—

, ,RIGS PA DRUG CU PA'I ZIN BRIS RJE'I GSUNG BZHIN RGYAL TSAB CHOS RJES BKOD PA BZHUGS SO,,

, ,RJE BTZUN DAM PA RNAMS LA PHYAG 'TSAL LO, ,RIGS PA DRUG CU PA'I TSIG LE'UR BYAS PA LA GSUM, BSTAN BCOS RTZOM PA'I SNGON 'GRO MCHOD BRJOD, BRTZAM PAR DAM BCA' BA GZHUNG DNGOS, BRTZAMS PA'I DGE BA BYANG CHUB TU BSNGO BA'O, ,DANG PO NI, GANG GIS SOGS RKANG PA BZHI LA, MGON PO KLU SGRUB CHOS CAN, BSTAN BCOS RTZOM PA'I THOG MAR STON PA LA BSTOD PHYAG MDZAD PA LA RGYU MTSAN YOD DE, THUB PA SANGS RGYAS BCOM LDAN 'DAS DES RANG BZHIN GYIS SKYE BA DANG 'GAG PA SPONG BA'I RTEN CING 'BREL 'BYUNG RANG DBANG DU GSUNGS PA'I RGYU MTSAN GYIS DE LA BSTOD PA YIN PA'I PHYIR, SANGS RGYAS BCOM LDAN 'DAS CHOS CAN, THUB DBANG ZHES 'JOG PA'I RGYU MTSAN YOD DE, RTEN 'BREL RANG BZHIN GYIS SKYE 'GAG BYED PA RGYU 'BRAS PHAN

, ,TSUN LTOS PA'I TSUL 'DIS SPONG BA'I TSUL RANG DBANG DU GSUNGS PA'I PHYIR RO, ,YANG CHOS CAN DANG GSAL BA SNGA MA LA, RTEN 'BREL RANG BZHIN GYIS SKYE 'GAG BYED PA DE RTEN 'BREL GYI TSUL 'DIS SPONG TSUL RANG DBANG DU GSUNGS PA'I PHYIR DANG, RTEN 'BREL RANG BZHIN GYIS SKYE 'GAG BYED PA DE CHAD NAS 'CHAD PA'I RTEN 'BREL STON PA'I RIM PA'I TSUL 'DIS SPONG TSUL RANG DBANG DU GSUNGS PA'I PHYIR DANG, YANG DE 'OG NAS 'CHAD PA'I RIG PA'I TSUL GYIS SPONG TSUL RANG DBANG DU GSUNGS PA'I PHYIR, GNYIS PA LA MDOR BSTAN, RGYAS PAR BSHAD PA, DON BSDU BA'O, ,DANG PO LA GSUM, MTHA' BRAL DU BSTAN PA, DE RTOGS YE SHES, SRID PA LAS GROL BA'I LAM DU BSTAN PA, DE GOMS PAS 'BRAS BU THOB TSUL LO, ,DANG PO LA, RTEN 'BREL ZAB MO GANG GIS RTOGS PA DANG, ZAB MO MNYAN PAR GDAMS PA DANG, YOD MTHA' 'GOG PA'I RIGS PA BSTAN PA'O, ,DANG PO NI, GANG ZAG SOGS RKANG PA BZHI LA, KHO NA RE, BU MA SKYES PA DE BU SKYES PA'I SGRA DON DU MI 'THAD PA LTAR, RANG BZHIN GYIS

MA SKYES PA DE RTEN 'BREL GYI SGRA DON DU 'GAL LO ZHE NA, DE KHO NA NYID MA RTOGS PA'I BYIS PA LA LTOS TE 'GAL BAR RTOG NA NI 'GAL DU CHUG ,KHO BO CAG LA MI GNOD DE, DE KHO NA NYID GZIGS PA'I BLO LA LTOS NA NI MI RIGS TE, DE KHO NA NYID GZIGS PA'I SH'A RI'I BU LA SOGS PA'I GANG ZAG GI MNYAM GZHAG DE DAG CHOS CAN, KHYOD KYI NGOR RANG BZHIN MED PA DANG RTEN 'BREL MI 'GAL BAR THAL, KHYOD DE NYID MA RTOGS PA'I PHYI MA'I YUL MA YIN PA DANG, MTHAR 'DZIN GYI BLOS DMIGS PA MED PA'I RKYEN RTEN 'BREL RANG BZHIN GYIS STONG PAR MNGON SUM GYIS RTOGS PA YIN PA'I PHYIR, DER THAL, YOD PA DANG MED PA DANG DE GNYIS KYI DBUS KYI MTHA' GANG LA YANG MI GNAS PAR DNGOS PO MTHA' DAG RANG BZHIN GYIS STONG PAR RTOGS PA'I PHYIR, GNYIS PA LA MED LTA 'GOG PA'I RIGS PA BSHAD ZIN DRAN PA LA SBYOR BA, YOD LTA 'GOG PA'I RIGS PA MNYAM PAR GDAMS PA'O, ,DANG PO NI, RE SHIG SOGS RKANG PA GNYIS LA, KHO NA RE, RTEN 'BREL RANG BZHIN GYIS MED PAR MI RIGS TE, MNGON SUM LA SOGS PAS GNOD PA'I PHYIR DANG, LUNG GI GNOD BYED CHOS MNGON PA'I MDO LAS RTEN CING 'BREL PAR 'BYUNG BA TSE GSUM PA DANG, PHUNG KHAMS SKYE MCHED KYI RANG DANG SPYI'I MTSAN NYID GSUNGS PA'I PHYIR CE NA, MGON PO KLU SGRUB CHOS CAN, SKABS 'DIR NYAN THOS SDE PA'I NGOR YON TAN 'GRIB CING, NYES PA KUN GYI 'BYUNG GNAS MED LTA 'GOG PA'I RIGS PA RGYAS PAR MI STON PA'I RGYU MTSAN YOD DE, NYAN THOS KYI SDE SNOD RANG LAS MED LTA 'GOG PA'I RIGS PA RGYAS PAR GSUNGS SHING, DE LA BRTEN NAS NYAN THOS DE DAG GIS

, ,KYANG MED LTA BKAG PA'I RGYU MTSAN GYIS 'DIR MA BSHAD PA'I PHYIR, GNYIS PA NI, RIGS SOGS GNYIS LA, RIGS PA GANG GIS YOD LTA 'GOG PA LA NYAN THOS SDE PAS MNYAN PAR BYA BAR RIGS TE, RANG GI SDE SNOD LAS YOD LTA 'GOG PA'I RIGS PA GSUNGS KYANG, BAR MA CHAD PA DANG, RGYUN RING BA DANG, GZHUNG GCIG TU RGYAS PAR MA GSUNGS PA'I RGYU MTSAN GYIS NYAN THOS SDE PA RNAMS YOD PAR BLTA BA LA ZHEN PA'I PHYIR, GSUM PA NI, JI LTAR SOGS BZHI LA, DNGOS SMRA BA CHOS CAN, KHYOD KYI LUGS LA BYIS PA SO SO SKYE BO THAMS CAD PHUNG PO'I DNGOS PO PHYIS LEN PA MED PA'I MYANG 'DAS THOB ZIN PA'I BDAG NYID DU RGYU MTSAN CIS MI 'DOD NAS 'DOD RIGS PAR THAL, KHYOD KYI LUGS LA BYIS PA RNAMS KYI DNGOS PO BDEN PAR BTAGS PA BZHIN DU DE DNGOS PO'I DE KHO NA NYID DU GRUB PA'I PHYIR, GNYIS PA LA, MTHAR 'DZIN GYI LTA BA SRID PA LAS GROL BAR MI BSTAN, MTHA' BRAL RTOGS PA GROL BAR BSTAN, RTZOD PA SPANG BA'O, ,DANG PO NI, YOD SOGS GNYIS LA RIM PA BZHIN, DNGOS PO BDEN 'DZIN GYI BLO CHOS CAN, KHYOD LA BRTEN NAS SRID PA LAS GROL MI NUS TE, SRID PA'I RGYU'I GTZO BO YIN PA'I PHYIR, RGYU 'BRAS LA SKUR 'DEBS KYI LTA BA CHOS CAN, BSAL BA SNGA MA LA, KHYOD NYES PA KUN GYI 'BYUNG GNAS YIN PA'I PHYIR, GNYIS PA NI, DNGOS SOGS GNYIS LA, DNGOS PO DNGOS MED RANG BZHIN GYIS STONG PAR RTOGS PA'I YE SHES CHOS CAN, KHYOD LA BRTEN NAS BDAG NYID CHEN PO 'PHAGS PA RNAMS SRID PA LAS GROL BAR 'GYUR TE, KHYOD SRID

PA'I RGYU'I DNGOS GNYEN YIN PA'I PHYIR, GSUM PA NI, DE SOGS RKANG PA BZHI LA, RIM PA BZHIN, RTEN 'BREL RANG BZHIN MED KYANG SRID PA RANG MTSAN SPANG BYA DANG, MYANG 'DAS RANG MTSAN PA THOB BYAR BSTAN PA LA DGOS PA YOD DE, SRID PA DANG MYANG 'DAS RANG MTSAN SPANG BLANG DU ZHEN PA LDOG PA'I PHYIR TU DE LTAR GSUNGS PA'I PHYIR, DE LTAR BSTAN NAS ZHEN PA LDOG NUS TE, 'KHOR BA TZAM LA 'DOR 'DOD SKYES PA NA 'KHOR BA RANG MTSAN PA LA 'DOR 'DOD BDE BLAG TU SKYE BA'I PHYIR RO, ,DE KHO NA NYID GZIGS PA'I MNYAM GZHAG LA LTOS TE 'KHOR 'DAS SPANG BLANG DU BSTAN PA MIN PAR THAL, BLO DE'I NGOR DE GNYIS SPANG BLANG THA DAD DU MA GRUB PA'I PHYIR, DER THAL, SRID PA DANG MYANG 'DAS RANG BZHIN GYIS MA GRUB PA'I PHYIR, GSUM PA NI, SRID SOGS DRUG LA, RTEN 'BREL RANG BZHIN MED PA LA MYANG 'DAS THOB RUNG BAR THAL, SRID PA RANG BZHIN MED PAR RTOGS PA'I BLO GOMS PAR BYAS PA LA BRTEN NAS GLO BUR GYI DRI MA DANG BRAL BA'I 'GOG PA DE MYANG 'DAS YIN PA'I PHYIR, DE 'DRA'I MYANG 'DAS DE SNANG LA RANG BZHIN MED PA SGYU MA DANG MTSUNGS PA YIN TE, DNGOS PO SNGAR SKYES PA DE PHYIS RGYU'I DNGOS PO 'CHAR BA LA LTOS PA MA GTOGS RANG DBANG DU 'CHAR RGYU MED PA'I PHYIR, GNYIS PA RGYAS BSHAD LA, 'BRAS BU THOB TSUL GZHI GTAN LA DBAB PA, LAM LA 'JUG TSUL LO, ,DANG PO LA, NYAN THOS SDE PA'I LUGS LA MYANG 'DAS THOB PA MI 'THAD PAR BSTAN PA, RANG LUGS 'THAD PAR BSTAN PA'O, ,DANG PO LA, MYANG 'DAS SPYIR BSTAN, BYE BRAG TU DGAG PA'O, ,DANG PO LA, MYANG

, ,'DAS MNGON DU BYAS PA MI 'THAD PAR THAL BA, ZAD MI SHES MI 'THAD PAR THAL BA'O, ,DANG PO NI, RNAM SOGS GSUM LA, SDUG BSNGAL RANG MTSAN ZHIG STE RGYUN CHAD PA LA BRTEN NAS MYANG 'DAS THOB PAR THAL BA DANG, 'DUS BYAS RANG BZHIN MED PAR RTOGS PA LA BRTEN NAS MYANG 'DAS MI THOB PAR THAL, LAS NYON DANG SDUG BSNGAL RANG MTSAN GNYEN PO'I STOBS KYIS BCOM PA'I STOBS KYIS MYANG 'DAS THOB PA'I PHYIR, 'DOD NA, MYANG 'DAS MNGON DU BYAS PA MI 'THAD PAR THAL, PHUNG PO ZHIG PA'I DUS DER MNGON DU BYED PA PO'I GANG ZAG MED, GANG ZAG YOD DUS PHUNG PO ZHIG PA MI 'THAD PA'I PHYIR, GNYIS PA NI, ZHIG SOGS GCIG LA DGRA BCOM THOB TSE BDAG GI SKYE BA ZAD DO SNYAM PA'I ZAD PA SHES PA MI 'THAD PAR THAL, DGRA BCOM PA'I DUS NA PHUNG PO RANG GI MTSAN NYID KYIS SKYE BA YOD PA'I PHYIR, ZHIG CES ZHES PA LTAR NA, SKYE BA ZAD DO ZHES PA'I MDO'I DON MI 'THAD PAR THAL, RTAGS SNGA MA'O, ,GNYIS PA LA LHAG BCAS DANG, LHAG MED KYI MYANG 'DAS DGAG PA'O, ,DANG PO NI, GAL TE SOGS GNYIS LA, NYON MONGS ZAD PA'I LHAG BCAS KYI MYANG 'DAS MED PAR THAL, PHUNG PO RANG GI MTSAN NYID MA 'GAGS PAR YOD PA'I PHYIR, KHYAB PAR THAL, JI SRID PHUNG POR 'DZIN PA YOD PA, DE SRID DU NGAR 'DZIN SKYE BA'I PHYIR RO, ,GNYIS PA NI, GANG SOGS GNYIS LA, PHUNG PO MA LUS 'GAGS PA'I LHAG MED KYI MYANG 'DAS MED PAR THAL, LHAG BCAS KYI GNAS SKABS SU PHUNG PO RANG MTSAN YOD LA, DE YOD NA DE LA DMIGS NAS NYON MONGS

SKYE BA'I PHYIR RO, ,RANG LUGS LA MYANG 'DAS THOB PA 'THAD PA LA, RANG BZHIN MED PA'I LTA BA GOMS PAR BYAS PA LA BRTEN NAS MYANG 'DAS THOB PAR 'THAD PA DANG, 'GOG PA DE SGYU MA LTA BUR BSTAN PA'O, ,DANG PO LA, MYANG 'DAS MNGON DU BYAS PA'I DUS, CHOS NYID RTOGS PA'I YE SHES LA NGO BOS BYAS PA'I DBYE BA MED PAR BSTAN PA'O, ,DANG PO NI, MA SOGS DRUG LA, 'DU BYED SOGS CHOS CAN, RANG BZHIN GYIS SKYE BA MED DE, DE YOD NA 'PHAGS PA'I MNYAM GZHAG YE SHES KYIS GZIGS DGOS PA LAS MA GZIGS PA'I PHYIR RO, ,DES MA DMIGS PAR THAL, MA RIG PA'I RKYEN STOBS LAS BYUNG BA YIN PA'I PHYIR, PHYI MA GNYIS LA, RANG BZHIN MED PA LA MYANG 'DAS MNGON SUM DU BYAS PA 'THAD PAR THAL, RANG BZHIN MED RTOGS GOMS PAR BYAS PA LA BRTEN NAS NYON MONGS MA LUS PA ZAD PA'I LHAG BCAS KYI GNAS SKABS DER, MTHONG CHOS TSE DE LA MYANG 'DAS THOB PA DANG TSANGS DANG SPYOD STOBS LA SOGS PA'I BYA BA BYAS PA'I PHYIR, [?] SGRAS BDAG GIS SKYE BA ZAD PA DANG, 'DI LAS SRID PA GZHAN MI SHES PA LTA BU'O, ,GNYIS PA NI, GAL TE SOGS DRUG LA, DE KHO NA NYID LA MI MKHAS PA'I DNGOS SMRA BA'I LUGS MA MTHONG BA DES, RKYEN RTEN CING 'BREL PAR 'BYUNG BA RO GCIG PA'I DON MNGON DU MA MTHONG BAR THAL, DNGOS PO SHIN TU PHRA BA RTEN CING 'BREL BAR 'BYUNG BA'I RDUL PHRA RAB LA SOGS PA RANG GI MTSAN NYID KYIS SKYE BA RNAM PAR BTAGS PA'I PHYIR, KHYAB PAR THAL, RANG GI MTSAN NYID KYIS SKYE BA YOD NA CHOS DON DAM PA'I BDEN PA SNGAR MA SHES GSAR DU SHES PA'I MJUG THOGS SU

, ,MI RTAG PA LA SOGS PA'I DON DAM PA'I BDEN PA MTHONG LAM GYI SKABS DER, RNAM PA MI 'DRA BA SO SOR GCOD DGOS PA'I PHYIR, YANG NA, DNGOS PO SMRA BA DE DAG GIS RTEN CING 'BREL PAR 'BYUNG BA'I DON PHYIN CI MA LOG PA MA MTHONG ZHES PA'O, ,GNYIS PA LA 'GAG PA RDZAS GRUB DGAG ,SGYU MA LTA BU'I 'GOG PA SGRUB PA'O, ,DANG PO NI, NYON MONGS SOGS DRUG LA, DNGOS PO SMRA BA'I LUGS LA 'KHOR BA LA THOG MA'I RTZOM PA YOD PAR THAL, NYON MONGS ZAD PAR SPANGS PA'I GONG NAS 'KHOR BA RANG MTSAN RGYUN CHAD PA'I MYANG 'DAS 'THAD PA'I PHYIR, 'DOD NA CHOS CAN, DER THAL, DE YOD NA SANGS RGYAS KYIS GSUNG RIGS PA LAS MA GSUNGS PA'I PHYIR, GANG ZAG DE NGES PAR RGYU LA SKUR BA 'DEBS PA'I LOG LTA CAN DU 'GYUR LA, 'KHOR BA LA THOG MA, YOD PAR KHAS BLANGS PA'I PHYIR, GNYIS PA LA, DPE DON SGO NAS MDOR BSTAN, RGYAS PAR BSHAD PA'O, ,DANG PO NI, RTEN SOGS DRUG LA, 'KHOR BA CHOS CAN, KHYOD LA SNGON DANG PHYI MA'I MTHA' RANG BZHIN GYIS MA GRUB PAR THAL, RTEN 'BREL YIN PA'I PHYIR, DE CHOS CAN, RTAG PAR THAL, RANG BZHIN GYIS SKYES PA'I PHYIR, KHYAB PAR THAL, SNGON SKYES RANG BZHIN GYIS GRUB NA, SLAR DE LDOG TU MI RUNG BA'I PHYIR, PHYI MA LA 'KHOR 'DAS THAMS CAD SNANG LA RANG BZHIN MED PA SGYU MA DANG MTSUNGS PAR THAL, SNGON DANG PHYI MTHA'I RANG BZHIN RANG BZHIN DANG BRAL BAR GNAS PA'I PHYIR, GNYIS PA LA, DPE BSHAD, DON BSHAD PA'O, ,DANG PO NI, GANG SOGS BZHI LA, SGYU MA MKHAN CHOS CAN, SGYU MA'I RTA GLANG LA RTA GLANG TSAD MAR ZHEN

NAS DE'I SNGON DANG PHYI MTHA' LA RMONGS PAR MI 'GYUR TE, DE DAG SNGAGS DANG RDZAS LA SOGS 'KHRUL RGYUS BSLAD PA TZAM LAS BYUNG BAR SHES PA'I PHYIR, SGYU MA'I LTAD MO BA DE DAG CHOS CAN, SGYU MA'I RTA GLANG GI SNGON DANG PHYI MTHA' LA RMONGS PAR 'GYUR TE, DE DAG RTA GLANG CHAD MAR ZHEN PA'I PHYIR, GNYIS PA NI SRID SOGS BRGYAD LA, DE DAG RTOGS PA'I 'PHAGS PA CHOS CAN, SNGON DANG PHYI MA'I MTHAR RTOG PA'I MTHAR 'DZIN GYIS LTA BAS RGYUD BSLAD PAR MI 'GYUR TE, 'GRO BA THAMS CAD SMIG RGYU SGYU MA DANG MTSUNGS PAR RANG BZHIN MED PAR MNGON SUM DU MTHONG BA'I PHYIR, PHYI MA BZHI LA, NYAN THOS SDE BA DE DAG CHOS CAN, RTEN CING 'BREL PAR 'BYUNG BA YAN LAG BCU GNYIS KYI 'KHOR LO SNGON GYI MTHA' DANG PHYI MA'I MTHA' RANG BZHIN GYIS MA GRUB PA'I 'KHOR TSUL JI LTA BA BZHIN MI SHES PAR THAL, 'DUS BYAS THAMS CAD RANG GI MTSAN NYID KYIS SKYE 'JIG BYED PAR RTOGS PA'I PHYIR, GZHI GTAN LA DBAB PA LA, 'DUS BYAS RANG BZHIN GYIS MED PAR BSTAN PA DANG, DE GZHAN LA JI LTAR 'CHAD PA'I TSUL, DE RGYAL BA'I DGONGS PAR BSGRUB PA, ZHAR LA LTOS PA'I DBYE BA BSTAN PA'O, ,DANG PO LA SKYE 'JIG RANG BZHIN GYIS GRUB PA DGAG ,SKYE 'JIG GSUNGS PA'I DGOS PA, DON DE NYID NGES PAR BYA BA'O, ,DANG PO LA RGYAS PAR BSHAD, DON BSDU BA'O, ,DANG PO LA SKYE BA DGAG ,'JIG PA DGAG PA'O, ,DANG PO NI, DE SOGS BZHI LA, 'DU BYED SOGS CHOS CAN, RANG GI NGO BO'I RANG BZHIN DU MA SKYES PAR THAL, RGYU DE DANG DE LA BRTEN NAS 'BYUNG BA'I PHYIR, 'DOD NA, RANG BZHIN GYIS SKYE BA MED PAR THAL, RANG GI NGO BO DANG GZHAN

, ,GYI NGO BO'I RANG BZHIN DU MA GRUB PA'I PHYIR, GNYIS PA NI, RGYU SOGS BZHI LA, 'DU BYED SOGS KYI ZHIG PA RANG BZHIN GYIS MA GRUB PAR THAL, 'DU BYED SOGS KYI ZHIG PA NGE 'DU BYED SOGS KYI RGYU ZAD PA LAS, 'BYUNG BA'I PHYIR, 'DU BYED SOGS KYI ZHIG PA RANG BZHIN GYIS MA GRUB PAR THAL, RANG GI NGO BO DE GZHAN GYI NGO BO'I RANG BZHIN DU MA GRUB PA'I PHYIR, DON BSDU BA NI, DE SOGS GNYIS LA, SKYE 'GAG GNYIS KA RANG BZHIN GYIS MA GRUB PAR THAL, DE GNYIS KA RGYU LA BRTEN NAS BYUNG BA'I PHYIR, GNYIS PA NI, SKYE SOGS DRUG LA, SKYE 'JIG RANG BZHIN MED KYANG MDO LAS, SKYE 'JIG GSUNGS PA LA DGOS PA YOD DE, DON DAM PA'I BDEN PA RTOGS PA'I PHYIR TU SKYE 'JIG GSUNGS PA'I PHYIR, DE GSUNGS PA LA BRTEN NAS DON DAM PA'I BDEN PA RTOGS PAR 'GYUR TE, 'DUS BYAS SKYE BAR SHES NA DE LA BRTEN NAS DE DANG DON GCIG PA'I MI RTAG PA SHES PAR 'GYUR LA, DE SHES NA DE LA BRTEN NAS 'KHOR BA 'DOR 'DOD DANG MYANG 'DAS THOB 'DOD KYI 'JUG PA SHES SHING, DE SHES NA DE LA BRTEN NAS DAM PA'I CHOS DON DAM PA'I BDEN PA RTOGS PAR 'GYUR BA'I PHYIR, DON DE NYID NGES PAR BYA BA LA, RANG BZHIN MED PA RTOGS PA'I PHAN YON, MA RTOGS PA'I NYAS DMIGS, 'PHAGS PA RNAMS KYIS RIM PA JI LTAR GZIGS PA'I TSUL DE'I SHES BYED, DANG PO NI, GANG ZAG BSTEN SOGS BZHI LA, DE NYID GZIGS PA'I 'PHAGS PA RNAMS CHOS CAN, MTHAR 'DZIN GYI LTA BA'I STOBS KYIS BSKYED PA'I SRID PA'I RGYA MTSO LAS BSGRAL BAR 'GYUR TE, RTEN CING 'PHREL 'BYUNG SKYE 'JIG GI RANG

BZHIN DANG BRAL BA MNGON SUM DU RTOGS PA'I PHYIR, GNYIS PA NI, SO SO SOGS BZHI LA, DNGOS PO RANG GI NGO BOS GRUB PA'I BDAG NYID CAN DU ZHEN PA'I SO SO SKYE BO RNAMS CHOS CAN, RANG GI SEMS KYIS BSLUS NAS 'KHOR BAR 'GYUR TE, CHAGS SOGS NYON MONGS PA'I, GZHAN DBANG DU GYUR PA'I PHYIR, DER THAL, YOD PA DANG MED PAR LTA BA'I MTHAR 'DZIN GYI LTA BA PHYIN CI LOG GI NYES PAS SEMS RGYUD BCINGS PA YIN PA'I PHYIR, GSUM PA LA, MDZAD PA MTHAR PHYIN PA'I 'PHAGS PA RNAMS KYIS GZIGS TSUL, MGON PO KLU SGRUB NYID KYIS GZIGS PA'I TSUL, DANG PO NI, DNGOS SOGS BZHI LA, DNGOS PO MI RTAG CING BSLU BA'I CHOS CAN 'DI DAG CHOS CAN, MDZAD PA MTHAR PHYIN PA'I MKHAS PA 'PHAGS PA RNAMS KYIS RANG BZHIN MTHA' DAG GIS DBEN PAR MNGON SUM DU MTHONG BA YIN TE, NYAMS CHUNG BA'I DON GYI GSOG LTA BU DANG, CHOS DANG GANG ZAG GI BDAG GIS STONG PAR MNGON SUM DU GZIGS PA'I PHYIR, GNYIS PA NI, GNAS SOGS BRGYAD LA, 'DU BYED SOGS 'DI DAG CHOS CAN, RKYEN GSUM GYI DBANG GIS, BDEN PAR GNAS PA MED DE, GNAS BYED RKYEN GSUM GA BDEN PAR MED PA'I PHYIR, BDAG RKYEN, DMIGS RKYEN, DE MA THAG RKYEN GSUM RIM PA BZHIN DU GNAS MED DMIGS MED RTZA BA GSUM GYIS BDAG MED DU STON TO, ,RKANG PA GSUM PA LA DE CHOS CAN, RANG BZHIN MED BZHIN DU RANG BZHIN DANG BCAS PAR SNANG BA'I RGYU MTSAN YOD DE, MA RIG PA'I RGYU'I STOBS LAS BDEN PAR SNANG BA'I PHYIR RO, ,DE NAS RKANG PA GCIG LA, DE CHOS CAN, RANG BZHIN MED DE, THOG MTHA' DBUS GSUM GYI

, ,RANG BZHIN DANG BRAL BA'I PHYIR, YANG RKANG PA GNYIS LA, DE CHOS CAN, RANG BZHIN MED BZHIN DU MA RIG PA'I STOBS LAS RANG BZHIN DANG BCAS PA SNANG BAR THAL, CHU SHING BZHIN DU SNYING PO CUNG ZAD MED PA'I PHYIR DANG, DRI ZA'I GRONG KHYER DANG 'DRA BAR BDEN PAR MED BZHIN DU DER SNANG BA'I PHYIR RO, ,RKANG PA THA MA GNYIS LA, MGON PO KLU SGRUB CHOS CAN, 'DU BYED RANG BZHIN MTHA' DAG GIS DBEN PAR MNGON SUM DU MTHONG STE, RMONGS PA'I GRONG KHYER MI ZAD PA'I 'GRO BA MTHA' DAG SGYU MA DANG 'DRA BAR MNGON SUM DU GZIGS PA'I PHYIR, BZHI PA LA LUNG GI SHES BYED DANG, RIGS PA'I SHES BYED DO, ,DANG PO NI, TSAD MAS SOGS BZHI LA, 'DU BYED SGYU MA LTA BU LAS GZHAN PA'I CHOS CUNG ZAD KYANG 'DUS PA MED PAR THAL, DBANG PO LAS 'DAS DON MTHONG BA LA 'JIG RTEN TSAD MAR GRAGS PA'I TSANGS PA SOGS LA BDEN PAR SNANG BA DE DAG 'PHAGS PA RNAMS KYIS RDZUN PAR GZIGS ZHES PA SANGS RGYAS KYIS GSUNGS PA'I PHYIR, GNYIS PA NI, 'JIGS TSOGS BZHI LA, BSAL BA SNGA MA LA DE LTAR YIN NA MA RIG STONGS PAR 'GYUR BAS SRED PA'I CHU KLUNG GI RGYUN PHYOGS SU RJES SU GZHOL BA'I TSANGS PA SOGS DANG, YUL LA SRED PA DANG BRAL BA'I MKHAS PA RNAMS DNGOS PO'I GNAS LUGS LA LTA BA MTSUNGS PAR 'GYUR TE MTSUNGS PA'I GO SKABS MED PA'I PHYIR, DE GZHAN LA JI LTAR 'CHAD PA'I TSUL LA, 'CHAD PA'I RIM PA DE LAS LOG PAR BSHAD PA'I NYES DMIGS DE'I GNYEN PO'O, ,DANG PO NI, DE SOGS BZHI LA, DE KHO NA NYID 'TSOL ZHING DON DU GNYER BA'I GANG ZAG LA, THOG MA

KHO NAR BDEN PA MA BKAG PAR PHUNG KHAMS SKYE MCHED SOGS BSTAN PAR BYA BA YIN TE, THA SNYAD BDEN PA RTOGS PA DE DON DAM BDEN PA RTOGS PA'I THABS YIN PA'I PHYIR, RKANG PA PHYI MA GNYIS LA, DUS PHYIS DON 'DUS BYAS SKYE 'JIG BYED PAR RTOGS SHING 'KHOR BA LA CHAGS PA MED PA'I GANG ZAG LA RANG BZHIN GYIS DBEN PA'I STONG NYID BSTAN PAR BYA STE, DE'I TSE STONG NYID BSTAN PA'I SNOD DU GYUR PA'I PHYIR, GNYIS PA NI, RNAM SOGS BZHI LA, SNOD DU MA GYUR PA LA THOG MA KHO NAR STONG NYID BSTAN PAR MI RIGS TE, DE BSTAN NA THOG MAR RANG BZHIN GYIS DBEN PA'I DON MI SHES PAR DU STONG NYID KYI SGRA THOS PA TZAM GYI RJES SU 'JUG CING BSOD NAMS KYI LAS MI BYED PA DE DAG LA DON MA YIN PA CHEN PO 'DREN PA'I PHYIR, GSUM PA NI, LA SOGS BZHI LA, DE KHO NA NYID 'TSOL BA'I GANG ZAG LA 'KHOR BAR 'JUG PHYOGS DANG LDOG PHYOGS GO RIMS MA 'CHOL BAR BSTAN PAR BYA BA YIN TE, DANG POR DGE MI DGE LAS 'BRAS BU DANG BCAS PA DANG 'GRO BA LNGA'I 'KHOR BAR 'KHOR TSUL SDUG KUN BSTAN PA DANG, DE'I RJES SU RANG BZHIN GYIS STONG PA MNGON SUM DU YONGS SU SHES PA'I LAM BDEN DANG, RANG BZHIN GYIS SKYE BA MED PA LA GLO BUR GYI DRI MA DANG BRAL BA'I 'GOG BDEN BSTAN PAR BYA BA YIN PA'I PHYIR, DE RGYAL BA'I DGONGS PAR BSGRUB PA LA, PHUNG SOGS GSUNGS PA DRANG DON DU BSTAN, SKYE MED GSUNGS PA NGES DON DU BSGRUB PA'O, ,DANG PO LA PHUNG SOGS GSUNGS PA'I DGONGS PA, DE'I SHES BYED DO, ,DANG PO NI, DGE SOGS BZHI LA, PHUNG KHAMS SKYE MCHED DE KHO NAR MA GRUB KYANG STON PAS GSUNGS PA LA DGOS PA

, ,YOD DE, DE KHO NA NYID LA DRANG BA'I PHYIR TU GSUNGS PA'I PHYIR, DPER NA 'JIG LTA ZAD PAR SPANGS KYANG DE'I TSE DE'I DUS NA ZHE SDANG DRANG DON DU GSUNGS PA BZHIN, GNYIS PA LA RIGS PA'I SHES BYED DANG, LUNG GI SHES BYED DO, ,DANG PO NI, 'BYUNG SOGS BZHI LA, 'BYUNG BA CHOS CAN 'BYUNG BA BZHI DANG SEMS SEMS BYUNG LDAN MIN 'DU BYED SOGS CHOS CAN, KHYOD PHYIN CI LOG GI BLOS LOG PAR BTAGS PA YIN PAR THAL, KHYOD 'DOD BYED KYI SHES PA RANG BZHIN MED PAR RTOGS PA'I STOBS KYIS KHYOD LA BDEN 'DZIN DANG BRAL BAR 'GYUR BA'I PHYIR, DER THAL, KHYOD KYI RNAM SHES LA RNAM PA BZHAG CING RNAM SHES KYI KHYOD LA BRTAGS NAS BZHAG PA'I PHYIR, GNYIS PA NI, MYANG SOGS BZHI LA, LHAG MA 'DU BYED KYI KUN RDZOB PA THAMS CAD RDZUN PA BSLU BA'I CHOS CAN DU MKHAS PA SU ZHIG RTOG MI BYED DE RTOGS RIGS PAR THAL, SANGS RGYAS KYI MYA NGAN LAS 'DAS PA GCIG PU BDEN PA DAM PA MI SLU BA'I CHOS CAN DU GSUNGS PA'I PHYIR, SKYE MED GSUNGS PA NGES DON DU BSTAN PA LA, MA RIG PA SNANG BA RANG BZHIN MED PA, MA RIG PA'I RJES SU 'GRO LDOG BYED PAS RANG BZHIN MED PA DANG, SKYE 'JIG GNAS GSUM RGYU LA LTOS PAS RANG BZHIN MED PA'O, ,DANG PO LA NI, JI SOGS BZHI LA, RTEN 'BYUNG RANG BZHIN MED PA'I DON MNGON SUM DU RTOGS PA'I GNAS SKABS 'DI LA SNGAR BSHAD PA'I DON MA YIN PA 'DREN PA'I NYES PA MED PAR THAL, GNAS SKABS DE BDUD KYI YUL LAS 'DAS PA'I PHYIR, KHYAB PAR THAL, JI SRID TSUL MIN YID BYED KYIS G-YO BA YOD PA DE SRID DU 'PHAGS PA'I SHES RAB KYI SROG GI DBANG PO 'GAG

PAR BYED PA'I BDUD KYI SPYOD YUL LAS MA 'DAS PA'I PHYIR, GNYIS PA LA, RJES 'GRO DANG, LDOG PA'O, ,DANG PO NI, 'JIG SOGS BZHI LA, 'JIG RTEN NYER LEN GYI PHUNG PO CHOS CAN, RTOG PAS BTAGS PAR THAL, SANGS RGYAS KYIS MA RIG PA'I RKYEN GYIS 'DU BYED CES SOGS SO ZHES, DNGOS PO BDEN 'DZIN GYI MA RIG PA'I RKYEN CAN DU GSUNGS PA'I PHYIR, GNYIS PA NI, MA SOGS BZHI LA, CHOS CAN MA RIG PAS KUN DU BTAGS PAR THAL, DNGOS PO BDEN 'DZIN MA RIG PA 'GAG PA'I STOBS KYIS 'GAG PAR 'GYUR BA'I PHYIR, GSUM PA NI, GANG SOGS BZHI LA, 'DU BYED SDUG BSNGAL GYI PHUNG PO CHOS CAN, RANG BZHIN MED PAR THAL, SKYE GNAS 'JIG RGYU LA LTOS PA'I PHYIR, DE GSUM RKANG PA DANG PO GSUM GYI RIM BZHIN STON LA, PHYI MA BSGRUB PA, KHYOD 'JIG PAR 'GYUR BA RKYEN LA LTOS TE, KHYOD GNAS BYED KYI RKYEN ZAD PA DE KHYOD 'JIG PA'I RKYEN YIN PA'I PHYIR, ZHAR LA LTA BA'I DBYE BA BSTAN PA LA, DNGOS DANG MTHAR LTA'I GZHAN DBANG DU 'GYUR MI 'GYUR BSTAN PA'O, ,DANG PO LA, RANG BZHIN GYIS GRUB PA KHAS BLANGS PAS GZHAN SDE LAS RANG GI RTZA BA'I GRUB MTHA' DANG 'GAL BA MED PAR THAL BA, RANG SDES KHAS LEN PA CHES MI RIGS PA DANG, DE'I 'THAD PA'O, ,DANG PO, GANG SOGS BZHI LA, DNGOS PO RANG BZHIN GYIS GRUB PAR KHAS BLANGS PA'I STOBS KYIS GZHAN SDE LA RANG DBANG GI RTZA BA'I GRUB MTHA' DANG 'GAL BA MED PAR THAL, GRANGS CAN BYE BRAG PA SOGS GZHAN SDE RNAMS DNGOS PO RTAG SOGS SU ZHEN PA'I LAM LA GNAS PA'I PHYIR, GNYIS PA NI, SANGS RGYAS SOGS BZHI

, ,LA, RANG SDE DNGOS POR SMRA BAS RANG BZHIN STONG PA LA RTZOD CING DNGOS PO BDEN PAR SMRA BA MI RIGS PAR THAL, RANG SDE RNAMS SANGS RGYAS KYI LAM RTEN CING 'BREL 'BYUNG KHAS BLANGS NAS 'DU BYED THAMS CAD MI RTAG PAR SMRA BA'I PHYIR, GSUM PA NI, 'DI'AM ZHES SOGS BZHI LA, GZUGS 'DI'AM TSOR BA 'DI BDEN PAR SMRA BA MI RIGS PAR THAL, DE DAG BDEN MI BDEN RNAM PAR DPYAD PA'I TSE RNAM PAR BDEN PAR MA DMIGS PA'I PHYIR, GNYIS PA LA, RANG BZHIN GYIS GRUB PA KHAS BLANGS PA LA MTHAR LTA'I GZHAN DBANG DU 'GYUR BA DANG, RANG BZHIN MED PAR SMRA BA LA DE'I DBANG DU MI 'GYUR BAR BSTAN PA'O, ,DANG PO LA GZHAN SDE 'GYUR TSUL DANG, RANG SDE 'GYUR TSUL LO, ,DANG PO NI, GANG SOGS BZHI LA, GZHAN SDE RNAMS RTAG CHAD LA SOGS MTHAR LTA'I DBANG DU 'GYUR PAR THAL, BDAG DANG PHUNG PO BRTEN NAS BTAGS PA MIN PAR RTAG PAR SMRA BA'I PHYIR, YANG NA RANG SDE KHA CIG RTAG MI RTAG LA SOGS MTHAR 'DZIN GYI LTA BAS PHYOGS PAR 'GYUR BAR THAL LO, ,GANG ZAG PHUNG PO LA BRTEN NAS BTAGS PA MIN PAR THAL, SEMS RANG MTSAN GANG ZAG TU KHAS LEN PA DANG PHUNG PO RANG MTSAN DU KHAS LEN PA'I PHYIR, GNYIS PA NI, GANG SOGS BZHI LA, DNGOS POR SMRA BA'I RANG SDE RNAMS RTAG CHAD KYI MTHAR LTA'I GZHAN DBANG DU 'GYUR BAR THAL, DNGOS PO RNAMS DE KHO NA NYID DU GRUB PAR KHAS BLANGS PA'I PHYIR, KHYAB PAR THAL, RANG BZHIN GYIS GRUB PA DE PHYIS YOD NA RTAG PA DANG MED NA CHAD PAR 'GYUR BA'I PHYIR, GNYIS PA NI, GANG SOGS BZHI LA, RANG BZHIN MED PAR

THAL, BYA BYED 'THAD PAR RTOGS PA'I GANG ZAG CHOS CAN, MTHAR LTA'I DBANG DU MI 'GYUR BAR THAL, DNGOS PO YANG DAG PAR GRUB PA YANG MIN LOG PA GTAN MED KYANG MIN PAR RTOGS PA'I PHYIR, DER THAL, CHU'I ZLA BA'I GZUGS BRNYAN BZHIN DU RANG BZHIN MED PAR BYA BYED 'THAD PAR RTOGS PA'I PHYIR, LAM LA 'JUG PA'I TSUL LA, GANG GIS 'KHOR BAR 'JUG PA DANG LDOG PA'I RGYU, GANG 'KHOR BAR 'JUG PA DANG LDOG PA'I RTEN GYI GANG ZAG GO ,DANG PO LA MDOR BSTAN, RGYAS BSHAD DO, ,DANG PO LA 'KHOR BAR 'JUG TSUL LDOG TSUL, LDOG BYED KYI RGYU GANG LA BRTEN NAS NGOS BZUNG BA'O, ,DANG PO NI, DNGOS SOGS BZHI LA, DNGOS PO BDEN 'DZIN GYI BLO DE 'KHOR BAR 'JUG PA'I RGYU YIN TE, DE YOD NA CHAGS SDANG GI RGYUR GYUR PA'I MTHAR 'DZIN GYI LTA BA RNAM SMIN DKAR BA DANG 'DA' BAR DKA' BA 'BYUNG LA CHAGS SDANG LA BRTEN NAS RTZOD PA 'BYUNG BA'I PHYIR, GNYIS PA NI, DE SOGS BZHI LA, RANG BZHIN MED PAR YONGS SU SHES NA MTHAR LTA DANG NYON MONGS MA LUS PAR SPONG BAR 'GYUR TE, DNGOS PO BDEN 'DZIN DE MTHAR 'DZIN GYI LTA BA KUN GYI RGYU DE MA LOG PA'I STOBS KYIS NYON MONGS MTHA' DAG LDOG PAR 'GYUR PA'I PHYIR, GSUM PA NI, GANG SOGS BZHI LA, RANG BZHIN MED PA BRTEN CING DON MTHONG BAS 'KHOR BA LAS GROL BAR 'GYUR TE, GANG ZHIG RKYEN LAS SKYES PA DE MA SKYES, ,DE LA SKYE PA'I RANG BZHIN YOD MA YIN, ZHES RKYEN LAS SKYES PA RANG BZHIN GYIS MA SKYES PAR DE NYID MKHYEN PA MCHOG GIS GSUNGS PA'I PHYIR, RGYAS PAR BSHAD PA LA, LOG SHES KYI SGO NAS 'JUG

, ,LDOG BYED PA'I TSUL, DMIGS PA'I SGO NAS 'JUG LDOG BYED PA'I TSUL, BRTZE BAR BYAS PA'I KHYAD PAR BSTAN PA'O, ,DANG PO LA, 'KHOR BAR 'JUG TSUL DANG, LDOG TSUL LO, ,DANG PO NI, LOG SOGS BZHI LA, BYIS PA SO SO SKYE BO RNAMS CHOS CAN, DNGOS PO BDEN PAR 'DZIN PA'I DBANG GIS 'KHOR BAR 'JUG PAR 'GYUR TE, DNGOS PO BDEN PAR 'DZIN PA'I STOBS KYIS DNGOS PO LA BDAG GI BAR 'DZIN CHAGS SKYE LA, 'DOD PA DANG LTA BA LA CHAGS PA YOD NA, DE LA BRTEN NAS RTZOD PA 'BYUNG BA'I PHYIR, SNGA MA'I 'PHROS LA SBYOR NA, SANGS RGYAS KYIS RTEN CING 'BREL BAR 'BYUNG BA GSUNGS PA LA DGOS PA YOD DE, DE LA BRTEN NAS DNGOS PO LA BDEN 'DZIN LDOG LA, DE LOG NA 'DOD PA DANG LTA BA LA CHAGS PA DANG BCAS PA LA SOGS MI 'BYUNG BA'I PHYIR, GNYIS PA NI, CHE SOGS BZHI LA, BDAG NYID CHEN PO 'PHAGS PA RNAMS CHOS CAN, RANG PHYOGS RANG BZHIN GYIS GRUB PA SGRUB PA'I SGO NAS RTZOD PA MI MDZAD DE, RTEN 'BREL RANG BZHIN GYIS SKYE 'GAG MED PAR MNGON SUM DU RTOGS PA'I PHYIR PHYI MA GNYIS LA, GZHAN PHYOGS BKAG PA RANG BZHIN GYIS GRUB PA MED DE, RANG PHYOGS BSGRUB PA RANG BZHIN GYIS MA GRUB PA'I PHYIR, GNYIS PA LA, LDOG TSUL DANG, 'JUG TSUL LO, ,DANG PO NI, GANG SOGS BZHI LA, DE CHOS CAN, NYON MONGS PA'I SPRUL GYI GZHAN DBANG DU MI 'GYUR TE, MTSAN 'DZIN GYI DMIGS PA'I GNAS BDEN PA CUNG ZAD KYANG MED PAR MNGON SUM DU RTOGS PA'I PHYIR, KHYAB PAR THAL, YUL YID DU 'ONG MI 'ONG GANG YANG RUNG BA DMIGS PA'I BDEN PA RNYED NA, NYON MONGS

PA'I SBRUL GYI GZHAN DBANG DU 'GYUR BA'I PHYIR, 'GRO 'KHYOG SAR 'KHRID PAS G-YO BA CAN ZHES SO, ,GNYIS PA NI, GANG SOGS BZHI LA, YID DU 'ONG MI 'ONG GANG YANG RUNG BA'I DMIGS PAR BDEN PAR SGRO 'DOGS PA DE DAG LA CHAGS SOGS NYON MONGS PA 'BYUNG BAR 'GYUR TE, CHAGS SDANG MNGON 'GYUR BA MED PA'I BAR LA TSOR BA BTANG SNYOMS LA GNAS PA'I SKABS DE YANG NYON MONGS PA MA RIG PA'I GZHAN DBANG DU GYUR PA'I PHYIR, GSUM PA LA, BDEN 'DZIN GYIS BCINGS PA LA BRTZE BAR BYA BAR BSTAN, 'PHAGS PA RNAMS DE LAS LOG PAR BSTAN PA'O, ,DANG PO NI, BYIS SOGS BZHI LA, BYIS PA SO SO SKYE BO CHOS CAN, DNGOS SU YUL GYI GZEB LA THOGS NAS 'KHOR BAR 'GYUR TE, NYON MONGS PA CAN MA RIG PA'I DBANG GIS DNGOS PO BDEN PAR 'DZIN PA'I PHYIR, DPER NA, BRDA LA MA BYANG BA'I BYIS PA BYAD BZHIN GYI GZUGS LA BYAD BZHIN DU 'DZIN PA BZHIN NO, ,GNYIS PA NI, BDAG SOGS BZHI LA, BDAG NYID CHEN PO 'PHAGS PA RNAMS CHOS CAN, DNGOS PO BDEN PAR 'DZIN PA'I DBANG GIS 'KHOR BA'I 'DAM LA CHAGS PAR MI 'GYUR TE, DNGOS PO THAMS CAD GZUGS BRNYAN LTA BUR RANG BZHIN MED PAR MNGON SUM DU RTOGS PA'I PHYIR, GANG 'KHOR BAR 'JUG PA DANG, LDOG PA PO'I RTEN NGOS BZUNG BA NI, BYIS SOGS BRGYAD LA, BYIS PA SO SO SKYE BO RNAMS CHOS CAN, 'KHOR BAR 'JUG PA'I RTEN YIN TE, 'DOD KHAMS KYI BYIS PA RNAMS 'DOD YON LNGAS BSDUS PA'I GZUGS LA CHAGS PA SKYE LA, RANG BZHIN MED PA MA RTOGS 'DOD PA LAS CHAGS PA DANG BRAL BA'I BAR

, ,KHAMS GONG GI BYIS PA RNAMS TSOR BA BTANG SNYOMS LA CHAGS PA SKYE BA'I PHYIR, DE NAS RKANG PA GNYIS LA, BDAG NYID CHEN PO 'PHAGS PA RNAMS CHOS CAN, 'KHOR BA LAS LDAG PA'I RTEN YIN TE, GZUGS KYI RANG BZHIN STONG PA NYID MNGON SUM DU RTOGS PA'I PHYIR, DE NAS GCIG LA 'DOD PA'I BYIS PA RNAMS 'DOD YON LNGAS BSDUS PA'I GZUGS LA CHAGS PA SKYE STE, YUL DE DAG SDUG PAR BDEN PAR SGRO 'DOGS PA'I PHYIR, DE NAS GCIG LA, KHAMS GONG GI BYIS PA RNAMS CHOS CAN, DE DAG LA CHAGS PA MI SKYE STE, DE LA MI SDUG PAR SGOM PA'I SGO NAS DE LA CHAGS PA DANG BRAL BA'I PHYIR, THA MA GNYIS LA, 'PHAGS PA RNAMS CHOS CAN, DNGOS PO THAMS CAD SGYU MA DANG 'DRA BAR MTHONG NAS MYA NGAN LAS 'DA' BAR 'GYUR TE, GZUGS KYI RANG BZHIN STONG NYID MNGON SUM DU RTOGS PA'I PHYIR, DON BSDU BA NI, GZHI MTHA' BRAL DU RTOGS PAS GROL BAR BSTAN, DGAG BYA MA DMIGS PAS GROL BAR BSTAN, DGAG PA DMIGS PAS GROL BAR BSTAN PA'O, ,DANG PO NI, LOG SOGS BZHI LA, RANG BZHIN MED PA RTEN 'BYUNG GI SGRA DON MNGON SUM DU RTOGS PA DE DAG CHOS CAN, LOG SHES KYIS GDUNG BA'I NYON MONGS PA'I RKYEN DU GZHAN DU MI 'GYUR TE, DNGOS PO DNGOS MED RANG BZHIN MED PA MNGON SUM DU RTOGS PA'I PHYIR, GNYIS PA NI, GZHAN SOGS BZHI LA, BDAG NYID CHEN PO 'PHAGS PA RNAMS CHOS CAN, 'DOD YON LA CHAGS PA DANG DE LA CHAGS PA DANG BRAL NAS KHAMS GONG MA LA CHAGS PAR 'GYUR BA MIN TE, GNAS SAM RTEN RANG BZHIN MED PAR MNGON SUM DU RTOGS PA'I

PHYIR, KHYAB PAR THAL, GNAS SAM RTEN BDEN PAR 'DZIN PA YOD NA, KHA CIG 'DOD YON LA CHAGS PA DANG, KHA CIG DE LA CHAGS PA DANG BRAL NAS KHAMS GONG GI 'DOD YON DANG RTEN LA CHAGS PA SKYE BA'I PHYIR RO, ,GSUM PA NI, GANG SOGS BZHI LA, DE CHOS CAN, NYON MONGS SPRUL GYIS DKRUGS PA'I SRID PA'I RGYA MTSO LAS BRGAL BAR 'GYUR TE, RANG BZHIN MED DO SNYAM PA'I G-YO BA'I YID RTOG PA DE G-YO BA MED PAR RANG BZHIN MED PAR MNGON SUM DU RTOGS PA'I PHYIR, GSUM PA BRTZAMS PA'I DGE BA BYANG CHUB TU BSNGO BA NI, DGE BA SOGS BZHI LA THOB PAR SHOG ,GANG NA RANG BZHIN MED PA'I DON LA CHU LA CHU BZHAG DANG MAR LA MAR BZHAG GI TSUL DU SLAR MI LDANG BA'I, TSUL GYIS BZHUGS PA CHOS SKU DANG, DE'I DBANG GIS 'GRO DON MDZAD PA GZUGS SKU GNYIS SO, ,DE GNYIS KYI RGYU CI 'DRA BA ZHIG YOD NA, BSOD NAMS DANG YE SHES KYI TSOGS SU'O, ,DGE BA GANG LA BRTEN NAS NA, RIGS PA DRUG CU PA BRTZAMS PA'I'O, ,CHED DU BYA BA GANG GI DON DU NA, SKYE BO KUN GYI'O, ,'DIR 'BAD PA'I DGE BA LA BRTEN NAS TSE RABS KUN TU DAM PA'I CHOS ZAB MO RTEN CING 'BREL 'BYUNG ZAB MO KHONGS SU CHUD PA DANG, DON DE NYAMS SU LEN PA DANG MI 'BRAL BAR SHOG ,'DI NI RJE THAMS CAD MKHYEN PAS GSUNGS PA KUN MKHYEN DAR MA RIN CHEN GYIS ZIN BRIS SU BTAB PA'O,, ,, ` AOm SVASTI, PHAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCHOG 'BRAS BZANG LA, ,SPYOD PHYIR BKRA SHIS LHUN GRUB CHOS GRVA CHER, ,CHOS SBYIN 'DZAD MED DAL 'GRO'I RGYUN 'DI SPEL,, ,,SARBA MANGGA LAm,, ,,