—

, ,MNGON PAR RTOGS PA'I RIM PA NYAMS SU LEN TSUL THEG MCHOG SGO 'BYED CES BYA BA BZHUGS SO,,

, ,RJE BTZUN DAM PA THUGS RJE CHEN PO DANG LDAN PA RNAMS LA PHYAG 'TSAL LO, ,PHUN TSOGS BSAM YAS GNAS LA MNGA' BRNYES TE, ,THUGS RJE'I CHU RGYUN DRI MA MED PA YIS, ,'GRO BA'I SDUG BSNGAL ME RAB ZHI MDZAD PA'I, ,BLA MA LHAR BCAS GTZUG NA BRTAN GYUR CIG ,RMAD BYUNG YON TAN MTHA' DAG SGRUB BYED CING, ,NYON MONGS TSA GDUNG MA LUS 'JOMS MDZAD PA, ,RGYAL BA KUN GYI RIG SNGAGS BLA NA MED, ,'BRAS YUM SHES RAB PHA ROL PHYIN LA 'DUD, ,SANGS RGYAS KUN GYI BGROD PA GCIG PA'I LAM, ,GNYEN PO'I PHYOGS KUN RDZOGS PA'I GSUNG RAB MCHOG ,MDO SDE GZHAN LAS LHAG PAR BSNGAGS PA YI, ,YUM DON LAM GYI RIM PA RTOGS DKA' BA, ,RIGS KYI NUS PAS SKAL PA MI DMAN ZHING, ,RNAM DPYOD LDAN RNAMS NYAMS SU LEN PA'I TSUL, ,RJE BTZUN BLA MA'I DRIN LAS LEGS RNYED PA, ,RGYAL SRAS

, ,BZANG PO'I LUGS BZHIN BRI BAR BYA, ,DE LA 'DIR SLOB DPON 'PHAGS PA THOGS MED CES BYA BA SNGON GYI RGYAL BA DU MA LA LHAG PAR BYA BA BYAS SHING, DGE BA'I RTZA BA RGYA CHEN PO BSKYED PA, DA LTAR YANG SANGS RGYAS DANG BYANG CHUB SEMS DPA'I MGON GYIS YONGS SU BZUNG BA BLO GROS KYI MTHU GZHAN LAS KHYAD PAR ZHUGS PA, THUB PA SANGS RGYAS BCOM LDAN 'DAS KYI BSTAN PA'I KHUR BZHES PA'I SMON LAM LEGS PAR GRUB CING, GRANGS NGES KYI MDO SDE'I DGONGS PA RDZOGS PAR 'GREL PAR LUNG BSTAN PA DES, PHYI RABS KYI GDUL BYA RNAMS KYIS THEG PA CHEN PO'I SDE SNOD RGYA MTSO LTA BU BLTA BA LA MGRON PO PHYOGS BSLAD PA BZHIN DU GYUR TE, TSIG SNGA PHYI'I 'BREL YANG KHONG DU CHUNG BAR DKA' NA, DON MCHOG TU ZAB PA LTA CI SMOS PAR GZIGS SHING, RANG NYID KYANG DE BZHIN GSHEGS PA'I GSANG BA'I GNAS THAMS CAD LA LKOG TU GYUR PAR MKHYEN PAS, THUB PA'I GSUNG GI GSANG BA THAMS CAD LA LKOG TU MA GYUR PA'I SPYAN MNGA' BA RGYAL TSAB DAM PA DE MNYES PAR BYAS NA CI 'DOD PA'I DON 'GRUB BO SNYAM DU DGONGS NAS BSGRUB PA LA ZHUGS PAS ZHAL MNGON SUM DU

GZIGS TE, BCOM LDAN 'DAS KYI RDZU 'PHRUL LA BRTEN NAS DGA' LDAN DU BYON TE, CHOS GSAN PAS GSUNG RAB MTHA' DAG GI DGONGS PA YONGS SU RDZOGS PAR RTOGS PAR GYUR TO, ,'DZAM BU'I GLING GI PHYI RABS KYI GDUL BYA RNAMS RJES SU BZUNG BA'I CHED DU DAM PA'I CHOS KYI SKYES KYANG GNANG STE, DE YANG RNAM 'BYED RNAM PA GNYIS DANG, RGYAN RNAM PA GNYIS DANG, THEG PA CHEN PO RGYUD BLA MA'I BSTAN BCOS TE BSTAN BCOS CHEN PO LNGA'O, ,DE LA RNAM 'BYED GNYIS DANG, THEG PA CHEN PO MDO SDE RGYAN LAS, GZUNG 'DZIN RDZAS THA DAD KYIS STONG PA DE KHO NA NYID DU GRUB PA MA BKAG PAR GDUL BYA'I BSAM PA LA BLTOS PA'I DON DAM PA DANG, THUN MONG BA'I LAM GYI RIM PA RGYAS PAR BSHAD LA, THEG PA CHEN PO RGYUD BLA MAR NI, MNYAM GZHAG RNAM PAR MI RTOG PA'I YE SHES KYIS DMIGS PA SPROS PA'I MTHA' THAMS CAD DANG BRAL BA'I ZAB MO STONG PA NYID BSTAN TE GZHAN DU RGYAS PAR BSHAD ZIN TO, ,MNGON PAR RTOGS PA'I RGYAN 'DIR NI STONG PA NYID KYI LTA BA MTHAR THUG PA YANG DANG YANG DU GSUNGS MOD KYI, BSHAD BYA'I GTZO BO NI RIGS CAN GSUM GYI MNGON PAR RTOGS PA'I RIM PA NGO BO NGES PA DANG, GRANGS NGES PA DANG, GO RIMS NGES PA GSUM GYI SGO NAS BYANG CHUB SEMS DPAS JI LTAR NYAMS SU LEN PA'I TSUL GSAL BAR MDZAD DO, ,DE LA SEMS CAN THAMS CAD KHAMS RANG BZHIN GYIS RNAM PAR RIG PA DANG LDAN YANG, DGE BA'I BSHES GNYEN GYI MGON DANG BRAL ZHING, DNGOS PO LA BDEN PAR MNGON PAR ZHEN PA RNAMS KUN NAS NYON MONGS PA GSUM GYI SGO NAS ZO CHUN GYI RGYUD 'PHYAN PA LTAR SNGON DANG PHYI MA DANG BAR GYI RIM PA NGES PA MI ZIN PAR, DU: KHA GSUM GYIS YANG DANG

, ,YANG DU GDUNGS SHING SRID PA'I RTZE MO NAS DMYAL BA'I BAR DU 'PHYAN PA GZIGS NAS BYANG CHUB SEMS DPA' SNYING RJE'I GZHAN DBANG DU GYUR PA RNAMS DE DAG 'KHOR BA NAS BTON TE YANG DAG PAR RDZOGS PA'I SANGS RGYAS KYI SA LA DGOD PAR BZHED PA DE LA THOG MAR RANG NYID GO 'PHANG DE THOB PAR BZHED NAS MNGON PAR RTOGS PA'I LAM GYI RIM PA RNAMS THUGS RGYUD LA BSKYED PAR MDZAD DO, ,DA BZHIN DU 'DIR YANG DAL BA'I RTEN BZANG PO THOB PA THEG PA CHEN PO LA LHAG PAR MOS PA DANG LDAN PA'I LAS DANG PO PA RNAMS KYIS MNGON PAR RTOGS PA RNAMS JI LTAR NYAMS SU LEN PA'I TSUL MDOR BSDUS PA TZAM ZHIG BRJOD PAR BYA'O, ,DE LA GSUM STE, RGYAN GYI CHED DU BYA BA'I GDUL BYA THOG MAR LAM LA 'JUG PA'I TSUL DANG, MNGON PAR RTOGS PA DANG PO DRUG GI GO RIMS LA LOG PAR RTOG PA BSAL PA DANG, MNGON PAR RTOGS PA'I RIM PA NYAMS SU LEN PA'I TSUL LO, ,DANG PO LA GSUM, BSKAL PA GRANGS MED PA GSUM GYIS 'TSANG RGYA BA'I LAM GYI MGO RTZOM PA LA MTSAN NYID JI LTA BU ZHIG TSANG DGOS PA DANG, THEG PA CHEN PO'I LAM GYI SPYI'I CHINGS DANG, THEG PA CHEN PO'I GDUL BYA GNYIS SU BSDU BA'O, ,DANG PO NI, MTSAN MED RAB TU SBYIN LA SOGS, ZHES PA'I RKANG PA BZHIS STON TE, BYAMS PA DANG SNYING RJE LA MYONG BA THON NAS BYANG CHUB KYI MCHOG TU SEMS BSKYED PA TZAM GYIS KYANG THEG CHEN GYI LAM DU ZHUGS PA'I GRANGS SU 'GYUR MOD KYI, 'DIR NI, BZANG DANG SMON PA'I STOBS CAN DANG, ,'DUN LDAN KHYAD PAR 'GRO BA NI, ,BYANG CHUB SEMS DANG 'GRANGS MED GSUM, ,KUN TU BRTZON PAR MDZAD PA YIN, ZHES BSHAD PA LTAR, BSKAL PA GRANGS MED

GSUM NAS 'TSANG RGYA BA'I LAM GYI MGO RTZOM PA DE LA MTSAN NYID JI LTA BU ZHIG DANG LDAN PA ZHIG DGOS BSTON PA YIN PAS SPROS PA'I MTSAN MA MED PAR RTOGS PA'I SHES RAB KYIS ZIN PA'I SGO NAS SBYIN PA NAS RNAM MKHYEN GYI BAR RANG RGYUD LA BSGRUB PA LA MKHAS PA STE, DE YANG ZAG PA MED PA'I YE SHES SDE TSAN NYI SHU RTZA GCIG ,RGYAS PAR DBYE NA, BRGYA DANG BZHI BCU ZHE BZHI YOD PA MNGON PAR RTOGS PA DE RNAMS KYI RIGS MA LUS PA THOS BSAM GYIS SGRO 'DOGS CHOD NAS BSGOM THAMS CAD LA MYONG BA LEGS PAR THON PA'I MYONG BA THOG MAR SKYES PA'O, ,DE YANG DPER NA, SEMS CAN THAMS CAD LA DMIGS NAS DU: KHA DANG BRAL 'DOD KYI BLO SBYANGS PAS DANG DAM SHUGS KYIS 'JUG PAR 'GYUR BA MA BU GCIG PA LA DU: KHA DANG BRAL 'DOD KYI BLO SKYE BA'I TSONG TZAM DU SONG BA DGOS PA BZHIN DU THAMS CAD LA SHES PAR BYA'O, ,STONG PA NYID LA BSGOM PA LAS BYUNG BA'I SHES RAB KYIS MYONG BA THON PA TSOGS LAM GYI SKABS SU MI 'BYUNG MOD KYI, 'ON KYANG BSAM PA LAS BYUNG BA'I SHES RAB KYIS GOMS PAR BYAS PAS RJES THOB KYI SKABS SU YID DOR DA LTAR GYI SNANG BA 'DI THAMS CAD ME LONG GI NANG GI BYAD BZHIN GYI GZUGS BRNYAN LTA BU DANG, PHUS BTAB NA 'GRO BA LTA BU'I SNANG BA 'BYUNG DGOS PA YIN NO, ,GNYIS PA NI, SANGS RGYAS SOGS DMIGS DAD PA DANG, ZHES SOGS RKANG PA DRUG GIS STON TE, DE YANG THEG CHEN DU 'JUG PA'I SGO BYANG CHUB KYI MCHOG TU THUGS SEMS BSKYED PA DANG, SEMS BSKYED NAS SPYOD PA LA SLOB PA'I TSUL GNYIS YIN LA, DANG PO LA, THEG CHEN SEMS BSKYED KYI SNGON DU 'GRO BA THEG CHEN THUN MONG MA YIN PA'I SKYABS 'GRO DANG SEMS BSKYED DNGOS GNYIS KYI DANG PO NI, RKANG PA DANG POS STON TE, DUS GSUM

, ,GYI SANGS RGYAS RNAMS KYI TSUL KHRIMS SOGS LA DMIGS PA'I DAD PAS MTSON PAS CHOS DANG DGE 'DUN SOGS LA DAD PA YANG STON CING, DKON MCHOG GSUM RGYU DANG 'BRAS BUS BSDUS PA LA DAD PA DE NYID DAD PA DE'I YUL DU THEG CHEN RGYU 'BRAS KYI CHOS MA LUS PA 'GYUR BAS, DE LTA BU'I DAD PA SKYES NAS SKABS 'DIR BSTAN PA'I DAD PA LA MKHAS PA ZHES BYA'O, ,DON GNYER GYI 'DUN PA NI, DAD PA'I RJES SU BYED PAS DAD PA LAM GYI RTZA BAR STON PA'I DON YANG DE YIN NO, ,SEMS BSKYED DNGOS NI, RKANG PA GSUM PAS STON TE, BSAM PA PHUN TSOGS KYI GTZO BO BYANG CHUB KYI MCHOG TU SEMS BSKYED PA YIN LA, DE YANG RNAM MKHYEN BSKYED PA LA BDAG RKYEN DU GYUR PA'I DRAN PAS BSDUS PAR 'PHAGS PA RNAM PAR GROL BA'I SDES GSUNGS SHING, DE YANG MTSON PA TZAM YIN TE, 'DIR BSTAN DRAN PAS DE'I YUL DU THEG PA GSUM GYI LAM MTHA' DAG 'GYUR BAR DGONGS SHING, DE BYUNG NA DRAN PA LA MKHAS PA ZHES BYA'O, ,SPYOD PA SPYI LA SLOB PA NI RKANG PA GNYIS PAS STON TE, BYANG CHUB SEMS DPA'I SPYOD PA'I RTEN SEMS BSKYED DANG, SPYOD PA GNYIS KYI PHYI MA BRTZON 'GRUS KYI KHYAD PAR DU BYAS NAS STON PA NI, SEMS BSKYED NAS SPYOD PA LA SLOB PA'I NAN TAN DANG BRAL BAS NI YANG DAG PAR RDZOGS PA'I BYANG CHUB MI 'GRUB PAS, GO CHA'I BRTZON 'GRUS KYIS SPYOD PA LA NAN TAN BSKYED DGOS PA'I DON YIN GYI, THEG CHEN GYI SPYOD PA DANG BSGRUB PA YIN NA BRTZON 'GRUS YIN PAS KHYAB PAR STON PA NI MIN TE, THEG CHEN GYI CHOS MTHA' DAG LA BRTZON 'GRUS BRTZAM PA NI BRTZON 'GRUS LA MKHAS PA ZHES BYA'O, ,PHAR PHYIN THA MA GNYIS LA BSLAB PA LA, BSAM GTAN GYI PHAR PHYIN LA BSLAB PA NI,

RKANG PA BZHI PAS STON TE, STONG NYID LA RNAM PAR MI RTOG PAS KYANG STON PA MIN LA, RNAM PAR MI RTOG PA'I GZUGS BRNYAN LA DMIGS PA ZHI GNAS THUN MONG BA DANG, THEG CHEN GYI THUN MONG MIN PA'I ZHI GNAS SA LNGA PA'I SKABS SU MTSAN NYID RDZOGS PAR 'GYUR BA'I BSAM GTAN GYI SPYI'I MTSAN NYID STON PA YIN LA, THEG CHEN THUN MONG MA YIN PA'I ZHI GNAS BSGOM PA NI SKABS 'DIR TING NGE 'DZIN SHES RAB KYI PHAR PHYIN LA MKHAS PA NI, RKANG PA LNGA PA DANG DRUG PAS STON TE, JI LTA BA DANG JI SNYED PA GNYIS KA LA DMIGS PA'I LHAG MTHONG STON PAS CHOS RNAMS RNAM PA THAMS CAD DU ZHES SMOS SO, ,'DI'I MTSAN NYID RDZOGS PA SA DRUG PAR THOB PAR 'GYUR LA, THEG PA CHEN PO'I YON TAN THAMS CAD ZHI GNAS DANG LHAG MTHONG GNYIS GANG RUNG GIS BSDUS PAR SHES PA DANG, ZHI LHAG ZUNG 'BREL GYI LAM BGROD PA GTZO BO'I DON DU SHES PA'I CHED DU, PHAR PHYIN THA MA GNYIS LA BSLAB PA LOGS SU BSTAN LA JI LTA BA DANG JI SNYED PA MTHA' DAG SHES RAB KYIS DMIGS NAS BSGOM PA NI SHES RAB LA MKHAS PA ZHES BYA'O, ,MDOR NA DAD SOGS YUL LNGA LA MKHAS PAS, THEG CHEN GYI LAM SPYI'I CHINGS BSTAN PA YIN NO, ,GSUM PA NI, RKANG PA THA MA GNYIS KYIS STON TE, MNGON PAR RTOGS PA'I RGYAN GYI CHED DU BYA BA'I GDUL BYA DAD PA'I RJES 'BRANG DANG, CHOS KYI RJES 'BRANG GNYIS SU NGES PAS RNO RTUL GNYIS BSTAN PA YIN GYI RTUL PO THEG CHEN LA SBYOR BA DANG, THEG CHEN DBANG PO 'BRING PO SHUGS LA BSTAN PAR 'DOD PA NI DE'I DON MIN PAR 'GREL PAS SHES TE, DE LTA MOD KYI ZHES SOGS SO, ,BLA NA MED PA'I BYANG CHUB GTAN MA THOB PA DANG, THEG PA GZHAN GYI BAR MA CHAD PAR MI THOB PA'I DON MIN TE, DAD SOGS YUL LNGA LA MKHAS

, ,KYANG DE THAMS CAD KYIS RDZOGS PA'I BYANG CHUB THOB SLA BAS KHYAB PA MIN PAR STON PA'I DON TO, ,'DIR BSTAN DANG PA SOGS NI THEG PA YIN LA, DE LA CHUNG 'BRID CHEN PO GSUM BSHAD PA NI, THEG PA GSUM GYI DBYE BA STE, CHEN PO LA RNO RTUL GNYIS KYI RNON POS RTOGS SLA LA RTUL POS RTOGS DKA' BA CHOS NYID BSTAN PA'I SHUGS LA, 'BRING PO LA GNAS PAS RANG SANGS RGYAS KYI BYANG CHUB DANG CHUNG NGU LA GNAS PAS NYAN THOS KYI BYANG CHUB THOB PA LA 'PHANGS PA YIN NO, ,GNYIS PA LA MI 'THAD PA'I PHYOGS DGAG PA DANG, 'THAD PA'I PHYOGS DGOD PA'O, ,DANG PO NI, RNAM PA DANG LAM DANG GZHI THAMS CAD RNAM PAR SGOM PA'I DBYE BAS ZHES SOGS KYI GZHUNG GONG 'OG GNYIS KYI SNGA MAS SKABS DANG PO GSUM DU BSTAN PA'I SBYOR MTHONG SGOM GSUM MTSAN NYID PA DANG GZHUNG 'OG MA SBYOR PA DANG PO GSUM GYI SKABS NAS BSTAN PA'I SBYOR MTHONG SGOM GSUM BTAGS PA BAR 'DOD PA'I PHYI MA NI RNAM PA THAMS CAD DU MI RIGS TE, DE GSUM GYI SKABS NAS BSTAN PA'I SBYOR MTHONG SGOM GSUM BTAGS PA BAR 'GREL PA CHE CHUNG GNYIS KA NAS BSTAN PA MED PA'I PHYIR RO, ,BAG LA NYAL KUN 'JOMS PA DANG, ZHES SOGS KYI 'GREL PA'I TSIG ZUR SOGS LA BRTEN NAS BTAGS PA BAR 'DOD PA NI 'PHAGS PA RNAM GROL SDE'I BZHED PA LA YANG MTSUNGS PA DANG, SKABS DANG POR TING NGE 'DZIN RNAM PAR MI RTOG BZHES SOGS KYIS BSTAN PA'I SBYOR LAM YANG BTAGS PA BAR KHAS LEN DGOS PA SOGS NYES PA DU MA'I 'BYUNG KHUNGS SU RTOGS SO, ,SKABS LNGA PAR, SBYIN PA LA SOGS RE RE NI, ZHES PA'I 'GREL PAR 'BYUNG BA'I 'GREL CHEN GYI TSIG 'GA' ZHIG LEGS PHAR MA SHES PA LA BRTEN

NAS KYANG 'KHRUL GZHI BYAS SNANG NGO, ,MTSAN MED RAB TU SBYIN LA SOGS ZHES PA'I SKABS NAS BSTAN PA'I THAR PA CHA MTHUN TSOGS LAM MTSAN NYID PAR 'DOD PA DANG, DRO BA RNAMS KYI DMIGS PA 'DIR, ZHES SOGS KYIS BSTAN PA'I SBYOR LAM GYI MING CAN SA BRGYAD PA'I YE SHES SU 'DOD PA GZHUNG PHYI MA'I MTSAMS SBYOR DANG RNAM PA THAMS CAD DU 'GAL TE SBYOR LAM NAS SA BDUN PA'I BAR DANG TSOGS LAM NAS SA BRGYAD PA'I YE SHES SKYE BAR SKABS DER BSTAN PA LA RGYU MTSAN DANG DGOS PA CUNG ZAD KYANG MED PA'I PHYIR RO, ,GZHUNG PHYI MA'I 'GREL CHEN GYI SKABS SU, NYAN THOS KYI SBYOR LAM CHOS MCHOG SKAD CIG MA GCIG TU BSHAD PA DANG, 'DIR CHOS MCHOG CHUNG 'BRING CHEN PO GSUM DU PHYE BA 'GAL BAR BRTZAD PA'I LAN DU, NYAN THOS KYI SBYOR LAM DANG THEG CHEN GYI SBYOR LAM MI 'DRA BA'I LAN MDZAD KYI, 'DIR BSTAN DAG PA SA'I YE SHES SU BSTAN PA'I LAN MA MDZAD PA'I PHYIR DANG, 'PHAGS SENG GNYIS KAR GYIS PHYIR MI LDOG PA'I SKABS SU SLOB PA PHYIR MI LDOG PA'I DGE 'DUN GYI MTSAN NYID BSHAD ZIN TO, ,DA NI MI SLOB PA'I DGE 'DUN GYI MTSAN NYID BSTAN PA'I PHYIR CES GSUNGS PA YANG KHYOD LTAR NA RNAM PA THAMS CAD DU MI 'GRIG STE, SKABS DER DAG PA SA LA GNAS PA'I BYANG CHUB SEMS DPA' GCIG PU LA SLOB MI SLOB GNYIS SU 'BYED PA'I RGYU MTSAN CI YANG MED PA'I PHYIR RO, ,GNYIS PA LA, SPYI'I RNAM GZHAG DANG, SO SO'I BSHAD PA'O,, DANG PO NI, GZHUNG GONG 'OG 'DI GNYIS ZLOS SPONG 'BA' ZHIG LA SBYAR BA DANG, GZHUNG GONG MA LAM GSUM BTAGS PA BAR STON PA'I RDGONGS PA CAN MIN NO, ,'ON CI ZHE NA, SKABS BRGYAD KYI BRJOD BYAR GYUR PA'I MNGON PAR RTOGS PA BRGYAD LA, RKYANG PA DANG KHUGS PAR 'DOD

, ,PA'I LUGS GNYIS BYUNG ZHING, RKYANG PA LA YANG 'DOD TSUL MANG DU BYUNG YANG, RA ZAM PA LA BTANG BA BZHIN DU GCIG RDZOGS RJES SU CIG SHOS 'BYUNG BA 'BREL CHAGS 'BA' ZHIG TU SKYE BA'I LOG RTOG DGAG PA'I CHED DU YIN TE MNGON PAR RTOGS PA'I GO RIMS LA LOG PAR RTOG PA DGAG PAR BZHED NAS SLOB DPON GYIS GZHUNG SNGA PHYI GNYIS GSUNGS SHING, SKAD CIG SBYOR DANG CHOS SKU'I GO RIMS LA DE LTA BU'I LOG RTOG DGAG MI DGOS PAS MNGON PAR RTOGS PA DRUG LA GSUNGS PA YIN NO, ,GNYIS PA NI SKABS DANG PO GSUM GYI BRJOD BYA'I GO RIMS LA LOG PAR RTOG PA BSAL BA DANG, SBYOR BA DANG PO GSUM GYI GO RIMS LA LOG PAR RTOG PA BSAL BA'O, ,DANG PO NI, SKABS DANG PO GSUM DU SBYOR MTHONG SGOM GSUM YANG YANG DU SMOS PA LA DGOS PA CI YOD CE NA, SLOB DPON GSER GLING PAS GZHUNG GONG MA'I SKABS SU 'OG MA DANG SBYAR ZHES PA'I DON NAM, NGES PAR 'BYED PA'I CHA LA SOGS PA THA SNYAD DU GSUNGS PA YIN PAR SHES PAR BYA'O, ZHES 'BYUNG BA GONG MA'I MJUG TU YANG NGES PAR SBYAR DGOS PA'I DON YIN NO, , RGYU 'BRAS GTZO BO'I DON GYI RNAM PA MKHYEN PA'I RNAM MKHYEN MTSON BYED KYI CHOS BCU PO TSOGS SBYOR GYI GNAS SKABS 'BA' ZHIG TU BSGOM PAR 'DOD PA MI RIGS TE, 'JIG RTEN PA'I NGES PAR 'BYED PA'I CHA DANG MTHUN PA'I SKABS SU BSGOM PAR MA ZAD DE SNGON DU 'GRO BA'I 'JIG RTEN LAS 'DAS PA'I MTHONG LAM DANG SGOM LAM GYI GNAS SKABS SU YANG BSGOM PAR SHES PA'I CHED DU SKABS DANG PO NGES 'BYED CHA MTHUN LA SOGS PA'I LAM GSUM GYI DNGOS MING GI THA SNYAD GSUNGS PA'I PHYIR RO, ,SDUD 'GREL LAS KYANG, LAM RKYANG BA 'DOD TSUL

SMOS PA'I RNAM MKHYEN TSOGS SBYOR GYI SKABS 'BA' ZHIG TU BSGOM PAR 'DOD PA DES KYANG SNGAR BSHAD PA'I RNAM PA MKHYEN TSUL SKABS DER BSGOM PAR 'DOD PA YIN GYI 'BRAS BU BSDUS PA'I RNAM MKHYEN SKABS DE 'BA' ZHIG TU BSGOM PAR 'DOD PA MIN NO, ,SKABS GNYIS PAR BSTAN PA'I THEG PA GSUM GYI LAM SHES PA'I LAM SHES SA DANG PO NAS DRUG PA'I BAR 'BA' ZHIG TU 'JOG MI RIGS TE, SBYOR LAM NAS BZUNG STE DAG PA SA'I GNAS SKABS KYI BAR MA LUS PAR BSGOM PAR SHES PA'I CHED DU SKABS GNYIS PAR THEG CHEN GYI SBYOR MTHONG SGOM GSUM GSUM KA BSTAN PA'I PHYIR RO, ,SKABS GSUM PA'I BRJOD BYAR GYUR PA'I GZHI MI RTAG SOGS BCU DRUG SHES PA'I ZHI SHES DE BYANG CHUB SEMS DPAS SA BDUN PA 'BA' ZHIG TU BSGOM PAR 'DOD PA YANG MI RIGS TE, LAM GSUM KA'I SKABS SU BSGOM PAR SHES PA'I CHED DU THEG CHEN GYI SBYOR MTHONG GNYIS DANG DE'I RIGS 'DRA'I SGOM LAM YANG DON GYIS 'PHANGS PA'I PHYIR RO, ,MI RTAG SOGS RTOGS PA'I SGOM LAM YOD KYANG DE GOMS PA LHUR LEN GYI SGO NAS BSGOM PAR BYED PA'I BYANG SEMS KYI SGOM LAM NI STON MI RIGS PAR SKABS GSUM PAR SLOB DPON NYID KYIS GSUNGS PA'I PHYIR RO, ,DON BSDUS NA, SKABS DANG PO GSUM NAS BSTAN PA'I RNAM MKHYEN GYI MING CAN GYI MNGON PAR RTOGS PA DANG, LAM SHES DANG ZHI SHES RIM CAN KHO NAR SKYE ZHING GCIG YOD PAR CIG SHOS MED PAR 'DOD PA DGAG PA'I CHED DU SKABS GSUM KAR DU LAM GSUM KA BSTAN PA YIN LA, LAM GSUM BSTAN PA LA DGOS PA GZHAN SHIN TU MANG NGO, ,GNYIS PA NI, GZHUNG GNYIS PA'I SKABS 'DIR YANG SLOB DPON GSER GLING PAS GZHUNG GONG MA DANG SBYAR BAR GSUNGS PA NI, NGES 'BYED

, ,CHA MTHUN SNGON DU 'GRO BA'I MTHONG LAM DANG SGOM LAM SBYOR BA DANG PO GSUM GA'I SKABS SU BSGOM PAR SHES PA'I DON YIN TE, DE YANG RNAM RDZOGS SBYOR BA SA BRGYAD PA 'BA' ZHIG DANG RTZE SBYOR SA DGU PA DANG, BCU PA'I STOD DANG, MTHAR GYI SBYOR BA BCU PA'I SMAD 'BA' ZHIG TU CIG CAR RGYUN GCIG LA SKYE BA BKAG NAS SBYOR BA DANG PO GSUM RE RE YANG LAM GSUM GA'I GNAS SKABS SU RIM GYIS BSGOM PAR SHES PA'I CHED DU MDZAD PA YIN NO, ,RNAM PA THAMS CAD DU KHYAD PAR GYI LAM GYIS BSDUS PA NI SLOB DPON GSER GLING PAS SNGAR BSHAD PA LTAR SHES PA DANG, ZAG PA MED PA NI 'DOD CHAGS LA SOGS PAS STONG PA'O ZHES BSHAD PA LTAR KHYAD PAR GYI LAM SA BRGYAD PA YAN CHAD KHO NA LA SBYOR BA'I DON MIN GYI 'O NA CI ZHE NA, KHYAD MTSAN GYI SKABS SU KHYAD DU 'PHAGS PAS KHYAD PAR LAM ZHES BSHAD PA LTAR YIN TE BYANG CHUB SEMS DPA'I THUGS RGYUD KYI 'DUS BYAS MI RTAG PAR RTOGS PA'I YE SHES KYANG MNGON PAR RTOGS PA'I RIGS YONGS SU RDZOGS PAS ZIN PA'I LAM SHER PHYIN YIN PAS NYAN THOS KYI RGYUD KYI LAM SHER PHYIN GYI GZUGS BRNYAN LAS RNAM PA THAMS CAD KYIS THAMS CAD DU KHYAD PAR 'PHAGS PA'I PHYIR RO, ,KHYAD PAR GYI LAM SHES PAR BYA'O, ,ZAG PA MED PA'I DON YANG THEG PA CHEN PO'I SBYOR LAM LA YANG 'DOD CHAGS KYI NYON MONGS PAS MA SLAD CING 'DZIN STANGS LA CUNG ZAD TZAM YANG MA 'DRES PA'I NYON MONGS PA'I ZAG MED YIN GYI, DAG PA SA'I YE SHES KHO NA LA SBYAR BAR BYA BA MIN NO, ,SKABS DANG POR BSHAD PA'I KHYAD CHOS LNGA LDAN GYI SBYOR LAM SO SKYE'I SAS BSDUS PAR 'DOD PA DANG, SKABS LNGA PA'I MTHONG SGOM RTZE SBYOR DAG PA SA 'BA' ZHIG LA SBYOR BA 'GAL TE, KHYAD CHOS KYI RTOG PA MTHONG SGOM RTZE SBYOR

GYIS SPONG BAR BSHAD PAS SKABS DER BSHAD PA'I RTZE SBYOR SKABS GZHAN GANG DU YANG MA BSTAN PA'I PHYIR, DES NA KUN BRTAGS KYI SA BON SPONG BA'I RTZE SBYOR SKABS DE NYID DU BSTAN PA MI 'DOD BZHIN DU KHAS BLANGS DGOS SO, ,SBYIN PA LA SOGS RE RE NI, ZHES PA'I SKABS KYI 'GREL CHEN DU GSUNGS PAS KYANG MI GNOD DE, KUN TU RMONGS PA THA MA GNYIS SA BCU PA'I SKABS KYI RTZE SBYOR GYIS SPONG BAR BSHAD PAS SKABS DER BSHAD PA'I RTZE SBYOR MTHA' DAG DAG PA SA'I YE SHES SU 'DOD PA LA 'BREL CI YANG MED PA'I PHYIR RO, ,'DI LA BRJOD PAR BYA BA MANG STE 'GREL PA DON GSAL GYI RNAM BSHAD SNYING PO'I RGYAN DU BSHAD ZIN TO, ,PHYOGS TZAM MTSON NA RNAM RDZOGS SBYOR BA'I THAR PA CHA MTHUN RDZOGS PA'I RJES SU SBYOR MTHONG SGOM GSUM STON PA'I THA SNYAD KYIS GSUNGS PA LA DGOS PA YOD DE, RNAM RDZOGS SBYOR BA LAM GSUM KA'I SKABS SU RIM GYI SKYE BAS SA BRGYAD PA'I SKABS KHO NAR CIG CAR RGYUN GCIG LA SKYE BA'I YAN MAN DU MI SGOM PA'I DOGS PA DGAG PA'I CHED YIN NO, ,DE BZHIN DU GZHAN GNYIS LA YANG JI LTAR RIGS PAR SBYAR RO, ,MTHAR GYIS PA'I SKABS SU GLANG PO LA LAG LDAN GYI THA SNYAD KYIS BSTAN PA LTAR DRAN PA NYER GZHAG SOGS KYIS BSDUS PA'I SBYOR LAM STON PA'I THA SNYAD DO, ,GSUM PA LA GSUM, MKHYEN PA GSUM GYI RNAM PA NYAMS SU LEN PA'I TSUL BSTAN PA DANG, RNAL 'BYOR ZHI SHES NYAMS SU LEN PA'I TSUL BYE BRAG TU BSHAD PA DANG, 'BRAS BU MNGON DU BYED PA'I TSUL BSHAD PA'O, ,DANG PO LA GNYIS, LAM BSGOM PA PO'I RTEN GYI GANG ZAG NGOS BZUNG BA DANG, LAM JI LTAR NYAMS SU LEN PA'I TSUL LO, ,DANG PO NI, BSKAL PA GRANGS MED GSUM NAS SANGS RGYA BA'I LAM GYI MGO BRTZAM PA THEG PA CHEN PO'I TSOGS

, ,LAM YONGS SU RDZOGS PAR RGYUD LA BSKYED PA'I TSUL NI SNGAR BSHAD PA LTAR YIN LA, 'DIR NI SANGS RGYAS RNAMS LA LHAG PAR BYAS, ZHES SOGS KYIS BSTAN PA LTAR DGE RTZA GSOG PA'I RTEN GYI GANG ZAG LAS DANG PO PAS NYAMS SU LEN PA'I TSUL STON PA YIN NO, ,DE YANG RTOGS PA YI NI CHOS DRUG DANG, ZHES SOGS KYI SKABS NAS DNGOS SU RIGS KHYAD PAR CAN BSTAN YANG DE LA BRTEN NAS LAS DANG PO PA RIGS LA GNAS PA'I GANG ZAG KYANG SHES PAR BYA'O, ,THOG MAR RANG NYID 'KHOR BA'I NYES DMIGS THOS PA DANG, THAR PA'I PHAN YON THOS PA LAS 'KHOR BAS YID 'BYUNG ZHING THAR PA LA DGA' BAS BA SPU LDANG BA SOGS 'BYUNG NA SPYIR RANG RGYUD LA THAR PA'I RIGS YOD PAR SHES KYANG DE TZAM GYIS THEG PA CHEN PO'I RIGS CAN DU NGES MI NUS LA DE LA NI SNGAR BSHAD PA LTA BU'I TSOGS LAM RGYUD LA MA SKYES PA'I SNGA ROL NAS SEMS CAN LA DMIGS PA'I SNYING RJE CHE ZHING SNYING RJE BSGOM PA LA DGA' BA DANG, DU: KHA'I DKA' SPYAD LA BZOD PA CHE BA DANG, THEG PA CHEN PO'I CHOS RGYA CHEN PO LA MOS PA MANG BA DANG, SBYIN PA RGYA CHEN PO GTONG BA LA DGA' BA DANG TSUL KHRIMS BSRUNG BA LA DGA' BA SOGS DGE BA'I CHOS RGYA CHEN PO LA SPRO BA DANG LDAN NA RANG NYID THEG PA CHEN PO'I RIGS DANG LDAN PAR SHES PAR BYAS NAS 'CHAD PAR 'GYUR BA LTAR THEG PA CHEN PO'I LAM 'DI BSGOM PA LA 'BAD PAR BYA ZHING, GAL TE DE DAG DANG MI LDAN NA YANG THAG PA CHEN PO'I MDO SDE DGONGS 'GREL DANG BCAS PA LA BLTA BA DANG NYAN PA DANG, DE'I DON YID LA BYED PA DANG, DE'I RGYUR TSOGS GSOG PA DANG, SGRIB PA SBYONG BA LA SGO DU MA NAS 'BAD PAR BYA'O, ,GNYIS PA LA, LAM SHES RDZOGS PAR BYED PA'I YAN LAG ZHI

SHES SGOM PA'I TSUL DANG, LAM SHES SGOM PA'I TSUL DANG, THEG PA CHEN PO'I LAM GYI GZHI RNAM MKHYEN MTSON BYED KYI LAM RNAMS YID LA BYED PA'I TSUL LO, ,DANG PO NI, MKHYEN PA GSUM BSTAN BCOS LA BSTAN PA'I RIM PA NI, BSHAD PA'I RIM PA YIN TE, THOG MAR 'BRAS BU LA DON GNYER SKYES NAS DE'I RJES SU DE'I RGYU LAM GANG YIN SHES PAR BYED PA DANG, DE'I RJES SU LAM RDZOGS BYED KYI YAN LAG SHES PA'I CHED DU BSTAN LA SGOM PA'I TSE RIM PA DE LAS LOG NAS SHES PAR BYA STE, 'GREL CHEN GYI CHOS SKU'I MTSAMS SBYAR DU, GANG GI TSE RGYU DANG G-YO THAMS CAD RNAM PAR SPANGS PA LA SOGS PA YID LA BYED PA RNAMS KYIS JI SKAD DU BSHAD PA'I RIM GYIS SHES RAB KYI PHA ROL TU PHYIN PA 'DI LA CHOS THAMS CAD SGYU MA DANG 'DRA BA NYID DU RNAM PA THAMS CAD MKHYEN PA NYID KYIS RJES SU RIG PAR BYED PA DANG, LAM GYI RNAM PAR SHES PA NYID KYIS RNAM PAR DPYOD PA DANG, THAMS CAD SHES PA NYID KYIS 'JUG PA DANG, RNAM KUN MNGON PAR RDZOGS PAR RTOGS PAS RTOGS PAR BYED PA DANG, RTZE MO'I MNGON PAR RTOGS PAS SEMS PA DANG, MTHAR GYIS PA'I MNGON PAR RTOGS PAS 'JAL BA DANG, SKAD CIG MA GCIG PA'I MNGON PAR RTOGS PAS NYE BAR RTOGS PAR 'GYUR BA DANG, CHOS SKUR MNGON PAR RDZOGS PAR BYANG CHUB PAS KYANG BSGOM PAR 'GYUR BA DE'I TSE BYANG CHUB SEMS DPA' 'DI LA CHOS SKU'I RANG BZHIN GYI YON TAN THAMS CAD DANG, LONGS SPYOD RDZOGS PA'I SKU'I MTSAN NYID KYI SANGS RGYAS KYI ZHING DANG, SPRUL PA'I SKU'I RANG GI NGO BO SANGS RGYAS KYI CHOS BLA NA MED PA 'PHRIN LAS DANG BCAS PA YONGS SU RDZOGS PA RNYED DKA' BAR MI 'GYUR RO, ZHES GSUNGS PA LTAR, THOG MAR ZHI SHES BSGOM PA LA

, ,'JUG PA'I SGO NAS MNGON PAR RTOGS PA'I RIM PA RNAMS YID LA BYA BA GSUNGS PA'O, ,DE LA SPYIR THEG PA CHEN PO'I SEMS BSKYED RGYUD LA SKYE BA STONG PA NYID KYI DON RTOGS PA LA MI BLTOS KYANG 'DIR NI SNYING RJE'I DON DANG MNGON PAR RTOGS PA'I RIM PA RNAMS LA TSAD MAS SGRO 'DOGS CHOD NAS BSGOM PA LA 'JUG PA'I RIM PA STON PA YIN PAS RTEN 'BREL SGYU MA LTA BUR RTOGS PA'I SHES RAB KYIS ZIN PA'I NGANG NAS BSGOM PAR BYA STE, 'GREL CHEN DU DE BAS NA LUNG DANG RIG PA DAG GIS SGYU MA LTA BUR GNYIS SU MED PA'I SEMS KYIS DE KHO NA NYID YONGS SU SHES PA DE KHO NA NYID RTOGS PA LA MNGON PAR BRTZON PA'I BLO CAN RNAMS KYIS GNYIS SU MED PA'I SGYU MA LTA BU'I SEMS YANG DAG PA'I KUN RDZOB KYI RANG BZHIN THOS PA DANG BSAM PA LAS BYUNG BA'I SHES PAS RNAM PAR BZHAG NA RTEN CING 'BREL PAR 'BYUNG BA'I CHOS NYID KYIS RNAM PA THAMS CAD MKHYEN PA NYID LA SOGS PA MNGON PAR RTOGS PA BRGYAD KYI RIM PAR GUS PA DANG RGYUN MI 'CHAD PA DANG DUS YUN RING PO'I KHYAD PAR CAN GYIS BSGOMS PAS BSGOM PAR BYED PA'I RNAL 'BYOR GYI DBANG PHYUG RNAMS NI RTEN CING 'BREL PAR 'BYUNG BA'I CHOS KYIS RNAM PAR RTOG PA MTHA' DAG DANG BRAL ZHING SRID PA JI SRID PAR RJES SU 'BREL BA RNAM PAR SHES PA TZAM GYI RGYUN SGYU MA LTA BU THOB PAR BYED DO, ZHES BSHAD PA LTAR DE'I RGYU MTSAN SEMS BSKYED KYI SKABS SU 'CHAD PAR 'GYUR RO, ,RNAM PA THAMS CAD MKHYEN NYID LAM, ZHES SOGS BSHAD PA LTAR LAM NYAMS SU LEN PA LA 'JUG PA'I SNGA ROL TU MNGON PAR RTOGS PA'I NGO BO GRANGS DANG GO RIMS NGES PA SOGS, TSIG DON GYI SKABS NAS 'BYUNG BA BZHIN DU NGES PAR BYAS NAS DE'I

RJES SU NYAMS SU BLANGS PAR BYA'O, ,DE YANG 'GRO LA CHAGS PAS KUN CHAGS MDZAD, CES SOGS NAS 'BYUNG BA LTAR YANG DAG PAR RDZOGS PA'I SANGS RGYAS NAS BZUNG STE, THEG PA CHEN PO'I GDAMS PA BAR MA CHAD PAR GCIG NAS GCIG TU BRGYUD DE 'ONGS PA'I MAN DAG DANG LDAN PA'I THEG PA CHEN PO'I DGE BA'I BSHES GNYEN MNYES PAR BYA STE, DE LAS 'JUG PA'I SDOM PA RNAM PAR DAG PA BLANGS NAS RTZA BA DANG YAN LAG GI LTUNG BA NYES BYAS ZHE DRUG SOGS KYIS MA GOS PA LA 'BAD PAR BYA'O, ,DGE BA'I BSHES GNYEN DNGOS SU MED NA SANGS RGYAS DANG BYANG CHUB SEMS DPA' RNAMS YID KYIS SPYAN DRANGS NAS BLANGS TE LEN PA'I TSUL NI, RJE BTZUN BLO BZANG GRAGS PA DPAL BZANG PO'I ZHAL SNGA NAS KYIS BYAS PA'I TSUL KHRIMS KYI LE'U'I RNAM BSHAD MDZAD PA LTAR SHES PAR BYA'O, ,'GREL CHEN DU CHOS 'PHAGS KYI LE'U DANG RTAG TU NGU'I LE'U'I DON SDUD PA DGE BA'I BSHES GNYEN BSTEN TSUL NI, GO SLA BAR DGONGS NAS RJE BTZUN GYIS MNGON PAR RTOGS PA'I RGYAN DU LAM DGYUS MA'I RIM PA LAS MA BSDUS PAR BSHAD LA DE YANG THEG PA CHEN PO'I MDO SDE'I RGYAN NAS BSHAD PA LTAR DGE BA'I BSHES GNYEN GYI MTSAN NYID KYI MTSAN NYID CHOS BCU DANG LDAN PA DE JI LTAR BSTEN PA'I TSUL LA SOGS PA SHES PAR BYA'O, ,GNAS KHANG BYI DOR LEGS PAR BYAS SKU GSUNG THUGS KYI RTEN BKRAM MCHOD PA LEGS PAR BSHAMS TE STAN BDE BA LA SKYIL KRUNG DAM PHYED PAS KYANG RUNG BAS 'DUG STE NYAN THOS ZHI BA TSOL RNAMS ZHES SOGS KYIS BSHAD PA LTAR SRAS 'PHAGS PA'I BZHED DON PHUN TSOGS SGRUB PAR MDZAD PA'I SANGS RGYAS KYI CHOS SKU DANG GZUGS SKU GNYIS KYIS BSDUS PA'I SANGS RGYAS DKON

, ,MCHOG DANG, MKHYEN PA GSUM GYIS BSDUS PA'I THEG PA CHEN PO'I LAM GYI BDEN PA DANG 'GOG PA'I BDEN PA GNYIS KYI MTSAN NYID CAN GYI CHOS DKON MCHOG DANG, DE DAG SGRUB PA'I BYANG CHUB SEMS DPA' 'PHAGS PA'I PHYIR MI LDOG PA'I DGE 'DUN RNAMS YID KYIS YUL DU BYAS TE, DE RNAMS KYI YON TAN SHES PA DANG KHAS BLANGS PA DANG GZHAN DU MI SMRA BAS SKYABS SU 'GRO BA RGYUD DANG 'DRES NGES PA LAN MANG DU BYA, DKON MCHOG LA DANG BA GSUM SHUGS DRAG PO MED NA LAM GYI RTZA BA MI TSUGS PAS DE LA 'BAD PAR BYA'O, ,RGYAL BA'I SRAS PO SENGGE BZANG POS KYANG YUM LA DANG BA SKYES PA MCHOD BSTOD KYI DGOS PAR BSHAD PA NI DAD PA SNGON 'GRO MA LTAR BSKYED PA STE ZHES SOGS BSHAD PA LTAR DAD PA LAM GYI RTZA BAR SHES PA'I CHED DU YIN NO, ,'KHOR BA'I NYES DMIGS SEMS PA SOGS JI TZAM 'TSAM PA'I LAM MDOR BSDUS DRAN PAR BYA, SEMS CAN THAMS CAD MNGON MTHO'I RTEN LA 'GOD PA NAS BZUNG STE MI GNAS PA'I MYA NGAN LAS 'DAS PA'I SA LA 'GOD PAR BYA, DE'I PHYIR TU BDAG GIS YANG DAG PAR RDZOGS PA'I SANGS RGYAS THOB PAR BYA DE THOB PA'I THABS MNGON PAR RTOGS PA'I RIM PA BSGOM PAR BYA SEMS CAN 'KHOR BA'I DU: KHA ZHI BA LA 'GOD PAR BYA BA'I CHED DU BDAG GIS SANGS RGYAS THOB PAR BYA'O SNYAM PA NI THEG PA CHEN PO'I SEMS BSKYAD RDZOGS PA MIN NO, ,STON PA RANG NYID KYIS BRNYES PA'I GO 'PHANG LA SEMS CAN 'GOD PAR THUGS DAM BCAS PA'I PHYIR RO, ,DE LA DGONGS NAS RJE BTZUN GYIS MYA NGAN LAS 'DAS PA LA DGOD PA STE ZHES GSUNGS PAS SO, ,DE'I RJES SU YAN LAG BDUN PAS KYANG RGYUD SBYANGS NAS MNGON PAR RTOGS PA'I RIM

PA RGYUD LA SKYE BA'I GSOL BA LAN MANG DU GDAB BO, ,DE NAS SEMS DRUG GI SGO NAS YID LA BYA STE, THOG MAR RTZA BA'I SEMS KYIS NI BSGOM PAR BYA BA'I DON 'DI STON PA'I BSTAN BCOS NI MNGON PAR RTOGS PA'I RGYAN NO, ,SNYAM DU MING TZAM GYI SGO NAS DMIGS PAR BYA'O,, DE NAS RJES SU SPYOD PA SEMS KYIS NGES PAR BYAS TE, DE LA BGRANG BA DANG GZHAL BA DANG RTOGS PA DANG NGES PAR RTOGS PA BZHI LAS BGRANG BAS NI LAM DANG 'BRAS BU'I SHER PHYIN GNAS SKABS BRGYAD KYIS PHYE BA'I MNGON PAR RTOGS PA BRGYAD KYI GRANGS CAM [?] YID LA BYA'O, ,DE YANG BDAG GIS BSGOM PAR BYA BA NI MNGON PAR RTOGS PA BRGYAD YIN LA THOG MAR ZHI SHES BSGOM PAR BYA SNYAM PA'O, ,LAS DANG PO PAS SMON PA'I SGO NAS ZHI SHES MTSAN NYID PA BSGOM PAR BYA ZHING RNAM PA'I SGO NAS DNGOS SU BSGOM PA'O, ,GZHAL BAS MNGON PAR RTOGS PA PO'I RANG BZHIN NGES PAR BYA ZHING, RTOGS PAS NGO BO DANG GRANGS SOGS LA SGRO 'DOGS DANG SKUR 'DEBS MED PAR BYA BA DANG, NGES PAR RTOGS PAS NI SNGAR TSAD MAS NGES ZIN YANG 'DIR YANG RGYU MTSAN YANG DAG RNAMS DRAN PAR BYA'O, ,RNAM PAR DPYOD PA'I SEMS KYIS YI GE SO SO RNAMS BRJOD BYA'I DON RDZOGS PAR MI STON PA DANG, BSDUS PAR STON PA'O, ,SNYAM DU YID LA BYA'O, ,NGES PAR 'DZIN PA'I SEMS KYIS RNAM PAR DPYAD PA'I MTSAN MA NGES PAR BZUNG LA SDOM PA'I SEMS KYIS BSGOM PAR BYA BA'I DON BSDOMS TE YID LA BYA'O, ,DON DAM PA'I SEMS KYIS DON 'DI BSGOM LA 'BRAS BU YANG DAG PAR RDZOGS PA'I SANGS RGYAS THOB PAR BYA'O SNYAM DU YID LA BYA'O, ,TSU ROL PHAR ROL MTHA' LA MIN, ZHES SOGS MTHA' BRAL MI GNAS PA'I LAM SHES LA DOGS PA GCOD PA'I

, ,YAN LAG SHES RAB DANG SNYING RJES SRID ZHI'I MTHA' 'GOG PA DANG, GZHI LAM 'BRAS GSUM BDEN STONG SPROS BRAL DU RTOGS NAS DE LA MTSAN MAR 'DZIN PA BKAG NAS 'BRAS YUM LA NYE BAR BYED PA'I ZHI SHES MTSON PAR BYED PA'I CHOS THEG PA DMAN PA DANG THUN MONG MIN PA'I LAM RNAMS KYIS ZIN PA'I SGO NAS KYANG BSGOM PAR BYA ZHING, 'DIR BSGOM PAR BYA BA'I GTZO BO NI, MDO LAS THAMS CAD SHES PA NYID LA SHES PA DANG MTHONG BAS BLTAS NAS 'DA' BA DANG, LAM SHES PA NYID YONGS SU RDZOGS PAR 'DOD PA DANG RNAM PA THAMS CAD MKHYEN PA NYID RJES SU THOB PAR 'DOD PA'I BYANG CHUB SEMS DPA' SHES RAB KYI PHAR PHYIN LA BSLAB PAR BYA'O, ZHES GSUNGS PA LTAR SHES MTHONG GIS BLTAS NAS 'DA' BAR BYA BA'I MNGON PAR RTOGS PA DE NYID BSGOM PAR BYA BA YIN LA, DE LA SLOB DPON 'PHAGS PAS SHES PAS NI 'KHRUL PA'I SHES PA BSAL LA, MTHONG BAS NI RJES SU DGA' BA'I SHES PA BSAL BAR GSUNGS PAS RTOG BRAL MA 'KHRUL PA'I SHES PAS SHES PAR BYED PA'I DUS NI BYANG CHUB SEMS DPA'I MTHONG LAM GYI TSE YIN LA, DE'I RGYUN GOMS PA LHUR LEN GYIS BSGOM PAR MI BYED CING, MI RIGS PAS SLOB DPON 'PHAGS PAS THAMS CAD SHES PA NYID LA SGOM PA'I LAM MED PA'I PHYIR CES GSUNGS SO, ,DE LTA BU'I MTHONG LAM THOB PA'I CHED DU LAS DANG PO PAS BSGOM PAR BYA BA YIN LA, DE YANG MTHONG LAM MAN CHAD DU GOMS PA LHUR LEN GYIS KYANG BSGOM PAR BYA STE, LAS DANG NYON MONGS PA'I DBANG GIS 'KHOR BA'I DU: KHA RANG MIN PA NYAMS SU MYONG NA GZHAN DON LTA ZHOG RANG DON YANG MI NUS PAS NYON MONGS PA'I DPAL LEGS PAR

GZHOM DGOS PA'I PHYIR RO, ,BYANG SA LAS 'KHOR BA'I DU: KHA LA BYANG CHUB SEMS DPA' RNAMS KYIS NYAN THOS LAS KYANG 'BUM 'GYUR GYIS SKYO BAR GSUNGS PA'I PHYIR RO, ,DES NA ZHI SHES SGOM PA'I DGOS PA MANG STA, LAM SHES RDZOGS PA'I DON DU SHES MTHONG GIS BLTAS NAS 'DA' BAR BYA BA DANG, NYAN THOS DANG RANG SANGS RGYAS KYI RIGS CAN RJES SU BZUNG BAR BYA BA DANG, RANG NYID 'KHOR BAS YID LEGS PAR SUN NAS SEMS CAN GZHAN LA SNYING RJE CHEN PO BSKYED PA'I RGYUR BSGOM PAR BYA BA'I PHYIR RO, ,BSHAD PA'I SROL KHA CIG LAS NI SA BDUN PA TSUN CHAD DU ZHI SHES 'BAD PA BSKYED NA NYAN RANG GI SAR LTUNG BA'I DOGS PA YOD PAS ZHI SHES GZUGS BRNYAN GYI TSUL DU RANG GI NGANG GIS 'BYUNG BA SA BRGYAD PA NAS THOB PAS, LAM GSUM MNGON SUM DU SHES PA SA BRGYAD PA YAN CHAD DU BSKYED KYI DE MAN CHAD DU MI SKYED PA'I 'PHAGS PA'I BZHED PAR MDZAD KYANG, MTHONG LAM NAS BSKYED PA BZHED PAR SEMS SO, ,RNAM PA'I SKABS NAS 'BYUNG BA LTAR 'PHAGS PA'I BDEN PA BZHI BYANG CHUB KYI PHYOGS DANG MTHUN PA'I CHOS SUM CU RTZA BDUN DANG SBYAR NAS BSGOM PAR BYA ZHING, 'DIR NI THOG MAR 'PHAGS PA'I BDEN BZHI TZAM ZHIG SGOM TSUL BRJOD PAR BYA STE, DE YANG DAL 'BYOR RNYED PAR DKA' BA DANG, RNYED NA DON CHEN PO SEMS PA DANG, 'CHI BA MI RTAG PA DANG NGAN 'GRO'I NYES DMIGS SEMS PA DANG, LAS 'BRAS SEMS PA SOGS SEMS SKYES BU CHUNG NGU'I BSAM PA SBYANGS NAS, RIGS PA DRUG CU PA'I 'GREL PAR, SA GSUM MI RTAG PA'I ME RAB TU 'BAR BA'I NANG NA 'DUG PA NI KHYIM 'BAR BA'I NANG DU CHUD PA LTAR DE LAS 'DA' BAR 'DOD PAS ZHES SOGS GSUNGS PA LTAR THOG MAR 'KHOR BA'I NYES DMIGS BSAM

, ,PAR BYA'O, ,DE LA DU: KHA LA RTAG PA DANG, BDE BA DANG, GTZANG BA DANG, BDAG TU SGRO 'DOGS PA'I GNYEN POR, MI RTAG PA DANG, DU: KHA DANG, MI GTZANG BA DANG, BDAG MED PA'I RNAM PAR BSGOM PAR BYA'O, ,DE YANG DU: KHA'I PHUNG PO 'DI CHU'I CHU BUR DANG RI GZAR GYI 'BAB CHU LTAR SKAD CIG KYANG MI SDOD PAR 'GRO BA SE GOL GTOG PA'I YUN LA YANG SKAD CIG MA SUM BRGYA DRUG CU RE LNGA 'DA' BA'I TSUL BSAMS NAS YID BRTAN DU RUNG BA CUNG ZAD KYANG MED PA'I 'DU SHES BSGOM PAR BYA'O, ,'DI BLO LA LEGS PAR MA SKYES NA KHAMS GONG MA GNYIS KYIS BSDUS PA'I 'DU BYED KYI DU: KHA LA KHYIM 'BAR BA'I NANG DU CHUD PA LTA BU'I 'DU SHES SKYE MI SRID PA'I PHYIR RO, ,DE YANG RNAM 'GREL LAS, DE PHYIR MI RTAG LAS DU: KHA, ,DU: KHA LAS NI BDAG MED GSUNGS, ZHES BSHAD PA LTAR, CHOS GSUM RTOGS PA'I RIM PA RAGS PA DANG PHRA BA GNYIS KA LA 'DRA BA YIN TE, RANG NYID BDE 'GROR SKYE BA LA RANG DBANG BA'I BDAG MED PAR SHES PA LA NGAN 'GRO'I NYES DMIGS SEMS PA SHUGS DRAG SNGON DU GTONG BA DANG DE LA 'CHI BA MI RTAG PA BSGOM PA SNGON DU GAL CHE BA BZHIN DU BDAG MED KHONG DU CHUD PA LA KHYAB PA 'DU BYED KYI DU: KHA SEMS PA DANG, DE LA PHRA BA'I MI RTAG PA SEMS PA GNAD CHE BA YIN NO, ,DE NAS CHOS MNGON PA'I MDO LAS GSUNGS PA LTAR SKYE BA DU: KHA DANG RGA BA SDUG BSNGAL SOGS DU: KHA BRGYAD SEMS PA DANG, DRUG SEMS PA DANG, DU: KHA'I DU: KHA DANG 'GYUR BA'I DU: KHA DANG, 'DU BYED KYI SDUG BSNGAL DANG GSUM GYI SGO NAS KYANG BSAMS TE 'KHOR BA LA SDUG BSNGAL GYI 'DU BYED BSGOMS PAS, 'DI DANG BRAL NA SNYAM PA DANG, MI 'BRAL BA'I THABS MI 'DUG SNYAM PA'I BLO SKYES

KYI BAR DU BSGOM ZHING, DE LAS KYANG GONG NAS GONG DU SPEL BAR BYA'O, ,DE NAS YUM RGYAS PA LAS GSUNGS PA LTAR RANG GI LUS GTZANG BAR BZUNG NAS DBYIBS LA CHAGS PA LA SOGS PAS 'KHOR BAR 'KHOR BAS RNAM PAR BAM PA'I 'DU SHES SOGS DGU DANG MI GTZANG BA'I RDZAS SUM CU RTZA DRUG GI RANG BZHIN DU SEMS PA DANG NYON MONGS PAS SPAGS PA SOGS 'KHOR BA LA MI GTZANG BA'I 'DU SHES BSGOM PAR BYA'O, ,DE NAS PHUNG PO DANG RANG BZHIN GCIG DANG THA DAD PA'O BDAG CUNG ZAD MED PAS BDAG MED DO SNYAM DU YID LA BYA STE, DE NI KUN 'BYUNG BSAM PA LAS KHONG DU CHUD DE, 'CHAD PAR 'GYUR RO, ,DE LTAR DU: KHA'I PHUNG PO 'DI LA TSUL BZHIN MIN PA'I YID LA BYED PA BZHI'I SGO NAS LOG PAR ZHUGS PAS 'KHOR BAR 'KHOR ZHING, 'KHOR BA'I NYES DMIGS BSAM PAS 'KHOR BA LA 'BRAL 'DOD KYI BLO SKYE BA DANG, TSER MA 'DON PA'I TSUL GYIS SPONG MI NUS PAR MTHONG ZHING, RGYU LOG PA'I SGO NAS LDOG DGOS PAR MTHONG NAS KUN 'BYUNG 'KHOR BA'I 'JUG RIM SEMS PAR BYA'O, ,DE YANG RGYANG 'PHEN PA LTAR RGYU MED DU 'DZIN PA DANG, GSAL BYED PA DUS RTAG PA LA SKYE BAR 'DOD PA LTAR RGYU GCIG KHO NAR 'DZIN PA DANG, GRANGS CAN PA DANG RIG BYED PA LTAR GTZO BO DANG SGRA TSANGS PA'I RNAM 'GYUR DU 'DOD PA DANG, RIG PA CAN DANG, BYE BRAG PA LTAR DBANG PHYUG LA SOGS PAS BLO SNGON DU BTANG NAS BYAS PAR 'DZIN PA'I PHYIN CI LOG BZHI'I GNYEN POR RGYU KUN 'BYUNG RAB SKYE RKYEN GYI RNAM PA LAS BYUNG BA BSAM PAR BYA'O, ,DE LA DU: KHA 'DI RES 'GA' SKYE BAR DMIGS PAS RGYU DANG BCAS PA DANG, DE YANG RNAM 'GREL LAS, GANG ZHIG BDAG MTHONG DE LA NI, ,NGA ZHES RTAG TU ZHEN PAR 'GYUR, ZHES SOGS BSHAD PA LTAR, BDAG

, ,TU 'DZIN PA LAS BDAG DANG MI 'BRAL BA'I SRID PA SKYE LA, DE LAS BDAG GI BDE BA LA SRED PA DANG, DE LAS BDAG GI BDE BA'I SGRUB BYED LA SRED PA DANG, DE LAS BDAG GI BDE BA SGRUB PA'I PHYIR TU SGO GSUM GYI LAS MNGON PAR 'DU BYED DO, ,LAS DANG SRED PA DE YANG DU: KHA'I RGYU DANG, DU: KHA YANG DANG YANG DU BSKYED PAS KUN 'BYUNG DANG SRED PA GSUM GYI DU: KHA SHUGS DRAG BSKYED PAS RAB SKYE DANG, DU: KHA'I LHAN CIG BYED PA'I RKYEN BYED PAS RKYEN GYI RNAM PAR BSAM PAR BYA'O, ,DE NAS DU: KHA'I RTZA BA GANG ZAG GI BDAG 'DZIN SPONG NUS MI NUS BRTAGS PA NA BDAG CUNG ZAD KYANG MED PAR MTHONG NAS BDAG 'DZIN SPONG NUS PAR KHONG DU CHUD DE, KUN 'BYUNG SPONG NUS DANG, DE'I 'BRAS BU DU: KHA 'GOG NUS PAR MTHONG NAS, DU: KHA 'GAGS PA'I 'GOG PA SNGON DU BYA BAR DAM BCA' ZHING THAR PA LA DON GNYER SHUGS DRAG BSKYED PAR BYA'O, ,DE YANG RGYANG 'PHEN DANG SPYOD PA PA LTAR DU: KHA ZHI BA'I THAR PA MED PAR 'DZIN PA DANG, KHA CIG DU: KHA'I KHYAD PAR 'GA' ZHIG LA THAR PAR 'DZIN PA ZAG BYED PA GDUGS DKAR PO GYEN DU BSTAN PA 'DRA BA'I THAR PA 'DOR 'DOD PA DANG, GRANGS CAN SOGS GROL BA'I BDAG RTAG PA GYA NOM PA'I THAR PAR 'DZIN PA DANG, THAR PA THOB KYANG MI LDOG PA'I CHOS CAN GYIS THAR PA MED PAR 'DZIN PA'I GNYEN POR 'GOG PA DANG, ZHI BA DANG, GYA NOM PA DANG, NGES PAR 'BYUNG BA'I RNAM GRANGS BSAM PAR BYA'O, ,DE YANG SNGAR BSHAD PA LTAR, BDAG 'DZIN SPONG NUS PAR MTHONG NAS, DE'I 'BRAS BU DU: KHA 'GOG NUS PAR KHONG DU CHUD NUS PAS DU: KHA 'GAGS PA'I 'GOG PA DANG, NYON MONGS PA'I SA BON DANG BRAL BA'I ZHI BA DANG, SDUG BSNGAL KUN 'BYUNG SPANG BA'I

BRAL BA DE NYID PHUGS SU PHAN PA DANG, BDE BA'I NGO BO NYID YIN PAS GYA NOM PA'I THAR PA DANG, SLAR NYAMS PA MI SRID PAS NGES PAR 'BYUNG BA'I CHOS CAN GYI THAR PA DE NYID BDAG GIS MNGON SUM DU BYA'O SNYAM DU YID LA BYA'O, ,DE YANG LAM 'GOG PAR BYAS PA LA BLTOS NAS THAR LAM MED DO SNYAM PA DANG, BDAG MED SGOM PA'I LAM 'DI LAM NGAN PA YIN NO SNYAM PA DANG, BDAG BSGOM PA DANG, DBANG SOGS BDAG GI BA DU: KHA RU BSGOM PA DANG, DBANG PHYUG GI DKYIL 'KHOR DU BCUG STE DBANG BSKUR BA DANG, LAS NGAN GYI 'BRAS BU ZAD PA'I CHED DU DKA' THUB KYI GDUNG BA DRAG PO RTZOM PA SOGS BDAG MED BSGOM PA LAS KHYAD PAR 'PHAGS PA'I LAM GZHAN YOD SNYAM PA DANG, DU: KHA RE ZHIG LDOG KYANG SLAR MI LDOG PA'I MCHOG TU BYED PA'I LAM MED DO SNYAM DU 'DZIN PA'I GNYEN POR, LAM DANG RIG PA DANG, BSGRUB PA DANG, NGES PAR 'BYIN PA'I RNAM PA BSAM PAR BYA'O, ,DE LA BDAG MED RTOGS PA'I SHES RAB DE NYID THAR PAR BGROD PA'I LAM YIN PA DANG, SDUG KUN GYI GNYEN POR RIGS PA DANG, YUL GYI GNAS LUGS PHYIN CI MA LOG PAR BSGRUB PA YIN PA DANG, SDUG KUN SLAR MI SKYE BA'I CHOS CAN DU BYED PA'I RGYU MTSAN, RIG PA'I STOBS LAS BYUNG BA CI TZAM 'TSAM PA DRAN PAR BYAS NAS, LAM GYI RNAM PA BZHI BSGOM PAR BYA'O, ,DE YANG SO SOR RTOGS PA'I SHES RAB KYIS LEGS PAR DPYAD NAS SDUG KUN GNYIS SPANG BYA DANG 'GOG PA MNGON DU BYA BA DANG, LAM BSTEN BYAR YID LA BYA'O, ,SDUG KUN GYI NYES DMIGS BSAMS NAS, BLO'I 'GYUR BA SHUGS DRAG BSKYED PAR BYA BA YIN GYI, DE LA 'JOG BSGOM BYAS PA LA DGOS PA CUNG ZAD KYANG MED DO, ,BDAG MED PA'I DON LA DPYAD PA'I MTHAR

, ,LTA THOG TU CUNG ZAD 'JOG PA YANG BYA LA DE LHAG MTHONG DU 'GYUR BA NI ZHI GNAS SNGON DU RNYED PA LA RAG LAS TE RNAM RDZOGS SBYOR BA SGOM PA'I SKABS SU 'CHAD PAR 'GYUR RO, ,DE LTAR BYANG CHUB SEMS DPAS KYANG ZHI SHES GUS PAR SBYOR BA DANG, RGYUN DU SBYOR BA GNYIS LDAN GYIS BSGOM PAR BYA ZHING, ZHI SHES MI MTHUN PHYOGS SU BSHAD PA NI LHAG BSAM RNAM DAG DANG BRAL BA DANG BDEN 'DZIN GYIS BCINGS PA'I ZHI SHES LAM SHER PHYIN GYI GZUGS BRNYAN LA DGONGS PA YIN TE, THEG PA CHEN PO'I RIGS CAN LAM DE NAS 'KHRID NA RNAM MKHYEN SGRUB PA'I RIGS LAM DANG GOL BAR 'GYUR BA YIN GYI NYAN THOS RIGS NGES PA LA BLTOS NAS DE NYID NYE LAM MTHAR THUG PAR SHES PAR BYA'O, ,TSIG TZAM LA 'CHOL BA DAG ZHI SHES TZAM SPYIR YANG BYAR 'DOD PA NI THAR LAM LA SKUR 'DEBS KYI LOG LTA YIN PAS MCHIL MA'I THAL BA BZHIN DU DOR BAR BYA'O, ,BYANG CHUB SEMS DPA' CHOS GSUM LA BDEN PAR 'DZIN PA NI, CHOS RNAMS RANG BZHIN GCIG PAR NI SHES PAS CHAGS PA SPONG BA YIN, ZHES PA LTAR STONG NYID SPROS BRAL RTOGS PAS SPONG LA, ZHI PA'I MTHAR LTUNG BA NI SNYING RJE CHEN POS 'GOG PAR BYED DO, ,SRID ZHI'I MTHA' LA KUN RDZOB PA LA BLTOS PA DANG DON DAM PA LA BLTOS PA GNYIS LAS, DANG PO NI LAS NYON GYI DBANG GIS SRID BZHIR [?] MTSAMS SBYAR BA SRID PA'I MTHAR LTUNG BA'I ZHES BYA'O, ,SRID MTHA' DE NYID RIGS CAN GSUM KAS 'GOG LA ZHI BA'I MTHA' DE NI BYANG CHUB SEMS DPA' 'BA' ZHIG GIS SPONG STE, SRID MTHA' SNGA MA BKAG NAS SNYING RJE DANG SMON LAM GYI DBANG GIS 'KHOR BAR SKYE BA BLANGS TE, MYANG 'DAS SGRUB PAR BYED PA'I PHYIR RO, ,DON DAM PA LA BLTOS PA'I

SRID ZHI'I MTHAR LTUNG BA NI SRID ZHI LA NGOR BYA DANG BLANG BYAR BDEN PAR 'DZIN PA YIN CING, DE BYANG CHUB SEMS DPAS STONG NYID RTOGS PA'I SHES RAB KYIS SPONG BA YIN LA, NYAN RANG LA CHOS KYI BDAG MED RTOGS PA YOD PAR 'DOD PA LTAR NA, DON DAM LA BLTOS PA'I MTHAR LTUNG BA YANG KUN RDZOB LA BLTOS PA'I MTHAR LTUNG BA ZHES BYA'O, ,DE LTAR BSGOM PAR BYA BA'I ZHI SHES DE NYID SKABS GSUM PA'I BRJOD BYAR BYA BA YIN LA, DE YANG BYANG CHUB SEMS DPAS MTHONG LAM THOB KYI BAR DU BSGOM PAR BYED KYI DE NAS GOMS PA LHUR LEN GYI BYED PAR BSHAD ZIN TO, ,'DI NI BYANG CHUB SEMS DPA'I SPYOD PA'I KHYAD PAR YIN CING, LAM SHES RNAM PAR DAG BYED RDZOGS BYED KYI YAN LAG GO ,GNYIS PA LAM SHES SGOM TSUL LA GNYIS, RTEN GYI GANG ZAG NGOS BZUNG BA DANG, DES LAM SHES SGOM PA'I TSUL LO, ,DANG PO NI MA THOB PA LA THOB SNYAM PA'I MNGON PAR NGA RGYAL DANG, GONG MA'I KHYAD PAR CUNG ZAD KYANG DON DU MI GNYER BA'I LAM SGOM PA'I GEGS DANG BRAL BA DANG, LHAN CIG BYED RKYEN BYANG CHUB KYI MCHOG TU SEMS BSKYED PA DANG, THEG PA CHEN PO'I RIGS KYIS KHYAB PA DANG, SNYING RJE DANG SMON LAM GYI DBANG GIS 'KHOR BAR SKYE BA MI 'DOR BA DANG, RTZE GCIG TU SEMS CAN GYI DON LA GZHOL BA'I BYED LAS DANG LDAN PA'O, ,LAM SHES PA'I RTEN GYI GANG ZAG LA THEG PA CHEN PO'I SEMS BSKYED DANG LDAN PA DGOS PA'I RGYU MTSAN NI, LAM GYI RNAM DBYE LA MI MKHAS PA'I CI YIN GTOL MED CIG MA GTOGS LAM GSUM KA RDZOGS PAR SGOM PA'I GANG ZAG RTOGS LDAN NI, RIGS CAN GSUM KA'I DON BYED PAR 'DOD PA YIN LA, DE YANG DA LTAR BDAG GIS RDZOGS PAR MI NUS PAR MTHONG NAS RNAM MKHYEN THOB PAR BYA'O SNYAM

, ,NAS DE'I RGYUR LAM SHES BSGOM PA YIN PAS, LAM SHES GNAS PA'I RTEN NI THEG PA CHEN PO'I SEMS BSKYED DANG LDAN PA KHO NA YIN PAS, LAM SHES GNAS PA'I RTEN SO SOR NGES PA YIN NO, ,GNYIS PA LA GSUM STE, SHES PAR BYA BA'I MNGON RTOGS NYAN THOS KYI LAM SHES PAR BYED TSUL DANG, RANG SANGS RGYAS KYI LAM SHES PAR BYED PA'I TSUL DANG, MNGON SUM DU BYA BA'I MNGON RTOGS BYANG CHUB SEMS DPA'I LAM SGOM PA'I TSUL LO, ,DANG PO NI, 'GREL CHEN DU GAL TE DE LTA YIN NA RAB TU DGA' BA LA SOGS PA'I SA RNAMS KYANG DER SMOS PAS BYANG CHUB SEMS DPA' RNAMS KYIS MTHONG BA LA SOGS PA'I LAM BSTAN PA YIN PA'I PHYIR RO, ,YANG CI'I PHYIR BSTAN CE NA BRJOD PAR BYA STE, RGYU DANG 'BRAS BU MA LUS PA THUGS SU CHUD PA LA BLTOS TE, DE BZHIN GSHEGS PA RNAMS KYIS RNAM PA THAMS CAD MKHYEN PA'I PHYIR, CES BRJOD PA YIN PAS, RGYAL BA'I SRAS RNAMS KYI LAM NI DE LAS GSUNGS PA MIN NO, ZHES DOGS PA BSAL BA'I PHYIR DE NYID LAS RGYU TZAM ZHIG DRANGS NAS BYANG CHUB SEMS DPA' RNAMS KYIS MTHONG BA LA SOGS PA'I LAM GYI BDAG NYID CAN LAM SHES PA NYID DU LOGS SHIG TU BZHAG PA YIN NO ZHES BSHAD PA 'DI NI LAM LA LOG PAR RTOG PA'I DOGS PA BCAD DE TSUL SHIN TU GNAD CHE BA ZHIG DE THOB BYA'I 'BRAS BU RNAM PA THAMS CAD MKHYEN PA NYID DE NI SHES BYA THAMS CAD MNGON SUM DU GZIGS PA PHAL CHER GYIS 'DOD KYANG, DE THOB PAR BYED PA'I LAM NI STONG PA NYID KYI DON GCIG PU BSGOMS PAS CHOS SU 'DOD PA DANG, RGYA NAG HVA SHANG SOGS DANG, DA LTAR YANG PHYI ROL PA DANG THUN MONG BA'I ZHI GNAS KYI PHYOGS SU GTOGS PA TZAM LA GNAS LUGS

KYI DON BSGOM PAR BZUNG NAS, SBYIN PA RGYA CHEN PO GTONG BA DANG TSUL KHRIMS RGYA CHEN PO BSRUNG BA SOGS SPROS BYAS YIN GYI SANGS RGYAS THOB PA'I LAM RNAL MA MIN PAR 'DOD PA DAG ,RGYANG RING DU DOR BAR BYA DGOS PAR SHES PA'I CHED DU YIN NO, ,LUGS NGAN PA 'DI BRTAN CHAGS PAS GZHUNG LUGS LA SBYANGS PA'I SDE SNOD 'DZIN PA GCIG DANG, SBYANGS PA YE MA BYAS PA GNYIS NYAMS LEN LA MANG NYUNG CUNG ZAD KYANG MI 'ONG BA DANG, SDE SNOD 'DZIN PA RNAMS KYANG SGRUB PA BYAS PAR MING BTAGS PA'I CI YANG MI SHES PA RNAMS LA SKYABS SU 'GRO BA DAG 'BYUNG BA YIN NO, ,DES NA NYAN THOS SU BGROD PA'I LAM RDZOGS PAR SHES SHING BSGOM PA DANG, RANG RGYAL GYI BYANG CHUB TU BGROD PA'I LAM SHES PA DANG, BYANG CHUB SEMS DPA'I LAM MTHA' DAG SHES NAS SANGS RGYAS SU BGROD PA'I LAM SHES PA ZHES BYA BA'I GRANGS SU 'GRO BA YIN GYI, PHYOGS RE TZAM LAS MI SHES PA LA LAM SHES KYI THA SNYAD MI 'THOB PAR SHES PA'I CHED DU, RJE BTZUN GYI BZHED PA SLOB DPON GYIS GSAL BAR MDZAD PA YIN NO, ,DE YANG THEG CHEN LAS DANG PO PAS BYAMS PA DANG SNYING RJE DANG BYANG CHUB KYI SEMS BSGOM PA SNGON DU BTANG NAS, MI RTAG PA DANG, DU: KHA LA SOGS PA NGO BO'I RNAM PA DANG RNAM GRANGS KYI RNAM PAS BSTAN PA SUM CU RTZA GSUM, DON NI SNGAR ZHI SHES SGOM PA'I SKABS SU BSHAD PA'I RNAM PA BCU DRUG GO DE NYID BSGOM PAR BYA BA YIN LA, DE YANG GZUGS LA SOGS PA DON DAM PAR DBYER MED PAR RTOGS PA DANG, STONG NYID LA BRTEN PA'I CHOS DON DAM PAR MED PA DANG, DON DAM PAR RTAG MI RTAG TU YANG MA GRUB PA DANG, SA BCU PA LA SOGS PA'I CHOS NYID DON DAM PAR GNAS BYAR MED PAR

, ,RTOGS PA'I PHYIR, SHES RAB KYIS RTZIS ZIN PA'I SGO NAS BSGOM PA DANG, DGE BA DE YANG RDZOGS PA'I BYANG CHUB TU BSNGO BAS ZIN PAR BSGOM PAR BYA'O, ,DE LTAR GOMS PAS 'PHAGS PA NYAN THOS LAM LA NI, ZHES PA'I SKABS NAS BSTAN PA'I NYAN THOS KYI LAM SHES PA'I SBYOR LAM SKYE ZHING, DE LA BRTEN NAS LAM SHES NYID KYI TSUL LA NI, ZHES SOGS KYIS BSTAN PA LTAR MI RTAG SOGS MNGON SUM DU SHES PA'I BYANG SEMS KYI MTHONG LAM SKYE ZHING, DE LA NYAN THOS KYI LAM SHES PA'I LAM SHES DNGOS KYI THA SNYAD 'THOB PA YIN NO, ,NYAN THOS KYI LAM GYI DMIGS PA LA MYONG STOBS KYIS SGRO 'DOGS LEGS PAR CHOD PAS DMIGS PA DE DMIGS PA LA YANG MYONG STOBS KYIS SGRO 'DOGS CHOD PA YIN TE, GZHAN DU NA RNAM DES LAS, DMIGS PA MNGON SUM MA YIN NA, ,DON MTHONG RAB TU 'GRUB MI 'GYUR, ZHES PA'I RIG PAS GNOD PAS SO, ,MI RTAG SOGS MNGON SUM DU RTOGS PA'I ZHI SHES DE NYID KHYAD CHOS GSUM GYIS DNGOS SU ZIN PA'I SGO NAS LAM SHES KYI THA SNYAD 'THOB PA YIN GYI NYAN THOS KYI LAM BDEN STONG DU MNGON SUM DU RTOGS PA LA MI BYA STE, DE NI MNGON SUM DU BYA BA'I MNGON RTOGS YIN GYI SHES MTHONG GIS BLTAS NAS 'DA' BAR BYED PA'I MNGON RTOGS MIN PA'I PHYIR RO, ,GNYIS PA NI SNGAR BSHAD PA'I LAM SHES BSGOM PA PO DE NYID KYIS SKYABS SU 'GRO BA DANG, SEMS BSKYED PA SNGON DU BTANG NAS ZHI SHES SGOM PA'I RJES LA NYI SHU PA LAS, DRUG GIS CIG CAR SBYAR BA NA, ZHES SOGS DANG, DBU MA RGYAN LAS, SBYAR BA DANG NI BSKOR BA'AM, ,BAR MED RNAM PAR GNAS KYANG RUNG, ZHES SOGS KYI RIG PAS, RDUL PHRAN CHA MED DANG, DE BSAGS PA'I RAGS PA DANG PHYI ROL

GYI DON TZAM MED PAR NGES PAR BYA ZHING LHAN CIG DMIGS NGES LA BRTEN NAS GZUNG 'DZIN RDZAS THA DAD KYIS STONG PAR RTOGS TE, SHES PA LA PHYI ROL GYI DON DU SNANG BA NI BLO 'KHRUL PA'I SNANG BA TZAM DU ZAD KYI PHYI ROL GYI DON NI MED DO SNYAM DU YANG DANG YANG DU DPYAD CING YID LA BYA'O, ,YANG MA RIG PA'I RKYEN GYIS 'DU BYED NAS SKYE BA'I RGA SHI'I BAR DANG, RGA SHI SKYE BA LAS BYUNG BA SOGS KUN NAS NYON MONGS KYI RTEN 'BREL LUGS 'BYUNG DANG LUGS LDOG BSGOMS NAS, SKYE BA DANG RGA SHI NI MA RIG PA'I 'KHRUL SNANG TZAM DU ZAD KYI GZUNG 'DZIN RDZAS THA DAD PA CUNG ZAD KYANG MED DO SNYAM DU YID LA BYA'O, ,DE YANG SBYOR BA SEMS BSKYED DANG, DNGOS GZHI'I SKABS SU GZUGS LA SOGS PA'I 'BRAS BU BSKYED KYANG BRDAR BTAGS PA TZAM DU MI 'GAL BA DANG, DON DAM PAR 'PHEL 'GRIB MED PA DANG, DON DAM PAR GZUNG BYAR MED PA DANG, DON DAM PAR SKYE 'GAG DANG BRAL BAR RTOGS PA'I SHES RAB KYIS ZIN PA'I SGO NAS BSGOM PAR BYA ZHING, DGE BA DE YANG RDZOGS PA'I BYANG CHUB TU BSNGO BAS RGYAS BTAB PAR BYA'O, ,DE LTAR BSGOMS PAS BTAGS PA'I CHOS NYID KYI, ,MI 'GAL PAR, ZHES SOGS KYIS BSTAN PA'I RANG RGYAL GYI LAM SHES PA'I THEG PA CHEN PO'I SBYOR LAM SKYE ZHING, DE LAS GZUNG DON RTOGS PA SPONG PHYIR DANG, ZHES SOGS KYIS SKABS NAS BSTAN PA'I BYANG CHUB SEMS DPA'I MTHONG LAM SKYE ZHING, DE NYID LA RANG RGYAL GYI LAM SHES PA'I LAM SHES ZHES BYA'O, ,DE YANG SHES MTHONG GIS BLTAS NAS 'DA' BAR BYA BA'I MNGON RTOGS YIN GYI, SNGON DU BYA BA'I MNGON RTOGS NI MIN NO, ,RNAM RDZOGS SBYOR BAS BSDUS PA'I GZUNG 'DZIN RDZAS THA DAD KYIS STONG BAR RTOGS PA'I SGOM LAM BSHAD

, ,PA NI, GOMS PA LHUR LEN BYAS PA'I 'BRAS BU NI MIN GYI, SPYIR SGOM LAM GYIS BSDUS PA YOD PAR STON PA TZAM DU ZAD DO, ,RTEN CING 'BREL PAR 'BYUNG BA'I YAN LAG BCU GNYIS NYAN THOS KYIS KYANG BSGOM PAR BYED MOD KYI, RANG SANGS RGYAS RNAMS NYAN THOS LAS DBANG PO RNO BA DANG PHYI ROL GYI DON 'GOG PA LA THOS BSAM BYAS PA'I MTHUS, GZUNG 'DZIN RDZAS THA DAD KYIS STONG PAR RTOGS PA YIN GYI, NYAN THOS KYIS NI MIN NO, ,DE DANG RJES SU MTHUN PAR BYANG CHUB SEMS DPAS KYANG SNYING PO'I DON SGOM PA'I LAM GYI RIM PA BSGOM PAR BYA BA DANG, RANG SANGS RGYAS KYI RIGS CAN RJES SU BZUNG BA'I CHED DU BSGOM PA YIN NO, ,GSUM PA LA GNYIS, SRID PA DANG ZHI BA'I MTHA' 'GOG PAR BYED PA'I MTHONG LAM BSKYED PA'I TSUL DANG, DE'I RGYUN LA GOMS PA LHUR LEN GYIS BSGOM PAR BYED PA'I TSUL LO, ,DANG PO NI SNGAR BSHAD PA'I BSGOM PA PO RTEN GYI GANG ZAG DES, 'PHAGS PA'I BDEN PA BZHI'I RNAM PA BCU DRUG BSGOM ZHING, GCIG DANG DU BRAL LA SOGS PA'I RTAGS LA BRTEN NAS SANGS RGYAS DANG DE'I CHOS NYID DON DAM PAR RTAN DANG BRTEN PA MED PAR RTOGS NAS BSGOM PA NAS BZUNG STE, BYAMS SOGS TSAD MED PA BZHI BSGOM PA DANG, SBYIN SOGS PHAR PHYIN DRUG GIS BSDUS PA'I DGE BA RDZOGS PA'I BYANG CHUB TU BSNGO BA SOGS, THABS DANG SHES RAB KYI CHA RDZOGS PAR NYAMS SU BLANG BAR BYA ZHING, SHES RAB KYI CHAS SRID PA'I MTHAR LTUNG BA 'GOG PAS DON DE NYID GOMS PAR BYAS PAS SKABS DANG PO DANG BZHI PA'I SKABS NAS BSTAN PA'I SBYOR LAM SKYE ZHING, DE LAS DE BZHIN NYID DANG SANGS RGYAS DAG ,CES SOGS KYI SKABS NAS BSTAN PA'I MTHONG LAM THOB PAR BYED DO, ,THABS

SHES RDZOGS PA NI, RNAM RDZOGS SBYOR BA'I SKABS NAS BSTAN PA SOGS GZHUNG GONG 'OG KUN GYI LAM RIM PA BSDUS PA LAS SHES PAR BYA'O, ,DA LTAR MTHONG LAM GYI RGYU'I LAM RNAMS BSGOM PAR BYA ZHING MTHONG LAM RGYUD LA BSKYED NUS PA NAM ZHIG 'ONG NA SNYAM DU SMON PAR BYA ZHING, DE'I RGYUR TSOGS GSOG PA DANG SGRIB PA SBYONG BA LA 'BAD PAR BYA'O, ,GNYIS PA NI, KUN NAS ZHI DANG THAMS CAD LA, ZHES PA'I SKABS NAS BSTAN PA LAM SGOM PA'I BYED PA DRUG SGOM LAM GYI SKABS SU SBYAR BA NI, PHAN YON KHYAD PAR CAN GYI DBANG DU BYAS PA YIN LA LAS DANG PO PA'I GNAS SKABS SU YANG LAM BSGOM PA LA SEMS LAS SU RUNG BAR SONG BA DANG, NGA RGYAL MED PAR SKYE BO GONG MA RNAMS LA 'DUD PA DANG, NYON MONGS PA SHAS CHUNG DU SONG BA DANG, MI MIN PA LA SOGS PA'I BAR CHAD PHRA MOS BRDZI MI NUS PA DANG, MTHAR BLA NA MED PA'I BYANG CHUB 'GRUB PA DANG, LAM BSGOM PA SOGS GANG NA YOD PA'I SA PHYOGS KYANG PHYAG BYA BA'I 'OS SU 'GYUR BA RNAMS SNGA MA BZHI RANG RGYUD LA YOD PAR MYONG BAS GRUB CING PHYI MA GNYIS LUNG DENG [?] RIGS PA LA BRTEN NAS 'GRUB PA YIN NO, ,LAS DANG PO PAS KYANG LAM BSGOM PA GNAD DU SONG NA DANG PO BZHI RANG RGYUD LA GONG NAS GONG DU SHES PAR 'GYUR RO, ,MOS PA RANG GI DON DANG NI, ZHES SOGS KYI SKABS NAS BSTAN PA LTAR, RANG DON DANG GZHAN DON GNYIS KA'I DON GYI 'BYUNG GNAS SU 'GYUR BA'I LAM DANG 'BRAS BU'I SHER PHYIN TSAD MAS RTOGS SHING YID CHES PA DANG, DE RANG RGYUD LA THOB DGOS SHING THOB NUS PAR YID CHES PA'I DAD PA BSKYED NAS LAM SHER PHYIN NYAMS SU BLANGS PAS BSOD NAMS RGYA CHEN PO GSOG CING SANGS RGYAS DANG BYANG CHUB SEMS DPA' RNAMS KYIS BSTOD PA DANG

, ,BKUR BA DANG BSNGAGS PA'I MNYES PA CHUNG NGU 'BRING CHEN PO GSUM THOB PA YIN NO, ,DE LTA BU'I DGE BA DES MTSON NAS DGE BA THAMS CAD YONGS SU BSNGO BA KHYAD PAR CAN DE YI BYED PA MCHOG YIN NO, ZHES PA'I SKABS NAS BSTAN PA LTAR DGE BA MI ZAD PAR BYA BA'I PHYIR RDZOGS PA'I BYANG CHUB TU BSNGO BAR BYA STE, BYED LAS MCHOG GZHAN GYI DON DU BSNGO BA DANG, STONG NYID RTOGS PA'I SHES RAB KYIS ZIN PA DANG, BSNGO BA PO RANG NYID KYANG 'DU SHES DANG SEMS DANG LTA BA PHYIN CI LOG DANG BRAL PAR BYAS SHING KHAMS GSUM DU MI BSNGO BAR SBYIN SOGS PHAR PHYIN DRUG GI THABS MKHAS KYIS ZIN PAR BYA STE, 'DUN PA DRAG POS RDZOGS PA'I BYANG CHUB KYI RGYUR BSNGOS NA DGE BA CHUNG NGU YANG RGYA CHEN PO DANG, BAR SKABS SU ZAD PAR 'GYUR BA YANG GTAN MI ZAD PAR 'GYUR BA'O, ,DES NA THABS DANG MI DMIGS PA DAG GIS, ZHES PA NAS BSTAN PA LTAR RANG GI DGE BA LA DGA' BA BSGOM PA DANG, GZHAN GYI DGE BA LA RAG LAS BLO CUNG ZAD MTHO BA YIN YANG RUNG DGE BA BYED PA PO LAS PHUL DU BYUNG BA'I DGA' BA BSGOM ZHING, CHES MCHOG TU GYUR PA'I DGE BA RNAMS LA 'DI LTA BU'I DGE BA 'JIG RTEN NA YOD PA NI SEMS CAN KUN LA PHAN PA DANG BDE BA'O, ,SNYAM DU DGA' BA DANG YID BDE BA'I RJES SU YI RANG BSGOM NA RANG RGYUD KYI DGE BA GONG NAS GONG DU 'PHEL BAR 'GYUR BAS DE LA BSLAB PAR BYA'O, ,DGE BA DE LAS 'BRAS BU RGYA CHEN PO 'BYUNG BAR YID CHES PA'I KUN RDZOB THABS KYI CHA DANG, DON DAM PAR STONG NYID RTOGS PA'I SHES RAB KYIS ZIN PAR BYA'O, ,DE NAS, DE YI NGO BO NYID MCHOG NYID, CES PA'I SKABS NAS BSTAN PA LTAR RTEN 'BYUNG SGYU MAR RTOGS PA'I NGO BO NYID, DE YANG

SBYIN SOGS LNGAS ZIN PAS MCHOG TU GYUR PA DANG, BYED PA KUN BDEN PAR ZHEN PA'I TSUL GYIS 'DU MI BYED PA DANG, BDEN STONG SPROS BRAL LA YID GTOD PAR BYA ZHING DE LTAR BYAS PAS DON CHEN PO SANGS RGYAS THOB PAR 'GYUR BA'O, ,SKABS 'DIR ZAG BCAS DANG ZAG MED KYI KHYAD PAR BSHAD PA NI 'DRES RUNG DU 'DZIN PA'I RTOG PA YOD MED YIN LA, BSGRUB PA SGOM LAM RJES THOB KYI GNAS SKABS SU BYUNG BA YANG RTAN 'BREL SGYU MA LTA BUR SNANG BA'I 'DRES RUNG 'DZIN PA'I RTOG BRAL LO, ,MNYAM GZHAG TU 'BYUNG BA RNAMS SA MTHON PO'I SKABS SU RTOGS BRAL DU 'BYUNG YANG LAS DANG PO PAS NI DE DANG RJES SU MTHUN PA'I RGYU LA BSLAB PAR BYA'O, ,SANGS RGYAS BSTEN DANG SBYIN SOGS DANG, ZHES PA'I SKABS NAS BSTAN PA LTAR LAM SGRUB PA'I 'GAL RKYEN THEG PA CHEN PO'I RIGS MED PA DANG, GROGS NGAN PA DANG, CHOS ZAB MO LA MI MOS PA DANG, DGE BA CHEN PO MI GSOG PA RNAMS SPANGS NAS, MTHUN RKYEN SANGS RGYAS KYIS BYIN GYIS BRLAB PA DANG, SBYIN SOGS RGYA CHEN PO DANG, STONG NYID ZAB MO LA MOS PA SOGS BSTEN NAS NYON MONGS PA DANG SHES BYA'I SGRIB PA DAG PAR BYED PA'I RGYU GANG ZAG DANG CHOS LA BDAG MED PA'I STONG NYID BSGOMS NAS DRI MA MTHA' DAG ZAD PAR BA LA 'BAD PAR BYA'O, ,GSUM PA LA GNYIS, RIGS DANG LDAN PA'I GANG ZAG DES SPYOD PA'I RTEN SEMS BSKYED PA'I TSUL DANG, SEMS BSKYED NAS SGRUB PA'I TSUL LO, ,DANG PO NI, SEMS BSKYED PA NI GZHAN DON PHYIR, , YANG DAG RDZOGS PA'I BYANG CHUB 'DOD, CES PAS BSTAN PA LTAR THOG MAR GZHAN DON DON GNYER GYI BLO SKYES NAS, DE'I RJES SU BYANG CHUB DON GNYER GYI BLO SBYANGS BAR BYA'O, ,DE YANG SKYES BU CHUNG 'BRING GI BSAM PA BRTAN PO LEGS PAR THOB PA DANG, RNAM KUN TU DE DAG NYID LA

, ,MNYAM SOGS, ZHES PA'I SKABS SU BSHAD PA LTAR, SEMS CAN RNAMS LA CHAGS SDANG GI RIGS SU SPYOD PA BKAG NAS MNYAM SNYOMS PA'I BTANG SNYOMS BSGOM PAR BYA STE, SEMS CAN GYI NGOS NAS BDE BA 'DOD CING DU: KHA MI 'DOD PAR KHYAD PAR MED CING, RANG GI NGOS NAS SEMS CAN KUN GNYEN DU MA GYUR PA MED PAS GANG LA CHAGS PAR BYA ZHING GANG LA SDANG BAR BYA, DE LTA BU GA LA RIGS SNYAM DU BSAM PAR BYA'O, ,DE NAS SEMS CAN THAMS CAD MAR SHES PA DANG, DE'I DRIN DRAN PA DANG, BYAS PA SHES SHING BYAS PA GZO BA'I BLO GSUM SBYANGS NAS THAMS CAD YID 'ONG GI RNAM PA CAN DU MTHONG BA'I BYAMS PA BSGOM PAR BYA'O, ,DE NAS BDE BA DANG LDAN 'DOD KYI BYAMS PA DANG, DU: KHA YIS GZIR BA BSAMS NAS, DU: KHA DANG BRAL NA SNYAM PA DANG, BRAL BAR GYUR CIG SNYAM PA'I DU: KHA DANG BRAL BAR 'DOD PA'I SNYING RJE CHEN PO BSGOM PAR BYA'O, ,DE NAS BDE BA DANG LDAN PA DANG DU: KHA DANG BRAL BA DE BDAG GIS BYA'O SNYAM PA'I LHAG BSAM RNAM PAR DAG PA BSGOM PAR BYA'O, ,DE NAS SANGS RGYAS KYI YON TAN BSAMS NAS, GZHAN DON LTA ZHOG RANG DON YONGS SU RDZOGS PA YANG SANGS RGYAS THOB PA LA RAG LAS PAR MTHONG NAS BYANG CHUB DON GNYER GYI BLO SBYANGS SHING, DE YANG GZHAN GYI DON DU THOB PAR BYA'O SNYAM PA'I SGO NAS BYANG CHUB KYI MCHOG TU SEMS BSKYED PAR BYA'O, ,DE YANG DBANG PO RTUL POS NI GNAS LUGS KYI DON MA RTOGS PAR BYANG CHUB KYI MCHOG TU SEMS BSKYED PAR BYED LA, THEG PA CHEN PO'I RIGS CAN DBANG PO RNON POS NI DE LTAR MI BYED DE BYAMS PA DANG SNYING RJE LEGS PAR SBYANGS NAS SEMS CAN GYI DON DU SANGS RGYAS THOB DGOS PAR TSAD MAS RTOGS SHING STONG PA NYID KYI DON

DANG THABS KYI CHA GZHAN YANG RTOGS TE SANGS RGYAS THOB NUS PAR MTHONG NAS SANGS RGYAS THOB PAR BYA'O SNYAM DU DAM BCA' BAR BYED KYI RGYU MTSAN YANG DAG MA MTHONG BAR DAM BCA' BAR MI BYED PAS DE'I SEMS BSKYED LA STONG PA NYID DANG SNYING RJE'I SNYING PO CAN ZHES BYA'O, ,SLOB DPON GYIS SPYIR DE LTAR GSUNGS PA NI THEG CHEN GYI RIGS CAN DBANG PO RTUL POS KYANG SNYING PO'I DON LA SOGS PA GO YUL GYI MTHA' CHOD NAS LAM SGOM PA'I DBANG DU MDZAD PA'O, ,RJE BTZUN GYIS SEMS BSKYED LA 'DOD PA'I MING GIS BTAGS PA NI LAM GYI RIM PA LA NGES PA BSKYED PA LA GNAD SHIN TU CHEN PO YOD DE, 'DOD PA LA GZHAN DON DON GNYER GYI 'DUN PA DANG, BYANG CHUB DON GNYER GYI 'DUN PA'O, ,DANG PO'I MING GIS BTAGS NAS BSTAN PA'I DGOS PA NI, SEMS CAN THAMS CAD DU: KHA DANG BRAL 'DOD KYI SNYING RJE CHEN PO YOD NA NGES PAR BYANG CHUB KYI MCHOG TU SEMS BSKYED PAR 'GYUR LA, DE LA BRTEN NAS SBYIN PA LA SOGS PA'I PHA ROL TU PHYIN PA'I SPYOD PA YONGS SU RDZOGS PA NYAMS SU MA BLANGS BAR SANGS RGYAS THOB MI NUS PAR MTHONG NAS SPYOD PA NYAMS SU LEN PAR BYED PAS DE LA DGONGS NAS SLOB DPON GYIS DGE BA'I CHOS LA 'DUN PA'I MTSAN NYID DON DU GNYER BA YOD NA BYANG CHUB KYI SEMS BSKYED PA'I RGYUS 'BRAS BU BSTAN NAS DGE BA'I CHOS THAMS CAD 'PHEL BAR 'GYUR RO ZHES SHES PAR BYA BA'I PHYIR NYE BAR BTAGS PAS GSUNGS SO, ,MDO LAS CHOS GCIG LAG TU MCHIS NA SANGS RGYAS KYI CHOS THAMS CAD LAG TU MCHIS PAR 'GYUR RO GCIG PO GANG ZHE NA SNYING RJE CHEN PO'I ZHES GSUNGS PA LTAR SNYING RJE CHEN PO THEG PA CHEN PO'I LAM GYI THOG MTHA' BAR GSUM DU GAL CHE BA YIN TE, BYANG CHUB KYI MCHOG TU SEMS BSKYED PA THOG MAR

, ,SKYE BA YANG SNYING RJE LA RAG LAS SHING, SEMS BSKYED PA NYI SHU RTZA GNYIS GONG NAS GONG DU 'PHEL BA DANG, GNAS PA DANG MTHAR THUG PAR 'GYUR PA YANG SNYING RJE LA RAG LAS PAS SO, ,DE LA DGONGS NAS SEMS BSKYED LA 'DOD PA'I MING GIS BTAGS PA'O,, DBU MA LA 'JUG PA LAS KYANG, GANG PHYIR BRTZE NYID RGYAL BA'I LO THOG PHUN TSOGS 'DI'I, ,SA BON DANG NI SPEL LA CHU 'DRA YUN RING DU, ,LONGS SPYOD GNAS LA SMIN PA LTA BUR 'DOD GYUR BA, ZHES BSHAD DO, ,SNYING RJE DE YANG RNAM PA GSUM STE, SEMS CAN TZAM LA DMIGS NAS DU: KHA DANG BRAL BAR 'DOD PA SEMS CAN LA DMIGS PA'I SNYING RJE DANG, SKAD CIG GIS SKYE 'GAG BYED PA'I PHUNG PO CHOS TZAM LA SEMS CAN DU BTAGS PA DMIGS PA DANG, BDEN STONG SGYU MA LTA BU'I SEMS CAN LA DMIGS NAS DU: KHA DANG BRAL BAR 'DOD PA CHOS LA DMIGS PA DANG, DMIGS PA MED PA LA DMIGS PA'I SNYING RJE ZHES BYA'O, ,BYANG CHUB DON GYI 'DOD PA'I MING GIS BTAGS PA'I DGOS PA NI, SLOB DPON GYIS BYANG CHUB SEMS DPA' RNAMS LA, SMON LAM DANG LDAN PA'I SEMS DE SKYE'O ZHES SHES PAR BYA BA'I PHYIR CES GSUNGS PAS BYANG CHUB SEMS DPA' LA SEMS BSKYED DE YOD PAR BSTAN PA TZAM DOGS PA'I GNAS CHUNG BAS RANG NYID BYANG CHUB SEMS DPAR KHAS 'CHE BA LA NI SNGAR BSHAD PA'I SNYING RJE CHEN POS DRANGS PA'I BYANG CHUB KYI SEMS BCOS MA MA YIN PA YOD NA, BYANG CHUB SEMS DPA' YANG BCOS MA YIN PA GCIG YONG LA DE TSIG TZAM DU SONG NA BYANG CHUB SEMS DPA' YANG DE DANG 'DRA BAS GSANG SNGAGS DANG PHAR PHYIN GYI SGO GANG DU 'JUG KYANG THEG PA CHEN POR 'JUG PA'I SGO NI SEMS BSKYED LA RAG LAS PAR SHES

PA'I CHED DU 'DOD PA'I MING GIS BTAGS PA YIN NO, ,THEG CHEN SEMS BSKYED KYI DMIGS PA YONGS SU RDZOGS PA NI RANG GI THOB BYA RDZOGS PA'I BYANG CHUB DANG, GZHAN RGYUD KYI SDUG BSNGAL MTHA' DAG DANG BRAL BA DANG, BDE BA MTHA' DAG DANG LDAN PA GNYIS YIN PAR SHES PAR BYA STE, DE YANG, DE DANG DE NI MDO BZHIN DU, ZHES PA'I DON SLOB DPON GYIS STONG PHRAG NYI SHU LNGA PA'I MDO'I DON DANG MI 'GAL ZHING, DE DANG MTHUN PA DE JI LTA BA BZHIN DU SHES PAR BYA BAR GSUNGS SO, ,DE YANG SA GSER ZLA BA ME, ZHES PA'I SKABS NAS BSTAN PA LTAR LAM GONG MA RGYUD LA MA SKYES KYANG DE'I SKABS SU BSTAN PA'I YON TAN RNAMS SMON PA TSUN CHOD KYIS BSGOM PAR BYA STE, DE YANG BYANG CHUB DON GNYER GYI 'DUN PA GZHIR BYAS NAS SEMS CAN THAMS CAD LA PHUGS SU PHAN PA DANG PHRAL DU BDE BA'I BSAM PA SBYONG ZHING LUS LONGS SPYOD DGE RTZA THAMS CAD SEMS CAN LA GTONG BA'I BSAM PA SBYONG BA SOGS PHAR PHYIN DRUG LDAN DU YID LA BYED PA DANG, MKHYEN PA GSUM GYI RNAM PA ZHI LHAG ZUNG 'BREL GYI SBYOR BAS BSGOM PA SOGS TSOGS LAM GSUM DANG, SBYOR LAM GYI SEMS BSKYED KYI GROGS SU BSTAN PA RNAMS DANG, GNANG BA THOB PAS BSDUS PA'I PHAR PHYIN BCU LA SOGS PA SMON PA'I YUL DU BYA'O, ,MING GI SGO NAS BCU DGUR PHYE BA YIN GYI, RJES SU NI PHAR PHYIN THAM BZHI SHES RAB KYI PHA ROL TU PHYIN PA'I NANG DU 'DUS PA YIN, SHER PHYIN DE NYID PHAR PHYIN DRUG GIS BSDUS PA'I DGE BA RNAMS RDZOGS PA'I BYANG CHUB TU BSNGO BA'I THABS LA MKHAS PA'I SHES RAB KYIS DGE BA MI ZAD PAR BYED PA DANG, SMON LAM CHEN PO 'BUM PHRAG GRANGS MED PA BCU LA SOGS PAS SKYE BA KUN TU PHAR PHYIN DRUG GI DGE BA LA SPYOD PA SHES PA'I SHES PA'I SHES RAB LA RAG [?]

, ,LAS PA'I DGE BA RGYA CHEN PO GOMS PAR BYED CING, LHAN CIG SKYES PA'I BRTZON 'GRUS DANG TING NGE 'DZIN BRTAN PA DANG LDAN PAS SGOM PA'I STOBS DANG, SO SOR RTOGS PA'I STOBS THOB NAS MI MTHUN PA'I PHYOGS ZIL GYIS GNON PA'I SHES RAB DANG, THEG PA CHEN PO'I MDO'I DGONGS PA JI LTA BA BZHIN DANG, SGRA JI LTAR SHES PA'I CHA SHAS KYI PHYE NAS RNAM PA BZHIR BZHAG PA YIN NO, ,SLOB DPON AA BHY'A KA RAS SEMS BSKYED PA NYI SHU RTZA GCIG SPYOD PA'I RTEN DANG 'BRAS BU CI RIGS SU BZHAG NAS THEG PA CHEN PO'I LAM GYI RIM PA RDZOGS PA'I RNAM GZHAG MDZAD PA NI LEGS PAR BSHAD PA YIN PAR RJE THAMS CAD MKHYEN PA NYID KYANG BZHED PAS DE'I DON SHES PAR 'DOD NA THUB PA DGONGS RGYAN DU BLTA BAR BYA'O, ,RGYAL BA'I SRAS PO SENGGE BZANG POS RJE BTZUN GYI SEMS BSKYED DANG 'PHRIN LAS KYI SKABS SU LAM GYI RIM PA TSANG BAR BSTAN PA LTAR, BAR GYI TSIG DON RE BRGYAD PO KUN LA YANG SBYAR BAR BYA BAR GSUNGS LA, ZLOS PA'I NYES PA CUNG ZAD KYANG MED PAR KHONG DU CHUD PAR BYA STE YUM RGYAS PA SOGS LAS MING GI RNAM GRANGS DU MA BSTAN PA SOGS 'DIR SBYAR NA HA CANG MANGS SU DOGS NAS BAR GYI TSIG DON RNAMS LA, MNGON PAR RTOGS PA RANG GI NGO BO NGES PA'I YAN LAG TZAM ZHIG SBYAR BA MDZAD PAS MNGON PAR RTOGS PA BRGYAD DU DNGOS SU BSTAN PAS KYANG THEG PA CHEN PO'I LAM DANG 'BRAS BU'I NGO BO DANG GRANGS DANG, GO RIMS NGES PA LEGS PAR RTOGS NUS LA, 'DIR DNGOS SU BSTAN PA'I MING GI RNAM GRANGS SOGS KYANG MTHA' YAS SO, ,GNYIS PA LA GSUM, SGRUB PA NYAMS SU LEN PA'I THABS STON PA'I GDAMS NGAG MDOR BSDUS TE BSTAN PA DANG, TSOGS LAM DU GDAMS NGAG

GI DON NYAMS SU BLANGS PAS SGOM BYUNG GI SGRUB PA SKYE BA'I TSUL DANG, RIGS NAS BZUNG STE JI LTAR NYAMS SU LEN PA'I TSUL LO, ,DANG PO NI MCHOG GCIG SPRUL PA'I SKU LA SOGS PA THEG PA CHEN PO'I DGE BA'I BSHES GNYEN GYIS RJES SU BZUNG BA DES, SGRUB DANG BDEN PA RNAMS DANG NI, ZHES PA'I SKABS NAS BSTAN PA LTAR SANGS RGYAS DKON MCHOG DANG, THEG PA CHEN PO'I 'GOG LAM GYIS BSDUS PA'I THEG PA CHEN PO'I CHOS DKON MCHOG DANG, DBANG PO RTUL DANG RNON PO DAG ,CES PA'I SKABS NAS BSTAN PA'I 'PHAGS PA PHYIR MI LDOG PA'I DGE 'DUN RNAMS LA SKYABS SU 'GRO BA SNGON DU BTANG NAS 'KHOR BAR 'JUG LDOG GIS BSDUS PA'I BDEN PA BZHI LA DMIGS TE, SNYING RJE CHEN PO SOGS RGYA CHE BA'I LAM GYI RIM PA DANG STONG NYID RTOGS PA'I ZAB MO'I LAM GYI RIM PA NYAMS SU LEN CING SGRUB PA PHYOGS RE LA ZHEN PA DANG, SGRUB PA RGYA CHEN PO NYAMS SU LEN PAS NGAL BA DANG, LAM DMAN PA GZHAN LA 'JUG PA THEG PA CHEN PO RDZOGS PAR NYAMS SU LEN PA'I 'GAL RKYEN LE LO GSUM SPANGS TE, RANG NYID SPRO BAS DRANGS NAS SGRUB PA LA RANG DBANG [?] DU 'JUG PA'I RGYU SPYAN LNGA DANG, TSOGS MYUR DU RDZOGS PA'I THABS MNGON SHES DRUG BSGRUB NAS SGRIB GNYIS KUN BTAGS DANG LHAN SKYES 'JOMS PA'I GNYEN PO MTHONG SGOM GYI LAM BSGRUB PA LA 'BAD PAR BYA'O, ,'DI DAG KYANG GNAS LUGS RTOGS PA'I SHES RAB KYIS ZIN PA'I SGO NAS NYAMS SU BLANG BAR BYA LA 'DIR BSTAN PA'I LAM GYIS THEG PA CHEN PO'I LAM MTHA' DAG BSDUS PAS SLOB DPON GYIS 'DI TZAM KHO NAS ZHES GSUNGS SO, ,'O NA SKABS GZHAN DU BSTAN MI DGOS PAR 'GYUR SNYAM PA NI, SGRA RTOG SEL BAS

, ,'JUG PA'I RNAM DBYE MA PHYED PA'O, ,GNYIS PA NI, TSOGS LAM PHAL PA NAS BZUNG STE, KHYAD PAR CAN CHUNG 'BRING GNYIS DANG, KHYAD PAR DU CHEN PO'I SKABS SU CHOS RGYUN GYI TING NGE 'DZIN LA BRTEN NAS, GDAMS NGAG NYAMS SU BLANGS PAS STONG PA NYID LA DMIGS PA'I BSGOM PA LAS BYUNG BA'I SHES RAB KHYAD CHOS LNGA'AM DRUG GIS KHYAD PAR 'PHAGS PA'I NGES 'BYED KYI YAN LAG SKYE BAR 'GYUR RO, ,DE YANG DMIGS PA'I KHYAD PAR MI RTAG SOGS BCU DRUG LA DMIGS PA DANG, RNAM PA'I KHYAD PAR GTZO BO STONG NYID RTOGS PA'I GZUNG RNAM CAN DANG, 'BRAS BU KHYAD PAR CAN GYI RGYU NUS PA MTHU CAN YIN PAS KHYAD PAR 'PHAGS PA DANG, YONGS 'DZIN GYI KHYAD PAR DANG, GZUNG 'DZIN BDEN PAR ZHEN PA'I RNAM RTOG 'JOMS PA'I NUS PA KHYAD PAR CAN DANG, LAM GYI RIGS YONGS SU RDZOGS PA GONG NAS GONG DU 'PHEL BA'I CHE 'BRING GI KHYAD PAR MDOR BSDUS PA, DMIGS PA DANG NI RNAM PA DANG, ZHES PA'I SKABS NAS BSTAN PA DANG, RGYAS PAR DMIGS PA MI RTAG LA SOGS PA, ZHES SOGS KYIS BSTAN TE, DROD CHUNG NGU'I DMIGS RNAM GYI KHYAD PAR MI RTAG SOGS BCU DRUG DANG DE DAG BDEN STONG DU RTOGS PA DANG, 'BRING GIS GZUGS SOGS DON DAM PAR SKYE 'JIG DANG BRAL BA DANG, GNAS BYAR YOD MED BDEN STONG DU RTOGS PA DANG, CHEN PO'I GZUGS SOGS BTAGS PA TZAM DANG DON DAM PAR BRJOD BRAL DU RTOGS PA SOGS BCU GNYIS SO, ,NGO BO RGYU 'BRAS DANG CHOS NYID KYI RNAM PA'I SGO NAS DMIGS PA'I TSUL SHES PAR BYAS NAS TSOGS KYI LAM PHAL PA LA GNAS PA'I LAS DANG PO BAS KYANG JI LTA BA BZHIN DU NYAMS SU BLANG BAR BYA STE, THOG MAR SNGAR BSHAD PA LTAR MI RTAG SOGS

BCU DRUG RTOGS NAS NYAMS SU BLANG BAR BYA ZHING, DE NAS DE YANG KHYAD PAR GYI GZHIR BYAS NAS GCIG DANG DU BRAL GYI RTAGS LA BRTEN NAS BDEN STONG DU RTOGS TE NYAMS SU BLANG PAR BYA'O, ,GZHI DANG DE YI GNYEN PO YI, ZHES SOGS KYI SKABS NAS NUS PA'I KHYAD PAR BSHAD DE, DE YANG GZUNG 'DZIN BDEN PAR ZHEN PA'I RTOG PA SO DRUG BDEN STONG RTOGS PA'I SHES RAB KYI SGO NAS LAS DANG PO PAS KYANG 'BAD PAS SPANG BAR BYA'O, ,SEMS MI 'GONG BA NYID LA SOGS, ZHES PA'I SKABS NAS BSTAN PA LTAR SANGS RGYAS KYIS DNGOS SU RJES SU 'DZIN PAR SMON LAM GDAB PAR BYA ZHING, DANG POR NI, THEG PA CHEN PO'I LAM GYI RIM PA BRDA SPROD PA LA MKHAS PA'I DGE BA'I BSHES GNYEN BSTEN PAR BYA'O, ,GSUM PA LA GNYIS, RIGS SAD PA'I GANG ZAG DES DMIGS PA GANG LA DMIGS NAS CHED DU BYA BA GANG GI DON DU SGRUB PA BYED PA DANG, ,SGRUB PA RANG GI NGO BO NGOS BZUNG NAS JI LTAR BSKYED PA'I RIM PA BSHAD PA'O, ,DANG PO LA GSUM, SGRUB PA'I RTEN DANG, DMIGS PA DANG, CHED DU BYA BA BSHAD PA'O, ,DANG PO NI, RTOG PA YI NI CHOS DRUG DANG, ZHES PA'I SKABS NAS BSTAN PA NI, SGRUB PA KHYAD PAR CAN RTOGS PA'I CHOS DRUG LA SOGS PA DNGOS SU BSTAN PA'I RIGS BSTAN PA YIN GYI DE'I SNGA ROL TU RIGS SAD PAR BYED PA'I THABS KYIS GDUL BYA BKRI BAR BYA STE, DE YANG THEG PA CHEN PO'I CHOS RGYA CHEN PO BSTAN NAS DE LA THOS PA DANG, BSAM PA'I SGO NAS DAD PA DANG MOS PA DRAG PO SKYES NA THEG PA CHEN PO'I RIGS CAN DU SHES PAR BYA STE, DE NAS SNGAR BSHAD PA'I RIM PAS THEG PA CHEN PO'I SEMS BSKYED PAR BYA ZHING LAM GYI PHYOGS RE LA MYONG BA SKYES KYANG LAM GYI RIGS MTHA' DAG LA MYONG BA MA SKYES PAR GO YUL

, ,GYI SGO NAS MTHA' CHOD PA TZAM DU ZAD PA DE'I TSE YANG, THEG PA CHEN PO'I TSOGS KYI LAM PHAL CHER LA GNAS PA YIN LA, MYONG BA SKYES PA DE'I TSE TSOGS LAM KHYAD PAR CAN THOB CES BYA'O, ,'DIR NI 'BRAS BU RGYU RTOGS PAR BYED PA'I DBANG DU BYAS PA DANG, RIGS KYI NYES DMIGS BZHI DANG BRAL BAR NAS RANG BZHIN RNAM DAG GI RIGS SGOM BYANG GIS KHONG DU CHUD PA'I SKABS NAS BZUNG STE BSTAN PA YANG CHOGS LAM GYI GNAS SKABS SU RIGS KYI NYES DMIGS SBYONG BA'I SKABS GTZO CHE BA LA DGONGS SO, ,RIGS NAS 'KHRID PAR BYED PA'I TSUL NI, NYAN SA DANG BYANG SA NAS BSHAD PA LTAR SHES PAR BYA'O, ,GNYIS PA DMIGS PA NYI TSE BA LA DMIGS NA RTOGS PA YANG NYI TSE BAR 'GYUR BAS, DMIGS PA CHOS RNAMS THAMS CAD DE, ZHES BSHAD PA LTAR SHES BYA'I CHOS RNAMS LA BLANG BYA DANG, DOR BYA DANG, BTANG SNYOMS SU BZHAG BYA GSUM DU BSDUS NAS DMIGS PAR BYA LA, DE YANG BLANG BYA DGE BA NAS BZUNG STE, BYE BRAG TU PHYE NAS DMIGS PAR BYA STE, DMIGS PA RGYA CHE BAS BSGRUB PA RGYA CHE BA'I PHYIR RO, ,GSUM PA NI, SEMS CAN KUN MCHOG NYID SEMS DANG, ZHES PA'I SKABS NAS BSTAN PA LTAR, CHEN PO GSUM GYI CHED DU BYA BA SGRUB PAR BYA BA YIN TE, DE YANG RANG RGYUD LA THOB PAR BYA BA SGRUB PA'I CHED DU BYA BA YIN GYI, SEMS BSKYED KYI CHED DU BYA BA NI, 'PHRIN LAS KYI SKABS NAS BSTAN PA LTAR SHES PAR BYA'O, , GNYIS PA LA BZHI, BSAM PA RGYA CHE BA'I TSUL DANG, DE LAS SBYOR BA RGYA CHEN PO 'BYUNG BA'I TSUL DANG, DE LAS TSOGS RGYA CHEN PO 'BYUNG BA'I TSUL DANG, DE LAS TSOGS RGYA CHEN PO RDZOGS PAR BYED PA'I TSUL DANG, DE LAS RNAM MKHYEN DU GDON MI ZA BAR NGES PAR 'BYUNG BA'I

TSUL LO, ,DANG PO NI THEG PA CHEN PO'I BSGRUB PA LA MKHYEN GSUM YUL GYI SGRUB PA DANG, ,SBYOR BA BYE BRAG GI SGRUB PA GNYIS SU PHYE BA NI, SGRA'I STON TSUL GYI KHYAD PAR YIN GYI, DON 'GAL BA MIN TE, SBYOR BA BYE BRAG GI SGRUB PA YIN NA NI MKHYEN PA'I RNAM PA YUL DU BYAS NAS SGOM PA'I SGRUB PA YIN PAS KHYAB PA'I SPYI BYE BRAG YIN GYI, SBYIN SOGS PHAR PHYIN DRUG GIS ZIN PA DANG, MA ZIN PA'I KHYAD PAR DANG, THOS BSAM GTZO BOR GYUR PA DANG, SGOM BYUNG GTZO BOR GYUR PA'I KHYAD PAR 'BYED PA NI DON LA ZHIB TU MA DPYAD CING, SGRA SEL BAS 'JUG PA'I KHYAD PAR MA SHES PA YIN PAS LEGS PAR BSHAD PA MIN NO, ,DE LA SKABS DANG PO GSUM NI, MKHYEN PA GSUM GYI RNAM PA SO SOR NGES PAR BSGOM PAR BYA BAR SPYIR BSTAN PA YIN GYI, SKABS DER YANG PHAR PHYIN DRUG LDAN DANG ZHI LHAG ZUNG 'BREL GYI SBYOR BA BSGOM PAR BYA BA'I TSUL GYIS MA BSTAN LA, GO CHA'I SGRUB PA NI BSGOM BYA YUL GYI RNAM PA'I SGO NAS BSTAN PA YIN GYI, SGOM TSUL SBYOR BA'I SGO NAS BSTAN PA MA YIN NO, ,SKABS 'OG MA BZHI RE RE ZHING PHAR PHYIN DRUG LDAN DANG, SBYOR BAS BSGOM PAR BYA BAR BSTAN TE, SKABS BZHI PAR, SBYIN DANG TSUL KHRIMS SOGS SPYOD PAS, ZHES PA DANG, SBYIN PA LA SOGS RE RE NI, ZHES DANG, DRUG PAR, SBYIN PA SHES RAB BAR DAG DANG, ZHES PHAR PHYIN DRUG LDAN DANG, SBYOR BAS BSGOM PAR BYA BAR BSTAN TO, ,DE LA GO CHA'I SGRUB PA NYAMS SU LEN PA'I TSUL NI, THEG PA CHEN PO'I LAM GYI NYAMS LEN RGYA CHEN PO LAG TU LEN PA LA BSAM PA RGYA CHEN PO SNGON DU 'GRO DGOS PAR SHES PA'I CHED YIN NO, ,CHOS DANG ZANG ZING DANG MI 'JIGS PA'I SBYIN PA GANG RUNG ZHIG BYED PA NA YANG, RANG NYID 'BA'

, ,ZHIG GI CHED DU THAR PA DON DU GNYER BA'I YID BYED SDOM PA'I TSUL KHRIMS DANG, SBYIN PA GTONG BA LA BSHAM PA DANG BCO BA SOGS BZOD PA DANG, SBYIN PA GTONG BA LA BRTZON 'GRUS RTZOM PA DANG, THEG PA DMAN PA DANG MA 'DRES PA'I SEMS RTZE GCIG PA'I BSAM GTAN DANG, SBYIN PA GTONG BA'I 'KHOR GSUM BDEN STONG SGYU MA LTA BU RTOGS PA'I SHES RAB KYIS ZIN PA'I SGO NAS NYAMS SU BLANG BAR BYA'O, ,DE BZHIN DU TSUL KHRIMS BSRUNG BA SOGS DGE BA SNA GCIG YAN CHAD PHAR PHYIN DRUG GI BSAM PAS ZIN PAR BYA STE, SER SNA DANG, 'CHAL PA'I TSUL KHRIMS SOGS, MI MTHUN PHYOGS KYI MDA' MTSON GYIS MI PHIGS PAR BYA BA'I PHYIR YIN NO, ,LUS DANG LONGS SPYOD DANG, DGE RTZA GZHAN LA GTONG BA YANG, BSLAB BSDUS LAS BSHAD PA LTAR, BTANG SRUNG DAG SPEL GZHI SUM CU GNYIS DANG LDAN PAR BYA'O, ,'DIR NI, DE DAG SO SOR SBYIN LA SOGS, ZHES SOGS MDOR BSDUS NAS BSTAN TO, ,GNYIS PA NI BSAM PA RGYA CHE BA LA BRTEN NAS SBYOR BA NYAMS LEN RGYA CHEN PO LA 'JUG PA NI, BSAM GTAN GZUGS MED SBYIN SOGS DANG, ZHES SOGS KYIS BSTAN TE, THEG PA CHEN PO'I LAM RGYU 'BRAS GNYIS LAS, 'BRAS BU RNAM MKHYEN LA 'JUG PA DANG, RGYU LA RANG GZHAN GNYIS KA'I DON DU 'JIG RTEN PA'I LAM BSGOM PA DANG, 'JIG RTEN LAS 'DAS PA'I LAM LA RANG RGYUD KYI SANGS RGYAS KYI CHOS YONGS SU RDZOGS PAR BYED CING MI MTHUN PHYOGS 'JOMS PAR BYED PA'I PHAR PHYIN DANG, MTHONG BA LA SOGS PA'I LAM LA 'JUG PA DANG, GZHAN DON SGRUB BYED TSAD MED BZHI BSGOM ZHING, DE YANG DMIGS MED KYI SHES RAB KYIS ZIN PA DANG, THEG PA DMAN PA

LAS 'BYED PAR BYED PA 'KHOR GSUM DU MI RTOG CING CHEN PO GSUM GYI CHED DU LAM LA 'JUG PA DANG, MTHU KHYAD PAR CAN MNGON PAR SHES PA BSGRUB PA LA 'JUG PA'O, ,GSUM PA LA GNYIS, SPYIR BSTAN PA DANG, SO SOR BSHAD PA'O, ,DANG PO NI, BSAM PA RGYA CHEN PO SNGON DU SONG BA LAS, SBYOR BA RGYA CHEN PO 'BYUNG LA DE LAS BSOD NAMS DANG, YE SHES KYI TSOGS RGYA CHEN PO 'BYUNG STE, DE NI, BRTZE DANG SBYIN LA SOGS PA DRUG ,CES SOGS KYIS BSTAN TO, ,SPYOD PA DANG SPYOD PA'I RTEN PHAR PHYIN DRUG DANG SNYING RJE CHEN PO DANG, LAM GYI NGO BO MNYAM GZHAG DANG, RJES THOB KYIS BSDUS PA ZHI LHAG YA SO SO BA DANG ZUNG DU 'BREL BA GSUM DANG, RJES THOB THABS LA MKHAS PA'I KHYAD PAR DANG, NYE BAR STON PA'I RGYU YE SHES DANG, BSOD NAMS KYI TSOGS DANG SGRIB PA SPONG ZHING RTOGS PA 'DZIN PAR BYED PA LAM DANG GZUNGS KYI TSOGS GSOG DANG, YON TAN GYI GO 'BYED CING SGRIB PA'I SA BON GYI GO SKABS 'GOG PAR BYED PAS DANG, GNYEN PO'I TSOGS RNAMS KYIS KUN RDZOB KYI BDEN PA LA BRTEN PA'I LAM GYI RIM PA DANG, DON DAM PA LA BRTEN PA'I LAM GYI RIM PA MA LUS PA BSDUS PA BYANG CHUB CHEN PO THOB PAR BYED PA'I RGYU TSOGS PA STE, LAS DANG PO PAS KYANG BSAM PA DANG SBYOR BA CI RIGS PA'I SGO NAS RDZOGS PAR NYAMS SU BLANG BAR BYA'O, ,GNYIS PA NI YE SHES NYI SHU LAS DANG PO PA'I SA NAS SANGS RGYAS KYI SA'I BAR LA RIM GYIS SKYE BA YIN YANG LAS DANG PO PAS KYANG, NANG DANG PHYI LA SOGS PA GCIG DU BRAL GYI RTAGS LA BRTEN NAS BDEN STONG DU RTOGS PAR BYAS NAS, YUL STONG PA NYID NYI SHU, RJES THOB DAG GIS KHONGS SU CHUD PA'I DON DE NYID YANG DANG YANG DU YID LA BYA'O, ,STONG NYID BCU DRUG RGYAS PAR BSHAD PA YANG

, ,STONG NYID THA MA BZHIR 'DUS TE, CHOS CAN STONG GZHIR BYAS PA RNAMS NI DNGOS PO DANG DNGOS PO MED PA STONG PA NYID DU 'DUS LA, CHOS NYID STONG GZHIR BYAS PA RNAMS NI RANG GI NGO BO DANG GZHAN GYI NGO BO STONG PA NYID GNYIS SU 'DUS SO, ,DE GNYIS KYANG, CHOS NYID BDEN PAR GRUB PA MA SNYAM PA DANG, BYED PA PO GZHAN GYIS BYAS SAM SNYAM DU DOGS PA DGAG PA'I CHED DU GNYIS SU PHYE BA TZAM DU ZAD DO, ,'GREL CHEN NA RTOGS PAR DKA' BA'I GNAS YOD PA NI 'GREL PA DON GSAL GYI TSIG BSHAD PA'I SKABS SU BSTAN ZIN TO,, YONGS SU SBYONG BA RNAM BCU YIS, ZHES SOGS KYIS SA'I YONGS SBYONGS RGYAS PAR BSHAD DE, DE LA SLOB DPON GYIS 'GREL CHEN DU, SA DANG PO'I SKAD CIG DANG PO MTHONG LAM DANG, SKAD CIG GNYIS PA NAS BZUNG STE RDO RJE LTA BU'I TING NGE 'DZIN GYIS BSDUS PA'I BAR CHAD MED PA'I LAM GYI BAR NI SGOM PA'I LAM DANG, DES SPANG BYA GZUNG 'DZIN GYI RNAM PAR RTOG PA BRGYA RTZA BRGYAD SPONG BA'I TSUL NI, RTZE SBYOR GYI SKABS SU BSTAN LA, 'DIR NI NYON MONGS SPONG TSUL BSTAN TE, DE LA LTA BA LNGA DANG, LTA MIN LNGA, 'DOD PA'I KHAMS KYI SAS BSDUS PA BDEN PA BZHI LA LOG PAR ZHUGS PA'I DBYE BAS BZHI BCU DANG, GZUGS DANG GZUGS MED KYI SAS BSDUS PA BDEN PA BZHI MTHONG BAS SPANG BAR BYA BA KHONG KHRO BRGYAD POR BAS BDUN CU RTZA GNYIS TE, BSDOM NA MTHONG SPANG BRGYA DANG BCU GNYIS SO, ,THEG PA CHEN PO'I MTHONG LAM DU: KHA LA CHOS BZOD KYIS SPONG STE, 'GREL CHEN DU BDEN PA RNAMS KYI MNGON PAR RTOGS PA NI GCIG PA'I PHYIR RO, ,ZHES BSHAD DO, ,JI LTAR SPONG BA'I TSUL NI, TSIG DON BSHAD PA DANG, THEG PA CHEN PO RGYUD BLA MA'I BSTAN BCOS KYI RNAM BSHAD DU

BSHAD ZIN TO, ,SGOM SPANG NYON MONGS 'DOD CHAGS DANG ZHE SDANG DANG, NGA RGYAL DANG, MA RIG PA DANG, 'JIG LTA DANG, MTHAR 'DZIN GYI LTA BA LHAN SKYES DRUG 'DOD PA NA DRUG DANG, GZUGS DANG GZUGS MED NA KHONG KHRO BOR BAS BCU STE, BCU DRUG SGOM LAM GYIS BSDUS PA'I SA BCUS RIM GYIS SPONG BAR BYED PA YIN NO, ,DMAN PA'I LAM SNGON DU MA SONG BAS NI SA BCU PA'I BAR GYI NYON SGRIB KYI SA BON YANG SPONG BAS, SA BRGYAD PA'I BAR NYON SGRIB ZAD PAR SPONG BA'I SHING RTA CHEN PO GZHAN GYI BZHED PA DANG MI MTHUN PAR, SLOB DPON GYIS MNGON PA KUN LAS BTUS LTAR MDZAD DO, ,SA DANG PO NI YONGS SBYONG GI CHOS RNAMS KYIS KYANG LAM SPYI'I NYAMS SU LEN TSUL RDZOGS PA ZHIG STON TE, SANGS RGYAS KYI SKU YID LA BYED PA DANG MI 'BRAL BA'I SKYABS 'GRO KHYAD PAR CAN DANG, DGE BA'I BSHES GNYEN GZUGS SKU RNAM PA GNYIS LA BRTEN NAS MNYES PAR BYED PA DANG, RTAG TU RAB TU BYUNG BA LA MNGON PAR DGA' BA DANG, DAM PA'I CHOS KYI DMIGS PA RAB TU RGYAS PA'I SDE SNOD LA SOGS PA MA LUS PA TSOL BA DANG, SANGS RGYAS THOB 'DOD KYI BSAM PAS DGE BA'I CHOS MTHA' DAG BSGRUB PA DANG, GZHAN DON DU THEG PA CHEN PO'I CHOS MA LUS PA 'DZIN PA DANG, TSAD MED BZHI BSGOM PA DANG, SKABS 'DIR SBYIN PA'I PHAR PHYIN LHAG PAR GYUR PAS STONG NYID MNGON SUM DU RTOGS PA'I SHES RAB KYIS ZIN PA'I SGO NAS LUS DANG LONGS SPYOD SOGS BDOG PA THAMS CAD GTONG BA LA, SER SNA'I KUN 'DZIN CUNG ZAD MED PA DANG, GZHAN LA GSUNG RAB YAN LAG BCU GNYIS KYI TSIG DON MTHA' DAG STON PA DANG, KHAS BLANGS SHING DAM BCAS PA MTHAR PHYIN PAR BYED PA'O, ,LAS DANG PO PAS KYANG, SANGS RGYAS DANG DNGOS SU MA PHRAD KYANG SKYABS SU 'GRO BA DANG,

, ,THEG PA CHEN PO'I DGE BA'I BSHES GNYEN BSTEN PA SOGS 'DIR BSTAN PA'I LAM GYI RIGS RDZOGS PAR NYAMS SU BLANG BAR BYA'O, ,SA GZHAN RNAMS KYI YONGS SBYONG GI CHOS KYANG CI RIGS PAR SHES PAR BYA'O, ,MTHONG DANG SGOM PA'I LAM DAG LA, ZHES SOGS KYIS GZUNG 'DZIN GYI RNAM RTOG 'JOMS PA'I GNYEN PO'I TSOGS MDOR BSDUS TE BSTAN PA YIN GYI, RGYAS PAR RTZE MO'I SBYOR BA'I SKABS NAS SHES PAR BYA'O, ,BZHI PA NI, DE LTAR BYANG CHUB CHEN PO THOB PA'I RGYU TSOGS YONGS SU RDZOGS PA LAS NGES PAR 'BYUNG BA, RGYU MTHAR THUG PA RDO RJE LTA BU'I TING NGE 'DZIN DANG, 'BRAS BU RNAM MKHYEN DU GDON MI ZA BAR NGES PAR 'BYUNG BAS, DER NGES PAR 'BYUNG BA'I SGRUB PA YUL GYI SGO NAS PHYE BA BRGYAD, CHED DU BYA DANG MNYAM NYID DANG, ZHES SOGS KYIS BSTAN PA LTAR MTSAN NYID SHES PAR BYAS NAS SMON LAM TSUN CHOD KYIS YID GYI YUL DU BSGOM PAR BYA ZHING, RTOGS PA'I RIGS RNAMS NI, DA LTA NYID NAS NYAMS SU BLANG BAR BYA'O, ,DA NI SPYI'I DON BSDU BA BRJOD PAR BYA STE, RNAM MKHYEN MTSON PAR BYED PA'I CHOS BCUS RNAM MKHYEN DE YUL GYIS YUL CAN MTSON PA'I TSUL GYIS GO BAR BYED DE, DE YANG 'GREL CHEN DU, RNAM PA THAMS CAD MKHYEN PA NYID KHO NA SEMS BSKYED PA LA SOGS PA'I RANG BZHIN RGYU DANG 'BRAS BU'I BDAG NYID KYI SGO NAS 'DIR YANG NAS YANG DU BZLAS PA'I PHYIR NA GZHUNG 'DI LE'U YIN NO, ZHES BSHAD PA LTAR RGYU 'BRAS GTZO BO'I DON GYIS RNAM PA MKHYEN PA, RNAM MKHYEN GYIS GANG ZHIG GI RTOGS PAR BYA BA'I YUL DE BSTAN NA THEG PA CHEN PO'I LAM GYI LUS YONGS SU RDZOGS PA GCIG GO BAR BYA BA'I CHED DU YUL GYIS YUL CAN MTSON PA YIN NO, ,SNGA RABS PA KHA CIG GIS BDEN PA GNYIS

MKHYEN PAS KYANG MTSON RIGS PAR GSAL BA'I GNOD PA SLOB DPON SANGS RGYAS YE SHES ZHABS LA SOGS PA LA BRJOD NAS RGYUS 'BRAS BU MTSON PA'I TSUL 'DOD PA NI, RJE BTZUN 'JAM PA'I DBYANGS KYIS DNGOS SU RJES SU BZUNG BA'I SHING RTA CHEN PO RNAMS KYI BZHED PA MA LON BZHIN DU SUN 'BYIN LTAR SNANG 'PHEN PA NI GZU LUMS CHES SO, ,CHOS BCU PO DE YANG SKABS GSUM PAR BSTAN PA'I SKYES BU 'BRING GI BSAM PA SOGS SBYONG BA SNGON DU BTANG NAS SEMS CAN GYI DON SANGS RGYAS THOB PAR DAM BCA' BA DANG, DE'I DON BSGRUB PA GNYIS SU 'DUS LA PHYI MA LA DAM BCA'I DON JI LTAR SGRUB PA'I TSUL BSTAN PA DANG, DON DE BSGRUBS PAS SGRUB PA RGYUD LA BSKYED TSUL STON TO, ,PHYI MA LA SGOM BYUNG GI SGRUB PA SKYES PA'I MTSAN GZHI NGOS BZUNG BA DANG, THEG PA CHEN PO'I RIGS DANG LDAN PA'I GANG ZAG GI SHES BYA'I CHOS THAMS CAD LA DMIGS NAS CHED DU BYA BA CHEN PO GSUM GYI DON DU BSAM PA DANG SBYOR BA RGYA CHEN PO BSGRUBS PAS TSOGS RGYA CHEN PO BDE BLAG TU RDZOGS SHING RNAM MKHYEN DU GDON MI ZA BAR NGES PAR 'BYUNG BA'I LAM GYI RIM PA RNAMS STON PA YIN NO, ,GNYIS PA RNAL 'BYOR BZHI NYAMS SU LEN PA'I TSUL BYE BRAG TU BSHAD PA LA GNYIS, MKHYEN GSUM GYI RNAM PA MA LUS PA ZHI LHAG ZUNG 'BREL GYI SBYOR BAS BSGOM PAR BYED CING SGOM PA'I 'BRAS BU BSHAD PA DANG, BRTAN BYED KYI YAN LAG MTHAR GYIS PA'I SGOM TSUL DE'I 'BRAS BU DANG BCAS PA BSHAD PA'O, , DANG PO LA GNYIS, RNAM RDZOGS SBYOR BA SGOM TSUL DANG, DE LAS RTZE MO'I SBYOR BA 'BYUNG BA'I TSUL LO, ,DANG PO LA GNYIS, SBYOR BA'I SGOM TSUL DANG, BSGOMS PAS MNGON PAR RTOGS PA SKYE BA'I RIM PA BSHAD PA'O, ,DANG PO LA GNYIS, ZHI LHAG ZUNG 'BREL GYI TING NGE 'DZIN GYI RNAM GZHAG

, ,DANG, DE SKABS 'DIR JI LTAR SGOM PA'I TSUL LO, ,DANG PO NI, NYES PA LNGA'I GNYEN POR, SPONG BA'I 'DU BYED BRGYAD BSTEN NAS SEMS GNAS PA'I THABS DGU'I RIM PAS 'JOG SGOM GYIS ZHI GNAS SGRUB PAR BYA STE, DE YANG SEMS GNAS DGU PA THOB PA'I TSE BYING RGOD KYI GNYEN PO BSTEN MI DGOS PAR DMIGS PA LA RTZOL MED DU RANG GI DANG GIS 'JUG PA GOMS PA LAS LUS SEMS SHIN TU SBYANGS PA'I BDE BA SKYES PA DE'I TSE ZHI GNAS GRUB PA YIN PAR RIG PAR BYA'O, ,ZHI GNAS JI LTAR SGRUB PA'I TSUL NI, RJE THAMS CAD MKHYEN PA BLO BZANG GRAGS PA'I DPAL GYI ZHAL SNGA NAS KYIS MDZAD PA'I LAM GYI RIM PA CHE CHUNG DU SHES PAR BYA'O, ,ZHI GNAS GRUB PA'I RJES SU LHAG MTHONG SGRUB PAR BYA STE, DE YANG ZHI GNAS GRUB NAS SHES BYA JI LTA BA DANG JI SNYED PA'I DON LA SO SOR RTOGS PA'I SHES RAB KYIS DPYAD NAS GOMS PAS RANG STOBS KYIS LUS SEMS SHIN TU SBYANGS PA'I BDE BA 'DREN PA DE'I TSE LHAG MTHONG GRUB CING ZHI LHAG CHA MNYAM PA 'JUG PAS ZUNG DU 'BREL ZHES BYA'O, ,ZHI GNAS MA GRUB NA DPYAD PA BYAS PAS SHIN SBYANGS 'DREN PA MI SRID DO, ,CHOS YANG DAG PAR SDUD PA'I MDO LAS, SEMS MNYAM PAR BZHAG NA YANG DAG PA JI LTA BA BZHIN SHES PAR 'GYUR RO, ZHES GSUNGS PA'I DON NI, SEMS RTZE GCIG PA LA 'JOG PA TZAM ZHIG GOMS NA, YANG DAG PA'I DON RTOGS PAR 'GYUR RO ZHES PA'I DON MIN GYI, MNYAM PAR BZHAG PA'I SEMS KYIS ZHES SBYAR RGYU YIN LA, DE'I DON YANG MNYAM PAR BZHAG PA ZHI GNAS KYI DMIGS PA LA SEMS BRTAN PAR BYAS PA'I 'OG TU, SHES RAB KYIS DE KHO NA NYID LA BTAGS NA YANG DAG PA'I DON RTOGS PA'I YE SHES SKYE BA LA GSAL BAR BSHAD PA YIN NO, ,SGOM RIM DANG PO

LAS, 'DI LTAR GANG GI TSE ZHI GNAS KYI DMIGS PA LA SEMS BRTAN PAR BYAS PA DE'I TSE, SHES RAB KYIS RAB TU BTAGS NA YANG DAG PA'I YE SHES KYI SNANG BA 'BYUNG STE, DE'I TSE SNANG BA 'BYUNG BAS MUN PA SEL BA BZHIN DU SGRIB PA 'BYANG NGO, ,DE GNYIS KA YANG DMIGS PA DANG SNANG BA ZHI SHES YANG DAG PA'I YE SHES 'BYUNG BA LA PHAN TSUN MTHUN PAR GNAS PA YIN GYI SNANG BA DANG MUN PA BZHIN DU NANG MI MTHUN PA NI MA YIN NO, ,TING NGE 'DZIN MUN PA'I NGO BO NYID MA YIN TE, CI YIN ZHE NA SEMS RTZE GCIG PA'I MTSAN NYID DO, ,DE NI MNYAM PAR BZHAG NA YANG DAG PA JI LTA BA BZHIN RAB TU SHES SO, ZHES BKA' STZAL PA'I PHYIR TE, SHES RAB DANG SHIN TU MTHUN PA YIN GYI, MI MTHUN PA MIN NO ZHES GSUNGS SO, ,DE BAS NA ZHI GNAS BSGOMS NAS SEMS GNAS BRTAN PO DE NI SNANG BA DANG 'DRA, SHES RAB KYIS DE KHO NA NYID LA SPYOD PA NI MIG DANG 'DRA BAR SHES PAR BYA'O, ZHI GNAS NI SEMS MI G-YO BAR RTZE GCIG TU GNAS PA YIN LA, LHAG MTHONG NI YUL LA SPYOD PA YIN PAS GCIG GIS GCIG LA GNOD PA YIN NO SNYAM DU MI BZUNG NGO, ,YANG ZHI GNAS DANG BRAL BA'I SEMS RLUNG NANG GI MAR ME BZHIN DU G-YO BA DANG ZHI GNAS KYI STOBS KYIS NI RLUNG MED PA NA GNAS PA'I MAR ME BZHIN DU RNAM RTOG GI RLUNG GIS MI G-YO BAR BSHAD PA MI 'THAD DE, LHAG MTHONG LA DPYAD SGOM BYED PA'I LUGS LA ZHI GNAS GRUB KYANG LHAG MTHONG SGOM PA'I TSE RNAM RTOG GI RLUNG GIS G-YO BA'I PHYIR RO SNYAM NA, ZHI GNAS GRUB PA LA BRTEN NAS LHAG MTHONG BSGOM NA, SEMS KYI G-YO BA THAMS CAD LDOG PAR KHAS LEN NA SKYON DE YOD KYANG, SEMS KYI G-YO BA TZAM LDOG PA YIN GYI G-YO BA'I SKYON MI LDOG PA LA BSAMS NAS DE LTAR GSUNGS PA'I PHYIR RO, ,

, ,G-YO BA'I SKYON GANG SNYAM NA, RANG 'DOD PA'I YUL LA SEMS 'JOG PA NA RANG DBANG MED PAR MI 'DOD PA'I YUL LA SEMS RGYUG PA'O, ,DANG PO NAS LTA THOG TU SEMS GNAS PA TZAM ZHIG BSGOM PAR BYED NA, DE LAS TING NGE 'DZIN 'JIG RTEN PA'I SGOM BYUNG DU 'GRO SRID KYANG, DE YANG ZHI GNAS SGOM BYUNG DU SONG BA YIN GYI, LHAG MTHONG SGOM BYUNG DU SONG BA MIN PAS DA DUNG LHAG MTHONG SGOM BYUNG BSKYED DGOS PAS SO, ,DE'I PHYIR ZHI GNAS DE SNGON DU BTANG NAS DPYAD SGOM GYIS LHAG MTHONG SGOM BYUNG BSKYED DGOS PAS SNGON DU ZHI GNAS BSGRUBS NAS DE'I 'OG TU LHAG MTHONG BSGRUB PA LAS MI 'DA'O, ,DE KHO NA NYID LA DMIGS PA'I 'JIG RTEN PA'I SGOM BYUNG BSKYED NUS NA, DE TZAM ZHIG GOMS PAS 'JIG RTEN LAS 'DAS PA'I SGOM BYUNG BSKYED NUS SO, ZHES KYANG SMRA MI NUS TE, 'JIG RTEN PA'I SGOM BYUNG GI YON TAN THAMS CAD LA DE BZHIN DU HA CANG THAL BAR 'GYUR BA'I PHYIR RO, ,GZHAN YANG MDO DGONGS PA NGES 'GREL DU ZHI GNAS SNGON DU GRUB PA LA BRTEN NAS, DPYAD SGOM GYI SHIN SBYANGS GNYIS 'DREN NUS SU LHAG MTHONG BSGOM PAR GSUNGS PA SOGS, GO RIMS NGES CAN DU BSHAD PA'I GZHUNG DU MA DANG 'GAL BAR 'GYUR BA'I PHYIR RO, ,DE LTAR 'DOD DU MI RUNG NGO, ,DE LTAR THEG PA GZHAN GYI LUGS LTAR NA YUL CAN KHYAD PAR CAN GYIS DE KHO NA NYID SGOM PA'I SKABS KYI DMIGS BSAL MI RTOGS PA LHAG MTHONG SGOM BYUNG SNGAR MA SKYED PA GSAR DU BSKYED PA'I SKABS THAMS CAD DU ZHI GNAS SNGON DU GRUB PA LA BRTEN NAS DPYAD SGOM GYI LHAG MTHONG BSGOM PA NGES PA YIN NO, ,GAL TE ZHI GNAS 'JOG SGOM GYI BSGRUB PA YIN DU CHUG KYANG SNGON DU ZHI GNAS BSGRUB PA LA BRTEN NAS PHYIS LHAG MTHONG SGOM PA'I GO RIMS

NGES PA DGOS PA'I RGYU MTSAN GANG YIN SNYAM NA, 'DI NI RTOGS DKA' BAS BSHAD PAR BYA STE, DPER NA LAG PAS STA RE BZUNG NAS SHING SDONG GCOD PA NA, LAG PA SHIN TU 'DAR NA STA RE SHING SDONG LA CI TZAM BRGYAB KYANG SHING SDONG GCOD MI NUS PA BZHIN DU, ZHI GNAS SNGON DU MA GRUB NA DPYOD PA'I CHOS SEMS GNAS CHA'I RTZI 'BYAR RGYU MED PAS CI TZAM DPYAD KYANG MI MTHUN PHYOGS 'JOMS PA'I STOBS MI 'BYUNG NGO, ,STOBS LDAN GYI LAG PA SHIN TU BRTAN PAS RNO BA'I STA RE BZUNG NAS BCAD NA SHING SDONG MYUR DU GCOD NUS PA BZHIN DU, ZHI GNAS KYI TING NGE 'DZIN SHIN TU BRTAN PA'I LAG PAS BZUNG BA'I SEMS KYIS SHES RAB KYI MTSON RNON THOGS TE, DE KHO NA NYID LA DPYAD PA GOMS NA MI MTHUN PHYOGS 'JOMS PA'I STOBS DANG LDAN PAR 'GYUR RO, ,DE LTAR YANG BSGOM RIM DANG PO'I LAS, DE LTA BAS NA TING NGE 'DZIN GYI LAG GIS SEMS BZUNG STE, SHIN TU CHA PHRA BA'I SHES RAB KYI MTSON GYIS GZUGS LA SOGS PA LA LOG PAR RNAM PAR RTOG PA'I SA BON GYI ZUG RNGU SEMS DE LA YOD PA BSAL BAR BYA'O, ,DE LTAR BYAS NA RTZA BA NAS PHYUNG BA'I SHING DAG SA LA MI SKYE BA BZHIN DU, RTZA BA MED PAS NA LOG PAR RNAM PAR RTOG PA'I SEMS YANG SKYE BAR MI 'GYUR RO, ZHES GSUNGS SO, ,DE YANG LAN NYUNG SHAS GCIG BRGYAB PAS SHING MI CHAD PA BZHIN DU LAN DU MAR SHES RAB KYIS MA DPYAD NA LHAG MTHONG NUS PA CAN MI 'GRUB PAS YANG DANG YANG DU DPYAD PAR BYA'O, ,YUL LA RNAM PA DU MAR DPYOD PA'I TSE MI DPYOD PAR RTZE GCIG TU 'JOG PA'I TING NGE 'DZIN MED MOD KYANG TING NGE 'DZIN GYI RTZI BRTAN PO YOD PAS RNAM PAR MI RTOG PA'I DANG NAS DPYOD PA SNYAM BYED PA GCIG 'ONG BA SHES PAR BYA'O, ,GNAS CHA SHIN TU BRTAN PA'I SEMS RGYUD LA GNAS

, ,PA'I RTZI NAR RE 'JUG PAS, DE'I DANG NAS ZHE SDANG DANG CHAGS PA SOGS SKYE BA NA SNGAR ZHI GNAS MA GRUB PA'I DUS BZHIN DU SHUGS DRAG PA DANG BAR MA CHAD PA SOGS SU MI SKYE PAR, SHUGS ZHAN PA DANG RGYUN CUNG ZAD THUNG BA SOGS SU SKYE BA MTHONG NAS, 'DI RNAM TOG 'PHRO BA MIN GYI YE SHES 'PHRO BA YIN ZER BA DANG, MTSAMS DE NAS NYON MONGS PA'I RKYEN LA ZHUGS KYANG 'KHOR BAR 'CHING MI NUS PAS NYON MONGS LAM DU BYED PA'I DUS YIN ZER BA SOGS, SDE SNOD DGONGS 'GREL DANG BCAS PA GDAMS NGAG TU 'CHAR BA LA RGYAB KYIS PHYOGS SHING MANG DU THOS PA DANG MI LDAN PAS, TING NGE 'DZIN SGRUB TSUL LA GO BA SHIN TU CHUNG BA RNAMS LA BYUNG MOD KYANG SNGAR BSHAD PA'I ZHI GNAS 'DI NI PHYI ROL PA BSAM GTAN DANG PO'I NYER BSNGOGS LA BRTEN NAS 'DOD NYON SPONG BA RNAMS KYIS KYANG ZHI GNAS DE LA BRTAN NAS LHAG MTHONG SGRUB PAR BYED PAS PHYI NANG DANG THEG PA CHE CHUNG KUN GYI THUN MONG BAR SHES PAR BYA'O, ,GZHUNG LUGS GDAMS PAR 'CHAR BA'I MAN NGAG MED, ,RIGS LAM PHRA MO BLTA BA'I MIG DANG BRAL, ,THAR PA'I LAM DU 'JUG PAR 'DOD PA YANG,, BLUN PO NGAL BA TZAM ZHIG 'BRAS BUR ZAD, ,TING NGE 'DZIN SGRUB TSUL MKHAS PAR MA BYAS NA, SNGON GYI MNGON PA DU MA YANG BSAM GTAN DANG PO'I NYER BSNGOGS KYIS BSDUS PA'I ZHI GNAS SNGON DU BSGRUBS NAS LHAG MTHONG SGRUB PA'I TSUL MA SHES PAR ZHI GNAS GRUB RJES SU LHAG MTHONG SGRUB PA'I CHED DU SO SOR RTOGS PA'I SHES RAB KYIS DPYOD PA MTSAN NYID SO SOR RIG PA'I YID LA BYED PA NYER BSNGOGS KYI THOG MAR NGOS 'DZIN PA BYUNG SNANG NGO, ,GNYIS PA LA GNYIS, SBYOR BA'I NUS PA SHES PAR BYED PA'I TSUL DANG, SHES NAS JI LTAR SGOM PA'I TSUL LO, ,

DANG PO NI, THAR PA CHA MTHUN GYI DGE BA DANG LDAN PA'I GANG ZAG DES, THOG MAR MKHYEN GSUM SBYOR BA'I MTSAN GZHI SKABS DANG PO GSUM GYI SKABS NAS BSTAN PA LTAR SHES PAR BYA STE, DON BSDUS DRUG GI SKABS NAS, MTSAN NYID DE YI SBYOR BA DANG, ZHES BSHAD PA YANG, MTSON PAR BYED PA'I GNAS MTSAN GZHI LA MTSAN NYID KYI SGRA SBYAR BA YIN LA, DE YANG MI RTAG PA DANG DU: KHA BA DANG, BDAG MED PA SOGS SU RIG PAS PHYIN CI MA LOG PAR RTOGS NAS BSGOMS PAS MNGON SUM DU RTOGS PA'AM DON SPYI SHAR BA YIN YANG RUNG ZHI GNAS LA BRTEN NAS BSGOM PAR BYED PA'I BYANG CHUB SEMS DPA'I THUGS RGYUD KYI YE SHES RNAM PA YIN LA, GANG GIS MTSON DE MTSAN NYID DU, ZHES SOGS KYIS SKABS NAS RGYAS PAR BSHAD PA NI 'DIS MTSON PAR BYED PAS NA MTSAN NYID CES MTSAN NYID KYI SGRA BYED PA DE YANG GZHUNG SHER PHYIN LA THOS BSAM BYAS NAS 'BRAS BU SHER PHYIN THOB PAR 'DOD PA'I RIGS DANG LDAN PA'I GANG ZAG NGES LAM SHER PHYIN GYI RNAL 'BYOR BSGOM PA DON DU GNYER BAS, DE TSAD MA'I YUL DU LEGS PAR MTSON PA SNGON DU GTONG BA YIN NO, ,DE LA THEG PA CHEN PO'I LAM GYI RTOGS PA'I RIGS MTHA' DAG GIS ZIN PA'I PHUNG PO MI RTAG PAR DON SPYI'I TSUL GYIS RTOGS PA'I ZHI LHAG ZUNG 'BREL GYI TING NGE 'DZIN DE YANG, GOMS BYA'I DON LA GOMS PA RAB KYI MTHAR THUG PAR 'GYUR RUNG DU TSAD MAS GRUB PA LA BRTEN NAS 'BRAS BU SHER PHYIN BSKYED PA'I NUS PA KHYAD PAR CAN DANG LDAN PA'I ZHI LHAG ZUNG DU 'BREL BA YIN PAS, LAM SHER PHYIN GYI RNAL 'BYOR DU SPYIR MTSON PA DANG, DE'I DBYE BA YA GYAL MKHYEN GSUM SBYOR BAR MTSON PAR BYED PA'I TSUL NI, DE BZHIN GSHEGS PA 'BYUNG BA DANG, ZHES

, ,SOGS KYIS STON TO, ,BSAM MI KHYAB SOGS DANG LDAN PA'I ZHI LHAG ZUNG 'BREL GYIS NYAN THOS DANG, RANG SANGS RGYAS KYI RGYUD LA YOD PA BCAD NAS THEG PA CHEN PO'I SBYOR BA 'BA' ZHIG TU MTSON PA NI, BSAM MI KHYAB SOGS KHYAD PAR GYIS, , ZHES SOGS KYIS BSTAN TO, ,SANGS RGYAS KYI BZHED DON PHUN TSOGS SKYE BYED DU MTSON PA NI, PHAN DANG BDE DANG SKYOB PA DANG, ZHES SOGS DANG, LAS SU SGRUB PA NI, NYON MONGS RTAGS DANG MTSAN MA DANG, ZHES PA NAS BSTAN TO, ,GNYIS PA LA BZHI, SGOM PA'I TSUL DANG, MNYAM GZHAG DNGOS GZHI'I SBYOR BA DANG, SBYOR BA'I PHAN YON DANG, BSAL BYA SKYON NGOS BZUNG BA'O, ,DANG PO NI, DE LA SKABS 'DIR RNAM PA BSGOM PAR BSHAD PA NI, NYON MONGS PA'I SGRIB PA DANG, SHES BYA'I SGRIB PA MTHA' DAG GI GNYEN PO SHES NAS BSGOM PAR BYA BA'I CHED DU YIN NO, ,DE YANG SLOB DPON GYIS DGOS 'BREL GYI BRJOD BYA GTAN LA 'BEBS PA'I BRGAL LAN GYI SKABS SU, GZHI DANG GNYEN PO DANG RNAM PA MTHA' DAG STON PAR GSUNGS PA NI, 'DIR, ZHI SHES PA YI BYE BRAG RNAMS, ZHES SOGS KYIS STON PA YIN NO, ,KHA CIG RNAM PA'I MTSAN NYID DANG DBYE BA ZHES 'CHAD PA NI TSIG DON LA RMONGS PA'I BAB COL YIN TE, 'PHAGS PA RNAM PAR GROL BA'I SDES GNYEN PO'I MTSAN NYID DU MDZAD PA'I PHYIR DANG, RNAM PA'I MTSAN NYID LA SBYAR NA SKABS DON BOR BAR 'GYUR BA'I PHYIR RO, ,DPER NA, PHUNG PO MI RTAG PAR RTOGS PA'I RJES DPAG CHOS CAN, PHUNG PO RTAG 'DZIN GYI SGRO 'DOGS 'DOGS DE'I GNYEN PO YIN TE, PHUNG PO MI RTAG PA'I RNAM PA SHAR NAS DE LA GSAR DU MI BSLU BA'I SHES PA YIN PA'I PHYIR, CES PA LTA BU'O,,

'PHAGS PA'I BDEN PA BZHI SGRO 'DOGS GCAD PAR BYA BA'I PHYIR GZHIR BZUNG NAS MI RTAG SOGS BCU DRUG GI RNAM PA BSGOM PA YANG SNGAR BSHAD PA'I LOG RTOG BCU DRUG GI GNYEN POR BSGOM PA YIN NO, ,DES MTSON NAS CHOS THAMS CAD BDEN GRUB KYI SPROS PA DANG BRAL BA'I RNAM PA SHAR NAS BSGOM PA YANG BDEN 'DZIN GYI GNYEN POR BSGOM PA YIN NO, ,DON BSDUS NA SNGAR BSHAD PA'I ZHI GNAS MTSAN NYID PA RNYED NAS DE LA MNYAM PAR BZHAG BZHIN PA'I NGANG NAS PHUNG PO MI RTAG PA LA SO SOR RTOGS PA'I SHES RAB KYIS MTHA' DAG PAR DPYAD PA BYAS PA'I STOBS KYIS LUS SEMS SHIN TU SBYANGS PA'I BDE BA 'DREN NUS PA NA PHUNG PO MI RTAG PAR RTOGS PA'I LHAG MTHONG RNYED PA DANG, ZHI LHAG ZUNG DU 'BREL BA DANG, DE'I TSE ZHI SHES KYI SBYOR BA BSGOM PA ZHES BYA'O, ,ZHI GNAS SCUNG ZAD RNYED NAS DPYAD SGOM 'BA' ZHIG BYAS NA ZHI GNAS NYAMS PAR 'GYUR BAS DPYAD SGOM DANG 'JOG SGOM CHA MNYAM PAR BYA'O, ,'JOG SGOM 'BA' ZHIG BYAS NAS SPYOD SNYING MI 'DOD PAR 'GYUR LA, DE LTA NA SGRIB GNYIS 'JOMS MI NUS PAS SPYOD PA YANG BYA'O,, ZHI GNAS STOBS LDAN RNYED CING DPYAD SGOM GYI MTHUS KYANG SHIN SBYANGS 'DREN NUS PA DE'I TSE SEMS RTZE GCIG PA PHUL DU BYUNG BA DES KYANG 'DREN PA DE'I TSE, ZHI GNAS NYAMS PAR GA LA 'GYUR, DE BZHIN DU SANGS RGYAS THAMS CAD KYIS BSHAD PA'I DE BZHIN NYID KYI RNAM PA RTEN 'BREL SPROS PA'I MTHA' THAMS CAD DANG BRAL BA DON DAM PA'I BDEN PA GTAN TSIGS BZHI LA SOGS PA LA BRTEN NAS, DBU MA RTZA BA SHES RAB LAS 'BYUNG BA LTAR, SO SOR RTOG PA'I SHES RAB KYIS RGYAS PAR DPYAD PA LAS SHIN TU SBYANGS PA'I BDE BA

, ,'DREN NUS PA DE'I TSE STONG NYID RTOGS PA'I LHAG MTHONG DU 'GYUR ZHING, STONG NYID LA DMIGS PA'I ZHI LHAG ZUNG 'BREL GYI TING NGE 'DZIN THOB PA DANG, RNAM MKHYEN GYI RNAM PA'I SBYOR BA BSGOM PA ZHES BYA'O, ,DE YANG YE SHES SNYING PO DANG, SLOB DPON SENGGE BZANG PO LA SOGS PAS KYANG NYAN THOS KYI RIGS CAN DON DAM PA'I BDEN PA RTOGS PA LA BRTEN NAS DGRA BCOM PA'I 'BRAS BU THOB PAR BZHED CING NGES BZUNG DU DGOS PA NI MIN TE, GANG ZAG GI BDAG MED RTOGS PAS KYANG THOB PAR BZHED PA'I PHYIR RO, ,GRUB PA BRNYES PA'I SEMS DPA' CHEN PO SLOB DPON SANGS RGYAS BSKYANGS DANG, SLOB DPON CHEN PO ZLA BA GRAGS PA SOGS DGRA BCOM PA'I 'BRAS BU THOB PA LA NGES PAR STONG NYID PHRA MO RTOGS DGOS PAR BZHED DO, ,'DIR NI SPYI'I RNAM GZHAG GI DBANG GI BYAS PAS SPYIR STONG NYID RTOGS PA'I SHES RAB SGOM BYUNG DU SONG BA LA THEG PA CHEN PO'I SBYOR LAM DROD THOB MI DGOS KYANG, TSOGS LAM DU THEG PA CHEN PO'I LAM GYI RIGS YONGS SU RDZOGS PA CHA MTSUNGS PAR GOMS PAR BYAS NAS, NAM STONG NYID LA DMIGS PA'I ZHI LHAG ZUNG 'BREL GSAR DU THOB PA DE'I TSE, THEG PA CHEN PO'I SBYOR LAM THOB CES BYA'O, ,CHOS NYID LA DMIGS PA'I BLO SGOM BYUNG DU GYUR PA RNAM PAR MI RTOG PA'I YE SHES KYI ME 'BYUNG BA'I SNGA LTAS ZHES BYA'O, ,STONG PA NYID LA THOS BSAM GYI SHES RAB KYIS DMIGS PA'I TSE, YUL DANG YUL CAN GYI GNYIS SNANG SHIN TU RAGS SHING 'BREL PA MED PA LTA BUR SNANG LA, SGOM BYUNG GIS DMIGS PA'I TSE, GNYIS SNANG YOD PA THOG MAR MYONG STOBS KYIS NGES NUS KYANG, GNYIS SNANG SHIN TU PHRA BA CHU LA CHU BZHAG

TU 'GYUR LA KHAD PA LTAR SNANG BA CHOS NYID KYI DON SPYI GSAL BA ZHES BYA'O, ,SBYOR LAM BZOD PA THOB PA'I TSE GNYIS SNANG YOD PA MYONG STOBS KYI NGES MI NUS PAS NYAN SA LAS, GNYIS SNANG NUB PA LTAR SNANG GI NUB PA NI MIN NO, ZHES BSHAD DO, ,DES NA BOD SNGA MA KHA CIG GIS, STONG NYID LA DMIGS PA'I ZHI LHAG ZUNG 'BREL GYI SBYOR BA TSOGS LAM CHUNG NGU NAS RGYUN MTHA'I BAR LA YOD PAR BZUNG NAS SBYOR BA NYI SHU'I DBYE BA BYED PA NI LAM SGRUB LA MI MKHAS PA YIN NO, ,TSOGS LAM PAS ZHI GNAS LA BRTEN NAS STONG NYID LA RES 'GA' DPYOD CING, RES 'GA' 'JOG PA DE'I TSE, STONG NYID LA DMIGS PA'I LHAG MTHONG RJES MTHUN PA YIN KYANG, SPYIR SBYOR BA ZHES PA'I THA SNYAD BYA LA, DU: KHA SOGS SHES BYA JI SNYED PA LA DMIGS PA'I LHAG MTHONG DANG 'JIG RTEN PA'I LAM GYIS NYON MONGS SPONG BA'I ZHI RAGS KYI RNAM PA CAN GYI LHAG MTHONG NGES PAR THOB PAS JI SNYED PA LA DMIGS PA'I ZHI LHAG ZUNG 'BREL GYI SBYOR BA TSOGS LAM CHUNG NGU NAS THOB PA YIN NO, ,TSUL DE LA BRTEN NAS MKHYEN GSUM GYI RNAM PA BRGYA DANG BDUN CU RTZA GSUM RDZOGS PA'I RNAM RDZOGS SBYAR BA SGOM TSUL SHES PAR BYA'O, ,DA NI MKHYEN GSUM GYI RNAM PA BSDUS NAS BSGOM PA'I BSDUS SGOM GYI DON BSHAD PAR BYA STE, DE LA SLOB DPON SNGA MA GZHAN GYI LUGS BKOD NAS 'THAD MI 'THAD DPYAD PA DANG, RANG GI LUGS BZHAG PA'O, ,DANG PO NI, SNGON GYI DGE BA'I BSHES GNYEN MKHAS PA KHA CIG GI GSUNG NAS MKHYEN GSUM BSDUS SGOM GYI DON NI, ZHI SHES KYI RNAM PA NYER BDUN DANG, LAM SHES KYI RNAM PA SO DRUG DANG BCAS PA'I DRUG CU RTZA GSUM DANG, RNAM MKHYEN GYI RNAM PA LA BYANG CHUB SEMS DPA' DANG THUN

, ,MONG BA'I RNAM THAR SGO GSUM DANG, BAR CHAD MED LAM BZHI DANG, SANGS RGYAS KYI THUN MONG MIN PA'I DE BZHIN NYID KYI RNAM PA STE BDUN CU RTZA GCIG CHOS NYID KYI RNAM PA YIN LA, LHAG MA BYANG PHYOGS SO BDUN DANG RNAM THAR BRGYAD DANG, MTHAR GYIS GNAS PA'I SNYOMS 'JUG DGU DANG, PHAR PHYIN BCU DANG, STOBS BCU DANG, MI 'JIGS PA BZHI DANG, CHOS MA 'DRES PA BCO BRGYAD DANG, RANG BYUNG GI RNAM PA DANG, SANGS RGYAS NYID KYI RNAM PA'I BAR BRGYA DANG GNYIS YOD PA SHES BYA JI SNYED PA'I YUL CAN KUN RDZOB PA'I RNAM PA YIN NO, ,RNAM PA DE DAG KYANG SBYOR LAM PA'I BSGOM BYA DANG, SGRO 'DOGS GCOD PA'I GZHI DANG SBYOR BA NYI SHU'I DMIGS RNAM GNYIS SU BYAS PA'I DMIGS PA YIN LA DE DAG KYANG RNAM KUN MNGON PAR RDZOGS PA'I SBYOR BAS BSDUS NAS BSGOM PAR BYA BA YIN TE, DE'I DON YANG RNAM PAR THAR PA'I SGO GSUM DU BSDUS NAS BSGOM PAR BYA BA YIN LA, DE YANG ZHI SHES KYI RNAM PA'I STONG BDAG MED GNYIS DANG, LAM SHES KYI RNAM PA'I STONG BDAG MED GNYIS DANG, RNAM MKHYEN GYI RNAM PA'I BYANG CHUB SEMS DPA' DANG THUN MONG BA'I STONG PA NYID KYI RNAM PA DANG LNGA PO NGO BO BDEN PA BA DANG BRAL BA STONG PA NYID KYI RNAM PA YIN LA, ZHI SHES KYI RNAM PA'I 'GOG LAM GYI RNAM PA BCU DGU DANG, LAM SHES KYI RNAM PA'I 'GOG LAM GYI RNAM PA NYER GSUM STE DE GNYIS, RNAM MKHYEN GYI RNAM PA'I BYANG CHUB SEMS DPA' DANG THUN MONG BA'I MTSAN MA MED PA'I RNAM PA DANG, BAR CHAD MED LAM BZHI'I NANG GI 'GOG LAM GYI BAR CHAD MED PA'I GNYIS TE ZHE LNGA MTSAN MA MED PA DANG, ZHI SHES KYI RNAM PA'I DU: KHA LA MI RTAG DU: KHA GNYIS

DANG, KUN 'BYUNG GI BZHI DANG, LAM SHES KYI RNAM PA'I KUN 'BYUNG GI BRGYAD DANG, DU: KHA YI MI RTAG GNYIS TE BCU DRUG DANG, RNAM MKHYEN GYI RNAM PA'I BYANG SEMS DANG THUN MONG BA'I SMON PA MED PA DANG, BAR CHAD MED LAM DANG BZHI'I NANG GI KUN 'BYUNG BAR CHAD MED LAM STE BCO BRGYAD SMON PA MED PA'I RNAM PA YIN PAS, RNAM THAR SGO GSUM SO SO LA DRUG CU RTZA BRGYAD DANG, STONG NYID DANG SMON MED THUN MONG PA LA, LAM SHES KYI DU: KHA'I RNAM PA'I NGO BO NYID MED PA DANG, BAR CHAD MED PA'I LAM BZHI'I NANG GI DU: KHA'I BAR CHAD MED PA'I LAM GNYIS YIN LA, RNAM THAR SGO GSUM KA'I THUN MONG BA DE NYID KYI RNAM PA'O, ,DE DAG KYANG NGO BO DANG RGYU DANG 'BRAS BU BDEN PAR GRUB PAS STONG PAR RTOGS PA'I RNAM PAR THAR PA'I SGO GSUM DU BSDUS NAS BSGOM PA DANG, CHOS CAN GYI RNAM PA BRGYA DANG BCU GNYIS PO YANG BSHAD PA LTAR RNAM PAR THAR PA'I SGO GSUM DU BSDUS NAS BSGOM PA BSDUS SGOM GYI DON YIN PAS RNAM PA BRGYA BDUN CU RTZA GSUM NI, SBYOR BA NYI SHU'I DMIGS PA YIN NO, ,DE LA YUL GYI DBYE BA STONG PA NYID KYI RNAM PA LNGA PO DANG, NGO BO NYID MED PA DANG DU: KHA BAR CHAD MED LAM GNYIS KYI PHYED PHYED DANG DE BZHIN NYID KYI RNAM PA SUM CHA LA DMIGS NAS STONG NYID DU BSGOM PA GNAS PA BKAG PA'I SBYOR BA DANG, MTSAN MA MED PA'I RNAM PA ZHE LNGA DANG, DE BZHIN NYID KYI RNAM PA'I SUM CHA LA DMIGS PA RNAL 'BYOR BKAG PA'I SBYOR BA DANG, SMON PA MED PA'I RNAM PA BCO BRGYAD DANG, NGO BO NYID MED PA DANG DU: KHA'I BAR CHAD MED LAM GNYIS KYI PHYED PHYED DANG, DE BZHIN NYID KYI RNAM PA'I SUM CHA LA DMIGS PAS SMON PA MED PA LA DMIGS PA GZHI'I CHOS NYID ZAB PAR RTOGS PA DANG, LAM GYI CHOS NYID

, ,GTING DPAG DKA' BA DANG, RNAM PA'I CHOS NYID TSAD MED PA RTOGS PA'I SBYOR BA LNGA YIN LA, DE NYID GNAS SKABS KYI BCO LNGAR, DBYE BAS SBYOR BA BSDU'O, ,RNAM PA BRGYA BDUN CU RTZA GSUM SBYOR BA'I DMIGS PA YIN PAS, SLOB DPON SENGGE BZANG POS ZHI SHES KYIS RANG SANGS RGYAS KYI MNGON RTOGS BSDUS PAR BSHAD PA 'BREL MED DE, ZHI SHES KYI DMIGS PA ZHI SHES SU BSDUS PA LA DGOS PA CUNG ZAD KYANG MED CING, DER 'DUS PA DGOS NA SDUG KUN GYI DON RNAM BRGYAD KYANG DER GTOGS ZHI SHES KYI NANG DU BSDU DGOS NA DE MI 'DUS PA'I PHYIR RO, ,'ON TE 'DI DAG GI LAM BDEN GYI RNAM PA LA DMIGS PA'I ZHI SHES KYI NGO BO DNGOS SU STON PAR BYED PA YIN NA, ZHI SHES KYI DMIGS YUL DU GYUR PA'I LAM BDEN GYI RNAM PA DNGOS SU MA BSTAN PAR 'GYUR LA, DE 'DOD NA SKABS KYI DON DANG 'GAL BA'I PHYIR TE, ZHI SHES KYI DMIGS YUL BDEN PA BZHI'I RNAM PA STON PA'I SKABS YIN PA'I PHYIR RO, ,'O NA ZHI SHES KYI DMIGS YUL DU GYUR PA'I LAM MTHA' DAG STON NA, SANGS RGYAS KYI THUGS RGYUD LA SOGS PA'I LAM YANG BSTAN PAR THAL LO ZHE NA, 'DOD PA KHO NA'O ZHES GSUNGS PA RGYAL BA'I RING LUGS PA CHEN PO DAG GI BZHED PA YIN KYANG, 'THAD MI 'THAD CUNG ZAD DPYAD PAR BYA STE, ZHI SHES DANG LAM SHES KYI RNAM PA MI RTAG PA DANG, DU: KHA BA'I RNAM PA SOGS CHOS NYID KYI RNAM PAR BYAS PA DE BDEN STONG YIN PA LA BSAMS PA YIN NA NI KUN RDZOB PA'I RNAM PA BRGYA DANG GNYIS PO YANG CHOS NYID KYI RNAM PAR 'GYUR BAS, CHOS NYID KYI RNAM PA DANG CHOS CAN GYI RNAM PA SO SOR 'BYED PA MI RIGS LA, 'ON TE DE DAG RTOGS NA BDEN STONG RTOGS PAS KHYAB PA'I CHOS NYID

KYI RNAM PAR 'DOD PA'I DON YIN NA NI, SHIN TU YANG MI RIGS TE, DE LTA NA BYE BRAG TU SMRA BA DANG, MDO SDE PA SOGS KYIS KYANG ZAG BCAS KYI PHUNG PO BDEN STONG DU RTOGS PAR THAL BAR 'GYUR TE, MI RTAG PA DANG DU: KHA SOGS SU RTOGS PA'I PHYIR RO, ,'DOD NA, DBU MA PAR THAL BA DANG, DBU MA PAS DE DAG GI NGOR BDEN STONG RTAGS KYI SGRUB MI DGOS PAR 'GYUR RO, ,GAL TE RNAM PA DE DAG GANG ZAG GI BDAG MED PA'I RNAM PAR 'DOD PA'I DON YIN NA YANG RTAG PA DE NYID DU 'GYUR TE, PHUNG PO MI RTAG PAR RTOGS PA'I RJES DPAG DE NYID KYIS KYANG, PHUNG PO GANG ZAG GI BDAG MED DU RTOGS PA'I PHYIR KHAS LEN DGOS PAS SO, ,KHYAD PAR RGYAL BA'I SRAS PO SENGGE BZANG PO LA DGAG PA MDZAD TSUL DE NI RNAM PAR MI 'ONG STE, RNAM PA NYI SHU RTZA BDUN SBYOR BA'I 'DZIN STANGS KYI RNAM PAR BYAS NAS BYANG CHUB SEMS DPAS MI SGOM NA NI, SKABS GSUM PAR BSHAD PA'I ZHI SHES BYANG CHUB SEMS DPAS SHES MTHONG GIS BLTAS NAS 'DA' BAR BSHAD PA DANG 'GAL ZHING, RNAM MKHYEN THOB PAR BYED PA LA LAM GSUM GA RDZOGS PAR SGOM DGOS PAR BSHAD PA DANG 'GAL LA, SKABS DANG PO GSUM DU MKHYEN GSUM GYI RNAM PA SO SOR BSHAD PA MTHAR GYIS PA'I SBYOR BAS RIM GYIS BSGOM PAR BSHAD PA YANG BZHAG TU MED PAR 'GYUR RO, ,'ON TE ZHI SHES KYI RNAM PA NYER BDUN SBYOR BA'I 'DZIN STANGS KYI RNAM PAR BYAS NAS BSGOM NA NI, DE'I SGOM TSUL RNAM RDZOGS SBYOR BA'I SKABS 'DI NYID DU DNGOS SU BSTAN RIGS KYI, SKABS GZHAN DU MA BSTAN PAS, RNAM RDZOGS SBYOR BA LA BLO RTZE GTANG RGYU CUNG ZAD KYANG MED PAR 'GYUR RO, ,DE KHYED LTAR NA BYANG CHUB SEMS DPAS ZHI SHES

, ,GZHAN LUGS SU GZUGS BRNYAN GYI TSUL DU BSKYED PA YANG BZHAG TU MED PAR 'GYUR RO, ,BYAMS PA DANG SNYING RJE BSGOM PA YANG SBYOR BA'I NGO BO BSKYED PAR SGRO 'DOGS GCAD PAR BYA BA'I GZHIR BYAS NAS BSGOM PA LA DE DAG SGOM PA'I DON DU KHAS LEN DGOS PA SOGS NYES PA DU MA'I 'BYUNG KHUNGS SU RTOGS PAS, ZHI SHES KYIS RANG SANGS RGYAS KYI MNGON RTOGS BSDUS PAR BZHED PA'I SDUD BYED ZHI SHES KYANG, KHYED LTAR NA BSGOM BYA YUL GYI RNAM PA YIN NO, ZHES KHAS BLANGS NA MDZES KYI, MNGON PAR RTOGS PA'I LAM GYI RIM PA LA 'KHRUL PA DANG BRAL BA'I SLOB DPON BDAG NYID CHEN PO LA DGAG PA BYED PAR MI RIGS SO, ,'DI LA BRJOD PAR BYA BA MANG STE MA SPROS SO, ,GNYIS PA NI, MTHAR GYIS PA'I MTSAMS SBYAR DU, SO SO BA DANG BSDUS PA NYID DU RTOGS PA'I DON RNAMS ZHES PA DANG, DON BSDUS DRUG GI SKABS SU SO SO BA DANG MTHA' DAG TU RNAM PAR SGOM PA'I ZHES PA DANG, NYI KHRI SNANG BA DANG, 'GREL CHEN DU MKHYEN PA GSUM DANG, RNAM RDZOGS SBYOR BA'I GZHUNG GI BRJOD BYA'I KHYAD PAR 'BYED PA'I SKABS SU, THAMS CAD MKHYEN PA NYID GSUM NI RNAM PA SO SOR NGES PA'I YUL CAN YIN LA, RNAM PA KUN MNGON PAR RDZOGS PAR RTOGS PA NI, RNAM PA MA LUS PA'I YUL CAN YIN NO, ZHES BSHAD PA DANG, 'DIR MTSAMS SBYAR DU RNAM PA THAMS CAD DANG, LAM DANG, ZHI SHES PA BSDU BA'I SGO NAS MKHYEN GSUM BSGOM PAR BSHAD PA RNAMS DON GCIG PAS BSDUS SGOM GYI DON NI, MKHYEN PA GSUM GYI RNAM PA THAMS CAD DMIGS PAR BYAS NAS DE BDEN PA'I SKYE MED DU BSDUS NAS BSGOM PA NI SNYING PO'I DON SGOM PA'I MNYAM GZHAG GI GTZO BO 'BA' ZHIG TU ZAD PAS DE

TZAM GYIS BSDUS SGOM GYI DON RDZOGS PA MIN TE, DE NI MKHYEN PA GSUM GYI RNAM PA BRGYA DANG BDUN CU RTZA GSUM PO THEG PA CHEN PO'I RIGS CAN GYI GANG ZAG DE'I NYAMS SU BLANG BYAR MA TSANG BA MED PAR BSDUS NAS SBYOR BA'I 'DZIN STANGS KYI RNAM PA SHAR NAS SGOM PA'I TSUL LO, , DE LTAR NYAMS SU BLANGS PAS SKABS DANG PO GSUM DU MKHYEN GSUM RNAM PA SO SOR BSHAD PA YANG BRJOD BYA MI 'DRA BA TZAM MA GTOGS DON NI DE DAG KYANG BSGOM PAR 'GYUR BA YIN NO, ,RNAM PA MA LUS PA BSDUS NAS SGOM PA'I DGOS PA NI GOMS PA DBANG BSGYUR BYA BA'I CHED DU YIN NO, ,RNAM PA PHYOGS RE TZAM LAS MA SGOM NA THEG PA CHEN PO'I CHOGS LAM YANG RDZOGS PAR BSKYED PAR MI NUS NA SBYOR LAM RDZOGS PAR LTA CI SMOS PA'I PHYIR RO, ,MKHYEN GSUM SGOM TSUL LEGS PAR SHES NAS NI MNGON PAR RTOGS PA GONG MA SKYE TSUL, MI MTHUN PHYOGS 'JOMS PA'I TSUL BSTAN PA TZAM GYIS KYANG RTOGS NUS PAS BZOD PA'I RTZE SBYOR GYI SKABS MA GTOGS THAR PA CHA MTHUN NAS BZUNG STE, MKHYEN GSUM GYIS SNYAD YANG DANG YANG DU MA SMOS SO, ,SKABS 'DIR SNGA MA KHA CIG GIS, DON RNAM DANG SHES RNAM GNYIS BSGOM BYA GANG YIN MI MTHUN PAR BRTZAD PA LA NI SNYING PO CUNG ZAD KYANG MED DE, PHUNG PO MI RTAG PAR SGOM 'DOD PA NGES KYANG DER GTOGS KYI BLO GOMS PA GONG NAS GONG DU KHYAD PAR DU BYED DGOS LA, CIG SHOS DES KYANG PHUNG PO MI RTAG PAR BSGOM PAR KHAS LEN DGOS TE, GZHAN DU NA GNAS LUGS KYI DON BSGOM PA YANG KHAS LEN MI NUS PAR MI 'GYUR RO, ,MNGON PAR RTOGS PA'I RIGS KYI DBYE BAS ZHEN YUL LA GSAL SNANG GTZO BOR 'DON DGOS PA YANG YOD LA, DE MI DGOS PAR BLO'I 'DZIN STANGS KYI 'GYUR BA SHUGS DRAG BSKYED DGOS PA

, ,YANG YOD PA'I PHYIR RO, ,DON DE DAG MA RTOGS SHING GZHUNG LUGS CHE BA LA RGYAB KYI PHYOGS PA DAG KU SU LU'I 'JOG SGOM DANG, MKHAS PA PAndI TA'I DPYAD SGOM ZHES GANG ZAG GI SGO NAS RIGS SO SOR 'BYED PA NI LOG PAR RTOG PA 'BA' ZHIG YIN TE, DGE BA'I BSHES GNYEN GYI YON TAN SEMS PA DANG, DAL 'BYOR RNYED DKA' DON CHE DANG, 'CHI BA MI RTAG PA DANG, LAS 'BRAS SEMS PA DANG, 'KHOR BA SPYI BYE BRAG GI NYES DMIGS SEMS PA DANG, BYAMS SNYING RJE BSGOM PA SOGS PHAL CHER SO SOR RTOG PA'I SHES RAB KYIS DPYAD NAS BLO'I 'GYUR BA SHUGS DRAG PAR BSKYED PAR BYA BA YIN GYI, RANG NYID MYUR DU 'CHI BA DANG, SEMS CAN DU: KHA DANG BRAL BA SOGS LA GSAL SNANG BSKYED PA LA DGOS PA CUNG ZAD KYANG MED PA'I PHYIR RO, ,TSUL 'DI NI LEGS PAR KHONG DU MA CHUD PA'I RTAGS SU GZHUNG LUGS LA SBYANGS PA RNAMS KYANG SGRUB PA BYED 'DOD SKYES PA'I TSE, MDO RGYUD DGONGS 'GREL DANG BCAS PA RNAMS MCHIL MA'I THAL BA BZHIN DU DOR BAR MTHONG BA'I PHYIR RO, ,DON 'DI LA GZHAN GYIS BKRI BAR MI NUS PA'I NGES PA BSKYED PAR BYA'O, ,MED PA'I RNAM PA NAS BZUNG STE, ZHES SOGS KYIS BSTAN PA'I BDEN PA DANG PO GSUM GYI RNAM PA BCU GNYIS, LAM BDEN LA NYON SGRIB KYI GNYEN PO BZHI DANG, SHES SGRIB KYIS BSDUS PA GZUNG 'DZIN RDZAS THA DAD DU ZHEN PA'I GNYEN POR GZUNG 'DZIN RDZAS THA DAD KYI NGO BO NYID MED PAR RTOGS PA DANG, DE MED PA'I PHYIR, MA SKYES MA 'GAGS, GZOD MA NAS ZHI RANG BZHIN GYIS MYA NGAN LAS 'DAS PAR RTOGS PA SPYI'I GNYEN PO LNGA DANG PHYI ROL GYI DON DMIGS RTEN DU BYAS PA LA BRTEN NAS CHAGS SOGS KYI

KUN NAS NYON MONGS PA MED PAR RTOGS PA SOGS SO SO'I GNYEN PO DRUG STE, ZHI SHES KYI RNAM PA NYER BDUN YANG SNGAR BSHAD PA LTAR ZHI GNAS LA BRTEN NAS SO SOR RTOGS PA'I SHES RAB KYIS DPYAD CING BSGOM PAR BYA'O, ,'DI LTAR BSHAD PA NI SLOB DPON THA SNYAD DU YANG PHYI ROL GYI DON ZHAL GYIS MI BZHES PA DE DANG MTHUN PAR BSHAD PA YIN GYI, SLOB DPON ZLA BA GRAGS PA DANG, SLOB DPON LEGS LDAN 'BYED DANG, SLOB DPON YE SHES SNYING PO SOGS PHYI ROL GYI DON ZHAL GYIS BZHES PA RNAMS KYI LUGS LTAR 'CHAD NA NI, PHYI ROL GYI DON MED PAR KHONG DU CHUD PA LA BSHAD PAR MI BYA STE, DE LTA NA ZHEN YUL LA 'KHRUL BA'I LOG SHES SU 'GYUR BA'I PHYIR RO, ,NYAN THOS DANG RANG RGYAL LA BDAG MED GNYIS PHRA BA RTOGS PA YOD PAR 'DOD PA LTAR NA NI, GZUNG BYA DON GZHAN BDAG MED DU DE DAG GIS RTOGS PA LTAR BYANG CHUB SEMS DPAS KYANG BSGOM PA LA BSHAD PAR BYA LA, BDAG MED PHRA MO RTOGS PA MED PAR 'DOD PA LTAR NA NI, RANG SANGS RGYAS KYIS SKYE BA DANG RGA SHI MA RIG PA'I 'KHRUL SNANG DU KHONG DU CHUD PA DANG MTHUN PAR BYANG CHUB SEMS DPA' LA YANG YOD PAR BSHAD PAR BYA STE, 'DIR BSHAD PA'I ZHI SHES KYI RNAM PA RNAMS KYANG NGES PAR BYANG CHUB SEMS DPAS BSGOM PAR BYA BA YIN PA'I PHYIR RO, ,'DIR BSTAN PA'I MNGON PAR RTOGS PA 'DI DAG BYANG CHUB SEMS DPAS SHES MTHONG GIS BLTAS NAS 'DA' BAR BYED PA YIN PAS, MTHONG LAM BSKYED PA'I RJES SU GOMS PA LHUR LEN MI BYED KYANG GZUNG RTOG GI GNYEN PO'I SGOM LAM BSHAD PA NI, MTHONG LAM GYI RIGS 'DRA SA GNYIS PA THOB NAS KYANG MA NYAMS PAR YOD PA'O, ,'DI DAG RANG RGYAL 'BA' ZHIG LA SBYOR BA NI, LAM SHES LA SOGS PA'I MNGON PAR

, ,RTOGS PA'I RIM PA NYAMS SU LEN PA'I TSUL GYI RNAM GZHAG MA CHAGS PA'O, ,NYAN RANG GNYIS LA BDAG MED GNYIS PHRA MO RTOGS PA YOD PAR BZHED PA'I LUGS LTAR NA, SHES MTHONG GIS BLTAS NAS 'DA' BAR BYA BA'I MNGON RTOGS NI, DBU MA BZHI BRGYA PA DANG, RIG PA DRUG CU PA'I 'GREL PAR, MI RTAG SOGS RNAM PA BCU DRUG BSGOM PA RGYUD SMIN BYED KYI LAM DU BSHAD PA LTAR 'DOD PAR BYA'O, ,SNGAR BSHAD PA BZHIN, RGYU DANG LAM DANG DU: KHA DANG, ZHES PA'I SKABS NAS BSTAN PA'I LAM SHES KYI RNAM PA RNAMS KYANG PHAL CHER ZHI LHAG ZUNG 'BREL GYI SBYOR BAS BSGOM PAR BYA ZHING GLO BUR DRI BRAL GYI 'GOG BDEN NI LAM SGOM PA'I PHAN YON LAS DANG PO PAS SMON LAM GYI YUL DU BYA BA YIN GYI, MI RTAG PA DANG BDAG MED SOGS BSGOM PA LTAR BYA MI DGOS SO, ,DRAN PA NYER GZHAG NAS BZUNGS TE, ZHES SOGS KYIS BSTAN PA LTAR BYANG PHYOGS SO BDUN DANG, RNAM THAR SGO GSUM SOGS KYIS RTOGS PA'I RIGS RNAMS DA LTA NYID NAS KYANG DMIGS RNAM PHYIN CI LOG PAR RTOGS NAS BSGOM PAR BYA ZHING, SA MTHON PO'I SKABS SU SKYES PA'I LAM GYI NGO BO RNAMS NI NAM ZHIG THOB NA SNYAM DU SMON PAS YUL DU BYAS SHING DE'I RGYUR TSOGS GSOG PA DANG SGRIB PA SBYONG BA LA 'BAD PAR BYA'O, ,'PHAGS PA'I BDEN PA BZHI MNGON SUM DU RTOGS PA LA 'JUG PAR BYA BA'I CHED DU DRAN PA NYER GZHAG BSGOM PAR BYA STE, LUS MI GTZANG BA LA GTZANG BAR 'DZIN PA'I GNYEN POR LUS DRAN PA NYER GZHAG BSGOM PAR BYA STE, DE YANG RANG GI LUS 'DI MI GTZANG BA'I LUS SUM CU RTZA DRUG GI RANG BZHIN, NYEN MONGS SKYE BA DANG GNAS PA DANG, 'PHEL BA'I GNAS NGAN LEN GYI

DU: KHA YI RJES SU 'BREL BA MI GTZANG BA'I RANG BZHIN DU YID LA BYAS NAS DU: KHA LA BRAL 'DOD KYI BLO BSKYED PAR BYA'O, ,DE NAS TSOR BA BDE SDUG BTANG SNYOMS GSUM 'DU BYED DU: KHA'I RANG BZHIN GYIS BDE BAR GZUNG NAS, TSOR BA BDE BA LA MI 'BRAL BAR SRED, TSOR BA DU: KHA LA 'BRAL BAR SRED, TSOR BA BTANG SNYOMS LA THOB BYAR BZUNG NAS PHYIN CI LOG TU SRED CING, SRED PAS LAS BSAGS NAS 'KHOR BAR 'KHOR ZHING SDUG BSNGAL SNA TSOGS BSKYED PAS, ZOG BCAS KYI TSOR BA SDUG BSNGAL GYI RANG BZHIN 'BA' ZHIG TU BSAMS NAS KUN 'BYUNG LA SPONG 'DOD BSKYED PAR BYA'O, ,SEMS RTAG PAR 'DZIN PA'I GNYEN POR SEMS SKAD CIG RE RE ZHING SKYE 'GAG BYED BAS SEMS MI RTAG PAR KHONG DU CHUD PAR BYA ZHING, BDAG MED LA BDAG TU 'DZIN PA'I GNYEN POR, PHUNG PO CHOS TZAM LA GANG ZAG TU BTAGS PA DE NYID CHAGS SOGS KYI KUN NAS NYON MONGS PA DANG, DAD SOGS KYI RNAM PAR BYANG BAR SHES PAR BYAS LA 'GOG PA SNGON DU BYA RGYU DANG, LAM BSTEN BYAR YID LA BYA'O, ,DES NA CHAGS SOGS MI SKYE BA SNGAR SKYES PA RNAMS RIGS 'DRA MI 'BYUNG BA'I TSUL GYIS SPONG ZHING, SNGA MA SKYES PA MI SKYED PA DANG, DGE BA'I CHOS SNGAR SKYES PA RNAMS MI NYAMS SHING 'PHEL BA DANG, MA SKYES PA RNAMS BSKYED PA'I CHED DU 'DUN PA BSKYED PA DANG, 'BAD PA DANG, BRTZON 'GRUS BRTZAM PAR BYA'O, ,DE LTAR BRTZON 'GRUS BRTZAMS PAS SEMS LAS RUNG GI TING NGE 'DZIN RNYED PAR 'GYUR PAS, NYES PA LNGA'I GNYEN POR SPONG BA'I 'DU BYED BRGYAD BSTEN NAS TING NGE 'DZIN SGRUB PAR BYA'O, ,DE YANG DAD PA SNGON DU 'GRO BA'I 'DUN PA DRAG POS SEMS RTZE GCIG PA RNYED PA DANG, YANG DAG PAR SPONG BA'I BRTZON 'GRUS

, ,RTZOM PA DANG, ZHI GNAS DANG, RAB TU 'DZIN PA DANG, BTANG SNYOMS KYI RGYU MTSAN YID LA BYED PA DANG, BDAG GI RGYUD LA MI DGE BA PHRA BA DANG, RAGS PA JI LTAR RGYU SNYAM DU YID LA BYAS PAS SEMS RTZE GCIG PA'I TING NGE 'DZIN LAM GYI RIM PA LAS JI LTAR BSTAN PA LTAR BTZAL BAR BYA'O, ,DES NA 'PHAGS PA'I BDEN PA BZHI LA SHES PAR BYA BA DANG, SPONG BAR BYA BA DANG, MNGON DU BYA BA DANG, BSTEN PAR BYA BAR YID CHES PA'I DAD PA BSGOM PA DANG, 'DOR LEN BYA BA'I CHED DU BRTZON 'GRUS RTZOM PA DANG, DE DAG GI DMIGS RNAM MI BRJED PA'I DRAN PA YID LA BYED PA DANG, SEMS RTZE GCIG PA'I TING NGE 'DZIN DANG, DE DAG 'BYED PA'I SHES RAB GOMS PAR BYED PAS BDEN PA MNGON PAR RTOGS PA LA DBANG BYED PA PO DBANG PO DANG, DE GONG DU 'PHEL BA'I STOBS RNAMS 'BYUNG STE, DBANG PO DANG STOBS KYI KHYAD PAR NI DAD PA SOGS MNGON DU GYUR PA'I TSE NA, DANG PO'I SKABS SUM DAD PA SOGS MI 'BYUNG YANG, RJES KYI GNAS SKABS SU MANG DU 'BYUNG LA, STOBS THOB NAS NI RJES KYI GNAS SKABS SU YANG CUNG ZAD TZAM LAS MI 'BYUNG BA YIN NO, ,ZHI GNAS DANG LHAG MTHONG GIS BSDUS PA'I BYANG CHUB KYI YAN LAG BDUN BSGOM PAR BYA STE, CHOS RAB TU RNAM 'BYED DANG, BRTZON 'GRUS DANG DGA' BA GSUM LHAG MTHONG GI PHYOGS DANG, SHIN TU SBYANGS PA DANG, TING NGE 'DZIN DANG, BTANG SNYOMS RNAMS ZHI GNAS KYI PHYOGS DANG, DRAN PA NI GNYIS KA'I PHYOGS SO, ,DE LA SKABS 'DIR BYANG CHUB NI BDAG MED MNGON SUM DU RTOGS PA'I YE SHES LA BYA LA, DE YANG BLA NA MED PA'I BYANG CHUB KYI GNAS LUGS DON DAM PA'I BDEN PA MNGON SUM GYIS GSAR DU RTOGS PA THEG PA CHEN PO'I MTHONG LAM THOB PA NAS

BZUNG LA, DE THOB PAR BYED PA LA LAS DANG PO PAS KYANG YAN LAG BDUN BSGOM PAR BYA STE, DE LA STONG PA NYID RTOGS PA'I CHOS RAB TU RNAM 'BYED KYI SHES RAB RANG BZHIN GYI YAN LAG YIN LA, 'KHOR DANG BCAS PA 'PHAGS PA'I BDEN PA BZHI SHES PA'I SHES RAB BO, , DE YANG JI LTAR BSHAD PA LTAR BSGOM PAR BYA'O, ,DE DAG GI DMIGS RNAM MA BRJED PA'I DRAN PA NI BDAG PO'I RKYEN DU GYUR PA GNAS KYI YAN LAG GO ,DON DE DAG KHONG DU CHUD NAS GONG NAS GONG DU 'PHEL BA'I CHED DU 'BAD PA'I BRTZON 'GRUS NI NGES PAR 'BYUNG BA'I YAN LAG DANG, DGA' BA NI LUS SEMS LA PHAN 'DOGS PAS PHAN YON GYI YAN LAG GO ,GSUM PA NI, KUN NAS NYON MONGS PA MED PAR BYED PA'I YAN LAG STE, LUS SEMS LAS SU MI RUNG BA'I GNYEN PO, LUS SEMS SHIN TU SBYANGS PA'I BDE BA NI, BYING RGOD LA SOGS PA'I KUN NAS NYON MONGS PA MED PA'I GZHI DANG, NYON MONGS PA MED PA'I GNAS KYI TING NGE 'DZIN TE, SEMS MNYAM PAR BZHAG PA LAS JI LTA BA DANG JI SNYED PA RTOGS PA'I LHAG MTHONG 'BYUNG BAS SO, ,BYING RGOD KYI GNYEN PO SOGS RTZOL BAS BSTEN MI DGOS PAR RTZOL MED DU 'JOG PA'I BTANG SNYOMS NI NYON MONGS PA MED PA'I RANG BZHIN TE, 'DI DAG KYANG ZHI GNAS DANG LHAG MTHONG SGRUB PA'I TSUL LA MKHAS PAR BYAS NAS DE'I NANG DU MA 'DUS PA CUNG ZAD KYANG MED DO, ,BYANG CHUB KYI YAN LAG BDUN MTHONG LAM THOB NAS 'BYUNG YANG, DE'I DMIGS RNAM JI LTA BA BZHIN DU SHES PAR BYAS NAS DA LTA NYID NAS BSGOM PAR BYA STE, LAM MTHON PO'I SKABS YIN PAS SNYAM NAS YID LA MA BYAS NA THEG PA CHEN PO'I TSOGS LAM RDZOGS PAR SKYE MI SRID PAS SO, ,'PHAGS PA'I LAM YAN LAG BRGYAD KYIS BSDUS PA'I MNGON PAR

, ,RTOGS PA'I RIGS RNAMS KYANG BSGOM PAR BYA LA, DE DAG KYANG BSLAB PA GSUM DU 'DUS TE, YANG DAG PA'I NGAG DANG, LAS KYI MTHA' DANG, 'TSO BA RNAMS TSUL KHRIMS KYI BSLAB PA DANG, YANG DAG PA'I DRAN PA DANG, TING NGE 'DZIN SEMS KYI BSLAB PA DANG, YANG DAG PA'I LTA BA DANG, RTOG PA DANG, RTZOL BA RNAMS SHES RAB KYI BSLAB PA'O, ,YANG DAG PA'I LTA BA ZAG PA MED PA'I SHES RAB YIN KYANG, LAS DANG PO PAS DE SKYE BA DANG RJES SU MTHUN PA'I BDAG MED PA RNAM PA GNYIS RTOGS PA'I SHES RAB BTZAL BAR BYA'O, ,DE NI YAN LAG BRGYAD KYI NANG NAS YONGS SU GCOD PAR BYED PA'I YAN LAG DANG, BDAG MED RTOGS PA'I RTOGS PAS KUN NAS BSLANG NAS TSIG GIS GZHAN LA GO BAR BYED PAS GO BAR BYED PA'I YAN LAG DANG, GZHAN YID CHES PAR BYED PA'I YAN LAG DANG, GSUM STE STONG NYID KYI DON GZHAN LA STON PA DANG, 'PHEL BA'I GTAM RNAM PAR NGES PAS NGAG GIS SHES RAB RNAM DAG TU YID CHES PAR BYED PA DANG, NGAL ZHING DUB PA'I MTHA' DANG, ,'DOD PA BSOD NYAMS KYIS MTHA' SPANGS NAS, LUS NGAG GI BYA BA MIN PA LA MI 'JUG PAS LAS KYI MTHAS TSUL KHRIMS RNAM DAG TU YID CHES PAR BYED PA DANG, LOG PA'I 'TSO BA SPANGS NAS CHOS GOS SOGS TSOD ZIN PAR 'TSOL ZHING LONGS SPYOD PAS YANG DAG PA'I 'TSO BAS 'TSO BA RNAM DAG DANG, YO BYAD SDUD PAR YID CHES PAR BYED DO, ,YANG DAG PA'I RTZOL BA DANG, DRAN PA DANG, TING NGE 'DZIN GSUM NI MI MTHUN PHYOGS KYI GNYEN PO'I YAN LAG STE, RTZOL BAS LHAN SKYES KYI SGOM SPANGS SPONG BA DANG, BDEN PAS ZHI GNAS DANG RAB TU 'DZIN PA DANG, BTANG SNYOMS KYIS RGYU

MTSAN YID LA BYED PAS BYING RGOD KYI GNYEN PO DANG, TING NGE 'DZIN LA BRTEN NAS MNGON SHES SOGS YON TAN KHYAD PAR CAN SGRUB PA'I GEGS KYI GNYEN PO BYED PAS SO, ,BYANG CHUB SEMS DPA' LAS DANG PO PAS LAM GYI YAN LAG BRGYAD PO 'DI DAG BYAMS PA DANG, SNYING RJE DANG, BYANG CHUB KYI SEMS KYIS KUN NAS BSLANGS TE, STONG NYID RTOGS PA'I SHES RAB KYIS ZIN PA DANG, RDZOGS PA'I BYANG CHUB TU BSNGO BAS ZIN PA'I SGO NAS NYAMS SU BLANG BAR BYA'O, ,SANGS RGYAS KYI THUGS RGYUD KYI LAM GYI BDEN PA'I RNAM PA NYID LA BRGYA DANG BCUR DBYE BA YIN YANG, SUM CU RTZA BDUN DANG SUM CU RTZA BZHI 'DIR BSTAN PA LA, SANGS RGYAS KYI YIN PAR KHAS LEN PA NI BLO GROS KYI 'JUG PA CUNG ZAD RTZINGS PA YANG YIN NO, ,RNAM PAR THAR PA'I SGO GSUM THUN MONG BA NYAMS SU LEN PA'I TSUL NI MI RTAG SOGS BCU DRUG NYAMS SU LEN PAR 'DUS LA, GZHAN RNAMS NI TSIG DON BSHAD PA LTAR SHES PAR BYA'O, ,GNYIS PA LA GNYIS, SBYOR BA BSGOM PA PO'I RTEN DANG, DANG PO'I SBYOR BA NYAMS SU LEN PA'I TSUL LO, ,DANG PO NI, SANGS RGYAS RNAMS NI LHAG PAR BYAS, ZHES PA'I SKABS NAS BSTAN TE, DE LA SPYIR RNAM PA KUN TU DGE BA GSOG PA'I RTEN DANG, SMIN PA'I RTEN DANG, SMIN PA GROL BAR BYED PA'I RTEN GSUM KA BSTAN LA 'DIR NI SNGA MA STE, RNAM PA BRGYA BDUN CU RTZA GSUM SGOM PA'I SNGA ROL DGE BA'I BSHES GNYEN 'TSOL BA DANG, SHER PHYIN NYAN PA'I DUS NYID NAS DGE BA'I RTZA BA RGYA CHEN PO GSOG PA LA MKHAS PAR BYA BA YIN LA, DE NAS BZUNG STE TSUL BZHIN YID LA BYED PA'I SNOD SOGS 'DIR BSTAN PA LTAR SHES PAR BYA'O, ,SNGA MA KHA CIG GIS, RNAM KUN KHYAD PAR CAN DANG, RNAM KUN TZAM GYI

, ,LAM GYI RIM PA GNYIS SU PHYE NAS SNGA MAS BRGYAD PA YAN CHAD 'BA' ZHIG LA SBYOR BA MI 'THAD PAR BSHAD ZIN LA, GZHUNG 'DI'I MTSAMS SBYAR LTAR NA, 'CHAD PAR 'GYUR BA'I SBYOR BA NYID LA RNAM KUN KHYAD PAR CAN DU GSAL LO, ,GNYIS PA NI, GZUGS LA SOGS PA MI GNAS PHYIR, CES SOGS KYIS STONG PA NYID LA DMIGS PA'I ZHI LHAG ZUNG 'BREL GYI TING NGE 'DZIN DU MA ZAD, STONG NYID LA DMIGS PA'I LHAG MTHONG MTSAN NYID PA MA RNYED KYANG ZHI GNAS LA BRTEN NAS STONG PA NYID KYI DON BSGOM PA NAS BZUNG STE BSTAN PA YIN NO, ,DE YANG BDEN PA GCIG DANG DU BRAL GYI RTAGS LAS GZHI DANG LAM DANG RNAM PA GSUM BDEN STONG DU RTOGS PA'I BSAM PA'I SHES RAB KYIS RGYUN GOMS PAR BYAS PA LAS SGOM BYUNG DU 'GYUR BA YIN NO, ,GZHI GZUGS LA SOGS PA'I DE KHO NA NYID DU GNAS BYAR MA GRUB PAR RTOGS NAS SGOM PA'I SBYOR BA GNAS PA BKAG PA'I SBYOR BA DANG, DE KHO NA NYID DU GNAS BYAR MA GRUB PA DE NYID RTOGS NAS SBYOR BA LA RNAL 'BYOR BKAG PA'I SBYOR BA ZHES BYA'O, ,STONG NYID RTOGS PA'I BLO GZHAN BDEN STONG DU RTOGS PA LA MI BYA STE, SPYOD 'JUG LAS, DPYAD BYA RNAM PAR DPYAD BYAS NA, ,RNAM DPYOD LA NI RTEN YOD MIN, ZHES BSHAD PA LTAR CHOS THAMS CAD BDEN STONG DU RTOGS PA'I BLO DE NYID KYIS RANG NYID BDEN PAR 'DZIN PA'I SGRO 'DOGS CHOD PA'I PHYIR RO, ,BLO DE NYID KYIS GZHI'I CHOS NYID ZAB PA DANG, LAM GYI CHOS NYID GTING DPAG DKA' BA DANG, RNAM PA'I CHOS NYID CHAD MED PA RTOGS PAS ZAB PA DANG, GTING DPAG DKA' BA DANG, TSAD MED PA'I SBYOR BA ZHES BYA'O, ,GNAS SKABS KYIS DBYE NA STONG PA NYID KYI DON LA SKRAG PA MNGON GYUR DU SKYE BA'I GANG

ZAG GI RGYUD KYI SBYOR BA TSEGS CHEN YUN RINGS RTOGS PA'I SBYOR BA LA SOGS PA SBYOR BA BSGOM PA PO'I RTEN GYI GANG ZAG GIS GONG NAS GONG DU KHYAD PAR 'PHAGS PA'I GNAS SKABS GTZO BOR GYUR PAS CHE BA BRGYAD DANG, SBYOR BA'I BSGOM PA RDZOGS PAR BYED PA'I THABS KYI SGO NAS DBYE BA BZHI STE, 'BRAS BU RNAM MKHYEN GYI BAR DON DAM PAR 'PHEL 'GRIB MED PAR RTOGS PA DANG, RGYU DKAR NAG GI CHOS DANG CHOS MIN PA DON DAM PAR MED PAR RTOGS PA DANG, YUL THA SNYAD DU BSAM GYIS MI KHYAB PA DE NYID DON DAM PAR BSAM GYIS MI KHYAB PA YANG MED PAR RTOGS PA DANG, YUL CAN LA DE KHO NAR MA GRUB PAS, DE'I YUL CAN GYI MTSAN GZHI DANG, MTSAN NYID SOGS DE KHO NAR GRUB PA MI RTOGS PA'O, ,'BRAS BU MYUR DU 'GRUB PA'I SGO NAS DBYE NA, RGYUN TU ZHUGS PA NAS CHOS KYI 'KHOR LO BSKOR NUS PA'I BAR GYI YON TAN RNAMS SBYIN PAR BYED PA DANG, SGRIB PA MTHA' DAG ZAD PAR BYED PA'I NUS PA YOD PA'I SGO NAS DBYE BA GNYIS SO, ,'BRAS BU DE GNYIS MYUR DU 'GRUB PAR GDAMS PA DUS KYI SGO NAS BZHAG PA GCIG GO ,GSUM PA NI BDUD KYI MTHU BCOM LA SOGS PA, ZHES PA NAS, SBYOR BA SGOM PA'I PHAN YON PHYI NANG GI 'GAL RKYEN DANG BRAL BA DANG MTHUN RKYEN TSANG BA'I PHAN YON STON PAR 'GYUR RO, ,SHER PHYIN SGOM PA'I GANG ZAG LA BDUD BAR CHAD BYED PAR BRTZON YANG, SANGS RGYAS THAMS CAD KYIS DGONGS SHING MKHYEN PA DANG, SANGS RGYAS KYIS MNGON SUM DU MDZAD PA'I MTHUN RKYEN GNYIS TSANG BAS BDUD KYIS BAR DU GCOD PA'I NUS PA NYAMS NAS BAR CHAD BYED MI NUS PA'O, ,SBYOR BA BSGOM PA LA ZHUGS PA'I 'BRAS BU MTHAR THUG GI BYANG CHUB DANG NYE BA SOGS PHAN YON RNAM PA BCU BZHI'O, ,BZHI PA

, ,NI SBYOR BA BSGOM PA PO'I 'GAL RKYEN BAR CHAD KYI KHYAD PAR ZHE DRUG NI, SKYON NI BCU TSAN BZHI PAR BYAS PA, ZHES PAS BSTAN TE, 'CHAD PA PO DANG, NYAN PA PO BLO MTHUN PAS PHAL CHER SBYOR BA BSGOM PA LA 'JUG PA'I GEGS SU 'GYUR BA NYI SHU RTZA GSUM DANG, SBYOR BA BSGOM PA LA ZHUGS PA MTHAR PHYIN PA'I GEGS TSEGS CHEN POS 'THOB PA SOGS NYI SHU DANG, LAM LOG PAR 'KHRID PAS GEGS SU GYUR PA BDUD KYIS 'BYED PA'I SBYOR BA DANG, SHER PHYIN BCOS MA LA SHER PHYIN DU SGRUB PA'I SBYOR BA DANG, YUL JI LTA BA BZHIN MIN PA LA DGA' BA BSKYED PA STE THA MA GSUM YANG SBYOR BA BSGOM PA LA ZHUGS PA MTHAR PHYIN PA'I GEGS SO, ,'CHAD PA PO DANG NYAN PA PO BLO MA MTHUN PA'I SKYON 'DI DAG SPANG BYAR BSTAN PA NA, DE DAG SPANGS PAS DGE BA'I BSHES GNYEN BSTEN TSUL KHYAD PAR CAN GO NUS PAS MNGON PAR RTOGS PA DKYUS MA'I RIM PA LA BSHES GNYEN BSTEN PA'I TSUL DNGOS SU MA BSTAN YANG DON GYIS GO BAR 'GYUR BA NI, GZHUNG 'DI LA ZHIB TU SBYANGS NAS KHONG DU CHUD PAR 'GYUR RO, ,GNYIS LA BSGOMS PAS MNGON PAR RTOGS PA SKYE BA'I RIM PA BSHAD PA LA GSUM, RGYUD SMIN PA'I LAM NGOS BZUNG BA DANG, LAM KHYAD PAR CAN THOB PA'I GANG ZAG GI DBYE BA DANG, 'BRAS BU SKU GSUM 'GRUB PA'I NUS PA KHYAD PAR CAN GYI DBYE BA BSHAD PA'O, ,DANG PO NI, SNGAR BSHAD PA LTAR BSKAL PA GRANGS MED PA GSUM NAS SANGS RGYA BA'I LAM GYI MGO RTZOM PA'I GANG ZAG DES TSOGS KYI LAM YONGS SU RDZOGS PAR BSGOMS NAS RGYUD SMIN PA'I LAM SKYE BA'I TSUL NI, DRO BA RNAMS KYI DMIGS PA 'DIR, ZHES SOGS KYIS BSTAN TO, ,BTANG SNYOMS BSGOM PA NAS BZUNG

STE, SEMS CAN THAMS CAD MAR BSGOM PA SOGS THEG PA CHEN PO'I LAM GYI THOG MA NAS BZUNG STE, GOMS PA MTHAR THUG PA'I BAR DU SGOM DGOS PAR SHES PA'I CHED DANG, SBYOR LAM GSUNG BA'I DUS DE'I TSE 'KHOR DU NYE BA'I GDUL BYA 'GA' ZHIG GI BSAM PA BLTOS NAS GSUNGS PA DE NYID RJE BTZUN KYI SBYOR LAM DANG SBYAR NAS GSUNGS PA YIN NO, ,'DI'I SKABS NAS BSTAN PA'I LAM NYAMS SU LEN TSUL NI SNGAR BSHAD PA DE DAG TU MA 'DUS PA MED DE, SROG GCOD SOGS MI DGE BA BCU SPONG BA LA RANG GNAS PA DANG, 'PHAGS PA'I BDEN PA BZHI SHES PA LA RANG GNAS PA NI, SKYES BU CHUNG NGU DANG 'BRING GI LAM NYAMS SU LEN PA'I RIM PA YIN LA, LAM DE DAG LA GDUL BYA GZHAN 'GOD PA KHYAD PAR CAN DU BYAS NAS BSTAN PA NI SKYES BU CHEN PO'I LAM STON PA YIN NO, ,SKABS DANG POR SBYOR LAM GYI MNYAM GZHAG GTZO BOR BSTAN CING, 'DIR RJES KYI GNAS SKABS GTZO BOR BSTAN PA NI SKABS GONG 'OG KUN BSDOMS PAS SBYOR LAM YONGS SU RDZOGS PA SHES PAR BYA BA'I CHED DU YIN NO, ,'DI'I SKABS KYI SBYOR LAM SA BRGYAD PA LA SBYOR BA SLOB DPON GYI BZHED PAR CHAD PA NI, 'GREL CHEN DU CHOS MCHOG LA CHE 'BRING GI DBYE BA BYAS PA'I RTZOD SPONG MA MTHONG BAR ZAG DO, ,GNYIS PA LA GNYIS, BSTAN PA DANG, BSHAD PA'O, ,DANG PO NI, NGES 'BYED YAN LAG NAS BZUNG STE, ZHES PA NAS BSTAN TE, DE LA RIGS KYI STOBS KYIS PHYIR LDOG PA DANG, RTOGS PA'I STOBS KYIS PHYIR MI LDOG PA GNYIS YOD LA, DANG PO LA, BYANG CHUB SEMS DPA' KHA CIG PHYIR MI LDOG PA'I RTAGS DANG MI LDAN YANG, DGE BA'I BSHES GNYEN GYIS YONGS SU BZUNG BA DANG, DGE BA'I RTZA BA RGYA CHEN PO LA MOS PA DANG, SPRO BA

, ,SHAS CHE BA SOGS KYI MTHU LAS SEMS DANG PO BSKYED PA NAS BZUNG STE, THEG PA CHEN PO LAS NYAMS PA MI SRID PA YOD LA, DE YANG DBANG PO RNON PO 'BA' ZHIG GIS NGES PA YANG SHES PAR BYA'O, ,GNYIS PA NI, LAM SGOM PA'I MTHU LAS STONG PA NYID KYI DON LA DNGANG ZHING SKRAG PA SHAS CHER MI 'BYUNG ZHING MI SKYE BA'I CHOS LA BZOD PA THOB PA DANG, THABS DANG SHES RAB YONGS SU RDZOGS PA LA BSTAN PA THOB PA DE'I MTHU LAS, LUS DANG NGAG GI KUN SPYOD RNAMS KYANG BYA BA KHYAD PAR CAN LA 'JUG GI ,NGAN PA LA MI 'JUG PAS LUS NGAG GI THA SNYAD KHYAD PAR CAN LAS NANG GI THABS SHES KYI RTOGS PA KHYAD PAR CAN DANG LDAN PAR DPAG NUS PA PHYIR MI LDOG PA'I RTAGS DANG LDAN PA'O, ,DE YANG DBANG PO RNON POS SBYOR LAM DROD NAS DANG, 'BRING POS MTHONG LAM NAS DANG, JI LTAR DBANG PO RTUL YANG SA BRGYAD PA NAS THOB PA SOGS NI LUNG LA BRTEN NAS DPAG PAR BYA BA YIN GYI SO SO SKYE BO LAM DU MA ZHUGS PA RNAMS KYIS DNGOS PO STOBS ZHUGS KYI RIG PAS RTOGS PAR NUS PA MIN NO, ,LUS NGAG GI THA SNYAD KHYAD PAR CAN DANG LDAN PA DANG, DE LAS NANG GI THABS KHYAD PAR CAN DPOG PA DANG, DE LAS THEG PA GZHAN GYIS MCHOD PAR RDZOGS PA'I BYANG CHUB GDON MI ZA BAR 'BYUNG RUNG DPOG PA SOGS NI, DNGOS PO STOBS ZHUGS KYI RIG PAS KYANG RTOGS NUS SO, ,DE LA DGONGS NAS SLOB DPON GYIS PHYIR MI LDOG PA NYID DU BZUNG BAR BYA'O, ZHES PA'I MDO'I 'GREL PAR BZUNG BAR BYA'O ZHES PA NI, NUS PA'I RGYU YIS 'BRAS SKYE BAR, ,RJES SU DPOG PA GANG YIN PA, ,DON GZHAN LA NI PHYIR MI LDOG ,DE NI RANG BZHIN YIN PAR BRJOD, CES BYA BA'I TSUL GYIS RGYU TSOGS PA LAS 'BRAS BU 'BYUNG BA NYID DU RJES SU DPOG

PAS BZUNG BAR BYA'O, ZHES BYA BA'I DON TO ZHES BSHAD DO, ,SBYOR LAM PA PHYIR MI LDOG GI RTAGS BSHAD PA DANG, MTHONG LAM PA DANG, SGOM LAM PA PHYIR MI LDOG GI RTAGS BSHAD PA'O, ,DANG PO NI, GZUGS LA SOGS PA LDOG SOGS BTAGS, ZHES SOGS MDOR BSTAN RGYAS BSHAD KYIS BSHAD PA RNAMS TE, KHA CIG GZUGS SOGS LA BDEN ZHEN MNGON GYUR PA LDOG PA DGOS PAR 'DOD PA NI MI 'THAD DE, BDEN TSIG MNGON GYUR PA SA BDUN PA'I BAR GYI RJES KYI GNAS SKABS SU 'JUG PA'I PHYIR RO, ,DES NA SNGAR BSHAD PA LTAR STONG PA NYID LA MNYAM PAR BZHAG PA'I TSE, SKRAG PA PHAL CHER MI 'BYUNG BA'I DON YIN NO, ,GNYIS PA NI, MTHONG BA'I LAM LA BZOD PA DANG, ZHES SOGS MDOR BSTAN RGYAS BSHAD KYIS BSTAN TE, RTAGS 'DI DAG KYANG NANG GI MNYAM GZHAG GI STOBS KYIS 'BYUNG BAR SHES PA'I CHED DU, MNYAM GZHAG SHES BZOD RNAMS LA RTAGS KYI MING GIS BTAGS NAS BSTAN PA YIN LA, SLOB DPON 'PHAGS PAS DU: KHA RJES SU SHES PA'I BZOD PA SKAD CIG MA LA NI, RJES SU SHES PA DANG 'BREL BAS NYAN THOS LA SOGS PA'I SAR LTUNG BA SRID DE, DE KHAMS GSUM PA'I GNYEN POR 'BYUNG BA NYID KYI PHYIR RO, ZHES GSUNGS PA'I DON NI, DU: KHA'I CHOS NYID MNGON SUM DU GZIGS PA'I BLO DES DU: KHA'I NYES DMIGS MNGON SUM DU GZIGS PA MIN YANG, DE'I LAG RJES KYIS RJES KYI GNAS SKABS NA MTHO RIS LA YANG, DMYAL BA DANG MTSUNGS PAR DU: KHA'I NYES DMIGS MNGON SUM DU GZIGS NAS 'KHOR BAS 'JIG SKRAG STE, LAS NYON GYI DBANG GIS 'KHOR BAR SKYE BA RGYUN CHAD PAR MA ZAD, 'KHOR BAR SKYE BA TZAM MI 'DOD PA'I BLO LHAN SKYES CUNG ZAD 'BYUNG BA LA

, ,DGONGS PA YIN NO, ,SNYING RJE DANG SMON LAM SHUGS DRAG PA DE'I MTHU LAS BLO DE RGYUN THUNG, 'KHOR BAR SKYE BA TZAM CHAD PA LAS THOB PA'I THAR PA LA DON GNYER CUNG ZAD TZAM CHAD PA MI 'BYUNG NGO, ,'DI NGAG KYANG LAS DANG PO PAS MTSAN NYID SHES PAR BYAS NAS SMON LAM GYIS BSGOM PAR BYA BA YIN NO, ,GSUM PA NI, SGOM PA'I LAM NI ZAB PA STE, ZHES SOGS SHO LO KA BZHIS, SGOM PA'I LAM GYI KHYAD PAR DANG, NGO BO DANG, DBYE BA DANG, GRANGS NYUNG BA'I RTZOD SPANG RNAMS BSTAN TO, ,DE LA SGRO SKUR MTHA' DAG DANG BRAL BA'I STONG PA NYID BSGOM PA MNYAM GZHAG GI MNGON SUM GYI GZHAL BYAR BSTAN PA NA, SGOM LAM DE NYID ZAB MO RTOGS PAR 'PHANGS SHING, YUL ZAB PA DANG LDAN NA DE MNGON SUM DU RTOGS PA'I YUL CAN YANG CHES ZAB STE, YUL ZAB MO KHONG DU MA CHUD PAR YUL CAN ZAB MO RTOGS PAR KHONG DU CHUD MI NUS PAS, SGOM PA'I LAM NYID ZAB PAS KHYAD PAR DU BYAS PA YIN NO, ,SA DANG PO'I SKAD CIG GNYIS PA NAS SLOB DPON GYIS SGOM LAM DU MDZAD PA NI SGOM LAM CHUNG NGU'I CHUNG NGUR SDUD PAS GRANGS MA NGES PA'I SKYON MED DO, ,SLOB DPON GYI BZHED PA LTAR NGES PAR KHAS BLANGS DGOS TE, MTHONG LAM YUN SHIN TU THUNG LA, SA DANG PO BSKAL PA DU MA'I YUN GYIS RDZOGS DGOS TE, BSKAL PA GRANGS MED SUM CU RTZA GSUM 'DOD PA LTAR NA NI, GRANGS MED GSUM GYIS RDZOGS DGOS LA, GRANGS MED GSUM GYIS CHOG PAR 'DOD PA LTAR NA YANG, SA DANG PO LA BSKAL PA DU MAS RDZOGS DGOS PA'I PHYIR RO, ,DNGOS PO BRJOD DU MED PA LA, ZHES SOGS SHO LO KA GSUM GYIS 'BRAS BU BSKYED PA'I BYA BA BYED PA DANG, BDEN STONG 'GAL

BAR 'DZIN PA DAG GIS SGOM LAM DON DAM PAR BRJOD BRAL YIN NA SPANG BYA 'JOMS PA YANG MI 'THAD PA'I DON DAM SGO CAN GYI KLAN KA DANG, DE YANG SPONG BA'I LAM DANG, TSOGS PA DANG RGYUN LEGS PAR 'JOG MI SHES PA DAG GIS THEG CHEN SEMS BSKYED KYIS KUN RDZOB TU YANG BLA NA MED PA'I BYANG CHUB SGRUB PA'I DON BYED PAR MI RUNG BA LA RUNG BA'I RTZOD PA DANG, DE SPONG BA'I LAN BSTAN PA NI, SGOM LAM GYI MTSAN NYID DANG, DBYE BA DANG, BYED LAS LA MKHAS PAR BYA ZHING, DE YANG BDEN PA GNYIS KYI RNAM DBYE LA MKHAS PAR BYAS PA LA BLTOS PAR SHES PA'I CHED DU YIN NO, ,SKYE BA DANG NI 'GAG PA DANG, ZHES SOGS KYIS RTAGS KYI NGO BO BSTAN TE, ZAB MO RNAM PA BRGYAD MNYAM GZHAG TU RTOGS PAS DE'I STOBS KYIS THOB PA'I LUS NGAG GI THA SNYAD NANG GI RTOGS PA DPOG PA'I RTAGS SU 'GYUR BA'I SNGAR BSHAD PA LTAR SHES PAR BYA'O, ,GSUM PA NI, SLOB DPON DANG, 'PHAGS PA NYID KYIS SRID ZHI MNYAM NYID KYI SBYOR BA THOB NAS MI SLOB PA'I DGE 'DUN BSHAD PA NI, SA BRGYAD PA THOB NAS RNAM PAR MI RTOG PA'I YE SHES LA DBANG THOB NAS LAM GYI LUS YONGS SU RDZOGS PA MNGON SUM DU RTOGS SHING, LAM GYI RIGS PA TZAM ZHIG TSOGS LAM NAS THOB KYANG 'DIR MNGON GYUR PA'I TSUL GYIS 'JUG CING, BDEN 'DZIN MNGON GYUR ZAD PAR SPANGS PAS DE LTAR BZHAG PA YIN NO, ,YE SHES CHOS SKU'I LAG RJES 'JOG BYED SRID ZHI MNYAM NYID KYI SBYOR BA NI, CHOS RNAMS RMI LAM 'DRA BA'I PHYIR, CES SOGS KYIS BSTAN TE, SA BRGYAD PA NAS SRID ZHI MNYAM NYID KYI SBYOR BA THOB LA, DE THOB NAS SA BDUN PA MAN CHAD DANG RJES KYI 'CHAR TSUL MI 'DRA STE, MA DAG SA BDUN GYI RJES THOB KYI GNAS SKABS SU MNYAM GZHAG

, ,GI STOBS KYIS SHES BYA JI SNYED PA RNAMS, ME LONG NANG GI BYAD BZHIN GYI GZUGS BRNYAN LTAR SHAS CHER SNANG YANG, SO SO SKYE BO RNAMS KYI DBANG PO'I RNAM PAR SHES PA LA SNANG BA LTAR YANG LAN DU MAR SNANG YANG, SA BRGYAD PA THOB NAS NI, GZUGS BRNYAN LTAR SNANG BA MA GTOGS, SO SO SKYE BO'I DBANG SHES LA SNANG BA LTAR CUNG ZAD KYANG MI SNANG NGO, ,LONGS SPYOD RDZOGS PA'I SKU'I LAG RJES 'JOG BYED, ZHING DAG PA'I SBYOR BA NI, SEMS CAN 'JIG RTEN DE BZHIN DU, ZHES SOGS KYIS BSTAN TE, ZHING DAG PA'I PHYIR BYED PA'I RGYU NI RANG GIS BSAGS PA'I DGE BA RGYA CHEN PO RNAMS 'DUN PA DRAG PO'I SMON LAM GYIS BSGYUR BAR BYED PA STE, DE LA SANGS RGYAS GZHAN GYI ZHING DU SKYE BA'I SMON LAM DANG, RANG NYID ZHING 'DZIN PA'I SMON LAM GNYIS LAS 'DIR NI PHYI MA YIN TE, RANG GZHAN DUL BAR 'GYUR BA'I ZHING DER DAM GROG DANG, TSER MA SOGS SNOD KYI SKYON MED PAR SMON LAM 'DEBS SHING YE SHES KYI SNANG BA LAS GRUB PA'I ZHING 'GRUB PAR SMON PA STE, LONGS SKU'I ZHING GI DBANG DU BYAS PA YIN GYI, SPRUL SKU'I ZHING LA NGES PA MED DO, ,ZHING DER SKYES PA'I SEMS CAN RNAMS NGAN 'GRO'I BRGYUD PA DANG, MI DGE BA LA SPYOD PA CUNG ZAD KYANG MED PAR THEG PA CHEN PO'I RIGS CAN 'BA' ZHIG 'BYUNG BAR SMON PA STE, DE YANG ZHING KHYAD PAR CAN 'GRUB PA'I SBYOR BA KHYAD PAR CAN SA BRGYAD PA YAN CHAD NAS THOB KYANG LAS DANG PO PAS KYANG RANG GIS BSAGS PA'I DGE BA RNAMS ZHING DU SKYE BA DANG, ZHING 'DZIN PA'I RGYUR YANG DANG YANG DU BSNGO BAR BYA'O, ,SPRUL SKU DANG DE'I 'PHRIN LAS LHUN GYIS GRUB PA DANG, RGYUN MI 'CHAD PAR MDZAD PA'I LAG RJES 'JOG BYED THABS MKHAS PA'I SBYOR BA NI, YUL

DANG SBYOR BA CAN 'DI NI, ZHES SOGS KYIS BSTAN TE, MDO LAS, DPA' BO PHA ROL PO GNON PA LA MTHU DANG LDAN PAS GNYEN BSHES 'BROG DGON PA 'JIGS PA DANG BCAS PAR YAL BAR MI 'DOR BA'I DPES GSUNGS PA LTAR SEMS CAN LA SNYING RJE CHEN POS BDUD BZHI LA SOGS PA'I 'JIGS PA LAS SGROL BA'I THABS LA MKHAS PA SOGS MNGON MTHO LA 'GOD PA NAS BYANG CHUB GSUM LA 'GOD PA'I DUS DANG DUS MIN PA DANG, THABS SHES NAS MTHU THOGS PA MED PA DANG, SKAD CIG KYANG BRTZON PA MI 'DOR BAR SEMS CAN GYI DON MDZAD PA'I THABS MKHAS SBYOR BA NI SA BCU PA NAS THOB LA, DA LTA NYID NAS SNYING RJES KUN NAS BSLANGS NAS MNGON MTHO DANG, NGES LEGS KYI RGYU LA MKHAS PAR BYA'O, ,GNYIS PA 'BRAS BU RTZE MO'I SBYOR BA LA BZHI, SBYOR LAM RTZE SBYOR DANG, MTHONG LAM DANG, SGOM LAM DANG, BAR CHAD MED PA'I RTZE SBYOR RO, ,DANG PO NI, RMI LAM NA YANG CHOS RNAMS KUN, ZHES SOGS SHO LO KA BZHIS BSTAN TE, SNGAR BSHAD PA LTAR, TSOGS LAM DU RNAM RDZOGS SBYOR BA RDZOGS PAR BSGOM PA LAS GOMS PA RAB GYUR THOB PA STE, STONG NYID RTOGS PA'I SHES RAB SGOM BYUNG DU GYUR NAS SBYOR LAM DROD THOB PA YIN LA, STONG NYID LA DMIGS PA'I SGOM BYUNG GI SHES RAB MYONG BA'I STOBS KYIS GRUB KYANG SBYOR LAM DROD THOB PA DANG, RTZE SBYOR THOB PA'I LDOG PA SOGS NI SAD PA DANG RMI LAM SOGS KYI RTAGS LAS SHES PAR BYA STE, DE YANG SAD PA'I TSE STONG NYID SGOM PA'I STOBS KYIS RMI LAM GYI TSE CHOS THAMS CAD BDEN PAS STONG BZHIN DU SNANG BA RMI LAM LTA BUR DRAN PA STE, DE YANG RMI LAM DU MIR SNANG BA MIR MI BDEN BA SHES PA TZAM NI LTA BA MA LOG PA'I GANG ZAG THA MAL PA RMI LAM ZIN PA LA YANG

, ,'BYUNG LA DE NI RGAN PO BRDA BYANG GIS BYAD BZHIN GYI GZUGS BRNYAN BYAD BZHIN GYIS STONG BAR RTOGS PA DANG 'DRA BAS LTA BA GO BA'I PHYOGS NA YANG MED LA 'DI NI RMI LAM GYI TSE RMI LAM GYI SNANG BA DE NYID DPER BYAS NAS, SAD DUS LA SOGS PA'I CHOS THAMS CAD BDEN STONG DU DRAN PA YIN LA, DE YANG BSGOM PA LAS BYUNG BA'I SHES RAB KYI STOBS KYIS DRAN PA YIN PAS DE'I TSE RTZE SBYOR THOB PA ZHES BYA'O, ,RMI LAM RMI BA'I SNGA ROL SGOM BYUNG DE LTA BU SNGON DU MA SONG NA, RMI LAM GYI TSE STONG PA NYID DRAN PAS KYANG RTZE SBYOR THOB PAR 'JOG MI NUS SO, ,DE BZHIN DU SANGS RGYAS 'KHOR DANG BCAS PA NAM MKHA' LA BZHUGS PA MTHONG BA SOGS KYANG SHES PAR BYA'O, ,STONG GSUM GYI SEMS CAN BYANG CHUB LA BKOD PA'I DGE BA LAS SHES RAB KYI PHA ROL TU PHYIN PA'I RTZE SBYOR DU YID LA BYED CING DE NYID GZHAN LA STON PA BSOD NAMS CHES MANG BA SOGS DANG, SEMS CAN LA DMIGS PA MED PA'I SNYING RJE SOGS DANG, MI SKYE BA'I CHOS LA BZOD PA THOB PA'I STOBS KYIS MKHYEN PA GSUM GYI RNAM PA BRGYA DANG BDUN CU RTZA GSUM LA RTOGS PA BRTAN PO THOB PA DANG, DE BRTAN PA LAS SEMS KUN TU GNAS PA'I TING NGE 'DZIN CHOS NYID LA MNYAM PAR BZHAG PA'I NGANG NAS, MTHONG LAM RTZE SBYOR BSKYED PA'I NUS PA THOB PA'I LAM RNAMS RIM GYIS 'BYUNG BAR SHES PAR BYA'O, ,GNYIS PA MTHONG LAM RTZE SBYOR LA SPANG BYA MI MTHUN PHYOGS NGOS BZUNG BA DANG, DE'I GNYEN PO'I PHYOGS YID LA BYED PA'I TSUL LO, ,DANG PO NI, 'JUG PA DANG NI LDOG PA LA, ZHES SOGS MDOR BSTAN RGYAS BSHAD KYIS BSTAN TE, DE LA GZUNG RTOG DANG 'DZIN RTOG GO ,DANG PO

LA, 'JUG PA GZUNG RTOG DANG, LDOG PA GZUNG RTOG GO ,DANG PO NI, THEG PA CHEN PO'I LAM 'BRAS BU DANG BCAS PA LA NYAN THOS RIGS NGAS PAS RANG GI RGYUD LA MI SKYED CING LDOG BYAR ZHEN YANG, THEG PA CHEN PO'I RIGS CAN KHA CIG GIS 'JUG BYA LONGS SPYAD BYAR BDEN PAR ZHEN PA SA BON DANG BCAS PA 'DIR SPANG BAR BYA'O, ,DE LA SHES RAB KYI PHA ROL TU PHYIN PA'I LAM SPYI DANG KHYAD PAR RO, ,DANG PO NI, LAM SHER PHYIN DON DAM PAR GRUB PAS DBEN PAS DON DAM DU GRUB PAS DBEN PA'I RNAM MKHYEN DON DAM DU MI 'THOB KYANG THA SNYAD DU 'THOB PAS LAM DANG 'BRAS BU'I SHER PHYIN LONGS SPYAD BYAR BDEN PAR ZHEN PA'O, ,LAM GYI KHYAD PAR LA, RIGS DANG, LAM GYI NGO BO DANG, LAM GYI 'BRAS BU'O, ,DANG PO NI, THEG PA CHEN PO'I RIGS DANG, RIGS SAD PA LA LONGS SPYAD BYAR BDEN PAR ZHEN PA STE, PHYI MA RNAMS LA YANG DE LTAR SBYAR RO, ,GNYIS PA LA, LAM DNGOS DANG, LAM GYI DMIGS PA DANG, LAM GYI NUS PA'O, ,DANG PO NI, THEG PA CHEN PO'I MTHONG LAM LA SOGS PA LONGS SPYAD BYA DANG, GNYIS PA NI, MNYAM GZHAG MA 'KHRUL BA'I DMIGS PA STONG PA NYID DANG, GSUM PA NI, MI MTHUN PHYOGS SPONG ZHING, GNYEN PO BSKYED PA'I NUS PA LA DMIGS PA'O, ,LAM GYI 'BRAS BU LA, RANG DON PHUN TSOGS CHOS SKU LA DMIGS PA DANG, GZHAN DON PHUN TSOGS LA NYAN THOS LA SOGS PA'I SA THAG SRID ZHING GZUGS SKUS GZHAN DON BYED PA'I NUS PA LA DMIGS PA DANG, RIGS CAN GSUM BYANG CHUB GSUM LA BKOD PA'I BYA BA LA DMIGS PA DANG, GDUL BYA'I SKAL PA JI LTA BA BZHIN MYANG 'DAS THOB PA LA DMIGS NAS LONGS SPYAD BYAR BDEN PAR MNGON

, ,PAR ZHEN PA NI, 'JUG PA GZUNG RTOG YIN LA, DE'I SA BON KUN BTAGS KYIS BSDUS PA RNAMS MTHONG LAM RTZE SBYOR GYIS SPONG YANG, LAS DANG PO PAS 'JUG PAR BYA BA'I LAM RNAMS KYANG SHES PAR BYA ZHING, DE DAG BDEN STONG DU THOS BSAM GYIS GTAN LA PHAB NAS BSGOM PAR BYA'O, ,GNYIS PA LDOG PA GZUNG RTOG NI, DMIGS PA BZHIR 'DUS TE, THEG PA DMAN PA'I GANG ZAG GIS BSAM PA DMAN PA DANG, BDAG RKYEN YONGS 'DZIN DMAN PA DANG, LAM DMAN PA DANG, 'BRAS BU DMAN PA'O, ,DANG PO NI, SRID BA DOR BYAR MTHA' GCIG TU ZHEN PA DANG, CHAD PA'I MYANG 'DAS THOB BYAR ZHEN PA'O, ,GNYIS PA NI GO BAR ZAD DO, ,GSUM PA LA, DON GNYIS SGRUB PA'I THABS DMAN PA DANG, SPANGS PA DANG, RTOGS PA DMAN PA'O, ,DANG PO NI, GZHAN DON SGRUB PA'I YAN LAG JI LTA BA DANG JI SNYED PA MTHA' DAG SHES PA'I LAM MTSANG BAS GZHAN DON SGRUB PA'I THABS DMAN PA DANG, SRID PA THA MAL BA'I TSE YANG GZHAN GYI GDAMS NGAG LA BLTOS SHING, MI LTOS KYANG RANG DON MA RDZOGS PAS RANG DON SGRUB PA'I THABS DMAN PA DANG, CHEN PO GSUM GYI CHED DU BYA BA BRTZON PAR MI BYED PA'I GNYIS DON SGRUB PA'I THABS DMAN PA DANG, GNYIS PA NI, NYON SGRIB DANG, SHES SGRIB GZUNG RTOG TZAM SPANGS PAS SPANGS PA DMAN PA DANG, CHOS NYID BDEN PAS STONG PA'I RO GCIG TU MA RTOGS PAS RGYUN ZHUGS LA SOGS PA RTOG PA THA DAD CING DMAN PA DANG, MA RIG PA'I BAG CHAGS MA SPANGS PA DGRA BCOM THOB PA'I TSE YANG 'BRAS BU MTHAR THUG PA LA GNAS PA DANG, DER 'GRO BA'I LAM MI SHES PA DANG, BZHI PA 'BRAS BU DMAN PA NI, DMAN LAM SNGON DU MA

SONG BAR NYES PA THAMS CAD ZAD PA'I 'BRAS BU THOB MI NUS PAR DMAN PA'I DGRA BCOM THOB RJES SU RNAM MKHYEN THOB DGOS PAS 'BRAS BU DMAN PA'O, ,DMAN PA'I GANG ZAG GIS DE DAG LA 'JUG BYAR GZUNG NAS BDEN PAR ZHEN PA 'JUG PA GZUNG RTOG YIN KYANG THEG PA CHEN POS DE DAG LA DMIGS NAS LDOG BYAR BDEN PAR 'DZIN PA NI LDOG PA GZUNG RTOG GO ,SPYIR SKYES BU'I LONGS SPYAD BYA DANG, GZUNG BYA'I YUL DU BDEN PAR ZHEN PAS GZUNG RTOG DANG, DE YANG LDOG BYA'I YUL DU BDEN PAR ZHEN PAS LDOG PA GZUNG RTOG CES BYA'O, ,RTOG PA SNGA PHYI GNYIS KYI SA BON BDEN PA BZHI'I CHOS NYID LA DMIGS PA'I CHOS BZOD BAR CHAD MED LAM GYIS SPONG BA YIN KYANG SNGA MA SBYOR BA NYER BSNGOGS DANG, PHYI MA BAR CHAD MED LAM GYIS SPONG BAR BSHAD PA NI SBYOR LAM GYI GNAS SKABS SU DPYOD PA'I RIM PA DANG, RJES KYI NGES PA'I RIM PA BSKYED RIM DANG, BAR CHAD MED LAM DE NYID KYI SKAD CIG SNGA PHYI LA NUS PA CHE CHUNG MI 'DRA BA'I KHYAD PAR BSTAN PA'I CHED DU YIN GYI, THEG CHEN GYI MTHONG LAM THOB MA THAG SBYOR BA'I LAM GYI SA BON SPONG BA DANG, DA RJES BAR CHAD MED LAM GYI SA BON GZHAN SPONG BA RIGS PA DANG 'GAL ZHING, SLOB DPON GYI BZHED PA YE NAS MIN NO, ,GNYIS PA 'DZIN RTOG LA, RDZAS 'DZIN RTOG PA DANG, BTAGS 'DZIN RTOG PA'O, ,DANG PO NI, RTOG PA DANG PO 'DI DAG GI DMIGS PA BLA MA LOTZTSA BA CHEN POS PHAL CHER NYES DMIGS KYI SGO NAS GSUNGS KYANG SLOB DPON GYIS SPEL TE BSHAD PA LTAR BYA'O, ,DON DAM PAR 'DZIN 'DOD PAR MED KYANG KUN RDZOB TU SGYU MA BZHIN DU 'DZIN PA DANG, GTONG BA SHES PA'I GANG ZAG LA DMIGS NAS LONGS SPYOD PA POR BDEN PAR ZHEN PAS

, ,RDZAS 'DZIN RTOG PA'O, ,DE BZHIN DU LHAG MA RNAMS LA YANG SBYAR RO, ,BDEN PAR YID LA MI BYED PAR BDEN MED YID LA BYED PA'I GANG ZAG DANG, BDEN PAR ZHEN PA'I CHOS NYID KYIS KHAMS GSUM CHAR DANG SHES RGYUD 'BREL YANG DER RNAM SMIN MI 'DZIN PA'I GANG ZAG DANG, STONG NYID RTOGS PA'I TSUL GYIS MI GNAS PAS BDEN PAR ZHEN PAS GNAS PA DANG, DNGOS PO LA BDEN PAR MA ZHEN PAS SEMS CAN GYI DON BYED PA LA ZHEN PA'I GANG ZAG DANG, DON DAM PAR RDZAS SU MED PAR RTOGS PAS CHOS THAMS CAD BTAGS PA TZAM DU SHES PA'I GANG ZAG DANG, STONG NYID RTOGS PA'I SNGON DU 'GRO BAS CHOS KUN LA BDEN MED DU CHAGS PA STE RTOGS PA'I GANG ZAG DANG, SPROS BRAL RTOGS PA'I GNYEN PO THOB PA'I GANG ZAG STE, DE DAG PHAL CHER SLOB DPON GYIS LAM SHER PHYIN LA GNAS PA'I GANG ZAG MDO NAS GSUNGS PA LTAR RTOGS PA'I DMIGS PAR MDZAD PA'O, ,LAM SHER PHYIN LEGS PAR MA SHES PAS 'BRAS BU'I SHER PHYIN DU JI LTAR 'DOD PA BZHIN DU 'GRO BA LA THOGS PA'I GANG ZAG LA DMIGS NAS LONGS SPYOD PA POR RDZAS SU BDEN PAR 'DZIN PA NI RDZAS 'DZIN RTOG PA'O, ,THA MA 'BRAS BU LAS NYAMS PA'I GANG ZAG BSHAD PA LTAR DANG PO BRGYAD LAM LAS NYAMS PA'I TSUL YANG SBYAR BA BYA STE, BLANG DOR DU BDEN PAR ZHEN PA'I GANG ZAG DMIGS PAR BYED PA SOGS SO, ,GNYIS PA BTAGS 'DZIN RTOG PA NI, CHEN PO GSUM DU NGES PAR 'BYUNG MI NUS PA LA SKYES BUR BTAGS PA DANG, SHER PHYIN GYI GZUGS BRNYAN LA SHER PHYIN DU BZUNG NAS PHAR PHYIN DRUG LAM MIN PAR 'DZIN PA LA SKYES BUR BTAGS PA DANG, KUN

RDZOB TU SKYE 'GAG BYED PAR 'DZIN PA DANG, GZUGS NAS RNAM MKHYEN GYI CHOS RNAMS GCIG DANG, THA DAD DANG, BAR CHAD YOD MED KYI LDAN PA DANG MI LDAN PA LA SKYES BUR BTAGS PA DANG, GZUGS LA SOGS PA LA DON DAM PAR MI GNAS PA'I TSUL GYIS GNAS PA DANG, BYANG CHUB KYI MCHOG TU SEMS BSKYED PAS DMAN PA'I RIGS 'DOR BA DANG, DON DAM PAR BYANG CHUB KYI SNYING PO DON DU MI GNYER BA DANG, DON DAM PAR DE'I RGYU SHER PHYIN MED PAR SHES PA DANG, SNYING RJE DANG GNAS LUGS RTOGS PA'I NYAM CHUNG BAS BDUD LA SOGS PAS BRDZI NUS PA LA SKYES BUR BTAGS PA LA DMIGS NAS LONGS SPYOD PA POR BDEN PAR 'DZIN PA NI BTAGS 'DZIN RTOG PA'O, ,GANG ZAG DMIGS PAR BYAS NAS BDEN PAR 'DZIN PA GANG ZAG GI BDEN 'DZIN DU 'GYUR BA MA YIN NAM, JI LTAR NA THEG PA CHEN PO'I THUN MONG MIN PA'I SPANG BYA SHES BYA'I SGRIB PAS BSDUS PAR 'GYUR ZHE NA, MGON PO KLU SGRUB KYIS BZHED PA SHING RTA CHEN PO GZHAN GYIS BKRAL BA LTAR NA GANG ZAG DANG PHUNG PO LA DMIGS NAS BDEN PAR 'DZIN PA BDEN 'DZIN GNYIS DANG, DE YANG NYON SGRIB TU BZHED KYANG SLOB DPON NI PHUNG PO'I RGYUN LA GANG ZAG TU 'JOG PAS GANG ZAG BDEN PAR 'DZIN PA NI PHUNG PO BDEN PAR 'DZIN PA YIN LA, DE YANG SHES SGRIB TU BZHED KYI NYON SGRIB TU MI BZHED PA LTAR RNAM GZHAG BYAS PA YIN NO, ,GNYIS PA LA GSUM, MTHONG LAM RTZE SBYOR GYI RGYU DANG, 'BRAS BU DANG, NGO BO NGOS BZUNG BA'O, ,DANG PO NI, BYANG CHUB LA GZHAN STON PA DANG, ZHES SOGS KYIS BSTAN TE, DANG POR GZHUNG SHES RAB KYI PHA ROL TU PHYIN PA'I TSIG DON RDZOGS PAR STON PA

, ,DANG, DE NAS BYANG CHUB CHEN PO THOB PA'I RGYU LAM BZHI BYE BRAG TU BKAR NAS STON PA DANG, DE NAS GDUL BYA RANG NYID KYIS MNYAM GZHAG TU SHER PHYIN BSGOM PA DANG, RJES THOB TU GZHAN LA STON PA SOGS RGYU TSOGS GNYIS LA 'BAD PAR BYA'O,, GNYIS PA LA GSUM, 'BRAS BU NGOS BZUNG BA DANG, DNGOS PO BDEN PAR ZHEN PA MA SPANGS NA BYANG CHUB CHEN PO THOB MI NUS PA DANG, DE THOB PA LA STONG PA NYID RTOGS DGOS PAR BSTAN PA'O, ,DANG PO NI, DRI MA ZAD DANG MI SKYE BA'I, ZHES SOGS TE, SGRIB PA DON DAM PAR MA GRUB PAS DE SNGAR YOD ZAD PA DANG, PHYIS 'BYUNG MI SKYE BA'I ZAD MI SKYE BA'I SHES PA NI ZHEN YUL 'KHRUL PAS BYANG CHUB CHEN PO MI RUNG LA, DON DAM PAR SKYE 'GAG DANG BRAL BAR RTOGS PA'I YE SHES MTHAR THUG PA NI BYANG CHUB CHEN PO YIN NO, , GNYIS PA NI, 'GOG PA MED PA'I RANG BZHIN LA, ZHES SOGS SHO LO KA GNYIS KYIS, SGRIB PA DON DAM PAR MA GRUB PAS BDEN PAR GRUB PA SNGAR YOD LAM GYIS ZAD PA DANG, PHYIS SKYE BA 'PHRO CHAD PA'I 'GOG PA THOB PA MI SRID PAS DRI MA BDEN GRUB TU KHAS LEN PA DANG, BCOM LDAN 'DAS KYIS SHES SGRIB ZAD PAR SPANGS PA KHAS LEN PA YIN TE, BDEN PAR GRUB PA LA SU GANG GIS KYANG SNGAR YOD 'GOG PA DANG, SNGAR MED GSAR DU SKYES PA DANG SKYES 'PHRO RGYUN GCOD PA SOGS RNAM PA THAMS CAD DU MI RUNG BA'I PHYIR RO, ,CHOS THAMS CAD BDEN PAR MED PA LAM GYI RIM PA 'DI LTAR YID LA BYED PA 'THAD DE, LAS DANG PO PAS SNGON DU ZHI GNAS LEGS PAR BSGRUBS TE, DE'I RJES SU SNGAR BSHAD PA LTAR MI RTAG SOGS BCU DRUG DANG KHYAD PAR DU GANG ZAG GIS

BDAG MED BSGOM PAR BYA'O, ,DE YANG PHUNG PO'I TSOGS PA DANG, RGYUN GANG LA YANG BTAGS PA TZAM MIN PA'I RANG DBANG PA'I GANG ZAG PHUNG PO DANG RANG BZHIN GCIG DANG THA DAD GANG DU YANG MA GRUB PAS DE LTA BU'I GANG ZAG CUNG ZAD KYANG MED DO SNYAM DU SO SOR RTOGS PA'I SHES RAB KYIS DPYAD CING MTHAR CUNG ZAD 'JOG PA YANG BYA'O, ,RNAM 'GREL LE'U GNYIS PA NAS BSHAD PA'I RIGS PA LTAR DRAN PAR MA BYAS NA, SLOB DPON SENGGE BZANG PO'I BZHED PA DANG MTHUN PA'I ZHI SHES SGOM TSUL RTOGS PAR DKA'O, ,DES NA RNAM 'GREL NAS BSHAD PA'I LHAN CIG DMIGS NGES KYI RTAGS DANG GCIG DANG DU BRAL GYI RTAGS KYI PHYOGS CHOS DANG, KHYAB PA'I TSUL DRAN PAR BYAS NAS, DBANG PO'I RNAM PAR SHES PA LA GZUGS LA SOGS PA RDZAS THA DAD DU SNANG YANG SNANG BA LTAR GRUB PA CUNG ZAD KYANG MED DO SNYAM DU MNYAM GZHAG TU YID LA BYA ZHING RJES KYI GNAS SKABS SU GZUNG BYA DON GZHAN MED NA DE LTAR SNANG BA'I 'DZIN PA RNAMS 'KHRUL PA'O SNYAM DU GZHAN DBANG SGYU MA LTA BU'I DON DRAN PAR BYA'O, ,DE NAS SLOB DPON YE SHES SNYING PO DANG, SLOB DPON ZHI BA 'TSO'I BZHED PA DANG MTHUN PA'I STONG PA NYID KYI DON 'GREL CHEN DU BTAGS PAR GTAN LA PHAB PA BZHIN DU GCIG DU BRAL LA SOGS PA'I GTAN TSIGS LA BRTEN NAS GNYIS MED KYI SHES RAB DE YANG BDEN PAR MED DO SNYAM DU BSAM PAR BYA'O,, PHYOGS KHYAB JI LTAR NGES PA'I TSUL NI, TSIG DON GYI SKABS SU BSHAD ZIN TO, ,GSUM PA NI, GZHI DANG LAM DANG 'BRAS BU GSUM LAS, DANG PO NI, RTEN CING 'BREL PAR 'BYUNG BA 'DI LA, GANG ZAG DANG CHOS KYI BDAG TU 'DZIN PA'I ZHEN YUL SNGAR YOD GSAR

, ,DU GSAL BAR BYA BA CI YANG MED DE BDAG GNYIS KYIS GDOD MA NAS STONG PA'I PHYIR RO, ,BDAG MED GNYIS RTOGS PA'I GNYEN PO RNAM BYANG GI DMIGS PA GSAR DU BZHAG PAR BYA BA CUNG ZAD KYANG MED DO, ,BDAG MED PA 'DI'I GNAS LUGS YIN PA'I PHYIR RO, ,GNYIS PA NI, BDAG MED RTOGS PA'I YANG DAG PA'I LTA BA GOMS PAR BYAS PA LAS LAM RIM GYIS BGROD PAR 'GYUR RO, ,GSUM PA NI, DE LTAR GOMS PAS SGRIB GNYIS LAS GROL NAS MI GNAS PA'I MYA NGAN LAS 'DAS PA THOB PAR 'GYUR TE, GZHAN DU BSHAD ZIN TO, ,GSUM PA LA GNYIS, STONG PA NYID LA MNGON SUM DU MNYAM PAR BZHAG PA'I BAR CHAD MED LAM DANG, RNAM GROL LAM GYI RJES SU THUN MONG BA'I ZHI SHES SGOM PA'I TSUL LO, ,DANG PO NI, SBYIN PA LA SOGS RE RE NI, ZHES TE, THEG PA CHEN PO'I MTHONG LAM CHOS BZOD BAR CHAD MED LAM DE NYID STONG PA NYID LA MNGON SUM DU MNYAM PAR BZHAG PA YIN KYANG, DE'I TSE PHAR PHYIN DRUG KA'I YON TAN NUS PA'I NGO BOR MI LDAN NA, NYON SGRIB KYI SA BON TZAM SPONG NUS KYANG SHES SGRIB KYI SA BON SPONG MI NUS PAS DRUG DRUG SUM CU RTZA DRUG GI YON TAN LDAN PA'O, ,DES KUN BTAGS KYIS BSDUS PA'I RTOG PA BRGYA DANG BRGYAD KYI MNGON GYUR DANG, DE BSKYED PA'I BAG CHAGS SA BON GYIS BSDUS PA DUS MNYAM DU SPANGS PA YIN NO, ,MNGON GYUR MNGON SUM GYI GNAS SKABS SU SPANGS KYANG SKYE BAR MI RUNG BA'I CHOS CAN DU MA BYAS LA, 'DIR SA BON SPANGS PAS SKYE BAR MI RUNG BA'I CHOS CAN DU BYAS PA'O, ,'GYUR 'DI LTAR NA, RTOG PA BRGYA RTZA BRGYAD MNGON GYUR DANG, BAG CHAGS NI

DE BSKYED PA'I SA BON LA GSAL LO, ,SGOM LAM RTZE SBYOR GYI THA SNYAD KYI 'GYUR LTAR NA, SHES SGRIB SPANG BA DANG, DUS MNYAM DU NYON SGRIB SPONG BA LA BSHAD DU RUNG BA TZAM SNANG NGO, ,DMAN LAM SNGON DU MA SONG NA SHES SGRIB KYI SA BON SPONG BA'I TSE, NYON SGRIB KYI SA BON YANG NGES PAR SPONG BA YIN GYI BAG CHAGS KYI NYON MONGS PA ZHES BSHAD PA NI NYON MONGS PA'I BAG CHAGS ZHES PA'I DON YIN PAS SHES SGRIB STON PA YIN GYI NYON SGRIB LA 'CHAD PA NI MUN SPRUL LO, ,GNYIS PA NI, SENGGE RNAM BSGYINGS KYI TING NGE 'DZIN SNGAR GYI BAR CHAD MED LAM GYI MTHONG LAM SHES MTHONG GIS BLTAS NAS 'DA' BAR BYA BA'I MNGON RTOGS DE NYID STON PA YIN GYI, SNGAR GYI MNYAM GZHAG DE NYID LAS LANGS PA'I RJES THOB 'BA' ZHIG STON PA MIN NO, ,GSUM PA SGOM LAM RTZE SBYOR LA GSUM, RTEN SGOM LAM, DE'I SPANG BYA NGOS BZUNG BA, SPANG BYA SPANGS PAS THOB PA'I YON TAN NO, ,DANG PO NI, 'GOG DANG BCAS PA'I SNYOMS 'JUG DGUR, ZHES SOGS KYIS BSTAN TO, ,DE LA LAS DANG PO PAS MTHAR GYIS GNAS PA'I SNYOMS PAR 'JUG PA DGU DANG, DE LA THOD RGAL DU SNYOMS PAR 'JUG PA'I TSUL TSIG DON LTAR SHES PAR BYAS NAS SMON PAS YUL DU BYA ZHING, DE'I RGYUR TSOGS GSOG PA DANG, SGRIB PA SPYOD BAR BYA'O, ,GNYIS PA LA GNYIS, GZUNG RTOG DANG, 'DZIN RTOG GO ,DANG PO LA GNYIS, 'JUG PA GZUNG RTOG DANG, LDOG PA GZUNG RTOG GO ,DANG PO NI, MDOR BSDUS RGYAS DANG SANGS RGYAS KYI, ZHES SOGS KYIS BSTAN TO, ,SLOB DPON GYIS 'JUG PA GZUNG RTOG GI DMIGS PA DNGOS DANG, LDOG PAS 'PHEN PA CI RIGS SU SBYAR TE, GSUNG RAB KYI DON BSDUS PA DE BZHIN NYID CES

, ,PA DANG, RGYAS PA JI SNYED PA SHES PA LA DMIGS NAS 'JUG PAR BDEN PAR ZHEN PA NI 'JUG PA GZUNG RTOG GO ,PHAR PHYIN DRUG LA NAN TAN MA BYAS PAS SANGS RGYAS KYIS MA BZUNG ZHING BDUD KYI LAS SPONG MI NUS PAR BSTAN PAS DON GYI SHER PHYIN LA NAN TAN BYAS NA SANGS RGYAS KYIS BZUNG ZHING BDUD KYI LAS SPANGS NAS BSOD NAMS RGYA CHEN PO 'DZIN PAR BSTAN PAS DER 'JUG PA GZUNG RTOG GI DMIGS PA YIN LA, LAM GSUM GYI YON TAN DON DAM PAR MED CING GCIG GI DUS NA GCIG MED CING, THA SNYAD DU YOD PA DANG, RANG DUS NAS YOD PA GSUM DANG, MYA NGAN LAS 'DAS PA LA SBYAR BA DANG, STONG NYID MNGON SUM GYIS GSAR DU RTOGS PA DANG, RTOGS ZIN GOMS PAR BYAS PA LA DMIGS NAS 'JUG BYAR BDEN PAR 'DZIN PA SA BON DANG BCAS PA SPANG BYA'O, ,GNYIS PA NI, DMIGS PA SEMS DANG SEMS BYUNG RNAMS, ZHES SOGS KYIS BSTAN TE, NYAN THOS KYI TSOGS LAM DU BYANG CHUB KYI MCHOG TU SEMS MI SKYED PA DANG, BYANG CHUB KYI SNYING PO YID LA MI BYED PA DANG, NYAN RANG GNYIS RANG RANG GI THEG PA THOB BYAR YID LA BYED PA DANG, MTHONG LAM DU CHOS SKU YID LA MI BYED PA DANG, LAM SHER PHYIN GYI GZUGS BRNYAN TZAM BSGOM PA DANG, GNAS LUGS KYI DON BSGOM PA MED PA DANG, SHER PHYIN GYI GZUGS BRNYAN TZAM DANG GNAS LUGS KYI DON GNYIS KA BSGOM PA DANG, DE BKAG PA'I YA GYAL RE RE BSGOM PA YANG MIN PA DANG, PHYIN CI LOG TU MNGON PAR ZHEN PAS STONG PA NYID KYI DON LA JI LTA BA BZHIN MIN PAR 'DZIN PA LA DMIGS NAS LDOG BYAR BDEN PAR 'DZIN PA NI LDOG PA GZUNG RTOG GO ,

GNYIS PA LA GNYIS, RDZAS 'DZIN RTOG PA DANG, BTAGS 'DZIN RTOG PA'O, ,DANG PO NI, RANG DBANG BA'I RDZAS SU MED PA'I GANG ZAG DANG, PHUNG PO SGYU MA LTA BU LA GANG ZAG TU BZHAG PA DANG, MKHYEN PA GSUM GYI CHOS STONG PA NYID BSTAN PA DANG, YUL LA BDEN PAR CHAGS PA DANG, CHOS RAB TU RNAM 'BYED DANG, DON DAM PAR CHED DU BYAR MED KYANG THA SNYAD DU BYA BA DON DU GNYER BA DANG, THEG PA GSUM GYIS NGES PAR 'BYUNG BA DANG, LAM LA MA ZHUGS PAS YON TAN MA DAG PA DANG, 'KHOR GSUM DU ZHEN PAS SBYIN SOGS KYI SPYOD PA 'KHRUGS PA LA GANG ZAG TU BZHAG PA LA DMIGS NAS LONGS SPYOD PA PO'I RDZAS SU BDEN PAR 'DZIN PA NI RDZAS 'DZIN RTOG PA YIN LA, DE NI SEMS CAN BTAGS PA'I SPYOD YUL DANG, ZHES SOGS KYIS BSTAN TO, ,GNYIS PA NI, SEMS CAN BTAGS DANG DE RGYU YI, ZHES SOGS MDOR BSTAN RGYAS BSHAD KYIS BSTAN TO, ,'BRAS BU KUN MKHYEN GSUM MI SHES PAS DE THOB PA'I THABS LA RMONGS PA LA SKYES BUR BTAGS PA DANG, SGRIB PA THAMS CAD ZHI BAR BYED PA'I LAM GYI NGO BO LA RMONGS PA DANG, LAM GYI SNGON DU BYA BA DE BZHIN NYID LA RMONGS PA DANG, THUN MONG MA YIN PA'I THABS LA RMONGS PA DANG, LAM GYI DMIGS PA LA RMONGS PA DANG, SPANG BYA LA RMONGS PA DANG, GZUNG 'DZIN GNYIS STONG LA RMONGS PA LA SKYES BUR BTAGS PA LA DMIGS NAS LONGS SPYOD PA POR SO SOR BDEN PAR 'DZIN PA NI BTAGS 'DZIN RTOG PA'O, ,DE YANG DANG PO RNAMS KYIS NI GZUNG 'DZIN GYIS BSDUS PA'I CHOS THAMS CAD BDEN STONG SPROS BRAL DU RTOGS NAS YANG DANG YANG DU YID LA BYA'O, ,GSUM PA NI, YAMS NAD

, ,'DI RNAMS ZAD NAS NI, ZHES SOGS KYIS BSTAN TE, DPE SNGA MA LTAR 'GRO BA'I PHUN TSOGS THAMS CAD DANG, DPE PHYI MA LTAR RANG DON GYI YON TAN THAMS CAD BOS PA BZHIN DU NGANG GIS 'DU BA NI SNGAR BSHAD PA'I RNAM GZHAG DE DAG SPANGS PA'I BYED PA'O, ,LAS DANG PO PAS YON TAN DE DAG SMON LAM GYI YUL DANG, DE'I RGYU LA 'BAD PAR BYA'O, ,BZHI PA BAR CHAD MED PA'I RTZE MO LA, NGO BO NGOS BZUNG BA DANG, MTHUN RKYEN SGRUB PA DANG, 'GAL RKYEN BSAL BA'O, ,DANG PO NI, STONG GSUM SKYE DO ZHES SO, ,YON TAN DANG, NGO BO DANG 'BRAS BU'I KHYAD PAR GYIS BSTAN TO, ,GNYIS PA NI, 'DI'I DMIGS PA ZHES TE, SGYU MA LTA BU'I CHOS THAMS CAD DMIGS PA DANG, BDAG PO'I RKYEN DRAN PA DANG, SPROS PA RANG BZHIN GYIS ZHI BA'I RNAM PA CAN TE, STONG PA NYID LA MNYAM PAR BZHAG BZHIN PA DE LAS MI LDANG BAR RNAM MKHYEN SKYE BAR 'GYUR BA YIN NO, ,GSUM PA NI, DMIGS PA 'THAD DANG DE YI NI, ZHES SOGS KYIS BSTAN TE, BSAL BYA LOG SGRUB BCU DUG STE, DE YANG GZHI DANG LAM DANG 'BRAS BU LA LOG PAR RTOG PA'O, ,DANG PO GZHI LA LOG PAR RTOG PA NI, BDEN PA GNYIS KYI RNAM DBYE MI 'THAD PA DANG, CHOS RNAMS KYI RANG DANG SPYI'I MTSAN NYID MI 'THAD PA DANG, GZHI'I GNAS LUGS LA LOG PAR ZHUGS PA'I PHYIN CI LOG MI 'THAD PA'O, ,GNYIS PA LAM LA LOG PAR RTOG PA NI, SBYOR BA NYAMS LEN GYI SPYOD PA MI 'THAD PA DANG, SPYOD PA'I RTEN DKON MCHOG GSUM MI 'THAD PA DANG, LAM GYI NGO BO MI 'THAD PA DANG, DE BSGOM PA MI 'THAD PA DANG, DE SPANG BYA SPONG BA'I SPANG GNYEN MI 'THAD PA'O, ,

GSUM PA 'BRAS BU LA LOG PAR RTOG PA NI, SGYU MA LTA BU'I CHOS THAMS CAD RNAM MKHYEN GYI DMIGS PAR MI 'THAD PA DANG, DMIGS PA 'DZIN PA'I RNAM PA MI 'THAD PA DANG, DMIGS RNAM LA BRTEN PA'I RNAM MKHYEN GYI YE SHES MI 'THAD PA DANG, DE'I RGYU'AM GZHAN DON SGRUB PA'I THABS LA MKHAS PA MI 'THAD PA DANG, DES CHOS THAMS CAD MNGON SUM DU RTOGS PA'I MNGON RTOGS MI 'THAD PAR RTOGS PA'O, ,YANG NA PHYIN CI LOG MI 'THAD PAR 'DIR SBYAR RO, ,DE BRJOD PAR BYA STE, LOG PAR RTOG PA BCU DRUG GO THAMS CAD KYANG BDEN PA GNYIS GZHI GCIG GI STENG DU 'DU BA 'GAL BAR 'DZIN PAR 'DUS TE, DE YANG BTAGS 'DZIN CHEN PO BZHI LA SOGS PA LA BRTEN NAS BDEN 'DZIN GYI DMIGS GTANG BYA SA RDUL TZAM YANG MED PAR BSTAN PAS NA RTEN 'BRAL GYI CHOS RNAMS MO SHAM GYI BU'I 'GYING BAG LTAR SONG NAS RANG LUGS LA KHAS BLANGS PAR BYA BA CUNG ZAD MED PAR STON TE, KUN RDZOB LA SKUR BA 'DEBS PA DANG, YANG RTEN 'BREL GYI CHOS THAMS CAD RANG LUGS LA TSAD MAS GRUB PA'I RNAM GZHAG BYAS PA NA MTSAN 'DZIN GYI ZHEN YUL DE'I RJES SU 'BRANGS NAS RGYUS 'BRAS BU BSKYED PA SOGS BLO'I DBANG GIS BZHAG PA MIN PA'I YUL RANG GI THUN MONG MIN PA'I SDOD LUGS KYI NGOS NAS GRUB PAR 'DZIN PA NI BDEN GNYIS KYI DBYE BA LA MI MKHAS PA'I LOG PAR RTOG PA'O, ,DES NA BDEN STONG KHAS MA BLANGS NA RGYU 'BRAS KYI RNAM DBYE BYED DU MI RUNG BA DANG, DE BYES NA BDEN STONG DU KHAS BLANGS DGOS PAS GZUGS NAS RNAM MKHYEN GYI BAR GYI CHOS RNAMS KUN RANG LUGS LA TSAD MAS GRUB PA DANG, DE BDEN STONG

, ,DU TSAD MAS GRUB PA'I RNAM GZHAG GIS MI SHES NA DBU MA PA'I DRI TZAM YANG MED PAS BDEN GNYIS KYI RNAM DBYE LA MKHAS PAR BYA LA, BAR CHAD MED PA'I RTZE MO LA SNGON DU TSOGS GNYIS ZUNG DU 'JUG PA BSKAL PA DU MAR GOMS PAR BYA DGOS LA, DE LA GZHI RTAG CHAD KYI MTHA' DANG BRAL BA'I LTA BA GTAN LA 'BEBS DGOS PAR SHES PA'I CHED DANG, GDUL BYA NYE BA 'BA' ZHIG GI BSAM PA LA BLTOS NAS SKABS 'DIR SBYAR BAR MDZAD DO, ,BDEN PA GNYIS SU 'JUG PA LA MKHAS PAR MA BYAS NA LAM TSOGS GNYIS DANG 'BRAS BU SKU GNYIS SKYON MED BZHAG PA YE MED PAS BDAG LEGS SU 'DOD PA DAG GIS GNAS 'DI LA ZAB PAR BYA'O, ,DBU MA PANG [?] KHAS 'CHE BA KHA CIG ,RTEN 'BREL RANG LUGS LA KHAS BLANG DU MI RUNG BAR GO NAS YOD PA YANG MIN MED PA YANG MIN ZER BA'I ZER LUGS TZAM LA RE BA CHAD LTA'I MTHAR THUG PA, LTA BA DE NYID KYIS NGAN 'GRO'I RGYU BYED PA GZHUNG LUGS CHEN PO RNAMS NUB PA'I RKYEN BYED PA DAG NI SEMS DPA' CHEN PO RNAMS KYIS LHAG PAR BRTZE BA BYA BA'I GNAS SU MTHONG NGO, ,YANG KHA CIG SNGON MU STEGS BYED KYI LTA BA LA GOMS PAS CHOS KUN BDEN PAS STONG BA'I SGRA THOS PA TZAM GYIS SEMS KHONG NAS 'KHRUG CING DON DAM PA'I BDEN PA RTAG DNGOS SU 'DOD PA DAG KYANG THAR PA DON DU GNYER BA RNAMS KYIS MCHIL MA'I THAL BA BZHIN DU DOR BAR BYA'O,, 'DIR DNGOS SU BSTAN PA RNAMS NI, DON DAM SGO CAN GYI KLAN KA YIN CING, DE LA KUN RDZOB KYI SGO NAS LAN GDAB PAR BYA'O, ,GZHUNG 'DI DAG GIS KUN RDZOB SGO CAN GYI KLAN KA DANG, DE LA DON DAM LA BRTEN NAS LAN GDAB PA YANG DON GYIS 'PHANGS DGOS

SO, ,DE LA DON DAM SGO CAN GYI KLAN KA NI, DBU MA PA'I DON DAM PA'I RNAM GZHAG MTHONG NAS DE RTZOD PA'I GZHI DANG, SGO DANG, KLAN KA 'JUG PA'I SKABS RNYED PA'I DON YIN NO, ,DE MTHONG NAS KLAN KA'I NGO BO NI, KUN RDZOB KYI RNAM GZHAG MI 'THAD PAR RTZOD PA'O, ,KUN RDZOB SGO CAN GYI KLAN KA NI, DBU MA PAS RTEN 'BREL GYI CHOS RNAMS RANG LUGS LA KHAS BLANGS PA MTHONG BA NI RTZOD PA BYED PA'I GZHI DANG SGO ZHES BYA LA, RTZOD PA'I NGO BO NI, DON DAM PA'I RNAM GZHAG MI 'THAD PAR RTZOD PA'O, ,DPER BRJOD NA, DBU MA PAS CHOS THAMS CAD BDEN PAR GRUB PA'I NGO BO CUNG ZAD MED PAR KHAS BLANGS PA NA, DE MTHONG NAS CHOS THAMS CAD RNAM MKHYEN GYI DMIGS PAR MI 'THAD PAR RTZOD PA NI, DON DAM SGO CAN GYI KLAN YIN LA, DE LA KUN RDZOB LA BRTEN NAS LAN GDAB PAR BYA STE, BDEN PAS STONG BA'I CHOS YIN PA NYID KYIS DMIGS PAR 'THAD PA YIN TE, BDEN PAR GRUB PA LA DMIGS PA BZHAG TU MI RUNG BA'I PHYIR RO, ZHES LAN 'DEBS LA DES 'PHANGS PA CHOS THAMS CAD DMIGS PAR KHAS BLANGS PA NA, BDEN GRUB TU THAL BA 'PHEN PA NI, KUN RDZOB SGO CAN GYI KLAN KA YIN NA, DE LA DON DAM LA BRTEN NAS LAN GDAB PAR BYA STE, DMIGS PA YIN PA NYID KYIS BDEN STONG DU KHAS BLANGS PAR BYA STE, DMIGS RKYEN RDZUN PA SGYU MA LTA BU LA BZHAG PAR BYA BA YIN GYI, BDEN GRUB LA BZHAG TU MI RUNG BA'I PHYIR RO, ZHES LAN 'DEBS PAR BYA'O, ,KHA CIG PHYIN CI LOG MI 'THAD PAR KUN RDZOB SGO CAN GYI KLAN KAR BYED PA NI DON DAM MIN TE BDEN STONG YIN NA SPROS PAR BZHAG PA'I MI RTAG SOGS MI 'THAD PAS BTAGS

, ,'DZIN SOGS PHYIN CI LOG MI 'THAD PAR SPYOD PA DON DAM SGO CAN GYI KLAN KA YIN NO, ,RNAM MKHYEN GYI DMIGS PA MI 'THAD PAR THAL, CHOS THAMS CAD NGO BO NYID MED PA'I PHYIR, CES PA'I RTZOD PA BKOD NAS, DON DAM DU ZER NA 'DOD KUN RDZOB TU ZER NA RTAGS MA GRUB, KUN RDZOB TU DER THAL, DON DAM DU DE'I PHYIR ZER NA, KHYAB PA MA GRUB CES PA'I LAN 'DEBS PA NI'U THUG PA'I KHYAB PA YIN TE, DBU MA PAS CI ZER MA THOS MGO BA'I RTZOD PA DANG, DNGOS PO PAR SMRA BA'I 'DOD PA MA GO BA'I RTZOD LAN BYED PA 'BREL CUNG ZAD KYANG MED PA'I PHYIR RO, ,LAS DANG PO PA RNAMS KYIS NI BAR CHAD MED PA'I RTZE MO BSKYED PA'I CHED DU DMIGS TE RTAG CHAD KYI MTHA' DANG BRAL BA'I BDEN PA GNYIS THOS BSAM GYIS GTAN LA PHAB NAS GNAS LUGS KYI DON BSGOM PAR BYA'O, ,GNYIS PA BRTAN BYED KYI YAN LAG MTHAR GYIS PA'I SGOM TSUL DE'I 'BRAS BU DANG BCAS PA BSHAD PA LA GNYIS, MTHAR GYIS PA'I SGOM TSUL DANG, DE'I 'BRAS BU SKAD CIG SBYOR SGOM TSUL LO, ,DANG PO NI, SBYIN PA SHES RAB BAR DAG DANG, ZHES TE, DE LA GZHAN GYI LUGS DGAG PA DANG, RANG GI LUGS BZHAG PA'O, ,DANG PO NI, KHA CIG ,RNAM RDZOGS SBYOR BA DANG, MTHAR GYIS PA'I SBYOR BA'I KHYAD PAR RNAL 'BYOR GTZO BOR GYUR PA DANG, SPYOD PA GTZO BOR GYUR PA ZHES BZHAG NAS, MTHAR GYIS PA'I SGOM TSUL, CHOS BCU GSUM RIM GYIS BSGOM PA 'BA' ZHIG LA BYED PA, 'PHAGS PA DANG, SLOB DPON GYI DGONGS PA YE NAS MIN TE, SO SO BA DANG BSDUS PA NYID DU RTOGS PA'I DON RNAMS GO RIMS BZHIN DU BSGOM PAR GSUNGS KYI CHOS BCU

GSUM RIM CAN DU BSGOM PAR MA GSUNGS PA'I PHYIR RO, ,SO SO BA DANG BSDUS PA'I DON YANG SKABS DANG PO GSUM DU MKHYEN GSUM GYI RNAM PA SO SOR BSHAD PA DANG, RNAM PA KUN TU BSDUS NAS BSHAD PA LA SLOB DPON GNYIS KAS LAN CIG MIN PAR GSUNGS PA'I PHYIR RO, ,YANG CHOS BCU GSUM RIM CAN DU BSGOMS PAS, RNAM PA BRGYA DANG BDUN CU RTZA GSUM RIM CAN DU SGOM PA'I DON DU 'GYUR BA NI, DE'I TSUL KHYED KYIS BSHAD PAR RIGS PA KHO NA YIN NO, ,GNYIS PA RANG LUGS NI, MNGON PAR RTOGS PA MTHA' DAG GO RIMS NGES CAN DU BSGOM PAR BYA BA YANG YIN MOD KYI, GTZO BO NI MKHYEN GSUM GYI RNAM PA BRGYA BDUN CU RTZA GSUM GO RIMS MA 'CHOL PAR NGES CAN DU BSGOM PA STE, DE'I NANG DU MKHYEN GSUM GYI RNAM PA SO SOR BSHAD PA RNAMS SGOM PA'I TSUL KYANG 'DUS PA YIN NO, ,DE YANG ZHI SHES KYI RNAM PA NYER BDUN BSGOM PA NYID KYIS SKABS GSUM PAR BSTAN PA'I RNAM PA BCU DRUG BSGOM PAR 'GYUR BA DANG, DE SEMS BSKYED DANG STONG NYID RTOGS PA'I SHES RAB KYIS ZIN PAR BSGOMS PAS LAM SHES KYI RNAM PA YANG PHAL CHER BSGOM PAR 'GYUR ZHING, RNAM MKHYEN GYI RNAM PA YANG CI RIGS PAR BSGOM PAR 'GYUR BA YIN NO, ,RNAM RDZOGS SBYOR BA'I SKABS SU GOMS PA MI BRTAN PA LA DGOS SU GOMS PA SRING BA'I 'CHOL BAR BSGOM PA YANG BSTAN LA MTHAR GYIS PA NI BRTAN PA THOB PA'I DON DU GO RIMS NGES CAN GOMS PA STE, DE YANG TSOGS LAM GYI SKABS SU MTHAR GYIS BYA BA DANG, SBYOR LAM GYI SKABS SU MTHAR GYIS SLOB PA DANG, MTHONG LAM GYI SKABS SU MTHAR GYIS SGRUB PA DANG, DE YANG CHOS BCU GSUM GYIS RGYAS BTAB BSGOM PA YIN

, ,TE, DKON MCHOG GSUM RJES SU DRAN PA'I BSAM PA SNGON DU BTANG NAS MI DGE BA MTHA' DAG LAS LDOG PA'I TSUL KHRIMS RJES SU DRAN PA DANG, DGE BA MTHA' DAG GZHAN DON DU BSNGO BA'I GTONG BA RJES SU DRAN PAR BYED CING, RANG GI LHAG PA'I LHA RJE BTZUN 'JAM PA'I DBYANGS LA SOGS PA MDUN GYI NAM MKHAR DBANG PO'I TSUL DU DRAN PA DANG, MKHYEN GSUM GYI RNAM PA RNAMS KYANG PHAR PHYIN DRUG LDAN DU NYAMS SU LEN PA DANG, DE THAMS CAD KYANG STONG NYID RTOGS PA'I SHES RAB KYIS ZIN PAR BYAS NAS NYAMS SU LEN PA'I DON YIN NO, ,MTHAR GYIS PA'I SGOM TSUL, DPER NA KHA TON LEGS PAR BYANG BA DKYUS THOG GCIG LA RIM CAN DU 'DON PA BZHIN DU SHES PAR BYA'O, ,GNYIS PA NI, SBYIN PA LA SOGS RE RES KYANG, ZHES SOGS SHO LO KA LNGAS STON, SKAD CIG MA'I SBYOR BA BZHIR DBYE BA NI MNGON DU BYA BA'I CHOS KYI LDOG PAS DBYE BA YIN GYI, BZHI PO RIM CAN KHO NAR SKYE BAR 'DOD PA NI 'PHAGS SENG GNYIS KA'I BZHED PAR MI SEMS SO, ,SKAD CIG MA'I SBYOR BA LA YANG SBYOR BA'I LAM DANG, BAR CHAD MED PA'I LAM GNYIS YOD LA PHYI MA NI STONG PA NYID LA MNGON SUM DU MNYAM PAR BZHAG BZHIN PA YIN PAS GZUGS MED KYI YON TAN GZHAN RNAMS NUS PA'I NGO BOR LDAN YANG, MKHYEN GSUM GYI RNAM PA MA LUS PA'I RNAM PA SHAR BA YIN TE, SLOB LAM NA MNGON SUM GCIG GIS BDEN PA GNYIS KA LA DUS GCIG TU DNGOS SU RTOGS MI NUS PA'I PHYIR RO, ,SBYOR BA'I LAM GYI TSE NA NI, MKHYEN GSUM GYI RNAM PA KUN GYI RNAM PA SHAR YANG DE'I SNGA ROL GYI MTHAR GYIS PA DANG KHYAD MED DU MI 'GYUR TE,

SBYOR BA GCIG GI MTHAR GYIS PA'I BSGOM PA THA MA'I TSE, MKHYEN GSUM GYI RNAM PA RIM GYI SGOM PA'I SKAD CIG DANG PO'I TSE BSGRIM PA'I RTZOL BA CUNG ZAD DANG BCAS PAR MA ZAD BSGOM PA RDZOGS KYI BAR DU DE LTAR DGOS LA, DE NAS SKAD CIG SBYOR DU 'PHOS PA'I SBYOR BA'I LAM GYIS BSDUS PA'I TSE NA MI RTAG PA'I RNAM PA LTA BU YID LA BYED PA'I TSE RTZOL BA CUNG ZAD TZAM BYAS PA DE NAS BSGOM PA RDZOGS KYI BAR LA RTZOL BA GZHAN MI DGOS PAR JI LTAR SKYES BUS ZO CHUN RGYUD, CES PA LTAR, DKYUS THOG GCIG LA RIM PA BZHIN DU SKYE BA YIN GYI DE'I TSE YANG MI RTAG PA SGYU MA LTA BU MNGON SUM DU RTOGS PA'I BLO DE NYID KYIS RNAM PA THAMS CAD MNGON SUM DU BYED PA MIN TE, DE THAMS CAD MKHYEN PA NYAG GCIG GI KHYAD CHOS YIN PAS SO, ,GSUM PA 'BRAS BU MNGON DU BYED PA'I TSUL BSHAD PA LA GNYIS, SKU BZHI'I GO 'PHANG SNGON DU BYED PA'I TSUL DANG GDUL BYA LA 'PHRIN LAS MDZAD PA'I TSUL LO, ,DANG PO LA BZHI, NGO BO NYID KYI SKU MNGON DU BYED PA'I TSUL DANG, YE SHES CHOS KYI SKU DANG, LONGS SPYOD RDZOGS PA'I SKU DANG, MCHOG GI SPRUL PA'I SKU MNGON DU BYED PA'I TSUL LO, ,DANG PO NI, THUB PA'I NGO BO NYID SKU NI, ZHES TE, RGYUN MTHA'I BAR CHAD MED LAM GYI DNGOS 'BRAS RNAM GROL LAM DE NI YE SHES CHOS KYI SKU DANG, DE'I TSE DRI MA MTHA' DAG ZAD PAR SPANGS PAS BLO NGO BO GCIG PO DE NYID DE BZHIN NYID LA MNYAM PAR BZHAG BZHIN PA DANG, SHES BYA JI SNYED PA THAMS CAD LAG MTHIL DU SKYU RUR BZHAG PA BZHIN DU MNGON SUM DU GZIGS PA YIN NO, ,DE LTA MIN NA, YID KYI SHES PA RIGS MTHUN RDZAS THA DAD DU MA CIG CAR DU SKYE BA KHAS BLANGS DGOS PAR 'GYUR RO, ,SLOB DPON GYIS SANGS RGYAS KYI MIG

, ,GI SHES PA DANG RNA BA'I SHES PAS KYANG SHES BYA THAMS CAD MNGON SUM DU GZIGS PAR GSUNGS NA, BLO NGO BO GCIG GIS JI LTA BA DANG JI SNYED PA MTHA' DAG MNGON SUM DU GZIGS PA LTA CI SMOS TE, MI GZIGS PA'I RGYU MTHA' DAG LDOG PA'I PHYIR RO, ,SLOB DPON GYIS SANGS RGYAS SGOM PA'I STOBS KYIS SKYES PA'I RJES THOB DAG PA 'JIG RTEN PA'I YE SHES YOD PAR GSUNGS PA YANG, NGO BO GCIG PA LA MI 'GAL ZHING NGO BO THA DAD PA LTAR BZHAG PA NI GDUL BYA'I BSAM PA DANG MTHUN PAR RNAM GZHAG MDZAD PA YIN NO, ,'KHOR BA JI SRID PAR MNYAM GZHAG LAS BZHENGS PA JI SRID KYANG SANGS RGYAS NANG DU MNYAM PAR BZHAG GO MNYAM GZHAG LAS BZHENGS SO ZHES GDUL BYA RNAMS LA SNANG BA LTAR RO, ,DON DE DAG MA RTOGS PAR SANGS RGYAS RANG SNANG LA JI SNYED PA GZIGS PA MED PAR 'DOD PA NI MU STEGS SPYOD PA PA LTAR, BDUD SDIG TO CAN GYI GZHAN DBANG DU GYUR PA KUN MKHYEN LA SKUR PA 'DEBS PA'I NGAN RTOG 'BA' ZHIG TU SHES PAR BYA'O, ,YE SHES CHOS KYI SKU DE NYID BDEN PAS STONG PA'I RANG BZHIN RNAM DAG GI CHA DRI MA MTHA' DAG GIS STONG PA'I GLO BUR DRI BRAL GYI 'GOG PA LA NGO BO NYID KYI SKU ZHES BYA'O, ,SLOB DPON YE SHES SNYING POS, RIGS PA'I RJES 'BRANGS NGO BO'I PHYIR, CES GSUNGS PA NI BDEN STONG GI CHA DE NYID MTHA' DRUG SPYOD PA'I RIGS SHES KYIS RNYED PA'I DON LA GLO BUR DRI BRAL GYI DE BZHIN NYID DE YANG NGO BO NYID KYI SKU DANG, DON DAM PA'I SKU ZHES BYA'O, ,GLO BUR RNAM DAG DANG, RANG BZHIN RNAM DAG GI CHA NGO GCIG PA YIN KYANG, BYANG SEMS 'PHAGS PA RNAMS KYIS SANGS RGYAS KYI DE BZHIN NYID MNGON SUM DU RTOGS LA, GLO BUR DRI BRAL GYI CHA MNGON SUM DU

RTOGS NUS PA MIN NO, ,NYAN RANG LA BDAG MED PHRA BAR BZHED PA LTAR NA NI, NYAN THOS 'PHAGS PAS KYANG SANGS RGYAS KYI DON DAM PA'I CHOS KYI SKU MNGON SUM DU RTOGS NUS PA YIN NO, ,SANGS RGYAS ZHES PA'I SGRA BSHAD PA DANG, 'JUG PA'I KHYAD PAR MA PHYED PAR NGO BO NYID KYI SKU SANGS RGYAS MIN NO, ZHES SMRA BA NI SDIG PA BAS CHES SDIG PA RANG YANG PHUNG LA GZHAN YANG PHUNG BAR BYED PA LUNG DANG RIGS PA DRI MA MED PA'I TSOGS LA RGYAB KYIS PHYOGS PA TSOGS PAR DBYUNG DU MI RUNG BA'I GTAM MO, ,'DI LA GNOD PA MANG STE TSIG MANGS SU DOGS NAS MA SPROS SO, ,GNYIS PA LA GSUM, YE SHES CHOS SKU'I DBYE BA RGYAS PAR BSHAD PA DANG, YE SHES KYI KHYAD PAR BSHAD PA DANG, SEMS CAN THAMS CAD LA DUS RTAG TU DNGOS SU DON MI MDZAD PA'I RGYU MTSAN NO, ,DANG PO NI, BYANG CHUB PHYOGS MTHUN TSAD MED DANG, ZHES SOGS KYIS BSTAN TE, SLOB DPON GYIS YE SHES CHOS SKU DE NYID GZUGS KYI SKU GNYIS GDUL BYA LA SNANG BA'I GZHI YIN PA DANG, 'PHRIN LAS MDZAD PA'I BDAG PO'I RKYEN GYI GTZO BO YIN PA DANG, SNGAGS KYI PHYOGS NAS SKU BZHI NGES PAR KHAS BLANGS DGOS PAR GSUNGS PA DANG MTHUN PAR BSHAD PA LA 'GAL BA MED PA DANG, MNGON RTOGS RGYAN GYI TSIG DON LA MA ZHUGS PA'I NYES PA MED PAS SKU BZHIR PHYE BA YIN GYI, RGYUD BLA MA SOGS NAS GSUNGS PA LTAR SKU GSUM DU 'DUS PA'I RNAM GZHAG MI GZIGS PA DANG, MA DGONGS PA MI SRID PAS DBYE BSDU TZAM DU SHES PAR BYA'O, ,SNGAR BSHAD PA'I YON TAN DE DAG DANG, 'CHAD PAR 'GYUR BA'I TING NGE 'DZIN GNYIS LA SOGS PA GNAS GYUR MTHAR PHYIN PA'I TSE, ME LONG LTA BU LA SOGS PA YE SHES BZHIR 'GYUR BA DANG, YE SHES GCIG

, ,PU DE NYID GZUGS KYI SKU BYE BA PHRAG BRGYA LA SOGS PA LA BRTEN PA MA GTOGS PAR YE SHES BZHI NGO BO THA DAD DU 'DOD PA NI 'BRAS BU'I RNAM GZHAG RAGS PA TZAM YANG KHONG DU MA CHUD PA'O, ,GNYIS PA NI, NYAN THOS NYON MONGS MED PA'I LTA, ZHES SOGS SHO LO KA GNYIS KYIS STON, NYAN THOS GYI NYON MONGS PA MED PA'I TING NGE 'DZIN GYI MTHUS GRONG LA SOGS PAR GZHAN GYI NYON MONGS SKYE BA'I DMIGS RKYEN MI BYED PA TZAM DU ZAD LA, SANGS RGYAS KYI NGES PAR NI, GZHAN GYI NYON MONGS DRUNGS 'BYIN PAR MDZAD PA YIN NO, ,SANGS RGYAS KYI SMON PA MKHYEN PA NI, RANG GI NGANG GIS 'JUG PA DANG, SHES BYA THAMS CAD LA KHYAB PA DANG, PHYIN CI MA LOG PA DANG, RGYUN MI 'CHAD PA DANG, THE TSOM THAMS CAD SEL BAS NYAN THOS LAS KHYAD PAR DU 'PHAGS SO, , GSUM PA NI, SANGS RGYAS KYI MKHYEN PA DANG, BRTZE BA DANG 'PHRIN LAS LA THOGS PA MI MNGA' ZHING, RGYUN CHAD PA MI SRID KYANG GDUL BYA RANG NYID SANGS RGYAS KYIS DNGOS SU RJES SU 'DZIN PA'I RGYU MA TSANG BAS RES 'GA' DE'I DON MI MDZAD PA'I DON DANG, DPE DANG, KHYAB PA DANG, RTAG PAR BSHAD PA MI 'GAL BA RNAMS RGYU NI YONGS SU SMIN GYUR NAS ZHES SOGS KYIS BSTAN TO, ,GSUM PA LA GNYIS, MTSAN NYID MDOR BSDUS PA DANG, YON TAN RGYAS PAR BSHAD PA'O, ,DANG PO NI, MTSAN NI SUM CU RTZA GNYIS DANG, ZHES SOGS TE, MTSAN DPES SPRAS PAS KHYAD PAR DU BYAS PA'I SANGS RGYAS KYI SKU GANG GDUL BYA'I SNANG NGOR YANG ZHING GZHAN DU GSHEGS PA DANG, BZHENGS PA DANG, YANG BZHUGS PA DANG, MYA NGAN LAS 'DAS PA'I TSUL STON PA DANG, CHOS GSUNGS BA'I

SGRA'I GDANGS RGYUN CHAD PA SOGS MI SNANG ZHING BYANG CHUB SEMS DPA' 'PHAGS PA MA GTOGS SO SO SKYE BO DANG, THEG PA DMAN PA'I GANG ZAG GIS MNGON SUM DU MTHONG BA'I YUL LAS 'DAS PA YE SHES KYI NGO BOR GYUR PA GZUGS KYI SKUR SNANG BA MA GTOGS BEM PO'I YUL LAS 'DAS PA NGES PA LNGA DANG LDAN PA'I GZUGS KYI SKU DE NI LONGS SPYOD RDZOGS PA'I SKU ZHES BYA'O, ,GNYIS PA LA GNYIS, MTSAN DANG, DPE BYAD DO, ,DANG PO NI, PHYAG ZHABS 'KHOR LO'I MTSAN DANG, ZHES SOGS KYIS BSTAN TO, ,MTSAN GYI NGO BO DANG, RGYU 'BRAS KYI 'BREL BA DANG, RGYU NGOS BZUNG BA RNAMS KYIS SHES PAR BYA'O, ,SKU 'DI DAG NI THEG CHEN SEMS BSKYED KYI DMIGS PA YIN PA, LAS DANG PO PA RNAMS KYIS MTSAN NYID SHES PAR BYAS NAS 'DUN PA DANG SMON PA SHUGS DRAG POS YANG DANG YANG DU YID LA BYA'O, ,BZHI PA NI, GANG GI SRID PA JI SRID PAR, ZHES TE, MCHOG GI SPRUL PA'I SKU DANG, SKYE BA DANG, BZO'I SPRUL PAS GDUL BYA LA THAR PA 'DOD PA DANG, SMIN PA DANG GROL BA LA 'GOD PA 'KHOR BA JI SRID PAR MDZAD PA'O, ,MCHOG GI SPRUL PA'I SKU YANG, SANGS RGYAS KYI YE SHES KYI NGO BOR GYUR PA YIN GYI NGO BO THA DAD DU MED PA DANG, GZUGS SKU SDUG BSNGAL BDEN PA 'DOD PA SOGS NI LONGS SPYOD RDZOGS PA'I SKU SOGS RNA BAR BSGRAG TU MI RUNG BA'I NYAN THOS SDE PA 'BA' ZHIG GI 'DOD PA YIN PAS DE LA RNAM PA KUN TU BAG CHAGS BZHAG PAR MI BYA'O, ,GANG DAG SANGS RGYAS KYI GZUGS SKU SANGS RGYAS MIN PAR 'DOD PA NI, 'DZAM BU GLING GI SEMS CAN THAMS CAD KYI BDOG PA 'PHROG PA DANG SROG BCAD PA'I SDIG PAS DE'I SDIG PA'I CHAR YANG MI NYE BAS, ,

, ,BDAG LEGS SU 'DOD PA RNAMS KYIS GNAS 'DI LA SHIN TU GZAB PAR BYA'O, ,DE BZHIN DU NYAN RANG 'PHAGS PAS 'PHAGS PA'I GO MI CHOD PAR SMRA BA YANG SHES PAR BYA'O, ,GNYIS PA GDUL BYA LA 'PHRIN LAS MDZAD PA'I TSUL NI, DE BZHIN 'KHOR BA JI SRID 'DI, ZHES SOGS KYIS SHES PAR BYA'O, ,'DI'I MTSAMS SBYAR DU, YE SHES LA SOGS PA LA BLTOS NAS SKU GSUM BSTAN PA'I DON 'GREL CHEN GYI LUS RNAM GZHAG GI SKABS SU SKU GSUM YE SHES KYI TSOGS DANG, BSOD NAMS KYI TSOGS DANG, GNYIS KA'I CHA BSAGS PA LAS BYUNG BAR BSHAD PAR MA MTHONG BAR DON GZHAN DU 'CHAD PA NI NOR BA'O, ,'PHRIN LAS LHUN GYIS GRUB PA RGYUN MI 'CHAD PAR MDZAD PA THEG PA CHEN PO RGYUD BLA MA LAS, BRGYA BYIN RNGA SPRIN TSANGS PA DANG, ,NYI MA NOR BU RIN CHEN BZHIN, ,DE BZHIN GSHEGS PA SGRA DBYANGS BZHIN, ,NAM MKHA' DANG NI SA BZHIN NO, ZHES DPE DGUS BSTAN PA LTAR, 'PHRIN LAS MDZAD PA'O, ,DBYE NA LAM GYI RTEN LA 'GOD PA DANG, LAM LA 'GOD PA DANG, 'BRAS BU LA 'GOD PA'O, ,DANG PO NI, THAR PA SGRUB PA'I LUS RTEN KHYAD PAR CAN LA 'GOD PA DE, DE YANG MI DGE BA BCU SPONG ZHING, DGE BA BCU SGRUB PA LA 'JUG PAR BYED PA'O, ,GNYIS PA LA, TSOGS LAM DANG, SBYOR LAM DANG, MTHONG LAM DANG, SGOM LAM LA 'GOD PA'O, ,DANG PO NI, BSAM PA RNAM DAG 'GRO BA BZANG PO DANG, BZANG PO MA YIN PA 'KHOR BA'I BDE BA LA MNGON PAR ZHEN PA ZHI NAS THAR PA DON GNYER GYI BSAM PA BSKYED DE, DE YANG BSDU BA'I DNGOS PO BZHI LA BKOD NAS 'KHOR BA SPANG BYA DANG,

MYANG 'DAS THOB BYAR RTOGS PA'I SKYES BU 'BRING GI LAM GYI RIM PA LA 'GOD PAR MDZAD DO, ,GNYIS PA NI, THOG MAR BSAM PA RNAM DAG BYAMS SOGS TSAD MED BZHI LA 'GOD PA DANG, SBYOR BA RNAM DAG PHAR PHYIN DRUG LDAN DU NYAMS SU LEN PA RANG DON GYI SBYOR BA LA 'GOD PA DANG, GNYIS DON SGRIB PA'I YAN LAG DGE BA BCU'I LAS LAM LA 'GOD PA DANG, LTA BA RNAM DAG CHOS NYID STONG PA NYID DU RTOGS PA LA 'GOD PA'O, ,GSUM PA NI, SA DANG PO NAS CHOS KYI DBYINGS KUN TU 'GRO BA RTOGS PA'I MTSAN NYID CAN GZUNG 'DZIN GYI CHOS THAMS CAD GNYIS SU MED PAR MNGON SUM DU RTOGS PA LA 'GOD PA'O, ,BZHI PA LA, SA GNYIS PA NAS DGU PA'I BAR LA TSUL KHRIMS KYI PHAR PHYIN LHAG PA NAS, SMON LAM GYI PHAR PHYIN GYI MTHUS BYANG CHUB THOB PAR BYED PA LA 'GOD PA'O, ,SA BCU PA LA YE SHES KYI PHA ROL TU PHYIN PA LA BKOD PA'I STOBS KYIS SANGS RGYAS KYI DRUNG DU 'GRO BA DANG, SBYIN PA LA SOGS PA'I BYANG CHUB KYI YAN LAG KHYAD PAR CAN DANG, LAS 'BRAS KYI 'BREL PA CHUD MI ZA BA DANG, BDEN PA BZHI MTHA' DAG MNGON SUM DU RTOGS PA DANG, BTAGS 'DZIN SOGS ZAD PA DANG, DE'I GZHI SPANGS PA DANG, RNAM BYANG RDZOGS PA DANG, TSOGS YONGS SU RDZOGS PA DANG, SRID ZHI MNYAM NYID KYI SBYOR BA MTHAR THUG PA LA 'GOD PA'O, ,GSUM PA NI, MI GNAS PA'I MYA NGAN LAS 'DAS PA LA 'GOD LA STE, DE NI SNGAR BSHAD PA LTAR SEMS BSKYED KYI CHED DU BYA BA MTHAR THUG PA'O, ,GDUL BYA RNAMS RIM GYIS BRNYES PA'I GO 'PHANG DE LA 'GOD PAR MDZAD PA'O, ,RGYAN GYI DON DRUG TU BSDUS PA NI, MTSAN NYID DE YI SBYOR BA DANG, ZHES TE, BSGOM

, ,PAR BYA BA DANG, DE BSGOM PA'I SBYOR BA DANG, DE BSGOM PA RAB TU GYUR PA DANG, GO RIMS KYI SGOM PA'I GNAS SKABS DANG, SBYOR BA MTHAR THUG PA DANG, DE'I 'BRAS BU DANG DRUG TU BSDUS PA YANG, RGYAS PAR BSHAD NA SNGAR BSHAD PA LTAR SHES PAR BYA'O, ,DON GSUM DU BSDU BA NI, YUL NI RNAM PA GSUM PO RGYU, ZHES TE, SBYOR BA BSGOM PA PO SHES PAR BYA BA DANG, BSGOM PAR BYA BA'I 'JUG YUL DANG, 'JUG YUL DE NYID MTHAR THUG PA THOB PAR BYED PA'I THABS SBYOR BA DANG, DE LA BRTEN NAS THOB PA'I CHOS SKU 'PHRIN LAS DANG BCAS PA THOB BYA'I 'BRAS BU GSUM DU BSDUS PA YANG, SNGON 'DZIN MNGON SUM TSAD MAS SNGON PO RTOGS SHING, DE LA BRTEN NAS SNGON PO THOB PA LTAR RO, ,DE'I YAN LAG RGYAS BSHAD KYANG SNGAR BSHAD PA LTAR SHES PAR BYA'O, ,BRGYAD DU PHYE BA DANG, DRUG TU BSTAN PA DANG, GSUM DU BSDUS PA 'DI NI, BSDUS DON LUS RNAM GZHAG DE DAG BSTAN PA TZAM GYIS LAM SPYI'I GRANGS DANG, NGO BO DANG, GO RIMS LA YID DPYOD TZAM GYIS NGES PA SKYE BA'I DBANG PO'I KHYAD PAR YIN GYI, TSAD MAS MTHA' CHOD PAR NGES PA LA NI, GSUM KA LA TSIG DON RDZOGS PAR BSTAN DGOS PAS YUM RGYAS 'BRING BSDUS GSUM LTAR TSIG DON RGYAS 'BRING BSDUS GSUM GYIS BSTAN PAR BYA DGOS PA'I DBANG PO'I KHYAD PAR NI MA YIN NO, ,TSIG MANGS SU DOGS NAS ZHIB TU MA SPROS SO,, ` ,,RGYAL TSAB DAM PA'I GSUNG GI GCES PA'I MDZOD, ,SNYING PO'I DON DANG MNGON PAR RTOGS PA'I LAM, ,SKAL LDAN SKYES BUS NYAMS SU LEN PA'I TSUL, ,RGYAL SRAS BZANG PO'I BZHED PA JI BZHIN BSHAD, ,CHE BA'I CHE BA

MGON PO KLU SGRUB DANG, ,RGYAL BAS LUNG BSTAN 'PHAGS PA THOGS MED ZHABS, ,TSUL GNYIS SHING RTA'I SROL GYI LAM ZHUGS NAS, ,GSUNG RAB DGONGS 'GREL RGYA MTSO'I GLING SONG STE, ,THEG MCHOG RIGS KYI NUS PA LHAG PAR RGYAS, ,RNAM DPYOD DON GNYER SPRO BA'I SPRO BA CAN, ,SRID ZHI'I RGUD PA MA LUS BSAL SLAD DU, ,LEGS BSHAD YID BZHIN NOR BU 'DI BLANGS SO, ,GZHUNG LUGS GDAMS PAR 'CHAR BA'I SNANG BAS DBEN, ,DRI MED RIG PA'I MIG DANG MI LDAN PAR, ,LAM BZANG 'DI LA 'JUG PAR 'DOD PA YANG, ,DMUS LONG RANG DGAR GOM PA 'DOR DANG MTSUNGS, ,SBYANGS PA'I STOBS DMAN BLO GROS NYAM CHUNG YANG, ,RGYAL BA'I DAM CHOS MA LUS 'DZIN PA YI, ,BSHES GNYEN DAM PA'I MGON GYIS YONGS BZUNG BAS, ,LAM 'DI 'BYED LA LHAG PAR SPRO BA SKYES, ,MDO RGYUD YONGS SU RDZOGS PA LAM GYI GNAD, ,MA RTOGS LOG RTOG THAMS CAD KUN BSAL TE, ,JI BZHIN GZIGS NAS BRTZE BAS STON MDZAD PA'I, ,BLA MA DE LA BDAG NI PHYAG 'TSAL LO, ,RNYED BKUR GYA GYU'I BSAM PAS 'DI MA BYAS, LAM 'DI CHES CHER NYAMS PAR GYUR MTHONG NAS, ,ZER ZLOS TZAM ZHIG YUN RINGS GNAS NA YANG, ,SKAL LDAN 'GA' LA PHAN PAR CIS MI 'GYUR, ,'PHAGS PA'I BZHED PA SHIN TU RTOGS PAR DKA', ,BDAG NI BYIS PA'I NANG GI BYIS PA STE, ,GAL TE 'DI LA NONGS BA'I TSOGS MCHIS NA, ,BLA MA LHAR BCAS RNAMS KYIS BZOD PAR RIGS, ,'DIR 'BAD DGE BA RAB DKAR CI YOD DES, ,YUL LA SRED PA'I SKOM PAS SHIN TU GDUNGS, ,LAS KYI GZHAN DBANG GYUR PA'I MA RNAMS KUN, ,'CHI MED BDUD RTZI'I GO 'PHANG THOB PAR

, ,SHOG ,BDAG KYANG DENG NAS TSE RABS THAMS CAD DU, ,THEG MCHOG DGE BA'I BSHES GNYEN MNYES BYAS NAS, ,LAM BZANG 'DI DANG NAM YANG MI 'BRAL ZHING, ,KUN MKHYEN RGYAL BA'I GRONG KHYER 'JUG PAR SHOG ,MNGON PAR RTOGS PA'I RGYAN GYI BSHAD PA'I SROL DU MA RGYAL BA'I RING LUGS PA CHEN PO RJE BTZUN DAM PA RED MDA' PA KU MA RA MA TI'I ZHAL SNGA NAS DANG, BKA' BZHI 'DZIN PA RIN CHEN RDO RJE LA THOS SHING, KHYAD PAR DU MNGON PAR RTOGS PA'I RGYAN GYI RIM PA CHU BO GSUM 'DRES KYI RIM PA JO BO CHEN PO AA TI SHA NAS BRGYUD DE 'ONGS PA 'DI SNYIGS DUS KYI THAMS CAD MKHYEN PA RIN PO CHE BLO BZANG GRAGS PA'I DPAL BZANG PO'I ZHAL SNGA NAS LAS GSUNG GI BDUD RTZI YUN RING PO'I BAR DU MYANGS NAS MNGON PAR RTOGS PA'I RIM PA JI LTAR NYAMS SU LEN PA'I TSUL THEG MCHOG SGO 'BYED CES BYA BA, MDO SNGAGS KYI GZHUNG MANG DU THOS PA'I SDE SNOD 'DZIN PA DU MAS BSKUL NAS RIGS PA SMRA BA DGE SLONG DAR MA RIN CHEN GYIS 'BROG RI BO CHE DGE LDAN RNAM PAR RGYAL BA'I GLING DU SBYAR BA'O, ,YI GE PA NI SDOM BRTZON SDE SNOD 'DZIN PA RIN CHEN CHOS RGYAL LO, ,'DIS KYANG RGYAL BA'I BSTAN PA SGO THAMS CAD NAS PHYOGS THAMS CAD DU DAR ZHING RGYAS LA YUN RING DU GNAS PAR GYUR CIG, ,, ` AOm SVASTI, PHAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCHOG 'BRAS BZANG LA, ,SPYOD PHYIR BKRA SHIS LHUN GRUB CHOS GRVA CHER, ,CHOS SBYIN 'DZAD MED DAL 'GRO'I RGYUN 'DI SPEL,, ,,SARBA MANGGA LAm,,

, ,MNGON PAR RTOGS PA'I RIM PA NYAMS SU LEN TSUL THEG MCHOG SGO 'BYED CES BYA BA BZHUGS SO,,

, ,RJE BTZUN DAM PA THUGS RJE CHEN PO DANG LDAN PA RNAMS LA PHYAG 'TSAL LO, ,PHUN TSOGS BSAM YAS GNAS LA MNGA' BRNYES TE, ,THUGS RJE'I CHU RGYUN DRI MA MED PA YIS, ,'GRO BA'I SDUG BSNGAL ME RAB ZHI MDZAD PA'I, ,BLA MA LHAR BCAS GTZUG NA BRTAN GYUR CIG ,RMAD BYUNG YON TAN MTHA' DAG SGRUB BYED CING, ,NYON MONGS TSA GDUNG MA LUS 'JOMS MDZAD PA, ,RGYAL BA KUN GYI RIG SNGAGS BLA NA MED, ,'BRAS YUM SHES RAB PHA ROL PHYIN LA 'DUD, ,SANGS RGYAS KUN GYI BGROD PA GCIG PA'I LAM, ,GNYEN PO'I PHYOGS KUN RDZOGS PA'I GSUNG RAB MCHOG ,MDO SDE GZHAN LAS LHAG PAR BSNGAGS PA YI, ,YUM DON LAM GYI RIM PA RTOGS DKA' BA, ,RIGS KYI NUS PAS SKAL PA MI DMAN ZHING, ,RNAM DPYOD LDAN RNAMS NYAMS SU LEN PA'I TSUL, ,RJE BTZUN BLA MA'I DRIN LAS LEGS RNYED PA, ,RGYAL SRAS

, ,BZANG PO'I LUGS BZHIN BRI BAR BYA, ,DE LA 'DIR SLOB DPON 'PHAGS PA THOGS MED CES BYA BA SNGON GYI RGYAL BA DU MA LA LHAG PAR BYA BA BYAS SHING, DGE BA'I RTZA BA RGYA CHEN PO BSKYED PA, DA LTAR YANG SANGS RGYAS DANG BYANG CHUB SEMS DPA'I MGON GYIS YONGS SU BZUNG BA BLO GROS KYI MTHU GZHAN LAS KHYAD PAR ZHUGS PA, THUB PA SANGS RGYAS BCOM LDAN 'DAS KYI BSTAN PA'I KHUR BZHES PA'I SMON LAM LEGS PAR GRUB CING, GRANGS NGES KYI MDO SDE'I DGONGS PA RDZOGS PAR 'GREL PAR LUNG BSTAN PA DES, PHYI RABS KYI GDUL BYA RNAMS KYIS THEG PA CHEN PO'I SDE SNOD RGYA MTSO LTA BU BLTA BA LA MGRON PO PHYOGS BSLAD PA BZHIN DU GYUR TE, TSIG SNGA PHYI'I 'BREL YANG KHONG DU CHUNG BAR DKA' NA, DON MCHOG TU ZAB PA LTA CI SMOS PAR GZIGS SHING, RANG NYID KYANG DE BZHIN GSHEGS PA'I GSANG BA'I GNAS THAMS CAD LA LKOG TU GYUR PAR MKHYEN PAS, THUB PA'I GSUNG GI GSANG BA THAMS CAD LA LKOG TU MA GYUR PA'I SPYAN MNGA' BA RGYAL TSAB DAM PA DE MNYES PAR BYAS NA CI 'DOD PA'I DON 'GRUB BO SNYAM DU DGONGS NAS BSGRUB PA LA ZHUGS PAS ZHAL MNGON SUM DU

GZIGS TE, BCOM LDAN 'DAS KYI RDZU 'PHRUL LA BRTEN NAS DGA' LDAN DU BYON TE, CHOS GSAN PAS GSUNG RAB MTHA' DAG GI DGONGS PA YONGS SU RDZOGS PAR RTOGS PAR GYUR TO, ,'DZAM BU'I GLING GI PHYI RABS KYI GDUL BYA RNAMS RJES SU BZUNG BA'I CHED DU DAM PA'I CHOS KYI SKYES KYANG GNANG STE, DE YANG RNAM 'BYED RNAM PA GNYIS DANG, RGYAN RNAM PA GNYIS DANG, THEG PA CHEN PO RGYUD BLA MA'I BSTAN BCOS TE BSTAN BCOS CHEN PO LNGA'O, ,DE LA RNAM 'BYED GNYIS DANG, THEG PA CHEN PO MDO SDE RGYAN LAS, GZUNG 'DZIN RDZAS THA DAD KYIS STONG PA DE KHO NA NYID DU GRUB PA MA BKAG PAR GDUL BYA'I BSAM PA LA BLTOS PA'I DON DAM PA DANG, THUN MONG BA'I LAM GYI RIM PA RGYAS PAR BSHAD LA, THEG PA CHEN PO RGYUD BLA MAR NI, MNYAM GZHAG RNAM PAR MI RTOG PA'I YE SHES KYIS DMIGS PA SPROS PA'I MTHA' THAMS CAD DANG BRAL BA'I ZAB MO STONG PA NYID BSTAN TE GZHAN DU RGYAS PAR BSHAD ZIN TO, ,MNGON PAR RTOGS PA'I RGYAN 'DIR NI STONG PA NYID KYI LTA BA MTHAR THUG PA YANG DANG YANG DU GSUNGS MOD KYI, BSHAD BYA'I GTZO BO NI RIGS CAN GSUM GYI MNGON PAR RTOGS PA'I RIM PA NGO BO NGES PA DANG, GRANGS NGES PA DANG, GO RIMS NGES PA GSUM GYI SGO NAS BYANG CHUB SEMS DPAS JI LTAR NYAMS SU LEN PA'I TSUL GSAL BAR MDZAD DO, ,DE LA SEMS CAN THAMS CAD KHAMS RANG BZHIN GYIS RNAM PAR RIG PA DANG LDAN YANG, DGE BA'I BSHES GNYEN GYI MGON DANG BRAL ZHING, DNGOS PO LA BDEN PAR MNGON PAR ZHEN PA RNAMS KUN NAS NYON MONGS PA GSUM GYI SGO NAS ZO CHUN GYI RGYUD 'PHYAN PA LTAR SNGON DANG PHYI MA DANG BAR GYI RIM PA NGES PA MI ZIN PAR, DU: KHA GSUM GYIS YANG DANG

, ,YANG DU GDUNGS SHING SRID PA'I RTZE MO NAS DMYAL BA'I BAR DU 'PHYAN PA GZIGS NAS BYANG CHUB SEMS DPA' SNYING RJE'I GZHAN DBANG DU GYUR PA RNAMS DE DAG 'KHOR BA NAS BTON TE YANG DAG PAR RDZOGS PA'I SANGS RGYAS KYI SA LA DGOD PAR BZHED PA DE LA THOG MAR RANG NYID GO 'PHANG DE THOB PAR BZHED NAS MNGON PAR RTOGS PA'I LAM GYI RIM PA RNAMS THUGS RGYUD LA BSKYED PAR MDZAD DO, ,DA BZHIN DU 'DIR YANG DAL BA'I RTEN BZANG PO THOB PA THEG PA CHEN PO LA LHAG PAR MOS PA DANG LDAN PA'I LAS DANG PO PA RNAMS KYIS MNGON PAR RTOGS PA RNAMS JI LTAR NYAMS SU LEN PA'I TSUL MDOR BSDUS PA TZAM ZHIG BRJOD PAR BYA'O, ,DE LA GSUM STE, RGYAN GYI CHED DU BYA BA'I GDUL BYA THOG MAR LAM LA 'JUG PA'I TSUL DANG, MNGON PAR RTOGS PA DANG PO DRUG GI GO RIMS LA LOG PAR RTOG PA BSAL PA DANG, MNGON PAR RTOGS PA'I RIM PA NYAMS SU LEN PA'I TSUL LO, ,DANG PO LA GSUM, BSKAL PA GRANGS MED PA GSUM GYIS 'TSANG RGYA BA'I LAM GYI MGO RTZOM PA LA MTSAN NYID JI LTA BU ZHIG TSANG DGOS PA DANG, THEG PA CHEN PO'I LAM GYI SPYI'I CHINGS DANG, THEG PA CHEN PO'I GDUL BYA GNYIS SU BSDU BA'O, ,DANG PO NI, MTSAN MED RAB TU SBYIN LA SOGS, ZHES PA'I RKANG PA BZHIS STON TE, BYAMS PA DANG SNYING RJE LA MYONG BA THON NAS BYANG CHUB KYI MCHOG TU SEMS BSKYED PA TZAM GYIS KYANG THEG CHEN GYI LAM DU ZHUGS PA'I GRANGS SU 'GYUR MOD KYI, 'DIR NI, BZANG DANG SMON PA'I STOBS CAN DANG, ,'DUN LDAN KHYAD PAR 'GRO BA NI, ,BYANG CHUB SEMS DANG 'GRANGS MED GSUM, ,KUN TU BRTZON PAR MDZAD PA YIN, ZHES BSHAD PA LTAR, BSKAL PA GRANGS MED

GSUM NAS 'TSANG RGYA BA'I LAM GYI MGO RTZOM PA DE LA MTSAN NYID JI LTA BU ZHIG DANG LDAN PA ZHIG DGOS BSTON PA YIN PAS SPROS PA'I MTSAN MA MED PAR RTOGS PA'I SHES RAB KYIS ZIN PA'I SGO NAS SBYIN PA NAS RNAM MKHYEN GYI BAR RANG RGYUD LA BSGRUB PA LA MKHAS PA STE, DE YANG ZAG PA MED PA'I YE SHES SDE TSAN NYI SHU RTZA GCIG ,RGYAS PAR DBYE NA, BRGYA DANG BZHI BCU ZHE BZHI YOD PA MNGON PAR RTOGS PA DE RNAMS KYI RIGS MA LUS PA THOS BSAM GYIS SGRO 'DOGS CHOD NAS BSGOM THAMS CAD LA MYONG BA LEGS PAR THON PA'I MYONG BA THOG MAR SKYES PA'O, ,DE YANG DPER NA, SEMS CAN THAMS CAD LA DMIGS NAS DU: KHA DANG BRAL 'DOD KYI BLO SBYANGS PAS DANG DAM SHUGS KYIS 'JUG PAR 'GYUR BA MA BU GCIG PA LA DU: KHA DANG BRAL 'DOD KYI BLO SKYE BA'I TSONG TZAM DU SONG BA DGOS PA BZHIN DU THAMS CAD LA SHES PAR BYA'O, ,STONG PA NYID LA BSGOM PA LAS BYUNG BA'I SHES RAB KYIS MYONG BA THON PA TSOGS LAM GYI SKABS SU MI 'BYUNG MOD KYI, 'ON KYANG BSAM PA LAS BYUNG BA'I SHES RAB KYIS GOMS PAR BYAS PAS RJES THOB KYI SKABS SU YID DOR DA LTAR GYI SNANG BA 'DI THAMS CAD ME LONG GI NANG GI BYAD BZHIN GYI GZUGS BRNYAN LTA BU DANG, PHUS BTAB NA 'GRO BA LTA BU'I SNANG BA 'BYUNG DGOS PA YIN NO, ,GNYIS PA NI, SANGS RGYAS SOGS DMIGS DAD PA DANG, ZHES SOGS RKANG PA DRUG GIS STON TE, DE YANG THEG CHEN DU 'JUG PA'I SGO BYANG CHUB KYI MCHOG TU THUGS SEMS BSKYED PA DANG, SEMS BSKYED NAS SPYOD PA LA SLOB PA'I TSUL GNYIS YIN LA, DANG PO LA, THEG CHEN SEMS BSKYED KYI SNGON DU 'GRO BA THEG CHEN THUN MONG MA YIN PA'I SKYABS 'GRO DANG SEMS BSKYED DNGOS GNYIS KYI DANG PO NI, RKANG PA DANG POS STON TE, DUS GSUM

, ,GYI SANGS RGYAS RNAMS KYI TSUL KHRIMS SOGS LA DMIGS PA'I DAD PAS MTSON PAS CHOS DANG DGE 'DUN SOGS LA DAD PA YANG STON CING, DKON MCHOG GSUM RGYU DANG 'BRAS BUS BSDUS PA LA DAD PA DE NYID DAD PA DE'I YUL DU THEG CHEN RGYU 'BRAS KYI CHOS MA LUS PA 'GYUR BAS, DE LTA BU'I DAD PA SKYES NAS SKABS 'DIR BSTAN PA'I DAD PA LA MKHAS PA ZHES BYA'O, ,DON GNYER GYI 'DUN PA NI, DAD PA'I RJES SU BYED PAS DAD PA LAM GYI RTZA BAR STON PA'I DON YANG DE YIN NO, ,SEMS BSKYED DNGOS NI, RKANG PA GSUM PAS STON TE, BSAM PA PHUN TSOGS KYI GTZO BO BYANG CHUB KYI MCHOG TU SEMS BSKYED PA YIN LA, DE YANG RNAM MKHYEN BSKYED PA LA BDAG RKYEN DU GYUR PA'I DRAN PAS BSDUS PAR 'PHAGS PA RNAM PAR GROL BA'I SDES GSUNGS SHING, DE YANG MTSON PA TZAM YIN TE, 'DIR BSTAN DRAN PAS DE'I YUL DU THEG PA GSUM GYI LAM MTHA' DAG 'GYUR BAR DGONGS SHING, DE BYUNG NA DRAN PA LA MKHAS PA ZHES BYA'O, ,SPYOD PA SPYI LA SLOB PA NI RKANG PA GNYIS PAS STON TE, BYANG CHUB SEMS DPA'I SPYOD PA'I RTEN SEMS BSKYED DANG, SPYOD PA GNYIS KYI PHYI MA BRTZON 'GRUS KYI KHYAD PAR DU BYAS NAS STON PA NI, SEMS BSKYED NAS SPYOD PA LA SLOB PA'I NAN TAN DANG BRAL BAS NI YANG DAG PAR RDZOGS PA'I BYANG CHUB MI 'GRUB PAS, GO CHA'I BRTZON 'GRUS KYIS SPYOD PA LA NAN TAN BSKYED DGOS PA'I DON YIN GYI, THEG CHEN GYI SPYOD PA DANG BSGRUB PA YIN NA BRTZON 'GRUS YIN PAS KHYAB PAR STON PA NI MIN TE, THEG CHEN GYI CHOS MTHA' DAG LA BRTZON 'GRUS BRTZAM PA NI BRTZON 'GRUS LA MKHAS PA ZHES BYA'O, ,PHAR PHYIN THA MA GNYIS LA BSLAB PA LA, BSAM GTAN GYI PHAR PHYIN LA BSLAB PA NI,

RKANG PA BZHI PAS STON TE, STONG NYID LA RNAM PAR MI RTOG PAS KYANG STON PA MIN LA, RNAM PAR MI RTOG PA'I GZUGS BRNYAN LA DMIGS PA ZHI GNAS THUN MONG BA DANG, THEG CHEN GYI THUN MONG MIN PA'I ZHI GNAS SA LNGA PA'I SKABS SU MTSAN NYID RDZOGS PAR 'GYUR BA'I BSAM GTAN GYI SPYI'I MTSAN NYID STON PA YIN LA, THEG CHEN THUN MONG MA YIN PA'I ZHI GNAS BSGOM PA NI SKABS 'DIR TING NGE 'DZIN SHES RAB KYI PHAR PHYIN LA MKHAS PA NI, RKANG PA LNGA PA DANG DRUG PAS STON TE, JI LTA BA DANG JI SNYED PA GNYIS KA LA DMIGS PA'I LHAG MTHONG STON PAS CHOS RNAMS RNAM PA THAMS CAD DU ZHES SMOS SO, ,'DI'I MTSAN NYID RDZOGS PA SA DRUG PAR THOB PAR 'GYUR LA, THEG PA CHEN PO'I YON TAN THAMS CAD ZHI GNAS DANG LHAG MTHONG GNYIS GANG RUNG GIS BSDUS PAR SHES PA DANG, ZHI LHAG ZUNG 'BREL GYI LAM BGROD PA GTZO BO'I DON DU SHES PA'I CHED DU, PHAR PHYIN THA MA GNYIS LA BSLAB PA LOGS SU BSTAN LA JI LTA BA DANG JI SNYED PA MTHA' DAG SHES RAB KYIS DMIGS NAS BSGOM PA NI SHES RAB LA MKHAS PA ZHES BYA'O, ,MDOR NA DAD SOGS YUL LNGA LA MKHAS PAS, THEG CHEN GYI LAM SPYI'I CHINGS BSTAN PA YIN NO, ,GSUM PA NI, RKANG PA THA MA GNYIS KYIS STON TE, MNGON PAR RTOGS PA'I RGYAN GYI CHED DU BYA BA'I GDUL BYA DAD PA'I RJES 'BRANG DANG, CHOS KYI RJES 'BRANG GNYIS SU NGES PAS RNO RTUL GNYIS BSTAN PA YIN GYI RTUL PO THEG CHEN LA SBYOR BA DANG, THEG CHEN DBANG PO 'BRING PO SHUGS LA BSTAN PAR 'DOD PA NI DE'I DON MIN PAR 'GREL PAS SHES TE, DE LTA MOD KYI ZHES SOGS SO, ,BLA NA MED PA'I BYANG CHUB GTAN MA THOB PA DANG, THEG PA GZHAN GYI BAR MA CHAD PAR MI THOB PA'I DON MIN TE, DAD SOGS YUL LNGA LA MKHAS

, ,KYANG DE THAMS CAD KYIS RDZOGS PA'I BYANG CHUB THOB SLA BAS KHYAB PA MIN PAR STON PA'I DON TO, ,'DIR BSTAN DANG PA SOGS NI THEG PA YIN LA, DE LA CHUNG 'BRID CHEN PO GSUM BSHAD PA NI, THEG PA GSUM GYI DBYE BA STE, CHEN PO LA RNO RTUL GNYIS KYI RNON POS RTOGS SLA LA RTUL POS RTOGS DKA' BA CHOS NYID BSTAN PA'I SHUGS LA, 'BRING PO LA GNAS PAS RANG SANGS RGYAS KYI BYANG CHUB DANG CHUNG NGU LA GNAS PAS NYAN THOS KYI BYANG CHUB THOB PA LA 'PHANGS PA YIN NO, ,GNYIS PA LA MI 'THAD PA'I PHYOGS DGAG PA DANG, 'THAD PA'I PHYOGS DGOD PA'O, ,DANG PO NI, RNAM PA DANG LAM DANG GZHI THAMS CAD RNAM PAR SGOM PA'I DBYE BAS ZHES SOGS KYI GZHUNG GONG 'OG GNYIS KYI SNGA MAS SKABS DANG PO GSUM DU BSTAN PA'I SBYOR MTHONG SGOM GSUM MTSAN NYID PA DANG GZHUNG 'OG MA SBYOR PA DANG PO GSUM GYI SKABS NAS BSTAN PA'I SBYOR MTHONG SGOM GSUM BTAGS PA BAR 'DOD PA'I PHYI MA NI RNAM PA THAMS CAD DU MI RIGS TE, DE GSUM GYI SKABS NAS BSTAN PA'I SBYOR MTHONG SGOM GSUM BTAGS PA BAR 'GREL PA CHE CHUNG GNYIS KA NAS BSTAN PA MED PA'I PHYIR RO, ,BAG LA NYAL KUN 'JOMS PA DANG, ZHES SOGS KYI 'GREL PA'I TSIG ZUR SOGS LA BRTEN NAS BTAGS PA BAR 'DOD PA NI 'PHAGS PA RNAM GROL SDE'I BZHED PA LA YANG MTSUNGS PA DANG, SKABS DANG POR TING NGE 'DZIN RNAM PAR MI RTOG BZHES SOGS KYIS BSTAN PA'I SBYOR LAM YANG BTAGS PA BAR KHAS LEN DGOS PA SOGS NYES PA DU MA'I 'BYUNG KHUNGS SU RTOGS SO, ,SKABS LNGA PAR, SBYIN PA LA SOGS RE RE NI, ZHES PA'I 'GREL PAR 'BYUNG BA'I 'GREL CHEN GYI TSIG 'GA' ZHIG LEGS PHAR MA SHES PA LA BRTEN

NAS KYANG 'KHRUL GZHI BYAS SNANG NGO, ,MTSAN MED RAB TU SBYIN LA SOGS ZHES PA'I SKABS NAS BSTAN PA'I THAR PA CHA MTHUN TSOGS LAM MTSAN NYID PAR 'DOD PA DANG, DRO BA RNAMS KYI DMIGS PA 'DIR, ZHES SOGS KYIS BSTAN PA'I SBYOR LAM GYI MING CAN SA BRGYAD PA'I YE SHES SU 'DOD PA GZHUNG PHYI MA'I MTSAMS SBYOR DANG RNAM PA THAMS CAD DU 'GAL TE SBYOR LAM NAS SA BDUN PA'I BAR DANG TSOGS LAM NAS SA BRGYAD PA'I YE SHES SKYE BAR SKABS DER BSTAN PA LA RGYU MTSAN DANG DGOS PA CUNG ZAD KYANG MED PA'I PHYIR RO, ,GZHUNG PHYI MA'I 'GREL CHEN GYI SKABS SU, NYAN THOS KYI SBYOR LAM CHOS MCHOG SKAD CIG MA GCIG TU BSHAD PA DANG, 'DIR CHOS MCHOG CHUNG 'BRING CHEN PO GSUM DU PHYE BA 'GAL BAR BRTZAD PA'I LAN DU, NYAN THOS KYI SBYOR LAM DANG THEG CHEN GYI SBYOR LAM MI 'DRA BA'I LAN MDZAD KYI, 'DIR BSTAN DAG PA SA'I YE SHES SU BSTAN PA'I LAN MA MDZAD PA'I PHYIR DANG, 'PHAGS SENG GNYIS KAR GYIS PHYIR MI LDOG PA'I SKABS SU SLOB PA PHYIR MI LDOG PA'I DGE 'DUN GYI MTSAN NYID BSHAD ZIN TO, ,DA NI MI SLOB PA'I DGE 'DUN GYI MTSAN NYID BSTAN PA'I PHYIR CES GSUNGS PA YANG KHYOD LTAR NA RNAM PA THAMS CAD DU MI 'GRIG STE, SKABS DER DAG PA SA LA GNAS PA'I BYANG CHUB SEMS DPA' GCIG PU LA SLOB MI SLOB GNYIS SU 'BYED PA'I RGYU MTSAN CI YANG MED PA'I PHYIR RO, ,GNYIS PA LA, SPYI'I RNAM GZHAG DANG, SO SO'I BSHAD PA'O,, DANG PO NI, GZHUNG GONG 'OG 'DI GNYIS ZLOS SPONG 'BA' ZHIG LA SBYAR BA DANG, GZHUNG GONG MA LAM GSUM BTAGS PA BAR STON PA'I RDGONGS PA CAN MIN NO, ,'ON CI ZHE NA, SKABS BRGYAD KYI BRJOD BYAR GYUR PA'I MNGON PAR RTOGS PA BRGYAD LA, RKYANG PA DANG KHUGS PAR 'DOD

, ,PA'I LUGS GNYIS BYUNG ZHING, RKYANG PA LA YANG 'DOD TSUL MANG DU BYUNG YANG, RA ZAM PA LA BTANG BA BZHIN DU GCIG RDZOGS RJES SU CIG SHOS 'BYUNG BA 'BREL CHAGS 'BA' ZHIG TU SKYE BA'I LOG RTOG DGAG PA'I CHED DU YIN TE MNGON PAR RTOGS PA'I GO RIMS LA LOG PAR RTOG PA DGAG PAR BZHED NAS SLOB DPON GYIS GZHUNG SNGA PHYI GNYIS GSUNGS SHING, SKAD CIG SBYOR DANG CHOS SKU'I GO RIMS LA DE LTA BU'I LOG RTOG DGAG MI DGOS PAS MNGON PAR RTOGS PA DRUG LA GSUNGS PA YIN NO, ,GNYIS PA NI SKABS DANG PO GSUM GYI BRJOD BYA'I GO RIMS LA LOG PAR RTOG PA BSAL BA DANG, SBYOR BA DANG PO GSUM GYI GO RIMS LA LOG PAR RTOG PA BSAL BA'O, ,DANG PO NI, SKABS DANG PO GSUM DU SBYOR MTHONG SGOM GSUM YANG YANG DU SMOS PA LA DGOS PA CI YOD CE NA, SLOB DPON GSER GLING PAS GZHUNG GONG MA'I SKABS SU 'OG MA DANG SBYAR ZHES PA'I DON NAM, NGES PAR 'BYED PA'I CHA LA SOGS PA THA SNYAD DU GSUNGS PA YIN PAR SHES PAR BYA'O, ZHES 'BYUNG BA GONG MA'I MJUG TU YANG NGES PAR SBYAR DGOS PA'I DON YIN NO, , RGYU 'BRAS GTZO BO'I DON GYI RNAM PA MKHYEN PA'I RNAM MKHYEN MTSON BYED KYI CHOS BCU PO TSOGS SBYOR GYI GNAS SKABS 'BA' ZHIG TU BSGOM PAR 'DOD PA MI RIGS TE, 'JIG RTEN PA'I NGES PAR 'BYED PA'I CHA DANG MTHUN PA'I SKABS SU BSGOM PAR MA ZAD DE SNGON DU 'GRO BA'I 'JIG RTEN LAS 'DAS PA'I MTHONG LAM DANG SGOM LAM GYI GNAS SKABS SU YANG BSGOM PAR SHES PA'I CHED DU SKABS DANG PO NGES 'BYED CHA MTHUN LA SOGS PA'I LAM GSUM GYI DNGOS MING GI THA SNYAD GSUNGS PA'I PHYIR RO, ,SDUD 'GREL LAS KYANG, LAM RKYANG BA 'DOD TSUL

SMOS PA'I RNAM MKHYEN TSOGS SBYOR GYI SKABS 'BA' ZHIG TU BSGOM PAR 'DOD PA DES KYANG SNGAR BSHAD PA'I RNAM PA MKHYEN TSUL SKABS DER BSGOM PAR 'DOD PA YIN GYI 'BRAS BU BSDUS PA'I RNAM MKHYEN SKABS DE 'BA' ZHIG TU BSGOM PAR 'DOD PA MIN NO, ,SKABS GNYIS PAR BSTAN PA'I THEG PA GSUM GYI LAM SHES PA'I LAM SHES SA DANG PO NAS DRUG PA'I BAR 'BA' ZHIG TU 'JOG MI RIGS TE, SBYOR LAM NAS BZUNG STE DAG PA SA'I GNAS SKABS KYI BAR MA LUS PAR BSGOM PAR SHES PA'I CHED DU SKABS GNYIS PAR THEG CHEN GYI SBYOR MTHONG SGOM GSUM GSUM KA BSTAN PA'I PHYIR RO, ,SKABS GSUM PA'I BRJOD BYAR GYUR PA'I GZHI MI RTAG SOGS BCU DRUG SHES PA'I ZHI SHES DE BYANG CHUB SEMS DPAS SA BDUN PA 'BA' ZHIG TU BSGOM PAR 'DOD PA YANG MI RIGS TE, LAM GSUM KA'I SKABS SU BSGOM PAR SHES PA'I CHED DU THEG CHEN GYI SBYOR MTHONG GNYIS DANG DE'I RIGS 'DRA'I SGOM LAM YANG DON GYIS 'PHANGS PA'I PHYIR RO, ,MI RTAG SOGS RTOGS PA'I SGOM LAM YOD KYANG DE GOMS PA LHUR LEN GYI SGO NAS BSGOM PAR BYED PA'I BYANG SEMS KYI SGOM LAM NI STON MI RIGS PAR SKABS GSUM PAR SLOB DPON NYID KYIS GSUNGS PA'I PHYIR RO, ,DON BSDUS NA, SKABS DANG PO GSUM NAS BSTAN PA'I RNAM MKHYEN GYI MING CAN GYI MNGON PAR RTOGS PA DANG, LAM SHES DANG ZHI SHES RIM CAN KHO NAR SKYE ZHING GCIG YOD PAR CIG SHOS MED PAR 'DOD PA DGAG PA'I CHED DU SKABS GSUM KAR DU LAM GSUM KA BSTAN PA YIN LA, LAM GSUM BSTAN PA LA DGOS PA GZHAN SHIN TU MANG NGO, ,GNYIS PA NI, GZHUNG GNYIS PA'I SKABS 'DIR YANG SLOB DPON GSER GLING PAS GZHUNG GONG MA DANG SBYAR BAR GSUNGS PA NI, NGES 'BYED

, ,CHA MTHUN SNGON DU 'GRO BA'I MTHONG LAM DANG SGOM LAM SBYOR BA DANG PO GSUM GA'I SKABS SU BSGOM PAR SHES PA'I DON YIN TE, DE YANG RNAM RDZOGS SBYOR BA SA BRGYAD PA 'BA' ZHIG DANG RTZE SBYOR SA DGU PA DANG, BCU PA'I STOD DANG, MTHAR GYI SBYOR BA BCU PA'I SMAD 'BA' ZHIG TU CIG CAR RGYUN GCIG LA SKYE BA BKAG NAS SBYOR BA DANG PO GSUM RE RE YANG LAM GSUM GA'I GNAS SKABS SU RIM GYIS BSGOM PAR SHES PA'I CHED DU MDZAD PA YIN NO, ,RNAM PA THAMS CAD DU KHYAD PAR GYI LAM GYIS BSDUS PA NI SLOB DPON GSER GLING PAS SNGAR BSHAD PA LTAR SHES PA DANG, ZAG PA MED PA NI 'DOD CHAGS LA SOGS PAS STONG PA'O ZHES BSHAD PA LTAR KHYAD PAR GYI LAM SA BRGYAD PA YAN CHAD KHO NA LA SBYOR BA'I DON MIN GYI 'O NA CI ZHE NA, KHYAD MTSAN GYI SKABS SU KHYAD DU 'PHAGS PAS KHYAD PAR LAM ZHES BSHAD PA LTAR YIN TE BYANG CHUB SEMS DPA'I THUGS RGYUD KYI 'DUS BYAS MI RTAG PAR RTOGS PA'I YE SHES KYANG MNGON PAR RTOGS PA'I RIGS YONGS SU RDZOGS PAS ZIN PA'I LAM SHER PHYIN YIN PAS NYAN THOS KYI RGYUD KYI LAM SHER PHYIN GYI GZUGS BRNYAN LAS RNAM PA THAMS CAD KYIS THAMS CAD DU KHYAD PAR 'PHAGS PA'I PHYIR RO, ,KHYAD PAR GYI LAM SHES PAR BYA'O, ,ZAG PA MED PA'I DON YANG THEG PA CHEN PO'I SBYOR LAM LA YANG 'DOD CHAGS KYI NYON MONGS PAS MA SLAD CING 'DZIN STANGS LA CUNG ZAD TZAM YANG MA 'DRES PA'I NYON MONGS PA'I ZAG MED YIN GYI, DAG PA SA'I YE SHES KHO NA LA SBYAR BAR BYA BA MIN NO, ,SKABS DANG POR BSHAD PA'I KHYAD CHOS LNGA LDAN GYI SBYOR LAM SO SKYE'I SAS BSDUS PAR 'DOD PA DANG, SKABS LNGA PA'I MTHONG SGOM RTZE SBYOR DAG PA SA 'BA' ZHIG LA SBYOR BA 'GAL TE, KHYAD CHOS KYI RTOG PA MTHONG SGOM RTZE SBYOR

GYIS SPONG BAR BSHAD PAS SKABS DER BSHAD PA'I RTZE SBYOR SKABS GZHAN GANG DU YANG MA BSTAN PA'I PHYIR, DES NA KUN BRTAGS KYI SA BON SPONG BA'I RTZE SBYOR SKABS DE NYID DU BSTAN PA MI 'DOD BZHIN DU KHAS BLANGS DGOS SO, ,SBYIN PA LA SOGS RE RE NI, ZHES PA'I SKABS KYI 'GREL CHEN DU GSUNGS PAS KYANG MI GNOD DE, KUN TU RMONGS PA THA MA GNYIS SA BCU PA'I SKABS KYI RTZE SBYOR GYIS SPONG BAR BSHAD PAS SKABS DER BSHAD PA'I RTZE SBYOR MTHA' DAG DAG PA SA'I YE SHES SU 'DOD PA LA 'BREL CI YANG MED PA'I PHYIR RO, ,'DI LA BRJOD PAR BYA BA MANG STE 'GREL PA DON GSAL GYI RNAM BSHAD SNYING PO'I RGYAN DU BSHAD ZIN TO, ,PHYOGS TZAM MTSON NA RNAM RDZOGS SBYOR BA'I THAR PA CHA MTHUN RDZOGS PA'I RJES SU SBYOR MTHONG SGOM GSUM STON PA'I THA SNYAD KYIS GSUNGS PA LA DGOS PA YOD DE, RNAM RDZOGS SBYOR BA LAM GSUM KA'I SKABS SU RIM GYI SKYE BAS SA BRGYAD PA'I SKABS KHO NAR CIG CAR RGYUN GCIG LA SKYE BA'I YAN MAN DU MI SGOM PA'I DOGS PA DGAG PA'I CHED YIN NO, ,DE BZHIN DU GZHAN GNYIS LA YANG JI LTAR RIGS PAR SBYAR RO, ,MTHAR GYIS PA'I SKABS SU GLANG PO LA LAG LDAN GYI THA SNYAD KYIS BSTAN PA LTAR DRAN PA NYER GZHAG SOGS KYIS BSDUS PA'I SBYOR LAM STON PA'I THA SNYAD DO, ,GSUM PA LA GSUM, MKHYEN PA GSUM GYI RNAM PA NYAMS SU LEN PA'I TSUL BSTAN PA DANG, RNAL 'BYOR ZHI SHES NYAMS SU LEN PA'I TSUL BYE BRAG TU BSHAD PA DANG, 'BRAS BU MNGON DU BYED PA'I TSUL BSHAD PA'O, ,DANG PO LA GNYIS, LAM BSGOM PA PO'I RTEN GYI GANG ZAG NGOS BZUNG BA DANG, LAM JI LTAR NYAMS SU LEN PA'I TSUL LO, ,DANG PO NI, BSKAL PA GRANGS MED GSUM NAS SANGS RGYA BA'I LAM GYI MGO BRTZAM PA THEG PA CHEN PO'I TSOGS

, ,LAM YONGS SU RDZOGS PAR RGYUD LA BSKYED PA'I TSUL NI SNGAR BSHAD PA LTAR YIN LA, 'DIR NI SANGS RGYAS RNAMS LA LHAG PAR BYAS, ZHES SOGS KYIS BSTAN PA LTAR DGE RTZA GSOG PA'I RTEN GYI GANG ZAG LAS DANG PO PAS NYAMS SU LEN PA'I TSUL STON PA YIN NO, ,DE YANG RTOGS PA YI NI CHOS DRUG DANG, ZHES SOGS KYI SKABS NAS DNGOS SU RIGS KHYAD PAR CAN BSTAN YANG DE LA BRTEN NAS LAS DANG PO PA RIGS LA GNAS PA'I GANG ZAG KYANG SHES PAR BYA'O, ,THOG MAR RANG NYID 'KHOR BA'I NYES DMIGS THOS PA DANG, THAR PA'I PHAN YON THOS PA LAS 'KHOR BAS YID 'BYUNG ZHING THAR PA LA DGA' BAS BA SPU LDANG BA SOGS 'BYUNG NA SPYIR RANG RGYUD LA THAR PA'I RIGS YOD PAR SHES KYANG DE TZAM GYIS THEG PA CHEN PO'I RIGS CAN DU NGES MI NUS LA DE LA NI SNGAR BSHAD PA LTA BU'I TSOGS LAM RGYUD LA MA SKYES PA'I SNGA ROL NAS SEMS CAN LA DMIGS PA'I SNYING RJE CHE ZHING SNYING RJE BSGOM PA LA DGA' BA DANG, DU: KHA'I DKA' SPYAD LA BZOD PA CHE BA DANG, THEG PA CHEN PO'I CHOS RGYA CHEN PO LA MOS PA MANG BA DANG, SBYIN PA RGYA CHEN PO GTONG BA LA DGA' BA DANG TSUL KHRIMS BSRUNG BA LA DGA' BA SOGS DGE BA'I CHOS RGYA CHEN PO LA SPRO BA DANG LDAN NA RANG NYID THEG PA CHEN PO'I RIGS DANG LDAN PAR SHES PAR BYAS NAS 'CHAD PAR 'GYUR BA LTAR THEG PA CHEN PO'I LAM 'DI BSGOM PA LA 'BAD PAR BYA ZHING, GAL TE DE DAG DANG MI LDAN NA YANG THAG PA CHEN PO'I MDO SDE DGONGS 'GREL DANG BCAS PA LA BLTA BA DANG NYAN PA DANG, DE'I DON YID LA BYED PA DANG, DE'I RGYUR TSOGS GSOG PA DANG, SGRIB PA SBYONG BA LA SGO DU MA NAS 'BAD PAR BYA'O, ,GNYIS PA LA, LAM SHES RDZOGS PAR BYED PA'I YAN LAG ZHI

SHES SGOM PA'I TSUL DANG, LAM SHES SGOM PA'I TSUL DANG, THEG PA CHEN PO'I LAM GYI GZHI RNAM MKHYEN MTSON BYED KYI LAM RNAMS YID LA BYED PA'I TSUL LO, ,DANG PO NI, MKHYEN PA GSUM BSTAN BCOS LA BSTAN PA'I RIM PA NI, BSHAD PA'I RIM PA YIN TE, THOG MAR 'BRAS BU LA DON GNYER SKYES NAS DE'I RJES SU DE'I RGYU LAM GANG YIN SHES PAR BYED PA DANG, DE'I RJES SU LAM RDZOGS BYED KYI YAN LAG SHES PA'I CHED DU BSTAN LA SGOM PA'I TSE RIM PA DE LAS LOG NAS SHES PAR BYA STE, 'GREL CHEN GYI CHOS SKU'I MTSAMS SBYAR DU, GANG GI TSE RGYU DANG G-YO THAMS CAD RNAM PAR SPANGS PA LA SOGS PA YID LA BYED PA RNAMS KYIS JI SKAD DU BSHAD PA'I RIM GYIS SHES RAB KYI PHA ROL TU PHYIN PA 'DI LA CHOS THAMS CAD SGYU MA DANG 'DRA BA NYID DU RNAM PA THAMS CAD MKHYEN PA NYID KYIS RJES SU RIG PAR BYED PA DANG, LAM GYI RNAM PAR SHES PA NYID KYIS RNAM PAR DPYOD PA DANG, THAMS CAD SHES PA NYID KYIS 'JUG PA DANG, RNAM KUN MNGON PAR RDZOGS PAR RTOGS PAS RTOGS PAR BYED PA DANG, RTZE MO'I MNGON PAR RTOGS PAS SEMS PA DANG, MTHAR GYIS PA'I MNGON PAR RTOGS PAS 'JAL BA DANG, SKAD CIG MA GCIG PA'I MNGON PAR RTOGS PAS NYE BAR RTOGS PAR 'GYUR BA DANG, CHOS SKUR MNGON PAR RDZOGS PAR BYANG CHUB PAS KYANG BSGOM PAR 'GYUR BA DE'I TSE BYANG CHUB SEMS DPA' 'DI LA CHOS SKU'I RANG BZHIN GYI YON TAN THAMS CAD DANG, LONGS SPYOD RDZOGS PA'I SKU'I MTSAN NYID KYI SANGS RGYAS KYI ZHING DANG, SPRUL PA'I SKU'I RANG GI NGO BO SANGS RGYAS KYI CHOS BLA NA MED PA 'PHRIN LAS DANG BCAS PA YONGS SU RDZOGS PA RNYED DKA' BAR MI 'GYUR RO, ZHES GSUNGS PA LTAR, THOG MAR ZHI SHES BSGOM PA LA

, ,'JUG PA'I SGO NAS MNGON PAR RTOGS PA'I RIM PA RNAMS YID LA BYA BA GSUNGS PA'O, ,DE LA SPYIR THEG PA CHEN PO'I SEMS BSKYED RGYUD LA SKYE BA STONG PA NYID KYI DON RTOGS PA LA MI BLTOS KYANG 'DIR NI SNYING RJE'I DON DANG MNGON PAR RTOGS PA'I RIM PA RNAMS LA TSAD MAS SGRO 'DOGS CHOD NAS BSGOM PA LA 'JUG PA'I RIM PA STON PA YIN PAS RTEN 'BREL SGYU MA LTA BUR RTOGS PA'I SHES RAB KYIS ZIN PA'I NGANG NAS BSGOM PAR BYA STE, 'GREL CHEN DU DE BAS NA LUNG DANG RIG PA DAG GIS SGYU MA LTA BUR GNYIS SU MED PA'I SEMS KYIS DE KHO NA NYID YONGS SU SHES PA DE KHO NA NYID RTOGS PA LA MNGON PAR BRTZON PA'I BLO CAN RNAMS KYIS GNYIS SU MED PA'I SGYU MA LTA BU'I SEMS YANG DAG PA'I KUN RDZOB KYI RANG BZHIN THOS PA DANG BSAM PA LAS BYUNG BA'I SHES PAS RNAM PAR BZHAG NA RTEN CING 'BREL PAR 'BYUNG BA'I CHOS NYID KYIS RNAM PA THAMS CAD MKHYEN PA NYID LA SOGS PA MNGON PAR RTOGS PA BRGYAD KYI RIM PAR GUS PA DANG RGYUN MI 'CHAD PA DANG DUS YUN RING PO'I KHYAD PAR CAN GYIS BSGOMS PAS BSGOM PAR BYED PA'I RNAL 'BYOR GYI DBANG PHYUG RNAMS NI RTEN CING 'BREL PAR 'BYUNG BA'I CHOS KYIS RNAM PAR RTOG PA MTHA' DAG DANG BRAL ZHING SRID PA JI SRID PAR RJES SU 'BREL BA RNAM PAR SHES PA TZAM GYI RGYUN SGYU MA LTA BU THOB PAR BYED DO, ZHES BSHAD PA LTAR DE'I RGYU MTSAN SEMS BSKYED KYI SKABS SU 'CHAD PAR 'GYUR RO, ,RNAM PA THAMS CAD MKHYEN NYID LAM, ZHES SOGS BSHAD PA LTAR LAM NYAMS SU LEN PA LA 'JUG PA'I SNGA ROL TU MNGON PAR RTOGS PA'I NGO BO GRANGS DANG GO RIMS NGES PA SOGS, TSIG DON GYI SKABS NAS 'BYUNG BA BZHIN DU NGES PAR BYAS NAS DE'I

RJES SU NYAMS SU BLANGS PAR BYA'O, ,DE YANG 'GRO LA CHAGS PAS KUN CHAGS MDZAD, CES SOGS NAS 'BYUNG BA LTAR YANG DAG PAR RDZOGS PA'I SANGS RGYAS NAS BZUNG STE, THEG PA CHEN PO'I GDAMS PA BAR MA CHAD PAR GCIG NAS GCIG TU BRGYUD DE 'ONGS PA'I MAN DAG DANG LDAN PA'I THEG PA CHEN PO'I DGE BA'I BSHES GNYEN MNYES PAR BYA STE, DE LAS 'JUG PA'I SDOM PA RNAM PAR DAG PA BLANGS NAS RTZA BA DANG YAN LAG GI LTUNG BA NYES BYAS ZHE DRUG SOGS KYIS MA GOS PA LA 'BAD PAR BYA'O, ,DGE BA'I BSHES GNYEN DNGOS SU MED NA SANGS RGYAS DANG BYANG CHUB SEMS DPA' RNAMS YID KYIS SPYAN DRANGS NAS BLANGS TE LEN PA'I TSUL NI, RJE BTZUN BLO BZANG GRAGS PA DPAL BZANG PO'I ZHAL SNGA NAS KYIS BYAS PA'I TSUL KHRIMS KYI LE'U'I RNAM BSHAD MDZAD PA LTAR SHES PAR BYA'O, ,'GREL CHEN DU CHOS 'PHAGS KYI LE'U DANG RTAG TU NGU'I LE'U'I DON SDUD PA DGE BA'I BSHES GNYEN BSTEN TSUL NI, GO SLA BAR DGONGS NAS RJE BTZUN GYIS MNGON PAR RTOGS PA'I RGYAN DU LAM DGYUS MA'I RIM PA LAS MA BSDUS PAR BSHAD LA DE YANG THEG PA CHEN PO'I MDO SDE'I RGYAN NAS BSHAD PA LTAR DGE BA'I BSHES GNYEN GYI MTSAN NYID KYI MTSAN NYID CHOS BCU DANG LDAN PA DE JI LTAR BSTEN PA'I TSUL LA SOGS PA SHES PAR BYA'O, ,GNAS KHANG BYI DOR LEGS PAR BYAS SKU GSUNG THUGS KYI RTEN BKRAM MCHOD PA LEGS PAR BSHAMS TE STAN BDE BA LA SKYIL KRUNG DAM PHYED PAS KYANG RUNG BAS 'DUG STE NYAN THOS ZHI BA TSOL RNAMS ZHES SOGS KYIS BSHAD PA LTAR SRAS 'PHAGS PA'I BZHED DON PHUN TSOGS SGRUB PAR MDZAD PA'I SANGS RGYAS KYI CHOS SKU DANG GZUGS SKU GNYIS KYIS BSDUS PA'I SANGS RGYAS DKON

, ,MCHOG DANG, MKHYEN PA GSUM GYIS BSDUS PA'I THEG PA CHEN PO'I LAM GYI BDEN PA DANG 'GOG PA'I BDEN PA GNYIS KYI MTSAN NYID CAN GYI CHOS DKON MCHOG DANG, DE DAG SGRUB PA'I BYANG CHUB SEMS DPA' 'PHAGS PA'I PHYIR MI LDOG PA'I DGE 'DUN RNAMS YID KYIS YUL DU BYAS TE, DE RNAMS KYI YON TAN SHES PA DANG KHAS BLANGS PA DANG GZHAN DU MI SMRA BAS SKYABS SU 'GRO BA RGYUD DANG 'DRES NGES PA LAN MANG DU BYA, DKON MCHOG LA DANG BA GSUM SHUGS DRAG PO MED NA LAM GYI RTZA BA MI TSUGS PAS DE LA 'BAD PAR BYA'O, ,RGYAL BA'I SRAS PO SENGGE BZANG POS KYANG YUM LA DANG BA SKYES PA MCHOD BSTOD KYI DGOS PAR BSHAD PA NI DAD PA SNGON 'GRO MA LTAR BSKYED PA STE ZHES SOGS BSHAD PA LTAR DAD PA LAM GYI RTZA BAR SHES PA'I CHED DU YIN NO, ,'KHOR BA'I NYES DMIGS SEMS PA SOGS JI TZAM 'TSAM PA'I LAM MDOR BSDUS DRAN PAR BYA, SEMS CAN THAMS CAD MNGON MTHO'I RTEN LA 'GOD PA NAS BZUNG STE MI GNAS PA'I MYA NGAN LAS 'DAS PA'I SA LA 'GOD PAR BYA, DE'I PHYIR TU BDAG GIS YANG DAG PAR RDZOGS PA'I SANGS RGYAS THOB PAR BYA DE THOB PA'I THABS MNGON PAR RTOGS PA'I RIM PA BSGOM PAR BYA SEMS CAN 'KHOR BA'I DU: KHA ZHI BA LA 'GOD PAR BYA BA'I CHED DU BDAG GIS SANGS RGYAS THOB PAR BYA'O SNYAM PA NI THEG PA CHEN PO'I SEMS BSKYAD RDZOGS PA MIN NO, ,STON PA RANG NYID KYIS BRNYES PA'I GO 'PHANG LA SEMS CAN 'GOD PAR THUGS DAM BCAS PA'I PHYIR RO, ,DE LA DGONGS NAS RJE BTZUN GYIS MYA NGAN LAS 'DAS PA LA DGOD PA STE ZHES GSUNGS PAS SO, ,DE'I RJES SU YAN LAG BDUN PAS KYANG RGYUD SBYANGS NAS MNGON PAR RTOGS PA'I RIM

PA RGYUD LA SKYE BA'I GSOL BA LAN MANG DU GDAB BO, ,DE NAS SEMS DRUG GI SGO NAS YID LA BYA STE, THOG MAR RTZA BA'I SEMS KYIS NI BSGOM PAR BYA BA'I DON 'DI STON PA'I BSTAN BCOS NI MNGON PAR RTOGS PA'I RGYAN NO, ,SNYAM DU MING TZAM GYI SGO NAS DMIGS PAR BYA'O,, DE NAS RJES SU SPYOD PA SEMS KYIS NGES PAR BYAS TE, DE LA BGRANG BA DANG GZHAL BA DANG RTOGS PA DANG NGES PAR RTOGS PA BZHI LAS BGRANG BAS NI LAM DANG 'BRAS BU'I SHER PHYIN GNAS SKABS BRGYAD KYIS PHYE BA'I MNGON PAR RTOGS PA BRGYAD KYI GRANGS CAM [?] YID LA BYA'O, ,DE YANG BDAG GIS BSGOM PAR BYA BA NI MNGON PAR RTOGS PA BRGYAD YIN LA THOG MAR ZHI SHES BSGOM PAR BYA SNYAM PA'O, ,LAS DANG PO PAS SMON PA'I SGO NAS ZHI SHES MTSAN NYID PA BSGOM PAR BYA ZHING RNAM PA'I SGO NAS DNGOS SU BSGOM PA'O, ,GZHAL BAS MNGON PAR RTOGS PA PO'I RANG BZHIN NGES PAR BYA ZHING, RTOGS PAS NGO BO DANG GRANGS SOGS LA SGRO 'DOGS DANG SKUR 'DEBS MED PAR BYA BA DANG, NGES PAR RTOGS PAS NI SNGAR TSAD MAS NGES ZIN YANG 'DIR YANG RGYU MTSAN YANG DAG RNAMS DRAN PAR BYA'O, ,RNAM PAR DPYOD PA'I SEMS KYIS YI GE SO SO RNAMS BRJOD BYA'I DON RDZOGS PAR MI STON PA DANG, BSDUS PAR STON PA'O, ,SNYAM DU YID LA BYA'O, ,NGES PAR 'DZIN PA'I SEMS KYIS RNAM PAR DPYAD PA'I MTSAN MA NGES PAR BZUNG LA SDOM PA'I SEMS KYIS BSGOM PAR BYA BA'I DON BSDOMS TE YID LA BYA'O, ,DON DAM PA'I SEMS KYIS DON 'DI BSGOM LA 'BRAS BU YANG DAG PAR RDZOGS PA'I SANGS RGYAS THOB PAR BYA'O SNYAM DU YID LA BYA'O, ,TSU ROL PHAR ROL MTHA' LA MIN, ZHES SOGS MTHA' BRAL MI GNAS PA'I LAM SHES LA DOGS PA GCOD PA'I

, ,YAN LAG SHES RAB DANG SNYING RJES SRID ZHI'I MTHA' 'GOG PA DANG, GZHI LAM 'BRAS GSUM BDEN STONG SPROS BRAL DU RTOGS NAS DE LA MTSAN MAR 'DZIN PA BKAG NAS 'BRAS YUM LA NYE BAR BYED PA'I ZHI SHES MTSON PAR BYED PA'I CHOS THEG PA DMAN PA DANG THUN MONG MIN PA'I LAM RNAMS KYIS ZIN PA'I SGO NAS KYANG BSGOM PAR BYA ZHING, 'DIR BSGOM PAR BYA BA'I GTZO BO NI, MDO LAS THAMS CAD SHES PA NYID LA SHES PA DANG MTHONG BAS BLTAS NAS 'DA' BA DANG, LAM SHES PA NYID YONGS SU RDZOGS PAR 'DOD PA DANG RNAM PA THAMS CAD MKHYEN PA NYID RJES SU THOB PAR 'DOD PA'I BYANG CHUB SEMS DPA' SHES RAB KYI PHAR PHYIN LA BSLAB PAR BYA'O, ZHES GSUNGS PA LTAR SHES MTHONG GIS BLTAS NAS 'DA' BAR BYA BA'I MNGON PAR RTOGS PA DE NYID BSGOM PAR BYA BA YIN LA, DE LA SLOB DPON 'PHAGS PAS SHES PAS NI 'KHRUL PA'I SHES PA BSAL LA, MTHONG BAS NI RJES SU DGA' BA'I SHES PA BSAL BAR GSUNGS PAS RTOG BRAL MA 'KHRUL PA'I SHES PAS SHES PAR BYED PA'I DUS NI BYANG CHUB SEMS DPA'I MTHONG LAM GYI TSE YIN LA, DE'I RGYUN GOMS PA LHUR LEN GYIS BSGOM PAR MI BYED CING, MI RIGS PAS SLOB DPON 'PHAGS PAS THAMS CAD SHES PA NYID LA SGOM PA'I LAM MED PA'I PHYIR CES GSUNGS SO, ,DE LTA BU'I MTHONG LAM THOB PA'I CHED DU LAS DANG PO PAS BSGOM PAR BYA BA YIN LA, DE YANG MTHONG LAM MAN CHAD DU GOMS PA LHUR LEN GYIS KYANG BSGOM PAR BYA STE, LAS DANG NYON MONGS PA'I DBANG GIS 'KHOR BA'I DU: KHA RANG MIN PA NYAMS SU MYONG NA GZHAN DON LTA ZHOG RANG DON YANG MI NUS PAS NYON MONGS PA'I DPAL LEGS PAR

GZHOM DGOS PA'I PHYIR RO, ,BYANG SA LAS 'KHOR BA'I DU: KHA LA BYANG CHUB SEMS DPA' RNAMS KYIS NYAN THOS LAS KYANG 'BUM 'GYUR GYIS SKYO BAR GSUNGS PA'I PHYIR RO, ,DES NA ZHI SHES SGOM PA'I DGOS PA MANG STA, LAM SHES RDZOGS PA'I DON DU SHES MTHONG GIS BLTAS NAS 'DA' BAR BYA BA DANG, NYAN THOS DANG RANG SANGS RGYAS KYI RIGS CAN RJES SU BZUNG BAR BYA BA DANG, RANG NYID 'KHOR BAS YID LEGS PAR SUN NAS SEMS CAN GZHAN LA SNYING RJE CHEN PO BSKYED PA'I RGYUR BSGOM PAR BYA BA'I PHYIR RO, ,BSHAD PA'I SROL KHA CIG LAS NI SA BDUN PA TSUN CHAD DU ZHI SHES 'BAD PA BSKYED NA NYAN RANG GI SAR LTUNG BA'I DOGS PA YOD PAS ZHI SHES GZUGS BRNYAN GYI TSUL DU RANG GI NGANG GIS 'BYUNG BA SA BRGYAD PA NAS THOB PAS, LAM GSUM MNGON SUM DU SHES PA SA BRGYAD PA YAN CHAD DU BSKYED KYI DE MAN CHAD DU MI SKYED PA'I 'PHAGS PA'I BZHED PAR MDZAD KYANG, MTHONG LAM NAS BSKYED PA BZHED PAR SEMS SO, ,RNAM PA'I SKABS NAS 'BYUNG BA LTAR 'PHAGS PA'I BDEN PA BZHI BYANG CHUB KYI PHYOGS DANG MTHUN PA'I CHOS SUM CU RTZA BDUN DANG SBYAR NAS BSGOM PAR BYA ZHING, 'DIR NI THOG MAR 'PHAGS PA'I BDEN BZHI TZAM ZHIG SGOM TSUL BRJOD PAR BYA STE, DE YANG DAL 'BYOR RNYED PAR DKA' BA DANG, RNYED NA DON CHEN PO SEMS PA DANG, 'CHI BA MI RTAG PA DANG NGAN 'GRO'I NYES DMIGS SEMS PA DANG, LAS 'BRAS SEMS PA SOGS SEMS SKYES BU CHUNG NGU'I BSAM PA SBYANGS NAS, RIGS PA DRUG CU PA'I 'GREL PAR, SA GSUM MI RTAG PA'I ME RAB TU 'BAR BA'I NANG NA 'DUG PA NI KHYIM 'BAR BA'I NANG DU CHUD PA LTAR DE LAS 'DA' BAR 'DOD PAS ZHES SOGS GSUNGS PA LTAR THOG MAR 'KHOR BA'I NYES DMIGS BSAM

, ,PAR BYA'O, ,DE LA DU: KHA LA RTAG PA DANG, BDE BA DANG, GTZANG BA DANG, BDAG TU SGRO 'DOGS PA'I GNYEN POR, MI RTAG PA DANG, DU: KHA DANG, MI GTZANG BA DANG, BDAG MED PA'I RNAM PAR BSGOM PAR BYA'O, ,DE YANG DU: KHA'I PHUNG PO 'DI CHU'I CHU BUR DANG RI GZAR GYI 'BAB CHU LTAR SKAD CIG KYANG MI SDOD PAR 'GRO BA SE GOL GTOG PA'I YUN LA YANG SKAD CIG MA SUM BRGYA DRUG CU RE LNGA 'DA' BA'I TSUL BSAMS NAS YID BRTAN DU RUNG BA CUNG ZAD KYANG MED PA'I 'DU SHES BSGOM PAR BYA'O, ,'DI BLO LA LEGS PAR MA SKYES NA KHAMS GONG MA GNYIS KYIS BSDUS PA'I 'DU BYED KYI DU: KHA LA KHYIM 'BAR BA'I NANG DU CHUD PA LTA BU'I 'DU SHES SKYE MI SRID PA'I PHYIR RO, ,DE YANG RNAM 'GREL LAS, DE PHYIR MI RTAG LAS DU: KHA, ,DU: KHA LAS NI BDAG MED GSUNGS, ZHES BSHAD PA LTAR, CHOS GSUM RTOGS PA'I RIM PA RAGS PA DANG PHRA BA GNYIS KA LA 'DRA BA YIN TE, RANG NYID BDE 'GROR SKYE BA LA RANG DBANG BA'I BDAG MED PAR SHES PA LA NGAN 'GRO'I NYES DMIGS SEMS PA SHUGS DRAG SNGON DU GTONG BA DANG DE LA 'CHI BA MI RTAG PA BSGOM PA SNGON DU GAL CHE BA BZHIN DU BDAG MED KHONG DU CHUD PA LA KHYAB PA 'DU BYED KYI DU: KHA SEMS PA DANG, DE LA PHRA BA'I MI RTAG PA SEMS PA GNAD CHE BA YIN NO, ,DE NAS CHOS MNGON PA'I MDO LAS GSUNGS PA LTAR SKYE BA DU: KHA DANG RGA BA SDUG BSNGAL SOGS DU: KHA BRGYAD SEMS PA DANG, DRUG SEMS PA DANG, DU: KHA'I DU: KHA DANG 'GYUR BA'I DU: KHA DANG, 'DU BYED KYI SDUG BSNGAL DANG GSUM GYI SGO NAS KYANG BSAMS TE 'KHOR BA LA SDUG BSNGAL GYI 'DU BYED BSGOMS PAS, 'DI DANG BRAL NA SNYAM PA DANG, MI 'BRAL BA'I THABS MI 'DUG SNYAM PA'I BLO SKYES

KYI BAR DU BSGOM ZHING, DE LAS KYANG GONG NAS GONG DU SPEL BAR BYA'O, ,DE NAS YUM RGYAS PA LAS GSUNGS PA LTAR RANG GI LUS GTZANG BAR BZUNG NAS DBYIBS LA CHAGS PA LA SOGS PAS 'KHOR BAR 'KHOR BAS RNAM PAR BAM PA'I 'DU SHES SOGS DGU DANG MI GTZANG BA'I RDZAS SUM CU RTZA DRUG GI RANG BZHIN DU SEMS PA DANG NYON MONGS PAS SPAGS PA SOGS 'KHOR BA LA MI GTZANG BA'I 'DU SHES BSGOM PAR BYA'O, ,DE NAS PHUNG PO DANG RANG BZHIN GCIG DANG THA DAD PA'O BDAG CUNG ZAD MED PAS BDAG MED DO SNYAM DU YID LA BYA STE, DE NI KUN 'BYUNG BSAM PA LAS KHONG DU CHUD DE, 'CHAD PAR 'GYUR RO, ,DE LTAR DU: KHA'I PHUNG PO 'DI LA TSUL BZHIN MIN PA'I YID LA BYED PA BZHI'I SGO NAS LOG PAR ZHUGS PAS 'KHOR BAR 'KHOR ZHING, 'KHOR BA'I NYES DMIGS BSAM PAS 'KHOR BA LA 'BRAL 'DOD KYI BLO SKYE BA DANG, TSER MA 'DON PA'I TSUL GYIS SPONG MI NUS PAR MTHONG ZHING, RGYU LOG PA'I SGO NAS LDOG DGOS PAR MTHONG NAS KUN 'BYUNG 'KHOR BA'I 'JUG RIM SEMS PAR BYA'O, ,DE YANG RGYANG 'PHEN PA LTAR RGYU MED DU 'DZIN PA DANG, GSAL BYED PA DUS RTAG PA LA SKYE BAR 'DOD PA LTAR RGYU GCIG KHO NAR 'DZIN PA DANG, GRANGS CAN PA DANG RIG BYED PA LTAR GTZO BO DANG SGRA TSANGS PA'I RNAM 'GYUR DU 'DOD PA DANG, RIG PA CAN DANG, BYE BRAG PA LTAR DBANG PHYUG LA SOGS PAS BLO SNGON DU BTANG NAS BYAS PAR 'DZIN PA'I PHYIN CI LOG BZHI'I GNYEN POR RGYU KUN 'BYUNG RAB SKYE RKYEN GYI RNAM PA LAS BYUNG BA BSAM PAR BYA'O, ,DE LA DU: KHA 'DI RES 'GA' SKYE BAR DMIGS PAS RGYU DANG BCAS PA DANG, DE YANG RNAM 'GREL LAS, GANG ZHIG BDAG MTHONG DE LA NI, ,NGA ZHES RTAG TU ZHEN PAR 'GYUR, ZHES SOGS BSHAD PA LTAR, BDAG

, ,TU 'DZIN PA LAS BDAG DANG MI 'BRAL BA'I SRID PA SKYE LA, DE LAS BDAG GI BDE BA LA SRED PA DANG, DE LAS BDAG GI BDE BA'I SGRUB BYED LA SRED PA DANG, DE LAS BDAG GI BDE BA SGRUB PA'I PHYIR TU SGO GSUM GYI LAS MNGON PAR 'DU BYED DO, ,LAS DANG SRED PA DE YANG DU: KHA'I RGYU DANG, DU: KHA YANG DANG YANG DU BSKYED PAS KUN 'BYUNG DANG SRED PA GSUM GYI DU: KHA SHUGS DRAG BSKYED PAS RAB SKYE DANG, DU: KHA'I LHAN CIG BYED PA'I RKYEN BYED PAS RKYEN GYI RNAM PAR BSAM PAR BYA'O, ,DE NAS DU: KHA'I RTZA BA GANG ZAG GI BDAG 'DZIN SPONG NUS MI NUS BRTAGS PA NA BDAG CUNG ZAD KYANG MED PAR MTHONG NAS BDAG 'DZIN SPONG NUS PAR KHONG DU CHUD DE, KUN 'BYUNG SPONG NUS DANG, DE'I 'BRAS BU DU: KHA 'GOG NUS PAR MTHONG NAS, DU: KHA 'GAGS PA'I 'GOG PA SNGON DU BYA BAR DAM BCA' ZHING THAR PA LA DON GNYER SHUGS DRAG BSKYED PAR BYA'O, ,DE YANG RGYANG 'PHEN DANG SPYOD PA PA LTAR DU: KHA ZHI BA'I THAR PA MED PAR 'DZIN PA DANG, KHA CIG DU: KHA'I KHYAD PAR 'GA' ZHIG LA THAR PAR 'DZIN PA ZAG BYED PA GDUGS DKAR PO GYEN DU BSTAN PA 'DRA BA'I THAR PA 'DOR 'DOD PA DANG, GRANGS CAN SOGS GROL BA'I BDAG RTAG PA GYA NOM PA'I THAR PAR 'DZIN PA DANG, THAR PA THOB KYANG MI LDOG PA'I CHOS CAN GYIS THAR PA MED PAR 'DZIN PA'I GNYEN POR 'GOG PA DANG, ZHI BA DANG, GYA NOM PA DANG, NGES PAR 'BYUNG BA'I RNAM GRANGS BSAM PAR BYA'O, ,DE YANG SNGAR BSHAD PA LTAR, BDAG 'DZIN SPONG NUS PAR MTHONG NAS, DE'I 'BRAS BU DU: KHA 'GOG NUS PAR KHONG DU CHUD NUS PAS DU: KHA 'GAGS PA'I 'GOG PA DANG, NYON MONGS PA'I SA BON DANG BRAL BA'I ZHI BA DANG, SDUG BSNGAL KUN 'BYUNG SPANG BA'I

BRAL BA DE NYID PHUGS SU PHAN PA DANG, BDE BA'I NGO BO NYID YIN PAS GYA NOM PA'I THAR PA DANG, SLAR NYAMS PA MI SRID PAS NGES PAR 'BYUNG BA'I CHOS CAN GYI THAR PA DE NYID BDAG GIS MNGON SUM DU BYA'O SNYAM DU YID LA BYA'O, ,DE YANG LAM 'GOG PAR BYAS PA LA BLTOS NAS THAR LAM MED DO SNYAM PA DANG, BDAG MED SGOM PA'I LAM 'DI LAM NGAN PA YIN NO SNYAM PA DANG, BDAG BSGOM PA DANG, DBANG SOGS BDAG GI BA DU: KHA RU BSGOM PA DANG, DBANG PHYUG GI DKYIL 'KHOR DU BCUG STE DBANG BSKUR BA DANG, LAS NGAN GYI 'BRAS BU ZAD PA'I CHED DU DKA' THUB KYI GDUNG BA DRAG PO RTZOM PA SOGS BDAG MED BSGOM PA LAS KHYAD PAR 'PHAGS PA'I LAM GZHAN YOD SNYAM PA DANG, DU: KHA RE ZHIG LDOG KYANG SLAR MI LDOG PA'I MCHOG TU BYED PA'I LAM MED DO SNYAM DU 'DZIN PA'I GNYEN POR, LAM DANG RIG PA DANG, BSGRUB PA DANG, NGES PAR 'BYIN PA'I RNAM PA BSAM PAR BYA'O, ,DE LA BDAG MED RTOGS PA'I SHES RAB DE NYID THAR PAR BGROD PA'I LAM YIN PA DANG, SDUG KUN GYI GNYEN POR RIGS PA DANG, YUL GYI GNAS LUGS PHYIN CI MA LOG PAR BSGRUB PA YIN PA DANG, SDUG KUN SLAR MI SKYE BA'I CHOS CAN DU BYED PA'I RGYU MTSAN, RIG PA'I STOBS LAS BYUNG BA CI TZAM 'TSAM PA DRAN PAR BYAS NAS, LAM GYI RNAM PA BZHI BSGOM PAR BYA'O, ,DE YANG SO SOR RTOGS PA'I SHES RAB KYIS LEGS PAR DPYAD NAS SDUG KUN GNYIS SPANG BYA DANG 'GOG PA MNGON DU BYA BA DANG, LAM BSTEN BYAR YID LA BYA'O, ,SDUG KUN GYI NYES DMIGS BSAMS NAS, BLO'I 'GYUR BA SHUGS DRAG BSKYED PAR BYA BA YIN GYI, DE LA 'JOG BSGOM BYAS PA LA DGOS PA CUNG ZAD KYANG MED DO, ,BDAG MED PA'I DON LA DPYAD PA'I MTHAR

, ,LTA THOG TU CUNG ZAD 'JOG PA YANG BYA LA DE LHAG MTHONG DU 'GYUR BA NI ZHI GNAS SNGON DU RNYED PA LA RAG LAS TE RNAM RDZOGS SBYOR BA SGOM PA'I SKABS SU 'CHAD PAR 'GYUR RO, ,DE LTAR BYANG CHUB SEMS DPAS KYANG ZHI SHES GUS PAR SBYOR BA DANG, RGYUN DU SBYOR BA GNYIS LDAN GYIS BSGOM PAR BYA ZHING, ZHI SHES MI MTHUN PHYOGS SU BSHAD PA NI LHAG BSAM RNAM DAG DANG BRAL BA DANG BDEN 'DZIN GYIS BCINGS PA'I ZHI SHES LAM SHER PHYIN GYI GZUGS BRNYAN LA DGONGS PA YIN TE, THEG PA CHEN PO'I RIGS CAN LAM DE NAS 'KHRID NA RNAM MKHYEN SGRUB PA'I RIGS LAM DANG GOL BAR 'GYUR BA YIN GYI NYAN THOS RIGS NGES PA LA BLTOS NAS DE NYID NYE LAM MTHAR THUG PAR SHES PAR BYA'O, ,TSIG TZAM LA 'CHOL BA DAG ZHI SHES TZAM SPYIR YANG BYAR 'DOD PA NI THAR LAM LA SKUR 'DEBS KYI LOG LTA YIN PAS MCHIL MA'I THAL BA BZHIN DU DOR BAR BYA'O, ,BYANG CHUB SEMS DPA' CHOS GSUM LA BDEN PAR 'DZIN PA NI, CHOS RNAMS RANG BZHIN GCIG PAR NI SHES PAS CHAGS PA SPONG BA YIN, ZHES PA LTAR STONG NYID SPROS BRAL RTOGS PAS SPONG LA, ZHI PA'I MTHAR LTUNG BA NI SNYING RJE CHEN POS 'GOG PAR BYED DO, ,SRID ZHI'I MTHA' LA KUN RDZOB PA LA BLTOS PA DANG DON DAM PA LA BLTOS PA GNYIS LAS, DANG PO NI LAS NYON GYI DBANG GIS SRID BZHIR [?] MTSAMS SBYAR BA SRID PA'I MTHAR LTUNG BA'I ZHES BYA'O, ,SRID MTHA' DE NYID RIGS CAN GSUM KAS 'GOG LA ZHI BA'I MTHA' DE NI BYANG CHUB SEMS DPA' 'BA' ZHIG GIS SPONG STE, SRID MTHA' SNGA MA BKAG NAS SNYING RJE DANG SMON LAM GYI DBANG GIS 'KHOR BAR SKYE BA BLANGS TE, MYANG 'DAS SGRUB PAR BYED PA'I PHYIR RO, ,DON DAM PA LA BLTOS PA'I

SRID ZHI'I MTHAR LTUNG BA NI SRID ZHI LA NGOR BYA DANG BLANG BYAR BDEN PAR 'DZIN PA YIN CING, DE BYANG CHUB SEMS DPAS STONG NYID RTOGS PA'I SHES RAB KYIS SPONG BA YIN LA, NYAN RANG LA CHOS KYI BDAG MED RTOGS PA YOD PAR 'DOD PA LTAR NA, DON DAM LA BLTOS PA'I MTHAR LTUNG BA YANG KUN RDZOB LA BLTOS PA'I MTHAR LTUNG BA ZHES BYA'O, ,DE LTAR BSGOM PAR BYA BA'I ZHI SHES DE NYID SKABS GSUM PA'I BRJOD BYAR BYA BA YIN LA, DE YANG BYANG CHUB SEMS DPAS MTHONG LAM THOB KYI BAR DU BSGOM PAR BYED KYI DE NAS GOMS PA LHUR LEN GYI BYED PAR BSHAD ZIN TO, ,'DI NI BYANG CHUB SEMS DPA'I SPYOD PA'I KHYAD PAR YIN CING, LAM SHES RNAM PAR DAG BYED RDZOGS BYED KYI YAN LAG GO ,GNYIS PA LAM SHES SGOM TSUL LA GNYIS, RTEN GYI GANG ZAG NGOS BZUNG BA DANG, DES LAM SHES SGOM PA'I TSUL LO, ,DANG PO NI MA THOB PA LA THOB SNYAM PA'I MNGON PAR NGA RGYAL DANG, GONG MA'I KHYAD PAR CUNG ZAD KYANG DON DU MI GNYER BA'I LAM SGOM PA'I GEGS DANG BRAL BA DANG, LHAN CIG BYED RKYEN BYANG CHUB KYI MCHOG TU SEMS BSKYED PA DANG, THEG PA CHEN PO'I RIGS KYIS KHYAB PA DANG, SNYING RJE DANG SMON LAM GYI DBANG GIS 'KHOR BAR SKYE BA MI 'DOR BA DANG, RTZE GCIG TU SEMS CAN GYI DON LA GZHOL BA'I BYED LAS DANG LDAN PA'O, ,LAM SHES PA'I RTEN GYI GANG ZAG LA THEG PA CHEN PO'I SEMS BSKYED DANG LDAN PA DGOS PA'I RGYU MTSAN NI, LAM GYI RNAM DBYE LA MI MKHAS PA'I CI YIN GTOL MED CIG MA GTOGS LAM GSUM KA RDZOGS PAR SGOM PA'I GANG ZAG RTOGS LDAN NI, RIGS CAN GSUM KA'I DON BYED PAR 'DOD PA YIN LA, DE YANG DA LTAR BDAG GIS RDZOGS PAR MI NUS PAR MTHONG NAS RNAM MKHYEN THOB PAR BYA'O SNYAM

, ,NAS DE'I RGYUR LAM SHES BSGOM PA YIN PAS, LAM SHES GNAS PA'I RTEN NI THEG PA CHEN PO'I SEMS BSKYED DANG LDAN PA KHO NA YIN PAS, LAM SHES GNAS PA'I RTEN SO SOR NGES PA YIN NO, ,GNYIS PA LA GSUM STE, SHES PAR BYA BA'I MNGON RTOGS NYAN THOS KYI LAM SHES PAR BYED TSUL DANG, RANG SANGS RGYAS KYI LAM SHES PAR BYED PA'I TSUL DANG, MNGON SUM DU BYA BA'I MNGON RTOGS BYANG CHUB SEMS DPA'I LAM SGOM PA'I TSUL LO, ,DANG PO NI, 'GREL CHEN DU GAL TE DE LTA YIN NA RAB TU DGA' BA LA SOGS PA'I SA RNAMS KYANG DER SMOS PAS BYANG CHUB SEMS DPA' RNAMS KYIS MTHONG BA LA SOGS PA'I LAM BSTAN PA YIN PA'I PHYIR RO, ,YANG CI'I PHYIR BSTAN CE NA BRJOD PAR BYA STE, RGYU DANG 'BRAS BU MA LUS PA THUGS SU CHUD PA LA BLTOS TE, DE BZHIN GSHEGS PA RNAMS KYIS RNAM PA THAMS CAD MKHYEN PA'I PHYIR, CES BRJOD PA YIN PAS, RGYAL BA'I SRAS RNAMS KYI LAM NI DE LAS GSUNGS PA MIN NO, ZHES DOGS PA BSAL BA'I PHYIR DE NYID LAS RGYU TZAM ZHIG DRANGS NAS BYANG CHUB SEMS DPA' RNAMS KYIS MTHONG BA LA SOGS PA'I LAM GYI BDAG NYID CAN LAM SHES PA NYID DU LOGS SHIG TU BZHAG PA YIN NO ZHES BSHAD PA 'DI NI LAM LA LOG PAR RTOG PA'I DOGS PA BCAD DE TSUL SHIN TU GNAD CHE BA ZHIG DE THOB BYA'I 'BRAS BU RNAM PA THAMS CAD MKHYEN PA NYID DE NI SHES BYA THAMS CAD MNGON SUM DU GZIGS PA PHAL CHER GYIS 'DOD KYANG, DE THOB PAR BYED PA'I LAM NI STONG PA NYID KYI DON GCIG PU BSGOMS PAS CHOS SU 'DOD PA DANG, RGYA NAG HVA SHANG SOGS DANG, DA LTAR YANG PHYI ROL PA DANG THUN MONG BA'I ZHI GNAS KYI PHYOGS SU GTOGS PA TZAM LA GNAS LUGS

KYI DON BSGOM PAR BZUNG NAS, SBYIN PA RGYA CHEN PO GTONG BA DANG TSUL KHRIMS RGYA CHEN PO BSRUNG BA SOGS SPROS BYAS YIN GYI SANGS RGYAS THOB PA'I LAM RNAL MA MIN PAR 'DOD PA DAG ,RGYANG RING DU DOR BAR BYA DGOS PAR SHES PA'I CHED DU YIN NO, ,LUGS NGAN PA 'DI BRTAN CHAGS PAS GZHUNG LUGS LA SBYANGS PA'I SDE SNOD 'DZIN PA GCIG DANG, SBYANGS PA YE MA BYAS PA GNYIS NYAMS LEN LA MANG NYUNG CUNG ZAD KYANG MI 'ONG BA DANG, SDE SNOD 'DZIN PA RNAMS KYANG SGRUB PA BYAS PAR MING BTAGS PA'I CI YANG MI SHES PA RNAMS LA SKYABS SU 'GRO BA DAG 'BYUNG BA YIN NO, ,DES NA NYAN THOS SU BGROD PA'I LAM RDZOGS PAR SHES SHING BSGOM PA DANG, RANG RGYAL GYI BYANG CHUB TU BGROD PA'I LAM SHES PA DANG, BYANG CHUB SEMS DPA'I LAM MTHA' DAG SHES NAS SANGS RGYAS SU BGROD PA'I LAM SHES PA ZHES BYA BA'I GRANGS SU 'GRO BA YIN GYI, PHYOGS RE TZAM LAS MI SHES PA LA LAM SHES KYI THA SNYAD MI 'THOB PAR SHES PA'I CHED DU, RJE BTZUN GYI BZHED PA SLOB DPON GYIS GSAL BAR MDZAD PA YIN NO, ,DE YANG THEG CHEN LAS DANG PO PAS BYAMS PA DANG SNYING RJE DANG BYANG CHUB KYI SEMS BSGOM PA SNGON DU BTANG NAS, MI RTAG PA DANG, DU: KHA LA SOGS PA NGO BO'I RNAM PA DANG RNAM GRANGS KYI RNAM PAS BSTAN PA SUM CU RTZA GSUM, DON NI SNGAR ZHI SHES SGOM PA'I SKABS SU BSHAD PA'I RNAM PA BCU DRUG GO DE NYID BSGOM PAR BYA BA YIN LA, DE YANG GZUGS LA SOGS PA DON DAM PAR DBYER MED PAR RTOGS PA DANG, STONG NYID LA BRTEN PA'I CHOS DON DAM PAR MED PA DANG, DON DAM PAR RTAG MI RTAG TU YANG MA GRUB PA DANG, SA BCU PA LA SOGS PA'I CHOS NYID DON DAM PAR GNAS BYAR MED PAR

, ,RTOGS PA'I PHYIR, SHES RAB KYIS RTZIS ZIN PA'I SGO NAS BSGOM PA DANG, DGE BA DE YANG RDZOGS PA'I BYANG CHUB TU BSNGO BAS ZIN PAR BSGOM PAR BYA'O, ,DE LTAR GOMS PAS 'PHAGS PA NYAN THOS LAM LA NI, ZHES PA'I SKABS NAS BSTAN PA'I NYAN THOS KYI LAM SHES PA'I SBYOR LAM SKYE ZHING, DE LA BRTEN NAS LAM SHES NYID KYI TSUL LA NI, ZHES SOGS KYIS BSTAN PA LTAR MI RTAG SOGS MNGON SUM DU SHES PA'I BYANG SEMS KYI MTHONG LAM SKYE ZHING, DE LA NYAN THOS KYI LAM SHES PA'I LAM SHES DNGOS KYI THA SNYAD 'THOB PA YIN NO, ,NYAN THOS KYI LAM GYI DMIGS PA LA MYONG STOBS KYIS SGRO 'DOGS LEGS PAR CHOD PAS DMIGS PA DE DMIGS PA LA YANG MYONG STOBS KYIS SGRO 'DOGS CHOD PA YIN TE, GZHAN DU NA RNAM DES LAS, DMIGS PA MNGON SUM MA YIN NA, ,DON MTHONG RAB TU 'GRUB MI 'GYUR, ZHES PA'I RIG PAS GNOD PAS SO, ,MI RTAG SOGS MNGON SUM DU RTOGS PA'I ZHI SHES DE NYID KHYAD CHOS GSUM GYIS DNGOS SU ZIN PA'I SGO NAS LAM SHES KYI THA SNYAD 'THOB PA YIN GYI NYAN THOS KYI LAM BDEN STONG DU MNGON SUM DU RTOGS PA LA MI BYA STE, DE NI MNGON SUM DU BYA BA'I MNGON RTOGS YIN GYI SHES MTHONG GIS BLTAS NAS 'DA' BAR BYED PA'I MNGON RTOGS MIN PA'I PHYIR RO, ,GNYIS PA NI SNGAR BSHAD PA'I LAM SHES BSGOM PA PO DE NYID KYIS SKYABS SU 'GRO BA DANG, SEMS BSKYED PA SNGON DU BTANG NAS ZHI SHES SGOM PA'I RJES LA NYI SHU PA LAS, DRUG GIS CIG CAR SBYAR BA NA, ZHES SOGS DANG, DBU MA RGYAN LAS, SBYAR BA DANG NI BSKOR BA'AM, ,BAR MED RNAM PAR GNAS KYANG RUNG, ZHES SOGS KYI RIG PAS, RDUL PHRAN CHA MED DANG, DE BSAGS PA'I RAGS PA DANG PHYI ROL

GYI DON TZAM MED PAR NGES PAR BYA ZHING LHAN CIG DMIGS NGES LA BRTEN NAS GZUNG 'DZIN RDZAS THA DAD KYIS STONG PAR RTOGS TE, SHES PA LA PHYI ROL GYI DON DU SNANG BA NI BLO 'KHRUL PA'I SNANG BA TZAM DU ZAD KYI PHYI ROL GYI DON NI MED DO SNYAM DU YANG DANG YANG DU DPYAD CING YID LA BYA'O, ,YANG MA RIG PA'I RKYEN GYIS 'DU BYED NAS SKYE BA'I RGA SHI'I BAR DANG, RGA SHI SKYE BA LAS BYUNG BA SOGS KUN NAS NYON MONGS KYI RTEN 'BREL LUGS 'BYUNG DANG LUGS LDOG BSGOMS NAS, SKYE BA DANG RGA SHI NI MA RIG PA'I 'KHRUL SNANG TZAM DU ZAD KYI GZUNG 'DZIN RDZAS THA DAD PA CUNG ZAD KYANG MED DO SNYAM DU YID LA BYA'O, ,DE YANG SBYOR BA SEMS BSKYED DANG, DNGOS GZHI'I SKABS SU GZUGS LA SOGS PA'I 'BRAS BU BSKYED KYANG BRDAR BTAGS PA TZAM DU MI 'GAL BA DANG, DON DAM PAR 'PHEL 'GRIB MED PA DANG, DON DAM PAR GZUNG BYAR MED PA DANG, DON DAM PAR SKYE 'GAG DANG BRAL BAR RTOGS PA'I SHES RAB KYIS ZIN PA'I SGO NAS BSGOM PAR BYA ZHING, DGE BA DE YANG RDZOGS PA'I BYANG CHUB TU BSNGO BAS RGYAS BTAB PAR BYA'O, ,DE LTAR BSGOMS PAS BTAGS PA'I CHOS NYID KYI, ,MI 'GAL PAR, ZHES SOGS KYIS BSTAN PA'I RANG RGYAL GYI LAM SHES PA'I THEG PA CHEN PO'I SBYOR LAM SKYE ZHING, DE LAS GZUNG DON RTOGS PA SPONG PHYIR DANG, ZHES SOGS KYIS SKABS NAS BSTAN PA'I BYANG CHUB SEMS DPA'I MTHONG LAM SKYE ZHING, DE NYID LA RANG RGYAL GYI LAM SHES PA'I LAM SHES ZHES BYA'O, ,DE YANG SHES MTHONG GIS BLTAS NAS 'DA' BAR BYA BA'I MNGON RTOGS YIN GYI, SNGON DU BYA BA'I MNGON RTOGS NI MIN NO, ,RNAM RDZOGS SBYOR BAS BSDUS PA'I GZUNG 'DZIN RDZAS THA DAD KYIS STONG BAR RTOGS PA'I SGOM LAM BSHAD

, ,PA NI, GOMS PA LHUR LEN BYAS PA'I 'BRAS BU NI MIN GYI, SPYIR SGOM LAM GYIS BSDUS PA YOD PAR STON PA TZAM DU ZAD DO, ,RTEN CING 'BREL PAR 'BYUNG BA'I YAN LAG BCU GNYIS NYAN THOS KYIS KYANG BSGOM PAR BYED MOD KYI, RANG SANGS RGYAS RNAMS NYAN THOS LAS DBANG PO RNO BA DANG PHYI ROL GYI DON 'GOG PA LA THOS BSAM BYAS PA'I MTHUS, GZUNG 'DZIN RDZAS THA DAD KYIS STONG PAR RTOGS PA YIN GYI, NYAN THOS KYIS NI MIN NO, ,DE DANG RJES SU MTHUN PAR BYANG CHUB SEMS DPAS KYANG SNYING PO'I DON SGOM PA'I LAM GYI RIM PA BSGOM PAR BYA BA DANG, RANG SANGS RGYAS KYI RIGS CAN RJES SU BZUNG BA'I CHED DU BSGOM PA YIN NO, ,GSUM PA LA GNYIS, SRID PA DANG ZHI BA'I MTHA' 'GOG PAR BYED PA'I MTHONG LAM BSKYED PA'I TSUL DANG, DE'I RGYUN LA GOMS PA LHUR LEN GYIS BSGOM PAR BYED PA'I TSUL LO, ,DANG PO NI SNGAR BSHAD PA'I BSGOM PA PO RTEN GYI GANG ZAG DES, 'PHAGS PA'I BDEN PA BZHI'I RNAM PA BCU DRUG BSGOM ZHING, GCIG DANG DU BRAL LA SOGS PA'I RTAGS LA BRTEN NAS SANGS RGYAS DANG DE'I CHOS NYID DON DAM PAR RTAN DANG BRTEN PA MED PAR RTOGS NAS BSGOM PA NAS BZUNG STE, BYAMS SOGS TSAD MED PA BZHI BSGOM PA DANG, SBYIN SOGS PHAR PHYIN DRUG GIS BSDUS PA'I DGE BA RDZOGS PA'I BYANG CHUB TU BSNGO BA SOGS, THABS DANG SHES RAB KYI CHA RDZOGS PAR NYAMS SU BLANG BAR BYA ZHING, SHES RAB KYI CHAS SRID PA'I MTHAR LTUNG BA 'GOG PAS DON DE NYID GOMS PAR BYAS PAS SKABS DANG PO DANG BZHI PA'I SKABS NAS BSTAN PA'I SBYOR LAM SKYE ZHING, DE LAS DE BZHIN NYID DANG SANGS RGYAS DAG ,CES SOGS KYI SKABS NAS BSTAN PA'I MTHONG LAM THOB PAR BYED DO, ,THABS

SHES RDZOGS PA NI, RNAM RDZOGS SBYOR BA'I SKABS NAS BSTAN PA SOGS GZHUNG GONG 'OG KUN GYI LAM RIM PA BSDUS PA LAS SHES PAR BYA'O, ,DA LTAR MTHONG LAM GYI RGYU'I LAM RNAMS BSGOM PAR BYA ZHING MTHONG LAM RGYUD LA BSKYED NUS PA NAM ZHIG 'ONG NA SNYAM DU SMON PAR BYA ZHING, DE'I RGYUR TSOGS GSOG PA DANG SGRIB PA SBYONG BA LA 'BAD PAR BYA'O, ,GNYIS PA NI, KUN NAS ZHI DANG THAMS CAD LA, ZHES PA'I SKABS NAS BSTAN PA LAM SGOM PA'I BYED PA DRUG SGOM LAM GYI SKABS SU SBYAR BA NI, PHAN YON KHYAD PAR CAN GYI DBANG DU BYAS PA YIN LA LAS DANG PO PA'I GNAS SKABS SU YANG LAM BSGOM PA LA SEMS LAS SU RUNG BAR SONG BA DANG, NGA RGYAL MED PAR SKYE BO GONG MA RNAMS LA 'DUD PA DANG, NYON MONGS PA SHAS CHUNG DU SONG BA DANG, MI MIN PA LA SOGS PA'I BAR CHAD PHRA MOS BRDZI MI NUS PA DANG, MTHAR BLA NA MED PA'I BYANG CHUB 'GRUB PA DANG, LAM BSGOM PA SOGS GANG NA YOD PA'I SA PHYOGS KYANG PHYAG BYA BA'I 'OS SU 'GYUR BA RNAMS SNGA MA BZHI RANG RGYUD LA YOD PAR MYONG BAS GRUB CING PHYI MA GNYIS LUNG DENG [?] RIGS PA LA BRTEN NAS 'GRUB PA YIN NO, ,LAS DANG PO PAS KYANG LAM BSGOM PA GNAD DU SONG NA DANG PO BZHI RANG RGYUD LA GONG NAS GONG DU SHES PAR 'GYUR RO, ,MOS PA RANG GI DON DANG NI, ZHES SOGS KYI SKABS NAS BSTAN PA LTAR, RANG DON DANG GZHAN DON GNYIS KA'I DON GYI 'BYUNG GNAS SU 'GYUR BA'I LAM DANG 'BRAS BU'I SHER PHYIN TSAD MAS RTOGS SHING YID CHES PA DANG, DE RANG RGYUD LA THOB DGOS SHING THOB NUS PAR YID CHES PA'I DAD PA BSKYED NAS LAM SHER PHYIN NYAMS SU BLANGS PAS BSOD NAMS RGYA CHEN PO GSOG CING SANGS RGYAS DANG BYANG CHUB SEMS DPA' RNAMS KYIS BSTOD PA DANG

, ,BKUR BA DANG BSNGAGS PA'I MNYES PA CHUNG NGU 'BRING CHEN PO GSUM THOB PA YIN NO, ,DE LTA BU'I DGE BA DES MTSON NAS DGE BA THAMS CAD YONGS SU BSNGO BA KHYAD PAR CAN DE YI BYED PA MCHOG YIN NO, ZHES PA'I SKABS NAS BSTAN PA LTAR DGE BA MI ZAD PAR BYA BA'I PHYIR RDZOGS PA'I BYANG CHUB TU BSNGO BAR BYA STE, BYED LAS MCHOG GZHAN GYI DON DU BSNGO BA DANG, STONG NYID RTOGS PA'I SHES RAB KYIS ZIN PA DANG, BSNGO BA PO RANG NYID KYANG 'DU SHES DANG SEMS DANG LTA BA PHYIN CI LOG DANG BRAL PAR BYAS SHING KHAMS GSUM DU MI BSNGO BAR SBYIN SOGS PHAR PHYIN DRUG GI THABS MKHAS KYIS ZIN PAR BYA STE, 'DUN PA DRAG POS RDZOGS PA'I BYANG CHUB KYI RGYUR BSNGOS NA DGE BA CHUNG NGU YANG RGYA CHEN PO DANG, BAR SKABS SU ZAD PAR 'GYUR BA YANG GTAN MI ZAD PAR 'GYUR BA'O, ,DES NA THABS DANG MI DMIGS PA DAG GIS, ZHES PA NAS BSTAN PA LTAR RANG GI DGE BA LA DGA' BA BSGOM PA DANG, GZHAN GYI DGE BA LA RAG LAS BLO CUNG ZAD MTHO BA YIN YANG RUNG DGE BA BYED PA PO LAS PHUL DU BYUNG BA'I DGA' BA BSGOM ZHING, CHES MCHOG TU GYUR PA'I DGE BA RNAMS LA 'DI LTA BU'I DGE BA 'JIG RTEN NA YOD PA NI SEMS CAN KUN LA PHAN PA DANG BDE BA'O, ,SNYAM DU DGA' BA DANG YID BDE BA'I RJES SU YI RANG BSGOM NA RANG RGYUD KYI DGE BA GONG NAS GONG DU 'PHEL BAR 'GYUR BAS DE LA BSLAB PAR BYA'O, ,DGE BA DE LAS 'BRAS BU RGYA CHEN PO 'BYUNG BAR YID CHES PA'I KUN RDZOB THABS KYI CHA DANG, DON DAM PAR STONG NYID RTOGS PA'I SHES RAB KYIS ZIN PAR BYA'O, ,DE NAS, DE YI NGO BO NYID MCHOG NYID, CES PA'I SKABS NAS BSTAN PA LTAR RTEN 'BYUNG SGYU MAR RTOGS PA'I NGO BO NYID, DE YANG

SBYIN SOGS LNGAS ZIN PAS MCHOG TU GYUR PA DANG, BYED PA KUN BDEN PAR ZHEN PA'I TSUL GYIS 'DU MI BYED PA DANG, BDEN STONG SPROS BRAL LA YID GTOD PAR BYA ZHING DE LTAR BYAS PAS DON CHEN PO SANGS RGYAS THOB PAR 'GYUR BA'O, ,SKABS 'DIR ZAG BCAS DANG ZAG MED KYI KHYAD PAR BSHAD PA NI 'DRES RUNG DU 'DZIN PA'I RTOG PA YOD MED YIN LA, BSGRUB PA SGOM LAM RJES THOB KYI GNAS SKABS SU BYUNG BA YANG RTAN 'BREL SGYU MA LTA BUR SNANG BA'I 'DRES RUNG 'DZIN PA'I RTOG BRAL LO, ,MNYAM GZHAG TU 'BYUNG BA RNAMS SA MTHON PO'I SKABS SU RTOGS BRAL DU 'BYUNG YANG LAS DANG PO PAS NI DE DANG RJES SU MTHUN PA'I RGYU LA BSLAB PAR BYA'O, ,SANGS RGYAS BSTEN DANG SBYIN SOGS DANG, ZHES PA'I SKABS NAS BSTAN PA LTAR LAM SGRUB PA'I 'GAL RKYEN THEG PA CHEN PO'I RIGS MED PA DANG, GROGS NGAN PA DANG, CHOS ZAB MO LA MI MOS PA DANG, DGE BA CHEN PO MI GSOG PA RNAMS SPANGS NAS, MTHUN RKYEN SANGS RGYAS KYIS BYIN GYIS BRLAB PA DANG, SBYIN SOGS RGYA CHEN PO DANG, STONG NYID ZAB MO LA MOS PA SOGS BSTEN NAS NYON MONGS PA DANG SHES BYA'I SGRIB PA DAG PAR BYED PA'I RGYU GANG ZAG DANG CHOS LA BDAG MED PA'I STONG NYID BSGOMS NAS DRI MA MTHA' DAG ZAD PAR BA LA 'BAD PAR BYA'O, ,GSUM PA LA GNYIS, RIGS DANG LDAN PA'I GANG ZAG DES SPYOD PA'I RTEN SEMS BSKYED PA'I TSUL DANG, SEMS BSKYED NAS SGRUB PA'I TSUL LO, ,DANG PO NI, SEMS BSKYED PA NI GZHAN DON PHYIR, , YANG DAG RDZOGS PA'I BYANG CHUB 'DOD, CES PAS BSTAN PA LTAR THOG MAR GZHAN DON DON GNYER GYI BLO SKYES NAS, DE'I RJES SU BYANG CHUB DON GNYER GYI BLO SBYANGS BAR BYA'O, ,DE YANG SKYES BU CHUNG 'BRING GI BSAM PA BRTAN PO LEGS PAR THOB PA DANG, RNAM KUN TU DE DAG NYID LA

, ,MNYAM SOGS, ZHES PA'I SKABS SU BSHAD PA LTAR, SEMS CAN RNAMS LA CHAGS SDANG GI RIGS SU SPYOD PA BKAG NAS MNYAM SNYOMS PA'I BTANG SNYOMS BSGOM PAR BYA STE, SEMS CAN GYI NGOS NAS BDE BA 'DOD CING DU: KHA MI 'DOD PAR KHYAD PAR MED CING, RANG GI NGOS NAS SEMS CAN KUN GNYEN DU MA GYUR PA MED PAS GANG LA CHAGS PAR BYA ZHING GANG LA SDANG BAR BYA, DE LTA BU GA LA RIGS SNYAM DU BSAM PAR BYA'O, ,DE NAS SEMS CAN THAMS CAD MAR SHES PA DANG, DE'I DRIN DRAN PA DANG, BYAS PA SHES SHING BYAS PA GZO BA'I BLO GSUM SBYANGS NAS THAMS CAD YID 'ONG GI RNAM PA CAN DU MTHONG BA'I BYAMS PA BSGOM PAR BYA'O, ,DE NAS BDE BA DANG LDAN 'DOD KYI BYAMS PA DANG, DU: KHA YIS GZIR BA BSAMS NAS, DU: KHA DANG BRAL NA SNYAM PA DANG, BRAL BAR GYUR CIG SNYAM PA'I DU: KHA DANG BRAL BAR 'DOD PA'I SNYING RJE CHEN PO BSGOM PAR BYA'O, ,DE NAS BDE BA DANG LDAN PA DANG DU: KHA DANG BRAL BA DE BDAG GIS BYA'O SNYAM PA'I LHAG BSAM RNAM PAR DAG PA BSGOM PAR BYA'O, ,DE NAS SANGS RGYAS KYI YON TAN BSAMS NAS, GZHAN DON LTA ZHOG RANG DON YONGS SU RDZOGS PA YANG SANGS RGYAS THOB PA LA RAG LAS PAR MTHONG NAS BYANG CHUB DON GNYER GYI BLO SBYANGS SHING, DE YANG GZHAN GYI DON DU THOB PAR BYA'O SNYAM PA'I SGO NAS BYANG CHUB KYI MCHOG TU SEMS BSKYED PAR BYA'O, ,DE YANG DBANG PO RTUL POS NI GNAS LUGS KYI DON MA RTOGS PAR BYANG CHUB KYI MCHOG TU SEMS BSKYED PAR BYED LA, THEG PA CHEN PO'I RIGS CAN DBANG PO RNON POS NI DE LTAR MI BYED DE BYAMS PA DANG SNYING RJE LEGS PAR SBYANGS NAS SEMS CAN GYI DON DU SANGS RGYAS THOB DGOS PAR TSAD MAS RTOGS SHING STONG PA NYID KYI DON

DANG THABS KYI CHA GZHAN YANG RTOGS TE SANGS RGYAS THOB NUS PAR MTHONG NAS SANGS RGYAS THOB PAR BYA'O SNYAM DU DAM BCA' BAR BYED KYI RGYU MTSAN YANG DAG MA MTHONG BAR DAM BCA' BAR MI BYED PAS DE'I SEMS BSKYED LA STONG PA NYID DANG SNYING RJE'I SNYING PO CAN ZHES BYA'O, ,SLOB DPON GYIS SPYIR DE LTAR GSUNGS PA NI THEG CHEN GYI RIGS CAN DBANG PO RTUL POS KYANG SNYING PO'I DON LA SOGS PA GO YUL GYI MTHA' CHOD NAS LAM SGOM PA'I DBANG DU MDZAD PA'O, ,RJE BTZUN GYIS SEMS BSKYED LA 'DOD PA'I MING GIS BTAGS PA NI LAM GYI RIM PA LA NGES PA BSKYED PA LA GNAD SHIN TU CHEN PO YOD DE, 'DOD PA LA GZHAN DON DON GNYER GYI 'DUN PA DANG, BYANG CHUB DON GNYER GYI 'DUN PA'O, ,DANG PO'I MING GIS BTAGS NAS BSTAN PA'I DGOS PA NI, SEMS CAN THAMS CAD DU: KHA DANG BRAL 'DOD KYI SNYING RJE CHEN PO YOD NA NGES PAR BYANG CHUB KYI MCHOG TU SEMS BSKYED PAR 'GYUR LA, DE LA BRTEN NAS SBYIN PA LA SOGS PA'I PHA ROL TU PHYIN PA'I SPYOD PA YONGS SU RDZOGS PA NYAMS SU MA BLANGS BAR SANGS RGYAS THOB MI NUS PAR MTHONG NAS SPYOD PA NYAMS SU LEN PAR BYED PAS DE LA DGONGS NAS SLOB DPON GYIS DGE BA'I CHOS LA 'DUN PA'I MTSAN NYID DON DU GNYER BA YOD NA BYANG CHUB KYI SEMS BSKYED PA'I RGYUS 'BRAS BU BSTAN NAS DGE BA'I CHOS THAMS CAD 'PHEL BAR 'GYUR RO ZHES SHES PAR BYA BA'I PHYIR NYE BAR BTAGS PAS GSUNGS SO, ,MDO LAS CHOS GCIG LAG TU MCHIS NA SANGS RGYAS KYI CHOS THAMS CAD LAG TU MCHIS PAR 'GYUR RO GCIG PO GANG ZHE NA SNYING RJE CHEN PO'I ZHES GSUNGS PA LTAR SNYING RJE CHEN PO THEG PA CHEN PO'I LAM GYI THOG MTHA' BAR GSUM DU GAL CHE BA YIN TE, BYANG CHUB KYI MCHOG TU SEMS BSKYED PA THOG MAR

, ,SKYE BA YANG SNYING RJE LA RAG LAS SHING, SEMS BSKYED PA NYI SHU RTZA GNYIS GONG NAS GONG DU 'PHEL BA DANG, GNAS PA DANG MTHAR THUG PAR 'GYUR PA YANG SNYING RJE LA RAG LAS PAS SO, ,DE LA DGONGS NAS SEMS BSKYED LA 'DOD PA'I MING GIS BTAGS PA'O,, DBU MA LA 'JUG PA LAS KYANG, GANG PHYIR BRTZE NYID RGYAL BA'I LO THOG PHUN TSOGS 'DI'I, ,SA BON DANG NI SPEL LA CHU 'DRA YUN RING DU, ,LONGS SPYOD GNAS LA SMIN PA LTA BUR 'DOD GYUR BA, ZHES BSHAD DO, ,SNYING RJE DE YANG RNAM PA GSUM STE, SEMS CAN TZAM LA DMIGS NAS DU: KHA DANG BRAL BAR 'DOD PA SEMS CAN LA DMIGS PA'I SNYING RJE DANG, SKAD CIG GIS SKYE 'GAG BYED PA'I PHUNG PO CHOS TZAM LA SEMS CAN DU BTAGS PA DMIGS PA DANG, BDEN STONG SGYU MA LTA BU'I SEMS CAN LA DMIGS NAS DU: KHA DANG BRAL BAR 'DOD PA CHOS LA DMIGS PA DANG, DMIGS PA MED PA LA DMIGS PA'I SNYING RJE ZHES BYA'O, ,BYANG CHUB DON GYI 'DOD PA'I MING GIS BTAGS PA'I DGOS PA NI, SLOB DPON GYIS BYANG CHUB SEMS DPA' RNAMS LA, SMON LAM DANG LDAN PA'I SEMS DE SKYE'O ZHES SHES PAR BYA BA'I PHYIR CES GSUNGS PAS BYANG CHUB SEMS DPA' LA SEMS BSKYED DE YOD PAR BSTAN PA TZAM DOGS PA'I GNAS CHUNG BAS RANG NYID BYANG CHUB SEMS DPAR KHAS 'CHE BA LA NI SNGAR BSHAD PA'I SNYING RJE CHEN POS DRANGS PA'I BYANG CHUB KYI SEMS BCOS MA MA YIN PA YOD NA, BYANG CHUB SEMS DPA' YANG BCOS MA YIN PA GCIG YONG LA DE TSIG TZAM DU SONG NA BYANG CHUB SEMS DPA' YANG DE DANG 'DRA BAS GSANG SNGAGS DANG PHAR PHYIN GYI SGO GANG DU 'JUG KYANG THEG PA CHEN POR 'JUG PA'I SGO NI SEMS BSKYED LA RAG LAS PAR SHES

PA'I CHED DU 'DOD PA'I MING GIS BTAGS PA YIN NO, ,THEG CHEN SEMS BSKYED KYI DMIGS PA YONGS SU RDZOGS PA NI RANG GI THOB BYA RDZOGS PA'I BYANG CHUB DANG, GZHAN RGYUD KYI SDUG BSNGAL MTHA' DAG DANG BRAL BA DANG, BDE BA MTHA' DAG DANG LDAN PA GNYIS YIN PAR SHES PAR BYA STE, DE YANG, DE DANG DE NI MDO BZHIN DU, ZHES PA'I DON SLOB DPON GYIS STONG PHRAG NYI SHU LNGA PA'I MDO'I DON DANG MI 'GAL ZHING, DE DANG MTHUN PA DE JI LTA BA BZHIN DU SHES PAR BYA BAR GSUNGS SO, ,DE YANG SA GSER ZLA BA ME, ZHES PA'I SKABS NAS BSTAN PA LTAR LAM GONG MA RGYUD LA MA SKYES KYANG DE'I SKABS SU BSTAN PA'I YON TAN RNAMS SMON PA TSUN CHOD KYIS BSGOM PAR BYA STE, DE YANG BYANG CHUB DON GNYER GYI 'DUN PA GZHIR BYAS NAS SEMS CAN THAMS CAD LA PHUGS SU PHAN PA DANG PHRAL DU BDE BA'I BSAM PA SBYONG ZHING LUS LONGS SPYOD DGE RTZA THAMS CAD SEMS CAN LA GTONG BA'I BSAM PA SBYONG BA SOGS PHAR PHYIN DRUG LDAN DU YID LA BYED PA DANG, MKHYEN PA GSUM GYI RNAM PA ZHI LHAG ZUNG 'BREL GYI SBYOR BAS BSGOM PA SOGS TSOGS LAM GSUM DANG, SBYOR LAM GYI SEMS BSKYED KYI GROGS SU BSTAN PA RNAMS DANG, GNANG BA THOB PAS BSDUS PA'I PHAR PHYIN BCU LA SOGS PA SMON PA'I YUL DU BYA'O, ,MING GI SGO NAS BCU DGUR PHYE BA YIN GYI, RJES SU NI PHAR PHYIN THAM BZHI SHES RAB KYI PHA ROL TU PHYIN PA'I NANG DU 'DUS PA YIN, SHER PHYIN DE NYID PHAR PHYIN DRUG GIS BSDUS PA'I DGE BA RNAMS RDZOGS PA'I BYANG CHUB TU BSNGO BA'I THABS LA MKHAS PA'I SHES RAB KYIS DGE BA MI ZAD PAR BYED PA DANG, SMON LAM CHEN PO 'BUM PHRAG GRANGS MED PA BCU LA SOGS PAS SKYE BA KUN TU PHAR PHYIN DRUG GI DGE BA LA SPYOD PA SHES PA'I SHES PA'I SHES RAB LA RAG [?]

, ,LAS PA'I DGE BA RGYA CHEN PO GOMS PAR BYED CING, LHAN CIG SKYES PA'I BRTZON 'GRUS DANG TING NGE 'DZIN BRTAN PA DANG LDAN PAS SGOM PA'I STOBS DANG, SO SOR RTOGS PA'I STOBS THOB NAS MI MTHUN PA'I PHYOGS ZIL GYIS GNON PA'I SHES RAB DANG, THEG PA CHEN PO'I MDO'I DGONGS PA JI LTA BA BZHIN DANG, SGRA JI LTAR SHES PA'I CHA SHAS KYI PHYE NAS RNAM PA BZHIR BZHAG PA YIN NO, ,SLOB DPON AA BHY'A KA RAS SEMS BSKYED PA NYI SHU RTZA GCIG SPYOD PA'I RTEN DANG 'BRAS BU CI RIGS SU BZHAG NAS THEG PA CHEN PO'I LAM GYI RIM PA RDZOGS PA'I RNAM GZHAG MDZAD PA NI LEGS PAR BSHAD PA YIN PAR RJE THAMS CAD MKHYEN PA NYID KYANG BZHED PAS DE'I DON SHES PAR 'DOD NA THUB PA DGONGS RGYAN DU BLTA BAR BYA'O, ,RGYAL BA'I SRAS PO SENGGE BZANG POS RJE BTZUN GYI SEMS BSKYED DANG 'PHRIN LAS KYI SKABS SU LAM GYI RIM PA TSANG BAR BSTAN PA LTAR, BAR GYI TSIG DON RE BRGYAD PO KUN LA YANG SBYAR BAR BYA BAR GSUNGS LA, ZLOS PA'I NYES PA CUNG ZAD KYANG MED PAR KHONG DU CHUD PAR BYA STE YUM RGYAS PA SOGS LAS MING GI RNAM GRANGS DU MA BSTAN PA SOGS 'DIR SBYAR NA HA CANG MANGS SU DOGS NAS BAR GYI TSIG DON RNAMS LA, MNGON PAR RTOGS PA RANG GI NGO BO NGES PA'I YAN LAG TZAM ZHIG SBYAR BA MDZAD PAS MNGON PAR RTOGS PA BRGYAD DU DNGOS SU BSTAN PAS KYANG THEG PA CHEN PO'I LAM DANG 'BRAS BU'I NGO BO DANG GRANGS DANG, GO RIMS NGES PA LEGS PAR RTOGS NUS LA, 'DIR DNGOS SU BSTAN PA'I MING GI RNAM GRANGS SOGS KYANG MTHA' YAS SO, ,GNYIS PA LA GSUM, SGRUB PA NYAMS SU LEN PA'I THABS STON PA'I GDAMS NGAG MDOR BSDUS TE BSTAN PA DANG, TSOGS LAM DU GDAMS NGAG

GI DON NYAMS SU BLANGS PAS SGOM BYUNG GI SGRUB PA SKYE BA'I TSUL DANG, RIGS NAS BZUNG STE JI LTAR NYAMS SU LEN PA'I TSUL LO, ,DANG PO NI MCHOG GCIG SPRUL PA'I SKU LA SOGS PA THEG PA CHEN PO'I DGE BA'I BSHES GNYEN GYIS RJES SU BZUNG BA DES, SGRUB DANG BDEN PA RNAMS DANG NI, ZHES PA'I SKABS NAS BSTAN PA LTAR SANGS RGYAS DKON MCHOG DANG, THEG PA CHEN PO'I 'GOG LAM GYIS BSDUS PA'I THEG PA CHEN PO'I CHOS DKON MCHOG DANG, DBANG PO RTUL DANG RNON PO DAG ,CES PA'I SKABS NAS BSTAN PA'I 'PHAGS PA PHYIR MI LDOG PA'I DGE 'DUN RNAMS LA SKYABS SU 'GRO BA SNGON DU BTANG NAS 'KHOR BAR 'JUG LDOG GIS BSDUS PA'I BDEN PA BZHI LA DMIGS TE, SNYING RJE CHEN PO SOGS RGYA CHE BA'I LAM GYI RIM PA DANG STONG NYID RTOGS PA'I ZAB MO'I LAM GYI RIM PA NYAMS SU LEN CING SGRUB PA PHYOGS RE LA ZHEN PA DANG, SGRUB PA RGYA CHEN PO NYAMS SU LEN PAS NGAL BA DANG, LAM DMAN PA GZHAN LA 'JUG PA THEG PA CHEN PO RDZOGS PAR NYAMS SU LEN PA'I 'GAL RKYEN LE LO GSUM SPANGS TE, RANG NYID SPRO BAS DRANGS NAS SGRUB PA LA RANG DBANG [?] DU 'JUG PA'I RGYU SPYAN LNGA DANG, TSOGS MYUR DU RDZOGS PA'I THABS MNGON SHES DRUG BSGRUB NAS SGRIB GNYIS KUN BTAGS DANG LHAN SKYES 'JOMS PA'I GNYEN PO MTHONG SGOM GYI LAM BSGRUB PA LA 'BAD PAR BYA'O, ,'DI DAG KYANG GNAS LUGS RTOGS PA'I SHES RAB KYIS ZIN PA'I SGO NAS NYAMS SU BLANG BAR BYA LA 'DIR BSTAN PA'I LAM GYIS THEG PA CHEN PO'I LAM MTHA' DAG BSDUS PAS SLOB DPON GYIS 'DI TZAM KHO NAS ZHES GSUNGS SO, ,'O NA SKABS GZHAN DU BSTAN MI DGOS PAR 'GYUR SNYAM PA NI, SGRA RTOG SEL BAS

, ,'JUG PA'I RNAM DBYE MA PHYED PA'O, ,GNYIS PA NI, TSOGS LAM PHAL PA NAS BZUNG STE, KHYAD PAR CAN CHUNG 'BRING GNYIS DANG, KHYAD PAR DU CHEN PO'I SKABS SU CHOS RGYUN GYI TING NGE 'DZIN LA BRTEN NAS, GDAMS NGAG NYAMS SU BLANGS PAS STONG PA NYID LA DMIGS PA'I BSGOM PA LAS BYUNG BA'I SHES RAB KHYAD CHOS LNGA'AM DRUG GIS KHYAD PAR 'PHAGS PA'I NGES 'BYED KYI YAN LAG SKYE BAR 'GYUR RO, ,DE YANG DMIGS PA'I KHYAD PAR MI RTAG SOGS BCU DRUG LA DMIGS PA DANG, RNAM PA'I KHYAD PAR GTZO BO STONG NYID RTOGS PA'I GZUNG RNAM CAN DANG, 'BRAS BU KHYAD PAR CAN GYI RGYU NUS PA MTHU CAN YIN PAS KHYAD PAR 'PHAGS PA DANG, YONGS 'DZIN GYI KHYAD PAR DANG, GZUNG 'DZIN BDEN PAR ZHEN PA'I RNAM RTOG 'JOMS PA'I NUS PA KHYAD PAR CAN DANG, LAM GYI RIGS YONGS SU RDZOGS PA GONG NAS GONG DU 'PHEL BA'I CHE 'BRING GI KHYAD PAR MDOR BSDUS PA, DMIGS PA DANG NI RNAM PA DANG, ZHES PA'I SKABS NAS BSTAN PA DANG, RGYAS PAR DMIGS PA MI RTAG LA SOGS PA, ZHES SOGS KYIS BSTAN TE, DROD CHUNG NGU'I DMIGS RNAM GYI KHYAD PAR MI RTAG SOGS BCU DRUG DANG DE DAG BDEN STONG DU RTOGS PA DANG, 'BRING GIS GZUGS SOGS DON DAM PAR SKYE 'JIG DANG BRAL BA DANG, GNAS BYAR YOD MED BDEN STONG DU RTOGS PA DANG, CHEN PO'I GZUGS SOGS BTAGS PA TZAM DANG DON DAM PAR BRJOD BRAL DU RTOGS PA SOGS BCU GNYIS SO, ,NGO BO RGYU 'BRAS DANG CHOS NYID KYI RNAM PA'I SGO NAS DMIGS PA'I TSUL SHES PAR BYAS NAS TSOGS KYI LAM PHAL PA LA GNAS PA'I LAS DANG PO BAS KYANG JI LTA BA BZHIN DU NYAMS SU BLANG BAR BYA STE, THOG MAR SNGAR BSHAD PA LTAR MI RTAG SOGS

BCU DRUG RTOGS NAS NYAMS SU BLANG BAR BYA ZHING, DE NAS DE YANG KHYAD PAR GYI GZHIR BYAS NAS GCIG DANG DU BRAL GYI RTAGS LA BRTEN NAS BDEN STONG DU RTOGS TE NYAMS SU BLANG PAR BYA'O, ,GZHI DANG DE YI GNYEN PO YI, ZHES SOGS KYI SKABS NAS NUS PA'I KHYAD PAR BSHAD DE, DE YANG GZUNG 'DZIN BDEN PAR ZHEN PA'I RTOG PA SO DRUG BDEN STONG RTOGS PA'I SHES RAB KYI SGO NAS LAS DANG PO PAS KYANG 'BAD PAS SPANG BAR BYA'O, ,SEMS MI 'GONG BA NYID LA SOGS, ZHES PA'I SKABS NAS BSTAN PA LTAR SANGS RGYAS KYIS DNGOS SU RJES SU 'DZIN PAR SMON LAM GDAB PAR BYA ZHING, DANG POR NI, THEG PA CHEN PO'I LAM GYI RIM PA BRDA SPROD PA LA MKHAS PA'I DGE BA'I BSHES GNYEN BSTEN PAR BYA'O, ,GSUM PA LA GNYIS, RIGS SAD PA'I GANG ZAG DES DMIGS PA GANG LA DMIGS NAS CHED DU BYA BA GANG GI DON DU SGRUB PA BYED PA DANG, ,SGRUB PA RANG GI NGO BO NGOS BZUNG NAS JI LTAR BSKYED PA'I RIM PA BSHAD PA'O, ,DANG PO LA GSUM, SGRUB PA'I RTEN DANG, DMIGS PA DANG, CHED DU BYA BA BSHAD PA'O, ,DANG PO NI, RTOG PA YI NI CHOS DRUG DANG, ZHES PA'I SKABS NAS BSTAN PA NI, SGRUB PA KHYAD PAR CAN RTOGS PA'I CHOS DRUG LA SOGS PA DNGOS SU BSTAN PA'I RIGS BSTAN PA YIN GYI DE'I SNGA ROL TU RIGS SAD PAR BYED PA'I THABS KYIS GDUL BYA BKRI BAR BYA STE, DE YANG THEG PA CHEN PO'I CHOS RGYA CHEN PO BSTAN NAS DE LA THOS PA DANG, BSAM PA'I SGO NAS DAD PA DANG MOS PA DRAG PO SKYES NA THEG PA CHEN PO'I RIGS CAN DU SHES PAR BYA STE, DE NAS SNGAR BSHAD PA'I RIM PAS THEG PA CHEN PO'I SEMS BSKYED PAR BYA ZHING LAM GYI PHYOGS RE LA MYONG BA SKYES KYANG LAM GYI RIGS MTHA' DAG LA MYONG BA MA SKYES PAR GO YUL

, ,GYI SGO NAS MTHA' CHOD PA TZAM DU ZAD PA DE'I TSE YANG, THEG PA CHEN PO'I TSOGS KYI LAM PHAL CHER LA GNAS PA YIN LA, MYONG BA SKYES PA DE'I TSE TSOGS LAM KHYAD PAR CAN THOB CES BYA'O, ,'DIR NI 'BRAS BU RGYU RTOGS PAR BYED PA'I DBANG DU BYAS PA DANG, RIGS KYI NYES DMIGS BZHI DANG BRAL BAR NAS RANG BZHIN RNAM DAG GI RIGS SGOM BYANG GIS KHONG DU CHUD PA'I SKABS NAS BZUNG STE BSTAN PA YANG CHOGS LAM GYI GNAS SKABS SU RIGS KYI NYES DMIGS SBYONG BA'I SKABS GTZO CHE BA LA DGONGS SO, ,RIGS NAS 'KHRID PAR BYED PA'I TSUL NI, NYAN SA DANG BYANG SA NAS BSHAD PA LTAR SHES PAR BYA'O, ,GNYIS PA DMIGS PA NYI TSE BA LA DMIGS NA RTOGS PA YANG NYI TSE BAR 'GYUR BAS, DMIGS PA CHOS RNAMS THAMS CAD DE, ZHES BSHAD PA LTAR SHES BYA'I CHOS RNAMS LA BLANG BYA DANG, DOR BYA DANG, BTANG SNYOMS SU BZHAG BYA GSUM DU BSDUS NAS DMIGS PAR BYA LA, DE YANG BLANG BYA DGE BA NAS BZUNG STE, BYE BRAG TU PHYE NAS DMIGS PAR BYA STE, DMIGS PA RGYA CHE BAS BSGRUB PA RGYA CHE BA'I PHYIR RO, ,GSUM PA NI, SEMS CAN KUN MCHOG NYID SEMS DANG, ZHES PA'I SKABS NAS BSTAN PA LTAR, CHEN PO GSUM GYI CHED DU BYA BA SGRUB PAR BYA BA YIN TE, DE YANG RANG RGYUD LA THOB PAR BYA BA SGRUB PA'I CHED DU BYA BA YIN GYI, SEMS BSKYED KYI CHED DU BYA BA NI, 'PHRIN LAS KYI SKABS NAS BSTAN PA LTAR SHES PAR BYA'O, , GNYIS PA LA BZHI, BSAM PA RGYA CHE BA'I TSUL DANG, DE LAS SBYOR BA RGYA CHEN PO 'BYUNG BA'I TSUL DANG, DE LAS TSOGS RGYA CHEN PO 'BYUNG BA'I TSUL DANG, DE LAS TSOGS RGYA CHEN PO RDZOGS PAR BYED PA'I TSUL DANG, DE LAS RNAM MKHYEN DU GDON MI ZA BAR NGES PAR 'BYUNG BA'I

TSUL LO, ,DANG PO NI THEG PA CHEN PO'I BSGRUB PA LA MKHYEN GSUM YUL GYI SGRUB PA DANG, ,SBYOR BA BYE BRAG GI SGRUB PA GNYIS SU PHYE BA NI, SGRA'I STON TSUL GYI KHYAD PAR YIN GYI, DON 'GAL BA MIN TE, SBYOR BA BYE BRAG GI SGRUB PA YIN NA NI MKHYEN PA'I RNAM PA YUL DU BYAS NAS SGOM PA'I SGRUB PA YIN PAS KHYAB PA'I SPYI BYE BRAG YIN GYI, SBYIN SOGS PHAR PHYIN DRUG GIS ZIN PA DANG, MA ZIN PA'I KHYAD PAR DANG, THOS BSAM GTZO BOR GYUR PA DANG, SGOM BYUNG GTZO BOR GYUR PA'I KHYAD PAR 'BYED PA NI DON LA ZHIB TU MA DPYAD CING, SGRA SEL BAS 'JUG PA'I KHYAD PAR MA SHES PA YIN PAS LEGS PAR BSHAD PA MIN NO, ,DE LA SKABS DANG PO GSUM NI, MKHYEN PA GSUM GYI RNAM PA SO SOR NGES PAR BSGOM PAR BYA BAR SPYIR BSTAN PA YIN GYI, SKABS DER YANG PHAR PHYIN DRUG LDAN DANG ZHI LHAG ZUNG 'BREL GYI SBYOR BA BSGOM PAR BYA BA'I TSUL GYIS MA BSTAN LA, GO CHA'I SGRUB PA NI BSGOM BYA YUL GYI RNAM PA'I SGO NAS BSTAN PA YIN GYI, SGOM TSUL SBYOR BA'I SGO NAS BSTAN PA MA YIN NO, ,SKABS 'OG MA BZHI RE RE ZHING PHAR PHYIN DRUG LDAN DANG, SBYOR BAS BSGOM PAR BYA BAR BSTAN TE, SKABS BZHI PAR, SBYIN DANG TSUL KHRIMS SOGS SPYOD PAS, ZHES PA DANG, SBYIN PA LA SOGS RE RE NI, ZHES DANG, DRUG PAR, SBYIN PA SHES RAB BAR DAG DANG, ZHES PHAR PHYIN DRUG LDAN DANG, SBYOR BAS BSGOM PAR BYA BAR BSTAN TO, ,DE LA GO CHA'I SGRUB PA NYAMS SU LEN PA'I TSUL NI, THEG PA CHEN PO'I LAM GYI NYAMS LEN RGYA CHEN PO LAG TU LEN PA LA BSAM PA RGYA CHEN PO SNGON DU 'GRO DGOS PAR SHES PA'I CHED YIN NO, ,CHOS DANG ZANG ZING DANG MI 'JIGS PA'I SBYIN PA GANG RUNG ZHIG BYED PA NA YANG, RANG NYID 'BA'

, ,ZHIG GI CHED DU THAR PA DON DU GNYER BA'I YID BYED SDOM PA'I TSUL KHRIMS DANG, SBYIN PA GTONG BA LA BSHAM PA DANG BCO BA SOGS BZOD PA DANG, SBYIN PA GTONG BA LA BRTZON 'GRUS RTZOM PA DANG, THEG PA DMAN PA DANG MA 'DRES PA'I SEMS RTZE GCIG PA'I BSAM GTAN DANG, SBYIN PA GTONG BA'I 'KHOR GSUM BDEN STONG SGYU MA LTA BU RTOGS PA'I SHES RAB KYIS ZIN PA'I SGO NAS NYAMS SU BLANG BAR BYA'O, ,DE BZHIN DU TSUL KHRIMS BSRUNG BA SOGS DGE BA SNA GCIG YAN CHAD PHAR PHYIN DRUG GI BSAM PAS ZIN PAR BYA STE, SER SNA DANG, 'CHAL PA'I TSUL KHRIMS SOGS, MI MTHUN PHYOGS KYI MDA' MTSON GYIS MI PHIGS PAR BYA BA'I PHYIR YIN NO, ,LUS DANG LONGS SPYOD DANG, DGE RTZA GZHAN LA GTONG BA YANG, BSLAB BSDUS LAS BSHAD PA LTAR, BTANG SRUNG DAG SPEL GZHI SUM CU GNYIS DANG LDAN PAR BYA'O, ,'DIR NI, DE DAG SO SOR SBYIN LA SOGS, ZHES SOGS MDOR BSDUS NAS BSTAN TO, ,GNYIS PA NI BSAM PA RGYA CHE BA LA BRTEN NAS SBYOR BA NYAMS LEN RGYA CHEN PO LA 'JUG PA NI, BSAM GTAN GZUGS MED SBYIN SOGS DANG, ZHES SOGS KYIS BSTAN TE, THEG PA CHEN PO'I LAM RGYU 'BRAS GNYIS LAS, 'BRAS BU RNAM MKHYEN LA 'JUG PA DANG, RGYU LA RANG GZHAN GNYIS KA'I DON DU 'JIG RTEN PA'I LAM BSGOM PA DANG, 'JIG RTEN LAS 'DAS PA'I LAM LA RANG RGYUD KYI SANGS RGYAS KYI CHOS YONGS SU RDZOGS PAR BYED CING MI MTHUN PHYOGS 'JOMS PAR BYED PA'I PHAR PHYIN DANG, MTHONG BA LA SOGS PA'I LAM LA 'JUG PA DANG, GZHAN DON SGRUB BYED TSAD MED BZHI BSGOM ZHING, DE YANG DMIGS MED KYI SHES RAB KYIS ZIN PA DANG, THEG PA DMAN PA

LAS 'BYED PAR BYED PA 'KHOR GSUM DU MI RTOG CING CHEN PO GSUM GYI CHED DU LAM LA 'JUG PA DANG, MTHU KHYAD PAR CAN MNGON PAR SHES PA BSGRUB PA LA 'JUG PA'O, ,GSUM PA LA GNYIS, SPYIR BSTAN PA DANG, SO SOR BSHAD PA'O, ,DANG PO NI, BSAM PA RGYA CHEN PO SNGON DU SONG BA LAS, SBYOR BA RGYA CHEN PO 'BYUNG LA DE LAS BSOD NAMS DANG, YE SHES KYI TSOGS RGYA CHEN PO 'BYUNG STE, DE NI, BRTZE DANG SBYIN LA SOGS PA DRUG ,CES SOGS KYIS BSTAN TO, ,SPYOD PA DANG SPYOD PA'I RTEN PHAR PHYIN DRUG DANG SNYING RJE CHEN PO DANG, LAM GYI NGO BO MNYAM GZHAG DANG, RJES THOB KYIS BSDUS PA ZHI LHAG YA SO SO BA DANG ZUNG DU 'BREL BA GSUM DANG, RJES THOB THABS LA MKHAS PA'I KHYAD PAR DANG, NYE BAR STON PA'I RGYU YE SHES DANG, BSOD NAMS KYI TSOGS DANG SGRIB PA SPONG ZHING RTOGS PA 'DZIN PAR BYED PA LAM DANG GZUNGS KYI TSOGS GSOG DANG, YON TAN GYI GO 'BYED CING SGRIB PA'I SA BON GYI GO SKABS 'GOG PAR BYED PAS DANG, GNYEN PO'I TSOGS RNAMS KYIS KUN RDZOB KYI BDEN PA LA BRTEN PA'I LAM GYI RIM PA DANG, DON DAM PA LA BRTEN PA'I LAM GYI RIM PA MA LUS PA BSDUS PA BYANG CHUB CHEN PO THOB PAR BYED PA'I RGYU TSOGS PA STE, LAS DANG PO PAS KYANG BSAM PA DANG SBYOR BA CI RIGS PA'I SGO NAS RDZOGS PAR NYAMS SU BLANG BAR BYA'O, ,GNYIS PA NI YE SHES NYI SHU LAS DANG PO PA'I SA NAS SANGS RGYAS KYI SA'I BAR LA RIM GYIS SKYE BA YIN YANG LAS DANG PO PAS KYANG, NANG DANG PHYI LA SOGS PA GCIG DU BRAL GYI RTAGS LA BRTEN NAS BDEN STONG DU RTOGS PAR BYAS NAS, YUL STONG PA NYID NYI SHU, RJES THOB DAG GIS KHONGS SU CHUD PA'I DON DE NYID YANG DANG YANG DU YID LA BYA'O, ,STONG NYID BCU DRUG RGYAS PAR BSHAD PA YANG

, ,STONG NYID THA MA BZHIR 'DUS TE, CHOS CAN STONG GZHIR BYAS PA RNAMS NI DNGOS PO DANG DNGOS PO MED PA STONG PA NYID DU 'DUS LA, CHOS NYID STONG GZHIR BYAS PA RNAMS NI RANG GI NGO BO DANG GZHAN GYI NGO BO STONG PA NYID GNYIS SU 'DUS SO, ,DE GNYIS KYANG, CHOS NYID BDEN PAR GRUB PA MA SNYAM PA DANG, BYED PA PO GZHAN GYIS BYAS SAM SNYAM DU DOGS PA DGAG PA'I CHED DU GNYIS SU PHYE BA TZAM DU ZAD DO, ,'GREL CHEN NA RTOGS PAR DKA' BA'I GNAS YOD PA NI 'GREL PA DON GSAL GYI TSIG BSHAD PA'I SKABS SU BSTAN ZIN TO,, YONGS SU SBYONG BA RNAM BCU YIS, ZHES SOGS KYIS SA'I YONGS SBYONGS RGYAS PAR BSHAD DE, DE LA SLOB DPON GYIS 'GREL CHEN DU, SA DANG PO'I SKAD CIG DANG PO MTHONG LAM DANG, SKAD CIG GNYIS PA NAS BZUNG STE RDO RJE LTA BU'I TING NGE 'DZIN GYIS BSDUS PA'I BAR CHAD MED PA'I LAM GYI BAR NI SGOM PA'I LAM DANG, DES SPANG BYA GZUNG 'DZIN GYI RNAM PAR RTOG PA BRGYA RTZA BRGYAD SPONG BA'I TSUL NI, RTZE SBYOR GYI SKABS SU BSTAN LA, 'DIR NI NYON MONGS SPONG TSUL BSTAN TE, DE LA LTA BA LNGA DANG, LTA MIN LNGA, 'DOD PA'I KHAMS KYI SAS BSDUS PA BDEN PA BZHI LA LOG PAR ZHUGS PA'I DBYE BAS BZHI BCU DANG, GZUGS DANG GZUGS MED KYI SAS BSDUS PA BDEN PA BZHI MTHONG BAS SPANG BAR BYA BA KHONG KHRO BRGYAD POR BAS BDUN CU RTZA GNYIS TE, BSDOM NA MTHONG SPANG BRGYA DANG BCU GNYIS SO, ,THEG PA CHEN PO'I MTHONG LAM DU: KHA LA CHOS BZOD KYIS SPONG STE, 'GREL CHEN DU BDEN PA RNAMS KYI MNGON PAR RTOGS PA NI GCIG PA'I PHYIR RO, ,ZHES BSHAD DO, ,JI LTAR SPONG BA'I TSUL NI, TSIG DON BSHAD PA DANG, THEG PA CHEN PO RGYUD BLA MA'I BSTAN BCOS KYI RNAM BSHAD DU

BSHAD ZIN TO, ,SGOM SPANG NYON MONGS 'DOD CHAGS DANG ZHE SDANG DANG, NGA RGYAL DANG, MA RIG PA DANG, 'JIG LTA DANG, MTHAR 'DZIN GYI LTA BA LHAN SKYES DRUG 'DOD PA NA DRUG DANG, GZUGS DANG GZUGS MED NA KHONG KHRO BOR BAS BCU STE, BCU DRUG SGOM LAM GYIS BSDUS PA'I SA BCUS RIM GYIS SPONG BAR BYED PA YIN NO, ,DMAN PA'I LAM SNGON DU MA SONG BAS NI SA BCU PA'I BAR GYI NYON SGRIB KYI SA BON YANG SPONG BAS, SA BRGYAD PA'I BAR NYON SGRIB ZAD PAR SPONG BA'I SHING RTA CHEN PO GZHAN GYI BZHED PA DANG MI MTHUN PAR, SLOB DPON GYIS MNGON PA KUN LAS BTUS LTAR MDZAD DO, ,SA DANG PO NI YONGS SBYONG GI CHOS RNAMS KYIS KYANG LAM SPYI'I NYAMS SU LEN TSUL RDZOGS PA ZHIG STON TE, SANGS RGYAS KYI SKU YID LA BYED PA DANG MI 'BRAL BA'I SKYABS 'GRO KHYAD PAR CAN DANG, DGE BA'I BSHES GNYEN GZUGS SKU RNAM PA GNYIS LA BRTEN NAS MNYES PAR BYED PA DANG, RTAG TU RAB TU BYUNG BA LA MNGON PAR DGA' BA DANG, DAM PA'I CHOS KYI DMIGS PA RAB TU RGYAS PA'I SDE SNOD LA SOGS PA MA LUS PA TSOL BA DANG, SANGS RGYAS THOB 'DOD KYI BSAM PAS DGE BA'I CHOS MTHA' DAG BSGRUB PA DANG, GZHAN DON DU THEG PA CHEN PO'I CHOS MA LUS PA 'DZIN PA DANG, TSAD MED BZHI BSGOM PA DANG, SKABS 'DIR SBYIN PA'I PHAR PHYIN LHAG PAR GYUR PAS STONG NYID MNGON SUM DU RTOGS PA'I SHES RAB KYIS ZIN PA'I SGO NAS LUS DANG LONGS SPYOD SOGS BDOG PA THAMS CAD GTONG BA LA, SER SNA'I KUN 'DZIN CUNG ZAD MED PA DANG, GZHAN LA GSUNG RAB YAN LAG BCU GNYIS KYI TSIG DON MTHA' DAG STON PA DANG, KHAS BLANGS SHING DAM BCAS PA MTHAR PHYIN PAR BYED PA'O, ,LAS DANG PO PAS KYANG, SANGS RGYAS DANG DNGOS SU MA PHRAD KYANG SKYABS SU 'GRO BA DANG,

, ,THEG PA CHEN PO'I DGE BA'I BSHES GNYEN BSTEN PA SOGS 'DIR BSTAN PA'I LAM GYI RIGS RDZOGS PAR NYAMS SU BLANG BAR BYA'O, ,SA GZHAN RNAMS KYI YONGS SBYONG GI CHOS KYANG CI RIGS PAR SHES PAR BYA'O, ,MTHONG DANG SGOM PA'I LAM DAG LA, ZHES SOGS KYIS GZUNG 'DZIN GYI RNAM RTOG 'JOMS PA'I GNYEN PO'I TSOGS MDOR BSDUS TE BSTAN PA YIN GYI, RGYAS PAR RTZE MO'I SBYOR BA'I SKABS NAS SHES PAR BYA'O, ,BZHI PA NI, DE LTAR BYANG CHUB CHEN PO THOB PA'I RGYU TSOGS YONGS SU RDZOGS PA LAS NGES PAR 'BYUNG BA, RGYU MTHAR THUG PA RDO RJE LTA BU'I TING NGE 'DZIN DANG, 'BRAS BU RNAM MKHYEN DU GDON MI ZA BAR NGES PAR 'BYUNG BAS, DER NGES PAR 'BYUNG BA'I SGRUB PA YUL GYI SGO NAS PHYE BA BRGYAD, CHED DU BYA DANG MNYAM NYID DANG, ZHES SOGS KYIS BSTAN PA LTAR MTSAN NYID SHES PAR BYAS NAS SMON LAM TSUN CHOD KYIS YID GYI YUL DU BSGOM PAR BYA ZHING, RTOGS PA'I RIGS RNAMS NI, DA LTA NYID NAS NYAMS SU BLANG BAR BYA'O, ,DA NI SPYI'I DON BSDU BA BRJOD PAR BYA STE, RNAM MKHYEN MTSON PAR BYED PA'I CHOS BCUS RNAM MKHYEN DE YUL GYIS YUL CAN MTSON PA'I TSUL GYIS GO BAR BYED DE, DE YANG 'GREL CHEN DU, RNAM PA THAMS CAD MKHYEN PA NYID KHO NA SEMS BSKYED PA LA SOGS PA'I RANG BZHIN RGYU DANG 'BRAS BU'I BDAG NYID KYI SGO NAS 'DIR YANG NAS YANG DU BZLAS PA'I PHYIR NA GZHUNG 'DI LE'U YIN NO, ZHES BSHAD PA LTAR RGYU 'BRAS GTZO BO'I DON GYIS RNAM PA MKHYEN PA, RNAM MKHYEN GYIS GANG ZHIG GI RTOGS PAR BYA BA'I YUL DE BSTAN NA THEG PA CHEN PO'I LAM GYI LUS YONGS SU RDZOGS PA GCIG GO BAR BYA BA'I CHED DU YUL GYIS YUL CAN MTSON PA YIN NO, ,SNGA RABS PA KHA CIG GIS BDEN PA GNYIS

MKHYEN PAS KYANG MTSON RIGS PAR GSAL BA'I GNOD PA SLOB DPON SANGS RGYAS YE SHES ZHABS LA SOGS PA LA BRJOD NAS RGYUS 'BRAS BU MTSON PA'I TSUL 'DOD PA NI, RJE BTZUN 'JAM PA'I DBYANGS KYIS DNGOS SU RJES SU BZUNG BA'I SHING RTA CHEN PO RNAMS KYI BZHED PA MA LON BZHIN DU SUN 'BYIN LTAR SNANG 'PHEN PA NI GZU LUMS CHES SO, ,CHOS BCU PO DE YANG SKABS GSUM PAR BSTAN PA'I SKYES BU 'BRING GI BSAM PA SOGS SBYONG BA SNGON DU BTANG NAS SEMS CAN GYI DON SANGS RGYAS THOB PAR DAM BCA' BA DANG, DE'I DON BSGRUB PA GNYIS SU 'DUS LA PHYI MA LA DAM BCA'I DON JI LTAR SGRUB PA'I TSUL BSTAN PA DANG, DON DE BSGRUBS PAS SGRUB PA RGYUD LA BSKYED TSUL STON TO, ,PHYI MA LA SGOM BYUNG GI SGRUB PA SKYES PA'I MTSAN GZHI NGOS BZUNG BA DANG, THEG PA CHEN PO'I RIGS DANG LDAN PA'I GANG ZAG GI SHES BYA'I CHOS THAMS CAD LA DMIGS NAS CHED DU BYA BA CHEN PO GSUM GYI DON DU BSAM PA DANG SBYOR BA RGYA CHEN PO BSGRUBS PAS TSOGS RGYA CHEN PO BDE BLAG TU RDZOGS SHING RNAM MKHYEN DU GDON MI ZA BAR NGES PAR 'BYUNG BA'I LAM GYI RIM PA RNAMS STON PA YIN NO, ,GNYIS PA RNAL 'BYOR BZHI NYAMS SU LEN PA'I TSUL BYE BRAG TU BSHAD PA LA GNYIS, MKHYEN GSUM GYI RNAM PA MA LUS PA ZHI LHAG ZUNG 'BREL GYI SBYOR BAS BSGOM PAR BYED CING SGOM PA'I 'BRAS BU BSHAD PA DANG, BRTAN BYED KYI YAN LAG MTHAR GYIS PA'I SGOM TSUL DE'I 'BRAS BU DANG BCAS PA BSHAD PA'O, , DANG PO LA GNYIS, RNAM RDZOGS SBYOR BA SGOM TSUL DANG, DE LAS RTZE MO'I SBYOR BA 'BYUNG BA'I TSUL LO, ,DANG PO LA GNYIS, SBYOR BA'I SGOM TSUL DANG, BSGOMS PAS MNGON PAR RTOGS PA SKYE BA'I RIM PA BSHAD PA'O, ,DANG PO LA GNYIS, ZHI LHAG ZUNG 'BREL GYI TING NGE 'DZIN GYI RNAM GZHAG

, ,DANG, DE SKABS 'DIR JI LTAR SGOM PA'I TSUL LO, ,DANG PO NI, NYES PA LNGA'I GNYEN POR, SPONG BA'I 'DU BYED BRGYAD BSTEN NAS SEMS GNAS PA'I THABS DGU'I RIM PAS 'JOG SGOM GYIS ZHI GNAS SGRUB PAR BYA STE, DE YANG SEMS GNAS DGU PA THOB PA'I TSE BYING RGOD KYI GNYEN PO BSTEN MI DGOS PAR DMIGS PA LA RTZOL MED DU RANG GI DANG GIS 'JUG PA GOMS PA LAS LUS SEMS SHIN TU SBYANGS PA'I BDE BA SKYES PA DE'I TSE ZHI GNAS GRUB PA YIN PAR RIG PAR BYA'O, ,ZHI GNAS JI LTAR SGRUB PA'I TSUL NI, RJE THAMS CAD MKHYEN PA BLO BZANG GRAGS PA'I DPAL GYI ZHAL SNGA NAS KYIS MDZAD PA'I LAM GYI RIM PA CHE CHUNG DU SHES PAR BYA'O, ,ZHI GNAS GRUB PA'I RJES SU LHAG MTHONG SGRUB PAR BYA STE, DE YANG ZHI GNAS GRUB NAS SHES BYA JI LTA BA DANG JI SNYED PA'I DON LA SO SOR RTOGS PA'I SHES RAB KYIS DPYAD NAS GOMS PAS RANG STOBS KYIS LUS SEMS SHIN TU SBYANGS PA'I BDE BA 'DREN PA DE'I TSE LHAG MTHONG GRUB CING ZHI LHAG CHA MNYAM PA 'JUG PAS ZUNG DU 'BREL ZHES BYA'O, ,ZHI GNAS MA GRUB NA DPYAD PA BYAS PAS SHIN SBYANGS 'DREN PA MI SRID DO, ,CHOS YANG DAG PAR SDUD PA'I MDO LAS, SEMS MNYAM PAR BZHAG NA YANG DAG PA JI LTA BA BZHIN SHES PAR 'GYUR RO, ZHES GSUNGS PA'I DON NI, SEMS RTZE GCIG PA LA 'JOG PA TZAM ZHIG GOMS NA, YANG DAG PA'I DON RTOGS PAR 'GYUR RO ZHES PA'I DON MIN GYI, MNYAM PAR BZHAG PA'I SEMS KYIS ZHES SBYAR RGYU YIN LA, DE'I DON YANG MNYAM PAR BZHAG PA ZHI GNAS KYI DMIGS PA LA SEMS BRTAN PAR BYAS PA'I 'OG TU, SHES RAB KYIS DE KHO NA NYID LA BTAGS NA YANG DAG PA'I DON RTOGS PA'I YE SHES SKYE BA LA GSAL BAR BSHAD PA YIN NO, ,SGOM RIM DANG PO

LAS, 'DI LTAR GANG GI TSE ZHI GNAS KYI DMIGS PA LA SEMS BRTAN PAR BYAS PA DE'I TSE, SHES RAB KYIS RAB TU BTAGS NA YANG DAG PA'I YE SHES KYI SNANG BA 'BYUNG STE, DE'I TSE SNANG BA 'BYUNG BAS MUN PA SEL BA BZHIN DU SGRIB PA 'BYANG NGO, ,DE GNYIS KA YANG DMIGS PA DANG SNANG BA ZHI SHES YANG DAG PA'I YE SHES 'BYUNG BA LA PHAN TSUN MTHUN PAR GNAS PA YIN GYI SNANG BA DANG MUN PA BZHIN DU NANG MI MTHUN PA NI MA YIN NO, ,TING NGE 'DZIN MUN PA'I NGO BO NYID MA YIN TE, CI YIN ZHE NA SEMS RTZE GCIG PA'I MTSAN NYID DO, ,DE NI MNYAM PAR BZHAG NA YANG DAG PA JI LTA BA BZHIN RAB TU SHES SO, ZHES BKA' STZAL PA'I PHYIR TE, SHES RAB DANG SHIN TU MTHUN PA YIN GYI, MI MTHUN PA MIN NO ZHES GSUNGS SO, ,DE BAS NA ZHI GNAS BSGOMS NAS SEMS GNAS BRTAN PO DE NI SNANG BA DANG 'DRA, SHES RAB KYIS DE KHO NA NYID LA SPYOD PA NI MIG DANG 'DRA BAR SHES PAR BYA'O, ZHI GNAS NI SEMS MI G-YO BAR RTZE GCIG TU GNAS PA YIN LA, LHAG MTHONG NI YUL LA SPYOD PA YIN PAS GCIG GIS GCIG LA GNOD PA YIN NO SNYAM DU MI BZUNG NGO, ,YANG ZHI GNAS DANG BRAL BA'I SEMS RLUNG NANG GI MAR ME BZHIN DU G-YO BA DANG ZHI GNAS KYI STOBS KYIS NI RLUNG MED PA NA GNAS PA'I MAR ME BZHIN DU RNAM RTOG GI RLUNG GIS MI G-YO BAR BSHAD PA MI 'THAD DE, LHAG MTHONG LA DPYAD SGOM BYED PA'I LUGS LA ZHI GNAS GRUB KYANG LHAG MTHONG SGOM PA'I TSE RNAM RTOG GI RLUNG GIS G-YO BA'I PHYIR RO SNYAM NA, ZHI GNAS GRUB PA LA BRTEN NAS LHAG MTHONG BSGOM NA, SEMS KYI G-YO BA THAMS CAD LDOG PAR KHAS LEN NA SKYON DE YOD KYANG, SEMS KYI G-YO BA TZAM LDOG PA YIN GYI G-YO BA'I SKYON MI LDOG PA LA BSAMS NAS DE LTAR GSUNGS PA'I PHYIR RO, ,

, ,G-YO BA'I SKYON GANG SNYAM NA, RANG 'DOD PA'I YUL LA SEMS 'JOG PA NA RANG DBANG MED PAR MI 'DOD PA'I YUL LA SEMS RGYUG PA'O, ,DANG PO NAS LTA THOG TU SEMS GNAS PA TZAM ZHIG BSGOM PAR BYED NA, DE LAS TING NGE 'DZIN 'JIG RTEN PA'I SGOM BYUNG DU 'GRO SRID KYANG, DE YANG ZHI GNAS SGOM BYUNG DU SONG BA YIN GYI, LHAG MTHONG SGOM BYUNG DU SONG BA MIN PAS DA DUNG LHAG MTHONG SGOM BYUNG BSKYED DGOS PAS SO, ,DE'I PHYIR ZHI GNAS DE SNGON DU BTANG NAS DPYAD SGOM GYIS LHAG MTHONG SGOM BYUNG BSKYED DGOS PAS SNGON DU ZHI GNAS BSGRUBS NAS DE'I 'OG TU LHAG MTHONG BSGRUB PA LAS MI 'DA'O, ,DE KHO NA NYID LA DMIGS PA'I 'JIG RTEN PA'I SGOM BYUNG BSKYED NUS NA, DE TZAM ZHIG GOMS PAS 'JIG RTEN LAS 'DAS PA'I SGOM BYUNG BSKYED NUS SO, ZHES KYANG SMRA MI NUS TE, 'JIG RTEN PA'I SGOM BYUNG GI YON TAN THAMS CAD LA DE BZHIN DU HA CANG THAL BAR 'GYUR BA'I PHYIR RO, ,GZHAN YANG MDO DGONGS PA NGES 'GREL DU ZHI GNAS SNGON DU GRUB PA LA BRTEN NAS, DPYAD SGOM GYI SHIN SBYANGS GNYIS 'DREN NUS SU LHAG MTHONG BSGOM PAR GSUNGS PA SOGS, GO RIMS NGES CAN DU BSHAD PA'I GZHUNG DU MA DANG 'GAL BAR 'GYUR BA'I PHYIR RO, ,DE LTAR 'DOD DU MI RUNG NGO, ,DE LTAR THEG PA GZHAN GYI LUGS LTAR NA YUL CAN KHYAD PAR CAN GYIS DE KHO NA NYID SGOM PA'I SKABS KYI DMIGS BSAL MI RTOGS PA LHAG MTHONG SGOM BYUNG SNGAR MA SKYED PA GSAR DU BSKYED PA'I SKABS THAMS CAD DU ZHI GNAS SNGON DU GRUB PA LA BRTEN NAS DPYAD SGOM GYI LHAG MTHONG BSGOM PA NGES PA YIN NO, ,GAL TE ZHI GNAS 'JOG SGOM GYI BSGRUB PA YIN DU CHUG KYANG SNGON DU ZHI GNAS BSGRUB PA LA BRTEN NAS PHYIS LHAG MTHONG SGOM PA'I GO RIMS

NGES PA DGOS PA'I RGYU MTSAN GANG YIN SNYAM NA, 'DI NI RTOGS DKA' BAS BSHAD PAR BYA STE, DPER NA LAG PAS STA RE BZUNG NAS SHING SDONG GCOD PA NA, LAG PA SHIN TU 'DAR NA STA RE SHING SDONG LA CI TZAM BRGYAB KYANG SHING SDONG GCOD MI NUS PA BZHIN DU, ZHI GNAS SNGON DU MA GRUB NA DPYOD PA'I CHOS SEMS GNAS CHA'I RTZI 'BYAR RGYU MED PAS CI TZAM DPYAD KYANG MI MTHUN PHYOGS 'JOMS PA'I STOBS MI 'BYUNG NGO, ,STOBS LDAN GYI LAG PA SHIN TU BRTAN PAS RNO BA'I STA RE BZUNG NAS BCAD NA SHING SDONG MYUR DU GCOD NUS PA BZHIN DU, ZHI GNAS KYI TING NGE 'DZIN SHIN TU BRTAN PA'I LAG PAS BZUNG BA'I SEMS KYIS SHES RAB KYI MTSON RNON THOGS TE, DE KHO NA NYID LA DPYAD PA GOMS NA MI MTHUN PHYOGS 'JOMS PA'I STOBS DANG LDAN PAR 'GYUR RO, ,DE LTAR YANG BSGOM RIM DANG PO'I LAS, DE LTA BAS NA TING NGE 'DZIN GYI LAG GIS SEMS BZUNG STE, SHIN TU CHA PHRA BA'I SHES RAB KYI MTSON GYIS GZUGS LA SOGS PA LA LOG PAR RNAM PAR RTOG PA'I SA BON GYI ZUG RNGU SEMS DE LA YOD PA BSAL BAR BYA'O, ,DE LTAR BYAS NA RTZA BA NAS PHYUNG BA'I SHING DAG SA LA MI SKYE BA BZHIN DU, RTZA BA MED PAS NA LOG PAR RNAM PAR RTOG PA'I SEMS YANG SKYE BAR MI 'GYUR RO, ZHES GSUNGS SO, ,DE YANG LAN NYUNG SHAS GCIG BRGYAB PAS SHING MI CHAD PA BZHIN DU LAN DU MAR SHES RAB KYIS MA DPYAD NA LHAG MTHONG NUS PA CAN MI 'GRUB PAS YANG DANG YANG DU DPYAD PAR BYA'O, ,YUL LA RNAM PA DU MAR DPYOD PA'I TSE MI DPYOD PAR RTZE GCIG TU 'JOG PA'I TING NGE 'DZIN MED MOD KYANG TING NGE 'DZIN GYI RTZI BRTAN PO YOD PAS RNAM PAR MI RTOG PA'I DANG NAS DPYOD PA SNYAM BYED PA GCIG 'ONG BA SHES PAR BYA'O, ,GNAS CHA SHIN TU BRTAN PA'I SEMS RGYUD LA GNAS

, ,PA'I RTZI NAR RE 'JUG PAS, DE'I DANG NAS ZHE SDANG DANG CHAGS PA SOGS SKYE BA NA SNGAR ZHI GNAS MA GRUB PA'I DUS BZHIN DU SHUGS DRAG PA DANG BAR MA CHAD PA SOGS SU MI SKYE PAR, SHUGS ZHAN PA DANG RGYUN CUNG ZAD THUNG BA SOGS SU SKYE BA MTHONG NAS, 'DI RNAM TOG 'PHRO BA MIN GYI YE SHES 'PHRO BA YIN ZER BA DANG, MTSAMS DE NAS NYON MONGS PA'I RKYEN LA ZHUGS KYANG 'KHOR BAR 'CHING MI NUS PAS NYON MONGS LAM DU BYED PA'I DUS YIN ZER BA SOGS, SDE SNOD DGONGS 'GREL DANG BCAS PA GDAMS NGAG TU 'CHAR BA LA RGYAB KYIS PHYOGS SHING MANG DU THOS PA DANG MI LDAN PAS, TING NGE 'DZIN SGRUB TSUL LA GO BA SHIN TU CHUNG BA RNAMS LA BYUNG MOD KYANG SNGAR BSHAD PA'I ZHI GNAS 'DI NI PHYI ROL PA BSAM GTAN DANG PO'I NYER BSNGOGS LA BRTEN NAS 'DOD NYON SPONG BA RNAMS KYIS KYANG ZHI GNAS DE LA BRTAN NAS LHAG MTHONG SGRUB PAR BYED PAS PHYI NANG DANG THEG PA CHE CHUNG KUN GYI THUN MONG BAR SHES PAR BYA'O, ,GZHUNG LUGS GDAMS PAR 'CHAR BA'I MAN NGAG MED, ,RIGS LAM PHRA MO BLTA BA'I MIG DANG BRAL, ,THAR PA'I LAM DU 'JUG PAR 'DOD PA YANG,, BLUN PO NGAL BA TZAM ZHIG 'BRAS BUR ZAD, ,TING NGE 'DZIN SGRUB TSUL MKHAS PAR MA BYAS NA, SNGON GYI MNGON PA DU MA YANG BSAM GTAN DANG PO'I NYER BSNGOGS KYIS BSDUS PA'I ZHI GNAS SNGON DU BSGRUBS NAS LHAG MTHONG SGRUB PA'I TSUL MA SHES PAR ZHI GNAS GRUB RJES SU LHAG MTHONG SGRUB PA'I CHED DU SO SOR RTOGS PA'I SHES RAB KYIS DPYOD PA MTSAN NYID SO SOR RIG PA'I YID LA BYED PA NYER BSNGOGS KYI THOG MAR NGOS 'DZIN PA BYUNG SNANG NGO, ,GNYIS PA LA GNYIS, SBYOR BA'I NUS PA SHES PAR BYED PA'I TSUL DANG, SHES NAS JI LTAR SGOM PA'I TSUL LO, ,

DANG PO NI, THAR PA CHA MTHUN GYI DGE BA DANG LDAN PA'I GANG ZAG DES, THOG MAR MKHYEN GSUM SBYOR BA'I MTSAN GZHI SKABS DANG PO GSUM GYI SKABS NAS BSTAN PA LTAR SHES PAR BYA STE, DON BSDUS DRUG GI SKABS NAS, MTSAN NYID DE YI SBYOR BA DANG, ZHES BSHAD PA YANG, MTSON PAR BYED PA'I GNAS MTSAN GZHI LA MTSAN NYID KYI SGRA SBYAR BA YIN LA, DE YANG MI RTAG PA DANG DU: KHA BA DANG, BDAG MED PA SOGS SU RIG PAS PHYIN CI MA LOG PAR RTOGS NAS BSGOMS PAS MNGON SUM DU RTOGS PA'AM DON SPYI SHAR BA YIN YANG RUNG ZHI GNAS LA BRTEN NAS BSGOM PAR BYED PA'I BYANG CHUB SEMS DPA'I THUGS RGYUD KYI YE SHES RNAM PA YIN LA, GANG GIS MTSON DE MTSAN NYID DU, ZHES SOGS KYIS SKABS NAS RGYAS PAR BSHAD PA NI 'DIS MTSON PAR BYED PAS NA MTSAN NYID CES MTSAN NYID KYI SGRA BYED PA DE YANG GZHUNG SHER PHYIN LA THOS BSAM BYAS NAS 'BRAS BU SHER PHYIN THOB PAR 'DOD PA'I RIGS DANG LDAN PA'I GANG ZAG NGES LAM SHER PHYIN GYI RNAL 'BYOR BSGOM PA DON DU GNYER BAS, DE TSAD MA'I YUL DU LEGS PAR MTSON PA SNGON DU GTONG BA YIN NO, ,DE LA THEG PA CHEN PO'I LAM GYI RTOGS PA'I RIGS MTHA' DAG GIS ZIN PA'I PHUNG PO MI RTAG PAR DON SPYI'I TSUL GYIS RTOGS PA'I ZHI LHAG ZUNG 'BREL GYI TING NGE 'DZIN DE YANG, GOMS BYA'I DON LA GOMS PA RAB KYI MTHAR THUG PAR 'GYUR RUNG DU TSAD MAS GRUB PA LA BRTEN NAS 'BRAS BU SHER PHYIN BSKYED PA'I NUS PA KHYAD PAR CAN DANG LDAN PA'I ZHI LHAG ZUNG DU 'BREL BA YIN PAS, LAM SHER PHYIN GYI RNAL 'BYOR DU SPYIR MTSON PA DANG, DE'I DBYE BA YA GYAL MKHYEN GSUM SBYOR BAR MTSON PAR BYED PA'I TSUL NI, DE BZHIN GSHEGS PA 'BYUNG BA DANG, ZHES

, ,SOGS KYIS STON TO, ,BSAM MI KHYAB SOGS DANG LDAN PA'I ZHI LHAG ZUNG 'BREL GYIS NYAN THOS DANG, RANG SANGS RGYAS KYI RGYUD LA YOD PA BCAD NAS THEG PA CHEN PO'I SBYOR BA 'BA' ZHIG TU MTSON PA NI, BSAM MI KHYAB SOGS KHYAD PAR GYIS, , ZHES SOGS KYIS BSTAN TO, ,SANGS RGYAS KYI BZHED DON PHUN TSOGS SKYE BYED DU MTSON PA NI, PHAN DANG BDE DANG SKYOB PA DANG, ZHES SOGS DANG, LAS SU SGRUB PA NI, NYON MONGS RTAGS DANG MTSAN MA DANG, ZHES PA NAS BSTAN TO, ,GNYIS PA LA BZHI, SGOM PA'I TSUL DANG, MNYAM GZHAG DNGOS GZHI'I SBYOR BA DANG, SBYOR BA'I PHAN YON DANG, BSAL BYA SKYON NGOS BZUNG BA'O, ,DANG PO NI, DE LA SKABS 'DIR RNAM PA BSGOM PAR BSHAD PA NI, NYON MONGS PA'I SGRIB PA DANG, SHES BYA'I SGRIB PA MTHA' DAG GI GNYEN PO SHES NAS BSGOM PAR BYA BA'I CHED DU YIN NO, ,DE YANG SLOB DPON GYIS DGOS 'BREL GYI BRJOD BYA GTAN LA 'BEBS PA'I BRGAL LAN GYI SKABS SU, GZHI DANG GNYEN PO DANG RNAM PA MTHA' DAG STON PAR GSUNGS PA NI, 'DIR, ZHI SHES PA YI BYE BRAG RNAMS, ZHES SOGS KYIS STON PA YIN NO, ,KHA CIG RNAM PA'I MTSAN NYID DANG DBYE BA ZHES 'CHAD PA NI TSIG DON LA RMONGS PA'I BAB COL YIN TE, 'PHAGS PA RNAM PAR GROL BA'I SDES GNYEN PO'I MTSAN NYID DU MDZAD PA'I PHYIR DANG, RNAM PA'I MTSAN NYID LA SBYAR NA SKABS DON BOR BAR 'GYUR BA'I PHYIR RO, ,DPER NA, PHUNG PO MI RTAG PAR RTOGS PA'I RJES DPAG CHOS CAN, PHUNG PO RTAG 'DZIN GYI SGRO 'DOGS 'DOGS DE'I GNYEN PO YIN TE, PHUNG PO MI RTAG PA'I RNAM PA SHAR NAS DE LA GSAR DU MI BSLU BA'I SHES PA YIN PA'I PHYIR, CES PA LTA BU'O,,

'PHAGS PA'I BDEN PA BZHI SGRO 'DOGS GCAD PAR BYA BA'I PHYIR GZHIR BZUNG NAS MI RTAG SOGS BCU DRUG GI RNAM PA BSGOM PA YANG SNGAR BSHAD PA'I LOG RTOG BCU DRUG GI GNYEN POR BSGOM PA YIN NO, ,DES MTSON NAS CHOS THAMS CAD BDEN GRUB KYI SPROS PA DANG BRAL BA'I RNAM PA SHAR NAS BSGOM PA YANG BDEN 'DZIN GYI GNYEN POR BSGOM PA YIN NO, ,DON BSDUS NA SNGAR BSHAD PA'I ZHI GNAS MTSAN NYID PA RNYED NAS DE LA MNYAM PAR BZHAG BZHIN PA'I NGANG NAS PHUNG PO MI RTAG PA LA SO SOR RTOGS PA'I SHES RAB KYIS MTHA' DAG PAR DPYAD PA BYAS PA'I STOBS KYIS LUS SEMS SHIN TU SBYANGS PA'I BDE BA 'DREN NUS PA NA PHUNG PO MI RTAG PAR RTOGS PA'I LHAG MTHONG RNYED PA DANG, ZHI LHAG ZUNG DU 'BREL BA DANG, DE'I TSE ZHI SHES KYI SBYOR BA BSGOM PA ZHES BYA'O, ,ZHI GNAS SCUNG ZAD RNYED NAS DPYAD SGOM 'BA' ZHIG BYAS NA ZHI GNAS NYAMS PAR 'GYUR BAS DPYAD SGOM DANG 'JOG SGOM CHA MNYAM PAR BYA'O, ,'JOG SGOM 'BA' ZHIG BYAS NAS SPYOD SNYING MI 'DOD PAR 'GYUR LA, DE LTA NA SGRIB GNYIS 'JOMS MI NUS PAS SPYOD PA YANG BYA'O,, ZHI GNAS STOBS LDAN RNYED CING DPYAD SGOM GYI MTHUS KYANG SHIN SBYANGS 'DREN NUS PA DE'I TSE SEMS RTZE GCIG PA PHUL DU BYUNG BA DES KYANG 'DREN PA DE'I TSE, ZHI GNAS NYAMS PAR GA LA 'GYUR, DE BZHIN DU SANGS RGYAS THAMS CAD KYIS BSHAD PA'I DE BZHIN NYID KYI RNAM PA RTEN 'BREL SPROS PA'I MTHA' THAMS CAD DANG BRAL BA DON DAM PA'I BDEN PA GTAN TSIGS BZHI LA SOGS PA LA BRTEN NAS, DBU MA RTZA BA SHES RAB LAS 'BYUNG BA LTAR, SO SOR RTOG PA'I SHES RAB KYIS RGYAS PAR DPYAD PA LAS SHIN TU SBYANGS PA'I BDE BA

, ,'DREN NUS PA DE'I TSE STONG NYID RTOGS PA'I LHAG MTHONG DU 'GYUR ZHING, STONG NYID LA DMIGS PA'I ZHI LHAG ZUNG 'BREL GYI TING NGE 'DZIN THOB PA DANG, RNAM MKHYEN GYI RNAM PA'I SBYOR BA BSGOM PA ZHES BYA'O, ,DE YANG YE SHES SNYING PO DANG, SLOB DPON SENGGE BZANG PO LA SOGS PAS KYANG NYAN THOS KYI RIGS CAN DON DAM PA'I BDEN PA RTOGS PA LA BRTEN NAS DGRA BCOM PA'I 'BRAS BU THOB PAR BZHED CING NGES BZUNG DU DGOS PA NI MIN TE, GANG ZAG GI BDAG MED RTOGS PAS KYANG THOB PAR BZHED PA'I PHYIR RO, ,GRUB PA BRNYES PA'I SEMS DPA' CHEN PO SLOB DPON SANGS RGYAS BSKYANGS DANG, SLOB DPON CHEN PO ZLA BA GRAGS PA SOGS DGRA BCOM PA'I 'BRAS BU THOB PA LA NGES PAR STONG NYID PHRA MO RTOGS DGOS PAR BZHED DO, ,'DIR NI SPYI'I RNAM GZHAG GI DBANG GI BYAS PAS SPYIR STONG NYID RTOGS PA'I SHES RAB SGOM BYUNG DU SONG BA LA THEG PA CHEN PO'I SBYOR LAM DROD THOB MI DGOS KYANG, TSOGS LAM DU THEG PA CHEN PO'I LAM GYI RIGS YONGS SU RDZOGS PA CHA MTSUNGS PAR GOMS PAR BYAS NAS, NAM STONG NYID LA DMIGS PA'I ZHI LHAG ZUNG 'BREL GSAR DU THOB PA DE'I TSE, THEG PA CHEN PO'I SBYOR LAM THOB CES BYA'O, ,CHOS NYID LA DMIGS PA'I BLO SGOM BYUNG DU GYUR PA RNAM PAR MI RTOG PA'I YE SHES KYI ME 'BYUNG BA'I SNGA LTAS ZHES BYA'O, ,STONG PA NYID LA THOS BSAM GYI SHES RAB KYIS DMIGS PA'I TSE, YUL DANG YUL CAN GYI GNYIS SNANG SHIN TU RAGS SHING 'BREL PA MED PA LTA BUR SNANG LA, SGOM BYUNG GIS DMIGS PA'I TSE, GNYIS SNANG YOD PA THOG MAR MYONG STOBS KYIS NGES NUS KYANG, GNYIS SNANG SHIN TU PHRA BA CHU LA CHU BZHAG

TU 'GYUR LA KHAD PA LTAR SNANG BA CHOS NYID KYI DON SPYI GSAL BA ZHES BYA'O, ,SBYOR LAM BZOD PA THOB PA'I TSE GNYIS SNANG YOD PA MYONG STOBS KYI NGES MI NUS PAS NYAN SA LAS, GNYIS SNANG NUB PA LTAR SNANG GI NUB PA NI MIN NO, ZHES BSHAD DO, ,DES NA BOD SNGA MA KHA CIG GIS, STONG NYID LA DMIGS PA'I ZHI LHAG ZUNG 'BREL GYI SBYOR BA TSOGS LAM CHUNG NGU NAS RGYUN MTHA'I BAR LA YOD PAR BZUNG NAS SBYOR BA NYI SHU'I DBYE BA BYED PA NI LAM SGRUB LA MI MKHAS PA YIN NO, ,TSOGS LAM PAS ZHI GNAS LA BRTEN NAS STONG NYID LA RES 'GA' DPYOD CING, RES 'GA' 'JOG PA DE'I TSE, STONG NYID LA DMIGS PA'I LHAG MTHONG RJES MTHUN PA YIN KYANG, SPYIR SBYOR BA ZHES PA'I THA SNYAD BYA LA, DU: KHA SOGS SHES BYA JI SNYED PA LA DMIGS PA'I LHAG MTHONG DANG 'JIG RTEN PA'I LAM GYIS NYON MONGS SPONG BA'I ZHI RAGS KYI RNAM PA CAN GYI LHAG MTHONG NGES PAR THOB PAS JI SNYED PA LA DMIGS PA'I ZHI LHAG ZUNG 'BREL GYI SBYOR BA TSOGS LAM CHUNG NGU NAS THOB PA YIN NO, ,TSUL DE LA BRTEN NAS MKHYEN GSUM GYI RNAM PA BRGYA DANG BDUN CU RTZA GSUM RDZOGS PA'I RNAM RDZOGS SBYAR BA SGOM TSUL SHES PAR BYA'O, ,DA NI MKHYEN GSUM GYI RNAM PA BSDUS NAS BSGOM PA'I BSDUS SGOM GYI DON BSHAD PAR BYA STE, DE LA SLOB DPON SNGA MA GZHAN GYI LUGS BKOD NAS 'THAD MI 'THAD DPYAD PA DANG, RANG GI LUGS BZHAG PA'O, ,DANG PO NI, SNGON GYI DGE BA'I BSHES GNYEN MKHAS PA KHA CIG GI GSUNG NAS MKHYEN GSUM BSDUS SGOM GYI DON NI, ZHI SHES KYI RNAM PA NYER BDUN DANG, LAM SHES KYI RNAM PA SO DRUG DANG BCAS PA'I DRUG CU RTZA GSUM DANG, RNAM MKHYEN GYI RNAM PA LA BYANG CHUB SEMS DPA' DANG THUN

, ,MONG BA'I RNAM THAR SGO GSUM DANG, BAR CHAD MED LAM BZHI DANG, SANGS RGYAS KYI THUN MONG MIN PA'I DE BZHIN NYID KYI RNAM PA STE BDUN CU RTZA GCIG CHOS NYID KYI RNAM PA YIN LA, LHAG MA BYANG PHYOGS SO BDUN DANG RNAM THAR BRGYAD DANG, MTHAR GYIS GNAS PA'I SNYOMS 'JUG DGU DANG, PHAR PHYIN BCU DANG, STOBS BCU DANG, MI 'JIGS PA BZHI DANG, CHOS MA 'DRES PA BCO BRGYAD DANG, RANG BYUNG GI RNAM PA DANG, SANGS RGYAS NYID KYI RNAM PA'I BAR BRGYA DANG GNYIS YOD PA SHES BYA JI SNYED PA'I YUL CAN KUN RDZOB PA'I RNAM PA YIN NO, ,RNAM PA DE DAG KYANG SBYOR LAM PA'I BSGOM BYA DANG, SGRO 'DOGS GCOD PA'I GZHI DANG SBYOR BA NYI SHU'I DMIGS RNAM GNYIS SU BYAS PA'I DMIGS PA YIN LA DE DAG KYANG RNAM KUN MNGON PAR RDZOGS PA'I SBYOR BAS BSDUS NAS BSGOM PAR BYA BA YIN TE, DE'I DON YANG RNAM PAR THAR PA'I SGO GSUM DU BSDUS NAS BSGOM PAR BYA BA YIN LA, DE YANG ZHI SHES KYI RNAM PA'I STONG BDAG MED GNYIS DANG, LAM SHES KYI RNAM PA'I STONG BDAG MED GNYIS DANG, RNAM MKHYEN GYI RNAM PA'I BYANG CHUB SEMS DPA' DANG THUN MONG BA'I STONG PA NYID KYI RNAM PA DANG LNGA PO NGO BO BDEN PA BA DANG BRAL BA STONG PA NYID KYI RNAM PA YIN LA, ZHI SHES KYI RNAM PA'I 'GOG LAM GYI RNAM PA BCU DGU DANG, LAM SHES KYI RNAM PA'I 'GOG LAM GYI RNAM PA NYER GSUM STE DE GNYIS, RNAM MKHYEN GYI RNAM PA'I BYANG CHUB SEMS DPA' DANG THUN MONG BA'I MTSAN MA MED PA'I RNAM PA DANG, BAR CHAD MED LAM BZHI'I NANG GI 'GOG LAM GYI BAR CHAD MED PA'I GNYIS TE ZHE LNGA MTSAN MA MED PA DANG, ZHI SHES KYI RNAM PA'I DU: KHA LA MI RTAG DU: KHA GNYIS

DANG, KUN 'BYUNG GI BZHI DANG, LAM SHES KYI RNAM PA'I KUN 'BYUNG GI BRGYAD DANG, DU: KHA YI MI RTAG GNYIS TE BCU DRUG DANG, RNAM MKHYEN GYI RNAM PA'I BYANG SEMS DANG THUN MONG BA'I SMON PA MED PA DANG, BAR CHAD MED LAM DANG BZHI'I NANG GI KUN 'BYUNG BAR CHAD MED LAM STE BCO BRGYAD SMON PA MED PA'I RNAM PA YIN PAS, RNAM THAR SGO GSUM SO SO LA DRUG CU RTZA BRGYAD DANG, STONG NYID DANG SMON MED THUN MONG PA LA, LAM SHES KYI DU: KHA'I RNAM PA'I NGO BO NYID MED PA DANG, BAR CHAD MED PA'I LAM BZHI'I NANG GI DU: KHA'I BAR CHAD MED PA'I LAM GNYIS YIN LA, RNAM THAR SGO GSUM KA'I THUN MONG BA DE NYID KYI RNAM PA'O, ,DE DAG KYANG NGO BO DANG RGYU DANG 'BRAS BU BDEN PAR GRUB PAS STONG PAR RTOGS PA'I RNAM PAR THAR PA'I SGO GSUM DU BSDUS NAS BSGOM PA DANG, CHOS CAN GYI RNAM PA BRGYA DANG BCU GNYIS PO YANG BSHAD PA LTAR RNAM PAR THAR PA'I SGO GSUM DU BSDUS NAS BSGOM PA BSDUS SGOM GYI DON YIN PAS RNAM PA BRGYA BDUN CU RTZA GSUM NI, SBYOR BA NYI SHU'I DMIGS PA YIN NO, ,DE LA YUL GYI DBYE BA STONG PA NYID KYI RNAM PA LNGA PO DANG, NGO BO NYID MED PA DANG DU: KHA BAR CHAD MED LAM GNYIS KYI PHYED PHYED DANG DE BZHIN NYID KYI RNAM PA SUM CHA LA DMIGS NAS STONG NYID DU BSGOM PA GNAS PA BKAG PA'I SBYOR BA DANG, MTSAN MA MED PA'I RNAM PA ZHE LNGA DANG, DE BZHIN NYID KYI RNAM PA'I SUM CHA LA DMIGS PA RNAL 'BYOR BKAG PA'I SBYOR BA DANG, SMON PA MED PA'I RNAM PA BCO BRGYAD DANG, NGO BO NYID MED PA DANG DU: KHA'I BAR CHAD MED LAM GNYIS KYI PHYED PHYED DANG, DE BZHIN NYID KYI RNAM PA'I SUM CHA LA DMIGS PAS SMON PA MED PA LA DMIGS PA GZHI'I CHOS NYID ZAB PAR RTOGS PA DANG, LAM GYI CHOS NYID

, ,GTING DPAG DKA' BA DANG, RNAM PA'I CHOS NYID TSAD MED PA RTOGS PA'I SBYOR BA LNGA YIN LA, DE NYID GNAS SKABS KYI BCO LNGAR, DBYE BAS SBYOR BA BSDU'O, ,RNAM PA BRGYA BDUN CU RTZA GSUM SBYOR BA'I DMIGS PA YIN PAS, SLOB DPON SENGGE BZANG POS ZHI SHES KYIS RANG SANGS RGYAS KYI MNGON RTOGS BSDUS PAR BSHAD PA 'BREL MED DE, ZHI SHES KYI DMIGS PA ZHI SHES SU BSDUS PA LA DGOS PA CUNG ZAD KYANG MED CING, DER 'DUS PA DGOS NA SDUG KUN GYI DON RNAM BRGYAD KYANG DER GTOGS ZHI SHES KYI NANG DU BSDU DGOS NA DE MI 'DUS PA'I PHYIR RO, ,'ON TE 'DI DAG GI LAM BDEN GYI RNAM PA LA DMIGS PA'I ZHI SHES KYI NGO BO DNGOS SU STON PAR BYED PA YIN NA, ZHI SHES KYI DMIGS YUL DU GYUR PA'I LAM BDEN GYI RNAM PA DNGOS SU MA BSTAN PAR 'GYUR LA, DE 'DOD NA SKABS KYI DON DANG 'GAL BA'I PHYIR TE, ZHI SHES KYI DMIGS YUL BDEN PA BZHI'I RNAM PA STON PA'I SKABS YIN PA'I PHYIR RO, ,'O NA ZHI SHES KYI DMIGS YUL DU GYUR PA'I LAM MTHA' DAG STON NA, SANGS RGYAS KYI THUGS RGYUD LA SOGS PA'I LAM YANG BSTAN PAR THAL LO ZHE NA, 'DOD PA KHO NA'O ZHES GSUNGS PA RGYAL BA'I RING LUGS PA CHEN PO DAG GI BZHED PA YIN KYANG, 'THAD MI 'THAD CUNG ZAD DPYAD PAR BYA STE, ZHI SHES DANG LAM SHES KYI RNAM PA MI RTAG PA DANG, DU: KHA BA'I RNAM PA SOGS CHOS NYID KYI RNAM PAR BYAS PA DE BDEN STONG YIN PA LA BSAMS PA YIN NA NI KUN RDZOB PA'I RNAM PA BRGYA DANG GNYIS PO YANG CHOS NYID KYI RNAM PAR 'GYUR BAS, CHOS NYID KYI RNAM PA DANG CHOS CAN GYI RNAM PA SO SOR 'BYED PA MI RIGS LA, 'ON TE DE DAG RTOGS NA BDEN STONG RTOGS PAS KHYAB PA'I CHOS NYID

KYI RNAM PAR 'DOD PA'I DON YIN NA NI, SHIN TU YANG MI RIGS TE, DE LTA NA BYE BRAG TU SMRA BA DANG, MDO SDE PA SOGS KYIS KYANG ZAG BCAS KYI PHUNG PO BDEN STONG DU RTOGS PAR THAL BAR 'GYUR TE, MI RTAG PA DANG DU: KHA SOGS SU RTOGS PA'I PHYIR RO, ,'DOD NA, DBU MA PAR THAL BA DANG, DBU MA PAS DE DAG GI NGOR BDEN STONG RTAGS KYI SGRUB MI DGOS PAR 'GYUR RO, ,GAL TE RNAM PA DE DAG GANG ZAG GI BDAG MED PA'I RNAM PAR 'DOD PA'I DON YIN NA YANG RTAG PA DE NYID DU 'GYUR TE, PHUNG PO MI RTAG PAR RTOGS PA'I RJES DPAG DE NYID KYIS KYANG, PHUNG PO GANG ZAG GI BDAG MED DU RTOGS PA'I PHYIR KHAS LEN DGOS PAS SO, ,KHYAD PAR RGYAL BA'I SRAS PO SENGGE BZANG PO LA DGAG PA MDZAD TSUL DE NI RNAM PAR MI 'ONG STE, RNAM PA NYI SHU RTZA BDUN SBYOR BA'I 'DZIN STANGS KYI RNAM PAR BYAS NAS BYANG CHUB SEMS DPAS MI SGOM NA NI, SKABS GSUM PAR BSHAD PA'I ZHI SHES BYANG CHUB SEMS DPAS SHES MTHONG GIS BLTAS NAS 'DA' BAR BSHAD PA DANG 'GAL ZHING, RNAM MKHYEN THOB PAR BYED PA LA LAM GSUM GA RDZOGS PAR SGOM DGOS PAR BSHAD PA DANG 'GAL LA, SKABS DANG PO GSUM DU MKHYEN GSUM GYI RNAM PA SO SOR BSHAD PA MTHAR GYIS PA'I SBYOR BAS RIM GYIS BSGOM PAR BSHAD PA YANG BZHAG TU MED PAR 'GYUR RO, ,'ON TE ZHI SHES KYI RNAM PA NYER BDUN SBYOR BA'I 'DZIN STANGS KYI RNAM PAR BYAS NAS BSGOM NA NI, DE'I SGOM TSUL RNAM RDZOGS SBYOR BA'I SKABS 'DI NYID DU DNGOS SU BSTAN RIGS KYI, SKABS GZHAN DU MA BSTAN PAS, RNAM RDZOGS SBYOR BA LA BLO RTZE GTANG RGYU CUNG ZAD KYANG MED PAR 'GYUR RO, ,DE KHYED LTAR NA BYANG CHUB SEMS DPAS ZHI SHES

, ,GZHAN LUGS SU GZUGS BRNYAN GYI TSUL DU BSKYED PA YANG BZHAG TU MED PAR 'GYUR RO, ,BYAMS PA DANG SNYING RJE BSGOM PA YANG SBYOR BA'I NGO BO BSKYED PAR SGRO 'DOGS GCAD PAR BYA BA'I GZHIR BYAS NAS BSGOM PA LA DE DAG SGOM PA'I DON DU KHAS LEN DGOS PA SOGS NYES PA DU MA'I 'BYUNG KHUNGS SU RTOGS PAS, ZHI SHES KYIS RANG SANGS RGYAS KYI MNGON RTOGS BSDUS PAR BZHED PA'I SDUD BYED ZHI SHES KYANG, KHYED LTAR NA BSGOM BYA YUL GYI RNAM PA YIN NO, ZHES KHAS BLANGS NA MDZES KYI, MNGON PAR RTOGS PA'I LAM GYI RIM PA LA 'KHRUL PA DANG BRAL BA'I SLOB DPON BDAG NYID CHEN PO LA DGAG PA BYED PAR MI RIGS SO, ,'DI LA BRJOD PAR BYA BA MANG STE MA SPROS SO, ,GNYIS PA NI, MTHAR GYIS PA'I MTSAMS SBYAR DU, SO SO BA DANG BSDUS PA NYID DU RTOGS PA'I DON RNAMS ZHES PA DANG, DON BSDUS DRUG GI SKABS SU SO SO BA DANG MTHA' DAG TU RNAM PAR SGOM PA'I ZHES PA DANG, NYI KHRI SNANG BA DANG, 'GREL CHEN DU MKHYEN PA GSUM DANG, RNAM RDZOGS SBYOR BA'I GZHUNG GI BRJOD BYA'I KHYAD PAR 'BYED PA'I SKABS SU, THAMS CAD MKHYEN PA NYID GSUM NI RNAM PA SO SOR NGES PA'I YUL CAN YIN LA, RNAM PA KUN MNGON PAR RDZOGS PAR RTOGS PA NI, RNAM PA MA LUS PA'I YUL CAN YIN NO, ZHES BSHAD PA DANG, 'DIR MTSAMS SBYAR DU RNAM PA THAMS CAD DANG, LAM DANG, ZHI SHES PA BSDU BA'I SGO NAS MKHYEN GSUM BSGOM PAR BSHAD PA RNAMS DON GCIG PAS BSDUS SGOM GYI DON NI, MKHYEN PA GSUM GYI RNAM PA THAMS CAD DMIGS PAR BYAS NAS DE BDEN PA'I SKYE MED DU BSDUS NAS BSGOM PA NI SNYING PO'I DON SGOM PA'I MNYAM GZHAG GI GTZO BO 'BA' ZHIG TU ZAD PAS DE

TZAM GYIS BSDUS SGOM GYI DON RDZOGS PA MIN TE, DE NI MKHYEN PA GSUM GYI RNAM PA BRGYA DANG BDUN CU RTZA GSUM PO THEG PA CHEN PO'I RIGS CAN GYI GANG ZAG DE'I NYAMS SU BLANG BYAR MA TSANG BA MED PAR BSDUS NAS SBYOR BA'I 'DZIN STANGS KYI RNAM PA SHAR NAS SGOM PA'I TSUL LO, , DE LTAR NYAMS SU BLANGS PAS SKABS DANG PO GSUM DU MKHYEN GSUM RNAM PA SO SOR BSHAD PA YANG BRJOD BYA MI 'DRA BA TZAM MA GTOGS DON NI DE DAG KYANG BSGOM PAR 'GYUR BA YIN NO, ,RNAM PA MA LUS PA BSDUS NAS SGOM PA'I DGOS PA NI GOMS PA DBANG BSGYUR BYA BA'I CHED DU YIN NO, ,RNAM PA PHYOGS RE TZAM LAS MA SGOM NA THEG PA CHEN PO'I CHOGS LAM YANG RDZOGS PAR BSKYED PAR MI NUS NA SBYOR LAM RDZOGS PAR LTA CI SMOS PA'I PHYIR RO, ,MKHYEN GSUM SGOM TSUL LEGS PAR SHES NAS NI MNGON PAR RTOGS PA GONG MA SKYE TSUL, MI MTHUN PHYOGS 'JOMS PA'I TSUL BSTAN PA TZAM GYIS KYANG RTOGS NUS PAS BZOD PA'I RTZE SBYOR GYI SKABS MA GTOGS THAR PA CHA MTHUN NAS BZUNG STE, MKHYEN GSUM GYIS SNYAD YANG DANG YANG DU MA SMOS SO, ,SKABS 'DIR SNGA MA KHA CIG GIS, DON RNAM DANG SHES RNAM GNYIS BSGOM BYA GANG YIN MI MTHUN PAR BRTZAD PA LA NI SNYING PO CUNG ZAD KYANG MED DE, PHUNG PO MI RTAG PAR SGOM 'DOD PA NGES KYANG DER GTOGS KYI BLO GOMS PA GONG NAS GONG DU KHYAD PAR DU BYED DGOS LA, CIG SHOS DES KYANG PHUNG PO MI RTAG PAR BSGOM PAR KHAS LEN DGOS TE, GZHAN DU NA GNAS LUGS KYI DON BSGOM PA YANG KHAS LEN MI NUS PAR MI 'GYUR RO, ,MNGON PAR RTOGS PA'I RIGS KYI DBYE BAS ZHEN YUL LA GSAL SNANG GTZO BOR 'DON DGOS PA YANG YOD LA, DE MI DGOS PAR BLO'I 'DZIN STANGS KYI 'GYUR BA SHUGS DRAG BSKYED DGOS PA

, ,YANG YOD PA'I PHYIR RO, ,DON DE DAG MA RTOGS SHING GZHUNG LUGS CHE BA LA RGYAB KYI PHYOGS PA DAG KU SU LU'I 'JOG SGOM DANG, MKHAS PA PAndI TA'I DPYAD SGOM ZHES GANG ZAG GI SGO NAS RIGS SO SOR 'BYED PA NI LOG PAR RTOG PA 'BA' ZHIG YIN TE, DGE BA'I BSHES GNYEN GYI YON TAN SEMS PA DANG, DAL 'BYOR RNYED DKA' DON CHE DANG, 'CHI BA MI RTAG PA DANG, LAS 'BRAS SEMS PA DANG, 'KHOR BA SPYI BYE BRAG GI NYES DMIGS SEMS PA DANG, BYAMS SNYING RJE BSGOM PA SOGS PHAL CHER SO SOR RTOG PA'I SHES RAB KYIS DPYAD NAS BLO'I 'GYUR BA SHUGS DRAG PAR BSKYED PAR BYA BA YIN GYI, RANG NYID MYUR DU 'CHI BA DANG, SEMS CAN DU: KHA DANG BRAL BA SOGS LA GSAL SNANG BSKYED PA LA DGOS PA CUNG ZAD KYANG MED PA'I PHYIR RO, ,TSUL 'DI NI LEGS PAR KHONG DU MA CHUD PA'I RTAGS SU GZHUNG LUGS LA SBYANGS PA RNAMS KYANG SGRUB PA BYED 'DOD SKYES PA'I TSE, MDO RGYUD DGONGS 'GREL DANG BCAS PA RNAMS MCHIL MA'I THAL BA BZHIN DU DOR BAR MTHONG BA'I PHYIR RO, ,DON 'DI LA GZHAN GYIS BKRI BAR MI NUS PA'I NGES PA BSKYED PAR BYA'O, ,MED PA'I RNAM PA NAS BZUNG STE, ZHES SOGS KYIS BSTAN PA'I BDEN PA DANG PO GSUM GYI RNAM PA BCU GNYIS, LAM BDEN LA NYON SGRIB KYI GNYEN PO BZHI DANG, SHES SGRIB KYIS BSDUS PA GZUNG 'DZIN RDZAS THA DAD DU ZHEN PA'I GNYEN POR GZUNG 'DZIN RDZAS THA DAD KYI NGO BO NYID MED PAR RTOGS PA DANG, DE MED PA'I PHYIR, MA SKYES MA 'GAGS, GZOD MA NAS ZHI RANG BZHIN GYIS MYA NGAN LAS 'DAS PAR RTOGS PA SPYI'I GNYEN PO LNGA DANG PHYI ROL GYI DON DMIGS RTEN DU BYAS PA LA BRTEN NAS CHAGS SOGS KYI

KUN NAS NYON MONGS PA MED PAR RTOGS PA SOGS SO SO'I GNYEN PO DRUG STE, ZHI SHES KYI RNAM PA NYER BDUN YANG SNGAR BSHAD PA LTAR ZHI GNAS LA BRTEN NAS SO SOR RTOGS PA'I SHES RAB KYIS DPYAD CING BSGOM PAR BYA'O, ,'DI LTAR BSHAD PA NI SLOB DPON THA SNYAD DU YANG PHYI ROL GYI DON ZHAL GYIS MI BZHES PA DE DANG MTHUN PAR BSHAD PA YIN GYI, SLOB DPON ZLA BA GRAGS PA DANG, SLOB DPON LEGS LDAN 'BYED DANG, SLOB DPON YE SHES SNYING PO SOGS PHYI ROL GYI DON ZHAL GYIS BZHES PA RNAMS KYI LUGS LTAR 'CHAD NA NI, PHYI ROL GYI DON MED PAR KHONG DU CHUD PA LA BSHAD PAR MI BYA STE, DE LTA NA ZHEN YUL LA 'KHRUL BA'I LOG SHES SU 'GYUR BA'I PHYIR RO, ,NYAN THOS DANG RANG RGYAL LA BDAG MED GNYIS PHRA BA RTOGS PA YOD PAR 'DOD PA LTAR NA NI, GZUNG BYA DON GZHAN BDAG MED DU DE DAG GIS RTOGS PA LTAR BYANG CHUB SEMS DPAS KYANG BSGOM PA LA BSHAD PAR BYA LA, BDAG MED PHRA MO RTOGS PA MED PAR 'DOD PA LTAR NA NI, RANG SANGS RGYAS KYIS SKYE BA DANG RGA SHI MA RIG PA'I 'KHRUL SNANG DU KHONG DU CHUD PA DANG MTHUN PAR BYANG CHUB SEMS DPA' LA YANG YOD PAR BSHAD PAR BYA STE, 'DIR BSHAD PA'I ZHI SHES KYI RNAM PA RNAMS KYANG NGES PAR BYANG CHUB SEMS DPAS BSGOM PAR BYA BA YIN PA'I PHYIR RO, ,'DIR BSTAN PA'I MNGON PAR RTOGS PA 'DI DAG BYANG CHUB SEMS DPAS SHES MTHONG GIS BLTAS NAS 'DA' BAR BYED PA YIN PAS, MTHONG LAM BSKYED PA'I RJES SU GOMS PA LHUR LEN MI BYED KYANG GZUNG RTOG GI GNYEN PO'I SGOM LAM BSHAD PA NI, MTHONG LAM GYI RIGS 'DRA SA GNYIS PA THOB NAS KYANG MA NYAMS PAR YOD PA'O, ,'DI DAG RANG RGYAL 'BA' ZHIG LA SBYOR BA NI, LAM SHES LA SOGS PA'I MNGON PAR

, ,RTOGS PA'I RIM PA NYAMS SU LEN PA'I TSUL GYI RNAM GZHAG MA CHAGS PA'O, ,NYAN RANG GNYIS LA BDAG MED GNYIS PHRA MO RTOGS PA YOD PAR BZHED PA'I LUGS LTAR NA, SHES MTHONG GIS BLTAS NAS 'DA' BAR BYA BA'I MNGON RTOGS NI, DBU MA BZHI BRGYA PA DANG, RIG PA DRUG CU PA'I 'GREL PAR, MI RTAG SOGS RNAM PA BCU DRUG BSGOM PA RGYUD SMIN BYED KYI LAM DU BSHAD PA LTAR 'DOD PAR BYA'O, ,SNGAR BSHAD PA BZHIN, RGYU DANG LAM DANG DU: KHA DANG, ZHES PA'I SKABS NAS BSTAN PA'I LAM SHES KYI RNAM PA RNAMS KYANG PHAL CHER ZHI LHAG ZUNG 'BREL GYI SBYOR BAS BSGOM PAR BYA ZHING GLO BUR DRI BRAL GYI 'GOG BDEN NI LAM SGOM PA'I PHAN YON LAS DANG PO PAS SMON LAM GYI YUL DU BYA BA YIN GYI, MI RTAG PA DANG BDAG MED SOGS BSGOM PA LTAR BYA MI DGOS SO, ,DRAN PA NYER GZHAG NAS BZUNGS TE, ZHES SOGS KYIS BSTAN PA LTAR BYANG PHYOGS SO BDUN DANG, RNAM THAR SGO GSUM SOGS KYIS RTOGS PA'I RIGS RNAMS DA LTA NYID NAS KYANG DMIGS RNAM PHYIN CI LOG PAR RTOGS NAS BSGOM PAR BYA ZHING, SA MTHON PO'I SKABS SU SKYES PA'I LAM GYI NGO BO RNAMS NI NAM ZHIG THOB NA SNYAM DU SMON PAS YUL DU BYAS SHING DE'I RGYUR TSOGS GSOG PA DANG SGRIB PA SBYONG BA LA 'BAD PAR BYA'O, ,'PHAGS PA'I BDEN PA BZHI MNGON SUM DU RTOGS PA LA 'JUG PAR BYA BA'I CHED DU DRAN PA NYER GZHAG BSGOM PAR BYA STE, LUS MI GTZANG BA LA GTZANG BAR 'DZIN PA'I GNYEN POR LUS DRAN PA NYER GZHAG BSGOM PAR BYA STE, DE YANG RANG GI LUS 'DI MI GTZANG BA'I LUS SUM CU RTZA DRUG GI RANG BZHIN, NYEN MONGS SKYE BA DANG GNAS PA DANG, 'PHEL BA'I GNAS NGAN LEN GYI

DU: KHA YI RJES SU 'BREL BA MI GTZANG BA'I RANG BZHIN DU YID LA BYAS NAS DU: KHA LA BRAL 'DOD KYI BLO BSKYED PAR BYA'O, ,DE NAS TSOR BA BDE SDUG BTANG SNYOMS GSUM 'DU BYED DU: KHA'I RANG BZHIN GYIS BDE BAR GZUNG NAS, TSOR BA BDE BA LA MI 'BRAL BAR SRED, TSOR BA DU: KHA LA 'BRAL BAR SRED, TSOR BA BTANG SNYOMS LA THOB BYAR BZUNG NAS PHYIN CI LOG TU SRED CING, SRED PAS LAS BSAGS NAS 'KHOR BAR 'KHOR ZHING SDUG BSNGAL SNA TSOGS BSKYED PAS, ZOG BCAS KYI TSOR BA SDUG BSNGAL GYI RANG BZHIN 'BA' ZHIG TU BSAMS NAS KUN 'BYUNG LA SPONG 'DOD BSKYED PAR BYA'O, ,SEMS RTAG PAR 'DZIN PA'I GNYEN POR SEMS SKAD CIG RE RE ZHING SKYE 'GAG BYED BAS SEMS MI RTAG PAR KHONG DU CHUD PAR BYA ZHING, BDAG MED LA BDAG TU 'DZIN PA'I GNYEN POR, PHUNG PO CHOS TZAM LA GANG ZAG TU BTAGS PA DE NYID CHAGS SOGS KYI KUN NAS NYON MONGS PA DANG, DAD SOGS KYI RNAM PAR BYANG BAR SHES PAR BYAS LA 'GOG PA SNGON DU BYA RGYU DANG, LAM BSTEN BYAR YID LA BYA'O, ,DES NA CHAGS SOGS MI SKYE BA SNGAR SKYES PA RNAMS RIGS 'DRA MI 'BYUNG BA'I TSUL GYIS SPONG ZHING, SNGA MA SKYES PA MI SKYED PA DANG, DGE BA'I CHOS SNGAR SKYES PA RNAMS MI NYAMS SHING 'PHEL BA DANG, MA SKYES PA RNAMS BSKYED PA'I CHED DU 'DUN PA BSKYED PA DANG, 'BAD PA DANG, BRTZON 'GRUS BRTZAM PAR BYA'O, ,DE LTAR BRTZON 'GRUS BRTZAMS PAS SEMS LAS RUNG GI TING NGE 'DZIN RNYED PAR 'GYUR PAS, NYES PA LNGA'I GNYEN POR SPONG BA'I 'DU BYED BRGYAD BSTEN NAS TING NGE 'DZIN SGRUB PAR BYA'O, ,DE YANG DAD PA SNGON DU 'GRO BA'I 'DUN PA DRAG POS SEMS RTZE GCIG PA RNYED PA DANG, YANG DAG PAR SPONG BA'I BRTZON 'GRUS

, ,RTZOM PA DANG, ZHI GNAS DANG, RAB TU 'DZIN PA DANG, BTANG SNYOMS KYI RGYU MTSAN YID LA BYED PA DANG, BDAG GI RGYUD LA MI DGE BA PHRA BA DANG, RAGS PA JI LTAR RGYU SNYAM DU YID LA BYAS PAS SEMS RTZE GCIG PA'I TING NGE 'DZIN LAM GYI RIM PA LAS JI LTAR BSTAN PA LTAR BTZAL BAR BYA'O, ,DES NA 'PHAGS PA'I BDEN PA BZHI LA SHES PAR BYA BA DANG, SPONG BAR BYA BA DANG, MNGON DU BYA BA DANG, BSTEN PAR BYA BAR YID CHES PA'I DAD PA BSGOM PA DANG, 'DOR LEN BYA BA'I CHED DU BRTZON 'GRUS RTZOM PA DANG, DE DAG GI DMIGS RNAM MI BRJED PA'I DRAN PA YID LA BYED PA DANG, SEMS RTZE GCIG PA'I TING NGE 'DZIN DANG, DE DAG 'BYED PA'I SHES RAB GOMS PAR BYED PAS BDEN PA MNGON PAR RTOGS PA LA DBANG BYED PA PO DBANG PO DANG, DE GONG DU 'PHEL BA'I STOBS RNAMS 'BYUNG STE, DBANG PO DANG STOBS KYI KHYAD PAR NI DAD PA SOGS MNGON DU GYUR PA'I TSE NA, DANG PO'I SKABS SUM DAD PA SOGS MI 'BYUNG YANG, RJES KYI GNAS SKABS SU MANG DU 'BYUNG LA, STOBS THOB NAS NI RJES KYI GNAS SKABS SU YANG CUNG ZAD TZAM LAS MI 'BYUNG BA YIN NO, ,ZHI GNAS DANG LHAG MTHONG GIS BSDUS PA'I BYANG CHUB KYI YAN LAG BDUN BSGOM PAR BYA STE, CHOS RAB TU RNAM 'BYED DANG, BRTZON 'GRUS DANG DGA' BA GSUM LHAG MTHONG GI PHYOGS DANG, SHIN TU SBYANGS PA DANG, TING NGE 'DZIN DANG, BTANG SNYOMS RNAMS ZHI GNAS KYI PHYOGS DANG, DRAN PA NI GNYIS KA'I PHYOGS SO, ,DE LA SKABS 'DIR BYANG CHUB NI BDAG MED MNGON SUM DU RTOGS PA'I YE SHES LA BYA LA, DE YANG BLA NA MED PA'I BYANG CHUB KYI GNAS LUGS DON DAM PA'I BDEN PA MNGON SUM GYIS GSAR DU RTOGS PA THEG PA CHEN PO'I MTHONG LAM THOB PA NAS

BZUNG LA, DE THOB PAR BYED PA LA LAS DANG PO PAS KYANG YAN LAG BDUN BSGOM PAR BYA STE, DE LA STONG PA NYID RTOGS PA'I CHOS RAB TU RNAM 'BYED KYI SHES RAB RANG BZHIN GYI YAN LAG YIN LA, 'KHOR DANG BCAS PA 'PHAGS PA'I BDEN PA BZHI SHES PA'I SHES RAB BO, , DE YANG JI LTAR BSHAD PA LTAR BSGOM PAR BYA'O, ,DE DAG GI DMIGS RNAM MA BRJED PA'I DRAN PA NI BDAG PO'I RKYEN DU GYUR PA GNAS KYI YAN LAG GO ,DON DE DAG KHONG DU CHUD NAS GONG NAS GONG DU 'PHEL BA'I CHED DU 'BAD PA'I BRTZON 'GRUS NI NGES PAR 'BYUNG BA'I YAN LAG DANG, DGA' BA NI LUS SEMS LA PHAN 'DOGS PAS PHAN YON GYI YAN LAG GO ,GSUM PA NI, KUN NAS NYON MONGS PA MED PAR BYED PA'I YAN LAG STE, LUS SEMS LAS SU MI RUNG BA'I GNYEN PO, LUS SEMS SHIN TU SBYANGS PA'I BDE BA NI, BYING RGOD LA SOGS PA'I KUN NAS NYON MONGS PA MED PA'I GZHI DANG, NYON MONGS PA MED PA'I GNAS KYI TING NGE 'DZIN TE, SEMS MNYAM PAR BZHAG PA LAS JI LTA BA DANG JI SNYED PA RTOGS PA'I LHAG MTHONG 'BYUNG BAS SO, ,BYING RGOD KYI GNYEN PO SOGS RTZOL BAS BSTEN MI DGOS PAR RTZOL MED DU 'JOG PA'I BTANG SNYOMS NI NYON MONGS PA MED PA'I RANG BZHIN TE, 'DI DAG KYANG ZHI GNAS DANG LHAG MTHONG SGRUB PA'I TSUL LA MKHAS PAR BYAS NAS DE'I NANG DU MA 'DUS PA CUNG ZAD KYANG MED DO, ,BYANG CHUB KYI YAN LAG BDUN MTHONG LAM THOB NAS 'BYUNG YANG, DE'I DMIGS RNAM JI LTA BA BZHIN DU SHES PAR BYAS NAS DA LTA NYID NAS BSGOM PAR BYA STE, LAM MTHON PO'I SKABS YIN PAS SNYAM NAS YID LA MA BYAS NA THEG PA CHEN PO'I TSOGS LAM RDZOGS PAR SKYE MI SRID PAS SO, ,'PHAGS PA'I LAM YAN LAG BRGYAD KYIS BSDUS PA'I MNGON PAR

, ,RTOGS PA'I RIGS RNAMS KYANG BSGOM PAR BYA LA, DE DAG KYANG BSLAB PA GSUM DU 'DUS TE, YANG DAG PA'I NGAG DANG, LAS KYI MTHA' DANG, 'TSO BA RNAMS TSUL KHRIMS KYI BSLAB PA DANG, YANG DAG PA'I DRAN PA DANG, TING NGE 'DZIN SEMS KYI BSLAB PA DANG, YANG DAG PA'I LTA BA DANG, RTOG PA DANG, RTZOL BA RNAMS SHES RAB KYI BSLAB PA'O, ,YANG DAG PA'I LTA BA ZAG PA MED PA'I SHES RAB YIN KYANG, LAS DANG PO PAS DE SKYE BA DANG RJES SU MTHUN PA'I BDAG MED PA RNAM PA GNYIS RTOGS PA'I SHES RAB BTZAL BAR BYA'O, ,DE NI YAN LAG BRGYAD KYI NANG NAS YONGS SU GCOD PAR BYED PA'I YAN LAG DANG, BDAG MED RTOGS PA'I RTOGS PAS KUN NAS BSLANG NAS TSIG GIS GZHAN LA GO BAR BYED PAS GO BAR BYED PA'I YAN LAG DANG, GZHAN YID CHES PAR BYED PA'I YAN LAG DANG, GSUM STE STONG NYID KYI DON GZHAN LA STON PA DANG, 'PHEL BA'I GTAM RNAM PAR NGES PAS NGAG GIS SHES RAB RNAM DAG TU YID CHES PAR BYED PA DANG, NGAL ZHING DUB PA'I MTHA' DANG, ,'DOD PA BSOD NYAMS KYIS MTHA' SPANGS NAS, LUS NGAG GI BYA BA MIN PA LA MI 'JUG PAS LAS KYI MTHAS TSUL KHRIMS RNAM DAG TU YID CHES PAR BYED PA DANG, LOG PA'I 'TSO BA SPANGS NAS CHOS GOS SOGS TSOD ZIN PAR 'TSOL ZHING LONGS SPYOD PAS YANG DAG PA'I 'TSO BAS 'TSO BA RNAM DAG DANG, YO BYAD SDUD PAR YID CHES PAR BYED DO, ,YANG DAG PA'I RTZOL BA DANG, DRAN PA DANG, TING NGE 'DZIN GSUM NI MI MTHUN PHYOGS KYI GNYEN PO'I YAN LAG STE, RTZOL BAS LHAN SKYES KYI SGOM SPANGS SPONG BA DANG, BDEN PAS ZHI GNAS DANG RAB TU 'DZIN PA DANG, BTANG SNYOMS KYIS RGYU

MTSAN YID LA BYED PAS BYING RGOD KYI GNYEN PO DANG, TING NGE 'DZIN LA BRTEN NAS MNGON SHES SOGS YON TAN KHYAD PAR CAN SGRUB PA'I GEGS KYI GNYEN PO BYED PAS SO, ,BYANG CHUB SEMS DPA' LAS DANG PO PAS LAM GYI YAN LAG BRGYAD PO 'DI DAG BYAMS PA DANG, SNYING RJE DANG, BYANG CHUB KYI SEMS KYIS KUN NAS BSLANGS TE, STONG NYID RTOGS PA'I SHES RAB KYIS ZIN PA DANG, RDZOGS PA'I BYANG CHUB TU BSNGO BAS ZIN PA'I SGO NAS NYAMS SU BLANG BAR BYA'O, ,SANGS RGYAS KYI THUGS RGYUD KYI LAM GYI BDEN PA'I RNAM PA NYID LA BRGYA DANG BCUR DBYE BA YIN YANG, SUM CU RTZA BDUN DANG SUM CU RTZA BZHI 'DIR BSTAN PA LA, SANGS RGYAS KYI YIN PAR KHAS LEN PA NI BLO GROS KYI 'JUG PA CUNG ZAD RTZINGS PA YANG YIN NO, ,RNAM PAR THAR PA'I SGO GSUM THUN MONG BA NYAMS SU LEN PA'I TSUL NI MI RTAG SOGS BCU DRUG NYAMS SU LEN PAR 'DUS LA, GZHAN RNAMS NI TSIG DON BSHAD PA LTAR SHES PAR BYA'O, ,GNYIS PA LA GNYIS, SBYOR BA BSGOM PA PO'I RTEN DANG, DANG PO'I SBYOR BA NYAMS SU LEN PA'I TSUL LO, ,DANG PO NI, SANGS RGYAS RNAMS NI LHAG PAR BYAS, ZHES PA'I SKABS NAS BSTAN TE, DE LA SPYIR RNAM PA KUN TU DGE BA GSOG PA'I RTEN DANG, SMIN PA'I RTEN DANG, SMIN PA GROL BAR BYED PA'I RTEN GSUM KA BSTAN LA 'DIR NI SNGA MA STE, RNAM PA BRGYA BDUN CU RTZA GSUM SGOM PA'I SNGA ROL DGE BA'I BSHES GNYEN 'TSOL BA DANG, SHER PHYIN NYAN PA'I DUS NYID NAS DGE BA'I RTZA BA RGYA CHEN PO GSOG PA LA MKHAS PAR BYA BA YIN LA, DE NAS BZUNG STE TSUL BZHIN YID LA BYED PA'I SNOD SOGS 'DIR BSTAN PA LTAR SHES PAR BYA'O, ,SNGA MA KHA CIG GIS, RNAM KUN KHYAD PAR CAN DANG, RNAM KUN TZAM GYI

, ,LAM GYI RIM PA GNYIS SU PHYE NAS SNGA MAS BRGYAD PA YAN CHAD 'BA' ZHIG LA SBYOR BA MI 'THAD PAR BSHAD ZIN LA, GZHUNG 'DI'I MTSAMS SBYAR LTAR NA, 'CHAD PAR 'GYUR BA'I SBYOR BA NYID LA RNAM KUN KHYAD PAR CAN DU GSAL LO, ,GNYIS PA NI, GZUGS LA SOGS PA MI GNAS PHYIR, CES SOGS KYIS STONG PA NYID LA DMIGS PA'I ZHI LHAG ZUNG 'BREL GYI TING NGE 'DZIN DU MA ZAD, STONG NYID LA DMIGS PA'I LHAG MTHONG MTSAN NYID PA MA RNYED KYANG ZHI GNAS LA BRTEN NAS STONG PA NYID KYI DON BSGOM PA NAS BZUNG STE BSTAN PA YIN NO, ,DE YANG BDEN PA GCIG DANG DU BRAL GYI RTAGS LAS GZHI DANG LAM DANG RNAM PA GSUM BDEN STONG DU RTOGS PA'I BSAM PA'I SHES RAB KYIS RGYUN GOMS PAR BYAS PA LAS SGOM BYUNG DU 'GYUR BA YIN NO, ,GZHI GZUGS LA SOGS PA'I DE KHO NA NYID DU GNAS BYAR MA GRUB PAR RTOGS NAS SGOM PA'I SBYOR BA GNAS PA BKAG PA'I SBYOR BA DANG, DE KHO NA NYID DU GNAS BYAR MA GRUB PA DE NYID RTOGS NAS SBYOR BA LA RNAL 'BYOR BKAG PA'I SBYOR BA ZHES BYA'O, ,STONG NYID RTOGS PA'I BLO GZHAN BDEN STONG DU RTOGS PA LA MI BYA STE, SPYOD 'JUG LAS, DPYAD BYA RNAM PAR DPYAD BYAS NA, ,RNAM DPYOD LA NI RTEN YOD MIN, ZHES BSHAD PA LTAR CHOS THAMS CAD BDEN STONG DU RTOGS PA'I BLO DE NYID KYIS RANG NYID BDEN PAR 'DZIN PA'I SGRO 'DOGS CHOD PA'I PHYIR RO, ,BLO DE NYID KYIS GZHI'I CHOS NYID ZAB PA DANG, LAM GYI CHOS NYID GTING DPAG DKA' BA DANG, RNAM PA'I CHOS NYID CHAD MED PA RTOGS PAS ZAB PA DANG, GTING DPAG DKA' BA DANG, TSAD MED PA'I SBYOR BA ZHES BYA'O, ,GNAS SKABS KYIS DBYE NA STONG PA NYID KYI DON LA SKRAG PA MNGON GYUR DU SKYE BA'I GANG

ZAG GI RGYUD KYI SBYOR BA TSEGS CHEN YUN RINGS RTOGS PA'I SBYOR BA LA SOGS PA SBYOR BA BSGOM PA PO'I RTEN GYI GANG ZAG GIS GONG NAS GONG DU KHYAD PAR 'PHAGS PA'I GNAS SKABS GTZO BOR GYUR PAS CHE BA BRGYAD DANG, SBYOR BA'I BSGOM PA RDZOGS PAR BYED PA'I THABS KYI SGO NAS DBYE BA BZHI STE, 'BRAS BU RNAM MKHYEN GYI BAR DON DAM PAR 'PHEL 'GRIB MED PAR RTOGS PA DANG, RGYU DKAR NAG GI CHOS DANG CHOS MIN PA DON DAM PAR MED PAR RTOGS PA DANG, YUL THA SNYAD DU BSAM GYIS MI KHYAB PA DE NYID DON DAM PAR BSAM GYIS MI KHYAB PA YANG MED PAR RTOGS PA DANG, YUL CAN LA DE KHO NAR MA GRUB PAS, DE'I YUL CAN GYI MTSAN GZHI DANG, MTSAN NYID SOGS DE KHO NAR GRUB PA MI RTOGS PA'O, ,'BRAS BU MYUR DU 'GRUB PA'I SGO NAS DBYE NA, RGYUN TU ZHUGS PA NAS CHOS KYI 'KHOR LO BSKOR NUS PA'I BAR GYI YON TAN RNAMS SBYIN PAR BYED PA DANG, SGRIB PA MTHA' DAG ZAD PAR BYED PA'I NUS PA YOD PA'I SGO NAS DBYE BA GNYIS SO, ,'BRAS BU DE GNYIS MYUR DU 'GRUB PAR GDAMS PA DUS KYI SGO NAS BZHAG PA GCIG GO ,GSUM PA NI BDUD KYI MTHU BCOM LA SOGS PA, ZHES PA NAS, SBYOR BA SGOM PA'I PHAN YON PHYI NANG GI 'GAL RKYEN DANG BRAL BA DANG MTHUN RKYEN TSANG BA'I PHAN YON STON PAR 'GYUR RO, ,SHER PHYIN SGOM PA'I GANG ZAG LA BDUD BAR CHAD BYED PAR BRTZON YANG, SANGS RGYAS THAMS CAD KYIS DGONGS SHING MKHYEN PA DANG, SANGS RGYAS KYIS MNGON SUM DU MDZAD PA'I MTHUN RKYEN GNYIS TSANG BAS BDUD KYIS BAR DU GCOD PA'I NUS PA NYAMS NAS BAR CHAD BYED MI NUS PA'O, ,SBYOR BA BSGOM PA LA ZHUGS PA'I 'BRAS BU MTHAR THUG GI BYANG CHUB DANG NYE BA SOGS PHAN YON RNAM PA BCU BZHI'O, ,BZHI PA

, ,NI SBYOR BA BSGOM PA PO'I 'GAL RKYEN BAR CHAD KYI KHYAD PAR ZHE DRUG NI, SKYON NI BCU TSAN BZHI PAR BYAS PA, ZHES PAS BSTAN TE, 'CHAD PA PO DANG, NYAN PA PO BLO MTHUN PAS PHAL CHER SBYOR BA BSGOM PA LA 'JUG PA'I GEGS SU 'GYUR BA NYI SHU RTZA GSUM DANG, SBYOR BA BSGOM PA LA ZHUGS PA MTHAR PHYIN PA'I GEGS TSEGS CHEN POS 'THOB PA SOGS NYI SHU DANG, LAM LOG PAR 'KHRID PAS GEGS SU GYUR PA BDUD KYIS 'BYED PA'I SBYOR BA DANG, SHER PHYIN BCOS MA LA SHER PHYIN DU SGRUB PA'I SBYOR BA DANG, YUL JI LTA BA BZHIN MIN PA LA DGA' BA BSKYED PA STE THA MA GSUM YANG SBYOR BA BSGOM PA LA ZHUGS PA MTHAR PHYIN PA'I GEGS SO, ,'CHAD PA PO DANG NYAN PA PO BLO MA MTHUN PA'I SKYON 'DI DAG SPANG BYAR BSTAN PA NA, DE DAG SPANGS PAS DGE BA'I BSHES GNYEN BSTEN TSUL KHYAD PAR CAN GO NUS PAS MNGON PAR RTOGS PA DKYUS MA'I RIM PA LA BSHES GNYEN BSTEN PA'I TSUL DNGOS SU MA BSTAN YANG DON GYIS GO BAR 'GYUR BA NI, GZHUNG 'DI LA ZHIB TU SBYANGS NAS KHONG DU CHUD PAR 'GYUR RO, ,GNYIS LA BSGOMS PAS MNGON PAR RTOGS PA SKYE BA'I RIM PA BSHAD PA LA GSUM, RGYUD SMIN PA'I LAM NGOS BZUNG BA DANG, LAM KHYAD PAR CAN THOB PA'I GANG ZAG GI DBYE BA DANG, 'BRAS BU SKU GSUM 'GRUB PA'I NUS PA KHYAD PAR CAN GYI DBYE BA BSHAD PA'O, ,DANG PO NI, SNGAR BSHAD PA LTAR BSKAL PA GRANGS MED PA GSUM NAS SANGS RGYA BA'I LAM GYI MGO RTZOM PA'I GANG ZAG DES TSOGS KYI LAM YONGS SU RDZOGS PAR BSGOMS NAS RGYUD SMIN PA'I LAM SKYE BA'I TSUL NI, DRO BA RNAMS KYI DMIGS PA 'DIR, ZHES SOGS KYIS BSTAN TO, ,BTANG SNYOMS BSGOM PA NAS BZUNG

STE, SEMS CAN THAMS CAD MAR BSGOM PA SOGS THEG PA CHEN PO'I LAM GYI THOG MA NAS BZUNG STE, GOMS PA MTHAR THUG PA'I BAR DU SGOM DGOS PAR SHES PA'I CHED DANG, SBYOR LAM GSUNG BA'I DUS DE'I TSE 'KHOR DU NYE BA'I GDUL BYA 'GA' ZHIG GI BSAM PA BLTOS NAS GSUNGS PA DE NYID RJE BTZUN KYI SBYOR LAM DANG SBYAR NAS GSUNGS PA YIN NO, ,'DI'I SKABS NAS BSTAN PA'I LAM NYAMS SU LEN TSUL NI SNGAR BSHAD PA DE DAG TU MA 'DUS PA MED DE, SROG GCOD SOGS MI DGE BA BCU SPONG BA LA RANG GNAS PA DANG, 'PHAGS PA'I BDEN PA BZHI SHES PA LA RANG GNAS PA NI, SKYES BU CHUNG NGU DANG 'BRING GI LAM NYAMS SU LEN PA'I RIM PA YIN LA, LAM DE DAG LA GDUL BYA GZHAN 'GOD PA KHYAD PAR CAN DU BYAS NAS BSTAN PA NI SKYES BU CHEN PO'I LAM STON PA YIN NO, ,SKABS DANG POR SBYOR LAM GYI MNYAM GZHAG GTZO BOR BSTAN CING, 'DIR RJES KYI GNAS SKABS GTZO BOR BSTAN PA NI SKABS GONG 'OG KUN BSDOMS PAS SBYOR LAM YONGS SU RDZOGS PA SHES PAR BYA BA'I CHED DU YIN NO, ,'DI'I SKABS KYI SBYOR LAM SA BRGYAD PA LA SBYOR BA SLOB DPON GYI BZHED PAR CHAD PA NI, 'GREL CHEN DU CHOS MCHOG LA CHE 'BRING GI DBYE BA BYAS PA'I RTZOD SPONG MA MTHONG BAR ZAG DO, ,GNYIS PA LA GNYIS, BSTAN PA DANG, BSHAD PA'O, ,DANG PO NI, NGES 'BYED YAN LAG NAS BZUNG STE, ZHES PA NAS BSTAN TE, DE LA RIGS KYI STOBS KYIS PHYIR LDOG PA DANG, RTOGS PA'I STOBS KYIS PHYIR MI LDOG PA GNYIS YOD LA, DANG PO LA, BYANG CHUB SEMS DPA' KHA CIG PHYIR MI LDOG PA'I RTAGS DANG MI LDAN YANG, DGE BA'I BSHES GNYEN GYIS YONGS SU BZUNG BA DANG, DGE BA'I RTZA BA RGYA CHEN PO LA MOS PA DANG, SPRO BA

, ,SHAS CHE BA SOGS KYI MTHU LAS SEMS DANG PO BSKYED PA NAS BZUNG STE, THEG PA CHEN PO LAS NYAMS PA MI SRID PA YOD LA, DE YANG DBANG PO RNON PO 'BA' ZHIG GIS NGES PA YANG SHES PAR BYA'O, ,GNYIS PA NI, LAM SGOM PA'I MTHU LAS STONG PA NYID KYI DON LA DNGANG ZHING SKRAG PA SHAS CHER MI 'BYUNG ZHING MI SKYE BA'I CHOS LA BZOD PA THOB PA DANG, THABS DANG SHES RAB YONGS SU RDZOGS PA LA BSTAN PA THOB PA DE'I MTHU LAS, LUS DANG NGAG GI KUN SPYOD RNAMS KYANG BYA BA KHYAD PAR CAN LA 'JUG GI ,NGAN PA LA MI 'JUG PAS LUS NGAG GI THA SNYAD KHYAD PAR CAN LAS NANG GI THABS SHES KYI RTOGS PA KHYAD PAR CAN DANG LDAN PAR DPAG NUS PA PHYIR MI LDOG PA'I RTAGS DANG LDAN PA'O, ,DE YANG DBANG PO RNON POS SBYOR LAM DROD NAS DANG, 'BRING POS MTHONG LAM NAS DANG, JI LTAR DBANG PO RTUL YANG SA BRGYAD PA NAS THOB PA SOGS NI LUNG LA BRTEN NAS DPAG PAR BYA BA YIN GYI SO SO SKYE BO LAM DU MA ZHUGS PA RNAMS KYIS DNGOS PO STOBS ZHUGS KYI RIG PAS RTOGS PAR NUS PA MIN NO, ,LUS NGAG GI THA SNYAD KHYAD PAR CAN DANG LDAN PA DANG, DE LAS NANG GI THABS KHYAD PAR CAN DPOG PA DANG, DE LAS THEG PA GZHAN GYIS MCHOD PAR RDZOGS PA'I BYANG CHUB GDON MI ZA BAR 'BYUNG RUNG DPOG PA SOGS NI, DNGOS PO STOBS ZHUGS KYI RIG PAS KYANG RTOGS NUS SO, ,DE LA DGONGS NAS SLOB DPON GYIS PHYIR MI LDOG PA NYID DU BZUNG BAR BYA'O, ZHES PA'I MDO'I 'GREL PAR BZUNG BAR BYA'O ZHES PA NI, NUS PA'I RGYU YIS 'BRAS SKYE BAR, ,RJES SU DPOG PA GANG YIN PA, ,DON GZHAN LA NI PHYIR MI LDOG ,DE NI RANG BZHIN YIN PAR BRJOD, CES BYA BA'I TSUL GYIS RGYU TSOGS PA LAS 'BRAS BU 'BYUNG BA NYID DU RJES SU DPOG

PAS BZUNG BAR BYA'O, ZHES BYA BA'I DON TO ZHES BSHAD DO, ,SBYOR LAM PA PHYIR MI LDOG GI RTAGS BSHAD PA DANG, MTHONG LAM PA DANG, SGOM LAM PA PHYIR MI LDOG GI RTAGS BSHAD PA'O, ,DANG PO NI, GZUGS LA SOGS PA LDOG SOGS BTAGS, ZHES SOGS MDOR BSTAN RGYAS BSHAD KYIS BSHAD PA RNAMS TE, KHA CIG GZUGS SOGS LA BDEN ZHEN MNGON GYUR PA LDOG PA DGOS PAR 'DOD PA NI MI 'THAD DE, BDEN TSIG MNGON GYUR PA SA BDUN PA'I BAR GYI RJES KYI GNAS SKABS SU 'JUG PA'I PHYIR RO, ,DES NA SNGAR BSHAD PA LTAR STONG PA NYID LA MNYAM PAR BZHAG PA'I TSE, SKRAG PA PHAL CHER MI 'BYUNG BA'I DON YIN NO, ,GNYIS PA NI, MTHONG BA'I LAM LA BZOD PA DANG, ZHES SOGS MDOR BSTAN RGYAS BSHAD KYIS BSTAN TE, RTAGS 'DI DAG KYANG NANG GI MNYAM GZHAG GI STOBS KYIS 'BYUNG BAR SHES PA'I CHED DU, MNYAM GZHAG SHES BZOD RNAMS LA RTAGS KYI MING GIS BTAGS NAS BSTAN PA YIN LA, SLOB DPON 'PHAGS PAS DU: KHA RJES SU SHES PA'I BZOD PA SKAD CIG MA LA NI, RJES SU SHES PA DANG 'BREL BAS NYAN THOS LA SOGS PA'I SAR LTUNG BA SRID DE, DE KHAMS GSUM PA'I GNYEN POR 'BYUNG BA NYID KYI PHYIR RO, ZHES GSUNGS PA'I DON NI, DU: KHA'I CHOS NYID MNGON SUM DU GZIGS PA'I BLO DES DU: KHA'I NYES DMIGS MNGON SUM DU GZIGS PA MIN YANG, DE'I LAG RJES KYIS RJES KYI GNAS SKABS NA MTHO RIS LA YANG, DMYAL BA DANG MTSUNGS PAR DU: KHA'I NYES DMIGS MNGON SUM DU GZIGS NAS 'KHOR BAS 'JIG SKRAG STE, LAS NYON GYI DBANG GIS 'KHOR BAR SKYE BA RGYUN CHAD PAR MA ZAD, 'KHOR BAR SKYE BA TZAM MI 'DOD PA'I BLO LHAN SKYES CUNG ZAD 'BYUNG BA LA

, ,DGONGS PA YIN NO, ,SNYING RJE DANG SMON LAM SHUGS DRAG PA DE'I MTHU LAS BLO DE RGYUN THUNG, 'KHOR BAR SKYE BA TZAM CHAD PA LAS THOB PA'I THAR PA LA DON GNYER CUNG ZAD TZAM CHAD PA MI 'BYUNG NGO, ,'DI NGAG KYANG LAS DANG PO PAS MTSAN NYID SHES PAR BYAS NAS SMON LAM GYIS BSGOM PAR BYA BA YIN NO, ,GSUM PA NI, SGOM PA'I LAM NI ZAB PA STE, ZHES SOGS SHO LO KA BZHIS, SGOM PA'I LAM GYI KHYAD PAR DANG, NGO BO DANG, DBYE BA DANG, GRANGS NYUNG BA'I RTZOD SPANG RNAMS BSTAN TO, ,DE LA SGRO SKUR MTHA' DAG DANG BRAL BA'I STONG PA NYID BSGOM PA MNYAM GZHAG GI MNGON SUM GYI GZHAL BYAR BSTAN PA NA, SGOM LAM DE NYID ZAB MO RTOGS PAR 'PHANGS SHING, YUL ZAB PA DANG LDAN NA DE MNGON SUM DU RTOGS PA'I YUL CAN YANG CHES ZAB STE, YUL ZAB MO KHONG DU MA CHUD PAR YUL CAN ZAB MO RTOGS PAR KHONG DU CHUD MI NUS PAS, SGOM PA'I LAM NYID ZAB PAS KHYAD PAR DU BYAS PA YIN NO, ,SA DANG PO'I SKAD CIG GNYIS PA NAS SLOB DPON GYIS SGOM LAM DU MDZAD PA NI SGOM LAM CHUNG NGU'I CHUNG NGUR SDUD PAS GRANGS MA NGES PA'I SKYON MED DO, ,SLOB DPON GYI BZHED PA LTAR NGES PAR KHAS BLANGS DGOS TE, MTHONG LAM YUN SHIN TU THUNG LA, SA DANG PO BSKAL PA DU MA'I YUN GYIS RDZOGS DGOS TE, BSKAL PA GRANGS MED SUM CU RTZA GSUM 'DOD PA LTAR NA NI, GRANGS MED GSUM GYIS RDZOGS DGOS LA, GRANGS MED GSUM GYIS CHOG PAR 'DOD PA LTAR NA YANG, SA DANG PO LA BSKAL PA DU MAS RDZOGS DGOS PA'I PHYIR RO, ,DNGOS PO BRJOD DU MED PA LA, ZHES SOGS SHO LO KA GSUM GYIS 'BRAS BU BSKYED PA'I BYA BA BYED PA DANG, BDEN STONG 'GAL

BAR 'DZIN PA DAG GIS SGOM LAM DON DAM PAR BRJOD BRAL YIN NA SPANG BYA 'JOMS PA YANG MI 'THAD PA'I DON DAM SGO CAN GYI KLAN KA DANG, DE YANG SPONG BA'I LAM DANG, TSOGS PA DANG RGYUN LEGS PAR 'JOG MI SHES PA DAG GIS THEG CHEN SEMS BSKYED KYIS KUN RDZOB TU YANG BLA NA MED PA'I BYANG CHUB SGRUB PA'I DON BYED PAR MI RUNG BA LA RUNG BA'I RTZOD PA DANG, DE SPONG BA'I LAN BSTAN PA NI, SGOM LAM GYI MTSAN NYID DANG, DBYE BA DANG, BYED LAS LA MKHAS PAR BYA ZHING, DE YANG BDEN PA GNYIS KYI RNAM DBYE LA MKHAS PAR BYAS PA LA BLTOS PAR SHES PA'I CHED DU YIN NO, ,SKYE BA DANG NI 'GAG PA DANG, ZHES SOGS KYIS RTAGS KYI NGO BO BSTAN TE, ZAB MO RNAM PA BRGYAD MNYAM GZHAG TU RTOGS PAS DE'I STOBS KYIS THOB PA'I LUS NGAG GI THA SNYAD NANG GI RTOGS PA DPOG PA'I RTAGS SU 'GYUR BA'I SNGAR BSHAD PA LTAR SHES PAR BYA'O, ,GSUM PA NI, SLOB DPON DANG, 'PHAGS PA NYID KYIS SRID ZHI MNYAM NYID KYI SBYOR BA THOB NAS MI SLOB PA'I DGE 'DUN BSHAD PA NI, SA BRGYAD PA THOB NAS RNAM PAR MI RTOG PA'I YE SHES LA DBANG THOB NAS LAM GYI LUS YONGS SU RDZOGS PA MNGON SUM DU RTOGS SHING, LAM GYI RIGS PA TZAM ZHIG TSOGS LAM NAS THOB KYANG 'DIR MNGON GYUR PA'I TSUL GYIS 'JUG CING, BDEN 'DZIN MNGON GYUR ZAD PAR SPANGS PAS DE LTAR BZHAG PA YIN NO, ,YE SHES CHOS SKU'I LAG RJES 'JOG BYED SRID ZHI MNYAM NYID KYI SBYOR BA NI, CHOS RNAMS RMI LAM 'DRA BA'I PHYIR, CES SOGS KYIS BSTAN TE, SA BRGYAD PA NAS SRID ZHI MNYAM NYID KYI SBYOR BA THOB LA, DE THOB NAS SA BDUN PA MAN CHAD DANG RJES KYI 'CHAR TSUL MI 'DRA STE, MA DAG SA BDUN GYI RJES THOB KYI GNAS SKABS SU MNYAM GZHAG

, ,GI STOBS KYIS SHES BYA JI SNYED PA RNAMS, ME LONG NANG GI BYAD BZHIN GYI GZUGS BRNYAN LTAR SHAS CHER SNANG YANG, SO SO SKYE BO RNAMS KYI DBANG PO'I RNAM PAR SHES PA LA SNANG BA LTAR YANG LAN DU MAR SNANG YANG, SA BRGYAD PA THOB NAS NI, GZUGS BRNYAN LTAR SNANG BA MA GTOGS, SO SO SKYE BO'I DBANG SHES LA SNANG BA LTAR CUNG ZAD KYANG MI SNANG NGO, ,LONGS SPYOD RDZOGS PA'I SKU'I LAG RJES 'JOG BYED, ZHING DAG PA'I SBYOR BA NI, SEMS CAN 'JIG RTEN DE BZHIN DU, ZHES SOGS KYIS BSTAN TE, ZHING DAG PA'I PHYIR BYED PA'I RGYU NI RANG GIS BSAGS PA'I DGE BA RGYA CHEN PO RNAMS 'DUN PA DRAG PO'I SMON LAM GYIS BSGYUR BAR BYED PA STE, DE LA SANGS RGYAS GZHAN GYI ZHING DU SKYE BA'I SMON LAM DANG, RANG NYID ZHING 'DZIN PA'I SMON LAM GNYIS LAS 'DIR NI PHYI MA YIN TE, RANG GZHAN DUL BAR 'GYUR BA'I ZHING DER DAM GROG DANG, TSER MA SOGS SNOD KYI SKYON MED PAR SMON LAM 'DEBS SHING YE SHES KYI SNANG BA LAS GRUB PA'I ZHING 'GRUB PAR SMON PA STE, LONGS SKU'I ZHING GI DBANG DU BYAS PA YIN GYI, SPRUL SKU'I ZHING LA NGES PA MED DO, ,ZHING DER SKYES PA'I SEMS CAN RNAMS NGAN 'GRO'I BRGYUD PA DANG, MI DGE BA LA SPYOD PA CUNG ZAD KYANG MED PAR THEG PA CHEN PO'I RIGS CAN 'BA' ZHIG 'BYUNG BAR SMON PA STE, DE YANG ZHING KHYAD PAR CAN 'GRUB PA'I SBYOR BA KHYAD PAR CAN SA BRGYAD PA YAN CHAD NAS THOB KYANG LAS DANG PO PAS KYANG RANG GIS BSAGS PA'I DGE BA RNAMS ZHING DU SKYE BA DANG, ZHING 'DZIN PA'I RGYUR YANG DANG YANG DU BSNGO BAR BYA'O, ,SPRUL SKU DANG DE'I 'PHRIN LAS LHUN GYIS GRUB PA DANG, RGYUN MI 'CHAD PAR MDZAD PA'I LAG RJES 'JOG BYED THABS MKHAS PA'I SBYOR BA NI, YUL

DANG SBYOR BA CAN 'DI NI, ZHES SOGS KYIS BSTAN TE, MDO LAS, DPA' BO PHA ROL PO GNON PA LA MTHU DANG LDAN PAS GNYEN BSHES 'BROG DGON PA 'JIGS PA DANG BCAS PAR YAL BAR MI 'DOR BA'I DPES GSUNGS PA LTAR SEMS CAN LA SNYING RJE CHEN POS BDUD BZHI LA SOGS PA'I 'JIGS PA LAS SGROL BA'I THABS LA MKHAS PA SOGS MNGON MTHO LA 'GOD PA NAS BYANG CHUB GSUM LA 'GOD PA'I DUS DANG DUS MIN PA DANG, THABS SHES NAS MTHU THOGS PA MED PA DANG, SKAD CIG KYANG BRTZON PA MI 'DOR BAR SEMS CAN GYI DON MDZAD PA'I THABS MKHAS SBYOR BA NI SA BCU PA NAS THOB LA, DA LTA NYID NAS SNYING RJES KUN NAS BSLANGS NAS MNGON MTHO DANG, NGES LEGS KYI RGYU LA MKHAS PAR BYA'O, ,GNYIS PA 'BRAS BU RTZE MO'I SBYOR BA LA BZHI, SBYOR LAM RTZE SBYOR DANG, MTHONG LAM DANG, SGOM LAM DANG, BAR CHAD MED PA'I RTZE SBYOR RO, ,DANG PO NI, RMI LAM NA YANG CHOS RNAMS KUN, ZHES SOGS SHO LO KA BZHIS BSTAN TE, SNGAR BSHAD PA LTAR, TSOGS LAM DU RNAM RDZOGS SBYOR BA RDZOGS PAR BSGOM PA LAS GOMS PA RAB GYUR THOB PA STE, STONG NYID RTOGS PA'I SHES RAB SGOM BYUNG DU GYUR NAS SBYOR LAM DROD THOB PA YIN LA, STONG NYID LA DMIGS PA'I SGOM BYUNG GI SHES RAB MYONG BA'I STOBS KYIS GRUB KYANG SBYOR LAM DROD THOB PA DANG, RTZE SBYOR THOB PA'I LDOG PA SOGS NI SAD PA DANG RMI LAM SOGS KYI RTAGS LAS SHES PAR BYA STE, DE YANG SAD PA'I TSE STONG NYID SGOM PA'I STOBS KYIS RMI LAM GYI TSE CHOS THAMS CAD BDEN PAS STONG BZHIN DU SNANG BA RMI LAM LTA BUR DRAN PA STE, DE YANG RMI LAM DU MIR SNANG BA MIR MI BDEN BA SHES PA TZAM NI LTA BA MA LOG PA'I GANG ZAG THA MAL PA RMI LAM ZIN PA LA YANG

, ,'BYUNG LA DE NI RGAN PO BRDA BYANG GIS BYAD BZHIN GYI GZUGS BRNYAN BYAD BZHIN GYIS STONG BAR RTOGS PA DANG 'DRA BAS LTA BA GO BA'I PHYOGS NA YANG MED LA 'DI NI RMI LAM GYI TSE RMI LAM GYI SNANG BA DE NYID DPER BYAS NAS, SAD DUS LA SOGS PA'I CHOS THAMS CAD BDEN STONG DU DRAN PA YIN LA, DE YANG BSGOM PA LAS BYUNG BA'I SHES RAB KYI STOBS KYIS DRAN PA YIN PAS DE'I TSE RTZE SBYOR THOB PA ZHES BYA'O, ,RMI LAM RMI BA'I SNGA ROL SGOM BYUNG DE LTA BU SNGON DU MA SONG NA, RMI LAM GYI TSE STONG PA NYID DRAN PAS KYANG RTZE SBYOR THOB PAR 'JOG MI NUS SO, ,DE BZHIN DU SANGS RGYAS 'KHOR DANG BCAS PA NAM MKHA' LA BZHUGS PA MTHONG BA SOGS KYANG SHES PAR BYA'O, ,STONG GSUM GYI SEMS CAN BYANG CHUB LA BKOD PA'I DGE BA LAS SHES RAB KYI PHA ROL TU PHYIN PA'I RTZE SBYOR DU YID LA BYED CING DE NYID GZHAN LA STON PA BSOD NAMS CHES MANG BA SOGS DANG, SEMS CAN LA DMIGS PA MED PA'I SNYING RJE SOGS DANG, MI SKYE BA'I CHOS LA BZOD PA THOB PA'I STOBS KYIS MKHYEN PA GSUM GYI RNAM PA BRGYA DANG BDUN CU RTZA GSUM LA RTOGS PA BRTAN PO THOB PA DANG, DE BRTAN PA LAS SEMS KUN TU GNAS PA'I TING NGE 'DZIN CHOS NYID LA MNYAM PAR BZHAG PA'I NGANG NAS, MTHONG LAM RTZE SBYOR BSKYED PA'I NUS PA THOB PA'I LAM RNAMS RIM GYIS 'BYUNG BAR SHES PAR BYA'O, ,GNYIS PA MTHONG LAM RTZE SBYOR LA SPANG BYA MI MTHUN PHYOGS NGOS BZUNG BA DANG, DE'I GNYEN PO'I PHYOGS YID LA BYED PA'I TSUL LO, ,DANG PO NI, 'JUG PA DANG NI LDOG PA LA, ZHES SOGS MDOR BSTAN RGYAS BSHAD KYIS BSTAN TE, DE LA GZUNG RTOG DANG 'DZIN RTOG GO ,DANG PO

LA, 'JUG PA GZUNG RTOG DANG, LDOG PA GZUNG RTOG GO ,DANG PO NI, THEG PA CHEN PO'I LAM 'BRAS BU DANG BCAS PA LA NYAN THOS RIGS NGAS PAS RANG GI RGYUD LA MI SKYED CING LDOG BYAR ZHEN YANG, THEG PA CHEN PO'I RIGS CAN KHA CIG GIS 'JUG BYA LONGS SPYAD BYAR BDEN PAR ZHEN PA SA BON DANG BCAS PA 'DIR SPANG BAR BYA'O, ,DE LA SHES RAB KYI PHA ROL TU PHYIN PA'I LAM SPYI DANG KHYAD PAR RO, ,DANG PO NI, LAM SHER PHYIN DON DAM PAR GRUB PAS DBEN PAS DON DAM DU GRUB PAS DBEN PA'I RNAM MKHYEN DON DAM DU MI 'THOB KYANG THA SNYAD DU 'THOB PAS LAM DANG 'BRAS BU'I SHER PHYIN LONGS SPYAD BYAR BDEN PAR ZHEN PA'O, ,LAM GYI KHYAD PAR LA, RIGS DANG, LAM GYI NGO BO DANG, LAM GYI 'BRAS BU'O, ,DANG PO NI, THEG PA CHEN PO'I RIGS DANG, RIGS SAD PA LA LONGS SPYAD BYAR BDEN PAR ZHEN PA STE, PHYI MA RNAMS LA YANG DE LTAR SBYAR RO, ,GNYIS PA LA, LAM DNGOS DANG, LAM GYI DMIGS PA DANG, LAM GYI NUS PA'O, ,DANG PO NI, THEG PA CHEN PO'I MTHONG LAM LA SOGS PA LONGS SPYAD BYA DANG, GNYIS PA NI, MNYAM GZHAG MA 'KHRUL BA'I DMIGS PA STONG PA NYID DANG, GSUM PA NI, MI MTHUN PHYOGS SPONG ZHING, GNYEN PO BSKYED PA'I NUS PA LA DMIGS PA'O, ,LAM GYI 'BRAS BU LA, RANG DON PHUN TSOGS CHOS SKU LA DMIGS PA DANG, GZHAN DON PHUN TSOGS LA NYAN THOS LA SOGS PA'I SA THAG SRID ZHING GZUGS SKUS GZHAN DON BYED PA'I NUS PA LA DMIGS PA DANG, RIGS CAN GSUM BYANG CHUB GSUM LA BKOD PA'I BYA BA LA DMIGS PA DANG, GDUL BYA'I SKAL PA JI LTA BA BZHIN MYANG 'DAS THOB PA LA DMIGS NAS LONGS SPYAD BYAR BDEN PAR MNGON

, ,PAR ZHEN PA NI, 'JUG PA GZUNG RTOG YIN LA, DE'I SA BON KUN BTAGS KYIS BSDUS PA RNAMS MTHONG LAM RTZE SBYOR GYIS SPONG YANG, LAS DANG PO PAS 'JUG PAR BYA BA'I LAM RNAMS KYANG SHES PAR BYA ZHING, DE DAG BDEN STONG DU THOS BSAM GYIS GTAN LA PHAB NAS BSGOM PAR BYA'O, ,GNYIS PA LDOG PA GZUNG RTOG NI, DMIGS PA BZHIR 'DUS TE, THEG PA DMAN PA'I GANG ZAG GIS BSAM PA DMAN PA DANG, BDAG RKYEN YONGS 'DZIN DMAN PA DANG, LAM DMAN PA DANG, 'BRAS BU DMAN PA'O, ,DANG PO NI, SRID BA DOR BYAR MTHA' GCIG TU ZHEN PA DANG, CHAD PA'I MYANG 'DAS THOB BYAR ZHEN PA'O, ,GNYIS PA NI GO BAR ZAD DO, ,GSUM PA LA, DON GNYIS SGRUB PA'I THABS DMAN PA DANG, SPANGS PA DANG, RTOGS PA DMAN PA'O, ,DANG PO NI, GZHAN DON SGRUB PA'I YAN LAG JI LTA BA DANG JI SNYED PA MTHA' DAG SHES PA'I LAM MTSANG BAS GZHAN DON SGRUB PA'I THABS DMAN PA DANG, SRID PA THA MAL BA'I TSE YANG GZHAN GYI GDAMS NGAG LA BLTOS SHING, MI LTOS KYANG RANG DON MA RDZOGS PAS RANG DON SGRUB PA'I THABS DMAN PA DANG, CHEN PO GSUM GYI CHED DU BYA BA BRTZON PAR MI BYED PA'I GNYIS DON SGRUB PA'I THABS DMAN PA DANG, GNYIS PA NI, NYON SGRIB DANG, SHES SGRIB GZUNG RTOG TZAM SPANGS PAS SPANGS PA DMAN PA DANG, CHOS NYID BDEN PAS STONG PA'I RO GCIG TU MA RTOGS PAS RGYUN ZHUGS LA SOGS PA RTOG PA THA DAD CING DMAN PA DANG, MA RIG PA'I BAG CHAGS MA SPANGS PA DGRA BCOM THOB PA'I TSE YANG 'BRAS BU MTHAR THUG PA LA GNAS PA DANG, DER 'GRO BA'I LAM MI SHES PA DANG, BZHI PA 'BRAS BU DMAN PA NI, DMAN LAM SNGON DU MA

SONG BAR NYES PA THAMS CAD ZAD PA'I 'BRAS BU THOB MI NUS PAR DMAN PA'I DGRA BCOM THOB RJES SU RNAM MKHYEN THOB DGOS PAS 'BRAS BU DMAN PA'O, ,DMAN PA'I GANG ZAG GIS DE DAG LA 'JUG BYAR GZUNG NAS BDEN PAR ZHEN PA 'JUG PA GZUNG RTOG YIN KYANG THEG PA CHEN POS DE DAG LA DMIGS NAS LDOG BYAR BDEN PAR 'DZIN PA NI LDOG PA GZUNG RTOG GO ,SPYIR SKYES BU'I LONGS SPYAD BYA DANG, GZUNG BYA'I YUL DU BDEN PAR ZHEN PAS GZUNG RTOG DANG, DE YANG LDOG BYA'I YUL DU BDEN PAR ZHEN PAS LDOG PA GZUNG RTOG CES BYA'O, ,RTOG PA SNGA PHYI GNYIS KYI SA BON BDEN PA BZHI'I CHOS NYID LA DMIGS PA'I CHOS BZOD BAR CHAD MED LAM GYIS SPONG BA YIN KYANG SNGA MA SBYOR BA NYER BSNGOGS DANG, PHYI MA BAR CHAD MED LAM GYIS SPONG BAR BSHAD PA NI SBYOR LAM GYI GNAS SKABS SU DPYOD PA'I RIM PA DANG, RJES KYI NGES PA'I RIM PA BSKYED RIM DANG, BAR CHAD MED LAM DE NYID KYI SKAD CIG SNGA PHYI LA NUS PA CHE CHUNG MI 'DRA BA'I KHYAD PAR BSTAN PA'I CHED DU YIN GYI, THEG CHEN GYI MTHONG LAM THOB MA THAG SBYOR BA'I LAM GYI SA BON SPONG BA DANG, DA RJES BAR CHAD MED LAM GYI SA BON GZHAN SPONG BA RIGS PA DANG 'GAL ZHING, SLOB DPON GYI BZHED PA YE NAS MIN NO, ,GNYIS PA 'DZIN RTOG LA, RDZAS 'DZIN RTOG PA DANG, BTAGS 'DZIN RTOG PA'O, ,DANG PO NI, RTOG PA DANG PO 'DI DAG GI DMIGS PA BLA MA LOTZTSA BA CHEN POS PHAL CHER NYES DMIGS KYI SGO NAS GSUNGS KYANG SLOB DPON GYIS SPEL TE BSHAD PA LTAR BYA'O, ,DON DAM PAR 'DZIN 'DOD PAR MED KYANG KUN RDZOB TU SGYU MA BZHIN DU 'DZIN PA DANG, GTONG BA SHES PA'I GANG ZAG LA DMIGS NAS LONGS SPYOD PA POR BDEN PAR ZHEN PAS

, ,RDZAS 'DZIN RTOG PA'O, ,DE BZHIN DU LHAG MA RNAMS LA YANG SBYAR RO, ,BDEN PAR YID LA MI BYED PAR BDEN MED YID LA BYED PA'I GANG ZAG DANG, BDEN PAR ZHEN PA'I CHOS NYID KYIS KHAMS GSUM CHAR DANG SHES RGYUD 'BREL YANG DER RNAM SMIN MI 'DZIN PA'I GANG ZAG DANG, STONG NYID RTOGS PA'I TSUL GYIS MI GNAS PAS BDEN PAR ZHEN PAS GNAS PA DANG, DNGOS PO LA BDEN PAR MA ZHEN PAS SEMS CAN GYI DON BYED PA LA ZHEN PA'I GANG ZAG DANG, DON DAM PAR RDZAS SU MED PAR RTOGS PAS CHOS THAMS CAD BTAGS PA TZAM DU SHES PA'I GANG ZAG DANG, STONG NYID RTOGS PA'I SNGON DU 'GRO BAS CHOS KUN LA BDEN MED DU CHAGS PA STE RTOGS PA'I GANG ZAG DANG, SPROS BRAL RTOGS PA'I GNYEN PO THOB PA'I GANG ZAG STE, DE DAG PHAL CHER SLOB DPON GYIS LAM SHER PHYIN LA GNAS PA'I GANG ZAG MDO NAS GSUNGS PA LTAR RTOGS PA'I DMIGS PAR MDZAD PA'O, ,LAM SHER PHYIN LEGS PAR MA SHES PAS 'BRAS BU'I SHER PHYIN DU JI LTAR 'DOD PA BZHIN DU 'GRO BA LA THOGS PA'I GANG ZAG LA DMIGS NAS LONGS SPYOD PA POR RDZAS SU BDEN PAR 'DZIN PA NI RDZAS 'DZIN RTOG PA'O, ,THA MA 'BRAS BU LAS NYAMS PA'I GANG ZAG BSHAD PA LTAR DANG PO BRGYAD LAM LAS NYAMS PA'I TSUL YANG SBYAR BA BYA STE, BLANG DOR DU BDEN PAR ZHEN PA'I GANG ZAG DMIGS PAR BYED PA SOGS SO, ,GNYIS PA BTAGS 'DZIN RTOG PA NI, CHEN PO GSUM DU NGES PAR 'BYUNG MI NUS PA LA SKYES BUR BTAGS PA DANG, SHER PHYIN GYI GZUGS BRNYAN LA SHER PHYIN DU BZUNG NAS PHAR PHYIN DRUG LAM MIN PAR 'DZIN PA LA SKYES BUR BTAGS PA DANG, KUN

RDZOB TU SKYE 'GAG BYED PAR 'DZIN PA DANG, GZUGS NAS RNAM MKHYEN GYI CHOS RNAMS GCIG DANG, THA DAD DANG, BAR CHAD YOD MED KYI LDAN PA DANG MI LDAN PA LA SKYES BUR BTAGS PA DANG, GZUGS LA SOGS PA LA DON DAM PAR MI GNAS PA'I TSUL GYIS GNAS PA DANG, BYANG CHUB KYI MCHOG TU SEMS BSKYED PAS DMAN PA'I RIGS 'DOR BA DANG, DON DAM PAR BYANG CHUB KYI SNYING PO DON DU MI GNYER BA DANG, DON DAM PAR DE'I RGYU SHER PHYIN MED PAR SHES PA DANG, SNYING RJE DANG GNAS LUGS RTOGS PA'I NYAM CHUNG BAS BDUD LA SOGS PAS BRDZI NUS PA LA SKYES BUR BTAGS PA LA DMIGS NAS LONGS SPYOD PA POR BDEN PAR 'DZIN PA NI BTAGS 'DZIN RTOG PA'O, ,GANG ZAG DMIGS PAR BYAS NAS BDEN PAR 'DZIN PA GANG ZAG GI BDEN 'DZIN DU 'GYUR BA MA YIN NAM, JI LTAR NA THEG PA CHEN PO'I THUN MONG MIN PA'I SPANG BYA SHES BYA'I SGRIB PAS BSDUS PAR 'GYUR ZHE NA, MGON PO KLU SGRUB KYIS BZHED PA SHING RTA CHEN PO GZHAN GYIS BKRAL BA LTAR NA GANG ZAG DANG PHUNG PO LA DMIGS NAS BDEN PAR 'DZIN PA BDEN 'DZIN GNYIS DANG, DE YANG NYON SGRIB TU BZHED KYANG SLOB DPON NI PHUNG PO'I RGYUN LA GANG ZAG TU 'JOG PAS GANG ZAG BDEN PAR 'DZIN PA NI PHUNG PO BDEN PAR 'DZIN PA YIN LA, DE YANG SHES SGRIB TU BZHED KYI NYON SGRIB TU MI BZHED PA LTAR RNAM GZHAG BYAS PA YIN NO, ,GNYIS PA LA GSUM, MTHONG LAM RTZE SBYOR GYI RGYU DANG, 'BRAS BU DANG, NGO BO NGOS BZUNG BA'O, ,DANG PO NI, BYANG CHUB LA GZHAN STON PA DANG, ZHES SOGS KYIS BSTAN TE, DANG POR GZHUNG SHES RAB KYI PHA ROL TU PHYIN PA'I TSIG DON RDZOGS PAR STON PA

, ,DANG, DE NAS BYANG CHUB CHEN PO THOB PA'I RGYU LAM BZHI BYE BRAG TU BKAR NAS STON PA DANG, DE NAS GDUL BYA RANG NYID KYIS MNYAM GZHAG TU SHER PHYIN BSGOM PA DANG, RJES THOB TU GZHAN LA STON PA SOGS RGYU TSOGS GNYIS LA 'BAD PAR BYA'O,, GNYIS PA LA GSUM, 'BRAS BU NGOS BZUNG BA DANG, DNGOS PO BDEN PAR ZHEN PA MA SPANGS NA BYANG CHUB CHEN PO THOB MI NUS PA DANG, DE THOB PA LA STONG PA NYID RTOGS DGOS PAR BSTAN PA'O, ,DANG PO NI, DRI MA ZAD DANG MI SKYE BA'I, ZHES SOGS TE, SGRIB PA DON DAM PAR MA GRUB PAS DE SNGAR YOD ZAD PA DANG, PHYIS 'BYUNG MI SKYE BA'I ZAD MI SKYE BA'I SHES PA NI ZHEN YUL 'KHRUL PAS BYANG CHUB CHEN PO MI RUNG LA, DON DAM PAR SKYE 'GAG DANG BRAL BAR RTOGS PA'I YE SHES MTHAR THUG PA NI BYANG CHUB CHEN PO YIN NO, , GNYIS PA NI, 'GOG PA MED PA'I RANG BZHIN LA, ZHES SOGS SHO LO KA GNYIS KYIS, SGRIB PA DON DAM PAR MA GRUB PAS BDEN PAR GRUB PA SNGAR YOD LAM GYIS ZAD PA DANG, PHYIS SKYE BA 'PHRO CHAD PA'I 'GOG PA THOB PA MI SRID PAS DRI MA BDEN GRUB TU KHAS LEN PA DANG, BCOM LDAN 'DAS KYIS SHES SGRIB ZAD PAR SPANGS PA KHAS LEN PA YIN TE, BDEN PAR GRUB PA LA SU GANG GIS KYANG SNGAR YOD 'GOG PA DANG, SNGAR MED GSAR DU SKYES PA DANG SKYES 'PHRO RGYUN GCOD PA SOGS RNAM PA THAMS CAD DU MI RUNG BA'I PHYIR RO, ,CHOS THAMS CAD BDEN PAR MED PA LAM GYI RIM PA 'DI LTAR YID LA BYED PA 'THAD DE, LAS DANG PO PAS SNGON DU ZHI GNAS LEGS PAR BSGRUBS TE, DE'I RJES SU SNGAR BSHAD PA LTAR MI RTAG SOGS BCU DRUG DANG KHYAD PAR DU GANG ZAG GIS

BDAG MED BSGOM PAR BYA'O, ,DE YANG PHUNG PO'I TSOGS PA DANG, RGYUN GANG LA YANG BTAGS PA TZAM MIN PA'I RANG DBANG PA'I GANG ZAG PHUNG PO DANG RANG BZHIN GCIG DANG THA DAD GANG DU YANG MA GRUB PAS DE LTA BU'I GANG ZAG CUNG ZAD KYANG MED DO SNYAM DU SO SOR RTOGS PA'I SHES RAB KYIS DPYAD CING MTHAR CUNG ZAD 'JOG PA YANG BYA'O, ,RNAM 'GREL LE'U GNYIS PA NAS BSHAD PA'I RIGS PA LTAR DRAN PAR MA BYAS NA, SLOB DPON SENGGE BZANG PO'I BZHED PA DANG MTHUN PA'I ZHI SHES SGOM TSUL RTOGS PAR DKA'O, ,DES NA RNAM 'GREL NAS BSHAD PA'I LHAN CIG DMIGS NGES KYI RTAGS DANG GCIG DANG DU BRAL GYI RTAGS KYI PHYOGS CHOS DANG, KHYAB PA'I TSUL DRAN PAR BYAS NAS, DBANG PO'I RNAM PAR SHES PA LA GZUGS LA SOGS PA RDZAS THA DAD DU SNANG YANG SNANG BA LTAR GRUB PA CUNG ZAD KYANG MED DO SNYAM DU MNYAM GZHAG TU YID LA BYA ZHING RJES KYI GNAS SKABS SU GZUNG BYA DON GZHAN MED NA DE LTAR SNANG BA'I 'DZIN PA RNAMS 'KHRUL PA'O SNYAM DU GZHAN DBANG SGYU MA LTA BU'I DON DRAN PAR BYA'O, ,DE NAS SLOB DPON YE SHES SNYING PO DANG, SLOB DPON ZHI BA 'TSO'I BZHED PA DANG MTHUN PA'I STONG PA NYID KYI DON 'GREL CHEN DU BTAGS PAR GTAN LA PHAB PA BZHIN DU GCIG DU BRAL LA SOGS PA'I GTAN TSIGS LA BRTEN NAS GNYIS MED KYI SHES RAB DE YANG BDEN PAR MED DO SNYAM DU BSAM PAR BYA'O,, PHYOGS KHYAB JI LTAR NGES PA'I TSUL NI, TSIG DON GYI SKABS SU BSHAD ZIN TO, ,GSUM PA NI, GZHI DANG LAM DANG 'BRAS BU GSUM LAS, DANG PO NI, RTEN CING 'BREL PAR 'BYUNG BA 'DI LA, GANG ZAG DANG CHOS KYI BDAG TU 'DZIN PA'I ZHEN YUL SNGAR YOD GSAR

, ,DU GSAL BAR BYA BA CI YANG MED DE BDAG GNYIS KYIS GDOD MA NAS STONG PA'I PHYIR RO, ,BDAG MED GNYIS RTOGS PA'I GNYEN PO RNAM BYANG GI DMIGS PA GSAR DU BZHAG PAR BYA BA CUNG ZAD KYANG MED DO, ,BDAG MED PA 'DI'I GNAS LUGS YIN PA'I PHYIR RO, ,GNYIS PA NI, BDAG MED RTOGS PA'I YANG DAG PA'I LTA BA GOMS PAR BYAS PA LAS LAM RIM GYIS BGROD PAR 'GYUR RO, ,GSUM PA NI, DE LTAR GOMS PAS SGRIB GNYIS LAS GROL NAS MI GNAS PA'I MYA NGAN LAS 'DAS PA THOB PAR 'GYUR TE, GZHAN DU BSHAD ZIN TO, ,GSUM PA LA GNYIS, STONG PA NYID LA MNGON SUM DU MNYAM PAR BZHAG PA'I BAR CHAD MED LAM DANG, RNAM GROL LAM GYI RJES SU THUN MONG BA'I ZHI SHES SGOM PA'I TSUL LO, ,DANG PO NI, SBYIN PA LA SOGS RE RE NI, ZHES TE, THEG PA CHEN PO'I MTHONG LAM CHOS BZOD BAR CHAD MED LAM DE NYID STONG PA NYID LA MNGON SUM DU MNYAM PAR BZHAG PA YIN KYANG, DE'I TSE PHAR PHYIN DRUG KA'I YON TAN NUS PA'I NGO BOR MI LDAN NA, NYON SGRIB KYI SA BON TZAM SPONG NUS KYANG SHES SGRIB KYI SA BON SPONG MI NUS PAS DRUG DRUG SUM CU RTZA DRUG GI YON TAN LDAN PA'O, ,DES KUN BTAGS KYIS BSDUS PA'I RTOG PA BRGYA DANG BRGYAD KYI MNGON GYUR DANG, DE BSKYED PA'I BAG CHAGS SA BON GYIS BSDUS PA DUS MNYAM DU SPANGS PA YIN NO, ,MNGON GYUR MNGON SUM GYI GNAS SKABS SU SPANGS KYANG SKYE BAR MI RUNG BA'I CHOS CAN DU MA BYAS LA, 'DIR SA BON SPANGS PAS SKYE BAR MI RUNG BA'I CHOS CAN DU BYAS PA'O, ,'GYUR 'DI LTAR NA, RTOG PA BRGYA RTZA BRGYAD MNGON GYUR DANG, BAG CHAGS NI

DE BSKYED PA'I SA BON LA GSAL LO, ,SGOM LAM RTZE SBYOR GYI THA SNYAD KYI 'GYUR LTAR NA, SHES SGRIB SPANG BA DANG, DUS MNYAM DU NYON SGRIB SPONG BA LA BSHAD DU RUNG BA TZAM SNANG NGO, ,DMAN LAM SNGON DU MA SONG NA SHES SGRIB KYI SA BON SPONG BA'I TSE, NYON SGRIB KYI SA BON YANG NGES PAR SPONG BA YIN GYI BAG CHAGS KYI NYON MONGS PA ZHES BSHAD PA NI NYON MONGS PA'I BAG CHAGS ZHES PA'I DON YIN PAS SHES SGRIB STON PA YIN GYI NYON SGRIB LA 'CHAD PA NI MUN SPRUL LO, ,GNYIS PA NI, SENGGE RNAM BSGYINGS KYI TING NGE 'DZIN SNGAR GYI BAR CHAD MED LAM GYI MTHONG LAM SHES MTHONG GIS BLTAS NAS 'DA' BAR BYA BA'I MNGON RTOGS DE NYID STON PA YIN GYI, SNGAR GYI MNYAM GZHAG DE NYID LAS LANGS PA'I RJES THOB 'BA' ZHIG STON PA MIN NO, ,GSUM PA SGOM LAM RTZE SBYOR LA GSUM, RTEN SGOM LAM, DE'I SPANG BYA NGOS BZUNG BA, SPANG BYA SPANGS PAS THOB PA'I YON TAN NO, ,DANG PO NI, 'GOG DANG BCAS PA'I SNYOMS 'JUG DGUR, ZHES SOGS KYIS BSTAN TO, ,DE LA LAS DANG PO PAS MTHAR GYIS GNAS PA'I SNYOMS PAR 'JUG PA DGU DANG, DE LA THOD RGAL DU SNYOMS PAR 'JUG PA'I TSUL TSIG DON LTAR SHES PAR BYAS NAS SMON PAS YUL DU BYA ZHING, DE'I RGYUR TSOGS GSOG PA DANG, SGRIB PA SPYOD BAR BYA'O, ,GNYIS PA LA GNYIS, GZUNG RTOG DANG, 'DZIN RTOG GO ,DANG PO LA GNYIS, 'JUG PA GZUNG RTOG DANG, LDOG PA GZUNG RTOG GO ,DANG PO NI, MDOR BSDUS RGYAS DANG SANGS RGYAS KYI, ZHES SOGS KYIS BSTAN TO, ,SLOB DPON GYIS 'JUG PA GZUNG RTOG GI DMIGS PA DNGOS DANG, LDOG PAS 'PHEN PA CI RIGS SU SBYAR TE, GSUNG RAB KYI DON BSDUS PA DE BZHIN NYID CES

, ,PA DANG, RGYAS PA JI SNYED PA SHES PA LA DMIGS NAS 'JUG PAR BDEN PAR ZHEN PA NI 'JUG PA GZUNG RTOG GO ,PHAR PHYIN DRUG LA NAN TAN MA BYAS PAS SANGS RGYAS KYIS MA BZUNG ZHING BDUD KYI LAS SPONG MI NUS PAR BSTAN PAS DON GYI SHER PHYIN LA NAN TAN BYAS NA SANGS RGYAS KYIS BZUNG ZHING BDUD KYI LAS SPANGS NAS BSOD NAMS RGYA CHEN PO 'DZIN PAR BSTAN PAS DER 'JUG PA GZUNG RTOG GI DMIGS PA YIN LA, LAM GSUM GYI YON TAN DON DAM PAR MED CING GCIG GI DUS NA GCIG MED CING, THA SNYAD DU YOD PA DANG, RANG DUS NAS YOD PA GSUM DANG, MYA NGAN LAS 'DAS PA LA SBYAR BA DANG, STONG NYID MNGON SUM GYIS GSAR DU RTOGS PA DANG, RTOGS ZIN GOMS PAR BYAS PA LA DMIGS NAS 'JUG BYAR BDEN PAR 'DZIN PA SA BON DANG BCAS PA SPANG BYA'O, ,GNYIS PA NI, DMIGS PA SEMS DANG SEMS BYUNG RNAMS, ZHES SOGS KYIS BSTAN TE, NYAN THOS KYI TSOGS LAM DU BYANG CHUB KYI MCHOG TU SEMS MI SKYED PA DANG, BYANG CHUB KYI SNYING PO YID LA MI BYED PA DANG, NYAN RANG GNYIS RANG RANG GI THEG PA THOB BYAR YID LA BYED PA DANG, MTHONG LAM DU CHOS SKU YID LA MI BYED PA DANG, LAM SHER PHYIN GYI GZUGS BRNYAN TZAM BSGOM PA DANG, GNAS LUGS KYI DON BSGOM PA MED PA DANG, SHER PHYIN GYI GZUGS BRNYAN TZAM DANG GNAS LUGS KYI DON GNYIS KA BSGOM PA DANG, DE BKAG PA'I YA GYAL RE RE BSGOM PA YANG MIN PA DANG, PHYIN CI LOG TU MNGON PAR ZHEN PAS STONG PA NYID KYI DON LA JI LTA BA BZHIN MIN PAR 'DZIN PA LA DMIGS NAS LDOG BYAR BDEN PAR 'DZIN PA NI LDOG PA GZUNG RTOG GO ,

GNYIS PA LA GNYIS, RDZAS 'DZIN RTOG PA DANG, BTAGS 'DZIN RTOG PA'O, ,DANG PO NI, RANG DBANG BA'I RDZAS SU MED PA'I GANG ZAG DANG, PHUNG PO SGYU MA LTA BU LA GANG ZAG TU BZHAG PA DANG, MKHYEN PA GSUM GYI CHOS STONG PA NYID BSTAN PA DANG, YUL LA BDEN PAR CHAGS PA DANG, CHOS RAB TU RNAM 'BYED DANG, DON DAM PAR CHED DU BYAR MED KYANG THA SNYAD DU BYA BA DON DU GNYER BA DANG, THEG PA GSUM GYIS NGES PAR 'BYUNG BA DANG, LAM LA MA ZHUGS PAS YON TAN MA DAG PA DANG, 'KHOR GSUM DU ZHEN PAS SBYIN SOGS KYI SPYOD PA 'KHRUGS PA LA GANG ZAG TU BZHAG PA LA DMIGS NAS LONGS SPYOD PA PO'I RDZAS SU BDEN PAR 'DZIN PA NI RDZAS 'DZIN RTOG PA YIN LA, DE NI SEMS CAN BTAGS PA'I SPYOD YUL DANG, ZHES SOGS KYIS BSTAN TO, ,GNYIS PA NI, SEMS CAN BTAGS DANG DE RGYU YI, ZHES SOGS MDOR BSTAN RGYAS BSHAD KYIS BSTAN TO, ,'BRAS BU KUN MKHYEN GSUM MI SHES PAS DE THOB PA'I THABS LA RMONGS PA LA SKYES BUR BTAGS PA DANG, SGRIB PA THAMS CAD ZHI BAR BYED PA'I LAM GYI NGO BO LA RMONGS PA DANG, LAM GYI SNGON DU BYA BA DE BZHIN NYID LA RMONGS PA DANG, THUN MONG MA YIN PA'I THABS LA RMONGS PA DANG, LAM GYI DMIGS PA LA RMONGS PA DANG, SPANG BYA LA RMONGS PA DANG, GZUNG 'DZIN GNYIS STONG LA RMONGS PA LA SKYES BUR BTAGS PA LA DMIGS NAS LONGS SPYOD PA POR SO SOR BDEN PAR 'DZIN PA NI BTAGS 'DZIN RTOG PA'O, ,DE YANG DANG PO RNAMS KYIS NI GZUNG 'DZIN GYIS BSDUS PA'I CHOS THAMS CAD BDEN STONG SPROS BRAL DU RTOGS NAS YANG DANG YANG DU YID LA BYA'O, ,GSUM PA NI, YAMS NAD

, ,'DI RNAMS ZAD NAS NI, ZHES SOGS KYIS BSTAN TE, DPE SNGA MA LTAR 'GRO BA'I PHUN TSOGS THAMS CAD DANG, DPE PHYI MA LTAR RANG DON GYI YON TAN THAMS CAD BOS PA BZHIN DU NGANG GIS 'DU BA NI SNGAR BSHAD PA'I RNAM GZHAG DE DAG SPANGS PA'I BYED PA'O, ,LAS DANG PO PAS YON TAN DE DAG SMON LAM GYI YUL DANG, DE'I RGYU LA 'BAD PAR BYA'O, ,BZHI PA BAR CHAD MED PA'I RTZE MO LA, NGO BO NGOS BZUNG BA DANG, MTHUN RKYEN SGRUB PA DANG, 'GAL RKYEN BSAL BA'O, ,DANG PO NI, STONG GSUM SKYE DO ZHES SO, ,YON TAN DANG, NGO BO DANG 'BRAS BU'I KHYAD PAR GYIS BSTAN TO, ,GNYIS PA NI, 'DI'I DMIGS PA ZHES TE, SGYU MA LTA BU'I CHOS THAMS CAD DMIGS PA DANG, BDAG PO'I RKYEN DRAN PA DANG, SPROS PA RANG BZHIN GYIS ZHI BA'I RNAM PA CAN TE, STONG PA NYID LA MNYAM PAR BZHAG BZHIN PA DE LAS MI LDANG BAR RNAM MKHYEN SKYE BAR 'GYUR BA YIN NO, ,GSUM PA NI, DMIGS PA 'THAD DANG DE YI NI, ZHES SOGS KYIS BSTAN TE, BSAL BYA LOG SGRUB BCU DUG STE, DE YANG GZHI DANG LAM DANG 'BRAS BU LA LOG PAR RTOG PA'O, ,DANG PO GZHI LA LOG PAR RTOG PA NI, BDEN PA GNYIS KYI RNAM DBYE MI 'THAD PA DANG, CHOS RNAMS KYI RANG DANG SPYI'I MTSAN NYID MI 'THAD PA DANG, GZHI'I GNAS LUGS LA LOG PAR ZHUGS PA'I PHYIN CI LOG MI 'THAD PA'O, ,GNYIS PA LAM LA LOG PAR RTOG PA NI, SBYOR BA NYAMS LEN GYI SPYOD PA MI 'THAD PA DANG, SPYOD PA'I RTEN DKON MCHOG GSUM MI 'THAD PA DANG, LAM GYI NGO BO MI 'THAD PA DANG, DE BSGOM PA MI 'THAD PA DANG, DE SPANG BYA SPONG BA'I SPANG GNYEN MI 'THAD PA'O, ,

GSUM PA 'BRAS BU LA LOG PAR RTOG PA NI, SGYU MA LTA BU'I CHOS THAMS CAD RNAM MKHYEN GYI DMIGS PAR MI 'THAD PA DANG, DMIGS PA 'DZIN PA'I RNAM PA MI 'THAD PA DANG, DMIGS RNAM LA BRTEN PA'I RNAM MKHYEN GYI YE SHES MI 'THAD PA DANG, DE'I RGYU'AM GZHAN DON SGRUB PA'I THABS LA MKHAS PA MI 'THAD PA DANG, DES CHOS THAMS CAD MNGON SUM DU RTOGS PA'I MNGON RTOGS MI 'THAD PAR RTOGS PA'O, ,YANG NA PHYIN CI LOG MI 'THAD PAR 'DIR SBYAR RO, ,DE BRJOD PAR BYA STE, LOG PAR RTOG PA BCU DRUG GO THAMS CAD KYANG BDEN PA GNYIS GZHI GCIG GI STENG DU 'DU BA 'GAL BAR 'DZIN PAR 'DUS TE, DE YANG BTAGS 'DZIN CHEN PO BZHI LA SOGS PA LA BRTEN NAS BDEN 'DZIN GYI DMIGS GTANG BYA SA RDUL TZAM YANG MED PAR BSTAN PAS NA RTEN 'BRAL GYI CHOS RNAMS MO SHAM GYI BU'I 'GYING BAG LTAR SONG NAS RANG LUGS LA KHAS BLANGS PAR BYA BA CUNG ZAD MED PAR STON TE, KUN RDZOB LA SKUR BA 'DEBS PA DANG, YANG RTEN 'BREL GYI CHOS THAMS CAD RANG LUGS LA TSAD MAS GRUB PA'I RNAM GZHAG BYAS PA NA MTSAN 'DZIN GYI ZHEN YUL DE'I RJES SU 'BRANGS NAS RGYUS 'BRAS BU BSKYED PA SOGS BLO'I DBANG GIS BZHAG PA MIN PA'I YUL RANG GI THUN MONG MIN PA'I SDOD LUGS KYI NGOS NAS GRUB PAR 'DZIN PA NI BDEN GNYIS KYI DBYE BA LA MI MKHAS PA'I LOG PAR RTOG PA'O, ,DES NA BDEN STONG KHAS MA BLANGS NA RGYU 'BRAS KYI RNAM DBYE BYED DU MI RUNG BA DANG, DE BYES NA BDEN STONG DU KHAS BLANGS DGOS PAS GZUGS NAS RNAM MKHYEN GYI BAR GYI CHOS RNAMS KUN RANG LUGS LA TSAD MAS GRUB PA DANG, DE BDEN STONG

, ,DU TSAD MAS GRUB PA'I RNAM GZHAG GIS MI SHES NA DBU MA PA'I DRI TZAM YANG MED PAS BDEN GNYIS KYI RNAM DBYE LA MKHAS PAR BYA LA, BAR CHAD MED PA'I RTZE MO LA SNGON DU TSOGS GNYIS ZUNG DU 'JUG PA BSKAL PA DU MAR GOMS PAR BYA DGOS LA, DE LA GZHI RTAG CHAD KYI MTHA' DANG BRAL BA'I LTA BA GTAN LA 'BEBS DGOS PAR SHES PA'I CHED DANG, GDUL BYA NYE BA 'BA' ZHIG GI BSAM PA LA BLTOS NAS SKABS 'DIR SBYAR BAR MDZAD DO, ,BDEN PA GNYIS SU 'JUG PA LA MKHAS PAR MA BYAS NA LAM TSOGS GNYIS DANG 'BRAS BU SKU GNYIS SKYON MED BZHAG PA YE MED PAS BDAG LEGS SU 'DOD PA DAG GIS GNAS 'DI LA ZAB PAR BYA'O, ,DBU MA PANG [?] KHAS 'CHE BA KHA CIG ,RTEN 'BREL RANG LUGS LA KHAS BLANG DU MI RUNG BAR GO NAS YOD PA YANG MIN MED PA YANG MIN ZER BA'I ZER LUGS TZAM LA RE BA CHAD LTA'I MTHAR THUG PA, LTA BA DE NYID KYIS NGAN 'GRO'I RGYU BYED PA GZHUNG LUGS CHEN PO RNAMS NUB PA'I RKYEN BYED PA DAG NI SEMS DPA' CHEN PO RNAMS KYIS LHAG PAR BRTZE BA BYA BA'I GNAS SU MTHONG NGO, ,YANG KHA CIG SNGON MU STEGS BYED KYI LTA BA LA GOMS PAS CHOS KUN BDEN PAS STONG BA'I SGRA THOS PA TZAM GYIS SEMS KHONG NAS 'KHRUG CING DON DAM PA'I BDEN PA RTAG DNGOS SU 'DOD PA DAG KYANG THAR PA DON DU GNYER BA RNAMS KYIS MCHIL MA'I THAL BA BZHIN DU DOR BAR BYA'O,, 'DIR DNGOS SU BSTAN PA RNAMS NI, DON DAM SGO CAN GYI KLAN KA YIN CING, DE LA KUN RDZOB KYI SGO NAS LAN GDAB PAR BYA'O, ,GZHUNG 'DI DAG GIS KUN RDZOB SGO CAN GYI KLAN KA DANG, DE LA DON DAM LA BRTEN NAS LAN GDAB PA YANG DON GYIS 'PHANGS DGOS

SO, ,DE LA DON DAM SGO CAN GYI KLAN KA NI, DBU MA PA'I DON DAM PA'I RNAM GZHAG MTHONG NAS DE RTZOD PA'I GZHI DANG, SGO DANG, KLAN KA 'JUG PA'I SKABS RNYED PA'I DON YIN NO, ,DE MTHONG NAS KLAN KA'I NGO BO NI, KUN RDZOB KYI RNAM GZHAG MI 'THAD PAR RTZOD PA'O, ,KUN RDZOB SGO CAN GYI KLAN KA NI, DBU MA PAS RTEN 'BREL GYI CHOS RNAMS RANG LUGS LA KHAS BLANGS PA MTHONG BA NI RTZOD PA BYED PA'I GZHI DANG SGO ZHES BYA LA, RTZOD PA'I NGO BO NI, DON DAM PA'I RNAM GZHAG MI 'THAD PAR RTZOD PA'O, ,DPER BRJOD NA, DBU MA PAS CHOS THAMS CAD BDEN PAR GRUB PA'I NGO BO CUNG ZAD MED PAR KHAS BLANGS PA NA, DE MTHONG NAS CHOS THAMS CAD RNAM MKHYEN GYI DMIGS PAR MI 'THAD PAR RTZOD PA NI, DON DAM SGO CAN GYI KLAN YIN LA, DE LA KUN RDZOB LA BRTEN NAS LAN GDAB PAR BYA STE, BDEN PAS STONG BA'I CHOS YIN PA NYID KYIS DMIGS PAR 'THAD PA YIN TE, BDEN PAR GRUB PA LA DMIGS PA BZHAG TU MI RUNG BA'I PHYIR RO, ZHES LAN 'DEBS LA DES 'PHANGS PA CHOS THAMS CAD DMIGS PAR KHAS BLANGS PA NA, BDEN GRUB TU THAL BA 'PHEN PA NI, KUN RDZOB SGO CAN GYI KLAN KA YIN NA, DE LA DON DAM LA BRTEN NAS LAN GDAB PAR BYA STE, DMIGS PA YIN PA NYID KYIS BDEN STONG DU KHAS BLANGS PAR BYA STE, DMIGS RKYEN RDZUN PA SGYU MA LTA BU LA BZHAG PAR BYA BA YIN GYI, BDEN GRUB LA BZHAG TU MI RUNG BA'I PHYIR RO, ZHES LAN 'DEBS PAR BYA'O, ,KHA CIG PHYIN CI LOG MI 'THAD PAR KUN RDZOB SGO CAN GYI KLAN KAR BYED PA NI DON DAM MIN TE BDEN STONG YIN NA SPROS PAR BZHAG PA'I MI RTAG SOGS MI 'THAD PAS BTAGS

, ,'DZIN SOGS PHYIN CI LOG MI 'THAD PAR SPYOD PA DON DAM SGO CAN GYI KLAN KA YIN NO, ,RNAM MKHYEN GYI DMIGS PA MI 'THAD PAR THAL, CHOS THAMS CAD NGO BO NYID MED PA'I PHYIR, CES PA'I RTZOD PA BKOD NAS, DON DAM DU ZER NA 'DOD KUN RDZOB TU ZER NA RTAGS MA GRUB, KUN RDZOB TU DER THAL, DON DAM DU DE'I PHYIR ZER NA, KHYAB PA MA GRUB CES PA'I LAN 'DEBS PA NI'U THUG PA'I KHYAB PA YIN TE, DBU MA PAS CI ZER MA THOS MGO BA'I RTZOD PA DANG, DNGOS PO PAR SMRA BA'I 'DOD PA MA GO BA'I RTZOD LAN BYED PA 'BREL CUNG ZAD KYANG MED PA'I PHYIR RO, ,LAS DANG PO PA RNAMS KYIS NI BAR CHAD MED PA'I RTZE MO BSKYED PA'I CHED DU DMIGS TE RTAG CHAD KYI MTHA' DANG BRAL BA'I BDEN PA GNYIS THOS BSAM GYIS GTAN LA PHAB NAS GNAS LUGS KYI DON BSGOM PAR BYA'O, ,GNYIS PA BRTAN BYED KYI YAN LAG MTHAR GYIS PA'I SGOM TSUL DE'I 'BRAS BU DANG BCAS PA BSHAD PA LA GNYIS, MTHAR GYIS PA'I SGOM TSUL DANG, DE'I 'BRAS BU SKAD CIG SBYOR SGOM TSUL LO, ,DANG PO NI, SBYIN PA SHES RAB BAR DAG DANG, ZHES TE, DE LA GZHAN GYI LUGS DGAG PA DANG, RANG GI LUGS BZHAG PA'O, ,DANG PO NI, KHA CIG ,RNAM RDZOGS SBYOR BA DANG, MTHAR GYIS PA'I SBYOR BA'I KHYAD PAR RNAL 'BYOR GTZO BOR GYUR PA DANG, SPYOD PA GTZO BOR GYUR PA ZHES BZHAG NAS, MTHAR GYIS PA'I SGOM TSUL, CHOS BCU GSUM RIM GYIS BSGOM PA 'BA' ZHIG LA BYED PA, 'PHAGS PA DANG, SLOB DPON GYI DGONGS PA YE NAS MIN TE, SO SO BA DANG BSDUS PA NYID DU RTOGS PA'I DON RNAMS GO RIMS BZHIN DU BSGOM PAR GSUNGS KYI CHOS BCU

GSUM RIM CAN DU BSGOM PAR MA GSUNGS PA'I PHYIR RO, ,SO SO BA DANG BSDUS PA'I DON YANG SKABS DANG PO GSUM DU MKHYEN GSUM GYI RNAM PA SO SOR BSHAD PA DANG, RNAM PA KUN TU BSDUS NAS BSHAD PA LA SLOB DPON GNYIS KAS LAN CIG MIN PAR GSUNGS PA'I PHYIR RO, ,YANG CHOS BCU GSUM RIM CAN DU BSGOMS PAS, RNAM PA BRGYA DANG BDUN CU RTZA GSUM RIM CAN DU SGOM PA'I DON DU 'GYUR BA NI, DE'I TSUL KHYED KYIS BSHAD PAR RIGS PA KHO NA YIN NO, ,GNYIS PA RANG LUGS NI, MNGON PAR RTOGS PA MTHA' DAG GO RIMS NGES CAN DU BSGOM PAR BYA BA YANG YIN MOD KYI, GTZO BO NI MKHYEN GSUM GYI RNAM PA BRGYA BDUN CU RTZA GSUM GO RIMS MA 'CHOL PAR NGES CAN DU BSGOM PA STE, DE'I NANG DU MKHYEN GSUM GYI RNAM PA SO SOR BSHAD PA RNAMS SGOM PA'I TSUL KYANG 'DUS PA YIN NO, ,DE YANG ZHI SHES KYI RNAM PA NYER BDUN BSGOM PA NYID KYIS SKABS GSUM PAR BSTAN PA'I RNAM PA BCU DRUG BSGOM PAR 'GYUR BA DANG, DE SEMS BSKYED DANG STONG NYID RTOGS PA'I SHES RAB KYIS ZIN PAR BSGOMS PAS LAM SHES KYI RNAM PA YANG PHAL CHER BSGOM PAR 'GYUR ZHING, RNAM MKHYEN GYI RNAM PA YANG CI RIGS PAR BSGOM PAR 'GYUR BA YIN NO, ,RNAM RDZOGS SBYOR BA'I SKABS SU GOMS PA MI BRTAN PA LA DGOS SU GOMS PA SRING BA'I 'CHOL BAR BSGOM PA YANG BSTAN LA MTHAR GYIS PA NI BRTAN PA THOB PA'I DON DU GO RIMS NGES CAN GOMS PA STE, DE YANG TSOGS LAM GYI SKABS SU MTHAR GYIS BYA BA DANG, SBYOR LAM GYI SKABS SU MTHAR GYIS SLOB PA DANG, MTHONG LAM GYI SKABS SU MTHAR GYIS SGRUB PA DANG, DE YANG CHOS BCU GSUM GYIS RGYAS BTAB BSGOM PA YIN

, ,TE, DKON MCHOG GSUM RJES SU DRAN PA'I BSAM PA SNGON DU BTANG NAS MI DGE BA MTHA' DAG LAS LDOG PA'I TSUL KHRIMS RJES SU DRAN PA DANG, DGE BA MTHA' DAG GZHAN DON DU BSNGO BA'I GTONG BA RJES SU DRAN PAR BYED CING, RANG GI LHAG PA'I LHA RJE BTZUN 'JAM PA'I DBYANGS LA SOGS PA MDUN GYI NAM MKHAR DBANG PO'I TSUL DU DRAN PA DANG, MKHYEN GSUM GYI RNAM PA RNAMS KYANG PHAR PHYIN DRUG LDAN DU NYAMS SU LEN PA DANG, DE THAMS CAD KYANG STONG NYID RTOGS PA'I SHES RAB KYIS ZIN PAR BYAS NAS NYAMS SU LEN PA'I DON YIN NO, ,MTHAR GYIS PA'I SGOM TSUL, DPER NA KHA TON LEGS PAR BYANG BA DKYUS THOG GCIG LA RIM CAN DU 'DON PA BZHIN DU SHES PAR BYA'O, ,GNYIS PA NI, SBYIN PA LA SOGS RE RES KYANG, ZHES SOGS SHO LO KA LNGAS STON, SKAD CIG MA'I SBYOR BA BZHIR DBYE BA NI MNGON DU BYA BA'I CHOS KYI LDOG PAS DBYE BA YIN GYI, BZHI PO RIM CAN KHO NAR SKYE BAR 'DOD PA NI 'PHAGS SENG GNYIS KA'I BZHED PAR MI SEMS SO, ,SKAD CIG MA'I SBYOR BA LA YANG SBYOR BA'I LAM DANG, BAR CHAD MED PA'I LAM GNYIS YOD LA PHYI MA NI STONG PA NYID LA MNGON SUM DU MNYAM PAR BZHAG BZHIN PA YIN PAS GZUGS MED KYI YON TAN GZHAN RNAMS NUS PA'I NGO BOR LDAN YANG, MKHYEN GSUM GYI RNAM PA MA LUS PA'I RNAM PA SHAR BA YIN TE, SLOB LAM NA MNGON SUM GCIG GIS BDEN PA GNYIS KA LA DUS GCIG TU DNGOS SU RTOGS MI NUS PA'I PHYIR RO, ,SBYOR BA'I LAM GYI TSE NA NI, MKHYEN GSUM GYI RNAM PA KUN GYI RNAM PA SHAR YANG DE'I SNGA ROL GYI MTHAR GYIS PA DANG KHYAD MED DU MI 'GYUR TE,

SBYOR BA GCIG GI MTHAR GYIS PA'I BSGOM PA THA MA'I TSE, MKHYEN GSUM GYI RNAM PA RIM GYI SGOM PA'I SKAD CIG DANG PO'I TSE BSGRIM PA'I RTZOL BA CUNG ZAD DANG BCAS PAR MA ZAD BSGOM PA RDZOGS KYI BAR DU DE LTAR DGOS LA, DE NAS SKAD CIG SBYOR DU 'PHOS PA'I SBYOR BA'I LAM GYIS BSDUS PA'I TSE NA MI RTAG PA'I RNAM PA LTA BU YID LA BYED PA'I TSE RTZOL BA CUNG ZAD TZAM BYAS PA DE NAS BSGOM PA RDZOGS KYI BAR LA RTZOL BA GZHAN MI DGOS PAR JI LTAR SKYES BUS ZO CHUN RGYUD, CES PA LTAR, DKYUS THOG GCIG LA RIM PA BZHIN DU SKYE BA YIN GYI DE'I TSE YANG MI RTAG PA SGYU MA LTA BU MNGON SUM DU RTOGS PA'I BLO DE NYID KYIS RNAM PA THAMS CAD MNGON SUM DU BYED PA MIN TE, DE THAMS CAD MKHYEN PA NYAG GCIG GI KHYAD CHOS YIN PAS SO, ,GSUM PA 'BRAS BU MNGON DU BYED PA'I TSUL BSHAD PA LA GNYIS, SKU BZHI'I GO 'PHANG SNGON DU BYED PA'I TSUL DANG GDUL BYA LA 'PHRIN LAS MDZAD PA'I TSUL LO, ,DANG PO LA BZHI, NGO BO NYID KYI SKU MNGON DU BYED PA'I TSUL DANG, YE SHES CHOS KYI SKU DANG, LONGS SPYOD RDZOGS PA'I SKU DANG, MCHOG GI SPRUL PA'I SKU MNGON DU BYED PA'I TSUL LO, ,DANG PO NI, THUB PA'I NGO BO NYID SKU NI, ZHES TE, RGYUN MTHA'I BAR CHAD MED LAM GYI DNGOS 'BRAS RNAM GROL LAM DE NI YE SHES CHOS KYI SKU DANG, DE'I TSE DRI MA MTHA' DAG ZAD PAR SPANGS PAS BLO NGO BO GCIG PO DE NYID DE BZHIN NYID LA MNYAM PAR BZHAG BZHIN PA DANG, SHES BYA JI SNYED PA THAMS CAD LAG MTHIL DU SKYU RUR BZHAG PA BZHIN DU MNGON SUM DU GZIGS PA YIN NO, ,DE LTA MIN NA, YID KYI SHES PA RIGS MTHUN RDZAS THA DAD DU MA CIG CAR DU SKYE BA KHAS BLANGS DGOS PAR 'GYUR RO, ,SLOB DPON GYIS SANGS RGYAS KYI MIG

, ,GI SHES PA DANG RNA BA'I SHES PAS KYANG SHES BYA THAMS CAD MNGON SUM DU GZIGS PAR GSUNGS NA, BLO NGO BO GCIG GIS JI LTA BA DANG JI SNYED PA MTHA' DAG MNGON SUM DU GZIGS PA LTA CI SMOS TE, MI GZIGS PA'I RGYU MTHA' DAG LDOG PA'I PHYIR RO, ,SLOB DPON GYIS SANGS RGYAS SGOM PA'I STOBS KYIS SKYES PA'I RJES THOB DAG PA 'JIG RTEN PA'I YE SHES YOD PAR GSUNGS PA YANG, NGO BO GCIG PA LA MI 'GAL ZHING NGO BO THA DAD PA LTAR BZHAG PA NI GDUL BYA'I BSAM PA DANG MTHUN PAR RNAM GZHAG MDZAD PA YIN NO, ,'KHOR BA JI SRID PAR MNYAM GZHAG LAS BZHENGS PA JI SRID KYANG SANGS RGYAS NANG DU MNYAM PAR BZHAG GO MNYAM GZHAG LAS BZHENGS SO ZHES GDUL BYA RNAMS LA SNANG BA LTAR RO, ,DON DE DAG MA RTOGS PAR SANGS RGYAS RANG SNANG LA JI SNYED PA GZIGS PA MED PAR 'DOD PA NI MU STEGS SPYOD PA PA LTAR, BDUD SDIG TO CAN GYI GZHAN DBANG DU GYUR PA KUN MKHYEN LA SKUR PA 'DEBS PA'I NGAN RTOG 'BA' ZHIG TU SHES PAR BYA'O, ,YE SHES CHOS KYI SKU DE NYID BDEN PAS STONG PA'I RANG BZHIN RNAM DAG GI CHA DRI MA MTHA' DAG GIS STONG PA'I GLO BUR DRI BRAL GYI 'GOG PA LA NGO BO NYID KYI SKU ZHES BYA'O, ,SLOB DPON YE SHES SNYING POS, RIGS PA'I RJES 'BRANGS NGO BO'I PHYIR, CES GSUNGS PA NI BDEN STONG GI CHA DE NYID MTHA' DRUG SPYOD PA'I RIGS SHES KYIS RNYED PA'I DON LA GLO BUR DRI BRAL GYI DE BZHIN NYID DE YANG NGO BO NYID KYI SKU DANG, DON DAM PA'I SKU ZHES BYA'O, ,GLO BUR RNAM DAG DANG, RANG BZHIN RNAM DAG GI CHA NGO GCIG PA YIN KYANG, BYANG SEMS 'PHAGS PA RNAMS KYIS SANGS RGYAS KYI DE BZHIN NYID MNGON SUM DU RTOGS LA, GLO BUR DRI BRAL GYI CHA MNGON SUM DU

RTOGS NUS PA MIN NO, ,NYAN RANG LA BDAG MED PHRA BAR BZHED PA LTAR NA NI, NYAN THOS 'PHAGS PAS KYANG SANGS RGYAS KYI DON DAM PA'I CHOS KYI SKU MNGON SUM DU RTOGS NUS PA YIN NO, ,SANGS RGYAS ZHES PA'I SGRA BSHAD PA DANG, 'JUG PA'I KHYAD PAR MA PHYED PAR NGO BO NYID KYI SKU SANGS RGYAS MIN NO, ZHES SMRA BA NI SDIG PA BAS CHES SDIG PA RANG YANG PHUNG LA GZHAN YANG PHUNG BAR BYED PA LUNG DANG RIGS PA DRI MA MED PA'I TSOGS LA RGYAB KYIS PHYOGS PA TSOGS PAR DBYUNG DU MI RUNG BA'I GTAM MO, ,'DI LA GNOD PA MANG STE TSIG MANGS SU DOGS NAS MA SPROS SO, ,GNYIS PA LA GSUM, YE SHES CHOS SKU'I DBYE BA RGYAS PAR BSHAD PA DANG, YE SHES KYI KHYAD PAR BSHAD PA DANG, SEMS CAN THAMS CAD LA DUS RTAG TU DNGOS SU DON MI MDZAD PA'I RGYU MTSAN NO, ,DANG PO NI, BYANG CHUB PHYOGS MTHUN TSAD MED DANG, ZHES SOGS KYIS BSTAN TE, SLOB DPON GYIS YE SHES CHOS SKU DE NYID GZUGS KYI SKU GNYIS GDUL BYA LA SNANG BA'I GZHI YIN PA DANG, 'PHRIN LAS MDZAD PA'I BDAG PO'I RKYEN GYI GTZO BO YIN PA DANG, SNGAGS KYI PHYOGS NAS SKU BZHI NGES PAR KHAS BLANGS DGOS PAR GSUNGS PA DANG MTHUN PAR BSHAD PA LA 'GAL BA MED PA DANG, MNGON RTOGS RGYAN GYI TSIG DON LA MA ZHUGS PA'I NYES PA MED PAS SKU BZHIR PHYE BA YIN GYI, RGYUD BLA MA SOGS NAS GSUNGS PA LTAR SKU GSUM DU 'DUS PA'I RNAM GZHAG MI GZIGS PA DANG, MA DGONGS PA MI SRID PAS DBYE BSDU TZAM DU SHES PAR BYA'O, ,SNGAR BSHAD PA'I YON TAN DE DAG DANG, 'CHAD PAR 'GYUR BA'I TING NGE 'DZIN GNYIS LA SOGS PA GNAS GYUR MTHAR PHYIN PA'I TSE, ME LONG LTA BU LA SOGS PA YE SHES BZHIR 'GYUR BA DANG, YE SHES GCIG

, ,PU DE NYID GZUGS KYI SKU BYE BA PHRAG BRGYA LA SOGS PA LA BRTEN PA MA GTOGS PAR YE SHES BZHI NGO BO THA DAD DU 'DOD PA NI 'BRAS BU'I RNAM GZHAG RAGS PA TZAM YANG KHONG DU MA CHUD PA'O, ,GNYIS PA NI, NYAN THOS NYON MONGS MED PA'I LTA, ZHES SOGS SHO LO KA GNYIS KYIS STON, NYAN THOS GYI NYON MONGS PA MED PA'I TING NGE 'DZIN GYI MTHUS GRONG LA SOGS PAR GZHAN GYI NYON MONGS SKYE BA'I DMIGS RKYEN MI BYED PA TZAM DU ZAD LA, SANGS RGYAS KYI NGES PAR NI, GZHAN GYI NYON MONGS DRUNGS 'BYIN PAR MDZAD PA YIN NO, ,SANGS RGYAS KYI SMON PA MKHYEN PA NI, RANG GI NGANG GIS 'JUG PA DANG, SHES BYA THAMS CAD LA KHYAB PA DANG, PHYIN CI MA LOG PA DANG, RGYUN MI 'CHAD PA DANG, THE TSOM THAMS CAD SEL BAS NYAN THOS LAS KHYAD PAR DU 'PHAGS SO, , GSUM PA NI, SANGS RGYAS KYI MKHYEN PA DANG, BRTZE BA DANG 'PHRIN LAS LA THOGS PA MI MNGA' ZHING, RGYUN CHAD PA MI SRID KYANG GDUL BYA RANG NYID SANGS RGYAS KYIS DNGOS SU RJES SU 'DZIN PA'I RGYU MA TSANG BAS RES 'GA' DE'I DON MI MDZAD PA'I DON DANG, DPE DANG, KHYAB PA DANG, RTAG PAR BSHAD PA MI 'GAL BA RNAMS RGYU NI YONGS SU SMIN GYUR NAS ZHES SOGS KYIS BSTAN TO, ,GSUM PA LA GNYIS, MTSAN NYID MDOR BSDUS PA DANG, YON TAN RGYAS PAR BSHAD PA'O, ,DANG PO NI, MTSAN NI SUM CU RTZA GNYIS DANG, ZHES SOGS TE, MTSAN DPES SPRAS PAS KHYAD PAR DU BYAS PA'I SANGS RGYAS KYI SKU GANG GDUL BYA'I SNANG NGOR YANG ZHING GZHAN DU GSHEGS PA DANG, BZHENGS PA DANG, YANG BZHUGS PA DANG, MYA NGAN LAS 'DAS PA'I TSUL STON PA DANG, CHOS GSUNGS BA'I

SGRA'I GDANGS RGYUN CHAD PA SOGS MI SNANG ZHING BYANG CHUB SEMS DPA' 'PHAGS PA MA GTOGS SO SO SKYE BO DANG, THEG PA DMAN PA'I GANG ZAG GIS MNGON SUM DU MTHONG BA'I YUL LAS 'DAS PA YE SHES KYI NGO BOR GYUR PA GZUGS KYI SKUR SNANG BA MA GTOGS BEM PO'I YUL LAS 'DAS PA NGES PA LNGA DANG LDAN PA'I GZUGS KYI SKU DE NI LONGS SPYOD RDZOGS PA'I SKU ZHES BYA'O, ,GNYIS PA LA GNYIS, MTSAN DANG, DPE BYAD DO, ,DANG PO NI, PHYAG ZHABS 'KHOR LO'I MTSAN DANG, ZHES SOGS KYIS BSTAN TO, ,MTSAN GYI NGO BO DANG, RGYU 'BRAS KYI 'BREL BA DANG, RGYU NGOS BZUNG BA RNAMS KYIS SHES PAR BYA'O, ,SKU 'DI DAG NI THEG CHEN SEMS BSKYED KYI DMIGS PA YIN PA, LAS DANG PO PA RNAMS KYIS MTSAN NYID SHES PAR BYAS NAS 'DUN PA DANG SMON PA SHUGS DRAG POS YANG DANG YANG DU YID LA BYA'O, ,BZHI PA NI, GANG GI SRID PA JI SRID PAR, ZHES TE, MCHOG GI SPRUL PA'I SKU DANG, SKYE BA DANG, BZO'I SPRUL PAS GDUL BYA LA THAR PA 'DOD PA DANG, SMIN PA DANG GROL BA LA 'GOD PA 'KHOR BA JI SRID PAR MDZAD PA'O, ,MCHOG GI SPRUL PA'I SKU YANG, SANGS RGYAS KYI YE SHES KYI NGO BOR GYUR PA YIN GYI NGO BO THA DAD DU MED PA DANG, GZUGS SKU SDUG BSNGAL BDEN PA 'DOD PA SOGS NI LONGS SPYOD RDZOGS PA'I SKU SOGS RNA BAR BSGRAG TU MI RUNG BA'I NYAN THOS SDE PA 'BA' ZHIG GI 'DOD PA YIN PAS DE LA RNAM PA KUN TU BAG CHAGS BZHAG PAR MI BYA'O, ,GANG DAG SANGS RGYAS KYI GZUGS SKU SANGS RGYAS MIN PAR 'DOD PA NI, 'DZAM BU GLING GI SEMS CAN THAMS CAD KYI BDOG PA 'PHROG PA DANG SROG BCAD PA'I SDIG PAS DE'I SDIG PA'I CHAR YANG MI NYE BAS, ,

, ,BDAG LEGS SU 'DOD PA RNAMS KYIS GNAS 'DI LA SHIN TU GZAB PAR BYA'O, ,DE BZHIN DU NYAN RANG 'PHAGS PAS 'PHAGS PA'I GO MI CHOD PAR SMRA BA YANG SHES PAR BYA'O, ,GNYIS PA GDUL BYA LA 'PHRIN LAS MDZAD PA'I TSUL NI, DE BZHIN 'KHOR BA JI SRID 'DI, ZHES SOGS KYIS SHES PAR BYA'O, ,'DI'I MTSAMS SBYAR DU, YE SHES LA SOGS PA LA BLTOS NAS SKU GSUM BSTAN PA'I DON 'GREL CHEN GYI LUS RNAM GZHAG GI SKABS SU SKU GSUM YE SHES KYI TSOGS DANG, BSOD NAMS KYI TSOGS DANG, GNYIS KA'I CHA BSAGS PA LAS BYUNG BAR BSHAD PAR MA MTHONG BAR DON GZHAN DU 'CHAD PA NI NOR BA'O, ,'PHRIN LAS LHUN GYIS GRUB PA RGYUN MI 'CHAD PAR MDZAD PA THEG PA CHEN PO RGYUD BLA MA LAS, BRGYA BYIN RNGA SPRIN TSANGS PA DANG, ,NYI MA NOR BU RIN CHEN BZHIN, ,DE BZHIN GSHEGS PA SGRA DBYANGS BZHIN, ,NAM MKHA' DANG NI SA BZHIN NO, ZHES DPE DGUS BSTAN PA LTAR, 'PHRIN LAS MDZAD PA'O, ,DBYE NA LAM GYI RTEN LA 'GOD PA DANG, LAM LA 'GOD PA DANG, 'BRAS BU LA 'GOD PA'O, ,DANG PO NI, THAR PA SGRUB PA'I LUS RTEN KHYAD PAR CAN LA 'GOD PA DE, DE YANG MI DGE BA BCU SPONG ZHING, DGE BA BCU SGRUB PA LA 'JUG PAR BYED PA'O, ,GNYIS PA LA, TSOGS LAM DANG, SBYOR LAM DANG, MTHONG LAM DANG, SGOM LAM LA 'GOD PA'O, ,DANG PO NI, BSAM PA RNAM DAG 'GRO BA BZANG PO DANG, BZANG PO MA YIN PA 'KHOR BA'I BDE BA LA MNGON PAR ZHEN PA ZHI NAS THAR PA DON GNYER GYI BSAM PA BSKYED DE, DE YANG BSDU BA'I DNGOS PO BZHI LA BKOD NAS 'KHOR BA SPANG BYA DANG,

MYANG 'DAS THOB BYAR RTOGS PA'I SKYES BU 'BRING GI LAM GYI RIM PA LA 'GOD PAR MDZAD DO, ,GNYIS PA NI, THOG MAR BSAM PA RNAM DAG BYAMS SOGS TSAD MED BZHI LA 'GOD PA DANG, SBYOR BA RNAM DAG PHAR PHYIN DRUG LDAN DU NYAMS SU LEN PA RANG DON GYI SBYOR BA LA 'GOD PA DANG, GNYIS DON SGRIB PA'I YAN LAG DGE BA BCU'I LAS LAM LA 'GOD PA DANG, LTA BA RNAM DAG CHOS NYID STONG PA NYID DU RTOGS PA LA 'GOD PA'O, ,GSUM PA NI, SA DANG PO NAS CHOS KYI DBYINGS KUN TU 'GRO BA RTOGS PA'I MTSAN NYID CAN GZUNG 'DZIN GYI CHOS THAMS CAD GNYIS SU MED PAR MNGON SUM DU RTOGS PA LA 'GOD PA'O, ,BZHI PA LA, SA GNYIS PA NAS DGU PA'I BAR LA TSUL KHRIMS KYI PHAR PHYIN LHAG PA NAS, SMON LAM GYI PHAR PHYIN GYI MTHUS BYANG CHUB THOB PAR BYED PA LA 'GOD PA'O, ,SA BCU PA LA YE SHES KYI PHA ROL TU PHYIN PA LA BKOD PA'I STOBS KYIS SANGS RGYAS KYI DRUNG DU 'GRO BA DANG, SBYIN PA LA SOGS PA'I BYANG CHUB KYI YAN LAG KHYAD PAR CAN DANG, LAS 'BRAS KYI 'BREL PA CHUD MI ZA BA DANG, BDEN PA BZHI MTHA' DAG MNGON SUM DU RTOGS PA DANG, BTAGS 'DZIN SOGS ZAD PA DANG, DE'I GZHI SPANGS PA DANG, RNAM BYANG RDZOGS PA DANG, TSOGS YONGS SU RDZOGS PA DANG, SRID ZHI MNYAM NYID KYI SBYOR BA MTHAR THUG PA LA 'GOD PA'O, ,GSUM PA NI, MI GNAS PA'I MYA NGAN LAS 'DAS PA LA 'GOD LA STE, DE NI SNGAR BSHAD PA LTAR SEMS BSKYED KYI CHED DU BYA BA MTHAR THUG PA'O, ,GDUL BYA RNAMS RIM GYIS BRNYES PA'I GO 'PHANG DE LA 'GOD PAR MDZAD PA'O, ,RGYAN GYI DON DRUG TU BSDUS PA NI, MTSAN NYID DE YI SBYOR BA DANG, ZHES TE, BSGOM

, ,PAR BYA BA DANG, DE BSGOM PA'I SBYOR BA DANG, DE BSGOM PA RAB TU GYUR PA DANG, GO RIMS KYI SGOM PA'I GNAS SKABS DANG, SBYOR BA MTHAR THUG PA DANG, DE'I 'BRAS BU DANG DRUG TU BSDUS PA YANG, RGYAS PAR BSHAD NA SNGAR BSHAD PA LTAR SHES PAR BYA'O, ,DON GSUM DU BSDU BA NI, YUL NI RNAM PA GSUM PO RGYU, ZHES TE, SBYOR BA BSGOM PA PO SHES PAR BYA BA DANG, BSGOM PAR BYA BA'I 'JUG YUL DANG, 'JUG YUL DE NYID MTHAR THUG PA THOB PAR BYED PA'I THABS SBYOR BA DANG, DE LA BRTEN NAS THOB PA'I CHOS SKU 'PHRIN LAS DANG BCAS PA THOB BYA'I 'BRAS BU GSUM DU BSDUS PA YANG, SNGON 'DZIN MNGON SUM TSAD MAS SNGON PO RTOGS SHING, DE LA BRTEN NAS SNGON PO THOB PA LTAR RO, ,DE'I YAN LAG RGYAS BSHAD KYANG SNGAR BSHAD PA LTAR SHES PAR BYA'O, ,BRGYAD DU PHYE BA DANG, DRUG TU BSTAN PA DANG, GSUM DU BSDUS PA 'DI NI, BSDUS DON LUS RNAM GZHAG DE DAG BSTAN PA TZAM GYIS LAM SPYI'I GRANGS DANG, NGO BO DANG, GO RIMS LA YID DPYOD TZAM GYIS NGES PA SKYE BA'I DBANG PO'I KHYAD PAR YIN GYI, TSAD MAS MTHA' CHOD PAR NGES PA LA NI, GSUM KA LA TSIG DON RDZOGS PAR BSTAN DGOS PAS YUM RGYAS 'BRING BSDUS GSUM LTAR TSIG DON RGYAS 'BRING BSDUS GSUM GYIS BSTAN PAR BYA DGOS PA'I DBANG PO'I KHYAD PAR NI MA YIN NO, ,TSIG MANGS SU DOGS NAS ZHIB TU MA SPROS SO,, ` ,,RGYAL TSAB DAM PA'I GSUNG GI GCES PA'I MDZOD, ,SNYING PO'I DON DANG MNGON PAR RTOGS PA'I LAM, ,SKAL LDAN SKYES BUS NYAMS SU LEN PA'I TSUL, ,RGYAL SRAS BZANG PO'I BZHED PA JI BZHIN BSHAD, ,CHE BA'I CHE BA

MGON PO KLU SGRUB DANG, ,RGYAL BAS LUNG BSTAN 'PHAGS PA THOGS MED ZHABS, ,TSUL GNYIS SHING RTA'I SROL GYI LAM ZHUGS NAS, ,GSUNG RAB DGONGS 'GREL RGYA MTSO'I GLING SONG STE, ,THEG MCHOG RIGS KYI NUS PA LHAG PAR RGYAS, ,RNAM DPYOD DON GNYER SPRO BA'I SPRO BA CAN, ,SRID ZHI'I RGUD PA MA LUS BSAL SLAD DU, ,LEGS BSHAD YID BZHIN NOR BU 'DI BLANGS SO, ,GZHUNG LUGS GDAMS PAR 'CHAR BA'I SNANG BAS DBEN, ,DRI MED RIG PA'I MIG DANG MI LDAN PAR, ,LAM BZANG 'DI LA 'JUG PAR 'DOD PA YANG, ,DMUS LONG RANG DGAR GOM PA 'DOR DANG MTSUNGS, ,SBYANGS PA'I STOBS DMAN BLO GROS NYAM CHUNG YANG, ,RGYAL BA'I DAM CHOS MA LUS 'DZIN PA YI, ,BSHES GNYEN DAM PA'I MGON GYIS YONGS BZUNG BAS, ,LAM 'DI 'BYED LA LHAG PAR SPRO BA SKYES, ,MDO RGYUD YONGS SU RDZOGS PA LAM GYI GNAD, ,MA RTOGS LOG RTOG THAMS CAD KUN BSAL TE, ,JI BZHIN GZIGS NAS BRTZE BAS STON MDZAD PA'I, ,BLA MA DE LA BDAG NI PHYAG 'TSAL LO, ,RNYED BKUR GYA GYU'I BSAM PAS 'DI MA BYAS, LAM 'DI CHES CHER NYAMS PAR GYUR MTHONG NAS, ,ZER ZLOS TZAM ZHIG YUN RINGS GNAS NA YANG, ,SKAL LDAN 'GA' LA PHAN PAR CIS MI 'GYUR, ,'PHAGS PA'I BZHED PA SHIN TU RTOGS PAR DKA', ,BDAG NI BYIS PA'I NANG GI BYIS PA STE, ,GAL TE 'DI LA NONGS BA'I TSOGS MCHIS NA, ,BLA MA LHAR BCAS RNAMS KYIS BZOD PAR RIGS, ,'DIR 'BAD DGE BA RAB DKAR CI YOD DES, ,YUL LA SRED PA'I SKOM PAS SHIN TU GDUNGS, ,LAS KYI GZHAN DBANG GYUR PA'I MA RNAMS KUN, ,'CHI MED BDUD RTZI'I GO 'PHANG THOB PAR

, ,SHOG ,BDAG KYANG DENG NAS TSE RABS THAMS CAD DU, ,THEG MCHOG DGE BA'I BSHES GNYEN MNYES BYAS NAS, ,LAM BZANG 'DI DANG NAM YANG MI 'BRAL ZHING, ,KUN MKHYEN RGYAL BA'I GRONG KHYER 'JUG PAR SHOG ,MNGON PAR RTOGS PA'I RGYAN GYI BSHAD PA'I SROL DU MA RGYAL BA'I RING LUGS PA CHEN PO RJE BTZUN DAM PA RED MDA' PA KU MA RA MA TI'I ZHAL SNGA NAS DANG, BKA' BZHI 'DZIN PA RIN CHEN RDO RJE LA THOS SHING, KHYAD PAR DU MNGON PAR RTOGS PA'I RGYAN GYI RIM PA CHU BO GSUM 'DRES KYI RIM PA JO BO CHEN PO AA TI SHA NAS BRGYUD DE 'ONGS PA 'DI SNYIGS DUS KYI THAMS CAD MKHYEN PA RIN PO CHE BLO BZANG GRAGS PA'I DPAL BZANG PO'I ZHAL SNGA NAS LAS GSUNG GI BDUD RTZI YUN RING PO'I BAR DU MYANGS NAS MNGON PAR RTOGS PA'I RIM PA JI LTAR NYAMS SU LEN PA'I TSUL THEG MCHOG SGO 'BYED CES BYA BA, MDO SNGAGS KYI GZHUNG MANG DU THOS PA'I SDE SNOD 'DZIN PA DU MAS BSKUL NAS RIGS PA SMRA BA DGE SLONG DAR MA RIN CHEN GYIS 'BROG RI BO CHE DGE LDAN RNAM PAR RGYAL BA'I GLING DU SBYAR BA'O, ,YI GE PA NI SDOM BRTZON SDE SNOD 'DZIN PA RIN CHEN CHOS RGYAL LO, ,'DIS KYANG RGYAL BA'I BSTAN PA SGO THAMS CAD NAS PHYOGS THAMS CAD DU DAR ZHING RGYAS LA YUN RING DU GNAS PAR GYUR CIG, ,, ` AOm SVASTI, PHAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCHOG 'BRAS BZANG LA, ,SPYOD PHYIR BKRA SHIS LHUN GRUB CHOS GRVA CHER, ,CHOS SBYIN 'DZAD MED DAL 'GRO'I RGYUN 'DI SPEL,, ,,SARBA MANGGA LAm,,