The 'Harvest of Attainments,' a Ritual for the Secret World of Gentle Diamond (Manjuvajra) in the Secret Teaching of the Glorious Secret Collection (Guhyasamaja) RGYAL TSAB DAR MA RIN CHEN (1364-1432)

, ,DPAL GSANG BA 'DUS PA 'JAM PA'I RDO RJE'I DKYIL 'KHOR GYI CHO GA DNGOS GRUB KYI SNYE MA ZHES BYA BA BZHUGS SO, ,

, ,BLA MA DANG 'JAM PA'I RDO RJE LA PHYAG 'TSAL LO, ,RGYAL BA KUN GYI SKU GCIG BU, ,KHYAB BDAG RDO RJE 'CHANG CHEN GYI, ,SKU GSUNG THUGS KYI MDZAD PA CAN, ,BLA MA MCHOG DANG 'JAM DBYANGS LA, ,RTAG TU GUS PAS PHYAG 'TSAL LO; ;GANG GI MKHYEN PA'I 'OD ZER GYIS, ,'GRO BLO'I MA RIG MUN PA SEL, ,THUGS RJE'I 'OD ZER RAB SPROS PAS, ,'GRO BA'I SDUG BSNGAL MA LUS 'JOMS, ,GCIG TU GZHAN PHAN DGENGS PA CAN, ,'JAM DPAL DBYANGS KYI ZHABS LA 'DUD, , DKYIL 'KHOR DU NI MA BCUG DANG, ,ZHUGS KYANG DBANG GIS MA SMIN LA, ,'DOD PA'I 'BRAS BU MI 'THOB PAR, ,DRI MED RGYUD LAS GSUNGS PAS NA, ,DRANG DANG NGES DON LAM GYI RIM GNYIS KYIS, ,GO 'PHANG MCHOG DE SGRUB PA'I THEG MAR NI, ,SNOD RUNG DBANG GIS BYAS LA RAG LAS PAS, ,DKYIL 'KHOR CHO GA MKHAS PA'I GZHUNG BZHIN BSHAD, ,DE LA BSKYED PA'I RIM PA DANG, ,RDZOGS PA'I RIM PA BSGOM PA SOGS KYI SNOD DU 'GYUR BA LA, ,DBANG RNAM PAR DAG PA THOB PA LA RAG LAS TE, DE MA THOB NA, RGYUD KYI DON SHES NAS BSGRUBS PAS DNGOS GRUB PHRA MO THEB KYANG DMYAL BAR 'GRO BAR GSUNGS TE, BSHAD PA'I RGYUD RDO RJE 'PHRENG BA LAS, DBANG BSKUR BA NI GTZO BO STE, ,DNGOS GRUB THAMS CAD RTAG TU GNAS, ,NGA YIS JI BZHIN DON

, ,BSHAD KYIS, ,DE PHYIR THOG MAR YANG DAG NYON, ,THOG MAR SLOB MA GANG GI TSE, ,BLO LDAN YANG DAG DBANG BSKUR NA, ,RDZOGS PA'I RIM PA'I RNAL 'BYOR LA, ,DE YI TSE NA SNOD DU 'GYUR, ,YANG DAG DBANG BSKUR GYIS DBAN NA, ,SGRUB POS RGYUD KYI DON SHES KYANG, ,SLOB DPON SLOB MA MTSUNGS PAR NI, ,MI BZAD DMYAL BA CHEN POR 'GRO, ,ZHES GSUNGS PAS, RIM GNYIS SGOM PA'I THOG MAR DBANG RNAM PAR DAG PA THOB PA SHIN TU GAL CHE LA, DE'ANG DBANG RNAMS GO RIMS NGES PA CAN DU GSUNGS PAS, DBANG 'OG MA SNGON DU MA SONG BAR GONG MA BSKUR BA RNAM PA THAMS CAD DU BYAR MI RUNG NGO, ,DBANG BSKUR BA LA'ANG SLOB DPON DRIL BU PAS, DBANG BSKUR DKYIL 'KHOR SNGON 'GRO BAR, ,RDO RJE 'CHANG GIS GSUNGS PA STE, ZHES GSUNGS PAS, DKYIL 'KHOR DU BCUG PA DGOS LA, GZHUG PA'I DKYIL 'KHOR LA'ANG PHYI DANG NANG LUS KYI DKYIL 'KHOR GNYIS SU NGES LA, PHYI LA'ANG RDUL TSON DANG, RAS BRIS DANG, BSAM GTAN GYI DKYIL 'KHOR GSUM GSUNGS PAS, BZHIR NGES SO, ,BHA GA'I DKYIL 'KHOR SOGS GSUM NI, RDZOGS RIM GYI SNOD RUNG DU SGRUB PA'I DBANG YIN PAS SPYIR DBANG GI DKYIL 'KHOR BDUN NO, ,DE LA 'DIR NI, RJE BTZUN 'JAM PA'I

DBYANGS KYIS DNGOS SU RJES SU BZUNG ZHING, BYIN GYIS BRLABS PA'I RDO RJE SLOB DPON DPAL SANGS RGYAS YE SHES ZHABS KYI ZHAL SNGA NAS DPAL GSANG BA 'DUS PA 'JAM PA'I RDO RJE'I SGRUB THABS MDZAD PA LA BRTEN NAS DE'I DKYIL 'KHOR DU RDUL TSON SOGS KYI SGRO NAS DBANG BSKUR BA'I DKYIL 'KHOR GYI CHO GA BSHAD PAR BYA BA YIN NO, ,DE LTA BU'I DBANG SKUR BA'I RDO RJE SLOB DPON NI, DBANG YONGS SU RDZOGS PAR THOB CING, DE NYID BCU LA MKHAS PA, DAM TSIG RANG SDOM PA TSUL BZHIN DU SKYONG BAS, RTZA LTUNG DANG MI LDAN PA, PHYI RU SO SO THAR PA SPYOD CING NANG DU 'DUS PA'I LAM LA DGA' BA, LHA'I RNAL 'BYOR LA THUN BZHIR GOMS PAS SEMS BRTAN PA'I MTSAN MA RNYED PA, GTZO BO LA 'BUM DANG, 'KHOR RNAMS LA KHRI PHRAG RE DANG, BGEGS MTHAR BYED KYI PHRENG SNGAGS KHRI DANG, YE SHES 'BEBS PA'I SNGAGS 'BUM GYI BZLAS PA SONG ZHING, PHYI MA'I BCU CHA'I SBYIN SREG BYAS PA, RMI LAM BRTAGS PAS LHAS GNANG BA'AM MA BKAG PA'O, ,SEMS BRTAN PA'I MTSAN MA NI, SLOB DPON DE'I BZHED PAS, BSKYED RDZOGS KYI LAM LA GNAS SKABS BZHIR GSUNGS TE, LAS DANG PO PA'I GNAS SKABS DANG; YE SHES CUNG ZAD BABS PA'I GNAS SKABS DANG, YE SHES LA CUNG ZAD DBANG THOB PA'I GNAS SKABS DANG, YE SHES LA YANG DAG PAR DBANG THOB PA'I GNAS SKABS SO, ,DE LA GNYIS PA NI, THUN BZHIR GOMS PAS LHA BCU DGU LTA BU'I RAGS PA'I LHA LA MIG GIS GZUGS LA BLTA BA LAS KYANG LHAG PA'I GSAL SNANG THOB CING, SKYE MCHED KYI LHA SOGS LA DE LTA BU'I GSAL SNANG THOB PA TSUN CHAD YIN LA, DANG PO NI, THUN PA'I THOG MAR BRTZAMS PA NAS BZUNG STE, GNYIS PA LA MA SLEB PA'I BAR RO, ,GSUM PA NI, PHRA BA'I LHA LA

, ,GSAL SNANG THOB PA NAS BZUNG STE, 'DI THOB NAS THUN BZHI'I NGES PA MI DGOS PAS BSKYED RIM GYI SNOD RUNG DU SGRUB PAR BYAD PA'I RDO RJE SLOB DPON LA'ANG DE LTA BU'I SEMS DAG PA'I MTSAN MA RNYED PA DGOS PAR SHES PAR BYA'O, ,PHRER BA LAS KYANG DE LTAR SNGON DU BSNYEN PA RGYAS PAR BYAS PAS, SKAD CIG GIS DKYIL 'KHOR GYI LHA'I RNAL 'BYOR PA THAMS CAD YONGS SU RDZOGS PAR SPRO BA DANG, BSDU BA SNGON DU BYA BAR NUS PAS, 'KHOR LO GNAS PA NYID KYI 'KHOR LO CAN GYIS MA BKAG PA'AM, TSOGS BSAGS PA NYID KYIS GNANG BA LAS KYANG DKYIL 'KHOR DANG RAB TU GNAS PA DANG, SLOB MA BSDU BA LA SOGS PA BYA'O, ,ZHES GSUNGS SO, ,SLOB MA NI, BLA MA LA GUS PA, SGYU MED CING LUNG MANG DU THOS PA, BYANG CHUB KYI SEMS GNYIS LA SBYANGS PAS SEMS CAN 'DON PA'I BLO DANG LDAN PA, RDO RJE SEMS DPA'I SDOM PA LA DON GNYER CHE ZHING RDO RJE THEG PA LA MOS PA BRTAN PA'O, ,DE 'DRA BA DES BLA MA LA DBANG GI DON DU GSOL BA LAN GSUM GDAB BO, ,BLA MAS KYANG RMI LAM SOGS KYI SGO NAS LEGS PAR BRTAGS NAS SNOD DU RUNG BAR SHES NA, DUS BZANG PO LA SBYOR BA DANG BYED PA NGAN PA'ANG SPANGS NAS CHO GA BRTZAM PAR BYA'O, ,CHO GA LA GSUM, SA'I CHO GA ,STA GON GYI CHO GA ,DNGOS GZHI'I CHO GA'O, ,DANG PO LA LNGA, SA BRTAG PA, SA BSLANG BA, SA SBYANG BA, SA BZUNG BA BSRUNG ZHING BYIN GYIS BRLAB PA'O, ,DANG PO NI ,GRONG LA SOGS PA'I PHYI ROL TU BYED NA, PHYOGS GZHAN BDUN SPANGS LA, DBANG LDAN DU BYA, DE DAG GI NANG DU BYED NA, YID GANG DGA' BAR BYA, DE'ANG LHA'I KHYIM DANG, GTZUG LAG KHANG GI GNAS DANG, KHANG BZANG

GI STENG DANG, DUR KHROD DANG, TSAL LA SOGS PA BSNGAGS PAR GSUNGS TE, PHYOGS DANG MTSAN NYID KYI SGO NAS BRTAG PA'O, ,'DI DAG RGYAS PAR NI PHRENG BA DANG DE'I DON BSHAD PA RJE NYID KYIS MDZAD PA'I RDO RJE 'CHANG CHEN PO'I LAM GYI RIM PA LAS SHES PAR BYA'O, , GNYIS PA NI, DKYIL 'KHOR GYI KHANG PA SOGS GSAR DU BYED PA YIN NA, SA'I BDAG PO LAS GNANG BA THOB DGOS PAR GSANG BA SPYI RGYUD LAS GSUNGS PAS, BRTAGS PAS RUNG BA'I SA DE, RGYAL PO SOGS GZHAN DBANG NA DE LA GNANG BA GSOL BA NI MNGON PA LA SLONG BA YIN LA, MI MNGON PA LA SLONG BA NI, RANG NYID GTZO BO'I RNAL 'BYOR DANG LDAN PAS, DER GNAS PA'I ZHING SKYONG LA SOGS PA THUGS KA'I SA BON GYI 'OD ZER GYIS BKUG LA, AA KLA RO'I SNGAGS KYIS GTOR MA DBUL ZHING, NYAR SPYOD KYIS MCHOD NAS, GANG DAG 'DIR GNAS LHA DANG KLU, ,GNOD SBYIN SRIN PO'AM GZHAN DAG LA, ,SA 'DI BDAG GIS BSLANG BAR BGYI, ,DKYIL 'KHOR DON DU KHYED KYIS STZOL, ,ZHES LAN GSUM GSOL BA GDAB LA, RMI LAM BRTAG THABS KYIS BRTAGS PAS DE RNAMS KYIS BYIN PA'AM MA BKAG PA LA BYA'I, , BKAG PA LA NI MI BYA'O, ,GSUM PA NI, SA'I ZUG RNGU DBYUNG BA'I DON DU RKO BA DANG, LTO 'PHYE BRTAGS NAS BRKO BA SOGS NI, DKYIL 'KHOR GYI KHANG PA GSAR DU BYED PA SOGS KYI DBANG DU BYED PA YIN LA, GSANG BA SPYI RGYUD LAS, DRANG SRONG GI GNAS LA SOGS PAR, SA SBYANG BA DANG BRTAG PA MI DGOS PAR GSUNGS PA NI, SA BRKOS NAS SBYONG BA'I SKOR RNAMS MI DGOS PAR BSHAD PA YIN GYI, SBYANG BA GZHAN MI DGOS PA MIN NO, ,'DIR NI KHANG BZANG SOGS KYI NANG DU BYED PA SHAS CHE BAS, DE'I DBANG DU BYAS NAS SBYANG BA

, ,SOGS BSHAD PAR BYA'O, ,NYI MA BZANG PO'I SNGA DRO'I DUS SU RGYAL BA SRAS BCAS LA GSOL BA BTAB LA GNANG BA ZHUS TE GTZO BO'I RNAL 'BYOR DANG LDAN PA'AM, BGEGS MTHAR BYED KYI RNAL 'BYOR DANG LDAN PAS, 'GAGS THAMS CAD TSAR BCAD PAR BYA'O, ,SLOB DPON SH'ANTA PAS, 'JAM PA'I RDO RJE'I DKYIL 'KHOR GYI 'KHOR LO RDZOGS PAR BSGOM PA'ANG GSUNGS SO, ,DKYIL 'KHOR GYI SA LA YUNGS DKAR DANG, CHU DANG, THAL BA LA, LAS THAMS CAD PA'I SNGAGS BZLAS PAS GTOR LA, DE BZLAS PA'I BA BYUNG LNGAS SHAR NAS BRTZAMS TE BYUG CING, DRI'I CHUS KYANG BSANG GTOR BYA'O, ,DE NAS RDO RJE SKYIL KRUNG DANG SA GNON GYI PHYAG RGYA DANG LDAN PAS, AOm BH'U KHAm, ZHES BRJOD NAS, SA GZHI STONG PA NYID DANG, H'Um LAm H'Um, ZHES PAS RDO RJE'I RDUL PHRA RAB KYI RANG BZHIN DU BSGOM ZHING, AOm MA DI NI BDZRI BHA WA BDZRA BAN-DHA H'Um, ZHES BRJOD NAS RDO RJE'I RANG BZHIN DU BCINGS TE, BRTAN PAR BYAS LA, SNGAR SA SLONG BA'I SKABS SU SA'I LHA MO LA GNANG BA GSOL NAS NAM MKHAR BTEGS YOD NA 'DIR PHAB LA, MCHOD GTOR PHUL GSOL BA BTAB NAS, GZHI DER THIM PAR BSAM MO, ,SLOB DPON MAR ME MDZAD BZANG POS, STA GON GYI SKABS MA GTOGS SA SLONG BA'I SKABS SU MA GSUNGS PAS, DES BZUNG DU MI DGOS SO, ,BZHI PA NI, DE NAS SLOB DPON GOS DKAR PO GYON, RGYAN THAMS CAD KYIS BRGYAN CING, DKYIL 'KHOR GYI SA'I DBUS SU 'DUG LA, 'JAM PA'I RDO RJE'I DKYIL 'KHOR SRUNG 'KHOR NAS BRTZAMS TE, TING NGE 'DZIN RNAM PA GSUM YONGS SU RDZOGS PAR BSGOMS LA, RDO RJE DANG DRIL BU 'DZIN PAS, KHRO BO'I NGA RGYAL GYIS

NGA NI RANG NYID RDO RJE CAN, ,RDO RJE SEMS DPA' RANG NYID DANG, ,NGA NI SANGS RGYAS RGYAL PO CHE, ,NGA NI STOBS CAN RDO RJE CAN, ,NGA NI RNAL 'BYOR DBANG PHYUG RGYAL, ,PHYAG NA RDO RJE BRTAN PA DANG, ,NGA NI BDAG PO RDO RJE CHE, ,BYIN GYIS BRLABS PA MI 'DOR RO, ,ZHES PAS NGA RGYAL BRTAN PAR BYAS LA, PHYOGS BZHI NAS SGO'I SLOB DPON BZHIS RNAM SNANG LA SOGS PA'I NGA RGYAL 'DZIN PAS, SLOB DPON DKYIL 'KHOR GYI GTZO BO DANG THA MI DAD PAR MOS LA, PHYI DANG NANG DANG GSANG BA'I MCHOD PAS MCHOD, SHAR NAS RNAM SNANG GI NGA RGYAL 'DZIN PAS, DE BZHIN GSHEGS PA KUN ZHI BA, ,DE BZHIN GSHEGS PA KUN GYI GNAS, ,CHOS KYI BDAG MED PA YI MCHOG ,DKYIL 'KHOR DAM PA BSHAD DU GSOL, ,LHO NAS RIN 'BYUNG GI NGA RGYAL 'DZIN PAS, MTSAN NYID THAMS CAD YANG DAG RDZOGS, , MTSAN NYID MEN PA THAMS CAD SPANGS, ,KUN TU BZANG PO SKU YI MCHOG ,DKYIL 'KHOR DAM PA BSHAD DU GSOL, ,NUB NAS 'OD DPAG MED KYI NGA RGYAL 'DZIN PAS, ,ZHI BA'I CHOS MCHOG LAS BYUNG BA, ,YE SHES SPYOD PA RNAM SBYONG MDZAD, ,KUN TU BZANG PO GSUNG GI MCHOG ,DKYIL 'KHOR DAM PA BSHAD DU GSOL, ,BYANG NAS DON GRUB KYI NGA RGYAL 'DZIN PAS, ,SEMS CAN KUN GYI SEMS CHEN PO, ,RANG BZHIN DAG CING DRI MA MED, ,KUN BZANG THUGS MCHOG KHA LO BSGYUR, ,DKYIL 'KHOR DAM PA BSHAD DU GSOL, ,ZHES DON DRAN BZHIN PAS GSOL BA GDAB, BZHI MED NA GCIG GIS KYANG PHYOGS DE DAG TU SONG NAS BYA, GCIG KYANG MED NA BSGOMS NAS DE LTAR BYA BA MAN NGAG YIN PAR PHRENG BA LAS BSHAD DO, ,SLOB DPON GYIS KYANG RANG GTZO BOR GNAS PA LA, PHYOGS

, ,BZHI'I DE BZHIN GSHEGS PA BZHIS GSOL BA BTAB PAR BSAM MO, ,DE NAS SLOB DPON GYIS RDO RJE KHU TSUR GNYIS KYI MDZUB MO BRKYANGS PA RTZE MO SBYAR BA 'OG TU PHYOGS PAS SPYI BOR BZUNG NAS, H'Um BDZRO TTIshthA, ZHES BRJOD PAS, SGOM PA'I DKYIL 'KHOR NAM MKHA' LA BTEG GO ,DE NAS SKYIL KRUNG BSHIG LA LANGS TE, SHAR DU PHYOGS PAS MNYAM PA'I RKANG STABS BYAS LA, MGO BOR THAL MO SBYAR NAS, AOm PRA NA MA MI SARBA TA TH'A GA TA NA, ZHES PAS DE BZHIN GSHEGS PA RNAMS LA PHYAG BYA'O, ,DE NAS SEMS CAN MA RIG PA'I MUN PAS KHEBS SHING BDUD KYI DBANG DU SONG BA RNAMS LA BLTAS LA, BDUD BSAL BA'I PHYIR TU, RANG NYID GTZO BO LAS BYE NAS, NGO BO GTZO BO'I NGA RGYAL LA KHRO BO'I 'GYUR BAS, SMIN MA BSDUS SHING MCHE BA GTZIGS PA, 'GYING PA'I SPYOD PA DANG LDAN ZHING, 'KHOR KHRO BO'I TSOGS DPAG TU MED PA DANG LDAN PAR DMIGS LA, MIG GA-YAS PA MA LAS NYI MA, GA-YON PA tA LAS ZLA BA DANG, MIG 'BRAS H'Um LAS DUS MTHA'I ME LTAR 'BAR BAR BSKYED DE, KHRO BO'I RDO RJE'I LTA BAS GA-YON SKOR DU BLTAS PAS BGEGS THAMS CAD TSAR BCAD, GA-YAS SKOR DU BLTAS PAS RVA BA DANG GUR DANG PHYOGS MTSAMS DANG STENG 'OG BCINGS LA, KHRO BO'I TSOGS DPAG TU MED PA SPROS NAS BGEGS THAMS CAD TSAR BCAD PAR BYA'O, ,RKANG MTHIL GNYIS SU AA LAS SNA TSOGS RDO RJE 'BAR BA DE BSGOMS LA, SNA TSOGS RDO RJE'I 'GROS KYIS DKYIL 'KHOR LA BSKOR ZHING BGEGS LA BKA' BSGO BAR BYA STE, LUS DANG SEMS LA GNAS PA YI, ,BGEGS KYI TSEGS RNAMS THAMS CAD NYON, ,NGA NI DPAL LDAN 'JAM DBYANGS TE, ,SRUNG BA'I 'KHOR

LO RAB SBYOR BA, ,RDO RJE 'BAR BA'I GZUGS KYIS NI, ,LUS GSUM LAS BYUNG DGOS BYA STE, ,GAL TE KHA CIG BDAG LAS 'DAS, ,'DIR NI 'JIG 'GYUR GZHAN DU MIN, ,ZHES LAN GSUM BRJOD CING, KHRO BO DPAG TU MED PA SPROS PAS BGEGS THAMS CAD BSKRAD PAR BYA ZHING DKYIL 'KHOR GYIS GZHI YANG DBANG CHEN GSER GYI SA GZHI LA THUG GI BAR DU T'Um LAS BYUNG BA'I RDO RJE'I RANG BZHIN DU BYIN GYIS BRLAB BO, ,KHRO BO'I NYAMS DANG LDAN PAS H'Um GI SGRA DRAG PO SGROG CING, LAG PA GAR BSKOR BA'I PHYAG RGYA DANG BCAS PAS, SHAR DU PHYIN LA GA-YAS BRKYANGS DANG, LHOR GA-YON BRKYANGS DANG, NUB TU SA GA DANG, BYANG DU ZLUM PO DANG, DBUS SU MNYAM PA LA SOGS PA'I STANG STABS RNAMS BYAS LA, BRGYA BYIN 'KHOR DANG BCAS PA LA SOGS PA PHYOGS BCU'I BGEGS RNAMS LA BSDIGS PAR BYA'O, ,DE LA GA-YAS BRKYANGS NI RKANG PA GA-YON PA'I BYIN PA BSKUMS NAS MTHO LNGA'I BAR DU GA-YAS PA 'GYING BA DANG BCAS PAS DRANG POR BRKYANG BA'O, ,GA-YON BRKYANGS NI DE LAS LDOG PA'O, ,SA GA NI SOR MO NYI SHU RTZA DRUG GI RGYAR RKANG BA'I SOR MO LOGS SU BSTAN ZHING PUS MO GNYIS DRANG POR BYAS PA'O, ,ZLUM PO NI SA GA'I RKANG STABS NYID BAR DU KHRU DO PA NGANG PA'I GSHOG PA LTAR BYAS PA'O, ,MNYAM PA NI RKANG PA GNYIS KYI SOR MO PHAN TSUN SBYAR BA STE, RKANG PA'I MTHE BONG DANG RTING BA'I LOGS GNYIS BTZAR BA'O, ,STONG PA NYID DANG SNYING RJE DBYER MED PA'I DON BSGOMS LA STANG STABS RGYAS BSDUS CI NUS PA BYA'O, ,LNGA PA NI, DE NAS SLOB DPON GTZO BO'I NGA RGYAL DANG LDAN PAR BYAS LA, SENG LDENG GI PHUR PA SRID DU SOR BCU GNYIS PA'AM, BRGYAD PA, STOD KHRE BO 'DUD RTZI 'KHYIL PA'I RNAM PA CAN LA LTE BA MAN ACHAD ZUR GSUM PA 'AM, RDO RJE RTZE GCIG PA 'DRA BA, MED NA BSAM GTAN GYIS BSKYED

, ,CING DNGOS SU YOD NA STONG PA'I NGANG LAS LHAG PAR MOS PA'AM CHO GA GSUM GYIS KHRO BO'I RDO RJE PHUR BUR BSKYED LA YE SHES PA GZHUG RANG GI RIGS? BDAG GIS RGYAS GDAB PA LA NYER SPYOD KYIS MCHOD DE, PHYOGS BCU'I BGEGS RNAMS BKUG PA'I SPYI BOR LAG PA GA-YON PAS PHUR BU BTZUGS NAS GA-YAS PAS RDO RJE 'BAR BA'I THO BAS BRDUNG ZHING NGAG TU, AOm GHA GHA GH'A TA YA GH'A TA YA SARBA DU shAm-tA PHAt, K'I LA YA K'I LA YA SARBA P'A PAm PHAt, H'Um H'Um BDZRA K'I LA YA BDZRA DHA RA AA DZNY'A PA YA TI KLA YA W'A KA TZITTA BA-DZRA K'I LA YA H'Um PHAt, CES BRJOD NAS PHUR BU BTAB PAS, BGEGS RNAMS KYI SPYI BO NAS RKANG PA'I MTHAL GYI BAR DU PHUG STE, BGEGS RNAMS LUS NGAG YID GSUM GA-YO 'GUL MED CING RNAM SHES 'OD GSAL DU THIM PAR BSAM MO, ,DE NAS SA GZHI BGEGS DANG BRAL BAR BSAM ZHING 'OD ZER 'BAR BA RNON POS PHYOGS THAMS CAD KHYAB PAR MOS PA BYA'O, ,YANG NA, 'GREL PA GNYIS KYI DNGOS ZIN LA BYUNG BA LTAR PHUR BU GCIG NYID DKYIL 'KHOR GYI DBUS SU BGEGS KUN BKUG NAS BTAB PAS, 'OD GSAL DU ZHUGS PAR BSAMS PAS KYANG 'GRUB BO, ,DBUS SU 'DEBS SA MED NA DBANG LDAN DU GDAB BO, ,PHYIN CHAD BGEGS MI 'JUG PAR BYA BA'I PHYIR, PAm LAS RDO RJE'I GUR, H'Um LAS RDO RJE'I RVA BA, LAm LAS DBANG CHEN GYI DKYIL 'KHOR ZUR BZHI PA SER POS PHYOGS BCINGS DANG, RAm LAS ME'I DKYIL 'KHOR GRU GSUM PA DMAR POS MTSAMS BCINGS PAR BSAM MO, ,RVA GUR SOGS RDO RJE 'BAR BA'I RDUL PHRA RAB LAS BSGRUB PA STE DPER NA RGYANG SOGS KYI SA'I RDUL BZHIN NO, ,GNYIS PA STA GON GYI CHO GA LA BZHI, SA'I LHA MO LHAG GNAS DANG, LHA DANG BUm

PA LHAG GNAS DANG, LHA LA GSOL BA GDAB PA DANG, SLOB MA LHAG PAR GNAS PA'O, ,DANG PO NI, DKYIL 'KHOR GYI DBUS SU DRI'I THIG LE BYAS LA, DER BAm LAS BYUNG BA'I SA'I LHA MO SER MO ZHAL GCIG PHYAG GNYIS KYI GA-YON BAS GSER GYI BUM PA BSNAMS SHING, GA-YAS PAS MI 'JIGS PA'I PHYAG RGYA MDZAD PA, RIN PO CHE'I RGYAN SNA TSOGS PAS BRGYAN PA BSKYED LA, DE NAS LAG PA GA-YAS PA'I MTHIL DU ZLA BA LA H'Um GSUM BSAM STE, SOR MO'I RTZE MO SA LA LAN GSUM BSNUN PAS, BSNUN PA'I SGRA DANG, H'Um GI 'OD ZER GYIS BSKUL BAS SA'Am LHA MO YE SHES PA 'THON NAS DAM TSIG PA DANG 'DRES PAR BSAM MO, ,DE NAS MCHOD PA BSANGS SBYANGS SNGON DU 'GRO BAS SO SO'I SNGAGS DANG PHYAG RGYA BYAS TE, AOm PRI THI WI DE WIS PA RI W'A RA PRA WA RA SATK'A RGHAm PRA T'I TZTSA H'Um Sv'H'A, ZHES PAS MCHOD YON DANG, DE BZHIN DU P'A BYAm GYIS ZHABS BSIL DANG, A'A NYTZA MA nAm GYIS ZHAL PA SIL DANG, PRO KshA nAm GYIS BSANGS GTOR PHUL NAS, AOm PRI THI WI DE SA PA RI W'A RA PU shAPE P'U DZA ME GHA SA MU DRA SPHA RA nA SA MA YA SHR'I A'A: H'Um GIS ME TOG DANG, DE BZHIN DU DH'U PES BDUG SPOS DANG, A'A LO KAS MAR ME, GHANDHES DRI, NEE WI BYES ZHAL ZAS, SH-PTAS ROL MO RNAMS PHUL LA, RDO RJE DANG DRIL BU 'DZIN PAS, SKYOB PA SANGS RGYAS THAMS CAD KYI, ,SPYOD PA'I TSUL GYI KHYAD PAR DANG, ,SA DANG PHA ROL PHYIN RNAMS LA, ,LHA MO KHYOD NI DBANG DU GYUR, SKYOB PA SH'A-KYA SENG GE YIS, ,JI LTAR BDUD KYI DBUNG BCOMS LTAR, ,DE BZHIN BDAG GIS BDUD KYI DPUNG, ,PHAM PAR BYA PHYIR DKYIL 'KHOR 'DRI, ,ZHES LAN GSUM BRJOD DE GSOL BA BTAB PAS, DE LTAR GYIS SHIG CES GSUNGS NAS DE NYID DU THIM STE SA'I NGO BOR GNAS PAR BSAm,

, ,MO, ,SMAN ZHABS KYIS DE NAS BSANG GTOR SOGS BYAS NAS DER NYAL BAR GSUNGS SO, ,GNYIS PA LA GNYIS, LHA LHAG GNAS DANG, BUM PA LHAG GNAS SO, ,DANG PO LA GNYIS, LAS THIG GDAB PA DANG, LHA LHAG GNAS JI LTAR BYA BA'O, ,DANG PO LA GNYIS, THIG SKUD 'DU BYA BA DANG, BYAS NAS THIG GDAB PA'O, ,DANG PO NI, KHA CIG LAS THIG GI SNGON DU YE THIG 'DEBS PA'I RIM PA MI 'THAD PA NI RTOG PAR SLA BAS MA BRIS SO, ,THIG SKUD KYI RGYU NI GTZANG ZHING MA NYAMS PA'I RAS BAL SOGS SKRA DANG MA 'DRES PA, KHA DOG DKAR PO SUM SGRIL 'JUR MDUD MED CING BKAL LEGS PA, DPON SLOB GNYIS KYIS MDZUB MO NAS SOR MO BZHI'I NANG DU BCUG CING DRANGS NAS, RDO RJE KHU TSUR BYAS PAS MDZUB MO'I RGYAB LA SBYAR BAM GTOGS PA, RING PA DKYIL 'KHOR GYI NYIS 'GYUR SBOMS SU SGO'I NYI SHU CHA DKYIL 'KHOR GZHAN DU LONGS MA SPYAD PA, DRI ZHIM PO'I CHU DANG BDUD RTZI LNGA DANG PA'I RNAM LNGAS BYUGS TE, THIG SKUD KYI MTHA' GNYIS DANG DBUS SU AOm A'A: H'Um BKOD LA, DRIS BYUG PA'I GSER LA SOGS PA'I SNOD GTZANG MAR BZHAG ,RANG GTZO BO'I RNAL 'BYOR DANG LDAN PAS BSANG SBYANGS SNGON DU BTANG STE, BGEGS MTHAR BYED DU BSKYED YE SHES PA GZHUG PA SOGS BYAS LA MCHOD DE, LAG PAS REG CING LAS THAMS CAD PA BZLAS LA BSRUNG, DE NAS MIG GA-YAS GA-YON MA DANG tA LAS NYI ZLA SER PO DANG, BDZRA DRishtI MA tA, ZHES PAS BRTAN PAR BYAS LA, LAS THAMS CAD PA BZLAS PA'I BDUD RTZI LNGA'I CHU DANG, YUNGS KAR DANG DRI'I CHUS GTOR LA RDO RJE DANG BCAS PA'I LAG PA GA-YAS PAS REG LA AOm BA-DZRA SA MA YA SLU TRAm M'A TI KRA MA H'Um, ZHES BZLAS NAS, AOm A'A: H'Um PHAt SV'A-H'A, ZHES BRGYA RTZA BRGYAD BZLAS NAS

LHAG GNAS BYA'O, ,DE NAS, AOm AA MO GHA PAD-MA BA SUN DHA RI DHA RI DHA RI nI MAn-dA LE H'Um, ZHES PA DANG, YI GE BRGYA BA LAN BDUN BZLAS LA, THIG SKUD LA ME TOG GTOR ZHING ZHABS BSIL GYI CHUS BSANG NGO, ,GNYIS PA NI, DE NAS DKYIL 'KHOR GYIS LA DRI'I CHUS BSANG GTOR BYAS TE DRIS BYUGS NAS PHYI ROL TU ME TOG GCAL DU BKRAM, NAM MKHAR BTEG PA'I LHA LA MCHOD CING BSTOD, RANG GTZO BO'I RNAL 'BYOR DANG LDAN PAS SLOB MA RNAM SNANG NGAM BGEGS MTHAR BYED DU BSKYED LA, SLOB DPON LA RGYAB MI STON PAR 'GRO BA DANG LHAN CIG ,YI GE GSUM ZLOS SHING THIG GDAB BO, ,DKYIL CHOG RDO RJE GRENG BA'I THIG RTZA'I GZHI THOG MAR 'JAM PA'I RDO RJE'I DKYIL 'KHOR GYI THIG 'DEBS PA'I RIM PAS MDZAD SNANG BAS DE'I LUGS LTAR BSHAD PAR BYA'O, ,DE'ANG THOG MAR DKYIL 'KHOR GANG DU BYED PA'I DBUS BTZAL LA, RTZA THIG KHRU GANG BA'I DBANG DU BYED NA, DBUS NAS SOR BCO BRGYAD PA'I THIG SKUD KYIS ZLUM PO GCIG BSKOR, DE'I PHYOGS BZHI'I RI MO MNGA' YAB KYI THIG 'ONG MTSAMS RTOGS PA'I CHED DU YIN NO, ,RI MO'I STENG DU PHYOGS MA 'PHYUGS PA BYAS NAS THIG LE BZHI BYA, THIG LE DE DAG GI STENG DU BZUNG NAS THIG SKUD KYI TSAD SNGA MA JI LTA BAS ZLUM PO BZHI BSKOR BAS NYA BZHI 'ONG LA, NYA BZHI'I MGO'I PHRAD MTSAMS KYI STENG DU SHAR NUB KYI TSANGS THIG DANG, LHO BYANG GI TSANGS THIG GDAB BO, ,ZLUM PO PHYI MA BZHI'I PHYI MTHA' NI TSANGS THIG GA 'GRO MTSAMS DANG, THIG SKUNG CHA CHUNG GO DRUG PA'I TSAD RTOGS PA'I CHED YIN PAS TSANGS THIG DE LAS LHAG PAR MI GDAB BO, ,ZLUM SKOR BZHI PHRAD MTSAMS PHYI MA BZHI DANG, NYA'I MNGUG MA'I BZHI DON GCIG PAS DE NI ZUR THIG BZHI'I 'GRO MTSAMS RTOGS PA'I

, ,CHED DANG, MDA' YAB KYI ZUR THIG PHRAD MTSAMS RTOGS PA'I CHED YIN PAS ZUR THIG DE LAS LHAG PAR MI 'DEBS SO, ,DBUS NAS NYA'I SUM GNYIS SONG BA'I MTSAMS DANG, ZLUM SKOR NANG MA DANG TSANGS THIG PHRAD PA'I MTSAMS TSUN CHAD KYI NANG DU SUM GNYIS LUS PA'I MTSAMS SU RI MO BYAS LA RTZA THIG GDAB PAR BYA STE, DES NI RTZA THIG 'DEBS PA'I MTSAMS KHA NAM THO BA MED PAR RTOGS PA YIN NO, ,'DEBS PA'I TSE SLOB DPON NUB DANG SLOB MA SHAR NAS PHAN TSUN DU MNGON PAR PHYOGS TE, PHYOGS THAMS CAD RANG BZHIN MED PAR MNYAM PA NYID DO SNYAM DU MOS NAS, RANG DANG SLOB MA'I MIG GNYIS DZA LAS SKYES PA'I NYI MA DANG ZLA BA SER PO CAN DU BSGOMS TE, SLOB DPON GYI GA-YON PA'I RDO RJE KHU TSUR GYIS LTE BAR THIG SKUD BZUNG LA, DZDZA: DZDZA: DZDZA: ZHES PA DANG DZA: GSUM GYIS BTANG ZHING, SLOB MAS KYANG DE DAG BRJOD NAS DRANGS TE, GA-YON PA'I RDO RJE KHU TSUR GYIS STE BAR BZUNG LA, RANG RKANG PA GA-YON PA SKYIL KRUNG PHYED PA DANG, GA-YAS PAS LA BTZUGS TE BSDAD, SLOB MA DE LAS LDOG STE BSDAD NAS SHAR NUB KYI TSANGS THIG GDAB, SNGAR BSHAD PA BZHIN GNYIS KAS RKANG PA BYIN GYIS BRLABS TE RDO RJE'I RKANG STABS KYIS GA-YAS SKONG DU SONG STE, SLOB DPON MI DANG SLOB MA BYANG DU GNAS PAS LHO BYANG GI TSANGS THIG GDAB, SLOB DPON PA DANG SLOB MA DBANG LDAN DU GNAS PAS SHAR GYI RTZA THIG DANG, SLOB DPON DE NYID DANG SLOB MA BDEN BRAL DU GNAS PAS LHO DANG, SLOB MA DE NYID DANG SLEB DPON RLUNG DU GNAS PAS NUB DANG, SLOB DPON DE NYID DANG SLOB MA DBANG LDAN DU GNAS PAS BYANG GI RTZA THIG GDAB BO, ,SLOB DPON ME DANG SLOB MA RLUNG DU GNAS PAS ZUR

THIG DANG PO DANG, SLOB DPON BDEN BRAL DANG SLOB MA DBANG LDAN DU GNAS PAS ZUR THIG GNYIS PA GDAB BO, ,SKOR PHYOGS DANG RKANG STABS DANG SDOD SA DANG KHA LTA PHYOGS NI THIG LHAG MA 'DEBS PA RNAMS LA'ANG BYA, RDO RJE KHU TSUR GYIS THIG SKUD 'JIN PA RGYUN DU MA NUS NA DANG PO LA BYA ZHING LHAG MA CI BDER BYA'O, ,THIG SKUD CHAD NA BLA MA 'CHI ZHING SNGAR BSHAD PA'I TSAD LAS RING THUNG DU GYUR NA BLA MA NAD KYIS 'DEBS PA DANG SDOD SA'I PHYOGS 'PHYUGS NA SLOB MA LA SDUG BSNGAL BSKYED PAR BSHAD PAS, BAG DANG LDAN PAS THIG SKUD SGRUB CING THIG GDAB, MTSAN MA NGAN NA BZLOG THABS BYA'O, ,DE NAS RANG GTZO BOR GSAL BA'I MIG GA-YAS GA-YON GNYIS HR'I: LAS NYI MA DANG ZLA BAR BSKYED LA KHRO BO'I LTA BAS PHYOGS THAMS CAD DU BLTA ZHING, HI: HI: ZHES BRJOD DE LHA'I LUS SGYU MA LTA BUR DRAN BZHIN DU, THAR PA'I SGO'I GEGS SU GYUR PA'I SGRIB PA RNAMS DBYI BAR BYA'O SNYAM DU MOS LA DRI BZANG PO'I CHUS TSANGS THIG DANG RTZA THIG GNYIS PHRAD PA'I GA-YAS GA-YON NAS CHA CHUNG GNYIS GNYIS TSANGS THIG DANG BCAS PA PHYIS LA SGO DBYE'O, ,DE NI THIG CHEN BRGYAD GDAB BA STE, PHRENG BA LAS, SHAR SOGS PHYOGS KYI THIG LE'I STENG, ,SRAD BU BZUNG NAS MAn-dAL BZHIS, ,NYA YI MGO DANG MJUG MA'I MTHAR, ,TSANGS THIG DANG NI ZUR THIG GDAB, ,ZUR DE SGO TSAD BDUN DANG PHYOGS, ,KHRU LA SOGS PA'I RTZA THIG GI ,DBUS SU BRGYAD CHA PHYIS PA DE, , SGO, ZHES YAR BCAD LA, DE'I BZHI CHA CHA CHUNG ZHES SBYAR RO, ,RTZIG PA'I THIG LA SOGS PA STON PA NI, ,RTZA BA'I PHYI ROL GCIG DANG GNYIS, ,GCIG GNYIS GCIG DANG GCIG GI MTHAR, ,THIG DRUG ZUR NAS NGOS SU STE, ,TSANGS LAS RIM GYIS RANG BAR NI, ,

, ,CHA CHUNG GSUM DU DANG PO'I THIG ,GNYIS THIG CHA CHUNG GNYIS RTZER REG ,CHA CHUNG BRGYAD DU GSUM STEGS BU'I, ,THIG LAS DRANG PO'I THIG BZHI STE, ,GSUM NI CHA CHUNG LNGA BZHI PA, ,CHA CHUNG BZHI DE'I DANG PO NI, ,NGES THIG RTZE MOR YANG DAG REG ;GSUM NI CHA CHUNG RE RE'I BAR, ,BZHI PA'I RTZE NAS NGOS SU THIG ,CHA CHUNG BCU DANG LDAN PA'O, ,RTZA BA'I RTZE NAS BYUNG BA'I THIG ,CHA CHUNG BZHI PA NGOS STENG DU, ,CHA CHUNG GNYIS GNYIS THAD KAR NI, ,CHA CHUNG BRGYAD DE GSUM 'KHYEG PA'O, ,ZHES SO, ,DE DAG NI 'GRAm LOGS SGO DANG MI MNYAM PA'I DBANG DU BYAS PA'O, ,DPANGS SU SGO TSAD GSUM MA'I RTA BABS DANG, ,ZLUM THIG LA SOGS PA NI PHRENG BA LAS, KA BA'I RTZE NAS PHYI NGOS SU, ,CHA CHUNG RE RE DOR BAR THIG ,BCU GCIG 'DI LA LNGA PA DANG, ,BDUN PA CHA CHUNG PHYED BCAS MDA' YI MTHAR, , YANG NA GSUM PA BDUN PA DANG, ,DGU PA CHA CHUNG RE RE'O, ,BZHI PA DRUG PA BCU PA RNAMS, ,SO SOR CHA CHUNG PHYED PHYED DO, ,LNGA NI CHA CHUNG PHYED DANG GNYIS, ,DE LA PHYOGS GNYIS SU NI RGYAR, ,TSANGS PA'I GA-YAS DANG GA-YON DU NI, ,CHA CHUNG PHYED BCAS MDA' YI MTHAR, , SNAM BU CHA CHUNG PHYED DANG GSUM, ,THIG NI CHA CHUNG PHYED DANG BZHI, ,CHA CHUNG DRUG MTHAR GNYIS PA DANG, ,GSUM PA CHA CHUNG GSUM PA'O, ,CHA CHUNG BZHI MTHAR BZHI BA NI, ,CHA CHUNG LNGA STE MDA' PHYED BCAS, ,GSUM DOR NAS NI PHYED DANG LNGA, ,GSUM NAS DRUG PA CHA CHUNG LNGA; ;BZHI NI CHA CHUNG BDUN RNAMS TE, ,THIG BCU GCIG PA CHA CHUNG LNGA, ,SNAM BU LNGA PA'I STENG GI NI, ,NGOS SU CHA CHUNG PHYED DANG BZHI, ,BDUN PA'I 'OG LA CHA CHUNG GSUM, ,STENG NI CHA CHUNG DRUG STENG DU, ,SNAM BU RNAMS MTHAR SON PA'I THIG ,GZHAN GYI MTHA'

BAR LHAN CIG STE, ,KYOG PO GCIG GA 'DI NANG DU'ANG, ,CHA CHUNG PHYED NAS DE BZHIN GZHAN, ,DE'I PHYIR CHA CHUNG RIG BYED MTHAR, ,THIG ZLUM DE NAS GNYIS YIN TE, ,CHA CHUNG GNYIS GNYIS DOR BAR RO, ,BZHI DOR BA NI ZLUM PO GZHAN, ,ZHES PAS ZLUM THIG PHYI MA'I BAR GDAB PAR BYA'O, ,TSANGS LAS CHA CHUD BRGYAD MTHAR DANG, ,BDUN PA'I MTHA' RU ZLUM PO'I THIG ,DE NAS YANG DAG DRANGS NAS NI, ,PHYOGS GZHAN THIG GI MTSAMS SANG BA'I, ,THIG GNYIS RIM BZHIN TSANGS PA'I PHYIR, ,CHA CHUNG GNYIS GSUM DOR BAR RO, ,PHYI ZLUM THIG LAS PHYI NGOS SU; ;CHA CHUNG DOR BAR ZLUM PO'I THIG ,DE NAS CHA CHUNG GSUM DOR NAS, ,ZUR THIG BAR DU GNAS PA'I THIG ,KUN TU SON PA'I TSANGS THIG DANG, ,RE'U MIG SNAM BU'I RE KHA DBYE, ,ZHES 'BYUNG BA BZHIN NANG THIG GDAB STE RTOGS PAR SLA'O, ,DE LA MDA' PHYED BCAS, GSUM DOR NAS NI PHYED DANG LNGA, ZHES SNAM BU LNGA A'I SKABS SU MTHA' NAS MTHAR CHA CHUNG BCU DRUG DANG, SNAM BU LNGA PA'I STENG GI NI, ,NGOS SU CHA CHUNG PHYED DNAG BZHI, ,ZHES MTHA' NAS MTHA' NAS MTHAR CHA CHUNG BCU BZHI DANG, YANG RGYAL PO NYES PA GSUM NYI MA, ZHES SNAM BU LNGA PA'I SKABS SU MTHA' NAS MTHAR CHA CHUNG BCU GNYIS SU BSHAD PA RNAMS MI MTHUN PAS 'GAL LE SNYAM NA, SKYON MED DE DANG PO NI SNAM BU LNGA PA'I STENG GI THIG GI MTHA' NAS MTHA'I BAR YIN LA, GNYIS PA NI SNAM BU LNGA PA'I KA BA NAS KA BA'I BAR YIN ZHING, GSUM PA NI, KA PAS CHA PHRAN RE KHYER BA'I BAR GYI MUN SNAM RANG GI DBANG DU BYAS PA'O, ,SNA TSOGS RDO RJE'I RVA BSKOR LUGS NI, ,TSANGS DANG MDA' YAB PHRAD PA NAS, ,CHA CHUNG BZHI DANG BZHI GSUM NI, ,SONG BAR CHA CHUNG DGU DANG NI, ,BZHI CHAS GA-YAS GA-YON PHYI RVA BSKOR, ,MDA' YAB

, ,TSANGS LAS CHE CHUNG NI, ,PHYED BCAS GSUM NAS THAD KAR GA-YAS, ,DRUG NAS PHYED BCAS BCU GNYIS KYIS, ,GA-YON BSKOR GA-YAS PA DE LAS LDOG ,CES PA LTAR RO, ,ZLUM SKOR BYED PA'I TSE, DBUS SU PHUR BU LA THIG SKUD BTAGS LA; DBANG LDAN NAS GA-YAS SU BSKOR ZHING PHUR BU MED NA BSAM GTAN GYIS SO, ,DE NAS LAS THIG LA MCHOD PA PHUL, YE SHES PA GSHEGS SHING DAM TSIG PA RANG LA BSDUS, THIG SKUD DBEN PAR BZHAG GO ,GNYIS PA NI, PHYI DRA'I DUS SU KHRUS BYAS LUS DRI ZHIM POS BYUGS, RGYAN THAMS CAD KYIS BRGYAN DKYIL 'KHOR GYI SA GZHI ME TOG GIS GCAL DU BKRAM, DE NAS GTZO BO LNGA'I GNAS SU DRI BZANG PO'I THIG LE GRUB BZHI PA RE DANG, GZHAN RNAMS KYI GNAS SU ZLUM PO RE LHA RANG RANG GI SNGAGS BRJOD LA BYA, CHAS GOS DMAR PO DANG, RAS DMAR PO'I THOD DANG, CHOD BAN GYIS BRGYAN PA DKYIL 'KHOR GYI SHAR NAS NUB TU PHYOGS PAS 'DUG STA, GZHAL YAS KHANG GDAN DANG BCAS BSGRUB THABS BZHIN BSGOM, ,DER LHA BCU DGU RANG RANG GI SA BON RKYANG PA DANG CHE GA GSUM GYIS BSKYED PA DANG, SMAN ZHABS KYIS LHAG PAR MOS PA TZAM GYIS BSKYED PA'ANG GSUNGS PAS GANG YANG RUNG BA BYA STE, ,DENG DUS BDAG CHE 'BRAS BU YOD, ,BDAG GI GSON PA'ANG 'BRAS BUR BCAS, ,BDAG NA DAM TSIG LHA RNAMS DANG, ,MNYAM PAR 'GYUR BA THE TSOM MED, ,BYANG CHUB SEMS DANG SEMS GCIG PAS, ,BDAG NI PHYIR MI LDOG PAR 'GYUR, ,BDAG DANG DENG DE BZHIN GSHEGS PA YI, ,RIGS SU SKYE BAR GDON MI ZA, ,DENG BDAG NYI MA DAM PA STE, ,BDAG GI MCHOD SPYIN BLA NA

MED, ,SANGS RGYAS THAMS CAD SPYAN DRANGS PAS, ,DENG BDAG 'DUS PA MCHOG YIN NO, ,ZHES RANG NYID SPRO BA BSKYED NAS SNGAR NAM MKHAR BTEG NAS BZHUGS PA'I DE BZHIN GSHEGS PA RNAMS LA PHYAG BYAS TE, MA LUS PHYOGS NA BZHUGS PA YI, ,SANGS RGYAS RNAMS NI BDAG LA DGONGS, ,BDAG MING CHE GE ZHES BYA BDAG ,RDO RJE CAN GYI DKYIL 'KHOR 'DRI, ,SANGS RGYAS KUN DENG GSHEGS SU GSOL, ,DNGOS GRUB 'DIR NI STZAL DU GSOL, ,DKYIL 'KHOR CHEN PO'I LAS RNAMS NI, ,CI NUS BZHIN DU RAB TU BGYI, ,ZHES PAS SPYAN DRANGS LA DAM TSIG PA LA GZHUG CING DBANG DU BYA, SKYE MCHED DANG SKU GSUNG THUGS BYIN BRLAB DANG DBANG BSKUR RGYAS GDAB NAS SNGAR BSHAD PA LTAR MTSAMS BCING BA SOGS BYA'O, ,DE NAS MCHOD PA'I YO BYAD 'BYOR NA, BRGYA DANG STONG MED NA LHA RE RE LA'ANG NYER SPYOD TSANG BA RE'AM, DE'ANG MA 'BYOR NA BCU LAS MI NYUNG BA'I MCHOD PA CHU BZHI DANG BCAS PA BSHAMS, BSANG SBYANGS SNGON DU 'GRO BAS CHU BZHI NYER SPYOD DANG BCAS PA DANG, 'DOD YON LNGA DANG, NANG GI MCHOD PAS MCHOD DE BSTOD PAS BSTOD DO, ,GNYIS PA LA GNYIS, BUM PA BSHAM PA DANG, BSGRUB PA'O, ,DANG PO NI, RIN PO CHE'AM SA LAS BYAS PA'I BUM PA LTO BA YANGS PA MCHU 'PHYANG ZHING MGRIN PA RING BA, NAG PO'I RA RI DANG BUG PA DANG GAS PA MED PA, ZHABS BRTAN ZHING RTZA BA 'BYAR BA MAD PA MTSAN NYID TSANG BA LA GRANGS DANG MTHUN PA RNAM RGYAL DANG, LAS BUM STE NYI SHU, DE'ANG MA 'BYOR NA BCU'AM LNGA, GZHAN MED NA'ANG RNAM RGYAL DAD LAS BUM NGES PAR LDAN PAR BYAS LA, TZAN-DAN DKAR PO SOGS JI LTAR RIGS PA'I KHA DOG DKAR POS BYUG ,GTZO BO'I BUM PA'I GDONG LA CHOS 'BYUNG GI DBUS SU SNA TSOGS PAD-MA DANG ZLA BA LA GNAS

, ,PA'I GTZO BO'I PHYAG MTSAN 'DRI, GZHAN BUM PA SO SO LA SO SO'I GDAN LA LHA RANG RANG GI PHYAG MTSAN 'DRI, BUM PA GNYIS LAS MED NA RNAM RGYAL GYI GDONG LA DBUS DANG STENG 'OG DANG, GA-YAS GA-YON DU RIGS LNGA SO SO'I THUN MONG MA YIN PA'I PHYAG MTSAN 'DRI, LAS BUM LA SNA TSOGS PAD-MA DANG NYI MA LA SNA TSOGS RDO RJE 'DRI'O, ,RAS DKAR PO LA SOGS PA SNA LNGA GANG RUNG ZUNG GIS MGUL PA THOR COG GSUM PA'I TSUL GYIS PA CING, H'Um LAN BDUN BZLAS PA'I SRAD BU DKAR PO BDUN GYIS MGUL CHINGS DKRI, GU GUL GYIS BDUG ,LAS THAMS CAD PA'I SNGAGS BZLAS PA'I YUNGS KAR GYIS BRDEG CING BGEGS BSKRAD LA, DE'I NANG DU CHU GTZANG MA DRI BZANG DANG BSRES PAS RAN PAR DGANG, GSER LA SOGS PA'I RIN PO CHE LNGA DANG, GRO NAS, TIL, MON SRAN GRE'U, MO NA SRAN RDE'U STE 'BRU LNGA DANG, GA BUR, GUR GUM, TZAN-DAN DKAR DMAR, GRA RTZI STE DRI LNGA, BRI HA TI, KAn-dA KA RI, HA SI DE BA, AA PA RA DZI TA, DAn-dA AUT-PA LA'I RTZA BA STE SMAN LNGA RNAMS GZHUG ,'BYOR BA CHUNG NA RNAM RGYAL DANG LAS BUM GNYIS RIN PO CHE'I SNYING PO CAN DU BYA, DE'ANG NGES PAR RNAM RGYAL RIN PO CHE'I SNYING PA CAN DU BYA'O, ,AA MRA LA SOGS PA'I SHING LO 'BRAS BU CAN GYIS KHA BRGYAN, RNAM RGYAL GYI STENG DU H'Um GIS BSNGAGS PA'I DUNG CHOS SOGS GANG RUNG BDUD RTZI LNGA DANG BCAS PA'I DRI BZANG GIS CHUS BKANG BA'I STENG DU ME TOG GI PHRENG BA DBUS SU BCINGS PA'I RDO RJE BZHAG ,STA GON GYI DKYIL 'KHOR GYI PHYI ROL RDO RJE RVA BA'I NANG DU PHYOGS MA 'CHOL BAR KU SHA LA SOGS PA'I GDAN LA DGOD DO, ,GNYIS PA NI, BUM PA RNAMS LAS THAMS CAD

PAS BSANGS, SVA BH'A WAS STONG PAR SBYANGS STONG PA'I NGANG LAS PAD-MA DANG ZLA BA'I STENG DU BAm LAS RIN PO CHE'I BUM BSNGAR BSHAD PA'I MTSAN NYID DANG LDAN PAR BSKYED, AOm T'A BTE T'A PTE MA-H'A T'A-BTE SV'A-H'A, ZHES BZLAS PAS DRANGS PA'I LHA'I CHU BO GANG-G'A DANG BUM PA'I CHU GNYIS DBYED MED PAR MOS LA, SO SO'I NANG DU HR'I: LAS PAD-MA DANG AA LAS ZLA BA SOGS RANG RANG GI GDAN GYI STENG DU LHAG PAR MES PA'AM SO SO'I SA BON NAM CHO GA GSUM GYIS BSKYED, BUM PA'I MTSAN MA RNAMS KYANG RANG RANG GI LHAR BSKYED, BUM PA GNYIS LAS MED NA RNAM RGYAL GYI NANG DU LHA RDZOGS PA DANG, LAS BUM LA BDUD RTZI 'KHYIL BA BSKYED, RANG GI THUGS KA'I H'Um GI 'OD ZER GYIS YE SHES PA'I DKYIL 'KHOR SPYAN DRANGS PA LA MCHOD NAS, JA: H'Um BAm HO: SA DGUG GZHUG CING DBANG DU BYA, DBANG BSKUR RANG RANG GI RIGS BDAG GIS RGYAS GDAB BO, ,DUNG CHOS KYI CHU LA, AOm BDZRA AA MRI TA AU DA KA H'Um, ZHES PA DANG YI GE GSUM LAN BDUN BZLAS TE BSNGAGS PAS YE SHES KYI BDUD RTZI RAm BYAS PA'I RDO RJE'I RDUL PHRA RAB KYI RANG BZHIN DU GYUR PAR BSAM MO, ,DE NAS H'Um ZHES BZLAS SHING RDO RJE LA BTAGS PA'I ME TOG GI PHRENG BA'I MTHAR LAG PA GA-YON PA'I KHU TSUR GYIS BZUNG LA, GTZO BO'I SNGAGS BRGYA RTZA BRGYAD DANG, CHU LA AU DA KA BRGYA RTZA BRGYAD BZLA, DE NAS BUM PA SO SO'I STENG DU RDO RJE ME TOG GI PHRENG BA DANG BCAS PA SPOS LA SNGA MA BZHIN DU BZUNG NAS, SO SO'I SNYING PO'AM PHRENG SNGAGS BRGYA RTZA BRGYAD DAM NYER GCIG RE BZLA, LAS THAMS CAD PA LA MTSAN SNGAGS BRGYA RTZA BRGYAD DANG PHRENG SNGAGS LAN BDUN BZLA, SNGAGS LAS 'OD ZER 'PHROS PAS YE SHES KYI BDUD RTZI BGUG NAS CHU LA

, ,THIM PAR BSAM MO, ,THUN MONG DU YI GE GSUM BRGYA RTZA BRGYAD DANG YI GE BRGYA PA LAN BDUN BRJOD PAS LHA RNAMS CHAGS PA CHEN PO'I MES ZHU NAS BYANG CHUB KYI SEMS KYI NGO BOR BUM PA'I CHU DANG RO GCIG TU GYUR PAR BSAM, MTSAN YA'I LHA RNAMS KYANG ZHU NAS MTSAN MA'I RNAM PAR GYUR PAR BSAM MO, ,GTZO BO'I SNGAGS DANG H'Um LAN BDUN BZLAS NAS DUNG CHOS KYI CHUS BUM PA RNAMS SU MCHOD YON DBUL, LAS THAMS CAD PA'I SNGAGS BZLAS PA'I ME TOG DKAR PO GSUM GSUM YANG GZHUG GO, DE NAS MCHOD PAS MCHOD BDUD RTZI MYANG BA SOGS BYAS LA, BDUD RTZI 'KHYIL BA'I SNGAGS BZLAS NAS LAS BUM GYI TSUS DE'I KHA RGYAN GYI YAL 'DAB NYID KYIS BSANGS TE, DKYIL 'KHOR GYI BYA BA RNAMS MA RDZOGS PA DE SRID DU BGEGS RNAM PAR BZLOG PAR MDZOD CIG ,CES SNYAN GSAN PHAB LA GTOR MA PHUL TE RE GNAS BSTOD PA SNGON DU 'GRO BAS DRIL BU DKROL BAR BYA'O, ,BUM PA GZHAN RNAMS DBEN PAR SBA, BSANG GTOR BYA BA'I DON DU LAS BUM KU SHA'I CHUN PO DANG BCAS PA SHAR SGO'I BYANG DU BZHAG GO ,BUM BZLAS DANG MCHOD BSTOD BDUD RTZI MYANG BA GTOR MA DANG BCAS PA NYI MAR RE LA THUN GSUM DU BYA'O, ,THIG GDAB PA MA GTOGS PA'I LHAG GNAS RNAMS NI RAS BRIS KYI CHO GA LA'ANG BYA'O, ,GSUM PA NI, DKYIL 'KHOR GYI LHA LA SLAR YANG MCHOD BSTOD BYAS LA, BAR SNANG LA YANG RIGS LNGA'I TSOGS DPAG TU MED PA BSAMS LA, LAG PA GA-YAS PAS SPOS PHOR THOGS GA-YON PAS DRIL BU DKROL ZHING LCE H'Um LAS SKYES PA'I RDO RJER BYAS BDZRA DZI HV'A, ZHES PAS BYIN GYIS BRLABS

LA PUS MO SA LA BCUGS TE, BCOM LDAN 'JAM PA'I RDO RJE MCHOG ,RIG SNGAGS RGYAL LA PHYAG 'TSAL LO, ,SLOB MA RNAMS LA BRTZE BA DANG, ,KHYED RNAMS LA YANG MCHOD PA'I PHYIR, ,THUGS RJE'I BDAG NYID CAN RNAMS KYI, ,DKYIL 'KHOR DAG NI 'DRI BAR 'TSAL, , BCOM LDAN BDAG NI GUS PA LA, ,DE NI GNANG BAR MDZAD PA'I RIGS, ,SANGS RGYAS 'GRO 'KHOR BYA DON STZOL, ,BYANG CHUB SEMS DPA' 'BRAS GNAS DANG, ,GZHAN YANG GSANG SNGAGS LHA RNAMS DANG, ,'JIG RTEN SKYONG BA'I LHA RNAMS DANG, ,GANG YANG 'BYUNG PO MTHU CAN DANG, ,GANG YANG LHA YI SPYAN MNGA' BA, ,SEMS CAN BSTAN LA DGA' BA RNAMS, ,BDAG LA DGONGS PAR MDZAD DU GSOL, ,BDAG MING 'DI ZHES BGYI BA YIS, ,DKYIL 'KHOR 'JAM DPAL 'BYUNG BA NI, ,'GRO BA DAG PAR BYA BA'I PHYIR, ,YO BYAD 'BYOR PAS 'DRI BA NA, ,DENG BDAG SLOB MAR BCAS PA LA, ,THUGS NI BRTZE BAR DGONGS NAS SU, ,TSOGS PA THAMS CAD DKYIL 'KHOR DU, ,BYIN GYIS BRLAB PAR MDZAD DU GSOL, ,ZHES PAS DKYIL 'KHOR GYI LHA LA LAN GSUM GSOL BA BTAB PAS, DGYES BZHIN DU GNANG BA BYIN PAR BSAM MO, ,BZHI PA SLOB MA LHAG PAR GNAS PA LA GSUM, DANG POR BYA BA'I CHO GA ,BAR DU BYA BA'I CHO GA ,THA MAR BYA BA'I CHO GA'O, ,DANG PO NI, SNGAR BSHAD PA'I MTSAN NYID DANG LDAN PA'I SLOB MA NYER LNGA MAN CHAD ZUNG DU MA GYUR PA RNAMS KHRUS BYAS GOS GTZANG MA BGOS TE SHAR SGOR BZHAG , LAG TU ME TOG GI PHRENG BA BZUNG STE THAL MO SNYING KHAR SBYAR PUS MO SA LA BTZUGS PA LA BSANG GTOR SOGS KYIS LAS SGRIB SBYANGS, DE NAS BLA MA DANG DKYIL 'KHOR GYI GTZO BO LA MAn-dAL PHUL NAS, SLOB DPON KHYOD NI DGONGS SU GSOL, ,DGA' CHEN KHYOD BDAG STOD

, ,PA STE, ,BYANG CHUB CHEN PO'I TSUL BRTAN PA, ,MGON PO CHEN PO BDAG 'TSAL LO, ,DAM TSIG DE NYID BDAG LA STZOL, ,BYANG CHUB SEMS KYANG BDAG LA STZOL, ,SANGS RGYAS CHOS DANG DGE 'DUN TE, ,SKYABS GSUM BDAG LA STZAL DU GSOL, ,THAR PA CHEN PO'I GRONG MCHOG TU, ,MGON POS BDAG NI GZHUG TU GSOL, ,ZHES BDUN PA DRAG POS LAN GSUM GSOL BA GDAB BO, ,GNYIS PA LA LNGA, KUN SLONG BCOS SHING NANG DBANG BSKUR BA, SNGAGS LA MOS PA BRTAN PO 'DZIN DU GZHUG PA, ,SDOM PA BZUNG ZHING BYIN GYIS BRLAB PA, SO SHING DOR TE KHYOR CHU SOGS SBYIN PA, CHOS BSHAD DE SPRO BA BSKYED PA'O, ,DANG PO NI, BLA MAS, LA LA GSANG SNGAGS SGRUB DON GNYER, ,'DI NA DKYIL 'KHOR 'JUG PAR BYED, ,BSOD NAMS 'DOD PAS DE LAS GZHAN, ,GZHAN DAG 'JIG RTEN GZHAN DON GNYER, ,'JIG RTEN PHA ROL DON GNYER BA'I, ,DAD PA MANG DU BYED PA YI, ,BLO LDAN DKYIL 'KHOR 'JUG BYA YI, ,TSE 'DI'I 'BRAS BU 'DOD MI BYA, ,TSE 'DI'I 'BRAS BU 'DOD PA LA, ,'JIG RTEN PHA ROL DON MI 'GYUR, , 'JIG RTEN PHA ROL DON GNYER SKYES, ,'JIG RTEN 'DI YI 'BRAS BU RGYAS, ,ZHES BRJOD LA, TSE 'DI'I MNGON MTHO TZAM 'DOD NAS, ,SNGAGS SGRUB PA'I PHYIR DU 'JUG PA DANG, PHYI MA'I MNGON MTHO TZAM 'DOD NAS 'JUG PA DANG, SKU GSUM GYI GO 'PHANG 'DOD NAS DKYIL 'KHOR DU 'JUG PA GSUM LAS, SNGA MA GNYIS LTAR MI BYA BAR PHYI MA LTAR BYA DGOS PA RGYU MTSAN DANG BCAS PA BSHAD DE KUN SLONG BCAS SO, ,RANG GTZO BOR GSAL BA'I THUGS KA'I SA BON GYI 'OD ZER GYIS SLOB MA RE RE NAS RANG GI KHA NAS BCUG

PA RDO RJE'I LAM NAS 'THON NAS YUM GYI PAD-MAR GTZO BO ZHAL GCIG PHYAG GNYIS PA'I RNAM PAR BSKYED LA, SNYING GA'I SA BON GYI 'OD ZER GYIS RIGS LNGA YAB YUM BKUG STE KHA NAS ZHUGS SHING ZHU BA SNGAR BZHIN 'THON PAS SLOB MA RE RE NAS DBANG BSKUR BAR BSGOMS NAS PAD-MA NAS PHYUNG STE SHAR SGOR BZHAG GO ,GNYIS PA NI, DE NAS SLOB MA RANG LA LHAG PAR GUS SHING YID LA CHES 'BAB PA GCIG GTZO BOR BYAS TE DE'I SGO NAS THAMS CAD LA 'DI SKAD CES, BU TSUR SHOG CIG THEG CHEN PO, ,GSANG SNGAGS SPYOD TSUL CHO GA RNAMS, ,KHYOD LA YANG DAG BSTAN PAR BYA, ,KHYOD NI TSUL CHEN SNOD YIN GYI, ,SKU GSUNG THUGS KYI RDO RJE CAN, ,DUS GSUM 'BYUNG BA'I SANGS RGYAS RNAMS, ,RDO RJE SNGAGS KYI MTHU YIS NI, ,YE SHES MNYAM MED YANG DAG BRNYES, ,GSANG SNGAGS SBYOR BA MNYAM MED PA, ,GANG GIS SH'A-KYA SENG GE SOGS, ,MCHOG RNAMS KYIS NI BDUD KYI SDE, ,MI BZAD CHEN PO STOBS CHEN BCOMS, ,'JIG RTEN RJES 'JUG RTOGS NAS NI, ,CHOS 'KHOR BSKOR NAS MYA NGAN 'DAS, ,DE BAS KUN MKHYEN THOB BYA'I PHYIR, ,BU YIS BLO GROS 'DI GYIS SHIG ,CES BYA BA'I DON BSHAD LA MOS PA BRTAN PAR BYA'O, ,GSUM PA NI, DE NAS SLOB MA LA DON DRAN BZHIN PAS, GANG ZHIG THOG MED SRID PA'I CHU KLUNG DU, ,ZHES SOGS SGRUB THABS NAS 'BYUNG BA BZHIN LAN GSUM RJES ZLOS BYED DU GZHUG GO, ,DE NAS THUN MED PA'I SDOM PA DANG, THUN MONG MA YIN PA'I SDOM PA 'DZIN 'DOD DRAG PO BSKYED LA, DKON MCHOG GSUM LA BDAG SKYABS MCHI, ,SDIG PA THAMS CAD SO SOR BSHAGS, ,'GRO BA'I DGE LA RJES YI RANG, ,SANGS RGYAS BYANG CHUB YID KYIS GZUNG, ,ZHES PA'I RJES ZLOS LAN GSUM

, ,GYIS 'JUG SDOM 'DZIN DU GZHUG ,DBANG BZHI RDZOGS PAR LEN PA YIN NA, DE NAS SLOB DPON GYI SDOM PA GZUNG BA'I CHED DU, 'KHOR LO PHYIR MI LDOG PA'I DBANG, ,DAM PA BDAG LA STZAL NAS NI, ,MGON PO 'KHOR LO LHA DAG GI, ,DE NYID SLOB DPON 'PHRIN LAS DANG, ,SANGS RGYAS KUN GYI DAM TSIG DANG, ,SDOM PA GSANG MCHOG GSUNG DU GSOL, ,SEMS CAN KUN GYI DON GYI PHYIR, ,RTAG TU BDAG NI SLOB DPON BGYID, ,CES KHYAD PAR DU GSOL BA 'DEBS SU BCUG NAS, RGYAS PAR NI SLOB DPON GYI SDOM PA BSGRAG PA'ANG BYAS NAS, DE'I RJES SU SLOB MAS, GTZO BOS JI LTAR BKA' STZAL PA, ,DE LTAR BDAG NI BGYID PAR 'TSAL, ,ZHES BRJOD DE, SANGS RGYAS BYANG CHUB SEMS DPA' RNAMS, ,BDAG LA DGONGS PAR MDZAD DU GSOL, ,BDAG MING 'DI ZHES BGYI BA NI, ,DUS 'DI NAS NI BZUNG NAS NI, ,JI SRID BYANG CHUB SNYING PO'I BAR, ,JI LTAR DUS GSUM MGON PO RNAMS, ,BYANG CHUB TU NI NGES MDZAD PA'I, ,BYANG CHUB SEMS NI BLA NA MED, ,DAM PA BDAG GIS BSKYED PAR BGYI, ,TSUL KHRIMS KYI NI BSLAB PA DANG, , DGE BA'I CHOS NI SDUD PA DANG, ,SEMS CAN DON BYAD TSUL KHRIMS GSUM, ,SO SOR BRTAN POR GZUNG BAR BGYI, ,SANGS RGYAS CHOS DANG DGE 'DUN TE, ,BLA NA MED PA'I DKON MCHOG GSUM, ,SANGS RGYAS RNAL 'BYOR LAS SKYES PA'I, ,SDOM PA DENG NAS GZUNG BAR BGYI, ,RDO RJE RIGS MCHOG CHEN PO YI, ,RDO RJE DRIL BU PHYAG RGYA YANG, ,YANG DAG NYID DU BZUNG BAR BGYI, ,SLOB DPON DAG KYANG GZUNG BAR BGYI, ,RIN CHEN RIGS MCHOG CHEN PO YI, ,DAM TSIG YID DU 'ONG BA LA, ,NYIN RE BZHIN DU DUS DRUG TU, ,SBYIN PA RNAM BZHI

RTAG TU SBYIN, ,BYANG CHUB CHEN PO LAS BYUNG BA'I, ,PAD-MA'I RIGS CHEN DAG PA LA, ,PHYI DANG GSANG BA THEG PA GSUM, ,DAM PA'I CHOS NI MA LUS GZUNG, ,LAS KYI RIGS MCHOG CHEN PO LA, ,SDOM PA THAMS CAD LDAN PAR NI, ,YANG DAG NYID DU GZUNG BAR BGYI, ,MCHOD PA'I LAS KYANG CI NUS BGYI, ,BYANG CHUB SEMS NI BLA MED PA, ,MA PA BDAG GIS BSKYED BGYIS NAS, ,SEMS CAN KUN GYI DON GYI PHYIR, ,BDAG GIS SDOM PA MA LUS GZUNG, ,MA BSGRAL BA RNAMS BDAG GIS BSGRAL, ,MA GROL BA RNAMS BDAG GIS BGROL, ,DBUGS MA PHYIN PA DBUGS DBYUNG ZHING, ,SEMS CAN MYA NGAN 'DAS LA DGOD, ,CES PA'I RJES ZLOS LAN GSUM BYED DU BCUG LA THUN MONG MA YIN PA RDO RJE SEMS DPA'I SDOM PA 'DZIN DU GZHUG GO ,SDOM PA 'DI GNYIS GANG YANG BSRUNG MI NUS NA CHU DBANG MAN CHAD GANG YANG MI BSKUR BA DANG, THUN MONG GI SDOM PA BSRUNG LA GNYIS PA BSRUNG MI NUS NA BUM DBANG GI GTZO BO YAN CHAD MI BSKUR BAR GSUNGS PAS, ,LEN PA'I TSE SLOB MA LA LEN 'DOD DANG SRUNG 'DOD DRAG PO BSKYED PA DANG, SLOB DPON YANG SDOM LDAN GYI CHO GA BYA BA SHIN TU GAL CHE'O, ,SLOB MA LA LAS THAMS CAD PA'I SNGAGS BZLAS PA'I DRI'I CHU GTOR NAS BSRUNGS LA, SLOB MA RNAMS KYI SNYING GAR LAG PA GA-YAS PA RDO RJE DANG BCAS PA'I DRI'I CHUS REG CING H'Um ZHES BRJOD PAS RDO RJE RTZE LNGA PA'I LTE BA LA H'Um GIS MTSAN PA, MGRIN PAR REG NAS A'A: ZHES BRJOD PAS PAD-MA'I LTE BA LA A'A: SA MTSAN PA, DPRAL BAR REG CING AOm ZHES BRJOD PAS 'KHOR LO'I LTE BAR AOm GYIS MTSAN PAR BSAM, YANG YAS MAR REG CING BRJOD PAS, DE DAG LAS 'OD 'PHROS SANGS RGYAS THAMS CAD KYI SKU GSUNG THUGS RDO RJE SPYAN DRANGS TE

, ,DE GSUM LA THIM PAR BSAM, YANG MAS YAR REG CING BRJOD PAS LUS NGAG YID GSUM DANG, DE BZHIN GSHEGS PA THAMS CAD KYI SKU GSUNG THUGS DBYER MED DU GYUR PAR BSAM MO, ,DE NAS LAS THAMS CAD PA'I SNGAGS BZLAS TE SLOB MA'I SPYI BOR ME TOG ,MDUN DU SPOS DANG MAR ME, SNYING GAR DRI'I BYUG PA DBUL LO, ,BZHI PA NI, 'O MA CAN GYI SHING HA CANG SBEM PA DANG PHRA BA MIN PA, DRANGS ZHING TSIGS MED PA, MA GAS PA, RMA MED PA MGO MJUG MNYAM PA DRI'I CHUS BKRUS SHING BDUG PAS BDUGS LA SOR BCU GNYIS PA RTZE MOR ME TOG BCINGS PA, SLOB DPON BYANG DU PHYOGS PAS YI GE GSUM BZLAS NAS SLOB MA LA BYIN LAS LA BGEGS MTHAR BYED KYI SNGAGS KYIS BSNGAGS NAS DRI BZANG DANG BA BYUNG GIS BA'I KO BA'I SRAB MTHUG TZAM DU KHRU BZHI PA GRU BZHI RU BYUGS NAS SLOB MA KHA SHAR RAM BYANG DU PHYOGS PA LA, AOm BDZRA H'A SA HA, ZHES PAS RTZE MO NAS 'CHOS TE, AOm PRA TI BDZRI SA MA YA A'I SHVA RI A'A: H'Um SV'A H'A, ZHES BZLAS NAS MIG STENG DU BLTA ZHING LTOS PA MED PAR MAn-dAL GYI STENG DU DOR RO, , RTZE MO STENG DU BLTAS NA RIG 'DZIN, BLA MA LA BSTAN NA MCHOG ,THUR DU BLTAS NA SA 'OG ,SHAR BYANG NUB LHOR BLTAS NA ZHI RGYAS DBANG DRAG 'GRUB LA, PHYI ROL TU LHUNG NA DNGOS GRUB MED DO, ,SH'AN-TI PAS SHAR DANG BYANG GI LAS LDOG NAS BSHAD DO, ,DE NAS BAm LAS BYUNG BA'I DRI BZANG GI CHU, AOm A'A: H'Um BZLAS TE AOm HR'I: SU BI SHUD-DHA DHARM'A: SAR-BBA P'A PAm NI TZ'A AA-SYA BI SHO DHA SAR-BA BI KAL-P'AN AA PA NA YA H'Um ZHES BZLAS TE KHYER BA GSUM 'THUNG DU BCUG PAS SGO GSUM GYI SBIG PA THAMS CAD SBYANGS SHING RNAM PAR RTOG

PA RNAMS BSAL BAR BSAM MO, ,DE NAS KU SHA RTZA BA DANG RTZE MO MA NYAMS PA MANG BA H'Um LAS BYUNG ZHING DE LA LAS THAMS CAD PA BZLAS PA STAN GYI DON DANG, KU SHA NYUNG BA-DH'I: LAS BYUNG ZHING DE DANG LAS THAMS CAD PA BZLAS PA SNGAS KYI DON DU AOm BDZRA T'I-KshnA BA ZHES PAS LAG PA GA-YON PA'AM THAL MO GNYIS KYI BAR DU SBYIN PA NI BKRA SHIS PA'I RMI LAM MI 'KHRUL BA'I DON DU'O, ,DE NAS GZHON NU MAS BKAL BA'I SKUD PA DMAR PO H'Um LAS BYUNG BA'I SUM BSGRIL KHRU GANG SOR BZHI PA LAS THAMS CAD PA BZLAS PA ZHABS BSIL GYI CHUS BSANGS, RDO RJE GSUM GYI MDUD PA GSUM DANG LDAN PA DPUNG PA GA-YAS PA'AM GA-YON PA LA BSKOR GSUM BCINGS TE, SLOB MA LA ME TOG GTOR RO, ,LNGA PA NI, DE NAS BLA MAS, 'JIG RTEN DU NI KUN MKHYEN RNAMS, ,AU DUM-B'A RA'I ME TOG BZHIN, ,RGYA LAM NA NI RES 'GA' ZHIG ,'BYUNG 'GYUR YANG NI MI 'BYUNG NGO, ,GSANG SNGAGS SPYOD PA'I TSUL 'BYUNG BA, ,DE BAS KYANG NI DKON PA STE, ,GANG GIS MNYAM MED SEMS CAN DON, ,MYA NGAN MI 'DA' BYED PAR NUS, ,BSKAL PA BYE BA DU MA RU, ,SDIG PA BGYIS PAR GYUR PA GANG, ,DE KUN DKYIL 'KHOR 'DI 'DRA BA, ,MTHONG BAS BYANG BAR 'GYUR LAGS NA, ,GRAGS PA MTHA' YAS SNGAGS SPYOD PA'I, ,TSUL LA GNAS NA SMOS CI DGOS, ,SKYOB PA'I GSANG SNGAGS BZLAS NAS NI, ,GO 'PHANG BLA NA MED PAR 'GYUR, ,GANG DAG SPYOD PA MCHOG 'DI LA, ,BLO GROS SHIN TU MI GA-YO BA, ,DE DAG GIS NI NGAN 'GRO KUN, ,SDUG BSNGAL KUN 'BYUNG RAB TU BCAS, ,BDAG NYID CHEN PO KHYED RNAMS KYIS, ,RNYED PA MNYAM MED DE RING RNYED, ,GANG PHYIR RGYAL

, ,BA SRAS BCAS PA, ,BDAG NYID CHEN PO KUN GYIS NI, ,BSTAN PA 'DI LA KHYED RNAMS KUN, ,YONGS SU BZUNG STE, SKYE BZHIN PA, ,DE PHYIR KHYED RNAMS THEG CHEN LA, ,SANG NI RAB TU SKYE BAR 'GYUR, ,THEG PA CHEN PO TSAR 'BYUNG BA'I, , LAM MCHOG 'DI NI DPAL DANG LDAN, ,KHYED RNAMS DER NI DONG BAS NA, ,RANG BYUNG SKAL PA CHEN PO PA, ,'JIG RTEN THAMS CAD MKHYEN PA YI, ,DE BZHIN GSHEGS PA RNAMS SU 'GYUR, ,ZHES PA'I DON BSHAD DE SPRO BA BSKYED DO, ,GSUM PA NI, DE NAS SLOB MA RNAMS LAS THAMS CAD PA'I SNGAGS KYIS BSRUNG ZHING BZLAS PA'I DON DU SNGAGS BYIN LA, NAM GYI CHA BZHI'I THA MA LA RMI LAM RTOG LA NANG PAR NGA LA SMOS SHIG ,CES BRJOD NAS DKYIL 'KHOR GYI KHANG PA'AM GZHAN DU KU SHA CHE BSTAN DANG CHUNG BA SNGAS SU CHUG LA, SENG GE'I NYAL STABS KYIS SHAR PHYOGS SAM, SO SHING DOR BA MGO GANG DU BLTAS PA DER MGO STON LA NYOL CIG ,CES BYA'O, ,RANG NYID DKYIL 'KHOR GYI KHANG PAR ZHUGS NAS LAS THAMS CAD PA BZLAS SHING, SO SHING DOR BA MGO GANG DU BLTAS PA DER MGO BSTAN TE NYAL LA, NANG PAR SNGA BAR LANGS NAS GTOR MA BTANG STE, SLOB MA RNAMS LA RMI LAM DRIS LA, DKON MCHOG GSUM DANG MDZA' BSHES MTHONG BA SOGS BZANG NA SPRO BA BSKYED, RI LAS LHUNG PA SOGS NGAN NA LAS THAMS CAD PA'I SNGAGS KYIS BSRUNG BA DANG, BDAG MED PA'I DON BSHAD PA DANG, ZHI BA LAS THAMS CAD PA LA SOGS PA'I SBYIN SREG BYA ZHING GTOR MA GTANG NGO, ,DE NAS SLOB DPON GTZO BO'I RNAL 'BYOR DANG LDAN PAS, STA GON GYI LHA LA MCHOD NAS SNGAR GYI SNGAGS RGYAS NAM MKHA' LA

BTEG STE BZHAG GO ,SLEB MA LHAG PAR GNAS PA'I CHO GA NI RAS BRIS LA'ANG 'DRA'O, ,GSUM PA DNGOS GZHI'I CHO GA LA GSUM, YI THIG GDAB CING TSON DGYE BA, BUM PA DGOD CING DKYIL 'KHOR BRGYAN PA, BSKRUBS SHING MCHOD NAS DBANG BSKUR BA'O, , DANG PO LA GSUM, YE THIG GDAB PA, TSON DGYE BA, BGEGS BZLOG THABS SO, ,DANG PO LA YE THIG 'DU BYA BA NI, SNGAR BSHAD PA LTAR GYI THIG SKUD DKAR PO LNGA TSAN LNGA, SNOD LNGAR BZHAG LA YUNGS KAR GYI PHYE MA DANG, BDUD RTZI LNGA DANG, DRI ZHIM PO BSRES PA'I TSON LNGAS SKUD PA RNAMS SO SOR KHA BSGYUR, THIG SKUD NAG PO H'Um LAS MI BSKYOD PA, DKAR PO BRUm LAS RNAM SNANG, SER PO AA LAS RIN 'BYUNG, DMAR PE DZRI? LAS 'OD DPAG MED, LJANG KHU KHAm LAS DON GRUB KYI NGO BOR BSGOMS LA, SA BON DE RNAMS BZLAS TE SNOD GTZANG MAR BZHAG ,DPON SLOB GNYIS SNGAR LTAR BSKYED PA'I SLOB MA LA SA BON LNGA BRJOD DE BYIN LA, SLOB MAS KYANG DE NYID BRJOD CING BLANGS TE LAG PA GA-YON PA'I SOR MO'I RTZE NAS MTHE PO'I RTZA BA'I BAR DU NAG DKAR SER DMAR LJANG BA'I RIM PAS BKOD LA BRKYANGS LA, SNGAR NAM MKHAR BZHUGS SU GSOL BA'I DE BZHIN GSHEGS PA LNGA'I THUGS KAR H'Um LA SOGS PA LAS GRUB PA'I YE SHES KYI THIG SKUD 'OD ZER LNGA'I RANG BZHIN CAN RNAMS SU BLTAS LA, AOm AKshO BHYA BDZRA S'U TRAm ME PRA YATZTSA MH'A MAn-dA LA S'U TRA n'A YA H'Um, ZHES PAS MI BSKYOD PA LA GSOL BA GDAB, AKshO BHYA'I GNAS SU SH'A SHRA TAS RNAM SNANG DANG, RTNA SAMBHA WAS RIN 'BYUNG DANG, AA MI T'A BHA WAS 'OD DPAG MED DANG, AA MO GHA SIDDHI? ZHES BCUG LA DON GRUB LA GSOL BA GDAB BO, ,DE NAS RANG GI

, ,MIG GNYIS SU YI GE DZA: LAS NYI MA DANG ZLA BA SER POR BSKYED, AOm D'I PTA DRi-shtI AAm KU SHA DZA: ZHES BRJOD CING MYUR DU MIG GI RDZI MA 'DEGS SHING BRDEBS PA 'BAR BA'I LTA STANGS LCAGS KYU LTA BUS BKUG PA'I YE SHES KYI THIG RANG RANG GI MDOG CAN GYI SA BON GYI YI GE'I GZUGS RIGS LNGA'I THUGS KA NAS BTANG BA LAG PA'I THIG SKUD SOO LA THIM PAR BSGOMS LA, AOm AA NA-YO NA-YA AA NO GA T'A: SAR-BA DHA-RMM'A: PAR SPHA RA, AA NU PRA BI-shtA: SAR-BA DHAR-M'A: AA NGYAN TA AA NU PRA BI-shtA: SAR-BA DHAR-MM'A: AOm A'A: H'Um, ZHES ZLOS SHING DANG PO LNGA LNGAR BSGRIL, DE NAS LNGA PO GCIG TU BSGRIL TA CHAD NI SNGAR DANG 'DRA'O, ,DE NAS BGEGS MTHAR BYED DU BSKYED PA'I SKOR RNAMS MA GTOGS PA DRI ZHIM PO'I CHU DANG BDUD RTZI LNGA ZHES PA NAS, LHAG GNAS BYA'O, ,ZHES PA'I BAR SNGAR BSHAD PA BZHIN BYA'O, ,DKYIL 'KHOR GYI SA LA SNGAR GYI SNGAGS DANG BUM PA'I CHUS BSANGS TE GTZANG MAR BYAS PA NAS MCHOD BSTOD KYI BAR DANG SLOB DPON NUB DANG ZHES PA NAS, LTE BAR BZUNG ZHES PA'I BAR SNGAR BSHAD PA BZHIN, GNYIS KA'I LTE BA'I THAD KA'I BAR SNANG LA THIG SKUD BRKYANGS NAS, RDO RJE DANG BCAS PA'I LAG PA GA-YAS PA'I MTHE BONG DANG MDZUB MOS THIG SKUD BZUNG NAS, AOm BA-DZRA SA MA YA S'U TRA M'A TI KRA MA H'Um H'Um BRUm AAm DZRI KHAm, ZHES BRJOD CING NAM MKHA' LA GDAB LA, SE GOL GYI SGRA BYA'O, ,THIG GI SGRAS, SEm-NI? DON DU KHYED RNAMS KYI, ,DUS YIN DE PHYIR 'DIR SPYON CIG ,CES BRJOD PAS NAM MKHA' KHYAB PA'I SANGS RGYAS RNAMS BSKUL NAS BYON TA THIG SKUD LA THIM PAR BSAM MO, ,DE NAS DE MA THAG DPON SLOB GNYIS KA'I LAG PA MNYAM POR SMAD LA SNGOD PA'I RKANG STABS SNGAR BZHIN BYAS TE, 'OD ZER PHRENG BA'I MTHA' NAS MTHA'I BAR DU TSANGS THIG DANG PO GDAB STE, DE'I TSE'ANG THIG GI SGRAS SANGS RGYAS RNAMS BSKUL TE

BYO NAS THIG SKUD LA THIM ZHING, NGO BO YE SHES LA RNAM PA SRAD BU KHA DOG LNGAR SNANG BA'I THIG SKUD RE CHAD NAS LAS THIG LA THIM PAR BSAM MO, ,DE NAS SNGAR BZHIN RKANG PA BYIN GYIS BRLABS TE SONG NAS LHO BYANG GI NAM MKHA' LA GDAB PA DANG SA LA TSANGS THIG GNYIS GDAB PA DANG PO BZHIN BYA, DE NAS NAM MKHA' LA 'DEBS PA MA GTOGS PA SKOR PHYOGS LA SOGS SNGAR BZHIN BYA ZHING, THIG LHAG MA RNAMS KYANG LAS THIG BZHIN BTAB LA BYIN GYIS BRLABS PA'I DMIGS PA DANG PO BZHIN BYA'O, ,THIG SKUD 'DZIN PA'I DMIGS BSAL DANG THIG SKUD KYI LTAS RTOG PA NI SNGA MA BZHIN BYA'O, ,THIG THEBS PA NA THIG SKUD LA MCHOD GTOR DBUL BA SNGON DU 'GRO BAS, AOm A'A: H'Um BA-DZRA MU: ZHES PAS YE SHES KYI THIG SKUD NAM MKHAR BZHUGS PA'I RGYAL BA RNAMS KYI THUGS KAR GSHEGS LA TSON SNA LNGA'I SKUD PA GNAS JI LTA BAR BZHAG GO ,YE THIG THEBS NAS THIG LA 'GOM DGOS PA BYUNG BA DANG, TSON BYIN RLABS CAN LA 'GOM DGOS PA BYUNG NA, AOm BA-DZRA BE G'A KRA MA H'Um, ZHES NGAG TU BRJOD LA, YID KYIS YE SHES KYI THIG TSON NAM MKHA' LA BTEG NAS BYA ZHING RJES SU PHAB LA BSTIM MO, ,GNYIS PA LA GSUM, TSON RTZI BYIN GYIS BRLAB PA, RTEN GYI DKYIL 'KHOR 'DRI BA, DE LA PHYAG RGYA DGOD PA'O, ,DANG PO NI, 'BYOR PA CHE NA RIN PO CHE'I RDUL TSON DANG CHUNG NAS TSON LA SOGS PA SNOD SAR PA RNAMS SU SO SOR BKOD LA, BSANG SBYANGS SNGON DU 'GRO BAS H'Um BRUm LA SOGS PA'I SA BON LAS RE RE YANG RIGS LNGA'I NGO BOR BSGOMS, NAM MKHAR BKOD PA'I RIGS LNGA'I THUGS KAR SO SO'I SA BON LAS

, ,GRUB PA'I YE SHES KYI TSEN SNGAR BSHAD PA BZHIN 'BAR BA'I LTA STANGS KYIS BKUG STE BCUG PAS YE SHES KYI TSON DANG RO GCIG TU GYUR PAR BSAM MO, ,SA BON LNGA DANG, AOm BA-DZRA TZI TRA SA MA YA H'Um, BRGYA RTZA BRGYAD KYIS BSNGAGS SO, ,RANG GI MIG GNYIS SNGAR BZHIN BSKYED DE, SNGAR BZHIN BLTAS LA RDUL TSON LA HI YIG BKOD NAS, BDEN PA GANG GIS SEMS CAN RNAMS RDUL TSON MANG ZHING, SANGS RGYAS RNAMS NI SEMS CAN LA CHAGS PA DANG, RJES SU CHAGS PAR GYUR PA'I BDEN PA DES RDUL TSON RNAMS 'BAR PAR GYUR CIG ,CES BDEN PA'I BYIN RLABS KYIS MANG POR SBAR LA DRI DANG ME TOG LA SOGS PAS MCHOD DO, ,GNYIS PA NI, DKYIL 'KHOR GYI DBUS SU PHUR BU DNGOS SU BTAB PA YIN NA DE BTON NAS SHUL CHEN SNA LNGAS DGANG LA MNYAM PAR BYA, BSAM GTAN GYIS BTAB NA'ANG SKAm PAS PHYAG RGYA DANG, H'Um ZHES BRJOD NAS PHUR BU PHUNG BAR MOS LA LAG NA GNAS PA'I RDO RJE LA THIM PAR BSAM MO, ,DE NAS DRIL BU GSIL ZHING, 'DI NI CHOS DBYINGS DAG PA STE, ,SEMS CAN KHAMS NI GROL BYED PA, ,'JAM DBYANGS RGYAL PO RANG NYID NI, ,DE BZHIN GSHEGS PA KUN GYI GNAS, ,NYES PA KUN LAS RNAM PAR GROL, ,'KHOR LO'I NANG DU YANG DAG GNAS, ,ZHES PA'I RDO RJE'I GLUS CHOS DBYINGS RNAM PAR DAG PAR MOS NAS, TSON 'GYED PA'I SKYON BSAL LA DKYIL 'KHOR GYI NANG DU 'DUG STE, LAG PA GA-YAS PAS RDO RJE BZUNG ZHING, ,GA-YON PA RDO RJE KHU CHUR GYIS DBANG LDAN NAS BRTZAMS TE, RTZIG PA LNGA PHYI NAS RIM PA BZHIN DKAR SER DMAR

LJANG SNGO BA, ZHING? TSAD SGO'I NYI SHU CHA, DPANGS MTHE'U CHUNG GI TSAD DANG, SRID DU SOR BCU GNYIS KYI TSAD GA-YAS SKOR GYI RIM PA BZHIN, AOm A'A: H'Um, AOm BA-DZRA CI TRA SA MA YA H'Um, ZHES BRJOD CING DRANG POR BRIS LA, RIN PO CHE DKAR PO LA SOGS PA LAS BYAS PA'I THUR MA LA SOGS PA'I NGO BOR MOS PAR BYA'O, ,SNGAR BSHAD PA LAS RE KHA SBOM PAR BRIS NA NAD BSKYED, PHRAN NOR NYAMS, DMA' NA DNGOS GRUB MI 'GRUB, YON GDUNG BA BSKYED, CHAD NA BLA MA DANG SLOB MA 'CHI, RDUL TSON 'DRES NA RIGS RGYUD 'CHAD PAR GSUNGS PAS SKYON DE DAG DANG BRAL BAR 'DRI'O, ,TSON SBOM PHRA SOGS KYI NYES PA BSKYAD PA'ANG DE KHO NA NYID KYI BSAM SBYOR MI BRTAN PA LA YIN NO, ,TSON SA NI DBUS KYI RE'U MIG SNGON PO, DE'I MTHA' SKOR GYI SNAM BU NI SNGON PO LA RDO RJE'I PHRENG BA CAN KA BA RNAMS PHYOGS MDOG ZUR THIG GIS BCAD PA'I PHYI NANG GI BAR RNAMS SHAR DKAR, LHO SER, NUB DMAR, BYANG LJANG BA, RDOR PHRENG GI ZLUM PO NI NAG PO LA RDO RJE RTZE GSUM PA PHYI'I RDO RJE'I KHA DOG LTAR RO, ,DE'I PHYI TSANGS THIG GI GLO SO SOR BUM PA SER PO CHA CHUNG BZHI PA GNYIS GNYIS SO, , 'DED SNAM DMAR PO LA MCHOD PA'I LHA MO DU MA DANG LDAN PA, SGO DANG SGO KHYUD KYI MTSAMS SU ZLA PHYED LA GNAS PA'I RIN PO CHE RDO RJES MTSAN PA, PHA GU'I GZHI DMAR PO LA RIN PO CHE GRUB BZHI DANG ZUR GSUM SOGS KYIS SPRAS PA, DRA BA DRA PHYED KYI GZHI? NAG PO LA CHU SRIN GYI KHA NAS 'PHYANG BA'I MU TIG GI DO SHAL SKUD PA DMAR PO LA BRGYUS PA, GLO GNYIS DANG STENG 'OG TU GSER GYIS BCINGS PA'I NOR BU DBUS NA YOD PA, DE'I NANG DU KHA CIG LA NI, PAD-MA DANG, ZLA TSES DANG, RDO RJE PHYED PAS BRGYAN PA'I NYI MA, KHA CIG

, ,LA NI RIN PO CHE, KHA CIG LA NI PAD-MA LA GNAS PA'I RDO RJE, DO SHAL GYI GLO GNYIS SU RIN PO CHE'I PHRENG BA'I DA SHAL PHYED PA, KHA CIG LA NI RIN PO CHE'I YU BCAN GYI RNGA YAB DANG, DRIL BU'I KHA'I NANG DU RNGA YAB 'PHYANG PA'O, ,SHAR PU DANG MDA' YAB KYI GZHI NAG PO LA SHAR BU DKAR PO, MDA' YAB PAD-MA 'DAB MA PHYED PA'I DBYIBS CAN DKAR PA, RTA BABS KYI KA BA DANG, GLANG RGYAB KYI NANG RNAMS PHYOGS MDOG ,GLANG RGYAB KYI CHA CHUNG PHYAD PA LA RIN PO CHE LA SOGS PA 'DRI ZHING RNAM PAR BKRA BA'I BLA BRE DANG, DO SHAL DANG, DO SHAL PHYED PA 'PHYANG BA, SNAM BU BCU GCIG GI GSER SNAM SER PO, RIN PO CHE NI PHA GU BZHIN, RMIG PA DANG BA RA-ndA MDZES TSON, MUN PA GNYIS NAG PO, ,SHER BU DANG MDA' YAB SNGAR BZHIN DE'I SNAM BU'I DBUS SU PAD ZLA'I GDAN LA, 'KHOR LO SER PO RTZIBS BRGYAD PA, DE'I GA-YAS GA-YON CHA CHUNG PHYED DU RI DVAGS PHO MO SER PO, CHA CHUR GCIG TU MGRIN PA DANG THEBS PA'I GDONG 'GRENG BZHIN PA MIG 'KHOR LO'I RTZE MO LA BLTA BA, DE? GNYIS KYI PHYI NGOS SU MDA' YAB GNYIS, STENG GI GRVA BZHIR GDUGS RES BRGYAN PA, SNA TSOGS RDO RJE'I RVA DBUS MA RNAMS PHYOGS MDOG ,GA-YAS GA-YON GYI RVA GNYIS NI DE'I GLO'I DE BZHIN GSHEGS PA'I MDOG STE, JI LTAR RIGS PAR RO, ,YANG NA PHYOGS RE'I SNA TSOGS RDO RJE'I RVA THAMS CAD RANG PHYOGS KYI RGYAL BA'I MDOG TU BYA'O, ,PAD-MA'I LTE BA LJANG, GE SAR SER, 'DAB MA SNA TSOGS, DE'I GZHI'I CHOS 'BYUNG MTSON PA'I DMAR SKYA PHYI'I RI KHA DKAR

PA, SNA TSOGS RDO RJE'I SNAM BU NI JI LTAR MDZES PA, RDO RJE NI RTZE GSUM PA'AM, LNGA PA, DE'I PHYI'I RE KHA DKAR PO'AM SER PO, 'OD ZER GYI PHRENG BA NI KHA DOG SNA LNGA PA STE, DE'I MTHAR TSON GYI RE KHA MI BYA'O, ,GSUM PA NI, DE LTAR TSON GYIS RTEN GYI DKYIL 'KHOR 'DRI PA RDZOGS PA DANG, PHYAG RGYA DGOD PAR BYA'O, ,LHA THAMS CAD KYI GNAS SU THUN MONG GI GDAN, PHYOGS BZHI DMAR, ME RLUNG SER, BDEN BRAL LJANG, DPANG LDAN NAG ,LTE BA LJANG, GE SAR SER BA'I SNA TSOGS PAD-MA RE DGOD, DE'I STENG DU THUN MONG MA YIN PA'I GDAN SGRUB THABS BZHIN BKOD LA, DE'I STENG DU PHYAG RGYA CHEN PO'AM CHOS KYI PHYAG RGYA LHA RANG RANG GI SA BON, M'Am, AOm, SVA, A'A, H'A, L'Am, M'Am, P'Am, T'Am, DZA: H'Um, BAm HO, KHAm, RAm, H'Um H'Um H'Um H'Um, RNAMS 'OG NAS 'CHAD PA'I GNAS RNAMS SU RIM PA BZHIN DU DGONG, MTSAN MA'I PHYAG RGYA 'GOD NA, DBUS SU GTZO BO'I RAL GRI SNGO BSANGS, SHAR DU RNAM SNANG GI 'KHOR LO DKAR PO RTZIBS BRGYAD PA, LHOR RIN 'BYUNG GI RIN PO CHE SNGON PO CHA DGU PA, NUB TU 'OD DPAG MED KYI PAD-MA DMAR PO 'DAB MA BRGYAD PA, BYANG DU DON GRUB KYI RAL GRI LJANG GU, MER SPYAN MA'I DBUS GNAG LA MTHA' DKAR BA'I 'OD DANG LDAN PA'I SPYAN, BDEN BRAL DU M'A MA K'I'I RDO RJE SNGON PO RTZE LNGA BA'AM AUT-PAL? DMAR PO, ,RLUNG DU GOS DKAR MO'I PAD-MA DMAR PO KHA PHYE BA SNGONG BU DANG BCAS PA, DBANG LNGAN DU SGROL MA'I AUT-PAL SER PO KHA BYE BA, ME LA SOGS PA'I MTSAMS BZHI DANG, SHAR SGO'I GA-YON DANG GA-YAS SU, GZUGS DANG, SGRA DANG, DRI DANG, RE DANG, REG BYA RDO RJE MA DANG, CHOS DBYINGS RDO RJE MA RNAMS KYI

, ,RIM PA BZHIN DU, ME LONG DKAR PO DANG, PI WANG SNGON PO DANG, DRI'I DUNG CHOS DANG, RO'I SNOD DANG, GOS KHA DOG SNA TSOGS PA DANG, CHOS 'BYUNG DKAR PO'O, ,SHAR LA SOGS PA'I SGO BZHIR GSHIN RJE MTHAR BYED, SHES RAB MTHAR BYED, PAD-MA MTHAR BYED, BGEGS MTHAR BYED RNAMS KYI RIM PA BZHIN DU, RDO RJE'I THO BA NAG PO, RDO RJES MTSAN PA'I DBYUG PA DKAR PO, PAD-MA DMAR PO, SNA TSOGS RDO RJE SNGON PO KHA GYIS PA RNAMS DGOD PAR BYA'O, ,MTSAN MA THAMS CAD 'OD ZER DANG BCAS PA, GTZO BO'I MTSAN MA MGO NUB TU BSTAN CING, GZHAN RNAMS RANG RANG GI PHYOGS SU MGO BSTAN PA'O, ,DE NAS CHAD LHAG YOD MED LEGS PAR BRTAGS NAS, MED PAR SHES PA DANG TSON 'THOR BA RNAMS RAS LA SOGS PAS PHYI, H'Um DANG LAS THAMS CAD PA BZLAS PA'I BDUD RTZI LNGA DANG BCAS PA'I DRI'I CHUS, DKYIL 'KHOR GYI PHYI RNAMS SU BYUG CING BSANGS, TSON LHAG MA RNAMS BSDUS NAS MCHOD GTOR PHUL TE, AOm A'A: H'Um BA-DZRA MU: ZHES PAS YE SHES PA STA GON GYI LHA'I THUGS KAR GSHEGS, DAM TSIG PA BDAG LA BSDU, TSON LHAG MA RNAMS DBEN PAR BZHAG GO ,GSUM PA BGAGS BZLOG THABS NI, DKYIL 'KHOR 'DRI BA'I DUS SU RLUNG DANG CHAR LA SEGS PA'I GNOD PA BYED PA'I BGEGS ZHI BAR BYA BA NI, RANG GSHIN RJE GSHED ZHAL GSUM PHYAG DRUG PA, SKU'I RNAM 'PHRUL GA-YAS BRKYANGS LA SOGS PA'I STANG STABS KYIS BGEGS RNAMS PHYE MAR RLOG PA, GSUNG GI RNAM 'PHRUL 'JIG PA'I DUS KYI 'BRUG SGRA SGROG PA LTA BUR SNGAGS 'DON PA, THUGS KYI RNAM 'PHRUL BGEGS THAMS CAD STONG

PA NYID DU DMIGS PA DANG LDAN PAR BYAS TO, DE'I PHRENG SNGAGS NGA RO DAG POS BTON LA BGEGS TSAR BCAD? DO, ,GNYIS PA BUM PA DGOD CING DKYIL 'KHOR BRGYAN PA NI, LHAG GNAS BYAS PA'I BUM PA RNAMS, SPOS KYIS SNA DRANGS TE ROL MO SNA TSOGS PAS DKYIL 'KHOR LA GA-YAS SKOR DU LAN GSUM BSKOR TE, PHYI'I RDO RJE RA RVA BA'I NANG DU KHA NANG LTA'I DBANG DU BYAS PA'I SHAR SGO'I? THAD KA'I GNAS NAS CUNG ZAD TZAM GYI GA-YAS SU RNAM RGYAL BUM PA DANG, SHAR SGO'I GA-YON NGOS NA RNAM SNANG DANG, SPYAN MA DANG LAS BUM RNAMS SO, ,GA-YAS SU GZUGS RDO RJE MA DANG, CHOS DBYINGS RDO RJE MA DANG, GSHIN RJE GSHED RNAMS SO, ,LHO'I GA-YON DU RIN 'BYUNG DANG, M'A MA K'I DANG, SGRA RDO RJE MA DANG, SHES RAB MTHAR BYED RNAMS KYI'O, ,NUB KYI GA-YON DU SNANG MTHA' DANG, GOS DKAR MO DANG, DRI RDO RJE MA DANG, PAD-MA MTHAR BYED KYA'I, ,BYANG GI GA-YON DU DON GRUB, RO RDO RJE MA, REG RDO RJE MA, BGEGS MTHAR BYED RNAMS KYI'O, ,DE NAS MCHOD PA'I YO BYAD GDUGS DANG, RGYAL MTSAN DANG, BA DAN DANG, DRIL BU DANG BCAS PA'I RNGA YAB DANG, BUM PA GANG BA DANG, LHA RE RE LA NYER SPYOD TSANG BA RE, DE MA 'BYOR NA MCHOD PA RE RE ZHING BCU LAS MI NYUNG BA RNAMS LA H'Um DANG GTZO BO'I SNGAGS BZLAS LA, AOm BA-DZRA SPHA RA nA KHAm, ZHES PAS PHYOGS MTSAMS RNAMS SU BSHAMS, NANG MCHOD DANG 'JIG RTEN PA DANG, 'JIG RTEN LAS 'DAS PA'I GTOR MA DANG, PHYI ROL PA'I GTOR MA LA SOGS BSHAM MA, ,GSUM PA SGRUB CING MCHAD NAS DBANG BSKUR PA LA GSUM, DKYIL 'KHOR BSGRUB PA, DKYIL 'KHOR MCHOD PA, DBANG BSKUR BA'O, ,DANG PO NI, DE NAS RANG

, ,KHRUS BYAS SHING DRI ZHIM POS LUS LA BYUG ,STOD GA-YOGS DANG, GCUG TOR DANG, RGYAN DANG LDAN PAR BYA, LAS THAMS CAD PA BZLAS PA'I CHUS DKYIL 'KHOR BSANG ZHING DKYIL 'KHOR BSRUNGS NAS, DKYIL 'KHOR SGRUB PA'I SNGON DU LHA'I RNAL 'BYOR JI TZAM ZHIG BSGOM PA NI, SHAR SGO DANG NYE BAR NUB TU KHA BLTAS TE 'DUG LA, SHIN TU BSDU NA GTZO BO'I RNAL 'BYOR RKYANG PA DANG, RGYAS PAR NA DKYIL 'KHOR RGYAL MCHOG YAN CHAD MCHOD BSTOD DANG BCAS PA BYAS TE, RTEN DANG BRTEN PA'I DKYIL 'KHOR LUS LA BSDUS LA GTZO BO RKYANG BA'I RNAL 'BYOR DANG LDAN PAR BYA'O, ,BDAG MDUN THA MA DED DU BYAS NAS DKYIL 'KHOR BSGRUB PA YIN KYANG, SKABS 'DIR NI BDAG MDUN BSRE BA MIN NO, ,DE NAS SH'U NA-YA TAS RDUL TSON GYI DKYIL 'KHOR SBYANGS LA, STONG PA'I NGANG LAS SBYOR BA TSOGS GSOG GAM, BSRUNG 'KHOR BSGOM PA NAS BZUNG STE, GZHAL YAS KHANG GDAN DANG BCAS PA SGRUB THABS BZHIN BSKYED, DE NAS, SNGAR BSHAD PA'I SA BON PHYAG MTSAN DANG BCAS PA CHO GA GSUM GYIS DAM TSIG PA'I DKYIL 'KHOR SGRUB THABS BZHIN RDZOGS PAR BSKYAD CING, RANG DANG RDUL TSON GYI DKYIL 'KHOR GYI GTZO BO THA MI DAD DU MOS PA BYA, YAB YUM GNYIS KYI MDA' GSANG BYIN GYIS BRLAB PA BYAS TE, SNYOMS PAR ZHUGS PAS DE BZHIN GSHEGS PA THAMS CAD RANG GI ZHAL DU BCUG BYANG CHUB KYI SEMS SU ZHU NAS RDO RJE'I LAM NAS RIG MA'I PAD-MA'I NANG DU BABS PA LAS SGRUB THABS BZHI

LHA BCU DGU RDZOGS PAR BSKYED, DE NAS RANG RANG GI 'BYIN SNGAGS KYIS SPROS, SPYI DANG KHYAD PAR GYI RANG RANG GIS MDZAD PA MDZAD, SPRUL PA RNAMS GCIG TU 'DUS RANG RANG GI YE SHES PA DANG 'DES PA SLAR BYON NAS, RANG 'DRA'I DAM TSIG? PA SO SO LA THIM PAR BSAM MO, ,DKYIL CHOG BZHI BRGYA LNGA BCU PA LAS, SNGAR BZHIN SHES RAB YAN LAG 'DUS, ,SANGS RGYAS RNAMS NI RANG NANG BZHUGS, ,SEMS BSAM NAM MKHA' KHYAB BYAS PA, ,'KHOR LO'I NGOS SU GNAS BYA'O, ,ZHES PAS BSTAN CING, SNGA MA DAM TSIG PA DANG; PHYI MA RANG 'DRA'I SPRUL SKU YE SHES PA GZHUG PA YIN NO, ,RIG MA'ANG RTZA RGYUD LAS 'BYUNG BA LTAR M'A MA KLIR BSKYOD PAR SMAN ZHABS KYIS BSHAD DO, ,DE NAS RANG GIS THUGS KA'I SA BON GYI 'OD ZER LCAGS KYU LTA BUS, 'OG MIN NAS RANG 'DRA'I YE SHES PA SPYAN DRANGS PA LA, 'DOD YON LNGAS MCHOD NAS DAM TSIG PA DANG DBYER MI PHYED PAR RGYAS GDAB CING, SNGAR NAM MKHAR BTEG PA'I STA GON GYI DKYIL 'KHOR LA MCHOD NAS, DZA: H'Um BA HO: SA DGUG GZHUG CING DBANG DU BYAS LA, LHA SO SO'I RIGS BDAG GIS RGYAS 'DEBS PA DANG, SKYE MCHED DANG SKU GSUNG THUGS BYIN GYIS BRLAB PA SOGS SGRUB THABS LTAR BYA'O, ,YE SHES PA 'JUG PA'I RIM PA GNYIS BYUNG BA'I DON NI 'DI YIN TE, SNGA MA RANG 'DRA'I SPRUL SKU YE SHES PA DANG, PHYI MA RANG 'DRA'I LONGS SKU YE SHES PA GZHUG PA YIN NO, ,DPAL KLU'I BYANG CHUB KYIS MDZAD PA'I MI BSKYOD RDO RJE'I DKYIL CHOG LAS 'BYUNG BA LTAR 'DIR YANG SBYAR BAR BYA STE, MAR ME MDZAD BZING PO'I BZHED PAR SNANG BA DANG, YE

, ,SHES ZHABS KYI RJES 'BRANG AA BHYAS? KYANG, MNGAL NAS SPROS PA'I YE SHES PA DANG 'DRES PA, RANG LA 'JUG PA, YE SHES PA GZHUG PAR BSHAD PA DANG, RTZA RGYUD LAS, SANGS RGYAS ZHI BA'I GNAS SPRES PAS, ,NAM MKHA'I DBYINGS NI RAB TU BRGYAN, ,ZHES PA'I DON TO, ,RNAL 'BYOR BLA MED KYI LUGS 'DI LA DKYIL 'KHOR SGRUB PA'I DUS NA'ANG SKU GSUM GYI TSOGS PA CAN DU BYED PA'I TSUL LA NGES PA CHEN PO RNYED PA GAL CHE'O, ,GNYIS PA LA GNYIS, MCHOD PA DNGOS DANG, SGO DBYE BA'O, ,DANG PO LA GNYIS, NANG DU DKYIL 'KHOR GYI LHA MCHOD PA DANG, PHYI ROL TU MCHOD GTOR BYA BA'O, ,DANG PO NI, MCHOD PA RNAMS LAS THAMS CAD PAS BSANGS, SH'U NA-YA T'AS SBYANGS SHING BSKYED BYIN GYIS BRLABS LA, DAG CING DRI MED YID 'ONG BA'I, , SNGAGS KYI YON CHE BA MCHOG 'DI DAG ,MCHOG TU DAD PAS KHYED LA 'BUL, ,CI BDE BAR NI BZHES SU GSOL, ,AOm A'A: HR'I: PRA WA RA SAD K'A RAm AR-GHAm PRA T'I TZTSA H'Um SV'A H'A, ZHES PAS MCHOD YON DANG, MCHOD YON GYI GNAS SU ZHABS BSIL, ZHAL BSIL, BSANGS GTOR BCUG ,AR-GHAm GYI GNAS SU P'A BYAm DANG, A'A NYTZA MA nAm DANG, PRO KshA nAm BCUG LA CHU BZHI'I MCHOD PA DANG, LHA YI ME TOG DAM PA 'DES, ,DKYIL 'KHOR MCHOD PA BGYID PAR 'TSAL, ,THUGS NI BRTZE BAS NYER DGONGS TE, ,MGON POS MCHOD PA 'DI BZHES SHIG ,CES ME TOG GI GNAS SU NYER SPYOD KYI LHAG MA DANG, ROL MO'I MING BCUG LA NYER SPYOD DANG, KHA DOG DBYIBS LAGS YID 'ONG RGYAN 'PHRENG LDAN, ,PHYOGS DUS KUN NA GZUGS MCHOG CI MCHIS PA, ,MOS BLOS

DKYIL 'KHOR LHA LA BDAG 'BUL NA, BZHES SHING BLA MED GRUB MCHOG STZAL DU GSOL, ,AOm SARBA TA TH'A GA TA R'U PA P'U DZA ME BHA SA BU DRA SPHA RA n'A SA MA YA SHR'I YE A'A: H'Um GIS GZUGS DANG, DE BZHIN DU SBYAR TE, PHYOGS DUS KUN NA ZIN DANG MA ZIN PA'I, ,YON TAN TSIG BRJOD SGRA SNYAN YED 'OD LDAN, ,MOS BLOS, BZHES SHING, SHPTA,? ZHES SGRA DANG, PHYOGS DUS KUN NA TZAN-DAN SBRUL SNYING DANG, ,AA KAR LA SOGS DBANG PO TSIM BYED RNAMS, ,MOS BLOS, BZHES SHING, GAN-DHE,? ZHES DRE DANG, PHYOGS DUS KUN NA RO DANG BCUD LDAN PA'I, ,LUS SEMS RTAS BYED RO MCHOG CI MCHIS PA, ,MOS BLOS, BZHES SHING, RA SA, ZHES RO DANG, PHYOGS DUS KUN NA 'JAM MNYEN 'KHRIL CHAGS PA'I, ,REG BYA'I KHYAD PAR LUS SEMS TSIMS BYED PA, ,MOS BLOS DKYIL 'KHOR LHA LA BDAG 'BUL NA, ,BZHES SHING BLA MED GRUB MCHOG STZAL DU GSOL, ,SPAR SHA ZHES PAS REG BYA RNAMS DBUL LO, ,RTZA RGYUD LE'U BCU BDUN PA LAS 'BYUNG BA'I, ,MI BSKYOD RDO RJE YE SHES CHE, ,ZHES SOGS KYIS BSTOD PA DANG, BDUD RTZI MYONG BA SOGS BYA'O, ,LHA'I DKYIL 'KHOR GSAL BAR BSGOMS LA, GTZO BO'I SNGAGS BRGYA RTZA BRGYAD, GZHAN RNAMS KYI NYI SHU RTZA RE LA SOGS PA DANG, YI GE BRGYA PA BZLAS LA, NANG DU 'JIG RTEN DANG 'JIG RTEN LAS 'DAS PA'I GTOR MA BTANG, NANG GI MCHOG PA DBUL BA DANG TSOGS KYI MCHOD PA SOGS BYA'O, ,GNYIS PA NI, SGRUB PA'I GROGS DKYIL 'KHOR BSRUNG DU BCUG LA, RANG NYID GTZO BO LAS BYE NAS, KHRO BO'I NGA RGYAL 'DZIN PAS PHYI ROL TU SONG LA, SGRUB KHANG GI PHYI ROL TU PHYOGS BCUR MAn-dAL

, ,BYA, MA 'BYOR NA MAn-dAL GCIG GAM GTOR MA GCIG LA BSDU, DE NAS GTOR MA BYIN GYIS BRLABS LA, PHYOGS SKYONG RNAMS BSKYED LA, RANG GI THUGS KA NAS 'OD ZER 'PHROS RANG BZHIN GYI GNAS NAS PHYOGS SKYONG RNAMS BKUG NAS DBYER MED DU BYA, DE NYID SKAD RTZIG GIS 'OD GSAL DU BCUG TE, GSANG BA 'DUS PA'I LHA ZHAL GSUM PHYAG DRUG PA SHES RAB MA DANG BCAS PAR BSKYED, SKYE MCHED DANG SKU GSUNG THUGS BYIN GYIS BRLAB, DBANG BSKUR RIGS KYI BDAG POS RGYAS GDAB, MCHOD YON SNGON DU 'GRO BA'I MCHOD PAS MCHOD LA, GTOR MA GTOR CHOG LTAR BYIN GYIS BRLABS LA, AOm AIN-DRA YA SV'A H'A, AOm YA M'A YA SV'A H'A, AOm BA RU n'A YA SV'A-H'A, AOm KU BE R'A YA SV'A H'A, AOm AGNA YE SV'A H'A, AOm NEE Ri TA YE SV'A H'A, AOm B'A YA BE SV'A H'A, AOm A'I SHA N'A YA SV'A H'A, AOm TZAN-DRA YA AA DHI PA TA YE SV'A H'A, AOm S'URYA YA GRA H'A DHI PA TA YE SV'A H'A, BRA-HMA nE SV'A H'A, PRI THI W'I BHYA: SV'A H'A, AA SU RE BHYA: SV'A H'A, N'A GE BHYA: SV'A H'A, ZHES PA'I SNGAGS KYIS PHUL LA, ZHABS BSIL DANG MCHOD YON DBUL, NYER SPYOD DANG NANG MCHOD PHUL LA, AOm BDZRA MU: ZHES GSHEGS SU GSOL, DKYIL 'KHOR CHOG NA MI GSAL YANG YANG NA, KHRO BO BCU DANG PHYOGS SKYONG RNAMS PHYOGS MTSAMS SU PHYI NANG BYAS TE BKOD NAS, DKYIL 'KHOR GYI BYA BA MA RDZOGS KYI BAR BZHUGS SU GSOL LO, ,DE NAS NYE REG BYAS TE, RKANG LAG BKRU, TZOG TZOG PUR 'DUG CING SMRA BA BCAD, LAG PA GNYIS PUS MO'I NANG DU 'ONG BA BYA, GA-YAS PA GAN RKYAL DU GNAS PA'I GUNG MO DANG SREN LAG CUNG ZAD BKUG STE, KHA

LA PHYOGS PAR BZUNG, GA-YON PA'I MTHIL DU CHU GTZAR BLUG PA GA-YAS PA'I SOR MOS BLANGS TE, KHA LA LAN MANG DU BYA BA CING LAN GNYIS GSUM DU SNA BUG GNYIS DANG, MIG DAG DANG, RNA BA DANG, KHA DANG LAG PA DAG DANG LTE BA DANG, MGO LA REG PA'I RJES SU, HUB GSUM BTUNGS NAS MCHU LA LAN GSUM PHYI BAR BYA'O, ,NYI MA SO SO'I THUN SO SO LA PHYOGS SKYONG RNAMS LA MCHOD GTOR DBUL, KHRO BO RNAMS KYANG PHYOGS MTSAMS SAM MAn-dAL GCIG GI STENG DU BSKYED LA MCHOD GTOR PHUL TE GSHEGS SU GSOL BA PHYOGS SKYONG GI SNGA PHYI GANG RUNG DU BYA'O, ,GRUB NA CHAD LHAG GI NYES PA ZHI BA'I PHYIR DU ZHI BA DANG, DKYIL 'KHOR BA TSIMS PA'I PHYIR DU RGYAS PA'I SBYIN SREG BYA'O, ,GNYIS PA NI, DE NAS H'Um MDZAD KYI NGA RGYAL GYI H'Um BZHI PA'I SNGAGS BZLA ZHING, ME TOG GI PHRENG BA BLANGS TE RDO RJE SHUGS KYI 'JUG PAS DKYIL 'KHOR GYI 'OG NAS 'DZUL TE NANG DU ZHUGS, DKYIL 'KHOR GYI LHA SNAM GYI STENG NAS BSKOR BAR MOS LA, RDO RJE GSOR DRIL BU GSIL NAS, RDO RJE'I RKANG PAS SKED PA LAN GSUM BYAS PA'I MTHAR 'KHOR LO LA BLTAS TE, ME TOG GI PHRANG BA GTZO BO LA PHUL LA, CHAD LHAG GI NYES PA DAG PAR BYA, KHRO BO'I LTA BAS BLTA ZHING, DKYIL 'KHOR LA GA-YAS SKOR BYAS NAS NUB TU SONG STE, RKANG PA GA-YON BRKYANG DANG LAG PA GNYIS H'Um MDZAD KYI PHYAG RGYA BYAS LA, AOm BDZROR? GHA tA SA MA YA PHRA BE SHA YA H'Um, ZHES BRJED CING PHYAG RGYA DE BKROL NAS SHAR SGO NANG NAS PHYE BAR BSAM, BYANG PHYOGS SU GNAS NAS LHO SGO DANG, SHAR PHYOGS SU GNAS NAS

, ,NUB SGO DANG, LHO PHYOGS SU GNAS NAS BYANG SGO PHYE BAR BSAMS LA, AOm SA MA YA PRA BE SHA Y'A MI, ZHES BRJOD NAS ME TOG GI PHRENG BA PHUL LA GAR BYED CING BLANGS LA, RANG GI MGO LA BCINGS TE DKYIL 'KHOR LA PHYAG BYAS NAS, SEMS CAN THAMS CAD LA DNGOS GRUB THAMS CAD KYI BKA' DRIN STZOL CIG ,CES GSOL BA BTAB NAS SGOM BZLAS BYA'O, ,MCHOD PA NAS 'DI'I BAR NI RAS BRIS KYI CHO GA LA'ANG BYA'O, ,GSUM PA LA GNYIS, RANG NYID ZHUGS NAS GSOL BA GDAB PA DANG, SLOB MA GZHUG CING DBANG BSKUR BA'O, ,DANG PO NI, SLOB MA LA DBANG BSKUR BA'I THOG MAR, RANG NYID DKYIL 'KHOR DU ZHUGS SHING DBANG BLANG BAR BYA STE, DE'ANG BLA MA DANG GTZO BO THA MI DAD DU BYAS LA, BLA MA'I BYA BA RNAMS GTZO BOS MDZAD PAR BSGOM, SLOB MA'I BYA BA RNAMS RANG GIS BYAS LA SLOB MA GZHUG PA'I DON DU THAL MO SBYAR TE, BDAG MING CHE GE ZHES BYA YI, ,HE RU KA DPAL SLOB DPON CHE, ,SANGS RGYAS BYANG CHUB SEMS KUN GYIS, ,GSUNGS PA'I CHOG BDAG GIS NI, ,PHUN SUM TSOGS PA'I CHO GA YIS, ,SEMS CAN DON NI BDAG GIS BGYI, ,DE LA RJES GNANG STZOL MDZOD LA, ,SANGS RGYAS BYANG CHUB SEMS RNAMS KYIS, ,BDAG LA NYE BAR MDZAD DU GSOL, ,DE NAS DAM TSIG GI GLU DANG, DE KHO NA NYID BRJOD PA'I BSTOD PA SNGON DU 'GRO BAS BDEN PA'I STOBS BRJOD PAR BYA STE, NAM MKHA' SKYE BA MTSAN LDAN PHYIR, ,THOG MA THA MA MED ZHI BA, ,SEMS DPA'I RDO RJE CHE RANG BZHIN, ,'JAM PA'I RDO RJE DENG GRUB MDZOD, ,KUN MCHOG DNGOS GRUB CHEN PO STE, ,DBANG PHYUG CHEN PO LHAG PA'I LHA, ,RDO RJE

'DZIN PA KUN GYI RGYAL, ,MI 'GYUR MCHOG TU BDAG GRUB MDZOD, ,CES PA NAS, CHOS RNAMS GZUGS BRNYAN LTA BU STE, ,DAG CING GSAL LA RNYOG PA MED, ,GZUNG DU MED CING BRJOD DU MED, ,RGYU DANG LAS LAS KUN TU 'BYUNG, ,DE BZHIN NYID LAS KUN TU SKYE, ,BDEN PA DE YIS DKYIL 'KHOR DU, ,GZUGS BRNYAN GSAL BAR SLOB MA NI, ,KUN GYIS DRI MA MED MTHONG SHOG ,CES BDEN STOBS BRJOD LA, DKYIL 'KHOR LA GSOL BA GDAB BO, ,GNYIS PA LA GSUM, DKYIL 'KHOR DU GZHUG PA DANG, ZHUGS PA LA DBANG BSKUR BA; ,DKYIL 'KHOR GYI MJUG GI CHO GA'I, ,DANG PO LA GNYIS, GDONG GA-YOGS DANG BCAS TE GZHUG PA DANG, DKYIL 'KHOR MTHONG BA'I BDAG NYID CAN DU 'JUG PA'O, ,DANG PO LA GNYIS, YOL BA'I PHYIR ROL TU GZHUG PA DANG, NANG DU GZHUG PA'O, ,DANG PO NI; DE NAS LHAG GNAS BYAS PA'I SLOB MA LUS DRI ZHIM POS BYUGS, LAG TU ME TOG THOGS, MAn-dAL DANG YON PHUL TE, 'DI NA 'KHOR BA'I RGYA MTSO LAS, ,NYON MONGS CHU SRIN NA KRAS KHYAB, ,LAS KYI RLUNG GI RBA KLONG 'KHRUG ,BDAG BYING THUGS RJE'I RGYA MTSO KYE, ,MI SHES LING TOG GIS BSGRIBS MIG ,NYON MONGS DBANG DU MDZAD NAS NI, ,BDE DANG SDUG BSNGAL 'JIGS LAS SKYOB, ,THUGS RJE'I RGYA MTSO BDAG SKYOBS SHIG ,CES BLA MA LA GSOL BA GDAB, LAS BUM GYI CHUS BSANGS, LAS THAMS CAD PA BZLAS AP'I DAR DMAR PO'AM SER PO, AOm TZA-shU? BHAN-DHA? BA RA MA N'A YA H'Um, AOm PRA BI SHA BHA GA W'A NA MA-H'A SU KHA MO-KshA? SU RO SA-RBA SING-DHI? SU KHA PRA DAm PA RA MA SU KHA AU TTA MA SING-DHYA? DZA: H'Um BAm HO: PRA SING-DHYA? SvA, ZHES BRJOD DE RE ZHIG DKYIL 'KHOR MI MTHONG BA'I

, ,PA'I DON DU GDONG GA-YOGS BCING, AOm SA-RBA TA TH'A GA TA AA NU-TTA RA BO DHI AA LAm K'ANG WA-STRA? P'U JO ME GHA SA MU DRA SPHA RA nA SA MA YE H'Um? ZHES PAS SMAD GA-YOGS DANG, AOm BA-DZRA RKshA? HAm, ZHES PAS STED GA-YOGS CAN DU BYA, AOm BDZRA AUsh-nI shA? H'Um PHAt, CES PAS GTZUG TOR BCING, A'A: KHAm B'I RA H'Um, ZHES PAS ME TOG GI PHRENG BA GTAD, RNAM SNANG DU BSKYED PA'I GNAS GSUM DU AOm A'A: H'Um, BKOD PA'I 'OD ZER GYIS LUS 'OD GSAL BAR BYAS NAS, DKYIL 'KHOR DU GZHUG PA'I PHYIR, KYE KHYOD SU YIN CI LA DGA' ZHES DRI ZHING, DES KYANG BSKAL BZANG BDAG BDE BA CHEN PO LA'O, ,ZHES LAN BTAB PAS RIGS DANG MOS PA SHES PAR BYA, DE NAS H'Um ZHES PAS SHAR SGO'I THAD DU BZHAG LA, KUN RDZOB BYANG CHUB KYI SEMS MTSON PA'I SNYING GAR ZLA BA'I DKYIL 'KHOR RDZOGS PA DANG, DON DAM PA BYANG CHUB KYI SEMS MTSON PA'I DE'I STENG DU RDO RJE DKAR PO RTZE LNGA PA BSGOM DU BCUG LA, AOm SAR-BA YO GA TZI-TTAm? AU PA TA Y'A MI, ZHES BRJOD DU BCUG LA, BDEN GNYIS DBYER MED KYI RNAL 'BYOR GYIS SEMS BSKYED DE SNGAGS KYI LAM DU RIGS NGES PAR BYA, RDO RJE ME TOG DANG BCAS PA SNYING GAR REG SE, AOm SU RTE SA MA YA STAm HO: SING-DHYA? BA-DZRA YA TH'A SU KHAm, DENG KHYOD LA DE BZHIN GSHEGS PA THAMS CAD KYIS BYIN GYIS RLOB PAR 'GYUR GYIS, KHYOD KYIS KYANG DE BZHIN GSHEGS PA THAMS CAD KYI MCHOG TU GSANG BA'I DKYIL 'KHOR 'DI, DKYIL 'KHOR DU MA ZHUGS PA RNAMS LA SMRA BAR MI BYA ZHING, MA DAD PA RNAMS LA'ANG MA YIN NO, ,GNYIS PA LA GSUM, NANG DU GZHUG CING BSKOR NAS PHYAG BYA BA,

DAM LA BZHAG PA, YE SHES PHAB NAS BDEN PA BRJOD PA'O, ,DANG PO NI, ,AOm A'A: YA M'A-NTA? KRI-TA H'Um, ZHES BRJOD CING KHRID DE, A'A: KHAm B'I RA H'Um GIS SKYIL 'KHOR GYI NANG DU ZHUGS PAR BSAM ZHING, DNGOS SU YOL BA'I NANG DU GZHUG CING, MH'AR TA SU DRI dHA SU TO shE SU SU KHO, BA-DZRA SA TvA AA DHYA SING-DHYA? MAm, ZHES BRJOD DE BSKOR BAR BYA'O, ,SKABS 'DIR SLOB MA'I DBANG RKYANG PA BSKUR BA DANG, SLOB DPON GYI DBANG RDZOGS PAR BSKUR BA GNYIS KA'I THUN MONG BA'I DBANG DU MDZAS NAS, BZHI BRGYA LNGA BCU PAR PHYAG DANG DE'I SNGAGS MA BYUNG LA, SMAN ZHABS KYI 'GREL PAR BDEN STOBS BRJOD PA'I GONG DU, TE NA H'Um TE NA H'Um TE NA TE H'Um, ZHES PA'I SNGAGS NYI TSE BRJOD NAS PHYAG BYED PAR BSHAD DO, ,DBANG BZHI RDZOGS PAR LEN PA YIN NA, SNGAR BSHAD PA BZHIN THUN MONG DANG THUN MONG MA YIN PA'I SDOM PA GNYIS KA SKABS 'DIR GZUNG BAR BYA'O, ,GNYIS PA NI, DE NAS SLOB MA'I MGO BOR RDO RJE BZHAG LA, DENG KHYOD DE BZHIN GSHEGS A THAMS CAD KYI RIGS SU ZHUGS KYIS, DES NA NGAS KHYOD LA RDO RJE YE SHES BSKYED PAR BYA STE, YE SHES GANG GIS KHYOD DE BZHIN GSHEGS PA THAMS CAD KYI DNGOS GRUB RNAMS KYANG THOB BAR 'GYUR NA DNGOS GRUB GZHAN RNAMS LTA SMOS KYANG CI DGOS, KHYOD KYIS KYANG 'DI DKYIL 'KHOR MA MTHONG BA RNAMS KYI MDUN DU SMRA BAR MI BYA STE, KHYOD DAM TSIG NYAMS PAR GYUR TER ZHES BRJOD DE PHAN YON GYI SGO NAS DAM LA BZHAG, YANG SPYI BOR GTUGS TE, 'DI NI KHYOD KYI DAM TSIG GI RDO RJE STE, GAL TE TSUL 'DI SU'ANG RUNG BA LA SMRAS NA, 'DIS KHYOD KYIS MGO 'GEMS PAR 'GYUR RO, ,ZHES BRJOD CING RDO RJE'I MNA' BRTAN

, ,PAR BYA, SNYING GAR BZHAG LA, AOm DE RING RDO RJE SEMS DPA' RANG, ,KHYOD KYI SNYING LA YANG DAG ZHUGS, ,GAL TE TSUL 'DI SMRAS NA NI, ,DE MA THAG TU DRAL TE GSHEGS, ZHES PAS SLAR YANG RDO RJE'I MNA' DANG SNGAGS KYIS BSKUL TE, DE GNYIS NI NYES DMIGS KYI SGO NAS DAM LA BZHAG PA'O, ,DE GSUM NI RTZA LTUNG BDUN PA LA KHYAD PAR DU DAM GZHAG MDZAD PA'O, ,DE NAS RNAM RGYAL GYI STENG GI DUNG CHOS KYI CHU YI GE GSUM GYIS BSNGAGS PA, MTHOB SRIN GYIS BZUNG BA'I SNOD KYIS SLOB MA'I, BAR BLUG CING, 'DI NI KHYOD KYI DMYAL BA'I CHU, ,DAM TSIG 'DAS NA SREG PAR BYED, ,DAM TSIG BSRUNG NA DNGOS GRUB STER, ,RDO RJE BDUD RTZI'I CHU 'THUNG ZHIG ,AOm BDZRA AU DA KA thA, ZHES BRJOD DE, DAM TSIG RNAMS SPYIR BSRUNGS MA BSRUNGS KYI PHAN YON DANG NYES DMIGS GNYIS KA'I SGO NAS DAM LA BZHAG PA'O, ,DE NAS SLOB MA'I LAG PA NAS BZUNG STE, DENG PHYIN CHAD KHYOD KYI PHYAG NA RDO RJE NGA YIN GYI, ,NGAS 'DI GYIS SHIG CES BYA BA DE KHYOD KYIS BYA DGOS SO, ,KHYOD KYIS NGA LA BRNYAS PAR MA BYED CIG ,BYAS NA KHYED YA NGA BA MA SPANGS PAR 'CHI BA'I DUS BYAS NAS DMYAL BAR LTUNG BAR 'GYUR TA RE, ZHES BRJOD PAS, RDO RJE SLOB DPON GYI BKA' NYAN PA'I SGO NAS DAM LA BZHAG PA STE, RTZA LTUNG DANG PO LA, KHYAD PAR DU DAM BZHAG MDZAD PA'O, ,GSUM PA NI, DE NAS SLOB MAS SLOB DPON GYI RJES SU BZLAS LA, DE BZHIN GSHEGS PA THAMS CAD KYIS BYIN GYIS RLOBS SHIG ,RDO RJE SEMS DPA' BDAG LA DBAB PAR MDZAD DU GSOL, ZHES YE SHES DBAB PA'I DON DU LAN GSUM GSOL BA GDAB, SLOB DPON GTZO BO'I RNAL 'BYOR DANG LDAN

PAR BYA, RTZA 'GREL LAS SLOB MA GANG DU BSKYED MI GSAL YANG, STONG PA'I NGANG LAS A'A: LAS 'OD DPAG MED KYI GZUGS SU BSKYED PA'I SNYING KHAR LAm LAS SA'I DKYIL 'KHOR GRU BZHI SER PO ZUR BZHIR RDO RJES MTSAN PA'I LTE BAR H'Um SNGON PO, LKOG MAR BAm LAS CHU'I DKYIL 'KHOR DKAR PO ZLUM PO BUM PAS MTSAN PA LA YI GE A'A: SPYI BOR YAm LAS BYUNG BA'I RLUNG GI DKYIL 'KHOR SNGON PO GZHU'I DBYIBS CAN BA DAN GYIS MTSAN PA LA HA: DKAR PO, RKANG PA GNYIS KYI 'OG TU YA LAS RLUNG GI DKYIL 'KHOR SNGON PO GZHU'I DBYIBS CAN BA DON GYIS MTSAN PA'I STENG NA, RAm LAS ME'I DKYIL 'KHOR GRU GSUM DMAR PO 'BAR BA'I STENG NA YI GE DZHEE: DMAR PO BZOD PAR DKA' BA'I ME'I RANG BZHIN CAN BSAM, SA BON GNYIS PA DANG GSUM PA RTZA TSIG LAS GO LDOG PA LTAR SNANG YANG, SMAN ZHABS KYIS 'DI LTAR BSHAD DE, ,DE NAS RLUNG GA-YOS ME 'BAR DZHEE: 'I ME 'OD RAB TU 'BAR BA GYEN DU SONG BAS SNYING GA'I SA'I DKYIL 'KHOR BSREGS, CHU'I DKYIL 'KHOR KHOL, RLUNG GI DKYIL 'KHOR GYIS MNAN, CHU KHOL BA'I BDUD RTZIS LUS THAMS CAD BKANG STE, BDE BA RGYAS PAR BSAM, SLOB DPON GYIS 'GYING BA DANG BCAS PAS RDO RJE GSOR ZHING DRIL BU GSIL, THUGS KA NAS 'OD ZER 'PHROS PAS, GSANG BA 'DUS PA'I LHA TSOGS DPAG TU MED PA SPYAN DRANGS, DE'I LUS LA CHAR LTAR BAB PAR BSAM, GU GUL LA SOGS PA'I RDZAS BSREG CING, AA BE SHA YA STAm BHA YA RA RA RA RA TZ'A LA YA TZ'A LA YA H'Um HA: A'A: DZHEE: ZHES DRAG TU BRJOD LA, LUS 'DAR BA SOGS KYI RTAGS KYIS PHEBS PAR SHES PA DANG, DE'I

, ,LCE LA A'A: DMAR PO BSAM, BRU HI BDZRA ZHES BRJOD NA, DE NAS DGE BA'AM MI DGE BA STON PAR 'GYUR, DE NAS DE'I SPYI BOR RDO RJE BZHAG LA TI-shshA? BDZRA ZHES BRJOD LA BRTAN PAR BYA'O, ,DE NAS SLOB MA DKYIL 'KHOR LA MNGON DU PHYOGS PA LA, KHYOD KYI MIG LA JI LTAR SNANG ZHES DRIS LA, DKAR PO SOGS SU SNANG ZER NA, ,ZHI SOGS KYI DNGOS GRUB LA SKAL BA DANG LDAN PAR GO BAR BYAS LA, SLOB MA'I MTHE BONG GNYIS RDO RJE DANG BCAS PA'I LAG PA GA-YAS KYIS BZUNG STE, RDO RJE'I RKANG STOBS? KYIS GAR GYI TSUL GYIS LAS THAMS CAD PA BRJOD CING, SKOR BA GSUM BYED DU BCUG LA BDEN PA'I BYIN RLABS 'DI BYA'O, ,YANG DAG PA YI DKYIL 'KHOR 'DIR, ,BDAG GIS SLOB MA BCUG PA 'DI'I, ,LHA RNAMS RIGS KYI RIM PA NI, ,BSOD NAMS JI LTA DE LTAR SHOG ,'DI YI DNGOS GRUB JI LTAR 'GYUR, ,RIGS NI GANG GI SNOD DU 'GYUR, ,BSOD NAMS MTHU YANG CI 'DRA BA, ,DE 'DRA DKYIL 'KHOR DU GYUR CIG ,CES BRJOD DO, ,GNYIS PA NI, SNGAR BZUNG BA'I ME TOG GI PHRENG BA TRAm GYIS BSNGAGS PA LAS, YANG ZHING MA RNYINGS PA'I ME TOG GCIG BTON TE, RIN PO CHE'I PHRENG BAR MOS LA, SLOB MA THAL MO SBYAR BA'I BAR DU BYIN LA, SLOB MAS SEMS MA YENGS PAR GTZO BO'AM RANG GI LHA GANG YIN GYI DBU LA 'BAB PAR SHOG CIG ,SNYAM DU BSAMS NAS, PRA T'I TZTSA BDZRA HO: ZHES BRJOD DE, DKYIL 'KHOR DU ME TOG DOR BAS LHA GANG GI RIGS YIN PA SHES PAR BYA'O, ,GANG LA ME TOG PHOG

PA'I LHA DE BSTAN CING, LHA'I RNAL 'BYOR DANG SNGAGS KYI DNGOS GRUB KYI CHO GA'ANG SBYIN NO, ,GTZO BO LA PHOG NA MYUR DU 'GRUB CING, LHA'I SKU BKOD PA'I MDZOD SPU DANG, GTZUG TOR LA PHOG NA PHYAG CHEN LA SOGS PA'I DNGOS GRUB, SKU LAS HA CANG RING BA DANG NYE BAR LHUNGS NA DNGOS GRUB RING BA DANG NYE BAR 'GYUR RO, ,GNYIS KYI BAR DU LHUNGS NA GANG LA NYE BA DE'I RIGS DANG, MNYAM NA GNYIS KA'I DNGOS GRUB 'GRUB CING, GANG LA DAD PA DE'I RIGS SO, ,RTZIG PA'I PHYIR LHUNGS NA LAN GSUM BSKYAR, YANG PHYIR LHUNGS NA DNGOS GRUB PHRA MO 'GRUB, 'DI LVA BA PAS MI GZUNG BAR BSHAD DO, ,RDO RA'I NANG DU LHUNGS NA TSEGS CHEN POS 'GRUB LA, DE'I PHYIR LHUNGS NA DNGOS GRUB MED CING, DKYIL 'KHOR YANG MI BSTAN CING SNGAGS BZLA BA LA SOGS PAS SKAL BA DANG LDAN PAR BSGRUBS NAS GZHUG GO, DE NAS ME TOG DE SNGAR GYI ME TOG PHRENG BA DANG LHAN CIG BCINGS NAS, AOm PRA TI GRI-HnA STVAm AE MAm SA-TVA MA H'A B'A LA, ZHES BRJOD LA MGO LA BCINGS, DE NAS, SEMS DPA' STOBS PO CHE ZHES ME TOG PHOG PA'I LHA LA BOS NAS, SLOB MA 'DI BYANG CHUB MA THOB PAR DU RJES SU ZUNG ZHIG ,CES LHA LA SLOB MA GTAD PAS DE'I BAR DU RJES SU 'DZIN PA'I THABS ZAB MO'O, ,'DI NI DBANG DANG PO ME TOG PHRENG BA'I DBANG NGO, ,DE NAS SLOB MA'I MIG GNYIS SU AOm 'OD ZER 'BAR BA BSAMS LA, AOm RDO RJE SEMS DPA' DENG KHYOD KYI, ,MIG 'BYED PAR NI BRTZON PAR MDZAD, ,PHYE BAS THAMS CAD MTHONG 'GYUR BA, ,RDO RJE'I MIG NI BLA NA MED, ,CES PAS MA RIG PA'I SGRIB GA-YOGS DANG LHAN CIG TU BSAL BAR BSAMS LA, SPYAN DAR PHYE NAS, HE BDZRA P'A SHYA, ZHES BRJOD LA YANG DAG PA'I YE SHES KYI NGO BOR

, ,GYUR PA'I RTEN GYI DKYIL 'KHOR MTHA' NAS DBUS KYI BAR DU BSTAN, LHA GTZO BO NAS BDUD RTZI 'KHYIL PA'I BAR RAM, DE NAS GTZO BO'I BAR DU MTSAN DANG, SKU MDOG PHYAG MTSAN DANG BCAS PA BSTAN TO, ,GNYIS PA ZHUGS PA LA DBANG BSKUR BA LA GNYIS, SLOB DPON GYI SDOM PA 'DZIN PA DANG MI 'DZIN PA LA THUN MONG DU BSKUR BA'I DBANG DANG SLOB DPON GYI SDOM PA 'DZIN PA LA DBANG BSKUR BA'O, ,DANG PO LA GNYIS, RIG PA'I DBANG DANG, DE'I MTHA' RTEN NO, ,DANG PO LA LNGA, CHU DANG, COD PAN DANG, RDO RJE DANG, DRIL BU DANG, MING GI DBANG NGO, ,DANG PO NI, SLOB MAS YIN DANG MAn-dAL PHUL TE PHYAG BYAS LA, PUS MO GA-YAS PA'I LHA NGA SA LA BTZUGS ME TOG GI SNYIM PAS THAL MO SBYAR LA, BYANG CHUB RDO RJES SANGS RGYAS LA, , MCHOD CHEN JI LTAR STZAL BA LTAR, ,BDAG KYANG RAB TU BSGRAL BA'I PHYIR, ,NAM MKHA'I RDO RJE DENG BDAG STZOL, ,ZHES DBANG GI DON DU BLA MA LA GSOL BA LAN GSUM GDAB, DE NAS BLA MAS LAS THAMS CAD PA'I CHUS BSANGS LA, SVA BH'A WA SA STONG PAR SBYANGS, STONG PA'I NGANG LAS SLOB MA DANG BUM CHU GNYIS KA H'Um DANG RDO RJE LAS MI BSKYOD PA YAB YUM DU BSKYED, SKYE MCHED DANG SKU GSUNG THUGS BYIN GYIS BRLAB, DBANG RDZAS LA DBANG BSKUR RIGS KYI BDAG POS DBU BRGYAN PA LA MCHOD CING BSTOD DE ZHU BA LAS BYUNG BA'I BUM PA'I CHUR BLTA'O, ,DE NAS DKYIL 'KHOR GYI GTZO BO'I THUGS KA NAS 'OD ZER 'PHRES PAS GSHEGS PA DANG GSHEGS MA, SEMS DPA' DANG SEMS MA, KHRO BO DANG KHRO MO DPAG TU MED PA MDUN GYI NAM MKHAR SPYAN

DRANGS PA LA MCHED DE, SLOB MA LA DBANG BSKUR BA'I DON DU, RDO RJE CAN GYIS SANGS RGYAS LA, ,'GRO BA SKYOB PA'I CHED DU DBANG, ,YON TAN 'BYUNG GNAS JI LTAR STZAL, ,DE LTAR 'DI LA STZAL DU GSOL, ,ZHES GSOL BA BTAB PAS, DE BZHIN GSHEGS PA RNAMS KYIS DBANG BSKUR BA'I DGONGS PA MDZAD, RIG MA RNAMS KYIS PHYAG GIS CUNG ZAD YO BAR BZUNG BA'I BUM PA DKAR PO BDUD RTZIS GANG BA RNAMS KYIS DBANG BSKUR, SEMS MA RNAMS KYIS BKRA SHIS KYI GLU DBYANGS KYIS SHIS PA BRJOD, ME TOG DANG GUR GUM LA SOGS PA'I CHAR 'BEBS, GLU GAR MDZAD CING ROL MO BRDUNG GDUGS DANG RGYAL MTSAN LA SOGS PA SLOB MA'I STENG PHYOGS SU 'DZIN, KHRO BO RNAMS PHYOGS MTSAMS SU 'KHOD NAS BGEGS BSKRAD PAR BSAMS LA, RANG DANG SLOB MAS BUM PA BTEG LA RDO RJE DANG BCAS PA'I BUM PA'I KHA RGYAN LAG PA GA-YAS PA'I RDO RJE KHU TSUR GYIS BZUNG LA, DANG POR RNAM RGYAL GYI BUM PA NAS CHU BLANGS LA SPYI BOR BLUG CING, DBANG BSKUR RDO RJE CHEN PO STE, ,KHAMS GSUM PA YIS PHYAG BYAS PA, ,SANGS RGYAS KUN GYI GSANG GSUM PA'I, ,GNAS LAS BYUNG BA SBYIN PAR BYA, ,ZHES BRJOD CING DBANG BSKUR RO, ,BUM PA THAMS CAD KYI CHU DUNG CHOS SU BSDUS PA'AM, YANG NA BUM PA RNAMS KYIS RIM PA BZHIN DU DBANG BSKUR ZHING, JI LTAR BLTAMS PA TZAM GYIS NI, ,LHA RNAMS KYIS NI KHRUS GSOL LTAR, ,LHA YI CHU NI DAG PA YIS, ,DE BZHIN BDAG GIS SKU KHRUS GSOL, ,ZHES DANG, AOm SAR-BA TA TH'A GA T'A AA BHI shE KA TA SA MA YA SHR'I YE A'A: H'Um SV'A H'A, ZHES BRJOD DE, CHU DBANG BSKUR BAS LUS NGAG GI DRI MA DAG ,CHU LHAG MA SPYI GTZUG TU GNAS PA YONGS

, ,GYUR PA LAS MI BSKYOD PAS DBU BRGYAN PAR BSAM MO, ,DBANG LHA RNAMS KYANG DE'I LUS LA THIM PAR BSAMS LA MCHOD DO, ,DE NAS, KHYED KYIS RIGS PA'I DBANG LNGA LAS MI BSKYOD PA'I CHU'I DBANG THOB, ZHE SDANG GI DRI MA SBYANGS, RNAM PAR SHES PA'I PHUNG PO GNAS GYUR, CHOS DBYINGS YE SHES MNGON DU BYAS, MI BSKYOD PA DANG DE'I RIGS KYI DNGOS GRUB BSGRUB PA LA DBANG BAR BYAS PA YIN NO ZHES GO BA BSKYED LA DAG PA SBYIN NO, ,GNYIS PA NI, DE NAS, SLOB MA DANG DBU RGYAN BSANG SBYANGS, RIN CHEN 'BYUNG LDAN DU BSKYED PA LA MCHOD PA SOGS SNGAR BZHIN BYA STE, LUGS 'DI LA LHA RE RE'ANG BSNYAN SGRUB YAN LAG BZHI'I SGO NAS BSKYAD PAR SNANG BA'I PHYIR RO, ,RIN 'BYUNG ZHU BA LAS BYUNG BA'I DBU RGYAN, SLOB MA'I RIGS BDAG DBUS NA GNAS PA DANG, DAR DBYANGS KYI DBANG BSKUR, SNGAR LTAR BRTEN BYED KYI CHUS KYANG DBANG BSKUR, DBANG LHA THAMS CAD SPYAN DRANGS NAS THIM PA'ANG SNGAR BZHIN BYA ZHING, RIN 'BYUNG GIS DBU BRGYAN PA LA MCHOD DE, DE NAS, KHYED KYIS RIN CHEN 'BYUNG LDAN DBU RGYAN GYI DBANG THOB, NGA RGYAL DANG SER SNA'I DRI MA SBYANGS, TSOR BA'I PHUNG PO GNAS GYUR, MNYAM PA NYID KYI YE SHES MNGON DU BYAS, RIN CHEN 'BYUNG LDAN DANG DE'I RIGS KYI DNGOS GRUB BSGRUB PA LA DBANG BAR BYAS SO, ,ZHES DAG PA SBYIN NO, ,GSUM PA NI, DBANG LHA SPYAN DRANGS SLOB MA DANG RDO RJE BSANG SBYANGS, BSNYEN SGRUB YAN LAG BZHI'I SGO NAS 'OD DPAG MED DU BSKYED DE, YAN LAG BZHI NI LHA BSKYED PA BSNYEN PA DANG, SKYE MCHED BYIN GYS BRLAB PA NYER SGRUB DANG, SKU GSUNG THUGS BYIN RLABS BSGRUB PA DANG, DBANG BSKUR RGYAS GDAB

BSGRUB PA CHEN PO'O, ,DE NAS MCHOD DE ZHU BA LAS BYUNG BA'I RDO RJER BLTAS LA, SANGS RGYAS KUN GYI RDO RJE'I DBANG, ,DE RING KHYOD LA BSKUR BAR BYA, 'DI DE SANGS RGYAS THAMS CAD NYID, ,LEGS PAR GRUB PHYIR RDO RJE BZUNG, ,ZHES BRJOD LA, AOm PRA TI AA BE KshA DZNY'A NA BDZRA AA BHI shI NYTZA, ZHES BRJOD DE, SNYING GA DANG MGRIN PA DANG SPYI BO RNAMS SU GTUGS LA, LAG PA GA-YAS SU BYIN LA GSOR DU GZHUG ,CHUS KYANG DBANG BSKUR, DBANG LHA RNAMS BSTIM 'OD DPAG MED KYIS DBU BRGYAN PA LA MCHOD DE, 'OD DPAG MED RDO RJE'I DBANG THOB, 'DOD CHAGS KYI DRI MA DAG ,'DU SHES KYI PHUNG PO GNAS GYUR, SO SOR RTOG PA'I YE SHES MNGON DU BYAS, 'OD DPAG MED DANG DE'I RIGS KYI DNGOS GRUB SGRUB PA LA DBANG BAR BYAS SO, ,ZHES GO BA BSKYED DO, ,BZHI PA NI, DE NAS SLOB MA DANG DRIL BU BSANG SBYANGS, KHAm DANG RAL GRI LAS DON GRUB TU YAN LAG BZHIS BSKYED, MCHOD BSTOD ZHU BA LAS BYUNG BA'I DRIL BUR BLTAS LA, SNGAR LTAR DBANG LHA SPYAN DRANGS, THABS DANG SHES RAB LDAN PA YIS, ,'GRO DON MNYAM MED BYED PA DANG, MCHOD PA'I LAS RNAMS RDZOGS BYED PHYIR, ,DRIL BU LAS KYI DBANG BSKUR RO, ,AOm BDZRA AA DHI PA DHI STVAm AA BHI shI NYTZA BDZRA HI SA MA YA STVAm, ZHES BRJOD LA LAG PA GA-YON DU GTAD LA DKROL DU GZHUG ,BUM PA'I CHUS DBANG BSKUR, DON GRUB KYIS DBU BRGYAN DBANG LHA RNAMS BSTIM LA MCHOD, DON YOD GRUB PA DRIL BU'I? DBANG THOB, PHRAG DOG GI DRI MA SBYANGS, 'DU BYED KYI PHUNG PO GNAS GYUR, BYA BA SGRUB PA'I YE SHES MNGON DU BYAS, DON GRUB DANG DE'I RIGS KYI DNGOS GRUB BSGRUB PA LA DBANG BAR BYAS SO, ,ZHES

, ,DAG PA SBYIN NO, ,LNGA PA NI, SLOB MA BSANGS SBYANGS, BSNYEN SGRUB YAN LAG BZHI'I SGO NAS RNAM SNANG DU BSKYED, DBANG LHA SPYAN DRANGS NAS, RDO RJE DRIL BU SPYI BER BZHAG ,DBANG BSKUR RDO RJE ZHES PA'I TSIGS BCAD DANG, AOm BDZRA SA-TVA STVAm AA BHI shI NYTZA MI, BDZRA N'A MA AA BHI shE KA TA, ZHES BRJOD CING, KYE ZHES BOS TE, DPAL CHE GE MO RDO RJE ZHES BYA BA'I DE BZHIN GSHEGS PA ZHES BRJOD LA ME TOG PHOG PA'I LHA'I RIGS LA BRTAGS TE MING GDAGS SO, ,MI BSKYOD PA'I RIGS YIN NA, BZHED PA DANG, SGEG PA DANG, GNYIS MED DANG, MI PHYED PA DANG, DGA' RAB DANG, ROL PA DANG, RNAM SNANG GI RIGS LA GTI MUG DANG, AOm MDZAD DANG, RTAG PA'I DANG, SGYU 'PHRUL DANG, RIN 'BYUNG GI LA, YID BZHIN NOR BU DANG, MKHA' 'GRO DANG, GZI BRJID DANG, 'OD DPAG MED KYI LA; 'DOD CHAGS DANG, SPYAN RAS GZIGS DANG, CHOS DANG, PAD-MA DANG, DON GRUB KYI LA, RTA MCHOG DANG, LAS RNAMS LA MGOR DPAL DANG MJUG TU RDO RJE BTAGS PA'O, ,LHA MO LA MI BSKYOD PA'I RIGS LA, BDAG MED MA DANG, LAG PA MA DANG, PHRENG BA MA DANG, 'BYUNG GNAS MA DANG, RNAM SNANG GI LA MKHA' 'GRO MA DANG, SGEG MO SOGS DANG, RIN 'BYUNG GI LA DO SHAL MA DANG, DBUGS DBYUNG MA DANG, 'BAR MA DANG, PHRENG BA MA DANG, PAD-MA'I LA CHAGS PA MA DANG, DBYANGS MA DANG, BLO GROS MA DANG, GOS DKAR MO SOGS DANG, DON GRUB KYI LA SNYEMS MA DANG, SGYU 'PHRUL MA DANG, RGOD MA DANG, SGREL MA LA SOGS LA MGOR RDO RJE SBYAR BA'O, ,BUM PA'I CHOS DBANG BSKUR DBANG LHA RNAMS BSTIM LA RNAM SNANG GIS DBU BRGYAN PA LA MCHOD DE, RNAM PAR SNANG

MDZAD MING GI DBANG THOB, GTI MUG GI DRI MA SBYANGS, GZUGS KYI PHUNG PO GNAS GYUR, ME LONG LTA BU'I YE SHES MNGON DU BYAS, RNAM SNANG DANG DE'I RIGS KYI DNGOS GRUB BSGRUB PA LA DBANG BAR BYAS SO, ,DE LTAR DBANG LNGA NI NYON MONGS PA LNGA SBYONG BA DANG, RIG PA YE SHES LNGA BSKYED PA'I NUS PA 'JOG PA DANG, RIG MA RNAMS KYIS BSKUR BA'I PHYIR, RIG PA'I DBANG NGO, ,GNYIS PA DE'I MTHA' RTEN NI, BRTUL ZHUGS DANG 'BREL BA'I DAM TSIG GSUM SBYIN PAR BYA STE, RDO RJE H'Um LAS RDO RJE SEMS DPAR BSKYED PA ZHU BA LAS BYUNG BA'I RDO RJER BLTAS TE, 'DI DE SANGS RGYAS THAMS CAD DE, ,RDO RJE SEMS DPA'I LAG NA GNAS, ,KHYOD KYIS KYANG NI RTAG TU BCANG, ,RDO RJE SEMS DPA'I BRTUL ZHUGS BRTAN, ,AOm SA-RBA? TA T'A GA TA SING-DHI BDZRA SA MA YA TI shthA AE sh'A STVAm DHA RA Y'A MI BDZRA SA TVA H'I: HI HI HI HI H'Um, ZHES BRJOD SNGAR BZHIN GTAD DES KYANG GSOR LA, ZAB GSAL GNYIS MED KYI DE KHO NA NYID DRAN PAR BYAS NAS GZUNG BAR BYA STE, THOG MTHA' MED PA'I SEMS DPA' NI, ,RDO RJE SEMS DPA' DGA' BA CHE, ,KUN TU BZANG PO KUN BDAG NYID, ,RDO RJE SNYEMS TSUL BDAG PO'I BDAG ,BCOM LDAN 'DAS DPAL MCHOG DANG PO'I SKYES BU'O, ,H'Um ZHES BRJOD DU BCUG LA, SANGS RGYAS KYI ZAB GSAL GNYIS SU MED PA'I YE SHES NI GSANG BA'I RDO RJE YIN LA DE DRAN PAR GYIS LA BZUNG ZHIG CES PA STE, RDO RJE'I DAM TSIG GO , DE NAS DRIL BU AA LAS KUN TU BZANG MOR BSKYED PA ZHU BA LAS BYUNG BA'I DRIL BUR BLTAS LA, 'DI DE SANGS RGYAS THAMS CAD KYI, ,SHES RAB SGRA YI RJES 'GROR BSHAD, ,KHYED KYIS KYANG NI RTAG TU BCANG, ,BYANG CHUB MCHOG TU RGYAL BA BZHED, ,CES BRJOD

, ,DE BYIN LA, DES KYANG DKROL TE, SRID PA NGO BO NYID KYIS DAG ,NGO BO NYID KYIS SRID BRAL BYAS, ,RANG BZHIN GYIS DAG SEMS DPA'I MCHOG ,SRID PA MCHOG TU BYED PAR 'GYUR, ,ZHES BRJOD DE KHO NA NYID STON PA'I SANGS RGYAS KYI GSUNG NI GSANG BA'I DRIL BU YIN LA, RANG BZHIN MED PA'I SGRA DRIL BUS SGROG PAR SEMS PA'I DE KHO NA NYID KYIS 'DZIN DU GZHUG STE, DRIL BU'I DAM TSIG GO ,DE NAS SLOB MA DE ME TOG GANG PHOG PA'I LHA'AM, GTZO BOR BSNYEN SGRUB YAN LAG BZHIS BSKYED, SHES RAB MA LA 'KHYUD PA'I TSUL BYED DU BCUG LA, SKU PHYAG RGYA CHEN POR BYIN GYIS BRLABS TE, GZUGS SOGS 'DOD PA'I DAM TSIG GIS, ,GSANG SNGAGS RGYUN CHAD MED PAR BZLA, ,RANG RIG PA YI NGO BO NYID, ,PHYOGS BCU DUS GSUM BZHUGS PA STE, ,RANG GI LHA YI SBYOR BA YIS, ,BDAG DANG GZHAN LA MCHOD PAR BYA, ,DKA' THUB SDOM? PA MI BZAD PAS, ,BSTEN NA MI SNANG MNGON SHES DANG, ,MKHA' LA RGYU DANG LUS NGAG YID, ,LAS BYUNG DNGOS GRUB 'GRUB MI 'GYUR, ,DE BAS SANGS RGYAS SEMS DPA' MCHOG ,SNGAGS KYI SPYOD MCHOG SPYOD PA RNAMS, ,'DOD PA THAMS CAD BSTEN PA YIS, ,CHOS KYI YI GE MCHOG BRNYES SO, ,BDE DANG SDUG BSNGAL DE DAG MIN, ,'DOD PA'I YON TAN LNGA RNAMS BSTEN, ,YE SHES DON GNYER 'DOD CHAGS CAN, ,SBYAR BAS BSGRUBS NA MYUR DU 'GRUB, ,SKU GSUNG THUGS NI YANG DAG 'GRUB, GANG GZHAN DMAN PAR BSHAD PA NI, ,SNGAGS KYI BZLAS PA 'GRUB PAR 'GYUR, ,SKU GSUNG THUGS NI BSGOMS PAS SO, ,ZHES

BRJOD DE PHYAG RGYA'I DAM TSIG SBYIN PA'O, ,GANG ZAG GI KHYAD PAR 'GA' ZHIG LA SKABS 'DIR LUNG BSTAN DBUGS DBYUNG GNYIS KYANG BYED PAR 'GREL PAS BSHAD DO, ,GNYIS PA SLOB DPON GYI SDOM PA 'DZIN PA LA BSKUR BA'I DBANG LA GSUM, BUM DBANG DANG, DBANG GENG MA GAS DANG, DBANG GI MTHA' RTEN NO, ,DANG PO LA GNYIS, DNGOS DANG, DE'I MTHA' RTEN NO, ,DANG PO NI, THOG MAR SLOB DPON GYIS SLOB MA LA, PHAS PHAM 'DI NI BCU BZHIR GRAGS, ,SPANG ZHING DOR BAR MI BYA ZHING, ,RTZA BA'I LTUNG BA DE LTAR GSUNGS, SLOB DPON NYID LA SMOD PA DANG, ZHES SOGS RGYUD DANG 'GREL PA NAS 'BYUNG BA'I TSIG JI LTAR RIGS PAS SDOM PA BSGRAGS LA, SLOB MAS GTZO BOS JI LTAR BKA' STZAL PA, ,DE LTAR BDAG NI BGYID PAR 'TSAL, ,ZHES KHAS BLANGS TE, THUN MONG MA YIN PA'I SDOM PA SNGAR MA BZUNG NA SKABS 'DIR BZUNG NGO, ,DE NAS BLA MA LA YON DANG PHYAG DANG MAndAL PHUL NAS, BYANG CHUB RDO RJES SANGS RGYAS LA, ,ZHES PA'I TSIG BCAD KYIS LAN GSUM GSOL BA GDAB BO, ,DE NAS SLOB MA SHAR PHYOGS KYI 'JUG PA'I SGO LA PHYOGS PAR, DBANG STEGS PAD-MA DKAR PO 'DAB MA BRGYAD PA SA BON GYIS MTSAN PA 'DRI, DE'I STENG DU RAS KYIS GA-YOGS PA'I SENG-GE'I KHRI'I STENG DU SLOB MA BZHAG STE, DBANG LHA SNGAR BZHIN SPYAN DRANGS, RIG PA'I DBANG LNGA, BRTUL ZHUGS KYI DAM TSIG GSUM SBYIN PA'I BAR SNGA MA BZHIN DU RDZOGS PAR BSKUR TE, DBANG BZHI RDZOGS PAR LEN PA'I GANG ZAG LA RIG PA'I DBANG LNGA LAN GNYIS BSKUR BA 'DI NI, MAR ME MDZAD BZANG PO'I BZHED PA BZHI BRGYA LNGA BCU PA LAS, SNGA

, ,MA BZHIN DU RIG DBANG BSKUR, ZHES PAS GSAL BAR BSTAN GSUNGS SO, ,'GREL PA LAS KYANG, SNGON BZHIN CHU SOGS DBANG BSKUR BSAM, ZHES BSHAD DO, ,DE NAS BLA MA DANG GTZO BO THA MI DAD PA'I THUGS KA NAS 'PHROS PA'I 'OD ZER GYIS, SLOB MA KHA NAS BCUG PA YUM GYI PAD-MAR 'THON PA SGRUB THABS NAS 'BYUNG BA LTAR TING NGE 'DZIN GSUM MAM, BSNYEN SGRUB YAN LAG BZHIS GTZO BO YAB YUM GYI SKU RU BSKYED PA LA, RANG BZHIN GYI GNAS NAS LONGS SKU RANG 'DRA SPYAN DRANGS, SPYI BO NAS ZHUGS TE, YUM GYI PAD-MAR ZHU BA DANG, DBYER MED DU BYAS NAS DBANG BSKUR, DE NAS RANG 'DRA'I SPRUL SKU YE SHES PAS GTZO BYAS PA'I PHYOGS BCU'I RGYAL BA SRAS BCAS SPYAN DRANGS PA LA MCHOD DE, RDO RJE CAN GYIS SANGS RGYAS LA, ,'GRO BA SKYOB PA'I CHED DU DBANG, ,YON TAN 'BYUNG GNAS JI LTAR STZAL, ,DE LTAR 'DI LA'ANG STZAL DU GSOL, ,ZHES GSOL BA BTAB PAS, NAM MKHA'I RGYAL BA YAB YUM SNYOMS PAR ZHUGS CHAGS PA CHEN PO'I MES ZHU NAS, ZHAL DU ZHUGS, SKU'I DBYIBS BRGYUD, RDO RJE'I LAM NAS YUM GYI PAD-MAR 'THON PA DANG, DBYER MED DU BYAS NAS PAD-MA LAS 'THON DBANG STEGS LA BZHAG GO ,DE NAS DBANG BSKUR RDO RJE CHEN PO STE, ,KHAMS GSUM KUN GYIS PHYAG BYAS PA, ,SANGS RGYAS KUN GYI GSANG GSUM PA'I, ,GNAS LAS BYUNG BA SBYIN PAR BYA, ,ZHES BRJOD DE, SNGAR BZHIN BRTAN BYED KYI CHU DBANG BSKUR, ,DBANG LHA THAMS CAD BSTIM MI BSKYOD PAS DBU BRGYAN PA LA MCHOD DE, ,MI BSKYOD RDO RJE YE SHES CHE, ,ZHES SOGS KYIS BSTOD NAS, RDO RJE CHE DANG DRI BA BU CHE, ,BZUNG ZHIG RDO RJE BYIN,

GYIS BRLABS, ,DE RING RDO RJE SLOB DPON GYUR, ,SLOB MA'I TSOGS RNAMS BSDU BAR GYIS, ,AOm SU PRA TI shthA BDZRA YE SV'A H'A, ZHES BRJOD ME TOG GI CHAR DBAB, PHUN SUM TSOGS PA MNGA' BA GSER GYI RI BO 'DRA, ,'JIG RTEN GSUM GYI MGON PO DRI MA GSUM SPANGS PA, ,ZHES SOGS BKRA SHIS KYI TSIGS SU BCAD PA BRJOD DO, ,AA BHYAS RIG PA'I DBANG LNGA'I SKABS SU'ANG NANG DBANG BSKUR BA DGOS PAR GSUNGS PAS RIG PA'I DBANG LNGA SNGA MA'I SKABS SU MI BYED KYANG, ,BUM DBANG DNGOS GZHI'I SKABS 'DIR, NGES PAR MA CHAD PA DGOS TE, SKU GSUM RJES MTHUN PA'I TSOGS PA CAN GYI RDZOGS RIM GYIS RGYUD SMIN PAR BYED PA LA, BSKYED RIM GYI SKABS SU SKU GSUM GA TSANG BAR BSGOM DGOS LA, DE'I SNOD RUNG DU BUM DBANG GIS BYED PA YIN PAS GNAD SHIN TU CHE GSUNG NGO, ,GNYIS PA LA GNYIS, DE KHO NA NYID BSTAN PA DANG, RJES GNANG SBYIN PA'O, ,DANG PO LA GSUM, DKYIL 'KHOR GYI DE KHO NA NYID DANG, LHA'I DE KHO NA NYID DANG, SLOB DPON GYI LAS BSTAN PA'O, ,DANG PO NI, SANGS RGYAS DANG SANGS RGYAS MA YIN PA'I DE KHO NA NYID MNYAM PA MTSON PA'I CHED DU, DKYIL 'KHOR ZUR BZHI PA DANG,DRAN PA NYER GZHAG BZHI DANG, DBANG PO LNGA'I NANG GI DAD PA'I DBANG PO LNGAS SHAR SGO'I DE KHO NA NYID MTSON TE SLOB MA LA BSTAN PAR BYA STE, 'OG MA RNAMS LA'ANG DE BZHIN DU SBYAR RO, ,YANG DAG SPONG BA BZHI DANG, DBANG PO LNGA'I NANG GI GO CHA'I BRTZON 'GRUS DANG LDAN LHO'I SGO DANG, RDZU 'PHRUL GYI RKANG PA BZHI DANG, DRAN PA'I DBANG PO LNGAS NUB KYI SGO DANG, DBANG PO LNGA DANG, STOBS LNGA DANG, DBANG PO YUL DU BYED PA'I SNGAR GYI TING NGE 'DZIN DANG,

, ,STOBS YUL DU BYED PA'I SNGAR BYI SHES RAB DANG, BCU GNYIS NI BYANG SGO'I DE KHO NA NYID DU, SANGS RGYAS KYI THUGS RGYUD KYI BSAM GTAN BZHI NI, RTA BABS SU SNANG BA YIN NO, ,DPA' BAR 'GRO BA'I TING NGE 'DZIN DANG, NAM MKHA' MDZOD DANG; DRI MA MED PA DANG, SENG-GE RNAM PAR ROL PA'I TING NGE 'DZIN BZHIS SANGS RGYAS KYI TING NGE 'DZIN MTHA' YAS PA SDUD PAR BYED PA YIN LA, DE NI KHA KHYER BZHIR SNANG BA YIN NO, ,KHA KHYER DE NYID LA GNAS PA'I MCHOD PA'I LHA MO RNAMS KYIS TSIG LA SOGS PA'I GZUNGS BZHI MTSON PA YIN NO, ,RIN PO CHE'I RGYAN LA SOGS PA'I RGYAN SNA TSOGS PA DANG LDAN PAS 'GRO BA RNAMS KYI BSAM PA THAMS CAD RDZOGS PAR BYED PA DANG, BA DAN SNA TSOGS PA RLUNG GIS BSKYOD PA'I RTZE MOR DRIL BU'I SKRA SGROGS PAS GSUNG RAB YAN LAG DGU MTSON PA DANG, BYANG CHUB KYI YAN LAG BDUN DRA BA SOGS DANG, RNAM PAR THAR PA BRGYAD 'KHOR LO SOGS KYIS MTSON PA'I KA BA BRGYAD DANG, MI DAG PA'I 'DAM BSKAM PAR MDZAD CING DGE BA'I MYU GU GSO BAR MDZAD PA NYI MA'I GDAN BDUN, NYON MONGS PA'I TSA GDUNG BSIL BAR BYED PA DANG MA RIG PA'I MUN PA SEL BAS ZLA GDAN BCU GNYIS SO, ,GNYIS PA NI, DAD PA DANG, BRTZON 'GRUS DANG, DRAN PA DANG, TING NGE 'DZIN RNAM PAR DAG PA MTSON PA'I SGO SRUNGS BZHI DANG, SBYIN PA DANG, TSUL KHRIMS DANG, BZOD PA DANG, BRTZON 'GRUS DANG, BSAM GTAN DANG, SHES RAB STE, PHA ROL TU PHYIN PA DRUG DANG, DE'I YUL RNAM PAR DAG PA MTSON PA GZUGS RDO RJE MA LA SOGS PA DRUG DANG, SA KHAMS

DAG PA DANG, SNYING RJE DANG, STONG PA NYID KYI RNAM THAR DANG THABS LA MKHAS PA'I PHAR PHYIN MTSON PA SPYAN MA DANG, CHU KHAMS DAG PA DANG, BYAMS PA DANG, MTSAN MA MED PA'I RNAM THAR DANG, SMON LAM GYI PHAR PHYIN MTSON PA M'A MA K'I DANG, ME KHAMS DAG PA DANG, DGA' BA DANG; SMON MED KYI RNAM THAR DANG, STOBS KYI PHAR PHYIN MTSON PA GOS DKAR MO DANG, RLUNG KHAMS DAG PA DANG, BTANG SNYOMS DANG, YE SHES KYI PHAR PHYIN MTSON PA SGROL MA'O, ,PHUNG PO LNGA RNAM PAR DAG PA DE BZHIN GSHEGS PA LNGA'O, ,RGYAS PAR NI BZHI BRGYA LNGA BCU PA RTZA 'GREL LAS SHES PAR BYA'O, ,GSUM PA NI, DE NAS RNAL 'BYOR DAM TSIG MCHOG ,GZUGS DANG LANG TSO YON TAN LDAN, ,SBYOR BYAS SLOB DPON DER 'DUG LA, ,YE SHES DBAB PA RAB TU BRTAG ,RDO RJE CHU SKYES KHA PHYE BA, ,SANGS RGYAS RANG SNANG GZHUG PAR BYA, ,PAD-MA LA GNAS BRTAN BYAS TE, ,RIGS BDAG SNANG BA THOB PA DANG, ,RDO RJE'I BDAG NYID RANG MING BRJOD, ,'KHOR LOR SBYOR BAS SPRO BAR BYA, ,RDO RJE CHU SKYES SGRAS SANGS RGYAS, ,SPYAN DRANGS 'KHOR LO'I PHYOGS LOGS SU, ,BGEGS RNAMS BSAL LA YANG DAG BSRUNG, ,MCHOD YON PHUL LA RAB TU MCHOD, ,YANG DAG BSTOD DE SGO BAR DGOD, ,LAS RNAMS BYAS NAS BSGRUB PAR BYA, ,MIG DANG SKU SOGS BYIN RLABS LA, ,DBANG BSKUR MCHOD PA LA SOGS BRTAG ,DNGOS GRUB KUN PHYIR SEMS CAN DON, , MDZOD CIG CES NI GSOL BA GDAB, CES BRJOD LA DON BSHAD DO, ,GNYIS PA NI, SLOB MA GTZO BO SEMS DPA' SUM BRTZEGS SU BSKYED LA SLOB DPON YANG SEMS DPA' SUM BRTZEGS SU BYAS NAS SLOB DPON GYIS SNYING PO LA SOGS PA'I SNGAGS

, ,BRGYA RTZA BRGYAD DAM, LAN GSUM BZLAS LA, BCOM LDAN BDAG GIS SBYIN LAGS KYI, ,'DI LA NYE BAR MDZAD DU GSOL, ,ZHES BRJOD CING SBYIN NO, ,SLOB MAS KYANG, BCOM LDAN BDAG GIS BZUNG LAGS KYI, ,BDAG LA NYE BAR MDZAD DU GSOL, ,ZHES GSOL BA BTAB NAS LAN GSUM RJES ZLOS BYAS PAS SNGAGS PHRENG BLA MA'I ZHAL NAS BYUNG STE, SLOB MA'I RNA BA GA-YAS PA NAS ZHUGS, TING NGE 'DZIN SEMS DPA'I MTHA' SKOR DU 'KHOD PAR BSAM MO, ,DE NAS GSER RAM DNGUL GYI SNOD DU BZHAG PA'I MAR DANG SBRANG RTZI'I MIG SMAN GSER LAS BYAS PA'I THUR MAS, SLOB MA'I MIG LA YI GE PRAm BSAMS LA, AOm BDZRA NEE TRA AA PA HA RA PA tA LAm HR'I: ZHES 'DON ZHING BSKUS TE, JI LTAR MIG MKHAN RGYAL PO YIS, ,'JIG RTEN RAB RING BSAL BA LTAR, ,BU KHYOD KYI NI MI SHES PA'I, ,RAB RIB RGYAL PA RNAMS KYIS BSAL, ,ZHES BRJOD DE, MA RIG PA'I RAB RIB BSAL BAS, ,YE SHES KYI SPYAN BYE PAR BSAM MO, ,ME LONG LA A'A: YIS BSNGAGS TE SLOB MA LA BSTAN CING, CHOS RNAMS GZUGS BRNYAN LTA BU STE, ,GSAL ZHING DAG LA RNYOG PA MED, ,BZUNG DU MED CING BRJOD DU MED, ,RGYU DANG LAS LAS YANG DAG 'BYUNG, ,RDO RJE SEMS DPA' ME LONG BZHIN, ,DER NI GSAL DAG RNYOG PA MED, ,SANGS RGYAS KUN BDAG RANG NYID NI, ,BU KHYOD KYI NI SNYING LA ZHUGS, ,RANG BZHIN MED CING GNAS MED PAR, ,CHOS RNAMS DE LTAR SHES NAS KHYOD, ,SEMS CAN DON NI MNYAM MED BYOS, ,SKYOB PA RNAMS KYI SRAS SU SKYE, ,ZHES BRJOD DE, SPYIR CHOS RNAMS

ME LONG NANG GI GZUGS BRNYAN LTA BU DANG, KHYAD PAR DU RANG GI SNYING LA ZHUGS PA'I RDO RJE, SEMS DPA' ME LONG NANG GI GZUGS BRNYAN DANG 'DRA BAR SHES PAR GYIS SHIG CES GO BAR BYA'O, ,DBYANGS THA MA AA: LAS SKYES PA'I DRIL BU AA: ZHES BRJOD DE, THAMS CAD NAM MKHA'I MTSAN NYID DE, ,NAM MKHA' LA YANG MTSAN NYID MED, ,NAM MKHA' MNYAM PA NYID SBYOR BAS, ,THAMS CAD MCHOG NI MNYAM NYID GSAL, ,ZHES BRJOD DE SBYIN NO, ,HO LAS SKYES PA'I MDA' GZHU HO ZHES BRJOD CING, AOm SA-RBA TA TH'A GA TA AA NU R'A GA YA SVA, ZHES BRJOD CING BYIN TE, SLOB MAS KYANG, AOm SA-RBA TA TH'A GA TA AA NU R'A GA-YI MA,? ZHES BRJOD CING BGEGS LA 'BIGS PA'I BSAM PAS PHYOGS BZHI DANG STENG 'OG GNYIS TE DRUG TU MDA' 'PHEN PA'I STANG STABS BYA'O, ,BZHI PA LA GNYIS LAS, SPYI'I CHOS BSHAD PA'I RJES GNANG NI, DE NAS BLA MAS BHR'Um LAS BYUNG BA'I 'KHOR LO, DE NAS YANG A'A: LAS SKYES PA'I ME LONG, BDZRA SA-TvA, ZHES PAS BYIN LA, RDO RJE SEMS DPA' ME LONG BZHIN ZHES PA NAS RKANG PA BZHI BRJOD LA ME LONG DANG DE'I NANG GI GZUGS BRNYAN THA MI DAD PA BZHIN DU BYANG CHUB KYI SEMS KYI NGO BO RDO RJE SEMS DPA' DE RANG GI SEMS DANG THA MI DAD DU SHES PAR GYIS SHIG CES BRJOD DO, ,DE NAS, AOm BDZRA HE TU MAm, ZHES PAS BHR'Um LAS BYUNG BA'I 'KHOR LO MDUN NAM STAN DU SBYIN, DBYANGS THA MA A'A: LAS BYUNG BA'I RUNG, AOm BDZRA BHA shA RAm, ZHES PAS LAG PA GA-YAS SU GTAD LA 'BUD DU GZHUG ,DBYANGS DANG PO AA: LAS BYUNG BA'I GSANG 'DUS KYI PO TI LAG PA GA-YON DU GTAD LA, DENG NAS BRTZAMS TE SEMS BSKYED PA, ,TZAM GYIS

, ,CHOS DUNG BLA MED PA, ,KUN NAS YONGS SU BKANG NAS NI, ,CHOS KYI 'KHOR LO BSKOR BAR GYIS ,ZHES BRJOD LA DRIL BU'ANG DKROL DU GZHUG GO ,DE NAS SLOB MA GTZO BO'I NGA RGYAL 'DZIN PA LA, MDOR NA 'JIG RTEN THAMD? DU, ;SEMS CAN KUN LA PHAN PA'I PHYIR, ,JI LTAR SNA TSOGS 'DU LA 'GYUR BA'I, ,CHOS KYI 'KHOR LO BSKOR BAR GYIS, ,ZHES PA DANG, DE BZHIN DU SLOB MA RIGS LNGA SO SO'I NGA RGYAL DU 'PHOR GZHUG LA, CHOS KYI GNAS SU RDO RJE DANG, RIN PO CHE DANG, PAD-MA DANG, RAL GRI'I 'KHOR LO RAB TU BSKOR, ,ZHES BRJOD LA, RANG RANG GI SA BON LAS BSKYED PA'I PHYAG MTSAN GTAD LA, RIGS LNGA SO SO'I DKYIL 'KHOR SPRUL BSHAD BYED PA'I RJES GNANG SBYIN NO, ,DE LTAR CHU DANG COD PAN GYI DBANG BSKUR BA NI, RGYU MTHUN GYI 'BRAS BU YIN LA, RDO RJE DANG, DRIL BU DANG, MING DBANG BSKUR BA NI RNAM SMIN GYI 'BRAS BU, SLOB DPON GYI DBANG BSKUR BA NI SKYES BU BYED PA'I 'BRAS BU, DBANG GONG MA GSUM NI BRAL BA'I 'BRAS BU'O, ,'OG NAS 'BYUNG BA'I LUNG BSTAN DANG; DBUGS DBYUNG SOGS SKABS 'DIR BYED NA'ANG 'GAL BA MED DO, ,LTAR NA SLOB DPON DU BYA BA'I CHED DU KHAMS GSUM PA'I CHOS KYI RGYAL SRID DU DBANG BSKUR BAS SLOB DPON GYI DBANG DANG, PHYIR MI LDOG PA'I SA BON KHYAD PAR CAN BSKRUN CING PHYIR MI LDOG PA'I DBANG DANG 'DRA BAS PHYIR MI LDOG PA'I DBANG DANG, DBANG DRUG GA LA BUM PA'I CHU'I BYA BA RJES SU 'GRO BAS BUM PA'I DBANG BSKUR BA ZHES BYA BA DE THOB, LUS KYI DRI MA THUN MONG BA GSUM SNGAR BSAGS DAG CING PHYI MA

SBYONG; LUS THAMS CAD SNANG ZHE NA DRI MA 'KHRUD PAS SKU RDO RJE SBYONG, ,LAM BSKYED RIM YAN LAG DANG BCAS PA BSGOM PA LA DBANG BAR BYAS, 'BRAS BU SPRUL PA'I SKU 'GRUB PA'I NUS BA KHYAD PAR CAN BZHAG GO ,ZHES DAG PA SBYON NO, ,DE NAS SLOB MAS LHA DANG BLA MA LA MCHOD PA DANG YON DBUL BA SOGS BYA'O, ,GNYIS PA LA GSUM, GSANG BA DANG, SHES RAB YE SHES DANG, DBANG BZHI PA BSKUR BA'O, ,DANG PO NI, DE LTAR RDO RJE SLOB DPON GYI DBANG THOB PAS, LHA DANG BLA MA TSOGS KYI 'KHOR LOS MNYES PAR BYAS, SKYE GNAS MA NYAMS PA'I GZHEN NU MA LO BCU GNYIS SAM, BCU DRUG LON PA'I LANG TSE DANG LDAN PA'I SHES RAB MA DAM TSIG DANG LDAN PA BLA MA LA PHUL, RIN PO CHE'I MAn-dAL YANG PHUL TE, THAL MO SBYAR NAS, KHYOD KYI ZHABS KYI BKA' DRIN GYIS, ,BDAG GIS BLA MED BYA BA THOB, ,DE PHYIR GSANG BA'I DBANG GIS NI, ,MGON POS RJES SU BZUNG BAR MDZOD, ,CES GSOL BA LAN GSUM GDAB BO, ,DE NAS SLOB MA'I MIG DANG BCINGS LA, RNAM SNANG DU BSGOM DU BCUG ,BLA MAS RIG MA DE GTZO BO'I YUM DU BSNYEN SGRUB YAN LAG BZHI'I SGO NAS BSKYED, GNAS LNGAR RIGS LNGA DANG, SKYE MCHED DANG, SKU GSUNG THUGS BYIN GYIS BRLAB PA'ANG BYAS NAS, YAB YUM GYI RDO RJE DANG PAD-MA BYIN GYIS BRLABS TE SNYOMS PAR ZHUGS PAS, SHIN TU DGA' BA'I SGRAS DE BZHIN GSHEGS PA THAMS CAD SPYAN DRANGS ZHAL NAS ZHUGS PA THUGS KAR CHAGS PA CHEN PO'I MES BYANG CHUB KYI SEMS SU ZHU SSTE, DGA' BA DANG PO GSUM NYAMS SU MYONGS, BOR BUR BZUNG LHAN CIG SKYES BA'I DGA' BA'ANG BRTAN PAR BYAS LA LHA THAMS CAD ZHU BA'I NGO BO BDE BA DANG DBYER MED DU GY

, ,GA-YON PA'I MTHEB SRIN GYIS BLANGS LA, 'DI DE SANGS RGYAS THAMS CAD KYI, ,DAM TSIG CHEN PO RMAD BYUNG BA, ,KHAMS LNGA LAS BYUNG BCUD KYIS LEN, ,BDE BA CHEN PO MYONG BAR GYIS, ,ZHES PA'I DON GO BAR BYAS LA, 'DAS PA'I RDO RJE 'CHANG SOGS KYIS, ,JI LTAR SANGS RGYAS SRAS DBANG BSKUR, ,BYANG CHUB SEMS NI BZANG PO YIS, ,DE LTAR BU KHYOD DBANG BSKUR RO, ,AOm A'A: BDZRA DHRI KA MAm H'Um SV'A H'A, ZHES PAS SLOB MA'I LCE THOG TU BZHAG ,DES KYANG, SANGS RGYAS THAMS CAD 'DUS PA'I NGO BOR BLTAS LA, AA HO MA H'A SU KHA ZHES BRJOD LA BTUNG NGO, ,KYE MA BDE BA CHEN PO'O, ,ZHES PA'O, ,SHES RAB MAS KYANG, SNGA MA LTAR BSKUR RO, ,BLA MAS YAB YUM GNYIS KYIS BYANG SEMS DKAR DMAR BTON TE, DUNG CHOS SOGS SU BLUG ,BDUD RTZI LHAG MA DANG BSRES, ,DRI ZHIM PO'I CHU DANG SBYAR BA YI GE GSUM GYIS BSNGAGS NAS SBYANGS SBAR SOGS BYAS NAS, BKRA SHIS KYI TSIGS BCAD DANG, 'DI DE ZHES PA'I TSIGS BCAD GNYIS BRJOD NAS BDUD RTZI LNGA SPYI BOR GTOR ZHING, 'THUNG DU GZHUG PAS KYANG DBANG BSKUR RO, ,DE NAS MIG DAR PHYE NAS, DE LTAR KHYOD KYIS DKYIL 'KHOR BZHI LAS KUN RDZOB BYANG CHUB SEMS KYI DKYIL 'KHOR DU RDZAS GSANG BA LAS BYUNG BA'I DBANG GANG BA'I DBANG BSKUR BZHE? BSHAD PA DE THOB, THUN MONG BA NGAG GI DRI MA RDZUN DU SMRA BA SOGS SNGAR BSAGS DAG CING, PHYI MA BSDOMS PA DANG, THUN MONG MA YIN PA RLUNG LA NGAG TU GSUNGS PA'I DRI MA RLUNG SNGAGS SO SOR SNANG ZHING ZHEN PA'I DRI MA 'KHRUD PAS GSUNG RDO RJE SBYONG, SGYU LUS YAN LAG DANG BCAS PA BSGOM PA LA

DBANG BAR BYAS, 'BRAS BU LONGS SPYOD RDZOGS PA'I SKU 'GRUB PA'I NUS PA KHYAD PAR CAN BZHAG GO ,ZHES DAG PA SBYIN NO, ,GSANG BA'I DBANG NGO, ,GNYIS PA NI, PHYAG DANG MAn-dAL SNGON DU 'GRO BAS, BLA MA LA RIG MA MTSAN NYID DANG LDAN PA PHUL BAR BSAMS LA, KUN MKHYEN YE SHES PHUNG PO CAN, ,SRID PA'I 'KHOR LO RNAM SBYONG BA, ,DE RING BSHAD PA'I RIN CHEN GTER, ,GTZO BOS BDAG LA BKA' DRIN STZOL, ,KHYOD ZHABS PAD-MO SPANGS NAS NI, ,GTZO BO GZHAN NA SKYABS MA MCHIS, ,'GRE BA'I DPA' BO THUB CHEN POS, ,DES NA BLO MCHOG BRNYES PAR MDZOD, ,CES LAN GSUM GSOL BA GDAB BO, ,DE NAS PHAN TSUN NGO TSAS BCINGS NA BDE BA CHEN PO NGOS MI ZIN PA SPANG BA'I PHYIR, GNYIS KA LA GDONG GA-YOGS BCINGS, BLA MAS RIG MA BSANG SBYANGS TE, GTZO BO'I YUM DU BSKYED, DE'I LUS LA SA BON LNGA LAS RIGS LNGA BKOD DE BYIN GYIS BRLABS PA'I LAG PA SLOB MA'I LAG PAR GTAD LA, RANG GI LAG PA GA-YON PAS BZUNG, LAG PA GA-YAS PA RDO RJE DANG BCAS PA SLOB MA'I SPYI BOR BZHAG STE, 'DIR NI KHYED RNAMS DBANG PO YIN, ,BDAG GIS 'DI LA 'DI GTAD DE, ,ZHES RGYAL BA RNAMS DBANG DU BTZUGS TE, GZUNG MA YID 'ONG 'DI KHYOD KYIS, ,BSTEN BYAR SANGS RGYAS RNAMS KYIS BRTAGS, , 'KHOR LO'I RIM PA'I SBYOR BA YIS, ,BDE BA DAM PA MYANG BAR GYIS, ,RDO RJE SKYIL KRUNG GIS SEMS NI, ,NOR BU'I NANG DU GNAS BLTA BAS, ,ZHES GO BAR BYAS NAS GTAD PAR BYA'O, ,DE NAS RAG MA DE, DPA' BO BU NI BLA NA MED, DPA' BO KHYOD NI SPRO'AM

, ,CI; ;BSHAD DANG GCI BA BZA' BA DANG, ,SHA DANG KHU KHRAG DE BZHIN TE, ,BU KHYOD CI DGAR SPRO GYUR TAM, ,BUD MED RTAG TU GUS PA DANG, ,BDAG GI PAD-MAR 'O BYED PA, ,BU KHYOD CI BZHED BDEN PAR SMROS, ,ZHES 'DRI BA LA, SLOB MAS, KHU KHRAG LA SOGS BZA' BA DANG, ,BUD MED RNAMS LA RTAG GUS DANG, ,BHA GA'I PAD-MAR 'O BYED PA, ,LHA MO TZA PHYIR BDAG MI SPRO, ,ZHES BRJOD PA DANG, RIG MA DE DGYES NAS, SKRA BKROL GOS DANG BRAL BAR BYAS NAS, RANG GI CHU SKYES PHYE NAS GSAL BAR STON CING, AE MA BDAG GI PAD-MA 'DI, ,BDE BA KUN DANG YANG DAG LDAN, ,GANG ZHIG CHO GAS BSTEN BYED PA, ,DE YI MDUN NA BDAG GNAS SO, ,SANGS RGYAS BSTEN PA LA SOGS PA, ,PAD-MAR BYA BA JI BZHIN GYIS, ,BDE CHEN RGYAL PO RANG NYID NI, ,'DI NYID DU NI RTAG TU BZHUGS, ,BLUN PO GANG ZHIG 'DI SPONG BA, ,DE LA MCHOG GI DNGOS GRUB MED, ,BHA DZA MO KshA HO, ZHES BRJOD PA DANG, SLOB MA RNAM SNANG NGAM GTZO BOR BSKYED, RIG MA SNGAR LTAR RAM SPYAN MAR BSKYED DE, ,RIGS LNGA'I TSOGS PA CAN DU BYAS NAS, RDO RJE DANG PAD-MA 'DU BYAS TE, ZHAL LUNG LAS, NA LI GSUM PO BTZAL BAR BYA, ,RDO RJE DBYINGS KYI DBANG PHYUG RTZA, ,GZUNG 'DZIN BRAL BA BHA GA'I DBUS, ,BLA MA'I MAN NGAG STOBS KYIS NI, ,SOR MOS GO BAR BYA DGOS SO, ,ZHES GSUNGS PAS, MDZUB MO'I RTZE DANG, LCE RTZE LA HR'I: DMAR PO BKOD PA, SH'I HA BRJOD PA SNGON DU 'GRO BAS, RTZA BSKUL NAS RNYED PA'I RTAGS BYUNG BA DANG, AOm SH'I SH'A-SH'I HA HA HA SV'A H'A, ZHES PA DANG, AOm SA-RBA? TA TH'A GA T'A AA NU R'A GA nA BDZRA SVA BH'A WA A'AT-MA KO NYA HAm, ZHES PA'I SNGAGS

ZLOS SHING, BLA MA'I MAN NGAG LAS DGA' BZHI'I DBYE BA SHES PAS, RANG GI SNYING GA'I SA BON GYI 'OD ZER GYIS DE BZHIN GSHEGS PA TSAD MED PA SPYAN DRANGS TE, LUS LA GZHUG CING, BLA MAS KYANG RNAM SNANG DANG SPYAN MA SOGS DPAG TU MED PA BCU GNAS, SNYOMS PAR ZHUGS PAS DGA' BA BRTZAM PAR BYA'O, ,SPYI BO NAS BYANG CHUB KYI SEMS BABS PA LAS SKYES PA'I DGA' BA DANG PO GSUM NYAMS SU MYONG BAR BYAS SHING, RDO RJE NOR BUR GNAS PA PHYIR MA 'PHOS PA LAS BYUNG BA'I LHAN CIG SKYES PA'I BDE BA DANG, STONG NYID RTOGS PA'I SHES RAB NGO BO DBYER MED NGAS ZIN PAR BYAS LA, DE NYID SHES RAB YE SHES KYI DBANG DU NGO SPROD PAR BYA'O, ,ZHAL LUNG LAS, DE NAS DE LA RANG BYUNG GI, CHOS SKU RAB DGA' MKHA' MNYAM PA, ,LHAG PA'I LHA ZHES BYA BA NI, ,RTOG BYA'I PHYIR DU BU MO SBYIN, ,ZHES GZUNGS PA LTAR RO; ;DE NAS SLOB DPON GYIS, ,DBANG BSKUR 'DI NI JI LTA BAR, ,BYANG CHUB SPYOD GZHAN DE BZHIN DU, ,DGE BA'I TSUL NI GZHAN BSRUNG BA, ,SANGS RGYAS SKU SOGS THOB MI 'GYUR, ,DAM TSIG DAG NI BSRUNG BA DANG, ,RTAG TU SDAM PA BSKYANG BAR BYA, ,BCU PHYED SGRON MA MI 'CHI SPYAD, ,DAM TSIG GZHAN YANG BSRUNG BA NI, ,DKON MCHOG SNOD GZHOM BUD MED KUN, ,MCHOG MYANG LOG PA'I DAG MA YIN, ,'DI DAG CHO GA BZHIN BSRUNG BA, ,RNAL 'BYOR RGYUD DU GANG BSHAD PA'O, ,ZHES PAS DAM TSIG BRJOD LA, ,SLOB MAS KYANG KHAS BLANGS TE, BUS MO BTZUGS THAL MO SBYAR BA LA, ,RIG MA'I BRTUL ZHUGS SBYIN PAR BYA STE, BDAG GIS DE RING YANG DAG BSHAD, ,SGRUB PA PO LA RIG MA SBYIN, ,BYANG CHUB CHEN PO SGRUB PA'I PHYIR, ,DE BZHIN GSHEGS RNAMS MKHYEN PAR GSOL, ,THABS GZHAN GYIS NI

, ,'TSANG MI RGYA, ,DE BAS 'DIR NI RIG MA MCHOD, ,CHOS KUN GNYIS SU MED PA LA, ,DNGOS PO GNYIS SU BTAGS PA YIN, ,DE BAS 'KHOR BA RNAM GROL BAR, ,RTAG TU KHYOD KYIS MI BYA'O, ,'DI NI SANGS RGYAS THAMS CAD KYI, , RIG MA'I BRTUL ZHUGS BLA MED PA'O, ,RMONGS PA GANG ZHIG 'DA' BYED PA, ,DE LA MCHOG GI DNGOS GRUB MED, ,CES BRJOD DE MIG DAR PHYE ZHING, ,KHYOD KYIS BHA GA'I DKYIL 'KHOR DU SHES RAB MA LA BRTEN NAS THOB PA'I DBANG LA SHES RAB YE SHES KYI DBANG ZHES BSHAD PA DE THOB, THUN MONG BA YID KYI DRI MA BRNAB SEMS SOGS SNGAR BSAGS 'DAG CING PHYI MA SDOM,? THUN MONG MA YIN PA GANG SNANG KUN BDE STONG DBYER MED DU 'CHAR BA LA SGRIB PA'I DRI MA 'KHRUD PAS YID DAG PAR BYED; DON DAM 'OD GSAL GYI RDZOGS RIM YAN LAG DANG BCAS PA BSGOM PA SOGS LA DBANG BAR BYAS, 'BRAS BU CHOS KYI SKU MNGON DU 'GYUR BA'I NUS PA KHYAD PAR CAN BZHAG GO ,ZHES DAG PA SBYIN NO, ,SHES RAB YE SHES KYI DBANG NGO, ,GSUM PA NI, YON DANG MAn-dAL DANG PHYAG PHUL TE, KHYOD ZHABS PAD-MO'I BKA' DRIN GYIS, ,GTZO BO DBANG BSKUR RNAM GSUM THOB, ,DE RING RIN CHEN BZHI PA YANG, ,BKA' DRIN GYIS NI BSKYAB TU GSOL, ,ZHES DBANG BZHI PA'I DON DU GSOL BA LAN GSUM GDAB PO,? ,RGYUD LAS, DE LTAR DE BZHIN BZHI PA YANG, ,ZHES PA DANG, KHA CIG TU, BZHI PA DE YANG DE BZHIN NO, ,ZHES DBANG GSUM PA DANG DPE DON DU SBYAR NAS STON PAR GSUNGS PAS, DE'I DON CUNG ZAD BSHAD NA KHYOD

RANG DBANG GSUM PA'I DUS NA RANG DANG RIG MA GNYIS KYI LUS 'DOD LHA YAB YUM DU SNANG BZHIN PA'I DUS NA, SEMS LHAN CIG SKYES PA'I DGA' BAS STONG BA YUL DU BYAS PA GNYIS MNYAM DU YOD PA DPE DE BZHIN DU, DON 'DI GOMS PAR BYAS PA LA BRTEN NAS, MTHAR RLUNG SEMS TZAM LAS GRUB PA'I LONGS SPYOD RDZOGS PA'I YE SHES KYI SKU RANG SNANG GI RIG MA DANG KHA SBYOR BA'I LUS CAN DANG, SEMS LHAN CIG SKYES PA'I DGA' BA STONG PA NYID LA GNYIS SNANG NUB PA'I TSUL DU ZHUGS PA'I THAMS CAD STONG PA 'OD GSAL GNYIS NGO BO DBYER MED PA'I ZUNG 'JUG GI GO 'PHANG MNGON DU BYED DE, DE NI THOB BYA DON GYI DBANG BZHI PA YIN NO, ,ZHES BRJOD LA, ,DNGOS PO THAMS CAD DANG BRAL BA ,PHUNG PO KHAMS DANG SKYE MCHED DANG, ,GZUNG DANG 'DZIN PA RNAMS SPANGS PA'I CHOS BDAG MED PA MNYAM NYID PAS, ,RANG SEMS GDOD NAS MA SKYES PA, ,STONG PA NYID KYI RANG BZHIN NO, ,ZHES BRJOD DE, STONG PA NYID RKYANG PA LA NGO SPROD PA DE LTA BU MA YIN PAR ZAB GSAL GNYIS SU MED PA'I YE SHES ZUNG 'JUG GI DON LA NGO 'PHROD PAR BYA'O, ,DE LTAR KHYOD KYIS DON DAM PA BYANG CHUB KYI SEMS KYI DKYIL 'KHOR DU DBANG BZHI PA TSIG DBANG RIN PO CHE THOB, SGO GSUM GYI SGRIB PA'I BAG CHAGS 'KHRUD PA'I NUS PA BZHAG ,BDEN GNYIS DBYER MED ZUNG 'JUG GI RDZOGS RIM BSGOM PA LA DBANG BAR BYAS, 'BRAS BU ZUNG 'JUG YAN LAG BDUN LDAN GYI SKU MNGON DU 'GYUR BA'I SKAL BA CAN DU BYAS SO, ,ZHES DAG PA SBYIN NO, ,DBANG BZHI PA'O, ,DE NAS SLOB MAS TSOGS KYI MCHOD PA DANG, YON DANG MAn-dAL SOGS DBUL BAR BYA'O, ,GSUM

, ,PA LA GSUM, LUNG BSTAN DANG, RJES GNANG DANG, DBUGS DBYUNG NGO, ,DANG PO NI, BLA MAS RANG NYID SH'A-KYA THUB PAR BSKYED, LAG PA GA-YEN PA'I KHU TSUR GYIS SNYING GAR CHOS GOS KYI GRVA 'DZIN PA'I TSUL DU BYA, GA-YAS PAS MCHOG SBYIN PA'I PHYAG RGYA SLOB MA'I SPYI BOR GTUGS TE, AOm NGA YIS 'DI LTAR LUNG BSTAN TE, ,RDO RJE SEMS DPA' DE BZHIN GSHEGS, ,SRID PA'I MTHA' NI GRUB PA'I PHYIR, ,SRID PA'I NGAN 'GRO NYID LAS BTON, ,KYEE? DE BZHIN GSHEGS PA RDO RJE CHE GE MO ZHES BYA BAR 'GYUR ZHING, SING-DHI BHUR BHU BA SV'A A'A: 'DI YI DBANG BSKUR GYUR PA YIS, ,BSNGAGS PAS 'GRO BA KUN GYI BDAG ,BLA NA MED PA'I BYANG CHUB TU, ,BDER GSHEGS KYIS KYANG LUNG BSTAN MDZAD, ,CES BRJOD DE, ,GNYIS PA NI, NGO BO NYID KYI SEMS CAN RNAMS, ,JI LTA JI LTAR 'DUL 'GYUR BA, ,DE LTA DE LTAR CHAGS LA SOGS, ,GTZANG BAS SEMS CAN DON BYA'O, ,NYIN RE BZHIN DU THUN BZHI RU, ,TING 'DZIN GSUM GYI SBYOR LDAN PAR, ,'GYUR BAS THAN MONG CIG SHES KYI, ,DNGOS GRUB THOB PAR 'GYUR BAR BYA; ;MI SNANG BA NI STONG YIN TE, ,MNGON SHES LDAN PA NYIS STONG YIN, ,RIG PA 'DZIN PA SUM STONG YIN, ,RDO RJE CAN NI 'GRO KUN BDAG ,ZHI DANG RGYAS SOGS LAS GANG DANG, ,DE LAS GZHAN BCI 'DOD PA, ,'KHOR LO RJES BRNYES SBYOR BA YIS, ,BSGRUBS NA MYUR DU 'GRUB PAR 'GYUR, ,ZHES SEMS CAN GYI DON BYED PA DANG DNGOS GRUB SGRUB PA'I RJES GNANG SBYIN NO, ,GSUM PA NI, PHYIR MI LDOG PA NYID DU DBUGS 'GYIN PA'I DAM TSIG GSUM SBYIN PAR BYA STE, ,MCHOG GSANG DKYIL 'KHOR DAM PA NI, ,MTHONG

BA DANG NI ZHUGS GYUR PAS, ,SDIG PA KUN LAS NGES GROL BAR, ,KHYED RNAMS DER NI LEGS PAR GNAS, ,BDE CHEN THEG PA 'DI LA NI, ,SLAR KHYOD 'CHI BA YOD MIN TE, ,MI TSUGS PA DANG MI GSOD PA, ,CIS KYANG MI TSUGS DKA' BAR GYIS, ,SRID DANG SHIN TU DAG PA'I PHYIR, ,SRID PA'I SDUG BSNGAL LAS KHYOD 'DAS, ,SRID PA SHIN TU GRUB PA'I PHYIR, ,STON PA'I MCHOG TU 'GYUR BA YIN, ,DAM TSIG SDOM PA GRUB PA YIN, ,RTAG TU KHYOD KYIS BSRUNG BAR BYA, ,SANGS RGYAS KUN GYIS MTHUN PAR GSUNGS, ,DAM PA RTAG PA'I BKA' YIN NO, ,GANG ZHIG BSKYED PA TZAM GYIS NI, ,SANGS RGYAS NYID DU DOGS MED PA'I, ,BYANG CHUB SEMS NI BTANG MI BYA, ,PHAG GI RDO RJE GANG YIN PA'O, ,DAM PA'I CHOS NI MI SPANG ZHING, ,NAM YANG 'DOR BAR MI BYA'O, ,MI SHES PA'AM RMONGS PA YIS, ,TSUL CHEN BSTAN PAR MI BYA'O, ,BDAG NYID YONGS SU SPANGS NAS SU, DKA' THUB KYIS NI MI GDUNG ZHING, ,CI BDE BAR NI BDE BAR BZUNG, ,'DI NI MA BYON RDZOGS SANGS RGYAS, ,RDO RJE DRIL BU PHYAG RGYA RNAMS, ,NAM YANG YONGS SU MI 'DOR ZHING, ,SLOB DPON SMAD PAR MI BYA STE, ,'DI NI SANGS RGYAS KUN DANG 'DRA, ,SANGS RGYAS KUN MTSUNGS BLA MA YI, ,SLOB DPON LA NI GANG SMOD PA, ,DES NI SANGS RGYAS KUN SMAD PAS, ,RTAG TU SDUG BSNGAL THOB PAR 'GYUR, ,RIMS DANG DUG DANG DBYIG DUG DANG, ,MKHA' 'GRO RNAMS KYIS GTZES PA DANG, ,BGEGS DANG LOG 'DREN GTUM PO YIS, ,BSAD NAS RGYAL BAR LTUNG BAR 'GYUR, ,DE BAS NAN TAN THAMS CAD KYIS, ,RDO RJE SLOB DPON BLO GROS CHE, ,DGE BA RAB TU MI SBYOMS PA, ,NAM YANG SMAD PAR MI BYA'O, ,BLA MA LA NI GUS BCAS YON, ,RJES MTHUN KHYOD KYIS SBYIN PAR BYA, ,DES NI RIMS SOGS GNOD

, ,PA RNAMS, ,PHYIR ZHING 'BYUNG BAR MI 'GYUR RO, ,RTAG TU RANG GI DAM TSIG BSRUNG, ,RTAG TU DE BZHIN GSHEGS PA MCHOD, ,RTAG TU BLA MA LA YANG DBUL, ,'DI NI SANGS RGYAS KUN DANG 'DRA, ,DE BYIN SANGS RGYAS THAMS CAD LA, , RTAG TU BYIN PA NYID DU 'GYUR, ,DE BYIN BSOD NAMS TSOGS YIN TE, ,TSOGS LAS DNGOS GRUB MCHOG TU 'GYUR, ,GANG PHYIR 'DIR NI LAGS GNAS PAS, ,DENG KHYOD SKYE BA 'BRAS BUR BCAS, ,DAM TSIG LHA RNAMS KUN MNYAM PAR, ,DENG KHYOD 'GYUR BAR THE TSOM MED, ,SANGS RGYAS RDO RJE 'DZIN BCAS PA, ,KUN GYIS DENG KHYOD DBANG BSKUR BAS, ,KHAMS GSUM KUN GYI RGYAL PO CHE, ,RGYAL PO'I BDAG POR BRTAN PA YIN, ,DENG NI BDUD LAS RNAM RGYAL TE, ,GRONG KHYER MCHOG TU RAB TU ZHUGS, ,KHYED RNAMS KYIS NI SANGS RGYAS NYID, ,DENG KHYOD THOB PAR THE TSOM MED, ,DE LTAR YID NI RAB DANG RDO RJE NYID DU GYIS, ,RANG GI DAM TSIG MI BZAD BDE CHEN BSTEN PAR GYIS, ,DENG NI 'GRO BA MYUR BDE RDO RJE SEMS DPA' DANG, ,RAB TU MNYAM ZHING RTAG PA NYID DU GTOGS PAR 'GYUR, ,ZHES BRJOD CING DON BSHAD LA, SLOB MA'I STENG DU GDUGS BZUNG NAS, SKOR BA LAN GSUM BYED DU BCUG LA DKYIL 'KHOR GYI SHAR GYI SGOR PHYAG 'TSAL DU BCUG NAS, MGO SA LA SMAD LA, SLOB DPON GYIS, SNGAGS DANG RGYUD RNAMS 'DZIN PA YI, ,SLOB MA 'DI NI PHUL BA LAGS, ,ZHES BRJOD DE, DKYIL 'KHOR GYI GTZO BO LA DBUL BAR BYA'O, ,DE NAS SLOB MA LA, DA NI KHYOD NYID DKYIL 'KHOR GYI, ,SLOB DPON SNGAGS DANG RGYUD 'DZIN PAR, ,SANGS RGYAS BYANG CHUB SEMS DPA' DANG, ,LHA RNAMS KUN GYIS MTHUN PAR GSUNGS, SEMS

CAN RNAMS LA RJES BRTZE BAS, ,KHYOD KYIS DKYIL 'KHOR CHO GA BZHIN, ,RAB TU 'BAD DE 'DRI BAR BYA, ,BSGRUB PA PO RNAMS RGYUD LA SBYOR, ,ZHES BRJOD, SLOB MAS KYANG GUS PAS PHYAG BYAS LA, GTZO BOS JI LTAR BKA' STZAL PA, ,GSUNGS PA DE BZHIN BDAG BGYID DO, ,ZHE KHAS BLANG BAR BYA'O, ,TSIG 'DI DAG PHAL CHER SLOB DPON CHEN PO MAR ME MDZAD BZANG PO'I GZHUNG GI 'GYUR LTAR BRIS PA YIN NO, ,GSUM PA DKYIL 'KHOR GYI MJUG GI CHO GA NI, CHO GA'I CHAD LHAG GI NYES PA ZHI BA'I PHYIR DU ZHI BA DANG, LHA TSIMS PA'I PHYIR DU RGYAS PA'I SBYIN SREG BYA, DE NAS SLOB MA RNAMS NUS PA CI YOD KYIS DKYIL 'KHOR MCHOD DU GZHUG ,RANG GIS DKYIL 'KHOR LA PHYI NANG GSANG BA DANG, DE KHO NA NYID KYI MCHOD PA DANG, BSTOD PA DANG, BDUD RTZI MYANG BA SOGS BYAS LA, TSOGS KYI 'KHOR LOS KYANG MNYES PAR BYA, DER ZHUGS PA RNAMS KYIS KYANG BZA' BA DANG, BCA' BA DANG BDOG PA SOGS DKYIL 'KHOR LA PHUL BAS TSIMS PAR BYA ZHING, DE DAG DANG LHAN CIG TU MTSAN ME MI NYAL BAR GLU GAR LA SOGS PAS MCHOD NAS, KHYED RNAMS KYIS 'JUG PA 'DI SU LA'ANG MA SMRA ZHIG ,CES BSGO'O, ,DE NAS RANG GIS PHYI ROL TU PHYI ROL GYI MCHOD GTER BYA STE, NANG DU ZHUGS NAS DKYIL 'KHOR LA PHYAG BTZAL, GTZO BO LA MCHOD YON LA SOGS PA PHUL NAS, DGE BA BSNGO ZHING DKYIL 'KHOR LA LAN GSUM BSKOR NAS SHAR SKOR GTZO BO LA PHYOGS PAR 'DUG NAS, CHAD LHAG GI NYES PA ZHI BA'I DON DU YI GE BRGYA PA LAN GSUM BRJOD DE, DE NAS ME TOG DANG BCAS PA'I THAL MO SNYING GAR SBYAR LA, NONGS PA BZOD PAR GSOL, GANG YANG BDAG BLO RMONGS PA YIS, ,NYES BYAS CUNG

, ,ZAD GANG BGYIS PA, ,GANG PHYIR LUS CAN SKYABS YIN PHYIR, ,MGON KHYOD DE KUN BZOD PAR MDZOD, ,MA RNYED YONGS SU MA SHES DANG, ,GANG YANG NUS PA MA MCHIS PAS, ,'DIR NI BYA BA GANG BGYIS PA, ,DE KUN GTZO BOS BZOD MDZAD RIGS, ,ZHES BRJOD DE, 'DOD DON 'GRUB PAR GSOL BA BTAB LA, AOm KHYED KYIS SEMS CAN DON KUN MDZAD, ,RJES SU MTHUN PA'I DNGOS GRUB STZOL, ,SANGS RGYAS YUL DU GSHEGS NAS KYANG, ,SLAR YANG 'BYON PAR MDZAD DU GSOL, , AOm A'A: H'Um, BDZRA MU: ZHES PAS YE SHES KYI DKYIL 'KHOR GSHEGS SU GSOL, ,DAM TSIG GI DKYIL 'KHOR YI GE SNGA MA BRJOD DE RANG GI THUGS KAR BSDU BAR BYA'O, ,DE NAS, AOm AA K'A RO MU KHAm SA-RBA DHA RM'A nAm A'A DYA NU-TPNNA TVA TA, AOm A'A: H'Um PHAt SV'A H'A, ZHES 'DON ZHING, STONG PA NYID KYI LTA BA DRAN BZHIN PAS, DRIL BU 'KHROL ZHING, RDO RJE DANG BCAS PA'I LAG PAS, THOG MAR LHA'I MTSAN MA RNAMS MTHA' NAS RIM GYIS BSDU, DE NAS RDO RJES SHAR SGO NAS BRTZAMS TE, TSANGS THIG GI LAM NAS GTZO BO'I GNAS KYI BAR DBYI ZHING, RANG GI MGOR RDUL TSON CUNG ZAD BLUG NAS, GDAN RNAMS BSDU'O, ,DE NAS RDUL TSON LHAG MA RNAMS LEGS PAR PHYAGS TE, SLOB MA LA CUNG ZAD SBYIN, GZHAN RNAMS DUM PAR BLUG STE RGYAN THAMS CAD KYIS BRGYAN TE ROL MI'I SGRA LA SOGS PA DANG LDAN PAS KHYER TE, 'BAB CHU'AM MTSO PHRAN LA SOGS PAR DOR RO, ,DE NAS RDO RJE DRIL BU BZUNG BA'I LAG PA RDO RJE KHU TSUR GNYIS KYI MDZUB MO LCAGS KYU BZHIN BYAS TE, PHAN TSUN 'KHYUD PA SKAM PA'I PHYAG RGYAS, AOm BDZRA K'I L'A YA AU TA K'I

L'A YA SA-RBA BI-GHNNA BDZRA DHA RA YA AADZNY'A PA YA H'Um H'Um PHAt PHAt HO: ZHES BZLAS TE PHUR BU RNAMS DBYUNG LA, AOm RU RU SPHU RU DZVA LA TIshthA SINGDHI LO TZA NE SA-RBA ARTHA S'A DHA NI SV'A H'A, ZHES 'O MA LA BRGYA RTZA BRGYAD BZLAS TE PHUR BU RNAMS BKRUS PAS BGEGS RNAMS GSOS TE SANGS RGYAS PAR BSAMS LA KHUNG BU DGANG, DE NAS PHUR BU'I LHA RNAMS GSHEGS SU GSOL ZHING, PHUR BU'I SKUD PA RNAMS BKROL TE SNOD GTZANG MAR BZHAG LA, TZAN-DAN GYI CHUS BSANG GTOR BYA ZHING, SO SO'I GNAS SU BZHAG GO ,SNGAR KHRO BO DANG, PHYOGS SKYONG PHYOGS MTSAMS SU BKOD YOD NA'ANG MCHOD GTOR PHUL LA, RANG GNAS SU GSHEGS SU GSOL BAR BYA'O, ,GSANG BA SPYI RGYUD LAS, DKYIL 'KHOR GYI YO BYAD THAMS CAD SLOB DPON NYID DBANG LA, SLOB MA LA BGO BSHA' BYAS NA DAM TSIG NYAMS PAR GSUNGS PA DANG, BZHI BRGYA LNGA BCU PA LAS KYANG, KHUNG BU KHENGS DANG RAB GNAS DANG, ,SBYIN SREG DKYIL 'KHOR RAB GNAS DANG, ,DE KUN SLOB DPON NYID DBANG ZHES, ,RDO RJE MCHOG NI 'DZIN PAS GSUNGS, ,ZHES BSHAD PAS YO BYAD RNAMS SLOB DPON LA DBUL ZHING, SLOB DPON MI 'DOD NA DKON MCHOG GSUM LA SOGS PA LA JI LTAR RIGS PAR DBUL ZHING, KHYI DANG BYA ROG SOGS LA CUNG ZAD TZAM YANG MI SBYIN NO, ,DE NAS DGE 'DUN GYI STON MO DANG, TSOGS KYI 'KHOR LOS BLA MA LA SOGS PA MNYES PAR BYA'O, ,BKRA SHIS KYI TSIGS BCAD KYIS SHIS PA BRJOD PA'ANG RGYAS PAR BYA'O, ,GSANG SNGAGS RDO RJE THEG PA'I RMANGS TSUGS SHING, ,RIM GNYIS ZAB MO'I SNED DU BYED PA NI, ,DAM PA GCIG NAS GCIG TU BRGYUD PA YI, ,RNAM DAG DBANG GIS BSGRUB LA RAG LAS PAS, ,

, ,MGON PO YE SHES ZHABS KYIS BKRAL BA'I DON, ,GSANG 'DUS 'JAM PA'I RDO RJE'I DKYIL 'KHOR DU, GZHUG DANG ZHUGS LA BSKUR BA'I DBANG CHO GA NI, ,MA 'DRES GO SLA'I NGAG GIS GSAL BAR BSHAD, ,MKHAS PA'I GZHUNG NI SHIN TU RTOGS PAR DKA', ,BDAG NI BLO DMAN SBYANGS PA'I STOBS ZHAN PAS, ,GAL TE 'DI LA NONGS PA'I TSOGS MCHIS NA, ,BLA MA LHAR BCAS RNAMS KYIS BZOD MDZAD RIGS, ,'DIR 'BAD DGE BA RAB DKAR CI YOD DES, ,THOG MED DUS NAS BSKYANGS PA'I MA RNAMS KUN, ,'KHOR BA'I CHU BO CHE LAS RAB BRGAL NAS, ,BLA MED THEG PA'I GRONG KHYER 'JUG PAR SHOG ,BDAG KYANG 'JAM PA'I DBYANGS KYIS RJES BZUNG NAS, ,LAM BZANG 'DI DANG NAM YANG MI 'BRAL ZHING, ,'JAM PA'I RDO RJE'I DKYIL 'KHOR 'KHOR LO NI, ,SKAD CIG NYID LA MNGON DU 'GYUR BAR SHOG , DPAL GSANG BA 'DUS PA 'JAM PA'I RDO RJE'I DKYIL 'KHOR GYI CHO GA DNGOS GRUB KYI SNYE MA ZHES BYA BA 'DI NI, MANG DU THOS PA'I SDE SNOD 'JIN PA MANG YUL BA DBON PO NAM MKHA' BZANG POS ME TOG DANG BCAS TE, YANG YANG BSKUL BA'I RDOR RJE RIN PO CHE THAMS CAD MKHYEN PA BLO BZANG GRAGS PA DPAL BZANG PO'I ZHAL SNGA NAS KYIS MDZAD PA'I GSANG 'DUS MI BSKYOD RDO RJE'I DKYIL 'KHOR GYI CHO GA DANG THUN MONG BA RNAMS DE LA GZHI BYAS, SKU TSE DE NYID LA RDO RJE'I SAR BGROD PA'I MAR ME MDZAD BZANG PO'I GZHUNG DANG, DE'I 'GREL PA SMAN ZHABS DANG, SH'AN-TI PAS MDZAD PA DANG, POD SNGA MA MKHAS PA DAG GIS MDZAD PA'I DKYIL 'KHOR GYI CHO GA LA BRTEN NAS RJE RIN PO CHE DE NYID LAS SGRUB THABS KUN TU BZANG PO LA SOGS PA'I BKA' DRIN YUN RING DU MA NOS PA'I RIGS PA SMRA BA DANG MA RIN CHEN GYIS 'BROG RI BO

CHE DGE LDAN RNAM PAR RGYAL BA'I GLING DU SBYAR BA'O, ,DGE'O, ,