—

, ,RIGS PA DRUG CU PA'I t'IKKA BZHUGS SO, ,

, ,CHOS DBYINGS SPROS KUN NYE BAR ZHI BA'I MKHAR, ,GANG GI THUGS RJE'I DKYIL 'KHOR SHAR BA YIS, ,BDAG BLO DAD PA'I MYU GU RGYAS GYUR PA'I, ,LAG PAD SPYI BOR ZUM BYED DE LA 'DUD, ,GANG ZHIG SKAD CIG YID LA DRAN TZAM GYIS, ,RTAG CHAD MTHAR LTA'I RI BO RNAM 'JOMS LA, ,BLA MED THEG MCHOG LAM LA BKRI BYED PA, ,MGON PO KLU SGRUB ZHABS LA PHYAG 'TSAL LO, ,THUB PA'I DBANG PO MYA NGAN 'DAS GYUR NAS, ,DE YI BSTAN PA SNYIGS MAR GYUR PA NA, ,RTEN 'BYUNG DE NYID STON PA'I SKYES GCIG PU, ,ZLA BA'I ZHABS LA'ANG ZOL MED SPYI BOS 'DUD, ,DE YI DGONGS DON MA NOR GSAL BAR STON,, BLA MA MCHOG LA GUS PAS BTUD BYAS TE, ,RIGS PA'I DBANG PHYUG GANG GIS MDZAD PA YI, ,RIGS PA DRUG CU PA NI RNAM PAR DBYE, ,DE LA 'DIR BDAG NYID CHEN PO 'PHAGS PA KLU SGRUB KYIS MDZAD PA'I RIGS PA

, ,DRUG CU PA NA GANG BSHAD PAR BYA BA'I CHOS SO, ,DE YANG SPYIR BKA' THAMS CAD KYI DGONGS PA MTHAR THUG DBU MA CHEN PO'I DON CAN DU BSTAN PAR BYA BA'I PHYIR, KHYAD PAR NYAN THOS SDE PA SKYE 'JIG RANG BZHIN GYIS GRUB PAR 'DOD PA DAG GI LOG RTOG DGAG PAR BYA BA'I PHYIR DE DAG LA YANG GRAGS PA'I NYAN THOS KYI SDE SNOD KYI LUNG DON RIGS PAS GTAN LA 'BEBS PAR BYED PA YIN NO, ,'DI LA, RTZOM PA'I SNGON 'GRO MCHOD BRJOD DANG, BRTZAMS PAR BYA BA'I GZHUNG DNGOS, BRTZAMS PA'I DGE BA BSNGO BA'O, ,DANG PO LA, DGOS PA'I DON, BSDUS DON, TSIG DON GSUM GYIS 'CHAD PA NI, ,GANG GIS SKYE DANG 'JIG PA DAG ,TSUL 'DI YIS NI SPANGS GYUR PA, ,RTEN CING 'BYUNG BA GSUNG BA YI, ,THUB DBANG DE LA PHYAG 'TSAL LO, ,ZHES PA'O, ,DE LA DGOS PA NI, RANG NYID YA RABS DAM PA'I SPYOD PA DANG MTHUN PAR BSTAN PA'I PHYIR DANG, BSTAN BCOS RTZOM PA'I BYA BA MTHAR PHYIN PAR BYA BA'I PHYIR YIN NO, ,PA TSAB KYI ZHAL NAS, 'PHAGS PA YAB SRAS MCHOD BRJOD LA DGOS PA MI BZHED DE, DGOS PA 'GA' ZHIG LA DMIGS NAS, DE BLO YUL DU BYAS

NAS MCHOD BRJOD BYED PA MA YIN NO, ,'O NA JI ZHE NA, YUL KHYAD PAR CAN LA DAD PA DRAG PO SKYES NAS DAD PA KHA SHOR GYI PHYAG MDZAD PA YIN TE, DPER NA, DAD LDAN 'GA' ZHIG DGOS PA LA RTOG DPYOD MI BYED PAR GANG DU SKYABS 'GRO THOL BYUNG DU 'BYUNG BA BZHIN ZHES GSUNG SKAD, GTZANG PA SA RBOS NA RE, DE LTAR DGOS PA MI BZHED DE, BZHED NA 'PHAGS PA YAB SRAS CHOS CAN, GANG ZAG DAM PA MA YIN PAR THAL, DGOS PA'I LAN LA RE BA DANG BCAS PA'I PHYIR, DPER NA TSONG PA BZHIN ZHES 'KHOR GSUM KHAS BLANGS DANG DAM BCA' LA LUNG DAG GRAGS PAS BSAL BA'I THAL 'GYUR 'GOD LA, RMA BYA BYANG YES NA RE, DE LTAR DGOS PA MI BZHED DE, SA LA GNAS PA'I CHAGS BRAL GYI GNAS SKABS YIN PAS, BLANG DOR GYI DMIGS PA THAMS CAD BCOM NAS DGOS PA RTZIR MED PA'I PHYIR CES GZHAN LA GRAGS KYI GTAN TSIGS 'GOD LA, ZHANG THANG SAG PAS KYANG, RIGS PA DRUG CU PA'I t'IKKAR DE DAG DANG MTHUN PAR BKOD MOD, 'THAD PA MA YIN TE, DE LA RE SHIG PHYOGS DANG PO MI RIGS TE, THAR PA DON GNYER GYI BLO BCOS MA MA YIN PA BSKYED PA'I GANG ZAG DGOS PA LA MI BLTOS PAR 'GYUR TE, DANG BA SKYES NAS CHOS BYED PA'I PHYIR, RIN PHRENG DU, DAD CAN NYID PHYIR CHOS LA BRTEN ZHES GSUNGS SO, ,GNYIS PA'ANG MI RIGS TE, DAM PA BYA BA GANG BYED KYANG GZHAN DON LA 'JUG PAR MTHONG BA'I PHYIR, GSUM PA'ANG MI RIGS TE, MNYAM GZHAG TU BCOM PA'I PHYIR ZER NA, KHYAB PA MA NGES SHING, RJES THOB TU BCOM PA MI 'GRUB STE, BLANG BYA LEN ZHING DOR BYA 'DOR BA'I PHYIR, DES NA 'PHAGS PA YAB SRAS CHOS CAN, RTOGS LDAN MIN PAR THAL, DGOS MED KYI BYA BA LA 'JUG PA'I PHYIR, GANG ZAG RMONGS PA BZHIN, THAL BA KHAS BLANGS DANG BSAL BA

, ,STON TSUL 'OG TU 'CHAD PAS MA SPROS SO, ,BSDUS PA'I DON NI, BSTOD PHYAG GNYIS BSTOD PA LA RTEN 'BYUNG GSUNG BA DANG, SKYE 'JIG SPANGS PA DANG, DE TSUL JI LTAR SPANGS PA RNAMS KYIS BSTAN TO, ,TSIG DON LA DNGOS DANG, RTZOD SPANG GNYIS SO, DANG PO LA, PHYED PHYI MA'I TSIG DON NI, PHYAG 'TSAL LO, ,GANG LA NA, RTEN 'BYUNG GSUNG BA KHO NAS THUB DBANG DU BZHAG CING, RTEN 'BYUNG GSUNG BA'I THUB DBANG DE LA'O, ,THUB DBANG NYID KYANG RTEN 'BYUNG GSUNG BA'I 'JOG BYED KYI RGYU YIN TE, GZHAN LA NUS PA MED PA'I PHYIR, NYAN THOS DANG, RANG SANGS RGYAS DANG, BYANG CHUB SEMS DPA' RNAMS KYANG THUB PA'I DBANG POS BSTAN PA NYID LAS RTAGS NUS PA YIN GYI, RANG DBANG DU NUS PA MED DO, ,DE LTA NA THUB DBANG DU 'GRUB PA RTEN 'BYUNG GSUNG BA NGES PA LA BLTOS, DE YANG THUB DBANG DU NGES PA LA BLTOS PAS PHAN TSUN BLTOS PA'I PHYIR, GNYIS KA MI 'GRUB BO ZHE NA, PHAN TSUN BLTOS PAS NGO BO NYID KYIS MI 'GRUB PA 'DOD LA, SPYIR MI 'GRUB PAR THAL NA NI KHYAB PA MED DO, ,YON TAN GZHAN GYIS MI BSTOD PAR RTEN 'BYUNG GSUNG BA KHO NAS BSTOD PA CI ZHE NA, BSTOD PA PO'I RANG BZHIN DANG, BSTOD PA'I RNAM PA DANG, BSTOD PA'I RGYU'O, ,DANG PO NI, SLOB DPON RANG NYID DE KHO NA NYID RTOGS PAS DGYES PA'I KHYAD PAR BRNYES PA DANG, RTEN 'BREL RTOGS PAS YON TAN THAMS CAD KYI 'BYUNG GNAS SU GZIGS PA'O, ,GNYIS PA NI, GSUNG BYA RTEN 'BYUNG RANG BZHIN GYIS MA SKYES PAS, MTHAR LTA'I DRI MA THAMS CAD DANG BRAL BA DE STON BYED DU GYUR PAS YON TAN GYI DBANG PHYUG TU GYUR PA'O, ,GSUM PA NI, SLOB DPON RTEN 'BYUNG 'CHAD PAR BZHED PA DANG, DE STON

PA PO DE BZHIN GSHEGS PA LA GUS PA BSKYED PA'O, ,PHYED PHYI MA'I TSIG DON NI, GANG GIS RTEN CING 'BREL PAR 'BYUNG BA RANG GI MTSAN NYID KYIS SKYE BA DANG 'JIG PA TSUL 'DI YIS SPANGS PAR GYUR PA'I THUB DBANG DE LA PHYAG 'TSAL LO, ,THUB PA NI LUS NGAG YID GSUM THUB PA'O, ,DBANG LA PHYUG PA DANG, DBANG CHE BA GNYIS TE, TSOGS GNYIS BSAGS PA DANG NYAN THOS SOGS LA MNGA' BSGYUR BAS SO, ,TSUL 'DIS ZHES PA LA BSHAD TSUL BZHI STE, RGYU 'BRAS PHAN TSUN BLTOS PA DANG, SNGA MA LA BRTEN NAS PHYI MA RIM BZHIN DU 'BYUNG BA DANG, DE KHO NA NYID RTOGS TSUL GYI RIM PA DANG, 'CHAD PAR 'GYUR BA'I RIGS PA'I TSUL LO, ,DE'I DBANG GIS GANG GIS LA YANG BZHI STE, RGYU GANG GIS DANG, GSUNG BA PO GANG GIS DANG, THUB DBANG DU 'JOG PA'I RGYU GANG GIS DANG, 'THAD PA GANG GIS ZHES SO, ,RTEN 'BYUNG GSUNG BAS THUB DBANG YIN PAR MA ZAD KYI, DNGOS PO RNAMS KYI RANG BZHIN GYIS SKYE BA DANG 'JIG PA BKAG PA'I PHYIR YANG THUB DBANG NGO, ,GANG GIS SPANGS NA, RGYU 'BRAS PHAN TSUN BLTOS PA'I TSUL 'DI YIS SO, ,'BRAS BU 'BRAS BUR 'JOG PA RGYUS BSKYED PA DANG, RGYU RGYUR 'JOG PA YANG 'BRAS BU SKYE BA LA BLTOS PAS SO, ,YANG SKYE BA DANG 'JIG PA DAG SPANGS SO, ,GSUNG BA PO GANG GIS TSUL JI LTAR NA, SNGA MA LA BRTEN NAS PHYI MA 'BYUNG BA'I TSUL 'DI YIS SO, ,YANG RGYU GANG GIS SPANGS NA SKYE BA SHES PAS 'JIG PA SHES ZHES PA'I RTOGS TSUL LAM STON TSUL GYI RIM PA'I TSUL 'DI YIS SO, ,DE LTAR BSTAN PA LA DGOS PA CI YOD CE NA, RIM PA 'DIS GDUL BYA LA PHAN GDAGS PAR BYA BA'I PHYIR RO, ,YANG SLOB DPON RANG NYID KYIS 'OG NAS 'CHAD PAR 'GYUR BA'I GSUNG RAB LAS GSUNGS PA'I

, ,RIGS PA'I TSUL 'DI YIS SPANGS PAR GYUR PA'O, ,GNYIS PA RTZOD SPANG NI STONG NYID BDUN CU PA DANG, RTZOD LDOG LA BSTOD PA MA MDZAD PAR 'DI LA MDZAD PA CI ZHE NA, RTZA BA SHES RAB DANG 'DI NI THOG MA NYID NAS RTEN 'BREL CI TZAM LAS BRTZAMS NAS GTAN LA 'BEBS PA RANG DBANG BA'I BSTAN BCOS YIN PAS MCHOD BRJOD MDZAD LA, GNYIS PO NI RTZA BA'I 'PHROS DON TZAM YIN GYI, LOGS SHIG TU BRJOD BYA RANG DBANG BA MED PAS MA MDZAD DO, ,GANG LA 'PHROS PA NI 'GREL PA LTAR RO, ,GNYIS PA BRTZAMS PAR BYA BA'I GZHUNG DNGOS LA, RTEN 'BREL MTHA' BRAL DU BSTAN PA DANG, PHUNG SOGS GSUNGS PA DRANG DON DU BSGRUB PA DANG, PHUNG POR ZHEN PA'I NYES DMIGS DANG THAR PA'I PHAN YON NO, ,DANG PO LA, YOD MTHA' DGAG ,MTHA' GNYIS KYI SGRUB BYED DGAG ,MTHA' GNYIS KYI NGO BO DGAG PA'O, ,DANG PO LA, RTEN 'BYUNG SPROS BRAL DU GANG GIS RTOGS PA DANG, YOD MTHA' 'GOG PA'I RIGS PA'O, ,DANG PO LA DNGOS DANG, ZAB MO BSTAN PAR GDAMS PA'O, ,DANG PO NI, BU MA SKYES PA DE BU SKYES SO ZHES PA'I SGRA'I DON DU 'GAL BA LTAR SKYE 'GAG MED PA YANG RTEN 'BREL GYI SGRA'I DON DU 'GAL LO ZHE NA, BYIS PA'I BLO LA BLTOS NAS 'GAL BAR RTOG NA NI RTOGS SHIG ,KHO BO LA NYES PA MED DE, BYIS PA RNAMS KYIS RTEN 'BREL GYI MING NYID LAS RANG BZHIN DANG BCAS PA ZHEN PA'I PHYIR 'PHAGS PA'I GZIGS PA LA BLTOS NAS NI RTEN 'BYUNG RANG BZHIN MED PAR CHES GSAL BAR KHONG DU CHUD NUS SO ZHES BSTAN PA'I PHYIR, GANG DAG GI BLO YOD MED LAS, ,RNAM PAR 'DAS SHING MI GNAS PA, ,DE DAG GIS NI RKYEN GYI DON, ,ZAB MO

DMIGS MED RNAM PAR RTOGS, ZHES GSUNGS SO, ,RKANG PA PHYED DANG GSUM GYIS RTOGS BYED DANG, PHYED DANG GNYIS KYIS RTOGS BYA BSTAN TO, ,DE LA TSE 'DIR STONG PA NYID LA GOMS PA RLABS CAN MED KYANG, SNGON 'DAS PA'I SKYE BAR GOMS STOBS DANG LDAN PA 'PHAGS PA SH'A RI'I BU LA SOGS PA GANG DAG GI BLO DE DAG GIS NI RNAM PAR RTOGS TE, YE SHES KYIS MNGON SUM DU BYED CES PA'I DON TO, ,JI LTAR 'JIG RTEN LAS DANG NYON MONGS RGYUR BCAS BYED RGYUR LDAN 'BYUNG DANG, ,LAS DANG NYON MONGS PA DAG LDOG RGYU DE YANG 'DREN PAS RAB TU GSUNGS, ,GANG NA SKYE DANG RGA DANG RGUD PA'I SDUG BSNGAL NGES PAR MI GNAS PA, ,THAR PA'I MCHOG DE SMRA BA'I KHYU MCHOG DE YIS RANG GIS MKHYEN TE GSUNGS ZHES PA'I TSIGS BCAD 'PHAGS PA SH'A RI'I BUS 'PHAGS PA RTA THUL LAS THOS PA TZAM GYIS DE KHO NA NYID KHONG DU CHUD PAR GSUNGS PA'I PHYIR, BLO JI LTA BU ZHE NA, YOD PA DANG MED PA'I MTHA' GNYIS SU MTHONG BA LAS RNAM PAR 'DAS SHING DE GNYIS LAS GZHAN PA'I DBUS MED PA'I PHYIR, DE LA'ANG MNGON ZHEN GYIS MI GNAS PA'O, ,GANG RTOGS NA RKYEN RTEN CING 'BREL PAR 'BYUNG BA'I DON TO, ,DE YANG BYIS PA RNAMS SKRAG PAR BYED PA'I PHYIR DANG, DE RNAMS KYIS GTING DPAG PAR MI NUS PA'I PHYIR ZAB MO RANG BZHIN GYIS MA SKYES PA NYID KYIS YOD PA DANG MED PA DANG DBUS YONGS SU RTOGS PA'I BLO PHYIN CI LOG GI YUL DU DMIGS MI NUS PAS DMIGS SU MED PA'O, ,YANG NA RKYEN GYI DON LA DE LTAR RTOGS ZHES SBYAR RO, ,DE LA 'DIR 'PHAGS PA'I MNYAM GZHAG NA BLO YOD MED DPYAD PAR BYA STE, GANG DAG BLO KHAS BLANGS NAS DE YANG SNANG BA DANG BCAS PA'O ZHES SMRA BA DE DAG NI DBU MA'I PHYOGS KYI DRI TZAM

, ,YANG MI SNANG BAS SUN DBYUNG BA'I GNAS TZAM DU YANG MI RUNG BA'I PHYIR 'BAD PAR MI BYED DO, ,MED PA'I PHYOGS DPYAD PAR BYA STE, GNAS LUGS MNGON DU GYUR PA NA CHU LA CHU BZHAG DANG MAR LA MAR BZHAG GI TSUL DU DBYER MED PAS BLO CHOS DBYINGS SU GYUR PA'O ZHE NA, DE LTAR NA CHOS DBYINGS KYANG BLOR 'GYUR TE RGYU MTSAN MTSUNGS PAS SO, ,SBYOR LAM CHOS MCHOG GI DUS NA BLO YOD PA DE LA PHYI MA MA SKYES PA TZAM LA KHAS LEN NA, DE NI MED PAR DGAG PA TZAM YIN GYI, CHOS DBYINGS MTHONG BA'I DON DU MI RUNG NGO, ,PHYI MA MA SKYES SHING SNGA MA GCIG PA LA 'DOD NA YANG DON DAM BDEN PAR MI 'GYUR TE, DNGOS PO GCIG PA RGYU ZAD PA'I RKYEN LAS SKYES PA'I PHYIR, BLO SNGAR NAS YOD MA MYONG BA DE LTA BU'I DPYAD PA MI 'JUG GO ZHE NA, DE LTAR NA SO SKYE LA'ANG BLO MED PAS 'PHAGS PA 'BA' ZHIG DMIGS KYIS BKAR BA LA DGOS PA MED DO, ,SO SKYE LA GNYIS SU SNANG BA'I BLO YOD NA 'PHAGS PA'I MNYAM GZHAG NA YANG GNYIS SNANG DANG BRAL BA'I BLO CI'I PHYIR MI BZHAG ,BLO TZAM LA GNYIS SNANG GI KHYAB PA GANG DU YANG SGRUB MI NUS TE, 'BREL PA MED PA'I PHYIR RO, , DE LTA MIN NA MNYAM GZHAG NA GNYIS SNANG YOD PA'I THA SNYAD RIGS PAR 'GYUR TE, BLO'I THA SNYAD SBYAR BA'I PHYIR RO, ,SNYING RJE'I SEMS DANG GNYIS SU MED BLO DANG, ZHES PA DANG, 'DIR YANG DE LTAR GSUNGS PA'I PHYIR, BLO YOD NA YUL YANG KHAS BLANG DGOS PAS YUL YUL CAN GYI SPROS PA MA ZHI BAR 'GYUR RO ZHE NA, MNYAM GZHAG GIS GZIGS PA'I DON NI YUL DANG YUL CAN GANG YANG MED PA'I PHYIR SPROS PA MA ZHI BAR GA LA 'GYUR TE, DE TZAM GYIS YUL YUL CAN 'GAG PAR NI MI RIGS TE, MIG SHES KYI NGOR SGRA MED PAS SGRA MED PAR

MI 'GRUB PA BZHIN, MNYAM GZHAG DANG DON DAM BDEN PA YUL YUL CAN DANG RTOGS BYA RTOGS BYED DU SLOB DPON YAB SRAS KYIS GSUNGS SHING, DE LTAR THA SNYAD PA'I TSAD MAS GZHAL BA'I PHYIR, GANG DAG MNYAM GZHAG GIS MA GZIGS NA MED DGOS SO ZHES SMRA BA DANG, DON DAM PA'I TSAD MA DANG THA SNYAD PA'I TSAD MA DBANG GANG BTZAN DPYAD NAS THA SNYAD PA'I TSAD MA'I YUL LA GNOD PA BYED PA NI RIGS PA'I TSUL LAS 'DAS PAR 'OG NAS DPYAD PAR BYA'O, ,GAL TE DER BLO KHAS BLANGS NA LAM LA MTSAN 'DZIN DU 'GYUR RO ZHE NA, RIGS NGOR BLO YOD PAR SMRAS NA DER 'GYUR MOD, THA SNYAD PA'I TSAD MAS DE LTAR BZHAG PAS GA LA 'GYUR, DE LTA NA BLOS GANG DU GZUNG YANG MTSAN 'DZIN DU 'GYUR BAS LTA BA SKYONG LUGS RGYA'I MKHAN PO BZHIN DU 'GYUR DGOS SO, ,LTA BA RGYA'I MKHAN PO LTAR 'THAD NA NYAMS LEN YANG DE KHO NA LTAR 'GYUR DGOS TE, MTSAN 'DZIN RNAM PA KUN TU DGAG PA RIGS KYI SO SO SKYE BOS KYANG MTSAN 'DZIN PA NYAMS LEN GYI MTHIL DU BYED PA NI RNAM PA THAMS CAD DU MI RIGS SO, ,DE LTA NA BLO DE LA DON SPYI JI LTAR 'CHAR SNYAM NA, GZUNG RNAM MTHA' DAG GIS DBEN PA NAM MKHA' LTA BU'I DPES BSTAN PAR BYA'O, ,DNGOS POR SMRA BA GANG DAG GZUNG RNAM DANG 'DZIN RNAM GNYIS SU 'DOD PA DAG GIS 'DZIN RNAM DE LA YANG THUN MONG MA YIN PA'I DON SPYI JI LTAR 'CHAR YANG BSAM PAR BYA'O, ,MYONG TZAM PAS SO ZHES PA NI MING GI THA SNYAD TZAM YIN NO, ,DE LTA NA DER 'DZIN RNAM YOD PAR 'GYUR TE, BLO KHAS BLANGS NAS GZUNG RNAM MTHA' DAG GIS DBEN PA'I PHYIR CE NA, SKYON MED DE, BLTOS CHOS KYI RNAM PAS DBEN PA YIN GYI, CHOS NYID KYI RNAM PA NI DER DGAG PAR

, ,MI BYA'O, ,'BYUNG BA CHE LA SOGS BSHAD PA ZHES PA'I SKABS SU YUL GYI RNAM LDAN KHAS BLANGS PA'I PHYIR BSGYUR BYA DANG SGYUR BYED BSGYUR BA'I RNAM PA GSUM YOD MED KYANG DPYAD DO, ,GZHAN YANG LAM BDEN 'DUS BYAS SU BZHAG CING, DE'I MTSAN GZHIR 'PHAGS LAM YAN LAG BRGYAD BZHAG PA'I PHYIR DANG, DE DAG LA RJES THOB KYI KHYAB PA GANG DU YANG MA GSUNGS SHING MNYAM GZHAG LAM MIN PAR YANG MA GSUNGS SO, ,SPANG BYA SPONG TSUL SLOB DPON LEGS LDAN 'BYED SOGS KYIS 'KHRUL PAS 'KHRUL PA SPONG BAR DPE'I SGO NAS BZHAG PA NI SO SO SKYE BO'I SKABS SU DANG, SPANG GNYEN DON LA GRUB PA 'GOG PA YIN GYI, SA BON SPONG BA LA BDAG MED MNGON SUM DU MTHONG DGOS PAR 'JUG 'GREL SOGS KUN TU GSUNGS PA'I PHYIR DANG BDEN PA MNGON PAR RTOGS PA SKAD CIG MA GCIG TU GSUNGS PA'I PHYIR, THA SNYAD PA'I BLO'I DUS LA DPAGS NAS DPER BZHAD DO, ,ZHES PA LA YANG NGES BYED MI SNANG BAS SHIN TU MI GSAL BA'I TSIG DON LA 'BAD PA BYED PAR MI RIGS SO, ,MDOR NA, DON GANG LA 'DZIN YANG MNYAM GZHAG NA BLO MED PA'I THA SNYAD SBYAR BAR MI BYA STE, SLOB DPON YAB SRAS RJES 'BRANG DANG BCAS PAS BLO YOD PA'I THA SNYAD SBYAR BA'I PHYIR, DE DAG DON DAM LA DPYOD PA'I RIGS PA YIN PAS DE LTA BUS DPYAD PAR MI BYA ZHE NA, DE LTA NA BLO MED PA'I PHYOGS KYANG MI BZHAG GO ,DON 'DI NI SHIN TU DKA' BAS DE LTAR DPYAD PA TZAM YIN GYI, DGAG PA LHUR BLANGS PA MA YIN TE, BDAG BLO MI GSAL BAS RTOGS PAR DKA' BA'I PHYIR RO, ,GNYIS PA, MED LTA DGAG PA BSHAD ZIN DRAN PA LA SBYAR BA DANG, YOD LTA DGAG PA LA MNYAN PAR GDAMS PA'O, ,DANG PO NI, RANG SDE NA RE, CHOS THAMS

CAD STONG NYID DU MI 'THAD DE, SGRUB BYED MED CING GNOD BYED YOD PAS SO, ,DANG PO NI, STONG NYID DU SGRUB PA'I 'THAD PA MI SRID PA'I PHYIR DANG, RIGS PAS GNOD DE, MNGON SUM GYIS DMIGS PAR MI 'GYUR BAR THAL, MED PA'I PHYIR, BONG BU'I RVA BZHIN DES NA YOD DE, MNGON SUM GYIS DMIGS PA'I PHYIR DANG, LUNG GIS KYANG GNOD DE, MDO LAS, RTEN 'BREL CHO GSUM PA GSUNGS PA DANG, CHOS MNGON PA LAS KYANG, PHUNG KHAMS SKYE MCHED KYI RANG SPYI'I MTSAN NYID GSUNGS PA'I PHYIR CE NA, LAN NI, RE SHIG NYES KUN 'BYUNG BA'I GNAS, ,MED NYID RNAM PAR LDOG ZIN GYIS, ,'JIG RTEN DANG 'JIG RTEN LAS 'DAS PA'I DGE RTZA THAMS CAD SUN 'BYIN PA LA ZHUGS PAS DMYAL BA LA SOGS PA'I SDUG BSNGAL THAMS CAD BSKYED PA'I RGYU YIN PA DANG, DGE BA SNGAR YOD 'GRIB PA'I RGYU YIN PAS NYES PA KUN 'BYUNG BA'I GNAS LAS 'BRAS LA SKUR BA 'DEBS PA'I MED PA NYID DU LTA BA 'DI NI KHYOD KYIS LOG ZIN PA NYID KYIS RE SHIG 'GOG PAR MI BYED DO, ,YANG NA CHOS MNGON PA'I MDO LAS LOG ZIN PAS DGAG PA RE SHIG MI BYED DO ZHES PA'O, ,DE LTA NA, YOD LTA YANG DGAG MI RIGS PAR 'GYUR TE, DGE SLONG DAG ,BDEN PA DAM PA NI GCIG STE, MI SLU BA'I CHOS CAN MYA NGAN LAS 'DAS PA'O, ZHES PAS BKAG ZIN PAS SO ZHE NA, DE NI MI MTSUNGS TE, YOD LTA 'GOG PA NI, NYAN THOS KYI SDE SNOD LAS, LAN MANG DU DANG, BAR MED PA DANG, GZHUNG GCIG TU YOD LTA 'BA' ZHIG 'GOG PA'I GZHUNG MA GSUNGS LA, MED LTA 'GOG PA DE LAS LOG PAR GSUNGS PAS CHES GSAL BA'I DE DAG LA YANG RIGS PA MI STON TO, ,THEG PA CHEN PO'I SDE SNOD LAS, DE LTAR GSUNGS ZHES

, ,MI BSAM STE, 'DI NI NYAN THOS SDE PA RANG LA GRAGS PA'I LUNG LA BRTEN NAS DGAG PA MDZAD PA YIN PA'I PHYIR, 'O NA NYE BA'I GDUL BYA DE DAG LA BCOM LDAN 'DAS KYIS YOD LTA 'GOG PA'I RIGS PA RGYAS PAR MI STON CE NA, DE DAG NI RGYUD SMIN PA YIN PAS, 'BAD PA CHEN POS BSTAN MI DGOS LA, CHOS KYI BDAG MED RDZOGS PAR BSGOM PA MED PAS SO, ,'O NA NYE BA'I GDUL BYA THEG PA CHEN PO PA LA YANG MTSUNGS SHE NA, SKYON MED DE, SHES BYA SHES PA LHUR LEN PA DANG, CHOS KYI BDAG MED RGYAS PAR SGOM PA'I PHYIR RO, ,GNYIS PA NI, RIGS PA GANG GIS YOD NYID KYANG, ,LDOG PAR 'GYUR BA MNYAN PAR GYIS, ,'OG NAS 'CHAD PAR 'GYUR BA YI, ,JI LTAR BYIS PAS RNAM BRTAGS BZHIN, ZHES SOGS KYIS RIGS PA GANG GIS YOD PAR BLTA BA NYID KYANG RTEN 'BREL GYI GTAN TSIGS SOGS KYIS LDOG PAR 'GYUR BA BSHAD KYI MNYAN PAR GYIS ZHES GDAMS PA'O, ,KYANG GI SGRA BRJOD PAR MI RIGS TE, MED LTA 'GOG PA'I 'BAD PA MI BYED PAR BSTAN PAS SO ZHE NA, SKYON MED DE, YOD LTA YANG MDO LAS LDOG ZIN MOD, DE LTA NA YANG SNGAR GYI 'GAL BA DE DAG MED CES PA'O, ,GNYIS PA YOD MTHA' 'GOG PA'I RIGS PA LA, SKABS SU BABS PA'I THAL BA DANG, ZHAR BYUNG NGO, ,DANG PO NI, RIGS PA DE YANG GANG ZHE NA, JI LTAR BYIS PAS RNAM BRTAGS BZHIN, ,DNGOS PO GAL TE BDEN GYUR NA, ,DE DNGOS MED PAS RNAM THAR DU, ,GANG GIS MI 'DOD RGYU CI ZHIG ,'DI LTAR, BYIS PA LA DA LTAR SNANG BA 'DI DAG JI LTAR SNANG BA LTAR MI BDEN TE, GAL TE, JI LTAR BYIS PAS RNAM PAR BRTAGS PA BZHIN DNGOS PO 'DI DAG GAL TE BDEN PAR GYUR NA, BYIS PA DE DAG CHOS CAN, PHUNG

PO'I DNGOS PO GTAN MED PAR PHYIS SKYE BA MI LEN PA'I RNAM PAR THAR PA MYA NGAN LAS 'DAS PA THOB PA'I BDAG NYID DU NYAN THOS SDE PA KHYOD RGYU MTSAN GANG GIS MI 'DOD DE 'DOD RIGS PAR THAL, MI 'DOD PA LA RGYU CI ZHIG YOD DE, CUNG ZAD KYANG MED PA'I PHYIR TE, BDEN PA MTHONG BAR 'DOD PA'I PHYIR, DPER NA, DGRA BCOM PA MYA NGAN LAS 'DAS NAS PHYIS MI SKYE BA BZHIN NO, ,DE LTAR THAL BA LAS, BYIS PAS THAR PA MA THOB PA'I PHYIR, SNANG BA 'DI DAG MI BDEN PAS, YOD PA'I MTHAR MA GRUB BO, ,ZHANG THANG SAG PA 'DI DAG KUN RDZOB SPYOD PAS RANG RGYUD DU MDZAD KYANG THAL LDAG GAM RANG GRAGS KYI GTAN TSIGS SO, ,'KHOR BA THOG MA MED PA NAS BDEN PA MTHONG NA, DE TZAM MYA NGAN LAS 'DAS PA THOB PAR THAL BA 'PHEN PA YIN GYI, MTHONG LAM NAS MYANG 'DAS 'JOG PA MIN TE 'OG TU DPYOD DO, ,LUNG LAS, BYIS PAS BDEN PA MTHONG BA LA GNOD BYED STON PA NI, DBANG PO DRUG BSTEN PA LA BRTEN GYIS, BRTAGS NAS TSAD MA MA YIN PAR BSTAN PA'O, ,LUNG 'DI DAG SHES BYED DU BYAS NAS, GNYIS SNANG GI BLO LA TSAD MA MIN PAS KHYAB PAR 'DOD PO NI SMRA BA THAMS CAD RDZUN ZHES PA DANG CHOS MTSUNGS TE, DE LTAR GO BA'I RANG GI BLO TSAD MAR KHAS BLANGS PA'I PHYIR, DE MI 'DOD NA, DE GNYIS LAS 'THAD MI 'THAD KYI KHYAD PAR JI LTAR 'THAD DE, DES NA LUNG 'DI DAG GIS NI DBANG PO DE KHO NA NYID DPYOD PA'I CHAD MA MIN TE, GZHAN DU 'PHAGS LAM LA 'BAD PA DON MED PAR THAL BA 'PHANGS PA YIN GYI, DE 'DRA MIN NA TSAD MA BZHI'I RNAM GZHAG BYED PA MI RIGS PAR 'GYUR RO, ,DA NI THAL 'GYUR DANG RANG RGYUD DU SMRA BA'I DBU MA PA'I KHYAD PAR BSHAD PAR BYA STE, DE LA BSHAD PA'I RNAM GRANGS DANG 'THAD PHYOGS

, ,NGOS BZUNG BA'O, ,DANG PO LA, SPYIR RANG RGYUD KYI DAM BCA' LAS LEN MI LEN DANG, DE KHO NA NYID LA DPYOD PA'I SKABS SU KHAS LEN MI LEN DANG, DNGOS PO STOBS ZHUGS KYI TSAD MKHAS LEN MI LEN DANG, CHOS CAN LA MTHUN SNANG YOD MED DU SMRA BA DANG, RANG LUGS KYI KHAS LEN YOD MED DANG, YONGS GCOD KYI DAM BCA' YOD MED DANG, RANG LUGS MI SGRUB PAR GZHAN GYI PHYOGS 'GOG PA TZAM DU KHAS LEN MI LEN DANG, THAL 'GYUR GYI DAM BCA' TZAM YOD MED DANG, SANGS RGYAS LA RANG RGYUD KYI YE SHES KHAS LEN MI LEN DANG, RANG RIG KHAS LEN MI LEN DANG BCU'O, ,DE LA PHYI MA GNYIS NI, SBA BA LONG MED KYI DBU MA THAL RANG GI KHYAD 'JOG PA DANG CHOS MTSUNGS SO, ,KHAS LEN YOD MED KYANG BEM RIG GI KHYAD DU 'JOG NA MDZES PA TZAM MO, ,DRUG PA DANG BDUN PA GNYIS KYANG MI 'THAD DE, KUN RDZOB DPYOD PA'I SKABS SU YONGS GCOD KYI DAM BCA' DANG, RANG LUGS THAL 'GYUR BAS KYANG KHAS LEN LA, RIGS NGOR YONGS GCOD RANG RGYUD PAS KYANG KHAS MI LEN TE, SLOB DPON CHEN PO LEGS LDAN 'BYED KYIS, GZUGS KYI SKYE BA MED DO SNYAM DU DPYOD NA SHER PHYIN LA SPYOD KYI, GZUGS KYI SKYE BA MED PA YOD DO SNYAM NA SHER PHYIN LA MI SPYOD DE, RIGS NGOR SKYE BA 'GOG PA YIN GYI, SKYE MED MI SGRUB PAR GSUNGS PA'I PHYIR, DES NA 'THAD PHYOGS NI DANG PO LTAR YIN LA, DE YANG CHOS CAN LA MTHUN SNANG YOD MED YIN TE, RANG RGYUD KYI RTAGS YOD MED NI, MTHAR RGOL PHYI RGOL GYI MTHUN SNANG DU GZHI CHOS CAN GRUB MA GRUB LA RAG LAS PA'I PHYIR RO, ,DNGOS PO STOBS ZHUGS ZHES PA YANG DNGOS PO RANG MTSAN PA KHAS LEN PA LA ZER NA YANG MI 'THAD DE, SLOB DPON LEGS LDAN 'BYED KYIS KYANG BKAG PA'I PHYIR, THA SNYAD PA'I TSAD MA'I MTHUN

SNANG DE KHO NA NYID LA DPYOD PA'I SKABS SU MI RUNG LA, RIGS NGOR CHOS CAN MED PA SLOB DPON LEGS LDAN 'BYED KYIS KYANG KHAS BLANGS PA'O ZHE NA, RANG RGYUD KYI RTAGS KHAS LEN PA DANG, RIGS NGOR CHOS CAN MED PAR 'DOD PA LEGS LDAN 'BYED KYI NANG 'GAL DU ZLA BA GRAGS PAS MDZAD DE, TSIG GSAL GYI STONG THUN DU 'DIR SKYE BA BKAG PA BSGRUB BYA'I CHOS SU 'DOD PA'I TSE DE KHO NAR RTEN CHOS CAN PHYIN CI LOG TZAM GYI BDAG GI DNGOS PO RNYED PA NYAMS PAR 'GYUR BAR RTOG GE PA 'DIS RANG NYID KYIS KHAS BLANGS PA YIN NO ZHES GSUNGS SO, ,MDO SDE PA DANG GRANGS CAN RTZOD PA NA, RTAG MI RTAG GANG GIS KYANG KHYAD PAR MA BYAS PA'I SGRA LA MTHUN SNANG YOD PA BZHIN DU, DBU MA PA DANG DNGOS POR SMRA BA LA YANG BDEN STONG GANG GIS KYANG KHYAD PAR MA BYAS PA'I SNANG TZAM LA MTHUN SNANG YOD PAS MTHUN SNANG MED PAR MA GRUB BO ZHE NA, 'DI'I LAN LA, KHA CIG TSIG GI CHA CUNG ZAD BZUNG NAS, DBU MA PA LA KHAS LEN MED PAS LAN 'DEBS PA NI BDEN GNYIS KYI RNAM DBYE LA RMONGS PA YIN PAS DOR BAR BYA'O, ,DES NA MDO SDE PA DANG DE GNYIS KA LA GANG GIS KYANG KHYAD PAR MA BYAS PA'I SGRA RANG MTSAN PA GNYIS KAS 'DOD PAS MTHUN SNANG YOD LA, DBU MA PA DANG DNGOS SMRA BA GNYIS LA DE LTA BU MED DE, DBU MA PAS NI RANG MTSAN RTAGS KYI DGAG BYAR BYED LA, DNGOS POR SMRA BA NI RANG MTSAN BLO YUL DU MA SHAR BA'I GZUGS SOGS KYI THUN MONG MIN PA'I NGO BO BLO YUL DU MI 'CHAR BAR 'DOD PA'I PHYIR, DES NA RANG MTSAN DANG DES STONG PA GNYIS KA BLO YUL DU SHAR BA LA MA BLTOS PA'I GZUGS SOGS TZAM BLO YUL DU 'CHAR BA DBU MA PAS KYANG BDEN PA GNYIS KAR DU MI 'DOD, DNGOS POR SMRA BAS KYANG MI 'DOD PA'I PHYIR, SLOB DPON ZLA BA GRAGS PA DANG PHYOGS GLANG GNYIS

, ,KA RANG RGYUD KYI GTAN TSIGS YIN NA TSUL SGRUB BYED KYI TSAD MA'I RTZA BA BLOS SGRO MA BTAGS PAR YOD PA'I DE KHO NA NYID 'DZIN PA LA RAG LAS PAR BZHED PA GNYIS KA MTHUN KYANG, ZLA BA GRAGS PAS DE LTA BU MI SRID PA'I PHYIR, RANG RGYUD KYI GTAN TSIGS MI BZHED PA YIN NO, ,KHA CIG DBU MA PA YIN NA RANG GI RGYUD KYI RJES SU DPAG PA BYA BAR MI RIGS ZHES PA'I TSIG LA BRTEN NAS DBU MA RANG RGYUD PAS DBU MA PA'I GA MI CHOD PAR 'DOD PA NI MI RIGS TE, DE NI RANG RGYUD MI RIGS PAR BSTAN GYI, DBU MA PA DANG, RANG RGYUD KHAS LEN PA 'GAL BAR STON PA NI MA YIN TE, DGE SLONG CHANG 'THUNG MI RIGS PAR BSTAN PAS, CHANG SDOM PA'I GTONG RGYUR 'GYUR BA NI MA YIN NO, ,DES NI DNGOS PO BDEN PAR KHAS BLANGS PAS SO ZHE NA, DE LTA NA GRANGS CAN PA SANGS RGYAS PAR THAL, PHUNG PO BDAG MED DU KHAS BLANGS PA'I PHYIR, DE MA GRUB CES ZER NA DE YANG MA GRUB BO, ,DNGOS PO RIGS PAS GRUB PAR KHAS BLANGS PA'I PHYIR CE NA, DES KYANG PHUNG PO BYAS PAR KHAS BLANGS PA'I PHYIR, BYAS PA YIN NA BDAG MED YIN PAS KHYAB KYANG BYAS PA KHAS BLANGS PA LA BDAG MED KHAS BLANGS PAS MA KHYAB PO ZHE NA, DE NI 'DIR YANG MTSUNGS PAS DNGOS PO BDEN PA BA KHAS MA BLANGS SHING THAMS CAD BDEN MED DU KHAS BLANGS PA'I PHYIR, DBU MA PA MA YIN PAR GA LA 'GYUR, DE SKAD SMRA BA DE NI KHYAB BYA KHAS BLANGS NA KHYAB BYED KHAS BLANGS DGOS PA DANG, BLANGS PA'I KHYAD PAR MA PHYED PAR ZAD PAS, GRUB MTHA' SMRA BA THAMS CAD 'CHOL BAR 'GYUR TE, DON SMRA GNYIS KYIS KYANG BYAS PA THAMS CAD BDEN MED SGYU MA LTA BUR KHAS BLANGS

PAR 'GYUR TE, RTEN 'BREL DU KHAS BLANGS PA'I PHYIR, GNYIS PA ZHAR BYUNG LA, GNYIS SU LTA BAS MI GROL BAR BSTAN PA DANG, GNYIS MED RTOGS PAS GROL BAR BSTAN PA'O, ,DANG PO NI, YOD PAS RNAM PAR MI GROL TE, ,MED PAS SRID PA 'DI LAS MIN, DNGOS PO LA RANG BZHIN YOD PAR BLTA BAS KYANG SRID PA 'KHOR BA LAS RNAM PAR MI GROL TE, DE NI TSE RABS KUN TU BDE 'GRO'I 'BRAS BU DANG TSOR BA BDE BA'I 'BRAS BU CAN YIN PA'I PHYIR LAS 'BRAS MED PAR BLTA BAS KYANG SRID PA 'KHOR BA 'DI LAS GROL BAR 'GYUR BA MIN TE, NYES PA THAMS CAD KYI 'BYUNG GNAS SU GYUR PA NGAN 'GRO'I 'BRAS BU DANG TSOR BA SDUG BSNGAL GYI 'BRAS BU CAN YIN PA'I PHYIR, DES NA LTA BA 'DI GNYIS NI 'KHOR BA'I RGYU YIN PAS MI GTZANG BAS MI GTZANG BA DAG PAR MI 'GYUR BA BZHIN DU GROL BAR MI 'GYUR RO, ,RIN PHRENG DU, YOD PA PA DE BDE 'GROR 'GRO ,MED PA PA DE NGAN 'GROR 'GRO ZHES GSUNGS SO, ,GNYIS PA NI, DNGOS DANG DNGOS MED YONGS SHES PAS, ,BDAG NYID CHEN PO RNAM PAR GROL, GAL TE LTA BA DE GNYIS KYIS MI GROL NA GANG GIS GROL BAR 'GYUR ZHE NA, YOD MED DNGOS 'GAL YIN PAS DE LTA NA GROL BA MI SRID SNYAM DU BSAM PA'O, ,DNGOS PO LA MA BRTEN PAR DNGOS PO MED BAR MI 'GYUR TE, DNGOS PO GZHAN DU GYUR PA'I BZHIG PA LA DNGOS MED DU 'DOD PA'I PHYIR, DNGOS MED LA MA BRTEN PAR DNGOS PO MI 'GRUB STE, DNGOS MIN MA BKAG PAR DNGOS PO MI 'GRUB PA'I PHYIR, DES NA DNGOS PO DANG DNGOS PO MED PA GNYIS PHAN TSUN BLTOS PAS RANG BZHIN STONG PA NYID DU MNGON SUM DU YONGS SU SHES PAS DMIGS PA MED PA'I YE

, ,SHES KYI RTEN YIN PAS NA BDAG NYID CHEN PO 'PHAGS PA RNAMS RNAM PAR GROL BAR 'GYUR RO, ,RIN PHRENG DU, GNYIS LA MI BRTEN THAR PAR 'GYUR ZHES PA'I DON TO, ,GNYIS PA LA, MTHA' GNYIS KYI SGRUB BYED DGAG PA LA LUNG GI SGRUB BYED MI 'THAD PA DANG, DE DAG LA MYANG 'DAS MI 'THAD PA'O, ,DANG PO LA, BYIS PA LA MA NGES PA DANG, 'PHAGS PA LA BSTAN PA MA GRUB PA'O, ,DANG PO NI, DNGOS PO DANG DNGOS MED YOD DE, 'KHOR BA DANG MYANG 'DAS YOD PA'I PHYIR, KHYAB PA YOD DE, NYE BAR LEN PA'I PHUNG PO LNGA'I DNGOS PO 'KHOR BA YIN LA, DE RGYUN CHAD PA'I DNGOS MED MYA NGAN LAS 'DAS PA YIN PAS 'KHOR 'DAS MED PAR YANG MA GRUB STE, DE MED NA BLANG DOR BYA BA'I PHYIR STON PAR MI RIGS PA LA, BCOM LDAN 'DAS KYIS GSUNGS PA'I PHYIR CE NA, 'PHAGS PA LA BSTAN PA'I PHYIR ZER NA MA GRUB STE, 'PHAGS PAR MA GYUR PA 'PHAGS PAR 'GYUR BAR BYA BA'I PHYIR TU DE GNYIS BSTAN DGOS, DE GNYIS STON PA LA DE'I GONG DU 'PHAGS PA DGOS PAS PHAN TSUN BRTAN PA'I PHYIR RANG BZHIN MED PAR GRUB PO, ,BYIS PA LA BSTAN NA KHYAB PA MA NGES TE, DE NYID MA MTHONG 'JIG RTEN DANG, ,MYA NGAN 'DAS PAR RLOM SEMS TE, ,DE KHO NA NYID MA MTHONG BA'I BYIS PA RNAMS NI, 'JIG RTEN 'KHOR BA RANG MTSAN BAS SPANG BYA DANG, DE RGYUN CHAD PA'I MYA NGAN LAS 'DAS PA BLANGS BYAR RLOM SEMS SHING MNGON PAR ZHEN TE, DE'I PHYIR 'KHOR BA TZAM LA 'DOR 'DOD SKYES PA NA YANG 'KHOR BA RANG MTSAN PA MED PAR BSTAN PA YID LA 'BAB CING DE MED NA DE RGYUN CHAD PA'I MYANG 'DAS KYANG MED PAR RTOGS NUS PAS 'KHOR BA RANG

BZHIN MED PA NYID MYANG 'DAS SU RTOGS NUS PAS BYIS PA LA BSTAN YANG DRANG DON DU GSUNGS PAS KHYAB PA MA NGES SO ZHES PA'O, ,DNGOS PO LA MNGON PAR ZHAN PA 'GA' SHIG [?] GI ZHEN PA LDOG PA'I DON DU BCOM LDAN 'DAS KYIS 'KHOR 'DAS RANG MTSAN PA GZHAN NGO KHO NAR ZHAL GYIS BZHES NAS GSUNGS PA YIN NO, ,GANG DAG MDO SDE LAS GANG ZAG DANG CHOS BDAG MA GSUNGS SO ZHES SMRA BA PO DE DAG GIS NI SANGS RGYAS KYI GSUNG LA SGRA JI BZHIN PA'I KHYAB PA KHAS LEN DGOS PA YIN NO, ,GNYIS PA LA 'PHAGS PAS MA GZIGS PA DANG, DE'I 'THAD PA GNYIS SO, ,DANG PO NI, DE NYID GZIGS RNAMS 'JIG RTEN DANG, ,MYA NGAN 'DAS PAR RLOM SEMS MED, ,DE KHO NA NYID MNGON SUM DU GZIGS PA'I 'PHAGS PA RNAMS NI 'JIG RTEN SPANG BYA DANG MYA NGAN LAS 'DAS PA BLANG BYAR RLOM SEMS SHING ZHEN PA MED LA RTOG PAR MI MDZAD DO, ,DE DAG 'PHAGS PA LA BSTAN PA MA YIN NA, 'PHAGS PA'I BDEN PA JI LTAR 'GYUR ZHE NA, SKYON MED DE, GANG ZHIG RTOGS NA 'PHAGS PAR 'GYUR BAS NA 'PHAGS PAR BYED PA'I BDEN PA 'PHAGS PA'I BDEN PA'AM YANG NA 'PHAGS PA RNAMS KYIS BSTAN PA'I PBDEN PA 'PHAGS PA'I BDEN PA YIN GYI, DE LTA MA YIN PAR 'PHAGS PA KHO NA LA GRUB NA 'PHAGS PA'I THA SNYAD BRGYAD KYANG MI RIGS PAR 'GYUR LA, 'JIG RTEN NA YANG JI LTAR BSTAN PA LTAR GNAS PA LA 'PHAGS PA'I THA SNYAD DU GRAGS SO, ,SDUG BSNGAL YANG MI RTAG SOGS JI LTAR 'PHAGS PAS BSTAN PA DE LTA DE LTAR GNAS KYI, GTZANG BDE SOGS SU KUN RDZOB TU MI GNAS SO, ,DE LTAR YANG 'GREL PAR, DE LA PHYIN CI LOG NI BDE

, ,BA LA SOGS PA NYID DU 'DZIN PA GANG YIN PA DE KUN RDZOB TU YANG BDAG NYID DER DNGOS PO DE RNAM PAR MI GNAS PA NYID KYI PHYIR RO, ,PHYIN CI MA LOG PA NI SDUG BSNGAL BA LA SOGS PA NYID DU 'DZIN PA STE, DNGOS PO DE KUN RDZOB TU BDAG NYID DER YOD PA NYID KYI PHYIR RO ZHES GSUNGS SO, ,'DIS NI GANG DAG 'KHRUL NGOR YOD PA KUN RDZOB TU YOD PA'I DON LDOG TU BYAS SHING SGRA BSHAD 'JUG GIS KHYAD MA PHYED PAR KUN RDZOB TU YOD NA YOD 'GAL DU 'DOD PA'I NGAN RTOG KYANG BSAL BA YIN TE, DE LTA NA GTZANG BDE RTAG BDAG KYANG KUN RDZOB TU YOD PAR THAL, 'KHRUL NGOR YOD PA'I PHYIR RTAGS KHYAB KHAS BLANGS, 'DOD NA LUNG 'DIS BSAL LO, ,GNYIS PA NI, SRID PA DANG NI MYA NGAN 'DAS, ,GNYIS PO 'DI NI YOD MA YIN, 'KHOR BA DANG MYA NGAN LAS 'DAS PA RANG GI MTSAN NYID KYIS GRUB NA 'PHAGS PA'I MNYAM GZHAG GIS GZIGS PAR RIGS NA YANG SRID PA DANG MYA NGAN LAS 'DAS PA GNYIS PO 'DI NI RANG BZHIN GYIS YOD PA MA YIN PA'I PHYIR GZUGS BRNYAN BZHIN DE RANG BZHIN GYIS YOD PA MA YIN PA GZIGS PA NI DE KHO NA GZIGS PA MA YIN TE, RAB RIB CAN LA SOGS PAS KYANG DE KHO NA NYID MTHONG BAR 'GYUR BA'I PHYIR RO, ,GNYIS PO DE DAG LA MYANG 'DAS MI 'THAD PA LA RANG GI MYANG 'DAS NGOS BZUNG BAS GZHAN LA MYANG 'DAS 'THOB PA MI 'THAD PA DANG, RANG LA 'THAD PA'O, ,DANG PO LA MDOR BSTAN DANG, RGYAS BSHAD DO, ,DANG PO NI, MYANG 'DAS ZHES BYA BA CI YANG YOD PA MA YIN NA 'PHAGS PAS MYANG 'DAS THOB PAR RNAM PAR BZHAG PA DE NYID JI LTAR 'GYUR ZHE NA, SRID PA YONGS SU SHES PA NYID MYA NGAN LAS 'DAS ZHES BYA

BAR BRJOD, SRID PA RANG BZHIN MED PAR MNGON SUM DU YONGS SU SHAS PA NYID LA MYA NGAN LAS 'DAS PA THOB CES BYA BAR BRJOD PA YIN PAS THA SNYAD DU MED PA MA GRUB CING DON DAM DU KHYAB PA MA GRUB BO, ,GNYIS PA NI, DNGOS PO BYUNG BA BZHIG PA LA, JI LTAR 'GOG PA BRTAGS PA BZHIN, ,DE BZHIN DAM PA RNAMS KYIS KYANG, ,SGYU MA BYAS LTA'I 'GOG PA BZHED, ,DNGOS PO MI RTAG PA NI RANG GI NGO BOS GRUB PA MED KYI, DNGOS PO SNGAR BYUNG ZHING SKYES PA BZHIG PA LA JI LTAR 'GOG PA STE MI RTAG PAR RNAM PAR BRTAGS PA BZHIN DU MYA NGAN LAS 'DAS KYANG RANG GI NGO BOS GRUB PA MED KYI, 'KHOR BA RANG BZHIN MED PA MYANG 'DAS YIN PAS DE BLO YUL DU 'CHAR BA 'KHOR BA BLO YUL DU 'CHAR BA LA BLTOS PA'I PHYIR, DPE DE BZHIN DU 'PHAGS PA DAM PA RNAMS KYIS KYANG SGYU MA BYAS PA LTA BU'I PHUNG PO SKYE MED KYI 'GOG PA BZHED DO, ,'DI NGOS BZUNG BA NI, RANG BZHIN MYA NGAN LAS 'DAS PA YIN LA, LAM GYIS THOB PA'I MYA NGAN LAS 'DAS PA GLO BUR DRI BRAL GYI 'GOG PA YIN NO, ,MTHONG LAM THOB NAS MYANG 'DAS THOB PAR 'DZOG PA YANG 'GREL PA 'DI'I LUGS SU MI GSAL TE, MDO LAS, BDAG GI SKYE BA NI ZAD DO, ,BYA BA NI BYAS SO ZHES PA NI YANG DGRA BCOM GYI SKABS KHO NAR SNANG BA'I PHYIR DANG, GAL TE CHOS SHES MJUG THOGS SU ZHES SOGS KYI 'GREL PA'I RDZOGS MTSAMS SU RTEN CING 'BREL PAR 'BYUNG BA'I DON DE MTSAN NYID GCIG PA JI LTA BA BZHIN MTHONG BA DE NYID RIM GYIS GOMS PAR BYAS PAS MA RIG PA MA LUS PAR 'GAGS PAS RTEN CING 'BREL PAR 'BYUNG BA'I RANG BZHIN LA DMIGS PA'I YE SHES LA GNAS PA NI MTHONG BA'I CHOS LA MYA NGAN LAS 'DAS PA

, ,DANG BYA BA BYAS PA NYID DU RNAM PAR BZHAG GI ,RNAM PA GZHAN DU NI MA YIN NO ZHES GSUNGS SO, ,DE MA RIG PA MA LUS PAR 'GAG PA DGRA BCOM PA'I GNAS SKABS MA YIN PA LA MI SRID PA'I PHYIR, 'JUG PAR 'JIG LTA RGYUN ZHUGS KYIS SPONG BAR BSHAD PAS NYON MONGS CAN GYI MA RIG PA MTHONG LAM NAS ZAD PAR SPANGS SO SNYAM NA, SLOB DPON ZLA BA GRAGS PAS DBU MA PHUNG PO LNGA PAR THA SNYAD PHAL CHER MNGON PA SDE BDUN DANG MTHUN PAR MDZAD PAS 'JIG LTA LA MTHONG SPANGS KYIS KHYAB TU CHUG KYANG DER SGOM SPANG GIS BSDUS PA'I NYON MONGS CAN GYI MA RIG PA GSUNGS PA'I PHYIR ZHAR LA NYAN THOS 'PHAGS PAS CHOS KYI BDAG MED RTOGS KYANG SHES SGRIB MA SPANGS PAR 'DOD PA 'DI YANG DPYAD PAR BYA STE, THEG CHEN MTHONG SPANGS KYIS BSDUS PA'I SHES SGRIB DE DAG CHOS KYI GNAS LUGS MNGON SUM GYIS GSAR DU RTOGS TZAM GYIS SPONG NGAM, 'ON TE GOMS PAR BYED DGOS PHYI MA MI RIGS TE, SGOM SPANGS SU 'GYUR BA'I PHYIR, DANG PO LTAR NA, NYAN THOS 'PHAGS PAS MA SPANGS PA NYAMS SO, ,GNYIS PA GZHAN GYI LA MYANG 'DAS 'THOB PA MI 'THAD PA LA, MDOR BSTAN PA DANG, RGYAS BSHAD DO, ,DANG PO NI, RNAM PAR 'JIG PAS 'GOG 'GYUR GYI, ,'DUS BYAS YONGS SU SHES PAS MIN, ,DE NI SU LA MNGON SUM 'GYUR, ,BZHIG CES PA DE CI LTAR 'GYUR, PHYED DANG POS THAL BA BKOD NAS PHYED PHYI MAS LHAG MED MI 'THAD PA DANG, LHAG BCAS MI 'THAD PA GNYIS KYIS GSAL BA STON PA'O, ,PHUNG PO MA LUS PA RNAM PAR 'JIG CING ZAD PA LAS LHAG MED KYI 'GOG PA MYA NGAN LAS 'DAS PAR 'GYUR BAR THAL, PHUNG PO YOD KYANG NYON

MONGS ZAD PA LHAG BCAS SU THAL, LAS NYON MONGS RANG MTSAN PA'I RGYU RKYEN ZAD PAS PHUNG PO SLAR MI SKYE BAS MYANG 'DAS SU 'JOG PA'I PHYIR, 'DUS BYAS RANG BZHIN GYIS SKYE MED DU YONGS SU SHES PAS MYANG 'DAS SU 'GYUR BA MIN PAR THAL, RTAGS SNGA MA DE'I PHYIR, PHYI MA SHIN TU 'DOD PAS DE LA LHAG BCAS MI 'THAD PA'I THAL BA 'PHEN PA YIN NO, ,'DOD PA'I PHYIR SKYON MED CE NA, LHAG MED KYI MYANG 'DAS DE NI SU LA MNGON SUM DU 'GYUR TE, MNGON SUM DU BYED PA PO MI 'THAD PAS, NGAS MYANG 'DAS MNGON SUM DU BYAS SO ZHES PA'I THA SNYAD MI 'THAD PAR THAL LO, ,LHAG BCAS KYI GNAS SKABS NA NI PHUNG PO MA LUS PA 'GAG PA MED PAS MNGON DU BYA RGYU MED PA'I PHYIR BYED PA MI 'THAD, LHAG MED KYI GNAS SKABS NA BYED PA PO MI 'THAD PA'I PHYIR SU LA YANG MNGON DU MI 'GYUR RO, ,KHO BO CAG LA NYES PA MED DE, 'PHAGS PA SH'A RI'I BU LA SOGS PAS RANG BZHIN SKYE MED KYI 'GOG PA DE MNGON SUM DU BYAS PA'I PHYIR, GZHAN YANG 'GOG PA MNGON SUM DU MI 'THAD DE, DGAG GZHI PHUNG PO MNGON SUM DU RTOGS NAS 'GOG PA SHUGS LA RTOGS PAR MI 'THAD DE, GNAS SKABS DER PHUNG PO KHYOD MI 'DOD PA'I PHYIR, DNGOS SU RTOGS PAR MI 'THAD DE, MNGON SUM GYI SHES PA RANG MTSAN GYI DNGOS YUL CAN DU KHAS BLANGS PA'I PHYIR RO, ,THAL BA PHYI MA LA BSAL BA STON PA NI, LHAG BCAS KYI GNAS SKABS NA, BDAG GIR SKYE BA ZAD CING BZHIG GO SNYAM PA'I SHES PA GANG YIN PA DE YANG JI LTAR 'GYUR TE MI RUNG BAR THAL, RANG GI MTSAN NYID KYIS SKYE BA'I PHYIR, 'DOD NA MDO DANG 'GAL LO, ,DBU MA PA SKABS DER YANG RANG GI MTSAN NYID KYIS SKYE MED DU KHAS LEN PAS, MDO DANG 'GAL BA MED DO, ,

, ,BZHIG CES PA DE JI LTA BU ZHES PA'I 'GYUR LTAR NA, MDO'I TSIG SNA LA BZUNG NGO, ,GNYIS PA LA, LHAG BCAS MI 'THAD PA DANG, LHAG MED MI 'THAD PA GNYIS, DANG PO NI SKYE BA ZAD DO ZHES PA NI, MA 'ONGS PA'I SKYE BAR NYID MTSAMS MI SBYOR BA LA DGONGS PA YIN GYI, DA LTAR GYI PHUNG PO MI SKYE BA LA BRJOD PA MA YIN NO ZHE NA, DE LTA YIN NA, GNAS SKABS DE NA LHAG BCAS KYANG MI 'THAD DE, GAL TE PHUNG PO MA 'GAGS NA, ,NYON MONGS ZAD KYANG 'DAS MI 'GYUR, MDO LAS, SDUG BSNGAL 'DI MA LUS PAR SPANGS ZHES DA LTAR GYI PHUNG PO MI SKYE BA LA BSAMS NAS MA LUS PAR SPANGS PA NAS NUB PA'I BAR DU GSUNGS LA, MA 'ONGS PA'I SKYE BA'I DBANG DU MDZAD NAS 'DI LAS SRID PA GZHAN MI SHES SO ZHES GSUNGS PAS, MA 'ONGS PA'I PHUNG PO KHO NA LA SKYE BA ZAD PA'I SGRA SBYOR BAR MI 'THAD DO, ,GAL TE DE YI TSE PHUNG PO RANG MTSAN PA MA 'GAGS PAR YOD NA NYON MONGS ZAD PAR SPANGS KYANG MYA NGAN LAS 'DAS PA THOB PAR MI 'GYUR TE, JI SRID PHUNG POR 'DZIN YOD PA, ,DE SRID DE LA DAR 'DZIN YOD, CES SOGS GSUNGS PA'I PHYIR, LHAG BCAS KYI GNAS SKABS MYANG 'DAS MTSAN NYID PA MIN PAR 'DOD NA BDAG GI SKYE BA ZAD DO ZHES SOGS KYIS, RJES BZLAS ZHES BYA'I MDO 'DI NI, ,SH'A RI'I BU YIS MYA NGAN 'DAS, ,MNGON DU BYAS NAS BSHAD PA YIN, ZHES GSUNGS PA 'DI JI LTAR DRANG, SH'A RI'I BUS, RANG NYID KYIS MYANG 'DAS MNGON DU BYAS NAS GROGS PO GZHAN LA RJES SU BZLAS PA BSHAD PAS SO, ,DE NI NYON MONGS LOG PA MNGON DU BYAS KYI, PHUNG PO LOG PA MA YIN NO ZHE NA, MI 'THAD DE, RJES BZLAS KYI MDO LAS, SDUG BSNGAL

'DI SPANGS PA ZHES GSUNGS PA'I PHYIR DANG, SKABS 'DIR SPYI MING BYE BRAG LA SBYOR BA YANG MI 'THAD PA'I PHYIR, RJES BZLAS KYI MDO LAS, JI SKAD BSHAD, 'DI NYID LA 'GREL PA 'DIR GSAL GYI, SNGAR 'PHAGS PA LA RTA THUL GYIS SMRAS PA'I SHO LO KA DE LA YE MI GSAL BA'I PHYIR DANG, DE DUS SH'A RI'I BUS MTHONG LAM THOB PA YIN GYI, MYANG 'DAS NI PHYIS KUN TU RGYU SEN RINGS LA STON PAS CHOS GSUNGS PA'I DUS SU THOB PAR BSHAD PA'I PHYIR YANG LHAG BCAS KYI MYANG 'DAS MTHONG LAM NAS 'DZIN PAR MI GSAL LO, ,GNYIS PA NI, GANG TSE 'DI DE'ANG 'GAGS GYUR PA, ,DE YI TSE NA GROL BAR 'GYUR, GANG GI TSE 'DI NI PHUNG PO DE'ANG 'GAGS PAR GYUR PA DE'I TSE NA GROL BA MYA NGAN LAS 'DAS PA THOB PAR 'GYUR BA ZHIG TU 'DOD NA YANG, PHUNG PO MA 'ONGS PA RNAMS RGYUN BCAD PA DE YANG KHYED KYI LUGS LA MI SRID DE, LHAG BCAS KYI DUS NA PHUNG PO RANG MTSAN PA YOD PAS DER 'DZIN YOD LA, NGES NYON MONGS DANG LAS BSKYED NAS YANG PHUNG PO LEN PA'I PHYIR, MA 'ONGS PA'I SKYE BA LA BLTOS NAS KYANG BZHIG ,SHES PA DE JI LTAR 'GYUR TE MI RUNG NGO, ,GSUM PA RANG LA 'THAD PA LA 'DUS BYAS 'PHAGS PA'I MNYAM GZHAG GIS MI GZIGS PA'I RGYU MTSAN DANG, DE NYID GOMS PA BYA BA BYAS SO ZHES PA'I THA SNYAD KYI YUL DU BSTAN PA'O, ,DANG PO NI, DE LTAR DNGOS PO RANG BZHIN DANG BCAS PAR SMRA BA LA GROL BA MI SRID PAR BSTAN NAS STONG PA NYID DU SMRA BA LA SRID PAR BSTAN PA'I PHYIR, MA RIG RKYEN CAN BYUNG BA LA, ,YANG DAG YE SHES KYIS GZIGS NA, ,SKYE BA DANG NI 'GAG PA'ANG RUNG, ,'GA' YANG DMIGS PAR MI 'GYUR RO, ,'DU BYED LA SOGS PA BCU GCIG LA MA RIG PA DNGOS PO DANG RGYUD CI RIGS PAR RKYEN DU YOD PAS NA MA RIG

, ,RKYEN CAN TE DE LAS BYUNG BA LA YANG DAG PA'I 'PHAGS PA'I YE SHES KYIS GZIGS PA'I NGO NA 'DUS BYAS THOG MAR SKYE BA DANG MTHAR 'GAG PA YANG RUNG STE SPROS PA 'GA' YANG DMIGS PAR MI 'GYUR RO, ,DE NI 'DU BYED LA SOGS PA NI MA RIG PAS BRTAGS PA YIN PAS BLO 'KHRUL PA LA SNANG GI ,'PHAGS PA'I MNYAM GZHAG GIS GZIGS PA LA MA YIN TE, RAB RIB CAN LA SNANG BA DE, RAB RIB MED PAS BLTAS NA MI SNANG BA BZHIN NO, ,GANG DAG 'PHAGS PA'I YE SHES KYIS YOD PAR MA GZIGS PA DANG, YOD PA MA YIN PAR GZIGS PA GCIG TU 'KHRUL NAS RTEN 'BRAL YOD PA MA YIN TE, 'PHAGS PA'I MNYAM GZHAG GIS MA GZIGS PA'I PHYIR, CES SMRA BA NI DBU MA PA'I LTA BA 'DI YANG DAG PA YIN TE, BLUN POS MA GO BA'I PHYIR CES PA DANG MTSUNGS SO, ,LTA BA YANG DAG YIN NA BLUN POS GO BAR 'GAL LO ZHE NA, RTEN 'BREL YOD NA YANG MNYAM GZHAG GIS GZIGS GA LA DGOS, RANG BZHIN YIN NA GZIGS DGOS PA YIN GYI BLTOS CHOS YIN NA DES GZIGS PAR 'GAL BA'I PHYIR, RIGS PA LTAR SNANG 'DI LTA BU LA BRTEN NAS DBU MA PA LA KHAS LEN MED CES ZER NA KHO BOS KYANG RNAM RIG PA LA KHAS LAN MED CES SMRA BAR BYA'O, ,DES DNGOS PO RANG MTSAN KHAS BLANGS PAS SO ZHE NA, DBU MA PAS KYANG RTEN 'BREL KHAS BLANGS SO, ,DE 'KHRUL NGO KHO NAR KHAS LEN GYI, RANG LUGS LA YOD PA MA YIN TE, BLO MA 'KHRUL PA 'PHAGS PA'I MNYAM GZHAG YIN PAS DES MA GZIGS PAS SO ZHE NA, 'O NA RNAM RIG PA LA YANG LKOG GYUR RANG MTSAN YOD PA MA YIN PAR THAL, BLO MA 'KHRUL BA MNGON SUM YIN PAS DES MA GZIGS PA'I PHYIR, LKOG GYUR YOD KYANG

MNGON SUM GYIS MI 'JAL ZHE NA, SNGA MA LA YANG MTSUNGS SO, ,'DOD NA LKOG GYUR KHEGS PAS KHYAB BYA BDAG MED KHEGS PAR 'GYUR LA, DES MA KHYAB PA MI SRID PAS SHES BYA MTHA' DAG KHEGS PAS GANG YANG KHAS BLANG DU MED PAR 'GYUR RO, ,GNYIS PA LA, DNGOS DANG, RTOGS BYA CHOS DBYINGS LA RNAM PA MI 'DRA BA MED PAR BSTAN PA, GZHAN GYIS BRTAGS PA BYA BA BYAS PA'I THA SNYAD KYI YUL DU MI RUNG BA'O, ,DANG PO NI, DE NYID MTHONG CHOS MYA NGAN LAS, ,'DAS SHING BYA BA BYAS PA'ANG YIN, ,RTEN CING 'BREL PAR 'BYUNG BA'I SKYE BA DANG 'GAG PA MI DMIGS PA'I LHAG BCAS KYI GNAS SKABS DE NYID MTHONG BA'I CHOS TSE 'DI NYID LA MYA NGAN LAS 'DAS PA THOB PA DANG NYON MONGS PA SPONG BA SOGS KYIS BYA BA BYAS PA'ANG YIN NO, ,'ANG GI SGRA NI BYA BA BYAS PA'I MJUG THOGS SU BYUNG BA'I SKYA BA ZAD PA SOGS SDUD DO, ,'GREL PAR 'PHAGS PA SH'A RI'I BUS MYA NGAN LAS 'DAS PA MNGON SUM DU BYAS NAS MDO 'DI BSHAD DO ZHES GANG GSUNGS PA 'DI NYID MTHONG BA'I CHOS LA MYA NGAN LAS 'DAS PAR RIGS PAR BYA LA, GANG YANG SKYE BA ZAD DO ZHES SOGS BSHAD DO, ,'DIS KYANG RJES BZLAS KYI MDO GANG YIN SNGAR BSHAD PA LTAR GSAL LO, ,GNYIS PA NI, GAL TE CHOS SHES MJUG THOGS SU, ,'DI LA BYE BRAG YOD NA NI, ,DNGOS PO SHIN TU PHRA BA LA'ANG, ,GANG GIS SKYE BAR RNAM BRTAGS PA, ,RNAM PAR MI MKHAS DE YIS NI, ,RKYEN LAS BYUNG BA'I DON MA MTHONG, ,GAL TE MTHONG LAM SDUG BSNGAL LA CHOS BZOD DES CHOS TE, RTEN 'BREL GYI GNAS LUGS STONG PA NYID MNGON SUM DU SHES PAS DE'I MJUG THOGS SU RTOGS BYA CHOS DBYINGS LA RNAM PA MI 'DRA BA MED DE, GAL TE YE SHES PHYI MA 'DI LA MI RTAG

, ,PA RANG MTSAN PA SOGS DON DAM BDEN PA RNAM PA MI 'DRA BA SO SOR BYE BRAG TU YONGS SU BCAD PAR BYA BA YOD NA NI DNGOS PO SHIN TU PHRA BA RTEN 'BYUNG GI GNAS LUGS LA'ANG NYAN THOS SDE PA GANG GIS RANG GI MTSAN NYID KYIS SKYE BAR RNAM PAR BRTAGS SHING KHAS BLANGS NA RAGS PAS LA SOGS PA LA LTA SMOS KYANG CI DGOS, DES NA GRUB MTHA' 'DZIN PA'I NYAN THOS RNAM PAR MI MKHAS PA DE DAG CHOS CAN, KHYED LTAR NA MTHONG LAM PA DE YIS NI RKYEN LAS BYUNG BA'I DON RTEN 'BYUNG SPROS BRAL RO GCIG PA DE MA MTHONG BAR THAL, CHOS NYID LA RNAM PA MI 'DRA BAR SO SO RIM CAN DU BCAD DU YOD PA'I PHYIR, DES NA RTEN 'BYUNG GI CHOS NYID STONG PA NYID RANG BZHIN MED PA DE LA RNAM PA MI 'DRA BA'I DBYE BA MED PAS BDEN PA MNGON PAR RTOGS PA NI SKAD CIG MA GCIG TU ZAD DO, ,'O NA SKAD CIG MA BCU DRUG TU BZHAG PA JI LTA BU ZHE NA, DE NI LDOG PA'I SGO NAS BZHAG PA YIN TE, BDEN PA DE DANG DE'I STONG NYID RTOGS PA DE'I CHA NAS SDUG BSNGAL SHES PA DANG KUN 'BYUNG SHES PA SOGS DANG, DE DAG KYANG SHES BZOD DU LDOG PAS 'BYED PA'O, ,DE LTA BU'I THA SNYAD MI BZHED PA YANG MA YIN TE, SLOB DPON ZLA BA GRAGS PAS DBU MA PHUNG PO LNGA PAR BSHAD PA'I PHYIR, NYAN THOS KYI SDE SNOD KHA CIG LAS SKAD CIG MA GCIG TU BSTAN LA, GZHAN LAS SKAD CIG MA BCO LNGAR BSTAN PA MI 'GAL TE, RGYUD LA BSKYED RIM DANG SPROS PA LA DGA' BA'I NGOR THA SNYAD SNA TSOGS KYIS BSTAN PA TZAM DU ZAD PA'I PHYIR, GAL TE DE LTA NA BDEN PA BZHI LA DMIGS NAS RNAM PA MI RTAG SOGS BCU DRUG GI RNAM PA CAN DU BSHAD PA JI LTA BU ZHE NA, DE DAG NI TSOGS SBYOR GYI GNAS SKABS SU BSGOM PAR BYA BA RGYUD SMIN PAR BYED PA'I LAM TZAM YIN GYI, GROL LAM MA YIN TE, DE LA NGES PAR CHOS RANG BZHIN MED PAR RTOGS DGOS PA'I PHYIR, THOS CHUNG GANG DAG BYAMS CHOS SU YANG NYAN THOS

LA YANG CHOS RANG BZHIN MED PAR RTOGS PA YOD PAR BSTAN TO ZHES SMRA BA DE DAG NI SHING RTA CHEN PO RNAMS KYI GZHUNG LUGS RGYA MTSO LTA BU'I RNAM DBYE LA 'DRIS SHING MKHAS PAR MA BYAS PA'I GZU LUMS 'BA' ZHIG YIN TE, BYAMS CHOS RJES 'BRANGS DANG BCAS PA'I GZHUNG GANG DU YANG GROL BA TZAM DANG THAMS CAD MKHYEN PA'I LAM GNYIS SU BYAS PA'I GROL LAM DU MI RTAG SOGS RNAM PA BCU DRUG 'BA' ZHIG BSTAN GYI, RANG BZHIN MED PAR RTOGS DGOS PA GANG YANG MA BSTAN PA'I PHYIR DANG, KLU SGRUB YAB SRAS KYI DGONGS PA DPAL LDAN ZLA BA GRAGS PAS BKRAL BA'I GZHUNG RNAMS SU DE DAG RGYUD SMIN BYED KYI LAM TZAM DU GSUNGS KYI, GROL LAM DU GANG DU YANG MA GSUNGS PAS CHEN PO DE DAG GI LUGS LEGS PAR DKRUGS NAS BSHAD PAS DAM PA'I CHOS LEGS PAR SPANGS PA'I LAS KYI SGRIB PA BSAGS PA YIN NO, ,GSUM PA LA GZHAN PHYOGS NYES PA DANG BCAS PA DANG, RANG PHYOGS LA NYES PA MED PA'O, ,DANG PO LA THOG MA YOD PAR THAL BA DANG, 'DOD PA LA BSAL BA DGOD PA'O, ,DANG PO NI, NYON MONGS ZAD PA'I DGE SLONG GI ,GAL TE 'KHOR BA RNAM LDOG NA, ,DE'I RTZOM RDZOGS PA'I SANGS RGYAS KYIS, ,GANG MA BSHAD PA RGYU CI ZHIG ,GAL TE YE SHES KYIS NYON MONGS PA ZAD PAR BYAS PA'I DON DAM PA'I DGE SLONG GI NYON MONGS PA ZAD PAS LAS MA BSAGS PA DE'I DBANG GIS GAL TE 'KHOR BA PHUNG PO RANG MTSAN PA 'JUG RUNG DU SONG NAS LDOG CING ZAD PAR KHYOD SEMS NA THA MA YOD PAR THAL LA, DE 'DOD NA THA MA THOG MA LA BLTOS PAS 'KHOR BA DE'I THOG MA'I RTZOM PA YOD NA GSUNGS DGOS PAS RDZOGS PA'I SANGS RGYAS RNAMS KYIS THOG MA GANG MA BSHAD PA LA RGYU CI ZHIG YOD DE MI MKHYEN PAS MIN TE, KUN MKHYEN DU KHAS BLANGS PA'I PHYIR, MI STON PA'I RGYU GZHAN YANG MED PAS MED PA KHO NAS MA BSTAN PAR RIGS SO, ,GNYIS PA NI, DE'I PHYIR,

, ,RTZOM PA YOD NA NGES PAR YANG, ,LTA BAR GYUR PA YONGS SU 'DZIN, ,YANG NA NYES NYID DU ZHES GDON NO, ,GAL TE THOG MA'I RTZOM PA YOD PAR THAL BA 'DOD DO ZHE NA, DE LTA NA NGES PAR YANG DE'I SNGON DU GZHAN MA SONG BAS RGYU MED PA DANG CHAD PAR BLTA BAR GYUR PA YONGS SU 'DZIN CING KHAS LEN DGOS PA NYID DU 'GYUR RO, ,GNYIS PA RANG PHYOGS LA NGES PA MED PA LA RTEN 'BYUNG MTHA' BRAL DU BSTAN PA DANG, RANG BZHIN YOD NA RTAG PAR THAL BA DANG, RANG BZHIN MED PA'I DPE BSTAN PA'O, ,DANG PO NI, RTEN CING 'BREL PAR GANG 'BYUNG BA, ,DE LA SNGON DANG THA MA CI, ,RTEN 'BREL SMRA BA LA NYES PA 'DI MED DE DNGOS PO BLTOS CHOS SU SMRA BA DE LTAR NA, RTEN CING 'BREL PAR GANG 'BYUNG BA, DE LA NI RANG BZHIN GYIS MA SKYES PA'I PHYIR SNGON THOG MA DANG THA MA CI LTAR 'GYUR TE, GANG YANG KHAS BLANG MI DGOS SO, ,GNYIS PA NI, SNGON SKYES PA NI JI LTAR NA, ,PHYI NAS SLAR YANG LDOG PAR 'GYUR, ,'DI NI DE KHO NA LTAR NGES PAR KHAS BLANG DGOS TE, GZHAN DU NA THOG MA YOD PA 'BA' ZHIG TU MA ZAD RTAG PAR YANG 'GYUR TE, 'DI LTAR, GAL TE SNGON RANG GI MTSAN NYID KYIS SKYES PA NI RGYU MTSAN JI LTAR PHYI NAS SLAR YANG LDOG PAR 'GYUR BAR RTAG PAR THAL, RANG BZHIN GZHAN DU 'GYUR BA MI SRID PA'I PHYIR, GSUM PA LA, DPE'I SGO NAS MDOR BSTAN PA DANG, DNGOS BSHAD PA DANG, DON BSHAD PA'O, ,DANG PO NI, RTEN CING 'BREL PAR GANG 'BYUNG BA, ,DE LA SNGON DANG THA MA CI, ,RANG BZHIN GYIS MA SKYES PA'I PHYIR, DE NI BSHAD ZIN TO,, SNGON DANG PHYI MA'I MTHA' BRAL BA, ,'GRO BA SGYU MA BZHIN DU SNANG, ,RANG BZHIN GYIS MA SKYES PAS SNGON DANG PHYI MA'I MTHA' DANG BRAL BA SKAD CIG KYANG MI SDOD PAR 'GRO BAS 'GRO BA RTEN CING 'BREL PAR 'BYUNG BA 'DI DAG SGYU MA BZHIN DU RANG BZHIN MED BZHIN DU RANG BZHIN DANG BCAS PAR SNANG

ZHING BSLU BAR BYED PA'I BDAG NYID CAN NO, ,SGYU MA SHES PAS SGYU MA'I RTA GLANG SOGS LA SNGON MTHA' DANG PHYI MA'I MTHA' RTOGS PAR MI RIGS PA BZHIN DU 'DI LA YANG MI RIGS SO, ,GNYIS PA NI, GANG TSE SGYU MA 'BYUNG ZHE'AM, ,GANG TSE 'JIG PAR 'GYUR SNYAM DU, ,SGYU MA SHES PA DER MI RMONGS, ,SGYU MA MI SHES YONGS SU SRED, ,RKANG PA DANG PO GSUM RNAL 'BYOR PA MKHAS PA'I DPE, BZHI PA NI, BYIS PA'I DPE'O, ,LTAD MO MI MKHAS PA'I RANG BZHIN CAN DAG SGYU MA'I NA CHUNG DE DAG LA SHA KHRAG DANG BCAS PA'I NA CHUNG DU ZHEN NA DUS GANG GI TSE NA CHUNG 'DI DAG BYUNG ZHING SKYES PAR GYUR, GANG GI TSE RNAM PAR 'JIG CING 'CHI BAR 'GYUR SNYAM DU MNGON PAR ZHEN PA DE BZHIN DU SGYU MA'I RANG BZHIN SHES PA'I SKYES BU DAG SGYU MA MTHONG BA'I SKABS DER DE LTAR MI RMONGS SHING MNGON PAR MI ZHEN LA, SGYU MA'I RANG BZHIN MI SHES PA'I LTAD MO BDAG YONGS SU SRED CING ZHEN PAR BYED DO, ,GSUM PA NI, DNGOS PO SMIG RGYU DANG 'DRA BAR, ,BLO YIS MTHONG BAR GYUR BA NI, ,SNGON GYI MTHA' 'AM PHYI MA'I MTHAR, ,LTA BA YONGS SU BSLAD MI 'GYUR, ,PHYED DANG POS GNAS LUGS RTOGS PA'I BLO DANG PHYED PHYI MAS PHAN YON BSTAN TO, ,RNAL 'BYOR PA DNGOS PO 'DUS BYAS MA LUS PA SGYU MA DANG SMIG RGYU DANG 'DRA BAR BLO MNYAM GZHAG SO SOR RANG RIG PA'I YE SHES KYIS MNGON SUM DU MTHONG BAR GYUR PA SNGON GYI MTHAR BLTA BA'AM PHYI MA'I MTHAR BLTA BA'I BRTAG CHAD KYI LTA BAS RGYUD YONGS SU SMIN CING ZIN PAR MI 'GYUR RO, ,MNYAM GZHAG GI RTOGS BYA DE NYID SGYU MA LTA BUR STON PA YIN GYI, MNYAM GZHAG GI NGOR SGYU MA LTA BUR STON PA NI MA YIN NO, ,MYA NGAN LAS 'DAS PA SGYU MA LTA BUR GO BA NI THA SNYAD PA'I BLO YIN GYI, MNYAM GZHAG PA MA YIN NO, ,GSUM PA MTHA' GNYIS KYI NGO BO DGAG PA LA 'THAD PA DGOD PA DANG, LUNG 'GAL SPANG BA'O, ,DANG PO LA, SKABS 'GOD PA DANG, 'THAD PA DNGOS DANG,

, ,MJUG BSDU BA'O, ,DANG PO NI, GANG DAG GIS NI 'DUS BYAS LA, ,SKYE DANG 'JIG PAR RNAM BRTAGS PA, ,DE DAG RTEN 'BYUNG 'KHOR LO YI, ,'GRO BA RNAM PAR MI SHES SO, ,RKANG PA PHYED DANG GSUM GYIS MI MKHAS PA'I GANG ZAG BSTAN NAS PHYED DANG GNYIS KYIS NYES DMIGS BSTAN TO, ,MI MKHAS PA GANG DAG GIS NI SNANG TZAM GYIS 'DUS BYAS LA RANG GI MTSAN NYID KYIS SKYE BA DANG 'JIG PA RNAM PAR BRTAGS PA DE DAG GIS NI RTEN CING 'BREL PAR 'BYUNG BA THOG MA DANG DBUS DANG THA MA DANG BRAL BA 'KHOR LO LTA BU'I 'GRO BA STE 'JUG TSUL RNAM PAR MI SHES SHING MI RTOGS TE, RANG GI MTSAN NYID KYIS GRUB PA LA SKYE BA DANG 'JIG PA MI SRID PA'I PHYIR, GNYIS PA LA, SPYI'I DON DANG, YAN LAG GI DON TO, ,DANG PO LA, BDEN PA GNYIS KYI MTSAN NYID DANG, DBYE BA DANG, GRANGS NGES DANG, RNAM GZHAG GTAN LA PHAB PA'O, ,DANG PO NI, KUN RDZOB DANG DON DAM PA'I BDEN PA GNYIS LAS RIM PA BZHIN DU THA SNYAD PA'I TSAD MA'I GZHAL BYA DANG, MNYAM GZHAG SO SO RANG RIG PA'I YE SHES KYI GZHAL BYA'O, ,GNYIS PA DBYE BA LA KUN RDZOB DANG, DON DAM BDEN PA'I BDEN PA GNYIS SO, ,DANG PO LA, YANG DAG PA DANG LOG PA'I KUN RDZOB GNYIS SO, ,DANG PO NI, THA SNYAD PA'I TSAD MA BZHI'I GZHAL BYA RNAMS SO, ,DE YANG GNOD PA MED PA'I DBANG PO DRUG GI YUL DANG, YUL CAN NO, ,GNYIS PA NI, GNOD BCAS KYI DBANG PO YUL YUL CAN RNAMS TE, RMI LAM GYI RTA GLANG SOGS NI PHYI DON RDZUN PA'O, ,SHA KHRAG DANG BCAS PA'I RTA GLANG NI PHYI DON BDEN PA STE, BSAM NGO LA BLTOS PA'I YIN GYI, DON DUN THAMS CAD RDZUN PA'O, ,PHUNG PO LA GTZANG BDE RTAG BDAG BZHI NI KUN RDZOB TU YANG TSAD MA'I GZHAL BYA MA YIN PAS GZHI MA GRUB PA KHO NA'O, ,MI RTAG SDUG BSNGAL STONG BDAG MED BZHI NI THA SNYAD PA'I TSAD MA'I GZHAL BYA'O, ,

GANG DAG DE DAG KUN RDZOB TU YOD MED MTSUNGS PAR 'DOD PA NI, 'KHRUL NGO KHO NAR YOD PA KUN RDZOB TU YOD PA'I DON DU BSAMS NAS GZHAN NGO KHO NAR KHAS LEN DGOS PA'I KUN RDZOB DANG, RANG LUGS LA KHAS LEN PA'I KUN RDZOB KYI KHYAD PAR MA PHYED PA YIN TE, DE LTAR YIN PAR YANG SLOB DPON ZLA BA GRAGS PAS DE LTAR SONG SONG NAS SGYU MA TZAM ZHIG LUS PA YIN NO, ZHES PA DANG, 'GA' ZHIG TU SGRA TZAM ZHIG LUS YIN NO ZHES GSUNGS PAS BRDA TZAM BTAGS PA TZAM GYI KUN RDZOB NI GANG DU YANG MA BKAG CING KHAS BLANGS PA'I PHYIR, GTZANG BDE RTAG BDAG DANG DNGOS PO RANG MTSAN PA SOGS NI, LTA BAS MGO BAS GANG ZAG 'GA' ZHIG GZHUG PA'I THABS SU GZHAN NGO KHO NAR KHAS BLANGS PA MA GTOGS RNAM PA KUN TU BKAG PA'I PHYIR, RANG LUGS LA KUN RDZOB TZAM YOD KYANG KUN RDZOB BDEN PA MED DO ZHE NA, DE LTAR YANG GTAN NAS MA YIN TE, GNOD PA MED PA'I DBANG PO DRUG GI BZUNG YUL GYI GZUGS SGRA SOGS DE, DBU MA PA RANG LUGS KYI KUN RDZOB BDEN PA YIN LA, 'JIG RTEN PA'I NGOR DON DAM BDEN PA DANG, 'PHAGS PA'I RJES THOB NA BDEN SNAD YOD KYANG BDEN PA'O SNYAM PA MED PAS KUN RDZOB TZAM DU RNAM PAR BZHAG PA'O, ,'PHAGS PA RNAMS KYIS KYANG BDEN GNYIS KYI RNAM DBYE BYED PA NA DE DAG KUN RDZOB BDEN PAR KHAS LEN PA YIN TE, KLU SGRUB BZHIN, DE LTA NA, 'PHAGS PA'ANG BDEN 'DZIN CAN DU 'GYUR RO ZHE NA, RAB RIB CAN LA SKRA SHAD 'DZAG PAR RTOG PA'I GANG ZAG GI MIG LA SKRA SHAD SNANG GA LA DGOS, KUN RDZOB BDEN PAR RTOGS PA'I PHYIR RDZUN PA SGYU MA LTA BUR RTOGS PA YIN GYI, BDEN PAR KHAS BLANGS MI DGOS SO, ,JI SKAD SMRA BA DES NI KUN RDZOB BDEN PA LA BDEN PA'I KHYAB PA KHAS BLANGS PAS, PHYIN CI LOG TU SMRAS SO, ,BLO DE DAG GI YUL GYI MTSAN GZHI THUN MONG PA KHAS BLANGS PAS, DON CHOS KHAS

, ,BLANGS SO ZHE NA, DE DAG KYANG THA SNYAD TZAM YIN GYI, DE LTA MIN NA TSIG GSAL DU 'JIG RTEN PA'I DON DAM PA DE 'PHAGS PA'I KUN RDZOB CES BZHAG PA YANG MI RIGS PAR 'GYUR RO, ,THA SNYAD PA'I TSAD MA BZHI'I GZHAL BYA YANG BYIS PA RNAMS KYIS BDEN PAR ZHEN YANG BDEN GNYIS KYI RNAM DBYE LA MKHAS PA'I SO SO SKYE BO DANG, 'PHAGS PA RNAMS KYIS RDZUN PAR GZIGS PAS RDZUN PAR GNAS PA'I PHYIR GZHI MA GRUB PA'I SKYON MED LA, GANG DAG DBU MA PA LA KHAS LEN YE MED PA'I SHES BYED DU KLU SGRUB KYIS DE LTAR SGRUB BO ZHES SMRA BA RNAMS KYIS GRUB MTHA'I RNAM DBYE MA BYAS NA MDZES SO, ,KHA CIG ,DNGOS KUN YANG DAG RDZUN PA MTHONG BA YI, ,DNGOS RNYED NGO BO GNYIS NI 'DZIN PAR 'GYUR, ZHES PA'I GZHUNG GI DON MA RTOGS PAR PHYI DANG NANG GI DNGOS PO 'DI DAG 'PHAGS PAS DON DAM BDEN PAR GZIGS BYIS PAS SPROS PAR GZIGS SHING, DE GNYIS 'PHAGS PA DBANG BTZAN PAS 'DI DAG NI DBU MA'I DON DAM BDEN PA'O ZHES SMRA BA DES NI 'PHAGS PA'I GANG ZAG SMAD DE, MDO LAS, KUN RDZOB DE LA DON DAM DU SMRA BA, ,DE DAG NOR BA'I BLO LDAN SHES PAR BYA, ZHES PA'I NYES PA 'PHAGS PA LA 'GEL BA'I PHYIR, DES NA GZHUNG DE'I DON NI 'PHAGS PAS DE DAG RANG BZHIN MED PAR RNYED LA, BYIS PAS DE LAS LOG PAR RNYED PAS 'PHAGS PAS RNYED PA'I RANG BZHIN MED PA DON DAM BDEN PA YIN LA, PHYI NANG KUN RDZOB BDEN PA YIN GYI, BYIS PAS RNYED PA'I KHYAD CHOS RANG MTSAN NI KUN RDZOB TU YANG MI SRID DO ZHES PA'O,, 'GA' YANG MTHONG BA MED PA NI DE KHO NA MTHONG BA'O ZHES GSUNGS PAS RANG BZHIN MED PA RNYED PA MI 'THAD DO ZHE NA, DE NI RANG BZHIN MED PA RTOGS NA MIG DAG PA LA SKRA SHAD BZHIN DU SNANG BA MTHA' DAG NUB CING MA MTHONG BA'I SGO NAS RTOGS PA DANG, BUM PA YOD NA DMIGS SU

RUNG BA LAS, BUM PA MA DMIGS PA LAS BUM MED RTOGS PAR 'JOG PA YIN GYI, RANG BZHIN MED PA YONGS GCOD DU RTOGS RGYU MED PAS RTOGS TSUL STON PA YIN GYI, CI YANG MA MTHONG BA DE DAG DE KHO NA MTHONG ZHES 'JOG PA NI MIN TE, DE LTA NA MO GSHAM GYI BU LA YANG DE KHO NA MTHONG BA'I THA SNYAD CI'I PHYIR MI 'DOGS, GSUM PA NI, TSAD MA DE LA THA SNYAD PA'I TSAD MA DANG DON DAM PA'I TSAD MA GNYIS SU NGAS PAS DE'I YUL DE LA BDEN PA GNYIS SU NGES PA YIN NO, ,BZHI PA NI, GZHI DANG LAM DANG 'BRAS BU JI LTAR 'GYUR RNAMS KYIS SHES PAR BYA STE, DE YANG SNANG TZAM 'DI CHOS CAN RANG BZHIN MED DE, RTEN 'BREL YIN PA'I PHYIR CES PA'I THAL SBYOR 'DI LA BDEN PA GNYIS KA TSANG STE, RTAGS SU BZUNG BA KUN RDZOB DANG, CHOS SU BZUNG BA DON DAM PA'I BDEN PA'O, ,DE LA RTEN 'BREL RTOGS PA'I BLO RANG BZHIN MED PAR RTOGS PA'I THABS SU 'GYUR BA YIN TE, BSGRUB BYA RTOGS PA'I BLO RTAGS RTOGS PA LAS SKYE DGOS PA'I PHYIR, BLO DANG PO DE GOMS PAR BYAS PAS LAM GYI SKABS SU BSOD NAMS KYI TSOGS SU 'GYUR LA PHYI MA GOMS PAS YE SHES KYI TSOGS SU 'GYUR BA YIN LA, RGYAS PAR NA PHA ROL TU PHYIN PA DRUG GO ,RTEN 'BREL GYIS BSDUS PA'I SHES BYA JI SNYED PA LA SGRIB PA'I NYON MONGS PA CAN MA YIN PA'I MI SHES PA RANG BZHIN MED PAR RTOGS PAS SEL BAR BYED PA BLO DE NYID SANGS RGYAS KYI SAR THABS GOMS PAS 'GYUR BAR BYED PA'I PHYIR, DE GNYIS THABS DANG THABS BYUNG YIN TE, DBU MA LA 'JUG PAR THA SNYAD BDEN PA THABS SU GYUR PA DANG, DON DAM BDEN PA THABS BYUNG GYUR PA STE, ZHES DANG, KUN RDZOB DE NYID GSHOG YANGS DKAR PO RGYAS GYUR PA, ,DAD PA'I RGYAL PO DE NI SKYE BO DANG PA YI, ,MDUN DU BDAR NAS DGE BA'I RLUNG GI SHUGS STOBS KYIS, ,RGYAL BA'I YON TAN RGYA MTSO'I PHA ROL MCHOG TU 'GRO ZHES GSUNGS

, ,SO, ,THA SNYAD KYI SKABS SU GZHAN DO'AM 'KHRUL NGO ZHES TSIG TU MA BRJOD PAR RNAM GZHAG MI SHES PA DE DAG GIS NI BDEN PA GNYIS PO TSA REG DANG GRANG REG BZHIN DU KHAS BLANGS PA THABS DANG THABS BYUNG DU BZHAG MI NUS SHING, DON DAM GYI RNAM GZHAG MI NUS TE, DON DAM GYI RNAM GZHAG BYED NA KUN RDZOB YOD PA MA YIN PAR MO GSHAM GYI BU BZHIN DU KHAS BLANGS PA'I PHYIR, LUGS DES NI TSIG TU GANG LTAR BRJOD KYANG STONG PA'I DON YE MED DU GZUNG BAS 'PHAGS PA'I BDEN BZHI MI 'THAD PAR THAL BA LA 'DOD THOG BYED DGOS PA YIN NO, ,'PHAGS PA KLU SGRUB KYIS NI GAL TE 'DI KUN MI STONG NA, ,'PHAGS PA'I BDEN PA BZHI PO RNAMS, ,KHYOD LA MED PAR THAL BAR 'GYUR, ZHES RANG LA BDEN BZHI MI 'THAD PA'I NYES PA MED PAR BSTAN LA, CHOS RNAMS STONG PA 'DI SHES NAS, ,LAS DANG 'BRAS BU BSTAN PA GANG, ,NGO MTSAR BAS KYANG 'DI NGO MTSAR, ,RMAD BYUNG BAS KYANG 'DI SMAD BYUNG, ZHES BDEN GNYIS TSAD MA GCIG GI NGOR 'TSOG TU MI RUNG YANG, GZHI GCIG GI STENG DU 'TSOG TU RUNG STE, GZUGS SGRA BZHIN, DES BLO LA MA BLTOS PA'I DGE CHOS KHAS LEN PAR YANG YE MI 'GYUR TE, KUN RDZOB NI THAG KHRAL SBRUL DU BTAGS PA BZHIN DU RTOG PA'I 'DZIN STANGS BSKAM PO MING TZAM YIN ZHING, RANG GI GDAGS GZHI DANG, DE NYID DANG GZHAN GANG YAD MA GRUB PAS, MI BLUN PO LA BA LANG DU BTAGS PA NA RVA RID THUNG GI DPYAD PA MI 'JUG PA BZHIN DU, RGYU 'BRAS DE NYID DANG GZHAN GYI DPYAD PA MI 'JUG PA YIN NO, , YANG DE TZAM LA 'KHRUL NAS DPYAD PA BYAS PA NA KUN RDZOB MED PAR 'GYUR SNYAM DU MI BSAM STE, RIGS NGOR MA GRUB PA YIN GYI, KUN RDZOB KYI THUN MONG MIN PA'I GO BA NI SPROS PA MTHA' DAG BKAG RJES SU RNYED PA'I PHYIR TE, RTEN 'BYUNG SGYU MAR GO BA NI, BDEN PA'I SPROS PA KHEGS PA LA

BLTOS PA'I PHYIR, KHA CIG DPYAD NAS RNYED PA'I STONG PA NYID LA BLOS BYAS KYI STONG PA ZHES PA DANG, GZHAN DAG HA CANG DPYAD PA SKYON YIN ZHES SMRA BA DE DAG GIS NI STONG PA NYID KYI GO BA RGYAD RING DU SPANGS TE, DPYAD NAS RNYED PA NI SNGAR STONG PA MA YIN PA STONG PAR GSAR DU RNYED PA MA YIN TE, DE LTA NA BUM PA BZOS PA BZHIN DU GNAS LUGS MA YIN PA RNYED PAS BLO PHYIN CI LOG TU 'GYUR ZHING STONG NYID SHES MTHONG GIS BYAS PAR 'GYUR LA, DGAG BYA SNGAR YOD BKAG NA YANG, BUM PA BSHIG BYED KYI THO BA BZHIN DU, STONG NYID DNGOS PO'I BSHIG BYED DU 'GYUR DGOS SO, ,DES NA RTEN 'BYUNG LA BLOS GZUNG BA'I DRI MA MTHA' DAG 'KHRUD PA'I PHYIR TU MTHA' GZHAN DU SRID PA'I DOGS PA MTHA' DAG DPYAD DGOS PAS JI SRID DOGS PA MCHOD PAR DU YANG DANG YANG DU DPYAD DGOS PA CI TZAM DU DPYAD PA DE TZAM DU NGES PA RNYED PAR 'GYUR BAS YOD PA SGRUB MI DGOS, MED PA SGRUB MI NUS ZHES PA'I TSIG RIGS LA BRTEN NAS, TSAD MA'I DGAG SGRUB SPANG BAR MI BYA STE, DE NI DGAG SGRUB DON LA YOD PA 'GOG PA YIN GYI, TSAD MA'I DGAG SGRUB 'GAG PA MA YIN TE, DE LTA NA RIGS PA'I BSTAN BCOS BRTZAMS PAS CI BYA, YANG KHA CIG SNANG TZAM YANG DGAG PAR BYA'O ZHES SMRA BA NI LTA BA DE NYID KYIS NGAN 'GRO'I RGYU BYED PAS THAR 'DOD RNAMS KYIS RNAM PA KUN TU SPANG BAR BYA STE, DGAG MI NUS, DGAG MI DGOS, BKAG NA SKYON YOD PA'I PHYIR, SNANG BA 'GOG BYED KYI TSAD MA MED NA, 'GEGS BYED MED PAS DGAG MI NUS PA'I PHYOGS KHAS BLANGS PAR 'GYUR LA, YOD NA DE NYID KYANG DGAG BYAR 'GYUR TE, DE YANG SNANG TZAM LAS MA 'DAS PA'I PHYIR, DES NA SNANG BA 'GOG PAR KHAS BLANGS SHING, 'GOG BYED KYANG 'GOG PAR KHAS BLANGS PAS RANG TSIG DANG 'GAL BAR 'GYUR LA,

, ,BKAG PA LA DGOS PA YANG MED DE, BDEN PA'I SPROS PA BCAD PAS DE GOMS PA NA RANG 'GAGS SU 'GYUR BA'I PHYIR, BKAG NA SKYON YOD DE, BSOD NAMS KYI TSOGS BSAG PAR MI NUS PA'I PHYIR, LAM GYI DGAG BYA DANG RTAGS KYI DGAG BYA'I KHYAD MI PHYED PA'I DBU MA PA DE LA PHYAG 'TSAL LO, ,DES NA BDEN PA DGAG DGOS DGAG NUS BKAG NA YON TAN YOD DE, BDEN PAR GZUNG BAS NYES PA THAMS CAD BSKYED PA'I PHYIR DANG, YOD NA RIGS PAS DMIGS SU RUNG BA LAS RIGS PAS BRTAG MI BZOD PA'I PHYIR, DE MED PAR RTOGS PA LAS 'KHOR BA'I RTZA BA BZLOG PA'I PHYIR, BDEN ZHEN DGAG BYA YIN GYI, BDEN PA DGAG BYA MIN TE, YE MED YIN PA'I PHYIR CES SMRA BA DES KYANG YE MED PA DES MED DU RTOGS PA TSAD MA'I DGAG SGRUB KYI DON DU MA GO BAR ZAD DE, BDEN ZHEN 'GOG PA LA DE'I ZHEN YUL YE MED DU RTOGS DGOS PAS SO, ,DES NA CHOS THAMS CAD RTOG PAS BTAGS PA TZAM DU RANG LUGS LA KHAS BLANGS NA RTEN 'BYUNG YOD PAR MI RUNG LA, RTEN 'BYUNG YOD PAR KHAS BLANGS PA NA MTHAR LTUNG DU 'GYUR PAS, YOD PAR BZHAG TU MI RUNG ZHES SMRA BA DE NI RANG NYID MNGON PAR RTOGS PA'I RGYAN NAS BSHAD PA'I LOG RTOG BCU DRUG LA GNAS BZHIN DU SLOB DPON LEGS LDAN 'BYED LA SOGS PA'I SHING RTA CHEN PO RNAMS LA SMOD PA NI BDAG NYID MA RUNGS PAR BYED PA 'BA' ZHIG TU ZAD DO, ,GNYIS PA YAN LAG GI DON LA, SKYE BA'I MTHA' DGAG PA DANG, 'JIG PA'I MTHA' DGAG PA'O,, DANG PO NI, RANG GI MTSAN NYID KYIS SKYE BA KHAS BLANGS PA DAD RTEN 'BYUNG JI LTAR 'GAL ZHE NA, DE DANG DE RTEN GANG 'BYUNG DE, ,RANG GI NGO BOR SKYES MA YIN, ,RANG GI NGO BOR GANG MA SKYES, ,DE NI SKYE ZHES JI SKAD BYA, ,RGYU DANG RKYEN DE DANG DE LA BRTEN NAS GANG 'BYUNG BA DE NI RANG GI NGO BOR RANG

BZHIN GYIS SKYES PA MA YIN NO, ,CI'I PHYIR CE NA, RGYU'I SNGAR YOD NA RGYU LA MI LTOS LA, SKYE BA'I SNGAR MED NA SKYES PA'I DUS NA YANG GZUGS BRNYAN BZHIN DU BCOS MAR 'GYUR GYI, RANG GI MTSAN NYID DU GRUB PAR GA LA 'GYUR, RANG GI NGO BOR RANG BZHIN GYIS MA SKYES KYANG SKYE BA TZAM NI YOD DE, GZUGS SKYES SO ZHES PA'I THA SNYAD MTHONG BA'I PHYIR, DE YOD NA RANG GI MTSAN NYID KYIS SKYE BA YANG YOD DE, BTAGS PA THAMS CAD RDZAS KYI RTEN CAN YIN PA'I PHYIR RO ZHE NA, RANG GI DNGOS POR RANG BZHIN GYIS GANG MA SKYES PA DE NI RANG GI MTSAN NYID KYIS SKYES SO ZHES JI SKAD BRJOD PAR BYA STE, GZHAN GYI NGO BOR SKYE BA DUS NAM YANG MI SRID PA'I PHYIR, RANG GI MTSAN NYID KYIS SKYE BA MED NA SKYE BA TZAM MED DO ZHES SMRA BA DES NI GONG 'OG LEGS PAR MA BRTAGS TE, DON BSDU BA'I SKABS SU YANG RIGS PAS DPYAD PA'I SKYE BA MED CES PA DANG ZAD MTHA' 'GOG PA'I SKABS SU YANG ZAD PA RANG BZHIN PA MED CES GSUNGS PA'I PHYIR, GNYIS PA NI, RGYU ZAD NYID LAS ZHI BA NI, ,ZAD CES BYA BAR DMIGS PA STE, ,RANG BZHIN GYIS NI GANG MA ZAD, ,DE LA ZAD CES CI SKAD BRJOD, ,DNGOS PO RNAMS GNAS PA NI GNAS BYED KYI RKYEN LA RAG LAS TE GNAS PA'I RKYEN MED NA 'JIG PAR 'GYUR BA'I PHYIR, DES NA GNAS BYED KYI RGYU RAS SNUM SOGS ZAD CING 'GAGS PA NYID LAS BYUNG BA'I MAR ME'I 'OD ZAD CING 'GAGS PA'I ZHI BA NI ZAD PA DANG 'GAGS PA ZHES BYA BAR DMIGS PA STE, ZAD PA RGYU LA BLTOS PA'I RANG BZHIN GYIS GANG MA ZAD PA DE LA ZAD PAR RANG BZHIN PAR JI SKAD BRJOD PAR BYA STE, RANG BZHIN GYIS MA ZAD PA DE NI NGO BO GZHAN GANG GIS ZAD PAR RNAM PAR BZHAG PAR BYA, GSUM PA MJUG BSDU BA NI, ,DE LTAR CI YANG SKYE BA MED, ,CI YANG 'GAG PAR MI 'GYUR RO, ,DE

, ,LTAR RIGS PAS RNAM PAR DPYAD PA NA CI YANG RANG DANG GZHAN GYI NGO BOS SKYE BA MED LA, RANG DANG GZHAN GYI NGO BOS CI YANG 'GAG PAR YANG MI 'GYUR TE, RNAL 'BYOR PAS CI YANG DMIGS PA MED DO ZHES PA'I DON TO, ,GNYIS PA LUNG 'GAL SPANG BA LA, SKYE 'JIG GSUNGS PA DRANG DON DU BSTAN, SKYE 'JIG LA BRTEN NAS RANG BZHIN MED PAR RTOGS TSUL, MNGON ZHEN CAN GYIS MI RTOGS PAR BSTAN, MOS PA RNAMS KYIS RTOGS TSUL LO, ,DANG PO NI, GAL TE DE LTAR SKYE 'JIG GNYIS MI SRID NA BCOM LDAN 'DAS KYIS, KYE MA 'DU BYED RNAMS MI RTAG ,SKYE ZHING 'JIG PA'I CHOS CAN YIN, ,SKYES NAS 'JIG PAR 'GYUR BA STE, ,DE DAG NYE BAR ZHI BA BDE, ZHES SKYE 'JIG MED NA MYANG 'DAS THOB PA'I THABS SU GSUNG MI RIGS PA LAS GSUNGS PA'I PHYIR YOD DO ZHE NA, SKYE BA DANG NI 'JIG PA'I LAM, ,DGONGS PA'I DON DU BSTAN PA'O,, SKYE BA DANG 'JIG PA RANG GI NGO BOS GRUB NAS GSUNGS PA MA YIN GYI, 'JIG RTEN DAM PA MA YIN PA'I LAM DU 'GRO BA 'DI DE KHO NA NYID LA SBYOR BAR 'DOD PAS SKYE BA DANG 'JIG PA'I LAM 'DI BSTAN PAS DE KHO NA NYID RTOGS NUS PA'I PHYIR, DE KHO NA RTOGS PA'I THABS SU DGOS PA'I DON DU BSTAN PA'O, ,SKYE 'JIG STON PA'I MDO DRANG DON YIN YANG SGRA JI BZHIN PA YIN PAS RANG LUGS LA SKYE 'JIG KHAS LEN TE DE KHAS LEN PA DANG STONG PA GZHI GCIG LA 'DU BA'I PHYIR, DE LTAR MIN NA RTEN 'BREL LA BDEN PAS KHYAB PAR 'GYUR RO, ,GNYIS PA LA DNGOS DANG PHAN YON NO, ,DANG PO NI, SKYE 'JIG BSTAN PA LA DGOS PA CI YOD CE NA, SKYE BA SHES PAS 'JIG PA SHES, ,'JIG PA SHES PAS MI RTAG SHES, ,MI RTAG NYID LA 'JUG SHES PAS, ,DAM PA'I CHOS KYANG RTOGS PAR 'GYUR, ,BYIS PA BUD MED LA CHAGS PA LDOG PAR BYA BA'I PHYIR TU BCOM LDAN 'DAS KYIS SKYE

'JIG BSTAN, DE LTAR SKYE BA SHES PAS 'JIG PA YANG SHES PAR 'GYUR TE, 'JIG PA NI SKYE BA'I RTZA BA CAN YIN PA'I PHYIR, 'JIG PA SHES PAS DE DON GCIG PA'I MI RTAG PA SHES PAR 'GYUR LA, KHAMS GSUM MI RTAG PA'I ME RAB TU 'BAR BA'I NANG DU 'DUG PAR SHES PAS DE LAS 'DA' BAR 'DOD CING, DE KHO NA NYID LA 'JUG PA SHES PAS DAM PA'I CHOS MYA NGAN LAS 'DAS PA DANG THA MI DAD PA'I SPROS BRAL STONG PA NYID GSUNGS PA RTOGS SHING KHONG DU CHUD PAR 'GYUR RO, ,GNYIS PA NI, GANG DAG RTEN CING 'BREL 'BYUNG BA, ,SKYE DANG 'JIG PA RNAM SPANG BAR, , SHES PAR GYUR PA DE DAG NI, ,LTAR GYUR SRID PA'I RGYA MTSO BRGAL, ,JI SKAD BSHAD PA'I RIM GYIS DE KHO NA NYID TSOL BA LHUR BYED PA'I BLO MCHOG DANG LDAN PA GANG DAG RTEN CING 'BREL PAR 'BYUNG BA RANG BZHIN GYIS SKYE BA DANG 'JIG PA RNAM PAR SPANGS PA RTAG CHAD KYI LTA BAS GNAS MI THOGS PAR SHES PAR GYUR PA DE DAG NI RTAG CHAD KYI LTA BAR GYUR PA NYID SRID PA'I RGYA MTSO YIN PAS NA LTA BAR GYUR PA'I SRID PA'I RGYA MTSO LAS STONG NYID RTOGS PA'I GRUS NGES PAR BRGAL BAR 'GYUR RO, ,GSUM PA NI, SO SO'I SKYE BO DNGOS BDAG CAN, ,YOD DANG MED PAR PHYIN CI LOG ,NYES PAS NYON MONGS DBANG GYUR RNAMS, ,RANG GI SEMS KYIS BSLUS PAR 'GYUR, ,LAS JI LTA BA DANG NYON MONGS JI LTA BA BZHIN SKYE GNAS SO SOR 'GRO BAS NA SO SO'I SKYE BO PHUNG PO DANG THA MI DAD PAR BDAG TU 'DZIN PAS DNGOS BDAG CAN NAM, YANG NA DNGOS PO NI CHOS BDAG YIN PAS DE SO SKYE'I BDAG TU LDAN PAS DNGOS BDAG CAN NAM, YANG NA DNGOS PO LA MNGON PAR ZHEN PA RNAMS NI DNGOS BDAG CAN, STONG PA NYID DU LTA BAS 'JIGS PA RNAMS DNGOS PO RANG BZHIN GYIS YOD PA DANG MED PA RANG MTSAN PAR 'DZIN PA'I PHYIN CI LOG GI KUN RTOG GIS BSKYED PA'I NYES PAS CHAGS SDANG LA

, ,SOGS PA NYON MONGS PA'I GZHAN DBANG DU GYUR PA RNAMS NGES PAR SEMS SKYE MED DU MA SHES PAR RANG GI SEMS KYI 'DZIN PAS BSLUS NAS 'KHOR BAR 'KHOR BAR 'GYUR RO ZHES PA'I DON TO, ,BZHI PA MOS PA RNAMS KYIS RTOGS TSUL LA, MDZAD PA MTHAR PHYIN PA RNAMS KYIS RTOGS TSUL DANG, SLOB DPON RANG NYID KYIS GZIGS TSUL DANG, DE'I 'THAD PA'O, ,DANG PO NI, DNGOS LA MKHAS PA RNAMS KYIS NI, ,DNGOS PO MI RTAG BSLU BA'I CHOS, ,GSOG DANG STONG PA BDAG MED PA, ,RNAM PAR DBEN ZHES BYA BAR MTHONG, ,STONG PA NYID LA G-YANG SA LTA BUR MI SEMS SHING CHOS RNAMS KYI DON DAM PA DANG, MYA NGAN LAS 'DAS PAR 'GRO BA'I LAM DU RTOGS PA'I DNGOS PO LA MKHAS PA RNAMS KYIS NI DNGOS PO RNAM PAR DBEN ZHING RANG BZHIN GYIS STONG NGO ZHES BYA BAR MTHONG NGO, ,DE'I 'THAD PA NI, KHYAD PAR LNGA STE, DNGOS PO SKAD CIG RE RE LA 'JIG PA'I NGANG TSUL CAN YIN PA'I PHYIR MI RTAG PA, SGYU MA BZHIN DU RANG BZHIN MED PA RANG BZHIN DANG BCAS PAR SNANG BAS BSLU BA'I CHOS YUN RING DU MI GNAS SHING NYAM CHUNG BA NYID KYIS GSOG DANG, CHOS BDAG GI RANG BZHIN DANG BRAL BA'I PHYIR STONG PA, GANG ZAG GI BDAG DANG BRAL BA'I PHYIR BDAG MED PA'O, ,GNYIS PA NI, GNAS MED DMIGS PA YOD MA YIN, ,RTZA BA MED CING GNAS PA MED, ,MA RIG RGYU LAS SHIN TU BYUNG, ,THOG MA DBUS MTHA' RNAM PAR SPANGS, ,CHU SHING BZHIN DU SNYING PO MED, ,DRI ZA'I GRONG KHYER 'DRA BA STE RMONGS PA'I GRONG KHYER MI ZAD PA'I, ,'GRO BA SGYU MA BZHIN DU SNANG, ,SNOD BCUD KYIS BSDUS PA'I, 'GRO BA 'DI SLOB DPON GYIS RJES THOB LA SGYU MA BZHIN DU SNANG ZHING GZIGS PA YIN NO, ,JI LTAR SGYU MA LTA BU YIN ZHE NA, 'THAD PA BZHI STON PA NI 'GAL RKYEN GYI SGO NAS GNAS SAM RTEN

BDEN PA MED CING DMIGS PA BDEN PA BA YANG YOD PA MA YIN PAS SA BON GYI TSUL GYIS RTZA BA MED CING MI GNAS PAS RKYEN GSUM GYI TSUL GYIS GNAS PA MED PA'O, ,'GRO BA RANG BZHIN MED NA SNA TSOGS SU JI LTAR SNANG ZHE NA, MED KYANG SNANG BA'I RGYU'I KHYAD PAR NI MA RIG PA'I RGYU LAS SHIN TU 'BYUNG BAS SNANG BA'O, ,DES NI SNANG BA MI 'GOG PAR BSTAN PA'O, ,GRUB PA RANG BZHIN MED PAR BSTAN PA'I PHYIR THOG MAR RANG BZHIN GYIS SKYE BA DANG DBUS SU GNAS PA DANG, MTHA' MAR 'JIG PA RNAMS SPANGS SHING DE DANG BRAL LO ZHES PA'I DON TO, ,CHU SHING BZHIN DU SNYING PO CUNG ZAD KYANG MED PA'I PHYIR DANG, DRI ZA'I GRONG KHYER DANG 'DRA BAR BDEN PAR SNANG YANG RNAM PAR DPYAD NA DE LTAR MED PA'I PHYIR YANG MA RIG PA'I RGYU LAS BYUNG BA'O, ,'GRO BA'I KHYAD PAR NI RMONGS PA'I GRONG KHYER LUS NGAG GI 'JUG PA RANG NYID LA GNOD BYED LAS LDOG DKA' BAS NA MI ZAD PA'I 'GRO BDE LTAR SNANG ZHING GZIGS SO, ,GSUM PA LA, LUNG DANG RIGS PA GNYIS SO, ,DANG PO NI, TSANGS SOGS 'JIG RTEN 'DI LA NI, ,BDEN PA RAB TU GANG SNANG BA, ,DE NI 'PHAGS LA RDZUN ZHES GSUNGS, ,DE LAS GZHAN LTA CI ZHIG LUS, ,'JIG RTEN NA DBANG PO LAS 'DAS PA'I DON MTHONG BA LA MCHOG TU GRAGS PA TSANGS BA LA SOGS PA LA PHYI NANG GI 'JIG RTEN 'DI LA NI BDEN PAR RAB TU GANG SNANG BA DE NI BCOM LDAN 'DAS KYIS MYA NGAN LAS 'DAS PA GCIG PU BDEN PA DAM PA YIN GYI 'DUS BYAS RDZUN PA BSLU BA'I CHOS CAN NO ZHES 'PHAGS PA RNAMS LA RDZUN PA YIN NO ZHES GSUNGS NA, DE LAS GZHAN SGYU MA LTA BUR MI 'GYUR BA LTA CI ZHIG 'DUS TE YOD PA MIN PA'O, ,GNYIS PA NI, 'JIG RTEN MA RIG LDONGS GYUR PA, ,SRED PA'I RGYUN GYI RJES 'BRANG DANG, ,MKHAS PA SRED PA DANG BRAL BA, DAM PA RNAMS LTA JI LTAR MNYAM, ,TSANGS PA LA SOGS PA'I 'JIG RTEN

, ,PA BLO'I MIG MA RIG PA'I RAB RIB KYIS LDONGS SHING KHEGS PAR GYUR PA PHYIN CI LOG GI SRED PA'I CHU BO'I RGYUN GYI RJES SU 'BRANGS PA'I SO SO'I SKYE BO DANG MKHAS PA BLO'I MIG DAG PA 'DI PA'I CHOS KYI BDUD RTZI'I KHU BAS NGOMS PA SRED PA DANG BRAL BA'I DAM PA RNAMS LTA BA JI LTAR MNYAM ZHING MTSUNGS PAR 'GYUR, DE LTAR NA 'PHAGS PA BYIS PAR THAL BA DANG, BYIS PA 'PHAGS PAR THAL BAR 'GYUR RO, ,GNYIS PA PHUNG SOGS BSTAN PA DRANG DON YIN PA LA, DE KHO NA NYID BSTAN PA'I RIM PA DANG, PHUNG SOGS DGONGS PAS GSUNGS PA, SKYE MED NGES DON YIN PAR BSTAN PA'O, ,DANG PO LA, RIM PA DNGOS DANG, DE LAS 'DAS PA'I NYES DMIGS, DE'I GNYEN PO'O, ,DANG PO NI, DE NYID TSOL LA THOG MAR NI, ,THAMS CAD YOD CES BRJOD PAR BYA, ,DON RNAMS RTOGS SHING CHAGS MED LA, ,PHYIS NI RNAM PAR DBEN PA'O, ,GAL TE THAMS CAD RDZUN PA YIN NA BCOM LDAN 'DAS KYIS DON DAM PA KHO NA BSTAN PAR BYA BA MA YIN NAM, RDZUN PA BSTAN PA CI BYA ZHE NA, RDZUN PA YANG DGOS PA YOD NA BSTAN PAR BYA LA, BDEN YANG DGOS PA MED NA BSTAN PAR MI BYA BAS, DE KHO NA NYID KYI RTOGS PA TSOL BA'I SLOB MA LA BLA MA 'GRO BA'I DON BSGRUB PA LA MKHAS SHING PHAN PAR 'DOD PAS THOG MA KHO NAR NI PHUNG PO DANG KHAMS DANG SKYE MCHED THAMS CAD YOD DO ZHES BRJOD PAR BYA'O, ,BRAM ZE THAMS CAD CES BYA BA NI PHUNG PO LNGA DANG, SKYE MCHED BCU GNYIS DANG KHAMS BCO BRGYAD KYI BAR DAG GO ZHES GSUNGS SO, ,YOD PA YANG RING PO LA BRTEN NAS THUNG NGUR 'DOGS PA BZHIN DU GZUGS SOGS LA BRTEN NAS PHUNG POR 'DOGS PA DANG, MAR ME LAS 'OD 'BYUNG BA BZHIN DU RGYU LA BLTOS NAS 'BRAS BU RNAM PAR BZHAG GI NGO BO NYID KYIS MA GRUB PA'O, ,'BRAS BU RE RE LA YANG RKYEN DU MA CAN YIN PA'I PHYIR

DANG, RKYEN RE RE LA YANG MTHA' MED PA SKYE BA NA 'BAD PA DU MAS SGRUB DGOS SHING 'JIG PA NA 'BAD PA MED PAR RANG GI DANG GIS 'JIG PAR DON RNAMS RTOGS SHING 'KHOR BA LA CHAGS PA 'DOR BAR 'DOD PA BDAG LA CHAGS PA LA SOGS PAS CHAGS PA MED PAR GYUR PA'I GANG ZAG LA DUS PHYIS NI RNAM PAR DBEN PA ZAB MO STONG PA NYID BSTAN PAR BYA'I, SNGA ROL TU MA YIN NO, ,GNYIS PA NI, RNAM PAR DBEN DON MI SHES LA, ,THOS PA TZAM LA 'JUG BYED CING, ,GANG DAG BSOD NAMS MI BYED PA, ,SKYES BU THA SHAL DE DAG BRLAG ,'PHAGS PA RNAMS KYIS BSOD NAMS DANG BSOD NAMS MA YIN PA'I LAS DAG MI BYA BAR RIGS NA DE KHO NA NYID MA RTOGS PA RNAMS KYIS DANG POR RNAM PAR DBEN PA STONG PA NYID KYI DON MI SHES LA, BAR DU STONG PA NYID KYI SGRA THOS PA TZAM GYIS STONG PA NYID LA JI LTA BA BZHIN DU 'JUG PAR BYED CING GANG DAG STONG PA'O ZHES LAS 'BRAS YAL BAR DOR NAS BSOD NAMS DGE BA'I LAS MI BYED PA'I SKYES BU THA SHAL DE DAG BRLAG PAR 'GYUR TE GCIG TU MI DGE BA LA 'JUG PAS SKYES BU THA SHAL LO, ,GSUM PA NI, LAS RNAMS 'BRAS BUR BCAS NYID DANG, ,'GRO BA DAG KYANG YANG DAG BSHAD, ,DE YI RANG BZHIN YONGS SHES DANG, ,SKYE BA MED PA DAG KYANG BSTAN, ,JI SKAD BSHAD PA'I NYES PA DE YONGS SU SPANG BAR BZHED NAS, BCOM LDAN 'DAS KYIS DANG POR RGYU DGE MI DGE'I LAS RNAMS DANG 'BRAS BU RNAM SMIN BDE SDUG DANG BCAS PA NYID DANG 'BRAS BU LA LONGS SPYOD PA'I 'GRO BA DAG KYANG YANG DAG PAR YOD DO ZHES BSHAD LA, DE'I RJES SU LAS 'BRAS DE'I RANG BZHIN STONG PA NYID DU YONGS SU SHES PA'I LAM BDEN DANG, DES THOB PA'I RANG GI MTSAN NYID KYIS SKYE BA MED PA'I 'GOG BDEN DAG KYANG BSTAN TO, ,RKANG PA DANG PO GNYIS KYIS SDUG KUN DANG PHYI MA GNYIS KYIS 'GOG

, ,LAM BSTAN TO, ,DES NA DE KHO NA NYID STON PA RNAMS KYIS RIM PA LA MKHAS PAR BYA STE, PHAN YON CHE BAS SNYAM PA DANG, PHAN 'DOD LTAR SNANG GIS DANG POR STONG NYID BSTAN NA RANG BYANG CHUB SEMS DPA'I SDOM LDAN DU KHAS 'CHEN [?] RTZA LTUNG 'BYUNG LA, GZHAN YANG BRLAG PAR 'GYUR BA'I PHYIR, SHING RTA CHEN PO RNAMS KYIS GO RIMS LOG PAR STON PA RNAMS KUN TU BKAG LA, PHAN YON TSOGS LAM LAS KYANG MTHONG LAM CHE STE, DANG POR SKYE MI SRID PA'I PHYIR DANG, PHAR PHYIN DRUG YANG DANG POR SHER PHYIN 'BYUNG RIGS PAR 'GYUR RO, , STONG NYID LA SKRAG PA YANG LAS 'BRAS LA YID CHES NAS DE'I RJES SU SKRAG PA 'BYUNG BA YIN GYI, DANG POR BSTAN KYANG BLO KHAM PHYOGS PAS MI SKRAG CING LAS 'BRAS RI BONG RVA'I GNYER MA BGRANG BA BZHIN DU GO NAS DGA' BA PHAL CHER SKYE BAR 'GYUR TE, MI DGE BA SPONG BA'I SDUG BSNGAL BYA MI DGOS PAR GO BA'I PHYIR, GNYIS PA PHUNG SOGS GSUNGS PA DGOS PA CAN YIN PA LA DNGOS DANG SHES BYED DO, ,DANG PO NI, DGONGS PA'I DBANG GIS RGYAL BA RNAMS, ,NGA DANG NGA YI ZHES GSUNGS LTAR, ,PHUNG PO KHAMS DANG SKYE MCHED RNAMS, ,DE BZHIN DGONGS PA'I DBANG GIS GSUNGS, ,'JIG TSOGS LA LTA BA MTHA' DAG ZAD PAR SPANGS KYANG, DGONGS PA'I DBANG GIS RGYAL BA YANG DAG PAR RDZOGS PA'I SANGS RGYAS RNAMS GDUL BYAS SKYE MED RTOGS PA'I THABS SUNG DANG NGA YI ZHES GSUNGS PA LTAR, PHUNG PO DANG KHAMS DANG SKYE MCHED RNAMS THA SNYAD TZAM DU YOD PA LA DGONGS NAS DPE DE BZHIN DU DE KHO NA NYID RTOGS PA'I THABS SU DGONGS PA'I DBANG GIS GSUNGS PA YIN NO, ,GNYIS PA LA, RIGS PA DANG, LUNG NGO, ,DANG PO NI, 'BYUNG BA CHE LA SOGS BSHAD PA, ,RNAM PAR SHES SU YANG DAG 'DU, ,DE SHES PAS

NI 'BRAS 'GYUR NA, ,LOG PA RNAM BRTAGS MA YIN NAM, ,RGYU'I GZUGS 'BYUNG BA CHEN PO BZHI DANG 'BRAS BU'I GZUGS BCU GCIG LA SOGS PA MDO LAS BSHAD PA NI MA RIG PA'I RANG BZHIN GYI RNAM PAR SHES PA LA RNAM PA GTAD NAS RNAM PA SHAR BA TZAM MA GTOGS YOD PAR BZHAG MI NUS PAS RNAM PAR SHES PA'I KHONGS SU 'DU LA, RNAM PAR SHES PA DE RANG BZHIN GYIS SKYE BA MED PAR SHES PAS NI 'BYUNG BA SOGS LA BDEN PAR ZHEN PA'ANG 'BRAL BAR 'GYUR NA, DE DAG LOG PA YANG DAG PA MA YIN PAR RNAM PAR BRTAGS PA MA YIN NAM DE YIN PAR THAL LO, ,MDOR NA 'BYUNG SOGS CHEN PO RANG BZHIN MED DE, DE BRTEN NAS SKYES PA'I PHYIR CES PA'O, ,RNAM PA SHAR BA MA GTOGS PHYI DON YOD PAR BZHAG MI NUS TE, MO GSHAM GYI BU LA SOGS PA YANG YOD PAR THAL BAR 'GYUR RO, ,SHES PA'I 'DZIN RNAM YOD DAM MED, DANG PO LTAR NA, GZUNG RNAM YANG KHAS BLANGS PAS NAD DU PHYOGS PA DANG PHYIR PHYOGS PA'I CHA GNYIS KHAS BLANGS PAS RANG RIG KHAS BLANGS LA, PHYI MA LTAR NA GZUNG RNAM MI 'THAD DO ZHE NA, SHES PAS YUL RIG PA GRUB PA RIG PA TZAM GRUB ZIN PAS RIG PA GRUB PAR BYA BA'I PHYIR TU RANG GI RIG GAM GZHAN GYIS RIG DPYOD PAR MI RIGS TE, DE LTAR NA SHES PA BEM POR 'GYUR TE, SGRON MES BUM PA GSAL DGOS PA BZHIN, GNYIS PA NI, MYA NGAN 'DAS PA BDEN GCIG PU, ,RGYAL BA RNAMS KYIS GANG GSUNGS PA, ,DE TSE LHAG MA LOG MIN ZHES, ,MKHAS PA SU ZHIG RTOG PAR BYED, LUNG LAS KYANG, BCOM LDAN 'DAS KYIS DGE SLONG DAG BDEN PA DAM PA 'DI NI GCIG STE 'DI LTA STE, MI BSLU BA'I CHOS CAN MYA NGAN LAS 'DAS PA'O ZHES GSUNGS PAS MYA NGAN LAS 'DAS PA DON DAM PA'I BDEN PA KHO NA BDEN PA GCIG PUR RGYAL BA RNAMS KYIS

, ,GSUNGS PA DE'I TSE, DE LAS LHAG MA PHUNG PO LA SOGS PA RNAMS LOG PA RDZUN PA'I DON CAN MA YIN NO, ZHES BDEN GNYIS KYI RNAM DBYE LA MKHAS PA SU ZHIG RTOG PAR BYED DE MI RIGS SO, ,GSUM PA SKYE MED GSUNGS PA NGES DON YIN PA LA, MA RIG PA LA SNANG BAS RANG BZHIN MED PA DANG, MA RIG PA'I RJES SU 'GRO LDOG BYED PAS RANG BZHIN MED PA DANG, SKYE 'JIG GNAS GSUM RGYU LA BLTOS PAS RANG BZHIN MED PA'O, ,DANG PO NI, JI SRID YID KYI RNAM G-YO BA, ,DE SRID BDUD KYI SPYOD YUL TE, ,DE LTA YIN NA 'DI LA NI, ,NYES PA MED PAR CIS MI 'THAD, ,JI SRID TSUL BZHIN MA YIN PA'I YID BYED KYIS YID KYI RNAM PAR G-YO BA YUL LA 'JUG PA DE SRID DU 'PHAGS PA'I SHES RAB KYI DBANG PO'I SROG GI BAR CHAD BYED PA SOGS KHYAD PAR DRUG DANG LDAN PA MA RIG PA'I BDUD KYI SPYOD YUL TE, GZHAN DBANG DU GYUR PA'O, ,SKYE MED MNGON DU GYUR PA DE LTA YIN NA SKYE MED MNGON SUM DU RTOGS PA 'DI LA JI SKAD BSHAD PA'I NYES PA MED PAR CI'I PHYIR MI 'THAD, BDUD KYI YUL DANG BRAL BA'I PHYIR, GNYIS PA LA GNYIS LAS, DANG PO MA RIG PA'I RJES SU BYED PAR BSTAN PA NI, 'JIG RTEN MA RIG RKYEN CAN DU, ,GANG PHYIR SANGS RGYAS RNAMS GSUNG BA, ,DE YI PHYIR NA 'JIG RTEN 'DI, ,RNAM RTOG YIN ZHES CIS MI 'THAD, ,'JIG RTEN NYE BAR LEN PA'I PHUNG PO LNGA GANG LA MA RIG PA RKYEN DU YOD PAS MA RIG PA'I RKYEN CAN DU GRUB BO, ,GANG GI PHYIR NA RDZOGS PA'I SANGS RGYAS KYIS MA RIG PA'I RKYEN GYIS 'DU BYED, 'DU BYED KYI RKYEN GYIS RNAM PAR SHES PA ZHES GSUNGS PA DE'I PHYIR NA 'JIG RTEN 'DI RNAM PAR RTOG PAS BTAGS PA TZAM YIN NO ZHES CIS MI 'THAD DE, RIN PHRENG DU, GANG GI SA BON RDZUN PA DE'I, ,SKYE BA BDEN PA GA LA ZHIG ,CES

GSUNGS PA LTAR RO, ,GNYIS PA MA RIG PA LOG NA LDOG PA NI, MA RIG 'GAGS PAR GYUR PA NA, ,GANG ZHIG 'GAG PAR 'GYUR BA DE, ,MI SHES PA LA KUN BRTAGS PAR, ,CI LTA BUR NA GSAL MI 'GYUR, ,SNANG BA NYE BA NA MUN PA BZHIN DU RIG PA'I YE SHES BYUNG BAS MA RIG PA 'GAG PAR 'GYUR BA NA 'DU BYED LA SOGS PA GANG ZHIG 'GAG PAR 'GYUR BA DE MI SHES PA GTI MUG PA LAS KUN BRTAGS PAR JI LTA BUR NA GSAL BAR RTOGS PAR MI 'GYUR TE, RAB RIB MED NA SKRA SHAD LDOG PAR MTHONG BA'I PHYIR RO, ,GSUM PA NI, GANG ZHIG RGYU DANG BCAS 'BYUNG ZHING, ,RKYEN MED PAR NI GNAS PA MED, ,RKYEN MED PHYIR YANG 'JIG 'GYUR BA, ,DE NI YOD CES CI LTAR RTOGS, ,'DUS BYAS GANG ZHIG SKYE BA RGYU DANG BCAS PA LA RAG LAS NAS 'BYUNG BAS SKYE BA RGYU LA BLTOS CING GNAS BYED KYI RKYEN MED PAR YANG GNAS PA MED PAS GNAS PA'ANG RKYEN LA RAG LAS LA, GNAS PA'I RKYEN ZAD NAS MED PA'I PHYIR YANG 'JIG PAR 'GYUR BAS 'JIG PA GNAS RGYU ZAD PA'I RKYEN LA RAG LAS NAS 'BYUNG BA DE NI RANG BZHIN GYIS YOD CES CI LTAR RTOGS TE, RANG BZHIN GYIS YOD NA SLAR GZHAN DU 'GYUR BA MI SRID PA'I PHYIR RO, ,GSUM PA PHUNG PO LA ZHEN PA'I NYES DMIGS LA, SKABS DGOD PA DANG, NYES DMIGS DNGOS SO, ,DANG PO LA, GZHAN SDE RANG BZHIN YOD PAR SMRA BA DE TZAM YA MTSAN MED PA DANG, YRANG SDE RANG BZHIN YOD PAR SMRA BA CHES MI RIGS PA DANG, DE'I 'THAD PA'O, ,DANG PO NI, GAL TE YOD PAR SMRA BA RNAMS, ,DNGOS MCHOG GZUNG NAS GNAS PA RNAMS, ,LAM DE NYID LA GNAS PA STE, ,DE LA NGO MTSAR CUNG ZAD MED, ,GAL TE GRANGS CAN PA YON TAN GSUM DANG BYE BRAG PA RDUL PHRAN RTAG PAR YOD PAR SMRA BA RNAMS NI DNGOS PO MCHOG BDEN PAR

, ,GZUNG NAS GNAS PA RNAMS NI RANG GI RTZA BA'I GRUB MTHA'I LAM DE NYID LA MI 'GAL BAS GNAS PA STE DE LA NGO MTSAR CUNG ZAD KYANG MED DE, 'JIG RTEN NA MI SRID PA'I DON DMIGS NA YA MTSAN GYI RGYU YIN GYI, SRID PA NI MA YIN TE, DE NI LUGS DANG MTHUN PA'I PHYIR, GNYIS PA NI, SANGS RGYAS LAM LA BRTEN NAS NI, ,KUN LA MI RTAG SMRA BA RNAMS, ,RTZOD PAS DNGOS RNAMS MCHOG GZUNG NAS, ,GNAS PA YANG NI DE RMAD DO, ,SANGS RGYAS KYI LAM RTEN CING 'BREL PAR 'BYUNG BA KHAS LEN PA LA BRTEN NAS NI DNGOS PO KUN LA MI RTAG PA'O ZHES SMRA BA'I BYE BRAG SMRA BA DANG, MDO SDE PA DANG, RNAM RIG PA RNAMS NI CHOS THAMS CAD STONG PAR SMRA BA'I DBU MA PA LA RTZOD PAS DNGOS PO RNAMS MCHOG BDEN PAR GZUNG NAS GNAS PA GANG YIN PA DE NGO MTSAR RMAD DU BYUNG NGO ZHES BRDA'I MING TSIG STE PHYAG 'TSAL BAR MI 'OS PA LA PHYAG 'TSAL LO ZHES BRJOD PA BZHIN NO, ,GSUM PA NI, 'DI'AM DE'O ZHES GANG DU, ,RNAM PAR DPYAD NA MI DMIGS NA, ,RTZOD PAS 'DI'AM DE BDEN ZHES, ,MKHAS PA SU ZHIG SMRA BAR 'GYUR, ,RTEN 'BYUNG KHAS LEN PA SANGS RGYAS KYI LAM LA BRTEN NAS NI GZUGS 'DI'AM TSOR BA DE'O ZHES GANG DU RIGS PAS RNAM PAR DPYAD NA RANG BZHIN CUNG ZAD KYANG MI DMIGS SO, ,RANG BZHIN MI DMIGS NA GZHAN LA BSTAN PAR MI NUS SO, ,BSTAN PAR MI NUS PA DE NI RTZOD PAS GZUGS 'DI'AM TSOR BA DE BDEN ZHES SAM, RANG PHYOGS 'DI'AM GZHAN PHYOGS 'DI BDEN ZHES MKHAS PA SU ZHIG SMRA BAR 'GYUR TE MI RIGS SO, ,GNYIS PA LA, DNGOS POR SMRA BA THAR LAM LAS GROL BAR LTA BA'I CHUS KHYER BAR BSTAN, LTA BA DE NYID DON MIN PA'I RGYUR BSTAN, DNGOS ZHEN YOD NAS NYON MONGS SPONG MI NUS PAR BSTAN, YUL GYI GZEB

LA THOGS PA DANG MI THOGS PA'I DBYE BA BSTAN PA'O, ,DANG PO LA, GZHAN SDE LTA BAS PHROGS PAR BSTAN, RANG SDE LTA BAS PHROGS PAR BSTAN, STONG PAR SMRA BA DE LAS LDOG PAR BSTAN PA'O, ,DANG PO NI, GANG DAG GIS NI MA BRTEN PAR, ,BDAG GI 'JIG RTEN MNGON ZHEN PA, ,DE DAG KYE MA RTAG MI RTAG ,LA SOGS LTA BAS PHROGS PA YIN, GRANGS CAN SOGS GANG DAG GIS RGYU RKYEN LA MA BRTEN PAR BDAG GAM RTAG PA RANG BZHIN GYIS GRUB PA DANG 'JIG RTEN PHUNG PO RANG BZHIN GYIS GRUB PAR MNGON PAR ZHEN PA DE DAG LA NI MI 'GYUR NA RTAG PAR SMRA BA DANG 'GYUR NA CHAD PAR SMRA BAR 'GYUR BAS RJES SU BRTZE BAS NA KYE MA RTAG PA DANG MI RTAG PA DANG MI RTAG GNYIS YIN PA DANG MA YIN PA LA SOGS PA'I LTA BAS PHROGS NAS DE'I GZHAN DBANG DU GYUR PA YIN NO, ,YANG NA RANG SDE GANG DAG PHUNG PO LNGA GZUGS BRNYAN LTAR RANG BZHIN MED PA LA BDAG TU MING 'DOGS KYI, SEMS KYI RANG GI MTSAN NYID KYIS GRUB PA LA BDAG TU 'JOG PA DE DAG LTA BA'I CHU BOS KHYER TE, SEMS RANG BZHIN GYIS GRUB PA DE 'GYUR NA CHAD PAR 'GYUR MI 'GYUR NA RTAG PAR 'GYUR ZHES SBYAR TE, SNGA MA MDZES SAM BLA MA GSUNGS, GNYIS PA NI, GANG DAG BRTEN NAS DNGOS PO RNAMS, ,DE NYID DU NI GRUB 'DOD PA, ,DE DAG LA YANG RTAG SOGS SKYON, ,DE DAG JI LTAR 'BYUNG MI 'GYUR, ,GANG DAG DNGOS PO RNAMS BRTEN NAS 'BYUNG BAR KHAS LEN BZHIN DU YANG DE KHO NA NYID DU GRUB PAR 'DOD PA DE DAG LA YANG RTAG PAR LTA BA LA SOGS KYIS SKYON DE DAG JI LTAR 'BYUNG BAR MI 'GYUR TE, RANG BZHIN GYIS GRUB PA'I DNGOS PO KHAS BLANGS BAR 'GYUR NA CHAD PA DANG, MI 'GYUR NA RTAG PAR LTA BAR 'GYUR RO, ,GSUM PA NI, GANG DAG BRTEN NAS DNGOS PO RNAMS, ,CHU YI ZLA BA LTA BUR NI, ,YANG DAG MA YIN LOG MIN PAR, ,'DOD

, ,PA DE DAG LTAS MI 'PHROG ,DBU MA PA GANG DAG BRTEN NAS BYUNG BA'I DNGOS PO RNAMS CHU YI NANG GI ZLA BA'I GZUGS BRNYAN LTA BUR NI YANG DAG PA BDEN PAR GRUB PA YANG MA YIN LA, LOG PA GTAN MED KYANG MA YIN PAR SNANG LA RANG BZHIN MED PAR 'DOD PA DE DAG RTAG CHAD KYI LTA BAS MI 'PHROGS TE, DNGOS PO LA RANG BZHIN CUNG ZAD KYANG KHAS MA BLANGS PA'I PHYIR, BRTEN NAS SKYES PA RNAMS NI YOD PA RANG BZHIN PA DANG MED PA RANG BZHIN PA SPANGS TE, GZUGS BRNYAN BZHIN DU KHAS BLANG BAR BYA STE, 'PHAGS PA LHAS, 'BRAS BU YOD NYID GANG 'DOD DANG, ,'BRAS BU MED NYID GANG 'DOD PA, ,KHYIM GYI DON DU KA BA SOGS, ,BRGYAN PA'I DON YANG MED PAR 'GYUR, ZHES KA BA LA SOGS RANG BZHIN GYIS YOD NA YANG, DE DAG GI DON DU 'BAD PA BYED MI DGOS PAR 'GYUR, MED PA RANG BZHIN PA YIN NA YANG DE DAG GI DON DU 'BAD PA DON MED PA'I THAL BA 'PHEN PA YIN GYI, YOD NA MI DGOS, MED NA MI NUS ZHES PA TZAM NI MA YIN NO, ,GNYIS PA LA, DNGOS DANG, DE LDOG TSUL LO, ,DANG PO NI, DNGOS POR KHAS LEN YOD NA NI, ,'DOD CHAGS ZHE SDANG 'BYUNG BA YI,, LTA BA MI BZAD MA RUNGS 'DZIN, ,DE LAS BYUNG BA'I RTZOD PAR 'GYUR, ,DNGOS PO BDEN PAR KHAS LEN PA YOD NA NI, NGES PAR RANG PHYOGS LA CHAGS PA'I 'DOD CHAGS DANG, GZHAN PHYOGS LA RGYAB KYIS PHYOGS PA'I ZHE SDANG 'BYUNG BA'I RGYUR GYUR PA'I LTA BA RNAMS SMIN, BSRAN PAR DKA' BA BSKYED PAS MI BZAD PA 'DA' BAR DKA' BA NYID KYIS MA RUNGS PA 'DZIN LA DE LAS RANG PHYOGS BRTAN PAR 'DOD, GZHAN PHYOGS BSAL BAR 'DOD PA'I RTZOD PA 'BYUNG BAR 'GYUR RO, ,GNYIS PA LA, MDOR BSTAN DANG, RGYAS BSHAD DO, ,DANG PO

NI, DE NI LTA BA KUN GYI RGYU, ,DE MED NYON MONGS MI SKYED DE, ,DE PHYIR DE NI YONGS SHES NA, ,LTA DANG NYON MONGS YONGS SU 'BYANG, ,DNGOS POR 'DZIN PA DE NI SNGON MTHA' DANG PHYI MTHA' LTA BA SOGS LTA BA KUN GYI RGYU YIN LA LTA BA LA BRTEN NAS RANG GI LTA BA LA CHAGS SHING NGA RGYAL BA DANG, GZHAN GYI LA SDANG BA DANG, THAMS CAD DU GTI MUG 'BYUNG NGO, ,RJES 'GRO BSTAN NAS, LDOG PA STON PA NI DNGOS POR 'DZIN PA DE MED NA CHAGS SDANG LA SOGS PA'I NYON MONGS PA MI SKYE STE DE'I PHYIR DNGOS PO DE NI RANG BZHIN STONG PA NYID DU YONGS SU SHES NA RTAG CHAD KYI LTA BA NYON MONGS PA YONGS SU 'BYANG ZHING DAG PAR 'GYUR BAS RANG BZHIN MED PAR RTOGS PA'I THABS LA 'BAD PAR BYA'O, ,GNYIS PA LA, SHES BYA'I GNAS TSUL DANG, BLOS RTOGS TSUL LO, ,DANG PO LA BRTEN NAS SKYES PA DANG, RANG BZHIN MED PA MI 'GAL BA DANG, 'GAL BAR GZUNG BAS NYES PA KUN 'BYUNG BAR BSTAN PA'O, ,DANG PO NI, GANG GIS DE SHES 'GYUR SNYAM NA, ,BRTEN CING 'BYUNG BA MTHONG BA STE, ,BRTEN NAS SKYES PA MA SKYES PAR, ,THAMS CAD MKHYEN PA MCHOG GIS GSUNGS, ,RKANG PA DANG POS DRI BA, GNYIS PAS LAN, GSUM PAS RTEN 'BYUNG GI RANG BZHIN, BZHI PAS DE GSUNG PA PO BSTAN TO, ,RANG BZHIN MED PAR SHES PAS NYON MONGS SPONG NA RANG BZHIN MED PA DE GANG GIS SHES PAR 'GYUR SNYAM NA, RTEN CING 'BYUNG BA MTHONG BA STE BLTOS CHOS KYI DON JI LTA BA BZHIN DU SHES PAS MTHONG BAR 'GYUR RO, ,GAL TE BRTEN NAS SKYES PA DE NI SKYES PA KHO NA MA YIN NAM, DE JI LTAR MA SKYES PA'I SGRA'I BRJOD BYAR 'GYUR, 'DI NI PHAN TSUN 'GAL BAS MI RIGS SO ZHE NA, KHO BO CAG GIS NI BRTEN NAS SKYES PA DE GZUGS BRNYAN BZHIN DU RANG BZHIN GYIS MA SKYES PAR SMRAS KYI, GTAN

, ,MA SKYES SO ZHES MA SMRAS PAS 'GAL BA'I GO SKABS GA LA YOD DE, DES NA BRTEN NAS SKYES ZHES PA DANG, MA SKYES ZHES PA GNYIS YUL THA DAD PA YIN TE, MA SKYES PA NI YANG DAG PA'AM, BDEN PA'AM, NGO BO NYID DU MA SKYES PAR SMRAS LA, BRTEN NAS SKYES PA NI RDZUN PAR SKYES SO ZHES PA'O, ,GANG BRTEN NAS SKYES PA DE NI RANG BZHIN GYIS MA SKYES PA'O ZHES, GANG ZHIG RKYEN LAS SKYES PA DE MA SKYES, ,DE LA SKYE BA'I RANG BZHIN YOD MA YIN, ,RKYEN LA RAG LAS GANG DE STONG PAR BSHAD, ,GANG ZHIG STONG NYID SHES DE BAG YOD YIN, ZHES THAMS CAD MKHYEN GYIS GSUNGS PAS 'GAL BA MED DO, ,GANG DAG BRTEN NAS SKYES PA LA MA SKYES PAS KHYAB PAR KHAS LEN PA'I BSHES GNYEN DE DAG 'DI'I THAD KYI 'GREL PA LA LEGS PAR MIG PHYIS LA LTOS SHIG ,'DIS NI MTHA' BZHI'I SKYE BA 'GOG PA DGAG BYA DON DAM GYIS KHYAD PAR DU BYED MI DGOS PAS 'KHRUL NAS RNAM PA KUN TU THAL 'GYUR BAS DGAG BYA LA DON DAM SBYAR MI DGOS PAR 'DOD PA YANG BSAL LO, ,GNYIS PA NI, LOG PA'I SHES PAS ZIL NON PA, ,BDEN PA MIN LA BDEN 'DZIN PA'I, , YONGS SU 'DZIN DANG RTZOD SOGS KYI, ,RIM PA CHAGS LAS 'BYUNG BAR 'GYUR, DNGOS POR ZHEN PA'I LOG PA'I SHES PAS ZIL GYIS NON PA RTEN 'BYUNG BDEN PA MIN PA LA BDEN PAR 'DZIN PA'I GANG ZAG LA DNGOS PO LA CHAGS PA 'BYUNG LA RANG PHYOGS YONGS SU 'DZIN PA DANG GZHAN PHYOGS 'GOG PA'I SGO NAS RTZOD PA DANG 'THAB PA LA SOGS KYI RIM PA DNGOS PO LA CHAGS PA LAS 'BYUNG BAR 'GYUR BAS RTEN 'BYUNG DANG RANG BZHIN MED PAR 'GAL BAR GZUNG BAR MI BYA'O, ,GNYIS PA BLOS RTOGS TSUL LA DNGOS DANG, DE'I 'THAD PA'O,,

DANG PO NI, CHE BA'I BDAG NYID CAN DE DAG ,RNAMS LA PHYOGS MED RTZOD PA MED, ,GANG RNAMS LA NI PHYOGS MED PA, ,DE LA GZHAN PHYOGS GA LA YOD, ,DBU MA SPROS BRAL RTOGS PA'I YON TAN GYIS CHE BA'I BDAG NYID CAN DE DAG RNAMS LA RANG PHYOGS YOD NA DE SGRUB PA'I PHYIR GZHAN RNAMS DANG LHAN CIG RTZOD PAR 'GYUR NA RIGS PAS DPYAD BZOD PA'I GZHI MED PA'I RANG PHYOGS MED DE, DA'I PHYIR BDAG NYID CHEN PO RNAMS LA RTZOD PA MED DO, ,GAL TE DE DAG PAS RANG PHYOGS MED MOD GZHAN PHYOGS BSAL BAR BYA BA YOD PA MA YIN NAM, DE'I PHYIR BSTAN BCOS BRTZAMS PAS SO, ,DE YOD PAS RANG PHYOGS KYANG YOD DO ZHE NA, PHYOGS RANG GI MTSAN NYID KYIS GRUB PA ZHIG YOD NA RANG PHYOGS SAM GZHAN PHYOGS ZHIG TU 'GYUR NA, DBU MA GANG RNAMS LA NI RIGS PAS PHYOGS TZAM MA DMIGS NA GANG LA PHYOGS TZAM MED PA DE LA GZHAN PHYOGS BSAL BAR BYA BA GA LA YOD, PHYOGS MI SRID PA DE'I TSE NGES PAR NYON MONGS 'GAG PAR 'GYUR RO, ,'DIR DAM BCA' MAD PAR BSHAD PA DANG, RTZA SHER MTHA' BZHI 'GOG PA'I DAM BCA' KHAS BLANGS PA JI LTAR ZHE NA, PHA TSAB NA RE, DER NI RNAM BCAD TZAM GYI DAM BCA' YIN LA 'DIR NI YONGS GCOD KYI DAM BCA' MED PAR BSHAD ZER LA, BYANG YE NA RE, RNAM BCAD TZAM DE YANG GZHAN GYI LOG RTOG DGAG PA'I PHYIR BKOD PA YIN GYI, RANG LUGS MIN ZER TO, ,KHA CIG NA RE, DAM BCA' YOD PA NI THAL BA'I DAM BCA' YIN LA, MED PA NI RANG RGYUD KYI DAM BCA' YIN ZER, KHA CIG NA RE, YOD PA NI MA DPYAD PA'I SNANG NGOR YIN LA, MED PA NI RIGS NGOR YIN ZER BA YANG, KHA CIG YOD PA THA SNYAD TZAM DANG MED PA DON DAM DU DANG, GZHAN DAG NA RE YOD PA GZHAN NGO YIN

, ,LA, MED PA BSHAD PA NI RANG LUGS LA MED PA YIN ZER TO, ,ZHANG THANG SAG PA NA RE, THAL 'GYUR BA DE KHO NA NYID DPYOD PA'I SKABS SU RANG RGYUD MI BYED PA YIN GYI, THA SNYAD DPYOD PA'I SKABS SU NGES PAR RANG RGYUD BYED DO ZER TO, ,GZHAN PHAL CHER DPYAD ZIN LA, BYANG YE'I LUGS KYANG DPYAD DE, GZHAN GYI LOG RTOG 'GOG PA'I DAM BCA' BA YOD DAM MED, PHYI MA LTAR NA, GZHAN DON DAM BCA' BA YANG MED PAR 'GYUR, DANG PO LTAR NA, GZHAN GYI LOG RTOG 'GOG PA'I DAM BCA' DBU MA PAS MI 'CHA' NA DNGOS SMRA BA RANG GI DAM BCA' 'GOG PA'I DAM BCA' DNGOS SMRA BA RANG GI DE LAS KYANG 'CHA' BA MI SRID PA'I PHYIR, PHYOGS DE NI KHYOD SKYE BA TZAM YOD LA, BDAG DANG GZHAN LAS SKYE BA MED PA LA YANG MTSUNGS SO ZHE NA, MI MTSUNGS TE, DUS MNYAM PA'I GZHAN TZAM THA SNYAD DU YOD KYANG RGYU 'BRAS GZHAN THA SNYAD DU YANG MI SRID PA'I PHYIR, KHA CIG ,NGA LA DAM BCA' MED PAS NA, ,NGA LA SKYON MED KHO NA YIN, ZHES PA'I GZHUNG LA BRTEN NAS KHAS LEN TZAM YANG MED CES SMRA BA NI TSIG TZAM GYIS MNGON PA'I NGA RGYAL DU BYED PA YIN TE, DBU MA RANG RGYUD PA RNAMS KYIS KYANG TSIG DE TZAM MA MTHONG BA NI MA YIN NO, ,'GAL 'BRAL GYI MTHA' MA MTHONG BAR TSIG GI CHA LA BSNYAD NAS KHAS LEN CI YANG MED CES SMRA BA NI STONG PA NYID KYI SENGGE'I NGA ROS DNGOS PO SMRA BA'I WA SOGS 'JOMS MI NUS PA'I GNOD KHUR NAS, MKHAS PA'I TSOGS SU SLOB DPON DANG BCOM LDAN 'DAS LA SKYON YON TAN DU SGRO BTAGS NAS BSTOD PA'I TSUL GYIS PHYAR KA GTONG BA CHOS DANG STON PA LA SKUR BA 'DEBS PA YIN NO, ,GZHAN YANG LTA BA MA GO BA'I GONG DU KHAS LEN DE TZAM YOD PA DE KHAS LEN YE MED DU RTOGS PA DE RGYU MED RKYEN MED YIN NAM 'ON TE RGYU RKYEN YOD, DANG

PO LTAR NA GZHAN GYI LOG RTOG KYANG RGYU MED RKYEN MED DU CI'I PHYIR MI 'GOG ,GANG GIS NA GZHAN GRAGS KYI GTAN TSIGS SOGS 'GOD PAR BYED, GNYIS PA LTAR NA, DE NYID RANG GI LTA BA'I RGYU MTSAN DU CI'I PHYIR KHAS MI LEN, DES NA PHYOGS YOD MED NI SNGAR BSHAD PA LTAR RIGS NGOR CHOS CAN YOD MED 'BA' ZHIG TU GSAL TE, TSIG GSAL DU YANG SLOB DPON LEGS LDAN 'BYED LA DE'I SGO NAS NANG 'GAL BZUNG BA'I PHYIR RO, ,GNYIS PA DE'I 'THAD PA NI, GANG YANG RUNG BA'I GNAS RNYED NA, ,NYON MONGS SBRUL GDUG G-YO CAN GYIS, ,ZIN PAR 'GYUR RO GANG GI SEMS, ,GNAS MED DE DAG ZIN MI 'GYUR, ,PHYOGS MED NA NYON MONGS JI LTAR 'GAG PAR 'GYUR, ZHES 'DOD CHAGS LA SOGS PA'I NYON MONGS PA GANG YANG RUNG BA'I GNAS SAM RGYU DNGOS POR MNGON PAR ZHEN PA'I DMIGS PA RNYED NA 'DOD CHAGS LA SOGS PA'I NYON MONGS 'DU BYED KYI 'BROG THIBS PO NAS RGYU BA DGE BA'I SROG GI BAR CHAD BSKYED PA LTA BA'I PHUG GI TSAD 'TSAM PA DANG LDAN PA G-YO CAN DMYAL BA LA SOGS PA'I 'GROS 'KHYOG PA DANG LDAN PA'I SBRUL GDUG PA DE'I JI SKAD BSHAD PA'I GNAS RNYED NAS ZIN PAR 'GYUR BA GANG GI SEMS DNGOS PO RANG BZHIN MED PAR RTOGS PAS GNAS MED PA DE DAG SBRUL GYIS ZIN PAR MI 'GYUR RO, ,GSUM PA DNGOS ZHEN YOD NA NYON MONGS PA SPONG MI NUS PAR BSTAN PA LA, DNGOS DANG, DE DANG LDAN PA LA BRTZE BA BYA BAR BSTAN PA, GZHAN DE LAS LDOG PA'O, ,DANG PO NI, GNAS BCAS SEMS DANG LDAN RNAMS LA, ,NYON MONGS DUG CHEN CIS MI 'BYUNG, ,GANG TSE BAR MAR 'DUG PA YANG, ,NYON MONGS SBRUL GYIS ZIN PAR 'GYUR, ,DNGOS POR MNGON PAR ZHEN PA'I GNAS DANG BCAS PA'I SEMS DANG LDAN PA RNAMS LA 'DOD CHAGS LA SOGS PA'I NYON

, ,MONGS PA'I DUG CHEN CIS MI 'BYUNG STE 'BYUNG BA KHO NA'O, ,JI LTAR ZHE NA, YID DU 'ONG BA LAS CHAGS PA DANG, YID DU MI 'ONG BA LAS ZHE SDANG DANG, DNGOS PO TZAM DU SGRO BTAGS PA LAS GTI MUG SKYE'O, ,DE'I RGYU MTSAN GANG GI TSE CHAGS SDANG MED PA'I BAR MA LA BTANG SNYOMS PAR 'DUG PA YANG GTI MUG GI NYON MONGS PA'I SBRUL GYIS ZIN PAR 'GYUR BA'I PHYIR RO, ,GNYIS PA NI, BYIS PA BDEN PAR 'DU SHES PA, ,GZUGS BRNYAN LA NI CHAGS PA BZHIN, ,DE LTAR 'JIG RTEN RMONGS PA'I PHYIR, ,YUL GYI GZEB LA THOGS PAR 'GYUR, ,GANG GI TSE GTI MUG 'DI THAMS CAD KYI TSE 'BYUNG BAR 'GYUR BA DE'I TSE BYIS PA BRDA LAM BYANG BA BYAD BZHIN GYI GZUGS BRNYAN LA BYAD BZHIN BDEN PAR 'DU SHES PAS GZUGS BRNYAN LA BLTA BA DANG SO 'DEBS PA SOGS BYED PA'I SGO NAS CHAGS PA BZHIN DU DE LTAR 'JIG RTEN PA DAG KYANG BDEN PA MA YIN PA LA BDEN PAR RMONGS PA'I PHYIR GZUGS BRNYAN DANG 'DRA BA'I YUL GYI GZEB LA THOGS NAS NYES SPYOD KYI SDUG BSNGAL NYAMS SU MYONG BAS DE NYID DAM PA RNAMS LA BRTZE BA'I YUL DU SNANG BAR 'GYUR RO, ,GSUM PA GZHAN DE LAS LDOG PA NI, BDAG NYID CHE RNAMS DNGOS PO DAG ,GZUGS BRNYAN LTA BUR YE SHES KYI, ,MIG GIS MTHONG NAS YUL ZHES NI, ,BYA BA'I 'DAM LA MI THOGS SO, ,'PHAGS PA BDAG NYID CHEN PO SHES RAB KYI MIG MI SHES PA'I RAB RIB KYIS DAG PA RNAMS KYIS GZUGS LA SOGS PA'I DNGOS PO GZUGS BRNYAN LTA BUR YE SHES KYI MIG GIS MTHONG NAS GZUGS SDUG PA LA SOGS PA YUL ZHES NI BYA BA 'KHOR BA'I 'DAM LA MI THOGS SHING GROL BAR 'GYUR TE, BRDA LA BYANG BA RNAMS GZUGS BRNYAN LA BZHIN NO SNYAM DU DGONGS SO, ,BZHI

PA YUL GYI GZEB LA THOGS PA DANG MI THOGS PA'I DBYE BA LA MDOR BSTAN RGYAS BSHAD DO, ,DANG PO NI, BYIS PA RNAMS NI GZUGS LA CHAGS, ,BAR MA DAG NI CHAGS BRAL 'GYUR, ,GZUGS KYI RANG BZHIN SHES PA YI, ,BLO MCHOG LDAN PA RNAM PAR GROL, ,'DOD KHAMS KYI BYIS PA RNAMS NI GZUGS BRNYAN LA BRDA LA MA BYANG BA'I BYIS PA LTAR GZUGS SDUG PA LA CHAGS NAS YUL GYI 'DAM DU BYING BAR 'GYUR YANG, BYIS PA BSAM GTAN DANG GZUGS MED KYI SEMS THOB NAS 'DOD KHAMS LAS 'DAS SHING, DE KHO NA NYID MA RTOGS PA'I BAR MA DAG GIS NI GZUGS SDUG PA LA CHAGS PA MNGON GYUR DANG BRAL BAR 'GYUR RO, ,GZUGS KYI RANG BZHIN STONG PA NYID DU DNGOS SU MNGON SUM DU YONGS SU SHES PA YI BLO MCHOG DANG LDAN PA'I 'PHAGS PA RNAMS NI CHAGS PA'I SA BON SPANGS PAS 'KHOR BA LAS RNAM PAR GROL BAR 'GYUR RO, ,GNYIS PA NI, SDUG SNYAM PA LAS CHAGS PAR 'GYUR, ,DE LAS LDOG PAS 'DOD CHAGS BRAL, ,SGYU MA'I SKYES BU LTAR DBEN PAR, ,MTHONG NAS MYA NGAN 'DAS PAR 'GYUR, ,'DOD PA KHAMS PA RNAMS NI GZUGS LA SOGS PA LA SDUG SNYAM DU TSUL BZHIN MA YIN PAR YID LA BYAS PAS CHAGS PA SKYE BAR 'GYUR LA, GZUGS DANG GZUGS MED KHAMS PA RNAMS DE LAS LDOG STE MI SDUG PAR YID LA BYAS PAS 'DOD CHAGS MNGON GYUR DANG BRAL LA 'PHAGS PA RNAMS KYIS SGYU MA'I SKYES BU LTAR RANG BZHIN GYIS DBEN PAR MTHONG NAS MYA NGAN LAS 'DAS PA THOB PAR 'GYUR RO, ,BZHI PA THAR PA'I PHAN YON LA, SO SOR BSHAD PA DANG, MJUG SDUD DO, ,DANG PO LA, SPANGS PA'I YON TAN DANG, RTOGS PA'I YON TAN NO, ,DANG PO NI, LOG PA'I SHES PAS MNGON GDUNG

, ,PA'I, ,NYON MONGS SKYON RNAMS GANG YIN DE, ,DNGOS DANG DNGOS MED RNAM RTOG PA, ,DON SHES GYUR LA MI 'BYUNG NGO, ,DNGOS PO LA LOG PAR MNGON PAR ZHEN PA'I SHES PAS BSKYED PA'I 'KHOR BAR SDUG BSNGAL GYIS MNGON PAR GDUNGS PAR BYED PA'I 'DOD CHAGS LA SOGS PA'I NYON MONGS PA NYID SKYON YIN PAS NYON MONGS PA'I SKYON RNAMS GANG YIN PA DE MI 'BYUNG NGO, ,GANG LA NA RTEN 'BREL GYI DON MNGON SUM DU SHES PAR GYUR PA'I GANG ZAG LA'O, ,DE JI LTA BU ZHE NA, DNGOS PO DANG DNGOS PO MED PA'I NGO BO MA DMIGS PAS DNGOS PO DANG DNGOS PO MED PAR RNAM PAR TE, BSAM PA THAG PA NAS STONG PAR RTOGS SHING YONGS SU SHES PA'O, ,GNYIS PA NI, GNAS YOD NA NI 'DOD CHAGS DANG, ,'DOD CHAGS BRAL BAR 'GYUR ZHIG NA, ,GNAS MED BDAG NYID CHEN PO RNAMS, , CHAGS PA MED CING CHAGS BRAL MIN, ,'DOD CHAGS SOGS SKYE BA'I GNAS TE RGYU DNGOS PO BDEN PAR 'DZIN PA YOD NA DE LAS 'DOD KHAMS PA RNAMS LA 'DOD CHAGS SKYE BAR 'GYUR LA, MI RTAG PA BSGOMS PAS 'DOD CHAGS DANG BRAL NAS GTI MUG GIS GNAS PAR 'GYUR BA ZHIG NA DNGOS PO RANG BZHIN MED PAR RTOGS PAS GNAS MED PAR MTHONG BA'I BDAG NYID CHEN PO 'PHAGS PA RNAMS NI SDUG PA LAS CHAGS PA MED CING MI SDUG PAR GZUNG BAS CHAGS PA DANG BRAL TE, GTI MUG GIS GNAS PA YANG MIN TE, GNAS PA'I RGYU MA GRUB PA'I PHYIR, GNYIS PA MJUG SDUD NI, GANG DAG RNAM PAR DPEN SNYAM DU, ,G-YO BA'I YID KYANG MI G-YO STE, ,NYON MONGS SBRUL GYIS DKRUGS GYUR PA, ,MI BZAD SRID PA'I RGYA MTSO BRGAL, ,SRID PA'I RGYA MTSO BRGAL BAR 'GYUR RO, ,SRID PA'I RGYA MTSO

JI LTA BU ZHE NA, 'DOD CHAGS LA SOGS PA'I NYON MONGS PA'I SPRUL GYIS KUN NAS DKRUGS SHING 'KHRIGS PAR GYUR PA MI ZAD PA'O, ,SU ZHIG BRGAL BAR 'GYUR NA, RNAL 'BYOR PA GANG DAG SNGAR TSOGS SBYOR GYI SKABS SU CHOS THAMS CAD RANG BZHIN GYIS RNAM PAR DBEN NO SNYAM DU SPRE'U LTAR G-YO BA'I RTOG PA'I BDAG NYID KYI YID KYANG MI G-YO ZHING, SEMS SEMS BYUNG GI 'JUG PA DANG RGYU BA MA LUS PA ZHI BA'I BDAG NYID DE GROL BAR 'GYUR RO, ,RANG BZHIN MED DO SNYAM PA'I DUS NA SGYU MA LTA BU'I TSOGS [?] RTOGS KYANG GNYIS KYI SNANG BA MA NUB PAS RNAM GRANGS MA YIN PA'I DON DAM PA'I BDEN PA MNGON SUM DU MTHONG BA NI MA YIN NO, ,GSUM PA BRTZAMS PA'I DGE BA BSNGO BA NI, DGE BA 'DI YIS SKYE BO KUN, ,BSOD NAMS YE SHES TSOGS BSAGS TE, ,BSOD NAMS YE SHES LAS BYUNG BA'I, ,DAM PA GNYIS NI THOB PAR SHOG ,DE LA BSNGO RGYU DANG, CHED DU BYA BA DANG, BSNGO BA RNAMS KYIS SHES PAR BYA'O, ,MTHA' GNYIS SEL BA'I RIGS PA DRUG CU PA 'DI BRTZAMS PA LAS BYUNG BA'I SGO GSUM GYI DGE BA'I RTZA BA 'DI YIS RGYU BYAS NAS, THOB PAR SHOG CIG GO ,GANG LA GZUGS SKU DAM PA DANG, CHOS SKU DAM PA GNYIS NI'O, ,DE CI LTA BU NA, RJES THOB TU SBYIN PA DANG, TSUL KHRIMS SOGS BSOD NAMS KYI TSOGS DANG MNYAM DU BDAG MED RTOGS PA'I SHES RAB DANG YANG SHES RAB KYI RGYU SNAG CHA DANG SHOG BU DANG ME TOG 'BUL BA SOGS YE SHES KYI TSOGS BSAGS PA, LAS BYUNG ZHING SKYES BAR GYUR PA'I'O, ,CHED DU BYA BA GANG GIS NAM MKHA'I MTHAS KHYAB KYI SKYE BO'I SEMS CAN KUN GYIS SO, ,BYA BA GANG ZHIG BYAS NAS ZHE NA, THOS PA DANG BSAM PA RAB KYI MTHAR PHYIN NAS GZUGS SKU'I RGYU BSOD NAMS KYI TSOGS DANG

, ,CHOS KYI SKU'I RGYU YE SHES KYI TSOGS MA LUS PA BSAGS TE'O, ,'BRAS BU'I GNAS SKABS SU SKU DANG YE SHES THAMS CAD GZHAN NGO KHO NA LA BZHAG NAS RANG RGYUD KYIS BSDUS PA MED PAR 'DOD PA DE DAG GIS NI LEGS PAR MA SMRAS TE, SA BCU RGYUN GYI THA MA LA RANG RGYUD KYIS BSDUS PA YOD BZHIN DU, DE'I SKAD CIG GNYIS PA LA MTSAN DPES SPRAS PA'I SKU RGYUN 'CHAD PA'AM, GZHAN RGYUD DU 'PHO BA NI MA YIN NO, ,YANG NA DER YANG MED PA KHAS LEN MED PA'I PHYOGS LONG ZHIG ,CHOS STON PA SOGS KYI SNANG BA RANG SNANG LA MED PAS GZHAN SNANG KHO NA'O ZHE NA, DE LTAR NA MNYAM PAR BZHAG PA'O SNYAM PA YANG RANG SNANG LA MED PAS, MNYAM GZHAG KYANG GZHAN SNANG KHO NAR 'GYUR BAS, RJES THOB GZHAN SNANG ZHES KHYAD PAR DU BYAS PA MI RIGS SO, ,DES NI DE DAG GIS NI RANG SNANG LA 'DUS BYAS SOGS KYIS SNANG BA MTHA' DAG NUB PA DANG, RANG RGYUD LA YE SHES YOD PA MI 'GAL BAR KHONG DU MA CHUD PA'O, ,CHOS THAMS CAD MNGON SUM DU GZIGS PA DANG SNANG MED LAS YE MI BZHES PA 'GAL LO ZHE NA, MI 'GAL TE, SO SO SKYE BO'I SKABS SU YANG MNGON SUM GYI GZHAL BYA SNANG BAS MA KHYAB NA 'PHAGS PA'I SKABS SU SMOS CI DGOS, DER NI DNGOS SHUGS KYI RTOGS BYA RTOGS BYED YOD PAS SO ZHE NA, 'DIR YANG SPROS BRAL DU DNGOS SU RTOGS SHING JI SNYED PA LA BSGRIBS PA'I DRI MA MTHA' DAG ZAD PAS SO, ,DES NA SANGS RGYAS LA RANG SNANG YOD NA MA RIG PA MA SPANGS PAR 'GYUR LA, DE MED KYANG SHES BYA THAMS CAD MNGON SUM DU GZIGS PAS 'GAL BA YE MED LA 'GAL BAR SEMS PA DE DAG GIS NI GZIGS NA SNANG DGOS SNYAM DU BSAM PA'O,

RIGS PA'I DBANG PHYUG 'PHAGS CHEN KLU SGRUB KYIS, ,RTEN BYUNG MTHA' BRAL STON GZHUNG RGYA MTSO LAS, ,RIGS PA'I RJES 'BRANG BLO GROS BSRUBS SHING GIS, ,RO BRGYA LDAN PA'I MAR GYI NYID KHU BLANGS, ,DE NYID STON MKHAS BSHES GNYEN BSTEN PA DANG, ,RIGS LDAN STONG PA'I SA BON BZHAG PA YIS, ,GZHUNG 'DI THOS DANG SEMS PA'I LCE DBANG GIS, ,YANG DAG BDUD RTZI MCHOG 'DI BLANG BAR GYIS, ,BLA MED THEG PA MCHOG LA MI GNAS SHING, ,RING NAS SOM NYI'I SA LAS BRGAL GYUR PA, ,DAM PA'I GSUNG GI CHU RGYUN LAS 'ONGS PA, ,BAG YOD BDUD RTZI'I GTAM GYI GTER CHEN YIN, ,DNGOS ZHEN SRID PA'I MTSO CHEN LAS 'ONGS PA, ,RTAG CHAD MTHAR LTA'I CHU BO LEGS BRGAL NAS, ,YANG DAG LTA BA'I THANG LA 'BYIN 'DOD NA, ,GZHUNG LUGS GRU CHEN 'DI NANG 'JUG PAR BYOS, ,AE MA HO DAL THOB SKAL BA BZANG, ,LAM MCHOG STON PA'I GROGS BZANG RNYED, ,GNAS LUGS ZAB MO'I DON LA DAD, ,TSUL BZHIN SEMS PA'I GO SKABS RNYED, ,BDAG NI DENG NAS SKYE BA THAMS CAD DU, ,YON TAN BRGYA LDAN BSHES GNYEN BSTEN BYED CING, ,BSLAB GSUM DRI MED YID KYIS GUS MNOS NAS, ,TSUL BZHIN SEMS LA G-YEL BA MED PAR SHOG ,BDAG NI PHYI ROL ME 'OBS DAG GIS BSKOR, ,SHA DANG RUS PA THAL BAR RLOG BYED PA'I, ,LCAGS KHANG 'BAR BAR YUD TZAM GNAS PA YI, ,DAM PA RNAMS LA GSHE BAR MA GYUR CIG ,MKHAS 'DOD MKHAS PA'I SKYE BO GSHE BA DANG, ,TSUL LDAN 'DOD PHYIR GZHAN GYI NYES PA GLENG, ,BZANG 'DOD GZHAN SKYON MTSANG NAS 'BRU BYED PA'I, ,GROGS DANG NAM YANG PHRAD PAR MA GYUR CIG ,DE LTA'I DGE BAR BA DKAR DRI MED DES, ,MTHAR 'DZIN

, ,GZHAN DBANG GYUR BA'I MA RGAN RNAMS, ,RTEN 'BYUNG MTHA' BRAL DBU MA'I DON RTOGS NAS, ,DMIGS MED CHOS SKU'I GO 'PHANG MYUR THOB SHOG ,BDAG NYID CHEN PO 'PHAGS PA KLU SGRUB KYIS MDZAD PA'I DBU MA RIGS PA DRUG CU PA'I t'IKKA MU COR SMRA BA RNAM PAR 'THAG PA ZHES BYA BA 'DI NI DMIGS PA MED PA'I MKHYEN RAB DANG THUGS RJE TSAD MED PA MNGA' ZHING, KHYAD PAR YANG, RTEN 'BYUNG GI CHOS RNAMS CHU NANG GI ZLA BA'I GZUGS LTAR THUGS SU CHUD PA THAMS CAD MKHYEN PA DPAL LDAN RED MDA' PA ZHES GRAGS PA DE NYID DANG, DE NYID KYI SRAS KYI THU BO BSLAB PA GSUM PO MIG GI 'BRAS BU BAS CHES CHER CHED DU 'DZIN PA, KHYAD PAR YANG BDAG LTA BU DAM PA MA YIN PA'I SKYE BO NYES PA'I TSOGS SU 'JUG PA LA MI BZOD PA'I THUGS RJE CHEN PO MNGA' BA THAMS CAD MKHYEN PA BLO BZANG GRAGS PA'I DPAL RNAM PA GNYIS KYI ZHABS LA GTUGS SHING MI PHYED PA'I DAD PA DANG LDAN PA DAR MA RIN CHEN GYIS SDOM BRTZON SDE SNOD 'DZIN PA DU MAS BSKUL ZHING, BKA' BZHI 'DZIN PA DGE 'DUN RGYAL MTSAN GYIS SHOG BU DANG SNAG TSAS MTHUN RKYEN SBYAR NAS, DBEN GNAS YOL DU SBYAR BA'O, ,'DI BRIS PA'I DGE BA'I RTZA BA LA BRTEN NAS, DBU MA'I LTA BA PHYIN CI MA LOG PA'I DON RTOGS SHING KHONG DU CHUD PAR GYUR CIG, ,, ~ AOm SVA STI, PHAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCHOG 'BRAS BZANG LA, ,SPYOD PHYIR BKRA SHIS LHUN GRUB CHOS GRVA CHER, ,CHOS SBYIN 'DZAD MED DAL 'GRO'I RGYUN 'DI SPEL,, ,,SARBA MANGGA LAm,, ,,