S05388E · GMLW-004875

A Teaching on the Six-Part Secret Practice for the Stage of Completion in the Secret Tradition of the Wheel of Time, set down in the Form of Notes to a Teaching of Je Tsongkapa, by the One whose Name is Punya

DUS KYI 'KHOR LO'I RDZOGS RIM SBYOR BA YAN LAG DRUG GI KHRID PUn+YA'I MING CAN GYIS RJE'I GSUNG BZHIN ZIN BRIS SU BKOD PA

מחברauthor

JE TSONGKAPA LOBSANG DRAKPARJE TZONG KHA PA BLO BZANG GRAGS PA1357-1419

נמצא בfound inSECRET TEACHINGS (TANTRA)

מהדורהrecensionnot applicable - a collected works, not a canon edition

פוליוfolios1a–22a

צורהformprose

מצב תרגוםtranslationno English of the text

כיסוי המילון לכותרתdictionary coverage of the title65%

הקבציםThe files

S05388E_DUS KYI 'KHOR LO'I RDZOGS RIM SBYOR BA YAN LAG DRUG GI KHRID PUn+YA'I MING CAN GYIS RJE'I GSUNG BZHIN ZIN BRIS SU BKOD PA_A Teaching on the Six-Part Secret Practice for the Stage of Completion in the Secret Tradition of the Wheel of Time, se +.TXT/RGYUD_SECRET TEACHINGS (TANTRA)/DUS 'KHOR_WHEEL OF TIME (KALACHAKRA)/RDZOGS RIM_COMPLETION STAGE (SAMPANNA KRAMA)

הטקסטThe text

טיבטיתTibetanS05388E_DUS KYI 'KHOR LO'I RDZOGS RIM SBYOR BA YAN LAG DRUG GI KHRID PUn+YA'I MING CAN GYIS RJE'I GSUNG BZHIN ZIN BRIS SU BKOD PA_A Teaching on the Six-Part Secret Practice for the Stage of Completion in the Secret Tradition of the Wheel of Time, se +.TXT73,059 תוויםcharacters

*, ,DUS KYI 'KHOR LO'I RDZOGS RIM SBYOR BA YAN LAG DRUG GI KHRID PUn+YA'I MING CAN GYIS RJE'I GSUNG BZHIN ZIN BRIS SU BKOD PA'O, ,

001a

, ,NA MO GU RU, BSKYED RIM GYIS RGYUD SMIN NAS, RDZOGS RIM BSGOM PA'I TSUL LA BZHI, YAN LAG DRUG DANG BRAL NA MCHOG MI 'GRUB PAR BSTAN PA, RDZOGS RIM GYI MTSAN GYI RNAM GRANGS, GANG ZAG SO SO'I BSGOM BYAR 'DOD PA DGAG PA, JI LTAR BSGOM PA'I TSUL DNGOS SO, ,DANG PO NI, 'DUS PA'I RGYUD PHYI MAR, GZHAN DAG GIS NI 'GRUB 'GYUR NA, ,DNGOS GRUB MCHOG TU MI 'GYUR RO, ,ZHES GSUNGS PA LTAR YAN LAG DRUG DANG BRAL NA MCHOG MI 'GRUB PA LAS, YAN LAG DRUG NGES PAR TSANG DGOS SO, ,DE YANG, SOR SDUD LA SOGS PA RNAMS KYIS DBU MA SBYONG BA LA SOGS PA BYED LAS GANG BYED PA DE SGRUB PAR NUS PA CIG 'DUG NA, DE LA SOR SDUD LA SOGS PA'I DON TSANG BAS DE RNAMS TSANG BAR 'JOG GI ,RGYUD GCIG TU SOR SDUD SOGS JI LTAR BSHAD PA BZHIN BSHAD DGOS PA MIN NO, ,DE LTAR YAN LAG DRUG GI THA SNYAD DNGOS SU MA BYUNG BA RNAMS LA YANG DON GYI SGO NAS TSANG BA YIN NO, ,YAN LAG DRUG GI THA SNYAD DNGOS SU BYUNG BA RNAMS SU YANG, GCIG TU YAN LAG DRUG GI DON DU GANG BSHAD PA DE NYID GZHAN DU 'CHAD PA DGOS PA MIN TE, DPER NA, BSKYED RIM LA, DANG PO SBYOR BA SOGS KYI MING MTHUN YANG, DE'I DON DU JI TZAM 'ONG MI MTHUN PA BZHIN NO, ,'DI NYID DU YANG, RIM PA GNYIS KA'I SKABS SU BSNYEN SGRUB YAN LAG BZHI'I THA SNYAD BYUNG YANG YAN LAG BZHI'I DON

002a

, ,MI MTHUN PA BZHIN NO, ,N'A RO PAS KYANG RGYUD PHYI MA'I 'GREL PAR, SGRON GSAL BZHIN BSHAD LA, DBANG MDOR BSTAN GYI 'GREL PAR, RGYUD PHYI MA'I GZHUNG DE RNAMS DUS 'KHOR BZHIN BSHAD DO, ,GNYIS PA NI, RNAL 'BYOR YAN LAG DRUG CES PA DANG, SAD RMI GNYID 'THUG BZHI PA'I GNAS SKABS SBYONG BAR BYED PA, BSNYEN SGRUB YAN LAG BZHI, RDO RJE BZHI'I RDZOGS RIM, DGE BA GSUM GYI RDZOGS RIM LA SOGS PA'I MING GIS BSTAN LA, RGYUD 'GREL DU, PHYAG RGYA BZHI'I RDZOGS RIM ZHES GSUNGS PA'I PHYAG RGYA BZHI NI, LAS DANG YE SHES DANG, PHYAG RGYA CHEN MO GSUM NI GRAGS CHE LA, RNAL 'BYOR RGYUD DU, CHES RGYA ZHES BSHAD PA NI, 'DIR YE RGYA'O, , PHYAG RGYA BZHI PA NI, DAM TSIG GI PHYAG RGYA YIN LA, DE NI 'GYUR BA MED PA'I BDE BA CHEN PO BSGRUB BYA YIN ZHING, PHYAG RGYA GZHAN GSUM NI, DE'I SGRUB BYED YIN TE, DE YANG, DBANG PO RANG PHYAG CHEN DANG, 'BRING YE RGYA DANG, THA MAS LAS RGYA LA BRTEN NAS BSGRUB BO, ,SPYIR RGYUD SO SO LA BRTEN PA'I RDZOGS RIM RNAMS MI 'DRA YANG, SEMS 'GREL SKOR GSUM GYI RDZOGS RIM LA MI 'DRA BA MED DO, ,GSUM PA NI, KHA CIG NA RE, SOR BSAM GNYIS DBANG PO RAB KYIS BSGOM, 'BRING GIS SROG 'DZIN GNYIS, THA MAS RJES DRAN DANG TING NGE 'DZIN GNYIS BSGOM ZHES PA NI MI 'THAD DE, RGYUD 'GREL DU YAN LAG GANG 'CHAD PA'I SKABS SU YANG, YAN LAG DRUG KA

002b

DGOS PAR GSUNGS PA'I PHYIR RO, ,BZHI PA NI, BOD KYI MKHAS PA SNGA MAS, SNGON 'GRO LTAS MED DRUG ,DNGOS GZHI RNAM GZHAG DRUG ,RJES BSRUNG SDOM DRUG DANG GSUM DU MDZAD NAS, SNGON 'GRO LTOS MED GSUM LA, LUS NGAG YID GSUM GYI LONGS SPYOD LA LTOS PA MED PA DANG, 'PHO BA'I BDE BA LA LTOS PA MED PA DANG, GZHI LUS DANG DBANG PO LA LTOS PA MED PA GNYIS BSNAN NAS DRUG TU BYED DO, ,DE'I TSE LTOS MED DRUG BSNYEN PA CHU GTER ZHES BSNYEN PAR BSHAD PAS, YAN LAG DANG PO BZHI KA NYER SGRUB TU BYA DGOS SO, ,'DI YANG, RIM PA GNYIS KA'I SNGON 'GRO YIN GYI, RDZOGS RIM KHO NA'I MIN NO, ,DNGOS GZHI RNAM GZHAG DRUG LA, THOG MAR DGE BA BSNYEN PA'I YAN LAG SKU RDO RJE'I RNAL 'BYOR LA SOR BSAM GNYIS, BAR DU DGE BA NYER SGRUB KYI YAN LAG GSUNG RDO RJE'I RNAL 'BYOR LA SROG RTZOL DANG 'DZIN PA GNYIS, THA MAR DGE BA LA GNYIS SU BYAS NAS, SGRUB PA'I YAN LAG THUGS RDO RJE'I RNAL 'BYOR RJES DRAN SGRUB BYED KYI YAN LAG YE SHES RDO RJE'I RNAL 'BYOR TING NGE 'DZIN DANG DRUG TU BYED PA NI, RGYUD 'GREL DANG MTHUN PAS SHIN TU LEGS NA'ANG, BZHI PA DE YANG DE BZHIN NO, ,ZHES BSHAD PA'I DON DAM PA'I DBANG BZHI PA 'DI SHES RAB YE SHES DANG DPE DON SBYOR ZER BA TZAM MA GTOGS PA BSGRUB BYA DON DAM PA'I DBANG BZHI PA NI 'DI LTA BU GCIG YIN LA, DE SGRUB PAR BYED PA'I SGRUB BYED NI 'DI'O ZHES, RGYUD 'DI LA BRTEN PA RNAMS KYIS KYANG THON PA NYUNG BAR SNANG LA, RGYUD 'DIR NI STONG GZUGS SGRUB PA'I THABS KYI SGO NAS STONG GZUGS BSGRUB CING, STONG GZUGS

003a

, ,KYI PHYAG RGYA CHEN MO LA BRTEN NAS MCHOG TU MI 'GYUR BA'I BDE BA BSKYED PA'I TSUL, RGYUD GZHAN LAS RTZAL DU BTON NAS, 'JIG RTEN LAS 'DAS PA'I DBANG BZHI PA GSAL POR 'CHAD PAR BYED PA YIN TE, DE YANG 'DI LTAR, BSGRUB BYA NI MCHOG TU MI 'GYUR BA'I BDE BA CHEN PO YIN LA, DE SGRUB PAR BYED PA LA, LAS DANG, YE SHES KYI PHYAG RGYA YANG BRGYUD NAS SGRUB PAR BYED PA YIN MOD, DNGOS SU SGRUB PAR BYED PA NI STONG GZUGS KYI PHYAG RGYA CHEN PO 'BA' ZHIG YIN LA, RGYUD 'DIR STONG GZUGS LA BSNGAGS PA BRJOD PA'I SGO CHE SHOS NI 'DI YIN NO, ,STONG GZUGS KYI PHYAG RGYA CHEN PO LA BRTEN NAS, MCHOG TU MI 'GYUR BA'I BDE BA SKAD CIG MA GCIG SKYES PA NAS DON DAM PA'I DBANG BZHI PAR 'JOG GO ,STONG GZUGS KYI NYAMS SNANG 'GA' RE SHAR BA DANG, DE LA BRTEN NAS BDE BA SKYES PA RNAMS KYANG, STONG GZUGS KYI PHYAG RGYA CHEN PO DANG, MI 'GYUR BA'I BDE CHEN YIN NA, SOR SDUD KYI SKABS NAS KYANG 'BYUNG LA, TING NGE 'DZIN THUN MONG BA BSGOMS PA LAS KYANG 'BYUNG BAS, RGYUD DU BSNGAGS PA CHER MDZAD PA'ANG MI RIGS SO, ,STONG GZUGS KYI PHYAG RGYA CHEN MO NI, RJES DRAN THOB NAS 'ONG GI ,DE MA THOB PAR DU MI 'BYUNG STE, DE 'DRA BA'I STONG GZUGS KYI PHYAG RGYA CHEN MO DE NI, YAN LAG SNGA MA BZHI'I SOR BSAM GYIS GZUGS BSGRUBS, SROG 'DZIN GYIS SROG BSGRUBS PA'I SGO NAS SGRUB PAR BYED DO, ,MDOR NA, BSGRUB BYA NI, MCHOG TU MI 'GYUR BA'I BDE BA CHEN PO YIN LA, DE DNGOS SU SGRUB BYED NI STONG GZUGS KYI PHYAG RGYA CHEN MO, YAN LAG SNGA MA BZHI NI DE'I SGRUB BYED DO, ,STONG GZUGS

003b

KYIS BDE CHEN DNGOS SU SGRUB CES PA YANG, PHYAG RGYA'I RIM PA GZHAN RGYUD MI DGOS PA'O, ,DE LTAR NA, RGYUD 'DIR, STONG GZUGS KYI PHYAG RGYA BSGRUBS NAS, DE LA BRTEN NAS MCHOG TU MI 'GYUR BA'I BDE BA BSKYED TSUL GSAL BAR BYED PA DES NA, SA CHOD KYANG 'DI LTAR BYAS NA LAM GYI LUS LA GO BA'I NGES PA CHE'O, ,'DI LA GSUM, BDE CHEN DNGOS SU 'DREN BYED STONG GZUGS SGRUB BYED KYI YAN LAG ,GZUGS DE LA BRTEN NAS BDE CHEN DNGOS SU SGRUB BYED KYI YAN LAG ,BSGOMS PAS 'GRUB PA'I BSGRUB BYA TING NGE 'DZIN GYI YAN LAG GO ,DANG PO LA GNYIS, GZUGS SGRUB BYED KYI YAN LAG DANG, SROG SGRUB BYED KYI YAN LAG GO ,DANG PO LA GNYIS, GZUGS MA GRUB PA SGRUB PAR BYED PA SOR SDUD KYI YAN LAG DANG, GRUB PA BRTAN PAR BYED PA BSAM GTAN GYI YAN LAG GO ,DANG PO LA DRUG ,SOR SDUD KYI MTSAN DON, DANG POR BSGOM PA'I DUS MTSAMS, YAN LAG JI LTAR BSGOM PA'I MTSAN NYID, TSAD MA GANG YIN DPYAD PA, DAG DBYE, GNAS SKABS DANG MTHAR THUG GI 'BRAS BU'I, ,DANG PO NI, SO SOR SDUD PA ZHES PA'I DON DU MA LA 'JUG PA LAS, 'DIR, MIG DBANG SOGS YUL SO SOR 'JUG PA PHYIR BSDUS NAS MI 'JUG PAR BYED PA'O, ,DE YANG, DBANG PO LNGA DANG YUL LNGA'I 'BREL PA CHAD PA YIN GYI, YID DANG CHOS KYI 'BREL PA CHAD PA MIN TE, YID DANG, CHOS KYI SKYE MCHED PA'I GZUGS MTHONG BA DGOS PA'I PHYIR RO, ,SPYIR TING NGE 'DZIN THUN MONG BA BRTAN PO LAS KYANG DBANG SHES KYI DE MA THAG RKYEN MA TSANG BA LAS, DBANG SHES YUL LA MI 'JUG PA

004a

, ,'BYUNG YANG, 'DIR NI DE TZAM GYI SGO NAS MIN GYI, DBANG SHES KYI BZHON PAR GYUR PA'I YAN LAG GI RLUNG LNGA BKAG PA'I SGO NAS YIN NO, ,DE YANG DBANG SHES DANG, YUL YUL CAN GYI 'BREL PA CHAD PA TZAM GYIS MI CHOG GI , GNAS MTHONG BA ZHES GSUNGS PAS, STONG PA NYID DU YUL LNGA MTHONG BA DGOS SO, ,GNYIS PA NI, SNA BUG GA-YAS KYI RLUNG RGYU BA'I DUS SU THOG MAR BSGOM PA'I MGO 'DZUGS TE, DE'I DUS SU BSGOM PA'I MGO BTZUGS PAS, RLUNG SDUD SLA BA'I RTEN 'BREL KHYAD PAR CAN YOD DO, ,GSUM PA LA BZHI, GNYIS SU 'BYED PA'I RGYU MTSAN, SO SO'I SGOM TSUL, MA GRUB NA SPOGS PA'I CHO GA, BSGOM 'PHRO LA SHI YANG RNAL 'BYOR GOMS STOBS KYIS 'JUG PA'O, ,DANG PO NI, PHYI RU LA LA LHO BGROD DANG BYANG BGROD, ZHAG LA NYIN MO DANG, MTSAN MO'O, ,NANG DU SEMS CAN LA SKYE 'CHI STE, SPRO RIM DANG SDUD RIM GNYIS GNYIS SU 'DUG PA'I PHYIR, ZHES GSUNG YANG, RGYU MTSAN DU 'GRO TSUL DPYAD PAR BYA'O, ,GNYIS PA LA GNYIS, MTSAN MO'I RNAL 'BYOR DANG, NYIN MO'I RNAL 'BYOR RO, ,DANG PO LA DRUG ,GANG DU SGOM PA'I GNAS, LUS GNAD KYI NGES PA, MIG GI BLTA STANGS KYI NGES PA, DBANG PO'I BYED PA BCING BA, BSGOMS PAS NYAMS MYONG SKYE BA'I TSUL, GANG LA DMIGS PA GTAD PA'I DE KHO NA NYID NI BYED BCINGS SU 'DU'O, ,DANG PO NI, SNANG BA CUNG ZAD KYANG MED PA'I MUN KHANG SHIN TU NAG PA STE, DER BSGOMS NA STONG GZUGS 'CHAR SLA BA'I DGOS PA YOD DO, ,DE YANG, 'DI PRA PHAB PA DANG DPE DON DU YANG YANG GSUNGS LA,

004b

PRA YI RIGS 'GA' ZHIG LA, MUN PA SHIN TU NAG PAR MIG 'BRAS MI 'GUL BAR BSDAD NA, DE KHAS MTHONG SNANG SNA TSOGS 'CHAR BA SNANG NGO, ,GNYIS PA NI, LUS GNAD SPYI DANG MTHUN, LAG PA'I 'JOG THABS NI, SO SOR SDUD PA RGYAL BA'I BDAG POR BRJOD DE, ZHES SOR SDUD RDO RJE SEMS DPA'I RIGS SU BSHAD PAS, LAG PA GNYIS RDO RJE'I KHU TSUR BYAS TE BRLA'I RTZA BAR THAD KAR RAM BSNOL NAS GZHAG PAR BYA ZHES, BLA MA GONG MA RNAMS GSUNG BA LTAR BYA'O, ,GSUM PA NI, 'DUS PA'I RGYUD PHYI MAR, BSNYEN PA'I DUS SU GTZUG TOR CHE, ZHES GSUNGS PA, N'A RO PAS, GTZUG TOR CHE NI GTZUG TOR 'KHOR BSGYUR YIN PAS, DE'I BLTA STANGS NI STENG DU LTA BAR BSHAD PAS NA, MIG GI MAS LCIBS KYIS MIG PHYED BKAB STE PHYED MIG TU BYAS LA, MI 'BRAS MI BSGUL BAR STENG DU BLTA'O, ,'DI YANG STONG GZUGS 'CHAR SLA BA'I DGOS PA YOD TSUL NI BSHAD ZIN TO, ,KHA CIG THAD KA'I NAM MKHA' LA BLTA BAR 'DOD PA NI, RGYUD 'GREL DU MIG MI 'DZUMS PAR STENG DU BLTA BAS MTSAN MAR 'GYUR RO, ,ZHES PA DANG MI MTHUN PAS DOR BAR BYA'O, ,BZHI PA NI, KHA CIG DBANG PO SO SO LA BYED BCINGS KYANG SO SOR BYED PAR SNANG STE, SNYING PO MA MTHONG NGO, ,MKHAS PA KHA CIG MIG GYEN DU BLTA BA NI MIG 'CHING BA YIN LA, DE NYID KYIS DBANG PO GZHAN YANG 'CHINGS PAR 'DOD, DE LA 'KHRID YIG BYED PA KHA CIG NI, SOR SDUD KYI SKABS SU, RLUNG DH'U T'IR 'DZUD MI DGOS PAR BZHED LA, KHA CIG NI DER TSUD DGOS PAR BZHED KYANG, RLUNG DH'U T'IR 'DZUD PA'I THABS

005a

, ,MA NOR BA BSTAN RGYU MI 'DUG PAS, CUNG ZAD BSHAD PAR BYA STE, 'DI LA GNYIS, SOR SDUD KYI DUS SU RLUNG DH'U T'IR TSUD PA DGOS PA'I RGYU MTSAN GANG GIS DH'U T'IR 'DZUD PA'I DMIGS PA BSHAD PA'O, ,DANG PO NI, DBU MA DAG NI SBYANGS BYAS NAS, ZHES SOR SDUD DBU MA SBYONG BYED DU BSHAD LA, DBU MA SBYONG TSUL NI, YUR BA LA CHU 'DREN PA'I SNGON DU YUR BA SIL BA LTA BUR BSHAD PAS, DBU MA SBYONG MKHAN NAM, SEL MKHAN NI RLUNG YIN LA, RLUNG GIS DBU MA'I NANG DU MA PHYIN PAR DBU MA'I PHYI NAS DBU MA JI LTAR SEL, YUR BA'I PHYI NAS YUR BA SEL ZHES PA NI NGO MTSAR RO, ,DES NA SOR SDUD KYI DUS SU RLUNG DBU MAR TSUD PA MI 'DOD NA, SOR SDUD DBU MA SBYONG BYED DU BSHAD PA LA BLO RTZE GTAD RGYU CUNG ZAD KYANG MED DO, ,YANG RGYUD 'GREL DU, DANG POR SROG GZHUG CES PA'I 'GREL PAR, 'DIR DANG POR RNAL 'BYOR PAS SROG DBU MAR GZHUG PAR BYA STE, GANG GI MTSAN MA MTHONG BAR 'GYUR BA AA BA DH'U T'IR, ZHES DANG POR SROG DBU MAR BCUG PA LAS DU SOGS KYI MTSAN MA MTHONG BAR 'GYUR BA'I AA BA DH'U T'IR SROG GZHUG PAR BSHAD CING, DE NYID GCIG PA SKU RDO RJE'I ZHAL DU BSHAD PAS KYANG SHES TE, DE'I 'OG DE MA THAG TU SROG RTZOL GNYIS PA GSUNG RDO RJE'I ZHAL DU BSHAD PAS, DANG POR SROG DBU MAR 'JUG PA'I SROG RTZOL LA BSHAD MI RUNG LA, DE'I TSE SOR SDUD LA SROG DBU MAR 'DZUD PA MED NA, DANG POR SROG DBU MAR 'DZUD SA BZHAG TU MED PA'I PHYIR RO, ,GZHAN YANG SO SER SDUD KYI SKABS SU, RTAGS BCU PO RNAMS 'CHAR

005b

DGOS LA, DGOS PAR 'DOD KYANG 'DOD LA, RTAGS DE RNAMS NI RLUNG DBU MAR ZHUGS PA LAS 'CHAR BAR GSUNGS TE, RGYUD DU, NAM MKHAR KUN NAS ZHEN PA'I SEMS DANG MIG MI 'DZUMS SHING RDO RJE'I LAM DU RAB TU ZHUGS PA YIS, ,STONG PA LAS NI DU BA, ZHES GSUNGS SHING, 'GREL PAR, DBU MAR SROG ZHUGS PAS STONG PA KHO NA LAS, ZHES RDO RJE'I LAM DBU MA LA BSHAD DO, ,MDOR BSDUS DANG POR YANG, DE NYID DU NA RO MA DAG DANG NI, ,RKYANG MA GCIG TU SBYAR BAS MTHONG BAR 'GYUR, ZHES BSHAD LA, RO RKYANG GNYIS GCIG TU BYED MI NUS PAS, RO RKYANG GI RLUNG DH'U T'IR GCIG TU BYAS PA LAS, DU SOGS MTHONG BAR BSHAD DO, ,N'A RO PAS, DBANG MDOR BSTAN GYI 'GREL PAR, RDO RJE'I GLU DRANGS PAR YANG, GANG TSE DBU MAR SROG NI NUS GYUR PA, ,DE'I TSE RDO RJE'I ME DANG DU BA 'BYUNG, ,ZHES KYANG GSUNGS SO, ,RTAGS BCU GCIG PA RE KHA NAG PO DUS KYI RTZA AA BA DH'U T'I LA MTHONG BA NI, RLUNG DBU MAR MA TSUD PAR 'CHAR BA YANG MI SRID DO, ,RLUNG DBU MAR MA TSUD NA, RO RKYANG LA RGYU DGOS LA, DE GNYIS LA RLUNG RGYU BA'I DUS SU SOR SDUD KYI RTAGS RNAMS MI MTHONG BAR GSUNGS TE, RGYUD 'GREL DU, RNAM PA THAMS CAD PA YIN YANG, DUS THAMS CAD DU BYIS PA RNAMS KYIS BLTA BA MIN NO, ,DE CI'I PHYIR ZHE NA, NYON MONGS BDUD KYI MTHU LAS TE, GA-YON PA DANG GA-YAS PA'I RTZA DAG LA SROG RAB TU RGYU BA LAS SO, ,ZHES GSUNGS SO, ,SO SOR SDUD PA LA SOGS RNAMS KYIS GAL TE RNAL 'BYOR RNAMS KYI 'DOD PA THOB PAR MA GYUR NA, ZHES SPOGS CHOG GSUNG

006a

, ,PAS KYANG SHES TE, SOR SDUD KYI SKABS SU DBU MAR 'DZUD PA'I THABS KYIS DBU MAR 'DZUD PA MED NA, DES MA TSUD NA 'DI BYA ZHES PA NI BZHAD GAD DU 'GYUR TE, DPER NA, ZHING LA SA BON MA BTAB PAR MYU GU MA SKYES NA CHU BCU BAR BYA, ZHES PA DANG 'DRA'O, ,GNYIS PA NI, 'O NA, SOR SDUD KYI DUS SU RLUNG DBU MAR TSUD PA DGOS NA, 'DZUD PAR BYED PA'I THABS JI LTA BU ZHE NA, BSHAD PAR BYA STE, BYED PA LNGA LA 'CHING BA GNYIS ZHES BSHAD PAS, 'CHING RGYU NI BYED PA MIG LA SOGS PA'I DBANG PO LNGA STE, 'CHING TSUL NI, DE RNAMS RANG GI YUL LA 'JUG PA LOG STE, MI 'JUG PAR BYED PA YIN LA, DE YANG STENG DU SROG GI RLUNG DANG, 'OG TU THUR SEL BCINGS PA'I SGO NAS BZHON PA'I RLUNG BCINGS PA'I SGO NAS 'CHING BA YIN LA, RLUNG 'CHING TSUL NI RO RKYANG LA RGYU BA BKAG NAS, DBU MAR 'DZUD PA YIN PAS, DE'I THABS BSHAD PAR BYA STE, RLUNG DBU MAR 'DZUD PA'I THABS NI, LUS LA GNAD DU BSNUN PA DANG, RLUNG GI RNAL 'BYOR GNYIS SU NGES LA, LUS LA GNAD DU BSNUN PA LA NI, RTZA'I 'KHOR LO DRUG DANG, YAR SNE MAR SNE GNYIS TE, DE RNAMS SU RLUNG DH'U T'IR 'JUG PA'I SGRO RE RE YOD PAS, DE DAG TU BSNUN DGOS LA GNAD DU BSNUN LUGS KYANG, DE DAG TU DMIGS PA GTAD NAS SEMS MA YENGS PAR 'JOG PA STE, SEMS DER BZHAG PA NA, RLUNG SEMS 'JUG PA GCIG PA'I GNAD KYIS RLUNG YANG DER 'DU'O, ,'O NA 'DIR THABS GANG GI SGO NAS 'DZUD CE NA, DE NYID LAS, RGYUD NI GZHAN DAG GIS RTOGS PAR BYA, ZHES GSUNGS LA, RI GI AA RA LI LAS, MIG GNYIS MA PHYE MA BTZUM PAR, ,

006b

SMIN MA'I BAR DU SEMS BYAS NA, ,MUN PA MI BZAD PA YI TSUL, ,DANG POR RNAL 'BYOR PAS MTHONG 'GYUR, ZHES PA'I RKANG PA DANG POS MIG GI LTA STANGS BSTAN LA, GNYIS PAS SEMS YUL GANG LA GTOD TSUL DANG, THA MA GNYIS KYIS RTAGS 'CHAR TSUL GSUNGS PA LTAR, SMIN MA'I DBUS NA DH'U T'I'I YAR SNE YOD PAS, DER SEMS GZUNG BAR BYA STE, 'DI NYID KYI RTZA RGYUD LAS, SO SOR SDUD PA PHYAG RGYA CHE, ,NAM MKHA' STONG PA'I MTSAN NYID DO, ,GANG ZHIG KHO NAR YID DAG NI, ,GTOD PAR BYED PA PHYOGS SNA LA, ,MTSAN MA'I MTHAR NI RE KHA GANG, ,ZHES GSUNGS LA, YANG, LTE BA'I 'OG TU GTUM MOR BRJOD, ,AA WA DH'U T'I MI YI SNA, ,'OD ZER LNGA YI RANG BZHIN SROG ,DKYIL 'KHOR LNGA NI 'BAB BYED PA, ,ZHES GSUNGS PAS RGYUD GZHAN DU MI YI SNA NI DH'U T'I'I MAR SNE LA BYED KYANG, 'DIR NI AA WA DH'U T'I TZAM LA BYED PAR GSAL LO, ,DES NA LUNG SNGA MAS SOR SDUD KYI SKABS SU, YID SNA'I PHYOGS SU GTOD PAR BYED PAR BSHAD LA, LUNG PHYI MAS SNA NI DH'U T'I LA BYED PAR BSHAD PAS, DES NA DH'U T'I'I PHYOGS SU GTOD PAR GSAL POR BSHAD DO, ,GZHAN YANG 'GREL PAR, BGEGS MTHAR BYED PA'I LTA BA ZHES PA LA, BGEGS MTHAR BYED NI BDUD RTZI 'KHYIL PA'O, ,DE'I LTA BA NI BDUD RTZI'I NAS SU SON PA STE, DBRAL BAR SON PA'O, ,BGEGS MTHAR BYED PA'I LTA BA BDUD RTZI'I GNAS SU SON PA DE YIS NYER SGRUB LA YAN LAG DRUG GO ,KYANG YIG GI SROG RTZOL DANG 'DZIN PA BYA STE, SROG GIS GZUGS BRNYAN MTHONG BAR GYUR PA NA NYE BA'I SGRUB PA'O, ,ZHES GSUNGS LA, RTZA BAR BGEGS MTHAR BYED LA BLTA BA ZHES

007a

, ,'BYUNG BA'I BGEGS MTHAR BYED NI, 'GREL PAS, BDUD RTZI 'KHYIL PAR BSHAD LA, DE YANG BDUD RTZI 'KHYIL PA'AM BDUD RTZI'I GNAS DPRAL BA LA BSHAD LA, BLTA BA'I DON SON PA LA BSHAD PAS, MDOR NA BGEGS MTHAR BYED PA'I LTA BA NI BDUD RTZI'I GNAS TE DPRAL BAR SON PA'O, ,DE YIS ZHES PA GONG DU SOR BSAM GNYIS BSNYEN PA'I YAN LAG TU BSHAD PAS, BDUD RTZI'I GNAS DPRAL BAR SON PAS BSNYEN PA'I YAN LAG THOB PA DE YIS NYE BAR SGRUB PA LA YAN LAG DRUG GO ,ZHES PA NI, 'GYUR MANG LAS, YAN LAG DRUG GI NYER SGRUB LA, ,ZHES 'BYUNG BA LTAR BDE'O, ,DES NA BSNYEN PA'I YAN LAG THOB PA DE YIS KYANG, NYER SGRUB KYI YAN LAG LA SROG RTZOL DANG 'DZIN PA BSGOM DGOS, DE GNYIS BSGOMS PAS SROG GI GZUGS BRNYAN MTHONG BA NA YAN LAG DE GRUB PA'O, ZHES BSHAD DO, ,DES NA BDUD RTZI'I GNAS SU SON PA'I BLTA BAS BSGOM PA CIG BSHAD LA, SROG 'DZIN GNYIS NI MIN PAR BSHAD PAS, BSAM GTAN RI SOR SDUD BRTAN BYED YIN PAS, SOR SDUD KYI SKABS SU BSGOM PA LAS 'OS MED DO, ,'GREL PA'I KYANG NI NUS PA DE LTAR BYA DGOS KYI, SOR BSAM GNYIS GTZUG TOR 'KHOR BSGYUR GYI BLTA BAS BSGOM PA MA ZAD, SROG 'DZIN GNYIS BDUD RTZI 'KHYIL PA'I BLTA BAS BSGOM ZHES BSTAN PA NI MI 'THAD DE, SROG 'DZIN GNYIS BDUD RTZI'I GNAS SU SON PA'I BLTA BAS BSGOM PA MA YIN PA'I PHYIR RO, ,MDOR NA, DE YIS ZHES PA DANG, 'DZIN PA BYA STE ZHES PA DANG, MTHONG BAR GYUR

007b

PA NA ZHES PA'I TSIG GI NUS PAS, BDUD RTZI'I GNAS DPRAL BA'I RTZA 'KHOR LO BLTAS SHING GNAD DU BSNUN PAS, SOR BSAM GNYIS BSNYEN PA'I YAN LAG 'THOB PA'I GANG ZAG DES, SROG 'DZIN GNYIS NYER SGRUB KYI YAN LAG BSGOM PAR BYA'O, ,ZHES, BLO GROS KYIS DPYOD SHES NA RGYUD 'GREL DE GNYIS KYIS GSAL POR BSTAN SNANG NGO, ,SNGAR DRANGS PA'I RTZA RGYUD KYI LUNG NI 'DI'I YANG KHUNGS SU RUNG NGO, ,DE LTA NA, DH'U T'IR SROG 'GOG PAS, SOR SDUD SROG RTZOL DU MI 'GYUR RAM ZHE NA, MI 'GYUR TE, SROG RTZOL NI DNGOS SU RLUNG LA DMIGS NAS SROG 'GOG PA CIG LA ZER GYI, RLUNG DH'U T'IR 'DZUD THABS THAMS CAD LA ZER BA MIN NO, ,DE LTAR BYAS NA DPRAL BA NA MA DAG PA'I RLUNG LUS KYI GNAS SKABS SKYED PAR BYED PA'I THIG LE YOD PA LA, SOR SDUD NI DE SBYANGS NAS DAG PA'I LUS SKYED PAR BYED PA SKU RDO RJE'I RNAL 'BYOR DU BSHAD PA DANG YANG SHIN TU 'GRIG PA YIN NO, ,DUS ZHABS SNYAN BRGYUD LAS KYANG, DPRAL BA'I THIG LER SROG BCUG LA, ,GA-YAS PA SA RLUNG RGYU DUS BSGOM, ZHES DPRAL BAR GNANG DU BSNUN PAR GSAL BAR GSUNGS SO, ,LNGA PA NI, DE LTAR LUS LA GNAD DU BSNUN TE BSGOMS PA LAS, STONG PA LAS NI DU BA SMIG RGYU RAB GSAL DRI MA MED PA'I MKHA' SNANG NYID DANG MAR ME DANG, ZHES GSUNGS PA LTAR GYI RTAGS BZHI 'BYUNG NGO, ,MKHA' SNANG NI ME KHYER RO, ,DE YANG DU SOGS KYI NYAMS SNANG GANG BYUNG GIS MI CHOG GI ,RLUNG DH'U T'IR TSUD PA LA SHAR BA DGOS TE, 'OG TU 'CHAD CING BSHAD ZIN TO, ,GNYIS PA NYIN MO'I RNAL 'BYOR LA GSUM,

008a

, ,GNYIS GSUNGS PA'I KHUNGS DGOD PA, GNYIS KA SO SOR SGOM DGOS PA'I RGYU MTSAN, NYIN MO'I RNAL 'BYOR DNGOS SGOM TSUL LO, ,DANG PO NI, BDE MCHOG STOD 'GREL LAS, 'DIR SNGAGS KYI THEG PA DANG, PHA ROL TU PHYIN PA'I THEG PA LA RNAL 'BYOR SGOM PA RNAM PA GNYIS GSUNGS TE, NAM MKHA' DANG, BLA GAB MED PA LA RNAL 'BYOR GOMS PA'O, ,ZHES GSUNGS NAS, PHAR PHYIN GYI THEG PA NAS GSUNGS TSUL LA, SHER PHYIN LA RNAL 'BYOR DU BYED TSUL NI, NAM MKHA' LA RNAL 'BYOR DU BYED PA'O, ZHES GSUNGS LA, SNGAGS KYI THEG PA NAS NI DUS KYI 'KHOR LO NAS GSUNGS SO, ,ZHES GSUNGS SO, ,DE BZHIN DU, RGYUD 'GREL 'DI NYID DU YANG GSUNGS SO, ,DE RNAMS KYANG, SNGAGS DANG, PHAR PHYIN GYI THEG PA NAS RNAL 'BYOR GNYIS MING MTHUN PAR GSUNGS PA'I KHUNGS YIN GYI, SNGAGS KYI THEG PAR BSHAD PA DE NYID PHAR PHYIN THEG PAR BSHAD PA'I KHUNGS SU MI RUNG STE, SNGAGS KYI THEG PAR BSHAD PA'I NYIN MTSAN GYI RNAL 'BYOR 'DIR BSHAD PA 'DRA BA NI RGYUD SDE 'OG MA RNAMS SU YANG MI STON NA, PHAR PHYIN GYI THEG PAR LTA SMOS KYANG CI DGOS, 'DIR BSHAD PA'I NYIN MTSAN GYI RNAL 'BYOR 'DI 'DRA BA PHAR PHYIN GYI THEG PAR BSHAD PA 'DI DAG GI SNOD RUNG DU BSGRUB PA'I DBANG DANG, RGYUD SMIN PAR BYED PA'I BSKYED RIM YANG BSHAD PAR 'GYUR RO, ,GNYIS PA NI, KHA CIG NA RE, MTSAN MO'I RNAL 'BYOR GYI DUS SU NYIN MO'I RTAGS RNAMS SHAR NA, NYIN MO'I RNAL 'BYOR BSGOM MI DGOS ZHES ZER BA NI MI 'THAD DE, MUN

008b

PA LA STONG GZUGS 'CHAR SLA LA, SNANG BA YOD PAR STONG GZUGS 'CHAR DKA' BAS, MUN PA LA STONG GZUGS 'CHAR THUB KYANG, SNANG BA LA STONG GZUGS 'CHAR MI THUB LA, THAMS CAD DU STONG GZUGS 'CHAR BA MUN PA LA LTOS NA HA CANG THAL BAS SNANG BA LA YANG STONG GZUGS 'CHAR THUB PA CIG DGOS PAS, MTSAN MO'I RNAL 'BYOR GYI DUS SU NYIN RTAGS RNAMS 'CHAR YANG, RTAGS 'CHAR DKA' SA SNANG BA LA YANG RTAGS 'CHAR THUB PA'I SGO NAS RTAGS RNAMS 'DOD DGUR 'CHAR THUB PAR BYA BA'I PHYIR NYIN MO'I RNAL 'BYOR NGES PAR BSGOM DGOS SO, ,'O NA MUN PA LA RTAGS RNAMS 'CHAR SLA BAS NYIN MO'I RTAGS RNAMS KYANG MUN KHANG DU MA SHAR PAR DU NYIN MO'I RNAL 'BYOR MI BSGOM MAM, MUN KHANG DU MA SHAR YANG SGOM ZHE NA, 'DI LTAR GANG ZAG KHA CIG LA, MTSAN MO'I RNAL 'BYOR GYI DUS NAS NYIN MO'I RTAGS 'BYUNG BA YOD KYANG, PHAL CHER LA MI 'BYUNG LA, DES NA MTSAN RTAGS RNAMS RDZOGS NA NYIN RTAGS MA BYUNG YANG, MTSAMS DE NAS NYIN MO'I RNAL 'BYOR BSGOM MO, ,GAL TE 'DI SNYAM DU MTSAN RTAGS RNAMS MUN PA LA 'CHAR SLA BAS THOG MAR MUN PA LA BSGOM DGOS PA LTAR, NYIN RTAGS RNAMS THOG MAR MUN PA LA BSGOMS NA 'CHAR SLA BA MIN NAM SNYAM NA BSHAD PAR BYA STE, NYIN RTAGS MTSAN RTAGS LAS 'CHAR DKA' ZHING, MTSAN RTAGS RDZOGS PAR MA SHAR BAR 'CHAR BA YANG MI SRID PAS, MTSAN RTAGS RDZOGS PAR SHAR BA SNGON DU 'GRO DGOS PAS SNGON DU YUL YUL CAN GYI 'BREL PA NGES PAR YOD PAS, THOG MAR 'CHAR BA LA SNANG MUN GNYIS 'CHAR DKA' SLA'I KHYAD PAR

009a

, ,MED LA, MTSAN RTAGS THOG MAR 'CHAR BA LA NI SNGON DU YUL YUL CAN GYI 'BREL PA CHAD PA MED PAS, SNANG MUN GNYIS 'CHAR DKA' SLA'I KHYAD CHE'O, ,MDOR NA, THOG MAR MTSAN RTAGS 'CHAR SLA BAS MUN PA LA BSGOM ZHING DER MTSAN RTAGS RDZOGS PAR SHAR BA NA, MTSAMS DE NAS NYIN MO'I RNAL 'BYOR BSGOMS PAS MTSAN RTAGS RNAMS 'DOD DGUR 'CHAR THUB PA DANG, DE'I STOBS KYIS NYIN RTAGS RNAMS KYANG MYUR DU 'CHAR THUB STE, RNAL 'BYOR GNYIS KYI SGO NAS SOR SDUD YAN LAG RDZOGS PAR 'THOB PO, ,GSUM PA LA, GNAS LA SOGS PA LNGA LAS, GNAS NI BLA GAB MED PA'I PHYOGS CHU DANG, GANGS DANG, BSER MAS MIG LA MI GNOD PA'I SAR RE, ,DUS NI, SNGA DRO DANG PHYI DRO'I DUS SU NYI MA LA RGYAB GTAD NAS BSGOM STE, GUNG GI DUS SU MIN TE, NYI MAS MIG LA GNOD PAS SO, ,LUS GNAD LA SOGS PA GSUM SNGA MA LTAR MTSAN MO'I RNAL 'BYOR LTAR BYA STE, BSGOMS PAS NYAMS MYONG SKYE BA'I TSUL NI, 'BAR BA DANG NI ZLA BA NYI MA RDO RJE MCHOG GI CHA DANG THIG LE'O, ,ZHES GSUNGS PA'I RTAGS RNAMS 'BYUNG STE, 'BAR BA NI ME 'BAR BA LTA BU DANG, RDO RJE NI SGRA GCAN, MCHOG GI CHA NI GLOG GO ,THIG LE NI, DBYIBS ZLUM PO KHA DOG SNGON PO'AM, SNGO SKYA, 'OD DE'I DBUS SU DU MA LONGS SPYOD RDZOGS PA'I SKU DANG, RE KHA NAG PO SKRA'I TSAD TZAM 'OD ZER LNGA 'PHRO BA DANG POR PHYIR MTHONG LA, DE NAS NANG DU MTHONG STE, 'DI THIG LER BSDUS NAS RTAGS DRUG GO ,MDOR NA, SOR SDUD KYI SKABS SU MTSAN RTAGS BZHI DANG, NYIN RTAGS DRUG 'CHAR RO, ,

009b

RTAGS BCU PO DE DAG KYANG, SPYIR RLUNG BCU DH'U T'IR TSUD PA LA 'CHAR BA YIN GYI, GA-YAS KYI RLUNG TSUD PAS MTSAN RTAGS DANG, GA-YON GYI RLUNG TSUD PAS NYIN RTAGS 'CHAR BA 'DOD PA MI 'THAD DE, GA-YAS KYI RO MA LA RGYU BA'I RLUNG TSUD NAS, GA-YON RKYANG MA LA RGYU BA'I RLUNG MA TSUD PA MI 'THAD PA'I PHYIR TE, GA-YON LA RLUNG RGYU BA NA GA-YAS LA RGYU BA'I RLUNG DE NYID 'PHOS NAS RGYU BA YIN PAS, DKYIL 'KHOR LNGA'I RLUNG GCIG NYID GA-YAS GA-YON LA 'PHOS NAS RGYU BA YIN PA'I PHYIR RO, ,DES NA, GA-YAS GA-YON GYI RLUNG TSUD PA LAS, MTSAN RTAGS NYIN RTAGS SO SOR 'CHAR BAR 'DOD NA, DE GNYIS RIM GYIS 'CHAR LA, CIG CAR MI 'CHAR BA'I RGYU MTSAN BSHAD DKA'O, ,'O NA SPYIR RLUNG DH'U T'IR TSUD PA LA RTAGS GNYIS 'CHAR BA LA YANG, RIM CAN DU 'CHAR BA'I RGYU MTSAN CI ZHE NA, BSHAD PAR BYA STE, MTSAN RTAGS RNAMS NI RLUNG DH'U T'IR TSUD PA TZAM LAS 'CHAR LA, NYIN RTAGS RNAMS NI DE TZAM GYIS MI 'CHAR GYI, DH'U T'IR TSUD PA PHUL DU BYUNG BA LAS 'CHAR RO, ,SHA BA RI PAS KYANG, DH'U T'IR RLUNG BCU CHUD GYUR PAS, ,MTSAN DANG NYIN MO'I RTAGS BCU MTHONG, ,SO SOR SDUD PA'I YAN LAG GO ,ZHES GSUNGS SO, ,RLUNG DH'U T'IR 'DZUD PA'I THABS KYIS DMIGS PA MED PAR TING NGE 'DZIN THUN MONG BA BSKYANGS PAS KYANG, ZLA BA 'DRA BA DANG, NYI MO 'DRA BA DANG, RDO RJE 'DRA BA LA SOGS PA'I RTAGS 'CHAR BA LANG GSHEGS LAS GSUNGS PA DANG, DH'U T'IR 'DZUD PA'I THABS KYI DMIGS PA BSKYANGS PAS, DH'U T'IR RLUNG MA CHUD PA'I GONG DU YANG, DU BA LA SOGS PA'I RTAGS 'CHAR BAS DE GNYIS DANG,

010a

, ,'DIR SOR SDUD KYI SKABS KYI RTAGS RNAMS KHYAD PAR LAGS PAR PHYED DGOS TE, MA PHYED NA SNGA MA DANG KHYAD PAR MA PHYED PAS, TING NGE 'DZIN MU STEGS DANG YANG THUN MONG BA 'GA' ZHIG LA SNGAGS BLA MED KYI RDZOGS RIM DU 'DZIN PA MANG DU MTHONG ZHING, DE LTAR GZUNG BAS, LAM RNAM DAG LA SLOB PA'I GEGS BYED PAR SNANG NGO, ,PHYI MA DANG KHYAD PAR MA PHYED NA, DH'U T'IR MA TSUD GONG GI RTAGS DE DAG SKYES PA NA SOR SDUD KYI RTAGS SKYES PAR RLOM ZHING, SOR SDUD KYI RTAGS SKYES PA LA RGYUD 'GREL NAS 'BYUNG BAR BSHAD PA'I YON TAN DE DAG RANG LA AE 'DUG BLTAS PA NA, MI 'DUG PA DANG, RGYUD SDE NAS DE LTAR BSHAD PA NI MI BDEN NO SNYAM NAS SDIG SOGS PAR 'GYUR RO, ,'O NA DE GNYIS DANG KHYAD PAR GANG GIS 'BYED CE NA, 'DIR RLUNG DH'U T'IR TSUD PA MI DGOS PAR 'DOD PAS NI, TING NGE 'DZIN THUN MONG BA'I RTAGS DANG, 'DI GNYIS KYI KHYAD PAR 'BYED 'DOD KYANG MI PHYED PAS, MTSAN NYID THEG PA NAS STONG GZUGS PHYAG RGYA CHEN MO SGRUB BYED KHYAD PAR CAN YOD PAR 'DOD DGOS SO, ,DES NA, 'DI NI DH'U T'IR TSUD PA LAS 'BYUNG BA'I RTAGS YIN PAS, SNGA MA GNYIS KA DANG KHYAD PAR CHE'O, ,'O NA RLUNG DH'U T'IR TSUD PA DANG, MA TSUD PA'I DUS KYI RTAGS GNYIS KYI KHYAD PAR GANG GIS SHES PAR BYED CE NA, 'DUS PA'I RGYUD PHYI MA LAS BRTAN GYUR RDO RJE'I LAM NAS NI, ZHES PA'I 'GREL PA SGRON GSAL LAS, RDO RJE'I LAM NAS ZHES PA 'DA' BAR MI BYA BA'I MTSAN MA LNGA'I RIM GYIS ZHES GSUNGS PA LTAR GZHAN DU GSUNGS ZIN PA LAS SHES PAR BYA'O, ,

010b

DES NA, ZHAL LUNG 'GREL PA MDZES PA'I RGYAN LAS, DBANG PO'I RLUNG CUNG ZAD NANG DU LOG PAR RTZOM PA DANG, CUNG ZAD LOG PA DANG, DH'U T'IR TSUD PA DANG, DH'U T'IR THIM PA LAS RTAGS RNAMS 'CHAR BAR GSUNGS PA NI, LOG PAS RTAGS 'CHAR TSUL DE LTAR DU SHES PAR BYA'O, ,GSUM PA SPAGS CHOG NI, DUS ZHABS PAS SNGAR GYI BYED BCINGS LA SOGS PA DE NYID DAM DU GTONG PAR BSHAD LA, SNGA MA KHA CIG ,ZANGS CHUS BKANG BA LA MIG RTZA SBRID SBRID DU BLTAS NAS, DE NAS NAM MKHAR BLTAS NA STONG GZUGS 'CHAR RO, ,ZHES ZER RO, ,SNGA MA MI 'THAD DE, DAM DU GTONG BA'I DON GANG YIN, LUS GNAD SOGS LEGS PAR MA BYUNG BAR 'DUG PA 'CHOS PA LA BYED NA NI, DE NI RTZA BA'I BSGOM MA SHES PA YIN LA, SPOGS CHOG NI SGOM TSUL SHES NAS BSGOMS PAS MA GRUB NA BYA BA YIN PAS, DANG PO'I SGOM TSUL SLOB PA SPOGS CHOG TU JI LTAR RUNG, BSGOM TSUL LEGS PAR SHES NAS BSGAMS PAS MA GRUB PA LA BSGOM TSUL DE NYID DAM DU GTONG BA YIN NA NI, DES MA GRUB PA LA CI BYA ZHES PA LA, DE MA GRUB NA DE NYID BYA'O, ,ZHES PA'I SPOGS CHOG NI MED KYANG SLA'O, ,GNYIS PAS KYANG GNAD RNYED PA MA YIN TE, RLUNG DH'U T'IR TSUD PA'I THABS MI BYED PAR STONG GZUGS TZAM 'CHAR BA'I THABS 'BA' ZHIG BYED PAR SNANG LA, RLUNG DH'U T'IR MTSUD PA'I STONG GZUGS NI, JI TZAM SHAR YANG, STONG GZUGS KYI PHYAG CHEN SGRUB BYED KYI MAN NGAG TU MI RUNG BAS, SOR SDUD KYI YAN LAG TU MI RUNG NGO, ,DE NA, 'DIR RLUNG DH'U T'IR TSUD PA LAS BYUNG BA'I STONG GZUGS 'CHAR

011a

, ,DGOS LA, DE LA RLUNG DH'U T'IR TSUD DGOS LA, RLUNG DH'U T'IR TSUD PA YOD NA STONG GZUGS RANG SHUGS KYIS 'BYUNG BAS STONG GZUGS BSGRUB PA'I SPOGS CHOG MI DGOS SO, ,DES NA RGYUD 'GREL NAS GSUNGS PA LTAR BYA STE, SO SOR SDUD PA LA SOGS RNAMS KYIS GAL TE SNGAGS PA RNAMS KYI 'DOD PA THOB PAR MA GYUR NA, ZHES DANG, DE'I 'GREL PAR, SOR SDUD LA SOGS PA RNAMS KYIS GA-YAS PA DANG GA-YON PA'I RLUNG MA CHINGS PA NYID KYIS, ZHES GSUNGS PAS, SOR SDUD KYI RLUNG DH'U T'IR MA CHINGS PA DE'I TSE, BTZAN THABS BYA BAR BSHAD PA LTAR BYA'O, ,BZHI PA NI, BSGOM 'PHRO LA SHI YANG, TSE RABS GZHAN DU SNGAGS SPYOD PA'I RTEN KHYAD PAR CAN THOB STE, LAM BSGOMS PAS BAG CHAGS KYI STOBS KYIS LAM MYUR DU RGYUD LA SKYES NAS MCHOG THOB PAR 'GYUR RO, ,BZHI PA NI, DBANG PO'I MNGON SUM TSAD MA DANG 'DRA BAS NA, DBANG MNGON NO, ,DE GZUGS SGRA LA SOGS PA'I YUL 'DZIN PAS DBANG SHES DANG 'DRA'O, ,MNGON SUM NI, RTOG PA DANG BRAL BAS TE, STONG PA NYID KYI GZUGS SOGS GSAL BAR SNANG BA'I PHYIR RO, ,RNAM 'GREL LAS, RNAM RTOG RJES SU 'BREL BA LA, ,DON GSAL SNANG BA YOD MA YIN, ZHES GSUNGS SO, ,MA 'KHRUL PA'I DON MI SLU BA LA BYAS NAS, GNAS SKABS DANG, MTHAR THUG GI 'BRAS BU LA MI BSLU BA'I PHYIR RO, ,LNGA PA DBYE BA NI, RNAM PA BCU'O, ,DRUG PA NI, GNAS SKABS KYI 'BRAS BU SNGAGS KYI TSIG 'DZIN PA, MTHAR THUG YE SHES KYI PHUNG PO LA SOGS PA DRUG DRI BRAL DU GYUR PA 'THOB BO, ,YE SHES KYI PHUNG

011b

SOGS SBYOR BA NI, RTAGS 'DI RNAMS YAN LAG DRUG GA'I SKABS SU 'ONG BA THAMS CAD LA KHYAB PA RDOR SEMS KYI RIGS YIN PAS SO, ,MDOR NA, SO SOR SDUD PA LUS LA YUL DANG YUL CAN BCU PO RNAMS KYI 'BREL PA MED PA'O, ,ZHES PA RTZA 'GREL GYI SOR SDUD NI, YUL YUL CAN GYI 'BREL PA CHAD NAS STONG PA NYID KYI GZUGS MTHONG BA'I KHYAD CHOS GNYIS DANG LDAN PAR BSHAD LA, YUL YUL CAN GYI 'BREL PA CHAD PA TZAM STONG GZUGS MTHONG TZAM NI TING NGE 'DZIN THUN MONG BA LA YANG 'BYUNG LA, RLUNG DH'U T'IR MA TSUD PA'I STONG GZUGS KYIS NI LHAN SKYES TZAM YANG 'DREN MI NUS PAR SPOGS CHOG GI SKABS SU BSHAD NA DES MCHOG MI 'GYUR GYI BDE CHEN DNGOS SU 'DREN PA'I STONG GZUGS KYI PHYAG CHEN SGRUB MI NUS LA, SOR SDUD KYI STONG GZUGS RNAMS NI DE SGRUB BYED YIN ZHING, SPOGS CHOG GI SKABS SU RLUNG DH'U T'IR MA TSUD PA'I STONG GZUGS JI TZAM SHAR YANG, SOR SDUD SOGS BSGOM PAS 'DOD DON RLUNG DH'U T'IR MA TSUD BAR DU MI 'GRUB PAR GSUNGS PAS, SOR SDUD KYI YAN LAG TU 'GRO PA'I STONG GZUGS LA NI RLUNG DH'U T'IR TSUD PA LAS BYUNG BA'I STONG GZUGS 'CHAR DGOS LA, DE 'CHAR BA LA NI SNGON DU RLUNG DH'U T'IR TSUD PA DGOS LA, DE LA SNGON DU RLUNG DH'U T'IR TSUD PA'I THABS BSGOM DGOS PAS, MDOR NA, SOR SDUD KYI SKABS SU THOG MAR RLUNG DH'U T'IR 'DZUD PA'I THABS BSGOM PA DANG, BAR DU DE BSGOMS PAS RLUNG DH'U T'IR 'CHING STE, DBANG PO LNGA YUL DANG, YUL CAN GYI 'BREL PA CHAD PA DANG, MTHAR DE'I SGO NAS STONG GZUGS RNAMS MTHONG STE, RE KHA NAG PO,

012a

, ,SKRA'I TSAD TZAM AA WA DH'U T'I'I NANG DU MTHONG BA NA, SOR SDUD KYI YAN LAG MTSAN NYID TSANG BA THOB PA YIN PAS MTSAMS DE NAS DE BRTAN PAR BYA BA'I PHYIR, BSAM GTAN GYI YAN LAG BSGOM PAR BYA STE, GNYIS PA BSAM GTAN LA, KUN LA DRUG DRUG TU SHES PAR BYA STE, ZHES, YAN LAG RE RE LA DRUG DRUG TU BYED PA NI BSAM GTAN DANG TING NGE 'DZIN GNYIS SGRA BSHAD DU MED PAR, KHA CIG SOR SDUD BRTAN PAR BYED PAS BSAM GTAN ZHES BYED PA NI YI GE'I DON MIN NO,, DES NA, 'DI LA LNGA STE, DUS MTSAMS, GANG BSGOM PA'I YAN LAG ,DAG DBYE, TSAD MA GANG YIN, 'BRAS BU DANG NGO BO'O, ,DANG PO NI, GONG DU BSHAD PA LTAR SOR SDUD KYI RTAGS BCU RDZOGS NAS SO, ,GNYIS PA LA GSUM, DGOS PA GANG GI PHYIR BSGOM PA, YAN LAG GI DBYE BA, BSAM GTAN 'GRUB PA'I TSAD BSTAN PA'O, ,DANG PO NI, SOR SDUD NI GZUGS MA GRUB PA SGRUB PA'I PHYIR BSGOM PA YIN LA, BSAM GTAN NI GRUB ZIN BRTAN PAR BYA BA'I PHYIR SGOM PA YIN NO, ,'O NA DMIGS PA GZHAN SGOM PA NAS BRTAN PAR BYED PA YIN NAM ZHE NA, DMIGS PA DE NYID RGYUN GOMS PAS BRTAN PAR BYED PA YIN NO, ,GNYIS PA NI, SNGA MAS RTOG PA NI, STONG GZUGS RAGS PA MTHONG BA'O, ,DPYOD PA NI, STONG GZUGS PHRA BA YANG MTHONG BA'O, ,DGA' BDE NI, PHAN YON GYI YAN LAG STE, RIM PA BZHIN, SEMS DANG LUS SHIN SBYANGS 'DON PA'I SEMS KYI DGA' BA DANG, LUS KYI BDE BA'O, ,SHES RAB NI, 'DUS PA LAS, SEMS RTZE GCIG PA ZHES DANG KHYAD PAR MED LA, DE

012b

NI, SHES RAB DANG SHES BYUNG ZAD PA'O, ,ZHES GSUNGS PA LTAR, YUL YUL CAN GYI 'BREL PA CHAD PA'O, ,KHA CIG ,YAN LAG SO SO LA BSGOM TSUL RE RE BYED PA SNANG STE, YAN LAG 'DI DAG NI BSAM GTAN BSGOMS PAS RTOGS BSKYE BA'I RIM PA YIN PAS BSGOM TSUL SO SOR BYED PA MI 'THAD DO, ,GSUM PA NI, SOR SDUD KYI SKABS KYI LUS LA GNAD DU BSNUN PA'I DMIGS PA DE NYID BSGOMS PAS, SHES RAB KYI YAN LAG YUL YUL CAN GYI 'BREL PA CHAD DE, RTOG DPYOD KYI YAN LAG STENG GZUGS PHRA RAGS MTHONG NAS STONG GZUGS DE NYID BSGOMS PAS TING NGE 'DZIN THUN 'KHYONGS PA'I MTHAR, PHAN YON GYI YAN LAG LUS SEMS SHIN SBYANGS SKYES PA NA, BSAM GTAN GYI YAN LAG GRUB PA YIN NO, ,KHA CIG ,SROG RTZOL SGO RU 'OD GSAL GZUNG, ,SNANG BA'I STENG DU 'OD GSAL GZUNG, ,DH'U T'I'I NANG DU 'OD GSAL GZUNG, ,ZHES PA DANG, MNGON SHES LNGA SGRUB TSUL LA SOGS PA RNAMS 'DI'I SPOGS CHOG TU BYED PAR SNANG STE, MNGON SHES SGRUB PA NI, BSAM GTAN GRUB NAS BYED RGYU YIN PAS, MA GRUB PA'I SPOGS CHOG TU MI 'THAD LA, GZHAN RNAMS KYANG STONG GZUGS NYID KYI SPOGS CHOG TU SNANG BAS GNAD MA RNYED LA, 'DI LA SPOGS CHOG MI DGOS PA NI 'OG TU 'CHAD DO, ,GSUM PA NI, RNAM SHES KYI PHUNG PO DAG PAS MI BSKYOD PA'O, ,DBYE BA NI, YUL DANG, YUL CAN GYI SGO NAS BCU'O, ,LNGA PA NI, GNAS SKABS SU DANG, MNGON SHES LNGA DANG, MTHAR THUG RNAM SHES KYI PHUNG PO SOGS DRI BRAL DU 'GYUR PA 'THOB BO,, ,,GNYIS

013a

, ,PA SROG SGRUB BYED KYI YAN LAG LA, SPYIR BLA MED KYI RGYUD RNAMS NAS, RLUNG DH'U T'IR ZHUGS PA DANG, GNAS PA DANG, THIM PA GSUM BSHAD LA, DH'U T'IR THIM PA NI, RLUNG BCINGS PA DANG, BSRES PA DANG, BSAD PA ZHES BSHAD PA RNAMS YIN LA, ZHUGS GNAS GNYIS YAN LAG RE RER BSHAD PAS, 'DI LA GNYIS, SROG RO RKYANG LA RGYU BA BKAG NAS, DH'U T'IR 'JUG PAR BYED PA'I MAN NGAG SROG RTZOL, DH'U T'IR ZHUGS PA GNAS PA'AM, GNAS PA BRTAN PAR BYED PA'I YAN LAG 'DZIN PA'O, ,DRUG PO LA DRUG LAS, DANG PO MTSAN DON NI, RTZOL BA'I SKAD DOD AA YA MA ZHES, 'GOG PA DANG, MCHUR RING BA LA 'JUG PA LAS, 'DIR NI 'GOG PA'I DON DU BSHAD DE, DE LA SROG NI RLUNG YIN LA, DE RO RKYANG LA RGYU BA BKAG NAS DH'U T'IR 'DZUD PA NI RTZOL PA'I DON NO, ,'DUS PA LAS, SROG NI TSE YIN LA, RTZOL BA NI DE RING DU MCHED PAR BYED PA DON GYI SROG RTZOL, ZHES, SROG RTZOL GYI SGRA 'DI DANG MI MTHUN PAR BSHAD KYANG, BLA MED KYI RGYUD KUN NAS, RLUNG RO RKYANG LA RGYU BA BKAG NAS DH'U T'IR 'DZUD PAR BYED PA'I RLUNG SBYOR RE SROG RTZOL GYI YAN LAG TU 'CHAD PA LA KHYAD PAR MED DO, ,RGYUD SDE 'OG MAS SROG RTZOL MING MTHUN PAR BSHAD KYANG, DON MI MTHUN NO, ,GNYIS PA DUS MTSAMS NI, SOR BSAM GNYIS RDZOGS NAS BSGOM STE, DANG POR RLUNG LA DNGOS SU MI DMIGS PAR LUS KYI GNAD CHE SAR GNAD DU BSNUN NAS RLUNG DH'U T'IR BTZUD PAS DBU MA SBYANGS NAS, DE NI RLUNG JI LTA BU LA DNGOS SU

013b

DMIGS PA'I SROG RTZOL GNAD DU 'GRO CHE BAS CHE BA'I DGOS PA YOD PA'I PHYIR, DE YANG DBU MA SBYANGS NA SROG RTZOL GNAD DU 'GRO TSABS CHE BAS, RGYUD 'DIR GO RIMS DE LTAR BSHAD PA YIN GYI, RGYU MED NA 'BRAS BU MI 'BYUNG BA LTAR, DBU MA MA SBYANGS BAR SROG RTZOL RDZOGS PAR MI SKYE BA MA YIN TE, TSAD LDAN GYI GZHUNG DU MA NAS DBU MA SBYONG BYED MED PAR SROG RTZOL BSGOM PA GSUNGS PA'I PHYIR RO, ,DE LTAR GZUNG NA, GZHUNG DE DAG LA SKUR PA 'DEBS PA'I RGYUR 'GYUR RO, ,GSUM PA GANG BSGOM PA'I YAN LAG NGES PA LA, MTSAN NYID, DBYE BA, SGOM TSUL, MA GRUB NA SPOGS PA'I CHO GA DANG BZHI LAS, DANG PO NI, MTSAN DON BSHAD PA NYID KYIS RTOGS NUS PAS MI 'CHAD DO, ,GNYIS PA NI, BLA MA SNGA MA RNAMS, RDO RJE'I BZLAS PA, RDUB PA, DGANG BA 'JIL BA, RE KA TZA KA, BUM PA CAN DANG DRUG TU MDZAD KYANG, RGYUD 'GREL NAS, RDOR BZLAS DANG, BUM PA CAN GNYIS LAS MA BSHAD LA, DE GNYIS KYIS DGOS PA YANG 'GRUB PAS, RGYUD NAS MA BSHAD KYANG KHA 'GENGS DGOS PA YANG MIN, DES NA, DBYE BA LA, RDO RJE'I BZLAS PA DANG, BUM PA CAN GNYIS SU BYA'O, ,GSUM PA LA, DNGOS SU RO RKYANG LA RGYU BA MA BKAG PAR BSGOM PA RDO RJE'I BZLAS PA'I BSGOM TSUL, DNGOS SU RO RKYANG LA RGYU BA BKAG NAS BSGOM PA BUM PA CAN GYI SGOM TSUL DANG GNYIS LAS, DANG PO LA DRUG GI DANG PO GNAS NI, SOR SDUD KYI SKABS SU BSHAD PA GNYIS SO, ,GNYIS PA LUS GNAD NI, SNGAR DANG 'DRA BA LAS, KHYAD PAR NI, RKANG PA GA-YAS PA'I RTING PAS DRI CHEN GYI LAM BKAG

014a

, ,PA'AM, RDO RJE'I RTZA BA MNAN PA'O, ,GSUM PA LTA STANGS NI, SOR SDUD KYI SKABS SU BSHAD PA LTAR BGEGS MTHAR BYED KYI LTA STANGS BYED PAR BSHAD LA, DE LA DRANG NGES GNYIS LAS, NGES DON GYI BGEGS MTHAR BYED SNGAR BSHAD PA LTAR RLUNG YIN PAS, DE LA LTA BA NI MIG GIS LTA BAR MI NUS PAS, YID KYIS LTA BA YIN TE, DE YANG RDOR BZLAS KYI RLUNG 'JUG GNAS LDANG GSUM LA DNGOS SU DMIGS LA, BUM PA CAN GYIS RLUNG GNYIS KHA SBYAR DU BYAS PA LA DMIGS SO, ,DRANG DON GYI BGEGS MTHAR BYED KYI LTA BA NI, BLTA BA'O, ,BZHI PA BYED BCINGS NI, PHYAG RDOR STOD 'GREL LAS, DE LA SROG RTZOL GYI YAN LAG CES BYA PA NI, L'A LA NA DANG, R'A SA NA GA-YON PA DANG, GA-YAS PA DAG GI RTZA 'GOG PA LAS, SROG GI RLUNG AA WA DH'U T'IR RTAG TU RAB TU 'BAB PA STE, AA WA DH'U T'IR DGANG BA DANG, BUM PA CAN DANG, DBYUNG BA'I SBYOR BAS, ZLA BA DANG, NYI MA DANG, SGRA GCAN GYI RANG BZHIN GYI RNAL 'BYOR PAS BYED PA NI SROG RTZOL GYI YAN LAG GO ,ZHES GSUNGS PA'I DON BSHAD NA RTOGS PAS DE BSHAD PAR BYA STE, DE LA SROG RTZOL GYI YAN LAG CES PA'I RTZOL BA'I DON, L'A LA NA ZHES PA NAS, 'GOG PA LAS ZHES PA'I BAR GYIS, RO RKYANG LA RGYU BA 'GOG PA LA BSHAD LA, SROG GI DON SROG GI RLUNG ZHES PAS, RLUNG LA BSHAD NAS, LAS ZHES PA DANG, AA WA ZHES PA NAS 'BAB PA STE, ZHES PA'I BAR GYIS RLUNG RO RKYANG LA RGYU BA 'GOG PA LAS, AA WA DH'U T'IR 'BAB PAR

014b

BSHAD DO, ,AA WA DH'U T'IR DGANG BA DANG, ZHES PA MAN GYIS NI, RLUNG RO RKYANG LA RGYU BA 'GOG PA'I THABS BSTAN TE, 'DI LTAR ZLA BA STE, SKU RDO RJE AOm GYI RANG BZHIN GYI RLUNG DGANG BA STE NANG DU 'JUG PA DANG, SGRA GCAN TE THUGS RDO RJE H'Um GI RANG BZHIN GYI BUM PA CAN TE NANG DU GNAS PA DANG, NYI MA STE, GSUNG RDO RJE A'A: YI RANG BZHIN GYI PHYIR DBYUNG BA'I SBYOR BA BYA'O, ,GNAS GANG NAS BYED CE NA, AA WA DH'U T'IR DGANG BA DANG, ZHES GSUNGS PAS AA WA DH'U T'IR 'JUG PA DANG, GNAS PA DANG, DE NAS 'BYUNG BA'I SBYOR BA BYA'O, ZHES BSTAN LA, RNAL 'BYOR PAS BYED PA NI, ZHES PAS NI, DA LTA DH'U T'I NAS 'BYUNG 'JUG MI BYED PAS, DH'U T'I NAS 'JUG GNAS LDANG GSUM GYI SBYOR BA BYED PA NI RNAL 'BYOR PAS BYED PA STE, MOS PA BYED PA'O, ,ZHES BSTAN LA, SROG BYED PA MAN GYIS NI, SBYOR BA DE NI SROG 'GOG PA'I YAN LAG GAM, THABS SO, ,ZHES BSTAN NO, ,MDOR NA, GZHUNG DES RLUNG GI GDANGS GSUM DANG, YIG 'BRU GSUM DBYER MED DU SBYAR TE, AA WA DH'U T'I NAS 'JUG GNAS LDANG GSUM BYED PAR RNAL 'BYOR PAS MOS PA BYED PA NI, SROG GI RLUNG GA-YAS GA-YON GYI LAM RO RKYANG LA RGYU BA BKAG NAS DBUS KYI RTZA AA WA DH'U T'IR 'BAB CING 'JUG PAR BYED PA'I YAN LAG GO ,ZHES GSAL BAR BSTAN TO, ,DES KHA CIG GA-YAS NAS RGYU BA RO MA DANG, GA-YON NAS RGYU BA RKYANG MA'I NANG NAS RDOR BZLAS BYED PAR 'DOD PA NI, RDOR BZLAS KYI MI MTHUN PHYOGS 'BA' ZHIG STE, RDOR BZLAS KYI DUS SU YID KYI DBU MA NAS 'BYUNG 'JUG BYED PAR MA BYAS NA,

015a

, ,DNGOS SU RO RKYANG LA RGYU BA DBU MAR 'DZUD PA'I THABS CUNG ZAD KYANG MED DO, ,DES NA, RDOR BZLAS KYIS RO RKYANG LA DNGOS SU 'BYUNG 'JUG BYED PA MA BKAG KYANG, RLUNG DBU MAR 'JUD PA'I GNAD CHE SHOS NI YID KYIS DBU MA NAS 'JUG GNAS LDANG GSUM BYED PAR MOS PA NYID YIN PAS DE BOR NAS RDOR BZLAS BYAS PAS DGOS PA CI YANG MI 'GRUB BO, ,ZLA BA DANG, NYI MA DANG, SGRA GCAN GYI ZHES SOGS KYI DON SNGAR BSHAD PA LTAR YIN TE, GONG DE MA THAG TU DH'U T'I NAS 'JUG GNAS LDANG GSUM BYED PAR BSHAD PAS SO, ,'DI NYID KYI RGYUD 'GREL LAS KYANG, DE THAMS CAD DU BRTAN PAR GYUR PA DANG, BUM PA CAN GYI GNAS SKABS THOB PA JI SRID PAR 'BYUNG BA DANG, 'JUG PA NYID KYIS DBU MAR BSGOM PAR BYA'O, ,ZHES GSAL BAR GSUNGS PAS, PHYIN CI LOG TU MA 'DZIN ZHIG ,YANG KHA CIG 'DI SNYAM DU RLUNG SNGAGS SBYOR TSUL, 'DUS PA DANG MI MTHUN PAR BSHAD PA JI LTAR YIN SNYAM NA SKYON MED DE, DE LTA BU CUNG ZAD MI MTHUN PA YOD KYANG, SROG RTZOL GYI GNAD MI 'PHYUG PA GNYIS KA LA YOD PAS SO, ,RLUNG SNGAGS SBYOR TSUL YANG, RLUNG GI RANG GDANGS NYID YI GE GSUM DU SGROG GIN YOD PA NYAN PA'I RNAM PA LTA BUR BYA'I, YI GE GSUM GZUGS DANG SGRA'I RNAM PA CAN DU MI BYA STE, BLA MAS GZHAN DU GSUNGS PA LAS SHES PAR BYA'O, ,LNGA PA DE BSGOMS PAS NYAMS MYONG SKYE TSUL NI, BLA MA SNGA MA RNAMS, BDE DROD DANG, RTZA DANG, RLUNG GI KHA DOG MTHONG BA LA SOGS PA 'BYUNG NGO, ,

015b

ZHES GSUNGS SO, ,DE LA RTZA DANG RLUNG GI KHA DOG MTHONG BA LA, NYAMS SNANG LA RTZA'I 'KHOR LO DANG, DE NAS RGYU BA'I RLUNG GI KHA DOG MTHONG BA DANG, DER MA ZAD 'JIG RTEN KHAMS DU MA MTHONG BA LA SOGS PA 'BYUNG STE, DE DAG NI RMI LAM DU MTHONG BA DANG 'DRA BAS, KHA CIG BDEN PA SRID KYANG, YID BRTAN DU MI RUNG NGO, ,RDO RJE PHRENG BA NAS LUS DBEN RDZOGS NAS RDOR BZLAS ZLA PA DRUG BYED PAR BSHAD PA'I ZLA BA BZHI PA LA RTZA'I 'KHOR LO'I KHA DOG MTHONG BAR BSHAD PA LTA BU NI RANG MTSAN PA MTHONG BA YIN PAS, RDOR BZLAS BSGOMS PAS MYONG BA SKYE TSUL PHAL PA YIN YANG, GTZO BO NI RLUNG DH'U T'IR ZHUGS PA'I RTAGS 'KHRUL MED RNAMS 'CHAR DGOS SO, ,SNYAN BRGYUD LAS, SNGON 'GRO DANG, GEGS SEL RDO RJE'I BZLAS PAS RTZA LAM SBYONG, ZHES BSHAD PA LA, BOD KYI MKHAS PAS, SNGON 'GRO TZAM DU BYED PA MI 'THAD CES GSUNGS PA NI BDEN TE, DE DAG GI SROG RTZOL DNGOS GZHI NI BUM PA CAN YIN LA, RDOR BZLAS NI DE'I SNGON 'GRO DANG, GEGS SEL DU 'DOD LA, DE NI BRTAGS NA MI 'THAD DE, RDO RJE'I BZLAS PA RTZA LAM SBYONG BA DE DAG GIS 'DOD LA, RTZA DBU MA SBYONG BA LA, DBU MA'I NANG DU RLUNG ZHUGS DGOS PAS, DE RDOR BZLAS KYIS BSGRUB NA, RO RKYANG LA RGYU BA BKAG NAS DH'U T'IR 'JUD PAR BYED PA'I SROG RLUNG SBYOR BA YIN PAS SROG RTZOL DNGOS GZHI YIN NO, ,YANG SNYAN BRGYUD LAS, 'BYONGS NAS 'JAM RLUNG DGANG STONG GI SBYOR BAS SROG DBU MA'I THIG LAR ZHUGS, ZHES GSUNGS PAS, RLUNG 'JAM POS GANG LA RGYU BA'I SNA BUG NAS RLUNG NANG DU DRANGS TE, LTO BA BKANG STE KHENGS PA DANG,

011a

011b

012a

012b

013a

013b

014a

014b

015a

015b

016a

, ,RLUNG MI RGYU BA PHYOGS KYI SNA BUG NAS BTANG PAS, MNYAM RGYUR BSGRUB CING, DE SROG DBU MAR TSUD PAR 'DOD PAR SNANG STE, RLUNG SBYOR 'DI LA RTZA DBU MA'I RTZA GNAD LA STON PA MI 'DUG PAS, DES RLUNG DBU MAR TSUD DKA' LA DBU MAR TSUD PA'I RTAGS KYANG MNYAM RGYUR THENGS PA GCIG PUS MI CHOG GI ,NANG GI RTAGS 'KHRUL MED KYANG 'CHAR DGOS SO, ,RGYUD 'DI'I SKOR NAS MI 'BYUNG YANG, RGYUD GZHAN NAS 'BYUNG NGO, ,ZHES GSUNGS KYANG, YANG BSGYUR BA'I RGYUD NA 'DUG PA MA MTHONG NGO, ,'ON KYANG RLUNG SBYOR 'DI LA KHAMS BDE BA LA SOGS PA'I DGOS PA YOD PAS, 'DI DANG RLUNG SBYOR 'OG GI BZHI'I BYED LUGS ZUR DU BYA'O, ,YANG KHA CIG ,RNGUB PA DANG, DGANG BA DANG, 'JIL BA'I RLUNG SBYOR MAN NGAG KHA CIG LAS 'BYUNG BA, MAN SNYE DANG, RGYUD 'GREL LAS, DGANG BA DANG, DBYUNG BA DANG, BUM PA CAN GYI SBYOR BAS RTAG PAR BSNYEN PA BYA'O, ,ZHES PA'I DGONGS PAR MDZAD PAR SNANG STE, RGYUD 'GREL GYI DGONGS PA NI, PHYAG RDOR STOD 'GREL NAS 'BYUNG BA LTAR, RDOR BZLAS BSTAN PA YIN LA, MAN SNYE'I YANG, 'GANG BA DANG, 'BYUNG BA DANG, BUM PA CAN GSUM NI, 'JUG GNAS LDANG GSUM LA BSHAD CING, ZHI BA NI, ZHUGS NAS GA-YO MED DU GNAS PA'O, ,ZHES BSHAD PAS, DE'I DGONGS PA YANG MA YIN NO, ,SPYIR YANG BYA BA LA SOGS PA'I SKABS SU, LUS KYI NANG THAMS CAD RLUNG GIS 'GENGS PA LA SOGS PA BSHAD KYANG, RLUNG DBU MAR 'DZUD PA'I SROG RTZOL BSGOM PA'I SKABS SU NI,

016b

DBU MA'I RTZA GNAD LA BRTEN PA'I RLUNG SBYOR MED PAR, LUS KYI LTO BA RLUNG GIS 'GENGS PA'I RLUNG SBYOR BSGOMS PAS NI, RLUNG DBU MAR TSUD PA LA CI YANG MI PHAN NO, ,RGYUD 'DIR SROG RTZOL SOGS GSAL BAR BSHAD PAS, GZHAN NAS KHA 'GENGS DGOS PA MED LA, SLOB DPON GYI KHA NAS 'ONGS PA MA YIN NO, ,ZHES BSHAD PAS, BLA MA'I MAN NGAG GIS KYANG KHA 'GENGS DGOS PA MED PAS, RGYUD NAS BSHAD PA'I SROG RTZOL GNYIS PO NYID LA NAN CHER BYA'O, ,GNYIS PA LA, GNAS LA SOGS PA DRUG LAS, GZHAN RNAMS NI RDOR BZLAS DANG 'DRA'O, ,BYED PA BCING PA NI, SPYIR NA RLUNG 'BYUNG 'JUG MI BYED PAR LUS KYI NANG DU GNAS PA LA YANG BUM PA CAN DU BSHAD PA YOD LA, DE NI RGYUD SDE 'OG MA LA YANG YOD CING, DER MA ZAD GRANGS CAN LA, BUM PA CAN YOD PAR BSHAD DE, PAndI TA SA'I SNYING POS MU STEGS DANG MA RGYUD KYI RLUNG SBYOR GYI KHYAD PAR DBYE DKA' BAR 'DUG GSUNG BA LA, BLA MA SNGA MA RNAMS, LTA BA DANG, BYANG CHUB SEMS KYIS ZIN MA ZIN GYI SGO NAS 'BYED GSUNG BAS RLUNG SBYOR GYI NGO BO'I SGO NAS KHYAD PAR MA PHYED PAR SNANG LA, RLUNG SBYOR DE DAG NI NGO BO'I SGO NAS KYANG KHYAD PAR SHIN TU CHE STE, GRANGS CAN LA NI, SPYIR STENG 'OG GI RLUNG KHA SBYOR BYED PA DANG, KHYAD PAR DU BLA MED NAS BSHAD PA LTAR, RTZA 'KHOR GYI DBUS SU KHA SBYAR DU BYAS TE GZUNG BAS LHAN SKYES KYI BDE CHEN 'DREN PA MED PA'I PHYIR, DES NA, RLUNG 'BYUNG 'JUG MI BYED PAR LUS KYI NANG DU GNAS PA TZAM GYI BUM PA CAN NI, MU STEGS DANG RGYUD SDE 'OG MA LA YANG YOD PAS, DE LAS

017a

, ,KHYAD PAR DU GYUR PA'I BUM PA CAN GYI SGOM TSUL DGOS PAS DE BSHAD PAR BYA STE, 'DI LA LNGA, STENG 'OG GI RLUNG 'THEN PA'I GO RIMS, STENG 'OG GI RLUNG LAM GANG NAS 'THEN PA, THEN NAS GNAS GANG DU KHA SBYOR BYA BA, BYAS NAS KHA SBYOR DE NYID LA SEMS GTOD PA, GTAD NAS BSGOM PA'I YUN TSAD BSTAN PA'O, ,DANG PO NI, GZHI DUS SROG 'DZIN STENG GI SNA SGO NAS PHYIR 'BYUNG BA NA, THUR SEL 'OG SGO NAS PHYIR 'BYUNG LA, SROG RTZOL NANG DU 'JUG PA NA, THUR SEL NANG DU ZHUGS NAS LTE BA'I BAR 'ONG BAS, RTOG PA SPYANG POS DUS GCIG TU KHA SBYOR BYED NUS PA SRID KYANG, DA LTA PHAL CHER MI NUS PAS, RIM CAN DU 'THEN DGOS SO, ,DE'I TSUL BSHAD PAR BYA STE, BYANG SEMS 'DZAG PA BSRUNG BA'I MAN NGAG MED NA NI, SROG 'DZIN SNGON DU NGES PAR 'THEN DGOS TE, THUR SEL SNGON DU 'THEN NA BYANG SEMS 'DZAG PAS SO, ,BYANG SEMS BSRUNG BA'I MAN NGAG YOD NA, THUR SEL SNGON DU THEN YANG CHOG GO ,GNYIS PA NI, SNGA MA PHAL CHER STENG 'OG GI RLUNG LUS KYI KHOG PA CI TZAM NAS, LTE BA'I BAR DU 'THEN PA MA GTOGS GNAD DU 'GRO BA'I 'THEN LUGS MI SNANG LA, DE MA BYUNG NA THEN NAS KHA SBYOR DU BYA BA YANG GNAD DU 'GRO BA MI 'ONG BAS NA, GNAD DU 'GRO BA'I 'THEN LUGS DGOS TE, 'DI LTAR STENG RLUNG DH'U T'I'I NANG NAS 'OG TU 'THEN ZHING, 'OG RLUNG DH'U T'I'I LAM NAS STENG DU 'THEN DGOS TE, RGYU MTSAN 'OG TU 'CHAD DO, ,GSUM PA NI, THEN NAS GNAS GANG DU KHA SBYOR BYED CE NA, 'DI LA YANG, SNGA MA

017b

PHAL CHER STENG 'OG NAS LTE BA'I BAR DU THEN NAS LTE BAR KHA SBYOR BYED ZER BA TZAM MA GTOGS GNAD DU 'GRO BA'I KHA SBYOR BYED LUGS MI 'DUG ,SROG DBU MAR 'DZUD PA'I SROG RTZOL DU 'GRO BA DKA'O, ,DES NA SROG DBU MAR 'DZUD PA'I SROG RTZOL DU 'GRO BA'I BUM PA CAN SGOM PAR 'DOD PAS NI, 'DI LTAR BYA STE, STENG RLUNG DANG 'OG RLUNG DH'U T'I'I LAM NAS LTE BA'I BAR DU THEN TE, DH'U T'I LA RO RKYANG GI MDUD PAS BCINGS PA'I LTE BA'I RTZA 'KHOR GYI DBUS AA WA DH'U T'I'I NANG DU KHA SBYOR BYA'O, ,BZHI PA NI, DE LTAR KHA SBYOR DU BYAS NAS, DH'U T'I'I MDUD PA'I NANG GI KHA SBYOR GYI RLUNG DE NYID LA SEMS GTOD PA YIN TE, BSDUS RGYUD DU, BGEGS MTHAR BYED KYI BLTA BAS BDUD RTZI'I GNAS SU SON PA YIS KYANG NYE BAR SGRUB LA YAN LAG DRUG CES, SROG RTZOL BGEGS MTHAR BYED KYI BLTA BAS BSGOM PAR BSHAD PA LA, NGES DON GYI BGEGS MTHAR BYED NI, 'DI NYID DU'ANG RLUNG LA BSHAD LA, BDE MCHOG STOD 'GREL LAS KYANG, BGEGS MTHAR BYED NI, DGONGS PA'I SKABS GZHAN GYIS NI RLUNG LA GSUNG NGO, ,ZHES RLUNG LA BGEGS MTHAR BYED DU BSHAD PAS, DE'I BLTA BA NI RLUNG LA BLTA BA YIN NO, ,TSUL 'DI NI STOD 'GREL DU, 'DUS PA'I RGYUD PHYI MA'I LUNG DRANGS NAS GSAL BAR BSHAD DE, YE SHES LNGA YI RANG BZHIN DBUGS, ,'BYUNG BA LNGA YI NGO BO NYID, ,GONG BU'I GZUGS KYIS PHYUNG NAS NI, ,SNA YI RTZE MOR RAB TU BRTAG ,CES PA DRANGS TE, GONG BU'I GZUGS KYIS ZHES PA LA, 'GYUR KHA CIG LAS, 'DRIL BA'I GZUGS KYIS ZHES 'BYUNG BAS, YE SHES LNGA YI RANG BZHIN GYI DKYIL 'KHOR LNGA'I RLUNG RO RKYANG LA SO SOR RGYU BA DE NI, AA WA DH'U T'IR

018a

, ,GCIG TU 'DRIL BA'I GZUGS KYIS PHYUNG BA STE, LAM NAS DRANGS NAS SNA YI RTZE MO ZHES PA RTZA 'KHOR LA ZER BAS, SKABS 'DIR SNA YI RTZE MOR TE LTE BA'I RTZA 'KHOR GYI DBUS SU RAB TU BRTAG PA STE BSGOM MO, ,ZHES BSTAN NO, ,DE YANG RKANG PA GSUM PAS RLUNG DH'U T'I'I NANG NAS 'DREN PAR BSTAN NAS, RKANG PA BZHI PAS LTE BA'I RTZA 'KHOR GYI DBUS SU BSGOM PAR BSTAN NO, ,MDOR NA, RAB TU BRTAG PA STE, BSGOM BYA'I DNGOS PO DKYIL 'KHOR LNGA'I RLUNG RO RKYANG LA RGYU PA AA WA DH'U T'I'I LAM NAS DRANGS NAS, GANG DU BSGOM PA'I GNAS SNA YI RTZE MOR TE, LTE BA'I RTZA 'KHOR GYI DBUS SU BSGOM, ZHES GSAL BAR BSTAN NO, ,LNGA PA NI, DE LTAR SEMS GTAD NAS YANG YANG BSGOMS PAS MGO BO NA BA DANG, LUS LA 'OD KOR MTHONG PA DANG, SNYING BRDEBS PA LA SOGS PA BYUNG NA, DE PHAN CHAD DU BSGOMS NA SROG 'CHAD PA LA SOGS PA'I NYES DMIGS YOD PAS, DE PHAN DU MI SGOM MO, ,DE YANG, BUM PA CAN BSGOMS PAS MTSAMS GCIG NAS RTZA 'KHOR GYI DBUS DH'U T'I'I NANG DU GNAS PA MIN YANG LTE BA'I RTZA 'KHOR TZAM DU RANG SHUGS KYIS GNAS PA CIG 'ONG BAS, MTSAMS DE NAS 'DZIN PA LA NAN TAN CHER BYA'I, DE MA BYUNG BAR DU AA NA TSUGS SU GZUNG NA, GEGS SKYED BAS, LUS LA MI BDE BA MA BYUNG GI BAR DU BSGOM PAR BYA'O, ,DRUG PA DE LTAR BSGOMS PAS MYONG BA SKYE TSUL NI, BOD KYI MKHAS PAS, 'DZIN PA'I SKABS KYI MYONG BA SKYE TSUL RNAMS 'DIR DRANGS NAS BSHAD KYANG, DE DAG NI 'DZIN PA'I SKABS NYID DU BSHAD PAR BYA'O, ,'DI'I SKABS SU, RLUNG DH'U T'IR 'DRES PAS

018b

GTUM MA 'BAR BA DANG, RTZA DANG, RLUNG GI KHA DOG MTHONG BA LA SOGS PA NI PHAL PA YIN LA, GTZO BO NI SROG DBU MAR TSUD PA'I RTAGS 'KHRUL MED RNAMS YIN PAS DE DAG 'CHAR DGOS SO, ,RE TZA KA'I RLUNG SBYOR NI ZUR DU 'CHAD DO, ,DES NA, SNYAN BRGYUD LAS GSUNGS CHUL CUNG ZAD BSHAD PAR BYA STE, GNYIS PA NI GONG DU DRANGS LA, DE'I RJES SU BCUG NAS RTZUB PA CAN GYI SBYOR BAS, SROG DBU MA'I THIG LER BCINGS, ZHES SNGA MA SROG DBU MAR BTZUD NAS, 'DIS DBU MAR GNAS PAR BYED PAR 'DOD PAR SNANG STE, SROG RTZOL GYI BYED LAS NI SROG DBU MAR 'DZUD PA NYID YIN GYI, SROG DBU MAR GNAS PA NI 'DZIN PA'I BYED LAS YIN PAS, SROG RTZOL GYIS DE SGRUB PAR 'DOD PA MI 'THAD DE, SROG RTZOL GYIS DBU MAR GNAS PA YANG BSGRUB NA 'DZIN PA'I YAN LAG BSGOM PA LA DGOS PA CI ZHIG YOD, DES NA SROG RTZOL GYI BYED LAS NI, SROG DBU MAR GZHUG PA NYID YIN PAS, SROG DBU MAR ZHUGS PA'I RTAGS 'KHRUL MED RNAMS SHAR NA, SROG RTZOL GYI BYED LAS DES RDZOGS SO, ,YANG SNYAN BRGYUD LAS, MA TSUD CING MA CHINGS NA, BTZAN THABS KYI SBYOR BAS GA-YAS GA-YON NYI ZLA'I RGYU BA DGAG ,'OG SGO 'GAGS NA SROG GI SBYOR BAS DGROL, ZHES GSUNGS PA'I DON NI, 'JAM RLUNG GI SBYOR BAS MA TSUD CING, RTZUB RLUNG GI SBYOR BAS MA CHINGS NA, BRTAG GNYIS NAS GSUNGS PA'I MGRIN PA LONGS SPYOD KYI 'KHOR LO'I KHU RDUL RLUNG GSUM GYI RTZA GSUM GSUM GA-YAS GA-YON DU YOD PA'I KHU RLUNG GNYIS KYI RTZA BKAG NA, RIM BZHIN BDE BA DANG, MI RTOG PA SHAS CHE ZHING, RLUNG DH'U T'IR TSUD PAR 'DOD DO, ,DE 'DRA BA'I BTZAN THABS NI,

019a

, ,RGYUD 'DIR BSHAD PA MED PAS, 'OG NAS 'BYUNG BA LTAR, RGYUD 'GREL NAS BSHAD PA'I BCAN THABS NYID BYA'O, ,GZHAN YANG, RDOR BZLAS KYIS RLUNG DBU MAR 'DZUD MI NUS NA, DE RTZA DBU MA SBYONG BYED DU MI 'THAD LA, NUS NA NI RLUNG SBYOR GNYIS RDOR BZLAS KYI RJES SU BYED PA'I GO RIM NGES CAN DU 'DOD PAS, SKABS 'DIR BTZAN THABS BYED DON MED DO, ,RKANG PA LNGA PAS NI, DE LTAR BYAS PAS DRI CHEN DRI CHU'I LAM 'GAGS NA, SROG GI SBYOR BAS DGROL GSUNG YANG, LAM GNYIS GANG 'GAGS PA DE DANG, LTE BA'I BAR DU THUR SEL LA RDO RJE'I BZLAS PA BYA'O, ,ZHES PA NI SNYAN BRGYUD NAS GSUNGS TSUL LO, ,BZHI PA MA GRUB NA BTZAN THABS KYI SBYOR BA NI, RGYUD LAS, SO SOR SDUD PA LA SOGS RNAMS KYIS GAL TE SNGAGS PA RNAMS KYI 'DOD PA GRUB PAR MA GYUR NA, N'A DA GOMS PAS BTZAN THABS CHU SKYES SU GNAS RDO RJE NOR BUR THIG LES BKAG NAS BSGRUB PAR BYA, ZHES BSHAD CING, DE'I 'GREL PAR SO SOR SDUD PA LA SOGS PAS GZUGS BRNYAN MTHONG YANG, GA-YON PA DANG GA-YAS PA'I SROG MA CHINGS PA NYID KYIS 'GYUR BA MED PA'I SKAD CIG MA MA SKYES NA, DE'I TSE N'A DA GOMS PA 'CHAD PAR 'GYUR BAS, BTZAN THABS SU DBU MAR 'BAR BAR BYAS NAS, ZHES PA'I DON BSHAD PAR BYA STE, 'DI LA GSUM DUS NAM GYI TSE BYED PA, BYED PA'I TSUL DNGOS, DES RLUNG CHINGS NAS BDE BA BSGRUB TSUL LO, ,DANG PO NI, BOD KYI MKHAS PAS, 'GYUR BA MED PA'I SKAD CIG MA MA SKYES NA ZHES PA LA DGONGS NAS, 'DZIN PA'I YAN LAG THOB NAS MCHOG MI 'GYUR GYI BDE

019b

BA MA SKYES NA, DE'I TSE BSGOM MO, ,ZHES GSUNG PA NI MI BDEN TE, 'DZIN PA THOB NAS RJES DRAN GYI DUS SU STONG GZUGS KYI PHYAG RGYAL BRTEN NAS BDE CHEN 'DREN MA NUS NA, LAS RGYAL BRTEN NAS BDE CHEN 'DREN DGOS PA SRID KYI, RLUNG MA CHINGS PAS BDE BA 'DREN MA NUS PAS RLUNG DBU MAR 'DZUD PA'I SPOGS CHOG BYED DGOS PA MI SRID LA, 'DI NI SROG MA CHINGS PA NYID KYIS 'GYUR BA MED PA ZHES DANG, BTZAN THABS SU DBU MAR 'BAB PAR BYAS NAS, ZHES PA RNAMS KYIS RLUNG DBU MAR MA CHINGS PAS BDE BA MA SKYES NA RLUNG DBU MAR 'JUD PA'I THABS SU BYED PAR GSAL POR BSTAN TO, ,DES NA 'GYUR BA MED PA'I SKAD CIG MA ZHES GSUNGS PAS KYANG MI 'GRUB STE, RGYUD 'DIR 'GYUR BA MED PA'I BDE BA ZHES GSUNGS PA THAMS CAD DON GCIG TU GZUNG NA, RGYUD DON LEGS PAR 'CHAD MI THUB PAS, SKABS KYI GO BAR BYAD DGOS PAS, 'DIR NI 'GYUR BA MED PA'I SKAD CIG MA ZHES PA NI, BYANG SEMS PHYI ROL DU 'DZAG PA BKAG NAS, RDO RJE NOR BU'I RTZER 'JOG MED DU BCINGS PA LAS SKYES PA'I BDE BA LA ZER BA YIN TE, RDO RJE NOR BUR THIG LE BKAG NAS BSGRUB PAR BYA, ZHES GSUNGS PAS SHES SO, ,SNGA MA KHA CIG NI, SROG RTZEL GYIS MA GRUB NA BYED PA YIN GSUNG YANG, SOR SDUD SOGS RNAMS KYIS ZHES GSUNGS PAS, SOR SDUD KYIS MA GRUB NA BYED PAR GSAL LA, BSAM GTAN NI SOR SDUD BRTAN BYED TZAM YIN PAS, SOR SDUD GRUB NA NI DE NAS BSAM GTAN BSGOMS PAS MI 'GRUB PA MI SRID LA, SOR SDUD MA GRUB NA NI BSAM GTAN BSGOM PA YANG MED MOD, DES NA, SOGS KHENGS

020a

, ,NAS GTZO BOR SROG RTZOL GZUNG NGO, ,DE YANG, SOR SDUD KYIS DH'U T'IR TSUD NA SROG RTZOL BSGOMS PAS SROG RTZOL GYI DH'U T'IR MI TSUD PA MI SRID PAS, SOR SDUD KYIS DH'U T'IR MA TSUD PA'I SROG RTZOL SGOM PA'I DBANG DU BYAS, DE NAS SOR SDUD DANG SROG RTZOL BSGOMS PAS STONG GZUGS DU MA MTHENG YANG, SROG 'DUS RTAGS MA BYUNG NA, DE'I TSE 'DI BYAS PAS DBU MAR TSUD PAR 'GYUR RO, ,'O NA, 'DIS RLUNG DBU MAR 'DZUD NUS NA, DANG PO BYAS PAS CHOG GAM SNYAM NA MI CHOG STE, DANG POR SROG SDUD KYI MAN NGAG DA LTA BYED PA LTAR, CUNG ZAD BSGOMS PAS MI CHOG GIS, RGYUN RING DU BSGOMS PA DGOS LA, DE LTAR BSGOMS PAS SROG 'DUS RTAGS MA BYUNG YANG, RLUNG SHIN TU LAS RUNG DU THENGS YOD PAS, DE NAS BTZAN THABS SU BYAS NA, RLUNG DH'U T'IR 'DZUD NUS PA YIN GYI, DANG PO NAS DRAG SBYOR BYAS PAS TSUD MI NUS KYI STENG DU GEGS CHEN PO BSKYED DO, ,GAL TE DRAG SBYOR GYIS DANG PO NAS GEGS MED PAR 'DZUD NUS NA, SROG RTZOL BSGOM PA SOGS NGAL BAS CI ZHIG BYA, DES NA DANG POR SOR SDUD DANG SROG RTZOL GYIS 'JAM PO'I SGO NAS BSGOMS LA, RGYUN RING DU BSGOMS KYANG MA GRUB NA, DE'I TSE DRAG PO BTZAN THABS KYI SBYOR BA 'DI BYA'O, ,DE YANG, BLA MED KYI RGYUD SDE PHAL CHER NAS, RLUNG DH'U T'IR BTZUD NAS LHAN SKYES KYI BDE BA SKYES PA NYID RDZOGS RIM GYI SKABS SU GTZO BOR 'CHAD LA, RGYUD 'DIR DE DANG, STENG GZUGS BSGRUB PA'I TSUL GNYIS GSAL BAR 'CHAD LA, STONG GZUGS SGRUB PA YANG, BDE CHEN 'DREN PA'I YAN LAG TU SGRUB PA YIN PAS STONG

020b

GZUGS GANG BYUNG SHAR BAS MI CHOG GI ,RLUNG DBU MAR TSUD PA LAS BYUNG BA'I STONG GZUGS 'CHAR DGOS LA, DE 'CHAR BA LA, RLUNG DBU MAR TSUD PA DGOS PAS, RLUNG DBU MAR TSUD PA'I STONG GZUGS SHAR YANG, LHAN SKYES 'DREN MI NUS PAS RLUNG DH'U T'IR 'DZUD PA'I BTZAN THABS BYA DGOS TE, GONG DU DRANGS PA'I RGYUD 'GREL GNYIS LAS SHES PAS, 'GREL PA'I DON CUNG ZAD BSHAD NA, RKANG PA DANG PO'I DON NI, SOR SDUD SOGS KYI SROG SDUD KYI DMIGS PA BSGOMS PAS, DU SOGS KYI MTSAN MA MTHENG YANG, SROG DH'U T'IR MA CHINGS PAS 'DOD CING DON DU GNYER BYA'I 'GYUR MED KYI BDE BA MA SKYES NA, ZHES PAS BSTAN NO, ,'GREL PA'I LUNG 'DIS, SOR SDUD SOGS KYI SKABS SU SROG SDUD KYI DMIGS PA BSGOMS PAS, RLUNG DH'U T'IR MA CHINGS PA'I GONG DU, DU SOGS KYI MTSAN MA MTHONG YANG, RLUNG DH'U T'IR MA TSUD BAR DU 'DOD PA'I DON LHAN SKYES 'DREN MI NUS PAS, DMIGS PA BSGOMS PA'I 'DOD DON 'GRUB PA LA NI, SROG DH'U T'IR TSUD PA LAS BYUNG BA'I DU SOGS KYI MTSAN MA MTHONG BA DGOS PAR YANG STON NO, , KHA CIG ,STONG GZUGS SHAR NA, DE BSGOMS PAS LHAN SKYES KYANG 'BYUNG BAR GZUNG NAS, STONG GZUGS SHAR TZAM LA RDZOGS RIM GYI RTOGS PA KHYAD PAR CAN DU 'DOD PA NI, LUNG 'DIS GSAL POR BKAG GO ,LHAN SKYES 'DREN NUS MI NUS 'DI NI, RLUNG DBU MAR TSUD PA DANG, MA CHUD PA'I RTAGS GNYIS KYI KHYAD 'BYED DAM PAR SNANG NGO, ,GNYIS PA NI, N'A DA GOMS PA BTZAN THABS KYIS ZHES PA RTZA 'GREL GYIS BSTAN TE, N'A DA ZHES PA BSGYUR NA SGRA TZAM ZHES PA YIN

021a

, ,PAS, SGRA GOMS PAS TE SGRA NI HAm GI SGO'O, ,DE'I BSGOM TSUL NI, RKANG PA RDO RJE'I SKYIL KRUNG BYA, LAG PA GNYIS RDO RJE'I KHU TSUR SNYING KHAR BSNOL TE, MGO YID TZAM DGUG ,KHA NAS MA BYUNG BA BYAS NAS, SNA NAS RLUNG DRAG TU DBU MA'I NANG DU RNGUB PAR BYAS TE, RLUNG GI GDANGS LAS HAm GI SGRAR MOS LA, DE DANG LHAN CIG TU 'OG SGO GANG RUNG NAS THUR SEL DH'U T'I'I LAM NAS THEN TE, THOG MAR LTE BA'I GONG TZAM DU THEN LA, DE NAS GOMS NAS JE 'THOR THEN PAR BYA'O, ,DE YANG DRAG LA RGYUN RING BAR BYAS LA, HA CANG YANG RING BAR MI BYA STE, SHUGS ZAD NAS DRAG PO MI 'ONG BAS, DE YANG THOG MAR NYI SHU RTZA RE TZAM DKYUS GCIG LA BYA LA, GOMS NA MANG DU BTANG NGO, ,BTZAN THABS DE LTAR BSGOM PAR RGYUD KYI GO LA LAS GSAL BAR BSHAD DO, ,'DI NI RGYUD 'DI'I SKOR MA GTOGS PA GZHAN NAS MA BSHAD KYANG BLA MED KYI RDZOGS RIM KUN GYI SKABS SU SHES PAR BYA'O, ,GSUM PA NI, CHU SKYES ZHES PA MAN GYIS BSTAN TE, MTSAN BRJOD 'GREL PAR, NYI MA DPAL YE SHES KYIS, RGYUD KYI LUGS 'DI LHAN SKYES MA SKYES NA, DANG PO NAS LAS RGYA LA BRTEN NAS SGRUB PA'I KHUNGS SU DRANGS TE, N'A DA GOMS PAS BTZAN THABS ZHES PA RTZA 'GREL DANG MI MTHUN NO, ,BZHI PA DAG DBYE NI, 'DU BYED KYI PHUNG PO DAG PAS DON GRUB BO, ,DBYE NA, RLUNG BCU 'GOG PAS RNAM PA BCU'O, ,LNGA PA TSAD MA GANG YIN NI, SROG 'DZIN GNYIS KA YID MNGON NO, ,DRUG PA 'BRAS BU NI, GO SLA'O,, ,,GNYIS PA 'DZIN PA'I YAN LAG LA DRUG ,MTSAN DON, DUS MTSAMS, GANG BSGOM

021b

PA'I YAN LAG ,DAG DBYE, TSAD MA GANG YIN, 'BRAS BU'O, ,DANG PO NI, SROG RTZOL GYI RLUNG DH'U T'IR BTZUD PA 'DZIN PA'AM, DH'U T'I'I NANG DU GNAS PAR BYED PA NI 'DZIN PA'O, ,GNYIS PA NI, SROG RTZOL GYI RLUNG DH'U T'IR BTZUD PAS, DH'U T'IR ZHUGS PA'I RTAGS 'KHRUL MED RNAMS SHAR TE DH'U T'IR TSUD PA BRTAN PA NAS SO, ,GSUM PA LA, MTSAN NYID, DBYE BA, BSGOM TSUL, BSGOMS PAS NYAMS MYONG SKYE BA'I TSUL DANG BZHI'O, ,DANG PO NI, RNAL 'BYOR GYI STOBS KYIS RLUNG DH'U T'IR ZHUGS PA 'GRO 'ONG MI BYED PAR DH'U T'I'I NANG DU GNAS PA'O, ,SROG RTZOL BUM PA CAN NI, RLUNG 'GRO 'ONG MI BYED PAR GNAS PA TZAM YOD KYANG, DH'U T'I'I NANG DU GNAS PA YIN PAS, DE LA KHYAB CHES BA'I SKYON MED LA, THOG MAR 'DZIN PA BSGOM PA LA DH'U T'I'I NANG DU GNAS PA MED KYANG BSGOMS PA'I 'BRAS BU LA YOD PAS, KHYAB CHUNGS PA YANG MA YIN NO, ,GNYIS PA NI, BOD KYI MKHAS PAS, NYE BA'I SGRUB PA YAN LAG DRUG ,CES PA KHUNGS SU MDZAD NAS, 'KHOR LO DRUG TU 'DZIN PA'I 'DZIN PA DRUG TU MDZAD LA, LUNG DE KHUNGS SU MI RUNG YANG, DE LTAR DBYER RUNG NGO, ,GSUM PA NI, BOD KYI MKHAS PAS, 'DIR RTZA 'KHOR GYI DBUS SU 'DZIN PAR GSUNGS PA MI LEGS LA, 'DZIN PA LA RTZA 'KHOR GYI DBUS SU BSGOM PA DGOS NA, DBU MAR 'JUG PA LA YANG RTZA 'KHOR GYI DBUS SU BSGOM PA DGOS PAR SHES PAR GYIS SHIG ,SNGAR GYI 'DUS PA'I LUNG DE NI, BDE MCHOG STOD 'GREL DU, SROG 'DZIN GNYIS KA'I KHUNGS SU DRANGS PAS, SNA YI RTZE MO STE RTZA 'KHOR GYI DBUS SU RLUNG

022a

, ,KHA SBYAR DU BYAS TE BSGOM MO, ,KHA SBYAR BYED LUGS SOGS NI SNGAR LTAR RO, ,DE YANG THOG MAR LTE BAR BSGOMS LA, DE NAS SA CHU LA THIM PA'I TSUL GYIS SNYING KHA DANG, CHU ME LA THIM PA'I TSUL GYIS MGRIN PA DANG, MI RLUNG LA THIM PA'I TSUL GYIS DPRAL BA DANG, RLUNG NAM MKHA' LA THIM PA'I TSUL GYIS SPYI GTZUG DANG, NAM MKHA' RNAM SHES LA THIM PA'I TSUL GYIS GSANG BA'I RTZA 'KHOR GYI DBUS RNAMS SU RIM GYIS BSGOM MO, ,YANG NA, GSANG BA NAS RIM GYIS SO, ,BZHI PA NI, DE LTAR BSGOMS PAS, DANG POR RANG SHUGS KYIS GNAS PA MI 'ONG YANG MTSAMS CIG NAS DH'U T'I'I NANG DU RANG SHUGS KYIS GNAS PA CIG 'ONG LA, DE NAS RGYUN BSRINGS NAS BSGOMS PAS, RIM PA BZHIN DU, ZHAG GCIG DANG, ZLA BA PHYED DANG, ZLA BA GCIG DANG, ZLA BA DRUG DANG, LO GCIG DANG, RTAG TU GNAS PA 'BYUNG LA, DE RNAMS LAS RIM PA BZHIN, DPRAL BA, SPYI GTZUG ,MGRIN PA, SNYING KHA, LTE BA, GSANG GNAS NOR BU'I RTZE RNAMS SU BYANG SEMS GA-YO MED DU 'DZIN NUS PA 'BYUNG NGO, ,DE RNAMS SU BYANG SEMS 'DZIN NUS PA STONG GZUGS KYI PHYAG CHEN LA LTOS KYANG, 'DI RNAMS KYI YANG NUS PA YOD PAS DE LTAR GZHAG GO ,RTAG TU 'DZIN NUS ZHES PA YANG LO LAS LHAG PA'I DUS TSIGS CIG 'DZIN DGOS TE, DUS THAMS CAD DU 'BYUNG 'JUG MI BYED PAR 'DZIN NUS PA RLUNG NYI KHRI CHIG STONG DRUG BRGYA MA 'GAGS PAR DU MI 'BYUNG BA'I PHYIR RO, ,BZHI PA DBYE BA NI, GONG DU BSHAD PA LTAR DRUG GO ,LNGA PA NI,

022b

BSHAD ZIN TO, ,DRUG PA NI, PHUNG PO SOGS DRUG BRI BRAL DU 'GYUR BA 'THOB BO,, ,,MKHYEN BRTZE MTHAR PHYIN DPAL LDAN BLA MA YI, ,GSUNG GI CHA TZAM YI GER BKOD PA LAS, RNAM DKAR BSOD NAMS GANG ZHIG THOB PA DES, ,RGYAL BA'I BSTAN PA PHYOGS BCUR RGYAS PAR SHOG ,CES PA 'DI NI PU n+YA'I MING CAN GYIS YI GER BKOD PA'O, ,'DI'I BRGYUD PA NI, BU STON RIN PO CHE, BLA MA CHOS KYI DPAL BA, BLA MA RIN PO CHE PA'O,, DGE'O,, *, ,DPAL GSANG BA 'DUS PA'I MAN NGAG YIG CHUNG GI SKOR RNAMS BZHUGS SO, ,