*, ,'OD ZER CAN GYI SGRUB THABS RJE'I THUGS BZHED LTAR BKOD PA BZHUGS SO,,
, ,BLA MA DAM PA RNAMS LA PHYAG 'TSAL LO, ,DAM TSIG DANG SDOM PA LDAN ZHING DBANG THOB PA, BCOM LDAN 'DAS 'OD ZER CAN SGRUB PAR 'DOD PAS, SKYABS SU 'GRO BA DANG TSAD MED SGOM PA SOGS SPYI DANG 'DRA BAR BYAS LA, SVA BH'A WA SOGS KYIS STONG PAR SBYANGS, STONG PA'I NGANG LAS PADMA DANG ZLA BA'I GDAN GYI STENG DU BHRUm DKAR PO 'OD DU ZHU BA LAS BYUNG BA'I BYANG CHUB CHEN PO'I MCHOD RTEN DU GYUR PA NI, RIN PO CHE'I KHRI YANGS SHING RGYA CHE BA'I STENG DU BANG RIM GRU BZHI SGO BZHI PA DE'I STENG DU BUM GDAN, DE'I STENG DU MCHOD RTEN GYI BUM PA DKAR PO YANGS SHING RGYA CHE BA SGO DANG BCAS PA, DE'I STENG DU BRE, DE'I STENG DU GDUGS RIM PA BCU GSUM, DE'I STENG DU CHAR KHEBS TOG DANG BCAS PAS NYE BAR MDZES PAR BYAS PA'I BUM PA'I NANG DU, PADMA DANG ZLA BA'I GDAN GYI STENG DU BHRUm DKAR PO LAS BYUNG BA'I BCOM LDAN 'DAS RNAM SNANG DKAR PO ZHAL GCIG PHYAG GNYIS BYANG CHUB MCHOG GI PHYAG RGYA MDZAD PA, RIN PO CHE'I RGYAN SNA TSOGS KYIS BRGYAN PA, DAR LA'I STONG GA-YOGS DANG SMAD GA-YOGS CAN, ZHABS RDO RJE'I SKYIL KRUNG GIS BZHUGS PA, DE'I THUGS KAR PADMA DANG ZLA BA'I DKYIL 'KHOR GYI STENG DU RANG GI SEMS NYID MAm YIG GSER MDOG CAN DE LAS 'OD 'PHROS 'DUS YONGS SU GYUR PA LAS, PHAG BDUN GYIS DRANGS PA'I GSER GYI SHING RTA'I STENG DU PADMA DANG ZLA BA'I GDAN LA, RANG NYID BCOM LDAN 'DAS 'OD ZER CAN SKU MDOG GSER BTZO MA'I MDOG CAN
, ,ZHAL GCIG PHYAG GNYIS KYI, GA-YAS MCHOG SBYIN GA-YON MYA NGAN MED PA'I SHING THUGS KAR 'DZIN PA, ZHABS GA-YAS CUNG ZAD BSKUM ZHING GA-YON CUNG ZAD BRKYANG BA, RIN PO CHE'I RGYAN SNA TSOGS KYIS BRGYAN CING DAR DKAR PO'I STOD GA-YOGS DANG SMAD GA-YOGS MNABS PA, DE'I SPYI BOR AOm DKAR PO, MGRIN PAR A'A: DMAR PO, THUGS KAR H'Um SNGON PO, THUGS KAR PADMA DANG ZLA BA'I STENG DU MI YIG GSER GYI MDOG CAN, DE LAS 'OD ZER 'PHROS BSGOMS PA DANG 'DRA BA'I YE SHES PA SPYAN DRANGS, DE LA 'OG NAS 'BYUNG BA LTAR MCHOD PAS MCHOD, DZA: H'Um BAm HO: GNYIS SU MED PAR GYUR, YANG THUGS KA'I MAm LAS 'OD ZER 'PHROS PAS RIGS LNGA LA SOGS PA DBANG GI LHA RNAMS SPYAN DRANGS ARGHAm LA SOGS PAS MCHOD, DE BZHIN GSHEGS PA RNAMS KYIS BDAG LA MNGON PAR DBANG BSKUR DU GSOL ZHES GSOL BA BTAB PAS, DE RNAMS KYIS YE SHES KYI BDUD RTZIS BKANG BA'I BUM PA THOGS NAS, AOm SARBA TA TH'A GA TA AA BHI shE KA TA SA MA YA SHRI YE H'Um, ZHES DBANG BSKUR BAS LUS THAMS CAD GANG DRI MA THAMS CAD DAG ,CHU LHAG MA SPYI BOR 'KHYIL BA LAS RNAM PAR SNANG MDZAD KYIS DBU BRGYAN, DBANG LHA RNAMS KYANG RANG NYID LA THIM PAR GYUR PAR BSAM, MCHOD PA BSANG SBYANG SOGS SPYI DANG MTHUN PAR BYAS NAS, AOm M'A R'I TZYEE SARBA BUDDHA BO DHI SATVA SA PA RI W'A RA AARGHAm PRA T'I TZTSA H'Um SV'A H'A, ZHES MCHOD YON DANG, DE BZHIN DU AARGHAm GYI GNAS SU, P'A DYAm, PUshPE, DH'U PE,
AA LO KE, GANDHE, NEE WI DYA, SHAPTA, RNAMS RIM PA LTAR BCUG LA CHU GNYIS NYER SPYOD LNGA ROL MO DANG BCAS PAS MCHOD, GANG GIS MTSAN TZAM 'DZIN CING DRAN PAS KYANG, ,'JIGS PA KUN LAS RAB TU SKYOB MDZAD CING, ,DRI MED BDE CHEN NYE BAR STZOL MDZAD MA, ,BCOM LDAN 'OD ZER CAN LA PHYAG 'TSAL LO, ,PHAG BDUN GYIS DRANGS RIN CHEN SHING RTA'I KHRIR, ,PADMA ZLA BA'I GDAN LA LEGS BZHUGS SHING, ,ZHAL GCIG PHYAG GNYIS GSER BZANG MDOG MTSUNGS LA, ,BCOM LDAN 'OD ZER CAN LA PHYAG 'TSAL LO, , GA-YAS PAS GDUL BYA RNAMS LA MCHOG STZOL ZHING, ,GA-YON PAS MYA NGAN MED PA'I SHING 'DZIN PA, ,SNA TSOGS RGYAN GYIS BRGYAN CING DGYES DGUR SPYOD, ,BCOM LDAN 'OD ZER CAN LA PHYAG 'TSAL LO, ,KHYOD KYI GSUNG DBYANGS YAN LAG DRUG CU YE, ,RNAM PAR BRGYAN MA CHOS TSUL KUN SGROG CING, ,SNGAGS TSUL DU MAS DNGOS GRUB MCHOG STZOL BA, ,CHOS SNGAGS YI GER 'PHRUL LA PHYAG 'TSAL LO, ,GDOD NAS RNAM DAG SPROS PA NYER ZHI YANG, ,MKHYEN BRTZE BRTZE BAS KUN NAS RAB BRTZON ZHING, ,GDUL BYA'I YID LA SNA TSOGS KUN 'JUG PA, ,YE SHES LNGA YI THUGS LA PHYAG 'TSAL LO, ,BDAG GIS KHYOD SKU DRAN CING SNGAGS BZLAS TE, ,RTZE GCIG GUS PA'I SEMS KYIS GSOL 'DEBS KYIS, ,BAR DU GCOD PA THAMS CAD ZHI BA DANG, ,SRID PA'I DNGOS GRUB MA LUS STZAL DU GSOL, ,BDAG DANG BDAG GI BSHES RNAMS KUN, ,LAM DANG DE BZHIN LAM MCHOG DANG, ,SKYE BO'I 'JIGS DANG RGYAL RIGS KYIS, ,'JIGS PA KUN LAS SKYAB TU GSOL, ,DE BZHIN GLANG CHEN CHOM RKUN DANG, ,SENG GE STAG DANG ME DANG CHU, ,
, ,SPRUL DANG DUG DANG PHAG RGOD DANG, ,DGRA YI 'JIGS PA KUN LAS SKYOBS, ,BDAG NI GNAS SKABS THAMS CAD DU, ,JI LTA'I TSUL GYIS GNAS KYANG RUNG, ,GDON RIGS 'KHRUG PA THAMS CAD LAS, ,KUN NAS YONGS SU BSRUNG DU GSOL, ,ZHES RANG GI SNYING GA'I ZLA BA LA GNAS PA'I MAm YIG LA AOm M'A R'I TZYEE MAm SV'A H'A, ZHES PAS BSKOR BA LA DMIGS NAS BZLAS PA BYA, CHOM RKUN LA SOGS PA BSRUNG NA, RANG DANG SNGAGS 'PHRENG LAS RANG 'DRA'I LHA MO KHAB SKUD THOG PA DPAG TU MED PA SPROS GNOD BYED KYI KHA MIG BTZEMS 'OD KYI DRA BAS BCINGS, LUS RENGS, SEMS RMONGS, DRAN PA NYAMS, YANG RANG GI LUS KYI NANG 'OD KYIS GANG BAS SDIG SGRIB DAG SANGS RGYAS BYANG CHUB SEMS DPA' THAMS CAD 'OD KYI RNAM PAR RANG LA ZHUGS PAR BSAM, THUN GYI MTHAR MCHOD BSTOD BYAS LA YE SHES PA GSHEGS, SPYOD LAM DAM TSIG PA'I NGA RGYAL GYIS BYA'O, ,'OD ZER CAN GYI SGRUB THABS 'DI, ,BLA MA RIN PO CHE'I THUGS BZHED LTAR GRAGS PA RGYAL MTSAN GYIS YI GER BKOD, 'DIS BSTAN PA RIN PO CHE DAR ZHING RGYAS PAR GYUR CIG , ,,