL PA GNYIS GANG YANG MED PA'I PHYIR, YUL YUL CAN GYI MTSAN NYID BDEN PAR GRUB PA RNAM BDEN PA'I PHYOGS BKAG ZIN LA, RNAM RDZUN PA'I PHYOGS LA YANG YUL LA NYE RING GI KHYAD PAR MED PA'I SHES PA MYONG TZAM YUL GYI KHYAD PAR DANG LDAN PAR BSTAN MI NUS SO, ,GZHAN RNAMS NI GO BAR ZAD LA SNANG GZUGS SNGA PHYI RGYU 'BRAS SU BSGRUBS NAS DUS MNYAM PA'I YUL SNANG BAR MA CHAD PA LHAN CIG DMIGS NGES SU BZHED PA YIN GYI, RGYU 'BRAS DANG GZHI MTHUN SGRUB PAR NI DGONGS PAR RNAM PA THAMS CAD DU MI RUNG NGO, ,SNGON PO LA SOGS PA DE 'DZIN PA'I DBANG SHES LAS RDZAS GZHAN DU MED NA, DMIGS RKYEN JI LTAR 'THAD DE, MDO LAS, SEMS SEMS BYUNG RNAMS RKYEN BZHI LAS SKYE BAR GSUNGS PA'I LUNG DANG RIGS PA DU MA DANG 'GAL BAR 'GYUR RO ZHE NA, DE LA SPYIR SEMS TZAM PAS DBANG SHES KYI DMIGS RKYEN KHAS LEN PA'I RGYU MTSAN NI SNGAR BSHAD PA'I LUNG GI DON DANG MI 'GAL BA DANG 'JIG RTEN GYI GRAGS PAS MI GNOD PA DANG, RIGS PAS KYANG 'THAD PAS YIN NO, ,DE YANG PHYOGS GLANG GIS, NANG GI SHES BYA'I NGO BO NI, ,PHYI ROL LTAR SNANG GANG YIN TE, ,DON YIN RNAM SHES NGO BO'I PHYIR, ,DE RKYEN NYID KYANG YIN PHYIR RO, ZHES PA DANG, CIG CHA'ANG MI 'KHRUL PHYIR NA RKYEN, ZHES PA DANG YANG NA NUS PA 'JOG PA'I PHYIR RIM GYIS YIN, ZHES SOGS KYI DON LHA SH'AKA DANG, SLOB DPON CHOS MCHOG DANG, SLOB DPON KA MA LA SH'I LA LA SOGS PA RNAMS KYIS RGYAS PAR BSHAD LA, KHYAD PAR DU TSAD MA'I DE KHO NA NYID BSDUS PA'I 'GREL PAR SLOB

, ,DPON KA MA LA SH'I LAS, BSHAD PA'I DON BSDUS NA, SNANG TSUL LA PHYI ROL LTAR SNANG ZHING GZUNG BYAR GNAS PA'I SNGON PO LA SOGS PA GANG SHES PA'I RDZAS KYIS BSDUS PA'I SNGON PO LTA BU DON DE SNGOR SNANG SHES PA'I YUL YIN LA, DE DMIGS RKYEN YANG YIN PA'I PHYIR RO, ,DE YANG CIG CHA STE SHES PA RANG DANG LHAN CIG TU 'BYUNG BA CAN GYI SNGON PO LA RJES SU 'GRO LDOG MI 'KHRUL BAS DE LA DMIGS PA RGYU MTSAN DU BYAS NAS SNGOR SNANG SHES PA SKYE BAS 'JIG RTEN NA RKYEN DU GRAGS PAS 'JIG RTEN GYI GRAGS PAS GNOD PA'I SKYON YANG MED DO, ,YANG NA SHES PA SNGA MAS NUS PA BZHAG PA'I SGO NAS SHES PA PHYI MA SKYE BAS RKYEN DANG RKYEN CAN GNYIS RIM GYIS 'BYUNG BA YIN TE, DE YANG SGO BYED SHES PA SNGA MAS BZHAG PA'I SNGOR SNANG DBANG SHES KYI DE MA THAG RKYEN GYI STENG NA, SNGOR SNANG SHES PA DE GZUNG BYA SNGON PO'I RNAM LDAN DU SKYED PA'I LAG RJES 'JOG PA'I NUS PA YOD LA, NUS PA DE NYID DBANG SHES DE'I DMIGS RKYEN YIN TE, PHYI ROL GYI DON KHAS LEN PA RNAMS KYIS SHES PA YUL GYI RNAM LDAN DU SKYED BYED DU 'JOG PA BZHIN NO, ,SNGOR SNANG DBANG SHES RGYUN LDAN DU 'JUG PA'I SKAD CIG GNYIS PA DE'I DMIGS RKYEN SKAD CIG DANG PO DANG LHAN CIG PA'I SNGON PO DE NYID YIN NO ZHES BRJOD DU MI RUNG STE, BAG CHAGS NYID LAS YUL GYI RNAM LDAN DU BSKYED PAR GSUNGS KYI, YUL GYI RNAM PA DE PHYI'I MA NANG GANG LAS YIN ZHES DPYAD PA NA SNGON PO SNGA MA LAS SKYE BAR MA GSUNGS PA'I PHYIR RO, ,RNAM RDZUN PA RNAMS KYIS DON DAM PAR DMIGS RKYEN CUNG ZAD KYANG MI 'DOD LA, THA SNYAD

PA'I TSAD MAS GRUB PA'I DMIGS RKYEN MTSAN NYID PA NI BSHAD MA THAG PA NYID YIN LA, CIG CHA'ANG MI 'KHRUL PHYIR NA RKYEN, ZHES PAS BSTAN PA'I DON NI, DMIGS PA MTSAN NYID PA YIN YANG RKYEN BRTAGS PA BA YIN PAS BSKYED BYA SKYED BYED DU THA SNYAD PA'I TSAD MAS KYANG MA GRUB STE, RGYU 'BRAS RDZAS GCIG PA GRANG CAN GYI LUGS YIN GYI, SEMS TZAM PA DANG, MDO SDE PA SOGS MKHAS PA SU'I YANG LUGS MA YIN PA'I PHYIR RO, ,PHYI ROL GYI DON MED NA SA BON MYU GU'I SKYED BYED DANG, DU BA ME'I GO BYED YIN PA SOGS RNAM PA THAMS CAD DU MI RUNG STE, KHYED LTAR NA DU BAR SNANG BA DANG MER SNANG BA'I BLO SKYE BA TZAM DU ZAD LA, DE LTA NA LKOG GYUR DPOG PA'I TSE NGUR SNANG GI BLO SNGAR 'BYUNG ZHING MER SNANG GI BLO PHYIS 'BYUNG BAS, SNGA MA 'BRAS BU DANG PHYI MA DE'I RGYUR MI RUNG BAS 'BRAS BU LAS RGYU MI RTOGS PAR 'GYUR RO, ,DUR SNANG GI BLO RGYU DANG, MER SNANG GI BLO 'BRAS BUR KHAS LEN NA, DU BAS KYANG RGYU LAS 'BRAS BU DPOG PA KHYAB PA MA NGES PAS 'BRAS RTAGS LA BRTEN PA'I RJES DPAG MED PAR 'GYUR RO ZHE NA, PHYI ROL DON KHAS MI LEN PA'I LUGS DE LA'ANG 'BRAS RTAGS MI RUNG BAR THAL BA'I SKYON CUNG ZAD KYANG MED DE, DU BA GSAL BAR SNANG BA'I SEMS KYI STENG GI BAG CHAGS DUR SNANG GI NYER LEN DANG, MI GSAL BAR SNANG BA'I BLO'I LHAN CIG BYED PA'I RKYEN LA, MER GSAL BAR SNANG BA 'BYUNG RUNG GI BAG CHAGS DE NYID DU BAR SNANG BA'I BLO'I RGYU YIN PAS, NGU BAR SNANG BA'I BLOS RANG 'DRA'I BAG CHAGS SNGA MA'I STENG GI MER GSAL BAR SNANG BA'I BLO BSKYED PA'I NUS PA DPAGS PA'I STOBS KYIS MER GSAL BAR SNANG

, ,BA CAN GYI BLO RTOG PAR 'GYUR BA YIN NO, ,MER SNANG GI BLO DA LTAR BA DPOG PA MA YIN TE, RGOL PHYIR RGOL GANG ZAG GZHAN LA LTOS NAS KYANG DPYAD NA MI RIGS SO, ,'GREL PAR, MA 'ONGS PA DPOG PAR BSHAD PA YANG SLOB DPON SH'AKYA BLOS GEGS MED NA MER SNANG GI BLO MA 'ONGS PA YOD DE ZHES DPAG DGOS KYI, MA 'ONGS PA TZAM MA YIN TE, SLOB DPON RGYAL DBANG BLO DANG, SH'AKYA BLOS RO GZUGS DANG 'DRA BAR BSHAD PAS, RO GZUGS DPOG PA'I SKABS NYID DU SLOB DPON GYIS 'DAS PA DANG DUS GCIG PA RTOGS KYI MA 'ONGS PA NI MA YIN TE, 'KHRUL BA'I PHYIR RO ZHES GSUNGS SO, ,RGYUD GZHAN GRUB PA'I SKABS SU YANG PHA ROL GYI LUS NGAG GI RNAM RIG DAG LAS RANG KUN NAS SLONG BAR BYED PA'I SEMS DPAG PAR RIGS PA MA YIN NAM, RGYUD GZHAN DRAN PA PO DANG 'BREL BA'I RNAM PAR RIG BYED DANG 'BREL BA'I NGES PA DAG NI GZHAN SMRA BA PO'I RNAM RIG TU MI 'OS TE, DE'I KUN SLONG GIS SEMS DANG NYER LEN DANG NYER LEN CAN MA YIN PA'I PHYIR RO ZHE NA, RTAGS SU BKOD PA'I DON DE BZHIN GYI SEMS KYIS KUN NAS BSLANG BA'I RNAM RIG YIN PAS, DER SNANG GI SHES PA KUN NAS SLONG BA'I SEMS RTOGS PAR BYED DO ZHES MI SMRA'O, ,'O NA CI ZHE NA, PHA ROL PO'I KUN SLONG GI SEMS DE DE'I RGYUD KYIS BSDUS PA'I RNAM RIG LA SNANG BA'I SHES PA'I NYER LEN GYI RGYU DANG, NYAN PA PO'I RGYUD KYIS BSDUS PA'I BDAG PO'I RKYEN YIN NO, ,DE LTAR 'BREL PA GRUB PA DES NA, PHA ROL PO'I RNAM RIG TU NYE BAR BTAGS PA TZAM YIN GYI DE 'BA' ZHIG TU ZAD PA NI MA YIN NO, ,RNAM RIG SNANG BA 'CHAD PA PO'I MYONG BA

DE NYAN PA POS MA MYONG, NYAN PA POS MYONG BA DE CIG SHOS KYIS MA MYONG MOD KYI, RAB RIB GNYIS KYIS ZLA BA GNYIS MTHONG BA'I DON DE GCIG TU ZHEN PA BZHIN DU BAG CHAGS MTHUG SAR SAD PA DANG, PHA ROL PO'I KUN SLONG GI RGYU GCIG LAS SKYES PAR MTSUNGS PAS PHA ROL PO'I RNAM RIG TU NYE BAR 'DOGS SO, ,RTAGS SU 'GOD PA'I TSE LUS NGAG GI RNAM RIG TU SNANG BA'I SHES PA TZAM 'GOD KYI, GANG ZAG GNYIS POS KHYAD PAR DU BYAS PA MI 'GOD, 'DI NI RJE THAMS CAD MKHYEN PA TZONG KHA PA NYID KYIS GSUNGS PA DAR MA RIN CHEN GYIS BRJED BYANG DU BKOD PA'I ZIN BRIS CHEN MOR GRAGS PA'O, ,'DIS KYANG SANGS RGYAS KYI BSTAN PA RIN PO CHE SGO THAMS CAD NAS PHYOGS THAMS CAD DU DAR ZHING RGYAS LA YUN RING DU GNAS PAR GYUR CIG, ,, ` AOm SVASTI, PHAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCHOG 'BRAS BZANG LA, ,SPYOD PHYIR BKRA SHIS LHUN GRUB CHOS GRVA CHER, ,CHOS SBYIN 'DZAD MED DAL 'GRO'I RGYUN 'DI SPEL,, ,,SARBA MANGGA LAm,, ,,