, ,DPAL DUS KYI 'KHOR LO'I RNAL 'BYOR YAN LAG DRUG GI KHRID BSDUS PA BZHUGS SO, ,
, ,RJE BTZUN BLA MA RNAMS LA PHYAG 'TSAL LO, ,RNAM BCAS RNAM MED PHYAG RGYAS 'KHYUD PA YI, ,STONG PA NYID DANG SNYING RJE'I BDAG NYID CAN, ,GNYIS MED DUS KYI 'KHOR LO'I NGO BOR GYUR, ,RJE BTZUN BLA MA DE LA PHYAG 'TSAL LO, ,RDO RJE 'CHANG DU BGROD PA'I LAM GYI MCHOG ,RNAL 'BYOR YAN LAG DRUG CES CHER GRAGS PA, ,SHIN TU ZAB CING RTOGS PAR DKA' BA'I GNAS, ,BLA MA'I GSUNG BZHIN BRJED BYANG MDO TZAM BRI, DE LA 'DIR DPAL DUS KYI 'KHOR LO'I RNAL 'BYOR YAN LAG DRUG LA SLOB PA'I GANG ZAG GIS, ,THOG MAR LAM THUN MONG BA PHA ROL TU PHYIN PA'I LAM GYI RIM PAS RGYUD SBYONG BA SNGON DU BTANG BAR BYA STE, DE YANG SLOB DPON 'PHAGS PA LHAS SPYOD BSDUS SU, DANG POR SANGS RGYAS KYI THEG PA'I BSAM PA LA SLOB BO, ,DE LA LOBS PA NA THEG PA GSAR LA DRAN PA GCIG PA'I TING NGE 'DZIN LA SLOB BO, ,ZHES GSUNGS PA'I RIM GNYIS LA SLOB PA'I SNGON DU MA BU GCIG PA LA BRTZE BA JI TZAM PA YOD PA DE LTAR SEMS CAN THAMS CAD LA DMIGS NAS SDUG BSNGAL GTAN BYANG BAR 'DOD PA'I RNAM PA CAN GYI BLO DAM NGAM SHUGS KYIS 'JUG PAR 'GYUR BA DE'I TSAD TZAM DU PHA ROL TU PHYIN PA'I THEG PA CHEN PO'I LAM GYI RIM PA'I RIM RNAMS LA GOMS PAR BYAS NAS DE'I RJES SU SNGAGS LA 'JUG PAR BYA'O, ,
, ,DE DANG MTHUN PAR 'DIR YANG 'GREL CHEN DRI MED 'OD LAS, DE LTAR DANG POR CHOS THAMS CAD YANG DAG PAR BSDU BA SHES NAS, DE NAS RANG GI LUS LA KHYAB BDAG MCHOG GI GO 'PHANG MA NING NI SNGAGS PAS BSGOM PAR BYA STE, ZHES GSUNGS LA, BSDU BAR BYA BA'I CHOS NI, THEG PA GSUM DANG, DKON MCHOG GSUM DANG, PHAR PHYIN BCU DANG, BSDU BA BZHI DANG, GSUNG RAB YAN LAG DGU DANG, SBYANGS PA'I YON TAN BCU GNYIS LA SOGS PA RNAMS LA GSUNGS SO, ,DE LTAR LAM THUN MONG BAS RGYUD SBYANGS NAS DE'I 'OG TU THUN MONG MA YIN PA LA MA RIM PA GNYIS SGOM PA'I SNGON ROL TU, RGYUD SNOD DU RUNG BAR BYED PA'I DPAL DUS KYI 'KHOR LO'I DKYIL 'KHOR DU DBANG BSKUR BA JI LTAR THOB PAR BYED PA'I TSUL DANG, RGYUD SMIN PAR BYED PA BSKYED PA'I RIM PA BSGOM PAR BYED PA'I TSUL DANG, GROL BAR BYED PA'I LAM RNAL 'BYOR YAN LAG DRUG DANG, DON GSUM GYIS RIG PAR BYA'O, ,DANG PO LA BYIS PA 'JUG PA'I DBANG BDUN DANG, DBANG GONG MA LA BUM PA DANG GSANG BA DANG SHES RAB YE SHES KYI DBANG GSUM DANG, DBANG GONG MA'I GONG MA LA YANG DE GSUM DU PHYE BA RIGS MTSUNGS PAS, BUM PA DANG, GSANG BA DANG, SHES RAB YE SHES KYI DBANG GSUM DU BSDUS NAS 'JIG RTEN PA'I DBANG
BCU DANG, DBANG GONG MA LA PHYE BA'I BZHI PA NI, DRANG DON GYI DBANG BZHI PA YIN GYI, DBANG BZHI PA MTHAR THUG MA YIN LA, SHES RAB YE SHES KYI DBANG GI KHONGS SU 'DUS PA DANG, DBANG BSKUR BA'I TSE YONGS RDZOGS KYI DKYIL 'KHOR LA BRTAN PA DANG, THUGS KYI DKYIL 'KHOR TZAM LA BRTEN PA GNYIS LA DKYIL 'KHOR RDZOGS MA RDZOGS KYI KHYAD PAR MED PA DANG, BYIS PA 'JUG PA'I DBANG BDUN THOG MAR RDUL TSON GYI DKYIL 'KHOR LA NGES PAR LTOS PA SOGS GZHAN DU RGYAS PAR 'CHANG 'DOD PAS 'DIR DE TZAM LAS MA SPROS SO, ,DBANG GONG MA'I GONG MA LA PHYE BA'I DBANG BZHI PA NI, NGES DON GYI DBANG BZHI PA DANG, 'JIG RTEN PA'I DBANG BCU LA LTOS PA'I DBANG BCU GCIG PA DE'I DON CUNG ZAD BRJOD PAR BYA STE, RNAM PAR BCAS KYANG RNAM MED BCOM LDAN 'DAS MA SHES RAB MA RANG GI MTSAN TE DE YIS 'KHYUD, CES GSUNGS PAS RNAMS BCAS KYI SHES RAB MA RNAMS PAR MA BRTAGS PA'I STONG GZUGS KYI PHYAG RGYA CHEN MO SNA TSOGS YUM GYI RNAM PAR SHAR BAS RNAL 'BYOR BA RNAM PAR MA BRTAGS PA'I STONG GZUGS DPAL DUS KYI 'KHOR LO'I RNAM PAR SHAR BA LA 'KHYUD PA DANG, RNAM MED KYI SHES RAB MA RANG GI MTSAN NYID KYIS GRUB PAS STONG PA'I YUL SPROS BRAL STONG PA NYID KYIS, THABS MCHOG TU MI 'GYUR BA'I BDE BA CHEN PO'I YE SHES LA 'KHYUD PA, LONGS SPYOD RDZOGS DANG KHA SBYOR BDE CHEN RANG BZHIN MED, CES SOGS KYIS BSTAN PA LTAR YAN LAG BDUN DANG LDAN PA'I ZUNG 'JUG GI SKU NI, MTHAR
, ,THUG PA'I DBANG BZHI PA YIN LA, RJES DRAN GYI SKABS SU THOB PA'I MA BRTAGS PA'I STONG GZUGS KYI PHYAG RGYA DANG, DE 'DRA'I STONG GZUGS PHYAG RGYA CHEN MOS DRANGS PA'I MCHOG TU MI 'GYUR BA'I BDE BA MTHAR THUG GI SKU GNYIS KYI RIGS 'DRA'I RGYU NI LAM DUS KYI DBANG BZHI PA YIN NO, ,DPAL DUS KYI 'KHOR LO'I RGYUD, RGYUD KYI MTHAR THUG TU 'DOD PA RNAMS KYIS KYANG, MCHOG TU MI 'GYUR BA'I BDE BA TZAM LA DBANG BZHI PAR BYED CING, DA 'DREN PA'I RGYU RNAM PAR MA BRTAGS PA'I STONG GZUGS KYI PHYAG RGYA CHEN MO RJES DRAN GYI YAN LAG YAN CHAD DU THOB PA LA DBANG BZHI PAR MI BZHED PA NI PHYOGS TZAM MTHONG BAS ZHUGS PA YIN GYI RGYUD KYI DGONGS PA RDZOGS PAR MA RTOGS PA'O, ,DE LEGS PAR NGOS MA ZIN NA RGYUD LAS, BZHI PA DE YANG DE BZHIN NO, ,ZHES DBANG GSUM PA DANG DPE DON DU SBYAR NAS BSTAN PAR BYA BAR RGYUD GZHAN DU SBAS NAS GSAL BAR MA BSTAN PA 'DIR GSAL BAR GSUNGS PA'I DON KHONG DU CHUD PAR NUS PA MA YIN NO, ,NGES DON GYI DBANG BZHI PA DE NYID RDO RJE SLOB DPEN GYI TSIG GI BRDA SPRAD NAS GO BAR BYED PA NI RGYUD SNOD RUNG GI DBANG BZHI PA BSKUR BA'I TSUL LO, ,'DI YANG PHYOGS TZAM BRJOD PA STE GZHAN DU RGYAS PAR BSHAD PAR BYA'O, ,GNYIS PA LA MDOR BSDUS DANG PO LAS, GZUGS LA SOGS PA RTOG PA DKYIL 'KHOR GYI, 'KHOR LO BSGOM PA GOMS PAR GYUR PA NI, ,GRUB PA 'JIG RTEN PA DAG 'GRUB 'GYUR GYI, ,'DOD PA'I DNGOS GRUB CHEN PO GA LA ZHIG ,CES SOGS KYI DGONGS
PA MA RTOGS PAR DKYIL 'KHOR GYI 'KHOR LO SGOM PA'I BSKYED PA'I RIM PA NI RTOG PAS BTAGS PA'I SGOM YIN PAS 'JIG RTEN PA'I DNGOS GRUB TZAM ZHIG GI RGYU YIN GYI MCHOG GI DNGOS GRUB KYI RGYUR MI 'GYUR BAR 'DOD PA NI, RGYUD KYI LE'U LNGA'I GO RIM NGES PA'I RGYU MTSAN DANG 'GAL BA DANG, DGOS SOGS CHOS BZHI'I RNAM GZHAG DANG 'GAL BA DANG, DBANG BDUN GYI 'BRAS BU 'GRUB TSUL DANG 'GAL BA DANG, 'TSANG RGYA BA'I RGYUR TSOGS GSUM GA LA BSLABS DGOS PAR GSUNGS PA DANG 'GAL BA SOGS NYES PA MTHA' YAS PAS BSKYED RIM NGES PAR SNGON DU BSGOM DGOS PA'I RGYU MTSAN DANG, SBYANG GZHI NGOS BZUNG NAS DE SBYONG BA LA BSKYED RIM JI TZAM ZHIG BSGOM DGOS PA DANG, BSKYED RIM TSUL JI LTAR SGOM PA'I TSUL LA SOGS PA NI GZHAN DU RGYAS PAR 'CHAD 'DOD PAS 'DIR DE TZAM LAS MA SPROS LA, GZHI YIN LUGS KYI STONG PA NYID KYI DON RGYUD KYI DGONGS PA BZHIN MA RTOGS NA BSKYED RIM GYI SKABS SU RNAM PAR THAR PA'I SGO'I SNGAGS DON SEMS PA DANG, BDE STONG SBYOR BA'I MCHOG TU MI 'GYUR BA'I BDE BA'I YUL PHYIN CI MA LOG PA NGOS MI ZIN PAS DE'I DON CUNG ZAD BRJOD PAR BYA STE, DBANG MDOR BSTAN DU, RANG BZHIN MED PA'I CHOS RNAMS KYI, ,SKYE 'JIG SGYU MA JI BZHIN NO, ,ZHES PA DANG, SNA TSOGS 'DI NI RANG BZHIN MED, DNGOS PO DNGOS MED MTSAN NYID GCIG ,CES SOGS KYI BSTAN PA'I SNA TSOGS PA 'DI NI RANG BZHIN GYI GRUB PA RDUL TZAM YANG MED PA DANG, RANG RANG GI BYA
, ,PA BYED NUS PA'I SGYU MA LTA BU'I SKYE 'GAG BYED TSUL SOGS YOD MED KYI MTHA' DANG, RTAG CHAD KYI MTHA' DANG BRAL BA'I TSUL GSAL BAR 'GREL CHEN DRI MED 'OD KYI MDOR BSDUS LNGA PAR, 'DIR RNAL 'BYOR BA RNAMS KYI PHYOGS SU 'DZIN PA THAMS CAD NYAMS PAR BYA BA'I SLAD DU ZHES PA NAS, RTZA RGYUD LAS, BCOM LDAN 'DAS KYIS GSUNGS PA, ,YOD DANG MED LAS RNAM PAR 'DAS, ,GNYIS MED DNGOS DANG DNGOS MED ZAD, ,STONG NYID SNYING RJE DBYER MED PA, ,RDO RJE'I RNAM PAR BDE BA CHE, ,PHRA RAB RDUL GYI CHOS NYID 'DAS, ,STONG PA'I CHOS NI RNAM PAR SDANGS, ,RTAG DANG CHAD LAS RNAM PAR GROL, ,RDO RJE'I RNAL 'BYOR RIGS MED PA, ,ZHES DRANGS PA'I BAR GYIS BSTAN TE, DE LA GSUNGS ZHES DRANG NGO, ,GANG GI PHYIR TU NA, RNAL 'BYOR BA RNAMS KYIS YOD MED LA SOGS MTHAR LHUNG GI PHYOGS SU 'DZIN PA THAMS CAD NYAMS PAR BYA BA'I SLAD DU'O, ,GANG LAS NA, RTZA BA'I RGYUD LAS, ,ZHES SO, ,GANG GIS NA, BCOM LDAN 'DAS KYIS SO, ,JI LTAR NA, YOD MED KYI MTHA' LAS 'DAS PA DANG, DNGOS PO DNGOS MED KYI MTHA' ZAD PA DANG, RDUL PHRA RAB KYI CHOS NYID LAS 'DAS PA DANG, STONG PA'I CHOS RNAM PAR SPANGS PA DANG, RTAG CHAD KYI MTHA' LAS RNAM PAR GROL BA'I TSUL GYIS GSUNGS SO, ,STONG NYID CES PA'I RKANG PA GNYIS NI MTHA' BRAL DU GTAN LA DBAB PAR BYA BA'I KHYAD GZHI BSTAN TE, BDE STONG RNAM PA GNYIS SO, ,RTZA RGYUD KYI DON DE NYID BSHAD PA NI, ,RDO RJE'I RNAL 'BYOR RIGS MED PA, ,ZHES SOGS TE, RIGS MED PA NI MTHA' LHUNG GI PHYOGS SU
CHAD PA MED PA'O, ,RTAG PA DANG, ZHES PA NAS BLO YONGS SU SPANGS PA ZHES PA'I BAR DANG, YID CHOS PA'I DON CAN, ZHES SOGS TSIG DRUG GIS KHYAD PAR GYI CHOS BSTAN LA, GZHON NU MA, ZHES PA NAS, MNGON SUM DU MTHONG GZHES PA'I BAR GYIS KHYAD GZHI STONG GZUGS DANG, LHAN CIG SKYES PA'I DGA' BA ZHES PAS KHYAD GZHI BDE BA CHEN PO BSTAN TO, ,KHYAD CHOS SNGA MA GSUM 'CHAD PAR 'GYUR LA, PHYI MA DRUG LA, STONG GZUGS KYI KHYAD CHOS BZHI DANG, GNYI GA'I KHYAD CHOS GNYIS SO, , DANG PO NI, BSAM PA THAMS CAD YONGS SPANGS NA, ,NYI MA GCIG NI YONGS SU BRTAG ,CES SOGS GSUNGS PA LTAR SLOB DPON MTSAN NYID DANG LDAN PAS SLOB MA SNOD RUNG LA, SOR SDUD KYI RNAL 'BYOR BSTAN NAS BSGOMS PAS NYI MA GCIG LA STONG GZUGS MNGON SUM DU MTHONG BAR 'GYUR BAS YID CHES PA'I DON CAN DANG, SRID PA DANG MI SRID PA'I RNAM PA KUN 'CHAR BAS RNAM PA THAMS CAD PA DANG, MDUN GYI NAM MKHA' STONG PA'I PHYOGS SU SNANG BAS NAM MKHA' LAS BYUNG BA DANG, GZUGS SGRA SOGS DBANG PO THAMS CAD KYI YUL GYI STONG GZUGS SNANG BAS DBANG PO THAMS CAD PA ZHES SO, ,GNYIS KA'I KHYAD PAR NI, 'DOD PA'I DON PHYOGS RE TZAM MIN PAR YONGS SU RDZOGS PAR STER BAS KUN NAS SAM KUN TU BZANG PO'O, ,GTZUB STAN DANG GTZUB SHING RNAMS LA ME GNAS PA LTAR GZUGS DANG LHAN CIG SKYAS PA'I BDE BA RTZOL BA BYAS NA KUN LA 'BYUNG RUNG DU GNAS PAS SEMS CAN THAMS CAD KYI BDAG NYID DU GNAS PA'O, ,DNGOS PO DANG DNGOS PA
, ,MED PA GCIG PA 'DI NYID 'JIG RTEN PA'I GTAN TSIGS DANG DPE SPANGS 'DI'I DPER 'GYUR TE, ZHES SOGS TE, DE LA 'JIG RTEN PA NI LTA BA GTAN LAM PHEBS PA'I GNAS SKABS DANG, 'JIG RTEN LAS 'DAS PA NI LTA BA GTAN LA PHEBS PA'I GNAS SKABS SO, ,DNGOS PO DANG DNGOS PO MED PA GCIG PA ZHES PA NI, DNGOS PO RANG RANG GI BYA BA BYED NUS SU YOD PA DANG, DNGOS PO MED PA NI RANG BZHIN GYIS GRUB PA'I DNGOS PO MED PA STE, DE GNYIS GZHI MTHUN DU 'JIG RTEN LAS 'DAS PA LA RUNG GI ,'JIG RTEN PA LA MI RUNG BAS 'JIG RTEN LAS 'DAS PA ZHES BYA'O, ,BUM PA LTAR YOD PA DANG, NAM MKHA'I ME TOG LTAR RANG BZHIN GYIS MED PA GNYIS 'JIG RTEN PA'I KUN RDZOB TU GZHI GNYIS SU 'DUR MI RUNG STE, PHAN TSUN 'GAL BA'I PHYIR, 'JIG RTEN LAS 'DAS PA LA DE GNYIS GZHI GCIG PA NYID DU 'GYUR TE, PHAN TSUN CHOS MI MTHUN PA MI 'GAL BA'I PHYIR, DPE GNYIS KYI SNGA MAS YOD MED KYI MTHA' SPYIR 'GOG LA, PHYI MAS DNGOS PO DNGOS MED KYI MTHA' BYE BRAG TU 'GOG GO ,'JIG RTEN PA'I KUN RDZOB TU 'GAL BA'I RGYU MTSAN RGYAS PAR STON PA NI, GANG GIS ZHES SOGS SO, ,RGYU MTSAN GANG GIS BUM PA BZHIN BYA BA BYED NUS SU GANG YOD PAR KHAS BLANGS PA NA, DE NI RANG BZHIN GYIS MED PAR 'GYUR ZHING, GANG RANG BZHIN GYIS MED PAR KHAS BLANGS PA NA BYA BA BYED NUS SU YOD PAR MI 'GYUR TE, BYA BA BYED NUS KYI DNGOS PO DANG, RANG BZHIN GYI DNGOS PO MED PA'I RANG BZHIN GNYIS GCIG TU 'DUR MI
RUNG BA'I RGYU MTSAN LAS SO, ,DE NYID BSHAD PA NI, BYA BA BYED NUS GANG GIS YOD PA'I SEMS SU 'GYUR BA DES RANG BZHIN GYIS SED PAR MI 'GYUR BA DANG, RGYU MTSAN RANG BZHIN GANG GIS BDEN PAR MED PA'I SEMS SU 'GYUR BA DES BYA BA BYED NUS SU YOD PAR MI 'GYUR BAR 'GAL BA 'BA' ZHIG TU MTHONG NGO, ,BDE BA DANG STONG GZUGS YOD MED KYI MTHA' BRAL BA'I RGYU MTSAN 'DIR YANG ZHES SOGS TE, SNYING RJE'I BDAG NYID KYI STONG GZUGS SEMS LA GZHON NU MA'I PRA PHAG PA LTA BU'I STONG GZUGS SU SNANG BA 'DI RANG BZHIN GYIS GRUB PA'I MTSAN NYID DU MED DE, RDUL PHRA RAB TSOGS PAR MED PA'I PHYIR, KHYAB PA YOD DE, STONG GZUGS RDUL PHRA RAB TSOGS PAR SNANG LA DE RANG BZHIN GYIS GRUB NA GANG DU SNANG BA DER YOD DGOS PA'I PHYIR RO, ,ME LONG NANG GI BYAD BZHIN GYI GZUGS BRNYAN RANG BZHIN GYIS GRUB NA BYAD BZHIN DU GRUB DGOS PA BZHIN NO, ,DES NA BUM PAR MA GRUB STE, SNAM BUR MA GRUB PA'I PHYIR, CES PA LTA BU'I 'BREL MED DU DOGS PAR MI BYA'O, ,DES RTAG MTHA' DANG YOD MTHA' SPANGS NAS, CHAD MTHA' SPANGS PA NI, STONG GZUGS SNANG BA 'DI MED PA MA YIN TE, NAM MKHA' STONG PA LA SNYON MI NUS PAR MNGON SUM DU YOD PA'I PHYIR, ,DE LTA SNGA MAS YOD MTHA' SPANGS PA DE'I PHYIR KUN RDZOB 'DI RNAMS RANG BZHIN GYIS STONG PA NYID KYI GZUGS CAN TE, NGO BO CAN DU GRUB LA, PHYI MAS MED MTHA' SPANGS PA DE'I PHYIR RANG BZHIN GYIS STONG PA NYID KUN RDZOB PA'I NGO BO SNA TSOGS PA 'DIR SHAR BA YIN
, ,NO, ,DE LTAR 'JIG RTEN PA'I DPE LAS 'DAS PA'I PHYIR, SEMS GANG BYA BA BYED NUS SU YOD PA'I SEMS DE LA SEMS NGO BO NYID KYIS MA MCHIS PAS SEMS MED PA ZHES BYA'O, ,DE LTAR STONG GZUGS PHYAG RGYA CHEN PO DANG, SNYING RJE 'GYUR MED KYI BDE BA GNYIS RTAG CHAD KYI MTHA' DANG BRAL BAS NGO BO DBYER MED PA DANG, DON DAM DPYOD BYED KYI RIG PAS DPYAD PA'I TSE RANG BZHIN GYI STONG PAR GRUB PAS DON DAM PA'I BDEN PA ZHES SO, ,STONG GZUGS DANG BDE BA GNYIS KA'I SEMS DAG BUM PA LTAR YOD PA'I PHYIR DANG, NAM MKHA'I ME TOG LTAR RANG BZHIN GYIS GRUB PA GTAN MED YIN PA'I PHYIR YOD MED LAS 'DAS PA DANG, DNGOS PO DANG DNGOS MED ZAD PA ZHES SO, ,MDOR NA BDE STONG GNYIS BYA BA BYED NUS SU KHAS BLANGS PA NA, RANG BZHIN GYIS GRUB SNYAM PA'I RTAG PA'I MTHA' LHUNG DGAG PA'I PHYIR TU RANG BZHIN GYIS STONG PA BSTAN LA, DE LTAR BSTAN PA NA YANG BYA BA BYED NUS TZAM DU YANG MA GRUB BO SNYAM DU DEGS PA DGAG PA'I PHYIR TU CHAD PA'I MTHA' SPONG BA YIN LA, BYA BA BYED NUS SU YOD PA DANG, RANG BZHIN GYIS STONG PA GZHI GCIG TU 'DU BAS DBANG MDOR BSTAN DU, DNGOS PO DNGOS MED MTSAN NYID GCIG ,CES GSUNGS SO, ,'DIR GSUNGS PA RNAMS DANG, MGON PO KLU SGRUB KYI DGONGS PA SLOB DPON ZLA BA GRAGS PAS BKRAL BA DON GCIG TU YOD LA, LUGS 'DIS BKRAL BA LTAR DNGOS PO BDEN 'DZIN NYON SGRIB TU BYED PA'I LUGS MA RTOGS NA, RGYUD KYI
MGOR, NYIN MOR BYED PA'I SKU, GSUNGS PA'I RNAM BCAD YONGS GCOD KYI DGOS PA MTHA' CHOD PAR RTOGS MI NUS LA, DE MA RTOGS PAS SNGON DU DUS 'KHOR BA KHA CIG LA, RANG GZHAN GYI LTA BA RIG PAS RNAM PAR DPYAD PA'I SKABS SU SEMS TZAM PA'I 'DOD PA 'GEG PA LA SKYON CHEN PO BSKYED SNANG NGO, ,GSUM PA LA GSUM, MDOR BSTAN PA DANG, DE DAG GI DON SO SOR BSHAD PA DANG, BSDUS TE BSTAN PA'O, ,DANG PO NI, RJE NYID KYI GSUNG NAS, SO SOR SDUD DANG BSAM GTAN YAN LAG GIS, ,AA WA DH'U T'I'I YAR SNAR SREG SDUD SHES, ,SGRA GCAN LAM NAS RLUNG LNGA MI PHYED PAS, ,LHUN GYIS GRUB PA'I ZAB MO RDOR BZLAS SHES, ,BUM PA CAN GYIS SROG DANG THUR SEL GNYIS, ,DBU MA'I NANG DU KHA SBYOR BYED TSUL SHES, ,RJES DRAN STONG GZUGS PHYAG RGYA'I CHU SKYES KYIS, ,MI 'GYUR BDE BA CHEN PO 'DREN TSUL SHES, ,DE PHYIR LUGS 'DI DUS 'KHOR TSUL SMRA BA, ,LUGS GZHAN DAG LAS KHYAD PAR 'PHAGS PA STE, DE LTAR MI SHES DUS 'KHOR TSUL SMRA BA, ,DE DAG CHU NANG SHAR BA'I ZLA GZUGS BZHIN, ZHES GSUNGS SO, ,GNYIS PA NI, DE LA SPYIR GNYIS SU MED PA'I RGYUD RNAL 'BYOR BLA NA MED PA'I PHA RGYUD MA RGYUD GNYIS KA'I LUGS KYIS, RDZOGS RIM GYI LAM GYI GTZO BO MANG DU YOD KYANG, GNYIS KA NAS GSAL BAR STON PA NI, BDE STONG SBYAR TE BSGOM PA'I, ,DE'I STENG PA NI SNGAR BSHAD PA LTAR RANG GI NGO BOS GRUB PAS STONG PA DE YIN LA, DE'I BDE BA NI, SROG DH'U T'IR GZHUGS GNAS THIM GSUM
, ,BYAS PA LAS BYUNG BA'I LHAN CIG SKYES PA'I BDE BA CHEN PO STE, DE GNYIS YUL DANG YUL CAN DU SBYOR BA'O, ,BDE BA CHEN PO 'DREN PA'I THABS RLUNG DBU MA'I NANG DU ZHUGS GNAS THIM GSUM BYED PA'I RKYEN LA, NANG GI RKYEN NI RDOR BZLAS DANG BUM PA CAN LTA BU'I RLUNG SBYONG BYED PA DANG, RTZA DBU MA'I GNANG CHE SAR THIG LE SOGS LA DMIGS PA GTAD NAS BSGOM PA DU MA YOD KYANG 'DIR NI SNGA MA GNYIS SO, ,PHYAG RGYA'I RKYEN NI LAS KYI PHYAG RGYA RIGS BZHI DANG, YE SHES KYI PHYAG RGYA SNA TSOGS YUM LA SOGS PA RTOG PAS BTAGS TE BSGOMS PAS GSAL SNANG THON PA'I LHA MO DU MA YOD KYANG 'DIR NI SNA TSOGS YUM LAGS LA SNANG LEGS PAR THON PA DANG, RNAM PAR MA BRTAGS PA'I STONG PA LUGS KYI PHYAG RGYA CHEN MO'O, ,'DI LA DPAL GSANG BA 'DUS PA LA SOGS PA'I RGYUD GZHAN LAS LHAN CIG SKYES PA'I BDE CHEN 'DREN NUS NA DE NYID DANG STONG PA NYID KYI LTA BA GNYIS NGO BO DBYER MED DU SBYAR NAS BSGOM PA DANG RLUNG SEMS CAN LAS GRUB PA'I SGYU LUS BSGOM PA NYID KYI CHOG GI ,DE DANG LHAN CIG SKYES PA'I BDE CHEN 'DREN PA'I THABS KYI PHYAG RGYA, LAS KYI PHYAG RGYU DANG, YE SHES KYI PHYAG RGYA MA GTOGS PA'I PHYAG RGYA'I STOBS KYIS BDE CHEN 'DREN PA'I THABS 'DIR GSUNGS PA LTAR GSAL BAR MA BSHAD DO, ,DPAL DUS KYI 'KHOR LO 'DIR NI THABS SNGAR BSHAD PA DE DAG MIN LA PHYAG RGYA'I SGO NAS BDE CHEN 'DREN THABS ZHIG
YOD PA DE, RGYUD GZHAN DU SBAS NAS GSAL BAR MA GSUNGS TE, DE YANG, BZHI PA DE YANG DE BZHIN NO, ,ZHES GSAL BAR MA BSTAN PA 'DI YIN NO, ,DE 'DRA ZHIG YIN SNYAM NA, DBANG GSUM PA DNGOS DBANG DU BSKUR BA'I DUS SU, ,LAS KYI PHYAG RGYA LA BRTEN NAS LHAN SKYES KYI DGA' BA BSKYED PA DE DPER BYED DO, ,DBANG BZHI PA BSKUR BA'I DUS SU TSIG GIS BRDA SPROD PA'I TSUL NI, DBANG GSUM PA'I SKABS SU SLOB MA RANG NYID KYI LUS LHA YAB YUM GYI RNAM PA CAN DU YID NGOR SHAR BA DANG, SEMS BDE STONG DBYER MED KYI YE SHES RJES MTHUN PA MNGON DU BYAS PA GNYIS RTEN DANG BRTEN PA'I RNAM PAR DUS GCIG TU ZUNG NGU CHUD PA GCIG YOD PAR DPE BZHIN DU DE NYID GOMS PAR BYAS PA LAS, LUS RNAM PAR MA BRTAGS PA'I STONG GZUGS MTHAR THUG PAR GYUR PA DANG; SEMS MCHOG TU MI 'GYUR BA'I BDE BA'I DNGOS POR SKYES PA MTHAR THUG PA NI MTHAR THUG GI DBANG BZHI PA YIN LA, SLOB MA LAM GYI GNAS SKABS SU DE GNYIS TSOGS PA NA LAM DUS KYI DBANG BZHI PA YIN NO, ,ZHES NGO SPROD PAR BYED PAS, LAS RGYA DPE BYAS NAS MTSON PAR BED PA'I DON NI, STONG GZUGS KYI PHYAG RGYA CHEN MO'O, ,LAS RGYA LAS BDE BA SKYED PAS BZHIN DU, STONG GZUGS LAS MI 'GYUR BA'I BDE BA BSKYED PA'O, ,TSUL DE RGYUD GZHAN RNAMS KYI DON DU YOD KYANG GSAL BAR MI STON LA, DPAL DUS KYI 'KHOR LO LAS GSAL BAR STON PAR BZHED DO, ,DE 'DRA BA'I PHYAG RGYA CHEN PAS DRANGS PA'I DGA' BA GSUM GYIS MTHAR SKYES PA'I LHAN CIG SKYES DGA' DE TING NGE 'DZIN GYI YAN LAG GI 'GYUR MED KYI BDE
, ,BAR 'JOG GI ,'O NA RNAL 'BYOR YAN LAG DRUG PA TING NGE 'DZIN GYI YAN LAG TU GYUR PA'I MCHOG TU MI 'GYUR BA'I BDE BA DE 'DREN PA'I THABS YAN LAG LNGA PA RJES DRAN GYI YAN LAG STONG GZUGS KYI PHYAG RGYA JI LTAR BYAS PAS 'GRUB CE NA, DE LA NI SNGON DU GZUGS BRNYAN GRUB PA GCIG DANG, SROG GRUB PA GCIG DGOS PAS YAN LAG PHYI MA DE GNYIS BSGRUB PAR BYED PA LA YAN LAG DANG PO BZHI GSUNGS SO, ,DE LA GZUGS GRUB PA DGOS PA NI THOG MAR RTZA DBU MA'I LAM SBYONG BAR BYED PA YAN LAG DANG PO SO SOR SDUD PA'I RNAL 'BYOR TE, DE MTSAN MO'I RNAL 'BYOR DANG NYIN MO'I RNAL 'BYOR GNYIS KYIS YIN TE, 'GREL CHEN DRI MED 'OD LAS, 'KHOR LO CAN GYI ZHES PA GTZUG TOR GYI KHRO BO'I BLTA BAS SHES PA MIG MI 'DZUM PAR STENG DU BLTA BAS MTSAN MAR 'GYUR TE, ZHES STENG DU BLTA BA TZAM LAS GZHAN GSAL BAR MA GSUNGS SO, ,SBAS PA MIG 'BYED LAS, GTZUG TOR DU BLTA BAR BSHAD KYI DON MIN NO, ,RNAL 'BYOR GSUM SNYING LAS, BYED PA LNGA LA BCING PA GNYIS, ,BLA MA'I ZHAL LAS SHES PAR BYA, ,ZHES GSUNGS PA'I BYED PA LNGA NI DBANG PO LNGA'O, ,BCING PA GNYIS NI DBANG PO'I RLUNG PHYI ROL TU 'GRO BA STOD SMAD GNYIS NAS 'CHING BA'O, ,DE YANG GANG DU SGOM PA'I GNAS LA SOGS PA DON DRUG GIS 'CHAD KYANG, GTZO BO LUS KYI 'DUG STANGS DANG, SEMS KYI 'JOG TSUL GSUM GAL CHE BA YIN YANG, DA LTAR GYI SOR SDUD BSGOM PAR 'DOD PA PHAL CHER GYI SKABS 'DIR LUS LA GNAD DU BSNUN PA'I DMIGS PA GTOD PA JI LTA BA BZHIN MI
RTOGS PAR SNANG BAS DE BSHAD PAR BYA STE, SOR SDUD DANG BSAM BTAN GYI SKABS KYI NYIN MTSAN GYI RTAGS BCU NI, SROG DBU MAR ZHUGS PA'I SEMS KYI SNANG BA YIN LA, DMIGS PA 'DIS SROG DBU MAR SDUD PA NI DU MA ZHIG BSHAD CING, DE LA LUS KYI DBU MA'I GNAS GCIG TU SEMS GTOD PA MED NA MI 'BYUNG BAS DE NI SMIN MA GNYIS KYI DBUS DRANG PO NA AA WA DH'U T'I'I YAR SNA YOD PAS DER GTOD PA YIN TE, RTZA BA'I RGYUD LAS, SO SOR SDUD PA PHYAG RGYA CHE, ,NAM MKHA' STONG PA'I MTSAN NYID DO, , GANG ZHIG KHO NAR YID DAG NI, ,BKOD PA DE YI PHYOGS SU SNA, ,MTSAN MA'I MTHAR NI DE KHA GANG, ,DE LA SNA TSOGS RGYUD MI RGYU, ,MA LUS BSGOM PAR BYA DE LA, ,ZHES GSUNGS PA LAS SHES TE, NAM MKHA' STONG PA NI, MIG GTONG PA DANG THOG MAR STENG GZUGS 'CHAR RO, ,STONG GZUGS NI GZUGS BRNYAN DANG SGRA BRNYAN LA SOGS PA SNOD BCUD THAMS CAD KYI STONG GZUGS PAR PHABS PA LTA BUR 'CHAR LA, DE YANG RNAL 'BYOR PA DE'I YID KYI SHES PA LA THOG MAR DBANG PO KUN GYIS BYA BA BYED NUS PA LTAR SNANG BA DANG, PHYIS DBANG PO KUN GYIS BYA BA BYED NUS PAR 'CHAR GYI, ,RNAL 'BYOR PA DE'I DBANG SHES LA SNANG BA NI MIN NO, ,MTSAN BCU'I MTHAR RE KHA NAG PO MTHONG BA NI, MA'I SNA AA WA DH'U T'I'I MTHONG BA DANG, DE YANG SOR SDUD KYI SKABS SU YID GTOD PAR GSUNGS PA'I PHYIR DANG, DH'U TER YID GTOD PA YANG DE LAS GNAS GZHAN DU MIN PA'I PHYIR RO, ,DRI MED 'OD DU YANG, DE NYID DU 'DIR RKYANG MA DAG DANG N, ,RO MA GCIG TU SBYOR BAS MTHONG BAR 'GYUR, ZHES GSUNGS
, ,PA'I DE GNYIS GCIG SBYONG BA NI RTZA DBU MA'O, ,RI GI AA RA LI LAS, MIG PHYED GYEN DU LDOG NAS NI, SMIN MA'I DBUS SU SEMS BYAS NA, ZHES SHIN TU GSAL BAR GSUNGS PA DANG, PAn CHEN SH'A-KYA SHR'IS KYANG, DBU MAR RENGS PA'I LTA STANGS NYID, CES BSHAD PAS, SOR BSAM GYI TING NGE 'DZIN NI BSGOM PAR 'DOD PA RNAMS KYI DMIGS PA GTOD PA'I GNAD KHONG DU MA CHUD NA, 'BAD PA 'BRAS BU MED PAR SHES PAR BYA'O, ,RTZA RGYUD LAS KYANG, DUS KYI RTZA LA MTHONG BAR GYUR GYI BAR DU'O, ,ZHES PA YANG DBU MA'I NANG DU MTHONG BA'O, ,SOR SDUD KYI SKABS SU 'DI RNAMS LA BDAG LA BYIN GYIS BRLABS PA DANG, KUN RDZOB BDEN PA ZHES GSUNGS PA DANG, BDAG LA BYIN GYIS BRLABS PA NI, GANG YANG RGYAL 'JOG PA'I GZHI'I GTZO BO NI RJES DRAN YAN CHAD KYI STONG GZUGS KYI PHYAG RGYA CHEN PO YIN LA, GZUGS KYI SKU DE SGRUB PA'I GZHI 'DI NYID YIN PAS BDAG LA BYIN GYIS BRLABS PA ZHES BYA'O, ,KUN RDZOB KYI BDEN PA ZHES PA YANG BDEN PA GNYIS SU PHYE BA'I KUN RDZOB KYI BDEN PA YIN MOD KYI, 'DIR DE LTAR BSHAD PA NI, DON DAM PA 'OD GSAL MCHOG TU MI 'GYUR BA'I BDE BA DE'I RTEN, CHOS CAN KHYAD PAR BA LHA'I SKU DE NYID SGRUB PA'I GZHI YIN PA'I NGOS NAS BZHAG PA'O; ;SKABS 'DIR YANG, DBU MA'I NANG DU RDO RJE SEMS DPA'I SKU MTHONG GI BAR DU BSGRUB PAR BYED DO, ,SOR SDUD KYI SKABS 'DIR, TING NGE 'DZIN DE LA MNYAM PAR BZHAG PA NA, GZHI LUS KYI DBANG SHES YUL YUL CAN GYI BYED PA SKABS
'GAR MNYAM PA'I CHUL DU 'BYUNG YANG, THUN LEGS PAR 'KHYONGS PA'I BRTAN PA THOB PAR MI 'BYUNG LA, DA LTA'I RTAGS BCU MI BRTAN 'ANG DA GZOD KYI GZUGS DE MI BRTAN PAS, DE BRTAN PA BSGRUB PA LA BSAM GTAN GYI YAN LAG DGOS TE, DE LUS KYI 'DUG STANGS DANG, MIG GI LTA STONGS DANG, DMIGS PA'I GTOD SA SOGS SOR SDUD DANG MTHUN PAR BYAS PAS CHOG GI, DE LAS SPOGS CHOG GZHAN MI DGOS TE, BSAM GTAN GYI YAN LAG LNGA KA YANG SOR SDUD GOMS PA'I MYONG BA BSKYED RIM DU SNANG BA'I PHYIR RO, ,SOR SDUD KYI SKABS SU MUN PA SHIN TU GNAG PA DANG, PHYE MIG LTA STANGS GYEN DU PHYOGS PA CUNG ZAD KYANG MI 'GUL BA DANG, SEMS SMIN MTSAMS SU GTOD PA GSUM DNGOS GZHI YIN LA DE SKYOD PA LA BYING RGOD GCOD TSUL LA MKHAS PA GCIG DGOS TE, PHA ROL TU PHYIN PA'I THOG PA'I LAM GYI RIM PA NAS 'BYUNG BA DANG 'DRA GSUNG NGO, ,SOR SDUD KYI SKABS SU RTAGS RDZOGS PA RNAMS KHRIGS CHAGS SU NGES PAR 'CHAR BA DANG, DBANG SHES YUL YUL CAN GYI GZUNG 'DZIN GYI 'BREL PA LDOG PA THUN CUNG ZAD RE MA YIN PAR LEGS PAR 'KHYONGS SHING, BRTAN PA LEGS POR THOB PA NA BSAM GTAN GYI YAN LAG RDZOGS PA YIN PAS, DE NAS SROG RTZOL SGOM RAN PA'I RTAGS SU SHE SPAR BYAS NAS SROG RTZOL BSGOM PA LA 'JUG PA YIN GYI ,TSE RIL PO SOR BSAM GYI SKABS KYI RTAGS DE NYID LA ZHEN PA DANG, DE NYID THOB BYA'I 'BRAS BU MTHAR THUG TU 'DOD PA NA, DPAL DUS KYI 'KHOR LO'I
, ,RGYUD LA SKUR BA 'DEBS PA MIN NA, DE NAS GSUNGS PA'I RNAL 'BYOR YAN LAG DUG GI LAM GYI RIM PA LA RNAM GZHAG CUNG ZAD KYANG MA CHAGS PAR THOG CHOD PAR SHES PAR BYA'O, ,DES NA GZUGS BSGRUB PA LA SOR SDUD DANG BSAM GTAN GYI YAN LAG GNYIS GSUNGS SO, ,SREG BSGRUB PA LA YAN LAG BAR PA GNYIS GSUNGS TE, DE YANG 'DI SKOR NAS SROG RTZOL LA RDO RJE'I BZLAS PA DANG BUM PA CAN GNYIS GSUNGS LA, DE GNYIS KYI SNGAR SOR BSAM GYIS DBU MA'I LAM LEGS PAR SBYANGS PA RLUNG DE NYID SEMS KYI RJES SU BYED PAR BSGRUB PA YIN LA, 'DZIN PAS NI SEMS RJES SU BYED PA DE BRTAN PAR BYED PA YIN NO, ,DE'I TSAD NI MA BRTAGS PA'I STONG GZUGS KYI PHYAG RGYA CHEN MO 'PHEN PA BTANG PA TZAM GYI RJES SU BYED MI BYED LA BLTAS PA'O, ,DES NA SROG BSGRUB PA LA SROG RTZOL DANG, 'DZIN PA GNYIS GSUNGS SO, ,DE LA SROG RJES DRAN NA SROG DBU MA'I NANG DU ZHUGS BZHIN PA'I DUS KYI RLUNG DE DANG NGO BO GCIG PA'I LHAN CIG SKYES PA'I YE SHES KYI SNANG BA NYID DPAL DUS KYI 'KHOR LO YAB YUM DU SHAR BA THOG MAR THOB PA NAS YIN LA, DE GNYIS SNYOMS PAR ZHUGS PA'I STOBS KYIS DRANGS PA'I DGA' BA BZHI PA MCHOG TU MI 'GYUR BA'I BDE BA NI TING NGE 'DZIN GYI YAN LAG YIN LA, SROG 'DZIN GNYIS KYI SKABS SU DKA' BZHI'I RTOGS PA DU MA SKYED NUS KYI TING NGE 'DZIN GYI YAN LAG TU MI BZUNG NGO, ,MI 'GYUR BA NI, BDE BA'I RTEN KUN DA LTA BU MI 'GYUR BA'I
TSUL KHYAD PAR BA LA GO DGOS KYI, SKYE 'GAG MI BYED PA'I RTAG PA LA 'DOD PA NI, GRUB MTHA' LA BLO KHA MA PHYOGS PA'I MUN SPRUL LO, ,STONG GZUGS KYI PHYAG CHEN MTSAN NYID TSANG BA GRUB KYANG, MI 'GYUR BA'I BDE BA SKYED MI NUS PA GCIG BSHAD PAS DE'I TSE LAS RGYAL? BRTEN PAR BYAS NAS RIM GYIS GZUGS KYI SGO NAS DGA' BA RNAMS BSGRUB PAR GSUNGS SO, ,DE SGRUB THABS LE'U'I 'GREL PAR, DA NI BTZAN THABS KYI RNAL 'BYOR GSUNGS TE, 'DIR GANG GI TSE SO SOR SDUD PA LA SOGS PAS GZUGS MTHONG BAR GYUR PA LA SROG MA BCINGS PA NYID KYIS 'GYUR BA MED PA'I SKAD CIG MA MA SKYES NA, DE'I TSE N'A DGOMS PA 'CHAD PAR 'GYUR BAS BTZAN THABS SU DBU MAR 'BAB PAR BYAS NAS SHES RAB KYI CHU SKYES SU GNAS PA'I RDO RJE NOR BUR BYANG CHUB SEMS KYI THIG LE BKAG NAS MI GA-YO BAS 'GYUR BA MED PA'I SKAD CIG BSGRUB PAR BYA'O, ,ZHES PA NI BTZAN THABS KYI RNAL 'BYOR RO, ,ZHES GSUNGS LA, SLOB DPON NYI MA DPAL YE SHES KYIS MDZAD PA'I MTSAN BRJOD KYI 'GREL BA LAS KYANG, TING NGE 'DZIN GYI YAN LAG GSAL BA'I DON DU BTZAN THABS KYI SBYOR BA YANG THABS SO, ,BTZAN THABS SBYOR BA 'DI LTA STE, GANG GI TSE SO SOR SDUD PA LA SOGS PAS GZUGS BRNYAN MTHONG NAS RLUNG MA BSDAMS PA NYID KYIS MI 'GYUR BA'I SKAD CIG SKYE BAR MI 'GYUR TE, DE'I TSE N'A DA GOMS PAR BYAS PAS LHAN CIG SKYES PA'I DGA' BSGOM PA'I BTZAN THABS KYIS H'Um GIS RNAM PA'I SGRA YIS SROG DBU MAR GZHUG PAR BYA'O, ,'DI LTAR LEGS PAR BSLAB PA'I MCHOG GI 'DOD PA MO, ,RGYUD LAS
, ,GSUNGS PA'I YON TAN DANG LDAN PAS RJES SU CHAGS PA MO'I KAK-KA LAR BA LAR CHA GA BZHIN DU BCUG LA, MI 'DAR BA NYID KYIS NGAL BSO STE, DE'I ZE 'BRU'I KHAR RNGA RNGA NOR BU BTZIR NAS SHIN TU DGA' BA'I ROS SKAD CIG TZAM MI BSGUL BAR BYA'O, ,DE NAS DE 'GYUR BA'I GNAS SKABS 'BYUNG BA NA H'U GI RNAM PA BRJOD PA SNGON DU 'GRO BAS BLA MA DAM PA'I DRIN GYIS THOB PA SNGON DU BYA ZHING, BZHI PA LHAN CIG SKYES PA'I DGA' BA NYAMS SU MYONG BA YIS BYANG CHUB KYI SEMS KYI THIG LE 'GOG PA'O, ,DE NAS MI 'GYUR BA'I SKAD CIG THOB BO, ,'DI LTAR YANG TING NGE 'DZIN GYI YAN LAG GSAL BAR 'GYUR RO, ,ZHES PA'I DON TE, ZHES GSUNGS PA RNAMS KYI DON NI GZHAN DU BSHAD PAR BYA'O, ,RGYUD 'DIR LAS RGYAS 'DZAG PA'I BDE BA DANG, YE RGYAS GA-YO BA'I BDE BA DANG, PHYAG CHEN GYIS MI GA-YO BA'I BDE BA SBYIN PAR BSHAD PA'I 'DZAG PA SOGS NI, LUS KYI NANG NAS 'JIG PA SOGS LA BYAS NA ZHU BDE MI 'ONG BAS MI 'THAD LA, RDO RJE'I SGO'I PHYI ROL TU 'DZAG PA SOGS LA BYED NA, PHYAG RGYA GZHAN GNYIS KYANG MI 'GYUR BA'I BDE BA 'PHEL BA'I DON TU BSTAN PAR GSUNGS PA DANG 'GAL BAS DON DE GANG YIN SNYAM NA, 'JIG PA SOGS NI NANG GI MI 'JIG PA'I RKYEN DANG BRAL BA'I PHYAG RGYA'I NGOS NYID NAS BRTZI'O, ,DE LTAR BYAS NA LAS RGYAS NI PHYI ROL TU 'DZAG PAR 'GYUR LA, YE RGYAS NI PHYI ROL TU MA 'DZAGS KYANG, KHAMS RDO RJER 'BAB PA GNAS GZHAN DU 'GRO BAS GA-YO BAR 'GYUR RO, ,PHYAG CHEN GYIS NI KHU BA RDO RJE'I NANG DU BABS PA GNAS GZHAN DU MI 'GRO BAR SDOD PAR 'GYUR BAS RTZE GA
THUB PA YIN NO, ,PHYAG RGYA DE'I RANG NGOS NAS KYANG BYANG SEMS ZHU BA PHYIR 'PHO MI SRID LA, BDE BA'I RTEN NI MI YAL BAR SNGOD PAR YANG 'GYUR RO, ,STONG GZUGS KYI PHYAG CHEN DANG, SGYU LUS GNYIS DON GCIG TU BSHAD DU MI RUNG BA NI, 'DI'I LUGS KYIS LUS KUN TA LTA BUS BA GANG NAS, BEM PO'I PHUNG KHAMS SOGS ZAD PAR BYED PA LAS SHES NUS SO, ,'DUS PA NAS SNGON DU SROG BSGRUBS NAS, DE'I 'OG TU SGYU LUS KYI GZUGS BSGRUB PA YIN LA, DE'I TSE YUM DANG BCAS PAR 'GRUB CING, DE DANG SNYOMS PAR ZHUGS PA LAS LHAN SKYES BSKYED PAR NUS PAS, DUS 'KHOR BZHIN DU GZUGS BSGRUB PA MI BSHAD PA YIN NO, ,STONG NYID KYI PHYAG RGYA LA DUS 'KHOR NAS SNGAR LTAR BSHAD PA NI, SNANG PHYOGS KYI STONG NYID KYI PHYAG RGYA'O, ,DRIL BU ZHABS KYI PHYAG RGYA CHEN PO BSGOMS PAS NOR BU 'GENGS PA'I RI BAM GSUNGS PA NI, STONG PHYOGS KYI PHYAG RGYA CHEN MO'O, ,DE NI STONG NYID BDE CHEN GYIS BSGOMS PAS BYANG SEMS ZHU NAS NOR BU BKANG PA LAS LHAN SKYES BSKYED PA'O, ,'DI MAN SNYE NAS LHAN SKYES KYI GTUM MOR GSUNGS PA DE YIN TE, STONG PHYOGS KYI PHYAG RGYA LA DMIGS NAS NOR BU 'GENGS PA 'DI DUS 'KHOR GYI SKOR NA GSAL BAR MI SNANG BAS GNYIS KA MKHAS PAR BYA'O, ,RJES DRAN SGOM PA'I DUS SU SROG AA WA DH'U T'IR GZHUG GO; ;DE NAS DBU MAR ZHUGS BZHIN PA'I DUS KYI RLUNG DANG NGO BO GCIG PA'I YE SHES KYI SNANG BA PHYAG RGYA MOR SHAR BA DE DANG SNYOMS PAR ZHUGS PAS DGA' BZHI BSKYED PAR BYA'O, ,'DI DAG GI DON RGYAS PAR NI GZHAN DU BSHAD PAR BYA'O, ,GSUM
, ,PA NI, SBYOR BA YAN LAG DRUG GI 'KHRID PA LA THOG MAR DGE BA SKU RDO RJE BSNYEN PA'I YAN LAG DANG, BAR DU DGE BA GSUNG RDO RJE NYER SGRUB KYI YAN LAG DANG, THA MAR DGE BA THUGS DANG YE SHES RDO RJE BSGRUB PA DANG SGRUB CHEN GYI YAN LAG GO ,DANG PO LA GNYIS, GZUGS SGRUB BYED SOR SDUD KYI YAN LAG DANG, DE BRTEN PAR BYED PA BSAM GTAN GYI YAN LAG GO, ,DANG PO NI, DUS ZHABS SNYAN RGYUD LAS, KUN LA DRUG DRUG SHES BYA STE, ZHES 'BYUNG BA LTAR, SOR SDUD KYI MTSAN DON DANG SGOM PA'I DUS MTSAMS DANG, YAN LAG GI SGOM PA'I MTSAN NYID DANG, TSAD MA GANG YIN PA DANG, SBYANG GZHI GANG DAG TSUL DBYE BA DANG BCAS PA DANG, GNAS SKABS DANG MTHAR THUG GI 'BRAS BU'O, ,GSUM PA LA LNGA SOR SDUD KYI MTSAN NYID DANG, RNAL 'BYOR GNYIS SU DBYE BA DANG, PHYE BA SO SO'I DON SGOM TSUL DANG, SPOGS CHOG DANG, BSGOM 'PHRO LA SHI YANG RNAL 'BYOR GOMS STOBS LAS 'JUG PAR BSTAN PA'O, ,GSUM PA LA GNYIS, MTSAN MO'I RNAL 'BYOR SGOM TSUL DANG, NYIN MO'I RNAL 'BYOR SGOM TSUL LO, ,DANG PO LA DRUG ,GANG DU SGOM PA'I GNAS DANG, LUS KYI 'DUG STANGS DANG, MIG GI BLTA STANGS DANG, DBANG PO'I BYED BCINGS DANG, SEMS KYI 'JOG TSUL DANG, NYAMS RTOGS SKYED TSUL LO, ,'DI DAG GI DON SO SOR BSTAN PA DANG, SPOGS CHOG GI MTHA' DPYAD PA SOGS NI GZHAN DU 'CHAD PAR 'DOD PAS 'DIR MA SPROS SO, ,SDE SNOD 'DZIN PA DU MAS BSKUL NAS, DUS GSUM GYI SANGS RGYAS THAMS
CAD KYI NGO BOR GYUR PA, RJE RIN PO CHE THAMS CAD MKHYEN PA BLO BZANG GRAGS PA'I DPAL BZANG PO'I ZHAL SNGA NAS KYI GSUNG GI CHA LAS, DAR MA RIN CHEN GYIS BRJED BYANG DU BKOD PA'O, ,'DIS KYANG MDO SNGAGS KYIS BSDUS PA'I THUB PA'I BSTAN PA RIN PO CHE SGO THAMS CAD NAS PHYOGS THAMS CAD DU DAR ZHING RGYAS LA YUN RING DU GNAS PAR GYUR CIG,, ,,