A Number of Brief Instructions on the Secret Teaching of the Glorious Secret Collection (Guhyasamaja)

, ,BKA' DRIN 'KHOR MED RIG PA SENG GE LA, ,SNYING NAS 'DUD DE TSAD MED THUGS RJES GZIGS, ,RAB DKAR DAD GUS DRAG POS GSOL 'DEBS NA, ,TSE RABS KUN TU RJES SU BZUNG DU GSOL, ` ,GNAS TSUL GRU GZINGS RIG PA'I SKYE BA 'DZIN, ,DED DPON BSHES GNYEN MCHOG GI ZHABS BTUD NAS, ,NYID KYI THUGS BCUD ZHAL GYI GDAMS PA MCHOG ,YI GER BKOD LA SRUNG MAS GROGS MDZOD CIG ,DE LA ZHI LHAG GI MTSAN NYID DANG, RGYU TSOGS BRTEN PA'I RIM PA LA SOGS PA RNAMS MTHA' DAG PAR BYANG CHUB LAM GYI RIM PAR SHES PAR BYAS LA, 'DIR NI DE DAG GI SKABS SU MED DU MI RUNG BA'I ZHAL SHES DAG BRI BAR BYA'O, ,DE YANG ZHI LHAG GANG GI SKABS SU YANG BYING RGOD GCOD PA SHIN TU GAL CHE BAS, BYING RGOD BTZAN THABS SU SEL TSUL NI, BYING RGOD SHAS CHUNG ZHING LAN RE TZAM LAS MI 'BYUNG NA, SKABS GZHAN NAS 'BYUNG BA LTAR DRAN SHES BSTEN TSUL MKHAS PAS SEL LA, BYING RGOD SHIN TU SHAS CHE ZHING YANG YANG 'BYUNG BA LA NI,

, ,'DI LTAR BYING BA DANG RMUGS PA YANG YANG 'BYUNG NA, RANG GI SEMS DANG NAM MKHA' GSAL STONG GNYIS DBYER MED DU BSRES NAS BZUNG BAS, SEMS GSAL LA DVANGS SHING DMIGS PA LA 'DOD PA BZHIN GNAS PA ZHIG 'ONG BA YIN NO, ,RGOD PA LA NI RLUNG SBYOR BYAS TE NANG DU BZUNG BAS SEMS YANG GNAS SHING, RIG PA DVANGS SNYIGS PHYE NAS 'ONG BA YIN NO, ,BYING RGOD BTZAN THABS SU GCOD PA'I ZHAL SHES SO, ,GANG LA 'JOG PA'I DMIGS PA DANG, JI LTAR 'JOG PA'I DMIGS TSUL DANG, DMIGS PA BSGOM PAS MYONG BA SKYE TSUL DANG BYING RGOD PHRA RAGS KYI DBYE BA DANG KHYAD PAR RNAMS SHES PAR BYA DGOS SO, , LHAG MTHONG LA THOG MAR DGAG BYA DE'I TSAD 'CHAR TSUL NI, THOG MAR BLO LHAN SKYES LA NGA TZAM JI LTAR 'CHAR BA LTA, DE NGES NAS NGA TZAM NGA'O SNYAM PA'I BLO LA JI LTAR SNANG BA LTA, SNANG TSUL NGES NAS NGA'O SNYAM PA'I BLO 'DIS, NGA JI LTAR BZUNG NGES PAR BYED PA STE, DE LA YANG SNGON DU SNANG BA'I 'CHAR TSUL DANG, DE NAS ZHEN PA'I 'CHAR TSUL GNYIS LA RIM PA BZHIN THA DAD DU GNYEN PO BSTEN DGOS SO, ,BLTA TSUL YANG NGA'O

SNYAM PA'I BLO MA SHOR BAR BYAS NAS BLO GZHAN ZHIG GIS ZUR NAS BLTA DGOS PA YIN TE, DE LTAR BLTAS PA NA THOG MAR PHUNG PO 'CHAR BA DANG MI 'CHAR BA GNYIS DANG, 'CHAR BA LA YANG NGA DE PHUNG PO'I DKYIL NA GNAS PA LTAR DU 'CHAR BA DANG, PHUNG PO LAS GZHAN MI 'CHAR BA DANG, MI 'CHAR BA YANG CI MED KYI STONG SANG LTA BU DANG, KHA DOG DANG GZUGS KYI RNAM PA LTA BU 'CHAR BA RNAMS NI 'CHAR TSUL RNAM DAG MIN NO, ,DES NA BLO LHAN SKYES 'DI LA NGA YUL GANG LA YANG LTOS SA MED PA 'DRA BA'I RANG NGOS NAS LHANG NGE ZHIG 'CHAR LA, DE NYID THA SNYAD SRENG BA DANG, PHOB PHOB PA DANG, NUS PA LHANG NGE BA DANG, LAM ME BA SOGS GANG DANG SBYAR YANG 'CHAR BA 'DRA BA ZHIG 'ONG NGO, ,SNANG BA DE YANG YUN THUNG BAS PHRENG TZAM LAS MI 'CHAR RO, ,DE YANG BLO DE DANG MNYAM DU SNGON NAS GRUB GRUB PA GCIG DRAN PA LTAR DU 'CHAR RO, ,'CHAR TSUL DE LA YANG PHUNG PO DANG GCIG THA DAD GNYIS KA'I 'CHAR TSUL 'BYUNG NGO, ,DE YANG NGA NA ZHES PA DANG NGA'I LAG PA NA ZHES PA LTA BU'AM, LHAN SKYES KYI SNANG BA DE MA DOR BAR NGA BYA BA BYED DO, ZHES PA LTA BU NI NGAR ZHEN PA YIN NO, ,NGA'O SNYAM PA'I BLO NI NGA 'GRO NGA SDOD SNYAM PA RNAMS SO, ,DE LTAR 'CHAR TSUL NGES NAS DE LTAR GRUB NA PHUNG PO LAS GCIG THA DAD GANG RUNG LAS MI 'DA'I TSUL DANG, GCIG THA DAD GNYIS KA LA GNOD PA YOD PA'I TSUL BSAMS NAS, NGA SNANG BA DE LTAR GRUB BA MI 'DUG PAR LHANG GIS NGES PA NA, NGES SHES LHANG LHANG BA BAR MA CHAD DU SKYONG BA NI SKYONG TSUL GYI GNAD DAM PA'O, ,DE'I TSE YANG DGAG BYA GSAL BTAB NAS DE LTAR DU MED DO SNYAM DU BYED PA MIN TE, DANG POR DGAG BYA GSAL BTAB STE, DE

, ,LTAR MED PAR NGES PA'I NGES SHES LHANG GIS SKYES PA'I MED DGAG DE NYID LA RTZE GCIG TU 'JOG PA'O, ,DE LA GNAD BZHIR BYAS NA, DANG PO DGAG BYA DE NGES PA, GNYIS PA KHYAB PA NGES PA, GSUM PA PHYOGS CHOS KYI ZUR DANG PO NGES PA, BZHI PA PHYOGS CHOS KYI ZUR GNYIS PA NGES PA DANG BZHI LAS, TSAD MA BZHIR BYAS NA, DGAG BYA'I 'CHAR TSUL NGES PA'I TSAD MA, GCIG THA DAD NGES PA'I TSAD MA, GCIG TU MA GRUB PAR NGES PA'I TSAD MA, THA DAD DU MA GRUB PAR NGES PA'I TSAD MA DANG BZHI'O, ,DE LA BOGS 'DON PA YIN NA, MNYAM RJES KYI SKYONG TSUL GNYIS LA MKHAS PAS 'DON PA YIN LA, GEGS SEL LA CHAD LTA NI GNAD DANG PO'I TSAD MAS NGES NA MI 'BYUNG YANG BDAG CHAD KYIS DOGS PA'I 'JIGS PA NI, RJES THOB KYI SNANG BA SKYON MED 'DI KAS SEL NUS SO, ,STONG NYID RGYAD CHAD DU BSGOM NA BDEN GRUB KYI RTAG LTA BSGOMS PAR 'GYUR BAS, BLO DANG BSRES NAS DBYER MED DU BSGOM MO, ,NGA YI BA'I 'CHAR TSUL NI, NGA YI'O SNYAM PA'I BLO SPYI 'DI'I 'CHAR TSUL NGA YI'O SNYAM DU BSAM PA NA, BLO DE DANG SNYAM DU LING CHAD DU CHAR CHAR PA 'DRA BA ZHIG 'CHAR LA, DE NYID SNANG BA LTAR GRUB NA, MIG SNA SOGS DANG GCIG THA DAD GANG RUNG DU GRUB NGES LA, GCIG TU GRUB NA THA DAD GTAN MED DU 'GYUR BAS, MIG GIS KYANG SGRA THOS PAR 'GYUR LA, RNA BAS KYANG GZUGS MTHONG BA SOGS SU 'GYUR RO, ,THA DAD DU GRUB NA NGA YI'O SNYAM PA'I BLO DE NYID KYI YUL LA LONGS SPYOD PA YOD PA DANG, NGA YI BA RNAMS BDE BA BSGRUB BYA

MIN PAR 'GYUR BAS, DE LTAR NGES PA DRANGS NAS SKYONG TSUL SNGAR LTAR BYED PA YIN NO, ,DE NAS SHES PA'I 'CHAR TSUL LA YANG BLTA STE, DE YANG YUL RANG DBANG DU SPYOD PA 'DRA BA'I TSUGS THUB TU 'CHAR RO, ,DE'I YANG NGES PA 'DREN TSUL DANG SKYONG TSUL MNYAM RJES SOGS SNGAR DANG 'DRA'O, ,DE NAS RANG RGYUD KYIS BSDUS PA'I PHUNG PO'I STENG DU GTAN LA PHAB STE BSGOM MO, ,DE NAS GANG ZAG GZHAN DANG RANG RGYUD KYIS MA BSDUS PA'I CHOS THAMS CAD KYI STENG DU BSGOM MO, ,DE'I 'CHAR TSUL NI, KA BA LTA BU DE SNGAR NAS GRUB GRUB PA 'DRA BA'I BRTAN TSUGS PA'I RNAM PAR 'CHAR RO, ,THA SNYAD DU YOD PAR BSHAD PA NI MING TZAM ZHIG YOD PA YIN LA, RIG PAS MED PAR SGRUB PA NI, BLO MA RIG PAS YUL RNAMS RANG DBANG DU BZUNG BA LTAR MED PAR SGRUB PA YIN NO, ,TZONG KHA'I RING LUGS GSAL MDZAD CHOS KYI RJE, ,MKHAS GRUB LEGS BSHAD 'OD DKAR RGYAS PA DES, ,GANG GI BLO MUN BSAL BA'I MTHU BYUNG BA, ,ZHAL SHES GNAD KYI THO YIG BRIS PA 'DIS, ,'GRO BA'I SNYING GI MUN PA SEL GYUR CIG , ZHAL SHES GNAD KYI THEM YIG DGE'O, ` ,RDO RJE 'CHANG DBANG GANG DE'I BRTZE BA YIS, ,ROL PAS BSHES GNYEN TSUL BZUNG THEG MCHOG MGON, ,RJE BTZUN BLA MA'I ZHABS LA MGOS PHYAG 'TSAL, ,BRTZE BA'I THUGS KYIS RTAG PAR GZIGS SU GSOL, ,DE LA 'DIR LAM RIM PA GNYIS TSUL BZHIN DU NYAMS SU LEN PA'I GANG ZAG GIS DMIGS PA YID LA BYED PA'I GNAD BSHAD PAR BYA'O, ,DE LA THOG MAR SNGON 'GRO GTOR MA'I GNAD NI, RANG ZHE SDANG RDO RJER BSKYED PA'I

, ,MDUN DU THONG PA YANGS SHING RGYA CHE BA GCIG TU SHA LNGA BDUD RTZI LNGA BYIN GYIS BRLABS TE, ZAG PA MED PA'I YE SHES KYI BDUD RTZIR BSAMS NAS, PHYOGS SKYONG 'KHOR BCAS RANG GI PHYOGS MTSAMS SU BKUG STE RANG GI THUGS KA NAS MCHOD PA'I LHA MO THOD PA THOGS PA DPAG TU MED PA SPROS TE, RANG GI MDUN GYI BDUD RTZI DE NAS THOD PAS BCUS NAS SO SO'I MDUN DU MCHOD PAS BZHES PAR BSAM PA'O, ,DKYIL 'KHOR BA'I LHA LA 'BUL BA YANG DMIGS PA 'DRA LA, KHYAD PAR RANG GI MDUN DU LHA TSOGS GSAL 'DEBS PA YIN NO, ,BSRUNG 'KHOR GYI GNAD NI, GCOD PA'I 'KHOR LO'I RTZIBS THAMS CAD SPU GRI'I SO LTAR RNO BA NYI GDAN LA CUNG ZAD MA REG PAR MGYOGS PAR 'KHOR BA, DE'I DBUS SU GZHAL YAS KHANG BSGOMS NA YANG SHIN TU LEGS SHING, GTOR MGRON BSKYED PA'I SKABS KYI RIGS PA SBYOR NA YANG THOB PA YIN NO, ,DE YANG BSRUNG 'KHOR GRUB TZAM NAS 'BRUB KHUNG DANG PHUR BU SOGS KYANG GSAL GDAB BO, ,GNAS GSUM GYI YI GE GSUM LAS RDO RJE DKAR DMAR MTHING GSUM BYUNG BAS LUS RDO RJE'I RANG BZHIN DU BSGOM MO, ,SGO GSUM BYIN RLABS DANG SEMS DPA' SUM BRTZEGS KYI TSE SNGA PHYIR THUGS KAR H'Um YIG GNYIS BYUNG YANG THA DAD DU MOS PA MA GTOGS H'Um YIG GCIG GIS CHOG PA YIN NO, ,YUL CAN BDE BAS STONG PA BSGOM PA'I GNAD NI, BSKYED RIM GYI SKABS SU GTZO BO YID BDE YIN PAS DES STONG PA SNGAR NGES ZIN LA RTZE GCIG TU 'JOG PA YIN NO, ,DE LA GNYIS SNANG GIS

BAR CHOD NA SDUD RIM GYI DMIGS PA BYAS NAS SNGAR LTAR 'JOG PA YIN NO, ,DE LA NGA RGYAL 'JOG PA'I GNAD NI, THA MAL GYI PHUNG PO DANG BDAG GNYIS NGA'O SNYAM PA'I BLOS MING DON GCIG TU BZUNG NAS ZHEN PAS 'KHOR BAR 'KHOR BA LTAR, YUL STONG PA NYID LA GDAGS GZHIR BYAS NAS NGA BTAGS CHOS SU BYAS TE MING DON GCIG TU GZUNG BA'I BDEN 'DZIN SPANGS NAS CHOS SKU'I RGYUR 'GYUR BA YIN NO, ,GZUNG RNAM LHAR 'CHAR TSUL GYI GNAD NI, GZUNG RGYU'I YUL STONG PA NYID DANG 'DZIN MKHAN NI STONG PA NYID RTOGS PA'I SHES RAB BO, ,RNAM PA LHAR 'CHAR TSUL NI, NGO BO BDE STONG DBYER MED DE NYID YIN PA LA, RNAM PA LHA DANG GZHAL YAS KHANG DU GRUB PAR BSGOM PA'O, ,LHAG MOS LUS LA BSDUS NAS DA LTA THIM PAR BSGOM PA NI, GNAS DE NYID DU PHAR LUS KYI NANG DU THIM PAR BSGOM PA DANG, 'CHI BA'I TSE LTA BU NI CHOS SKUR THIM PAR BSGOM PA'O, ,DANG PO'I MGON PO RANG NYID MI BSKYOD PA LA 'JUG PA NI, GO SA MA 'PHOS PAR DBUS KYI GDAN LA GNAS PA'I NGANG NAS 'JUG PA YIN LA, DE NAS SKU DE RTEN DANG BRTEN PA'I DKYIL 'KHOR DU BSKYED PA NA LUS KYI CHA SHAS DE DANG DER GYUR PA LAS BSKYED PAR MOS PA MA GTOGS RNAM PA BSDUS NAS DER GYUR PAR BSAM PA MIN NO, ,LUS KYI GNAS RNAMS SU LHA BSGOM PA YANG, GO SA GCIG TU LHA MANG PO BSGOM PA 'CHAR DKA' NA, GSANG 'DUS 'JAM RDOR NAS GSUNGS PA LTAR GNAS THA DAD DU BSGOMS KYANG RUNG LA, RIGS BDAG YAB YUM LAS BDUD RTZI'I RGYUN BABS PAS SEMS DPA' GSUM TSIM ZHING DGA' BDE DPAG TU MED PA

, ,SKYES PAR YANG YANG BSAM PA GNAD CHE'O, ,RIG MA 'BYIN PA'I GNAD NI, THOG MAR SNYING KHA NAS, SME SHA CAN LA SOGS PA RANG RIGS KYI MI MO'I RNAM PA CAN YID LA GCAGS PA'I BU MO'I RNAM PA GCIG PHYUNG STE, DE NYID BSANGS SBYANGS NAS REG BYA RDO RJE MAR BSKYED PA'O, ,PHAt YIG GI GNAD NI, DBU CAN GYI PHAt YIG KHA DOG GSER LTA BU MGO BO NANG DU LTA BA 'OD KYI RNAM PAR BSGOM MO, ,DES NI PHAt NGAG TU BRJOD PA DANG MNYAM DU SPYI BO NAS BYANG SEMS 'BEBS PA DANG, PHYIR 'PHO BA DGAG PA DANG, DMIGS PAS YUM GYI PADMAR 'BEBS PA DANG BYA BA GSUM BYED DO, ,DAD PO SBYOR BA LAS MI BYED NA YUM GYI PADMA'AM RDO RJE'I RTZE GANG RUNG DU THIG LE PHAB PA LAS LHA SPROS NAS MDZAD PA DANG SBYAR DGOS SO, ,RDO RJE DANG PADMA'I NANG 'OD ZER LNGAS GANG BAR BSGOM PA NI, RVA DBUS MA'I AOm YIG DE LAS 'OD ZER LNGA BYUNG STE LUS KYI RTZA THAMS CAD DANG PADMA'I NANG GANG BAR BSGOM PA YIN NO, ,AOm YIG NI RVA DBUS MA'I SBOM GYI CHA'I DBUS SU 'GOD LA, PHAt YIG NI RVA DBUS MA'I RTZER 'GOD PA YIN NO, ,NGA RGYAL 'JOG PA'I GNAD NI, BDE STONG DBYER MED LA SNGAR LTAR NGA RGYAL BZHAG NAS, DE NYID LA RANG RDO RJE 'CHANG DNGOS YIN PA DANG DKYIL 'KHOR DE'I RNAM 'PHRUL DU BLTAS TE THA DAD DU MI BZUNG NGO, ,GSAL SNANG 'DON PA'I GNAD NI, RTEN DANG BRTEN PA'I DKYIL 'KHOR LAM GYIS GSAL BTAB STE, SHES PAS SPYI DE LA BZUNG NAS SHES PA CHA SHAS PHRA MO GCIG GIS RE RE NAS GSAL SNANG 'DON PA YIN

NO, ,PHRA MO'I GNAD NI RANG GI RDO RJE'I KHA'I PHAt YIG DE NYI GDAN DU GYUR TE, DE'I STENG DU SNYING KHA NAS THIG LE SNGON PO YUNGS 'BRU TZAM ZHIG PHYUNG STE PHAB NAS BSGOM PA DANG, MTHAR THIG LE YAR DRANGS NAS NYI GDAN PHAt YIG TU BSGYUR RO, ,STENG GI SNA RTZER YANG NYI GDAN LA RDO RJE SNGON PO NAS 'BRU TZAM DANG, DE BRTAN PA NA DE LAS GCIG DANG, DE NAS DE'I RTZI LAS GCIG STE JE MANG DU BTANG, MTHAR YANG SNYING KHAR BSDU'O, ,DE DAG NI DMIGS PA YID LA BYED PA'I GNAD BSKYED RIM GYI SKABS SU MED DU MI RUNG PA'I ZHAL SHES DAG YIN NO, ,SROG LAS KYANG GCES PAR GYIS GSUNGS SO, ,ZHAR LA RDZOGS RIM GYI GNAD CUNG ZAD CIG BRJOD NA, BDE BA CHEN PO NI LAM 'DI'I GZHI YIN LA, DE RDZOGS RIM NAS SGRUB PA YIN PAS, DE SGRUB PA'I THABS 'DIR PHRA MO LAS MA BSHAD KYANG, MA RGYUD KYI GTUM MO YANG BSGOM NA KHYAD PAR DU 'GYUR BA YIN NO, ,SROG RTZOL GSUM GYI SKABS SU SEMS DPA' SUM BRTZEGS DGOS PAS DE BYED TSUL NI, RANG DAM TSIG SEMS DPA' RDO RJE 'CHANG DU SKAD CIG GIS LANGS PA'I SNYING KHA'I RTZA MDUD KYI MI SHIGS PA'I THIG LE DE'I DBUS SU YE SHES SEMS DPA' SKU MDOG DKAR PO 'OD KYI RANG BZHIN CAN SHIN TU PHRA BA DANG, DE'I THUGS KAR TING NGE 'DZIN SEMS DPA' AA THUNG SHAD KYI RNAM PA CAN NGO BO RLUNG SEMS KYI RANG BZHIN KHA DOG SNGON PO ZHIG BSGOMS NAS DE LAS 'BYUNG 'JUG BYED PA'I RDOR BZLAS DANG, DE NYID LA SEMS 'DZIN PA'I SNGAGS 'KHOR BSGOM PA RNAMS BYED PA YIN NO, ,MTHAR YANG RIL 'DZIN DANG, RJES GZHIG GI DMIGS PA'I SDUD RIM RE DANG SBREL NA LEGS SO, ,

, ,BSKYED RIM NI RDZOGS RIM GYI SMIN BYED DU BSGOM PA YIN PAS, LUS DBEN NAS BZUNG STE ZUNG 'JUG GI BAR THAMS CAD DU RANG RDO RJE 'CHANG DU LANGS PA NA, RTEN DANG BRTEN PA'I DKYIL 'KHOR YONGS RDZOGS SU LANG DGOS PA YIN NO, , PHYAG RGYA LA BRTEN NAS RLUNG DBU MAR 'JUG PA'I SROG RTZOL NI, PHYAG RGYA MTSAN NYID DANG LDAN PA DANG SNYOMS PAR ZHUGS BZHIN PA'I TSE DH'U T'I'I MAR SNAR DMIGS PA GTAD PAS, YAB YUM GYI RLUNG DANG BYANG SEMS RIM GYIS 'DUS PA RNAMS KYIS DH'U T'I'I MAR SNA PHYE NAS BTZAN THABS SU RLUNG DBU MA'I NANG DU 'JUG PA YIN NO, ,DE NYID SNYING KHAR DMIGS PA GTAD DE SDUD RIM DANG, SBRAGS NA 'OD GSAL SKYE PA'I THABS KYANG MCHOG TU 'GYUR BA YIN NO, ,GNYID KYI SKABS SU DE LTAR BYAS NA YANG 'OD GSAL BTZAN THABS SU 'DZIN PA'I GDAMS PA'I MCHOG YIN NO, ,KHYAB BYED KYI RLUNG 'DI RLUNG GZHAN LAS SDUD DKA' ZHING 'DI RDZOGS PAR MA THIM NA SEMS DBEN GYI 'OD GSAL MTSAN NYID PA MI 'BYUNG BAS RLUNG CUNG ZAD SDUD NUS PA NAS 'DI'I SDUD RIM RE YANG NGES PAR BYED DGOS SO, ,LUS DBEN RJES MTHUN PA THOB NAS RIL 'DZIN DANG RJES GZHIG GI DMIGS PA'I SDUD RIN RE DANG SBRAGS NAS NYAMS SU BLANGS NA RLUNG 'DU SLA BA DANG MNYEN DU 'GRO BA'I GNAD YOD DO, ,RDOR BZLAS KYI GNAD NI, 'KHOR LO'I SDUD RIM BYAS TE MI SHIGS PA LA SDUD, MI SHIGS PA YE SHES SEMS DPA' LA BSDU, YE SHES SEMS DPA' TING NGE 'DZIN SEMS DPA' AA THUNG LA BSDUS TE, RTZE GCIG TU DE NYID LA SEMS GZUNG BZHIN DU, YI GE GSUM GYI RDOR BZLAS BYED PA DE THUN MONG MIN PA'I GNAD DO, ,

SDUD RIM DE LTA BU DANG PHYAG RGYA LA BRTEN PA GNYIS TSOGS KYI SEMS DBEN BSKYED PA NI, SEMS DBEN GYI GDAMS PA'O, ,SEMS DBEN RJES MTHUN PA THOB NAS SGYU MA'I SKUR LDANG TSUL GYI GNAD KHYAD PAR BA NI, 'OD GSAL LAS LDANG BA NA, SNYING KHA'I KHAMS DKAR DMAR GYI DBUS KYI YE SHES SEMS DPA' SKU MDOG DKAR PO RDO RJE 'CHANG GI RNAM PA DE NYID LA SEMS KHRIG GE GTAD DE, THIG LE 'OG MA GDAN DANG STENG MA GOS KYI RNAM PAR BYAS NAS LUS 'DI'I PHYI ROL TU 'PHEN PA'I DBANG GIS SKAD CIG TZAM GYIS 'GRUB PA YIN NO, ,SLAR YANG LUS LA 'JUG PA NA SNGAR GYI YE SHES SEMS DPA'I TSUL GYIS 'JUG PA YIN TE, GNAD KHYAD PAR CAN GYI ZHAL SHES SO, ,'DI LTAR 'JUG PA'ANG BAR DO'I BSRE BA'I SKYE BA SPRUL SKU DANG BSRE BA NI PHA MA'I KHU KHRAG DANG, GNYID KYI SKABS SU RMI LAM GYI LUS KHYAD PAR BA PHUNG PO LA 'JUG PA RNAMS SPRUL SKU DANG BSRE BA YIN PAS, SKYE GNAS KYI KHU KHRAG DANG RANG GI PHUNG PO MI BSKYOD PAR BSKYED NAS SPRUL SKU BZUNG BA'I BSAM PAS 'JUG DGOS PA YIN LA, RDO RJE 'CHANG DU BSKYED PA MA YIN NO, ,DE LTAR LANGS PA'I SGYU LUS RDO RJE 'CHANG GI SKU DE NI SKU MDOG DKAR POR YOD PA YIN TE, SKU DE'I SGRUB GZHI SROG 'DZIN GYI RLUNG SHIN TU PHRA BA DE KHA DOG DKAR PO YOD PAS YIN NO, ,DON GYI 'OD GSAL THOG MAR SNGON DU BYED PA'I MTSAMS NI, SKU GSUNG THUGS KYI SEMS DPA' SUM BRTZEGS BYAS PA'I MA DAG PA'I SGYU LUS DE DAG NAS YE SHES SEMS DPA' DANG TING NGE 'DZIN SEMS DPA'I N'A DE YANG 'OD GSAL DU DAG PA NA THOB PA YIN NO, ,'PHO BA NI GTZO BOR

, ,MA RGYUD DAG NAS 'BYUNG YANG PHA RGYUD LA YANG LAM GYI YAN LAG TU NGES PAR DGOS PAS, DE'I DMIGS PA'I GNAD NI, SNGAGS 'KHOR SOGS RGYAS BSDUS GANG BYED KYANG 'DI DGOS TE, DMIGS PA SBYONG PA NA, SNYING KHA'I YI GE RNAMS GYEN DU BSGYUR BA DANG, SNYING KHA'I RTZA 'KHOR YANG THUR MA LA SOGS PAS RGYU MA SOGS KYI PHYI NANG BSGYUR BA LTAR DU, DBU MA'I NANG NAS GYIN LA BSGYUR TE, DE'I RTZER YI GE DE RNAMS DED PA'I RNAM PAR BSGOMS, SLAR PHYIR BSGYUR TE SNGAR LTAR 'JOG PA NI GNAD DAM PA'O, ,'DI LTAR BYAS PAS RTZA RNAMS MNYEN DU SONG NAS SBYANGS PA MTHAR PHYIN PA NA DNGOS SU DE LTAR NUS PA 'BYUNG NGO, ,STONG NYID BSGOM PA'I GNAD NI, BYANG CHUB KYI SEMS BCOS MA MA YIN PA ZHIG BSKYED DE, DE NAS RIG PAS LEGS PAR DPYAD NAS, LTA BA PHU THAG CHOD PA DE LA NGES PA DRANGS NAS, YUN RING DU MNYAM PAR BZHAG PA DE LA LUS LA GNAD DU BSNUN PA'I THABS BSGOMS PAS RDZOGS RIM GYI BDE BA MA MTHA' GCIG RNYED PA NAS, SNGAR LTAR DPYAD PA MI BYED PAR SNGAR GYI NGES SHES SHUGS DRAG DE DRAN PAR BYAS TE, SEMS BDE BA'I NGO BOR SONG BA DES RTZE GCIG TU RANG BZHIN MED PA'I DON DE LA MNYAM PAR BZHAG PAS STONG PA NYID LA BOGS THON NAS SNGAR LAS KYANG NGES PA SHUGS CHE BA DANG, BDEN 'DZIN GYI GNYEN POR NUS PA MTHU CAN DU SONG NAS GNYIS SNANG BZLOG PA YIN NO, ,DES NA LAM 'DI LA NI THOG MAR 'KHOR BA MTHA' DAG LA GTING NAS ZHEN PA LOG NAS, 'KHOR BA'I PHUN TSOGS JI 'DRA BA ZHIG LA YANG BTZON DONG LTAR MTHONG

BA'I NGES 'BYUNG GI BSAM PA DRAG PO ZHIG DANG, DE YANG RANG NYID GCIG PU'I PHYIR YIN PAR SEMS CAN THAMS CAD SDUG BSNGAL DU MAS MNAR BA LA SNYING THAG PA NAS MA BZOD PAS DE NYID 'DON PA LA SKAD CIG KYANG MI YENGS PAR RINGS PA'I BLO BCOS MA MA YIN PA ZHIG DGOS PA YIN NO, ,DE'I PHYIR THOG MAR GANG KHAS BLANGS PA'I BSRUNG SDOM LA 'BAD NAS DAM TSIG DANG SDOM PA RNAM PAR DAG PA ZHIG BYA, DE NAS BYANG CHUB KYI SEMS BCOS MIN ZHIG MED NA THEG PA CHEN PO'I LAM DU MI 'GYUR BAS DE LA 'BAD PAR BYA'O, ,BDAG MED KYI LTA BA RNAM DAG GCIG MED NA 'KHOR BA LAS KYANG MI THAR BAS STONG NYID KYI LTA BA PHU THAG CHOD PA ZHIG BYA, DE LTAR BYAS TE THABS ZAB MO 'DI LTA BU'I LAM DANG SBRAGS NAS LUS LONGS SPYOD LA LTOS PA MED PAR BRTZON PA CHEN POS CHU BO'I RGYUN BZHIN DU NYAMS SU BLANGS NA 'KHOR BA'I SDUG BSNGAL GYI CHU BO CHEN PO BSKAMS TE, RANG GZHAN GYI DON LHUN GRUB TU 'BYUNG BA'I GO 'PHANG YANG MYUR DU 'GRUB PAR GDON MI ZA BA YIN NO, ,'DI DAG NI GNAD 'GAG SDOM CHE BA RNAMS KYI DMIGS PA'I GNAD 'GA' ZHIG BSDUS PA'I MAN NGAG THUN MONG MA YIN PA'I ZHAL SHES MED DU MI RUNG BA'I SROG DAG YIN NO, ,RNAM 'DREN SKU BZHI'I GO 'PHANG MCHOG BRNYES NAS, ,GDUL BYA'I BLO MUN MA LUS SEL MDZOD PA, ,CHOS KYI RGYAL PO MKHAS GRUB DGE LEGS DPAL, ,GANG DE'I GSUNG GI BDUD RTZIS LUS 'TSO BA, ,DAD PA'I DBANG PO'I SKAL BZANG SKYE BO'I NGOR, ,ZHAL SHES GDAMS PA MA NOR TSANG BAR BRIS, ,DES NI GNAS

, ,GSUM MKHA' 'GRO'I TSOGS RNAMS KYIS, ,GA-YEL BA MED PAR RJES SU 'DZIN GYUR CIG , ` ,,RJE BTZUN BLA MA DAM PA RDO RJE 'CHANG CHEN PO DANG DBYER MA MCHIS PA'I ZHABS LA GUS PA CHEN POS PHYAG 'TSAL LO, ,LUS DBEN GYI SKABS SU 'DZAG GEGS BYUNG NA, DH'U T'I'I MAR SNAR DMIGS PA GTAD NAS, DH'U T'I'I DBUS SU DMIGS PA SPO, DES MA SEL NA GSANG BA'I RTZER SPO, DES KYANG MA SEL NA LTE BAR SPO BA DANG, LUS DBEN GYI PHRA THIG BSGOM PA'I SMIN BYED DU BSKYED RIM PA'I PHRA MO SGOM PA YIN GSUNGS SO, ,NGAG DBEN GYI SKABS SU RDOR BZLAS KHYAB BYED KYI RLUNG LA YANG BYED PAS KHYAB BYED KYI RLUNG 'DU BAR BYED PA'I CHED YIN ZHING, 'DUS PA'I LUS DBEN DANG NGAG DBEN GYI DOD MA RGYUD PA'I GTUM MO'I RNAL 'BYOR YIN, DE LA YANG PHYI'I GTUM MO SHA LPAGS KYI BAR DANG, RO MA'I NANG NAS NANG GI GTUM MO RTZA GZHAN RNAMS KYI NANG NAS GSANG BA'I GTUM MO, ,DH'U T'I'I NANG NAS 'BAR BA BZHIN, DKAR CHA YANG PHYI LPAGS DANG RKYANG MA NANG GI RTZA GZHAN RNAMS DANG, GSANG BA DH'U T'I NANG NAS 'BAB PA YIN GSUNG NGO, ,SEMS DBEN GYI SKABS SU SEMS DBEN RDZOGS PAR SKYE BA NGES PAR SPYOD PA LA LTOS PA'I DGOS PA KHYAB BYED KYI RLUNG SDUD PA YIN, 'DUS PA'I SEMS DBEN GYI DOD LAM RGYUD PA LA DGA' BZHI BSKYED PA YIN PAS, 'DI LA ZHAL SHES MANG PO YOD PAR GSUNG NGO, ,PHYI'I PHYAG RGYA LO GRANGS BCU GNYIS MA LA BSNGAGS PA, DES GTUM MO PHAL PA YANG MA NYAMS PA'I RGYU MTSAN GYIS YIN, SPYOD PA LA

BRTEN NAS KHYAB BYED KYI RLUNG SDUD PA'I RGYU MTSAN, DE'I RKYON GYIS BDE BA KHYAD PAR CAN SKYE, DES RLUNG SEMS 'JUG PA GCIG PA'I GNAD KYIS RLUNG SEMS MA LUS PAR 'DUS PA YIN GSUNG NGO, ,DE YANG LUS DBEN DANG NGAG DBEN GYI SKABS SU BSGOM STOBS KYIS SKYE BAS DE LA NGES PAR LTOS MI DGOS KYANG, BRTEN PA BYUNG NA SHIN TU STOBS CHE ZHING, DE'I DGOS PA RDZOGS RIM GYI RTOGS PA SNGAR MED GSAR DU SKYE BA'I PHYIR YIN NO, ,SEMS DBEN DANG SGYU LUS STON PA'I DGOS PA RTOGS PA GONG NAS GONG DU 'GYUR BA'I PHYIR YIN, DE GONG 'OG ZUNG DU STON PA'I DGOS PA SPANG BYA SPONG BA LA NUS MTHU LDAN DU BYED PA'I PHYIR YIN, ,YANG LUS DBEN GYI PHRA THIG GI SKABS SU BDE BA KHO NA 'DREN PA YIN, DE BRTEN NAS STONG NYID NGES ZIN BRTEN PAR BYAS NAS SBYOR, RIG PAS DPYAD PA MI BYED, BYAS NA SLAR RTOG PA'I SPRO BSDU LAS RLUNG LANGS NAS GEGS SU 'GRO BA YIN GSUNG, SGYU LUS MTSUNGS LDAN LNGA DANG LDAN PA NI, GNYID KYI 'BYUNG BA THIM RIM GYIS DPE'I 'OD GSAL LAS RMI LAM GYI LUS SU LANGS PA DANG, DE YANG RLUNG SEMS TZAM LAS GRUB PA DANG, DER NGA RGYAL 'PHOS PA DANG, LUS RAGS PA LAS GO SA LOGS SU PHYE BA LTA BU DANG, DE ZUNG 'JUG TU STON ZER, SLAR YANG LUS RAGS PA LA 'JUG PA DANG, RIM PA BZHIN LAM DUS KYI 'BYUNG BA THIM RIM RNAMS KYIS DPE'I 'OD GSAL LAS SGYU LUS SU LANGS PA DANG, DE YANG RLUNG BYANG SEMS TZAM LAS GRUB PA DANG, DER NGA RGYAL 'PHOS PA DANG, LUS RAGS PA LAS LOGS SU BYE BA DANG, SLAR YANG LUS RAGS PA LA 'JUG PA DANG CHOS MTSUNGS PA YIN GSUNG,

, ,BSRE PA'I SKABS SU GNYID DANG RMI LAM RLUNG STOBS KYIS ZIN NA, RANG STOBS CHE ZHING RMI LAM RNAMS PHAL CHER 'KHRUL MED 'ONG BA'I RGYU MTSAN SAD DUS SU SNYING KHA'I SDUD RIM LA LEGS PAR SBYANGS NAS RLUNG 'DUS PA DANG, GNYID DANG RMI LAM DU SNYING KHAR RLUNG LEGS PAR 'DUS PA'I DUS SU LKOG GYUR GTAN LA 'BEBS PA'I BAG CHAGS RNAMS KYANG 'DUS PA'I GNAD KYIS YIN GSUNG, GNYID KYI 'OD GSAL DANG RMI LAM RLUNG STOBS KYIS ZIN NA, 'CHI BA 'OD GSAL DANG BAR DO RLUNG STOBS KYIS ZIN PAS KHYAB, DE BZHIN DU GNYID KYI 'OD GSAL DANG, RMI LAM 'DUN PAS ZIN NA, 'CHI BA'I 'OD GSAL DANG BAR DO 'DUN PAS ZIN PAS KHYAB CING, SMIG RGYU SOGS KYI GRANGS RNAMS NGES PAR 'KHRUL MED 'CHAR NA, RLUNG STOBS KYIS GNYID KYI 'OD GSAL SOGS ZIN PAS KHYAB PA YIN PAS, RMI LAM GYI BSRE BA 'DI DAG BAR DO DANG BSRE BA'I TSAD 'DZIN 'KHRUL MED YIN GSUNG NGO, ,DE'I THABS KYANG ZHAG 'GA' GNYID BCAG NAS NYIN PAR SNYING KHA'I SDUD RIM SBYANGS, MTSAN MO GNYID LOG KHAR, SNYING KHA'I SDUD RIM DANG, RDOR BZLAS DANG, BSAM GTAN GNYIS KYI SDUD RIM GYIS GNYID DU BTANG BAS LAN CIG MI 'CHAR YANG, THEBS GNYIS GSUM BYAS PAS NGES PAR RTAGS 'CHAR GSUNG NGO, ,GNYID DANG RMI LAM ZIN DUS GNYID KYI 'OD GSAL LA JI TZAM GNAS KYI BAR BZHAG ,DE LAS LDANG BAR RTZOM PA NA, 'PHEN PA BTANG NAS LONGS SPYOD RDZOGS SKUR LDANG, DE LAS SAD PAR BRTZAM PA NA, SNYING KHA'I SDUD RIM SOGS BYAS NAS GNYID

KYI 'OD GSAL DU STONG PA 'KHOR MAR BYED PA NI, GNYID DANG RMI LAM GYI DGE SBYOR GYI GTZO BO YIN GSUNG NGO, ,SPRUL SKU DANG BSRE BA'I GNAS SKABS SU, RLUNG STOBS KYIS BAR DO LONGS SKU ZIN PA LA MI DGOS KYANG, 'DUN PAS BAR DO ZIN PA'I DUS SU 'PHO BA DGOS PA YIN GSUNG NGO, ,DE'I MAN NGAG NI GZHAN RNAMS MI DGOS PAR BAR DO'I LUS DE BSAM GTAN GNYIS KYIS 'OD GSAL DU BCUG NAS RNAM SHES BZHON PA DANG BCAS PA DE MKHA' SPYOD DAM 'OG SOGS SNGAGS SPYOD PA'I LUS RTEN KHYAD PAR CAN DU 'PHO GSUNG NGO, ,RMI LAM RLUNG STOBS DANG 'DUN PA GANG GIS ZIN KYANG LONGS SKU DE LAS LDANG BAR BRTZAM PA NA 'PHEN PA BTANG NAS RNAM SMIN GYI LUS SPRUL SKU MI BSKYOD PA SOGS SU LDANG BAR BYED CING DE LAS PHRA BA NA RMI LAM GYI LONGS SKU LAS RNAM SMIN GYI LUS RANG DGA' BAR LDANG BAR BRTZAM PA NA 'PHEN PA BTONG NAS SPRUL SKU MI BSKYOD PA'AM RDO RJE 'CHANG DU LDANG, DE LAS LDANG BAR RTZOM PA NA, RLUNG STOBS KYIS ZIN NA RNAM SMIN GYI LUS DANG, RMI LAM GYI LUS GNYIS SO SOR SNANG BAS RNAM SMIN GYI LUS SPRUL SKU MI BSKYOD PA'AM RDO RJE 'CHANG SOGS LA YE SHES SEMS DPA'I TSUL DU 'JUG PA YIN GSUNG NGO, ,SGYU LUS KYI MED MI RUNG KHYAD PAR LNGA DANG LDAN PA NI, GANG NAS LDANG BA GNAS KYI KHYAD PAR RTZA 'KHOR GYI DBUS DH'U T'I'I NANG NAS DANG, DE YANG NANG THIG LE DKAR DMAR GA'U KHA SBYOR BA 'DRA BA'I NANG NAS LDANG, GANG LAS LDANG BA'I KHYAD PAR THIG LE DE'I NANG GI SROG RLUNG SHIN TU PHRA BA DANG RNAM SHES SHIN TU PHRA BA LAS LDANG, THOG MED NAS KYI THIG LE SHIN

, ,TU PHRA BA YOD GSUNG NGO, ,GANG GIS LDANG BRTEN GYI KHYAD PAR SGYU MA'I SKUR LDANG BAR BYA'O SNYAM PA'I 'PHEN PA DRAG POS LDANG, GANG GI TSE LDANG BA'I DUS KYI KHYAD PAR KUN RTOG GA-YO BA'I RLUNG SEMS SNANG BA GSUM RIM GYIS THIM PA'I DPE'I 'OD GSAL LA JI TZAM GNAS KYI BAR BZHAG PA'I MTHAR LDANG BAR RTZOM PA NI, DPER NA GZHONG PA SOGS CHUS BKANG BA NA RLUNG MA LANGS BAR MER MER SDOD LA RLUNG CHUNG ZAD LANGS PA DANG MTHA' MA NAS ZED ZED DAM BAN BUN BYUNG NA LDANG BAR RTZOM PA BZHIN, DPE'I 'OD GSAL LAS LDANG BAR RTZOM PA'O, ,DES SGYU MA'I SKU LAS LDANG BAR RTZOM PA YANG RIGS 'GRE GSUNG NGO, ,GANG GI NGO BOR LDANG BA 'BRAS BU'I KHYAD PAR DANG PO'I MGON PO SKU MDOG DKAR PO MTSAN DPES BRGYAN PA THUGS BDE STONG GNYIS SU MED PA'I NGO BOR LDANG BA YIN ZHES RJE TZONG KHA PA GSUNG NGO,, ZAB ATHiI, ,,YANG LUS DBEN GYI SKABS SU, PHRA MO LA DMIGS PA THUN 'KHYENGS PA BRTAN PA BYUNG YANG RLUNG 'GAG TU MA 'DOD PA SOGS BYUNG BA'I ZHAL SHES NI, LUS KYI RTZA STONG PHRAG BDUN CU, SOG SBUGS LTAR GYUR PA DMIGS RTEN LA ZUG PA'I NANG DU RLUNG RNAMS THIM PAR BSGOM, 'DIS GEGS SEL ZHING BOGS 'DON PA YIN, 'DI DMIGS PA GTOD PA'I GNAD GZHAN LA YANG GEGS BYUNG NA DMIGS PA 'DI KA BYED GSUNG NGO, ,YAS BABS MAS BRTAN GYI DGA' BA'I SKABS SU MAS BRTAN GYI DGA' BA MTSAN NYID PA RDZOGS PA'I PHYIR BRTAN PA LA NI RLUNG DE NYID SNGON DU SONG BAS SNYING KHA'I RTZA MDUD SOGS MA LUS PAR

GROL BA'I MTSAMS NAS, RNAL 'BYOR PAS 'BAD PA MED PAR YUD TZAM GYIS BYED NUS GSUNG NGO, ,YAS BABS KYI DGA' BA SKYE BA LA RTZA MDUD MA GROL BAR GTUM MO'I ME'I NUS PAS ZHU NAS DGA' BZHI SKYE BA YIN, DPER NA RDZA'I SHAM GAS PA'I NANG DU MAR 'KHYAGS PA YOD PA 'OG NAS ME 'BAR BAS ZHU NAS 'DZAG PA BZHIN NO GSUNG NGO, ,BSKYED RIM PA'I LHA'I NGA RGYAL 'DZIN PA'I NGA DE THA SNYAD PA'I NGA TZAM DE YIN GSUNG, BSKYED RIM PA'I BZLAS PA'I SKABS SU TING NGE 'DZIN SEMS DPA' LA NGA RGYAL 'JOG PA YIN GSUNG NGO, ,GNYID 'THUG GI SKABS SU 'OD GSAL 'CHAR BA'I THABS SNYING KHAR RANG GI LUS SEMS 'OD KYI PHUNG POR BSGOM PA YIN GSUNGS SO, ,GNYID KYI BSRE BA'I SKABS SU GZHI DUS KYI GNYID KYI STONG PA BZHI DANG RMI LAM GYI DUS DANG, RMI LAM GYI SKABS KYI RNAM SMIN GYI LUS SOGS NI RIM BZHIN, GZHI DUS KYI CHOS SKU LONGS SKU SPRUL SKU GSUM YIN GSUNGS, GNYID KYI STONG PA BZHI'I 'OD GSAL GYI NGO BOR SHAR BA DANG, DE'I MTSAMS NAS RDO RJE 'CHANG DU LANGS PA DANG, DE RNAM SMIN GYI LUS LA BSAM BZHIN DU GZHUG PA RNAMS NI, RIM PA BZHIN DU GNYID KYI SKABS KYI LAM DUS KYI CHOS SKU LONGS SKU SPRUL SKU GSUM YIN NO, ,GNYID 'THUG GI MTHAR RDO RJE 'CHANG GI SKUR LANGS PA'I RMI LAM GYI LUS DE RMI LAM GYI SKABS KYI LONGS SKUR BYAS PA 'DI LA GNYIS YOD KYANG RMI LAM RLUNG STOBS KYIS ZIN PA LTA BU NUS PA MTHU CAN DU SONG BA NI, RMI LAM GYI LUS DANG, RNAM SMIN GYI LUS GNYIS SO SOR MI SNANG BAR 'BYUNG LA, DE GONG DU DE GNYIS SO SOR MI SNANG [@DATA INCOMPLETE HERE]

, ,BA'I GDAMS PA KHYAD PAR CAN YIN GSUNGS SO, ,RLUNG SHA LPAGS MTSAMS SU ZHUGS TE KHOL BUR SKRANGS NAS NA NA, GANG NA SA DER BDE BA'I NGO BOR BLTA BA DANG, DER SEMS BZUNGS LA GROGS GCIG DANG RANG GNYIS KAS RLUNG DUS GCIG TU BZUNG LA, GROGS KYIS NA SA DE MNYED, MI THUB PA DANG DUS MNYAM DU BTANG NGO, ,LUS DBEN SOGS GANG GI SKABS SU YANG SEMS RMUGS PA DANG BYING BA SOGS BYUNG NA RTZA'I NANG THAMS CAD DANG KHYAD PAR DU DBU MA'I NANG DU SGRON ME SHIN TU GSAL BA'I 'OD KYI KHYAB PA 'TSER ZHING DRANGS PA BSGOM PAR BYA'O, ,'DI GSAL BA'I BOGS 'DON YIN NO,, AiTHI ,,DMIGS PA GSAL YANG BDE NYAMS CHUNG NA RTZA'I NANG THAMS CAD BYANG SEMS SKAR MA SHAR BA LTA BUS GANG BA BDE BA CHEN PO'I NGO BOR ZHU BA RNAMS DBU MA LA PHYOGS PAR RGYUG PA, KHYAD PAR SPYI BO'I HAm YIG ZHU BA DGA' BZHI'I RIM PAS 'ONGS PA DANG 'GROGS TE NOR BU'I RTZER SLEB PAS LHAN CIG SKYES DGA' MYONG BAR BSAM PA NI, RLUNG 'DU ZHING BDE BA'I BOGS 'DON PA'I GDAMS PA YIN NO, ,RMI LAM BTZAN THABS SU 'DZIN PA NI RMI LAM 'DZIN PA'I 'DUN PA LEGS PAR SBYANGS PA'I MTSAMS NAS GNYID LOG PA'I TSE GROGS RMI LAM 'DZIN PA'I TSOD LA MKHAS PA ZHIG GIS RMI LAM 'DZIN PA YIN NO, ,RMI LAM LA RMI LAM DU NGO SHES PAR GYIS LA DGE SBYOR 'DI LTA BU GYIS SHIG CES SNA KHUNG DU DANG PO SGRA CHUNG NGU SGROGS, GNYID MI SAD PA'I GDENG RNYED PA'I MTSAMS NAS CUNG CHE BAR SGROGS, DE THOS PAS RKYEN BYAS NAS RMI LAM NGO SHES, DE LTAR NGO SHES NAS NYIN

PAR GANG LA BYANG BA'I DGE SBYOR RNAMS SKYONGS, DANG PO MA GOMS BAR DU GNYID MYUR DU SAD 'ONG BAS DE LA NI SNYING KHA'I NOR BU'I DBUS SU THIG LE NAG PO SRAN MA TZAM LA SEMS BZUNG, YANG SNGAR BZHIN DGE SBYOR SKYONG, KHYAD PAR DU RMI LAM LONGS SKUR LDANG BA LA BSLAB PAR BYA'O, ,DE LTAR BYAS PAS RMI LAM MYUR DU ZIN PA DANG, SAD 'JAM GCOD PA'I GDAMS PA GNYIS SNANG NGO, ,PHYAG RGYA LA BRTEN NAS RLUNG DBU MAR 'JUG PA NI PHYAG RGYA MTSAN NYID DANG LDAN PA DANG SNYOMS PAR 'JUG PA'I TSE, DH'U T'I'I MAR SNAR DMIGS PA GTAD PAS YUM GYI RLUNG DANG BYANG SEMS 'DUS PA RNAMS KYIS DH'U T'I'I MAR SNA PHYE NAS BTZAN THABS SU RLUNG DBU MA'I NANG DU 'JUG PA YIN NO, ,DE NYID THUGS KAR SDUD RIM SBRAGS NA ? 'OD GSAL BSKYED PA'I THABS MCHOG TU GYUR PA YIN NO, ,GNYID KYI SKABS SU DE LTAR BYAS NA YANG 'OD GSAL BTZAN THABS SU 'DZIN PA'I GDAMS PA MCHOG YIN NO, ,ZHAL SHES GDAMS PA'O, ,SHIN TU GCES PA'I GDAMS NGAG SEMS DPA' GSUM BRTZEGS BYA BA LA, GZHI DUS KYI SEMS DPA' GSUM BRTZEGS, LAM DUS KYI SEMS DPA' GSUM BRTZEGS, 'BRAS DUS KYI SEMS DPA' GSUM BRTZEGS TE GSUM TSAN GSUM YOD DO, ,DANG PO NI, DA LTAR GYI LUS RAGS PA 'DI DAM TSIG SEMS DPA', DE'I SNYING KHA'I DANG POR CHAGS PA'I THIG LE DKAR DMAR NI YE SHES SEMS DPA'O, DE'I NANG GI SROG 'DZIN SHIN TU PHRA BA NI TING NGE 'DZIN SEMS DPA', DE BZHON PA DANG BCAS PA NI SGYU LUS KYI SGRUB GZHI YIN NO, ,LAM DUS LA BSKYED RIM DANG RDZOGS RIM GNYIS LAS,

, ,BSKYED RIM GYI NI GO SLA LA, RDZOGS RIM GYI NI STONG PA BZHI'I MTHAR SHIN TU PHRA BA'I RLUNG SEMS LAS, SGYU LUS DNGOS SAM RJES MTHUN PAR LANGS NAS, SLAR YANG PHUNG PO RNYING PA'I SNYING KHAR ZHUGS PA NI YE SHES SEMS DPA', DE LTAR LDANG BA DANG 'JUG PAR BYED PA'I SEMS NI TING NGE 'DZIN SEMS DPA', DAM TSIG SEMS DPA' NI SNGAR BZHIN NO, ,'BRAS DUS KYI SEMS DPA' GSUM BRTZEGS NI, DON GYI 'OD GSAL GYI MTHAR RLUNG SEMS TZAM LAS, KHA SBYOR YAN LAG BDUN LDAN GYI SKUR BZHENGS PA NGES MCHOG GI SPRUL SKU LA SOGS PA'I SKU RAGS PA BZUNG BA'AM, GZHAN DON DU 'GYUR BAR GZIGS NAS SLAR YANG, PHUNG PO RNYING PA'I THUGS KAR YE SHES SEMS DPA'I RNAM PAR BZHUGS PA NI YE SHES SEMS DPA', DE'I THUGS LHAN SKYES KYI YE SHES NI TING NGE 'DZIN SEMS DPA' SPRUL SKU SAR PA'AM, PHUNG PO RNYING PA NI DAM TSIG SEMS DPA'O, ,GRUB CHEN SA RA HA LTA BU NI PHUNG PO RNYING PA LA ZHUGS PA YIN GSUNG NGO, ,SHIN TU GCES PAS SNYING LA CHONGS, PHRA THIG DANG RDOR BZLAS SOGS KYIS RLUNG 'DUS KYANG, STONG PA BZHI'I GO RIMS NGES MED DU SHAR NA CUNG PHAN CHUNG BAS, DE LA MI 'KHRUL BAR BYA BA NI, RTAGS BZHI DANG STONG PA 'CHAR BA'I GO RIMS LA MKHAS PAR NAS, SNANG BA SHAR BA NA 'DI SNANG BA YIN, 'DI'I SNGON DU SA CHU LA THIM PA LA SOGS PA RNAMS SONG BA YIN, SNANG BA 'DI 'GAGS PA'I RJES SU SNANG BA MCHED PA 'CHAR BA YIN SNYAM DU YID LA NGES PAR BYA, DES GZHAN GSUM LA'ANG 'GRE'O, ,'DI

NI STONG PA BZHI MI 'KHRUL BAR BYA BA'I THABS SO, ,RDOR BZLAS KYI SKABS SU SROG THUR BSRE BA NI, STENG 'OG GI SNA SGO GNYIS NAS RLUNG NANG DU 'JUG PA DUS MNYAM PA DANG, SNYING KHAR GNAS PA DMIGS RTEN LA SIM PA'I TSUL GYIS DUS MNYAM PA DANG, PHYIR 'GRO BA YANG DUS GCIG LA 'GYES PA MIN GSUNG NGO, ,THUGS RDO RJE'I GNAS PA BYAS NA TSE RING BA'I RTEN 'BREL YOD GSUNG, BYANG SEMS 'DZAG PA BTZAN THABS SU 'GOG PA NI, RKANG PA GA-YON PA'I RTING PAS RDO RJE'I RTZA BA'I RTZA BSDAMS, SHES PA SPYI BO'I HAm YIG LA GTAD, MIG DANG LCE GYEN LA ZLOG ,RGYU MA SGAL TSIGS LA SBYAR, LAG PA GNYIS SNYING KHAR BSNOL, YAN LAG GI SOR MO BSKUM, NGAG NAS H'Um RING PO RDUBS PA'I TSUL DU DRAG TU BRJOD, YANG GCIG LA STENG RLUNG DRAG TU MNAN, 'OG RLUNG SLOD LA BZHAG ,DPER NA RIL BA ZHABS TSAGS CAN BZHIN NO GSUNG NGO, ,RMI LAM DU 'DZAGS PA NI, NYIN PAR SROG LA BABS KYANG BYANG SEMS MI 'TSOR BAR BYA SNYAM PA'I 'PHEN PA GAL CHE GSUNG NGO, ,KHYAD PAR NYAL BA'I 'PHEN PA DANG, RDO RJE YANG RKYEN DANG MI PHRAD PAR BYA'O, ,MA TSER ? BAR 'DZAG PA LA NI, BYA SPYOD NAS BSHAD PA'I BSRUNG SKUD KYI THABS KYIS KYANG THUB GSUNG NGO,, ` ,,BCOM LDAN 'DAS RGYAL BA KHYAB BDAG RDO RJE 'CHANG CHEN PO LA GUS PAS PHYAG 'TSAL LO, ,BSRE BA'I GDAMS NGAG LA LAM DUS KYI SKU GSUM DANG BSRE BA LA GSUM STE, 'DI LTAR LAM DUS KYI CHOS SKU DANG BSRE BA DANG, LAM DUS KYI LONGS SKU DANG BSRE BA DANG, LAM DUS KYI SPRUL SKU DANG BSRA BA'O, ,DANG PO LA GSUM STE, GNYID SAD DUS CHOS SKU DANG BSRE BA DANG, GNYID KYI DUS SU

, ,CHOS SKU DANG BSRE BA DANG, 'CHI BA'I DUS SU CHOS SKU DANG BSRE BA'O, ,DANG PO NI, LUS KYI GNAD CHE SAR GNAD DU BSNUN PA LA BRTEN NAS STONG PA BZHI BSKYED DE, 'OD GSAL STONG PA BZHI SHAR BA'I DUS SU LTA THOG TU BZHAG NAS BSGOM PA YIN LA, GNAD DU BSNUN PA LA YANG SGO GSUM GSUNGS TE, 'OG SGOR NOR BU'I DBUS SAM, NOR BU'I SNA RTZE DH'U T'I'I MAR SNAR RDZAS KYI THIG LE PHRA MO BSGOM PA LA BRTEN NAS, DE LA BRTEN PA'I MTHAR RO RKYANG GI RLUNG DH'U T'IR ZHUGS SHING THIM PA LA BRTEN NAS SMIG RGYU LA SOGS PA'I RTAGS BZHI SNGON DU 'CHAR ZHING, DE'I 'OG TU STONG PA DANG SHIN TU STONG PA DANG STONG PA CHEN PO ZHES BYA BA MING GZHAN SNANG BA DANG, SNANG BA MCHED PA DANG, SNANG BA NYER THOB CES BYA BA GSUM SHAR BA'I MTHAR THAMS CAD STONG PA 'OD GSAL ZHES BYA BA 'OD GSAL CHEN PO 'CHAR BA NI SGO DANG PO'O, ,GNAD SNYING KHA'I SNA RTZER MI SHIGS PA SNGAGS KYI THIG LE BSGOMS PA LA BRTEN NAS, DE BRTAN PA'I MTHAR RO RKYANG GI RLUNG DH'U T'IR ZHUGS SHING, THIM PA LA BRTEN NAS SMIG RGYU LA SOGS PA'I RTAGS BZHI SNGON DU 'CHAR ZHING, DE'I 'OG TU STONG PA DANG SHIN TU STONG PA DANG STONG PA CHEN PO ZHES BYA BA MING GZHAN SNANG BA DANG SNANG BA MCHED PA DANG SNANG BA NYER THOB CES BYA BA GSUM SHAR BA'I MTHAR, THAMS CAD STONG PA ZHES BYA BA 'OD GSAL CHEN PO 'CHAR BA NI SGO GNYIS PA'O, ,YANG GDONG GI SNA RTZER 'OD KYI THIG LE ZHES PA RLUNG 'OD ZER LNGA PA SNA BUG NAS RGYU BA'I 'JUG GNAS LDANG GSUM MA BCOS PA RDO RJE GSUM GYI RANG GDANGS SU 'CHAR BAR BSGOM ZHING, DE YANG DH'U T'I NAS BYED PAR MOS PA'I RDO RJE BZLAS PA GOMS PA'I MTHAR

RO RKYANG GI RLUNG DH'U T'IR ZHUGS SHING THIM PA LA BRTEN NAS DANG PO SMIG RGYU LTA BU DANG, GNYIS PA DU BA LTA BU DANG, GSUM PA ME KHYER LTA BU DANG, BZHI PA MAR ME 'BAR BA LTA BU'I NYAMS 'BYUNG STE, RIM PA BZHIN SA CHU LA THIM PA DANG, CHU ME LA THIM PA DANG, ME RLUNG LA THIM PA DANG, RLUNG RNAM SHES GSUM GYI SNANG BA DANG PO LA THIM PA LAS BYUNG NGO, ,DE NAS STONG PA DANG PO'I DUS SU SNANG BA GZHAN GANG YANG MI 'CHAR BAR YUL DU GANG SNANG THAMS CAD MTSAN MO'I NAM MKHA' DRI MA MED PA LA ZLA BA'I 'OD ZER GYIS KHYAB PA LTA BU'I DKAR LAM PA'I SNANG BA 'BYUNG, DE NAS SNANG BA DE YANG RIM GYIS BSDUS NAS SNANG BA GZHAN GANG YANG MI 'CHAR BAR YUL DU SNANG BA THAMS CAD MTSAN MO'I NAM MKHA' DRI MA MED PA LA NYI MA'I 'OD ZER GYIS KHYAB PA LTA BU'I DMAR LAM PA'I SNANG BA 'BYUNG, DE NAS SNANG BA DE YANG RIM GYIS BSDUS NAS SNANG BA GZHAN GANG YANG MI 'CHAR BAR YUL DU SNANG BA THAMS CAD MTSAN MO SROD KYI NAM MKHA' DRI MA MED PA LA MTSAMS KYI SMAG GIS KHYAB PA BZHIN DU NAG LAM GYI NYAMS 'BYUNG, DE'I STOD SMAD LA DRAN PA MI NYAMS SHING, BAR DU RLUNG CHER THIM PA'I MTHUS DRAN PA CHER NYAMS PA 'BYUNG NGO, ,DE NAS SNANG BA DE YANG BSDUS NAS MTSAN MO THO RANGS KYI NAM MKHA' ZLA NYI SMAG GI 'OD DANG BRAL BA'I NAM MKHA'I RANG MDOG JI LTAR BZHIN SNANG BA BZHIN DU, 'OD GSAL MTHA' DBUS MED PA SHIN TU DVANGS PA'I NYAMS 'CHAR TE, DE DAG GI BSHAD PA NI SNGA MA RNAMS LA'ANG SHES PAR BYA'O, ,DE NI SGO GSUM PA'O, ,GNYIS PA NI, GNYID KYI DUS SU 'OD GSAL CHOS SKU DANG BSRE BA'I TSUL, GONG GI SGO GSUM PO GANG RUNG GCIG GIS STONG PA BZHI DRANG

, ,NUS PA'I MTSAMS NAS MTSAN MO GNYID DU 'GRO KHAR SNYING KHAR MI SHIGS PA'I THIG LE BSGOM PA'AM, RDO RJE BZLAS PA GANG RUNG NYAMS SU BLANGS PA LA BRTEN NAS, SNGAR BSHAD PA'I RTAGS BZHI DANG STONG PA BZHI 'CHAR ZHING, DE'I MTHAR 'OD GSAL SHAR BA'I DUS SU LTA THOG TU BZHAG NAS BSGOM PA YIN TE, SPYIR GZHI DUS KYI GNYID DU 'GRO BA'I TSE RLUNG SNYING KHAR RANG SHUGS KYIS 'DUS PA LA BRTEN NAS STONG PA BZHI 'O LA SPYI TZAM ZHIG 'CHAR BA YOD LA, DE SHES NAS GNYID KYI 'OD GSAL 'DZIN PA'I GDAMS NGAG GIS NYAMS SU BLANGS NA, STONG PA BZHI 'CHAR BA'I GNAD YOD DO, ,DE YANG GNYID KYI DUS LA RMI LAM MI 'CHAR BA DANG, 'CHAR BA'I DUS GNYIS LAS, RMI LAM 'CHAR BA'I DUS SU, GNYID KYI 'OD GSAL 'DZIN PA YIN LA, DE YANG GNYID DU SONG BA'I THUN STOD KYI SKABS YIN NO, ,GSUM PA NI, 'CHI BA'I DUS SU 'CHI BA'I 'OD GSAL CHOS SKU DANG BSRE BA'I TSUL NI, DA LTAR GYI DUS SU GNYID SAD DUS DANG, GNYID KYI DUS SU SNGAR BSHAD PA BZHIN DU 'OD GSAL CHOS SKU DANG BSRE BA LA BYANG BA ZHIG GIS 'CHI BA'I DUS SU, SA CHU LA THIM PA SOGS KYI RTAGS DANG PO SHAR BA'I DUS SU, SNYING KHAR MI SHIGS PA'I THIG LE BSGOM PA DANG, SNYING KHA'I DH'U T'I'I DBUS NAS RLUNG LDANG 'JUG GNAS GSUM GYI RDO RJE'I BZLAS PA BYAS NA, GZHI DUS KYI 'CHI BA'I DUS SU SNYING KHAR RLUNG RANG SHUGS KYIS 'DU BA YOD PA'I GNAD KYIS SNGAR BSHAD PA'I RTAGS RNAMS DANG, STONG PA BZHI SNGAR BSHAD PA BZHIN DU 'CHAR LA, DE LA 'CHI BA'I TSE, STONG PA RANG SHUGS KYIS

'CHAR BA'I 'OD GSAL NI MA'I 'OD GSAL YIN LA, SNGAR GNYID SAD PA DANG, GNYID DUS SU BSGOMS PA'I 'OD GSAL NI BU'I 'OD GSAL YIN ZHING, DE GNYIS 'CHI BA'I 'OD GSAL GYI DUS SU 'DRES PA LA 'OD GSAL MA BU 'DRES PA ZHES ZER BA YIN NO, ,GNYIS PA LAM DUS KYI LONGS SKU DANG BSRE BA LA GSUM, GNYID SAD DUS KYI SGYU LUS LONGS SKU DANG BSRE BA DANG, GNYID KYI DUS SU RMI LAM SHAR BA'I RMI LAM GYI SGYU LUS LONG SKU DANG BSRE BA DANG, 'CHI BA'I 'OD GSAL GYI MTHAR BAR DE DNGOS SAM BAR DO RJES SU MTHUN PA'I SGYU LUS LONGS SKU DANG BSRE BA'O, ,DANG PO NI, SNGAR BSHAD PA'I SGO GSUM PO GANG RUNG ZHIG GI 'OD GSAL GYI TING NGE 'DZIN BSKYED DUS SU 'BAD PA BSKYED NAS 'OD GSAL LA JI TZAM GNAS GNAS SU MNYAM PAR 'JOG , SNGAR RLUNG THIM PA SLAR LANGS PA'I MTHUS TING NGE 'DZIN DE LAS LDANG BAR RTZOM PA'I TSE, DE'I MTHAR DANG PO'I MGON PO YAB YUM GYI SKUR LDANG BAR BYA'O SNYAM PA'I 'PHEN PA BTANG NAS, CHU DVANGS PA LAS NYA LDANG BA'I TSUL DU 'OD GSAL GYI NGANG LAS SKU DER DKRONG GIS LDANG STE, SGYU MA'I SKU DE LA SEMS BZUNG NAS JI SRID GNAS KYI BAR DU MNYAM PAR 'JOG PA'O, ,GNYIS PA GNYID KYI DUS SU RMI LAM SHAR BA'I RMI LAM GYI SGYU LUS LONGS SKU DANG BSRE BA NI, SNGAR BSHAD PA LTAR GYI GNYID KYI 'OD GSAL SHAR PA'I TSE 'BAD NAS JI TZAM GNAS GNAS SU MNYAM PAR 'JOG ,SNGAR RLUNG THIM PA SLAR YANG LANGS PA'I MTHUS TING NGE 'DZIN LAS LDANG BAR RTZOM PA'I TSE, DE'I MTHAR RMI LAM PHAL PA GZHAN DU MA SHOR BAR DANG PO'I MGON PO YAB YUM GYI SKUR LDANG

, ,BAR BYA'O SNYAM DU 'PHEN PA BTANG NAS, CHU DVANGS PA LAS NYA LDANG BA'I TSUL DU, 'OD GSAL GYI NGANG LAS SKU DER DKRONG GIS LANGS TE, SGYU MA'I SKU DE LA SEMS BZUNG NAS JI TZAM GNAS GNAS KYI BAR DU 'JOG PA'O, ,GSUM PA 'CHI BA'I 'OD GSAL GYI MTHAR BAR DO DNGOS SAM BAR DO RJES SU MTHUN PA'I SGYU LUS LONGS SKU DANG BSRE BA NI, SNGAR BSHAD PA LTAR GYI 'CHI DUS SU 'OD GSAL MA BU BSRES NAS 'OD GSAL LA JI TZAM GNAS GNAS SU MNYAM PAR 'JOG GO ,SNGAR RLUNG THIM PA LAS SLAR LANGS PA'I MTHUS TING NGE 'DZIN DE LAS LDANG BAR RTZOM PA'I TSE, DE'I MTHAR BAR DO THA MAL PA'I LUS SU MI LDANG BAR DANG PO'I MGON PO YAB YUM GYI SKUR LDANG BAR BYA'O SNYAM PA'I 'PHEN PA BTANG NAS, CHU DVANGS PA LAS NYA LDANG BA'I TSUL DU, 'OD GSAL GYI NGANG LAS SKU DER DKRONG GIS LANGS TE, SGYU MA'I SKU DE LA SEMS BZUNG NAS JI TZAM GNAS GNAS KYI BAR DU MNYAM PAR 'JOG PA'O, ,'DI LA GNYIS YOD DE, SGYU MA'I LONGS SKUR BSGOM PA TZAM MA YIN PAR GZHAN LA BAR DO GRUB PA'I DUS SU RANG GI LUS RTEN STENG NAS SNGAR BSHAD PA'I SGYU MA'I SKUR SKYES PA YIN NA BAR DOR MCHOG 'GRUB PA YIN NO, ,DA LTAR MA NUS PAR BAR DO RANG 'GA' BA'I LUS BLANGS PA YIN KYANG, YID DER BAR DO'I LUS THA MAL PA'I SNANG BA RE ZHIG MI 'CHAR BAR, DANG PO'I MGON PO YAB YUM DU SHAR BA'I LONGS SKU'I BSRE BA BYUNG NA'ANG KHYAD SHIN TU CHE BA YIN NO, ,GSUM PA LAM DUS KYI SPRUL SKU DANG BSRE BA LA GSUM LAS, DANG PO GNYID SAD PA'I DUS SU LAM DUS KYI SPRUL SKU DANG BSRE BA NI, SNGAR BSHAD PA LTAR

GNYID SAD DUS KYI 'OD GSAL GYI NGANG LAS SGYU MA'I SKUR RNAM SMIN GYI LUS 'DI LAS LOGS SU BYE NAS SGYU MA'I TING NGE 'DZIN BSGOM PA'I MTHAR RNAM SMIN GYI PHUNG PO 'DI NYID LA ZHUGS TE, RNAM SMIN GYI PHUNG PO MI BSKYOD PAR GSAL BA'I THUGS KAR YE SHES SEMS DPA'I TSUL GYIS GNAS PA'O, ,DE NI 'BRAS BU'I LONGS SKU MA DAG PA'I SEMS CAN GYI MIG GI LAM DU MI 'GYUR BA DE'I MTHUS, SGYU 'PHRUL CHEN MO LTA BU'I MNGAL DU LUS RAGS PA'I SKYE BA BZUNG NAS SPRUL PA'I SKU DE SEMS CAN MA DAG PAS KYANG MTHONG BA DANG 'DRA BAR LAM DUS KYI SGYU MA'I LONGS SKU SEMS CAN GZHAN GYI SHA'I MIG GIS MA MTHONG BA DE RAGS PA'I LUS LA ZHUGS PA NA, DES BZUNG BA'I MI BSKYOD PAR SNANG BA'I RAGS PA'I LUS SHA'I MIG GI YUL DU GYUR PA LA, SPRUL SKU ZHES THA SNYAD BTAGS PA DANG, YANG SGYU MA'I SKU DES RAGS PA'I SKU SEMS CAN GZHAN GYI SHA'I MIG GIS MTHONG BA SPRUL PA LA SPRUL SKU ZHES THA SNYAD BYAS SO, ,GNYIS PA GNYID DU SONG NAS, RMI LAM 'CHAR BA'I DUS SU SPRUL SKU DANG BSRE BA'I TSUL NI, SNGAR BSHAD PA BZHIN GNYID KYI 'OD GSAL GYI NGANG NAS LONGS SKUR LANGS TE, SGYU MA LTA BU'I TING NGE 'DZIN BSGOMS PA'I MTHAR SNGAR GYI RNAM SMIN GYI LUS LA ZHUGS NAS SNYING KHAR YE SHES SEMS DPA'I TSUL GYIS GNAS PA DANG, LONGS SKU DES BZUNG BA'I RAGS PA'I SKU SPRUL PA NI SPRUL SKU DANG BSRE BA ZHES BYA STE, DE'I GO DON NI SNGAR BSHAD PA LTAR RO, ,GSUM PA 'CHI BA'I 'OD GSAL GYI MTHAR SPRUL SKU DANG BSRE BA'I TSUL NI, 'CHI BA'I 'OD GSAL SNGAR BZHIN BSGOMS PA GCIG

, ,GIS 'CHI BA'I 'OD GSAL GYI MTHAR LONGS SKUR LANGS NAS, SGYU MA LTA BU'I TING NGE 'DZIN BSGOMS PA'I RJES SU GANG 'DOD PA'I SKYE GNAS KHYAD PAR CAN DU SKYE BA'I 'PHEN PA BTANG NAS SKYE GNAS GANG YIN PA DER BAR DO SHI BA'I STONG PA BZHI SNGAR GOMS PA'I LAM DANG BSRES NAS SKYE BA LEN PA LA SPRUL SKU DANG BSRE BA ZHES BYA STE, DE'I GO DON YANG SNGAR BZHIN NO, ,DE LTAR SNGAR BSHAD PA LTAR GYI RLUNG GI NUS PA THOB NA SHIN TU LEGS PAS DE LTAR BYA LA, DE LTA BU MA THOB NA YANG DE LTAR GYI DUS SU 'CHI BA'I TSE, RTAGS BZHI DANG STONG PA BZHI 'CHAR BA RNAMS YID LA DRAN PAR BYAS LA, YANG DANG YANG DU GOMS PAR BYA ZHING, 'OD GSAL GYI MTHAR BAR DO 'GRUB PA'I DUS SU BAR DO LA LONGS SKUR LDANG BA SOGS KYI MAN NGAG KYANG YANG YANG GOMS PAR BYAS NA, DA GZOD 'CHI BA'I DUS KYI TSE RTAGS BZHI DANG STONG PA BZHI 'CHAR BA RNAMS NGOS ZIN PA DANG, BAR DO'I DUS SU BAR DO ZIN PA SOGS LA KHYAD PAR SHIN TU CHE BAR MNGON NO, ,DE NI BSRE BA'I GDAMS NGAG GI GNAD BSDUS PA YIN NO, ,'PHO BA LA GDAMS NGAG SO SO NAS MI 'DRA BA MANG DU YOD KYANG, DPAL SAm PU tA DANG RDO RJE MKHA' 'GRO DANG, RDO RJE GDAN BZHI GSUM LAS GSUNGS PA RNAMS DON 'DRA BAR SNANG LA, BDE MCHOG SDOM 'BYUNG DANG 'JAM DPAL ZHAL GYI LUNG LAS GSUNGS PA GNYIS KYANG SNGA MA GNYIS DANG MTHUN SHAS CHE BAS, YID CHES PA'I KHUNGS KHYAD PAR CAN NAS 'BYUNG BA'I 'PHO BA'I GDAMS PA LA RGYAS BSDUS GNYIS LAS, RGYAS PA NI, SGO DGUR YI GE BKOD NAS, DE LA GSAL SNANG BRTAN PO RNYED PA'I

SGO NAS, SGO DGU'I RLUNG RENGS PAR BYA BA SNGON DU BTANG NAS, LTE BA'I BUM PA CAN LA NUS PA RNYED PA'I MTSAMS NAS, 'PHO BA'I DNGOS GZHI'I DMIGS PA SKYONG BA YIN NO, ,DE MA GRUB KYANG BSDUS PA BYED NA, RANG YE SHES KYI MKHA' 'GRO MA'AM, YI DAM GYI LHA GANG RUNG DU GSAL BA'I NGANG NAS, SNYING KHA CHOS KYI 'KHOR LO KHA THUR DU BLTA BA'I 'KHOR LO'I LTE BA'I DH'U T'I'I NANG DU RNAM SHES KYI NGO BO H'Um YIG SNGON PO KHA THUR DU BLTA BA ZHIG BSGOMS, DE'I MGO BO'I 'OG TU RNAM SHES KYI BZHON PA'I RLUNG GI NGO BO YUm YIG SNGON PO MGO BO THUR DU BLTA BA ZHIG DANG, DE'I MGO BO'I 'OG TU H'I YIG DKAR PO MGO BO THUR DU BLTA BA ZHIG BSGOMS, H'Um YIG GI ZHABS KYU'I STENG DU RNAM SHES KYI BZHON PA'I RLUNG GI NGO BO YUm YIG SNGON PO MGO BO GYEN DU BLTA BA DANG, DE'I DBUS SU KA YIG DKAR PO MGO BO GYEN DU BLTA BA ZHIG BSGOMS TE, STENG 'OG GI HI KA GNYIS NI RNAM SHES RLUNG GI BZHON PA CAN SNYING KHA'I GNAS NAS GYEN DU SPYI GTZUG NAS 'BYIN PA'I THABS SO, ,DE NAS LUS GNAD BCAS TE, RLUNG PHYI ROL TU 'GRO BA'I TSE, SNYING KHA'I RTZA 'KHOR GYEN DU PHYOGS PAR BYAS TE SNYING KHA'I DH'U T'I'I NANG NAS H'Um YUm H'I GSUM MGO BO GYEN DU BLTAS TE, SNGON DU RGYU ZHING YUm KA GNYIS H'Um GI GSHAM NAS MGO BO GYEN DU BLTAS TE, RJES SU RGYU BA'I TSUL GYIS SPYI BO'I TSINGS BUG LA REG PA'I BAR DU 'GRO BAR BSAMS LA, RLUNG NANG DU 'JUG PA'I TSE SNGAR GYI GO RIMS DE ZLOG STE, SNYING KHAR 'ONGS NAS SNYING KHA'I RTZA 'KHOR THUR DU PHYOGS PAR BSAM, DE LTA BU'I TSUL GYIS RLUNG 'GRO 'ONG GNYIS DANG YI GE LNGA SBRAGS TE BSGOMS PA'I MTHAR CHED DU

, ,GTAD MI DGOS PAR RANG GI NGANG GIS RLUNG DH'U T'IR 'JUG THUB PA DANG, SPYI GTZUG ZA BA DANG, 'KHRIG PA LA SOGS PA BYUNG BYUNG BAR DU SBYANGS LA, LAS SBYOR GYI DUS SU SPYI GTZUG TSANGS PA'I BU GA ZANG THAL GYIS BYE BAR BSAMS LA, DE'I STENG GI NAM MKHA' LA BLA MA DANG YI DAM DBYER MED DU BZHUGS PA'I THUGS KAR 'PHO BAR BYA'O, ,'DI NI 'CHI LTAS BYUNG NAS BZLOG PA'I THABS BYAS KYANG MI BZLOG PAR MTHONG BA NA, NAD KYI MA PHOG PA'I GONG ZLA BA DRUG TZAM NAS BYA BAR GSUNGS SO, ,DE GNYIS NI BSRE BA DANG 'PHO BA ZHES BYA BA'I MAN NGAG KHYAD CHOS SU GRAGS PA YIN LA, DE'I SNGA MA NI, PHA RGYUD GSANG BA 'DUS PA'I SKOR NAS LEGS PAR SHES DGOS PA YIN LA, PHYI MA NI RNAL 'BYOR MA'I RGYUD RNAMS LAS SHES DGOS PA YIN NO, ,'DI NI RJE RIN PO CHES, CHOS RJE SH'AKYA YE SHES RGYA YUL DU THEG SKABS GDAM PA 'DI GNYIS ZHUS PA'I DON DU MDZAD PA'O, ,LHAN CIG SKYES PA'I BDE BA CHEN PO DANG, LONGS SPYOD RDZOGS PA'I SKU NGO BO DBYER MI PHYED PA'I MI SLOB PA'I ZUNG 'JUG DE THOB BYA MTHAR THUG ,DE LA SLOB PA'I ZUNG 'JUG SNGON DU 'GRO DGOS TE, MI SLOB PA'I ZUNG 'JUG DE LA RIGS 'DRA SNGA MA SNGON DU 'GRO DOGS PA'I PHYIR, SLOB PA'I ZUNG 'JUG LA RIM PA BZHI PA'I DON GYI 'OD GSAL SNGON DU 'GRO DGOS TE, RIM PA BZHI PA'I 'OD GSAL DANG DE'I BZHON PAR GYUR PA'I RLUNG LAS SLOB PA'I ZUNG 'JUG SGRUB DGOS PAS SO, ,RIM PA BZHI PA'I DON GYI 'OD GSAL LA RIM PA GSUM PA'I SGYU LUS SNGON 'GRO DGOS TE

RIM PA GSUM PA'I SGYU LUS DE RIL 'DZIN DANG RJES GZHIG GIS 'OD GSAL DU BCUG NAS DAG PAR BYAS PA LAS RIM PA BZHI PA'I 'OD GSAL SGRUB DGOS PAS SO, ,RIM PA GSUM PA'I SGYU LUS LA SEMS DBEN SNGON DU 'GRO DGES TE, SEMS DBEN GYI RLUNG SEMS LAS RIM PA GSUM PA'I SGYU LUS BSKYED DGOS PA'I PHYIR, SEMS DBEN LA SROG RTZOL RDOR BZLAS SNGON DU 'GRO DGOS TE, SNA RTZE GSUM DU THIG LE GSUM BSGOMS PA'I STOBS KYIS SNYING KHAR SDUD PA'I SDUD RIM KHYAD PAR CAN LAS SEMS DBEN BSKYED DGOS PAS SO, ,SROG RTZEL LA LUS DBEN SNGON DU 'GRO DGOS TE, SNYING KHAR RLUNG SDUD PA'I SDUD RIM KHYAD PAR CAN BYED PA LA DE'I SNGON DU LUS KYI GNAS GZHAN ZHIG TU RLUNG DBU MAR TSUD PA'I BDE STONG BSGOM PA DANG, RJES THOB TU GANG SNANG BDE BA'I RNAM ROL DU 'CHAR BA DANG, DE YANG LHA SKU'I RNAM PAR 'CHAR BA LA SLOB PA SNGON DU 'GRO DGOS PAS SO, ,DE'I RGYUD SMIN BYED PHRA MO RTOG PA'I RNAL 'BYOR SNGON DU 'GRO DGOS, DE YANG SNGON DU RAGS PA DRAN PA GCIG PA'I RNAL 'BYOR 'GRO DGOS PAS SO, ,RIM GNYIS SGOM PA'I SNOD RUNG DU SGRUB PA LA DBANG DUS SU KHAS BLANGS PA'I DAM TSIG DANG SDOM PA TSUL BZHIN DU BSRUNG BA 'GRO DGOS SO, ,DE LA RGYUD NAS BSHAD PA'I DBANG BSKUR BA LEGS PAR THOB DGOS SO, ,DE LA THUN MONG BA'I LAM SEMS CAN THAMS CAD MAR SHES DRIN DRAN DRIN GZO YID 'ONG GI BYAMS PA SDUG BSNGAL DANG BRAL BAR 'DOD PA'I SNYING RJE, LHAG BSAM, DE LA BRTEN NAS BYANG CHUB KYI MCHOG

, ,TU SEMS BSKYED PA RNAMS SNGON DU 'GRO DGOS SO, ,DE LA 'KHOR BA SPYI DANG BYE BRAG GI SDUG BSNGAL BSAMS NAS THAR PA DON GNYER GYI BLO BSKYED BA SNGON DU 'GRO DGOS, DE LA SDUG BSNGAL GYI RGYU SDIG PA SPONG BA DANG BDE BA'I RGYU DGE BA SGRUB PA SNGON DU 'GRO DGOS SO, ,DE LA DAL 'BYOR RNYED DKA' BSAM PA SNGON DU 'GRO DGOS ZHES GSUNGS SO, ,DBANG DON LAM GYI RIM PAR BSGRIGS NAS BLA MED KYI NYAMS SU BLANG BYA'I LAM LA BSKYED RDZOGS GNYIS SU NGES LA, DE LA THOG MAR BSKYED RIM BSGOMS NAS, DAS RGYUD SMIN PAR BYAS TE RDZOGS RIM BSGOM DGOS KYI DA LTAR MIN PAR RIM PA GNYIS PA BSGOM KYANG BSHAD PA LTAR MI SKYE BAS NA, THOG MAR BSKYED RIM BSGOM DGOS PAS, DE'I SNOD RUNG DU BYA BA'I PHYIR DU BUM DBANG BSKUR DGOS PA YIN LA, DE LTAR RIM PA DANG POS RGYUD SMIN PAR BYAS NAS, DE NAS RIM PA GNYIS PA BSGOM DGOS PAS, DE LA THOG MAR LUS DBEN DANG NGAG DBEN SOGS KYI THABS RO RKYANG GI RLUNG RNAMS DH'U T'IR ZHUGS GNAS THIM GSUM BYAS PA'I LAG RJES LA SNANG MCHED THOB GSUm DPE'I 'OD GSAL DANG BCAS PA'I SEMS DBEN 'DREN LA, DE LAS RLUNG SEMS TZAM LAS GRUB PA'I MA DAG PA'I SGYU MA'I LUS RNAMS RIM CAN DU SKYE BAS LAM DE RNAMS SGRUB PA'I SNOD RUNG DU BYA BA'I PHYIR DU DE'I RJES SU GSANG DBANG BSKUR BA YIN NO, ,DE NAS MA DAG PA'I SGYU LUS DE NYID RIL 'DZIN DANG RJES GZHIG GI BSAM GTAN GNYIS KYIS 'OD GSAL DU DAG PAR BYAS PA LAS, STONG NYID MNGON SUM DU RTOGS PA'I DON GYI 'OD GSAL MTSAN NYID PA SKYE BAR 'GYUR LA, DE'I SNOD RUNG DU BYED PA'I DBANG GSUM

PA GSANG DBANG GI RJES SU BSKUR BA YIN NO, ,DON GYI 'OD GSAL DE LAS LUGS LDOG TU LDANG BA NA, DAG PA'I SGYU MA'I SKU DANG THUGS DON GYI 'OD GSAL GNYIS NGO BO GCIG PA'I SLOB PA'I ZUNG 'JUG THOB LA, DE'I RGYUN GOMS PA LAS MI SLOB PA'I ZUNG 'JUG KHA SBYOR YAN LAG BDUN LDAN GYI GO 'PHANG MNGON DU BYED PAS, DE'I SNOD RUNG DU BYED PA'I DBANG BZHI PA GSUM PA'I RJES SU BSKUR BA YIN NO, ,DES NA THOB BYA DE LAS MTHAR THUG PA MED PAS, DBANG BZHI PA LAS GONG NA DBANG MED DO, ,DBANG GI GRANGS DANG GO RIM NGES PA LTAR DU LAM GYI GO RIM YANG JI LTAR BSHAD PA LTAR NGES PAS, DBANG BSKUR BYED PA DANG RANG NYID BDAG MJUG LEN PA SOGS BYED NA'ANG, LAM DE LTA BU'I CHED DU BYED DGOS KYI GO BA DMIGS PHYED PA GAL CHE'O GSUNGS SO,, ` , DRUG PA RDO RJE 'CHANG CHEN PO'I NGO BO RJE BTZUN BLA MA DMIGS PA MED PA'I THUGS RJE CHEN PO DANG LDAN PA DE'I ZHABS LA PHYAG 'TSAL LO, ,'PHO BA NI MA RGYUD NAS 'BYUNG YANG, PHA RGYUD LA YANG LAM GYI YAN LAG TU NGES PAR DGOS PAS DE BSHAD NA, 'PHO BA BSDUS TE NYAMS SU LEN TSUL NI, DA LTAR NAS GOMS PAR BYED TSUL DANG, DUS THA MAR LAS LA SBYAR TSUL GNYIS, DANG PO NI, RANG YE DAM GANG YIN DU BSGOMS, LUS KYI DBUS DRANG PO NAS RTZA DBU MA STENG 'OG TU THAL MAR YOD PA'I SNYING KHA'I RTZA 'KHOR GYI DH'U T'I'I NANG NA RANG GI RNAM SHES KYI NGO BO H'Um YIG SNGON PO MGO THUR DU BLTA BA, DE'I MGO BO'I 'OG TU YUm YIG SNGON PO MGO THUR DU BLTAS PA GNYIS KYI MJUG MAS H'Um GI MGO BO'I GA-YAS GA-YON BRTEN PA, DE'I 'OG TU HI YIG SNGON PO MGO THUR DU

, ,BLTAS PA'I MJUG MA YUm YIG GNYIS KYIS GA-YAS GA-YON NAS BRTEN PA, H'Um GI ZHABS KYU'I STENG DU'ANG YUm YIG SNGON PO MGO THUR DU BSTAN PA GNYIS KYIS H'Um GI ZHABS KYU'I GA-YAS GA-YON NAS BRTEN PA, DE'I STENG DU KA YIG SNGON PO MGO THUR DU BLTAS PA'I MGO BO'I YUm YIG GNYIS KYI MJUG MAS GA-YAS GA-YON NAS BRTEN PA GSAL BTAB, RANG GI SHES PA DBUS KYI H'Um YIG DANG NGO BO DBYER MED DU BYAS NAS SPYI BO TSANGS BUG GI BAR GYI DBU MA'I NANG NA MAR ME BTEG PA BZHIN GSAL SING NGE MTHONG BAR BSAM MO, ,TSANGS BUG GI NANG NA HAm YIG DKAR PO THUR DU BLTAS PAS BKAG PAR BSGOMS, DE NAS RLUNG PHYIR 'GRO BA NA, SNYING KHA'I YI GE THAMS CAD MGO GYEN DU BLTA BA DANG MNYAM DU SNGAR GYI YI GE BRTZEGS PA'I RIM PA DE 'GYUR NAS SNGAR 'OG NA GNAS PA'I KA YIG SNGON DU 'GRO, DE'I RJES SU 'OG GI YUm YIG GNYIS, DE'I RJES SU DBUS KYI H'Um YIG ,DE'I RJES SU STENG GI YUm YIG GNYIS, DE'I RJES SU STENG GI HI YIG 'GRO BA'I TSUL GYIS RLUNG GIS BDAS NAS, TSANGS BUG GI HAm YIG LA REG PA TZAM DU THAL MAR 'GRO BAR BSGOMS, RLUNG NANG DU 'JUG PA NA YI GE RNAMS MGO MJUG BSGYUR NAS, SNGAR SNYING KHAR GNAS PA'I RIM PA BZHIN DU BYAS TE, RLUNG GIS THUR DU BDAS NAS, SNYING KHA'I RTZA 'KHOR GYI DBUS KYI BAR DU 'ONGS, DE LTAR RLUNG 'BYUNG 'JUG DANG BSTUN NAS STENG 'OG TU 'GRO 'ONG BYED PA BAR MA CHAD PA JI TZAM NUS KYI BAR DU BSGOMS, SPYI GTZUG ZA BA DANG, 'KHRIG PA SOGS BYUNG NA LEGS PAR 'BYONGS PA YIN PAS, NUS PA MI NYAMS SHING BRTAN PA THOB PA'I PHYIR DU DE NAS KYANG

RGYUN LDAN DU BSGOM DGOS SO, ,GONG GI YI GE RNAMS TSANG BAR BSGOM MI NUS NA, SNYING KHA'I DKYIL DU H'Um YIG GCIG BSGOMS, DE DANG SHES PA BSRES NAS SNGAR LTAR SBYONG BA YIN NO, ,GNYIS PA NI, DUS LA BAB PA'I TSE LUS LONGS SPYOD LA CHAGS ZHEN SPANGS SPYI BO'I HAm YIG BSAL, SPYI BOR BLA MA RDO RJE 'CHANG GI RNAM PA CAN BSGOMS, GSOL BA DRAG TU BTAB, RANG GI SHES PA H'Um DANG BSRES TE, HI KA NYER GCIG BRJOD PA DANG SHES PA H'Um DANG BSRES PA DE DBU MA'I NANG NAS GYEN DU SONG STE, TSANGS BUG GI SKAR KHUNG KHA PHYE BA 'DRA BA DE NAS THAL MAR 'THON TE, BLA MA'I THUGS KAR THIM PAS CHOS SKU'I NGANG DU DBYER MED DU 'DRES PAR BSGOMS, DE LTAR BYAS PAS MKHA' SPYOD LA SOGS PA'I GNAS SU 'GRO BAR GDON MI ZA'O, ,BLO MCHOG TU GYUR PAS NI RIGS DRUG GI GNAS SO SOR 'PHO BA'I SGO DGUR YI GE BKOD NAS 'GOG PA'I RNAL 'BYOR GYIS SGO DE DAG NAS RGYU BA'I RLUNG RENGS PAR BYED PA DANG, LTE BAR BUM PA CAN GYI RNAL 'BYOR GYIS RLUNG DH'U T'IR 'JUG PA LA 'BAD NAS, DE'I RJES SU BUM PA CAN GYI RLUNG DH'U T'IR ZHUGS PA'I LHAN SKYES KYI YE SHES LAS LDANG BAR RTZOM PA NA DH'U T'I'I DBUS KYI GTUM MO'I ME SHIN TU PHRA ZHING RNO BA GYEN DU SONG STE, SNYING KHA'I DH'U T'I'I NANG GI YI GE RNAMS LA PHOG PAS YI GE RNAMS SNGAR BSHAD PA BZHIN MGO GYEN DU BZLOG PA DANG DUS MNYAM DU SNYING KHA'I RTZA 'DAB RNAMS GDUGS KHA PHUB PA LTA BU'I DBYIBS SU YOD PA DE GYEN DU LDOG NAS GDUGS KHA GYEN DU BSTAN PA LTAR BSGOMS SHING, YI GE RNAMS THUR DU BABS TE, SNYING KHAR SLEB MA THAG SNGAR BZHIN RTZA 'DAB KHA THUR BLTAS SU SONG

, ,BAR BSGOMS PA YIN NO, ,SGO DGU'I YI GE 'GOD TSUL RNAMS NI KHRID YIG CHEN MO GSER GYI SGO 'BYED DU MDZAD PA LTAR YIN ZHING, CHOS RJE SH'AKYA YE SHES PA LA GNANG BA'I YIG CHUNG DU STENG 'OG TU YI GE RE RE LAS MA GSUNGS SHING, YI GE 'GA' ZHIG MGO GYEN BSTAN DANG, KHA DOG DKAR POR MDZAD KYANG PHYIS KHRID YIG CHEN MOR SNGAR BZHIN MDZAD PA YIN PAS, MKHAS GRUB THAMS CAD MKHYEN PA NAS BRGYUD PA DANG, JO GDAN BSOD NAMS LHAN GRUB PA NAS BRGYUD PA GNYIS KA LA YI GE BDUN DANG 'GOD TSUL SNGAR BZHIN MDZAD PA YIN ZHING, YIG CHAR MI GSAL BAR BLA MAS BSTAN DGOS PA'I ZHAL SHES NI, RTZA 'KHOR BZLOG PA DANG YI GE LDOG PA'I TSUL YIN LA, RTZA 'KHOR ZLOG PA'I TSUL NI, GDUGS PHYI NANG DU BSGYUR BA BZHIN BLA LOG BSGYUR BA MIN GYI, DMIGS PA SNGAR BZHIN BYAS PA NA, RTZA 'KHOR GYI LTE BA LA 'OG NAS 'ONGS PA'I RLUNG PHOG PA'I SHUGS KYIS DAR GYI SHAM BU GYEN DU BTEG PA BZHIN SONG BAR BSGOM PA YIN LA, 'DI'I DUS SU'ANG SNYING KHAR RLUNG 'DUS PAS NA RTZA 'DAB KHA GYEN DU PHYOGS TSUL DE BZHIN 'ONG BA YIN NO, ,YI GE ZLOG PA'I TSUL NI, KHA CIG DBYUG PA MGO MJUG BSGYUR BA LTAR SONG BAR BSGOM PA DANG, KHA CIG THANG SKU'I ZHAL KHEBS BSGRIL BA LTAR 'OG NAS RIM PA BZHIN BSGRIL NAS STENG 'OG BSGYUR BAR BSGOM PA RNAMS NI DON MA GO BAR BLOS BTAGS KYI TSOD 'JOG YIN PAS MI RUNG NGO, ,DES NA YI GE DE DAG GI PHYI ROL TU RLUNG PHOG PAS ZHVA RLUNG GIS KHYER BA LTAR SONG BA MIN GYI DH'U T'I'I NANG NAS GYEN DU 'ONGS PA'I

RLUNG DE YI GE DE DAG GI NANG DU ZHUGS PAS, RE RE ZHING PHYI NANG LOG STE RLUNG DANG LHAN CIG STENG DU SONG BAS DAR GYI SPU GU'I NANG DU DBYUG PA BRDZANGS NAS PHYI NANG LOG PA NA 'OG NA GANG YOD PA DBYUG PA'I RTZE LA BLANGS TE STENG DU 'ONGS LA, SNGAR STENG NA GANG YOD PA DE DAG 'OG MAR 'GYUR BA BZHIN NO, ,DE BZHIN 'OG TU 'JUG PA NA'ANG, RLUNG SNA BUG NAS NANG DU 'JUG PA NA, RLUNG GI HI YIG GI RTZE NAS SNGAR BZHIN BZLOG PAS, HI YIG PHYI NANG LOG PA BZHIN MGO THUR DU BSTAN NAS RLUNG GI RTZEL SNGON LA KHYER TE GZHAN RNAMS RE RE NAS ZLOG ? PAS SNGAR SNYING KHAR BKOD PA'I RIM PA BZHIN BYAS NAS SNYING KHAR SLEBS PA NA DE'I SHUGS KYIS RTZA 'DAB RNAMS KYANG KHA THUR DU BLTA BA YIN NO, ,BLA MA'I ZHAL SHES DGOS PA 'DI RNAMS MA GTOGS YIG CHAR GSAL BA LTAR KHO NA YIN GYI 'DI DAG LAS GZHAN PA'I MAN NGAG GZHAN GYI 'KHRID LUGS SNA RE TZAM MTHONG BA DANG THOS PA 'DIR BSRE BA DANG, PHO TSOD KYIS SBYAR BA'I YI GE MANG DU BYAS NAS, RJE TZONG KHA PA'I ZHAL SHES YIN NO ZHES SMRA BA NI RNYED PA DANG BKUR STI SGRUB PA'I CHED DU LUGS MIN PA RNAMS GCIG TU BSDEBS PAS 'CHOL MA'I BU LTA BU'I GDAMS NGAG GIS GNAD SLU BAR BYED PA YIN PAS, BLO GROS DANG LDAN PA YANG DAG PA'I LAM DON DU GNYER PA RNAMS KYIS RING DU DOR TE LAM BZANG PO LA 'JUG PAR BYA'O, ,MAN NGAG YID BZHIN NOR BU 'DI, ,DAD PA'I RGYAL MTSAN RTZER BKOD PAS, ,RDO RJE'I RTZAL DBANG THOB NAS, ,BSAM BZHIN DAG PA'I GNAS THOB SHOG ,DBANG PHYUG BRGYAD LDAN SHAR TZONG KHA PA BLO BZANG GRAGS PA'I ZHAL SNGA NAS KYI ZHAL GDAMS 'GA' ZHIG GO, ` ,,RJE BTZU

, ,'JAM PA'I DBYANGS DANG DBYER MA MCHIS PA'I CHOS KYI RJE DPAL LDAN BLA MA DAM PA'I ZHABS KYI PADMO DRI MA MED PA LA GUS PAS PHYAG 'TSAL LO, ,DE LA SNGAGS DANG PHA ROL TU PHYIN PA'I LAM GYI NGO BO, GO RIMS, GRANGS NGES, BYED LAS, SA MTSAMS, SO SO'I MYONG BA 'DON TSUL, MYONG BA YANG DAG DANG LTAR SNANG GI DBYE BA, GEGS BYUNG NA SEL TSUL RNAMS NI, THAMS CAD MKHYEN PA RJE RIN PO CHE'I MDO SNGAGS KYI LAM GYI RNAM GZHAG RGYAS PA RNAMS SU SHES PAR BYA'O, , 'DIR ZHAL GYI GDAMS PA 'GA' ZHIG GSAL SGRON DANG 'KHRID GNYIS DANG SBYAR TE CUNG ZAD BSHAD PAR BYA'O, ,DE LA RIM PA DANG PO'I SKABS SU GANG SNANG LHAR 'CHAR BA LA BSLAB DGOS PAS RTEN DANG BRTEN PA RAGS PA DANG PHRA BA MTHAR PHYIN NAS, RDZOGS RIM LA 'JUG PA NA, THOG MAR LUS DBEN NYAMS SU LEN PA'I TSUL NI, RIM LNGA BSDUS PA GSAL BA LAS, LUS DANG DUS DANG YUL RLUNG GI ,GNAD NI RNAM PA BZHIR SHES BYA, ZHES GSUNGS PA LTAR GNAD BZHI DANG LDAN PAR BYA STE, RANG NYID GSANG CHEN RDO RJE 'CHANG YAB YUM DU GSAL BA'I NOR BU'I RTZE'I DH'U T'I'I MAR SNA'I NANG NGAM, MAN NGAG SNYE MAR NOR BU'I DBUS NA RTZA 'KHOR 'DAB MA BRGYAD PA ZHIG BSHAD PAS, DE'I DBUS SAM DH'U T'I'I NANG GANG RUNG DU NYI MA'I DKYIL 'KHOR SRAN MA PHYED TSAL TZAM GYI STENG DU, THIG LE KHYAD PAR GSUM LDAN, KHA DOG SNGON PO, DBYIBS ZLUM PO, NAS 'BRU'AM, YUNGS KAR GYI 'BRU TSAD TZAM SHIN TU 'TSER BA, YE SHES LNGA'I RANG BZHIN GYI 'OD ZER LNGA 'PHRO BA, RANG GI LHA'I NGO BOR BLTAS LA,

DE LA RANG GI SEMS DBYER MED DU ZHUGS PA'I TSUL GYIS BYING RGOD DANG BRAL BAR BYAS TE, CHIG BSGRIL DU BSGOMS PAS SEMS RTZE GCIG PA THIG LE DANG 'DRES PA'I NYAMS SKYES NAS, DBANG PO'I RLUNG NANG DU LOG PA DANG, DH'U T'I'I NANG GANG RUNG DU ZHUGS GNAS THIM GSUM 'BYUNG BA'I RTAGS BZHI RIM PA NGES CAN DU SHAR NA GTUM MO KHYAD PAR CAN DH'U T'I'I NANG NAS 'BAR TE BYANG SEMS ZHU BA GANG DU SLEBS PAS YAS BABS DANG MAS BRTAN GYI DGA' BZHI BSKYED TSUL NI, RGYUD RDO RJE PHRENG BA LAS, DE RJES LUGS 'BYUNG BSHAD BYA STE, ,BDE CHEN 'KHOR LO SPYI BO LA, ,DE NI DGA' BAR BSHAD PA YIN, ,LONGS SPYOD 'KHOR LO MCHOG DGA' DANG, ,DGA' BRAL CHOS KYI 'KHOR LO GNAS, ,SPRUL PA'I 'KHOR LO LHAN CIG SKYES, ,DGA' BA NYAMS SU MYONG BAR BYED, , CES GSUNGS, SPYI BO NAS MGRIN PA'I BAR LA DGA' BA 'JOG LA, DES GZHAN GSUM LA'ANG SHES PAR BYA'O, ,MAS BRTAN GYI SKYED TSUL YANG DE NYID LAS, SPRUL PA'I 'KHOR LO DGA' BA DANG, ,MCHOG DGA' CHOS KYI 'KHOR LO GNAS, ,LONGS SPYOD BRAL BA'I DGA' BA DANG, ,LHAN CIG SKYES DGA' BDE BA CHE, ,LUGS BZLOG RIM PA ZHES NI GSUNGS, ZHES GSUNGS SO, ,'DI'I GNAS KYANG SNGAR BSHAD PA'I RIGS PAS SHES PAR BYA'O, ,'DIR BDE BA CHEN PO LAM GYI SROG YIN LA, DE BRTAN PA LA MAS BRTAN GYI BDE BA LA RAG LAS PAS NA, DE BSKYED TSUL GAL CHE'O, ,DE YANG MAN NGAG SNYE MA LAS, DE'I 'CHAR SA NI NOR BU NAS BRTZAMS TE LTE BA JI SRID PA, DE MA 'PHOS PA'I BYANG CHUB KYI SEMS 'PHEL BZHIN PAS STENG DU NYE BAR

, ,'GRO ZHES PA'I TSIG ZIN LTAR NA, NOR BU NAS PHYIR MA 'PHOS NA, RANG LOG BYED PA 'DRA BA ZHIG 'DUG KYANG, DANG PO'I DUS SU RANG LOG BYED PA MIN PAS, YAR LA DRIL NAS SPYI GTZUG GI BAR 'GRO BA ZHIG DGOS PA NI RNAL 'BYOR PAS CHED DU BYA DGOS TE, RGYUD RDO RJE 'PHRENG BA LAS, RLUNG GI DE NYID SNGON BYAS NAS, ,DE NYID STENG DU RGYU BA NI, ,RNAL 'BYOR PAS NI SGRUB PAR BYED, ,DE LAS SPRUL PA'I 'KHOR LO NI, ,DGA' BA ZHES BYAR RNAM PAR SHES, ,ZHES GSUNGS PAS, NOR BU'I RTZE NAS SPRUL PA'I 'KHOR LO'I BAR DU DGA' BA DANG, DE NAS CHOS KYI 'KHOR LO'I BAR DU MCHOG DGA' DANG, DE NAS LONGS SPYOD KYI 'KHOR LO'I BAR DU KHYAD DGA' DANG, DE NAS BDE CHEN GYI 'KHOR LO'I BAR DU LHAN CIG SKYES PA'I DGA' BA DANG, DE BZHI KA YANG MAN NGAG SNYE MAR, RIM PA BZHIN DU LHAN SKYES LA, CHUNG NGU, BAR MA, CHEN PO, CHEN PO'I CHEN POR BYED DO, ,DE NAS YAS BABS KYI LHAN SKYES NYAMS SU MYONG NAS MAS BRTAN BZHI RNAL 'BYOR PAS SGRUB PAR BYED TSUL NI, BDE STONG SBYAR NAS BSGOMS PA'I MJUG TU RLUNG LDANG BAR RTZOM PA NA, DMIGS PAS BYANG SEMS DRIL TE DH'U T'I'I NANG NAS RIM GYIS DRANGS TE, SPRUL PA'I 'KHOR LO'I DH'U T'I'I NANG DU BZUNG, DE NAS CHOS KYI 'KHOR LO'I DH'U T'I'I NANG DU DRANGS PAR MAS NAS YUN RING DU BSGOMS, DE NAS LONGS SPYOD DANG BDE BA CHEN PO'I 'KHOR LO'I RIM PA BZHIN DU DRANGS NAS, BDE CHEN GYI DBUS SU DH'U T'I'I NANG DU LHAN SKYES KYI DANG PO STONG NYID DANG SBYAR TE YUN RING DU BSGOM, RLUNG LDANG BAR RTZOM PA NA DMIGS PAS BYANG CHUB KYI SEMS DH'U T'I'I NANG

NAS PHYIR SNGA MA BZHIN DU DRANGS TE NOR BU'I RTZER LHAN SKYES DANG STONG PA SBYAR TE BSGOMS, DANG PO'I DUS SU JI LTA BA BZHIN SGRUB MA NUS PAR RLUNG LANGS NA, YANG NOR BU'I RTZER SNGAR BZHIN PHRA MO BSGOMS NAS, YAS BABS DANG MAS BRTAN GYI DGA' BZHI BSKYED DO, ,DGA' BA BZHI SKYE BA LA BYANG CHUB KYI SEMS 'BAB DGOS, DE LA GTUM MO'I ME KHYAD PAR CAN 'BAR DGOS, DE 'BAR BA'I TSAD NI, NANG GI GTUM MO 'BAR BAS BSEL BA'I BYA BA BYED PAR MA ZAD, PHYIS CHA BAS KYANG BSIL BA'I BYA BA BYED CING, PHYI'I GRANG BA'I REG PAS DRO BA'I BYA BA BYED PAS, LUS SEMS LA GDUNG BA BSKYED PA'I GTUM MO LTAR SNANG DU SHES PAR GYIS SHIG ,YAS BABS DANG MAS BRTAN GYI LHAN SKYES KYI NOR BU DANG, BDE CHEN GYI DBUS SU BDE STONG SBYAR TE BSGOMS PA'I STOBS KYIS, RLUNG SNGA MA LANGS PA'I STENG DU NANG GI KHYAB BYED KYI RLUNG RAGS PA 'GA' ZHIG 'DUS NAS ZHUGS GNAS THIM GSUM BYAS PA'I MTHAR, LHAN SKYES GNYIS KYI BDE STONG SBYAR NAS BSGOMS PA SHIN TU GAL CHE'O, ,DE YANG CHOS NYID PHYAG RGYA CHEN PO NYID BSGOMS PAS LUS SEMS LA BDE BA SKYE YANG 'DIR NI BSGOM STOBS KYIS RLUNG ZHUGS GNAS THIM GSUM BYUNG BA'I LHAN SKYES KYIS STONG NYID BSGOM PA ZHIG DGOS SO, ,CHOS NYID LA BRTEN NAS BDE BA KHYAD PAR CAN 'DREN PA SEMS DBEN GYI SKABS SU 'BYUNG BAS, DE NI SNYING KHA'I SDUD RA MI DANG SPREL TE BSHAD PAR BYA'O, ,BSHAD RGYUD RDO RJE PHRENG BA LAS, RDO RJE'I RTZA BAR DGA' BA DANG, DBUS SU MCHOG DGA' DANG, MGRIN PAR KHYAD PAR GYI DGA' BA DANG,

, ,NOR BU'I RTZER LHAN SKYES KYI DGA' BA SKYE BAR GSUNGS PA NI, RGYUD DER YAS BABS KYI LHAN SKYES KYI MGO LTE BA NAS BRTZAMS TE, NOR BU'I RTZER NGO BO RDZOGS PAR GSUNGS PA'I LHAN SKYES LA DGA' BA BZHIR BYED PA MNGON NO, ,MAS BRTAN GYI DGA' BA BZHI YAS BABS KYI DGA' BA BZHI LAS BDE BA CHE DGOS PA YIN TE, MAN SNYE LAS MA 'PHOS PA'I BYANG CHUB KYI SEMS 'PHEL BZHIN PA'I STENG DU NYE BAR 'GRO ZHES PA'O, ,MAS BRTAN LAS MA LANGS PA'I YAS BABS KYI DGA' BZHI NI SNGA MA'I MAS BRTAN LAS BDE BA CHE ZHING LHAN SKYES SU BZHAG DGOS PA NI, MAN SNYE LAS, MAS BRTAN LA BSHAD PA'I RIGS PAS SHES SO, ,MAS BRTAN LAS LANGS PA'I RJES SU PHRA MO BSGOM STOBS KYIS SKYES PA'I DGA' BZHI NI, SNGA MA'I MAS BRTAN LAS BDE BA CHE BA DANG, BZHI KA LHAN SKYES YIN PA'I NGES PA MED DO, ,'DI RNAMS NI MAS BRTAN SGRUB TSUL DANG, BDE BA CHE CHUNG GI KHYAD PAR LHAN SKYES SU BZHAG PAS CHOG MI CHOG RNAMS KYI SGO TZAM ZHIG BRTAN PAS RTOG PA BYANG BAR BYAS TE PHRA MO NAS 'JUG LDOG BYA DGOS SO, ,'OG SGO'I PHRA MOS MTSON NAS, LUS LA GNANG DU BSNUN PA'I PHYI NANG GI THABS LA BRTEN NAS, DH'U T'I'I NANG DU RLUNG ZHUGS GNAS THIM GSUM BYUNG BA'I MTHAR SKYES PA'I MYONG BA THAMS CAD KYI SKABS SU DE NYID SHES PAR GYIS SHIG ,'DI NAS BZUNG STE RDOR BZLAS MTHAR PHYIN PA'I BAR DU DH'U T'I'I YAR SNA MAR SNA'I RTZA 'KHOR SO SO'I DBUS SU'AM, DH'U T'I'I NANG GANG RUNG DU RLUNG DANG THIG LE 'BAR 'DZAG GI RNAL 'BYOR RNAMS LA BRTEN NAS DH'U T'I'I NANG DU RLUNG 'DUS PA'I THABS GANG DU BYAS PA DER RLUNG 'DU BA

NI, DH'U T'I'I NANG GI RLUNG 'DU SLA BA YIN PA DANG, DER 'DU BA'I THABS BYAS PA GNYIS TSOGS LA BRTEN NAS GANG DU 'DU BA'I THABS BYAS PA'I DH'U T'I'I NANG DU RLUNG 'DUS NAS ZHUGS GNAS THIM GSUM YONG BA YANG, DH'U T'I'I NANG DU 'DUS PA'I THABS GANG DU BYAS PAR MA 'DUS PAR DH'U T'I'I NANG GZHAN DU 'ONG BA NI, SNYING KHA'I 'KHOR LO'I DBUS SU DH'U T'I'I NANG DU RLUNG 'DU BA'I THABS LAN MANG DU BYAS KYANG, DER 'DU MI THUB PAR DH'U T'I'I NANG GZHAN DU 'DUS NAS ZHUGS GNAS THIM GSUM LAN MANG DU BYAS PA'I MTHAR, SNYING KHA'I DH'U T'I'I NANG DU 'DU BA ZHIG 'ONG BAR SHES SO, ,SNYING KHA'I RTZA MDUD MA GROL GYI BAR DU DH'U T'I'I NANG NAS GTUM MO KHYAD PAR CAN 'BAR YANG BDE CHEN 'KHOR LO'I BAR DU DH'U T'I'I NANG KHO NA LA 'BAR BA'I NGES PA MED CING, BYANG CHUB KYI SEMS ZHU NAS 'BAB PA YANG DANG PO DH'U T'I'I NANG NAS 'BAB KYANG BAR SKABS SU RTZA GNAS SO SOR BYER NAS, YANG DH'U T'I'I NANG DU 'DU BA DANG MI 'DU BA LA SOGS PA'I RIM PA DU MA 'ONG BA YANG, RIGS PA SNGA MAS SHES, YAS BABS DANG MAS BRTAN GYI LHAN SKYES KYIS STONG NYID NGES PA'I BDE STONG SBYAR TE, MNYAM GZHAG TU JI TZAM NUS PA'I BAR BSGOMS NAS LDANG BAR RTZOM PA NA, BDE STONG DBYER MED RLUNG GI BZHON PA DANG BCAS PA LAS LUGS LDOG GI NYER THOB GRUB PA'I DUS SU CHU LAS NYA LDANG BA'I TSUL GYIS RDO RJE 'CHANG YAB YUM GYI SKUR YID NGOR THOL TE LDANG BAR BYA'O, ,'DI NAS BZUNG STE RIM PA GSUM PA'I SGYU LUS MA GRUB KYI BAR DU SAD DUS KYI STONG PA BZHI DANG, GNYID DUS KYI STONG PA BZHI DANG, RMI LAM GYI STONG PA BZHI DANG, 'CHI DUS KYI STONG PA BZHI RNAMS KYI DUS SU YANG, 'OD

, ,GSAL GYI RLUNG SEMS LAS NYER THOB GRUB PA'I DUS SU, CHU LAS NYA BZHIN YID NGOR RDO RJE 'CHANG YAB YUM GYI SKUR LDANG BAR BYA'O, ,'DI LA YANG GNAS KYI SGO NAS LDANG LUGS KHYAD PAR CAN GCIG YOD PA DANG, 'DI RNAMS KYI GNAD ZHIB PAR 'OG TU BSHAD PAR BYA'O, ,MNYAM GZHAG TU BDE STONG BSGOMS PA'I MTHAR, BDE STONG RLUNG DANG BCAS PA LAS SNGAR LTAR RDO RJE 'CHANG YAB YUM GYI SKUR LANGS NAS RJES THOB TU BSGOM TSUL NI, BSHAD RGYUD RDO RJE 'PHRENG BA LAS, DBANG PO YUL LA SPYOD PA NI, ,GANG GNAS DE NI GDAMS NAS NI, ,STONG NYID GNYIS MED SGYU MA LA, ,SOGS PA KUN SPYOD LHAG SPYAD BYA, ,SHES RAB YE SHES DBANG BSKUR SOGS, ,NYAMS SU MYONG BA'I BDE BA YIN, BDE BA CHEN PO DRAN PA YIN, ,DBANG PO RNAMS NI YUL LAS ZLOG ,CES SO, ,'DI NI STONG NYID 'OD GSAL DANG, GNYIS MED ZUNG 'JUG DANG, KUN RDZOB SGYU LUS KYI SKABS DANG, SOGS KYIS BSDUS PA DE RNAMS 'OG MA'I SKABS SU YANG YUL RNAMS LHAG PAR SPYOD TSUL STON PAS, NGAG DBEN MAN CHAD DU'ANG STONG PA BZHI DRANGS PA'I SKABS THAMS CAD DU GANG SHAR LA BDE STONG GI RGYAS 'DEBS TSUL NI 'DI LTAR BSHAD PA BZHIN SHES PAR BYA'O, ,'DI LTAR DBANG GSUM PA DNGOS DBANG DU BYAS PA'I BDE BA SOGS KYIS BSDU, ,SNGAR BSHAD PA LTA BU'I BDE BA CHEN PO SNGAR MYONGS DRAN NAS YUL LA LONGS SPYOD PA'I TSE, RGYAS BTAB NAS DE DANG MI MTHUN PA'I YID BYED BSDAMS TE GNAS NA, YUL SNANG KUN BDE BAR 'CHAR ZHING, DE'I RJES SU BDE BA 'BAR BA'I RKYEN GYIS DBANG PO'I SGO NAS 'JUG PA'I

RLUNG NANG DU LOG PA NA, DBANG SHES KYANG SDUD PAS THIM NAS SNGAR BZHIN BDE BA RNAMS SKYE'O, ,RIM PA GNYIS PA'I SKABS SU NI GANG SHAR THAMS CAD BDE BA CHEN PO'I RNAM ROL TU 'CHAR BA ZHIG DGOS SHING, DE YANG RDZOGS RIM PA'I BDE CHEN LHAN SKYES RNYED PHYIN CHAD NAS YIN PAS, 'DIR LUS DBEN GYI SGO NAS GANG SHAR THAMS CAD BDE CHEN GYI RNAM ROL TU BLTA BAR GSUNGS PA NI GANG SHAR THAMS CAD BDE BAR 'CHAR BA'I CHED DU'O, ,DE LA THOG MAR DNGOS PO KUN GYI RANG BZHIN RNAMS GTAN LA PHAB PA'I SGO NAS THAMS CAD STONG NYID KYI RNAM 'GYUR DU SHES PA DANG, DE NAS BDE STONG SBYOR TSUL GYI SGO NAS BDE BA CHEN PO'I RNAM 'GYUR DU SHES PA ZHIG DGOS SO, ,DE LTAR BSKYED RIM MTHAR PHYIN NAS, 'OG SGOR PHRA MO BSGOMS TE DRANGS PA'I LHAN SKYES KYIS MNYAM GZHAG TU STONG NYID BSGOMS NAS LANGS PA'I RJES SU BDE STONG BSGOM PA DE RIM PA NGES CAN YIN NA, 'JAM DPAL ZHAL LUNG LAS, LAM GYI SNOD RUNG DU SGRUB PA'I SHES RAB YE SHES KYI DBANG GI DUS SU PHYAG RGYA SROG RTZOL DU SONG BA'I MTHUS, LHAN SKYES MTSAN NYID PA NYAMS SU MYONG BA LA RDZOGS RIM DU BZHAG PA JI LTAR YIN ZHE NA, BSKYED RIM MTHAR MA PHYIN PA'I GANG ZAG KHYAD PAR CAN 'GA' ZHIG LA, DBANG DANG BSKYED RIM GYI DUS SU DH'U T'I'I NANG DU ZHUGS GNAS THIM GSUM BYUNG BA'I DBANG GIS LHAN SKYES NYAMS SU MYONG BA ZHIG SRID KYANG, BSKYED RDZOGS KYI LAM NGO BO YONGS SU RDZOGS PA DANG, KHYAD PAR DU RIM PA LNGA GRUB CHEN GYIS JI LTAR BSHAD PA BZHIN MTSAN NYID TSANG BA SKYE BA LA GONG DU BSHAD PA'I GO RIMS DE MED NA MI 'BYUNG BA'I GO

, ,RIM YIN TE, LAM 'DI'I GDUL BYA'I GTZO BO RIN PO CHE LTA BU'I GANG ZAG GIS KYANG RIM PA DE LTAR BSLAB DGOS NA, DE MAN CHAD KYI GDUL BYA RNAMS KYIS LTA SMOS KYANG CI DGOS, DE YANG PHYAG NA RDO RJE'I DBANG BSKUR BA'I RGYUD LAS, 'JAM DPAL GANG DAG BYANG CHUB KYI SEMS SGOM PA LA ZHUGS PA DANG GANG GI TSE DE DAG GIS BYANG CHUB KYI SEMS GRUB PAR GYUR PA DE'I TSE, 'JAM DPAL BYANG CHUB SEMS DPA'I SPYAD PA GSANG SNGAGS KYI SGO'I SPYOD PA'I BYANG CHUB SEMS DPA' DE DAG YE SHES CHEN POR DBANG BSKUR BA'I GZUNGS SNGAGS KYI DKYIL 'KHOR DU GZHUG PAR BYA, ZHES PA DANG, BLA MA LNGA BCU PA LAS KYANG, BSAM PA THAG PA'I SLOB MA NI, ,DKON MCHOG GSUM LA SKYABS SONG LA, ,BLA MA'I RJES SU 'JUG PA NI, ,KHA TON BYA BA SBYIN PAR BYA, ,DE NAS SNGAGS SOGS SBYIN PA YIS, ,DAM CHOS SNOD DU BYAS NAS SU, ZHES GSUNGS PA DANG, SPYOD BSDUS LAS KYANG, DE YI RIM PA'ANG 'DI YIN TE, THOG MA NYID DU SANGS RGYAS KYI THEG PA'I BSLAB PA LA SLOB BO, ,GANG GIS SANGS RGYAS KYI THEG PA'I BSLAB PA LA LOBS PA'I TSE, THEG PA GSAR PA DRAN PA GCIG PA'I TING NGE 'DZIN LA SLOB BO, ,ZHES GSUNGS PA'I PHYIR, DE LTA MIN NA, RJE ZHAL SNGA NAS TSE 'DIR LAM LA GTAN NAS MA SBYANGS PA'I YUL RTEN KHYAD PAR CAN GNYIS SNYOMS PAR ZHUGS PA LA BRTEN NAS SKYES PA'I DH'U T'I'I MAR SNA DANG, BUD MED RDO RJE DBYINGS KYI DBANG PHYUG MA'I RTZA GNYIS 'PHRAD PA'I TSE, RTZA GNYIS SAD NAS RO RKYANG GYI DH'U T'I'I ZHUGS TE, BDE BA

PHUL CHEN YUL RTEN GNYIS KAS YUN RING DU NYAMS SU MYONG BA GZHI DUS SU 'ONG SRID GSUNGS PAS, DE 'DRAS 'KHRUL GZHI BYAS NAS LAM LA MA SBYANGS PAR GROL BA ZHIG KHAS LEN DGOS PAS HA CANG THAL LO, ,BSKYED RIM MTHAR MA PHYIN PA'I DA LTA'I GANG ZAG 'GA' ZHIG LA SNGON GYI RGYU'I KHYAD PAR GYIS DH'U T'I'I NANG DU ZHUGS GNAS THIM GSUM 'ONG BA ZHIG SRID KYANG, SPYIR BSKYED RIM PHRA RAGS MTHAR MA PHYIN PAR SNYING KHA'I RTZA 'KHOR GYI DBUS SU DH'U T'I'I NANG DU MI SHIGS PA'I THIG LE LA RLUNG ZHUGS GNAS THIM GSUM 'ONG BA GTAN MI SRID DO, ,'DI RNAMS LAS DPAGS NAS GZHI DANG LAM GYI RNAM GZHAG RJE ZHAL SNGA NAS KYIS DNGOS SU MA GSUNGS PA DON GYIS THOB PA GAL CHE BA RNAMS KYANG SHES PAR GYIS SHIG ,DE LTAR BSGOMS PAS LUS DBEN MTHAR PHYIN NAS NGAG DBEN LA 'JUG PA NA, SNA RTZE GSUM DU THIG LE GSUM GYI SROG RTZOL GSUM YUN RING DU BSGOMS PAS, SNYING KHA'I RTZA MDUD GROL TE RDOR BZLAS MTHAR PHYIN PA NA, SEMS DBEN GYI NGO BO TZAM 'THOB KYANG, SEMS DBEN RDZOGS PAR THOB NAS RIM PA GSUM PA'I SGYU LUS 'GRUB PA LA NI, DA DUNG PHYI NANG GI LUS LA GNAD DU BSNUN PA'I THABS, LAN MANG DU BYA DGOS SO, ,DE YANG SNYING KHA'I RTZA MDUD KYI DBUS DH'U T'I'I NANG DU RLUNG SDUD PA'I THABS BSHAD PA GTZO BO YIN TE, STONG PA BZHI'I 'CHI RIM DANG MTHUN PAR DRANGS PA'I 'OD GSAL GYI RLUNG SEMS LAS LUGS ZLOG GI NYER THOB GRUB PA'I DUS RIM PA GSUM PA'I SGYU LUS DNGOS 'GRUB PA'I PHYIR RO, ,SNGAR GNAS GZHAN

, ,DU RLUNG 'DU BA'I THABS BYAS PA DANG, DH'U T'I'I NANG DU RLUNG ZHUGS GNAS THIM GSUM BYUNG BA THAMS CAD SNYING KHA'I MI SHIGS PA LA ZHUGS GNAS THIM GSUM 'CHI RIM DANG MTHUN PAR 'BYUNG BA'I YAN LAG YIN PAS, SNYING KHA'I RTZAM DUD GROL NAS MI SHIGS PA'I THIG LE LA ZHUGS GNAS THIM GSUM BYED PA'I THABS LA 'BAD DO, ,DE LA NANG GI THABS MI SHIGS PA LA RDOR BZLAS BYED PA DANG, SGRON GSAL LAS RLUNG SDUD PAR BSHAD PA NI, SKABS 'DI NAS RIL 'DZIN DANG RJES GZHIG GI BSAM GTAN GYIS LUS KYI STOD SMAD NAS RLUNG BYANG SEMS DANG BCAS PA MI SHIGS PA LA BSDUS NAS THIM PA'I LUGS 'BYUNG GI STONG PA SNYING KHAR DRANGS TE 'OD GSAL GYI STONG NYID YUN RING DU BSGOMS NAS, 'OD GSAL BZHON PA'I RLUNG DANG BCAS PA LAS LUGS ZLOG GI NYER THOB GRUB PA'I DUS SU RIM PA GSUM PA'I SGYU MA'I SKUR LDANG BA YID NGOR LAN MANG DU BYA'O, ,SKABS 'DI NAS KHAMS MA SNYOMS PA'I RKYEN MED NA RLUNG 'DU BA'I THABS BYAS RES KYIS STONG PA BZHI 'DREN PA DANG YID NGOR LHA SKUR LDANG BA NGES CAN 'ONG NGO, ,'ON KYANG DA DUNG NANG GI THABS KYI SNYING KHA'I DBUS SU STONG PA BZHI DRANGS PA'I 'OD GSAL GYIS CHOS NYID BSGOMS PA'I STOBS KYIS NANG GI KHYAB BYED KYI RLUNG RAGS RIM NAS SNYING KHAR BSDUS NAS MI SHIGS PA LA THIM PA'I STONG PA BZHI PAS KYANG CHOS NYID BSGOM PA PHAL CHER 'KHOR MAR 'ONG BA'I MTSAMS NAS, SPYOD PA GSUM GANG RUNG BYED PA DANG, NANG GI THABS RNAMS LA BRTEN NAS KHYAB BYED KYI RLUNG SNGAR 'DU MA THUB PA RNAMS RAGS RIM BSDUS TE MI SHIGS PA LA THIM

PA'I STONG PA BZHI PAS CHOS NYID BSGOM RES KYIS KHYAB BYED KYI RLUNG LHAG MA SDUD NUS PA NGES CAN DU 'ONG BA'I MTSAMS NAS CHOS NYID KYIS PHYAG RGYA'I BYA BA BYED NUS PA MTHU CAN DU SONG BA YIN, GONG GI RIM PA DES KHYAB BYED KYI RLUNG LHAG MA MA LUS PAR BSDUS NAS MI SHIGS PA LA THIM PAS RTAGS BZHI'I RIM PA NGES CAN DU SHAR NAS SPRIN MED PA'I STON KA'I NAM MKHA' LA ZLA 'OD KYIS KHYAB PA LTA BU'I SNANG BA'I YE SHES SKYE, SNANG BA BZHON PA'I RLUNG DANG BCAS PA THIM PA LAS NYI 'OD KYIS KHYAB PA LTA BU'I MCHED PA'I YE SHES SKYE, MCHED PA BZHON PA'I RLUNG DANG BCAS PA THIM PA LAS SROD KYI DUS KYI SMAG MTHUG POS KHYAB PA LTA BU'I NYER THOB KYI YE SHES SKYE, NYER THOB BZHON PA'I RLUNG DANG BCAS PA THIM PA LAS, THO RANGS KYI NAM MKHA' SPRIN MED LTA BU'I THAMS CAD STONG PA 'OD GSAL SKYE, DES STONG NYID YUN RING DU BSGOMS PA LAS, BDE STONG GI BZHON PA'I SROG 'DZIN DANG BCAS PA LAS, LUGS ZLOG GI NYER THOB GRUB PA'I DUS SU RIM PA GSUM PA'I SGYU LUS 'GRUB PAR 'GYUR RO, ,RDOR BZLAS MTHAR PHYIN PA'I MTSAMS NAS LAS KYI PHYAG RGYA DANG SNYOMS PAR ZHUGS PA'I DUS SU YAB YUM GYI GSANG BA'I SNA RTZE GNYIS SU DH'U T'I'I NANG DANG RDO RJE DBYINGS KYI DBANG PHYUG MA'I RTZA GNYIS SOG SBUBS GCIG GI NANG DU GCIG BCUG PA LTAR DU BAR MTSAMS MED PAR BSGOMS, 'DI YE SHES KYI PHYAG RGYA DANG SNYOMS PAR ZHUGS PA LA YANG SHES PAR BYA'O, ,DE LTAR BYAS PAS RTZA GNYIS SAD NAS DANG POR YUM GYI RO RGYANG GI RLUNG DH'U T'IR ZHUGS PA LAS YUM LA BDE BA CHEN PO SKYE, DE NAS YAB KYI DH'U T'IR ZHUGS PA'I STENG DU YUM GYI DH'U T'I'I NANG NAS RLUNG DANG BYANG

, ,SEMS YAB KYI DH'U T'I'I NANG DU ZHUGS PAS RO RKYANG GI RLUNG DH'U T'IR ZHUGS PA LAS KYANG LHAG PA'I BDE CHEN YAB LA SKYE, DE YANG SNYING KHA'I DH'U T'I'I NANG DU SKYES PA ZHIG DGOS SO, ,TSUL 'DI LAS RGYA LA BRTEN NA DNGOS SU 'BYUNG LA, YE SHES KYI PHYAG RGYA LA BRTEN NA BSGOMS PA'I STOBS KYIS BYED LAS JI LTA BA BZHIN DU MTSUNGS PA 'BYUNG, PHYAG RGYA SROG RTZOL DU 'GRO BA DANG, BOGS 'DON DU 'GRO BA YANG TSUL 'DIS SHES SO, ,'DI LUS DBEN NAS BZUNG STE SLOB PA'I ZUNG 'JUG THOB NAS SPYOD PA BYED PA'I BAR GYI PHYAG RGYA DANG SNYOMS PAR 'JUG PA'I DUS THAMS CAD DU SHES PAR BYA'O, ,BSRE BA'I ZHAL GYI GDAMS PA CUNG ZAD BRJOD NA, SPYOD BSDUS LAS, RMI LAM LA BRTEN NAS MTSON BYED DPE'I SGYU MA, SGYU LUS KYI SKABS SU GSUNGS PA'I DBANG DU BYAS NAS, RMI LAM GYI GDAMS PA RNAMS SGYU LUS KYI SKABS SU 'BREL NAS GNYID KYI STONG PA BZHI 'DZIN PA'I GDAMS PA LA YANG SKABS 'DIR 'BREL LO, ,DON GYI DBANG DU BYAS NAS SAD DUS SU STONG PA BZHI MA MTHA' 'DREN NUS PA'I MTSAMS NAS, RMI LAM GYI GDAMS PA RNAMS GNYID KYI STONG PA LA 'JUG CING, DE'I DUS SU RMI LAM GYI STONG PA RNAMS BSGOMS PAS, LUS DBEN DANG NGAG DBEN DANG SEMS DBEN GYI SKABS SU YANG 'BYUNG NGO, ,'CHI BA DANG BAR DO DNGOS BSRE BA NI DE DAG GI SKABS SU YIN LA, DE GNYIS DANG MTHUN PAR BSKYED PA LA DE GNYIS BSRE BA'I THA SNYAD BYED PAS DE NI SAD DUS DANG GNYID DUS CI RIGS SU 'BYUNG NGO, ,DE LTAR BSRE BA'I SKOR RNAMS GANG LAS GSUNGS NA, BSHAD RGYUD DGONGS PA LUNG STON DANG 'PHAGS

PA LHA'I SPYOD BSDUS LAS GSUNGS, GANG ZAG GANG GI DBANG DU BYAS NAS GSUNGS NA, TSE 'DIR 'TSANG RGYA BA'I GANG ZAG GI BANG DU BYAS NAS GSUNGS, DE'I SHUGS LA BAR DOR 'TSANG RGYA BA DANG, SKYE BA BRGYUD NAS 'TSANG RGYA BA GNYIS LA'ANG SHAS PAR BYA'O, ,BSRE BA DNGOS NI SAD DUS SU RLUNG STOBS KYIS STONG PA BZHI 'DREN NUS PA'I MTSAMS NAS 'PHEN PAS BSRE BAR SPYOD BSDUS LAS GSUNGS SO, ,SNYING KHA'I MI SHIGS PA'I THIG LE LA RDOR BZLAS BYAS TE BSRE BAR DGONGS PA LUNG STON LAS GSUNGS SO, ,SNYING KHAR BSRE BA YANG DE'I RIGS PAS SHES SO, ,LAG TU LEN PA'I TSUL NI, GNYID DU 'GRO BA'I SNGON DU SMIG RGYU SOGS RTAGS BZHI RIM BZHIN DU SHAR BA'I RJES SU SNANG BA LA SOGS PA'I STONG PA BZHI RIM PA BZHIN DU SHAR BA NGO SHES PAR BYAS TE, THAMS CAD STONG PA 'OD GSAL GYI DUS SU 'OD GSAL GYIS STONG NYID YUN RING DU BSGOMS LA, DE'I BZHON PA'I RLUNG DANG BCAS PA LAS LUGS ZLOG GI NYER THOB GRUB PA'I DUS SU, RANG NYID RDO RJE 'CHANG YAB YUM GYI SKUR LDANG BAR BYA'O SNYAM PA'I 'PHEN PA BTANG NAS SNYING KHA'I MI SHIGS PA'I THIG LE LA RDOR BZLAS BYED BZHIN PA'I NGANG NAS GNYID LOG NAS, 'PHAN PA DANG MTHUN PAR RIM PA DE DAG 'BYUNG BAR 'GYUR RO, ,DANG PO LAN 'GA' YAR MA BYUNG YANG MYUR DU NGES PAR 'ANG NGO ?, ,RDOR BZLAS KYIS MTSON NAS SNYING KHA'I MI SHIGS PA LA RLUNG SDUD PA'I THABS GZHAN THAMS CAD KYIS KYANG DE LTAR NUS SO, ,GOMS PA MTHU CAN DU SONG NAS, KHAMS MI SNYOMS PA LA SOGS PA'I RKYEN MA BYUNG NA LAM GYI 'OD GSAL 'CHI BA'I 'OD GSAL DANG BSRE NUS PA'I TSAD NI ZHAG MANG RABS KYI BAR

, ,DU GNYID CHAG PA'AM, BCAG NAS GNYID SHIN TU BRO BA'I DUS SU 'PHEN PA DANG RDOR BZLAS SOGS GONG LTAR BYAS TE, GNYID LOG NAS RIM PA SNGA MA RNAMS JI LTA BA BZHIN DU 'ONG MI 'ONG LAN MANG RABS KYI BAR DU TSAD NGES CAN DU 'ONG BA SNANG NA, SAD DUS KYI STONG PA BZHI DANG GNYID DUS KYI STONG PA BZHI GOMS PA STOBS KYIS 'CHI DUS KYI SA CHU LA THIM PA NAS BZUNG STE, 'CHI BA 'OD GSAL GYI BAR JI LTA BA BZHIN NGES NAS 'CHI BA'I 'OD GSAL LAM GYI 'OD GSAL GYI NGO BOR BSKYED NAS, DES STONG PA NYID BSGOM PA LEGS PAR 'ONG, GNYID KYI 'OD GSAL LAS RDO RJE 'CHANG GI SKUR YID NGOR LANGS PA'I RMI LAM GYI DUS SU 'PHEN PA DANG, RDOR BZLAS SOGS KYIS THABS SNGA MA BZHIN BYAS NA YANG GNYID DU SONG NAS SMIG RGYU NAS GNYID KYI 'OD GSAL GYI BAR SNGA MA BZHIN DU 'CHAR LA, YANG RMI LAM DU 'GRO BAR RTZOM PA NA, RDO RJE 'CHANG GI SKUR LANGS NAS STONG PA BZHI 'DREN PA'I THABS BYA'O, ,DE LTAR MA NUS PA'I RMI LAM LAS LDANG DGOS PA BYUNG NA, RANG NYID SPRUL SKU RDO RJE 'CHANG YAB YUM GYI SKUR LDANG BAR BYA'O, ,BAR DO DANG BSRE NUS PA'I TSAD NI, THABS SNGA MA RNAMS LA BRTEN NAS GNYID KYI 'OD GSAL LAS RDO RJE 'CHANG GI SKUR LDANG NUS MI NUS BRTAGS PA SNGA MA BZHIN DU BYAS PA'I TSE, RDO RJE 'CHANG GI SKUR YID NGOR NGES CAN DU LDANG NUS NA, SAD DUS DANG GNYID DUS KYI STONG PA BZHI GOMS PA'I MTHUS 'CHI BA'I 'OD GSAL GYI RLUNG SEMS LAS LUGS ZLOG GI NYER THOB GRUB PA'I DUS SU, BAR DO'I LUS YID NGOR RDO RJE 'CHANG YAB YUM GYI SKUR NGES PAR LDANG NUS SO, ,

'DIS 'CHI BA'I SNGON LA 'PHEN PA DANG, RDOR BZLAS SOGS KYI THABS BYAS PA'I MTHUS, 'CHI BA'I 'OD GSAL LAS RDO RJE 'CHANG GI SKUR LANGS PA'I GNAD KYIS BAR DO'I LUS RDO RJE 'CHANG GI SKUR LANGS PA'I SNYING KHAR SNGA MA BZHIN DU, RDOR BZLAS SOGS KYI THABS BYAS PAS SNGAR BZHIN STONG PA BZHI DRANGS PA'I MTHAR RDO RJE 'CHANG GI SKUR LDANG BA LAN MANG DU BYED PA NI BAR DO'I DGE SBYOR GYI GTZO BO YIN NO, ,DE NAS 'PHO BA'I RNAL 'BYOR BYAS NAS SKYE GNAS 'DAMS TE RIG PA 'DZIN PA'I RTEN KHYAD PAR CAN DU SKYES NAS, RIG 'DZIN GTZO BOR GYUR TE, SKYE BA GZHAN MI LEN PAR RIM GYIS TSE DE LA PHYAG RGYA CHEN PO THOB PA NI SKYE BA BRGYUD NAS 'TSANG RGYA BA'I GTZO BO YIN NO, ,RIM PA 'DI RNAMS DA LTAR GYI GANG ZAG RLUNG STOBS KYIS STONG PA BZHI 'DREN NUS PA RNAMS KYIS KYANG 'BAD NAS, SGRUB PA POS RMI LAM GYI SNYING KHAR RLUNG SDUD PA'I THABS BYAS NAS STONG PA BZHI 'KHOR MAR DRANGS PA'I MTHAR, 'OD GSAL LAS RDO RJE 'CHANG GI SKUR LDANG BA 'KHOR MAR 'ONG BA NI, RMI LAM GYI DGE SBYOR GYI GNAD MTHAR THUG PA YIN ZHING, SAD DUS KYI STONG PA BZHI YANG MTHU CAN DU 'GRO BA LA SHIN TU SPROS MED KYI SPYOD PA'I DUS SU BZA' BA DANG 'CHAG PA MA GTOGS PA GNYID 'BA' ZHIG LOG PAR BSHAD PAS KYANG 'DI RNAMS LA NGES PA CHEN PO RNYED PAR 'GYUR RO, ,GNYID KYI STONG PA BZHI 'DREN PA'I THABS SNGAR BSHAD PA 'DI RNAMS RMI LAM GYI DUS KYI STONG PA BZHI DANG 'CHI BA'I DUS KYI STONG PA BZHI DANG, BAR DO'I DUS KYI STONG PA BZHI 'DREN PA'I SKABS RNAMS SU 'PHEN PA RDOR BZLAS KYI THABS RNAMS KHA SPO BA LEGS PAR SHES

, ,PAR BYA'O, ,DA NI RMI LAM GYI LUS SGYU MA'I SKUR LDANG LUGS KHYAD PAR CAN ZHIG SNANG BA DE BLA MAS BSTAN PAR BYA STE, DE NI RMI LAM GYI YANG GDAMS NGAG GI YANG SNYING YIN LA, KHYAD PAR DU RMI LAM LA BRTEN NAS BAR DO'I SGYU MA ZIN PA'I THABS BLA NA MED PA YANG YIN NO, ,RMI LAM GYI LUS SGYU MA'I SKUR LDANG BA LA GANG NAS LDANG BA GNAS KYI KHYAD PAR, GANG LAS LDANG BA RGYU'I KHYAD PAR, NAM GYI TSE LDANG BA DUS KYI KHYAD PAR, GANG GI NGOR LDANG BA 'BRAS BU'I KHYAD PAR DANG BZHI LAS, GNAS KYI KHYAD PAR NI, SNYING KHA'I RTZA MDUD KYI DBUS KYI DH'U T'I'I NANG GI THIG LE DKAR DMAR GA'U KHA SBYOR GYI TSUL DU YOD PA LAS LDANG NGO, ,RGYU'I KHYAD PAR NI THIG LE DE'I NANG NA GZHI'I 'OD GSAL SROG 'DZIN SHIN TU PHRA BA DANG, YID KYI SHES PA SHIN TU PHRA BA GNYIS NGO BO DBYER MED PA LAM GYI 'OD GSAL GYI NGO BOR SKYES NAS LDANG NGO, ,DUS KYI KHYAD PAR NI STONG PA SNGA MA RNAMS RIM PA BZHIN DU THIM NAS THAMS CAD STONG PA 'OD GSAL GYI YE SHES SKYES PA'I LUGS 'BYUNG GI 'OD GSAL GYI RLUNG SEMS LAS LUGS LDOG GI NYER THOB GRUB PA'I DUS SU LDANG NGO, ,GANG GI NGOR LDANG BA 'BRAS BU'I KHYAD PAR NI, RIM PA GSUM PA'I SGYU LUS MA GRUB TSUN CHAD DANG PO'I MGON PO YAB YUM GYI SKUR YID NGOR LDANG BAR BYA'O, ,SAD DUS DANG, GNYID DUS DANG, RMI LAM GYI DUS STONG PA BZHI DRANGS PA'I SGYU LUS MAN CHAD DU LDANG LUGS KHYAD PAR CAN BZHI DANG LDAN PA 'DI DGOS PA YIN TE, GZHI LA 'CHI BA'I STONG PA BZHI'I MTHAR BAR DO 'GRUB PA DANG, SEMS

DBEN GYI THAMS CAD STONG PA 'OD GSAL LAS RIM PA GSUM PA'I SGYU MA'I SKU 'GRUB PA DANG, DON GYI 'OD GSAL LAS RIM PA LNGA PA'I SGYU MA'I SKU 'GRUB PA RNAMS LA YID NGOR MA GTOGS LDANG LUGS KHYAD PAR CAN BZHI LDAN DU DGOS PA'I PHYIR RO, ,'ON KYANG GZHI LA 'CHI BA'I 'OD GSAL LAM GYI 'OD GSAL GYI NGO BOR SKYES PA YANG MED DO, ,DE DAG NI GTZO BO RLUNG STOBS KYIS STONG PA BZHI 'DREN NUS PA YAN CHAD KYI DBANG DU BYAS NAS BSHAD PA YIN NO, ,ZHAR LA DA LTA'I GANG ZAG GI RMI LAM 'DUN PAS 'DZIN PA RNAMS KYIS BYA BA'I RIM PA NI, SPYIR LAM THUN MONG PA DANG THUN MONG MIN PA'I RNAM GZHAG ,KHYAD PAR SNGAGS BLA MED KYI BSKYED RDZOGS KYI GO YUL DANG, RIM PA LNGA PA'I GO RIM DANG, 'DI NAS BSHAD PA'I BSRE BA'I GO YUL LAG TU LEN PA'I RIM PA DE, LUS DBEN NAS BZUNG STE MI SLOB PA'I ZUNG 'JUG MA THOB KYI BAR DU GZHI SO SO LA KHA SPO TSUL LEGS PAR DMIGS PHYED PAR BYAS TE, SHAR SGOM YAN CHAD KYIS THUN BZHIR 'BAD PAS BSKYANG BAR BYA'O, ,RMI LAM 'DUN PAS NGES CAN ZIN PA YIN NA, SAD DUS KYI STONG PA BZHI 'DREN MI NUS PAS KYANG RMI LAM ZIN MA THAG GONG DU BSHAD PA'I 'PHEN PA RNAMS BTANG NAS, RDOR BZLAS SOGS KYIS SNYING KHA'I MI SHIGS PA'I THIG LE LA GNAD DU BSNUN PA'I THABS LAN MANG DU BYAS NA, DANG PO'I DUS SU RLUNG ZHUGS GNAS THIM GSUM BYUNG BA'I STONG PA BZHI 'DREN MI NUS KYANG MYUR DU STONG PA BZHI 'DREN NUS PA ZHIG 'ONG BA YIN TE, RMI LAM GYI DUS SU RLUNG RAGS PA 'GA' ZHIG 'DUS YOD PA'I STOBS KYIS RDOR BZLAS SOGS KYIS SDUD PA SAD DUS LAS CHES SLA'O, ,

, ,DE LTAR RMI LAM GYI DUS SU RDOR BZLAS SOGS KYI THABS LA BRTEN NAS DH'U T'IR ZHUGS GNAS THIM GSUM BYUNG BAS DRANGS PA'I STONG PA BZHI LAN 'GA' NYAMS SU MYONG NA, SAD DUS SU RDOR BZLAS KYI THABS LA BRTEN NAS DH'U T'IR ZHUGS GNAS THIM GSUM BYUNG BA'I STONG PA BZHI MYUR DU 'DREN NUS TE, 'DI DA LTAR GANG ZAG BRTZON 'GRUS DANG LDAN PA RNAMS KYIS 'BAD NAS NYAMS SU BLANGS NA DAL BA DON LDAN DU BYAR YOD DO, ,DE LTAR YANG MI NUS PA'I GANG ZAG RNAMS KYIS RDZOGS RIM GYI LAM GYI RNAM GZHAG RNAMS DMIGS PHYED PA'I STENG DU GONG DU BSHAD PA'I BSRE BA'I SKOR RNAMS ZHIB TU NGES PAR BYAS NAS THOG MAR 'DIR LAM RNAMS RGYUD LA SKYE BA'I PHYIR DU BLA MA DANG YI DAM DBYER MED DU BYAS NAS GSOL BA DRAG TU 'DEBS, SGO GSUM GYI DGE BA GANG BYED THAMS CAD 'DI RNAMS RGYUD LA SKYE BA'I PHYIR DU BYED, LAM GYI NGO BO DANG YAN LAG BSRE BA'I SKOR RNAMS SHAR SGOM GYIS THUN BZHIR 'BAD NAS NYAMS SU LEN, RDOR BZLAS SOGS LA 'BAD NAS DE LTAR BYAS NA, SGRUB PA PO BSAGS KHYAB CHE BA 'GA' ZHIG LA 'CHI BA 'OD GSAL DANG BSRE NUS PA DANG, BAR DO SGYU LUS DANG BSRE NUS PA PHAL CHER 'ONG BAS TSUL DE RNAMS LA 'BAD PAR BYA'O, ,DA NI DA LTAR GYI GANG ZAG RNAMS KYIS LAM THUN MONG BA DANG KHYAD PAR DU GSANG SNGAGS BLA MED LAM GYI GO YUL DANG, NYAMS MYONG GI RIGS KYI NUS PA 'JOG TSUL TZAM ZHIG BRJOD PAR BYA'O, ,DE LA DANG PO MDO SNGAGS KYI THUN MONG DANG THUN MONG MIN PA'I LAM GYI NGO BO, GO RIMS, GRANGS NGES,

BYED LAS, SO SO'I MYONG BA 'DON TSUL, PHUN SUM TSOGS PA'I YAN LAG DANG, MED MI RUNG GI YAN LAG GNYIS LAS, BLOS LCOGS NA PHUN SUM TSOGS PA'I YAN LAG RNAMS KYANG MTHA' DAG PAR KHONG DU CHUD PAR BYA, MA LCOGS NA MED MI RUNG GI YAN LAG THUN MONG BA BDAG SOGS NAM MKHA' DANG MNYAM PA'I SEMS CAN THAMS CAD THOG MA MED PA NAS 'KHOR BA SDUG BSNGAL GYI RGYA MTSO CHEN POR YUN RING DU 'KHYAMS PAS YID SKYO BA DANG, DA DUNG GTING MTHA' MA MTHONG BAS SHIN TU 'JIGS PA'I NGES 'BYUNG GI BLO SKYED PA DANG, MGON PO KLU SGRUB YAB SRAS KYI RIGS LAM NAS DRANGS PA'I GANG ZAG DANG CHOS KYI BDAG MED PA'I LTA BA PHU THAG CHOD PA BTZAL NAS MNYAM GZHAG NAM MKHA' LTA BU'I STONG NYID DANG RJES THOB SGYU MA LTA BU'I STONG NYID SKYONG BA DANG, RANG GZHAN SDUG BSNGAL DANG BRAL BA DANG BDE BA DANG LDAN PA'I PHYIR DU SMON PA BYANG CHUB MCHOG TU SEMS BSKYED CHO GAS BZUNG NAS BSLAB BYA RNAMS LA SLOB CING, BYANG CHUB SEMS DPA'I SPYOD PA LA SLOB 'DOD SBYONG, RAGS PA NYAMS 'OG TU TSUD PA DANG, 'JUG SDOM BZUNG NAS LAS DANG PO PA'I SPYOD PA LA SLOB BO, ,THUN MONG MIN PA GSANG SNGAGS KYI RGYUD SDE DANG GZHUNG KHUNGS THUB NAS BSHAD PA'I DBANG BZHI RNAM PAR DAG PA GCIG GIS RANG RGYUD BSKYED RDZOGS KYI SNOD RUNG DU BSGRUBS, DE'I DUS SU KHAS BLANGS PA'I RTZA BA'I LTUNG BA SROG SDOS BYAS TE BSRUNGS, YAN LAG GI LTUNG BA RNAMS KYIS MA GOS PA LA 'BAD, GAL TE LTUNG BA 'BYUNG BA'I RGYU BZHI GANG RUNG GIS LTUNG BA GANG BYUNG YANG, PHYIR BCOS KYI CHO GAS DAG PAR BYAS NAS PHYIN CHAD BSDAMS,

, ,DPAL GSANG BA 'DUS PA DANG, DPAL 'KHOR LO BDE MCHOG GNYIS LA SOGS PA'I BLA MED KYI BSKYED RDZOGS KYI GZHI LAM GYI RNAM GZHAG MA LUS PAR GSAL BA'I RJE RIN PO CHE'I GSUNG RAB LAS BSKYED RDZOGS KYI GO YUL DMIGS PHYED PA BTZAL LA, LAM DE RNAMS KYI MYONG BA RGYUD LA BSKYED PA'I 'DUN PA SHUGS DRAG LA RGYUN RING BA LAN MANG DU SBYANGS, KHYAD PAR DU GDAMS NGAG GI LUS YONGS SU RDZOGS PAR 'KHRID PA'I RTZA BA'I BLA MA DE LA RANG DANG CHOS KYI 'BREL PA YOD PA'I BLA MA THAMS CAD DANG, GZHAN BRGYUD PA'I BLA MA THAMS CAD DANG, SANGS RGYAS DANG BYANG CHUB SEMS DPA' YI DAM DANG CHOS SKYONG BSRUNG MA MA LUS PA SPYAN DRANGS NAS BSTIM, RANG LHAG PA'I LHA GANG YIN PA DANG NGO BO DBYER MED DU BYAS TE, RNAM PA LHAG PA'I LHAR SNANG YANG NGO BO BLA MA YIN PAR MOS NAS, GONG DU BSHAD PA'I LAM THUN MONG BA DANG, THUN MONG MIN PA'I GO YUL DANG MYONG BA RNAMS DA NAS BZUNG STE, SANGS RGYAS MA THOB KYI BAR DU RGYUN CHAD MED PAR SKYE BA'I GSOL 'DEBS 'DUN PA DRAG POS THUN GYI THOG MTHAR LAN NYER GCIG RE'I BAR DU BYA'O, ,BLA MA DANG YI DAM CHOS SKYONG RNAMS LA BLO LING BSGYUR BA'I RE LTOS CHEN PO BYAS NAS, MOS GUS CHEN PO SPYOD LAM THAMS CAD DU BYA, LAM KHYAD PAR CAN RGYUD LA SKYE BA LA BRTZON 'GRUS KHYAD PAR CAN DGOS PAS, GONG DU BSHAD PA'I GO YUL DANG MYONG BA RNAMS SKYE BA'I GUS SBYOR DANG, RTAG SBYOR GYI BRTZON 'GRUS PHUN SUM TSOGS PA SKYE BA'I GSOL BA DRAG TU BTAB CING 'DUN PA MANG DU SBYANGS,

TSE GCIG LA RDO RJE 'CHANG GI GO 'PHANG MYUR DU THOB PA'I GROGS KYI GTZO BO PHYAG RGYA MTSAN NYID THAMS CAD YONGS SU RDZOGS PA DANG, DBANG PO GNYIS MNYAM PAR SBYOR BA DANG, LUS LA GNAD DU BSNUN PA'I THABS GNYIS BRTEN NAS RLUNG DH'U T'IR ZHUGS GNAS THIM GSUM BYUNG BA'I LHAN SKYES KYI STONG NYID BSGOM PA DANG, SNGAR BSHAD PA LTAR KHYAD PAR BZHI LDAN GYIS LANGS PA'I SGYU MA'I SKU DANG, BDE STONG DBYER MED KYI GTAM THOS PA TZAM GYIS LUS KYI BA SPU LDANG BA DANG, MIG NAS MCHI MA 'DZAG PA DANG, NANG DU DGA' BA YANG YANG SKYE ZHING, DES LUS KYANG BDE BA GCIG MA BYUNG GI BAR DU SBYANGS, RANG GIS RGYUN DU GSOL BA 'DEBS PA'I BLA MA YI DAM CHOS SKYONG RNAMS KYIS THOG DRANGS PA'I SANGS RGYAS BYANG SEMS, LHAN SKYES, ZHING SKYES, SNGAGS SKYES KYI PHYAG RGYA RNAMS SPRIN GYI PHUNG PO BZHIN DU 'DUS NAS GONG DU BSHAD PA'I GO BA DANG, MYONG BA RNAMS MYUR DU RGYUD LA SKYE BA'I PHYIR DU RGYUD BYIN GYIS RLOB, PHYAG RGYA GSUM GYIS BDE BA CHEN PO RGYUN CHAD MED PAR RGYUD LA SKYE BA'I GROGS RMI LAM, NYAMS SNANG, MNGON SUM DU MDZAD PA'I GSOL BA DRAG TU BTAB CING, 'DUN PA MANG DU SBYANGS, BLA MED KYI LAM GYI GTZO BO BDE STONG DBYER MED DANG SGYU MA'I SKU YIN PAS, 'DI DPAL DUS KYI 'KHOR LO MA GTOGS BLA MED KYI RGYUD SDE THAMS CAD KYI SNYING PO YIN PAS 'DI GNYIS LA NAN TAN BYA'O, ,GONG DU BSHAD PA 'DI RNAMS BDE DGYES LA SOGS PA BLA MED KYI BSKYED RDZOGS GSAL BAR DNGOS SU STON PA DANG, GSAL BAR MI STON PA RNAMS LA'ANG DON GYIS 'THOB PAR SHES PAR GYIS SHIG ,BDE STONG SBYOR BA DUS 'KHOR GYI YANG GTZO

, ,PO YIN TE, DPAL DUS KYI 'KHOR LO'I SGRUB PA'I RDZOGS PA'I RIM PA SBYOR BA YAN LAG DRUG LAS, RIM PA GSUM PA'I SGYU LUS KYI DOD THUB PA'I TSE GCIG LA MCHOG GI DNGOS GRUB 'GRUB PA'I THABS KHYAD PAR CAN YOD PA 'DI YANG SHES NAS 'DUN PAS SKYONG BA GAL CHE'O, ,DE YANG DANG POR SOR BSAM NAS CHA MTHUN PA 'ONG YANG KHYAD PAR CAN MI 'ONG, SROG 'DZIN GYI MTHAR RJES DRAN GYI SKABS SU 'ONG BAS SHES DGOS SO, ,DE MAN CHAD DU SGRUB TSUL KHYAD PAR CAN GCIG YOD PA DE BYAS NA BRTAN PA 'ONG NGO, ,DE'I TSUL CUNG ZAD BSHAD NA RGYUD 'GREL CHEN GNYIS LAS KHYIM PA NYIN RE BZHIN 'KHRIG PA BSTEN PA DANG, RAB TU BYUNG BA RMI LAM NA BYANG CHUB KYI SEMS DBANG PO'I SGOR 'PHO BA GNYIS KAS TSE DE LA MCHOG MI 'GRUB PA'I DPER PHUG RON NYIN RE BZHIN 'KHRIG PA BSTEN PA DANG, SENG GE LO RE LA 'KHRIG PA LAN RE BSTEN PA GNYIS SMOS SO, ,LUGS 'DI LA GTUM MO 'BAR NAS BYANG SEMS NOR BU'I RTZA'I BAR DU PHAB PA ZHIG NI NGES PAR DGOS SO, ,BYANG CHUB KYI SEMS DBANG PO'I RTZE NAS PHYIR 'PHOS NA PHAB PA'I DGOS PA MI 'GRUB PAS, MI 'PHO BA'I THABS LA RANG STOBS KYIS MI 'PHO BA ZHIG DANG, GZHAN STOBS KYIS MI 'PHO BA'I THABS GNYIS YOD PA LAS, RLUNG DANG PHYAG RGYA MA GNYIS KYI STOBS KYIS MI 'PHO BA NI, 'DIR GTZO BO MIN ZHING RANG STOBS KYIS MI 'PHO BA ZHIG DGOS PAS DE NI STONG GZUGS PHYAG RGYA CHEN PO KHO NAS NUS KYI GZHAN GYIS MI NUS PAR GSUNGS PA'I PHYIR RO, ,DE LA STONG PA NYID KYI GZUGS NI, RANG GI SEMS MA BRTAGS PAR DPAL DUS KYI 'KHOR LO YAB

YUM DU SNANG BA DGOS, DE YANG SROG 'DZIN MAN CHAD DU BSGRUB TSUL KHYAD PAR CAN GYIS MA BSGRUBS NA, NAM 'DOD DU MI 'ONG BAS, RJES DRAN NAS 'ONG LA, MI 'GYUR PA'I BDE BA SKYES RES KYIS BDE BA DES STONG NYID NGES PA'I BDE STONG DBYER MED YUN RING DU BSGOM DGOS SHING, DE LA STONG GZUGS PHYAG RGYA CHEN PO BSTAN NAS, BYANG CHUB KYI SEMS NOR BU'I BAR 'BEBS PA LAN MANG DU BYAS NAS, NOR BU NAS GTZUG TOR GYI BAR GYI LUS THAMS CAD BYANG CHUB KYI SEMS KYIS GANG BA NA, GSER 'GYUR RTZIS LCAGS LA SOGS PA'I KHAMS ZOS PA NA, GSER 'GYUR GYI RTZI YANG MED LA LCAGS LA SOGS PA'I KHAMS KYANG MED PAR GSER GYI KHAMS SU 'GYUR BA BZHIN DU, BYANG CHUB KYI SEMS KYIS THA MAL PA'I PHUNG KHAMS SKYE MCHED ZOS PA NA, BYANG SEMS KYANG MED LA PHUNG KHAMS SKYE MCHED KYANG MED PAR SGRIB PA THAMS CAD ZAD PA'I YE SHES SU 'GYUR RO, ,DE'I PHYIR SBYOR BA YAN LAG DRUG GI SGO NAS MCHOG SGRUB PAR 'DOD PAS, BYANG CHUB KYI SEMS MI NYAMS PA LA RNAM PA THAMS CAD DU 'BAD DO, ,BLA MED KYI RDZOGS RIM GZHAN GYI SGO NAS MCHOG SGRUB PA'I SGRUB PA PO RGYUD TSOD MA NYAMS PA RNAMS KYANG BYANG SEMS NYAMS MA NYAMS KYI CHA NAS BDE STONG GI TING NGE 'DZIN SKYE DKA' SLA DANG, SKYES PA YANG STOBS CHE CHUNG DANG MCHOG 'GRUB PA LA YANG MYUR BUL GYI KHYAD PAR SHIN TU CHE BAS, BYANG SEMS MI NYAMS PA LA 'BAD, LAN 'GA' YANG NYAMS KYANG SGYU LUS SGRUB TSUL GYI GNAD KYIS, TSE DE LA MCHOG GTAN MI 'GRUB PA NI MA YIN NO, ,TSUL 'DI RNAMS JI LTA BA BZHIN KHONG DU CHUD PAR BYAS NAS, GSANG

, ,SNGAGS BLA MED KYI RIGS KYI NUS PA JE CHAR RGYAS PAR BYA'O, ,LHA DANG BCAS PA'I 'JIG RTEN THAMS CAD KYI SKYABS GNAS, BDE BAR GSHEGS PA'I RING LUGS PA CHEN PO RJE BTZUN DAM PA BLO BZANG GRAGS PA'I DPAL ZHES SA GSUM NA GRAGS PA DE'I ZHAL GYI GDAMS PA 'GA' ZHIG ,GSAL SGRON DANG, 'KHRID GNYIS DANG SBYAR TE, SPONG BA PA DGE LEGS DPAL BZANG POS GDAN SA CHEN PO DAG LDAN RNAM PAR RGYAL BA'I GLING DU BRIS PA DGE LEGS SU GYUR CIG ,'DIS KYANG BSTAN PA DANG SEMS CAN LA PHAN PA RGYA CHEN PO SGRUB NUS PAR GYUR CIG , ,,NA MO GU RU, THAMS CAD MKHYEN PA NYID KYIS MDZAD PA'I LTA BA'I YIG CHUNG, LTA BA RDO RJE'I TSIG LAS, LAS DANG PO PAS LTA BA LA MYONG BA 'DON PA'I TSE, DPYAD DON NGES PA'I RIG SHES KYI NGES NGOR YONGS GCOD KYI NGES PA DGAG PAR GYIS SHIG ,CES GSUNGS PA'I DON SNGAR BSHAD PA LTAR, DA LTA BU DE SNANG BA LTAR YOD MED GANG YIN 'TSOL BA'I GZHIR BYAS NAS, DE NYID LA RANG BZHIN SEMS PA'I RIG PAS BTZAL BA NA, CUNG ZAD KYANG MA RNYED PA'I NGES PA LHANG NGE BA SKYE BA'I 'DZIN STANGS SHUGS MA NYAMS PAR SKYONG BA'I NGES NGO NA, DANG PO 'TSOL BA'I GZHIR BYAS PA'I NGA LA SOGS PA'I SNANG BA GTAN NAS MED PA DANG, GANG NGES RGYU'I STONG NYID KYI SNANG BA RGYANGS CHAD DU MI 'CHAR BAR NGES SHES DE NYID, SNGAR BSHAD PA'I DGAG BYA RNAM PAR BCAD TZAM GYI MED DGAG KHO NA'I RNAM LDAN DU SKYE BA ZHIG DGOS PA'I DON YIN NO, ,YANG DE NYID LAS, ZHI GNAS RJES

MTHUN PA LA BRTEN NAS LHAG MTHONG RJES MTHUN PA BSGOMS PA'I TSE DPYAD DON NGES PA NA, GNAS CHA 'DREN PA ZHI GNAS 'GRUB PA'I MTHU YIN KYANG, DE GTZO BOR MA 'DZIN PAR YANG DANG YANG DU DPYAD NAS DPYAD DON LA NGES SHES DANG, DPYAD MTHAR 'JOG PA GNYIS CHA MNYAM SGRUB PAR MDZOD CIG ,CES GSUNGS PA'I DON DE KHO NA NYID LA RIG PAS DPYAD PA'I TSE, DPYAD DON NGES PA NI ZHI GNAS RJES MTHUN PA GRUB PA'I MTHUS, DES DRANGS PA'I GNAS CHA DE NYID LA RTZE GCIG TU 'JOG PA GTZO BOR BYAS NAS BSGOM PA NI JI LTA BA LA DMIGS PA'I ZHI GNAS SU 'GYUR GYI, DE LA LHAG MTHONG GI SKYONG TSUL MED PAS DPYAD BSGOM DANG, 'JOG SGOM GNYIS CHA MNYAM PAR BYED DGOS PA'I DON NO, ,GSUM PA YANG, ZHI GNAS LA BRTEN NAS LHAG MTHONG DNGOS BSGOM PA'I TSE, DPYAD DON NGES PA DANG, ,SHIN TU SBYANGS PA GNYIS THOB PA'I DPYAD PA 'DREN CING, GNAS PA'I NGANG NAS SO SOR DPYOD NUS PAS MNYAM PAR BZHAG NAS GNAS PA DANG, JI LTA BA'I DON LA SO SOR 'BYED PA'I SHES RAB ZUNG 'BREL DU YOD PA'I CHA SO SOR PHYED PAR MDZOD CIG ,CES PA'I DON NI DE KHO NA NYID KYI DON LA RTZE GCIG TU GNAS BZHIN PA'I NGANG NAS, DE NYID LA SO SOR 'BYED PA'I STOBS KYIS SHIN SBYANGS GNYIS DRANGS PA'I RTZE GCIG TU GNAS PA'I CHA NI ZHI GNAS DANG, DE'I SO SOR SPYOD PA'I SHES RAB NI LHAG MTHONG YIN PAS, DE GNYIS ZHI LHAG SO SO DANG, DE'I DUS NA DE GNYIS KA YOD PAS, ZHI LHAG ZUNG DU 'BREL BA'ANG YIN NO ZHES PA'O, ,BZHI PA DE KHO NA NYID MNGON SUM DU RTOGS NAS BSGOMS PA'I TSE, DPYAD DON NGES

, ,PA'I TSE YUL YUL CAN RO GCIG TU 'DRES KYANG, CHOS NYID KYI SNANG CHA YUL DU MA BYED CIG ,CES PA'I DON NI, 'DIS DE KHO NA NYID LA MNYAM PAR 'JOG PA'I SNGON DU DE KHO NA NYID LA SO SOR DPYOD PA'I BLO NI NGES SHES RTOGS PA YIN LA, DE'I DUS SU BLO DE'I NGES DO DANG MNYAM PAR 'JOG PA'I DUS SU SNANG NGOR CHOS NYID KYI SNANG CHA YUL DU MA BYED, CES PA YANG, DE KHO NA NYID MNGON SUM DU RTOGS NAS SGOM PA'I 'PHAGS PA LA DE LTAR 'DOMS PA MA YIN GYI, 'PHAGS PAS DE KHO NA NYID LA SO SOR DPYOD PA'I DUS DANG, DPYAD RJES SU CHOS NYID LA MNYAM PAR BZHAG PA'I DUS SU, RIM BZHIN, SNANG NGOR CHOS NYID KYI SNANG CHA YUL DU BYED PA MA 'DZIN CIG ,CES DA LTAR GYI GDUL BYA RNAMS LA 'DOMS PA YIN NO, ,DE LTAR MA GO BAR 'PHAGS PA LA DE LTAR STON MI DGOS PAS, 'DI RJE THAMS CAD MKHYEN PAS MDZAD PA MA YIN ZER BA NI, 'DI LTA BA'I MAN NGAG 'CHUN CHE ZHING SKYONG TSUL GYI GNAD ZIN PA RNAMS, RNAM DPYOD LA DGA' BA'I MCHOD PA BLA NA MED PA STER BA, SHIN TU NGO MTSAR BA'I ZHAL GYI GDAMS PA BLA NA MED PA YIN 'DUG NA'ANG, BLO GROS KYI MIG ZUM PA LA LEGS BSHAD KYI ZLA 'OD KYANG LOG RTOG GI MUN PA 'BA' ZHIG TU SNANG BA'I MUN SPRUL LO, ,LNGA PA THEG PA GZHAN GYI YUL CAN KHYAD PAR CAN GYI DE KHO NA NYID BSGOMS PA'I TSE NI, LUGS 'DIS DE KHO NA NYID LA MNYAM PAR 'JOG PA'I TSE NI, DPYAD BSGOM 'JOG PA'I ZHAR LA LTA BA NGES PA'I 'DZIN STANGS MA 'JOG CIG ,CES PA'I DON NI, SNGAGS BLA MED KYI RDZOGS RIM THUN

MONG MA YIN PA'I LTA BA'I BSGOM TSUL YIN LA, 'DIS LHAG MTHONG BSGOM PA'I YUL CAN GYI GNAD KYIS SNGAR BZHIN DPYAD BSGOM MI DGOS KYANG, GANG ZAG DANG CHOS RNAMS SNGAR BSHAD PA'I SNANG TSUL LTAR MA GRUB PAR NGES PA'I 'DZIN STANGS KYI SHUGS DRAG POS NGES PA DGOS PAS, NGES PA DE MA 'JOG CIG CES PA'I DON YIN NO, ,DE RNAMS KYIS NI LAS DANG PO NAS 'PHAGS PA'I BAR GYIS MNYAM GZHAG NAM MKHA' LTA BU'I NGA RANG BZHIN MED PAR BSGOM TSUL GYI GNAD BTUS NAS BSTAN PA DES, GZHI NGA YI BA DANG, CHOS KYI BDAG MED PA GNAS SKABS LNGAR BSGOM TSUL YANG SHES PAR BYA'O, ,DES NA NAM MKHA' THOGS PA'I REG BYA BCAD TZAM LA 'JOG PA LTAR, DGAG BYA RNAM PAR BCAD TZAM GYIS STONG NYID MED DGAG DE NYID KYI NGANG DU RTZE GCIG TU 'JOG PAS, MNYAM GZHAG NAM MKHA' LTA BU'I RNAL 'BYOR ZHES GSUNGS PA YIN NO,, ` ,,BLA MA DANG RDO RJE 'CHANG GI ZHABS LA PHYAG 'TSAL ZHING SKYABS SU MCHI'O, ,'DIR RGYUD SDE NAS LAN CIG MA YIN PAR GSUNGS PA'I PHYAG RGYA SROG RTZOL GYI GNAD MTHAR THUG PA, RJE BTZUN BLA MA'I LEGS BSHAD THUN MONG MA YIN PA, GSANG BA LAS KYANG CHES GSANG BA'I GNAD RNAMS BRJED BYANG DU BRI BAR 'TSAL NA, BLA MA DANG YI DAM MKHA' 'GRO CHOS SKYONG RNAMS KYIS GNANG BA MDZAD NAS BDE CHEN MCHOG GI DNGOS GRUB STZAL DU GSOL, DE LA LAS RGYA LA BRTEN PA'I DGOS PA NI, DE BRTEN PAS SROG RTZOL DBU MAR ZHUGS TE, YAS BABS DANG MAS BRTAN GYI DGA' BZHI BSKYED PA'I CHED YIN NO, ,DES NA

, ,THABS KYI MCHOG 'DI BSHAD PA LA GSUM, LAS KYI PHYAG RGYA'I MTSAN NYID, SROG RTZOL DU 'GRO BA'I GDAMS NGAG DNGOS, THABS DE LA BRTEN NAS DGA' BZHI BSKYED CING BDE STONG SBYOR TSUL LO, ,DANG PO NI, RNAL 'BYOR BZHI RIM SOGS NAS GSUNGS PA'I PADMA CAN LA SOGS PA BZHI'I DON NI RTZA'I DBYIBS MI 'DRA BA SOGS BZHI'I SGO NAS BTAGS PA YIN LA, DE YANG DH'U T'I'I MAS SNE'I DBANG DU BYAS PA YIN ZHING, DE'I RNAM PA JI BZHIN PA NI YAS SNA KUN RDZOB KYI SNA SOGS KYIS MTSON PAR BYED DO, ,DES NA GLANG PO CAN GYI RTZA'I MAR SNA GA-YON NAS GA-YAS SU CUNG ZAD 'KHYIL BA'I RNAM PAR YOD LA, DE'I RTAGS RTZA DE'I YAS SNA YOD PHYOGS KYIS BUD MED DE'I SNA GA-YAS SU 'KHYIL BA'I RNAM PA CAN LA SOGS PA'I LAS KYI PHYAG RGYA DE GLANG PO CAN GYI RIGS SU RTOGS PA YIN NO, ,DUNG CAN MA NI RTZA DE'I MAS SNA DUNG DKAR GYI KHA LTA BU 'KHYIL ZHING SBUBS LA RING BA ZHIG YOD PAS DE'I RTAGS LA RTZA'I YAS SNA YOD PHYOGS KYIS SKRA DANG SNA YANG RING BA LA SOGS PA'I LAS RGYA DE DUNG CAN MA'I RIGS SU SHES PAR BYA'O, ,RI DVAGS CAN MA NI RTZA DE'I MAS SNA RI DVAGS GLA BA'I LTE BA 'DRA BA KHA RTZUB CING GOR PO'I RNAM PA CAN DU YOD PAS RTZA DE'I KHA SHIN TU 'TSOL DKA' BAS DES NA RNAL 'BYOR PAS SEN MOS BTZAL DGOS PA SOGS GSUNGS SO, ,DE'I RTAGS LA YAS SNA'I PHYOGS KYI SNA LA RI MO YOD LA, DER MA ZAD LUS GZHAN LAS SBOM PA SOGS YIN NO, ,PADMA CAN NI MAS SNA ME TOG PADMA'I DBYIBS LTA BUR YOD PAS RTZA DE'I KHA BTZAL SLA ZHING 'BYED PAR SLA BAS PHYAG RGYA'I MCHOG TU GSUNGS PA YIN NO, ,DE'I

RTZA'I MAS SNA DE LTAR YOD PAS YAS SNA'I PHYOGS DE'I SNA NI DZA BA'I ME TOG LTAR YOD PAR GSUNGS PA YIN NO, ,DE LTAR PHYAG RGYA BZHI'I RTZA LA MI 'DRA BA'I KHYAD PAR DE LTAR YOD PA'I SGO NAS PADMA CAN SOGS SU BZHAG PA'I DON DE NYID RANG GI BLA MA KHO NA'I MAN NGAG YIN PAS RANG KHO NA'I SNYING LA BCANG RGYU YIN GSUNGS, DE'I RGYU MTSAN CHAGS LAM LA SHIN TU MKHAS PAR GRAGS PA'I BOD KYI BLA MA THAMS CAD KYIS, RGYUD NAS GSUNGS PA'I PHYAG RGYA RIGS BZHI'I KHYAD PAR SNA GA-YON GA-YAS SU 'KHYIL BA DANG, ZHES SOGS RTZA'I DBYIBS LA BRTAGS PA'I DON LA BLO KHA TZAM YANG MA PHYOGS SHING, RTZA LA MI 'DRA BA BZHI YOD PA'I GNAD MA RTOGS PA SHA STAG YIN PAS PHYOGS 'DI LA KHA PO JI LTAR CHE YANG MKHAS PA'I BZHAD GAD KYI GNAS 'BA' ZHIG YIN GSUNG NGO, , GNYIS PA SROG RTZOL DU GTONG BA'I THABS DNGOS NI, RDO RJE DBYINGS KYI DBANG PHYUG MA'I, ,RTZA NI NYE BAR BTZAL BYAS TE, ,BYED PA BCINGS PA'I SBYOR BA YIS, ZHES PAS BSTAN, DE'I DON RDO RJE DBYINGS KYI DBANG PHYUG MA'I RTZA NI BUD MED KYI DH'U T'I YIN LA, NYE BAR BTZAL BYA, ZHES PA NI RNAL 'BYOR PAS RTZA DE'I MAR SNA BTZAL BAR BYAS LA, DE YANG BYA ROG GDENG ZHES PA NI 'JIG RTEN PA LA BYA LER GRAGS PA DE LA ZER BA YIN ZHING, DBU MA'I MAS SNA RTZA DE'I DBUS NAS 'BYUNG NGO, ,DE LA SKYES PA'I DH'U T'I NI SBOM ZHING THUNG BAR GNAS PA'I NOR BU'I BUG PA LAS PHYIR NAR NAS YONGS PA MI SRID LA, BUD MED KYI DH'U T'I PHRA ZHING RING BAS BYA ROG GDONG LAS PHYIR NAR NAS 'ONG BA SRID PA'I SKABS YOD PAS, SNYOMS 'JUG GI TSE BUD MED KYI RTZA DE RNAL 'BYOR PA'I RTZA'I

, ,MAS SNA'I NANG DU 'JUG PA'I SBYOR BA BYED PA YIN TE, DE'I PHYIR DU PHYAG RGYA'I DH'U T'I'I RIGS MI 'DRA BA BZHI'I GNAS TSUL SHES NAS TSEL BA DANG, KHA 'BYED PA'I MAN NGAG GIS SHES RAB KYI RTZA SAD PAR BYA'O, ,DE NAS PHYAG RGYA'I RTZA DE RANG GI RTZA'I NANG DU BCUG NAS, BYED PA DAM DU BCINGS PA'I SBYOR BA BYA, DE LTAR BYAS PAS PHYAG RGYA'I RTZA'I NANG NAS RLUNG BYUNG STE RANG GI RTZA'I NANG DU SLEBS PA NA, SNYOMS 'JUG GI BDE BA SOGS GZHAN LAS KYANG LHAG PA'I BDE BA SKYE LA, RLUNG DE RANG GI DH'U T'I'I NANG DU BRGYUS PAS, RANG GI THUR SEL GYI RLUNG GYEN DU LOG STE PHYAG RGYA'I RLUNG DES MAR SNA 'DREN BYAS NAS DBU MAR ZHUGS SHING RGYU BAS DROD 'BAR NAS SPYI BO'I HAm YIG ZHU ZHING, BYANG SEMS DH'U T'I'I MAR SNAR SLEBS PA NA, PHYAG RGYA'I YANG KHU BA ZHU NAS DH'U T'I'I LAM NAS BYUNG STE RANG GI RTZA'I NANG DU 'PHRAD PA NA, THABS SHES ZUNG DU 'BREL BA'I GNAD KYIS SNGA MA'I BDE BA LAS KYANG CHES CHE BA'I BDE BA ZHIG 'BYUNG ZHING, DE NAS MAN NGAG GIS GYEN DU BZLOG PA'I SBYOR BA BYAS PAS THIG LE DE LTE BAR SLEBS PA NA, RGYU MTHUN GYI TSUL GYI DGA' BA, SNYING KHAR SLEB PA NA RNAM SMIN GYI TSUL GYI MCHOG DGA', ,MGRIN PAR SLEB PA NA SKYES BU BYED PA'I TSUL GYI KHYAD DGA', GTZUG TOR DU SLEB PA NA DRI MA DANG BRAL BA'I LHAN CIG SKYES PA'I DGA' BA STE SHIN TU RNAL 'BYOR BSGOM PAR BYA'O, ,GSUM PA BDE STONG SBYOR TSUL NI, DE 'DRA BA'I YAS BABS DANG MAS BRTAN GYI DGA' BZHI SKYES PA DE'I TSE DBU MA'I LTA BA MTHAR THUG DANG SBYAR NAS BSKYANGS PAS SRID PA'I SDUG BSNGAL GZHOM PAR BYED DO,

GZHAN YANG RDO RJE'I LTE BAS PADMA MNAN PA DANG SKYIL KRUNG ZHES SOGS KYI DON YANG YUM GYI RTZA'I MAS SNA YAB KYI RTZA'I MA'I SNA'I NANG DU BCUG PA NGES DON GYI RDO RJE SKYIL KRUNG GA-YAS GA-YON GNYIS KYI RO RKYANG GI RLUNG DBU MA'I NANG DU ZHUGS PA 'BYUNG ZHING, DE'I CHE RNAL 'BYOR PA'I SEMS NOR BU'I NANG GI DH'U T'I'I NANG DU SONG PA LA YE SHES KYI NGO BO LHAN SKYES 'BYUNG NGO, ,DE DGA' BA GZHAN GSUM YANG MIN NO, ,PADMA CAN GYI BGROD TSUL NI PADMA'I BYED PA ZHES PA PHAL PA LTAR STENG NAS BGROD PA'O, ,GLANG PO CAN MA'I BGROD TSUL NI, DUD 'GRO LTAR RGYAB NAS BGROD PA'O, ,DUNG CAN MA'I BGROD TSUL NI, GHA HA RA TI'I SBYOR BA ZHES BYA BA RKANG PA GNYIS PHRAG PA LA BKAL TE 'OG NAS BGROD PA'O, ,RI DVAGS CAN MA'I BGROD TSUL NI BI MA SA'I BCINGS PA ZHES BYA BA, RDO RJE SEMS DPA' LTAR SKYIL KRUNG BCAS LA BGROD PAR BYA BA YIN NO, ,RTAGS KYI RTZA GNYIS MI 'BRAL BAR BYED PA NI SHIN TU GAL CHE LA, DE NI RNAL 'BYOR PAS LAG PAS BYED DGOS PAR RGYUD LAS BSHAD DO, ,ZHAL GYI GDAMS PA SHIN TU GSANG NGO, , BLA MA DAM PA'I ZHAL 'BA' ZHIG LAS BYUNG BA, GZHAN LA MED PA'I KHYAD CHOS ZAB MO, ,GSANG BA LAS KYANG CHES GSANG BA'I MAN NGAG GSER KHUR PO KHYER NAS SA STENG THAMS CAD DU BTZAL KYANG RNYED PA MA YIN NO, ,'DI'I DPE SU LA YANG MI STON, BSTAN NA DE LA MKHA' 'GRO CHOS SKYONG SRUNG MA'I BKA' CHAD KYIS DAM TSIG NYAMS PAS SHIN TU DAM PAR BYA'O, ,AiTHI, SA MA YA RGYA RGYA RGYA,, ` ,,NA MO GU RU, DE LA RDZOGS RIM DU 'JOG PAR BYED PA LA

, ,STONG NYID RTOGS PA TZAM GYIS 'JOG MI NUS TE, STONG NYID RTOGS PA THEG DMAN LA'ANG YOD PA'I PHYIR, STONG NYID LHA'I RNAL 'BYOR TZAM GYIS RDZOGS RIM DU 'JOG MI NUS TE, DE GNYIS RGYUD SDE 'OG MA RNAMS LA'ANG YOD PA'I PHYIR, DE GNYIS KYI STENG DU RLUNG GI RNAL 'BYOR BSNAN KYANG DER 'JOG MI NUS TE, STONG PA DANG LHA'I RNAL 'BYOR DANG RLUNG GI RNAL 'BYOR GSUM RGYUD SDE 'OG MA LA'ANG YOD PA'I PHYIR RO, ,DES NA LUS LA GNAD DU BSNUN NAS BOGS 'DON PA'I STONG NYID RTOGS PA LA RDZOGS RIM DU 'JOG PA YIN LA, DE LA LUS KYI GNAD RTZA DANG, RLUNG DANG THIG LE RNAMS KYI GNAS TSUL SHES DGOS PAS, THOG MAR RTZA'I GNAS TSUL CUNG ZAD BRJOD PAR BYA STE, DE'ANG MTSAN NYID THEG PA NAS DGA' BO MNGAL 'JUG GI MDOR, LUS KYI GA-YAS GA-YON GNYIS, MDUN RGYAB GNYIS TE BZHI DANG, RTZA NYI KHRI NYI KHRI STE LUS LA RTZA BRGYAD KHRI YOD PAR BSHAD LA, SNGAGS KYI THEG PA NAS LUS LA RTZA BDUN KHRI NYIS STONG YOD PAR BSHAD LA, DE'I NANG NAS KYANG RTZA BRGYA NYI SHU RTZA'I GTZO BO YIN TE, RLUNG DANG RNAM PAR SHES PA'I RTEN BYED PA'I PHYIR RO, ,DE'I NANG NAS KYANG RTZA NYI SHU RTZA BZHI RTZA'I GTZO BO YIN TE, SKRA DANG SEN MO LA SOGS PA'I RGYU BYED PA'I PHYIR, DE LA BRGYA NYI SHU NI, SPYI BOR SO GNYIS, MGRIN PAR BCU DRUG ,SNYING KHAR BRGYAD, LTE BAR DRUG CU RE BZHI RNAMS YIN NO, ,NYER BZHI NI 'OG NAS 'CHAD PA'I SNYING KHA'I RTZA 'DAB MA BRGYAD LAS GSUM GSUM DU GYES PA'I SKU GSUNG THUGS KYI RTZA BRGYAD GSUM NYER BZHI PO DE YIN NO, ,DE LAS RO RKYANG DBU

MA GSUM GTZO BO YIN TE, RTZA GZHAN THAMS CAD DE LAS SKYES DGOS PA'I PHYIR RO, ,DE LA MNGAL DU DANG POR CHAGS PA'I TSE, SNYING KHA'I LTE BA LA RO RKYANG DBU MA GSUM SHAR DANG, LHO'I 'DAB MA GNYIS LA RIM PA BZHIN DU GSUM SKOR MA DANG, 'DOD MA STE LNGA DUS MNYAM DU CHAGS SO, ,DE NAS NUB TU KHYIM MA DANG, BYANG DU GTUM MO DANG, DBU MA DANG LHAN CIG TU BDUD BRAL MA STE GSUM CHAGS SO, ,SNYING KHAR DANG POR CHAGS PA'I RTZA BRGYAD NI DE RNAMS YIN NO, ,PHYOGS KYI RTZA BZHI NI RO RKYANG DBU MA GSUM LA NANG DU BUG PA BRTOL BA'I TSUL GYIS RTZA BA ZUG YOD LA, DE'I MTSAMS KYI RTZA BZHI NI PHYOGS KYI RTZA BZHI LAS GYES PA YIN LA, DE YANG DPER BRJOD NA, SHAR GYI GSUM SKOR MA LAS SHAR LHO MTSAMS KYI RTZA DE GYES PA YIN, MTSAMS KYI RTZA GZHAN GSUM NI, RIM PA LTAR 'DOD MA, NUB KYI KHYIM MA, BYANG GI GTUM MO LAS GYES PA YIN NO, ,DES NA SNYING KHA'I RTZA 'DAB BRGYAD NI, GSUM SKOR MA SOGS PHYOGS KYI BZHI DANG, DE MTSAMS KYI RTZA BZHI STE, BRGYAD PO DE YIN PAS, SNYING KHAR DANG POR CHAGS PA'I RTZA BRGYAD DANG MI GCIG GO ,RTZA 'DAB BRGYAD PO DE LAS SKU GSUNG THUGS KYI RTZA BRGYAD GYES PAS BRGYAD GSUM NYI SHU RTZA BZHI YIN NO, ,NYER BZHI PO DE'I STENG DU SNYING KHAR DANG POR CHAGS PA'I RTZA BRGYAD BSNAN PA DE LA BYANG SEMS 'BAB PA'I RTZA SO GNYIS ZHES THA SNYAD BYED PA YIN NO, ,NYER BZHI PO LA GSUM GSUM DU GYES PAS RTZA BDUN CU RTZA GNYIS SU 'GRO BA YIN NO, ,DE YANG SKU GSUNG THUGS SAM, THIM PA DANG LONGS SPYOD DANG BDAG PO GSUM GYI

, ,SGO NAS 'BYED PA YIN NO, ,BDUN CU RTZA GNYIS PO DE RE RE STONG STONG DU GYES PAS RTZA STONG PHRAG BDUN CU RTZA GNYIS YOD PA YIN NO, ,DE YANG RO RKYANG DBU MA GSUM GYI GNAS TSUL CUNG ZAD BRJOD NA, RO RKYANG GNYIS KYI DBU MA LA LCAGS SGROG GI TSUL DU 'KHYUD PA'I RNAM PA CAN DU YOD LA, DE YANG DBU MA DBUS NA YOD CING, DE GSUM GYI NANG NAS SNYING STOBS RDUL MUN PA DANG, KHU KHRAG DANG RLUNG 'BYUNG BAS NA, SNYING STOBS RDUL MUN GSUM GYI NANG NAS MUN PA'I RTZA DANG, SKYES PA BUD MED MA NING GSUM LAS, MA NING GI RTZA DANG, NYI ZLA SGRA GCAN GSUM GYI NANG NAS SGRA GCAN GYI RTZA ZHES BYA'O, ,DBU MA'I GA-YAS NA RO MA GNAS SHING, DE NANG NAS KHU BA DANG CUNG ZAD 'DRES PA'I KHRAG PHAL CHER 'BAB BO, ,DE'I KHA NI STENG GI PHYOGS LA YOD DO, ,STENG 'OG GNYIS KA LA BUG PA YOD PA LA, STENG GI PHYOGS KHO NA LA KHA YOD ZER BA'I RGYU MTSAN YANG, KHRAG PHYIR 'PHEN PA DANG, NANG DU SDUD PA'I BYA BA STENG GI PHYOGS MGRIN PA NAS BYED KYI, 'OG GI PUG PA NAS MI BYED PAS DE'I DON GYIS YIN NO, ,RKYANG MA DBU MA'I GA-YON NA YOD CING KHRAG CUNG ZAD 'DRES PA'I KHU BA PHAL CHER 'BAB PO, ,DE LA ZLA BA DANG SKYES PA DANG, SNYING STOBS DANG THABS KYI RTZA ZHES BYA'O, ,KHU BA GTZO BOR 'BAB PA'I CHA NAS YIN PA 'DRA'O, RO MA LA NYI MA DANG BUD MED DANG, RDUL DANG SHES RAB KYI RTZA ZHES BYA STE, KHRAG GTZO BOR 'BAB PA'I CHA NAS YIN PA 'DRA'O, ,DE LA RO RKYANG DBU MA GSUM NI, SPYI BO NAS SUM MDO'I BAR DU YOD LA, DE NAS GNYIS SU GYES TE RO RKYANG DBU MA

GSUM GYI TSAN GCIG RKANG MTHIL GYI BAR DU 'GRO LA, TSAN GCIG NOR BU'I BAR DU 'GRO BAS RKANG PA GNYIS DANG NOR BU GSUM GA LA RTZA GSUM YOD PA 'DRA BA YIN NO, ,RKYANG MA'I STENG 'OG GNYIS KA LA BUG PA YOD PA 'DRA BA LA, LTE BA KHO NA LA KHA YOD CES PA NI, KHU BA PHYIR 'PHEN PA DANG NANG DU 'DZIN PA GNYIS KA LTE BA NAS BYED PAS DE'I CHA NAS YIN PA 'DRA'O, ,DE YANG LTE BA YAN CHAD KYI DBANG DU BYAS PA YIN LA, LTE BA MAN CHAD DU NI RKYANG MA DBUS SU YOD CING DRI CHEN 'BAB, DBU MA GA-YAS SU YOD CING KHU BA 'BAB, RO MA GA-YON DU YOD CING GCI BA 'BAB PO, ,SDOM 'BYUNG LAS RO MA 'BYUNG BA'I LAM DU BSHAD, RKYANG MA 'JUG PA'I LAM DU BSHAD PA NI, SHES PAS YUL 'DZIN PA'I DUS SU RO MA'I NANG NAS RLUNG DANG BSDONGS NAS PHYIR DON TE YUL 'DZIN CING YUL BZUNG ZIN NAS RLUNG DANG LHAN CIG GI RKYANG MA'I NANG NAS 'JUG PA YIN NO, ,RTZA 'KHOR BZHIR BYANG SEMS 'BAB PA'I CHA NAS DGA' BA BZHI'AM, BCU DRUG TU 'GYUR TSUL NI, GTUM MO BSGOMS PAS DMAR CHA 'PHEL TE, BYANG SEMS ZHU NAS SPYI BO NAS 'BAB PA NAS BZUNG STE, MGRIN PAR SLEBS KYI BAR LA DGA' BA BZHI'I NANG NAS DGA' BA DANG, DGA' BA DE LA YANG DGA' BA'I DGA' BA DANG DGA' BA'I MCHOG DGA', DGA' BA'I KHYAD PAR GYI DGA' BA DANG DGA' BA'I LHAN CIG SKYES PA'I DGA' BA DANG BZHI YOD PAS DE DAG KYANG SKYE'O, ,DE BZHIN DU BYANG SEMS MGRIN PA NAS BABS PA NAS BZUNG STE, SNYING KHAR SLEBS KYI PAR LA NI, DGA' BA BZHI'I NANG NAS MCHOG DGA' DANG, DE LA YANG DGA' BA BZHI YOD PAS DE DAG KYANG SKYE'O, ,SNYING KHA

, ,NAS BABS PA NAS BZUNG STE LTE BAR SLEBS KYI BAR LA NI, KHYAD PAR GYI DGA' BA DANG, DE LA YANG DGA' BA BZHI YOD PAS DE DAG KYANG SKYE'O, ,LTE BA NAS BABS PA NAS BZUNG STE, NOR BU'I RTZER SLEBS KYI BAR LA NI, LHAN SKYES KYI DGA' BA DANG, DE LA YANG DGA' BA BZHI YOD PA RNAMS SKYE'O, ,DE YANG GRAGS CHOD LA RTZA 'KHOR BZHIR GRAGS SHING, ZHIB TU BYAS NA RTZA 'KHOR BDUN YOD DE, DE YANG BZHI PO DE'I STENG DU GTZUG TOR NA RTZA 'DAB BZHI, GSANG GNAS NA RTZA 'DAB SO GNYIS, NOR BU'I RTZER RTZA 'DAB BRGYAD YOD PAS RTZA 'KHOR BDUN NO, ,'KHOR LO DE DAG GI LTE BA LA RO RKYANG GNYIS GANG RUNG GCIG GIS STENG DANG GCIG GIS 'OG NAS DBU MA LA 'KHYUD CING, DE YANG DE GNYIS KYI BAR NA DE GNYIS MA SLEBS PA'I PAR STONG CUNG ZAD YOD DO, ,SNYING KHA'I DBU MA'I NANG NA RNAM SHES DANG LHAN CIG SKYES PA'I RLUNG YOD LA, DE LA YE SHES KYI RLUNG MI SHIGS PA'I THIG LE ZHES KYANG ZER RO, ,KHU KHRAG GNYIS KYANG YOD LA, DE YANG RTZA MDUD KYI THAD KYI DBU MA'I NANG NA YOD, LUS ZUNGS BCU DRUG GI NANG NAS KHU KHRAG GTZO BO YIN CING GZHAN RNAMS DE'I RNAM 'GYUR YIN TE, DE YANG DANG POR MNGAL DU CHAGS DUS KHU KHRAG GNYIS SNYING KHA NA YOD LA, DE NAS KHU BA STENG GI PHYOGS SU SONG STE, GTZO BOR SPYI BO NA GNAS, DE YANG NAM DGOS PA NA SKYE BA YIN GYI SNOD DU BLUG PA'I TSUL GYIS YOD PA MA YIN NO, ,KHRAG 'OG TU SONG STE GTZO BOR LTE BA NA GNAS LA, GTUM MO 'BAR BA DANG, THIG LE 'DZAG PA'I DMIGS PA LTE BA SOGS SU GTOD PA'I RGYU MTSAN YANG

DE YIN NO, ,RTZA DE DAG TU BYANG SEMS DKAR DMAR DANG RLUNG JI LTAR RGYU BA'I TSUL NI, RTZA STONG PHRAG BDUN CU RTZA GNYIS YOD PA DE LAS STONG PHRAG NYER BZHI TSAN PA GSUM YOD LA, DE'I CHEN GCIG NAS KHU BA DE'I TSAN PA GCIG NAS KHRAG ,TSAN GCIG NAS RLUNG 'BAB PAS RTZA STONG PHRAG BDUN CU RTZA GNYIS LA KHU KHRAG RLUNG GSUM 'BAB TSUL DE YIN NO, ,YANG GYES GZHI'I RTZA BDUN CU RTZA GNYIS LA YANG RTZA NYER BZHI PA TSAN PA GSUM YOD PAS GSUM PO DE LA'ANG KHU KHRAG RLUNG GSUM 'BAB TSUL SNGA MA 'DRA YANG BDUN CU RTZA GNYIS PO DE'I GYAS GZHI'I RTZA NYER BZHI PO DE LA YANG BRGYAD TSAN GSUM DU YOD PAS GSUM PO DE LA'ANG KHU KHRAG RLUNG GSUM GYES TSUL SNGAR DANG 'DRA'O, ,RTZA NYER BZHI PO DE'I GYES GZHI SNYING KHA'I RTZA 'DAB BRGYAD LAS NI BSHANG GCI GNYIS, KHU KHRAG GNYIS, BAD KAN TE BDUD RTZI LTA 'BAB PA'O, ,BRGYAD PO DE'I GYES GZHI RO RKYANG DBU MA GSUM YIN LA, DE DAG GI 'BAB TSUL NI BSHAD ZIN TO, ,RTZA RNAMS BSDU NA RTZA STONG PHRAG BDUN CU RTZA GNYIS PO DE RTZA BDUN CU RTZA GNYIS SU 'DU LA, BDUN CU RTZA GNYIS PO DE YANG NYER BZHIR 'DU DE'ANG SNYING KHA'I RTZA BRGYAD DU 'DU LA, BRGYAD PO DE YANG RO RKYANG DBU MAR 'DU BA YIN NO, ,YANG GYES TSUL NI GONG LTAR RO, ,LHA GTZO BO LAS 'KHOR RNAMS SPRO BSDU BYED TSUL NI, SNYING KHA'I RTZA DANG RLUNG LAS PHYOGS KYI RTZA DANG RLUNG GZHAN RNAMS SPRO BSDU BYED PA DE LA DPE BYAS NAS BSGOMS PA YIN NO, ,YANG SNYING KHA'I RTZA ZHES PA NI SROG RTZA YIN LA, DE YANG SROG PA RTZA SGAL TSIGS NANG TZAM NI SGAL TSIGS LA BRTEN NAS

, ,GNAS PA YIN NO, ,SROG PA RTZA DE LA RO RKYANG DBU MA GSUM BRTEN NAS YOD DO, ,SROG PA RTZA DE'I MGO NI GRU GSUM DU YOD LA, MGRIN PAR GZHON NU MA'I NU MA 'DRA BA DANG, SNYING KHAR MIG 'DRA BA DANG, LTE BAR PADMA 'DRA BA DANG, GSANG GNAS NA RDO RJE 'DRA BA DANG, NOR BU'I RTZE NA GZAR MA'I ME TOG GI PHYI'I DBYIBS DANG 'DRA BA'O, ,DES NA RTZA DANG RLUNG GANG YIN KYANG SNYING KHA NA YOD CES PA NI, NU MA GNYIS KYI BAR GYI THAD BRTEN GYI SGAL TSIGS KYI NAD TZAM NA YOD PA LA DGONGS SO, ,SNGAR BSHAD PA'I BYANG SEMS 'BAB PA'I RTZA SO GNYIS PO SPYI BO'I RTZA 'DAB MA YIN TE, DE'I NANG NA SNYING KHA'I RTZA BRGYAD 'DUG PA'I PHYIR RO, ,SO GNYIS PO DE BDE MCHOG GI LHA MO DANG SBYAR NA RO RKYANG DBU MA GSUM NI RDO RJE PHAG MO DANG, SKU GSUNG THUGS KYI RTZA NYER BZHI PO 'KHOR LO GSUM GYI LHA MO NYER BZHI DANG, GSUM SKOR MA SOGS PHYOGS KYI RTZA BZHI NI SA CHU ME RLUNG GI 'BYUNG BA'I RTZA YIN PAS, BDE CHEN 'KHOR LO'I LHA MO BZHI DANG SBYOR BA YIN NO, ,SGO MTSAMS MA BRGYAD LA RTZA SBYOR RGYU MED PA 'DRA GSUNG NGO, ,SNYING KHA'I RTZA DBU MA'I NANG GI H'Um RING PO NI BDE MCHOG DANG, SKU GSUNG THUGS KYI RTZA NYER BZHI'I NANG GI KHAMS NYER BZHI NI 'KHOR LO GSUM GYI DPA' BO NYER BZHI DANG SBYOR, DE YANG BDUD BRAL MAR, 'CHI BA'I TSE MA GTOGS GZHI DUS SU BYANG SEMS MI 'BAB PAS DE YANG LHA LA MI SBYOR RO, ,DE LA BDUD CES ZER BA'I RGYU MTSAN NI, RANG GZHAN GNYIS KAR BYANG SEMS 'BAB PA 'GOG PAS SO, ,DE YANG GZHI DUS SU THA MAL PA LA, 'CHI BA'I DUS MA GTOGS DE'I NANG DU BYANG SEMS MI

'BAB KYANG, LAM DUS SU SA MTHON POR SLEBS PA'I TSE 'CHI BA'I GONG NAS KYANG DE'I NANG NAS BYANG SEMS 'BAB PO, ,RTZA SO GCIG GI TSE NA, BDUD PHRAL MA MA GTOGS SO GCIG PO DE BDAG MED MA LHA MO BCO LNGA PO DANG YANG SBYOR BA YIN TE, GTZO MO LA RTZA GSUM 'KHOR BCU BZHI LA RTZA GNYIS GNYIS TE DES RTZA SO GCIG THIM MO, ,LHA MO DE DAG BSKYED PA'I YI GE NI AA: CHOG DRAG CAN MA GTOGS PA'I DBYANGS LHAG MA BCO LNGA YIN NO, ,RLUNG DANG GTUM MO'I RNAL 'BYOR LA BRTEN NAS LTE BA'I KHRAG DANG, SPYI BO'I BYANG SEMS YAR MAR DU 'GRO BA SRID KYI SNYING KHA'I RTZA MDUD KYI NANG GI BYANG SEMS DKAR DMAR GNYIS DANG LHAN SKYES KYI RLUNG RNAMS 'CHI BA'I TSE MA GTOGS 'PHO 'PHYUG GI BYA BA MI BYED PA YIN NO,, ` ,,RDZOGS RIM GYI RTOGS PA RNAL MA GCIG RGYUD LA SKYE BAR 'DOD NA, DE LA 'CHI BA'I DUS KYI 'BYUNG BA SDUD RIM SHES DGOS, DE LA BSKYED RIM SHES DGOS PAS, DE LA BSKYED RIM NI THAMS CAD STONG PA STE 'CHI BA 'OD GSAL, STONG CHEN NYER THOB, DRI ZA BAR SRID DU SKYE BA'I SEMS 'BYUNG, DE LAS THABS MCHED PA, DE BAR DOR DRI DANG GNAS LA 'DOD PA'I SEMS 'BYUNG, DE LAS SHES RAB SNANG BA STE MNGAL DU SKYE BA 'DZIN PA'I SEMS 'BYUNG, DES MNGAL DU NYID MTSAMS SBYAR MA THAG TU 'BYUNG BA BZHI KA YOD DE, ,'ON KYANG 'BYUNG BA RAGS PA SKYES PA'I DBANG DU BYAS NAS, DANG POR RLUNG ME CHUS RNAMS RIM PA LTAR 'BYUNG ZHING, DE'I RJES NAS GZUGS SOGS PHUNG PO RNAMS DANG, MIG SOGS SKYE MCHED RNAMS 'BYUNG LA, DE NAS RANG BZHIN BRGYAD CU'I RTOG PA RNAMS 'BYUNG NGO, DE YANG RANG

, ,BZHIN BRGYAD CU'I RTOG PA LA NYIN MTSAN GNYIS KYIS PHYE BAS BRGYA DANG DRUG CU YIN NO, ,SDUD PA'I DUS NI SA CHU LA THIM, CHU ME LA THIM, ME RLUNG LA THIM, RLUNG SEMS LA, SEMS SNANG BA LA, DE MCHED PA LA, DE NYER THOB LA, DE THAMS CAD STONG PA 'OD GSAL LA THIM, DE NI 'CHI BA 'OD GSAL LAM 'CHI BA DNGOS YIN NO, ,DE YANG SA CHU LA THIM PA ZHES BRJOD KYANG, SA KHAMS YE MED DU SONG BA MA YIN LA, SAS SHES PA'I RTEN MI BYED PA LA, SA CHU LA THIM ZHES BRJOD PA YIN NO, ,CHU ME LA THIM TSUL SOGS KYANG DE DANG 'DRA, RLUNG RNAM SHES LA THIM ZHES PA NI, SNA SGOR RGYU BA'I RLUNG RAGS PAS SHES PA'I RTEN MI BYED PA'AM, YANG RLUNG RAGS PA DE DH'U T'I'I NANG GI LHAN SKYES KYI RLUNG PHRA BA LA THIM PA'O, ,DE'I DUS SU RLUNG RAGS PAS SHES PA'I RTEN MI BYED KYANG, LHAN SKYES KYI RLUNG PHRA MOS SHES PA'I RTEN BYED PA YIN NO, ,LHAN SKYES KYI RLUNG PHRA BA GCIG PUS SHES PA'I RTEN BYED KYI RLUNG RAGS PAS SHES PA'I RTEN MI BYED PA'I DUS NI 'BYUNG BA SDUD PA'I TSE, RLUNG SEMS SNANG BA LA THIM PA DANG, DE MCHED PA LA THIM PA DANG, DE NYER THOB LA THIM PA DANG, DE THAMS CAD STONG PA 'OD GSAL LA THIM PA'I DUS RNAMS YIN NO, ,DE NAS THAMS CAD STONG PA 'OD GSAL LAM 'CHI BA 'OD GSAL LAS, STONG CHEN NYER THOB DRI ZA'I SEMS BAR DO SOGS 'BYUNG BA SNGAR DANG 'DRA'O, ,DES NA GZHI DUS SU RTZA DANG RLUNG DANG 'BYUNG BA RNAMS DANG POR 'CHAGS SA SNYING KHA NAS 'CHAGS SO, ,MTHAR SDUD PA'ANG SNYING KHAR SDUD PA DANG 'DRA BAR, LAM BSKYED RIM GYI SKABS SU SNYING KHA'I TING NGE 'DZIN SEMS

DPA' LA SPRO BSDU MANG DU BYAS TE BSGOM PA RDZOGS RIM GYI SKABS SU 'CHI DUS KYI SDUD RIM DGUG MI DGOS PAR DE'I GONG DU TING NGE 'DZIN GYI MTHUS 'BYUNG BA RNAMS RIM GYIS BSDUS NAS GNYIS SNANG DANG BRAL BA'I 'OD GSAL SKYE BA YIN NO, ,DES NA BLA MED KYI RGYUD SDE DU MA NAS BSKYED RIM GYI SKABS SU GZHI DUS KYI SKYE SHI BAR DO GSUM DANG SBYAR NAS BSGOM DGOS PAR MANG DU GSUNGS PA YANG RDZOGS RIM GYI SKABS SU BOGS 'DON TSUL GZHAN DANG MI 'DRA BA LA DGONGS PA YIN NO, ,YANG RTZA RLUNG MANG DU GSUNGS PA'I DGOS PA NI 'CHI BA'I TSE LTE BA'I DMAR CHA YAR LA 'GRO, SPYI BO'I DKAR CHA MAR 'ONG BA'I 'DU 'PHROD LA BRTEN NAS, GNYIS SNANG DANG BRAL BA'I 'OD GSAL MNGON DU 'GYUR LA, DE YANG GNYIS SNANG 'GAG PA TZAM LA 'OD GSAL DU BTAGS PA YIN LA, MTSAN NYID PA NI MA YIN TE, DE DANG 'DRA BAR LAM DUS SU RLUNG DANG GTUM MO'I RNAL 'BYOR LA BRTEN NAS, DMAR PO DANG DKAR PO'I 'DU 'PHROD BYAS PA YOD CING, 'DU 'PHROD BYUNG DUS GNYIS SNANG RAGS PA 'GAGS PAS, DE'I DUS SU STONG PA'I NGES SHES GSAL BTAB NA, GZHAN DANG MI 'DRA BA'I STONG NYID RTOGS PA LA BOGS THON PA YOD PAS DE LA DGONGS NAS BSHAD PA YIN NO, ,RTZA NYER BZHI DANG BDUN CU RTZA GNYIS DANG, STONG PHRAG BDUN CU RTZA GNYIS LA SKU GSUNG THUGS SAM, LUS NGAG YID GSUM LA SOGS PA GSUM DU 'BYED PA DANG GSUM DU GRANGS NGES PA NI, RTZA DE DAG GI NANG NAS 'BAB PA'I RDZAS LA BYANG SEMS DKAR DMAR GNYIS DANG RLUNG GSUM DU NGES PAS DE'I GNAD YIN NO, ,GZHI DUS SU RTZA DANG RLUNG CHAGS PA'I RIM PAS SEMS CAN SKYE BA'I RIM PA DANG MTHUN PAR BSKYED RIM GYI SKABS SU LHA SKU

, ,BSGOMS PAS RDZOGS RIM GYI SKABS SU TING NGE 'DZIN GYI MTHUS 'BYUNG BA BSDUS NAS GNYIS SNANG 'GAGS PA'I 'OD GSAL LA MNYAM PAR BZHAG PA'I RJES SU, DE LAS LANGS MA THAG KHO NAR 'JA' LUS LAS GRUB PA'I LHA'I SKUR LDANG BA YIN LA, DES 'BRAS DUS KYI GZUGS SKU GNYIS KYI NYER LEN GYI RGYU BYED DO, ,DES NA BSKYED RIM GYI SKABS KHO NAR LHA SKU BSGOMS LA, RDZOGS RIM GYI SKABS SU LHA SKU YE MI BSGOM NA, RDZOGS RIM GYI SKABS NAS GZUGS SKU GNYIS KYI THUN MONG MIN PA'I NYER LEN GYI RGYU MED PAR GSAL BA'I SKYON YOD PAS, SKABS DER YANG LHA NGES PAR BSGOM DGOS SO, ,RLUNG CHAGS TSUL NI MNGAL DU NYING MTSAMS SBYAR NAS SNYING KHA'I RTZA MDUD CHAGS PA'I TSE, DE'I NANG GI LHAN SKYES KYI RLUNG LAS SNA SGOR RGYU BA'I SROG 'DZIN GYI RLUNG SKYE LA, RLUNG DE GNYIS KA YANG SROG 'DZIN GYI RLUNG YIN NO, ,DE'I TSE SEMS CAN GYI LUS NYA'I RNAM PA LTA BUR YOD PAR RGYUD RDO RJE PHRENG BA LAS BSHAD LA, DE YANG MNGAL DU ZHUGS PA'I ZLA BA DANG PO'I SKYE TSUL YIN NO, ,ZLA BA GNYIS PA'I TSE SROG 'DZIN GYI RLUNG LAS THUR SEL GYI RLUNG SKYE LA, SROG 'DZIN GYI RTZA BA'I GNAS NI SNYING KHA YIN ZHING, THUR SEL GYI RTZA BA'I GNAS NI GSANG GNAS YIN NO, ,DE'I TSE RKANG PA GNYIS LAG PA GNYIS TE BZHI, MGO DANG BCAS PA'I 'BUR BU LNGA DOD PAS, LUS RUS SBAL GYI RNAM PA LTA BUR YOD DO, ,ZLA BA GSUM PA LA THUR SEL GYI RLUNG LAS MNYAM GNAS KYI RLUNG SKYE LA, DE'I RTZA BA'I GNAS NI LTE BA YIN NO, ,DE'I TSE'ANG YAN LAG LNGA TSANG BA LA CUNG ZAD SBUR POR YOD PAS PHAG RGOD KYI

RNAM PAR YOD DO, ,ZLA BA BZHI PA LA MNYAM GNAS KYI RLUNG LAS GYEN RGYU'I RLUNG SKYE LA, DE'I RTZA BA'I GNAS NI MGRIN PA YIN NO, ,DE'I TSE STOD CUNG ZAD RGYAS PAS SENG GE'I RNAM PAR GNAS SO, ,ZLA BA LNGA PA LA GYEN RGYU'I RLUNG LAS KHYAB BYED KYI RLUNG SKYE LA, DE'I RTZA BA'I GNAS NI TSIGS CHEN BCU GNYIS YIN NO, ,DE'I TSE MI'U THUNG GI RNAM PAR YOD DO, ,ZLA BA DRUG PA LA MIG GI SGO NAS RGYU BA'I RLUNG KLU ZHES BYA BA DANG, 'BYUNG BA SA SKYE, ,ZLA BA BDUN PA LA RNA BA'I SGO LA RGYU BA'I RLUNG RUS SBAL DANG, 'BYUNG BA CHU SKYE, ZLA BA BRGYAD PA LA SNA SGOR RGYU BA'I RLUNG RTZANGS PA DANG 'BYUNG BA ME SKYE, ZLA BA DGU PA LA LCE LA RGYU BA'I RLUNG LHA SBYIN DANG 'BYUNG BA RLUNG SKYE, ZLA BA BCU PA LA LUS LA 'BYUNG BA'I RLUNG GZHU LAS RGYAL DANG 'BYUNG BA NAM MKHA'I KHAMS TE LUS SBUBS STONG RNAMS 'BYUNG NGO, ,YAN LAG GI RLUNG LNGA PO DE GTZO BOR SROG 'DZIN YIN LA, RLUNG GZHAN BZHI PO DE DAG KYANG DBANG PO'I SGO RNAMS LAS RGYU BA SRID DO, ,SROG 'DZIN GYI TSE GNAS PA DANG, SNA SGO LA RGYU BA'I LAS BYED DO, ,THUR SEL GYIS BSHAD GCI 'THUR DU 'GRO BA'I LAS BYED, MNYAM GNAS KYIS ZAS KYI DVANGS MA LUS LA 'DREN PA'I LAS BYED, DVANGS SNYIGS 'BYED MKHAN NI LTE BA'I GTUM MOS BYED, GYEN RGYUS ZAS MYANG BA DANG SMRA BA SOGS DANG RLUNG GZHAN GYEN DU 'DREN PA'I LAS BYED, KHYAB BYED KYIS LUS KYI NANG GI RLUNG GZHAN LA KHYAB PA DANG 'GRO BA SOGS KYI BYA BA BYED, THUR SEL SROG 'DZIN MNYAM GNAS GYEN RGYU BZHI NI, RIM PA LTAR SA CHU ME RLUNG BZHI DANG, RIN PO CHE DANG, RDO RJE PADMA DANG, LAS KYI MGON PO BZHI'I RLUNG YIN LA, DE'ANG MGON PO RE RE'I RLUNG RGYU BA NA DGU BRGYA

, ,PA PHRAG RE RGYU LA, DE YANG 'BYUNG BA CHE CHUNG GI DBANG DU BYAS NA 'BYUNG BA CHE BA'I RLUNG YIN LA, DGU PO DE LA TSAN PA BZHIR BGOS NAS NYIS BRGYA NYER LNGA PA TSAN BZHIR BYAS TE, BZHI PO RE RE RGYU BA NA GOS DKAR SOGS LHA MO BZHI'I RLUNG RGYU BA YIN ZHING, LHA MO BZHI'I RLUNG LA 'BYUNG CHUNG GI RLUNG ZER BA YIN NO, ,DES NA MGON PO RE RE'I RLUNG RGYU BA NA LHA MO BZHI BZHI RGYU BA'O, ,'BYUNG CHEN GYI RLUNG RE RE RGYU BA NA, 'BYUNG CHUNG GI RLUNG BZHI BZHI RGYU BA YIN NO, ,MGON PO BZHI'I RLUNG GI KHYAD PAR NI, PADMA MGON PO'I RLUNG RGYU BA'I TSE KHA DOG RNAM PA LNGA'I RLUNG RGYU LA, DE'I TSE DMAR PO'I KHA DOG GZHAN BZHI LA KHYAB PAR RGYU BA YIN NO, ,DE BZHIN DU RIN CHEN MGON PO DANG, RDO RJE MGON PO DANG, LAS KYI MGON PO RNAMS LA'ANG RIM PA BZHIN SER PO DANG, DKAR PO DANG, LJANG KHU RNAMS GTZO CHE ZHING, GZHAN RNAMS PHAL BA'I TSUL GYIS RGYU BA YIN NO, ,DE YANG LHA MO BZHI'I RLUNG RGYU BA'I TSUL NI, ME GOS DKAR MO'I RLUNG RGYU BA'I TSE NI, SNA BUG GA-YAS LTA BU'I DBANG DU BYAS NA, DMAR PO DBUS, GA-YON FNA LJANG KHU, 'OG MA DKAR PO, SER PO STENG, SNGON PO GA-YAS LA RGYU BA YIN NO, ,DES MTSON NAS ME'I RLUNG RGYU BA'I TSE LJANG KHU DBUS SU RGYU ZHING, ME'I SA RGYU BA'I TSE SER PO DBUS DANG, ME'I CHU RGYU BA'I TSE DKAR PO DBUS SU RGYU BA YIN NO, ,YANG MGON PO BZHI'I RLUNG RGYU BA'I TSE NI SNA BUG GA-YAS PA LTA BU GCIG GI GA-YAS GA-YON NAS RGYU ZHES BLA MA KHA CIG GSUNG BA MI 'THAD PAS, PADMA MGON PO SNA BUG GA-YAS KHO NA DANG, LAS KYI MGON PO GA-YON KHO NA DANG, RIN CHEN MGON PO GA-YAS GA-YON

GNYIS KA NAS DRAG PAR RGYU ZHING, RDO RJE MGON PO GNYIS KA NAS DAL BAR RGYU BA YIN NO, ,DE LA GSANG BA 'DUS PA'I LUGS KYI NYIN ZHAG GCIG LA THUN BCU GNYIS, PHYED PA NYER BZHI, THUN PHYED PA RE RE LA MGON PO RE RE'I RLUNG DGU BRGYA PA RE RGYU LA, DGU BRGYA PA RE RE LA LHA MO BZHI BZHI'I RLUNG RGYU BAS DES NA 'BYUNG CHEN GYI DKYIL 'KHOR NYER BZHI DE RE RE LA 'BYUNG CHUNG GI DKYIL 'KHOR BZHI BZHIR PHYE PAS, 'BYUNG CHUNG GI DKYIL 'KHOR DGU BCU RTZA DRUG RGYU BA YIN NO, ,'DI PA'I LUGS KYI 'PHO BA NYER BZHI BYED PA YIN TE, 'PHO BA'I DON NI SNA BUG GA-YAS NAS GA-YON DU 'PHO BA LTA BU MIN LA, 'DIR NI DGU BRGYA PA RE RE SONG BA DANG 'PHO 'PHYUG BYED PA'I PHYIR RO, ,DBUGS NYI KHRI CHIG STONG DRUG BRGYA RGYU BA MGON PO BZHI'I RLUNG KHO NA YIN NO, ,KHYAB BYED KYI RLUNG NI 'CHI BA'I TSE MA GTOGS PA MI RGYU ZHING, DE'I TSE NA'ANG JI TZAM RGYU BA'I NGES PA MI SNANG NGO, ,MAN SNYE LAS, RGYA GAR BA'I BLA MA SNGA MA RNAMS KYI MAN NGAG LAS, LHA MO GCIG GI RLUNG NYIS BRGYA NYER LNGA, RTZA SO GNYIS NAS 'BAB PA'I TSE, BDUD BRAL MA'I NANG NAS DBUGS BDUN BRGYA LHAG TZAM GCIG 'BAB PAR BSHAD PAS, DE'I RTAGS LA, BDUD BRAL MA'I NANG DU 'CHI BA'I GONG TZAM NAS RLUNG 'BAB PA DANG, KHYAB BYED KYI RLUNG 'CHI BA'I GONG TZAM NAS RGYU BA 'DRA BA ZHIG 'BYUNG LA, 'ON KYANG MAN NGAG DE YID CHES KYI GNAS SU KHAS LEN PA'I NGES PA MI SNANG NGO, ,KHYAB BYED KYI RLUNG NI 'BYUNG BA NAM MKHA'I KHAMS YIN LA, SA RLUNG DANG, CHU RLUNG DANG, ME RLUNG DANG, RLUNG GI RLUNG RNAMS RGYU TSUL NI, RIM PA LTAR THAD KA DANG, 'OG DANG, STENG DANG, GYEN

, ,DANG SEG LA RGYU BA YIN, MA RGYUD NAS BSHAD PA'I RTZA 'DAB NAS RGYU TSUL NI, SPYI'I DBANG DU BYAS NA NYIN ZHAG GCIG LA DBYU GU RE BZHI YOD LA, DE DANG MTHUN PAR GANG ZAG GCIG LA LTE BA'I RTZA 'DAB NAS DBYU GU RE BZHI'I RLUNG RGYU LA DBYU GU RE LA RLUNG SUM BRGYA DANG SUM CU SO PHYED DANG BRGYAD BRGYAD YOD DO, ,YANG NYIN ZHAG GCIG LA CHU TSOD SO GNYIS YOD LA, DE DANG MTHUN PAR CHU TSOD SO GNYIS KYI RLUNG SPYI BO'I RTZA 'DAB NAS RGYU LA, CHU TSOD RE RE'I RLUNG LA DRUG BRGYA DANG BDUN CU RTZA LNGA YOD LA, YANG NYIN ZHAG GCIG LA 'PHO BA BCU DRUG YOD PA DANG MTHUN PAR, 'PHO BA BCU DRUG GI RLUNG MGRIN PA'I 'DAB MA NAS RGYU LA, 'PHO BA RE RE'I RLUNG LA STONG DANG PHYED DANG BZHI BRGYA RE YOD CING, YANG NYIN ZHAG GCIG LA THUN TSOD BRGYAD YOD PA DANG MTHUN PAR, SNYING KHA'I RTZA 'DAB NAS THUN TSOD BRGYAD KYI RLUNG RGYU LA THUN TSOD RE'I RLUNG LA NYIS STONG BDUN BRGYA RE YOD LA, 'DI DAG KYANG GANG ZAG GCIG LA NYIN ZHAG GCIG GI DUS SU RLUNG NYI KHRI CHIG STONG RGYU BA'I TSUL YIN ZHING, DE YANG 'KHOR LO BZHI PO RE RE NAS SUM KHRI CHIG STONG DRUG BRGYA SNGA PHYI MIN PAR DUS MNYAM DU RGYU BA YIN NO, ,DE YANG LTE BA'I 'DAB MA GNYIS NAS RGYU BA RDZOGS PA'I TSE, SPYI BO'I 'DAB MA GCIG NAS 'DAB MA GNYIS LA 'PHO LA, SPYI BO'I 'DAB MA GNYIS NAS RGYU BA RDZOGS PA'I TSE, MGRIN PA'I 'DAB MA GCIG NAS GNYIS LA 'PHO, MGRIN PA'I 'DAB MA GNYIS NAS RLUNG GI RGYU BA RDZOGS PA'I TSE, SNYING KHA'I 'DAB MA GCIG NAS GNYIS PAR 'PHO BA YIN NO, ,DE LTAR RTZA RLUNG THIG LE BSHAD PA'I DGOS PA NI, DE DAG GI GNAS TSUL THIGS NAS, DE LA

GNAD DU BSNUN PAS STONG PA DANG BDE BA DBYER MI PHYED PA'I RDZOGS RIM GYI RTOGS PA SKYE BA'I DGOS PA YOD LA, STONG PA NI YUL LA BYED PA DANG, YUL CAN LA BYED PA GNYIS LAS, 'DIR NI SH'ANTI PAS BSHAD PA LTAR, YUL BDAG MED PA LTA BU YIN LA, BDE BA LA RNAM PA MANG DU YOD DE, MTSAN NYID THEG PA NAS BSHAD PA'I LUS SEMS SHIN SBYANGS KYI BDE BA DANG, DBUGS BGRANGS PA LA BRTEN NAS SKYES PA'I ZHI GNAS KYI BDE BA DANG, RGYUD SDE 'OG MAR BSHAD PA'I SROG RTZOL BKAG PA'I RLUNG SBYOR GYI BDE BA RNAMS NI, 'DIR DON DU GNYER BYA MA YIN LA, 'O NA GANG YIN SNYAM NA, DGA' BA BZHI'I NANG NAS LHAN SKYES KYI DGA' BA YIN LA, DE YANG RLUNG SNGAGS RDO RJE'I BZLAS PA DANG, GTUM MO'I MA'I DMIGS PA BYAS PA'I STOBS KYIS LTE BA'I DMAR CHA 'PHEL NAS SPYI BO'I BYANG SEMS ZHU STE, LUS SHES 'KHOR GYI TSOR BA BDE BA SKYE LA, DES DE MA THAG RKYEN BYAS TE YID LA DGA' BA'I BDE BA SKYE LA, DGA' BA DES YUL STONG NYID BZUNG NAS, DE DANG STONG NYID GNYIS NI NAM MKHA' DANG NAM MKHA' SBYOR BA LTA BUR SBYOR BA'I TSE, BDE STONG DBYER MED PA'I ZUNG DU 'JUG PA'I RDZOGS RIM ZHES BYA'O, ,YANG SNGAGS KYI SKABS SU STONG PA NYID DANG SNYING RJE DBYER MI PHYED CES BSHAD PA'I STONG PA NI, CHOS SKU'I NYER LEN GYI RGYUR GYUR PA'I STONG NYID RTOGS PA'I SHES RAB YIN, SNYING RJE NI SDUG BSNGAL DANG BRAL NA SNYAM PA'I SNYING RJE KHO NA LA MI BYED KYI, GZUGS SKU'I NYER LEN GYI RGYUR GYUR BA'I THABS SNYING RJE CHEN PO YIN NO, ,DES NA SEMS KYI RTEN THIG LE YIN PAS, RJE MAR PA NAS BRGYUD PA RNAMS KYI LUGS LA, NYIN ZHAG GCIG LA GNYID DU SONG

, ,MA SONG GNYIS SU NGES LA, GNYID DU SONG BA LA RMI LAM YOD MED GNYIS LAS, RMI LAM MED PA'I GNYID 'THUG GI SKABS SU, SEMS KYI RTEN BYANG SEMS DKAR DMAR SNYING KHA NA GNAS PAS SNYING KHAR SEMS 'DZIN LA, RMI LAM RMIS PA'I DUS SU DE GNYIS MGRIN PAR SEMS 'DZIN LA, GNYID DU MA SONG BA'I DUS SU GTZO CHER LTE BAR GNAS PAS DER 'DZIN LA, PHO MO SBYOR BA BYED PA'I DUS SU DE NYID SPYI BOR GNAS ZHES BSHAD, DUS 'KHOR GYI LUGS LA SNYING KHA DANG MGRIN PAR THIG LE GNAS PA'I DUS NI SNGA MA DANG 'DRA LA, GZHAN GNYIS BZLOG NAS GNYID DU MA SONG BA'I DUS NI SPYI BO DANG, PHO MO SBYOR BA BYED PA'I DUS NI LTE BAR GNAS PAR BSHAD DO, ,SPYIR SNGAGS KYI LUGS LA RAB TSE 'DIR 'BRING BAR DOR THA MA SKYE BA BRGYUD NAS 'TSANG RGYA BA GSUM LAS, DANG PO NI, GSANG 'DUS 'PHAGS LUGS DANG, BSTUN NA DANG POR SEMS BSKYED BYANG SEMS KYI SDOM PA BZUNG NAS SPYOD PA PHYIN DRUG LA SLOB PA MAN GYIS, LAM THUN MONG BA'I RGYUD LEGS PAR SBYANGS TE, DE RJES GSANG 'DUS LTA BU'I DKYIL 'KHOR DU DBANG LEGS PAR THOB PAR BYA STE, RTZA LTUNG DANG SBOM PO SOGS KYIS MA GOS PAR DAM TSIG DANG SDOM PAS RGYUD DAG PAR BYAS, DE RJES NAS PHRA THIG GI BAR GYIS BSKYED RIM BRTAN PAR BYAS NAS, DE NAS RDZOGS RIM GYI LUS DBEN SKU RDO RJE DANG, NGAG DBEN GSUNG RDO RJE DANG, SEMS DBEN THUGS RDO RJE RNAMS RGYUD NAS BSHAD PA BZHIN DU THOB PAR BYAS LA, DE NAS RLUNG SEMS SHIN TU PHRA BA LA BRTEN NAS 'JA' LUS SAM SGYU LUS SAM RDO RJE 'CHANG GI SKUR LANGS

TE, 'OD GSAL MNGON DU BYAS LA SLOB PA DANG MI SLOB PA'I ZUNG 'JUG MNGON DU BYED DO, ,GNYIS PA SEMS DBEN LA GSUM, SEMS SNANG BA'I YE SHES MAN CHAD KYI RDZOGS RIM GYI SEMS RNAMS MTSAN NYID DANG LDAN PA THOB DGOS LA, SNANG BA NYER THOB NI MA THOB, SNANG BA MCHED PA THOB MA THOB GANG YIN KYANG, DE'I TSE SPYOD PA BYED PA'I MTHUN RKYEN MA 'DZOM PA'AM, YANG NA ZHING LAS SOGS KYI BREL BA'I DBANG GIS SPYOD PA BYED RGYU MA BYUNG NA, DE'I GNAD KYIS 'CHI BA'I GONG DU TING NGE 'DZIN GYI MTHUS 'BYUNG BA SDUD MI THUB LA, DE MA THUB NA SNANG BA NYER THOB KYI YE SHES MNGON DU MI 'GYUR BAS, DE 'CHI KHAR MNGON DU 'GYUR BA'I PHYIR DU 'CHI KHAR 'BYUNG BA SDUD PA'I TSE MAN NGAG NAS BSHAD PA'I 'BYUNG BA SDUD LUGS KYI DMIGS PA RNAMS BSKYANGS PAS, SHI ZIN PA'I TSOD TZAM LA SNANG BA NYER THOB MNGON DU BYED CING, BAR DOR SKYES PA'I TSOD LA SGYU LUS THOB CING, DE NAS RTEN DE LA 'OD GSAL DANG ZUNG 'JUG MNGON DU BYED DO, ,GSUM PA SKYE BA BRGYUD NAS 'TSANG RGYA BA NI, TSE 'DI LA BLA MED KYI DKYIL 'KHOR GANG YANG RUNG BAR DBANG BSKUR BA MTSAN NYID DANG LDAN PA THOB, DAM TSIG DANG SDOM PA DAG PA ZHIG NGES PAR YAN LAG TU DGOS LA, BSKYED RIM DANG LUS DBEN DANG NGAG DBEN RNAMS RGYUD LA SKYES MA SKYES GANG YIN KYANG RUNG DE SKYE BA BCU DRUG TSUN CHAD LA 'TSANG RGYA'O, ,'DI TSE DE LA SEMS DBEN GYI RTOG PA SNANG MCHED THOB GSUM PO GANG YANG MA SKYES PA DGOS TE, DE SKYES NA TSE 'DI LA 'TSANG RGYA BA'AM, YANG NA BAR DOR 'TSANG RGYA BA'I PHYIR RO, ,YANG RJE BTZUN MAR PA NAS BRGYUD PA RNAMS KYI LUGS LA, BSKYED RIM LA BRTEN PA GZHIR BZHAG NAS, RLUNG DANG GTUM MO DANG, SPYOD PA GSUM

, ,MTHAR PHYIN NA TSE 'DI LA 'TSANG RGYA, DE GSUM MTHAR MA PHYIN PAR TSE 'DI LA 'TSANG RGYA MI NUS NA, DA GZOD 'CHI BA 'OD GSAL ZIN PA'I DON DU DA LTA GNYID 'THUG DANG GNYID KYI STONG NYID BSRES NAS BSGOMS, DE LEGS PO BYUNG NA DA GZOD 'CHI TZA NA THA MAL GYI 'CHI BA RANG 'GA' BAR MI 'GRO BAR 'OD GSAL BZUNG NAS 'CHI BA CHOS SKUR 'KHYER THUB LA, DA GZOD BAR DO ZIN PA'I DON DU DA LTA RMI LAM GYI MAN NGAG SBYANGS TE RMI LAM BZUNG LA DE ZIN PA'I TSE BAR DO'I MAN NGAG DANG BSRES NAS BSGOMS PAS, DES BAR DO ZIN TE THA MAL GYI BAR DO RANG 'GA' BAR MI 'CHAR BAR LONGS SKUR 'KHYER SHES PA'AM DE DUS PHAN THOGS PA YIN NO, ,DA LTA BSKYED RIM LA SBYANGS PAS BAR DOR SNANG BA THAMS CAD LHA SKUR SHAR NAS DE'I GNAD KYIS CHAGS SDANG KHEGS TE MNGAL SKYES LTA BU'I SKYE SGO KHEGS NAS SKYE GNAS SU SKYE BA MI LEN PAR, BAR DO'I RTEN DE LA LAM LHAG MA BSGOMS TE 'TSANG RGYA BA YIN LA, BAR DOR 'TSANG RGYA MI NUS PAR SKYE GNAS GANG RUNG ZHIG TU SKYE BA BRGYUD NAS 'TSANG RGYA DGOS PA DE'I NI, 'PHO BA DANG GRONG 'JUG GI GDAMS NGAG BSGOMS PA YIN LA, 'DI NI RGYUD KYEE RDO RJE SOGS KYI DGONGS PA YIN ZHES MAR PA NAS BRGYUD PA RNAMS GSUNG NGO, ,'DI NI GDAMS PA PHAN CHE BA GCIG SNANG NGO, ,'ON KYANG BAR DOR SNANG BA LHA SKUR SHAR BAS MNGAL SKYES KHEGS SU CHUG KYANG, SKYE GNAS GZHAN GSUM LA AE KHEGS YIN GSUNG, DE YANG RNAL 'BYOR BLA MED KYI RDZOGS RIM GYI GNAD GTZO BO NI, SPYI BO'I BYANG SEMS ZHU BA LAS BYUNG BA'I LHAN SKYES KYI DGA' BA DANG, STONG NYID GNYIS DBYER MED KYI TING NGE 'DZIN YIN PAR BRAM ZE

CHEN PO SA RA HA LA SOGS PA RGYA GAR GYI MKHAS GRUB KHUNGS MA THAMS CAD ZHAL MTHUN LA SPYI BO'I BYANG SEMS ZHU BA'I THABS SU, RLUNG SBYOR DANG ME DMIGS SOGS MANG DU GSUNGS KYANG, DE THAMS CAD KYANG GTUM MOR 'DU BA YIN NO, ,DE YANG SBYOR DRUG PA'I LUGS KYI NI SOR BSAM GNYIS KYIS RTZA DBU MA'I LAM SBYANGS NAS SROG RTZOL GYIS RTZA DBU MA'I NANG DU RLUNG 'JUD CING 'DZIN PAS, TSUD PA BRTAN PAR BYED, RJES DRAN GYI DUS SU RLUNG GI MTHUS SPYI BO'I BYANG SEMS ZHU NAS MI 'GYUR BA'I BDE BA SKYE LA, DE NAS TING NGE 'DZIN GYI YAN LAG THOB PA YIN LA, MI 'GYUR BA'I BDE BA NYI KHRI CHIG STONG RDZOGS MA THAG TU 'TSANG RGYA BA YIN NO, ,GSANG 'DUS 'PHAGS LUGS PA NI, NGAG DBEN RLUNG GI RDOR BZLAS MTHAR PHYIN PAR BYAS PA'I STOBS KYIS SPYI BO'I BYANG SEMS ZHU NAS LHAN SKYES KYI DGA' BA SKYE LA, DGA' BA DES STONG NYID YUL DU BZUNG LA BDE STONG DBYER MED ZER BA MA GTOGS PA DE LA BDE BAS RGYAS BTAB PA'AM, BDE BA LA STONG PAS RGYAS BTAB PA LTA BU NI, BDE STONG DBYER MED KYI DON MA YIN NO, ,DE LA LHAN SKYES KYI BDE BA SKYE BA LA SPYI BO'I BYANG SEMS ZHU DGOS RGYU YIN, DE ZHU BA LA LTE BA'I DMAR CHA 'BAR DGOS, DE RLUNG GIS SBAR DGOS LA, THIG LE DKAR DMAR DANG RLUNG GNAS PA'I GZHI RTZA YIN PAS RDZOGS RIM GYI SKABS SU RTZA RLUNG THIG LE RNAMS ZHIB PAR 'CHAD PA'I RGYU MTSAN YANG DE YIN NO, ,DE YANG DBU MA MI BSKYOD PA'I RTZA YIN PAS KHA DOG SNGON POR YOD LA, RO MA 'OD DPAG MED KYI RTZA YIN PAS KHA DOG DMAR PO DANG, RKYANG MA RNAM SNANG GI RTZA YIN PAS KHA DOG DKAR PO DANG, DE YANG SPYIR BTANG NGO, ,DMIGS BSAL LA GTUM MO 'BAR BA'I

, ,TSON, GANG 'BAR BA'I RTZA RNAMS TIL MAR GYI MAR ME'I MDOG LTA BUR YOD DO, ,DE YANG SNYING KHA'I RTZAM DUD KYI RTZA DBU MA RI 'OG PHYOGS KYI BU GI NI CUNG ZAD KHA BYE BA CHU SHING GI ME TOG LTA BU ZHIG YOD DO, ,RTZAM DUD KYI NANG GI RTZA DBU MA'I NANG GI H'Um YIG NI, KHYAD PAR LNGA DANG LDAN PA YIN TE, MI MTHUN PA'I RTOG PA 'JOMS PAS DPA' BO DANG, 'DOD PA SGRUB PA LA GZHAN GYIS MI SHIGS PA DANG, GTUM MO LA BRTEN NAS BDE BA SKYE BAS SA BON DANG, BYANG SEMS 'DZAG PA DANG TSAD YUNGS 'BRU TZAM YOD PA'O, ,BDAG MED MA STE AA THUNG NI RGOD MA KHA'I ME ZHES BRJOD KYANG, GLING BZHI PO RANG RANG GI PHYOGS KYI LCAGS RI NAG PO'I 'OG MES CHU SKEMS PA DANG 'DRA BAR, LTE BA'I DMAR CHA 'BAR NAS SPYI BO'I LHAN SKYES KYI DGA' BA SKYES PA'I TSE GZUNG 'DZIN GYI RNAM RTOG GCOD PA YIN NO, ,LTE BA SOGS SU AA THUNG YOD PA'I RGYU MTSAN NI N'A RO BAn CHEN GYI SLOB MA KHA CIG ,SPYI BO NAS BYANG SEMS 'BAB PA'I TSE, DE NAS 'BAB PA'I BYANG SEMS LA CHA BZHIR BGOS PAS, CHA GCIG MGRIN PAR SLEBS PA'I TSE BSKAMS SHING MGRIN PA NA CHA GSUM YOD PAS, DE DANG BSTUN NAS MGRIN PA'I AOm LA RING CHA SUM 'GYUR DANG, SNYING KHAR SLEBS PA'I TSE CHA GSUM DU BGOS PA'I TSE GCIG BSKAMS NAS SNYING KHA'I H'Um LA RING CHA GNYIS DANG LDAN PA DANG, LTE BAR SLEBS PA'I TSE CHA GNYIS PO'I CHA GCIG BSKAMS NAS LTE BA'I AA LA RING CHA MI 'ONG BA'I RGYU MTSAN DE YIN GSUNG, SLOB DPON AA BHA YAS NANG GI SGRA 'DON LUGS LA BRTAGS NAS BYED DE, GSANG GNAS NAS STOD LA RLUNG 'GRO BA'I TSE LTE BAR SLEBS PA NA AA THUNG NGU YI SGRA SGROGS PA

DANG, SNYING KHAR H'Um RING CHA GNYIS KYI SGRA SGROGS PA DANG, MGRIN PAR SLEBS PA'I TSE AOm RING CHA GSUM DANG LDAN PA'I SGRA SGROGS PAS, DE'I CHA NAS LTE BAR AA THUNG DANG, SNYING KHAR H'Um RING PO, MGRIN PAR AOm RING CHA DANG LDAN PAR BSGOMS PA'I RGYU MTSAN DE YIN NO, ,MDOR BSDU NA SMAD NAS 'BYUNG BA'I RLUNG LTE BAR AA THUNG GI YUN DANG, SNYING KHAR H'Um GI SGRA SGROGS PA'I TSE AA THUNG NYIS 'GYUR GYI YUN DANG, MGRIN PAR AOm GYI SGRA SGROGS DUS SU AA THUNG SUM 'GYUR GYI YUN YOD PAS, H'Um RING CHA GNYIS DANG AOm LA RING CHA GSUM YOD DO, ,SKABS SU BAB PA'I DMIGS PA NGOS BZUNG BA NI, BSKYED RIM MTHAR PHYIN NAS RDZOGS RIM BSGOM PA DANG, THUN BZHI'I TSE NA GSUM LA BSKYED RIM, GCIG LA RDZOGS RIM BSGOM PA DANG, BSKYED RIM THUN BZHIR BSGOM PA'I THUN RE RE'I RJES SU RDZOGS RIM BSGOM PA'I LUGS LAS, 'DIR NI THA MA'I LUGS YIN LA, DE YANG DANG PO LHA GANG YIN GYI MNGON RTOGS BSGOMS LA, DE RJES BLA MA'I RNAL 'BYOR BSGOM ZHING BLA MA LA GSOL BA 'DEBS PA BRGYA RTZA RE BYA, DE NAS SPYI GTZUG NAS LTE BA'I BAR GYI RTZA GSUM PO'I GNAS TSUL DANG, KHA DOG RNAMS GSOL 'DEBS SHING, LTE BA NA RTZA DMAR PO 'DAB MA BRGYAD PA GDUGS KHA GYEN BSTAN LTA BU, SNYING KHA NA RTZA 'DAB MA BRGYAD PA KHA DOG DKAR PO GDUGS KHA PHUB PA LTA BU, MGRIN PA NA RTZA DMAR PO 'DAB MA BCU DRUG PA GDUGS KHA GYEN LA BSTAN PA LTA BU, SPYI BO NA KHA DOG SNA TSOGS PA'I RTZA 'DAB MA SO GNYIS PA GDUGS KHA PHUB PA LTA BU GSAL BTAB NAS LTE BA'I RTZA MDUD NANG DU ZLA BA'I STENG DU AA DMAR PO MGO GYEN LA BSTAN PA, SNYING KHA' RTZA MDUD NANG DU ZLA BA'I STENG DU H'Um SNGON PO MGO THUR DU LTA BA, MGRIN

, ,PA'I RTZA MDUD NANG DU ZLA BA'I STENG DU AOm DMAR PO MGO GYEN LA BSTAN PA, SPYI BO'I RTZA MDUD NANG DU ZLA BA'I STENG DU HAm DKAR PO MGO 'THUR DU BLTA BA RNAMS BSGOMS, GTZO CHER NI LTE BA'I AA THUNG LA SEMS 'DZIN PA YIN NO, ,YI GE GZHAN GSUM LA'ANG CUNG ZAD SEMS 'DZIN PA YIN LA, GONG GI RTZA YI KHA DOG BSHAD PA DE RNAMS NI 'DAB MA RNAMS KYI KHA DOG YIN NO, ,DE'ANG, BSGOM PA'I SKABS SU RTZA MDUD DE DAG CUNG ZAD GROL BA'AM LHOD DE SONG BAR BSAMS NAS, RTZA MDUD DE DAG GI NANG DU YI GE DE RNAMS BSGOM PA YIN NO, ,RTZA 'KHOR BZHI PO DE DAG KYANG BSDU NA AE WAm GYI RTZA GNYIS SU 'DU LA, DE YANG AE LA GNYIS LAS THABS KYI RTZA NI SPYI BO'I RTZA, SHES RAB KYI RTZA NI LTA BA'I RTZA 'KHOR YIN ZHING, DE GNYIS KYANG DBYIBS GRU GSUM GYI RNAM PAR YOD DO, ,WAm GYI RTZA LA GNYIS LAS THABS KYI RTZA NI MGRIN PA'I RTZA DANG, SHES RAB KYI RTZA NI SNYING KHA'I RTZA 'KHOR YIN ZHING, DE GNYIS KYI DBYIBS GDUGS LTAR YOD DO, ,RTZA 'DAB DE DAG LA YI GE 'GOD TSUL NI, RGYAS PA BLOS MI LCOGS NA GONG DU BSHAD PA LTAR RTZA 'KHOR BZHI PO DE'I LTE BA LA YI GE BZHI 'GOD LA, RGYAS PA BLOS LCOGS NA LTE BA'I RTZA 'DAB BRGYAD LA SDE TSAN BRGYAD KYI YI GE RNAMS 'GOD PA YIN TE, SPYIR LTE BA LA RTZA MDUD KYI PHYI ROL LA YANG RTZA 'DAB MA BZHI, DE'I PHYI ROL TU RTZA 'DAB BRGYAD, DE'I PHYI ROL TU DUS 'KHOR BA'I LUGS KYI RTZA 'DAB MA BCU GNYIS RGYUD GZHAN GYI LUGS KYI BCU DRUG ,DE'I PHYI ROL DU 'DAB MA RE BZHI RNAMS YOD PA LAS, 'DAB MA GZHAN DANG RO RKYANG GNYIS BTANG SNYOMS SU BZHAG LA, LTE BA'I 'DAB MA BRGYAD BYAS LA, BRGYAD PO

DE DAG KYANG RTZA DBU MA LA ZUG PAR BSGOMS LA, 'DAB MA RNAMS LA YI GE 'GOD PA'I TSE, SKABS GANG DU YANG GA-YAS SKOR DANG, PHYOGS KYI DANG PO SHAR DANG, MTSAMS KYI DANG PO BYANG SHAR DU BYED PA SKABS 'DIR SHES DGOS SHING, DE YANG PHYOGS KYI YI GE RNAMS SNGON DU DANG, MTSAMS KYI YI GE RNAMS RTING LA 'GOD DGOS SO, ,DE YANG LTA BA'I SHAR LHO, NUB BYANG BZHI LA RIM PA LTAR, AA'I SDE TSAN DBYANGS BCU DRUG DANG, KA SDE DANG, TZA SDE DANG, TA SDE RNAMS BKOD NAS, BYANG SHAR, SHAR LHO, LHO NUB, NUB BYANG, STE MTSAMS BZHI LA RIM PA LTAR, TA SDE, PA SDE, YA SDE, SHA SDE RNAMS 'GOD, SNGA TSAN DE RNAMS ZHIB PAR 'GOD MI NUS NA PHYOGS BZHI DANG MTSAMS BZHI LA RIM PA LTAR AA DANG KA SOGS SDE TSAN GYI YI GE DANG PO 'GOD DO, ,SNYING KHA'I RTZA 'DAB BRGYAD KYI PHYOGS BZHI DANG MTSAMS BZHI LA RIM PA LTAR, AA AI AU AE RNAMS DANG, YA RA LA WA STE, YI GE THUNG NGU BRGYAD 'GOD, MGRIN PA'I RTZA 'DAB BCU DRUG LA, SNYING KHA'I YI GE RING CHA CAN, SHAR NAS BRTZAMS NAS PHYOGS BZHI DANG MTSAMS BZHI LA RIM PAR 'GOD, DE'ANG DANG PO SHAR GYI 'DAB MA LA 'GOD CING, LHAG MA RNAMS RTZA 'DAB RE RE BAR SKABS SU BZHAG NAS 'GOD, SPYI BO'I RTZA 'DAB SO GNYIS LA DBYANGS YIG BCU DRUG 'GOD LA, DE'ANG SHAR TZAM LA AA LTA BU BKOD NAS DE NAS LHAG MA RNAMS RTZA 'DAB RE RE BZHAG NAS 'GOD PA SNGAR DANG 'DRA'O, , 'DAB MA'I RTZA RNAMS KYI YI GE'I KHA DOG NI, RANG GI LTE BA'I YI GE'I KHA DOG DANG 'DRA ZHING, YI GE THAMS CAD KYANG ZLA PHYED THIG LE N'A DA DANG BCAS PA YIN LA, DE DAG KYANG BA MO'I BDUD RTZI 'DZAG PA'I RNAM PA CAN BSGOM DGOS PA YIN NO, ,RTZA MDUD NANG GI YI GE

, ,BSGOMS PA'I DGOS PA NI, RTZA MDUD GROL BA'I CHED YIN ZHING, 'DAB MA'I YI GE BSGOMS PA'I DGOS PA NI, 'DAB MA'I RLUNG SEMS DBU MAR 'DU BA'I CHED YIN NO, ,GSAL BYED KYI YI GE RNAMS 'GOD PA'I DUS SU KshA MI 'GOD DO, ,MGO 'PHRENG LNGA BCU'I DAG PA SBYOR BA'I TSE KshA DANG BCAS PA'I GSAL BYED SO BZHI DBYANGS BCU DRUG DANG SBYOR BA YIN NO, ,RTZA NANG NA DBYANGS RNAMS KHA GYEN BLTA, GSAL BYED RNAMS KHA 'THUR BSTAN DU BSHAD PA NI, RO RKYANG DBU MA GSUM GYI NANG GI YI GE YIN GYI, 'DAB MA'I YI GE MA YIN NO, ,'DAB MA RNAMS LA YI GE 'GOD TSUL NI, SHAR GYI 'DAB MA LTA BU'I DBANG DU BYAS NA, SHAR GYI 'DAB MA'I PHYI PHYOGS NAS RIM PA LTAR YOD, DE YANG PHYI'I THA MA NA AA YOD LA, DE'I MDUN NA AA RING CHA CAN, DES DBYANGS YIG GZHAN RNAMS 'GOD TSUL RIGS 'GRO, 'DAB MA GZHAN RNAMS LA KA SDE SOGS SDE TSAN GZHAN GYI YI GE RNAMS KYANG PHYI NANG LA RIM PA LTAR 'GOD YOD PA YIN NO, ,DE YANG YI GE LANG BA'I RNAM PA CAN GDONG LTE BA'I YI GE LA BSTAN PA'I TSUL GYIS 'GOD DGOS SO, ,'DAB MA'I YI GE RNAMS LA ZLA GDAN MA BSHAD PAS MI DGOS SHING, YI GE RNAMS GTZO CHE CHUNG MA GTOGS DBYANGS GSAL 'DRES MA YIN LA, DBYANGS RNAMS KYI ZLA PHYED THIG LE N'A DA RNAMS GSAL BYED YIN NO, ,DE YANG LTE BA'I YI GE RNAMS KYI DBANG DU BYAS NA, DBUS KYANG AA NI DBYANGS SHAS CHE ZHING GSAL BYED SHAS CHUNG, SHAR GYI 'DAB MA MA GTOGS PHYOGS KYI 'DAB MA RNAMS LA DBYANGS YIG MED PAS, 'DAB MA RNAMS DBYANGS YIG SHAS CHUNG GSAL BYED SHAS CHE'O, ,SNYING KHA'I RTZA MDUD KYI DBUS KYI H'Um YIG KYANG GSAL BYED

SHAS CHE'O, ,MGRIN PA'I RTZA 'DAB KYI DBUS KYI AOm NI DBYANGS SHAS CHE ZHING, DE GNYIS KYI 'DAB MA'I YI GE RNAMS NI DBYANGS GSAL CHA SNYAM PA'O, ,SPYI BO'I RTZA 'DAB KYI DBUS KYI HAm NI GSAL BYED SHAS CHE'O, ,DE'I 'DAB MA'I YI GE RNAMS NI DBYANGS SHAS CHE BA YIN NO, ,DE YANG DBYANGS RNAMS KYIS BYANG SEMS DKAR PO DANG, GSAL BYED RNAMS KYIS BYANG SEMS DMAR PO MTSON NO, ,'DAB MA'I YI GE RNAMS GSAL BTAB NAS DE LA SEMS ZIN NA LEGS LA, MA ZIN KYANG 'KHOR LO BZHI'I DBUS KYI YI GE BZHI PO SHIN TU PHRA BA YUNGS KAR 'BRING PO'I TSAD TZAM LA ZIN NAS GNAS CHA CUNG ZAD RNYED NA DES CHOG PAS DE RNYED RNYED DU BSGOM DGOS LA, YI GE'I GSAL SNANG SHAR NAS DMIGS PA SPO RAN GSUNG, DE RNYED NA THIG LE LA DMIGS PA SPO DGOS PA YIN TE, YI GE PHRA MO BSGOM PA NI THIG LE'I DMIGS RTEN RNYED PA'I CHED YIN PA'I PHYIR RO, ,THIG LE LA SEMS 'DZIN PA'I DUS SU 'DI LTAR BYA STE, SNGAR GYI DMIGS PA RNAMS RIM PA LTAR GSAL BTAB LA, DE NAS SUM MNGON SA LAS KYI RLUNG GA-YOS PAS LTE BA'I AAm LAS ME SBAR TE, SPYI BO'I 'KHOR LO'I BAR DU RTZA DBU MA'I NANG NA YAR SONG STE, ME DE'I 'OD KYIS SPYI BO'I RTZA 'DAB KYI YI GE RNAMS ZHU NAS, 'KHOR LO'I LTE BAR 'DUS SHING, HAm YANG ZHU NAS THIG LER GYUR PA DE RIM GYIS MGRIN PAR BABS NAS, DE'I 'OD KYIS MGRIN PA'I YI GE RNAMS ZHU NAS THIG LE DE NYID LA THIM LA, YANG MGRIN PA NAS BABS NAS SNYING KHAR SLEBS PA NA, DE'I 'OD KYIS SNYING KHA'I YI GE RNAMS ZHU NAS THIG LE DE NYID LA THIM LA, YANG DE SNYING KHA NAS BABS NAS LTE BAR SLEBS PA NA, DE'I 'OD KYIS LTE BA'I YI GE RNAMS ZHU NAS THIG LE DE NYID LA THIM PAR BSAMS LA,

, ,DMIGS PA 'DZIN PA'I TSE THIG LE DE NYID SEMS DANG THIG LE RLUNG GSUM 'DUS PA YIN SNYAM PA'I MOS PA SNGON DU BTANG ZHING, BDE STONG DBYER MED DE'I NGO BO YIN SNYAM DU BSAMS NAS LTE BA'I RTZA MDUD NANG DU THIG LE DKAR LA DMAR BA'I MDANGS CHAGS PA YUNGS KAR 'BRING PO'I TSAD TZAM LA SEMS 'DZIN NO, ,DMIGS RTEN 'CHAR BZHIN DU YUNGS KAR 'BRING PO'I TSAD TZAM LA SEMS 'DZIN GYI, DE BAS CHE BA DANG CHUNG BA GANG LA YANG SEMS MI 'DZIN NO, ,DMIGS RTEN PHRA MO SHAR NAS DE LA SEMS CUNG ZAD ZIN PA'I TSE, DMIGS PA 'DI BSNAN NAS BSGOM PA YIN TE, DE YANG RANG SEMS THIG LE PHRA MO'I NANG DU THIM PA'I MOS PA BYAS NAS THIG LE DE NYID LA SEMS 'DZIN, DE LTAR BSGOMS PAS RANG GI SEMS DANG THIG LE GNYIS KYI BAR NA GNYIS SNANG PHRA MO YANG MED PAR SEMS THIG LE LA THIM PA'I NYAMS SHAR BA'I TSE, THIG LE LA DMIGS PA'I DGOS PA GRUB PAS, DMIGS PA SPRO RAN PA YIN NO, ,YANG DE'I RJES SU DMIGS PA GONG MA RNAMS BSGOMS PAS SEMS THIG LE LA THIM PA'I NYAMS MA SHAR YANG GONG GI DMIGS PA RNAMS BSGOMS PA'I RJES SU THIG LE LA SEMS 'DZIN PA'I DUS SU, GSUM GNYIS SAM PHYED TZAM DU THUN RE RE LTAR RLUNG LA DMIGS NAS BSGOM PA YIN LA, DE'I TSUL NI RANG GI GZHOGS GA-YAS GA-YON DANG, STENG 'OG GI RLUNG RNAMS LTE BA'I 'OG GI SUM MDOR BSDUS NAS, 'DUS MA THAG TU RLUNG DE DBU MA'I NANG DU SLEBS TZAM NAS ME LONG LA HA BTAB PA BZHIN DU YAL BA'I DMIGS PA YANG YANG BYA'O, ,DE LTAR BSGOM

PA'I DGOS PA NI RTZA LA MA SBYONG BA DANG RLUNG LA BRTEN PA'I GEGS RNAMS MI 'BYUNG ZHING, MNYAM GZHAG GI DUS SU SNA BUG TU RGYU BA'I RLUNG 'DI 'GAGS NAS 'GRO STE, DE 'GAGS TSUL NI DANG POR TING NGE 'DZIN LA MNYAM PAR BZHAG PA'I TSE, DBUGS GNYIS GSUM RGYU BA'I RGYUN TZAM DU RLUNG SNA SGOR MI RGYU BA YIN LA, DE NAS GOMS PA CHER SONG NAS RLUNG SNA SGOR MI RGYU BA'I YUN DE RING DU 'GRO BAS, DA GZOD SNGA DRO RE TZAM RLUNG SNA SGOR MI RGYU BA 'BYUNG NGO, ,DE YANG DANG POR RLUNG 'GAGS PA'I TSE, SNA BUG GI RLUNG LOG NAS RLUNG GIS GROD PA KHENGS PA'I SNANG BA 'GYUR LA, DE NAS GROD PA GANG BA'I SNANG BA LOG NAS SNA SGOR RLUNG BRGYUS NA, 'GAGS TSUL RNAL MA MA YIN LA, GROD PA'I NANG GI RLUNG DE ME LONG LA HA BTAB PA LTAR YAL NAS YANG DA DUD SNA SGO NAS MI RGYU NA RLUNG DBU MAR TSUD PA YIN NO, ,RLUNG DE RTZA BA'I RLUNG LNGA'I NANG NAS THUR SEL GYI RLUNG YIN LA, DE LA GSAR RNYING GNYIS YOD PA LAS, RNYING PA RNAMS YAL NAS 'GRO BAS DBU MA'I NANG DU MI 'GRO ZHING, RLUNG SNA SGOR RGYU BA LOG PA DANG DUS MNYAM DU LTE BA'I 'OG GI RTZA DBU MA'I SBUBS KHA PHYE BA DANG DUS MNYAM DU 'ONG ZHING RTZA KHA BYE BA DE'I NANG NAS THUR SEL GYI RLUNG GSAR PA SKYES NAS, DES LTE BA'I ME SBAR, ME DES SPYI BO'I BYANG SEMS ZHU BA YIN NO, ,RLUNG DE YI DBYIBS NI GZHU YI DBYIBS LTA BUR YOD DO, ,DE LTAR RTZA RLUNG THIG LE'I BSHAD PA MANG DU BYAS KYANG MTHAR GTUGS NA TING NGE 'DZIN GYI MTHUS STENG GI SNA SGOR RGYU BA'I RLUNG LOG NAS DE MA THAG TU LTE BA'I 'OG GI RTZA DBU MA'I KHA BYE NAS DE'I NANG DU RLUNG GSAR PA SKYES TE, RTZA DBU MA'I NANG GI RLUNG DES RTZA DBU MA'I NANG GI LTE BA'I ME SBAR BA'AM, LTE BA'I KHRA

, ,'PHEL NAS SPYI GTZUG GI BAR DU SONG BAS RTZA DBU MA'I NANG GI SPYI BO'I BYANG SEMS ZHU NAS 'KHOR LO'I GNAS RNAMS SU BABS PAS, RIM PA LTAR DGA' BZHI'I RTOG PA RGYUD NAS BSHAD PA LTAR SKYE BA YIN PAS RTZA GZHAN GYI NANG GI KHRAG 'PHEL NAS, RTZA GZHAN GYI BYANG SEMS ZHU BA'I ZHU BDE SKYE BA YOD MOD, 'DIR RTZA DBU MA'I NANG GI RLUNG GIS ME SBAR, DES SPYI BO'I BYANG SEMS ZHU BA DGOS PA YIN NO, ,DES NA RGYUD PHAL CHER BAR SNA SGO'I RLUNG RGYU BA LOG MA THAG TU RTZA DBU MA'I NANG DU RLUNG SENG NAS DES MA SBAR BA YAN MTHUN LA, SNA SGO'I RLUNG RGYU BA LOG PA'I SKABS SU, DUS 'KHOR BAS GTZO BOR BUM PA CAN BSGOM, GSANG 'DUS PAS RDOR BZLAS BYED, BDE DGYES RNAMS KYIS YI GE DANG THIG LE DANG ME LA SEMS 'DZIN PA SOGS GONG DU BSHAD PA 'DI RNAMS BYED DO, ,SNA SGO'I RLUNG RGYU BA LOG PA NI RTZA DBU MA'I NANG DU RLUNG SONG NAS LTE BA'I ME 'BAR BAS YIN LA, SNA SGOR RLUNG RGYU BA'I TSE, LTE BA'I ME 'BAR BA'I 'PHRO CHOD PA'I RTAGS YIN NO, ,DE NAS DMIGS PA SNGA MA RNAMS BRTAN PA NA 'DI LTAR BSGOM PAR BYA STE, GONG GI DMIGS PA THUN RE RE MA CHAG PAR BSKYANGS PA'I NGANG NAS DMIGS PA DE DAG GI MTHUS SNA SGOR RLUNG RGYU BA 'GAGS PA'I MOS PA BYAS LA SUM MDO NAS RTZA DBU MA'I NANG GI RLUNG GA-YOS PA'I MTHUS, SHEL GYI GONG BU'I NANG NAS ME PHRA MO 'BAR BA LTAR, THIG LE LAS ME'I 'OD ZER GYI RE KHA PHRA MO KHA DOG DMAR SER REG BYA SHIN TU TSA BA TSAD SOR GNYIS NAS SOR BZHI'I BAR GANG MA NOS BYAS LA, ME KHYAD PAR CAN DE LTA BU DANG LDAN PA SKYES PA'I DMIGS PA BYAS TE,

SNGAR GYI THIG LE ME DANG BCAS PA LA SEMS 'DZIN PA YIN NO, ,DE CUNG ZAD BRTAN PA NA LTE BA'I ME PHRA MO DE SPYI BO'I BAR DU SONG BA'I DMIGS PA BYAS LA, ME DES SPYI BO'I BYANG SEMS ZHU NAS RTZA DBU MA'I NANG 'KHOR LO RNAMS KYI LTE BAR RIM PA LTAR BABS NAS LTE BA'I RTZA 'KHOR GYI DBUS KYI SNGAR GYI THIG LE LA THIM PA'I MOS PA BYAS, YANG SNGAR GYI THIG LE ME DANG BCAS PA LA SEMS 'DZIN NO, ,DE CUNG ZAD BRTAN PA NA YAR 'GRO BA'I ME DE CUNG ZAD RE SBOM DU 'GRO BA'I DMIGS PA BYED DO, ,YANG DE'I SKABS SU MAR ME GCIG GIS MDZED DU MA SNANG BAR BYED PA LTAR LTE BA'I ME DE RTZA 'KHOR RNAMS KYI LTE BAR DE'I 'OD KYIS RTZA 'DAB RNAMS KYI NANG GSAL BA'I DMIGS PA BYED CING, BLO YIS LCOGS NA RTZA STONG PHRAG BDUN CU RTZA GNYIS PO THAMS CAD ME'I 'OD KYIS GSAL BAR BYAS PA'I DMIGS PA YANG YANG DU BSGOM MO, ,DE LTAR BSGOMS NA NYAMS SNANG LA BRTEN NAS LKOG GYUR CI RIGS SU STON THUB PA 'BYUNG NGA, ,'ON KYANG MNGON SHES NI MIN GSUNGS, DES NA DMIGS PA DE DAG BRTAN PA NA 'DI LTAR DU BSGOM PAR BYA STE, RANG GI LTE BA'I ME DE YAR LA SPYI BO'I BAR DU SONG, DE NAS MAR SMIN MTSAMS BAR DU 'ONGS NAS RANG GI SNA BUG GA-YAS NAS 'THON TE PHYOGS BCU'I SANGS RGYAS BYANG SEMS DANG, NYAN RANG SEMS CAN THAMS CAD LA PHOG PAS DE THAMS CAD KYANG SANGS RGYAS SU GYUR PA'I MOS PA BYAS LA, DE NAS DE RNAMS DANG SNGAR SANGS RGYAS ZIN PA'I SANGS RGYAS RNAMS KYIS SNA BUG GA-YON NAS ME DE SONG BAS SMIN MTSAMS NAS SPYI BO'I BAR DU ME DE SLEBS NAS, DE NAS MAR MGRIN PA DANG SNYING KHA DANG LTE BA'I BAR DU SONG STE, LTE BA NAS THIG LE

, ,DKAR PO DRANGS TE, SPYI BO'I BAR DU YAR BYUNG, DE NAS MAR SMIN MTSAMS BAR DU 'ONGS TE, SNA BUG GA-YAS NAS 'THEN NAS RANG GI 'JUG PA'I SNA BUG GA-YON NAS ZHUGS TE, SMIN MTSAMS NAS SPYI BO'I BAR DU SONG, DE NAS MAR LTE BA'I BAR DU BABS PAS SNGAR MES GDUNGS PA'I RTZA RNAMS GSOS TE, SNGAR GYI RTZA MDUD KYI THIG LE LA THIM PA'I MOS PA YANG YANG BYA LA, YANG SNGAR GYI THIG LE ME DANG BCAS PA LA SEMS 'DZIN NO, ,MDOR NA GONG DU BSHAD PA'I DMIGS PA ZIN PA'I RTAGS DE DAG BYUNG NA RAB, MA BYUNG NA'ANG DMIGS PA SNGA MA SNGA MA CUNG ZAD BRTAN PA NA, DMIGS PA RTING MA PHOG LA DMIGS PA RNAMS 'DRIL BA'I TSE RANG RANG GI RTAGS MA RDZOGS KYI BAR DU RGYUN BSRINGS NAS NYI MA RE RE ZHING BSKYED RIM GYI THUN BZHI'I THA MAR BSGOM PA YIN NO, ,DE LTAR BSGOMS PAS LTE BA'I ME 'BAR TE, SPYI BO'I BYANG SEMS ZHU BA'I TSE, GOMS PA RAB TU GYUR PA'I NA, SPYI BO'I BYANG SEMS ZHU BA DE NYID KYIS LTE BA'I ME 'BAR BA'I RKYEN BYAS NAS, DE NAS ME DMIGS SOGS LA LTOS MI DGOS PAR 'BAR 'DZAG 'KHOR MAR 'BYUNG BA YIN NO, ,SPYI BO'I BYANG SEMS CHU KHAMS YIN PAS LTE BA'I ME DANG GNYIS GCIG GIS GCIG 'PHEL BA'I GROGS BYED PA MI 'THAD DO SNYAM NA, LTE BA'I ME ZER YANG NGO BO KHRAG YIN PAS, LTA BA'I DMAR CHAS GTZO BOR DROD BSKYED CING, SPYI BO'I DKAR CHAS GTZO BOR BDE BA BSKYED LA, CHU KHAMS GCIG GIS GCIG GI GROGS BYED PA MI 'GAL LO, ,DES NA SPYI BO'I BYANG SEMS LTE BAR SLEBS PA'I TSE BSIL BAR 'GYUR ZHES BSHAD KYANG, BSIL BA'I DON DROD CHUNG DU SONG BA

LA BYED NA DON 'GANGS CHEN 'PHYUG PAS, DE LA MI BYA BAR BSIL BA'I DON SPYI BO'I BYANG SEMS KYIS LTE BA'I ME TSIM PA LA BYA'O, ,DMIGS PA DE DAG BSGOMS PA'I 'BRAS BU DGA' BZHI NGOS GZUNG BA LA GNYIS LAS, RANG BZHIN BRGYAD CU'I RTOG PA 'GAGS RIM DANG BSTUN NAS DGA' BZHI NGOS GZUNG BA NI, RDZOGS RIM GYI YANG RE MTHOR SLEBS PA'I DGA' BZHI NGOS 'DZIN TSUL YIN PAS, RE ZHIG 'DIR MI 'CHAD LA, DES NA 'DIR NI GNAS KYI SGO NAS DGA' BZHI NGOS 'DZIN 'CHAD PA YIN TE, DE YANG BUM PA CAN DANG RDOR BZLAS DANG THIG LE'I RNAL 'BYOR ME DMIGS DANG BCAS PA GANG RUNG GI MTHUS RLUNG SNA SGO LA RGYU BA LOG NAS LUS KYI NANG GANG BA LTA BUR SNANG BA NANG GI RLUNG ME LONG LA HA BTAB PA BZHIN DU YAL TE 'GAGS PA'I MTHUS SUM MDO'I RLUNG GIS LTE BA'I ME SBAR ZHING, SPYIR BTANG LA RAGS PA TZAM BRJOD KYANG ZHIB TU BSHAD PA'I RLUNG DE 'GAGS PA'I MTHUS RDO RJE'I NANG GI DBU MA ZHAR LA KHA BYE NAS SBUBS CAN DU BYAS LA, DE'I NANG NAS SKYES PA'I THUR SEL GYI RLUNG GSAR PA SUM MDOR SONG STE, KshA YIG GIS MTSON PA'I ME SBAR TE, DE YI DUS SU RLUNG DE DANG ME 'DRES PA LA THIM ZHES BSHAD DO, ,DE NAS SUM MDO'I ME DES LTE BA'I HAm YIG GIS MTSON PA'I ME SPAR NAS ME DE SPYI BO'I BAR DU SONG BAS BYANG SEMS ZHU NAS DKAR CHAS MGRIN PA'I 'KHOR LO'I DBUS SU SLEBS PA'I BAR GYI DGA' BA NI DGA' BA BZHI'I NANG NAS DGA' BA SKYES PA YIN NO, ,DE NAS MGRIN PA'I RTZA 'KHOR GYI DBUS KYI LTE BA'I 'OG TZAM NAS BZUNG STE, SNYING KHA'I 'KHOR LO'I DBUS SU DKAR CHAS SLEBS PA'I BAR NI, MCHOG DGA' SKYES DUS YIN

, ,NO, ,SNYING KHA'I 'KHOR LO'I DBUS KYI LTE BA'I MGO TZAM NAS BZUNG STE, LTE BA'I 'KHOR LO'I DBUS SU DKAR CHA SLEBS PA'I BAR LA KHYAD PAR GYI DGA' BA SKYES SO, ,LTE BA'I 'KHOR LO'I DBUS KYI LTE BA'I 'OG TZAM NAS BZUNG STE, RDO RJE NOR BU'I DBUS SU SLEBS TE PHYIR MA 'PHOS KYI BAR LA LHAN SKYES KYI DGA' BA SKYE'O, ,ZLA BA LA DKAR CHA 'PHEL BA'I CHA BCO LNGA, DKAR CHA RDZOGS NAS NAG CHA LA MA SLEBS KYI BAR LA CHA GCIG DANG BCAS PAS CHA BCU DRUG YOD PA DANG MTHUN PAR, SPYI BO NAS NOR BU'I RTZE'I BAR GYI BYANG SEMS DKAR PO LA CHA BCU DRUG YOD PAS, BCU DRUG PO DE LA BRTEN PA'I BDE BA'AM DGA' BA YANG BCU DRUG YOD DO, ,CHA BCU DRUG YOD TSUL NI, SPYI BO NAS MGRIN PA'I BAR LA CHA MNYAM PA BZHIR BGOS NAS STENG NAS RIM PA LTAR BZHI CHA RE RE'I DUS SU DGA' BA'I DGA' BA SKYE LA, 'OG MA RNAMS LA YANG CHA 'GOD TSUL DGA' BA GZHAN GSUM GYI BSKYED TSUL YANG DES RIGS 'GRE'O, ,YANG NYI KHYIM BCU GNYIS KYI BGROD PA DANG MTHUN PAR SPYI BO NAS MGRIN PA'I BAR DANG, MGRIN PA NAS SNYING KHA'I BAR DANG, SNYING KHA NAS LTE BA'I DANG, LTE BA NAS NOR BU'I RTZE MO'I BAR DE DAG LA CHA MNYAM CHA GSUM GSUM DU BGOS NAS, GNAS BCU GNYIS PO DE DAG TU RIM PA LTAR DMAR CHA SLEBS PA NA, DMAR CHA BCU GNYIS LA BRTEN PA'I BDE BA'AM DGA' BA BCU GNYIS SKYE'O, ,DGA' BA BCU DRUG DANG, DGA' BA BCU GNYIS KYI KHYAD PAR RNAMS NYAMS MYONG GI STENG NAS BYED DGOS GSUNGS, YAS BABS KYI DGA' BA'I SKABS SU, SPYI BO NAS BYANG SEMS DKAR PO NAR MAR 'DZAG PA'I NGES PA MED

KYANG SPYI BO NAS 'ONG BA'I BYANG SEMS DES ZHAR LA RTZA NANG GI BYANG SEMS GZHAN RNAMS KYANG DRANGS NAS 'BAB PAS, GNAS 'OG MAR SLEBS KYIN DGA' BDE CHER 'GRO BA YIN NO, ,MAS BRTAN GYI DGA' BA'I SKABS SU GNAS GONG MA GONG MAR SLEBS KYIN DGA' BA DE CHER 'GRO BA YIN LA, DE YANG LHAN SKYES KYI DGA' BA LA BZHIR PHYE BA'I DGA' BA NI, 'OG NAS RIM PA LTAR NOR BU'I RTZE NAS YAR 'ONGS NAS LTE BAR SLEBS PA'I TSE, LHAN SKYES KYI DGA' BA'I DGA' BA DANG, DE'I SNYING KHAR SLEBS PA'I TSE LHAN SKYES KYI DGA' BA'I MCHOG DGA' DANG, DE'I MGRIN PAR SLEBS PA'I TSE LHAN SKYES KYI DGA' BA'I KHYAD DGA' DANG, DE'I SPYI BO'I 'KHOR LO'I DBUS SU SLEBS PA'I TSE, LHAN SKYES KYI DGA' BA'I LHAN CIG SKYES DGA' SKYE'O, ,DE NAS MAS BRTAN LA LHAN SKYES LAS MA GTOGS PA'I DGA' BA MI SRID CING, YAS BABS LAS GZHAN PA'I DMIGS PA ZUR PA GCIG GIS MAS BRTAN GYI DGA' BA SKYED DGOS SO, ,RLUNG SBYOR 'KHRUL SOGS MA BYAS KYANG, ME DMIGS BYAS PA NYID KYIS RTZA SBYONG NUS PAS GEGS MI 'BYUNG NGO, ,RLUNG BUM PA CAN SGOM PA SOGS MA BYAS KYANG THIG LE LA SEMS ZIN NAS STENG GI SNA SGO LA RGYU BA'I RLUNG 'GAGS PA'I MTHUS, THIG LE 'DZAG MED DU 'CHING NUS PA YIN ZHING, GONG GI DMIGS PA DE RNAMS BDE MCHOG DANG, KYE RDOR GYI MNGON RTOGS DANG SPREL NAS BSGOMS NA BOGS CHE BA YIN NO, , DGA' BA BZHI'I NANG NAS LHAN SKYES KYI DGA' BA SKYES PA'I TSE, DE DANG STONG NYID SBREL NAS BSGOM PA YIN ZHING, LHAN SKYES DE YANG YAS BABS KYI SKABS SU GNAS DMA' BA TZAM GYI DGA' BA CHE ZHING, MAS BRTAN GYI SKABS SU GNAS MTHO BA TZAM GYI DGA'

, ,BA CHER 'GRO BAS, STONG NYID BSGOM DUS DANG LHAN SKYES DUS GO BA DMIGS PHYED PO BYAS LA BSGOM DGOS PA YIN NO, ,RLUNG 'GAGS DUS RLUNG DBU MAR 'DU BA'I BSHAD PA YANG GRUB CHEN 'GA' RES BYAS YOD PAS 'DAB MA'I NANG GI LAS RLUNG RNAMS DBU MA'I NANG DU SONG BA'I TSE, DBU MA'I NANG DU SLEBS TZAM NA YAL BA'I DMIGS PA BYAS KYANG 'GAL BA MED CING, YANG DBU MA'I PHYI ROL TU 'GAGS PA BYAS PA'I LUGS KYANG YOD PAS DE GNYIS GANG MOS KYIS CHOG GSUNGS SO, ('DI NI PHAG LO DGUN GZHIS KHA SNE'U NAS BTAG NAS, SE RA CHOS SDINGS SU BZHUGS DUS, DRUG PA RDO RJE 'CHANG CHEN PO'I NGO BO BLA MA RIN PO CHE BLO BZANG GRAGS PA'I ZHAL SNGA NAS KYIS, MA RGYUD KYI RDZOGS RIM DPYID THIG 'DI, TSOGS PA BRGYA TZAM LA GNANG DUS MI BSKYOD RDO RJE MA ZIN BRIS BYAS PA'O, ,'DI NI RJE BTZUN TZONG KHA PA'I GSUNG GI YIG CHUNG GSAL BYED GSUM ZHES THO YIG LAS 'BYUNG BA'I ZHAL SHES DE NYID LAGS,) ATHII, SANGS RGYAS DNGOS SU BYON KYANG 'DI LAS ZAB PA'I LAM STON RGYU MED DO, ,'DI LA YID CHES PAR DBEN SAR NYAMS SU LONGS SHIG , ,,DGE LEGS DPAL BZANG POS, ` DAM TSIG RDO RJE'I BZLAS LUNG NI, RANG YI DAM DU GSAL BA'I THUGS KAR SNA TSOGS PADMA DANG ZLA BA'I GDAN LA, HA LAS RAL GRI'I 'CHANG BZUNG LA HAS MTSAN PA YONGS SU GYUR PA LAS, DON YOD RDO RJE SKU MDOG LJANG KHU LJANG NAG DKAR BA'I ZHAL GSUM PHYAG DRUG GI DANG PO GNYIS KYIS RANG 'DRA'I YUM DAM TSIG SGROL MA LA 'KHYUD PA, LHAG MA GA-YAS GNYIS RDO RJE DANG RAL GRI, GA-YON GNYIS DRIL BU DANG PADMA 'DZIN PA, DBU SKRA RAL BA'I THOR TSUGS CAN, MTSAN BZANG PO SO GNYIS DANG, DPE BYAD BZANG

PO BRGYAD CUS SPRAS PA, YAB YUM GNYIS KA'ANG RIN PO CHE'I RGYAN BRGYAD KYIS BRGYAN CING, DAR SNA TSOGS KYI NA BZA' CAN, YAB SEMS DPA'I SKYIL MO KRUNG GIS BZHUGS PA, DE'I SPYI BOR AOm DKAR PO, MGRIN PAR A'A: DMAR BE, THUGS KAR H'Um SNGON PO, THUGS KA'I H'UM LAS 'OD ZER 'PHROS PAS, BSGROMS PA DANG 'DRA BA'I YE SHES PA SPYAN DRANGS, DZA: H'Um BAm HO: GNYIS SU MED PAR GYUR, SLAR YANG THUGS KA'I H'Um GI 'OD ZER GYIS RIGS LNGA 'KHOR DANG BCAS PA SPYAN DRANGS, CHU GNYIS NYER SPYOD LNGAS MCHOD, DE BZHIN GSHEGS PA THAMS CAD KYIS 'DI LA MNGON PAR DBANG BSKUR DU GSOL, ZHES GSOL BA BTAB PAS, DE RNAMS KYIS YE SHES KYI BDUD RTZIS GANG BA'I BUM PA THOGS NAS, AOm SARBA TA TH'A GA TA AA BHI shE KA TA SA MA YA SHR'I A'A: H'Um, ZHES DBANG BSKUR BAS DAM TSIG GI RDO RJE'I LUS THAMS CAD GANG, BDE BA CHEN PO MYONG, DRI MA THAMS CAD DAG ,CHU LHAG MA SPYI BOR GNAS PA YONGS SU GYUR PA LAS, YAB LA MI BSKYOD PA DANG, YUM LA DON GRUB KYIS DBU BRGYAN PAR GYUR, DE'I THUGS KAR ZLA BA'I STENG DU SNA TSOGS RDO RJE'I LTE BAR HA LJANG KHU LAS BDUD RTZI'I RGYUN PHRA MO 'JEG PA'I MTHAR, AOm A'A: PRADZNY'A DHRiKA HA H'Um, ZHES PAS BSKOR BA LA DMIGS TE BZLAS PAS, SNA TSOGS RDO RJE'I RVA'I BU GA NAS BDUD RTZI'I RGYUN BABS TE LUS THAMS CAD GANG, DAM TSIG NYAMS CHAGS KYIS MTSON PA'I SDIG LTUNG THAMS CAD BSHANG LAM DANG CHU SO DANG BA SPU'I BU GA THAMS CAD NAS DUD KHU'I RNAM PAS PHYIR 'THON SHEL LTAR DAG PAR GYUR, BDE BA CHEN PO MYONG BAR BSAM, BDAG NI MI SHES RMONGS PA YIS, *, ,ZHES SOGS BYA, DAM TSIG NYAMS CHAG GSO BA LA 'DI RANG BSNGAGS PA YIN GSUNG NGO ,ATHII,