S05401D · GMLW-004882

The Ocean of Reasoning, an Explication of the Root Verses on the Middle Way entitled 'Wisdom'

DBU MA RTZA BA'I TSIG LE'UR BYAS PA SHES RAB CES BYA BA'I RNAM BSHAD RIGS PA'I RGYA MTSO
נושאיםTopics:Middle-Way PhilosophyEmptinessno self-natureDependent Originationthe Two RealitiesWisdomthe Four Truthsthe sixteen aspects of the four truths
מחברauthor
JE TSONGKAPA LOBSANG DRAKPARJE TZONG KHA PA BLO BZANG GRAGS PA1357-1419
נמצא בfound inMIDDLE-WAY PHILOSOPHY (MADHYAMIKA PRASANGIKA SCHOOL)
מהדורהrecensionnot applicable - a collected works, not a canon edition
הפנדיטה ההודיIndian panditaCHEN PO DBU MA BYA DZNYA NA GARBBHA STE YE SHE SNYING PO
הלוצאווה הטיבטיTibetan lotsawaDGE SLONG COG RO KLU'I RGYAL MTSAN GYIS RGYA SKAD LAS BOD SKAD DU
פוליוfolios2a–280a
צורהformprose
מצב תרגוםtranslationno English of the text
גשה מייקל לימד אותו בGeshe Michael taught it inDiamond Cutter Classics · Illumination of the True Thought
כיסוי המילון לכותרתdictionary coverage of the title100%
ז'אנרgenreCommentarya RNAM BSHAD — a full explanation of the root verses
פירוש עלa commentary onDBU MA RTZA BA'I TSIG LE'UR BYAS PA SHES RAB — the Root Text called "Wisdom"the title says so
הקלאסיקהthe classicMulamadhyamakakarika
אסכולהlineageGelugJe Tsongkapa himself, and the closing verses name Nagarjuna as the second Victor whose coming the Guide foretold many times
אנשים ומקומותpeople and places namedKLU SGRUBthe closing verses name him and say what the Root Wisdom is: the finest treatise opening emptiness, the heart of the teaching on emptiness, free of the extremes of being and not being
רמת קושיleveladvanced scholastic
תלות קדםread firstthe Root Text called "Wisdom" itselfthe commentary explains it and never introduces it
הכותרת אומתה מול הטקסטtitle verified against the textyesthe first line has the title correctly; the second line, which gives it again, writes CHIG for TSIG, RAGS PA for RIGS PA and ZHAS for ZHES — three slips in one line of the same title

הקבציםThe files

S05401D_DBU MA RTZA BA'I TSIG LE'UR BYAS PA SHES RAB CES BYA BA'I RNAM BSHAD RIGS PA'I RGYA MTSO_The Ocean of Reasoning, an Explication of the Root Verses on the Middle Way entitled 'Wisdom'_RJE TZONG KHA PA BLO BZANG GRAGS PA (1357-1419).TXT/DBU MA_MIDDLE-WAY PHILOSOPHY (MADHYAMIKA PRASANGIKA SCHOOL)/RTZA BA SHES RAB GYI 'GREL PA_COMMENTARIES ON THE ROOT TEXT CALLED "WISDOM" (MULAPRAJNA)/RJE TZONG KHA PA BLO BZANG GRAGS PA_JE TSONGKAPA LOBSANG DRAKPA (1357-1419)

הטקסטThe text

טיבטיתTibetanS05401D_DBU MA RTZA BA'I TSIG LE'UR BYAS PA SHES RAB CES BYA BA'I RNAM BSHAD RIGS PA'I RGYA MTSO_The Ocean of Reasoning, an Explication of the Root Verses on the Middle Way entitled 'Wisdom'_RJE TZONG KHA PA BLO BZANG GRAGS PA (1357-1419).TXT786,525 תוויםcharacters

*, ,DBU MA RTZA BA'I TSIG LE'UR BYAS PA SHES RAB CES BYA BA'I RNAM BSHAD RIGS PA'I RGYA MTSO ZHES BYA BA BZHUGS SO, , @001 *, ,DBU MA RTZA BA'I CHIG LE'UR BYAS PA SHES RAB CES BYA BA'I RNAM BSHAD RAGS PA'I RGYA MTSO ZHAS BYA BA, RJE BTZUN 'JAM PA'I DBYANGS KYI ZHABS KYI PADMO LA GUS PAS PHYAG 'TSAL LA, ,GANG ZHIG GSUNG PAS SLU BA'I GTZUG RGYAN ZHES, ,RAB 'BYAMS ZHING GI MKHAS PAS RAB BSNGAGS PA, ,RANG BZHIN STENG BRTEN 'BYUNG DON NYID DU, ,GSUNG BA'I RGYAL BDE YIS RTAG SKYONGS SHIG ,GTAM DE GSUNG RAB KUN GYI SNYING PAR NI, ,GZIGS NAS RAB 'BYAMS ZHING GI RGYAL SRAS 'KHOR, ,ZAB MO'I GTAM GYIS RTAG TU CHI MA MDZAD PA, ,RJE BTZUN MKHYEN PA'I GTER LA SKYABS SU MCHI, ,NGES PA'I DON DE JI LTAR GSUNGS PA LAS, ,RNAM PA GZHAN DU 'DRAN PA'I DOGS PA'I GNAS DPAG YAS BKOD NAS LEGS PAR SUN PHYUNG STE, ,TSUL DER NGES PA BLA MED STER PA'I SGO, ,SGRUB DANG SUN 'BYIN LAM MI MI 'DRA BA'I, ,RIGS LAM STONG GI 'OD ZER SPROS PA YIS, ,MTHAR 'DZIN SNYING GI MUN STUG 'JOMS MDZAD PA, ,KLU SGRUB SMRA BA'I NYI MA RGYAL GYUR CIG ,LUGS KYI MCHOG DE TSUL BZHIN RAB BZUNG NAS, ,THUB MCHOG BSTAN PA RING DU GSAL MDZAD PA, DPAL LDAN 'PHAGS PA LHA DANG DPA' BO SOGS, ,SHING RTA CHEN PO'I SROL 'DZIN RNAMS LA 'DUD, ,SKAR TSOGS DBUS NA MTSAN MO'I MGON PO BZHIN, ,'GROL CHAD KUN GYI KHROD NA LHAM MA BA, ,GRUB MCHOG SANGS RGYAS BSKYANG DANG ZLA BA'I LUGS, ,DRAN PA YAS KYANG DAD PA'I SPU LONG GA-YO, ,GANG GI ZHABS PAD BSTAN

002a

, ,PAS RAB RMANGS DGRA, RAB TU 'JOMS MDZAD RIGS LAM GSAL MDZAD PA, ,'DREN MCHOG BLA MA'I RMAD BYUNG MDZAD PA YIS, ,DA DUNG SRID MTHA'I BAR DU SKYONG GYUR CIG ,NGES DON DON GNYER BSHES GNYEN MANG PO DANG, , GRAGS LDAN YANGS PA'I SRID LA MNGA' MDZAD PA'I, ,GSUNG GIS BSKUL CHE ZAB MO'I LAM, ,RNAM PAR 'BYED LA BDAG BLO SPRO BA SKYES, ,NGES DON ZHES PA'I MING GIS TSIM PA DANG, ,CHE LONG DON TZAM MTHONG BAS CHOG SHAS RNYED, , SNYING NAS SGRUB PA LHUR LEN SKYES PA'I CHE, GZHUNG MCHOG 'DOR BA RNAMS LA MI DGOS KYANG, ,NGES DON GSUNG RAB SNYING PO SHER PHYIN DON, ,RNAL 'BYOR DBANG PHYUR BYE BAS BGROD PA'I LAM, ,MA RTOGS LOG RTOG THE TSOM MUN PA'I TSOGS, ,YANG DAG RIGS PA'I SKRON MES LEGS BSAL NAS, ,YIN LUGS PHU THAG CHED PA'I LTA BA YIS, ,KLU SGRUB DGONGS PA JI BZHIN SGOM 'DOD PA'I, ,BLO LDAN DE LA DBU MA'I RTZA BA NI, ,BDAG GIS LEGS PAR BSHAD KYIS GUS PAS NYIN, ,'DIR GANG BSHAD PAR BYA BA'I CHOS NI DBU MA'I RTZA BA YIN LA DE 'CHAD PA LA GNYIS, ,BSHAD PA'I SNGON DU 'GRO BA DANG, ,BSHAD PA DNGOS LA 'JUG PA'O, ,DANG PO LA LNGA, DE KHO NA NYID BTZAL DGOS SHING 'TSOL BA'I TSUL, BSTAN BCOS MDZAD PA PO'I CHA BA, DES MDZAD PA'I BSTAN BCOS KYI RNAM GZHAG, CHOS ZAB MO LA MOS PA'I PHAN YON, DE GANG LA BSHAD PA'I SNOD BSTAN PA'O, ,DANG PO NI, RGYA BA RNAMS KYIS SBYIN PA LA SOGS PA'I

002b

SPYOD PA GZHAN JI SNYED CIG GSUNGS PA THAMS CAD NI DE KHO NA NYID RTOGS PA'I SHES RAB MA SKYES PA SKYE BA DANG SKYES ZIN GNAS PA DANG GONG NAS GONG DU 'PHEL BA'I THABS YIN TE, SPYOD 'JUG LAS, YAN LAG 'DI DAG THAMS CAD NI, ,THUB PAS SHAS RAB DON DU GSUNGS, ,DE YI PHYIR NA SDUG BSNGAL DAG, ,ZHI BAR 'DOD PAS SHES RAB BSKYED, ,CES GSUNG PA LTAR RO, ,DE YI PHYIR GSUNG RAB THAMS CAD KYANG DNGOS DANG BRGYUD PAS DE KHO NA NYID LA 'BAB CING GZHOL BA SHA STAG YIN PAS LONG BA'I TSOd RNAMS LONG KHRID PA MKHAS PAS 'DOD PA'I YUL DU 'KHRID PA BZHIN DU, SBYIN PA LA SOGS PA THAR PA'I GRONG KHYER DU 'KHRID PAR BYED PA RTEN CING 'BREL BAR 'BYUNG BA'I DE KHO NA NYID MTHONG BA'I SHES RAB KYI MIG YONGS SU BTZAL BA NI BLO GROS DANG LDAN PA RNAMS KYI LAS SU BYA BA DAM PA'O, ,DE YANG DON DE NYID STON PAR LUNG BSTAN PAS LEGS PAR BKRAL BA DANG 'GREL TSUL YANG, GDUL BYA'I DBANG GIS DRANG NGES KYI SGO MI 'DRA BA DU MA ZHIG GSUNG PA LA GANG NI SGRA JI BZHIN PA YIN LA GANG NI MIN SNYAm DU THE TSOM ZA BA NA, 'DI LTAR STON PA'I GSUNG RAB KYI DON NI DE KHO NA LTAR GZUNG GI GZHAN DU DRANG BAR MI BYA'O ZHES SGRA JI BZHIN PA'I DON LA SGRUB BYED YOD LUGS DANG, DE LAS GZHAN DU 'DREN PA LA GNOD BYED YOD LUGS RNAMS RIGS PAS MTHA' DAG PAR GTAN LA PHAB PA CIG GI RJES SU GZHUGS NAS 'TSOL DGOS PA NI SHING RTA CHEN PO THAMS CAD KYI MAN NGAG BGROD PA GCIG PA'O, ,GNYIS PA NI, DE LTA YIN DANG 'PHAGS PA LANG KAR GSHEGS PA LAS, ,SO SOR RIG THEG PA NI, RTOG GI PA

003a

, ,YI SPYOD YUL MIN, ,MGON PO 'DAS PA'I 'OG TU NI, ,'DZIN PAR SU 'GYUR BSHAD DU GSOL, ,ZHES MNYAM GZHAG SO SO RANG GIS RIG PA'I YE SHES KYI YUL SGRA RTOG GI SPROS PA ZHI BA'I THEG PA, STON PA MYA NGAN LAS 'DAS NAS SU ZHIG GIS 'DZIN ZHUS PA'I LAN DU, ,BDE GSHEGS MYA NGAN 'DAS PA'I 'OG, ,TSUL RNAMS 'DZIN PAR 'GYUR BA DE, ,DUS DAG 'DAS NAS 'BYUNG BA NI, ,BLO GROS CHEN PO KHYOD SHES BYOS, ,LHO PHYOGS BE DA'I YUL DU NI, ,DGE SLONG DPAL LDAN CHER GRAGS PA, ,DE MING KLU ZHES BOD PA STE, ,YOD DANG MED PA'I PHYOGS 'JIG PA, ,NGA YI THEG PA 'JIG RTEN DU, ,BLA MED THEG CHEN RAB BSHAD NAS, ,RAB TU DGA' BA'I SA BSGRUBS TE, ,BDE BA CAN DU DE 'GRO'O, ,ZHES NGES PA'I DON GYI THEG PA YOD MED KYI MTHA' GNYIS DANG BRAL BA KLU SGRUB KYIS 'GREL PAR GSUNGS SO, ,'DI NI GSER 'OD DAM PA NAS BSHAD PA STON PA ZHAL BZHUGS DUS KYI LI TZA BYI GZHON NU 'JIG RTEN THAMS CAD KYIS MTHONG NA DGA' BA ZHES BYA BA DE NYID SKYE BA BZHES PA YIN TE SPRIN CHEN LAS GZHON NU 'DI MYA NGAN LAS 'DAS NAS LO BZHI BRGYA LON PA NA KLU ZHES BYA BA'I DGE SLONG DU GYUR NAS NGA YI BSTAN PA RGYAS PAR BYAS TE MTHAR RAB TU DANG BA'I 'OD CES BYA BA'I ZHING DU YE SHES 'BYUNG GNAS 'OD CES BYA BA'I RGYAL BAR 'GYUR RO ZHES GSUNGS SO, ,BYA BA'I RGYUD 'JAM DPAL GYI RTZA BA'I RTOG PA LAS KYANG 'BYUNG BA'I DUS DANG MTSAN DE DANG 'DRA LA LO DRUG BRGYA BZHUGS PAR BSHAD DO, ,RNGA BO CHE'I MDO LAS LI TZA BYI GZHON NU 'JIG RTEN THAMS CAD KYIS MTHONG NA DGA' BA 'DI STON PA 'DAS

003b

NAS LO BRGYAD CU PA LA BSTAN PA NYAMS PA'I TSE, STON PA'I MTSAN 'CHANG BA'I DGE SLONG DU GYUR NAS BSTAN PA RGYAS PAR BYAS TE LO BRGYA LON PA'I 'OG TU 'DAS NAS BDE BA CAN DU SKYE BAR GSUNGS SO, ,'DI YANG SLOB DPON 'DI YI LUNG BSTAN DU GNAS BRTAN BYANG BZANG DANG JO BO CHEN PO BZHED DE LI TZA BYI MTHONG NA DGA' BA KLU SGRUB DANG RGYUD GCIG TU BSHAD PA LA BRTEN PA'O, ,RNGA BO CHE LAS DE LTAR LUNG BSTAN PA DE LHO PHYOGS SU 'BYUNG BAS THA MA GCIG YIN PAR GSUNGS PAS LO BZHI BRGYA NA BYON PA NI LHO PHYOGS SU 'BYUNG BA'I TSUL GNYIS PA'O, ,LANG GSHEGS DANG 'JAM DPAL GYI RTZA BA'I RTOG PA LAS SA DANG PO BSGRUBS NA BDE BA CAN DU 'BYON PAR BSHAD CING, ,RNGA BO CHE LAS DGE SLONG DE SA BDUN PA BAR BSHAD DO, ,SPRIN CHEN DANG RNGA BO CHE LAS MA 'ONGS PA NA 'TSANG RGYA BAR GSUNGS PA NI 'DOD PA KHAMS SU SPRUL SKU'I 'TSANG RGYA TSUL YIN PAS, SGRON GSAL LAS RNAL 'BYOR BLA MED KYI LAM GYIS KLU SGRUB KYI SKU TSE DE NYID LA RDO RJE 'CHANG GI GO 'PHANG THOB PAR GSUNGS PA DANG MI 'GAL TE, STON PA SH'AKYA THUB PA TSE LO BRGYA PA'I DUS SU 'CHANG RGYA BAR GSUNGS PA DANG SNGON BSKAL PA DU MA'I SNGON NAS SANGS RGYAS PAR GSUNGS PA MI 'GAL BA BZHIN NO, ,MNGON PO 'DI 'DRA BA'I RLABS PO CHE'I GANG ZAG RNAL 'BYOR BLA MED KYI THEG PA PAS LO DRUG BRGYA BZHUGS KYANG 'TSANG RGYA MI NUS NA BLA MED KYI RGYUD NAS GDUL BYA RAB KYI TSE GCIG LA RDO RJE 'DZIN PA'I GO 'PHANG THOB PAR GSUNGS PA LTAR KHAS BLANGS KYANG TSIG TZAM DU ZAD DO, ,DES NA RIG PA DRUG CU PA'I 'GREL PA LAS, MGON PO 'DI MDZAD PA MTHAR MA PHYIN PAR BSHAD PA NI PHAR PHYIN

004a

, ,GYI THEG PA RKYANG PAS LAM BGROD PA'I DBANG DU BYAS PA'I, ,GSUM PA NI, DE LTA BU'I MGON PO 'DIS SBYOR BA BRGYA BA LA SOGS PA RIG PA'I GNAS THUN MONG BA'I BSTAN BCOS DANG NANG RIG PA LA YANG SNGAGS DANG PHA ROL TU PHYIN PA LA BRTEN PA MANG DU MDZAD DO, ,ZAB MO DBU MA'I LAM NGES PA'I DON LUNG GIS BSTAN PA NI MDO KUN LAS BTUS LAS SHER PHYIN 'BUM PA DANG BYANG SEMS KYI SDE SNOD SOGS PA'I MDO MANG PO DRANGS NAS BSHAD DO, ,RIGS PAS BSTAN PA NI RTZA BA SHES RAB STONG NYID BDUN CU PA RTZOD ZLOG RIGS PA DRUG CU PA ZHIB MO RNAM 'THAG RIN CHEN PHRENG BA STE DRUG TU RIGS PA MANG POS GTAN LA PHAB BO, ,BSTOD PA 'GA' ZHIG LAS KYANG STONG NYID BSTAN MOD KYANG RIGS PAS BSGRUBS PA MI MANG DO, ,GZHUNG DE DAG KYANG YOD MED KYI MTHA' SPANGS PA'I RTEN 'BYUNG GI DE KHO NA NYID GTZO BOR STON PA DANG YOD MED KYI MTHAR MI LTA BA'I LAM GYIS 'KHOR BA LAS GROL BA GTZO BOR STON PA GNYIS SU 'DU'O, ,DANG PO LA GNYIS LA DNGOS PA'I NGO BO NYID SMRA BA RNAMS KYIS GANG ZAG DANG CHOS LA SGRE BTAGS PA'I RANG BZHIN BSGRUB BYA 'GEG PA NI RTZA BA SHES RAB YIN LA, DE'I SGRUB BYED CHAD MA LA SOGS PA RTOG GE'I TSIG GI DON BCU DRUG 'GOG PA NI ZHIB MO RNAM 'THAG GO, ,DNGOS PO RNAMS KYI RANG BZHIN NI, ,RKYEN LA SOGS LA YOD MA YIN, ,ZHES GSUNGS PA LA, GAL TE DNGOS PO THAMS CAD KYI, ,RANG BZHIN KUN LA YOD MIN NA, ,KHYOD KYI TSIG KYANG RANG BZHIN MED, ,RANG BZHIN BZLOG PAR MI NUS SO, ,ZHES PA RGAL BA'I LAN DU BYUNG BA'I PHYIR RTZOD ZLOG NI RAB

004b

BYED DANG PO'I GZHUNG DE'I LHAG MA'O, ,'DIS TSIG RANG BZHIN GYIS STONG PA RTEN 'BYUNG GI DON DU BSHAD NAS RANG BZHIN MED KYANG DES BSGRUB BYA SGRUB PA DANG DGAG BYA 'GOG NUS PAR GSUNGS PAS RAB BZHIN MED PA'I PHYOGS LA TSAD MA DANG GZHAL BYA'I DGAG SGRUB KYI BYA BYED KYANG 'THAD PAR STEN ZHING, RANG BZHIN YOD PAR SMRA BA LA TSAD MA DANG GZHAL BYA MI 'THAD PA LA SOGS PA RNAMS STON NO, ,RTZA SHER RANG BZHIN MED PA LA BYA BYED THAMS CAD 'THAD PAR BSTAN MOD KYANG DMIGS KYIS PHYE NA DGAG SGRUB KYI BYA BYED 'THAD PAR BSTAN NA LUGS 'DI LA RANG PHYOGS SGRUB PA SOGS MI RUNG NGO SNYAM PA LDOG PA'I PHYIR RO, ,STONG NYID BDUN CU PA NI RAB BYED BDUN PA LAS, RMI LAM JI BZHIN SGYUR MA BZHIN, ,DRI ZA'I GRONG KHYER JI BZHIN DU, ,DE BZHIN SKYE DANG DE BZHIN GNAS, DE BZHIN DU NI 'JIGS PA GSUNGS, ,ZHES PA 'DI LA BRGAL BA'I LAN DU BYUNG BAS GZHUNG DE'I LHAG MA'O, ,DE YANG SKYE GNAS 'JIG PA'I RANG BZHIN BKAG PA NA LUNG LAS DE DAG GSUNGS PA MI 'THAD DO ZHES RGOL BA 'BYUNG LA, STONG NYID BDUN CU PA LAS, GNAS PA'AM SKYE 'JIG YOD MED DAM, ,DMAN PA'AM MNYAM PA'AM KHYAD PAR CAN, ,SANGS RGYAS 'JIG RTEN SNYAD DBANG GIS, ,GSUNGS KYI YANG DAG DBANG GIS MIN, ,ZHES SKYE 'JIG LA SOGS PA THAMS CAD SANGS RGYA KYIS 'JIG RTEN GYI THA SNYAD KYI DBANG GIS GSUNGS KYI YANG DAG PAR GRUB PA'I DBANG GIS GSUNGS PA MIN PAR BSHAD PAS DE LA BRGAL BA'I LAN NO, ,GZHUNG DER SKYE BA LA SOGS PA LA RANG BZHIN 'GOG PA MANG DU GSUNGS PA'I MTHAR, DNGOS PO THAMS CAD RANG BZHIN GYIS, ,

005a

, ,STONG PA YIN PAS DNGOS RNAMS KYI, ,RTEN 'BYUNG 'DI NI DE BZHIN GSHEGS, ,MTSUNGS PA MED PAS NYE BAR BSTAN, ,DAG PA'I DON NI DER ZAD DO, ,SANGS RGYAS BCOM LDAN 'DAS KYIS NI, 'JIG RTEN THA SNYAD BRTEN NAS SU, ,SNA TSOGS THAMS CAD YANG DAG BTAGS, ,ZHES DNGOS PO'I GNAS TSUL GYI DON DAM NI RTEN 'BYUNG RANG BZHIN GYIS STONG PA DE TZAM DU ZAD PAS, SKYE BA LA SOGS PA THAMS CAD THA SNYAD KYI DBANG GIS BTAGS NAS BZHAG PAR GSUNGS SO, ,RTZA SHE LAS, SANGS RGYAS RNAMS KYIS CHOS BSTAN PA, ,BDEN PA GNYIS LA YANG DAG BRTEN, ,ZHES GSUNGS PAS KYANG RANG BZHIN GYIS STONG PA DON DAM PA DANG SKYE BA LA SOGS PA LA THA SNYAD DU YIN PAR BSTAN MOD KYANG SNGA MA LTAR MA GSUNG NA THA SNYAD DU YOD PA'I DON MANG GI THA SNYAD KYI DBANG GIS YOD PAR BZHAG PA TZAM DU MI GO ZHING, RANG BZHIN GYIS MI STONG PA LA RIGS PA'I GNOD PA DU MA BSTAN NAS RANG BZHIN MED PAR BSGRUBS PA DE SNA TSOGS PA 'DI THAMS CAD MING GI THA SNYAD KYI DBANG GIS YOD PAR STON PA'I DON DANG TSUL DE LA BYA BYED THAMS CAD 'THAD PAR STON PA MI GO BAS DE RTOGS PA'I DON DUS TONG NYID BDUN CU PA MDZAD DO, ,'KHOR BA LAS GROL BA LA YOD MED KYI MTHAR LTA BA SPONG BA'I LAM DGOS PA NI GZHUNG GZHAN GNYIS KYIS STON TE RIGS PA DRUG CU PA LAS, YOD PAS RNAM PAR MI GROL TE, ,MED PAS SRID PA 'DI LAS MIN, ,ZHES YOD MED KYI MTHAR LHUNG BA LA GRUB BA MED PAR BSTAN NAS, ,DNGOS DANG DNGOS MED YONGS SHES PAS, ,BDAG NYID CHEN PO RNAM PAR GROL, ZHES DNGOS PO YOD MED

005b

KYI DE KHO NA NYID PHYIN CI MA LOG PAR SHES PAS 'PHAGS PA RNAMS SRID PA LAS GROL BAR GSUNG SO, ,DE GNYIS KYANG PHAN TSUN MA BRTEN PAR MED PAS RANG GI NGO BOS GRUB PA'I RANG BZHIN MED PA NI DE DAG GI DE KHO NA'O, ,DE LA DNGOS PO 'KHOR BA DANG DNGOS MED MYANG 'DAS YOD PAR GSUNGS PAS DE GNYIS LA RANG BZHIN MED PA MI 'THAD PAR BRTZAD PA'I LAN DU DE LTAR YOD PAR GSUNGS PA BYIS PA'I THA SNYAD PA'I SHES PAS YOD PAR BZUNG BA'I 'DZIN STANGS DANG MTHU PAR GSUNG KYI, 'PHAGS PA'I DE KHO NA NYID GZIGS PA'I GZIGS NGO DANG BSTUN NAS GSUNGS PA MIN NO, ,SRID PA 'KHOR BA RANG BZHIN GYIS SKYE BA MED PAR YONGS SU SHES PA'I YE SHES KYIS 'BRAS BU'I TSE 'GOG PA MNGON DU BYAS PA LA MYANG 'DAS THOB PA ZHES BZHAG GO ,DE LTA MIN PAR RANG GI MTSAN NYID KYIS SGRUB PA'I NYON MONGS ZAD PA DANG PHUNG PO PHYI MA MI SKYE BAS 'JOG NA 'GOG PA MYANG 'DAS DE MNGON DU BYED PA DANG NYON MONGS PA DANG PHUNG PO ZAD PA GANG YANG MI 'THAD CES 'GOG CING DE NYID THEG DMAN GYI MYANG 'DAS STON PA'I LUNG GI DON DU YANG 'CHAD LA, DE SGRUB PA'I YAN LAG TU GZHUNG LHAG MA RNAMS GSUNGS SO, ,MDOR NA DGRA BCOM PA THOB PA'I TSE MYANG 'DAS THOB PA DANG MNGON DU BYAS ZHAS PA'I DON DE LA DE KHO NA NYID DON DAM PA'I BDEN PA MNGON DU BYAS PA ZHIG MED NA MYANG 'DAS THOB PA GTAN MI RUNG BAR THEG DMAN GYI MDO NYID KYIS SGRUB PA GTZO BO'I DON NO, ,RIN CHEN PHRENG BA LAS MNGON MTHO'I SGRUB BYED YID CHES KYI DAD PA YIN LA DE SNGON DU SONG BA LAS NGES LEGS KYI

006a

, ,SGRUB BYED SHES RAB KYI SNOD DU 'GYUR RO, ,SHES RAB NI BDAG DANG BDAG GI BA GNYIS DON DAM PAR MED PAR SHES PA YIN LA DE LA BRTEN NAS PHUNG PO BDEN MED DU SHES PA NA DAR 'DZIN ZAD PAR 'GYUR BA DANG, PHUNG PO'I BDEN 'DZIN MA ZAD BAR DU 'KHOR BA MI LDOG CING ZAD PA NA LDOG PA DANG, MED LTAS NGAN SONG DANG YOD LTAS BDE 'GROR 'KHOR BAS DE GNYIS LAS THAR BA LA YOD MED KYI MTHA' GNYIS LA MI RTEN PA'I YANG DAG PA'I DON SHES DGOS PA DANG, DON DE NI GANG ZAG KHAMS DRUG 'DUS PA LA BTAGS PA'I PHYIR DE DAG DANG GCIG THA DAD GANG DU YANG MA GRUB PAS YANG DAG PAR MA GRUB LA, DE BZHIN DU KHAMS DANG PHUNG PO YANG BRTAG PAR BYA'O ZHES GSUNGS PA'O, ,'DI DANG SNGA MA GNYIS SU YANG GANG ZAG DANG CHOS LA RANG BZHIN BKAG PA'I RTEN 'BYUNG GI DE NYID BSTAN PA YANG MANG MOD KYI MTHA' GNYIS LA MI RTEN PA'I YANG DAG PA'I DON SHES PA ZHIG 'KHOR BA LAS GROL BA'I LAM, LA NGES PAR DGOS SO ZHES GTZO BOR DE SGRUB PA'I YAN LAG TU SNANG LA, RTZA SHE DANG STONG NYID BDUN CU PA LAS KYANG DE KHO NA NYID RTOGS PA'I LAM GYIS MA RIG PA LDOG CING DE NAS YAN LAG LHAG MA THAMS CAD LDOG PAR GSUNGS MOD KYANG YUL RTEN 'BYUNG GI DE KHO NA NYID GTAN LA 'BEBS PA GTZO BOR SNANG GI DE RTOGS PA'I YUL CAN THAR PA'I RGYUR SGRUB PA GTZO BOR MI SNANG STE SNGA MA 'GRUB DKA' BA LA DGONGS SO, ,DE DAG GI DON MDOR BSDU NA RTZA SHE DANG ZHIB MO RNAM 'THAG GIS PHAS RGOL GYI BSGRUB BYA DANG SGRUB BYED RGYAS PAR BKAG NAS RTEN 'BYUNG GI DE KHO NA NYID BSTAN

006b

PA NA, DE LTAR 'GOG PA DE'I LUGS LA YANG DGAG SGRUB KYI BYA BYED MI 'THAD PAS GZHAN PHYOGS 'GOG PA DANG RANG PHYOGS SGRUB PA MED PAR 'GYUR RO SNYAM PA LA RANG LA DE DAG LA SOGS PA'I BYA BYED THAMS CAD 'THAD PAR RTZOD ZLOG GIS BSTAN NO, ,DE LTAR DGAG SGRUB KYI BYED PAS GTAN LA PHAB PA'I DON RTEN 'BYUNG RANG GI NGO BOR MA GRUB PA DE NYID DON DAM PA YIN PAS SNA TSOGS PA 'DI THAMS CAD MING GI THA SNYAD KYI DBANG GIS YOD PAR BZHAG PA NI KUN RDZOB TU YOD PA'I DON DU STONG NYID BDUN CU PA LAS BSTAN PA NA MING DU BTAGS PA TZAM GYIS THA SNYAD PA'I DON LA BYA BYED KUN 'THAD PAR RTOGS SO, ,BDEN GNYIS KYI TSUL DE LTAR RTOGS PA NI SANGS RGYAS THOB PA LTA CI SMOS 'KHOR BA LAS GROL BA LA YANG MED DU MI RUNG NGO ZHE GZHUNG GZHAN GNYIS KYIS STON PAS, BDAG NYID CHEN PO 'DIS THEG PA CHE CHUNG GI SGOR 'JUG PA THAMS CAD LA LAM GYI SROG MTHONG BA'I MIG STER BAS SKU DRIN SHIN TU CHE'O, ,DE DAG GI NANG NAS MCHOG TU GYUR PA NI DBU MA RTZA BA YIN TE RIGS PA'I SGO MI 'DRA BA MTHA' YAS PA ZHIG BSTAN NAS ZAB MO'I DON LA NGES PA GTING TSUGS PAR BYED PA'I PHYIR RO, ,BZHI PA NI, DE 'DRA PA'I CHOS ZAB MO LA MOS PA LA SHIN TU BSNGAGS TE MDO KUN LAS BTUS PA LAS, CHOS ZAB MO LA MOS PAS BSOD NAMS THAMS CAD SDUD PA YIN TE, SANGS RGYAS SU MA GRUB KYI BAR DU 'JIG RTEN PA DANG 'JIG RTEN LAS 'DAS PA'I PHUN SUM TSUGS PA THAMS CAD 'GRUB PAR 'GYUR TE, KHYE'U RIN PO CHES BYIN PA'I MDO LAS 'BYUNG BA LA, 'JAM DPAL BYANG CHUB SEMS DPA' THABS LA MKHAS PA DANG BRAL BAS BSKAL

007a

, ,PA BRGYA STONG DU PHA ROL TU PHYIN PA DRUG LA SPYAD BA BAS, GANG GIS CHOS KYI RNAM GRANGS 'DI THE TSOM DANG BCAS PAS NYAN PA 'DI BSOD NAMS DE BAD CHES MANG DU SKYED NA GANG THE TSOM MED PAR NYAN PA LTA CI SMOS, GA GYI YE BRIS NAS LUNG 'BOGS PA DANG 'CHANG PA DANG GZHAN DAG LA YANG RGYA CHER RAB TU STON PA LTA CI SMOS ZHES GSUNGS SO, ,RDO RJE GCOD PA LAS KYANG, BCOM LDAN 'DAS KYIS BKA' STZAL TE, RAB 'BYOR 'DI JI SNYAM DU SEMS GANG+G'A'I KLUNG GI BYE MA SNYED GANG JI SNYED PA GANG+G'A'I KLUNG YANG DE SNYED DU GYUR NA, GANG DE DAG GI BYE MAR GYUR PA DE MANG BA YIN NAM, RAB 'BYOR GYIS GSOL BA, BCOM LDAN 'DAS GANG+G'A'I BYE MA SNYED DU GYUR PA DE DAG NYID KYANG BKANG BA LAGS NAS DE DAG GI BYE MAR GYUR PA LTAR SMOS KYANG CI 'TSAL, BCOM LDAN 'DAS KYIS BKA' STZAL PA, RAB 'BYOR KHYOD LA BSGO'O, ,KHONG DU CHUD PAR BYA'O, ,GANG+G'A'I KLUNG DE DAG GI BYE MA JI SNYED PA DE SNYED KYI 'JIG RTEN GYI KHAMS SKYES PA 'AM BUD MED LA LAS RIN PO CHE SNA BDUN GYIS RAB TU BKANG STE DE BZHIN GSHEGS PA LA SBYIN PA BYIN NA, SKYES PA'AM BUD MED DE GZHI DE LAS BSOD NAMS MANG DU SKYED DAM, RAB 'BYOR GYIS GSOL PA, BCOM LDAN 'DAS MANG LAGS SO, ,BDE BAR GSHEGS PA MANG LAGS SO, ,BCOM LDAN 'DAS KYIS BKA' STZAL BA, GANG ZHIG CHOS KYI RNAM GRANGS 'DI LAS THA NA TSIG BZHI'I TSIGS SU BCAD PA TZAM BZUNG STE, GZHAN DAG LA YANG BSTAN NA DE BAS BSOD NAMS CHES MANG DU SKYED DO ZHES GSUNGS SO, ,ZHES DANG, DE BZHIN GSHEGS PA'I MDZOD KYI MOD

007b

LAS MI DGE BCU CHEN PO RNAMS BGRANGS NAS DE DAG DANG LDAN PAS BDAG MED PA'I CHOS LA 'JUG CING CHOS THAMS CAD GDOD MA NAS DAG PAR DAD PA DANG MOS PA'I SEMS CAN DE NGAN SONG DU MI 'GRO'O ZHES GSUNGS PA DANG, BUD 'DUL BA'I LE'U PAS DGE SLONG GANG GIS CHOS THAMS CAD SHIN TU NGUL BAR SHES SHING NYES PA RNAMS KYI THOG MA'I MTHA' YANG RANG BZHIN GYIS DBEN PAR SHES TE NYES PA BYUNG BA'I 'GYOD PA SEL ZHING BRTAN POR MI BYED PAS MTSAMS MED PA YANG GNON NA CHOG DANG TSUL KHRIMS LA LOG PAR ZHUGS PA PHRAN TSOGS LTA CI SMOS, ZHES GSUNGS PA DANG, MA SKYES DGRA'I MDO LAS MTSAMS MED BYED PAS DAM PA'I CHOS 'DI THOS NAS 'JUG CING MOS NA DE'I LAS DE LAS KYI SGRIB PA YIN ZHES PA MI SMRA'O ZHES GSUNGS PA RNAMS SLOB DPON GYIS DRANGS PA LTAR RO, ,LNGA PA NI, ZAB MO STONG PA NYID KYI GTAM NYAN PA NA YANG KHA CIG MI MOS NAS SPONG BAS NGAN 'GROR 'GRO LA GZHAN DAG MOS KYANG RANG BZHIN GYIS STOD PA'I DON NI CI YANG MED PA'O ZHES PHYIN CI LOG TU BZANG NAS SKUR BA 'DEBS PAS STON PA POS MOS PA'I KHYAD PAR NGES PAR BYAS LA BSHAD PAR BYA'O, ,DE MCHAN MA GANG LAS SHES PA NI 'JUG PA LAS SO SO SKYE BO'I DUS NA'ANG STONG PA NYID THOS NAS, ,NANG DU RAB TU DGA' BA YANG DAG YANG DU 'BYUNG, ,RAB TU DGA' BA LAS BYUNG MCHI MAS MIG BRLAN ZHING, ,LUS KYI BA SPU LDANG BAR 'GYUR BA GANG YIN PA, ,DE LA RDZOGS PA'I SANGS RGYAS BLO YI SA BON YOD, ,DE NYID NYE BAR BSTAN PA'I SNOD NI DE YIN TE, ,DE LA DAM PA'I DON GYI BDEN [A BSTAN PAR BYA, ,DE LA DE YI RJES SU

008a

, ,'GRO BA'I YON TAN 'BYUNG, ZHES RTAGS GSUM BSHAD DO, ,DE LA SKYON SNGA MA GNYIS MED PAR MA ZAD NYAN PA PO'I YON TAN RNAMS KYANG 'BYUNG STE, 'DI LTAR DE NI STONG NYID KYI LTA BA NYAN PA LA GTER RNYED PA LTAR DGA' ZHING LTA BA DE TSE RABS GZHAN DU YANG MI NYAMS PA'I THABS LA RTOG STE, BDAG TSUL KHRIMS NYAMS PA'I RKYEN GYIS NGAN SONG DU LTUNG NA STONG NYID KYI LTA BA RGYUN 'CHAD DO SNYAM NAS TSUL KHRIMS KYI SDOM PA YANG DAG PAR LEN PA DANG BLANGS NAS KYANG YONGS SU DAG PAR BYED DO, ,TSUL KHRIMS KYIS BDE 'GROR SKYES KYANG DBUL POR GYUR NA ZAS DANG CHOS GOS LA SOGS PA 'TSOL BAS GA-YENGS NAS STONG NYID RGYUN LDAN DU NYAN PA MI 'ONG NGO SNYAM NAS SBYIN PA GTONG NGO, ,STONG NYID KYI LTA BA SNYING RJE CHEN POS ZIN PAS SANGS RGYAS 'THOB KYI DE DANG BRAL NA MI 'THOB BO SNYAM NAS SNYING RJE SGOM PA LA GOMS PAR BYED DO, ,KHRO BA BSKYED NA NGAN SONG DU LTUNG ZHING BDE 'GROR SKYES KYANG GZUGS SHIN TU MI SDUG PA'I RKYEN GYIS 'PHAGS PA RNAMS MNYES PAR BYED PAR MI 'GYUR RO SNYAM NAS BZOD PA'I GDAMS NGAG SGOM MO, ,TSUL KHRIMS LA SOGS PA THAMS CAD MKHYEN PAR YONGS SU BSNGOS PAS NI SANGS RGYAS NYID 'THOB PA DANG 'BRAS BU DPAG TU MED PA CHAD PA MED PAR 'BYUNG BAR MTHONG NAS 'GRO BA'I DON DU BYANG CHUB TU DGE BA BSNGO BA RLABS CHE BA RNAMS BYED DO, ,RTEN 'BYUNG JI LTA BA BZHIN STON PA LA BYANG SEMS RNAMS GTZO BOR MTHONG NAS DE DAG LA GUS PAR BYED DE 'JUG PA LAS, RTAG TU TSUL KHRIMS YANG DAG BLANGS NAS GNAS

008b

PAR 'GYUR, ,SBYIN PA GTONG BAR 'GYUR ZHING SNYING RJE STEN PAR BYED, ,BZOD PA SGOM BYED DE YI DGE BA BYANG CHUB TU, ,'GRO BA DGROL BAR BYA PHYIR YONGS SU BSNGO BAR BYED, ,RDZOGS PA'I BYANG CHUB SEMS DPA' RNAMS LA'ANG GUS PAR BYED, ,CES GSUNGS SO, ,STONG NYID KYI GO BA GNAD DU SANG NA GO LUGS DE LTAR DU 'ONG LA RIGS PAS RGYU 'BRAS THAMS CAD BKAG PAR GO NA 'KHRUL PA MA ZAD BAR DU DE'I NGOR MI SLU BA SKAD DU SMRAS KYANG SMRAS KYANG RTEN 'BREL GYI NGES PA BRTAN PO 'ONGS MED PAS NYAN PA PO'I YON TAN MED PAR MA ZAD SKYON RNAMS 'BYUNG BA YIN NO, ,DES NA RGYU 'BRAS RTEN 'BREL GYI NGES PA LA MA GNOD PA'I NGANG NAS ZAB MO'I GZHUNG NYAN CING 'DZIN PA DANG DON SEMS PA DANG SGOM PA DANG TSE RABS KUN TU MOS PA'I SON LAM GDAB PAR BYA'O, ,GNYIS PA LA GSUM, MTSAN GYI DON, GZHUNG GI DON, MJUG GI DON NO, ,DANG PO NI, RGYA GAR GYI SKAD DU PRADZNY'A NI BOD KYI SKAD DU SHES RAB BO, ,MA DHYA MA KA NI DBU MA'O, ,M'U LA NI RTZA BA'O, ,K'A RI KA NI TSIG LE'UR B YAS PA'O, ,N'A MA NI ZHES BYA BA'O, ,DE LA SHES RAB NI SHES RAB KYI PHA ROL TU PHYIN PA'I TSUL TE MING GI PHYOGS GCIG SMOS PA'O, ,SHES RAB SGRON ME'I 'GREL BSHAD LAS, SHER PHYIN GYIS TSUL SGRUB PAR BYED PAS SHES RAB SGRON MAR BSHAD PA BZHIN NO, ,'DI NI BRJOD BYA'I SGO NAS BTAGS PA'O, ,DBU MA NI 'JIG RTEN NA MTHA' DOR BA'I DKYIL LA DBUS ZHES PA DANG 'DRA BAR YOD MED LA SOGS PA'I MTHA' GNYIS SPANGS PAS DBUS NYID DBU MA'O ZHES RANG GI DON DE LA PHAN PA BRJOD PA'O, ,DBU MA'I LAM DE STON ZHING SGROGS PAS KA ZHES BYA STE SKAD KYI BYINGS LA

009a

, ,DBU MA'I BSTAN BCOS SAM DBU MA ZHES PA'I MING GANG LA YOD PA NI DBU MA'O, ,YANG Na KA ZHES PA'I MING GIS BRJOD PAS DBU MA ZHES BYA STE DBU MA'I SGRUB PA'I MTHA'O ZHES LEGS LDAN GYIS BSHAD DO, ,MA DHYA MA KA'I SKAD KYI BYINGS LA BRTZAGS NAS DBU MA'I BSTAN BCOS SAM DBU MA'I GRUB MTHA' LA DBU MA ZHES BTAGS PA'O, ,GAL TE MTHA' GNYIS SPANGS PA'I DBUS LA DBU MAR 'CHAD NA TING 'DZIN RGYAL PO LAS, YOD DANG MED CES BYA BA GNYIS KA MTHA', ,GTZANG DANG MI GTZANG 'DI YANG MTHA' YIN TE, ,DE PHYIR GNYI GA'I MTHA' NI RNAM SPANGS NAS, ,MKHAS PAS DBUS LA'ANG GNAS PAR YOD MI BYED, CES GSUNGS PA JI LTAR DRANG ZHE NA, DES NI DNGOS POR SMRA BA RNAMS LTAR MTHA' NYI TSE BA BKAG NAS DE DANG BRAL BA'I DBUS BDEN PAR BZUNG NAS MI GNAS ZHES STON PAS YOD MED LA SOGS PA'I MTHA' THAMS CAD SPANGS PA'I DBUS MED PAR STON PA MIN PO, ,RNAM BSHAD RIGS PA LAS, MTHA' NI ZAD DANG 'JUG CHA DANG, NYE DANG PHYOGS DANG SMAD PA LA'O, ,ZHES GSUNGS PA LTAR MTHA'I SGRA DON MANG PO LA 'JUG KYANG MTHA' BRAL GYI MTHA' NI DBU MA SNANG BA LAS, GAL TE DBU MA LA SEMS KYI RANG GI NGO BO'I BDAG NYID KYI DNGOS PO DON DAM PA BA CI YANG RUNG BA ZHIG YOD PAR GYUR NA NI, DE'I TSE DE LA DE YOD PAS RTAG GO ZHE'AM MI RTAG GO ZHES BYA BAR MNGON PAR ZHEN PA YANG JI LTAR MTHAR 'GYUR TE, DNGOS PO'I DE KHO NA NYID JI LTA BA BZHIN GYI RJES SU SONG ZHING TSUL BZHIN YID LA BYED PA NYI NI LTUNG BA'I GNAS SO ZHES BYA BAR RIGS PA MA YIN NO, ,ZHES GSUNGS PA BZHIN NO, ,DE

009b

YANG JI LTAR BZUNG BA DE LTAR YOD PA'I YUL DE NI 'DIR MTHA' MIN LA BLO YANG TSUL BZHIN YID BYED YIN PAS MTHAR 'DZIN MIN NO, ,DES NA 'DI YI MTHA' NI LTUNG BA'I GNAS YIN TE 'JIG RTEN NA BRAG GA-YANG LA MTHA' DANG DE LA LHUNG BA LA MTHA' LA LTUNG ZHES SMRA BA BZHIN NA, ,DE LA YANG DAG PAR YOD PA THA SNYAD DU YANG MI SRID PAS YANG DAG PAR MED PA THA SNYAD DU YOD PA'I PHYIR DON DAM PAR MED CES MED PA'I MTHAR 'DZIN DANG DE LTAR MA YIN ZHES 'GOG PA MED MTHA' 'GOG PA MIN KYANG, ,DGAG BYA BKAG PA'I MED PA YANG DAG PAR YOD DO ZHES 'DZIN NA DNGOS PO MED PA'I MTHAR LTUNG BAS DE 'GOG PA YANG MED MTHA' 'GOG PA YIN NO, ,LAS 'BRAS LA SOGS PA'I CHOS RNAMS THA SNYAD DU YOD PA LA CHAD MA SUS KYANG GNOD MI SRID PAS DE DAG YOD PA MIN PA'AM MED PAR 'DZIN PA'I YUL YUL CAN NI MED MTHA' DANG DE'I MTHAR 'DZIN YIN GYI SANGS RGYAS LA SKYON MED CES PA LTA BU RNAMS MED MTHA' DANG DE'I MTHAR 'DZIN MIN NO, ,'DI NI SKUR 'DEBS KYI MED MTHA' YIN LA SNGA MA NI SGRO 'DOGS KYI MED MTHA'O, ,DE'I PHYIR SNGAR BSHAD PA'I BKAG PA LAS MA GTOGS PA'I CHOS RNAMS DON DAM PAR RAM RANG GI MTSAN NYID KYIS YOD PAR 'DZIN PA'I YUL YUL CAN NI YOD MTHA' DANG DE'I MTHAR 'DZIN YIN GYI SANGS RGYAS LA MKHYEN PA RTZE YOD CES PA LTA BU RNAMS YOD MTHA' DANG DE'I MTHAR 'DZIN MIN NI, ,GZHUNG GI SKABS 'GA' ZHIG TU DON DAM PAR YOD PA THAMS CAD YOD MTHAR BSHAD PA YANG YOD DE, ,DES NA GANG DU BZUNG BAS 'DZIN PA PO PHUNG BAR 'GYUR BA LA MTHAR LTUNG ZHES BTAGS PA'I YOD MED KYI

010a

, ,MTHAR LTUNG LUGS NI DE LTAR DU SHES PAR BYA'I YOD MED CES PA'I TSIG TZAM LA DE'I MTHAR BYAS NAS DE SPONG NA, YOD PA MIN MED PA MIN ZHES PA'I ZER LUGS LA RE ZHING GZUGS MED SGRA MED CES PA LA SOGS PA'I 'BYUNG 'CHOS PA LA NAN TAN BSKYED KYANG NGAL BA TZAM ZHIG TU ZAD DO, ,RTZA BA NI DBU MA'I BSTAN BCOS KUN GYI GZHI 'DZIN PA'I LUS LTA BU YIN GYI PHYOGS RE BA MIN PA'O, ,TSIG LE'UR BYAS PA NI TSIGS BCAD DU BSGRIGS PA LA BYED KYI YONGS SU GRAGS PA'I LE'U NI MIN NO, ,'DI LA TSOGS BCAD NI BZHI BRGYA ZHE DGU YOD LA RAB BYED NI NYER BDUN NO, ,GNYIS PA LA GSUM, STON PA LA, BRTEN 'BYUNG MTHA' BRAL DU GSUNG BA'I SGO NAS BSTONG PA, RTEN 'BYUNG MTHA' BRGYAD DANG BRAL BAR 'GREL BA'I TSUL, DE LTA STON PA'I BKA' DRIN RJES SU DRAN PA'I PHYAG GO, DANG PO LA GNYIS, SPYI'I DON DANG, YAN LAG GI DON NO, ,DANG PO LA GSUM, NGAG 'DI'I DON LA BSTAN BTZAS KYI BRJOD BYA SOGS YOD TSUL, KHYAD GZHI LA KHYAD CHOS BRGYAD LDAN PA'I TSUL, DE LA GZHAN GYI RTZOD PA SPANGS BA'O, ,DANG PO NI, SLOB DPON GYIS 'CHAD PAR 'GYUR BA'I BSTAN BCOS MTHA' DAG GI BRJOD BYA PHYIN CI MA LOG PAR STON PA'I SGO NAS CHE BA BRJOD NAS, BRJOD BYA RTEN 'BYUNG GI NGO BO DANG THA MI DANG DU BZHUGS PA'I STON PA LA BSTAN BCOS RTZOM PA'I RGYU CAN GYI PHYAG MDZAD PAR BZHED PAR, GANG GIS ZHES SOGS GSUNGS SO, ,DE LA BRTEN 'BYUNG 'GAG PA MED PA LA SOGS PA KHYAD PAR BRGYAD KYIS KHYAD PAR DU BYAS PA NI RTZA BA SHES RAB KYI BRJOD BYA'O, ,SPROS PA THAMS CAD NYE BAR ZHI

010b

ZHING ZHI BA'I MCHAN NYID CAN GYI MYA NGAN LAS 'DAS PA NI DE'I NYING DGOS SO, ,TSIG GSAL LAS MCHOD BRJOD KYI GZHUNG GIS BSTAN BCOS KYI BRJOD BYA DANG NYID DGOS BSTAN ZHES GSUNGS PA NI NGAG 'DIS RTEN 'BYUNG KHYAD PAR BRGYAD LDANG DANG SPROS PA ZHI BA'I MYANG 'DAS BSTAN PA LA BZHED KYANG RTZA SHE'I BRJOD BYA DANG NYID DGOS YIN PAR NGAG 'DIS BSTAN PAR MI BZHED DE GANG GIS ZHES PA NAS ZHI BSTAN PA ZHES GSUNGS PA NI STON PAS DE LTAR BSTAN PA'I DON YIN PA'I PHYIR RO, ,DGOS PA NI GDUL BYA GZHAN GYIS DRANG NGES KYI DON MA RTOGS PA DANG LOG PAR RTOG PA'I THE TSOM DANG LOG SHES BSAL NAS JI BZHIN DU KHONG DU CHUD PA STE DE'I DON DU BRJOD BYA DE STON PA'I PHYIR RO, ,DGOS PA BSTAN BCOS LA RAG LAS SHING NYID DGOS DGOS PA LA RAG LAS PA NI 'BREL PA STE DNGOS SU MA SMOS KYANG SHUGS LA GNAS SO, ,SPROS PA NYER ZHI ZHI BA'I 'GREL PA LAS RTEN 'BYUNG GI DE KHO NA NYID GZIGS PA NA SEMS SEMS BYUNG 'JUG PA MED PAR GSUNGS PA'I 'JUG PA NI 'JUG 'GREL LAS SEMS DANG SEMS LAS BYUNG BA'I RGYU BA LOG PAR GSUNGS PA'I RGYU BA YIN LA DE YANG TSIG GSAL LAS, RNAM PAR RTOG PA CI SEMS KYI RGYU BA YIN NA DE DANG BRAL BA'I PHYIR DE KHO NA NYID DE NI RNAM PAR RTOG PA MED PA YIN NO, ,JI SKAD DU MDO LAS DON DAM PA'I BDEN PA GANG ZHE NA GANG LA SEMS KYI RGYU BA YANG MED NA YI GE RNAMS LTA SMOS KYANG CI DGOS ZHES GSUNGS SO ZHES DRANGS PA LTAR NAM RTOG GI RGYUD BA LOG PA'I DON YIN GYI YE SHES MED PAR STO

011a

, ,PA MIN NO, ,SHES PA DANG SHES BYA'I THA SNYAD LOG PAR GSUNGS PA NI MNYAM GZHAG DE'I NGO NA DE GNYIS LOG PA YIN GYI MNYAM GZHAG DANG DON DAM GNYIS YUL DANG YUL CAN YIN PA 'GOG PA MIN TE, YUL YUL CAN DU RIGS SHES KYI NGOR MI 'JOG GI THA SNYAD PA'I SHES NGOR 'JOG PA'I PHYIR RO, ,'DI GNYIS PHYED NA 'DI 'DRA'I DOGS PA MANG PO LDOG GO, NYAN RANG LA BDAG MED GNYIS KA RTOGS PA YOD PAR BZHED PA'I LUGS LA TSIG GSAL LAS BSHAD PA'I DGOS SOd BZHI THEG PA CHE CHUNG GNYIS KA LA YOD PAR 'GYUR BAS 'DI'I GDUL BYA THEG PA THUN MONG BAR 'GYUR RAM ZHE NA, 'JUG 'GREL LAS NYAN THOS KYI THEG PA LAS CHOS KYI BDAG MED MDOR MTSON PA TZAM YIN LA, THEG PA CHEN POR RGYAS PAR BSTAN PAS THEG CHEN BSTAN PA DON MED DU MI 'GYUR BA'I SHES BYED DU, MTSAN MA MED PA MA RTOGS PAR, ,KHYOD KYIS THAR PA MED PAR GSUNGS, ,DE PHYIR DE NI THEG CHEN LAS, ,KHYOD KYIS TSANG BAR BSTAN PA LAGS, ,ZHES 'JIG RTEN LAS 'DAS PAR BSTOD PA LAS GSUNGS PA DRANGS SO, ,DE LTAR BYAS NA GZHUNG 'DIR LTA BA LAS MA GTOGS PA'I THEG CHEN GYI KHYAD CHOS MA BSTAN YANG CHOS KYI BDAG MED SHIN TU RGYAS PAR STON PAS CHED DU BYA BA'I GDUL BYA LA KHYAD PAR YOD DO, ,TSIG GSAL LAS KYANG SKYE 'CHI LA SOGS PA'I NYER 'TSE MA LUS PA DANG BRAL PA ZHI BA'I DON DU BSHAD DO, ,GNYIS PA NI, SKABS 'DIR KHYAD GZHIR BSTAN PA'I RTEN 'BREL NI 'GREL BAR 'DUS BYAS KYI RTEN 'BREL LA BSHAD DO, ,DE LA PHRAD LTOS

011b

RTEN GSUM RNAM GRANGS PAR GSUNGS PAS RTEN PA'I SGRA DON NI SHES BYA THAMS CAD LA YOD LA 'BYUNG BA LA GNYIS YOD PA'I SKYE BA NI 'DUS BYAS MIN PA LA MED KYANG DE LA BRTEN NAS 'GRUB PA YANG 'BYUNG BA'I DON DU GSUNGS PA YOD DE, BYED PO LAS LA BRTEN BYAS SHING, ,LAS KYANG BYED PA DE NYID LA, ,BRTEN NAS 'BYUNG BA MA GTOGS PA, ,'GRUB PA'I RGYU NI MA MTHONG NGO ,ZHES LAS LA BRTEN NAS BYED PA PO 'BYUNG BAR GSUNGS KYANG LAS BYED PA PO'I SKYED BYED MIN PA DANG, RIGS PA DE CHOS GZHAN LA YANG SBYAR BAR GSUNGS PA'I SKABS SU TSAD MA DANG GZHAL BYA DANG BSGRUB BYA DANG SGRUB BYED PHAN TSUN LA BRTEN NAS 'BYUNG BAR GSUNGS KYANG PHAN TSUN SKYED BYED DU MI RUNG NGO, ,RIN CHEN 'PHRENG BA LAS KYANG, 'DI YOD NA NI 'DI 'BYUNG STE, ,THUNG DU YOD NA RING PO BZHIN, ,ZHES GSUNGS KYANG THUNG NGO RING PO'I SKYED BYED MIN PA BZHIN NO, ,DE YANG RANG RANG GI RGYU RKYEN LA BRTEN NAS 'BYUNG NA BRAL 'BRAS MA GTOGS PA RNAMS DNGOS PO LA BYA DGOS PA DE MIN PA'I RTEN 'BYUNG RNAMS NI CHOS GZHAN LA BRTEN NAS 'BYUNG BA YIN YANG LTOS SA DE DE'I RGYU RKYEN MIN NO, ,DE LTAR BYAS NA, GANG PHYIR RTEN 'BYUNG MA YIN PA'I, ,CHOS 'GA' YOD PA MA YIN PA, DE PHYIR STONG PA MA YIN PA'I, ,CHOS 'GA' YOD PA MA YIN NO, ,ZHES GSUNGS PA YANG LEGS PAR DRANGS PAR 'GYUR RO, ,'GAG SOGS BRGYAD NI THA SNYAD DU YOD PAS KHYAD PAR MA SBYAR BAR DGAG MI NUS SO, ,KHYAD PAR NI TSIG GSAL LAS SKABS 'DIR 'PHAd

012a

, ,PA'I YE SHES LA LTOS NAS 'GAG PA SOGS MED PA ZHES GSUNGS LA SKABS 'OG MAR MA RIG PA'I RAB RIB DANG BRAL PA'I YE SHES ZAG PA MED PA'I YUL GYI RANG BZHIN LA LTOS NAS NI MA YIN NO ZHES GNYIS SNANG GI 'KHRUL PA'I ZAG PA MED PA'I YE SHES LA GSUNGS PAS RTEN 'BYUNG GANG LA 'GAG SOGS GANG YOD PA'I RTEN 'BYUNG DE KHYAD PAR GYI GZHIR BZUNG NAS MNYAM BZHAG ZAG MED YE SHES KYI YUL GYI RANG BZHIN LA LTOS NAS 'GAG SOGS BRGYAD MED PA DE'I KHYAD PAR GYI CHOS SU SBYAR RO, ,GSUM PA LA GNYIS, 'GAG SOGS RANG BZHIN DU MA GRUB PA LA RTZOD PA SPANG BA DANG, 'GAG SOGS KYI GRANGS DANG GO RIM LA RTZOD PA SPANG BA'O, ,DANG PO NI, GAL TE KHYAD PAR DE LTAR SBYOR NA MNYAM GZHAG ZAG MED KYI YUL GYI RANG BZHIN LA LTOS NAS YOD PA DE DON DAM PAR YOD PAR 'GYUR LA DE LTA NA DE'I NGOR DON DAM PA'I BDEN PA YOD PA 'GAL ZHING, GZHAN YANG DE'I NGOR CHOS NYID 'JIG PA MED PA YOD PAS RTAG PA YOD LA GCIG DANG THA DAD DANG NYON MONGS RGYUN CHAD PA'I CHAD PA YANG YOD PAS DE DAG DE'I NGOR MED PA RTEN 'BYUNG LA LDAN PA MI 'THAD DO ZHE NA, 'DI NI MNYAM GZHAG GI YUL GYI RANG BZHIN LA LTOS NAS MED PAR GSUNGS PA'I DON MA GTOGS PA YIN PAS BSHAD PAR BYA'O, ,DE YANG TSIG GSAL LAS, DE LA RTEN CING 'BREL PAR 'BYUNG BA'I SKYE BA LA SOGS PA DAG BSTAN PA GANG GI YIN PA DE DAG NI MA RIG PA'I RAB RIB DANG BRAL BA DAG GI YE SHES ZAG PA MED PA'I YUL GYI RANG BZHIN

012b

LA LTOS NAS NI MA YIN NO, ,'O NA CI ZHE NA, MA RIG PA'I RAB RIB KYIS BLO GROS KYI MIG NYAMS PAR BYAS PA DAG GI SHES PA'I YUL LA LTOS NAS YIN NO, ,DE KHO NA'I GZIGS PA LA LTOS NAS NI BCOM LDAN 'DAS KYIS DGE SLONG DAG 'DI NI BDEN PA DAM PA STE 'DI LTA STE SLU BA MED PA'I CHOS CAN MYA NGAN LAS 'DAS PA'O ZHES GSUNGS PAS MNYAM GZHAG ZAG MED KYI YE SHES MI SRID NA NI DE'I GZIGS PA LA LTOS NAS GSUNGS MA GSUNGS KYI RNAMS DBYE DE LTA BU BYAR MED LA, DE YOD NA NI DES DE KHO NA NYID MIN PA'I YUL GZHAN YANG MI 'JAL LA YUL MED PA'I ZAG MED KYI SHES PA YANG MI SRID PAS DE KHO NA NYID RTOGS DGOS SO, ,DE'I TSE DE'I NGO NA YOD PA TZAM DANG DE YI YUL GYI RANG BZHIN DU GRUB PAS DON DAM PAR YOD DO ZHES 'JOG PA JI LTAR RIGS, 'O NA RTEN 'BYUNG LA 'GAG SOGS DE KHO NAR GRUB PA 'GOG PA'I SKABS 'DIR ZAG MED KYI YUL GYI RANG BZHIN LA LTOS PA'I 'GAG SOGS MED CES STON PA CI YIN ZHE NA, KHYAD GZHI RTEN 'BYUNG KYANG LA 'GAG SOGS GANG YOD PA'I KHYAD GZHI DE 'GAG SOGS DE DANG DER YOD PA KHYAD GZHI DE'I RANG BZHIN NAM GSHIS YIN MIN DPYAD NAS YIN PA 'GOG PA DE RTEN 'BYUNG LA 'GAG SOGS DE KHO NAR GRUB PA 'GAG PA'I DON NO RTEN 'BYUNG GI 'GAG SOGS GSHIS KYI 'GAG SOGS SU SONG NA ZAG MED KYI YE SHES KYI YUL GYI RANG BZHIN DU GRUB PA'I 'GAG SOGS SU 'GRO ZHING, ZAG MED KYI SHES PA'I YUL GYI RANG BZHIN ZHES PA YANG RTEN 'BYUNG GI YIN

013a

, ,LUGS LA ZER BAS 'GAG SOGS RANG RANG GI KHYAD GZHI'I RTEN 'BYUNG GI YIN LUGS SUM GRUB CES PA'I DON TO, ,DE LTAR RTEN 'BYUNG 'GAG SOGS KYI NGO BOR GSHIS LA MA GRUB PA DE NYID RTEN 'BYUNG GI GSHIS LUGS YIN PAS MNYAM GZHAG ZAG MED KYI YUL DU GYUR PA'I RANG BZHIN YANG YIN NO, ,'DI LA YANG RTEN 'BYUNG GI GSHIS LUGS YIN PA DE DE NYID KYI SHIS YIN MIN DPYAD PA NA GSHIS YIN PA RIGS SHES KYIS DGAG NUS PAS GSHIS LUGS LA GRUB PA MIN NO, ,MYU GU'I SKYE BA DON DAM PAR MA GRUB PA DE MYU GU'I CHOS NYID YIN KYANG SKYE BA DON DAM DU MA GRUB PA DE NYID KYI CHOS NYID MIN TE RANG NYID RANG GI CHOS NYID YIN PA 'GAL BA'I PHYIR RO, ,DES NA MYU GU'I SKYE BA DON DAM PAR MED PA DE MYU GU'I DON DAM DANG MYU GU'I YIN LUGS SU GRUB ZIN PAS DE 'DRA BA DE DON DAM PAR GSHIS LUGS LA GRUB MA GRUB DPYOD PA NI MYU GU'I DON DAM DANG GSHIS LUGS SU YOD MED DPYOD PA GA LA YIN, ,'ON KYANG DE 'DRA BA MYU GU'I YIN LUGS YIN PA DE SKYE MED DE YI GSHIS YIN NAM THA SNYAD KYI DBANG GIS BZHAG PA TZAM YIN ZHES DPYOD PA YIN LA DE LTAR DPYAD PA'I TSE YANG DE NYID KYI GSHIS SU YOD MED RIGS SHES KYIS RNYED MI RNYED NI MYU GU DANG RNAM PA THAMS CAD DU MTSUNGS SO, ,STONG PA NYID STONG PA NYID DANG RANG BZHIN STONG PA NYID DANG DON DAM PA STONG PA NYID KYI SKABS SU DE KHO NA NYID STONG GZHI'I CHOS CAN DU BZUNG NAS DON DAM PAR NGO

013b

BOS STONG PAR STON DGOS PA YANG CHOS NYID YOD PA DANG DON DAM PAR MED PA GNYIS 'GAL BAR 'DZIN PA 'DI 'GOG PA'I CHED DO, ,DE'I PHYIR DON DAM DANG CHOS NYID DANG DE KHO NA NYID DANG GSHIS LUGS RNAMS MED PAR MI 'THAD LA, YOD NA'ANG DE DAG TU MA GRUB NA GZHAN GANG DU GRUB CES SMRA BA NI DON DAM PAR GRUB MA GRUB DPYOD PA'I DPYOD LUGS KYI RNAM PA MA CHAGS PA'I GTAM MO, ,DE LTAR MI SHES PA KHA CIG DON DAM SHES BYA MIN PAR 'DOD LA GZHAN DAG DE BDEN PAR GRUB PO ZHES SMRA BA NGAN PA MANG DU 'BYUNG NGO, ,GAL TE RTEN 'BYUNG LA 'GAG PA SOGS YOD PA DE YIN LUGS LA MA GRUB NA, MA RIG PA'I RKYEN GYIS 'DU BYED SKYE BA DANG MA RIG PA 'GAGS PAS 'DU BYED 'GAG PA DANG, KYE MA 'DU BYED RNAMS MI RTAG, SKYE ZHING 'JIG PA'I CHOS CAN YIN, SKYES NAS 'JIG PAR 'GYUR BA STE, ,DE DAG NYE BAR ZHI BA BDE, ,ZHES PHUNG PO NYE BAR ZHI BA'I CHAD PA DANG, DE BZHIN GSHEGS PA RNAMS BYUNG RUNG MA BYUNG RUNG CHOS RNAMS KYI CHOS NYID 'DI NI GNAS PA KHO NA STE, ZHES RTAG PA DANG, SEMS CAN GNAS PAR BYED PA'I CHOS NI GCIG STE ZAS BZHI'I ZHES DON GCIG DANG 'JIG RTEN SKYONG BA'I CHOS NI GNYIS TE NGO TSA SHES PA DANG KHREL YOD PA'O ZHES DON THA DAD PA DANG, 'JIG RTEN PHA ROL NAS 'DIR 'ONGS SO, ,'DI NAS PHA ROL TU 'GRO'O ZHES SKYE BA LA SOGS PA BRGYAD YOD PAR GSUNGS PA MI 'THAD DO ZHE NA, 'DI LA TSIG GSAL LAS SNGAR DRANGS PA BZHIN DU SHES NGO GNYIS LA LTOS NAS GSUNGS PA'I LAN MDZAD DO, ,'DI

014a

, ,'DRA'I RTZOD PA 'ONG BA NI SKYE 'GAG SOGS YIN LUGS LA GRUB PA 'GOG PA'I LUGS KYIS SKYE BA SOGS KUN RDZOB TU 'JOG PAS 'KHOR BA LDOG 'JUG LA SOGS PA YANG KUN RDZOB TU YOD PAS MDO DANG MI 'GAL ZHES SMRA MOD KYANG; KUN RDZOB PA'I DON DE DAG LA TSAD MAS GRUB PA'I 'JOGS GCIG MED NA NI THAG PA LA SBRUL DU BZUNG BA'I SBRUL LA RGYU 'BRAS SOGS GANG YANG GZHAG TU MI RUNG BA BZHIN DU 'GYUR BAS DE DAG KUN RDZOB TU 'JOG CES PA YANG MI 'GRUB PAS SKYON SPONG MI NUS LA, TSAD MAS GRUB PAS RNAM GZHAG SKYON MED CIG YOD NA NI DON DAM PAR GRUB PA'I DON 'DOD CING THA SNYAD KHAS MI LEN PA TZAM MO SNYAM NAS RTZOD PA YIN NO, ,DE'I LAN NI RAB BYED NYER BZHI PA LAS 'CHAD PAR 'GYUR BA LTAR RNAM GZHAG DE DAG THAMS CAD LUGS 'DI LA RUNG BA DANG GZHAN LA MI RUNG LUGS RIGS PA'I LAM NAS 'DON SHES PA ZHIG DGOS SO, ,DE LTA MIN PAR KUN RDZOB TU YOD PA'I DON LA 'CHING GROL SOGS KHAS LEN NAS MED PAR 'KHRUL NGO 'BA' ZHIG LA SKYEL DGOS PA BYUNG NA LTA BA'I GOL SA CHEN PO'O, ,DE'I PHYIR KUN RDZOB PA'I CHOS RNAMS DE 'DRA BA ZHIG TU 'DOD PA LA BLO MTHUN BYAS NAS DE DAG LAS GZHAN PA'I CHOS BDEN PAR YOD MED LA RTZOD PA NI DBU MA PA DANG DNGOS PO'I NGO BO NYID SMRA BA GANG GI YANG LUGS MIN LA, KHYAD PAR DU KUN RDZOB DE LTAR DU 'DOD PHYIN CHAD DE LA TSAD MAS GRUB PA'I DON 'JOGS MED PAS KHAS LEN PA PO DANG KHAS LEN GYI DAM BCA' DANG SGRUB BYED KYI LUNG RIGS THAMS CAD KYANG CHAD MAS

014b

MA GRUB PAS CHOS BDEN PA YOD PA CHAD MAS SGRUB PA NI BZHAD GAD KYI GNAS SO, ,GAL TE DON DAM PAR DE DAG GRUB PA BKAG NAS THA SNYAD DU TSAD MAS GRUB PA'I DON LEGS POR 'JOG SHES NA NI DE BZHIN NYID DANG CHOS SKU SOGS DON DAM PA'I CHOS THAMS CAD KYANG BDEN PAR MA GRUB KYANG YOD PA MTSAN NYID PAR KHAS BLANGS PAS CHOG PAS, DE DAG BDEN PAR MA GRUB NA DE KHO NA NYID RTOGS PA DANG THOB BYA CHOS SKU MED PAR 'GYUR RO ZHES PA LA SOGS PA SMRA BA'I DON MED DO, ,DES NA 'PHAd PA'I YUL GYI RANG STE CHOS BDEN PAR 'DOD PA RNAMS KYIS DNGOS PO BDEN PA BSGRUB PA LA NAN TAN CHEN PO SKYED CING DE BDEN PAR MA GRUB PAR 'DOD PHAN CHAD DE NAS GZHAN BDEN PAR GRUB MA GRUB LA MI RTZOD PA NA RIGS PA MI SHES PA'I RGOL BA MU COR SMRA BA RNAMS LAS KHYAD ZHUGS PA'I KHYAD CHOS CHEN PO'O, ,DE'I PHYIR RTOG LDAN LA PHAN GNOD BYED PA'I DNGOS PO LA BDEN PAR SMRA BA'I 'KHRUL GZHI CHE LA 'BRAS BU SKYED PAR MI NUS PA'I 'DUS MA BYAS LA BDEN PAR SMRA BA'I 'KHRUL GZHI CHUNG BAS, GZHUNG 'DIR YANG, 'DUS BYAS RAB TU MA GRUB PAS, ,'DUS MA BYAS NI JI LTAR 'GRUB ,CES GSUNGS PA LTAR DNGOS PO BDEN PA 'GOG PA NYID LA NAN TAN CHAR MDZAD DO, ,DE LTAR NA MDO SDE LAS SKYE 'GAG SOGS YOD PA DANG MED PAR GSUNGS PA GNYIS KA YOD PAS DE GNYIS LAS DE KHO NA'I DON CAN GYI BSTAN PA NI GANG DGONGS PA CAN NI GANG SNYAM DU THE TSOM ZA BA DANG, DRAN DON LA NGES DON DU 'DZIN PA'I LOG RTOG BSAL BA'I PHYIR DU DRANG NGES 'BYED PA'I BSTAN

015a

, ,BCOS 'DI MDZAD DO, ,DE GNYIS KYI DON RGYAS PAR NI SHING RTA'I SROL 'BYED GNYIS KYIS DRANG NGES PHYE BA LEGS PAR BSHAD PA'I SNYING POR GTAN LA PHAB ZIN PA LAS SHES PAR BYA'O, ,GNYIS PA NI, RTEN 'BREL LA 'GAG SOGS BRGYAD MED PAR STON PA 'DI DGAG BYA THAMS CAD LA YIN NA NYUNGS LA PHYOGS TZAM MTSON PA LA YIN NA 'GAG PA MED PA ZHES PA'I RKANG PA GNYIS KYIS KYANG CHOG PAS MANGS SO ZHE NA, DE GNYIS KA MIN NO, ,'O NA CI ZHE NA RTEN 'BYUNG LA KHYAD PAR MTHA' YAS PA YOD KYANG BRGYAD BKOD PA NI 'DI DAG KHO NA GTZO BOR RTZOD PA'I YAN LAG TU GYUR PA'I PHYIR TE, DNGOS PO'I NGO BO NYID SMRA BA RNAMS PHAL CHER 'GAG PA LA SOGS PA BRGYAD PO 'DI RNAMS KYIS DNGOS PO LA RANG BZHON YOD PAR STON PAS SO, ,RTZOD SA NI 'GAG SOGS KYI RANG BZHI YOD MED YIN PAR SKABS KYIS KYANG SHES LA BUD DHA P'A LI TA LAS KYANG BSHAD DO, ,SKYE 'GAG LA SOGS PA'I DON GANG YIN LA MI MTHUN PAR RTZOD PA YIN PAR PA RA HE TA 'DOD CES SMRA BA LTAR NA SKABS DON LAS NYAMS SO, ,DE YANG NGO BO LA LTOS NAS NI NYAMS 'PHEL BYED PA'I SKYE 'GAG GNYIS DUS LA LTOS NAS RTAG CHAD GNYIS YUL LA LTOS NAS 'GRO 'ONG GNYIS ZLA LA LTOS NAS GCIG THA DAD GNYIS BSTAN NO, ,GAL TE SKYE BA YOD NA 'GAG PA YOD LA MED NA MED PAS SKYE BA MED PA 'GAG MED PA ZHES SMRA BAR RIGS SO ZHE NA, MCHOD SBYIN TSE STOD LA SKYES NAS TSE SMAD LA SHI BA'I SKYE 'GAG LA SNGA PHYI YOD KYANG RANG MTSAN GYIS GRUB PA LA DE 'DRA BA'I SNGA PHYI MED PAR

015b

BSTAN PA'I PHYIR DU GO RIM MA NGES PA MJAD DE, RANG MTSAN GYIS GRUB NA RANG BZHIN GCIG THA DAD LAS MI 'DA' LA SNGAR SKYES PA DANG PHYIS SHI BA GNYIS RANG BZHIN THA DAD NA MCHAD SBYIN SKYES PA'I MTHAR MA SHI BA DANG SHI BA'I SNGON DU MA SKYES PAR 'GYUR RO, ,RANG BZHIN GCIG NA SNGAR SKYES BA DE NYID SHI BAR 'GYUR LA DE LTA NA SNGAR GANG SHI BA DE NYID PHYIS SKYE DGOS PAS LHA SHI NA LHA KHO NAR SKYE DGOS PA'I SKYON DU 'GYUR RO, ,GNYIS PA NI, PHYAG 'TSAL LO ZHES DRANG STE 'DUD PA'I DON NO, ,GANG LA NA GANG GIS RTEN CING 'BREL PAR 'BYUNG BA BSTAN PA'I RDZOGS PA'I SANGS RGYAS DE LA'O, ,JI LTAR DU BSTAN ZHE NA, ,RTEN 'BYUNG DE NYID RANG BZHIN GYIS MA SKYES PA'I PHYIR MNYAM GZHAG ZAG MED KYI YUL GYI RANG BZHIN LA LTOS NAS 'DI LA SKAD CIG MAR 'JIG PA'I 'GAG PA DANG RANG GI DNGOS POR RED PA'I SKYE BA DANG SNGA MA RGYUN CHAD PA DANG DUS KUN TU GNAS PA'I RTAG PA DANG, YUL RING BA NAS NYE BAR 'ONG BA DANG NYE BA NAS RING BAR 'GRO BA DANG DON SO SO'I THA DAD PA DANG DON SO SO BA MA YIN PA'I GCIG PA RNAMS MED PAR BSTAN NO, ,RTEN 'BYUNG GI DE KHO NA NYID GNAS TSUL BZHIN 'PHAGS PAS GZIGS PA'I DON BRJOD BYA RJOD BYED DANG MTSAN MTSON LA SOGS PA'I SPROS PA THAMS CAD LDOG PA'I PHYIR RTEN 'BYUNG GI DE NYID LA SPROS PA NYER ZHI ZHES BYA'O, ,DE 'DRA DE LA SEMS DANG SEMS BYUNG GI 'JUG PA RNAM RTOG GI RGYU BA MED PAS SHES PA DANG SHES BYA'I THA SNYAD LOG PA'I SGO NAS SKYE RGA NA 'CHI LA SOGS PA'I NYE BAR 'TSE BA MA LUS PA DANG BRAL BAS ZHI BA'O,,

016a

, ,RTEN 'BYUNG GI DE NYID THUGS SU CHUD PAS RGYAL BA NYAG GCIG DON PHYIN CI MA LOG PA GSUNG BAR GZIGS SHING, PHA ROL PO'I SMRA BA THAMS CAD BYIS PA BLA BRDOL SMRA BA DANG 'DRA BAR MKHYEN NAS THUGS SHIN TU DANG BAS SLAR YANG STON PA LA SMRA BA RNAMS KYI DAM PA ZHES SMRA BA GZHAN LAS 'BYED PA'I KHYAD PAR MDZAD DO, ,GANG GIS NA MGON PO KLUS SO, ,DUS NI BSTAN BCOS RTZOM PA'I THOG MAR RO, ,DGOS PA NI RANG DAM PAR BSTAN PA DANG GZHAN DAG STON PA LA DANG BA BSKYED PA'I PHYIR DU'O, ,STON PA LA BSTOD PA'I SGO MANG YANG RTEN 'BYUNG GSUNG BA'I SGO NAS BSTOD PA 'DI DANG GZHAN DU MANG DU GSUNGS PA NI, RIGS PA DRUG CU PA'I MCHOD BRJOD DU GSUNGS PA LTAR RTEN 'BYUNG YIN PA'I RGYU MTSAN GYIS SKYE 'GAG LA SOGS PA'I MTHA' THAMS CAD 'GOG PA'I TSUL DE DAG ,BDAG NYID CHEN PO 'DI THUGS SHIN TU RANGS PA'I RGYU MCHAN GYIS YIN TE RIGS PA RNAMS KYI GTZO BO'ANG 'DI NYID DO, ,GNYIS PA LA GNYIS, RAB BYED KYI GZHUNG NYAMS LEN GYI RIM PAR BSGRIG PA DANG, RAB BYED KYI GZHUNG SO SO'I DON BSHAD PA'O, ,DANG PO LA GNYIS, RIGS PA'I DGAG BYA 'DZIN PA'I BLO NGOS GZUNG BA DANG, DE 'GOG PA'I YAN LAG TU GZHUNG JI LTAR BSTAN PA'O, ,DANG PO LA GNYIS, DNGOS KYI DON DANG, DGAG BYA LA KHYAD PAR SBYAR BA'I TSUL LO, ,DANG PO NI, RAB BYED NYER DRUG PAR MA RIG PA'I DBANG GIS 'KHOR BAR 'JUG PA'I RIM PA DANG MA RIG PA 'GAGS PAS 'KHOR BA LDOG PA'I RIM PA GNYIS DANG, MA RIG PA 'GAG PAR 'GYUR

016b

BA NI, SHES PAS DE NYID BSGOMS PAS SO, ,ZHES DE KHO NA NYID SHES PA'I DON BSGOMS PAS MA RIG PA SPONG BAR GSUNGS PAS DE KHO NA NYID KYI DON RIG MA RIG GNYIS KYI DBANG GIS 'KHOR 'DAS GNYIS SU 'GYUR RO, ,DE LA MA RIG PA NGOS MA ZIN NA DE JI LTAR SPONG BA'I THABS MI SHES TE 'BREN MA MTHONG BA'I MDA' RDEG PA DANG 'DRA'O, ,DE'I PHYIR MA RIG PA NGOS GZUNG BAR BYA STE, DE YANG DE KHO NA NYID RIG PA MED PA TZAM DANG DE LAS GZHAN PA TZAM MIN GYI DE'I 'DZIN STANGS KYI BZLOG PHYOGS 'DZIN PA'I 'GAL BA MI MTHUN PHYOGS YIN PAS YUL YANG DAG PAR YOD PAR 'DZIN PA ZHIG STE, STONG NYID BDUN CU PA LAS, RGYU DANG RKYEN LAS SKYES DNGOS RNAMS, ,YANG DAG PAR NI RTOG PA GANG, ,DE RI STON PAS MA RIG GSUNGS, ,DE LAS YAN LAG BCU GNYIS 'BYUNG, ZHES DANG, RIN CHEN PHRENG BA LAS KYANG, DE BZHIN SMIG RGYU LTA BU YI, ,'JIG RTEN YOD CE'AM MED PA ZHES, ,'DZIN PA DE NI RMONGS PA STE, ,RMONGS PA YOD NA MI GROL LO, ,ZHES GSUNGS PA'I MED 'DZIN GYI RMONGS PA NI LAS 'BRAS LA RMONGS PA'I MA RIG PA YIN PAS 'DIR SKABS MIN NO, ,'JIG RTEN YOD PAR 'DZIN PA NI BDEN 'DZIN GYI MA RIG PA'O, ,DE LA GNYIS LAS CHOS KYI BDAG TU RMONGS PA'I MA RIG PA NI DMIGS PA MIG RNA LA SOGS PA'I CHOS LA DMId NAS RNAM PA RANG GI MTSAN NYID KYIS GRUB PAR 'DZIN PA'O, ,GANG ZAG GI BDAG TU RMONGS PA'I MA RIG PA NI DMIGS PA GANG ZAG LA DMIGS NAS RNAM PA RANG GI MTSAN NYID KYIS GRUB PAR 'DZIN PA'O, ,DE YANG RGYUD GZHAN GYI GANG ZAG LA DMId

017a

, ,NAS DE LTAR 'DZIN PA NI GANG ZAG GI BDAG 'DZIN YIN YANG 'JIG LTA LHAN SKYES MIN NO, ,NGA'I SNYAM PA SKYE BA'I GZHI NGA LA DMIGS NAS RNAM PA RANG GI MTSAN NYID KYIS GRUB PAR 'DZIN PA NI NGAR 'DZIN GYI 'JIG LTA LHAN SKYES DANG GANG ZAG GI BDAG TU RMONGS PA GNYIS KA'O, ,NGA YI BA LA DMIGS NAS RNAM PA RANG GI MTSAN NYID KYIS GRUB PAR 'DZIN PA NI NGA YIR 'DZIN PA'I 'JIG LTA LHAN SKYES DANG GANG ZAG GI BDAG GI BA LA RMONGS PA'I MA RIG PA GNYIS LA'O, ,NGA YI BA'I GZHI MIG RNA SOGS LA DMIGS NAS DE LTAR 'DZIN PA NI CHOS KYI BDAG 'DZIN YIN PAS NGA YI BA LA DMIGS ZHES PA NI DE DAG LA DMIGS PA MIN NO, ,MED RGYU'I BDAG GCIG NYID GZHI GANG ZAG DANG CHOS KYI STENG DU BKAG PA LA BDAG MED GNYIS SU 'JOG PAS BDAG GNYIS KYANG GZHI SO SO'I DBYE BAS BZHAG GI BDAG LA KHYAD MED DO, ,DE'I PHYIR BDAG TU 'DZIN PA GNYIS KYANG DMIGS PA SO SO BA MA GTOGS PA RNAM PA 'DRA STE, BRGYA BA'I 'GREL BA LAS, DE LA BDAG CES BYA BA NI GANG ZHIG DNGOS PO RNAMS KYI GZHAN LA RAG MA LAS PA'I NGO BO RANG BZHIN TE DE MED PA NI BDAG MED PA'O, ,DE NI CHOS DANG GANG ZAG GI DBYE BAS GNYIS SU RTOGS TE CHOS KYI BDAG MED PA DANG GANG ZAG GI BDAG MED PA ZHES BYA BA'O ZHES SO, ,SANGS RGYAS BSKYANGS KYIS KYANG CHOS THAMS CAD BDAG MED PA ZHES GSUNGS PA'I BDAG GI SGRA'I DON NI NGO BO NYID KYI DON LA BSHAD DO, ,YANG NGO'I SNYAM PA'I DMIGS PA LA BDAG TU 'JOG PA'I TSUL GNYIS PA ZHIG YOD DE 'DI NI THA SNYAD DU YOD PA DANG DAR 'DZIN

017b

GYI RTEN DU GSUNGS SO, ,'JIG LTA LHAN SKYES NI NGA DANG NGA YI BA'I RNAM PAR ZHUGS PA YIN PAS NGA LA MA DMIGS PA'I NGAR 'DZIN LHAN SKYES MED DO, ,GANG ZAG DANG CHOS BDEN 'DZIN GYI RMONGS PA YANG NYON MONGS CAN GYI MA RIG PAR 'JUG 'GREL DANG BRGYA PA'I 'GREL PA LAS BSHAD CING SANGS RGYAS BSKYANGS KYANG DE LTAR BZHED LA, DE NYID 'PHAGS PA YAB SRAS KYI BZHED PAR MANG DU BSGRUBS ZIN PAS MA SPROS SO, ,DES NA SLOB DPON GZHAN GYIS SHES SGRIB TU BZHED PA'I CHOS KYI BDAG 'DZIN NI 'DIR NYON MONGS SU 'JOG GO, ,RNAL 'BYOR SPYOD PA DANG DBU MA RANG RGYUD PA RNAMS NI GANG ZAG DANG CHOS LA MED RGYU'I BDAG GNYIS NI CHOS MI 'DRA BAR 'DOD DE DE YI RGYU MTSAN GYIS GANG ZAG GI BDAG MED RTOGS NA CHOS KYI BDAG MED RTOGS DGOS MI DGOS KYANG MI MTHUN NO, ,DGAG BYA KUN BRTAGS KYI 'DZIN PA NI GRUB MTHAS BLO MA BSGYUR BA LA MED PAS SEMS CAN KUN 'KHOR BAR 'CHING BYED MIN PAS 'CHING BYED NI GNYIS KA LA YOD PA'I LHAN SKYES KYI BDAG 'DZIN NO, ,BRGYA PA LAS, RTOG PAS MTHONG BA 'CHING BA STE, ,DE NI 'DI RU DGAG PAR BYA, ZHES RANG BZHIN SGRO 'DOGS PA'I RTOG PAS 'CHING BAS DE'I YUL 'GOG PAR GSUNGS SO, ,GNYIS PA NI, DGAG BYA 'DZIN PA'I RTOG PA NI YOD PAR 'DZIN PA'I RTOG PA GANG YIN THAMS CAD MIN GYI DON DAM PAR RAM RANG GI MTSAN NYID KYIS YOD PAR 'DZIN PA'O, ,DE YANG SANGS RGYAS RNAMS KYIS CHOS BSTAN PA, ,BDEN PA GNYIS LA YANG DAG BRTEN, ,ZHES SKYE 'JIG SOGS YOD PA KUN RDZOB DANG MED PA DON DAM PAR YIN

018a

, ,PA'I BDEN GNYIS KYI RNAM DBYE SHES DOGS PAR GSUNGS SHING RIN CHEN PHRENG BA LAS KYANG, DE BZHIN SGYUR 'DRA'I 'JIG RTEN LA, ,SKYE DANG 'JIG PA NYID SNANG YANG, ,DAM PA'I DON DU SKYE BA DANG, ,'JIG PA NYID NI YOD MA YIN, ,ZHES GSUNGS PAS SKYE 'JIG LA SOGS PA YOD PA TZAM MI 'GOG CING DON DAM PAR YOD PA DGAG BYA DANG DE LTAR 'DZIN PA'I BLO DGAG BYA 'DZIN PA'I BLOR SHES SO, ,DE BZHIN DU DE DAG RANG BZHIN LAS MED DE, DE PHYIR NYON MONGS YANG DAG MED, ,CES RANG BZHIN LAS YOD PA DANG YANG DAG PAR YOD PA ZHES KHYAD PAR SBYAR BA DANG, RIN CHEN PHRENG BA LAS, GANG GI SA BON RDZUN PA DE'I, ,SKYE BA BDEN PA GA LA ZHIG ,ZHES BDEN PA'I KHYAD PAR SBYAR ZHING NGES DON GYI MDO SDE LAS KYANG KHYAD PAR SBYAR BA DU MA ZHIG YOD DO, ,NGO BO NYID DANG RANG BZHIN DANG RANG GI MTSAN NYID LAS YOD PA DANG RANG GI NGO BO NYID KYIS YOD PA SOGS NI 'DRA STE RANG LAS GRUB PA ZHES KYANG MANG DU 'BYUNG NGO, ,DE LA DBU MA RANG RGYUD PA RNAMS NI DON DAM PA DANG YANG DAG PAR DANG BDEN PA DANG DE KHO NA NYID KYI KHYAD PAR SBYAR NA YOD PA DGAG NUS LA DE DAG MA SBYAR NA NGO BO NYID KYIS SAM NGO BO NYID LAS YOD PA SOGS SBYAR YANG 'GOG MI NUS PAR BZHED DO, ,SANGS RGYAS BSKYANGS DANG BZLA BA'I LUGS NI KHYAD PAR SNGA PHYI GNYIS GANG RUNG GCIG SBYAR NA GNYIS PA MI DGOS PAS DE GNYIS 'DRA BAR BZHED KYI DGAG BYA LA DON DAM GYI KHYAD PAR MI SBYOR BA YANG MIN LA DE GNYIS GANG YANG MA SBYAR BAR SKYE BA SOGS 'GOG NUS PA YANG MI BZHED DO, ,DE YANG 'JUG 'GREL LAS,

018b

GZUGS BRNYAN RANG BZHIN MED PA'I RGYU DANG 'BRAS BU'I RNAM PAR BZHAG PA YANG SHES BZHIN DU MKHAS PA SU ZHIG GZUGS DANG TSOR BA LA SOGS PA RGYU DANG 'BRAS BU LAS THA DAD MED PAR GNAS PA RNAMS YOD PA TZAM ZHIG TU DMIGS PAS, RANG BZHIN DANG BCAS PAR NGES PAR BYED DE'I PHYIR YOD PAR DMIGS KYANG RANG BZHIN GYIS SKYE BA MED DO, ,ZHES YOD PA TZAM DANG RANG BZHIN GYIS YOD PA GNYIS KYI KHYAD PAR PHE'O, ,DE DAG MA PHYED NA DNGOS PO YOD PHYIN CHAD RANG GI NGO BOS YOD PA DANG RANG GI NGO BOS MED PHYIN CHAD YE MED DU SONG NAS SGRO 'DOGS DANG SKUR 'DEBS KYI MTHA' GNYIS LAS MI 'DA' STE BRGYA BA'I 'GRAL PA LAS, DNGOS PO DNGOS PO YOD PAR SMRA BA'I LTAR NA NI JI SRID DU DNGOS PO DE'I YOD PA NYID YIN PA DE SRID DU DE LTAR RANG GI NGO BO YANG YIN PA NYID LA, GANG GI TSE RANG GI NGO BOR DANG BRAL BA DE'I TSE DE LA DNGOS PO DE RNAM PA THAMS CAD DU MED PA'I PHYIR BONG BU'I RVA DANG 'DRA BAS GNYIS SU SMRA BA LAS MA 'DAS PA'I PHYIR 'DI'I MNGON PAR 'DOD PA THAMS CAD 'GRIG DKA' BAR 'GYUR RO, ,ZHES SO, ,DES NA RANG GI NGO BOS MED PAS YOD MTHA' THAMS CAD DANG DE NYID LA RANG BZHIN MED PA'I RGYU 'BRAS 'JOG NUS PAS MED MTHA' THAMS CAD LAS GROL BA NI SLOB DPON 'DI GNYIS KYIS 'PHAGS PA'I DGONGS PA BRKAL BA'I KHYAD CHOS SU SNANG BAS YOD PA GNYIS DANG MED PA GNYIS PHYED PA SHIN TU GAL CHE'O, ,RANG GI MTSAN NYID KYIS YOD PA DANG THA SNYAD KYI DBANG GIS BZHAG PA TZAM MIN PA'I YOD PA GNYIS NI 'DRA LA KUN RDZOB TU YOD PA

019a

, ,THAMS CAD THA SNYAD KYI DBANG GIS YOD PAR BZHAG PAR GSUNGS PA'I THA SNYAD KYI DBANG GIS BZHAG LUGS NI, NGAS LAS BSAGS SO, ,'BRAS BU MYONG NGO ZHES THA SNYAD 'DOGS PA 'DI LA THA SNYAD BTAGS PA'I GZHI DE JI 'DRA ZHIG TU YAD BTZAL BA NA, MIG RNA LA SOGS PA'I RE RE BA DANG TSOGS PA YANG NGA MIN LA DE DAG LAS DON GZHAN NA YANG NGA ME DPA NI GNAG ZAG RANG GI NGO BO NYID KYIS MED TSUL YIN LA, DE LTA YIN KYANG NGAS MTHONG BA SOGS MED NA THA SNYAD PA'I TSAD MAS GNOD PAS YOD PAR NI GRUB LA DON RANG GI NGO BO NYID KYIS YOD PAR MA SONG BA NA THA SNYAD KYI DBANG GIS YOD PAR 'GRUB BO, ,THA SNYAD KYI DBANG GIS BZHAG PA TZAM ZHES PA'I TZAM GYI SKRAS KYANG DON RANG GI NGO BOS YOD PA GCOD KYI TSAD MAS GRUB PA MI GCOD DO, ,DE BZHIN DU MING DU BTAGS PA TZAM ZHES GSUNGS PA'I TZAM GYI SKRAS KYANG MANG MIN PA'I DON YOD PA DANG DON TSAD MAS GRUB PA YANG MI GCOD LA MING GIS GANG BTAGS THAMS CAD THA SNYAD DU YOD PAR STON PA YANG MIN GYI DON RANG GI NGO BOS YOD PA GCOD DO, ,DES NA RIN CHEN PHRENG BA LAS, THA SNYAD GDAGS PA MA GTOGS PAR, ,GANG ZHIG YOD DAM MED 'GYUR BA'I, ,'JIG RTEN DON DU CI ZHIG YOD, ,CES GSUNGS PA LTAR THA SNYAD KYI DBANG GIS YOD PAR BZHAG PA MIN PA'I YOD PA MI SRID KYANG THA SNYAD KYI DBANG GIS GANG BZANG THAMS CAD YOD PA MIN NO, ,DE YANG MCHOD SBYIN GYIS GZUGS MTHONG ZHES PA DANG MCHOD SBYIN RDZAS YOD KYIS MTHONG ZHES PA'I THA SNYAD BTAGS PA'I BTAGS SA'I DAN DE

019b

JI LTAR YOD BTZAL BAS CUNG ZAD KYANG MI RNYED PA LA KHYAD PAR CI YANG MED KYANG, SNGA MAS MTHONG BA THA SNYAD DU MED PA LA TSAD MAS GNOD LA PHYI MAS MTHONG BA TSAD MAS DGAG NUS PAS THA SNYAD DU YOD PA LA TSAD MAS GNOD PA'I PHYIR THA SNYAD DU YOD MED GTAN MI MTSUNGS SO, ,DE'I RGYU MTSAN YANG RDZAS YOD RIGS PAS BTZAL NA RNYED DGOS PAS DES MA RNYED NA DGAG NUS LA YOD TZAM RIGS PAS BTZAL NA RNYED DGOS PA MIN PAS DES MA RNYED PAS 'GOG MI NUS PA'I PHYIR RO, ,TSUL DE YANG RIGS PAS DPYAD MI BZOD PA DANG RIGS PAD GNOD PA DANG RIGS SHES KYIS MA RNYED PA DANG DES BKAG PA GNYIS SO SOR PHYED PA LA RAG LAS SO, ,GAL TE BTZAL ZHING DPYAD PA NA DPYOD BYED KYIS YOD PA RNYED MI SRID PAS 'JIG RTEN GYI THA SNYAD DU YOD PA'I DON DE LTAR KHAS MI LEN NA, 'JIG RTEN NA SKYES SAM MA SKYES 'ONGS SAM MA 'ONGS ZHES DPYOD PA LA GANG RUNG GCIG KHAS LEN PA DANG JI LTAR MI 'GAL SNYAM NA, DE GNYIS NI DPYOD LUGS GTAN MI MTSUNGS DE 'DI NI SKYE BA DANG 'ONGS PA'I THA SNYAD BTAGS PA DE LA DE TZAM GYIS MA TSIM PAR THA SNYAD BTAGS PA'I DON DE JI 'DRA ZHIG TU YOD BTZAL PA'I DPYOD LUGS MIN LA SNGA MA DE LTAR DPYOD PA YIN PA'I PHYIR RO, ,DES NA DPYOD LUGS SNGA MA 'DRA BAS DPYAD PA'I TSE DPYOD BYED KYIS YOD PAR RNYED PA'I DON KHAS MI LEN LA PHYI MA'I DPYAD PA'I DON KHAS BLANGS KYANG RANG GI NGO BOS YOD PA KHAS MI LEN PAS GA LA MTSUNGS, RANG RGYUD PA RNAMS NI SNGAR LTAR DPYOD PA DE TZAM NI DE KHO NA NYID DU GRUB MA GRUB DPYOD PA MIN PAR 'DOD

020a

, ,PAS DE 'DRAS BTZAL BA'I DON YOD PAR YANG 'DOD LA DE NI RANG GI MTSAN NYID KYIS GRUB PAR YANG SMRA STE DE TZAM ZHIG THA SNYAD DU MED NA RGYU 'BRAS SOGS GTAN MI RUNG NGO SNYAM DU BSAMS SO, ,'O NA 'DI PA'I LUGS KYIS DON DAM PAR GRUB MA GRUB DPYOD PA'I MTSAMS GANG NAS 'DZIN ZHE NA, 'DIS RGYU 'BRAS LA SOGS PA RNAMS MING GI THA SNYAD KYI DBANG GIS BZHAG PA'I YOD PAR MI 'DOD PAS THA SNYAD PA'I DBANG PO'I SHES PA LA SOGS PA SNANG ZHEN GYI YUL GYI RANG GI NGO BOS YOD PA'I DON LA MA 'KHRUL BA'I SHES PA LA JI LTAR SNANG BA'I DBANG GIS BZHAG PA MIN PAR DON RANG GI GNAS LUGS KYI DBANG GIS YOD PA NI DON DAM DU YOD PA DANG, DE LAS BZLOG PA NI KUN RDZOB TU YOD PAR 'DOD PAS DE 'DRA BA'I NGO BOR YOD MED DPYOD PA NAS DA KHO NA NYID DU GRUB MA GRUB DPYOD PAR 'GYUR RO, ,'JIG RTEN PA DANG GRUB MTHA'I DPYOD LUGS DANG GRUB MTHA' LAS YANG DE KHO NA NYID DU GRUB MA GRUB DPYOD PA'I KHYAD PAR RNAMS MA SHES NA, DPYAD PA'I DON KHAS LEN PA THA SNYAD DU YANG MI 'DOD DO ZHES DBU MA PA GNYIS LAS MANG DU BSHAD PA LA 'KHRUL PA CHEN PO SKYE ZHING THA SNYAD DU YOD MED KYI KHYAD PAR 'BYED PA YANG SHIN TU DKA' BAS GZHAN DU ZHIB TU BSHAD PA LAS SHES PAR BYA'O, ,SNGAR BSHAD PA LTAR GYI DPYAD NAS YOD PAR 'DZIN PA NI GRUB MTHAS BZHAG PA KHO NA YIN PAS LHAN SKYES KYI BDAG 'DZIN GNYIS KAS NI DE LTAR MI 'DZIN KYANG RANG GI NGO BOS YOD PAR BZUNG BA YIN NO, ,DE'I PHYIR DE 'DRAR YOD NA DPYOD BYED KYIS BTZAL BA'I TSE RNYED DGOS

020b

LA DE 'GOG PA NA DPYAD NAS 'GOG PA YANG 'THAD DO, ,SNGAR BSTAN PA'I DPYOD TSUL DE LTAR BYAS NA MI RNYED PA'I RANG BZHIN GYIS STONG PA'I RGYU 'BRAS 'JOG PA NI THAL 'GYUR BA MIN PA SUS KYANG MI SHES PAS DE LTAR DPYAD NAS MA RNYED PA LA DPYOD BYED KYI RIGS PAS RGYU 'BRAS SOGS THAMS CAD BKAG PA 'DI YI LUGS SU 'DZIN PA NI SHIN TU MI RIGS SO, ,STONG NYID BDUN CU PA LAS KYANG, 'DI RTEN 'DI 'BYUNG ZHES BYA BA'I, ,'JIG RTEN TSUL 'DI 'GOG MI MDZAD, ,CES DANG RTZOD ZLOG LAS KYANG, THA SNYAD KHAS NI MA BLANGS PAR, ,NGED CAG 'CHAD PAR MI BYED DO, ZHES GSUNGS SO, ,GNYIS PA NI, DE LTAR YIN LUGS KYI DON RIG PA NI MA RIG PAS JI LTAR BZUNG BA'I YUL DE MED PAR RTOGS PA YIN LA, DE NI YUL DE YOD PA LA GNOD BYED DANG MED PA'I SGRUB BYED KYI RIGS PAS GTAN LA PHAB PA LAS SKYE BA YIN GYI, ,YUL BDAG GNYIS LAS YID CHUR BSDUS PA TZAM ZHIG GOMS PA LAS MI SKYE STE, BRGYA BA LAS, YUL LA BDAG MED MTHONG NA NI, ,SRID PA'I SA BON 'GAG PAR 'GYUR,, ZHES BDAG TU BZUNG BA'I YUL GYI BDAG MED PA RTOGS DGOS PAR GSUNGS PA'I PHYIR RO, ,DES NA YID BDAG GNYIS LA MA ZHUGS BA DANG BDAG MED GNYIS LA ZHUGS PA'I KHYAD PAR PHYED PAR BYA'O, ,DE LA YANG THOG MAR GANG ZAG GI BDAG DANG BDAG GI BAR 'DZIN PA'I MA RIG PA'I YUL MED PAR GTAN LA DBAB DGOS LA DE YANG RAB BYED BCO BRGYAD PAS STON NO, ,DE LTAR GANG ZAG LA RANG BZHIN BKAG PA NA 'JIG RTEN PHA ROL NAS 'DIR 'ONG BA DANG 'DI NAS PHA ROL TU 'GRO BA PO DANG LAS DGE MI

021a

, ,DGE'I BYED PA PO YOD PAS DE MI 'THAD DO SNYAM PA 'GOG PA LA 'GRO 'ONG DANG BYED PA PO BRTAG PA GNYIS SO, ,PHYI MAR NYE BAR LEN PA PO DANG BLANG BYA YANG LAS DANG BYED PA PO BZHIN DU RANG BZHIN MED PAR BSTAN PA LA RANG BZHIN MED NA NYE BAR LEN PA POR MI RUNG SNYAM PA 'GOG PA LA SNGA ROL NA GNAS PA BRTAG PA'O, ,DE NAS NYE BAR LEN PA PO SGRUB PA LA SGRUB BYED DPE RTAGS GNYIS LAS DPE DGAG PA NI BCU PA'O, ,'KHOR BA YOD PAS 'KHOR BA PO DANG SDUG BSNGAL YOD PAS DE GANG DANG LDAN PA'I BDAG YOD DO ZHES PA'I RTAGS 'GOG PA LA BCU GCIG PA DANG BCU GNYIS PA'O, ,DE NAS CHOS LA BDAG TU 'DZIN PA'I MA RIG PA'I YUL 'GOG PA LA PHYI NANG GI CHOS RNAMS LA SKYE BA 'GOG PA NI DANG PO'O, ,LUNG LAS SKYE MCHED DANG PHUNG PO DANG KHAMS YOD PAR GSUNGS PAS RANG BZHIN YOD DO SNYAM PA 'GOG PA LA SKYE MCHED BRTAG PA LA SOGS PA GSUM MO, ,DE NAS DE GSUM GYI RTEN CAN GYI CHAGS SOGS DANG 'DUS BYAS SU MTSON PA'I MTSAN NYID SKYE 'JIG GNAS PA DANG DE'I RGYU LAS DANG BYED PA PO YOD PAS DE GSUM LA RANG BZHIN YOD DO ZHES PA 'GOG PA LA 'DOD CHAGS DANG CHAGS PA BRTAG PA LA SOGS PA GSUM MO, ,BRGYAD PA 'DI GANG ZAG DANG CHOS LA RANG BZHIN 'GOG PA GNYIS KA LA SBYAR DU RUNG NGO, ,'DU BYED BRTAG PAS NI GANG ZAG DANG CHOS SO SOR MA PHYE BAR DNGOS PO TZAM GYI RANG BZHIN GYIS STONG PAR BSTAN NO, ,DE NAS GANG ZAG DANG CHOS SO SOR PHYE BA DANG MA PHYE BAR DNGOS PO'I RANG BZHIN BKAG PA LA RANG BZHIN

021b

YOD PA'I SGRUB BYED DU CHAS RNAMS KYI PHRAD, BSTAN PA DANG SKYED PA'I RGYU RKYAN NYE BAR LEN PA DANG GCIG NAS GCIG TU 'KHOR BA YOD CES SMRA BA 'GAG PA LA PHRAD PA DANG RANG BZHIN DANG BCINGS MTHAR BRTAG PA GSUM DANG, 'KHOR BA LA RANG BZHIN YOD PA'I SGRUB BYED LAS 'BRAS KYI 'BREL PA'I RTEN YIN PA 'GOG PA LA LAS 'BRAS BRTAG PA'O, ,YANG DNGOS PO LA RANG BZHIN YOD PA'I SGRUB BYED DU DUS GSUM GDAGS PA'I RGYU YIN PA'I PHYIR ZHES PA 'GOG PA LA DUS BRTAG PA DAD, DUS LA RANG BZHIN YOD PAR SGRUB PA LA 'BRAS BU'I LHAN CIG BYED PA'I RKYEN DANG 'BYUNG 'JIG GI RGYU YIN PA 'GOG PA LA TSOGS PA DANG 'BYUNG 'JIG BRTAG PA GNYIS SO, ,'BYUNG 'JIG BRTAG PAR SRID RGYUN RANG BZHIN GYIS STONG PAR BSTAN PA LA SRID RGYUN GYI 'BRAS BU DE BZHIN GSHEGS PA DANG RGYU NYON MONGS YOD PAS MI 'THAD DO ZHES PA 'GOG PA LA DE BZHIN GSHEGS PA DANG PHYIN CI LOG BRTAG PA GNYIS SO, ,DE LTAR CHOS RNAMS RANG BZHIN GYIS STONG NA BDEN BZHI SOGS MI 'THAD DO ZHES BCAD PA'I LAN DU RANG BZHIN GYIS STONG PA LA DE DAG THAMS CAD 'THAD KYI MI STONG PA LA MI 'THAD DO ZHES BDEN PA BRTAG PA GSUNGS TE 'DI RANG BZHIN 'GOG PA'I RAB BYED RE RE'I MTHAR SBYAR RGYU YIN NO, ,RANG BZHIN GYIS STONG PA LA KHYAD PAR DU MYANG 'DAS MI 'THAD PAR RTZOD PA'I LAN DU MYANG 'DAS BRTAG PA BSTAN NO, ,DE NAS RTEN 'BYUNG DANG DBU MA'I LAM DON GCIG PAR GSUNGS PA'I RTEN 'BYUNG NGAM RTEN 'BYUNG MTHONG NA BDEN BZHI'I

022a

, ,DE NYID MTHONG BAR GSUNGS PA'I RTEN 'BYUNG BSTAN PAR BZHED NAS RTEN 'BREL BRTAG PA GSUNGS SO, ,RAB BYED SNGA MA RNAMS KYIS BSHAD PA'I DE KHO NA NYID LA RMONGS NAS 'KHOR BAR LUGS SU 'JUG LA MA RMONGS NA LUGS LAS LDOG GO ZHES PA YANG 'DI'I DON LA YOD PAS GNYIS KA RUNG NGO, ,RTEN 'BYUNG GI DE KHO NA NYID MTHONG NA, SNGON GYI MTHA' LA SOGS PA'I LTA BA NGAN PA RNAMS LA RTEN PAR MI BYED PAR GSUNGS PA'I DON BSGRUB PA'I PHYIR DU LTA BA BRTAG PA GSUNGS SO, ,DE LTAR NA RANG RGYUD KYI LHAN SKYES KYI BDAG 'DZIN GYIS JI LTAR BZUNG LEGS PAR BLTAS LA GZHUNG RNAMS DE 'GOG PA'I THABS SU SHES PAR BYAS NAS NYAN PA DANG 'CHAD PA DANG LTA BA DANG SEMS PA DANG SGOM PA LA SOGS PA THAMs CAD KYIS BDAG TU 'DZIN PA SUN DBYUNG BA LA MKHAS PAR BYA'I BSHAGS 'GYED PA TZAM GYI MKHAS PA LA DGA' BAR MI BYA'O, ,GNYIS PA LA GSUM, RTEN 'BYUNG RANG BZHIN GYIS STONG PAR BSTAN PA, DE RTOGS MA RTOGS LAS 'KHOR BA'I 'JUG LDOG BYED LUGS, RTEN 'BYUNG RTOGS NA LTA BA NGAN PA LDOG TSUL LO, ,DANG PO LA GNYIS, DNGOS KYI DON DANG, DE LA RTZOD PA SPANG BA'O, ,DANG PO LA GNYIS, BDAG MED GNYIS MDOR BSTAN PA DANG, RGYAS PAR BSHAD PA'O, ,DANG PO LA GNYIS, RGYU 'BRAS KYI BYA BYED LA BRTAGS NAS CHOS LA RANG BZHIN DGAG, 'GRO 'ONG GI BYA BYED LA BRTAGS NAS GANG ZAG LA RANG BZHIN DGAG PA'O, ,DANG PO LA GSUM, RAB BYED KYI GZHUNG BSHAD PA, NGES DON GYI LUNG DANG SBYAR BA, DON BSDUS TE

022b

RAB BYED KYI MTSAN BSTAN PA'O, ,DANG PO NI, DE NI SNGAR BSHAD PA'I 'GAG PA MED PA LA SOGS PA STON PA LA SKYE BA BKAG PAS 'GAG PA LA SOGS PA DGAG SLA BAR DGONGS NAS THOG MAR SKYE BA DGAG PA MDZAD DO, ,'DI LA GNYIS, 'BRAS BU LA SKYE BA'I RANG BZHIN DGAG ,SKYED BYED LA RKYEN GYI RANG BZHIN DGAG PA'O, ,DANG PO LA GNYIS, MTHA' BZHI'I SKYE BA DGAG PA, GZHAN SKYE BKAG PA LA LUNG 'GAL SPANG BA'O, ,DANG PO LA GNYIS, SKYE BA 'GOG PA'I DAM BCA' DANG, SKYE BA 'GOG PA'I RIGS PA'O, ,DANG PO LA GNYIS, DNGOS KYI DON DANG, 'PHROS PA'I DON NO, ,DANG PO NI, DE LA SU DAG CES PA'I SGRA'I RNAM GRANGS GANG DAG CES PA RTEN PA'I SGRAS BSTAN PA'I PHYI NANG GI DNGOS PO NI 'GA' ZHIG NA YANG ZHES PA'I SGRA YI RNAM GRANGS GANG NA YANG ZHES PA RTEN GYI SGRAS BSTAN PA'I YUL DANG DUS DANG GRUB PA'I MTHA' GANG DU YANG BDAG LAS SKYE BA NAM YANG YOD PA MA YIN NO, ,DE BZHIN DU DAM BCA' GZHAN GSUM LA YANG SBYAR RO, ,YUL GYI DBANG GIS YUL 'GA' ZHIG TU GUR KUM MI SKYE BA DANG DUS KYI DBANG GIS DUS 'GA' ZHIG GI TSE LO TOG MI SKYE BA LTA BU YIN NAM SNYAM PA YUL DUS GANG NA YANG ZHES PAS 'GOG PAS NAM YANG ZHES SMOS PA DON MED PA MIN NO, ,DBU MA PA'I GRUB MTHA'I DBANG GIS MI SKYE YANG DNGOS POR SMRA BA'I GRUB MTHA'I DBANG GIS SKYE'O SNYAM PA GRUB MTHA' GANG NA YANG ZHES PAS 'GOG PAS DNGOS POR SMRA BA'I LUGS LA MI SKYE ZHES STON PA MIN NO, ,'DIR DNGOS PO GANG DAG GANG NA YANG, ,SKYE BA NAM YANG YOD MA YIN, ,

023a

, ,ZHES BSTAN NAS BDAG LAS MA YIN ZHES PA'I RKANG PA GNYIS 'OG TU 'DREN PA'I 'GYUR LEGS ZHES SMRA BA NI MI RIGS TE, BDAG LAS MA YIN ZHES PA CI ZHIG MA YIN ZHES DRIS PA'I LAN DU SKYE BA NAM YANG YOD MA YIN ZHES SBYOR ZHING GZHAN GSUM LA'ANG DE LTAR SBYAR BAR SHES RAB SGRON MA LAS BSHAD PA'I PHYIR RGYAD PE LA YANG DGAG SGRA SNGA PHYI RNAMS YOD PAR GSAL LO, ,'JUG 'GREL LAS MTHA' YI YOD MA YIN ZHES PA YOD PA'I SGRUB BYED RANG LAS SKYE BA NANG 'BREL GYI YOD PA DANG NI MA YIN TE DE DGAG PA DON GYIS 'GRUB PA'I PHYIR RO ZHES BSHAD PA NI RKANG PA PHYI MA GNYIS KYIS DAM BCA' DANG SNGA MA GNYIS KYIS RTAGS BSTAN PAR 'CHAD PA LTAR MI BYA ZHES PA'I DON TE GZHAN GSUM LA YANG 'DRA'O RANG BZHIN GYIS SKYE BA YOD NA DE'I SGRUB BYED DU MTHA' BZHI'I SKYE BA GANG RUNG KHAS BLANG DGOS PAS YOD PA'I SGRUB BYED CES SMOS SO, ,MTHA' BZHI'I SKYE BA KHEGS NA RANG BZHIN GYIS SKYE BA DGAG PA YANG SHUGS KYIS 'GRUB PAS DE LTAR SBYAR BA LA RANG BZHIN GYIS SKYE MED MI 'GRUB PA'I SKYON MED PA NI TSIG THA MA'I DON NO, ,DES NA DBU MA SNANG BAR BSHAD PA LTAR MTHA' BZHI'I SKYE BA BKAG PA RTAGS SU BYAS NAS RANG BZHIN GYIS SKYE MED SGRUB PA MI RUNG ZHES PA MIN GYI SNGAR LTAR SO SOR GCOD PA GZHUNG DE'I DON MIN ZHES PA'O, ,TSIG NGES GZUNG GI SNYING PO CAN YIN PAS NGES GZUNG YOD CING DE YANG BDAG LAS SKYE BA MA YIN PA KHO NA ZHES NGES GZUNG MTHAR SBYAR DGOS LA DE'I TSE BDAG LAS MI SKYE BA TZAM MO ZHES PAR 'GYUR BAS

023b

GZHAN LAS NI SKYE ZHES MI 'DOD PAR MI 'GYUR RAM ZHE NA, SKYON MED DE KHO NA'I SGRAS BDAG LAS SKYE BA RNAM PAR BCAD TZAM GYI MED DGAG BRJOD PAR 'DOD PA'I PHYIR DANG, GZHAN SKYE YANG GZHAN LAS MIN ZHES 'GOG PA'I PHYIR RO, ,'DI NI DAM BCA' GZHAN GSUM LA YANG 'DRA STE DAM BCA' BZHI KA MED DGAG YIN PAS DGAG TSIG GI NGES GZUNG GIS DGAG BYA GCOD PA TZAM MIN PA CHOS GZHAN MI 'PHEN PA'I DON NO, ,SKYE BA LA RGYU YOD MED GNYIS SU KHA TSON CHOD CING RGYU YOD LA 'BRAS BU DANG RGYU GNYIS RANG BZHIN GCIG THA DAD RE RE BA GNYIS DANG GNYIS KA TSOGS PA GSUM DU KHA TSON TSAD PAS RANG BZHING YI SKYE BA 'GOG PA'I DAM BCA' YANG BZHIS CHAG GO, ,GNYIS PA LA GNYIS, DGAG PA GNYIS KYI MTSAN NYID BSTAN PA, DE GNYIS GANG RTAGS KYI BSGRUB BYA YIN BSAM PA'O, ,DANG PO NI, LEGS LDAN GYIS BDAG LAS MA YIN ZHES SOGS BZHI KA MED DGAG TU BSHAD LA, ZLA BAS KYANG BDAG LAS MA YIN ZHES PA MED DGAG TU GSUNGS TE DAM BCA' GZHAN GSUM LA YANG 'DRA'O, ,SPYIR DGAG PA NI BLOS DGAG BYA DNGOS SU BCAD NAS RTOGS PAR BYA BA YIN PAS RANG MA YIN BCAD PA LTA BU DNGOS PO LA DGAG BYA BCAD PA TZAM DGAG PA MIN LA, CHOS NYID DANG DON DAM BDEN PA LTA BU SGRAS DGAG BYA DNGOS SU MA BCAD KYANG DE'I DON BLO LA 'CHAR BA NA SPROS PA BCAD PA'I RNAM PA CAN DU 'CHAR BA RNAMS DGAG PA YIN NO, ,DE LA GNYIS LAS MED DGAG NI BLOS DGAG BYA DNGOS SU BCAD NAS CHOS GZHAN MI 'PHEN PA'AM

024a

, ,MI SGRUB PA YIN TE, DPER NA BRAM ZES CHANG 'THUNG DU RUNG MI RUNG DRIS PA NA CHANG MI BTUNG NGO ZHES PA NI CHANG 'THUNG BA RNAM PAR BCAD PA TZAM ZHIG YIN GYI DE LAS GZHAN PA'I BTUNG BA BTUNG NGO ZHE'AM MI BTUNG NGO ZHES MI SGRUB PA BZHIN TE; RTOG GE 'BAR BA LAS, MED PAR DGAG PA NI DNGOS PO'I NGO BO NYID TZAM ZHIG 'GOG PAR ZAD KYI DE DANG 'DRA BA DE MA YIN PA GZHAN GYI DNGOS PO SGRUB PAR MI BYED PA STE, DPER NA BRAM ZES CHANG BTUNG BAR MI BYA'O ZHES PA DE TZAM ZHIG 'GOG PAR ZAD KYI DE LAS GZHAN PA'I BTUNG BA BTUNG NGO ZHE'AM MI BTUNG NGO ZHES MI BRJOD PA LTA BU'O, ,ZHES GSUNGS PA LTAR RO, ,MA YIN DGAG NI BLOS DGAG BYA BCAD NAS CHOS GZHAN 'PHEN PA'AM SGRUB PA YIN TE, DPER NA SKYES BU GCIG DMANGS RIGS SU STON 'DOD PA NA 'DI BRAM ZE MA YIN ZHES PA NI BRAM ZE BKAG PA TZAM MIN GYI BRAM ZE LAS GZHAN PA DE LAS THOS PA LA SOGS PAS DMAN PA'I DMANGS RIGS YIN PAR SGRUB PA LTA BU STE RTOG GE 'BAR BA LAS, MA YIN PAR DGAG PA NI DNGOS PO'I NGO BO NYID DGAG PAS DE DANG 'DRA BA DE LAS GZHAN PA'I DNGOS PO'I NGO BO NYID SGRUB PAR BYED PA STE, DPER NA 'DI BRAM ZE MA YIN NO ZHES DGAG PAS BRAM ZE 'DRA BA DE LAS GZHAN PA BRAM ZE MA YIN PA DGA' THUB DANG THOS PA LA SOGS PAS DMAN PA'I DMANGS RIGS YIN PAR SGRUB PA LTA BU'O ZHES GSUNGS PA LTAR RO, ,CHOS GZHAN 'PHEN PA LA DNGOS DANG SHUGS DANG SKABS KYI 'PHANGS PA GSUM STE DANG PO NI BDAG MED PA YOD CES PA LTA BU STE DGAG BYA GCOD PA DANG

024b

CHOS GZHAN 'PHEN PA GNYIS KA TSIG GCIG GIS SGRUB PA'O, ,GNYIS PA NI MCHOD SBYIN TSON PO NYIN PAR MI ZA BA LTA BU STE DON GYIS BSTAN PA'O, ,DE GNYIS NI DNGOS SHUGS LA 'PHANGS PA RE RE BA YIN LA GNYIS KA LDAN PA NI MCHOD SBYIN TSON PO NYIN PAR MI ZA BA RID PA MIN PA YOD CES PA LTA BU'O, ,GSUM PA NI SKYES BU GCIG RGYAL RIGS DANG BRAM ZE GANG RUNG GCIG TU NGES SHING KHYAD PAR MA NGES PA'I SKABS SU 'DI BRAM ZE MA YIN ZHES PA LTA BU STE RANG GI TSIG GIS MI STON PA'O, , CHOS GZHAN 'PHAN TSUL DE GSUM DU NGES PAS DE DAG NI MA YIN DGAG YIN LA DE GSUM GANG YANG MI 'PHEN NA DE LAS GZHAN MED DGAG YIN TE SPYAN RAS GZIGS BRTUL ZHUGS KYIS DRANGS PA LAS, DGAG PA DON GYIS BSTAN PA DANG, , TSIG GCIG SGRUB PAR BYED PA DANG, ,DE LDAN RANG TSIG MI STON PA, ,MA YIN GZHAN PA GZHAN YIN NO, ,ZHES SO, ,DES NA SGRA'I BSTAN BYA DANG BLO'I YUL DU CHOS GZHAN SHUGS LA 'PHANGS NA YANG MED DGAG MIN NO, ,KHA CIG GZHI SGRUB PA DANG TSOd NA MED DGAG MIN PAR SMRA BA MI 'THAD DE BRAM ZE SGRUB PA YIN PAS BRAM ZES CHANG MI 'THUNG BA DGAG BYA BCAD TZAM YIN PA MI 'GOG PA'I PHYIR TE DPER NA SGRA MNGON GYUR YIN PAS SGRA MI RTAG PA LKOG GYUR YIN PA MI 'GOG PA BZHIN NO, ,GZHAN DAG GZHI DANG TSOGS NA CHOS GZHAN 'PHANGS SO ZHES PA YANG MI 'THAD DE BRAM ZE LTA BU NI CHOS GZHAN 'PHEN MI 'PHEN RTZI BA'I GZHI YIN GYI 'PHANGS PA'I CHOS GZHAN MIN PA'I PHYIR RO, ,GNYIS PA LA GNYIS, MED DGAG BSGRUB BYAR BSTAN PA DANG, ,

025a

, ,DE LA RTZOD PA SPANG BA'O, ,DANG PO NI, GZHAN GRAGS KYI RTAGS LA YANG BSGRUB BYA YOD PA DANG MTHA' BZHI'I SKYE BA THAL BAS SUN PHYUNG BAS KYANG SKYE MED SGRUB PAR TSIG GSAL LAS BSHAD LA, 'JUG 'GREL LAS KYANG, DAM BCA' BA BZHI PO DE RJES SU BRJOD NAS RIGS PAS BSGRUB PA'I PHYIR BSHAD PA, ZHES GSUNGS SHING DAM BCA' BZHI MED DGAG TU BZHED PA'I PHYIR RANG BZHIN 'GOG PA'I SKABS THAMS CAD DU MED DGAG RTAGS KYI BSGRUB BYAR BYA'O, ,DES NA TSIG GSAL LAS; RJES SU DPAG PA DAG NI GZHAN GYI DAM BCA' BA 'GOG PA TZAM GYI 'BRAS BU CAN YIN PA'I PHYIR RO, ,ZHES GSUNGS PA YANG RANG BZHIN YOD PA RNAM PAR BCAD TZAM ZHIG SBYOR BA RNAMS KYIS SGRUB KYI DE DE LAS GZHAN PA'I CHOS GZHAN MI SGRUB PA'I DON YIN PAS RANG BZHIN YOD PA 'GOG GI MED PA MI SGRUB CES PA MIN NO, ,DE 'DRA BA'I RIGS RNAMS NI RANG BZHIN MED PA STON PA'I LUNG DANG DE NGES PA'I BLOS RANG BZHIN RNAM PAR BCAD TZAM ZHIG BRJOD BYA DANG YUL DU BYED KYI CHOS GZHAN MI 'PHEN NO ZHES MED DGAG TU STON PA'I DON YIN TE, BRGYA PA'I 'GREL PA LAS, RANG BZHIN SGRO 'DOGS PA'I RTOG PAS SEMS CAN BCINGS PAR GZIGS NAS DE BZLOG PA'I DON DU DE BZHIN GSHEGS PA RNAMS DANG BYANG CHUB SEMS DPA' RNAMS RTEN CING 'BREL BAR 'BYUNG BA DANG MI 'GAL BAR DNGOS PO RNAMS RANG BZHIN MED PA TZAM ZHIG STON PAR MDZAD DE, DE LTAR NA 'DI NI MDOR NA SANGS RGYAS KYI GSUNG GI DON YIN NO ZHES SLOB DPON GYI BSTAN BCOS 'DIS RNAM PAR

025b

BSHAD DO, ,ZHES DANG, TSIG GSAL LAS KYANG; 'JIG RTEN DE NA NI SNYED SU YOD PA, ,THAMS CAD DNGOS MED CI YANG MED PA ZHES, ,BYA BA LA SOGS PA 'BYUNG BAS NA MED PAR DGAG PAR 'DOD PA'I PHYIR DNGOS PO MED PA'I DON NI RANG BZHIN MED PA'I DON YIN NO, ,ZHES GSUNGS PA BZHIN NO, ,RANG BZHIN MED PA TZAM ZHIG STON ZHES PA'I TZAM GYIS RANG BZHIN RNAM PAR BCAD TZAM MIN PA SGRA'I BRJOD BYAR 'PHANGS PA GCOD KYI RANG BZHIN MED PA STON PA GA LA GCOD DE BZHIN DU RIGS PAS RANG BZHIN YOD PA'I PHYOGS 'GOG PA TZAM ZHIG BYED CES PAS KYANG RANG BZHIN BKAG TZAM LAS GZHAN PA'I CHOS SGRUB PA GCOD KYANG RANG BZHIN BKAG PA TZAM SGRUB PAR BYED PA GTAN MI GCOD PAS MED DGAG TU STON PA'I DON NO, ,GZHAN YANG PHUNG GSUM SEL BA'I DNGOS 'GAL GCIG STON RGYU MED NA NI YOD MED DAM GCIG DANG DU MA SOGS GANG 'DOD CES MTHA' GNYIS SU KHA TSEN BCAD PA'I BRTAG PA BYAS NAS 'GOGS MED LA YOD NA DNGOS 'GAL GCIG 'GOG PA NI CIG SHOS SGRUB PA MED NA MED PA YIN TE DBU MA SNANG BA LAS, PHAN TSUN SPANGS TE GNAS PA'I MTSAN NYID KYI CHOS DAG NI CIG SHOS DGAG PA GZHAN SGRUB PA MED NA MED PA YIN PA'I PHYIR GNYIS KA MA YIN PA'I PHYOGS SU RTOG PA YOD RIGS PA MA YIN NO, , ZHES DANG, GANG ZHIG YONGS SU GCOD PA GANG RNAM PAR BCAD PA MED NA MED PA DE GNYIS NI PHAN TSUN SPANGS TE GNAS PA'I MTSAN NYID YIN NO, ,GANG DAG PHAN TSUN SPANGS TE GNAS PA'I MTSAN NYID YIN PA DE DAG NI RNAM PA THAMS CAD LA KHYAB PAR

026a

, ,BYED PA DAG YIN NO, ,GANG DAG RNAM PA THAMS CAD LA KHYAB PAR BYED PA YIN PA DE DAG NI PHUNG PO GZHAN SEL BAR BYED PA DAG YIN TE DPER NA LUS CAN DANG LUS CAN MA YIN PA LA SOGS PA'I BYE BRAG LTA BU'O ZHES GSUNGS PA BZHIN NO, ,DGAG PA GNYIS KYI MTSAN NYID DANG RANG BZHIN 'GOG PA'I RTAGS KYI SGRUB BYA MED DGAG YIN PA DANG DNGOS 'GAL GCIG RNAM PAR BCAD NA CIG SHOS YONGS SU GCOD PA DANG GCIG 'GOG NA CIG SHOS SGRUB DGOS PA LA DBU MA THAL RANG LA KHYAD PAR YOD PA MA YIN NO, ,RANG BZHIN YOD PA TSAD MAS RNAM PAR BCAD PA NA DGAG BYA BCAD PA DE TSAD MAS NGES PAR BYED PAS YONGS SU GCOD PAR BYED CES GSUNGS TE, DBUS MTHA' LAS, YONGS SU GCOD DANG GO BYED DANG, ZHES GSUNGS PA LTAR RO, ,DES NA MYU GU RANG BZHIN MED PA BSGRUB BYA YIN KYANG YONGS GCOD BSGRUB BYA MIN NO, ,YONGS GCOD THAMS CAD SGRUB PAR 'DOD PA NI YONGS GCOD KYI DON MI SHES PAR SMRA BA STE GZHI 'DI CHOS 'DI MIN PA DANG 'DI LA CHOS 'DI MED PAR YONGS SU GCAD DGOS PA NI SHES BYA THAMS CAD LA YOD PA'I PHYIR DANG, BLOS DGAG BYA DNGOS SU BCAD NAS NGES PAR BYA DGOS PA RNAMS DGAG PA YIN PA'I PHYIR RO, ,RANG BZHIN MED PA YOD NA NI THA SNYAD PA'I TSAD MAS RANG BZHIN YONG BA 'GOG MI NUS PAS RANG BZHIN MED PA YANG MI 'GRUB PA'I PHYIR RIGS SHES KYIS 'JAL LO, ,DE MED NA NI DGAG PA GNYIS KYIS RNAL MA STON PAS DNGOS PO RNAMS RANG BZHIN YOD PAR 'GYUR TE, RTZOD ZLOG LAS, GAL TE RANG BZHIN MED NYID KYIS, ,

026b

CI STE RANG BZHIN MED LA ZLOG, RANG BZHIN MED PA NYID LOG NA, ,RANG BZHIN NYID DU RAB GRUB 'GYUR, ZHES GSAL BAR GSUNGS SO, ,RIGS SHES KYIS RANG BZHIN PHAR LA BCAD PA TZAM YIN GYI RANG BZHIN MED PA YUL DU MI BYED PAS RTAGS KYIS KYANG DE MI SGRUB CES SMRA NA NI, LUNG GIS KYANG RANG BZHIN DANG BDAG PHAR LA BCAD PA TZAM YIN GYI RANG BZHIN MED PA DANG BDAG MED BRJOD BYAR MI BYED CES SMRA DGOS PAS DON DAM STON PA THAMS CAD NGES PA'I DON GYI GSUNG RAB DANG DBU MA'I BSTAN BCOs KYIS BRJOD BYA RTEN 'BYUNG MTHA' BRAL GYI STONG NYID BSTAN NO ZHES KYANG SMRA BAR MI BYA'O, ,DE LTAR NA MYU GU BDEN YOD DANG BDEN MED BDEN GRUB GNYIS KA DGAG NUS KYI BDEN PAR YOD MED GNYIS KA DGAG MI NUS TE DON DAM PAR YOD MED KYANG DE DANG 'DRA'O, , GNYIS PA LA GNYIS, RANG BZHIN MED PA RIGS SHES KYIS YOD PAR GRUB PA'I RTZOD PA SPANG BA DANG, RANG BZHIN MED PA RIGS SHES KYIS GRUB NA BDEN PAR GRUB PA'I RTZOD PA SPANG BA'O, ,DANG PO NI, 'DI SNYAM DU MYU GU RANG BZHIN GYIS MED PA DE YOD PAR RIGS SHES KYIS 'GRUB DGOS TE TSAD MA GZHAN GYIS DE MI 'GRUB PA'I PHYIR DANG, RIGS SHES KYIS RANG BZHIN MED PA GRUB PA'I PHYIR RO, ,RIGS SHES KYIS YOD PAR RNYED NA NI, DE KHO NAR YOD MED DANG YIN MIN DPYAD CING BTZAL BA'I DON GANG RUNG GCIG RNYED PA YIN PA'I PHYIR BDEN PAR YOD DO, ,DE LTAR NA DGAG BYA BDEN PA 'GOG PA'I RIGS PA THAMS CAD DGAG BYAS STONG PA BDEN PA LA YANG MTSUNGS PAS DGAG BYA YANG MI KHEGS SO ZHE NA, 'DI LA RIGS SHES KYIS RANG BZHIN

027a

, ,GYIS GRUB PA MED DO SNYAM DU BZUNG BA TZAM MA GTOGS PA RANG BZHIN MED PA YOD PA LA SOGS PA GANG DU YANG MI 'DZIN PAS MED DGAG NYID GZHAL BYAR 'DOD PA YIN LA, GAL TE RANG BZHIN MED PA YOD PA SOGS SU 'DZIN NA CHOS GZHAN RIGS SHES KYI YUL DU 'PHANGS PAS MA YIN DGAG BSGRUB BYA DANG GZHAL BYAR 'GYUR RO, ,DES NA RIGS SHES KYI DNGOS KYI BYED PAS NI RANG BZHIN MED PA YOD PAR MI 'GRUB BO, ,'ON TE RANG BZHIN MED PA YOD PAR NI SHUGS KYIS RTOGS LA DE YANG RIGS SHES KYIS GRUB PAR BYA DGOS SO SNYAM NA, DA LTA NA MYU GU RANG BZHIN MED DO ZHES PA'I SGRAS KYANG RANG BZHIN MED PA YOD PA DE SHUGS LA BSTAN DGOS TE SGRA DE'I RJES SU 'BRANG BA'I BLOS DE YOD PAR SHUGS LA RTOGS PA'I PHYIR RO, ,DE YI PHYIR DGAG BYA BCAD TZAM MIN PA'I CHOS GZHAN SHUGS LA 'PHANGS PA'ANG MA YIN DGAG YIN PAS MED DGAG YIN PA NYAMS SO, ,GZHAN YANG TSON PO NYIN PAR MI ZA BA ZHES PA NI TSO BAS ZAS ZOS BA'I RGYU CAN DU GRUB LA, ZA DUS NYIN MTSAN GNYIS SU NGES SHING NYIN MO ZA BA BCAD PA DNGOS LA YOD PA'I SHUGS KYIS MTSAN MO ZA BA DE SGRA DE'I SHUGS BSTAN DANG BLA DE YI SHUGS YUL YIN KYANG, DE DANG MTSUNGS PA'I DNGOS KYI NUS PA MYU GU RANG BZHIN MED CES PA'I SGRA BLO LA MI SNANG BAS SHUGS LA RTOGS PA'I RGYU MTSAN YANG MED DO, ,DE LTA NA'ANG BAR DU TSAD MA GZHAN BRGYUD PA LA MI LTOS PAR RIGS SHES KYI STOBS LA BRTEN NAS RANG BZHIN MED PA MED PAR 'DZIN PA'I SGRO 'DOGS DANG 'DZIN STANGS DNGOS SU 'GAL

027b

BA'I BLO SKYED NUS SHING, DE NYID KYIS DE GCOD PAS RIGS SHES LA BRTEN NAS SGRO 'DOGS GCOD MOD KYANG RIGS SHES KYIS SGRO 'DOGS DE BCAD PA MIN NO, ,'DI DPER BRJOD NA SGRA MI RTAG PA SGRUB PA'I TSUL GSUM NGES PA'I TSAD MA SKYES PA NA BAR DU TSAD MA GZHAN BRGYUD PA LA MI LTOS PAR DE YI MTHU LA BRTEN NAS, SGRA RTAG 'DZIN GYI SGRO 'DOGS DANG 'DZIN STANGS DNGOS SU 'GAL BA'I BLO SKYED NUS KYANG SGRA MI RTAG PA TSAD MA SNGA MA'I SHUGS LA GRUB PA DANG SGRA RTAG 'DZIN GYI SGRO 'DOGS TSAD MA SNGA MAS BCAD BA MIN PA BZHIN TO, ,DES NA RNAM 'GREL LAS, SGRA NI BYAS YIN 'DI 'DRA KUN, ,MI RTAG CES NI BRJOD PAS KYANG, ,DON GYIS DE NI 'JIG BLOR 'GYUR, ,ZHES DON GYIS TE SHUGS KYIS ZHES BSHAD KYANG SHUGS RTAGS MIN PA DANG 'DRA'O, ,CI STE RANG BZHIN MED PA YOD PA'I DON NI TSAD MAS DMIGS PA YIN LA DE YANG RIGS SHES KYIS GRUB PAS YOD PA'I DON DES GRUB PA YIN LA TSUL GSUM NI BSGRUB BYA'I DON MIN PAS MI MTSUNGS SO ZHE NA, 'DI LA DBU MA PA THA SNYAD DU RANG RIG KHAS LEN PAS NI RANG BZHIN MED PA TSAD MAS DMIGS PA DE DMIGS BYED NYAMS SU MYONG BA'I RANG RIG GIS SHUGS LA 'GRUB PAR BZHED KYANG RANG RIG THA SNYAD PA'I TSAD MAR BZHED PAS RIGS SHES KYIS GRUB PA MIN NO, ,ZLA BA'I BZHED PAS KYANG YOD PA'I DON DE RIGS SHES KYIS GRUB PA MIN TE RIGS SHES KYIS NI DE KHO NAR YOD MED DAM YIN MIN DPYAD PA'I DON GANG RUNG GCIG RNYED PAS DES YOD PAR RNYED NA BDEN GRUB TU 'GRO BA'I PHYIR RO, ,RANG RIG GIS SHUGS LA 'GRUB PAR YANG MI

028a

, ,BZHED DO, ,'O NA JI LTAR GRUB CE NA, 'DIR TSAD MA'I MTSAN NYID MI SLU BA NI 'JIG RTEN NA JI LTAR 'JOG PA BZHIN DU BZHED LA 'JIG RTEN NA GSAR DU SLU MI SLU'I KHYAD MA PHYE BAR SPYIR MI SLU BA LA CHAD MAR 'JOG PAS, MNGON SUM TSAD MA RTOG MED KYIS DRANGS PA'I BCAD SHES RNAMS KYANG TSAD MAR BZHED PAR MNGON NO, ,DE'I PHYIR RTOG PA'I TSAD MA LA YANG MNGON SUM GYI TSAD MA YOD DE BCAD SHES KYI YUL MNGON GYUR DU 'JOG PAS MNGON GYUR LA MI BSLU BA'I PHYIR RO, , RANG BZHIN MED PA KHYAD GZHIR GRUB NAS YOD MED KYI DON DANG THA SNYAD GANG LA YANG DPYOD PA MED PAS RTAGS KYIS 'GRUB PA MIN ZHING, RTAGS LA MI LTOS PAR RANG BZHIN MED PA MED PAR 'DZIN PA'I SGRO 'DOGS GCOD PAR YANG NUS PAS RANG BZHIN MED PA YOD PA NI MNGON GYUR RO, ,DE YANG YOD PA MNGON GYUR YIN PAS RANG BZHIN MED PA LKOG GYUR YIN KYANG DE TSAD MAS GRUB PA LA RANG BZHIN MED PA YOD PA MNGON GYUR YIN TE, DPER NA SKAD CIG MA LKOG GYUR YIN PAS SGRA DANG SNGON PO MNGON GYUR YIN KYANG DE GNYIS SKAD CIG MA LKOG GYUR YIN PA BZHIN NO, ,DES NA YOD PAR NGES PA'I THA SNYAD PA'I BLO YANG MNGON GYUR LA MI SLU BAS MNGON SUM GYI TSAD MA'O, ,'DIS MYU GU LA SOGS PA RANG BZHIN MED PAR RIGS SHES KYIS RTOGS PA LA MYU GU'I SNANG BA RANG BZHIN MED BZHIN DU SNANG BAR GANG GIS 'GRUB PA YANG SHES PAR BYA'O, ,GNYIS PA NI, 'DIR MYU GU LA SOGS PA RANG BZHIN MED PA DE RIGS SHES KYIS GRUB NA MTHAR THUG DPYOD PA'I RIGS PAS DPYAD

028b

BZOD DU 'GYUR BAR MTHONG NAS KHA CIG BDEN DNGOS MED PA BDEN PAR GRUB CES SMRA LA, GZHAN DAG RIGS SHES DANG RJES DPAG TSAD MA'I LDOG PA SO SOR PHYE NAS DANG PO LA YUL MED LA PHYI MA LA YUL YOD CES SMRA'O, ,DE GNYIS KA YANG MI 'THAD DE; 'DI LTAR MYU GU LA SOGS PA BDEN PAR YOD MED DPYOD PA NI SNGAR LHAN SKYES KYIS BDEN PAR YOD PAR 'DZIN TSUL BSHAD PA LTAR DU YOD MED DPYOD PA YIN GYI MTHAR THUG DPYOD PA'I RIGS PAS DPYAD BZOD DU YOD MED DANG, RIGS SHES KYI GRUB MA GRUB TU DPYOD PA MIN PAS, RIGS SHES KYIS GRUB PA TZAM ZHIG KHAS BLANGS PA LA BDEN PAR GRUB PA'I DON KHAS BLANGS ZHES SMRA BA'I DON MED DO, ,GAL TE BDEN PA'I DON KHAS MA BLANGS KYANG RIGS SHES KYIS GRUB NA MTHAR THUG DPYOD PA'I RIGS PAS DPYAD BZOD DU GRUB DGOS TE, RIGS SHES KYIS DPYAD MI BZOD DES GRUB PAR 'GAL BA'I PHYIR RO, ,RIGS SHES KYIS DPYAD GZOD DU YOD NA NI BDEN PAR 'GYUR RO SNYAM NA, 'DI YANG RIGS SHES KYIS DPYAD BZOD DANG DES GRUB PA GNYIS DON GCIG TU 'DOD PA YIN PAS RIGS SHES KYIS GRUB PA NYID BDEN PA'I DON DU 'DOD PAR SONG BAS CI TZAM ZHIG NAS BDEN GRUB TU 'GRO BA'I SA MTSAMS MA RTOGS PA YIN PAS, 'DI LA SNGAR BSHAD PA LTAR BDEN 'DZIN GYI TSANG BSTAN PA NYID KYIS MI 'THAD PA RTOGS PAR SLA'O, ,SNGAR MYU GU LA SOGS PA BDEN PAR YOD DAM MED BTZAL BA'I 'OG TU BDEN MED RIGS SHES KYIS RNYED PAS SLAR BDEN MED BDEN PAR YOD DAM MED BTZAL BA'I TSA BDEN MED MI RNYED KYANG DE

029a

, ,MA RNYED PAR MI 'GYUR LA, SNGAR MYU GU LA SOGS PA MTHAR THUG DPYOD PA'I RIGS PAS DPYAD BZOD DU YOD MED BTZAL BA'I TSE YANG DPYAD BZOD MA RNYED LA SLAR DPYAD BZOD DU MED PA DE NYID DPYAD BZOD DU YOD MED BTZAL BA'I TSE YANG DE NYID MI RNYED PAS RIGS SHES KYIS RNYED PA DANG DES DPYAD BZOD GNYIS KYANG MI MTSUNGS SO, ,NGES NA CI TZAM ZHIG TU GRUB NA BDEN GRUB TU 'GRO BA'I MA MTHA'I SA TSIGS RTOGS PA LA BSGRUB BYA DANG GZHAL BYA MED DGAG YIN PAR BSTAN NAS DOGS PA 'DI BZLOG DGOS LA, RIGS SHES KYIS RANG BZHIN MED PA YOD PAR GRUB BO SNYAM PA MA BZLOG BAR DU GZHAL BYA MED DGAG YIN PAR YANG SGRUB MI NUS SO, ,SHES RAB SGRON ME LAS, MTHA' BZHI'I SKYE BA MED PA'I DAM BCA' MED DGAG TU MI BYED PAR MA YIN DGAG TU BYED NA YUM GYI MOD LAS GZUGS KYI SKYE BA MED PA LA SPYOD NA SHER PHYIN LA MI SPYOD DO ZHES GSUNGS PA DANG 'GAL BAR GSUNGS TE, SDUD PA LAS KYANG, PHUNG 'DI STONG ZHES RTOG NA'ANG BYANG CHUB SEMS DPA' NI, , MTSAN MA LA SPYOD SKYE MED GNAS LA DAD MA YIN, ,ZHES PA DANG DE 'DRA BA GZHAN YANG MANG STE DE DAG THAMS CAD NI RIGS SHES KYIS BDAG MED PA DANG RANG BZHIN GYIS STONG PA 'DZIN PA NA, DGAG BYA'I SPROS PA RNAM PAR BCAD TZAM MA BZUNG PAR DE LAS GZHAN DU BDAG MED YOD PA SOGS CHOS GZHAN 'PHANGS PA BZUNG NA BDEN 'DZIN GYI MTSAN MA LA SPYOD KYI SHER PHYIN GYI DON SGOM PA MIN PAR GSUNGS SO, ,DGAG BYA'I SPROS PA MED PAR DGAG PA TZAM DU BZUNG NA SHER PHYIN LA SPYOD KYI MTSAN MA LA

029b

SPYOD PA MIN PA LA DGONGS NAS PHUNG PO LNGA PO DE DAG KYANG RANG BZHIN GYIS STONG PAR RNAM PAR YANG DAG PAR RJES SU BLTA'O, ,ZHES DANG 'JUG PA LAS KYANG, DE PHYIR BDAG DANG BDAG GI STON LTA BA'I, ,RNAL 'BYOR PA DE RNAM PAR GROL BAR 'GYUR, ,ZHES SOGS STONG PA DANG BDAG MED DU BLTA DGOS PAR YANG MANG PO GSUNGS PA MI 'GAL BA DE LTAR DU SHES PAR BYA STE, GZHAN DU NA MTSAN MA LA SPYOD SKYE MED GNAS LA DAD MA YIN ZHES GSUNGS KYANG SKYE BA MED PA LA SPYOD NA SHER PHYIN LA MI SBYAD PAR GSUNGS PAS PHAN TSUN 'GAL BAR 'GYUR RO, ,DGAG PA GNYIS KYI SGO NAS SPROS PA GCOD LUGS 'DI MA PHYED PAR STONG MI STONG DANG BDAG YOD MED SOGS GANG DU YANG MI GZUNG BAR GSUNGS PA'I LUNG 'GA' ZHIG LA 'KHRUL BAS BDAG MED PA'I LTA BA SKYOD LUGS KYI GEGS CHEN POR SONG BA MANG DU BYUNG SNANG NGO, ,GZHAN YANG 'JIG RTEN BRTAG PA LAS, 'DI NI YOD NYID 'GOG PA STE, ,MED NYID YONGS SU 'DZIN PA MIN, ,NAG PO MIN ZHES SMRAS PA NA, ,DKAR PO YIN ZHES MA BRJOD BZHIN, , ZHES GSUNGS PAS DGAG BYA BKAG TZAM YIN GYI DE BKAG PA RTAGS KYI BSGRUB BYAR BYED PA MI 'THAD DO SNYAM NA, 'DI NI SHES RAB SGRON MA LAS, NGO BO NYID YOD PA DGAG PA BYAS PAR ZAD KYI DNGOS PO MED PA NYID DU NI MA SMRAS TE ZHES PA'I SGRUB BYED DU DRANGS SHING 'GREL BSHAD KYIS KYANG MED DGAG YIN PA'I SHES BYED DU BKRAL LO, ,DPER BRJOD KYIS KYANG SHES TE 'DI NAG PO MIN ZHES BRJOD PA NA NAG PO BKAG PA TZAM YIN GYI DE LAS GZHAN PA'I DKAR POR MA BRJOD CES GSUNGS PAS

030a

, ,DKAR POR BRJOD PA BKAG GI NAG PO BKAG PA TZAM DE MA BRJOD CES 'GOG PA GA LA YIN, DE BZHIN DU RANG BZHIN MED CES PA 'DI NI YOD PA 'GOG PA TZAM YIN GYI DE LAS GZHAN PA'I RANG BZHIN MED PA YOD CES YONGS SU 'DZIN PA MIN NO ZHES BSHAD DGOS PAS, RANG BZHIN YOD PA BKAG TZAM DE TSIG DES MA BRJOD PA DANG BLO NGES YUL DU MI BYED PA DANG RTAGS KYIS MI SGRUB CES STON PA MIN NO, ,DNGOS PO MED PA NYID DU MA SMRAS PA YANG RTOG GE 'BAR BA LAS, SA LA SOGS PA DON DAM PAR 'BYUNG BA'I NGO BO NYID MA YIN PA TZAM ZHIG BYED PAR ZAD KYI GZHAN GYI NGO BO DANG DNGOS PO MED PA'I NGO BO NYID YIN PAR MI SGRUB, CES GSUNGS PA LTAR RANG BZHIN RNAM PAR BCAD TZAM MIN PA RANG BZHIN MED PA'I NGO BO NYID DU GNAS PAR YANG MIS GRUB PA'I DON TE DE NYID LAS YOD PA BKAG PAS SGRUB PA'I TSUL GYIS MED PA'I NGO BO NYID SGRUB PAR MI BYED KYI MTHA' GNYIS SPANGS PA'I LAM STON PAR 'DOD PAR BSHAD DO, ,DE BZHIN DU TSIG GSAL LAS KYANG, KHO BO CAG 'DI MED PA DANG YOD PAR MI SGRUB KYI GZHAN GYIS YOD PAR BTAGS PA DANG MED PAR BTAGS PA 'GOG STE MTHA' GNYIS BSAL NAS DBU MA'I LAM SGRUB PAR 'DOD PA'I PHYIR RO, ,ZHES GSUNGS PA YANG PHA ROL POS KHAS BLANGS PA'I YOD MTHA' DANG MED MTHA' GNYIS RNAM PAR GCOD PA TZAM YIN GYI DE MA GTOGS PA GZHAN MI SGRUB CES PA'I DON NO, ,MTHA' GNYIS BKAG PA TZAM MA BSGRUBS PA YANG MA YIN TE MTHA' GNYIS BSAL NAS DBU MA'I LAM SGRUB PAR GSUNGS PAS

030b

SO, ,GNYIS PA LA GNYIS, BDAG SKYE 'GOG PA'I RIGS BA DANG, GZHAN SKYE SOGS 'GOG PA'I RIGS PA'O, ,DANG PO LA GSUM, RANG GI LUGS BZHAG PA DANG, DE LA GZHAN GYIS SKYON BRJOD PA'I TSUL DANG, SKYON DE RANG LUGS LA MED PA'I RGYU MTSAN BSHAD PA'O, ,DANG PO NI, GRANGS CAN GYIS MIG LA SOGS PA NANG DANG MYU GU LA SOGS PA'I PHYI'I DNGOS PO RNAMS RGYU DUS NA MED PA SKYE BA MI 'THAD PAR MTHONG NAS, MER MER PO DNGOS BON LA SOGS PA'I RGYU'I BDAG NYID DU MNGON PAR MI GSAL BA'I TSUL GYIS YOD PA RNAMS DE DAG LAS SKYE BAR 'DOD CING GSAL ZIN NAS NI SKYE BAR MI 'DOD DO, ,DE 'GOG PA NA SKYE BA DON MED DU THAL BAS 'GOG PA NI MYU GU LA SOGS PA RNAMS SLAR YANG SKYE BA DON MED PAR 'GYUR TE RANG GI BDAG NYID THOB ZIN PA'I PHYIR RO, ,SKYE BA NI RANG GI BDAG NYID THAB PA'I DON DU YIN NA DE THOB ZIN NAS SLAR YANG SKYE NA DGOS PA MED DO, ,GAL TE RANG GI BDAG NYI THOB ZIN KYANG SKYE DGOS PA MI 'GAL LO ZHE NA THUG MED DU THAL BAS 'GOG PA NI, DE LTA NA MYU GU LA SOGS PA DE NAM YANG SLAR MI SKYE BAR MI 'GYUR TE, GRUB ZIN KYANG YANG SKYE DGOS PA'I PHYIR RO, ,DE LA BA ROL BOS NUS PA'I NGO BOR MI GSAL BAR YOD PA GSAL BAR SKYE DGOS PA DANG GSAL ZIN NAS SKYE MI DGOS PAS THAL BA SNGA PHYI GNYIS LA KHYAB PA MED CES SMRA MOD KYANG SKYONG SPONG MI NUS TE, GSAL BA SNGA NAS YOD NA DER SKYE MI DGOS LA SNGA NAS YOD KYANG SKYEN THUG MED SO NA GNAS SHING GSAL BA SNGAR MED NA RGYU LA SNGAR YOD KHO NA SKYE BA'I PHYOGS NYAMS SO, ,GRANGS CAN GYI KHYAD PAR

031a

, ,'GA' ZHIG SKYE BAR MI 'DOD KYI GSAL BAR 'DOD MOD KYANG RIGS PA DE DAG GIS DGAG PAR NUS SO, ,RAB BYED NYI SHU PA DANG BDUN PAR 'DI 'GOG PA'I RIGS PA GZHAN YANG GSUNGS MOD KYANG SANGS RGYAS BSKYANGS KYIS RIGS PA GNYIS KYIS BKAG PA 'DI YI RIGS KYANG DU MA ZHIG GZHUNG LAS 'BYUNG NGO, ,GNYIS PA NI, 'DIR SANGS RGYAS BSKYANGS KYIS DNGOS PO RNAMS BDAG GI BDAG NYID LAS SKYE BA MED DE, DE DAG GI SKYE BA DON MED PA NYID DU 'GYUR BA'I PHYIR DANG SKYE BA THUG PA MED PAR 'GYUR BA'I PHYIR ZHES GSUNGS PA LA, LEGS LDAN GYIS DE NI MI RIGS TE SBYOR BA DES BDAG SKYE MED PAR SGRUB PA'I RTAGS DANG, DPE GANG YANG MA BRJOD PAS DAM BCAS PA TZAM DU ZAD PA'I PHYIR DANG, GRANGS CAN GYIS BDAG LAS ZHES PA'I DON 'BRAS BU GSAL BA'I BDAG NYID LAS YIN NA NI GRUB ZIN SGRUB PA DANG, RGYU MI GSAL BA NUS PA'I BDAG NYID LAS YIN NA NI SKYE LDAN THAMS CAD DE LAS SKYE BA KHO NA YIN PAS 'GAL BAR 'GYUR RO ZHES DAM BCA' LA BRTAGS NAS SKYON BRJOD PA MA BSAL BA'I PHYIR RO, ,RGOL BA GZHAN GYI GLAN KA'I GLAGS YOD PA'I TSIG YIN PA'I PHYIR YANG MI RIGS SO, ,TSIG GSAL LAS THAL BAR 'GYUR BA'I TSIG YIN PA'I PHYIR ZHES BSGYUR YANG SHEs RAB SGRON MA LAS GLAGS YOD PA'I TSIG YIN PA'I YANG PHYIR TE, ZHES BSGYUR BA LTAR 'GREL BSHAD KYIS KYANG BSHAD LA DE YI PHYIR YANG MI RIGS ZHES MI RIGS PA'I RGYU MTSAN DU BSHAD DO, ,GLAGS YOD PAR JI LTAR 'GYUR NA SKABS

031b

KYI DON SBYOR BA DE LAS BZLOG PAS 'GYUR RO, ,SKABS KYI DON LAS BZLOG PAS GLAGS YOD PA'I TSIG TU 'GYUR TSUL NI, DNGOS PO BDAG GI BDAG NYID LAS SKYE BA MED DE ZHES PA'I BSGRUB PAR BYA BA BZLOG PA'I DON MNGON PAS DNGOS PO RNAMS GZHAN LAS SKYE BA DANG SGRUB PA'I CHOS RTAd BLOG PA'I DON MNGON PAS SKYE BA DON BCAS DANG THUGS BCAS SU 'GYUR BAS DRANG GI GRUB MTHA' DAD 'GAL BAR 'GYUR BA'I SKYON YOD CES ZER RO, ,DON DANG THUG MED KYANG RTAGS MIN LA BDAG SKYE YOD NA DON DANG THUG MED KYANG RTAGS SU MI RUNG STE DE RTZOD GZHI'I STENG DU GRUB NA BSGRUB BYA GRUB DGOS PA'I PHYIR RO, ,DES NA BZLOG DON GNYIS RTAGS SO, ,DNGOS ZIN GYI RTAGS BZLOG DGOS NA DNGOS ZIN GYI DAM BCA' YANG BZLOG DGOS TE MTSUNGS PA'I PHYIR RO, , DE LA RTAGS BZLOG PA LTAR BYAR MED PAS BDAG SKYE RNAM PAR BCAD TZAM MIN PA BZLOG PA'I DON NO, ,'DI THAL CHOS KYI RTAGS BZLOG PA MIN TE BSGRUB PAR BYA BA BZLOG PAS ZHES BSHAD PA'I PHYIR DANG BDAG SKYE MED PA RTAGS SU MA SMRAS PA'I PHYIR RO, , DE YI TSE SKYE BA DON DANG THUG BCAS YIN PA'I PHYIR DNGOS PO RNAMS BDAG SKYA RNAM PAR BCAD PA TZAM MIN NO ZHES PAS GZHAN LAS SKYE BAR 'GYUR RO, ,DE LTA NA BDAG LAS MIN ZHES PA'I DON BDAG SKYE RNAM PAR BCAD TZAM YIN PA'I GRUB MTHA' DANG 'GAL LO, ,'GREL BSHAD KYIS SLOB DPON GYI LUNG LAS GZHAN SKYE DANG SKYE BA DON DANG THUG BCAS MI BZHED PA'I GRUB MTHA' DANG 'GAL ZHES 'CHAD DO, ,SKYE BA DON DANG THUG MED RTAGS SU BKOD PAR 'DOD NA GTAN TSIGS MA BRJOD CES PA MI 'THAD DO, ,

032a

, ,ZHE NA, DE NI BDAG SKYE MED PA SGRUB NUS PAS RTAGS MA BRJOD PA LA 'DOD PAS DE'I LUGS LA MI 'GAL LO, ,GSUM PA NI, DE LTAR SMRA BA ZLA PAS BKAG PA'I TSUL NI, YANG SKYE BA DON YOD PA DANG YOD PA GNYIS 'GAL BAR BRJOD PA'I THAL 'GYUR GYIS BDAG SKYE DGAG NUS LA MI NUS NA RANG RGYUD BKOD KYANG MI NUS PAS RANG RGYUD KYI DPE RTAGS BRJOD MI DGOS PA DANG, DBU MA PAS RANG RGYUD KHAS BLANG BAR MI RIGS PA'I PHYIR RANG RGYUD KYI DAM BCA' DANG RTAGS LA GZHAN GYIS SMRAS PA'I SKYON SPONG BYED MI DGOS SO, ,DE LTA NA'ANG GRANGS CAN RANG LA GRAGS PA'I RJES DPAG GIS 'GAL BA BRJOD DGOS PAS PHYIR RGOL GZHAN LA GRAGS PA'I DPE RTAGS DANG DAM BCA' RNAMS DE'I SKYON DANG BRAL BA BYA DGOS PA MA BRJOD CING NYES PA MA BSAL PA'I PHYIR SNGAR GYI SKYON DU 'GYUR RO ZHE NA, PHYI RGOL THAMS CAD LA GZHAN GRAGS NGES PAR BRJOD MI DGOS SHING 'GA' ZHIG LA BRJOD DGOS NA'ANG BRJOD PA YIN TE, SANGS RGYAS BSKYANGS KYIS RANG GI BDAG NYID DU YOD PA LA NI YANG SKYE BA DGOS PA MED CES GSUNGS PA NI DE DAG GI ZHES SOGS KYI 'GREL PA'I NGAG YIN PAS YOD PA RTAGS DANG YANG SKYE BA DON MED PA BSGRUB BYA'O, ,DES NI RTAGS CHOS GNYIS LDAN GYI MTHUN DPE GZHAN LA GRAGS PA YANG BZUNG BAS DPE RTAGS MA BRJOD CES CI STE BRJOD, MNGON GSAL GYI BUM PA SLAR YANG GSAL BAR MI 'DOD PA DPE YIN LA NUS PA'I NGO BO MI GSAL BA SKYE BA BKAG PA BSGRUB BYA YIN PAS, RTAGS GRUB PA LA SGRUB PA DANG 'GAL BAR DOGS PA YANG MED DO, ,DES NA SKYON DANG PO GNYIS

032b

MED DO, ,BZLOG PA'I DON KHAS BLANGS PA LA SKYON BRJOD PA MI 'JUG PA NI THAL BA BZLOG PA'I DON DANG YANG PHA ROL PO 'BREL GYI KHO BO CAG NI MA YIN TE RANG LA DAM BCA' BA MED PA'I PHYIR RO ZHES GSUNGS TE, 'DI NI DBU MA PAS 'PHANGS PA'I THAL BA THAMS CAD MIN GYI SNGAR 'PHANGS PA'I BDAG SKYE 'GOG PA'I THAL BA'O, ,DE'I THAL CHOS NI SKYE BA DON DANG THUG MED DU THAL BA TZAM MIN GYI SLAR YANG SKYE BA DON DANG THUG MED YIN LA THAL CHOS DE BZLOG PA'I DON SLAR YANG SKYE BA DON DANG THUG BCAS NI GRANGS CAN KHO NA 'DOD KYI RANG LA DE'I KHAS LEN MED PAS DE KHAS BLANGS PA'I RGYU MTSAN GYIS GRUB MTHA' DANG 'GAL BA GA LA YOD, DES NA GZHUNG 'DIS DBU MA PAS THAL BA 'PHANGS PA THAMS CAD KYI BZLOG PA PHA ROL POS KHAS LEN GYI RANG GIS KHAS MI LEN PA DANG SPYIR DAM BCA' MED PAR BSTAN PA MA YIN NO, ,SANGS RGYAS BSKYANGS KYIS YANG SKYE BA DON MED CES YANG GI SGRA SMOS LA DE'I DON NI MYU GU RGYU DUS NA RANG GI BDAG NYID THOB ZIN PA'I 'OG TU SKYE BAR 'DOD PAS DE MED CES PA'I DON NO, ,TSIG GSAL LAS KYANG YANG GI SGRA SMOS LA 'JUG PA LAS KYANG SKYES ZIN SLAR YANG SKYE BAR YONGS SU RTOG PAR 'GYUR NA NI, ZHES GSUNGS PAS YOD PA DANG SLAR YANG SKYE BA GNYIS 'GAL GYI YOD PA DANG SKYE BA MI 'GAL LO, ,YOD PA DANG SKYE BA THUG BCAS KYANG DE DANG 'DRA'O, ,ZLA BAS THAL BA BZLOG PA'I DON DANG RANG MA 'BREL BAR BSTAN PA 'DIS NI LEGS LDAN GYIS KYANG, SLAR YANG SKYE BA DON DANG THUG MED DU THAL BA 'PHANGS PA MA DGONGS PAR SPYIR SKYE BA DON DANG THUG MED DU 'PHANGS PAR BZUNG NAS BZLOG DON KHAS

033a

, ,LEN DGOS ZHES SMRAS PAR BSTAN TO, ,GAL TE GZHAN MI 'DOD PA'I THAL BA 'PHANGS NA THAL CHOS BZLOG PA'I DON 'PHEN MKHAN GYIS NGES PAR KHAS BLANG DGOS PAS THAL CHOS BZLOG PA'I DON KHAS LEN PA MED PA MI 'THAD DO ZHE NA RANG BZHIN MED PAR SMRA BAS RANG BZHIN DANG BCAS PAR SMRA BA THAL BA SGRUB PA NA THAL BA LAS BZLOG PAS DON CAN DU THAL BAR GA LA 'GYUR TE, ZHES PA YANG THAL BA SPYI MIN GYI BDAG SKYE 'GOG PA'I THAL BA GNYIS SO, ,THAL BA DE GNYIS KYIS MI 'DOD PA SGRUB PA NA 'PHEN MKHAN GYIS BZLOG DON NGES PAR KHAS BLANG MI DGOS TE SGRAS DON STON PA NI SGRA BA PO RANG DBANG MED PAR MI BYED KYI SMRA BA PO'I BRJOD 'DOD KYI RJES SU BYED PA'I PHYIR DANG THAL BA 'PHEN PA POS KYANG SLAR YANG SKYE BA DON BCAS DANG THUG BCAS DGAG PA TZAM ZHIG 'DOD NAS 'PHANGS PA'I PHYIR RO, ,'O NA GRANGS CAN GYIS SNGAR YOD RKYEN GYIS GSAL BAR BYAS PA TZAM ZHIG SKYE BA'I DON DU BSTAN PAR 'DOD NAS MYU GU SKYE'O ZHES BRJOD PA'I PHYIR MYU GU SKYE ZHES PA'I DON YANG DE TZAM DU 'GYUR RO ZHE NA, NUS PA YOD NA ZHES GSUNGS TE SNGA MA DE STON PA'I NUS PA YOD PA DANG BRJOD 'DOD GNYIS TSOGS PA DGOS PAS SKYON MED DO, ,DE'I PHYIR THAL BA SGRUB PA NI GZHAN GYI DAM BCA' BA 'GOG PA TZAM GYI 'BRAS BU CAN YIN PA'I PHYIR THAL BA LAS BZLOG PA'I DON DU 'GYUR BA YOD PA MA YIN NO ZHES GSUNGS PA NI SNGAR BSHAD PA'I THAL BA DES THAL CHOS BZLOG PA'I DON SLAR YANG SKYE BA DON DANG THUG BCAS KYI RTAGS KYIS BDAG SKYE MED PA MI SGRUB KYANG DGOS PA MED PA

033b

YIN TE, GANGS CAN MI 'DOD PA'I SKYE BA DON DANG THUG MED BSGRUBS PAS GRANGS CAN GYIS DAM BCA' PA'I BDAG LAS SKYE BA RNAM PAR BCAD PA TZAM ZHIG SGRUB PA'I DGOS PA CAN YIN PA'I PHYIR RO ZHES PA'I DON NO, ,MYU GU LA RANG GI NGO BOS GRUB PA'I RANG BZHIN YOD PA KHAS LEN PA NA SA BON LA BRTEN NAS 'BYUNG BAR MI 'GYUR TE, RANG GI NGO BOS YOD PA'I PHYIR ZHES PA'I THAL BA 'PHEN PA LTA BU LA NI BRTEN NAS 'BYUNG BA'I PHYIR MYU GU LA RANG GI NGO BOS GRUB PA'I RANG BZHIN MED DO ZHES THAL CHOS BZLOG PA RTAGS SU BYAS NAS THAL RTAGS BZLOG PA'I DAM BCA' SGRUB PA SHIN TU MANG NGO, ,DE LA YANG GZHAN GYIS DAM BCAS PA'I RANG GI NGO BOS YOD PA RNAM PAR BCAD PA TZAM ZHIG BYED KYI CHOS GZHAN ME SGRUB PA NI THAMS CAD LA 'DRA'O, ,DE NI BZLOG PA 'PHANGS PA YIN KYANG BZLOG PA RANG RGYUD 'PHANGS PA MIN ZHING THAL BA LA YANG BZLOG PA 'PHEN PA DANG MI 'PHEN PA GNYIS YOD DO, ,DES NA RANG LUGS SGRUB PA'I BSGRUB BYA SGRUB BYED KHAS LEN KYANG RANG RGYUD KYI BSGRUB BYA SGRUB BYED KHAS LEN PA MIN NO, ,'O NA RANG RGYUD KYI DON GANG YIN ZHE NA, SHES RAB SGRON MAR GZHAN GYI SKYON BRJOD GCIG GI SKABS SU RANG DBANG DU BYAS NAS DE SKAD BRJOD DAM SUN 'BYIN PA'I DBANG DU BYAS NAS YIN ZHES COG ROS BSGYUR BAS RANG RGYUD KYI DON NI RANG DBANG GI DON NO, ,DE YANG RANG BZHIN MED PA SGRUB DGOS PA'I PHYIR RGOL LA NI TSAD MAR GANG LA SONG BA'I SONG TSUL BLTAS PA NA TSAD MAR SONG SA THAMS CAD RANG GI NGO BOS YOD PA'I DON GCIG LA 'GRO BA MA GTOGS PA

034a

, ,RANG GI NGO BOS YOD MED GANG GIS KYANG KHYAD PAR DU MA BYAS PA'I DON TZAM LA TSAD MAR 'GRO BA MED DO, ,DE'I PHYIR RANG GI NGO BOS MED PA'I DON 'JAL BA'I CHAD MAS CHOS CAN GNYIS DANG TSUL SGRUB NA BSGRUB BYA GRUB ZIN PAS RANG BZHIN YOD PAR SMRA BA LAS 'DAS SO, ,RANG GI NGO BOS YOD PA'I DON 'JAL BA'I TSAD MAS SGRUB NA DGAG BYA DGAG MI NUS PAS GZHAN GYI KHAS BLANGS LA MA 'KHRIS PAR TSAD MAS DON GYI SDOD LUGS NAS RANG DBANG DU TSUL SGRUB MA NUS PAS NGANG RGYUD MI BZHED DO, ,'ON KYANG TSAD MAS GNOD MED KYI DON PHA ROL POS KHAS BLANGS PA'AM LEN DGOS PA PHYIR RGOL LA GRUB PA'I RTAGS KYIS BSGRUB BYA SGRUB PAS PHYIR RGOL RANG LA GRAGS PA ZHE'AM SNGA RGOL LA LTOS NAS GZHAN LA GRAGS KYI RJES DPAG GIS SGRUB PA YIN TE, 'DI DAG SHIN TU RTOGS DKA' BAR MTHONG NAS LEGS BSHAD SNYING PO LA SOGS PAR RGYAS PAR BSHAD ZIN PA LAS SHES PAR BYA'O, ,GNYIS PA LA GNYIS, MTHA' GSUM GYI SKYE BA DGAG PA DANG, MTHA' BZHI BKAG PAS GRUB PA'I DON RTZOD SPANG DANG BCAS PA'O, ,DANG PO NI, GZHUNG LAS GZHAN SKYE 'GOG PA'I RIGS PA MI 'DRA BA MANG PO GSUNGS KYANG, SANGS RGYAS BSKYANGS KYIS RAB BYED NYI SHU PAR GZHAN LAS SKYE NA RGYU YIN MIN MTSUNGS PAR 'GYUR RO ZHES GSUNGS PA'I RIGS PAS BKAG LA, ZLA BAS KYANG 'JUG PA LAS RIGS PA DES BKAG GO, TSIG GSAL LAS DNGOS PO RNAMS KYI RANG BZHIN ZHES PA'I SKABS LA KHA 'PHANGS PA DANG SNGAR GYI RIGS PAS 'GOG PA GNYIS KA MDZAD DO, ,SANGS RGYAS BSKYANGS

034b

KYIS GZHAN LAS KYANG SKYE BA MED DE THAMS CAD LAS THAMS CAD SKYE BAR 'GYUR BA'I PHYIR RO ZHES GSUNGS SO, ,'DIR GZHAN LAS SKYE NA THAMS CAD LAS THAMS CAD SKYE BAR 'GYUR RO ZHES HA CANG THAL BA 'PHAN PA'I RGYU MTSAN NI GZHAN NI SKYE'I GZHAN NI DNGOS MING THA DAD KYIS SO SOR GO BA'I THA DAD MIN GYI RANG GI NGO BOS GRUB PA'I THA DAD DO, ,DER GRUB NA MYU GU DE SA BON LA LTOS PAR 'GAL BAS 'BREL PA 'GOG NUS LA 'BREL MED DON GZHAN GCIG LAS SKYE NA THAMS CAD LAS SKYE BAR 'GYUR RO,, DE YI PHYIR SA BON MYU GU LAS RANG GI NGO BOS THA DAD PA'I DAD TSUL DANG SOL BA LAS THA DAD PA'I DAD TSUL MTSUNGS NA DE GNYIS LAS MYU GU SKYE MI SKYE YANG MTSUNGS PA YIN TE 'JUG PA LAS, THAMS CAD LAS KYANG THAMS CAD SKYE BAR 'GYUR TE, GANG GI PHYIR, ,SKYED PAR BYED PA MA YIN MA LUS LA YANG GZHAN NYID MTSUNGS, ,ZHES GSUNGS SHING, GANG DAG RANG MTSAN NYID KYIS SO SO BA, ,DE DAG RGYUD GCIG GTOGS PAR RIGS MA YIN, ,ZHES RANG MTSAN GYIS GRUB PA'I SO SO BA LA RGYUD GCIG PA DANG RGYU 'BRAS BKAG CING RANG MTSAN GYIS SO SOR GRUB NA LTOS PA MI RUNG BA LAN DU MAR GSUNGS SO, ,DES NA KHA CIG LDOG PA GCIG PA'I DPUNG 'PHUL DANG KHE CIG RGYU 'BRAS LA SNGA PHYI BAS KHYAB CING GZHAN LA DUS MNYAM PA DGOS PA'I GNAD KYIS HA CANG THAL BA 'PHEN ZHES PA NI RIGS PA 'DI YI GNAD MA YIN NO, ,'DI LA YANG LEGS LDAN GYIS DNGOS ZIN GYIS BSGRUB BYA SGRUB BYED MI ZLOG PAR SO NA 'JOG NA THAMS CAD LAS THAMS CAD SKYE BAR 'GYUR BA RTAGS SU MI RUNG BAS RANG PHYOGS

035a

, ,SGRUB PA MED LA, GZHAN GYIS GZHAN SKYE KHAS BLANGS PAS MNGON SUM LA SOGS PA'I GNOD PA GANG YANG MA BSTAN PAS GZHAN PHYOGS SUN 'BYIN PA YANG MED DE SE'U BCU PA'I NGAG BZHIN 'BREL MED DO, ,ZLOG NA NI RTAGS BZLOG PA'I DON 'GA' ZHIG LAS 'GA' ZHIG SKYE BA YIN LA, GZHAN SKYE MED PA BZLOG PA'I DON GZHAN SKYE YOD PA LA BYA MI RUNG STE DON DAM PAR GZHAN SKYE MED PAR STON PA'I SKABS YIN PA'I PHYIR RO SNYAM DU DGONGS SO, ,DES NA 'GA' ZHIG LAS 'GA' ZHIG SKYE BA'I RTAGS KYIS DNGOS PO LA GZHAN SKYE RNAM PAR BCAD TZAM MIN PA ZHIG YOD PAR BSTAN DGOS PAS BDAG GAM GNYIS KA'AM RGYU MED LAS SKYE BA YOD PAS, GZHAN LAS SKYE BA MIN ZHES PA'I DON GZHAN SKYE RNAM PAR BCAD TZAM YIN PA'I PHYOGS GONG MA DANG 'GAL LO ,'GREL BSHAD KYIS DNGOS PO GANG DAG CES PA'I RKANG PA GNYIS DANG 'GAL LO ZHES BSHAD DO, ,'DI LA YANG RANG RGYUD KYIS PHYOGS SGRUB PA NI MED KYANG SKYON MIN LA PHA ROL POS GZHAN SKYE KHAS BLANGS PA NI SNGAR BSHAD PA'I RIGS PAS SUN DBYUNG NUS PAS SUN 'BYIN PA'I THAL BA'O, ,'DI LA RGYU 'BRAS NGES PA'I GTAN TSIGS KYIS GZHAN SKYE MED PA SGRUB PAR YANG NUS PAS BZLOG PA 'PHANGS KYANG GRUB MTHA' DANG 'GAL BA'I SKYON MED DE ;GZHAN LAS SKYE BA RNAM PAR BCAD PA TZAM ZHIG BYED PA'I PHYIR RO, ,THA SNYAD DU RANG GI MTSAN NYID KYIS GRUB PA KHAS LEN PA'I DBU MA PAS GZHAN SKYE THA SNYAD DU KHAS LEN KYANG SLOB DPON GNYIS KYIS NI THA SNYAD DU YANG MI BZHED DO, ,LHAN

035b

SKYES KYI 'DZIN PA LA RANG GI MTSAN NYID KYIS GRUB PA'I BDAG YOD PAR 'DZIN PA SOGS YOD KYANG RGYU 'BRAS RANG GI MTSAN NYID KYIS THA DAD PA'I GZHAN DU 'DZIN PA BLO LHAN SKYES LA MED PAR BZHED DE 'JUG PA LAS, GANG PHYIR 'JIG RTEN SA BON TZAM BTAB NAS, ,BDAG GIS BU 'DI BSKYED CES SMRA BYED CING, ,SHING YANG BTZUGS SO SNYAM DU RTOGS DES NA, ,GZHAN LAS SKYE BA 'JIG RTEN LAS KYANG MED, ,CES GSUNGS TE SANGS RGYAS BSKYANGS KYI BSHAD PA BKOD PA'O, ,'JIG RTEN NA BU'I YUS KYI SA BON MI GTZANG BA TZAM ZHIG MNGAL DU BLUGS NAS BU 'DI BDAG GIS BSKYED DO ZHES PA DANG, SHING SDONG GI SA BON TZAM BTAB PA LA SHING 'DI BDAG GIS BTZUGS SO ZHES SMRA BAS BU SHING DANG SA BON GNYIS RANG MTSAN GYIS GZHAN DU 'DZIN PA MED DE DE LTA MA YIN NA GANG ZAG GZHAN DANG SHING SDONG GZHAN LA YANG 'DI BDAG GIS BSKYED CING BTZUGS SO ZHES THA SNYAD 'DOGS PAR THAL BAS SO, ,BLUGS SHING BTAB PA'I SA BON BU DANG SHING MA YIN KYANG DE LTAR BYAS PA'I RGYU MTSAN GYIS BU BSKYED CING SHING BTZUGS SO ZHES 'JOG NUS TE, DPER NA LAG PA DANG MIG GANG ZAG MA YIN KYANG LAG PA NA BA DANG MIG GIS GZUGS MTHONG BA NANG NA'O ZHES DANG NGAS GZUGS MTHONG NGO ZHES 'JOG NUS PA BZHIN NO, ,'JIG RTEN NA PHA MA DANG BU RNAMS LA DE LTAR THA SNYAD BYED PA MED PAS SNGAR BSHAD PA GNYIS LTA BU RGYUD GCIG PA'I RGYU 'BRAS KYI DBANG DU MDZAD DO, ,'JIG RTEN PA'I 'DZIN PA LHAN SKYES LA GZHAN SKYE YOD PAR 'DZIN PA MED KYANG GZHAN SKYE MED PAR THA SNYAD PA'I TSAD MAS MI

036a

, ,'GRUB BA, ,GNYIS KA LAS SKYE BAR SMRA BA NI GRANGS CAN GYIS MYU GU RGYU SA BON LAS SKYE BA DE'I BDAG NYID DANG RKYEN SA LA SOGS PA LAS SKYE BA DE DANG DON GZHAN PA'I SKYE BAR SMRA BA DANG, GCER BU BAS RDZA BUM 'JIM PA'I BDAG NYID DU YOD PA SKYE BA 'JIM PA LA LTOS TE BDAG SKYE DANG RDZA MKHAN DANG 'KHOR LO LA SOGS PA LA LTOS TE GZHAN SKYE DANG, MCHOD SBYIN TSE RABS SNGA MA'I SROG GI BDAG NYID DU YOD PA SKYE BAS SROG LA LTOS TA BDAG SKYE DANG PHA MA DANG LAS LA SOGS PA LA LTOS TE GZHAN SKYER 'DOD PA YIN LA DE NI SNGAR BSHAD PA'I BDAG GZHAN GYI SKYE BA 'GOG PA'I RIGS PAS DGAG PAR BYA'O, ,RGYU MED LAS SKYE BAR SMRA BA NI GRANGS CAN LA GYES PA NYER LNGA YOD PA'I GCIG LA BRTEN NAS DRANG SRONG 'JIG RTEN MIG CAS BYA BAS RGYANG BAN GYI GRUB MTHA' 'BUM BYAS PA DE DANG DE'I RJES SU 'BRANG BA'O, ,RGYU MED LAS SKYE NA NI YUL DUS RANG BZHIN NGES PA'I SKYE BA LA RGYU MED PAS GCIG LAS SKYE NA THAMS CAD LAS SKYE BAR 'GYUR BA DANG RTZOM PA THAMS CAD DON MED PA NYID DU 'GYUR RO, ,LEGS LDAN GYIS RGYU MED LA GNYIS BYAS PA'I RGYU YOD KYANG RGYU'I BYA BA MI BYED PA DBANG PHYUG LA SOGS PA LAS SKYE BA YANG DER BSDUS PA NI, ZLA BAS DE DAG LAS SKYE BA NI SNGA MA GSUM GYI NANG DU 'DU BAS MI 'THAD DO ZHES BKAG GO ,GNYIS PA NI, ,DE DAG GIS NI SKYE BA YOD PA MA YIN NO ZHES PA 'DI BSGRUBS LA DE MED PAS RTEN 'BYUNG SKYE BA MED PA LA SOGS PAS KHYAD PAR DU BYAS PA GRUB PA YIN NO ZHES TSIG GSAL LAS BSHAD PAS SUN 'BYIN

036b

PA'I THAL BA BYAS KYANG RANG BZHIN GYIS SKYE BA MED PA SGRUB PA YIN NO, ,DE BSGRUBS PAS MCHOD BRJOD DU BSHAD PA'I KHYAD PAR BRGYAD KYIS KHYAD PAR DU BYAS PA YANG 'GRUB LUGS NI MA SKYES NA MI 'GAG PAS 'GAG PA'I RANG BZHIN 'GOG NUS LA DE'I PHYIR BRGYA PA LAS, SKYES PA LA NI 'ONG BA DANG, ,DE BZHIN 'GAGS LA 'GRO BA MED, ,CES GSUNGS PA LTAR 'GRO 'ONG RANG BZHIN MED PAR 'GRUB BO, ,'BRAS BU RGYU DANG RANG BZHIN GCIG THA DAD BKAG PA NYID KYIS BCO BRGYAD PA LAS 'CHAD PA LTAR RTAG CHAD KYANG SPONG NGO, ,'DIR TSIG GSAL LAS, DNGOS PO RNAMS BDAG GZHAN DANG GNYIS KA DANG RGYU MED LAS MI SKYE NA MA RIG PA'I RKYEN GYIS 'DU BYED SKYE BAR GSUNGS PA MI 'THAD PAR BRTZAD PA'I LAN DU, 'DI NI KUN RDZOB PA YIN GYI DON DAM PA MIN NO, ,ZHES BSHAD DE MA RIG PA'I RKYEN GYIS SKYE BO DON DAM PAR YIN NA DE GNYIS 'GAL YANG KUN RDZOB TU 'JOG PAS MI 'GAL ZHES PA'I DON YIN PAS MTHA' BZHI'I SKYE BA 'GOG PA'I RIGS PAS KUN RDZOB PA'I SKYE BA MI 'GOG LA DE'I PHYIR THA SNYAD DU MTHA' BZHI'I SKYE BA MED PA DANG SKYE BA YOD PA MI 'GAL LO, ,DE NAS CI KUN RDZOB KYI RNAM GZHAG BRJOD PAR BYA'AM ZHES PA'I LAN DU RKYEN NYID 'DI PA TZAM GYIS KUN RDZOB GRUB PAR KHAS LEN GYI PHYOGS BZHI KHAS BLANGS PA'I SGO NAS NI MA YIN TE ZHES KHAS LEN MI LEN GYI SA MTSAMS GSAL BAR GSUNGS SO, ,DE GNYIS KYI RGYU MTSAN NI PHYI MKHAS BLANGS NA DNGOS PO LA RANG BZHIN YOD PAR KHAS BLANG DGOS LA SNGA MA KHAS BLANGS NA NI RGYU 'BRAS GNYIS PHAN TSUN

037a

, ,LTOS PAS NGO BO NYID KYIS GRUB PA MED PAS DNGOS PO LA RANG BZHIN YOD PAR SMRA BAR MI 'GYUR RO ZHES NGO BO NYID KYIS GRUB PA'I KHAS LAN MI RUNG BA DANG RANG BZHIN MED PA'I KHAS LEN RUNG BAR BSHAD DO, ,DE'I SHES BYED DU 'JIG RTEN LAS 'DAS PAR BSTOD PA LAS, SDUG BSNGAL RANG GIS BYAS PA DANG, ,GZHAN GYIS BYAS DANG GNYIS KAS BYAS, ,RGYU MED PAR NI RTOG GE 'DOD, ,KHYOD KYIS BRTEN NAS 'BYUNG BAR GSUNGS, ,ZHES DANG 'DI NYID LAS, BYED PO LAS LA BRTEN BYAS SHING, ,LAS KYANG BYED PO DE NYID LA, ,BRTEN NAS 'BYUNG BA MA GTOGS PA, ,'GRUB PA'I RGYU NI MA MTHONG NGO, ,ZHES DANG, DE LA CHOS KYI BRDA NI 'DI YIN TE 'DI LTA STE 'DI YOD PAS 'DI 'BYUNG LA 'DI SKYES PAS 'DI SKYE SDE 'DI LTA STE MA RIG PA'I RKYEN GYIS 'DU BYED RNAMS 'DU BYED KYI RKYEN GYIS RNAM PAR SHES PA ZHES BYA BA LA SOGS PA 'DI TZAM ZHIG KHO NA GSUNGS SO, ,ZHES DRANGS TE LUNG SNGA MA NI SKYE BA BZHI KHAS BLANG DU MI RUNG LA BRTEN NAS SKYE BA RUNG BA DANG BAR BA NI MA GTOG ZHES PA'I TSIG GIS PHAN TSUN BRTEN NAS 'GRUB PA GRUB PA'I THABS YIN GYI NGO BO NYID KYIS GRUB PA'I THABS MED CES PA DANG, THA MA NI BRTEN NAS YOD PAS YONG PA DANG BRTEN NAS SKYE BAS SKYE BAR 'JOG PA'I SHES BYED DO, ,'JUG PA LAS DE KHO NAR BDAG GZHAN LAS SKYE MI SKYE DPYOD PA'I RIGS PA NYID KYIS THA SNYAD DU YANG SKYE BA MI RIGS ZHES GSUNGS PA NI THA SNYAD DU RANG MTSAN DANG RDZAS GRUB KYI SKYE BA 'GOG PAR 'GREL BAS GSAL BAR BSHAD DO, ,DE LTAR NA MYU GU LA SOGS PA'I

037b

'BRAS BU RNAMS SA BON LA SOGS PA'I RGYU DANG RKYEN LA BRTEN NAS SKYE BA NYID KYIS MTHA' BZHI'I SKYE BA MED PA YIN TE, 'DI LTAR DES RGYU MED 'GOG PA NI SLA LA RANG BZHIN GCIG YIN NA'ANG DES SKYED PA 'GAL BA SNGAR BSTAN LA RANG BZHIN THA DAD NA'ANG 'BREL MED DON GZHAN LAS SKYE BA 'GAL LO, ,DE'I PHYIR GNYIS KA LAS KYANG MI SKYE'O, ,DES NA SA BON LA BRTEN NAS MYU GU SKYE BAR KHAS BLANG DGOS PA KHO NAS DE BZHI 'GOG NUS PA NI ,RIGS PA'I RGYAL PO RTEN 'BYUNG GI RIGS PA'I KHYAD CHOS YIN PA LA; MTHA' BZHI'I SKYE BA MED NA DE NAS CI ZHIG SKYE ZHES RTEN 'BYUNG DBU MA'I LAM SUN DBYUNG BAR MI BYA'O, ,BDAG LAS MA YIN ZHES PA'I TSIGS BCAD 'DI TZAM GYI DON RANG BZHIN GYIS SKYE BA MED PA NGES NA'ANG DE KHO NA NYID KYI DON SGOM RGYUS PHONGS PAR MI 'GYUR BAS RANG SEMS SKYE BA MED PA'I DON SHES NAS SGOM PAR 'DOD PA DAG GIS KYANG DE TZAM RE LA SBYANG BAR BYA'O, ,GNYIS PA LA GNYIS, LUNG DANG 'GAL BA'I RTZOD PA DGOD PA DANG, LUNG DANG 'GAL BA SPANG BA'O, ,DANG PO NI, RANG GI SDE DNGOS PO'I NGO BO NYID SMRA BA RNAMS NA RE RANG LAS SKYE BA DON MED PAS BDAG SKYE MI RIGS SHING DE MED PAS GNYIS KA LAS SKYE BA YANG MI RIGS SO, ,RGYU MED NI GCIG TU THA CHAD PAS DGAG PAR YANG RIGS NA GZHAN LAS MIN ZHES GZHAN SKYE 'GOG PA MI RIGS TE, RGYAL BAS RKYEN BZHI GZHAN DU GYUR PA KHO NA DNGOS PO RNAMS KYI SKYED BYED DU BSTAN PA'I PHYIR RO, ,'DI LTAR RKYEN NI RNAM PA BZHI STE RGYU'I RKYEN DANG DMIGS PA'I RKYEN DANG DE MA THAG PA'I RKYEN DANG BDAG PO'I RKYEN NO, ,YANG DANG DE BZHIN ZHES

038a

, ,PA NI RGYU RKYEN YIN PA DE BZHIN DU DMIGS PA LA SOGS PA YANG RKYEN NO ZHES SBYAR RO, ,RKYEN BZHI PO DE GANG LA 'JOG PA LA SDE PA KHA CIG NI RGYU'I RKYEN NI MDZOD LAS, RGYU ZHES BYA BA RGYU LNGA YIN ZHES BYED RGYU MA GTOGS PA RGYU LNGA DANG, DMIGS PA'I RKYEN NI, DMIGS PA CHOS RNAMS THAMS CAD DO, ,ZHES RNAM SHES DRUG GI DMIGS YUL GYI CHOS THAMS CAD DANG, DE MA THAG RKYEN NI, SEMS DANG SEMS BYUNG SKYES PA RNAMS, ,THA MA MIN MTSUNGS DE MA THAG ,CES LHAG MED DU 'JUG PA LAs GZHAN PA'I SEMS SEMS BYUNG SNGAR SKYES RNAMS DANG ,BDAG PO'I RKYEN NI, BYED RGYU ZHES BYA BDAG POR BSHAD, ,CES BYED RGYU BSHAD PA LTAR 'DOD LA, RGYU DRUG NI MDZOD LAS, BYED RGYU LHAN CIG 'BYUNG BA DANG, ,SKAL MNYAM MTSUNGS PAR LDAN PA DANG, ,KUN TU 'GRO DANG RNAM SMIN DANG, ,RGYU NI RNAM PA DRUG TU 'DOD, ,CES SO, ,SDE PA KHA CIG NI, SGRUB PAR BYED PA NI RGYU YIN ZHES MTSAN NYID BSTAN PA LAS NI GANG ZHIG GANG GI SKYED BYED SA BON GYI NGO BOR GNAS PA DE NI DE'I RGYU RKYEN NO, , RGAN PO LDANG BA LTAR SEMS SEMS BYUNG SKYE BZHIN PA RNAMS RTEN 'KHAR BA DANG 'DRA BA'I DMIGS PA GANG GIS SKYED PA DE NI DE 'KHAR BA DANG 'DRA BA'I DMIGS PA GANG GIS SKYED PA DE NI DE YI BA'I DE MA THAG PA'I RKYEN YIN TE, DPER NA SA BON 'GAGS MA THAG PA MYU GU 'BYUNG BA'I RKYEN YIN PA BZHIN NO, ,'JUG 'GREL LAS, SA BON 'GAGS MA THAG PA MYU GU'I MTSUNGS PA DE MA THAG PA'I RKYEN YIN PA LTA BU'O, ,ZHES GSUNGS SHING TSIG GSAL LAS KYANG DE MA THAG RKYEN 'GOG

038b

PA'I SKABS SU MYU GU'I MTSUNGS PA DE MA THAG PA'I RKYEN BKAG LA SANGS RGYAS BSKYANGS YANG DE BZHIN DU BZHED PAS 'DI NI GZUGS LA YANG MTSUNGS PA DE MA THAG PA'I RKYEN 'DOD PA'I LUGS SO, ,GANG ZHIG YOD NA GANG 'BYUNG BA 'DI NI DE'I BDAG PO'I RKYEN NO, ,TSIG GSAL LAS SNGAR SKYES PA DANG LHAN CIG SKYES PA DANG PHYIS SKYE BA LA SOGS PA YANG 'DI DAG GI NANG DU 'DU BAR GSUNGS PA NI, SHES RAB SGRON MA LAS, SDE PA GZHAN GYIS BRTAGS PA'I RKYEN MDUN DU SKYES PA DANG YOD PA DANG MED PA RNAMS ZHES BSGYUR BA DANG DON GCIG LA 'GYUR YANG DE LTAR LEGS SO, ,DE'I DON NI 'GREL BSHAD LAS GNAS BRTAN PA'I SDE PAS THA SNYAD BTAGS PA MDUN DU SKYES PA'I RKYEN NI DBANG PO RNAMS KYI MNGON SUM GYI MDUN DU SKYES PA DMIGS RKYEN NO, ,YOD PA'I RKYEN NI RGYU DANG BDAG PO'I RKYEN NO, ,MED PA'I RKYEN NI DE MA THAG RKYEN LA BSHAD DO, ,DE 'DRA'I THA SNYAD TZAM MI MTHUN PA RNAMSO, ,RANG GI NGO BOS GRUB PA'I GZHAN BKAG PA'I SGO NAS GZHAN SKYE 'GOG PA LA PAS RKYEN LNGA PA NI YOD PA MA YIN NO ZHES NGES PAR 'DZIN TE, MDZOD LAS, BZHI YIS SEMS DANG SEMS BYUNG RNAMS, ,GSUM GYIS SNYOMS PAR 'JUG RNAM GNYIS, ,GZHAN NI GNYIS PO DAG LAS SKYE, ,DBANG PHYUG SOGS MIN RIM SOd PHYIR, ,ZHES BSHAD PA BZHIN NO, ,DE YI PHYIR 'BRAS BU LAS GZHAN DU GYUR PA'I RKYEN 'DI DAG LAS DNGOS PO RNAMS SKYE BAR GSUNGS PA BKAG NA LUNG DANG 'GAL BA'I PHYIR GZHAN SKYE YOD CES 'DZIN TO, ,GNYIS PA NI, DE LTAR SMRA BA'I GZHAN SKYE

039a

, ,NI RGYU 'BRAS RANG GI NGO BOS GZHAN YIN PA DANG RANG GI NGO BOS SKYE BA GNYIS TSOGS PA YIN LA DE LA YA GYAL RE RE BKAG PA'I SGO NA TSOGS PA GZHAN SKYE 'GOG PA'I RIGS PA GNYIS LAS RE ZHIG SKYE BA BKAG PA'I SGO NAS GZHAN SKYE 'GOG PA BSHAD PAR BYA BA LA, YOD MA YIN ZHES PA BSHAD GZHIR DRANG NGO, ,GANG NA MYU GU LA SOGS PA 'BRAS BU'I DNGOS PO RNAMS KYI RANG BZHIN TE NGO BO NI'O, ,GANG LA NA SA BON LA SOGS PA'I RKYEN TSOGS PA LA DANG YA GYAL RE RE BA DANG DE GNYIS KA LA DANG SOGS KYI SGRAS BSDUS PA DE DAG LAS GZHAN LA YANG DE, ,JI LTAR NA 'KHAR GZHONG LA RKYA SHUG BRTEN PA LTAR TE, LA ZHES PA RNAM DBYE BDUN PA'I SGRA GNAS GZHI YIN PA DE YI TSE DE LTAR RO ZHES 'JUG 'GREL LAS BSHAD DE, ,DUS NAM GYI TSE NA RANG SKYES PA'I SNGA ROL DU'O, ,SPYIR 'BRAS BU'I DNGOS PO RNAMS LA YOD PA DANG SKYES PA'I DUS GNYIS SO SOR MED KYANG, GZHAN GYI BSAM PA LA LTOS NAS SO SOR PHYE NAS DGAG DGOS PA MANG DU 'BYUNG BAS SKYE RGYU'I MYU GU DE SKYES PA'I SNGA ROL NA YOD NA ZHES BRTAG PA BYED PA NI MYU GU RANG NYID RANG GI SNGA ROL NA YOD NA ZHES BRTAG PA BYED PA DANG MI 'DRA'O, ,DE YANG 'BRAS BU SKYE BA LA MNGON DU PHYOGS PA'I DUS NI SKYE BA'I DUS YIN LA SKYES ZIN PA'I DUS NI SKYES PA'I DUS YIN PAS SKYES PA'I SNGA ROL DU YOD NA SKYE BA LA MNGON DU PHYOGS PA'I DUS SU YOD DGOS SO, ,YUL DUS DE DAG NA YOD NA NI DMIGS DGOS PA LAS MA DMIGS PA DANG SLAR SKYE BA DON MED PA LAS SKYE DGOS PA'I PHYIR NA MED DO,,

039b

DE LTAR SKYE RGYU'I 'BRAS BU DE YI BDAG GI DNGOS PO SKYES PA'I SNGA ROL DU YOD PA MIN NA DNGOS PO NI 'DIR 'BYUNG BA STE SKYE BA YIN PAS GZHAN LAS SKYE BA RANG GI NGO BOS YOD PA MA YIN NO, ,'O NA GZHAN SKYE RANG GI NGO BOS YOD NA 'BRAS BU DE RANG SKYE PA'I SNGA ROL DU YOD DGOS PAR CIS 'GRUB CE NA, RIGS PA 'DI DAG LA 'DI MA GRUB NA GZHAN SMRAS PA RNAMS TSIG TZAM DU ZAD PAS BSGRUB DGOS LA DE YANG SKABS 'DIR TSIG GSAL LAS MA BYUNG YANG 'JUG PAR GZHAN SKYE 'GOG PA'I SKABS SU GSUNGS PAS KHA BSKANG BAR BYA'O, ,DE LA SKYE BA 'DOD PHYIN CHAD RGYU 'GAG PA DANG 'BRAS BU SKYE BA LA MNGON DU PHYOGS PA GNYIS DUS MNYAM PA GCIG DGOS SO, ,DE NI SKYE BA TZAM DANG THA SNYAD DU SKYE BA KHAS LEN PA LA MI RIGS PA MED KYANG DON DAM PA DANG RANG GI MTSAN NYID KYIS SKYE BA LA 'GAL BA YIN TE SNGA MA NI RGYU 'BRAS KYI SKYE 'GAG GI BYA BA GNYIS DUS MNYAM YANG RGYU 'BRAS GNYIS DUS MNYAM MI DGOS LA PHYI MA LA NI BYA BA DUS MNYAM NA RGYU 'BRAS KYANG DUS MNYAM DGOS PA'I PHYIR RO, ,'DI LTAR 'BRAS BU SKYE BA'I BYA BA NI 'DI SKYE ZHES PA'I BYED PA PO MYU GU LA SOGS PA LA BRTEN DGOS PAS BRTEN DANG BRTEN PA'O, ,RTEN DANG BRTEN PA DON DAM PAR GRUB NA NI RANG BZHIN GZHAN DU 'GYUR BA MI 'THAD PAS DUS NAM GYI TSE YANG BYA BA RTEN DGOS PAS MYU GU LA SOGS PA SKYE BA LA MNGON DU PHYOGS PA'I DUS SU YANG SKYE BA'I BYA BA'I RTEN DU MYU GU YOD DGOS PAS RGYU 'BRAS DUS MNYAM DU 'GYUR BA DANG SNGAR GYI RIGS PA GNYIS KYIS KYANG GNOD PAS DE YI TSE YOD PA MI 'THAD DO, ,THA

040a

, ,SNYAD PA'I SKYE BA LA LAN CIG RTEN DANG BRTEN PAR SONG NA DUS THAMS CAD DU 'GRO MI DGOS PAS MI MTSUNGS SO, ,'JUG PA LAS, SKYE BA 'DI NI BYED PO MED PAR RIGS PA'I NGO BO'ANG MIN, ZHES DANG, DE'I NYID LAS KYANG, GAL TE DNGOS PO MA SKYES PA, ,'GA' ZHIG GANG NA YOD GYUR NA, ,DE NI SKYE 'GYUR DNGOS PO DE, ,MED NA CI ZHIG SKYE BAR 'GYUR, ,ZHES GSUNGS SO, ,DE LTAR RIGS PA'I SGO DES 'GOG PA NI GZHAN DNGOS ZHES PA'I DNGOS PO'I SKAD DOD 'BYUNG BA LA YANG BSHAD DU YOD LA DE YI TSE SKYE RGYU'I BDAG GI DNGOS PO MED PA DE GZHAN MED PA'I RGYU MTSAN DU MA SONG GI SKYE BA 'GOG PA'I RGYU MTSAN DU 'GRO BAS SO, ,RANG GI NGO BOS GRUB PA'I GZHAN BKAG PA'I SGO NAS GZHAN SKYE 'GOG PA LA BSHAD NA GANG YOD PA MA YIN PA SNGAR DANG 'DRA LA, DUS NAM GYI TSE ZHE NA SA BON LA SOGS PA'I RKYEN RNAM PAR 'GYUR BA MED PA RNAMS YOD PA'I DUS NA'O, ,SKABS 'DIR LA ZHES PA BDUN PA'I SGRA NI 'DI YOD PA NA 'DI YOD CES DUS KYI BDUN PA YIN TE 'JUG 'GREL LAS BSHAD DO, ,RGYU RKYEN RNAM PAR MA 'GYUR BA'I DUS NA 'BRAS BU YOD NA RGYU MED DU 'GYUR BAS DE'I TSE MED DO, ,DE LTAR RGYU DUS NA 'BRAS BU'I BDAG GI DNGOS PO YOD PA MIN NA RKYEN LA SOGS PA RNAMS CI LA LTOS NAS GZHAN DU 'GYUR BA'I LTOS SA MED PAS, SA BON LA SOGS PA RNAMS LA GZHAN GYI DNGOS PO STE GZHAN NYID YOD PA MA YIN PAS GZHAN SKYE MED DO, ,'DIR BYAMS PA DANG NYER SBAS DUS MNYAM PA NI PHAN TSUN LTOS

040b

NAS GZHAN DU 'GYUR LAS MYUG GNYIS DUS CIG CAR DU MED PAS GZHAN MED PAR GSUNGS PA YANG RANG GI MTSAN NYID KYIS GZHAN DU GRUB NA DUS CIG CAR BA DGOS PA'I RGYU MTSAN GYIS YIN GYI GZHAN TZAM LA DUS GCIG TU GRUB DGOS ZHES STON PA MIN NO, ,'DI YANG RGYU RKYEN 'BRAS BU LA LTOS NAS THA DAD PA DE RANG GI MTSAN NYID KYIS GRUB NA LTOS SA'I 'BRAS BU DE RGYU'I DUS NA'ANG YOD DGOS PA YIN TE RGYUN MTSAN NI SNGAR LTAR RO, ,GAL TE SRANG MDA'I MTHO DMAN GYI BYA BA GNYIS DUS GCIG TU MTHONG BA BZHIN DU SA BON 'GAG PA DANG MYU GU SKYE BA GNYIS KYANG DUS GCIG PAS SA MYUG DUS GCIG PA'I PHYIR GZHAN DU 'GYUR RO ZHE NA, SA BON 'GAG BZHIN PA NI 'GAG PA LA MNGON DU PHYOGS PA DA LTAR BA DANG MYU GU SKYE BZHIN PA NI SKYE BA LA MNGON DU PHYOGS PA MA 'ONGS PA YIN PAS SKYE 'GAG GI BYA BA GNYIS DUS GCIG KYANG SA MYUG GNYIS DUS MI GCIG GO ,SRANG GI MGO 'JUG GNYIS KA YANG DE LTAR BA YIN PAS DPE DON KYANG MI MTSUNGS SO, ,'O NA SA LU LJANG PA'I MDO LAS SRANG MDA'I MTHO DMAN GYI TSUL DU SKAD CIG GANG KHO NA LA SA BON 'GAG PA DE NYID LA MYU GU SKYE'O ZHES SRANG GI DPE MA BKOD DAM ZHE NA, BKOD MOD KYANG DES RGYU 'BRAS GNYIS DUS MNYAM MI STON PA NI BSHAD ZIN LA DE MI STON KYANG DUS SNGA PHYI BA'I GZHAN SKYE STON PA YANG MIN PA DE MIN YANG DE LAS GSUNGS PA LTAR SKYE BA 'DOD DGOS SO SNYAM NA, RANG GI MTSAN NYID KYI SKYE BA BSTAN PA'I PHYIR YANG MA YIN NO ZHES 'JUG 'GREL LAS GSUNGS PAS SKYE BA 'DOD KYANG RANG MTSAN GYI SKYE BA MI 'DOD DO, ,'O NA NGES CI STON ZHER

041a

, ,NA CIG CAR DU BRTEN NAS 'BYUNG BA MA BRTAGS PAR GRUB PA SGYU MA LTA BU'I SKYE BA STON NO, ,CIG CAR DU ZHES PA NI SKYE 'GAG GI BYA BA DUS GCIG PA LA BRTEN NAS 'BRAS BU 'BYUNG BA'O, ,RIGS PA PHYI MAS 'GOG PA NI GZHAN DNGOS GYI DNGOS PO'I SGRA NYID KYI DON STON PA LA BYAS NA BDAG DNGOS MAD PA DE GZHAN 'GOG PA'I RGYU MTSAN DU SONG GI SKYE BA 'GOG BA'I RGYU MTSAN DU MA SONG BAS SO, ,DE LTAR GZHAN SKYE LA RIGS PAS GNOD BAS NA RKYEN BZHI LAS DNGOS PO RNAMS SKYE BAR GSUNGS KYANG GZHAN SKYE SANGS RGYAS KYI BZHED PA MIN TE, DES NI RIGS PA DANG 'GAL BA'I DON MI BZHED PA'I PHYIR RO, ,LUNG GI DGONGS PA NI MA RIG PA'I RKYEN GYIS 'DU BYED SKYE BA SOGS DON DAM PA MIN GYI KUN RDZOB BA'O ZHES BSHAD PA LTAR YIN LA DES NA RKYEN BZHI LAS SKYE BAR GSUNGS PA'I MDOS KYANG GZHAN SKYE MA BSTAN NO, ,'DI YAN CHAD DU GZHAN SKYE 'GOG PA LA RIGS PA GSUM BSTAN BA'I DANG POS NI GZHAN DANG SKYE BA GNYIS GZHI MTHUN DANG, GNYIS PAS NI SKYE BA DANG GSUM PAS NI RGYU 'BRAS GNYIS GZHAN YIN PA LA GNOD BA BSTAN PA'I SGO NAS 'GOG CING GNOD PA STON TSUL YANG MI 'DRA BA RE RE YOD PA RNAMS PHYED DGOS LA, SKABS GZHAN DU YANG DE KHO NA BZHIN DU SHES DGOS SO, ,DE DAG LEGS POR MA PHYED NA DE KHO NA NYID LA DPYOD PA'I SHES RAB 'PHEL STOBS CHUNG ZHING NGES DON STON PA'I STON PA DANG DE'I DON 'GREL BA'I MKHAS PA RNAMS LA YANG YON TAN THUN MONG MA YIN PA MTHONG BAS DRANGS PA'I DAD PA YANG MI SKYE ZHING, TSE RABS GZHAN DU YANG LAS 'DI DANG

041b

MI 'BRAL BA'I BAG CHAGS SHIN TU BRTAN PA MI ZHOGS LA, BYANG CHUB SEMS DPA' RNAMS LA BDAG MED SHIN TU RGYAS BAR BSTAN PA'I DON GYI PHYOGS MTHUN YANG MA BYUNG BA YIN PAS, BDAG NYID CHEN PO 'DI YI NGES PA'I DON GYI RIGS PA PHRA MO RE'I RNAM 'GYUR YANG YID GUS PAS BTZAL BAR BYA'O, ,GNYIS PA LA GSUM, RKYEN GYI RANG BZHIN THUN MONG DU DGAG PA DANG, SO SOR DGAG PA DANG, THUN MONG DU 'GOG TSUL GZHAN BSTAN PA'O, ,DANG PO LA GNYIS, BYED PA'I SGO NAS RKYEN DU RTOG PA DGAG ,LAS KYI SGO NAS RKYEN DU RTOGS PA DGAG PA'O, ,DANG PO LA GNYIS, ,SKYE BA'I BYAD SGRUB BA'I RGYU MTSAN GYIS RKYEN DU RTOG PA DGAG, 'BRAS BU SKYE BA'I RGYU MTSAN GYIS RKYEN DU RTOG PA DGAG PA'O, ,DANG PO NI, BYA BA LAS SKYE BAR SMRA BA DAG GONG DU SKYE BA BKAG BA NI 'BRAS BU RKYAN LAS DNGOS SU SKYE BA'I PHYOGS YIN LA DE BKAG KYANG MI GNOD DO, KHO BO CAG MIG DANG GZUGS LA SOGS BA'I RKYEN GYIS DNGOS SU RNAM SHES SKYED BAR MI 'DOD KYI, RNAM PAR SHES PA SKYE BA'I BYA BA SGRUB PAR BYED BAS DE DAG LA RKYEN ZHES BYA LA, BYA BA DES KYANG RNAM SHAS SKYED BAR BYED BA'I PHYIR RNAM SHES SKYED BA'I BYA BA RKYEN DANG LDAN BAS NI RNAM SHES DNGOS SU SKYED KYI RKYEN RNAMS NI MIN TE, DPER NA 'BRAS CHEN 'TSED BA'I BYA BA BZHIN NO SNYAM DU SEMS TE RKYEN GYIS DON DAM PA'I BYA BA DANG DES KYANG 'BRAS BU SKYED BAR 'DOD BA'O, ,RNAM SHES SKYE BA LA MNGON DU PHYOGS PA'I TSE RNAM SHES NI MED LA DE SKYE BA'I BYA BA NI YOD DO, ,DUS DER YOD BA'I SKYE BA'I BYA BA NI MIG LA SOGS BA'I RKYEN LA YOD LA DE YANG RKYEN GYI BDAG NYID YIN PAS DE

042a

, ,'DRA'I BYA BA LAS SKYE BA NI MDO SDE BA YAN CHAD KYIS 'DOD LA, DUS DE YI TSE MIG LA SOGS PA'I RKYEN MED PAR BYA BA YOD PA DANG MIG SOGS YOD KYANG DE LAS RNAM SHES DNGOS SU MI SKYE BA NI SDE GNYIS KYIS KYANG MI 'DOD DO, ,DES NA DON SMRA GNYIS BRDA SPROD PA'I THA MA LAG GI RJES SU ZHUGS NAS RGOL BAR BSHAD PA NI 'GRIG DKA' BAS BRDA SPROD PA YIN NO ZHES SMRA BA LTAR 'THAD DO, ,SKYE BA LA MNGON DU PHYOGS PA'I DUS KYI SKYE BA'I BYA BA 'BRAS BU'I RGYU YIN KYANG SPYIR SKYE BA'I BYA BA 'BRAS BU DANG BYA BYED KYI RTEN BRTEN PAR BSHAD PA MI 'GAL TE, DUNG GI MI RTAG PAS DUNG SGRA SKYES KYANG DUNG SGRA DANG MI RTAG PA RTEN BRTEN PAR MI 'GAL BA BZHIN NO, ,DE LA SKYE BA'I BYA BA RANG GI NGO BOS GRUB PA ZHIG YOD NA DE RKYEN GYIS SGRUB PA DANG RNAM SHES SKYED DU CHUG KYANG DE MED DE, 'DI LTAR RNAM SHES SKYE BA LA MNGON DU PHYOGS PA'I DUS SU BYA BA 'DI 'DOD PA NA RNAMS SHES SKYES ZIN NA 'DI MI DGOS TE SKYES ZHIN SLAR SKYE BA MI RIGS PA'I PHYIR RO, ,MA SKYES PA LA YANG MI RIGS PA NA SNGAR BYED PA PO MED PAS RTEN MED PA'I RIGS PA BSTAN PA LTAR RO, ,SPYIR SKYE RGYU'I RNAM SHES DANG SKYE BA'I BYA BA GNYIS SKYE BA LA MNGON DU PHYOGS PA'I DUS SU RTEN DANG BRTEN PAR MED KYANG SKYE BA'I BYA BA RANG GI MTSAN NYID KYIS GRUB NA, DUS DE'I TSE YANG SKYE BA'I BYA BA'I RTEN DU RNAM SHES GRUB DGOS PAS DE MA GRUB NA BYA BA YANG MI 'GRUB BO, ,RNAM SHES SKYE BA LA MNGON DU PHYOGS PA'I SKYE BA DE GANG GI YIN PA'I RNAM SHES DE DE'I DUS SU MED KYANG, DA GZOD 'BYUNG 'GYUR LA BSAMS

042b

NAS DE'I SKYE BAR 'JOG LA, SKYE BA DE YOD PA LA LTOS NAS KYANG RNAM SHES 'BYUNG 'GYUR YOD PAR 'JOG PAS BYED PA PO RNAM SHES DANG SKYE BA'I BYA BA GNYIS RTEN BRTEN PAR MI 'GAL LA, PHAN TSUN GYI DON LA BRTEN NAS GRUB PA NI RANG BZHIN GYIS MA GRUB PA BTAGS YOD DO ZHES 'JUG PA RTZA 'GREL LAS GSUNGS PA BZHIN DU SKYE BA'I BYA BA DANG BYED PA PO GZHAN LA YANG SHES PAR BYA'O, ,SKYE BZHIN PA LA BYA BA DE 'DOD NA YANG MI RIGS TE SKYES MA SKYES GANG YANG MIN PA'I SKYE BZHIN PA MED PA'I PHYIR RO, ,GAL TE SKYE BA'I BYA BA NI BRTZAMS LA SKYE BA MA RDZOGS PA NI SKYES ZIN KYANG MIN LA, SKYE BA'I BYA BA YE MA BRTZAMS PA'I MA SKYES BA YANG MIN PAS SKYE BZHIN PA YIN LA DE LA BYA BA 'DI RTOG GO ZHE NA, DE YANG MI 'THAD DE 'DI SKYE BZHIN PA'O ZHES 'DOGS PA'I GZHI RNAM SHES LTA BU DE SKYE BZHIN PAR GZHAG DGOS LA DE'I CHA 'GA' ZHIG SKYES LA 'GA' ZHIG MA SKYES PA YIN NA NI PHYED SKYES PHYED MA SKYES SU 'GYUR BAS SKYES MA SKYES GNYIS MIN PA MED DO, ,SKYES ZIN MA ZIN GNYIS KA LA RTOG NA 'DAS MA 'ONGS GNYIS KYANG SKYE BZHIN PAR 'GYUR BAS DUS GSUM PO THAMS CAD SKYE BZHIN PAR 'GYUR TE, BRGYA PA LAS, SKYE BZHIN PA NI BYED SKYES PHYIR, ,SKYE BZHIN PA NI SKYE BA MIN, ,MANG NA THAMS CAD SKYE BZHIN PA, ,NYID NI YIN PAR THAL BAR 'GYUR, ZHES SO, ,DE LTAR SNGAR MA SKYES PA SKYED PA'I BYA BA DON DAM PAR MED CING SKYES ZIN SLAR SKYED PA'I BYA BA YANG MED PAS BYA BA DON DAM PA MED LA, DE YI PHYIR BYA BA RANG GI NGO BOS GRUB PA

043a

, ,MIG LA SOGS PA'I RKYEN DANG LDAN PA YOD PA MA YIN TE, MO GSHAM GYI BU MED PAS DE BA LANG DANG LDAN PA MED PA BZHIN NO, ,RKYEN DANG LDAN PA'I DON NI RKYEN GYIS BSGRUBS PA'I BYA BA RKYEN DAG BCAS PA'O, 'O NA RKYEN DANG MI LDAN PA'I BYA BA YOD DO ZHE NA, MIG SOGS KYI RKYEN GYIS MA BSGRUBS PA'I BYA BA RKYEN DANG MI LDAN PA YANG MED DE, ,DE YOD NA RGYU MED DU SKYE DGOS PAS THAMS CAD LAS THAMS CAD 'BYUNG BA DANG RTZAM PA THAMS CAD DON MED DU 'GYUR RO; ;DE LTAR BYA BA MED NA 'O NA RKYEN NYID KYIS 'BRAS BU SKYED DO SNYAM NA, SKYE BA'I BYA BA MI LDAN PA NI SKYE BA'I BYA BA DON DAM PAR MED PA'O, ,DE'I PHYIR DE SGRUB PAR BYED PA YANG MED PAS MIG LA SOGS PA NI SKYE BA'I BYA BA DON DAM PA'I RKYEN MA YIN NO, ,DE LTAR NA DE RNAMS DON DAM PAR RKYEN DU JI LTAR 'GYUR TE RKYEN MIN NO, ,SKYE BA'I BYA BA'I RKYEN MIN KYANG RKYEN DU 'GYUR NA NI THAMS CAD KYANG THAMS CAD KYI RKYEN DU 'GYUR RO, ,BYA BA MI LDAN PA'I DON TSIG GSAL LAS, RKYEN GYIS BSGRUBS PA'I BYA BA DANG MA BSGRUBS PA'I BYA BA LA GSAL KHA MED KYANG SNGA MA LAS 'OS MED PA DE YANG BUD DHA P'A LI TA'I DGONGS PA BZHIN DU BSHAD DO, ,'BRAS BU DANG RKYEN GYI BAR DU BYA BAS CHOD PA MI 'DOD KYANG MIG LA SOGS PA RNAMS 'BRAS BU SKYE BA'I BYA BA SGRUB PA'I RKYEN YIN PA DANG, MTHAR DES BSGRUBS PA'I BYA BA'I KHYAD PAR ZHIG LAS 'BRAS BU SKYE BA RANG LUGS LA YANG 'DOD DGOS PAR RKANG PA GSUM PA'I SKABS KYI RIGS PA RNAMS KYIS SHES SO, ,

043b

CI STE RKYEN BYA BA DANG LDAN PA KHO NAS SKYED PAR BYED DO ZHE NA, RKANG PA SNGA MA'I MTHA'I MA YIN ZHES PA 'DIR DRANG LA RKYEN RNAMS RANG GI NGO BOS GRUB PA'I BYA BA DANG LDAN PAR YOD PA MA YIN NO, ,'ON TE NA'I SGRA NI 'DIR MA YIN PA KHO NA ZHES NGES GZUNG GI DON DU TSIG GSAL LAS BSHAD LA, RKYEN DANG LDAN MI LDAN GYI BYA BA MED PAR NI SNGAR BSTAN ZIN TO, ,SHES RAB SGRON MA LAS RKANG PA GSUM PA'I SNGON DU 'BRAS BU SKYE BA'I SNGA ROL DU RKYEN RNAMS BYA BA DANG MI LDAN NAM 'ON TE LDAN ZHES BSTAN PA'I PHYI MA DANG BZHI PA 'DI SBYOR BAS 'ON TE'I SGRA BRTAG PA'I DON DU 'CHAD DO, ,DE LTA NA MIG LA SOGS PA RNAMS 'BRAS BU SKYE BA'I BYA BA DANG LDAN PAS RKYEN NO ZHES PA'I RTAGS RKANG PA BZHI PA DANG DANG POS BKAG, DE LA BYA BA RKYEN LDAN MED KYANG RKYEN MI LDAN YOD DE ZHES PA GNYIS PAS BKAG ,DE NAS BYA BA DANG MI LDAN KYANG RKYEN DU 'JOG GO SNYAM PA GSUM PAS 'GOG PAS, ,BYA BA DANG LDAN MI LDAN GYI RKYEN GANG YANG DON DAM PAR MAD PAS RKYEN RNAMS LA RANG GI NGO BOS GRUB PA'I RANG BZHIN RTOG PA DON MED DO ZHES PA RIGS PA DE RNAMS KYI 'BRAS BU YIN TE BUD DHA P'A LI TA'I DGONGS PA'O, ,GNYIS PA NI, GAL TE RKYEN BYA BA DANG LDAN MI LDAN DPYOD PA 'DIS KHO BO CAG LA CI BYA, GANG GI PHYIR MIG LA SOGS PA'I RKYEN 'DI DAG LA BRTEN NAS RNAM SHES LA SOGS PA SKYE BAS DE'I PHYIR MIG LA SOGS PA 'DI DAG RANG GI NGO BOS RKYEN ZHES BYA BA'I RANG BZHIN DU 'JOG GO ZHE NA, GRAG CES PA NI RTZOM PA PO MI BZHED PAR STON PA'O, ,'DI NI MDO SDE

044a

, ,PAS 'BRAS BU SKYE BA LA MNGON DU PHYOGS PA'I DUS SU RKYEN RNAMS BYA BA DANG LDAN GYI DE'I SNGON DU MI LDAN PAR 'DOD PA'I LUGS SO ZHES SHES RAB SGRON MA LAS BSHAD DO, ,DE LA SNGAR SKYE BA'I BYA BA BKAG NAS RKYEN MI 'THAD CES BSTAN MA THAG YIN PAS 'DI SMRA BAR MI RIGS LA SMRA NA'ANG SKYON YOD DE, SA BON LA SOGS PA LAS JI SRID DU 'BRAS BU MYU GU LA SOGS PA MI SKYE BA STE SKYE BA'I BYA BA MA MTHANG BA DE SRID DU 'DI DAG 'BRAS BU'I RKYEN MIN PA JI LTAR MIN TE RKYEN MIN PA KHO NA'O, ,DE YANG 'BRAS BU SKYE BA'I BYA BA DANG LDAN PA KHO NAS RKYEN DU 'JOG PA'I GNAD KYIS DA LTA KHAS BLANG DGOS SO, ,RKYEN MIN NA NI DE DAG LAS 'BRAS BU SKYE BA YANG MA YIN TE BYA MA LAS TIL MAR BZHIN NO, ,'BRU LA SOGS PA 'BRAS BU SKYE BA LA MNGON DU PHYOGS PA'I SNGA ROL DU RKYEN MIN KYANG MNGON DU PHYOGS PA'I DUS SU RKYEN DU 'GYUR RO SNYAM NA, MI RIGS TE DE LTA NA THAMS CAD KYANG THAMS CAD KYI RKYEN DU 'GYUR BA'I PHYIR RO, ,CI STE RKYEN MIN PA DAG KYANG RKYEN GZHAN 'GA' ZHIG LA LTOS NAS RKYEN DU 'GYUR BAS SKYON MED CE NA, 'BRU LA SOGS PA SNGAR RKYEN MA YIN KYANG RKYEN GZHAN LA LTOS NAS MYU GU LA SOGS PA'I RKYEN DU 'GYUR BA'I RKYEN GZHAN DE YANG, RANG GI 'BRAS BU SKYE BA LA MNGON DU PHYOGS PA'I SKYE BA DANG MI LDAN PA'I DUS SU RKYEN MIN PAS, DE YANG GZHAN LA LTOS LA DE LA YANG DE LTAR BSAM DGOS PAS THUG BA MED PAR 'GYUR RO, ,DER GYUR NA NI RTZA BA'I RKYEN MI 'GRUB PO, , 'BRAS BU SKYE BA'I BYA BA DANG LDAN PA RKYEN GYI

044b

RNAM 'JOG TU 'DOD NA NI DE DANG MI LDAN PA'I SNGA MA RNAMS RKYEN MIN PAR 'GYUR LA DA LTA NA PHYIS SKYE BA LA MNGON DU PHYOGS DUS SU YANG RKYEN DU MI 'GYUR BAS RKYEN MED PAR 'GYUR RO, ,RANG LUGS KYI 'BRAS BU SKYE BA'I BYA BA BYED PAS 'JOG LAS BYED PA LA NI DNGOS DANG BRGYUD NAS BYED PA GNYIS KA YOD DO, ,GNYIS PA NI, 'DI LA BRTEN NAS 'DI SKYE'O ZHES PA'I 'BREL PA 'DI YOD PA'I RGYU MTSAN GYIS DON 'DI'I RKYEN 'Di'O ZHES ZER NA, 'BREL BA DE DON YOD MED GANG DU RUNG GCIG LA NI BRTAG DGOS LA MED PA'I DON LA RKYEN NI RUNG BA MA YIN ZHING, DER MA ZAD YOD PA'I DON LA YANG RKYEN NI RUNG BA MA YIN NO, ,DAM NI DE GNYIS GANG RUNG GCIG GI RKYEN DU BRTAG DGOS PA'O, ,TE NI LHAG MA 'DREN PA'O, ,JI LTAR MI RUNG BA NI, SHES BYA LA MED PA RGYUS SKYED PAR SUS KYANG GI 'DOD PAS RGYU'I DUS NA 'BRAS BU MED PA YIN LA, DE YANG RGYU DUS NA 'BRAS BU YOD PA RNAM PAR BCAD PA TZAM GYI DNGOS MED SKYE BA YANG I 'DOD PAS RGYU DUS NA MED PA'I MYU GU LA SOGS PA SKYE BAR 'DOD PA 'GOG GO, ,DE LA SKYES PA'I SNGA ROL DU 'BRAS BU DE MED NA RKYEN 'DI GANG GI YIN ZHES ZER BA LA GANG GI RKYEN DU 'GYUR PA'I DON DE MED PAS JI SKAD BRJOD PAR BYA STE SNYAM BU MED PA'I RKYEN NI RGYU SPUN NO ZHES BSTAN PAR MI RIGS SO, ,GAL TE RGYU SPUN LAS SNAM BU 'BYUNG BAS DA LTA MED KYANG PHYIS 'BYUNG BA'I TSUL GYIS RGYU SPUN SNAM BU'I RKYEN DU BSTAN DU DUNG NGO ZHE NA, RES 'GA' 'GA' ZHIG TU 'BYUNG NA DE LTAR YIN KYANG 'DIR RANG GI NGO BOS GRUB PA'I SKYE BA 'GOG PA NI DE'I DBANG

045a

, ,DU BYAS PA'I SKYE BA DUS NAM YANG MED PAS PHYIS 'BYUNG BA'I SNAM BU LA LTOS NA KYANG DE'I RKYEN YIN NO ZHES BRJOD PA GA LA NUS, 'JIG RTEN NA RGYU SPUN LAS SNAM BU 'BYUNG BAR MTHONG NAS PHYIS YI SNAM BU LA BSAMS NAS SNGAR GYI RGYU SPUN LA 'DI SNAM BU'I RKYEN NO ZHES SMRA BA NI, SNAM BU LA LTOS NAS RGYU SPUN RKYEN DU 'JOG LA DE LA BRTEN NAS KYANG SNAM BU 'BRAS BUR 'JIG PA PHAN TSUN GYI DON LA BRTEN NAS BTAGS PA TZAM DU GRUB PA RANG BZHIN GYIS MED PA YIN NO, ,DE YI PHYIR 'BYUNG 'GYUR GYI SNAM BU LA LTOS NAS SNGAR GYI RGYU SPUN RKYEN DU 'JOG NA NI LTOS BTAGS KHAS BLANG DGOS KYI RANG GI NGO BOS GRUB PA LA DE RNAM PA THAMS CAD DU MI RUNG NGO, ,'DI NI PHA ROL PO 'GOG NUS PA DANG RANG LA MI MTSUNGS PA'I RGYU MTSAN NO, ,GAL TE 'BRAS BU DE SKYES PA'I SNGA ROL DU YOD PAS YOD PA'I RKYEN DU RTOG NA'ANG MI 'THAD DE, YOD NA RKYEN GYIS SLAR YANG CI ZHIG BYA DGOS TE SNAM BU GRUB ZIN RGYU SPUN GYI RKYEN GYIS BSGRUB MI DGOS PA BZHIN NO; ;GAL TE KHO BO NI SKYES ZIN PA LA SLAR YANG RKYEN GYI BYA BA YOD DO ZHES MI SMRA'I SNAM BU YOD PA'I RKYEN RGYU SPUN YIN PAR THA SNYAD BYED DO ZHE NA, 'DI LA BYE BRAG TU SMRA BA MA GTOGS PA'I RANG SNGAS 'BRAS BU GRUB ZIN SLAR YANG RGYUS SKYED MI DGOS KYANG GRUB PA DE NYID RGYUS BSKYED BAR 'DOD LA DE BZHIN DU SLAR YANG RGYU LA RAG LAS MI DGOS KYANG GRUB BA DE NYID RGYU'I GZHAN DBANG CAN YIN PA RGYU LA RAG LAS PA'O, ,DE TZAM ZHIG RANG LUGS LA'ANG 'DOD PAS KHYAD PAR NI RANG GI

045b

NGO BOS GRUB PA RGYUS BSKYED NA GRUB ZIN NAS SLAR YANG SKYE DGOS PA SOGS KYI GNOD PA STON PAS BUD DHA P'A LI TA DANG TSIG GSAL LAS YOD PA LA RKYEN MI DGOS ZHES PA'I SKABS SU YANG GI SGRA SMOS SO, ,RIGS PA 'DI GNYI NI LAN DU MAR 'BYUNG BAS SKABS GZHAN DU YANG 'DIR BSHAD PA BZHIN SHES PAR BYA'O, ,GNYIS PA LA BZHI, ,RGYU'I RKYEN GYI MTSAN NYI DGAG, DMIGS RKYEN GYI MTSAN NYID DGAG, DE MA THAG RKYEN GYI MTSAN NYID DGAG ,BDAG RKYEN GYI MTSAN NYID DGAG PA'O, ,DANG PO NI, DNGOS PO RNAMS NI MTSAN NYID LAS 'GRUB LA RGYU NI SGRUB PAR BYED PA'O, ,ZHES RGYU'I RKYEN GYI MTSAN NYID KYANG GSUNGS PAS MTSAN NYID YOD PA'I PHYIR RGYU'I RKYEN RANG BZHIN GYIS YOD DO ZHE NA, MTSAN NYID DE DON DAM PA YOD NA RGYU'I RKYEN YANG DON DAM PAR YOD NA'ANG DE MI 'THAD DE GANG GI TSE 'BRAS BU'I CHOS NI RGYU DUS SU YOD PA DANG MED PA DAG YOD MED GNYI KA DPYAD NA RGYUS MI 'GRUB PA DE'I TSE JI LTAR NA SGRUB PAR BYED PA'I MTSAN NYID RANG GI NGO BOS YOD PA RGYU'I RKYEN GYI MTSAN NYID YIN ZHES BYA STE MIN NO, ,DE LTA YIN NA RGYU'I RKYEN GYI MTSAN NYID YOD PA'I PHYIR RGYU'I RKYEN DON DAM PAR YOD DO ZHES SMRA BA DE MI RIGS SO, ,'DI YI RIGS PA SNGAR BRJOD MDO KYANG BUD DHA P'A LI TA LAS BSHAD PA BRJOD PAR BYA STE 'BRAS BUR YU DUS SU YOD PA RGYUS 'GRUB NA NI SKYE BA DON MED DANG THUG MED DU 'GYUR LA, RGYU DUS SU MED PA'I MYU GU LA SOGS PA RANG GI NGO BOS YOD PA RGYUS 'GRUB NA NI RGYU DUS SU MED PA MTSUNGS BZHAN DU MYU GU SKYE LA RI BONG GI RVA MI SKYE BA MI 'THAD PAR 'GYUR TE

046a

, ,RANG GI NGO BOS GRUB PA'I DNGOS PO DUS THAMS CAD DU MED PAS DE LA 'DI NI 'DI'I RGYU'O, ,'DI NI 'DI'I RGYU MA YIN NO ZHES KHYAD PAR DBYE BAR MI NUS PA'I PHYIR RO, ,RGYU DUS SU YOD MED GNYIS KA YANG 'GRUB PAR MI BYED DE, PHAN TSUN 'GAL BA'I DON GCIG MED PA'I PHYIR DANG SKYON GNYIS KAR 'GYUR BA'I PHYIR RO, ,GNYIS PA NI, ,DMIGS PA'I RKYEN RANG BZHIN GYIS YOD DE RNAM PAR SHES PA LA SOGS PA'I GNAS SU GYUR PA'I PHYIR RO ZHE NA, 'O NA DMIGS RKYEN DE DMIGS PA'I SNGA ROL NA YOD PA'I SHES PA LA RTOG GAM MED PA'I SHES PA LA RTOG GRANG, DMIGS BYA DMIGS PA'I SNGA ROL NA YOD PA LA NI DMIGS RKYEN MI DGOS TE, CHOS DE BSKYED PAR BYA BA'I PHYIR DU DMIGS RKYEN RTOG PA YIN NA CHOS DE NI DMIGS BYA DMIGS PA'I SNGA ROL DU YOD PA'I PHYIR RO, ,CI STE DE LTAR CHOS RANG GI BDAG NYID NI DMIGS PA LA LTOS PA MED PAR RAB TU GRUB NA 'DI LA DMIGS PA YOD PAR BRTAGS PAS CI ZHIG BYA, DE'I PHYIR YOD PA'I CHOS SEMS LA SOGS PA 'DI DMIGS PA NI MED PA KHO NA KHYED CAG GI RANG 'DOD KYIS DMIGS PA DANG BCAS SO ZHES NYE BAR BSTAN PA TZAM DU ZAD KYI 'DI LA DMIGS PA DANG 'BREL PA NI CUNG ZAD KYANG MED DO, ,CI STE DMIGS BYA DMIGS PA'I SNGA ROL DU MED PA'I SHES PA LA RTOG NA, DE'I DUS SU MED PA'I SHES PA LA NI DMIGS BYA'I RKYEN DANG 'BREL BA MED DE, DMIGS BYA YOD PA'I DUS SU DMIGS BYED MED CING DMIGS BYED YOD PA'I DUS SU DMIGS BYA MED PAS SO, ,DE LA 'BREL BA YOD PA THA SNYAD DU DGAG MI

046b

NUS KYANG 'DIR DMIGS RKYEN DON DAM PAR GRUB PAR SMRA BA 'GOG PA YIN PAS, DON DAM PAR 'BREL BA 'GOG NUS TE 'BREL PA DON DAM DU GRUB NA CHOS GNYIS KYI YIN LUGS SU GRUB DGOS SHING YIN LUGS RANG GI CHOS DE LA NAM YANG MI 'KHRUL BAS YUL DUS KUN TU 'JUG PA'I PHYIR RO, ,DE LTA NA 'BRAS BU'I CHOS SEMS SEMS BYUNG 'DI DMIGS PA MED PA YIN PA STE MED PAR GYUR PA KHO NA KHYED KYIS DMIGS PA DANG BCAS PAR NYE BAR BSTAN NO, ,SNGAR YOD PAR BSGYUR BA 'DIR YIN PAR BSGYUR TE MED PA LA DMIGS RKYEN 'GOG PA'I SKABS YIN PA LA BSAMS SO, ,RKANG PA GNYIS PO DE LA KHYAD PAR DE MA GTOGS PA SNGA PHYI GNYIS 'DRA LA CI STE ZHES PA GNYIS MI 'DRA'O, ,SHES RAB SGRON MAR MIG GI RNAM SHES LA SOGS PA'I CHOS 'DI DON DAM PAR DMIGS PA MED PAR GYUR PA KHO NAR STON PAS NYE BAR BSTAN ZHES BSHAD PAS KHO NAR ZHES PA GZHUNG LA YOD DO, ,DE YI PHYIR CHOS DMIGS PAR BYED PA DE DMIGS BYA DMIGS PA'I SNGA ROL DU MED PA'I PHYIR DE'I DMIGS BYA YANG DON DAM PAR MED DO, ,CI STE NI DRI BA'O, ,GA LA 'GYUR ZHES PAS NI GTAN TSIGS BSTAN NO, ,'O NA STON PAS DMIGS PA DANG BCAS PA'I CHOS GANG DAG CE NA, SEMS DANG SEMS LAS BYUNG BA THAMS CAD DO ZHES DE RNAMS DMIGS PA DANG BCAS PAR GSUNGS LA KHYED KYIS DMIGS PA BKAG PAS 'GAL LO ZHE NA, DMIGS PA DANG BCAS PA NI KUN RDZOB PA YIN GYI DON DAM PA MIN PAS NYES PA MED DO ZHES GSUNGS TE, RIGS PAS BKAG

047a

, ,PA DON DAM DU GRUB PA YIN LA LUNG GI DON KUN RDZOB TU GRUB PA YIN PAS MI 'GAL BA'I DON TE DGAG BYA LA KHYAD PAR SBYAR DGOS PA'I DON NO, ,GSUM PA NI, ,DNGOS PO GZHAN 'GAGS MA THAG PA NI DNGOS PO GZHAN SKYE BA'I DE MA THAG RKYEN YIN TE DE RANG BZHIN GYIS YOD CES SMRA NA, MYU GU LA SOGS PA 'BRAS BU'I CHOS RNAMS SKYES PA MA YIN NA STE SKYES PA'I SNGON DU SA BON LA SOGS PA'I RGYU 'GAG PA STE 'GAGS PA 'THAD PAR MI 'GYUR RO, ,DE YI PHYIR DNGOS PO GZHAN 'GAGS MA THAG PA DNGOS PO GZHAN GYI DE MA THAG RKYEN DU MI RIGS SO, ,GAL TE 'BRAS BU SKYES PA'I SNGON DU SA BON 'GAGS NAS MED NA MYU GU SKYE BA'I RKYEN DU GANG ZHIG YOD PA YIN TE MED DE, MYU GU SKYES PA'I SNGA LOGS DE MA THAG NA SA BON MED PA'I PHYIR RO, ,SA BON 'GAGS PA MYU GU MA SKYES PA'I RKYEN DU YANG MI RIGS TE SA BON 'GAGS PA DANG MYU GU SKYES PA DUS MNYAM PA'I PHYIR RO, ,SA BON 'GAGS PA'I RKYEN DU YANG GANG ZHIG YOD PA YIN TE MED DE MYU GU'I SKYE BA SA BON 'GAGS PA'I SNGA LOGS NA MED PA'I PHYIR RO, ,DES NA SA BON 'GAGS NAS MYU GU SKYE BAR RTOG NA DE GNYIS KA RGYU MED DU 'GYUR NA 'DOD PA YANG MIN NO, ,KYANG ZHES PA NI 'BRAS BU MA SKYES PAR RGYU MA 'GAGS NA DE MA THAG RKYEN MI RIGS PAR MA ZAD 'GAd NA YANG MI RIGS ZHES PA YIN PAS SBYAR SA YANG DER RO, ,'BRAS BU SKYES PA'I 'OG TU RGYU 'GAGS PA LA YANG DE MA THAG RKYEN DGAG PAR BYA STE GAL TE MYU GU SKYES MA THAG TU SA BON 'GAGS LA DE LTA NA'ANG DE MA THAG RKYEN 'GRUB STE, MYU GU

047b

SKYES MA THAG TU SA BON 'GAG PA'I RKYEN DU 'GYUR BA'I PHYIR RO ZHE NA, 'GAGS NA YANG ZHES PA SKYES NA'ANG RKYEN DU JI LTAR 'GYUR ZHES 'DON PA BSGYUR LA DGAG GO ,MYU GU SKYE BA'I BYA BA RDZOGS PA'I TSE SA BON 'GAGS NA SA BON 'GAGS PA DANG MYU GU SKYE BA'I RKYEN GANG ZHIG YIN TE GNYIS KA'ANG RGYU MED DU 'GYUR RO, ,DE'I RGYU MTSAN NI MYU GU SKYE BA LA MNGON DU PHYOGS PA'I BYA BA SA BON 'GAGS PA'I SNGA LOGS DE MA THAG NA MED CING, SA BON 'GAGS PA LA MNGON DU PHYOGS PA'I BYA BA MYU GU SKYES PA'I SNGA LOGS DE MA THAG NA MED PA'I PHYIR RO, ,CI STE SA BON 'GAG BZHIN PA NI MYU GU SKYE BAS SA BON 'GAG BZHIN PA'I BYA BA SKYE BZHIN PA'I MYU GU'I RKYEN DANG MYU GU SKYE BZHIN PA'I BYA BA SA BON 'GAGS PA'I RKYEN YIN PAS RGYU MED DU MI 'GYUR RO ZHE NA, DE YANG MI RIGS TE RGYU 'BRAS RANG GI NGO BOS GRUB PA LA MYU GU SKYE BZHIN PA'I DUS SU MYU GU YOD DGOS LA DE LTA NA GANG 'GAG PA'i SA BON DANG GANG SKYE BA'I MYU GU GNYIS DUS MNYAM DU YOD PAS DE MA THAG CES PA'I DON MI GNAS PA'I PHYIR RO,, BYA BA GNYIS DUS GCIG TU RTOG NA'ANG DE MA THAG PA MI 'THAD DE RANG GI MTSAN NYID KYIS GRUB PA LA BYA BA GNYIS DUS GCIG NA CHOS GNYIS KYANG DUS MNYAM DGOS PA'I PHYIR RO, ,'BRAS BU SKYES PA'I SNGON DU RGYU MA 'GAGS PA DANG 'GAGS PA GNYIS KA LA DE MA THAG RKYEN MI 'THAD PA DE YI PHYIR RGYU 'GAGS MA THAG PA 'BRAS BU SKYE BA'I DE MA THAG RKYEN RANG BZHIN GYIS YOD CES SMRA BA MI RIGS SO ZHES RKANG PA GSUM PA MTHA' 'DIR DRANG STE, GSUM PAR MDZAD PA NI SDEB SBYOR GYI NGOR YIN LA

048a

, ,'DI NI DON BSHAD PA'I DBANG DU BYAS PA'O, ,DE'I PHYIR DE MA THAG RKYEN MI RIGS ZHES PA RKANG PA GSUM PA'I 'OG TU SBYAR DGOS KYANG DANG PO GNYIS KYI 'OG TU SBYOR BA 'GOG PA MIN NO, ,YANG NA SNGAR SKYE BA BKAG PA'I RIGS PA LA DGONGS NAS CHOS RNAMS ZHES PA GNYIS GSUNGS TE DE YI LTAR NA SKYE 'GAG RANG BZHIN GYIS YOD PA BKAG NAS DE MA THAG RKYEN DON DAM PAR YOD PA 'GOG LA, SNGA MA LTAR NA MA SKYES PA DANG MA 'GAGS PA GNYIS THA SNYAD PA'I DBANG DU BYAS PA'O, ,'GAGS NA YANG ZHES PA GNYIS NI SNGAR DANG 'DRA'O, ,'DIR BUD DHA P'A LI TA RGYAS PAR SNANG BAS DE BZHIN DU BSHAD DO, ,'BRAS BU SKYES PA'I SNGON DU RGYU 'GAGS MA 'GAGS RANG LUGS LA JI LTAR BYED SNYAM NA, 'JUG PA LAS, SA BON 'GAG BZHIN PA DANG MYU GU SKYE BZHIN PA GNYIS DUS MNYAM PAR GSUNGS PA LTAR SANGS RGYAS BSKYENGS KYANG BZHED PAS RGYU 'GAGS PA DANG 'BRAS BU SKYED PA GNYIS KYANG DUS GCIG GO ,DES NA RGYU 'GAG BZHIN PA'I 'GAG PA'I BYA BA MYU GU SKYES PA'I SNGON DU 'GRO BA BZHIN DU 'BRAS BU SKYE BZHIN PA'I SKYE BA'I BYA BA YANG RGYU 'GAGS PA'I SNGON DU 'GRO LA DE GNYIS KYANG RGYU 'BRAS SO, ,RGYU 'GAGS PA DANG 'BRAS BU GNYIS DUS MNYAM YIN PAS DE MA THAG PA'I DON MED PAR BZHED DO, ,'O NA RIGS PA DRUG CU PA'I 'GREL PA LAS, SA BON NI YOD PA'I GNAS SKABS KHO NAR MYU GU'I RGYUR MI RTOGS KYI MED PAR GYUR PA NA MYU GU'I RGYUR RTOGS PA'I DPER ,GZHAN GYIS RNAM SHES SNGA MA MED PAR GYUR PA RNAM SHES PHYI MA'I DE MA THAG RKYEN DU KHAS BLANGS PA LTA BU STE, RNAM

048b

SHES SNGA MA YOD PA'I SKABS SU RNAM SHES GZHAN GYI RGYU YIN NA DE GNYIS DUS CIG CHAR DU YOD PAR 'GYUR RO, ,RGYU 'GAGS MA THAG PA NI 'BRAS BU SKYE BA'I RKYEN YIN NO ZHES SMRA BA LTAR MED PA YANG RGYU NYID DO ZHES RGYU ZAD PA 'BRAS BU ZAD PA'I RGYUR SGRUB PA'I SKABS SU GSUNGS PA JI LTAR YIN ZHE NA, SKYON MED DE 'DI NI BRGYA PA LAS, RGYU NI RNAM PAR 'GYUR BA NA, GZHAN GYI RGYU RU 'GYUR BA STE, ,ZHES GSUNGS SHING, DE'I 'GREL BAR SA BON GYIS SNGAR GYI GNAS SKABS MA BTANG BAR MYU GU'I RGYUR MI 'GYUR BAR GSUNGS PA LTAR, 'BRAS BU'I DUS NA RGYU'I GNAS SKABS MA BTANG NA RGYUR 'DOD PA DE 'BRAS BU DE'I RGYUR MI 'GYUR BA LA SA BON DANG RNAM SHES SNGA MA MED PAR MA SONG BAR RGYUR MI 'GYUR ZHES GSUNGS PA YIN PA'I PHYIR TE, DE LTAR MI 'DOD PA LA RGYU 'BRAS GNYIS DUS MNYAM PAR 'GYUR BAR GSUNGS PAS KYANG SHES LA, RGYU RNAM PA GZHAN DU MA GYUR BAR DU RGYUR MI 'GYUR NA GYUR PA'I TSE NI RGYU LOG BAS DE LAS KYANG RGYUR MI 'GYUR PA'I PHYIR RO, ,SHES RAB SGRON MA LAS, SKAD CIG MA GZHAN GYIS BAR MCHOD PA'I SKAD CIG MA SNGA MA 'GAG BZHIN PA NI PHYI MA SKYE BA'I GO 'BYED PAS DE YI DE MA THAG RKYEN NO ZHES 'DOD PA LA, GZUGS CAN MA YIN PA RNAMS YUL NI MI GNAS PAS GO SKABS 'BYED PA MED PA'I PHYIR DANG, CHOS MNGON PA LAS ,DRUG PO 'DAS MA THAG PA YI, ,RNAM SHES GANG YIN DE YID DO, ,ZHES GSUNGS PAS 'GAGS MA THAG PA'I YID RKYEN YIN PA'I PHYIR MI RIGS SO ZHES BKAG LA SANGS RGYAS BSKYANGS KYIS MA 'GAGS PA RKYEN DU BZHED

049a

, ,BA YANG BKAG GO ,RTOG GE 'BAR BA LAS KYANG, SA BON 'GAGS PA LAS MYU GU LA SOGS PA SKYE BAR 'GYUR BAR SNANG BA'I PHYIR RO, ,GAL TE SA BON MA 'GAGS BAR YANG MYU GU SKYE BAR 'GYUR NA NI SBYANG LA SOGS PA NA 'DUG PA YANG SKYE BAR THAL BAR 'GYUR RO, ,ZHES GSUNGS SHING, 'GAG BZHIN PA DANG SKYE BZHIN PA GNYIS DUS MNYAM PAS RKYEN MIN ZHES KYANG SMRA'O, ,PHYOGS 'DI LA MYU GU SA BON LAS DNGOS SU SKYE BA DANG RNAM SHES KYI RIGS 'DRA SNGA MAS RNAM SHES PHYI MA'I DNGOS KYI DE MA THAG RKYEN BYED PA MI SRID PA'I SKYON GZIGS NAS SNGA MA RNAMS KYIS SNGAR LTAR BSHD DO, ,'O NA DRUG PO 'DAS MA THAG PA ZHES PA DANG DE MA THAG PA NI SEMS DANG SEMS LAS BYUNG BA 'GAGS MA THAG PA RNAMS TE THA MA MA GTOGS PA'O, ZHES GSUNGS PA RNAMS JI LTAR DRANG ZHE NA, 'BRAS BU'I DUS NA 'GAGS ZHING DE'I DE MA THAG TU 'BYUNG BA LA DGONGS NAS 'GAGS MA THAG PA ZHES GSUNGS KYI 'BRAS BU'I SNGA LOGS DE MA THAG TU 'GAGS PA LA DGONGS PA MIN NO, ,DE LTA MA YIN NA DRUG PO 'DAS MA THAG PA'I RNAM SHES YID YIN PAR GSUNGS MI RIGS TE RNAM SHES ZHIG PA YID DU MI RUNG BA'I PHYIR RO, ,DES NA 'GAGS ZHES PAS RKYEN 'DI LA RGYU 'BRAS SNGA PHYI BA DANG DE MA THAG CES PAS DNGOS RGYU DGOS PAR BSTAN NO, ,BZHI PA NI; GANG YOD NA GANG 'BYUNG LA GANG MED NA GANG MI 'BYUNG BA DE NI DE YI BDAG PO YIN LA DE YANG RANG BZHIN GYIS GRUB PO ZHES SMRA NA, GANG GI PHYIR RTEN 'BYUNG YIN PA DE YI PHYIR DNGOS PO THAMS CAD RANG BZHIN MED PA DE YI TSE DE RNAMS KYI YOD PA

049b

NI RANG BZHIN GYIS YOD PA MIN NO, ,DE YI PHYIR 'DI YOD PAS NA ZHES BYA BAR BSNYAD PA'I RGYUD 'DI DANG 'DI 'BYUNG ZHES BYA BAR BSNYAD PA'I 'BRAS BU 'DI LA NI RANG BZHIN YOD PAR 'THAD PA MA YIN NO, ,DE MI 'THAD NA GANG GI BDAG POR CI ZHIG 'GYUR DE'I PHYIR BDAG RKYEN YANG RANG BZHIN GYIS YOD PA MA YIN PAS MTSAN NYID LAS KYANG RKYEN RNAMS LA RANG BZHIN YOD PAR MI 'GRUB BO, ,GSUM PA LA GSUM, 'BRAS BU 'BYUNG BA'I RGYU MTSAN GYIS RKYEN LA RANG BZHIN YOD PA DGAG ,'BRAS BU RKYEN YIN MIN GYI RANG BZHIN DU GRUB PA DGAG ,RKYEN DANG RKYEN MIN GYI RANG BZHIN NGES PA DGAG PA'O, ,DANG PO NI, GAL TE RKYEN GYIS DNGOS PO RNAMS 'DI LTAR SGRUB PO ZHES PA DE SMRA MI NUS KYANG SNAL MA LA SOGS PA LAS SNAM BU LA SOGS PA SKYE BAR MTHONG NAS 'BRAS BU'I RKYEN NI 'DI DAG GO ZHES BYA BAR SHES SO ZHE NA, SNAL MA DANG TSIG PA DANG THAG ZANGS DANG SON SHING LA SOGS PA'I RKYEN RNAMS SO SO BA DANG 'DUS PA LA 'BRAS BU SNAM BU DE NI MED PA NYID DE KHO NA'O, ,RKYEN RNAMS LA NI GANG MED PA'I SNAM BU DE NI RKYEN SNAL MA SOGS LAS RANG GI NGO BO NYID KYIS JI LTAR SKYE ZHES PA MI SKYE STE BYE MA LAS TIL MAR BZHIN NO, ,JI LTAR MED NA GAL TE SNAM BU DE RKYEN RE RE BA LA YOD NA CHA SHAS YONGS SU RDZOGS PA RE YOD DAM CHA SHAS RE YOD DANG PO LTAR NA RKYEN DU MA MI DGOS TE GZHAN LA MI LTOS PAR RE RES KYANG SKYED PAR 'GYUR RO, ,GNYIS PA LTAR NA YANG GZHAN LA MI LTOS PAR RE RES KYANG CHA SHAS RE SKYED PAR 'GYUR RO, ,DE LTAR 'DOD PAR NI MI NUS PAS SKYEN RE RE LA YONGS

050a

, ,RDZOGS DANG CHA RE RE GANG YANG MED PAS RKYEN 'DUS PA LA YANG MED DO, ,TSIG GSAL LAS, RKYEN SO SO LA SNAM BU SO SOR MED DE DMIGS SU RUNG BA LAS MA DMIGS PA'I PHYIR DANG RGYU MANG BAS 'BRAS BU MANG POR 'GYUR BAS BKAG PA NI SLA LA, SNAL MA LA SOGS PA TSOGS PA LA YOD PA MA YIN TE YAN LAG RE RE BA LA MED PA'I PHYIR DANG 'BRAS BU GCIG DUM BUR SKYE BAR 'GYUR BA'I PHYIR RO, ,ZHES BKAG PA'I PHYI MA NI TSOGS BA LA SNAM BU YOD PA'I TSE TSOGS PA CAN LA SNAM BU'I CHA SHAS RE YOD LA DE'I TSE SNGAR LTAR RE RE NAS SKYED NUS PAS CHA DU MAR SKYE BAR 'GYUR RO ZHES PA'O, ,CI STE SNAM BU LA SOGS PA'I 'BRAS BU DE NI RKYEN RNAMS LA MED PAR YANG RKYEN DE DAG LAS SKYE BAR 'GYUR BAS SNGA MA LA KHYAB PA MED DO ZHE NA, DE LTA YIN NA RKYEN MA YIN PA 'JIG MA LA SOGS PA DAG LAS KYANG SNAM BU LA SOGS PA CI YI PHYIR NA SKYE BAR MI 'GYUR TE 'GYUR RO, ,'DI DAG GI RGYU MTSAN SNGAR BSHAD ZIN TO, ,GNYIS PA NI, GAL TE RKYEN DANG 'BRAS BU GZHAN YIN NA RKYEN LA 'BRAS BU YOD MED DPYOD PAR RIGS KYANG 'BRAS BU RKYEN GYI RANG BZHIN CAN KHO NA'O ZHE NA, GAL TE 'BRAS BU RKYEN GYI RANG BZHIN RNAM RKYEN GYI RNAM 'GYUR YIN NO ZHES 'JOG NA DE NI MI RIGS TE, SNAL MA LA SOGS PA RNAMS RANG GI NGO BOS GRUB NA SNAM BU DE'I RANG BZHIN NO ZHES GZHAG TU RUNG YANG RKYEN DE RNAMS BDAG GI NGO BOS GRUB PA'I RANG BZHIN DU YOD PA MIN PA'I PHYIR TE, DE DAG NI RANG RANG GI CHA SHAS LA BTAGS NAS BZHAG PA TZAM YIN PA'I PHYIR RO, ,DE'I PHYIR BDAG

050b

DNGOS KYI RANG BZHIN MIN PA DE DAG LAS SNAM BU LA SOGS PA'I 'BRAS BU GANG YIN PA DE NI JI LTAR SNAL MA LA SOGS PA'I RKYEN GYI RANG BZHIN DU YOD DE MED DO, ,DE SKAD DU BRGYA PA LAS, SNAM BU RGYU LAS GRUB 'GYUR ZHING, ,RGYU YANG GZHAN LAS GRUB 'GYUR NA, ,GANG ZHIG RANG GISG RUB MED PA, ,DES GZHAN SKYED PAR JI LTAR 'GYUR, ZHE SO, ,DE YI PHYIR RKYEN GYI RANG BZHIN CAN GYI 'BRAS BU NI YOD PA MIN NO, ,'O NA 'BRAS BU RKYEN MA YIN PA'I RANG BZHIN DU 'GYUR TE RANG BZHIN YOD PA LA RKYEN GYI RANG BZHIN DU MI 'THAD PA'I PHYIR RO ZHE NA, RKYEN MIN PA'I RANG BZHIN DU GRUB PA'I 'BRAS BU NI YOD PA MIN TE, SNAM BU SNAL MA'I RANG BZHIN DU MI 'THAD PAR MTHONG NAS 'JIG MA'I RANG BZHIN DU KHAS LEN PA MI RIGS PA'I PHYIR RO, ,'BRAS BU RGYU DANG RANG BZHIN GCIG PA'I SKYE BA SNGAR BKAG MOD KYANG 'DIR RANG BZHIN GCIG 'GOG LA 'GOG PA'I RIGS PA YANG MI 'DRA'O, ,GSUM PA NI, GAL TE KHYED KYIS 'BRAS BU BKAG MOD KYANG RKYEN DANG RKYEN MA YIN PA'I NGES PA YOD DE, 'BRU DAG LAS 'BRU MAR KHO NA 'BYUNG GI MAR MI 'BYUNG NGO, ,ZHE LAS NI MAR KHO NA 'BYUNG GI 'BRU MAR MI 'BYUNG NGO, ,BYE MA LAS NI DE GNYIS KA MI 'BYUNG NGO, ,KHYED KYIS KYANG RKYEN MIN LAS KYANG ZHES SMRAS PAS SO, ,MAR DANG 'BRU MAR ZHES PA'I 'BRAS BU MED NA 'BRU DANG ZHO DAG RKYEN DANG RKYEN MIN DU MI RIGS PAS 'BRAS BU DANG RKYEN KYANG RANG BZHIN GYIS YOD DO ZHE NA, 'DI LA KHYOD KYIS 'BRU MAR LA SOGS PA 'BRAS BU 'BYUNG MI 'BYUNG GI RKYEN DANG RKYEN MA YIN SO SOR NGES PA'I RGYUR SMRAS

051a

, ,PA NI, RKYEN DANG RKYEN MIN GYI RANG BZHIN GYI 'BRAS BU MED PAR SNGAR BSTAN ZIN PAS NA, 'DI NI 'DI YI RKYEN DU YOD DO, ,'DI DAG NI 'DI YI RKYEN MIN NO ZHES PA'I NGES PA RANG BZHIN GYIS YOD PAR 'GYUR TE MI 'GYUR RO, ,GNYIS PA NI, DE LTAR 'PHAGS PA'I RIGS PA SHIN TU ZAB PA RNAMS KYIS RANG BZHIN GYIS SKYE BA MED PA BSGRUBS PA LA, RIGS PA MI SHES SHING LUNG TZAM SKYABS SU GYUR PA RNAMS KYIS RTOG GE SKAM PO'I BSTAN BCOS TZAM GYIS BSGRUBS PA YIN NO ZHES SMRA BA DGAG PA'I PHYIR DANG, CHOS RNAMS SKYE BA MED PAR STON PA'I GSUNG RAB THAMS CAD RAB TU BYED PA 'DIS BSHAD PAR BYA BA YIN PAR BSTAN PA'I PHYIR NGES PA'I DON GYI LUNG DANG SBYOR BA'I PHYOGS TZAM STON PA NI, 'PHAGS PA DKON MCHOG 'BYUNG GNAS KYI MDO LAS, GANG NA'ANG STONG PA RIG PA MED PA NI, ,NAM MKHA' BAR SNANG BYA YI RJES DANG MTSUNGS, ,ZHES DE KHO NA NYID DANG RO GCIG TU GYUR PA SPROS PA MED PA'I YE SHES DPE DE DANG 'DRA BAR BSTAN NO, ,DE KHO NA NYID NI, GANG NA'ANG NGO BO NYID 'GA' YOD MIN PA, ,DE NI NAM YANG GZHAN GYI RGYUR MI 'GYUR, ,GANG GI NGO BO NYID NI MI RNYED PA, ,RANG BZHIN MED DE JI LTAR GZHAN GYI RKYEN, ,ZHES RGYU DANG RKYEN LA SKYED BYED KYI RANG BZHIN MED PA DANG, RANG BZHIN MED PA GZHAN GYIS CI ZHIG SKYED, ,RGYU DE BDE BAR GSHEGS PAS BSTAN PA'O, ,ZHES 'BRAS BU LA BSKYED BYA'I RANG BZHIN MED PA'I STONG NYID RGYAL BAS RGYU MTSAN DANG BCAS TE BSTAN PA DE NYID DO ZHES GSUNGS SO, ,THAMS CAD CHOS KYANG MI GA-YO BRTAN PAR GNAS,

051b

MI 'GYUR 'TSE BA MED CING ZHI BA STE, ,JI LTAR NAMKHA' SHES PA MED PA BZHIN, ,DE LA MI SHES 'GRO BA RMONGS PAR 'GYUR, ,ZHES PAS NI CHOS RNAMS KYI DE KHO NA NYID DE MI GA-YO BA SOGS SU BSTAN ZHING DE YANG NAM MKHA' RI BO LA SOGS PA'I THOGS BCAS BKAG TZAM LA 'JOG PA MIN PA GZHAN DU SHES PAR BYAR MED PAR BZHIN DU GA-YO BA DANG BRTAN PA SOGS KYI SPROS PA BCAD TZAM DU SHES PAR BYA BA DANG, DON DE MA RTOGS PAS 'KHOR BAR GSUNGS SO, ,JI LTAR RI BO DAG NI MI SGUL PA, ,DE BZHIN CHOS RNAMS RTAG TU BSKYED MI NUS, ,'CHI 'PHO MED CING SKYE BA MED PA YI, ,CHOS RNAMS DE LTAR RGYAL BAS RAB TU BSTAN, ,ZHES PAS NI CHOS RNAMS RANG BZHIN GYIS STONG PA RNAM PA GZHAN DU DRANG DU MI NUS PA DANG 'CHI 'PHO SOGS MED PAR BSTAN NO, ,CHOS GANG SKYE BA MED CING 'BYUNG BA MED, ,'CHI 'PHO MED CING RGA BAR MI 'GYUR BA, ,MI YI SENG+GE YIS NI DER STON ZHING, ,SEMS CAN BRGYA PHRAG DAG NI DE LA BKOD, ,CES PAS NI RANG BZHIN GYIS SKYE 'CHI MED PA'I DON DE GDUL BYA GZHAN DU MA ZHIG KYANG 'DZIN DU BCUG CES DNGOS SU BSTAN PA'I SHUGS KYIS GZHAN DAG GIS KYANG DE LA SEMS CAN RNAMS DGOD PAR BYA'O ZHES BSTAN NO, ,GANG LA NGO BO NYID NI GANG YANG MED, ,GZHAN YANG MA YIN SUS KYANG MI RNYED PA, ,NANG NA MA YIN PHYI ROL DAG NA YANG, ,MI RNYED DE DAG LA NI MGON POS BKOD, ,CES PAS NI CHOS GANG LA TSOL BA PO SUS GNAS SKABS GANG DU BTZAL YANG RANG DANG GZHAN GYI NGO BO NYID MI RNYED PA'I DON DE LA SEMS CAN RNAMS BKOD CES BSTAN TE GDUL BYA LA NGES DON GYI

052a

, ,GO BA BSKYED LUGS BSTAN NO, ,BDE BAR GSHEGS PAS ZHI BA'I 'GRO GSUNGS KYANG, ,'GRO BA GANG YANG RNYED PAR MI 'GYUR TE, ,DE DAG 'GRO LAS GROL BAR RNAM PAR GSUNGS, ,GROL NAS SEMS CAN MANG PO GROL BAR MDZAD, CES PAS NI ZHI BAR 'GRO MKHAN DE YANG BTZAL NA MI RNYED PA DANG, DE LTA NA'ANG DE DAG 'GRO BA LNGA'I 'KHOR BA LAS GROL BA DANG RANG GROL NAS GZHAN MANG PO SGROL BAR GSUNGS TE RIGS PAS DPYAD NA MI RNYED PAS THAR PA DANG DE THOB MKHAN DANG DES DE THOB PA SOd THAMS CAD MI 'GOG PA'I DON NO, ,DE LTAR NA RAB BYED DANG PO'I RIGS PA 'DI RNAMS NI 'DI DANG 'DI 'DRA BA'I SKYE MED STON PA'I GSUNG RAB THAMS CAD LTA BA'I MIG TU SHES PAR GYIS SHIG, GSUM PA NI, RAB BYED 'DIS GANG 'GOG PA'I DGAG BYA 'DZIN LUGS DANG DE RIGS PAS BKAG PA'I 'OG TU JI 'DRA ZHIG TU GRUB PA DANG, DE NYID LA RGYU RKYEN DANG 'BRAS BU 'JOG TSUL GSUM MDOR BSDUS TE BRJOD NA, SA BON DANG BUD SHING LA SOGS PAS MYU GU DANG MI LA SOGS PA SKYED PA'I BYA BA BYED PA MTHONG BA DANG DE LTAR BYED CES THOS PA NA, RGYU 'BRAS GNYIS KA YANG MING DU BTRAGS PA TZAM MIN PAR THA SNYAD BTAGS PA'I BTAGS SA'I DON DE RANG GI NGO BOS GRUB PA'I BSKYED BYA DANG SKYED BYED DU YID PAR 'DZIN PA NI DGAG BYA 'DZIN PA YIN NO, ,DE LTAR BZUNG BA'I DON DE YOD PAR KHAS LEN NA 'BRAS BU SKYE BA DU RGYU RKYEN DANG RANG BZHIN GCIG PA DANG THA DAD PA'I SKYE BA GANG YIN ZHES DPYAD NAS 'BRAS NGOS NAS BSKYED BYA'I RANG BZHIN DANG, RKYEN GYIS KYANG 'BRAS BU RGYU DUS NA YOD MED

052b

GANG SGRUB CES SOGS KYIS RGYU'I NGOS NAS SKYED BYED KYI RANG BZHIN 'GOG STE, RANG GI NGO BOS YOD PA DE LA RGYU RKYEN DANG 'BRAS BU GANG YANG GZHAG SA MED PAR DGAG PA'I PHYOGS NYID GTZO BOR MDZAD NAS STON TO, ,DE LTAR MDZAD DGOS PA NI RGYU 'BRAS YOD PA DE RANG GI NGO BO'I DBANG GIS YOD PAR 'DZIN PA THOG MA MED PA NAS GOMS CHES PAS DE BZLOG BKA' BA'I PHYIR DANG, RANG BZHIN DE KHEGS NA RANG BZHIN MED PA LA BYA BYED 'THAD PA BDE BLAG TU 'GRUB PA'I PHYIR, RANG LUGS LA THA SNYAD DU BYA BYED 'JAG LUGS RNAMS GTZO BOR MA MDZAD TE, ,DE LTAR 'GOG PA'I TSE BDAG LAS SAM GZHAN LAS ZHES SOGS KYIS THA SNYAD BTAGS PA'I BTAGS SA'I DON DE JI LTAR YOD DPYAD NAS 'GOG PA SHA STAG 'BYUNG BAS BTAGS PA TZAM MIN PA'I SKYA BA 'GOG GI SKYE BA TZAM MI 'GAG PAR SHIN TU GSAL BA LA DGONGS NAS RAB BYAD PHAL MI CHER DGAG BYA LA KHYAD PAR MA SBYAR ZHING,KHYAD PAR SBYAR BA YANG SKABS MANG DU GSUNGS LA SKABS GCIG TU SBYAR NA RGYU MTSAN MTSUNGS PAS DNGOS SU MA SBYAR BA RNAMS LA YANG SBYAR DGOS PA SHES SLA BA LA DGONGS NAS KYANG YIN NO, ,TSIG GSAL LAS NI 'GAG PA MED PA SKYE MED PA ZHES SOGS NI 'GAG SOGS YOD PAR GSUNGS PA'I LUNG DANG MI 'GAL BAR STON PA NA ZAG MED KYI YI SHES KYI YUL GYI RANG BZHIN GYI SKYE 'GAGS SOGS MED PA YIN ZHES PA DANG DON DAM PA'I SKYE BA BKAG GI KUN RDZOB PA'I SKYE BA MA BKAG CES STONG THUN DU BSHAD ZIN CING, RKYEN BZHI LAS DNGOS PO SKYE BAR GSUNGS PA'I LUNG GI DGONGS PA

053a

, ,YANG DE YIN PAR BSHAD LA, DMIGS RKYEN BKAG PA YANG DON DAM PAR YIN GYI KUN RDZOB PA MIN ZHES GSUNGS PAS DGAG BYA LA KHYAD PAR SBYAR BA SHIN TU YANG GSAL LA GRANGS KYANG MANG BAS ,TSIG DON 'CHAD PA'I SKABS SU MANG DU MA BYUNG BA LA 'KHRUL PAR MI BYA'O, ,BRGYA PA'I 'GREL PA LAS KYANG, GAL TE RNAM PAR DPYAD PA 'DIS SKYE BA RNAM PA THAMS CAD DU BKAG PA LAS 'DUS BYAS SKYE BA MED PAR BSTAN PAR 'DOD NA NI, DE YI TSE DE SGYU MA LTA BU NYID DU MI 'GYUR GYI MO GSHAM GYI BU LA SOGS PA DAG GIS NYE BAR GZHAL BAR 'GYUR BA ZHIG NA, RTEN CING 'BREL PAR 'BYUNG BA MED PAR THAL BAR 'GYUR BA'I 'JIGS PAS DE DAG DANG STUN PAR MI BYED KYI DE DANG GI 'GAL BA SGYU MA LA SOGS PA DAG DANG NI BYED DO, ,ZHES SHIN TU GSAL BAR GSUNGS SHING, LANG GSHEGS LAS KYANG, RANG BZHIN GYIS MA SKYES PA LA DGONGS NAS NGAS CHOS THAMS CAD MA SKYES PA'O ZHES GSUNGS SO ZHES PA TSIG GSAL DU DRANGS SO, ,RANG GI MTSON NYID KYIS GRUB PA LA RGYU 'BRAS KHEGS PA NA RGYU 'BRAS MING DU BTAGS PA TZAM DANG MING GI THA SNYAD KYI DBANG GIS BZHAG PA TZAM DU 'GYUR TE BDUD DHA P'A LI TA LAS RAB BYED DANG PO'I MGOR SKYE BAR BRJOD PA THA SNYAD TZAM YIN PAR STON CIG CES DANG RDZOGS PA'I MJUG TU SKYE BAR BRJOD PA THA SNYAD TZAM DU GRUB BO ZHES BSHAD PA BZHIN NO, ,DE LTAR RANG GI NGO BOS GRUB PA LA RGYU 'BRAS KHAS BLANG DU MI RUNG BAR MTHONG NA PHAN GNOD BYED PA'I RGYU 'BRAS LA NI SUS KYANG BSNYON DU MED PAS YOD LA RANG GI NGO BOS YOD

053b

PA LA NI GZHAG TU MI RUNG BA'I PHYIR MING GI THA SNYAD KYI DBANG GIS BZHAG PA TZAM LA DE DAG 'THAD DO ZHES KHAS BLANG BAR BYA'O, ,BSKYED BYA SKYED BYED RANG GI MTSAN NYID KYIS GRUB PA'I STENG NAS 'JOG PA LA GOMS CHES PAS DE BKAG PA NA MING GI THA SNYAD KYI DBANG GIS BZHAG PA TZAM LA DE DAG 'JOG PA BLO LA MI BDE YANG, 'JOG TSUL GNYIS LAS NI MED LA SNGA MA LA MI 'THAD NA PHYI MA LA 'JOG PA 'OS MED DO SNYAM DU BLO DE YI PHYOGS SU DRANG DGOS SO, ,BSKYED BYA SKYED BYED YOD NA RGYU 'BRAS KYI DON YOD PAS MING DU BTAGS PA TZAM MO ZHES PA MI 'THAD DO SNYAM PA YANG MI RIGS PA'I RGYU MTSAN TZAM GYIS GRAS MING MIN PA'I DON YOD PA DANG DON CHAD MAS GRUB PA MI GCOD PA DANG, MING DU BTAGS PA TZAM DU YOD CES PAS KYANG MING GI THA SNYAD KYI DBANG GIS MA BZHAG PA'I YOD PA MI SRID KYANG MING GI THA SNYAD KYI DBANG GIS GANG BZHAG THAMS CAD YOD PAR STON PA MIN PAR BSHAD ZIN TO, ,DE LTAR NA PHYI NANG GI RGYU RKYEN SA BON DANG MYU GU LA SOGS PA DANG DBANG PO DANG YUL LA BRTEN NAS RNAM SHES 'BYUNG BA LTA BU GANG RNAM PA GSAL BA ZHIG GZHIR GZUNG LA, SNGAR BSHAD PA LTAR GYI 'DZIN PAS JI LTAR BZUNG BLTAS TE DE NAS 'BRAS PHYOGS DANG RGYU PHYOGS GANG RUNG GCIG NAS RANG GI NGO BOS YOD PA 'GOG PA'I RIGS PA RNAMS KYI RANG BZHIN LHAG MA MA LUS PAR DGAG STE CUNG ZAD MA KHEGS NA'ANG DE YI 'DZIN PAS BCINGS NAS GROL DU MI STER BA'I PHYIR RO, ,DE NAS RGYU 'BRAS DE DAG MING DU BTAGS PA TZAM DU 'CHAR LA PHAN GNOD BYED PA'I RGYU 'BRAS LA NI BSNYON SA MED PAS

054a

, ,BTAGS PA TZAM GYI RGYUS 'BRAS BU SKYED PAR 'DUG PA LA, BDAG GIS RANG GI MTSAN NYID KYIS GRUB PA KHO NA LA DE DAG BZUNG BA NI PHYIN CI LOG GO SNYAM DU NGES PAR BYAS LA RGYU 'BRAS RTEN 'BREL GYI NGES PA LA MI GNOD PAR BYA STE, RANG LUGS LA DE DAG RGYU 'BRAS SU BZHAG SA MED PAR 'KHRUL PA'I DOR YOD PA TZAM LA KUN RDZOB TU YOD PAR BZHAN LA LTA BA'I GOL SA'I SKUR 'DEBS CHEN PO YIN PA'I PHYIR RO, ,RKYEN BRTAG PA ZHES BYA BA TSIGS SU BCAD PA BCU BZHI'I BDAG NYID RAB TU BYED PA DANG PO'I RNAM PAR BSHAD PA'O,, ,,GNYIS PA 'GRO 'ONG GI BYA BYED LA BTAGS NAS GANG ZAG LA RANG BZHIN DGAG PA LA GSUM, RAB BYED KYI GZHUNG BSHAD PA, NGES DON GYI LUNG DANG SBYAR BA, DON BSDUS TE MTSAN BSTAN PA'O, ,DANG PO NI, 'DIR SMRAS PA GAL TE SKYE BA BKAG PAS 'GAG PA MED PA SOGS 'GRUB PAR YANG BSHAD MOD KYANG RTEN 'BYUNG BA 'GRO 'ONG MED PA GRUB PAR BYA BA'I PHYIR DE 'GOG PA'I RIGS PA THUN MONG MA YIN PA BRJOD DGOS SO, , 'DIR 'GRO 'ONG 'GOG PA NI ZAG MED KYI YE SHES KYI YUL GYI RANG BZHIN GYI 'GRO 'ONG 'GOG PAR BSHAD PA DANG, RAB BYED BRGYAD PA'I 'GREL PA LAS KYANG 'GRO BA PO DANG 'GRO BA'I BYA BA GNYIS PHAN TSUN LTOS NAS GRUB KYI NGO BO NYID KYIS YOD PA MIN PAR GSUNGS PAS 'GRO 'ONG NGO BO NYID KYIS YOD PAR DGAG BYA'O, ,'DI DGAG PA LA GNYIS, RGYAS PAR BSHAD, MJUG BSDU BA'O, ,DANG PO LA GNYIS, LAS DANG BYED PA PO LA BYA BA SO SOR DGAG, LAS DANG BYED PA PO LA BYA BA THUN MONG DU

054b

DGAG PA'O, ,DANG PO LA BZHI, LAS LA BRTAGS NAS DGAG, BYED PA PO LA BRTAGS NAS DGAG, BYA BA YOD PA'I SGRUB BYED DGAG, BYA BA LA BRTAGS NAS DGAG PA'O, ,DANG PO LA GNYIS, LAM GSUM LA THUN MONG DU BYA BA DGAG, BGOM PA LA BYA BA BYE BRAG TU DGAG PA'O, ,DANG PO NI, DE LA 'GRO BA'I BYA BA NGO BO NYID KYIS YOD NA LAM GSUM GANG RUNG GCIG LA YOD DGOS NA DE YANG MI 'THAD DE, SNGAR SONG BA'I LAM LA MI 'GRO BA STE 'GRO BA'I BYA BA MED DE 'GRO BA'I BYA BA NI DA LTAR BA YIN LA, LAM GYI RNAM PA 'GRO BA'I BYA BA 'GAGS PA NI SONG BA YIN PA'I PHYIR RO, ,RE ZHIG NI DGAG PA'I RIM PA STON PA'O, ,DA DUNG MA SONG BA'I LAM LA'ANG 'GRO BA MIN TE MA SONG BA NI 'GRO BA'I BYA BA MA SKYES PA YIN PA LA 'GRO BA'I BYA BA NI DA LTAR BA YIN PA'I PHYIR RO, ,BGOM PA LA YANG 'GRO BA'I BYA BA RANG BZHIN GYIS MED DE 'GRO BA POS SNGAR BRGAL BA'I YUL SONG BA DANG, DA DUNG MA SONG BRGAL BA'I YUL MA SONG BA GNYIS MA GTOGS PAR TE DE GNYIS GANG YANG MIN PA BGOM BZHIN PA'I LAM BDEN PA BA CHAD MAS SHES PAR MI 'GYUR BA'I PHYIR RO, ,CI STE 'GRO BZHIN PA'I RKANG PAS MNAN PA'I PHYOGS DE NYID BGOM PA YIN LA, DE YANG 'GRO BA'I BYA BA 'GAGS PA'I SONG BA DANG BYA BA MA SKYES PA'I MA SONG BA MIN PAS SONG DANG MA SONG MA GTOGS ZHES PA MA GRUB PO SNYAM NA, RKANG PA YANG RDUL PHA RAB 'DUS PA LA BTAGS NAS BZHAG PA'I PHYIR MDUN RGYAB KYI CHE DU MA YOD DO, ,DE YI TSE RKANG PA'I SOR MO LA GNAS PA'I RDUL GYI RGYAB KYI PHYOGS NI DE YI SONG BA'I KHONGS SU GTOGS LA, RTING PA LA GNAS PA'I

055a

, ,RDUL GYI MDUN PHYOGS NI DE YI MA SONG BA'I KHONGS SU GTAGS SHING RDUL RNAMS LAS MA GTOGS PA'I RKANG PA YANG MED PAS SONG MA SONG LAS MA GTOGS PA'I BGOM PA MED DO, ,TSIG GSAL LAS DE BZHIN DU BSHAD PA LA DES GNYIS MA YIN GYI PHUNG GSUM 'GOG PA MI 'THAD NA NI, RKANG PAS RTING PA NAS BZUNG STE SOR MO'I RTZE MO'I BAR GYI YUL NON PA YANG MI SRID PAR 'GYUR TE MDUN RGYAB KYI CHA RE RES NI MA NON LA DE DAG LAS MA GTOGS PA'I RKANG PA YANG MED PA'I PHYIR RO, ,SOR MO DANG RTING PA'I RGYAB MDUN GYI PHYOGS NA DE GNYIS KYI SONG MA SONG GI KHONGS SU GTOGS KYANG, DE GNYIS KYIS NON PA'I YUL DE GNYIS MA YIN GYI PHUNG GSUM DU 'DZIN PA'I DOGS PA MI CHOD PA RKANG PA DANG 'DRA'O, ,GZHAN YANG BGOM BZHIN PA'I LAM MED NA NI LAM DE LTAR BA MED LA DE LTA NA BYA BA ZHIG PA'I 'DAS PA DANG BYA BA MA SKYES PA'I MA 'ONGS PA'I LAM YANG MED PAR 'GYUR RO ZHE NA, SONG MA SONG NI TSIG GSAL LAS BYA BA ZHIG PA DANG MA SKYES PA LA BSHAD LA DE GNYIS GANG YANG MIN PA'I BGOM PA'I LAM MED NA NI JI SKAD BSHAD PA'I SKYON DU 'GYUR YANG, 'DIR DE GNYIS GANG YANG MIN PA'I BGOM PA'I LAM MED PAR MI SMRA YI BGOM PA'I LAM NGO BO NYID KYIS YOD PA BKAG NAS DE LA 'GRO BA'I BYA BA 'GOG GO, DE YANG RKANG PAS NON PA'I LAM RKANG PA'I SOR MOS NON PA'I RGYAB NI CHAD YI 'GRO BA'I BYA BA ZHIG PA DANG, RTING PAS NON PA'I MDUN GYI CHA DE YI 'GRO BA'I BYA BA MA SKYES PA YIN PAS DE GNYIS LA LTOS NAS NI BAR GYI LAM DE BYA BA ZHIG PA DANG

055b

MA SKYES PA GANG YANG MIN PA'I PHUNG GSUM DU MED DE, ,CHA DE GNYIS GANG YANG MIN PA'I RKANG PA RANG GI MTSAN NYID KYIS GRUB PA ZHIG YOD NA, CHAL LTOS NAS BAR GYI LAM DE GNYIS MA YIN DU MED KYANG CHA CAN RKANG PA LA LTOS TE GNYIS MA YIN GYI PHUNG GSUM DU YOD NA'ANG, CHA DE GNYIS GANG YANG MIN PA'I RKANG PA NGO BO NYID KYIS GRUB PA MED PAS DE LA LTOS NAS LAM DE BGOM BZHIN PAR NGO BO NYID YIS YOD PA MIN NO, ,GAL TE BAR GYI LAM DE MDUN RGYAB KYI CHA GNYIS LA LTOS NAS PHUNG GSUM DU MED KYANG, MDUN RGYAB KYI CHAS NON PA DE RANG RANG LA LTOS NAS PHUN GSUM MO SNYAM NA, 'GREL PA LAS RKANG PA'I MDUN RGYAB KYI CHA LA BSHAD PA BZHIN DU SOR MO DANG RTING PA'I RDUL LA YANG, SHAR NUB KYI PHYOGS KYI CHA DANG 'BREL BA'I SGO NAS DPYAD PA BYA BAR GSUNGS PAS DE DAG LA YANG DE BZHIN DU DPYAD PAR BYA'O, ,SNGAR BSHAD PA'I SKYE BZHIN PA 'GOG PA'I RIGS PAS KYANG DGAG STE, 'DI LTAR SKYES PA DANG MA SKYES PA GNYIS MI SKYE YANG MYU GU SKYE BZHIN PA SKYE'O ZHES SMRA BA LA YANG PHUNG GSUM LDOG MI LDOG GI TSUL NI SNGA MA DANG 'DRA LA, GZHAN YANG MYU GU'I CHA GAN GYANG MA SKYES NA NI MA SKYES PA NYID YIN PAS CHA 'GA' ZHIG NI SKYES LA CHA 'GA' ZHIG MA SKYES PA SKYE BZHIN PAR 'DOD DGOS SO, ,DE YI TSE PHYED SKYES PHYED MA SKYES SU SONG LA CHA DE GNYIS LAS MA GTOGS PA'I MYU GU YANG MED PAS SKYES MA SKYES GANG YANG MIN PA'I SKYE BZHIN PA MED DO, ,DE BZHIN DU RKANG PA'I MDUN RGYAB KYI CHA GNYIS LA LTOS NAS SONG MA SONG NYID YIN LA, CHA DE GNYIS GANG YANG

056a

, ,MIN PA'I RKANG PA YANG NGO BO NYID KYIS MED PAS PHYED SONG PHYED MA SONG GI BGOM BZHIN PA YANG NGO BO NYID KYIS MED DO, ,RKANG BA'I CHA RNAMS RKANG BA MIN LA DE DAG LAS DON GZHAN NA YANG RKANG PA MED PAS NI, RKANG PA RANG GI MTSAN NYID KYIS GRUB PA 'GOG NUS KYI RKANG PA 'GOG MI NUS PA NI BSHAD ZIN CING 'CHAD PAR YANG 'GYUR BAS 'DIR MA GSUNGS SO, ,DES NA RIGS PA DES RKANG PAS MNAN PA'I LAM DE CHA CAN RKANG PA LA LTOS NAS PHUNG GSUM DU NGO BOS YOD PA 'GOG GI, SONG MA SONG DNGOS 'GAL YIN PAS PHUNG GSUM 'GOG PA MIN TE, 'GREL PA NYID LAS 'GRO BA'I BYA BA 'GAGS PA DANG MA SKYES PA GNYIS SONG MA SONG DANG 'GRO BA'I BYA BA DE LTAR BAS ZIN PA BGOM PAR BSHAD PA'I PHYIR RO, ,'DIR KHA CIG RKANG BA'I CHA RNAMS NI RKANG PA MIN LA DE DAG LAS DON GZHAN DU YANG RKANG PA MED PAS RKANG PA MED PA DANG CHA RE RES NI RTING PA NAS SER MO'I BAR GYIS NON PA'I LAM DE MA NON LA DE DAG LAS DON GZHAN DU YANG DE GNON BYED MED PAS LAM DE MNAN PA MI SRID CES SMRA ZHING SKABS GZHAN DU YANG DE KHO NA BZHIN DU SMRAS NAS DBU MA'I DON BSHAD PAR RLOM MOD KYANG RTEN 'BYUNG DBU MA'I DON DU 'CHAD PA'I GOL SA CHEN PO LA GNAS PA'O, ,GNYIS PA LA GNYIS ,PHYOGS SNGA MA DGONG BA DANG, DE 'GOG PA'I RIGS PA'O, ,DANG PO NI, KHYED KYIS SONG MA SONG LA 'GRO BA'I BYA BA ZHIG PA DANG MA SKYES PAR BSTAN PA NYID KYIS YUL GANG NA RKANG PA 'DEGS 'JOG GI BYA BA GA-YO BA YOD PA DE NA 'GRO BA'I BYA BA 'DI 'BYUNG NGO, ,GA-YO BA DE YANG 'GRO BA BO

056b

GANG GI BGOM PA LA DMIGS PA DE NA YOD DO, ,GANG GI PHYIR GA-YO BA NI SONG BA LA YANG YOD PA MIN LA MA SONG BA LA YANG YOD PA MIN GYI BGOM PA LA YOD CING GA-YO BA YOD PA'I YUL DE NYID NA 'GRO BA'I BYA BA YOD PA DE YI PHYIR BGOM PA LA 'GRO BA YOD DO ZHES SMRA'O, ,'DIR BGOM PA ZHES PA'I 'GRO BA NI YUL DE BYA BAS ZIN PAR SHES PA'I DON YIN LA 'GRO BA ZHES PA PHYI MA NI YUL GZHAN DU PHYIN PA'I DON NO, ,GANG GI ZHES PA SANGS RGYAS PA SKYANGS KYIS 'GRO BA PO LA BSHAD DE ZLA BA'I DGONGS PAR YANG SNANG NGO, ,LEGS LDAN GYIS DE LTA YIN NA DE PHYIR ZHES PA'I SGRA'I ZLA BO MED PAR 'GYUR BA DANG GA-YO BA DANG 'GRO BA'I BYA BA'I GZHI BGOM PA'I LAM YIN PAR NGES PAS GANG GI BGOM PA LA ZHES PA LA YANG BYED PA PO GZHI YIN PA MI RIGS PA DANG, SNGAR SONG BA DANG MA SONG BA LA 'GRO BA'I BYA BA BKAG PAS 'GRO BA PO'I BYA BA BGOM PA LA YOD PAR GRUB ZIN PA'I PHYIR GANG GI ZHES PA 'GRO BA PO LA 'CHAD PA MI RIGS SO ZHES SMRA'O, ,SANGS RGYAS BSKYANGS NI GANG PHYIR DANG GANG GI TSE SMOS NAS DE PHYIR DANG DE TSE DNGOS SU MA SMOS PA MANG DU BYUNG ZHING, 'GRO BZHIN PA 'GRO BA PO LA YANG YOD LA SONG MA SONG LA 'GRO BA'I BYA BA SNGAR BKAG KYANG SONG MA SONG LA 'GRO BA'I RTZOM PA SLAR YANG 'GOG PA MI ZLOS PA DANG 'DRA BAR DGONGS NAS SKYON DE DAG YOD PAR MI SEMS SO, ,'DIR DE YANG GANG PHYIR BGOM PA LA ZHES BSGYUR BA NI MI DAG PAS 'GYUR RNYING LTAR YIN NO, ,'DIR KHA CIG LAM LA SPYIR SONG MA SONG DANG BRGAL MA GNYIS DNGOS 'GAL YIN PAS, DE GNYIS GANG

057a

, ,YANG MIN PAS BGOM PA'I LAM MI SRID PAR GZHUNG SNGA MAS BSHAD LA, GZHUNG 'DIS SONG MA SONG DNGOS 'GAL YIN PA'I RGYU MTSAN BSTAN PAR 'DOD PA NI MI 'THAD DE, PHUNG GSUM LDOG PA'I SONG MA SONG LA BYA BA ZHIG PA DANG MA SKYES PA'I RTAGS MI 'GRUB PA'I PHYIR TE, TSIG GSAL LAS, GAL TE MA SONG BA YIN NA NI JI LTAR 'GRO BA YIN LA 'ON TE 'GRO NA NI JI LTAR MA SONG BA YIN, ZHES 'GRO NA MA SONG BA MIN PAR BSHAD PAS SONG BAR KHAS BLANG DGOS LA DE LTA NA BYA BA ZHIG PAS 'GRO BA YIN PA 'GAL BA'I PHYIR RO, ,DE'I PHYIR 'GRO BA POS YUL BRGAL BA SONG BA DANG MA BRGAL BA MA SONG BAR BSHAD PAS 'GRO BZHIN PA'I YUL NI SPYIR BRGAL MA BRGAL GNYIS LAS BRGAL BA YIN TE CHU'I YUL LA BRGAL BZHIN PA DANG 'DRA'O, ,DES NA LAM LA SPYIR RKANG PAS BRGAL MA BRGAL GNYIS SU KHA TSON CHOD KYANG, RANG LUGS KYIS SKABS 'DI YI SONG MA SONG NI SNGAR BSHAD PA LTAR YIN PAS LAM LA DE GNYIS SU KHA TSON MI CHOD DO, ,DES NA SONG DAG MA SONG MA GTOGS ZHES PA LA YANG DE GNYIS DNGOS 'GAL YIN PA RGYU MTSAN DU BYED PA MIN LA, GZHUNG 'DIS KYANG DNGOS 'GAL YIN PA'I RGYU MTSAN STON PA YANG MIN NO, ,GNYIS PA LA GNYIS, LAS TSIG DANG BYA TSIG GCIG DON DANG BCAS NA CIG SHOS DON GYIS STONG PA DANG, GNYIS KA DON DANG BCAS NA HA CANG THAL BA'O, ,DANG PO NI, BGOM PA LA 'GRO BA RANG BZHIN GYIS YOD PA YIN PAR NI, JI LTA BUR NA 'THAD PAR 'GYUR TE MI 'GYUR RO, ,RGYU MTSAN NI GANG GI TSE STE GANG GI PHYIR NA 'GRO BA'I BYA BA TSIG GI

057b

DON DU MED PA YI BGOM PA STE 'GRO BZHIN PA'I TSIG 'THAD PA MED PA NA 'GRO BA'I BYA BA NI BGOM PA'I TSIG GI DON DU YOD CING BYA BA YANG GCIG LAS MED PA DANG 'GRO'I ZHES PA'I TSIG GI DON DU 'GRO BA MED PA YANG MI RIGS PA DE'I PHYIR RO, ,DES NA BGOm PA LA ZHES PA TZAM ZHIG SRID KYI 'GRO'O ZHES PA NI MI 'THAD DO, ,CI STE 'GRO ZHES PA DE TZAM DANG GRO BA'I BYA BA GNYIS 'BREL BAR 'DOD NA RGOL BA GANG GI LTAR NA BGOM PA'I TSIG GI DON DU 'GRO BA'I BYA BA MED PA LA 'GRO BA'I BYA BA RTEN PAR 'DOD PA DE YI PHYOGS LA, BGOM PA'I TSIG GI DON LA STE DON DU 'GRO BA'I BYA BA MED PAR THAL BAR 'GYUR TE, GANG GI PHYIR TE 'DI LTAR BYA BA NI GCIG LAS MED LA DE YANG BGOM PA LA 'GRO BA ZHES PA'I TSIG PHYI MA'I DON DU YOD PA YIN PA'I PHYIR RO, ,'DI LA DPER NA SHING MKHAN GYIS SHING BZO BYED DE ZHES PA LA SHING BZLO BA'I BYA BA GCIG LAS MED KYANG SHING BZLO BA DE SHING MKHAN ZHES PA'I DON YANG YIN LA SHING BZO'O ZHES PA'I DON YANG YIN PA BZHIN DU ,BGOM PA LA 'GRO ZHES PA YANG DE LTAR 'DOD PAS BYA TSIG DANG LAS TSIG GANG RUNG GCIG DON DANG BCAS NA CIG SHOS DON GYIS STONG PAR JI LTAR 'GYUR SNYOM NA, BYA BYED THA SNYAD KYI DBANG GIS BZHAG PA TZAM DU 'DOD PA LA DE LTAR BZHAG PAS CHOG KYANG, 'GRO BA'I BYA BA LTA BU RANG GI MTSAN NYID KYIS GRUB PAR 'DOD NA DE MI RUNG NGO, ,'DI LTAR SPYIR RKANG PA GA-YO BA'I BYA BA GCIG 'GRO BZHIN PA'I LAM DANG GANG ZAG GNYIS KA LA BRTEN PAS BYA BA DE BGOM PA DANG MI 'GRO'O ZHES PA'I TSIG GNYIS KA'I DON DU YANG 'GYUR PAS DE DANG BYA BA GCIG LAS

058a

, ,MED PA MI 'GAL YANG, LAM DANG 'GRO BA PO RANG MTSAN GYIS SO SOR GRUB PA'I DON LA CHOS GCIG THUN MONG DU BRTEN PA 'GAL TE, GANG DAG RANG MTSAN NYID KYIS SO SO BA, DE DAG RGYUD GCIG GTOGS PAR RIGS MA YIN, ,ZHES GSUNGS PA LTAR RO, ,DES NA RKANG PA GA-YO BA'I BYA BA DE 'GRO BZHIN PA'I LAM ZHAS PA DANG 'GRO'O ZHES PA'I TSIG GNYIS PA'I DON DU YOD PA DANG, 'GRO BA'I BYA BA GCIG LAS MED PA GNYIS 'GAL BAS TSIG GCIG DON DANG BCAS NA CIG SHOS DON GYIS STONG PAR GSUNGS SO, ,GNYIS PA NI, CI STE BGOM PA DANG 'GRO'O ZHES PA'I TSIG GNYIS KA'I DON DU YANG 'GRO BA'I BYA BA YOD DO ZHE NA, BGOM PA LA ZHES PA DANG 'GRO'O ZHES PA'I TSIG GNYIS KA'I DON DU 'GRO BA'I BYA BA YOD NA NI 'GRO BA'I BYA BA GNYIS SU THAL BAR 'GYUR TE, 'GRO BA'I BYA BA GANG GIS LAM DE BGOM PA ZHES PA'I THA SNYAD RNYED PAR 'GYUR BA GCIG DANG GANG ZAG GANG GIS LAM DE LA 'GRO BA GANG YIN PA 'GRO BA'I BYA BA GNYIS PA'O, ,'GRO BA'I BYA BA GNYIS YOD MDO SKYON CI YOD CE NA, 'GRO BA'I BYA BA GNYIS SU THAL BAR 'GYUR NA 'GRO BA PO'I GANG ZAG KYANG GNYI SU 'GYUR BA'I SKYON 'DI YOD DO, DE YI RGYU MTSAN NI GANG GI PHYIR RTEN 'GRO BA PO MED PAR NI BRTEN PA 'GRO BA'I BYA BA 'THAD PA RI 'GYUR BA'I PHYIR TE, BYA BA NI LAS SAM BYED PA PO YANG RUNG STE RANG GI SGRUB PAR BYED PA LA LTOS PA YIN LA 'GRO BA'I BYA BA 'DI YANG BYED PA PO LA GNAS PA'I PHYIR RO, ,'DIR 'GRO BA'I BYA BA GNYIS YOD PAS 'GRO BA PO GNYIS SU 'GYUR LUGS NI, LHAS BYIN GYIS RKANG

058b

PA GA-YAS PA 'JOG PA'I TSE LAM DANG BYED PA PO LA BRTEN PA'I RKANG PA 'JOG PA'I BYA BA GNYIS DUS MNYAM DU YOD DGOS TE RGYU MTSAN NI SNGAR BSHAD PA LTAR RO, ,DE YI TSE RKANG PA GA-YAS PA YANG GNYIS YOD DGOS LA GA-YON PA 'DEGS PA LA YANG DE DANG 'DRA'O, ,DE LTAR NA RKANG GNYIS PA'I LHAS BYIN GCIG 'GRO BA NA YANG LHAS BYIN GNYIS YOD PAR 'GYUR NA DE MED PAS BYA BA YANG GNYIS MED DO, ,DE'I PHYIR BGOM PA LA 'GRO BA'I BYA BA NGO BO NYID KYIS YOD DO ZHES SMRA BA 'THAD PA MA YIN NO, ,CI STE LHAS BYIN GCIG 'DUG BZHIN DU SMRA BA DANG LTA BAR YANG BYED PA DE YI TSE, BYED PA PO GCIG BYA BA DU MA DANG LDAN BAR MTHONG BA BZHIN DU 'GRO BA PO GCIG LA 'GRO BA'I BYA BA GNYIS YOD PA MI 'GAL LO SNYAM NA, 'DI'I LAN DU TSIG GSAL LAS, MA YIN TE GANG GI PHYIR NUS PA BYED PA PO YIN GYI RDZAS NI MA YIN LA, BYA BA THA DAD PAS DE'I SGRUB BYED NUS PA YANG THA DAD PAR GRUB PA YIN TE 'DUG BA'I BYA BAS SMRA BA POR 'GYUR BA NI MA YIN NO, ZHES GSUNGS SO, ,DE YI DON NI 'DI DANG SNGA MA GNYIS MI MTSUNGS PA'I RGYU MTSAN SNGA MA'I BYA BA DE LA RDZAS SAM GANG ZAG BYED PA PO YIN PAS, RKANG PA GA-YAS PA 'JOG PA'I BYA BA GNYIS DUS GCIG TU YOD NA RKANG GNYIS PA'I GANG ZAG GCIG GIS DE MI NUS PAS GANG ZAG GNYIS DGOS LA, PHYI MA'I SMRA BA LA SOGS PA'I BYA BA SO SO DUS MNYAM PA RNAMS LA NI LCE LA SOGS PA'I NUS PA BYED PA PO YIN PAS, NUS PA'I BYED PA PO MANG PO DUS GCIG TU YOD KYANG GANG ZAG DUS GCIG TU MANG PO MI DGOS SO, ,GAL TE DE LTA YIN KYANG RDZAS SAM GANG

059a

, ,ZAG GCIG YIN PAS BYED PA PO GCIG LA BYA BA DU MA BYUNG BA YIN SNYAM NA, SMRA BA LA SOGS PA'I BYA BA DU MA BYUNG BA BZHIN DU DE'I NUS PA'I BYED PA PO YANG DU MA YOD PAS DE'I DBANG DU BYAS PA'I BYED PA PO GCIG LA BYA BA DU MA BYUNG BA MA YIN LA, RDZAS SAM GANG ZAG GI BYED PA PO GCIG LA BYA BA DU MA BYUNG YANG 'DIR GANG ZAG BYED PA PO MIN PAS DE LA LTOS NAS BYED PA PO GCIG LA BYA BA DU MA BYUNG BA MIN NO, ,GZHAN YANG DUS GCIG TU RKANG PA GA-YAS PA GNYIS 'JOG PA LTA BU'I BYA BA 'DRA BA GNYIS KYI BYED PA PO YANG MA MTHONG BAS 'GRO BA PO GCIG LA 'GRO BA GNYIS MED DO ZHES KYANG GSUNGS SO, ,t'IKA BYED KHA CIG SNGA MA LTAR NA 'GRO BA PA'I GANG ZAG GI RDZAS GCIG LA 'GRO BA'I BYA BA GNYIS DGAG MI NUS PAS PHYI MA LTAR LEGS ZHES SMRA BA NI, 'GRO BA'I BYA BA GNYIS KYIS 'GRO BA PO GNYIS SU 'GYUR LUGS DANG RDZAS BYED PA PO MIN LA NUS PA YIN PA'I TSUL RNAMS MGO BZHIN DU SHING RTA CHEN PO LA DGAG BA SMRA BA YIN NO, ,DE LTAR NA RE ZHIG SONG LA ZHES SOGS KYIS GANG DU 'GRO SA'I LAM LA 'GRO BA'I BYA BA YOD PA BKAG GO, GNYIS PA LA GSUM, 'GRO BA PO 'GRO BA'I RTEN DU YOD PA DGAG ,RNAM GRANGS GSUM GYI GANG ZAG LA 'GRO BA SPYIR DGAG, 'GRO BA PO LA 'GRO BA BYA BRAG TU DGAG PA'O, ,DANG PO NI ,GAL TE GANG DU 'GRO SA'I LAM LA 'GRO BA'I BYA BA MI 'THAD KYANG LHAS BYIN 'GRA' ZHES BRJOD PA LAS NA 'GRO BA PO LHAS BYIN LA 'GRO BA'I BYA BA DMIGS SO, ,DE'I PHYIR 'GRO BA NI NGO BO NYID KYIS YOD DE RTEN 'GRO BA PO YOD PA'I PHYIR RO ZHE NA, GAL TE 'GRO

059b

BA PO MED PAR GYUR NA STE BSAL NA 'GRO BA YOD PA 'THAD PAR MI 'GYUR TE DE NI SNGAR GANG PHYIR 'GRO BA PO MED PAR NI, ZHAS PAR BSHAD ZIN TO, ,DE LTA YIN NA GANG 'GRO BA PO LA BRTEN PA'I 'GRO BA DE GANG YIN, SMRAS PA 'GRO BA PO LA 'JUG PA'I BYA BA 'GRO BA PO LAS DON GZHAN DU YOD DE ZHES NI MI SMRA'I 'GRO BA GANG DANG LDAN PAS 'GRO BA POR BSNYAD PA'I 'GRO BA DE YOD DO ZHES SMRA'O, ,DPYAD PA'I CHE 'GRO BA PO LAS DON GZHAN DU GYUR PA'I 'GRO BA MED NA 'GRO BA'I BYA BA RANG MTSAN PA DANG LDAN PAS 'GRO BA PO YOD PA NYID DU GA LA 'GYUR TE MI 'GYUR RO, ,'DIS NI 'GRO BA'I BYA BA RANG GI NGO BOS YOD NA 'GRO BA PO LAS NGO BO THA DAD DU RNYED DGOS NA, DE LTA NA 'GRO BA PO LA LTOS PA DGAG NUS PAS 'GRO BA PO MED PA'I 'GRO BAR 'GYUR NA DE LTAR BKAG PA'I PHYIR DE'I RTEN 'GRO BA PO MED DE BRTEN PA 'GRO BA MED PA'I PHYIR ZHES 'GRO BA PO BYA BA'I RTEN YIN PA BKAG GO, GNYIS PA NI, GAL TE 'GRO BA NI NGO BO NYID KYIS YOD DE DE'I SGO NAS DE DANG LDAN PA'I GANG ZAG 'GRO'O ZHES BRJOD PA'I PHYIR RO, ,'GRO BA MED NA DE DANG LDAN PA'I LHAS BYIN LA 'GRO'O ZHES MI BRJOD DE, KHAR BA MED NA KHAR BA CAN DU MI BRJOD PA BZHIN NO ZHE NA, 'GRO'O ZHES PA'I DON DE RANG GI NGO BO NYID KYIS YOD NA NI RNAM PA GSUM LAS MI 'DA' LA DE YANG 'GRO BA PO YIN PA NI MI 'GRO STE DE NI 'CHAD PAR 'GYUR RO, ,RE ZHIG NI SNGON LA 'GRO BA PO BKAG NAS DE NAS GZHAN 'GOG PA'I RIM PA STON PA'O, ,'GRO BA PO MIN PA YANG 'GRO BA MIN TE DE NI 'GRO BA'I BYA BA DANG BRAL BA YIN PA'I PHYIR RO, ,'GRO BA PO LAS GZHAN DANG

060a

, ,'GRO BA PA MIN PA LAS KYANG GZHAN PA'I GSUM PA GANG ZHIG 'GRO BAR 'GYUR ZHES PA MI 'GYUR TE DE MI SRID PA'I PHYIR RO, ,GSUM PA NI, GAL TE 'GRO BA PO MIN PA DANG YIN MIN LAS GZHAN PA MI 'GRO YANG 'GRO BA PO 'GRO'O SNYAM NA; GANG GI CHA LHAS BYIN GCIG 'GRO BA NA 'GRO BA'I BYA BA NI GCIG LAS MED LA DE YANG 'GRO'O ZHES PA'I TSIG GI DON DU YOD CING 'GRO BA'I BYA BA TSIG GI DON DU MED PAR NI 'GRO BA PO ZHES PA 'THAD PAR MI 'GYUR BA DE YI TSE RE ZHIG 'GRO BA PO 'GRO'O ZHES PA'I DON RANG GI NGO BOS YOD PA JI LTAR 'THAD PA NYID DU 'GYUR TE MI 'GYUR RO, ,DE NI BYED TSIG DON DANG BCAS NA BYED PA PO'I TSIG DON GYIS STONG PA'O, ,CI STE 'GRO BA PO'I TSIG GI DON DU 'GRO BA'I BYA BA YOD DO ZHE NA, RGOL BA GANG GI PHYOGS LA 'GRO BA PO'I TSIG GI DON DU 'GRO BA'I BYA BA YOD PA DE LA, 'GRO'O ZHES PA'I TSIG GI DON DU 'GRO BA'I BYA BA MED PA'I 'GRO BA PO 'GRO BA YIN PA THAL BAR 'GYUR TE, 'GRO BA'I BYA BA NI GCIG LAS MED LA DE YANG 'GRO BA PO'I TSIG GI DON DU YOD PA'I SGO NAS 'GRO BA PO 'GRO BAR 'DOD PA'I PHYIR RO, ,DE NI BYED PA PO'I TSIG DON DANG BAS NA BYED TSIG DON GYIS STONG PA'O, ,'DI YANG 'GRO BA'I BYA BA GCIG LAS MED CING BYA BA DE RANG MTSAN GYIS GRUB NA TSIG GCIG DON DANG BAS NA CIG SHOS DON GYIS STONG PAR SNGAR BSHAD PA BZHIN NO, ,CI STE 'GRO BA PO ZHES PA DANG 'GRO'O ZHES PA'I TSIG GNYIS KA'I DON DU 'GRO BA'I BYA BA YOD PAR 'DOD DO ZHE NA, GAL TE 'GRO BA PO 'GRO'O ZHES PA'I NGAG 'DI GNYIS KA'I DON DU 'GRO BA'I BYA BA NGO BO NYI KYIS YOD PAR

060b

GYUR NA NI, RKANG PA'I 'DEGS 'JOG GI 'GRO BA'I BYA BA RIGS MTHUN GNYIS GNYIS DUS RER YOD PAR THAL BAR 'GYUR TE, 'GRO BA'I BYA BA GANG GIS 'GRO BA POR MNGON PA STE BRJOD PA'I 'GRO BA DE DANG, 'GRO BA POR GYUR NAS 'GRO BA'I BYA BA GANG ZHIG BYED PA'I 'GRO BA GNYIS POR 'GYUR RO, ,DE 'DOD NA 'GRO BA PO YANG GNYIS SU 'GYUR BA SNGA MA BZHIN BRJOD PAR BYA'O, ,GAL TE DE LTA NA'ANG LHAS BYIN 'GRO'O ZHES PA'I THA SNYAD YOD PAS 'GRO BA YOD DO ZHE NA, THA SNYAD YOD PA LA YANG 'GRO BA PO YIN MIN GANG LA YOD BRTAGS NA MI 'THAD PAR DPYAD ZIN PAS DE NI GYI NA'O, ,RE ZHIG CES SOGS DE RNAMS KYIS NI 'DI 'GRO ZHES PA'I GANG 'GRO BA'I 'GRO MKHAN NGO BO NYID KYIS YOD PA BKAG GA, GSUM PA LA LNGA, DANG PO'I RTZOM PA YOD PA DGAG, 'GRO SA'I LAM YOD PA DGAG, 'GRO BA'I GNYEN PO YOD PA DGAG, THA MA'I LDOG PA YOD PA DGAG, GNAS PA'I SGRUB BYED DGAG PA'O, ,DANG PO NI, 'GRO BA NI NGO BO NYI KYIS YOD DE LHAS BYIN SDOD PA BTANG NAS 'GRO BA RTZOM PA'I PHYIR RO ZHE NA, DE YOD NA'ANG YOD SA GSUM LAS MI 'DA' BAS 'GRO BA MTHAR PHYIN PA'I SONG PA LA 'GRO BA'I RTZOM PA MED DE DE LA 'GRO BA'I BYA BA 'GAGS PA'I PHYIR RO, ,'GRO BA'I BYA BA MA SON PA'I MA SONG BA LA'ANG 'GRO BA'I RTZOM PA MED DE MA 'ONGS PA DANG DA LTAR BA GNYIS 'GAL BA'I PHYIR RO; ;'GRO BA'I BYA BA DANG LDAN PA'I BGOM PA LA YANG 'GRO BA'I RTZOM PA YOD PA MIN TE 'DAS MA 'ONGS KYI SONG MA SONG MA YIN PA'I BGOM PA NGO BO NYID KYIS MED PA'I PHYIR DANG, DE LA 'GRO BA'I BYA BA YOD NA BYA BA DE GNYIS SU 'GYUR BA'I PHYIR DANG

061a

, ,DE LTA NA 'GRO BA PO GNYIS SU 'GYUR BA'I PHYIR RO, ,DE LTA YIN NA THAMS CAD DU 'GRO BA'I RTZOM PA MA GZIGS NAS GANG DU 'GRO BA RTZOM PAR BYED CES GSUNGS SO, ,DE DAG NI LAM YOD DU CHUG KYANG 'GRO RTZOM MI 'THAD PA'I RIGS PA'O DA NI 'GRO BA RTZOM PA'I LAM NYID DGAG PAR BYA STE, 'GRO BA'I BYA BA RTZOM PA'I SNGA ROL LHAS BYIN BSDAD PA'I SKABS NA GANG DU 'GRO BA RTZOM PAR 'GYUR BA BGOM PA'I LAM MED CING SONG BA YANG MED PA'I PHYIR DE GNYIS LA 'GRO BA'I RTZOM PA MED DO, , GAL TE DE YI TSE DE GNYIS MED KYANG MA SONG BA YOD LA DER 'GRO BA RTZOM MO ZHE NA, MA SONG BA NI 'GRO BA'I BYA BA BRTZAMS PA YIN NA DE LA 'GRO BA'I RTZOM PA GA LA YOD DE MED DO, ,GNYIS PA NI, GAL TE LAM GSUM LA 'GRO BA'I RTZOM PA MED MOD KYANG LAM GSUM NI YOD LA 'GRO BA MED NA 'DI RNAMS MI RUNG NGO ZHE NA, 'GRO BA'I RTZOM PA YOD NA NI GANG DU 'GRO BA'I BYA BA 'GAGS PA DE SONG BA DANG, GANG DU DA LTAR BAR GYUR PA NI BGOM PA DANG GANG DU MA SKYES PA DE NI MA SONG BA YIN NO ZHES BYA BAR BRTAG NA, GANG GI TSE RNAM PA THAMS CAD KYIS BTAGS PA NA 'GRO BA'I RTZOM PA RNAM PA THAMS CAD DU SNANG BA STE DMIGS PA MED PA NYID YIN PA DE'I TSE NA, SONG BA NI CI ZHIG BGOM PA YANG CI ZHIG MA SONG BA YANG CI ZHIG RNAM PAR BRTAG PAR BYA STE MI 'GRUB PAS PHYIN CI LOG TU DUS GSUM RTOG PAR CI STE BYED, DES NA DE BRJOD PA'I RGYU 'GRO BA YANG RANG BZHIN GYIS MED DO, ,GSUM PA NI, GAL TE GANG LA GNYEN PO YOD PA NI YOD DE SNANG MUN DANG PHA ROL TSU ROL DANG THE TSOM DANG NGES

061b

PA BZHIN NO, ,'GRO BA LA YANG GNYEN PO GNAS PA YOD PAS YOD DO ZHE NA, GNAS PA NGO BO NYID KYIS YOD NA 'GRO BA YANG NGO BO NYID KYIS YOD PAR 'GYUR BA ZHIG NA DE NI MED DO, ,'DI LTAR DE YOD NA RNAM PA GSUM LAS MI 'DA' LA DE YANG RE ZHIG 'GRO BA PO MI SDOD DE DE NI 'CHAD PAR 'GYUR RO, ,'GRO BA PO MIN PA YANG SDOD PA MIN TE LHAS BYIN 'GRO BA PO MIN PA NI SDOD PA YIN NA DE LA SDOD PA GZHAN GYIS CI ZHIG BYA, 'DI YANG BYA BA RANG MTSAN GYIS GRUB NA SDOD PA POR GRUB ZIN NAS SLAR YANG SDOD PAR 'GYUR DGOS PA'I SKYON NO, ,'GRO BA PO DANG 'GRO BA PO MIN PA LAS DON GZHAN GSUM PA GANG ZHIG SDOD PAR 'GYUR ZHES PA MI 'GYUR TE DE NI MI SRID PA'I PHYIR RO, ,GAL TE 'GRO BA PO MIN PA DANG YIN MIN LAS GZHAN PA MI SDOD KYANG 'GRO BA PO NYID SDOD DO ZHE NA RE ZHIG 'GRO BA PO SDOD DO ZHES SMRA BA JI LTAR 'THAD PA NYID DU 'GYUR ZHES PA MI 'GYUR TE, GANG TSE STE GANG GI PHYIR 'GRO BA'I BYA BA TSIG GI DON DU MED PAR NI 'GRO BA PO ZHES PA 'THAD PAR MI 'GYUR BA DE'I PHYIR RO, ,DES NA 'DI SDOD DO ZHES BRJOD PA'I TSE DE LA GNAS PA DANG 'GAL BA'I 'GRO BA MED DO, ,BZHI PA NI, 'GRO BA NGO BO NYID KYIS YOD DE 'GRO BA LAS LDOG PA YOD PA'I PHYIR TE 'GRO BA LAS LDOG PA NA GNAS PA RTZOM PA'I PHYIR RO ZHE NA, LDOG PA NGO BO NYID KYIS YOD NA NI LDOGS GSUM LAS MI 'DA' LA DE YANG BGOM PA LAS LDOG PAR MI 'GYUR TE, BGOM PA RANG BZHIN GYIS YOD PA MA DMIGS PA'I PHYIR DANG BGOM PA TZAM YOD DU CHUG KYANG DE LA SNGAR LTAR BYA BA MI 'THAD PA'I PHYIR RO, ,SONG BA'I LAM LAS NI 'GRO BA LDOG PA MIN TE DER

062a

, ,'GRO BA'I BYA BA MED PA'I PHYIR RO, ,MA SONG BA'I LAM LAS KYANG LDOG PA MIN TE DER YANG 'GRO BA'I BYA BA MED PA'I PHYIR RO, ,DE YI PHYIR 'GRO BA LDOG PA NGO BO NYID KYIS MED DO, ,LAM GZHAN GNYIS LA 'GRO BA'I BYA BA LDOG PA THA SNYAD DU YANG MED LA 'BGOM PA LA NI DON DAM PAR MED DO, ,LNGA PA NI, GAL TE 'GRO BA'I 'GRAN ZLA GNAS PA MED PAS 'GRO BA MED NA 'GRO BA GRUB PAR BYA BA'I PHYIR TE GNAS PA BSGRUB PAR BYA STE DE GRUB PAS 'GRO BA GRUB PA YIN NO, ,DE'I PHYIR GNAS PA NI NGO BO NYID KYIS YOD DE DE'I 'GRAN ZLA YOD PA'I PHYIR RO, ,'GRAN ZLA YANG 'GRO BA YIN NO ZHE NA, GNAS PA SGRUB PA'I PHYIR DU BKOD PA'I 'GRO BA NI 'GRO BA BSGRUB PA'I PHYIR DU BKOD PA'I GNAS PA LA, RE ZHIG 'GRO BA PO MI SDOD DE ZHES PA LA SOGS PAS SUN 'BYIN BRJOD PA DANG MTSUNGS PAR RE ZHIG GNAS PO MI 'GRO STE ZHES SOGS KYIS TSIGS BCAD GNYIS 'DON PA BSGYUR TE SUN DBYUNG NGO, ,CI STE 'GRO BA BTANG NAS GNAS PA RTZOM LA DE YOD PA'I PHYIR GNAS PA YOD DO ZHE NA, GNAS PA'I 'JUG PA STE RTZOM PA YANG NI 'GRO BA'I RTZOM PA 'GOG PA LA, SONG LA 'GRO BA'I RTZOM MED DE, ZHES SOGS KYIS SUN 'BYIN BRJOD PA DANG MTSUNGS PAR GNAS LA GNAS PA'I RTZOM MED DE ZHES SOGS KYIS TSIGS BCAD GSUM 'DON PA BSGYUR TE SUN DBYUNG NGO, ,CI STE LHAS BYIN GNAS PAR GYUR NAS GNAS PA LAS LOG PA NA 'GRO BA RTZOM PAS GNAS PA LAS LDOG PA YOD PA'I PHYIR GNAS PA YOD DO SNYAM NA,GNAS PA LAS LDOG PA YANG NI 'GRO BA LAS LDOG PA 'GOG PA LA BGOM LAS

062b

LDOG PAR MI 'GYUR TE, ZHES SOGS KYIS SUN 'BYIN BRJOD PA DANG MTSUNGS PAR GNAS BZHIN PA LAS MI LDOG STE, ZHES SOGS KYIS RKANG PA GNYIS 'DON PA BSGYUR TE SUN DBYUNG NGO, ,DE YI PHYIR GNAS PA NGO BO NYID KYIS MED PAS 'GRO BA 'GRUB PAR GA LA 'GYUR, BZHI PA LA GNYIS, 'GRO BA PO DANG 'GRO BA LA GCIG DANG THA DAD BRTAGS TA DGAG PA DANG, 'GRO BA POR 'JOG PA'I BYA BA LA BYA BA GNYIS PA YOD MED BRTAGS NAS DGAG PA'O, ,DANG PO NI, 'GRO BA DANG 'JUG PA DANG LDOG PA RNAMS LAM GSUM MAM 'GRO BA PO YIN MIN GNYIS DANG DE LAS GZHAN PA LA YOD CES BRJOD MI NUS KYANG LHAS BYIN GOM PA 'DOR BA MTHONG NAS DE 'GRO BA PO ZHES BYA BAR 'GYUR BAS 'GRO BA PO DANG 'GRO BA'I BYA BA RANG BZHIN GYIS YOD DO ZHE NA, LHAS BYIN GOM PA 'DOR BA'I 'GRO BA'I BYA BA DANG GOM PA ' DOR MKHAN GYI LHAS BYIN GNYIS RANG BZHIN GYIS YOD NA RANG BZHIN GCIG DANG THA DAD GANG RUNG DU GRUB DGOS NA, 'GRO BA'I BYA BA DE DANG 'GRO BA PO GNYIS DE NYID DE RANG BZHIN GCIG CES KYANG BYAR MI RUNG LA 'GRO BA DANG 'GRO BA PO GNYIS RANG BZHIN GZHAN NYID CES KYANG BYAR MI RUNG NGO, ,YANG JI LTAR MI RUNG ZHE NA, GAL TE 'GRO BA'I BYA BA GANG YIN PA DE NYID DANG 'GRO BA PO GNYIS RANG BZHIN GCIG YIN PAR 'GYUR NA BYED PA PO DANG LAS NYID KYANG STE BYA BA YANG GCIG PA NYID DU THAL BAR 'GYUR BAS 'DI NI BYA BA DANG 'DI NI BYED PA PO'O ZHES KHYAD PAR DBYE MI NUS PAR 'GYUR NA GCOD PA'I BYA BA DANG GCOD PA PO NI GCIG PA YANG MA YIN NO, ,DE YI PHYIR DE GNYIS RANG BZHIN GCIG TU MA GRUB BO

063a

, ,ZHES BZLOG PA 'PHEN NO, ,GAL TE YANG 'GRO BA'I BYA BA DANG 'GRO BA PO NGO BO NYID KYIS GZHAN PA NYID DU RNAM PAR BRTAG NA, DE'I TSE 'GRO BA PO LA LTOS PA MED PA'I 'GRO BA DANG 'GRO BA'I BYA BA LA LTOS PA MED PA'I 'GRO BA PO YOD PAR GZUNG DU YOD PAR 'GYUR NA DE LTAR 'DZIN PA YANG MIN PAS DE GNYIS RANG BZHIN THA DAD DU MED DO ZHES THAL BA BZLOG PA 'PHEN NO, ,RANG MTSAN GYIS SO SOR GRUB NA RAG LAS PA MI 'THAD PA'I BUM SNAM BZHIN DU 'BREL MED DU 'GRO BA'I RIGS PA'O; ;GAL TE KHO BO NI BYED PA PO DANG BYA BA GNYIS DON THA DAD DU GRUB PA MED PAS GZHAN DU YANG MI 'DOD LA DE GNYIS BRJOD PA THA DAD PA'I PHYIR GCIG TU YANG MI 'DOD PAS DE GNYIS KA MED PAR YANG DE GNYIS 'GRUB BO ZHE NA, BYED PA PO DANG BYA BA GANG DAG DNGOS PO STE RANG BZHIN GCIG PA DANG DNGOS PO STE RANG BZHIN GZHAN PA NYID DU NI GRUB PAR GYUR PA YOD PA MIN NA DE GNYIS RANG GI NGO BOS GRUB PA JI LTAR YOD PA DE SMOS SHIG DE LTA BAS NA DE NI BRTAGS PA TZAM DU ZAD DO, ,RANG BZHIN GCIG DANG THA DAD TSED MAS RNAM PAR BAD NA RANG BZHIN GYIS YOD PA'I PHUNG GSUM BLO NGOR YANG LDOG DGOS PA LA 'DIR DE GNYIS SU MA GRUB KYANG RANG BZHIN GYIS YOD CES 'DZIN PA 'DI JI LTAR YIN SNYAM NA, DNGOS MING SO SOS GO BYA THA DAD DU MED PA GCIG PA'I DON DANG 'BREL MED DON GZHAN DU YOD PA THA DAD PA'I DON DU BZUNG NAS DE GNYIS SU MA GRUB KYANG RANG BZHIN GYIS YOD SNYAM PA YIN LA, RANG BZHIN GCIG PA DANG RANG BZHIN THA DAD TSAD MAS KHEGS NAS DOGS PA DE

063b

BYUNG BA MIN NO, ,GNAS MA BU PAS GANG ZAG RTAG MI RTAG GANG YANG MIN PAR SMRA BA YANG DE LA DPAGS NAS SHES PAR BYA'O, ,GNYIS PA NI, 'DIR 'GRO BA PO LHAS BYIN 'GRO'O ZHES BYA BAR NI 'JIG RTEN NA GRAGS SO, ,DE LA SMRA BA PO TSIG SMRA'O, ,BYED PA PO BYA BA BYED DO ZHES PA LA SMRA BA PO YIN PAS TSIG NYID SMRA BA YIN PA DE BZHIN DU 'GRO BA PO YIN PAS 'GRO BA GANG GIS 'GRO BA POR 'JOG PA'I 'GRO BA DE NYID 'GRO BA YIN PAS JI SKAD BRJOD PA'I SKYON DU MI 'GYUR RO ZHE NA, 'GRO BA'I BYA BA GANG GIS 'GRO BA POR MNGON PAR GSAL BAR BYED PA'I 'GRO BA DE NI 'GRO BA POR GYUR PA DE 'GRO BA MIN PA STE 'GRO BA YIN PAR MI 'GYUR PA'AM 'GRO BAR BYED PA MIN TE, GANG GI PHYIR TE 'DI LTAR 'GRO BA'I BYA BA'I SNGA ROL DU 'GRO BA PO YOD NA 'GRO BA PO DE LAM DER 'GRO BAR 'GYUR NA, LHAS BYIN GANG ZHIG DON GZHAN PA'I GRONG DAM GRONG KHYER GANG ZHIG TU 'GRO BAR MTHONG BA BZHIN DU 'GRO BA'I BYA BA'I SNGA ROL DU DE LA MI LTOS PA'I 'GRO BA PO MED PA'I PHYIR RO, ,'GRO BA POR RNAM PAR 'JOG PA'I BYA BA DE NYID 'GRO BA PO 'GRO BAR BYED PA'I BYED PA YIN NA DE GNYIS LA SNGA PHYI BA DOGS PA 'DI NI 'GRO BA'I BYA BA RANG GI NGO BO NYID KYIS GRUB PA LA YIN GYI THA SNYAD DU DE LTAR 'DOD PA LA MIN NO, ,JI LTAR ZHE NA, DPER NA MYU GU SKYE'O ZHES PA LA SKYE RGYU'I MYU GU SKYES PA'I SNGA ROL NA MED NA SKYE BA MI 'THAD LA YOD NA SLAR SKYE MI DGOS SO ZHES SKYE BA RANG MTSAN GYIS GRUB PA 'GOG PA BZHIN DU, 'GRO BA POR 'JOG RGYU'I LHAS BYIN 'GRO BA'I BYA BA SKYES PA'I SNGA ROL DU MED NA DE 'GRO BAR MI 'THAD LA

064a

, ,YOD NA 'GRO BA POR GRUB ZIN PAS SLAR 'GRO MI DGOS SHING GAL TE 'GRO BA POR GRUB ZIN NAS KYANG 'GRO DGOS NA 'GRO BA POR 'JOG PA'I BYA BA DE NYID KYIS DA 'GRO BAR BYED PA MIN PAS SNGA PHYIR GRUB DGOS SO, ,SLOB DPON GNYIS KAS SNGAR LTAR BSHAD PA LA SHES RAB SGRON MA LAS DE LTAR YIN NA GANG TSE 'GRO BA MED PAR NI, ZHES PA'I SKABS SU 'GRO BA PO 'GRO BA BKAG PA DANG ZLO SO ZHES 'CHAD MOD KYANG, DE NI 'GRO BA'I BYA BA BYED PA'I TSIG GI DON DU YOD LA BYED PA PO'I TSIG GI DON DU MED PA 'GOG PAS 'DI DANG KHYAD PAR CHE'O, ,CI STE 'GRO BA POR 'JOG PA'I BYA BA DE NYID 'GRO BA MA YIN YANG DE LAS GZHAN PA'I BYA BA GNYIS PA ZHIG 'GRO'O SNYAM NA, 'GRO BA'I BYA BA GANG GIS 'GRO BA POR MNGON PAR GSAL BAR BYED PA'I BYA BA DE LAS GZHAN PA'I BYA BA GNYIS PA YANG 'GRO BA PO DE 'GRO BAR BYED PA'I BYED PA MIN TE, GANG GI PHYIR 'GRO BA PO GCIG PU ZHIG LA 'GRO BA'I BYA BA GNYIS SU YOD PA MI YI PHYIR RO, ,'DI LA YANG SNGAR BZHIN ZLOS PA'I SKYON DANG BYA BA GZHAN MA BKAG PA DANG 'GRO BA'I BYA BA GCIG KHO NA YOD PAR KHAS BLANGS PAS DE DANG LDAN PA'I PHYIR 'GRO BA PO 'GRO BAR 'GRUB PA'I SKYON YOD CES 'CHAD MOD KYANG, SKYON DANG PO MED PA NI SNGAR DANG 'DRA LA BYA BA DON GZHAN LA THAL BA'I GNOD PA BSTAN ZHING, 'GRO BA PO GCIG LA 'GRO BA'I BYA BA GNYIS YOD PAR 'GYUR RO ZHES PHA ROL PO MI 'DOD PA 'PHEN PA TZAM YIN PA'I PHYIR SKYON DE DAG MED DO, ,SNGA MA RNAMS GZHUNG GONG 'OG GNYIS KA SA 'GRO BA BYA BAR KHAS MI LEN PAR 'GRO BA

064b

POS BSGRUB PAR BYA BA'I LAS SU KHAS BLANGS PA 'GOG PA YIN ZHES PA YANG MI 'THAD DE, 'GRO BA POR RNAM 'JOG GI BYA BA NYID 'GRO BAR BYED PA YIN MIN BRTAGS NAS 'GOG PAR SHIN TU GSAL BA'I PHYIR RO, ,SMRA BA PO TSIG SMRA BA DANG GCOD PA PO SHING GCOD PA'I BYA BA BYED DE ZHES PA SOGS KYANG DE LTAR DU DGAG PAR BYA'O, ,GNYIS PA NI, 'GRO BA PO YIN PA DANG MA YIN PA RGYUR PA NI SNGAR BSHAD LA YIN DANG MA YIN GYUR PA NI CHA 'GA' ZHIG LA LTOS NAS 'GRO BA PO DANG 'GA' ZHIG LA LTOS NAS MIN PAR 'DOD PA YIN LA DE NYID GONG DU GNYIS MA YIN DU YANG BSHAD DE DON 'DRA'O, ,'GRO BA NI 'DIR 'GRO BA STE BGROD PAR BYA BA'O, ,RNAM PA GSUM NI SONG MA SONG BGOM PA LA BUD DHA P'A LI TAS BSHAD DO, ,DE LTAR NA 'GRO BA PO YIN PAR GYUR PA NI BGROD PAR BYA BA SONG BA DANG MA SONG BA DANG BGOM PA'I LAM RNAM PA GSUM DU 'GRO BAR MI BYED PA STE GZHAN GNYIS LA'ANG DE LTAR SBYAR RO, ,TSIG GSAL LAS 'GRO BA YIN PA DANG MA YIN PA DANG YIN MIN DU GYUR PA GSUM DU BYAS NAS DER 'GRO BAR MI BYED PA NI RAB BYED BRGYAD PA NAS STEN PAR GSUNGS SO, ,GNYIS PA NI, GANG GI PHYIR DE LTAR DPYAD PA NA 'GRO BA PO DANG BGROD PAR BYA BA DANG 'GRO BA RNAMS MI RNYED PA DE'I PHYIR 'GRO BA'I BYA BA DANG 'GRO BA PO DANG BGROD PAR BYA BA GSUM RANG BZHIN GYIS YOD PA MA YIN NO, ,'JIG RTEN NI SHES CHER BYA BA MANG PO'I THA SNYAD KYI DBANG GIS DNGOS PO LA MNGON PAR ZHEN LA BYA BA RNAMS KYI NANG NA 'GRO BA'I BYA BA GTZO BO YIN PAS, DE LA NGO BO NYID KYIS YOD PA BKAG NA BYA BYED LHAG MA

065a

, ,THAMS CAD KYANG DE BZHIN DU RTOGS PAR 'GYUR BAS 'GRO 'ONG LA RANG BZHIN 'GOG PA GSUNGS SO, ,YUL 'DI NAS PHAR LA 'GRO BA DE NYID YUL DE NA GNAS PA LA LTOS TE 'ONG BA YIN PAS DE LA RANG BZHIN 'GOG PA'I RIGS PA LOd SU MA GSUNGS SO, ,GNYIS PA NI, DE LTAR 'GRO 'ONG RANG BZHIN GYIS STONG PA'I ZAB MO'I DON RTOG GE NYI TSES BSGRUBS SO SNYAM PA DGAG PA'I PHYIR DANG, 'GRO 'ONG MED PAR GSUNGS PA'I GSUNG RAB THAMS CAD RAB TU BYED PA 'DIS BSHAD PAR BYA BA YIN NO ZHES BSTAN PA'I PHYIR DU NGES DON GYI LUNG DANG SBYOR BA PHYOGS TZAM SMOS NA, RGYA CHER ROL PA LAS, SA BON YOD NA MYU GU JI BZHIN TE, SA BON GANG YIN MYU GU DE NYID MIN, ,DE LAS GZHAN MIN DE YANG MA YIN TE, ,DA LTAR RTAG MIN CHAD MIN CHOs NYID DO, ,ZHES GSUNGS TE, 'DIS NI SA BON NYID MYU GUR PHAR 'PHO ZHING 'GRO BA DANG MYU GU SA BON LAS GZHAN ZHIG NAS TSUR 'ONG BA BKAG STE, SNGA MA LTAR NA RTAG PAR 'GYUR BA LAS DE LTAR MIN PAS MYU GU'I DUS NA'ANG MI 'JIG PAR GNAS PA'I RTAG PA MIN LA, PHYI MA LTAR NA SA BON GYI RGYU LA MI LTOS PAR 'BYUNG BAS SA BON RGYUN CHAD PAR 'GYUR BA LAS DE LTAR MIN PA SA BON RGYUN CHAD PA YANG MIN NO, ,RGYA LAS RGYU YI 'BUR NI SNANG MED KYI, ,RGYA DE 'PHOS PAR DMIGS PA'ANG YOD MA YIN, ,DE LA DE MED GZHAN LA MA YIN TE, ,DE LTAR 'DUS BYAS RTAG MED CHAD PA MED, ,CES PAS NO, RGYA LAS RGYA YI 'BUR GYI RNAM PA RGYAS BTAB PA'I GZHI LA SNANG BA NA RGYA DE DER 'PHA ZHING 'GRO BA DANG RGYA LAS GZHAN NAS KYANG DE 'ONGS PA

065b

MIN PA DPER BYAS NAS, 'DUS BYAS THAMS CAD KYANG 'BRAS BU SKYE BA'I CHE GANG NAS KYANG MI 'ONG BA DANG RGYU 'GAG PA'I TSE GANG DU YANG MI 'GRO BAR RTAG CHAD DANG BRAL BAR GSUNGS SO, ,ME LONG NGOS DANG 'BRU MAR SNOD RNAMS LA, ,BUD MED KHA BZHIN BRNYAN PAS BLTAS PA NA, ,BYIS PA DE NI DE LA CHAGS BSKYED NAS, ,'DOD PA TSOL BA'I PHYIR YANG SHIN TU RGYUG, BZHIN NI DER YANG 'PHO BA MA YIN TE, ,GZUGS BRNYAN LA NI NAM YANG BZHIN MI RNYED, ,RMONGS PA DE DAG 'DOD PA SKYED PA LTAR, ,CHOS RNAMS THAMS CAD DE BZHIN SHES PAR GYIS, ,ZHES PAS NI BYED KYI GZUGS BRNYAN ME LONG LA SOGS PA LA SHAR BA NA BYED NYID DER 'PHO ZHING MI 'GRO LA, BYAD LAS GZHAN ZHIG NAS GZUGS BRNYAN 'ONG BA YANG MIN PA DPER BYAS NAS SNGA MA BZHIN SHES PAR BYA BAR GSUNGS TE, SNGAR GZHUN NAS 'GRO 'ONG BKAG PA NI RKANG PA 'DEBS 'JOG GI 'GRO 'ONG BKAG PA YIN MOD KYANG DE MTSON PA TZAM YIN PAS 'DUS BYAS THAMS CAD LA 'GRO 'ONG BKAG PA'I DON YANG RIGS PA 'DI DAG GIS SHES PAR BYA'O ZHES GO BA'I CHED DU LUNG SBYOR MDZAD DO, ,TING NGE 'DZIN RGYAL PO LAS KYANG, DE TSE SDIG MED STOBS BCU LDAN PA YI, ,RGYAL BA DE NI TING 'DZIN MCHOG 'DI 'CHAD, ,SRID PA'I 'GRO BA RMI LAM LTA BU STE, ,'DI LA MI SKYE SU YANG 'CHING MED, ,SEMS CAN MI DANG SROG KYANG MI RNYED DE, CHOS 'DI RNAMS NI DBU BA CHU ZHING 'DRA, ,SGYU MA LTA BU NAMKHA'I GLOG 'DRA STE, ,CHU YI ZLA BA 'DRA ZHING SMIG RGYU BZHIN, ,MI 'GA' 'JIG RTEN 'DIR YANG SHI NAS NI, ,'JIG RTEN GZHAN

066a

, ,DU 'PHO ZHING 'GRO MED KYANG, ,ZHES GSUNGS TE 'DIS NI SEMS CAN LA 'JIG RTEN SNGA MA NAS 'DIR 'ONG BA DANG 'DI NAS PHA ROL TU 'GRO BA'I RANG BZHIN BKAG STE BTZAL NA DE DAG MI RNYED PA'I PHYIR RO, ,DE YI TSO LAS BYED MKHAN DANG 'BRAS BU MYONG MKHAN MED PAS LAS 'BRAS MI RUNG NGAM SNYAM PA BZLOG PA'I PHYIR DU, LAS BYAS RNAMS NI NAM YANG CHUD MI ZA, ,'KHOR BA NA YANG DKAR NAG 'BRAS BU SMIN, ,RTAG PAR MA YIN CHAD PAR MI 'GYUR TE, ,LAS BSAGS MED CING GNAS PA DAG KYANG MED, ,DE YANG BYAS NAS REG PAR MI 'GYUR MIN, ,GZHAN GYIS BYAS PA TSOR BAR 'GYUR BA'ANG MED, ,'PHO BA MED CING PHYIR YANG 'ANG BA MED, ,THAMS CAD YOD PA MA YIN MED PA'ANG MIN, ,'DI NA LTA GNAS 'JUG PA DAG PA MIN; ;ZHES GSUNGS SO, ,LAS BYAS ZHES PA NI 'KHOR BA ZHES PAS BSHAD LA, 'BRAS BU PHYUNG GI PAR DU GNAS PA MED PAS NI RTAG PA 'GOG GO, DE YANG ZHES PAS BYAS PA CHUD MI ZA BAR BSTAN TE CHAD PA 'GOG GO, GZHAN GYIS ZHES PA NI MA BYAS PA DANG PHRAD PA 'GOG BA'O, ,PHYIR YANG 'ONG BA MED PA NI RNAM SMIN PHYUNG ZIN NAS SLAR YANG MI 'BYIN PA'O, ,RANG BZHIN GYIS MA GRUB CING THA SNYAD DU YOD PAS NA YOD MED MIN PA'O, ,'JIG RTEN 'DI NA YOD MED KYI MTHAR LTA BA'I GNAS LA 'JUG PA NI DAG PA STE GROL BA MIN NO, ,DKON MCHOG BRTZEGS PA LAS KYANG, TSE DANG LDAN PA DAG GAR DONG GANG NAS LHAGS, DE DAG GIS SMRAS PA BTZUN PA RAB 'BYOR GANG DU YANG 'GRO BA MED PA DANG GANG NAS KYANG 'ONG BA MED PA'I PHYIR BCOM LDAN

066b

'DAS KYIS CHOS BSTAN TO, ,ZHES GSUNGS SO, ,DE LTAR NA RAB BYED 'DI YI RIGS PA RNAMS NI 'DI 'DRA BA'I GSUNG RAB GANG ZAG DANG CHOS LA 'GRO 'ONG MED PAR STON PA THAMS CAD LTA BA'I MIG YIN PAS, STON LA 'DI'I RIGS PA LA MKHAS PAR BYAS NAS DE YI 'OG TU MAN NGAG DES GSUNG RAB DE DAG THAMS CAD KYI DON BSHAD PAR BYA'O, ,GSUM PA NI, 'GRO BA PO GANG YIN DANG 'GRO SA'I YUL DANG DER 'GRO BA;'I BYA BA RNAMS MING GI THA SNYAD KYI DBANG GIS YOD PAR BZHAG PA TZAM MIN PAR DON RANG GI NGO BO'I DBANG GIS YOD PAR 'DZIN PA'I 'DZIN PA LEGS PAR NGOS ZIN PAR BYAS LA, DE NAS JI LTAR BZUNG BA DE LTAR YOD DAM MED BTZAL BA'I CHE NA DE LTAR YOD PA LA SNGAR BSHAD PA'I RIGS PA RNAMS KYIS SGO DU MA NAS GNOD PA 'BAB PA'I TSUL RNAMS NGES PAR BYA'O, ,DE YANG RNAM PA DU MAR DPYAD NAS RIGS PAS 'GOG PA NI, RANG GI NGO BOS YOD PA LA LAS BYA BA BYED PA PO'I RNAM GZHAG GANG YANG MI 'THAD PAR RTOGS SU GZHUG PA'I CHED YIN GYI 'GRO 'ONG SOGS MED PAR STON PA'I CHED MIN NO, ,DE LTAR RTOGS PA NA SNGAR 'GRO 'ONG SOGS KYI THA SNYAD THAMS CAD RANG GI NGO BOS YOD PA LA BYED PA'I BLO DE GNAS 'PHOS NAS, RANG GI NGO BOS GRUB PA'I RANG BZHIN GYIS STONG PA KHO NA LA BYA BYED DE DAG 'THAD DO SNYAM DU NGAS PA 'DRONGS PA DGOS SO, ,DE NI BYED PA PO DANG LAS DAG GIS, ,DNGOS PO LHAG MA SHES PAR BYA, ,ZHES PA'I TSIG GSAL LAS, 'GO BA DANG 'GRO BA PO NGO BO NYID KYIS YOD PA BKAG STE PHAN TSUN LTOS PA'I

067a

, ,GRUB PA NYID YIN PAR SHES PAR BYA'O ZHES GSUNGS PA BZHIN YIN NO, ,DE YANG 'GRO BO 'GRO LA BRTEN BYAS SHING, ,'GRO BA NYID KYANG 'GRO PO LA, ,BRTEN NAS 'BYUNG BA MA GTOGS PA, ,'GRUB PA'I RGYU NI MA MTHONG NGO, , ZHES SBYAR BA 'DI'I DON NO, ,DANG PO MNGON DU GYUR PA'I 'GRO 'ONG RAGS PA DANG DE NAS 'JIG RTEN SNGA MA NAS 'DIR 'ONG BA DANG 'DI NAS PHA ROL TU 'GRO BA RNAMS LA YANG SBYAR NAS RANG BZHIN MED PA'I TSUL NGES PAR BYA, DE NAS CHOS KYI DBANG DU BYAS PA'I DNGOS PO RNAMS LA YANG SKYE BA'I TSE GANG NAS KYANG MI 'ONG BA DANG, 'GAG PA'I TSE GANG DU YANG MI 'GRO BA LA RIGS PA 'DON PA SPOS NAS SKYANG ZHING BYA BYED GZHAN THAMS CAD LA YANG DE LTAR BYA'O, ,DES NI DE KHO NA NYID LA DPYOD PA'I SHES RAB SHIN TU RGYAS PAR 'GYUR ZHING 'GRO 'CHAG NYAL 'DUG GI SPYOD LAM THAMS CAD SGYU MA BZHIN DU 'CHAR BAR YANG 'GYUR RO, ,'GRO BA DANG 'ONG BA BRTAG PA ZHES BYA BA TSIGS SU BCAD PA NYER LNGA'I BDAG NYID RAB TU BYED PA GNYIS PA'I RNAM PAR BSHAD PA'O,, ,,GNYIS PA BDAG MED GNYIS RGYAS PAR BSHAD PA LA LNGA, CHOS DANG GANG ZAG SO SOR PHYE STE BSHAD PA DANG, DNGOS PO TZAM GYI RANG BZHIN GYIS STONG PAR BSTAN PA DANG, BDAG MED PA'I DE KHO NA NYID LA 'JUG PA'I TSUL DANG, DUS KYI RANG BZHIN GYIS STONG PAR BSTAN PA DANG, SRID PA'I RGYUN GYI RANG BZHIN GYIS STONG PAR BSTAN PA'O, ,DANG PO LA GNYIS, CHOS KYI BDAG MED BSHAD PA DANG, GANG ZAG GI BDAG MED BSHAD

067b

PA'O, ,DANG PO LA GNYIS, CHOS GSUM BDAG MED PAR BSHAD PA DANG, DE LA BDAG YOD PA'I SGRUB BYED DGAG PA'O, ,DANG PO LA GSUM, SKYE MCHED LA CHOS BDAG DGAG, PHUNG PO LA CHOS BDAG DGAG, KHAMS LA CHOS BDAG DGAG PA'O, ,DANG PO LA GSUM, RAB BYED KYI GZHUNG BSHAD PA, NGES DON GYI LUNG DANG SBYAR BA, DON BSDUS TE MTSAN BSTAN PA'O, ,DANG PO LA GNYIS, PHYOGS SNGA MA DGOD PA DANG, DE SUN DBYUNG BA'O, ,DANG PO NI, 'DIR SMRAS PA GAL TE YANG 'GRO BA LA SOGS PA GSUM YOD PA MIN MOD KYI DE LTA NA'ANG GSUNG RAB NAS 'BYUNG BA LA LTOS NAS LTA BA PO LA SOGS PA RNAMS KHAS BLANG DGOS TE CHOS MNGON PA LAS, LTA BA DANG NYAN PA DANG SNOM PA DANG MYANG BAR BYED PA DANG REG PAR BYED PA DANG YIN NI GO RIM BZHIN DU MIG GI DBANG PO NAS YID KYI DBANG PO'I BAR DRUG TU BSTAN LA, DE DAG GI SPYOD YUL NI RIM PA BZHIN DU BLTA BAR BYA BA DANG SOGS KYIS BSDUS PA MNYAN PAR BYA BA DANG BSAM PAR BYA BA DANG MYANG BAR BYA BA DANG RAG PAR BYA BA DANG BSAM PAR BYA BA STE GZUGS SGRA SOGS DRUG TU GSUNGS SO, ,DES NA GZUGS LA LTA BAR BYED PAS NA LTA BAR BSTAN TE GZHAN RNAMS KYANG RANG RANG GI YUL 'DZIN PAR BYED PAS BSTAN NO, ,LTA DANG ZHES RE RE NAS MING SMOS PAS GRANGS GRUB MOD KYANG DRUG CES SMOS PA NI THA SNYAD DU YANG DE DAG LAS DON GZHAN PA GZUGS SOGS LA DMIGS BYED KYI BYED PA PO MED PAR SHES PA'I DON DU NGES GZUNG DU MDZAD DO ZHES BSHAD DO, ,RANG BZHIN GYIS MED NA LTA BA LA SOGS PAR MI 'GYUR

068a

, ,BAS LTA BA LA SOGS PA NI RANG BZHIN GYIS YOD PA YIN NO ZHES RANG SDE 'GA' ZHIG SMRA'O, ,GNYIS PA LA GNYIS, LTA BA'I CHOS GSUM RANG BZHIN GYIS GRUB PA DGAG, RIGS PA DE GZHAN LA'ANG SBYAR BA'O, ,DANG PO LA GNYIS, LTA BA'I BYED PA PO DGAG, LTA BA'I LAS DANG BYA BA DGAG PA'O, ,DANG PO LA GNYIS, MIG LTA BA'I BYED PA PO YIN PA DGAG ,BDAG GAM RNAM SHES LTA BA'I BYED PA PO YIN PA DGAG PA'O, ,DANG PO LA GNYIS, RANG LA MI LTA BA'I RTAGS KYIS DGAG, LTA BA'I BYA BA DANG 'BREL MA 'BREL BRTAGS LA DGAG PA'O, ,DANG PO LA GSUM, RTAGS DGOD PA, MA NGES PA SPANG BA, DON BSDU BA'O, ,DANG PO NI, RAB BYED BRGYAD PA'I 'GREL PAR BLTA BYA DANG LTA BYED NGO BO NYID KYIS YOD PA BKAG STE PHAN TSUN LTOS PA'I YOD PAR BSHAD PA LTAR LTA BA PO LA SOGS PA NGO BO NYID KYIS YOD PA DGAG BYA YIN GYI YOD TZAM MIN NO, ,GZUGS LA LTA BA'I MIG DE RANG GI BDAG NYID DE LA NI LTA BA MA YIN PA NYID DE KHO NA STE, RANG NYID RANG GI BLTA BYA YIN PA'I RANG LA BYA BYED 'GAL BA'I PHYIR RO, ,DE LTAR GANG ZHIG BDAG LA MI LTA BA DE LA NI SNGON PO LA SOGS PA GZHAN DAG LA YANG JI LTAR NA LTA BA YOD DE LTA BA NGO BO NYID KYIS MED DE DPER NA RNA BA LA SOGS PA BZHIN NO, ,'DI NI LTA BA NGO BO NYID KYIS GRUB NA RGYU LA RAG LAS PA 'GAL BAS RANG LA MI LTA BAR MTSUNGS BZHIN DU MIG GZUGS LA LTA LA RNA BA LA SOGS PA DE LA MI LTA BA'I KHYAD PAR MED DE 'BREL MED DON GZHAN LA LTA MI LTA MTSUNGS PA'I RId

068b

PA'O, ,BUD DHA P'A LI TA LAS, CHU LA RLAN DANG ME LA TSA BA DANG SNA MA'I ME TOG LA DRI ZHIM PA MTHONG NA DE DAG DANG LDAN PA LAS SA DANG CHU DANG GOS LA RLAN LA SOGS PA DMIGS PA BZHIN DU, LTA BA RANG GI NGO BO NYID KYIS YOD NA THOG MAR MIG LA DMIGS NAS DE NAS GZUGS LA YANG DMIGS PAR 'GYUR BA LAS DE MED PA'I PHYIR GZUGS LA YANG MI LTA'O ZHES 'GOG STE DE YANG BRGYA PA LAS, DNGOS PO KUN GYI RANG BZHIN NI, ,THOG MAR BDAG LA SNANG 'GYUR NA, ,MIG NYID LA YANG MIG GIS NI, CI YI BYIR NA 'DZIN MI 'GYUR, ,ZHES GSUNGS PA'I RIGS PA DANG DON GCIG TU BZHED DO, ,GNYIS PA NI, GAL TE ME NI RANG MI SREG KYANG GZHAN SREG PA BZHIN DU RANG LA MI LTA YANG GZHAN LA LTA BA RANG BZHIN GYIS YOD PA YANG MI 'GAL LO SNYAM NA, LTA BA NGO BO NYID KYIS YOD PA RAB TU BSGRUB PA'I PHYIR DU ME YI DPE BKOD PAS NI SGRUB PAR NUS PA MA YIN TE, ME'I DPE DE NI DNGOS KYI DON LTA BA DANG BCAS PA STE LHAN CIG TU SNGAR LAN BTAB PA STE SUN PHYUNG PA'I PHYIR RO, ,GANG GIS SHE NA, SONG DANG MA SONG BGOM PA YIS TE DE GSUM LA 'GRO BA BKAG PA BZHIN DU BSREGS PA LA MI SREG CES PA DANG BLTAS PA LA MI LTA ZHES SOGS DANG RE ZHIG SOG PA MI SREG CES PA DANG RE ZHIG LTA PO MI LTA ZHES SOGS KYANG MTSUNGS PAR BRJOD PAR BYA'O, ,DES NA RANG LA MI LTA BA LA GZHAN LA LTA BA NGO BO NYID KYIS MED DO ZHES PA 'DI GRBU BO, ,GSUM PA NI, GANG GI TSE RANG DANG GZHAN LA CUNG ZAD KYANG MI LTA BA LTA BAR BYED PA MA YIN PA DE YI TSE MI LTA BA

069a

, ,LA LTA BAR BYED PA NYID MI RIGS PA'I PHYIR GZUGS LA LTA BAS NA MIG NI LTA BAR BYED PA YIN ZHES BYA BAR BRJOD PA DE NI JI LTAR RIGS PAR 'GYUR TE MI 'GYUR RO, ,GNYIS PA NI, GZHAN YANG 'DIR MIG NI GZUGS LA LTA BAS NA LTA BAR BYED PA'O ZHES BRJOD PA NA MIG LTA BA'I BYED PA PO'I, ,DE YI CHE BYED PA PO MIG LTA BA'I BYA BA DANG 'BREL DGOS PAS MIG LTA BA'I RANG BZHIN YIN MIN GANG BYA BA DANG 'BREL BRTAG GRANG, DANG PO LTA NA, MIG LTA BA'I RANG BZHIN CAN NI SLAR YANG GZUGS LA LTA BAS NA ZHES PA'I BYA BA DANG 'BREL PA NYID NI MA YIN TE LTA BA'I BYA BA GNYIS SU 'GYUR BA DANG DE LTA NA LTA BAR BYED PA PO YANG GNYIS SU 'GYUR BA'I PHYIR RO, ,GNYIS PA LTA NA MIG LTA BA'I RANG BZHIN MIN PA YANG GZUGS LA MI LTA BA NYID DE LTA BA'I BYA BA DANG 'BREL BA'I PHYIR SOR MO'I RTZE MO BZHIN NO, ,GANG GI TSE LTA BA'I RANG BZHIN CAN YIN MIN GNYIS GZUGS LA LTA BAR MI 'THAD PA DE YI CHE LTA BAS LTA BAR BYED CES BYAR, DA NI JI LTAR RIGS PAR 'GYUR, ZHES BYA BA 'DI NYID DANG SBYAR RO, ,GANG TSE ZHES PA BZHI SNGAR BKAG PA'I DON BSDUR ZLA BAS BSHAD LA SANGS RGYAS BSKYANGS KYIS NI 'DI LTAR 'CHAD DE, GZHAN YANG KHYOD KYIS GZUGS LA LTA BAR BYED PAS LTA BA'O ZHES SMRAS PA NI BYED PA PO MIG LA BYA BA'I RKYEN BRJOD NAS LTA BAR BYED PAS LTA BA YIN NO, ,DES NA YUL LA LTA BA NA LTA BA YIN GYI MI LTA NA MIN NO, ,GANG GI TSE YUL LA LTA NA LTA BA YIN GYI CUNG ZAD KYANG MI LTA BA LTA BA MA YIN PA DE YI TSE LTA BAR BYED PAS MIG LTA BA'O ZHES PA DE NI JI LTAR RIGS PAR

069b

'GYUR TE, LTA BA'O ZHES PA'I TSIG DON DU LTA BA'I BYA BA YOD KYANG LTA BAR BYED PAS ZHES PA'I TSIG DE'I DON DU BYA BA GNYIS PA MED PA'I PHYIR RO, CI STE BYA BA GNYIS PA MED PA BZHIN DU YANG YOD PAR RTOG NA LTA BA'I BYA BA DANG LTA BA PO GNYIS GNYIS YOD PAR 'GYUR RO, ,CI STE SKYON DE SPONG BAR 'DOD NAS LTA BA'O ZHES PA'I TSIG GI DON DU LTA BA'I BYA BA 'DOD KYI SNGA MA LA MI 'DOD NA LTA BAS LTA BAR BYED PA NYID DO ZHES RTOG PA DE YANG MI RIGS TE LTA BAR BYED DO ZHES PA'I DU LTA BA'I BYA BA MED PA'I PHYIR RO, ,DE SPANG BAR 'DOD NAS LTE BAR BYED DO ZHES PA DE NYID KYI DON DU LTA BA'I BYA BA 'DOD NA, LTA BA ZHES PA'I DON DU BYA BA MED PAS LTA BA MIN PA LTA BA'I BYA BA DANG BRAL BA NI LTA BAR BYED PA MI RUNG BA'I PHYIR RO ZHES RKANG PA DRUG KA SPREL NAS BSHAD DO, ,'DIR GZUGS LA LTA BAR BYED PAS NA LTA BA'O ZHES PA'I TSIG GNYIS KYI DON DU GZUGS LTA BA'I BYA BA GCIG MI RUNG BA'I RGYU MTSAN NI, LTA BA'I ZHES PA'I TSIG GI DON GYI BYA BA DMIG LA YOD LA GZUGS LA LTA BAR BYED CES PA'I DON GYI BYA BA DE LAS LA YANG YOD PAS, DE GNYIS RANG MTSAN GYIS GRUB NA RANG MTSAN GYIS GRUB PA'I DON SO SO LA SO SOR YOD DGOS SHING THUN MONG DU BYA BA GCIG RTEN PA 'GAL BAR SNGAR BSHAD PA BZHIN DU SHES PAR BYA'O, ,RANG SDE KHA CIG SKYE BZHIN PA'I CHOS TZAM ZHIG BYA BA MED PAR SKYE BAS BYA BA DANG 'BREL BA'I SGO NAS 'GAS KYANG YUL CUNG ZAD KYANG MI LTA STE BYA BA MED PA'I PHYIR RO, ,DES NA LTA BA'I RANG BZHIN KYI MIG BYA BA DANG 'BREL BAS YUL MI LTA'O ZHES SGRUB PA NI GRUB ZIN SGRUB PA'O SNYAM DU SEMS SO, ,GAL TE THA SNYAD KYI

070a

, ,YAN LAG TU GYUR PA'I BYA BA MED NA NI DE'I TSE CHOS TZAM YANG MED PAR 'GYUR TE BYA BA DANG BRAL BA'I PHYIR NAM MKHA'I ME TOG BZHIN NO, ,DES NA THA SNYAD DU YOD MED YIN NA NI CHOS TZAM PO KHAS LEN PA BZHIN DU BYA BA YANG KHAS LONG LA, 'ON TE DE KHO NAR YOD MED SEMS NA NI BYA BA KHAS BLANG DU MI RUNG BA BZHIN DU CHOS TZAM PO YANG MED DE BRGYA BA LAS, BYA BA DANG LDAN RTAG PA MED, ,KUN TU 'GRO LA BYA BA MED, ,BYA BA MED PA MED DANG MTSUNGS, ,BDAG MED LA KHYOD CIS MI DGA', ZHES GSUNGS SO, ,DE YI PHYIR GZHAN GYI LUGS 'DI DBU MA PA LA GNOD BYED DU MI 'GYUR LA KHO BO CAG LA GRUB ZIN SGRUB PA'I SKYON YANG MED DO ZHES TSIG GSAL LAS 'CHAD DO, ,'DIR BYA BA MED CES PA NI GZUGS MTHONG BA DANG LHAS BYIN 'GRO BA LA SOGS PA'I BYA BA MED PA MIN GYI MIG DANG LHAS BYIN LA SOGS PA'I CHOS TZAM ZHIG MIN PA'I ZUGS MTHONG BA DANG 'GRO BA LA SOGS PA'I BYA BA MED CES 'DOD PA YIN NO, ,RANG LUGS NI DE GNYIS DON DAM PAR MED MNYAM DANG THA SNYAD DU YOD MNYAM YIN PAS YOD MED KYI KHYAD PAR MI 'BYED DE, ,PHA ROL POS MIG BYA BA DANG 'BREL BA'I SGO NAS GZUGS LTA BA MIN PAR 'DOD KYANG DE LTAR SGRUB PA GRUB ZIN SGRUB PA'I SKYON DU MI 'GYUR BA'I RGYU MTSAN DU DE'I PHYIR ZHES PA'I DON THA SNYAD DU BYA BA YOD PA BKOD PAS NA, PHA ROL PO LA GRUB PA'I DON DE'I KHAS BLANGS KYIS GRUB PA 'DI YI DGONGS PAR 'DOD PA NI SHIN TU MI RIGS SHING, KHO BO CAG DGAG BYA 'GOG PA TZAM YIN GYI BSGRUB BYA MI SGRUB PAS ZHES

070b

PA'I RGYU MTSAN YANG 'GOD PAS SNGAR GYI BKAG PA'I DON DE MI SGRUB PA MIN NO, ,DES NA GZHAN GRAGS KYI RTAGS DANG PHA ROL PO LA GRUB PAS CHOG CES PAS YANG DE'I CHED MAS GRUB PA DGOS KYI KHAS BLANGS TZAM GYIS MI CHOG GO, GNYIS PA NI, LTA BAS NA LTA BAR BYED PA'O ZHES LTA BAR BYED CES PA 'DIS MIG LTA BA'I BYED PA POR SGRUB PA NI KHAS MI LEN NO, ,'O NA CI ZHE NA, 'DIS LTA BAR BYED PAS NA LTA BA'O ZHES LTA BAR BYED CES PA 'DIS MIG LTA BA'I BYED PAR SGRUB PA YIN TE DES NA MIG BYED PA POR BZHAG NAS LTA BA'I BYA BA DANG 'BREL MA 'BREL BRTAGS PA'I SKYON DU MI 'GYUR RO, ,GANG ZHIG BYED PAR 'GYUR BA'I LTA BA MIG 'DIS LTA BAR BYED PA DE NI BYED DPA LA YIN LA 'DI YANG RANG SDE LTAR RNAM SHES SAM GZHAN SDE LTAR BDAG YIN YANG RUNG STE DE YOD PAS LTA BA'I BYED PA PO YOD NA LTA BA YANG GRUB PA YIN NO, ,DE LA SNGAR NI DPER NA SHING 'DI SUS GCOD NA STA RES GCOD CES STA RE GCOD PA POR SMRA BA BZHIN DU GZUGS LA SUS LTA NA MIG GIS LTA ZHES MIG LTA BA POR KHAS BLANGS LA, 'DIR NI LHAS BYIN GYIS STA RES SHING GCOD CES LHAS BYING COD PA PO DANG STA RE BYED PAR SMRA BA BZHIN DU BDAG GAM RNAM SHES GANG YANG RUNG BAS MIG 'DIS GZUGS LA LTA'O ZHES BDAG GAM RNAM SHES LTA BA PO DANG MIG LTA BA'I BYED PAR 'DOD PA'O, ,DE LA SNGAR MIG LTA BAR SMRA BA 'GOG PA'I TSE LTA DE RANG GI BDAG NYID NI, ZHES SOGS KYIS SUN PHYUNG BA DE BZHIN DU RIGS PA DE NYID KYIS LTA BA PO GNYIS PO'ANG RNAM PAR BZHAD PA STE SUN PHYUNG BAR SHES PAR BYA STE DE

071a

, ,YANG LTA BO RANG GI BDAG NYID NI, ,LTA BAS LTA BA MA YIN NYID, ,GANG ZHIG BDAG LA MI LTA BA, ,DE GZHAN DAG LA JI LTAR LTA, ,ZHES 'DON PA BSGYUR RO, ,'DIR MIG LTA BA PO YIN NO ZHES PA BZHAG NAS BDAG GAM RNAM SHES LTA BA PO YIN NO ZHES PA DE TZAM ZHIG SMRAS PA YIN PAS SUN 'BYIN MTSUNGS SO, ,SKYON GZHAN 'DI YANG YOD DE LTA BA POS LTA BAR BYED NA LTA BA GSUM DU THAL BA'O, ,GAL TE LTA BA PO NI RANG BZHIN GYIS YOD DE DE'I LAS GZUGS DANG BYED PA LTA BA YOD PA'I PHYIR RO ZHE NA, DE GNYIS RANG BZHIN GYIS MED PA'I PHYIR LTA BA PO RANG BZHIN GYIS YOD PAR GA LA 'GYUR ,DE LA LTA BA PO RANG BZHIN GYIS YOD NA GNYIS LA MI 'DA' BAS LTA BA MA SPANGS PA STE DE LA LTOS PA DANG BCAS PA'I LTA BA PO 'DOD NA DE RANG BZHIN GYIS YOD PA MIN TE GRUB PA ZHIG LTOS SAM MA GRUB PA ZHIG LTOS DANG PO LTAR NA DE MI RIGS TE GRUB ZIN NI SLAR YANG BSGRUB PAR BYA BA MIN PAS YANG LTOS PAR MI RIGS SO, ,'DI YANG RANG MTSAN GYIS GRUB PA LA LTOS PA 'GOG PA YIN PAS DE LA NI GRUB ZIN SLAR YANG BSGRUB DGOS PA'I SKYON 'ONG STE SNGAR BSHAD ZIN TO, ,GNYIS PA LTAR NA LTOS PAR 'GAL TE RI BONG GI RVA BZHIN NO, ,GAL TE LTA BA SPANGS PAR GYUR PA STE LTA BA LA MA LTOS PA'I LTA BA PO YOD DO ZHE NA, KYANG NGO ZHES PAS LTA BA LA LTOS PA YOD PA MIN PAR MA ZAD MA LTOS PA'I LTA BA PO YANG YOD PA MIN TA GZHAN LA MI LTOS PA'I PHYIR NAMKHA'I ME TOG BZHIN NO, ,SANGS RGYAS BSKYANGS KYIS NI LTA BA PO LTA

071b

BA'I BYA BA DANG LDAN NA BYA BA GNYIS MED PA DANG MI LDAN NA LTA BA'I BYA BA DANG BRAL BAS 'GOG STE LTA BA LTA NYID MA YIN TE, ZHES PA DANG DON 'DRA BAR 'CHAD DO, ,GNYIS PA NI, GANG GI CHE LTA BA LA LTOS MA LTOS KYI LTA BA PO RANG BZHIN GYIS MED PA DE'I TSE LTA BA PO MED NA RGYU MED PA'I BLTA BYA DANG LTA BA DE DAG GA LA YOD DE RANG BZHIN GYIS MED PAS DE DAG YOD PA'I RGYU MTSAN GYIS LTA BA PO RANG BZHIN GYIS YOD PAR GA LA 'GRUB, 'DIR SMRAS PA GAL TE BLTA BYA DANG LTA BA NI RANG BZHIN GYIS YOD DE DE GNYIS KYI 'BRAS BU YOD PA'I PHYIR RO, ,DE LA LTA BA DANG BLTA BYA LA BRTEN NAS RNAM PAR SHES PA 'BYUNG LA GSUM 'DUS PA LAS REG PA ZAG PA DANG BCAS PA 'BYUNG ZHING REG PA DANG LHAN CIG 'BYUNG BA NI TSOR BA YIN LA DE'I RKYEN GYIS SRED PA YIN NO; ;'DIR JI LTAR PHA DANG MA DAG LA, ,ZHES PA'I TSIGS BCAD GCIG 'BYUNG BA NI RGYA 'GREL GZHAN GSUM LA MED CING, 'GREL PA 'DIR YANG DE LA BSHAD PA MA MDZAD LA SPYAN RAS GZIGS BRTUL ZHUGS KYIS RTZA SHE LA TSIGS BCAD BZHI BRGYA DANG ZHE DGU YOD PAR BSHAD PA DANG MI 'GRIG PAS DPE MA DAG PA LAS BSGYUR BAR GSAL LO, ,RNAM SHES LA SOGS PA BZHI RANG BZHIN GYIS YOD NA DE GNYIS KYANG RANG BZHIN GYIS YOD PAR 'GYUR NA'ANG YOD PA NI MIN TE, LTA BA PO RANG BZHIN GYIS MED PAS BLTA BYA DANG LTA BA GNYIS KYANG RANG BZHIN GYIS MED PA'I PHYIR RNAM PAR SHES PA DANG SOGS KYIS BSDUS PA REG PA DANG TSOR BA DANG SRED PA BZHI PO RANG BZHIN GYIS YOD PA MIN NO, ,'DIR SRED PA'I RKYEN GYIS LEN PA ZHES BYA

072a

, ,BA LA SOGS PA GSUNGS PAS RNAM SHES LA SOGS PA NI YOD DE LEN PA DANG SRID PA DANG SKYE BA DANG RGA SHI LA SOGS PA NI DE DAG LAS SKYE BA'I PHYIR RO ZHE NA, GANG GI TSE BLTA BYA DANG LTA BA RANG BZHIN GYIS MED PAS RNAM SHES LA SOGS PA RANG BZHIN GYIS MED PA DE'I TSE NYE BAR LEN PA DANG SOGS KYIS BSDUS PA SRID PA DANG SKYE RGA SOGS JI LTA BUR NA RANG BZHIN GYIS YOD PAR 'GYUR TE MI 'GYUR RO, ,GNYIS PA NI, GAL TE KHYOD KYIS LTA BA NI BKAG NA NYAN PA LA SOGS PA NI MA BKAG PAS DE RNAMS YOD PA'I PHYIR DNGOS PO RNAMS RANG BZHIN GYIS YOD DO ZHE NA, NYAN PA DANG SNOM PA DANG MYANG BAR BYED PA DANG REG PAR BYED PA DANG YID KYIS SEMS PAR BYED PA DANG, NYAN PA PO DANG MNYAN PAR BYA BA DANG SOGS KYIS BSDUS PA SNOM PA PO DANG BSNAM PAR BYA BA DANG MYONG BA PO DANG MYANG BAR BYA BA DANG REG PA PO DANG REG PAR BYA BA DANG SEMS PA PO DANG BSAM PAR BYA BA RNAMS RNAM PAR BSHAD PAR SHES PAR BYA'O, NYAN PA PO DANG MNYAN PAR BYA BA DANG SOGS KYIS BSDUS LTA BA BKAG PA BZHIN DU NYAN PA SOGS LNGA DANG LTA BA PO BKAG PA BZHIN DU NYAN PA PO LA SOGS PA LNGA DANG BLTA BAR BYA BA BKAG PA BZHIN DU MNYAN PAR BYA BA LA SOGS PA LNGA BKAG PA YANG SHES PAR BYA'O, ,DA YANG NYAN PA RANG GI BDAG NYID NI, , DE LA NYAN PA MA YIN NYID, ,CES DANG SNOM PA RANG GI DANG MYANG BYED RANG GI DANG REG BYED RANG GI DANG SEMS BYED RANG GI ZHES SOGS 'DON PA BSGYUR RO, ,GNYIS PA NI, DE LTAR LAS DANG BYED PA DANG BYED PA PO DRUG TSAN GSUM RANG GI NGO BO NYID KYIs

072b

YOD PA BKAG PA DE YANG RTOG GE TZAM GYIS BSGRUBS SO SNYAM PA DGAG PA DANG, MIG GIS GZUGS MTHONG BA SOGS BKAG PA'I GSUNG RAB THAMS CAD KYANG RAB BYED 'DIS BSHAD PAR BYA'O ZHES BSTAN PA'I PHYIR DU NGES DON GYI LUNG DANG SBYOR BA'I PHYOGS TZAM SMOS NA, BCOM LDAN 'DAS KYIS, DE LA 'PHAGS PA NYAN THOS NI MIG GIS RNAM PAR SHES PAR BYA BA'I GZUGS GANG DAG 'DAS PA DANG MA 'ONGS PA DANG DA LTAR BYUNG BA 'DI DAG LA, RTAG PA NYID DAM BRTAN PA NYID DAM DE BZHIN NYID DAM GZHAN MA YIN PA DE BZHIN NYID DAM MA NOR BA DE BZHIN NYID NI 'GA' YANG MED KYI SGYU MA DE NI YOD DO, ,SGYU MAR BYAS PA DE NI YOD DO, ,SEMS RMONGS PAR BYED PA DE NI YOD DO, ,DE NI GYIN ZHIG YOD DO SNYAM DU DE LTAR SO SOR RTOG PAR BYED DO ZHES GSUNGS TE GZHAN LNGA YANG DE DANG 'DRA'O, ,SRID PA 'PHO BA'I MDO LAS KYANG, MIG GIS GZUGS RNAMS MI MTHONG ZHING, ,YID KYIS CHES RNAMS MI SHES TE, ,GANG DU 'JIG RTEN MI 'JUG PA, ,'DI NI BDEN PA'I MCHOG YIN NO, , GANG DU RKYEN TSOGS PAS MTHONG BAR, ,'DREN PA RAB TU STON MDZAD PA'I, ,SA DE DON DAM 'DZIN PA NI, ,NYE BAR BRTAGS PA CHUNG BAR 'GYUR, ,ZHES PAS NI MIG NAS YID KYI BAR DRUG GIS YUL 'DZIN PA'I BYED PA DANG LAS DANG BYED PA PO RANG BZHIN GYIS STONG PA GANG LA 'JIG RTEN GYI BLO MI 'JUG PA DE NI DON DAM PA'I BDEN PA YIN TE 'GYUR GZHAN LAS, DE NI DAM PA'I BDEN PA'O, ,ZHES BSGYUR BA LTAR RO, ,DBANG PO DANG YUL LA SOGS PA'I RKYEN TSOGS PA'I DBANG GIS

073a

, ,RANG RANG GI YUL 'DZIN PAR BSTAN PA'I SA DE DON DAM PAR YOD PAR 'DZIN PA NI NYE BAR BTAGS PA TZAM MO ZHES BSTAN NO, ,DE BZHIN DU, MIG DANG GZUGS LA BRTEN NAS NI, ,MIG GI RNAM SHES 'DIR SKYE YANG, ,GZUGS NI MIG LA BRTEN MA YIN, ,GZUGS NI MIG LA 'PHO BA'ANG MIN, ,BDAG MED MI SDUG CHOS 'DI DAG ,SLAR YANG BDAG DANG SDUG CES BRTAGS, ,MED LA LOG PAR BRTAGS PA STE, ,DE LAS MIG GI RNAM SHES 'BYUNG, ,RNAM SHES 'GAG DANG 'BYUNG BA LAS, ,RNAM SHES ZAD DANG 'PHEL BAR MTHONG, ,'GAR YANG 'GRO 'ONG MED STONG DANG, ,RGYU 'DRA RNAL 'BYOR PA YIS MTHONG, ,ZHES PAS NI DBANG PO DANG YUL LA BRTEN NAS RNAM SHES SKYE YANG DBANG PO DANG YUL PHAN TSUN DU MI 'PHO BA DANG SKYE 'GAG BYED PA'I TSE GANG NAS KYANG MI 'ONG LA GANG DU YANG MI 'GRO BA SGYU MA BZHIN DU BLTA BAR GSUNGS SO, ,NYE BAR 'KHOR GYIS ZHUS PA LAS KYANG, MIG NI THAMS CAD LDAN NA MTHONG 'GYUR TE, ,MIG GIS GZUGS RNAMS MTHONG BA GANG YIN PA'ANG, MTSAN MO RKYEN RNAMS MED NA MTHONG MI 'GYUR, ,DE PHYIR LDAN DANG BRAL BA RNAM RTOG YIN, ,ZHES RKYEN TSOGS PA LA BRTEN NAS MTHONG LA TSOGS PA DE BRAL NA MI MTHONG BAS YUL MTHONG MI MTHONG NI RNAM RTOG GI DBANG GIS BZHAG PA TZAM YIN GYI RANG GI NGO BO NYID KYIS MED PAR BSTAN NO, ,MIG NI SNANG LA BRTEN TE YID 'ONG DANG, ,YID DU MI 'ONG SNA TSOGS GZUGS MTHONG BAS, ,DE LTAR LDAN LA BRTEN TE MTHONG BAS NA, ,DE PHYIR MIG GIS NAM YANG MTHONG BA MED, ,CES RKYEN TSOGS

073b

PA LA BRTEN TE MTHONG BAS NA MIG LA RANG GI NGO BO NYID KYIS GZUGS MTHONG BA NAM YANG MED DO ZHES 'DI DANG SNGA MA GNYIS KAS RTEN 'BREL GYI RTAGS KYIS RANG BZHIN BKAG GO, YID DU'ONG BA'I SGRA GRAG GANG YIN PA, ,DE YANG NAM YANG NANG DU ZHUGS PA MED, , DE 'GRO DMIGS SU YOD PA MA YIN TE, ,RTOG PA'I DBANG GIS SGRA RNAMS 'BYUNG BA YIN, ,ZHES YUL DBANG PO'I DRUNG DU 'ONGS PA DANG YUL 'DZIN YUL GYI SAR 'GRO BA MIN KYANG YUL RNAMS DBANG POS LONGS SPYOD PA NI RNAM RTOG GI DBANG GIS BZHAG PA TZAM DU BSTAN NO, ,DE BZHIN DU, GLU DANG GAR DANG ROL MO'I SGRA YANG GZUNG BYA MIN, ,RMI LAM LTA BU MI MKHAS RMONGS DANG CHAGS PA'I RGYU, ,MI MKHAS KUN TU RTOG LA ZHEN RNAMS BRLAG 'GYUR ZHING, ,SKYE BO BYIS PA NYON MONGS BRAN BZHIN BDAG GYUR TAM, ,ZHES GSUNGS TE, 'DIS NI RANG GI SEMS YUL LA BDEN PAR 'DZIN PA'I MTSAN 'DZIN GYIS BCINGS NAS NYON MONGS PA'I GZHAN DBANG DU GYUR PA MTHONG BA NA, BDAG NI MKHAS PA'I RIGS PAS CHOS 'DI DAG LA RANG GI NGO BO NYID KYIS YOD PA RDUL TZAM YANG MED PAR RTOGS PA YIN NA, BYIS PA RIGS PA'I DE KHO NA NYID LA MI MKHAS PA NYON MONGS KYI BRAN DU GYUR PA BZHIN DU SPYOD DU GA LA RUNG SNYAM DU BSAMS NAS MNYAM GZHAG TU NAMKHA' LTA BU'I STONG NA NYID DANG RJES THOB TU SGYU MA LTA BU'I STONG PA LA RNAL 'BYOR DU BYA BAR BSTAN TO, ,DE LTAR NA RAB BYED 'DI YI RIGS PA RNAMS NI GZUNG BAR BYA BA DANG 'DZIN PAR BYED PA DANG 'DZIN PA PO RANG BZHIN MED PAR STON PA'I GSUNG RAB THAMS CAD LTA BA'I MIG TU 'PHAGS PAS BRTZOL BA YIN PAS,

074a

, ,MIG DE RNYED PAR BYAS LA GSUNG RAB DE DAG GI DE KHO NA NYID BLTAS PA LAS BYUNG BA'I DGA' STON NYAMS SU MYONG BAR BYA'O, ,GSUM PA NI, YUL DRUG GZUNG BYA DANG DBANG PA DRUG 'DZIN BYED DANG GANG ZAG DRUG 'DZIN PA POR 'JOG PA NA MING GI THA SNYAD KYI DBANG GIS BZHAG PA TZAM MIN PAR CHOS DE DAG GI RANG GI NGO BO'I DBANG GIS YOD PAR 'DZIN PA'I 'DZIN TSUL NGOS ZIN PAR BYAS LA, JI LTAR BZUNG BA DE LTAR YIN NA NI LAS DANG BYED PA DANG BYED PA PO GANG YANG GZHAG SA MED PAR RIGS PAS GTAN LA PHAB PA BZHIN NGES PAR BYA, DE NAS NI CHOS BCO BRGYAD PO THAMS CAD RANG GI NGO BOS MA GRUB BZHIN DU DE DANG DER SNANG BA'I SGYU MA LTA BU'I BYED PA DANG LAS DANG BYED PA POR 'BAD MED DU 'CHAR BAR 'GYUR RO, ,DE YI TSE MIG LTA BA SOGS SU 'JOG PA THAMS CAD NI SGYU MA LTA BU'I DON DE KHO NA LA CHES SHIN TU 'THAD DO SNYAM DU NGES PA DRANG BAR BYA STE, RIGS PAS DPYOD PA NI MIG LA SOGS PA LA RANG GI NGO BOS GRUB PA'I RANG BZHIN YOD MED 'TSOL BA YIN GYI YOD MED TZAM 'CHAL BA MIN PAS DBYAD NAS MA RNYED PA NA RANG BZHIN YOD PA KHEGS KYI MIG LA SOGS PA KHEGS PA GTAN MA YIN PA'I PHYIR RO, ,DE SKAD DU YANG BRGYA PA'I 'GREL PA LAS, GAL TE MIG LA SOGS PA RNAMS MI SRID NA DE YI PHYIR JI LTAR MIG LA SOGS PA'I DBANG PA 'DI RNAMS LAS KYI RNAM PAR SMIN PA'I NGO BOR RNAM PAR BZHAG CE NA, CI KHO BO CAG GIS LAS KYI RNAM PAR SMIN PA'I NGO BO NYID BKAG GAM, GAL TE MIG LA SOGS PA RNAMS 'GOG PA SGRUB PAS DE JI LTAR MA BKAG CE NA, KHO BO

074b

CAG GI RNAM PAR DPYOD PA NI RANG BZHIN TSOL BA LHUR BYED PA NYID KYI PHYIR RO, ,KHO BO CAG NI 'DIR DNGOS PO RNAMS RANG GI NGO BOS GRUB PA 'GOG GI MIG LA SOGS PA BYAS SHING RTEN CING 'BREL PAR 'BYUNG BA LAS KYI RNAM PAR SMIN PA NYID NI MI 'GOG GO, DE'I PHYIR DE YOD PAS GANG ZHIG RNAM PAR SMIN PA NYID DU BSNYAD PA MIG LA SOGS PA YOD PA NYID DO, ,ZHES 'DI TZAM ZHIG 'GOG LA 'DI TZAM ZHIG MI 'GOG PA'I SA MTSAMS SHIN TU GSAL BAR GSUNGS SO, ,DES NA 'DI'I YOD TSUL NI, LTA PO LTA BA LA BRTEN ZHING, ,LTA BA NYID KYANG LTA PO LA, ,BRTEN NAS 'BYUNG BA MA GTOGS PA, ,'GRUB PA'I RGYU NI MA MTHONG NGO, ,ZHES GSUNGS PA LTAR YIN LA DES LHAG MA YANG SHES PAR BYA'O, ,RAB BYED GONG MAR BSHAD PA'I RIGS PA RNAMS KYIS SKYE MCHAD LA BDEN PA 'GOG NUS MOD KYANG LTA BA LA SOGS PA'I RANG BZHIN 'GOG PA'I RIGS PA THUN MONG MA YIN PA RNAMS RTOGS PAR BYA BA'I PHYIR DU, RAB BYED 'DI GSUNGS TE DE NI RAB BYED GZHAN LA YANG SHES PAR BYA'O, ,DE 'DRA BA DES NI DE KHO NA NYID LA DPYOD PA'I SHES RAB KYIS KHYAD PAR MTHA' YAS PA 'PHEL BAR 'GYUR ZHING YUL DRUG LA LONGS SPYOD PA THAMS CAD SGYU MA'I SKYES BU YUL LA LONGS SPYOD PA BZHIN DU 'CHAR BAR 'GYUR RO, ,DBANG PO BRTAG PA ZHES BYA BA TSIGS BCAD BRGYAD KYI BDAG NYID RAB TU BYED PA GSUM PA'I RNAM PAR BSHAD PA'O,, ,,GNYIS PA PHUNG PO LA CHOS BDAG DGAG PA LA GSUM, RAB BYED KYI GZHUNG BSHAD PA, NGES DON GYI LUNG DANG SBYAR BA, DON BSDUS TE MTSAN BSTAN PA'O, ,DANG PO NI, 'DIR SMRAS

075a

, ,PA, GAL TE DBANG PO RNAMS BKAG MOD KYANG PHUNG PO LNGA MA BKAG PA'I PHYIR YOD DO, ,DE YOD NA DBANG PO RNAMS KYANG DE'I NANG DU 'DUS PA'I PHYIR RANG BZHIN GYIS YOD DO, ,'DI DGAG PA LA GSUM, GZUGS PHUNG RANG BZHIN GYIS YOD PA DGAG RIGS PA DE GZHAN LA SBYAR BA, RTZOD PA DANG 'CHAD PA'I TSE LAN GDAB TSUL LO, ,DANG PO LA GNYIS, DON GZHAN DU YOD PA LA RGYU 'BRAS DGAG, YOD MED DANG 'DRA MI 'DRA LA RGYU 'BRAS DGAG PA'O, ,DANG PO NI, 'DIR CHOS MNGON PA LAS, GZUGS GANG YIN PA CI YANG RUNG STE DE DAG THAMS CAD 'BYUNG BA CHEN PO BZHI DAG DANG 'BYUNG BA CHEN PO BZHI RGYUR BYAS PA'O, ,ZHES SA'I KHAMS LA SOGS PA BZHI NI RGYU'I GZUGS 'BYUNG BA BZHI DANG, MIG LA SOGS PA'I DBANG PO LNGA DANG GZUGS KYI SKYE MCHED NAS 'BRAS GZUGS KYI REG BYA'I BAR LNGA LA SOGS PA NI 'BRAS BU'I GZUGS SU GSUNGS PA LA RGYU 'BRAS RANG MTSAN PAR 'DZIN PA 'GOG PA'I DAM BCA' NI, MIG LA SOGS PA'I GZUGS KYI RGYU 'BYUNG BA BZHI NI MA GTOGS PAR TE DE DAG LAS RANG GI NGO BO NYID KYIS THA DAD PA'I 'BRAS BU'I GZUGS NI DMIGS PAR MI 'GYUR LA, DER MA ZAD 'BRAS BU'I GZUGS ZHES BYA BA MA GTOGS PAR TE DE DAG LAS NGO BO NYID KYIS THA DAD PA'I 'BRAS BU'I GZUGS KYI RGYU YANG MI SNANG NGO, ,DAM BCA' DE GNYIS SGRUB PA NI, MIG LA SOGS PA'I GZUGS KYI RGYU NI MA GTOGS PAR 'BRAS BU'I GZUGS NGO BO NYID KYIS YOD NA GZUGS DE NI RGYU MED PAR THAL BAR 'GYUR TE DE LA LTOS PA 'GAL BA'I PHYIR RO, ,DON TE DNGOS PO GANG ZHIG RGYU MED PA NI GANG NA'ANG MED PAS RGYU MED KYI GZUGS YOD

075b

PAR MI RUNG NGO, ,GAL TE 'BRAS BU'I GZUGS NI MA GTOGS PAR GZUGS KYI RGYU NGO BO NYID KYIS YOD NA NI 'BRAS BU MED PA'I RGYUR 'GYUR TE, RGYU RGYU NYID DU RNAM PAR 'JOG PA'I RGYU NI 'BRAS BU 'JUG PA YIN NA NGO BOS THA DAD PAR GRUB NA 'BRAS BU LA MI LTOS LA DE LTA NA 'BRAS BU 'JUG PA MED DO, ,'BRAS BU MED PA'I RGYU NI RGYUR MED DE RGYUR RNAM 'JOG GI RGYU MED PA'I PHYIR NAMMKHA'I ME TOG BZHIN NO, ,DE GNYIS KAS KYANG BZLOG PA 'PHEN PAS DAM BCA' GNYIS SGRUB PAR GSUNGS SO, ,RGYU 'BRAS RANG BZHIN GCIG PA 'GOG PA NI RANG SDE 'GAG PA'I SKABS YIN PAS MA GSUNGS LA RANG BZHIN THA DAD YIN NA LTOS PA MI 'THAD PAS RGYU MED DU THAL BA 'PHEN PA'I PHYIR SNGAR GZHAN SKYE BKAG PA'I RIGS PA DANG MI 'DRA'O, ,GNYIS PA NI, GZHAN YANG 'BYUNG BA RNAMS GZUGS KYI RGYUR RTOG NA GNYIS LAS MI 'DA' BAS DE LA GZUGS YOD PA NA YANG GZUGS KYI RGYU NI MI 'THAD PAR MI 'GYUR TE YOD PA LA RGYUS SLAR YANG CI ZHIG BYA STE DGOS PA MED PA'I PHYIR RO, ,GZUGS MED PA NA YANG GZUGS KYI RGYU NI 'THAD PAR MI 'GYUR TE MED NA NGA GANG GI RGYUR 'GYUR YANG GNYIS NI PHAN TSUN BSDU BA'O, ,'DI RKYEN BRTAG TU GSUNGS ZIN MOD KYANG 'DIR YANG SKABS SU BAB PAS GSUNGS SO, ,GAL TE GZUGS KYI RGYU MI 'THAD KYANG 'BRAS BU'I GZUGS NI YOD LA DE YOD NA RGYU YANG YOD PAR 'GYUR RO ZHE NA, GZUGS KYI RGYU RANG BZHIN GYIS MED PA NI BSHAD ZIN LA DE LTA NA RGYU MED PA'I 'BRAS BU'I GZUGS YOD PA NI 'THAD PAR MI RUNG NGO, ,RUNG MIN NYID CES BRTAGS NAS NGES GZUNG DANG BCAS PA'I DGAG PA GNYIS GSUNGS PAS NI DNGOS

076a

, ,PO RNAMS RGYU LA MI LTOS PA'I RGYU MED KYI PHYOGS SHIN TU THA CHAD PAR STON PAR MDZAD DO, ,GANG GI PHYIR GZUGS KYI RGYU MA GTOGS PAR GZUGS MI DMIGS PA DANG GZUGS YOD MED GNYIS KA LA RGYU MI 'THAD PA DANG RGYU MED PA'I GZUGS MAD PA DE'I PHYIR RNAL 'BYOR PA DE NYID GZIGS PAS GZUGS KYI RNAM PAR RTOG PA THOGS BCAS THOGS MED DANG BSTAN YOD BSTAN MED SOGS 'GA' YANG RNAM PAR BRTAG PAR MI BYA BA STE MI 'OS SO, ,SANGS RGYAS BSKYANGS KYIS KHYOD LTA BU DE KHO NA RTOGS PAR 'DOD PA MKHAS PA'I RANG BZHIN CAN GYIS GZUGS KYI RNAM RTOG 'GA' YANG BRTAG PAR MI RIGS TE GNAS MED PA LA BSAM PA JI LTAR RIGS ZHES 'CHAD DO, ,GZHAN YANG 'BYUNG BA RGYUR RTOG NA RANG DANG 'DRA BA'I 'BRAS BU SGRUB PA'AM MI 'DRA BA'I 'BRAS BU SGRUB GRANG, 'BRAS BU'I GZUGS RGYU 'BYUNG BA DANG 'DRA BA ZHES BYA BAR NGO BO NYID KYIS YOD PA 'THAD PA MA YIN TE 'BYUNG BA BZHI NI SRA GSHER DRO ZHING GA-YO BA YIN LA MIG LA SOGS PA'I DBANG PO LNGA NI MIG GI RNAM SHES LA SOGS PA'I RTEN GZUGS DANG BA DANG, PHYI ROL GZUGS LA SOGS PA'I SKYE MCHED NI MIG GI SHES PA LA SOGS PAS GZUNG BAR BYA BA YIN GYI 'BYUNG BA RNAMS KYI RANG BZHIN CAN MIN PA'I PHYIR RO, ,'DI NI RGYU 'BRAS GNYIS 'DRA BA DE NGO BO NYID KYIS YIN NA 'DRA BA DE RGYU LA RAG MI LAS PAS CHA GCIG GIS 'DRA NA CHA THAMS CAD KYIS 'DRA DGOS PAR STON PA'O, ,'JIG RTEN LAS 'DAS PAR BSTOD PA LAS KYANG, 'BYUNG RNAMS MIG GZUNG MA YIN NA, ,DE BYUNG MIG ZUNG JI LTAR

076b

ZHES; ;GZUGS LA DE SKAD GSUNGS PA NA, ,KHYOD KYIS GZUGS KYI 'DZIN PA BZLOG ,CES 'BYUNG BA MIG GIS MI MTHONG NA DE LAS BYUNG BA'I SNGO SER SOGS KYANG MI MTHONG BAR BSTAN TE, DE GNYIS NGO BO NYID KYIS GRUB NA MIG GIS MTHONG MI MTHONG YANG MTSUNGS DGOS PA'I RIGS PA'O, ,SA LU'I SA BEN LA SOGS PA SA BON RIGS MTHUN RNAMS RGYU 'BRAS SU MA MTHONG BAS RGYU MCHEN 'DIS KYANG 'BRAS BU RGYU DANG 'DRA BA MI 'THAD PAR GSUNGS TE RIGS 'BRA GCIG RGYU 'BRAS MIN PAR MTHONG NA 'DRA BA GZHAN YANG RGYU 'BRAS YIN PA 'GOG PA 'DI YANG SNGAR BSHAD PA'I GNAD KYIS YIN NO, ,'BRAS BU RGYU DANG MI 'DRA ZHES BYA BA'ANG 'THAD PA MA YIN TE RGYU DANG MI 'DRA YANG RGYU 'BRAS SU NGO BO NYID KYIS YOD PA RUNG NA MI 'DRA BA THAMS CAD KYANG RGYU 'BRAS SU 'GYUR RO, , GNYIS PA NI, TSOR BA DANG 'DU SHES DANG 'DU BYED DANG SEMS KYANG MTSUNGS PA STE 'DRA BAR SHES PAR BYA'O, ,GANG DANG NA GZUGS KYI PHUNG PO DANG NGE?, ,JI LTAR NA GZUGS PHUNG LA RANG BZHIN 'GOG PA NYID KYIS NI RIM PA STE 'GOG PA'I TSUL JI LTA BA BZHIN DU RNAM PA THAMS CAD DU PHUNG PO LHAG MA BZHI LA YANG SBYAR RO, ,DE YANG GZUGS LA RANG GI RGYU LAS DE NYID DANG GZHAN DU DPYAD NAS BKAG PA BZHIN DU TSOR BA DANG RTEGS PA DANG SA DANG RNAM PAR SHES PA DANG LHAN CIG 'BYUNG BA'I 'DU SHES DANG MA RIG PA DANG 'DU BYED GNYIS DANG 'DU BYED DANG RNAM SHES GNYIS LA YANG DE NYID DANG GZHAN DU DPYAD NAS DGAG PAR BYA'O, ,DE BZHIN DU YOD MED DANG RGYU 'BRAS 'DRA MI 'DRA YANG SBYAR TE RNAM PA THAMS CAD DU ZHES GSUNGS PAS SO, ,DER MA ZAD DNGOS PO STE

077a

, ,MTSAN MTSON DANG RGYU 'BRAS DANG YAN LAG DANG YAN LAG CAN LA SOGS PA THAMS CAD KYANG GZUGS LA DPYAD PA GSUM BYAS PA DANG RNAM PA THAMS CAD DU MTSUNGS PAR SBYAR RO, ,GSUM PA NI, GANG GI PHYIR DBU MA PA NI CHOS GCIG DANG BZHIN GYIS STONG PAR STON PA DE BZHIN DU CHOS GZHAN THAMS CAD KYANG STON PAR 'DOD PA DE'I PHYIR ,RANG BZHIN GYIS STONG PA NYID SMRA BA RGYUR BYAS PA NYID KYIS GZHAN GYI PHYOGS SUN 'BYIN PA'i BRTZOD PA GZUGS RANG BZHIN GYIS MED DO ZHES DGAG PA BYAS PA'I TSE, STONG PA NYID MA YIN PAR SMRA BA GANG ZHIG GAL TE LAN GZHAN DU RE ZHIG TSOR BA LA SOGS PA NI YOD LA DE BZHIN DU GZUGS KYANG YOD DO ZHES SMRA BAR BYED NA, DE LTAR BYED PA DE YI DA LTA BU DA THAMS CAD NI YANG DAG PA'I LAN BTAB PA MIN TE, TSOR BA LA SOGS PA RANG BZHIN GYIS YOD PA YANG GZUGS RANG BZHIN GYIS YOD PA BSGRUB BYA YIN PA DANG BSGRUB DGOS SU MTSUNGS PAR 'GYUR BA'I PHYIR RO, ,PHYIR RGOL GYI DE 'DRA'I TSIG DE BSGRUB BYA DANG MTSUNGS PAS DE'I LAN THAMS CAD LA DBU MA PAS SGRUB BYED BSGRUB BYA DANG MTSUNGS PA'I MA GRUB PA YIN NO ZHES BRJOD PAR BYA BAR SLOB DPON GYIS SLOB PAR MDZAD DO, ,DE BZHIN STONG PA NYID KYIS BSHAD PA BYAS PA'I TSE YANG SLOB MA LTA BU GANG ZHIG SKYON 'DOGS PA SMRA BAR BYED CING RGOL BAR BYED PA DE YI BRGAL BA DE THAMS CAD KYANG SKYON BTAGS PA MIN TE, BSGRUB PAR BYA BA DANG MTSUNGS PAR 'GYUR BA'I PHYIR RO, ,BRGYAB LAS KYANG, DNGOS PO GCIG GI LTA PO GANG, ,DE NI KUN GYI LTA POR BSHAD, ,GCIG GI STONG NYID GANG YIN PA, ,DE NI KUN

077b

GYI STONG PA NYID, ,CES GSUNGS SO, ,TSIGS BCAD 'AD GNYIS NI RAB BYED THAMS CAD KYI KHONGS SU GTOGS PAR SHES PAR BYA'O, ,GNYIS PA NI, DE LTAR PHUNG BO RANG BZHIN GYIS STONG PAR NGES PA'I DON GYI LUNG GIS KYANG GRUB PA DANG DE LTAR STON PA'I GSUNG RAB THAMS CAD RAB BYED 'DIS BSHAD PAR BYA BAR BSTAN PA'I PHYIR NGES DON GYI LUNG DANG SBYOR BA'I PHYOGS TZAM NI, SHES RAB KYI PHA ROL TU PHYIN PA'I SNYING PO LAS, RIGS KYI BU 'AM RIGS KYI BU MO GANG LA LA SHES RAB KYI PHA ROL TU PHYIN PA ZAB MO SPYAD PA SPYOD PAR 'DOD PA 'DAS 'DI LTAR RNAM PAR BLTA BAR BYA STE PHUNG PO LNGA PO DE DAG KYANG RANG BZHI GYIS TSONG PAR RNAM PAR YANG DAG PAR RJES SU BLTA'O, ,ZHES GSUNGS SHING, NYAN THOS LA BSTAN PA'I MDO LAS KYANG, GZUGS NI DBU BA RNGOS PA 'DRA, , TSOR BA CHU BUR DAG DANG (MTSAMS) 'DU SHES SMIG RGYU 'DRA BA STE, ,'DU BYED RNAMS NI CHU SHING BZHIN, ,RNAM SHES SGYU MA LTA BU ZHES, ,NYI MA'I GNYEN GYIS BKA' STZAL TO, ,ZHES GSUNGS SO, ,KHYAD PAR DU CHOS GCIG RANG BZHIN GYIS STONG PA BZHIN DU GZHAN THAmD KYANG DE LTAR BLTA BA NI NAMKHA' MDZOD KYI TING NGE 'DZIN GYI MDO LAS, CHOS GCIG GIS NI CHOS RNAM THAMS CAD SGYU MA DANG, ,SMIG SGYU DANG 'DRA GZUNG BYAD MED CING GSOG DANG NI, ,BRDZUN ZHING THER ZUG MIN PAR RJES SU RTOGS 'GYUR BA, ,DE NI RING POR MI? THOGS BYANG CHUB SNYING POR 'GRO, ZHES DANG, TING 'DZIN RGYAL PO LAS KYANG, JI LTAR KHYOD KYIS BDAG GI 'DU SHES NI, ,SHES PA DE BZHIN KUN LA BLOS SPYAR BYA, ,CHOS RNAMS THAMS CAD DE YI NGO BO NYID, ,RNAM PAR DAG PA NAMKHA' LTA BU YIN,,

078a

, ,GCIG GIS KYANG NI THAMS CAD SHES, ,GCIG GIS KYANG NI THAMS CAD MTHONG, ,JI SNYED MANG PO BSHAD BYAS KYANG, ,DE LA DREGS PA SKYE BA MED, ,CES GSUNGS TE, NGA'O SNYAM PA'I GZHI BDAG LA RANG BZHIN BCAL BAS MA RNYED PA'I GANG ZAG GI BDAG MED RTOGS TSUL DE NYID CHOS GZHAN KUN LA YANG SBYAR BAR GSUNGS PAS, RIM PA YANG DE LTAR YIN LA BDAG MED TSUL YANG CHOS DANG GANG ZAG MTSUNGS PAR GSUNGS SO, ,GSUM PA NI, DE LTAR PHUNG PO'I RGYU 'BRAS GSUNGS PA LA MID DU BTAGS PA TZAM MIN PAR RANG GI NGO BOS YOD PAR 'DZIN PA'I 'DZIN STANGS LTAR YOD NA RGYU 'BRAS GTAN MI RUNG BAR RIGS PAS GTAN LA DBAB LA DE NAS MING DU BTAGS PA TZAM LA 'BYUNG BA 'BYUNG 'GYUR DANG REG TSOR LA SOGS PA THAMS CAD CHES 'THAD DO SNYAM DU SNANG PHYOGS KYI NGES PA DANG STONG PHYOGS KYI NGES PA GNYIS PHAN TSUN GCIG GCIG GI GROGS SU 'GRO BA'I RTEN 'BYUNG GI RIGS PA LA BLO SBONG BAR BYA'O, ,PHUNG PO BRTAG PA ZHES BYA BA TSIGS SU BCAD PA DGU'I BDAG NYID RAB TU BYED PA BZHI PA'I RNAM PAR BSHAD PA'O,, ,,GSUM PA KHAMS LA CHOS BDAG DGAG PA LA GSUM, RAB TU BYED PA'I GZHUNG BSHAD PA ,NGES DON GYI LUNG DANG SBYAR BA, DON BSDUS TE MTSAN BSTAN PA'O, ,DANG PO NI, 'DIR SMRAS PA KHAMS RNAMS NI MA BKAG PA'I PHYIR DANG, BCOM LDAN 'DAS KYIS KYANG RGYAL PO CHEN PO SKYES BU GANG ZAG 'DI NI KHAMS DRUG PA'O ,ZHES SA CHU ME RLUNG NAMKHA' RNAM SHES KYI KHAMS DRUG DANG ,DE DAG GI MTSAN NYID SRA GSHER DRO ZHING GA-YO BA

078b

MI SGRIB PA RNAM PAR SHES PAR BYED PA YANG BSTAN LA, RANG BZHIN MED NA MTSAN NYID BSTAN PA MI RIGS PAS MTSAN NYID YOD PA'I PHYIR KHAMS RNAMS RANG BZHIN GYIS YOD LA DE LTA NA KHAMS BZHIN DU PHUNG PO DANG SKYE MCHED KYANG RANG BZHIN GYIS YOD DO, ,GAL TE KHAMS RNAMS RANG BZHIN GYIS YOD NA GZHAN GNYIS KYANG DE LTAR YOD NA'ANG DE DAG NI RANG BZHIN GYIS MED DO, ,JI LTAR MED CE NA, 'DI LA GNYIS, KHAMS DRUG RANG BZHIN GYIS GRUB PA DGAG ,YOD MED KYI MTHAR LTA BA SMAD PA'O,, DANG PO LA GNYIS, NAMKHA'I KHAMS RANG BZHIN GYIS GRUB PA DGAG ,RIGS PA DE KHAMS LHAG MA LA YANG SBYAR BA'O, ,DANG PO LA GSUM ,NAMKHA'I KHAMS LA MTSAN MTSON DGAG, DNGOS PO DANG DNGOS MED DU GRUB PA DGAG, BKAG PA RNAMS KYI MJUG BSDU BA'O, ,DANG PO LA GSUM ,MCHAN GZHI DGAG, MTSAN NYID DGAG, MJUG BSDU BA'O, ,DANG PO LA GNYIS, MTSAN NYID 'JUG PA DGAG, DES MTSAN GZHI KHEGS PAR BSTAN PA'O, ,DANG PO LA GNYIS, SNGA PHYI LA BRTAGS NAS MTSAN NYID 'JUG PA DGAG ,MTSAN NYID YOD MED LA BRTAGS NAS MTSAN NYID 'JUG PA DGAG PA'O, ,DANG PO NI, MDO LAS SA'I KHAMS DANG POR GSUNGS MED KYANG 'DIR DANG PO NAMKHA'I KHAMS RANG BZHIN GYIS GRUB PA BKAG PA NI, 'JIG RTEN NA NAMKHA' STONG PAR GRAGS SHING KHAMS GZHAN RNAMS DE LTAR MA GRAGS PAS GRAGS PA'I DON GYIS MA GRAGS PA BSGRUB PA'I PHYIR NAMKHA'I MTSAN NYID SNGA ROL NA ZHES SOGS GSUNGS SO, ,'DIR RANG GZHAN GYI SDE PA SU YANG MTSAN NYID LAS MTSAN GZHI SNGA BAR MI

079a

, ,'DOD PAS NAMKHA'I MTSAN NYID KYI SNGA ROL NA NAMKHA' MED PAR SGRUB PA MI RIGS SO ZHE NA, GZHAN DAG MTSAN NYID LAS MTSAN GZHI SNGA BAR MI 'DOD PAS DE MED PA TZAM ZHIG NI MI SGRUB BO, ,'O NA CI ZHE NA, 'DI NI BUD DHA P'A LI TA LAS GAL TE NAM MKHA'I MTSAN NYID KYI SNGA ROL NA NAMKHA' ZHES BYA BA CUNG ZAD CIG YOD NA NI, DE LA NAMKHA' 'DI YI MTSAN NYID NI 'DI YIN NO ZHES BSTAN PA YANG RIGS PA ZHIG NA, ZHES SNGA PHYI BA DE YOD NA DE LTAR STON PA RIGS LA MED NA MI RIGS ZHES PHYI MA 'THAD NA SNGA MA DE'I KHYAB BYED DU BSTAN NAS KHYAB BYED 'GOG PA'O, ,DE YANG MED NAS MI SGRIB PA NAMKHA'I MTSAN NYID DU GSUNGS PA TZAM ZHIG RANG YANG 'DOD PAS PHA ROL PAS MTSAN GZHI NAMKHA' LA, MI SGRIB PA MTSAN NYID DU 'JUG PAR GSUNGS PA DE RANG GI NGO BO NYID KYIS MTSAN MTSON YIN PAR 'DOD PA LTAR NA SNGA PHYI DE YOD DGOS ZHES STON PA'O, ,DE LTAR DGOS PA'I RGYU MTSAN NI MTSAN NYID 'JUG PA'I DUS NI GSUM DU DES LA DUS MNYAM PA LA 'JUG PA NI MTSAN NYID BCAS LA MIN ZHES PAR 'GOG CING, MTSAN NYID SNGA ZHING MTSAN GZHI PHYI BA LA MTSAN NYID 'JUG PA DANG DE LAS BZLOG PA LA MTSAN NYID 'JUG PA GNYIS PHYI MA 'GOG DKA' STE, 'JUG GZHI SNGAR YOD PA LA 'JUG PA PO PHYIS 'JUG PA'I DOGS PA CHE LA 'JUG SA SNGAR MED PAR NGES NA SNGAR ZHUGS PAR 'DZIN PA CHUNG BA'I PHYIR RO, ,DES NA MTSAN NYID KYI SNGA ROL DU MTSAN GZHI YOD PA TZAM 'GOG PAR MDZAD DO, ,GAL TE SGRIB THOGS MED PA NAMKHA' LA MTSAN NYID DU 'JUG PA NGO BO NYID

079b

KYIS YOD NA DUS GZHAN GNYIS SU 'JUG PA MI 'THAD PAS, MTSAN NYID DE LAS SNGA ROL DU MCHAN GZHI NAMKHA' YOD PA LA 'JUG DGOS NA, NAMKHA'I MTSAN NYID SGRIB THOGS MED PA'I SNGA ROL NA 'JUG GZHI NAMKHA' DE CUNG ZAD KYANG YOD PA MA YIN PA'I PHYIR MTSAN NYID GANG DU 'JUG PAR 'GYUR, GAL TE MTSAN NYID SGRIB THOGS MED PA LAS NAMKHA' SNGA BAR GYUR NA DE'I DUS NA MTSAN NYID DE MED PAR THAL BAR 'GYUR LA DE LTA NA NAMKHA' YANG MED PAR 'GYUR TE, MTSAN NYID MED PA'I DNGOS PO STE DON 'GA' YANG GZHUNG LUGS GANG NA'ANG YOD PA MA YIN PA'I PHYIR RO, ,GAL TE RE ZHIG MTSAN NYID 'JUG PA NI YOD LA 'JUG PA DE YANG MTSAN GZHI LA YIN PAS MTSAN NYID 'JUG PA YOD PAS MTSAN GZHI YANG YOD DO ZHE NA, MTSAN NYID KYI SNGA ROL NA MCHAN NYID MED PA'I DNGOS PO STE DON MED DO ZHES NI BSHAD ZIN TO, ,DE LTA YIN NA MTSAN NYID DE GANG DU 'JUG PAR 'GYUR BA'I GZHI MED PAS MTSAN NYID 'JUG PA MED DO, ,'DI NI MTSAN NYID KYI SNGA ROL NA MTSAN NYID MED KYANG MTSAN NYID 'JUG PA YOD SNYAM PA 'GOG PA'O, ,GNYIS PA NI, GZHAN YANG MTSAN NYID 'JUG PA NGO BO NYID KYIS YOD NA GSUM LAS MI 'DA' LA DE YANG MTSAN NYID MED PA LA MTSAN NYID NI MI 'JUG STE, MTSAN NYID MED PA'I CHOS THA SNYAD DU YANG MI SRID PAS GZHI MED PA LA 'JUG PA 'GAL BA'I PHYIR RO, ,MTSAN NYID DANG BCAS PA'I DON LA YANG MTSAN NYID 'JUG PA NGO BO NYID KYIS YOD PA MIN TE, DE LA NI MTSAN NYID 'JUG PA DGOS PA MED PA'I PHYIR TE RANG GI NGO BOS MTSAN NYID DANG BCAS PAR GRUB PA LA SLAR YANG

080a

, ,MTSAN NYID KYIS CI ZHIG BYA, DE LTAR GRUB KYANG MTSAN NYID 'JUG NA NI RTAG TU MTSAN NYID 'JUG PAS THUG PA MED PAR 'GYUR RO, ,DE LA MTSAN NYID SGRUB MED LA SOGS PA DE MTSAN GZHI NAMKHA' LA SOGS PA'I SGRUB BYED YIN LA DE THA SNYAD DU YOD PA LA MI 'GAL YANG DON DAM PAR GRUB PA LA MI RIGS PA YIN TE, RANG GI NGO BOS GRUB PA'I DUS MNYAM PA LA LTOS PA MI RIGS PA MANG DU GSUNGS PAS MTSAN MTSON RANG GI NGO BOS GRUB PA'I DUS MNYAM PA LA 'BREL PA MED PAS MTSAN NYID SGRUB BYED DU MI 'THAD DO, ,'DI YANG RANG GI NGO BOS GRUB NA RANG DBANG DU GRUB PA DANG, RANG NYID TSUGS THUB KYI NGO BOR YOD DGOS PAS DE LTA NA GZHAN GYI DBANG DU GYUR PA DANG GZHAN LA RAG LAS KYI 'BREL PA MI 'THAD PA'O, ,DES NA NGO BOS GRUB PA SGRUB BYED LA RAG LAS NA DUS NAM YANG RAG MI LAS PA MI SRID DGOS PAS THUG MED DU 'GYUR RO, ,MTSAN NYID DANG BCAS PA DANG MTSAN NYID MED PA LAS GZHAN PA LA YANG MTSAN NYID 'JUG PAR MI 'GYUR TE, DE NI MI SRID PA'I PHYIR TE MTSAN NYID MED PA LAS LOG PA NI MTSAN NYID YOD PA DANG, YOD PA LAS LOG PA NI MTSAN NYID MED PA YIN PAS MTSAN NYID YOD MED DNGOS 'GAL YIN PA'I PHYIR RO, ,'DI LA 'OS PA BAS SKYES BU NI SROG GI RDZAS LA LTOS NAS MCHAN NYID MED LA, LUS KYI RDZAS LA LTOS NAS MTSAN NYID YOD CES RNAM GRANGS LAS MTSAN NYID YOD MED DU SMRA NA'ANG SNGAR SO SO BA SUN PHYUNG BA LAS MI 'DA'O, ,GNYIS PA NI, CI STE YANG MTSAN GZHI LA MTSAN NYID 'JUG PA RANG BZHIN GYIS YOD PA BKAG KYANG TSOGS PA BKAG PAS YA

080b

GYAL MI KHEGS PA'I PHYIR MTSAN GZHI NGO BO NYID KYIS YOD DO ZHE NA, GANG GI TSE MTNAS NYID 'JUG PA NGO BO NYID KYIS YOD PA MA YIN NA DE'I TSE MTSAN GZHI RANG BZHIN GYIS YOD PA 'THAD PAR MI 'GYUR TE, MTSAN NYID 'JUG PA'I RGYU MTSAN GYIS MTSAN GZHIR GZHAG DGOS PA'I PHYIR RO, ,'DIR KHYOD KYIS SGRIB THOGS MED PA'I MTSAN NYID DANG LDAN PA'I RTAGS KYIS NAMKHA'I KHAMS RANG BZHIN GYIS YOD PAR BSTAN NA, DE YANG MTSAN NYID MI 'JUG PA'I PHYIR MI 'THAD LA DE LTA NA KHYOD KYI MTSAN GZHI RANG BZHIN GYIS YOD PA GANG GIS 'GRUB PAR 'THAD, GNYIS PA NI, GAL TE KHYOD KYIS MTSAN NYID 'JUG PA BKAG GI MTSAN NYID NI MA BKAG PAS MTSAN NYID RANG BZHIN GYIS YOD LA DE LTA NA MTSAN GZHI YANG YOD DO SNYAM NA, MTSAN NYID MI 'JUG PA'I RGYU MTSAN GYIS MTSAN GZHI MI 'THAD PAR BSTAN PA DE YI TSE MTSAN GZHI RANG BZHIN GYIS YOD PAR 'THAD PA MA YIN NA DER MA ZAD MTSAN NYID KYANG NI RANG BZHIN GYIS YOD PA MA YIN TE RTEN MED PA'I PHYIR RO, ,GZHI MED KYI MTSAN NYID MED PA'I PHYIR MTSAN GZHI BKAG KYANG MTSAN NYID RANG BZHIN GYIS YOD PAR SMRA BA MI 'THAD DO, ,GSUM PA NI, GANG GI PHYIR RNAM PA THAMS CAD DU BRTAGS PA NA MTSAN NYID 'JUG PAR MI 'THAD PA DE YI PHYIR MTSAN NYID KYI GZHI RANG BZHIN GYIS YOD PA MIN NO, ,DE'I PHYIR GZHI MED PA'I MTSAN YID KYANG YOD PA NYID MA YIN NO ZHES SNGAR BKAG PA RNAMS KYI MJUG BSDUS SO, ,GNYIS PA LA GNYIS, DNGOS KYI DON DANG, RTZOD PA SPANG BA'O, ,DANG PO NI, GAL TE YANG MTSAN NYID DANG

081a

, ,MTSAN GZHI RANG BZHIN GYIS MED PA DE LTA NA'ANG DNGOS PO'I RANG BZHIN GYI NAMKHA'I NI YOD LA DA LTA NA MCHAN GZHI'AM MCHAN NYID DU 'GYUR BAS NGA GNYIS KYANG RANG BZHIN GYIS YOD DO ZHE NA, DE LA GZHAN SDE BYE BRAG PA LA SOGS PAS NAMKHA' RJES SU GRUB PAR SMRA LA RANG SDE LA NI BYE BRAG TU SMRA BAS NAMKHA' DNGOS POR 'DOD DO, ,DE YANG SGRIB PA STE THOGS PA'I REG BYA BKAG PA LA NAMKHA' 'DOD PAR NI SANGS RGYAS PA RNAMS 'DRA MED KYANG, THOGS PA'I REG BYA BKAG TZAM GYI MED DGAG YIN NA GZHAN LA GO 'BYED PA MI RUNG BAS, NAMKHA' NI GZUGS CAN RNAMS LA GO 'BYED PAR BYED PAS DON BYED NUS PA'O SNYAM DU BSAMS NAS BYE BRAG TU SMRA BA RNAMS NAMKHA' DNGOS POR 'DOD DO, ,NAMKHAS GO PHYE NA DE LTAR YIN PAR GZUGS CAN GZHAN LA GO PHYE BA NI BUM PA LTA BU'I GZUGS CAN GCIG YUL GZHAN DU GO SA 'PHOS PA'I DBANG GIS YIN GYI NAMKHAS PHYE BA MED DO, ,GO BKAG PA YANG GZUGS CAN GCIG YOD PA'I GO SAR GZUGS CAN GZHAN MI TSUD PAS DE NYID KYIS GO BKAG LA DER GZUGS CAN GZHAN TSUD PA LA SNGA MA GZHAN DU 'GRO DGOS PAS GO PHYE NA 'GRO 'ONG KHAS BLANG DGOS SO, ,RIGS PA DE DAG DANG RTAG PA DANG DNGOS PO GZHI MTHUN PA LA GNOD PA STON PA'I RIGS PA RNAMS KYIS NAM MKHA' DNGOS PO YIN PA MA BKAG PAR, NAMKHA' MTSAN GZHI DANG SGRIB THOGS MED PA MTSAN NYID DU RANG GI NGO BOS MED PAR NI BSTAN ZIN LA, MTSAN GZHI DANG MTSAN NYID DU MA GTOGS PA'I DNGOS PO YOD PA MA YIN PAS NAMKHA' DNGOS PO RANG BZHIN GYIS

081b

MED DE ZHES BKAG PA NI NAMKHA' LA BSHAD PA'I RIGS PA RNAMS KHAMS LHAG MA LA YANG SBYAR DGOS PA LA DGONGS SO, ,RANG SDE DNGOS POR SMRA BA GZHAN NI THOGS PA'I REG BYA BKAG TZAM GYI MED DGAG DNGOS MED DU 'DOD PAS DA 'DRA BA'I DNGOS MED DU RANG GI NGO BO NYID KYIS YOD DO SNYAM NA, NAMKHA' NI THOGS BCAS KYI GZUGS RNAM PAR BCAD TZAM LA GZHAG GO, GAL TE GZUGS RANG GI NGO BOS YOD NA DE'I TSE BAR SNANG LTA BUR THOGS BCAS KYI GZUGS BKAG TZAM YANG RANG GI NGO BOS YOD PAR 'GYUR NA YANG SNGAR BSHAD PA'I RIGS PAS GZUGS KYI DNGOS PO NGO BO NYID KYIS YOD PA MA YIN NA DE'I TSE GANG GI DNGOS PO MED PA NAMKHA'I YIN PAR 'GYUR TE MI 'GYUR RO, ,GAL TE RI BONG GI RVA'I DNGOS PO YOD PA MA YIN PA NYID KYIS RI BONG GI RVA MED PA'I DGAG PA DE RI BONG GI RVA'I DNGOS PO MED PAR YOD PA MA YIN NAM, JI LTAR DGAG BYA'I CHOS MED PA DGAG PA MED PA'I RGYU MTSAN DU SMRA BAR RIGS SNYAM NA, DE NI MA MTSUNGS TE, THA SNYAD DU DNGOS PO TZAM MI SRID NA BUM PA'I DNGOS MED KYANG THA SNYAD DU MI SRID PA BZHIN DU, DON DAM PAR DNGOS PO TZAM MI SRID NA THEGS BCAD KYI DNGOS MED KYANG DON DAM PAR MI SRID CES PA'I DON YIN PA'I PHYIR RO, ,GNYIS PA NI, GAL TE DNGOS PO YOD MED RTOG PAR BYED PA PO KHYOD NI YOD LA DE YI PHYIR BRTAG BYA DNGOS PO YOD MED KYANG YOD DO ZHE NA, DE LTA NA GANG GIS DNGOS DANG DNGOS MED SHES SHING DPYOD PAR BYED PA PO NI GSUM LAS MI 'DA' LA DE YANG DNGOS POR RANG BZHIN GYIS YOD NA NI MTSAN GZHI ZHES PA DANG DNGOS MED DU RANG BZHIN GYIS YOD NA NI DNGOS

082a

, ,PO YOD PA ZHES PA DAR BKAG ZIN PAS MI 'THAD DO, ,DNGOS PO DANG DNGOS PO MED PA'I CHOS MI MTHUN PA DE GNYIS GANG YANG MIN PA'I PHUNG GSUM GYI RTOG PA PO YANG MED PAS RTOG PAR BYED PA PO RANG BZHIN GYIS MED DO, ,BCOM LDAN 'DAS KYIS KYANG, GANG ZHIG DNGOS RNAMS DNGOS MED SHES PA DE, ,NAM YANG DNGOS PO KUN LA CHAGS MI 'GYUR, ,GANG ZHIG NAM YANG DNGOS KUN CHAGS MED PA, ,DE NI TING 'DZIN MTSAN MA MED LA REG, CES DNGOS PO RNAMS RANG BZHIN MED PAR SHES PA DE DPYOD PA PO LA SOGS PA'I DNGOS PO KUN LA BDEN PAR MI 'DZIN PAR GSUNGS SHING, GANG DAG CHOS RNAMS STONG LA SEMS BYED PA'I, ,BYIS PA DE DAG LAM NGAN ZHUGS PA YIN, ,CHOS RNAMS STONG PAR YI GES BRJOD PA YIN, DE DAG YI GE MED PAR YI GES BSTAN, ,GANG DAG ZHI ZHING RAB ZHI'I CHOS SEMS PA'I, ,SEMS PA DE YANG NAM YANG 'BYUNG MA YIN, ,SPROS KUN SEMS KYI RNAM PAR RTOG YIN TE, ,DE PHYIR CHOS RNAMS BSAM YAS RTOGS PAR GYIS, ,ZHES GSUNGS SO; ;GANG DAG CHOS RNAMS ZHES PA'I RKANG PA GNYIS KYI DON NI STONG PA NYID LA SEMS PA LAM NGAN PAR ZHUGS PAR STON PA MIN GYI, GANG DAG ZHI ZHING ZHES PA GNYIS KYIS BKAG PA'I STONG BA LA SEMS PAR BYED MKHAN BDEN PAR 'DZIN PA LAM NGAN PAR ZHUGS PAR STON NO, ,DE YANG YI GE MED PAR ZHES PAS NI CHOS RNAMS RANG BZHIN GYIS STONG PAR STON MKHAN DE NYID KYIS RANG YANG BDAG MED DU STON PAR BSHAD DE DNGOS MED LA BDEN PA 'GOG MKHAN BDEN PAR MA GRUB PA'I KHUNGS

082b

SO, ,GSUM PA NI, SNGAR BSHAD PA LTAR BRTAGS NA MI 'THAD PA DE YI PHYIR NAMKHA' NI DNGOS PO DANG DNGOS MED DANG MTSAN GZHI DANG MTSAN NYID BZHI PO GANG DU YANG NGO BO NYID KYIS YOD PA MIN NO ZHES SNGAR BSHAD PA RNAMS KYI MJUG BSDUS SO, ,BOD LA GRAGS PA'I MTSON BYA LA 'DI DANG RGYA GZHUNG GZHAN MANG PO LAS MCHAN GZHI ZHES 'BYUNG LA DE GNYIS KYI SKAD DOD KYANG GCIG PAS MTSAN MTSON GYI SBYOR BA GCIG LA MTSAN GZHI DANG MTSON BYA 'GAL BAR SMRA BA YANG MI 'THAD LA, ,GZHAN DAG SNGA MA RGYU MTSAN DU BYAS NAS MTSAN MTSON GZHI GSUM DU BYED PA MI 'THAD CES SMRA BA YANG MI RIGS TE, RTAGS KYIS BSGRUB BYA SGRUB PA LA BSGRUB BYA SGRUB BYED SGRUB GZHI GSUM YOD PA LTAR MTSAN NYID KYIS MTSON BYA MTSON PA LA YANG BYAR RUNG BA'I PHYIR RO, ,DE LTA NA BRJOD BYA LA YANG GSUM BYA DGOS PAR 'GYUR RO ZHES PA NI 'DOD PA YIN NO, ,SKAD DOD GCIG YIN PAS DON GNYIS GCIG YIN NA CIG SHOS YIN PAR SGRUB MI NUS PA NI DU MA ZHIG SNANG NGO, ,GNYIS PA NI, SA LA SOGS PA'I KHAMS LNGA PO NAMKHA' LAS GZHAN GANG DAG LHAG MAR GYUR PA DE DAG KYANG NAMKHA' DANG MTSUNGS PAR DNGOS PO DNGOS MED DANG MTSAN GZHI MTSAN NYID KYI NGO BO NYID KYIS YOD PAS STONG PAR SHES PAR BYA'O, ,DE YANG SA KHAMS MTSAN NYID SNGA ROL NA, ,SA NI CUNG ZAD YOD MA YIN, ,ZHES DANG DE PHYIR SA KHAMS DNGOS PO MIN, ,ZHES SBYAR TE GZHAN LA YANG DE LTAR SBYAR RO, ,CHOS MNGON PA LAS PHYI NANG GI SKYE MCHAD RNAMS YUL YUL CAN DANG PHUNG PO RNAMS RGYU 'BRAS DANG, KHAMS DRUG GI MTSAN NYID BSTAN PA

083a

, ,LA JI LTAR BSTAN PA DE LTAR RANG GI NGO BO NYID KYIS YOD PAR 'DZIN PA BZLOG PA'I PHYIR DU THAD KA THAD KA'I THUN MONG MA YIN PA'I RIGS PA RNAMS GSUNGS KYI, BDEN 'DZIN GSUM GA YANG CHOS GSUM GA LA SKYE BAS DE 'GOG PA'I RIGS PA YANG CHOS GSUM GA LA STON DGOS PA'I PHYIR NGES PA NI MIN NO, ,GNYIS PA NI, CHOS RNAMS BZHI PO DER NGO BO NYID KYIS YOD PA MI 'THAD PA'I PHYIR MA RIG PA'I RAB RIB KYIS BLO GROS KYI MIG NYAMS PAS, THOG MA MED PA NAS DNGOS PO YOD MED LA SOGS PAR LOG PAR LTA BA GOMS PA RANG BZHIN MED PA PHYIN CI MA LOG PAR MTHONG BA'I LAM THAR PA DANG MTHUN PAR 'GRO BA LAS NYAMS PA'I BLO CHUNG GANG DAG, BLO ZHAN PAS RTEN 'BYUNG MCHOG TU ZAB PA MA RTOGS PA NA DNGOS PO RNAMS LA YOD PA STE RTAG PA DANG MED PA STE CHAD PAR LTA BAS BLO'I MIG BSGRIBS PA DE DAG GIS NI, BLTA BAR BYA BA'I MYA NGAN LAS 'DAS PA NYE BAR ZHI ZHING ZHI BA'I MTSAN NYID CAN RTOG PA THAMS CAD DANG BRAL BA, SHES PA DANG SHES BYA'I SPROS PA THAMS CAD LAS LOG PA'I NGO BO DON DAM PA STONG PA NYID KYI RANG BZHIN CAN MI MTHONG NGO, ,BUD DHA P'A LI TA LAS, PHUNG KHAMS SKYE MCHED MED NA RGYAL BAS PHAL CHER DE DAG LA BRTZAMS NAS CHOS BSTAN PA DON MED DU 'GYUR PAR BRTZOD PA'I LAN DU, KHO BO CAG YOD MED KYI MTHA' GNYIS BSAL BA STON GYI DE DAG MED CES MI SMRA BAS KHO BO CAG LA CHOS BSTAN PA DON MED DU MI 'GYUR RO, ,GANG DAG YOD MED KYI MTHAR LTA BA LA NI CHOS BSTAN PA DON MED DU 'GYUR TE LTA BA DE DAG DANG LDAN NA

083b

MYANG 'DAS PA MI 'THOB PA'I PHYIR RE ZHES 'CHAD DE RAB BYED GSUM GA'I RTZOD SPANG NGO, ,GNYIS PA NI, KHAMS DRUG LA MTSAN MTSON DANG DNGOS PO YOD MED KYI RANG BZHIN BKAG PA YANG RTOG GE TZAM GYIS MIN GYI NGES DON GYI LUNG GIS GRUB PA DANG, RAB BYED 'DIS KHAMS LA RANG BZHIN DE LTAR BKAG PA'I GSUNG RAB THAMS CAD BSHAD PAR BYA'O ZHES BSTAN PA'I PHYIR DU NGES DON GYI BUNG DANG SBYOR BA'I PHYOGS TZAM BRJOD NA, YOD MED KYI MTHAR LTA BA LA GNAS PAR MI BYA BA NI SNGAR TING 'DZIN RGYAL PO LA SOGS PA DRANGS PA LTAR YIN LA TSANGS PA KHYAD PAR SEMS KYIS ZHUS PA LAS KYANG, NANG GI SA'I KHAMS GANG YIN PA DANG PHYI ROL GYI SA'I KHAMS GANG YIN PA NI GNYIS SU MED PA'I DON TE, DE YANG DE BZHIN GSHEGS PAS SHES RAB DANG YE SHES KYIS GNYIS SU MED PA DANG GNYIS SU DBYER MED PA DANG MTSAN NYID GCIG PA 'DI LTA STE MTSAN NYID MED PAR MNGON PAR RDZOGS PAR SANGS RGYAS SO ZHES PA DANG, 'JIG RTEN NAM MKHA'I MTSAN NYID DE, ,NAMKHA' LA YANG MTSAN NYID MED, , DE PHYIR DE YIS DE RTOGS PAS, ,'JIG RTEN CHOS KYIS MI GOS SO, (,ZHES DANG,) 'JAM DPAL RNAM PAR ROL PA LAS KYANG, BU MO KHAMS DAG JI LTAR BLTA BAR BYA, BU MOS SMRAS PA 'JAM DPAL 'DI LTA STE DPER NA 'JIG RTEN GSUM BSKAL PAS BSREd PA NA THAL BA YANG MED PA LTAR RO, ,ZHES GSUNGS SO, ,DE LTAR RAB BYED 'DI YI RIGS PA RNAMS NI GSUNG RAB DE DAG DANG KHYAD PAR DU CHOS RNAMS MTSAN NYID DANG MTSAN NYID KYI GZHI DANG BRAL BAR GSUNGS PA THAMS CAD LTA BA'I MIG TU SHES @084+85A *, ,PAR BYAS LA MIG DE YONGS SU DAG PAR BYA'O, ,GSUM PA NI, KHAMS RNAMS KYI MTSAN MTSON DANG DNGOS PO YOD MED GSUNGS PA LA MING GI THA SNYAD KYI DBANG GIS BZHAG PA TZAM MIN PAR RANG GI NGO BO'I DBANG GIS YOD NA MTSAN MTSON LA SOGS PAR GZHAG TU MI RUNG BAR RIGS PAS GTAN LA PHAB PA'I DON NGES PAR BYA, DE NAS MING GI THA SNYAD KYI DBANG GIS BZHAG PA TZAM LA MTSAN MTSON DANG DNGOS PO YOD MED DU 'JIG PA CHES 'THAD PA'I TSUL GYIS BDEN PA GNYIS KYI DON RNAMS NGES PAR BYA'O, ,KHAMS BRTAG PA ZHES BYA BA TSIGS SU BCAD PA BRGYAD KYI BDAG NYID RAB TU BYED PA LNGA PA'I RNAM PAR BSHAD PA'O,, ,,GNYIS PA LA GSUM, RTEN PA KUN NAS NYON MONGS YOD PA DGAG, MTSAN NYID SKYE 'JIG GNAS PA YOD PA DGAG, RGYU LAS DANG BYED PA PO YOD PA DGAG PA'O, ,DANG PO LA GSUM, RAB BYED KYI GZHUNG BSHAD PA, NGES DON GYI LUNG DANG SBYAR BA, DON BSDUS TE MTSAN BSTAN PA'O, ,DANG PO NI, 'DIR SMRAS PA PHUNG PO DANG KHAMS DANG SKYE MCHED NI RANG BZHIN GYIS YOD DE DE'I RTEN CAN KUN NAS NYON MONGS DMIGS PA'I PHYIR TE BCOM LDAN 'DAS KYIS, DGE SLONG DAG BYIS PA SO SO'I SKYE BO THOS PA DANG MI LDAN PA BTAGS PAR LHUNG BA MIG GIS GZUGS RNAMS MTHONG NAS YID BDE BA'I GNAS SU MNGON PAR ZHEN PAR 'GYUR RO, ,DE MNGON PAR ZHEN PAR GYUR NAS 'DOD CHAGS SKYED PAR BYED DO, ,CHAGS PAR GYUR NAS LUS DANG NGAG DANG YID KYIS 'DOD CHAGS LAS BYUNG BA'I LAS MNGON PAR 'DU BYED PAR 'GYUR RO, ,ZHES CHAGS SOGS @084+85B KYI NYON MONGS PA KUN NAS NYON MONGS PA'I RGYU YOD PAR GSUNGS PA'I PHYIR RO, ,'DIR CHAGS SOGS RANG BZHIN GYIS YOD NA PHUNG PO LA SOGS PA YANG RANG BZHIN GYIS YOD NA'ANG DE LTAR NI MED DO, ,'DI LA GSUM, 'DOD CHAGS DANG CHAGS PA RANG BZHIN GYIS YOD PA DGAG, BKAG PA RNAMS KYI MJUG BSDU BA, RIGS PA DE GZHAN LA YANG SBYAR BAR BYA'O, ,DANG PO LA GNYIS, SNGA PHYIR 'BYUNG BA DGAG, LHAN CIG TU 'BYUNG BA DGAG PA'O, ,DANG PO LA GNYIS, 'DOD CHAGS KYI SNGA ROL NA CHAGS PA YOD MED DGAG, CHAGS PA'I SNGA ROL NA 'DOD CHAGS YOD MED DGAG PA'O, ,DANG PO NI, 'DOD CHAGS RANG BZHIN GYIS YOD NA TSUL GSUM LAS MI 'DA' LA DE YANG CHAGS PA DANG LHAN CIG YOD NA NI CHAGS PA SNGAR YOD DE LA BRTEN NAS PA SNGAR YOD PA'I 'DOD CHAGS YOD DAM PHYIS YOD PA'I 'DOD CHAGS YOD BRTAG GRANG, GAL TE 'DOD CHAGS KYI SNGA ROL NA 'DOD CHAGS KYI SNGA ROL NA 'DOD CHAGS MED PA STE 'DOD CHAGS DANG BRAL BA'I CHAGS PA GCIG YOD NA NI CHAGS PA SNGAR YOD DE LA BRTEN NAS 'DOD CHAGS YOD PAR 'GYUR RO, ,DE LTA NA NI SNGAR CHAGS PA YOD PA NA PHYIS 'DOD CHAGS YOD DO ZHES BYA BAR RIGS PA ZHIG NA, 'DOD CHAGS DANG BRAL YANG CHAGS PAR 'GYUR BA NI MED DA GZHAN DU NA DGRA BCOM PA LA YANG 'DOD CHAGS YOD PAR 'GYUR RO, ,DE LA 'DOD CHAGS NI ZAG BCAS KYI YUL YID DU 'ONG BA LA DMIGS NAS SRED PA'I RNAM PA CAN GYI SEMS BYUNG NGO, ,CHAGS PA NI YUL LA CHAGS PA'I SEMS SAM GANG ZAG STE 'DOD CHAGS KYIS RTEN NO, ,GAL

086a

, ,TE CHAGS PA SNGAR YOD PA NA PHYIS 'DOD CHAGS YOD PA MI 'THAD NA CHAGS PA SNGAR MED PAR PHYIS YOD PA'I 'DOD CHAGS YOD DO ZHE NA, GANG GI TSE CHAGS PA SNGAR YOD PA NA PHYIS 'DOD CHAGS YOD PA MIN PA DE'I TSE JI LTAR NA SNGAR CHAGS PA YOD PAR MA GYUR PA NA 'DOD PA CHAGS YOD PAR GA LA 'GYUR ZHES PA MA 'GYUR TE, RTEN MED PA'I PHYIR TE SHING THOG MED PAR DE'I SMIN PA MED PA BZHIN NO, ,DUS MNYAM PA'I RTEN DU 'DOD PA DE GNYIS LHAN CIG TU 'BYUNG BA 'GOG PA'I SKABS NAS 'CHAD PAS 'DI NI TSIG PA 'DOD CHAGS LAS PHYIN RTEN MED PAR STON PA'O, ,'DI LA SANGS RGYAS BSKYANGS KYIS GAL TE 'DOD CHAGS KYI SNGA ROL NA CHAGS PA 'DOD CHAGS MED PA STE DE BAS GZHAN DU GYUR PA 'GA' ZHIG YOD NA NI, ,DE LA BRTEN NAS 'DOD CHAGS YOD PAR 'GYUR TE RGYU MTSAN NI CHAGS PA YOD NA 'DI'I 'DOD CHAGS 'DE'O ZHES 'THAD LA, CHAGS PA MED NA DE SU'I 'DOD CHAGS SU 'GYUR TE GZHI MED PA LA 'DOD CHAGS MI 'THAD PAS, TSIG BA MED NA 'DOD CHAGS MI 'THAD DO ZHES TSIGS BCAD DANG POS CHAGS PA SNGAR MED NA 'DOD CHAGS YOD PA MI 'THAD PA BSTAN PAR 'CHAD DO, ,DE NAS CHAGS PA SPYOD NA 'DOD CHAGS YOD DO ZHES PA'I LAN DU, CHAGS PA YOD PAR GYUR NA YANG, ,'DOD CHAGS YOD PAR GA LA 'GYUR,, ZHES BTON NAS CHAGS BA SNGA NA 'DOD CHAGS KYIS CHAGS PAR MI BYED PAS 'DOD CHAGS SU MI 'GYUR GTE GZHAN DU NA 'GA' YANG 'DOD CHAGS MA YIN PAR MI 'GYUR RO, ,DES NA CHAGS PA YOD NA'ANG 'DOD CHAGS MI 'THAD DO ZHES 'CHAD DE

086b

SHES RAB SGRON MAR YANG CHAGS BA ZHES PA'I RKANG PA GNYIS DE BZHIN DU 'DON NO, ,CHAGS PA SNGAR YOD MED KYI 'DOD CHAGS 'GOG PAR 'DRA MOD KYANG GZHUNG GONG 'OG GANG GIS 'GOG MI 'DRA BA NI CHAGS PA ZHES PA'I RKANG PA GNYIS KYIS DANG PO LA DGAG SGRA 'DON MI 'DON GYI RNAM DBYE GCIG BYUNG PA'O, ,GNYIS PA NI, GAL TE CHAGS PA SNGA ROL DU YOD MED KYI 'DOD CHAGS BKAG MOD KYANG CHAGS PA NI RANG BZHIN GYIS YOD DE MA BKAG PA'I PHYIR RO ZHE NA, CHAGS PA RANG BZHIN GYIS YOD NA 'DOD CHAGS SNGAR ROL NA YOD MED GNYIS LAS MI 'DA' LA 'DOD CHAGS SU MZAD CHAGS PA LA YANG 'DOD CHAGS NI SNGA ROL DU YOD MED KYANG 'DOD CHAGS LA CHAGS PA SNGAR ROL DU YOD MED DPYAD NAS BKAG PA'I RIM PA DANG MTSUNGS PA'I PHYIR CHAGS PA RANG BZHIN GYIS MED DO, ,MTSUNGS LUGS NI 'DOD CHAGS SNGAR YOD PA NA CHAGS PA PHYIS YOD PAR RTOG NA, GAL TE CHAGS PA'I SNGA ROL NA, ,CHAGS MED 'DOD CHAGS YOD NA NI, ,DE LA BRTEN NAS CHAGS PA YOD, ,'DOD CHAGS YOD NA CHAGS YOD 'GYUR, ,ZHES SBYAR LA DGAG STE CHAGS PA LAS 'DOD CHAGS SNGA NA RTEN MED KYI 'DOD CHAGS YOD PAR 'GYUR RO, ,CI STE 'DOD CHAGS SNGA ROL DU MED PAR CHAGS PA YOD PAR 'DOD NA LHAN CIG PA 'OG TU 'GOG PAS CHAGS PA SNGA LA 'DOD CHAGS PHYI BAR RTOG PA YIN LA DE LTA NA 'DOD CHAGS YOD PAR MA GYUR NA'ANG, CHAGS PA YOD PAR GAL 'GYUR, ZHES SBYAR TE, CHAGS PA SNGA NA DGRA BCOM PA YANG CHAGS PA YOD PAR 'GYUR RO, ,'DI LA YANG SANGS

087a

, ,RGYAS BSKYANGS KYIS TSIGS BCAD DANG PO'I RKANG PA GSUM PAS BSTAN PA LTAR YIN PA'I RGYU MTSAN DU RKANG PA BZHIN PA GTONG STE, 'DOD CHAGS SNGA NA 'DOD CHAGS 'DIS 'DI CHAGS SO ZHES 'THAD LA 'DOD CHAGS MED NA GANG GIS DE CHAGS PAR 'GYUR, ,'DOD CHAGS KYIS CHAGS PAR MA BYAS KYANG CHAGS NA 'GA' ZANG MA CHAGS PAR MI 'GYUR BAS 'DOD CHAGS MED NA CHAGS PA MI 'THAD DO ZHES 'CHAD DO, ,'DOD CHAGS YOD NA CHAGS PA YOD DO ZHES PA'I LAN DU, 'DOD CHAGS YOD PAR GYUR NA'ANG, ,CHAGS PA YOD PAR GA LA 'GYUR, ,ZHES BTON NAS CHAGS PA PHYIS YOD NA 'DOD CHAGS DANG CHAGS PAR MA BYAS PAR 'GYUR PAS 'DOD CHAGS YOD NA'ANG CHAGS PA'I MI 'THAD DO ZHES BCHAD DE, SHES RAB SNGON MAR YANG RKANG PA GNYIS PO DE DE BZHIN DU 'DON NO, ,DE'I PHYIR 'GYUR RNYING GI GZHUNG LA DE GNYI LA DGAG SGRA SBYAR BA NI MI SHES PA ZHIG GIS 'GYUR BCOS PAR SNANG NGO, ,'DIR GAL TE CHAGS PA'I SNGA ROL ZHES PA'I RKANG PA DRUG 'GREL PA RNAMS SU 'BYUNG BA NI CHAGS PA LA YANG RIM PA MTSUNGS PAR GSUNGS PA'I 'DON PA BSKYUR BA YIN PAS GZHUNG DNGOS MIN TE, SNGAR BSHAD PA DANG MA BSHAD PA'I GZHUNG DU BSHAD ZIN PA DANG MTSUNGS SO ZHES STON PA THAMS CAD LA 'PHAGS PA RANG GIS DNGOS SU SBYAR BA MED PA'I PHYIR TE, DE NI TSIG TSEGS BSGYUR BA'I PHYIR YIN LA DNGOS SU SBYAR NA DE LTAR GSUNGS PA'I DGOS PA MED PA'I PHYIR RO, ,DES NA 'GYUR RNYING LAS RKANG PA DRUG PO DE DANG DE'I MJUG TU, 'DOD CHAGS LA YANG CHAGS PA NI, ,YOD DAM

087b

MED KYANG PAR MA PA MTSUNGS, ZHES RKANG BA RRGYAD DU GO KHROD DU BRIS PA NI MI LEGS TE, 'GYUR RNYING NYID LAS RTZA SHE LA TSIGS BCAD BZHI BRGYA ZHE DGU YOD PAR BSHAD PA DANG 'GAL BAS GZHAN ZHIG GIS BSRE BSLAD BYAS PAR MNGON NO, ,'DOD CHAGS LA YANG ZHES PAR RKANG PA GNYIS G?ANG DU BYED PA DE 'PHAGS PA NYID KYIS SNGAR 'DOD CHAGS LA CHAGS PA YOD MED BRTAGS NAS BKAG PA DE CHAGS PA LA 'DOD CHAGS YOD MED LA YANG SBYOR CIG CES DNGOS SU GSUNGS PA MA NGES PAR SNANG PAS GZHUNG LA BSGRA BA BSLAB BYAS PA'O, DES NA BUD DHA P'A LI TA DU YANG 'DI GNYIS BRIS MOD KYANG 'GREL BA DAR DE LA BSHAD PA YANG MAD LA, CHAGS PA YOD PAR GYUR NA YANG, ,ZHES PA'I RKANG PA GNYIS KYI DON BSDU'I 'GREL PA DANG, 'DOD CHAGS YOD PAR GYUR NA YANG, ZHES PA'I RKANG PA GNYIS KYI DON BSDU'I TSIG GNYIS SHIN TU 'GRAS BAR YOD PA LA PHYI MA'I TSIG BAR DU DE GNYIS GCIG GIS BTZUD SNANG BSAM DAG BAR SHIN TU GSAL LO, ,SHES RAB SGRON MA DANG DE'I 'GREL BSHAD GNYIS SU YANG DE GNYIS BCU SNGAN MDZOD KYANG 'GREL PA 'GREL BSHAD GNYIS KAS DE LA BSHAD PA BYAS PA MED LA DON YANG MI 'GRIG PA GCIG GI SKABS SU BCUD SNANG NGO, ,TSIG GSAL DU NI DE GNYIS MED DO, ,GA LAS 'JIG MED DU DE GNYIS RTZA BAR BYAS NAS DE LA BSHAD PA YANG BYAS SNAG BAS NI RTZOM MKHAN DE YI RANG BRTAGS CHEN PO BSTAN SNANG LA BTZUN PA 'PHAGS PA LHAS KYANG ZHES BRGYA PA'I SLUNG YANG SHES BYED DU DRANG PAS KLU SGRUB KYI YIN PAR SMRA BA NI

088a

, ,MI RIGS PA'I GTAM MO, ,GNYIS PA NI ,GAL TE SNGAR BSHAD PA'I SKYON NI 'DOD CHAGS DANG CHAGS PA GNYIS SNGA PHYIR KHAS BLANGS PA LA YOD NA'ANG 'DIR NI DE GNYIS LHAN CIG KHO NAR 'BYUNG STEG, SEMS DANG LHAN CIG 'BYUNG BA'I 'DOD CHAGS KYIS SEMS CHAGS PAR BYAS LA DE YANG CHAGS PA YIN TE DE'I PHYIR DE GNYIS RANG BZHIN GYIS YOD DO ZHE NA, 'DI DGAG PA LA GNYIS, LTOS PA MED PAS LHAN CIG PA DGAG PA DANG, GCIG DANG THA DAD LA LHAN CIG DGAG PA'O, , DANG PO NI, 'DOD CHAGS DANG NI CHAGS PA DAG NGO BO NYID KYIS YOD NA LHAN CIG NYID DU SKYE BAR MI RIGS TE, 'DI LTAR 'DOD CHAGS DANG CHAGS BA DAG NGO BO NYID KYIS YOD PA DUS MNYAM DU 'BYUNG NA PHAN TSUN LTOS PA MED PAR 'GYUR PAS 'GREL MED DU 'GYUR LA DE LTA NA MI 'BRAL BAR SKYE BA'I RGYU MED PA'I PHYIR RA, ,'DI GNYIS NGO BO NYID KYIS YOD NA SNGAR PHYI BA DANG DUS MNYAM PA GANG RUNG GCIG YIN PAS KHYAB CING KHYAB BYED 'GOG PA NA SNGA PHYI BA THA SNYAD DU YANG MI SRID PAS DGAG PAR SLA LA, DUS MNYAM PA NI THA SNYAD DU YOD PAS KHYAD PAR MI SBYAR NA MI 'KHAGS SO, ,NGO BO NYID KYIS DUS MNYAM DU YOD NA PHAN TSUN LTOS PA'I 'BREL PA DGAG NUS PAS LHAN CIG TU SKYE BA NGO BO NYID KYIS MED PAS DE GNYIS RANG BZHIN MED PAR 'GRUB PO, ,GNYIS PA LA GNYIS, GCIG DANG THA DAD LA LHAN CIG SPYIR DGAG, THA DAD LA LHAN CIG BYE BRAG TU DGAG PA'O, ,DANG PO NI, LHAN CIG BAR 'DOD PA'I 'DOD CHAGS DANG CHAGS PA DANG CHAGS PA DAG RANG BZHIN GCIG GAM RANG BZHIN THA DAD BRTAG

088b

GRANG, RE ZHIG DE GNYIS RANG BZHIN GCIG PA NYID YIN NA NI LHAN GCIG NYID MAD DE BA LANG GCIG BU DE NYID PA LANG DE DANG LHAN CIG PA MIN PA'I PHYIR RO, ,CI STE RANG BZHIN THA DAD PA NYID YIN NA YANG LHAN CIG NYID DU JI LTAR 'GYUR ZHES PA MI 'GYUR TE, SNANG MUN DANG 'KHOR 'DAS THA DAD PA LHAN CIG PA MA MTHONG BA'I PHYIR RO, ,'DI YANG NGO BO NYID KYIS THA DAD PA LA LHAN CIG YIN MIN MTSUNGS PA'I MGO SNYAM SO, ,SANGS RGYAS BSKYANGS KYIS THA DAD KYI MI MTHUN PHYOGS LHAN CIG YIN PA'I RGYU MTSAN GYIS 'GOG STE, NGO BO NYID KYIS THA DAD NA SO SOR BRAL BA YIN LA LHAN CIG NI SO SOR MA BRAL BA YIN PA'I RIGS PA'O, ,DES NA GCIG DANG THA DAD LA LHAN CIG MI RUNG NGO, ,MI RUNG BZHIN DU LHAN GCIG TU RTOG PA 'GOG PA NI GAL TE 'DOD CHAGS DANG CHAGS PA GNYIS GCIG PU GZHIG YIN YANG LHAN GCIG TU RTOG NA RTOGS MED PA'I BA LANG LA SOGS PA GCIG PU YANG LHAN CIG PA DER 'GYUR RO, ,GAL TE DE GNYIS NGO BO NYID KYIS THA DAD PA YANG LHAN CIG YIN NA BA LANG LA SOGS PA GROGS MED PAR SO SOR GNAS PA YANG LHAN CIG PA DER 'GYUR RO, ,GONG MAS LHAN GCIG MI RUNG PA'I SGRUB BYED DANG 'OG MAS LHAN CIG YIN PA LA GNOD BYED BSTAN NO, ,GNYIS PA LA GSUM ,THA DAD DU MA GRUB PAS LHAN CIG MI 'GRUB PA DANG, THA DAD GRUB NA LHAN CIG DGOS PA MED PA DANG, THA DAD LHAN CIG LA LTOS NA PHAN TSUN BRTEN PAR BSTAN PA'O, ,DANG PO NI, GAL TE GCIG PA LA LHAN CIG MI RUNG YANG THA DAD PA LA LHAN CIG 'JOG GI GZHAN NA, GAL TE 'DOD CHAGS DANG CHAGS PA GNYIS NGO BO NYID KYIS THA

089a

, ,DAD PA LA LHAN CIG RTOG NA CI GO 'DOD CHAGS DANG CHAGS PA DAG PHAN TSUN DU MI LTOS PA THA DAD PA NYID DU GRUB PA 'GYUR RAM DAS NA STE DE LTAR GRUB CHA DE GNYIS LHAN CIG NYID DU 'GYUR TE, DPER NA PHAN TSUL MI LTOS PAR THA DAD DU GRUB PA'I BA LANG DANG RTA LHAN CIG TU MTHONG BA BZHIN YIN NA DE LTAR DU MTHONG BA'I THA DAD PA YANG MIN PAS DE GNYIS LA LHAN CIG PA NGO BO NYID KYIS MED DO, ,'DI YANG LHAN CIG TU NGO BO NYID KYIS GRUB NA 'BREL MED KYI LHAN CIG RNAMS DANG MGO MTSUNGS PAR BYED PA'O, ,GNYIS PA NI, GAL TE YANG THA DAD PAR MA GRUB PA LA LHAN CIG MI 'THAD PAS 'DOD CHAGS DANG CHAGS PA DAG NGO BO NYID KYIS THA DAD DU GRUB PAR GYUR BA DE KHYOD 'DOD NA DE GNYIS NGO BO NYID KYIS YOD PAR PHA ROL PA LA GRUB PAR BYA BA'I PHYIR DU DE DAG LHAN CIG NYID DU STE KHO NAR NI CI YI PHYIR NA YONGS SU RTOGS PAR BYED DE LTAR RTOG PA MI RIGS SO, ,DE'I RGYU MTSAN NI LHAN CIG YIN PAR RTOG PA'I DGOS PA NI 'DOD CHAGS 'DIS CHAGS LDAN 'DI YUL 'DI LA CHAGS SO ZHES 'GRUB PA'I DON YIN NA NGO BO NYID KYIS THA DAD NA DE 'DRA BA'I PHAN TSUN LTOS PA DE MI RUNG PA'I PHYIR RO, ,SANGS RGYAS BSKANG KYIS LHAN CIG GI DNGOS POR BRTAGS SU ZIN KYANG THA DAD PA NYID KYI SKYON CHAGS PA KHO NA'I PHYIR DER BRTAGS PA DON MED DE TSIG ZIN PA LA CHUS 'DEBS PA DANG 'DRA BAR GSUNGS PA DANG, TSIG GSAL GNYIS DON 'DRA BAR YOD PAS RANG BZHIN THA DAD DU GRUB NA DE NYID KYIS RANG BZHIN YOD PAR GRUB PAS DE'I SGRUB BYED DU BAR DU LHAN CIG BRGYUD PA DON MED CES

089b

BSHAD PAR MI BYA'O, ,GSUM PA NI, CI STE THA DAD KYANG PA LA 'DIS 'CHI CHAGS SO ZHES PA'I PHAN TSUL LTOS PA'I DGOS PA DE GRUB PAR MA GYUR BAS DDER RAB TU BSGRUB PA'I PHYI DE GNYIS LHAN CIG PAR 'DOD PAR BYED NA NI, PHAN TSUN LTOS PA'I LHAN CIG NYID DU YANG DA RANG BZHIN THA DAD LA MI RUNG BAS GCIG PA NYID KYI SKYON CHAGS PA'I PHYIR DE RAB TU BSGRUB PA'I PHYIR THA DAD DU YANG 'DOD PA KHYED NI, GOS NGAN PA LHAGS PA CHEN POS NYEN PA BSKUMS NAS SDED CING BSKUMS DRAG PA BSRAN MI BZOD PA NA YANG RKYONG BAR BYED PA DANG 'DRA'O, ,ZHES SANGS RGYAS BSKYANGS KYIS BSHAD PA 'DI NYID GSAL LO, ,'DIR SO SO BA YA GYAL DE RE LA THA DAD PA'I NGOS PO YOD DAM LHAN CIG 'BYUNG BA LA YOD GRANG, DANG PO LTAR NA DE NI MI RIGS TE 'DOD CHAGS DANG CHAGS PA GNYIS RE RE BA LA 'DI NI 'DOD CHAGS SO, ,'DI NI 'DIS CHAGS SO ZHES PA'I THA DAD MI SRID PA'I PHYIR RO, ,GNYIS PA LTAR NA YANG DE LA NGO BOS THA DAD PA MED PAR BSHAD ZIN PAS NGO BOS THA DAD PA'I DNGOS PO MI 'GRUB LA DE MA GRUB PAS LHAN CIG GI DNGOS PO 'GRUB PAR MI 'GYUR TE DE NI THA DAD PA KHO NA LA 'JOG PA'I PHYIR RO, ,DE LTAR NA RE RE'AM GNYIS KA LHAN CIG TU 'BYUNG BA'AM KHYED KYIS RANG DGAR THA DAD PA'I DNGOS PO GZHAN ZHIG BRTAGS KYANG RUNG STE, NGO BOS THA DAD PA'I DNGOS PO GANG YOD NAS 'DOD CHAGS DANG CHAGS PA GNYIS LHAN CIG GI DNGOS PAR 'DOD PAR BYE DPA DE SMROS SHIG CES SANGS RGYAS BSKYANGS KYIS BSHAD DO, ,GNYIS PA NI, DE LTAR JI SKAD DU BSHAD PA'I RIGS PA RNAMS KYIS GZIGS PA NA 'DOD CHAGS DANG CHAGS

090a

, ,PA DAG LHAN CIG PA DUS MNYAM DANG LHAN CIG MIN PA SNGA PHYI BA RNAMS MI 'GRUB PAS GANG 'DOD CHAGS PA'I GANG ZAG DANG SEMS DANG GANG LA 'DOD CHAGS PA'I YUL DANG BYED PA GANG GIS 'DOD CHAGS PA'I 'DOD CHAGS RNAMS RANG BZHIN GYIS STONG PA NYID DU GRUB PO, ,GSUM PA NI, 'DOD CHAGS LA SPYAD PA JI LTAR BYAS BZHIN DU ZHE SDANG DANG SDANG BA DANG GTI MUG DANG RMONG PA LA SOGS PA'I CHOS RNAMS KUN KYANG LHAN CIG DANG LHAN CIG MIN PA SNGA PHYI BA RIG SA MI 'GRUB PAR SHES PAR BYA'O, ,DE YANG, GAL TE ZHE SDANG SNGA ROL NA, ,ZHE SDANG SEMS PA'I SDANG YOD NA, ,DE LA BRTAN NAS ZHE SANG YOD, ,SNGAR YOD ZHES DANG YOD PAR 'GYUR, ,ZHES SOG 'DON BSGYUR LA DGAG GO, ,GNYIS PA NI, DE LTAR CHAGS PA SOGS BRAG PA'I RIGS PAS CHOS THAMS CAD RANG BZHIN MED PAR BSTAN PA DE NYID NGES DON GYI LUNG GIS KYANG GRUB PA DANG, RAB BYED 'DIS GANG CHAGS PA DANG GANG GIS CHAGS PA SOGS RANG BZHIN MED PAR BSHAD PA'I GSUNG RAB THAMS CAD BSHAD PAR BYA'O; ;ZHES BSTAN PA'I PHYIR DU NGES DON GYI LUNG DANG SBYOR BA'I PHYOGS TZAM SMOS NA, TING 'DZIN RGYAL PO LAS ,GZHON NU BYANG CHUB SEMS DPA' SEMS DPA' CHEN PO CHOS THAM CA KYI DOG PAS MED PA'I NGO BO NYI KYI YE SHES LA MKHAS PA DE NI GZUGS DANG SGRA DANG DRI DANG RO DANG REG BYA DANG CHOS THAMS CAD LA 'DOD CHAGS PAR MI BYED ZHE SDANG BAR MI BYED GTI MUG PAR MI BYED DO, ,DE CI'I PHYIR ZHE NA, 'DI LTAR DES CHOS DE YANG DAG PAR RJES SU MI MTHONG ZHING CHOS DE MI DMIGS TE

090b

GANG 'DOD CHAGS PA DANG GANG LA 'DOD CHAGS PA DANG GANG GIS 'DOD CHAGS PA DANG, GANG ZHE SDANG BA DANG GANG LA ZHE SDANG BA DANG GANG GIS ZHE SDANG BA DANG, GANG GTI MUG PA DANG GANG LA GTI MUG BA DANG GANG GIS GTI MUG PAR 'GYUR BA'I CHOS DE DES YANG DAG PAR RJES SU MI MTHONG ZHING MI DMIGS SO, ,CHOS DE YANG DAG PAR RJES SU MI MTHONG ZHING MA DMIGS NA MKHAS GSUM THAMS CAD LA MA CHAGS PAR 'GYUR TE MYUR DU TING NGE 'DZIN 'DI 'THOB BO, ,MYUR DU BLA NA MED PA YANG DAG PAR RDZOGS PA'I BYANG CHUB KYANG MNGON PAR RDZOGS PAR 'TSANG RGYA'O, ,ZHES GSUNGS SO, ,GSUM PA NI, ,DE LTAR GANG ZHAGS PA DANG GANG LA CHAGS PA DANG GANG GIS CHAGS PA SOGS KUN NAS NYON MONGS KYI PHYOGS KYI CHOS GSUM DANG, GANG DANG PA DANG GANG LA DAD PA DANG GANG GIS DAD PA SOGS RNAM BYANG GI PHYOGS KYI CHOS GSUM LA RANG GI NGO BOS GRUB PAR 'DZIN PA'I 'DZIN TSUL LTAR YOD NA, DE DAG GI THA SNYAD GANG YANG BYAR MED PAR RIGS PAS GTAN LA PHAB PA BZHIN DU NGES PAR BYA, DE NAS DE DAG GI THA SNYAD NI NGES PAR KHAS BLANG DGOS LA RANG GI NGO BOS GRUB PA LA GZHAG TU MED PA NA RANG BZHAN GYI STON PA KHO NA LA DE DAG GI RNAM GZHAN RNAM SCOS 'THAD DO SNYAM DU RTEN 'BYUNG GI NGES PA DRANG BAR BYA STE, CHAGS PA 'DOD CHAGS LA BRTEN ZHING, ,ZHES SOGS SU 'DON PA BSGYUR BA 'DI NYID LTAR KHAS BLANG NGO, ,'DOD CHAGS DANG CHAGS PA BRTAG PA ZHES BYA BA TSIG SU BCAD PA BCU'I BDAG NYID RAB TU BYED PA DRUG PA'I RNAM PAR BSHAD PA'O,, ,,GNYIS PA

091a

, ,MTSAN NYID SKYE GNAS 'JIG PA DGAG PA LA GSUM, RAB BYED KYI GZHUNG BSHAD PA, NGES DON GYI LUNG DANG SBYAR BA, DON BSDUS TE MCHAN BSTAN PA'O, ,DANG PO LA GNYIS, PHYOGS SNGA MA BRJOD PA DANG, DE SUN DBYUNG PA'O, ,DANG PO NA, 'DIR SMRAS PA PHUNG PO DANG, KHAMS DANG SKYE MCHED 'DUS BYAS NI RANG BZHIN GYIS YOD DE DE DAG GI 'DUS BYAS KYI MTSAN NYID SKYE BA LA SOGS PA YOD PA'I PHYIR RO, ,STON PAS KYANG DGE SLONG DAG GSUM PO 'DI NI 'DUS BYAS KYI MTSAN NYID DAG STE 'DUS BYAS SKYE BAR YANG MNGON 'JIG PAR YANG MNGON GNAS PA GZHAN DU 'GYUR PA YANG MNGON NO, ,ZHES GSUNGS PA'I PHYOR RO, ,CHOS MNGON PA LAS, SKYE BA DANG RGA BA DANG GNAS PA DANG 'JIG PA RNAMS LDAN MIN 'DU BYED DU GSUNGS PA LA BRTEN NAS, RANG SDE GONG 'OG PHAL MO CHES DE RNAMS LDAN MIN 'DU BYED DU 'DOD DO, ,DE'I PHYIR GZUGS DANG SEMS DANG SEMS LAS BYUNG PA RNAMS KYI SKYE 'JIG GNAS PA RNAMS KYANG LDAN MIN DU 'DOD CING, DE YANG MOD SDE PA YAN CHAD KYIS BTAGS YOD DANG BYE BRAG TU SMRA BAS RDZAS YOD DU 'DOD DO, ,SKYE BA LA SOGS PA'I MTSAN NYID GANG YOD PAS GZUGS LA SOGS PA 'DUS BYAS SU GSUNGS PA'I MTSAN NYID SKYE BA LA SOGS PA YANG MDO SDE PA YANG CHAD KYIS CHOS DE RNAMS KYI SKYE BA'I BYA BA DANG 'JIG PA'I BYA BA DANG GNAS PA'I BYA BA LA 'DOD LA ,BYE BRAG TU SMRA BA RNAMS 'GA NAS 'CHAD PA LTAR GZUGS SOGS SKYED PAR BYAD DA DANG 'JIG PAR BYED PA DANG GNAS PAR BYED PA PO LA 'DOD

091b

DO; ;PHYI MA RNAMS KYI LTAR NA GZUGS PHUNG LTA BU GCIG 'DUS BYAS SU MTSON PA NA SKYE BA SOGS YIN PAS MI MTSAN GYI RANG SKYED BYAD SOGS DON GZHAN YOD PAS 'DUS BYAS SU MTSAN LA, SNGA MA RNAMS KYI LTAR NA DE LTAR MTSAN PA MIN TE, MDO SDE PAS GZUGS SOGS KYI SKYE BA SOGS DE DAG LAS RDZAS GZHAN PA BKAG PA NA BYE BRAG TU SMRA BAS MTSAN NYID KYI GZHI'I CHOS DE NYID DE'I MTSAN NYID DU DZA LTAR RUNG ZHES BRTZOD PA'I LAN DU, NOG SOGS 'DUS PA DANG SRA BA BA LANG DANG SA'I KHAMS LAS RDZAS GZHAN MIN KYANG MTSAN NYID YIN PA LTAR SKYE BA LA SOGS PA YANG DE DANG 'DRA BAR MDZOD 'GREL LAS BSHAD DO, ,GNYIS PA NI, MTSAN MTSON GYI CHA NAS RANG BZHIN GYIS GRUB PA DGAG PA NI RAB BYED LNGA PAR BRJOD ZIN PAS 'DIR RIGS PA GZHAN GYIS 'GOG PA LA GSUM, 'DUS BYAS KYI MTSAN NYID RANG BZHIN GYIS GRUB PA DGAG DES 'DUS MA BYAS RANG BZHIN GYIS GRUB PA YANG KHEGS PAR BSTAN, ,DE LTAR BKAG PA LA LUNG DANG 'GAL BA SPANG PA'O?; ;DANG PO LA GNYIS, SPYI'I MTSAN NYID DGAG KHYAD PAR GYI MTSAN NYID DGAG PA'O, ,DANG PO LA GNYIS, MTSAN NYID GSUM THUN MONG DU DGAG SO SOR DGAG PA'O, ,DANG PO LA GSUM, 'DUS BYAS YIN MIN BRTAGS NAS DGAG RE RE PA DANG TSOGS PA GANG YIN BRTAGS NAS DGAG MCHAN NYID GZHAN YOD MED BRTAGS NAS DGAG PA'O, ,DANG PO NI, 'DIR SKYE BA 'DUS BYAS KYI MTSAN NYID DU 'DOD NA 'DUS BYAS SAM 'DUS MA BYAS SHIG LA RTOG GRANG, ,GAL TE SKYE BA

092a

, ,'DUS BYAS YIN NA SKYE BA DE LA YANG SKYE GNAS 'JIG PA'I MTSAN NYID RANG LAS RDZAS GZHAN GSUM LDAN PA STE TSOGS PA YOD PAR 'GYUR TE, SKYE GNAS 'JIG PA NI 'DUS BYAS THAMS CAD LA MI 'KHRUL PA'I PHYIR DANG, SKYE BA SOGS RDZAS GZHAN DANG LDAN PA'I SGO NAS 'DUS BYAS SU MTSAN DGOS PAR 'DOD PA'I PHYIR RO, ,DE 'DOD NA NI JI LTAR NA SKYE BA 'DUS BYAS KYI MTSAN NYID YIN ZHES PA 'DIR YANG SBYAR TE, SKYE BA NI 'DUS BYAS SU MTSON PA'I MCHAN NYID KYIS MTSAN PA'I MCHAN GZHI YIN PAS GZUGS SOGS 'DUS BYAS SU MTSON PA'I MCHAN NYID MIN NO, ,SRA BAS SA YI KHAMS SU MTSON PA LA SRA BA SA'I KHAMS YIN NA DE SA YI KHAMS SU MTSON PA'I MTSAN NYID GZHAN YOD DGOS ZHAS PA'I SKYON MI STON LA, SKYE BAS 'DUS BYAS SU MTSAN PA LA DE 'DUS BYAS YIN NA DER MTSON PA'I MCHAN NYID GZHAN DGOS ZHES SMRA PA'I RGYU MTSAN NI, SRA BAS NI RANG GI MTSAN GZHI SA'I KHAMS SU MTSON PA NA RANG DANG NGO BO THA MI DAD DU MTSON PA YIN LA, SKYE BAS RANG GI MCHAN GZHI 'DUS BYAS SU MTSON PA NA RANG GI MTSAN GZHI LAS RDZAS GZHAN GYI TSUL GYIS MTSON PA'I PHYIR RO, ,CI STE SKYE BA 'DUS MA BYAS YIN NA NI SKYE BA DE JI LTAR NA 'DUS BYAS KYI MTSAN NYID YIN ZHES PA MIN TE NAMMKHA' BZHIN NO, , 'GREL PA LAS SKYE BA LA MCHAN NYID GZHAN GSUM MI 'DOD NA DE GSUM DANG BRAL BA'I PHYIR 'DUS BYAS KYI MCHAN NYID MIN PAR 'GYUR ZHES KYANG GSUNGS TE, 'OG NAS 'DI 'GREL PA MKHAN GYIS BRJOD PA YIN GYI RTZA BA MKHAN POS BRJOD PA

092b

MIN PAR GSUNGS PAS ZHAR BYUNG NGO, ,SANGS RGYAS BSKYANGS KYIS NI BSHAD TSUL GZHAN GYI SGO NAS 'CHAD PAR MJAD DO, ,SKYE BA LA GSUNGS PA NI GNAS PA DANG 'JIG PA GNYIS KYANG MTSON PA YIN TE, GAL TE GNAS PA 'DUS BYAS NA, ZHES SOd SU 'DON PA SPA'O, ,GNYIS PA NI, GZHAN YANG SKYE BA LA SOGS PA 'DUS BYAS KYI MTSAN NYID DU RTOG NA RE RE MTSAN NYID YIN NAM 'DUS PA MTSAN NYID YIN ZHES BRTAG PA MDZAD DE, DE'I DON NI SKYE BA LA SOGS PAS RE RE NAS RIM GYIS MTSON NAM DUS CIG CAR DU MTSON ZHES PA'O, ,DE LA SKYE BA DANG LA SOGS KYIS BSDUS PA GNAS PA DANG 'JIG PA GSUM SO SO YIS TE RE RE NAS RIM GYIS 'DUS BYES SU MTSON PA'I MTSAN NYID BYA BAR NI NUS PA MIN TE, 'DI LTAR SKYE BA'I DUS NA GNAS 'JIG GNYIS MED NA NAMMKHA' LTAR SKYE BA MED PA DANG, GNAS PA'I DUS NA SKYE 'JIG GNYIS MED NA NAMMKHA'I ME TOG LTAR DNGOS PO GNAS PA MED LA, RANG GRUB PA'I DUS LAS DUS GNYIS PAR GNAS NA PHYIS KYANG MI 'JIG PA DANG PHYIS 'JIG NA DNGOS PO GCIG RTAG MI RTAG GNYIS KAR 'GYUR PA MI RIGS PA DANG, 'JIG PA'I DUS NA SKYE GNAS GNYIS MED NA NA MKHA'I ME TOG PA BZHIN 'JEG PA MED PA'I PHYIR RO, ,BYE BRAG TU SMRA PA RNAMS GZUGS LA SOGS PA'I MTSAN GZHI'I DNGOS PO RNAMS LA MCHAN NYID BZHI DUS GCIG TU YOD KYANG DANG POR SKYE BA'I BYA BA DANG DE NAS GNAS PA DANG DE NAS RGA BA DANG DE NAS 'JIG PA'I BYA BA RIM CAN DU 'JUG PAR 'DOD PA LA, DE LTA NA SKAD CIG MAR SMRA BA LA GNOD DO ZHES MDO SDE PAS

093a

, ,SMRAS PA'I LAN DU, KHO BO CAG GIS SKAD CIG MA NI BYA BA DE BZHI RDZOGS PA LA BYED DO ZHES MDZOD 'GREL LAS BSHAD PAR 'DIR 'GOG GO, DE YANG SKYE BA LA SOGS PA'I MTSAN NYID YOD BZHIN DU RANG RANG GI BYA BA MI 'JUG PA 'GAL BAS BYA BA MI 'JUG NA DE DAG KYANG MED PA'I PHYIR SKYON DE RNAMS 'JUG GO ,GAL TE PHYOGS GNYIS PA LTAR SMRA NA'ANG MI RIGS TE, DNGOS PO GCIG LA DUS GCIG TU SKYE GNAS 'JIG PA 'DUS PA STE TSOGS PA RANG GI MTSAN NYID KYIS YOD PA YANG NI JI LTAR RUNG ZHES PA MI RUNG STE, DE LTAR 'DUS PA PHAN TSUN 'GAL BA'I PHYIR CHAGS BREL DANG CHAGS PA DANG SNANG MUN BZHIN NO, ,THA SNYAD DU DE GSUM GZHI GCIG LA DUS GCIG TU 'DUS PA MI 'GAL YANG RANG GI MTSAN NYID KYIS SAM DON DAM PAR YOD NA 'GAL PA YIN TE, 'DI LTAR GNAS PA RANG GI MTSAN NYID KYIS YOD NA RANG GRUB PA'I DUS LAS DUS DUS GNYIS PAR YANG SDOD DGOS PAS DUS GNYIS PAR ZHIG PA'I 'JIG PA MI 'THAD PA'I PHYIR RANG DUS NA 'GAG BZHIN PA'I 'JIG PA YANG MED DO, ,DE'I PHYIR GNAS PA'I BYA BA YOD PA'I DUS SU 'JIG PA'I BYA BA 'GAL BA SNANG MUN BZHIN DU 'GYUR RO, ,SKYE BA RANG GI MTSAN NYID KYIS YOD NA SLAR YANG SKYE DGOS PAS SKYE BA'I BYA BA DANG LDAN PA'I DUS SU 'GAG BZHIN PA'I 'JIG PA DANG LDAN PA 'GAL BA YIN TE, SKYE BA LA MNGON DU PHYOGS PA YIN NA MA 'ONGS PA DANG 'GAG PA LA MNGON DU PHYOGS PA YIN NA DA LTAR PA YIN PA'I PHYIR RO, ,'DI NI SKYE GNAS 'JIG PA BYA BA'I NGO BOR BYAS NAS SNGON MED GSAR DU BYUNG BA SKYE BA DANG

093b

SNGA MA'I RIGS 'DRA GNAS PA GNAS PA DANG DUS GNYIS PAR MI SDOD PA 'JIG PA DANG SKAD CIG SNGA MA LAS PHYI MA MTSAN NYID MI 'DRA BA NI RGA BA YIN ZHES MDO SDE PA LA SOGS PAS RANG GI MTSAN NYID KYIS DUS GCIG TU GRUB PAR 'DOD PA 'GOG PA'O, ,BYED PA POR KHAS BLANGS NAS DUS GCIG TU BYA BA 'JUG PAR SMAN NI DE LTAR 'JUG PA 'GAL PA RTOGS PAR SLA'O, ,'DI YANG BUDDHA B'A LA TE LAS 'CHAD TSUL GZHAN GYIS BSHAD DO, ,GSUM PA LA GNYIS, THAL BA DGOD PA DANG, SKYON SPONG GI LAN DGAG PA'O, , DANG PO NI, GAL TE SKYE BA LA SOGS PA LA MTSAN NYID GZHAN YOD DAM MED MTSAN NYID GZHAN YOD PAR SNGAR BSHAD PA LTAR 'DOD NA NYES BCI YOD CING MTSAN NYID GZHAN MED NA'ANG NYES BA CI ZHIG YOD CE NA, GAL TE SKYE BA DANG GNAS PA DANG 'JIGS RNAMS LA 'DUS BYAS SU MTSON PA'I MTSAN NYID RANG LAS RDZAS GZHAN ZHIG NI YOD NA, DE DAG LA YANG MTSAN NYID GZHAN DANG GZHAN BRTAG DGOS PAS THUG MED DU 'GYUR LA, DE 'DOD NA RTZA BA'I MTSAN NYID MI 'GRUB PO, ,DE GSUM LA RANG LAS RDZAS GZHAN GYI MTSAN NYID MED NA NI GSUM PO DE DAG 'DUS BYAS MIN PAR 'GYUR TE, GZUGS SOGS 'DUS BYAS SU MTSON PA LA RANG LAS RDZAS GZHAN GYI MTSAN NYID KYI SGO NAS MTSON DGOS PA'I PHYIR RO, ,GAL TE SKYE SOGS LA MTSAN NYID GZHAN YOD MED GNYIS KA LA SNGAR SKYON BRJOD ZIN PAS ZLOS BU BRJOD PAS CI ZHIG BYA SNYAM NA, SNGAR MTSAN NYID GZHAN MED NA 'DUS MA BYAS SU 'BYUR PA'I SKYON BRJOD BYAS PA NI 'GREL PA MKHAN GYIS YIN GYI SLOB DPON GYIS GSUNGS PA MIN LA, MTSAN

094a

, ,NYID GZHAN MED NA 'DUS BYAS KYI MTSAN NYID MA YIN PAR 'GYUR ZHES PA YANG SLOB DPON GYIS DNGOS SU DE LTAR MDZAD LA, RTZA BA'I DON DE LTAR BSHAD KYANG SKYON BRJOD TSUL SNGAR DANG MI 'DRA BA GZHAN STON PAS MI ZLOS SO, ,GZHAN YANG SNGAR NI GTZO BO YIN PAS SKYE BA GCIG PU LA SKYON BRJOD LA 'DIR NI GSUM GA LA SKYON BRJOD PAS KHYAD PAR YOD DO, ,MED NA DE DAG 'DUS BYAS MIN, ,ZHES GSUNGS PA NI MTSAN NYID GZHAN MED NA 'DUS BYAS MIN PAR STON PA YIN LA SNGAR NI SKYE BA 'DUS BYAS MIN NA 'DUS BYAS KYI MTSAN NYID MIN PAR STON PAS MI ZLOS SO, ,'GREL PAS YANG NA ZHES BSHAD PA MI 'DRA BA GSUM MDZAD PA NI SGO 'DI NAS KYANG MI ZLOS ZHES MI ZLOS PA'I SGO MANG PO STON PA YIN GYI, GZHUNG GI DON MA NGES PA'I YANG NA ZHES PA MIN PAS SKABS GZHAN DE YANG DE LTAR NGES PAR BYA'O, ,GNYIS PA LA GNYIS, THAL PA DANG PO'I SKYON SPONG DGAG, THAL BA GNYIS PA'I SKYON SPONG DGAG PA'O, ,DANG PO LA GNYIS, SKYON SPONG BRJOD, DE DGAG PA'O, ,DANG PO NI, MANG POS BKUR PA PA DAG SKYE BA LA SOGS PA RNAMS LA SKYE BA'I SKYE BA LA SOGS PA YOD PAS 'DUS MA BYAS SU THAL BA'I SKYON MED LA, THUG MED DU YANG MI 'GYUR TE RTZA BA'I MTSAN NYID DANG RJES SU MTHUN PA'I MTSAN NYID RNAMS PHAN TSUN SGRUB PAR BYED PA'I PHYIR RO, ,'DI LTAR 'DUS BYAS KYI CHOS DGE BA 'AM NYON MONGS CAN ZHIG SKYE BA NA RANG DANG BCO LNGA SKYE STE CHOS DE DANG DE'I SKYE BA DANG LDAN PA DANG GNAS PA DANG RGA PA DANG MI RTAG PA DANG, CHOS DE NYON MONGS CAN YIN NA DE'I

094b

LOG PA'I RNAM PAR GROL BA DANG, DGE PA YIN NA DE'I YANG DAG PA'I RNAM PAR GROL BA DANG, NGES PAR 'BYUNG PA YIN NA DE'I NGAS PAR 'BYUNG BA NYID DANG NGES PAR 'BYUNG BA MA YIN NA DE'I NGES PAR 'BYUNG BA MA YIN PA NYID DO, ,DE LA DGE BA 'AM NYON MONGS CAN GYI CHOS DE NI GTZO BO YIN LA, DE'I SKYE BA NAS MI RTAG PA'I PAR LNGA DANG LOG PA'I RNAM GROL LA SOGS PA ZUNG GNYIS KYI DANG PO DANG THA MA GANG RUNG STE BDUN NI 'KHOR DANG, SKYE BA'I SKYE BA NAS NGES 'BYUNG MA YIN PA'I NGES 'BYUNG MA YIN PA'I BAR BDUN NI 'KHOR GYI 'KHOR RO, ,NGES PAR 'BYUNG ME 'BYUNG NI 'KHOR PA LAS 'BYUNG MI 'BYUNG NGO, ,DE LA SKYE BA'I SKYE BAS RTZA BA YI SKYE BA 'BA' ZHIG SKYED PAR BYAD LA, RTZA BA'I SKYE BAS NI SKYE BA YI SKYE BA SKYED PAR BYED DO, ,'ANG GI SGRAS NI RANG MA GTOGS PA'I CHOS GZHAN BCU GSUM SKYED PA BSDU STE BCU BZHI SKYED DO, ,DE BZHIN DU RTZA BA'I LDAN PA NAS NGES 'BYUNG MIN PA'I BAR DRUG GIS RANG RANG MA GTOGS PA BCU BZHI BCU BZHI LDAN PA NAS NGES PAR 'BYUNG BA MA YIN PAR BYED LA, MTHUN PA'I LDAN PA NAS MTHUN PA'I NGES 'BYUNG MIN PA'I BAR DRUG GIS NI RTZA BA'I LDAN PA NYID LDAN PAR BYED PA NAS RTZA BA'I NGES 'BYUNG MIN PA KHO NA NGES PAR 'BYUNG BAR MI BYED DO, ,NGES PAR 'BYUNG BAR MI BYED PA NI MYANG 'DAS 'THOB PAR MI BYED PA'O, ,CHOS BCO LNGA'I CHUL 'DI NI 'GREL CHEN GSUM GAR 'BYUNG LA SHES RAB SGRON MA LAS GNAS MA BU'I SDE PAS DE LTAR 'DOD PAR BSHAD DO, ,MDZED LAS SKYE GNAS RGA BA 'JIG PA BZHI DANG MTHUN PA'I MTSAN NYID BZHI DANG CHOS DANG BCAS PAS

095a

, ,DGU LA RTZA PA'I SKYE BA LA SOGS PA BZHI RANG MA GTOGS PA CHOS BRGYAD DANG SKYE BA'I SKYE BA LA SOGS PA BZHI RTZA BA'I CHOS RE RE LA BYED PA 'JUG PAR BSHAD PA NI KHA CHE BYE BRAG TU SMRA BA'I LUGS SO, ,MANG BKUR BA'I LUGS KYIS KYANG MTHUN PA'I MTSAN NYID RNAMS CHOS RE RE LA 'JUG KYANG RTZA BA'I MTSAN NYID RNAMS CHOS BCU BZHI RE LA 'JUG GO, DE'I PHYOGS SNGA BRJOD PA NA LDAN PA LA SOGS PA YANG BRJOD DGOS LA MTSAN NYID PHAN TSUN SGRUB PA'I SUN 'BYIN NI LDAN PA LA SOGS PA PHAN TSUN SGRUB PA LA YANG 'DRA BAR BSTAN PAR BZHED NAS DE DAG GI PHAN TSUN SGRUB TSUL YANG PHYOGS SNGAR BRJOD DO, ,'DI LA KHA CIG MDZOD LAS, DE CHOS BRGYAD DANG GCIG LA 'JUG, CES PA NI RGA BA ZUR DU BRTZIS PA YIN LA 'DIR GNAS PA RNYING PA RGA BAR BRJOD PA DE GNAS PAR BSDUS PA YIN PAS 'GREL BAS CHOS DANG BCO LNGAR BSHAD PA RTZA BA'I DON LA MI SNANG NGO ZHES SMRA BA NI PHYOGS GCIG TZAM MTHONG BA LA BRTEN NAS GZHAN MED PAR SMRA PA'O, ,GNYIS PA NI, GAL TE SKYE BA'I SKYE BAS RTZA BA'I SKYE BA SKYED PAR BYED PA KHYOD KYI LUGS YIN LA, RTZA BA'I SKYE BAS SNGAR MA BSKYED PA'I SKYE BA'I SKYE BA DES JI LTAR NA RTZA BA'I SKYE BA DE NI SKYES BAR BYED DE MI BYED DE, KHYOD KYI LTAR NA SKYE BA'I SKYE BA DE RTZA BA'I SKYE BAS SKYED DGOS PA'I PHYIR RO, ,DE LA GAL TE KHYOD KYI LUGS KYIS RTZA BA YIS BSKYED PA'I SKYE BA'I SKYED PA DE YIS RTZA BA SKYED PAR SMRA NA SKYE BA'I SKYE BA DES SNGAR MA BSKYED PA'I RTZA BA DES JI LTAR NA SKYE BA'I SKYE BA DE NI SKYED PAR BYED DE MA BYED DE, RTZA BA DE SKYE BAS SKYE BAS SKYED DGOS PA'I

095b

PHYIR RO, ,DE YI PHYIR DE GNYIS PHAN TSUN SGRUB PA MI 'THAD PAS THUG MED SO NA GNAS SO, ,GAL TE DE GNYIS SNGAR SKYES PAS PHAN TSUN DU MI SKYED KYANG DE GNYIS SKYE BZHIN PAS PHAN TSUN DU SKYED DO ZHE NA, GAL TE RANG NYID MA SKYES PAS MA SKYES PA GZHAN DE SKYED PAR NI BYED NUS NA KHYOD KYI SKYE BZHIN PA GNYIS PO DE YIS PHAN TSUN DE GNYIS NI SKYED PAR NI 'DOD LA RAG PA ZHIG NA, SKYE BZHIN PA'I MYU GU LA SOGS PA NI MA 'ONGS PA YIN PA LA DE YANG MA SKYES BAR JI LTAR GZHAN SKYED PAR 'GYUR TE 'DI NI MI RIGS SO, ,DE LTAR SKYE BA DANG SKYE BA'I SKYE BA LA TSUN 'BYIN BRJOD PA NI MTSON PA TZAM YIN PAS GNAS PA LA SOGS PA DRUG LA YANG DE'I 'DON PA BSGYUR LA DGAG PAR BYA'O, ,GNYIS PA LA GNYIS, SKYON SPONG BRJOD, DE DGAG PA'O, , DANG PO NI, GAL TE GANG KHAS BLANGS PA LAS THUG MED DU 'GYUR BA SKYE BA LA SOGS PA LA MTSAN NYID GZHAN YOD PA MIN LA DE MED KYANG 'DUS MA BYAS SU YANG MI 'GYUR RO, ,'O NA CI ZHE NA, JI LTAR TE DPER NA MAR ME NI SNANG BA'I BDAG NYID YIN PA'I PHYIR RANG DANG BUM PA LA SOGS PA GZHAN SNANG BAR BYED PA DE BZHIN DU, SKYE BA'ANG SKYE BA'I RANG BZHIN YIN PA'I PHYIR RANG DANG GZHAN GYI DNGOS PO GNYIS KA SKYED PAR BYED PA YIN NO ZHA NA, GNYIS PA LA GNYIS, DPE DGAG, DON DGAG PA'O, ,DANG PO LA GNYIS, DAM BCA' LA GNOD PA BRJOD PAS DGAG , GTAN TSIGS MA NGES PAR BSTAN PAS DGAG PA'O, ,DANG PO NI, SNANG BAR BYED PA NI MUN PA SEL BAS YIN NA MUN PA GANG SEL BAS RANG GI GSAL BYED DU 'GYUR BA MANG ME LA NI MUN

096a

, ,PA MED DE 'GAL BA'I PHYIR RO, ,DANG PO NI ZHES PA NI MUN PA MED GZHI GNYIS STON PA'I DANG PO 'DI DANG ZHES PA'I DON NO, ,MUN PA GANG SEL BAS MAR MES GZHAN GSAL PAR BYED PA YUL GANG DAG NA MAR ME DE 'DUG PA STE DE'I 'OD KYIS NON PA DE NA'ANG MUN PA MED DO, ,DE'I PHYIR MAR MES RANG DANG GZHAN CI ZHIG SNANG BAR BYED DE MI BYED DO, ,GAL TE MAR MES MUN PA BSAL BA RANG BZHIN GYIS MED NA MAR ME DANG DES NON PA'I YUL NA MUN PA MED BA ZHES BRJOD PAR MI RIGS TE, MAR ME SKYE BZHIN PAS MUN PA BSAL BA NYID KYIS MAR ME DANG DES NON PA'I YUL NA MUN PA MED PAR SONG PA'I PHYIR TE, MAR MES MUN PA MA BSAL NA NI MI 'BAR BA'I DUS BZHIN DU 'BAR BA NA'ANG BUM PA LA SOGS PA DMIGS PAR MI 'GYUR RO, ,DE'I PHYIR MAR ME LA MUN PA SEL BA'I SNANG BYED YOD LA DE YANG MAR ME SKYE BZHIN PAS BYAS SO ZHE NA, SNANG MUN GNYIS YUL GCIG NA DUS GCIG TU MED PA'I PHYIR DE GNYIS PHRAD PA MED LA DE'I PHYIR, GANG GI TSE MAR ME SKYE BZHIN PA DANG MUN PA GNYIS PHRAD PA RANG GI MTSAN NYID KYIS MED PA DE'I TSE, JI LTAR TE RNAM PA GANG GI MAR ME SKYE BZHIN PAS MUN PA SEL BAR BYED PA RANG GI MCHAN NYID KYIS YOD PA MA YIN ZHES BRTAG PAR MI RIGS SO, ,THA SNYAD DU MAR MES MTHUN PA SEL BAR 'DOD PA LA YANG MAR ME SKYE BZHIN PA DANG MUN PA GNYIS PHRAD PA DGOS MOD KYANG, MAR ME SKYE BZHIN PA'I DUS NA MAR ME MED PAS MUN PA DANG PHRAD MI DGOS SO, ,MAR MES MUN PA SEL BA RANG GI MTSAN NYID KYIS GRUB PAR 'DOD PA LTAR NA MAR ME SKYED BZHIN PA

096b

DANG MUN PA PHRAD NA DE'I DUS SU MAR ME 'OD DGOS PAS DE MED PA'I PHYIR, MAR ME SKYE BZHIN PA DANG YANG MI PHRAD PAS MAR MES MUN PA SEL PA MI 'THAD PAR STON PA'I RIGS PA'O, ,CI STE YE SHES KYIS MA RIG PA MA PHRAD PA KHO NA 'JOMS SHING MIG GIS GZUGS MA PHRAD PA NYID MTHONG PA DANG, NOR BU KHAB LEN GYIS LCAGS MA PHRAD PA KHO NA 'DREN PA BZHIN DU MAR MES KYANG MA PHRAD PA'I MUN PA SEL LO SNYAM NA, GAL TE MAR ME DANG MUN PA PHRAD PA MED PAR YANG MAR MES MUN BA SEL BA RANG GI MTSAN NYID KYIS YOD PA? SMRIN, 'DI NI GNAS PA'I MAR ME DES 'JIG RTEN NE COG KUN NA GNAS PA'I MUN PA SEL BAR 'GYUR TE NYE BA NA GNAS PA BZHIN NO, ,'DIS NA YE SHES KYIS MA RIG PA 'JOMS PA SOGS KYANG BSGRUB BYA DANG MTSUNGS PAR SHES PAR BYA'O, ,'DI NI RANG MTSAN GYIS GRUB NA BSAL BYA DANG SEL BYED NGES PA CAN MI RUNG BAS GCIG SEL NA KUN SEL LA KUN MI SEL NA GCIG KYANG MI SEL BA'I RIGS PA STE, RANG MTSAN GYIS GRUB PA'I SKYE BA 'DOD NA THAMS CAD LAS SKYE BAR 'PHEN PA DANG 'DRA'O, ,CI STE MA PHRAD KYANG KHAB LEN LA SOGS PAS RUNG PA'I YUL NA GNAS PA KHO NA 'DREN PA LA SOGS PA BYED PAS SKYON DE MED DO ZHE NA, MA PHRAD NA YUL RUNG PA NA GNAS MI GNAS NYID KYANG MI 'GRUB PAS SNGA MA DANG 'DRA'O, ,GAL TE 'JIG RTEN NAM PHRAD KYANG SEL MI SEL DANG 'DREN MI 'DREN SOGS KYI KHYAD PAR MTHONG NGO ZHE NA, KHYOD KYIS PHRAD MA PHRAD LA SOGS PA'I DPYAD PA BCUG NAS MER ME LA SOGS PA LA SNANG BAR BYED PA LA SOGS PA 'DOD PA LTAR 'JIG RTEN NA MA MTHONG STE,

097a

, ,'JIG RTEN NI DE 'DRA'I DPYAD PA MI 'JUG PAR MAR MES MUN PA SEL BA DANG MIG GIS GZUGS MTHONG BA SOGS 'DOD PA'I PHYIR RO, ,YANG NA 'JIG RTEN GYIS DE LTAR MTHONG DU CHUG KYANG DE KHO NA NYID RNAM PAR DPYOD PA LA 'JIG RTEN TSAD MA MA YIN PA'I PHYIR DES MI GNOD DO ZHES BSHAD DO, ,LAN DE DAG GIS NI MAR MES MUN PA SEL BA DANG MIG GIS GZUGS MTHONG BA SOGS RIGS PAS DPYAD BZOD DU 'DOD PA BKAG LA DE YANG 'JIG RTEN PAS MI 'DOD PAS 'JIG RTEN GYI MTHONG PA DANG MI 'GAL BA DANG, YANG DE RNAMS BKAG PA NI DE KHO NA NYID DU GRUB PA BKAG PA YIN LA 'JIG RTEN GYI MTHONG BA DE LA TSAD MA MIN PAS DES MTHONG DU CHUG KYANG MI GNOD CES BSTAN PAS, MAR MES MUN PA SEL BA DANG KHAB LEN GYIS LCAGS 'DREN PA SOGS DON DAM PAR GRUB NA MA PHRAD PAR MTSUNGS PA LA SEL MI SEL LA SOGS PA'I KHYAD PAR MED PAR 'PHEN GYI SPYIR DE LTAR 'PHEN PA MIN NO, ,DE LTAR NA 'JIG RTEN PA'I THA SNYAD KUN RDZOB TU KHAS LEN PA LA YIN TSUL DPYOD PA'I RIGS PAS DPYOD PAR MI RIGS KYANG DE KHO NAR GRUB MA GRUB DPYOD PA NA RIGS PA'I DPYOD PA GZHUG DGOS TE DE MA BYAS NA RIGS PA DANG BRAL PA'I PHYOGS DON DAM PAR KHAS LEN PA'I PHYIR RO, ,DPYOD TSUL YANG 'JIG RTEN GYIS KHYOD KYIS CHE GE MO MTHONG NGAM MA MTHONG KHAB LEN GYIS LCAGS DE DRANGS SAM MA DRANGS ZHES PA LTA BU ,MTHONG BYA MTHONG BYED LA SOGS PA DON LA JI LTAR YOD DPYOD PA MIN PAR DON LA MA BRTAG PA'I DPYOD PA LA MI ZER GYI CHOS RNAMS

097b

DON GYI NGO BOS YOD MED SOGS DPYOD PA'O, ,GNYIS PA LA GSUM, DNGOS KYI DON BSTAN PA, SNGAR BSHAD PA RNAMS KYI SHES BYED DGOD PA, SHES BYED KYI MDO'I DON BSHAD PA'O, ,DANG PO NI, GAL TE SNANG PA'I BDAG NYID YIN PAS MAR MES RANG BZHIN GYI DNGOS PO GNYIS SNANG PAR BYED PAR 'GYUR NA SGRIB PA'I BDAG NYID YIN PA'I PHYIR MUN PA'ANG RANG DANG GZHAN GYI DNGOS PO GNYIS KA SGRIB PAR BYED PAR 'GYUR BAR THE TSOM MED DO, ,MUN PAS RANG NYID BSGRIBS NA NI MUN PA DE NYID MTHONG PAR MI 'GYUR TE BUM PA BZHIN NO, ,DE LTAR NA MUN PAS RANG SGRIB PA DANG MAR MES RANG GSAL BAR BYED PA NI BDEN PA GNYIS KAR MED PA LA, MUN PAS GZHAN SGRIB PA DANG MAR MES GZHAN GSAL BAR BYED PA NI THA SNYAD DU YOD KYI DON DAM PAR MED DO, ,GNYIS PA NI ;DE'I PHYIR NYE BAR 'KHOR GYIS ZHUS PA LAS, SHIN TU DGA' BA'I BSTAN PA 'DI LA NI, ,KHYIM PA'I RTAGS SPANGS RAB TU BYUNG GYIS LA, ,'BRAS BU YOD PA'I MCHOG TU 'GYUR GYIS ZHES, ,THUGS RJE CAN GYIS DE SKAD BSTAN PA'ANG MDZAD, , KHYIM PA'I RTAGS SPANGS RAB TU BYUNG GYUR NAS, ,'BRAS BU THAMS CAD THOB PAR GYUR KYANG NI, ,CHOS KYI RANG BZHIN DAG LA GZHAL BYAS NA, ,'BRAS BU KUN MED 'BRAS BU THOB PA'ANG MED, ,'ON KYANG 'BRAS BU THOB PA THOB 'GYUR BA, ,KYE MA MI MCHOG THUGS RJE LDAN PA YI, ,RGYAL PAS RIGS PA SHIN TU LEGS BSHAD CES, ,DE DAG NGO MTSAR CHE BA SKYE BAR 'GYUR, ,ZHES GSUNGS SO, ,'DIS RANG BZHIN LA DPYAD NA THOB BYA'I 'BRAS BU DANG THOB BYED KYI GANG ZAG DANG DES DE THOB PA MED KYANG

098a

, ,'BRAS BU THOB PA YOD PA NI SHIN TU NGO MCHAR RO SNYAM NAS ,RGYAL PA LA GUS PA CHEN PO SKYE BAR GSUNGS LA, 'BRAS BU THOB PA NI PHRAD PA'I DON YANG YIN PAS PHRAD PA RANG GI NGO BOS MED PA DANG DE NYID LA PHRAD THOB 'JOG PA'I KHUNGS SO, , DKON MCHOG BRTZEGS PA LAS KYANG ,DPER NA KHYIM DU MI 'GA' LA LA YIS, ,YUN RING LON NAS MAR ME BUS BYAS NA, ,DE LA MUN PA BDAG GNAS RING LON GYIS, ,DE NAS MI 'GRO SNYAM DU SEMS PA MED, ,MAR ME BYUNG NA MUN PA MUN NAG LA; MED PAR MI 'GYUR PA YI NUS PA MED, ,MAR ME BRTEN NAS MUN PA MED PAR 'GYUR, ,GNYIS KAR STONG LA RLOM SEMS CI YANG MED, CES SNANG MUN GNYIS KA RANG BZHIN GYIS STONG PA DANG DE LA BSAL BY SEL BYED 'THAD PA'I TSUL DPER BRJOD NAS DON LA SBYAR BA NI, DE BZHIN ZAG MED 'PHAGS PA'I YE SHES BRTEN, ,MI SHES NYON MONGS BSAGS PA MED PAR 'GYUR, ,YE SHES DANG NI NYON MONGS BRTAG PAR YANG, ,DE DAG LAN 'GA' CAM YANG 'GROGS PA MED, ,YE SHES MI SHES MI BYA MI SEMS KYANG, ,YE SHES BRTEN NAS MI SHES MED PAR 'GYUR, ,GNYIS KA GZUNG MED NAMKHA'I ME TOG BZHIN, ,DE BZHIN YE SHES MI SHES GNYIS KA STONG, ,ZHES GSUNGS SO, ,DE LA MAR MES MUN PA SEL BA RANG BZHIN GYIS STONG PA'I KHUNGS LA DPE'I SKABS RNAMS DRANGS PAS CHOG MOD KYANG DON GYI SKABS RNAMS DRANGS PA NI, GNYEN POS SPANG BYA SPONG TSUL MAR MES MUN PA SEL BA BZHIN DU RTAGS PAR BYA BA'I DON DU'O, ,GSUM PA NI, GAL TE GNYEN PO YE SHES KYIS SPANG BYA SPONG BA

098b

MAR MES MUN PA SEL BA DANG 'DRA NA DE'I TSUL JI LTAR YIN SNYAM NA, YUL GCIG NA SNANG PA SKYE BA LA MNGON DU PHYOGS PA'I SKYE BZHIN PA DANG, MUN PA 'GAG PA LA MNGON DU PHYOGS PA GNYIS DUS MNYAM PAS SNANG PA SKYES PA DANG MUN PA 'GAGS PA GNYIS KYANG DUS MNYAM MO, ,DE LTAR NA YUL DE NA MAR ME'I DUS NA DE'I BSKAL BYA'I MUN PA MED KYANG MAR ME MUN PA'I SEL BYED DU MI 'GAL TE, SKAD CIG MA SNGA MA'I DUS NA PHYI MA MED KYANG SNGA MA PHYI MA'I SKYED BYED YIN PA MI 'GAL BA BZHIN NO, , DE BZHIN DU RGYUD GCIG LA GNYEN PO ZAG MED KYI YE SHES DANG DE'I SPANG BYA GNYIS DUS GCIG TU MED PA NI ,DE DAG LAN 'GA' CAM YANG 'GROGS PA MED, CES GSUNG PAS BSTAN NO, ,DE LTA NA'AN GNYEN PO DAS SPANG BYA SPONG PA MI 'GAL BA NI YE SHES BRTEN NAS MI SHES MED PAR 'GYUR, ZHES PA'I DON TO, ,DE'I PHYIR MTHONG LAM GYI BAR CHAD MED LAM DANG DE'I SPANG BYA MTHONG SPANG GNYIS RGYUD GCIG LA DUS GCIG TU MED KYANG LAM DE SPANG BYA DE SPONG BZHIN PA YIN LA, SGOM LAM PAR CHAD MED LAM GYIS RANG GI SPANG BYA'I SGOM SPANG SPONG PA YANG DE DANG 'DRA'O, ,GAL TE GNYEN PO ZAG MED KYI BAR CHAD MED LAM SKYES PA NA DE'I NGO SKAL GYI SPANG BYA MED NA YE SHES LA BRTEN NAS MI SHES PA MED PAR 'GYUR BAR GSUNGS PA MI 'THAD DE, YE SHES KYI DUS NA SPANG BYA DE MED PAR SONG ZIN PA'I PHYIR RO ZHE NA, 'DIR SPANG GNYEN SNANG MUN DANG 'DRA BAR GSUNGS PAS THAD KA THAD KA'I GNYEN PO SKYE BA LA MNGON DU PHYOGS PA DANG DE DANG DE'I SPANG BYA 'GAG PA LA MNGON DU PHYOGS PA GNYIS DUS MNYAM PAS GNYEN PO

099a

, ,SKYES PA DANG SPANG BYA 'GAGS PA YANG DUS MNYAM MO, ,DE LTAR YIN KYANG BAR CHAD MED LAM GYI DUS SU NI SPANG BYA DE SPANGS PA MIN GYI RNAM GROL LAM GYI TSE SRANGS PA YIN NO, DE'I PHYIR GNYEN PO LA BRTEN NAS SPANG BYA MED PAR 'GYUR BAR GSUNGS PA YANG 'THAD DE GNYEN PO BAR CHAD MED LAM LA BRTEN NAS DE'I SPANG BYA SPANGS PA'I RNAM GROL LAM SKYE BA'I PHYIR RO, ,DE LTA MIN PAR LAM GYI DUS DER SPANG BYA DE MED BA CAM LA SPANGS PAR 'NGOG NA SBYER LAM MNGON DU GYUR PA'I TSE MTHONG SPANG DANG MTHONG LAM MNGON DU GYUR PA'I TSE SGOM SPANG MNGON GYUR DU YOD PA 'GAL BAS SDE RNAMS PAN PAR 'GYUR RO ,DE LTAR BYAS NA THEG CHEN GYI SGOM LAM THA MA'I TSE SGOM SPANGS GI BAG CHAGS CHUNG NGU'I CHUNG NGU'I CHUNG DU MED MOD KYANG, SPANGS PA NI SPANG BYA DE LA LTOS PA'I RNAM GROL LAM KUN MKHYEN GYI YE SHES SKAD CIG DANG PA'I DUS SU YIN NO, ,GNAS NGAN LEN GYI BAG CHAGS PHRA MO SANGS RGYAS KYI SA KHO NA LA LDOG GI SNGA ROL DU MI LDOG PAR GSUNGS PA YANG SPANGS PA LA DGONGS SO, , SHES RGYUD GANG LA MTHONG SPANG DANG SGOM SPANG GI RIGS 'DRA PHYI MA GTAN NAS SKYER MI RUNG DU SONG PA NI DE DAG SPANGS PA'I DON YIN LA ,DE LA NI SPANG BYA'I SA BON GYI GNYEN PO SNGON DU 'GRO DGOS TE, SNGAR LTAR SPANGS PA'I RNAM GROL LAM NI GNYEN PO DES BYA DGOS PA'I PHYIR RO, ,SPANG GNYEN YANG LHAN CIG MI GNAS 'GAL YIN LA, LHAN CIG MI GNAS PA'I TSUL YANG TSA GRANG LTAR RGYUN 'GROGS SU MI RUNG PA'I SKO NAS MIN GYI, SNANG MUN LTAR DUS KYI SGO NAS LHAN CIG MI GNAS

099b

PA YIN PA'I PHYIR GNYEN PO ZAG MED KYI BAR CHAD MED LAM DANG DE'I SPANG BYA GNYIS RGYUD GCIG LA DUS GCIG TU MI 'JUG GO, 'O NA MTHONG LAM BAR CHAD MED LAM GYI DUS SU DE'I SPANG BYA MTHONG SPANG MED MOD KYANG SGOM SPANG GI BAG LA NYAL YOD DGOS PA ,DE'I TSE YID KYI SHES PA NI GNYIS SNANG 'KHRUL PA'I BAG CHAGS KYIS MA BSLAD PA'I ZAG MED YIN PAS DE'I NGO BOR BAG LA NYAL DE GNAS PA MI RIGS LA, DBANG SHES KYANG DE'I RTEN DU MED CING GZUGS KYANG DE'I RTEN DU MI RIGS LA KUN GZHI YANG MI 'DOD PAS DE'I RTEN MED PAR 'GYUR RO SNYAM NA, SKYON MED DE DPER NA KUN GZHI KHAS LEN PA'I LUGS LA NGAR 'DZIN PA'I RNAM PA CAN GYI NYON YID KYIS GANG LA DMIGS PA'I GZHI NYON MONGS NYID KYIS GANG LA DMIGS PA'I GZHI NYON MONGS PA'I BAG CHAGS KYI GNAS YIN PA BZHIN DU KUN GZHI KHAS MI LEN PA THAL 'GYUR PA'I LUGS LA YANG BDAG GI THA SNYAD GANG LA 'JUG PA'I GZHI TZAM ZHIG DE'I TSE SGOM SPANG GI BAG LA NYAL GYI RTEN YIN LA, DE YANG SHES PA'I RGYUD LA BTAGS PA'I NGA TZAM MAM GANG ZAG TZAM MO, ,'O NA 'JUG 'GREL LAS, GANG GIS SEMS KYI RGYUD 'BAG PAR BYED CING BSGO BAR BYED LA RJES SU BGROD PAR BYED PA DE NI BAG CHAGS TE, ZHES BAG CHAGS GANG LA BSGOS PA'I GZHI SEMS RGYUD LA BSHAD LA, GANG ZAG NI SEMS KYI RGYUN MIN PAS BAG CHAGS BSGOS PA'I GZHIR MI 'THAD DO SNYAM NA, SKYON MED DE GANG ZAG DE'I SEMS KYIS GZUGS MTHONG PAS GANG ZAG DE MTHONG PA POR 'JOG PA MI 'GAL BA LTAR, DE'I SHES RGYUN BAG CHAGS BSGO PA'I GZHI YIN PA DANG DE LA BTAGS PA'I GANG

100a

, ,ZAG BAG CHAGS KYI GZHIR 'JOG PA MI 'GAL BA'I PHYIR RO, ,TSUL DES MTHONG SPANG GI BAG LA NYAL GNAS PA'I RTEN LA SOGS PA'ANG SHES PAR BYA'O, ,SNGAR GYI PHYOGS SNGA DE KUN GZHI SGRUB PA'I RIGS PA GCAG TU BSHAD DA DE'I LAN 'DEBS LUGS KYIS GZHAN YANG DPAG PAR BYA'O, ,GNYIS PA NI, GZHAN YANG SKYE BA 'DIS RANG NYIS SKYED PAR BYED NA DAM SKYES PA'AM SKYES PA ZHIG GIS SKYES GRANG, DE LA DANG PO LTAR NA SKYE BA 'DI NI MA SKYE PAS JI LTAR NA RANG GI BDAG NYID SKYED PAR BYED DE MI BYED DE GZHAN DU NA NAMKHA'I ME TOG GIS KYANG RANG SKYED PAR 'GYUR RO, ,CI STE SKYES PAS RANG NYID SKYED PAR BYED NA SKYES ZIN NA SLAR CI ZHIG BSKYED DU YOD DE MED PA'I PHYIR SKYE BAS BDAG NYID SKYED PA MA YIN NO, ,RANG GIS RANG MI SKYED NA MTSAN NYID GZHAN DGOS LA DE LTA NA THUG MED SPONG MI NUS SHING, RANG GIS KYANG MI SKYED CING GZHAN GYIS KYANG MI SKYED PAR SMRA NA NI 'DUS MA BYAS YIN PAS, MED NA DE DAG 'DUS MA BYAS ZHES PA SO NA GNAS PAR SHES RAB SGRON MA 'GREL BSHAD DANG BCAS PA LAS BSHAD PA LAS BSHAD PA BZHIN 'THAD PAS MTSAN NYID GSUM THUN MONG DU DGAG PA 'DI NAS RDZOGS PAR BYA'O, ,SKYES DANG MA SKYES ZHES PA NAS SO SOR 'GOG PA'I MGO ZUG PA YIN TE GZHAN GNYIS KYI SO SOR 'GOG PA'I MGO 'DZUGS MTSAMS KYIS SHES SO, ,DES NA 'DI YAN CHAD DU MTSAN NYID GZHAN YOD MED GNYIS LA SKYON BRJOD PA'I SKYON SPONG 'GOG PA'I SKABS SU SKYE BA GCIG PU LAS MA SMOS KYANG DES GZHAN GNYIS KYI

100b

SKYON SPONG 'GOG PA YANG GO BAR BYA'O, ,GNYIS PA LA GSUM, SKYE BA RANG BZHIN GYIS GRUB PA DGAG ,GNAS PA RANG BZHIN GYIS GRUB PA DGAG, 'JIG PA RANG BZHIN GYIS GRUB PA DGAG PA'O, ,DANG PO LA GSUM , BSKYED BYA LA DUS GSUM DU DPYAD NAS DGAG, YOD MED GSUM DU DPYAD NAS DGAG, 'GAG BZHIN PA YIN MIN GNYIS SU DPYAD NAS DGAG PA'O, ,DANG PO LA GSUM ,THUN MAD DANG BYE BRAG TU SKYE BA DGAG, BKAG PA LA RTZAD PA SPANG, SKYE BZHIN BA KHAS LNAGS NAS KYANG DGAG PA'O, , DANG PO LA GNYIS, DUS GRU GSUM GYI SKYE BA THUN MONG DU DGAG, SKYE BZHIN PA LA BYE BRAG TU DGAG PA'O, ,DANG PO NI, SKYE BAS RANG LAS GZHAN PA YANG MI BYED DO, ,DA'I RGYU MTSAN NI SKYES PA STE SKYE BA'I BYA BA 'GAGS PA DANG, MA SKYES PA STE SKYE PA'I BYA BA MA BRTZAMS PA DANG, SKYE BZHIN PA GSUM JI LTA BUR YANG MI SKYED BA DE NI RAB BYED GNYIS PAR SONG BA DANG MA SONG BA DANG BGOM BZHIN PA LA 'GO PA BKAG PAS RNAM PAR BSHAD PA YIN NO, ,'DI LTAR SONG BA 'DAS PA LA 'GRO BA'I BYA BA MAD DE 'DAS DA LTAR GNYIS 'GAL BA'I PHYIR RO ZHES PA BZHIN DU SKYES NAS 'GAGS PA LA YANG SKYE BA'I BYA BA MED DE 'DAS DA LTAR GNYIS 'GAL BA'I PHYIR RO, ,MA SONG BA MA 'ONGS PA LA 'GRA BA'I BYA BA MED DE MA 'ONGS PA DANG DA LTAR BA GNYIS 'GAL BA'I PHYIR RO ZHES PA BZHIN DU ,SKYE BA'I BYA BA MA BRTZAMS PA'I MA SKYES BA LA YANG SKYE BA'I BYA BA MED DE MA 'ONGS PA DANG DA LTAR BA GNYIS 'GAL BA'I PHYIR RO, ,BGOM PA LA YANG 'GRO BA'I BYA BA MED DE SONG MA SONG MA SONG MA GTOGS PAR BGOM PA MI DMIGS PA'I PHYIR RO ZHE PA BZHIN

101a

, ,SKYE BZHIN PA'I DNGOS PO LA YANG SKYE BA MED DE SKYES PA DANG MA SKYES PA LA MA GTOGS PA'I SKYE BZHIN PA MED PA'I PHYIR RO, ,'DI NI SNGAR BGOM PA LA BSHAD PA LTAR SBYIR SKYES MA SKYES DNGOS 'GAL YIN YANG DA RGYU MTSAN DU BYAS NAS 'GOG PA MIN TE BRTAG PA GNYIS BYAS PA'I SKYES MA SKYES DANG, 'DI'I SKYES MA SKYES GNYIS DON GCIG DGOS LA DE GNYIS NI 'GREL PAR SKYES NAS 'GAGS PA DANG MA 'ONGS PA LA BSHAD PA'I PHYIR RO, ,DES NA SKYES NAS 'GAGS PA DANG SKYE BA'I BYA BA MA BRTZAMS PA GNYIS GANG YANG MIN PA'I SKYE BA DA LTAR BA THA SNYAD DU YOD PAS DUS SNGA PHYI GNYIS LAS MA GTOGS PA'I SKYE BZHIN PA RANG GI NGO BO NYID KYIS MED PA'I DON NO, ,DE GNYIS GANG YANG MIN PA'I SKYE BZHIN PA'I DNGOS PO LA SKYE BA'I BYA BA 'DOD NA YANG BGOM BZHIN PA LA 'GRO BA'I BYA BA YOD PA 'GOG PA'I RIGS PA RNAMS 'DON PA BSGYUR LA DGAG GO ,DE YANG DPER NA SKYE BZHIN PA'I MYU GU SKYE'O ZHES PA LA SKYE BA'I BYA BA GANG DANG LDAN PAS SKYE BZHIN PAR 'GYUR BA DANG, SKYE BA'I BYA BA GANG DANG LDAN PAS SKYED BYED DU BRJOD PA STE GZHI GNYIS KA LA SKYE BA'I BYA BA BRTEN NO, ,BYA BA YANG GCIG LAS MED LA BYA BA GCIG GZHI SE SO BA GNYIS LA BRTEN PA NI RANG GI NGO BOS GRUB PA LA MI 'THAD PAS, LAS TSIG DANG BYED TSIG GNYIS GCIG DON DANG BCAS NA CIG SHOS DON GYIS STONG PAR 'GYUR RO, ,GNYIS KA DON DANG BCAS PAR 'DOD NA SKYE BA'I BYA BA GNYIS YOD PAS BYED PA PO MYU GU YANG GNYIS SU 'GYUR RO, ,GZHUNG 'DI SLOB DPON GNYIS KAS SKYE BAS RANG LAS GZHAN PA SKYED PA

101b

'GOG PA LA SBYAR LA SNGAR MAR ME'I DPES RANG GZHAN GNYIS KA SKYED PA'I DON 'GOG PA YIN MOD KYANG THUN MONG DU 'GOG PA LA SBYAR DU MI RUNG NGO, ,GNYIS PA NI, GAL TE SKYE BZHIN PA KHO NA SKYE'I SKYES PA DANG MA SKYES PA NI MA YIN NO, ,SKYES MA SKYES LAS MA GTOGS PA'I SKYA BZHIN PA MED PA YANG MIN TE, SKYE BA'I BYA BA DANG LDAN PA LA SKYE BZHIN PAR BRJOD LA SKYE BA YANG YOD DO, ,DE LTA NA SKYE BA LA BRTEN NAS SKYE BZHIN PA 'GRUB PAS SKYE BZHIN PA KHO NA SKYE ZHING DE YANG SKYE BAS SKYED DO ZHA NA, GANG GI TSE SKYE BA YOD PA NA STE SKYE BA'I BYA BA LA BRTAN NAS SKYE BZHIN PA NGO BO NYID KYIS YOD PA 'GRUB LA SKYE BZHIN PA 'DI YANG 'BYUNG BA STE SKYE BA YIN NO ZHES SMRAS PA DE NI, MYU GU LA SOGS PA 'DI'I SKYE BA LA BRTEN NAS SKYE BZHIN PA'I MYU GU LA SOGS PA DA 'DI YIN NO ZHES SKYE BZHIN PA'I GNAS SKABS SU NGES PAR GZUNG NUS DGOS NA, MI NUS TE DE'I TSE DE DAG MA SKYES PAS DE'I MTSAN MA MI ZIN PA'I PHYIR RO, ,DES NA GNAS SKABS DER SKYE BZHIN PA'I MYU GU LA SOGS PA MED PA'I PHYIR DE DAG SKYE BA'I BYA BA YANG NGO BO NYID KYIS MED PA DE'I TSE, JI LTAR NA SKYE BA'I BYA BA LA BRTEN NAS NI MYU GU LA SOGS PA SKYE BZHIN PA RANG BZHIN GYIS YOD DO ZHES NI BRJOD PAR BYA STE BRJOD MI RIGS SO, ,GNYIS PA LA GNYIS, DUS GSUM PA'I SKYE BA BKAG PA LA RTZOD PA SPANG BA DANG, SKYE BZHIN PA LA SKYE BA BKAG PA LA RTZOD PA SPANG BA'O, ,DANG PO NI, RANG GI SDE PA DAG KYI HUD BDAG NI RGYAL BA'I GSUNG RAB 'CHAD PA'I ZOL GYIS RANG NYID GZHAN PHYOGS SUN 'BYIN PA TZAM LA MKHAS PAR STON ZHING, STON PAS GSUNGS

102a

, ,PA'I DON DAM PA'I BDEN PA RTEN CING 'BREL BAR 'BYUNG BA 'JIG PAR BYED PA KHYOD LA SHIN TU 'JIGS TE, DE BZHIN GSHEGS PAS NI 'DI YOD PAS 'DI 'BYUNG ZHES SOGS KYIS RANG BZHIN DANG DBANG PHYUG LA SOGS PA BYED PA POR SMRA BA BSAL NAS DNGOS PO'I DE KHO NA NYID STON PAR MDZAD DO, ,KHYOD KYIS NI SKYES DANG MA SKYES SKYE BZHIN PA, ,JI LTA BUR YANG MI SKYED PA, ,ZHES SOGS KYIS DE SUN 'BYIN PAR BYED PA NA RGYAL BA RNAMS BSKRUN PA'I YUM RTEN 'BREL BSAD PA YIN TE DE'I PHYIR NA DE MED PAR SMRA BA PO KHYED DANG BRTZAD PAS DE CHOG GO ZHES ZER RO, ,'DIS NI SNGAR BSHAD PA'I RIGS PA RNAMS KYIS RTEN 'BREL LA BSKYED BYA DANG SKYED BYED 'JOG PA'I RGYU 'BRAS BKAG PAR GO NAS RTZOD PA YIN NO, ,BRJOD PAR BYA STE, BDAG NI RGYAL BA'I YUM RTEN 'BREL NYAMS PAR BYED PA MA YIN GYI KHYOD NYID RTEN 'BREL ZAB MO LA MOS PA DANG BRAL BAS DE'I DON PHYIN CI LOG TU BZUNG NAS KHO BO CAG LA SMOD PA YIN TE, STON PAS 'DI LA BRTEN NAS 'DI 'BYUNG NGO ZHES DE SKAD GSUNGS PA NA CHOS THAMS CAD RANG BZHIN MED PA NYID DU GSAL BAR BSTAN TE, GANG RTEN CING 'BYUNG BA YIN PA DE NI NGO BO NYID KYIS YOD PA ZHI BA STE BRAL ZHING STONG PA YIN NO, ,'DI LTAR DNGOS PO RANG BZHIN GYIS YOD NA RANG GI NGO BO NYID KYIS RANG GI RANG BZHIN NYAMS PA MED PA 'DZIN DGOS LA DA NI GZHAN SU LA YANG LTOS PA MED PA'I PHYIR SKYE BA YANG MED PAR 'GYUR RO, ,DE'I PHYIR DNGOS PO RANG BZHIN GYIS YOD PAR KHAS BLANGS NA CEN 'BREL YOD PAR GA LA 'GYUR, DES NA KHYED KHO NAS RANG BZHIN DANG BCAS PAR KHAS BLANGS

102b

PA NA RNAM PA THAMS CAD DU DNGOS PO RNAMS KYI RTEN 'BREL LA GNOD PA BYAS PAR 'GYUR RO, ,DE'I PHYIR CHOS DANG SANGS RGYAS MTHONG BA LA YANG GNOD PA BYAS PAR 'GYUR TE, SUS RTEN CING 'BREL PAR 'BYUNG BA MTHONG BA DES CHOS MTHONG NGO, ,SUS CHOS MTHONG BA DES SANGS RGYAS MTHONG NGO ZHES LUNG LAS GSUNGS PA'I PHYIR RO, ,KHO BO CAG GIS NI SA BON ZHES PA'I RGYU LA BRTEN NAS MYU GU ZHES PA'I 'BRAS BU 'BYUNG LA DE GNYIS KA YANG RTEN 'BREL ZHI BA RANG BZHIN DANG BRAL BAR STON PA NA, RNAM PA THAMS CAD DU RGYAL BA'I YUM RTEN 'BYUNG GSAL BAR BYAS PAR 'GYUR RO RTEN 'BYUNG GANG YIN NGO BA NYID KYIS ZHI BA YIN PA DE'I PHYIR RTEN 'BREL LA NI SKYE BZHIN PA DANG SKYE BA GNYIS KA NGO BO NYID KYIS YOD PA YANG ZHI BA NYID DE KHO NA'O, ,TSIG GSAL LAS LAN DE LTAR MDZAD PAS DPYAD NAS 'GOG PA'I RIGS PA RNAMS KYIS NI RTEN 'BYUNG RGYU 'BRAS KYI TSUL LA CUNG ZAD KYANG MI GNOD PAR MA ZAD TSUL DE NYID SHIN TU GSAL BAR STON PAS RTEN 'BREL GYI NGES PA BRTAN DU GTONG BA YIN PAR SHES PAR BYA STE, RTEN 'BYUNG YIN PA RTAGS SU BYAS NAS NGO BO NYID KYIS YOD PA 'GOG PA'I PHYIR RO, ,MA DROS PAS ZHUS PA LAS KYANG, GANG ZHIG RKYEN LAS SKYES PA DE MA SKYES, ,DE LA NGO BO NYID KYIS SKYE BA MED, ,GANG ZHIG RKYEN LA LTOS PA DA STONG GSUNGS, ,GANG GIS STONG NYID SHES DE BAG YOD YIN, ,ZHES RKYEN LAS SKYES PA'I GTAN TSIGS NYID KYIS RANG BZHIN GYIS SKYE BA BKAG STE, DE YANG RKANG PA DANG POS MA SKYES ZHES GSUNGS PA'I DON NI RKANG PA GNYIS PAS NGO BO NYID KYIS SKYE BA MED CES PAS BSHAD PAS SKYE BA 'GOG PA

103a

, ,DGAG BYA'I KHYAD PAR SBYAR BA'O, ,DE NAS GSUM PAS RKYEN LA RAG LAS SHING LTOS PA RANG BZHIN GYIS STONG PA'I DON DU GSUNGS PAS NI RANG BZHIN GYIS STONG PA RTEN 'BYUNG GI DON YIN GYI DON BYED PA'I NUS PAS STONG PA MIN PAR BSTAN NO; ;MDO KUN LAS BTUS PA LAS KYANG BCOM LDAN 'DAS CHOS THAMS CAD RTEN CING 'BREL PAR 'BYUNG BAS NGO BO NYID MA MCHIS PA ,BCOM LDAN 'DAS GANG KUN NAS NYON MONGS PA'AM RNAM PAR BYANG BA DE NI BRTEN NAS 'BYUNG PA'I DON TE MA MCHIS PA'I DON TO, ,BCOM LDAN 'DAS MA MCHIS PA'I DON NI BRTEN TE 'BYUNG BA'I DON DU MKHAS PA RNAMS KYIS RTOGS TE, MKHAS PA RNAMS NI MA MCHIS PA BRTEN TA 'BYUNG BA'I DON TO SNYAM DU DE LTAR RNAM PAR MI RTOG GO, ,ZHES RIN PO CHE BSAGS PA BSTAN PA'I MDO LAS DRANGS PA LTAR SHES PAR BYA'O, ,CHIG THA MA'I DON NI RANG BZHIN GYIS STONG PA RTEN 'BYUNG GI DON YIN PA YANG THA SNYAD DU YIN PAS DE LA YANG BDEN PAR MI RTOG PA'I DON NO, ,DES NA MA MCHIS PA NI CI YANG MA MCHIS PA MIN GYI NGO BO NYID KYIS GRUB PA MA MCHIS PA YIN PAS DE LA RGYU 'BRAS THAMS CAD GZHAG TU RUNG NGO, ,GANG DAG NGO BO NYID KYIS MA MCHIS PA DANG MA MCHIS PA GNYIS LA KHYAD PAR MED PA DE DAG LA NI RANG BZHIN GYIS STONG PA'I DON NI RNAM GZHAG GANG YANG BZHAG TU MED PA'I DON DU 'GRO'I, RTEN 'BYUNG GI DON DU MI 'GRO BAS RIGS PA'I MTHAR THUG RTEN 'BYUNG GI RIGS PA RTOGS PAR BYA BA LA 'BAD PAR BYA'O, ,GNYIS PA NI, GAL TE SKYE BA YOD PA NA, ZHES SOGS NI RIGS PA MA YIN TE BUM PA 'DI SKYE BZHIN PA'O ZHES

103b

PA BUM PA DA GZOD 'BYUNG 'GYUR YIN LA, BUM PA'I SKYE BA LA BRTEN NAS BUM PA SKYE BZHIN PAR 'GYUR LA SKYE BZHIN PA DE YANG SKYE BAS SKYED PAR BYED DE ZHE NA, GAL TE BUM PA SKYES PA'I SNGON ROL DU BUM PA'I DNGOS PO MA SKYES PA 'GA' ZHIG YUL 'GA' ZHIG NA YOD PAR 'GYUR NA NI, DE SKYE BA'I BYA BA LA BRTEN NAS SKYE BAR 'GYUR BA ZHIG NA DE LTA BU'I DNGOS PO DE NI SKYES PA'I SNGON DU CUNG ZAD KYANG MED DO, ,DE MED NA NI CI ZHIG SKYE BAR 'GYUR ZHES PA MI 'GYUR TE 'DI SKYE ZHES PA'I SKYE RGYU DE SNGAR YOD PA MIN PA'I PHYIR RO, ,'DI SNGAR BDAG GI DNGOS PO YOD MIN NA ZHES PA'I SKABS SU YANG BSHAD PA NI RGYU RKYEN LA LTOS NAS SKYE BA BKAG PA YIN LA 'DIR NI 'DUS BYAS KYI MTSAN NYID DU GSUNG PA'I SKYE BAS 'BRAS BU SKYED PA BKAG PAS MI ZLOS SO, ,DES NI RKYEN BRTAG PAR SKYE BA BKAG PA DANG RAB BYED 'DIR SKYE BA BKAG PA GZHAN RNAMS MI ZLOS PA YANG SHAS PAR BYA'O, ,DE LA SKYE BAS 'BRAS BU SKYED PA DANG DE MIN PA'I RGYU RKYEN GYIS SKYED PA GNYIS GANG 'GOG PA'I SKABS SU YANG DGAG DKA' SA NI SKYE BZHIN PA'I MYU GU LA SOGS PA SKYE BA 'DI YIN TE, 'DI RANG GIS KYANG THA SNYAD DU KHAS LEN PAS PHA ROL PO'I 'DOD PA JI LTAR BKAG PA'I SPU RIS PHRA MO RNAMS MA PHYED NA, PHAR LA BKAG PA THAMS CAD RANG LA YANG MTSUNGS PAR 'GYUR BA'I PHYIR RO, ,DES NA SNAM BU SKYE'O ZHES THA SNYAD BYED PA NA SNAM BU YANG YIN LA SKYE BA YANG YIN PA 'DOD DGOS SHING DE GNYIS LA DUS SNGA PHYI BA YANG MED DO, ,SNAM BU SKYE BA THA SNYAD DU YOD PAR 'DOD PA LA NI DE GNYIS LA DUS SNGA PHYI BA MED PA MI 'GAL YANG, SNAM BU SKYE BA DON DAM

104a

, ,PAR DANG RANG GI NGO BO NYID KYIS YOD PAR 'DOD NA NI SNAM BUR GRUB ZIN PA'I 'OG TU SNAM BUR SKYE BA 'DOD DGOS PAS DE GNYIS LA DUS SNGA PHYI MED PA 'GAL BA YIN NO, ,DE'I PHYIR NA DNGOS PO MA SKYES PA ZHES SOGS KYIS SKYE BA DON DAM PAR GRUB PA 'GOG PA NA SKYE RGYU'I DNGOS PO DE SKYES PA'I SNGA ROL NAS YOD PA DA GZOD SKYE DGOS ZHES DNGOS PO GRUB PA'I DUS DANG SKYES PA'I DUS GNYIS SNGA PHYI BA 'DOD DGOS PAR BSTAN NO, ,DUS GNYIS RIM CAN DU KHAS LEN NA DGAG SLA BAS RGYU DUS NA 'BRAS BU MED PAR SMRA BA'I DNGOS SMRA BA LA DUS GNYIS SNGA PHYI BAR 'DOD DGOS LUGS STON PA DKA'O, ,DE'I TSUL NI SBYIR SKYE RGYU'I SNAM BU BYED PA PO RTEN YIN PA DANG DE'I SKYE BA DE LA BRTEN PA'I BYA BA YIN PA DANG, SNAM BU SKYE BA LA MNGON DU PHYOGS PA'I DUS SU BYED PA PO RTEN SNAM BU MED CING DE'I SKYE BA'I BYA BA YOD PAR YANG RANG GZHAN GNYIS KAS SMRA DGOS MOD KYANG, SNAM BU SKYE BA DON DAM PAR GRUB NA NI DE GNYIS RTEN DANG BRTEN PA YIN PA DE RANG GI NGO BO NYID KYIS GRUB PA'I RANG BZHIN YIN PAS DUS NAM YANG DE LA MI 'KHRUL DGOS PA'I PHYIR ,DUS DER YANG SNAM BU YOD DGOS PAS SKYES PA'I SNGA ROL DU GRUB ZIN SLAR YANG SNAM BUR SKYE DGOS PAR 'GYUR TE SNGAR YANG BSHAD ZIN TO, ,'DI MGO MJUG KUN TU 'BYUNG BA'I RIGS PA GNAD CHE BA ZHIG TU SNANG NGO, ,BUD DHA P'A LI TA DANG SHES RAB SGRON MA GNYIS KAR, RKANG PA DANG PO GNYIS 'DI DANG 'DRA ZHING PHYI MA GNYIS NI, DE NI CI PHYIR DER SKYE 'GYUR, ,YOD NA SKYE BAR MI 'GYUR RO, ,ZHES BSGYUR LA BSHAD PA YANG DE YI STENG NAS MDZAD DE

104b

'DI DANG CUNG MI 'DRA'O, ,GSUM PA NI, GZHAN YANG DE LTAR SKYE BZHIN PA SKYE BAR MI RIGS SU ZIN KYANG KHYOD KYI LUGS KHAS BLANGS NAS BRJOD PAR BYA STE, GAL TE YANG KHYOD KYI LUGS KYIS SKYE BA DE YIS NI 'BRAS BU SKYE BZHIN PA NI SKYED BAR BYED NA SKYE BA DE NI SKYE BA LTA STE GZHAN GANG ZHIG GIS NI SKYED PAR BYED PA DE BRJOD DGOS SO, ,'GREL CHEN GZHAN GNYIS SU SKYE BA DE NI SKYED BYED PA, SKYE BA YANG NI GANG ZHIG YIN, ZHES BSGYUR NAS DE DANG MTHUN PAR BSHAD PA MDZAD PA DANG TSIG GSAL YANG DON MI MTHUN PA MI SNANG BAS 'DI GNYIS 'GYUR RNYING BDE'O, ,GAL TE SKYE BA GZHAN ZHIG GIS SKYE BA DE SKYED NA DE YANG GZHAN DANG DE LA YANG GZHAN GYIS SKYED DGOS PAS THUG PA MED PAR 'GYUR RO, ,CI STE SKYE BA GZHAN MI 'DOD NA NI SKYE BA GZHAN MED PAR YANG SKYE BA YIN LA DE LTA NA DNGOS PO GZHAN THAMS CAD KYANG SKYED BYED SKYE BA GZHAN MED PAR SKYE BA DE BZHIN DU SKYE BAS MA BSKYED PAR YANG SKYE BAR 'GYUR RO, ,GNYIS PA NI, SKYE BAS RANG DANG GZHAN SKYED DO ZHES PA 'DI LA RAB BYED 'DIR SKYON MA BRJOD KYANG GONG DU BSHAD ZIN NO ZHES PA NI RE ZHIG YOD DANG MED PA YANG, ZHES RKANG PA BZHI STE GONG DU BSTAN PA NI YOD DAM MED PA'I DON LA YANG ZHES PA DANG, GANG TSE CHOS NI YOD PA DANG ZHES SOGS KYI SKABS SU'O, ,SANGS RGYAS BSKYANGS KYIS GONG DU BSTAN PA NI, RE ZHIG YOD DANG MED PA YANG, ZHES PA'I RKANG PA GNYIS KYI SKABS SU YOD PA SKYE BA DON MED PA DANG MED PA SKYE NA RI BONG GI RVA YANG SKYE BAR 'GYUR ZHES BSHAD PA NYID KYIS, YOD MED GNYIS KA'I SKYE BA DGAG PAR BYA BA LA BSHAD PA DANG YANG NA GANG TSE CHOS NI

105a

, ,YOD PA DANG, ZHES SOGS KYI SKABS LA BSHAD PA GNYIS MDZAD DO, ,GSUM PA NI, GZHAN YANG SKYE BA 'DI RTOG NA GNYIS LAS MI 'DA' LA DNGOS PO 'GAG BZHIN PA 'GAG PA LA MNGON DU PHYOGS PA'I DA LTAR BA NYID LA RTOG NA NI, DE LA SLAR YANG SKYE BA 'THAD PAR MI 'GYUR TE YOD PA'I PHYIR RO, ,'DAS PA DANG MA 'ONGS PA GANG ZHIG 'GAG BZHIN PA MA YIN PA STE 'JIG PA DANG BRAL BA LA RTOG NA, DE LA YANG RANG BZHIN GYIS SKYE BA MED DE DA NI DNGOS POR MI 'THAD PA STE DNGOS PO'I MTSAN NYID 'JIG PA DANG BRAL BA'I PHYIR RO, ,'DI NI BUM PA ZHIG PA DANG BUM PA MA 'ONGS PA BUM PA'I DNGOS POR MED PA LA DGONGS KYI DE GNYIS DON BYED MI NUS PAR BZHED PA NI MIN TE 'CHAD PAR 'GYUR RO, ,TSUL DES 'DAS PA DANG MA 'ONGS PA GZHAN YANG SHES PAR BYA'O, ,'DI LA SANGS RGYAS BSKYANGS KYIS NI KHYED KYIS DNGOS PO SKYE BZHIN PA SKYED DO ZHES SMRAS PAS, SKYE BZHIN PA'I DNGOS PO LA 'GAG PA YANG YOD DGOS TE DNGOS PO NI 'JIG PA'I MTSAN NYID CAN YIN PA'I PHYIR RO, ,DE 'DOD NA DNGOS PO 'GAG BZHIN PA LA NI SKYE BA MI 'THAD DE, SKYE BZHIN PA NI 'PHEL BAR 'GYUR BA YIN LA 'GAG BZHIN PA NI ZAD PAR 'GYUR BA YIN PA'I PHYIR RO, ,CI STE 'BRAS BU SKYE BZHIN PA'I SKABS NA 'BRAS BU 'GAG BZHIN PA MED DE SNYAM NA, DNGOS PO SKYE BZHIN PA 'GAG PAR MI 'GYUR NA SKYE BZHIN PA DE DNGOS PO MA YIN PAR 'GYUR TE 'JIG PA MED PAS DNGOS PO'I MTSAN NYID MED PA'I PHYIR RO, ,DE 'DOD NA DNGOS PO SKYE BZHIN BSKYED PAR BYED DO ZHES PA MI RIGS SHING DNGOS MED SKYE BZHIN PA

105b

MED DO ZHES PAR 'GYUR RO ZHES 'CHAD DO, ,GNYIS PA NI, GAL TE DNGOS PO RNAMS KYI SKYE BA NI RANG BZHIN GYIS YOD DE GNAS PA RANG BZHIN GYIS YOD PA'I PHYIR RO, ,GNAS PA NI SKYE BA YOD NA YOD PA'I CHOS DANG MED NA MED PA'I PHYIR GNAS PA YOD PAS SKYE BA YOD PA 'GRUB BO ZHE NA, 'DI DGAG PA LA GSUM, LAS LA DUS GSUM DU DPYAD NAS DGAG, 'GAG BZHIN PA YIN MIN LA DPYAD NAS DGAG , GNAS BYED GZHAN YOD MED DPYAD NAS DGAG PA'O, ,DANG PO NI, GNAS PA NGO BOS YOD NA GSUM LAS MI 'DA' LA DE YANG DNGOS PO GNAS ZIN PA 'DAS PA MI GNAS PA STE, DE'I TSE GANG ZHIG 'DAS PA NI GNAS PA'I BYA BA 'GAGS PA'I PHYIR RO, ,DNGOS PO MI GNAS PA MA 'ONGS PA YANG GNAS PA MIN TE DE'I TSE GANG ZHIG MA 'ONGS PA NI GNAS PA'I BYA BA DANG BRAL BA'I PHYIR RO, ,GNAS BZHIN PA YANG MI GNAS TE SNGA MA GNYIS LAS MA GTOGS PA'I GNAS BZHIN PA RANG BZHIN KYIS MED PA'I PHYIR DANG, GNAS BZHIN PA GNAS NA GNAS PA'I BYA BA GNYIS SU 'GYUR BAS GNAS PA PA YANG GNYIS SU 'GYUR BA'I PHYIR RO, ,GZHAN YANG SKYE BA NGO BOS YOD PA NI BKAG ZIN LA DE MED PA'I PHYIR NGO BO NYID KYIS MA SKYES PA GANG ZHIG LA GNAS PA NGO BO NYID KYIS YOD PAR 'GYUR TE MI 'GYUR RO, ,GNYIS PA NI, GZHAN YANG GNAS PA 'DI RTOG NA GNYIS LAS MI 'DA' LA DE YANG DNGOS PO 'GAG BZHIN PA 'GAG PA LA MNGON DU PHYOGS PA NYID LA NI GNAS PA NGO BO NYID KYIS YOD PA 'THAD PAR MI 'GYUR TE, GNAS PA DANG 'GAG PA'I BYA BA GNYIS MI MTHUN PA'I PHYIR RO, ,GAL TE GNAS PA'I SKABS NA 'GAG BZHIN PA

106a

, ,MIN PAR SEMS NA GANG ZHIG 'GAG BZHIN PA MA YIN PA DE NI DNGOS POR MI 'THAD PAS DE LA GNAS PA NGO BO NYID KYIS YOD PAR GA LA 'GYUR, GZHAN YANG DNGOS PO THAMS CAD DUS KUN TU RGA BA STE GZHAN DU 'GYUR BA DANG 'CHI BA STE 'DZIN PAS SKAD CIG TZAM YANG MA GTONG BA'I CHOS CAN YIN NA, GANG DAG LA GNAS PA NGO BO NYID KYIS YOD PAR 'GYUR PA RGA BA DANG 'CHI BA MED PAR GNAS PA'I DNGOS PO GANG ZHIG YOD DE MED DO, ,'DIR RGYUN DANG SKAD CIG GANG LA YANG RANG GRUB PA'I DUS LAS DUS GNYIS PAR GNAS PA NI THA SNYAD DU YANG MED PAS, MI RTAG PA'I MCHAN NYID DU GSUNGS PA'I SKAD CIG MA NI RANG GRUB PA'I DUS LAS DUS GNYIS PAR MI SDED PA YIN GYI YUD TZAM ZHIG LAS MI SDED PA NI SKAD CIG MA'I DON MIN NO, ,DE'I PHYIR LO RDZOd PA LA ZLA BA BCU GNYIS RDZOGS DGOS SHING DE'I 'OG TU LO DE MI GNAS PAS RGYUN THAMS CAD KYANG RANG GRUB PA'I DUS LAS DUS GNYIS PAR MI SDOD PA'I SKAD CIG MA YIN NO, ,DPER NA SGRAS KHYAD PAR DU BYAS PA'I MI RTAG PA BUM PA LA RJES SU MI 'GRO YANG MI RTAG PA SGRA BUM GNYIS KA LA RJES SU 'GRO BA BZHIN DU, DUS SNGA MA NA YOD PA'I BUM PA DUS PHYI MA NA MED KYANG BUM PA DUS SNGA PHYI GNYIS SU GNAS PA YANG MI 'GAL LO, ,DES NA DE 'DRA BA'I GNAS PA DANG DNGOS PO THAMS CAD RANG DUS NA GNAS PA DANG SA LA MI GNAS PA LTA BU'I GNAS PA NI THA SNYAD DU YOD PAS NGO BO NYID KYIS YOD PA DGAG BYA'O, ,GNAS PA NGO BO NYID KYIS YOD NA DUS KUN TU SNGA MA JI LTA BA BZHIN GNAS DGOS PAS RGA BA DANG 'JIG PA'I BYA BA 'GAL GYI GNAS PA

106b

TZAM DANG MI 'GAL LO, ,GSUM PA NI, GZHAN YANG GNAS PA NGO BO NYID KYIS YOD NA GNAS BYED GNYIS LAS MI 'DA' LA DE YANG GNAS PA GNAS PAR BYED PA GZHAN GYIS GNAS PAR BYED PA MI RIGS TE, JI LTAR SKYE BA GZHAN GYIS SKYED PA MA YIN PAR BSTAN PA BZHIN DU 'DI LA YANG SBYAR TE, GAL TE GNAS PA GZHAN ZHIG GIS, ,DE GNAS THUG PA MED PAR 'GYUR, ZHES PA'O, ,GNAS PA GNAS PAR BYED PA RANG GIS KYANG GNAS PAR BYED PA MI RIGS BA'ANG JI LTAR SKYE BA RANG GIS SKYED PA MA YIN PA BZHIN DU SBYAR TE GNAS PA 'DI NI MI GNAS PAS, RANG GI BDAG NYID JI LTAR GNAS, ,GAL TE GNAS PAS GNAS BYED NA, ,GNAS NA CI ZHIG GNAS SU YOD, ,CES PA'I, ,TING NGE 'DZIN RGYAL PO LAS KYANG, CHOS 'DI DAG NI MI GNAS TE, ,'DI DAG LA NI GNAS YOD MIN, ,GNAS MED GNAS PA'I SGRAS BRJOD KYANG, ,RANG GI NGO BOS RNYED MA YIN, ,'JIG RTEN MGON POS GNAS PA DANG, ,SKYE BA BSTAN PA MA YIN TE, ,DES NA DE LTA'I 'JIG RTEN MGON, ,RIG NAS TING 'DZIN SHES BAR GYIS, ,ZHES GNAS PA DANG SKYE BA NGO BO NYID KYIS MED PAR RGYAL BAS CHOS BSTAN PAR RIG PAR BYAS NAS TING NGE 'DZIN SHES PAR GYIS SHIG PAR BSTAN NO, ,SDUD PA LAS KYANG, GANG ZHIG GZUGS LA MI GNAS TSOR LA MI GNAS SHING, ,GANG ZHIG 'DU SHES MI GNAS SEMS BAR MI GNAS LA, ,RNAM SHES GANG MI GNAS PA CHOS NYID GNAS PA STE, ,'DI NI SHES RAB PHA ROL PHYIN MCHOG SBYOD PA YIN, ,RTAG DANG MI RTAG BDE DANG SDUG BSNGAL SDUG MI SDUG ,BDAG DANG BDAG MED DE BZHIN NYID DANG DE BZHIN STONG, ,'BRAS BU THOB DANG

107a

, ,DGRA BCOM SA LA MI GNAS SHING, ,RANG RGYAL SA DANG DE BZHIN SANGS RGYAS SAR MI GNAS, ,JI LTAR 'DREN PA 'DUS MA BYAS KHAMS MI GNAS SHING, ,DE BZHIN 'DUS BYAS LA YANG MI GNAS GNAS MED SPYOD, ,DE LTAR BYANG CHUB SEMS DPA' GNAS LA GNAS MED GNAS, ,GNAS MED GNAS YIN 'DI NI RGYAL BAS GNAS PAR GSUNGS, ,ZHES GSUNGS SO, ,GSUM PA LA GSUM, 'GAG PA LA DBYAD NAS 'GOG PA'I TSUL, ,NYES PA DA RANG LA MA MTSUNGS PA'I RGYU MTSAN 'JIG PA RGYU MAD DU 'DOD PA DGAG PA'O, ,DANG PO NI, GAL TE SKYE BA DANG GNAS PA NI RANG BZHIN GYIS YOD DE DE DAG DANG LHAN CIG SPYOD PA'I CHOS 'JIG PA YOD PA'I PHYIR RO ZHE NA, 'DI DGAG PA LA LNGA, DUS GSUM LA BRTAGS NAS DGAG ,GNAS PA YIN MIN LA BRTAGS NAS DGAG ,GNAS SKABS RANG GZHAN LA BRTAGS NAS DGAG ,DNGOS PO YOD MED LA BRTAGS NAS DGAG ,'JIG BYED GZHAN YOD MED LA BRTAGS NAS DGAG BA'O, ,DANG PO NI, GAL TE MI RTAG PA RANG GI NGO BOS GRUB PA ZHIG YOD NA GSUM LAS MI 'DA' LA, DE YANG DNGOS PO 'GAGS PA NI 'GAG PAR MI 'GYUR TE, 'DAS PA DANG DA LTAR BA GNYIS 'GAL BA'I PHYIR RO, ,ZHIG PA DNGOS POR BZHED PA'I PHYOGS LA BUM PA LTA BU'I DNGOS PO 'GAGS PA LA DGAG BYA'I DNGOS PO DE 'GAG PA MED PA'I RGYU MTSAN DU BUM PA 'GAG PA'I BYA BAD LTA BA DANG BUM BA ZHIG PA'I 'DAS PA GNYIS 'GAL BA 'GOD PA YIN NO, ,MA 'GAGS PA STE 'GAGS PA'I BYA BA MA SKYES PA'I MA 'ONGS PA YANG 'GAG PAR MI 'GYUR TE 'GAG

107b

PA DANG BRAL BA'I PHYIR RO, ,'GAG BZHIN PA YANG DE BZHIN MIN PA STE RANG BZHIN GYIS 'GAG PAR MI 'GYUR TE SNGA MA GNYIS LAS MA GTOGS PA'I 'GAG BZHIN PA NGO BO NYID KYIS MED PA'I PHYIR DANG, 'GAG BZHIN PA LA 'GAG PA NGO BO NYID KYIS YOD NA 'GAG PA'I BYA BA GNYIS SU 'GYUR ZHING DE LTA NA 'GAG PA PO YANG GNYIS SU 'GYUR BA'I PHYIR RO, ,'GAG PA LA 'DIR 'GAG CES LAS DANG 'DI 'GAG CES BYED PA GNYIS YOD DE DE NI GNAS PA LA YANG SHES PAR BYA'O, ,GZHAN YANG SNGAR RANG BZHIN GYIS SKYE BA BKAG PAS RANG BZHIN GYIS MA SKYES PA GANG ZHIG RANG BZHIN GYIS 'GAG PAR 'GYUR TA MI 'GYUR RA, ,GNYIS PA NI, GZHAN YANG 'GAG PA RANG BZHIN GYIS YOD NA GNYIS LAS MI 'DA' LA DE YANG RE ZHIG DNGOS PO GNAS PA LA 'GAG PA RANG GI NGO BOS YOD PA 'THAD PAR MI 'GYUR TE 'GAG PA'I BYA BA DE DANG GNAS PA'I BYA BA GNYIS GZHI GCIG LA 'JUG PA 'GAL BA'I PHYIR RO, ,DNGOS PO RANG DUS SU ME GNAS PA LA YANG 'GAG PA'I BYA BA 'JUG PA 'THAD PAR MI 'GYUR TE DE NI YOD PA YANG MA YIN PA'I PHYIR RO, ,GSUM PA LA GNYIS, DNGOS KYI DON DANG, RTZOD PA SPANGS PA'O, ,DANG PO NI, GZHAN YANG GAL TE 'GAG PA NGO BO NYID KYIS YOD NA GNAS SKABS GNYIS KYIS 'GAG PA LAS MI 'DA' LA, DE YANG 'O MA'I GNAS SKABS DE YIS NI 'O MA'I GNAS SKABS NI DE NYID 'GAG PA NYID DU MI 'GYUR TE, RANG GI BDAG NYID LA BYED PA 'GAL BA'I PHYIR RO, ,'O MA'I GNAS SKABS LAS GZHAN ZHO YI GNAS SKABS KYIS 'O MA'I GNAS SKABS NI, ZHO YI GNAS SKABS LAS GZHAN PA YANG 'GAG PA NYID DU MI

108a

, ,'GYUR TE GZHIG BYA DANG 'JIG BYED GNYIS DUS GCIG NA MED PA'I PHYIR RO, ,GNYIS PA NI, GAL TE YANG GNAS SKABS DE NYID KYIS DE NYID DANG GNAS SKABS GZHAN GYIS GZHAN 'GAG PAR MI BYED KYANG, 'O MA'I GNAS SKABS LA NI 'GAG PA YOD PAS SKYE BA YANG YOD PAR 'GYUR RO ZHE NA, GANG GI TSE SNGAR BSHAD PA'I TSUL GYIS CHOS RNAMS THAMS CAD KYI RANG BZHIN GYIS SKYE BA 'THAD PAR MI 'GYUR BAR BSHAD PA DE YI TSE, CHOS RNAMS THAMS CAD KYI RANG BZHIN GYIS 'GAG PA YANG 'THAD PAR MI 'GYUR TE ZHES CHES GSAL BAR BSHAD PA MA YIN NAM, SANGS RGYAS BSKYANGS KYIS 'GAG PA NI YOD DE SNGAR KHAS BLANGS PA'I PHYIR TE SNGAR DNGOS PO 'GAG BZHIN PA LA SKYE BA MI 'THAD DO ZHES SMRAS PA NI 'GAG BZHIN PA'I RGYU LAS BYUNG BA'I SKYE BA LA DGAG PA BYAS PA'I PHYIR RO ZHES PA'I LAN DU GZHUNG 'DI 'CHAD DO, ,BZHI PA NI, ,GZHAN YANG 'GAG PA NGO BO NYID KYIS YOD NA DNGOS PO YOD MED GNYIS LAS MI 'DA' LA DE YANG RE ZHIG DNGOS PO YOD PA LA RANG BZHIN GYIS 'GAG PA 'THAD PAR MI 'GYUR TE BUM PA LA SOGS PA'I DNGOS PO DANG DE ZHIG PA'I DNGOS PO MED PA GNYIS GCIG PA NYID YIN NA NI 'THAD PA MED PA'I PHYIR RO, ,'DIR ZHIG PA NI DNGOS PO LA BRTEN PA'I CHOS YIN PA'I PHYIR 'GAG PA RANG GI NGO BOS YOD NA BUM PA ZHIG PA'I DUS NA'ANG BUM PA LA DE BRTEN DGOS PA'O, ,YANG NA PHAN TSUN 'GAL BA'I SNANG MUN BZHIN DU DNGOS PO YOD PA YANG YIN LA DNGOS PO MED PA YANG YIN PA MI 'THAD DO, ,DNGOS PO MED PAR GYUR BA LA'ANG

108b

'GAG PA 'THAD PAR MI 'GYUR TE YOD PA MA YIN PA'I PHYIR JI LTAR TE DPER NA MGO GNYIS MED PA LA DE GNYIS GCAD DU MED PA DE BZHIN NO, ,MGO GNYIS MED PAR RAB TU GRAGS PAS DNGOS SU MED PA MA SMOS KYANG BSHAD PA TSANG BAR 'GYUR BAS MED PA ZHES MA BKOD DO, ,LNGA PA NI, GZHAN YANG 'GAG PAS DNGOS PO RNAMS 'GAG PAR BYED NA 'GAG BYED DE RANG GZHAN GNYIS LAS MI 'DA' LA DE YANG 'GAG PA RANG GI BDAG NYID KYIS 'GEG PAR BYED PA YOD PA MIN TE, ,JI LTAR SKYE BA RANG GIS SKYED PA MA YIN PA BZHIN DU 'DI LA YANG MTSUNGS PA'I PHYIR TE, 'GAGS PA'I 'DI NI MA 'GAGS PAS, ,RANG GI BDAG NYID JI LTAR 'GOG ,CI STE 'GAGS PAS 'GOG BYED NA, ,'GAGS NA CI ZHIG 'GAG TU YOD, ,CES 'DON PA BSGYUR RO, ,'GAG PA RANG LAS DON GZHAN GYIS KYANG 'GAG PAR BYED PA MIN TE J LTAR SKYE BA RANG LAS GZHAN PA'I SKYE BAS MI SKYED PA BZHIN YIN PA'I PHYIR TE, GAL TE 'JIG PA GZHAN ZHIG GIS, ,DE 'JIG THUG PA MED PAR 'GYUR, ,CI STE 'JIG MED DE 'JIG NA, ,THAMS CAD DE BZHIN 'JIG PAR 'GYUR ZHES BSGYUR RO, ,DE LTAR BRTAGS SHING DPYAD NA SKYE BA DANG GNAS PA DANG 'JIG PA RANG GI NGO BO NYID KYIS YOD PA JI LTAR YANG MI 'THAD DO, ,MI 'THAD NA 'DUS BYAS KYI MCHAN NYID DU NGO BO NYID KYIS YOD PAR YANG JI LTAR 'GYUR, GNYIS PA NI, CI STE DPYOD LUGS DE LTAR RNAM PAR DPYAD NA KHYOD KYI LUGS LA YANG 'JIG PA MI RIGS SO, ,DES NA GANG ZHIG GNYIS KA LA SKYON DU 'GYUR BAS DES NI CIG SHOS LA BRGAL BAR BYA BA MA YIN NO SNYAM NA, 'DI YI LAN DU DBU MA PAS 'JIG RTEN

109a

, ,PA'I THA SNYAD KHAS BLANGS PA'I PHYIR PHA ROL PO LA BKOD PA'I SKYON RANG LA MI MTSUNGS SO ZHES BSHAD DO, ,'JIG RTEN PA'I THA SNYAD BYED TSUL NI DNGOS PO RNAMS NI RANG BZHIN MED PA YIN LA DE NYID KYANG BYIS PA DNGOS PO LA BDEN PAR ZHEN PA RNAMS KYI THA SNYAD KYI LAM DU 'GRO BA YIN NO, ,'GRO TSUL NI 'JIG PA ZHES PA'I THA SNYAD BTAGS PA TZAM MA GTOGS PA'I BTAGS SA DE 'DAS MA 'ONGS LA SOGS PA GANG DU YOD SNYAM DU BTZAL NAS, RNYED PA'I DON LA 'JIG PAR 'JOG PA DE LTA BU'I TSUL GYIS MA BRTAGS SHING MA BTZAL BAR GRUB PA'I DON LA 'JIG PA'I THA SNYAD BYED PA', ,DE YANG 'JIG RTEN PA'I DNGOS PO RNAMS NI SGYU MA LA SOGS PA BZHIN DU DE KHO NAR GRUB MA GRUB DPYOD PA'I 'THAD PA'AM RIGS PA'I SGRUB BYED DANG BRAL ZHING, MA RIG PA'I RAB RIB KYIS BLO GROS KYI MIG BSLAD PA'I 'JIG RTEN LA GRUB PA YIN PAS PHAN CHUN LTOS NAS GRUB PA TZAM ZHIG BYIS PA RNAMS KYIS KHAS LEN NO, ,DE YI PHYIR BSKYED BYA YOD NA SKYED BYED DANG SKYED BYED YOD NA BSKYED BYA YOD CING 'GAG PA YOD NA DGAG BYA STE 'GAG RGYU DANG DGAG BYA STE 'GAG RGYU YOD NA 'GAG PA YOD PA YIN TE DE BZHIN DU DBU MA PAS KYANG KHAS LEN GYI DPYAD NAS RNYED PA'I DON LA 'JIG PA SOGS 'JOG PA MIN NO, ,MDOR BSDU NA DNGOS PO RNAMS LA SNGAR BSHAD PA LTAR DPYAD PA NA SKYE 'JIG GNAS PA GANG YANG MI RNYED PA NI NGED LA YANG MTSUNGS MOD KYANG DES NGED KYIS KHAS BLANGS PA'I SKYE 'JIG SOGS MI KHEGS PA'I RGYU MTSAN NI, NGED NI SKYE 'JIG SOGS

109b

SNGAR BSHAD PA LTAR GYI DPYAD BZOD DU YANG MI 'DOD LA GANG KHAS BLANGS NA DPYAD BZOD DU 'DOD DGOS PA RANG GI NGO BO NYID KYIS YOD PAR YANG MI 'DOD PA'I PHYIR RO, ,DES NA DPYAD BZOD DANG DE'I KHYAB BYA GNYIS GANG YANG KHAS MA BLANGS PA LA RIGS PAS DPYAD NAS MA RNYED PA DE GNOD BYED DU JI LTAR 'GYUR TE SKYE 'JIG DANG GNAS PA TZAM ZHIG YOD PA LA RIGS SHES KYI RNYED MI DGOS PA'I PHYIR RO, ,KHYED KYIS NI SKYE 'JIG SOGS DPYAD BZOD DU YANG 'DOD LA DE'I KHYAB BYA YANG KHAS LEN PAS SNGAR LTAR DPYAD PA'I TSE MA RNYED NA GNOD PA YIN TE DE DAG KHAS BLANGS PA LTAR YOD NA RIGS PA DE DAG GIS RNYED DGOS PA LAS MA RNYED PA'I PHYIR RO, ,TSIG GSAL LAS PHAR LA BKAG PA'I SKYON RANG LA MI MTSUNGS PA'I RGYU MTSAN DU DPYAD BZOD KHAS MI LEN PA DANG MA DPYAD PA 'JIG RTEN GYI THA SNYAD BYED PA LTAR KHAS LEN PA 'GOD PAS, LAN 'DEBS TSUL DE LTAR BYA BA'I DPYOD BYED KYI RIGS PAS SKYE 'JIG GNAS PA THAMS CAD BKAG PAR BZUNG NAS DE NAS KHAS LEN BZHAG NA, PHAR LA BKOD PA'I SKYON THAMS CAD MTSUNGS PAR 'JUG PA MTHONG NAS RANG LUGS MED CES SMRA BAR MI BYA'O, ,'DI NI RAB BYED THAMS CAD LA GO DGOS TE DA YANG CI TZAM ZHIG 'GOG MI 'GOG GIS MTSAMS RIG PA DANG, RIGS PAS DPYAD MI BZOD DANG RIGS PAS GNOD PA GNYIS SO SOR PHYED PA LA RAG LAS SO, ,GSUM PA LA GNYIS, ,CHIG GSAL LAS 'BYUNG BA DANG, RIGS PA DRUG CU BA'I 'GREL PA LAS 'BYUNG BA'I, ,DANG PO NI, 'DIR 'GREL PA LAS, 'JIG PA RGYU MED DU KHAS BLANGS

110a

, ,NAS 'DUS BYAS SKAD CIG MAR SMRA BA LTAR NA, RGYU MED PAS 'JIG PA MED PA'I PHYIR DNGOS PO SKAD CIG DANG 'JIG PA DANG BRAL BA RNAMS 'DUS BYAS SU JI LTAR 'GRUB DE'I PHYIR DE THAMS CAD MI 'GRIG PAR 'GYUR RO ZHES BKAG GO ,DE LA 'DZAG PA RGYU MED DU SMRA BA RNAMS NI RANG GRUB PA'I DUS LAS DUS GNYIS PAR MI SDOD PA'I 'JIG PA NI DNGOS PO DE'I RGYU NYID LAS SKYE BAS RGYU DE LAS GZHAN PHYIS BYUNG GI RGYU MED PAR 'DOD LA, SKAD CIG GNYIS PAR ZHIG PA NI DNGOS MED YIN PAS RGYU GTAN MAD DU SMRA'O, ,DE'I PHYIR ZHIG PA RGYU MED DU SMRA BA LA DNGOS PO RNAMS SKAD CIG GIS 'JIG PA MED PAS 'DUS BYAS SU MI 'GRUB PA DANG 'DUS BYAS RNAMS SKAD CIG MAR SMRA BA MI 'THAD PAR STON PA 'DI JI LTAR RIGS SNYAM NA, 'DI LA ZHIG MI ZHIG GNYIS RGYUS SKYED MI SKYED 'OG NAS MTSUNGS PAR GSUNGS PAS DUS GNYIS PAR MA BSDAD PA LA RGYU MED NA DUS GNYIS PAR MI SDOD PA LA YANG RGYU MED DGOS PAS SKAD CIG MA MED PAR 'GYUR GOS PAS SKAD CIG MA MED PR 'GYUR LA, DE LTA NA 'DUS BYAS SU YANG MI 'GRUB CING 'DUS BYAS SKAD CIG MAR SMRA BA YANG MI 'THAD PA'O, ,DE NI RIGS PAS 'GOG PA YIN LA LUNG GIS 'GOG PA NI, S+YA BA'I RKYEN GYIS RGA SHI ZHES PA DANG 'DUS BYA KYI MTSAN NYID RNAMS 'DU BYED KYI PHUNG BA'I NANG DU 'DU BAR GSUNGS PA NA, STONPAS 'JIG PA RGYU BCAS SU GSAL BAR GSUNGS PA MA YIN NAM ZHES PA YIN TE, SHI BA NI SEMS CAN DE ZHIG PA YIN LA DE SKYE BA'I RKYEN GYIS SKYE BAR GSUNGS PAS ZHIG PA RGYUS BSKYED PAR GRUB BO, ,MTSAN NYID SNYE GNAS 'JIG PA RGA BA BZHI 'DU BYED

110b

KYI PHUNG PUR GSUNGS PA NI SNGON PO LA MTSON NA, DE'I SKYE BA'I BYA BA LA SOGS PA'I BYA BA BZHI DANG LDAN PAS SNGON PO 'DUS BYAS SU MTSON LA, BYED PA PO SNGON PO NYID RANG GI BYA BA 'GAL BAS BYA BA BZHI GZUGS PHUNG MIN LA, TSOR BA DANG 'DU SHES DANG RNAM DANG DTSUNGS LDAN 'DU BYED KYANG MIN PAS LDAN MIN 'DU BYED DO, ,'ON KYANG SNGON PO SNGAR ME DGAS RA DU SKYE BA DANG RANG DUS NA GNAS PA DANG RANG GI DUS LAS DUS GNYIS PAR MI SNGOD PA'I 'JIG PA DAG, SNGA MA LAS GZHAN DU'GYUR BA'I RGA BA YANG YIN PAS SNGONPO'I SKYE BA LA SOGS PA THAMS CAD LDAN MIN DU 'CHAD PA MIN NO, ,SNGON PO'I'JIG BA'I BYA BA LA NI RANG GI DUS GNYIS PAR ZHIG PA YANG YOD LA DE LDAN MIN YIN NA RANG GI RGYU RKYEN GYIS 'DU BYED DGOS PAS ZHIG PA RGYU BCAS SU GRUB BO,, SNGON PO'I 'JIG PA'I BYA BA YIN PAS ZHIG PA GZHAG DGES PA'I RGYU MCHAN NO, SNGON PO RANG DU KYI MA ZHIG PA DANG DUS GNYIS PAR ZHIG PA GNYIS DNGOS PO YINMIN MTSUNGS PAR STONPAS DE LTA NA DE'I ZHIG PA Y'A DE MI RTAG PAR 'GYUR BAS SO, ,'DUS BYAS KYI MTSAN NYID DU GSUNGS PA'I DON NI BYA BA DE DAG DANG LDAN PAS 'DUS BYAS SU SHES PA BYED BA'I MTSON BYED TZAM ZHIG LA DGONGS KYI, LTO LDI RAB BUM PA'I MTSAN NYID YIN PA LTA BU'I RNAM 'JOG NI MIN TE MI RTAG PA LA SKAD CIG MA'I RNAM 'JOG MED PAR THAL BAS SO, ,SKYE BA'I RKYEN GYIS RGA SHI ZHES GSUNGS PA'I RIGS PAS DUS GNYIS PAR ZHIG BA DE DUS DANG BOR SKYES PA TZAM LA LTOS KYI GZHAN LA LTOS MI DGOS PAS, DNGOS PO RNAMS DUS GNYIS PAR MI SDOD PA'I SKAD

111a

, ,CIG MAR 'JIG PA YANG BSGRUB SLA STE DES NA PHYOGS 'DI LA DE THAMS CAD LEGS PAR GNAS PAR 'GYUR RO, ,GAL TE MYU GU ZHIG PA NI DNGOS MED YIN LA DE LA RGYUS CI ZHIG BYED DES NA DE LA RGYU MED DO SNYAM NA, 'O NA MYU GU YANG YOD PA YIN LA DE LA NI RGYUS DGOS PA CI ZHIG YOD DE SKYES ZIN PA SLAR YANG BSKYED DU MED DO, ,'DI NI MYU GU ZHIG PA LA RGYUS CI YANG BYED MI NUS NA MA ZHIG PA RGYUS BYED MI DGOS ZHES MGO MTSUNGS BYAS PA'O, ,'DI LA MA ZHIG PA GRUB ZIN PAS DA GZOD RGYUS BYA MI DGOS KYANG GRUB PA DE NYID RGYUS BYAS PA YIN PAS RGYU YOD DO ZHES SMRA BA LAN DNGOS GZHI YIN MOD KYANG DES MI PHYED PA NI STON PAR 'GYUR RO, ,GZHAN YANG SNGAR SA BON GYI DUS NA MED LA PHYIS YOD PAS MYU GU'I SKYE BA RGYU DANG BCAS PA YIN PA DE BZHIN DU MYU GU'I ZHIG PA YANG SNGAR MYU GU'I DUS NA MED LA PHYIS YOD PA'I PHYIR RGYU YOD DO, ,GANG YANG MYU GU ZHIG PA LA RGYUS CI ZHIG BYED CES PA NI MI RIGS TE, KHO BO CAG KYANG DE LA RGYUS DA GZOD GZHAN ZHIG BYED PAR NI MI 'DOD KYI MYU GU ZHIG PA DE NYID RGYUS BYED PA YIN NO, ,DE LTA NA DE DNGOS POR 'GYUR RO ZHE NA, 'DOD PA YIN TE DE NI RANG GI NGO BO LA LTOS NAS DNGOS PO YIN LA MYU GU LA LTOS NAS DNGOS POR MED DO, ,GZHAN YANGS BCU PA LAS, 'CHI BA YANG BYA BA GNYIS SU NYE BAR GNAS PA YIN TE 'DU BYED 'JIG PAR YANG BYED PA DANG YONGS SU MI SHES PA RGYUN MI 'CHAD PA'I RGYU YANG 'BYIN PA'O, ,ZHES GSUNGS PAS ZHIG PAS BYA BA BYED NUS PAS RGYU DANG BCAS PA'O, ,SKABS 'DI DAG TU TSIG GSAL LAS, 'JIG PA ZHES

111b

GSUNGS PA NI RANG NYID ZHIG PA YANG 'JIG PAR BZHED PA'I DBANG DU MDZAD KYI PHA ROL PO NI ZHIG 'JIG 'GAL BAR 'DOD PAS 'DIR ZHIG PA LA BSHAD DO, ,MYU GUS NI DNGOS PO GZHAN GYI ZHIG PA YANG SHES PAR BYA'O, ,GNYIS PA NI, DE LA SKAD CIG DANG POR YOD PA GNYIS PAR ZHIG PA'I RGYU NI BSHAD ZIN LA, DE LAS GZHAN PA'I RGYUN GYI ZHIG PA'I RGYU NI RIGS PA DRUG CU PA'I 'GREL PA LAS, MAR DANG SNYING PO ZAD PA MAR ME SHI BA'I RGYUR BSHAD PA LTA BU RNAMS YIN NO, ,'DI LA PHA ROL POS MAR DANG SDONG BU ZAD PA MAR ME SHI BA'I RGYU MIN GYI MAR DANG SDONG BU ZAD PA NI MAR ME'I SKAD CiG THA MAS DE'I RIGS 'DRA MA 'ONGS PA SKYED PA'I RKYEN MA TSANG BA YIN LA, MA 'ONGS PA YANG SKYE BA'I RKYEN MA TSANG BAS MA SKYES SO ZHES SMRA BA LA DE LTA NA RKYEN MA TSANG BA MA YIN NA DE NGES PAR SKYE BAS, RKYEN MA TSANG BA MA 'ONGS PA MI SKYE BA'I RGYUR KHAS BLANGS LA DE'I PHYIR GNAS PA'I RGYU ZAD PAS 'BRAS BU GNAS PA ZAD PAR KHAS BLANGS PAR 'GYUR RO ZHES BSHAD DO, ,MYU GU SKYE 'GYUR DA LTA MA SKYES PA'I MA 'ONGS PA'I RGYU YANG RKYEN SNGAR YOD ZAD NAS MA TSANG BA LA BZHED DE MYU GU ZHIG PA DNGOS POR 'JOG PA LA MA 'ONGS PA LA YANG 'DI 'DRA ZHIG BZHED DGOS SO, ,MAR DANG SDONG BU ZAD PA RGYUR MI RUNG BAR BRTZOD PA'I LAN DU, DE DAG MA ZAD PA'I YOD PA YANG RGYUR MI 'THAD DO ZHES MAG MTSUNGS MDZAD NAS, SA BON NI YOD PA'I GNAS SKABS KHO NAR MYU GU'I RGYUR MI RTOGS ZHES SOGS BSHAD PA'I DON NI SNGAR BSHAD ZIN TO, ,DES NAS MYUG LA SOGS PA'I RGYU 'BRAS 'DI DAG NI 'JIG RTEN PAS MTHONG BA LTAR GZHAG DGOS LA 'JIG RTEN NA NI

112a

, ,CHU MED PAS NGA YI 'BRAS NYES SO, ,ZAS MED PAS NGA YI BU SHI'O ZHES SNGA MA MED PAS PHYI MA BRLAG PA BYAS PAR SMRA'O, ,DE YANG ZAS DANG CHU MA ZAD PA LA BU 'TSO BA DANG 'BRAS LEGS PA'I RGYUR BYED PA BZHIN DU DE DAG ZAD PA YANG DE RNAMS ZAD PA'I RGYUR 'JOG PA'I PHYIR, ZAD PA MIN PA'I DE DAG MED PA DANG MI 'DRA STE DES 'BRAS BU'I PHYOGS KYANG SHES PAR BYA'O, ,'DI NI 'OG NAS DNGOS DANG DNGOS MED 'DUS BYAS YIN, ZHES PA DANG RIG PA DRUG CU PA LAS KYANG, RGYU ZAD NYID LAS ZHI BA NI, ,ZAD CES BYA BAR DMIGS PA TE, ZHES GSUNGS PA'I DON YIN LA BRGYA PA LAS KYANG, 'BRAS BU YIS NI RGYU BSHIG PA, ,DES NA MED PA SKYE MI 'GYUR, ,ZHES RGYU 'GAGS PA 'BRAS BU SKYE BZHIN PAS BYAS PAR BSHAD PAS 'PHAGS PA YAB SRAS KYI BZHED PA'O, MYU GU ZHIG PA'I 'DAS PA DNGOS POR BZHED PA'I GNAD KYIS MYU GU'I MA 'ONGS PA YANG DE DANG 'DRA STE, DES NA MED PA SKYE MI 'GYUR GYI YANG DON NO, ,'DAS MA 'ONGS KYI 'JOG TSUL 'DI NI RANG GI NGO BOS GRUB PA LA MI 'THAD KYANG RANG BZHIN DE THA SNYAD DU YANG KHAS MI LEN PA'I LUGS LA SHIN TU 'THAD PAR BRGYA PA'I 'GREL PA LAS GSUNG LA LUGS 'DI LA SHIN TU GAL CHE YANG GRAGS CHUNG BAR 'DUG PAS ZHIB TU BSHAD DO, ,GNYIS PA NI, GAL TE 'DUS BYAS KYI SPYI'I MTSAN NYID SKYE 'JIG GNAS PA RNAMS BKAG MOD KYANG KHYAD PAR GYI MTSAN NYID SRA BA DANG LKOG SHAL SOGS DANG LDAN PA'I 'DUS BYAS RANG BZHIN GYIS YOD DO ZHE NA, 'DI LTAR SKYE BA DANG GNAS PA DANG 'JIG PA DAG RANG BZHIN GYIS MA GRUB PA'I PHYIR NA 'DUS BYAS RANG BZHIN

112b

GYIS MED DO, ,DE'I PHYIR DE'I KHYAD PAR RNAMS RANG BZHIN GYIS GRUB PA MED DO, ,GNYIS PA NI, GAL TE 'DUS BYAS NI RANG BZHIN GYIS YOD DE DE'I MI MTHUN PHYOGS 'DUS MA BYAS YOD PA'I PHYIR RO ZHE NA, 'DUS BYAS NI SNGAR BSHAD PA LTAR RANG GI NGO BO NYID KYIS RAB TU MA GRUB PAS 'DUS MA BYAS SO SOR BRTAGS PA'I 'GEG PA DANG SO SOR BRTAGS PA MA YIN PA'I 'GOG PA DANG, NAMKHA' DANG DE BZHIN NYID BZHI PO NI JI LTAR NA NGO BO NYID KYIS YOD PA 'GRUB STE MI 'GRUB BO ZHES GSAL BAR BSTAN NO,, 'DIR GZHUNG LAS 'DUS BYAS BDEN PA BRGYAS PAR BKAG PAS 'DUS MA BYAS NI BDEN PAR JI LTAR 'GRUB CES GSUNGS PA'I DGONGS PA NI, 'DUS MA BYAS BDEN PAR 'DOD PAS KYANG TSAD MA'I GZHAL BYAR 'DOD DGOS LA DE LTA NA RE ZHIG GZHAL BYA MI MJAL TE, ZHES SOGS KYI RIGS PA DANG, THOB BYAR 'DOD NA'ANG RE ZHIG THOB PA MI 'THOB STE, ZHES SOGS DANG GZHI 'DI 'DRA ZHIG LA GNAS ZHES 'DOD NA'ANG RE ZHIG GNAS PA MI GNAS TE, ZHES SOGS KYIS DGAG GO, DE BZHIN DU THOB BYED KYI RGYU 'DOD NA'ANG BUNG PO BRTAd PAR BSHAD PA BZHIN DU DGAG LA, YANG DE DAG LA MTSAN MTSON NI 'DOD DGOS LA DE LTA NA KHAMS BRTAGS NAS BSHAD PA BZHIN DU DGAG STE, DES MTSON NAS RAB BYED SNGAR BSHAD PA GZHAN NAS 'BYUNG BA'I RIGS PA YANG 'DON PA BSGYUR LA DGAG GO ,RIGS PA DES 'DUS MA BYAS THOB BYA SOGS SU BDEN PAR 'DOD PA MI KHEGS NA 'DUS BYAS BDEN PA YANG DGAG MI NUS PA RNAM PA THAMS CAD DU MTSUNGS SO, ,DES NA 'PHAGS PA'I RAB BYED

113a

, ,RE RE'I RIGS PA LEGS POR SHES NA'ANG DE 'DRA BA'I LOG RTOG THAMS CAD LDOG PAS 'DUS BYAS MI BDEN KYANG 'DUS MA BYAS BDEN PAR GRUB BO ZHES PA NI RIGS PA MI SHES PA'I GTAM MO, ,GSUM PA NI, GAL TE SKYE 'JIG GNAS PA NGO BO NYID KYIS MA GRUB NA 'DUS BYAS SKYE BAR YANG MNGON NO ZHES SOGS GSUNGS PA DE JI LTAR RIGS PAR BYA ZHE NA, RMI LAM JI BZHIN PA DANG SGYU MA JI BZHIN PA DANG DRI ZA'I GRONG KHYER JI BZHIN PA DE BZHIN DU SKYE BA DANG DE BZHIN DU GNAS PA DANG DE BZHIN DU 'JIG PA GSUNGS KYI RANG GI NGO BOS GRUB PA'I SKYE BA SOGS GSUNGS PA MIN NO, ,JI LTAR SGYU MA LA SOGS PA LA JI LTAR SNANG BA LTAR GYI RANG BZHIN MED KYANG DE RNAMS SGRA'I THA SNYAD KYI LAM DU 'GYUR BA BZHIN DU SKYE BA LA SOGS PA YANG RANG BZHIN GYIS YOD PA NA YIN KYANG 'JIG RTEN LA GRAGS PA TZAM GYI SGO NAS BSTAN NO, ,MDOR NA RANG GI NGO BOS SKYE 'JIG SOGS MA GRUB KYANG DER SNANG BA'I SGYU MA LTA BU LA DE DAG 'JOG PA YIN PAS DE DAG GSUNGS PA'I LUNG DANG MI 'GAL TE, SKYE 'JIG SOGS GZHAG SA YE MA BYUNG NA LUNG DANG 'GAL BA YIN NO, ,SKYE BA LA SOGS PA MNGON SUM GYI BLO'I GZUNG BYA YIN PA DANG, DE RNAMS LA BYED PA PO YOD PA DANG SEMS CAN MANG POS THUN MONG DU GZUNG BYA YIN PAS, BDEN PAR YOD DO SNYAM PA BZLOG PA'I PHYIR RIM PA BZHIN DU RMI LAm LA SOGS PA'I DPE GSUM GSUNGS PAR SHES RAB SGRON MA LAS BSHAD DO, ,GNYIS PA NI, DE LTAR SKYE GNAS 'JIG PA NGO BO NYID KYIS MA GRUB PAR RId PAS GTAN LA PHAB PA DE NYID NGES DON GYI LUNG DANG YANG LDAN PAR YANG BSTAN PA DANG, GZUGS LA

113b

SKYE BA MED DO ZHES PA'I 'GRES DANG GZUGS LA GNAS PAR MI BYA'O ZHES PA'I 'GRES DANG GZUGS MI 'JIG CES PA'I 'GRES RNAMS KYIS GSUNG RAB LAS BSHAD PA DE THAMS CAD RAB BYED 'DIS RIGS PA KHYER NAS BSHAD PAR BYA'O ZHES BSTAN PA'I PHYIR DU, NGES DON GYI LUNG DANG SBYOR BA'I PHYOGS TZAM SMOS NA TING NGE 'DZIN RGYAL PO LAS, LPAGS RGYUS SHA RUS 'DUS PA 'DI BDAG GI, CHUNG MA YIN SNYAM 'DU SHES BSKYED NAS NI, ,BYIS PA RMONGS RNAMS 'DOD CHAGS SKYED BYED CING, ,SGYU MA JI BZHIN BUD MED MI SHES SO; ;JI LTAR BU MO GZHON NU'I RMI LAM NA, ,BU PHO BYUNG ZHING SHI BA DES MTHONG NAS, ,BYUNG NA DGA' ZHING SHI NA MI DGA' LTAR, ,CHOS RNAMS THAMS CAD DE BZHIN SHES PAR GYIS, ,JI LTAR DRI ZA'I GRONG KHYER SMIG RGYU DANG, ,SGYU MA JI BZHIN RMI LAM JI 'DRA BAR, ,CHOS RNAMS THAMS CAD DE BZHIN SHES BYA STE, ,MTSAN MA SGOM PA NGO BO NYID KYIS STONG, ,ZHES PA DANG, 'DUS BYAS 'DUS MA BYAS KUN DBEN PA STE, ,DRANG SRONG DE DAG LA NI RNAM RTOG MED, ,'GRO BA KUN TU 'DUS MA BYAS THOB PAS, ,LTA BA DAG LAS 'KHOR MOR RNAM PAR DBEN, ,GANG DAG 'DI 'DRA'I CHOS RNAMS SHES PA NI, ,RTAG TU MI CHAGS MI GTUM MI RMONGS TE, ,DE YI SEMS NI RANG BZHIN MNYAM PAR BZHAG ,DE NI TING 'DZIN STOBS CAN STOBS DANG LDAN, ,ZHES GSUNGS SO, ,GSUM PA NI, SKYE GNAS 'JIG PA THA SNYAD KYI DBANG GIS YOD PAR BZHAG PA CAM MIN PAR RANG GI NGO BO NYID KYIS YOD PAR BZUNG BA LTAR YOD NA, DE GSUM GANG YANG GZHAG TU MED PAR RIGS PAS GTAN LA PHAB PA BZHIN NGES PAR BYA, DE NAS THA SNYAD KYI DBANG GIS BZHAG PA TZAM LA DE RNAMS

114a

, ,SHIN TU 'THAD PA DANG 'DUS BYAS THAMS CAD NGO BO NYID KYIS YOD PAS STONG YANG DE DANG DE'I NGO BOR SNANG BA SGYU MA DANG RMI LAM JI LTA BA DE BZHIN DU 'CHAR BA LA BSLAB BO, ,SKYE BA NGANG GNAS PA DANG 'JIG PA BRTAG PA ZHES BYA BA TSIGS SU BCAD PA SO BZHI'I BDAG NYID RAB TU BYED PA BDUN PA'I RNAM PAR BSHAD PA'O,, ,,GSUM PA RGYU LAS DANG BYED PA PO YOD PA DGAG PA LA GSUM, RAB BYED KYI GZHUNG BSHAD PA, NGES DON GYI LUNG DANG SBYAR BA, DON BSDUS TE MTSAN BSTAN PA'O, ,DANG PO NI 'DIR SMRAS PA, RNAM SHES LA SOGS PA 'DUS BYAS KYI CHOS NI RANG BZHIN GYIS YOD DE DE'I RGYU LAS DANG LAS DE'I BYED PA PO YOD PA'I PHYIR RO, ,STON PAS KYANG MA RIG PA DANG RJES SU 'BREL BA'I SKYES BU GANG ZAG 'DI NI BSOD NAMS MNGON PAR 'DU BYA BA YANG MNGON PAR 'DU BYED DO, ,BSOD NAMS MA YIN PA DANG MI GA-YO BA MNGON PAR 'DU BYA BA YANG 'DU BYED DO, ,ZHES BYA BA LA SOGS PAS, LAS KYI BYED PA PO DANG DE'I LAS DANG 'BRAS BU RNAM SHES LA SOGS PA YANG NYE BAR BSTAN NO, ,'DI DGAG PA LA GSUM, LAS DANG BYED PA PO NGO BO NYID KYIS GRUB PA DGAG ,THA SNYAD DU LAS DANG BYED PA PO 'JOG PA'I TSUL, RIGS PA DE GZHAN LA YANG SBYAR BA'O, ,DANG PO LA GNYIS, PHYOGS MTHUN GYI BYA BYED NGO BO NYID KYIS GRUB PA DGAG ,PHYOGS MI MTHUN GYI BYA BYED NGO BO NYID KYIS GRUB PA DGAG PA'O, ,DANG PO LA GNYIS, MU DANG PO GNYIS KYI BYA BYED DGAG ,MU GSUM PA'I BYA BYED DGAG PA'O, ,DANG PO LA GNYIS, DAM BCA' GZHAG ,SGRUB BYED BSTAN PA'O, ,DANG PO NI, 'DIS BYED PAS NA BYED PA PO

114b

STE BYA BA CUNG ZAD CIG BYED PA POR BSNYAD KYI MI BYED PA NI MA YIN LA, BYA BA BYED PA DE YANG BYED PA PO YIN PAR GYUR PA DANG MIN PAR MA GYUR PA DANG LTOS SA SO SO LA LTOS NAS YIN PA DANG MA YIN PAR GYUR PA LA RTOG PA ZHIG STE GSUM LAS MED DO, ,'DI PHYA BSAN LAS TE BYED PA PO'I 'DOD PAR GYUR PA DAM PA'O, ,DE YANG GSUM STE LAS YIN PAR GYUR PA DANG MA YIN PAR GYUR PA DANG SO SO LA LTOS NAS YIN MIN GNYIS KAR GYUR PA'O, ,DE LA BYED PA PO YIN PAR GYUR PA BYA BA DANG LDAN PA DE LAS SU GYUR PA STE BYA BA DANG LDAN PA MI BYED DO ZHES PA NI DAM BCA' GCIG GO ,BYED PA PO MA YIN PAR GYUR PA BYA BA DANG BRAL BA YANG LA SU MA GYUR PA STE BYA BA DANG BRAL BA MI BYED DO ZHES PA NI DAM BCA' GNYIS PA'O, ,GNYIS PA LA GNYIS, DAM BCA' DANG PO'I SGRUB BYED DANG, DAM BCA' GNYIS PA'I SGRUB BYED DO, ,DANG PO LA GNYIS, SUS KYANG MA BYAS PA'I LAS YOD PAR THAL BAS DGAG ,CI YANG MI BYED PA'I BYED PA PO YOD PAR THAL BAS DGAG PA'O, ,DANG PO NI, BYED PA POR NI BYA BA BYED PA'I RGYU MTSAN GYIS 'JIG PAS BYA BA DANG LDAN PA KHO NAS BYED PA PO'I THA SNYAD 'THOB BO, ,DE LTAR BYA BA DANG LDAN PAS BYED PA PO YIN PAR GYUR PA DE LA NI DA GZOD GANG GIS LAS DE BYED PAR 'GYUR BA'I BYA BA GZHAN MED DO, ,GANG GI TSE BYA BA GZHAN MED PAS BYED PA PO LAS LA BYED PA DE YI TSE BYED PA PO LA LTOS PA MED PA'I LAS SU'ANG 'GYUR NA, BYED PA PO MED PA'I LAS NI MI SRID DE MO GSHAM GYI BUS BUM PA BYED PA BZHIN NO, ,DE LTAR THAL BA BZLOG PA NA BYED PA PO MED PA'I LAS MI SRID PA'I GTAN TSIGS KYIS BYED

115a

, ,PA PO YIN PAR GYUR PA LAS YIN PA BYED PA NGO BO NYID KYIS GRUB PA MED DO ZHES DAM BCA' DANG PO SGRUB BO, ,GAL TE DZA BUM BZO BA'I BYA BA BYED PA DE NYID KYIS RDZA MKHAN BUM PA'I BYED PA POR YANG 'JOG LA RDZA BUM BZO BA'I LAS KYANG BYAS PA MA YIN NAM, RDZA BUM BZO BA'I BYA BA BYED PA'I RGYU MTSAN GYIS RDZA MKHAN BUM PA'I BYED PA POR DANG POR BZHAG NAS, DE'I 'OG TU BYA BA DE MIN PA'I BYA BA ZHIG BYA DGOS PA LA BYA BA GZHAN MED PAS, RDZA BUM BZO BA'I LAS DE BYED BA POS MA BYAS PA'I LAS SU 'GYUR RO ZHES PA'I SUN 'BYIN 'DI JI LTAR RIGS SHE NA, DE LA BYED PA PO YIN PAS LAS YIN PA BYED CING DE YANG BYA BA GCIG BYED PA DE NYID KYIS BYED PA PO DANG LAS DE BYAS PAR YANG 'JOG PA NI THA SNYAD DU RANG YANG DE LTAR 'DOD DE; DPER NA LHAS BYIN PHYAG 'TSAL BA'I BSOD NAMS KYI 'DU BYA BA 'DU BYED DO ZHES PA LA LHAS BYIN LAS DE BYED PA PO YIN LA PHYAG 'TSAL PA'I LAS DE BSOD NAMS KYI 'DU BYA BAR GSUNGS PAS LAS SO, ,DE 'DU BYED PAR GSUNGS PAS LAS SU GYUR PA ZHIG BYED PA YIN NO, ,DE LTA NA'ANG BYED PA PO DANG LAS NGO BO NYID KYIS GRUB PAR SMRA NA LAS SU BYA BA GCIG BYED PA DES BYED PA PO DANG LAS BYAS PA GNYIS KAR 'JOG MI NUS PAS SUN 'BYIN DE 'JUG STE, 'DI LTAR BZO BA'I LAS DE RDZA MKHAN DANG 'JIM PA GNYIS KA LA BRTAN LA GZHI DE GNYIS RANG GI MTSAN NYID KYIS SO SOR GRUB NA BYA BA YANG RIS SU CHAD NAS SO SOR GNAS DGOS PAS THUN MONG DU BYA BA GCIG RTEN PA 'GAL BA YIN TE SNGAR BSHAD ZIN PA LTAR RO, ,DES

115b

NA BYED PA POR RNAM PAR 'JOG PA'I BYA BA DE MIN PA'I BYA BA GNYIS PA ZHIG MA BYAS NA, BYED PA PO YIN PAS LAS YIN PA BYAS PAR MI 'GYUR BA YIN TE SNGAR GYI THAL BA BZLOG PA'I RTAGS KYI KHYAB PA YANG 'DIS 'GRUB BO, ,BYED PA POR 'DOD PA NGES RANG GIS BYA RGYU'I LAS DE MI BYED NA BYED PA POR YANG MI 'GRUB PAS, 'DIR DES BYA RGYU'I LAS DE SUS KYANG MA BYAS PA'I LAS SU THAL BA'I SKYON BRJOD MDZAD KYI GANG ZAG DA CI YANG MI BYED PA'I BYED PA POR 'GYUR BA'I SKYON BRJOD MA MDZAD DO, ,GNYIS PA NI, LAS YIN PAR NI BYED PA POS BYAS PA'I RGYU MTSAN KYIS 'JOG PAS BYA BA DANG LDAN PA KHO NAS LAS KYI THA SNYAD 'THOB BO, ,DE LTAR BYA BA DANG LDAN PAS LAS YIN PAR GYUR PA DE LA NI DA GZOD GANG GIS LAS DE BYED PAR 'GYUR BA'I BYA BA GZHAN MED DO, ,GANG GI TSE BYA BA GZHAN MED PAS BYED PA PO LAS MI BYED PA DE'I TSE LAS MED PA STE LAS MI BYED PA KHO NAR GANG ZAG DE BYED PA POR YANG 'GYUR NA, LAS MI BYED PA'I BYED PA PO NI MED DE MTSAMS MED PA'I LAS MI BYED PA NI DE'I BYED PA POR MA MTHONG BA BZHIN NO, ,ZHES THAL BA BZLOG PA'I RTAGS KYIS LAS YIN PA BYED PA PO YIN PA BYED PA NGO BO NYID KYIS GRUB PA MED DO ZHES SGRUB BO, ,SUN 'BYIN 'DI 'JUG LUGS KYANG SNGAR BSTAN PAS SHES PAR BYA'O, ,LAS SU 'DOD PA DE RANG BYED MKHAN GYIS MA BYAS NA LAS YIN PAR YANG MI 'GRUB PAS 'DIR DE BYED MKHAN DE CI YANG MI BYED PA'I BYED PA POR 'PHANGS KYI BYA RGYU SUS KYANG MA BYAS PA'I LAS SU MA 'PHANGS SO, ,GNYIS PA LA GNYIS, RGYU MED DU THAL BAS DGAG ,DE 'DOD PA

116a

, ,LA GNOD PA BRJOD PA'O, ,DANG PO NI, GAL TE BYED PA POR MA GYUR BAS LAS SU MA GYUR PA BYED PAR 'DOD NA NI LAS TE GANG ZAG DES BYA RGYU DE LA NI RGYU NI MED PAR 'GYUR TE BYA BA DANG BRAL BA'I PHYIR RO, ,DER MA ZAD GANG ZAG DE RANG GI BYA BA BYED PA POR 'JOG PA'I RGYU YANG MED PAR 'GYUR TE BYA BA DANG BRAL BA'I PHYIR RO, ,GNYIS PA NI, BYA RGYU DANG BYED MKHAN LA RGYU MED NA NI 'BRAS BU RDZA BUM MED DE DE'I RGYU MED PA'I PHYIR RO, ,RDZA BUM MED NA DE'I BYED RGYU'AM LHAN CIG BYED RKYEN 'KHOR LO LA SOGS PA YANG 'THAD PAR MI 'GYUR RO, ,RGYU DANG 'BRAS BU GNYIS PO DE MED NA NI 'BRAS BU BUM PA CI ZHIG BYED PA LA BYA BA YOD PA DANG BYA BA GANG ZHIG LA RDZA MKHAN RANG DBANG DU GYUR PAS BYED PA PO DANG, 'JIM PA YANG BSGRUB BYA DE'I BDAG NYID KYIS LAS SGRUB PAR BYED PA DAM PA YIN PA'I SGO NAS BYED PAR MI RIGS SO, ,BYA BA LA SOGS PA GSUM MI RIGS NA NI CHOS DGE BA BCU LA SOGS PA DANG CHOS MIN PA MI DGE BA BCU LA SOGS PA YOD PA MA YIN PAR 'GYUR TE, SPONG BA DANG BSTAN PA'I BYA BA LA RANG DBANG DU GYUR BA'I BYED PA POS, LUS NGAG YID GSUM BYED PAR GYUR BA'I SGO NAS SPONG BA DANG BSTAN PA'I BYA BA BYED PA'I TSE CHOS DANG CHOS MA YIN PA SKYE BA'I PHYIR RO, ,CHOS DGE BA DANG CHOS MIN MI DGE BA MED NA NI DE GNYIS LAS BYUNG BA'I 'BRAS BU YID DU 'ONG BA DANG MI 'ONG BA MED PAR 'GYUR RO, ,'BRAS BU DE GNYIS MED NA NI THAR BA'I CHED DU DER 'GYUR BA'I LAM YAN LAG BRGYAD SGOM PA DANG, MTHO RIS TE GZUGS GZUGS MED KYI BDE 'GRO'I CHED DU DER 'GYUR BA'I LAM BSAM GTAN

116b

DANG GZUGS MED SGOM PA MI 'THAD CING, GZHAN YANG ZHING LAS LA SOGS PA'I 'JIG RTEN PA'I BYA BA RTZOM PA THAMS CAD KYANG DON MED PA NYID DU THAL BAR 'GYUR NA DON MED PA YANG MIN NO ZHES BZLOG STE, RIM PA BZHIN BZLOG PAS BYED PA POR MA GYUR PAS LAS SU MA GYANG PA BYED DO ZHES PA NYES PA KUN GYI 'BYUNG GNAS SU GYUR PA KHAS BLANG BAR MI BYA'O, ,GNYIS PA NI, RNAM GRANGS KYI TSUL SMRA BA DAG RDZAS LA LTOS NAS BYED PA PO DANG LAS YIN LA BYED PA PO DANG BYED PA'I SNGA ROL DU DE GNYIS MIN PAR SMRA BA LTAR BYED PA POR GYUR PA DANG BYED PA POR MA GYUR PA GNYIS KAS LAS SU GYUR BA DANG LAS SU MA GYUR PA DE GNYIS KA'I NGO BO MI BYED DE DE BYED PA PO DANG LAS YIN PAR GYUR PA NGANG MA YIN PAR GYUR PA GNYIS GCIG LA DUS GCIG TU PHAN TSUN YOD PA 'GAL BAS DE 'DRA BA DE GAL YOD DE MED PA'I PHYIR RO, ,GAL TE RNAM GRANGS LA LTOS NAS 'JOG PAS SKYON MED DO SNYAM NA, DE LTA NA'ANG RIGS PA SNGA MA GNYIS KYIS KHEGS PAS MI 'THAD DO, ,GNYIS PA LA GNYIS, BYED PA PO RE RES LAS PHYOGS MI MTHUN RE RE BYED PA DGAG ,LAS PHYOGS MI MTHUN GNYIS GNYIS BYED PA DGAG PA', ,DANG PO NI, GAL TE BYED PA POR NI GYUR PA BYA BA DANG LDAN PA YIS LAS SU MA GYUR PA BYA BA DANG BRAL BA NI MI BYED DE BYED PA PO YIN PAS BYED PA 'DIR YANG SNGAR BSHAD PA'I BYED PA PO YIN PA LA BYA BA GZHAN MED PA DANG SUS KYANG MA BYAS PA'I LAS YOD PA DANG LAS MIN PA BYED PA 'DIR YANG SNGAR BSHAD PA'I LAS MA YIN PA NI RGYU MED DU 'GYUR BA SOGS KYI SKYON DER THAL BAR 'GYUR BA'I PHYIR RO, ,BYED PA

117a

, ,POR MA GYUR PAS KYANG LAS SU GYUR PA MI BYED DE DE'I SKYON NI SNGA MAS SHES PAR BYA'O, ,'DIR MU GSUM PAS PHYOGS MI MTHUN PA BYED PA MA BKAG PA NI 'OG MA'I SKABS DANG KHYAD MED PA LA DGONGS SO, ,GNYIS PA NI, BYED PA POR NI GYUR PA BYA BA DANG BCAS PAS LAS SU NI MA GYUR PA DANG LAS SU NI GYUR PA DANG MA GYUR PA GNYIS KA MI BYED DE DE'I GTAN TSIGS TE RIGS PA NI GONG DU YIN PAR GYUR LA BYA BA MED, CES SOGS KYIS BYED PA PO YIN PAS BYED PA DANG, LAS LA RGYU NI MED PAR 'GYUR, ZHES SOGS KYIS LAS MIN PA BYED PA LA SKYON BSTAN PA DANG, YIN DANG MA YIN GYUR CIG LA, ,ZHES SOGS KYIS LAS YIN MIN GNYIS KA BYED PA LA SKYON BSTAN PA YIN PA'I PHYIR RO, ,BYED PA POR NI MA GYUR PAS LAS SU NI GYUR PA DANG BCAS PA STE BYA BA DANG LDAN PA DANG LAS SU GYUR PA DANG MA GYUR PA GNYIS KA MI BYED DE, ,DE'I GTAN TSIGS TE RIGS PA NI GONG DU BYED PA PO MIN PAS BYED PA LA RGYU MED DANG LAS YIN PA BYED PA LA YIN PAR GYUR LA BYA BA MED CES SOGS DANG LAS YIN MIN GNYIS KA BYED PA LA YIN DANG MA YIN GYUR CIG NI, ZHES SOGS KYI SKYON BSTAN PA YIN PA'I PHYIR RO, ,BYED PA POR GYUR PA DANG MA GYUR PA GNYIS KA YIN PAS NI LAS SU GYUR PA DANG LAS SU MA GYUR PA RE RE NAS MI BYED DE 'DIR YANG GTAN TSIGS TE RIGS PA NI GONG DU, BYED PA PO YIN MIN GNYIS KA YIN PAS BYED PA LA, YIN DANG MA YIN GYUR CIG NI, ,ZHES SOGS DANG, LAS YIN PA BYED PA LA YIN PAR GYUR LA BYA BA MED, ,CES SOGS DANG, LAS

117b

MIN PA BYED PA LA LAS LA RGYU NI MED PAR 'GYUR, ZHES SOGS KYIS SKYON BSTAN PA YIN PA'I PHYIR RO, ,DE'I PHYIR RNAM SHES LA SOGS PA'I 'DUS BYAS NI RANG BZHIN GYIS YOD DE, DE'I RGYU LAS DANG BYED PA PO RANG BZHIN GYIS YOD PA'I PHYIR ZHES SMRAS BA NI RIGS PA MA YIN NO, ,GNYIS PA NI, GAL TE BYED PA PO DANG BYA BA'I DNGOS PO RNAMS MED DO ZHES KHYOD KYIS NGES PAR BZUNG BAS DNGOS PA LA SKUR PA BTAB PAR 'GYUR LA, BYA BYED KYI DNGOS PO MED PA DE KHO NAR YOD DO ZHES SGRO BTAGS PAR YANG 'GYUR ZHE NA, DNGOS PO RANG BZHIN GYIS YOD PAR SMRA BA KHYOD LA NI DNGOS PO SNGAR YOD PHYIS MED PAR SMRA BA LAS DNGOS PO THAMS CAD LA SKUR 'DEBS YOD DE RANG BZHIN GYIS YOD NA NAM YANG MED PA MI 'THAD PA'I PHYIR RO, ,KHO BOS NI BRTEN NAS SKYES PA'I PHYIR DNGOS PO THAMS CAD LA RANG BZHIN MA DMIGS TE, DES NA DON DAM DANG KUN RDZOB TU YOD PA GANG ZHIG LA SKUR PA BTAB PAR 'GYUR TE, DON DAM PAR 'GA' YANG MED PA'I PHYIR DANG KUN RDZOB TU BRTEN NAS SKYE BA THAMS CAD KHAS LEN PA'I PHYIR RO, ,DE SKAD DU YANG RIN CHEN PHRENG BA LAS, SMIG RGYU LA NI 'DI CHU ZHES, ,BSAMS TE DER NI SONG BA LAS, ,GAL TE CHU DE MED DO ZHES, ,'DZIN PA DE NI BLUN PA NYID, ,DE BZHIN SMIG RGYU LTA BU YI, ,'JIG RTEN YOD CE'AM MED PA ZHES, ,'DZIN PA DE NI RMONGS PA STE, ,RMONGS PA YOD NA MI GROL LO, ,MI SHES PA LAS SNGAR BRTAGS SHING, ,PHYI NAS DE NYID DON NGES NA, ,GANG TSE DNGOS PO MI DMIGS PA, ,DE TSE DNGOS MED GA LA 'GYUR, ,ZHES GSUNGS TE, DNGOS PO RANG BZHIN GYIS YOD PAR 'DZIN PA BKAG

118a

, ,PA NI SMIG RGYU LA CHUR BZUNG BA BKAG PA DANG 'DRA BAS SKUR 'DEBS MIN NO, ,DNGOS PO RANG BZHIN GYIS YOD PA MI DMIGS PA DE'I TSE DNGOS PO MED PA STE RANG BZHIN MED PA YANG DON DAM PAR GRUB PAR GA LA 'GYUR TE, DON DAM PAR DNGOS PO GANG YANG MI SRID PAS DE DAG GI DNGOS MED KYANG DON DAM PAR MED DO, ,DE'I PHYIR DNGOS PO KUN RDZOB PA SMIG RGYU'I CHU DANG 'DRA BA RNAMS NI 'JIG RTEN PA'I 'KHRUL SHES KHAS BLANGS NAS, RKYEN NYID 'DI PA TZAM DU KHAS BLANGS PA KHO NAS 'GRUB KYI GZHAN GYIS NI MA YIN TE 'DI LTAR, MI BYED CING LAS LA LTOS PA MED PA NI BYED PA POR MI RUNG BA'I PHYIR LHAS BYIN BYED PA PO YIN PA NI LAS LA BRTEN BYAS SHING STE DE LA LTOS NAS 'BYUNG BA STE 'GRUB LA, BYED PA POS MI BYED PA NI LAS SU MI 'GYUR BAS BYED PA POR MA ZAD LAS KYANG BYED PA PO DE NYID LA BRTEN NAS 'BYUNG BA STE 'GRUB KYI DE MA GTOGS PA NGO BO NYID KYIS 'GRUB PA'I RGYU STE THABS GZHAN NI MA MTHONG NGO, ,DES NI PHAN TSUN LTOS NAS YOD PAR KHAS BLANG BA DANG NGO BO NYID KYIS YOD PAR KHAS MI BLANG BAR BSTAN TE YOD CES PA'I YOD TSUL LA DBU MA PA DANG DNGOS POR SMRA BA GNYIS KYI KHYAD PAR PHYE LA DES MED TSUL GYI KHYAD PAR YANG BSTAN NO, ,GSUM PA NI, JI LTAR LAS DANG BYED PA PO PHAN TSUN LTOS NAS GRUB PA TZAM YIN GYI NGO BO NYID KYIS GRUB PA MIN PA DE BZHIN DU, 'DI NYE BAR LEN BAS NA NYER LEN TE NYE BAR BLANG BYA DANG 'DIS NYE BAR LEN PAS NA NYER LEN TE NYE BAR LEN PA PO YANG PHAN TSUN LTOS NAS GRUB PA TZAM YIN GYI RANG GI NGO BO NYID KYIS GRUB PA MIN PAR SHES PAR

118b

BYA'O, ,YANG CI'I PHYIR NGO BO NYID KYIS GRUB PA MA YIN ZHE NA, RIGS PA GANG GIS LAS DANG BYED PA PO NGO BO NYID KYIS GRUB PA BSAL BA'I RIGS PA DE KHO NAS NYE BAR BLANG BYA DANG LEN PA PO YANG NGO BO NYID KYIS YOD PA BKAG PA'I PHYIR RO, ,DE'I SBYOR TSUL NI LEN PA PO YIN MIN RE RE BA DANG GNYIS KAS BLANG BYA YIN MIN RE RE BA DANG GNYIS KA MI LEN PA STE PHYOGS MI MTHUN PA LA YANG SBYAR RO, ,LAS DANG BYED PA PO RANG BZHIN GYIS YOD PA BKAG PAS NYE BAR LEN PA GNYIS PHAN TSUN LTOS GRUB TU NGES PAR BYA BA KHO NAR MA ZAD KYI, GZHAN YANG BYED PA PO DANG LAS DAG GIS TE DE GNYIS LA RNAM PAR DBYAD PA'I RIGS PAS BYED PA DANG NYER LEN ZUNG GNYIS KYI LHAG MA STE DE DAG LAS THA DAD PA'I DNGOS PO RNAMS KYANG, NGO BO NYID KYIS YOD PA BKAG STE PHAN TSUN LTOS GRUB NYID DU SHES RAB CAN GYIS SHES PAR BYA'O, ,DE DAG KYANG BSKYED BYA SKYED BYED DANG 'GRO BA DANG 'GRO BA PO DANG BLTA BYA DANG LTA BYED DANG MTSAN NYID DANG MTSAN GZHI DANG 'BYUNG BYA 'BYUNG BYAD DANG, DE BZHIN DU YAN LAG DANG YAN LAG CAN DANG YON TAN DANG YON TAN CAN DANG TSAD MA DANG GZHAL BYA LA SOGS PA THAMS CAD DO, ,DE'I SBYOR TSUL NI SKYED BYAD DANG 'GRO BA PO YIN MIN RE RE BA DANG GNYIS KAS BSKYED BYA DANG 'GRO BA YIN MIN RE RE BA DANG GNYIS KA MI BSKYED CING DER MI 'GRO BA STE, PHYOGS MI MTHUN PA LA YANG SBYAR BAR BYA LA LHAG MA YANG DE LTAR RO, ,YAN LAG DANG YON TAN YIN MIN RE RE BA DANG GNYIS KA YANG YAN LAG CAN DANG YON TAN CAN YIN MIN RE RE BA DANG GNYIS KA LA MI 'JUG CES SBYAR TE PHYOd MI MTHUN PA LA YANG SBYAR RO, ,DES NA RAB BYED DANG POR BSKYED BYA SKYED BYED DANG GNYIS PAR 'GRO 'ANG DANG GSUM PAR BLTA BYA LTA BYED DANG, LNGA PAR MTSAN MTSON LA DPYAD NAS BKAG PA RNAmS KYIS NI BSKYED BYA SKYED BYED SOd NGO BO NYID KYIS YOD PA TZAM 'GOG PAS YOD PA BKAG PA MIN NO,,

119a

, ,DE BKAG PA NA DE RNAMS PHAN TSUN LTOS NAS BZHAG PA'I RTEN 'BYUNG GI YOD PAR 'GRUB CING TSAD MA DANG GZHAL BYA YANG DE DANG 'DRA BAS, PHAN TSUN LTOS GRUB KYI TSAD MA DANG GZHAL BYA KHAS MI LEN PA MIN TE DE NI BSGRUB BYA SGRUB BYAD LA YANG KHYAD PAR MED DO, ,RGYU 'BRAS LA SOGS PA DE DAG KYANG THA SNYAD PHAN TSUN LTOS PA TZAM DU MA ZAD DON GNYIS KYANG PHAN TSUN LTOS PA GZHUNG GI DON YIN TE, PHAN TSUN LTOS PA'I RGYU MTSAN GYIS BYA BYED KYI DON DANG THA SNYAD THAMS CAD LA RANG BZHIN GYIS YOD PA 'GEG PA'I SKABS YIN PAS SO, ,DES NA ME YANG DU BA BSKYED BYA YIN PA LA BRTEN NAS 'JOG GI RANG GI NGO BOS RANG DBANG DU GRUB PA MED PAS LUGS GZHAN LAS ME DU BA LA MI LTOS PAR BSHAD PA SOGS DANG MI 'DRA'O, ,RAB BYED THAMS CAD LA DE LTAR DU GO DOGS LA PHAN TSUN LTOS NAS 'GRUB DGOS PA'I PHYIR NA, DE RNAMS LA RANG RANG GI NGO BO'I DBANG GIS YOD PA'I RANG TSUGS THUB PA MED PAS RTEN 'BYUNG GI GTAN TSIGS NYID KYIS RANG BZHIN MED BA 'GRUB BA, ,DE LTA NA RGYU 'BRAS KYI NGES PA DRANGS PA NYID LA BRTEN NAS MTSAN MAR 'DZIN PA'I DMIGS GTAD THAMS CAD 'JIG PAR BYED PAS, YANG DAG PA'I LTA BA'I GAL SA RTAG CHAD DANG SGRO SKUR GYI MTHA' THAMS CAD DE NAS CHOD PA YIN NO, ,DE LTA BU'I RANG BZHIN GYIS STONG PA'I DON RTEN 'BYUNG GI DON DU MA RTOGS PAR DU YANG NA BDAN 'DZIN GYI DMIGS GTAD KYI LHAG MA LJAS YANG NA RGYU 'DI LAS 'DI 'BYUNG GI RTEN 'BYUNG RANG LUGS LA MI BDE BAR RTEN 'BREL GYI NGES PA RNAL MA DRANGS MED PAS RTAG CHAD GANG RUNG GCIG

119b

GI MTHAR LTUNG BA LAS MI 'DRA'O, ,GAL TE DNGOS PO LHAG MA SHES PAR BYA, ZHES PA NYID KYIS BLANG BYA DANG LAN BYED KYI DON RTOGS PAR 'GYUR BAS, DE BZHIN NYER LEN SHES PAR BYA, ,ZHES SU BKOD MI DGOS SO ZHE NA, DE NI BDEN MOD KYANG RNAM PAR DPYAD PA LA 'DI GNYIS GTZO BOR GYUR PAR SHES PAR BYA BA'I PHYIR LOGS SU BKOD DE RAB BYED PHYI MA RNAMS SU YANG 'DI GNYIS KYI BRTAG PA PHAL CHER 'BYUNG NGO, ,GNYIS PA NI, DE LTAR DGE MI DGE'I LAS DANG DE'I BYED PA PO LA SOGS PA BYA BA DANG BYED PA PO THAMS CAD RANG BZHIN GYIS STONG PAR RIGS PAS BSTAN PA DE NYID NGES DON GYI LUNG DANG LDAN PA DANG, RAB BYED 'DIS BYA BA DANG BYED PA PO MI DMIGS PAR GSUNGS PA THAMS CAD BSHAD PAR BYA'O ZHES BSTAN PA'I PHYIR DU NGES DON GYI LUNG DANG SBYOR BA'I PHYOGS CAM SMOS NA, NYE BAR 'KHOR GYIS ZHUS PA LAS, SEMS DMYAL 'JIGS PA NGA YIS BSTAN BYAS TA, ,SEMS CAN STONG PHRAG DU MA SKYO BYAS KYANG, ,GANG DAG SHI 'PHOS NGAN SONG DRAG 'GRO BA'I, ,'GRO BA DE DAG NAM YANG YOD MA YIN, ,GANG DAG RAL GRI MDA' CHEN MTSON 'BYIN PA'I, ,GNOD PA BYED PA YOD PA MA YIN TE, ,RTOG PA'I DBANG GIS NGAN SONG DE DAG NA, ,LUS LA 'BAB MTHONG DE NA MTSON CHA MED, ,SNA TSOGS YID DGA' ME TOG KHA BYE ZHING, ,GSER GYI KHANG MCHOG 'BAR BA YID 'ONG BA, , 'DI NA DE LA'ANG BYED PA 'GA' MED DE, ,DE DAG RTOG PA'I DBANG GIS BZHAG PA YIN, ,RTOG PA'I DBANG GIS 'JIG RTEN RNAM BRTAGS TE, ,'DU SHES 'DZIN PAS BYIS PA RNAM PAR PHYE, ,'DZIN DANG 'DZIN MED DE YANG 'BYUNG BA MIN, ,YONGS SU RTOG

120a

, ,PA SGYU MA SMIG RGYU BZHIN, ,ZHES GSUNGS TE NGAN SONG DU 'GRO BA DANG GNOD PA SKYEL BA'I BYA BYED DANG LHA'I YUL BYED BA'I BYA BYED RANG BZHIN GYIS STONG ZHING DE DAG THA SNYAD KYI RTOG PA'I DBANG GIS BZHAG PAR BSHAD DE, ,GSUM PA NI, DE LTAR BYA BA DANG BYED PA PO RNAMS RTOG PA'I DBANG GIS YOD PAR BZHAG PA TZAM MIN PAR RANG GI NGO BO'I DBANG GIS YOD PAR BZUNG BA LTAR YIN NA, BYED PA PO DANG BYA BA GANG YANG MI 'THAD PAR NGES PAR BYA LA DE GNYIS PHAN TSUN LTOS 'GRUB TZAM DU RTOGS PAR BYA'O, , BYED PA PO DANG LAS BRTAG PA ZHES BYA BA TSIGS SU BCAD PA BCU GNYIS KYI BDAG NYID RAB TU BYED PA BRGYAD PA'I RNAM PAR BSHAD PA'O,, ,,GNYIS PA GANG ZAG GI BDAG MED BSHAD PA LA GNYIS, GANG ZAG RANG BZHIN GYIS GRUB PA DGAG , GANG ZAG RANG BZHIN GYIS YOD PA'I SGRUB BYED DGAG PA'O, ,DANG PO LA GSUM, RAB BYED KYI GZHUNG BSHAD PA, NGES DON GYI LUNG DANG SBYAR BA, DON BSDUS TE MTSAN BSTAN PA'O, ,DANG PO LA GNYIS, PHYOGS SNGA MA BRJOD PA DANG, DE SUN DBYUNG BA'O, ,DANG PO NI, 'DIR DE BZHIN NYER LEN SHES PAR BYA, ,LAS DANG BYED PO GSAL PHYIR RO, ,ZHES SMRAS PA DE NI MI RIGS TE 'DI LTAR LTA BA DANG NYAN PA LA SOGS PA DANG TSOR BA LA SOGS PA RNAMS NYE BAR LEN PA PO GANG GI NYE BAR BLANG BA YIN PA'I NYE BAR LEN PA PO DE NI NYE BAR BLANG BA DE DAG GI SNGA ROL NA YOD DE ZHES KHA CIG STE NYAN THOS SDE BA MANG POS BKUR BA PA SMRA STE RGYU MTSAN NI NOR GYI SNGA ROL NA LHAS BYIN YOD PAS NOR GSOG GI MO GSHAM GYI BUS MA YIN PA BZHIN DU, DNGOS PO STE

120b

GANG ZAG SNGA ROL DU YOD PA MA YIN NA LTA BA LA SOGS PA GANG ZAG GIS NYE BAR LEN PAR JI LTAR 'GYUR TE MI 'GYUR RO, ,DE'I PHYIR LTA BA LA SOGS PA DE DAG GI SNGA ROL NA DNGOS PO STE 'DI NYE BAR LEN BYED KYI GANG ZAG GNAS PA DE YOD DO ZHES 'DZER TO,, SOGS SNGA MAS NI DBANG PO LHAG MA BZHI DANG PHYI MAS NI REG PA DANG YID BYED LA SOGS PA'I SEMS BYUNG LA SOGS PA RNAMS BSDU'O, ,DANG NI SMRAS PA'I LTA BA DANG NYAN PA DANG TSOR BA GSUM DANG MA SMRAS PA'I DBANG PO DANG SEMS SEMS BYUNG LHAG MA KUN BSDU BA'I DON DANG, YANG NI LHAG MA BSDUS PA DAG KYANG 'DIR GTOGS PAR YID CHES PAR BYA BA'I DON DANG, DBANG BYAS PA ZHES PA'I SGRA NI RKANG PA DANG PE GNYIS PO 'DI DBANG PO DANG SEMS SEMS BYUNG THAMS CAD BSDU BA'I DBANG DU BYAS PAS DAL 'JUG BA'I DON YIN NO ZHES SHES RAB SGRON MA DANG DE'I 'GREL BSHAD LAS BSHAD DO, ,GNAS MA BU PA DANG BZANG PO'I LAM PA DANG KUN GYIS BKUR BA DANG BLA MA PA DANG CHOS SBAS PA LNGAS GANG ZAG RDZAS SU YOD PAR SMRA BAR RTOG GO 'BAR BA LAS BSHAD DO, ,GNYIS PA LA GSUM, NYE BAR LEN PA PO NGO BO NYID KYIS YOD PA DGAG ,DES NYE BAR BLANG BYA YANG NGO BOS YOD PA KHAGS PAR BSTAN, NYE BAR LEN PA PO NGA BA NYID KYIS MED PA LA RTZOD PA SPANG BA'O, ,DANG PO LA GNYIS, GZHAN GYIS BRTAGS PA'I BDAG DGAG ,RANG GIS THA SNYAD DU GANG ZAG 'JOG PA'I TSUL LO, ,DANG PO LA GSUM, LEN PA PO BLANG BYA THAMS CAD KYI SNGA ROL NA YOD PA DGAG ,BLANG BYA RE RE'I SNGA ROL NA YOD PA DGAG ,BLANG BYA THAMS CAD KYI SNGA ROL NA YOD PA'I SGRUB BYED DGAG PA'O, ,DANG

121a

, ,PO LA GNYIS, BLANG BYA LAS SNGA NA LEN PA POR GDAGS PA'I RGYU MED PAS DGAG ,LEN PA PO SNGA NA BLANG BYA LA GNAS PA'I RTEN MED PAS DGAG PA'O, ,DANG PO NI, GAL TE LEN PA PO NGO BO NYID KYIS YOD NA BLANG BYA LAS SNGA PHYI DANG DUS MNYAm PA GSUM LAS MA 'DA' LA PHYI MA GNYIS 'OG NAS 'GOG PAS 'DIR BLANG BYA LAS SNGA BA 'GOG PA NI, LTA BA DANG NYAN PA LA SOGS PA DANG TSOR BA LA SOGS PA NYID KYI NI SNGA ROL NA GANG GNAS PA'I DNGOS PO GANG ZAG DE NI GANG GIS GDAGS PAR BYA BA'I RGYU MED PAS SPYIR GANG ZAG DANG BYE BRAG TU LTA BA PO LA SOGS PAR GZHAG TU MED PAR 'GYUR RO, ,'DI LTAR GANG ZAG TU THA SNYAD GDAGS PA'I RGYU NI LTA BA LA SOGS PA YIN NA GANG ZAG DE DE DAG LAS SNGA NA NI, DE'I TSE BUM SNAM BZHIN DU LTA BA LA SOGS PA LA LTOS PA MED PAR 'GYUR LA, GANG ZHIG RANG GI RGYU LA MI LTOS PA DE NI RGYU MED PA YIN TE, NOR LA SOGS PA LA MI LTOS PA'I NOR CAN LTAR MED PA YIN NO, ,'DIR DUS SNGA PHYIR YOD NA SNGA MA PHYI MA LA LTOS PA MI RUNG ZHES PA MIN TE, RANG LUd KYIS KYANG RGYU 'BRAS THAMS CAD PHAN TSUN LTOS PAR BZHED PA'I PHYIR RO, ,DES NA GANG ZAG LTA BA PO LA SOGS PAR 'JOG PA LA NI LTA BA LA SOGS PA LA LTOS PAS KHYAB LA, LEN PA PO LTA BA LA SOGS PA LA LTOS PA NGO NO NYID KYIS GRUB PA YIN NA DUS NAM YANG LTOS DGOS PAS LEN PA PO'I DUS NA LTOS SA LTA BA LA SOGS PA MED PAS DE LA LTOS PA MED PA'I PHYIR SPYIR LTOS PA YANG 'GOG NUS SO, ,GNYIS PA NI, GAL TE LTA BA LA SOGS PA MED PAR YANG STE DE DAG GI SNGA ROL NA GNAS PAR GYUR PA'I

121b

GANG ZAG DES NI LTA BA LA SOGS PA LEN PAR BYED DO SNYAM DU SEMS NA, SKYON GZHAN 'DI YANG YOD DE DE LTA NA NI NOR DANG 'BREL BA'I SNGA ROL NA LHAS BYIN NOR LAS THA DAD PAR GNAS NAS NOR DON GZHAN GSOG PA BZHIN DU, LEN PA PO LA YANG GANG ZAG DE MED PAR YANG STE DE LAS DON GZHAN DU LTA BA LA SOGS PA DE DAG NI LOGS SHIG NA YOD PAR 'GYUR BAR THE TSOM MED DO, ,DE 'DOD PAR NI MI NUS TE GANG ZAG 'DI NI MIG LA SOGS PA 'DI'I NYE BAR LEN PA'O ZHES LTA BA LA SOGS PA NYA BAR BLANG BYA CI ZHIG PO YIS LEN PA PO'I BDAG GANG ZHIG PO GSAL BA DANG MNGON PA DANG SHES PAR BYED CING, MIG LA SOGS PA 'DI NI GANG ZAG 'DI YI NYE BAR BLANG BYA'O, ZHES LEN PA PO'I BDAG GANG ZHIG GIS LTA BA LA SOGS PA NYE BAR BLANG BYA CI ZHIG PO GSAL BAR BYED DO, ,DE'I TSE BLANG BYA CI ZHIG PO LA LTOS PA MED PAR LEN PA PO GANG ZHIG PO GA LA YOD DE MED LA, LEN PA PO LA YANG LTOS PA MED PAR BLANG BYA CI ZHIG PO GA LA YOD DE MED PAS DE GNYIS PHAN TSUN LTOS NAS GRUB BO, ,GANG GI TSE LEN PA PO MED PAR LOd SHIG TU LTA BA LA SOGS PA KHAS LEN PA'I TSE NI MIG LA SOGS PA'I RTEN MED PAS LTA BA LA SOGS PA MED DO, ,'DI YANG SNGAR BSHAD PA LTAR NGO BO NYID KYIS THA DAD NA LTOS PA MI RUNG BA'I RIGS PA'O, ,BUDDHA P'A LI TA LAS DE NI GANG GIS GDAGS PAR BYA ZHES PA'I LAN DU LTA BA LA SOGS PA MED PAR YANG RANG NYID KYIS RAB TU GRUB PO ZHES LTA BA LA SOGS PA ZHES PA'I RKANG PA GNYIS KYI DON SMRAS PA NA, DE LTA NA GANG ZAG DE MED PAR YANG LTA BA LA SOGS PA RANG NYID KYIS RAB TU GRUB PAR THE TSOM MED

122a

, ,DO ZHES BSTAN PA LA, DE LTA YIN NA SKYON CI YOD CES DRIS PA'I LAN DU CI YIS ZHES PA'I RKANG PA GNYIS KYIS DE GNYIS PHAN TSUN DU GSAL BAR BYED PAR BSTAN NAS RGYU MTSAN DES NA DE GNYIS GCIG MED PAR CIG SHOS MED CES RKANG PA PHYI MA GNYIS 'CHAD DO, ,DE DAG GIS NI LEN PA POR GDAGS PA'I RGYU DANG BLANG BYA GNAS PA'I RTEN MED PAS LTA BA LA SOGS PA LAS THA DAD PAR LEN PA PO NGO BO NYID KYIS GNAS PA MED PAR BSHAD DO, ,GNYIS PA LA GNYIS, PHYOGS SNGA MA BRJOD PA DANG ,DE SUN DBYUNG BA'O, ,DANG PO NI, GAL TE LTA BA LA SOGS PA THAMS CAD KYI SNGA ROL NA GANG ZAG DE YOD PAR KHAS BLANGS NA SKYON DE DAG YOD KYANG LTA BA LA SOGS PA THAMS CAD KYI SNGA ROL NA LEN PA PO GANG ZHIG PO DE YOD PA MIN GYI RE RE'I SNGA ROL NA YOD DO, ,DE'I PHYIR BLANG BYA LTA BA LA SOGS PA'I NANG NAS LTA BA'I DBANG POS GANG ZAG DE GSAL BAR BYED PA'I DUS NA DE LAS GZHAN PA'I DBANG PO ZHIG GIS DUS DE LAS GZHAN GYI TSE NA GSAL BAR BYED KYI DUS DE'I TSE NA GSAL BAR MI BYED DO, ,LTA BA LA BRTEN NAS 'DOGS PA'I TSE NYAN PA LA BRTEN NAS MI 'DOGS PAS RANG GI BLANG BYA'I SNGA ROL DU YANG YOD LA, GANG ZAG TU GDAGS PA'I RGYU MED PA'I SKYON YANG MED DO ZHES ZER RO, ,'DIS SNGAR YANG RANG GI BLANG BYA'I SNGA ROL NA YOD CES SMRAS PA MA GTOGS PA LTA BA LA SOGS PA THAMS CAD KYI SNGA ROL NA YOD CES MA SMRAS LA, DE LA GANG ZAG TU GDAGS PA'I RGYU MED PAR THAL BA'I SKYON MED DE THAMS CAD KYI SNGA ROL DU YOD PAR MI 'DOD PA'I PHYIR RO SNYAM DU BSAMS SO, ,DA LTAR GYI GANG ZAG LEN PA PO DANG DE'I MED LA SOGS

122b

PA BLANG BYAR 'DOD PA 'GOG PA YIN PAS, TSE SNGA MA'I GANG ZAG GIS TSE PHYI MA'I LUS LEN PA SKABS 'DI'I LEN PA PO DANG BLANG BYA'I DON MIN NO, ,'O NA GANG ZAG GIS LTA BA LA SOGS PA LEN ZHES PA'I DON CI YIN ZHE NA, GANG ZAG DE GZUGS LA LTA BA POR SONG BA'I BYED PAR MIG GI DBANG PO SONG BA NA DES DE BLANGS PA YIN LA, DE'I TSE LTA BA'I DBANG PO DANG DUS MNYAM DU YOD LA NYAM PA'I DBANG PO LA SOGS PA'I SNGA ROL NA YOD PAR 'DOD DE DES GZHAN YANG SHES PAR BYA'O, ,GNYIS PA NI, GAL TE LTA BA LA SOGS PA THAMS CAD KYI SNGA ROL NA BDAG DE YOD PA MIN NA LTA BA LA SOGS PA RE RE YI SNGA ROL NA BDAG DE NI JI LTAR YOD DE YOD PA MI RIGS TE, DPER NA SHING THAMS CAD KYI SNGA ROL NA NAGS MED PA'I TSE RE RE'I SNGA ROL NA YANG MED PA DANG, BYE MA THAMS CAD LA TIL MAR 'BYIN PA'I NUS PA MED NA RE RE LA YANG MED PA BZHIN NO, ,GZHAN YANG RE RE'I SNGA ROL DU YOD PAR SMRA NA THAMS CAD KYI SNGA ROL NA'ANG YOD PAR KHAS BLANGS PAR 'GYUR TE, RE RE MA GTOGS PAR THAMS CAD MED PA'I PHYIR RO, ,'DI DPER NA DER YOD PA'I MI RE RE LA SMRAS NAS LHAG MA MA LUS PA NA DER YOD PA'I MI THAMS CAD LA SMRAS PA YIN PA BZHIN DU, GANG ZAG DA LTA BA LA SOGS PA RE RE NAS LHAG MA MA LUS PAR RE RE'I SNGA ROL DU YOD PA ZHIG BYANG NA MTHAR LTA BA LA SOGS PA THAMS CAD KYI SA ROL DU YOD PA ZHIG SGRUB NUS SO, ,GAL TE DUS RIm CAN GYIS RE RE NAS BGRANGS PA'I THAMS CAD KYI SNGA ROL DU YOD PA YIN YANG, LTA BA'I SNGA ROL NA YOD PA'I DUS SU LHAG MA THAMS CAD KYI SNGA ROL NA YOD PA LTA BU DUS GCIG GI TSE THAMS CAD KYI SNGA ROL

123a

, ,NA YOD PAR MI 'DOD PAS YI 'GAL SO ZHE NA, LEN PA PO DANG BLANG BYA NGO BO NYID KYIS GRUB PA 'GOG PA'I SKABS YIN PAS SKYON MED DO, ,RIGS PA 'DIS KANG RE RE'I SNGA ROL NA YOD PAR MI RIGS TE, 'DI LTAR GANG ZAG GCIG LTA BA LA SOGS PA RE RE'I SNGA ROL NA YOD PAR 'GYUR BA LA GAL TE LTA BA PO DE NYID NYAN PA PO YIN LA TSOR BA PA'ANG DE NYID YIN BZHIG DGOS NA, DE NI MI RIGS TE LTA BA'I BYA BA DANG BRAL BA'I NYAN PA PO YANG LTA BA PO DANG, NYAN PA'I BYA BA DANG BRAL BA'I LTA BA PO YANG NYAN PA POR 'GYUR BA'I PHYIR RO, ,BYA BA SO SO LA BYED PA PO THA DAD PA'I PHYIR LTA BA PO NYID NYAN PA PO YANG DE NYID DE ZHES PA DE NI DE LTAR YIN PAR MI RIGS SO, ,LHAS BYIN GCIG RIM GYIS MI BCU'I SNGA ROL DU GNAS PA THA SNYAD DU 'DOD DOGS MED KYANG MI DANG PO'I SNGA ROL NA BSDAD PA'I LHAS BYIN DE NYID MI GNYIS PA'I SNGA ROL NA YANG SDOD PAR 'DOD NA, SNGAR GZUGS LTA DUS KYI LTA BA PO DE NYID PHYIS SGRA NYAN DUS KYI NYAN PA PO DER KHAS BLANG DGOS SO, ,DE LTAR DGOS YOD KYANG PHA ROL POS DE LTAR KHAS BLANGS PA MED PAS SUN 'BYIN 'DI JI LTAR RIGS SNYAM NA, SPYIR GNAS MA BU PA LA, RNAM 'GREL LAS, GANG GI RANG BZHIN 'JIG MED PA, ,DE LA MKHAS RNAMS RTAG CES BRJOD, ,DES NA NGO TSA'I LTA BA 'DI, ,SRONGS LA DE NI RTAG PAR SMROS, , ZHES GSUNGS PA BZHIN DU SNGAR MIG GI SNGA ROL NA GNAS PA'I GANG ZAG DE NYID PHYIS RNA BA'I DBANG PO'I SNGA ROL NA GNAS PA'I TSE YANG MA ZHIG PAR 'DOD PAS, DE LTAR KHAS BLANGS PA'I SGO NAS KYANG SKYON DE BRJOD NUS MOD KYANG, 'DIR NI GANG ZAG DO

123b

BO NYID KYIS GRUB NA LTA BA BAm DANG NYAN PA PO GNYIS NGO BO NYID KYIS GCIG PA DANG THA DAD PA LAS MI 'DA' LA, THA DAD 'OG NAS 'GOG PAS GCIG YIN NA SNGAR CHOS GCIG GI SNGA ROL NA GNAS PA DE NYID PHYIS CHES GNYIS PA'I SNGA ROL DU YANG BSDAD DGOS PAS, RIM GYIS RE RE'I SNGA ROL NA YOD PAR 'DOD PA LA YANG LTA BA PO DE NYID CAS PA'I SKYON BRJOD MDZAD DO, ,'ON TE LTA BA PO DE NYID NYAN PA PO YANG DE NYID DU 'DOD NA SAR BSHAD PA'I SKYON 'ONG BAR MTHONG NAS GAL TE LTA BA PO DANG NYAN PA PO DANG TSOR BA PO RNAMS NGO BO NYID KYIS GZHAN DU 'DOD NA, LTA BA PHO YOD PA'I TSE NA YANG CIG CAR DU NYAN PA PO YOD PAR 'GYUR NA DE LTAR NI MI 'DOD PAS NGO BO NYID KYIS GZHAN DU MED DO, ,GZHAN YANG SNGAR LTAR 'DOD NA SKYES BU GCIG LA BDAG KYANG MANG PO YOD PA NYID DU 'GYUR TE LTA BA NGO LA SOGS PA RNAMS NGO BO NYID KYIS GZHAN DU YOD PA'I PHYIR RO, ,GSUM PA NI, GAL TE BDAG NI LTA BA LA SOGS PA THAMS CAD KYI SNGA ROL NA YOD DO, ,'ON KYANG BDAG TU GDAGS PA'I RGYU MED PA'I SKYON MED DE LTA BA LA SOGS PA'I SNGA ROL MING DANG GZUGS KYI GNAS SKABS NA, MING DANG GZUGS KYI RKYEN GYIS SKYE MCHED DRUG GO ZHES GSUNGS PA'I LTA BA DANG NYAN PA SOGS 'BYUNG BAR 'GYUR BA'I RGYU 'BYUNG BA BZHI YOD DO, ,DES NA LTA BA LA SOGS PA'I SNGA ROL NA 'BYUNG BA BZHI'I NYA BAR LEN PA CAN GYI BDAG YOD DE ZHE NA, LTA BA DANG NYAN PA LA SOGS PA DANG TSOR BDAG LA SOGS PA YANG GANG LAS 'BYUNG BAR 'GYUR BA'I 'BYUNG BA BZHI PO DE LA'ANG BDAG DE NI NGO BO NYID KYIS YOD PA MA YIN NO, ,GAL TE BDAG DE NGO BO NYID KYIS YOD NA 'BYUNG BA LAS PHYI BA DANG DUS MNYAM PAS

124a

, ,'BYUNG BA NYE BAR LEN PA MI 'THAD PAS 'BYUNG BA'I SNGA ROL DU YOD PAR 'GYUR RO, ,DE LTA NA BDAG TU GDAGS PA'I RGYU MED PA LA SOGS PA'I SKYON SNGAR BSHAD PA BZHIN 'JUG PAS 'DIR SLAR YANG SKYON BRJOD MA MDZAD DO, ,GNYIS PA LA GNYIS, BDAG GI 'JOG TSUL DANG, DE LA RTZOD PA SPANG BA'O, ,DANG PO NI, GAL TE DE LTAR GANG ZAG NGO BO NYID KYIS YOD PA 'GOG NA MTHONG BA DANG THOS PA LA SOGS PA'I GANG ZAG GI THA SNYAD 'DI MI 'THAD PAR MI 'GYUR RAM SNYAM NA, MTHONG THOS LA SOGS PA BYED PA'I GANG ZAG NI SUS KYANG BSNYON DU MED PAS DE GTAN MED PA NI MI RUNG NGO, ,'DI LA GZHAN SDES MTHONG BA SOGS KYI GANG ZAG NI GDON MI ZA BAR KHAS BLANG DGOS LA, 'ON KYANG PHUNG PO DANG NGO BO GCIG PA MI RUNG BAR MTHOD NAS, PHUNG PO LAS NGO BO THA DAD PA'I GANG ZAG GI BDAG 'DOD PAR BYED DO, ,RANG GI SDE PA GZHAN GYIS NI LAS GSOG PA SOGS KYI GANG ZAG TZAM ZHIG NI GZHAG DGOS PAR MTHONG ZHING, PHUNG PO LAS NGO BO THA DAD PA'I BDAG YOD PA LA GNOD BYED MTHONG NAS PHUNG PO'I TSOGS RGYUN DANG LUS 'DOR LEN BYED PA'I RNAM SHES NYID BDAG GAM GANG ZAG TU SMRA BAR BYED DO, ,RANG GI LUGS NI NGAR 'DZIN LHAN SKYES KYIS GANG LA DMIGS PA'I GZHI DMIGS PA NI NGA DANG BDAG DANG GANG ZAG TU GZHAG DGOS LA, PHYI ROL PAS KUN BRTAGS PA LTAR GYI GANG ZAG YOD PAR MI 'DZIN PA'I DUD 'GRO LA SOGS PA LA YANG NGA DANG NGA YI BAR 'DZIN PA'I 'JIG LTA 'JUG PAS, PHUNG PO LAS NGO BO THA DAD PA'I BDAG PA'I BDAG NI NGAR 'DZIN LHAN SKYES KYI DMIGS PA'I GZHIR YANG MI RUNG LA, DE NI KUN RDZOB TZAM DU YANG MED PAR 'DOD DE 'JUG PA LAS, 'DI NI NGAR 'DZIN RTEN DU'ANG

124b

MI RIGS LA, 'DI NI KUN RDZOB TU YANG YOD MI 'DOD, ,CES DANG, 'JIG RTEN NGAR 'DZIN BLO YI RTEN DU YANG, ,MI 'DOD DE RIG MIN PA'ANG BDAG LTA'I PHYIR, ,ZHES SO, ,'JIG RTEN GYI THA SNYAD LA NI NGA'I GZUGS DANG DE'I NGE'I SEMS ZHES BDAG NI PHUNG PO'I RDEB PO DANG PHUNG PO NA DE'I KHO LA LTAR 'DZIN PAS, BDAG GI MTSAN GZHIR PHUNG PO'I RGYUN NAM TSOGS PA'AM YA GYAL RNAMS 'JOG PA NI GTAN MI RUNG NGO, ,'PHAGS PA'I GZHUNG DU YANG DE KHO NA LTAR 'CHAD DE, RAB BYED 'DIR NI LTA BA LA SOGS PA'I CI ZHIG PO RNAMS KYIS GANG ZHIG PO'I BDAG GSAL BAR BYED PAR BSHAD PAS, GSAL BYED KYI TSOGS PA DANG YA GYAL GANG YANG GSAL BYAR 'GAL BA'I PHYIR DANG, RAB BYED BCU PAR PHUNG PO DANG BDAG GCIG THA DAD KYI TSUL MED DANG BUD SHING DANG 'DRA BAR GSUNGS PA'I PHYIR DANG, RAB BYED THA MAR YANG, NYE BAR LEN PA MA GTOGS PAR, ,BDAG YOD MA YIN BYAS PA'I TSE, ,NYE BAR LEN NYID BDAG YIN NA, ,KHYOD KYI BDAG NI MED PA YIN, ZHES GSUNGS PA'I PHYIR RO, ,GNYIS PA NI, BDAG DANG PHUNG PO RJE KHOL LTAR 'DZIN NA DE GNYIS NGO BO THA DAD PAR 'DZIN PAR MI 'GYUR NGAM SNYAM NA, DE GNYIS RDZAS GZHAN DU 'DZIN PA 'JIG RTEN GYI THA SNYAD LA MED DE, GZHAN DU NA LHAS BYIN GYI LAG PA NA BA DANG GSOS PA LA LHAS BYIN NA BA DANG GSOS PAR MI 'JOG PAR 'GYUR TE, NYER SBAS NA BA DANG GSOS PAS BYAMS PA NA BA DANG GSES PAR THA SNYAD MI BYED PA BZHIN NO, ,RIGS PA DE NI, GANG PHYIR 'JIG RTEN SA BON TZAM BTAB NAS, ,BDAG GIS BU 'DI BSKYED CES SMRA BYED CING, ,SHING YANG BTZUGS SO SNYAM DU RTOGS DES NA, ,GZHAN LAS SKYE BA 'JIG RTEN LAS KYANG MED, ,

125a

, ,CES GSUNGS PA'I 'DON PA BSGYUR BA YIN TE, GANG PHYIR 'JIG RTEN LAG PA NA BA LA, ,BDAG NI NA'O SNYAM DU RTOGS DES NA, ,DE GNYIS RDZAS GZHAN 'JIG RTEN LAS KYANG MED, ,CES PA'O, ,DES NA BDAG GAM GANG ZAG NI MING DU BTAGS PA TZAM MA GTOGS PA BDAG GI THA SNYAD GANG LA 'JUG PA'I GZHI BTZAL BA NA, PHUNG PO LAS NGO BO THA DAD PA DANG NGO BO GCIG PA SOGS MI RNYED PAS PHUNG PO LA BRTEN NAS NGA DANG BDAG TU BTAGS PA TZAM MO, ,LAG PA NA BA DANG GSOS PAS GANG ZAG DON BA DANG GSOS PAR THA SNYAD BYED CING, NGA'I LAG PA NA BA DANG GSOS SO ZHES KYANG THA SNYAD BYED PAS LAG PA GCIG NYID NGA DANG NGA YI BA GNYIS KAR 'JOG PA MIN NAM SNYAM NA, DE NI 'JIG RTEN GYI THA SNYAD KYI DON MA RTOGS PA YIN TE, DE'I DON NI LAG PA NA BA DANG GSOS PAS BDAG DE NA THA DANG GSOS PAR 'JOG PA'I DON YIN GYI LAG PA BDAG TU 'JOG PA MIN PA'I PHYIR TE, LAG PA LA NGA'O SNYAM DU MI 'DZIN PA'I PHYIR RO, ,LHAS BYIN GYIS DUS SNGA PHYI'I BDAG SO SOR MA PHYE BAR NGA'O SNYAM DU 'DZIN PA'I DMIGS PA'I GZHIR GYUR PA'I BDAG NI THOG MA MED PA NAS ZHUGS PA'I NGA TZAM YIN PAS, LHA LA SOGS PA'I LUS BLANGS DUS KYI 'GRO BA SO SO BA'I BDAG RNAMS NI SNGA MA'I BYE BRAG RE'O, ,LHAS BYIN GYIS SKYE BA SO SOR PHYE BA'I BDAG LA NGA'O SNYAM DU BZUNG BA'I BDAG NI TSE RE RE'I BDAG PHYOGS RAB YIN NO, ,YUL GYI BDAG BZHIN DU YUL CAN GYI NGAR 'DZIN YANG SO SOR PHYE BA DANG MA PHYE BA'I 'DZIN STANGS CAN DU SHES PAR BYA'O, ,DE 'DRA BA'I BDAG THA SNYAD BTAGS PA TZAM MIN PA'I BTAGS DON BTZAL BA NA GANG DU YANG MI RNYED PAS,

125b

LAS GSOG PA DANG 'BRAS BU MYONG BA SOGS SU MI RUNG NGO ZHE NA, DE LTA NA GZUGS LA SOGS PA RNAMS KYANG THA SNYAD BTAGS PA TZAM MIN PA'I BTAGS DON BTZAL BA NA, BDAG DANG 'DRA BAR RANG GI CHA SHAS RNAMS LAS NGO BO THA DAD PA DANG GCIG PA SOGS GANG DU YANG MI RNYED PAS BYA BA BYED NUS PA MI SRID PAR 'GYUR RO, ,DE LTAR BTZAL BA NA MI RNYED PAR DAG BTAGS YOD DANG RDZAS YOD GNYIS KA MTSUNGS MOD KYANG MA RNYED PAS BDAG GNYIS KHEGS MI KHEGS MI MTSUNGS TE, RDZAS YOD RIGS PAS DPYAD BZOD YI LA BTAGS YOD DE LTAR MIN PA'I PHYIR RO, ,GNYIS PA NI, GAL TE YANG DE LTAR BDAG BKAG MOD KYI 'ON KYANG LTA BA LA SOGS PA NI RANG BZHIN GYIS YOD DE MA BKAG PA'I PHYIR RO, ,DE DAG YOD NA BDAG GI NGO BO CAN MIN PA'I BUM PA LA SOGS LA LTA BA LA SOGS PA DANG 'BREL PA MED PAS DE DAG GANG DANG 'BREL BA'I BDAG KYANG NGO BO NYID KYIS YOD DO ZHE NA, GAL TE LTA BA DANG NYAN PA LA SOGS PA DANG TSOR BA DAG LA SOGS PA YANG LEN PA PO GANG GI BLANG BYA YIN PA'I LEN PA PO DE NGO BO NYID KYIS MED PAR BSTAN PA DE YI TSE, DAR MA ZAD LTA BA LA SOGS PA DE DAG KYANG NI RANG BZHIN GYIS YOD PA MA YIN NO ZHES GSAL BAR BSTAN PA MA YIN NAM DE'I PHYIR LTA BA LA SOGS PA NYE BAR BLANG BYA NGO BO NYID KYIS MED PAS NYE BAR LEN PA PO'I BDAG KYANG DO BO NYID KYIS MED DO, ,GSUM PA NI, 'DIR PHA ROL POS GANG ZAG NGO BO NYID KYIS MED PA DE DGAG BYA DE RNAM PAR BCAD PA TZAM MIN PA'I MA YIN DGAG TU BSGRUBS SO SNYAM NAS CI BDAG MED DO SNYAM DU KHYOD KYIS NGES SAM ZHES 'DRI'O, ,DE SKAD DU SUS SMRAS, LTA BA LA SOGS PA MED PA

126a

, ,BDAG KYANG MED DO ZHES THAL MA THAG TU MA SMRAS SAM ZHE NA, DE SKAD DU SMRAS MOD KYI 'DI'I DON NI KHYOD KYIS BZUNG BA LTAR KHO BO CAG MI 'DOD DO, ,'DI LTAR BDAG NGO BO NYID KYIS YOD DO ZHES KHYOD KYIS BRTAGS PA YIN LA, BDAG GIS KYANG 'DZIN PA DE'I GNYEN POR BDAG NGO BO NYID KYIS YOD PA MIN NO ZHES DE ZLOG PA'I TSIG DGAG BYA RNAM PAR BCAD PA TZAM SMRAS PA YIN GYI, DGAG BYA BCAD TZAM LAS GZHAN PA BDAG 'DI'I RANG BZHIN MED PA RIGS SHES KYI YUL DU BRTAGS PA MIN TE, DNGOS PO DANG DNGOS MED LA ZHEN PA GNYIS KA SPANG DGOS PA'I PHYIR RO, ,'DI LTA BU'I RIGS RNAMS NI MED DGAG DANG MA YIN DGAG GI KHYAD PAR 'BYED PA YIN LA THAL 'GYUR BA'I KHYAD CHOS KYANG MIN TE SNGAR MANG DU BSHAD ZIN TO, ,DES NA GANG ZAG NA BRGYA PA LAS, KHYOD KYI BDAG GANG NGA'I BDAG MIN, ,DES DE BDAG MIN MA NGES PHYIR, ,DNGOS PO MI RTAG PA RNAMS LA, ,RTOG PA SKYE BAR 'GYUR MIN NAM, ,ZHES GSUNGS PA LTA BUR 'DOD PAR BYA'O, ,DE'I DON NI BDAG DE RANG GI NGO BOS YOD NA GANG ZAG GCIG GIS DE LA NGA'O SNYAM DU 'DZIN PA BZHIN DU, ,THAMS CAD KYIS KYANG 'DZIN PA'I NGES PA DGOS PA LAS KHYOD KYI NGAR 'DZIN SKYE BA'I BDAG DE LA NGA LA NGAR 'DZIN MI SKYE BA'I PHYIR, RIGS PA DES BDAG DE NGO BO NYID KYIS GRUB PA MIN TE THAMS CAD LA NGAR 'DZIN SKYE BAR MA NGES PA'I PHYIR RO, ,BDAG MED NA NGAR 'DZIN PA 'DI GANG LA 'GYUR SNYAM NA, PHUNG PO MI RTAG PA LAS DON GZHAN DU NGAR 'DZIN GYI DMIGS PA MED CING PHUNG PO NYID KYANG DER MI 'THAD PAS PHUNG PO MI RTAG PA LA BRTEN NAS BTAGS PA'I BDAG LA NGA'O SNYAM PA'I

126b

RTOG PAS BZUNG BA 'BA' ZHIG GO ,DE LTAR BDAG RANG GI NGO BOS YOD PA MIN LA BRTEN NAS BTAGS PA TZAM MED PA MIN PA'I DON 'DI GANG ZHIG LTA LA ZHES SOGS KYIS KYANG STON NO, ,BDAG GANG ZHIG YANGS SU BRTAGS NA LTA BA LA SOGS PA'I SNGA ROL NA MED DE GANG ZAG TU GDAGS PA'I RGYU MED PAR 'GYUR BA'I PHYIR RO, ,DA LTAR TE LTA BA LA SOGS PA DANG LHAN CIG TU YANG NGO BO NYID KYIS MED DE SO SOR NGO BO NYID KYIS MA GRUB PA LA LHAN CIG PA NGO BO NYID KYIS YOD PA MA MTHONG BA'I PHYIR DANG, SO SOR NGO BO NYID KYIS GRUB NA BDAG DANG NYE BAR BLANG BA GNYIS PHAN TSUN LTOS MED DU GYUR PAS SO SOR GRUB PA YANG MI 'THAD PA'I PHYIR RO, ,LTA BA LA SOGS PA SNGA LA BDAG PHYI BA YANG MED DE BYED PA PO MED PA'I LAS MA GRUB PA'I PHYIR RO, ,DE LTAR MED PA DE'I TSE BDAG DE LA NGO BO NYID KYIS YOD DO ZHES PA'I RTOG PA DAG NI LDOG PAR 'GYUR LA, LTA BA LA SOGS PAS GSAL BAR BYED PA'I PHYIR GANG ZAG DE MED DO ZHES PA'I RTOG PA DAG KYANG LDOG PAR 'GYUR RO, ,GNYIS PA NI, DE LTAR GANG ZAG NYE BAR LEN PA PO DANG DES BLANG BYA NGO BO NYID KYIS MED PAR GTAN LA PHAB PA DE NYID ZAB MO'I LUNG GIS GRUB PAR BSTAN PA DANG, DA LTAR BSHAD PA'I GSUNG RAB THAMS CAD RAB BYED 'DIS BSHAD PAR BYA BAR BSTAN PA'I PHYIR DU NGES DON GYI LUNG DANG SBYOR BA NI, 'GRO 'ONG BRTAG PA'I RAB BYED LUNG DANG SBYAR BA NYID LA BSHAD PAS DE BZHIN DU SHES PAR BYA'O, ,GSUM PA NI, LUS DE'I LEN PA PO NI GANG ZAG 'DI'O ZHES PA DANG GANG ZAG 'DI YI BLANG BYA NI CHOS 'DI DAG GO ZHES PA RNAMS LA THA SNYAD KYI DBANG GIS BZHAG PA MIN PAR NGO BO NYID KYIS GRUB PAR

127a

, ,'DZIN PA'I BZUNG BA LTAR GNAS NA, BLANG BYA DANG LEN PA PO'I THA SNYAD GAR YANG BYAR MED PAR NGES PA BSKYED NAS MING DU BTAGS PA TZAM GYI RTEN 'BYUNG LA DE GNYIS SHIN TU 'THAD PA'I TSUL RNAMS BSAM PAR BYA'O, ,SNGA ROL NA GNAS PA BRTAG PA ZHES BYA BA TSIGS SU BCAD PA BCU GNYIS KYI BDAG NYID RAB TU BYED PA DGU PA'I RNAM PAR BSHAD PA'O,, ,,GNYIS PA GANG ZAG RANG BZHIN GYIS YOD PA'I SGRUB BYED DGAG PA LA GNYIS, SGRUB BYED KYI DPE DGAG ,SGRUB BYED KYI GTAN TSIGS DGAG PA'O, ,DANG PO LA GSUM, RAB BYED KYI GZHUNG BSHAD PA, NGES DON GYI LUNG DANG SBYAR BA, DON BSDUS TE MTSAN BSTAN PA'O, ,DANG PO NI, 'DIR SMRAS PA, NYE BAR LEN PA DANG NYE BAR LEN PA PO PHAN TSUN LTOS PAS NGO BO NYID KYIS GRUB PA MA YIN NO ZHES SMRAS PA NI MI RIGS TE, DNGOS PO LTOS PA DANG BCAS PA LA NGO BO NYID KYIS GRUB PA MTHONG BA'I PHYIR RO, ,'DI LTAR BUD SHING LA BRTEN NAS ME 'BYUNG MOD KYANG TSA BA'I RANG BZHIN DANG SREG PAR BYED PA'I 'BRAS BU MTHONG BA'I PHYIR DANG, ME LA LTOS NAS BUD SHING YIN MOD KYANG BSREG BYA 'BYUNG BA CHEN PO BZHI'I RANG BZHIN YIN PA'I PHYIR RO, ,DE'I PHYIR ME DANG BUD SHING BZHIN DU NYE BAR LEN PA DANG NYE BAR LEN PA PO GNYIS KYANG NGO BO NYID KYIS GRUB BO, ,'DI DGAG PA LA GSUM, ME DANG BUD SHING NGO BO NYID KYIS YOD PA DGAG ,RIGS PA DE GZHAN LA YANG SBYAR BA, ,BKAG PA'I DON DU LTA BA SMAD PA'O, ,DANG PO LA GSUM, ,SNGAR MA BSHAD PA'I RIGS PAS DGAG ,SNGAR BSHAD PA'I RIGS PAS DGAG ,DE DAG GI MJUG BSDU BA'O, ,DANG PO LA GNYIS

127b

RANG BZHIN GCIG PA DGAG ,RANG BZHIN THA DAD PA DGAG PA'O, ,DANG PO NI, GAL TE ME DANG SHING GNYIS NGO BO NYID KYIS YOD NA NGO BO NYID KYIS GCIG PA'AM THA DAD PA GNYIS SU NGES TE, GCIG DANG THA DAD GNYIS GCIG RNAM PAR BCAD NA CIG SHOS YONGS SU GCOD DGOS PAS PHUNG GSUM LDOG PA'I PHYIR RO, ,BSREG PAR BYA BA SHING LA SOGS PA LAS SU GYUR PA'I SREG PAR BYED PA PO NI ME'O, ,DE LA BUD SHING GANG YIN PA DE NYID DANG ME GNYIS NGO BO NYID KYIS GCIG YIN NA BYED PA PO DANG LAS RNAMS GCIG TU 'GYUR NA, RDZA MKHAN DANG BUM PA'AM GCAD BYA DANG GCOD PA PO GCIG PA NYID DU NI MA MTHONG ZHING KHAS KYANG MA BLANGS PAS MI RIGS SA, THAL BA 'DIS NI BZLOG PHYOGS LA LAS DANG BYED PA PO YIN PA'I GTAN TSIGS KYIS ME DANG SHING GNYIS NGO BO NYID KYIS GCIG TU MED PA 'PHEN PA'O, ,GNYIS PA LA GNYIS, RANG BZHIN THA DAD PA'I BSGRUB BYA DGAG ,RANG BZHIN THA DAD KYI SGRUB BYED DGAG PA'O, ,DANG PO LA GNYIS, RANG BZHIN GYIS THA DAD NA SHING LA MI LTOS PA DANG, RANG BZHIN GYIS THA DAD NA SHING DANG MI PHRAD PAR 'GYUR BA'O, ,DANG PO LA GNYIS, DGAG PA DNGOS DANG, MA NGES PA SPANG BA'O, ,DANG PO LA GNYIS, SHING MED BZHIN DU 'BYUNG BA DANG, RTAG TU 'BAR BA SOGS SU 'GYUR BA'O, ,DANG PO NI, GAL TE SHING LAS ME NGO BO NYID KYIS GZHAN YIN NA BUD SHING LA LTOS PA MED PAR ME 'BYUNG BAR 'GYUR TE, DPER NA BUM PA LAS GZHAN DU GYUR PA'I SNAM BU NI BUM PA LA LTOS PA MED PAR MTHONG BA BZHIN NO, ,'DI NI NGO BO NYID KYIS THA DAD PA LA LTOS PA MI RUNG LA LTOS PA MED NA LTOS MED DU MTSUNGS BZHIN

128a

, ,DU BUM PA MED PA'I SNAM BU MTHONG DU RUNG LO, ,BUD SHING MED PA'I ME MTHONG DU MI RUNG BA'I KHYAD PAR MI 'THAD CES 'GOG PA YIN ZHING, GZHAN SKYE 'GOG PA NI MI LTOS PA'I GZHAN LAS SKYEN GZHAN DU MTSUNGS PA THAMS CAD LA SKYE MI SKYE KHYAD PAR MED PAR 'GYUR RO ZHES PA YIN PAS RIGS PA KHYAD MED MIN NO, ,GNYIS PA NI, GZHAN YANG ME BUD SHING LAS NGO BO NYID KYIS THA DAD NA RTEG TU 'BAR BA NYID DU 'GYUR ZHING 'BAR BAR BYED PA'I RGYU LAS MI 'BYUNG BAR 'GYUR LA, RTZOM PA DON MED PA NYID DU YANG 'GYUR ZHING DE LTA YIN NA LAS KYANG MED PAR 'GYUR RO, ,DON 'DI NYID STAN PA NI ME BUD SHING LAS NGO BO NYID KYIS GZHAN DU YOD NA ME DE GZHAN BUD SHING LA LTOS PA MED PA'I PHYIR 'DIS ME 'BAR BAR BYED PAS 'BAR BAR BYED DE BUD SHING NGO, ,DES NA 'BAR BA'I RGYU STE DE LAS MI 'BYUNG BAR 'GYUR RO, ,'BAR BYED LA LTOS PA'I ME NI DE MED NA 'CHI BAR 'GYUR NA DE LA LTOS PA MED PA NI 'CHI BA'I RKYEN MA TSANG BAS RTAG TU 'BAR BA NYID DU 'GYUR RO, ,RTAG TU 'BAR BA YIN NA NI ME MI 'CHI BAR BYA BA'I PHYIR BUD SHING LEN PA DANG SBAR BA LA SOGS PA'I RTZOM PA THAMS CAD DON MED PA NYID DU 'GYUR RO, ,DE LTA YIN NA BSREG PAR BYA BA'I LAS MED BZHIN DU ME SREG PA POR 'GYUR NA LAS MED PA'I BYED PA PO NI MED DO, ,DE'I PHYIR BUD SHING LAS NGO BO NYID KYIS GZHAN DU YOD PA MI RIGS SO, ,'DIR YANG THAL BA'I BZLOG PHYOGS LA RTAGS KYIS GZHAN MED PAR SGRUB PA SHAS PAR BYA'O, ,GNYIS PA NI, SHING LAS ME GZHAN YIN NA SHING MED PAR ME 'BYUNG BAR 'GYUR RO ZHES PA DE LA GAL

128b

TE 'DI SNYAM DU 'BAR BA DANG LDAN PA'I DON MES SREG BZHIN PA BUD SHING YIN LA ME YANG DE LA BRTEN NAS DMIGS KYI YAN GAR BAR MED PAS SHING MED PAR ME 'BYUNG BA'I SKYON DE MED DO SNYAM DU SEMS NA, GANG GI TSE 'BAR BA DANG LDAN PA SREG BZHIN PA DE TZAM ZHIG BUD SHING DE YIN NA DE LAS NGO BO NYID KYIS GZHAN DU GYUR PA'I ME MED PAS, BUD SHING LAS NGO BO NYID KYIS THA DAD PA'I ME GANG ZHIG GIS BUD SHING DE SREG PAR BYED DE BYED PA MI RIGS SO, ,DE'I PHYIR 'BAR BA DANG LDAN PA'I BUD SHING NGO BO NYID KYIS GRUB PA YANG MED PAS NYES PA DE NYID BZLOG TU MED DO, ,'DI YI RIGS PA NI BRGYA PA LAS, MES NI TSA BA NYID SREG STE, ,TSA BA MA YIN JI LTAR SREG ,DES NA BUD SHING ZHES BYA MED, ,DE MA GTOGS PA ME YANG MED, ,CES GSUNGS PA GSAL BAR SNANG NGO, ,GNYIS PA LA GNYIS, DNGOS KYI DON DANG, DE LA MA NGES PA SPANG BA'O, ,DANG PO NI, GZHAN YANG BUD SHING LAS ME NGO BO NYID KYIS GZHAN DU YOD PA'I PHYIR MUN PA LTAR MI PHRAD PAR 'GYUR LA PHRAD PA MED NA BSKAL PA'I YUL NA GNAS PA BZHIN BUD SHING SREG PAR MI 'GYUR RO, ,DE LTAR NA SREG BZHIN PA BUD SHING NGO ZHES PA MI RIGS SO, ,MI SREG NA 'CHI BAR MI 'GYUR TE MES BUD SHING SREG NA BSREG BYA ZAD PAS 'CHI BAR 'GYUR NA MI SREG PA LA 'CHI BA'I RGYU MED PA'I PHYIR RO, ,MI 'CHIN RANG GI RTAGS RAB TU 'BAR BA DANG LDAN PAR GNAS PAR 'GYUR RO, ,YANG GI SGRA NI GSUM LAS NGES GZANG GI DON DU BYED NA RANG GI RTAGS DANG LDAN PA KHO NAR GNAS ZHES PA'AM YANG NA ME BUD SHING LAS GZHAN DU GYUR PA MED PA KHO NA ZHES

129a

, ,PA'O; ;RNAM PAR BRTAG PA'I DON DU BYAS NA MI PHRAD PA LA SOGS PA GANG RUNG DU 'GYUR BA'O, ,BSDU PA'I DON DU BYAS NA MI PHRAD PA LA SOGS PA SNGA MA SNGA MAR MA ZAD CES PA'I DON NO, ,DE'I PHYIR BUD SHING LAS ME GZHAN DU MI RIGS SO, ZHES BSHAD PA NI THAL BA DE DAG GI BZLOG PA STON PA'O, ,GNYIS PA NI, GAL TE GZHAN PHYIR MI PHRAD PHRAD MED NA, ZHES SOGS SMRAS PA NI MI RIGS TE SHING LAS ME GZHAN YIN YANG SHING DANG PHRAD DU RUNG BAR 'GYUR TE, JI LTAR TE DPER NA BUD MED SKYES PA DANG SKYES PA'ANG BUD MED DANG PHRAD PA BZHIN NO, ,'GYUR GSAR LAS TSIGS BCAD 'DI LAN DU YOD PAR BYAS MOD KYANG, COG ROS BUD DHA P'A LI TA DANG SHES RAB SGRON MA GNYIS KAR PHYOGS SNGA'I GZHUNG NGU BSGYUR BA DANG, GAL TE SHING LAS ME GZHAN YANG, ,SHING DANG PHRAD DU RUNG BAR 'GYUR, ,ZHES BSGYUR BA SHIN TU LEGS SO, ,GAL TE ME DANG SHING DAG NI GCIG GIS GCIG NI BSAL BA STE SKYES PA DANG BUD MED LTAR PHAN TSUN LTOS PA MED PAR GRUB PAR GYUR NA, SHING LAS ME GZHAN PA NYID YIN YANG SHING DANG PHRAD PAR 'DOD LA RAG NA DE LTA BU MI SRID DO, ,DE'I PHYIR DPE NI DON MED DE PHAN TSUN LTOS PA'I GZHAN GNYIS PHRAD PA DPER DGOD PAR RIGS PA LA DE LTAR MA BKOD PA'I PHYIR RO, ,GNYIS PA LA GNYIS, LTOS PA'I SGRUB BYED DGAG ,MNGON SUM DU MTHONG BA'I SGRUB BYED DGAG PA'O, ,DANG PO NI, GAL TE ME DANG BUD SHING NI SKYES PA DANG BUD MED LTAR PHAN TSUN LTAS MED MIN GYI LTOS PA YOD DO, ,DE'I PHYIR DE GNYIS LA RANG GI NGO BOS GRUB PA YOD DE MED PA'I

129b

MO GSHAM GYI BU DANG BU MO NI PHAN TSUN LTOS PAR MA MTHONG NGO ZHE NA, 'DI DGAG PA LA GSUM, DUS GSUM DU DPYAD NAS LTAS PA DGAG ,LTOS CHOS YOD MED LA DPYAD NAS LTOS PA DGAG ,LTOS MA LTOS GNYIS KA DGAG PA'O, ,DANG PO LA GNYIS, DUS SNGA BYI LA LTAS PA DGAG ,DUS MNYAM PA LA LTOS PA DGAG PA'O, ,DANG PO NI, LNGA TE ME 'DI NI BUD SHING 'DI'I SREG PA PO ZHES BUD SHING LA LTOS NAS MER 'JOG PA YIN LA, GAL TE BUD SHING NI ME 'DI'I BSREG BYA'O ZHES ME LA LTOS TE BUD SHING 'JOG PA YIN NA, GANG LA LTOS NAS ME DANG SHING DU 'GYUR BA GNYIS LAS DANG POR GRUB PA'I LTOS SA DE GANG ZHIG YIN, GAL TE DANG POR BUD SHING GRUB PA LA LTOS NAS MER 'GYUR BAR RTOG NA DE NI MI RIGS TE, SREG BZHIN PA MA YIN PA NI BUD SHING MIN PA'I PHYIR TE GZHAN DU NA RTZVA LA SOGS PA THAMS CAD KYANG BUD SHING DU THAL BA'I PHYIR RO, ,DE LTAR DU GSUNGS PA NI BUD SHING NGO BO NYID KYIS GRUB NA ME DANG PHRAD DGOS PA LA DGONGS KYI BUD SHING TZAM LA DE LTAR 'DOD PA MIN TE DUS SNGA PHYI BA'I BYA BYED MANG PO THA SNYAD DU 'JOG PA'I PHYIR RO, ,CI STE DANG POR ME GRUB PA LA LTOS NAS BUD SHING DU RTOG NA YANG MI RIGS TE BUD SHING LAS SNGAR GRUB PA'I ME MED PA'I PHYIR DANG, YOD NA NI RGYU MED DU 'GYUR BA'I PHYIR DANG PHYIS BUD SHING LA LTOS PA LA DGOS PA MED PA'I PHYIR RO, ,GAL TE SHING DANG POR GRUB PA LA LTOS NAS MER 'JOG PA YIN NA, ME MA GRUB PA LTOS PAR MI RIGS PAS YOD PA LTOS DGOS SO, ,DE LTA NA ME GRUB ZIN PA LA SLAR YANG SGRUB DGOS PAR 'GYUR NA DE LA NI SLAR LTOS PA DGOS PA MED DO, ,GZHAN YANG BUD SHING SNGAR

130a

, ,GRUB PA LA LTOS NAS MER 'JOG NA BUD PAR BYA BA'I SHING LA YANG STE SHING NI ME MED PAR NI GRUB PAR 'GYUR BA YIN NA DE NI MI RIGS SO, ,BUDDHA P'A LI TA LAS TSIGS BCAD DANG POS DANG POR GANG GRUB DRIS NAS SHING SNGAR GRUB NA GAL TE SHING LTES ZHES PA GNYIS DANG ME SNGAR GRUB NA BUD PAR BYA BA ZHES PA GNYIS KYIS 'GEG STE, LTOS CHOS SU 'DOD PA GNYIS PO MED NA LTOS PAR MI 'THAD PAS YOD DGOS LA SNGA PHYIR YOD NA SHING MED PAR ME 'GRUB NUS PAS SHING LA LTOS DON MED LA ME MED PAR YANG SHING 'GRUB NUS PAS ME LA LTOS DON MED CES 'CHAD DO, ,'DIR LTOS PA NGO BO NYID KYIS YOD PA 'GOG PA YIN LA DE YANG DUS SNGA PHYI BA DANG DUS MNYAM PA GNYIS LAS MI 'DA' BA KHYAB BYED DU BSTAN NAS DUS SNGA PHYI BA 'GOG PA NA SNGA MA'I DUS NA PHYI MA DANG PHYI MA'I DUS NA SNGA MA MED PAR LTOS PA NGO BO NYID KYIS YOD NA DUS NAM YANG LTOS SA LTOS CHOS GNYIS KA DUS MNYAM DU YOD DGOS PA LA 'GAL BA BSTAN NAS 'GOG GO ,GNYIS PA NI, GAL TE DUS GCIG KHO NAR BUD SHING GRUB PAS ME 'GRUB CING ME GRUB PAS KYANG BUD SHING 'GRUB PAR 'GYUR TE DE'I PHYIR DANG POR GCIG GRUB PA KHAS MA BLANGS PAS DE'I SKYON GYIS MI GNOD DO ZHE NA, GAL TE ME'I DNGOS PO GANG ZHIG BUD SHING GI DNGOS PO LA LTOS NAS 'GRUB LA BUD SHING GI LTOS CHES GANG YIN PA ME DE NYID LA YANG LTOS NAS NI, LTOS BYA STE LTOS SA BUD SHING GANG YIN PA DE 'GRUB NA DA NI GANG LA LTOS NAS GANG ZHIG 'GRUB PAR 'GYUR BA SMROS SHIG ,'DI NI DPER NA CHU'I NANG GI GRU GCIG MI 'BYAM PAR BYA BA'I PHYIR GRU CIG

130b

SHOS LA BRTOD KYANG GNYIS KA 'BYAM PAS PHAN TSUN GCIG GCIG GI SKYABS SU MI 'GYUR BA DE BZHIN DU, ME RANG GI NGO BOS GNAS PA BSGRUB PAR YA BA'I PHYIR DU SHING LA LTOS PAR SMRA LA, SHING RANG GI NGO BOS GNAS PA BSGRUB PA'I PHYIR DU ME LA LTOS PAR SMRA BA NA DE GNYIS GANG YANG RANG GI NGO BOS GNAS PA MED PAR 'GYUR RO, ,RANG GI LUGS LA NI GCIG GI YOD PA CIG SHOS LA LTOS DGOS PA NYID KYIS RANG GI NGO BOS GRUB PA MED CING GTAN MED PA RI BONG GI RVA LTA BU LA LTOS PA 'GAL BAS RANG GI NGO BOS YOD PA DANG YE MED GNYIS KA'I MTHA' DANG BAL BAR GRUB BO, ,GNYIS PA NI, ME'I DNGOS PO BUD SHING GI DNGOS PO LA LTOS NAS GRUB PA GANG YIN PA DE YANG GRUB MA GRUB GNYIS LAS MI 'DA' BAS, DE LA MA GRUB NA NI JI LTAR NA BUD SHING LA LTOS TE MI LTOS TE BONG BU'I RVA BZHIN NO, ,CI STE GRUB PA LTOS SO ZHE NA, DE LTAN ME DE NI RANG GI NGO BO NYID KYIS BUD SHING LA LTOS PAR MI RIGS TE, YOD PA TZAM LTOS PA LA SLAR YANG DE LA LTOS PA MI DGOS KYANG NGO BO NYID KYIS YOD PA LTOS NA DUS NAM YANG MI LTOS PAR MI 'GYUR BAS SLAR YANG LTOS DGOS NA DE YANG DON MED DO, ,ME DANG BUD SHING GI SKABS SU DNGOS PO ZHES SPYIR SMROS PA NI BUM SNAM LA SOGS LHAN CIG TU, ZHES 'CHAD PAR 'GYUR BA LTAR BRTAG PA 'DIS DNGOS PO KUN BRTAGS PAR 'GYUR BA LA DGONGS SO, , GSUM PA NI, DE LTAR RIGS PA SNGON DU BTANG STE YANG DAG PA JI LTA BA BZHIN BRTAGS NA SHING LA LTOS PA'I ME NGO BO NYID KYIS MED DE ME DANG SHING GRUB MA GRUB LTOS PAR MI 'THAD PA'I PHYIR RO, ,SHING LA MA LTOS PA'I ME YANG MED DE GZHAN NYID BKAG ZHI

131a

, ,PA DANG RGYU MED DU THAL BA'I PHYIR RO, ,ME LA LTOS PA'I SHING YANG NGO BO NYID KYIS MED DE ME DANG BUD SHING GRUB MA GRUB GNYIS LTOS PAR MI 'THAD PA'I PHYIR RO, ,ME LA MA LTOS PA'I SHING YANG MED DE SREG BZHIN PA MIN PA BUD SHING DU MI 'THAD PA'I PHYIR RO, ,GNYIS PA NI, GAL TE DPYAD PA SHIN TU PHRA MO 'DIS KHO BO CAG LA CI DGOS TE KHO BO CAG NI MNGON SUM GYIS BUD SHING MES SREG BZHIN PA DMIGS PA'I PHYIR ME DANG BUD SHING NGO BO NYID KYIS YOD DO ZHES PA DE TZAM ZHIG SMRA'O ZHE NA, 'DIR ME NGO BO NYID KYIS YOD NA SHING LAS GZHAN PA'AM SHING DE NYID LAS 'ONG DGOS NA ME NI SHING LAS GZHAN PA LAS MI 'ONG STE DE LTAR 'ONG BA MA MTHONG BA'I PHYIR DANG, 'ONG NA YANG RGYU BUD SHING MED PAS RGYU MED DU 'GYUR BA'I PHYIR DANG BUD SHING DANG BCAS PA YIN NA MAR 'ONG MI DGOS PA'I PHYIR DANG, DER YANG BUD SHING DANG BRGAL BRTAG MTSUNGS PAS THUG MED DU THAL BA'I PHYIR RO, ,SHING LA'ANG ME NI YOD PA MA YIN TE MA DMIGS PA'I PHYIR RO, ,GNYIS PA NI, BUD SHING GI SKABS SU SUN 'BYIN LHAG MA NI SNGAR SONG DANG MA SONG BA DANG GEM PAS BSTAN ZIN PA'I 'DON PA BSGYUR BA'I SGO NAS SONG BA LA SOGS PA'I SUN 'BYIN DE BZHIN DU RIGS PAR BYA'O, ,DE YANG RE ZHIG BSREGS LA MI SREG STE, ,ZHES PA DANG, BSREGS LA SREG PA'I RTZOM MED DE, ,ZHES PA DANG RE ZHIG SREG PO MI SREG STE, ,ZHES SOGS THAMS CAD 'DON PA BSGYUR RO, ,GSUM PA NI, DE LTAR SNGAR BSHAD PA RNAMS KYI DAN BSDU NA SHING NYID ME NI MA YIN TE BYED PA PO DANG LAS GCIG PA NYID DU 'GYUR BA'I PHYIR RO, ,SHING

131b

LAS GZHAN PA STE GZHAN DU YANG ME MED DE SHING MED PAR ME 'BYUNG BA SOGS KYI SKYON YOD PA'I PHYIR RO, ,ME NI SHING DANG LDAN PA YANG NGO BO NYID KYIS YOD PA MA YIN TE LHAS BYIN BLO DANG LDAN ZHES PA LTAR NGO BO GCIG PA'I PHYOGS YIN NA SNGAR GCIG BKAG PA'I RId PA DANG, LHAS BYIN PA LANG DANG LDAN ZHES PA LTA BU NGO BO THA DAD PA'I PHYOGS YIN NA SNGAR GZHAN 'GOG PA'I RIGS PAS KHEGS PA'I PHYIR GCIG DANG THA DAD BKAG PAS DE DAG KYANG DON GYIS BKAG GO ,ME LA SHING NGO BO NYID KYIS BRTEN PA YANG MED DE DE NI 'KHAR GZHONG LA RGYA SHUG LTAR YOD DGOS LA DE YANG GZHAN PA 'GOG PAS BKAG PA'I PHYIR RO, ,BUD SHING DER ME DE YANG NGO BO NYID KYIS MED DE GZHAN NYID BKAG PAS BKAG PA'I PHYIR RO, ,DE LTAR NA RTEN DANG BRTEN PA'I PHYOGS GNYIS BKAG PA YANG SNGAR DON GYIS BSTAN NO, ,GNYIS PA NI, BDAG TU 'DZIN PA'I YUL YIN PA'I PHYIR 'DI LA BDAG TU NGA RGYAL BA BZHAG CING BSKYED PAS BDAG CES BYA BA DANG NYE BAR BLANG BAR BYA BAS NYE BAR LEN PA STE DE GNYIS KYI GRUB PA'I RIM PA KUN MA LUS PA ME DANG BUD SHING DAG GIS RNAM PAR BSHAD PAR KHONG DU CHUD PAR BYA'O, ,KUN DANG MA LUS PA LA KHYAD PAR CI YOD CE NA, KUN SMOS PA NI BSHAD MA THAG PA'I GCIG THA DAD LA SOGS PA'I PHYOGS SNGA MA TSANG BA MED PAR BDAG DANG NYER LEN GNYIS LA ME DANG BUD SHING LTAR SBYAR BA'I DON YIN LA, MA LUS PA SMOS PA NI LNGA PO DE 'GOG PA'I RIGS PA SNGAR BSHAD PA THAMS CAD KYANG BDAG DANG NYER LEN GYI PHYOGS SNGA 'GOG PA LA SBYOR BA'I DON NI, DE YANG BDAG DE NYID NYE BAR LEN PA YIN NA LAS DANG BYED PA PO GCIG TU 'GYUR BA DANG DON

132a

, ,GZHAN YIN NA LTOS PA MED PA LA SOGS PA'I SKYON DU 'GYUR RO, ,DE GNYIS BKAG PA NYID KYIS LDAN PA LA SOGS PA GSUM YANG BKAG PA'I PHYIR LAS DANG BYED PA PO LTAR BDAG DANG NYE BAR LEN PA GNYIS NGO BO NYID KYIS MA GRUB KYI PHAN TSUN LTOS GRUB TZAM DU SHES PAR BYA'O, ,BDAG DANG NYE BAR LEN PA GNYIS KYI RIM PA KHO NAR MA ZAD KYI BUM SNAM LA SOGS PA'I DNGOS PO MA LUS PA DAG DANG LHAN CIG TU MED DANG SHING GI BRTAG PAS RNAM PAR BSHAD PAR RIG PAR BYA'O, ,BUM PA DANG SNAM BU LA SOGS PA NI RGYU 'BRAS DANG YAN LAG DANG YAN LAG CAN DANG MTSAN NYID DANG MTSAN GZHI DANG YON TAN DANG YON TAN CAN DU GYUR PA'O, ,DE LA 'DZIm PA DANG CHU DANG 'KHOR LO RDZA MKHYEN LA SOGS PA NI RGYU DANG BUM PA NI 'BRAS BU'O, ,CHA SHAS LA SOGS PA'AM SNGON PO LA SOGS PA NI YAN LAG DANG BUM PA NI YAN LAG CAN NO, ,LTO BA YANGS PA DANG MCHU 'PHYANG BA DANG KHA YEL BA DANG MGUL BA RING BA NYID LA SOGS PA NI MTSAN NYID YIN LA BUM PA NI MTSAN GZHI'O, ,SNGO BSANGS NYID LA SOGS PA NI YON TAN YIN LA BUM PA NI YON TAN CAN NO, ,DE BZHIN DU GZHAN LA YANG SBYAR BA DE RNAMS LA GCIG THA DAD SOGS DANG LTOS MA LTOS DANG 'GRO 'ONG DGAG PA'I RIGS PA SBYOR BA SOGS THAMS CAD DANG 'DRA BAR SBYAR RO, ,GSUM PA NI, DE'I PHYIR DE LTAR LAS DANG BYED PA PO LTAR, BDAG DANG NYE BAR LEN PA DANG BUM PA LA SOGS PA RNAMS NGO BO NYID KYIS MED KYI PHAN TSUN LTOS PA'I GRUB PA YIN PAR RNAM PAR BZHAG PA LA, RGYAL BA'I GSUNG RAB KYI DON PHYIN CI MA LOG PAR RLOM PA NYID KYIS MU STEd

132b

KYI GZHUNG LUGS KYIS NYE BAR BRTAGS PA'I DEN GYIS RNAM PAR BZHAG PA RGYAL BA'I GSUNG RAB LAS KHONG DU CHUD PA'I DON DU GCUS NAS, GANG DAG NYER LEN GANG GIS BDAG TU 'DOGS PA'I NYER LEN DANG LEN PA PO BDAG DE GNYIS BCAS PA STE SO SO BA MIN PAR RANG BZHIN GCIG NYID DANG DE GNYIS RANG BZHIN THA DAD PA DANG, DE BZHIN DU DNGOS PO BUM PA LA SOGS PA RNAMS 'DZIm PA LA SOGS PA'I RGYU GANG GIS BUM PAR 'DOGS PA DE DANG BUM PA DER BCAS PA STE GCIG PA NYID DANG THA DAD PAR RTOG PA DE DAG NI, BSTAN PA'I DON RTEN 'BYUNG MCHOG TU ZAB PA RTAG CHAD DANG BRAL BA BRTEN NAS GDAGS PA'I MING CAN GYI DE KHO NA NYID LA MKHAS SO SNYAM DU MGON PO KLU SGRUB MI SEMS SO, ,'DIS NI BDAG NYID CHEN PO'I GSUNG RAB KYI 'GREL TSUL 'DI 'DRA ZHIG MA RNYED PAR DU THUB PA'I BSTAN PA'I DE KHO NA NYID RNYED PA MIN PAR GSUNGS PAS, GSUNG RAB MTHA' DAG GI DE KHO NA NYID KYIS DEN BSTAN BCOS 'DIS GTAN LA PHAB PA BZHIN RTOGS DGOS PAR BSTAN TE, ,GNYIS PA NI, DE LTAR RNAL 'BYOR PA ME DANG BUD SHING GI BRTAG PAS CHOS RNAMS KYI DE KHO NA NYID KHENG DU CHUD PA'I LUS NI, PHYI'I DUS MTHA'I ME'AM NANG GI DUG GSUM GYI MES MI 'TSIG STE TING NGE 'DZIN RGYAL PO LAS, BSKAL BA BRGYA PHRAG MANG POR RAB BSREGS KYANG, ,NAMKHA' SNGON CHAD NAM YANG MA TSIG BZHIN, ,CHOS RNAMS NAMKHA' MTSUNGS PAR RNAM RIG PAS, ,DE NI GZHAR YANG ME NANG YONGS MI 'TSIG ,GAL TE SANGS RGYAS ZHING RNAMS 'BAR 'GYUR LA, ,'BAR BA 'DI DAG MA LUS ZHI SHOG CES, ,TING NGE 'DZIN GNAS NAS SMON LAM 'DI BTAB NA, SA RNAMS ZHIG KYANG DE LA 'GYUR BA MED, ,

133a

, ,CES GSUNGS SO, ,MCHOD BRJOD DU RTEN 'BYUNG MTHA' BRGYAD DANG BRAL BAR BSTAN PA'I NANG NAS RAB TU BYED PA 'DIS GTZO CHER DON GCIG PA DANG DON THA DAD PA GNYIS KYI MTHA' BKAG PA DE NYID ZAB MO'I LUNG GIS KYANG GRUB PAR BSTAN PA DANG, ,DE LTAR BSHAD PA'I GSUNG RAB THAMS CAD RAB TU BYED PA 'DIS BSHAD PAR BYA'O ZHES BSTAN PA'I PHYIR DU NGES DON GYI LUNG DANG SBYOR BA'I PHYOGS TZAM SMOS NA MDO LAS, JI LTAR GTZUB SHING DANG NI GTZUB SRAN DANG, ,LAG PA'I RTZOL BA 'DI GSUM 'DUS PA YI,, RKYEN 'DI DAG LAS ME NI 'BYUNG 'GYUR ZHING, ,BYUNG STE BYA BA BYAS NAS MYUR DU 'GAG ,DE NAS 'DI NI GANG NAS 'ONGS SAM GAR, ,SONG ZHES MKHAS PA 'GA' ZHIG TSOL BAR BYED, ,PHYOGS DANG PHYOGS MTSAMS KUN TU BTZAL BA NA, ,'DI YI 'GRO DANG 'ONG BA RNYED MIN BZHIN, ,PHUNG PO DAG DANG SKYE MCHED KHAMS RNAMS NI, ,NANG YANG STONG LA PHYI ROL STONG PA STE, ,THAMS CAD BDAG GIS DBEN ZHING GNAS MED LA, ,CHOS KYI MTSAN NYID NAMKHA'I NGO BO NYID, ,CHOS KYI MTSAN NYID 'DI 'DRA 'DI DAG NI, ,MAR ME MDZAD PA MTHONG NAS KHYOD KYIS RTOGS, ,JI LTAR NYID KYIS RJES SU RTOGS PA LTAR, ,DE BZHIN LHA MIR BCAS PAS RTOGS PAR GYIS, ,LOG PA YANG DAG MA YIN BRTAGS PA YI, ,'DOD CHAGS ZHE SDANG DAG GIS 'GRO BA GDUNGS, ,THUGS RJE'I SPRIN LAS ZHI BA BSIL BA'I CHU, ,'DREN PA BDUD RTZI'I RGYUN NI RAB TU PHOB, ,CES GSUNGS SO, ,DE LA TSIGS BCAD DANG PO GNYIS KYIS ME NI BRTAGS NA CUNG ZAD KYANG MI RNYED PA DANG DE NYID RGYU RKYEN LA BRTEN NAS SKYES TE RANG GI BYA BA BYED PA DPER BKOD DO DE NAS RKANG PA

133b

GSUM GYIS BDAG DANG BDAG GI BA'I CHOS GNYIS KA NGO BO NYID KYIS STONG PAR BSTAN TE DPE'I CHOS GNYIS KA SBYAR RO, ,DE NAS GCIG GIS STONG PA NYID KYIS DPE BSTAN NO, ,DE NAS GNYIS KYIS DON DE STON PAS SNGAR RTOGS PA DANG DE NAS GNYIS KYIS DE LTAR DU GZHAN LA STON DGOS PA DANG, DE NAS GNYIS KYIS DE LTAR BSTAN DGOS PA'I RGYU MTSAN DANG, DE NAS GNYIS KYIS CHOS CHAR 'BEBS TSUL BSTAN NO, ,GSUM PA NI, ,DE LTAR ME DANG BUD SHING GIS MTSON NAS BDAG DANG BDAG GI BA DANG RGYU 'BRAS DANG YAN LAG DANG YAN LAG CAN LA SOGS PA LA GCIG DANG THA DAD PA NYID RNAM PAR BZHAG PA NA, CI 'DI RNAMS RANG GI NGO BO NYID KYIS YOD PA LA BZHAG PA YIN NAM 'ON TE THA SNYAD KYI DBANG GIS YOD PA LA BZHAG PA YIN SNYAM DU BSAMS NAS, SNGAR BSHAD PA'I RIGS PA RNAMS KYIS DBYAD PA NA SNGA MA LTAR YIN NA NI BSREG BYA DANG SREG BYED LA SOGS PA'I THA SNYAD GANG YANG BYA SA MED PAR RTOGS NAS DE DAG LA BDEN PAR 'DZIN PA 'GOG CING, PHYI MA LA THA SNYAD DE DAG THAMS CAD CHAS 'THAD DE SNYAM DU RTEN CING 'BREL BAR 'BYUNG BA'I NGES PA BRTEN PAR BYA'O, ,ME DANG BUD SHING BRTAG PA ZHES BYA BA TSIGS SU BCAD PA BCU DRUG GI BDAG NYID RAB TU BYED PA BCU PA'I RNAM PAR BSHAD PA'O,, ,,GNYIS PA GANG ZAG RANG BZHIN GYIS YOD PA'I SGRUB BYED KYI RTAGS DGAG PA LA GNYIS, SKYE 'CHI'I BYA BA YOD PA'I RTAGS DGAG ,RTEN PA SDUG BSNGAL YID PA'I RTAGS DGAG PA'O, ,DANG PO LA GSUM, RAB BYED KYI GZHUNG BSHAD PA, NGES DON GYI LUNG DANG SBYAR BA, DON BSDUS TE MTSAN BSTAN PA'O, ,DANG PO NI, 'DIR SMRAS PA, BDAG NI RANG BZHIN

134a

, ,GYIS YOD DE 'KHOR BA YOD PA'I PHYIR DANG, GAL TE BDAG MED NA 'GRO BA LNGA'I 'KHOR BAR 'DI NAS PHYI MAR 'GRO BA DANG SNGA MA NAS 'DIR 'ONG BA'I NGO BO SKYE BA DANG 'CHI BA GCIG NAS GCIG TU BRGYUD PAS ZHIG KHOR, ,STON PAS KYANG SKYE BA DANG RGA SHI'I 'KHOR BA NI THOG MA DANG THA MA MED DO, ,SEMS CAN MA RIG PA'I SGRIB PA DANG LDAN PA SRED PA'I KUN TU SBYOR BA CAN SRED PA'I LU GU RGYUD KYIS BCINGS PA 'KHOR ZHING RGYUD PA RNAMS KYI SNGON GYI MTHA' NI MI MNGON NO, ,ZHES SKYE SHI BRGYUD MAR BYED PA'I SGO NAS 'KHOR PAR GSUNGS SO, ,DE LTA NA 'KHOR BA PO YANG YOD LA DE YANG BDAG YIN NO, ,'DI DGAG PA LA GNYIS, ,'KHOR BA RANG BZHIN GYIS YOD PA DGAG ,RIGS PA DE GZHAN LA'ANG SBYAR BA'O, ,DANG PO LA GNYIS, 'KHOR BA LA THOG MTHA' BAR GSUM GYI CHA DGAG ,SKYE 'CHI LA DUS SNGA PHYI DANG LHAN CIG PA DGAG PA'O, ,DANG PO NI, 'KHOR BA NGO BO NYID KYIS YOD NA BUM PA LA SOGS PA BZHIN DE LA SNGON DANG PHYI MA YANG YOD PAR 'GYUR NA, 'KHOR BA DE LA NI SNGON DANG PHYI MA'I MTHA' MED DE SKYE BA DANG RGA SHI'I 'KHOR BA NI THOG MA DANG THA MA MED DO ZHES GSUNGS SHING, RDZOGS BYED LA SOGS PA'I MU STEGS KYI STON PA RNAMS KYIS THUB PA LA 'KHAR BA 'DI LA SNGON GYI MTHA' MNGON DRI LA MNGON PAR SMRA NA DES 'KHOR BA LA 'BYIN PA PO MED PA DANG RGYU MED DU 'BYUNG BA MIN PAR SMRA BA SUN PHYIN NO, ,MI MNGON PAR SMRA NA MI SHES PAR KHAS BLANGS PAS RANG NYID THAMS CAD MKHYEN PAR SMRA BA SUN PHYIN PAR 'GYUR RO ZHES BGROS NAS, KYEE GOO TA MA 'KHOR BA'I SNGON GYI MTHA' MNGON NAM ZHES ZHUS

134b

PA'I TSE THUB PA CHEN POS SNGON GYI MTHA' MNGON PA MIN NO ZHES GSUNGS PA'I PHYIR RO, ,DE LTAR 'KHOR BA THOG MA DANG THA MA MED PAR GSUNGS PA'I PHYIR 'KHOR BA RANG BZHIN GYIS YOD PA MIN NO ZHES GSAL BAR GSUNGS PA YIN LA, DE'I PHYIR SNGON DANG PHYI MA'I MTHA' MA DMIGS PA'I PHYIR 'KHOR BA RANG BZHIN GYIS MED DE MGAL ME'I 'KHOR LO 'KHOR BA BZHIN NO, ,GAL TE 'KHOR BA'I THOG MTHA' MED PAR GSUNGS PA NI 'DI TZAM ZHIG NAS BYUNG ZHES PA'I DANG PO'I MTSAMS DANG PHYI'I MTHA' 'DI TZAM NAS MI 'BYUNG ZHES PA'I THA MA'I MTSAMS MED PAR STON PA YIN LA, DE GNYIS MED PAR GSUNGS PAS 'KHOR BA RANG BZHIN GYIS YOD PA MA YIN PAR GSAL BAR BSTAN PA JI LTAR 'THAD CE NA, 'DIR 'KHOR BA LA THOG MA DANG THA MA MED PAR GSUNGS PA NI KHYED SMRA BA DE KHO NA MIN TE CHA SNGA MA DANG PHYI MA YANG MED PAR GSUNGS PA YIN LA DE NI DON DAM PAR MED PAR LA DGONGS PA YIN TE, BUD DHA P'A LI TA LAS KYANG, DON DAM PA BSTAN PA'I DBANG GIS NI, DE LA SNGON MED PHYI MA MED CES GSUNGS SO ZHES BSHAD PA BZHIN NO; ;DES NA TSIG GSAL LAS SNGAR LTAR BSHAD PA MI 'GAL LO, ,'O NA MNGON MTHA' MNGON NAM ZHES ZHUS PA'I LAN DU MI MNGON NO ZHES GSUNGS PA NI THA SNYAD DU YIN NA DE 'KHOR BA RANG BZHIN MED PA'I SGRUB BYED DU JI LTAR RUNG SNYAM NA, 'DI NI RIGS PA DRUG CU PA LAS, NYON MONGS ZAD PA'I DGE SLONG GI ,'KHOR BA GAL TE RNAM LDAG NA, ,DE RTZOM RDZOGS SANGS RGYAS RNAMS KYIS, ,GANG MA BSHAD PA'I RGYU CI ZHIG ,CES PHUNG PO RANG GI MTSAN NYID KYIS GRUB PA ZAD PA'I 'KHOR BA LDOG PA'I THA MA YOD NA, DANG

135a

, ,PO'I RTZOM PA MI GSUNGS BA LA RGYU MTSAN MED PAS THOG MA YOD PAR BSHAD PA'I RIGS PA DANG 'DRA'O, ,GAL TE STON PAS 'KHOR BA'I SNGON DANG PHYI MA BKAG NA DGE SLONG DAG DE LTA BAS NA 'KHOR BA ZAD PAR BYA BA'I PHYIR NAN TAN DU BYA'O SNYAM DU KHYED KYIS DE LTAR BSLAB PAR BYA'O ZHES THA MAR ZAD PA YOD PAR GSUNGS PA DANG 'GAL LO ZHE NA, MI 'GAL TE SNGAR MDO DRANGS PA LAS SEMS CAN MA RIG PA DANG LDAN PA ZHES SOGS KYIS KHYAD PAR DU BYAS PA DE DAG KHO NA'I 'KHOR BA THA MA MED PAR STON GYI NYON MONGS PA MA LUS PAR SPANGS PA RNAMS LA NI ZAD PA'I MTHA' YOD DO, ,GAL TE THOG MA DANG BRAL BA RNAMS LA THA MA YOD PA MI 'GAL LAM SNYAM NA, MI 'GAL TE, BRGYA PA LAS, JI LTAR SA BON MTHA' MTHONG ZHING, ,DE LA THOG MA YOD MIN LTAR, DE BZHIN RGYU NI MTSANG PHYIR, ,SKYE BA'ANG 'BYUNG BAR MI 'GYUR RO, ,ZHES SA BON LA THOG MA MED KYANG MES TSIG PA LAS THA MA YOD PA BZHIN DU, SKYE BA LA THOG MA MED KYANG NYON MONGS PA ZAD NAS RGYU MA TSANG BA LA PHYIS NYON MONGS KYI DBANG GIS SKYE BA ZAD PA'I THA MA NI YOD PAR BSHAD DO, ,'DIR DNGOS PO'I DE KHO NA NYID SEMS PA'I DBANG DU BYAS NA THOG MTHA' GNYIS MED PAR 'DRA YANG THA SNYAD DU THOG MTHA' GNYIS YOD MED KYI MI 'DRA'O, ,GAL TE 'KHOR BA LA THOG MTHA' RANG BZHIN GYIS MA GRUB MOD KYANG DBUS NI RANG BZHIN GYIS YOD DE MA BKAG PA'I PHYIR RO ZHE NA, 'KHOR BA GANG LA THOG MA DANG THA MA RANG BZHIN GYIS MED PA DE LA DBUS RANG BZHIN GYIS GRUB PA GA LA YOD DE MED DO, ,DE'I PHYIR 'KHOR BA NI NAMKHA' BZHIN DU THOG MTHA' DBUS KYI NGO BO NYID KYIS YOD

135b

PA DANG BRAL BA'I PHYIR MING TZAM DU ZAD DE MGAL ME'I 'KHOR LO 'KHOR BA LA SOGS PA BZHIN NO, ,'DIR BUD DH'A P'A LI TA LAS, THOG MA DBUS DANG THA MA RNAMS, ,SKYE BO'I SNGA ROL MI SRID DE, ,GNYIS GNYIS DAG NI MA GTOGS PAR, ,RE RES RTZOM PAR JI LTAR 'GYUR,, ZHES BRGYA PA LAS GSUNGS PA DRANGS PAS THOG MTHA' DBUS GSUM NI SKYE 'JIG GNAS NAS GSUM YIN LA, SKYE 'JIG NGO BO NYID KYIS MED PA NI THOG MTHA' GNYIS MED PAS DBUS MED CES PA'I DON NO, ,DE'I PHYIR 'KHOR BA RANG BZHIN GYIS YOD PAS 'KHOR BA PO RANG BZHIN GYIS YOD PA MIN NO, ,GNYIS PA LA GSUM, ,MDOR BSTAN, RGYAS PAR BSHAD, ,DON BSDU BA'O, ,DANG PO NI, 'KHOR BA LA THOG MTHA' DBUS GSUM RANG BZHIN GYIS MED PA DE'I PHYIR 'KHOR BA DE LA 'KHOR BA BO'I SKYE BA DANG RGA SHI DAG LA YANG SNGA PHYI DANG LHAN CIG TU NGO BO NYID KYIS GRUB PA'I DUS KYI RIM PA MI 'THAD DO, ,RANG SDES SEMS CAN RNAMS SKYE SHI BAR MA CHAD DU THOG MA MED PA NAS THA MA MED PA'I BAR DU 'KHOR ZHING RGYUG PAR GSUNGS PA'I LUNG GIS SKYE 'CHI BYED MKHAN GYI SEMS CAN YOD PAR GSUNGS PA LA BRTEN NAS GANG ZAG NGO BO NYID KYIS YOD PAR SMRA BA LA THOG MTHA' MED PAR GSUNGS PA NYID KYIS SKYE 'CHI'I 'KHOR BA RANG BZHIN GYIS GRUB PA MI 'THAD CES SNGAR BSGRUB LA, 'DIR NI SKYE 'CHI RANG BZHIN GYIS GRUB NA DUS GSUM LAS MI 'DA' BAR KHYAB BYED DU BSTAN NAS DE GSUM 'GOG PA'O, ,PHYIR 'DUS BYAS THAMS CAD LA SKYE BA DANG RGA BA YOD LA SNGAR, DNGOS PO THAMS CAD DUS KUN TU, ,RGA DANG 'CHI BA'I CHOS YIN NA, ,ZHES GSUNGS PA

136a

, ,LTAR 'GAG PA LA YANG 'CHI BA ZHES BTAGS PA YOD MOD KYANG, SEMS CAN MA YIN PA'I RGYU 'BRAS LA SOGS PA'I DUS KYI RIM PA NI RIGS PA 'DI GZHAN LA SBYAR BA'I SKABS SU GSUNGS PAS 'DIR NI SEMS CAN GYI DBANG DU BYAS PA'O, ,SHI BA DANG 'CHI BA'I THA SNYAD BTAGS PA YANG SKABS DANG SBYAR RO, ,SNGA PHYI DANG DUS MNYAM GANG YIN DPYOD PA'I GZHI NA LHAS BYIN GYI DUS DANG PO DANG BAR DANG THA MA'I SKYE RGA 'CHI BA MIN PAS DE GSUM SPYIR BZUNG BA'O, ,GNYIS PA LA GNYIS, SNGA PHYI PA DGAG ,DUS MNYAM PA DGAG PA'O, ,DANG PO LA GNYIS, SKYE BA SNGA BA DGAG ,RGA SHI SNGA BA DGAG PA'O, ,DANG PO NI, GAL TE 'KHOR PA PO'I SKYE BA SNGA BAR GYUR LA DE LAS RGA SHI PHYI MA YIN NA NI, DE'I TSE DE'I SKYE BA LA RGA BA DANG SHI BA STE 'CHI BA MED PAR 'GYUR RO, ,DE 'DOD NA NI SKYE BA DE 'DUS MA BYAS SU 'GYUR TE GZHAN DU 'GYUR BA'I RGA BA DANG 'CHI BA DANG BRAL BA'I PHYIR RO, ,SEMS CAN SKYES PA DANG 'CHI BA DANG BRAL NA RTAG DGOS PAS 'DUS MA BYAS SU 'GYUR RO, ,SANGS RGYAS BSKYANGS KYIS SKYE BA LA RGA SHI MED NA PHYIS RGA SHI 'ONG BA'I GZHI MED PAR 'GYUR LA PHYIS RGA SHI DANG PHRAD DU ZIN KYANG DES SKYE BA LA CI YANG MI BYED PAR 'GYUR TE RGA SHI MED PAR NGO BO NYID KYIS GNAS PA'I PHYIR RO ZHES 'CHAD DO, ,SKYE BA SNGA BAR RTOG NA LHAS BYIN TSE RABS GZHAN DU MA SHI BAR YANG 'DIR DANG POR SKYE BAR 'GYUR BAS 'KHOR BA LA THOG MA YOD PAR 'GYUR ZHING RGYU MED PA'I SKYON DU 'GYUR RO, ,GZHAN YANG BDAG 'DAS PA'I DUS NA BYUNG NGO ZHES SNGON GYI SKYE BA DRAN PA MI 'THAD PAR 'GYUR ZHING SNGON MA BYUNG BA'I SEMS CAN PHYIS

136b

SKYE BA'I GSAR SKYE YOD PAR 'GYUR RO, ,GAL TE LHAS BYIN SKYE BA SNGA MAR MA SHI BAR 'DIR SKYES NA ZHES PA'I DON GANG YIN 'DIR SKYES PA'I LHAS BYIN SKYE BA SNGA MAR MA SHI BAR ZHES PA'I DON YIN NA NI, DPER NA TSE SNGA MAR LHA TSE 'PHOS NAS TSE 'DIR MIR SKYES PA'I MI DE SKYE BA SNGA MAR MA SHI BAR 'DIR SKYES PA YIN KYANG, 'KHOR BA LA THOG MA YOD MI DGOS PA BZHIN DU TSE 'DIR SKYES PA'I LHAS BYIN LA YANG MTSUNGS SO, ,TSE 'DIR MIR SKYES PA DE TSE SNGA MAR SHI BAR 'DOD NA NI SHIN TU MI RIGS TE CHE SNGA MAR DE MED PA'I PHYIR DANG TSE SNGA MAR SHI BA DE LHA SHI BA MA YIN PAR 'GYUR BA'I PHYIR RO, ,TSE 'DIR SKYES PA DE NYID SNGA MAR SHI BA YIN NA 'DIR SHI BA DE NYID PHYI MAR SKYES PAR 'GYUR BAS 'GRO BA GANG SHI BA DE NYID 'GRO BA DER SKYE DGOS PAR 'GYUR RO, ,CI STE TSE SNGA MAR LHAS BYIN ZHES PA'I SEMS CAN GCIG MA SHI BAR 'DIR SEMS CAN GCIG SKYES NA THOG MA YOD PAR 'GYUR RO ZHES PA YIN NA YANG MI RIGS TE, LHAS BYIN GCIG GI DBANG DU BYAS PA'I SKYE 'CHI GNYIS KYI SKYE BA SNGA BA 'GOG PA'I SKABS YIN GYI, SEMS CAN GCIG GI DBANG DU MA BYAS PA'I SEMS CAN SO SO BO'I SKYE 'CHI GNYIS GANG SNGA DPYOD PA'I SKABS MIN PA'I PHYIR RO ZHE NA, 'DIR SEMS CAN RGYUD SO SO BA GNYIS KYI SKYE 'CHI GANG SNGA DPYOD PA MIN GYI SEMS CAN RGYUD GCIG GI YIN NO, ,'DI LA YANG PHA ROL POS TSE 'DI'I LHAS BYIN GYI DANG POR SKYE GNAS SU NYING MTSAMS SBYAR BA'I SKYE BA DANG PHUNG PO DE'I RIS MTHUN DOR BA'I 'CHING GNYIS SKYE BA SNGA LA 'CHI BA 'PHYI BAR 'DOD CING, RGYUD GCIG GI SKYE 'CHI LA SNGA PHYI'I NGES PA MED PAR 'DOD KYANG MONG, TSE 'DI'I LHAS BYIN DANG

137a

, ,DE'I BDAG GNYIS NGO BO NYID KYIS GRUB PA'I PHYOGS LA SO SO BA MI 'DOD PAS NGO BO GCIG TU 'DOD LA, DE LTA NA GCIG TU 'GYUR BAS TSE 'DI'I LHAS BYIN GYI SKYE SHI DANG DE DANG RGYUD GCIG PA'I SKYE BA DANG RGA SHI GNYIS LA SNGA PHYI YIN MIN DBYE PAR MI NUS SO, ,DE'I PHYIR RGYUD GCIG PA'I SKYE BA 'CHI BA LAS SNGA NA LHAS BYIN TSE 'DIR SKYES PA'I SNGON DU DE DANG RGYUD GCIG PA'I SHI BA MA SONG DGOS LA, DE LTA NA LHAS BYIN GYI 'KHOR BA LA THOG MA YOD PA DANG RGYUD GCIG PA'I SEMS CAN SNGAR MED GSAR DU 'BYUNG BA DANG, LHAS BYIN GYIS BDAG 'DAS PA'I TSE RABS RNAMS SU BYUNG NGO ZHES SMRAS PA MI 'THAD PAR 'GYUR BA'I SKYON YOD DO, ,DES NA 'DIR SKYES PA'I SEMS CAN DE NYID SKYE PA SNGA MAR MA SHI BAR 'DIR SKYES NA ZHES PA YANG MIN LA TSE SNGA MAR SHI BA DANG 'DIR SKYES PA GNYIS SEMS CAN RGYUD SO SO BA LA BYED PA YANG MIN PAS SKYON DE DAG GANG YANG MED DO, ,GAL TE TSE 'DI'I LHAS BYIN GYIS NGA TSE RABS SNGA MA RNAMS SU 'DI DANG 'DIR SKYES SO ZHES DRAN PA YOD DU CHUG KYANG DES DRAN PA LTAR KHAS BLANG DU MI RUNG STE, LEN NA NI TSE 'DI YI LHAS BYIN 'DI NYID TSE RABS SNGA MA RNAMS SU YANG YOD PAS RTAG PAR 'GYUR RO SNYAM NA, 'DI NI DRAN CHUL MA SHES PAR SMRA BA'I RTZOD PA YIN TE, DPER NA RTZOD PA'I DUS SU SGRA 'DRA BA ZHIG SNGAR RTAG PAR KHAS BLANGS LA PHYIS SNGAR GYI KHAS BLANGS MA DRAN PAR MI RTAG PAR KHAS BLANGS PA NA, RTZOD ZLAS 'GAL BA SGRIGS PA'I TSE DRAN PAR 'GYUR LA DE'I TSE NGAS SNGAR RTAG PAR KHAS BLANGS 'DUG SNYAM DU DRAN GYI DUS PHYI MA'I DUS NA YOD PA'I NGA 'DIS SNGAR

137b

RTAG PA KHAS BLANGS SO SNYAM DU MI DRAN NO, ,DE'I RGYU MTSAN GYIS 'GAL BA SGRIG NUS KYI DE LTA MA YIN NA 'GAL BA SGRIG MI NUS TE SNGAR DUS KYI RTAG PA KHAS LEN MKHAN GYIS PHYI DUS SU MI RTAG PAR KHAS MA BLANGS PA'I PHYIR RO, ,DE BZHIN TSE 'DI'I MI LHAS BYIN GYIS SNGAN GYI SKYE BA DRAN PA NA NGA SNGAR DE DANG DER SKYES 'DUG SNYAM DU DRAN PA YIN GYI TSE 'DI'I DUS KYIS KHYAD PAR DU BYAS NAS NGA SNGAR DE DANG DER SKYES 'DUG SNYAM DU MI DRAN NO, ,DES NA TSE 'DI'I LHAS BYIN GYIS GANG LA DMIGS NAS NGA'O SNYAM PA SKYE BA'I DMId PAR GYUR PA'I BDAG NI TSE RABS SNGA MA RNAMS SU YANG YOD PAS DE LTAR DRAN PA MI 'GAL LA, TSE 'DI'I LHAS BYIN TSE SNGA MAR YOD NA RTAG PAR 'GYUR BA DANG YANG MI 'DRA'O, ,DE BZHIN DU MA 'ONGS PA'I SKYE BA LA YANG TSE 'DI'I DUS KYI GANG ZAG DE NYID SKYE BA PHYI MAR MI 'GRO YANG NGA'O SNYAM PA'I DMIGS PA NGA TZAM ZHIG DENG YANG RJES SU 'GRO BAS, RANG NYID SKYE BA PHYI MAR SDUG BSNGAL GYIS DOGS NAS DE'I RGYU MI DGE BA 'DIR SPONG BA DANG BDE BAR BYA BA'I PHYIR DU 'DIR DGE BA LA BRTZON PA YANG 'THAD DE, DPER NA DE RING GI DUS KYI MI 'DI SANG GI DUS NA MED KYANG SANG BKRES SKOM GYI SDUG BSNGAL BYUNG GIS DOGS NAS DE RING NAS BZA' BTUNG GSOG PA DANG, RGAS PA'I TSE SDUG BSNGAL GYIS DOGS NAS GZHON DUS NOR GSOG PA BZHIN NO, ,'DI THAMS CAD KYANG YUL DUS 'DI'I BDAG CES SO SOR MI 'BYED PAR SPYIR BDAG BDE BA THOB PA DANG SDUG BSNGAL DANG BRAL BAR 'DOD NAS BYED LA, BDAG TZAM YANG DUS DE DAG TU RJES SU 'GRO BAS DES YUL LA 'KHRUL PA YANG MIN NO, ,DES NA NGA'O SNYAM DU THA SNYAD 'DOGS MKHAN GYI

138a

, ,MI DANG THA SNYAD BTAGS PA'I GZHI BDAG GNYIS KHYAB MNYAM DU MI GZUNG BAR MI DE BDAG DE'I CHA GCIG YIN PAR SHES PAR BYOS SHIG ,'DI RNAMS RTEN 'BREL SPYI DANG KHYAD PAR DU LAS DKAR NAG GI 'BRAS BU BDE SDUG 'BYUNG BA'I NGES PA LA KHYAD CHE BAR SNANG BAS PHYOGS TZAM BRJOD PA'O, ,'DIR 'GREL PA LAS SHING AA MRA LA SOGS PA RNAMS RGA BA DANG ZHIG PA SNGON DU MA SONG YANG DANG POR SKYE BA MTHONG BA DE BZHIN DU BDAG KYANG RGA SHI SNGON DU MA SONG YANG SKYE BA ZHES SMRA BA LA, DE DAG KYANG RANG GI SA BON 'GAG PA NA SKYE BA'I PHYIR GZHAN DU MA ZHIG PA SKYE BA MIN PAS SNGA MA DANG MTSUNGS SO, ,CI STE SA BON LAS SHING GZHAN YIN PAS SHING GI SKYE BA NI GZHAN DU MA ZHIG PA'O SNYAM NA, RGYU 'BRAS GZHAN NYID MA YIN PAS BSGRUB BYA DANG MTSUNGS PAR GSUNGS TE, RGYUD GCIG PA LA SNGAR LTAR GTUGS NA BDAG DANG MTSUNGS KYI DE LTA MA YIN NA LAN GDAB PAR DKA'O, ,GNYIS PA NI, GAL TE SEMS CAN GYI SKYE BA 'PHYI BAR 'GYUR LA DE LAS DE'I RGA SHI SNGA BA YIN NA NI, ,SKYE BA SNGAR MED PA'I RGA SHI NI RGYU MED PAR NI YOD PAR JI LTAR 'GYUR TE MI 'GYUR TE, SKYE BA'I RKYEN GYIS RGA SHI ZHES GSUNGS PA'I PHYIR RO, ,JI SKAD DU, BONG BA BTEG PAR GYUR PA NA, ,BTEG PA LA NI RGYU YOD KYI, ,BTEG PA'I LTA ZHIG RGYU LAS NI, ,GZHAN PA LTUNG LA MED PA NYID, ,CES BSHAD PA DE YANG BTEG PA KHO NA LTUNG BA'I RGYU YIN GYI GZHAN MIN PA DE BZHIN DU SKYE BA KHO NA 'JIG PA'I RGYU YIN GYI GZHAN NI MIN NO, ,DES NA 'JIG PA RGYU MED YOD PA MIN NO, ,'JIG PA 'DI SKYE BA'I RGYU CAN YIN PAS 'BYUNG BA KHO NA

138b

'JIG PA'I RGYU YIN PA'I PHYIR NA, DE LTAR 'DUS BYAS CHOS DE DAG ,RGYU DANG BCAS PAR 'BYUNG BA STE, ,SKYES PA 'JIG PA GANG YIN PA, ,'DI NI CHOS RNAMS RANG BZHIN NO, ZHES GSUNGS PA 'DI YANG LEGS PAR DRANGS PAR 'GYUR RO ZHES BSHAD DE DUS GNYIS PAR ZHIG PA DUS SNGA MAR SKYES PA'I 'BRAS BUR SGRUB PA'I KHUNGS SO, ,GNYIS PA NI, SKYE BA DANG NI RGA SHI DAG LHAN CIG TU NGO BO NYID KYIS YOD PA YANG RUNG BA MA YIN TE, DE RUNG NA NI SKYE BZHIN PA NA 'CHI 'GYUR TE 'GAG BZHIN PAR 'GYUR NA DE YANG MI RIGS TE, SNANG MUN LTAR PHAN TSUN 'GAL BA'I PHYIR DANG SKYE BZHIN PA NYID 'CHI BZHIN PA'O ZHES 'JIG RTEN NA YANG MA MTHONG NGO, ,SPYIR SKYE 'GAG GI BYA BA YANG MI 'GAL LA SKYE 'GAG GNYIS KYANG MI 'GAL YANG SKYE BZHIN PA DANG 'GAG BZHIN PA GNYIS DUS GCIG PA NI GZHI GCIG LA 'GAL BAR KUN LA GRAGS SO, ,DE LA SKYE 'GAG RANG GI MCHAN NYID KYIS GRUB NA SNGAR BSHAD PA LTAR SKYE BZHIN PA'I DUS SU SKYE RGYU DE YOD DGOS SO, ,DE LTA NA DA LTA BAR 'GYUR BAS 'GAG BZHIN PAR YANG 'GYUR LA DE'I TSE SKYE BZHIN PA 'PHEL BAR 'GYUR BA DANG 'GAG BZHIN PA ZAD PAR 'GYUR BA GNYIS 'GAL LO, ,SKYE BA DANG 'CHI BA GNYIS KA RGYU MED PA CAN DU'ANG 'GYUR TE DUS MNYAM PA GNYIS GCIG CIG SHOS KYI RGYUR MI 'THAD LA, SKYE BA'I SNGON DU 'CHI BA MA SONG BA DANG 'CHI BA'I SNGON DU YANG SKYE BA MA SONG BA'I PHYIR RO, ,GSUM PA NI GAL TE SKYE BA LA SOGS PA LA SNGA PHYI DANG LHAN CIG GI RIM PA YOD KYANG RUNG MED KYANG RUNG STE RE ZHIG SKYE BA DANG RGA SHI NI YOD DO, ,DE DAG KYANG GZHI MED PAR MI 'THAD PAS 'GA' ZHIG GI YIN

139a

, ,LA DE YANG BDAG YIN NO SNYAM NA, DE LTAR RIGS PA SNGON DU BTANG STE BRTAGS NA SKYE BA DANG RGA SHI GANG LA SNGA BA DANG PHYI BA DANG LHAN CIG GI RIM PA DE DAG MI SRID PA DE LA KHYED SKYE BA NI DE DANG RGA SHI NI DE'O ZHES CI YI PHYIR NA SPRO BA STE RDOD PAR BYED YANG NA DE DAG MA DMIGS PA NA 'PHAGS PA RNAMS CI'I PHYIR NA SPRO BAR BYED DE SPRO BAR MI MDZAD DE YANG DAG PA JI LTA BA BZHIN GZIGS PA'I PHYIR RO, ,GAL TE SKYE BA DANG RGA SHI NGO BO NYID KYIS YOD NA SNGA PHYI GNYIS DANG LHAN CIG GANG RUNG DU 'GYUR NA SNGA PHYI DANG LHAN CIG GI RIM PA GANG YANG MI 'THAD PA'I PHYIR SKYE BA DANG RGA SHI NGO BO NYID KYIS MED DO, ,DE MED NA SKYE BA DANG RGA SHI NGO BO NYID KYIS YOD PAS SKYE SHI'I BYA BA BYED MKHAN GYI BDAG NGO BO NYID KYIS YOD DO ZHES PA DE THONGS SHIG ,GNYIS PA NI, 'KHOR BA STE SEMS CAN 'BA' ZHIG GI SKYE BA DANG RGA SHI LA SNGON GYI MTHA' STE SNGA BA DANG PHYI BA DANG LHAN CIG GI RIM PA YOD PA MA YIN PAR MA ZAD KYI ,RGYUD DANG 'BRAS BU DANG MTSAN NYID DANG MTSAN GZHI DANG TSOR BA DANG TSOR BA PO LA YANG SNGON GYI MTHA' DANG DES MTSON NAS PHYI BA DANG LHAN CIG GI RIM PA NI YOD PA MA YIN PAR RIG PAR BYA'O, ,DE YANG RGYU SNGA BAR NGO BO NYID KYIS YOD NA 'BRAS BU YANG DE'I DUS NA YOD DGOS PA LAS MED PA'I PHYIR RGYU MED PAR 'GYUR LA, 'BRAS BU SNGA NA YANG RGYU MED DU 'GYUR RO, ,RGYU 'BRAS GNYIS CIG CAR DU YOD NA GNYIS KA YANG RGYU MED PAR 'GYUR TE SBAR BSHAD PA LTAR RO, ,MTSAN NYID SNGA NA NI MTSON RGYU MED LA MTSAN GZHI SNGA NA NI MTSAN NYID MED PAR 'GYUR RO, ,MTSAN MTSON GNYIS DUS GCIG TU NGO BO NYID

139b

KYIS YOD NA NI PHAN TSUN DU MI LTOS PAR GRUB PAR 'GYUR RO, ,TSOR BA PO SNGA NA NI GANG GI TSOR BA POR 'GYUR, TSOR BA SNGA NA YANG TSOR MKHAN MED PAR TSOR BA MI RIGS SO, ,GNYIS KA DUS MNYAM NA NI PHAN TSUN MI LTOS PAR GRUB PA DANG RGYU MED DU 'GYUR RO,, 'KHOR PA'I BSHAD PAS RGYU 'BRAS LA SOGS PA RIG PAR BYA BAR MA ZAD DON YOD PA'I DNGOS PO GZHAN GANG DAG CI YANG RUNG BA CHAD MA DANG GZHAL BYA DANG, SHES PA DANG SHES BYA DANG BSGRUB BYA DANG SGRUB BYED DANG, YAN LAG DANG YAN LAG CAN LA SOGS PA THAMS CAD LA YANG SNGON GYI MTHA' LA SOGS PA GSUM YOD PA MA YIN NO ZHES SBYAR BAR BYA'O, ,GNYIS PA NI, DE LTAR SKYE RGA DANG RGYU 'BRAS LA SOGS PA NGO BO NYID KYIS MED PA DE NYID ZAB MO'I LUNG GIS KYANG BSGRUB PA DANG, CHOS RNAMS LA SNGON DANG PHYI MA'I MTHA' MI SBYOR PA DANG 'CHI 'PHO BA DANG SKYE BA MED PA DANG 'KHOR BA MI DMIGS PA LA SOGS PAR STON PA'I GSUNG RAB THAMS CAD RAB BYED 'DIS BSHAD PAR BYA BAR BSTAN PA'I PHYIR DU NGES DON GYI LUNG DANG SBYOR BA'I PHYOGS CAM SMOS NA, DKON MCHOG SPRIN LAS, CHOS KYI 'KHOR LO BSKOR BA NA, ,GZOD NAS ZHI ZHING MA SKYES PA, ,RANG BZHIN MYA NGAN 'DAS PA YI, ,CHOS RNAMS MGON PO KHYOD KYIS BSTAN, ,ZHES PA DANG DE BZHIN DU, GZOD MA NAS NI STONG ZHING MA 'ONGS CHOS, ,SONG BA MED CING GNAS MED GNAS KYIS DBEN, ,SGYU MA'I RANG BZHIN RTAG TU SNYING PO MED, ,THAMS CAD DAG CING RNAM DAG NAMKHA' BZHIN, ,RGYAL BA'I CHOS NI GANG DAG RAB STON PA, ,DE YANG MI ZAD PAS NA MI MTHONG STE, ,CHOS 'DI SNGA NAS BDAG MED SEMS CAN MED, ,DE DAG RAB TU STON KYANG ZAD MI 'GYUR, ,

140a

, ,BTAGS PA TZAM DU BRTAGS NAS BSTAN PA YIN, ,'KHOR BA LA NI THA MA MI RNYED DE, ,GANG DAG SNGON BYUNG MTHA' NI MTSAN NYID MED, ,MA 'ONGS DUS KYANG SHES PAR BYA BA'I PHYIR, ,LAS DANG BYA BA DE LTAR ZHUGS 'GYUR TE, ,RAB DANG THA MA DAG TU'ANG 'BYUNG BAR 'GYUR, ,CHOS RNAMS RTAG TU BLUN ZHING RANG BZHIN STONG, ,THAMS CAD BDAG MED PAR YANG SHES PAR GYIS, ,ZHES GSUNGS SO, ,DE LA GZOD MA DANG GDED MA NI DANG PO'I SGRA'O, ,ZHI BA NI CHOS RNAMS YE SHES ZHI BA'I YUL TE, MA SKYES PA'I PHYIR TE RANG BZHIN GYIS MYA NGAN LAS 'DAS PA NGO BO NYID KYIS YOD PAS STONG PA'I PHYIR RO, ,DE NAS BZHIS DUS GSUM GDOD NAS STONG PA SGYU MA DANG NAMKHA' DANG 'DRA BA DANG, DE NAS LNGAS CHOS RNAMS GDOD MA NAS GANG ZAG GI BDAG GIS STONG ZHING RGYAL BAS CHOS BSTAN PA YANG BTAGS PA CAM DU BSTAN PA DANG, DE NAS LNGAS CHOS RNAMS LA SNGON DANG PHYI MA'I MTHA' MED PA DANG MA 'ONGS PA'I DUS SU YANG DE LTAR RTOGS PA'I PHYIR DU DA LTAR BYA BA LA ZHUGS PAS, MA 'ONGS PA NA RAB DANG THA MA'I 'BRAS BU SKAL BA DANG 'CHOM PAR THOB BAR 'GYUR BA DANG, DE NAS GNYIS KYIS CHOS RNAMS SHES PA PO'I NGO BO BDAG GIS STONG PA'I BDAG MED KYI DON SHES PAR GYIS ZHES BSTAN NO, ,GSUM PA NI, 'KHOR BA PO'I GANG ZAG DANG DE 'KHOR BA'I BYA BA SKYE BA DANG RGA SHI DANG RGYU 'BRAS LA SOGS PA RNAMS RANG GI NGO BO NYID KYIS YOD NA SKYE BA SOGS GANG GI YANG THA SNYAD BYAR MED PAS, 'KHOR MKHAN DANG DES SKYE 'CHI BRGYUD MAR BYAD PAR GSUNGS PA NI THA SNYAD KYI DBANG GIS BZHAG PA TZAM LA 'THAD DO SNYAM DU NGES PAR BYA'O, ,SNGON

140b

DANG PHYI MA'I MTHA' BRTAG PA ZHES BYA BA TSIGS SU BCAD PA BRGYAD KYI BDAG NYID RAB TU BYED PA BCU GCIG PA'I RNAM PAR BSHAD PA'O,, ,,GNYIS PA RTEN PA SDUG BSNGAL YOD PA'I RTAGS DGAG PA LA GSUM, RAB BYED KYI GZHUNG BSHAD PA, NGES DON GYI LUNG DANG SBYAR BA, DON BSDUS TE MTSAN BSTAN PA'O, ,DANG PO NI, 'DIR SMRAS PA, BDAG NI RANG BZHIN GYIS YOD DE DE DANG 'BREL PA CAN GYI SDUG BSNGAL YOD PA'I PHYIR RO, ,LUNG LAS NYE BAR LEN PA'I PHUNG PO LNGA LA SDUG BSNGAL ZHES GSUNGS PAS DE YANG YOD LA SDUG BSNGAL DE YANG RTEN MED PAR NI MED PAS RTEN YOD LA DE YANG BDAG YIN NO, ,'DI DGAG PA LA GNYIS, SDUG BSNGAL NGO BO NYID KYIS YOD PA DGAG ,RIGS PA DANG CHOS GZHAN LA'ANG SBYAR BA'O, ,DANG PO LA GNYIS, DAM BCA' BZHAG ,SGRUB BYED BSTAN PA'O, ,DANG PO NI, DE LA RGOL BA KHA CIG GIS NI SDUG BSNGAL BDAG GIS BYAS PA DANG KHA CIG GIS NI SDUG BSNGAL RANG LAS DON GZHAN GYIS BYAS PA DANG, GZHAN DAG GIS NI RANG GZHAN GNYIS KAS BYAS PA DANG 'GA' ZHIG GIS NI SDUG BSNGAL RGYU MED PA LAS 'BYUNG BAR 'DOD PA'I SDUG BSNGAL DE NI RNAM PA THAMS CAD DU RANG BZHIN GYIS BSKYED PAR BYA BAR MI RUNG NGO ZHES DAM BCA' BA BZHAG PA'O, ,SDUG BSNGAL SDUG BSNGAL GYI RANG BZHIN DU GYUR PAS SKYED PAR NI GRANGS CAN 'DOD LA SDUG BSNGAL GANG ZAG GI BDAG GIS BYAS PAR NI BYE BRAG PA LA SOGS PAS 'DOD DE, ,SDUG BSNGAL RANG GI SKYED BYED DANG RANG GI MTSAN NYID KYIS THA DAD PAR NI RANG GI SDE PA DANG GZHAN GYIS KYANG 'DOD DO, ,GNYIS KAS BYAS PA NI GCAR BUR RGYU BAS LUS KYIS BYAS PA

141a

, ,NI LUS SDUG BSNGAL YIN PAS RANG GIS BYAS PA DANG SROG GIS BYAS PA NI SDUG BSNGAL LAS GZHAN YIN PAS GZHAN GYIS BYAS PAR SMRA BA SOGS SO, ,RGYU MED PAR 'BYUNG BAR NI RGYANG PAN PA RNAMS 'DOD DO, ,GNYIS PA LA GNYIS, SDUG BSNGAL RANG GZHAN RE RE BAS BYAS PA DGAG ,GNYIS KA TSOGS PAS BYAS PA DANG RGYU MED DU SMRA BA DGAG PA'O, ,DANG PO LA GSUM, SDUG BSNGAL LA LTOS TE RANG GZHAN RE RE BAS BYAS PA DGAG, GANG ZAG LA LTOS TE RE RE BAS BYAS PA DGAG ,RANG GZHAN RE RE BAS MA BYAS PA'I SGRUB BYED GZHAN BSTAN PA'O, ,DANG PO LA GNYIS, SDUG BSNGAL LA LTAS TE RANG GIS BYAS PA DGAG ,SDUG BSNGAL LA LTOS TE GZHAN GYIS BYAS PA DGAG PA'O, ,DANG PO NI, GAL TE SDUG BSNGAL TE BDAG RANG GIS BYAS PAR GYUR NA NI SDUG BSNGAL GYI NGO BO NYID KYIS DE NYID BYED PAR 'GYUR RO, ,DE'I PHYIR RGYU RKYEN LA BRTEN NAS 'BYUNG BAR MI 'GYUR TE RANG YOD NA RANG GIS SKYED MI DGOS LA RANG MED NA SKYED BYED DU MI RUNG BA'I PHYIR RO, ,RTEN 'BREL NI YIN TE GANG GI PHYIR 'CHI BA'I DUS KYI PHUNG PO 'DI DAG LA BRTEN NAS SKYE BA'I CHAR GTOGS PA'I PHUNG PO DE DAG 'BYUNG BA'I PHYIR RO, ,DAS NA SDUG BSNGAL BDAG GIS BYAS PAR MI RIGS SO, ,GNYIS PA NI, GAL TE 'CHI BA'I DUS KYI PHUNG PO 'DI DAG LAS SKYE BA'I CHA'I PHUNG PO DE DAG NGO BO NYID KYIS GZHAN YIN ZHING, GAL TE SKYE BA'I CHAR GTOGS PA'I PHUNG PO DE DAG LAS KYANG 'CHI BA'I DUS KYI PHUNG PO 'DI NGO BO NYID KYIS GZHAN YIN NA NI, DA LTAR GYI PHUNG PO GZHAN DE DAG GIS MA 'ONGS PA'I PHUNG PO DE BYAS PAR 'GYUR BAS SDUG BSNGAL

141b

GZHAN GYIS BYAS PAR 'GYUR BZHIG NA DE NI MI 'THAD DE, NGO BO NYID KYIS GZHAN DU YOD NA, RGYU 'BRAS KYI 'BREL BA MI GNAS PA'I PHYIR DANG, GANG LA BRTEN TE GANG 'BYUNG BA, ZHES SOGS 'CHAD PAR 'GYUR BA LTAR RO, ,RKANG PA PHYI MA GNYIS RI BUD DHA P'A LI TA DANG SHES RAB SGRON MAR, GZHAN DE DAG GAS 'DI BYAS PAS, ,SDUG BSNGAL GZHAN GYIS BYAS PAR 'GYUR, ,ZHES BSGYUR BA LTAR BDE'O, ,GNYIS PA LA GNYIS, GANG ZAG RANG GIS BYAS PA DGAG ,GANG ZAG GZHAN GYIS BYAS PA DGAG PA'O, ,DANG PO NI, GAL TE SDUG BSNGAL NYID KYIS SDUG BSNGAL BYAS PA LA SDUG BSNGAL BDAG GIS BYAS PAR ME SNA'I GANG ZAG RANG GIS RANG GI SDUG BSNGAL DE BYAS PA YIN GYI, GANG ZAG GZHAN GYIS BYAS NAS 'DI LA BYIN PA NI MA YIN PAS SDUG BSNGAL BDAG GIS BYAS PAR SMRA'O ZHE NA, GAL TE MI'I GANG ZAG BDAG GIS NI MI'I GANG ZAG DER 'DOGS PA'I SDUG BSNGAL DE BYAS NA NI SDUG BSNGAL DE BYAS PA'I GANG ZAG DE BYAS PA'I SDUG BSNGAL LAS MA GTOGS PA GANG ZHIG YIN TE ,SDUG BSNGAL DE NI 'DI YIN LA SDUG BSNGAL DE BYED PA PO NI 'DI YIN NO ZHES SO SOR PHYE STE 'DIS 'DI BYAS ZHES BRJOD DGOS NA DE LTAR BRJOD DU'ANG MED DO, ,CI STE YANG MI'I SDUG BSNGAL GYI NYE BAR LEN PA CAN GYI GANG ZAG GIS LHA'I SDUG BSNGAL BYAS PAR RTOG NA GANG ZAG DE BDAG GIS BDAG GI SDUG BSNGAL DE BYAS PA MIN GYI GZHAN GYI SDUG BSNGAL GZHAN GYIS BYAS PAR 'GYUR RO, ,CI STE GANG ZAG DE GNYIS NYE BAR LEN PA PHUNG PO THA DAD KYANG GANG ZAG THA MI DAD DO ZHE NA, DE YANG MI RIGS TE NYE BAR LEN PA LAS DON GZHAN DU GANG ZAG BSTAN PAR MI NUS PA'I PHYIR RO, ,GNYIS PA NI,

142a

, ,GAL TE MI'I GANG ZAG GIS MI'I SDUG BSNGAL MI BYED KYI DES LHAR SKYE BA'I LHA'I SDUG BSNGAL BYAS NAS LHA'I GANG ZAG LA STER ZHING LHA'I SDUG BSNGAL DES KYANG LHA'I GANG ZAG TU THA SNYAD 'DOGS PAR BYED DO ZHE NA, GAL TE MI'I GANG ZAG LHA LAS GZHAN PA DE LAS NI LHA'I SDUG BSNGAL 'BYUNG NA, GZHAN MI'I GANG ZAG CIG GIS SDUG BSNGAL DE BYAS NAS GANG LA SBYIN PA'I LHA'I GANG ZAG DE, SBYIN BYA'I SDUG BSNGAL DE LAS MA GTOGS PA GZHAN ZHIG JI LTAR YOD PAR RUNG STE DE MED DO,, GAL TE MI'I GANG ZAG GZHAN LAS LHA'I SDUG BSNGAL DE 'BYUNG NA, GANG GIS LHA'I SDUG BSNGAL DE BYAS NAS GZHAN LHA LA STER BA'I GANG ZAG GZHAN NYE BAR LEN PA'I SDUG BSNGAL GANG GIS MI'I GANG ZAG TU 'DOGS PA DE NI, RANG GIS NYE BAR LEN PA'I SDUG BSNGAL DE LAS MA GTOGS PA GANG YIN TE MED DO, ,GANG LA STER BA DANG GANG GIS STER BA PO NGO BO NYID KYIS YOD NA RANG GI NYE BAR LEN PA'I SDUG BSNGAL LAS NGO BO NYID KYIS THA DAD PAR RNYED DGOS NA DE NI MI RNYED DO, ,STER BA PO'I GANG ZAG 'GOG PA'I TSIGS BCAD NI BUD DHA P'A LI TA DANG SHES RAB SGRON MAR MA BYUNG YANG TSIG GSAL LAS GNYIS KA LA BSHAD PA SO SOR MDZAD DO, ,GZHAN YANG GAL TE SDUG BSNGAL GANG ZAG BDAG GIS BYAS PA DE NGO BO NYID KYIS GRUB NA SDUG BSNGAL GZHAN GYIS BYAS PA YANG NGO BO NYID KYIS 'GRUB NA, SDUG BSNGAL BDAG GIS BYAS PA NI NGO BO NYID KYIS YOD PAR MA GRUB PAR SNGAR BSHAD PAS SDUG BSNGAL DE DAG GZHAN GYIS GA LA BYAS TE BYAS PAR MI 'GRUB BO, ,DE'I RGYU MTSAN NI GZHAN GYIS SDUG BSNGAL GANG

142b

BYED PA DE NI GZHAN MI DE'I BDAG GIS BYAS PA YIN PA'I PHYIR RO, ,CI STE MI DES SDUG BSNGAL DE BDAG GIS BYAS PA MIN NA LHA'I SDUG BSNGAL DA GZHAN GYIS BYAS PAR JI LTAR 'GYUR ZHES, BUD DHA P'A LI TA LAS BSHAD DE TSIG GSAL DANG DON 'DRA'O, ,GSUM PA NI, RE ZHIG SDUG BSNGAL BDAG GIS BYAS PA NI MIN TE SDUG BSNGAL DE NYID KYIS NI DE NYID MA BYAS PA'I PHYIR TE RANG LA BYED PA 'GAL BA'I PHYIR RO, ,GAL TE SDUG BSNGAL DE NGO BO NYID KYIS YOD PA'I GZHAN GYIS BYAS PAR SMRA NA'ANG DER GA LA 'GYUR TE MI 'GYUR TE, 'DIS BYED DO ZHES BRTAG PA'I GZHAN DE BDAG MA BYAS PA STE RANG GI NGO BO NYID KYIS MA GRUB PAS RGYU GZHAN LA LTAS PA'I PHYIR RO, ,BUD DHA P'A LI TA LAS SDUG BSNGAL DE GANG ZAG RANG GIS BYAS LA GANG ZAG KYANG SDUG BSNGAL LAS GZHAN MIN PA LA BSAMS NAS SDUG BSNGAL GYIS SDUG BSNGAL BYAS SO, ,ZHES SMRA LA, GANG ZAG DES SDUG BSNGAL DE BYAS SHING DA SDUG BSNGAL MA YIN PA LA BSAMS NAS SDUG BSNGAL GZHAN GYIS BYAS SO ZHES KYANG SMRA BA LA, RKANG PA DANG POS NYE BAR LEN PA MED PA'I GANG ZAG 'BA' ZHIG PA MED PAS SDUG BSNGAL GANG ZAG RANG GIS BYAS PA 'GOG GO, RKANG PA GNYIS PAS SDUG BSNGAL DE NYID KYIS DE NYID BYAS PA 'GOG LA PHYI MA GNYIS KYIS SDUG BSNGAL LAS MA GTOGS PA'I BDAG MED PAS SDUG BSNGAL GZHAN GYIS BYAS PA 'GOG GO, GNYIS PA NI, GAL TE SDUG BSNGAL SO SO BA RE RAS BYAS PA MED KYANG GNYIS KA TSOGS PAS BYAS PA NI YOD DO SNYAM NA 'KHOR LO LA SOGS PA RE RE BA LA SHING RTA GZHAG TU MED KYANG YAN LAG TSOGS PA LA BRTEN NAS

143a

, ,SHING RTAR 'JOG PA LTA BU YIN NA DE SKAD SMRA BAR RIGS KYANG, 'DI NI SROG GCOD PA RE RE NAS MA BYAS NA 'DI GNYIS KAS SROG GCOD BYAS SO ZHES 'JOG MI NUS PA BZHIN DU YIN NO, ,DES NA GAL TE RANG GZHAN RE RES SDUG BSNGAL BYAS PAR GYUR NA SDUG BSNGAL DE GNYIS KA TSOGS PAS BYAS PAR 'GYUR NA YANG RE RES BYAD PA NI MIN TE SNGAR BKAG ZIN PA'I PHYIR RO, ,JI SKAD BSHAD PA'I TSUL GYIS SDUG BSNGAL DE BDAG GIS MA BYAS SHING GZHAN GYIS KYANG MA BYAS NA, SDUG BSNGAL RGYU MED DU 'BYUNG BAR GA LA 'GYUR TE MI 'GYUR TE, NAMKHA'I ME TOG GI DRI ZHIM PO BZHIN NO, ,DE LTAR SDUG BSNGAL NGO BO NYID KYIS MED PA'I PHYIR DE'I RTEN GYI BDAG KYANG NGO BO NYID KYIS YOD PA MA YIN NO, ,GNYIS PA NI, DE LTAR DANG SEMS CAN GYI SDUG BSNGAL 'BA' ZHIG LA BDAG GIS BYAS PA LA SOGS PA RNAM PA BZHI YOD PA MA YIN PAR MA ZAD KYI, PHYI ROL GYI DNGOS PO SA MYUG DANG BUM SNAM LA SOGS PA THAMS CAD DAG LA YANG BDAG GIS BYAS PA SOGS RNAM PA BZHI PO YOD PA MA YIN PA SNGAR BSHAD PA BZHIN DU RIG PAR BYA'O, ,GAL TE PHYI NANG GI DNGOS PO 'DI DAG LA BDAG GIS BYAS PA SOGS BZHI PO MED NA 'DI DAG YOD NI DGOS PAS RNAM PA GANG GIS 'GRUB CE NA, DE LA 'DI DAG NGO BO NYID KYIS YOD MED 'TSOL BA'I DBANG DU BYED NA NI, SDUG BSNGAL LA SOGS PA 'DI RNAMS RANG BZHIN GYIS YOD NA BDAG GIS BYAS PA SOGS RNAM PA BZHI PO GANG RUNG GCIG TU GRUB DGOS PA LA, DE NI SNGAR BSHAD PA LTAR MED PAS SDUG BSNGAL LA SOGS PA RANG BZHIN

143b

GYIS YOD PA MA YIN PAR NGES TE KHYAB BYED MI SRID PA'I PHYIR RO, ,'ON TE PHYIN CI LOG TZAM GYIS BDAG NYID YOD PAR RNYED PA SDUG BSNGAL LA SOGS PA KUN RDZOB PA RTEN CING 'BREL PAR 'BYUNG BA'I RNAM GZHAG 'TSAL NA NI, BDAG GIS BYED PA LA SOGS PA BZHI PO DOR NAS RAB BYED BRGYAD PAR BSHAD PA'I RNAM PAS RKYEN NYID 'DI PA TZAM GYI RTEN 'BYUNG GRUB PAS YOD PAR KHAS BLANG BAR BYA STE, SDUG BSNGAL BDAG GIS BYAS PA DANG, ,GZHAN GYIS BYAS DANG GNYIS KAS BYAS, ,RGYU MED PAR NI RTOG GI 'DOD, ,KHYOD KYIS BRTEN NAS 'BYUNG BAR GSUNGS, ,ZHES BSHAD PA LTAR RO, ,BUD DHA P'A LI TA LAS KYANG, GAL TE SDUG BSNGAL MED NA STON PAS 'OD SRUNGS SDUG BSNGAL YOD DE NGAS SDUG BSNGAL SHES SO MTHONG NGO ZHES GSUNGS PA JI LTA BU ZHE NA, SDUG BSNGAL MED DO ZHES DE SKAD DU ZER, KHO BOS DE PHYIR BRTEN NAS 'BYUNG MI 'GYUR, ZHES MA SMRAS SAM DE'I PHYIR KHO BO NI SDUG BSNGAL RTEN 'BYUNG YIN PAR SMRA'I BDAG GIS BYAS PA SOGS SU MI SMRA'O ZHES BSHAD DO, ,DES NA BDAG GIS BYAS PA RTEN 'BYUNG YIN PA'I RGYU MTSAN GYIS DNGOS SU BKAG CING GZHAN GYIS BYAS PA YANG DE NYID KYIS 'GOG PAR 'GREL PA GNYIS CHAR GYIS BSHAD CING DE'I PHYIR GNYIS KAS BYAS PA YANG DES 'GOG GO, RGYU MED DU 'BYUNG BA NI RGYU MTSAN DES 'GOG PA SHIN TU GSAL BAS RTEN 'BREL RGYU 'BRAS KYI RIM PA GDON MI ZA BAR KHAS BLANG DGOS PA NYID KYIS, NGO BO NYID KYIS YOD PA BKAG NAS RANG BZHIN MED PA NYID LA BYA BYED THAMS CAD 'THAD PAR STON PA 'DI MGO MJUG THAMS

144a

, ,CAD DU SHES PAR BYED PA SHIN TU GAL CHE STE, RGYU 'BRAS RTEN 'BREL GYI RIM PA DE KHO NAR GRUB MA GRUB DPYOD PA'I RIGS PAS BKAG PA 'DZIN NA, RGYU 'BRAS RANG LUGS LA KHAS BLANGS MED PAS DE LA NI PHRA BA'I BDAG MED MI STON PAR RAGS PA'I BDAG MED BSTAN NAS BKRI DGOS PAR GSUNGS PA'I PHYIR RO, ,GNYIS PA NI, DE LTAR CHOS RNAMS RANG DANG GZHAN DANG GNYIS KAS BYAS PA DANG RGYU MED BKAG PA DE ZAB MO'I LUNG GIS KYANG GRUB PAR BSTAN PA DANG, DE LTAR STON PA'I GSUNG RAB THAMS CAD RAB BYED 'DIS BSHAD PAR BYA'O ZHES BSTAN PA'I PHYIR DU NGES DON GYI LUNG DANG SBYOR BA'I PHYOGS TZAM SMOS NA, TING NGE 'DZIN RGYAL PO LAS, KUN RDZOB TU NI RGYAL BAS CHOS BSHAD DE, ,'DUS BYAS 'DUS MA BYAS YIN DE LTAR LTOS, ,YANG DAG NYID DU BDAG DANG MI MED DE, ,'GRO BA KUN GYI MTSAN NYID 'DI 'DRA'O, ,DGE DANG NAG PO'I LAS RNAMS MI 'JIG STE, ,BDAG GIS BYAS PA BDAG GIS MYONG BAR 'GYUR, ,LAS KYI 'BRAS BU 'PHO BAR MI 'GYUR TE, ,RGYU MED PAR YANG MYONG BAR MI 'GYUR RO, ,SRID PA THAMS CAD SGYU MA DBANG MED PA, ,GSOG DANG GSOB TU GYUR PA DBU BA BZHIN, ,SGYU MA SMIG RGYU LTA BUR RTAG TU STONG, ,SGRA YIS BSHAD KYANG DE DAG DBEN PA YIN, ,BRAG PHUG RI DANG GCONG RONG KLUNG RNAMS SU, ,RKYEN GYIS JI LTAR PHRAG CHA 'BYUNG BA LTAR, ,DE BZHIN 'DUS BYAS 'DI KUN RIG PAR GYIS, ,'GRO BA THAMS CAD SGYU MA SNIG RGYU BZHIN, ,ZHES SO, ,GSUM PA NI, DON BSDU BA NI BSHAD ZIN TO, ,BDAG GIS BYAS PA DANG GZHAN GYIS BYAS PA BRTAG PA ZHES BYA BA TSIGS SU

144b

BCAD PA BCU'I BDAG NYID RAB TU BYED PA BCU GNYIS PA'I RNAM PAR BSHAD PA'O,, ,,GNYIS PA DNGOS PO TZAM GYI RANG BZHIN GYIS STANG PAR BSTAN PA LA GNYIS, DNGOS PA RANG BZHIN GYIS YAD PA DGAG ,RANG BZHIN YOD PA'I SGRUB BYED DGAG PA'O, ,DANG PO LA GSUM, RAB BYED KYI GZHUNG BSHAD PA, DES DON GYI LUNG DANG SBYAR BA, DON BSDUS TE MTSAN BSTAN PA'O, ,DANG PO LA GSUM, GZHAN LA GRAGS PA'I LUNG GIS RANG BZHIN MED PA BSHAD PA, DE LTAR BSHAD PA MI 'THAD PA'I RTZOD PA SPANG BA, LUNG DE'I DON RNAM PA GZHAN DU 'CHAD PA DGAG PA'O, ,DANG PO NI, DE LTAR BSHAD MA THAG PA'I TSUL GYIS RNAM PAR DPYAD PA NA DNGOS PO RNAMS BDAG LA SOGS PA BZHI LAS 'BYUNG BA MED CING, RANG BZHIN GYIS GRUB PAR SKYED PA'I RNAM PA GZHAN YANG MED LA MA RIG PA'I RAB RIB KYIS BLO GROS KYI MIG NYAMS PAR BYAS PA RNAMS LA NGO BO NYID KYIS SKYE BAR YANG SNANG BA'I PHYIR SGYU MA'I RTA GLANG LA SOGS PAS SGYU MA MI SHES PA SLU BA BZHIN DU BYIS PA RNAMS SLU BAR BYAD DO, ,DA'I PHYIR SANGS RGYAS BCOM LDAN 'DAS KYIS CHOS GANG ZHIG SLU BA YIN PA DE NI BRDZUN NI ZHES SLU BA LA BRDZUN PAS KHYAB PAR GSUNGS LA 'DU BYED THAMS CAD KYANG SLU BA'I CHOS CAN YIN NO ZHES GSUNGS PA DES NA 'DU BYED DE DAG THAMS CAD BRDZUN PA YIN NO, ,MDO LAS, DGE SLONG DAG 'DUS BYAS SLU BA'I CHOS CAN GANG YIN PA DE DAG NI BRDZUN PA YIN LA MI SLU BA'I CHOS CAN MYA NGAN LAS 'DAS PA GANG YIN PA DE NI BDEN PA DAM PA'O, ,ZHES PA DANG, DE BZHIN DU 'DUS BYAS DE NI SLU BA'I CHOS KYANG YIN DE NI RAB TU 'JIG PA'I CHOS KYANG YIN NO ZHES KYANG GSUNGS SO, ,DE LA

145a

, ,SLU BA'I CHOS NI 'DRID PAR BYED CING PHYIN CI LOG TU SNANG BA STE MGAL ME'I 'KHOR LO BZHIN NO, ,DAM PA'I DON GYI BDEN PA NI SLU BA MA YIN TE MYANG NA LAS 'DAS PA BZHIN NO, ,DE'I PHYIR NGO BO NYID KYIS MED KYANG YOD PAR SNANG NAS SLU BAR RIGS PAS GRUB PA DANG LUNG LAS KYANG 'DU BYED SLU BAR GSUNGS PA LAS DNGOS PO RNAMS RANG BZHIN MED PAR GRUB STE, SHER PHYIN GYI MDO LAS CHOS THAMS CAD NI STONG PA STE RANG BZHIN MED PA'I CHUL GYIS SO, ,ZHES 'BYUNG BA'O PHYIR RO, ,'DIR MDO SDE LAS MYANG 'DAS BDEN PAR GSUNGS PA NI 'DU BYED RNAMS MI BDEN PAR STON PA NA, SLU BA'I CHOS CAN DU GSUNGS PA'I GNAD KYIS MI SLU BA LA BDEN PA DAM PA ZHES BYA'I RANG GI NGO BO'I DBANG GIS GRUB PA'I BDEN PAR GRUB PA MIN NO, ,GNYIS PA NI, GAL TE DE LTAR SLU BA'I CHOS CAN NYID KYIS 'DU BYED THAMS CAD BRDZUN PAR BSTAN NA DON BYED NUS PA'I DNGOS PO GANG YANG MED PAS DNGOS PO THAMS CAD LA SKUR 'DEBS KYI LOG LTAR 'GYUR RO ZHES ZER TE, SNGAR DRANGS PA'I MDO DE NYAN THOS SNGA PA LA GRAGS PA'I MDO YIN LA DON SMRA STE GNYIS KYIS MDO DE'I DON DE LTAR MI 'DOD PAS 'DI LTAR RTZOD DO, ,'DI NI BRDZUN PA GANG YIN THAMS CAD RI BONG GI MGO LA RVA YOD CES PA LTA BUR BZUNG NAS DE LTA YIN NA RGYU 'BRES THAMS CAD MED PAR 'GYUR RO SNYAM PA YIN TE, NGO BO NYID KYIS MA GRUB BZHIN DU DER SNANG BA LA BRDZUN PAR 'JAG CING SNANG BA'I DON DE DAG GIS KYANG BYA BA BYAD NUS PA SGYU MA DANG 'DRA BA MI SHES PAR SMRA BA'O, ,GANG DAG DA DUNG DU YANG KHYOD SLU BAR BYED PA 'DU BYAD SLU BA'I CHOS CAN RNAMS NGO BO

145b

NYID KYIS YOD CES PA NI KHYOD BDEN TE, KHYOD 'DRA BA 'DI SDE LTAR MA BSLUS NA 'DI BYAS PA SLU BAR 'JOG PA'I DON MED PA'I PHYIR RO, ,GAL TE CHOS GANG SLU BA DE NI BRDZUN NI ZHES BSHAD PA DE'I TSE DE LA CI ZHIG SLU BA STE CI ZHIG DNGOS PO MED PAR 'DZIN PA'I SKUR 'DEBS SU 'GYUR, DNGOS PO RANG GI NGO BO NYID KYIS 'GA' ZHIG YOD NA DNGOS PO RNAMS BRDZUN PAR BSTAN PA NA DE LA SKUR PA BTAB PAS MED LTAR 'BYUNG NA, GANG GI TSE DNGOS PA RANG BZHIN GYIS YOD PA CUNG ZAD KYANG MED PA DE'I TSE DER CI ZHIG SLU STE YOD PA 'GA' YANG MED PAR MI SMRA BAS KLAN KA DE NI MI RIGS SO, ,GAL TE KHYOD LUNG DIS BDAN PA BKAG PA'I BRDZUN PA BSTAN PAR 'DOD PA NA, DNGOS PO DON BYED NUS PA MED PAR MI STON NA LUNG 'DIS CI ZHIG STON ZHE NA, BCOM LDAN 'DAS KYIS DE LA 'DU BYED BRDZUN PAR DE SKAD GSUNGS PA DES NI DNGOS PO MED PAR MI STON GYI RANG BZHIN GYIS MA SKYES PA'I STONG PA NYID YONGS SU BSTAN PA YIN TE, MA DROS PAS ZHUS PA LAS, GANG ZHIG RKYEN LAS SKYES PA DE MA SKYES, ,DE LA SKYE BA'I RANG BZHIN YOD MA YIN RKYEN LA RAG LAS GANG DE STONG PAR BSHAD, ,GANG ZHIG STONG NYID SHIS DE BAG YOD YIN, ,ZHES RKYAN LA RAG LAS PA DE RANG BZHIN GYIS MA SKYES PA'I DON DU GSUNGS PA LTAR 'DU BYED BRDZUN PAR GSUNGS PA DES KYANG RANG BZHIN GYIS MA SKYES PA STON GYI SKYE BA BKAG PA'I DNGOS MED STON PA MIN NO, ,DE LTAR NA RANG BZHIN GYIS MA SKYES BZHIN DU DER SNANG BA NI SLU BA DANG BRDZUN PAR GSUNGS PA'I LUNG GI DON DUB SHAD DO, ,GSUM PA LA GNYIS, LUNG DON GZHAN DU 'CHAD TSUL BSTAN, DE LTAR

146a

, ,'CHAD PA'I SGRUB BYED DGAG PA'O, ,DANG PO NI, NYAN THOS SDE PAS SNGAR DRANGS PA'I MDO DES 'JIG PA'I CHOS CAN DU GSUNGS PA LA BRTEN NAS, DNGOS PO THAMS CAD RANG GRUB PA'I DUS LAS DUS GNYIS PAR MI SDOD PA YIN YANG SDOD PAR SNANG BA SLU BA DANG BRDZUN PA'I DON DU 'DOD DO, ,DE LTAR BYAS NA RANG BZHIN GYIS MA SKYES PA LUNG GI DON MIN GYI RANG BZHIN LA MI GNAS PA RANG BZHIN MED PA'AM BRDZUN PA'AM BDEN PA MED PAR GSUNGS PA'I DON DU SMRA'O, ,DE'I RGYU MTSAN YANG GNYIS LAS DANG PO NI; DNGOS PO RNAMS LA RANG GI NGO BOS GRUB PA'I NGO BO NYID MED NA 'DI RNAMS GZHAN DU 'GYUR BA SNANG BAR MI 'GYUR BA LAS SNANG BA'I PHYIR, RANG GI NGO BOS MA GRUB PA MDO'I DON DU MI RUNG GI NGO BO GZHAN DU 'GYUR BAS RANG BZHIN LA MI GNAS PA MDO'I DON NO, ,RGYU MTSAN GNYIS PA NI DNGOS PO RNAMS NGO BOS GRUB PA'I NGO BO NYID MED PA NI MED DE GANG GI PHYIR NA CHOS CAN DNGOS PO RNAMS KYI CHOS STONG PA NYID 'DOD DGOS PA'I PHYIR RO, ,YOD PA MIN PA'I MO GSHAM GYI BU LA NI DE'I SNGO BSANGS MI 'THAD PAS CHOS CAN MED PAR DE LA BRTEN PA'I CHOS KYANG MI 'THAD PA'I PHYIR DNGOS PO RNAMS RANG BZHIN GYIS YOD DO, ,GAL TE DNGOS PO LA RANG GI NGO BOS GRUB PA'I NGO BO NYID MED NA GZHAN DU 'GYUR BA 'DI CHOS GANG ZHIG GI NGO BO YIN ZHES 'DZER TO, ,RGOL BA 'DI DAG NI RIGS PA'I RNAM GZHAG LA BYANG BA YIN PAS RANG GIS KHAS BLANGS PA'I LUNG 'GA' ZHIG LAS RANG BZHIN MED PAR GSUNGS PA'I LUNG DON 'CHAD PA NA, RANG GI NGO BO LA MI GNAS PA'I MI RTAG PA LA DGONGS PAR SMRA BA YIN GYI, RANG BZHIN

146b

YOD MED DANG BDEN PAR GRUNG MA GRUB KYU DON RTAG PAR YOD MED LA BYED PA NI GTAN MIN PAS, GANGS RI'I KHROD PA'I RGOL BA MU COR SMRA BA 'GA' ZHIG GIS DE LTAR SMRA BA DANG KHYAD PAR CHE'O, ,RNAL 'BYOR SKYOD PA BAS DNGOS PO BDEN PAR SMRA BA'I BSTAN BCOS KYI RNAM GZHAG BYAS PA NI RTZA BA MKHAN PO'I RJES SU BYUNG BAS, 'DIR YANG RANG SDE PHYOGS SNGAR LEN PA NA DON SMRA GNYIS PHYOGS SNGAR MDZAD LA DE DAG LA LUNG GI NOD PA STON PA NA'ANG THEG DMAN GYI SDE SNOD NAS 'BYUNG BA NYID KYIS MDZAD DO, ,DE LTA NA'ANG 'DI DAG GI 'DOD PA BKAG NA RNAL 'BYOR SPYOD PA PA'I DNGOS PO BDEN PAR 'DOD PA YANG KHEGS PAR 'GYUR BAS 'GOG PA'I RIGS PA NI THUN MONG PA KHO NA'O, ,GNYIS PA LA GNYIS, GZHAN 'GYUR RANG BZHIN GYIS YOD PA'I SGRUB BYED DGAG ,STONG NYID RANG BZHIN GYIS YOD PA'I SGRUB BYED DGAG PA'O, ,DANG PO LA GNYIS, RANG BZHIN DANG GZHAN 'GYUR GNYIS 'GAL BAS DGAG , GZHAN 'GYUR RANG BZHIN GYIS YOD PA MI SRID PAS DGAG PA'O, ,DANG PO NI, CHOS GANG ZHIG DNGOS PO GANG LA MI 'KHRUG BA DE NI DE'I RANG BZHIN NO ZHES BRJOD DE GZHAN GYIS GEGS BYAR MED PA'I PHYIR RO, ,DE YANG DE LA MI 'KHRUL BA'I ME'I TSA BA LTA BU ZHIG DGOS SO, ,GAL TE DNGOS PO RNAMS NGO BO NYID DE RANG BZHIN DU YOD NA DE GANG GI RANG BZHIN DU 'DOD PA DE LAS GZHAN DU 'BYUNG PAR JA LTAR RUNG STE MI RUNG NGO, ,GZHAN DU 'GYUR BA YANG MTHONG BA'I PHYIR RANG BZHIN DU YOD PA MIN NO ZHES BZLOG PA 'PHEN NO, ,DE NI THA SNYAD PA'I GZHAN 'GYUR RO, ,GNYIS PA NI, RE ZHIG DNGOS PO SNGAR GYI GNAS SKABS NA GNAS PA DE NYID

147a

, ,LA NI GZHAN DU 'GYUR BA MED DE, GANG GI PHYIR TE 'DI LTAR GZHAN DU 'GYUR BA NI RGA BA'I RNAM GRANGS YIN NA LANG TSO'I GNAS SKABS NYID LA GNAS PA'I GZHON NU LA NI MI RGA BA YOD PA MIN PA'I PHYIR TE, GNAS SKABS DE NA LANG TSO LAS GZHAN BU 'GYUR BA MI 'THAD PA'I PHYIR RO, ,CI STE GZHON NU LA RGA BA MI 'DOD KYI RGAS BA NYID RGA'O SNYAM NA, GZHAN RGAS PA NYID LA YANG RGA BA YOD PA MA YIN TE GANG GI PHYIR RGAS PA LA'ANG RGA BAR 'GYUR MI DGOS PA'I PHYIR RO, ,'DIR TSIG GSAL LAS, RGAN GZHON GYI GNAS SKABS GNYIS 'GAL BA DANG, BUD DHA P'A LI TA LAS RGAS PA DANG GZHON NU'I GNAS SKABS GNYIS GANG ZAG GCIG LA DUS GCIG NA MED PA'I RGYU MTSAN GYIS GZHON NU RGAS PAR 'GYUR BA BKAG PA'I RIGS PA NI, LHAS BYIN GYI GZHON NU'I GNAS SKABS 'GAG BZHIN PA DANG RGAS PA'I GNAS SKABS SKYE BZHIN PA GNYIS DUS MNYAM YANG, GNAS SKABS GNYIS DUS GCIG NA MED PA NI RANG YANG THA SNYAD DU 'DOD DGOS SO, ,DES NA SNGAR SKYE BA 'GOG PA'I SKABS SU BSHAD PA BZHIN DU GZHAN 'GYUR NGO BO NYID KYIS YOD NA GNAS SKABS GNYIS DUS GCIG NA GNAS PA'I SKYON YOD PAS 'GOG PA YIN NO, ,GAL TE GZHAN RGAS PAR GYUR PA RGA BAR MI 'GYUR YANG GZHON NU DE NYID GZHAN RGAS PAR 'GYUR BA'I GZHAN 'GYUR NGO BO NYID KYIS YOD DO ZHES 'DOD NA NI, DE LTAR NA 'O MA NYID KYIS RANG GI GNAS SKABS MA BTANG BAR NI ZHOR 'GYUR RO, ,CI STE 'O MA'I GNAS SKABS BTANG NAS ZHO'I GNAS SKABS SU 'GYUR BA'I PHYIR 'O MA NYID ZHOR MI 'GYUR RO ZHE NA, GAL TE PHAN TSUN 'GAL BAS 'O MA NYID ZHOR 'GYUR

147b

RO ZHES MI 'DOD NA NI 'O MA LAS DON GZHAN GANG ZHIG NI ZHO YI DNGOS POR 'GYUR TE MI 'GYUR TE, ZHO DANG CHU LTA BU GZHAN GANG YANG ZHOR MI 'GYUR BA'I PHYIR RO, ,CHOS SNGA MA GCIG PHYI MAR 'GYUR RO ZHES PA'I THA SNYAD NI RGAN GZHAN DANG 'O ZHO LTA BU LA YOD KYI ME DANG SHING LTA BU'I RGYU 'BRAS LA NI BUD SHING MER 'GYUR RO ZHES PA'I THA SNYAD 'JIG RTEN NA MI BYED DO, ,DE LTAR GZHAN 'GYUR NGO BO NYID KYIS YOD PA MI SRID PA'I PHYIR MI RTAG PA NGO BO NYID KYIS YOD PA 'DU BYED SLU ZHING BRDZUN PAR GSUNGS PA'I DON MA YIN GYI DNGOS PO RNAMS RANG GI NGO BO NYID KYIS MA SKYES BA LUNG GI DON YIN NO, ,JI SKAD DU DKON MCHOG 'BYUNG GNAS KYI MDO LAS, CHOS GANG SKYE BA MED CING 'BYUNG BA MED, ,CES PA NAS GROL NAS SEMS CAN MANG PO GROL BAR MDZAD, ,CES PA'I MJUG TU, BDAG MED PAR NI CHOS KUN STON MDZAD CING, ,SEMS CAN 'DZIN LAS 'JIG RTEN RNAM PAR GROL, ,BDAG NYID 'GRO LAS GROL ZHING 'GRO GROL BAS, ,DE PHYIR PHA ROL GSHEGS KYANG BRGAL BA'ANG MED, ,DRANG SRONG CHEN PO SRID PA'I PHA ROL PHYIN, ,PHA ROL GSHEGS PA GANG YANG RNYED MI 'GYUR, ,PHA ROL YOD MA YIN ZHING TSU ROL MED, ,PHA ROL SONG NGO ZHES KYANG TSIG TU GSUNGS, ,GANG GIS TSIG TU SMRA BA DE YANG MED, ,GANG SMRAS DE YI TSIG KYANG YOD MA YIN, ,GANG LA SMRA BA DE YANG RNYED MI 'GYUR, ,GANG GIS SHES PA DE YANG YOD MA YIN, LOG PAR RTOG LA CHAGS PA'I DBANG GIS SU, ,'DIR NI 'GRO BA 'DI KUN RAB TU 'KHYAM, ,SKYES BU GANG GIS ZHI BA'I CHOS RIG PA, ,DES NA RANG 'BYUNG DE BZHIN GSHEGS PA MTHONG, ,CHOS MCHOG ZHI BA RNAMS KYANG RAB TU SHES, ,DGA' BA RNYED NAS SEMS

148a

, ,CAN TSIM PAR BYED, ,NYON MONGS RGYAL NAS DE NI RGYAL BAR 'GYUR, ,BDAG NYID RGYAL BAR 'GYUR ZHING GNAS PA MED, ,DE PHYIR RGYAL BA'I BYANG CHUB RAB TU MKHYEN, ,SANGS RGYAS NAS NI 'GRO BA SHES PAR BYED, CES GSUNGS TE GZHAN 'GYUR MED PA DANG NGO BO NYID MI RNYED PA DANG DE MA RTOGS PA'I NYES DMIGS DANG RTOGS PA'I PHAN YON DU SBYAR RO, ,GNYIS PA LA GNYIS, DNGOS KYI DON DANG, DE LA LUNG DANG 'GAL BA SPANG BA'O, ,DANG PO NI, SNGAR DNGOS PO NGO BO NYID KYIS MED PA NI YOD PA MA YIN TE DNGOS PO RNAMS STONG PA NYID DU NI 'DOD DO, ,DE'I PHYIR STONG NYID KYI RTEN DU GYUR PA'I DNGOS PO RANG BZHIN GYIS YOD DO ZHES SMRAS PA DE NI MI RIGS TE, GAL TE STONG PA NYID RANG GI NGO BO NYID KYIS GRUB PA CUNG ZAD CIG YOD NA NI DE'I RTEN NGO BO NYID KYIS YOD PA'I STONG PA MIN PA CUNG ZAD CIG YOD NA'ANG, 'DIR STONG PA NYID DANG BDAG MED PA NI CHOS THAMS CAD KYI SPYI'I MTSAN NYID DU KHAS BLANGS PAS BDAG GIS MI STONG PA CUNG ZAD KYANG YOD PA MIN NA, STONG PA NYID NGO BO NYID KYIS YOD PAR GA LA 'GYUR TA MI 'GYUR TE GNYEN PO LA LTOS PA DANG BRAL BAS NAMKHA'I ME TOG BZHIN NO, ,CHOS THAMS CAD NI BDAG MED DO ZHES PA'I LUNG DON SMRA SDE GNYIS KYIS KYANG KHAS LEN LA, BDAG MED KYI MED RGYU'I BDAG NI SLOB DPON GNYIS KAS RANG GI NGO BO NYID KYIS GRUB PA LA BZHED PAS TSIG GSAL LAS SNGAR LTAR BSHAD PA YANG 'THAD DO, ,BUD DHA P'A LI TA LAS DPYAD NA MI STONG PA CUNG ZAD KYANG MED PAS STONG PA YOD PAR GA LA 'GYUR ZHES BSHAD DE CHOS THAMS CAD BDAG MED PA'I DON YANG DE NYID YIN PAS DON 'DRA'O, ,STONG PA NYID

148b

YIN PA'I CUNG ZAD CIG BDEN PAR GRUB PAR 'DOD NA DE'I RTEN CHOS CAN BDEN PAR GRUB PA CUNG ZAD CIG KYANG GDON MI ZA BAR 'DOD DGOS TE, RTEN CHOS CAN MED PAR BRTEN PA'I CHOS GNAS PA MI SRID PA'I PHYIR DANG, BDEN PAR GRUB PA'I RTEN BRDZUN PAS BYED PA 'GAL BA'I PHYIR RO, ,DES NA DE LA NI DBU MA PA DANG DNGOS POR SMRA BA GNYIS KA MTHUN LA DE LTA NA'ANG DNGOS POR SMRA BAS NI CHOS CAN DANG STONG NYID GNYIS KA BDEN PAR 'DOD LA DBU MA PAS NI CHOS CAN MI BDAN PAS STONG NYID KYANG BDEN PAR MA GRUB PAR BZHAD DO, ,RNAL 'BYOR SPYOD PA PA'I MKHAS PA RNAMS KYANG YONGS GRUB BDEN PAR 'GRUB PA LA DE'I RTEN GZHAN DBANG BDEN PAR 'GRUB DGOS PAR MTHONG NAS GZHAN DBANG BDEN PAR BSGRUB STE, DE BDEN PAR GRUB NA DE'I STONG NYID BDEN PA 'BAD MED DU 'GRUB PA'I PHYIR DANG DE BDEN PAR MA GRUB NA RGYU MTSAN DE NYID KYIS DE'I CHOS NYID BDAN MED DU 'GYUR BA'I PHYIR RO, ,DAS NA DE DAG LAS BZLOG STE SMRA BA NI RANG GI SDE PA GONG 'OG GANG GI YANG LUGS MIN PAS DOR BAR BYA BA KHO NA'O, ,SPYAD 'JUG LAS, GANG TSE GANG ZHIG MED DO ZHES, ,BRTAG BYA'I DNGOS PO ME DMIGS PA, ,DE TSE DNGOS MED RTEN BRAL BA, ,BLO YI MDAN NA JI LTAR GNAS, ,ZHES GSUNGS PAS KYANG DGAG BYA DGAG PA'I RTEN DU STON PA MIN GYI DNGOS PO BDEN PA BA MA GRUB NA DNGOS MED KYI STONG NYID BDEN PA BA'I RTEN MED CES PA'I DON NA, ,GNYIS PA LA GNYIS, GZHUNG GI DON BSHAD PA DANG, DE GSUNGS PA'I KHUNGS BSTAN PA'O, ,DANG PO NI, GAL TE BCOM LDAN 'DAS KYIS GDUL BYA RNAMS GROL BAR BYA BA'I PHYIR STONG PA NYID DANG MTSAN

149a

, ,MA MED PA DANG SMON PA MED PA'I RNAM PAR THAR PA'I SGO GSUM GSUNGS PA NI, MU STEGS DANG THUN MONG MA YIN PAS BDE BAR GSHEGS PA'I GSUNG KHO NA LA DMIGS NA, KHYAD KYIS NI DA LTA GSUNG RAB 'CHAD PA'I SGYU THABS KYIS STONG PA NYID DE SPONG BAR BRTZAMS PA YIN PAS, MTHO RIS DANG BYANG GROL GYI LAM RGYUN GCOD PAR BYED PA KHYOD DANG BRTZOD BSAD CHOG GO ZHE NA, AE MA KYI HUD SHIN TU PHYIN CI LOG TU GYUR PAS THAR PA'I GRONG KHYER DU 'GRO BA'I LAM DRANG PO BOR NAS, DNGOS PO DANG DNGOS PO MED PA LA BDEN PAR ZHEN PA'I SBRUL GYIS DKRIS PA'I 'KHOR BA'I 'GAG DGON PAR 'GRO BA'I LAM LA THAR PAR 'GRO BAR 'DZIN PA KHYOD NI, DAM PAS SMAD PAR BYA BA YIN BZHIN DU DAM PA LA SMOD PA ZHIG STE KVA YE SMAN PA'I RGYAL PO CHEN PO RGYAL BA RNAMS KYIS STONG PA NYID NI, LTA BA STE BDEN 'DZIN KUN LAS NGES PAR 'BYUNG BA STE 'BYIN PA YIN PAR GSUNGS PAS BDEN PAR LTA BA'I DMIGS GTANG THAMS CAD LOG PA TZAM MO, ,LOG PA TZAM NI RANG GI NGO BO NYID KYIS YOD PA YANG MIN NO, ,DES NA GANG DAG STONG PA NYID DE LA NGO BO NYID KYIS YOD PAR LTA BA DE DAG NI BSGRUB TU MED PA STE GSOR MI RUNG BAR GSUNGS SO, ,'DI NI KHYOD LA ZONG CI YANG STER RGYU MED DO ZHES SMRAS PA NA KYE BDAG LA CI YANG MED PA ZHES PA'I ZONG DE BYIN CIG CES SMRA NA PHA ROL PA DE RANG LA ZONG MED PAR 'DZIN DU GZHUG PA'I THABS MED PA DANG 'DRA BAR SLOB DPON GNYIS KAS BSHAD DO, ,PHA ROL POS 'DI LA NI SBYIN RGYU'I ZONG MED PAR 'DUG SNYAM PA'I BLO BSKYED PA'I PHYIR DU TSIG DE SMRAS PAS NA BLO DE BSKYED DU MI RUNG BA MIN GYI ZONG MED PA DE ZONG

149b

GCIG YIN PAR 'DUG SNYAM PA'I BLO DE BSKYED DU MI RUNG NGO, DE BZHIN DU DNGOS PO RNAMS NGO BO NYID KYIS YOD PA MIN NO ZHES STON PA NA 'DI RNAMS BDEN PAS STONG NGO SNYAM DU BZUNG DU MI RUNG BA MIN GYI DNGOS PO BDEN PAS STONG PA 'DI BDEN NO SNYAM DU BZUNG DU MI RUNG BA YIN NO, ,DES NA CHOS RNAMS STONG PA'I SNYAM DU BZUNG NA YANG GSOR MI RUNG BAR GZHUNG 'DIS BSTAN PAR 'DOD PA NI MA BRTAGS PAR SMRA BA CHEN PO'O, ,SLOB DPON GNYIS KAS STONG PA NYID DE LTA BA ZHES PA'I DON STONG PA NYID LA DNGOS POR ZHEN PA LA GSUNGS LA DA NI STONG NYID BDEN PAR BZUNG BA 'AM STONG NYID NGO BO NYID KYIS YOD PAR 'DZIN PA YIN GYI RANG BZHIN MED PA'O SNYAM DU 'DZIN PA TZAM GA LA YIN, BRGYA PA'I 'GREL PA LAS KYANG GAL TE STONG PA NYID CES BYA BA RANG GI NGO BOS GRUB PA 'GANG YOD NA NI DNGOS PO RNAMS RANG BZHIN DANG BCAS PAR 'GYUR NA YOD PA NI MA YIN NO, ,ZHES BSHAD PA, STANG MIN MED PAR STONG PA NI, ,GANG LAS 'BYUNG BA NYID DU 'GYUR, ,JI LTA BUR NI CIG SHOS NI, ,MED PAR GNYEN PO 'BYUNG BAR 'GYUR, ,ZHES GSUNGS LA DE'I 'GREL BAR GZHUNG 'DI YANG DRANGS SO, ,SNGAR NYAN THOS SDE PAS STONG NYID BDEN PAR YOD PAR KHAS BLANGS PA GZHUNG SNGA MA DANG 'DI GNYIS KYIS 'GOG PA YIN PAS BDAG MED YOD PA TZAM ZHIG 'GOG PA GTAN MIN NO, ,DE LTAR GZHUNG GI DON LOG PAR BZUNG NA NI DON DAM PA'I BDEN PA MI SRID CES SKUR PA 'DEBS PA DANG, SRID KYANG DE NGES PA'I NGES SHES BSKYANGS NA MTSAN 'DZIN DU 'GRO BAR BZUNG NAS YANG DAG PA'I DON TSUL BZHIN DU NGES PA'I LTA BA SKYONG BA'I GEGS CHEN PO BYED PA YIN NO, ,

150a

, ,GNYIS PA NI, GZHUNG DES GSUNGS ZHES PA'I MDO'I KHUNGS NI DKON BRTZEGS KYI 'OD SRUNGS KYIS ZHUS PA LAS, GANG DAG STONG PA NYID KYI CHOS RNAMS STONG PAR MI BYED DE, CHOS RNAMS NYID STONG PA DANG, GANG MTSAN MA MED PAS CHOS RNAMS MTSAN MA MED PAR MI BYED DE, CHOS RNAMS NYID MTSAN MA MED PA DANG, GANG SMON PA MED PAS CHOS RNAMS SMON PA MED PAR MI BYED DE, CHOS RNAMS NYID SMON PA MED PAR GANG DAG DE LTAR SO SOR RTOG BA DE NI, 'OD SRUNGS DBU MA'I LAM CHOS RNAMS LA YANG DAG PAR SO SOR RTOG PA ZHES BYA'O, ,'OD SRUNGS GANG DAG STONG PA NYID DU DMIGS PAS STONG PA NYID LA RTOG PA DE DAG NI, NGAS GSUNG RAB 'DI LAS NYAMS RAB TU NYAMS ZHES BSHAD DO, ,ZHES GSUNGS PA'O, ,STONG PA NYID LA SOGS PAS CHOS RNAMS STONG PAR MI BYED PAR CHOS RNAMS NYID STONG PA LA SOGS PAR GSUNGS PA NI CHOS KHO RANG BDEN PAS MI STONG PAR GZHAN ZHIG BDEN PAS KHO STONG PAR MI GZUNG BA'I DON NO, ,STONG NYID LA RTOG PA NI RAB TU NYAMS PAR GSUNGS PA'I RTOG LUGS NI GANG DAG STONG PA NYID DU DMId PAS ZHES GSUNGS PAS BDEN PAR DMIGS PA LA BYA'I STONG NYID DO SNYAM DU RTOG PA LA MI BYA STE, GZHAN DU NA DE MA THAG TU STONG PA NYID LA SOGS PA GSUM LA SO SOR RTOG PA DBU MA'I LAM DU GSUNGS PA DANG 'GAL BAR 'GYUR RO, ,STONG PA NYID DU LTA BA GSOR MI RUNG BA'I DPE DON SBYOR TSUL YANG MED DE DE NYID LAS, 'OD SRUNGS 'DI LTA STE DPER NA, MI NAD PA ZHIG YOD LA SMAN PAS DE LA SMAN BTANG BAS SMAN DES DE'I NAD THAMS CAD BSKYOD DE SMAN LTO NA 'DUG PA DE NYID MI 'BYUNG NA, 'OD SRUNGS 'DI JI SNYAM DU SEMS MI DE

150b

NAD DE LAS THAR BAR 'GYUR RAM, GSOL BA BCOM LDAN 'DAS DE NI MI 'GYUR LAGS TE GANG SMAN DES NAD THAMS CAD BSKYOD NAS, SMAN LTOR MCHIS PA NYID MA BYUNG NA MI DE'I BRO NAD SHIN TU TSABS CHE BAR 'GYUR LAGS SO, ,BCOM LDAN 'DAS KYIS BKA' STZAL PA, 'OD SRUNGS DE BZHIN DU LTA BAR GYUR PA THAMS CAD LAS 'BYUNG BA NI STONG PA NYID YIN NA, 'OD SRUNGS GANG STONG PA NYID KHO NAR LTA BA DE NI GSOR MI RUNG NGO ZHES NGAS BSHAD DO, ,ZHES GSUNGS PA'O, ,SMAN GYIS MA ZHU BA SNGA MA DAG PAR BYAS NAS RANG NYID MA ZHU BAS NAD SKYED PA DPER MDZAD PA 'DI NI RANG SDE DNGOS POR SMRA BA SDE GNYIS KYIS BDAG MED BDEN PAR 'DOD PA DANG GANGS CAN PA SNGA MA KHA CIG DNGOS PO RNAMS MTHAR THUG DPYOD PA'I RIGS PAS DPYAD BZOD DU YOD PA BKAG NAS, DE LTAR BKAG PA'I STONG PA BDEN PAR 'DOD PA RNAMS LA SBYAR PAR BYA STE, DGAG BYA BKAG PA'I STONG PA DE RTOGS PAS NYON MONGS PA'I NAD MNGON GYUR MANG PO YANG LDOG LA STONG PA BDEN PAR BZUNG BAS KYANG NYON MONGS PA'I NAD SKYED PA'I PHYIR RO, DE DAG LAS GZHAN DU STONG PA DANG MI STONG PA'I TSUL GNYIS BYED PA LA NI STONG PA'I TSUL NI TSAD MAS KHEGS PA MIN GYI SKUR 'DEBS YIN PA'I PHYIR DPER BRJOD SNGA MA'I DON MED PAS MI STONG PA'I TSUL DU 'DZIN PAS MNYON MONGS PA'I NAD SKYED PA TZAM MO, ,GNYIS PA NI, DE LTAR 'DU BYED THAMS CAD NGO BO NYID KYIS GRUB PA MED BZHIN DU NGER SNANG BA DANG NGO BO NYID KYIS YOD PA LA GZHAN 'GYUR MI RUNG BA DANG, BDEN PAS STONG PA'I STONG NYID BDEN PA MED PAR BSTAN PA RNAMS ZAB MO'I LUNG GIS KYANG 'GRUB PA NI SNGAR SKABS SKABS SU SBYAR ZIN PAS DE LA DPAGS NAS SHES PAR BYA'O, ,GSUM PA NI, BRDZUN

151a

, ,PA'I BRDZUN LUGS NI RANG GI MTSAN NYID KYIS MA GRUB BZHIN DU DER SNANG BA YIN ZHING DE NYID LA BYA BYED THAMS CAD 'THAD PAS BRDZUN PA'I DON BYA BYED KYI DNGOS PO THAMS CAD KYIS STONG PA LA MI GZUNG STE GZHAN 'GYUR DANG MI RTAG PA YANG DE DANG 'DRA'O, ,BRDZUN PA LA BDEN GRUB BKAG PA'I STONG PA BDEN PAR MA GRUB KYANG MA GRUB PA MIN PAS, GROL BA DON DU GNYER BA RNAMS KYIS GANG LA DMIGS NAS BSGOMS PAS SKRIB PA ZAD PAR BYED PA'I LAM GYI DMIGS PAR SHIN TU 'THAD PA'I TSUL RNAMS NGES PAR BYA'O, ,'DU BYED BRTAG PA ZHES BYA BA TSIGS SU BCAD PA BRGYAD KYI BDAG NYID RAB TU BYAD PA BCU GSUM PA'I RNAM PAR BSHAD PA'O,, ,,GNYIS PA DNGOS PO RANG BZHIN GYIS YOD PA'I SGRUB BYED DGAG PA LA GSUM, PHRAD PA RANG BZHIN GYIS YOD PA DGAG ,RGYU RKYEN BDAG GAR BYED PA RANG BZHIN GYIS YOD PA DGAG ,BCINGS THAR RANG BZHIN GYIS YOD PA DGAG PA'O, ,DANG PO LA GSUM, RAB BYED KYI GZHUNG BSHAD PA, NGES DON GYI LUNG DANG SBYAR BA, DON BSDUS TE MTSAN BSTAN PA'O, ,DANG PO NI, 'DIR SMRAS PA, DNGOS PO RNAMS RANG BZHIN GYIS YOD DE DE DAG GI PHRAD PA BSTAN PA'I PHYIR TE MDO SDE LAS, MIG DANG GZUGS LA BRTEN NAS MIG GI RNAM PAR SHES PA 'BYUNG NGO ZHES BYA BA DANG GSUm 'DUS PA LAS ROG PA'O, ,REG PA DANG LHAN CIG 'BYUNG BA NI TSOR BA'I ZHES RGYA CHER 'BYUNG BA DANG, DE BZHIN DU TSOR BA DANG 'DU SHES ZHES BYA BA'I CHOS 'DI GNYIS NI PHRAD PA YIN GYI MA PHRAD PA NI MA YIN NO, ,ZHES PA DANG RJES SU CHAGS

151b

PA DANG KHONG KHOB DANG MA RIG PA'I KUN TU SBYOR BDAG GIS KUN TU SBYAR RO, ,ZHES 'DU BYED RNAMS 'PHRAD PA GSUNGS PA'I PHYIR RO, ,DE LTAR 'DOD PA DGAG PA LA GNYIS, PHRAD PA RANG BZHIN GYIS GRUB PA DGAG ,DES PHRAD BZHIN PA LA SOGS PA'ANG LEGS PAR BSTAN PA'O, ,DANG PO LA GNYIS, DAM BCA' BZHAG ,SGRUB BYED BSTAN PA'O, ,DANG PO NI, BLTA BYA GZUGS DANG LTA BA LOG DANG LTA BA PO RNAM SHES GSUM PO DE DAG LAS MIG DANG GZUGS SAM MIG DANG RNAM PAR SHES PA'AM RNAM PAR SHES PA DANG GZUGS TE GNYIS GNYIS DANG, DER MA ZAD GSUM PO THAMS CAD KYANG DUS GCIG TU PHAN TSUN DU PHRAD PAR 'GYUR BA RANG BZHIN GYIS YOD PA MA YIN NO, ,DE LTAR LTA BA SOGS GSUM PA BSHAD PA DE BZHIN DU 'DOD CHAGS DANG CHAGS BA'I 'DOD CHAGS DANG CHAGS PAR BYA BA'AM CHAGS PA DANG CHAGS PAR BYA BA YANG GNYIS GNYIS DANG GSUM PO THAMS CAD KYANG PHAN TSUN DUS GCIG TU PHRAD PAR MI 'GYUR PAR BLTA BAR BYA'O, ,DE LTAR JI SKAD BSHAD PA DE BZHIN DU NYON MONGS PA LHAG MA ZHE SDANG DANG GTI MUG LA SOGS PA RNAMS DANG, SKYE MCHED KYI LHAG MA NYAN PA DANG NYAN PA PA DANG MNYAN PAR BYA BA LA SOGS PA'ANG RNAM PA GSUM GSUM DU SBYAR BA NYID KYIS GNYIS GNYIS DANG GSUM CHAR PHRAD PA NGO BO NYID KYIS YOD PA MIN NO,, GNYIS PA LA GNYIS, GZHAN RANG BZHIN GYIS MED PAS PHRAD PA DGAG ,GCIG DANG THA DAD LA DPYAD NAS PHRAD PA DGAG PA'O, ,DANG PO LA GSUM, SBYOR BA DGOD PA, TSUL DE GZHAN LA YANG SBYAR BA, GTAN TSIGS SGRUB PA'O, ,DANG PO NI, PHRAD PAR

152a

, ,'GYUR BA NGO BO NYID KYIS YOD NA PHAN TSUN DU GZHAN DANG GZHAN DU YANG NGO BO NYID KYIS YOD DGOS NA ZHES LDOG PA'I KHYAB PA BSGRUBS SHING, GANG GI PHYIR BLTA BYA LA SOGS PA LA GZHAN DE NGO BO NYID KYIS YOD PA MA YIN PA DE'I PHYIR ZHES RTAGS BKOD NAS DE DAG LA PHRAD PA NGO BO NYID KYIS YOD PAR MI 'GYUR TE ZHES DAM BCA' BRJOD DO, ,GNYIS PA NI, GZHAN YANG BLTA BAR BYA BA LA SOGS PA RGYU 'BRAS SU GNAS PA'I DNGOS PO 'BA' ZHIG LA GZHAN NGO BO NYID KYIS MED PAR MA ZAD KYI, BUM SNAM LA SOGS PA'I DNGOS PO GANG YANG ZLA BO GANG DANG LHAN CIG TU GZHAN PA NYID DU NGO BO NYID KYIS YOD PAR MI 'THAD DO, DE'I PHYIR DE DAG LA YANG PHAN TSUN DU PHRAD PA NGO BO NYID KYIS YOD PA MIN ZHES DON GYIS BSTAN TE, DNGOS PO THAMS CAD LA PHRAD PA NGO BO NYID KYIS MED PAR BSTAN PAR BZHED PA'I PHYIR RO, ,GSUM PA LA GNYIS, RTAGS DGOD PA DANG, DE LA SKYON SPANG BA'O, ,DANG PO NI, BUM PA SNAM BU LAS GZHAN NO ZHES BRJOD PA'I GZHAN DE NI GZHAN SNAM BU LA BRTEN NAS GZHAN DU 'JOG GO ,GZHAN PA'I SNAM BU LA LTOS PA MED PAR GZHAN BUM PA NI, SNAM BU LAS GZHAN DU MI 'GYUR RO ZHES GZHAN DU 'JOG PA THAMS CAD GZHAN DE LA BRTEN NAS 'JOG DGOS PAR SNGON DU BSGRUBS NAS, CHOS GANG LA BRTEN TE GANG YIN PA DE NI RTEN SA DE LAS GZHAN DU RANG BZHIN GYIS YOD PAR MI 'THAD DO ZHES KHYAB PA SPYIR BRJOD DO, ,DE NAS BUM PA SNAM BU LAS GZHAN YIN PA YANG SNAM BU LA BRTEN NAS YIN PA'I PHYIR, SNAM BU LAS NGO BO

152b

NYID KYIS GZHAN DU YOD PA MIN NO ZHES BYE BRAG LA SBYAR RO, ,GNYIS PA LA GNYIS, MA NGES PA'I SKYON SDANG BA, MA GRUB PA'I SKYON SPANG BA'O, ,DANG PO NI, GAL TE BUM PA SNAM BU LAS GZHAN YIN PA DE SNAM BU LA BRTEN PA DANG LTOS PA'ANG YIN LA NGO BO NYID KYIS GZHAN DU YOD PA YANG YIN NA SKYON CI YOD CE NA, GAL TE GZHAN BUM PA NI GZHAN SNAM BU LAS NGO BO NYID KYIS GZHAN DU YOD NA NI, DE'I TSE GZHAN PA'I SNAM BU LA LTOS PA MED PAR BUM PA GCIG PU LA YANG, SNAM BU LAS GZHAN NO ZHES THA SNYAD 'DOGS PA YOD PAR 'GYUR NA DE NI MA MTHONG NGO, ,'DI NI SNAM BU LA LTOS MA LTOS GNYIS DNGOS 'GAL YIN LA BUM PA SNAM BU LAS GZHAN YIN PA DE SNAM BU LA LTOS SHING, GZHAN DE RANG GI NGO BO NYID KYIS GRUB NA RANG GI NGO BO'I DBANG GIS RANG DBANG DU GRUB PAR 'GYUR BAS GZHAN LA RAG LAS PA DANG 'GAL BA YIN NO, ,DE YANG MI RIGS TE GZHAN SNAM BU LA LTOS PA MED PAR NI, BUM PA SNAM BU LAS GZHAN DU 'GYUR BA YOD PA MIN PA, DE YI PHYIR NA BUM PA DE SNAM BU LAS NGO BO NYID KYIS GZHAN DU MED DO ZHES BZLOG PA 'PHEN NO, ,RIGS PA DE DAG NI BRGYA PA LAS, GANG LA BRTEN NAS 'BYUNG YOD PA, ,DE NI RANG DBANG MI 'GYUR RO, ,'DI KUN RANG DBANG MED PA STE, ,DES NA BDAG NI YOD MA YIN, ,ZHES GSUNGS TE BDAG NI RANG GI NGO BO SGRUB PA'I RANG BZHIN LA 'GREL PAS BSHAD DO, ,'DIR 'GREL PA LAS BUM PA SNAM BU LAS GZHAN YIN PA DE SNAM BU LA LTOS LA BUM PA'I NGO BO GRUB PA SNAM BU LA MI LTOS PAR

153a

, ,GSUNGS PA BZHIN LTOS 'GRUB YIN MIN GYI KHYAD PAR RNAMS PHYED PAR BYA'O, ,MGO MJUG KUN TU 'ONG BA'I RIGS PA THUN MONG MA YIN PA DKA' GNAS YIN PAS YANG YANG DRAN PAR BYA'O, ,GAL TE KHYOD GZHAN 'GA' ZHIG KYANG MI 'DOD NA, GZHAN NI GZHAN LA BRTEN TE GZHAN, ZHES SMRA BA YANG JI LTAR RUNG ZHE NA, PHAN TSUN LTOS NAS GRUB PA'I GZHAN YIN PAS 'JIG RTEN PA'I THA SNYAD LA GNAS TE GZHAN ZHES BRJOD PA YIN PA'I PHYIR RO, ,BUDDHA P'A LI TA LAS KYANG, 'JIG RTEN GYI THA SNYAD KYI DBANG GIS GZHAN YIN NO ZHES GSUNGS SO, ,'DIR 'GREL PA LAS, 'JIG RTEN PA'I KUN RDZOB TU BUM SNAM GZHAN DU BRJOD NAS MYUG KYANG GZHAN DU CI'I PHYIR MI SMRA ZHES PA'I LAN DU, 'JIG RTEN PAS BUM SNAM GZHAN DU 'DZIN PA BZHIN DU SA MYUG GZHAN DU MI 'DZIN PA'I KHYAD PAR GSUNGS PA NI, BLO LHAN SKYES KYIS BUM SNAM RANG GI MTSAN NYID KYIS GRUB PA'I SO SO BAR 'DZIN PA BZHIN DU SA MYUG MI 'DZIN ZHES PA'I DON YIN GYI, THA SNYAD DU BUM SNAM GZHAN DU YOD LA SA MYUG GZHAN DU MED CES PA'I DON MIN NO, ,NYER LEN GYI RGYU 'BRAS LA BLO LHAN SKYAS KYIS RANG GI MTSAN NYID KYIS GRUB PA'I SO SO BAR MAm 'DZIN PA'I RGYU MTSAN NI SNGAR BSHAD ZIN TO, ,BUM SNAM RANG GI MTSAN NYID KYIS GRUB PA THA SNYAD DU YANG MED KYANG GZHAN TZAM NI THA SNYAD DU YOD DE, BUM PA SNAM BU LAS GZHAN YIN PA DE RTEN 'BREL DU GSUNGS PA'I PHYIR DANG 'GREL PA GNYIS KYIS KYANG THA SNYAD DU YOD PAR GSUNGS PA'I PHYIR

153b

RO, ,RNAM SHES DRUG DANG MIG GZUGS LA SOGS PA'I YUL DANG DBANG PA DRUG RNAMS LA, NGO BO NYID KYIS GRUB PA'I GZHAN MED PA'I RGYU MTSAN GYIS PHRAD PA RANG BZHIN GYIS GRUB PA 'GOG PA GTZO BO'I DON YIN LA, DE'I RTAGS NI, GAL TE GZHAN NI GZHAN LAS GZHAN ZHES PA DANG, GANG LA BRTEN NAS GANG YIN PA, ZHES SOGS KYIS SGRUB PA YIN PAS RNAM SHES DRUG YUL DBANG LAS GZHAN YIN PA DE RTEN 'BYUNG DU BSTAN DGOS PAS RGYU 'BRAS RNAMS KYANG GZHAN TZAM ZHIG YIN DO, ,DE LTA MA YIN NA DE DAG GCIG PA DANG THA DAD PA GANG YANG MIN PAS MA GRUB PAR 'GYUR TE, YOD PA TZAM LA GCIG DANG THA DAD DNGOS 'GAL MA YIN NA BDEN YOD LA YANG BDEN PA'I GCIG DANG DU MA GANG RUNG DE NGES PA BSGRUB MI NUS SO, ,'O NA THA SNYAD DU GZHAN SKYE YOD PAR 'GYUR RO ZHE NA, 'DIR 'JUG 'GREL LAS, RANG GI LUGS KYIS NGO BO NYID GSUM GYI RNAM GZHAG GIS MDO 'GREL LUGS GSUNGS PAS THA SNYAD DU GZHAN DBANG YANG 'DOD DGOS MOD KYANG, GZHAN SKYE DANG MI MTSUNGS TA GZHAN SKYE'I DON DANG THA SNYAD 'DOD PA NI, 'BRAS BU RANG NGAM GZHAN LAS SKYE BA GANG YIN SNYAM DU GRUB MTHA' SMRA BAS BRTAGS NAS BYED LA, DES KYANG, 'BRAS BU RANG DANG THA DAD TZAM ZHIG LAS SKYE MI SKYE'I DPYOD PA BYED PA MIN GYI, RANG GI NGO BO NYID KYIS THA DAD PA YIN MIN DPYAD NAS RANG GI MTSAN NYID KYIS THA DAD PA'I SKYE BA LA GZHAN SKYE'I THA SNYAD BYED PA'I PHYIR DANG, GZHAN DBANG GI THA SNYAD NI 'BRAS BU RANG DBANG DU 'BYUNG NGAM SNYAM PA BZLOG PA'I PHYIR RGYU RKYEN GYI DBANG DU GYUR PA TZAM

154a

, ,LA MDZAD PA'I PHYIR DANG, GZHAN TZAM LA RANG BZHIN GYIS GRUB PA'I GZHAN GYIS MA KHYAB PA'I PHYIR RO, ,GNYIS PA NI, GAL TE DNGOS PO GZHAN DNGOS PO GZHAN LA LTOS NAS GZHAN GYI BLO 'BYUNG NA NI DE DE LAS RANG BZHIN GYIS GZHAN DU MED PA YIN NA'ANG, DE SKAD DU MI SMRA STE GZHAN NYID CES PA SPYI YANG YIN LA KHYAD PAR YANG YIN PA ZHIG YOD LA DE GANG LA 'DU BA YOD PA'I DNGOS PO DE NI, DNGOS PO GZHAN LA LTOS PA MED KYANG GZHAN ZHES BRJOD PAR BYA STE DE'I PHYIR KHO BO CAG LA JI SKAD SMRAS PA'I NYES PA MED DO ZHES GZIGS ZAN PA DAG ZAR RA, ,'DIR GZHAN NYID CES PA'I SPYI DE GSAL BA GZHAN DU GRUB PA LA DON DU GZHAN DU YOD PA MA YIN TE, DE LA GZHAN NYID DON GZHAN BRTAd PA DGOS PA MED PA'I PHYIR TE, DE BRTAGS PA NI GZHAN DU GRUB PAR BYA BA'I PHYIR YIN NA GZHAN DU GRUB ZIN PA'I PHYIR RO, ,DER MA ZAD GZHAN MA YIN PA GCIG LA'ANG GZHAN NYID KYI SPYI DON GZHAN YOD PA MA YIN TE, DE LA NI KHYED LTAR NA GZHAN NYID DON GZHAN YOD PA DANG 'GAL BA GCIG NYID YOD PA'I PHYIR RO, ,GCIG DANG GZHAN GNYIS GANG YANG MIN PA'I PHUNG GSUM YANG MED PAS GZHAN NYID CES PA'I SPYI DE NI GANG LA YANG DON GZHAN DU MED DO, ,GAL TE GZHAN NYID CES PA'I SPYI BKAG MOD KYANG GZHAN NI RE ZHIG YOD LA GZHAN NYID MED PAR NI GZHAN MED PAS GZHAN NYID CES PA'I SPYI YANG YOD DO ZHE NA, GZHAN NYID CES PA'I SPYI SNGAR BSHAD PA LTAR YOD PA MA YIN NA GZHAN NAM DE NYID DE GCIG PA NGO BO NYID

154b

KYIS YOD PA MA YIN NO, ,BUD DHA P'A LI TA LAS TSIGS BCAD DE LA BSHAD PA MI 'DRA BA GNYIS MDZAD DE SNGA MA DANG MI 'DRA'O, ,GNYIS PA NI, GAL TE LTA BA LA SOGS PA LA GZHAN MED DO ZHES BSTAN ZIN MOD KYANG REG PA NI GSUM 'DUS PA'O ZHES GSUNGS PAS, PHRAD PA RANG BZHIN GYIS YOD LA DE'I PHYIR LTA BA LA SOGS PA RANG BZHIN GYIS YOD DO ZHE NA, 'DIR LTA BA LA SOGS PA LA PHRAD PA RANG BZHIN GYIS YOD NA LTA BA LA SOGS PA DE DAG NGO BO NYID GYIS GCIG PA DANG THA DAD PA GANG YIN, DANG PO LTAR NA CHOS DE NI DE NYID DANG PHRAD PA MED DE CHU LA MA LTOS PA'I 'O MA GCIG PU LA CHU DANG PHRAD CES MI BRJOD PA BZHIN NO, ,NGO BO NYID KYIS THA DAD PA'I GZHAN DANG GZHAN YANG PHRAD PAR MI 'GYUR TE, CHU DANG SO SOR GNAS PA'I 'O MA LA CHU DANG PHRAD PA MI SMRA BA BZHIN NO, ,GNYIS PA NI, GAL TE GNYIS GCIG TU 'DRES PA'I TSE GCIG YIN PAS MI PHRAD LA SO SOR GNAS PA'I TSE YANG MI PHRAD PAS, PHRAD PA BKAG MOD KYANG GZHAN DU GYUR PA PHRAD BZHIN PA DE YOD PAS PHRAD PA'ANG YOD DO ZHE NA, PHRAD BZHIN PA'ANG NGO BO NYID KYIS GCIG TU GRUB NA NI DE NYID DE DANG MI PHRAD LA NGO BO NYID KYIS GZHAN YIN NA'ANG PHRAD PAR MI THAD DE MA PHRAD PAR MTSUNGS PA THAMS CAD PHRAD PAR 'GYUR BAS SO, ,GAL TE PHYED PHRAD PA LA 'DOD NA NI PHYOGS GCIG PHRAD PAS BDAG NYID THAMS CAD KYIS PHRAD PAR RTOG NA GCIG PA DANG CHA GNYIS 'DOD NA THA DAD PA LA SKYON BRJOD PAS BKAG GO ,DES NA PHRAD PA'I BYA BA'I SGRUB BYED LAS

155a

, ,SU GYUR PA, PHRAD BZHIN PA YOD PA MA YIN NO, ,GAL TE PHRAD BZHIN PA MED KYANG BLA'I PHRAD PA YOD DO ZHE NA, PHRAD BZHIN PA MED NA PHRAD PAR RTZOM PA MED PA DAL BYA BA RDZOGS PA CAN GYI PHRAD PA YANG NI YOD PA MA YIN NO, , GAL TE PHRAD PA RDZOGS PA MED KYANG BLA'I GCIG PA NYID KYI SNGA ROL NA GZHAN DU 'GYUR BA'I PHRAD RGYU'I DNGOS PO PHRAD PA PA YOD DO ZHE NA, DE MAD NA PHRAD PAR BYED PA MED PAR PHRAD PA'I BYED PA PO BYA BA RDZOGS PAR BYA BA LA RANG DBANG DU GNAS PA YANG YOD PA MA YIN NO, ,GNYIS PA NI, DE LTAR MIG DANG GZUGS LA SOGS PA'I DBANG PA DANG YUL DANG RNAM SHES LA SOGS PA LA PHRAD PA NGO BO NYID KYIS YOD PA MIN PAR BSTAN PA DE NYID ZAB MO'I LUNG GIS KYANG 'GRUB PA DANG, CHOS RNAMS LA LDAN PA DANG PHRAD PA BKAG PA'I GSUNG RAB THAMS CAD RAB TU BYED PA 'DIS BSHAD PAR BYA BA'I PHYIR DU NGES DON GYI LUNG DANG SBYOR BA'I MTSON BYED TZAM NI NYE BAR 'KHOR GYIS ZHUS PA LAS, MIG NI THAMS CAD LDAN NA MTHONG 'GYUR TE, ,ZHES PA NAS DE PHYIR MIG GIS NAM YANG MTHONG BA MED, ,CES PA'I MJUG TU, GANG DAG RANG BZHIN MED CHOS 'DI SHES BA, ,DPA' BO DE DAG 'JIG RTEN MYA NGAN 'DAS, ,'DOD PA'I YON TAN SPYAD KYANG CHAGS MED CING, ,CHAGS PA RNAMS SPANGS SEMS CAN 'DUL BAR BYED, ,'DI NI SEMS CAN 'GA' MED SROG MED KYANG, ,MI DBANG RNAMS NI SEMS CAN PHAN PA MDZAD, ,SEMS CAN YOD PA MIN YANG DON MDZAD PA, ,DE DAG RNAMS KYI DE

155b

NI DKA' BA CHE, ,ZHES BYA BA NAS, DE LA NAM YANG CHAGS PA YOD MA YIN, ,GANG DAG CHOS NYID 'DI LA MOS GYUR PA, ,DE DAG YID NI SRID LA CHAGS MI 'GYUR, ,ZHES SOGS GSUNGS TE, MIG LA SOGS PA LA LDAN PA DANG PHRAD PA MED PA DANG CHAGS PA LA SOGS PA MED PAR BSTAN PA DANG DE LTAR RTOGS PA'I PHAN YON STON PA'O, ,GSUM PA NI, CHOS RNAMS PHRAD PA DANG LDAN PA DANG 'DUS PA DANG TSOGS PA NI RANG GI NGO BO'I DBANG GIS YOD PA LA DE DAG GANG YANG GZHAG TU MED PAS, DE DAG RANG BZHIN MED PA LA RNAM GZHAG DE DAG THAMS CAD SHIN TU 'THAD PA'I BDEN PA GNYIS KYI TSUL LA NGES PA BRTAN PAR BYA'O, ,PHRAD PA BRTAG PA ZHES BYA BA TSIGS SU BCAD PA BRGYAD KYI BDAG NYID RAB TU BYED PA BCU BZHI PA'I RNAM PAR BSHAD PA'O,, ,,GNYIS PA RGYU RKYEN NYE BAR LEN PA RANG BZHIN GYIS YOD PA DGAG PA LA GSUM, RAB BYED KYI GZHUNG BSHAD PA, NGES DON GYI LUNG DANG SBYAR BA, DON BSDUS TE MTSAN BSTAN PA'O, ,DANG PO NI, 'DIR SMRAS PA DNGOS PO RNAMS NI RANG BZHIN GYIS YOD DE MYU GU DANG 'DU BYED LA SOGS PA RNAMS SKYED PAR BYED PA'I RGYU DANG RKYEN SA BON DANG MA RIG PA LA SOGS PA NYE BAR LEN PA YOD PA'I PHYIR RO, ,DE NI TSIG GSAL GYI MTSAMS SBYOR TSUL YIN LA BUD DHA P'A LI TA LAS NI SMRAS PA, KHYOD DNGOS PO RNAMS RTEN CING 'BREL PAR 'BYUNG BAR YANG 'DOD LA NGO BO NYID MED PAR YANG SMRA NA JI LTAR NA DNGOS PO BYUNG BA YANG YIN LA NGO BO NYID MED

156a

, ,PA YANG YIN PAR 'GYUR, GAL TE RGYU RKYEN LAS DNGOS PO'I NGO BO NYID MI 'BYUNG NA DE LAS GZHAN CI ZHIG 'BYUNG STE, RGYU SPUN LAS SNAM BU'I NGO BO NYID KHO NA MI 'BYUNG NA CI RGYU SPUN GYI NGO BO NYID KHO NA 'BYUNG NGAM CI STE CI YANG MI 'BYUNG NA NI 'BYUNG ZHES KYANG JI SKAD BRJOD, CI KHYOD RTA LA ZHON BZHIN DU RTA MA MTHONG NGAM KHYOD DNGOS PO RNAMS RTEN CING 'BREL PAR 'BYUNG BA ZHES KYANG SMRA LA DE DAG GI NGO BO NYID MED PA NYID KYANG MA MTHONG ZHES GSUNGS TE, DNGOS PO RNAMS LA NGO BO NYID KYIS GRUB PA'I NGO BO NYID CUNG ZAD KYANG MI RUNG BA DANG, 'ON KYANG RGYU RKYEN LA BRTEN NAS DNGOS PO 'BYUNG BAR 'DOD PA GNYIS 'GAL BAR 'DZIN PA MI 'GAL BAR RAB BYED 'DIS 'CHAD PAR MTSAMS SBYOR TE, DE GNYIS 'DRES PA 'BYAD PA 'DI NYID RIGS PA RNAMS KYI GNAD CHE SHOS SO, ,DE LTAR RANG BZHIN GYIS GRUB PAR SMRA BA DGAG PA LA GNYIS, DNGOS PO RNAMS RANG BZHIN GYIS YOD PA DGAG ,RANG BZHIN GYIS YOD PAR SMRA NA MTHAR 'DZIN LAS MI 'DA' BAR BSTAN PA'O, ,DANG PO LA GNYIS, RANG BZHIN GYIS YOD PA'I SGRUB BYED DGAG ,RANG BZHIN GYIS YOD PA LA GNOD BYED BSTAN PA'O, ,DANG PO LA GSUM, DNGOS KYI DON DANG, DES MTHA' GZHAN GSUM KHAGS PAR BSTAN, BKAG PA'I DON DU LTA BA SMAD PA'O, ,DANG PO LA GNYIS, RANG BZHIN LA RGYU RKYEN MA DGOS SHING 'GAL BAR BSTAN PA, RANG LUGS KYI RANG BZHIN GYI MTSAN NYID BSTAN PA'O, ,DANG PO NI, GAL TE 'DU

156b

BYED DANG MYU GU LA SOGS PA LA RANG BZHIN YOD NA NI MA RIG PA DANG SA BON LA SOGS PA'I RGYU DANG RKYEN LAS NI 'BYUNG BAR RIGS PA MA YIN TE, RANG BZHIN DU YOD PA LA SKYED BYED DGOS PA MED PA'I PHYIR RO, ,CI STE SKYES PA'I SNGA ROL DU YOD NA SKYE BA DON MED DU 'GYUR YANG SNGA ROL DU YOD PA MIN PA'I RANG BZHIN KHA NA RGYU RKYEN LA BRTEN NAS 'BYUNG NGO SNYAM NA, DE LTA NA RGYU DANG RKYEN LAS BYUNG BA YI PHYIR 'BRAS BU'I RANG BZHIN DE BYAS PA CAN DU 'GYUR RO, ,CI STE BYAS PAR THAL BA NA 'DOD PA KHO NA YIN NO SNYAM NA, BYAS PA YANG YIN LA RANG BZHIN YANG YIN NO ZHES JI LTA BUR NA SMRA BAR RUNG BAR 'GYUR TE MI 'GYUR TE PHAN TSUN 'GAL BA'I PHYIR RO, ,DE LA BCAS MA BCOS GNYIS NI DNGOS 'GAL YIN PAS GZHI GCIG LA GCIG RNAM PAR BCAD NA CIG SHOS YONGS SU GCOD DGOS SO, ,BYAS PA LA NI BCOS MAS KHYAB LA RANG BZHIN TE GSHIS LA NA MA BCOS PAS KHYAB PAS BYAS PA YIN PA DANG GSHIS YIN PA GNYIS GZHI GCIG LA 'DUNG MI RUNG NGO, ,'JIG RTEN NA'ANG CHU'I TSA BA DANG KE KE RU LA SOGS PA NOR SGYUR MKHAN GYIS BCOS MA'I PADMA R'A GA LA SOGS PAR BSGYUR BA LA DE DAG GI RANG BZHIN DU MI BRJOD PA BZHIN NO, ,'O NA 'JIG RTEN NA ME'I TSA BA DANG PADMA R'A GA LA SOGS PA RIGS MA'I NGO BO NI DE DAG GI RANG BZHIN DU BRJOD PAS BYAS PA GANG YIN GSHIS MIN PAR JI LTAR RIGS SNYAM NA, 'JIG RTEN BCOS MA LA RANG BZHIN NAM GSHIS KYI THA SNYAD MI BYED PA NI 'DIR YANG KHAS LEN LA, DE LTA NA ME'I TSA BA ME'I

157a

, ,RANG BZHIN NAM GSHIS SU 'JIG RTEN NA GRAGS MOD KYANG DE YANG ME'I GSHIS MA YIN TE, GSHIS KYI MTSAN NYID DANG BRAL BA'I PHYIR RO ZHES SMRA BA YIN TE, ME NI MI SHAL LA SOGS PA'I RGYU RKYEN LA LTOS PAR DMIGS LA DE'I TSA BA YANG DE DANG 'DRA BAS, BYAS PA'I PHYIR CHU'I TSA BA BZHIN DU RANG BZHIN MA YIN NO ZHES GSAL BAR NGES SO, ,'DI'I CHU'I TSA BA DANG ME'I TSA BA GNYIS RGYU RKYEN GYIS BYA PAR MTSUNGS KYANG BCOS MA YIN MIN MI MTSUNGS PAS RANG BZHIN YIN MIN KYANG MI MTSUNGS SO SNYAM DU 'JIG RTEN PA LA GRAGS MOD KYANG, DNGOS POR SMRA BA RNAMS NI CHU TSA BAR SKYES PA DANG ME TSA BAR SKYES PA LA RANG BZHIN GYIS SKYES MA SKYES KYI KHYAD PAR MI 'DOD PAS, 'JIG RTEN NA BCOS MAR 'JOG NA RANG BZHIN DU THA SNYAD MI BYED PA'I TSUL DE KHAS MI LEN ZHING RANG LUGS LA DE LTAR KHAS LEN NO, ,BYIS PA RNAMS DNGOS PO RANG BZHIN MED PA LA RANG BZHIN YOD PAR ZHEN NAS DA CHOS DE KHO NA LA MTHONG ZHING CHOS GZHAN LA MA MTHONG BA NA, ME'I RANG GI MTSAN NYID NI TSA'O ZHES ZHEN PA JI LTA BA BZHIN DU MTSAN NYID SMRA STE, BDAG NYID KYI MTSAN NYID NI RANG GI MTSAN NYID DO ZHES BYAS PA'I PHYIR RO, ,DE DAG LA GRAGS PA'I SGO NAS STON PAS KYANG CHOS MNGON PAR DE DAG GI RANG GI NGO BO KUN RDZOB PA RNAM PAR BZHAG LA, MI RTAG PA LA SOGS PA CHOS GZHAN DANG THUN MONG BA SPYI'I MTSAN NYID DO ZHES BSHAD DO, ,DE LA TSA BA ME DANG MI RTAG PA 'DUS BYAS KYI GSHIS YIN

157b

PA THA SNYAD DU YANG MED KYANG THUN MONG YIN MIN GYI MTSAN NYID LAS, RANG GI MTSAN NYID DANG SPYI'I MTSAN NYID DU MNGON PA LAS GSUNGS PA LTAR THA SNYAD DU YOD PA RANG LAGS SO, ,DE'I PHYIR RANG GI MTSAN NYID KYIS SAM RANG GI NGO BO NYID KYIS YOD PA DANG THUN MONG MA YIN PA'I RANG GI MTSAN NYID GNYIS KHYAD PAR SHIN TU CHE'O, ,'GREL PA LAS, DE RNAMS LA GRAGS PA NYID KYI SGO NAS CHOS MNGON PAR RANG SPYI'I MTSAN NYID BSHAD PAR GSUNGS PA NI, BYIS PA RNAMS NI CHOS GANG DANG GANG GI MTSAN NYID YIN PA DE DANG DE NI DE DAG GI SHIS SU 'DZIN PAS DE MA BKAG PAR DE DAG LA MTSAN NYID GNYIS BSHAD PA LA BYA'I, ME'I TSA BA LA SOGS PA GSHIS YIN PAR 'DZIN PA BZHIN DU MNGON PA LAS KYANG DE DAG GI GSHIS LA MTSAN NYID GNYIS SU BZHAG CES PA MIN TE, 'JUG PA LAS, DE DAG SHES RAB TSUL 'DOR SANGS RGYAS KYIS, ,MTSUNGS PAR SPANGS SHING MNGON PA'I CHOS LAS GSUNGS, ,ZHES GSUNGS SHING 'GREL PAR YANG MNGON PA LAS RANG SPYI'I MTSAN NYID LA SOGS PA'I RAB DBYE'I SGO NAS PHUNG PO LNGA CHAR MTSUNGS PAR BSTAN ZHING, YUM GYI MDO LAS LNGA CHAR RANG BZHIN GYIS STONG PA NYID DU GSUNGS PAS DON DAM PAR MED MNYAM DANG THA SNYAD DU YOD MNYAM DU GSUNGS PA'I PHYIR DANG, ME'I TSA BA ME'I GSHIS YIN PA THA SNYAD DU YANG MI 'DOD PA'I PHYIR RO, ,DES NA ME'I TSA BA LTA BU DE RANG KHAS MI LEN PAS GZHAN GRAGS ZER BA MIN GYI, MA'I TSA BA DANG ME'I RANG BZHIN GNYIS SO SOR MI PHYED PAR GCIG TU

158a

, ,BZUNG BA DE NYID RANG LAM GRUB PAS GZHAN LA GRAGS PA TZAM DU 'JOG GO, GNYIS PA NI, GAL TE BYAS PA YIN PAR RANG BZHIN MIN NO ZHES SMRA NA RANG BZHIN GYI MTSAN NYID NI GANG RANG BZHIN DE YANG GANG ZHE NA, 'DI NA RANG GI NGO BO NI RANG BZHIN NO ZHES THA SNYAD BYED PAS GANG ZHIG DNGOS PO GANG GI BDAG GI BA YIN PA DE NI DE'I RANG BZHIN NO ZHES BRJOD DO, ,GANG ZHIG GANG GI BDAG GI BA YIN ZHE NA CHOS CAN GANG GI CHOS GANG MA BCOS PA DE NI DE'I'O, ,GANG ZHIG BCOS MA YIN PA DE NI DE'I BDAG GI BA MA YIN TE DPER NA CHU'I TSA BA LTA BU'O, ,GANG ZHIG GZHAN LA RAG MA LAS PA DE YANG DE'I BDAG GI BA YIN TE, DPER NA RANG GI KHOL PO DANG RANG GI NOR DAG BZHIN NO, ,GANG ZHIG GZHAN LA RAG LAS PA DE NI DE'I BDAG GI BA MA YIN TE, DPER NA RE ZHIG BRNYAN PA RANG DBANG MED PA LTA BU'O, ,DE LTAR GSUNGS PAS NI BCOS MA DANG CHOS DE LAS GZHAN PA LA RAG LAS PA THAMS CAD CHOS DE'I BDAG GI BA MIN PAR STON PA MIN GYI, CHOS DE'I RANG BZHIN NAM GSHIS SU 'JOG PA'I BDAG GI BA DE LA DE'I BCOS MA MIN PA DANG DE LAS GZHAN LA RAG LAS PA'I GA-YAR PO LTA BU MIN PA ZHIG DGOS PAR STON NO, ,DE'I PHYIR ME'I GNYUG MA'I NGO BO BCOS MA MIN PA SNGAR MED GSAR DU SKYES PA MIN PA DANG DUS GSUM DU YANG ME LA MI 'KHRUL LA, CHU'I CHA BA 'AM TSU ROL DANG PHA ROL LAM RING THUNG LTAR RGYU RKYEN GZHAN LA LTOS PA MED PA DE NI ME'I RANG BZHIN DAG NI YIN PAR BRJOD DO, ,CI ME'I RANG GI NGO BO DE LTA BUR GYUR PA

158b

YOD DAM ZHE NA, DE NI RANG GI NGO BOS YOD PA YANG MIN LA MED PA YANG MIN ZHES GSUNGS TE YOD MED KYI RANG GI NGO BOS YOD PA MIN ZHES PA'I DON YIN TE 'JUG 'GREL LAS, DE LA DON DAM PA NI YANG DAG PA GZIGS PA RNAMS KYI YE SHES KYI KHYAD PAR GYI YUL NYID KYIS BDAG GI RANG GI NGO BO RNYED PA YIN GYI RANG GI BDAG NYID KYIS GRUB PA NI MA YIN TE ZHES GSUNGS PA LTAR RO, ,RANG GI NGO BOS MED PA DE LTA YIN MOD KYANG NYAN PA PO RNAMS KYI SKRAG PA SPANG BA'I PHYIR SGRO BTAGS NAS KUN RDZOB TU DE YOD DO ZHES BYA BAR SMRA'O, ,'DIR DGOS PA DE'I PHYIR YOD PAR GSUNGS PAS DON DAM BDEN PAR SHES BYA MIN NO ZHES SMRA BA NI MI RIGS TE CHOS YANG DAG PAR SDUD PA LAS, 'JIG RTEN GYI SKRAG PA'I GNAS YONGS SU SPANG BA'I PHYIR THA SNYAD KYI DBANG GIS SKYE'O 'GAG GO ZHES GSUNGS KYI, ZHES GSUNGS PAS SKYE 'GAG KYANG SHES BYA MA YIN PAR 'GYUR BA'I PHYIR RO, ,SGRO BTAGS NAS ZHES GSUNGS PAS DON DAM BDEN PA SHES BYA MIN NO ZHES PA YANG MI RIGS TE, SGRO BTAGS NAS YOD PAR GSUNGS PA'I SHES BYED DU; YI GE MED PA'I CHOS LA NI, ,NYAN PA GANG YIN STON PA GANG, ,SGRO BTAGS PA LA YI GE MED, ,DE NI NYAN ZHING STON PA'ANG YIN, ,ZHES TING 'DZIN RGYAL PO DRANGS PA LAS NYAN MKHAN DANG BSHAD MKHAN DANG BSHAD BYA'I CHOS RNAMS KYANG SGRO BTAGS NAS BYED PAR GSUNGS PAS DE RNAMS KYANG SHES BYA MA YIN PAR 'GYUR BA'I PHYIR RO, ,DES NA BLOS BTAGS NAS STON PA LA YANG SGRO BTAGS NAS ZHES GSUNGS

159a

, ,PA MANG PO YOD PAS BDAG GNYIS SGRO BTAGS PA 'DRA BA YIN MI DGOS SO, ,GAL TE SGRO BTAGS PA LAS DE YOD DO ZHES BRJOD NA DE JI 'DRA BA ZHIG YIN ZHE NA, DE'I RANG GI NGO BO NI CHOS RNAMS KYI CHOS NYID CES BA DE YIN NO ZHES SOGS NI SNGAR GYI DRI BA GNYIS PA'I LAN NO, ,DE NI CHOS RNAMS KYI NGO BO DANG NGO BO NI RANG BZHIN DANG RANG BZHIN NI STONG NYID DANG STONG NYID NI RANG BZHIN MED PA DANG DE NI DE BZHIN NYID DANG DE YANG DE BZHIN NYID KYI NGO BOR 'GYUR BA MED PA DANG RTAG TU GNAS PA'O, ,MA RIG PA'I RAB RIB KYI MTHUS DMIGS PA 'DI RNAMS DE KHO NA NYID DU YOD NA 'PHAGS PA'I MNYAM GZHAG ZAG PA MED PA'I YE SHES KYIS DMIGS DGOS PA LAS, DE RNAMS CI YANG MA GZIGS PA'I TSUL GYIS DE DAG GI DE KHO NA NYID DE YE SHES DE'I YUL DU 'GYUR TE, YE SHES DES NI DNGOS PO RNAMS KYI DE KHO NA NYID RTOGS PA'I PHYIR DANG DNGOS PO RNAMS DE KHO NA NYID DU MA GRUB PA DE NYID DE DAG GI DE KHO NA NYID YIN PA'I PHYIR DANG, DGAG BYA YOD NA DMIGS SU RUNG BA LAS MA DMIGS PA NYID KYIS DGAG BYA BKAG PA RTOGS PAR 'JOG PA'I PHYIR RO, ,MTHONG BA MED PA NI MTHONG BA DAM PA'O ZHES GSUNGS PA'I DON YANG CI YANG MI MTHONG BA MTHONG BAR MI BZHAD KYI, SNGAR BSHAD PA LTAR SPROS PA MA MTHONG BA NI SPROS BRAL MTHONG BAR 'JOG PAS MTHONG MA MTHONG GZHI GCIG LA BYED PA MIN NO, ,DE LTAR YANG SDUD PA LAS, GZUGS RNAMS MI MTHONG TSOR BA DAG KYANG MI MTHONG

159b

ZHING; ;'DU SHES MTHONG BA MED LA SEMS PA MI MTHONG ZHING, ,GANG LA RNAM PAR SHES DANG SEMS YID MTHONG MED PA, ,'DI NI CHOS MTHONG YIN ZHES DE BZHIN GSHEGS PAS BSTAN, ,NAMKHA' MTHONG ZHES SEMS CAN TSIG TU RAB BRJOD PA, ,NAM MKHA' JI LTAR MTHONG STE DES 'DI BRTAG PAR GYIS, ,DE LTAR CHOS MTHONG BA YANG DE BZHIN GSHEGS PAS BSTAN, ,MTHONG BA DPE GZHAN GYIS NI BSNYAD PAR NUS MA YIN, ,ZHES MI MTHONG BA PHUNG PO LNGA DANG MTHONG PA NI CHOS ZHES GSUNGS LA DE NI DE KHO NA NYID KYI DON TE SUS RTEN 'BREL MTHONG BA DES CHOS MTHONG NGO ZHES GSUNGS PA BZHIN NO, ,DE YANG DPER NA NAMKHA' NI THOGS PA'I REG BYA BCAD TZAM YIN LA DE MTHONG NGAM RTOGS PA NI DGAG BYA SGRIB THOGS YOD NA DMIGS SU RUNG BA LAS MA MTHONG BA LA BYED PA DANG 'DRA STE DER YANG MTHONG BA NI NAMKHA' DANG MA MTHONG BA NI SGRIB THOGS SO, ,DPE DE BZHIN DU MTHONG BA MIN PAR SNGON PO MTHONG BA BZHIN DU DE KHO NA NYID MTHONG BA NI RKANG PA THA MAS BKAG GO ,PHUNG PO LNGA MI MTHONG BAR GSUNGS PAS NI ZAG MED KYI MNYAM GZHAG GIS CHOS CAN MTHONG BA MIN PAR BSTAN TO, ,DE LTAR NA DE KHO NA NYID MTHONG BA DNGOS MIN PAR BTAGS PA TZAM YANG MIN LA DON DAM DE RANG GI NGO BOS GRUB PAR YANG MI 'GYUR RO, ,DE 'DRA BA'I RANG BZHIN DU CHOS CAN THAMS CAD MA GRUB KYANG CHOS NYID RNAMS GRUB LA RANG GI NGO BOS GRUB PA'I RANG BZHIN DU NI CHOS GANG YANG GRUB PA MED DO, ,GNYIS PA NI, GAL TE YANG DNGOS PO RNAMS RANG BZHIN DU YOD PA BKAG PAS RANG DNGOS

160a

, ,BKAG MOD KYANG GZHAN DNGOS NI RANG BZHIN GYIS YOD DE MA BKAG PA'I PHYIR DE YOD NA RANG BZHIN YANG RANG BZHIN GYIS YOD PAR 'GYUR RO ZHE NA, GAL TE TSA BA ME'I RANG BZHIN DU GRUB NA GSHER BA'I RANG BZHIN LA LTOS NAS GZHAN GYI DNGOS POR 'JOG TU RUNG NA, GANG GI TSE RNAM PAR DPYAD PA NA DNGOS PO GANG YANG RANG BZHIN DU YOD PA MA YIN NA DE'I TSE GZHAN GYI DNGOS PO RANG BZHIN GYIS GA LA YOD CES PA MED DE, GZHAN GYI DNGOS PO'I RANG BZHIN TE NGO BO RANG BZHIN GYIS GRUB PA LA GZHAN GYI DNGOS PO RANG BZHIN GYIS GRUB PA YIN ZHES BRJOD PA'I PHYIR RO, ,GAL TE RANG GI RANG BZHIN TE NGO BO DANG GZHAN GYI DNGOS PO STE NGO BO GCIG BKAG MOD KYANG DNGOS PO NI RANG BZHIN GYIS YOD DE MA BKAG PA'I PHYIR RO ZHE NA, RANG BZHIN DANG GZHAN DNGOS MA GTOGS PA'I DNGOS PO GA LA YOD DE MED PAS RANG BZHIN DANG GZHAN DNGOS GANG RUNG GCIG TU NGO BO NYID KYIS YOD NA NI DNGOS PO RANG BZHIN GYIS YOD PA 'GRUB PAR 'GYUR YANG DE GNYIS SNGAR BKAG PAS MED DO, , GAL TE YANG KHYOD KYIS DNGOS PO BKAG MOD KYI DNGOS MED NI MA BKAG PAS RANG BZHIN GYIS YOD DE DE YOD NA 'GAL ZLA YOD PAS DNGOS PO YANG YOD DO ZHE NA, GAL TE DNGOS PO RANG BZHIN GYIS YOD PA MA GRUB NA DNGOS MED RANG BZHIN GYIS YOD PA 'GRUB PAR MI 'GYUR TE, BUM PA LA SOGS PA'I DNGOS PO DA LTAR BA'I GNAS SKABS LAS GZHAN DU GYUR PA NI SNGAR GYI DNGOS PO DE MED PA YIN PAR 'JIG RTEN NA SKYE BO DAG SMRA BA'I PHYIR RO, ,'DIR DGAG BYA SHES BYA LA MI SRID

160b

PA'I DNGOS MED LA YANG BDEN PA DGAG DGOS MOD KYANG, DGAG BYA YOD MED LA BDEN 'DZIN SHAS CHE CHUNG GI GNAD KYIS DGAG BYA DNGOS PO YOD PA ZHIG PA DE'I DNGOS MED BDEN MED DU GRUB NA DNGOS MED GZHAN BDEN MED DU 'GRUB SLA BA LA DGONGS SO, ,GSUM PA NI, DE LTAR RANG BZHIN DANG GZHAN DNGOS DANG DNGOS PO DANG DNGOS MED NGO BO NYID KYIS GRUB PA MA YIN PA LA GANG DAG GSUNG RAB PHYEN CI MA LOG PAR 'CHAD PAR RLOM PA NYID KYIS, SA'I RANG BZHIN SA BA DANG TSOR BA'I RANG BZHIN YUL MYONG BA ZHES SOGS KYIS RANG BZHIN DANG GZHAN DNGOS GNYIS DANG, RNAM SHES LA SOGS PA DA LTAR BA NI DNGOS PO DANG DE DAG 'DAS PA LA SOGS PA NI DNGOS PO MED PA NYID DU NGO BO YID KYIS YOD PAR LTA BA DE DAG NA, SANGS RGYAS BCOM LDAN 'DAS KYI BSTAN PA LA RTEN 'BYUNG MCHOG TU ZAB PA'I DE KHO NA NYID MTHONG BA DANG SMRA BA MA YIN NO, ,'DI LTAR RANG BZHIN LA SOGS PA NGO BO NYID KYIS YOD PA NI RIGS PA DANG 'GAL BA YIN LA RGYAL BA RNAMS NI DNGOS PO'I RANG BZHIN RIGS PA DANG 'GAL BA BZHED PA YANG MA YIN TE, DNGOS PO THAMS CAD KYI DE KHO NA NYID PHYIN CI MA LOG PAR THUGS SU CHUD PA'I PHYIR RO, ,DE'I PHYIR MKHAS PA RNAMS NI RGYAL BA KHO NA'I GSUNG TSAD MAR BYED DE BSHAD PA DANG BCAS PAS MI SLU BA'I PHYIR RO, ,LUNG GI SKAD DOD KYI STENG NAS BSHAD PA BYAS PAS NYES PA THAMS CAD ZAD PA'I YID CHES PA LAS 'ONGS PAS LUNG DANG, KUN TU GO BAR BYED PA STE DE KHO NA NYID KUN NAS GO BAR BYED PA'I PHYIR LUNG DANG, MNGAN DU PHYOGS NAS

161a

, ,'GRO BA STE 'DI LA BRTEN NAS 'JIG RTEN MYA NGAN LAS 'DAS PAR 'GRO BA'I PHYIR RDZOGS PA'I SANGS RGYAS KYI GSUNG NYID LUNG DU BZHAG LA, DA LAS GZHAN GYI GZHUNG LUGS NI 'THAD PA DANG BRAL BAS LUNG MA YIN PAR BZHAG GO, GNYIS PA LA GNYIS, LUNG GI GNOD BYED DANG, RIGS PA'I GNOD BYED DO, ,DANG PO NI, GANG GI PHYIR RANG BZHIN DANG GZHAN DNGOS DANG DNGOS PO DANG DNGOS MED NGO BO NYID KYIS YOD PAR LTA BA RIGS PA DANG BRAL BAS DE KHO NA NYID MA YIN PA DE'I PHYIR, GDUL BA'I SKYE BO THAR PA 'DOD PA RNAMS LA BCOM LDAN 'DAS KYIS KA TA YAN YI GDAMS NGAG CES BYA BA'I MDO LAS, KA TA YA NA GANG GI PHYIR 'JIG RTEN 'DI NI PHAL CHER YOD PA NYID DANG MED PA NYID LA MNGON PAR ZHE NA TE, DES NA SKYE BA DANG RGA BA DANG NA BA DANG 'CHI BA DANG MYA NGAN DANG SMRE SNGAGS 'DON PA DANG SDUG BSNGAL BA DANG YID MI BDE BA DANG, 'KHRUG PA DAG LAS YONGS SU GROL BAR MI 'GYUR 'CHI BA'I GDUNG BA'I SDUG BSNGAL LAS YONGS SU GROL BAR MI 'GYUR, ZHES YOD PA DANG MED PA'I MTHA' GNYIS KA'ANG DGAG PAR MDZAD DO, ,MDO SDE 'DI YANG SDE BA THAMS CAD KYIS 'DON PA YIN PAS LUNG 'DI DANG JI SKAD BSHAD PA'I RIGS PA LAS NA RANG BZHIN LA SOGS PA BZHI NGO BO NYID KYIS YOD PAR KHAS MI BLANG NGO, ,BCOM LDAN 'DAS CIS KHYAD PAR DU 'PHAGS PA ZHE NA, DNGOS PO DANG DNGOS PO MED PA'I RANG BZHIN PHYIN CI MA LOG PAR MKHYEN PA'O, ,GNYIS PA NI, GZHAN YANG GAL TE ME LA SOGS PA RANG BZHIN

161b

GYIS YOD NA DE'I TSE RANG BZHIN GYIS YOD PA'I RANG BZHIN DE NI SLAR YANG GZHAN DU 'GYUR BA'I SGO NAS MED PA NYID DU MI 'GYUR RO, ,GANG GI PHYIR RANG BZHIN GYIS YOD PA GZHAN DU 'GYUR BA NI NAM YANG 'THAD PAR MI 'GYUR BA'I PHYIR TE NAM MKHA' MI SGRIB PA NAM YANG GZHAN DU MI 'GYUR BA BZHIN NO, ,RNAM PAR 'GYUR BA'I CHOS CAN YANG YIN PA'I PHYIR CHU'I TSE BA LTAR RANG BZHIN MA YIN NO, ,GAL TE RANG BZHIN GYIS YOD PA LA GZHAN 'GYUR MED PA'I PHYIR DANG GZHAN 'GYUR YANG DMIGS PA'I PHYIR, DNGOS PO RNAMS RANG BZHIN GYIS YOD PA MIN NO ZHES SMRA NA RANG BZHIN GYIS YOD PA MA YIN NA'ANG GZHAN DU 'GYUR BA GANG GI YIN PAR 'GYUR, DE'I PHYIR RANG BZHIN GYIS YOD PA MIN PA LA GZHAN 'GYUR MI 'THAD LA DA YANG MTHONG BA'I PHYIR DNGOS PO RNAMS RANG BZHIN GYIS YOD DO ZHE NA, RANG BZHIN DE RANG GI NGO BOS YOD PA YIN NA'ANG GZHAN DU 'GYUR BAR JI LTAR RUNG STE MI RUNG NGO, ,BUD DHA P'A LI TA LAS RKANG PA SNGA MA GNYIS KYIS GZHAN DU 'GYUR RGYU RANG BZHIN GYIS MED PAS GZHAN 'GYUR GYI DNGOS PO YOD PA BKAG LA, PHYI MA GNYIS KYIS RANG BZHIN GYIS YOD PA LA GZHAN 'GYUR MI 'THAD PAS DNGOS PO RANG BZHIN GYIS YOD PA BKAG STE BZHI KA RANG GZHUNG NGO, ,'DIR 'GREL PA LAS GZHAN 'GYUR MTHONG BA'I PHYIR RANG BZHIN YOD PA MA YIN NO ZHES PA YANG GZHAN LA GRAGS PA'I GZHAN 'GYUR MTHONG BA'I DBANG DU BYAS NAS BRJOD KYI, KHO BO CAG GIS NAM YANG GANG LA YANG GZHAN 'GYUR YOD PAR KHAS

162a

, ,MA BLANGS SO ZHES GSUNGS PA NI, SNGAR GONG DU ME LA SOGS PA RANG BZHIN GYIS YOD PA DAG KYANG GZHAN DU 'GYUR BA KHYED KYIS DMIGS PA YANG YIN NO ZHES, RANG BZHIN GZHAN DU 'GYUR BA MTHONG BAS RANG BZHIN GYIS YOD PA MIN NO ZHES BSHAD PA LA ZER BA YIN GYI GZHAN 'GYUR TZAM KHAS MI LEN PAR SMRA BA MIN NO, ,GNYIS PA NI, DE LTAR RANG BZHIN GYIS GRUB PA GTAN YOD PA MA YIN BZHIN DU GANG GIS DNGOS PO RNAMS YOD PA DANG SNGA MA ZHIG NAS MED PAR RTOG PA DE LA NI, NGES PA KHO NAR YOD CES BYA BA NI RTAG PAR 'DZIN PA DANG MED CES BYA BA NI CHAD PAR LTA BAR THAL BAR 'GYUR RO, ,RTAG CHAD DU LTA BA YANG MTHO RIS DANG BYANG GROL LA BAR DU GCOD PAS DON MA YIN PA CHEN PO BYED PA DE'I PHYIR YOD PA DANG MED PA'I MTHA' GNYIS LA MKHAS PAS GNAS PAR MI BYA'O, ,YANG CI'I PHYIR DNGOS PO DANG DNGOS PO MED PAR LTA BA YOD NA RTAG CHAD KYI LTA BAR 'GYUR BA YIN ZHE NA, GANG ZHIG RANG BZHIN GYIS YOD PAR BRJOD PA DE NI RANG BZHIN LA LDOG PA MED PAS NAM YANG MED PA MIN NO, ,DE'I PHYIR NA RANG BZHIN GYIS YOD PAR KHAS BLANGS PAS RTAG LTAR 'GYUR GYI YOD PA TZAM DU KHAS BLANGS PAS MIN NO, ,DUS SNGON MAR DNGOS POR BYUNG BA RANG BZHIN GYIS GRUB PAR KHAS BLANGS NAS DA LTAR TE PHYIS ZHIG NAS MED CES KHAS BLANGS PA DES NA CHAD PAR LTA BAR THAL BAR 'GYUR GYI DUS SNGA MAR YOD PA DUS GNYIS PAR ZHIG PA TZAM ZHIG KHAS BLANGS PAS MIN NO, ,KHO BO CAG LA NI RANG BZHIN LA BRTEN

162b

PA'I RTAG CHAD KYI LTA BAR MI 'GYUR TE DNGOS PO RANG BZHIN GYIS YOD PA MI 'DOD PA'I PHYIR RO, ,GAL TE KHYED LA RTAG LTA MED MOD CHAD LTA NI YOD DO SNYAM NA, CHAD RGYA'I DNGOS PO RANG BZHIN GYIS YOD PA SNGAR KHAS BLANGS NAS PHYIS MED PAR 'DOD NA NI RANG BZHIN GYIS YOD PA NAM YANG YOD DGOS PA LA SKUR PA BTAB PAS CHAD LTAR 'GYUR GYI, RANG BZHIN GYIS GRUB PA GTAN MED PA LA DE MED CES BRJOD PA NA DE LA SKUR BA BTAB PA MED PAS CHAD LTAR MI 'GYUR RO, ,JI SKAD DU LANG KAR GSHEGS PA LAS, BCOM LDAN 'DAS GANG GIS SNGAR 'DOD CHAGS DANG ZHE SDANG DANG GTI MUG DAG GA-YAR GYIS BLANGS NAS PHYIS 'DOD CHAGS DANG ZHE SDANG DANG GTI MUG DNGOS PO YOD PA MA YIN NO ZHES SMRA BA DE NI MED PA PAR 'GYUR LAGSO, ,ZHES GSUNGS PA BZHIN NO, ,DNGOS PO RANG BZHIN GYIS YOD PAR 'DOD NA DE RTAG PAR MI SMRA YANG RTAG LTAR 'GYUR LA, DUS SNGA MAR RANG BZHIN GYIS YOD PA ZHIG DUS GNYIS PAR ZHIG PAR 'DOD NA DE'I RGYUN CHAD PAR KHAS MI LEN KYANG CHAD LTAR 'GYUR BAS DNGOS PO RANG BZHIN GYIS GRUB PAR 'DOD PHYIN CHAD RTAG CHAD KYI LTA BA LAS MI 'DA'O, ,DNGOS PO RANG BZHIN GYIS GRUB PAR KHAS MI LEN NA RANG BZHIN LA BRTEN PA'I RTAG CHAD GNYIS KA'I LTA BA MED KYANG RGYU 'BRAS GZHAG SA MED NA SKUR 'DEBS SU 'GYUR BAS CHAD LTA'O, ,'DIR CHAD RGYU'I DNGOS PO KHAS MA BLANGS BAS CHAD LTAR MI 'GYUR RO ZHES SMRA MI NUS TE, 'JIG RTEN RGYANG BAN PAS KYANG SKYE BA SNGA PHYI DANG LAS 'BRAS LA SOGS PA'I CHAD RGYU SNGAR KHAS BLANGS NAS PHYIS MED PAR MA SMRAS KYANG

163a

, ,CHAD LTAR 'GYUR BA SPONG MI NUS PA BZHIN NO, ,RNAL 'BYOR SPYOD PA PA DAG GZHAN DBANG SEMS DANG SEMS BYUNG TZAM ZHIG RANG GI MTSAN NYID KYIS GRUB PAS MED LTA DANG, GZHAN DBANG LA KUN BRTAGS PA MED PAS RTAG LTA SPONG BAR 'DOD PA NI, PHYI ROL LA LTOS PA'I GZUNG 'DZIN THA SNYAD DU YOD PA LA SKUR BA BTAB CING GZHAN DBANG BDEN PAR MED PA LA SGRO BTAGS PAS RTAG CHAD GNYIS KA'I MTHAR LTUNG BAS, DBU MA PA'I LTA BA KHO NA LA YOD MED KYI MTHAR MA LHUNG BA DANG RTAG CHAD KYI SKYON DANG BRAL BA YOD KYI GZHAN LA NI MA YIN NO, ,DE SKAD DU YANG RIN CHEN PHRENG BA LAS, GANG ZAG PHUNG POR SMRA BA YI, ,'JIG RTEN GRANGS CAN 'UG PHRUG DANG, ,GOS MED BCAS LA GAL TE ZHIG ,YOD MED 'DAS PA SMRA NA DRIS, ,DE PHYIR SANGS RGYAS RNAMS KYI NI, ,BSTAN PA 'CHI MED YOD MED LAS, ,'DAS PA ZAB MO ZHES BSTAN PA, ,CHOS KYI KHUD PA YIN SHES GYIS, ,ZHES GSUNGS TE GANG ZAG TZAM DU SMRA BA NI RANG SDE GANG ZAG RDZAS YOD DU SMRA BA'O, ,PHUNG PO TZAM DU SMRA BA NI RANG GI SDE PA GANG ZAG RDZAS SU MED LA PHUNG PO RDZAS SU YOD PAR SMRA BA'O, ,MDOR NA JI SRID DU RANG GI NGO BOS GRUB PA'I RANG BZHIN MED PA LA LAS 'BRAS DANG 'CHING GROL LA SOGS PA YOD PAR 'JOG MI SHES PA DE SRID DU, RTAG CHAD KYI LTA BA SPONG TSUL JI 'DRA ZHIG BYAS KYANG MTHA' DE GNYIS LAS MI 'DA' STI CHAD LTA SPONG BA NA YOD MTHA' KHAS BLANGS DGOS STE RTAG LTA SPONG BA NA MED MTHA' KHAS BLANG DGOS PA'I PHYIR RO, ,DE'I PHYIR GZUGS MED LA SEMS YOD DO ZHES PA DANG KUN BRTAGS RANG GI MTSON

163b

NYID KYIS MA GRUB LA NGO BO NYID GZHAN GNYIS RANG GI MTSAN NYID KYIS GRUB PAR GSUNGS PA'I RNAM PAR RIG PA TZAM GYI TSUL NI, MANG BOS BKUR BA'I GANG ZAG TU SMRA BA LTAR STON PA THUGS RJE CHEN PO CAN GYIS RIM GYIS DON DAM PA RTOGS PA'I THABS SU BKRI BA'I PHYIR, GDUL BYA DE LTA BU'I NGOR GSUNGS PA'I DRANG DON YIN GYI NGES DON NI MA YIN NO, ,GSUNG RAB CI 'DRA ZHIG DRANG DON DANG CI 'DRA ZHIG NGES DON DU 'JOG PA NI TING 'DZIN RGYAL PO DANG BLO GROS MI ZAD PAS BSTAN PA'I RJES SU 'BRANGS NAS SHES PAR BYA STE, 'DI DAG SHIN TU RGYAS PAR NI DRANG NGES RNAM PAR 'BYED PA LEGS PAR BSHAD PA'I SNYING PO LAS SHES PAR BYA'O, ,GNYIS PA NI, DE LTAR DNGOS PO THAMS CAD LA RANG GI NGO BOS GRUB PA'I RANG BZHIN MED PAR RIGS PAS BSTAN PA DE NYID ZAB ME'I LUNG GIS KYANG GRUB PA DANG, DE LTAR BSTAN PA'I GSUNG RAB THAMS CAD RAB BYED 'DIS BSHAD PAR BYA'O ZHES BSTAN PA'I PHYIR DU NGES DON GYI LUNG DANG SBYOR BA'I PHYOGS MTSON NI TING 'DZIN RGYAL PO LAS, THAMS CAD BSAM YAS THAMS CAD 'BYUNG MIN PAS, ,DNGOS DANG DNGOS MED SHES PA RNAM PAR SHIG ,BYIS PA GANG DAG SEMS KYI DBANG SONG BA, ,DE DAG SRID PA BYE BA BRGYAR SDUG BSNGAL, ,ZHES DANG, SNGON 'DAS DUS KYI BSKAL BA BSAM YAS NA, ,MI YI GTZO BA BYUNG BA NGAS DRAN TE, ,DRANG SRONG CHEN PO GZANGS KYIS DON MDZAD PA, ,MING NI DNGOS PO MED LAS BYUNG ZHES BYA, ,SKYES MA THAG TU MKHA' LA RAB TU GNAS, ,CHOS RNAMS THAMS CAD DNGOS PO MED PAR BSTAN, ,DE TSE DE DANG MTHUN PAR MTSAN

164a

, ,BTAGS TE, ,SGRAS NI 'JIG RTEN KUN TU GRAGS PAR BYAS, ,LHA RNAMS THAMS CAD RAB TU SGRA 'BYIN PA, ,DNGOS PO MED CES BYA BA'I RGYAL BAR 'GYUR, ,SKYES MA THAG TU GOM PA BDUN BOR TE, ,RGYAL BAS CHOS RNAMS DNGOS PO MED PAR BSHAD, ,THUB PA CHOS RNAMS THAMS CAD STON PA YI, ,SANGS RGYAS CHOS KYI RGYAL POR NAM GYUR TSE, ,RTZVA SHING GAL PA SMAN RI BRAG RNAMS LAS, ,CHOS RNAMS DNGOS PO MED CES SGRA YANG BYUNG, ,'JIG RTEN DE NA JI SNYED SGRA YOD PA, ,THAMS CAD DNGOS MED CI YANG MED PA ZHES, ,DE LTA BUR NI 'JIG RTEN 'DREN PA YI, ,SGRA DBYANGS RNAM PA SHIN TU BYUNG BAR GYUR, ,ZHES GSUNGS TE DNGOS PO MED PA'I DON NI RANG BZHIN MED PA'I DON NO, ,GSUM PA NI ;SPYIR DNGOS PO DANG DNGOS MED DANG BYE BRAG TU RANG GI DNGOS PO DANG GZHAN GYI DNGOS PO DANG CHOS RNAMS KYI DE KHO NA NYID KYI RANG BZHIN ZHES PA RNAMS NI RANG GI NGO BO'I DBANG GIS YOD PA LA GANG YANG GZHAG TU MED PAR DNGOS SU BSTAN PA'I DON NGES PAR BYA ZHING, DE'I TSE SHUGS KYIS NA THA SNYAD KYI DBANG GIS YOD PAR BZHAG PA TZAM LA DE DAG THAMS CAD SHIN TU 'THAD DO SNYAM DU RTEN 'BYUNG GI NGES BA DRANG BAR BYA'O, ,RANG BZHIN BRTAG PA ZHES BYA BA TSIGS SU BCAD PA BCU GCIG GI BDAG NYID RAB TU BYED PA BCO LNGA PA'I RNAM PAR BSHAD PA'O,, ,,GSUM PA BCINGS THAR RANG BZHIN GYIS YOD PA DGAG PA LA GNYIS, DNGOS KYI DON DANG, DE'I SGRUB BYED

164b

DGAG PA'O, ,DANG PO LA GSUM ,RAB BYED KYI GZHUNG BSHAD PA, NGES DON GYI LUNG DANG SBYAR BA, DON BSDUS TE MTSON BSTAN PA'O, ,DANG PO LA GSUM, 'KHOR 'DAS RANG BZHIN GYIS GRUB PA DGAG ,BCINGS THAR RANG BZHIN GYIS GRUB PA DGAG ,MYANG 'DAS KYI DON DU RTZOM PA DON MED DU THOL BA SPANG BA'O, ,DANG PO LA GNYIS, 'KHOR BA RANG BZHIN GYIS GRUB PA DGAG ,MYANG 'DAS RANG BZHIN GYIS GRUB PA DGAG BYA'O, ,DANG PO NI, 'DIR SMRAS PA DNGOS PO RNAMS RANG BZHIN GYIS YOD DE 'KHOR BA RANG BZHIN GYIS YOD PA'I PHYIR RO, ,'GRO BA NAS 'GRO BA GZHAN DU 'GRO BA LA 'KHOR BA ZHES BYA NA DNGOS PO RNAMS RANG BZHIN GYIS MED NA DE'I TSE SU ZHIG 'GRO BA SNGA MA NAS 'GRO BA PHYI MAR 'GRO ZHING 'KHOR TE MO GSHAM GYI BU BZHIN NO, ,'DI DGAG PA LA GNYIS, BLANG BYA PHUNG PO 'KHOR BA DGAG ,LEN PA PO SEMS CAN 'KHOR BA DGAG PA'O, ,DANG PO LA GNYIS, RTAG PA 'KHOR BA DGAG ,MI RTAG PA 'KHOR BA DGAG PA'O, ,DANG PO NI, GAL TE 'KHOR BA RANG BZHIN GYIS YOD NA PHUNG PO DANG SEMS CAN GNYIS GANG RUNG GCIG 'KHOR DGOS NA DE LA GAL TE 'DU BYED DE PHUNG PO 'KHOR RO ZHE NA, DE YANG RTAG PA YIN MIN GNYIS SU NGES LA DE RTAG NA NI MI 'KHOR TE, 'GRO 'ONG GI BYA BA DANG BRAL BA'I PHYIR DANG 'GRO BA SNGA MA NAS 'ONG ZHING PHYI MAR MI 'GRON 'KHOR BA POR 'GAL BA'I PHYIR RO, ,GNYIS PA NI, GAL TE 'DU BYED MI RTAG PA 'KHOR BAR SMRA NA MI RTAG NA'ANG 'KHOR BA POR NGO BO NYID KYIS YOD PAR MI 'GYUR TE, MI RTAG PA NI SKYES MA THAG TU 'JIG LA ZHIG

165a

, ,PA RNAMS NI SLAR MI 'KHOR BA'I PHYIR RO, ,'ON TE 'DU BYED RGYU 'BRAS GCIG NAS GCIG TU BRGYUD PA'I RIM PA RGYUN MI 'CHAD BA'I MI RTAG PA KHO NA 'KHOR RO SNYAM NA, 'DI LA SKAD CIG SNGA PHYIR MA PHYE BAR SNGA PHYI LA RJES SU 'GRO BA'I RGYUN 'KHOR BA DANG, SNGA PHYI SO SO BA'I SKAD CIG 'KHOR BA GNYIS LAS PHYI MA 'GOG PA NA RE ZHIG SNGA PHYI RE RE BA 'GOG PA NI, 'BRAS BU'I SKAD CIG MA PHYI MA SKYE 'GYUR NI 'KHOR BA POR MI RUNG STE, DE NI 'GRO BA SNGA MA GANG NAS KYANG MA 'ONGS SHING 'GRO BA PHYI MA GANG DU YANG MI 'GRO BA'I PHYIR DANG 'KHOR MKHAN LA BYA BA DE GNYIS DGOS PA'I PHYIR RO, ,RGYU SNGA MA ZHIG PA YANG MI 'KHOR TE 'GRO BA SNGA MA GANG NAS KYANG MA 'ONGS PA'I PHYIR DANG PHYI MA GANG DU YANG MI 'GRO BA'I PHYIR RO, ,'DU BYED SNGA MA ZHIG PA DANG PHYI MA MA SKYES PA TZAM LAS MA GTOGS PA'I 'DU BYED 'DAS MA 'ONGS MED PA'I PHYIR DANG, DE GNYIS KYANG ZHIG PA DANG MA SKYES PA NYID KYIS 'KHOR BA POR YOD PA MA YIN PA'I PHYIR 'DU BYED 'DAS MA 'ONGS 'KHOR BA POR YOD PA MA YIN NO, ,GAL TE DE GNYIS MI 'KHOR YANG SKAD CIG MA PHYI MA SKYES PA NA SNGA MA 'KHOR BA YIN PAS 'DU BYED KYI SNGA PHYI GNYIS KA LA LTOS NAS 'KHOR BA POR 'JOG GO SNYAM NA, SKAD CIG SNGA PHYI RANG BZHIN GYIS GCIG GAM THA DAD PA YIN BRTAG GRANG, DANG PO LTAR NA MI RIGS TE RGYU 'BRAS DANG SNGA PHYI YIN PA'I PHYIR DANG SNGA MA ZHIG PA DANG PHYI MA SKYES PA'I DUS SO SO YIN PA'I PHYIR RO, ,BRTAG PA GNYIS PA LTAR NA'ANG SKAD CIG MA PHYI MA SKYES PA NA SNGA MA 'KHOR BAR MI

165b

RIGS TE DE GNYIS NGO BO NYID KYIS THA DAD PA'I PHYIR RO, ,MA NGES PA MIN TE GZHAN DU NA SO SO SKYE BO 'KHOR BAR SKYE BA YOD PAS DGRA BCOM PA RNAMS KYANG 'KHOR BAR 'GYUR LA, MAR ME GZHAN 'BAR BA NA MAR MA SHI BA YANG 'BAR BAR 'GYUR TE, 'BREL MED DON GZHAN DU MTSUNGS PA LA SKAD CIG SNGA PHYI GNYIS GCIG SKYES PAS GCIG 'KHOR LO GZHAN GNYIS LA DE LTAR MI 'DOD PA'I RGYU MTSAN MED PA'I PHYIR RO, ,GZHAN YANG SKAD CIG MA PHYIN SNGA MA LAS SKYEN SA MA ZHIG PA DANG MA ZHIG PA DANG 'JIG BZHIN PA GANG LAS SKYE ZHIG PA LAS SKYE NA NI SA BON TSIG PA LAS KYANG MYU GU SKYE BAR 'GYUR BAS RGYU MED DU 'GYUR RO, ,LUGS 'DIS ZHIG PA DNGOS POR BZHED KYANG SKAD CIG SNGA MA ZHIG PA LAS, PHYI MA SKYE BAR MI BZHED PAR SNGAR BSHAD ZIN LA DE'I PHYIR DE LTAR 'GOG GO, ,SNGA MA ZHIG PA LAS SKYE NA SA BON RNAM PAR MA 'GYUR BAR 'BRAS BU SKYE BA DANG RGYU 'BRAS GNYIS DUS GCIG TU 'GYUR RO, ,THA SNYAD DU SNGA MA MA ZHIG PA PHYI MA'I DNGOS RGYUR BZHENG MDO KYANG 'DIR NI RANG GI MTSAN NYID KYIS SKYE BA 'GOG LA DE LA SNGAR BSHAD PA LTAR SKYON DE DAG 'JUG GO ,'JIG BZHIN PA LAS SKYE NA ZHIG MA ZHIG GNYIS GANG YANG MIN PA'I 'JIG BZHIN PA NI MED LA DE GNYIS LA YANG SKYON BRJOD ZIN TO, ,DE LTAR SKAD CIG SNGA PHYI PHYE BA'I RE RE BA DANG GNYIS KA BSDOMS PA LA 'KHOR BA BOR 'DOD PA BKAG CING, SNGA PHYI BA LA GCIG THA DAD DANG SNGA MA LAS PHYI MA SKYE BA NGO BO NYID KYIS YOD PA BKAG PA'I PHYIR, SKAD CIG SNGA PHYI DANG RGYU 'BRAS NGO BO NYID KYIS

166a

, ,GRUB PA GZHAG TU MED PAS ,DE LA BRTEN PA'I RGYUN KYANG MED PAS RGYUN LA YANG 'KHOR BA NGO BO NYID KYIS YOD PA MIN NO, ,GZHAN SDE 'GRO BA GCIG NAS GCIG TU BRGYUD PA'I 'KHOR PA PO 'DOD PA THAMS CAD NI PHUNG PO LAS NGO BO THA DAD PA'I GANG ZAG RDZAS YOD 'KHOR BAR 'DOD DO, ,DE'I PHYIR 'DU BYED DAM PHUNG PO 'KHOR BAR SMRA BA RANG SDE YIN LA DE YANG GANG ZAG TU 'JIG PA'I GZHI NI PHAL CHER RNAM SHES LA 'DOD PAS, KUN GZHI LA SOGS PA'I RNAM SHES 'KHOR PAR 'DOD CING DE NYID LA GANG ZAG 'KHOR ZHES KYANG SMRA LA SKAD CIG SNGA PHYI MA PHYE BA'I RGYUN NYID 'KHOR BAR 'DOD DO, ,GNYIS PA LA GNYIS ,PHUNG PO LAS NGO BO THA DAD PA'I SEMS CAN 'KHOR BA DGAG ,PHUNG PO LAS DA NYID DANG GZHAN DU BRJOD DU MED PA'I GANG ZAG 'KHOR BA DGAG PA'O, ,DANG PO NI, GAL TE RIGS PA DANG 'GAL BAS 'DU BYED MI 'KHOR BA NI BDEN MOD KYANG PHUNG PO LAS NGO BO THA DAD PA'I BDAG RDZAS SU YOD PA DE 'KHOR RO ZHE NA, DA 'DRA BA'I SEMS CAN 'KHOR BA LA YANG 'DU BYED 'KHOR BAR MI 'THAD PA'I RIM PA 'DI THAMS CAD MTSUNGS PAS MI RIGS TE, RTAG NA 'GRA 'ONG GI BYA BA MI BYED PAS RTAG PA MI 'KHOR LA SEMS CAN MI RTAG PA LA YANG SKAD CIG DANG RGYUN GYI DPYAD PAS 'KHOR BAR MI 'THAD PA'I PHYIR RO, ,GNYIS PA NI, GAL TE MANG POS BKUR BA PA RNAMS NA RE 'DU BYED RTAG MI RTAG 'KHOR BAR MI 'THAD PA'I DPYAD PA SEMS CAN LA MTSUNGS PAR SMRA BA NI MI RIGS TE, BDAG NI PHUNG PO LAS DE NYID DANG GZHAN DU BRJAD

166b

DU MED PA LTAR RTAG MI RTAG GANG DU YANG BRJOD DU MED PA'I GANG ZAG 'KHOR BA'I PHYIR RO ZHE NA, GANG ZAG 'KHOR BA DE NGO BO NYID KYIS YOD NA GANG ZAG DE NI PHUNG PO DANG SKYE MCHED DANG KHAMS RNAMS LA GCIG THA DAD LA SOGS PA SNGAR BSHAD PA'I RNAM PA LNGAS BTZAL BA NA RNYED DGOS PA LAS RNYED PA MED NA BDAG PO POS YOD PA GANG ZHIG 'KHOR BAR 'GYUR TE MI 'GYUR RO, ,GZHAN YANG 'DIR MI'I NYE BAR LEN PA NAS LHA'I NYE BAR LEN PAR 'KHOR RAm, MI'I NYE BAR LEN PA BTANG NAS SEMS MA BTANG BAR 'GRO BA RANG BZHIN GYIS YOD, DANG PO LTAR NA SNGA PHYI DE GNYIS KYI BAR DU NYER LEN PHUNG PO LNGA'I SRID PA MED PAR 'GYUR TE, NYE BAR LEN PA SNGA MA BTANG NAS PHYI MA MA BLANGS PA'I SKABS YOD PA'I PHYIR TE, RANG BZHIN GYIS GRUB NA SNGA PHYI GTONG LEN GYI BYA BA GNYIS DUS GCIG PA MI RUNG BA'I PHYIR RO, ,DA GNYIS KYI BAR NA SRID PA MED CING NYE BAR LEN PA'I PHUNG PO MED NA BDAG TU THA SNYAD 'DOGS PA'I RGYU MED PAS GANG ZAG DE NI GANG STE CI YANG MED DO, ,DE MED NA 'BYUNG 'GYUR GYI LHA'I NYE BAR LEN PA PO'I GANG ZAG KYANG MED PA'I PHYIR, CI ZHIG TU 'KHOR BAR 'GYUR TE GANG DU 'KHOR BAR 'GYUR BA DE YANG MED DO, ,YANG NA LEN PA PO MED PAS 'KHOR BA'I BYA BA CI ZHIG BYED PAR 'GYUR ZHES CI ZHIG CES PA BYA BA 'KHOR BA'I KHYAD PAR DU SBYAR RO, ,GAL TE PHYOGS GNYIS PA LTAR NA'ANG MI RIGS TE SKYE BA SNGA MA'I SRID PA MA BTANG BZHIN DU SKYE BA PHYI MA'I SRID PA BZUNG PA'I PHYIR, BDAG GCIG LHA DANG MI'I BDAG GNYIS SU 'GYUR NA DE NI

167a

, ,'DOD PA YANG MIN NO, ,GAL TE LHA MI'I SRID PA GNYIS KYI BAR NA LHA'I BAR SRID YOD PAS SRID PA MED PA'I BDAG YOD PAR MI 'GYUR RO ZHE NA, DE YANG MI RUNG STE MI'I SRID PA NAS LHA'I BAR SRID DU 'KHOR BA LA YANG, SRID PA SNGA MA BTANG NAS 'KHOR MI 'KHOR GYI DPYAD PA SNGA MA DANG MTSUNGS PA'I PHYIR RO, ,CI STE MI'I SRID PA GTONG PA DANG LHA'I BAR SRID LEN PAR BYED PA GNYIS DUS CIG CAR DU YIN PAS, SNGA MA BTANG BA DANG PHYI MA BLANGS PA GNYIS KYANG DUS GCIG YIN PAS PHYIR DE GNYIS KYI BAR SKABS SU NYER LEN MED PA'I BDAG YOD PA'I SKYON MED DO ZHE NA, CI BDAG GI PHYOGS GCIG GIS NYE BAR LEN PA SNGA MA GTONG ZHING, PHYOGS GZHAN GCIG GIS BAR SRID DU RGYU'AM, 'ON TA DE 'DRA'I CHA SO SOR MED PAR BDAG NYID THAMS CAD KYIS SNGA MA GTONG ZHING PHYI MA LEN PA YIN BRTAG GRANG ,DE LA DANG PO LTAR NA NI DE'I TSE MI'I SRID PA GTANG BA DANG LHA'I BAR SRID LEN PA'I BDAG GNYIS YOD PAR 'GYUR RO, ,GNYIS PA LTAR NA YANG DE GNYIS KYI BAR DU SRID PA MED PA'I BDAG YOD PAR 'GYUR RO, ,SNGA MA DANG KHYAD PAR NI BAR DOR RGYU BA NA SHIN TU NYE BAS DUS THUNG DU ZHIG TU NYER LEN MED PAR 'GYUR BA 'DI TZAM ZHIG GO, 'DIR SNGA PHYI GNYIS KYI SRID PA'I BAR NA PHUNG PO MED PA'I BDAG YOD PAR KHAS BLANG DGOS PA'I RIGS PA NI, 'DI GTONG BA DANG LEN NO ZHES LAS LA BRTEN PA'I GTONG LEN GYI BYA BA GNYIS DUS SNGA PHYI BA'I PHUNG PO SO SO BA'I YUL LA BRTEN BA CAN YIN LA, DE'I TSE 'DIS GTONG BA DANG LEN NO ZHES

167b

PA'I BYA BA BYED PA PO LA BRTEN PA YANG DNGOS PO GCIG LA DUS GCIG TU MI RUNG STE, DE GNYIS DUS GCIG NA BYA BA'I RTEN MI DANG BAR SRID KYI PHUNG PO GNYIS KYANG DUS GCIG TU 'GYUR BA'I PHYIR TE, RANG BZHIN GYIS GRUB NA BRTEN PA RTEN LA DUS THAMS CAD DU MI 'KHRUL PA'I PHYIR RO, ,DE LTAR GTONG LEN GYI BYA BA GNYIS DUS SNGA PHYI BA YIN NA SROD PA SNGA MA BTANG ZIN PA DANG PHYI MA BLANGS PA GNYIS KYANG SNGA PHYIR 'GYUR LA, DE'I PHYIR SA MA BTANG ZIN NAS PHYI MA MA BLANGS PA'I SKABS DER SRID PA MED PA'I BDAG YOD PAR 'GYUR RO, ,GNYIS PA NI, GAL TE 'KHOR BA NI RANG BZHIN GYIS YOD DE 'GAL ZLA MYANG 'DAS RANG BZHIN GYIS YOD PA'I PHYIR RO ZHE NA, SU ZHIG MYA NGAN LAS 'DA' BA'I 'DA' BA PO YANG GNYIS SU NGES LA DA YANG 'DU BYED DAM PHUNG PO MYA NGAN LAS 'DA' PA RANG BZHIN GYIS YOD PAR NI JI LTA BUR YANG STE RNAM PA GANG GIS KYANG MI 'THAD LA, DER MA ZAD SEMS CAN PHUNG PO LAS RDZAS THA DAD PA DAD DE NYID DANG GZHAN DU BRJOD DU MED PA'I GANG ZAG MYA NGAN LAS 'DA' BA RANG BZHIN GYIS YOD PAR YANG JI LTA BUR YANG 'THAD PAR MI 'GYUR RO, ,DE DAG GI RIGS PA NI DE DAG RTAG NA MA 'DA' STE ZHES SOGS 'DON PA BSGYUR RO, ,DE LA PHUNG PO 'AM GANG ZAG KYANG RUNG STE 'KHOR MKHAN BDEN PAR GRUB PA MA KHEGS NA DE RNAMS 'KHOR BAR 'KHOR BA BDEN PAR GRUB PA YANG MI KHEGS SO, ,'KHOR MKHAN BDEN GRUB KHEGS NA MYA NGAN LAS 'DA' MKHAN NAM THOB MKHAN BDEN GRUB KYANG KHAGS SO, ,DE LTA NA THOB MKHAN GYIS THOB BYA THOB BA BDEN PA KHEGS LA DE'I

168a

, ,PHYIR 'DI DAG THOB BYAR BDEN PA YANG KHEGS SO, ,DES NA MYANG 'DAS SAM CHOS SKU BDEN PAR GRUB PA YANG KHEGS DGOS TE DE DAG BDEN PAR GRUB NA THOB BYA BDEN PA BAR GRUB DGOS PAS KHYAB BYED KHEGS PA'I PHYIR RO, ,RIGS PA'I 'GROS 'DI RNAMS SHES PA'I GNAD KYIS 'PHAGS PA'I YUL GYI RANG SDE DNGOS POR SMRA BAS KYANG 'KHOR 'DAS LA BDEN PA GRUB MA GRUB KYI KHYAD PAR MI 'BYED MOD, PHYOGS 'DI'I RGOL BA RIGS PA'I 'GROS MI SHES PA RNAMS DE LA KHYAD PAR 'BYED DO, ,DE LTAR MYA NGAN LAS 'DAS PA YANG RANG GI NGO BO NYID KYIS YOD PAR MA GRUB PA LA DGONGS NAS BCOM LDAN 'DAS MA LAS, TSE DANG LDAN PA RAB 'BYOR MYA NGAN LAS 'DAS PA YANG SGYU MA LTA BU RMI LAM LTA BU'O, ,TSE DANG LDAN PA RAB 'BYOR SANGS RGYAS KYI CHOS RNAMS KYANG SGYU MA LTA BU RMI LAM LTA BU'O ZHES PA LA SOGS PA NAS, RIGS KYI BU GAL TA MYA NGAN LAS 'DAS PA LAS CHES LHAG PA'I CHOS GZHAN ZHIG YOD NA'ANG DE YANG SGYU MA LTA BUR MI LAM LTA BU'I ZHES PA SMRA'O ZHES DANG, TING 'DZIN RGYAL PO LAS KYANG, DON DAM BDEN PA RMI LAM 'DRA BA DANG, ,MYA NGAN 'DAS PA RMI LAM MTSUNGS PAR 'GYUR, ,GANG GIS MKHAS PA DE LTAR 'JUG PA YANG, ,DE NI YID KYI SDOM PA'I MCHOG TU BRJOD, ,CES DANG, 'GOG PA'I BDEN PA RMI LAM JI BZHIN TA,, MYA NGAN 'DAS PA'ANG RMI LAM RANG BZHIN DU, ,GANG LA BYANG CHUB SEMS DPA' NGAG 'JUG PA, ,DE NI NGAG GI SDOM PA DE ZHES BYA, ,ZHES RANG BZHIN MED PA'I DON YID LA BYED NA YID KYI SDOM PA DANG NGAG TU SMRA NA NGAG GI SDOM PA'I MCHOG TU BSHAD DE

168b

SDOM PA NI SPANG BYA SDOM PA YIN LA DES SKYON THAMS CAD DRUNGS 'BYIN PA'I PHYIR RO SNYAM DU DGONGS SO, ,GNYIS PA LA GNYIS, BCINGS MTHAR RANG BZHIN GYIS YOD PA THUN MONG DU DGAG ,SO SOR DGAG PA'O, ,DANG PO NI, GAL TE KHYOD KYIS 'KHOR 'DAS GNYIS BKAG YOD KYANG BCINGS PA DANG THAR PA RANG BZHIN GYIS YOD PAS DNGOS PO RNAMS RANG BZHIN GYIS YOD DO ZHE NA, 'DI NA 'DOD CHAGS LA SOGS PA'I NYON MONGS RNAMS BCING BYA RANG DBANG MED PA BYED PAS 'CHING BA DANG NGES BCINGS PA'I SO SO SKYE BO RNAMS KHAMS GSUM LAS MI 'DA'O ZHES BYA BAR 'JOG NA, CHAGS SOGS 'CHING BAR BRTAGS PA'I BCINGS PA NI RTAG PA LA, MI RIGS PA SLA BAS RE ZHIG SKYE BA DANG 'JIG PA'I CHOS CAN 'DU BYED SKAD CIG MA RNAMS LA NI MI 'CHING BA STE 'CHING BA NGO BO NYID KYIS MED DE RGYUN DANG SKAD CIG MA SO SO BA LA MI 'THAD PA SNGAR LTAR RO, ,DE RNAMS LA GROL BAR 'GYUR PA YANG NGO BO NYID KYIS MED DE RGYU MTSAN NI SNGA MA LTAR RO, ,SNGA MA 'DU BYED LA BCINGS THAR MI 'THAD PAR BSHAD PA'I RIM PA BZHIN DU SEMS CAN YANG MI 'CHING ZHING GROL BAR MI 'GYUR RO, ,YANG NA RTAG MI RTAG MI 'KHOR ZHING MI 'DA' BAR GSUNGS PA'I RIM PA BZHIN DU'O, ,GNYIS PA LA GNYIS, BCINGS PA RANG BZHIN GYIS YOD PA DGAG ,THAR PA RANG BZHIN GYIS YOD PA DGAG PA'O, ,DANG PO NI, GAL TE 'DU BYED DANG SEMS CAN LA BCINGS THAR BKAG MOD KYANG 'DOD CHAGS LA SOGS PA NYE BAR LEN PA 'CHING BAR 'GYUR BA NI YOD PAS BCINGS PA YANG RANG BZHIN GYIS YOD DO ZHE NA, GAL TE NYE BAR LEN PA 'CHING BYED DU NGO BO NYID KYIS YOD NA

169a

, ,GNYIS LAS MI 'DA' LA, DE YANG NYE BAR LEN PA CHAGS SOGS KYI 'CHING BA DANG BCAS PA LA NI 'CHING MI 'GYUR ZHES PA 'CHING BA RANG BZHIN GYIS MED DE, YOD NA DE LA SLAR YANG 'CHING BYED DON GZHAN YOD DGOS NA SLAR YANG 'CHING BA NI DON MED PA'I PHYIR RO, ,BCING BYA DANG 'CHING BYED RANG BZHIN GYIS GRUB NA 'DI BCINGS ZHES PA'I 'CHING BA'I BYA BA DANG 'DIS BCINGS ZHES PA'I 'CHING BA'I BYED PA GNYIS RDZAS GZHAN DU BYA DGOS PHAS, BCINGS ZIN SLAR YANG 'CHING DGOS TE RAB BYED BRGYAD PAR BSHAD PA'I RIGS PA DANG 'DRA'O, ,NYE BAR LEN PA MED PA YANG MI 'CHING STE 'CHING PA DANG BRAL BA'I PHYIR DE BZHIN GSHEGS PA BZHIN NO, ,DE LTAR NA GNAS SKABS GANG ZHIG TU GYUR PA ZHIG 'CHID PAR 'GYUR TE MI 'GYUR RO, ,GZHAN YANG LCAGS SGROG LA SOGS PA 'CHING BYED SNGAR YOD PAS BCING BYA 'CHING BA BZHIN DU GAL TE BCING BYA'I SNGA ROL NA 'CHING BA CHAGS SOGS GRUB NA, DES 'DU BYED DAM GANG ZAG 'CHING BA LA RAG NA DA YANG MED DE RTEN MED PAS CHAGS SOGS MA GRUB PA'I PHYIR DANG SNGAR 'CHING BA GRUB NA PHYIS 'CHING BYA DANG 'BREL MI DGOS PA'I PHYIR DANG, 'CHING BYED LAS NGO BO NYID KYIS THA DAD PAR GRUB PA'I BCING BYA LA SLAR YANG 'CHING BA DGOS PA MED PA'I PHYIR RO, ,'DI'I SUN 'BYIN LHAG MA NI SONG BA DANG MA SONG BA DANG 'GOM PA BKAG PA'I 'DON PA BSGYUR PAS BSTAN NO, ,DE YANG RE ZHIG BCINGS PA MI 'CHING STE, ,ZHES SOGS SBYAR RO, ,GNYIS PA NI, GAL TE KHYOD KYIS

169b

'CHING BA BKAG MOD KYANG THAR PA NI YOD LA MA BCINGS PA LA THAR PA MED PAS BCINGS PA YANG YOD DO ZHE NA, GROL BA RANG BZHIN GYIS YOD NA GANG LA YOD RE ZHIG BCINGS PA LA NI MI GROL BA STE GROL BA RANG BZHIN GYIS MED DE, BCINGS PA'I PHYIR RO, ,CI STE SNGAR BCINGS PA LAM BSKREMS PA'I THABS LA BRTEN NAS PHYIS THAR PAR 'GYUR BA'I PHYIR BCINGS PA NYID LA GROL BA RANG BZHIN GYIS YOD DO ZHE NA, 'O NA NI BCINGS PA GROL BA MA YIN GYI BCINGS PA GROL BAR 'GYUR RO ZHES PA TZAM DU 'GYUR RO, ,GAL TE DUS SNGA LOGS SU BCINGS PA DE PHYI DUS SU GROL BA'I DUS DA LTA BA DANG NYE BAS DE SKAD DU BRJOD DO SNYAM NA, THAR PA RANG GI NGO BOS YOD NA DE DANG NYA BA YOD DU CHUG NA'ANG, BCINGS PA BKAG NAS THAR PA RANG GI NGO BOS MED PAR BSTAN PAR 'DOD PA DE'I TSE THAR PA RANG GI NGO BOS YOD PA'I DUS DA LTA BA DANG NYE BA MED DO, ,DER MA ZAD NYEN MONGS KYIS MA BCINGS PA'I GANG ZAG LA YANG GROL BA NGO BO NYID KYIS YOD PAR MI 'GYUR TE, DA NI GROL BA NYID YIN NA DE SLAR YANG THAR CI DGOS TE SLAR YANG THAR PA LA LTOS PA'I PHYIR, DGRA BCOM PA GREL ZIN PA LA YANG 'CHING BA YOD PAS BCINGS PAR 'GYUR RO, ,RIGS PA 'DI JI LTAR SNYAM NA GROL BA PO DANG THAR PA MYANG 'DAS GNYIS KA 'KHOR BA LAS GROL BAR GZHAG DGOS LA, DE GNYIS RANG GI MTSAN NYID KYIS GRUB NA GREL PA'I BYA BA GCIG GIS 'JOG MI NUS PAS SO SOR DGOS NA, DE'I TSE GROL BA'I BYA BA GANG DANG LDAN PAS GROL BA POR BZHAG PA LAS GZHAN PA'I BYA BA GNYIS PA MED

170a

, ,PAS GROL PA PO GROL ZHES PA MI 'THAD LA, BYA BA GNYIS PA YOD NA GROL ZIN NAS SLAR YANG GROL BA LA LTOS PAS DGRA BCOM PA LA YANG SLAR YANG GROL BA DGOS PAR 'GYUR RO, ,CI STE MA BCINGS PA LA THAR PA MED PAS BCINGS PA GROL BAR 'GYUR RO SNYAM NA, BCINGS PA GROL BZHIN PA YIN PAR NGO BO NYID KYIS GRUB NA BCINGS PA DANG GROL BZHIN PA GZHI MTHUN YIN PA'I PHYIR BCINGS PA DANG GROL BA DUS GCIG TU 'GYUR NA DE NI MI SRID DE SNANG MUN BZHIN NO, ,'DI NI SNGAR SKYE BZHIN PA RANG GI NGO BO NYID KYIS YOD NA DUS DER SKYE RGYU YOD PAR BSHAD PA DANG 'DRA'O, ,GSUM PA NI, GAL TE 'KHOR 'DAS DANG BCINGS THAR YANG NGO BO NYID KYIS MED NA THAR 'DOD RNAMS KYIS BDAG NAM ZHIG NA LEN PA MED PAR MYA NGAN LAS 'DA' LA MYANG 'DAS DE NI BDAG GI BAR NAM ZHIG NI 'GYUR SNYAM PA DE DE NA MED DU 'GYUR ZHING, DE RNAMS KYIS SBYIN PA DANG TSUL KHRIMS DANG THOS BSAM BSGOM PA LA SOGS PA'I RIM PA MYANG 'DAS 'THOB PA'I DGOS PA CAN RNAMS KYANG DON MED PAR 'GYUR RO ZHE NA, DNGOS PO THAMS CAD GZUGS BRNYAN BZHIN DU RANG BZHIN MED CING BDAG DANG BDAG GI BA NGO BO NYID KYIS YOD PAS STONG PA LA NGA DANG NGA YI BA NGO BO NYID KYIS YOD PAR LTA BA BSKYED NAS BDAG NI YANG SRID LEN PA MED PAR MYA NGAN LAS 'DA' 'O, ,MYANG 'DAS NI BDAG GI BAR 'GYUR RO ZHES DE LTAR THAR PA 'DOD PA GANG DAG 'DZIN PAR 'GYUR BA DE YI 'DZIN PA DE NI NYER LEN TE 'JIG TSOGS LA LTA BA CHEN PO YIN NO, ,DE 'DRA BA'I 'DZIN PA MA DOR BA DE SRID DU THAR PA'I PHYIR DU

170b

RTZOM PA RNAMS DON MED PAR 'GYUR RO, ,MYANG 'DAS LA DMIGS NAS DE LTAR RTOG PA THOD 'JIG LTA MIN GYI NGO BOS YOD PA'I NGAS NAM MYANG 'DAS 'THOB SNYAM PA DANG, DE 'DRA BA'I NGA DE'I BDAG GI BAR MYANG 'DAS NAM ZHIG NA 'GYUR SNYAM DU 'DZIN NA DE 'JIG LTA YIN PAS DE NYID KYIS MYANG 'DAS 'THEB PA LA GEGS BYED PAR GSUNGS TE, 'KHOR BA LAS GREL BAR 'DOD PAS DE SBANG DGOS PAR GSUNGS PAS GANG ZAG DANG CHOS RANG BZHIN MED PA RTOGS PA NYAN RANG LA YANG YOD PAR BSTAN NO, ,DE'I PHYIR THAR 'DOD RNAMS KYIS SNGAR BSHAD PA DE THAD GTANG BAR BYA STE GANG GI PHYIR DON DAM PA GANG LA MYA NGAN LAS 'DAS PA BSKYED PA STE SGRO BTAGS PA MED CING, 'KHOR BA BSAL BA STE ZAD PA YANG YOD PA MIN PA DE LA GANG ZHIG ZAD PAR BYA BA'I PHYIR BRTAGS PA 'KHOR BA NGO BO NYID KYIS GRUB BA CI ZHIG YIN LA, GANG THOB PAR BYA BA'I PHYIR BRTAGS PA MYA NGAN LAS 'DAS PA'ANG NGO BO NYID KYIS GRUB PA CI ZHIG YIN PAR BRTAG ,YANG NA 'KHOR 'DAS GANG YANG NGO BO NYID KYIS GRUB PA MA DMId BA'I PHYIR SEMS CAN 'GA' YANG MYANG 'DAS GANG DU 'KHOR BA NAS BSAL BA STE BKRI BA DANG, MYA NGAN LAS 'DAS PAR BSKYED PA 'BAD PAS KYANG BYA BAR MI NUS PA DE LA MYANG 'DAS CI ZHIG BRTAG STE BRTAG PAR MI RIGS SO, ,DE LTAR RTOGS NAS DER MI RTOG PA NI NGES PAR 'KHOR BA'I 'BROG DGON PA LAS 'DA' ZHING THAR PA'I GRONG KHYER DU PHYIN PAR 'GYUR RO, ,GNYIS PA NI, DE LTAR 'KHOR 'DAS DANG BCINGS THAR RANG BZHIN MED PAR RIGS PAS BSTAN PA DE NYID ZAB MO'I LUNG DANG YANG LDAN PAR BSTAN

171a

, ,PHA DANG, GZUGS MA BCINGS MA GROL ZHES SOGS GSUNGS PA THAmD RAB BYED 'DIS BSHAD PAR BYA'O ZHES BSTAN PA'I PHYIR DU NGES DON GYI LUNG DANG SBYOR BA'I PHYOGS TZAM SMOS NA, BDUD BTUL BA'I MDO LAS, DE NAS DE'I TSE 'JAM DPAL GZHON NUR GYUR PAS JI LTAR BDUD SDIG CAN SGO MA'I THIM PA'I 'CHING BAS BCINGS PA LTAR SA STENG DU 'GYEL NAS, DA NI 'CHING BA DAM POS BCINGS SO BA NI 'CHING BA DAM BOS BCINGS SO ZHES DU ZHING CHO NGES 'DEBS PAR GYUR BA DE LTA BU'I GZUGS SU BSAMS SO, ,'JAM DPAL GYIS SMRAS PA, SDIG CAN GANG GIS KHYOD RTAG TU BCINGS SHING GZOD BCINGS PA MA YIN PA 'CHING BA CHES DAM PA 'CHING BA 'DI LAS GZHAN PA ZHIG YOD DE, DE GANG ZHE NA, 'DI LTA STE, NGA RGYAL PHYIN CI LOG GI 'CHING BA DANG SRED PA DANG LTA BA'I 'CHANG BA STE SDIG CAN 'DI NI 'CHING BA YIN GYI 'CHING BA 'DI LAS GZHAN PA 'CHING BA CHES DAM POR GYUR PA NI YOD PA MA YIN NO, ,KHYOD NI DES RTAG TU BCINGS PA YIN GYI GZOD BCINGS PA NI MA YIN NO, ,GZHAN YANG SDIG CAN CI KHYOD GAL TE SLAR BKROL NA DGA' BAR 'GYUR RAM, SMRAS PA DGA' BAR 'GYUR RO, ,DE NAS LHA'I BU RAB MTHA' BRAL ZHIG GIS, ,'JAM DPAL GZHON NUR GYUR PA LA 'DI SKAD CES SMRAS SO, ,'JAm DPAL BDUD SDIG CAN THONGS SHIG RANG GI GNAS SU DONG LA RAG GO ,DE NAS 'JAM DPAL GZHON NUR GYUR PAS BDUD SDIG TO CAN LA 'DI SKAD CAS SMRAS SO, ,SDIG CAN GANG ZHIG BTANG BA KHYOD SUS BCINGS, SMRAS PA, 'JAM DPAL SUS BCINGS PA MI

171b

SHES SO, ,SMRAS PA SDIG CAN JI LTAR KHYOD MA BCINGS PA LAS BCINGS PAR 'DU SHES BA DE BZHIN DU, BYIS PA SO SO'I SKYE BO THAMS CAD MI RTAG PA LA RTAG PAR 'DU SHES PA SDUG BSNGAL BA LA BDE BAR 'DU SHES PA BDAG MED PA LA BDAG TU 'DU SHES PA, MI GTZANG BA LA GTZANG BAR 'DU SHES PA GZUGS MED PA LA GZUGS SU 'DU SHES BA TSOR BA DAG MED PA DANG 'DU SHES DAG MED PA DANG, 'DU BYED DAG MED PA DANG RNAM PAR SHES PA MED PA LA TSAR BA DANG 'DU SHES DANG 'DU BYED DANG RNAM PAR SHES PAR 'DU SHES PA YIN NO, ,GZHAN YANG SDIG CAN GANG KHYOD GROL BAR 'GYUR NA GANG LAS GROL BAR 'GYUR, SMRAS PA BDAG GANG LAS KYANG GROL BAR MI 'GYUR RO, ,SMRAS PA SDIG CAN DE BZHIN DU GANG DAG GROL BAR 'GYUR BA DE DAG KYANG YANG DAG PA MA YIN PA'I 'DU SHES GANG YIN PA DE YONGS SU SHES PA MA GTOGS PAR GANG LAS KYANG GROL BAR 'GYUR BA MED DE DE YONGS SU SHES NAS GROL BZHES BYA'O, ,ZHES GSUNGS TE LUNG 'DI LAS NA RMI LAM GYI ME 'BAR BA CHUS BSAD PA BZHIN DU PHYIN CI LOG GI RTOG PA'I 'KHRI SHING RNAM PAR CHAD BTZAM LA THAR BA ZHES BYA'O, ,GSUM PA NI, 'KHOR BAR 'KHAR BA DANG MYA NGAN LAS 'DAS PA DANG NYON MONGS PAS BCINGS PA DANG DE BCAD PA'I GROL BA RNAMS RANG GI NGO BO NYID KYIS YOD NA GANG YANG MI RUNG BAR RTOGS NAS DE DAG LA BDEN BAR MI 'DZIN PA DANG, MING GI THA SNYAD KYI DBANG GIS BZHAG BA TZAM LA DE DAG THAMS CAD SHIN TU 'THAD PA'I RTEN 'BREL ZAB MO'I NGES PA BRTAN PAR BYA'O, ,BCINGS PA DANG THAR BA BRTAG BA ZHES BYA

172a

, ,BA TSIGS SU BCAD PA BCU'I BDAG NYID RAB TU BYED PA BCU DRUG PA'I RNAM PAR BSHAD PA'O,, ,,GNYIS PA BCINGS THAR RANG BZHIN GYIS GRUB PA'I SGRUB BYED DGAG PA LA GSUM, RAB BYED KYI GZHUNG BSHAD PA, NGES DON GYI LUD DANG SBYAR BA, DON BSDUS TE MTSAN BSTAN PA'O, ,DANG PO LA GNYIS, RTZOD PA, LAN NO, ,DANG PO NI, SNGAR DNGOS PO RANG BZHIN GYIS YOD PA'I SGRUB BYED DU 'KHOR BA RANG BZHIN GYIS YOD PAR SMRA BA BKAG PA LA 'KHOR PA NI RANG BZHIN GYIS YOD DE LAS 'BRAS KYI 'BREL BA'I RTEN YIN PA'I PHYIR RO, ,'DI LTAR SKYE 'CHI GCIG NAS GCIG TU BRGYUD PA'I SGO NAS 'DU BYED DAM SEMS CAN RANG BZHIN GYIS YOD PA 'KHOR NA NI 'DIR BYAS PA'I LAS KYI 'BRAS BU TSE RABS GZHAN DU 'BYUNG BAS LAS RNAMS 'BRAS BU DANG 'BREL BAR 'GYUR LA, DE 'DRA BA'I 'KHOR BA MED NA NI SEMS NI SKYES MA THAG TU 'JIG PA'I PHYIR DANG LAS 'PHEN PA'I DUS NA RNAM SMIN MED PAS LAS DANG 'BRAS BU 'BREL BA MED PA KHO NAR 'GYUR RO, ,DES NA LAS 'BRAS KYI 'BREL BA'I RTEN YIN PA'I PHYIR 'KHOR BA RANG BZHIN GYIS YOD DO, ,LAS DANG 'BRAS BU YANG GANG YIN ZHE NA 'DI LA GNYIS, DGE MI DGE'I RNAM GZHAG DANG, DE LA RTAG CHAD SPONG TSUL LO, , DANG PO LA GNYIS, SEMS KYI DGE MI DGE'I RNAM GZHAG DANG, LAS KYI RAB TU DBYE BA'I RNAM GZHAG GO ,DANG PO NI, BDAG TU NGA RGYAL BA 'DI LA BZHAG PAS NA BDAG STE PHUNG PO LA BRTEN NAS BTEGS PA'I GANG ZAG GO ,DE GNYIS CHAGS

172b

SOGS KYI DBANG GIS SROG GCOD PA SOGS LA 'JUG PA ZLOG PAR BYED PAS LEGS PAR SDOM ZHING NYE BAR GSOG LA LAS KYI RNAM SMIN 'BYIN PAR NUS PA LA NGES PAR BYED PAS SEMS DANG, DE YANG NGAN 'GROR 'GRO BA LAS 'DZIN PAS CHOS ZHES BYA'O, ,DE TZAM DU ZAD DAM SNYAM NAM YIN TE SBYIN PA DANG SNYAN PAR SMRA BA DANG DON SPYOD PA DANG DON MTHUN PA STE BSDU BA BZHI DANG 'JIGS PA LAS SKYOB PA SOGS LA ZHUGS PA GZHAN LA PHAN 'DOGS PA'I SEMS GANG YIN PA DE DANG, BYAMS PA'I SEMS NI MDZA' BSHES LA DMIGS NAS 'BYUNG BA'I SEMS SAM YANG NA BDAG NYID LA PHAN 'DOGS PA'I SEMS GANG YIN PA DE YANG CHOS YIN NO, ,TSOS KYI SGRA NI GSUNG RAB LAS GSUM LA BSHAD DE, ZAG BCAS ZAG MED KYI CHOS THAMS CAD NI RANG GI MTSAN NYID 'DZIN PA'I DON DANG, DGE BA BCU LA SOGS PA NI NGAN 'GROR 'GRO BA LAS 'DZIN PA DON DANG, CHOS LA SKYABS SU MCHI ZHES PA DER NI MYA NGAN LAS 'DAS PAS 'GRO BA LNGA'I 'KHOR BAR 'GRO BA LAS 'DZIN PA'I DON GYI CHOS ZHES GSUNGS SO, ,DE GSUM LAS BZLOG PA SOGS GCOD SOGS LA 'JUG PA MI SDOM PA DANG, GZHAN LA GNOD PA DANG KUN NAS MNAR SEMS PA'I SEMS NI CHOS MA YIN PAR SHES PAR BYA'O, ,JI LTAR SA LU'I SA BON NI SA LU'I MYU GU'I RGYU THUN MONG MA YIN PA DANGS LA SOGS PA NI THUN MONG BA'I RGYU YIN PA DE BZHIN DU, SEMS GSUM PO DE NI RNAM SMIN YID DU 'OD PA'I 'BRAS BU DAG GIS SA BON YIN TE SKYES BU'I BYED PA LA SOGS PA NI THUN

173a

, ,MONG BA'I RGYU TZAM DU ZAD DO, ,DUS NAM GYI TSE SNYAM NA, MTHONG BA'I SKYE BA 'DI DANG MA MTHONG BA'I SKYE BA GZHAN DU'O, ,MI DGE BA LA YANG DE LTAR RO, ,GNYIS PA LA GNYIS, MDOR BSTAN PA, RGYAS PAR BSHAD PA'O, , DANG PO NI, DON DAM PA THUGS SU CHUD PAS DRANG SRONG NYAN RANG DANG BYANG SEMS MCHOG TU GYUR BA DAG GIS LAS RNAMS NI RNAM PA GNYIS TE SEMS PA'I LAS DANG BSAMS PA'I LAS SO ZHES GSUNGS SO, ,LAS GNYIS PO DE DAG GI BYE BRAG TE RNAM PAR DBYE BA NI RNAM PA DU MAR YONGS SU BSGRAGS PA STE BSHAD DO, ,GNYIS PA LA GNYIS, LAS GNYIS LA LAS GSUM DU DBYA BA DANG, LAS GSUM LA LAS BDUN DU DBYE BA'O, ,DANG PO NI, LAS GNYIS GSUNGS PA DE LA STA DE'I NANG NAS SEMS PA'I LAS ZHES SNGAR GANG GSUNGS PA DE NI YID KYI RNAM SHES DANG MTSUNGS PAR LDAN PA'I SEMS PA KHO NA YIN TE, YID KYIR 'DOD PA STE YID LA YOD PA'I PHYIR DANG YID KYI SGO NAS DE MTHAR THUG PAR 'GRO ZHING LUS DANG NGAG 'JUG PA LA LTOS PA MED PA'I PHYIR RO, ,BSAMS PA'I LAS ZHES GANG GSUNGS PA DE NAm LUS DANG NGAG GI YIN PAR RIG PAR BYA STE LUS DANG NGAG GI SGO NAS DE LTAR 'JUG PAR BYA'O SNYAM DU SEMS KYIS BSAMS NAS BYED PA'I PHYIRO,, DE GNYIS KYANG LUS DANG NGAG GIR 'DOD PA STE LUS DANG NGAG LA YOD PA'I PHYIR DANG DE GNYIS KYI SGO NAS RDZOGS PAR 'GYUR BA'I PHYIR RO, ,GNYIS PA NI, DGE MI DGE'I NGAG YI GE GSAL POR BRJOD PA DANG DGE MI DGE'I LUS KYI BSGUL BSKYOD GNYIS

173b

DANG RIG BYAD KYI DBYE BA GNYIS YOD PA DANG BZHIN DU RIG BYED LAS GZHAN PA RNAM PAR RIG BYED MA YIN PA DAG KYANG DGE MI DGE GNYIS SU 'DOD PA DANG, YONGS SU GTANG PA'I DNGOS PO DGE 'DUN LA SOGS PA RNAMS KYIS LONGS SPYAD PA LAS DE'I RJES SU SBYIN PA PA'I RGYUD LA BYUNG BA'I BSOD NAMS DAG BA 'PHEL BA DANG, DAG BA SKYE BA'I TSUL DE BZHIN DU SOG CHAGS GSOD PA'I LHA KHANG BRTZIGS PAR SROG CHAGS BSAD CING LHA KHANG LA SOGS PA DER LENGS SPYAD PA LAS DE'I RJES SU BYED PA PO RNAMS KYI RGYUD LA BYUNG BA'I BSOD NAMS MA YIN PA SDIG PA SKYE BAR 'GYUR BA DANG, YID KYI LAS DGE MI DGE LA MNGON PAR 'DU BYED PA'I SEMS PA DANG CHOS DE BDUN NI LAS SU MNGON PAR 'DOD PA YIN NO, ,RNAM PAR RIG BYED MA YIN PA MI DGE BA NI MI SLONG BA'I RNAM PAR RIG BYED MIN PA ZHES BYA BA GANG YIN PA STE, DENG NAS BZUNG NAS SEMS CAN BSAD CING CHOM RKUN BYAS LA 'TSO BAR BYA'O ZHES KHAS BLANGS PA DANG NYA PA LA SOGS PA RGYA'I LAS BYED PA NAS BZUNG STE BYA BA DE DAG DNGOS SU MI BYAD PA'I DUS SU'ANG RGYUN MI 'CHAD PAR MI DGE BA'I RIG MIN SKYE BA'O, ,DE YANG MDZOD LAS, SDOM PA MIN PA BYA BA'AM, ,KHAS LEN PA LAS THOB PAR 'GYUR, ,ZHES SDOM MIN THOB TSUL GNYIS GSUNGS PA'I DANG PO NI NYA PA LA SOGS PA'I RIG SU SKYES PA RNAMS NI GSOD PA'I SBYOR BA BYAS PA DANG, PHYI MA NI GZHAN GYI RIG SU SKYES PA RNAMS NI BDAG CAG KYANG 'TSE BA 'DIS 'TSO BAR BYA'O ZHES KHAS BLANGS PA LAS 'THOB PAR RANG 'GREL LAS BSHAD DO, ,'DI YANG RIG MIN GYI SDOM MIN 'THOB

174a

, ,CHUL YIN GYI RIG MIN GYI MI DGE BA TZAM LA MIN NO, ,DGE BA'I RIG BYED MA YIN PA NI SPONG BA'I RNAM PAR RIG BYED MIN PA STE DENG NAS BZUNG STE SROG GCOD PA SOGS SPONG NGO ZHES LUS NGAG GI RIG BYED RDZOGS PA'I DUS NAS BZUNG STE, DUS PHYIS MYOS PA LA SOGS PA'I SKABS SU YANG DGE BA'I RIG MIN SKYE BA'O, ,'DI YANG SDOM PA DANG BAR MA'I RIG MIN 'GA' ZHIG GI SKYE TSUL YIN GYI DGE BA'I RIG MIN THAMS CAD LA MIN NO, ,GZUGS DANG BYA BA'I RANG BZHIN YIN KYANG RIG BYED BZHIN DU KUN SLONG GZHAN LA RIG PAR MI BYED PAS RIG BYED MA YIN PA'O, ,GNYIS PA LA GNYIS, RTZOD PA DGOD PA DANG, DE SPONG BA'I TSUL LO, ,DANG PO NI, 'DI LA KHA CIG RGOL TE GAL TE LAS MANG PO ZHIG BSHAD PA DE LA LAS DE RNAM SMIN PHYUNG BA'I DUS KYI BAR DU MI 'JIG PAR GNAS NA RTAG PAR 'GYUR TE, DE'I BAR DU 'JIG PA DANG, BRAL BA'I PHYIR DANG, SNGAR MI 'JIG PA PHYIS KYANG MI 'JIG PAS 'DUS MA BYAS SU GYUR BA'I PHYIR DANG 'DUS MA BYAS KYIS RNAM SMIN MI 'BYIN PA'I PHYIR RO, ,GAL TE LAS RNAMS SKYES MA THAG TU 'GAGS NA JI LTAR NA 'BRAS BU SKYED PAR 'GYUR ZHES PA MI 'GYUR TE 'GAGS PAR GYUR PA NI YOD PA MA YIN PA'I PHYIR RO ZHE NA, GNYIS PA LA GNYIS, RGYUN KHAS BLANGS NAS RTAG CHAD SPONG BA DANG, CHUD MI ZA BA KHAS BLANGS NAS RTAG CHAD SPONG BA'O, ,DANG PO LA GNYIS, RTAG CHAD SPONG TSUL DNGOS DANG, LAS LAM BCU 'BRAS BU DANG BCAS PA NGOS BZUNG BA'O, ,DANG PO LA GNYIS, DPE DGOD PA, DON LA SBYAR BA'O, ,DANG PO NI, DE LTAR BRTAG PA GNYIS BYAS PA'I DANG PO NI KHAS MI

174b

LAN LA, BRTAG PA GNYIS PA LTAR 'DOD KYANG SKYON MED DO, ,SA BON SKAD CIG MA YIN KYANG MYU GU DANG LA SOd PA'I SGRAS BSDUS PA SDONG BU DANG SBUBS 'CHAS PA DANG LO MA LA SOGS PA 'BRAS BU'I RGYUN GANG YIN PA RNAMS NI SA BON LAS MNGON PAR 'BYUNG BA STE SA BON DE RNAMS KYI RGYUR GYUR NAS 'GAG GO ,'BRAS BU'I RGYUN DE LAS NI MTHA'I 'BRAS BU'I TSOGS RGYA CHEN PO SKYE'O, ,SA BON DE SNGON DU SONG BA MED NA MYU GU LA SOGS PA'I RGYUN DE YANG 'BYUNG BAR MI 'GYUR RO, ,GANG GI PHYIR SA BON LAS MYU GU LA SOGS PA'I RGYUN DANG RGYUN LAS MTHA'I 'BRAS BU 'BYUNG BAR 'GYUR ZHING, SA BON 'BRAS BU'I SNGON DU 'GRO BA DE'I PHYIR 'BRAS BU'I RGYUN MI 'BYUNG BA'I CHAD PA DANG 'BRAS BU PHYUNG GI BAR DU MI 'JIG PAR GNAS PA'I RTAG PA MA YIN NO, ,GNYIS PA NI, JI LTAR SA BON LA SMRAS PA DE BZHIN DU SEMS PA DGE BA DANG MTSUNGS PAR LDAN PA'I SEMS LAS SEMS KYI RGYUN PHYI MA GANG YIN PA MNGON PAR 'BYUNG BAR 'GYUR LA, SEMS PA DGE BAS BSGOS PA'I SEMS KYI RGYUN DE LAS NI LHAN CIG BYED PA'I RGYU MA TSANG BA MED PA NA 'BRAS BU RNAM SMIN YID DU 'ONG BA SKYE'O, ,SNGA MA'I SEMS LTA ZHIG MED NA NI PHYI MA'I SEMS KYI RGYUN DE YANG 'BYUNG BAR MI 'GYUR RO, ,GANG GI PHYIR SNGA MA'I SEMS LAS PHYI MA'I SEMS KYI RGYUN DANG RGYUN DA LAS MTHA'I 'BRAS BU YID DU 'ONG BA 'BYUNG BAR 'GYUR ZHING, SEMS PA'I LAS NI 'BRAS BU'I SNGON DU 'GRO BA DE YI PHYIR SEMS KYI RGYUN PHYI MA'I RGYUR MA GYUR PAR 'GAGS PA'I LAS KYI RGYUN CHAD PA DANG, RGYUN PHYI MA'I RGYU BYAS NAS KYANG MI

175a

, ,'JIG PAR GNAS PA'I RTAG PA MA YIN PAS LAS SKAD CIG MAR KHAS BLANGS KYANG RTAG CHAD DU 'GYUR BA MA YIN NO, ,'DI SDE PA GANG GIS 'DOD RTZA SHE'I 'GREL PA 'GREL BSHAD RNAMS LAS MI GSAL YANG MDZOD 'GREL GYI GNAS BZHI PAR BSHAD PA DANG MTHUN PAS MDO SDE PA DANG KHA CHE BA'I 'DOD PA'O, ,GNYIS PA NI, DE YI PHYIR LAS KYI RAB TU DBYE BA JI SKAD BSTAN PA'I NGAG DANG BSKYOD DANG ZHES PA LA SOGS PAR LUS KYI GSUM DANG NGAG GI BZHI DANG SEMS PA DANG NI ZHES PAR YID KYI GSUM STE DKAR PO'I LAS KYI LAM BCU PO YANG BSHAD PA YIN LA, DE DAG KYANG CHOS SGRUB PA'I THABS TE 'GRUB PA'I RGYUR GYUR PA'O, ,'O NA BCU PO 'DI GANG GI THABS SU 'GYUR BA'I CHOS DE GANG YIN ZHE NA SNGAR BSHAD PA LTAR GYI SEMS GSUM LA CHOS ZHES BYA BA'AM YANG NA DGE BA BCU MTHAR GTUGS PA'I NGO BO NI CHOS YIN LA BYED BZHIN PA'I NGO BO NI DGE BA'I LAS KYI LAM GYI SGRA'I BRJOD BYA'O, ,CHOS DE'I 'BRAS BU NI SKYE BA 'DI DANG SKYA BA GZHAN DU GZUGS YID DU 'ONG BA LA SOGS PA LNGA LA NYE BAR LONGS SPYOD PA'O, ,LAS LAM BCU CHOS SGRUB PA'I THABS DANG 'DI PHYIR 'DOD YON YID DU 'ONG BA LA LONGS SPYOD PA CHOS KYI 'BRAS BUR GSUNGS PAS LAS DANG 'BRAS BUR 'BREL PA YANG RANG BZHIN GYIS YOD DO SNYAM DU BSAMS SO, ,GNYIS PA LA GNYIS, SDE PA GZHAN GYI LAN DGAG ,RANG GI LAN GDAB PA'O, ,DANG PO NI, GAL TE SA BON DANG MYU GU DANG CHOS MTHUN PA'I SGO NAS SEMS KYI RGYUN LA RTAG CHAD SPONG BA'I BRTAG PA DER 'GYUR NA NI, PHYOGS DE LA MTHONG BA DANG MA MTHONG BA DANG 'GAL BA'I NYES PA

175b

CHEN PO DANG NYES PA GRANGS MANG POR 'GYUR RO, ,'DI LTAR SA LU'I SA BON LAS SA LU'I MYU GU LA SOGS PA'I RGYUN DANG SA LU'I MYU GU LA SOGS PA'I RGYUN LAS KYANG SA LU'I 'BRAS BU KHO NA SKYE'I RIGS MI MTHUN PA GZHAN MI SKYE BA BZHIN DU, DGE MI DGE LUNG MA BSTAN GYI SEMS DANG 'DOD PA DANG GZUGS DANG GZUGS MED DANG ZAG MED KYI SEMS DANG MI LA SOGS PA'I 'GRO BA DRUG GI SEMS LAS KYANG RANG RANG DANG RIGS MTHUN PA KHO NA 'BYUNG GI RIGS MI MTHUN PA'I SEMS MI SKYE BA DANG, LHA GANG YIN PA NI LHA KHO NAR 'GYUR LA 'GRO BA GZHAN DU MI 'GRO BA SOGS SU 'GYUR RO, ,DE LTA NA LHA DANG MI DGE BA BYED PA RNAMS NGAN 'GROR 'GRO BA MED PAR 'GYUR NA 'DOD PA YANG MIN NO, ,SKYON DE DAG YOD PA DE LTA BAS NA SDE PA GZHAN GYIS SMRAS PA'I BRTAG PA DE LAS LA RTAG CHAD SPONG BA'I LAN GYI SKABS 'DIR 'THAD PA MA YIN NO, ,GNYIS PA LA GSUM, MDOR BSTAN PA, RGYAS PAR BSHAD PA, DON BSDUS TE RTAG CHAD SPANG PA'O, ,DANG PO NI, SANGS RGYAS RNAMS DANG RANG RGYAL BA DANG NYAN THOS RNAMS KYIS GANG GSUNGS PA'I BRTAG PA GANG ZHIG LAN GYI SKABS 'DIR NI 'THAD PA DE NI 'DIR RAB TU BRJOD PAR BYA'O, ,BRTAG PA DE YANG GANG ZHE NA, DGE MI DGE'I LAS BYAS MA THAG TU 'JIG KYANG 'BRAS BU MED PAR MI 'GYUR TE LAS SKYE BA'I TSE BYED PA PO'I RGYUD LA LAS DE'I CHUD MA ZA BA ZHES BYA BA LDAN MIN 'DU BYED DU GTOGS PA BU LON GYI DBANG RGYA 'DRA BA ZHIG SKYE'O, ,DBANG RGYA JI LTA BA DE BZHIN DU CHUD MI ZA BA DANG DE SKYED PA'I LAS NI BU LON BZHIN DU RIG PAR BYA'O, ,BU LON GYI DBANG RGYA BZHAG NAS NOR SPYAD KYANG NOR

176a

, ,BDAG GI NOR DUS GZHAN GYI TSE SKYED DANG BCAS PA 'ONG BA BZHIN DU, LAS BYAS MA THAG TU ZHIG KYANG CHUD MI ZA BA GNAS PAS BYAD PA POS LAS KYI 'BRAS BU MYONG BAR BYED DO, ,BU LON GYI DPANG RGYA GTONG BA PO LA NOR BKUG NAS NOR GYUR PA NI YOD DAM MED KYANG RUNG STE SLAR YANG NOR 'GUGS MI NUS PA BZHIN DU, CHUD MI ZAB YANG RNAM SMIN PHYUNG NAM YANG DAM MED KYANG RUNG STE SLAR YANG BYED PA PO RNAM SMIN DANG 'BREL PAR BYED MI NUS SO, ,'DI NI BYE BRAG TU SMRA BA 'DOD PAR SPYAN RAS GZIGS BRTUL ZHUGS KYIS BSHAD DE KHA CHE BA LAS GZHAN NO, ,GNYIS PA LA BZHI, KHAMS KYI DBYE BA DANG RANG BZHIN, SPANG BYA GANG YIN PA, SKYE BA'I TSUL, 'GAG PA'I TSUL LO, ,DANG PO NI, MDO GZHAN LAS GSUNGS SHING KHO BO CAG GIS SMRAS PA'I CHUD MI ZA BA DE NI 'DOD PA DANG GZUGS DANG GZUGS MED PA DANG ZAG MED KYI KHAMS KYI DBYE BA LAS RNAM PA BZHI'O, ,KHAMS GSUM DANG ZAG MED DU GTOGS PA'I LAS KYI BYE BRAG GIS PHYE NA ZAG BCAS DANG ZAG MED DU SHES PAR BYA BAR ZAD KYI CHUD MI ZA BA'I NGO BO NI ZAG BCAS DANG ZAG MED DU BRDA MI SPROD PAS LUNG MA BSTAN NO ZHES SPYAN RAS GZIGS BRTUL ZHUGS KYIS BSHAD DE, ZAG BCAS MIN PAR GSUNGS PA NI LAS ZAG BCAS LA DGONGS KYI ZAG BCAS TZAM MIN PA MIN TE SGOM SPANG DU GSUNGS PA'I PHYIR RO, ,CHUD MI ZA BA DE YANG DGE MI DGER BRDA SPRAD DU MED PAS LUNG DU MA BSTAN PA STE GAL TE MI DGE BA'I CHUD MI ZA BA MI DGE BA YIN NA, 'DOD PA LA CHAGS PA DANG BRAL BA LA MI DGE BA MED PA BZHIN DU DE'I CHUD MI

176b

ZAB YANG MED PAR 'GYUR RO, ,DGE BA'I CHUD MI ZA BA DGE BA YIN NA'ANG LOG LTAS DGE RTZA BCAD PA LA DE MED PAR 'GYUR BA'I PHYIR RO, ,GNYIS PA NI, CHUD MI ZA BA DE MTHONG LAM GYIS MTHONG SPANG SPONG BAS SPANG BAR BYA BA MA YIN TE SGOM PAS SPANG BA NYID YIN NO, ,KYANG ZHES PAS KHAMS LAS 'DAS PA NA DER GTOGS PA'I LAS KYI CHUD MI ZA BA SPONG BA BSDU'O, ,SO SO SKYE BO'I LAS MTHONG LAM GYIS MA SPANGS NA 'PHAGS PA SO SO SKYE BO'I LAS DANG LDAN PAR 'GYUR BAS SPONG MOD KYANG DE'I CHUD MI ZA BA MTHONG SPANG MIN NO, ,LAS ZHIG KYANG DE'I CHUD MI ZA BA ME 'JIG LA LAS SPANGS KYANG DE'I CHUD MI ZA BA MI SPONG BA DE'I PHYIR LAS DE DAG GI CHUD MI ZA BA DE YIS LAS KYI 'BRAS BU SKYED PAR 'GYUR RO, ,GAL TE LAS GNYEN POS SPANGS PA DANG LAS 'JIG PA NA CHUD MI ZA BA SPANGS PA DANG 'JIG NA SKYEN CI YOD SNYAM NA, GAL TE SO SO SKYE BO'I LAS MTHONG SPANG SPONG BAS SPANG BA DANG LAS 'PHO BA STE, 'JIG PA YIS DE DAG GI CHUD MI ZA BA 'JIG PAR 'GYUR NA, DE LA STE DE YI TSE LAS BYAS PA 'JIG PA STE CHUD ZOS PA KHO NAR 'GYUR LA DE'I PHYIR, LA SOGS PA'I SGRAS BSDUS PA 'PHAGS PA RNAMS KYIS SO SO SKYE BO'I DUS SU BSAGS PA'I LAS KYI 'BRAS BU GNYIS GANG YANG MYONG BAR MI 'GYUR RO, ,MYONG NA'ANG MA BYAS PA'I LAS KYI 'BRAS BU 'BYUNG BAR 'GYUR RO, ,LAS DANG 'BRAS BU MED PAR LTA BA'I PHYIR LOG PAR LTA BAR 'GYUR BA'I SKYON RNAMS SU THAL BAR 'GYUR RO, ,DE BZHIN DU LAS 'PHO BA LA YANG SBYAR RO, ,GSUM PA NI, NYID MTSAMS SBYOR BA'I TSE CHUD

177a

, ,MI ZA BA JI LTAR SKYE BA NI LAS NI CHA STE RIGS MTSUNGS PA DANG CHA STE RIGS MI MTSUNGS PA THAMS CAD KYI CHUD MI ZA BA DE NI KHAMS GSUM PO GANG DU NYID MTSAMS SBYOR BA'I TSE LAS THAMS CAD BSHIG NAS GCIG KHO NA SKYA BAR 'GYUR RO, ,DE YANG 'DOD PA KHAMS LA SOGS PA KHAMS MTSUNGS PA STA KHAMS MNYAM PA RNAMS KYI KHO NA SKYE'O MI MTSUNGS PA RNAMS KYI NI MIN NO, ,NYID MTSAMS SBYAR BA'I 'OG TU CHUD MA ZA BA'I SKYE TSUL NI CHUD MI ZA BA DE NI MTHONG BA'I CHOS TSE 'DI LA ZAG BCAS DANG ZAG MED RNAM PA GNYIS PA KUN GYI STE SEMS PA DANG, BSAMS PA'AM DAG BA'AM MI DAG PA'I LAS DANG LAS KYI CHUD MI ZA BA THA DAD PA RE RE SKYE BAR 'GYUR ZHING, 'BRAS BU RNAM PAR SMIN PA PHYUNG ZIN KYANG GNAS PA YIN PA STE GDON MI ZA BAR MA 'GAG GO, BZHI PA NI, CHUD MI ZA BA DA NI ZHIG NAS 'GRO BA'I SKABS GNYIS TE RGYUN ZHUGS LA SOGS PA'I 'BRAS BU 'PHO BA'I SKABS DANG, SHI BAR GYUR PA'I TSE NA 'GAG PAR 'GYUR LA DE'I DANG PO NI, SGOM PAS SPANG BA NYID KYANG YIN ZHES PA DANG, GNYIS PA NI, DE NI NYID MTSAMS SBYAR BA'I TSE, ,GCIG PU KHO NA SKYE BAR 'GYUR, ,ZHES PAR BSHAD ZIN PAS SLAR YANG 'DIR MA SMAS SO, ,CHUD MI ZA BA DE'I RNAM DBYA NI RNAM PA GNYIS SU SHAS PAR BYA STE ZAG PA MED PA'I LAS KYI NI ZAG MED DANG ZAG PA DANG BCAS PA'I LAS KYI NI ZAG PA DANG BCAS PAR RO, ,'DI YANG LAS GNYIS KYI DBANG GIS DE LTAR THA SNYAD BTAGS PAR SPYAN RAS GZIGS BRTUL ZHUGS KYIS BSHAD DO, ,GSUM PA NI, DE YI PHYIR LAS NI BYAS

177b

MTHAG TU 'GAG LA RANG BZHIN GYIS GNAS PA NI MA YIN PAS STONG PA NYID DU 'THAD DO, ,DE LTA NA'ANG CHAD PA MED DE CHUD MI ZA BAS YONGS SU BZUNG BAS LAS KYI 'BRAS BU YOD PA'I PHYIR RO, ,CHUD MI ZA BA YOD PA'I PHYIR DANG SA BON GYI RGYUN DANG CHOS MTHUN PA'I BRTAG PA MED PA'I PHYIR, 'GRO BA DANG RIGS DANG SKYA GNAS DANG KHAMS SNA TSOGS PA'I DBYE BAS PHYE BA 'GRO BA LNGA'I 'KHOR BA GRUB PA YANG YIN LA, LAS RANG GI NGO BOS MI GNAS PAR KHAS BLANGS PA'I PHYIR RTAG PAR SMRA BA YANG MIN NO; ;LAS RNAMS CHUD MI ZA BA ZHES PA'I CHOS 'DI NI MA RIG PA'I GNYID MA LUS PA DANG BRAL BA'I SANGS RGYAS KYIS BSTAN PA YIN PA'I PHYIR, LAS LA RTAG CHAD DU THAL BA'I SKYON MED PAS KHO BO CAG GIS BRJOD PA'I BRTAG PA 'DI KHO NA RIGS SO ZHES 'DZER TA, ,GNYIS PA LA GSUM, LAS LA RANG BZHIN MED PAS RTAG CHAD MED PA DANG, LAS RANG BZHIN GYIS YOD PA DGAG PA DANG, RANG BZHIN MED PAS BYA BA BYED PA DPAS BSTAN PA'O, ,DANG PO NI, LAS RANG GI NGO BOS SKYON DE RNAM PAR MA SMIN GYI BAR DU GNAS NA RTAG PA DANG 'JIG NA CHAD PAR 'GYUR NA'ANG GANG GI PHYIR LAS NI RANG GI NGO BO NYID KYIS SKYE BA MED PA'I PHYIR RANG BZHIN GYIS GNAS PA'I RTAG PA DANG RANG BZHIN GYIS 'JIG PA'I CHAD PAR GA LA 'GYUR, DE'I RGYU MTSAN 'DI LTAR LAS NI RANG BZHIN GYIS GRUB PA MED PA DE'I PHYIR RO, ,GAL TE LAS RANG BZHIN GYIS SKYE BA MED NA LUNG LAS, LUS CAN RNAMS KYIS LAS RNAMS NI, ,BSKAL PA BRGYAR YANG CHUD MI ZA, ,TSOGS SHING DUS LA BAB PA NA, ,'BRAS BU NYID DU SMIN PAR 'GYUR, ,ZHES DE SKAD DU GSUNGS

178a

, ,SHE NA, BCOM LDAN 'DAS KYI DGONGS PA NI GANG GI PHYIR LAS DE NI RANG GI MTSAN NYID KYIS MA SKYES PA DA YI PHYIR CHUD ZA BAR MI 'GYUR RO ZHES BYA BA DE LTAR YIN TE DE YI PHYIR LUNG DE NI KHO BO CAG LA GNOD BYED MIN NA, ,NYAN THOS SDE PAS LAS RANG BZHIN GYIS SKYE BA MED NA LAS MED DGOS PAS LAS CHUD MI ZA BA GSUNGS PA DANG 'GAL LO SNYAM DU BRTZAD PA'I LAN DU, RANG BZHIN GYIS MA SKYES PAS CHUD MI ZA'O ZHES GSUNGS PA JI LTAR 'BREL TE CHUD MI ZA BA NI LAS KYI RNAM SMIN 'BYIN PA'I DON DU 'DOD PAS SO ZHE NA, SKYON MED DE RGOL PA 'DI DON DAM PA LA BSAMS NAS YIN NA NI LAS DON DAM PAR MA SKYES PA LA DE'I 'BRAS BU CHUD ZA RGYU MED CING, DON DAM PAR SKYE BA MED PA DANG THA SNYAD DU RNAM SMIN CHUD MI ZA BA 'GAL BAR RTZOD NA NI MI 'GAL BAR MANG DU BSHAD CING 'CHAD PAR YANG 'GYUR BA'I PHYIR RO, ,GAL TE RANG GI MTSAN NYID KYIS SKYE BA MED PA RGYU MTSAN DU BKOD NAS RNAM SMIN CHUD MI ZA BAR SGRUB NA, RGYU MTSAN DES THA SNYAD DU LAS KYIS RNAM SMIN 'BYIN PA MI 'GAL BAR JI LTAR 'GRUB SNYAM NA, 'JUG PA LAS, GANG PHYIR RANG BZHIN GYIS DE MI 'GAG PA, ,DE PHYIR KUN GZHI MED KYANG 'DI NUS PHYIR, ,LA LAR LAS 'GAGS YUN RING LON LAS KYANG, ,'BRAS BU YANG DAG 'BYUNG BAR RIG PAR GYIS, ,ZHES GSUNGS PA LTAR SHES PAR BYA STE RTZA SHE'I TSIGS BCAD 'DI SKABS DER 'JUG 'GREL DU DRANGS NAS DON DE BSGRUBS PA'I PHYIR RO, ,DE LA SNGAR BSAGS PA'I LAS GNYIS KYIS RING DU LON NAS 'BRAS BU GNYIS SKYED

178b

PAR NI 'DOD DGOS LA, LAS KYANG SKYES PA'I DUS GNYIS PAR ZHIG NAS 'GRO BAS 'BRAS BU'I SNGA LOGS DE MA THAG NA LAS MED CING LAS ZHIG PA YANG DNGOS MED YIN PAS LAS KYIS 'BRAS BU JI LTAR SKYED CES BRTZAD PA'I LAN DU, 'GAG KHA MA'I LAS KYI NUS PA GZHAG PA'I PHYIR RANG SDE KHA CIG KUN GZHI DANG GZHAN DAG CHUD MI ZA BA DANG THOB PA DANG LA LA LAS KYI BAG CHAGS KYIS BSGOS PA'I SEMS RGYUN RTOGS PAR BYED DO, ,LAS RANG GI NGO BO NYID KYIS MA SKYES PA'I LTAR NA 'GAG PA MED LA MA ZHIG PA LAS KYANG 'BRAS BU 'BYUNG BA MI SRID PA MA YIN PAS LAS RNAMS MI 'JIG PAS LAS 'BRAS KYI 'BREL PA CHES 'THAD PAR 'JUG 'GREL LAS GSUNGS SO, ,MA 'GAGS PA NI, RANG BZHIN GYIS DE MI 'GAG PA, ,ZHES GSUNGS PA LTAR RANG GI NGO BO NYID KYIS MI 'GAG PA YIN GYI THA SNYAD PA'I 'GAG PA MI BZHED PA MIN TE, LA LAR LAS 'GAGS YUN RING LON LAS KYANG, ,ZHES PA DANG, DE BZHIN 'GAGS SHING RANG BZHIN YOD MIN PA'I, ,LAS LAS KYANG NI 'BRAS BU YOD PA YIN, ,ZHES GSUNGS SHING, SKABS DER 'JUG 'GREL DU MDO DRANGS LAS KYANG, ZAD PA MED CES GANG SMRAD DANG, ,SA ZAD CES NI GANG SMRAS PA, ,STONG PA'I TSUL DU ZAD PA MED, ,THA SNYAD TSUL DU ZAD PAR BSTAN, ,ZHES GSUNGS PA'I PHYIR RO, ,RANG GI MTSAN NYID KYIS GRUB PA'I CHOS THA SNYAD DU YANG KHAS MI LEN PA'I LUGS KYIS ZHIG PA DON BYED NUS PAR SGRUB PA NI SNGAR BSHAD ZIN PA LTAR YIN PAS, KUN GZHI LA SOGS PA KHAS MA BLANGS KYANG LAS 'BRAS KYI 'BREL PA

179a

, ,'THAD PAS, GANG PHYIR RANG BZHIN GYIS DE MI 'GAG PA, ,DE PHYIR ZHES PA'I SGRUB BYED DANG LAS 'GAGS PA LAS 'BRAS BU 'BYUNG BA MI 'GAL BAR GSUNGS SO, ,SKYE 'GAG SOGS RANG GI MTSAN NYID KYIS GRUB PAR 'DOD PA RNAMS NI ZHIG PA DNGOS MED DU 'DOD PAS 'GAGS PA LAS 'BRAS BU 'BYUNG BA MI RUNG BA YIN NO, ,LAS ZHIG PA'I ZHIG PA RIGS 'DRA BRGYUD PA'I RTEN NI NGA'O SNYAM PA GANG LA SKYE BA'I GANG ZAG GI RGYUD YIN LA DE NYID LAS DANG 'BRAS BU 'BREL BA'I RTEN YANG YIN NO, ,GNYIS PA LA GNYIS, RANG BZHIN GYIS YOD PA LA GNOD BYED DGOD, RANG BZHIN GYIS YOD PA'I SGRUB BYED DGAG PA'O, ,DANG PO LA GNYIS, RTAG CING MA BYAS PAR THAL BA DANG, RNAM SMIN THUG MED DU 'BYIN PAR THAL BA'O, ,DANG PO LA GNYIS, THAL BA DNGOS DANG, DE'I 'DOD PA LA GNOD PA BRJOD PA'O, ,DANG PO NI, LAS RANG BZHIN GYIS MED PA NI GDON MI ZA BAR 'DOD PAR BYA STE GZHAN DU NA, GAL TE LAS LA RANG BZHIN GYIS GRUB PA YOD NA THE TSOM MED PAR RTAG PAR 'GYUR TE RANG BZHIN LA GZHAN DU 'GYUR PA MED PA'I PHYIR RO, ,DE YI PHYIR LAS NI BYED PA POS BYAS PA MA YIN PAR 'GYUR TE RTAG PA LA BYED PA POS BYA BA MED PA'I PHYIR RO, ,DE'I PHYIR DGE MI DGE'I LAS MA BYAS PAR 'JIG RTEN LA SMIN PAR 'GYUR RO, ,GNYIS PA LA GNYIS, BSTAN BCOS DANG 'GAL BA DANG, 'JIG RTEN GYI GRAGS PA DANG 'GAL BA'O, ,DANG PO NI, CI STE LAS NI BYED PA POS MA BYAS NA SROG GCOD PA LA SOGS PA MA BYAS PA RNAMS KYANG LAS DE DAG DANG 'BRAL BAS LAS MA BYAS PA'I 'BRAS BU DANG PHRAD PA'I 'JIGS PAR

179b

'GYUR RO, ,TSANGS SPYOD DAG PA RNAMS LA'ANG MI TSANGS SPYOD MA BYAS PAR YOD PAS PHYOGS DE LA TSANGS PAR SPYOD PA LA GNAS PA MA YIN PA'I SKYON DU YANG 'GYUR BAS 'GA' YANG MYA NGAN LAS 'DA' BAR MI 'GYUR RO, ,GNYIS PA NI, ZHING RMOB DANG TSONG LA SOGS PA'I 'BRAS BU'I DON DU RTZOM PA DE DAG KYANG MA BYAS PAR YOD PAS RTZOM PA DON MED DU 'GYUR LA, BUM PA GYIS SHIG SNAM BU THOGS SHIG CES PA LA SOGS PA'I 'JIG RTEN GYI THA SNYAD THAMS CAD DANG YANG 'GAL BAR 'GYUR BAR THE TSOM MED DE BUM PA LA SOGS PA THAMS CAD MA BYAS PAR YOD PA'I PHYIR RO, ,'DI NI BSOD NAMS BYED PA DANG 'DI NI SDIG PA BYED PA'O ZHES PA'I RNAM PAR DBYE BA'ANG 'THAD PAR MI 'GYUR TE DA GNYIS MA BYAS KYANG YOD PA'I PHYIR RO, ,GNYIS PA NI, GZHAN YANG LAS DE NI RNAM SMIN RNAM PAR SMIN ZIN PAR GYUR PAS KYANG YANG DANG YANG DU RNAM PAR SMIN PA 'BYIN PAR 'GYUR TE, RNAM PAR MA SMIN PA'I SKABS LTAR RANG GI NGO BO LAS MA NYAMS PA'I PHYIR RO, ,DE'I PHYIR DE LTAR GAL TE LAS RANG BZHIN GYIS YOD DO SNYAM DU SEMS NA NI GANG GI PHYIR LAS DUS KUN TU MI NYAMS PAR GNAS PA DE YI PHYIR JI SKAD BSHAD PA'I NYES PAR 'GYUR BAS LAS RANG BZHIN GYIS MED PAS RTAG CHAD DU LTA BA'I SKYON MED DO, ,GNYIS PA LA GSUM, LAS RANG BZHIN GYIS YOD PA'I SGRUB BYED DGAG ,LAS DANG NYON MONGS GNYIS GA RANG BZHIN GYIS YOD PA'I SGRUB BYED DGAG ,LAS RANG BZHIN GYIS YOD PA'I SGRUB BYED GZHAN DGAG PA'O, ,DANG PO NI, GAL TE LAS NI RANG BZHIN GYIS YOD DE MA RIG PA'I RKYEN GYIS 'DU BYED DO ZHES DANG

180a

, ,LEN PA'I RKYEN GYIS SRID PA'O ZHES GSUNGS PAS LAS KYI RGYU NYON MONGS RANG BZHIN GYIS YOD PA'I PHYIR RO ZHE NA, ZAG BCAS KYI LAS 'DI NYON MONGS BA'I BDAG NYID DE NYON MONGS PA LAS BYUNG BA YIN LA, NYON MONGS PA DE DAG KYANG YANG DAG PAR YOD PA MIN TE RNAM PAR RTOG PA'I DBANG GIS 'BYUNG BA'I PHYIR RO, ,ZHES 'CHAD PAR 'GYUR RO, ,GAL TE NYON MONGS PA DE DAG YANG DAG PAR YOD PA MIN PA DE'I TSE DE'I RGYU CAN GYI LAS NI YANG DAG PAR YOD PA JI LTAR YIN TE MA YIN NO, ,GNYIS PA NI, LAS DANG NYON MONGS PA NI RANG BZHIN GYIS YOD DE DE'I 'BRAS BU LUS RANG BZHIN GYIS YOD PA'I PHYIR RO ZHE NA, LAS DANG NYON MONGS PA DANG NI LUS RNAMS KYI NI RKYEN DU MDO SDE LAS BSTAN NO, ,GAL TE LAS DANG NYON MONGS PA DE DAG RANG BZHIN GYIS YOD PAS STONG PAR SNGAR BSHAD ZIN PAS GRUB ZIN PA'I PHYIR, DE DAG GI 'BRAS BU LUS RANG GI NGO BO NYID KYIS YOD PA MA YIN PA LA BRJOD PA LHAG MA JI LTAR TE CI ZHIG YOD DE MED DO, ,GSUM PA NI, LAS NI RANG BZHIN GYIS YOD DE DE'I 'BRAS BU BDE SDUG ZA BA PO RANG GI NGO BOS YOD PA'I PHYIR RO, ,MA RIG PAS BSGRIBS PA STE GA-YOGS PA 'GRO BA LNGAR YANG DANG YANG DU SKYE BAS SKYE BO GANG SRED PA'I 'CHING BA DANG LDAN PA DE NI LAS KYI 'BRAS BU'I ZA BA PO'O, ,'BRAS BU'I ZA BA PA DE YANG RGYU'I BYED PA PO LAS GZHAN MIN ZHING ZA BA PO DE NYID LAS KYI BYED PA PO DE YANG MA YIN TE DE NYID DANG GZHAN DU BRJOD DU MED PA'I PHYIR RO ZHE NA, GANG GI PHYIR NA LAS 'DI NI RGYU'I RKYEN LA SOGS PA RKYEN BZHI LAS BYUNG BA RANG BZHIN GYIS

180b

YOD PA MA YIN PAR NI RKYEN BRTAG TU BSHAD ZIN LA, RKYEN MIN PA LAS BYUR BA YANG YOD PA MIN PAR RGYU MED NA NI 'BRAS BU DANG, RGYU YANG 'THAD PAR MI 'GYUR RO, ,ZHES LAS BRTAG PAR BSHAD ZIN PA DE'I PHYIR LAS KYI BYED PA PO YANG RANG BZHIN GYIS MED DO, ,GAL TE LAS DANG BYED PA PO NGO BO NYID KYIS MED NA LAS LAS SKYES PA'I 'BRAS BU NGO BO NYID KYIS GRUB PA GA LA YOD DE MED DO, ,CI STE LAS KYI 'BRAS BU NGO BO NYID KYIS YOD PA MIN NA DE'I ZA BA PO YANG NGO BO NYID KYIS LTA GA LA YOD DE 'DI DAG THAMS CAD RANG BZHIN GYIS YOD PA MA YIN PA KHO NA'O ZHES SHES PAR BYA'O, ,GSUM PA NI, GAL TE KHYOD KYIS DNGOS PO RNAMS RANG BZHIN MED PAR BZHAG NA STON PAS RANG GIS BYAS PA'I LAS KYI RNAM PAR SMIN PA RANG NYID KYIS MYONG NGO ZHES GSUNGS PA DE THAMS CAD TSUL 'DIS BSAL BAR 'GYUR LA, LAS 'BRAS LA SKUR PA BTAB PA'I PHYIR KHYOD CHAD LTA BA'I GTZO BOR GYUR PA'O ZHE NA, KHO BO CAG MED PA BA MA YIN TE YOD MED GNYIS SU SMRA BA BKAG NAS GNYIS SU MED PA'I LAM THAR PA'I GRONG KHYER DU 'GRO BA GSAL BAR BYED PA'O, ,DE LA MED PAR SMRA BA SEL TSUL NI, KHO BO CAG LAS 'BRAS LA SOGS PA MED PAR MI SMRA ZHES PA'O, ,'O NA CI ZHE NA, 'DI DAG RANG BZHIN MED DO ZHES RNAM PAR 'JOG GO ZHES PA NI YOD PAR SMRA BA SEL TSUL YIN TE, DE LTAR NA LAS 'BRAS SOGS THA SNYAD DU YOD PA LA MED BAR SMRA NA MED MTHA' BA DANG, DE DAG RANG BZHIN GYIS YOD PAR SMRA NA, YOD MTHA' BAR

181a

, ,BSTAN GYI YOD MED TZAM DU SMRA BA MIN NO, ,CI STE RANG BZHIN MED PA LA BYA BYED MI 'THAD PA'I PHYIR NYES PA SON 'DUG GO ZHES RTZOD PAS NI, MED MI ZER GYI RANG BZHIN MED CES SMRA BA YIN ZHES SMRAS KYANG LAS 'BRAS MI RUNG BA'I SKYON SO NA GNAS ZHES PA'O, ,DE'I LEN DU RANG BZHIN DANG BCAS PA RNAMS LA BYA BA MA MTHONG BA'I PHYIR DANG RANG BZHIN MED PA RNAMS KHO NA LA BYA BA MTHONG BA'I PHYIR RO, ,'DI LTAR BUM PA RANG BZHIN MED PAR GYUR PA DAG KHO NA 'JIG RTEN NA RANG GI BYA BA BYED PAR DMIGS PA YIN NO ZHES GSUNGS PAS, RANG BZHIN GYIS YOD NA BSKYED BYA SKYED BYED LA SOGS PA'I BYA BYED THAMS CAD MI 'THAD CING RANG BZHIN GYIS MED PA KHO NA LA BYA BYED DE DAG 'THAD PAR BSTAN TE, LAS 'BRAS LA SOGS PA RANG BZHIN GYIS YOD PA 'GOG PA'I RIGS PA RNAMS NI, RANG BZHIN MED PA LA BYA BYED THAMS CAD 'THAD PA'I GROGS YIN GYI BYA BYED RNAMS DES 'GOG PA GTAN MIN PA 'DI NYID SKABS KUN TU GO BAR BYA'O, ,GZHAN YANG RANG BZHIN MED PAS BYA BA BYED PA'I DON 'DI NYID DPE GSAL PO 'DI LAS NGES PAR BYA STE, JI LTAR TE DPER NA STON PAS RDZU 'PHRUL PHUN TSOd KYIS SPRUL PA NI SPRUL ZHING SPRUL PA DES KYANG SLAR YANG SPRUL PA GZHAN NI SPRUL PA DE LA, SPRUL PA DE GNYIS DE BZHIN GSHEGS PA'I RANG BZHIN GYIS STONG ZHING RANG BZHIN MED PA LTAR DE RNAMS LA RANG BZHIN MED PA'I BYA BA BYED PA DANG, LAS DANG BYED PA PO'I THA SNYAD BYED PA DE BZHIN DU LAS KYI BYED PA

181b

PO NI SPRUL PA'I RNAM PA BZHIN RANG BZHIN GYIS STONG PA YIN LA, BYED PA PO DES LAS GANG CUNG ZAD CIG BYAS PA DE'ANG DPER NA SPRUL PAS SPRUL PA GZHAN SPRUL PA DE BZHIN DU RANG BZHIN GYIS STONG NGO, ,DE YI PHYIR DBU MA PA GNYIS SU MED PAR SMRA BA RNAMS LA RTAG CHAD DU LOG PAR LTA BA GA LA YOD, TING 'DZIN RGYAL PO LAS KYANG, GANG TSE BDER GSHEGS GTAM RNAMS STON PA NA, ,MGON PO SRANG BZHUNG MI LA THUGS BRTZE'I PHYIR, ,RGYAL BAS DER NI SPRUL PA RNAMS SPRUL TE, ,DE DAG LA YANG SANGS RGYAS CHOS BZANG STON, ,SROG CHAGS BRGYA STONG DAG GIS DE THOS NAS, ,SANGS RGYAS YE SHES MCHOG LA SMON LAM 'DEBS, ,NAM BDAG 'DI 'DRA'I YE SHES THOB SNYAM STE, ,BSAM PA MKHYEN NAS RGYAL BAS DE LUNG STON; ;GANG GIS RGYAL BA MI DBANG SPYAN DRANGS PA, ,DE YI SBYIN PA MU MTHA' MED 'GYUR TE, ,RNYED MCHOG BSAM GYIS MI KHYAB DE RNYED CES, ,LA LA DAG NI DE LA MOS PA SKYED, ,CES GSUNGS PA LTAR RO, ,SPRUL PA'I DPE TZAM DU MA ZAD KYI DPE LHAG MA 'DI DAG GIS KYANG RANG BZHIN MED PA LA BYA BYED 'THAD PA SHES PAR BYA STE, SEMS RGYUD NYON MONGS PAR BYED PA'I NYON MONGS CHAGS SOGS DANG BSOD NAMS DANG BSOD NAMS MIN PA DANG MI GA-YO BA'I LAS DANG LUS KHOG PA DANG BYED PA PO BDAG DANG, 'BRAS BU RNAMS SMIN DANG BDAG PO DANG RGYU MTHUN RNAMS TE DE RNAMS NI DRI ZA'I GRONG KHYER LTA BU DANG SMIG RGYU DANG RMI LAM DANG 'DRA BAR RANG BZHIN MED PA YIN PAR RIG PAR BYA'O, ,DE YI PHYIR DNGOS PO RANG GI MTSAN NYID KYIS GRUB PAR

182a

, ,KHAS MA BLANGS PAS DBU MA PA KHO NA LA RTAG CHAD GNYIS SU SMRA BA MED PAR SHES PAR BYA'O, ,GNYIS PA NI, DE LTAR LAS DANG NYON MONGS LA SOGS PA RNAMS RANG GI NGO BO NYID KYIS YOD PAS STONG PAR BSTAN PA DE NYID ZAB MO'I LUNG GIS KYANG GRUB PA DANG, DE LTAR BSTAN PA'I GSUNG RAB THAMS CAD RAB TU BYED PA 'DIS BSHAD PAR BYA'O ZHES BSTAN PA'I PHYIR DU NGES DON GYI LUNG DANG SBYOR BA'I PHYOGS TZAM SMOS NA, DKON MCHOG BRTZEGS PA LAS, SPRUL PA'I DGE SLONG GNYIS KYIS DGE SLONG DMIGS PA CAN LNGA BRGYA BTUL BA'I BYUNG BA'I MTHA' BRJOD PA LTA BU RNAMS YIN NO, ,GSUM PA NI, RAB BYAD 'DI YI RIGS PA RNAMS KYIS BYED PA PO DANG LAS DANG NYON MONGS DANG DE DAG GI 'BRAS BU DANG DE LA LONGS SPYOD PA LA SOGS PA RNAMS RANG BZHIN GYIS GRUB PA BKAG PAS NI, RANG GI NGO BO NYID KYIS GRUB PA LA DE DAG GI RNAM GZHAG GANG YANG MI 'THAD PAS, RMI LAM DANG SGYU MA DANG SPRUL PA DANG DRI ZA'I GRONG KHYER LTAR RANG GI MTSAN NYID KYIS GRUB PAS STONG BZHIN DU DER SNANG BA KHO NA LA BYAD PA PO LA SOGS PA CHES 'THAD PAR RTOGS PAR BYA'O, ,LAS BRTAG PA ZHES BYA BA TSIGS SU BCAD PA SO GSUM GYI BDAG NYID RAB TU BYED PA BCU BDUN PA'I RNAM PAR BSHAD PA'O,, ,,GSUM PA BDAG MED PA'I DE KHO NA NYID LA 'JUG PA'I TSUL LA GSUM, RAB BYED KYI GZHUNG BSHAD PA, NGES DON GYI LUNG DANG SBYAR BA, DON BSDUS TE MTSAN BSTAN PA'O, ,DANG

182b

PO LA LNGA, DE KHO NA NYID LA 'JUG PA'I TSUL, DE LA LUNG DANG 'GAL BA SPANG BA, DE KHO NA NYID LA BKRI BA'I RIM PA, DE KHO NA NYID KYI MTSAN NYID, DON DE NGES PAR BSGRUB DGOS PAR BSTAN PA'O, ,DANG PO LA GNYIS, DE KHO NA'I LTA BA GTAN LA DBAB PA, DE BSGOMS PAS NYES SKYON LDOG PA'I RIM PA'O, ,DANG PO NI, 'DIR SMRAS PA, GAL TE NYON MONGS PA DANG LAS LA SOGS PA RNAMS DRI ZA'I GRONG KHYER LA SOGS PA LTAR DE KHO NA NYID MA YIN BZHIN DU BYIS PA RNAMS LA DE KHO NA NYID KYI RNAM PAR SNANG BA YIN NA, 'DIR DE KHO NA NYID NI GANG YIN LA DE KHO NA NYID LA 'JUG PA YANG JI LTAR YIN ZHE NA, PHYI NANG GI DNGOS PO MA DMIGS PAS NANG DANG PHYI LA BDAG DANG BDAG GIR 'DZIN PA RNAM PA THAMS CAD DU ZAD PA NI DE KHO NA NYID DO,, DE KHO NA NYID LA 'JUG PA'I TSUL RGYAS PA NI 'JUG PA LAS, NYON MONGS SKYON RNAMS MA LUS 'JIG TSOGS LA, ,LTA LAS BYUNG BAR BLO YIS MTHONG GYUR ZHING, ,BDAG NI 'DI YI YUL DU RTOGS BYAS NAS, ,RNAL 'BYOR PA YIS BDAG NI 'GOG PAR BYED, ,CES SOGS KYIS BSHAD PA LTAR SHES PAR BYA LA 'DIR NI RTZA BAR GNAS PA'I PHYOGS TZAM BSHAD PAR BYA'O, ,'DI LA GNYIS, BDAG NGO BO NYID KYIS GRUB PA DGAG ,DES BDAG GI BA NGO BO NYID KYIS GRUB PA YANG KHAGS PAR BSTAN PA'O, ,DANG PO LA GNYIS, THAR 'DOD KYIS DANG POR DBYOD PA BYED LUGS, DE NAS BDAG MED PA'I LTA BA GTAN LA 'BEBS LUGS SO, ,DANG PO NI, SDUG BDEN BDAN BZHI'I THOG MAR GSUNGS PA'I RIM PAS DANG POR 'KHOR

183a

, ,BA SPYI DANG BYE BRAG GI NYES DMIGS MANG DU BSGOMS PA NA, RNAL 'BYOR BA DE KHO NA NYID LA 'JUG PAR 'DOD CING 'KHOR BA'I SKYON SKYE 'CHI LA SOGS PA DANG, NYES PA 'DOD CHAGS LA SOGS PA'I NYON MONGS PA MA LUS BA SPONG BAR 'DOD PA 'BYUNG LA, DE'I TSE RGYU MA LOG NA 'BRAS BU MI LDOG PAR MTHONG NAS 'KHOR BA 'DI CI'I RTZA BA CAN ZHIG YIN SNYAM DU RTOG PAR BYED DE, ,BRTAGS PA NA 'KHOR BA 'JIG LTA'I RTZA BA CAN DU MTHONG ZHING DE SPANGS PAS NYON MONGS PA DANG SKYON MA LUS PA LDOG PAR MTHONG NGO, ,'O NA 'JIG LTA JI LTAR BYAS PAS SPONG SNYAM NA, SPYIR RAB TU BYED PA THAMS CAD KYIS PHYIN CI LOG GI BLOS JI LTAR BZUNG BA'I YUL YOD PA LA GNOD BYED BSTAN NAS, DE'I YUL CAN GYI 'DZIN PA BZLOG LA, KHYAD PAR DU RAB BYED 'DIR 'JIG LTAS BZUNG BA'I BDAG DE PHUNG PO DANG GCIG THA DAD GANG DU YOD BRTAGS TE, YUL SUN PHYUNG BA'I SGO NAS BDAG DANG BDAG GIR 'DZIN PA BZLOG PAR GSUNGS SHING, BRGYA PA LAS KYANG, YUL LA BDAG MED MTHONG NA NI, ,SRID PA'I SA BON BKAG PAR 'GYUR, ,ZHES BDAG 'DZIN GYIS JI LTAR BZUNG BA'I BDAG MED PAR MTHONG NAS SRID PA LAS GROL DGOS PAR GSUNGS SO, ,RNAM 'GREL LAS KYANG, 'DI YUL SUN PHYUNG MAD PAR NI, , DE SPONG PAR NI NUS MA YIN, ,ZHES GSUNGS PAS SHING RTA CHEN PO THAmD TSUL 'DI LA DGONGS PA GCIG DANG DBYANGS GCIG GO ,DE YI PHYIR BDAG 'DZIN GYIS BDAG JI LTAR BZUNG BA DANG BZUNG BA'I BDAG DRI MA MED PA'I RIGS PAS

183b

LEGS PAR SUN 'BYIN PA'I TSUL MI SHES PAR, YID BDAG DANG BDAG GIR 'DZIN PA LAS TSUR BSDUS PA TZAM ZHIG LA GOMS PAR BYAS PAS SRID PA LAS THAR BAR 'DOD PA NI MI RIGS TE, DE NI BDAG 'DZIN GYI YUL BDAG LA MA ZHUd PA YIN KYANG BDAG MED KYI DON LA ZHUGS PA MIN PAS DE GOMS PAS BDAG 'DZIN LA CI YANG MI GNOD PA'I PHYIR DANG, DE LTA YIN NA DE KHO NA NYID KYI DON SGOM PA LA LTA BA MA NOR BA RNYED KYANG MI DGOS PAS, DE KHO NA NYID KYI LTA BA GTAN LA 'BEBS PA GSUNG RAB DANG BSTAN BCOS LAS GSUNGS PA THAMS CAD DON MED PAR 'GYUR BA'I PHYIR RO, ,THOS BSAM GYI DUS SU DE LTAR YIN KYANG SGOM PA'I DUS SU DE LTAR MI DGOS SO ZHES KYANG SMRA MI NUS TA, THOS BSAM GYIS GTAN LA BAB PA NYID SGOM PA'I DUS SU LTA THOG TU SEMS 'DRIS PAR BYA BA'I CHED YIN PA'I PHYIR DANG, RNAL 'BYOR PA YIS BDAG NI 'GEG PAR BYED, ,CES RNAL 'BYOR SGOM PAS DE LTAR BYA BAR GSUNGS PA'I PHYIR RO, ,DES NA 'JIG LTA SPONG BA NI NGES JI LTAR BZUNG BA'I YUL RANG BZHIN MED PAR GTAN LA PHEBS PA LA RAG LAS PAR MTHONG ZHING, DE'I YUL YANG BDAG YIN PAR MTHONG NAS BDAG TU 'DZIN PA'I DMIGS PA BDAG DE RANG GI NGO BOS YOD DAM MED SNYAM DU CHOS THOG MAR BDAG LA RTOG PAR BYED DO, ,GNYIS PA LA GNYIS, BDAG DANG PHUNG PO RANG BZHIN GCIG PA DGAG PA DANG, BDAG DANG PHUNG PO RANG BZHIN THA DAD PA DGAG PA'O, ,DANG PO NI, DE LTAR BDAG TU 'DZIN PA'I YUL BDAG DE RANG GI NGO BOS YOD NA YOD

184a

, ,CHUL GNYIS LAS MI 'DA' BAS, PHUNG PO DANG RANG GI MTSAN NYID KYIS GRUB PA'I GCIG DANG THA DAD GANG YIN SNYAM DU BRTAG PAR BYA STE, GCIG DANG GCIG MA YIN PA NI GCIG RNAM PAR BCAD NA CIG SHOS YONGSU GCOD DGOS PAS PHUNG GSUM LDOG PA'I PHYIR RO, ,DE LTAR BRTAGS PA NA GAL TE PHUNG PO DANG BDAG GNYIS RANG GI MTSAN NYID KYIS GRUB PA'I NGO BO GCIG YIN NA, BDAG DE SKAD CIG SO SO LA SKYE BA DANG 'JIG PA CAN DU 'GYUR TE PHUNG PO RNAMS SKYE BA DANG 'JIG PA'I PHYIR RO, ,BDAG NI GZHAN SDES DE LTAR MI 'DOD LA RANG SDES KYANG DE LTAR 'DOD DU MI RUNG STE, NGA'O SNYAM PA GANG LA SKYE BA'I GZHI BDAG DE PHUNG PO DANG RANG MTSAN GYIS GCIG TU GRUB NA, TSE 'DI'I PHUNG PO DANG YANG GCIG TU 'GYUR LA DE YI TSE SKYE BA GZHAN DU MED PAR 'DIR BYUNG BA DANG THOG MA YOD PAR 'GYUR TE NYER BDUN PAR 'CHAD PA LTAR RO, ,GZHAN YANG SKAD CIG SO SO LA SKYE 'JIG SO SOR BYED NA RANG GI MTSAN NYID KYIS SO SO BAR 'GYUR LA, DE LTA NA NGA RGYAL PO NGA LAS NU ZHES BYA BAR GYUR TO ZHES SKYE BA DRAN PAR MI 'GYUR TE, DE'I DUS KYI BDAG NI LUS LTAR ZHIG PA'I PHYIR DANG TSE 'DIR DE DANG RANG MTSON THA DAD PA'I BDAG SKYES PA'I PHYIR RO, ,GZHAN YANG PHUNG PO MANG PO YOD PA LTAR BDAG KYANG MANG POR 'GYUR BA DANG, BDAG PHUNG PO'I RNAM GRANGS TZAM DU ZAD PAS BDAG RDZAS YOD KHAS BLANGS PA DON MED PA DANG, NYE BAR BLANG BYA NYID LEN PA POR 'GYUR BAS LAS DANG BYED PA PO GCIG TU

184b

'GYUR BA'I SKYON YOD DO, ,DE LTAR RIGS PA DE DAG GIS BDAG DANG PHUNG PO GNYIS RANG GI NGO BOS GCIG TU MA GRUB PA LA NGES PA BRTAN PO BSKYED PAR BYA'O, ,GNYIS PA NI, GAL TE BDAG DE PHUNG PO RNAMS LAS RANG GI MTSAN NYID KYIS GZHAN DU GRUB NA, BDAG DE PHUNG PO 'DUS BYAS SU MTSON PA'I MTSAN NYID SKYE 'JIG GNAS PA MED PA STE DE DANG BRAL BAR 'GYUR TE RTA BA LANG GI MTSAN NYID DANG BRAL BA BZHIN NO, ,DE LTA NA BDAG TU MED PAR 'GYUR TE 'DUS MA BYAS YIN PA'I PHYIR MYA NGAN LAS 'DAS PA DANG NAMKHA'I ME TOG BZHIN NO, ,NGAR 'DZIN LHAN SKYES KYI DMIGS RNAM GNYIS KYI NANG NAS DMIGS PAR YANG MI RIGS TE 'DUS MA BYAS YIN PA'I PHYIR RO, ,YANG NA PHUNG PO LNGA'I MTSAN NYID GZUGS SU RUNG BA DANG NYAMS SU MYONG BA DANG MTSAN MAR 'DZIN PA DANG, MNGON PAR 'DU BYED PA DANG YUL SO SOR RNAM PAR RIG PA LAS NGO BO NYID KYIS GZHAN DU GRUB PAR 'GYUR LA, DE 'DOD NA GZUGS LAS SEMS GZHAN DU 'DZIN PA BZHIN DU BDAG PHUNG PO LAS NGO BO THA DAD PAR SO SOR MTHONG BAR 'GYUR NA DE LTAR 'DZIN PA YANG MIN NO, ,GAL TE GZHAN SDOS BDAG PHUNG PO LAS RDZAS GZHAN DU SMRA BA LA 'DI GNOD BYED MA YIN NO ZHE NA, DE DAG GI RDZAS GZHAN DU SMRA MOD KYANG JI LTAR SMRA BA LTAR BLO LHAN SKYES KYIS DMIGS NAS SMRA BA MIN NO, ,'O NA CI ZHE NA, BRTEN NAS BTAGS PA'I DON MA RTOGS PAR BDAG MING DU BTAGS PA TZAM DU SMRA BA LA SKRAG NAS KUN RDZOB KYI BDEN PA LAS KYANG NYAMS TE GTAN TSIGS LTAR SNANG GIS BSLUS NAS PHUNG PO LAS RDZAS GZHAN PA'I BDAG GI MTSAN NYID

185a

, ,RTOG CING SMRA'O, ,LAS DANG BYED PA PO BRTAG PA LA SOGS PAR BDAG DANG NYE BAR LEN PA GNYIS PHAN TSUN LTOS PA'I GRUB PA YIN PAR GSUNGS PA NA DE DAG GIS BRTAGS PA'I BDAG KUN RDZOB TU YANG BKAG GO ,DE LTAR BDAG RANG GI NGO BOS GRUB NA BDAG DANG PHUNG PO GNYIS RANG GI MTSAN NYID KYIS GRUB PA'I GCIG DANG THA DAD GANG RUNG DU GRUB DGOS PA DANG, DE GNYIS KA LA YANG RIGS PAS GNOD PAR MTHONG BA NA BDAG NI RANG GI NGO BOS GRUB PA CUNG ZAD KYANG MED DO SNYAM DU NGES PA RNYED PA NI, 'JIG LTA LHAN SKYES KYI NGAR 'DZIN PA'I YUL RANG BZHIN MED PAR RTOGS PA'I LTA BA RNYED PA YIN NO, ,GNYIS PA NI, DE NAS 'JIG LTA LHAN SKYES KYIS 'DI NGA YI'O SNYAM DU 'DZIN PA'I DMIGS PA NGA YI BA RANG GI MTSAN NYID KYIS GRUB MA GRUB DPYAD PA NA BDAG NI RANG GI NGO BO NYID KYIS YOD PA MA YIN NA BDAG GI BA YANG RANG GI NGO BOS YOD PAR GA LA 'GYUR SNYAM NAS, BDAG GI BA YANG RANG BZHIN MED PAR RTOGS PAR 'GYUR RO, ,NGA ZHES PA RANG BZHIN MED PAR RTOGS PA'I BLO DE NYID KYIS NGA YI BA RANG BZHIN MED PAR MI 'DZIN KYANG, NGA YI BA LA RANG BZHIN YOD MED DPYOD PA'I TSUL GYIS BLO KHA PHYOGS PA NA BLO SNGA MA'I BYED PA LA BRTEN NAS SGRUB BYED GZHAN LA MI LTOS PAR RTOGS PAR 'GYUR BAS, GZHUNG DU RIGS PA SNGA MA'I BYED PAS 'GRUB PAR BSHAD KYI RIGS PA LOGS PA MA GSUNGS SO, ,DE LTAR NGA DANG NGA YI BA GNYIS RANG BZHIN MED PAR GTAN LA PHAB PA NA, 'KHOR BA'I RTZA BA 'JIG LTA'I 'DZIN STANGS

185b

YONGS SU RDZOGS PA DANG 'GAL BA'I STONG NYID KHONG DU CHUD PAR 'GYUR BAS 'DIR DE TZAM LAS MA SMOS SO, ,GNYIS PA LA GNYIS, NYES SKYON LDOG PA'I RIM PA DANG, THAR PA THOB PA'I TSUL LO, ,DANG PO LA GSUM, 'JIG LTA LDOG TSUL DANG, DE LA RTZOD PA SPANG BA DANG, LEN PA ZAD PAS SKYE BA ZAD TSUL LO, ,DANG PO NI, DE LTAR NGA DANG NGA YI BA RANG GI NGO BOS MA GRUB PAR GTAN LA PHAB PA'I LTA BA RNYED PA DE NYID RGYUN LDAN DU BSGAMS PA LA BRTEN NAS, BDAG STE NGAR 'DZIN PA'I YUL GANG ZAG DANG BDAG GI BA STE NGA YIR 'DZIN PA'I YUL PHUNG PO RNAMS KYI MTSAN MA ZHI BA STE CI YANG MI DMIGS PAR YUL YUL CAN NGO MNYAM PAR 'GYUR BA'I PHYIR, RNAL 'BYOR BAS NGA RANG BZHIN GYIS GRUB PAR 'DZIN PA DANG NGA YI BA RANG BZHIN GYIS GRUB PAR 'DZIN PA'I 'JIG LTA SPANGS NAS MED PAR 'GYUR TE, LTA BA DANG SPANG BYA DE GNYIS YUL GCIG LA 'DZIN STANGS 'GAL BAR ZHUGS SHING SNGA MA YANG DAG PA'I DON LA ZHUGS PA'I PHYIR RO, ,'DI NYAMS SU LEN PA'I TSUL ZHI GNAS DANG LHAG MTHONG SKYONG TSUL RGYAS PAR NI BYANG CHUB LAM GYI RIM PAR BSHAD ZIN PAS 'DIR MA SPROS SO, ,GNYIS PA NI, GAL TE DE LTA NA NGA DANG NGA YI BAR 'DZIN PA SPONG BA'I RNAL 'BYOR BA YOD LA DE LTA NA BDAG DANG PHUNG PO RANG GI NGO BO NYID KYIS YOD DO ZHE NA, BDAG DANG BDAG GI BA NI RANG BZHIN MED PAR BSHAD ZIN LA DE LTA NA, DE DAG LAS GZHAN PA'I NGAR 'DZIN PA DANG NGA YIR 'DZIN PA MED PA STE SPONG BA GANG YIN PA'I RNAL 'BYOR PA DE YANG NGO BO NYID KYIS

186a

, ,YOD PA MA YIN NO, ,GANG GIS NGAR 'DZIN PA DANG NGA YIR 'DZIN PA MED PAR TE SPONG BA'I RNAL 'BYOR PA NGO BO NYID KYIS YOD DO ZHES MTHONG BA DES NI, DE KHO NA NYID KYI DON MI MTHONG ZHING NGA DANG NGA YIR 'DZIN PA'I 'JIG LTA YANG SPONG BAR MI NUS SO, ,JI SKAD DU MDO LAS, NANG GI BDAG NYID STONG PAR LTOS, ,PHYI ROL DAG KYANG STONG PAR LTOS, ,GANG ZHIG STONG NYID SGOM BYED PA, ,DE YANG 'GA' ZHIG KYANG YOD MIN, ,ZHES DANG, TING 'DZIN RGYAL PO LAS KYANG, GANG DAG ZHI ZHING RAB ZHI'I CHOS SEMS PA'I, ,SEMS PA DE YANG NAM YANG 'BYUNG MA YIN, ,ZHES DANG, PHUNG PO RANG BZHIN DBEN ZHING STONG PA NYID, ,BYANG CHUB RANG BZHIN DBEN ZHING STONG PA NYID, ,GANG SPYOD DE YANG RANG BZHIN STONG PA STE; ;YE SHES LDAN GYIS SHES KYI BYIS PAS MIN, ,ZHES SO, ,GSUM PA NI, DE LTAR BDAG DANG BDAG GI BA MA DMIGS PAS NANG BDAG DANG PHYI ROL BDAG GI BA NYID DAG LA BDAG DANG BDAG GI SNYAM PA'I 'JIG LTA GNYIS ZAD NA NYE BAR LEN PA BZHI 'GAG PAR 'GYUR TE, NYON MONGS PA THAMS CAD NI 'JIG LTA'I RTZA BA CAN 'JIG LTA'I KUN 'BYUNG BA CAN 'JIG LTA'I RGYU CAN NI ZHES GSUNGS PA'I PHYIR RO, ,BZHI NI 'DOD PA DANG LTA BA DANG TSUL KHRIMS DANG BRTUL ZHUGS DANG BDAG TU SMRA BA NYE BAR LEN PA'O, ,DE RNAMS NI RIM PA BZHIN DU GZUGS SGRA LA SOGS PA'I 'DOD YON DANG 'JIG LTA MA GTOGS PA'I LTA NGAN RNAMS DANG, LTA NGAN DANG 'BREL BA'I TSUL KHRIMS DANG BRTUL ZHUGS NGAN PA DANG 'JIG TSOGS LA LTA BA BZHI

186b

LA DMIGS NAS 'DUN ZHING CHAGS PA'O, ,NYE BAR LEN PA DE ZAD PAS NA LAS DBANG GIS SRID PAR SKYE BA ZAD PAR 'GYUR RO, ,GNYIS PA NI, GANG GI PHYIR SKYE BA LDOG PA'I RIM PA SNGAR BSHAD PA LTAR YIN PA DE'I PHYIR LAS DANG NYON MONGS PA ZAD PAS THAR BAR 'GYUR RO, ,ZHES BYA BAR GNAS TE LEN PA ZAD NA DE'I RKYEN CAN SRID PA MI 'BYUNG LA LAS NYON GNYIS PO DE ZAD NA SKYE BA DANG RGA SHI LDOG PAR 'GYUR BA'I PHYIR RO, ,'O NA GANG ZAD PAS LAS NYON ZAD PAR 'GYUR SNYAM NA, 'KHOR BAR SKYE PA'I LAS NI NYON MONGS LAS SKYE LA NYON MONGS KYANG SDUG MI SDUG DANG PHYIN CI LOG GI TSUL MIN YID BYED KYI RNAM RTOG LAS 'BYUNG GI NGO BO NYID KYIS YOD PA MIN NO, ,TSUL MIN YID BYED KYI RNAM RTOG DE DAG NA SHES PA DANG SHES BYA DANG BRJOD BYA DANG RJOD BYED DANG BUM SNAM DANG SKYES PA DANG BUD MED DANG, RNYED MA RNYED LA SOGS PA LA BDEN PAR ZHEN PA'I SPROS PA SNA TSOGS PA THOGS MED NAS GOMS PA LAS SKYE'O, ,BDEN 'DZIN GYI SPROS PA NI YUL DE RNAMS STONG PA NYID DU LTA BA GOMS PAS 'GAG PAR 'GYUR RO, ,DE LTAR NA STONG PA NYID NI DE KHO NA YIN LA DE'I LTA BA BSGOMS PAS DE RTOGS PAR 'GYUR ZHING, BSGOMS PA'I MTHAR NYON MONGS PA'I SA BON ZAD PA NA SPROS PA RNAM PAR CHAD PA'I STONG NYID DE NYID THAR PA DANG MYA NGAN LAS 'DAS PA ZHES BYA STE; BRGYAB LAS, MDOR NA CHOS NI MI 'TSE BAR, ,DE BZHIN GSHEGS PA RNAMS KYIS GSUNGS, ,STONG NYID MYA NGAN 'DAS PA STE, ,'DIR NI DE GNYIS 'BA' ZHIG GO ,ZHES GSUNGS PA LTAR RO, ,SHES RAB SGRON MAR, DE ZAD PAS NA SKYE BA ZAD, ,YAN

187a

, ,CHAD KYIS NYAN RANG GI THAR PA DANG, ,LAS DANG NYON MONGS ZAD PAS THAR, ,ZHES PA'I TSIGS SU BCAD PAS THEG CHEN GYI THAR BA BSTAN PAR 'CHAD LA, BUDDHA P'A LI TA DANG TSIG GSAL LAS, DE GNYIS KAS 'KHOR BA LAS GROL BA'I THAR PA THEG PA CHE CHUNG THUN MONG BA BSTAN PAR BZHED DO, ,TSIG GSAL LAS LEGS LDAN GYIS DE LTAR BSHAD PA NI NYAN RANG GIS CHOS KYI BDAG MED RTOGS PA KHONG DU MA CHUD PA YIN PAS 'PHAGS PA'I LUGS MIN ZHING MI 'THAD PAR GSUNGS SO, ,RIN CHEN 'PHRENG BAR RANG GI SDE PA GNAS MED PA LA 'JIGS PA RNAMS KYIS DE KHO NA NYID KYI DON MA MYANGS PAR BSHAD PA NI, BYE BRAG TU SMRA BA DANG MDO SDE PA'I GRUB MTHA' 'DZIN PA'I NYAN THOS SDE PA LA GSUNGS KYI THEG DMAN THAMS CAD KYIS MA MYANGS PAR STON PA MIN NO, ,THEG PA DMAN PA GANG ZAG DANG CHOS KYI DE KHO NA NYID RTOGS PA RNAMS NI RTAG CHAD KYI GA-YANG DU LTUNG BA'I MTHA' MTHA' BRAL GYI LTA BAS SPANGS PA YIN PAS DBU MA PA'O, ,DE DAG LA ZHI BA'I MTHAR LTUNG BA YOD KYANG DES DBU MA PA YIN PA LA MI GNOD DE GZHAN DU NA SRID PA'I 'CHING BA DANG ZHI BA'I RGUD PA LAS MA GROL GYI BAR DU DBU MA PA MI SRID PAR 'GYUR RO, ,GNYIS PA LA GNYIS, LUNG DANG 'GAL BA SPANG BA DNGOS, ,DE KHO NAR GANG DU YANG BRJOD MI NUS PA'I RGYU MTSAN NO, ,DANG PO NI, GAL TE DE KHO NA NYID MNGON DU GYUR PA'I NGOR PHYI NANG GI DNGOS PO MA DMIGS PAS DE GNYIS LA 'JIG LTA'I RNAM RTOG ZAD PA DE KHO NA NYID YIN NA, MDO LAS, BDAG NYID BDAG GI MGON

187b

YIN GYI, ,GZHAN NI SU ZHIG MGON DU 'GYUR, ,BDAG NYID LEGS PAR DUL BAS NI, MKHAS PAS MTHO RIS THOB PAR 'GYUR, ,ZHES DANG, GNAG DANG DKA' BA'I LAS NI 'JIG MI 'GYUR, ,BDAG GIS BYAS PA MYONG BAR 'GYUR BA YIN, ,ZHES MANG DU GSUNGS PA DANG JI LTAR MI 'GAL ZHE NA, 'O NA MED SDE LAS, 'DI NA BDAG GAM SEMS CAN MED, ,CHOS 'DI DAG NI RGYU DANG BCAS, ,ZHES PA DANG, DE BZHIN DU BDAG GZUGS MA YIN BDAG GZUGS DANG LDAN PA MA YIN GZUGS LA BDAG MED BDAG LA GZUGS MED CES PHUNG PO LHAG MA BZHI LA YANG DE LTAR GSUNGS LA, CHOS THAMS CAD NI BDAG MED PA'O, ,ZHES KYANG GSUNGS PAS DE DAG KYANG LUNG GONG MA RNAMS DANG JI LTAR MI 'GAL, DES NA RGYAL BAS DE LTAR BSTAN PA'I DGONGS PA BTZAL BAR BYA DGOS LA DGONGS PA NI 'DI YIN TE, 'JIG RTEN SNGA MA NAS 'DIR 'ONG BA DANG 'DI NAS 'JIG RTEN PHA ROL TU 'GRO BA'I SEMS CAN DANG BDAG DANG, 'DIR SPYAD PA'I DKAR GNAG GI LAS LAS PHA ROL TU BDE SDUG 'BYUNG BA LA SKUR BA 'DEBS PA'I GDUL BYA DMAN PA SDIG PA LA 'DZEM MED DU 'JUG PA RNAMS MI DGE BA LAS BZLOG PA'I PHYIR, SANGS RGYAS RNAMS KYIS MDO SDE 'GA' ZHIG TU BDAG GO ZHES KYANG BTAGS PAR GYUR PA STE BDAG YOD PAR BZHAG GO ,GANG DAG DGE BA BYED CING MI DGE BA LAS LOG PA BDAG TU LTA BA DAM POS BCINGS PA BYA SRAD BU SHIN TU RING BAS BRTOD PA LTAR, SHIN TU RING BAR PHYIN KYANG KHAMS GSUM LAS 'DAS NAS THAR BA'I GRONG KHYER DU 'GRO MI NUS PA'I

188a

, ,GDUL BYA BAR MA DA DAG ,'JIG LTA LHOD PAR BYA BA'I PHYIR DANG MYANG 'DAS LA 'DUN PA BSKYED PA'I PHYIR DU MDO KHA CIG TU BDAG MED DO ZHES KYANG BSTAN PAR GYUR TO, ,GANG DAG SNGON GOMS PA'I KHYAD PAR GYIS CHOS ZAB MO LA LHAG PAR MOS PA'I SA BON SMIN PA GSUNG RAB KYI DON SHIN TU ZAB PA'I GTING DPOG NUS PA'I GDUL BYA MCHOG LA NI, BDAG 'GA' DANG BDAG MED PA 'GA' YANG NGO BO NYID KYIS GRUB PA MED DO ZHES KYANG BSTAN NO, ,'OD SRUNGS KYIS ZHUS PA LAS KYANG, 'OD SRUNGS BDAG CES BYA BA 'DI NI MTHA' GCIG GO ,BDAG MED CES BYA BA 'DI NI MTHA' GNYIS PA'O, ,MTHA' DE GNYIS KYI DBUS GANG YIN PA DE NI GZUGS MED PA BSTAN DU MED PA RTEN MED PA SNANG BA MED PA RNAm PAR RIG PA MED PA GNAS MED PA STE, 'OD SRUNGS 'DI NI DBU MA'I LAM CHOS RNAMS LA YANG DAG PAR SO SOR RTOG BA ZHES BYA'O, ,ZHES DANG, RIN CHEN PHRENG BA LAS KYANG, DE LTAR BDAG DANG BDAG MED PA, ,YANG DAG JI BZHIN DMIGS SU MED, , BDAG DANG BDAG MED LTA BA NI, ,DE PHYIR THUB PA CHEN POS BZLOG ,MTHOD DANG THOS SOGS THUB PA YIS, ,BDEN MIN BRDZUN PA MIN PAR GSUNGS, ,PHYOGS LAS MI MTHUN PHYOGS 'GYUR PAS, ,DE DAG GNYIS GDON DU MIN, ,ZHES SO, , THA SNYAD DU BDAG DANG BDAG MED GNYIS KA YOD MOD KYANG DON DAM PAR MED PAS YANG DAG PAR DMIGS SU MED PA DANG MTHUN PHYOGS BDAG MED DANG DE'I MI MTHUN PHYOGS BDAG GNYIS KA DON DU MIN ZHES GSUNGS SO, ,RIM PA 'DI NI BRGYA

188b

PA LAS; BSOD NAMS MIN PA DANG POR BZLOG ,BAR DU BDAG NI BZLOG PA DANG, THA MAR LTA ZHIG KUN BZLOG PA, ,GANG GIS SHES DE MKHAS PA YIN, ,ZHES GSUNGS PA DANG, BRDA SPROD PA DAG JI LTA BUR, ,ZHES SOGS GSUNGS PA DANG MTHUN NO, , DE LTAR NA GANG ZAG RANG RKYA THUB BA'I RDZAS YOD DU 'DZIN PA'I YUL SUN MA PHYUNG PAR LAS GSOG PA DANG 'BRAS BU MYONG BA'I BDAG YOD PAR GSUNGS PA NI, NGAN 'GROR MI LTUNG BA DANG BDE 'GRO LA DGOD PA'I PHYIR DU LAS 'BRAS KYI NGES PA BSKYED PA'I PHYIR YIN LA, GANG ZAG RANG RKYA THUB PA'I RDZAS YOD DU 'DZIN PA'I YUL SUN PHYUNG NAS DE 'DRA BA'I BDAG MED PAR BSTAN ZHING PHUNG PO RDZAS SU YOD PAR 'DZIN PA'I YUL SUN MA PHYUNG BA NI, 'JIG LTA LHOD PAR BYA BA TZAM YIN GYI DRUNGS 'BYIN BYED MIN PAS MI RTAG SOGS BCU DRUG GI STONG PA DANG, BDAG MED GANG ZAG RANG RKYA THUB PA'I RDZAS YOD MED PA'I DBANG DU BYAS PA'I LAM RNAMS NYON MONGS ZAD BYED MIN NO, ,GANG ZAG RANG GI NGO BOS YOD PA DANG DE BKAG PA RANG GI NGO BOS YOD PA GNYIS KA 'GOG PA'I GSUNG RAB NI NYON MONGS PA THAMS CAD ZAD PAR BYED PA'I LAM MO, ,DE NI SANGS RGYAS RNAMS KYIS ZHES PA'I BYED PA PO'I TSIG THOG MAR BRTEN NAS BDAG GO ZHES KYANG BTAGS ZHES SOGS KYI BYA BA'I CHIG GSUM DANG SPREL BA'I BSHAD PA YIN LA, DA NI RTZA BAR SANGS RGYAS RNAMS KYIS ZHES PA'I BYED PA PO'I TSIG BYA BA'I TSIG GSUM PA NYID DANG SBYAR BA'I SGRAS ZIN LTAR BSHAD NA, 'DUS BYAS SKAD CIG RE RE LA 'JOG PA RNAMS LA LAS 'BRAS KYI 'BREL PA

189a

, ,MI 'THAD PAR MTHONG NAS DE'I RTEN DU GRANGS CAN LA SOGS PAS BDAG RTAG PA YOD CES BTAGS SO, ,RGYU MTSAN LTAR SNANG GI 'THAD PAS SNGA MA NAS 'DI DANG 'DI NAS PHYI MAR 'KHOR BA'I GANG ZAG MED PAR MTHONG NAS RGYANG PHAN PAS DA 'DRA BA'I BDAG MED DO ZHES KYANG BSTAN NO, ,SANGS RGYAS BCOM LDAN 'DAS RNAMS KYIS NI BDAG DANG BDAG MED PA 'GA' YANG RANG BZHIN GYIS GRUB PA MED DO ZHES KYANG BSTAN NO, ,GNYIS PA NI, GAL TE SANGS RGYAS RNAMS KYIS BDAG DANG BDAG MED PA GNYIS KA RANG BZHIN MED PAR BSTAN NA 'O NA CI ZHIG YOD PAR BSTAN ZHE NA, DON DAM PAR BRJOD PAR BYA BA YOD NA DE STON PAR 'GYUR NA'ANG DON DAM PAR BRJOD PAR BYA BA LDOG PA STE YOD PA MIN PA DE'I TSE SANGS RGYAS RNAMS KYIS CUNG ZAD KYANG MA BSTAN NO, ,DE'I RGYU MTSAN NI DON DAM PAR SEMS KYI SPYOD YUL GYI DMIGS PA LDOG PAS SO, ,DE'I RGYU MTSAN YANG CHOS THAMS CAD DON DAM PAR MA SKYES SHING MA 'GAG PA'I CHOS NYID MYA NGAN LAS 'DAS PA DANG MTSUNGS PA STE DE JI 'DRA BA DE 'DRA BAR GYUR PA'I PHYIR RO, ,YANG NA SPROS PA NI STONG PA NYID KYIS 'GAG PAR 'GYUR ZHES PA JI LTAR STONG PA NYID DU LTA BAS SPROS PA 'GAG CES, DRIS PA'I LAN DU BSHAD PAR BYA STE DE'I TSE RKANG PA THA MA GNYIS KYI DON NI DE LTAR RTOGS PA LA BYA'O, ,YANG NA SNGAR PHYI NANG GI DNGOS PO MA DMIGS PAS 'JIG LTA GNYIS ZAD PA DE KHO NA NYID YIN ZHES BSTAN PA DE SGRAS BRJOD PA DANG SHES PAR NUS SAM ZHES 'DRI BA'I

189b

LAN DU SBYAR TE BSHAD PA NI SNGAR BZHIN NO, ,GSUM PA NI, GAL TE MA SKYES PA DANG MA 'GAGS PA, ,CHOS NYID MYA NGAN 'DAS DANG MTSUNGS PA YIN PA LA NGAG DANG SEMS DNGOS SU MI 'JUG KYANG DE MA BSTAN NA, GDUL BYA RNAMS KYIS SHES PAR MI NUS PAS GDUL BYA ZAB MO'I DON LA GZHUG PAR BYA BA'I PHYIR, NGES PAR KUN RDZOB KYI BDEN PA LA LTOS NAS DE STON PA'I RIM PA ZHIG YOD DGOS PAS DE BRJOD PAR BYA'O ZHES NA, RGYAL BA RNAmS KYIS DE KHO NA NYID KYI BDUD RTZI LA 'JUG PA'I BSTAN PA'I RIM PA NI 'DI YIN TE, BRGYA PA LAS, GANG ZHIG GANG GANG LA DGA' BA, ,DE YI DE DE SNGAR BSHAD BYA, ,NYAMS PAR GYUR PA DAM CHOS KYI, ,SNOD NI CIS KYANG MA YIN NO, ,ZHES GSUNGS PA LTAR GDUL BYA RANG LA GRAGS PA SNGAR MA BSHAD NA ZAB MO'I SNOD DU RUNG BA LAS NYAMS PAR 'GYUR LA, JI LTAR KLA KLO SKAD GZHAN GYIS, ,GZUNG BAR MI NUS DE BZHIN DU, ,'JIG RTEN PA YI MA RTOGS PAR, ,'JIG RTEN GZUNG BAR NUS MA YIN, ,ZHES GSUNGS PA LTAR RANG LA GRAGS PA LTAR BSHAD PAS RJES SU 'DZIN PA'I THABS SU 'GYUR BA DANG, SDOM PA GSUM BSTAN PA LAS, 'JIG RTEN NGA DANG LHAN CIG RTZOD KYI NGA NI 'JIG RTEN DANG MI RTZOD DO, GANG 'JIG RTEN NA YOD PAR 'DOD PA DE NI NGA YANG YOD PAR BZHED DO, ,GANG 'JIG RTEN NA MED PAR 'DOD PA DE NI NGA YANG MED PAR BZHED DE, , ZHES 'JIG RTEN GYI GRAGS PA DANG MTHUN PAR CHOS STON NO ZHES PA'I LUNG LAS NI, THOG MA KHO NAR 'DI NI 'JIG RTEN GYI BYUNG TSUL MA LUS PA MKHYEN PA'I THAMS CAD MKHYEN PA'O ZHES GDUL BYA RANG LA GUS PA BSKYED PA'I PHYIR DU, GDUL BYA RANG LA

190a

, ,GRAGS PA'I DNGOS PO'I RANG GI NGO BO'I DBYE BA NYAN PAR 'DOD PA RNAMS LA DE'I LTA BA'I DBANG DU BYAS NAS, PHUNG PO DANG KHAMS DANG SKYE MCHED LA SOGS PA MA RIG PA'I RAB RIB CAN DAG GIS BDEN PAR BRTAGS PA'I SNOD BCUD THAMS CAD YANG DAG PA STE BDEN NO ZHES GSUNGS SO, ,DE LTAR BSTAN PAS STON PA LA THAMS CAD MKHYEN PA'O SNYAM DU GUS PA SKYES PA'I GDUL BYA LA DUS PHYIS YANG DAG PA NI GZHAN DU 'GYUR BA MED PA YIN NA, 'DUS BYAS 'DI DAG SKAD CIG RE RE LA 'JIG PA'I PHYIR SKAD CIG RE RE LA GZHAN DU 'GYUR BA YOD PAS YANG DAG PA MIN NO ZHES STON TE, 'DI NI PHRA BA'I MI RTAG PA BSHAD NAS YID BRTAN MI RUNG BA LA YANG DAG MIN PA STE BRDZUN PAR GSUNGS PA YIN GYI RANG GI MTSAN NYID KYIS MA GRUB PA'I BDEN MED NI MIN NO, ,DE NAS GDUL BYA KHA CIG LA NI SNOD BCUD 'DI DAG THAMS CAD BYIS PA LA LTOS NAS YANG DAG PA STE BDEN PA DANG, 'PHAGS PA'I RJES KYI YE SHES LA LTOS NAS YANG DAG MA YIN PA BRDZUN PA'O ZHES BSTAN TE, 'DI'I BDEN BRDZUN KYANG RANG GRUB PA'I DUS GNYIS PAR RANG GI NGO BO LA GNAS MI GNAS KYIS SLU MI SLUR GSUNGS PA'O, ,ZAB MO'I LTA BA LA SKYE BA SNGA MAR RING NAS GOMS PA TSE 'DIR GRUB MTHA'I DBANG GIS BDEN PAR 'DZIN PA'I SGRAB PA CUNG ZAD MA SPANGS PA KHA CIG LA NI, SGRIB PA CUNG ZAD TZAM PO DE YANG SPANG BAR BYA BA'I PHYIR MO GSHAM GYI BU MED PAS DE'I SNGO BSANGS DANG DKAR SHAM PA RTAG TU MI RUNG BA LTAR, YANG DAG MIN PA SKAD CIG RE

190b

RE LA GZHAN DU 'GYUR BAR NGO BO NYID KYIS GRUB PA YANG MIN LA YANG DAG PA STE SKAD CIG RE RE LA GZHAN 'GYUR MED PA YANG MIN NO ZHES GNYIS KA BKAG STE, GZHAN 'GYUR YOD MED DU GRUB MA GRUB RTZI BA'I GZHI RANG GI NGO BO NYID KYIS MA GRUB PA'I PHYIR RO, , DE LTAR DUS DANG PAR RGYUN GYI MTHA'I MI RTAG PA MA GTOGS PA SKAD CIG RI RA LA GZHAN 'GYUR MED PA'I YANG DAG PA KHAS BLANGS NAS STON PA LA YID CHES SKYED PA'I CHOS STON PA DANG, DUS GNYIS PAR SKAD CIG RE RE LA GZHAN DU 'GYUR BA'I YANG DAG MIN PA KHAS BLANGS NAS RTAG 'DZIN PHRA MO ZLOG PA'I CHOS STON PA DANG, DUS GSUM PAR SHES DO GNYIS LA LTOS NAS SKAD CIG GIS GZHAN DU 'GYUR MI 'GYUR GYI YANG DAG DANG YANG DAG MIN PA'I RNAM GRANGS GNYIS KA'I CHOS STON PA DANG, DUS BZHI PAR SKAD CIG GIS RTAG MI RTAG GNYIS KA RANG GI NGO BO NYID KYIS GRUB PAS DPON PA'I CHOS STON PA DE NI, LAM GOL BA NAS BZLOG NAS LAM BZANG PO LA 'GOD PAS BSTAN PA YIN LA, DE YANG RIM GYIS STON PAS RJES SU BSTAN PA'AM GDUL BYA'I BLO DANG 'CHAM PAR STON PAS RJES SU BSTAN PA'O, ,RGYAL BA RNAMS NI DE KHO NA NYID KYI BDUD RTZI LA 'JUG PA'I THABS SU MA GYUR PA NI MI GSUNG LA NAD DANG MTHUN PA'I SMAN GSOG PA LTAR GDUL BYA DANG 'TSAM BAR CHOS STON TE BRGYA PA LAS YOD DANG MED DANG YOD MED DANG, ,GNYIS GA MIN ZHES KYANG BSTAN TE, ,NAD KYI DBANG GIS THAMS CAD NI, ,SMAN ZHES BYA BAR 'GYUR MIN NAM, ,ZHES GSUNGS SO, ,BUDDHA P'A LI TA LAS, 'JIG RTEN NA YANG DAG YIN MIN GNYIS KAR GRAGS PA LTAR

191a

, ,STON PAS KYANG DE LTAR BSHAD DE 'JIG RTEN GYI THA SNYAD KYI DBANG GIS YIN LA, YANG DAG YIN MIN GNYIS KA BKAG PA NI DON DAM PA'I DBANG GIS DANG, YANG NA YANG DAG YIN MIN GNYIS KA NI RGYU DUS NA 'BRAS BU YOD MED DANG GNYIS KA SKYE BA DANG, SANGS RGYAS KYIS BSTAN PA NI YOD MED KYI MTHA' BKAG NAS RGYU RKYEN LAS GDAGS PAR ZAD PAS, DE KHO NA MTHONG BAR 'DOD PA RNAMS KYIS 'JIG RTEN GYI THA SNYAD KYI DBANG GIS GSUNGS PA LA MA ZHEN PAR BYAS TE DE KHO NA NYID GZUNG NGO ZHES BSHAD DO, ,BZHI PA LA GNYIS, 'PHAGS PA RNAMS KYI DE KHO NA NYID KYI MTSAN NYID DANG, 'JIG RTEN PA'I DE KHO NA NYID KYI MTSAN NYID DO, ,DANG PO NI, GANG LA RIM GYIS GZHUG PA'I PHYIR BSTAN PA'I DE KHO NA NYID DE MTSAN NYID GANG DANG LDAN PA ZHIG CE NA, BRJOD PAR BYA BA LDOG PA STE, ,ZHES PAR BSHAD ZIN PAS CI ZHIG DRIR YOD, DE LTA NA'ANG 'JIG RTEN PA'I THA SNYAD KHAS BLANGS PA LTAR THA SNYAD KYI BDEN PA'I DER SGRO BTAGS NAS DE'I MTSAN NYID BRJOD PAR BYA DGOS SO ZHE NA, TSIG GSAL LAS SGRO BTAGS NAS DE'I MTSAN NYID BRJOD DGOS SO ZHES 'BYUNG BA NI SGRA RTAG GI THA SNYAD KYI LAM NAS DRANGS TE BSHAD PA LA BYA'I, MIN BZHIN DU BTAGS PA MIN TE RAB BYED BCO LNGA PAR BSHAD ZIN TO, ,DE LA LOG RTOG SEL BA LA LTOS NAS MTSAN NYID LNGA LDAN DU GSUNGS PA'I DANG PO GZHAN LAS SHES PA MIN PA NI, GANG ZAG GZHAN GYIS BSTAN PA TZAM LAS RTOGS PAR BYA BA MIN GYI

191b

RANG GIS ZAG PA MED PA'I YE SHES KYIS RTOGS PAR BYA BA'O, ,DPER NA RAB RIB CAN GYIS SKRA SHAD DMIGS PA NA RAB RIB MED PAS SNANG BA 'DI NI SKRA SHAD KYI NGO BOR MED DO ZHES BSTAN KYANG, RAB RIB MED PAS SKRA SHAD MED PA MTHONG BA 'DRA BA ZHIG DES RTOGS MI NUS KYI DES BSTAN PA LAS SKRA SHAD DU MED BZHIN DU DER SNANG BA'I PHYIR CI LOG GO SNYAM PA 'DI TZAM ZHIG TU RTOGS SO, ,RAB RIB SEL BA'I MIG SMAN BSKUS PAS RAB RIB MED PAR GYUR PA'I TSE BAR SNANG LTA BU SKRA SHAD DU SNANG BA'I NGO BO DE SKRA SHAD DU SNANG BA MA MTHONG BA'I TSUL GYIS RTOd PAR 'GYUR RO, ,DE BZHIN DU 'PHAGS PA RNAMS KYIS SGRO BTAGS PA'I SGRA NAS DE KHO NA NYID STON MOD KYANG, DE TZAM GYIS SO SO SKYE BO RNAMS KYIS DE'I RANG GI NGO BO ZAG MED KYI YE SHES KYIS GZIGS PA 'DRA BA ZHIG RTOGS MA NUS KYI, STONG NYID KYI DON PHYIN CI MA LOG PAR LTA BA'I MIG SMAN GYIS BLO YI MIG BSKUS PA NA MA RIG PA'I RAB RIB KYIS MA BSLAD PA'I DE KHO NA NYID KYI YE SHES SKYES PA'I TSE, DE KHO NA NYID DE SPROS PA'I SNANG BA GANG YANG MA MTHONG BA'I TSUL GYIS RANG NYID KYIS RTOGS PAR 'GYUR TE DE 'DRA BA DE NI DE KHO NA NYID DO, ,DES NA SKRA SHAD 'DZAG SNANG CAN GYIS DER SNANG BA LOG PA'I TSUL GYIS SKRA SHAD MED PA MA RTOGS KYANG SKRA SHAD KYIS STONG PA'I DON MA RTOGS PA MIN PA BZHIN DU, SO SO SKYE BOS KYANG GNYIS SNANG LOG PA'I TSUL GYIS DE KHO NA NYID MA RTOGS KYANG NGO BO NYID KYIS YOD PAS STONG PA'I DON DAM MI RTOGS PA MIN NO, ,GNYIS PA ZHI BA NI RAB RIB MED PAS SKRA SHAD MA MTHONG BA LTAR NGO BO NYID KYIS YOD PA'I RANG BZHIN DANG BRAL BA'O, ,DE'I PHYIR DON

192a

, ,RNAMS SPRO BAR BYED PA'I SPROS PA NGAG GIS MA SPROS PA STE MA BRJOD PA NI GSUM PA'O, ,BZHI PA RNAM RTOG MED PA NI RNAM PAR RTOG PA NI SEMS KYI RGYU BA YIN LA, DE KHO NA NYID DE MNGON DU GYUR PA'I DUS SU NI DE DANG BRAL BA STE, MDO LAS DON DAM PA'I BDEN PA GANG ZHE NA, GANG LA SEMS KYI RGYU BA YANG MED NA YI GE RNAMS LTA CI SMOS ZHES GSUNGS SO, ,LNGA PA DON THA DAD PA MED PA NI CHOS GCIG DON DAM PAR JI LTA BU YIN PA DER CHOS GZHAN THAMS CAD KYANG MTSUNGS PAS DON DAM PAR DON SO SO BA MED PA STE, BDEN PA GNYIS LA 'JUG PA LAS, 'JAM DPAL YANG DAG PAR SBYOR BA NI GANG YIN 'JAM DPAL GYIS SMRAS PA, LHA'I BU DON DAM PAR NI DE BZHIN NYID DANG CHOS KYI DBYINGS DANG GTAN MA SKYES PA GANG DU MTSUNGS PA DER DON DAM PAR MTSAMS MED PA RNAMS KYANG MTSUNGS SO, ,ZHES RGYA CHER GSUNGS PA LTAR RO, ,DE LTAR NA DON LNGA PO DE DAG NI DE KHO NA NYID KYI MTSAN NYID DE SNGA MA RNAMS PHYI MAS BSHAD PAR YANG RIG PAR BYA'O, , GNYIS PA NI, RGYU GANG LA BRTEN TE 'BYUNG BA'I 'BRAS BU GANG YIN PA DE NI RE ZHIG RGYU DE NYID DANG NGO BO NYID KYIS GCIG TU YOD PA MIN TE BSKYED PAR BYA BA DANG SKYED PAR BYED PA THAMS CAD GCIG TU THAL BAR 'GYUR BA'I PHYIR RO, ,DE'I PHYIR RGYU DE NYID 'BRAS BUR 'PHOS PA'I RTAG PA MIN NO, ,YANG RGYU GANG LA BRTEN TE 'BYUNG BA'I 'BRAS BU GANG YIN PA DE NI RGYU DE LAS NGO BO NYID KYIS GZHAN DU YOD PA'ANG MIN TE, GZHAN YIN NA RGYU LA LTOS PA 'GAL BAS RGYU MED PAR YANG 'BYUNG BAR 'GYUR

192b

PA'I PHYIR RO, ,DE'I PHYIR 'BRAS BU RGYU LAS MI 'BYUNG BA'I SGO NAS RGYU'I RGYUN CHAD PA YANG MIN NO, ,DE LTAR NA RTEN 'BYUNG GI GTAN TSIGS KYIS 'BRAS BU RGYU DANG RANG BZHIN GYIS GCIG THA DAD GANG DU YANG MA GRUB LA, DE'I RGYU MTSAN GYIS RGYU RTAG PA DANG CHAD PA'I SKYON GNYIS DANG BRAL BAR GRUB STE, 'DI NI RGYU 'BRAS MIN PA'I BRTEN NAS BTAGS PA THAMS CAD LA'ANG RANG BZHIN GYIS GRUB PA'I GCIG THA DAD DANG RTAG CHAD GNYIS SPONG BA'I SGOR SHES PAR BYA'O, ,LNGA PA NI, SANGS RGYAS 'JIG RTEN PA SKYOB PA DANG MGON MED PA'I SKYABS DANG MGON DU GYUR PA RNAMS KYI BSTAN PA DAM PA'I CHOS KYI BDUD RTZI RGA BA DANG 'CHI BA GTAN NAS GCOD PA DE NI, SNGAR BSHAD PA LTAR BRTEN NAS SKYE BA DANG BRTEN NAS BTAGS PA'I CHOS THAMS CAD NGO BO NYID KYIS DON GCIG PA DANG DON THA DAD PA MIN ZHING CHAD PA DANG RTAG PA YANG MIN PA, SHIN TU ZAB PA'I DON DAM PA'I DE KHO NA GSAL BAR BYED PA 'DI YIN LA DES NA BDUD RTZI DE 'BAD PA CHEN POS BSGRUB PAR BYA'O, ,NYAN THOS CHOS KYI DE KHO NA'I BDUD RTZI 'DI LA THOS BSAM BSGOm PA'I RIM GYIS RAB TU ZHUGS PA RNAMS KYIS NI, TSUL KHRIMS DANG TING NGE 'DZIN DANG SHES RAB KYI BSLAB PA GSUM GYI BDUD RTZI NYE BAR SPYAD PAS NGES PA KHO NAR RGA SHI ZAD PA'I MYANG 'DAS THOB PAR 'GYUR RO, ,CI STE YANG CHOS KYI BDUD RTZI DE THOS KYANG DGE RTZAM SMIN PAS TSE 'DIR THAR PA MA THEB NA NI SKYE BA GZHAN DU SNGON GYI RGYU'I STEBS LAS GDON MI ZA BAR 'GRUB PAR 'GYUR TE, BRGYA PA LAS, DE NYID SHES PAS GAL TE 'DIR, ,MYA NGAN 'DAS PA MA THOB KYANG, ,SKYE BA PHYI MAR 'BAD MED PAR, ,NGES PAR

193a

, ,'THOB 'GYUR LAS BZHIN NO, ,ZHES GSUNGS SO, ,GAL TE SKYE BA GZHAN DU DE KHO NA NYID STON PA PO'I RKYEN DANG PHRAD NA DE LTAR YIN DU CHUG KYANG DE DANG PHRAD PA'I NGES PA MED PAS SKYE BA GZHAN DU MYANG 'DAS 'THOB PAR MA NGES SO SNYAM NA, CI STE YANG SKYE BA GZHAN DU SAD BYED KYI RKYEN RDZOGS PA'I SANGS RGYAS RNAMS 'JIG RTEN DU MA BYUNG ZHING NYAN THOS RNAMS NI ZAD PAR GYUR PA YIN KYANG, RANG SANGS RGYAS KYI YE SHES NI 'DU 'DZI DANG STON PA MED PA'AM DGE BA'I BSHES GNYEN TSOL BA'I STON PA MED PA TZAM LAS RAB TU SKYE BAS MYANG 'DAS NGES PA KHO NAR 'THOB BO, ,DE DAG NI THEG PA DMAN PA'I RIGS CAN LA DON CHEN POR 'GYUR TSUL YIN LA, THEG PA CHEN PA PO RNAMS LA LAM 'DIS LAM GZHAN GYI MIG BYAS NAS THAR PA'I GRONG KHYER DU 'KHRID PA DANG 'DAS ZIN PA NA PHA ROL TU PHYIN PA'I MING 'THOB PA NI YON TAN RIN PO CHE SDUD PA LAS, DMUS LONG DMIGS BU MED PA BYE BA KHRAG KHRIG RNAMS, ,LAM YANG MI SHES GRONG KHYER 'JUG PAR GA LA 'GYUR, ,DE BZHIN SHES RAB MED NA PHA ROL PHYIN LNGA YIS, ,DMIGS BU MED PAS BYANG CHUB REG PAR NUS MA YIN, ,GANG TSE SHES RAB KYIS NI YONGS SU ZIN GYUR PA, ,DE TSE MIG RNYED GYUR ZHING 'DI YI MING 'THEB BO, ,ZHES GSUNGS SO, ,GNAS 'DI SHIN TU DON CHE BAS 'DI LTAR YIN NAM MA YIN SNYAM DU THE TSOM ZA BA LA YANG BSNGAGS TE, BRGYA PA LAS, BSOD NAMS CHUNG DUS CHOS

193b

'DI LA, ,THE TSOM ZA BAR YANG MI 'GYUR, ,THE TSOM ZA BA TZAM ZHIG GIS, ,SRID PA HRUL POR BYAS PAR 'GYUR, ,ZHES GSUNGS SO, ,PHAN YON DE DAG MTHONG BA'I SHES RAB CAN GYIS NI SROG KYANG BTANG NAS RGYAL SRAS RTAG TU DUS, SHAS RAB KYI PHA ROL TU PHYIN PA JI LTAR BTZAL BA DE BZHIN DU BTZAL NAS NANG GI BDAG NYID KYI ZAB MO'I DON 'DI SEMS PA LA DUS RTAG TU 'GRUS PAR BYA STE, BRGYA PA LAS, YANG DAG MTHONG NA GNAS MCHOG LA, ,CUNG ZAD MTHONG NA BZANG 'GRO STE, ,DE PHYIR NANG BDAG BSAM PA LA, ,MKHAS PAS RTAG TU BLO GROS BSKYED, ,CES GSUNGS PA BZHIN NO, ,GNYIS PA NI, BDAG DANG BDAG GI BA RANG BZHIN MED PAR BSHAD PA 'DI NYID SNGAR DRANGS PA RNAMS DANG GZHAN YANG MDO SDE ZAB MO DU MAS BSTAN LA, DE'I DON NI RAB TU BYED PA 'DIS MDOR BSDUS TE GTAN LA PHAB NAS DE NYID LA 'DRIS PAR BYAS PAS NYES SKYON THAMS CAD LDOG PAR GSUNGS PAS, ZAB MO'I DON JI SNYED CIG BKA' STZAL PA THAMS CAD KYI DE KHO NA NYID LA 'JUG PA'I RIM PA NI 'DIR BSTAN PA BZHIN DU SHES PAR BYA'O, ,SHES NAS KYANG BSHES GNYEN DANG NGAL 'BYOR LA SOGS PA'I PHYI NANG GI RKYEN TSOGS PA SHIN TU RNYED DKA' BAR BLTAS LA, TSUL KHRIMS YONGS SU DAG PAS GZHI BZUNG NAS MANG DU THOS PA'I DON BYANG SEMS KYI SPYOD PA SPYI DANG KHYAD PAR DU ZAB MA'I DON LA DBEN PA'I GNAS SU 'DRIS PAR BYA'I TSIG TU SMRA BCAM LA CHES CHER MI BYED PA NI GSUNG RAB KYI GDAMS PA RNAMS KYI DON PO YIN NO, ,JI SKAD DU YAB SRAS MJAL BA LAS, SANGS RGYAS 'BYUNG DANG YUN DU GNAS PA

194a

, ,DANG, ,DE BZHIN BSTAN LA DAD PA THOB PAR DKA', ,MI YI SRID PA'ANG RNYED PAR DKA' BAS NA, ,RGYAL BA RNAMS KYI BSTAN LA LEGS BRTZON GYIS, ,MI KHOM BRGYAD PO THAMS CAD YONGS SPANGS SHING, ,KHOM PA PHUN TSOGS RNYED DKA' THOB GYUR LA, ,BDER GSHEGS BSTAN LA DAD PA RNYED GYUR PA'I, ,MKHAS PA RNAMS KYIS RIGS PA'I RNAL 'BYOR SPYOD, ,SGRA LA 'CHEL CING 'DUG PAR MA BYED PAR, ,CHOS THOS GYUR NAS RTAG TU NAN TAN GYIS, ,KHYED KYI RTAG TU DGON PA'I GNAS STON LA, ,DES NI MI MCHOG DAM PAR 'GYUR BAR BYOS, ,CHOS SMRA'I DGE BSHES GANG YIN STON GYIS LA, ,SDIG PA'I GROGS LA LAN 'GA' 'ANG MA STEN CIG ,SEMS CAN KUN LA SEMS NI MNYAM GYIS LA; ;SEMS CAN DE LA NAM YANG MA RLOM ZHIG ,TSUL KHRIMS LDAN DANG MANG DU THOS GYIS LA, ,RTAG TU PHYAG DAR KHROD DANG BSOD SNYOMS SPYOD, ,GA-YEL BA MED PAR SHING DRUNG STEN GYIS LA, ,BKUS TE BOR BA MCHOG LA MA SMOD CIG , 'DUS BYAS 'DI DAG THAMS CAD 'DUS BYAS MIN, ,MTSAN NYID GCIG CING SMIG RGYU 'DRA BA YIN, ,DAM PA'I DON GYI MU GCIG SHES GYIS LA, ,MYUR DU GZHAL BYAS BYANG CHUB REG PAR GYIS, ,PHUNG PO LNGA RNAMS SGYU MA BZHIN DU LTOS,, NANG GI SKYE MCHED DRUG DANG PHYI YI DRUG ,DE DAG GRONG STONG 'DRA BAR GSUNGS PAS NA, ,DE LA NAM YANG STEN PAR MA BYED CIG ,'DOD CHAGS ZHE SDANG RANG BZHIN STONG PA NYID, ,GTI MUG NGA RGYAL YONGS SU RTOG PAS BSKYED, ,RTOG PA DE'ANG

194b

MA BYUNG 'BYUNG MED PAR, ,DE LTAR SHES NA 'DREN PA RNAMS SU 'GYUR, ,ZHES GSUNGS SO, ,GSUM PA NI, RAB BYED GONG 'OG RNAMS SU ZAB MO'I DON GTAN LA PHAB PA RNAMS NYAMS SU LEN PA'I RIM PAR DRIL BA NI RAB TU BYED PA 'DIS BSTAN PA BZHIN YIN PAS, LTA BAS GTAN LA PHAB PA THAMS CAD BDAG DANG CHOS RANG BZHIN MED PA STON PAR 'DU BAR SHES PAR BYAS NAS SNGAR BSHAD PA LTAR NYAMS SU BLANG NGO, ,BDAG DANG CHOS BRTAG PA ZHES BYA BA TSIGS SU BCAD PA BCU GNYIS KYI BDAG NYID RAB TU BYED PA BCO BRGYAD PA'I RNAM PAR BSHAD PA'O,, ,,BZHI PA DUS KYI RANG BZHIN GYIS STONG PAR BSTAN PA LA GNYIS, DUS NGO BO NYID KYIS GRUB PA DGAG ,DE'I SGRUB BYED DGAG PA'O, ,DANG PO LA GSUM, RAB BYED KYI GZHUNG BSHAD PA, NGES DON GYI LUNG DANG SBYAR BA, DON BSDUS TE MTSAN BSTAN PA'O, ,DANG PO NI, 'DIR SMRAS PA, DNGOS PO RNAMS LA NGO BO NYID KYIS RANG BZHIN YOD DE DNGOS PO NI DUS GSUM DU GDAGS PA'I RGYU YIN PA'I PHYIR RO, ,'DIR DUS GSUM NI MDO SDE LAS BSTAN LA, DA YANG DNGOS PO'I RTEN CAN YIN TE DNGOS PO'I RANG BZHIN SKYES NAS 'GAGS PA LA 'DAS PA DANG, SKYES PA LA MA 'GAGS PA NI DA LTAR PA DANG, BDAG GI DNGOS PO MA RNYED PA LA NI MA 'ONGS PA'I ZHES BSNYAD DO, ,'DI DGAG PA LA GSUM, DUS GSUM RANG BZHIN GYIS YOD PA SPYIR DGAG ,RANG GZHAN GYI SDE PA'I 'DOD PA SO SOR DGAG ,THA SNYAD DU DUS

195a

, ,GSUM RNAM PAR 'JOG PA'I TSUL LO, ,DANG PO LA GSUM, 'DAS PA LA LTOS MA LTOS KYI DUS GNYIS RANG BZHIN GYIS GRUB PA DGAG ,RIGS PA DE DUS GZHAN GNYIS LA SBYAR BA, CHOS GSUM TSAN GZHAN LA SBYAR BA'O, ,DANG PO LA GNYIS, 'DAS PA LA LTOS PA'I DUS RANG BZHIN GYIS GRUB PA DGAG ,MA LTOS PA'I DUS RANG BZHIN GYIS GRUB PA DGAG PA'O, ,DANG PO NI, GAL TE DA LTAR BA DANG MA 'ONGS PA GNYIS RANG GI NGO BO NYID KYIS YOD NA GNYIS LAS MI 'DA' BAS DA LTAR BYUNG BA DANG MA 'ONGS PA GNYIS 'DAS BA'I DUS LA LTOS NA DA LTAR BYUNG BA DANG MA 'ONGS PA GNYIS 'DAS PA'I DUS NA YOD PAR 'GYUR TE, DUS DE GNYIS RANG GI NGO BOS YOD NA DE GNYIS 'DAS PA LA LTOS PA YANG RANG GI MTSAN NYID KYIS GRUB PA'I RANG BZHIN DU 'GYUR LA, DE 'DRA BA'I RANG BZHIN NI YUL DUS GANG DU YANG MI 'KHRUL DGOS PA'I PHYIR TE RANG BZHIN GZHAN DU 'GYUR BA NAM YANG MI 'THAD PA'I PHYIR RO, ,GAL TE SGRON ME'I NGO BO LA MUN PA MED KYANG PHAN CHUN 'GAL ZLAR LTOS PAS KHYAB PA MED DO SNYAM NA, SNANG MUN RANG GI NGO BO NYID KYIS GRUB PA'I RANG BZHIN DU 'DOD NA DE GNYIS PHAN TSUN DU MED KYANG LTOS PA BSGRUB BYA DANG 'DRA BAR BSGRUB DGOS PA'I PHYIR DES MI GNOD DO,, DUS DE GNYIS 'DAS PA'I DUS NA YOD NA NI DE GNYIS KYANG 'DAS PAR 'GYUR LA DE LTA NA 'DAS PA YANG GZHAG PAR MI NUS TE, DA LTAR BA LAS 'DAS PAS 'DAS PA DANG DER MA 'ONGS PAR 'JOG DGOS NA DE LTAR BA MED NA DE MI RUNG BA'I PHYIR RO,,

195b

GZHAN YANG GAL TE JI SKAD BSHAD PA'I SKYON SPANG BAR 'DOD NAS DA LTAR BYUNG BA DANG MA 'ONGS PA GNYIS 'DAS PA'I DUS DE NA MED PAR GYUR PAR RTOG NA JI LTAR NA 'DAS PA'I DUS LA LTOS PAR 'GYUR TE MI 'GYUR RO, ,GNYIS PA NI, GAL TE GZHAN SDE DUS RTAG PAR SMRA BA RNAMS KYI LTAR NA DUS GNYIS PO 'DAS PA LA LTOS MI DGOS SO SNYAM NA, 'DAS PA LA NI MA LTOS PAR DUS DE GNYIS GRUB PA YOD PA MA YIN TE, MYU GU LA SOGS PA'I RANG GI NGO BO THOB NAS DE LAS MA RGAL BA'AM MA 'DAS PA LA DA LTAR BAR GZHAG DGOS PAS DA LTAR BA 'DAS PA LA MI LTOS PA 'GAL LA, DE'I PHYIR MA 'ONGS PA YANG BRGYUD NAS 'DAS PA LA LTOS DGOS TA DA LTAR DU MA 'ONGS PAS MA 'ONGS PAR BZHAG PA'I PHYIR RO, ,DUS DE GNYIS 'DAS PA LA MI LTOS NA GZHAN LA YANG MI LTOS PAR 'GYUR BAS, GANG LA YANG MI LTAB BA'I PHYIR BONG BU'I RVA BZHIN MED PAR 'GYUR RO, ,DE LTAR 'DAS PA LA LTOS MI LTOS GANG DU YANG NGO BOS MA GRUB PA DE'I PHYIR, DA LTAR BYUNG BA DANG MA 'ONGS PA'I DUS GNYIS KYANG RANG GI NGO BO NYID KYIS YOD PA MA YIN NO, ,GNYIS PA NI, DE BZHIN DU DA LTAR BA LA LTOS MA LTOS KYI 'DAS MA 'ONGS GNYIS DANG MA 'ONGS PA LA LTOS MA LTOS KYI 'DAS DA LTAR GNYIS NGO BO NYID KYIS MA GRUB PAR SHES PA NA, SNGAR 'DAS PA LA LTOS MA LTAS GNYIS NGO BO NYID KYIS YOD PA BKAG PA'I RIGS PA'I RIM PA'I TSUL NI 'DI NYID KYIS, 'DAS PA'I LHAG MA'I DUS DA LTAR BA DANG MA 'ONGS PA GNYIS PO LA LTOS MA LTOS NGO BO NYID KYIS YOD PA SUN 'BYIN PA BSNOR BA'ANG SHES PAR BYA STE, 'DAS

196a

, ,PA DANG NI MA 'ONGS PA, ,GAL TE DA LTAR BYUNG LTOS NA, ,ZHES PA NAS, DE YI PHYIR NA 'DAS PA DANG, ,MA 'ONGS DUS KYANG YOD MA YIN, ,ZHES PA'I BAR DANG, 'DAS DANG DA LTAR BYUNG BA NI, ,GAL TE MA 'ONGS LTOS GYUR NA, ,ZHES PA NAS, DE YI PHYIR NA 'DAS PA DANG, ,DA LTAR DUS KYANG YOD MA YIN, ,ZHES PA'I BAR DU 'DREN PA BSGYUR RO, ,GSUM PA NI, DUS GSUM LA JI LTAR DPYAD PA'I RIM PA'I TSUL NI 'DI NYID KYIS MCHOG DANG THA MA 'BRING GSUM DANG LA SOGS KYIS BSDUS PA DGE MI DGE LUNG MA BSTAN GSUM DANG, SKYE GNAS 'JIG PA GSUM DANG SNGA PHYI DBUS GSUM DANG KHAMS GSUM DANG SLOB MI SLOB DE GNYIS GANG YANG MIN PA GSUM DANG, GCIG DANG LA SOGS KYIS BSDUS PA GNYIS DANG MANG BO STE GSUM TSAN DANG 'BREL BA THAMS CAD LA'ANG RNAM PAR BSHAD PAR SHES PAR BYA'O, ,DE'I PHYOGS TZAM SMOS NA RAB DANG THA MA GNYIS 'BRING DANG RAB 'BRING GNYIS THA MA DANG THA 'BRING GNYIS RAB DANG GCIG DANG GNYIS NI MANG PO DANG GCIG DANG MANG PO DAG GNYIS DANG GNYIS DANG MANG PO DAG ,GCIG LA LTOS NAS RANG GI MTSAN NYID KYIS YOD NA LTOS PA DE YOD PA'I GNAS DANG DUS DER YOD PAR 'GYUR ZHING MED NA DE DAG LA MI LTOS PAR 'GYUR RO, ,PHAN TSUN MA LTOS PAR YOD PA'ANG MI 'THAD PAS RANG GI NGO BOS MED KYI 'JIG RTEN GYI THA SNYAD KYI DBANG GIS MED PA MIN TE DES GZHAN YANG SHES PAR BYA'O, ,GNYIS PA LA GNYIS, GZHAN SDES 'DOD PA'I DUS DGAG ,RANG SDE DNGOS POR SMRA BAS 'DOD

196b

PA'I DUS DGAG PA'O, ,DANG PO NI, DUS NI RANG BZHIN GYIS YOD DE SKAD CIG DANG THANG GCIG DANG YUD TZAM DANG NYIN MTSAN LA SOGS PA'I TSAD DON GZHAN DANG LDAN PA'I PHYIR RO ZHE NA, GAL TE DUS ZHES PA SKAD CIG LA SOGS PA LAS NGO BO THA DAD PAR GNAS PA ZHIG YOD NA, SKAD CIG LA SOGS PA'I SGO NAS TSAD DANG LDAN PAR 'DZIN PA ZHIG NA'ANG, DUS ZHES PA SKAD CIG LA SOGS PA'I SGO NAS GZUNG BAR BYA BA THAR ZUG TU GNAS PA NI MED PAS, DE LTAR MI GNAS PA'I PHYIR DUS NI RANG LAS NGO BO THA DAD PA'I SKAD CIG LA SOGS PA'I SGO NAS 'DZIN PAR MI BYED DO, ,CI STE DUS RTAG PA NI YOD LA DE SKAD CIG LA SOGS PA DAG GIS GSAL BAR BYED DE, DUS KYIS 'BYUNG BA SMIN PAR BYED, ,DUS KYIS SKYE DGU SDUD PAR BYED, , DUS KYIS GNYID LOG SAD PAR BYED, ,DUS LAS 'DA' BAR SHIN TU DKA', ,ZHES 'BYUNG BA DE LTA BU'I MTSAN NYID CAN NI YOD DO SNYAM NA, GANG ZHIG SKAD CIG LA SOGS PAS GSAL ZHING GZUNG BAR BYA BA'I DUS THER ZUG TU GNAS PA YOD PA MA YIN TE, SKAD CIG LA SOGS PA LAS NGO BO THA DAD PAR YOD NA DMIGS SU RUNG BA LAS MA DMIGS PA'I PHYIR RO, ,GZHAN YANG DUS 'DI 'DUS BYAS SAM 'DUS MA BYAS SHIG RANG BZHIN GYIS YOD PAR RTOG GRANG NA DE GNYIS KA YANG, SKYE DANG GNAS DANG 'JIG PA RNAMS, ,MA GRUB PHYIR NA 'DUS BYAS MED, ,CES SOGS KYIS SNGAR BKAG ZIN PA'I PHYIR RO, ,DE 'DRA BA'I DUS TSAD MA GANG GIS KYANG MA DMIGS PA YIN PAS MA BZUNG BA'I DUS DE NI SKAD CIG

197a

, ,LA SOGS PA'I TSAD KYIS JI LTAR GDAGS PAR NUS TE MI NUS SO, ,GNYIS PA NI, GAL TE DUS RTAG PA MED PA NI BDEN MOD KYANG 'DU BYED GZUGS LA SOGS PA LA BRTEN NAS BTAGS PA'I DUS NI SKAD CIG LA SOGS PA'I SGRA'I BRJOD BYAR 'GYUR RO ZHE NA, GAL TE GZUGS LA SOGS PA'I DNGOS PO MED PA STE DE DAG LAS NGO BO THA DAD PA'I DUS NI GA LA YOD DE MED PAS DUS NI GZUGS LA SOGS PA'I DNGOS PO LA BRTEN NAS RNAM PAR 'JOG NA, SNGAR BSHAD ZIN PA DANG 'CHAD PAR 'GYUR BA'I RIGS PAS DNGOS PO 'GA' YANG RANG BZHIN GYIS YOD PA MIN NA DE LA BRTAGS PA'I DUS LTA RANG BZHIN GYIS YOD PAR GA LA 'GYUR TE MI 'GYUR RO, ,GSUM PA NI, 'DIR DUS GSUM NI; BRGYA PA'I 'GREL PA LAS, DA LAM 'ONGS PA NI DA LTAR BYUNG BA'I DUS SU MA PHYIN PA'O, ,'DAS PA NI DE NYID LAS 'DAS PA'O, ,DA LTAR BYUNG BA NI SKYES LAM 'GAGS PA'O, ,DA LTAR BYUNG BA NI DA LTAR DMIGS PA'I PHYIR GTZO BO YIN GYI DER MA 'ONGS PA DANG RGAL BA DAG GIS MA 'ONGS PA DANG 'DAS PA'I DUS GNYIS RNAM PAR 'JOG PA NI GTZO BO MA YIN NA, ZHES GSUNGS PA LTAR GZHAG GO, DE LA GANG DU MA 'ONGS SHING GANG LAS 'DAS PAS MA 'ONGS PA DANG 'DAS PAR 'JOG PA'I DUS NI DA LTAR BA STE DES NA LTAR BA NI DUS KYI GTZO BO YIN LA GZHAN GNYIS GTZO BO MA YIN NO, ,DA LTAR BAR MA PHYIN PA NI NAMKHA' DANG RI BONG GI RVA LA SOGS PA'ANG YIN PAS DE BCAD PA'I PHYIR MNGON PA

197b

PAS RGYU YOD KYANG MA BYUNG BA DANG, ZHES GSUNGS TE, DPER NA MYU GU'I RGYU YOD KYANG DA DUNG MYU GUR MA SKYES PA 'AM MA PHYIN PA NI MA 'ONGS PA YIN GYI GANG ZHIG DA LTAR BAR MA 'ONGS PA'I GZHI DE NAM YANG 'BYUNG BA'I RGYU MED PAS MA PHYIN PA NI MA 'ONGS PA MIN NO, ,DE LTAR NA GANG DU MA 'ONGS PA NI DA LTAR BA RANG GANG ZHIG MA 'ONGS PA NI MYU GU LA SOGS PA'I 'BRAS BU RNAMS YIN KYANG 'BRAS BU RNAMS MA 'ONGS PA'I DUS SU 'JOG PA MIN NO, ,'DI LA GANG MA 'ONGS PA'I 'BRAS BU DANG DE'I RGYU GNYIS KA RANG GI BYA BA BYAS NAS ZHIG PA MIN PAS RGYU 'BRAS GNYIS SPYAD MA ZIN PA ZHES DBUS MTHA' SOGS LAS GSUNGS SO, ,DA LTAR BA LAS LOG PA TZAM LA 'DAS PAR 'JOG NA NAM MKHA' LA SOGS PA DANG MA 'ONGS PA YANG 'DAS PAR 'GYUR BAS DA LTAR BA LAS 'DAS PA NI DA LTAR BA ZHIG PA'O, ,BYUNG LA 'GAGS PA ZHES KYANG GSUNGS TE DPER NA MYU GU ZHIG PA 'DAS PAR 'JOG PA NA BYUNG BA ZHES PA NI 'DAS PA LA MI BYED KYI GANG 'DAS PA'I 'DAS RGYU MYU GU LA BYA'O, ,MYU GU DE 'DAS PAR SONG BA NA 'BRAS BU MYU GU DANG DE'I RGYU GNYIS KAS RANG GI BA BYAS NAS ZHIG PAS RGYU 'BRAS GNYIS KA SPYAD ZIN PA ZHES GSUNGS SO, ,DA LTAR BA NI MYU GU LA SOGS PA RNAMS SKYES LA MA 'GAGS PA'I DUS TE DE'I DUS NA RANG GI RGYU NI 'GAGS LA 'BRAS BU RANG NYID MA 'GAGS PAS RGYU NI SPYAD ZIN LA 'BRAS BU NI SPYAD MA ZIN PAR GSUNGS SO, ,DE LTAR NA MYU GU ZHIG PA NI MYU GU 'DAS PA'I DUS DANG MYU GU MA SKYES PA NI MYU GU MA 'ONGS PA'I DUS DANG MYU GU GRUB NAS MA ZHIG PA NI MYU GU DA LTAR

198a

, ,BA'I DUS YIN PAS, DUS GSUM CHAR YANG MYU GU LA SOGS PA'I DNGOS PO DE'I ZHIG PA DANG MA SKYES PA DANG SKYES NAS MA ZHIG PA'I DUS GANG YIN DE LA RTZI BA YIN GYI, DUS KYI THA SNYAD BYED PA POS BRJOD BZHIN PA'I DA LTAR BA'I DUS SU MED PA LA DA LTAR BA MA YIN PAR SMRA BA MA YIN TE DE NI BRJOD PA PO DE LA LTOS PA'I DA LTAR BA YIN PA'I PHYIR RO, ,DES NA RGYU SNGA MA DANG 'BRAS BU PHYI MA DANG 'DAS PA ZHIG PA DANG MA 'ONGS PA MA SKYES PAR 'DOD BZHIN DU SKAD CIG MA SNGA MA RNAMS 'DAS PA DANG SKAD CIG MA PHYI MA RNAMS MA 'ONGS PAR 'DOD PA NI MUN SPRUL LO, ,BYE BRAG TU SMRA BA RNAMS MYU GU LA SOGS PA RE RE LA DUS GSUM GSUM DU 'JOG PAS MYU GU MA 'ONGS PA DANG 'DAS PA'I DUS SU YANG MYU GUR YOD PAR 'DOD DE DNGOS PO GZHAN LA YANG DE LTAR 'DOD DO, ,DE YANG CHOS SKYOB NI MYU GU LA SOGS PA MA 'ONGS PA NAS DA LTAR BA DANG DA LTAR BA NAS 'DAS PAR 'JUG PA NA MA 'ONGS PA DANG DA LTAR BA'I DNGOS PO 'DOR GYI DE'I DUS KYI RDZAS MI 'DOR TE, DPER NA GSER GYI SNOD BCOM NAS SNOD GZHAN BYED PA DANG 'O MA ZHOR 'GYUR BA NA DBYIBS DANG RO GZHAN DU 'GYUR GYI KHA DOG GZHAN DU MI 'GYUR BA BZHIN NO ZHES SMRA'O, ,DBYANGS SGROG NI DUS RE RE YANG DUS GSUM GA'I MTSAN NYID DANG LDAN MOD KYANG GANG SHAS CHE BAS 'DAS PA LA SOGS PAR 'JOG STE, SKYES PA GCIG BUD MED GCIG LA CHAGS PA SHAS CHE YANG BUD MED GZHAN LA CHAGS BRAL MIN PA BZHIN NO

198b

ZHES ZER RO, ,DBYIG SHES NI MYU GU LA SOGS PA'I DNGOS PO GCIG KYANG MA 'ONGS PA LA SOGS PA'I GNAS SKABS SO SO BAR PHYIN PA NA MA 'ONGS PA LA SOGS PAR 'JOG STE, RTZIS KYI RIL BU GCIG GCIG DANG BRGYA DANG STONG GI SHOD MIG TU BZHAG NA GCIG LA SOGS PAR 'JOG PA BZHIN NO ZHES 'DOD DO,, SANGS RGYAS LHA NI DPER NA BUD MED GCIG LTOS SA LA LTOS NAS MA DANG BU MOR BRJOD PA BZHIN DU DNGOS PO GCIG KYANG SNGA MA DANG PHYI MA LA LTOS NAS DUS GZHAN DANG GZHAN DU 'JOG GO, DE'I DANG PO NI 'GYUR BA SMRA BAS GRANGS CAN GYI LUGS DANG GNYIS PA LA DUS KYI MTSAN NYID 'CHOL BA DANG, GSUM PA LA MYU GU LA SOGS PA'I CHOS LAS NGO BO THA DAD PA'I BYA BA 'DOD NA 'DUS MA BYAS SU 'GYUR LA NGO BO GCIG NA BYA PA BYED MI BYED KYI GNAS SKABS SO SOR MED PA DANG, BZHI PA LA 'DAS PA LA SOGS PA RE RE LA'ANG SNGA PHYI DBUS GSUM DUS GSUM DU SMRA DGOS PAS DUS RE RE LA DUS GSUM GSUM YOD PAR 'GYUR RO ,GZHAN YANG 'DAS MA 'ONGS KYI DUS SU YANG MYU GU LA SOGS PA RANG GI NGO BOR YOD NA, MYU GU LA SOGS PA ZHIG PA DANG MA SKYES PA ZHES CI'I PHYIR BYA ZHES MDZOD RTZA 'GREL LAS BKAG NAS DUS GSUM GYI MTSAN NYID SNGAR BSHAD PA BZHIN DU SMRA ZHING, ZHIG PA DANG MA SKYES PA'I 'DAS PA DANG MA 'ONGS PA GNYIS DNGOS MED DU 'DOD DE 'DI NI DBU MA THAL 'GYUR BA MA GTOGS PA MDO SDE PA YAN CHAD KYI RANG SDE RNAMS KYIS 'DOD PA'O, ,DBU MA THAL 'GYUR BAS NI DUS GSUM GA DNGOS POR BZHED DE RAB BYED BDUN PA

199a

, ,PA'I SKABS SU ZHIG PA DANG MA SKYES PA'I DUS GNYIS DNGOS POR BSGRUBS PA BZHIN NO, ,'ON KYANG MYU GU LA SOGS PA RE RE LA DUS GSUM GSUM DU BYED PA NI MI BZHED PAS BYE BRAG TU SMRA BA DANG MI 'DRA'O, , 'DI'I LUGS KYI DUS GSUM MYU GU LA MTSON NA MYU GU NI DA LTAR BA DANG DE ZHIG PA NI 'DAS PA DANG SBYAR RGYU YOD KYANG SKABS 'GAR RGYU RKYEN MA TSANG BAS MYU GU MA SKYES PA NI MA 'ONGS PA'O, ,'O NA MYU GU ZHIG PA'I ZHIG PA RIGS 'DRA BRGYUD MAR 'BYUNG BA NI 'DOD PAS DE'I SKAD CIG MA SKYES LAM 'GAGS PA RNAMS DA LTAR BAR 'GYUR LA DE LTAR NA DA LTAR BA DANG ZHIG PA GNYIS MI 'GAL BAR 'GYUR RO ZHE NA, SKYON MED DE MYU GU ZHIG PA'I SKAD CIG MA DANG PO NI MYU GU ZHIG PA YIN LA DE'I RIGS 'DRA'I ZHIG PA RNAMS NI SNGA MA SNGA MA ZHIG PA YIN ZHING ZHIG PA THAMS CAD 'DAS PA YIN PA'I PHYIR RO, ,MYU GU ZHIG PA DE RANG DUS NA KHO RANG ZHIG PA MIN KYANG SPYIR ZHIG PA YIN PAS 'DAS PA KHO NA'O, ,DE LTAR 'DAS PA'I RIGS 'DRA JI SNYED CIG BYUNG YANG DNGOS PO GZHAN ZHIG ZHIG PA'I SGO NAS RANG GI NGO BO GZHAG DGOS PAS DUS GZHAN GNYIS DANG KHYAD PAR CHE'O, ,DA BZHIN DU MA 'ONGS PA'I RIGS DRI JA SNYED CIG BYUNG YANG DNGOS PO GZHAN ZHIG MA SKYES PA KHO NA'I SGO NAS RANG GI NGO BO GZHAG DGOS PAS 'DAS DA LTAR GNYIS DANG KHYAD PAR SHIN TU CHE'O, ,DE LTAR NA DA LTAR BA NI DNGOS PO GZHAN ZHIG PA DANG MA SKYES PA'I SGO NAS GZHAG MI DGOS PA'I SKYES LA MA 'GAGS PA MYU GU LTA BU YIN PA MA 'ONGS

199b

PA'I SKAD CIG MA SKYES LA MA 'GAGS PA RNAMS DANG KHYAD PAR CHE'O, ,GNYIS PA NI, DE LTAR DUS GSUM MTSAN NYID KYIS YOD PAS STONG PAR BSTAN PA DE NYID ZAB MO'I LUNG GIS KYANG GRUB PA DANG, DUS GSUM RANG BZHIN MED PAR BSHAD PA'I GSUNG RAB THAmD RAB BYED 'DIS BSHAD PAR BYA'O ZHES BSTAN PA'I PHYIR DU NGES DON GYI LUNG DANG SBYOR BA'I PHYOGS TZAM MTSON PA NI, GLANG PO'I RTZAL GYI MDO LAS, GAL TE CHOS RNAMS RANG BZHIN 'GA' YOD NA, ,RGYAL BA NYAN THOS BCAS PAS DE MA KHYEN 'GYUR, ,THER ZUG CHOS RNAMS MYA NGAN 'DA' MI 'GYUR, ,MKHAS RNAMS NAM YANG SPROS PA MED MI 'GYUR, ,ZHES DANG, TING 'DZIN RGYAL PO LAS KYANG, CHOS NI STONG PHRAG BRGYA DAG BSTAN GYUR NAS, ,SANGS RGYAS 'BUM PHRAG GANG DAG 'DAS GYUR KYANG, ,CHOS DANG YI GE DAG LA ZAD MED DE,, SKYE BA YOD MIN DAS NA ZAD PA MED, ,CES PA DANG, DE BZHIN GSHEGS PA 'BYUNG BA'I DUS KYI TSE, ,BYAMS PA ZHES BYA'I RGYAL BA 'BYUNG 'GYUR ZHING, ,SA 'DI GSER GYIS BDAL BA 'BYUNG 'GYUR BA, ,DE TSE DE YI 'BYUNG DE GA LA YOD, ,CES SNGAR SANGS RGYAS BYON NAS 'DAS PA'I DUS LA ZAD PA DANG PHYIS 'BYUNG BA'I DUS RANG GI NGO BO NYID KYIS YOD PA BKAG PAS DUS RANG BZHIN MED PAR BSTAN NO, ,GSUM PA NI, ,SNGAR BYUNG NAS 'GAGS PA DANG DA DUNG MA BYUNG BA SLAR 'BYUNG BA DANG BYUNG NAS MA 'GAGS PA'I DUS GSUM NI RANG GI MTSAN NYID KYIS GRUB PA LA GTAN MI RUNG GI, DES STONG PA'I RANG BZHIN MED PA LA CHES 'THAD DO SNYAM DU BDEN PA GNYIS KYI NGES PA BRTAN PAR BYA'O, ,DUS BRTAG PA ZHES BYA BA TSIGS SU BCAD PA DRUG

200a

, ,GI BDAG NYID RAB TU BYED PA BCU DGU PA'I RNAM PAR BSHAD PA'O,, ,,GNYIS PA DUS RANG BZHIN GYIS YOD PA'I SGRUB BYED DGAG PA LA GNYIS, DUS 'BRAS BU 'BYUNG BA'I LHAN CIG BYED RKYEN YIN PA DGAG ,DUS 'BRAS BU 'BYUNG 'JIG GI RGYU YIN PA DGAG PA'O, ,DANG PO LA GSUM, RAB BYED KYI GZHUNG BSHAD PA, NGES DON GYI LUNG DANG SBYAR BA, DON BSDUS TE MTSAN BSTAN PA'O, ,DANG PO NI, 'DIR SMRAS PA, DUS NI RANG BZHIN GYIS YOD DE 'BRAS BU 'BYUNG BA LA LHAN CIG BYED PA'I RKYEN YIN PA'I PHYIR RO,, 'DIR SA BON DANG SA DANG CHU LA SOGS PA'I RKYEN GZHAN TSOGS KYANG DUS KYI KHYAD PAR MI NYE NA MI SKYE LA NYE NA SKYE BA DANG, PHYI ROL BZHIN DU NANG LA'ANG, , TSOGS SHING DUS LA BAB PA NA, ,'BRAS BU NYID DU SMIN PAR 'GYUR, ,ZHES 'BRAS BU SKYE BA DUS LA LTOS PAR GSUNGS SO, ,'DI DGAG PA LA GSUM, RGYU RKYEN GYI TSOGS PA LAS SKYE BA DGAG ,RGYU GNYIS LAS SKYE BA DGAG ,RGYU RKYEN TSOGS PA LAS SKYE BA 'GOG PA'I RIGS PA GZHAN BSTAN PA'O, ,DANG PO LA GSUM, TSOGS PA SNGA MA LAS SKYE BA DGAG ,DUS MNYAM PA'I TSIGS PA LAS SKYE BA DGAG ,TSOGS PA PHYI MA LAS SKYE BA DGAG PA'O, ,DANG PO LA GNYIS, TSOGS PA LAS DNGOS SU SKYE BA DGAG ,TSOGS PA LAS BRGYUD NAS SKYE BA DGAG PA'O, ,DANG PO LA GNYIS, TSOGS PA LA YOD MED SKYE BA DGAG ,TSOGS PA LA YOD MED NYID DGAG PA'O, ,DANG PO NI, MYU GU SA BON

200b

LA SOGS PA'I RGYU DANG RKYEN TSOGS PA LAS SKYE NA 'BRAS BU TSOGS PA LA GNAS PA ZHIG RANG BZHIN GYIS SKYE'AM, MI GNAS PA ZHIG RANG BZHIN GYIS SKYE GRANG, GAL TE RGYU DANG RKYEN RNAMS KYI TSOGS PA NYID LAS 'BRAS BU RANG BZHIN GYIS SKYE BAR 'GYUR ZHING, RGYU RKYEN GYI TSOGS PA LA 'BRAS BU YOD NA NI JI LTAR NA RGYU RKYEN GYI TSOGS PA NYID LAS 'BRAS BU RANG BZHIN GYIS SKYE ZHES PA MI SKYE STE, 'BRAS BU DANG RTEN BRTEN PA YIN PA'I PHYIR DPER NA 'KHAR GZHONG NA YOD PA'I ZHO'I RIGS 'KHAR GZHONG GIS MI SKYED PA BZHIN NO, ,GZHAN YANG YOD PA NI GRUB ZIN PAS MDUN GYI BUM PA BZHIN DU SLAR YANG SKYE BA LA LTOS PA MED DO, ,GAL TE RGYU RKYEN LA 'BRAS BU'I RANG BZHIN GNAS PA RKYEN GYIS GSAL BAR BYED PAS YOD KYANG SKYE BA DON YOD DO ZHE NA, GSAL BA SNGAR YOD NA SLAR YANG SKYE MI DGOS LA MED NA SNGAR MED SKYE BA'I PHYOGS SU 'GYUR RO, ,GAL TE RGYU DANG RKYEN RNAMS KYI TSOGS PA NYID LAS 'BRAS BU SKYE BAR 'GYUR ZHING TSOGS PA LA 'BRAS BU GNAS PA MED NA NI, JI LTAR NA TSOGS PA NYID LAS 'BRAS BU RANG BZHIN GYIS SKYE ZHES PA MI SKYE STE, DE NA MED PA'I PHYIR BYE MA LAS TIL MAR BZHIN NO, ,MDOR NA 'BRAS BU RANG BZHIN GYIS YOD NA SKYE MI DGOS SHING TSOGS PA LA MED NA RANG BZHIN GYIS SKYED MI NUS PA'O, ,GNYIS PA NI, GZHAN YANG GAL TE RGYU DANG RKYEN RNAMS KYI TSOGS PA LA 'BRAS BU RTEN PA'I SGO NAS YOD NA NI, TSOGS PA LA TSAD MA BZHI GANG RUNG GIS GZUNG DU YOD DOGS NA TSOGS PA NYID LA TSAD MAS GZUNG DU

201a

, ,MED PAS DE LA 'KHAR GZHOD NA ZHO LTAR MED DO, ,CI STE YANG GANG ZHIG GANG NA MED PA DE NI DE LAS MI SKYE STE BYE MA LAS 'BRU MAR BZHIN NO, ,'BRAS BU NI TSOGS PA LAS SKYE BA YIN TE DE'I PHYIR TSOGS PA LAS 'BRAS BU YOD PAR NI RJES DPAG LAS GRUB BO SNYAM NA, 'O NA GANG NA GANG YOD PA DE NI DE LAS RANG BZHIN KYIS MI SKYE STE 'KHOR GZHONG LAS ZHO'I RIGS KYI NGO BO BZHIN NO ZHES PA'I RJES DPAG GIS TSOGS PA LA 'BRAS BU MED PAR 'GRUB BO ZHES CI STE MI GZUNG, CI STE PHYOGS GNYIS KA'ANG RJES DPAG DANG 'GAL BAS JI LTAR TSOGS PA LA 'BRAS BU YOD PA MI RIGS PA BZHIN DU TSOGS PA LA MED PA YANG MI RIGS SO SNYAM NA, KHO BO CAG 'BRAS BU RGYU RKYEN GYI TSOGS PA LA MED PA RANG BZHIN GYIS GRUB PAR SGRUB PA MIN GYI TSOGS PA LA 'BRAS BU RANG BZHIN GYIS YOD PAR GZHAN GYIS BRTAGS PA 'GOG GO, DE BZHIN DU KHO BO CAG TSOGS PA LA 'BRAS BU RANG BZHIN GYIS YOD PAR MI SGRUB KYI GZHAN GYIS DE LA 'BRAS BU MED PA RANG BZHIN GYIS GRUB PAR BRTAGS PA SEL TE, YOD MED KYI MTHA' GNYIS BSAL NAS DBU MA'I LAM SGRUB PAR 'DOD PA'I PHYIR RO, ,GAL TE RGYU DANG RKYEN RNAMS KYI TSOGS PA LA 'BRAS BU MED NA NI MYU GU'I RGYU RNAMS DANG NI RKYEN DAG KYANG RGYU RKYEN MA YIN PA ME DANG SOL BA SOGS DANG MTSUNGS PAR 'GYUR TE, 'BRAS BU MED PA MTSUNGS NA MYU GU'I RGYU RKYEN YIN MIN DU NGO BO NYiD KYIS YOD MED KYANG MTSUNGS PA'I

201b

PHYIR RO, ,GNYIS PA NI, RGYU MTSAN GANG LAS TSOGS PA LA 'BRAS BU YOD MED DPYOD PAR 'GYUR BA RGYU DANG RKYEN GNYI TSOGS PA LA NI 'BRAS BU DNGOS SU SKYED PA'I NUS PA MED DO, ,'ON KYANG RKYEN GYI TSOGS PAS NI DNGOS KYI RGYU LA PHAN 'DOGS PA TZAM ZHIG BYED LA RGYU DES NI 'BRAS BU BSKYED PA'I PHYIR DU, RGYU'I NUS PA 'GA' ZHIG 'BRAS BU LA BYIN NAS 'GAG CING BYIN PA'I RGYU DES PHAN BTAGS PA'I 'BRAS BU YANG SKYED DO ZHE NA, GAL TE RGYUS NI 'BRAS BU LA BYED RGYU BYIN NAS 'GAG PAR 'GYUR NA 'BRAS BU LA GANG BYIN PA'I BYED RGYU DANG, GANG ZHIG 'GAGS PA'I RGYU YA BDAG NYID RDZAS SO SO BA GNYI SU 'GYUR RO, ,DE NI RIGS PA MA YIN TE BYIN PA'I RGYU NI RANG SKYES PA'I 'OG TU YANG GNAS PAS RTAG PA DANG 'GAGS PA'I RGYU NI MI RTAG PAR 'GYUR BA'I PHYIR DANG RGYU GCIG LA RTAG MI RTAG GNYIS 'GAL BA'I PHYIR RO, ,GAL TE RGYU GCIG NYI RDZAS SO SO BA GNYIS SU 'GYUR BA SPANG PA'I PHYIR DU RGYUS NI 'BRAS BU LA BYED RGYU MA BYIN PAR BDAG NYID THAMS CAD KYIS SNGA LOGS NA 'GAG PAR 'GYUR NA NI, RGYU SA BON LTA BU 'GAGS PA'I RJES NAS NI SKYES PA'I 'BRAS BU MYU GU LTA BU DE NI RGYU SA BON LAS DNGOS SU SKYE BA MED PA KHO NAR 'GYUR BAS RGYU MED DU 'BYUNG BAR 'GYUR RO, ,GAL TE MYU GU'I SNGA ROL TU SA BON GYI RGYU RIL GYAS 'GAGS PA DANG 'GAGS MA 'GAGS CHA GNYIS GANG RUNG DU 'GYUR BA'I BRTAG PA 'DI JI LTAR YIN SNYAM NA, 'GAG PA RANG GI MTSAN NYI KYIS GRUB PA LTAR NA MYU GU'I SNGA ROL TU SA BON 'GAG PA LA MNGON DU PHYOGS PA'I TSE 'GAG

202a

, ,PA'I BYA BA RDZOGS DGOS TE 'GAGS PA NI 'GAG RGYU'I DNGOS PO DE'I CHOS YIN LA RANG BZHIN GYIS GRUB PA'I CHOS CHES CAN NI DUS NAM YANG MI 'BRAL BA'I PHYIR TE SKYE BA BDEN PAR 'DOD NA SKYE BA LA MNGON DU PHYOGS PA'I TSE SKYE RGYU'I DNGOS PO GRUB DGOS PA BZHIN NO, ,GNYIS PA NI, GAL TE 'BRAS BU RANG GI SNGA ROL GYI RGYU LAS SKYE BA LA NYES PA 'DIR 'GYUR NA NI RGYU RKYEN GYI TSOGS PA 'BRAS BU DANG LHAN CIG SKYES PA KHO NA 'BRAS BU'I SKYED BYED DU 'GYUR TE, DPER NA DUS MNYAM PA'I SGRON MAS 'OD SKYED PA BZHIN NO ZHE NA, GAL TE RGYU RKYEN GYI TSOGS PA DANG LHAN CIG TU 'BRAS BU YANG NI SKYE BAR 'GYUR NA NI, SKYED PAR BYED PA RGYU DANG BSKYED BYA 'BRAS BU GANG YIN PA DE GNYI NI DUS GCIG TU THAL BAR 'GYUR NA, BA LANG GI RVA GA-YAS GA-YON GNYIS BSKYED BYA DANG SKYED BYED DU MA MTHONG BAS DE NI MI RIGS SO, ,GSUM PA NI, BYE BRAG TU SMRA BA DAG NA RE DNGOS PO RNAMS SNGAR MA BYUNG BA LAS SKYE BA NI MED DE GLO BUR BA RGYU MED PAR THAL BA'I PHYIR RO, ,DE'I PHYIR 'BRAS BU RGYU RKYEN NI TSOR BA'I SNGA RO GYI MA 'ONGS PA'I SKABS SU YANG GAS PA YIN YIN LA, RGYU RKYEN GYI TSOGS PAS NI DE DA LTA BA'I GNAS SKABS SU SKYED PA YIN GYI RDZAS NI SNGA PHYIR GNAS PA NYID DO ZHES ZER RO, ,GAL TE RGYU RKYEN GYI TSOGS PA'I SNGA ROL DU 'BRAS BU SKYES PAR TE GRUB ZIN PAR GYUR NA NI, 'BRAS BU DE RGYU DANG RKYEN RNAMS LA LTOS PA MED PAR 'GYUR LA DE LTA NA RANG GI RGYU MED PAR 'BYUNG BAR 'GYUR RO, ,GNYIS PA LA

202b

GNYIS, RGYU 'BRAS NGO BO GCIG PA'I PHYOGS DGAG PA DANG, RGYU 'BRAS NGO BO THA DAD PA'I PHYOGS DGAG BA'O, ,DANG PO NI, KHA CIG NA RE 'BRAS BU NI RGYU KHO NAS SKYED PAR BYED KYI RGYU RKYEN TSOGS PAS NI MA YIN LA 'BRAS BU LA BYED RGYU BYIN MA BYIN GYI NYES PAR YANG MA 'GYUR TE, RGYU NYID 'GAGS NAS 'BRAS BU'I BDAG NYID DU RNAM PAR GNAS PA'I PHYIR RO ZHES 'DZER TO, ,GAL TE RGYU 'GAGS PA NA 'BRAS BU SPYI LA DE YANG RGYU'I BDAG NYID KHO NAR RTOG NA NI ZLOS GAR MKHAN CHA LUGS GZHAN BTANG NAS GZHAN LEN PA LTAR RGYU NI DUS KUN TU 'PHO BA TZAM DU 'GYUR GYI 'BRAS BU SNGAR MED PA SKYE BA MIN PAR 'GYUR RO, ,DE'I PHYIR RGYU RTAG PAR 'GYUR NA DE NI MI RIGS TE RTAG PA'I DNGOS PO YOD PA MIN PA'I PHYIR RO, ,GZHAN YANG SNGON SKYES PA'I RGYU YANG NA SLAR YANG SKYE BAR THAL BAR 'GYUR TE DANG PO RGYU'I DUS DANG PHYIS 'BRAS BU'I DUS GNYIS KAR SKYE BA'I PHYIR RO, ,DE YANG MI RIGS TE SKYE MI DGOS PA'I PHYIR DANG SKYE BA THUG MED DU 'GYUR BA'I PHYIR RO, ,GNYIS PA LA GNYIS, RGYUS 'BRAS BU SKYE BA'I BYA BA SBYOR BAR BYED PA DGAG PA DANG, RGYU NYID RANG BZHIN GYIS YOD PA DGAG PA'O, ,DANG PO LA BDUN, RGYU 'GAGS PA DANG GNAS PAS 'BRAS BU SKYED PA DGAG, RGYUS MTHONG BA DANG MA MTHONG BAR 'BRAS BU SKYED PA DGAG, RGYUS PHRAD PA DANG MA PHRAD PAR 'BRAS BU SKYED PA DGAG, 'BRAS BUS STONG MI STONG GI RGYUS 'BRAS BU SKYED PA DGAG, 'BRAS BU STONG MI STONG RGYUS SKYED PA DGAG, RANG BZHIN GCIG DANG THA DAD KYI RGYUS 'BRAS BU SKYED PA

203a

, ,DGAG; 'BRAS BU NGO BO NYID KYIS YOD MED RGYUS SKYED PA DGAG PA'O, ,DANG PO NI, GZHAN YANG RGYUS 'BRAS BU RANG BZHIN GYIS SKYED NA RGYU DE 'BRAS BU'I SNGA ROL TU 'GAGS PA'AM MA 'GAGS PAS SKYED, 'BRAS BU YANG SKYES ZIN NAM MA SKYES PA SKYED BRTAG GRANG, DE LA DANG PO LTAR NA RGYU 'GAGS PA NUB PA STE ZHIG BAR GYUR PA YIS 'BRAS BU SKYES PA JI LTAR SKYED CES PA'I SKYED DE, RGYU 'GAGS PA'I TSO NA NI RGYU DE MED LA MED PA YANG RGYUR MI 'THAD PA'I PHYIR DANG, 'BRAS BU SKYES ZIN PA SLAR SKYE MA DGOS PA'I PHYIR RO, ,CI STE GNYIS PA LTAR NA 'BRAS BU DANG NI 'BREL PA'I RGYU GNAS PA STE MI ZHAG PAS KYANG NI 'BRAS BU JI LTAR NA RANG BZHIN GYI SKYED PAR BYED CES PA MI SKYED DE, MA 'GAGS PAR RANG BZHIN GYIS GRUB PAS SKYED NA RGYU RNAM PAR MA 'GYUR PAR 'BRAS BU MTHONG DGOS LA DE NI MI RIGS TE, BRGYA BA LAS, RGYU NI RNAMS PAR 'GYUR BA NA, ,GZHAN GYI RGYU RU 'GYUR BA STE, ,ZHES GSUNGS PA LTAR 'BRAS BU SKYES PA NA RGYU RNAM PAR GYUR PA DGOS PA'I PHYIR RO, ,CI STE 'BRAS BU GRUB ZIN SKYED MI DGOS PAS RGYU'I DUS NA 'BRAS BU DANG MA 'BREL BA SKYED DO SNYAM NA, RGYUS 'BRAS BU GANG ZHIG RANG BZHAN GYIS SKYED PAR BYED CES PA MI BYED DE 'BRAS BU RANG BZHIN GYIS SKYED NA RGYU DUS SU'ANG 'BREL DGOS LA DER MA 'BREL NA RANG MTSAN GYIS GRUB PA LA 'BREL BA TZAM YANG MED PAR 'GYUR RO, ,DE LTAR 'BREL MED KYI RGYUS 'BRAS BU SKYED NA RGYU GCIG GIS KYANG 'BRAS

203b

BU YIN NO COG THAMS CAD SKYED PA'AM YANG NA 'BRAS BU GANG YANG MI SKYED PAR 'GYUR RO, ,GNYIS PA NI, GZHAN YANG RGYUS 'BRAS BU RANG BZHIN GYIS SKYED NA RGYUS 'BRAS BU MTHONG NAS SAM 'ON TE MA MTHONG PAR SKYED DANG PO LTAR NA, RGYUS NI RANG GI 'BRAS BU MTHONG NAS SKYED PAR MI BYED DE, MTHONG NA NI GRUB ZIN PAS DE SLAR YANG BSKYED MI DGOS PA'I PHYIR RO, ,RGYUS RANG GI 'BRAS BU MA MTHONG PAR RANG BZHIN GYIS SKYED PAR YANG MI BYED DE DE LTAR SYKED NA RGYU GCIG GIS KYANG 'BRAS BU YIN NO COG SKYED PAR 'GYUR BA'I PHYIR RO, ,MTHONG BA 'DI CI ZHIG CE NA, 'DI NI 'JIG RTEN NA DMIGS PAR GRAGS PA'O, ,GAL TE SA BON LA SOGS PA DBANG PO MED PA RNAMS LA 'DI MI SRID PA MA YIN NAM ZHE NA, SRID DAM MI SRID KYANG RUNG STE KHO BO CAG LA BRGAL BAR BYA BA MIN GYI 'BRAS BU RANG BZHIN GYIS SKYED PAR SMRA BA LA BRGAL BAR BYA'O, ,DES NI SA BON LA SOGS PAS MTHONG NAS SKYED PAR SMAN DE DAG GIS 'BRAS BU MTHONG BA 'DI ' JIG RTEN NA MA MTHONG NGO ZHES SMRA BAR BYA'O, ,CI STE MA MTHONG BAR RANG BZHIN GYIS SKYED PAR SMRAN NI SNGAR BZHIN BRJOD PAR BYA'O, ,SKYES BU LA SOGS PA RGYUR SMRA BA 'GRO BA RNAMS LA BLO SNGON DU BTANG BA'I BYED PA PO YOD PAR SMRA BA DANG, GCER BU PA SA BON LA SOGS PA DBANG PO GCIG PA CAN SEMS PA DANG LDAN PAR SMRA BA RNAMS LA NI THAL BA 'DI MI LDOG PAS NYES PA MED DO, ,SHES RAB SGRON MAR MIG LA SOGS PAS RANG GI RNAM SHES SKYED NA DE'I YUL GZUGS LA SOGS PA RNAMS DMIGS NA SKYED DAM MA

204a

, ,DMIGS PAR SKYED CES RGYU 'BRAS BYE BRAG PA DGAG PA'I PHYOGS DANG SBYAR RO, ,GSUM PA NI, GZHAN YANG RGYUS 'BRAS BU RANG BZHIN GYIS SKYED NA DE GNYIS PHRAD PA STE LHAN CIG TSOGS PA DGOS TE DE LTAR MIN PA'I SNANG MUN DANG 'KHOR 'DAS LA BSKYED BYA DANG SKYED BYED MA MTHONG BA'I PHYIR RO, ,PHRAD PA YANG RIGS SHES KYIS PHYAD PA NA DUS GSUM CHAR LA YANG SRNYED PA MA YIN TE, DE LA RE ZHIG MYU GU LA SOGS PA'I 'BRAS BU 'DAS PA NI SA BON LA SOGS PA'I RGYU 'DAS PA DANG LHAN CIG PHRAD PAR 'GYUR BA NI NAM YANG YOD PA MA YIN TE, DE GNYIS ZHES PA'I DUS NA DE GNYIS MED PA'I PHYIR DANG, SA MYUG GNYIS ZHIG PA PHRAD DU CHUG KYANG SA MYUG GI RGYU 'BRAS PHRAD PA MA YIN PA'I PHYIR RO, ,DE BZHIN DU 'BRAS BU 'DAS PA NI RGYU MA SKYES PA MA 'ONGS PA DANG PHRAD PA NAM YANG YOD PA MA YIN TE 'BRAS BU ZHIG NAS DANG, RGYU MA SKYES PA NYID KYIS DE GNYIS MED PA'I PHYIR DANG DUS GNYIS THA DAD PA'I PHYIR RO, ,'BRAS BU 'DAS PA NI RGYU SKYES PA DA LTAR BA DANG LHAN CIG PHRAD PA NAM YANG YOD PA MA YIN TE DUS GNYIS SO SO BA YIN PA'I PHYIR DANG, 'BRAS BU ZHIG PA NI 'BRAS BU YOD PA MIN PA'I PHYIR TE MO GSHAM GYI BU DANG LHAS BYIN BZHIN NO, ,'BRAS BU SKYES PA STED LTAR BA DANG DE'I RGYU MA SKYES PA STE MA 'ONGS PA DANG RGYU 'DAS PA DANG SKYES PA STE DE LTAR BA DANG LHAN CIG PHRAD PAR 'GYUR BA NI NAM YANG NGO BO NYID KYIS YOD PA MIN TE, RGYU 'BRAS PA DANG MA 'ONG PA GNYI NI DUS THA DAD PA'I PHYIR DANG, RGYU 'BRAS DE LTA BA GNYIS LA PHRAD PA RANG BZHIN GYI

204b

YOD NA DUS SNGA PHYI BA MI RUNG BAS CIG CAR YOD DGOS NA DE MED PA'I PHYIR DANG, GRUB ZIN PA'I 'BRAS BU RGYUS BSKYED PA'I DON DU PHRAD PA RTOG PA YIN NA DE LA DE MI DGOS PA'I PHYIR RO, ,'BRAS BU MA SKYES PA STE MA 'ONGS PA NI RGYU SKYES PA DANG LTAR BA DANG MA SKYES PA MA 'ONGS PA DANG 'DAS PA GNYIS DANG LHAN CIG PHRAD PAR 'GYUR BA NI NAM YANG RANG BZHIN GYIS YOD PA MA YIN TE, RGYU 'BRAS DA LTAR DANG NI DUS THA DAD PA'I PHYIR DANG, RGYU 'BRAS GNYIS MA 'ONGS PA'I DUS SU DE GNYIS GANG YANG MED PA'I PHYIR RO, ,DE LTAR RGYU 'BRAS GNYIS LA DPYAD PA NA PHRAD PA RANG BZHIN GYIS YOD PA MA YIN NA RGYUS NI 'BRAS BU JI LTAR NA SKYED PAR BYED DE MI BYED DO, ,CI STE YANG RGYU 'BRAS GNYIS RANG BZHIN GYIS PHRAD PA YOD PA YIN NA YANG RGYUS NI 'BRAS BU JI LTAR NA RANG BZHIN GYIS SKYED DE MI BSKYED DE, 'BRAS BU DANG LHAN CIG TU MTSOGS NA PHRAD PA MI 'THAD CING LHAN CIG TU TSOGS NA SLAR YANG SKYE BA DON MED PA'I PHYIR RO, ,BZHI PA NI, GZHAN YANG GAL TE 'BRAS BUS STONG PA'I RGYUS JI LTAR NA 'BRAS BU RANG BZHIN GYIS SKYED PAR BYED DE MI BYED DE, GZHAN DU NA CHU DANG ZHO LA MAR MED PAR MTSUNGS BZHIN DU ZHO LAS MAR 'BYUNG LA CHU LAS MI 'BYUNG BA'I KHYAD PAR MI RNYED PA'I PHYIR RO, ,GAL TE RANG GI 'BRAS BUS MI STONG BA'I RGYUS KYANG JI LTAR NA 'BRAS BU RANG BZHIN GYIS SKYED PAR BYED DE MI BYED DE, 'BRAS BU YOD PA SLAR YANG MI SKYE BA'I PHYIR TE BU YOD PA'I LHAS BYIN BZHIN NO, ,LNGA BA NI, 'BRAS BU SKYE BA DE YANG RANG BZHIN GYIS YOD PAS MI STONG BA

205a

, ,'AM STONG PA ZHIG SKYE GRANG, DE LA 'BRAS BU RANG BZHIN GYIS YOD PAS MI STONG PA NI SKYE BAR MI 'GYUR BA STE RTEN CING 'BREL BAR 'BYUNG BA MA YIN ZHING RANG BZHIN GYIS GNAS PA YIN LA, DE 'DRA BA'I MI STONG PA DE NI RANG BZHIN LA LDOG PA MED PAS 'GAG PAR MI 'GYUR RO, ,DE'I PHYIR 'BRAS BU DE MI STONG PAR 'DOD NA MA 'GAGS PA DANG MA SKYES PAR YANG 'GYUR BA YIN NA DE LTAR 'DOD PA YANG MIN NO, ,'BRAS BU RANG BZHIN GYIS YOD PAS STONG PA NI JI LTAR NA RANG GI NGO BO NYID KYIS SKYE BAR 'GYUR ZHING JI LTAR NA NGO BOS 'GAGS PAR 'GYUR ZHES PA MI 'GYUR TE NAMKHA' BZHIN NO, ,DE'I PHYIR 'BRAS BU RANG BZHIN GYIS YOD PAS STONG PAR 'DOD NA YANG NGO BO NYID KYIS MA 'GAGS PA DANG MA SKYES PAR YANG THAL BAR YANG 'GYUR NA KHYED DE LTAR YANG MI 'DOD DO, ,DRUG PA NI, GZHAN YANG RGYUS 'BRAS BU RANG BZHIN GYIS SKYED NA GNYIS LAS MI 'DA' LA DE YANG RGYU DANG 'BRAS BU GNYIS RANG BZHIN GYIS GCIG PA NYID DU NAM YANG 'THAD PAR MI 'GYUR LA, RGYU DANG 'BRAS BU GNYIS RANG BZHIN GYIS GZHAN PA NYID DU YANG NAM YANG 'THAD PAR MI 'GYUR RO ZHES DAM BCA' BA TZAM ZHIG GSUNGS SO, ,DE'I SGRUB BYED NI RGYU DANG 'BRAS BU GNYIS RANG BZHIN GYIS GCIG PA NYID YIN NA BSKYED BYA BU DANG MIG GI SHES PA DANG MYU GU DANG SKYED BYED PHA DANG MIG DANG SA BON RNAMS GCIG TU 'GYUR BA'I PHYIR RO, ,RGYU DANG 'BRAS BU GNYIS RANG BZHIN GYIS GZHAN PA NYID YIN NA RANG MTSAN GYIS

205b

GZHAN DU GRUB PA LA LTES PA MED PAS RGYU YIN PA DANG MIN PA RNAMS RGYU YIN MIN MTSUNGS PAR 'GYUR TE 'BREL MED DON GZHAN LA RGYU 'BRAS YIN MIN DBYE BAR MI NUS PA'I PHYIR RO, ,BDUN PA NI, GZHAN YANG RGYUS 'BRAS BU SKYED NA 'BRAS BU NGO BO NYID KYIS YOD DAM MED PA SKYED BRTAG GRANG, DE LA 'BRAS BU NGO BO NYID KYIS YOD NA'ANG RGYUS CIG ZHIG SKYED PAR BYED DE MI BYED DE, DE SKYED NA GRUB ZON SLAR SKYED DGOS LA GRUB ZIN NA SLAR YANG SKYE MI DGOS PA'I PHYIR RO, ,'BRAS BU RANG GI NGO BO NYID KYIS MED NA'ANG RGYUS NI CI ZHIG SKYED PAR BYED DE NI BYED DO, ,GAL TE GZUGS BRNYAN RANG BZHIN GYIS MED KYANG RGYUS SKYED PAS MA NGES SO ZHE NA, DE LTA YIN MOD DNGOS PO RNAMS RANG BZHIN GYIS MED PAR GRUB BO, ,DE'I PHYIR RANG BZHIN GYIS YOD PAR SMRA BA BTANG NAS KHO BO CHAG RANG BZHIN MED PA'I RGYU 'BRAS SMRA BA'I RJES SU 'BRANG BAR 'GYUR RO, ,RANG BZHIN GYIS GRUB PA LA 'GA' YANG MED PAS 'GAL ZLA MED PA'I PHYIR DNGOS PO RANG BZHIN GYIS MED PA YANG NGO BO NYID KYIS MED PAS MA NGES PAR YANG GAL 'GYUR, KHO BO CAG LTAR NA GZUGS BRNYAN ZHES PA'I CHOS CAN RANG BZHIN GYIS GRUB MA MED NA DE'I CHOS KYANG RANG BZHIN GYIS GRUB PA MED PAS DE NI RANG BZHIN YOD MED GANG DU YANG NGO BO NYID KYIS GRUB PAR MI 'DOD DO, ,SNGAR 'BRAS BU STONG MI STONG SKYE BA BKAG PA NI 'BRAS PHYOGS NAS YIN LA 'DIR 'BRAS BU NGO BO NYID KYIS YOD MED SKYE BA BKAG PA NI RGYU'I PHYOGS NAS YIN PAS MI ZLOS SO, ,GNYIS PA NI, GAL TE YANG RGYUS 'BRAS

206a

, ,BU SKYE BA'I BYA BA SBYOR BAR BYED PA BKAG MOD KYANG RGYU NI RANG BZHIN GYIS YOD DE MA BKAG PAS SO, ,DES NA 'BRAS BU YANG RANG BZHIN GYIS YOD DO ZHE NA, RGYUS 'BRAS BU RANG BZHIN GYIS SKYED PAR BYED PA MA YIN NA RGYU NYID KYANG RANG BZHIN GYIS YOD PA 'THAD PAR MI 'GYUR RO, ,CI STE RGYU RANG BZHIN GYIS YOD PA BKAG MOD KYANG 'BRAS BU NI RANG BZHIN GYIS YOD LA DES NA RGYU YANG RANG BZHIN GYIS GRUB PAR 'GYUR RO SNYAM NA, RGYU NYID RANG BZHIN GYIS YOD PA 'THAD PA MIN NA 'BRAS BU RANG BZHIN GYIS YOD PA DE RGYU GANG GI YIN PAR 'GYUR TE MI 'GYUR RO, ,GSUM PA NI, GAL TE RGYU 'BA' ZHIG 'BRAS BU SKYE BA'I BYA BA'I SBYOR BA PO MIN GYI RGYU DANG RKYEN TSOGS PAS 'BRAS BU SKYED DO ZHE NA DE NI MI RIGS TE SNGAR BKAG ZIN PA'I PHYIR RO, ,GZHAN YANG DE LTAR RTOG NA RGYU RNAMS DANG NI RKYEN DAG GI TSOGS PA GANG YIN PA DE YIS NI RANG GIS RANG SKYED DAM MI SKYED, TSOGS PA BDAG GIS BDAG NYID NI MI SKYED DE 'BRAS BU SKYE BA DON MED PA DANG RANG LA BYED PA 'GAL BA'I PHYIR DANG, TSOGS PA RDZAS SU MED PAS 'BRAS BU'I SKYE BA RAB TU SBYOR BA POR NGO BO NYID KYIS MED PA'I PHYIR RO, ,DE LTAR RDZAS SU MED PAS RANG GI BDAG NYID MI SKYED NA TSOGS PA DES JI LTAR NA 'BRAS BU RANG BZHIN GYIS SKYED PAR BYED DE MI BYED DE MO GSHAM GYI BU BZHIN NO, ,TSOGS PAS RANG DANG GZHAN NGO BO NYID KYIS MI SKYED PA DE'I PHYIR RGYU RKYEN GYI TSOGS PAS BYAS PA STE BSKYED PA'I 'BRAS BU NGO BO NYID KYIS MED DO, ,BUD DHA P'A LI TA LAS, TSOd

206b

PAS RANG GI BDAG NYID MI SKYED PA'I DON NI TSOGS PA RANG GI NGO BO NYID KYIS MA GRUB PA LA BSHAD DO, ,CI STE YANG RGYU RKYEN GYI TSOGS PAS BYAS PA'I 'BRAS BU MED NA 'O NA NI RGYU RKYEN GYI TSOGS PA MA YIN PAS BYAS PA'I 'BRAS BU YOD DO ZHE NA, RGYU RKYEN GYI TSOGS PA LAS RANG BZHIN GYIS BSKYED PA'I 'BRAS BU MED NA SHIN TU 'GAL BA RGYU RKYEN GYI TSOGS PA MIN PAS BYAS PA'I 'BRAS BU MED DO, ,CI STE YANG 'BRAS BU RANG BZHIN GYIS MED MOD KYI RGYU DANG RKYEN GYI TSOGS PA NI RANG BZHIN GYIS YOD DO, ,DE'I PHYIR 'BRAS BU YANG RANG BZHIN GYIS YOD DO ZHE NA, JI SKAD BSHAD PA'I RIGS PAS RNAM PAR DPYAD PA NA 'BRAS BU RANG BZHIN GYIS YOD PA MA YIN NA RKYEN GYIS TSOGS PA RANG BZHIN GNYIS GA LA YOD DE MED DO, , GNYIS PA NI, DE LTAR RGYU RKYEN GNYIS KA TSOGS PA DANG SO SO BA LAS 'BRAS BU 'BYUNG BA RANG BZHIN GYIS MA GRUB PAR BSTAN PA DE NYID ZAB MO'I LUNG GIS KYANG GRUB PA DANG, DE LTAR BSTAN PA'I GSUNG RAB THAMS CAD RAB TU BYED PA 'DIS BSHAD PAR BYA'O ZHES BSTAN PA'I PHYIR DU NGES DON GYI LUNG 'GA' ZHIG DANG SBYAR NA RGYA CHER ROL PA LAS, MCHU DANG LKOG MA RKAN LA BRTEN NAS NI, ,LCE BSGYUR BA LAS YI GE'I SGRA 'BYUNG YANG, ,LKOG MAR BRTEN NAS MA YIN RKAN LAS MIN, ,RE RE LA NI YI GE DMIGSU MED, ,TSOGS PA DE LA BRTEN NAS NGAG DE NI, ,YID KYI BLO YI DBANG GIS 'BYUNG MED KYI, ,YID DANG DAG NI MI SNANG GZUGS MED DE, ,NANG DANG PHYI ROL DAG NA'ANG DMIGS SU MED, ,MKHAS PAS NGAG SKAD SGRA DANG

207a

, ,DBYANGS RNAMS KYIS, ,SKYE DANG 'JIG LA RNAM PAR BRTAGS BYAS NA, ,DE TSE DAG KUN DRAG CHA LTA BU DANG, ,SKAD CIG PA DANG SNYING PO MED PAR MTHONG, ,ZHES NGAG GI SGRA RGYU RKYEN LA BRTEN NAS 'BYUNG BA DANG DPYAD NA RANG BZHIN MED PA DANG DE LTAR 'BYUNG BA YANG BLO'I DBANG GIS YIN PAR GSUNGS SO, ,SHIN TU DGA' BA'I BSTAN PA 'DI LA NI, ,ZHES PA SOGS SNGAR DRANGS PA DANG SHES RAB KYI PHA ROL TU PHYIN PA LAS KYANG KO'U SHI KA BYANG CHUB SEMS DPA' SEMS DPA' CHEN PO GO CHA CHEN PO BGOS PA DES GZUGS LA GNAS PAR MI BYA'O ZHES DANG, PHUNG PO LHAG MA BZHI DANG 'BRAS BU BZHI DANG RANG SANGS RGYAS DANG RDZOGS PA'I SANGS RGYAS LA GNAS PAR MI BYA'O ZHES GSUNGS SO; ;GSUM PA NI, BUD DHA P'A LI TA LAS, GAL TE DUS KYANG MED RGYU DANG 'BRAS BU DANG TSOGS PA YANG MED NA GZHAN CI ZHIG YOD DE DE LTA BAS NA DE NI MED PA BAR SMRA BA NYID YIN NO, ,BSHAD PA MA YIN TE, JI LTAR DUS LA SOGS PA DAG NGO BO NYID LAS YOD PAR YONGS SU RTOG PAR BYED PA DE LTAR MI 'THAD PAR ZAD KYI DE DAG BRTEN NAS GDAGS PAR NI GRUB BO ZHES GSUNGS PA LTAR, DUS DANG RGYU 'BRAS DANG RKYEN GYI TSOGS PA RNAMS DNGOS POR SMRA BA RNAMS NGO BO NYID KYIS YOD PAR 'DOD PA BZHIN DU MED BAS DE BKAG GI RGYU DANG RKYEN LA BRTEN NAS 'BYUNG BA'I RTEN 'BYUNG YOD PA NI MA BKAG PAR SHES PAR BYA'O, ,TSOGS PA BRTAG PA ZHES BYA BA TSIGSU BCAD PA NYER BZHI'I BDAG NYID RAB TU BYED PA NYI SHU PA'I RNAM PAR

207b

BSHAD PA'O,, ,,GNYIS PA DUS 'BYUNG 'JIG GI RGYU YIN PA DGAG PA LA GSUM, RAB BYED KYI GZHUNG BSHAD PA, NGES DON GYI LUNG DANG SBYAR BA, DON BSDUS TE MTSAN BSTAN PA'O, ,DANG PO NI, 'DIR SMRAS PA, DUS NI RANG BZHIN GYIS YOD DE 'BRAS BU 'BYUNG BA DANG 'JIG PA'I RGYU YIN PA'I PHYIR TE, MYU GU DGUN GYI DUS LTA BU LA BRTEN NAS 'JIG PA DANG DPYID KYI DUS LTA BU LA BRTEN NAS SKYE BAR 'GYUR BA'I PHYIR RO, ,GAL TE 'BYUNG 'JIG NGO BO NYID LAS YOD NA DUS 'BYUNG 'JIG GI RGYU RANG BZHIN GYIS 'GYUR NA'ANG DE LTAR YOD PA NI MA YIN NO, ,'DI LA GNYIS, SKYE 'JIG RANG BZHIN GYIS GRUB PA DGAG, SKYE 'JIG RANG BZHIN GYIS GRUB PAR 'DOD NA RTAG CHAD KYI SKYON BSTAN PA'O, ,DANG PO LA GNYIS, 'BYUNG 'JIG RANG BZHIN GYIS YOD PA'I BSGRUB BYA DGAG, 'BYUNG 'JIG RANG BZHIN GYIS YOD PA'I SGRUB BYED DE DGAG PA'O, ,DANG PO LA GSUM, 'BYUNG 'JIG LHAN CIG YIN MIN BRTAGS NAS DGAG, 'BYUNG 'JIG RTEN GANG LA YOD BRTAGS LA DGAG, 'BYUNG 'JIG GCIG DANG THA DAD BRTAGS LA DGAG PA'O, ,DANG PO LA GSUM, DAM BCA' BZHAG PA, SGRUB BYED BSTAN PA, DE DAG GI DON BSDU BA'O, ,DANG PO NI, GAL TE 'BYUNG 'JIG RANG BZHIN GYIS YOD NA 'JIG PA 'BYUNG BA STE SKYE BA MED PAR YOD PA'AM 'BYUNG BA DANG LHAN CIG TU RANG BZHIN GYIS YOD PA MA YIN LA, 'BYUNG BA 'JIG PA MED PAR YOD PA'AM 'JIG PA DANG LHAN CIG TU RANG BZHIN GYIS YOD PA MA YIN NO ZHES DAM BCA'

208a

, ,BA BZHI'O, ,GNYIS PA LA GNYIS, 'JIG PA 'BYUNG BA DANG LHAN CIG YIN MIN DGAG, 'BYUNG BA 'JIG PA DANG LHAN CIG YIN MIN DGAG PA'O, ,DANG PO NI, 'JIG PA NI 'BYUNG BA STE SKYE BA MED PAR NI YOD PAR 'GYUR TE MI 'GYUR RO, ,JI LTA BUR NA ZHES PAS NI GTAN MI SRID PAR STON NO, ,DE LTAR YOD NA NI SKYE BA MED PAR TE MA SKYES PAR 'CHI BAR 'GYUR TE DE NI SUS KYANG MA MTHONG NGO, ,DE'I PHYIR 'JIG PA NI 'BYUNG BA MED PAR GNAS PA MED DO, ,DNGOS PO'I 'JIG PA NI 'BYUNG BA DANG LHAN CIG PA STE DUS CIG CAR DU JI LTAR NA RANG BZHIN GYI YOD PA NYID DU 'GYUR TE MI 'GYUR TE, DE LTAR 'GYUR NA 'CHI BA SKYE BA DANG DUS CIG CAR DU RANG BZHIN GYIS YOD PAR 'GYUR NA DE NI YOD PA NYID NI MA YIN TE PHAN TSUN 'GAL BA'I PHYIR SNANG MUN BZHIN NO, ,PHAN TSUN 'GAL TSUL NI SNGAR RAB BYED BCU GCIG PAR BSHAD PA LTAR RAM YANG NA MYU GU LTA BU DA SKYES PA DANG 'GAGS PA'I DUS GNYIS SNANG MUN LTAR YIN LA SKYE 'GAG RANG GI MTSAN NYID KYIS GRUB PA LTAR NA, MYU GU 'GAGS PA DE MYU GU'I CHOS DANG MYU GU CHOS CAN DU 'GYUR BA DE RANG BZHIN LA LDOG PA MED PAS DUS THAMS CAD KYI CHE 'GYUR DGOS PAS SKYE 'GAG DUS GCIG NA SKYE BA DANG 'GAGS PA GNYIS KYANG DUS GCIG TU 'GYUR BA'O, ,'JIG PA'I DPYAD PA LHAG MA NI RAB BYED BDUN PA'I SKABS SU BSHAD ZIN PAS YANG MI BSHAD DO, ,'DIR SHES RAB SGRON MAR 'JIG PA NI RGYU DANG BCAS PA YIN TE 'DUS BYAS KYI MTSAN

208b

NYID YIN PA'I PHYIR SKYE BA BZHIN NO ZHES NYAN THOS SDE PA 'GA' ZHIG GIS BKOD PA LA, SKYON GNYIS BKOD PA'I RTAGS MA NGES PA'I SKYON NI, BLO DANG SGRA DANG ME LCE THA MA DANG DGRA BCOM PA'I THA MA'I SEMS DANG SEMS BYUNG GI 'JIG PA RNAMS NI 'DUS BYAS KYI MTSAN NYID YIN KYANG RGYU DANG BCAS PA MIN PAS MA NGES SO ZHES BSHAD PA LA TSIG GSAL LAS, DE RNAMS KYI 'JIG PA YANG SKYE BA'I RKYEN CAN YIN PAS RGYU DANG BCAS PA YIN PA'I PHYIR DANG, BLO LA SOd PA'I SKAD CIG MA THA MA'I 'JIG PA YANG 'JIG PA RGYU MED DU MA GRUB PA BSGRUB DGOS PA DANG MTSUNGS PAR SGRUB DGOS PA'I PHYIR MA NGES PA MED DO ZHES GSUNGS TE, 'DI NI SNGAR ZHIG PA LA 'JIG PAR BAS PA DE YIN LA DE YANG ZLA BA'I ZHABS DNGOS POR BZHED PA'I LUGS SO, ,SHES RAB SGRON MAR YANG SNGAR LTAR BSHAD PA'I 'OG NYID DU ZHIG NAS MED PA LA NI RGYU YOD PA MA YIN TE MED PA'I PHYIR, DPER NA GTAN MED PA BZHIN NO ZHES BSHAD DE ZHIG PA DNGOS POR MI 'DOD PA'I LUGS SO, ,DES NA ZHIG PA 'DUS BYAS KYI MTSAN NYID YIN KYANG RGYU MED CES PA NI PHA ROL PO'I KHAS BLANGS KYI DBANG DU BYAS KYI RANG GI LUGS MIN NO, ,SKYE BA BZHIN NO ZHES PA'I DPE MA GRUB PAR BSTAN PA'I RGYU MTSAN NI DNGOS PO'I NGO BO SNGAR MA BYUNG BA LAS BYUNG BAS DE'I BDAG NYID THOB PA NYID LA SKYE BA ZHES BYA BA'I PHYIR RO ZHES BSHAD DE, 'DUS BYAS KYI MTSAN NYID DU GSUNGS PA'I SKYE BA NI PHA ROL POS BUM PA LA SOGS PA'I MTSAN GZHI LAS

209a

, ,RDZAS THA DAD DU KHAS BLANGS LA, DE 'DRA BA MA GRUB PAS SKYE BA DE RGYU BCAS SU MA GRUB CES PA'I DON NO, ,SHES RAB SGRON MAR DPE MA GRUB PA'I SGRUB BYED DU SKYE BA RDZAS SU MA GRUB PA BKOD LA, TSIG GSAL LAS RDZAS SU YOD PA RNAMS SKYE BAR GRUB PA'I PHYIR ZHES PHYOGS SNGA BLANGS PA GNYIS MI 'GAL TE, SNGA MA'I DON NI SNGAR BSHAD PA LTAR YIN LA PHYI MA'I DON NI PHA ROL POS SKYE BA RDZAS SU 'DOD PA'I LUGS BZHAG PA TZAM YIN PA'I PHYIR RO, ,TSIG GSAL LAS, RGYU MTSAN DES DPE MA GRUB PAR 'CHAD PA MI 'THAD PA'I RGYU MTSAN DU GZUGS BRNYAN LA SOGS PA RDZAS SU MED PA RNAMS RGYU DANG BCAS PA NYID DU KHAS BLANGS PA'I PHYIR RO ZHES PA NI, SKYE BA RDZAS YOD KHEGS KYANG SKYE BA RGYU BCAS SU MI 'GRUB PA MIN PA'I RGYU MTSAN NO, ,GNYIS PA NI, 'BYUNG BA NI 'JIG PA MED PAR NI JI LTA BUR NA YOD PAR 'GYUR TE MI 'GYUR RO, ,GAL TE DE LTAR YOD NA DNGOS PO 'JIG PA DANG BRAL PA SRID DGOS NA, DNGOS PO RNAMS LA MI RTOG PA NYID NAM YANG MED PA MA YIN PA'I PHYIR RO, ,'BYUNG BA NI 'JIG PA DANG LHAN CIG TU JI LTAR NA RANG BZHIN GYIS YOD PA NYID DU 'GYUR TE MI 'GYUR TE, DE LTAR 'GYUR NA SKYE BA 'CHI BA DANG DUS GCIG TU 'GYUR NA DE NI YOD PA NYID NI MA YIN NO, ,'DI NI SNGAR BSHAD ZIN TO, ,GSUM PA NI, GANG DAG PHAN TSUN DU LHAN CIG PA DUS GCIG GAM PHAN TSUN LHAN CIG MA YIN PA DUS MI GCIG PAR GRUB PA RANG

209b

BZHIN GYIS YOD PA MA YIN PA'I 'BYUNG 'JIG DE DAG RANG BZHIN GYIS GRUB PA JI LTAR YOD DE ZHES PA MED DE, RANG BZHIN GYIS GRUB NA YOD TSUL GNYIS PO DE LAS MI 'DA' BA'I PHYIR RO, ,GAL TE LHAN CIG YIN MIN DU RANG BZHIN GYIS MA GRUB KYANG DE GNYIS SU BRJOD DU MED PA'I TSUL GYIS GRUB BO SNYAM NA, BRJOD DU MED PAR GRUB PA GANG YIN GAL TE DE GNYIS 'DRES PA'O SNYAM NA, DE GNYIS SNGAR SO SOR MA GRUB PAS 'DRES PA MED DO, ,CI STE BRJOD DU MED PA'I DON NI BLOS NGES PAR GZUNG DU MED PA'O SNYAM NA, DE LTA NA MO GSHAM GYI BU'I SNGO BSANGS DANG DKAR SHAM LTAR 'BYUNG 'JIG RANG BZHIN GYIS MED PAS DE DAG GI RGYU DUS KYANG RANG BZHIN GYIS MED DO, ,GNYIS PA LA GSUM, ZAD MA ZAD KYI RTEN LA 'BYUNG 'JIG DGAG, DNGOS PO'I RTEN LA 'BYUNG 'JIG DGAG, STONG MI STONG GI RTEN LA 'BYUNG 'JIG DGAG PA'O, ,DANG PO NI, 'BYUNG 'JIG 'DI RANG BZHIN GYIS YOD PAR 'DOD NA DNGOS PO ZAD PA'I CHOS CAN DANG MA ZAD PA'I CHOS CAN GNYIS GANG LA YOD, DE LA DNGOS PO ZAD PA'I CHOS CAN LA 'BYUNG BA STE SKYE BA RANG BZHIN GYIS YOD PA MA YIN TE, RANG BZHIN GYIS GRUB PA LA SKYE BA DANG ZAD PA GNYIS GCIG LA 'DU BA 'GAL BA'I PHYIR RO, ,DNGOS PO MA ZAD PA LA'ANG 'BYUNG BA RANG BZHIN GYIS MED DE, RANG BZHIN GYIS GRUB PA'I DNGOS PO ZAD PA MA YIN NA DNGOS PO'I MTSAN NYID 'JIG PA DANG MI LDAN PAR 'GYUR BA'I PHYIR RO, ,DNGOS PO ZAD PA LA 'JIG PA RANG BZHIN GYIS YOD

210a

, ,PA MA YIN TE, DE NI DGAG BYA'I DNGOS PO DE MED PA YIN LA DE LA 'JIG PA RANG BZHIN GYIS YOD PA RTEN PAR MI RIGS PA'I PHYIR RO, ,DNGOS PO MA ZAD PA LA 'ANG 'JIG PA RANG BZHIN GYIS MED DE RGYU MTSAN SNGAR BSHAD PA BZHIN NO, ,GNYIS PA NI, 'BYUNG 'JIG RANG BZHIN GYIS YOD DE DNGOS PO RANG BZHIN GYIS YOD PA'I PHYIR DANG DE NI DE GNYIS KYI RTEN YIN PA'I PHYIR RO ZHE NA, DNGOS PO RANG BZHIN GYIS YOD PA MA YIN PAR 'BYUNG BA DANG 'JIG PA NGO BO NYID KYIS YOD PA MA YIN NO, ,DNGOS PO RANG BZHIN GYIS MED PA'I RGYU MTSAN NI 'DI LTAR 'BYUNG BA DANG 'JIG PA RANG BZHIN GYIS YOD PA NI SNGAR BKAG ZIN LA DE GNYIS MED PAR NI, DNGOS PO RANG BZHIN GYIS YOD PA MA YIN TE DE GNYIS NI DNGOS PO'I MTSAN NYID YIN PA'I PHYIR RO, ,SHES RAB SGRON MAR NI YOD PA MIN PA NI DNGOS PO'I CHOS MA YIN TE SPAL PA'I ZE BA BZHIN NO, ,'BYUNG 'JIG NI DNGOS PO'I CHOS YIN PAS BDEN PAR YOD DO ZHES PA'I LAN DU 'BYUNG 'JIG DON DAM PAR MED PAR NI DNGOS PO DON DAM PAR YIN PA MIN TE DNGOS PO NI 'BYUNG 'JIG GI BDAG NYID CAN YIN PA'I PHYIR GTAN TSIGS MA GRUB BO, ,DE BZHIN DU DNGOS PO YOD PA MA YIN PAR TE RTEN MED PAS RTEN PA 'BYUNG BA DANG 'JIG PA YANG YOD PA MIN NO ZHES PHYED GONG MA 'OG MAR BYAS NAS BSHAD DO, ,GSUM PA NI, 'BYUNG 'JIG RANG BZHIN GYIS YOD NA NGO BO NYID KYIS YOD PA STONG PA LA BRTEN NAM MI STONG PA LA BRTEN PA RTAG GRANG, DE LA RANG BZHIN GYIS

210b

YOD PAS STONG PA LA 'BYUNG BA DANG 'JIG PA DAG RANG BZHIN GYIS YOD PA 'THAD PA NYID NI MA YIN TE RTEN MED PA'I PHYIR NAMKHA'I ME TOG BZHIN NO, ,RANG GI MTSAN NYID KYIS YOD PAS MI STONG PA LA'ANG 'BYUNG BA DANG 'JIG PA DAG YOD PA 'THAD PA NI MA YIN TE, ME STONG PA NI 'BYUNG 'JIG MI RUNG BAS DE'I RTEN DU MED PA'I PHYIR RO, ,GSUM PA NI, 'BYUNG 'JIG RANG BZHIN GYIS YOD NA YOD TSUL GNYIS LAS MI 'DA' LA DE YANG 'BYUNG BA DANG 'JIG PA DAG NGO BO NYID KYIS GCIG TU YOD PA NYID NI MI 'THAD DE, SNANG MUN LTAR PHAN TSUN 'GAL BA NI GCIG TU MI RUNG BA'I PHYIR RO, ,'BYUNG BA DANG 'JIG PA DAG NGO BO NYID KYIS GZHAN DU YOD PA NYID DU YANG MI 'THAD DE, RANG MTSAN GYIS GZHAN DU GRUB NA 'BREL MED DU THAL BAR 'GYUR LA DE GNYIS NI PHAN TSUN MI 'KHRUL BA'I PHYIR RO, ,GNYIS PA LA GNYIS, MTHONG BA SGRUB BYED MIN PA DANG, DE'I SGRUB BYED BSTAN PA'O, ,DANG PO NI, CI STE ZHIB MOR DPYAD PA 'DIS CI BYA STE BA LANG RDZI DANG BUD MED YAN CHAD KYI 'BYUNG 'JIG RANG GI MTSAN NYID KYIS GRUB PAR MTHONG BA'I PHYIR, DE GNYIS RANG BZHIN GYIS YOD DO ZHE NA, GAL TE 'BYUNG BA DANG 'JIG PA DAG NGO BO NYID KYIS GRUB PAR MTHONG NGO SNYAM DU KHYOD DE LTAR SEMS NA, RGYU MTSAN DES 'BYUNG 'JIG RANG MTSAN GYIS YOD PAR SGRUB PA NI MA NGES TE, BA LANG RDZI DANG BUD MED YAN CHAD KYIS NI DRI ZA'I GRONG KHYER DANG SGYU MA LA SOGS PA MTHONG ZHING RAB RIB CAN GYI SKRA SHAD DANG SBRANG MA LA SOGS PA MTHONG BA BZHIN DU, 'BYUNG BA DANG

211a

, ,'JIG PA DAG NGO BO NYID KYIS GRUB PAR SNANG BA YANG GTI MUG DANG DES BSKRAD PA NYID KYIS MTHONG BA YIN PA'I PHYIR RO, ,GNYIS PA LA GNYIS, 'BYUNG 'JIG RANG DANG RIGS MTHUN MI MTHUN LAS SKYE BA DGAG, DNGOS PO RANG DANG GZHAN LAS SKYE BA DGAG PA'O, ,DANG PO NI, ,CI STE 'BYUNG 'JIG RANG BZHIN GYIS GRUB PAR SNANG BA 'DI GTI MUG GIS BSLAD PAS MTHONG BAR CIS GRUB CEN 'DI NI RAGS PA LAS SO, ,RIGS PA GANG ZHE NA, 'DIR 'BYUNG BA RANG BZHIN GYIS YOD NA DNGOS PO STE SKYE BA'AM DNGOS PO MED PA STE 'JIG PA LAS SKYE DGOS LA 'JIG PA RANG BZHIN GYI YOD NA'ANG DE LTAR SKYE DGOS SO, ,RE ZHIG DNGOS PO STE 'BYUNG BA NI DNGOS PO STE 'BYUNG BA RIGS 'DRA LAS NGO BO NYID KYIS MI SKYE STE DE LTAR SKYE NA RGYU 'BRAS GNYIS DUS GCIG PA DANG SKYES ZIN SLAR YANG SKYE DGOS NA DE GNYIS KYANG MI RUNG BA'I PHYIR RO, ,DNGOS PO STE SKYE BA NI DNGOS PO MED PA STE 'JIG PA LAS NGO BO NYID KYIS MI SKYE STE RANG BZHIN GYIS GRUB PA LTAR NA 'JIG PA'I TSE ZHIG DGOS PAS 'JIG RGYU'I DNGOS PO LOG PA LAS SKYE NA MO GSHAM GYI BU MOS KYANG BU SKYED PAR 'GYUR RO, ,DNGOS PO MED PA STE 'JIG PA NI DNGOS PO MED PA 'JIG PA LAS RANG BZHIN GYIS MI SKYE STE 'JIG RGYU'I DNGOS PO LAG PA LA NI 'BRAS BU RANG BZHIN GYIS SKYED PA'I NUS PA MED PA'I PHYIR DANG ZHIG PAS ZHIG PA NGO BO NYID KYIS SKYED NA MO GSHAM GYI BU MOS KYANG BU SKYED PAR 'GYUR BA'I PHYIR RO, ,DNGOS PO MED PA STE 'JIG PA NI DNGOS PO STE 'BYUNG BA LAS NGO BO NYID KYIS MI SKYE STE DE LTAR SKYE NA NI

211b

MA ZHIG PA'I DNGOS POS RANG DANG MI MTHUN PA'I ZHIG NGA SKYED PA BZHIN DU SNGON ME LAS KYANG MUN PA SKYE BAR DANG BAS SO, ,DE LTA BU'I TSUL GYIS DPYAD NA 'BYUNG 'JIG RANG BZHIN GYIS MED PAS DE GNYIS RANG BZHIN YOD PAR MTHONG BA NI GTI MUG GIS BSLAD NAS MTHONG BA'O, ,YANG NA 'BYUNG 'JIG RANG BZHIN GYIS YOD NA DNGOS PO'AM DNGOS MED LA BRTEN PAR 'GYUR BA ZHIG NI DE GNYIS NI DPYAD PA NA RANG BZHIN GYIS MED PAS, RTEN MED PAS 'BYUNG 'JIG GA LA YOD DE'I PHYIR DE GNYIS RANG BZHIN GYIS YOD PAR MTHONG BA GTI MUG GIS BSLAD PAS MTHONG BA'O, ,DNGOS PO YOD MED RANG BZHIN GYIS MED PAR NI, DNGOS PO DNGOS LAS MI SKYE STE, ZHES SOGS KYIS BSHAD DE ZHES TSIG GSAL LAS, BSHAD PA NI BUD DHA P'A LI TA LAS BSHAD PA'O, ,GNYIS PA NI, GZHAN YANG DNGOS PO 'GA' ZHIG RANG BZHIN GYIS YOD NA 'BYUNG 'JIG KYANG RANG BZHIN GYIS YOD PAR 'GYUR NA'ANG DE NI MED DE RANG BZHIN GYIS MA SKYES PA'I PHYIR RO, , RANG BZHIN GYIS MA SKYES PA NYID MA GRUB PO ZHE NA, MA GRUB PA MA YIN TE 'DI LTAR DNGOS PO BDAG LAS ME SKYE STE GZHAN LAS SKYE BA NYID KYANG YOD PA MA YIN LA, BDAG DANG GZHAN GNYIS KA LAS KYANG SKYE BA NI YOD PA MIN PAS JI LTAR NA RANG BZHIN GYIS SKYE BAR 'GYUR TE MI 'GYUR RO, ,'DI NI RAB BYED DANG POR BSHAD ZIN TO, ,GNYIS PA LA GSUM, DNGOS PO RANG BZHIN GYIS YOD PAR KHAS BLANGS NA RTAG CHAD DU 'GYUR TSUL, DE LTAR KHAS BLANGS KYANG

212a

, ,SKYON SLONG BA'I LAN DGAG PA, DE LTAR DGAG PA'I DON BSDU BA'O, ,DANG PO NI, DNGOS PO RANG BZHIN GYIS SKYE BA RNAM PA THAMS CAD DU MED DO ZHES PA 'DI NI DE LTAR GDON MI ZA BAR KHAS BLANG BAR BYA'O, ,DE LTA MIN PAR DNGOS PO RANG BZHIN GYIS YOD PAR KHAS BLANGS NA GSUNG RAB DANG SHIN TU 'GAL BA'I RTAG PA DANG CHAD PAR LTA BAR NI THAL BAR 'GYUR TE, GANG GI PHYIR DNGOS PO DE NI RTAG PAR SMRA NA RTAG PAR LTA BAR 'GYUR LA MI RTAG PAR SMRA NA NI NGES PAR TE CHAD PAR LTA BAR 'GYUR BA'I PHYIR RO, ,'DI NI GANG ZHIG RANG BZHIN GYIS YOD PA, ,DE NI MED PA MIN PAS RTAG, CES PA'I SKABS SU BSHAD PA BZHIN DU RANG BZHIN GYIS GRUB BA DE NAM YANG MED PAR MI 'GYUR BAS RTAG LTA DANG, RANG BZHIN GYIS GRUB PA DUS DANG POR YOD LA GNYIS PAR MED NA CHAD LTAR 'GYUR GYI YOD PA TZAM DANG SKAD CIG GIS 'JIG PA KHAS BLANGS PAS RTAG CHAD DU LTA BAR STON PA MIN TE, RTAG CHAD NI RTEN 'BREL KHAS BLANGS NAS SPONG LA RTAN 'BREL GSUNG BA NA 'DI YOD NA 'DI 'BYUNG ZHES GSUNGS PA'I PHYIR DANG, BRGYA PA'I 'GREL PA LAS KYANG, CI CHOS MNGON PA BA SKAD CIG MAR 'JIG PA KHAS MI LEN NAM GAL TE KHAS MI LAN NA NI, DE BDE BAR GSHAGS PA BA MA YIN PA NYID DU 'GYUR RO ZHES SKAD CIG MA KHAS MI LEN NA NANG PA SANGS RGYAS PA MIN PAR THAL BA'I GNOD PA GSUNGS PAS SO, ,GNYIS PA LA GNYIS, RANG BZHIN GYIS GRUB PA KHAS BLANGS NAS RTAG CHAD SPONG TSUL DANG, DE DGAG

212b

PA'I LAN NO, ,DANG PO NI, DNGOS PO RANG GI MTSAN NYID GYIS YOD PAR KHAS BLANGS KYANG CHAD PAR LTA BA DANG RTAG PAR LTA BAR MI 'GYUR TE, GANG GI PHYIR 'BRAS BU'I 'BYUNG BA STE SKYES PA DANG RGYU YI 'JIG PA STE ZHIG PA GNYIS RGYUN LDAN DU 'BYUNG BA'I RGYUN DE SRID PA 'KHOR BA YIN PA'I PHYIR RO, ,'DI LTAR RGYU 'GAGS NAS DE'I 'BRAS BU MI SKYE NA CHAD PA DANG RGYU MI 'GAG PAR RANG GI NGO BOS GNAS NA RTAG PAR 'GYUR YANG DE LTAR MI 'DOD PAS RTAG CHAD KYI SKYON MED DO ZHE NA, GNYIS PA LA GNYIS, RGYUN KHAS BLANGS KYANG RTAG CHAD SPONG MI NUS PA DANG, RGYUN NYID RANG BZHIN GYIS MA GRUB PAR BSTAN PA'O, ,DANG PO NI, 'BRAS BU'I 'BYUNG BA DANG RGYU YI 'JIG PA'I RGYUN DE SRID PA YIN PAR GYUR NA RGYU'I SKAD CIG 'JIG PA STE 'BRAS BU SKYED PA'I BYA BA BYAS NAS 'GAGS PA LA SLAR YANG SKYE BA MED PA'I PHYIR RGYU'I RGYUN NI CHAD PAR THAL BAR 'GYUR RO, ,DNGOS PO RANG GI MTSAN NYID KYIS GRUB PAR 'DOD NA 'BRAS BU RGYU LA MI LTOS PA'I GZHAN DU 'GYUR BAS, 'BRAS BU SKYES KYANG RGYU'I RGYUN MI 'CHAD PA LA MI PHAN LA RGYU 'GAGS PA SLAR YANG SKYE BA'I RGYUN MED PAS RGYU'I RGYUN CHAD PAR 'GYUR RO, ,RANG LA NYES PA DE MED DE DNGOS PO RANG BZHIN GYIS GRUB PAR KHAS MI LEN PA'I PHYIR DANG, GANG LA BRTEN TE GANG 'BYUNG BA, ,ZHES PA'I TSUL GYIS BRTEN NAS 'BYUNG BA'I RGYU MTSAN NYID KYIS RGYU 'BRAS GNYIS RANG GI NGO BOS GCIG DANG THA DAD GANG DU YANG MA GRUB PAR 'DOD PA'I PHYIR RO, ,DNGOS PO RANG BZHIN GYIS GRUB PAR KHAS LEN PA LA RTAG

213a

, ,LTAR YANG 'GYUR TE, DNGOS PO NGO BO NYID KYIS YOD NA NI PHYIS MED PAR MI 'GYUR TE RANG BZHIN LA LDOG PA MED PA'I PHYIR DE'I RTAG PAR THAL BA SON 'DUG GO, RIGS PA DE DAG NI DNGOS PO RANG BZHIN GYIS YOD NA 'BRAS BU RGYU SNGA MA LAS SKYE BA DANG RGYU 'BRAS BU'I DUS SU 'GAGS PA MI RUNG BAS DE GNYIS KYI SGO NAS RTAG CHAD SPONG MI NUS PA'O, ,GZHAN YANG KHYED LTAR NA PHUNG PO LHAG MED KYI MYA NGAN LAS 'DAS PA'I DUS NA, SRID PA STE PHUNG PO'I RGYUN RANG BZHIN GYIS 'JUG PA RAB TU ZHI BA STE CHAD PAS CHAD PAR THAL BAR 'GYUR NA STON PAS CHAD LTA NI SPANG BAR GSUNGS SO, ,GAL TE DE 'DRA BA'I RGYUN CHAD PAR 'DZIN PA NI CHAD LTA MIN NO ZHE NA, DE LTA NA 'KHOR BA'I SKABS SU YANG DE LTAR 'DZIN PA CHAD LTA MIN PAR 'GYUR TE RGYU MTSAN MTSUNGS PA'I PHYIR RO, ,GNYIS PA NI, PHA ROL POS SNGAR LTAR BSHAD PA'I SRID PA'I RGYUN DE RANG BZHIN GYIS YOD PA NI MI 'THAD DO, ,JI LTAR ZHE NA, 'DIR SRID PA THA MA NI TSE 'DI'I SEMS THA MA 'CHI SRID YIN LA SRID PA DANG PO NI SKYE BA PHYI MA'I NYID MTSAMS SBYOR BA'I SEMS SO, ,DE'I THA MA 'GAG BZHIN PA NI RGYUR GNAS LA DANG PO NI 'BRAS BUR GNAS SHING SRID PA DE GNYIS LA NI 'KHOR BA ZHES BYA'O, ,DE LA SRID PA DANG PO DE SRID PA THA MA 'GAG PA'AM MA 'GAGS PA'AM 'GAG BZHIN PA LAS SKYE GRANG, DE LA SRID PA THA MA 'GAGS PAR GYUR PA NA DE LAS SRID PA DANG PO'I SEMS SKYE BAR RIGS PAR MI 'GYUR TE, RANG GI

213b

RGYU RANG GI SNGA ROL DU 'GAGS NA DE'I TSE RGYU MED PA DANG, SA BON TSIG PA LAS KYANG MYU GU SKYE BAR 'GYUR NA DE NI 'DOD PA YANG MIN NO, ,SRID PA THA MA 'GAGS PAR MI GYUR PA'I TSE ZHES PA NI 'GAG BZHIN PA LOGS SU BSHAD PAS 'CHI SRID 'GAG PA LA MNGON DU MA PHYOGS PA'O, ,'DI 'DRA MED KYANG BRTAG PA'I MTHA' BZUNG NAS 'GOG PA'O, ,DE LAS SRID PA DANG PO SKYE BA RIGS PAR MI 'GYUR TE 'GYUR NA NI NYES PA DU MA YOD PA'I PHYIR RO, ,DE LA RGYU MED PA'I NYES PA NI 'CHI SRID 'GAG PA LA MNGON DU MA PHYOGS PA'I DUS SU SKYE BA PHYI MA'I SEMS DANG PO SKYE NA DE GNYIS DUS GCIG TU GNAS PAR 'GYUR LA DE LTA NA RGYUS MI SKYED PA'O, ,SEMS CAN GCIG LA NGO BO GNYIS YOD PA NI TSE 'DI'I SEMS THA MA DANG PHYI MA'I SEMS DANG PO GNYIS DUS GCIG TU YOD PA'O, ,SNGON MED PA'I SEMS CAN 'BYUNG BA NI SKYE BZHIN PA'I SEMS CAN DE'I SNGON DU RANG GI RGYUR GYUR PA'I SEMS CAN SNGON DU MA SONG BA'O, ,SEMS SNGA MA RTAG PA'I NYES PA NI RGYUD GCIG PA'I SEMS PHYI MA BYUNG GI BAR DU SNGA MA GNAS PA'O, ,SA BON MA ZHIG PA LAS MYU GU SKYE BAR 'GYUR BA'I SKYON GSUNGS PA NI SA BON RNAM PAR MA 'GYUR BA'I SKABS SU MYU GU SKYES PA'O, ,GAL TE SRID PA THA MA 'GAG BZHIN PA STE 'GAG BA LA MNGON DU PHYOGS PA'I DUS NA SKYE BA PHYI MA'I DANG PO'I SEMS RANG BZHIN GYIS SKYE BAR 'GYUR NA NI, SEMS CAN GCIG LA SRID PA MI MTHUN PA GNYIS DUS CIG CAR DU YOD PAR 'GYUR TE MI LTA BU SHI NAS LHAR SKYE BA YIN NA,

214a

, ,'GAG BZHIN PA MI'I SRID PA NI GCIG TU 'GYUR ZHING SKYE BZHIN PA LHA'I BAR DO'I SRID PA YANG SRID PA GZHAN GCIG TU 'GYUR LA, RANG MTSAN GYIS SKYE NA RGYU 'GAG BZHIN PA'I DUS SU SKYE BZHIN PA'I 'BRAS BU YOD PAR SNGAR BSTAN PA'I PHYIR RO, ,GSUM PA NI, DE LTAR SNGAR BSHAD PA'I TSUL GYIS GAL TE 'GAG BZHIN PA'I 'GAG PA PO DANG SKYE BZHIN PA'I SKYE BA PO DAG LHAN CIG DUS GCIG TU RIGS PA MIN LA, YANG GI SGRAS BSDUS PA SRID PA THA MA 'GAGS PA DANG 'GAGS MNGON DU MA PHYOGS PA'I MA 'GAGS PA LAS SRID PA DANG PO SKYE BA RIGS PA MIN NA, DA CI PHUNG PO GANG LA GNAS NAS 'CHI BAR 'GYUR BA'I PHUNG PO DE DAG NYID LA SKYE BA RANG BZHIN GYIS 'BYUNG BAR 'GYUR RAM TE MI 'GYUR TE SKYE BZHIN BA'I DUS NA 'CHI BZHIN PAR NI SHIN TU 'GAL BA'I PHYIR RO, ,DE LTAR SRID PA THA MA 'GAGS PA DANG MA 'GAGS PA DANG 'GAG BZHIN PA'I DUS GSUM NGAG TU YANG SRID PA DANG PO SKYE BA'I SRID PA'I RGYUN RANG BZHIN GYIS YOD PA NI MI RIGS NA, GANG ZHIG DUS GSUM DU RANG BZHIN GYIS YOD PA MIN BA DE NI JI LTAR NA BDAG NYID GZHAN GYIS YOD PAR GA LA 'GYUR, DE'I PHYIR SRID PA'I RGYUN RANG BZHIN GYIS MED PAS, 'BRAS BU RGYU'I 'BYUNG 'JIG GI RGYUN DE SRID PA YIN PHYIR RO, ,ZHES SRID RGYUN RANG BZHIN GYIS YOD PAR SMRAS PA DE MI RIGS SO, ,GNYIS PA NI, DE LTAR SKYE 'JIG DANG SKYE SHI DANG SRID PA GCIG NAS GCIG TU 'GRO 'ONG BYED PA RANG BZHIN MED PAR BSHAD PA 'DI NYID ZAB MO'I LUNG GIS KYANG

214b

GRUB PA DANG, DE LTAR GSUNGS PA'I MDO SDE THAMS CAD RAB TU BYED PA 'DIS BSHAD PAR BYA'O ZHES BSHAD PA'I PHYIR DU NGES DON GYI LUNG DANG SBYOR BA'I PHYOGS TZAM SMOS NA, TING 'DZIN RGYAL PO LAS, SRID GSUM RMI LAM DANG 'DRA SNYING PO MED, ,MYUR DU 'JIG CING MI RTAG SGYU MA BZHIN, ,'ONG BA MED CING 'DI NAS 'GRO BA'ANG MED, ,RGYUN RNAMS RTAG TU STONG ZHING MTSAN MA MED, ,CES DANG, SKYE BA DANG NI 'CHI 'GYUR YANG, ,SKYE BA MED CING 'CHI MED PAR, ,GANG GIS SHES PAR 'GYUR PA YIS, ,TING 'DZIN 'DI NI RNYED MI DGA', ,ZHES DANG, GANG DAG BSAM YAS CHOS RNAMS 'DI SHES PA, ,MI RNAMS DE DAG RTAG TU BDE BA YIN, ,CHOS DANG CHOS MIN RNAM RTOG MED PA STE, ,THAMS CAD SEMS KYIS SPROS PAS PHYE BA YIN, ,THAmD BSAM YAS THAMS CAD 'BYUNG MIN PAS, ,DNGOS DANG DNGOS MED SHES PA RNAM PAR SHIG, BYIS PA GANG DAG SEMS KYI DBANG SONG BA, ,DE DAG SRID PA BYE BA BRGYAR SDUG BSNGAL, ,ZHES GSUNGS SO, ,GSUM PA NI, SKYE 'JIG DANG SKYE 'CHID GCIG NAS GCIG TU BRGYUD PA'I SRID RGYUN RNAMS RANG GI MTSAN NYID KYIS GRUB PA LA 'JOG PA NI DE KHO NAR GRUB MA GRUB DPYOD PA'I RIGS PAS BKAG LA, THA SNYAD DE DAG MI BYAR YANG MI RUNG BAS RANG GI MTSAN NYID KYIS STONG PA LA DE RNAMS CHOS 'THAD PA'I TSUL LA NGES PA DRANG BAR BYA'O, ,'BYUNG BA DANG 'JIG PA BRTAG PA ZHES BYA BA TSIGS SU BCAD PA NYER GCIG GI BDAG NYID RAB TU BYED PA NYI SHU RTZA GCIG PA'I RNAM PAR BSHAD PA'O,, ,,LNGA PA SRID PA'I RGYUN

215a

, ,GYI RANG BZHIN GYIS STONG PAR BSTAN PA LA GNYIS, DE BZHIN GSHEGS PA RANG BZHIN GYIS YOD PA DGAG, NYON MONGS PA RANG BZHIN GYIS YOD PA DGAG PA'O, ,DANG PO LA GSUM, RAB BYED KYI GZHUNG BSHAD PA; NGES DON GYI LUNG DANG SBYAR BA, DON BSDUS TE MTSAN BSTAN PA'O, ,DANG PO NI, 'DIR SMRAS PA SRID PA'I RGYUN NI RANG BZHIN GYIS YOD DE BZHIN GSHEGS PA RANG BZHIN GYIS YOD PA'I PHYIR RO, ,'DI NA BCOM LDAN 'DAS BSKAL PA GRANGS MED PA GSUM MAM BDUN DU BAR MA CHAD PAR TSOGS RGYA CHEN PO SEMS CAN GYI DON DU BSAGS NAS DUS RING MO ZHIG GIS SANGS RGYAS PA YIN LA SRID PA'I RGYUN RANG BZHIN GYIS MED NA DE BZHIN GSHEGS PA YANG YOD PAR MI 'GYUR TE; SRID PA'I SKYE BA DU MA BRGYUD PA LA BRTEN NAS 'TSANG RGYA DGOS PA'I PHYIR RO, ,GANG GI MA RIG PA'I MUN PA 'THUG PO RIGS PA'I SNANG BA SNA TSOGS PAS BZLOG KYANG SHIN TU YUN RING MO NAS GOMS PAS, DA DUNG DU YANG MI LDOG PA KHYOD KYI MI SHES PA SHIN TU CHE BA 'DI NYID KYIS SRID PA'I RGYUN MI 'CHAD PAR CHES RING BA GO BAR BYED DO, ,GAL TE DE BZHIN GSHEGS PA RANG BZHIN GYIS YOD NA SRID PA'I RGYUN RANG BZHIN GYIS YOD NA'ANG DE RANG BZHIN GYIS MED DO, , 'DI LA BZHI, DE BZHIN GSHEGS PA RANG GI MTSAN NYID KYIS GRUB PA DGAG, DE LA LOG LTA GZHAN GYI'ANG GNAS MED PAR BSTAN PA, LOG BAR BZUNG BA'I NYES DMIGS BSTAN PA, RIGS PA DE GZHAN LA'ANG SBYAR BA'O, ,DANG PO

215b

LA GSUM, LEN PA PO RANG BZHIN GYIS GRUB PA DGAG, BLANG BYA RANG BZHIN GYIS GRUB PA DGAG, DE GNYIS KA'I MJUG BSDU BA'O, ,DANG PO LA GSUM, DE BZHIN GSHEGS PA RDZAS SU YOD PA DGAG, PHUNG PO LA BRTEN NAS BTAGS PA RANG BZHIN GYIS YOD PA DGAG, DE RNAMS KYI MJUG BSDU BA'O, ,DANG PO NI, GAL TE DE BZHIN GSHEGS PA RANG GI MTSAN NYID KYIS YOD NA, DE GZUGS DANG TSOR BA DANG 'DU SHES DANG 'DU BYED DANG RNAM PAR SHES PA'I PHUNG PO DANG, RANG BZHIN GYIS GCIG TU GRUB PA'AM RANG BZHIN GYIS THA DAD, SANGS RGYAS KYI SAR TSUL KHRIMS DANG TING NGE 'DZIN DANG SHES RAB DANG RNAM PAR 'BREL BA DANG RNAM PAR GROL BA'I YE SHES MTHON BA'I PHUNG PO LNGA YANG YOD MOD KYANG, PHUNG PO LNGA SNGA MA 'DIR GZUNG GI PHYI MA NI MIN TE SNGA MA NI SEMS CAN DU GDAGS PA'I RGYU YIN PA'I PHYIR DANG, PHYI MA NI SKYE 'PHAGS KUN LA KHYAB PAR BYED PA MIN PA'I PHYIR DANG SNGA MA'I KHONGS SU 'DU BA'I PHYIR RO, ,RANG BZHIN GYIS THA DAD NA DE BZHIN GSHEGS PA LA PHUNG PO BRTEN PA DANG, PHUNG PO LA DE BZHIN GSHEGS PA BRTEN PA DANG, LHAS BYIN NOR DANG LDAN PA LTAR DE BZHIN GSHEGS PA PHUNG PO DANG LDAN PAR 'GYUR GRANG NA, DE THAMS CAD 'THAD PA MA YIN NO, ,'DI LTAR DE BZHIN GSHEGS PA NI PHUNG PO LNGA DANG RANG GI MTSAN NYID KYIS GCIG MIN TE, GZHAN DU NA RAB BYED BCU PAR BSHAD PA LTAR BYED PA PO DANG LAS GCIG TU 'GYUR BA DANG, BCO BRGYAD PAR BSHAD PA LTAR RANG MTSAN GYIS SKYE BA DANG 'JIG

216a

, ,PA CAN DU 'GYUR RO, ,PHYI MA 'DOD NA NI 'JUG PA RTZA 'GREL DU BSHAD PA LTAR NYAS PA GSUM STE LAS BYED PA'I BYED PA PO SKAD CIG MA YIN PAS LAS KYI 'BRAS BU'I DUS NA MED PAS, RTEN MED PA'I PHYIR LAS RNAMS 'BRAS BU DANG 'BREL BA MED PA'I PHYIR LAS BYAS PA CHUD ZA BAR 'GYUR RO, ,SKAD CIG SNGA MAS BYAS PA'I LAS KYI 'BRAS BU PHYI MA RNAMS SU LONGS SPYOD PAR 'DOD NA NI, GZHAN GYIS BSAGS PA'I LAS KYI 'BRAS BU GZHAN GYIS LONGS SPYOD PAS LAS MA BYAS PA DANG PHRAD PA'I SKYON DU 'GYUR RO, ,SKAD CIG SNGA PHYI GZHAN YIN KYANG RGYUD GCIG PAS SKYON MED DO ZHES KYANG SMRA MI NUS TE, RANG GI MTSAN NYID KYIS SKAD CIG SO SO BA SKYE NA RGYU 'BRAS MI RUNG BAS RGYUD GCIG PA MI 'THAD PA'I NYES PA SNGAR BRJOD PA MI LDOG GO, JI LTAR BA'I LUS 'DI SNGAR BYUNG BAR GYUR TO ZHES MI DRAN PA BZHIN DU NGA DE'I TSE DE'I DUS NA NGA LAS NU ZHES BYA BAR GYUR TO ZHES KYANG GSUNG BAR MI 'GYUR TE, DE'I DUS KYI BDAG NI LUS LTAR ZHIG PA'I PHYIR DANG 'DIR SNGA MA LAS RANG MTSAN GYIS GZHAN PA'I BDAG SKYE BAR KHAS BLANGS PA'I PHYIR RO, ,DE BZHIN GSHEGS PA PHUNG PO LNGA LAS RANG MTSAN GYIS GZHAN PA MIN TE, GZHAN DU NA BCU PAR BSHAD PA LTAR PHUNG PO MED PAR YANG 'BYUNG BA DANG, BCO BRGYAD PAR BSHAD PA LTAR PHUNG PO 'DUS BYAS SU MTSON PA'I MTSAN NYID DAM PHUNG PO SO SO'I MTSAN NYID LAS RDZAS THA DAD DU 'GYUR BA'I PHYIR RO, ,DE BZHIN GSHEGS PA DANG PHUNG PO

216b

RANG BZHIN GYIS THA DAD DU MA GRUB PA'I PHYIR, DE BZHIN GSHEGS PA DE LA PHUNG PO BRTEN PA DANG PHUNG PO DER DE BZHIN GSHEGS PA BRTEN PAR NGO BO NYID KYIS MED DO, ,LHAS BYIN GNAG DANG LDAN PA DANG RNA BA DANG LDAN PA'I LDAN TSUL LTAR DE BZHIN GSHEGS PA PHUNG PO DANG LDAN PA YANG NGO BO NYID KYIS YOD PA MIN TE, RIM PA BZHIN DU RANG BZHIN GYIS THA DAD PA DANG GCIG TU MA GRUB PA'I PHYIR RO, ,PHYOGS LHAG MA GSUM DANG PO GNYIS SU CI RIGS PAR 'DU BAS GCIG DANG THA DAD KYI PHYOGS GNYIS SU 'DU MOD KYANG, 'JIG LTAS 'DZIN TSUL GYI 'JUG PA LA LTOS NAS 'DI DANG BCU PAR PHYOGS SNGA GSUNGS SO, ,DE LTAR PHYOGS SNGA RANG BZHIN GYIS MED PAS DE BZHIN GSHEGS PA RANG GI MTSAN NYID KYIS GRUB PA GANG ZHIG YOD PA YIN TE 'GA' YANG MED PAS SRID PA'I RGYUN KYANG RANG BZHIN GYIS MED DO, ,GNYIS PA LA GNYIS, PHUNG PO LA BRTEN NAS BTAGS PA'I DE BZHIN GSHEGS PA RANG BZHIN GYIS YOD PA DGAG, DE BZHIN GSHEGS PA DANG PHUNG PO LEN PA PO DANG BLANG BYAR RANG BZHIN GYIS YOD PA DGAG PA'O, ,DANG PO LA BZHI, PHUNG PO LA BRTEN NAS BTAGS NA RANG BZHIN GYIS YOD PA MA YIN PA DANG, DE GNYIS MI 'GAL BA'I LAN DGAG PA DANG, RANG DNGOS MA GRUB NA GZHAN DNGOS MA GRUB PA DANG, DES NA DE BZHIN GSHEGS PA RANG BZHIN GYIS MED PAR GRUB PA'O, ,DANG PO NI, MANG POS BKUR BA DAG NA RE JI SKAD BSHAD PA'I NYES PAR 'GYUR PAS DE BZHIN GSHEGS PA DANG PHUNG PO GCIG DANG GZHAN MA YIN ZHING, RI GANGS CAN LA SHING LTAR DE BZHIN GSHYE

217a

, ,PA LA PHUNG PO DANG NAGS KHROD NA SENG GE LTAR PHUNG PO LA DE BZHIN GSHEGS PA DANG, 'KHOR SGYUR MCHAN DANG LDAN PA LTAR DE BZHIN GSHEGS PA PHUNG PO DANG LDAN PA'ANG MIN TE GCIG DANG GZHAN DU KHAS MI LEN PA'I PHYIR RO, ,'O NA CI ZHE NA, PHUNG PO LAS DE NYID DANG GZHAN DU BRJOD DU MED PA'I DE BZHIN GSHEGS PA PHUNG PO LA BRTEN NAS 'JIG PA LA, PHYOGS SNGA BKAG PA NI KHO BO CAG LA GNOD PAR BYED PA MIN NO ZHES SMRA'O, ,GAL TE SANGS RGYAS PHUNG PO LA BRTEN NAS 'DOGS NA 'O NA NI DE RANG BZHIN LAS SAM RANG BZHIN GYIS YOD PA MIN PAR 'GYUR TE BRTEN NAS BTAGS PA'I PHYIR GZUGS BRNYAN BZHIN NO, ,GANG ZHIG RANG BZHIN LAS TE RANG GI NGO BO NYID LAS MED PA DE PHUNG PO LA BRTEN NAS GZHAN GYI DNGOS PO LAS NGO BO NYID KYIS GA LA YOD DE MED DO, ,GNYIS PA NI, CI STE GZUGS BRNYAN RANG GANG DU SNANG BA DE'I RANG BZHIN DU MA GRUB PAS RANG BZHIN LAS YOD PA MIN YANG, BYAD BZHIN DANG ME LONG LA SOGS PA GZHAN GYI DNGOS PO LA LTOS NAS YOD PA BZHIN DU, DE BZHIN GSHEGS PA YANG RANG BZHIN LAS YOD PA MIN YANG PHUNG PO LA BRTEN NAS GZHAN GYI DNGOS PO LAS NGO BO NYID KYIS YOD PAR 'GYUR RO ZHE NA, GAL TE DE BZHIN GSHEGS PA GANG ZHIG GZHAN GYI DNGOS PO LA BRTEN NAS GZUGS BRNYAN LTAR YOD PAR 'DOD NA NI, DE BZHIN GSHEGS PA DE BDAG NYID DE RANG GI NGO BO NYID KYIS YOD PA'I RANG BZHIN DU MI 'THAD DE GZUGS BRNYAN BZHIN NO, ,GANG ZHIG GZUGS BRNYAN LTAR BDAG

217b

NYID DE RANG BZHIN GYIS MED PA DE JI LTAR NA DE BZHIN GSHEGS PAR RANG BZHIN GYIS YOD PAR 'GYUR TE MI 'GYUR RO, ,TSIGS BCAD SNGA MAS NGO BO NYID LAS YOD NA RANG GI NGO BO KHO NAS GDAGS DGOS KYI PHUNG PO LA BRTEN NAS GDAGS PA MI 'THAD DO ZHES GSUNGS PA LA, GZHAN LA MA BRTAN PA'I RANG GI NGO BOS GRUB PA MIN GYI GZHAN LA BRTEN NAS RANG GI NGO BOS GRUB PA'O ZHES PA'I LAN DU DE GNYIS 'GAL BAR TSIGS BCAD PHYI MAS BSTAN NO, ,GSUM PA NI, DE BZHIN GSHEGS PA NGO BO NYID KYIS YOD NA DE LA LTOS NAS PHUNG PO'I NGO BO GZHAN DU 'GYUR LA DE LA BRTEN NAS DE BZHIN GSHEGS PAR 'GYUR BA ZHIG NA, GAL TE DE BZHIN GSHEGS PA LA NGO BO NYID KYIS YOD PA'I RANG BZHIN YOD PA MIN NA, DE LA LTOS NAS PHUNG PO RNAMS GZHAN GYI DNGOS POR YOD PAR JI LTAR 'GYUR TE MI 'GYUR RO, ,BZHI PA NI, DE LTAR DANG DNGOS DANG GZHAN GYI DNGOS PO DAG NGO BO NYID KYIS YOD PA MIN PA'I PHYIR RANG BZHIN DANG GZHAN DNGOS DAG LAS MA GTOGS PA'I DE BZHIN GSHEGS PA RANG BZHIN GYIS GRUB PA DE GANG ZHIG YOD DE MED DO, ,BSTAN BCOS 'DI YI GZHUNG KUN BRTEN NAS 'BYUNG BA DANG, RANG GI MTSAN NYID KYIS YOD PA 'GAL BAR RTOGS PA'I PHYIR DU 'JUG MOD KYANG RAB BYED 'DIS DON DE YANG DANG YANG DU GSAL BAR STON NO, ,GNYIS PA NI, PHUNG PO LAS DE NYID DANG GZHAN DU BRJOD DU MED PA'I DE BZHIN GSHEGS PA PHUNG PO LA BRTEN NAS 'DOGS SO ZHES SMRA BA'I MANG POS BKUR BAS NI, DE BZHIN GSHEGS PA LA PHUNG

218a

, ,PHUNG PO BLANG BYAR RANG GI MTSAN NYID KYIS GRUB PAR 'DOD DO, ,DE'I TSE GAL TE NOR GYI SNGAR GRUB PA'I LHAS BYIN GYIS NOR LEN PA BZHIN DU, PHUNG PO LA MA BRTEN PAR TE PHUNG PO'I SNGAR DE BZHIN GSHEGS PA 'GA' ZHIG YOD NA, DE NI GZOD PHUNG PO DAG LA BRTEN PAR 'GYUR ZHING PHUNG PO LA BRTEN NAS DE NAS DE'I LEN PA POR 'GYUR LA RAG NA, DPYAD PA NA PHUNG PO RNAMS LA MA BRTEN PAR TE DE'I SNGAR DE BZHIN GSHEGS PA 'GA' YANG MED DE, DE BZHIN GSHEGS PAR GDAGS PA'I RGYU MED PAR 'GYUR BA'I PHYIR RO, ,DE BZHIN GSHEGS PA GANG ZHIG PHUNG PO LA MA BRTEN PAR TE DE'I SNGAR YOD PA MIN NA, DE BZHIN GSHEGS PA DES NI JI LTAR NA RANG BZHIN GYIS PHUNG PO NYE BAR LEN PAR 'GYUR TE MI 'GYUR RO, ,DE LTAR PHUNG PO LEN PA CUNG ZAD KYANG RANG BZHIN GYIS MED PA NA, PHUNG PO LA BRTEN NAS DE BZHIN GSHEGS PA NGO BO NYID KYIS YOD PAR 'GYUR RO ZHES PA MI 'THAD DO, ,DE BZHIN GSHEGS PA SNGA ROL NA MED PAS NYE BAR LEN PA CUNG ZAD KYANG RANG BZHIN GYIS NYE BAR BLANGS PA MA YIN PAS, PHUNG PO RNAMS NYE BAR LEN PAR RANG BZHIN GYIS JI LTAR 'GYUR TE MI 'GYUR RO, ,GANG GI TSE DE LTAR SUS KYANG RANG BZHIN GYIS MA BLANGS PA'I PHYIR NYE BAR LEN PA PHUNG PO RNAMS RANG BZHIN GYIS NYE BAR LEN PAR MI 'GYUR BA DE'I TSE RANG BZHIN GYIS NYE BAR LEN PA MED PA YI DE BZHIN GSHEGS PA RANG BZHIN GYIS

218b

GRUB PA CI YANG MED DO, ,GSUM PA NI, JI SKAD BSHAD PA'I TSUL GYIS BRTAG PA RNAM PA LAS NI DPYAD CING BTZAL BAR BYAS PA NA, GANG ZHIG PHUNG PO LAS DE NYID DE GCIG DANG GZHAN NYID DU NGO BO NYID KYIS MED PAS, RTEN DANG BRTEN PA SOGS GSU DU YANG NGO BO NYID KYIS MED PA'I DE BZHIN GSHEGS PA DE RANG BZHIN GYIS YOD PAR NYE BAR LEN PA PHUNG POS JI LTAR GDAGS PAR NUS TE MI NUS SO, ,GNYIS PA NI, RNAM PAR DPYAD PA 'DIS DE BZHIN GSHEGS PA RANG BZHIN GYIS MA GRUB PAR BSTAN PA 'BA' ZHIG TU MA ZAD KYI, 'ON KYANG GANG ZHIG NYE BAR BLANG BA GZUGS DANG TSOR BA LA SOGS PA PHUNG PO LNGA PO DE YANG RANG BZHIN LAS TE RANG BZHIN GYIS YOD PA MIN TE, DE NI RTEN 'BREL YIN PA'I PHYIR DANG PHUNG PO RTAG PAR RANG BZHIN GYIS YOD PA RGYAS PAR BKAG ZIN PA'I PHYIR RO, ,CI STE YANG NYE BAR LEN PA DE GZHAN LA MA LTOS PA'I RANG BZHIN LAS MED KYANG RGYU RKYEN GZHAN GYI DNGOS PO LA BRTEN NAS RANG BZHIN GYIS YOD DO ZHE NA, GZHAN LA MA BRTEN PAR BDAG GI DNGOS PO LAS TE NGO BO NYID LAS GANG MED PA DE NI, RGYU RKYEN GZHAN GYIS DNGOS PO LAS RANG BZHIN GYIS YOD RE SKAN TE YOD PA MI SRID DE, RANG GI NGO BO NYID LAS GRUB PA DANG GZHAN LA LTOS DGOS PA GNYIS 'GAL BA'I PHYIR RO; ;YANG NA NYE BAR LEN PA PO LA LTOS PA'I PHYIR NYE BAR BLANG BYA RNAMS RANG GIS NGO BOS GRUB PA MED DO, ,GAL TE DE LTAR YIN KYANG NYE BA RLEN PA PO LA LTOS PA DANG BCAS PAR 'GYURO ZHE NA, NYE BAR BLANG BYA GANG ZHIG RANG GI NGO BO LAS

219a

, ,MA GRUB PA DE LEN PA PO GZHAN GYIS DNGOS PO LAS RANG BZHIN GYIS YOD PAR JI LTAR 'GYUR, GSUM PA NI, SNGAR BSHAD PA DE LTAR NYE BAR BLANG BAR BYA BA DANG NYE BAR LEN PA PO GNYIS NI RANG GI MTSAN NYID KYIS GRUB PAS RNAM PA THAmD KYIS STONG PA YIN NO, ,DE LTAR NYE BAR BLANG BYA RANG BZHIN GYIS YOD PAS STONG BAS, DE BZHIN GSHEGS PA RANG BZHIN GYIS YOD PAS STONG PA JI LTA BUR NA NGO BO NYID KYIS YOD PAR 'DOGS PAR 'GYUR TE MI 'GYUR RO, ,DE'I PHYIR PHUNG PO LA BRTEN NAS BTAGS PA'I DE BZHIN GSHEGS PA NGO BO NYID KYIS YOD DO ZHES PA NI MI RIGS SO, ,GNYIS PA NI, AE MA KHO BO CAG NI GZIGS ZAN LA SOGS PA'I STON PA GZHAN SPANGS NAS DE BZHIN GSHEGS PA LA SKYABS SU SONG ZHING THAR PA DON DU GNYER NA, DE LTAR NYER BLANG NYAR LEN PO, ,ZHES SOGS KYIS DE RANG BZHIN GYIS ME DPAR SMRAS PAS, KHO BO CAG GI THAR PA'I RE THAG BCAD DO, ,DE'I PHYIR DE BZHIN GSHEGS PA'I RTZE SMAN GYI LJON SHING RTZAD NAS 'DON PA KHYOD DANG BRTZAD PAS DA CHOG GO ZHE NA, 'DIR KHYOD 'DRA BA'I SKYE BO LA KHO BO CAG GI THAR PA'I RE BA CHAD PA YIN TE, THAR PA 'DOD PAS STON PA GZHAN GYI LUGS DOR NAS SANGS RGYAS LA SKYABS SU SONG YANG BDAG MED PA'I SGRA MU STEGS THAmD DANG THUN MONG MIN PA MI BZOD PA NA, LAM NGAN PA 'KHOR BA'I 'BRAG DGON PA DANG RJES SU MTHUN PA DE NYID NAS SONG BA YIN NO, ,KHO BO NI SKUR BA BTAB PAS NYE PAR

219b

'GYUR BA DE BZHIN GSHEGS PA STONG PA STE MED PA ZHES KYANG MI BRJOD DO, ,GZHAN YANG DE BZHIN GSHEGS PA RANG BZHIN MED PAR STON ZHING BYIN CI MA LOG PA'I DON BRJOD PAR 'DOD PAS, MI STONG PA STE NGO BO NYID KYIS YOD DO ZHES KYANG, ZHES KYANG MI BYA ZHING, DE GNYIS KAR YANG BRJOD PAR MI BYA LA YOD MED GNYIS KA MIN PA YANG BRJOD PAR MI BYA STE DON DAM PAR DE BZHI KA KHAS MI LEN PA'O, ,'ON KYANG THA SNYAD DU MA BRJOD NA GDUL BYA RNAMS KYIS MI RTOGS PAS THA SNYAD KYIS BDEN PA LA GNAS NAS THA SNYAD KYI DON DU, GDUL BYA'I SKYE BO'I NGOR BLOS BTAGS NAS STONG PA DANG MI STONG PA DANG STONG MI STONG GNYIS KA DANG, STONG PA YANG MIN LA MI STONG PA YANG MIN NO ZHES KYANG SMRA STE DE'I PHYIR DE KHO NA GDAGS PA'I DON DU BRJOD PA'O, ,STON PAS DGONGS PA GANG GIS STONG PA LA SOGS PA GSUNGS PA NI BCO BRGYAD PA LAS BSHAD ZIN TO, ,DE BZHIN GSHEGS PA LA STONG PA LA SOGS PA BZHI PO DON DAM PAR MA MNGA' BA DE BZHIN DU, 'JIG RTEN RTAG PA DANG MI RTAG PA DANG LA SOGS PAS BSDUS PA RTAG MI RTAG GNYIS KA DANG, GNYIS KA MA YIN PA BZHI YI LTA BA LOG PAS JI LTAR BZUNG BA YANG SANGS RGYAS NGO BO NYID KYIS YOD PA ZHI BA 'DI LA GAL YOD DE MED DO, ,DE BZHIN DU 'JIG RTEN MTHA' DANG LDAN PA DANG MTHA' MED DANG LA SOGS KYIS BSDUS PA MTHA' DANG LDAN MI LDAN GNYIS KA DANG, GNYIS KA MA YIN PA'I LOG PAR LTA BA BZHIS BZUNG BA'I DON YANG ZHI BA 'DI LA

220a

, ,GA LA YOD DE MED DE, ,RGOL BA GANG GIS 'DI NYID BDEN GYI GZHAN NI GTI MUG PA'O SNYAM DU 'DZIN PA SDUG PO BZUNG BAR GYUR BA DE NI, DE BZHIN GSHEGS PA MYA NGAN LAS 'DAS PA LA STE 'DAS NAS DE BZHIN GSHEGS PA YOD DO ZHE'AM MED CES PA DANG, YOD MED GNYIS KA DANG GNYIS KA MIN PA ZHES PA'I LOG PAR RNAM PAR RTOG PA BZHIS RNAM PAR RTOG PAR BYED DO, ,TSIG GSAL GYI 'GYUR GYI RTZA BA LA, GANG GIS DE BZHIN GSHEGS YOD CES, ,'DZIN PA SDUG POS BZUNG GYUR PA, ,DES NI MYA NGAN 'DAS PA LA, ,MED CES RNAM PAR RTOG PAR BYED, ,CES 'BYUNG ZHING DE DANG MTHUN PA'I 'GREL PA'ANG BSGYUR MOD KYANG, BUD DHA P'A LI TA LAS, GANG GIS 'DZIN STAG BZUNG GYUR PA, ,DE NI MYA NGAN 'DAS PA LA, ,DE BZHIN GSHEGS PA YOD CE'AM, ,MED CES RNAM RTOG RTOG PAR BYED, ,CES BSGYUR ZHING DE DANG MTHUN PAR 'GRAL BA MDZAD PA NYID 'GYUR LEGS PAR MTHONG NAS DE LTAR BSHAD DO, ,GANG GI LTAR NA DE BZHIN GSHEGS PA RANG ZHIN GYIS NI GRUB PA STONG PA DE LA SANGS RGYAS MYA NGAN LAS 'DAS NAS NI SANGS RGYAS YOD DO ZHE'AM MED DO ZHE'Am YOD MED GNYIS KA DANG GNYIS KA MIN PA SHES SEMs PA'I BSAM PAS BZUNG BA LTAR 'THAD PA NYID DU MI 'GYUR RO, ,DA 'DRA BA'I LTA BA BCU GNYIS DANG LUS SROG GCIG DANG THA DAD DU LTA BA GNYIS NI LUNG MA BSTAN GYI LTA BA BCU BZHI ZHES GSUNGS PA YIN TE, DE THAmD BDAG NGO BO NYID KYIS

220b

YOD PA LA BRTZAMS NAS 'DI BAS 'O NA LUNG DU MA BSTAN PA YIN PA'I PHYIR TE, DE LTAR 'DRI BA DE DAG NI ZAB MO'I SMOD MIN PAS BDAG MED PA'I DON NI BSHAD DU MI RUNG LA, RTAG MI RTAG LA SOGS PA BSHAD PAS KYANG RTAG CHAD KYI LTA BA SKYED CING DON DU YANG MA 'GYUR PA'I PHYIR RO, ,'DIR 'JIG RTEN NI BDAG LA ZER LA DE NI DE BZHIN GSHEGS PA LA YANG BYA BAS 'DIR DA THAMS CAD SANGS RGYAS LA SBYAR LA, LTA BA THA MA GNYIS SKABS 'DIR MA GSUNGS KYANG SNGAR PHUNG PO DANG GCIG THA DAD BKAG PA LA DE GNYIS MI RUNG BA'I DON TSANG NGO, ,GSUM PA NI, GANG DAG BLO ZHAN PA NYID KYIS SANGS RGYAS BCOM LDAN 'DAS 'JIG RTEN PA'I SPROS PA THAMS CAD LAS YANG DAG PAR 'DAS SHING, RANG BZHIN GYIS SKYE BA MED PAS RANG BZHIN GZHAN DU 'GRO BA'I ZAD PA MED PA LA, SNGAR BSHAD PA LTAR GYI RTAG MI RTAG LA SOGS PA'I LOG PAR RTOG PAS SPROS PAR BYED PA SPROS PA DE DAG GIS, YE SHES KYI MIG NYAMS PAR GYUR PA DE DAG KUN GYIS DE BZHIN GSHEGS PA'I DE KHO NA NYID MTHOB BAR MI 'GYRU TE DMUS LANG NYI MA BZHIN NO, ,DE'I PHYIR SUM BRGYA PA LAS, GANG DAG PA LA GZUGS SU MTHONG, ,GANG DAG NGA LA SGRAR SHES PA, ,LOG PAR SPONG BAR ZHUGS PA STE, ,SKYE BO DE DAG NGA MI MTHONG, ,SANGS RGYAS RNAMS NI CHOS NYID LTA, ,'DREN PA RNAMS NI CHOS KYI SKU, ,CHOS NYID SHES BYA MA YIN TE, ,DE NI RNAM PAR SHES MI NUS, ,ZHES GSUNGS SO, ,CHAG DE DAG GIS NI GZUGS SGRA LA SOGS PA'I SPROS PA'I CHOS SU BDEN PAR 'DZIN PAS NI,

221a

, ,SANGS RGYAS KYI DE KHO NA NYID LA LOG PAR ZHUGS SHING SPONG BA YIN PAS, DES SANGS RGYAS KYI DE KHO NA NYID MI MTHONG BAS SANGS RGYAS KYI DE KHO NA NYID NI CHOS NYID DU LTA BAR BYA BA DANG CHOS KYI SKU'O, , CHOS NYID NI SNGAR LTAR BZUNG BA'I TSUL GYIS SHES PAR BYA BA MIN TE TSUL DES SHES PAR MI NUS PA'I PHYIR RO ZHES BSTAN TE, SPROS PAS BLO MIG NYAMS PAS DE BZHIN GSHEGS PA'I DE NYID MI MTHONG BA'I SHES BYED YIN PA'I PHYIR DANG, SPROS PA'I RTOG PAS BLO MIG MA BSLAD NA MTHONG BAR DON GYIS BSTAN PA'I PHYIR RO, ,BZHI PA NI, DE BZHIN GSHEGS PA BRTAGS PAS SEMS CAN GYI 'JIG RTEN YANG BRTAGS PA YIN LA SEMS CAN GYI 'JIG RTEN RANG BZHIN MED PA LTAR SNOD LA YANG RANG BZHIN MED DE, DE BZHIN GSHEGS PA'I RANG BZHIN GANG YIN PA DE DANG 'DRA BAR 'GRO BA 'DI YI RANG BZHIN YANG YIN PA'I PHYIR RO, ,DE BZHIN GSHEGS PA'I RANG BZHIN GANG ZHE NA, DE BZHIN GSHEGS PA NI PHUNG PO LA BRTEN NAS BTAGS KYI RANG GI NGO BO NYID LAS GRUB PA MED PAS RANGBZHIN GYIS GRUB PA MED DO, ,DE BZHIN DU 'GRO BA 'DI DAG KYANG LTOS SA DE DANG DE DAG LA BRTEN NAS BTAGS KYI RANG LAS RAB TU GRUB PA YI RANG BZHIN NYID MED DO, ,'GRO BA NGO BO NYID MED PAR NI RKYEN BRTAG PA SOGS LAS BSTAN ZIN TO, ,GNYIS PA NI, DE LTAR DE BZHIN GSHEGS PA DANG DE'I CHOS PHUNG PO RNAMS RANG BZHIN MED PAR BSHAD PA DE NYID ZAB MO'I LUNG GIS KYANG GRUB PA

221b

DANG, DE LTAR BSHAD PA THAMS CAD RAB TU BYED PA 'DIS BSHAD PAR BYA'O ZHES BSTAN PA'I PHYIR DU NGES DON GYI LUNG DANG SBYOR BA'I PHYOGS MTSON NI, YE SHES SNANG BA RGYAN GYI MDO LAS, RTAG TU SKYE MED CHOS NI DE BZHIN GSHEGS, ,CHOS RNAmS KUN KYANG BDE BAR GSHEGS DANG 'DRA, ,BYIS PA'I BLO CAN MTSAN MAR 'DZIN PA RNAMS, ,'JIG RTEN NA NI MED PA'I CHOS LA SPOD, ,DE BZHIN GSHEGS PA ZAG PA MED PA YI, ,DGE BA'I CHOS KYI GZUGS BRNYAN LTA BU YIN, ,'DI NA DE BZHIN NYID DANG DE BZHIN GSHEGS PA MED, ,'JIG RTEN THAMS CAD KYIS NI GZUGS BRNYAN MTHONG, ,ZHES DANG, BCOM LDAN 'DAS MA LAS KYANG, 'PHAGS PA RAB 'BYOR SEMS CAN DE DAG SGYU MA LTA BU YIN GYI SGYU MA MA YIN NAM, DE SKAD CES SMRAS PA DANG, TSE DANG LDAN PA RAB 'BYOR GYIS LHA'I BU DE DAG LA 'DI SKAD CES SMRAS SO, ,LHA'I BU DAG SEMS CAN DE DAG NI SGYU MA LTA BU'O, ,LHA'I BU DAG SEMS CAN DE DAG NI RMI LAM LTA BU STE, LHA'I BU DAG DE LTAR NA SGYU MA DANG SEMS CAN DE DAG NI GNYIS SU MED DE GNYIS SU BYAR MED PA'O, ,DE LTAR NA RMI LAM DANG SEMS CAN DE DAG NI GNYIS SU MED DE GNYIS SU BYAR MED DO, ,LHA'I BU DAG CHOS THAMS CAD KYANG SGYU MA LTA BU RMI LAM LTA BU'O ZHES GSUNGS SHING, RGYUN DU ZHUGS PA DANG LA NI CAG PHYIR 'ONG BA DANG, PHYIR MI 'ONG BA DANG DGRA BCOM PA DANG DE DAG GI 'BRAS BU BZHI YANG DE LTAR GSUNGS TE GANG ZAG DANG DE'I RGYUD KYI 'BRAS BU RNAMS RANG BZHIN MED PAR BSTAN NO, ,DE NAS RANG SANGS RGYAS DANG RANG SANGS RGYAS

222a

, ,NYID DANG RDZOGS PA'I SANGS RGYAS DANG SANGS RGYAS NYID KYANG DE LTAR GSUNGS PAS NI GANG ZAG DANG DE'I CHOS GNYIS RANG BZHIN MED PAR STON PA'O, ,DE NAS 'PHAGS PA RAB 'BYOR YANG DAG BAR RDZOGS PA'I SANGS RGYAS KYANG SGYU MA LTA BU RMI LAM LTA BU'O ZHE SMRA'AM, YANG DAG PAR RDZOGS PA'I SANGS RGYAS NYID KYANG SGYU MA LTA BU RMI LAM LTA BU'O ZHES SMRA'AM, RAB 'BYOR GYIS SMRAS PA, LHA'I BU DAG MYA NGAN LAS 'DAS PA YANG SGYU MA LTA BU RMI LAM LTA BUR SMRAN CHOS GZHAN LTA CI SMOS, LHA'I BU DAG GIS SMRAS PA, 'PHAGS PA RAB 'BYOR MYA NGAN LAS 'DAS PA YANG SGYU MA LTA BU RMI LAM LTA BU'O ZHES SMRA 'AM, RAB 'BYOR GYIS SMRAS PA, LHA'I BU DAG KHO BO NI MYA NGAN LAS 'DAS PA BAS CHOS KHYAD PAR DU 'PHAGS PA'I CHOS 'GA' ZHIG YOD NA'ANG DE YANG SGYU MA LTA BU RMI LAM LTA BU'O ZHES SMRA'O, ,DE LTA NA RMI LAM DANG MYA NGAN LAS 'DAS PA 'DI NI GNYIS SU MED GNYIS SU BYAR MED DO ZHES GSUNGS SO, ,GSUm PA NI, CHOS RNAMS RANG GI MTSAN NYID KYIS GRUB NA DE BZHIN GSHEGS PA DANG DE'I CHOS RNAMS KYI RNAM GZHAG GTAN MI RUNG ZHING, DES STONG BA'I RTEN CING 'BREL BAR 'BYUNG BA LA RNAM GZHAG THAMS CAD SHIN TU 'THAD PAS DE BZHIN GSHEGS PA SKYABS GNAS SOGS SU 'JOG PA YANG LUGS 'DI KHO NA LA SHIN TU 'THAD PA YIN NO, ,DE BZHIN GSHEGS PA BRTAG PA ZHES BYA BA TSIGS SU BCAD PA BCU DRUG GI BDAG NYID RAB TU BYED PA NYI SHU RTZA GNYIS PA'I RNAM

222b

PAR BSHAD PA'O,, ,,GNYIS PA NYON MONGS RANG BZHIN GYIS YOD PA DGAG PA LA GSUM, RAB BYED KYI GZHUNG BSHAD PA, NGES DON GYI LUNG DANG SBYAR BA, DON BSDUS TE MCHAN BSTAN PA'O, ,DANG PO NI, 'DIR SMRAS PA, SRID PA'I RGYAN NI RANG BZHIN GYIS YOD DE DE'I RGYU RANG BZHIN GYIS YOD PA'I PHYIR RO, ,'DI NA NYON MONGS PA LAS NI LAS 'BYUNG ZHING LAS DANG NYON MONGS PA'I 'BRAS BU SKYE BA DANG 'CHI BA GCIG NAS GCIG TU BRGYUD PA YANG SKYE LA DE YANG SRID PA'I RGYUN NO; ;GTZO BO'I RGYU NI NYON MONGS YIN TE DE SPANGS NA LAS YOD KYANG SRID RGYUN LDOG PA'I PHYIR RO, ,GAL TE NYON MONGS PA RANG BZHIN GYIS YOD NA SRID PA'I RGYUN RANG BZHIN GYIS YOD MOD KYANG DA MED DO ZHES 'GOG PA LA GNYIS, NYON MONGS PA RANG BZHIN GYIS YOD PA DGAG, DE'I SGRUB BYED DE SPONG BA'I THABS RANG BZHIN GYIS YOD PA DGAG PA'O, ,DANG PO LA LNGA, RTEN 'BREL GYI RTAGS KYIS DGAG, RTEN RANG BZHIN GYIS MED PA'I RTAGS KYIS DGAG, RGYU RANG BZHIN GYIS MED PA'I RTAGS GYIS DGAG, DMIGS PA RANG BZHIN GYIS MED PA'I RTAGS KYIS DGAG, RGYU RANG BZHIN GYIS MED PA'I RTAGS GZHAN GYIS DGAG PA'O, ,DANG PO NI, MDO SDE LAS, 'DOD CHAGS DANG ZHE SDANG DANG GTI MUG RNAMS TSUL BZHIN MA YIN PA'I KUN TU RTOG PA LAS 'BYUNG BAR GSUNGS TE, 'DOD PA KHYOD KYI RTZA BA NI, SHES TE KUN TU RTOG LAS BYUNG, ,ZHES MDO SDE LAS 'BYUNG BA'I PHYIR RO, ,DUG GSUM TZAM ZHIG SMOS PA NI NYON MONGS PA GZHAN THAmD 'DI GSUM GYI 'BRAS BU YIN

223a

, ,PAS 'DI GSUM GTZO BO YIN PA'I PHYIR RO, ,DE YANG SDUG PA'I RNAM PA LA BRTEN PA LAS 'DOD CHAGS DANG MI SDUG PA'I RNAM PA LA BRTEN PA LAS ZHE SDANG DANG, PHYIN CI LOG LA BRTEN PA NYID LAS GTI MUG KUN TU 'BYUNG STE KUN RTOG NI DE GSUM GYI RGYU THUN MONG PA'O, ,RTEN 'BREL GYI MDO LAS, MA RIG PA'I RGYU GANG ZHE NA, TSUL BZHIN MA YIN PA YID LA BYED PA'O ZHES DANG YID LA BYED PA RNYOG PA CAN LAS GTI MUG SKYE BA YIN NO ZHES GSUNGS PA'I PHYIR GTI MUG KUN RTOG LAS SKYE BAR SHES SO, ,GANG DAG YUL SDUG PA DANG MI SDUG PA DANG PHYIN CI LOG LA BRTEN NAS 'BYUNG BA DE DAG NI RANG BZHIN LAS MED DE, ,CHAGS SOGS RANG BZHIN GYIS GRUB NA NI RANG BZHIN MA BCOS PA DANG RGYU RKYEN GZHAN LA LTOS PA MED PA'I PHYIR, YUL SDUG PA SOGS LA BRTEN NAS MI 'BYUNG BA ZHIG NA YUL SDUG PA SOGS LA BRTEN NAS 'BYUNG NGO, ,DE'I PHYIR 'DOD CHAGS LA SOGS PA'I NYEN MONGS PA DE DAG YANG DAG PAR MED DE DE YANG DON DAM PAR MED PA RANG BZHIN GYIS MED PA'I DON TO, ,'DIS NI DGAG BYA LA YANG DAG PA SOGS KYI BYED PAR MA SBYAR BAR BKAG NA MI RUNG BAR STON TE GZHAN LA YANG 'DRA'O, ,GTI MUG GI RGYU'I KUN RTOG NI PHYIN CI LOG STE 'CHAD PAR 'GYUR LA CHAGS SDANG GNYIS KYI RGYU'I KUN RTOG NI SDUG PA DANG MI SDUG PA'I MTSAN MA SGRO 'DOGS PA'I TSUL MIN YID BYED DO, ,SLOB DPON GZHAN GNYIS KYIS TSIGS BCAD DANG PO'I DON DUG GSUM LAS

223b

'BYUNG BAS RANG BZHIN GYIS YOD DO ZHES PA'I LAN DU, TSIGS BCAD GNYIS PAS DE 'GOG PAR MDZAD CING, SDUG PA DANG MI SDUG PA'I PHYIN CI LOG CES GNYIS SU 'CHAD DO, ,'BRAS BU RGYU LAS 'BYUNG BA DBU MA PAS RANG BZHIN MED PA'I SGRUB BYED DU BZHED LA DNGOS POR SMRA BAS RANG BZHIN GYIS YOD PA'I SGRUB BYED DU SMRA BAS SGO GNYIS KA NAS BSHAD DU RUNG BAS MI 'GAL LA, STONG NYID BDUN CU PA'I RANG 'GREL DU SDUG PA SOGS GSUM RIM PA BZHIN DU DUG GSUM GYI RGYUR GSUNGS SO, ,RNAM RTOG GI DBANG GIS SKYE BA LA RANG MTSAN GYIS YOD PAS STONG PA BSGRUB SLA BAS DE NYID DE'I SGRUB BYED DU YANG GSUNGS TE, STONG NYID BDUN CU PA LAS, GANG PHYIR DER CHAGS DER SDANG DER, ,RMONGS PA DE PHYIR DE DAG NI, ,RNAM RTOG GIS BSKYED RNAM RTOG KYANG, ,YANG DAG NYID DU YOD MA YIN, ,ZHES GSUNGS SO, ,GNYIS PA LA GNYIS, BDAG RTEN DU MED PA'I RTAGS KYIS DGAG, SEMS RTEN DU MED PA'I RTAGS KYIS DGAG PA'O, ,DANG PO NI, BDAG GI YOD PA DANG MED PA NYID JI LTA BUR YANG RANG BZHIN GYIS GRUB PA MED PA NI BDAG BRTAG PA LA SOGS PAR BSHAD ZIN TO, ,DE MED PA'I PHYIR NA BDAG DE LA BRTEN PA'I NYON MONGS PA RNAMS KYIS YOD PA NYID DANG MED PA NYID RANG BZHIN GYIS 'GRUB PA JI LTAR YOD PAR 'GYUR TE MI 'GYUR RO, ,GAL TE BDAG GIS YOD PA DANG MED PA RANG BZHIN GYIS MED PAS NYON MONGS KYIS YOD PA DANG MED PA RANG BZHIN GYIS MI 'GRUB PA'I RGYU MTSAN GANG YIN SNYAM NA, NYON MONGS RNAMS NI RTZIG NGOS KYI RI MO BZHIN DU

224a

, ,BSKYED PAR BYA BA RTOG PA LA LTOS PAS NYON MONGS 'DI DAG RTEN GANG ZHIG GI YIN PAR 'GYUR GYI RTEN MED PAR MED DO, ,RTEN DE YANG BRTAGS PAN BDAG GAM SEMS CAN GCIG YIN NA DE NI SNGAR RGYAS PAR BKAG ZIN PAS RANG BZHIN GYIS GRUB PA YOD PA MA YIN NO, ,RTEN BDAG GAM GANG ZAG 'GA' YANG MED PAR NI RTEN GANG GIS YANG NYON MONGS PA DAG RANG BZHIN GYIS YOD PA MA YIN NO, ,GNYIS PA NI, GAL TE NYON MONGS KYI RTEN SNGAR GRUB PA YANG KHAS MI LEN LA RTEN DU GYUR PA'I BDAG KYANG MED MOD KYANG, NYON MONGS CAN GYI SEMS LA BRTEN NAS NYON MONGS RNAMS SKYE BAR 'GYUR LA SEMS DE YANG NYON MONGS DANG LHAN CIG SKYE'O ZHES ZER RO, ,RANG GI LAS LA LTA BA'I 'JIG LTAS BZUNG BA'I YUL GYI BDAG DE RNAM PA LTAR DPYAD PA NA YOD PA MIN PA DE BZHIN DU, NYON MONGS PAR BYED PA'I NYON MONGS PA RNAMS NYON MONGS PAR BYA BA'I NYON MONGS CAN LA RNAM PA LNGAR MED DO, ,DE LA NYON MONGS CAN GYI SEMS DE NYID SEMS BYUNG NYON MONGS PA YIN NO ZHES PA MI RIGS TE GZHAN DU NA BYED PA PO DANG LAS GNYIS GCIG TU 'GYUR BA'I PHYIR RO, ,DE GNYIS RANG MTSAN GYIS GZHAN DU YANG MED DE GZHAN DU NI MI LTOS PAR 'GYUR BA'I PHYIR RO, , RANG BZHIN GYIS GCIG DANG THA DAD GANG DU YANG MED PA'I PHYIR PHAN TSUN RTEN DANG BRTEN PA DANG LDAN PA YANG NGO BO NYID KYIS MED DO, ,RANG GI LUS LA LTA BA'I 'JIG LTAS BZUNG BA'I BDAG RNAM PA LNGAR MED PA BZHIN DU NYON MONGS CAN GYI

224b

SEMS KYANG NYON MONGS PA LA RNAM PA LTAR MED PA SNGAR BSHAD PA BZHIN DU SBYAR TE 'DI NI ZHAR LA BYUNG BA'O, ,GSUM PA NI, GAL TE NYON MONGS PA RNAMS RANG BZHIN GYIS YOD DE DE'I RGYU SDUG MI SDUG PHYIN CI LOG RNAMS RAB BZHIN GYIS YOD PA'I PHYIR RO ZHE NA, YUL SDUG PA DANG MI SDUG PA DANG PHYIN CI LOG RNAMS NI RANG GI RANG BZHIN LAS TE, NGO BO NYID KYIS YOD PA MIN TE RTEN 'BREL YIN PA'I PHYIR DANG DE RNAMS RANG BZHIN GYIS YOD PA 'GOG PAS 'GYUR BA'I PHYIR RO, ,DE'I PHYIR SDUG MI SDUG PHYIN CI LOG LA BRTEN NAS NYON MONGS GANG DAG BYUNG BA DE DAG NI RANG BZHIN GYIS YOD PA MIN NO, ,BZHI PA NI, NYON MONGS PA RNAMS RANG BZHIN GYIS YOD DE DE DAG GI DMIGS PA DRUG RANG BZHIN GYIS YOD PA'I PHYIR RO ZHE NA, DE LA GZUGS SU RUNG BAS GZUGS DANG SGROGS SHING STON PAS SGRA DANG BRO ZHING MYANG BAS RO DANG BRDUB CING BSNAM PAR BYA BAS DRI RANG REG PAR BYA BAS REG BYA DANG, MTSAN NYID 'DZIN PAS SAM CHOS KYI MCHOG MYA NGAN LAS 'DAS PA 'DZIN PAS CHOS TE RNAM PA DRUG NI 'DIR GNAS PAS GZHI STE DMIGS PA YIN NO, ,GANG GI NA SEMS DGA' BAR BYED PAS 'DOD CHAGS DANG SEMS SUN 'BYIN PAR BYED PAS ZHE SDANG DANG SEMS GTI MUG TU BYED PAS GTI MUG GI NI GZHI YIN TE, DE DGE LA SDUG PA'I RNAM PAR SGRO BTAGS PAS 'DOD CHAGS DANG MI SDUG PA'I RNAM PAR SGRO BTAGS PAS ZHE SDANG DANG RTAG BDAG LA SOGS PAR SGRO BTAGS PAS GTI MUG SKYE'O, ,DE RNAMS KHYOD KYIS NYON MONGS PA'I GZHIR

225a

, ,BTAGS PA BDEN MOD KYANG GZUGS DANG SGRA DANG RO DANG REG BYA DANG DRI DANG CHOS DAG 'BA' ZHIG STE BTAGS PA TZAM DU ZAD KYI RANG BZHIN GYIS GRUB PA MED DO, ,GAL TE RANG BZHIN MED NA DMIGS PA 'DI JI LTAR YIN ZHE NA; RANG BZHIN MED BZHIN DU DMIGS PA NI DRI ZA'I GRONG KHYER LTA BU DAD SMIG RGYUD NGA RMI LAM DANG 'DRA BA ZYIN NO, ,LNGA PA LA GNYIS, CHAGS SDANG GI RGYU RANG BZHIN GYIS GRUB PA DGAG, GTI MUG GI RGYU RANG BZHIN GYIS GRUB PA DGAG PA'O, ,DANG PO NI, GANG GI TSE DE DAG DRI ZA'I GRONG KHYER LA SOGS PA LTAR PHYIN CI LOG LAS RANG BZHIN GYIS MED BZHIN DU DER DMIGS PA 'BA' ZHIG TU ZAD PA DE'I TSE, YUL DRUG SGYU MA'I SKYES BU LTA BU DANG GZUGS BRNYAN 'DRA BA DE DAG LA STE DE DAG GI SDUG PA'I MTSAN MA DANG, MI SDUG PA'I MCHAN MA RANG BZHIN GYIS YOD PA 'BYUNG BAR YANG NI GA LA 'GYUR TE MI 'GYUR TE RTEN LOG PA'I DBANG GIS BYUNG BAS SO, ,JI SKAD DU, ,NGAR 'DZIN LAS BYUNG PHUNG PO RNAMS, ,DAR 'DZIN DE NI DON DU BRDZUN, ,GANG GI SA BON BRDZUN PA DE'I, ,SKYE BA BDEN PA GA LA ZHIG, CES GSUNGS SO, ,DE DAG NI RTEN LOG PA YIN PAS SDUG MI SDUG GI MTSAN MA BRDZUN PAR STON PA'I RIGS PA'O, ,DA NI PHAN TSUN RTEN PA'I RGYU MTSAN GYIS KYANG BRDZUN PAR BSTAN PAR BYA STE, 'DI NA SDUG MI SDUG NI RING THUNG LTAR PHAN TSUN LTOS NAS YOD KYI MA LTOS PAR MED DO, ,DE LTAR NA MI SDUG PA GANG LA BRTEN PA STE LTOS NAS SDUG PA ZHES GDAGS PA STE GZHAG PAR BYA BA'I LTOS SA MI SDUG PA NI, SDUG

225b

PA LA MI LTOS PAR YOD PA MIN PAS DE'I PHYIR YUL SDUG PA NGO BO NYID KYIS YOD PA 'THAD PA MA YIN NA STE, YUL MI SDUG PA SDUG PA LA LTOS NA NGO BO NYID KYIS MED LA LTOS SA NGO BO NYID KYIS MED NA LTOS CHOS NGO BO NYID KYIS YOD PA 'GAL BA'I PHYIR RO, ,YUL SDUG PA GANG LA BRTEN PA STE LTOS NAS MI SDUG PAR GDAGS PA STE GZHAG PAR BYA BA'I LTOS SA SDUG PA NI, MI SDUG PA LA MI LTOS PAR YOD PA MIN PAS DE'I PHYIR MI SDUG PA NGO BO NYID KYI YOD PA 'THAD PA MA YIN NO, ,DE LTAR SDUG PA'I MTSAN MA NGO BO NYID KYIS YOD PA MA YIN NA DE'I RGYU CAN GYIS 'DOD CHAGS YOD PAR GA LA 'GYUR LA, MI SDUG PA'I MTSAN MA NGO BO NYID KYIS YOD PA MA YIN NA DE'I RGYU CAN GYI ZHE SDANG YOD PAR GA LA 'GYUR TE RGYU MED PA'I PHYIR RO, ,GNYIS PA LA BZHI, PHYIN CI LOG RANG BZHIN GYIS GRUB PA DGAG, PHYIN CI LOG DANG LDAN PA RANG BZHIN GYIS GRUB PA DGAG, PHYIN CI LOG GI YUL YOD MED BRTAGS LA DGAG, DE LTAR 'GOG PA DON CHE BAR BSTAN PA'O, ,DANG PO LA GSUM, RTAG 'DZIN PHYIN CI LOG TU RANG BZHIN GYIS GRUB PA DGAG, MI RTAG PAR 'DZIN PA PHYIN CI MA LOG PAR RANG BZHIN GYIS GRUB PA DGAG, 'DZIN PA TZAM RANG BZHIN GYIS GRUB PA DGAG PA'O, ,DANG PO NI, 'DIR PHYIN CI LOG BZHI STE, PHUNG PO LNGA PO SKAD CIG RE RE LA 'JIG CING MI RTAG PA LA RTAG GO SNYAM PA DANG NYER LEN GYI PHUNG PO SDUG BSNGAL BA LA BDE'O SNYAM PA DANG, LUS MI GTZANG BA LA GTZANG BAR 'DZIN PA DANG PHUNG PO BDAG GI MTSAN NYID DANG MI MTHUN PA LA BDAG TU 'DZIN PA'O,

226a

, ,DE BZHI NI GTI MUG GI RGYU YIN NO, ,DE LA BDAG TU 'DZIN PA NI GTI MUG GI RIGS 'DRA SNGA MAS PHYI MA'I RGYU BYED LA GZHAN GSUm NI LHAN CIG BYED PA'I RKYEN DU'ANG 'GYUR RO, ,GAL TE PHUNG PO RTAG PAS STONG PA'I MI RTAG PA LA RTAG PA'O ZHES DE LTAR 'DZIN PA PHYIN CI LOG YIN NO ZHES RNAM PAR 'JOG NA, PHUNG PO NGO BO NYID KYIS YOD PAS STONG PA LA MI RTAG PAR RANG GI NGO BOS YOD PA MIN PAS PHUNG PO RTAG PAR 'DZIN PA JI LTAR NA PHYIN CI LOG TU RANG BZHIN GYIS GRUB PA YIN TE MIN NO, ,DE BZHIN DU LHAG MA GSUM LA'ANG SBYAR TE, GAL TE SDUG BSNGAL BDE'O ZHES, ,DE LTAR 'DZIN PA LOG YIN NA, ,STONG LA SDUG BSNGAL YOD MIN PAS, ,'DZIN PA JI LTAR LOG PA YIN, ,ZHES PA'I TSUL GYIS SO; ;'GREL CHEN GZHAN GNYIS SU, GAL TE MI RTAG RTAG PA ZHES, ,DE LTAR 'DZIN PA LOG YIN NA, ,STONG LA RTAG PA YOD MIN PAS, ,'DZIN PA JI LTAR LOG MA YIN, ,ZHES 'BYUNG NGO, ,GNYIS PA NI, GAL TE MI RTAG PA LA RTAG GO ZHES DE LTAR 'DZIN PA PHYIN CI LOG YIN NO ZHES RNAM PAR 'JOG NA, DNGOS PO RANG BZHIN GYIS MED PA LA MI RTAG PA YANG RANG BZHIN GYIS MED PAS RANG BZHIN GYI YOD PAS STONG PA LA MI RTAG PA'O ZHES 'DZIN PA'ANG JI LTAR NA PHYIN CI LOG MA YIN PAR RANG BZHIN GYIS YOD DE MED DO, ,MI RTAG PAR 'DZIN PA PHYIN CI MA LOG PA'I SHES PAR RANG BZHIN GYIS GRUB NA MI RTAG PA SHES BYA PHYIN CI MA LOG PAR RANG BZHIN GYIS GRUB DGOS PA'I RIGS PA'O, ,DE LTAR PHUNG PO LA LTOS TE RTAG

226b

MI RTAG GNYIS KA SHES BYA PHYIN CI MA LOG PAR NGO BO NYID KYIS MED PA NA DE GNYIS LAS MA GTOGS PA'I SHES BYA PHYIN CI MA LOG PA NGO BO NYID KYIS GRUB PA CI YANG MED DO, ,DE MED PA'I PHYIR SHES BYA PHYIN CI MA LOG PA RANG BZHIN GYIS GRUB PA CI LA LTOS NAS PHYIN CI LOG TU 'GYUR BA GANG ZHIG YOD, DE BZHIN DU LHAG MA GSUM LA YANG SBYAR TE, GAL TE SDUG BSNGAL BDE'O ZHES, ,DE LTAR 'JIN PA LOG YIN NA, ,STONG LA SDUG BSNGAL NYID DO ZHES, ,'DZIN PA'ANG JI LTAR LOG MA YIN, , ZHES PA'I TSUL GYIS SO, ,RTAG 'DZIN PHYIN CI LOG TU RANG BZHIN GYIS GRUB NA MI RTAG PA PHYIN CI MA LOG PAR RANG BZHIN GYIS GRUB DGOS ZHES PA'I RIGS PA'O, ,GSUM PA NI, GAL TE RTAG 'DZIN PHYIN CI LOG TU RANG BZHIN GYIS MA GRUB PA DE LTA NA'ANG RE ZHIG 'DZIN PA TZAM NI RANG BZHIN GYIS YOD DO, ,DE LA 'DZIN PA NI BYA BA'I RANG BZHIN NO, ,DE LA YANG GDON MI ZA BAR SGRUB BYED RTAG PA LA SOGS PA'I BYED PA DANG, BDAG GAM SEMS KYI BYED PA PO DANG GZUGS LA SOGS PA'I LAS KYANG YOD DGOS SO, ,DE RNAMS RANG BZHIN GYIS GRUB NA KHO BO'I 'DOD PA GRUB BO ZHE NA, BYED PA GANG GIS 'DZIN PA DANG 'DZIN PA GANG YIN PA'I BYA BA DANG 'DZIN PAR BYED PA PO DANG GANG BZUNG BA'I LAS THAMS CAD NYE BAR ZHI BA STE RANG BZHIN GYIS MA SKYES PA DE'I PHYIR 'DZIN PA TZAM RANG BZHIN GYIS YOD PA MA YIN NO, ,BYED PA MED PAR NI, GAL TE MI RTAG RTAG PA ZHES, ,ZHES SOGS DANG BYED PA PO MED PAR NI, BDAG GI YOD NYID MED NYID NI, ,ZHES SOGS DANG GZUNG BYA MED PAR NI,

227a

, ,GZUGS SGRA RO DANG REG PA DANG, ,ZHES SOGS KYIS BSTAN ZIN TO, ,YANG NA RAB BYED DANG PO LA SOGS PA RNAMS KYIS BYED PA DANG DNGOS PO DANG BYED PA PO DANG LAS THAMS CAD MA SKYES PAR BSTAN PAS 'DZIN PA MED DO, ,GNYIS PA NI, GAL TE PHYIN CI LOG RANG BZHIN GYIS YOD DE PHYIN CI LOG DANG LDAN PA'I LHAS BYIN RANG BZHIN GYIS YOD PA'I PHYIR RO ZHE NA, 'DI DGAG PA LA GSUM, LDAN CHOS RANG BZHIN GYIS MED PAS LDAN PA PO RANG BZHIN GYIS YOD PA DGAG ,PHYIN CI LOG GI RTEN RANG BZHIN GYIS GRUB PA DGAG, PHYIN CI LOG RANG BZHIN GYIS SKYES PA DGAG PA'O, ,DANG PO NI, 'DZIN PA'I YAN LAG TU GYUR PA'I BYED PA DANG BYED PA PO DANG LAS SU BYA BA RNAMS RANG BZHIN GYIS MED PAR SNGAR BSHAD ZIN PA DE'I PHYIR PHYIN CI LOG PA'AM YANG DAG PA NYID DU STE PHYIN CI MA LOG PAR 'DZIN PA RANG BZHIN GYIS YOD PA MA YIN NA RTEN GYI GANG ZAG GANG LA PHYIN CI LOG DANG GANG LA PHYIN CI MA LOG PA RANG BZHIN GYIS YOD DE MED DO, , GNYIS PA NI, GZHAN YANG PHYIN CI LOG 'DI GANG ZAG GI RTEN LA 'DOD NA PHYIN CI LOG TU GYUR ZIN PA SOGS GSUM LAS MI 'DA' LA DE YANG PHYIN CI LOG TU GYUR ZIN PA LA PHYIN CI LOG DAG RANG BZHIN GYIS YOD PA MI SRID DE DE SRID NA PHYIN CI LOG TU 'DZIN PA POR 'JOG PA'I PHYIN CI LOG LAS DON GZHAN PA'I PHYIN CI LOG DANG LDAN DGOS NA DES PHYI MA DE MI DGOS PA'I PHYIR RO, ,PHYIN CI LOG TU MA GYUR PA'I GANG ZAG LA PHYIN CI LOG DAG MI SRID DE SANGS RGYAS LA YANG PHYIN CI LOG

227b

YOD PAR THAL BA'I PHYIR RO, ,PHYIN CI LOG TU GYUR BZHIN PA LA PHYIN CI LOG RANG BZHIN GYIS GRUB PA MI SRID DE PHYIN CI LOG GI BYA BA ZHIG PA DANG MA SKYES PA LAS MA GTOGS PA'I PHYIN CI LOG RANG BZHIN GYIS MED PA'I PHYIR DANG, CHA 'GA' ZHIG PHYIN CI LOG DANG 'GA' ZHIG MA LOG PA'I GYUR BZHIN PA YANG BRTAG PA SNGA MA GNYIS KYIS SKYON LAS MI 'DA' BA'I PHYIR RO, ,DE LTAR PHYIN CI LOG GI RTEN DUS GSUM PO GANG LA YANG PHYIN CI LOG RANG BZHIN GYI MED NA RTEN GANG LA PHYIN CI LOG RANG BZHIN GYIS SRID CES BDAG NYID KYIS NI GZU NGO'I BLOS RNAM PAR DPYOD CIG, GSUM PA NI, GZHAN YANG PHYIN CI LOG RNAMS RANG BZHIN GYI MA SKYES NA JI LTA BUR NA RANG BZHIN GYIS YOD PAR 'GYUR TE MI 'GYUR LA, PHYIN CI LOG RNAMS RANG BZHIN GYIS SKYE BA MED NA PHYIN CI LOG PA CAN GYI GANG ZAG RANG BZHIN GYIS GRUB PA GA LA YOD DE MED DO, ,RANG BZHIN GYIS MI SKYE BA'I RGYU MTSAN NI, PHYIN CI LOG GI DNGOS PO BDAG LAS MI SKYE STE GZHAN LAS SKYE BA NYID KYANG MA YIN LA BDAG DANG GZHAN TSOGS PA LAS KYANG SKYE BA MIN NA, PHYIN CI LOG RANG BZHIN GYIS MED PA'I PHYIR PHYIN CI LOG PA CAN GYI GANG ZAG RANG BZHIN GYIS GRUB PA GA LA YOD DE MED DO, ,GSUM PA NI, GAL TE BDAG DANG GTZANG BA DANG RTAG PA DANG BDE BA RANG BZHIN GYIS YOD NA NI SHAS BYA PHYIN CI LOG MA YIN PAR 'GYUR TE, BDAG MED PA LA SOGS PA BZHIN NO, ,ZHES GZHAN DON GRUB PA TZAM GYI DPE'O, ,GAL TE BDAG DANG GCANG BA DANG RTAG PA DANG BDE BA RANG BZHIN GYIS MED NA NI BDAG MED PA

228a

, ,DANG MI GCANG BA DANG MI RTAG PA DANG SDUG BSNGAL YANG RANG BZHIN GYIS YOD PA MA YIN TE, DGAG BYA MED NA DE BKAG PA BDEN PAR MI 'GRUB PA'I PHYIR RO, ,DE LTA YIN NA BDAG MED RANG GI NGO BOS MED PA'I PHYIR BDAG MED PA LA SOGS PA BZHI RANG BZHIN GYIS YOD PA YANG SHES BYA PHYIN CI LOG TU 'GYUR TE BDAG LA SOGS PA BZHIN NO, ,DE'I PHYIR THAR PA 'DOD PAS PHYIN CI LOG BRGYAD CHAR SPANG BAR BYA'O, ,BZHI PA NI, SNGAR BSHAD PA LTAR PHYIN CI LOG RANG GI NGO BOS YOD MED RIGS PAS DPYOD PA 'DI NI DON CHEN PO CAN YIN TE, SNGAR BSHAD PA DE LTAR RNAL 'BYOR PAS PHYIN CI LOG MA DMIGS PAS PHYIN CI LOG 'GAG PAR 'GYUR LA DE 'GAGS PAS DE'I RGYU CAN GYI MA RIG PA 'GAG PAR 'GYUR RO, ,MA RIG 'GAGS PAR GYUR NA NI 'DU BYED LA SOGS PA'I SRID PA'I YAN LAG PHYI MA THAMS CAD 'GAG PAR 'GYUR TE DA RNAMS MA RIG PA'I RGYU CAN YIN PA'I PHYIR RO, ,GNYIS PA NI, GAL TE DE LTA NA MA RIG PA LA SOGS PA'I NYON MONGS PA SDONG BA RNAMS RANG BZHIN GYIS YOD PA'I PHYIR NYON MONGS PA RNAMS RANG BZHIN GYIS YOD PAS SRID PA'I RGYUN RANG BZHIN GYIS YOD PAR 'GYURO ZHE NA, NYON MONGS SPONG BA RANG BZHIN GYIS YOD NA DE LTAR 'GYUR YANG DE NI MED DE 'DI LTAR GAL TE GANG ZAG LA LA'I NYON MONGS PA GANG DAG RANG BZHIN GYIS YOD NA JI LTA BUR NA GNYEN POS SPONG BAR 'GYUR ZHES PA MI 'GYUR TE, RANG BZHIN GYIS YOD PA LAM SU ZHIG GIS SPONG BAR 'GYUR ZHES PA

228b

ZLOG PAR MI NUS PA'I PHYIR TE RANG BZHIN LA LDOG PA MED PA'I PHYIR RO, ,GAL TE GANG ZAG LA LA'I NYON MONGS PA GANG DAG RANG BZHIN GYIS MED NA JI LTA BUR NA SPONG BAR 'GYUR ZHES PA MI 'GYUR TE RANG GI MTSAN NYID KYIS GRUB PA LTAR NA RANG BZHIN MED NA GTAN MED PAS GTAN MED NI GNYEN PO SU ZHIG GIS SPONG BAR BYED DE MI BYED PA'I PHYIR TE ME LA GRANG BA SUS KYANG ZLOG MI NUS PA BZHIN NO, ,RANG LUGS LA RANG BZHIN GYIS MED PA LA GNYEN POS SPANG BYA SPONG BA CHES 'THAD PAR 'DOD MOD KYANG PHA ROL PO LA RANG BZHIN GYIS YOD PA LA SDONG PA MI 'THAD PAR STON PA'I SKABS SU NI TSUL GNYIS TE SNGAR BSHAD PA DANG SPONG BA RANG GI MTSAN NYID KYIS KHAS BLANGS PA'I SGO NAS SKYON BRJOD PA'O, ,TSUL DE DAG DE 'DRA BA'I RIGS KUN LA SHES PAR BYA'O, ,GNYIS PA NI, DE LTAR CHAGS SOGS KYI NYON MONGS RGYU RKYEN DANG BCAS PA DANG RTAG MI RTAG SOd KYI YUL YUL CAN RNAMS RANG BZHIN MED PAR RIGS PAS GTAN LA PHAB PA DE NYID ZAB MO'I LUNG GIS KYANG GRUB PA DANG, DE LTAR GSUNG RAB LAS BSHAD PA THAMS CAD RAB BYED 'DIS BSHAD PAR BYA'O ZHES BSTAN PA'I PHYIR DU NGES DON GYI LUNG DANG SBYOR BA'I PHYOGS TZAM SMOS NA, LHAG PA'I BSAM PA BRTAN PAS ZHUS PA LAS, RIGS KYI BU 'DI NI DGE SLONG DANG DGE SLONG MA DANG DGE BSNYEN DANG DGE BSNYEN MA KHA CIG MA SKYES SHING MA BYUNG BA'I CHOS RNAMS LA MI SDUG PAR YID LA BYED CING, MI RTAG PA DANG SDUG BSNGAL BA DANG STONG PA DANG BDAG MED PAR YID LA BYED PA GANG YIN PA DE DAG KYANG

229a

, ,DE DANG 'DRA BAR BLTA BAR BYA'O, ,DA NI MI BLUN PO DE DAG LA LAM BSGOM PA YIN NO ZHES MI SMRA STE DE DAG NI LOG PAR ZHUGS PA ZHES BYA'O, ,ZHES SGYU MA'I BUD MED MTHONG BA NA BUD MED DNGOS SU 'KHRUL TE 'DOD CHAGS SKYES PA NA BUD MED DE LA MI SDUG PA SOGS SU YID LA BYED PA DPER BYAS NAS GSUNGS SHING, YANG DE NYID LAS RIGS KYI BU BYIS PA SO SO'I SKYE BO RNAMS NI 'DOD CHAGS KYi MTHA' MI SHES NAS 'DOD CHAGS KYI MTHA'I 'JIGS PAS SKRAG STE 'DOD CHAGS KYI MTHA' LAS NGES PAR 'BYUNG BA 'TSOL LO, ,ZHE SDANG GI MTHA' CI YANG MED PA'I MTHAR MA SHES NAS ZHE SDANG GI MTHA'I 'JIGS PAS SKRAG CING CI YANG MED PA'I MTHA' LAS NGES PAR 'BYUNG BA YONGS SU 'TSOL LO, , GTI MUG GI MTHA' STONG PA NYID KYI MTHAR MA SHES NAS GTI MUG GI MTHA'I 'JIGS PAS SKRAG STE STONG PA NYID KYI MTHA' LAS NGES PAR 'BYUNG BA YONGS SU TSOL BAR BYED DO, ,DA NI MI BLUN PO DE DAG LA LAM BSGOM PA YIN NO ZHES MI SMRA STE DE DAG NI YONGS SU LEG PAR ZHUGS PA ZHES BYA'O, ,ZHES GSUNGS SO, ,GSUM PA NI, DE LTAR RANG GI MTSAN NYID KYIS GRUB PA LA YUL SDUG PA SOGS DANG KUN TU RTOG PA LAS, NYON MONGS RNAMS 'BYUNG BA DANG RTAG SOGS SU 'DZIN PA LA PHYIN CI LOG MA LOG GI RNAM DBYE DANG, NYON MONGS SPONG BA LA SOGS PA GTAN MI RUNG LA RANG GI NGO BO NYID KYIS YOD PAS STONG PA LA DE DAG THAmD CHES 'THAD PA'I TSUL LA NGES PA DRANG BAR BYA'O, ,PHYIN CI LOG BRTAG PA ZHES

229b

BYA BA TSIGS SU BCAD PA NYER LNGA'I BDAG NYID RAB TU BYED PA NYI SHU RTZA GSUM PA'I RNAM PAR BSHAD PA'O,, ,,GNYIS PA DE LA RTZOD PA SPANG BA LA GNYIS, BDEN PA BRTAG PA DANG, MYANG 'DAS BRTAG PA'O, ,DANG PO LA GNYIS, RAB BYED KYI GZHUNG BSHAD PA, DON BSDUS TE MTSAN BSTAN PA'O, ,DANG PO LA GNYIS, RTZOD PA DANG, DE'I LAN NO, ,DANG PO LA GNYIS, 'BYUNG 'JIG SOGS MI 'THAD PA'I RTZOD PA DANG, LAS 'BRAS SOGS MI 'THAD PA'I RTZOD PA'O, ,DANG PO LA GSUM, BDEN BZHI'I BYA BYED MI 'THAD PA'I RTZOD PA DANG, ZHUGS PA DANG 'BRAS GNAS MI 'THAD PA'I RTZOD PA DANG, DKON MCHOG GSUM MI 'THAD PA'I RTZOD PA'O, ,DANG PO NI, GAL TE PHYI NANG GI DNGOS PO 'DI DAG KUN NGO BO NYID KYIS YOD PAS STONG PA NYID DO ZHES SGRUB NA KHYOD LA NYES PA CHEN PO DANG NYES PA MANG POR 'GYUR RO, ,JI LTAR ZHE NA, DE LTAR STONG NA DE NI MED PA YIN PAS MO GSHAM GYI BU BZHIN DU SKYE BA DANG 'GAG PA MED PAS DNGOS PO 'GA' YANG 'BYUNG BA MED CING 'JIG PA MED PAR 'GYUR RO, ,DE MED PAS 'PHAGS PA'I BDEN PA BZHI PO RNAMS STONG PAR SMRA BA KHYOD LA MED PAR THAL BAR 'GYUR TE, 'DI LTAR NYER LAN GYI PHUNG PO LNGA PO SNGAR GYI RGYUS BSKYED PA NI SDUG BSNGAL GYI BDEN PA YIN NA SKYE 'GAG CUNG ZAD KYANG MED PA'I CHI DE MED DO, ,DE MED NA SDUG BSNGAL GYI PHUNG PO GANG LAS 'BYUNG BA'I LAS DANG NYON MONGS PA'I KUN 'BYUNG YANG MED DO, ,SDUG BSNGAL MED NA GANG GIS SDUG BSNGAL

230a

, ,'GOG PA'I 'GOG BDEN YANG MED DO, ,SDUG BSNGAL 'GOG PA MED NA DER 'GRO BA'I YAN LAG BRGYAD KYI LAM GYI BDEN PA YANG MED DO, ,DE LTAR GYUR NA 'PHAGS PA'I BDEN PA BZHI MED PAS SDUG BSNGAL YONGS SU SHES PA DANG KUN 'BYUNG SPONG BA DANG LAM SGOM PA DANG 'GOG PA MNGON DU BYA BA DAG 'THAD PAR 'GYUR BA MA YIN TE, SHES BYA DANG SPANG BYA SOGS KYI BYA BA BZHI MED NA SHES PAR BYAD PA SOGS KYI BYED PA BZHI YANG MI 'THAD PA'I PHYIR TE BYED PA NI BYA BA LA MI 'KHRUL BA'I PHYIR RO, ,GNYIS PA NI, SDUG BDEN SHES PA LA SOGS PA DE DAG YOD PA MA YIN PAS 'BRAS BU BZHI YANG YOD PA MA YIN NO, ,DE LA RGYUN ZHUGS KYI 'BRAS BU NI MTHONG SPANG SPANGS PA'I SKAD CIG MA BCU DRUG PA LAM LA RJES SU SHES PA RNAM GROL LAM DANG 'DOD PAR GTOGS PA'I SGOM SPANG GI NYON MONGS CHUNG 'BRING CHE GSUM LA GSUM GSUM DU PHYE BA'I DGU YOD PA'I DRUG PA MA SPANGS SHING MTHONG SPANG SPANGS PA'I SPANGS PA GNYIS TE, MDZOD LAS, 'BRAS BU 'DUS BYAS 'DUS MA BYAS, ,ZHES BSHAD PA LTAR RO, ,LAN CIG PHYIR 'ONG BA'I 'BRAS BU NI 'DOD PA'I SGOM SPANG DRUG PA SPANGS PA'I RNAM GROL LAM DAN SPANGS PA'O, ,PHYIR MI 'ONG BA'I 'BRAS BU NI MTHONG SPANG DANG 'DOD PA'I SGOM SPANG DGU PA SPANGS PA'I RNAM GROL LAM DANG SPANGS PA'O, ,DGRA BCOM PA'I 'BRAS BU NI SRID RTZE'I SGOM SPANG GI NYON MONGS DGU PA SPANGS PA'I RNAM GROL LAM DANG SPANGS PA STE

230b

RIGS PA TZAM MO, ,'BRAS BU BZHI PO DE DAG MED NA DE DAG LA GNAS PA'I 'PHAGS PA'I GANG ZAG 'BRAS BU LA GNAS PA BZHI YANG MED DO, ,DE MED PA'I PHYIR 'PHAGS PA'I GANG ZAG ZHUGS PA BZHI PO DAG KYANG YOD PA MA YIN NO, ,DE LA RGYUN ZHUGS ZHUGS PA NI BCU DRUG PE LAM LA RJES SHES KYI SNGA ROL GYI BZOD PA DANG SHES PA'I SKAD CIG MA BCO LNGA LA GNAS PA 'DOD PA'I SGOM SPANG DRUG PA MA SPANGS PA'O, ,SDUG BSNGAL LA CHOS SHES PA'I BZOD PA NI, 'JIG LTA DANG MNGA' LTA DANG LOG PAR LTA BA DANG LTA BA MCHOG TU 'DZIN PA DANG TSUL KHRIMS DANG BRTUL ZHUGS MCHOG TU 'DZIN PA DANG, THE TSOM DANG 'DOD CHAGS DANG KHONG KHRO DANG RGYAL DAN MA RIG PA STE 'DOD PA'I SDUG BSNGAL MTHONG SPANG BCU'I GNYEN PO BAR CHAD MED PA'I LAM, 'DOD PA'I SDUG BDEN LA DMIGS NAS MI RTAG PA DANG SDUG BSNGAL BA DANG STONG PA DAG BDAG MED PA'I RNAM PAR SKYES PA'O, ,SDUG BSNGAL LA CHOS SHES PA NI DMIGS PA DANG RNAM PA DE LTA BU CAN SPANG BYA BCU PO DE SPANGS PA'I RNAM GROL LAM MO, ,SDUG BSNGAL LA RJES SU SHES PA'I BZOD PA NI, GONG MA GNYIS NA KHONG KHRO MED PAS PHRA RGYAS DGU GNYIS BCO BRGYAD KYI GNYEN PO BAR CHAD MED PA'I LAM GONG MA'I SDUG BDEN LA DMIGS NAS RNAM PA SNGA MA LTAR SKYES PA'O, ,SDUG BSNGAL LA RJES SU SHES PA NI SPANG BYA DE DAG SPANGS PA'I RNAM GROL LAM DMIGS RNAM DE LTA BUR SKYES PA'O, ,KUN 'BYUNG DANG 'GOG BDEN DANG LAM BDEN LA CHOS SHES PA'I BZOD PA DANG CHOS SHES PA DANG RJES SU SHES

231a

, ,PA'I BZOD PA DANG RJES SU SHES PA BZHI CHAN GSUM YANG SNGA MA BZHIN DU SHES PAR BYA STE, 'ON KYANG KUN 'BYUNG DANG 'GOG PA MTHONG SPANG NA LTA BA DANG PO GNYIS DANG THA MA MA GTOGS PA PHRA RGYAS BDUN BDUN DANG, LAm MTHONG SPANG NI LTA BA DANG PO GNYIS MA GTOGS PA PHRA RGYAS BRGYAD DO, ,PHRA RGYAS BRGYAD CU RTZA BRGYAD PO DE DAG NI BDEN PA MNGON SUM DU MTHONG ZIN GOMS PA LA MI LTOS PAR BDEN PA RNAMS MNGON SUM DU MTHONG BA TZAM GYIS SPONG BA'I PHYIR MTHONG BAS SPANG BAR BYA BA ZHES BRJOD DO, ,BDEN PA MNGON SUM DU MTHONG BA BZHIN PHYIS GOMS PAS SPONG BA NI BSGOMS PAS SPANG BAR BYA BA STE, 'DOD PAR GTOGS PA'I 'DOD CHAGS DANG KHONG KHRO DANG NGA RGYAL DANG MA RIG PA BZHI DANG GZUGS KHAMS DANG GZUGS MED KHAMS SU GTOGS PA LA KHONG KHRO MA GTOGS PA GSUM GSUM STE BCU'O, ,DE DAG NI 'DOD PA'I KHAMS DANG BSAM GTAN BZHI DANG GZUGS MED PA BZHI STE SA DGU LA, SNGAR BSHAD PA LTAR DGU DGUR PHYE BA'I NYON MONGS RE RE LA YANG GNYEN PO BAR CHAD MED LAM DANG RNAM GROL LAM GNYIS GNYIS SO, ,PHYIR 'ONG ZHUGS PA NI MTHONG LAM GYI 'OG TU SNGAR BSHAD PA'I PHYIR 'ONG GI 'BRAS BU'I DON DU ZHUGS SHING SBYOR BA LA GNAS PA'O, ,'DOD PA'I SGOM SPANG DRUG PA SPANGS PA'I 'OG TU 'PHAGS PA 'DOD PA'I SGOM SPANG DGU PA'I GNYEN PO RNAM GROL LAM GYI SNGA ROL DU PHYIR MI 'ONG GI 'BRAS BU'I DON DU ZHUGS SHING DE'I SBYOR BA LA GNAS PA'O, ,'GREL BAR DE BZHIN DU BSHAD PA NI 'BRAS BU MTHAR GYIS

231b

PA'I DBANG DU MDZAD PA'O, ,'DOD PA'I SGOM SPANG DGU PA SPANGS PA'I 'OG TU SRID RTZE'I SGOM SPANG DGU PA'I GNYEN PO RNAM GROL LAM GYI SNGA ROL DU DGRA BCOM PA'I 'BRAS BU'I DON DU ZHUGS SHING DE'I SKYONG BA LA GNAS PA'O, ,GSUM PA NI, GAL TE 'BRAS GNAS BZHI DANG ZHUGS PA BZHI STE SKYES BU GANG ZAG BRGYAD PO DE DAG MED NA DGE 'DUN DKON MCHOG MED DO, ,GAL TE 'PHAGS PA'I BDEN PA RNAMS MED PA'I PHYIR GANG ZAG BRGYAD PA DE DAG MED NA 'PHAGS PA DAM PA RNAMS KYI CHOS SU GYUR PA DAM PA'I CHOS KYANG YOD PA MA YIN NO, ,DE LA 'GOG PA NI 'BRAS BU DANG LAM NI DE LA 'JUG PA'I CHOS TE RTOGS PA'I CHOS SO, ,DE DAG GSAL BAR BYED PA'I BSTAN PA NI LUNG GI CHOS SO, ,DAM PA'I CHOS YOD PA MIN NA SANGS RGYAS JI LTAR YOD PAR 'GYUR ZHES PA MI 'GYUR TE, DAM PA'I CHOS DANG RJES SU MTHUN PA'I CHOS KYI NAN TAN GYIS CHOS THAMS CAD THUG SU CHUD PA LAS SANGS RGYAS SU 'GYUR BA'I PHYIR RO, ,DGE 'DUN MED PA YIN NA SANGS RGYAS JI LTAR YOD PAR 'GYUR TE MI 'GYUR BA'I TSUL NI BZHI STE, DANG PO NI DGE 'DUN GYIS NYE BAR BSTAN PA LAS YE SHES KYI TSOGS DANG DE LA 'BUL BA DANG RIM GRO DANG SKYABS 'GRO LA SOGS PAS BSOD NAMS KYI TSOGS BSAGS PA LAS SANGS RGYAS 'THOB DGOS PA'O, ,YANG NA DGE 'DUN MED NA RGYUN ZHUGS ZHUGS PA SOGS MED LA DE DAG SNGAR MA THOB PAR NI SANGS RGYAS THOB PA MA YIN TE, BCOM LDAN 'DAS KYIS KYANG GDON MI ZA BAR 'BRAS BU 'GA' ZHIG LA ZHUGS PA'I PHYIR RO, ,

232a

, ,YANG NA BCOM LDAN 'DAS KYANG MI SLOB PA'I DGE 'DUN YIN TE, SANGS RGYAS LA SOGS PA DGE SLONG GI DGE 'DUN ZHES SDE PA KHA CIG GIS BRJOD PA LTAR RO, ,DE'I LUGS LTAR NA DGE 'DUN MED NA SANGS RGYAS MED PA CHAS GSAL LO, ,LUNG BAR MA 'DEN PAR BYED PA DAG NI GZHI CHEN PO LAS SA'I RNAM PAR BZHAG PA BSTAN PA LAS, BYANG CHUB SEMS DPA' SA DANG PO LA GNAS PA MTHONG BA'I LAM SKYES PAR SMRA BA NA DGE 'DUN GYI KHONGS SU GTOGS PAR 'DOD DO, ,DE LTA NA'ANG DON DE NYID CHES GSAL LO, ,DE DAG NI NYAN THOS SDE PA'I RTZOD PA YIN PAS DE DAG GI LUGS KYIS JI LTAR SMRAS PA BRJOD PA'O, ,DE'I PHYIR STONG PA NYID KYI DON DE SKAD DU SMRA NA RNYED PAR DKA' BA DANG RES 'GA' 'BYUNG BA DANG BSOD NAMS CHUNG BA RNAMS KYIS DE DANG MI 'PHRAD PA DANG RIN THANG CHE BA'I PHYIR NA, DKON MCHOG GSUM PO SANGS RGYAS DANG CHOS DANG DGE 'DUN LA YANG GNOD PA BYED PA YIN NO, ,GNYIS PA NI, GZHAN YANG DE LTAR CHOS THAmD RANG GI MTSAN NYID KYIS GRUB PAS STONG PA NYID DU DE SKAD SMRA NA DE'I TSE THAMS CAD KYI NANG DU 'DUS PA'I PHYIR, CHOS MA YIN PA MI DGE BA DANG, CHOS DGE BA GNYIS KYI 'BRAS BU YID DU 'ONG MI 'ONG YANG MED LA, 'JIG RTEN PA'I THA SNYAD GYIS SHIG ZO ZHIG 'DUG CIG SONG ZHIG SHOG CIG CES PA LA SOGS PA RNAMS KYANG THAMS CAD KYI NANG DU 'DUS PA'I PHYIR DE DAG KUN LA GNOD PA BYED PA YIN PAS STONG PA NYID JI SKAD BSTAN PA'I TSUL 'DI NI MI LEGS SO ZHES 'DZER TO, ,SNGAR RAB

232b

BYED DANG PO NAS NYER GSUM PA'I BAR GYIS PHYI NANG GI CHOS THAMS CAD RANG GI MTSAN NYID KYIS GRUB PA'I RANG BZHIN MED PAR RIGS PAS GTAN LA PHAB PA'I TSE, DE KHO NAR GRUB MA GRUB DPYOD PA'I RIGS PAS SKYE 'JIG DANG 'CHING GROL LA SOGS PA'I BYA BYED THAMS CAD BKAG GO SNYAM NAS RTZOD PA'O, ,GNYIS PA LA BZHI, GZHAN GYIS SMRAS PA RTEN 'BYUNG GI DE NYID MA RTOGS PA'I RTZOD PAR BSTAN PA, RANG GI BZHED PA STONG BA'I DON RTEN 'BYUNG GI DON DU BSTAN PA, DE LTAR MI 'DOD PA LA RNAM GZHAG THAMS CAD MI 'THAD PA'I TSUL, RTEN 'BYUNG GI DE NYID MTHONG NA BDEN BZHI'I DE NYID MTHONG BAR 'GYUR BA'O, ,DANG PO LA GNYIS, GZHAN GYIS BKOD PA'I SKYON RANG LA MI 'JUG PA'I TSUL, SKYON 'GOD PA PO NYID LA SKYON DE 'JUG PA'I TSUL LO, ,DANG PO LA GSUM, SKYON BRJOD MI 'JUG PA'I RGYU MTSAN DANG, SKYON BRJOD MI 'JUG PAR BSTAN PA DNGOS DANG, SKYON MED PAR MA ZAD YON TAN YOD PA'I TSUL LO, ,DANG PO LA GNYIS, DON GSUM MA RTOGS PA'I RTZOD PAR BSTAN PA, DE LTAR RTZOD PAS BDEN GNYIS MA RTOGS PAR BSTAN PA'O, ,DANG PO NI, GZHAN GYIS RTZOD PA SMRAS PA DE LA LAN BSHAD PAR BYA STE, KHYOD KYIS NI STONG PA NYID BSTAN PA'I DGOS PA DANG STONG PA NYID KYI NGO BO DANG, DON GANG NYE BAR BZUNG NAS STONG PA NYID DU BSHAD PA'I STONG PA NYID KYI DON NI MA RTOGS PAS DE'I PHYIR, KHYOD NYID LA SHIN TU GNOD PA YIN TE LOG PA'I KUN RTOG SNA TSIGS PA RNAMS KYIS NYAMS PA YIN NO, ,DE YANG KHYOD KYIS RANG GI RNAM RTOG KHO NAS RANG GI NGO BO NYID KYIS GRUB PAS STONG PA'I RANG

233a

, ,BZHIN MED PA'I DON NI, MED PA'I DON YIN NO SNYAM DU DE LTAR STONG PA NYID KYI DON LOG PAR SGO BTAGS NAS, GAL TE 'DI DAG KUN STONG NA, ,'BYUNG BA MED CING 'JIG PA MED, ,CES SOGS KYIS KLAN KA SMRA ZHING KHO BO CAG LA CHER MI DGA' BA NA GNOD PA YIN NO, ,DE LA SNGAR DE DAG SPROS LAS SPROS PA NI, STONG PA NYID KYIS 'GAG PAR 'GYUR, ,ZHES MTSAN MAR 'DZIN PA'I SKYES PA MA LUS PA ZHI BA'I DON DU STONG PA NYID STON PA YIN PAR BSHAD NA, KHYOD KYIS NI RANG BZHIN STONG PA'I DON NI MED PA YIN NO ZHES 'DZIN PA NA, SPROS PA'I DRA BA KHO NA SPEL BAR BYED PAS STONG NYID BSTAN PA'I DGOS PA MA SHES PA YIN NO, ,STONG PA NYID KYI NGO BO NI, ,GZHAN LAS SHES MIN ZHI BA DANG, , ZHES SOGS KYI SKABS SU DE NYID MNGON DU GYUR PA'I GZIGS PO NA RAB RIB MED PAS SKRA SHAD DU SNANG BA TZAM YANG MA MTHONG BA LTAR, GNYIS SU SNANG BA'I SPROS PA THAMS CAD LOG PA'I RANG BZHIN DU BSHAD LA, KHYED KYIS RANG BZHIN STONG PA'I DON MED PA'I DON DU 'DZIN PA LTAR NA, SPROS PA THAMS CAD LDOG PA 'GAL BAS STONG NYID KYI MTSAN NYID DAM NGO BO MI SHES SO, ,'OG NAS RTEN CING 'BREL BAR 'BYUNG BA GANG, ,ZHES SOGS DANG, MDO SDE LAS, GANG ZHIG RKYEN LAS SKYES PA DE MA SKYES, ,ZHES SOR KYIS RKYEN LA RAG LAS PA'I DON GANG YIN PA DE NYID, RANG LA CHUGS THUB KYI RANG BZHIN MED PA STONG PA'I DON DU BSHAD PA'I PHYIR, RTEN CING 'BREL BAR 'BYUNG BA'I SGRA'I DON GANG YIN PA DE NYID RANG BZHIN GYIS STONG PA'I

233b

SGRA'I DON YIN GYIS, DON BYED NUS PA'I DNGOS PO MED PA'I DON NI STONG PA NYID KYI SGO'I DON MIN NO, ,KHYOD NI RANG BZHIN GYIS YOD PAS STONG NA BYA BA BYED NUS PA'I DNGOS PO MED PAR 'GYUR SNYAM DU BSAM NAS, DNGOS PO MED PA RANG BZHIN GYI STONG PA'I SGRA'I DON DU SGRO BTAd NAS KLAN KA SMRA BAS STONG PA NYID KYI SGRO'I DON YANG MI SHES SO, ,DE DAG GIS NI RANG BZHIN GYIS MED NA DE NAS CI YOD SNYAM DU BSAMS NAS RANG BZHIN GYIS MED NA MED DGOS SO ZHES SMRA BA NI DBU MA'I DON MA RTOGS PA'I KLAN KA SMRA BA'I LUGS SU BSTAN PAS, DBU MA'I PHYOGS 'DZIN PAR 'DOD PAS DE SKAD SMRA BA NI SHIN TU MI RIGS PA'O, ,GNYIS PA LA LNGA, GANG ZHIG MA RTOGS PA'I BDEN PA GNYIS KYI NGO BO, BDEN GNYIS MI SHES NA GSUNG PA, DE NYID MI SHES PA, BDEN PA GNYIS BSTAN PA'I DGOS PA, BDEN PA GNYIS LA LOG PAR GZUNG BA'I NYES DMIGS, BDEN GNYIS RTOGS DKA' PAS STON PAS DANG POR MA BSTAN PA'I TSUL LO, ,DANG PO LA GNYIS, RTZA BAR BSTAN PA'I TSIG DON BSHAD PA DANG, 'GREL PAR KHA 'PHANGS PA'I DON NGES PAR BYA BA'O, ,DANG PO NI, DBU MA PAS BSHAD PA'I STONG PA NYID KYIS DGOS PA LA SOGS PA MI SHES BZHIN DU KLAN KA SMRA BA DE SU ZHIG YIN ZHE NA, GSUNG RAB LAS BSHAD PA'I BDEN PA GNYIS KYI RNAM PAR DBYE BA DON PHYIN CI MA LOG PAR MI SHES PAR, GSUNG RAB KYI GZHUNG TZAM 'BA' ZHIG 'DON PA LHUR LEN PA'I RANG SDE RNAMS KYIS SNGAR BSHAD PA LTAR RGOL LO, ,DE YI PHYIR 'PHAGS PAS

234a

, ,GZHAN GYI GSUNG RAB KYI DON LOG PAR RTOG PA BZLOG PAR BYA BA'I PHYIR, RE ZHIG GSUNG RAB LAS BSTAN PA'I BDEN GNYIS PHYIN CI MA LOG PAR RNAM PAR BZHAG PA'I DBANG DU MDZAD NAS, SANGS RGYAS BCOM LDAN 'DAS RNAMS KYIS CHOS BSTAN PA NI BDEN PA GNYIS LA YANG DAG PAR BRTEN NAS 'JUG LA, BDEN PA GNYIS NI 'JIG RTEN KUN RDZOB KYI BDEN PA DANG DAM PA'I DON GYI BDEN PA'O ZHES GSUNGS SO, ,DE LA 'JIG RTEN NI PHUNG PO LA BRTEN NAS BTAGS PA'I GANG ZAG YIN TE, 'JIG RTEN PHUNG POR RAB GRAGS PA, ,DE LA 'JIG RTEN NGES PAR BRTEN, ,ZHES 'JIG PA PHUNG PO LA BRTEN PA LA 'JIG RTEN DU GSUNGS PA'I PHYIR RO, ,KUN RDZOB NI MI SHES PA'AM MA RIG PA STE DNGOS PO'I DE KHO NA NYID 'GABS SHING SGRIB PAR BYED PA'I PHYIR RO, ,'DI NI KUN RDZOB KYI SKAD DOD SGRIB PA LA'ANG 'JUG PAS DE'I CHA NAS BSHAD PA YIN GYI KUN RDZOB THAMS CAD SGRIB BYED DU 'CHAD PA MIN NO, ,YANG NA KUN RDZOB NI PHAN TSUN BRTEN PA'I DON NO, , 'DI NI PHAN TSUN BRTEN DGOS PAS NA RANG LA TSUG THUB KYI RANG BZHIN YOD PA MI BDEN PA'I DON NO, ,TSUL DE'I SGRA BSHAD PA'I RGYU MTSAN DON DAM BDEN PA LA YANG YOD MOD KYANG KUN RDZOB PA'I SGRA 'JUG PA NI MIN TE DPER NA MTSO SKYES KYIS GRA BSHAD PA'I RGYU MTSAN SPEL BA LA YOD KYANG MI 'JUG PA BZHIN NO, ,YANG NA KUN RDZOB NI BRDA STE 'JIG RTEN GYI THA SNYAD DE, DE YANG BRJOD BYED DANG RJOD DANG SHES PA DANG SHES BYA LA SOGS PA'I MTSAN NYID CAN DU BSHAD PAS YUL CAN GI THA SNYAD

234b

SHES BRJOD TZAM LA MI BZUNG NGO, ,CI 'JIG RTEN KUN RDZOB CES 'JIG RTEN SMOS PA'I DGOS PA 'JIG RTEN GYI MIN PA'I KUN RDZOB KYANG YOD DAM SNYAM NA, 'JIG RTEN GYI MIN PA'I KUN RDZOB YOD PA BCAD PA'I PHYIR DU 'JIG RTEN ZHES SMOS PA MIN GYI DNGOS PO JI LTAR GNAS PA BRJOD PA'O, ,RNAM PA GCIG TU NA RAB RIB DANG LING TOG SNGON PO DAN MIG SER LA SOGS PAS DBANG PO NYAMS PAS MTHONG BA PHYIN CI LOG LA GNAS PA DE DAG NI YUL DE DAG LA LTOS NAS GANG GI NGOR BDEN PA 'JOG PA'I 'JIG RTEN MIN NO, ,DE'I PHYIR DE DAG GI KUN RDZOB RAB RIB LA SOGS PAS DBANG PO BSLAD PA'I YUL DE DAG NI 'JIG RTEN LA LTOS TE SNANG BA LTAR MI BDEN PAS, DE LAS DBYE BA'I PHYIR 'JIG RTEN KUN RDZOB BDEN PA ZHES BDEN PA'I KHYAD PAR SMOS SO, ,DON YANG DE YIN LA DAM PA YANG YIN PAS DON DAM MO, DE NYID DE KHO NA NYID JI BZHIN DU GZIGS PA'I NGOR MI BSLU BAS BDEN PA'O, ,GNYIS PA NI, 'DIR TSIG GSAL LAS BDEN GNYIS RGYAS PAR 'JUG PA LAS SHES PAR BYA BAR GSUNGS PAS DE'I DON CUNG ZAD BSHAD PAR BYA'O, ,DE LA SHES BYA NI GANG LA BDEN PA GNYIS RNAM PAR 'BYED PA'I DBYE BA'I GZHI YIN LA, KUN RDZOB KYI BDEN PA DANG DON DAM PA'I BDEN PA NI DE LAS PHYE BA'I NGO BO'O, ,PHYE BA SO SO'I DON NGES PAR BYA BA LA GSUM, KUN RDZOB KYI BDEN PA DANG, DON DAM PA'I BDEN PA BSHAD PA DANG, BDEN PA GNYIS KYI GRANGS NGES BSTAN PA'O, ,DANG PO LA GSUM, KUN RDZOB DANG BDEN PA'I SGRA'I DON BSHAD PA DANG, KUN RDZOB BDEN PA'I MTSAN NYID

235a

, ,DANG, KUN RDZOB PA'I DBYE BA'O, ,DANG PO NI, 'O NA KUN RDZOB NI GANG BDEN PA NI GAN ZHE NA, DE LA GZUGS LA SOGS PA RNAMS KUN RDZOB GANG GI NGOR BDEN PAR 'JOG PA'I KUN RDZOB NI, CHOS RNAMS LA RANG BZHIN GYIS GRUB PA'I RANG GI NGO BO MED PA LA YOD PAR SGO 'DOGS PA'I MA RIG PA YIN TE, DNGOS PO LA BDEN PAR GRUB PA MI SRID PAS BDEN PAR 'JOG PA NI BLO'I DOR YIN LA, BDEN 'DZIN MIN PA'I BLO'I NGER BDEN PAR GZHAG TU MED PA'I PHYIR RO, ,DE LTAR YANG 'JUG PA LAS, GTI MUG RANG BZHIN SGRIB PHYIR KUN RDZOB STE, ,DES GANG BCOS MA BDEN PAR SNANG DE NI, ,KUN RDZOB BDEN ZHES THUB PA DES GSUNGS TE, ,BCOS MAR GYUR PA'I DNGOS NI KUN RDZOB TU'O, ,ZHES SO, ,'DIR 'JUG 'GREL LAS, DE LTAR RE ZHIG SRID PA'I YAN LAG GIS YONGS SU BSDUS PA NYON MONGS PA CAN GYI MA RIG PA'I DBANG GIS KUN RDZOB KYI BDEN PA RNAM PAR BZHAG GO, DE YANG NYAN THOS DANG RANG SANGS RGYAS DANG BYANG CHUB SEMS DPA' NYON MONGS PA CAN GYI MA RIG PA SPANGS PA, 'DU BYED GZUGS BRNYAN LA SOGS PA'I YOD PA NYID DANG 'DRA BAR GZIGS PA RNAMS LA NI BCOM MA'I RANG BZHIN YIN GYI, BDEN PA NI MA YIN TE BDEN PAR MNGON PAR RLOM PA MED PA'I PHYIR RO, , BYIS PA RNAMS LA NI SLU BAR BYED PA YIN LA DE LAS GZHAN PA RNAMS LA NI SGYU MA LA SOGS PA LTAR RTEN CING 'BRAL BAR 'BYUNG BA NYID KYIS KUN RDZOB TZAM DU 'GYUR RO, ,ZHES GSUNGS PAS NI KUN RDZOB BDEN PA YOD PAR 'JOG PA RNAMS

235b

MA RIG PAS YOD PAR 'JOG PA DANG, NYON MONGS CAN GYI MA RIG PA SPANGS PA'I NYAN RANG DANG BYANG SEMS KYI NGOR KUN RDZOB KYI BDEN PA MI 'JOG PAR STON PA MIN NO, ,DE LA DANG PO'I RGYU MTSAN NI SNGAR BSHAD PA LTAR NYON MONGS PA CAN GYI MA RIG PA NI BDEN 'DZIN YIN PAS NGES BZUNG BA'I DON THA SNYAD DU YANG MI SRID PA'I PHYIR DANG, KUN RDZOB KYI BDEN PA YIN NA THA SNYAD DU YOD PAS KHYAB PA'I PHYIR RO, ,DES NA CHOS RNAMS KUN RDZOB TU YOD PAR 'JAG PA'I 'JOG SA'I KUN RDZOB YIN NA NI, NYON MONGS CAN GYI MA RIG PA LA KUN RDZOB TU BYAS PA DE MA YIN DGOS PA YIN NO, ,GNYIS PA'I RGYU MTSAN NI NYON MONGS CAN GYI MA RIG PA'I KUN RDZOB SPANGS PA RNAMS LA, GANG GI NGOR BDEN PAR 'JOG PA'I BDEN ZHEN GYI KUN RDZOB MED PA'I RGYU MTSAN GYIS, 'DU BYED RNAMS DE DAG GI NGOR MI BDEN PAR BSGRUBS KYI KUN RDZOB BDEN PA MA YIN PAR MA BSGRUBS PA'I PHYIR RO, ,DES NA DE DAG GI NGES 'DU BYED RNAMS KUN RDZOB TZAM DU GSUNGS PAS NI, DE'I NGOR KUN RDZOB DANG BDEN PA GNYIS KYI NANG NAS BDEN PAR GZHAG TU MED PAS TZAM GYIS SGRAS NI BDEN PA GCOD KYI KUN RDZOB KYI BDEN PA GCOD PA GA LA YIN, DE LTAR NA KUN RDZOB BDEN PA'I BDEN TSUL NI MA RIG PA'I KUN RDZOB PA'I NGO TZAM DU YIN PAS, ZLA BA'I GZHUNG LAS, KUN RDZOB TU BDEN PAS KUN RDZOB BDEN PA'O, ,ZHES GSUNGS PA NI MA RIG PA KUN RDZOB PA'I DOR BDEN PA LA BYA'I THA SNYAD DU BDEN PAR GRUB PA LA MI BYA STE, GZHAN DU NA RANG GI MTSAN NYID KYIS GRUB PA THA SNYAD DU YANG MI

236a

, ,SRID PA'I LUGS DANG 'GAL BA'I PHYIR DANG, BDEN GRUB 'GOG PA DANG BDEN MED SGRUB PA RNAmS THA SNYAD DU BYED NA THA SNYAD DU BDEN PAR GRUB PA 'JOG PA MI 'THAD LA, MI BYED NA DON DAM DU YANG BYAR MI RUNG BAS RNAM GZHAG DE RNAMS MI SRID PAR 'GYUR BA'I PHYIR RO, ,'O NA CHOS NYID DANG BDAG GNYIS BDEN 'DZIN KUN RDZOB PA'I NGOR BDON PAS KUN RDZOB BDEN PAR 'GYUR RO SNYAM NA, BDEN 'DZIN KUN RDZOB PA'I NGOR BDEN PA TZAM ZHIG LA KUN RDZOB BDEN PAR 'JOG NA, DE LTAR 'GYUR MOD KYANG DE LTAR NI MI SMRA'I KUN RDZOB BDEN PA'I BDEN SA DE KUN RDZOB PA GANG GI NGOR BDEN PA'I KUN RDZOB PA DANG DE'I NGOR BDEN TSUL BSHAD PA TZAM YIN PA'I PHYIR RO, ,GNYIS PA NI, PHYI NANG GI DNGOS PO 'DI RNAMS RE RE LA YANG DON DAM PA DANG KUN RDZOB PA'I NGO BO GNYIS GNYIS YOD DE DE YANG MYU GU LTA BU GCIG LA MTSON NA, SHES BYA YANG DAG PA DE KHO NA'I DON GZIGS PA'I RIGS KYIS RNYED PA'I MYU GU'I NGO BO DANG, SHES BYA BRDZUN PA SLU BA'I DON 'JAL BA'I THA SNYAD PA'I SHES PAS RNYED PA'I MYU GU'I NGO BO'O, ,DE'I SNGA MA NI MYU GU'I DON DAM BDEN PA'I NGO BO YIN LA PHYI MA NI MYU GU'I KUN RDZOB BDEN PA'I NGO BO'O, ,DE LTAR YANG 'JUG PA LAS, DNGOS KUN YANG DAG BRDZUN PA'I MTHONG BA YIS, ,DNGOS RNYED NGO BO GNYIS NI 'DZIN PAR 'GYUR, ,YANG DAG MTHONG YUL GANG DE DE NYID DE, ,MTHONG BA BRDZUN PA'I KUN RDZOB BDEN PAR GSUNGS, ,ZHES SO, ,'DIS NI MYU GU'I NGO BO LA BDEN PA GNYIS KYI NGO BO GNYIS

236b

YOD PA'I DON DAM NI SHES PA SNGA MA DANG KUN RDZOB NI SHES PA PHYI MAS RNYED PAR STON GYI, MYU GU'I NGO BO GCIG NYID SHES PA SNGA PHYI GNYIS LA LTOS NAS BDEN PA GNYIS SU STON PA MIN TE, 'JUG 'GREL LAS, DNGOS PO THAMS CAD KYI RANG GI NGO BO RNAM PA GNYIS NYE BAR BSTAN TE 'DI LTA STE KUN RDZOB DANG DON DAM PA'O, ,ZHES DNGOS PO RE RE'I NGO BO LA GNYIS GNYIS SU PHYE NAS DON DAM PA NI YANG DAG PA'I DON GZIGS PA'I SHES PA DANG, KUN RDZOB NI BRDZUN PA MTHONG BA'I SHAS PAS RNYED PAR GSUNGS SO, , MYU GU'I CHOS NYID NI DE'I RANG BZHIN YIN PAS DE'I NGO BO ZHES BYA LA MYU GU'I KHA DOG DANG DBYIBS LA SOGS PA YANG MYU GU'I BDAG NYID YIN PAS DE'I NGO BO'O, ,MTSAN GZHI BUM PA LTA BU ZHIG SHES BYA BRDZUN BA SLU BA'I DON DU NGES PA LA GZHI DE LA BDEN PAR 'DZIN PA'I ZHEN YUL RIGS SHES KYIS SUN PHYUNG BA'I LTA BA RNYED DGOS TE, BDEN PA RIGS PAS MA KHEGS PAR BRDZUN PA TSAD MAS MI 'GRUB PA'I PHYIR RO, ,DES NA GZHI DE KUN RDZOB BDEN PA'I DON DU BLOS 'GRUB PA NI DON DAM PAR YOD PA BLOS KHEG PA LA NGES PAR LTOS SO, ,BUM SNAM LA SOGS PA KUN RDZOB BDEN PA YIN KYANG DE DAG BLOS GRUB PA NA KUN RDZOB BDEN PA'I DON BLOS 'GRUB MI DGOS TE, BUM SNAM SOGS RANG BZHIN GYIS MED BZHIN DU SNANG BA'I SGYU MA LTA BU YIN KYANG DE DAG GRUB PA'I BLOS SGYU MA LTA BU'I DON 'GRUB MI DGOS PA BZHIN NO, ,DE'I PHYIR DBU MA'I LTA BA MED PA'I SO SKYE'I SHES NGO LA LTOS TE BUM SNAM SOGS KUN RDZOB BDEN PA DANG 'PHAGS PA LA LTOS TE DON DAM BDEN PAR SMRA BA NI

237a

, ,RIGS PA MA YIN TE, 'JUG 'GREL LAS, DE LA SO SO SKYE BO RNAMS KYI DON DAM PA GANG YIN PA DE NYID 'PHAGS PA SNANG BA DANG BCAS PA'I SPYOD YUL CAN RNAMS KYI KUN RDZOB TZAM YIN LA, DE'I RANG BZHIN STONG PA NYID GANG YIN PA DE NI DE RNAMS KYI DON DAM PA'O, ,ZHES GSUNGS PA LAS BZLOG NAS SMRA BA YIN PA'I PHYIR RO, ,SO SO SKYE BO RNAMS KYIS NI BUM PA LA SOGS PA LA BDEN PAR 'DZIN LA DE NYID DON DAM PAR YOD PAR 'DZIN PA YANG YIN PAS, DE DAG GI SHES NGO DE LA LTOS TE BUM SOGS RNAMS DON DAM PAR GRUB PA YIN GYI KUN RDZOB PA'I DON MIN NO, ,DE DAG GI NGOR DON DAM PAR GRUB PA'I GZHI BUM PA LA SOGS PA RNAMS 'PHAGS PA'I RGYUD KYI SNANG BA SGYU MA LTA BU'I DON GZIGS PA LA LTOS NAS KUN RDZOB PA YIN NO, ,SHES PA DE LA LTOS NA BDEN PAR GZHAG TU MED PAS KUN RDZOB TZAM ZHES GSUNGS SO, ,DE LTA NA'ANG DE DAG GI RANG BZHIN DON DAM BDEN PAR GSUNGS PAS BUM SOGS KUN RDZOB DANG DE DAG GI RANG BZHIN 'PHAGS PA'I DON DAM MO ZHES PHYE NAS BRJOD PAR BYA'I, BUM SOGS 'PHAGS PA LA DON DAM MO ZHES SMRA BAR MI BYA STE, DE'I YANG DAG PA'I DON MTHONG BA'I RIGS SHES KYIS BUM SOGS MA RNYED PA'I PHYIR DANG, YANG DAG PA'I DON MTHONG BA'I RIGS SHES KYIS RNYED PA DON DAM BDEN PA'I MTSAN NYID DU GSUNGS PA'I PHYIR RO, ,GSUM PA NI, SHES BYA BRDZUN PA SLU BA'I DON MTHONG BA'I SHES PA LA YANG RAB RIB LA SOGS PA'I 'PHRAL GYI 'KHRUL RGYUS MA

237b

SLAD PA'I DBANG PO GSAL BA'I SHES PA DANG, 'PHRAL GYI 'KHRUL RGYUS BSLAD PA'I DBANG PA SKYON CAN GYI SHES PA GNYIS YIN LA DE NI SNGA MA LA LTOS NAS LOG PA'I SHES PAR BZHAG GO, DE LTAR YANG 'JUG PA LAS, MTHONG BA BRDZUN PA'ANG RNAM PA GNYIS 'DOD DO, ,DBANG PO GSAL DANG DBANG PO SKYON LDAN NO, ,SKYON LDAN DBANG CAN RNAMS KYI SHES PA NI, ,DBANG PO LEGS GYUR SHES LTOS LOG PAR 'DOD, ,CES GSUNGS SO, ,YUL CAN LA LOG MA LOG GNYIS SU PHYE BA DE BZHIN DU DE'I YUL LA YANG YANG DAG DANG LOG PA GNYIS GSUNGS TE, 'PHRAL GYI 'KHRUL RGYA'I GNOD PA MED PA'I DBANG PO DRUG GI SHES PAS BZUNG PA'I DON DANG, 'PHRAL GYI 'KHRUL RGYU'I GNOD PA YOD PA'I BANG PO DRUG GI SHES PAS BZUNG BA'I DON NO, ,DE LTAR YANG 'JUG PA LAS, GNOD PA MED PA'I DBANG PO DRUG RNAMS KYIS, ,BZUNG BA GANG ZHIG 'JIG RTEN GYIS RTOGS TE, ,'JIG RTEN NYID LAS BDEN YIN LHAG MIN, ,'JIG RTEN NYID LAS LOG PAR RNAM PAR BZHAG, CES GSUNGS SO, ,DE LA DBANG PO LA GNOD PA'I SKYON NANG NA YOD PA NI RAB RIB DANG MIG SER LA SOGS PA DANG DA DUR ZOS PA LA SOGS PA'O, ,DBANG PO LA GNOD PA'I SKYON PHYI NA YOD PA NI, ME LONG DANG BRAG PHUG LA SOGS PA NAS SGRA BRJOD PA DANG SOS KA'I NYI MA'I 'OD ZER BYE MA SKYE BO'I YUL DANG NYE BAR GYUR PA LA SOGS PA STE, DE DAG NI DBANG PO LA GNOD PA'I SKYON NANG NA YOD PA DAG MED PAR GZUGS BRNYAN DANG BRAG CHA DANG SMIG RGYU LA CHU LA SOGS PAR 'DZIN PA'I RGYUR 'GYUR RO, ,DE BZHIN DU

238a

, ,MIG 'PHRAL MKHAN LA SOGS PAS SBYAR BA'I SNGAGS DANG SMAN LA SOGS PA YANG SHES PAR BYA'O, ,YID KYI DBANG PO'I GNOD PA NI DE DAG DANG GRUB MTHA' LOG PA DANG GTAN TSIGS LTAR SNANG DANG GNYID KYI GNOD PA SOGS SO, ,DE LTAR NA THOG MA MED PA NAS ZHUGS PA'I BDAG TU 'DZIN PA GNYIS KYI MA RIG PA LA SOGS PAS BSLAD PA'I GNOD PA NI 'DIR GNOD PA'I RGYUR MI GZUNG GI, SNGAR BSHAD PA LTAR GYI 'PHRAL GYI DBANG PO LA GNOD PA'I 'KHRUL RGYU RNAMS GZUNG NGO, ,DE LTA BU'I GNOD PA MED PA'I SHES PA DRUG GIS BZUNG BA'I KUN RDZOB PA'I DON DANG, DE LAS LOG PA'I DON LA YANG DAG DANG LOG PAR 'JOG PA NI 'JIG RTEN PA'I SHES PA KHO NA LA LTOS PHYIR RO, ,DE'I PHYIR SHES PA DE GNYIS LA 'KHRUL MA 'KHRUL 'JIG RTEN PA'I SHES PAS GNOD PA MED PA DANG YOD PA'I PHYIR RO, ,'PHAGS PA LA LTOS NAS NI YANG DAG DANG LOG PA GNYIS SU MED DE, JI LTAR GZUGS BRNYAN LA SOGS PA SNANG BA LTAR GYI DON DU MED PA BZHIN DU, MA RIG PA DANG LDAN PA RNAMS LA SNGON PO LA SOGS PA RANG GI MTSAN NYID KYIS GRUB PAR SNANG BA YANG SNANG BA LTAR GYI DON DU MED PA'I PHYIR RO, ,DE'I PHYIR SHES PA DE GNYIS LA 'KHRUL MA 'KHRUL YANG DBYER MED DO, ,'O NA DBANG PO GZUGS CAN LA 'PHRAL GYI GNOD PA YOD PAS YUL LOG PAR SNANG BA DANG, YID KYI SHES PA LAG NYID LA SOGS PA'I GNOD PA YOD PAS RMI LAM DU MIR SNANG BA SOd

238b

LA MI LA SOGS PAR 'DZIN PA DANG, SAD PA'I DUS SU SGYU MA'I RTA GLANG GI SNANG BA LA RTA GLANG DANG SMIG RGYU CHUR SNANG BA LA CHUR 'DZIN PA'I YUL RNAMS PHYIN CI LOG YIN PAR 'JIG RTEN PA'I BLO RANG DGA' BAS KYANG RTOG MOD KYANG, YID LA GRUB MTHA' NGAN PA'I GNOD PA YOD PAS LOG PAR BZUNG BA'I DON RNAMS 'JIG RTEN PA'I BLO RANG DGA' BAS PHYIN CI LOG TU JI LTAR RTOGS SHE NA, 'DIR GNOD PA YOD MED DPYOD PA'I GNOD PA NI LHAN SKYES KYIS PHYIN CI LOG TU 'DZIN PA'I GNOD PA LA MI BYED PAS GRUB MTHA' NGAN PAS BTAGS PA NI GRUB MTHAS BLO BSGYUR BA KHO NAS LOG PAR BTAGS PA'I GTZO BO LA SOGS PA YIN LA, DE DAG PHYIN CI LOG TU 'JIG RTEN PA'I BLO RANG DGA' BAS MI RTOGS KYANG DE KHO NA NYID LA MNGON DU MA PHYOGS PA'I THA SNYAD PA'I TSAD MAS LOG PAR RTOGS NA, 'JIG RTEN PA'I SHES PAS LOG PAR RTOGS PA YIN NO, ,BDAG 'DZIN LHAN SKYES GNYIS KYIS BZUNG BA'I DON LTA BU NI, GNOD PA MED PA'I DBANG POS BZUNG BA ZHES PA YIN LA, 'JIG RTEN PA'I BSAM PA RANG DGA' BA LA LTOS NAS YANG DAG PA'AM BDEN PA YIN MOD KYANG THA SNYAD DU YANG MED DO, ,DBU MA RANG RGYUD PA GANG DAG SHES PA RANG GI MTSAN NYID KYIS GRUB PAR SNANG BA NI SNANG BA LTAR DU YOD PAR NGES PAS YUL CAN LA YANG DAG DANG LOG PA GNYIS MI 'BYED PAR, YUL DU SNANG BA LA JI LTAR SNANG BA LTAR GYI RANG GI MTSAN NYID KYIS YOD MED 'BYED PA RNAMS NI, BDEN GNYIS LAS, SNANG DU 'DRA YANG DON BYED DAG, NUS PA'I PHYIR DANG MI NUS PHYIR, ,YANG DAG YANG

239a

, ,DAG MA YIN PA'I, ,KUN RDZOB GYI NI DBYE BA BYAS, ,ZHES GSUNGS PA LTAR BZHED DO, ,LUGS 'DI NI MA RIG PA DANG LDAN PA LA RANG GI MTSAN NYID KYIS GRUB PAR GANG SNANG BA THAMS CAD SHES PA DE MA RIG PAS BSLAD PA'I SNANG BAR BZHED PAS, KUN RDZOB PA'I DON LA YANG DAG PA DANG LOG PA GNYIS SU MI 'BYED DO, ,'DIR 'JUG 'GREL LAS, GANG ZHIG KUN RDZOB TU YANG BRDZUN PA DE NI KUN RDZOB KYI BDEN PA MA YIN NO ZHES GSUNGS PA NI BRDA LA BYANG PA'I 'JIG RTEN PA'I KUN RDZOB KYI NGOR, BYAD BZHIN GYI GZUGS BRNYAN LTA BU DE BYAD BZHIN DU MI BDEN PAS DE LA LTOS PA'I KUN RDZOB BDEN PA MIN NO, DE LTA NA'ANG SHES BYA BRDZUN PA SLU BA'I DON MTHONG BAS RNYED PA'I DON NI YIN PAS KUN RDZOB BDEN PA'O, ,GZUGS BRNYAN SNANG BA'I SHES PA SNANG YUL LA 'KHRUL BA BZHIN DU, MA RIG PA DANG LDAN PA RNAMS LA SNGON PO LA SOGS PA RANG GI MTSAN NYID KYIS GRUB PAR SNANG BA YANG SNANG YUL LA 'KHRUL BAR MTSUNGS SO, ,GZHAL BYA BDEN PA 'JOG NA DE LTAR 'KHRUL PA DES 'JOG PA 'GAL YANG GZHAL BYA BRDZUN PA 'JOG PA LA DE NYID GROGS SU 'GRO BA YIN NO, ,DE LTA MA YIN NA SGYU MA LTA BU'I DON DANG BRDZUN PA RNAMS THA SNYAD DU 'JOG DGOS PAS KUN RDZOB BDEN PA MI SRID PAR 'GYUR TE, THA SNYAD DU MI BDEN NA KUN RDZOB BDEN PAR 'GAL BA'I PHYIR RO, ,GNYIS PA LA GSUM, DON DAM PA DANG BDEN PA'I DON BSHAD PA DANG, DON DAM BDEN PA'I MTSAN NYID BSHAD PA

239b

DANG; DON DAM BDEN PA'I DBYE BA BSHAD PA'O, ,DANG PO NI, TSIG GSAL LAS, DON YANG DE YIN LA DAM PA YANG YIN PAS NA DON DAM PA'O, ,DE NYID BDEN PA YIN PAS DON DAM BDEN PA'O, ,ZHES GSUNGS PAS GZHAN DAG DAM PA MNYAM GZHAG ZAG MED KYI YE SHES DANG DON DAM DE'I YUL LA 'CHAD PA LTAR MI BZHED KYI, DON DAM DAM PA GNYIS KA DON DAM BDEN PA NYID LA BZHED DO, ,DON DAM BDEN PA'I BDEN TSUL NI, MI SLU BA YIN LA DE YANG GNAS TSUL GZHAN DU GNAS SHING SNANG TSUL GZHAN DU SNANG NAS 'JIG RTEN LA MI SLU BA'I PHYIR, DON DAM PA'I BDEN PAR 'JIG RTEN GYI THA SNYAD KYI DBANG GIS YOD PAR BZHAG PA TZAM YIN TE, RIGS PA DRUG CU PA'I 'GREL PA LAS, GAL TE DE LTA NA'ANG JI LTAR MYA NGAN LAS 'DAS PA DON DAM PA'I BDEN PAR GSUNGS SHE NA, DE'I BDAG NYID DU 'JIG RTEN LA MI SLU BA'I PHYIR 'JIG RTEN GYI THA SNYAD KHO NAS DRANG SNYAM NA, 'DI'I LAN NI RIGS PA DRUG CU PA'I 'GREL PA PA DE NI DON DAM PA'I BDEN PA MA YIN NO, ,BDEN PA GSUM NI 'DUS BYAS NYID YIN PAS RANG BZHIN MED BZHIN DU SNANG BAS, BYAS PA RNAMS LA SLU BAR BYED PA NYID KYI PHYIR KUN RDZOB KYI BDEN PA RNAM PAR BZHAG GO, ZHES MYANG 'DAS KUN RDZOB KYI BDEN PA'I NGOR BZHAG PA LA DE LTA NA DON DAM PA'I BDEN PAR MI 'THAD DO ZHES PA'I LAN DU GSUNGS SO, ,'O NA RIGS PA BCU DRUG PA LAS, MYA NGAN 'DAS PA BDEN GCIG PU, ,RGYAL BA RNAMS KYIS NAM GSUNGS PA, ,DE TSE LHAG MA LOG MIN ZHES, ,

240a

, ,MA NGES PA SU ZHIG RTOG PAR BYED, ,CES MYANG 'DAS GCIG PU BDEN GYI GZHAN RNAMS MI BDEN ZHES GSUNGS PA JI LTAR DRANG SNYAM NA, 'DI'I LAN NI RIGS PA DRUG CU PA'I 'GREL PA LAS, 'O NA NI BCOM LDAN 'DAS KYIS, DGE SLONG DAG BDEN PA DAM PA 'DI NI GCIG STE, 'DI LTA STE MI SLU BA'I CHOS CAN MYA NGAN LAS 'DAS PA'O, ,ZHES GANG GSUNGS PA DE J LTAR ZHE NA, JI LTAR 'DUS BYAS LA LOG PAR SNANG BAS BYIS PA RNAMS LA SLU BAR BYED PA YIN PA DE BZHIN DU, MYA NGAN LAS 'DAS PA NI MA YIN TE, RTAG TU SKYE BA MED PA'I RANG BZHIN GYIS NGO BO KHO NAR GNAS PA NYID KYI PHYIR RO, ,DE NI BYIS PA RNAMS LA YANG 'DUS BYAS LTAR SKYE BA'I NGO BOR NAM YANG MI SNANG NGO, ,DE'I PHYIR MYA NGAN LAS 'DAS PA NI RTAG TU KHO NAR MYA NGAN LAS 'DAS PA NYID DU GNAS PA'I PHYIR 'JIG RTEN GYI THA SNYAD KHO NAS BDEN PA DAM PAR GSUNGS KYI, ZHES MI SLU BA BDEN PAR GSUNGS PA'I DON DANG DE YANG THA SNYAD KYI DBANG GIS YIN PAR GSUNGS PA'I PHYIR DANG, MDO SDE NYID LAS KYANG MI SLU BA'I CHOS CAN ZHES BDEN PA'I DON DE LA GSUNGS PA'I PHYIR DANG, 'DU BYED THAMS CAD NI BRDZUN PA SLU BA'I CHOS CAN ZHES BRDZUN PA'I DON SLU BA LA GSUNGS PAS KYANG BDEN PA'I DON MI SLU BA YIN PAR SHES SO; ;DES NA KUN RDZOB BDEN PA'I BDEN PA NI BDEN 'DZIN GYI NGOR BDEN PA DANG DON DAM BDEN PA GNYIS SGRA DON MI 'DRA'O, ,RIGS PA DRUG CU PA'I 'GREL PA LAS, MYANG 'DAS KUN RDZOB TU BDEN PAR GSUNGS PA NI, MYANG 'DAS DON DAM PA'I BDEN PAR

240b

YOD PA KUN RDZOB PA'I NGOR 'JOG PA'I DON YIN GYI THA SNYAD DU DE BDEN PAR BZHED PA MIN NO, ,GNYIS PA LA GNYIS, DNGOS KYI DON DANG, RTZOD PA SPANG PA'O, ,DANG PO NI, DON DAM BDEN PA'I MTSAN NYID NI 'JUG PA LAS, SHES BYA YANG DAG PA'I DON MTHONG PAS RNYED PA LA GSUNGS PA SNGAR BSHAD PA LTAR YIN LA, DE'I 'GREL PA LAS, DE LA DON DAM PA NI YANG DAG PA GZIGS PA RNAMS KYI YE SHES KYI KHYAD PAR GYI YUL NYID KYIS BDAG GI RANG GI NGO BO RNYED PA YIN GYI, RANG GI BDAG NYID KYIS GRUB PA NI MA YIN TE 'DI NI NGO BO GCIG YIN NO, ,ZHES DE KHO NA NYID 'JAL BA'I ZAG MED KYI YE SHES KYIS RNYED LA RANG GI NGO BOS MA GRUB PAR GSUNGS PAS, MNYAM GZHAG ZAG MED KYIS RNYED RGYU CIG BYUNG NA BDEN PAR GRUB PA YIN NO ZHES SMRA BA BKAG PA YIN NO, ,YA SHES KYI KHYAD PAR ZHES GSUNGS PAS NI 'PHAGS PA RNAMS KYI YE SHES GANG YIN GYIS RNYED PAS MI CHOG GI YE SHES KYI KHYAD PAR JI LTA BA MKHYEN PA'I YE SHES KYIS RNYED PA CIG DON DAM BDEN PAR STON PA'O, ,RNYED PA'I DON NI SHES PA DES DE LTAR GRUB PA'I DON YIN TE KUN RDZOB LA YANG 'DRA'O, ,YE SHES DES JI LTAR RNYED PA'I TSUL NI, RAB RIB CAN GYI MIG GIS BAR SNANG GI GZHIR SKRA SHAD 'DZAG PAR MTHONG BA NA, RAB RIB MED PA'I MIG GIS GZHI DER SKRA SHAD 'JIG PA'I SNANG BA TZAM YANG MA MTHONG BA BZHIN DU MA RIG PA'I RAB RIB KYIS GNOD PA BYAS PA RNAMS KYIS PHUNG PO LA SOGS PA'I RANG GI NGO BO DMIGS PA DE NYID, MA RIG PA'I BAG CHAGS DANG BRAL BA'I SANGS RGYAS DANG DE KHO NA NYID 'JAL BA'I ZAG MED KYI YE SHES KYIS,

241a

, ,RAB RIB MED PA'I MIG BZHIN DU GNYIS SNANG PHRA MO YANG MA GZIGS PA'I TSUL GYIS RANG BZHIN GANG GIS GZIGS PA NI DON DAM BDEN PA STE, 'JUG PA LAS, RAB RIB MTHU YIS SGRA SHAD LA SOGS PA, ,NGO BO LOG PA GANG ZHIG RNAM BRTAGS PA, ,DE NYID BDAG NYID GANG DU MIG DAG PAS, ,MTHONG STE DE NYID DE BZHIN 'DIR SHES KYIS, ,ZHES GSUNGS SHING DE'I 'GREL PA LAS KYANG, PHUNG PO LA SOGS PA DE DAG NYID MA RIG PA'I BAG CHAGS DANG BRAL BA SANGs RGYAS BCOM LDAN 'DAS RNAMS KYIS, RAB RIB CAN MA YIN PAS SKRA SHAD MTHONG BA'I TSUL DU RANG BZHIN GANG GIS GZIGS PA DE NI DE DAG GI DON DAM PA'I BDEN PA'O, ,ZHES SANGS RGYAS KYI DE KHO NA NYID 'JAL BA'I YE SHES KYIS MA RIG PA'I RAB RIB KYIS BSLAD PA LA SNANG BA'I DON RAB RIB MED PA'I MIG GIS SKRA SHAD MA MTHONG BA LTAR MA GZIGS PAR GSUNGS SO, ,GNYIS PA LA GNYIS, JI LTA BA GZIGS PA MI 'THAD PA'I RTZOD PA SPANG BA DANG, JI SNYED PA GZIGS PA MI 'THAD PA'I RTZOD PA SPANG BA'O, ,DANG PO NI, GAL TE SANGS RGYAS KYI JI LTA BA MKHYEN PA'I YE SHES KYIS DON DAM PA'I BDEN PA RNYED NA 'JUG 'GREL LAS, GAL TE RNAM PA DE LTA BU'I RANG BZHIN MTHONG BA MED PA NYID MA YIN NAM DE'I PHYIR JI LTAR DE DAG GIS GZIGS SHE NA, BDEN MOD KYI 'ON KYANG MA GZIGS PA'I TSUL GYIS DE DAG GIS GZIGS SO ZHES BRJOD DO, ,ZHES CI YANG MA GZIGS PA LA DE KHO NA GZIGS PAR BSHAD CING, DE'I SHES BYED DU DON DAM PA'I BDEN PA THAmD MKHYEN PA'I YE SHEs

241b

KYI YUL LAS KYANG 'DAS PAR BSHAD PA DRANGS PA DANG, SANGS RGYAS KYI LA SEMS SEMS BYUNG GI RGYU BA GTAN LOG PAR BSHAD PA DANG JI LTAR MI 'GAL ZHE NA, MA GZIGS PA'I TSUL GYIS GZIGS ZHES PA NI YUL GANG YIN THAMS CAD MA MTHONG BA LA MI BYED PA'I TSUL RAB BYED BCO LNGA PA'I SKABS SU BSHAD ZIN NO, ,BDEN PA GNYIS LA 'JUG PA LAS, LHA'I BU DAG DON DAM PA'I BDEN PA NI RNAM PA THAMS CAD KYI MCHOG DANG LDAN PA THAMS CAD MKHYEN PA'I YE SHES KYI YUL GYI BAR LAS 'DAS PA YIN TE, JI LTAR DON DAM PA'I BDEN PA'O ZHES BRJOD PA LTAR NI MA YIN NO, ,ZHES DON DAM BDEN PA'O ZHES BRJOD PA'I TSE NA BLO LA YUL DANG YUL CAN GNYIS SO SOR SNANG BA LTAR MI MTHONG BA LA BSHAD PAS, GNYIS SNANG LEG PA'I KHUNGS YIN GYI SANGS RGYAS KYIS DON DAM MA RTOGS PA'I KHUNGS MIN NO, ,'JUG 'GREL LAS KYANG, DNGOS PO BYAS PA CAN LA MA REG PAR RANG BZHIN 'BA' ZHIG MNGON SUM DU MDZAD PAS DE NYID THUGS SU CHUD PA'I PHYIR SANGS RGYAS ZHES BRJOD DO, ,ZHES SANGS RGYAS KYI JI LTA BA MKHYEN PA'I YE SHES KYIS GZHAN DBANG LA MA REG PAR CHOS NYID 'BA' ZHIG THUGS SU CHUD PAR GSUNGS SO, ,SEMS SEMS BYUNG GI RGYU BA LOG PA NI TSIG GSAL LAS, RNAM RTOG GI RGYU BA LEG PA LA GSUNGS TE SNGAR BSHAD ZIN TO, ,GZHAN YANG 'JUG 'GREL LAS, RANG BZHIN DE YOD PA MIN NA DE RTOGS PA'I PHYIR DU BYANG SEMS RNAMS DKA' BA SPYOD PA DON MED PA SHES BYED DANG BCAS PAS BSGRUBS TE, JI SKAD DU, DE DAG GI RANG BZHIN

242a

, ,YANG GANG ZHIG CE NA, DE DAG GI BCOS MA MA YIN PA DANG GZHAN LA LTOS PA MED PA GANG YIN PA STE, MA RIG PA'I RAB RIB DANG BRAL BA'I SHES PAS RTOGS PAR BYA BA'I RANG GI NGO BO'O, ,CI DE YOD DAM MED DO ZHES DE SKAD DU SU SMRA, GAL TE MED NA NI CI'I DON DU BYANG CHUB SEMS DPA' RNAMS PHA ROL TU PHYIN PA'I LAM SGOM PAR 'GYUR TE, GANG GI PHYIR CHOS NYID DE RTOG PAR BYA BA'I PHYIR BYANG CHUB SEMS DPA' RNAMS DE LTAR DKA' BA BRGYA PHRAG RTZOM PA YIN NO, , JI SKAD DU RIGS KYI BU DON DAM NI SKYE BA MED PA DANG 'GAG PA MED PA DANG 'JIG PA MED PA DANG, 'ONG BA MED PA DANG, 'GRO BA MED PA DANG YI GE RNAMS KYIS BRJOD PAR BYA BA MA YIN PA DANG YI GE RNAMS KYIS RAB TU BSNYAD DU MED CING SBROS PAS RTOd PAR BYA BA MA YIN PA STE, RIGS KYI BU DON DAM PA NI BRJOD DU MED CING ZHI BA 'PHAGS PA RNAMS KYIS SO SO RANG GIS REG PAR BYA BA'O, ,RIGS KYI BU DON DAM PA NI DE BZHIN GSHEGS PA RNAMS BYUNG YANG RUNG MA BYUNG YANG RUNG STE, GANG GI DON DU BYANG CHUB SEMS DPA' RNAMS SKRA DANG KHA SPU DAG BREGS NAS GOS DUR SMRIG BGOS TE, YANG DAG PAR DAD PAS KHYIM NAS KHYIM MED PAR RAB TU 'BYUNG ZHING RAB TU 'BYUNG NAS KYANG, CHOS DE NYID THOB PAR BYA BA'I PHYIR SKRA'AM GOS LA ME SOR BA LTAR BRTZON 'GRUS RTZOM ZHING GNAS PA RNAM PAR 'JIG PAR MI BYED PA'O, ,RIGS KYI BU GAL TE DON DAM PA YOD PAR MA GYUR NA NI TSANGS PAR SPYOD PA DON MED PAR 'GYUR ZHING DE BZHIN GSHEGS PA RNAMS 'BYUNG BA DON MED PAR 'GYUR RO, ,GANG GI

242b

PHYIR DON DAM PA DE YOD PA DE'I PHYIR BYANG CHUB SEMS DPA' RNAMS LA DON DAM PA LA MKHAS PA ZHES BYA'O, ,ZHES GSUNGS TE, DE KHO NA NYID KYI DON RTOGS PA KHAS LEN PAR MI NUS NA, DE KHO NA NYID LA DPYOD PA'I NOR MA NOR GYI DPYAD PA DU MA ZHIG BYED PA'I NGAL BA DON MED DE DON DAM PA LA MKHAS PA MI SRID PA'I PHYIR DANG, THUB PA CHEN POS CHOS PHUNG PO, ,BRGYAD KHRI BZHI STONG GSUNGS PA LA, ,GANG GIS DE NYID MI SHES PA, ,DE YI THAMS CAD 'BRAS BU MED, ,CES BCOM LDAN 'DAS KYIS GSUNGS PA'I PHYIR RO, ,'JUG PA LAS, SHES BYA'I BUD SHING SKAM PO MA LUS PA, ,BSREGS PAS ZHI DE RGYAL RNAMS CHOS SKU STE, ,DE TSE SKYE BA MED CING 'GAG PA MED, ,SEMS 'GAGS PA DE SKU YIS MNGON SUM MDZAD, ,CES GSUNGS SHING DE'I 'GREL PA LAS, YE SHES KYI YUL DE KHO NA NYID LA RNAM PA THAMS CAD DU DE'I YUL CAN SEMS DANG SEMS LAS BYUNG BA RNAMS MI 'JUG PAS, SKU KHO NAS MNGON SUM DU MDZAD PAR RNAM PAR BZHAG GO, ZHES GSUNGS PA DANG YANG MI 'GAL TE SANGS RGYAS PA'I TSE SEMS SEMS BYUNG GI RGYU BA RNAM RTOG RNAMS MI 'BYUNG BAS, DE'I SGO NAS CHOS KYI SKU MNGON DU BYAS PAR MI 'JOG GI LONGS SPYOD RDZOGS PA'I SKU KHO NAS MNGON DU MDZAD PAR 'JOG CES PA'I DON YIN PA'I PHYIR RO, ,DE KHO NA NYID MNGON SUM DU RTOGS PA'I YE SHES KYI DOR NI RANG GI YUL DANG YUL CAN GYI BAR NA GNYIS SU SNANG BA PHRA MO YANG MED PAR CHU LA CHU BZHAG PA BZHIN DU MNYAM PAR ZHUGS PA YIN LA DE'I PHYIR, DES JI SNYED PA'I DON RNAMS MNGON SUM DU 'JAL BA

243a

, ,MA YIN TE, 'JAL NA NI SHUGS LA RTOGS PA MI RUNG BAS DNGOS SU RTOGS DGOS SHING DE YANG RNAM PA MED PAR MJAL BA 'DI PA'I LUGS MIN PAS, GZUGS SGRA LA SOGS PA'I RNAM PA DNGOS SU SHAR BA'I BLO LA YUL YUL CAN GNYIS SU SNANG BA MED PA BYAR MI RUNG BA'I PHYIR RO, ,DAS JI SNYED PA MA GZHAL NA CHOS CAN DANG CHOS NYID YA BRAL DU THAL BAR MI 'GYUR TE, DE KHO NA NYID RTOGS PA'I RIGS SHES KYIS DON CHOS CAN DANG CHOS NYID KYI 'BREL PA MI 'JOG PA'I PHYIR DANG, SNGON PO RTOGS PA'I THA SNYAD PA'I TSAD MA'I DON DON DAM BDEN PA MED PAS DE GNYIS 'BRAL MI DGOS PA DANG 'DRA BA'I PHYIR RO, ,GZHAN YANG SANGS RGYAS KYI JI LTA BA MKHYEN PA'I YE SHES KYIS JI SNYED PA'I DON RNAMS 'JAL NA, YANG DAG PA'I DON MTHONG BA'I RIGS SHES KYIS KUN RDZOB PA'I BDEN PA RNYED PAR 'GYUR BAS BDEN GNYIS KYI MTSAN NYID 'CHOL BA DANG, KUN RDZOB BDEN PA RNAMS DE KHO NA NYID KYI YUL CAN GYI RId SHES KYI DBANG GIS BZHAG DGOS PAR 'GYUR RO, ,GNYIS PA NI, LUGS 'DI LA SANGS RGYAS KYIS SAR JI SNYED PA MKHYEN PA'I YE SHES 'DOD DAM MI 'DOD, GNYIS PA LTAR NA, 'JUG PA LAS, STOBS BCU'I MKHYEN TSUL GSUNGS PA YANG MI 'THAD LA, SANGS RGYAS THAMS CAD MKHYEN PAR KHAS BLANG DU MI RUNG BAS RANG GI STON PA LA SKUR BA BTAB PAR 'GYUR RO, ,DANG PO LTAR NA, BYIS PA RNAMS LA RANG GI MTSAN NYID KYIS MA GRUB BZHIN DU DER SNANG BA MED NA NI 'GA' YANG

243b

'KHRUL BAR MI 'GYUR BAS YOD DO, ,DE'I TSE DE RNAMS SANGS RGYAS KYI JI SNYED PA MKHYEN PA'I YE SHES LA SNANG DGOS SO, ,DE LTA NA JI LTAR SNANG BA LTAR GYI DON DU MED PAS 'KHRUL PAR 'GYUR RO SNYAM NA, DE LA JI SKAD BSHAD PA'I SKYON DU 'GYUR BAS PHYOGS GNYIS PA NI MI 'DOD DO, ,DE YANG 'JUG 'GREL DU MDO DRANGS PA LAS, YANG SHING RTA'I 'KHOR LO TZAM GYIS PHYOGS NA SNANG BAR MA GYUR PA'I SEMS CAN GANG DAG DE BZHIN GSHEGS PA LA SNANG BAR GYUR PA DE DAG NI CHOS MANG GI, STONG GSUM GYI STONG CHEN PO'I 'JIG RTEN GYI KHAMS KYI LHA DANG MI RNAMS NI DE LTA MA YIN NO, ,ZHES PHYI ROL PA'I DRANG SRONG MNGON SHES LNGA DANG LDAN PA DANG NYAN RANG DANG BYANG SEMS LA, SHING RTA'I 'KHOR LO TZAM GYI SA PHYOGS NA MI SNANG BA SANGS RGYAS LA SNANG BA'I SEMS CAN CHES MANG BAR GSUNGS PA LTAR SNANG NAS MKHYEN PA YIN GYI MI SNANG BA MIN NO, ,SNANG BA'I YUL YANG MA RIG PA'I BAG CHAGS KYIS MA BSLAD PA'I JI SNYED PA SANGS RGYAS KYI MTSAN DPE SOGS DANG, MA RIG PA'I BAG CHAGS KYIS BSLAD PA'I JI SNYED PA MA DAG PA'I SNOD BCUD LA SOGS PA GNYIS SO, ,DE'I DANG PO NI SANGS RGYAS KYI SAR LDOG PA'I DON MED LA GNYIS PA NI SA DER RGYU LOG PAS LDOG PA YIN NO, ,SNANG TSUL NI SANGS RGYAS KYI MTSAN DPE MA RIG PA MA SPANGS PA'I GANG ZAG LA SNANG BA NA RANG GI MTSAN NYID KYIS MA GRUB BZHIN DU DER SNANG BA NI, YUL DE MA RIG PA'I BAG CHAGS KYI DBANG GIS BYUNG BA'I RGYU MTSAN GYIS MIN GYI YUL CAN DE MA RIG PA'I BAG CHAGS KYIS BSLAD PA'I DBANG GIS SNANG BA YIN

244a

, ,TE; DE NI GANG ZAG GZHAN LA DE LTAR SNANG BA TZAM GYI NGOS NAS YUL CAN DE LA SNANG BA MIN PAR RANG NGOS NAS DE LTAR SNANG BA YIN PA'I PHYIR RO, ,SANGS RGYAS KYI JI SNYED PA MKHYEN PA'I YE SHES LA MA RIG PA'I BAG CHAGs KYIS BSLAD PA'I DON SNANG BA NA, MA RIG PA'I BSLAD PA YID PA'I GANG ZAG LA DE DAG SNANG BA KHO NA'I SGO NAS SANGS RGYAS LA SNANG BA YIN GYI, GZHAN LA DE LTAR SNANG BA LA MA LTOS PAR SANGS RGYAS KYI RANG NGOS NAS SNANG BA MIN NO, ,DE'I PHYIR GZUGS SGRA SOGS RANG GI MTSAN NYID KYIS MA GRUB BZHIN DU DER SNANG BA SANGS RGYAS KYIS MKHYEN PA LA YANG MA RIG PA DANG LDAN PA LA DE LTAR SNANG BA'I NGOS NAS YIN GYI, GANG ZAG DE LA DER SNANG BA LA MA LTOS PAR SANGS RGYAS RANG GI NGOS NAS DE LTAR SNANG BA'I TSUL GYIS MKHYEN PA MIN PAS DE SNANG BAS 'KHRUL BAR 'GYUR BA'I DON MED DO, ,DE LTAR NA JI SNYED PA MKHYEN PA'I RANG NGOS NAS NI, DNGOS PO THAMS CAD BDAG MED PA DANG RANG BZHIN GYIS MED PA'I NGO BOR BRDZUN PA SGYU MA BZHIN DU SNANG GI BDEN PAR MI SNANG LA, MA RIG PA DANG LDAN PA RNAMS LA SNANG BA'I CHA NAS YE SHES DE LA SNANG BA NA GANG ZAG GZHAN DE LA BDEN PAR SNANG BAR SHAR BA TZAM MO, ,RIGS PA DRUG CU PA LAS KYANG, DNGOS LA MKHAS PA RNAMS KYIS NI, ,DNGOS PO MI RTAG SLU BA'I CHOS, ,GSOG DANG STONG PA BDAG MED PA, ,RNAM PAR DBEN CES BYA BAR MTHONG, ,GNAS MED DMIGS PA YOD MA YIN, ,RTZA BA MED CING GNAS PA MED, ,MA RIG RGYU LAS SHIN TU BYUNG, ,

244b

THOG MA DBUS MTHA' RNAM PAR SPANGS, ,CHU SHING BZHIN DU SNYING PO MED, ,DRI ZA'I GRONG KHYER 'DRA BA STE, ,RMONGS PA'I GRONG KHYER MI BZAD PA, ,'GRO BA SGYU MA BZHIN DU SNANG, ,ZHES GSUNGS SHING TSIGS BCAD PHYI MA GNYIS KYI MTSAMS SBYOR DU 'PHAGS PA MDZAD PA MTHAR PHYIN PA RNAMS KHO NAS DE LTAR GZIGS PA 'BA' ZHIG TU MA ZAD KYI SLOB DPON YANG RANG GI SHES PA LA LTOS NAS KYANG DE LTAR RTOGS PAR GSUNGS PAS, TSIGS BAD DANG PO LTAR GZIGS PA NI MDZAD PA MTHAR PHYIR PA'I 'PHAGS PA'I GZIGS TSUL LO, ,JI LTA BA DANG JI SNYED PA MKHYEN PA'I YE SHES KYANG NGO BO THA MI DAD PAS SANGS RGYAS KYI YE SHES GCIG GIS KYANG SHES BYA KUN LA KHYAB PAR BSHAD PA DANG YANG MI 'GAL TE, YE SHES CHOS SKU DANG GZUGS SKU GNYIS NGO BO GCIG YIN KYANG DE GNYIS PHAN TSUN YIN MI DGOS PA BZHIN DU YE SHES GNYIS KYANG DE DANG 'DRA'O, ,GSUM PA NI, DON DAM PA'I BDEN PA LA RGYAS PAR DBYE NA STONG PA NYID BCU DRUG DANG, 'BRING DU PHYE NA DNGOS PO DANG DNGOS MED DANG RANG DANG GZHAN GYI NGO BO STONG PA NYID DE BZHI DANG, BSDUS NA GANG ZAG DANG CHOS KYI BDAG MED GNYIS SU 'JUG PAR GSUNGS SO, ,GZHUNG GZHAN LAS NI, DON DAM PA LA DON DAM BDEN PA DNGOS DANG MTHUN PA'I DON DAM PA GNYIS BSHAD DE, BDEN GNYIS LAS, SKYE LA SOGS PA BKAG PA YANG, ,YANG DAG PA DANG MTHUN PA'I PHYIR, ,DON DAM YIN PAR KHO BO 'DOD, ,CES DANG DBU MA SNANG BA LAS KYANG, DE LTAR SKYE BA MED PA 'DI YANG DON DAM

245a

, ,DANG MTHUN PA'I PHYIR DON DAM PA ZHES BYA'I DNGOS SU NI MA YIN TE, DNGOS SU NI DON DAM PA SPROS PA THAMS CAD LAS 'DAS PA'I PHYIR RO, ,ZHES GSUNGS SO, ,DE LA SPOS PA NI 'DIR RTAGS KYI DGAG BYA'I SPROS PA TZAM MA YIN GYIS, SNANG BA'I SPROS PA YANG YIN NO, ,DE LAS 'DAS PA'I TSUL NI DE KHO NA NYID MNGON SUM DU GZIGS PA'I NGOR GNYIS SNANG GI SPROS PA THAMS CAD NUB PA LA BYA'I, SNANG BA'I SPROS PA MED PA LA MI BYA STE GZHAN DU NA CHOS NYID DANG CHOS CAN SNANG BA'I SPROS PA GNYIS YA MI 'BRAL BAS DON DAM BDEN PA MI SRID PAR 'GYUR BA'I PHYIR RO, ,DE'I PHYIR PHUNG PO'I CHOS DANG GANG ZAG GI BDAG MED RTAGS KYI DGAG BYA'I SPROS PA BCAD TZAM NI JI LTA BA MKHYEN PA'I YE SHES ZAG PA MED PAS RNYED PA'I DON YIN LA, DE'I NGOR GANG ZAG DANG PHUNG PO'I GNYIS SNANG GI SPROS PA YANG ZHI BA YIN PAS DON DAM BDEN PA'O, ,'ON KYANG DON DAM PA'I SKYE BA SOGS PHUN PO DANG GANG ZAG GI STENG DU BKAG PA'I MA YIN DGAG GI STONG PA NI STONG GZHI DE DAG MNGON SUM DU SNANG BA'I THA SNYAD PA'I TSAD MA MIG SHES LA SOGS PA LA SNANG DGOS PAS, RANG MNGON SUM DU MTHONG BA'I BLO'I NGOR GNYIS SNANG DANG BCAS PAR 'CHAR GYI GNYIS SNANG DANG BRAL BAR MI 'CHAR BAS DON DAM BTAGS PA BA KUN RDZOB MTSAN NYID PA'O, ,BDEN GNYIS RANG 'GREL LAS KYANG, YANG DAG PA'I SKYE BA LA SOGS PA DNGOS PO SNANG BA NA MI SNANG BAS LOG PA'I KUN RDZOB YIN PA BZHIN DU,

245b

YANG DAG PA'I SKYE BA LA SOGS PA BKAG PA YANG DGAG GZHI'I DNGOS PO SNANG BA'I BLO LA MI SNANG BAS LOG PA'I KUN RDZOB TU 'GYUR RO ZHES PA'I LAN DU, DNGOS PO'I NGO BO DANG THA MI DAD PA'I PHYIR MI SNANG BA MA YIN ZHES GSUNGS TE, RTAd KYI DGAG BYA BCAD TZAM GYI SPROS PA MED PAR DGAG PA MIG LA SOGS PA'I SHES PA LA DNGOS SU MI SNANG BAS DE MIN GYI, MA YIN DGAG NI DGAG GZHI'I DNGOS PO GANG LA SNANG BA DE LA SNANG BAR BZHED PA'I LUGS SO, ,RIGS PA 'DIS SANGS RGYAS KYI JI SNYED PA MKHYEN PA'I YE SHES DANG 'PHAGS PA 'OG MA'I RJES THOB KYI YE SHES MA YIN DGAG SGYU MA LTA BU'I DON 'JAL BA RNAMS KYI YUL RNAMS KYANG RNAMS GRANGS PA'I DON DAM DU SHES PAR BYA'O, ,GANG DAG 'PHAGS PA'I MNYAm GZHAG GI YE SHES KYIS SPROS PA RNAM PAR BCAD TZAM GYI SPROS BRAL RTOGS SO ZHES BYAS NA SHIN TU RANGS SHING DGA' LA, SPROS PA MED PAR DGAG PA 'JAL LO ZHES BYAS NA MI BZOD PA NI, DGAG BYA RNAM PAR BCAD PA TZAM ZHIG MED DGAG GI DON YIN BA MA RTOGS PAR MED DGAG THAMS CAD RI BONG RVA DANG 'DRA BA'I CANG MED DU 'DOD PA'I BLO'I SKYON YIN TE, CIR YANG MA GRUB NA MED DGAG YIN PAR 'GAL BA'I PHYIR RO, ,GSUM PA NI, KUN RDZOB TZAM DANG BDEN PA'I KHYAD PAR PHYE BA NI KUN RDZOB BDEN PAR MI 'DU BA'I KUN RDZOB 'DOD PA MIN PA DANG, GZUGS BRNYAN LA SOGS PA KUN RDZOB TU BRDZUN PA RNAMS KUN RDZOB BDEN PA MIN NO ZHES GSUNGS PA'I DON YANG, KUN RDZOB BDEN PA MIN PA'I KUN RDZOB YOD PAR STON PA MIN PAR SNGAR BSHAD

246a

, ,ZIN LA, RIGS PA DRUG CU PA'I 'GREL PA DANG 'JUG 'GREL LAS SDUG KUN DANG LAM GYI BDEN PA GSUM GA KUN RDZOB BDEN PAR BSHAD CING, TSIG GSAL LAS KYANG, BRJOD BYA DANG RJOD BYED DANG SHES PA DANG SHES BYA LA SOGS PA'I THA SNYAD MA LUS PA 'DI DAG THAMS CAD NI 'JIG RTEN GYI KUN RDZOB KYI BDEN PA ZHES BYA'O, ,ZHES THA SNYAD PA'I DON THAMS CAD KUN RDZEB BDEN PAR GSUNGS PAS BDEN PA GNYIS SU SHES BYA THAMS CAD 'DU BA YIN NO, ,DE YANG GZHI GANG ZHIG BRDZUN PA SLU BA'I DON DU YONGS SU BCAD NA MI SLU BA'I DON YIN PA RNAMS PAR GCAD DGOS SLU MI SLU NI DNGOS SU PHAN TSUN SPANGS TE GNAS PA'I 'GAL BA'O, ,DE LTAR NI PA DE NI SHES BYA THAmD LA PHAN TSUN SPANGS PA'I TSUL GYIS KHYAB BYED DU 'JUG PAS PHUNG PO GSUM PA YANG LDOG PA YIN NO, ,DE'I PHYIR SHES BYA LA BDEN PA GNYIS SU GRANGS NGES PAR SHES PAR BYA'O, ,DE YANG, DNGOS KUN YANG DAG BRDZUN PA MTHONG BA YIS, ,DNGOS RNYED NGO BO GNYIS NI 'DZIN PAR 'GYUR, ,ZHES BDEN GNYIS KYI MTSAN NYID 'JOG TSUL DE NYID KYIS GRANGS NGES 'GRUB PA YIN NO, ,GNYIS PA NI, SANGS RGYAS RNAMS KYIS CHOS BSTAN PA'I TSUL BDEN PA GNYIS LA GNAS PA DANG, GANG DAG KUN RDZOB DANG DON DAM PA'I BDEN PA DE GNYIS KYI RNAMS PAR DBYE BA SNGAR BSHAD PA LTAR RNAM PAR MI SHES PA DE DAG GIS, SANGS RGYAS KYI BDEN PA NI RTEN 'BYUNG ZAB MO'I DE KHO NA NYID RNAMS PAR MI SHE SO, ,DE'I PHYIR RGYAL BA'I BSTAN PA'I DE KHO NA NYID SHES PAR

246b

'DOD NA BRTEN NAS SKYE BA DANG BRTEN NAS BTAGS PA'I KUN RDZOB PA CHU'I ZLA BA LTAR SNANG BA LA BYA BYED THAMS CAD 'THAD PA DANG, RGYU MTSAN DE NYID KYIS RANG GI NGO BOS YOD PA'I MTHA' DANG GTAN MED PA'I MTHA' GNYIS SPANGS PA'I DON DAM PA'I TSUL SHES PAR BYA'O, ,GSUM PA NI, GAL TE DON DAM PA SPROS PA DANG BRAL BA'I RANG BZHIN YIN NA 'O NA DE NYID BSTAN LA RAG MOD, PHUNG KHAMS SKYE MCHED DANG BDEN PA DANG RTEN 'BREL LA SOGS PA'I KUN RDZOB PA BSTAN PAS CI ZHIG BYA, DE NYID MA YIN PA NI SPANG PAR BYA BA YIN NA SPANG PAR BYA BA BSTAN PA DGOS PA MED DO ZHE NA, DE KHO NA NYID MA YIN BZHIN DU DER SNANG BA'I KUN RDZOB PA'I 'KHRUL PA RNAMS SPANG BAR BYA BA BDEN MOD KYI, BRJOD BYA DANG RJOD BYED DANG SHES PA DANG SHES BYA LA SOGS PA'I 'JIG RTEN PA'I DON DAM PA 'PHAGS PA LA LTOS PA'I THA SNYAD KUN RDZOB BA'I BDEN PA KHAS BLANGS PA LA MA BRTEN PAR, DAM PA'I DON NI BSTAN PAR MI NUS LA DE MA BSTAN PAR YANG RTOGS PAR MI NUS SHING, DAM PA'I DON NI MA RTOGS PAR MYA NGAN LAS 'DAS PA THOB PAR MI 'GYUR RO, ,DE'I PHYIR THAR PA THOB PA'I THABS YIN PA'I PHYIR CHU 'DOD PAS SNOD LTAR THOG MAR GDON MI ZA BAR KUN RDZOB JI LTAR GNAS PA KHAS BLANG PAR BYA'O, ,BZHI PA NI, RNAL 'BYOR PA KUN RDZOB KYI BDEN PA MI SHES PA TZAM GYIS BSKYED PA RANG BZHIN MED PAR RTOGS NAS, DE'I STONG PA NYID DON DAM PA'I MTSAN NYID CAN RTOGS PA NI MTHA' GNYIS SU LTUNG BAR MI 'GYUR TE, MTSAN NYID KYIS GRUB PA'I RANG BZHIN SNGAR YOD PHYIS

247a

, ,MED PAR 'DZIN PA'I RGYU MTSON SNGAR YANG MA DMIGS PA'I PHYIR DANG, 'JIG RTEN GYI KUN RDZOB GZUGS BRNYEN DANG 'DRA BA LA GNOD PA MA BYAS PAS LAS DANG LAS KYI 'BRAS BU LA YANG GNOD PA MA YIN NO, ,RNAL 'BYOR PA DES NI DON DAM PAR DNGOS PO YONG PAR SGRO 'DOGS PA YANG MIN TE, DNGOS PO RANG BZHIN MED PA KHO NA LA LAS DANG LAS KYI 'BRAS BU LA SOGS PA MTHONG BA'I PHYIR DANG, DNGOS PO RANG BZHIN GYIS GRUB PA YOD PA YIN PAR SHES PA'I PHYIR DANG, DNGOS PO RANG BZHIN GYIS GRUB PAR SMRA BA LTAR NA LAS DANG LAS KYI 'BRAS BU LA SOGS PA THAMS CAD MI RUNG BA'I PHYIR RO, ,GANG GI BDEN GNYIS KYI RNAM DBYE DE LTAR MA MTHONG BAR 'DU BYED RANG BZHIN MED PA'I STONG PAR MTHONG PA DES NI, RANG BZHIN MED PA'I STONG PAR MTHONG BA NA 'DU BYED RNAMS YOD PA MA YIN PAR RTOG PAR BYED LA, YANG NA NI STONG PA NYID 'GA' ZHIG BDEN PAR BRTAGS NAS DE'I RTEN DU DNGOS PO RANG BZHIN GYIS GRUB PA RTOG PAR BYED DO, ,DE GNYIS KA YANG STONG PA NYID LA LTA NYES PA YIN LA DE LTA NA DE LTAR LTA BA'I SHES RAB CHUNG BA RNAMS PHUNG PAR 'GYUR RO, ,PHUNG TSUL NI GAL TE RANG BZHIN MED PAR MTHONG BA NA BYA BYED BZHAGS MED PAS THAMS CAD YOD PA MA YIN NO ZHES RTOG NA NI SKUR 'DEBS KYI LOG LTAR 'GYUR TE, RIN CHEN 'PHRENG BA LAS, CHOS 'DI LOG PAR BZUNG GYUR NA, ,MI MKHAS RNAMS NI CHUD KYANG 'DZA', ,'DI LTAR MED PAR LTA BA YI, ,MI GTZANG DE NI BYING PAR 'GYUR, ,ZHES GSUNGS SO, ,CI STE YANG THAMS CAD

247b

LA SKUR PA MI 'DEBS NA NI DE'I TSE DNGOS PO 'DI DAG DMIGS BZHIN DU JI LTAR NA RANG BZHIN GYI YOD PAS STON PAR 'GYUR, DE'I PHYIR RANG BZHIN MED PA'I DON NI STONG PA NYID KYIS DON MA YIN NO ZHES NGES PAR STONG PA NYID SPONG PAR 'GYUR RO, ,DE SPANGS NA CHOS KYIS PHONGS PAR 'GYUR BA'I LAS KYIS NGAN 'GROR 'GRO BAR 'GYUR TE, RIN CHEN 'PHRENG BA LAS, GZHAN YANG 'DI NI LOG BZUNG NA, ,BLUN PO MKHAS PA'I NGA RGYAL CAN, ,SPONG BAS MA RUNG BDAG NYID CAN, ,MNAR MED PA NI SPYI'U TSUGS 'GRO, ZHES BSHAD DO, ,GAL TE PHAN 'DOGS PA DE RNAM PA GZHAN DU BZUNG NA PHAN MI 'DOGS MOD GNOD PA BYED PAR JI LTAR 'GYUR TE, 'BRU RNAMS GO RIM LAS NYAMS PAR BTAB PA NA 'DEBS PA PO BRLAG PAR BYED PA NI MA YIN NO ZHE NA, DE LTAR MIN PA'I DPE GZHAN NI JI LTAR TE DPER NA SBRUL SNGAGS DANG SMAN GYI STOBS KYIS MAN NGAG JI LTA BA BZHIN DU BZUNG NA NOR GYI PHUNG PO CHEN PO 'GUGS PA DE, JI LTAR NYE BAR BSTAN PA BOR NAS BZUNG NYES NA 'DZIN PA PO PHUNG BAR BYED PA DANG, YANG JI LTAR MAN NGAG JI BZHIN DU BSGRUBS PA'I RIG SNGAGS SGRUB PA PO LA PHAN 'DOGS PA DE, MAN NGAG LAS NYAMS PAS NYES PAR BSGRUBS NA SGRUB PA PO PHUNG BA BZHIN NO, ,LNGA PA NI, DE LTA STONG PA NYID LA LTA NYES NA 'DZIN PA PO PHUNG PAR BYE LA, SHES RAB ZHAN PA RNAmS KYIS KYANG DE KHO NA NYID KYI DON YANG DAG PAR 'DZIN MI NUS PA DE'I PHYIR, STON PA SANGS RGYAS NAS SEMS CAN GYI KHAMS DANG CHOS SHIN TU ZAB PA LA GZIGS TE, SHES RAB ZHAN PA DAG GIS RTEN 'BYUNG ZAB MO'I CHOS 'DI YI GTING RTOGS DKA'

248a

, ,BAR MKHYEN PAR GYUR NAS, THUB PA BCOM LDAN 'DAS KYI THUGS CHOS BSTAN PA LAS RAB TU LOG PAR GYUR PA YIN NO, ,DE LTAR YANG MDO LAS, BCOM LDAN 'DAS MNGON PAR RDZOGS PAR SANGS RGYAS NAS RING PO MA LON PAR 'DI SNYAM DU DGONGS TE, NGAS CHOS ZAB MO ZAB PAR SNANG BA PA RTAG PAR BYA BA MA YIN ZHING RTOG GE'I SPYOD YUL MA YIN PA ZHIB MO MKHAS SHING MDZANGS PAS RIG PAR BYA BA THUGS SU CHUD DE, DE GAL TE NGAS GZHAN DAG LA BSTAN NA GZHAN GYIS NGA'I DE RTOGS PAR MI 'GYUR TE DES NGA LA GNOD PAR 'GYUR ZHING ZHUM PAR 'GYUR, THUGS MI SPRO BAR 'GYUR BAS GANG BDAG NYID GCIG PU DGON PA RAB TU DBEN PAR MTHONG BA'I CHOS LA BDE BA LA REG PAR GNAS PA THOB PAS GNAS PAR BYA'O, ,ZHES RGYAS PAR GSUNGS SO, ,GNYIS PA NI, DE LTAR BDEN PA GNYIS PHYIN CI MA LOG PAR GNAS PA MA SHES PAR, GAL TE 'DI DAG KUN STONG NA, ,'BYUNG BA MED CING 'JIG PA MED, ,CES PA LA SOG PA'I SKYON DU THAL BAR 'GYUR BA MANG PO BKOD PA NI, BDEN PA GNYIS KYI RNAM GZHAG MA SHES PAS STONG PA NYID DANG STONG PA NYID KYI DON DANG STONG PA NYID KYI DGOS PA KHONG DU MA CHUD NAS BKOD PA YIN PAS, KHO BO CAG GIS STONG PA NYID DU SMRAS PA LA 'JUG PAR 'THAD PA MA YIN NO, ,DE'I PHYIR KHYOD NI STONG PA NYID LA NYAS PA MANG PO BRJOD NAS STONG PA NYID SPONG BAR BYED PA GANG YIN PA DE DE'I LUGS LA 'JUG PAR MI 'THAD DO, ,'DI LTAR KHYOD KYIS NI BYA BA BYED NUS KYI DNGOS PO MED PA'I

248b

DON STONG PA NYID KYI DON DU SGRO BTAGS NAS SKYON BRJOD PA YIN NA, KHO BO CAG NA DE LTAR MI 'DOD KYI RTEN CING 'BREL PAR 'BYUNG BA'I DON RANG BZHIN STONG PA'I DON DU 'CHAD PAS SUN 'BYIN 'DI DAG MI RIGS SO, ,DBU MA PA'I LUGS LA BYA BYED THAMS CAD MI 'THAD PA'I RTZOD PA NI, STONG PA RTEN 'BYUNG GI DON DU MA RTOGS PA'I RGYU MTSAN GYIS YIN PAR GSUNGS PA 'DI RTOGS PAR BYA BA LA 'BAD PAR BYA'O, ,GSUM PA NI, KHO BO CAG GI PHYOGS LA JI SKAD SMRAS PA'I SKYON MI 'JUG PAR MA ZAD BDEN PA LA SOGS PA RNAMS GZHAG THAmD CHOS SHIN TU 'THAD PA YIN TE 'DI LTAR LUGS GANG LA DNGOS PO THAMS CAD RANG GI MTSAN NYID KYIS GRUB PA'I RANG BZHIN GYIS STONG PA NYID RUNG BA DE LA JI SKAD SMRAS PA DE DAG THAmD RUNG BAR 'GYUR RO, ,RUNG LUGS NI KHO BO CAG NI RTEN CING 'BREL PAR 'BYUNG BA LA RANG BZHIN GYIS YOD PAS STONG PA'I STONG PA NYID DU SMRA STE, DE'I PHYIR GANG LA STONG PA NYID RUNG BA DE LA RTEN 'BREL RUNG LA, RTEN CING 'BREL BAR 'BYUNG BA NYID SDUG BSNGAL DU 'GYUR GYI RTEN CING 'BREL BAR MI 'BYUNG BA NI SDUG BSNGAL DU MI RUNG NGO, ,SDUG BSNGAL YOD NA NI SDUG BSNGAL KUN 'BYUNG BA DANG SDUG BSNGAL 'GOG PA DANG SDUG BSNGAL 'GOG PAR 'GRO BA'I LAM RUNG BAR 'GYUR RO, ,DE DAG YOD NA DE DAG SHES PA SOGS BZHI RUNG LA DE BZHI YOD NA 'BRAS BU RNAMS DANG DE LA GNAS PA RNAMS RUNG NGO, ,'BRAS GNAS DANG ZHUGS PA YOD NA DGE 'DUN DANG BDEN PA RNAMS YOD NA DAM PA'I CHOS DANG, DE GNYIS YOD NA

249a

, ,SANGS RGYAS RUNG LA DE'I PHYIR DKON MCHOG GSUM YANG RUNG NGO, ,'JI RTEN LAS 'DAS MA 'DAS KYI DNGOS PO THAMS CAD DANG CHOS DANG CHOS MA YIN PA DANG DE'I 'BRAS BU DANG 'JIG RTEN PA'I THA SNYAD DAG KYANG RUNG BAR 'GYUR RO, ,RUNG LUGS THAMS CAD NI YOD PA LA 'GREL PAS BSHAD CING DE YANG DBU MA PA'I LUGS LA YIN PAR GSUNGS PAS, YOD CES 'DOD NA YOD MTHAR LTUNG BA DANG RNAM GZHAG THAMS CAD GZHAN NGO KHO NA LA SKYEL BA NI DON MIN NO, ,GNYIS PA LA GSUM, SKYON 'GOD PA PO LA SKYON DE 'JUG PA'I RGYU MTSAN, DES RANG GI SKYON LA GZHAN GYI SKYON DU BZUNG TSUL, SKYON DE RNAMS GANG YIN GSAL BAR BSTAN PA'O, ,DANG PO NI, LUGS GANG LA RANG BZHIN GYIS YOD PAS STONG PA NYID MI RUNG BA DE LA, RTEN 'BREL MI RUNG BAS RNAM GZHAG THAMS CAD MI RUNG BAR 'GYUR TE, JI LTAR MI RUNG BA'I TSUL NI RGYAS PAR 'CHAD PAR 'GYUR RO, ,GNYIS PA NI, DE LTAR KHO BO CAG GI PHYOGS CHOS YONGS SU DAG CING 'KHOR 'DAS KYI RNAM GZHAG THAMS CAD DANG MI 'GAL BAR GNAS PA YIN DANG, RANG GI PHYOGS RAGS PA SHIN TU NYE BSKYON DANG LDAN PA DANG 'GAL BA LA, SHIN TU BLUN PAS YON TAN DANG SKYON JI LTAR GNAS PA MA MTHONG BA KHYOD NI RANG GI SKYON RNAMS PA LA SKYON DU SGYUR BAR BYED PA YIN TE, DPER NA 'GA' ZHIG RTA LA ZHON BZHIN DU RTA DE NYID BRJED PAR GYUR BA'I TSE, RTA DE GZHAN GYIS PHROGS PA'I NYES PAS GZHAN LA KLAN KA TSOL BA DE BZHIN DU,

249b

DANG BZHIN GYIS YOD PAS STONG PA RTEN 'BYUNG GI MTSAN NYID CAN GYI RTA LA ZHON BZHIN DU, SEMS GA-YENGS PAS DE MA DMIGS PA NA KHO BO CAG LA RTZOD PA YIN NO, ,GSUM PA NI, GANG DAG MA DMIGS PAS STONG PA NYID DU SMRA BA KHO NA LA KLAN KA TSOL BA'I GZHAN GYI SKYON DE DAG KYANG GANG ZHE NA, DE STONG PA NI, GAL TE KHYOD DNGOS PO RNAMS RANG BZHIN LAS SAM RANG BZHIN GYIS YOD PAR RJES SU LTA BAR BYED NA, DE LTA YIN NA RANG BZHIN RGYU RKYEN GYIS MI SKYED PAS, DNGOS PO RNAMS RGYU DANG RKYEN LA LTOS PA ME DPAR KHYOD LTA BA YIN NO, ,GAL TE BUM PA RANG BZHIN GYIS YOD PAR RTOG NA DE LA 'JIG PA LA SOGS PA'I RGYU DANG RKYEN DAG GIS DGOS PA MED LA BUM PA ZHES PA'I 'BRAS BU RGYU MED PA YANG MI 'THAD DO, , BUM PA MED NA NI BYED PA PO RDZA MKHAN DANG BYED PA 'KHOR LO LA SOGS PA DANG BUM PA BYED PA'I BYA BA YANG MED DE, ,DE DAG MED PAS SKYE BA DANG NI 'GAG PA YANG MED PAS 'BRAS BU LA YANG GNOD PA BYED DO, ,MDOR NA RGYU 'BRAS DANG SKYE 'GAG SOGS GZHAG TU MI RUNG BA NI DNGOS PO RANG BZHIN GYIS YOD PAR SMRA BA KHO NA LA SKYON DU 'GYUR BAS KHYOD NYID KYIS SKYON KHO BO CAG GI SKYON DU BSGYUR PA'O, ,GNYIS PA NI, KHO BO CAG GI PHYOGS LA RNAM GZHAG THAMS CAD 'THAD PA'I RGYU MTSAN NI KHO BO CAG GIS RGYU RKYEN LA RTEN CING 'BREL PAR 'BYUNG BA GANG YIN PA DE NI, RANG BZHIN GYIS SKYES PAS STONG PA'I DON NYID DU BSHAD PA LTAR 'DOD PA'I PHYIR RO, ,GANG LAS DE LTAR BSHAD PA NI MA DROS PAS ZHUS PA LAS, GANG

250a

, ,ZHIG RKYEN LAS SKYES BA DE MA SKYES PA, ,DE LA SKYE BA'I RANG BZHIN YOD MA YIN, ,ZHES DANG, LA DKAR GSHEGS PA LAS, BLO GROS CHEN PO RANG BZHIN GYIS MA SKYES PA LA DGONGS NAS NGAS CHOS THAmD SKYE BA MED PAR GSUNGS SO, ,ZHES DANG, 'PHAGS PA BRGYA LNGA BCU PA LAS KYANG, CHOS THAmS CAD NI STONG PA STE RANG BZHIN MED PA'I TSUL GYIS SO, ,ZHES BSHAD PA RNAMS YIN NO, ,DE LA LUNG DANG POS NI RKYEN LAS SKYES PA'I RTEN 'BYUNG GI GTAN TSIGS KYIS RANG BZHIN GYIS SKYE BA 'GOG PA DANG, RKYEN LA RAG LAS PA'I DON NYID RANG BZHIN GYIS YOD PAS STON PA'I DON DU GSUNGS PAS, RGYU RKYEN LA BRTEN NAS SKYE 'GAG BYED PA'I RTEN 'BREL LA RANG BZHIN GYIS YOD PAS KHYAB PAR SMRA BA DANG, RANG BZHIN MED PA LA BYA BYED GZHAG SA ME PAR 'DOD PA THAMS CAD BKAG PA YIN TE, MA SKYE BA DANG RANG BZHIN GYIS MA SKYES PA'I KHYAD PAR LEGS PAR PHYE BA'I PHYIR RO, ,LUNG GNYIS PAS NI STON PA RANG GIS SKYES PA MED PAR GSUNGS PA RNAMS RANG BZHIN GYIS MA SKYE SPA LA DGONGS PA YIN PO ZHES RANG GI DOGS PA RNA GIS BLANGS NAS BSHAD PAS, DNGOS PO LA SKYES BA BKAG PA'I MDO STE RNAM KYI DON SKYE BA GTAN MED DU MI BYE DPA RANG BZHIN GYIS MA SKYES PA'I DON DU ZUNG ZHIG CES PA'I DON NO, ,LUNG GSUM PAS NI STONG PA'I DON RANG BZHIN GYIS YOD PAS STON PA'I RANG BZHIN MED PAR GSUNGS PAS RANG BZHIN GYIS MED PA DANG MED PA GNYIS KYI KHYAD PAR STON PA YIN NO, ,GAL TE RANG BZHIN GYIS

250b

GRUB PAS STONG PA'I DON RTEN 'BYUNG GI DON YIN NO ZHES MANG DU GSUNGS NA 'DI'I DON GANG YIN, JI LTAR LTO LDIR BA BUM PA'I DON DU 'JOG PA LTA BU'I DON YIN NA NI, 'BRAS BU RNAMS RGYU RKYEN LA BRTEN NAS 'BYUNG BAR NGES PA'I BLO DE NYID KYIS STONG PA'I DON YANG NGES PAR 'GYUR PAS MI RIGS SO, ,'ON TE RTEN 'BREL RJOD BYED KYI SGRA'I DON NYID STONG PA'I DON DU 'DOD NA'ANG GNOD PA DE NYID YOD DO, ,CI STE RTEN 'BREL DNGOS SU NGES PA'I SHUGS KYI DON LA 'DOD NA'ANG SNGAR LTAR MI 'THAD PAS 'DI'I DON GANG YIN SNYAM NA DE LTAR NI MI 'DOD DO, ,'O NA JI LTAR 'JOG SNYAM NA, STONG PA'I DON RTEN 'BYUNG GI DON DU 'GRO BA NI RANG BZHIN GYIS GRUB PA TSAD MAS KHEGS PA'I DBU MA PA RNAMS LA YIN GYI GZHAN LA MIN NO, ,DE 'DRA BA'I DBU MA PA LA NI PHYI NANG GI DNGOS PO RNAMS RGYU LA RAG LAS PA'I RTEN 'BYUNG DU DNGOS SU NGES PA NA, BLO DE NYID KYI MTHU LA BRTEN NAS RANG BZHI NYI YOD PS STON PA DON DU NGES PAR 'GYUR RO, ,DANG BZHIN GYIS GRUB PA GZHAN LA LTOS PA MED PAR RTOGS SHAD DE DANG RTEN 'BYUNG GNYIS 'GAL BAR TSAD MAS RTOGS PA'I PHYIR RO, ,DES NA RTEN 'BYUNG NYID KYIS RANG BZHIN GYIS YOD PA KHEGS PA'I STONG NYID LA NGES RNYED PAS NI, NAM MYU GU LA SOGS PA RGYU RKYEN LA LTOS PAR MTHONG BA DANG THOS PA DANG DRAN PA'I MOD LA RGYU MTSAN DE NYID KYIS RANG BZHIN MED PA YIN PA'I TSUL SEMS PA LA GOMS PAR BYA'O, ,DE LTAR BYAS NA TSE RABS GZHAN DU RANG BZHIN MED PA'I STONG PA DNGOS SU MA BSHAD KYANG RTEN 'BYUNG

251a

, ,GI CHOS BSHAD PA NYID KYIS STONG PA NYID KYI LTA BA'I BAG CHAGS SAD PAR 'GYUR TE, RTA THUL GYIS KUN TU RGYU NYE RGYAL LA BDEN PA BZHI'I RTEN 'BREL TZAM ZHIG BSHAD PAS DE KHO NA NYID RTOGS PA BZHIN NO, ,RANG BZHIN MED PA'I STONG PA DE NI BRTEN NAS GDAGS PAR BZHAG STE, 'KHOR LO LA SOGS PA SHING RTA'I YAN LAG LA BRTEN NAS SHING RTAR 'DOGS LA, RANG GI YAN LAG LA BRTEN NAS BTAGS PA NI RANG BZHIN GYIS MA SKYES PA'I STONG PA'O, ,RANG BZHIN GYIS MA SKYES PA'I STONG PA NYID DE NI YOD MED KYI MTHA' GNYIS SPANGS PAS DBUS DANG DE'I LAM STE DBU MA PAS BGROD PA'I SHUL YIN NO, ,DE BZHIN DU RTZOD ZLOG LAS KYANG, GANG GIS STONG DANG RTEN 'BYUNG DANG, ,DBU MA'I LAM DU DON GCIG PAR,, GSUNGS MCHOG MTSUNGS PA MED PA YI, ,SANGS RGYAS DE LA PHYAG 'TSAL LO, ,ZHES DE GSUM RNAM GRANGS PAR GSUNGS SO, ,GANG GI PHYIR RTEN CING 'BREL PAR 'BYUNG BA MA YIN PA'I CHOS 'GA' YANG YOD PA MA YIN LA, RTEN 'BYUNG YANG RANG BZHIN GYIS GRUB PAS STONG PA DE'I PHYIR RANG BZHIN GYIS YOD PAS STONG PA MA YIN PA'I CHOS 'GA' YANG YOD PA MA YIN NO, ,RGYA MTSOS ZHUS PA LAS KYANG, MKHAS PAS RTEN 'BYUNG CHOS RNAMS RTOGS GYUR TE, ,MTHAR LTA BA LA RTEN PAR YANG MI BYED, ,RGYU DANG BCAS SHING RKYEN BCAS CHOS SHES KYI, ,RGYU MED RKYEN MED CHOS NYID YOD MA YIN, ,ZHES GSUNGS SO, ,GSUM PA LA DRUG, SHES BYA BDEN PA BZHI MI RUNG BA DANG, BDEN BZHI SHES PA SOGS DANG 'BRAS BU

251b

BZHI MI RUNG PA DANG, DKON MCHOG GSUM MI RUNG BA DANG, BYED PA PO DANG LAS 'BRAS MI RUNG BA DANG, 'JIG RTEN PA'I THA SNYAD MI RUNG BA DANG, 'JIG RTEN LAS 'DAS PA'I THA SNYAD MI RUNG BA'O, ,DANG PO NI, GAL TE PHYI NANG GI DNGOS PO 'DI KUN RANG BZHIN GYIS GRUB PAS MI STONG PA LTAR NA NI 'BYUNG BA SKYE BA MED CING 'JIG PA MED PAR 'GYUR RO, ,DE'I TSE 'PHAGS PA'I BDEN PA BZHI PO RNAMS KHYOD LA MED PAR THAL BAR 'GYUR TE, CI'I PHYIR ZHE NA, GANG ZHIG RANG BZHIN GYIS GRUB PA DE NI RTEN 'BYUNG MA YIN LA, RTEN CING 'BREL PAR 'BYUNG BA MA YIN NA MI RTAG PA MA YIN TE NAM KHA'I ME TOG BZHIN NO, ,DE'I PHYIR SDUG BSNGAL GYI BDEN PA YOD PAR GAL 'GYUR TE GANG MI RTAG PA DE NI SDUG BSNGAL LO, ,ZHES BCOM LDAN 'DAS KYIS GSUNGS SO, ,ZAG BCAS KYI MI RTAG PA RNAMS SDUG BSNGAL DU GSUNGS PA DE RANG BZHIN NYID LA STE RANG BZHIN GYIS YOD PAR KHAS LEN NA DNGOS PO RNAMS LA YOD PA MA YIN PAS SDUG BSNGAL MI RUNG NGO, ,SDUG BSNGAL RANG BZHIN LAS NI YOD PA YIN NA DE YANG SKYE BA MED PAS KUN 'BYUNG LAS CI ZHIG KUN TU 'BYUNG BAR 'GYUR TE MI 'GYUR RO, ,DE'I PHYIR SDUG BSNGAL RANG BZHIN GYIS GRUB PAS STONG PA LA GNOD PA BYED PA LA KUN 'BYUNG YOD PA MA YIN TE, 'DI LAS SDUG BSNGAL KUN 'BYUNG BAS KUN 'BYUNG DU 'JOG PA'I PHYIR RO, ,SDUG BSNGAL RANG BZHIN GYIS YOD PA LA STE YOD NA SDUG BSNGAL 'GOG PA'I BDEN PA YOD PA MA YIN TE RANG BZHIN DE 'DRA LA DUS NAM YANG LDOG

252a

, ,PA MED PA'I PHYIR RO, ,DE LTAR NA RANG BZHIN GYIS YOD NA DUS KUN TU YONGS SU GNAS DGOS PA'I PHYIR RANG BZHIN GYIS YOD PA'I PHYOGS BZUNG NAS STONG PA SMRA BA LA PHYIR ZLOG PAR BYED PA NI, SDUG BSNGAL 'GOG PA'I BDEN PA LA GNOD PAR BYED PA YIN NO, ,LAM GYIS BDEN PA LA RANG BZHIN GYIS GRUB PA YOD NA NI DAM BSGOMS KYANG YOD PAS BSGOM PA 'THAD PAR MI 'GYUR TE DE LA YANG BSGOMS PAS CI ZHIG BYA, CI STE LAM GYI BDEN PA DE BSGOM PAR BYA BAR KHAS LEN NA, KHYOD KYI 'PHAGS PA'I LAM RANG BZHIN GYIS YOD PA MA YIN PAR 'GYUR TE BYA BA YIN PA'I PHYIR RO, ,SDUG BSNGAL 'GOG PA THOB PAR BYA BA DANG KUN 'BYUNG SPANG BAR BYA BA'I PHYIR LAM SGOM PA YIN NA, DNGOS PO RANG BZHIN GYIS GRUB PAR SMRA BA LTAR NA, GANG GI TSE SDUG BSNGAL GYI PHUNG PO KUN 'BYUNG BA DANG SDUG BSNGAL 'GOG PA'I BDEN PA YOD PA MA YIN NA, LAM BDEN GYIS KUN 'BYUNG SPONG BA'I SGO NAS SDUG BSNGAL 'GOG PA'I BDEN PA NI GANG ZHIG THOB PAR 'DOD PA'I 'GOG PA MED PAS LAM SGOM PA MI 'THAD DO, ,GNYIS PA NI, GAL TE SDUG BSNGAL SNGAR YONGS SU SHES PA MA YIN PA'I RANG BZHIN NYID KYIS GNAS PA YIN NA, DE NI PHYIS JI LTAR NA YONGS SU SHES PAR 'GYUR ZHES PA MI 'GYUR TE, RANG BZHIN GYIS GRUB PA DE NI MA'I TSA BA LTAR YANG DAG PAR GNAS PA MA YIN NAM STE YIN PA'I PHYIR TE, RANG BZHIN GYIS GRUB PA DANG GZHAN DU 'GYUR BA GNYIS 'GAL BA'I PHYIR RO, ,YONGS SU SHES

252b

PA MI SRID PA DE BZHIN DU NI KHYOD KYI LTAR NA KUN 'BYUNG SPANG BA DANG 'GOG PA MNGON DU BYA BA DANG LAM BSGOM PA YANG MI RUNG STE, KUN 'BYUNG SNGAR MA SPANGS PA'I RANG BZHIN GYIS GNAS PA NI PHYIS KYANG SPONG BAR MI 'GYUR BA'I PHYIR TE RANG BZHIN LA LDOG PA MED PA'I PHYIR, SNGAR YONGS SHES LA BSHAD PA BZHIN DU DGAG STE GZHAN GNYIS LA YANG DE LTAR SBYAR RO, ,YONGS SHES BZHIN DU RGYUN DU ZHUGS PA'I 'BRAS BU LA SOGS PA 'BRAS BU BZHI YANG, SNGAR MED NA PHYIS KYANG YOD PA MI SRID PAR 'GYUR RO, ,'BRAS BU BZHI SNGAR THOB PA MIN PA'I RANG BZHIN NYID KYIS GNAS PA GANG YIN PA DE, PHYIS JI LTAR 'THOB PAR NUS PAR 'GYUR ZHES PA MI 'GYUR TE, RANG BZHIN YONGS SU 'DZIN PA STE RANG BZHIN LA LDOG PA MED PA'I PHYIR RO, ,GSUM PA NI, 'BRAS BU BZHI DANG DE DAG THOB PA MED NA 'BRAS BU LA GNAS PA DANG DE'I PHYIR DU ZHUGS PA BZHI DAG KYANG YOD PA MA YIN NO, ,GAL TE SKYES BU ZUNG BZHI DANG GANG ZAG YA BRGYAD DO DE DAG MED NA DGE 'DUN DKON MCHOG MED PAR 'GYUR LA, 'PHAGS PA'I BDEN PA RNAMS MED PA'I PHYIR DAM PA'I CHOS DKON MCHOG KYANG YOD PA MA YIN NO, ,CHOS DANG DGE 'DUN DKON MCHOG YOD PA MIN NA SANGS RGYAS JI LTAR NA YOD PAR 'GYUR TE MI 'GYUR RO, ,DE DANG NI SNGAR BSHAD PA LTAR SHES PAR BYA'O, ,GAL TE KHYOD KYI LTAR SANGS RGYAS ZHES PA 'GA' ZHIG RANG BZHIN GYIS YOD NA NI, BYANG CHUB STE THAMS CAD MKHYEN PA'I YE SHES LA MA BRTEN PAR TE MA LTOS PAR 'GYUR TE, RANG BZHIN DAG NI BCOS

253a

, ,MIN DANG, ,GZHAN LA LTOS PA MED PA YIN, ,ZHES GSUNGS PA'I PHYIR RO, ,DE BZHIN DU KHYOD KYI BYANG CHUB THAMS CAD MKHYEN PA'I YE SHES KYANG SANGS RGYAS LAM BRTEN PA TE MA LTOS PAR RTEN MED DU THAL BAR 'GYUR TE RANG BZHIN GYIS GRUB PA'I PHYIR RO, ,GZHAN YANG KHYOD KYI LTAR NA SANGS RGYAS PA'I SNGON ROL DU SANGS RGYAS PA MIN PA'I NGO BOR RANG BZHIN NYID KYIS GNAS PA'I GANG ZAG DES, BLA NA MED PA'I BYANG CHUB THOB PA'I PHYIR DU BYANG CHUB SEMS DPA'I SPYOD PA LA BRTZAL YANG BYANG CHUB THOB PAR MI 'GYUR TE, RANG BZHIN DE 'DRA BA DE NAM YANG LDOG PA MED PA'I PHYIR RO, ,BZHI PA NI, GZHAN YANG RANG BZHIN GYIS GRUB PAR KHAS LEN NA GANG ZAG 'GA' YANG CHOS DGE BA DANG CHOS MIN PA MI DGE BA NAM YANG BYED PAR MI 'GYUR TE, RANG BZHIN GYIS YOD PAS MI STONG PA LA BYA BA CI ZHIG YOD DE, RANG BZHIN GYIS YOD PA LA NI BYA BA MI 'THAD PA'I PHYIR RO, ,GZHAN YANG 'BRAS BU RANG BZHIN GYIS YOD PAR SMRA NA CHOS DANG CHOS MIN PA BYAS PA MED PAR YANG, DE GNYIS KYI RGYU CAN GYI 'BRAS BU YID DU 'ONG BA DANG YID DU MI 'ONG BA KHYOD LA YOD PAR 'GYUR RO, ,DE LTAR NA 'BRAS BU DE DAG GI DON DU LAS GNYIS BYED PA DON MED PAR 'GYUR BAS, CHOS DANG CHOS MIN GYIS RGYUS 'BYUNG BA'I 'BRAS BU GNYIS LAS GNYIS BYAS PA MED PAR KHYOD LA YOD PA MA YIN NO, ,GAL TE 'BRAS BU GNYIS CHOS DANG CHOS MIN PA'I RGYUS 'BYUNG BA KHYOD LA YOD NA NI, 'BRAS BU GNYIS PO DE CI'I

253b

PHYIR RANG BZHIN GYIS GRUB PAS STONG PA MA YIN ZHES PA YIN TE, CHOS DANG CHOS MIN LAS 'BYUNG BA'I RTEN 'BREL YIN PA'I PHYIR GZUGS BRNYAN BZHIN NO, ,LNGA PA NI, DNGOS PO RANG BZHIN GYIS GRUB PAR SMRA BA NI RTEN CING 'BREL PAR 'BYUNG BA YI STONG PA NYID LA GNOD PA BYED PA YIN LA, DE LTAR BYED PA GANG YIN PA DE NI SONG ZHIG BYOS SHIG LHOGS SHIG 'DUG CIG CES PA LA SOGS PA 'JIG RTEN PA'I THA SNYAD NI KUN LA GNOD PA BYED PA YIN NO, ,GZHAN YANG DNGOS PA RNAMS RANG BZHIN GYIS GRUB PAS STONG PA NYID LA GNOD PA BYED NA, DE'I TSE RANG BZHIN GYIS GRUB PA NI MA BYAS KYANG YOD PAS SUS KYANG BYA BA CI YANG BYED PA MED PAR 'GYUR RO, ,RTZOM PA MED PA STE BYED BZHIN PA MA YIN PA YANG BYA BAR 'GYUR LA, BYA BA CI YANG MI BYED PA YANG BYED PA POR 'GYUR NA DE YANG MI RIGS PAS DNGOS PO RNAMS RANG BZHIN GYIS GRUB PAS MI STONG PA MA YIN NO, ,GZHAN YANG CHOS RNAMS RANG BZHIN GYIS YOD NA 'GRO BA RNAMS MA SKYES PA DANG MA 'GAGS PAR 'GYUR TE, RANG BZHIN BCOS MA MA YIN PA DANG NAM YANG LDOG PA MED PA'I PHYIR RO, ,MA SKYES SHING MA 'GAGS NA 'GRO BA RNAMS THER ZUG TU NI GNAS PAR 'GYUR BA DANG, RGYU RKYEN LA MI LTOS PAS 'GRO BA RNAMS GNAS SKABS SNA TSOGS PA RNAMS DANG BRAL BAR 'GYUR RO, ,JI SKAD DU BCOM LDAN 'DAS KYIS, MI STONG CUNG ZHIG YOD NA RGYAL BA YIS, ,'GA' YANG LUNG STON MI GSUNG 'GYUR MED PAR, ,RANG RANG DNGOS LA THER ZUG GNAS DE LA, ,'PHEL BAR BYED CING

254a

, ,YONGS SU NYAMS PA MED, ,CES DANG, GLANG PO'I RTZAL GYI MDO LAS KYANG, GAL TE CHOS RNAMS RANG BZHIN 'GA' YOD NA, ,RGYAL BA NYAN THOS BCAS PAS DE MKHYEN 'GYUR, ,THER ZUG CHOS RNAMS MYA NGAN 'DA' MI 'GYUR, ,MKHAS RNAMS NAM YANG SPROS PA MED MI 'GYUR, ,ZHES GSUNGS TE MDO SDE 'DI NI STONG PA RTEN 'BYUNG GI DON DU STON PA SHIN TU GSAL LO, ,DRUG PA NI, GAL TE RANG BZHIN GYIS GRUB PAS STONG PA YOD PA MIN NA SNGAR 'BRAS BU MA THOB PA PHYIS THOB PAR BYA BA DANG, SNGAR SDUG BSNGAL ZAD PA'I MTHAR MA BYAS PA PHYIS SDUG BSNGAL ZAD PA'I MTHAR BYAD PA DANG, SNGAR LAS DANG NYON MONGS PA THAMS CAD SPANGS PAR MA GYUR PA PHYIS SPONG BA'ANG MED PAR 'GYUR PAS, 'JIG RTEN LAS 'DAS PA'I THA SNYAD THAMS CAD KYANG MI 'THAD PAR 'GYUR RO, ,BZHI PA NI, GANG GI PHYIR DNGOS PO RANG BZHIN GYIS GRUB PAR KHAS BLANGS NA RNAM GZHAG THAMS CAD MI 'THAD PA DE'I PHYIR, RNAL 'BYOR PA GANG GIS STONG PA NYID RTEN CING 'BREL PAR 'BYUNG BA'I MTSAN NYID CAN MTHONG BA DES NI, SDUG BSNGAL DANG KUN 'BYUNG DANG 'GOG PA DANG LAM STE BDEN PA BZHI PO DE DAG GI DE KHO NA NYID MTHONG BA YIN NO, ,JI SKAD DU, 'PHAGS PA BSAM GTAN PA'I DPE MKHYUD KYI MDO LAS, BCOM LDAN 'DAS 'PHAGS PA'I BDEN PA BZHI PO RNAMS LA JI LTAR KHUMS PAR BGYI, BCOM LDAN 'DAS KYIS BKA' STZAL PA, 'JAM DPAL GANG GIS 'DU BYED THAmD MA SKYES PAR MTHONG BA DES NI SDUG BSNGAL YONGS SU SHES PA YIN NO, ,GANG

254b

GIS CHOS THAMS CAD 'BYUNG BA MED PAR MTHONG BA DES NI KUN 'BYUNG BA SPANGS PA YIN NO, ,GANG ZHIG CHOS THAMS CAD GTAN MYA NGAN LAS 'DAS PAR MTHONG BA DES NI 'GOG PA MNGON DU BYAS PA YIN NO, ,GANG GIS CHOS THAMS CAD SHIN TU MA SKYES PAR MTHONG BA DES NI LAM BSGOMS PA YIN NO, ,'JAM DPAL GANG GIS DE LTAR 'PHAGS PA'I BDEN PA BZHI MTHONG BA DE NI CHOS 'DI DAG NI DGE BA'O, ,CHOS 'DI DAG NI MI DGE BA'O, ,CHOS 'DI DANG NI SPANG BAR BYA'O, ,CHOS 'DI DAG NI MNGON DU BYA'O, , SDUG BSNGAL YONGS SU SHES PAR BYA KUN 'BYUNG SPANG BAR BYA 'GOG PA MNGON DU BYA LAM BSGOM PAR BYA'O ZHES MI RTOG RNAM PAR RTOG PAR MI BYED DO, ,'DI LTAR GANG BRTAG PAR BYA BA'I CHOS DE DES MA MTHONG BA'I PHYIR RO, ,BYIS PA SO SO'I SKYE BO RNAMS NI CHOS DE DAG MNGON DU RTOG PA NA CHAGS PAR 'GYUR RO, ,SDANG BAR 'GYUR RO, ,RMONGS PAR 'GYUR RO, ,DE CHOS 'GA' YANG MI LEN MI 'DOR DE LTAR MI LEN MI 'DOR BA DE NI KHAMS GSUM LA SEMS CHAGS PAR MI 'GYUR RO, ,KHAMS GSUM THAmD MA SKYES PA DANG SGYU MA LTA BU DANG RMI LAM LTA BU DANG BRAG CHA LTA BUR MTHONG NGO, ,CHOS THAMS CAD DE LTA BU'I RANG BZHIN DU MTHONG BAS SEMS CAN THAMS CAD LA RJES SU CHAGS PA DANG KHONG KHRO BA DANG BRAL BAR 'GYUR RO, ,DE CI'I PHYIR ZHE NA, 'DI LTAR NGES GANG LA RJES SU CHAGS PA DANG KHONG KHRO BAR 'GYUR BA'I CHOS DE MA DMIGS PA'I PHYIR RO, ,DES SEMS NAMKHA' DANG MNYAM PAS SANGS RGYAS KYANG YANG DAG PAR RJES SU MI MTHONG NGO, ,CHOS KYANG YANG DAG PAR RJES SU MI MTHONG DGE 'DUN

255a

, ,YANG YANG DAG PAR RJES SU MI MTHONG ZHING CHOS THAMS CAD STONG PA'O ZHES BYA BAR MTHONG BAS CHOS GANG LA YANG SOM NYI SKYED PAR MI BYED DO, ,SOM NYI MED PAS NYE BAR LEN PA MED PAR 'GYUR RO, ,NYE BAR LEN PA MED PAS LEN PA MED PAR YONGS SU MYA NGAN LAS 'DA'O, ,ZHES GSUNGS SO, ,GNYIS PA NI, DBU MA PAS 'KHOR 'DAS KYI CHOS RNAMS LA RANG BZHIN GYIS GRUB PA CUNG ZAD KYANG MED PAR BSTAN PA NA, PHA ROL POS LUGS DE LA 'JIG RTEN DANG 'JIG RTEN LAS 'DAS PA'I RNAM GZHAG GANG YANG BYAR MED PAR 'GYUR RO ZHES RTZOD PA YIN LA, DE'I LAN DU RNAM PAR DPYAD NAS DE LTAR 'GOG PA'I RIG PAS DPYAD BZOD PA RDUL TZAM YANG MED PAS, GZHAN LUGS LA 'DI YIN DANG 'DI MA YIN GYI RNAM GZHAG GANG YANG BYAR MED PA'I SKYON YOD PA DANG, RANG LUGS LA SKYON DE DAG MED PAR MA ZAD RNAM GZHAG THAMS CAD CHOS SHIN TU 'THAD PAR NI RAB BYED 'DIS GTZO BOR STON NO, ,DE YANG STONG PA'I DON RTEN 'BYUNG GI DON YIN GYI BYA BYED KYI DNGOS PO BKAG PA STONG PA'I DON MIN PA LA THUG PAS, DBU MA'I TSUL LA MOS PA'I RNAM DPYOD CAN YIN NA NI TSUL DE LTAR DU SMRA BAR BYA'O, DNGOS POR SMRA BA RNAMS KYIS 'JIG RTEN PA DANG 'JIG RTEN LAS 'DAS PA'I RNAM GZHAG GANG YANG KHYOD KYI LUGS 'DI LA BYAR MI RUNG NGO ZHES NAN GYIS 'PHUL BA LA, KHO BO CAG GI LTAR NA GANG LA YANG 'DI YIN DANG 'DI MA YIN GYI NGES GZUNG GI RNAM GZHAG BYAR MI RUNG NGO ZHES, GZHAN GYIS 'PHUL MI DGOS PAR DANG PO NAS RANG NYID

255b

DE'I GSEB TU 'JUG PAR MI BYA'O, ,'PHAGS PA'I BDEN PA BRTAG PA ZHES BYA BA TSIGS SU BCAD PA BZHI BCU'I BDAG NYID RAB TU BYED PA NYI SHU RTZA BZHI PA'I RNAM PAR BSHAD PA'O,, ,,GNYIS PA MYANG 'DAS BRTAG PA LA GSUM, RAB BYED KYI GZHUNG BSHAD PA, DES DON GYI LUNG DANG SBYAR BA, DON BSDUS TE MTSAN BSTAN PA'O, ,DANG PO LA GNYIS, ,RTZOD PA DANG, LAN NI, ,DANG PO NI, 'DIR SMRAS PA, BCOM LDAN 'DAS KYIS THAR 'DOD RNAMS LA PHUNG PO LHAG MA DANG BCAS PA DANG LHAG MA MED PA'I MYA NGAN LAS 'DAS PA RNAM PA GNYIS GSUNGS TE, DE LA DANG PO NI CHOM RKU NPA KUN BSANG NAS GRONG TZAM ZHIG LUS PA LTAR 'JIG LTA LA SOGS PA'I NYON MONGS PA ZAD PAR SPANGS NAS SPYON GYI LAS NYON GYIS 'PHANGS PA'I PHUNG PO TZAM ZHIG LUS PA'I 'GOG PA STE MDO SDE LAS, MA ZHUM PA YI SEMS KYIS NI, ,TSOR BA DANG DU LEN PA NA, ,DE YI SEMS NI RNAM PAR GROL, ,MAR ME SHI BAR GYUR PA BZHIN, ,ZHES SO, GNYIS PA NI, CHOM RKUN PA KUN BSAD NAS GRONG YANG BCOM PA LTAR NYON MONGS PA KUN SPANGS PAR MA ZAD NYER LEN GYI PHUNG PO'I LHAG MA DANG YANG BRAL BA'I 'GOG PA STE MDO DE LAS, GANG NA LUS ZHIG 'DU SHES 'GAGS, , TSER BA THAMS CAD BRAL GYUR CING, ,'DU BYED NYE BAR ZHI BA DANG, ,RNAM PAR SHES PA NUB GYUR PA, ,ZHES SO, ,GAL TE PHYI NANG GI CHOS 'DI DAG KUN RANG BZHIN GYIS GRUB PAS STONG NA 'BYUNG BA STE SKYE BA DANG 'JIG PA CUNG ZAD KYANG MED PAS

256a

, ,NYON MONGS BA GANG ZHIG SPANG BA STE SPANGS PA DANG NYER LEN GYI PHUNG PO GANG ZHIG 'GAGS PA LAS MYANG 'DAS GNYIS KYIS GO NAS MYA NGAN LAS 'DA' BAR 'GYUR BAR 'DOD CES PA DE LTAR 'DOD PAR MI RIGS TE, PHUNG PO DANG NYON MONGS RANG BZHIN GYIS MA GRUB PA'I PHYIR RO, ,DE YI PHYIR DNGOS PO RNAMS RANG BZHIN GYIS YOD DO ZHES 'DZER TO, ,GNYIS PA LA BZHI, DNGOS PO RANG BZHIN GYIS GRUB PA'I PHYOGS LA MYANG 'DAS MI 'THAD PA DANG, RANG GI LUGS GYIS MYANG 'DAS NGOS GZUNG BA DANG, DE LAS TSUL GZHIN DU SMRA BA DGAG PA DANG, DE LTAR BKAG PA LA LUNG DANG 'GAL BA SPANG BA'O, ,DANG PO NI, GAL TE PHYI NANG GI CHOS 'DI DAG KUN RANG BZHIN GYIS YOD PAS MI STONG NA, RANG BZHIN GYIS GRUB PA LA SNGAR MED GSAR DU 'BYUNG BA DANG SNGAR YOD GSAR DU 'JIG PA MED PAS NYON MONGS DANG PHUNG PO GANG ZHIG SPONG PA DANG 'GAGS PA LAS MYA NGAN LAS 'DA' BAR 'GYUR BAR 'DOD PA MI RIGS TE, NYON MONGS DANG PHUNG PO RANG BZHIN GYIS GNAS PA RNAMS LDOG PAR MI 'GYUR BA'I PHYIR TE, DE 'DRA BA'I RANG BZHIN LA LDOG PA MED PA'I PHYIR RO, ,GNYIS PA NI, STONG PA NYID DU SMRA BA RNAMS KYIS NI NYON MONGS PA DANG PHUNG PO RANG BZHIN GYIS SNGAR GRUB PA PHYIS LDOG PA'I MYANG 'DAS MI 'DOD PAS 'BYUNG 'JIG MED PAS MYANG 'DAS MI RUNG BA'I SKYON MED DO, ,'O NA DE DAG GIS MYANG 'DAS MTSAN NYID GANG DANG LDAN PAR 'DOD CE NA, GANG ZHIG CHAGS SOd LTAR SPANG PA DANG DGE SBYONG GI

256b

'BRAS BU LTAR THOB PA DANG NYER LEN GYI PHUNG PO LA SOGS PA LTAR CHAD PA DAG MI STONG PA LTAR RTAG PA STE DE BZHIR RANG BZHIN GYIS MA GRUB CING, RANG BZHIN GYIS 'GAG PA DANG SKYE BA MED PA SGROS PA THAMS CAD NYE BAR ZHI BA'I MTSAN NYID CAN DE NI MYA NGAN LAS 'DAS PAR BRJOD DO, ,DE'I PHYIR DE LA NYON MONGS SPANGS SHING PHUNG PO 'GAGS PAS MYA NGAN LAS 'DA' BAR 'DOD PA'I NYON MONGS DANG PHUNG PO RANG BZHIN GYIS GRUB PAR 'DZIN PA'I RTOG PA GA LA YOD, JI SRID DU RTOG PA DE GNYIS YOD PA DE SRID DU MYANG 'DAS THOB PA MIN TE SPROS PA DE DAG THAmD ZAD PA LAS DE 'THOB PA'I PHYIR RO, ,CI STE MYA NGAN LAS 'DAS PA'I DUS NA NYON MONGS SAM PHUNG PO MED MOD KYANG NGE THOB PA'I SNGA ROL NA DE RNAMS RANG BZHIN YIS YOD PAS DE DAG GI SPROS PA ZAD PA LAS MYA NGAN LAS 'DAS PAR 'GYUR RO SNYAM NA, MYA 'DAS KYI SNGA ROL NA RANG BZHIN GYIS YOD NA PHYIS ZAD PAR BYA BAR MI NUS PAS THAR 'DOD KYIS RTOG PA 'DI DOR BAR BYA STE, MYA NGAN 'DAS MTHA' GANG YIN PA, ,ZHES SOGS 'CHAD PAR 'GYUR BA'I PHYIR DANG TING NGE 'DZIN RGYAL PO LAS KYANG, MYA NGAN 'DAS LA CHOS RNAMS YOD NYID MED, ,CHOS GANG DER MED DE DAG GZHAR YANG MED, ,YOD DANG MED CES RTOG PA DANG LDAN ZHING, ,DE LTAR SPYOD RNAMS SDUG BSNGAL NYER MI ZHI, ,ZHES GSUNGS SO,, DE'I DON NI PHUNG PO LHAG MED KYI MYANG 'DAS KYI DBYINGS NA LAS DANG NYON MONGS DANG DE'I 'BRAS BU SKYE BA'I MTSAN NYID CAN GYI PHUNG PO'I CHOS RNAMS DANG BRAL BAS, DE RNAMS YOD PA MIN PA NI RGOL BA THAMS CAD KYIS 'DOD PA YIN NO, ,DER MED PA'I

257a

, ,CHOS DE DAG GZHAR YANG STE NAM YANG MED CES GSUNGS PAS NI 'KHOR BA'I SKABS SU YANG DE KHO NA NYID DU YOD PA MIN PAR BSTAN NO, ,'O NA JI LTAR 'KHOR SNYAM NA, RAB RIB CAN LA SKRA SHAD LA SOGS PAR SNANG BA LTAR BYIS PA BDAG DANG BDAG GI BAR 'DZIN PA'I PHYIN CI LOG GI GDON GYIS BZUNG BA RNAMS LA BDEN PAR SNANG BA NI RKANG PA THA MA GNYIS KYIS GSUNGS SO, ,DE YANG YOD PAR RTOG PA NI RGYAL DPOG DANG GZEGS ZAN DANG SER SKYA LA SOGS PA BYE BRAG TU SMRA BA LA THUG PA DANG, MED PAR RTOG PA NI RGYAD PHAN PA DANG 'DAS MA 'ONGS DANG RIG MIN DANG LDAN MIN RDZAS SU MED CING DE LAS GZHAN YOD PAR SMRA BA RNAMS DANG KUN BRTAGS RANG GI MTSAN NYID KYIS MED CING NGO BO NYID GZHAN, GNYIS NGO BOS YOD PAR SMRA BA'O, ,GAL TE RKANG PA DANG PO'I DON LHAG MED KYI MYANG 'DAS KYI DBYINGS NA SDUG KUN GYI CHOS RNAMS MED PA YIN NA, THEG DMAN GYI DGRA BCOM PA TSE'I 'DU BYED BTANG BA NI RIG PA'I RGYUN LOG BA 'DOD PAS DE LTAR SMRA MOD KYANG, RANG GI LUGS KYIS NI DE DAG KYANG MTHAR 'TSANG RGYA BAR BZHED PAS DE'I MYANG 'DAS LA PHUNG PO'I LHAG MA YOD MED JI LTAR BZHED CE NA, RIGS PA DRUG CU PA'I 'GREL PA LAS; MDO LAS NI GANG PHUNG PO 'DI MA LUS PAR SPANGS PA NGES PAR SPANGS PA BYANG PAR GYUR BA ZAD PA 'DOD CHAGS DANG BRAL BA 'GOG PA NYE BAR ZHI BA NUB PA, SDUG BSNGAL GZHAN GYI MTSAMS MI SBYOR ZHING MI SKYE BA 'DI NI ZHI BA 'DI NI GYA NOM PA STE, 'DI LTA STE PHUNG PO THAmD NGES PAR

257b

SPANGS PA SRID BA ZAD PA 'DOD CHAGS DANG BRAL BA 'GOG PA MYA NGAN LAS 'DAS PA'O ZHES PHUNG PO 'GAGS PA LAS MYA NGAN LAS 'DAS PAR RNAM PAR BZHAG GO, ZHES GSUNGS SHING, PHUNG PO ZAD PA'I DON PHUNG PO'I PHYOGS GCIG NYON MONGS ZAD PA LA 'CHAD PA BKAG NAS SDUG BSNGAL GYI PHUNG PO SPYI ZAD PA LA PHUNG PO ZAD PAR BYA DGOS PAR GSUNGS SO, ,DE YANG PHUNG PO'I RGYUN ZAD PA LA BYAS NA PHUNG PO MA ZAD PA'I TSE THOB BYA MYANG 'DAS MED LA PHUNG PO ZAD PA'I TSE THOB MKHAN MED PAS MYANG 'DAS THOB PA MI SRID PA'I SKYON BSTAN NAS, GAL TE SDUG BSNGAL GYI RANG BZHIN SKYE BA MED PAR MTHONG NA NI DE'I TSE GNAS SKABS DER YANG SKYE BA DE MI DMIGS PA'I PHYIR SDUG BSNGAL DE ZAD BA KHO NAR 'GYUR NA, ZHES PHUNG PO LNGA CHAR RANG BZHIN GYIS SKYE BA MED PAR MNGON SUM DU MTHONG BA'I TSE DE'I DON PHUNG PO MED PA PHUNG PO 'DI MA LUS PAR SPANGS PA ZHES GSUNGS PA'I DON DU BZHED DO, ,DES NA THEG DMAN GYIS NYON MONGS ZAD PAR SPANGS PA'I TSE MNYAM GZHAG GI YON PHUNG PO'I SNANG BA LHAG MA MED PAR NUB PA'I 'GOG PA NI DE'I LHAG MED KYI MYANG 'DAS DANG, DE'I SNANG BA MA NUB PA'I RJES THOB KYI TSE DE'I LHAG BCAS KYI MYANG 'DAS SU 'JOG PA YIN NO, ,GSUM PA LA GSUM, MYANG 'DAS MTHA' BZHIR GRUB PA DGAG, MYANG 'DAS THUGS SU CHUD PA PO MTHA' BZHIR MA GRUB PAR BSTAN, DES GRUB PA'I DON NO, ,DANG PO LA GSUM, MYANG 'DAS DNGOS POR YOD MED SO SO BA'I MTHAR 'DOD PA DGAG, DE GNYIS KA'I

258a

, ,MTHAR 'DOD PA DGAG, GNYIS KA MA YIN PA'I MTHAR 'DOD PA DGAG PA'O, ,DANG PO LA BZHI, MYANG 'DAS DNGOS PO'I MTHAR 'DOD PA DGAG, DNGOS PO MED PA'I MTHAR 'DOD PA DGAG, MTHA' GNYIS SPANGS PA'I MYANG 'DAS GANG LA 'JOG PA, MTHA' GNYIS SU LTA BA STON PAS SMAD PA'I TSUL LO, ,DANG PO NI, BYE BRAG TU SMRA BA RNAMS NA RE MYANG 'DAS NI LAS NYON DANG SKYE BA'I RGYUN, PHYI MA 'JUG PA'I 'GOG BYED CHU'I RGYUN 'GOG PA'I CHU LEN LTA BU YIN PAS DNGOS PO YIN TE, DNGOS MED KYIS DON BYED MI NUS PA'I PHYIR RO, ,GAL TE MDO LAS DGA' BA'I 'DOD CHAGS DANG LHAN CIG TU GYUR BA'I SRED PA ZAD CING 'DOD CHAd DANG BRA BA 'GOG BA GANG YIN PA NI MYA NGAN LAS 'DAS PA'O, ,ZHES SRID PA ZAD PA TZAM DU GSUNGS SHING, MAR ME SHI BAR GYUR BA LTAR, ,DE YI SEMS NI RNAM PAR THAR, ,ZHES GSUNGS PAS MAR ME SHI BA DANG NYON MONGS ZAD PA TZAM NI DNGOS MED YIN PAS DNGOS POR MI RIGS SO ZHE NA, , SRED PA ZAD PA ZHES GSUNGS PAS SRED PA ZAD TZAM MYANG 'DAS SU MI STON GYI MYANG 'DAS DE YOD NA DE'I MTHUS SRED PA ZAD PAR 'GYUR BA NI SRED PA ZAD PA ZHES PA'I DON NO, ,MAR ME SHI BA NI NYON MONGS ZAD PA'I DPE TZAM YIN LA DE YANG MYANG 'DAS GANG YOD NA SEMS THAR PA 'AM GROL BAR 'GYUR BA YIN NO ZHES STON PAS DNGOS MED DU STON PA'I KHUNGS MIN NO ZHES ZER RO, ,RE ZHIG MYA NGAN LAS 'DAS PA NI NYON MONGS DANG SKYE BA'I RIGS 'DRA PHYI MA 'GOG PA'I

258b

DNGOS PO MIN TE, DNGOS PO YIN NA RGA BA STE GZHAN DU 'GYUR BA DANG SHI BA STE 'JIG PA'I MTSAN NYID CAN DU THAL BAR 'GYUR TE, DNGOS PO NI DE 'DRA BA'I RGA SHI LA MI 'KHRUL PA'I PHYIR RO, ,GZHAN 'GYUR GYI RGAB DANG 'JIG PA'I 'CHI BA MED PA'I DNGOS PO NI YOD PA MA YIN NO, ,ZHES PA NI DNGOS PO RGA SHI LA MI 'KHRUL BA GSAL BAR BYED PA'O, ,RGA SHI'I MTSAN NYID CAN YIN NA NI MYANG 'DAS SU YANG MI 'GYUR RO, ,GZHAN YANG GAL TE MYA NGAN LAS 'DAS PA DNGOS PO YIN NA MYA NGAN LAS 'DAS PA 'DUS BYAS SU 'GYUR RO, ,DE'I LDOG PA NI 'DUS BYAS MA YIN PA'I PHYI 'AM NANG GI DNGOS PO RTAN PA 'GA' LAS YUL DUS GRUB PA'I MTHA'I RTEN GANG NA'ANG YOD PA MA YIN NO ZHES PAS BSHAD DO, ,GZHAN YANG GAL TE MYA NGAN LAS 'DAS PA DNGOS PO YIN NA JI LTAR NA MYANG 'DAS DE RANG GI RGYU'I TSOGS PA LA BRTEN NAS SKYE BA MIN TE YIN NO, ,DE'I LDOG PA NI RANG GI RGYU'I TSOGS PA LA BRTEN NAS MI SKYE BA'I DNGOS PO NI 'GA' YANG YOD PA MA YIN NO, ,ZHES PAS BSHAD DO, ,DE LTAR THAL BA DANG PO DANG GSUM PAS 'DUS BYAS KYI MTSAN NYID SKYE 'JIG GZHAN 'GYUR GSUM DANG LDAN PA DANG, THAL PA GNYIS PAS MTSAN GZHI 'DUS BYAS KYiS DNGOS PO LA KHYAB PAR BSGRUBS NAS KHYAB BYED BKAG PA'I SGO NAS KHYAB BYA DNGOS PO YIN PA 'GOG GO, GNYIS PA NI, MDO SDE PA LA SOGS PA RNAMS NA RE JI SKAD BSHAD PA'I SKYON DU 'GYUR BAS MYANG 'DAS DNGOS PO MIN PA BDEN MOD KYANG, NYON MONGS PA DANG SKYE BA LOG PA TZAM YIN PAS MYANG 'DAS NI DNGOS PO,

259a

, ,MED PA YIN NO ZHES 'DZER TO, ,'DI DGAG BYA'I NYON MONGS DANG SKYE BA LOG TZAM GYI DNGOS MED DU 'DOD PA MI 'GOG MOD, 'ON KYANG DNGOS MED DER YOD PA YANG THA SNYAD KYI DBANG GIS BZHAG PA TZAM MIN PA RANG GI NGO BO NYID KYIS YOD PAR 'DOD PAS DE 'GOG PA YIN NO, ,GAL TE MYA NGAN LAS 'DAS PA DNGOS PO MIN NA DNGOS MED DU RANG GI NGO BOS YOD BA YANG JI LTAR RUNG BAR 'GYUR ZHES PA MI 'GYUR RO, ,'DI LTAR PHYOGS GANG LA BSTAN ZIN PA'I NYES PAS MYA NGAN LAS 'DAS PA DNGOS PO MIN PA'I PHYOGS DE LA STE DES MYA NGAN LAS 'DAS PA DNGOS PO MED PA RANG GI NGO BOS YOD PA'ANG KHAS BLANG PAR RIGS PA MA YIN TE, DNGOS PO GZHAN 'GYUR LA DNGOS MED DU SMRA BA'I PHYIR DANG DNGOS PO RANG BZHI GYIS YOD PA BKAG ZIN PAS DNGOS PO RANG BZHIN GYIS YOD PA GZHAN DU 'GYUR BA MI RIGS PA'I PHYIR RO, ,GAL TE DNGOS MED LA DNGOS PO'I KHYAD PAR ZHIG, GZHAN DU 'GYUR BAS KHYAB NA DE LTAR YIN KYANG DE MIN PA'I DNGOS MED DU MA YOD PAS RGYU MTSAN DES MYANG 'DAS DNGOS MED DU RANG GI NGO BOS YOD PA JI LTAR KHEGS SNYAM NA, DNGOS MED THAMS CAD LA DE LTAR MA KHYAB KYANG DNGOS MED RANG GI NGO BOS YOD NA DNGOS PO YIN DGOS LA, DE'I TSE DNGOS PO 'DI 'DRA ZHIG MED PA'I DNGOS MED CES 'JOG PA'I TSUL DE DNGOS PO GCIG GZHAN DU 'GYUR BA'I SGO NAS 'DOD DGOS PA'I PHYIR SKYON MED DO, ,GAL TE MYANG 'DAS NI NYON MONGS ZAD PA DANG LAS NYON

259b

GYI DBANG GIS SLAR YANG SKYE BA MED PA TZAM YIN PAS DNGOS MED DO SNYAM NA, DE LTA NA NYON MONGS DANG SKYE BA'I MI RTAG PA NYID MYANG 'DAS SU 'GYUR TE NYON MONGS DANG SKYE BA MED PA NI DE NYID YIN GYI DE LAS GZHAN MIN PA'I PHYIR RO, ,DES NA DE GNYIS KYI MI RTAG PA NYID MYA NGAN LAS 'DAS PAR 'GYUR NA DE LTAR 'DOD PA YANG MIN TE DOD NA BSGRIM MI DGOS BAR GROL BAR GYUR BA'I PHYIR RO, ,'GREL BAS DE LTA BSHAD PA LA 'DI NYAM DU MYANG 'DAS NYON MONGS DANG LUS LEN PA'I SKYE BA SLAR MI 'BYUNG BA TZAM DU 'DOD PA LA NYON MONGS DANG SKYE BA GNYIS KYI MI RTAG PA MYANG 'DAS SU THAL BA BRJOD PA 'DI MA 'BREL LO ZHE NA, GANG THOB PHYIN CHAD SLAR YANG NYON MONGS PA 'BYUNG MI SRID PA'I NYON MONGS SNGAR YOD DUS GNYIS PA SHIG PA'I MI RTAG PA MIN MOD KYANG, MA 'ONGS PA NA NYON MONGS MI SKYE BA DE RANG GI NGO BOS YOD NA NYON MONGS SNGAR YOD DUS GNYI PAR ZHIG BA DANG, DE GNYI DON ZHAN YIN PA KHEGS PA'I RGYU MTSAN GYI DE GNYI GCIG TU 'GYUR BAR BSTAN PA NA DE LTAR KHAS BLANG DGOS PAS SKYON MED DO, ,GZHAN YANG GAL TE MYA NGAN LAS 'DAS PA DNGOS PO MIN PA STE DNGOS MED DU RANG GI NGO BOS YOD NA, DPER NA SNGON PO ZHIG PA'I MI RTAG PA SNGON PO'I DNGOS PO MED PA DE SNGON PO LA BRTEN NAS 'JOG PA BZHIN DU MYA NGAN LAS 'DAS PA YANG JI LTAR NA RANG GI DGAG BYA'I DNGOS PO ZHIG PA LA BRTEN NAS 'DOGS PA MIN TE YIN NO, ,GAL TE DNGOS PO LA MA BRTEN PA'I DNGOS MED MED NA 'O NA MO GSHAM GYI BU LA SOGS PA

260a

, ,DNGOS PO GANG LA BRTEN NAS DNGOS MED DU 'GYUR SNYAM NA, RAB BYED LNGA PAR GAL TE DNGOS PO MA GRUB NA ZHES SOGS BSHAD PA BZHIN DU DNGOS PO GZHAN 'GYUR LA DNGOS MED DU 'JIG RTEN NA SMRA BAS MO GSHAM GYI BU LA SOGS PA 'DI 'DRA BA'I DNGOS MED DU SUS SMRAS, 'O NA NAM MKHA' RI BONG RVA DAG DANG, ,MO GSHAM GYI NI BU DAG KYANG, ,MED BZHIN TSIG TU BRJOD PA LTAR, ,DNGOS LA BRTEN PA'ANG DE BZHIN NO, ,ZHES LUNG LAS DE RNAMS DNGOS POR MED PAR GSUNGS PA DANG 'GAL LO ZHE NA, DER NI DNGOS PO BKAG TZAM LA DNGOS MED DU GSUNGS KYI DNGOS MED DU NGO BOS YOD PAR SNYEN PA NI MIN TE, DNGOS PO NYID NGO BOS MA GRUB PA'I PHYIR RO, ,'DIR RI BONG GI RVA LA SOGS PA'I GZHI MA GRUB RNAMS DNGOS MED MIN ZHES GSUNGS PA NI, DNGOS PO ZHIG PA'I DNGOS MED DANG RANG GIS NGO BOS GRUB BA'I DNGOS MED 'GOG GI DNGOS MED TZAM ZHIG MIN PAR BZHED PA MIN TE, DNGOS PO'I RTOG PA BKAG PA TZAM ZHIG YIN GYI ZHES GSUNGS PA'I PHYIR DANG SKABS GZHAN DU YANG DNGOS PO MED PAR LAN DU MAR BSHAD PA'I PHYIR RO, ,DE'I PHYIR GANG ZHIG DNGOS PO LA BRTEN NAS 'DOGS PA MA YIN PA'I DNGOS MED RANG GI NGO BOS YOD PA MIN NO ZHES PA 'DI NI GNAS SO, , GSUM PA NI, GAL TE MYANG 'DAS DE DNGOS PO DANG DNGOS MED KYI NGO BOS YOD PA MIN NA 'O NA DE GANG YIN ZHE NA, 'JIG RTEN SNGA MA NAS 'DIR 'ONG BA DANG 'DI NAS 'JIG RTEN PHYI MAR 'GRO BA'I SKYE 'CHI GCIG NAS GCIG TU BRGYUD PA'I DNGOS

260b

PO RING THUNG LTAR RANG GI RGYU RKYEN GYI TSOGS PA LA BRTEN NAS 'DOGS PA'AM, MAR ME LAS 'OD SKYE BA LTAR RANG GI RGYU RKYEN GYI TSOGS PA RGYUR BYAS NAS 'DOGS PA GANG YIN PA DE NI, RANG GI RGYU RKYEN GYI TSOGS PA LA BRTEN PA MIN PA DANG RGYUR BYAS NAS 'JUG PA MIN PAR NYON MONGS DANG PHUNG PO'I SPROS PA SNGAR BSHAD PA LTAR RAB TU ZHI BA TZAM DE NI MYA NGAN LAS 'DAS PA YIN PAR BCOM LDAN 'DAS KYIS BSTAN LA, DE TZAM NI DNGOS PO YANG MIN LA DNGOS MED DU NGO BOS GRUB PA'ANG MiN NO, ,YANG NA BRTEN NAS 'KHOR BAR 'JUG PA NI SNGAR BSHAD PA LTAR 'DU BYED 'KHOR BA DANG, NYER LEN GYI PHUNG PO RGYUR BYAS NAS 'JUG PA NI SNGAR BSHAD PA'I GANG ZAG 'KHOR BA'O 'DIR NYON MONGS KYI SA BON SPANGS PA DANG NYER LEN GYI PHUNG PO'I SNANG BA NUB PA'I GZHIR GYUR PA'I SEMS KYI CHOS NYID MYANG 'DAS SU BYA'I, NYON MONGS LA SOGS PA'I RGYU RKYEN RGYUN CHAD PA LAS PHYI MA'I RIGS 'DRA MA SKYES PA NI MYANG 'DAS SU MI BYA STE, DE NI RGYU SNGA MA ZAD PAS BSKYED PA'I MA 'ONGS PAR BSHAD ZIN PA'I PHYIR RO, ,BZHI PA NI, GZHAN YANG MOD LAS, DGE SLONG DAG GANG DAG 'BYUNG BA'AM 'JIG PAS SRID PA LAS NGES PAR 'BYUNG BA 'TSOL BA DE DAG GI YONGS SU MIN SHES PA YIN NO ZHES 'BYUNG BA'I SRED PA DANG NI 'JIG PA'I SRED PA DAG SPANG PAR STON PAS BKA' STZAL ZHING, MYANG 'DAS NI SPANG BYA MIN PAR BKA' STZAL TO, ,DE'I PHYIR MYA NGAN LAS 'DAS PA NI DNGOS PO MIN ZHING DNGOS MED KYI NGO BOS YOD PA MIN PAR RIGS SO, ,GAL TE DE GNYIS KYI NGO BOS YOD NA NI MYANG 'DAS KYANG

261a

, ,DOR BAR BYA BA KHO NAR 'GYUR LA, 'BYUNG BA DNGOS PO DANG 'JIG PA DNGOS PO MED PA LA RANG BZHIN GYIS GRUB PAR ZHEN CING CHAGS PA'I SRED BAS LA 'KHOR BA LAS NGES PAR 'BYUNG 'DOD PA LA SMAD PA YANG MI 'THAD PAR 'GYUR RO,, GNYIS PA NI, RGOL BA GANG GI LTAR NA NYON MONGS PA DANG SKYE BA LEN PA GNYIS KYI DNGOS PO MED PAS MYANG 'DAS DNGOS MED DANG RANG NYID DNGOS PO'I NGO BO YIN PAS DE GNYIS KAR RANG BZHIN GYIS GRUB PAR 'DOD PA LA DE GNYIS RE RE BA LA BKOD PA'I SKYON GYIS MI GNOD DO SNYAM NA, 'DI NI MU STEGS 'OS PA PAS 'DOD PAR SHES RAB SGRON MA'I 'GREL BSHAD LAS BSHAD DE THAR PA NI 'JIG RTEN 'DUS PA ZHES PA GRUB PA'I ZHING GI MTSAN NYID YIN PA DANG SROG GI TSIG GI DON GNAS PAS DNGOS PO DANG 'KHOR BA'I SDUG BSNGAL RGYUN CHAD PAS DNGOS PO MED PA YANG YIN NO, ,DE YANG, RGYAL BAS GSUNGS PA'I THAR PA 'TSO BYED PA, ,RGYA SPOS DRI MA MED PA'I MDOG DANG NI, ,'O MA MU TIG BA MO'I MDOG 'DRA ZHING, ,DBYIBS NI GDUGS ZLUM BKAN PA LTA BU YIN, ,ZHES BSHAD PA 'DRA BA ZHIG 'JIG RTEN THAMS CAD KYI STENG NA GNAS PAR SMRA'O, ,GAL TE MYA NGAN LAS 'DAS PA THAR PA NI DNGOS PO DANG DNGOS MED GNYIS KAR RANG BZHIN GYIS GNAS PA YIN NA, DE'I TSE DNGOS PO DANG DNGOS PO MED PA DAG THAR PAR 'GYUR RO, ,DE'I PHYIR 'DU BYED RANG GI BDAG NYID GSAR DU SKAD CIG DANG POR THOB PA DANG DE'I DUS GNYIS PAR DE DANG BRAL BA THAMS CAD THAR PAR 'GYUR NA DE DAG NI THAR PAR MI RIGS SO, ,'DI NI ME DU LTA BU GCIG LA RANG GI NGO BOS

261b

GZHAN DU GRUB PA'I RGYU 'BRAS 'DOD NA GZHAN GANG YIN THAMS CAD KYANG RGYU 'BRAS SU THAL BA BRJOD PA BZHIN DU, DNGOS PO DANG DNGOS MED KYI KHYAD PAR LA RANG BZHIN GYIS GRUB PA'I THAR PA 'DOD PA LA'ANG DE LTAR NA DE GNYIS THAMS CAD KYANG THAR PAR 'GYUR RO ZHES RGYU MTSAN MA CHUNGS PA'I MA KO SNYOMS BYED PA'O, ,GZHAN YANG GAL TE MYA NGAN LAS 'DAS PA NI DNGOS PO DANG DNGOS MED GNYIS SU RANG BZHIN GYIS GRUB PA YIN NA, DE'I TSE MYA NGAN LAS 'DAS PA RGYU RKYEN LA MA BRTEN PA MIN PAR BRTEN NAs SKYE BAR 'GYUR TE, DNGOS PO DANG DNGOS MED RANG BZHIN GYIS GRUB PA DE GNYIS NI RGYU RKYEN LA BRTEN NAS SKYE BA YIN PA'I PHYIR RO, ,MYANG 'DAS DNGOS MED DU RANG GI NGO BOS YOD NA GANG GI DNGOS PO MED RGYU 'KHOR BA'I DNGOS PO ZHIG PA'I MI RTAG PA LA 'DOD DGOS LA DE LTA NA DE DNGOS PO LA BRTEN NAS SKYE BA'I RIGS PA'O, ,GZHAN YANG JI LTAR NA MYA NGAN LAS 'DAS PA NI DNGOS PO DANG DNGOS MED GNYIS SU RANG GI NGO BOS YOD PA YIN ZHES PA MIN TE, YIN NA MYA NGAN LAS 'DAS PA 'DUS MA BYAS MA YIN PAR 'DUS BYAS SU 'GYUR BA'I PHYIR RO, ,'DI LTAR DNGOS PO DANG 'KHOR BA'I DNGOS PO ZAD PA'I DNGOS MED DU RANG GI NGO BOS GRUB PA GNYIS KA'ANG 'DUS BYAS YIN PA'I PHYIR TE, DE NI DNGOS SO DE'I ZHIG PA YIN LA SKYE BA'I RKYEN GYIS RGA SHI ZHES SHI BA'I ZHIG PA YANG SKYE BA'I RKYEN LAS SKYE BAR GSUNGS PA'I PHYIR RO, ,CI STE MYANG 'DAS DNGOS PO DANG DNGOS MED KYI RAG BZHIN DU MI 'DOD KYI DE LA DE GNYIS YOD PAR 'DOD DO ZHE NA, MYA NGAN LAS 'DAS PA LA JI LTAR NA DNGOS PO DANG DNGOS MED

262a

, ,GNYIS RANG BZHIN GYIS YOD DE MED DO, ,'DI LTAR GZHI GCIG LA DE GNYIS RANG GI NGO BOS YOD PA NI MIN TE PHAN TSUN 'GAL BA'I PHYIR SNANG BA DANG MUN PA BZHIN NO, ,GAL TE GZHI DE LA BUM PA'I DNGOS PO YOD PA DANG SNAM BU'I DNGOS MED YOD PA GNYIS, MI 'GAL BA BZHIN DU MYANG 'DAS LA'ANG 'KHOR BA'I DNGOS MED YOD PA DANG THAR PA'I DNGOS PO YOD PA GNYIS MI 'GAL LO ZHE NA, DNGOS PO DANG DNGOS MED RANG MTSAN GYIS GRUB NA GCIG GI DNGOS PO YOD NA DNGOS PO KUN YOD PA DANG, GCIG GI DNGOS PO MED NA DNGOS PO KUN MED PA DNGOS PAS MTHAR GZHI GCIG LA DNGOS PO GCIG YOD MED GNYIS KAR KHAS BLANG DGOS SO, ,GSUM PA NI, GAL TE MYA NGAN LAS 'DAS PA DNGOS PO YANG MIN LA DNGOS PO MED PA YANG MIN PAR RANG BZHIN GYIS YOD PAR GANG TON PA DE'I LTAR NA'ANG MI RIGS TE, SHES BYAS LA DNGOS PO MED PAS DANG DNGOS PO DAG RANG BZHIN GYIS GRUB NA DE DAG GI KHYAD PAR BKAG PA'I SGO NAS DNGOS PO'I KHYAD PAR DANG DNGOS MED KYI KHYAD PAR 'GA' ZHIG RANG BZHIN GYIS 'GRUB PAR 'GYUR NA'ANG, DE GNYIS GANG RANG BZHIN GYIS GRUB PA MI SRID PAS RE RE BKAG PA'I CIG SHES KYANG RANG BZHIN GYIS 'GRUB PAR MI 'GYUR RO, , DPER NA RI BONG DANG RVA MI SRID NA RI BONG GI RVA BKAG PA DANG MO GSHAM DANG BU MI SRID NA MO GSHAM GYI BU BKAG PA MI SRID PA BZHIN NO, ,GZHAN YANG GAL TE MYA NGAN LAS 'DAS PA NI DNGOS PO DANG DNGOS MED MIN PA'I NGO BOR RANG BZHIN GYIS

262b

GRUB NA, DE 'DRA BA DE DNGOS PO MIN ZHING DNGOS PO MED PA MIN PA'I NGO BOR RANG BZHIN GYIS YOD DO ZHES GANG ZHIG GIS NI MYANG 'DAS DE MNGON PAR TE 'DZIN PA DANG GSAL BAR BYED, CI LHAG MED KYI TSE DE YOD NA NI DE'I DUS SU BDAG YOD PAR 'GYUR NA, DE LTAR KHYOD KYIS MI 'DOD DE NYE BAR LEN PA'I PHUNG PO MED PA'I BDAG YOD PAR MI 'DOD PA'I PHYIR DANG, LHAG MED KYI TSE PHUNG PO RGYUD CHAD PAR 'DOD PA'I PHYIR RO, ,CI STE DE'I DUS SU 'DZIN MKHAN DE MED NA NI MYANG 'DAS DE 'DRA'I NGO BOR YOD PAR GANG GIS SHES PAR 'GYUR, GAL TE 'KHOR BA NA GNAS PAS YONGS SU GCOD DO ZHE NA, DE CI RNAM SHES KYIS SAM YE SHES KYIS GCOD GRANG, DANG PO NI, MI RIGS TE RNAM SHES NI SPROS PA'I MTSON MA LA DMIGS PA YIN LA, MYA NGAN LAS 'DAS PA MNGON SUM DU BYED PA'I NGO NA SPROS PA'I MTSAN MA CUNG ZAD KYANG MED PA'I PHYIR DANG, 'DIR YONGS SU GCOD PAR BYED PA NI MNGON SUM DU GCOD PAR BYED PA'I SKABS YIN PA'I PHYIR RO, ,DE KHO NA NYID KYI DON MNGON SUM DU RTOGS PA'I YE SHES KYIS GCOD PAR 'DOD NA'ANG MI RIGS TE, YE SHES DE NI RANG BZHIN GYIS GRUB PAS STONG PA'I STONG NYID DAG RO MNYAM DU RANG BZHIN GYIS YOD PA MA YIN LA , DES NI RANG BZHIN GYIS YOD PA'I MYANG 'DAS GCOD PAR MI BYED PA'I PHYIR TE, YE SHES NI SPROS PA'I MTSAN MA THAMS CAD LAS 'DAS PA YIN PA'I PHYIR DANG MYANG 'DAS RANG BZHIN GYIS YOD PAR 'DZIN NA MTSAN 'DZIN GYI 'CHING BA YIN PA'I PHYIR RO, ,'DIR RNAM SHES DE MA SHES

263a

, ,GNYIS SU PHYE BA NI SPROS PA'I SNANG BA NUB MA NUB KYI DBANG DU BYAS KYI PHUNG PO LNGA'I RNAM SHES KYI PHUNG PO'I DBANG DU BYAS PA MIN NO, ,GNYIS PA NI, JI LTAR MYA NGAN LAS 'DAS PA LA DNGOS PO LA SOGS PAR RTOG PA'I RTOG PA BZHIS BZUNG BA LTAR MED PA DE BZHIN DU, MYANG 'DAS THUGS SU CHUD PA PO BCOM LDAN 'DAS MYA NGAN LAS 'DAS PAR GYUR NAS RANG BZHIN GYIS YOD PAR MI MNGON PA STE GZUNG DU MED PA, DE BZHIN DU MYA NGAN GANG LAS 'DAS PA'I DNGOS PO DE MED DO ZHES PAR YANG RANG BZHIN GYIS GRUB PA MED DO, ,DE GNYIS MED PAS YOD MED DE GNYIS KA TSOd PAR YOD PA DANG GNYIS KA TSOd PA MED PAS, YOD MED DE GNYIS KA MIN PA'I NGO BOR RANG BZHIN GYIS YOD DO ZHES KYANG MI MNGON PA STE GZUNG DU MED DO, ,GZHAN YANG BCOM LDAN 'DAS BZHUGS PAR GYUR PA'I DUS NA YANG RANG BZHIN GYIS YOD PAR MI MNGON LA DE BZHIN DU MED DE ZHE'AM, YOD MED GNYIS KA TSOGS PA DANG GNYIS KA MIN PAR RANG BZHIN GYIS YOD DO ZHES KYANG MI MNGON TE 'DI NI DE BZHIN GSHEGS PA BRTAG PAR BSHAD ZIN TO, ,GSUM PA LA GNYIS, ,SRID ZHI MNYAM NYID DU GRUB PA DANG, LUNG MA BSTAN GYI LTA BA DGAG PA GRUB PA'O, ,DANG PO NI, STON PA BZHUGS DUS DANG MYA NGAN LAS 'DAS DUS GNYIS LA MTHA' BZHI DANG BRAL MA BRAL GYI KHYAD PAR MED PA DE'I PHYIR 'KHOR BA MYA NGAN LAS 'DAS PA LAS DANG, MYA NGAN LAS 'DAS PA 'KHOR BA LAS PHAN TSUN DU BDEN BRDZUN GYI KHYAD PAR CUNG ZAD KYANG YOD PA MA YIN TE, RAGS PAS SNGAR LTAR

263b

RNAM PAR DPYAD NA RANG BZHIN GYIS GRUB PAS STONG PA'I RANG BZHIN KUN NAS MTSUNGS PA'I PHYIR RO, ,DE YI PHYIR DGE SLONG DAG SKYE BA DANG RGA SHI'I 'KHOR BA NI THOG MA DANG THA MA MED PA YIN NO ZHES GSUNGS PA YANG TSUL 'DI NYID LA 'THAD DE, DANG PO'I 'KHOR BA DANG PHYIS KYI MYANG 'DAS GNYIS KA RANG BZHIN MTSUNGS PA'I PHYIR RO, ,'DI LTAR MYA NGAN LAS 'DAS PA'I YANG DAG PA'I MTHA' STONG NYID KYI STONG TSUL GANG YIN PA DE NI 'KHOR BA'I YANG DAG PA'I MTHA' STONG NYID KYI STONG TSUL YIN TE, DE GNYIS LA NI KHYAD PAR CUNG ZAD KYANG YOD PA MA YIN NO, ,GNYIS PA NI, SRID ZHI RANG BZHIN KHYAD PAR MED PAS SNGON DANG PHYI MA'I MTHAR RTOG PA MI RUNG BAR MA ZAD KYI DE BZHIN GSHEGS PA GANG MYA NGAN LAS 'DAS PA'AM GRONGS PHAN CHAD YOD PA DANG MED PA DANG GNYIS KA DANG, GNYIS KA MIN PA'I NGO BOR RANG BZHIN GYIS YOD PAR LTA BDAG NI MYA NGAN LAS 'DAS PA LA BRTEN NAS MCHOG TU 'DZIN PAR ZHUGS PA'O, ,'JIG RTEN MTHA' DANG LDAN PA DANG LA SOGS KYIS BSDUS PA MTHA' DANG MI LDAN PA DANG GNYIS KA DANG, GNYIS KA MIN PA'I NGO BOR RANG BZHIN GYIS YOD PAR LTA BA DAG NI PHYI MA'I MTHA' LA BRTEN NAS 'JUG PA'O, ,DE LA BDAG DANG 'JIG RTEN LA MA 'ONGS PA'I SKYE BA MA MTHONG BA NA MTHA' DANG LDAN PA DANG SKYE BA MTHONG BA NA MTHA' DANG MI LDAN PA DANG, 'GA' ZHIG LA MTHONG ZHING 'GA' ZHIG LA MA MTHONG BA NA GNYIS KA DANG GNYIS KA BKAG PAS NI GNYIS KA MA YIN PAR RTOG PA SKYE'O, ,'JIG RTEN RTAG PA DANG LA SOGS KYIS BSDUS PA 'JIG RTEN

264a

, ,MI RTAG PA DANG RTAG MI RTAG GNYIS KA DANG GNYIS KA MA YIN PA'I NGO BOR RANG BZHIN GYIS YOD PAR LTA BA DAG NI SNGON GYI MTHA' LA BRTEN NAS 'JUG PA'O, ,DE LA BDAG DANG 'JIG RTEN LA SNGON 'DAS PA'I DUS SU SKYE BA MTHONG BA DANG MA MTHONG BA DANG CHA 'GA' ZHIG MTHONG ZHING CHA 'GA' ZHIG LA MA MTHONG BAS DANG DE GNYIS KA BKAG PAS NI RTAG PA LA SOGS PAR RTOG PA SKYE'O, ,LTA BA 'DI RNAMS NI DNGOS PO RANG BZHIN GYIS GRUB PA YOD NA 'THAD MOD KYANG DNGOS PO THAMS CAD RANG BZHIN GYIS YOD PAS STONG PA LA, MTHA' YOD PA DANG MTHA' MED PA DANG MTHA' YOD PA DANG MTHA' MED PA GNYIS KA DANG MTHA' YOD DANG MTHA' MED MIN PAR LTA BA DANG, LUS GANG YIN PA DE NYID SROG DANG LUS KYANG GZHAN LA SROG KYANG GZHAN NO ZHES PA DANG, RTAG PA DANG MI RTAG PA DANG MI RTAG GNYIS KA DANG GNYIS KA MIN PAR LTA BA'I LTA BAS BZUNG BA LTAR GYI DON CI ZHIG YOD DE MED DO, ,DNGOS PO LA RANG BZHIN GYIS GRUB PA'I RANG GI NGO BO SGRA BTAGS NAS DE DANG BRAL BA DANG MA BRAL BA LAS LTA BA 'DI DAG BSKYED NAS MNGON PAR ZHEN PA 'DI NI, THAR PA'I GRONG KHYER DU 'GRO BA'I LAM 'GOG CING 'KHOR BA'I SDUG BSNGAL LA SBYOR BAR BYED PA SHES PAR BYA'O, ,BZHI PA NI, KHYOD KYIS MYANG 'DAS RANG BZHIN GYIS GRUB PA BKAG NA STON PAS SEMS CAN MYA NGAN LAS 'DAS PA THOB PA'I DON DU NYON MONGS LA SPYOD PA'I GNYEN POR DE DANG RJES SU MTHUN PA'I CHOS BSTAN PA DON MED PAR 'GYUR RO ZHE NA, GAL TE BSHAD BYA'I CHOS DANG NYAN PA PO

264b

DANG STON PA PO RANG BZHIN GYIS GRUB PA 'GA' ZHIG YOD NA DE LTAR YIN KYANG, GANG GI TSE DANG PA'I RGYAL PO NAM MKHA' LA RANG GI GSHOG PA BRDABS PA'I RLUNG LA GNAS PA'AM RLUNG NAMKHA' LA GNAS PA LTAR, SANGS RGYAS BCOM LDAN 'DAS MYA NGAN LAS 'DAS PA SPROS PA THAMS CAD NYE BAR ZHI ZHING ZHI BA'I NGO BO LA MTSAN MAR MI GNAS PA'I TSUL GYIS GNAS PA DE'I TSE, MTSAN MAR 'DZIN PA'I DMIGS PA THAMS CAD NYE BAR ZHI ZHING MA DMIGS PA'I PHYIR DE'I DBANG DU BYAS NA SANGS RGYAS KYIS NI, LHA YUL LAM MI YUL GANG DU YANG LHA'AM MI SU LA'ANG KUN NAS NYON MONGS SAM RNAM BYANG GI CHOS 'GA' YANG MA BSTAN TE, ,SPROS PA NYER ZHI DANG ZHI BA GNYIS NI RIM PA BZHIN DU MYANG 'DAS LA MTSAN MA RNAMS MI 'JUG PA DANG RANG BZHIN GYIS NYE BAR ZHI BA'AM TSIG DANG SEMS MI 'JUG PA'AM NYON MONGS DANG SKYE BA MI ' BYUNG BA'AM, NYON MONGS DANG BAG CHAGS MA LUS PAR SPANGS PA'AM SHES BYA DANG SHES PA MA DMIGS PA'O, , DE BZHIN GSHEGS PA'I GSANG BA'I MDO LAS, ZHI BA'I BLO GROS GANG GI NUB MO DE BZHING SHEGS PAS BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PA DANG, GANG GI NUB MO LEN PA MI MNGA' BAR YONGS SU MYA NGAN LAS 'DA' BAR 'GYUR BA DE'I BAR DU DE BZHIN GSHEGS PAS THA NA YIG 'BRU GCIG KYANG MA GSUNGS SO, ,GSUNG BAR MI 'GYUR RO, ,ZHES DANG, TING 'DZIN RGYAL PO LAS, THAMS CAD TSIG MED YI GE MED, ,GDOD NAS ZHI

265a

, ,ZHING DRI MED DE, ,CHOS RNAMS DE LTAR SUS SHES PA, ,DE NI BZHIN GZHON NU SANGS RGYAS BRJOD, ,CES GSUNGS SO, ,SANGS RGYAS KYIS SU LA'ANG CHOS MA BSTAN NA GSUNG RAB KYI THA SNYAD SNA TSOGS PA 'DI DAG MNGON PAR JI LTAR 'GYUR ZHE NA, STON PAS KHO BO CAG LA CHOS BSTAN TO ZHES PA 'DI NI GDUL BYA MA RIG PA'I GNYID DANG LDAN PA'I RMI LAM RMI BZHIN PA RNAMS KYI RANG GI RNAM RTOG LAS BYUNG BA YIN NO, ,DE LTAR YANG YE SHES SNANG BRGYAN LAS, DE BZHIN GSHEGS PA ZAG PA MED PA YI, ,DGE BA'I CHOS KYI GZUGS BRNYAN LTA BU YIN, ,'DI NA DE BZHIN NYID DANG DE BZHIN GSHEGS PA MED, ,'JIG RTEN THAMS CAD KYIS NI GZUGS BRNYAN MTHONG, ,ZHES GSUNGS PA LTAR RO, ,DE'I PHYIR MYANG 'DAS KYI DON DU CHOS BSTAN PA DE KHO NA NYID RTOGS PA'I RIGS NGOR MED KYI THA SNYAD PA'I SHES PA'I NGOR YOD PA TZAM YIN PAS DE LAS MYANG 'DAS RANG BZHIN GYIS YOD PAR GA LA 'GYUR, GNYIS PA NI, DE LTAR MYANG 'DAS RANG BZHIN GYIS MA GRUB PAR BSTAN PA DE NYID ZAB MO'I LUNG GIS KYANG GRUB PA DANG, RAB TU BYED PA 'DIS MYA NGAN LAS 'DAS PA BDEN PA MED CING SGYU MA LTA BUR BSTAN PA THAMS CAD BSHAD PAR BYA'O ZHES BSTAN PA'I PHYIR DU NGES DON GYI LUNG DANG SBYOR BA'I PHYOGS TZAM BSTAN PA NI, THEG CHEN GYI MDO SDE'I MTHA' LAS, MYA NGAN 'DAS MED MYANG 'DAS SU, ,'JIG RTEN MGON GYIS BSTAN PA STE, ,NAM MKHA' MDUD PA BOR BA NI, ,NAM MKHA' NYID KYIS BKREL BA YIN, ,ZHES SKUD PA RING POS 'DRUBS KYI LAS BYED PA'I SKUD PA DE

265b

NAMKHA' LA 'JUR MDUD 'CHA' BA NA NAMKHA' NYID LAS BKROL BA BZHIN DU, BCOM LDAN 'DAS MNGON PAR RDZOGS PAR SANGS RGYAS PAS KYANG MYA NGAN 'DAS PA LA SOGS PA BDEN PAR MA GRUB PA STE KUN RDZOB KYI THA SNYAD DU YOD PAR STON ZHING RANG BZHIN MED PAR YANG STON NO, ,TSANGS PAS ZHUS PA LAS KYANG, BCOM LDAN 'DAS GANG DAG CHOS 'GA' ZHIG SKYE BA'AM 'GAG PAR 'TSAL BA DE DAG LA NI SANGS RGYAS 'BYUNG BA MA LAGS SO, ,BCOM LDAN 'DAS GANG DAG 'KHOR BA DNGOS POR TSOL BA DE DAG NI 'KHOR BA LAS 'DA' BA MA LAGS SO, ,DE CI'I SLAD DU ZHE NA, BCOM LDAN 'DAS MYA NGAN LAS 'DAS PA ZHES BGYI BA NI GANG MTSAN MA THAMS CAD RAB TU ZHI BA RNAM PAR RTOG PA THAMS CAD 'GAGS PA LAGS NA, BCOM LDAN 'DAS SKYES BU BLUN PO LEGS PAR GSUNGS PA'I CHOS 'DUL BA LA RAB TU BYUNG NAS MU STEGS KYI LTA BAR LHUNG BA DE DAG NI 'DI LTA STE, TIL LAS TIL MAR DANG 'O MA LAS MAR GSAR LTAR MYA NGAN LAS 'DAS PA DNGOS PO LAS TSOL BAR BGYID DO, ,BCOM LDAN 'DAS GANG DAG CHOS THAMS CAD SHIN TU MYA NGAN LAS 'DAS PA LA MYA NGAN LAS 'DAS PA TSOL BA MNGON PA'I NGAN RGYAL CAN DE DAG NI MU STEGS CAN YIN NO, ,ZHES KHO BO GLENG STE, BCOM LDAN 'DAS RNAL 'BYOR SPYOD PA YANG DAG PAR ZHUGS PA NI CHOS GANG YANG SKYE BA'AM 'GAG PAR MI BGYID LA CHOS GANG YANG THOB PA'AM MNGON PAR RTOGS PAR MI 'TSAL LO, ,ZHES GSUNGS SO, ,GSUM PA NI, CHOS RNAMS RANG BZHIN GYIS GRUB PA LA NI SPANG BYA SPANGS PA DANG MYANG

266a

, ,'DAS THOB PA SOGS ME RUNG BA DANG RANG BZHIN GYIS GRUB PAS STONG PA'I PHYOGS LA DE RNAMS THAMS CAD 'THAD PA'I TSUL NGES PAR BYA'O, ,MYA NGAN LAS 'DAS PA BRTAG PA ZHES BYA BA TSIGS SU BCAD PA NYER BZHI'I BDAG NYID RAB TU BYED PA NYI SHU RTZA LNGA PA'I RNAM PAR BSHAD PA'O,, ,,GNYIS PA RTEN 'BYUNG RTOGS MA RTOGS LAS 'KHOR BA'I 'JUG LDOG BYED LUGS LA GNYIS, RAB BYED KYI GZHUNG BSHAD PA, DON BSDUS TE MTSON BSTAN PA'O, ,DANG PO NI, RTEN CING 'BREL PAR 'BYUNG BA GANG, ,DE NI STONG PA NYID DU BSHAD, ,CES PA'I RTEN 'BYUNG DE GANG YIN ZHES PA'AM GANG GIS RTEN CING 'BREL PAR 'BYUNG, ,MTHONG BA DES NI SDUG BSNGAL DANG, ,ZHES RTEN 'BYUNG MTHONG NA BDEN BZHI'I DE NYID MTHONG BAR GSUNGS PA'I RTEN 'BYUNG DE GANG ZHE NA, 'DI BSTAN PA LA GNYIS, LUGS 'BYUNG GI RTEN 'BREL DANG, LUGS BZLOG GI RTEN 'BREL LO, ,DANG PO LA GNYIS, 'PHEN BYED KYI RGYU 'BRAS DANG, 'GRUB BYED KYI RGYU 'BRAS SO; ;DANG PO NI, MA RIG PA NI DE KHO NA NYID RIGS PA BKAG TZAM DANG DE LAS GZHAN PA TZAM MIN GYI RIG PA DE'I 'GAL BA MI MTHUN PHYOGS GANG ZAG GAM CHOS LA DMIGS NAS RANG GI MTSAN NYID KYIS GRUB PAR 'DZIN PA'O, ,DES YANG DAG PA'I DON BSGRIBS PA'I GANG ZAG GIS YANG SRID MNGON PAR 'DU BYED PA'I 'DU BYED BSOD NAMS DANG BSOD NAMS MIN PA DANG MI GA-YO BA'AM, LUS DANG NGAG DANG YID KYI LAS RNAMS PA GSUM PO DAG MNGON PAR 'DU BYED PA STE SKYED PAR BYE DO, ,DE NI

266b

YANG SRID PA STE SKYE BA PHYI MA'I PHUNG PO 'BYUNG BA'I PHYIR DU 'DU BYED DE GANG ZAG DES DE THOB PA'I PHYIR DU DMIGS NAS 'DU BYED PAR MA NGES KYANG LAS DE 'BRAS BU DE'I DON DU 'JUG PA'O, ,DE LTAR BSKYED PA GANG YIN PA'I LAS DE DAG GI DBANG GIS NI 'GRO BAR 'GYUR RO, ,DE NAS 'DU BYED BSAGS PA'I GANG ZAG DE'I RNAM PAR SHES PA 'DU BYED KYI RKYEN CAN 'KHOR BA'I SA BON DU GYUR BA NI 'DU BYED DANG MTHUN PA'I 'GRO BA LHA LA SOGS PA RNAMS SU 'JUG PA STE SKYE BAR 'GYUR TE, DE YANG 'CHI SRID 'GAGS PA NA SKAD CIG GCIG KHO NA LA SRANG MDA'I MTHO DMAN GYI TSUL DU SKYE SRID KYI PHUNG PO RNAMS LAS KYIS JI LTAR 'PHANGS PA BZHiN SKYE'O, ,DE'I PHYIR DE LTAR MA'I MNGAL DU RNAM PAR SHES PA ZHUGS NAS BRGYAL BAR GYUR NA DE'I RKYEN CAN GYI MING BZHI'I PHUNG PO DANG GZUGS KYI PHUNG PO CHAGS PAR 'GYUR RA, ,MING NI PHUNG PO LHAG MA BZHI YIN LA DE LA MING ZHES PA NI, LAS NYON GYIS BSGOS PAS SKYE BA'I GNAS DE DANG DAR BKRI BAS SAM DON RNAMS LA 'DU SHES KYI DBANG GIS RGYUG PAS NA MING NGO,, GZUGS NI SKABS DE'I MER MER PO LA SOGS PA'O, ,DE LTAR MING BZHI DANG MER MER PO LA SOGS PA'I GZUGS NI CHAGS PAR GYUR NA SDUG BSNGAL 'BYUNG BA'I SKYE SGOR GYUR PAS SKYE MCHED DE, MIG DANG RNA BA DAG SNA DANG SE DANG LUS DANG YID KYI SKYE MTSAN DRUG MING DANG GZUGS KYI RKYEN LAS 'BYUNG BAR 'GYUR RO, ,LUS DANG YID KYI DBANG PO DE'I SNGON NAS YOD KYANG DRUG TSOGS PA 'DI NAS BYUNG BA'I DBANG DU MDZAD DO, ,DE NAS SKYE MCHED DRUG LA BRTEN NAS NI REG PA YANG DAG PAR 'BYUNG BAR 'GYUR RO, ,REG PA DE

267a

, ,JI LTAR SKYE BA DANG NGO BO GANG YIN SNYAM NA, BDAG RKYEN MIG DANG DMIGS RKYEN GZUGS DANG DE MA THAG RKYEN DRAN BYED DE YID LA BYED PA LA BRTEN NAS MIG GI RNAM PAR SHES PA SKYE BA KHO NA'O, ,DE LTAR DRAN BYED KYIS MTSON PA'I DE MA THAG RKYEN GYIS NI TSOR BA LA SOGS PA PHUNG PO BZHI'I MING DANG RKYEN DANG PO GNYIS KYI GZUGS LA BRTEN NAS NI, MIG GI RNAM PAR SHES PA SKYE BAR 'GYUR BA'I MIG DANG GZUGS DANG RNAM PAR SHES PA GSUm PO 'DUS PA GANG YIN PA DE NI REG PA'I MTSAN NYID YIN LA SKYE TSUL YANG RNAM SHES LTAR RO, ,YUL DPANG RNAM SHES GSUM 'DUS PA'I MIG GI 'DUS TE REG PAS NI REG PA GZHAN LNGA YANG SHES PAR BYA'O, ,DE YANG GSUM PO 'DUS PA'I SKABS SU YUL YID DU 'ONG MI 'ONG BAR MA GSUM YONGS SU GCOD PA'O, ,DE NAS REG PA DE LAS YID DU 'ONG MI 'ONG SOGS BCAD BA DANG MTHUN PAR TSOR BA BDE SDUG BTANG SNYOMS GSUM KUN TU 'BYUNG BAR 'GYUR LA, MIG GI 'DUS TA RIG PA'I RKYEN BYA TSOR BAS NI TSOR BA LHAG MA LNGA YANG SHES PAR BYA'O, ,DE LTAR NA GANG 'PHANGS PA NI MING GZUGS DAN SKYE MCHED DRUG DANG RIG PA DANG TSOR BA STE ZIR KUN LAS BTUS LAS GSUNGS, TE 'BRES DUS KYI RNAM SHES KYANG NGO,, GANG GIS 'PHANGS NA MA RIG PA LA BRTEN PA'I 'DU BYED KYIS SO, ,JI LTAR 'PHANGS NA RGYU DUS KYI RNAM SHES LA LAS KYI BAG CHAGS BSGOS PA'I TSUL GYIS SO, ,'PHANGS PA'I DON NI SRED PA SOGS KYI 'GRUB BYED YOD NA 'BRAS BU DE DAG

267b

'GRUB RUNG DU BYAS PA'O, ,GNYIS PA NI, DE NAS TSOR BA'I RKYEN GYIS SRED PA SKYE BAR 'GYUR TE SRID PA NI TSOR BA'I YUL CAN NO, ,CI'I PHYIR SRED NA SRED PA CAN DE TSOR BA'I DON DU SRED PAR 'GYUR TE MNGON PAR 'DOD PA SKYED DO, ,DE YANG TSOR BA BDE BA LA NI MI 'BRAL BA'I PHYIR DANG SDUG BSNGAL LA NI 'BREL BA'I PHYIR DANG BTANG SNYOMS LA MI MNYAM PA'I PHYIR DU SRED DO, ,DE LTAR SRED PAR GYUR NA SRED PA'I RKYEN CAN LAS 'PHEN PA'I RGYU 'DOD PA DANG LTA BA DANG TSUL KHRIMS DANG BRTUL ZHUGS DANG, BDAG TU SMRA BA NYE BAR LEN PA RNAMS PA BZHI PO SRED LDAN DES NYE BAR LEN PAR 'GYUR RO, ,NYE BAR LEN PA BZHI PO DE YOD NA DE BZHI NYE BAR LEN PA PO STE SKYED PA PO DE'I LEN PA'I RKYEN GYIS SRID PA RAB TU 'BYUNG BA STE SKYE BAR 'GYUR LA, GAL TE NYI BAR LEN PA PO GANG GIS DE KHO NA NYID RTOGS PA'I SO SOR RTOGS PA'I SHES RAB KYI STOBS KYIS TSOR BA LA SRED PA BDAG GIR MA BYAS PAR, GNYIS SU MED PA'I YE SHES MNGON DU BYAS PA LAS NYE BAR LEN PA MED PAR GYUR NA NI, DE GROL BAR 'GYUR TE DE'I TSE YANG SRID YOD PAR MI 'GYUR RO, ,LEN PA'I RKYEN GYIS 'BYUNG BA'I SRID PA DE YANG PHUNG PO LNGA'I RANG BZHIN DU RIG PAR BYA STE, LUS DANG NGAG DANG YID KYI LAS DGE MI DGE GSUM CHAR YANG MA 'ONGS PA'I PHUNG PO LNGA'I SRED PA 'BYUNG BAS RGYU LA 'BRAS BU'I MING GIS BTAGS NAS SRID PA ZHES BYA'O,, DE LA LUS DANG NGAG GI LAS NI GZUGS KYI PHUNG PO YIN LA YID KYI LAS NI PHUNG PO BZHI'I RANG BZHIN NO, ,DE LA GZHUNG GZHAN LAS BYE BRAG TU SMRA BAS LUS NGAG GI LAS GZUGS CAN DU 'DOD PA BKAG NAS, LUS NGAG BYA BA LA 'JUG DUS KYI SEMS PA

268a

, ,LA BSHAD MOD KYANG ZLA BAS GZUGS CAN DU BZHED DO, ,YID KYI LAS NI SEMS PA YIN YOD KYANG SEMS PA DANG MTSUNGS LDAN GYI SEMS SEMS BYUNG GZHAN RNAMS DE DANG NGO BO GCIG PAS YID LAS PHUNG PO BZHI'I RANG BZHIN DU BSHAD DO, ,SRED LEN GYIS GOS BTAB PAS YANG SRID 'GRUB PA'I LAS NUS PA MTHU CAN DU SONG BA'I SRID PA DE LAS NI TSE PHYI MA'I PHUNG PO'I SKYE BA LEN PA 'BYUNG LA, PHUNG PO SMRIN PA'I RGA BA DANG PHUNG PO 'JIG PA'I SHI BA DANG, 'CHI BZHIN PA'I KUN TU RMONGS PA'I CHAGS PA DANG BCAS PA'I SNYING GI GDUNG BA MYA NGAN DANG, MYANG NGAN DES KUN NAS BSLANG BA'I NGAG GIS SMRE SNGAGS 'DON PA DANG DBANG PO LNGA LA GNOD PA'I SDUG BSNGAL DANG, YID KYI SHES PA LA GNOD PA'I YID MI BDE BA DANG SDUG BSNGAL DANG YID MI BDE LAS BYUNG BA'I LUS DANG SEMS KYI 'KHRUG PA RNAMS TE DE DAG NI SKYE BA LAS RAB TU 'BYUNG NGO, ,SNGAR JI SKAD BSHAD PA'I TSUL GYIS DE LTAR TE RANG GI RGYU DANG RKYEN TZAM GYI MTHUS SDUG BSNGAL GYI PHUNG PO DANG TSOd DANG KHYU STE SDUG BSNGAL SPANGS PA'O, ,DAG DANG BDAG GI BA'I RANG BZHIN DANG BRAL BA DANG BYIS PAS BTAGS PAS TZAM SDUG BSNGAL GYI BDAG YI BDE BA DANG MA 'DRES PA 'DA' ZHIG PA 'DI 'BYUNG BAR 'GYUR RO ZHES LA 'KHOR BAR LUGS SU 'JUG PA GSUNGS SO, ,DE LA GONG 'GRUB NA SKYE BA DANG RGA SHI'O, ,GANG GIS 'GRUB PAR BYED NA SRED PA'I RKYEN CAN GYI LEN PAS SO, ,JI LTAR 'GRUB PAR BYED NA 'DU BYE KYIS RNAM SHES LA BSGOS PA'I LAS KYI BAG CHAGS DE NUS PA MTHU CAN DU BYAS PA

268b

LAS KYI SRID PAR BYAS PA'I TSUL GYIS SO, ,'DIS NI MA RIG PA DANG 'DU BYED KYIS 'PHANGS PA DE NYID 'GRUB PAR BYED PAS, 'PHEN BYED DANG 'GRUB BYED KYI RGYU 'BRAS NI SKYE BA LEN THEBS GCIG GI RGYU 'BRAS YIN GYIS KE BA SO SO BA'I DBANG DU BYAS PA MIN NO, , 'ON KYANG SO SOR BSTAN PA NI 'PHANGS PA'I SDUG BSNGAL DANG GRUB PA'I SDUG BSNGAL GYI KHYAD PAR DANG, 'PHEN YE DANG 'GYUR BYED KYI RGYU PA'I 'DRA BA'I KHYAD PA BSTAN PA'I PHYR YIN TE, SA YI DNGOS GZHI LAS, RNAM PAR SHES PA LAS SOGS PA NAS TSOR BA LA THUG PA DAG DANG SKYE BA DANG RGA SHI RNAMS 'DRES PA'I MTSAN NYID YIN NA CI'I PHYIR RNAM PA GNYIS SU BSTAN ZHE NA, SDUG BSNGAL PA'I DNGOS PO'I MTSAN NYID THAD PA BSTAN PA'I PHYIR DANG, 'PHEN PA DANG MNGON POR 'GRUB PA'I RAB TU DBYE PA YONGS SU BSTAN PA'I PHYIR RO, ,ZHES GSUNGS PA LTAR RO, ,GNYIS PA NI , MA RIG PA LA SOGS PA LAS RID PA'I YAN LAG RNAMS 'BYUNG BAS 'KHOR BA RNAM SHES NYID MTSAMS SBYAR BA LA SOGS PA'I RTZA BA STE RGYU'I GTZO BO NI 'DU BYED YIN TE, DE'I PHYIR MKHAS PA RTEN 'BYUNG GI DE KHO NA NYID MNGON SUM DU MTHONG BA RNAMS 'PHEN BYED KYI LAS 'DU MI BYE PA DE YI PHYI, MI MKHAS PA DE KHO NA NYID MNGON SUM DU MA MTHONG BA NI 'DU BYED KYI BYED PA PO YIN TE, MDO SDE LAS, DGE SLONG DAG MA RIG PA DANG RJES SU 'BREL BA'I SKYES BU GANG ZAG 'DI NI BSOD NAMS MNGON PAR 'DU BYA BA YANG MNGON PAR 'DU BYED DO, ,BSOD NAMS MA YIN PA MNGON PAR 'DU BYA BA YANG MNGON PAR 'DU BYED DE, ,MI GA-YO BA MNGON PAR 'DU BYE BA YANG MNGON PAR 'DU BYED DO, ,ZHES GSUNGS

269a

, ,PA'I PHYIR RO, ,DE LTAR MI MKHAS PA BYE DPA PO YIN PAS MA RIG PA DANG LDAN PA KHO NA 'DU BYED KYI BYE PA POR 'GYUR GYI, MKHAS PA DE NYID MTHONG BA MA RIG PA SPANGS PA NI BYE PA PO MIN TE DE KHO NA NYID MNGON SUM DU MTHONG BA'I PHYIR RO, ,DE LTAR MA RIG PA YOD NA 'DU BYED 'BYUNG LA MED NA MI 'BYUNG BA'I PHYIR MA RIG PA 'GAGS PA STE SPANGS PAR GYUR NA NI 'DU BYED RNAMS KYANG 'BYUNG BAR MI 'GYUR TE RGYU MA TSANG PA'I PHYIR RO, ,MA RIG PA DE GANG GIS 'GOG PAR 'GYUR ZHE NA, MA RIG PA 'GAGS PA STE ZAD PAR 'GYUR PA NI, RTEN 'BYUNG GI DE NYID PHYIN CI MA LOG PAR SHES PAS, DE KHO NA NYID KYI DON BSGOM SA LA BRTEN NA DE KHO NA NYID MNGON GSUM DU MTHONG BAR 'GYUR LA, DE NYID MTHONG BA'I RNAL 'BYOR PAS NI MA RIG PA NGES PAR SPONG NGO, ,MA RIG PA SPANGS PAS NI 'DU BYED 'GAG PAR 'GYUR LA DE BZHIN DU 'BYED LA SOGS PA'I YAN LAG SNGA MA DE DAG DE DAG 'GAGS PAR GYUR PAS YAN LAG PHYI MA DE DANG DE NI MNGON PAR MI 'BYUNG NGO, ,RIM PA 'DI DAG NI RNAL 'BYOR PA'I SDUG BSNGAL GYI PHUNG PO BDAG DANG BDAG GI BA RANG GI MTSAN NYID KYIS GRUB PAS STONG ZHING, BDE BA DANG MA 'DRES PAS 'BA' ZHIG PA DE NI SLAR YANG MI 'BYUNG BAS DE LTAR YANG DAG PAR 'GAG PA STE ZAD PAR 'GYUR RO, ,RAB BYED GZHAN THAMS CAD DU CHOS RNAMS RANG BZHIN GYIS GRUB PAR RIGS PAS BKAG NAS RAB BYED 'DIR MA BKAG PA NI, GANG DAG DANG CHOS KYI RTEN 'BREL LA RANG BZHIN GYIS GRUB PA'I RANG BZHIN BKAG PA DER YANG LAG 'DI DAG THAmD KYANG RANG BZHIN MED PAR BSHAD ZIN CiNG,

269b

'DIR NI DE LTAR GTAN LA PHAB PA'I DE KHO NA NYID BSGOMS NA MA RIG PA LDOG LA, DE'I DBANG GIS SRID PA'I YAN LAG LHAG MA THAMS CAD LOG NAS THAR PA 'THOB PA DANG, DE 'DRA BA'I LTA BA MA RNYED NA MA RIG PA MI LDOG PAS DE'I DBANG GIS YAN LAG PHYI MA RNAMS 'JUG PAS 'KHOR BA'I 'KHOR LO BSKOR BAR 'CHAD PA YIN NO, ,GNYIS PA NI, GANG ZAG DANG CHOS KYI RTEN 'BREL LA DMIGS NAS BDAG TU 'DZIN PA'I MA RIG PA GNYIS KYIS BDAG GNYIS JI LTAR BZUNG BA'I LHAN SKYES KYI MA RIG PA'I 'DZIN STANGS NGES PAR BYAS NAS, RId PA JI SNYED CIG GSUNGS PA THAMS CAD DE GNYIS KYIS JI LTAR BZUNG PA'I BDAG GNYIS BA BKAG NAS, DE'I GNYEN PO BDAG MED GNYIS RTOGS PA'I LTA BA SKYED PA'I YAN LAG TU SHES PAR BYAS LA, BDAG MED RTOGS PA'I LTA BA RNAM PAR DAG PA PHU THAG CHOD PAR BYAS NAS THOS PA DANG BSAM PA DANG BSGOM PA GSUM GYIS RTEN 'BREL LUGS BZLOG GI PHYOGS SU CI 'GYUR LA 'BAD PAR BYA'O, ,SRID PA'I YAN LAG BCU GNYIS BRTAG PA ZHES BYA BA TSIGS SU BCAD PA BCUS KYI BDAG NYID RAB TU BYED PA NYI SHU RTZA DRUG PA'I RNAM PAR BSHAD PA'O,, ,,GSUM PA RTEN 'BYUNG RTOGS NA LTA BA NGAN PA LDOG TSUL LA GSUM, RAB BYED KYI GZHUNG BSHAD PA, DES DON GYI LUNG DANG SBYAR BA, DON BSDUS TE MTSAN BSTAN BA'O, ,DANG PO NI, SA LU LJANG PA'I MDO LAS, GANG GIS DE LTA BU'I RTEN CING 'BREL PAR 'BYUNG BA JI LTA BUR YANG DAG PAR MTHONG BA DE NI, SNGON GYI MTHA' LA RTEN PAR MI BYED PHYI MA'I MTHA' LA RTEN PAR MI BYED DO ZHES GSUNGS PA YIN NA SNGON DANG PHYI MA MTHA'

270a

, ,NI GANG ZHIG YIN LA DE LA RTEN PAR MI BYED PA'I TSUL YANG JI LTAR YIN ZHE NA, 'DI BSHAD PA LA GNYI, LTA BA NGAN PA BCU DRUG NGOS GZUNG BA DANG, RTEN 'BREL RTOGS PA DE LA MI GNAS PA'I TSUL LO, ,DANG PO NI, CI BDAG 'DAS PA'I DUS NA BYUNG BA DANG MA BYUNG BA DANG, DE GNYIS KA DANG GNYIS KA MA YIN PA'O ZHES LTA BA BZHI DANG, 'JIG RTEN RTAG PA DANG LA SOGS KYIS BSDUS PA 'JIG RTEN MI RTAG PA DANG GNYIS KA DANG GNYIS KA MIN PAR LTA BA BZHIN STE BRGYAD PO GANG YIN PA DE DAG NI, DE LTAR GYI LUS LA LTOS NAS 'DAS PA'I LUS LA SNGON GYI ZHES BYA STE MTHA' NI SKYE BA GCIG NAS GCIG TU BRGYUD PA'I CHA SNGA MA DANG DE LA BRTEN PA NI DMIGS PA'I DON YIN NO, ,BYUNG MA BYUNG GNYIS KAR DANG RTAG MI RTAG GNYIS KAR LTA BA NI GCER BU PAS TSE SNGA PHYI'I SROG NI GCIG DANG PHUNG PO NI SO SOR 'DOD PA LTA BU YIN LA, GNYIS KA PA NI SNGA MA DE NYID RNAM GRANGS LAS GNYIS KA MIN PA'I PHYOGS SU BSHAD PA BZHIN DANG, MANG POS BKUR PAS GANG ZAG RTAG MI RTAG GANG DU YANG BRJOD DU MED PAR 'DOD PA LTA BU DANG BRTAG PA'I MTHA' BZUNG NAS NAS BKAG PA YANG YOD DE, DE DAG GIS PHYI MA'I MTHA' LA BRTEN PA RNAMS KYI MU GNYIS KYANG SHES PAR BYA'O, D,E LA BYUNG MA BYUNG GNYIS SMOS PA NI LTA BA GZHAN GNYIS KYI MTSON BYED YIN LA BYUNG SOGS BZHI NI BDAG KHO NA LA DMIGS NAS ZHUGS SHING 'JIG RTEN RTAG PA LA SOGS PAR LTA BA BZHI NI SBYOR SNGON GYI MTHA' LA DMIGS NAS 'JUG PAS KHYAD PAR YOD DO, ,BDAG MA 'OGS PA'I DUS GZHAN NA 'BYUNG BAR 'GYUR BA

270b

DANG MI 'GYUR BA DANG DE GNYIS NI MTSON PA TZAM YIN PAS, MA 'ONGS PA'I DUS NA BDAG 'BYUNG MI 'BYUNG GNYIS KA DANG GNYIS KA MA YIN PAR LTA BA BZHI DANG, 'MIG RTEN MTHA' DANG LAN PA DANG SOGS KYIS BSDUS PA 'JIG RTEN MTHA' DANG MI LDAN PA DANG GNYIS KA DANG GNYIS KA MIN PAR LTA BA BZHI GANG YIN PA DANG DAG NI, DE LTAR YIG BDAG LA LTOS NAS 'BYUNG 'GYUR GYI LUS LA PHYI MA ZHES BYA BA STE SKYE BA GCIG NAS GCIG TU BRGYUD PA'I CHA PHYI MA NI DE'I MTHA' YIN LA DE LA DMIGS PAS NA DE LA BRTEN PA YIN NO, ,LTA BA BZHI TSAN DE GNYIS KYI KHYAD PAR YANG SNGA MA BZHIN NO, ,GNYIS PA LA GNYIS, THA SNYAD DU GZUGS BRNYAD LTA BU'I RTEN 'BREL GYI DBANG DU BYAS NAS LTA BA DE DAG LA GNAS BA DGAG, DON DAM PAR SPROS PA THAMS CAD ZHI BAS LTA BA DE DAG LA GNAS PA DGAG PA'O, ,DANG PO LA BZHI, SNGON GYI MTHA' LA BRTEN PA'I LHAG BA BZHI TSAD DANG PO DGAG, DES PHYI MA'I MA MTHA' LA BRTEN PA'I LTA BA BZHI TSAN DANG PO KHEGS PAR BSTAN, SNGON YI MTHA' LA BRTEN PA'I LTA BA BZHI CHAN GNYIS PA DGAG, PHYI MA'I MTHA' LA BRTEN PA'I TA BA BZHIN CHEN GNYIS PA DGAG PA'O, ,DANG PO LA GNYIS, 'DAS DUS SU BYUNG MA BYUNG DU LTA BA GNYIS DGAG, MJUG BSDUD DA LTA BA GZHAN GYI KYANG ME 'THAD PAR BSTAN PA'O, ,DANG PO LA GNYIS, 'DAS DUS SU BYUNG BAR LTA BA DGAG, 'DAS DUS SU MA BYUNG BAR LTA BA DAG PA'O, ,DANG PA LA GNYIS, DGAG PA DNGOS DANG, BKAG PA'I MJUG BSDU PA'O, ,DANG PO NI, BDAG SNGAR 'DAS PA'I TSE RABS SU BYUNG BAR GYUR TO ZHES BYA BAR LTA RAB DE NI 'DZIN STANGS DON DANG

271a

, ,MTHUN PAR 'THAD PA MA YIN NO, ,DMIGS PA BDAG LA DMIGS NAS RNAM PA SNGON GYI DUS NA 'DI 'DRA ZHIG TU GYUR ZHES GANG DU GYUR PA DE'I NGO BOR RANG BZHIN GYIS GYUR PA'AM BYUNG BAR 'DZIN PA'O, ,DES JI LTAR BZUNG BA'I DON DE YOD NA, DA LTA BDAG SNGAR 'DI 'DRAR GYUR TO ZHES DRAN PA DANG SMRA BA'I DUS KYI BDAG 'DI DANG TSE RABS SNGA MA'I DUS KYI BDAG DE GNYIS GCIG DGOS PO LAS, SNGON GYI TSE RABS RNAMS KYI DUS SU GANG BYUNG BA'I BDAG DE NYID TSE 'DI'I BDAG 'DI NI MA YIN PA'I PHYIR DE LTAR LTA BA DE NI 'THAD PA MIN NO, ,BDAG SNGON GYI DUS NA 'DIR GYUR TO ZHES DMIGS PA'I BDAG DE RANG GI NGO BO NYID KYIS GRUB NA TSE SNGA PHYI'I DUS KYI BDAG GNYIS GCIG TU 'GYUR BA'I RGYU MTSAN NI, BDAG GNYI RANG BZHIN GYIS GRUB NA NGO BO NYID KYIS GCIG DANG THA DAD GANG RUNG DU GRUB PA LAS MI 'DA' LA, NGO BO NYID KYIS THA DAD PA'ANG 'CHAD PAR 'GYUR BA LTAR 'GOG PAS GCIG TU 'GYUR RO, ,TSE SNGA PHYI'I DUS KYI BDAG GNYIS GCIG YIN NA RTAG PAR 'GYUR LA DE LTA NA RIM GYIS 'KHOR BA NA, 'GRO BA GCIG KYANG DUS GCIG TU MI DANG DMYAL BA LA SOGS PA 'GRO BA DU MAR 'GYUR RO, ,'O NA MDO LAS, NGA NYID DE'I TSE DE'I DUS NA 'KHOR LOS BSGYUR PA'I RGYAL PO MANG POS BKUR BA ZHES BYA BAR GYUR TO, ,ZHES STON PA SH'AKYA THUB KYIS DE LTAR GSUNG BA MI RIGS TE, MANG POS BKUR BA'I BDAG DANG SH'AKYA THUB KYI BDAG GNYIS GCIG MA YIN PA'I PHYIR RO ZHE NA, LUNG 'DIS NI DE GNYIS RGYUD GZHAN YIN PA BKAG NAS RGYUD GCIG TU STON GYI DE GNYIS KYI

271b

BDAG GNYIS GCIG TU STON PA MIN NO, ,DA LTAR YIN PAR YANG MDO SDE RNAMS LAS SNGON GYI BYUNG BA BRJOD NAS DE NAS MING 'DI ZHES BYA BA DE GZHAN ZHIG YIN NAM SNYAM NA DE NI DE LTAR MI BLTA STE, NGA NYID DE'I DUS NA DER GYUR TO ZHES RGYUD GZHAN 'GOG PA GTZO BOR MDZAD NAS GSUNGS PA'I PHYIR RO, ,NGA ZHES GSUNGS PA'I BDAG THA SNYAD KYI GZHIR GYUR PA'I GANG ZAG KYANG DUS SNGA PHYI SO SOR MA PHYE BA'I SPYI TZAM PA LA BYED BA'I RNAM GZHAG NI SNGAR BSHAD ZIN TO, ,GAL TE TSE SNGA PHYI'I BDAG DE GNYIS GCIG TU GYUR NA SKYON CI YOD CE NA DE LA RTAG PAR THAL BA'I NYES PA BRJOD ZIN TO, ,SKYON GZHAN YANG BRJOD PAR BYA STE, GAL TE TSE SNGA MA'I DUS KYI BDAG DE NYID TSE 'DI'I DUS KYI BDAG TU 'GYUR RO SNYAM NA, DE'I TSE NYE BAR LEN PA PO'I BDAG GCIG YIN PAS GNAS SKABS DE GNYIS KYI NYE BAR LEN PA PHUNG PO GNYIS KYANG GCIG YIN PAR 'GYUR NA, NYE BAR LEN PA PHUNG PO GNYIS NI SO SO BA KHO NA STE DE'I RGYU DANG DUS THA DAD PA'I PHYIR RO, ,CI STE NYE BAR LEN PA SO SO BA YIN PA DANG GNAS SKABS DE GNYIS KYI BDAG GNYIS GCIG YIN PA MI 'GAL BAS BDAG 'DAS BA'I DUS NA RANG BZHIN GYIS BYUNG BAR LTA BA 'THAD DU SNYAM NA, NYE BAR LEN PA DANG BDAG GNYIS RANG MTSAN GNYIS SO SO BAR GRUB NA DE GNYIS MI 'GAL YANG, NYE BAR LEN PA MA GTOGS PA TE DE LAS RANG BZHIN GYIS THA DAD PA'I KHYOD KYI BDAG NI GANG ZHIG YOD PA YIN TE MED PAS LAN DE MI RIGS SO, ,GAL TE NYE BAR LEN PA PHUNG PO MA GTOGS PA'I BDAG NGO BO NYiD KYIS YOD PA MA YIN NO ZHES BYAS PA'I TSE, NYE BAR LEN PA PHUNG PO NYID BDAG TU RANG BZHIN

272a

, ,GYIS YOD DO SNYAM NA, DE LTA NA KHYOD KYIS BDAG NGO BO NYID KYIS YOD DO ZHES BDAG KHAS BLANGS PA DE MED PA YIN TE, PHUNG PO'I RNAM GRANGS TZAM DU ZAD PAS BDAG GI DON MED PA'I PHYIR RO, ,GAL TE NYE BAR LEN PA'I PHUNG PO NYID BDAG DANG RANG BZHIN GYIS GCIG BA NYID MA YIN TE, YIN NA NI NYE BAR LEN PA'I PHUNG PO DE SKAD CIG RE RE LA 'BYUNG BA DANG 'JIG PA YIN PA BZHIN DU BDAG KYANG DE LTAR 'GYUR NA DE NI MI RIGS SO, ,MI RIGS PA'I RGYU MTSAN NI BDAG MI RTAG PAR SMAN CHAD PAR 'GYUR TE, RANG BZHIN GYIS GRUB NA SNGA MA LAS PHYI MA SKYE BA'I RGYUN MA 'CHAD PA MI RIGS TE, RANG MTSAN GYIS SNGA PHYI SO SO BA LA LTOS PA MI RUNG BA'I PHYIR RO, ,MI 'JIG NA NI BDAG RTAG PAR SMRA BA NYID DU 'GYUR RO, ,GZHAN YANG NYE BAR BLANG BAR BYA BA DE JI LTA BUR NA NYE BAR LEN PA PO'I BDAG YIN PAR 'GYUR ZHES PA MI 'GYUR TE, LAS DANG BYED PA PO GCIG TU 'GYUR BAS BUM PA DAN RDZA MKHAN SOGS KYANG GCIG TU 'GYUR BA'I PHYIR RO, ,GAL TE NYE BAR LEN PA'I PHUNG PO TZAM ZHIG BDAG MIN PA BDEN MED KYANG BDAG NI NYE BAR LEN PA LAS RANG BZHIN THA DAD DO SNYAM NA, LEN PA PO'I BDAG NI BLANG BYA NYE BAR LEN PA LA RAG BZHIN GYIS GZHAN DU YOD PA 'THAD PA NYID MA YIN TE, GAL TE DE GNYIS RANG GI NGO BOS GZHAN DU GRUB NA NYE BAR LEN PA PHUNG PO MED PAR BDAG DE GZUNG DU YOD BAR RIGS NA DE LTAR GZUNG DU MED PA'I PHYIR RO, ,'DI YANG RANG MTSAN GYIS GZHAN DU GRUB NA LTOS PA MI RUNG BAS 'BREL PA 'GOG NUS LA, 'BREL MED DON GZHAN NI YA BRAL DU DMIGS DGOS PA LAS DE

272b

LTAR MA DMIGS PA'I PHYIR RANG BZHIN GYIS GZHAN DU GRUB PA MED PAR STON PA'I TSIGS PA'O, ,GNYIS PA NI, SNGAR BSHAD PA DE LAR BU NGO BO LAM LTO BU KHAR GZUNG DU YOD PAR 'GYUR BAS BDANG NI NYE NAR LEN PA LAS RANG BZHIN GYIS GZHAN PA'ANG MA YIN LA, LAS DANG BYED PA PO GCIG TU 'GYUR BA DANG MI RTAG PAR SMRA NA CHAD PAR 'GYUR BAS BDAG DE NI NYE BAR LEN PA PHUNG BO NYID KYANG MIN NO, ,BDAG TU GDAGS PA RGYU MED PAR THAL BA'I PHYIR BDAG NI NYE BAR LEN PA LA LTOS PA MED PAR YOD PA'ANG MIN NO, ,DE LTA NA BDAG MED DO SNYAM NA, BDAG DE NI MED PA NYID DU'ANG MA NGES TE PHUNG PO LA BRTAN NAS 'DOGS PA'I PHYIR TE MED PA MO GSHAM GYI BU LA SOGS PA NI PHUNG PO LA BRTEN NAS DOGS PA MIN NO, ,GNYIS PA NI, 'DAS PA'I TSE RABS KYIS DUS SU SNGON MA BYUNG BA'I NGO BOR RANG BZHIN GYIS GNAS SO ZHES BYA BAR LTA BA DE YANG MI 'THAD DE, DA LTAR GYI TSE 'DI'I BDAG 'DI TSE SNGON MA'I BDAG LAS RANG BZHIN GYIS GZHAN DU GRUB NI, DE'I TSE 'DAG BA'I DUS NAM BYUNG BAR RANG BZHIN GYIS GRUB PAR 'DZIN PA 'THAD NA'ANG DE NI MI SRID DO, ,GAL TE TSE SNGA PHYI'I BDAG GNYIS NGO BO NYID KYIS GZHAN DU 'GRUB NA NYES PA CI YOD CE NA, GAL TE TSE 'DI'I BDAG 'DI NI TSE SNGA MA'I BDAG LAS NGO BO NYID KYIS GZHAN DU GYUR NA SNGAR GYI BDAG DE LA LTOS PA MED PAR YANG 'BYUNG BAR 'GYUR BA DANG, BDAG SNGA MA DE NI RANG GI DUS DE BZHIN DU PHYI MA SKYES PA NA'ANG MA 'GAGS PAR GNAS PAR 'GYUR ZHING TSE SNGA MA DER YE SHI BAS YANG TSE 'DIR SKYE BAR 'GYUR RO, ,GAL TE SNAR GYI DGAG DE LA LTOS PA MED PAR 'DIR BDAG 'BYUNG NA NYES PA CIR

273a

, ,'GYUR ZHE NA, NYES PA MED PAR 'GYUR TE 'DI LTAR SNGAR GYI BDAG DE DUS DER ZHIG PA'I PHYIR DANG, TSE 'DIR DE LAS RAG BZHIN GYIS GZHAN DU GYUR PA ZHIG KHO NA SKYES PA'I PHYIR SNGAR GYI BDAG DE RGYUN CHAD PAR 'GYUR TE, BDAG SNGA MA LAS PHYI MA 'BYUNG BA MI 'THAD PA'I PHYIR RO, ,BDAG SNGA MA DE RGYUN CHAD NA NI DE'I MJUG TU 'BYUNG BA'I LAS KYI 'BRAS BU RNAMS RTEN CHAD PAS RNAM PAR CHAD PA'I PHYIR DANG, DE'I ZA BA PO YOD MED PA'I PHYIR LAS RNAMS KYI 'BRAS BU CHUD ZA BAR 'GYUR RO; ;CI STE SNGAR GYI BDAG GIS BYAS PA'I LAS KYI 'BRAS BU BDAG PHYI MAS LONGS SPYOD PAR 'DOD NA, DE LTA NA YANG RGYUD GZHAN GYIS BYAS PA'I LAS RNAMS KYI 'BRAS BU RGYUD GZHAN GYIS SO SOR MYONG BA DANG, DE LA SOGS PA NI RAB BYED BRGYAD PAR, CI STE LAS NI MI BYAS NA, ,MA BYAS PA DANG 'PHRAD 'JIGS 'GYUR, ,ZHES BSHAD PA DE LTA BU LA SOGS PA'I SKYON DU THAL BAR 'GYUR RO, ,GZHAN YANG TSE 'DI'I BDAG 'DI SNGAR GYI BDAG LAS RANG BZHIN GYIS GZHAN DU GYUR PA ZHIG 'DIR SKYES NA NI, NGA'O SNYAM PA'I THA SNYAD KYI GZHI'I BDAG DE SNGAR MA BYUNG BA LAS PHYIS 'BYUNG BAR 'GYUR NA SNGAR MA BYUNG BA LAS PHYIS 'BYUNG BA NI MIN TE, DE LTAR 'DOD PA 'DI LA MI 'DOD PA'I SKYON DU THAL BAR 'GYUR TE, 'DI LTAR BDAG SNGAR MA BYUNG BA LAS PHYIS 'BYUNG NA NI BDAG RGYUS BYAS BAR 'GYUR NA, BDAG RDZAS SU YOD PAR 'DOD BA RNAMS KYIS NI RTAG PA DANG RTAG MI RTAG GANG DU YANG BRJOD DU MED BAR 'DOD LA BYAS NA NI MI RTAG PAR 'GYUR BA'I PHYIR RO, ,GZHAN YANG BDAG DE SGRUB PAR PA DE LAS THA

273b

DAD PA'I BYED PA PO MED PA'I PHYIR BDAG BYAS PA NYID DU GA LA RIGS, BDAG BYAS PAR RTOG NA 'KHOR BA'I THOG MA YONG BA DANG SNGON MED PA'I SEMS CAN GSAR DU 'BYUNG BAR 'GYUR BA'I SKYON 'GREL PAR GSUNGS SO, ,SKYON 'DI DAG 'JUG TSUL NI TSE SNGA PHYI'I BDAG GNYIS NGO BO NYID KYIS GZHAN DU SMA NA, TSE SNGA PHYI LA SOGS PA'I DUS KYIS KHYAD PA DU MA BYAS PA LHAS BYIN GYIS GANG LA DMIGS NAS NGA'O SNYAM PA SKYE BA'I BDAG SPYI TZAM PA DE, GANG ZAG DE'I TSE 'DI'I DUS KYI BDAG DANG RANG BZHIN YIS THA DAD PA MI 'THAD PAS RANG BZHIN GYIS GCIG TU 'DOD DGOS SO, ,DE LTA NA TSE 'DI'I DUS KYI BDAG SKYE BA SNGA MA RNAMS SU MED PAR GSAR DU 'DIR 'BYUNG BA BZHIN DU, BDAG TZAM PA DE YANG DE BZHIN DU 'BYUNG BAS BDAG TZAM PO DE LA THOG MA YOD PA DANG DE 'DRA BA'I BDAG GAM SEMS CAN TZAM DE, TSE SNGA MAR MA BYUNG BAR GSAR DU 'DIR 'BYUNG BA'I SKYON DU 'GYUR ZHING BDAG TZAM DE TSE 'DIR GSAR DU BYUNG NA, DE'I SNGON DU DE SGRUB PA'I BDAG GZHAN ZHIG 'GRO DGOS NA DE YANG MED PA'I PHYIR, BDAG TZAM DE TSE 'DIR GSAR DU BYAS PAR YANG MI RIGS PA'O, ,LHAS BYIN GYIS BDAG TZAM DE TSE 'DIR GSAR DU BYUNG BA YIN NA DE LTAR 'BYUNG BA DE RGYU MED PA CAN DU 'GYUR TE, DE'I SNGAR LHAS BYIN DANG RGYUD GCIG PA'I BDAG MA SONG BA'I PHYIR DANG TSE 'DI'I BDAG LA DE BYED PA PO BDAG CIG SNGON DU 'GRO DGOS PA'I PHYIR RO, ,'AM ZHES PA NI RNAM PAR BRTAG PA'I DON YIN TE, YANG NA BDAG BYAS PAR 'GYUR YANG NA BDAG 'DUS SUM BYUNG BAR KHAS MI BLANG ZHES PA DANG, YANG NA BDAG 'BYUNG BA RGYU MED DU 'GYUR

274a

, ,YANG NA BDAG 'DAS SU MA BYUNG BAR KHAS MI BLANG ZHES PA'I DON NO, ,GNYIS PA NI, DE LTAR SNGAR JI SKAD BSHAD PA'I TSUL DU BDAG 'DAS PA'I DUS NA BYUNG BA DANG BDAG 'DAS PA'I DUS SU MA BYUNG BA'I NGO BOR RANG BZHIN GYIS NGAS PAR LTA BA GNY8IS MI 'THAD LA, SO SO BA MI 'THAD PA'I PHYIR BDAG 'DAS DUS SU BYUNG MA BYUNG GNYIS KA TSOGS PAR LTA BA YANG MI 'THAD DO, ,DE LTAR GNYIS KA TSOGS PA MI 'THAD PA'I PHYIR DE GNYIS BKAG PA'I SGO NAS 'DAS PA'I DUS SU BYUNG MA BYUNG GNYIS KA MA YIN PA'I NGO BOR RANG BZHIN GYIS GNAS PA LTA BA YANG MI 'THAD DO, DE LTAR NA RTEN 'BYUNG JI BZHIN DU MTHONG BA NI SNGON GYI MTHA' LA BRTEN PA'I LTA BA DE RNAMS LA RTEN PAR MI BYED DE, DE RNAMS NI DNGOS PO RNAM PA GZHAN DU GNAS PA LA DE LAS RNAM PA GZHAN DU 'DZIN PA YIN LA RTEN 'BYUNG RTOGS PA LA NI DE LTAR ZHEN PA MED PA'I PHYIR RO, ,DE LTAR NA NGA 'DAS PA'I DUS NA 'DIR GYUR TO ZHES PA'I DON THA SNYAD PA'I DE NI DE SKAD SMRA BA'I DUS KYI GANG ZAG DE LA MI BYED KYI, DUS SNGA PHYI LA SOGS PAS KHYAD PAR DU MA BYAS PAR DE RNAMS LA RJES SU 'GRO BA'I GANG ZAG TZAM ZHIG LA BYA BA YIN NO, ,TSUL DE RTOd NA NI MDO SNGA LAS, NGA SNGON TSE 'DIR GYUR ZHES MANG PO GSUNGS PA'I DON DE SKAD SMRA DUS KYI SANGS RGYAS DE, TSE RAB SNGA MA'I DUS SU BYUNG BA'I GANG ZAG RNAMS DANG DNGOS PO GCIG TU YOD DO, ,ZHES SMRA BA'I SNGON GYI MTHA' LA BRTEN PA'I LTA BA NGAN PA RNAMS LDOG STE PHYI MA'I MTHA' LA BRTEN PA'I LTA BA NGAN PA RNAMS KYANG LDOG GO ,GNYIS

274b

PA NI, BDAG MA 'ONGS PA'I DUS GZHAN NA 'BYUNG BAR 'GYUR BA DANG BDAG DUS DER 'BYUNG BAR MI 'GYUR ZHES BYA BAR RANG BZHIN GYIS GNAS PAR LTA BA GANG YIN PA DE DAG DGAG PA NI, 'DAS PA'I DUS SU BYUNG MA BYUNG DU LTA BA DGAG PA DANG MTSUNGS PA YIN PAS DE'I 'DON PA BSGYUR LA DGAG GO ,DE YANG, MA 'ONGS DUS NA 'BYUNG 'GYUR ZHES, ,BYA BA DE NI MI 'THAD DE, ,MA 'ONGS TSE LA GANG 'BYUNG BA, ,DE NYID 'DI NI MA YIN NO, ,ZHES SOGS KYIS TSE SNGA PHYI'I BDAG GNYIS GCIG PA DGAG PA DANG, MA 'ONGS DUS NA MI 'BYUNG ZHES; ,BYA BA DE YANG MI 'THAD DE, ,MA 'ONGS TSE LA GANG 'BYUNG BA, ,DE LAS 'DI GZHAN MA YIN NO, ,ZHES BYA BA LA SOGS PAS BDAG GNYIS GZHAN YIN PA 'GOG PA RNAMS MTSUNGS PAR SBYAR RO, ,GSUM PA LA GNYIS, RTAG MI RTAG GI MTHAR LTA BA DANG PO GNYIS DGAG , MTHAR LTA BA PHYI MA GNYIS DGAG PA'O, ,DANG PO NI, 'DI NA MI'I 'GRO BA KHA CIG DGE BA'I LAS BYAS NAS LHA'I 'GRO BAR 'GRO'O, ,DE LA DE GNYIS RANG BZHIN GYIS YOD NA NGO BO NYID KYIS GCIG PA'AM THA DAD PA GANG YIN, GAL TE DANG PO LTAR NA LHA DE NYID MI DE NYID DO ZHES BYA BAR 'GYUR LA DE LTA NA NI MI DE RTAG PAR 'GYUR TE MI'I DNGOS PO MA DOR BAR LHA'I SKYE BA LEN PA'I PHYIR RO, ,MI DE LTAR NI MA SKYES PA NYID DU YANG 'GYUR TE RTAG PA LA SKYE BA MED PA'I PHYIR RO, ,DE'I PHYIR SNGON GYI MTHA' LA DMId NAS 'JIG RTEN RTAG GO ZHES LTA BA 'THAD PA MA YIN NO, ,GAL TE LHA LAS MI RANG BZHIN GNYIS GZHAN YIN NA DE LTA YIN NA NI ACA MRA'I SHING MIN PA'I SHING DANG RGYUD MI GCIG PA BZHIN DU, LHA MI GNYIS KYANG RGYUD GCIG TU GTOGS PAR MI 'GYUR TE RANG MTSAN

275a

, ,GYIS SO SO BA LA RGYU 'BRAS MI RUNG BA'I PHYIR RO, ,DE'I PHYIR SNGAR GYI MI'I RGYUN MI RTAG PA STE CHAD PAR 'GYUR RO, ,GAL TE LHA LAS MI RANG BZHIN YIS GZHAN YIN NA DE GNYIS RGYUD GCIG NI 'THAD PAR MI 'GYUR NA SNGA MA'I RGYUD RJES SU 'JUG PA'I RGYUD GCIG NI YOD DO, ,DE'I PHYIR SNGON GYI MTHA' LA DMIGS NAS 'JIG RTEN MA RTOG GO ZHES RANG BZHIN GYIS GNAS PAR LTA BA YANG MI 'THAD DO, ,GNYIS PA NI, GAL TE MI 'DI PHYOGS GCIG GIS MI'I LUS BTANG NAS PHYOGS GCIG GI LHA'I LUS LEN PAS RIL PO RTAG PA DANG MI RTAG PA'I SKYON MED DO ZHE NA, 'DI NI SKYE BA SNGA PHYI'I LHA MI GNYIS SROG GAM BDAG GI CHA NAS GCIG DANG LUS KYI CHA NAS SE SER 'DOD PA LTA BU'O, ,GAL TE MI 'DI PHYOGS GCIG STE BDAG GI NGOS NAS LHA YIN LA PHYOGS GCIG PA STE LUS KYI NGOS NAS MIN YIN PAR GYUR NA, DE'I TSE LHA'I PHYOGS GCIG MI'I DUS SU YANG NGAS PAS RTAG PA DANG, MI'I PHYOGS GCIG LHA'I DUS ZHIG PAS MI RTAG PAR 'GYUR BA YIN NA, MI'I 'GRO BA'I CHA GCIG LHAS BSDUS LA CHA GCIG MIS BSDUS PA DE YANG RIGS PA MA YIN NO, ,DE'I PHYIR SNGON GYI MTHA' LA DMIGS NAS RTAG MI RTAG GNYIS KAR LTA BA YANG MI 'THAD DO, ,GAL TE RTAG PA DANG MI RTAG PA GNYIS KA NGO BOS GRUB PAR GYUR NA NI RTAG PA YANG MA YIN MI RTAG PA YANG MIN PA NGO BOS GRUB PAR 'GYUR PA 'DOD LA RAG NA, DE GNYI NGO BOS GRUB PA SNGAR BKAG PAS MI 'GRUB BO, ,'DIR 'GREL PAS RTAG PA CUNG ZAD CIG YOD NA DE PHYIS MI RTAG PAR MTHONG BA LAS RTAG PA MIN PA

275b

DANG MI RTAG PA CUNG ZAD CIG YOD NA NI, DE PHYIS RTAG PAR 'GYUR BA LAS MI RTAG PA MIN PA 'GRUB NA'ANG ZHES GSUNGS PA'I RIGS PA DE'I DON JI LTAR YIN SNYAM NA, MI LHAR SKYE BA LTA BU DE LA MI'I BDAG RTAG PA CIG YOD NA DES LHA'I LUS BLANGS PA'I TSE MI'I PHUNG PO 'DOR BAS, CHA DE NAS RTAG PA MIN PA DANG MI'I PHUNG PO 'DOR RGYU MI RTAG PA CIG RANG BZHI GNYIS YOD NA, LHA'I LUS BLANGS PA'I TSE PHUNG PO DE ZHIG KYANG 'DOR BA PO RTAG PAR YOD PAS, CHA DE NAS MI RTAG PA YANG MIN PA'I GNYIS MIN GYI MTHAR LTA BA DE RIGS NA'ANG DE GNYIS MED CES PA'I DON NO, ,'DI NI GNYIS YIN GYI MU DE NYID RNAM GRANGS PAS GNYIS KA MIN PA'I MUR YANG BSHAD PA'I LUGS SO, ,GAL TE THOG MED NAS SKYE 'CHI BRGYUD MAS BYAS PA'I SGO NAS 'KHYAMS SHING DU YANG 'KHYAMS PAR 'GYUR BA'I DNGOS PO YOD PAS 'KHOR BA PO RTAG PA CIG YOD LA DE YANG BDAG YIN NO SNYAM NA, GAL TE BDAG GAM PHUNG PO GANG ZHIG TSE SNGA MA'I 'GRO BA GANG NAS 'GRO BA GZHAN GAR 'ONG BAR 'GYUR ZHING, SLAR YANG 'GRO BA GZHAN GANG DU'ANG 'GRO BAR 'GYUR BA RANG BZHI GNYIS YOD NA, DE'I PHYIR 'KHOR BA THOG MA MED PA NAS 'KHOR BAR 'KHOR BA NI RANG BZHIN GYIS GRUB PAR 'GYUR NA'ANG DE NI YOD PA MA YIN TE, BDAG GAM PHUNG PO RANG BZHIN GYIS GRUB PA RTAG MI RTAG GANG YANG GZHAN NAS 'DIR 'ONG BA DANG, 'DI NAS GZHAN DU 'GRO BA MI 'THAD PA'I PHYIR TE 'DI NI BCU DRUG PAR BSHAD ZIN TO, ,DE'I PHYIR 'KHOR BA PO RANG BZHIN GYIS YOD PAR MI RIGS SO, ,DE LTAR JI SKAD BSHAD PA'I TSUL GYIS GAL TE 'KHOR BA PO RTAG PA

276a

, ,DGA' YANG MED NA, DES SKYE BA LEN PA'I TSE PHUNG PO SNGA MA 'DOR BA'I MI RTAG PA GANG ZHIG YIN PAR 'GYUR TE DE MED DO, ,RTAG MI RTAG SO SO BA RANG BZHIN GYIS MI DMIGS PAS RTAG PA DANG MI RTAG PA GNYIS KA TSOGS PA DANG RTAG MI RTAG DE GNYIS GSAL BAR GYUR PA STE GNYIS KA MIN PA YANG NGO BO NYID KYIS GA LA YOD, DE'I PHYIR SNGON GYI MTHA' LA DMIGS NAS 'JIG RTEN RTAG MI RTAG GNYIS KA MIN PA'I NGO BOS LTA BA YANG MI 'THAD DO, ,BZHI PA LA GNYIS, MTHA' DANG LDAN MI LDAN GYI MTHAR LTAR BA DANG PO GNYIS DGAG, MTHAR LTA BA PHYI MA GNYIS DGAG PA'O, ,DANG PO NI, GAL TE SEMS CAN GYI 'JIG RTEN TSE 'DI'I MJUG TU MTHA' YOD PA STE ZHIG NAS PHYIS SEMS CAN GZHAN 'BYUNG BA MED NA SEMS CAN GYI 'JIG RTEN PHA ROL YOD PAR JI LTAR 'GYUR TE MI 'GYUR RO, ,'JIG RTEN PHA ROL NI YOD PA YANG YIN PAS 'JIG RTEN MTHA' DANG LDAN PAR MI 'THAD DO, ,CI STE YAG SEMS CAN GYI 'JIG RTEN 'DI MTHA' NI ZAD DANG, ZHES BSHAD PA LTAR TSE 'DI'O MJUG TU MTHA' STE ZHIG PA MED NA SEMS CAN GYI 'JIG RTEN PHA ROL YOD PAR JI LTAR 'GYUR ZHAS PA MED PAR 'GYUR TE, TSE 'DI'O SEMS CAN MA SHI BAR DE'I SKYE BA PHYI MA MED PA'I PHYI RO, ,DE YI PHYIR 'JIG RTEN MTHA' MED PA YANG MI 'THAD DO, ,GANG GI PHYIR PHUNG PO RNAMS KYI RGYUN RGYU 'BRAS SU 'BRAL NAS BAR MA CHAD DU 'JUG CHING SKAD CIG RE RER 'JIG PA 'DI NI, MAR ME'I 'OD DANG MTSUNGS PAR 'JUG PA DE YI PHYIR SEMS CAN GYI 'JIG RTEN TSE 'DI'I MTHAR ZHIG NAS BYIS MED

276b

PA'I MTHA' YOD PA NYID DANG, TSE 'DI'I MJUG TU ZHIG PA'I MTHA' MED PA NYID KYI KYANG MI RIGS SO, ,JI LTAR ZHE NA, GA TE SNGA MA MI'I PHUNG PO 'JIG PAR 'GYUR ZHING MI'I PHUNG PO 'DI LA BRTEN PAR BYAS NAS, LHA'I 'GRO BAS BSDUS PA'I PHUNG PO PHYI MA DE NI MI 'BYUNG NA, DES NA SNYING PO ZAD PA'I MAR ME LTAR SEMS CAN GYI 'JIG RTEN MTHA' YOD PAR 'GYUR NA, LUS PHYI MA 'BYUNG BA'I PHYIR MTHA' YOD PA MA YIN NO, ,GAL TE MI'I PHUNG PO SNGA MA TSE 'DI'I MTHAR MI 'JIG CING MI'I PHUNG PO 'DI LA BRTEN PAR BYAS NAS LHA'I PHUNG PO PHYI MA DE NI MI 'BYUNG NA, DES NA RANG GI NGO BO LAS MA NYAMS PA'I PHYIR 'JIG RTEN ZHIG PA'I MTHA' MED PAR 'GYUR NA, PHUNG PO SNGA MA 'JIG RING DE'I 'BRAS BU'I PHUNG PO PHYI MA RNAMS KYI BAS 'JIG RTEN MTHA' MED PA YANG MI 'THAD DO, ,GNYIS PA NI, GAL TE SEMS CAn GYI 'JIG RTEN 'DI'O PHYOGS GCIG MTHA' YOD PA STE 'JIG LA PHYOGS GCIG MTHA' MED PA STE SKYE BA PHYI MAR 'GRO BAR 'GYUR NA, 'JIG RTEN MTHA' YOD PA DANG MTHA' MED PA GNYIS KAR 'GYUR NA DE LTAR YOD PA DE YANG RIGS PA MA YIN NO, ,YANG CI'I PHYIR PHYOGS GCIG 'JIG CING PHYOGS GCIG MI 'JIG PA MI RIGS SHE NA, 'O NA DE 'DRA BA DE PHUNG PO NYE BAR LEN PA PO BDAG LA RTOG GAM NYE BAR BLANG BYA PHUNG PO LA RTOG GRANG, DANG PO LTAR NA MI RIGS TE 'DIR 'THAD PA GANG GIS JI LTA BUR NA NYE BAR LEN BA PO'I BDAG GI PHYOGS GCIG RNAM PAR 'JIG PAR 'GYUR LA, DE'I PHYOGS GCIG RNAM PAR 'JIG PAR MI 'GYUR PA'I 'THAD PA NI 'GA' YANG MED PA'I PHYIR RO, ,DE'I PHYIR SLOB DPON GYIS 'THAD PA MA

277a

, ,GZIGS PAS NYE BAR LEN PA PO 'JIG MI 'JIG GI CHA GNYIS KYI BDAG NYID DE LTAR RTOG PA DE NI MI RIGS SO ZHES GSUNGS SO, ,YANG NA NYE BAR LEN PA PO PHUNG PO LA RNAM PA LNGAS BTZAL BA NA RANG BZHIN GYIS YOD PA MA YIN PAR SNGAR BSHAD ZIN PA LA DGONGS NAS 'DIR DE'I 'THAD PA MA GSUNGS SO, ,RNAM PA GCIG TU NA NYE BAR LEN PA PO PHYOGS GCIG 'JIG LA PHYOGS GCIG MI 'JIG NA NYE BAR LEN PA PO GCIG, CHA GCIG GIS LHA DANG CHA GCIG GIS MIR 'GYUR NA DE NI PHA ROL PO MI 'DOD PA LA DGONGS NAS 'THAD PA GZHAN MA BKOD PAR DE LTAR DE NI MI RIGS SO ZHES GSUNGS SO, ,GAL TE PHYOGS GNYIS PA LTAR SMRAN DE YANG MI RIGS TE, JI LTA BUR NA NYE BAR BLANG BAR BYA BA PHUNG PO'I PHYOGS GCIG RNAMS PAR 'JIG PAR 'GYUR LA, PHYOGS GCIG RNAM PAR 'JIG PAR MI 'GYUR BA'I 'THAD PA MED PA'I PHYIR DANG, PHUNG PO RANG BZHIN GYIS MA GRUB PA'I PHYIR DANG CHA GCIG GIS MI DANG CHA GCIG GIS LHAR 'GYUR BAR THAL BA'I PHYIR RO, ,DES NA NYE BAR BLANG BYA CHA GNYIS KYI BDAG NYID DE LTAR RTOG PA YANG MI RIGS SO, ,DE'I PHYIR 'JIG RTEN MTHA' DANG LDAN MI LDAN GNYIS KAR LTA BA YANG MI 'THAD DO, ,GAL TE 'JIG RTEN MTHA' YOD PA DANG MTHA' MED PA GNYIS KA GRUB PAR GYUR NA NI, DE GNYIS RE RE NAS BKAG PA'I MTHA' YOD MA YIN ZHING MTHA' MED KYANG, MIN PA 'GRUB PAR 'GYUR BAR 'DOD LA RAG NA, DGAG PAR BYA BA NGO BOS MA GRUB NA DE BKAG PA YANG NGO BOS YOD PA MI 'GRUB PA'I PHYIR RO, ,'DIR RNAM GRANGS LAS MTHA' YOD MED GNYIS KA

277b

MIN PAR S?HA BA NI, SNGAR TA TAG GNYIS KA MIN PAR SMRA BA 'GOG PA'I RIGS PA DE NYID 'DON PA SPOS PA LA DGAG GO, DE'I PHYIR MTHA' YOD DANG MTHA' MED GNYIS KA MIN PA'I NGO BOR LTA BA YANG MI 'THAD DO, ,GNYIS PA NI, SNGAR BSHAD PA RNAMS KYIS GZA' BRTZAN LTA BU'I RTEN 'BREL ZHE LA GYES BZHES NAS SNYAD DU YANG LTA BA DE DAG GIS JI LTAR BZUNG BA LTAR MED PAR BSTAN PA DE LA LTOS NAS YANG NA ZHES GSUNGS TE, 'DIR DON DAM PAR LTA BA DE DAG DAG GIS GZUNG BA LTAR MA 'THAD PA'I RGYUN MTSAN STON NO, ,DNGOS PO THAmD NI RTEN CING 'BREL BAR 'BYUNG BA YIN PA'I GTAN TSIGS KYIS RANG BZHIN GYIS YOD PAS STONG PAR BSTAN BCOS MTHA' DAG GIS BSTAN TO, ,DE'I PHYIR RTAG PA DANG LA SOGS KYIS BSDUS PA MI RTOG PA DANG GNYIS KA DANG GNYIS KA MAN PA LA SOGS PAR LTA BA GANG DAG DANG, YUL GANG DU DMIGS NAS LTA BA RNAMS KUN TU 'BYUNG BA'I DMIGS PA DANG GANG GI RGYUD LA LTA BA RNAMS KUN TU 'BYUNG BA'I GANG ZAG GAM PHUNG PA'I DNGOS PO DANG, RGYU MTSAN CI LAS LTA BA RNAMS KUN TU 'BYUNG BAR 'GYUR BA'I BYED PA DANG LAS DANG BYED PA PO DANG BYED PA'I RGYU MTSAN DNGOS PO THAD KYI KHONGS SU MI 'DU BA MED PAS, DE DAG THAMS CAD DON DAM PAR CUNG ZAD KYANG MED PAS DON DAM PAR DE DAG GANG YANG MI 'BYUNG STE MO GSHAM GYI BU MA DMIGS PAS DE'I SNGO BSANGS DANG, DKAR SHAM MA DMIGS PA BZHIN NO, ,GNYIS PA NI, DE LTAR GANG ZAG DANG CHOS KYI RTEN 'BREL RANG GI MTSAN NYID KYIS GRUB PA'I RANG BZHIN YOD PA SLAR RIGS PAS LEGS PAR BKAG PA BZHIN DU RTOGS NA, SNGON GYI

278a

, ,MTHA' LA BRTEN PA LA SOGS PA'I LTA BA NGAN PA RANG GZHAN GYI SDE PAS KUN BTAGS PA'I LOG LTA GANG GIS KYANG BKRI BAR MI NUS LA, YANG DAG PA'I DON JI LTAR NGES PA DE NYID KYI DON 'DOR BSDUS PA'I BDAG MED PA'I DON BSKOMS NA NI 'KHOR BA LAS GROL BAR 'GYUR ZHING, BDAG MED PA'I DON RIGS PA'I RNAM GRANGS MTHA' YAS PAS GTAN LA PHAB PA'I DON BSGOMS NA NI SHES BYA'I SGRIB PA ZAD PAR BYED PA YIN TE, SA LU LDANG PA'I MDO LAS, GANG LA LA ZHIG GIS YANG DAG PA'I SHES RAB KYIS DE LTAR RTEN CING 'BRAL BAR 'BYUNG BA YANG DAG PA JI LTA BA BZHIN DU RTAG PAR GYUR TU SROG MED PA DANG, JI LTA BU NYID DANG MA NOR BA NYID DANG MA SKYES PA DANG MA BYUNG BA DANG MA BYAS PA DANG 'DUS MA BYAS PA DANG, THOR BA MED PA DANG SGRIB PA MED PA DANG, ZHI PA DANG 'JIG PA MED PA DANG MI 'PHROGS PA DANG ZAD PA MED PA DANG RNAM PAR ZHI BA'I RANG BZHIN DU MTHONG BA DANG, MED PA DANG GSOG DANG GSOB DANG SNYING PO MED PA DANG NANG DANG 'BRAS DANG ZUG RNGU DANG SDIG PA DANG MI RTAG PA DANG SDUG BSNGAL BA DANG STENG BA DANG BDAG MED PAR YANG DAG PAR RJES SU MTHONG BA DE NI, CI BDAG 'DAS PA'I DUS NA BYUNG BA ZHIG GAM 'ON TE BDAG 'DAS PA'I DUS MA 'BYUNG BZHIG BDAG 'DAS PA'I DUS NA CIR GYUR PA ZHIG BDAG 'DAS PA'I DUS NA JI LTA BUR GYUR PA ZHIG SNYAM DU SNGON GYI MTHA' LA RTEN PAR MI BYED DO, ,CI BDAG MA 'ONGS PA'I DUS NA 'BYUNG BAR 'GYUR RAM 'ON TE MA 'ONGS PA'I DUS NA 'BYUNG BAR MI 'GYUR, MA 'ONGS PA'I DUS NA CIR 'GYUR MA 'ONGS PA'I DUS NA DE

278b

LTA BUR ZHIG TU 'GYUR SNYAM DU PHYI MA'I MTHA' LA RTEN PAR MI BYED DO, ,'DI CI ZHIG 'DI CI LTA BU ZHIG CI ZHIG CIR 'GYUR SEMS CAN 'DI DAG GANG NAS 'DONGS, DE 'DI NAS SHI 'PHYOGS NAS GANG DU 'GRO BAR 'GYUR ZHES DE LTAR BYUNG BA LA YANG RTEN PAR MI BYED DO, ,'JIG RTEN NA DGE SPYONG DANG BRAM ZE DAG GI LTA BAR SONG BA GANG DAG YOD PA 'DI LTA STE, BDAG TU SMRA BA DANG LDAN PA'AM SEMS CAN DU SMRA BA BA DANG LDAN PA 'AM, SROG TU SMRA BA DANG LDAN PA'AM GANG ZAG TU SMRA BA DANG LDAN PA'AM DGE MCHEN DANG BKRA SHIS SU SMRA BA DANG LDAN PA DAG KYANG RUNG STE, LHAG PAR GA-YO BA DANG BRAL BAR GA-YO BA DE DAG DE'I TSE NA DES SMRA BA SPANGS PAR 'GYUR TE YONGS SU SHES NAS RTZA BA NAS BCAD DE, T'A LA'i MGO BZHIN DU MI SNANG BA'I RANG BZHIN DU PHYIS MI SKYA MI 'GAG PA'I CHOS CAN DU 'GYUR RO, ,DE NAS TSE DANG LDAN PA SH'A RI'I PU, BYANG CHUB SEMS DPA' SEMS CHEN PO BYAMS PAS BSHAD PA LA MNGON PAR BSTOD CING RJES SU YI RANGS TE STEN LAS LANGS TE DONG NGO ZHES GSUNGS SO, ,GSUM PA NI, THEG PA MCHOG GI RIGS CAN RNAMS NI SNYING RJE CHEN POS YID CHES CHER BSKYOD PA LAS SDUG BSNGAL GSUM GYIS CI RIGS PAR SDUG BSNGAL BA'I SEMS CAN 'DI THAMS CAD, BDAG GI SDUG BSNGAL NAS BTON TE RDZOGS PA'I SANGS RGYAS KYI GO 'PHANG LA DGOD PAR BYA'O SNYAM DU NGES NAS CHED DU BYA BA DE'I PHYIR DU, RANG NYID BLA NA MED PA'i BYANG CHUB THOB PAR 'DOD PA'I BYANG CHUB KYI SEMS SMON PA'I BDAG NYID CAN GYI DAM BCA' BA BRTAN PO THOG MAR SKYED PAR BYED DO, ,DAM BCA' BA DE YANG BYANG CHUB SEMS

279a

, ,DPA'I SPYOD PA PHA ROL TU PHYIN PA DRUG LA SLOB PA DON NA MI 'GRUB PAR MTHONG NAS, 'JUG PA'I BDAG NYID CAN GYI BYANG CHUB KYI SEMS CHOGS YANG DAG PAR BLANGS NAS RGYAL SRAS KYI SPYOD PA LA SLOB PA'I KHUR CHEN PO 'KHYER BAR BYED DE, ,PHYIN DRUG LA SLOB PA'I SGRUB PA SNYING PO BYED PA'I SPYOD PA'I GTZO BO NI MTHA' GNYIS SPANGS PA'I DBU MA'I LAM NYID DU MTHONG NAS, SNGAR BSHAD PA LTAR NGES PA'I DON 'PHAGS PA'I GZHUNG GI RIGS PAS GTAN LA PHAB PA BZHIN DU, YIN LUGS PHU THAG CHOD PA'I RNAM PAR DAG PA'I LTA BA 'TSOL BAR BYED DO, ,DE RNYED PA NA ZHIG GNAS DANG MI LDAN PA'I DE KHO NA NYID RTOGS PA'I LTA BAS NI NYON MONGS PA GZHOM MI NUS SE SNYAM NAS ZHI GNAS BRTZAL TE, RNAM PAR DAG PA'I LTA BA SGOM PAR BYED PA LAN NA TAN GYIS 'DAB PAR BYED PAS 'DIR LTA BAS GTAN LA PHAB PA NI TSUL DE LTAR BYAS NA SNYAMS SU BLANGS PAR BYA DGOS TE, RIM PA 'DI DAG NI BYANG CHUB LAM GYI RIM PAR RGYAS PAR BSHAD ZIN TO, ,CHOS RNAMS KYI DE KHO NA NYID KYI NGES DON 'DI NI PHA ROL TU PHYIN PA'I THEG PAR MA ZAD RDO RJE THEG PA'I LAM GYI RIM PAR YANG LTA BA'I 'TSOL LUGS 'DI KHO NA BZHIN BYAS NAS NGES PA'I DON RNYED PA DOGS TE, DE KHO NA NYID KYI DON LA THEG PA CHEN PO GNYIS KHYAD PAR CI YANG MED PA'I PHYIR RO, ,LTA BA BRTAG PA ZHES BYA BA TSIGS SU BCHAD PA SUM CU'I BDAG NYID RAB TU BYED PA NYI SHU RTZA BDUN PA'I RNAM PAR BSHAD PA'O,, ,,GSUM PA DE LTAR STON PA'I BKA' DRIN RJES SU DRAN PA'I PHAG NI, GANG GIS STON

279b

PAR MDZAD PA'I STON PA BLA NA MED PA DE LA PHYAG 'TSAL LO ZHES SBYAR RO, ,CHOS GANG BSTAN NA, 'PHAGS PA DAM PA RNAMS KYI YIN PA DANG 'KHRO BA'I SDUG BSNGAL MTHA' DAG ZAD PAR BYED PAS BSNGAGS PAR 'OS PA'I PHYIR DAM PA'O, ,YANG NA BANG PO YIN PAS DAM PA'O, ,CHOS NI 'KHOR 'DAS LA SPANG THOB KYI MTSAN MAR LTA BA'I GA-YANG SA RU MI LHUNG BAR 'DZIN PA'I PHYIR TE, DHA RM'A ZHES PA'I DHA RA'I SGAR 'DZIN PA LA 'JUG PA'I STENG NAS BSHAD PA'O, ,DAM PA'I CHOS DE NI RTEN 'BREL 'GAG SKYE DANG CHAD RTAG DANG 'GRO 'OD DANG GCIG THA DAD KYI MTHA' BRGYAD DANG BRAL BA SPROS PA NYE BAR ZHI ZHING ZHI BA'O, ,CHOS DE STON PA'I KUN SLONG NI, RNYED BKUR DANG LAN DU PHAN 'DOGS PA BZHED PAS MA YIN GYI 'GRO BA SDUG BSNGAL BA RNAMS LA THUGS BRTZE BA CHEN PO NYE BAR BZUNG BA'I THUGS RJE CHEN PO KHO NA LA BRTEN NAS SO, ,DGOS PA GANG GI CHED DU YIN NA, BDAG GNYIS KYI MTSAN MAR 'DZIN PA'I LTA BA NYES SKYON THAMS CAD KYI 'BYUNG GNAS SU GZIGS NAS MTSAN MAR 'DZIN PA'I LTA BA THAmD SPANG PA'I PHYIR DU'O, ,STON PA'I MTSAN GANG ZHE NA, DRANG SRONG GO'U TA MA'I RIGS SU 'KHRUNGS PAS GO'U TA MA ZHES PA'O, ,TSIGS BCAD 'DI RAB BYED NYER BDUN PA'I GZHUNG YIN MOD KYANG, SNGAR BSHAD ZIN PA'I CHOS RTEN 'BYUNG GI DON RANG BZHIN MED PA'I DON DU BSHAD PA THAMS CAD STON PAS BSTAN PA'I BKA' DRIN DU DGONGS NAS PHYAG 'TSAL BA YIN PAS NYER BDUN PA LAS LOG SU BSHAD PA TZAM MO, ,'JUG PA LAS, GANG PHYIR DNGOS PO BRTEN NAS RAB 'BYUNG BAS, ,RTOG PA 'DI DAG BRTAG PAR MI NUS PA, DE'I PHYIR RTEN 'BYUNG RIGS PA

280a

, ,'DI YIS NI, ,LTA NGAN BA MTHA' DAG GCOD PAR BYED, ,CES GSUNGS SHING, CHIG GSAL LAS KYANG, MCHOD BRJOD KYI SKABS KYI RTEN 'BREL MTHA' BRGYAD DANG BRAL BA BSTAN PA 'DIR YANG SBYAR BAS, RGYU RKYEN LA BRTEN NAS SKYE BA'I RTAN 'BREL GYI GTAN TSIGS NYID KYIS MTHA' BRGYAD DANG LTA BA NGAN PA THAMS CAD 'GOG PAR BSTAN BCOS KYI DBU ZHABS GNYIS KAR BSTAN LA, BSTAN BCOS KYI LUS THAMS CAD KYIS KYANG DE NYID 'CHAD PA YIN PAS RIGS PA RNAMS KYI RGYAL PO RTEN 'BYUNG GI RIGS PA NYID LA 'BAD NAS, ZAB MO DBU MA'I TSUL NGES PA'I DON GYI SNYING PO'I LTA BA RANG DANG GZHAN GYI RGYUD LA RGYAS PAR BYA'O, ,GSUM PA MJUG GI DON NI, DBU MA TZA BA'I TSIG LE'UR BYAS PA SHES RAB BCAS BYA BA ZHES PA'I DON NI BSHAD ZIN TO,, THEG PA CHEN PO ZHES PA NI SNGAR BSHAD PA LTAR CHOS BDAG MED PA SHIN TU RGYAS PAR STON PA'I DON NO, ,CHOS MNGON PA RNAM PAR BZHAG PA NI SDE SNOD DER GTOGS PA'O, ,DON DAM PA'I DE KHO NA YANG DAG PAR STON PA ZHES PAS NI DON DAM PA'I CHOS MNGON PA LAS BRTZAMS PAR STON NO, ,SHES RAB KYI PHA ROL TU PHYIN PA NI SHER PHYIN 'BUM PA LA SOGS PA YIN LA, DE'I TSUL SHIN TU GSAL BAR BYED PA SLOB DPON BDAG NYID CHEN PO 'PHAGS PA KLU SGRUB MI 'PHROGS PA'I MKHYEN RAB DANG THUGS RJER LDAN PA, DE BZHIN GSHEGS PA'I THEG PA BLA NA MED PA'I TSUL GSAL BAR BYED PAR LUNG BSTAN PA BZHIN DU GLAS BAR BYED PA, DANG POR RAB TU DGA' BA'I SA BSGRUB NAS PHYIS BDE BA NA GYI ZHING DANG GSHEGS PA, MA 'ONGS PA NA 'JIG RTEN GYI KHAMS

280b

RAB TU DANG PA'I 'OD CES BYA BAR DE BZHIN GSHEGS PA YE SHES 'BYUNG GNAS 'OD CES BYA BA'I RGYAL BAR 'GYUR BAS MDZAD PA YANG DAG PAR RDZOGS SO, ,DE LTA BU'I GZHUNG DE GANGS CAN DU JI LTAR BSGYUR BA NI, DBANG PHUG CHEN PO'I MNGA' BDAG RGYAL PO CHEN PO DPAL LHA BTZAN PO'I BKA' LUNG GIS, RGYA GAR GYI MKHAN PO CHEN PO DBU MA BYA DZNYA NA GARBBHA STE YE SHE SNYING PO DANG, BOD KYI LO TZTSA BA DGE SLONG COG RO KLU'I RGYAL MTSAN GYIS RGYA SKAD LAS BOD SKAD DU BSGYUR ZHING TSIG DANG DON LA ZHU CHEN BGYIS PA'O, ,'DI LA SHLO KA BZHI BRGYAD DANG BZHI BCU ZHE DGU YOD LA BAM PO NI PHYED DAN GNYIS SU BYAS SO, ,SLAD KYIS GRONG KHYER DPE MED KYI PAndI TA HA SU MA TI'I ZHAL SNGA NAS DANG, BOD KYI LOTZTSA BA SH'AKYA'I DGE SLONG NYI MA GRAGS KYIS 'GREL PA DANG BSTUN NAS SHIN TU LEGS PAR BCOS PA'O,, ` THUB DBANG LEGS PAR BSHAD PA'I GTER CHEN GYIS, ,SKYE DGU SPROS PA'I THIBS POR 'KHYAMS PA LA, ,BRTZE BAS BSKYOD PA'I DAM CHOS BDUD RTZI'I CHAR, ,JI SNYED PHAB PA KUN GYI RAB DANG PHUL, ,GANG ZHIG RTOGS NA NYES KUN DRUNGS 'BYIN PA, ,DE NI ZAB MO RTEN CING 'BREL 'BYUNG GTAM, ,RANG BZHIN STONG PA NYID CES BYA BA DANG, ,MTHA' BRAL DBU MA'I LAM DU'ANG YANG DAG BSGRAGS , ,LAM 'DI GSUNGS RAB KUN LAS RAB BSNGAGS MED, ,RANG GZHAN STE PA'I MTHAR 'DZIN LTA BA YIS, ,KUN NAS BSGRIBS PAS GSAL BAR MA GYUR PA, ,GZIGS NAS RGYAL BA GNYIS PA KLU SGRUB KYIS, ,'DREN PAS MED GYUR DU MAR LUNG BSTAN ZHING, ,STONG PA'I BSTAN PA'I SNYING PO STONG PA NYID, ,YOD MED MTHA' BRAL BKRAL BA'I GZHUNG GI MCHOG, ,DE NI DPAL LDAN RTZA BA SHES RAB BO, ,