*, ,SGRUB LE'I PHYAG RGYA BZHI ZHIB TU GSUNGS PA RGYAL TSAB CHOS RJES ZIN BRIS SU BKOD PA BZHUGS SO,,
, ,SHR'I K'A LA TZA KRA YE, DUS KYI 'KHOR LO'I SGRUB THABS LE'U'I TSIGS BCAD BRGYA BCU DRUG PAR, 'DI DAG DMAN PA LA SOGS DBYE BA RNAMS KYI SNA TSOGS GTZO BO'I SGRUB THABS RNAM PA GSUM DU 'GYUR, PHYAG RGYA GSUM DANG GNAS SKABS GSUM NI RNAM GSUM BGROD PA'I DBANG GIS LAS DANG KUN RTOG MCHOG RNAMS SO, ,ZHES DANG, DE'I 'GREL PAR, 'DI DAG DMAN PA LA SOGS DBYE BA RNAMS KYIS SNA TSOGS GTZO BO DUS KYI 'KHOR LO'I SGRUB THABS RNAM PA GSUM DU 'GYUR, PHYAG RGYA GSUM DANG GNAS SKABS GSUM ZHES PA NI, RNAM PA GSUM BGROD PA'I DBANG GIS ZHES PA STE, 'DIR BYANG CHUB KYI SEMS 'DZAG PA'I BGROD PA NI DMAN PA'I GNAS SKABS SO, ,GA-YO BA'I BGROD PA NI 'BRING GI GNAS SKABS SO, ,MI GA-YO BA'I BGROD PA NI MCHOG GI GNAS SKABS SO, ,'DI RNAMS LAS LAS KYI PHYAG RGYA NI, 'DZAG PA'I BDE BA SBYIN PA ME'O, ,YE SHES KYI PHYAG RGYA NI GA-YO BA'I BDE BA SBYIN PA MO'O, ,PHYAG RGYA CHEN MO NI, MI GA-YO BA'I BDE BA SBYIN PA MO'O, ,DE LTAR SBYOR BA YAN LAG DRUG LA PHYAG RGYA GSUM BSGOM PAR BCOM LDAN 'DAS KYIS
, ,GSUNGS PA'I PHYIR, RNAL 'BYOR PAS SANGS RGYAS NYID KYI SLAD DU SBYOR BA YAN LAG DRUG BSGOM PAR BYA'O ZHES SO, ,PHYAG RGYA BZHI BSGOM PA'I RIM PA'ANG, YE SHES LE'U'I TSIGS BCAD DON GNYIS PA DANG, DON GSUM PAR RGYAL BA'I LHAN SKYES BDE BA 'DI NI 'PHEL BA'I DON SLAD DANG POR LAS KYI PHYAG RGYA BSTEN PAR BYA, ,DE NAS NYI MA'I GZUGS NI LUS DANG GDONG DANG RKANG PA GTZUG TOR YAN LAG THAMS CAD RDZOGS PA STE, ,GLOG GI DBYUG PA'I RJES MTHUN 'PHO MED BDE BA SKYED PAR BYED MA MTSAN NYID YAN LAG RAB TU RDZOGS, ,RDO RJE RNAMS KYI RAB TU SNANG BAR BYED MA SRID GSUM GNAS LUS CHOS KYI DBYINGS NI DE NAS 'GYUR, ,'GYUR BA MED PA'I BDE BA'I 'BRAS STER PHYAG RGYA BZHI PO 'DI RNAMS GRONG DANG 'BROG DGON DUR KHROD DANG, ,MI GTZANG BA DANG GTZANG BA'I GNAS DANG KHYIM DANG LHA YI KHANG PA THAMS CAD DU NI DUS KUN TU, ,SHIN TU DGA' BA'I DGA' BA LA GNAS 'JIG RTEN LAM LAS RAB GROL RIGS DANG RIGS MIN MNGON SPYOD CING, ,LUS STOBS BDE STER BZA' BA BTUNG BA LA SOGS LONGS SPYOD DANG LDAN RNAL 'BYOR RNAMS KYIS BSGOM PAR BYA, ZHES SO, ,SGRUB THABS
LE'U'I TSIGS BCAD BRGYA DANG BCO BRGYAD PAR, SO SOR SDUD PA LA SOGS RNAMS KYIS GAL TE SNGAGS PA RNAMS KYI 'DOD PA GRUB PAR MA GYUR NA, ,N'A DA GOMS PAS BTZAN THABS CHU SKYES SU GNAS RDO RJE NOR BUR THIG LE BKAG NAS BSGRUB PAR BYA, ZHES DANG, DE'I 'GREL PAR, DA NI BTZAN THABS KYI RNAL 'BYOR GSUNGS TE, 'DIR GANG GI TSE SO SOR SDUD PA LA SOGS PAS GZUGS MTHONG BAR GYUR PA LA SROG MA BCINGS PA NYID KYIS 'GYUR BA MED PA'I SKAD CIG MA MA SKYES NA, DE'I TSE N'A DE GOMS PA 'CHAD PAR 'GYUR BAS BTZAN THABS SU DBU MAR 'BAB PAR BYAS NAS, SHES RAB KYI CHU SKYES SU GNAS PA'I RDO RJE NOR BUR BYANG CHUB SEMS KYI THIG LE BKAG NAS MI GA-YO BAS 'GYUR BA MED PA'I SKAD CIG MA BSGRUB PAR BYA'O, ,ZHES PA NI BTZAN THABS KYI RNAL 'BYOR RO, ,ZHES GSUNGS LA, DE'I 'CHAD 'GYUR NI, LE'U DE'I TSIGS BCAD BRGYA GO LNGA PA DANG, GO DRUG PAR, NUS MA GANG ZHIG LTE BA'I DBUS NAS GZHAN GYI GNAS SU BCU GNYIS MTHA' DANG CHA YI MTHAR 'GRO BA, ,DE NI LTE BAR 'GOG PA DANG BCAS DRI MED GLOG DANG MTSUNGS PA DBYUG PA'I GZUGS CAN LANGS PA YANG, ,'KHOR LO NAS NI 'KHOR LO'I BAR DU NGES PAR DMAN ZHING ROL PA'I BGROD PAS DBU MA'I RTZA LA BSKYOD, ,JI SRID GTZUG TOR BUG PAR BTZAN THABS NYID KYIS PHYI ROL GYI NI PAGS PA DAG LA KHAB BZHIN REG ,DE YI DUS SU THUR DU SEL BA MCHOG GI BTZAN THABS NYID KYIS STENG GI LAM DU BSKUL BAR BYA, ,ZUNG GI RLUNG DAG 'GAG PA NA NI GTZUG TOR PHUG NAS MCHOG GI GRONG KHYER DAG TU 'GRO BAR 'GYUR, ,DE LTAR YID LA RDO RJE RAB TU SAD PAS YUL
, ,DANG BCAS PA MKHA' LA SPYOD PA NYID DU 'GYUR, ,SLAR YANG 'DIS NI RNAL 'BYOR PA RNAMS MNGON SHES LNGA YI RANG BZHIN SNA TSOGS YUM DU 'GYUR BA YIN, ZHES GSUNGS SO,, ,,SLOB DPON NYI MA DPAL YE SHES KYI MTSAN BRJOD KYI 'GREL PAR 'BYUNG BA NI, TING NGE 'DZIN GYI YAN LAG GSAL BA'I DON DU, BTZAN THABS KYI SBYOR BA'ANG THABS SO, ,BTZAN THABS KYI SBYOR BA'ANG 'DI LTA STE, GANG GI TSE SO SOR SDUD PA LA SOGS PAS GZUGS BRNYAN MTHONG NAS, RLUNG MA BSDAMS PA NYID KYIS MI 'GYUR BA'I SKAD CIG SKYE BAR MI 'GYUR TE, DE'I TSE N'A DA GOMS PAR BYAS PAS, LHAN CIG SKYES PA'I DGA' BA GOMS PA'I BTZAN THABS KYIS H'Um GI RNAM PA'I SGRA YIS SROG DBU MAR GZHUG PAR BYA'O, ,'DI LTAR LEGS PAR BSLABS PA'I MCHOG GI 'DOD PA MA RGYUD LAS GSUNGS PA'I YON TAN DANG LDAN PA RJES SU CHAGS PA MO'I KA KKO LAR BO LA CHO GA BZHIN DU BCUG LA, MI 'DAR BA NYID KYIS NGAL BA SOGS TE, DE'I ZE 'BRU'I KHAR RDO RJE NOR BU BTZIR NAS SHIN TU DGA' BA'I ROS SKAD CIG TZAM MI SGUL BAR BYA'O, ,DE MI 'GYUR BA'I GNAS SKABS BYUNG BA NA, H'Um GI RNAM PA BRJOD PA SNGON DU 'GRO BAS, BLA MA DAM PA'I DRIN GYIS THOB PA SNGON DU BYA ZHING, BZHI PA LHAN CIG SKYES PA'I DGA' BA NYAMS SU MYONG BA YIS, ,BYANG CHUB KYI SEMS KYI THIG LE 'GOG PA'O, ,DE NAS MI 'GYUR BA'I SKAD CIG THOB PA'O, ,'DI LTAR TING NGE 'DZIN GYI YAN LAG GSAL BAR 'GYUR RO ZHES PA'I DON TO, ,ZHES GSUNGS SO, ,'DI DAG DGOS PA'I DBANG GIS RGYUD TSIG LOGS SU BKOL LAGS
PA, MKHA' 'GRO'I TSOGS KUN BZOD MDZAD RIGS SO,, ,,BLA MA DANG 'JAM PA'I DBYANGS LA PHYAG 'TSAL LO, ,DPAL DUS KYI 'KHOR LO'I PHYAG RGYA LA BRTEN NAS RDZOGS PA'I RIM PA NYAMS SU LEN PA'I TSUL MDOR BSDUS PA NI, NYAMS LEN DMIGS PHYED PA'I YAN LAG TU SKABS SU BAB PA'I RGYUD TSIG GI DON CUNG ZAD BSHAD PA DANG, DE'I DON NYAMS SU LEN PA'I RIM PA'O, ,DANG PO LA GNYIS TE, PHYAG RGYA GSUM LA BRTEN NAS BDE BA BSKYED PA RGYUD NAS GSUNGS PA'I TSUL DANG, SROG RTZOL GYI SPOGS TSIG BTZAN THABS KYI SBYOR BA RGYUD NAS GSUNGS PA'I TSUL LO, ,DE'I DANG PO NI SPYIR DUS 'KHOR NAS PHYAG RGYA BZHIR GSUNGS KYANG LAS RGYA DANG, YE RGYA PHYAG CHEN GSUM NI MI 'GYUR BA'I BDE BA SKYED BYED KYI PHYAG RGYA YIN, PHYAG RGYA BZHI PA NI SNGA MA GSUM LA BRTEN NAS BYUNG BA'I BDE BA LA PHYAG RGYAR BRJOD PA YIN PAS, 'DIR PHYAG RGYA GSUM LA BRTEN NAS MI 'GYUR BA'I BDE BA SKYED BYED KYI KHYAD PAR RNAMS GSUNGS NA, PHYAG RGYA BZHI PA'ANG ZHAR LA RTOGS PAR 'GYUR BAS, PHYAG RGYA GSUM GYI RTEN TSUL SGRUB THABS LE'U'I TSIGS BCAD BRGYA BCU DRUG PAR, 'DI DAG DMAN PA ZHES SOGS TSIG RKANG PA GNYIS KYIS STON TE, SNA TSOGS GTZO BO DUS KYI 'KHOR LO'I SGRUB THABS LA BSKYED RIM DANG RDZOGS RIM GNYIS YOD PA'I 'DIR RDZOGS RIM, PHYAG RGYA GSUM LA BRTEN PA'I SGRUB THABS KHYAD PAR CAN GSUM NI, DMAN PA DANG, SOGS KYIS BSDUS PA 'BRING DANG, MCHOG GI DBYE BA GSUM DU 'GYUR TSUL NI, GZHUNG 'OG MAS STON TE, RNAM GSUM BGROD PA'I DBANG GIS, GNAS SKABS RNAM PA GSUM DU 'GYUR LA,
, ,GANG LA BRTEN NAS 'GYUR NA, PHYAG RGYA GSUM LA BRTEN NAS 'GYUR ZHING, PHYAG RGYA GSUM NI LAS DANG KUN RTOG MCHOG RNAMS SO ZHES PA'I DON, LAS RGYA DANG, KUN RTOG STE YE SHES KYI PHYAG RGYA DANG, MCHOG STE PHYAG CHEN GSUM LA BRTEN NAS SO, ,GNAS SKABS GSUM BSKYED TSUL NI, LAS RGYAS NI 'DZAG PA'I BDE BA'I GNAS SKABS SBYIN PAR BYED LA, YE RGYAS NI GA-YO BA'I BDE BA'I GNAS SKABS DANG, PHYAG CHEN GYIS NI MI GA-YO BA'I BDE BA'I GNAS SKABS SBYIN PAR BYED DO, ,PHYAG RGYA DANG PO GNYIS BSTEN PA LA MI BLTOS PAR PHYAG CHEN LA BRTEN NAS LHAN SKYES BSKYED THUB PA NI GANG ZAG DBANG PO RAB, PHYAG CHEN LA BRTEN NAS BSKYED MI NUS SHING, LAS RGYA BSTEN PA LA MI BLTOS PAR YE SHES KYI PHYAG RGYA TZAM LA BRTEN NAS LHAN SKYES BSKYED NUS PA NI DBANG PO 'BRING DANG, PHYAG RGYA SNGA MA GNYIS LA BRTEN NAS BDE BA 'DREN MI NUS PA NI, DANG POR LAS RGYA TZAM LA BRTEN NAS LHAN SKYES BSKYED PA NI DBANG PO THA MAR 'JOG LA, DE'ANG DANG POR PHYI'I PHYAG RGYA LA BRTEN NAS BDE BA 'DREN PA'I DBANG DU BYAS NAS DBANG PO'I RIM PA DE BZHIN DU BZHAG GI ,GOMS PA MCHOG TU GYUR NAS MA YIN TE, PHYAG CHEN LA BRTEN PA'I DBANG PO RAB KYIS KYANG PHYAG RGYA DANG PO GNYIS LA BRTEN NAS, PHYAG RGYA NYID KYI MTHUS 'GYUR MED KYI LHAN SKYES 'DREN PAR BYED DO, ,GANG ZAG KYANG RGYUD THA DAD PA GSUM GYI DBANG DU BYAS PA DANG, GANG ZAG GCIG NYID KYIS PHYAG RGYA DANG PO NAS GSUM PA'I BAR LA BRTEN NAS BDE BA 'DREN PA'I BAR RIM GYIS DBANG PO THA MA 'BRING MCHOG TU 'GYUR BA'I SKABS YOD DO, ,'O NA 'DZAG
PA'I BDE BA ZHES PA'I 'DZAG PA BDE BA LA SBYAR MI RUNG ZHING, BDE BA'I RTEN BYANG SEMS LA BYED DGOS NA, PHYAG RGYA DANG PO GNYIS KYI SKABS SU 'DZAG PA DANG, GA-YO BA ZHES BRJOD LA, PHYAG RGYA GSUM PA LA MI GA-YO BA ZHES BRJOD PA'I DON JI LTAR YIN, DBANG PO'I SGO NAS PHYIR 'DZAG PA DANG GA-YO BA LA BYED NA GZHI DUS RANG DGA' BA DANG MTSUNGS PAS, GTZO BO'I SGRUB THABS SU MI RUNG BA DANG, 'DZAG BDE LA RGYUD NAS RNAM PA DU MAR SMAD PA DANG, 'OG NAS KYANG 'GYUR MED BDE BA'I 'BRAS STER PHYAG RGYA BZHI PO ZHES GSUNGS PAS, LAM DUS SU PHYAG RGYA DANG PO GNYIS KAS KYANG 'GYUR MED KYI BDE BA STER BAR GSUNGS PA DANG, RGYAL BA'I LHAN SKYES BDE BA 'DI NI 'PHEL BA'I DON SLAD, LAS RGYA SOGS BSTEN PAR GSUNGS PAS, PHYIR MI 'DZAG PA PHYAG RGYA GSUM GA LA DGOS PAR MTSUNGS SHING, NANG GI BYANG SEMS SPYI BO NAS NOR BU'I BAR DU BABS PA'I LHAN SKYES SGOM PA'ANG GSUM GA LA MTSUNGS PAS MDOR NA PHYI ROL TU MI 'DZAG PAR MTSUNGS, NANG GI 'KHOR LO GONG MA NAS NOR BU'I BAR DU 'DZAG PAR MTSUNGS BZHIN DU, SNGA MA GNYIS LA 'DZAG PA DANG GA-YO BA ZHES BRJOD LA, PHYI MA LA MI GA-YO BA ZHES BRJOD PA JI LTAR YIN ZHE NA, DOGS PA DE SEL TSUL NI, BYANG SEMS NANG NAS RIM PA BZHIN 'DZAG PAR MTSUNGS PAS, GA-YO MI GA-YO'I KHYAD PAR DES 'BYED PA MIN ZHING, DBANG PO'I PHYIR MI 'PHO BA'ANG GSUM GA LA MTSUNGS KYANG, MI 'PHO BAR BYED PA'I THABS KHYAD PAR SHIN TU CHE BAS, DE'I SGO NAS KHYAD PAR PHYE NA 'DI BZHIN DU 'GYUR TE, PHYAG CHEN LA'ANG RLUNG DBU MAR TSUD NAS GRUB
, ,PA'I PHYAG CHEN NI GTZO BO DANG, DBU MAR MA TSUD GONG NAS GRUB PA'I PHYAG CHEN NI SNGA MA LA BLTOS NAS PHAL PAR 'GYUR LA, DE GNYIS GANG GIS LHAN SKYES BYIN KYANG, BYANG SEMS MI 'PHO BA'I THABS GZHAN LA LTOS MED DU, PHYAG RGYA NYID KYI STOBS KYIS BYANG SEMS MI 'PHO BA'AM, MI GA-YO BAR 'GYUR BAS, MI GA-YO BA'I BDE BA ZHES BRJOD LA, YE RGYA DANG LAS RGYA GNYIS KYIS LHAN SKYES STER BA'I DUS SU THIG LE 'GOG THABS GZHAN LA BLTOS DGOS SHING, PHYAG RGYA'I STOBS KYIS MI GA-YO BAR BYED MI NUS PAS, THABS GZHAN GYIS BKAG NAS MI 'GYUR BAR SGRUB DGOS PAS, PHYAG RGYA'I NGOS NAS 'DZAG BDE GA-YO MI GA-YO BA ZHES BRJOD KYI, BYANG SEMS DBANG PO'I SGO NAS 'PHO MI 'PHO TZAM GYIS MA BZHAG PAS KHYAD PAR CHE ZHING, YE RGYA DANG LAS RGYA GNYIS LA GA-YO BA DANG 'DZAG PA'I BDE BA ZHES BRJOD PA'I KHYAD PAR NI, BYANG SEMS 'DZAG PA MYUR DU 'DZAG PA DANG DAL BUS 'DZAG PA'I KHYAD PAR RO, ,PHYAG CHEN GYIS BYIN GYIS BRLABS NAS, PHYAG RGYA SNGA MA GNYIS KYANG LHAN SKYES STER BA'I DUS SU PHYAG RGYA'I MTHUS BYANG SEMS MI 'PHO BAR BSHAD KYANG, DBANG PO 'BRING DANG BRTUL POS PHYAG RGYA SNGA MA GNYIS LA BRTEN NAS, LHAN SKYES KYI DUS SU BYANG SEMS MI 'PHO BA PHYAG RGYA'I STOBS KYIS MI NUS PAR BSHAD PA GNYIS MI 'GAL TE, SNGA MA NI DBANG PO MCHOG DANG, 'DI GNYIS DBANG BRTUL GYI SKABS YIN PAS SO, ,MI 'PHO BA'I THABS KHYAD PAR CAN KYANG PHYAG RGYA SROG RTZOL DU 'GRO BA'I TSUL RGYUD GZHAN NAS GSUNGS PA LTAR 'DIR MA GSUNGS LA,
PHAt YIG DANG RDZAS LA SOGS PAS 'GOG PA'ANG 'DIR MI BZHED PAS, BYANG SEMS MI 'PHO BA'I THABS NI RLUNG GI RNAL 'BYOR KHYAD PAR CAN ZHIG GIS BYED DE, 'OG NAS 'CHAD PAR 'GYUR RO, ,PHYAG RGYA RNAMS KYI MTSAN NYID DANG SGOM PA'I RIM PA SOGS CUNG ZAD RGYAS PAR YE SHES LE'U'I TSIGS BCAD DON GNYIS PAS BSTAN PA DANG, GNAS DANG DGOS PA SOGS DON GSUM PAS BSTAN PA NI, RGYAL BA'I LHAN SKYES BDE BA 'DI NI 'PHEL BA'I DON SLAD CES SOGS KYIS 'CHAD LA, ,RGYAL BA'I LHAN SKYES BDE BA LA 'BRAS DUS DANG, DE 'DREN BYED LAM GYI LHAN SKYES GNYIS YOD PA LAS PHYI MA STE, DE 'PHEL BA'I CHED DU DANG POR LAS BRGYA BSTEN PAR BYA STE, DE'ANG LAS RGYA MTSAN NYID DANG LDAN PA BSTEN NAS LHAN SKYES 'PHEL BAR BYED PA'O, ,LAS RGYAS LHAN SKYES BSKYED PA'I RJES DE NAS NYI MA STE, SHES RAB LHA MO'I GZUGS YE SHES KYI PHYAG RGYA LA BRTEN NAS, LHAN SKYES 'PHEL BAR BYED DE, PHYAG RGYA DE'ANG JI LTA BU ZHE NA, LUS DANG ZHES SOGS, GTZUG TOR YAN LAG NYID LAG LA SOGS PA MTSAN NYID THAMS CAD YONGS SU RDZOGS PA ZHIG LA BRTEN NAS SO, ,YE RGYAS LHAN SKYES 'DREN NUS PA'I RJES DE NAS PHYAG CHEN LA BRTEN NAS LHAN SKYES SPEL BAR BYED DE, DE'I MTSAN NYID NI YAN LAG DANG NYID LAG LA SOGS PA'I MTSAN NYID THAMS CAD YONGS SU RDZOGS SHING, YON TAN GYI KHYAD PAR DES 'PHO BA MED PA'I BDE BA SKYED PAR BYED PA DANG, SA 'OG SA STENG SA BLA STE SRID PA GSUM GYI GNAS LUS YID NGOR CI RIGS SU SNANG BAR BYED PA'I 'OD KYI SNANG BA DANG LDAN ZHING, RDO RJE RNAMS KYI ZHES PAS RNAL
, ,'BYOR PA RANG DANG PHYAG RGYA GNYIS KA MA BRTAGS PA'I 'DOD LHA BAB DU MA STONGS PAR 'JUG PA'I RNAM PA CAN GYI SKU RDO RJE DANG, DES STONG NYID SGRA DBYANGS SGRAGS PA'I GSUNG RDO RJE DANG, MI 'GYUR BA'I BDE BA'I CHA NAS THUGS RDO RJE DANG, STONG NYID LA DMIGS SHING MI RTOG PA'I CHA NAS YE SHES RDO RJE STE, RDO RJE BZHI DANG LDAN ZHING MA BRTAGS SHING GSAL BA GLOG LTA BU'I PHYAG CHEN LA BRTEN NAS LHAN SKYES 'PHEL BAR BYED DO, ,TSIGS BCAD GNYIS PAS NI DE LTA BU'I LHAN SKYES BSKYED PA'I KHYIM DANG ZHES SOGS KYIS GNAS DANG, DUS KUN TU ZHES PAS DUS KYI KHYAD PAR DANG, 'GYUR MED BDE BA'I 'BRAS STER ZHES PAS BSTAN PA'I DGOS PA DANG, SHIN TU GSAL BAR GNAS ZHES PAS, LHAN SKYES DON DU GNYER BA'I SGRUB PA PO DANG, 'JIG RTEN LAM LAS RAB GROL RIGS DANG RIGS MIN MNGON SPYOD CING ZHES PAS, RIGS MCHOG DMAN KUN LA SPYOD PAR GSUNGS SHING, LUS STOBS ZHES SOGS KYIS BYANG SEMS 'PHEL BA'I DON DU YUL KHYAD PAR CAN RNAMS BSTEN NAS, DBANG PO RTEN BCAS RNAMS TSIM PAR BYAS PAS BDE BA 'PHEL BAR BYED PA'O, ,GNYIS PA NI 'CHAD PAR 'GYUR BA'I BTZAN THABS KYI SBYOR BA 'DI YAN LAG DRUG PO GANG GI SPOGS CHOG TU 'DOD PA NI, BLA MA KHA CIG NI SOR BSAM GNYIS GRUB RJES SU SROG RTZOL GYIS MA GRUB PA SGRUB PA'I SPOGS CHOG TU 'DOD DE, 'GREL CHEN LAS SO SOR SDUD PA LA SOGS PAS GZUGS MTHONG BAR 'GYUR LA, SROG MA CHINGS PA NYID KYIS ZHES GSUNGS PA LA BSAMS NAS
SROG RTZOL GYI SPOGS CHOG TU 'DOD CING, YANG KHA CIG TING NGE 'DZIN GYI SPOGS CHOG TU BZHED DE, 'GREL BAR 'GYUR BA MED PA'I SKAD CIG MA MA SKYES NAS DE'I TSE N'A DA BSGOM PA 'CHAD PAR 'GYUR BA ZHES SOGS GSUNGS PA'I DON DU DGONGS SO, ,SLOB DPON NYI MA DPAL YE SHES NI TING NGE 'DZIN GYI YAN LAG TU GYUR BA'I MI 'GYUR BA'I BDE BA MA SKYES PA BSKYED PA'I PHYIR DU LAS KYI PHYAG RGYA LA BRTEN NAS BYANG SEMS NOR BUR PHAB PA STENG DU LDOG PA'I THABS SU BTZAN THABS KYI SBYOR BA BYED PAR GSUNGS TE MTSAN BRJOD KYI 'GREL PAR GSAL BAR YOD DO, ,TING NGE 'DZIN GYI SPOGS CHOG TU MI 'THAD DE, YAN LAG SNGA MA RNAMS GRUB NA SROG DBU MAR 'CHING BA SOGS GRUB PAS SROG MCHINGS NA BTZAN THABS KYI SBYOR BA BYED PAR GSUNGS PA DANG 'GAL ZHING, YAN LAG SNGA MA RNAMS MA GRUB NA SPOGS CHOG DE TZAM GYIS TING NGE 'DZIN GYI YAN LAG MTSAN NYID PA BSKYED MI NUS SHING MI 'GYUR BA'I BDE BA TZAM BSKYED NUS KYANG, DE TZAM TING NGE 'DZIN GYI YAN LAG TU MI 'GYUR PAS SO, ,SLOB DPON NYI MA DPAL GYI BZHED PA DE'ANG BDE BA MA SKYES PA BSKYED PA'I THABS SU PHYAG RGYA LA BRTEN PA SOGS GSUNGS KYANG DE'I SNGON DU SROG DBU MAR MCHINGS PA 'CHING BAR BYED PA'I SPOGS CHOG MA GSUNGS PAS DE GNYIS KA DGOS SO, ,RANG GI LUGS NI SROG RTZOL GYI SPOGS CHOG YIN TE, SROG DBU MAR MA CHINGS PAS NA DA BSGOM PA'I SBYOR BAS BTZAN THABS SU SROG DBU MAR 'BAB PAR BYED DGOS PAR GSUNGS PA DANG, DE LA BRTEN NAS GTUM MO 'BAR NAS BYANG SEMS ZHU BA'I BDE BA 'DI PA'ANG, PHYI'I PHYAG RGYA LA BRTEN PA'I BDE
, ,BA MA SKYES PA BSKYED PA LA'ANG DE SNGON DU 'GRO DGOS PAS SROG DBU MAR BSRE BA'I SPOGS CHOG GO ,DE'ANG SGRUB THABS LE'U'I TSIGS BCAD BRGYA DANG BCO BRGYAD PAR SO SOR SDUD PA ZHES SOGS RKANG PA GNYIS KYIS GSUNGS PA NI, SOR BSAM GNYIS KYI RTAGS BCU RDZOGS NAS SNGAGS PA RNAMS KYI 'DOD PA GRUB PAR MA GYUR NA ZHES PA SROG RTZOL BSGOMS KYANG DE'I MTHUS SROG DBU MAR MA TSUD NA 'CHAD 'GYUR N'A DA BSGOM PAR BYED PAR GSUNGS PA NI RDO RJE NOR BUR THIG LE BKAG NAS SGRUB PAR BYED LA, GANG GIS NA, BTZAN THABS KYI SBYOR BAS SO, ,CHU SKYES NI YUM GYI PADMA STE, DER GNAS PA'I RDO RJE'O, ,DE'I DON RGYAS PAR LE'U DE'I TSIGS BCAD GO LNGA PA DANG GO DRUG PAR GSUNGS PA NI, NUS MA ZHES SOGS TE, NUS MA NI SROG 'DZIN NO, ,LTE BA'I DBUS RTZA 'KHOR GYI LTE BA RO RKYANG NAS GZHAN NI SNA BUG GI PHYI ROL GYI GNAS SU BCU GNYIS MTHA' DANG, ZHES PA DANG, MTHAR 'GRO BA ZHES PA SPREL NA, SOR BCU GNYIS PHYI ROL TU 'GRO STE, SA RLUNG PHYI ROL TU 'GRO BA'I CHED DO, , CHA'I MTHAR 'GRO ZHES PA CHA NI BCU DRUG MIN LA, DE'ANG NAM MKHA'I RLUNG PHYI ROL TU SOR BCU DRUG 'GRO BAR BSTAN PAS, PHYI ROL TU 'GRO BA'I RING CHED DE, SNGAR THUNG TSAD GNYIS KYI BAR GYIS, CHU ME RLUNG GSUM GYI TSAD KYANG SHES PAR NUS TE, RIM PA LTAR SOR BCU GSUM DANG BCU BZHI DANG BCO LNGA RNAMS PHYI ROL TU 'GRO BA'I TSAD DO, ,SROG 'DZIN DE RO RKYANG NAS RGYU BA BKAG NAS, LTE BA'I DBUS KYI DBU MA'I NANG DU BTZUD DE, 'KHOR LO DE NAS 'KHOR LO GONG MA GONG MA RNAMS SU PHYIN CING, KHYAD PAR DU JI SRID
GTZUG TOR GYI BUG PAR PHYIN NAS DE'I PHYI ROL GYI PAGS PA DAG LA KHAB BZHIN REG GI BAR DU'O, ,LAM GANG NAS 'GRO NA ROL PA STE BDE BA STER BA'I LAM DBU MA NAS GYEN DU 'GRO ZHING RO RKYANG GNYIS KA NAS DUS GCIG LA RGYU BA 'GOG PA'I PHYIR, NGES PAR DMAN ZHING ZHES PA'I DON RO RKYANG NAS RGYU BA DMAN PA STE BKAG NAS DBU MA KHO NA NAS RGYU BA'I DON NO, ,RLUNG KHO NA RGYU BA MA YIN TE BCAS ZHES PA DANG, DANG ZHES PA'I DON GTUM MO DANG BCAS PA DE NAS RGYU BA'O, ,DE JI LTA BU ZHE NA DRI MA MED PA'I GLOG DANG MTSUNGS SHING, RLUNG DANG GCIG TU 'DRES PAS DBYUG PA'I GZUGS CAN LTA BU'O, ,LANGS PA ZHES PA NI 'BAR BA'I DON NO, ,DE LTA BU DE THABS GANG GIS BYED NA BTZAN THABS NYID KYI ZHES PAS STON TE, LTE BAR RLUNG 'GOG PA DE'I DUS SU BSKUL BAR BYA ZHES SO, ,GANG BSKUL PA NI, GZHI DUS SU LTE 'OG NAS 'OG SGO GNYIS SU 'GRO BA'I THUR SEL LO, ,LAM GANG NAS BSKUL NA STENG GI LAM DU STE LTA BA'I STENG GI DBU MA'I LAM NAS SO, THABS GANG GIS BSKUL NA MCHOG GI BTZAN THABS NYID KYI, ZHES PAS, THUR SEL LDOG PA'I SBYOR BA STOBS DRAG PO NYID KHO NAS SO, ,DGOS PA GTUM MO KHYAD PAR 'BAR BA SOGS DANG, GZHAN YANG RO RKYANG NAS RGYU BA'I RLUNG GI ZUNG DAG BKAG NAS, DBU MAR TSUD PAS, GTZUG TOR PHUG NAS MCHOG GI GRONG KHYER DAG TU 'GRO BAR 'GYUR ZHES PA 'PHO BA DANG, GRONG 'JUG NUS PA DANG, RO RKYANG NI RLUNG DBU MAR TSUD PA SOGS SNGAR GYI DE LTAR BYAS NA, RANG GI YID LA RDO RJE RAB TU SAD PA STE, BDE STONG KHYAD PAR CAN BSKYED CING GOMS PAS, DBANG PHYUG GI YON TAN GZUGS PHRA BA DANG,
, ,REG PA YANG BA SOGS DANG, YID YUL DANG BCAS PA NAM MKHA' LA SPYOD PA SOGS YON TAN BRGYAD THOB PA DANG, BDE STONG NYID GOMS PAR BYAS PAS, MNGON SHES LNGA THOB CING, GZHAN YANG SROG DBU MAR 'DRES PA'I MTHUS RNAL 'BYOR PA RANG LA LHAN SKYES KHYAD PAR CAN STER BAS, SNA TSOGS YUM GYI BYA BA RNAMS KYANG BYED PAR 'GYUR RO, ,'O NA RANG LUGS LA'ANG SROG DBU MAR MA CHINGS PA 'CHING BA'I SPOGS CHOG TU BTZAN THABS KYI SBYOR BA BYAS PAS RLUNG DBU MAR TSUD NA GTUM MO 'BAR NAS ZHU BDE YANG 'DREN NUS PAS, SPOGS CHOG GNYIS PA BDE BA MA SKYES PA BSKYED PA'I SPOGS CHOG DON MED DON SNYAM NA, SROG DBU MAR TSUD NA DE LTAR BDE BA SKYE'ANG BDE BA MA SKYES NA ZHES PA'I DON NI, BDE BA TZAM MA SKYES PA LA MI BYED KYI, KHYAD PAR CAN PHYI'I PHYAG RGYA LA BRTEN NAS MI 'GYUR BA'I BDE BA MA SKYES PA BSKYED PA'I SPOGS CHOG TU LAS RGYA KUN LA BRTEN NAS MI 'GYUR BA'I BDE BA BSKYED CING SPEL BA'I THABS KHYAD PAR CAN DGOS PAS SKYON MED DO, ,GNYIS PA NYAMS SU LEN TSUL LA GNYIS, N'A DA BSGOM PA'I SBYOR BA NYAMS SU LEN TSUL DANG, STONG GZUGS KHYAD PAR CAN LA BRTEN NAS NYAMS SU LEN TSUL LO, ,DANG PO NI, N'A DA ZHES PA SGRA TZAM YIN LA, 'DIR SKABS SU BAB PA H'Um YIG GO ,DA 'ANG H'Um NGAG TU BRJOD CING THUR SEL STENG DU 'DREN PA'I DMIGS PA DRAG PO GCIG LHAN CIG TU BYED PA'I DON NO, ,NYAMS LEN GYI DUS SU SNGON DU BLA MA'I RNAL 'BYOR MAndAL GSOL 'DEBS YIG BRGYA SOGS SNGON DU GTONG ZHING, SNGON
'GRO KHYAD PAR CAN NI 'DIR SROG RTZOL BSGOMS PAS DBU MAR TSUD KYANG RLUNG LAS RUNG DU GYUR PA ZHIG GIS BTZAN THABS KYI SBYOR BA BYED PAR GSUNGS PAS, RLUNG MA BYANG BA'I GANG ZAG GIS THOG MAR 'OG SGO'I RDOR BZLAS BYA STE, LUS DANG DUS KYI GNAD NI GZHAN DU BSHAD PA BZHIN DANG, GANG DU DMIGS PA YUL GYI GNAD NI GSANG GNAS KYI RTZE NAS, LTE 'KHOR STENG SOR BZHI LHAG TZAM DU DBU MA KHA DOG SNGO ZHING DVANGS PA GSAL BA, DBU MA'I MAR SNA NAS, LTE GONG GI BAR, NANG DU 'JUG PA AOm GYI GDANGS DANG GNAS PA STE, DBUS SU H'U'I ? DANG, LTE GONG NAS GSANG GNAS KYI RTZE BAR DU PHYIR 'GRO BA A'A: 'I GDANGS KYI RNAM PA CAN GYI 'JUG LDANG GNAS GSUM LA DMIGS PA'I RDOR BZLAS BYAS PAS RLUNG 'JAM DU SONG BA'I SKABS SU DMIGS PA DNGOS GZHI BYA BA NI LUS BSRANG, LAG PA RDO RJE KHU TSUR SNYING GAR BSNOL, LCE RTZE DANG MIG CUNG ZAD GYEN DU LDOG NAS NGAG TU H'Um GI GDANGS DANG, LTO BA SGAL TSIGS LA SBYAR BA SOGS LUS NGAG GI RTZOL BA CUNG ZAD DANG DUS GCIG TU DBU MA'I MAR SNA NAS THUR SEL RIM GYIS LTE BA'I STENG SOR BZHI TZAM DU DRANGS NAS CUNG ZAD BZUNG, STENG RLUNG MI MNAN ZHING RTZOL MED DU BZHAG, GTONG DUS SNA BUG NAS DAL BUS BTANG NAS NYI SHU RTZA GCIG LA SOGS PA JI TZAM 'TSAM PAR BYA, MGO NA BA DANG KHYAD PAR DU SROG RTZA BRGYANGS PA LTA BU SOGS BYUNG NA DE'I MOD LA BZHAG NAS SNGAR BZHIN RDOR BZLAS BYA, MI BDE BA SANGS PA DANG SNGAR BZHIN BYA ZHING, DE'I MTHUS RLUNG CUNG ZAD BYANG BA DANG STOBS DRAG PO BYA ZHING DE GONG DU DAL BUS BYA,
, ,STOBS DRAG PO BYED PA'I TSIGS NI SROG 'DZIN LTE 'OG MAN CHAD DU 'CHUG PA DANG, THUR SEL LTE BA YAN CHOD DU 'CHUG PA GANG GIS KYANG ZUG GZER SOGS KYIS NYAMS LEN LA GNOD PA'I GEGS CHEN PO MI 'BYUNG BA'I MTSAMS NAS YIN NO, ,DE LTAR NYAMS LEN LA MKHAS PAR BYAS PAS, SROG THUR GNYIS DBU MAR TSUD PA SOGS LA RLUNG SBYOR GZHAN RNAMS LAS MYUR BA SOGS KYI PHAN YON 'BYUNG NGO, ,GNYIS PA LA GSUM, STONG GZUGS KHYAD PAR CAN NGOS BZUNG BA, DE SGRUB TSUL GYI ZUR PA YOD MED DANG, DE LA BRTEN NAS YON TAN KHYAD PAR CAN SKYE TSUL LO, ,DANG PO NI, SNA TSOGS YUM LTA BU SOGS MA BRTAGS PA'I YUM MTSAN NYID RDZOGS PA SNANG ZHING, DER MA ZAD RANG YANG DUS 'KHOR LTA BU'I YAB TU SNANG BA GNYIS PHAN TSUN ZHAL SBYOR BA'I RNAM PA CAN DU SNANG BA NI STONG GZUGS KHYAD PAR CAN NO, ,DE LA'ANG 'DOD MI 'DOD KYI SNANG BA GNYIS SKYE, MI 'DOD PA NI SPANG BYAR SHES DGOS SHING, 'DOD PA LA'ANG PHYI ROL NAS GANG ZAG KHYAD PAR CAN GYIS RNAM PA GTAD MA GTAD GNYIS, RNAM PA GTAD PA NI SNA TSOGS YUM LA SOGS PA 'JIG RTEN LAS 'DAS PA'I GANG ZAG GI RNAM PA GTAD PA LAS BYUNG BA DANG, 'JIG RTEN PA'I RNAL 'BYOR MA KHYAD PAR CAN GYI GTAD PA GNYIS KYIS KYANG, LHAN SKYES 'DREN PA'I YUL KHYAD PAR CAN DU 'GYUR YANG 'DIR BSHAD PA'I STONG GZUGS PHYAG RGYA CHEN MOR MI BZHED DO, ,CHED KYI RNAM PA MA GTAD PA NI GLOG LTA BU MA BRTAGS PAR 'BYUNG BA'I YUM GYI RNAM PA STE, 'DI
BSHAD PA'I PHYAG CHEN NO, ,DE LA'ANG RNAM PA KHYAD PAR CAN LHA MO'I RNAM PA DANG, PHAL BA'I RNAM PA GNYIS 'BYUNG NGO, ,GNYIS PA NI, GANG ZAG 'GA' ZHIG LA SGRUB TSUL ZUR PA MA BYAS KYANG 'BYUNG BA SNANG MOD KYANG DE NI NAM 'DOD DU MI 'ONG BAS MI BRTAN, 'DIR GZUGS SGRUB DANG SREG SGRUB PA GNYIS KYI NANG NAS GZUGS SGRUB KHYAD PAR CAN GZUGS 'DUN PAS BSGYUR BA NI, LUS GNAD KHYAD PAR CAN DANG MIG DANG SEMS SMIN MTSAMS SU GTAD, RANG NYID MA BRTAGS PA'I STONG GZUGS KYI 'DOD LHA YAB YUM DANG SNYOMS PAR 'JUG PAR BYA'O SNYAM PA'I 'DUN PA DU RE BA BYAS NAS, DE RJES STONG GZUGS SOGS CI LA'ANG MI RTOG PAR SMIN MTSAMS SU SEMS CHIG DRIL DU BSGOM PA GOMS PAR BYAS NA 'DUN PA DANG RJES SU MTHUN PAR 'GRUB PAR 'GYUR TE RLUNG ? DBU MAR TSUD PAS SGRUB PA NI SLA ZHING, DES SGRUB PA NI, STONG GZUGS KHYAD PAR CAN DANG DBU MAR MA TSUD PAS BSGRUB PA NI CUNG ZAD DKA' ZHING, DES GRUB PA'ANG PHAL PA YIN PA NI SNGAR BSHAD ZIN PA BZHIN NO, ,SNGA MA LA BRTEN NAS ZHU BDE MI 'DREN PA MI SMAD LA PHYI MA LA BDE BA 'DREN MI 'DREN GNYIS YOD DE, GZUGS RNAMS KYIS DGA' BAR MA GYUR NA ZHES GSUNGS PAS SHES SO, ,DES BDE BA MI 'DREN PA'I DUS SU BDE BA 'DREN PA'I THABS KHYAD PAR CAN GZHAN YANG BYA DGOS SO, ,DE'ANG SNGON DU SNGAR GOMS PA GANG CHE BA'I LHA GANG YIN LA 'DUN PAS BSGYUR BA SOGS SNGAR BZHIN BYAS, DE RJES SNGAR GYI DMIGS PA BZHIN BYAS NA 'GRUB SLA GSUNG NGO, ,GSUM PA NI, DE LTA BU'I STONG GZUGS KYI PHYAG RGYA CHEN MO LA BRTEN NAS LHAN SKYES KHYAD PAR CAN STER
, ,BA DANG, DE GOMS PAR BYAS PAS TING NGE 'DZIN GYI YAN LAG THOB PAR 'GYUR RO, ,YE RGYA LTA BU LA BRTEN NAS ZHU BDE DRANGS DUS SU ZHU BA SHAS CHUNG NA LDOG THABS ZUR PA MI DGOS SHING, ZHU BA SHAS CHE NA, BYANG SEMS NOR BU'I BAR DU PHAB, DER DMIGS PAS BKAG NAS LHAN SKYES BSGOM, DE LAS LANGS PA DANG, SNGAR GYI RLUNG SBYOR GYIS DAL BUS DBU MA'I LAM NAS 'GRO BAR MOS NAS STENG DU DRANG, SPYI BO'I RTZA 'KHOR GYI DBUS SU RLUNG DANG LHAN CIG TU BCINGS TE CUNG ZAD BZUNG, DE RJES 'JAM RLUNG BUM PA CAN DANG 'GREM PA'I 'KHRUL 'KHOR RNAMS KYIS SPYI BO NAS RIM GYIS SNYING GA-YAN CHAD KYI LUS KYI STOD KYI CHA RNAMS LA DGRAM ZHING DE GOMS PA DANG LUS KYI GNAS THAMS CAD DU BKRAM PA'I DMIGS PA SOGS KYANG BYA, RLUNG RKYANG PA STENG DU 'DREN PA LAS THIG LE DANG BCAS TE 'DREN PA SLA ZHING, GEGS KYANG CHUNG BDE BA'ANG 'PHEL, RLUNG BYANG BA DANG DBU MAR TSUD PA LA'ANG KHYAD SHIN TU CHE BAS, ZHU BDE GZHAN GYI SKABS SU'ANG DE BZHIN DU SHES PAR BYA'O, ,GSUNG GI BDUD RTZI BRJED BYANG DU BYAS PA LAGS PA DGE BAR GYUR, 'DI'I GZHUNG TSIG RGYUD NAS LOGS SU BKOL BA YOD PAS RGYAS BSHAD SBYAR TE RNAM DPYOD CAN GYIS TSIM PAR MA SLA BAR DUS RGYUN DU NYIN MTSAN DU BRTAGS PAS THEG PA BLA NA MED PA'I RIGS KYI NUS PA BRTAS PAR BYA BA LA BRTZON PAR BYA DGOS SO, 'DIS KYANG BSTAN PA RIN PO CHE PHYOGS KUN TU RGYAS PAR BYED NUS PAR GYUR CIG ,RDO RJE 'CHANG CHEN TZONG KHA PA'I, ,LEGS BSHAD GSUNG GI ZIN BRIS 'DI, ,RGYAL TSAB DAM PA ZLA BZANG MCHOG ,GNYIS PA LTA BUS MDZAD PA YIN, MANGGA LAm,, ,,