A Few Points on the Meaning of Selected Terms in the Ritual for Reaching an Angel entitled 'Pure in Every Way,' Set Down in accordance with the Teachings of Je Tsongkapa

, ,RJE'I GSUNG BZHIN DU SGRUB THABS KUN TU BZANG PO'I TSIG GI DON CUNG ZAD BKOD PA BZHUGS SO, ,

, ,GANG ZHIG SKAD CIG YID LA DRAN TZAM GYIS, ,SRID PA'I SDUG BSNGAL MA LUS GCOD MDZAD CING, ,DPAL LDAN KHYAB BDAG GO 'PHANG MCHOG STZOL BA'I, ,RJE BTZUN BLA MA RNAMS LA GUS PHYAG 'TSAL, ,DE LA 'DIR RJE BTZUN 'JAM PA'I DBYANGS KYIS DNGOS SU RJES SU BZUNG ZHING GRUB PA BRNYES PA'I RNAL 'BYOR PA CHEN PO SLOB DPON SANGS RGYAS YE SHES ZHABS KYI ZHAL SNGA NAS KYIS MDZAD PA'I RJE BTZUN 'JAM DPA'I DBYANGS KYI SGRUB PA'I THABS KUN TU BZANG PO 'DI LA DON GSUM STE, MTSAN GYI DON DANG, GZHUNG GYI DON DANG, GANG GIS BSGYUR BA'I TSUL LO, ,DANG PO LA MTSAN BSGYUR BA DANG BSHAD PA'O, ,DANG PO NI, SA MAN TA NI KUN TU'AM KUN NAS ZHES BYA'O, ,BHA DRA NI BZANG PO'O, ,N'A MA NI ZHES BYA BA'O, ,S'A DHA NI BSGRUB PA'I THABS SO, ,GNYIS PA NI, NYES BZOD CING YON TAN RDZOGS PAS NA BZANG PO ZHES BYA STE, THOB BYA'I GO 'PHANG MTHAR THUG GO, DE YANG CHA SHAS THAMS CAD KYI YONGS SU RDZOGS PAS KUN TU BZANG PO'O, ,DE SGRUB PA'I THABS NI 'OG NAS 'CHAD PA'I CHO GA'I RIM PAS TE DE STON PA'I GZHUNG LA YANG SGRUB PA THABS KUN BZANG ZHES BYA'O, , YANG NA KUN TU BZANG PO YANG YIN LA SGRUB PA'I THABS KYANG YIN PAS SGRUB THABS KUN BZANG ZHES GZHI MTHUN DU SBYAR TE GZHUNG DANG BRJED BYA GNYI GA LA BYA'O, ,GNYIS PA LA, BSHAD PA LA 'JUG PA'I BYA BA,

, ,BSHAD PA NYID NYE BAR DGOD PA, BSHAD PA MTHAR PHYIN PA'I BYA BA'O, ,DANG PO LA GNYIS, MCHOD PAR BRJOD PA DANG, BSHAD PAR DAM BCA' BA'O, ,DANG PO NI, DPAL LDAN ZHES TE THA GNAS BSTOD PA DANG PHYAG 'TSAL BA GNYIS SU BSDUS LA, DPAL 'BRAS RDO RJES MCHOD PA DANG GSUM DU DBYE'O, ,PHYAG 'TSAL LO ZHES DRANG NGO, ,DE NI LUS NGAG YID GSUM GYIS 'DUD PA'I DON TO, ,GANG LA NA NYON MONGS PA LA SOGS PA'I RTZU BA REG DANG BRAL BAS NA 'JAM ZHING BSTEN PAR BYA BAS NA TSOGS GNYIS KYI DPAL DANG LDAN PA'I 'JAM DPAL DE LA'O, ,GANG GIS NA, SLOB DPON SANGS RGYAS YE SHES ZHABS KYIS SO, ,DGOS PA GANG GI PHYIR NA, YUL KHYAD PAR CAN LA MCHOD PAR BRJOD PAS BSOD NAMS MNGON PAR 'PHEL BA DANG, DE LA BRTEN NAS RTZOM PA LA SOGS PA'I GEGS NYE BAR ZHI BA DANG, BSHAD PA DANG NYAN PA RNAMS KYANG 'BRAS BU PHUN SUM TSOGS PAR 'GYUR BA'I PHYIR TU'O, ,MCHOD PAS ZHES PA MCHOD BRJOD KYI DGOS PA STON PA MA YIN GYI 'OG NAS 'CHAD PA LTAR 'JAM PA'I RDO RJE SGRUB PA'I TING NGE 'DZIN YID LA BYED CING 'BRAS BU MNGON DU 'GYUR BA'I PHYIR TU YIN NO ZHES PA'O, ,BSTOD PA'I YUL DE YON TAN GYI KHYAD PAR JI LTA BU DANG LDAN NA, RANG DON PHUN SUM TSOGS PA'I RGYU DANG, 'BRAS BU DANG, GZHAN DON PHUN TSOGS DANG, DE'I RGYU'O, ,DANG PO NI, TSOGS GNYIS KYI DPAL DANG

LDAN PA GOMS PA LA BRTEN NAS BYUNG BA'O, ,GNYIS PA NI, SHES BYA JI LTA BA DANG JI SNYED PA LA SGRIB PAS NA MI SHES PA DE YANG NYON MONGS CAN DANG NYON MONGS CAN MA YIN PA KUN SPANGS PAS NA DRI MA MED PA'I GZI BRJOD DANG LDAN PA'O ,SNGANGS PA PHUN TSOGS NI RTOG PA PHUN TSOGS LA MI 'KHRUL BAS RANG DON SPANGS RTOGS PHUN TSOGS DANG LDAN PA'O, ,GZI BRJID LDAN NI GNYIS KA'I MTHAR SBYAR RO, ,GSUM PA NI, RIGS KYANG YIN LA DPAG TU MED PA YANG YIN PAS DPAG MED RIGS TE DE BZHIN GSHEGS PA'I RIGS LA SOGS PA RIGS LNGA DANG, DE'I GSAL BA'I DBYE BA MTHA' YAS PA RNAMS KYI SPRUL PA RNAMS KYIS RAB TU BRGYAN PAS TE, DE LA RGYAN CHOS RIGS LNGA DANG, BRGYAN PA DRUG PA RDO RJE SEMS DPA' GNYIS LAS 'DI NI PHYI MA'O, ,SLOB DPON DPAL 'BRAS DRUG PA RDO RJE 'CHANG GI YE SHES YANG DAG PA NI RIGS LNGA SKYE MCHED DAG PA NI SA SNYING LA SOGS PA'I BYANG CHUB SEMS DPA' RNAMS DANG, KHAMS DAG PA NI SPYAN MA SOGS DANG, YUL DAG PA NI GZUGS RDO RJE MA SOGS DANG, DAD PA SOGS DAG PA NI GSHIN RJE MTHAR BYED SOGS BZHI STE, DE THAMS CAD DRUG PA'I SKU'I CHA SHAS YIN PAS NA DPAG MED KYI RIGS KYI SPRUL PAS BRGYAN PA ZHES 'CHAD DO, ,BZHI PA NI, SHES RAB NI RANG GI YUM M'A MA K'I'I RIGS DE DE'I YAN LAG THABS DANG BCAS PA 'DUS SHING SNYOMS PAR 'JUG PAS 'BAR ZHING RAB TU MDZES PA'O, ,DO LA YON TAN DANG POS NI, TSANGS PA SOGS LAS KHYAD PAR DU BYAS LA, GNYIS PAS NYAN RANG RNAM SDANG, BZHI PAS RGYUD SDE 'OG MA RNAMS LAS, KHYAD PAR DU BYAS SO, ,GNYIS PA BSHAD PAR DAM BCA' LA GNYIS

, ,TE, DNGOS DANG, RTZOD SPANG NGO, ,DANG PO NI, DPAL LDAN ZHES TA SANGS RGYAS YE SHES BDAG GIS BSHAD PAR BYA'O ZHES SO, ,GANG NA 'GRO BA MA LUS PA'I THOB BYA'I DON MNGON MTHO DANG NGES LEGS KYI GO 'PHANG PHUN SUM TSOGS PA MTHAR THUG PA THOB PA'I RGYUR GYUR PA'I CHO GA STE RIM PA DANG RNAM PA DANG THABS SU GYUR PA 'OG NAS 'CHAD PA'I DKYIL 'KHOR GYI 'KHOR LOR SGRUB PA'I TSUL LO, ,GO 'PHANG MTHAR THUG THOB PA'I RGYUR GYUR PA'I CHO GA NI BRJOD BYA'O, ,BSTAN BCOS 'DI LA BRTEN NAS DE RTOGS PA NI DGOS PA DANG, GO 'PHANG MTHAR THUG NI NYING DGOS DANG, BSTAN BCOS DANG BRJOD BYA SOGS SNGA MA MED PAR PHYI MA MI 'BYUNG BA NI 'BREL PA'O, ,SLOB DPON DPAL 'BRAS RDO RJE NI, ,MCHOD BRJOD KYI GZHUNG GIS DGOS 'BREL BSTAN PAR BZHED DO, ,KHYOD KYIS BSTAN BCOS 'DI RANG DGAR BRTZAMS PA YIN NA YID CHES PA'I KHUNGS MED PAS SU YANG 'JUG PAR MI 'GYUR RO ZHE NA, SKYON MED DE, TSOGS GNYIS KYI DPAL DANG LDAN ZHING DE BZHIN GSHEGS PA THAMS CAD KYI SKU GSUNG THUGS KYI RDO RJE 'DUS PA GSANG BA 'DUS PA'I RGYUD KYI GZUNG LUGS KYI GDAMS NGAG LA BRTEN NAS BSHAD PA YIN NO, ,KHA CIG NI GSANG 'DUS LAS MCHOG TU GYUR PA'I RGYUD MED PAS NA DPAL LDAN ZHES 'CHAD DO, ,BSTAN BCOS RTZOM PA'I RGYU NI DGE BA'I BSHES GNYEN DAM PA RJE BTZUN 'JAM PA'I DBYANGS KYIS BSKAS BSKUL ZING GNANG BA THOB PA DANG, RANG GI SLOB DPON BSRUNG BA'I ZHABS DANG, GROGS MCHOG KHA CIG DANG, SLOB MA MAR ME MDZAD BZANG PO LA SOGS PAS BSKUL BA'I PHYIR RTZOM PA LA SPRO BAR BYAS PA'O, ,GNYIS PA NI

KHYOD KYI RTZOM PA DGOS PA MED PA YIN TE, GSANG BA 'DUS PA'I RGYUD RGYAS PA DANG, SLOB DPON SNGA MA RNAMS KYIS MDZAD PA'I SGRUB THABS RNAMS SU RGYAS PAR BKRAL ZIN PA'I PHYIR CE NA, DGOS PA YOD PAR STON PA NI, DAL 'BYOR ZHES TE DE DAG GI RJES SU 'BRANGS NAS TSOGS CHEN PO DANG DUS YUN RING POS RTOGS NUS MOD KYANG DAL 'BYOR SHIN TU GA-YO BAS TE MYUR DU 'JIG PA DANG, 'JIG RTEN NA GSANG BA 'DUS PA'I SGRUB THABS PHYIN CI MA LOG PAR 'CHAD PA'I BSHES GNYEN DAM PA DANG PHRAD PA'ANG RNYED PAR DKA' BA DE BAS NA BDAG GIS BRTZAMS PA 'DI LA BRTEN NAS SHIN TU GSAL BA DANG MDOR BSDUS TE BSTAN PAS TSOGS CHUNG NGUS KYANG RTOGS NUS PAS NA 'DI LA BRTEN NAS ZAB GSAL GNYIS SU MED PA'I SHES RAB DANG THABS LA GZHOL BA'I YID LA BYED PA'I MCHOG ZUNG 'JUG GI GO 'PHANG MNGON DU BYED PA'I THABS DE BSGRUB PAR BYA BAR RIGS SO,, GNYIS PA BSHAD PA NYE BAR DGOD PA LA GSUM STE, RTEN GANG GIS BSGRUB PA DANG, GNAS GANG DU BSGRUB PA DANG, JI LTAR SGRUB PA'I TSUL LO, ,DANG PO NI, DE LA ZHES TE YID LA BYED PA'I MCHOG BSGRUB PAR BSTAN PA DE LA'O ZHES PA'O, ,BLO GROS DANG LDAN PA'I GANG ZAG DES RANG SNGAGS TE RANG GI LHAG PA'I LHA MNYES SHING BSGRUB PAR BYA'O, ,MAN-TRA LA ZHES PA YID SKYOB PA'I DON GYIS NA SNGAGS TE, 'DIR SNGAGS DANG LHA THA MI DAD DU BYAS PA'O, ,JI LTA BUS MNYES PAR BYA ZHE NA, SMON PA BYANG CHUB KYI MCHOG TU SEMS BSKYED PA DANG, DE YANG BSKYED TSUL DU MA YOD PA'I NANG NAS SEMS CAN GYI SDUG BSNGAL SHAS MI BZOD CING, DE DANG 'BRAL BAR 'DOD PA'I RNAM PA CAN GYI SNYING RJE'I STOBS KYIS BSKYED PA'O, ,'JUG PA BYANG CHUB KYI SEMS LA

, ,LA BLO LEGS PAR SBYANGS PA NI LUS LONGS SPYOD DGE RTZA GTONG PA'I SBYIN PA LA SOGS PA'I PHA ROL TU PHYIN PA'I YON TAN RNAMS KYIS LEGS PAR BRGYAN PA STE, PHA ROL TU PHYIN PA'I THEG PA DANG, THUN MONG BA'I LAM GYI RIM PA LA BLO LEGS PAR SBYANGS SHING, ZAB MO'I TSUL SNGAGS KYI THEG PA LA LHAG PAR MOS PA BZHAG PA'O, ,DE YANG DPAL GSANG BA 'DUS PA'I RGYUD NAS BSHAD PA'I DKYIL 'KHOR GYI CHO GA GTZO BO'I RDUL TSON GYI DKYIL 'KHOR DU DBANG LEGS PAR THOB CING, RANG GI LHAG PA'I LHA'I DBANG BSKUR BA PHUN SUM TSOGS PA SBYANG GZHI DANG SBYONG BYED NGO LEGS PAR 'PHROD CING SKU BZHI'I SA BON THEBS NGES THOB PA'O, ,DBANG GI DANG PO CHU DANG MTHA' RJES GNANG GIS BRTEN PAR BZHI BRGYA LNGA BCU PA LAS BSHAD DO, , CHO GA BZHIN DU RJES GNANG THOB PAS TE RANG GI ME TOG GIS LHA LA BRTEN NAS DNGOS GRUB SGRUB PA'I TSUL 'DI LTAR GYIS SHIG CES MAN NGAG BZHIN DU SLOB DPON LAS RJES SU GNANG BA THOB PA'O, ,'DI DBANG BSKUR GYI SKABS LAS GZHAN DU NGES PAR MI DOGS KYI DBANG RDZOGS PAR THOB RJE SU ZUR DU BYAS KYANG 'GAL BA MED DO, ,BRIS SKU LA BRTEN PA DANG, SLOB MA'I KHYAD PAR 'GA' ZHIG LA BSAM GTAN DANG LUS DKYIL DU DBANG BSKUR BA YOD KYANG, GTZO BO NI RDUL TSON GYI DKYIL 'KHOR YIN PAS 'DIR DANG POR DBANG THOB PA DGOS SO, ,MDOR NA THUN MONG BAS RGYUD SBYANGS DBANG BSKUR BA MTSAN NYID DANG LDAN PA RDZOGS PAR THOB CING DAM TSIG DANG SDOM PA LA GNAS PA'I GANG ZAG GCIG GIS BSGRUB PAR BYA'O, ,GNYIS PA NI LA LAR ZHES TE DBEN PA'I GNAS DRI MA MED

PA'I CHU PHUN SUM TSOGS PA DANG, SHING MDZES PAS RNAM PAR BRGYAN PA'I RI BO'I PHYOGS GCIG JI LTAR 'DOD PA'I YID DANG RJES SU MTHUN PA'I GNAS SU BCOM LDAN 'DAS 'JAM ZHING MNYEN PA'I DBYANGS DANG LDAN PA DE RAB TU BSGRUB PAR BYA'O, ,GSUM PA LA BZHI STE, BSKYED PA'I RIM PA JI LTAR BSKYED PA'I TSUL DANG, BSKYED NAS DNGOS GRUB SGRUB CING BGEGS BZLOG PA'I TSUL DANG, LAM 'DI GZHAN LAS KHYAD PAR DU 'PHAGS PAR BSGRUB PA DANG, DES NA NGES PAR SGOM DGOS PAR DGOS PAR GDAMS PA'O, ,DANG PO LA GNYIS TE, NYIN ZHAG DANG PO LA JI LTAR BYA BA DANG, GZHAN LA JI LTAR BYA'O, ,DANG PO LA GNYIS TE, THUN KYI NGO BO LA JI LTAR BYA BA DANG, THUN BAR DU JI BAR BYA BA'O, ,DANG PO LA GSUM STE, THUN GYI THOG MA DANG, DNGOS GZHI DANG, MJUG TU JI LTAR BYA BA'O, ,DANG PO LA GNYIS TE, MTHUN RKYEN SGRUB PA'I PHYIR TSOGS BSAGS PA DANG, 'GAL RKYEN BGEGS BZLOG PA'I BSRUNG 'KHOR BSGOM PA'O, ,DANG PO LA GNYIS TE, MDOR BSTAN PA DANG, RGYAS PAR BSHAD PA'O, ,DANG PO LA BZHI STE, TSOGS BSAGS PA'I RTEN BSGRUB PA DANG, GNAS SBYANG BA DANG, TSOGS ZHING SPYAN DRANG BA DANG, MCHOD PA SOGS BYA BA'O, ,DANG PO NI, DANG POR NANG BAR ZHES TE THUN BZHI'I DANG PO 'AM MTSAN LA BRGYAD CHA LUS PA'I DANG PO NANG PAR THO RANGS KYI DUS SU SNGON 'GRO'I GTOR MA BYAS SHING, MCHOD PA BSANG SBYANGS BSKYED BYIN GYIS BRLABS PA RNAMS BYAS LA, RANG NYID 'BRAS BU RDO RJE 'DZIN PA 'OG NAS 'CHAD PA'I ZHAL GSUM PHYAG DRUG PA YUM DANG BCAS PA'AM, ZHAL GCIG PHYAG GNYIS PA GANG RUNG DKRONGS BSKYED BYAS NAS NU MA GNYIS KYI BAR SNYING GA'I ZLA BA'I DKYIL 'KHOR GYI DBUS SU DRI MA MED

, ,PA'I 'OD ZER LNGA LNGA RAB TU 'PHRO BA'I MAm YIG DMAR SER BSAM PAR BYA'O, ,SMAN PA'I ZHABS KYIS 'DOD CHAGS CHEN POS 'DUL BA'I SEMS CAN RJES SU BZUNG BA'I DON DU, MAm YIG DMAR SER DGOD CES GSUNGS, ,SLOB DPON DPAL 'BRAS RDO RJES PA LAS PAD-MA DANG AA LAS ZLA BA'I SNGED DU MAm LAS BYUNG BA'I RAL GRI MAm GYIS MTSAN PA BSGOM PAR BSHAD PA NI, RGYAS BSDUS KYI KHYAD YIN PAS GANG BYAS KYANG RUNG LA, DE LA MING DU SNGAGS KYI DE KHO NA NYID CES BYA STE SNYING BRTZER LDAN PAS DE RNAM PAR DGOD PAR BYA'O, ,DE GONG DU BSHAD ZIN PA MA YIN NAM ZHE NA, SNYING RJE GTZO BO YIN PAR SHES PA'I DON DU SLAR YANG SMOS ZHES THA GA LA GSUNG NGO, ,SMIN PA'I ZHABS NI MAm YIG BKOD PA'I MTHUS SEMS CAN THAMS CAD TSAD MED PA BZHI DANG LDAN PA'I RGYUR GYUR CIG SNYAM DU BSAM DGOS SHING BRTZE BA NI TSAD MED GZHAN GSUM MTSON PA'I DON YIN LA, YI GE DE NYID DE DAG GI RGYUR SANGS RGYAS RNAMS KYIS BYIN GYIS BRLABS PA YIN NO, ,RANG NYID 'BRAS BU RDO RJE 'DZIN PAR BSKYED PA'I RGYU MTSAN NI, YI GE DE NYID DE'I SA BON YIN PA LA DGONGS SO, ,TSIG RKANG BZHI PA LA GZHUNG KHA CIG TU GDONG DANG KHA LA SOGS PAR BSGYUR LA, DE LA BSAMS NAS KHRUS BYA BA'I DON DU'ANG 'CHAD DO, ,THA GA NA LA SOGS PAS RNAM PAR THAR PA'I SGO GSUM DAG PAR BSHAD PA NI SKABS 'DIR RNAM THAR BSGOM DGOS PA'I DON MA YIN GYI, 'OG NAS 'BYUNG BAR 'GYUR RO, ,DES NA SLOB DPON SH'AN-TI PAS RTZA 'GREL GYI DGONGS PA BSHAD PA LTAR YIN TE, SNYING GAR BKOD PA'I MAm YIG NI, DE BZHIN GSHEGS PA RNAMS

KYI SKU GSUNG THUGS KYI RDO RJE DBYER MI PHYED PA MTSON BYED YIN PA'I PHYIR DE NYID CES BYA LA, DE BKOD PA'I DGOS PA NI RNAM THAR SGO GSUM DAG PA'I PHYIR TU YIN NO ZHES GSUNGS SO, ,JI LTAR MTSON TSUL NI MAm YIG DANG SROG YIG DANG, THIG LE GSUM GYIS RIM PA BZHIN DU STONG PA NYID DANG MTSAN MA MED PA DANG, SMON PA MED PA'I RNAM THAR MTSON PA YIN NO, ,GNYIS PA NI, TZAN-DAN DANG ZHES TE TZAN-DAN DANG SHRI KHAN-dA LA SOGS PA'I DRI BZANG POS BYUGS SHING DRI ZHIM PO'I ME TOG GTZAL DU BKRAM PA'I CHA NI PHYOGS YIN PAS GNAS KHANG GI PHYOGS KYI MCHOG BSAM GTAN GYI GNAS SU BDE BA'I STAN LA GNAS PAR BYA'O, ,GSUM PA NI DUS GSUM ZHES TE, RANG GI SNYING GA'I MAm YIG LAS 'OD ZER SPROS 'OD ZER GYI RTZE LA TSOGS ZHANG SPRUL PA DANG, 'OD ZER GYIS DE BZHIN GSHEGS PA RNAMS KYI RANG GNAS GSAL BAR BYED PA DANG, 'OD ZER GYIS 'OG MIN NAS SPYAN 'DREN PA'I TSUL BZHI LAS, 'DIR GNYIS PA BYA ZHING, TSOGS ZHING YANG RANG GI DKYIL 'KHOR GYI 'KHOR LO DANG SANGS RGYAS BYANG CHUB SEMS DPA' SPYI 'GRO GNYIS LAS PHYI MA LTAR BYA'O, ,BZHI PA NI, SNA TSOGS ZHES TE, SNA TSOGS MCHOD PA NI MAm YIG LAS SPROS PA'I GZUGS RDO RJE MA LA SOGS PA'O, ,SPRIN RNAMS NI MANG PO'I DON TO, ,DANG POR MCHOD LHA SPRO BA DANG DE NAS MCHOD PA DANG, MCHOD YON GYI SKABS SU BSHAD PA'I BSTAD PA SOGS BSKYED RIM GYI TSUL LA MKHAS PA'I BLO DANG LDAN PAS BYA ZHING, DE NAS SDIG PA BSHAGS PA DANG RJES SU YI RANG LA SOGS BYA'O, ,DGOS PA CI'I PHYIR TU NA RAS SNUM GYI MA GOS PA LA TSON 'JEN PA LTAR SDIG PA DAG NAS BSKYED PA'I RIM PA LA SOGS PA'I DGE

, ,BA RNAMS GONG NAS GONG DU 'PHEL BAR BYA BA'I PHYIR YIN NO, KHA CIG GIS SPRO BA SOGS KYIS MCHOD PA DANG BSTOD PA DANG, BDUD RTZI MYANG BA DANG PHYAG 'TSAL BA LA SOGS SDUD DO, ,GNYIS PA LA GNYIS TE, BSOD NAMS KYI TSOGS BSAG PA DANG, YE SHES KYI TSOGS BSAGS PA'O, ,DANG PO LA LNGA STE, SDIG PA BSHAGS PA DANG, YI RANG ZHING PA SNGO BA DANG, SKYABS SU 'GRO BA DANG, SEMS BSKYED PA DANG, LAM LA BRTEN PA'O, ,DANG PO NI GANG ZHIG CES TE, THOG MA MED PA'I SRID PA'I CHU KLUNG DU BDAG DANG BDAG GI BAR 'DZIN PA DANG, GZUNG BA DANG 'DZIN PA'I RNAM RTOG MA LUS PA'I KUN RTOG GIS BSAGS PA'I 'DOD CHAGS LA SOGS PA'I RNYOG PA THAMS CAD BSHAGS PAR BGYI'O, ,GANG LA NA, THUGS RJE CHEN PO DANG LDAN PA'I SANGS RGYAS DANG BYANG CHUB SEMS DPA' RNAMS KYI SPYAN SNGAR RO JI LTAR NA, BSHAGS PAR BYA BA DANG, BSHAGS PA PO DANG, BSHAGS PA'I YUL LA SOGS PA RANG BZHIN MED PAR RTOGS PA'I SHES RAB KYIS ZIN PA'I CHO GA BZHIN DU'O, ,GNYIS PA NI, RDZOGS SANGS ZHES TE RDZOGS PA'I SANGS RGYAS NI, DKYIL 'KHOR GYI GTZO BO DANG BYANG CHUB SEMS DPA' NI DKYIL 'KHOR PA'I LHA DANG 'PHAGS PA NI PHA ROL TU PHYI PA'I THEG PA LA BRTEN NAS SANGS RGYAS PA RNAMS SO, ,GZHAN NI NYAN THOS DANG RANG SANGS RGYAS RNAMS SO, ZHES 'GREL PAS BSHAD TSUL GZHAN DU 'CHAD KYANG, BSHAD TSUL PHYI MA SPYIR SANGS RGYAS BCOM LDAN 'DAS THAMS CAD BYANG CHUB SEMS DPA' SA BCU LA BZHUGS PA DANG 'PHAGS PA NYAN RANG RNAMS DANG GZHAN NI DKON MCHOG

GSUM LA DAD PA'I SEMS CAN LA 'CHAD PA LTAR 'THAD DO, ,DE DAG GIS DGE BA GANG MDZAD PA KUN LA DGA' BA BSGOM ZHING YANG DAG PAR YI RANG NGO, ,GSUM PA NI, BYANG CHUB CES TE SPYIR DGE RTZA THAMS CAD DANG BYE BRAG TU YI RANG BYAS PA'I DGE BA DE NYID YONGS SU BSNGO BAR BGYI'O, , DES NA GTOR MA DANG MCHOD PA'I RIM PA RNAMS BSKYED PA LA SOGS BYAS TE, RANG GI SNYING GA'I MI YIG LAS GZUGS RDO RJE MA LA SOGS PA DRUG SPRUL NAS MCHOD PAR BSAM ZHING, NGAG TU AOm SAR-BA TA TH'A GA TA PU shA-PE PU DZA ME GHA SA MU TRA SPHA RA nA SA MA YA SHR'I YE A'A: H'Um ZHES PAS MI TOG ,DE BZHIN DU DH'U BES BDUG SPOS, A'A LE KES MAR ME, GAN-DHEM DRI, NE WI DYES ZHAL ZAL, SHPA-TAS ROL MO 'BUL, DE BZHIN DU 'DOD YON LNGA 'BUL LO, ,DE NAS GONG DU BSTAN PA'I BSTOD PA DANG, GANG ZHIG THOG MED CES SOGS BYA'O, ,GSUM PA LA GSUM GYI DANG PO SANGS RGYAS LA SKYABS SU 'GRO BA NI YID KYIS ROL PA ZHES TE, SPANGS RTOGS PHUN SUM TSOGS PA GNYIS KYI BDAG NYID RTOGS PA'I BYANG CHUB KYI SEMS NAG NOG MED CING SKYES BU'I YID TSIMS PAR BYED PA'I STON DUS KYI DRI MA MED PA'I ZLA BA DANG 'DRA BAS BSGRUBS SHING BSKYED PA DANG, SNYING RJE DAM PAS THUGS RJE CHEN PO SEMS CAN MTHA' YAS PA'I DON GNYIS PHUN TSOGS 'GRUB PA'I THABS DANG LDAN PA DANG, RDZOGS PA'I SANGS RGYAS RANG GI YID LA GNAS PA STE RANG GI SO SO RANG RIG PA'I TSUL GYIS NYAMS SU MYONG BA STE, CHOS GSUM DANG LDAN PA DE LA'O, ,GNYIS PA CHOS LA SKYABS SU 'GRO BA NI, RTOG PA ZHES TE BDAG DANG BDAG GI BA DANG, GZUNG BA DANG 'DZIN PA'I RNAM PAR RTOG PA MA LUS PA SA BON DANG BCAS PA LAS NGES PAR GROL ZHING SEMS DPA' DAM PA BYANG CHUB

, ,SEMS DPA' CHEN PO KUN GYI PHUN SUM TSOGS PA THAMS CAD 'GRUB PA'I GZHI 'PHAGS PA DAM PA RNAMS KYIS BRTEN PAR BYAS PAS NA DAM PA'I CHOS GTZO BO 'GOG PA DANG, LAM GYI BDEN PA LA RTAG PAR SKYABS SU MCHI'O, ,'GOG PA'I BDEN PA NI DNGOS PO THAMS CAD KYI GNAS LUGS RO GCIG PA'I NGO BO NYID GLO BUR GYI DRI MA DANG BRAL BA'O, ,SLOB DPON SH'AN-TI PA NI STONG PA NYID LA DMIGS TE BSGOMS PAS, 'PHAGS PA'I YON TAN THAMS CAD SKYE BAS PHUN SUM TSOGS GZHI ZHES 'CHAD DO, ,CHOS RGYAS PAR NA LUNG GI CHOS DANG, RTOGS PA'I CHOS DANG, DE BZHIN NYID KYI CHOS GSUM DU DBYE LA RTAG PAR GYI DON SNGA MA BZHIN NO, ,GSUM PA DGE 'DUN LA SKYABS SU 'GRO BA NI, 'CHING BA ZHES TE SKYE 'CHI RANG DBANG MED PAR BYED PA'I NYON MONGS PA'I 'CHING BA RNAMS LAS YANG DAG GROL BAR GYUR CING NYAN RANG RNAMS LA MED PA'I SNYING RJE MCHOG GIS BSKRUN ZHING BSKYED PA'I TSOGS GNYIS KYI DPAL DANG LDAN PA RAB TU DGA' BA LA SOGS PA'I SA BCU LA RAB TU ZHUGS PA BRTUL ZHUGS KYI BYANG CHUB SEMS DPA'I TSOGS LA RTAG PAR SKYABS SU MCHI'O, ,BSAM PA NI BSAM DANG ZHES TE BSAM PA PHUN SUM TSOGS PA SMON PA SEMS BSKYED, RNAM PAR SMIN PA DAG PAR GYUR PA 'JUG PA BYANG CHUB KYI SEMS GNYIS BSGOM PA LA BRTEN NAS SGRIB PA MTHA' DAG DANG BRAL BAR 'GYUR BAS SGRIB PA KUN GYI BAG CHAGS YANG DAG 'BYIN PA'O, ,BLA NA MED PA'I BYANG CHUB LA DON GNYER GYI 'DUN PAS BSDUS PA'I LHAG PAR MOS PAS RNAM PAR BRGYAN PA'I BYANG CHUB DAM PA STE MCHOG GI SEMS NI BSKYED PAR

BGYI'O, ,LNGA PA NI, BDER GSHEGS ZHES TE BDE BAR GSHEGS PA SRAS DANG BCAS PA RNAMS KYIS BGROD PA'I LAM GCIG PU ZLA MED PA SBYIN PA LA SOGS PA'I PHA ROL TU PHYIN PA RNAM PA BCU NYES PA DANG BRAL BAS NA DKAR PO YANG DANG YANG DU BRTAN PAR BYAS PAS NA YON TAN DE'I TSUL DE NGO BO LA PHYIN CI MA LOG PA YANG DAG PA NYID DU DA NAS BZUNG STE, BYANG CHUB SNYING PO LA MCHIS KYI BAR DU GNAS PAR BGYI'O, ,TSUL JI LTA BUS ZHE NA, RDZOGS PA'I SANGS RGYAS DKYIL 'KHOR PA'I BDAG PO 'KHOR DANG BCAS PA MA LUS PA'I NGO BO YID LA BYED PA'I BLOS GNAS PAR BYA'O, ,SLOB DPON SH'AN-TI PA NI YUL DUS TSAD CAN 'DZOM PA LA SBYOR BA MDZAD DE, 'OG NAS 'CHAD PAR 'GYUR RO, ,SNGAR BSHAD PA RNAMS KYI DON TSAN RGYAS PAR DBYE NA MCHOD PA DANG, BSTOD PA DANG, BDUD RTZI MYANG BA DANG PHYAG 'TSAL BA DANG SNGAR BSHAD PA LNGA DANG DGUR DBYE'O, ,GNYIS PA YE SHES KYI TSOGS BSAG PA LA BZHI STE, RNAM THAR BSGOM PA DANG, DE BRTEN BYED KYI SNGAGS DANG, GNAS GYUR MTHAR PHYIN PA'I RNAL 'BYOR DANG, BAR SRID KYI RNAL 'BYOR RO, ,DANG PO NI, SNYING RJE ZHES TE SNYING RJE CHEN POS BCUD KYIS BSDUS PA'I 'JIG RTEN 'DI MA LUS PA LA DMIGS NAS SDUG BSNGAL MTHA' DAG LAS GROL BAR BYA BA'I PHYIR TU, BYANG CHUB KYI RANG BZHIN STONG PA NYID PA RJES SU ZHUGS PAS YANG DAG PA'I DON DAM BYANG CHUB KYI SEMS NYAN RANG LA SOGS PA DANG, THUN MONG MA YIN PA'I MNYAM PA MED PA BSGOM PAR BYA'O, ,'JIG RTEN JI LTA BU ZHE NA 'JIG TSOGS LA LTA BA DANG, MTHAR 'DZIN PAR LTA BA'I DRA BA LUS CAN BYA LA SOGS PA NAM MKHA' LA 'PHUR MI NUS PAR

, ,BYED PA'I DRA BA BZHIN DU LUS CAN RANG DBANG MED PAR BCINGS PA RNAMS SO, ,'DI ZHES PA NI THA GNAS 'JIG RTEN SEMS KYI SNANG BA TZAM YIN PHYI ROL DON MED PA LA SBYOR LA, PHYI DON KHAS LAN NA 'CHAD TSUL GZHAN BYA'O, , MNYAM MED PA'I DON DE LTAR BSHAD PA NI NYAN THOS LA CHOS KYI BDAG MED RTOGS PA MED PA'I LUGS SO, ,SUS BSGOM PAR BYA NA SNGAGS PAS SO, ,JI LTAR NA 'OG NAS 'CHAD PA'I CHO GA'I RIM PA 'DI YIS SO, ,CHOS RNAMS RANG GI NGO BO BDEN PA DANG BRAL BA'I PHYIR, DE RTOGS PA'I YE SHES STONG PA NYID KYI RNAM THAR DANG, DE BZHIN DU RGYU BDEN PA BA DANG BRAL BAS DE RTOGS PA MTSAN MA MED PA'I RNAM THAR DANG, RTOG PAR BYA BA'I YUL BDEN PA BA DANG BRAL BA'I DNGOS PO RNAMS NI SMON PAR BYA BA'I YUL DANG SMON PA PO DANG SMON PA'I TSUL GNYIS KA DANG BRAL BAS MA LUS PA SMON PA BDEN PA BA DANG BRAL BAR RTOGS PA'I RNAM THAR BSGOM PAR BYA'O, ,DE YANG BDEN PA'I SPROS PA BCAD PA DANG SNANG BA BSDUS PA GNYIS KA NGES PAR BYA DGOS SO, ,DKYIL 'KHOR GYI 'KHOR LO SGOM PA'I THOG MAR TSOGS GNYIS BSAGS PA'I TSUL BSTAN PA'I DGOS PA BSHAD TSUL BZHI YOD DE, 'OG TU DKYIL 'KHOR 'KHOR LO MTSAN NYID PA LHAG PAR MOS PAS BSGOM PA NA, DE'I RGYUR TSOGS GNYIS SNGON DU 'GRO DGOS PAR SHES PA'I PHYIR DANG, 'DIR STONG PA BSGOMS? PAS 'OG NAS 'BYUNG BAR 'GYUR BA'I RTEN BRTEN PA RNAMS LA SGYU MA LTA BUR DRAN PAR BYA BA DANG, 'OG NAS 'CHAD PA'I SNANG BA KHYAD PAR CAN BSGOM

PA LA LTA BAS THA MAL PA'I SNANG BA SBYANG BAR BYA BA'I PHYIR DANG, 'OG TU GZUGS SKU MTSAN NYID PAR BSAMS NAS NGA RGYAL 'JAG PA LA DE'I SNGA ROL TU CHOS SKUL NGA RGYAL BZHAG PAR BYA BA'I PHYIR YIN NO, ,ZHES PA'O, ,MNGON RTOGS PHAL CHER DU RNAM THAR BSGOM PA DANG, SNGAGS DON BSAM PA SO SOR MI 'BYUNG LA, 'DIR DE GNYIS KA 'BYUNG BA'O, ,GNYIS PA NI AOm DANG PO DANG, BKRA SHIS PA DANG DPAL LA SOGS PA LA 'JUG LA, SH'U NA-YA T'A NI STONG PA NYID DO, ,DZNY'A NA NI YE SHES TE, SGRA SOR BZHAG GI DON LA SHES PA LAS MI 'BYUNG YANG YE NI SGRA PA RNAMS KYIS BSNAN PA'O, ,BDZRA NI MI PHYED PAS RDO RJE STE RNAL 'BYOR PA'I BLO STONG PA NYID LA CHU LA CHU BZHAG PA LTAR SONG BAS MI PHYED PA DANG, MI MTHUN PHYOGS KYIS KYANG MI PHYED PA'O, ,SVA BH'A WA NI RANG BZHIN TE YUL STONG PA NYID DO, ,A'A TMA KO NYA NI BDAG NYID YIN LA, AA HAm NI NGA'O ZHES PA'O, ,SNGAGS DE'I DON BSAM PA NA, CHOS SKU MTSAN NYID PAR MOS NAS NGA RGYAL BYA BA STE DE DAG NI SLOB DPAN SH'IN-TI PAS BSHAD DO, ,GSUM PA NI STONG PA NYID KYI DON DE NYID LEGS PAR BSGOM PA'O, ,BZHI PA NI SLOB DPON DPAL 'BRAS RDO RJES ZLA BA'I STENG DU, AOm DKAR PO A'A: DMAR PO H'Um SNGON PO GSHIBS PA'I MTHA' GNYIS HO DMAR SER GYIS BRTEN PAR BSHAD PA NI YI GE 'GOD TSUL RGYAS PA'O, ,YI GE GSUM PO 'GOD PA DANG H'Um YIG RKYANG PA DANG N'A DA RKYANG PA 'GOD PA SOGS KYANG GZHAN NAS BSHAD DO, ,SKABS 'DIR BAR SRID KYI RNAL 'BYOR STON PA'I RGYU MTSAN NI SMAN ZHEBS KYIS LAM 'DI SRID PA'I YAN LAG BCU GNYIS KYI GNYEN POR BSGOM PA YIN LA, DE LA YANG 'CHI SRID DANG BAR SRID DANG, SKYE SRID GSUM SBYANG BA'I PHYIR YIN TE, DANG PO DANG CHOS MTHUN

, ,PAR GNAS GYUR MTHAR PHYIN PA'I RNAL 'BYOR DANG, BAR PA DANG CHOS MTHUN PAS BAR SRID KYI RNAL 'BYOR DANG, THA MA DANG CHOS MTHUN PA ZHU BA GLUS BSKUL BA RGYUD RDO RJE 'DZIN PAR BZHENGS PA'I RNAL 'BYOR RO, ,MI GE DE DAG NI NAM MKHAR BKOD NAS BZHAG GO ,GNYIS PA 'GAL RKYEN BGEGS BZLOG PA'I PHYIR BSRUNG BA'I 'KHOR LO BSGOM PA NI, DE 'OG H'Um GYIS RDO RJER BYAS ZHES PA STE YE SHES KYI TSOGS BSAGS DE'I 'OG NAS DPAL 'BRAS RDO RJES NYI MA LA GNAS PA'I H'Um LAS RDO RJE NAG PO LTE BA LA NYI MA GNAS PA'I H'Um GYIS MTSAN PA DE LAS 'OD ZER 'OG TU 'PHROS PAS, SNA TSOGS RDO RJE'I SA GZHI, LOGS SU 'PHROS PAS RA BA, STENG DU 'PHROS PAS RDO RJE'I GUR BSKYED PAR BSHAD DO, ,'OG GSER GYI SA GZHI LA THUG PA DANG, STENG TSANGS PA'I 'JIG RTEN DANG 'OG MIN LA THUG PA GANG RUNG DANG, RGYA NI JI TZAM 'DOD PAR RO, ,THA GA NAS BGEGS BYUNG DOGS NA RA BA'I PHYI ROL TU, LAm LAS SA'I DKYIL 'KHOR SER PO PHYOGS BZHIR LANGS PA'I RNAM PA GRVA BZHIR RDO RJES MTSAN PA DANG, DE'I PHYI ROL TU YAm LAS RLUNG GI DKYIL 'KHOR GZHU LTA BU LA BA DAN GYIS MTSAN PA, DE'I PHYI ROL TU RAm LAS ME'I DKYIL 'KHOR GRU GSUM 'BAR BA 'PHRO BAS MTSAN PA BSAM PAR BSHAD DO, ,'BYUNG BA RIM BRTZEGS MI BSKYED PA'I LUGS SO, ,SLOB DPON SH'AN-TI PA NI SNYING GAR BSAMS PA'I RDO RJE LAS, ,SNA TSOGS RDO RJE PHRA MO 'PHROS NAS DRA GUR LA SOGS PAR BSKYED PAR BZHED DO, ,DANG PO'I RDO RJE NI DRAG PO'I RDO RJE RTZE MO GYIS PA RTZE DGU PA'AM LNGA PA'O, ,'GREL PA LAS H'Um MDZAD SPRAS NAS BGEGS BZLOG PA LAS, KHRO BO BCU BSGOM PA GSAL BAR MA BSHAD KYANG DKYIL

'KHOR CHO GA BZHI BRGYA LNGA BCU PA LAS BSHAD PA 'DI'I DGONGS PA YIN PAS, BSRUNG 'KHOR GTZO BO H'Um BDZAD? RIGS LNGA GANG RUNG GIS BYED PAR BSHAD PA LTA DBYA ZHING, DE YANG THOG MAR BH'Am LAS BYUNG BA'I 'KHOR LO SER PO RTZAM PAS BCU PA MI MNGON PAR MCHOGS? PAR 'KHOR BAR BSGOM ZHING, LTE BA SBUBS CAN DU YOD PA'I YAR SNA'I NANG DU, GTZUG TOR 'KHOR LOS BSGYUR RGYAL DANG, MAR SNA'I NANG GNOD MDZES DANG, DE YANG SNGA MA GTZO BO LAS CUNG ZAD TZAM GYIS MDUN DU PHYI MA CUNG ZAD TZAM GYIS RGYAB TU BSGOMS LA, GSHIN RJE MTHANG BYED LA SOGS PA BRGYAD NI RTZI BRGYAD KYI RTZE MO LA CUNG ZAD MA REG PAR BSGOM ZHING, BSRUNG BA YIN NA GA-YAS SKOR DANG, LDOG PA YIN NA GA-YON SKOR DU 'KHOR BAR BSGOM MO, ,'KHOR LO ZHVA THEG KHA SBYAR LTA BU DANG, RTZIBS BRGYAD SBUBS CAN DU 'DOD PA NI DON MIN NO, ,GNYIS PA THUN GYI DNGOS GZHI'I RNAL 'BYOR LA, RTEN BSKYED PA DANG, BRTEN PA BSKYED PA'I RNAL 'BYOR RO, ,DANG PO LA GSUM STE, CHOS 'BYUNG DANG, GZHAL YAS KHANG DANG, GNAS BSKYED PA'O, ,DANG PO LA GANG DU BSKYED PA'I GNAS NI BSRUNG 'KHOR GYI DBUS KYI SAR RO, ,RGYU NI KUN TU ZHES TE H'Um LAS BYUNG BA'I RDO RJE H'Um GYIS MTSAN PA LAS, KUN TU BZANG PO DE RDO RJE SEMS DPA' SKU MDOG DKAR PO DKAR NAG DMAR BA'I ZHAL CAN, PHYAG DANG PO GNYIS RANG 'DRA BA'I YUM LA 'BYUNG BA, GA-YAS 'OG MA GNYIS NA RDO RJE RAL GRI, GA-YON 'OG MA GNYIS NA NOR BU DANG PAD-MA 'DZIN PA LA SA BYUNG BAR BSAM ZHING, RDUL KHUD SNA LA SOGS DANG BRAL BA'I STON KA'I ZLA BA LTA BUR CHOS 'BYUNG GI KHA ROG RAB TU DKAR BA 'OD MTHA' YAS PA PHYOGS BCU NA GNAS PA'I SNA TSOGS PA'I 'OD

, ,DANG LDAN PA, DBYIBS GRU GSUM PA RTZE MO PHRA BA THUNG DU BSTAN CING, 'PHEL KHA CHE BA GYEN DU GNAS PA'O, ,'OG TU PHRA BA NI LAS DANG PO PA YON TAN GYI TSOGS CHUNG BA DANG, STENG DU 'PHEL KHA CHE BA 'DI MOS SPYOD NAS BRTZAMS TE YON TAN GONG NAS GONG DU 'PHEL BA DANG, GRU GSUM RNAM THAR SGO GSUM MTSON PAR SH'IN-TI PAS BSHAD DO, ,CHOS 'BYUNG GI NANG GI NAM MKHA'I KHONG STONG GI NGO BO DANG BCAS PA RDO RJE 'DZIN PA'I RANG BZHIN DU BSAM PA NI RNAM DAG GO ,BSDUS PA 'DOD NA AE LAS BSKYED DO, ,GNYIS PA NI DE LTA BU'I CHOS 'BYUNG GI DBUS NA 'OG ZUR NAS PAm LAS BYUNG BA'I SNA TSOGS PAD-MA DBUS SNGO ZHING PHYOGS MDOG DANG, MTSAMS JI LTAR MDZES PAR BYAS PA, DE'I LTE BAR H'Um LAS SNA TSOGS RDO RJE SHAR GYI RVA DKAR LHO SER, NUB DMAR, BYANG LJANG, LTE BA SNGON POS MDZES PA BSAM PAR BYA'O, ,SNA TSOGS RDO RJE'I LTAR BAR BH'Um LAS BYUNG BA'I 'KHOR LO SER PO RTZIBS BRGYAD PA'AM, ,BCU GNYIS PA BH'Um GYIS MTSAN PA LAS BYUNG BA'I RNAM PAR SNANG MDZAD SKU MDOG DANG ZHAL SNGA MA DANG 'DRA BA LA, PHYAG DANG PO GNYIS KYIS RANG 'DRA'I YUM LA 'KHYUD CING, GA-YAS 'OG MA GNYIS NA 'KHOR LO DANG RAL GRI ,GA-YON 'OG MA GNYIS NA NOR BU DANG PAD-MA DMAR PO BSNAMS PA, RIG MA DANG BCAS PA'I YAN LAG STE RGYU LAS YANG DAG 'BYUNG BA'I 'OG NAS 'BYUNG BA LTAR GZHAL YAS KHANG PA DER NI BSAM PAR BYA'O, ,RTZIBS KYI GRANGS KYI KHYAD PAR NI 'PHAGS LAM YAN LAG MTSON PA DANG, BDEN PA BZHI'I CHOS 'KHOR LAN GSUM DU ZLAS SHING, RNAM PA BCU GNYIS SU BSKOR BA DANG MTHUN NO, ,GZHAL

YAS KHANG PA'I KHYAD PAR NI, THUB PA'I DBANG PO 'OD KYI DKYIL 'KHOR GYI TSOGS SNA TSOGS PA'I 'OD ZER GYIS PHYOGS KYI TSOGS MA LUS PAS KUN TU KHYAB PA DANG, LOGS BZHI MI MNYAM PA MED PA'I ZUNG BZHI LHAM PA'I MNYAM PA'O, ,DE NI SANGS RGYAS DANG BYANG SEMS KYI DE KHO NA NYID MNYAM PAR MTSAN PA'O, ,DRAN PA NYER GZHAG BZHI DANG YANG DAG SPONG BA DANG, RDZU 'PHRUL RKANG PA DANG, DBANG PO DANG STOBS GCIG TU BYAS PA RNAMS DAG PA NI RIM PA BZHIN DU SHAR LA SOGS PA'I SGO RNAMS YIN LA, BSAM GTAN DANG PO LA SOGS PA BZHI DAG PA NI SHAR LA SOGS PA'I RTA BABS BZHI RIMS BZHIN DU DAG PA, DPA' BAR 'GRO BA'I TING NGE 'DZIN DANG, NAM MKHA' MDZOD KYI TING NGE 'DZIN DANG, DRI MA MED PA'I TING NGE 'DZIN DANG, SENG-GE RNAM MAR? ROL PA'I TING NGE 'DZIN BZHI RIM PA BZHIN DU DAG PA'I KHA KHYER TE, RTZIG PA'I 'GRAM GYI 'DOD YON GYI SNAM BU BZHIS KUN NAS BSKOR BA DANG, DE LA GAR GYI SNAM BU DANG, GZUNGS KYI SNAM BU ZHES KYANG BYA'O, ,KHA KHYER DER LOGS PAR BRTEN PA'I GZUNGS TE RIG MA'I TSOGS RNAMS KYIS MCHOD PA'I MCHOG DAM PA SNA TSOGS 'DZIN PA BSAM PAR BYA'O, ,GZHAL YAS KHANG DE NYID RIN PO CHE SNA TSOGS PA'I RGYAN KUN GYIS RNAM PAR SPRAS PA NI DGOS PA GANG GI PHYIR NA 'GRO BA'I BSAM PA'I RE BA KUN RDZOGS PAR MDZAD PA MTSON PA'O, ,MDA' YAB KYI STENG DU GSER GYI BUM PA LA GNAS PA'I RLUNG GIS BSKYOD PA'I BA DAN DAR LCE GSUM KHUG TU 'KHYOG PA DANG, 'PHRENG BA DANG DAR LCEL 'PHYANG BA'I DRIL BU STE GA-YER KHA SGRA SGROG PA BZHI BZHIS MTSON PA'I PHYOGS KUN TU KHYAB PA BCU DRUG NI DGOS PA GANG GI PHYIR NA RTOGS PA BRJOD PA DANG, DE LTA BU BYUNG BA DANG SKYES PAR BA

, ,KYI RNAM GSUM GLANG GZHI'I SDER BSDUS PA'I DAM PA'I CHOS GSUNG RAB YAN LAG DGUS GDUL BYA THAMS CAD SKYOB PA'I SGRAS BSKYOD PA MTSON PA'O, ,GSER GYI SKA RAGS BZHI'I PHYI NGOS SU ME LONG DANG DRA BA DRA PHYED DANG ME TOG GI 'PHRENG BA SNA TSOGS KYIS BRGYAN PA DE DANG MTSUNGS PA'I GZUGS GZHAN MED PAS MNYAM PA MED PA'O, ,ME TOG DRI ZHIM PO PHUN SUM TSOGS PAS BRGYAN PA NI, ME LONG LTA BU'I YE SHES DRI MA MED PA DANG, BYANG CHUB KYI YAN LAG BDUN MTSON PA'O, ,BLA NA MED CING MTHA' YAS PA'I 'DOD PA'I YON TAN LNGA DANG LDAN PA NI GZUGS SOGS YUL RNAMS DANG YUL CAN GZUNG 'DZIN GNYIS RNAM PAR DAG PA MTHAR THUG PA MTSON PA'O, ,ME TOG LA SOGS PA'I MCHOD PA LNGAS RNAM PAR BRGYAN PA NI CHOS DBYINGS RNAM PAR DAG PA RTOGS PA'I RGYU MTHUN GYI 'BRAS BU'O, ,GSUM PA NI, SNA TSOGS PAD-MA BCU DGU LA GNAS PA'I GZHAL YAS KHANG NANG MA'I LHO BYANG DANG PHYI'I SGO BZHIR NYI MA DANG, LHAG MA RNAMS ZLA BA'I GDAN DANG BCAS PA'I LHA'I GNAS RNAMS DANG, RIN PO CHE MA LUS PAS SPRAS PA'I GZHAL YAS KHANG PA BSAM PAR BYA'O, ,MDOR NA SNGAR GYI RNAM SNANG YONGS SU GYUR PA LAS GZHAL YAS KHANG GRU BZHI PA PHYI NAS RIM PA BZHIN DU, DKAR SER DMAR LJANG SNGO BA'I RTZIG PA LNGA DANG LDAN PA, DE'I STENG NA RIN PO CHE'I SNAM BU GZHI DMAR PO LA PHRA SER PO LA SOGS PAS SPRAS PA'I PHA GU DANG, DE'I STENG DU GSER GYI SKAR GAS BZHI BRTZEGS MA'AM SPRAG MA'I PHYI NGOS SU CHU SRIN GYI KHA NAS 'PHYANG BA'I RIN PO CHE'I DRA BA DANG, DRA PHYED DANG, MDA' YAB LA 'PHYANG BA'I RIN PO CHE'I SHAR BU DE'I STENG DU MDA' YAB PAD-MA'I 'DAB MA PHYED PA'I DBYIBS

CAN GYI STENG DU GSER GYIS BUM PA LA GNAS PA'I BA DAN GYIS MTSAN PA, NANG DU GZHAL YAS KHANG GI PHYED KYI TSAD DU RDO RJE'I PHRENG BA ZLUM POS BSKOR BA NANG NGOS LA BRTEN PA'I KA BA SHAR DU 'KHOR LO, ,LHO RIN PO CHE, NUB PAD-MA, BYANG RAL GRIS MTSAN PA'I KA BA BRGYAD KYIS BTEG PA'I STENG RDO RJE'I GDUNG BZHIS MDZES PAR PHUB PA, RTZE MO RDO RJE RIN PO CHE'I TOG GIS SPRAS PA, NANG GI STENG 'OG THAMS CAD PHYOGS MDOG TU YOD PA, PHYI NANG GI SGO KHYUD KYI MTSAMS SU ZLA PHYED RDO RJES SPRAS PA, SGO NAS CUNG ZAD SONG BA'I GNAS SU KA BA BZHI BZHIS BTEG PA'I RTA BABS SNAM BU BCU GCIG DANG LDAN PA'I STENG DU CHOS 'KHOR GA-YAS GA-YON DU RI DRAGS PHO MO DANG BCAS PA, GZHAL YAS KHANG GI NANG GI ZUR THIG GI GA-YAS GA-YON DU BYANG CHUB KYI SEMS KYI BDUD RTZIS GANG BA'I BUM PA GNYIS GNYIS TE BRGYAD BSAM PAR BYA'O, ,'DI DAG GI BSHAD PA RNAMS NI RDO RJE THEG PA'I LAM GYI RIM PAR RGYAS PAR GSUNGS ZIN PAS DER BLTA BAR BYA'O, ,GNYIS PA BRTEN PA BSKYED PA'I RNAL 'BYOR LA GNYIS, RGYU RDO RJE 'DZIN PA BSKYED PA DANG, 'BRAS BU RDO RJE 'DZIN PA BSKYED PA'O, ,DANG PO LA YAB BSKYED PA NI, BCU DRUG CHA DANG ZHES SOGS TE, BSAM PA BYA'O ZHES BGRANG NGO, ,GANG NA ZLA BA'I DKYIL 'KHOR GNYIS PO DAG NI'O, ,GANG DU GZHAL YAS KHANG GI DBUS NYID DU'O, ,DE YANG DBUS MA'I GDAN SNA TSOGS PAD-MA ZLA BA'I GDAN LA'O, ,BSKYED TSUL NI CHO GA BZHIN TE MTSAN DPE'I BDAG NYID DAM 'OD ZER GYIS SPRO BSDU DANG BLA MA'I MAN NGAG BZHIN NO, ,RGYU GANG LAS NA DBYANGS YIG BCU DRUG GI CHA DANG, GSAL BYED RNAMS LA SDE TSAN RIGS MTHUN DU MA'I TSOGS YOD PAS GSAL BYED KYI TSOGS LAS BYUNG

, ,BA'O, ,DE YANG DBYANGS YIG GA-YAS SKOR GA-YON SKOR DU BSAM PA'I NANG NGAM STENG DU, DPAL 'BRAS RDO RJE LTAR NA KA-shA DOR BA'I GSAL BYED SA GSUM LA, YAm LAm BAm AAm AA STE LNGA DANG, BA MA CHU CAN DANG, KA LCE RTZA CAN TE BDUN BSNAN PAS BZHI BCU GA-YAS SKOR GA-YON SKOR DANG, SH'AN-TI PA LTAR NA GSAL BYED SO BZHI LA, dA DHA DANG NA DHA DANG YA LA DANG, DRUG BSNAN PAS BZHI BCU GNYIS 'GYUR RO, ,ZHES PA LTAR 'THAD DO, ,BSNON PA NI RANG GI YI GE RIGS MTHUN YOD PA DE'I MTSAMS SU'O, ,DE NAS A'A LI YONGS SU GYUR PA LAS, ZLA BA'I DKYIL 'KHOR DKAR PO DANG, K'A LI YONGS SU GYUR PA LAS ZLA BA DMAR PO BSAM PA NI KUN GZHI GNAS GYUR PA ME LONG LTA BU'I YE SHES LAS BYANG CHUB PA'O, ,A'A LI BSKYED PA'I TSE AOm TZIT-TA BE DHAm KA RO MI ZHES PAS SHES RAB KYI NGO BOR BSAM, GSAL BYED LAS BSKYED PA'I TSE, AOm BO DHI TZIT-TA AU P'A TA YA MI, ZHES PAS THABS KYI NGO BOR BSAM MO, ,SO SOR RTOG PA LAS BYANG CHUB PA'I TSE, AOm TIshA-thA ZHES BRJOD LA, BYA GRUB YE SHES LAS BYANG CHUB PA'I TSE, AOm BDZRA A'A TMA KO NYA HAm, ZHES BRJOD CING, CHOS DBYINGS YE SHES LAS BYANG CHUB PA'I TSE AOm YA TH'A TA TH'A AA HAm, ZHES BRJOD DO, ,MNYAM PA NYID KYI YE SHES LAS BYANG CHUB PA DNGOS SU MI GSAL BA CHO GA BZHIN DU ZHES PAS 'PHANGS PA YIN, DE YAR ZLA BA GNYIS GCIG TU 'DRES NAS DKAR LA DMAR BA'I MDANGS CHAGS PA'I ZLA BAR GYUR PA DE YIN NO, ,SO SOR RTOGS PA LAS BYANG CHUB PA NI DPAL MCHOG CES TE, DPAL MCHOG DANG PO RDO RJE SEMS DPA'I SNYING PO H'Am LAS BYUNG BA'I RDO RJE BZANG PO DMAR PO NOR BU DMAR

PO DANG 'DRA BA LA STENG 'OG LA SOGS PA'I PHYOGS KYI SGO MTHA' YAS PA NAS THUB PA'I 'OD ZER GYI TSOGS DPAG TU MED PA 'PHRO BAS KHYAB PAR RAB TU BSGRUB CING BSKYED DO, ,RDO RJE DE'I LTE BA'I NANG DU DANG PO'I SNYING PO'I MGON TE ZLA BA LA GNAS PA'I H'Um DANG BCAS PAR BSGOMS TE SO SOR RTOG PA LAS BYANG CHUB PA'O, ,RDO RJE LAS MTHA' YAS PA'I SANGS RGYAS KYI SPRUL PA SPROS NAS 'GRO BA RNAMS SBYANGS SHING MCHOG GIS DON BKOD DE, BDZRA A'A TMA KO NYA HAm, ZHES PA NI BYA BA GRUB PA'I YE SHES LAS BYANG CHUB PA'O, ,ZLA BA RDO RJE H'Am DANG BCAS PA YONGS SU GYUR PA LAS, THUB LA'I YE SHES RDUL PHRA RAB LAS BSGRUBS SHING MTSUNGS PA MED PA'I RGYU RDO RJE 'DZIN PA SKU MDOG DKAR PO DKAR SNGO DMAR BA'I ZHAL CAN RIN PO CHE SNA TSOGS PA'I RGYAN 'OD ZER DU MAS SPRAS PA, PHYAG DANG PO GNYIS KYIS RIG MA LA DAM PAR 'KHYUD PAR MDZAD PA, PHYAG LHAG MA GA-YAS 'OG MA GNYIS NA RDO RJE DANG RAL GRI, GA-YON 'OG MA GNYIS NI RIN PO CHE DANG PAD-MA BSNAMS PAS MDZES PAR KHAMS GSUM GYIS BSDUS PA'I 'JIG RTEN THAMS CAD NA THUB PA'I 'OD ZER GYI TSOGS DU MA 'GYED PA, RNAM PAR THAR PA'I SGO GSUM DAG PAS ZAB GSAL GNYIS SU MED PA'I SHES RAB DANG, THABS KYI BDAG NYID SNYING RJE'I MCHOG 'GRO BA MA LUS PA'I DE NYID GCIG PU BDE STONG DBYER MED KYIS BSDUS PA'I DKYIL 'KHOR BA'I RGYAL BA THAMS CAD BSKYED PA'I SKU RU BSGOMS LA, AOm YA TH'A SAR-BA TA TH'A GA TA AA HAm ZHES BRJOD DE, CHOS DBYINGS YE SHES LAS BYANG CHUB PA'O, ,DE NAS YAB YUM RJES SU CHAGS PA'I PHUN SUM TSOGS PA'I DGA' BA DPAG MED KYIS 'DOD CHAGS CHEN POS GDUL BA'I SEMS

, ,CAN THAMS CAD LA DMIGS NAS SNYOMS PAR 'JUG PA'I DGA' BA'I SGRA SGYU MA LTA BUS DE BZHIN GSHEGS PA'I TSOGS THAMS CAD BSKUL NAS SPYAN DRANGS TE, BA SPU'I SGO NAS RANG GI LUS KYI NANG DU GZHUG PAR BYA'O, ,DE NAS SPYAN MA LA SOGS PA'I YUM BZHI YANG GZUGS RDO RJE MA LA SOGS PA'I RDO RJE MA LNGA'I RANG BZHIN DU RANG GI LUS LAS PHYUNGS NAS RANG GI RIG MA'I LUS KYI NANG DU CHUD PAR BSAM PAR BYA'O, ,KHA CIG M'A MA K'I'I DOD LA CHOS DBYINGS RDO RJE MA 'JUG LA, SMAN ZHABS KYIS CHOS DBYINGS RDO RJE MA NI YUM THAMS CAD KYI SPYI KHYAB YIN PA DANG, BSKYAD PA'I GZHI YUM GYI RANG BZHIN DU GNAS PA DANG, GZUGS SGRA LA SOGS PA'I 'DOD YON LONGS SPYOD PA LAS BYUNG BA'I DGA' BA STON PA'I SKABS YIN PA DANG, SNGAR YAB LA DRUG PA MA BCUG PAS DE'I RGYU MTHUN GYI 'BRAS BU CHOS DBYINGS RDO RJE MA 'BYIN PAR MA RIGS SO, ,ZHAS GSUNGS TE DE LTAR 'THAD DO, ,DE NAS DE BZHIN GSHEGS PA'I TSOGS SPYAN DRANGS TE, RANG GI SPYI BO'AM ZHAL NAS ZHUGS TE YUM GYI PAD-MA'I LTE BA'I NANG DU DKYIL 'KHOR DRI MA MED PA'I DE BZHIN GSHEGS PA ZHU BA'I BYANG CHUB KYI SEMS KYI ZLA BA'I 'OD ZER LAS RTEN DANG BRTEN PA LHA BCU DGU DANG BCAS PA RDZOGS PAR BYUNG BAR BSAMS TE, GTZO BO 'JAM RDOR BSKYED KYANG RUNG NGO, ,DE NAS 'GRO BA SEMS CAN GYI TSOGS MA LUS PA BKUG NAS DKYIL 'KHOR GYI PHYOGS SO SO'I 'KHYAMS NANG DER RAB TU GZHUG PAR BYA'O, ,YANG RNAM SNANG LA SOGS PA SNGAR LTAR SPYAN DRANGS NAS BYANG CHUB KYI SEMS KYI ZLA BA ZHU BA'I GZUGS SU GYUR TE GSANG BA'I RDO RJE DAM PA'I DBUS NAS ZHUGS NAS 'KHYAMS KYI SEMS

CAN DE DAG THAMS CAD LA DBANG BSKUR BAS SDIG SGRIB DAG NAS RDO RJE SEMS DPA'I GO 'PHANG LA BKOD, DE NAS DE RNAMS KYI MIG LA SOGS PA'I DBANG PO DRUG THIG LE DRUG TU GYUR TE, DE BZHIN DU YUL LNGA DANG KHAMS BZHI DANG, PHUNG PO LNGA RNAMS DE'I GRANGS DANG MTHUN PA'I THIG LER GYUR, DE NAS THIG LE SNGA MA DRUG KE-shA LA SOGS PA'I BYANG CHUB SEMS DPA'I? DRUG GI SA BON DU GYUR, DE NAS DRUG DRI MA DRUG GI SA BON DANG, DE NAS BZHI YUm BZHI'I SA BON DANG, DE NAS LNGA DE BZHIN GSHEGS PA LNGA'I SA BON DU GYUR, DE RNAMS YONGS SU GYUR PA LAS RANG RANG GI SA BON PHYAG MTSAN DU GYUR PA'AM, YANG NA SA BON LAS SA SNYING LA SOGS PA'I LHA NYI SHU RTZA GCIG TU GYUR PAR BSAM, DE NAS PHYIR SPRO TE, RANG RANG GI DE BZHIN GSHEGS PA'I GNAS RNAMS SU BYON PAR BSAM ZHING, SNGAR GYI RTEN BRTEN PA'I DKYIL 'KHOR NI DE NYID DU MI DMIGS PAR STONG PAR BSAM MO, ,GRANGS BZHIN NO ZHES PA NI, THIG LA SNGA MA DRUG DANG SA SNYING LA SOGS GRANGS BZHIN DU SBYAR ZHES PA'I DON NI, SKYE MCHED DRUG GIS LHA DAG DES RDZOGS ZHES PA'I DON TO, ,RTAGS PA NI RNAM SNANG DE, ,DE RJES SA BON GYIS NI DBYUNG BAR BYA, ZHES PA NI, SA BON LHA PHYIR 'BYIN PA'I SNGAGS SU STON PA MA YIN GYI, MNGAL DU LHA BSKYED PA'I DON YIN LA, DE RJES ZHES PA YANG LHA DBANG BSKUR BA'I 'OG NAS ZHES PA'I DON YIN NO, ,GNYIS PA 'BRAS BU RDO RJE 'DZIN PA BSKYED PA LA GNYIS KYI DANG PO YAB BSKYED PA NI, AOm AA: H'Um ZHES TE SNGAR GONG DU BSHAD PA LTAR, RANG GI SEMS NYID YI GE GSUM GYI RNAM PAR GYUR PA 'OD ZER DANG LDAN PA'I HO YIG DMAR SER GNYIS KYI BAR DU SPEL MA'I BAR SRID KYI RNAL 'BYOR BSGOM PA DE NYID CHO GA BZHIN TE, YAB KYI ZHAL NAS ZHUGS NAS YI GE'I RNAM PA

, ,RIMS KYIS BRGYUD DE, YUM GYIS PAD-MA'I NANG DU ZHUGS PAS GZHAN DANG MNYAM PA MED PA'I SHES RAB KYI RANG BZHIN GYI YUM GYI CHAGS PAS 'JU BA'I RKYEN BYAS NAS ZHU BAR BYAS PAR BSAM MO, ,DPAL 'DZIN DANG SH'AN-TI PAS SKABS 'DIR BAR SRID RNAL 'BYOR BYAS KYANG RUNG LA, DPAL 'BRAS RDO RJE'I BZHAD PA LTAR YANG RUNG NGO, BAR SRID 'JUG PA NI SBYANGS GZHI LA PHA'I KHA DANG SPYI BO DANG SBYOR MTSAMS NAS 'JUG PA NGES PAR YOD PA LTAR, BCOM LDAN 'DAS KYI RGYUD THA DAD LAS MI 'DRA BAR GSUNGS PA YANG MI 'GAL BAR SHES PAR BYA STE, SDOM 'BYUNG LAS KYANG, SPYI GTZUG NAS 'JUG PA DANG, BSHAD RGYUD RDO RJE PHRENG BA LAS KHA NAS 'JUG PAR BSHAD PA LTAR BYAS KYANG RUNG NGO, ,CHAGS PAS ZHU BA DE'I 'OD ZER GYI MTHUS, YAB YUM GNYIS KA YANG ZHU BAR BYAS PAR BSAM MO, ,DE MTHONG BA DANG GZUGS SKUR BZHENGS PA'I DON DU, RANG RGYUD KYI TSAD MED BZHI MTSON PA'I LHA MO RNAMS KYIS GLUS BSKUL BAR BYAS PAR BSAM MO, ,M'A MA K'I SHAR DANG, SPYAN MA DANG GOS DKAR MO DANG SGOL MA RNAMS RIM PA BZHIN DU LHO LA SOGS PAR GNAS NAS SO, ,DPAL 'BRAS RDO RJES BSKUL BA'I GO RIMS 'DI LTAR 'BYUNG BA'I RGYU MTSAN NI, LUS BSGRUB PA SEMS LA RAG LAS PAS THUGS KYI SGO NAS DANG POR BSKUL LA, LUS GRUB NAS NGAG DANG DE NAS 'PHRIN LAS GRUB CES ZER TO, ,M'A MA K'IS BSKUL BA NI SEMS CAN ZHES TE CHOS DBYINGS YE SHES KYI RANG BZHIN RDO RJE'I THUGS ZHES POS NAS BDAG LA DGYES PAS TE ROL BAR MDZAD DU GSOL ZHES SO, ,YON TAN GYI KHYAD PAR NI SEMS CAN THAMS CAD KYI

DBANG PHYUG GI GTZO BO DANG PHAN 'DOG PA DANG BSKYED PAS NA DBANG PHYUG DANG SEMS CAN YAB CHEN GNYEN MCHOG GO ,DGOS PA CI'I PHYIR TU NA, MCHOG TU DGA' ZHING YID DU 'ONG BAR BYED LA DON CHEN PO RDZOGS PA'I SANGS RGYAS KYIS, BDAG NYID 'DOD PA'I YON TAN LONGS SPYOD PAR 'DOD PAS SO, ,GZUGS SKUR MA BZHENGS NA M'A MA K'I LA SOGS PA MI SRID PAR 'GYUR BAS, SON PAR MCHIS BZHED NA, ZHES SO, ,SPYAN MAS GLUS BSKUL BA NI RDO RJE ZHES TE, ME LONG LTA BU'I NGO BO NYID KYI YE SHES SU GYUR PAS NA RDO RJE'I SKU KHYOD CES PA'O, ,BKA'I 'KHOR LO SEMS CAN KUN LA PHAN PA STE TSIMS PAR MDZAD PA'I SANGS RGYAS KYI DON DU BYANG CHUB DON DAM PHAN PAR GZIGS PA'I NGANG TSUL CAN NO, ,RKANG PA GSUM PA NI SNGA MA LTAR RO, ,'DOD CHAGS NI MCHOG TU DGA' BA'I BDE BAS TE 'DA' BAR MI BYA BAS DAM TSIG GO ,GOS DKAR MOS GLUS BSKUL BA NI, KHYOD NI ZHES TE, SO SOR RTOG PA'I YE SHES KYI BDAG NYID DU GYUR PAS RDO RJE'I GSUNG KHYOD CES PA'O, ,SEMS CAN KUN LA PHAN PA BDE BA'I PHYIR THUGS BRTZE BAS MTHAR THUG PA'I DON DANG, GNAS SKABS KYI DGOS PA 'GRUB PAR MDZAD PAS NA BRTZON PA'O, ,RKANG PA GSUM PA NI SNGA MA LTAR RO, ,DGA' BA'I SPYOD PA NI BDE BA CHEN PO STE, MANG BAS KUN TU BZANG PO'I, ,SGROL MAS BSKUL BA NI, KHYOD NI ZHES TE 'DOD PA'I YON TAN GNYIS SU MED PA'I YE SHES KYI NGO BOR GYUR PAS RDO RJE 'DOD PA ZHES BOS NAS DAM TSIG NI DON YED GRUB PA'O, ,SANGS RGYAS KYI GDUNG NI RIGS SO, ,MNYAM PA NYID NI STONG PA NYID KYI RJES SU THUGS BRTZE BA'O, ,RKANG PA GSUM PA NI SNGA MA LTAR RO, ,GTER DU GYUR PA NI 'BYUNG GNAS SO, ,DE LTA BU'I ZHU BA GLUS BSKUL BAS NA CHOS THAMS

, ,CAD SNANG LA RANG BZHIN MED PA SGYU MA LTA BUR BSAM PA'O, ,SNANG BA'I 'OD ZER GYI DKYIL 'KHOR GYI BDAG NYID ZLA BA ZHU BA'I GZUGS DE NYID MAm DU GYUR PA LAS, RAL GRI LA 'CHAD BZUNGS LA ZLA BA'I DKYIL 'KHOR LA GNAS PA'I MAm GYIS MTSAN PAR GYUR PA NI, RANG SNGAGS KYI LUS SU NYID GYUR PA'O, ,DE'I 'ON ZIR GYIS RANG GNAS TE 'JAM PA'I DBYANGS KYI SPRUL PA DPAG TU MED PA SPYAN DRANGS NAS BCUG PAS DPAL LDAN 'JAM PA'I RDO RJE ZHES BYA BAR GYUR PAR BSAM MO, ,JI LTA BU ZHE NA, GUR KUM ZHES TE SKYA MDOG GUR KUM BZANG PO LTAR DMAR SER RTZA BA'I ZHAL YANG SKU MDOG DANG 'DRA BA LA, GA-YAS ZHAL SNGO, GA-YON ZHAL DKAR, GDU BU DANG DPUNG RKYAN LA SOGS PA'I SNA TSOGS PA'I RGYAN GYIS RNAM PAR BRGYAN PA RTZA PHYAG GNYIS SHES RAB DAM PA RANG GI RIG MA LA 'KHYUD PA DANG, GA-YAS 'OG MA GNYIS NA RAL GRI DANG MDA' MDANGS DANG LDAN PA DANG, GA-YON 'OG MA GNYIS NA AUTPA LA SNGON PO DANG, GZHU 'OD ZER DANG LDAN PA BSNAMS PA DE BZHIN GSHEGS PA'I RIGS NAM MKHA' GANG BA 'PHRO BAS RNAM PAR BRGYAN PA'O, ,DE LTA BU'I SKYOB PA NAM MKHA' MA LUS PA'I DKYIL 'KHOR GYIS KHYAB PA YIN NO, ,SRID ZHI'I MTHA' LA MNGON ZHE NA SPANGS NAS ZAB GSAL GNYIS SU MED PA'I YE SHES KYI BYIN GYIS RLOB PA NI DNGOS PO ZHES TE, RKANG PA DANG PO GNYIS KYIS GZUNG 'DZIN THAMS CAD DANG BRAL BAS BDEN PA'I DNGOS PO MED PAR RTOGS PA'I SGO NAS SRID PA'I MTHA' SPANGS LA, MYA NGAN LAS 'DAS PA SNANG BA THAMS CAD BSDUS PA LA, MNGON ZHEN SPONG BA NI RKANG PA PHYI MA GNYIS TE, DE SPANGS NAS GNYIS SU MED PA'I YE SHES DE NYID GZUGS KYI SKU'I

RNAM PAR SHAR BAR MOS PA BYA'O, ,DE BRTAN PAR BYED PA NI AOm ZHES TE CHOS THAMS CAD KYI CHOS NYID RNAM PAR DAG PA'I RANG BZHIN NGA'O ZHES PA'O, ,DE NI RGYU MTHUN GYI 'BRAS BU DANG BSNYEN PA'I YAN LAG CHUNG NGU'O, ,SKYE MCHED BYIN GYIS RLOB PA NI, DE 'OG CES TE, RANG GI SA BON NI SA SNYING LA SOGS PA'I SA BON NO, ,DES RANG GI MIG SOGS BYIN GYIS BRLABS LA JI BZHIN GRANGS BZHIN NO, ,MIG GNYIS SU ZLA BA'I DKYIL 'KHOR RE RE LA KIshA YONGS SU GYUR PA LAS, 'KHOR LO DKAR PO KIshAm GYIS MTSAN PA DE LAS 'OD 'PHROS SEMS CAN SBYANGS, SA SNYING LA BKOD PA TSUR 'DUS PA DANG, SA'I SNYING PO SNGAR BSHAD PA'I RNAM SNANG 'DRA BAR BSAM, RNAM PA GNYIS SU ZLA BA LA GNAS PA'I DZROm LAS RDO RJE DZROm GIS MTSAN PA LAS 'OD SPRO BSDU BYAS PAS, PHYAG RDOR SKU MDOG PHYAG MTSAN MI BSKYOD PA DANG 'DRA BA DANG, SNA BUG GNYIS SU ZLA BA LA GNAS PA'I KHAm LAS RIN PO CHE SNGAN PO CHA DGU PA KHA GIS MTSAN PA LAS, 'OD SPRO BSDU BYAS PA GYUR PA LAS, NAM SNYING RIN 'BYUNG 'ANG BA DANG, LCE'I DBUS SU ZLA BA LA GNAS PA'I BAm LAS PAD-MA BAm GIS MTSAN PA YONGS SU GYUR PA LAS, 'JIG RTEN DBANG PHUG 'OD DPAG MED 'DRA BA DANG, 'OD ZER SPRO BSDU SOGS NI SNGA MA LTAR RO, ,DPRAL BA'I THOD PA'I NANG DU ZLA BA LA GNAS PA'I KAm LAS RAL GRI DES MTSAN PAR GYUR PA LA SGRIB SEL DON GRUB LTA BU DANG, LTE BAR ZLA BA LA GNAS PA'I SAm LAS RDO RJE SAm GYIS MTSAN PA LAS, KUN BZANG RDOR SEMS LTA BU BSKYED DO, ,DE NI RNAM PA'I 'BRAS BU DANG NYE SGRUB CHUNG NGU'O, ,SKU GSUNG THUGS BYIN GYIS BRLAB PA NI, DRI MED RANG SNYING ZHES SOGS TE, RANG GI SNYING GA DANG MGRIN PA DANG DPRAL BA GSUM DU ZLA BA DRI MA MED PA RE RE BSAM PAR BYA'O, ,SNYING GA'I

, ,BLA BA LA H'U PAS RDO RJE SNGON PO RTZE LNGA PA, LTE BA'I NANG DU ZLA BA LA GNAS PA'I RDO PHRA MO LTE BA'I NANG H'Um GYIS MTSAN PA DE LAS 'OD ZER 'PHROS SEMS CAN GYIS SDIG SGRIB SBYANGS, THUGS RDO RJE'I GO 'PHANG LA BKOD TSUR 'DUS RDO RJE PHRA MO YONGS SU GYUR PA LAS, THUGS RDO RJE MI BSKYED PO'I NGO BOR GYUR, MGIN PAR ZLA BA'I STENG DU A'A: LAS PAD-MA DMAR PO'I LTE BAR ZLA BA LA GNAS PA'I A'A: DMAR PO DE LAS 'OD ZER SPRO BSDUS SOGS SNGA MA LTAR BYAS PA YONGS SU GYUR PA LAS, GSUNG RDO RJE 'OD DPAG TU MED PA 'OG NAS 'CHAD PA LTA BU DANG, DPRAL BAR ZLA BA LA AOm LAS 'KHOR LO DKAR PO ZLA BA LA GNAS PA'I AOm GYIS MTSAN PA LAS, 'OD ZER SPRO BSDU SOGS SNGA MA LTAR BYAS PAS, SKU RDO RJE 'OG NAS 'CHAD PA'I RNAM SNANG LTA BU DANG, THUGS RDO RJE GONG, GSUNG RDO RJE 'OG GI MTSAMS SU ZLA BA LA GNAS PA'I MAm LAS, RAL GRI 'CHANG BZUNGS MAm GYIS MTSAN PA LAS, 'OD 'PHROS SEMS CAN GYI SDIG SGRIB SBYANGS, 'JAM PA'I RDO RJE'I GO 'PHANG LA BKOD PA TSUR 'DUS YONGS SU GYUR PA LAS, YE SHES SEMS DPA' RANG DANG 'DRA BA'I NGO BOR GYUR PA'I THUGS KAR ZLA BA LA GNAS PA'I RAL GRI 'CHANG BZUNG MAm GYIS MTSAN PA SKU GSUNG THUGS BYIN GYIS BRLABS PA'I LHA GSUM GYI THUGS KAR YANG YI GE GSUM SO SOR DGOD DO, ,DE NAS THUGS RDO RJE'I THUGS KA'I SA BON LAS 'OD SPROS PAS RANG BZHIN GYI GNAS NAS THUGS RDO RJE'I LHA TSOGS RNAMS SPYAN DRANGS TE ME TOG LA SOGS PA DANG, SHES RAB DAM PA 'DUS PA'I GSANG BA'I MCHOD PA LA SOGS PAS MCHOD NAS RDO RJE GSUM GYIS BYIN GYIS BRLABS PAR

GSOL BA GDAB PA'O, ,RANG GI SNYING GA'I THUGS RDO RJES BYIN GYIS BRLAB PAR GSOL BA GDAB PA NI, DPAL LDAN ZHES TE TSOGS GNYIS SAM RIG MA'I DPAL DE DANG LDAN PA THUGS RDO RJE'I NGO BOR GYUR PAS NA 'CHANG BA RDO RJE GSUM MI PHYED PA BYED BSGOM PA DE DANG STE, DE NAS BZUNG NAS BDAG THUGS RDO RJE'I NGO BOR BYIN GYIS RLOB TU GSOL ZHES SO, ,GANG GIS NA SNYING GAR SGOM PA'I THUGS RDO RJE KHYOD KYIS SO, ,RANG GNAS NAS MDUN GYI NAM MKHAR SPYAN DRANGS NAS GSOL BA GDAB PA NI, PHYOGS BCU ZHES TE, SANGS RGYAS NI RANG BZHIN GYI GNAS NAS BYON PA RNAMS SO, ,GZHAN RNAMS KYI BSHAD PA NI SNGA MA LAS SHES SO, ,DE BRTAN PAR BYED PA NI AOm ZHES TE, DE BZHIN GSHEGS PA THAMS CAD KYI THUGS RDO RJE'I RANG BZHIN DU GYUR PA YIN NO, ,ZHES PA'O, ,GSUNG BYIN GYIS BRLAB PA LA RANG GI MGRIN PAR BSKYED PA LA GSOL BA GDAB PA NI, , CHOS KYI GSUNG ZHES TE CHOS NI RDO RJE CHOS NI 'OD DPAG TU MED PA YIN LA, DE'I GSUNG GI LAM NI GDUL BYA RNAMS LA CHOS KYI 'KHOR LO BSKOR BA'O, ,PHYIN GYIS BRLABS PAS DA NI GSUNG RDO RJE'I NGO BOR MDZAD DU GSOL, ZHES PA'O, ,GANG GIS NA RANG GI MGRIN PAR SGOM PA'I GSUNG RDO RJE KHYOD KYIS ZHES PA'I DON TO, RANG GNAS NAS MDUN GYI NAM MKHAR SPYAN DRANGS PA LA GSOL BA GDAB PA NA, PHYOGS BCUR ZHES TE TSIG DON GO BAR ZAD LA, SPYAN DRANGS PA DE SNGAR BSGOM PA DANG DBYER MED GCIG TU 'DRES PAR BSAMS NAS DES BRTEN PAR BYED PA NI, AOm ZHES TE DE BZHIN GSHEGS PA THAMS CAD KYI GSUNG RDO RJE'I BDAG NYID NGA YIN NO ZHES PA'I DON TO, ,SKU BYIN GYIS RLOB PA NI, DPAL LDAN ZHES SOGS TE GO BAR ZAD DO, ,MDUN DU SPYAN DRANGS PA SNGAR BSKYED PA'I SKU RDO RJE DANG

, ,DBYER MED DU 'DRES PA BSAMS NAS DE BRTAN PAR BYED PA NI AOm ZHES TE, SA BON GYI 'OD ZER GYIS RANG GNAS NAS SPYAN 'DREN PA DANG SNGAR BSKYED PA LA THAM NAS DBYER MED DU 'DRES PAR BSAMS PA NI THAMS CAD LA 'DRA'O, ,'DI NI SKYES BU BYED PA'I 'BRAS BU DANG SGRUB PA'I YAN LAG CHUNG NGU'O, ,NAM MKHA' LTA BU ZHES PA STE STONG NYID KYI DON LA YUD TZAM MNYAM PAR BZHAG ,DE NAS SNYING PO'I 'OD ZER ZHES PA YE SHES SEMS DPA'I THUGS KA'I SA BON LAS 'OD 'PHROS, DBANG GI LHA RNAMS SPYAN DRANGS PA LA MCHOD BSTOD SOGS BYAS, DBANG BSKUR BAR GSOL BA 'DEBS PAS SANGS RGYAS DANG BYANG CHUB SEMS DPA' RNAMS KYIS SHIS PA BRJOD, KHRO BO RNAMS KYIS BGEGS BSKRAD, RIG MA'I TSOGS RNAMS KYIS BUM PA BZUNG NAS DBANG BSKUR BAS DBANG GI CHUS LUS THAMS CAD GANG DRI MA DAG CHU LHAG MA SPYI BOR 'KHYIL BA LAS RIGS KYI BDAG PO MI BSKYOD PA'I CHOD PAN GYIS DBU BRGYAN PAR GYUR, DE NI DBANG GI 'BRAS BU DANG BSGRUB CHEN GYI YAN YANG CHUNG NGU'O, ,BSNYEN SGRUB PA YAN LAG CHUNG NGU 'BRING CHEN PO GSUM BYAS PA NI, YAB KYI DANG PO CHUNG NGU DANG, YUM GYI 'BRING DANG, 'KHOR GYI CHEN PO'O, ,DE DAG GI DON YANG YAB RKYANG BSKYED PA NI, THA MAL PA'I SNANG ZHEN 'GOG PA LA NUS PA CHUNG BA DANG, YUM DANG BCAS PA BSKYED PA LA NUS PA 'BRING DANG, 'KHOR DANG BCAS PA BSKYED PA NUS CHE BA'I DON YIN NO, ,BZHI PA'I YUM BSKYED PA YAB KYI SKU DANG POR BSKYED PA ZAB GSAL GNYIS SU MED PA'I YE SHES KYI SKU BSGRUB PA LA NYE BAS NA BSNYEN PA'O, ,YAN LAG NI CHA SHAS TE YONGS SU RDZOGS PA BZHI KAR TSANG DGOS PA'O, ,RGYU MTHUN GYI 'BRAS

BU NI RGYU RDO RJE 'DZIN PA'I RIGS 'DRA YIN PAS SO, ,SKYE MCHED BYIN GYIS BRLAB PA NI BSGRUB PA DANG, NYE BAS NYE SGRUB BO, ,SNGON GYI LAS KYI RNAM SMIN MIG SOGS 'GRUB PA DANG 'DRA BAS RNAM SMIN GYI 'BRAS BUR BTAGS PA'O, ,THUGS DANG GSUNG DANG SKU RDO RJE DANG YE SHES SEMS DPA' RNAMS CHOS DANG LONGS SPYOD RDZOGS PA DANG SPRUL PA DANG NGO BO NYID KYI SKU'I BDAG NYID YIN LA, SKU GSUM PO DE DANG DBYER MED PA'I NGO BOR SKU GSUNG THUGS BYIN GYIS BRLABS PAS SGRUB PA'I YAN LAG GO ,SEMS CAN GYI DON BYED PA'I 'BRAS BU BSGRUBS PAS NA SKYES BU'I BYED 'BRAS SO, ,GZHAN BSGRUBS LA YANG SANGS RGYAS BYANG CHUB SEMS DPA' RNAMS KYIS DE LTAR DBANG BSKUR NA YIN GYI, MA BSKUR NA MA YIN PAS DBANG BSKUR RGYAS GDAB NI BSGRUB PA CHEN PO'I YAN LAG CHUNG NGU'O, ,YAN LAG GI BSHAD PA NI SNGA MA LTAR RO, ,DE DAG NI SMAN ZHABS KYIS BSHAD PA LTAR YIN NO, ,GNYIS PA YUM BSKYED PA LA BSNYEN SGRUB YAN LAG BZHI DANG, YUM RIGS LNGA'I TSOGS PA BSGRUB PA DANG, MKHA' GSANG BYIN GYIS BRLABS PA DANG, RJES CHAGS KYI NGA RGYAL BYA BA'O, ,DANG PO NI, DE BZHIN ZHES TE, SLOB DPON SH'IN-TI PA DANG, SMAN ZHABS GNYIS KYIS YAB BSKYED PA LTAR ZHU BA GLUS BSKUL LA SOGS PA YUM BSKYED PA'I SKABS SU YANG SBYONG LA, DE BZHIN GSHEGS PA RANG GI LUS LA BZHUGS PA DANG GSANG GNAS SU LHA NYER GCIG BSKYED PA MA GTOGS RDZOGS PAR SBYOR ZHING, YAB RKYANG YUM DANG LHAN CIG TU ZHU NAS BSKYED THABS GNYIS MDZAD DO, ,'GREL PA DAG YUM GSAR DU BSKYED PA DANG SNGAR YAB DANG MNYAM DU BSKYED PA DANG, SNGAR BSKYED ZIN PA SKABS 'DIR GSAL 'DEBS PA MA BYUNG ZHING, SNGAR MI BSKYED NA YAB KYI RTZA PHYAG GNYIS YUM LA 'KHYUD PA 'GAL ZER NA, SLOB

, ,DPON THAG NA LTAR NA SNGAR PAR SRID RANG GI ZHAL NAS ZHUGS PA ZHU BA LAS BYUNG BA'I THIG LE CHA GNYIS SU GYUR, CHA GCIG RAL GRI 'CHANG BZUNGS MA GYIS MTSAN PA DE LAS 'OD SPRO BSDU BYAS NAS YUM BSKYED PA NI, DE BZHIN ZHES PA'I DON TO, ,COD PA NA DANG NU MA RGYAS PA MA GTOGS YAB DANG 'DRA BAR BSKYED PAS RANG GI LHA 'DRAR ZHES SO, ,RANG SNYING PO NI YAB KYI THUGS KA'I SA BON LAS 'OD ZER SPRO BSDU BYAS NAS RIG MA SPRUL ZHING BSKYED PA STE, RGYU MTHUN DANG BSNYEN PA'I YAN LAG 'BRING PO'O, ,MIG SOGS BSGOM PA NI SKYE MCHED BYIN GYIS BRLAB PA STE YAB JI LTA BA BZHIN DU BYA'O, ,DE NI RNAM SMIN GYI 'BRAS BU DANG NYE SGRUB 'BRING NGO, ,YI GE GSUM DGOD PA NI YAB JI LTA BA BZHIN DU SKU GSUNG THUGS BYIN GYIS BRLAB PA STE, SKYES BU'I BYED 'BRAS DANG SGRUB PA'I YAN LAG 'BRING NGO, ,'OD DANG LDAN PA NI SMAN ZHABS LTAR NA, SGRUB CHEN YAB KYI SNYING GA'I SA BON GYI 'OD ZER GYIS DBANG LHA SPYAN DRANGS NAS DBANG BSKUR RGYAS GDAB BYED PA YIN NO ZHES ZER TO, ,THA GA NA SNGA MA GSUM BSTAN PA'I SHUGS KYIS 'PHANGS PA YIN PAR BZHED DO, ,DBANG BSKUR RGYAS GDAB NI DBANG GI 'BRAS BU DANG BSGRUB PA CHEN PO NI YAN LAG 'BRING NGO, ,GNYIS PA NI, DE NYID SHES PAS YUM MGO DANG SNYING GA DANG LTE BA DANG GSANG GNAS DANG BRLA GNYIS SU, SNGA MA LA ZLA GDAN DANG, PHYI MA BZHI LA NYI MA'I GDAN BSAM MO, ,DE STENG DU RIM PA BZHIN DU AOm DKAR PO DANG H'Um SNGON PO DANG, SV'A SER PO DANG, A'A: DMAR PO, H'A LJANG GU BSAM LA YI GE DE DAG LAS RANG 'DRA'I YI GE GNYIS PA 'OD ZER DANG BCAS PA SPROS PAS, RIM PA BZHIN DU NU MA YAN CHAD RNAM SNANG GI RANG

BZHIN DU BYIN GYIS BRLAB PA DANG, DE NAS LTE BA YAN CHAD MI BSKYOD PA'I RANG BZHIN DANG, DE NAS PAD-MA YAN RIN 'BYUNG GI RDUL PHRA RAB KYI RANG BZHIN DANG, DE NAS BRAL GNYIS YAN 'OD DPAG MED KYI RANG BZHIN DANG, DE NAS RKANG MTHEL YAN DON YOD GRUB PA'I RANG BZHIN DU KHYAB PAR BSAM MO, ,GSUM PA NI, AA YIS ZHES TE, AA LAS YUM GYI GSANG GNAS KYI LTE BA DANG H'Um LAS GSANG GNAS KYI PAD-MA 'DAB MA BSKYED LA BU GA PHAGS SER POS BKAG PAR BSAM MO, ,BZHI PA NI SHES RAB CES TE RGYU RDO RJE 'DZIN PA SHES RAB MA DANG BCAS PA'I RGYU MTHUN GYI 'BRAS BU RDO RJE 'DZIN PA THABS DANG BCAS PA PHAN TSUN SNYOMS 'JUG BYED PA'I SGO NAS RGYAL BA MNYES PA'I MCHOD PA BRTZAM POR YANG BYA'O, ,SNGAGS NI AOm ZHES TE DE BZHIN GSHEGS PA THAMS CAD KYI RJES SU CHAGS PA'I RDO RJE'I RANG BZHIN NGA YIN NO ZHES PA'O, ,DANG PO SBYOR BA'I TING NGE 'DZIN TO, ,DA NI SBYANG GZHI SBYONG BYED JI LTAR SBYAR BA'I TSUL BSHAD PAR BYA STE, DE LA BLA MA KHA CIG GIS RNAM BYANG GI PHYOGS DANG MTHUN PAR LHA BSGOM PA DANG SRID PA SKYE BA'I RIM PA DANG MTHUN PA BSGOM PA GNYIS SU BYAS NAS, SNGA MA RNAL 'BYOR RGYUD DANG PHYI MA BLA MED LA SBYOR BAR MDZAD KYANG SRID PA SKYE BA'I RIM PA DANG MTHUN PAR BSGOM PA NI, BLA MED KHO NA LA YOD PA 'THAD LA, DE YOD NA SANGS RGYA BA'I RIM PA DANG MTHUN PAR BSGOM PA YANG YOD PAS KHYAB PAS SO, ,DE NYID BSDUS PA NAS GSUNGS PA NI SRID PA THAM PA MNGON BYANG LNGA'I SGO NAS RNAM SNANG GI GO 'PHANG LTA BU BSGRUB TSUL STON PA YIN GYI, LAM LNGA DANG MTHUN PA MED PAS SO, ,DE LA SPYIR SBYANG GZHI SBYONG BYED DUS 'KHOR LA SOGS PA'I RGYUD LAS TSUL GSAL BAR BSTAN PA MA GTOGS

, ,GZHAN RNAMS KYI SPYI 'GRO NI, SLOB DPON AA BHYAS MAN NGAG SNYE MA'I SNYE MA BCU GNYIS PAR BSHAD PA LTAR BYA'O, ,'PHAGS LUGS PA'I MDOR BYAS SU BSRUNG 'KHOR YAN CHAD SBYONG GZHI LA SBYOR BA MA GSUNGS LA, TSUL JI LTAR SKYE BA LEN PA DANG, DANG POR SHI NAS DE NAS BAR DO GRUB, DE NAS SKYE GNAS SU NYING MTSAMS SBYAR NAS MNGAL DU GNAS PA'I BAR DANG, RANG GI NGO BOR SKYE BA BLANGS PA NI BCAS NAS DBANG PO THAMS CAD YONGS SU RDZOGS PA DANG, DE NAS BYA BA GANG BYED PA NI BU BSKYED PA SOGS SO, ,DE DANG MTHUN PAR SKYE BA LEN PA'I RTEN GYI RNAM PA LTA BU TSOGS GSOG PA PO'I RTEN NI GANG ZAG DANG, RGYU BSOD NAMS KYI TSOGS BSAG PA DANG, GNAS BSRUNG 'KHOR THUN MONG BA NAS GZHAL YAS KHANG GI BAR DANG, GANG GI NGOR SKYE BA LEN PA STONG PA NYID BSGOM PA NAS BAR SRID MA ZHUGS TSUN 'CHI BA DANG CHOS MTHUN PA DANG, BAR SRID KYI YI GE ZHUGS NAS MA ZHU BA TSUN PAR SRID DANG MTHUN PA DANG, ZHU NAS GLUS BSKUL TE LHA'I RNAM PAR MA BZHENGS TSUN MNGAL GYI GNAS SKABS DANG, LHA'I RNAM PAR BZHENGS PHAN CHAD BTZAS PA'I GNAS SKABS DANG, DBANG PO THAMS CAD YONGS SU RDZOGS PA DANG MTHUN PA'O, ,DE LAM LNGA DANG SBYOR TSUL NI BSOD NAMS KYIS TSOGS GSOG PA TSOGS LAM DANG, STONG PA NYID BSGOM PA NAS BAR SRID SBYANGS PA TSUN SBYOR LAM DANG, MNGAL GYI GNAS SKABS MTHONG SGOM GYI LAM DANG, DE PHAN CHAD MI SLOB PA'I LAM DANG SBYOR RO, ,DE'I RGYU MTSAN RTAG GNYIS DANG, SAm BHU tAR MNGAL GYI GNAS SKABS KYI ZLA BA NGO BCUS BCU DANG SBYOR BAR BSHAD PAS DE PHAN CHAD MI SLOB PA'I LAM DANG

SBYOR BA DANG, MNGAL DU MA ZHUGS TSUN CHAD TSOGS SBYOR DANG SBYOR BA DON GYIS GRUB PA'I PHYIR RO, ,DE LA SPYIR LTA BSKYED TSUL GYI THA SNYAD LA PHA MA LTA BU DANG, GROGS LTA BU BSKYED PA BSHAD PAS, DE LA RGYU'I RDO RJE 'DZIN PA BSKYED PA LA'ANG LHA'I RNAM PAR BSKYED PA DANG MI BSKYED PA GNYIS LAS PHYI MA NI BDE MCHOG L'U AI PA LTA BU STE, DE LTAR NA MNGON BYANG DANG PO BZHI KHO NA RDO RJE 'DZIN PAR BYED DO, ,DE LA YANG AA LI LAS BSKYED PA'I ZLA BA DKAR PO PA'I KHAMS KYI DON DANG, K'A LI LAS BSKYED PA'I ZLA BA DMAR PO MA'I KHAMS KYI DOD DANG, BAR SRID MTSON BYED KYI YI GE DE GNYIS KYI BAR DU ZHUGS TSUN CHAD PAR SRID KYI DOD DANG, DE NAS H'Um LAS RDO RJE RTZE LNGA PA H'Um GYIS MTSAN PA NAS SPRO BSDU TSUN CHAD MNGAL GYI GNAS SKABS DANG MTHUN NO, ,RDO RJE'I YAR RTZA LNGA NI RKANG LAG MGO BO DANG, MAR RTZE LNGA RKANG LAG GI SOR MO LNGA TSAN DU MTHUN PA DANG, MGO'I DBANG PO LNGA TSAN DANG MTHUN PA YIN NO, ,LHA'I RNAM PAR BSKYED PA LA YANG YANG RKYANG BSKYED PA RDO RJE 'JIGS BYED LTA BU STE, DE LA NI ZHU BA GLUS BSKUL LA SOGS PA MI BYED DO, ,YUM DANG BCAS PAR BSKYED PA NI 'DI DANG GSHIN RJE DMAR NAG SOGS TE, DE LA NI MNGON BYANG LNGAGS BSKYED PA MA YIN NO, ,RGYU RDO RJE 'DZIN PA LAS 'BRAS BU RDO RJE 'DZIN PA GTZO 'KHOR CIG CAR DU BSKYED NA BU LTA BU'I TSUL DANG, 'KHOR RJES LA BSKYED NA TSA BO LTA BU'I TSUL DU BSKYED PA'O, ,DE LA SPYANG GZHI SBYONG BYED YE SHES RDO RJE KUN LAS BTUS PA LAS BSHAD PA, SGRON GSAL DU BKOD PA'I DBANG DU BYAS NA CHAGS BRAL GYI RTEN GYI 'TSANG RGYA BA'I TSUL BZHI DANG, CHAGS CAN 'TSANG RGYA BA'I TSUL BZHI DPE DON DU SBYAR NAS GSUNGS PA'I DANG PO LA, RGYUD DANG, GLING GZHI DANG, NGES

, ,TSIG DANG, RGYU'O, ,DE BZHIN NI RIM PA BZHIN DU, MIR SKYE BA BLANGS PA DANG, RAB TU BYUNG BA DANG, 'DUL BA'I KUN SPYOD LA GNAS PA DANG, SANGS RGYA BA'I NYER RGYU TING NGE 'DZIN TE, ,PHAR PHYIN THEG PA'I TSUL LA 'OG MIN GYI RTEN LA SANGS RGYA BA DANG, 'DOD PA'I RTEN LA SPRUL SKUR SANGS RGYA TSUL? GNYIS KYI PHYI MA DPER BYED PA NI, SNGAGS KYI GDUL BYA'I GTZO BO RIN PO CHE LTA BU'I GANG ZAG DE 'DOD PA'I RTEN LA NGES PAR LAM BSGRUB PA YIN NO, ,DON LA DE LTAR TSUL BZHI'O, ,DANG PO RGYUD NI RIGS LNGA'I SANGS RGYAS BSKYED PA NI, RGYUD CES BYA BA YIN PAR BRJOD, CES GSUNGS PA LTAR THA MAL PA'I PHUNG PO'I SNANG BA DOR NAS RIGS LNGA'I SANGS RGYAS SU BSKYED PA GCIG DGOS PA YIN TE, DE YANG SHRAD DHA KA RA WAR MAS THA MAL PA'I GNAS LUS LONGS SPYOD 'KHOR GYI SNANG BA BZHI DOR NAS KHYAD PAR CAN GYI SNANG BA BZHIR 'GYUR BA LTAR YIN LA, DE LA SNGAR BSHAD PA LTAR TSOGS GSOG PA PO'I RTEN GYI GANG ZAG DES RGYU BSOD NAMS KYI TSOGS BSAGS NAS THA MAL PA'I 'CHI BA DANG CHOS MTHUN PAR STANG PA NYID BSGOM PA NAS GNAS KHYAD PAR CAN RTEN GZHAL YAS KHANG DU SKYE BA LEN PA'I TSUL STON PA YIN NO, ,'DI LTA BU'I 'DRA CHOS RGYUD SDE 'OG MA RNAMS LA YOD KYANG, LAM BSGOM PA 'DRA CHOS GDON MI ZA BAR NGES MI DGOS LA, SKABS 'DIR NI DGOS PA'O SBYANG GZHI LA GNAS SNGA MA DANG MI 'DRA BAR SKYE BA LEN MI DGOS KYANG SBYONG BYED LA GNAS KHYAD PAR CAN GYI SNANG BA BSGYUR DGOS SO, ,DE LTAR SHI BA DANG CHOS MTHUN SGOM PA'I RJES SU BAR SRID KYI YI GE GSAR DU BSKYED PA'AM, SNGAR NAM MKHAR BSKYED PA GANG YANG RUNG GIS

NGA RGYAL 'DI LTAR BYA STE, JI LTAR SANGS RGYAS RNAMS KYI CHOS KYI 'BYUNG GNAS DAR ZHUGS TE GZUGS KYI SKUR BZHENGS NAS SEMS CAN GYI DON MDZAD PA DE'I RGYU NI, BDAG GIS KYANG CHOS 'BYUNG GNAS DER ZHUGS TE, SNYING PO DANG PHYAG MTSAN BRGYUD NAS NGES PAR RDO RJE 'DZIN PA'I NGO BOR SKYE BA BLANG BAR BYA'O SNYAM PA'I BSAM PAS RANG LAS RGYUD THA DAD PA LTA BU'I RGYU RDO RJE 'DZIN PA YAB YUM GYI ZHAL SOGS NAS 'JUG PA'AM, LHA'I RNAM PA CAN DU SKYED NA ZLA BA DKAR DMAR GYI DBUS SU ZHUGS TE, DE DAG ZHU BAS MAm LAS BYUNG BA'I RAL GRI MA GYIS 'CHANG BZUNGS MTSAN PA DE YONGS SU GYUR PA LAS 'BRAS BU RDO RJE 'DZIN PA'I NGO BOR BSKYED PAR BYA'O, ,YAB KYI ZHAL LTA BU NAS ZHUGS NAS RDO RJE'I LAM NAS YUM GYI PAD-MAR SENG STE, YUM GYI CHAGS PA'I SEMS KYI BAR SRID 'JUG PA'I RKYEN BYAS NAS ZHU BA DANG, YAB YUM GNYIS KYANG ZHU BAR BSAM MO, ,SBYANG GZHI LA PHA MA ZHU BA MED KYANG CHOS MTHUN SBYOR NA DGA' BA NYAMS SU MYONG BA'I TSE RTAG PAR RAGS? BZHI BA DANG SBYAR RO, ,SBYANG GZHI LAM NGAL DU YAN LAG PHRA MO RDZOGS PA YOD KYANG, 'DIR NI LHA'I RNAM PA CAN DU GRUB NAS MNGAL NAS BCAS PA'I SKABS DANG SBYOR BA YIN NO, ,DE LA ZHU NAS THIG LE GYUR PA NI CHOS SKU'I DON YIN LA, DE NAS LHA'I RNAM PA CAN DU SHAR BA NI GZUGS SKUR BZHEGS PA'I DON YIN NO, ,GLUS BSKUL GYI LHA MO BZHI NI 'BRAS BU'I DBANG DU BYAS NAS THABS KHYAD PAR CAN TSAD MED BZHI MTSON PA YIN LA, SKYANG GZHI'I DBANG DU BYAS NA PHUNG SOGS GRUB PAR BYAD PA'I RGYU 'BYUNG BZHI MTSON PA YIN NO, ,DE NAS 'BRAS BU RDO RJE 'DZIN PA GRUB NAS SNGAR DBANG PO THA MAL PA'I YUL LA LONGS SPYOD

, ,BDE GZUGS RDO RJE MA SOGS LA LONGS SPYOD PA NAS 'PHRIN LAS RNAM PA BZHI SGRUB PA'I BAR DU SBYAR RO, ,DPER NA RAB BYUNG BYAS PA'I TSE NGA YANG RAB BYUNG NGO SNYAM PA'I BLO SKYE BA BZHIN DU, DE LTAR PHYAG MTSAN LA SOGS LAS, NGA RDO RJE 'DZIN PAR GYUR PA YIN NO SNYAM PA'I NGA RGYAL SHUGS DANG BCAS PA BSGOM PAR BYA'O, ,ZHAL PHYAG LA SOGS PA'I SNANG BA KHYAD PAR CAN DU GYUR PA NI RDO RJE 'DZIN PA YIN PA'I NGA RGYAL 'JOG RIGS PA'I RGYU MTSAN YIN NO, ,DE LTA BU'I GNAS LUS LONGS SPYOD KHYAD PAR CAN LA BSKYED RIM GYI SGO NAS NGA RGYAL GOMS PAR BYAS PAS, BLA MA SNGA MA RNAMS THA SNYAD MDZAD PA'I 'CHI BA CHOS SKU, BAR DO LONGS SKU, SKYE BA SPRUL SKU LA SBYAR BA LTAR THA MAL PA'I SKYE SHI BAR DO GSUM YOD PA'I DOD LA, RNAL 'BYOR PAS SKU GSUM MNGON DU BYED PA YIN NO, ,RGYU MTSAN DANG DGOS PA DE MTHONG NAS SBYANG GZHI DANG CHOS MTHUN SBYOR BA'I 'DRA CHOS ZHIB PA NGES PAR BYA YI, GZHAN DU 'DRA SGRIG PA TZAM LA RE BAS NI LAM GYIS GNAD GANG YANG MI ZIN TO, ,'DI LTA BU'I SKU GSUM BSGRUB TSUL NI, 'PHAGS PA YAB SRAS KYI GZHUNG RNAMS LAS RGYAS PAR 'BYUNG ZHING, GZHAN RNAMS SU ZUR TZAM 'BYUNG BA YIN NO, ,GNYIS PA DKYIL 'KHOR RGYAL MCHOG THUGS KA'I ZLA BA'I SNGAGS ZHES SOGS KYIS STAN TE, YAB KYI THUGS KA'I SA BON PHYAG MTSAN DANG BCAS PA LAS, SANGS RGYAS THAMS CAD SPYAN DRANGS TE ZHAL DU ZHUGS TE ZHU BA LAS, YUM GYIS PAD-MANG THIG LE CHA GNYIS SU GYUR, CHA GCIG H'Um LAS GZHAL YAS KHANG DANG, CHA GCIG THIG LE CHA BCU DGUR GYUR, DE LAS RANG RANG GI SA BON DANG BCAS PA LAS, BRTEN PA'I DKYIL 'KHOR YONGS SU RDZOGS PAR GYUR, DE

NAS GZHAL YAS KHANG GI DBUS NAS RAM PA BZHAN DU GSAL GDAB PA NI, H'Um LAS RDO RJE SNGON PO RTZE LNGA PA LTE BA H'Um GYIS MTSAN PA MI BSKYOD PA SNGON PO, SNGO DKAR DMAR BA'I ZHAL GSUM, PHYAG DRUG GI DANG PO GNYIS RANG 'DRA'I YUM LA 'KHYUD CING, GA-YAS 'OG MA GNYIS NA RDO RJE DANG RAL GRI ,GA-YON 'OG MA GNYIS NA PAD-MA DANG RIN PO CHE BSNAMS PA'O, ,GZHAL YAS KHANG NANG MA'I SHAR GYI ZLA BA'I GDAN LA AOm LAS 'KHOR LO AOm GYIS MTSAN PA LAS, RNAM PAR SNANG MDZAD DKAR PO DKAR SDE DMAR PA'I ZHAL GSUM PHYAG DRUG GI DANG PO GNYIS RANG 'DRA'I YUM LA 'KHYUD PA, GA-YAS 'OG MA GNYIS NA 'KHOR LO DANG RAL GRI ,GA-YON 'OG MA GNYIS NA PAD-MA DANG RIN PO CHE, LHOR SVA LAS RIN PO CHE CHA DGU PA SVAS MTSAN PA LAS, RIN 'BYUNG SER PO SER SNGO DKAR BA'I ZHAL GSUM PHYAG DRUG GI DANG PO GNYIS SNGAR DANG 'DRA BA LA, GA-YAS 'OG MA GNYIS NA RIN PO CHE DANG RAL GRI ,GA-YON GNYIS NA PAD-MA DANG 'KHOR LO, NUB KYI LING TSE LA A'A: LAS PAD-MA AA: SA MTSAN PA LAS, 'OD DPAG MED DMAR PO DMAR SER DKAR BA'I ZHAL GSUM PHYAG DRUG GI DANG PO GNYIS SNGAR DANG 'DRA BA LAS, GA-YAS 'OG MA GNYIS NA PAD-MA DANG RAL GRI ,GA-YON GNYIS NA 'KHOR LO DANG RIN PO CHE, BYANG GI LING TSE LA, H'A: LAS RAL GRI H'A : SA MTSAN PA LAS DON YOD GRUB PA LJANG GU LJANG SNGO DKAR BA'I ZHAL GSUM PHYAG DRUG GI DANG PO GNYIS SNGAR DANG 'DRA BA LAS ,GA-YAS 'OG MA GNYIS NA RAL GRI DANG 'KHOR LO, ,GA-YON 'OG MA GNYIS NA PAD-MA DANG RIN PO CHE BSNAMS PA, THAMS CAD KYANG THIG LE LAS CHOG

, ,GSUM BSKYED DANG, RAL PA'I COD PAN DANG RIN PO CHA'I SNYAN RGYAN SNA TSOGS PAS MDZES PAR BSAM MO, ,PHYI MA GSUM NYI MA'I GDAN LA GNAS PAR BSAM ZHING, THAMS CAD KYANG ZHAL DBUS NAS GA-YAS SU DED PA'O, ,DE LHA BCU DGU PO THAMS CAD SNGA RIMS KYIS GSAL BTAB NAS DE 'BYIN SNGAGS KYIS PHYIR 'BYIN PA NI BDZRA DHRi KA GIS MI BSKYOD PA PHYIR PHYUNGS, MDZAD PA BCU GNYIS DANG KHYAD PAR RNAM SHES KYI PHUNG PO DANG, SEMS CAN RNAMS KYI ZHE SDANG SBYANGS, GCIG TU LEGS PAR BSDUS NAS RANG LA SKU GSUNG THUGS KYI DNGOS PO THAMS CAD KYIS GCIG TU 'DRES PAR BZHUGS PAR BYA'I 'BRAS BU RDO RJE 'DZIN PA'I KHA DOG BSGYUR MI DGOS SO, ,DZI NA DZIK GIS RNAM SNANG PHYUNGS, PHYOGS BCUR 'PHROS NAS SPYI'I MDZAD PA DANG, KHYAD PAR GZUGS PHUNG DANG GTI MUG SBYANGS, GZHAL YAS KHANG NANG MA'I SHAR GYI LING TSER SNA TSOGS PAD-MA DANG ZLA BA'I GDAN LA 'KHOD, RAT-NA DHRi KA GIS RIN 'BYUNG PHYUNGS, SPYI DANG KHYAD PAR TSOR PHUNG DANG, NGA RGYAL DANG SER SNA SBYANGS GCIG TU 'DUS NAS RANG GNAS SU 'KHOD, A'A RO LI KA GIS 'OD DPAG MED PHYUNGS, SPYI DANG KHYAD PAR 'DU SHES KYI PHUNG PO DANG 'DOD CHAGS SBYANGS GCIG TU 'DUS NAS GDAN LA 'KHOD, PRA DZNY'A DHRi KA GIS DON GRUB PHYUNGS, SPYI DANG KHYAD PAR 'DU BYED KYI PHUNG PO DANG PHRAG DOG SBYANGS GCIG TU 'DUS GDAN LA 'KHOD, MO H'A RA TIS SPYAN MA SKU MDOG PHYAG MTSAN RNAM SNANG DANG 'DRA BA LA GA-YAS GNYIS PAS 'KHOR LO BSNAMS PA SPROS, SPYI DANG KHYAD PAR SA KHAMS SBYANGS, BYAMS PA DANG THABS KYI PHAR PHYIN LA BKOD GCIG TU 'DUS NAS ME MTSAMS KYI GDAN LA 'KHOD, DVE shA RA TIS M'A MA

K'I ZHAL PHYAG MING SKYOD PA DANG 'DRA BA LAS, GA-YAS GNYIS PAS AUT-PA LA DMAR PO BSAMS PA SPROS, CHU KHAMS SBYANGS SNYING RJE DANG SMON LAM GYI PHAR PHYIN LA BKOD, GZHAL YAS KHANG NANG MA'I BDEN BRAL GYI MTSAMS KYI GDAN LA 'KHOD, R'A KAR TIS GOS DKAR MO SKU MDOG PHYAG MTSAN 'OD DPAG MED DANG 'DRA BA LA KHYAD PAR GA-YAS GNYIS PAS PAD-MA BSNAMS PA SPROS, ME KHAMS SBYANGS DGA' BA DANG STOBS KYI PHAR PHYIN LA BKOD, GCIG TU 'DUS RLUNG MTSAMS KYI GDAN LA 'KHOD, BDZRA RA TIS SGROL MA SKU MDOG PHYAG MTSAN RIN 'BYUNG DANG 'DRA BA LA KHYAD PAR GA-YAS THA MAS AUT-PA LA SER PO BSNAMS PA SPROS, RLUNG KHAMS SBYANGS, BTANG SNYOMS DANG YE SHES KYI PHAR PHYIN LA BKOD, GCIG TU 'DUS NAS DBANG LDAN GYI MTSAMS KYI GDAN LA 'KHOD, LHA MO BCU PO THAMS CAD RANG 'DRA'I THABS KYIS 'KHYUD PA'O, ,RDO RJE MA DRUG GI 'BYIN SNGAGS NI, AOm A'A: H'Um NGO, ,GZUGS RDO RJE MA RNAM SNANG 'DRA BA LA GA-YAS GNYIS PAS ME LONG BSNAMS PA SPROS NAS GZUGS DANG SER SNA SBYANGS GZHAL YAS KHANG GI PHYI'I ME MTSAMS SU 'KHOD, SGRA RDO RJE MA MI BSKYOD PA 'DRA BA LA KHYAD PAR PI WAm 'DZIN PA SPROS NAS SGRA DANG TSUL 'CHAL SBYANGS, GCIG TU 'DUS PA BDEN BRAL MTSAMS SU 'KHOD, DRI RDOM RIN 'BYUNG 'DRA BA LA KHYAD PAR DU DRI'I DUNG PHOR 'DZIN PA SPROS, DRI DANG KHONG KHRO SBYANGS GCIG TU 'DUS RLUNG MTSAMS SU 'KHOD, RO RDO RJE MA 'OD DPAG MED 'BRAB LA KHYAD PAR RO SNOD 'DZIN PA SPROS, RO DANG LE LO SBYANGS GCIG TU 'DUS PA DBANG LDAN MTSAMS SU 'KHOD, REG BYA RDO RJE MA DON GRUB 'DRA BA LA KHYAD PAR RGYA DAR GYI GOS 'DZIN PA SPROS, REG DANG RNAM

, ,GA-YENGS SBYANGS GCIG TU 'DUS SHAR SGO'I NANG DU 'JUG PA'I GA-YAS NGOS SU 'KHOD, CHOS DBYINGS RDO RJE MA RDOR SEMS 'DRA BA LA KHYAD PAR CHOS 'BYUNG 'DZIN PA SPROS, SHES RAB 'CHAL BA SBYANGS GCIG TU 'DUS PA SHAR SGO'I GA-YON NGOS KYIS GDAN LA 'KHOD, DE DAG GI ZABS NI RIM PA BZHIN DU, SA'I SNYING PO DANG PHYAG RDOR DANG, NAM SNYING DANG 'JIG RTEN DBANG PHYUG DANG, SGRIB SEL DANG KUN TU BZANG PO'O, ,YA M'AN-Ti KRAT KYIS GSHIN RJE GSHED MTHAR BYED THUGS RDO RJE DANG 'DRA BA LA KHYAD PAR GA-YAS GNYIS PAS THO BA BSNAMS PA SPROS, MA DAD PA DANG PHUNG PO'I BDUD SBYANGS GCIG TU 'DUS PA SHAR SGOR SNA TSOGS PAD-MA DANG NYI MA'I GDAN LA GA-YON BRKYANG GI STABS KYIS 'KHOD, PRA DZNY'A NA KRiT KYIS SHES RAB MTHAR BYED RNAM SNANG DANG 'DRA BA LA KHYAD PAR GA-YAS GNYIS PAS DBYUG PA 'DZIN PA SPROS, LE LO DANG NYON MONGS PA'I BDUD SBYANGS GCIG TU 'DUS PA LHO SGOR 'KHOD, PAD-MAN TA RiT KYIS PAD-MA MTHAR BYED 'OD DPAG MED DANG 'DRA BA LA KHYAD PARGA-YAS GNYIS PAS PAD-MA 'DZIN PA SPROS, BRJED NGES DANG 'CHI BDAG GI BDUD SBYANGS GCIG TU 'DUS PA NUB SGOR 'KHOD, BI GHAN TA KRiT KYIS BDUD RTZI 'KHYIL PA MI BSKYOD PA DANG 'DRA BA LA KHYAD PAR GA-YAS GNYIS PA RDO RJE RGYA GRAM BSNAMS PA SPROS, RNAM GA-YENGS DANG LHA'I BU'I BDUD SBYANGS GCIG TU 'DUS PA BYANG SGOR 'KHOD, KHRO BO BZHI PO THAMS CAD 'JIGS PA'I 'OD ZER GYI PHYOGS BCUR 'PHRO ZHING, DUS MTHA'I SPRIN GYI MDOG LTA BU 'PHRO BA DRAG PO'I RIGS DPAG TU MED PA 'PHRO ZHING, DBU SKRA DMAR SER GYEN

DU BRJES PA, GSUS PA 'PHYANG BA, SPYAN DMAR ZHING ZLUM PA, SMIN MA DANG SMAR DMAR SER 'BAR BA, STAG GI PAGS PA'I SHAM THABS CAN, KLU RGYAL MTHA' YAS SNGON POS DBU BRGYAN 'JOG PO DMAR PO'I SNYAN CHA, PAD-MA DKAR PO CHEN PO'I DO SHAL, STOBS RGYU LJANG GUS MCHOD PHYIR THOGS PA, RIGS LDAN KHRA BOS DPUNG PA BRGYAN PA, DUNG SKYONG SER POS LAG GDUB, NOR RGYAS DKAR SER GYI SKA RAGS, PAD-MA DKAR POS RKANG GDUB BYAS PA, ZHAL MCHE BA GTZIGS PA, LJAGS BSKYOD CING 'JIGS SU RUNG BA'O, ,RTZA PHYAG DANG PO GNYIS KYIS RANG 'DRA'I SHES RAB MA RIM PA BZHIN DU RO LANGS MA DANG, GZHAN GYIS MI THUB MA DANG, KHRO GNYER MA DANG, RAL GCIG MA RNAMS KYIS 'KHYUD PA'O, ,DE NAS YI GE GSUM GYIS GZHAL YAS KHANG PHYUNGS, PHYOGS BCUR SPROS SNOD KYI NYES SKYON SBYANGS, YE SHES KYI GZHAL YAS KHANG DANG GCIG TU 'DRES NAS, SNGAR GYI DAM TSIG PA'I GZHAL YAS KHANG LA THIM PAR BSAM MO, ,DE LTAR YONGS SU RDZOGS PA'I ZHES SOGS TE, SNGAR BSKYED PA'I DAM TSIG GI DKYIL 'KHOR GYI KHA DOG DANG, ZHAL PHYAG LA SOGS PA'I DNGOS PO THAMS CAD KYIS YONGS SU RDZOGS PA'I DKYIL 'KHOR LA YID KYIS BLTAS NAS YE SHES SEMS DPA'I SNYING PO LAS SPROS PA'I 'OD ZER GYIS LCAGS KYUS DE BZHIN GSHEGS PA RNAMS RANG GNAS NAS SPRAN DRANGS NAS MDUN DU BZHUGS PAR BSGOM PAR BYA'O, ,YE SHES PA DE NYID THABS DANG SHES RAB TU SNYOMS PAR 'JUG PA'I TING NGE 'DZIN LAS BYUNG BA'I BDE BA CHEN POS GANG BAR BSAM MO, ,DE NAS RANG GI THUGS KA NAS SPROS PA'I GSHIN RJE MTHAR BYED LA SOGS PAS YE SHES PAR

, ,MOS PA'I PHYI 'BRANG GI BGEGS TSAR BCAS CING, SLAR YANG BSRUNG BAR BYAS LA YE SHES SEMS DPA'I RANG GI SNYING PO BZLAS PA'I MCHOD YON GYIS MCHED DE, DE NAS DZA: DMAR PO LAS 'OD ZER DMAR PO NYE BAR SPYAN DRANGS, ,H'Um NAG PO LAS SPROS PA'I 'OD ZER NAG POS, RTEN BRTEN PA YONGS SU RDZOGS PA LA, DAM TSIG PA BCUG ,BAm SER PO LAS 'OD 'PHROS PA'I 'OD ZER SER POS DBYER MED DU 'DRES PAR BSAM, HO: DKAR PO LAS BYUNG BA'I 'OD ZER DKAR POS DBANG DU BYAS PAR BSAM PA NI, BSNYEN PA'I YAN LAG CHEN PO'O, ,DE NAS SNGAR LTAR SEMS DPA' DRUG GIS 'KHOR THAMS CAD KYIS SKYE MCHED BYIN GYIS BRLAB PA NI NYE BSGRUB CHEN PO'O, ,SKU GSUNGS THUGS BYIN GYIS BRLAB PA'I SNGAGS TZAM DAG TU BRJOD NAS YE SHES GSUM GYIS BYIN GYIS BRLABS PA NI SGRUB PA'I YAN LAG CHEN PO'O, ,DE NAS RANG LA BYAS PA LTAR DU DBANG BSKUR ZHING ZHES TE, DBANG LHA SPYAN DRANGS MCHOD BSTOD SOGS BYAS DBANG BSKUR BAS DE BZHIN GSHEGS PA BZHI LA MI BSKYOD PA, SPYAN MA GZUGS RDO RJE MA GSHIN RJE GSHED RNAMS LA RNAM SNANG DANG, M'A MA K'I SGRA RDO RJE MA CHOS DBYINGS RDO RJE MA SHES RAB MTHAR BYED LA MI BSKYOD PA DANG, GOS DKAR MO DRI RDO RJE MA, PAD-MA MTHAR BYED LA 'OD DPAG MED, SGROL MA RO RDO RJE, REG BYA RDOMS? DAG GAS MTHAR BYED LA DON YOD GRUB PAS RGYAS GDAB PA NI SGRUB PA'I YAN LAG CHEN PA'O, ,DE DAG NI 'BRAS BA BZHI YANG CHEN PO'O, ,DNGOS PO THAMS CAD ZHES PA DPAL 'BRAS RDO RJES BSNYEN SGRUB YAN LAG BZHI GA TSANG BA LA SBYAR BA MA YIN TE,

DNGUNG BSNYEN PA'I YAN LAG MA RDZOGS PA'I PHYIR RO, ,DE NAS MCHOD PA DANG BSTOD PA DANG BDUD RTZI MYANG BA LA MCHOD PA NI, CHO GA YIS ZHES SOGS TE, SPYIR MCHOD PA LA GSANG BA DANG SBYANG BA DANG BSKYED PA DANG, BYIN GYIS BRLAB PA BZHI'I SGO NAS 'BYUNG LA, 'DIR NI YE SHES SEMS DPA' RANG GI SA BON GYIS GZUGS SOGS YUL THAMS CAD DRANGS SHING BKUG NAS RANG GI ZHAL NAS ZHUGS TE RDO RJE'I LAM NAS YUM GYI PAD-MA'I NANG DU YANG DAG PA'I BYANG CHUB KYI YID DE, SEMS KYI RANG BZHIN DU ZHU NAS DE NYID 'OD KYI DKYIL 'KHOR GYI TSOGS SU GYUR PAR BSGOM MO, ,DE NAS YUM SHES RAB MA'I BA SPU'I SGO RE RE NAS 'OD ZER SNA TSOGS PA NAM MKHA' MA LUS PA KHYAB PA SPROS NAS 'OD KYI SGO DE RNAMS LAS LHA MO DE DAG NGES PAR PHYUNG ZHING SPRO BAR BYA'O, ,JI LTA BU ZHE NA, RIN PO CHE'I RNA RGYAN GYI LEGS PAR BRGYAN PA'I RDO RJE MA DRUG RANG GI THUN MONG MIN PA'I PHYAG MTSAN GYIS MTSAN PA SGEG PA'I RNAM PA CAN NAM MKHA' KHYAB PA SPRO BAR BYA'O, ,LHA MO DE DAG RANG BZHIN MED BZHIN DU RNAM PA DER SNANG BA'I SGYU MA LTA BU DRAN PAR BYA ZHING, 'JIG RTEN PA JI LTA BA MCHOD PA'I TSUL LA MKHAS PA'I LHA MO RTOG PA KUN LAS GROL BA ZAG PA MED PA'I BDE BA BSKYED PA'I RGYU GYUR PA 'DOD YON LNGA DANG NYER SPYOD LA SOGS PAS RGYAL BA'I DBANG PO LEGS PAR MCHOD DO, ,DE'I TSE RNAL 'BYOR PA RANG GI MCHOD BYA MCHOD BYED MCHOD PA GSUM THA DAD DU RNAM PAR RTOG PA LAS GROL BAR BYED DO, ,DA LA NGA RGYAL BZHAG PA NI AOm ZHES TE, DE BZHIN GSHEGS PA THAMS CAD KYI MCHOD PA RDO RJE'I RANG BZHIN NGA YIN NO, ,ZHES PA'O, ,MCHOD LTA RANG RANG GI SA BON LAS YUM GYI MNGAL DU BSKYED PA NI RTZA

, ,BA'I DGONGS PA MIN NO, ,GNYIS PA BSTOD PA NI SGRA'I YUL RNAMS ZHES SOGS TE, MCHOD PA PHUL BA'I RJES DE LA SGRA THAMS CAD STONG PA'I NGO BO DANG SNANG LA RANG BZHIN MED PA BRAG CAD DANG 'DRA BAR RTOGS LA RANG NYID LHAG PA'I LHA'I DKYIL 'KHOR GNAS PA LA, THUGS KA'I MAm YI LAS SPROS PA'I RIGS LNGAS BSTOD LA BYED PAR BSAM PAR BYA'O, ,MI BSKYOD PA'I SGO NAS BSTOD PA NI, BDUD DANG NYON MONGS PAS SGUL MI NUS PAS MI BSKYOD PA MI PHYED PAS RDO RJE, CHOS DBYINGS YE SHES KYI BDAG NYID RDO RJE DBYINGS TE RIGS YE SHES CHEN PO DANG LDAN PA SKU RDO RJE LA SOGS PA'I RIGS KYI DKYIL 'KHOR GSUM GYI BDAG NYID DBYER MED PA STON PA'I GSANG BA'I DBYANGS LA PHYAG 'TSAL LO, ,ZHES PA'O, ,RNAM SNANG GA SGO NAS BSTOD PA NI, DRI MAS DAG CING YUL SNANG BAR MDZAD PA'I ME LONG LTA BU'I YE SHES NYER 'TSE ZHI BA DANG ZHI BA'I LAS BSGRUB PA LA MNGA' BRNYES PA RANG BZHIN 'OD GSAL STON PA ZHES SO, ,RIN 'BYUNG GI SGO NAS BSTOD PA NI, BYANG CHUB KYI SEMS RIN PO CHE DON PHUN SUM TSOGS PAS RGYAL BA SHIN TU ZAB MO RDO RJE MKHA' 'DRA NI MNYAM PA NYID KYI YE SHES DAG PA NI RANG BZHIN RNAM DAG DANG GOS PA MED PAS GLO BUR RNAM DAG GO ,'OD DPAG MED KYI SGO NAS BSTOD PA NI, RDO RJE MI 'CHI BA NA TSE DPAG MED DO, ,TSOGS GNYIS YI DPAL DANG LDAN PA'I RGYAL PO GZUNG 'DZIN DU MI RTOG PA DANG, NAM MKHA' RDO RJE 'DZIN PA NI SO SOR RTOG PA'I YE SHES SO, ,'DOD CHAGS RNAM PAR DAG PA BRNYES PA NI 'DOD CHAGS PHAR PHYIN NO, ,DON GRUB KYI SGO NAS BSTOD PA NI, NGES PAR 'BRAS BU DANG BCAS PAS DON YOD RDO RJE BSAM PA THAMS CAD RDZOGS

PAR MDZAD PA NI, BYA GRUB YE SHES TE DE NYID RANG BZHIN 'OD GSAL LAS BYUNG BA'O, ,DNGOS SU RIGS LNGA DANG YE SHES LNGA'I SGO NAS BSTOD PA LAS MA GSUNGS KYANG 'KHOR GYI LHA THAMS CAD GTZO BO'I CHA SHAS SU DRAN PAR BYAS NA KUN LA BSTOD PAR 'GYUR BAS SO, ,GSUM PA BDUD RTZI MYANG BA NI 'BAR BA'I ZHES SOGS TE YAm LAS RLUNG GI DKYIL 'KHOR GZHU'I DBYIBS CAN GA-YO BA'I BA DAN GYIS MTSAN PA, DE'I STENG DU RAm LAS ME'I DKYIL 'KHOR DMAR PO GRU GSUM 'BAR BAS MTSAN PA, DE'I STENG DU AA LAS MI MGO'I SKYED BU GSUM GYI STENG DU, AA LAS BYUNG BA'I THED PA'I NANG DU ZLA BA LA GNAS PA'I DBUS NAS GA-YAS SKOR DU, DRI CHU DRI CHEN RAK-TA BYANG SEMS DKAR BA SHA CHAN? RIGS LNGA'I SA BON GYIS MTSAN PA BSAM LA, DE NAS RANG GI SNYING GA'I SA BON LAS 'OD 'PHROS PAS RLUNG GA-YAS ME 'BAR THOD PA'I RDZAS RNAMS ZHU BA LA, YI GE GSUM BZLAS PAS THUB PA'I DBANG PO DPAG TU MED PA SPYAN DRANGS NAS DE'I NANG DU CHUD CING ZHU BAS, YE SHES KYI BDUD RTZI'I NGO BOR GYUR, DE NAS RANG GI LCE H'Um LAS RDO RJE RTZE LNGA PA H'Um GYIS MTSAN PA DBUS MAS PU GU CAN LAS, 'OD ZER 'PHROS NAS MYANGS PAS SNYING GAR ZLA BA'I DBUS SU DKYIL 'KHOR GYI 'KHOR LO MA LUS PA BSKYED LA TSIMS PAR BSAM PAR BYA'O, ,SPYIR GTOR MA'I BSKYED CHO LA SNOD GANG YIN THOD PHOR DU BSKYED, NANG GI RDZAS GANG YIN SHA LNGA BDUD RTZI LNGAR BSKYED PA YIN TE, DE LA SHA LNGA RKYANG PA BSKYED PA DANG, BDUD RTZI

, ,LNGA RKYANG PA DANG, GNYIS KA TSANG MA DANG BSKYED TSUL DU MA BYUNG BA LA 'DIR NI SMAN ZHABS KYIS BDUD RTZI LNGA BSKYED NAS LNGA PA SHA CHEN DU MDZAD DO, ,BSKYED PA'I GNAS NI PHYOGS MTSAMS BRGYAD DANG DBUS YIN LA, DBUS SU SHA LNGA DANG BDUD RTZI LNGA SO SO BSKYED PA DANG, THUN MONG DU BSKYED PA'I LUGS GNYIS 'BYUNG NGO, ,SHA PHYOGS DANG BDUD RTZI MTSAMS SU BSKYED PA BSHAD PA MANG LA, DE LAS LDOG PA YANG BSHAD CING, PHYOGS RKYANG BAR GNYIS KA BRTZAGS NAS BSKYED PA'ANG BSHAD DO, , BSKYED PA'I RGYU MTSAN NI SHA RIGS LNGA'I SA BON DANG, BDUD RTZI YUM BZHI'I SA BON LAS BSKYED PA DANG, DA LAS LDOG PA DANG MING YIG DANG PO LA BSKYED PA'ANG BSHAD LA, DE NYID LAS BSKYED NA RIGS LNGA DANG YUM GYI SA BON GYIS MTSAN PA RIGS KYI, SNGA MAS MTSAN PAR MI RIGS SO, ,RIGS LNGA DANG YUM BZHI'I SA BON LAS BSKYED NA MING YIG DANG PO LAS MTSAN PA'ANG RUNG LA, DRI RO REG BYA'I SKYON DAG BYED KYI YI GE BSKYED TSUL SOGS KYANG DU MA BSHAD DO, ,GSUM PA LAS RGYAL MCHOG LA THIG LE'I RNAL 'BYOR DANG, PHRA MO'I RNAL 'BYOR RO, ,DANG PO LA MDOR BSTAN DANG, STONG NYID BSGOM TSUL DANG, RGYAS PAR BSHAD PA'O, ,DANG PO NI SNYING PO'I 'OD ZER ZHES TE, RANG GI SNYING GA'I SA BON MI YIG DMAR SER GYI 'OD ZER LAS THUB PA'I TSOGS DPAG TU MED PA SPRUL 'GRO BA MA LUS PA NYES PA SLAR MI SKYE BA'I CHOS CAN DU GSAL BAR MOS NAS SANGS RGYAS LA BKOD, SLAR BSDUS NAS RANG GI SNYING GA'I SA BON GYI NANG DU CHUD PAR BSAMS LA RTZE GCIG TU MNYAM PAR BZHAG GO, SPYIR BSKYED RIM BSGRUB PA LA GSAL CHA DANG, GNAS CHA BSGRUB

TSUL GNYIS LAS SNGA MA NI SNGAR BSHAD PA'I LHA'I 'KHOR LO YANG DANG YANG DU BSGOM PA LAS YIN LA, PHYI MA NI PHRA MO DANG THIG LE'I RNAL 'BYOR GYIS BSGRUB PA YIN NO, ,GNYIS PA GZUNG 'DZIN RDZAS THA DAD SPYIR DGAG PA DANG, BYE BRAG TU DGAG PA DANG, DE SGRUB PA'I DON TO, ,DANG PO NI GZUGS LA SOGS PA ZHES TO, GZUGS SOGS NI MNGON SUM GYIS GZUNG DON MA YIN TE, MNGON SUM LA RANG 'DRA'I RNAM PA GTOD PA'I NUS PA DANG RNAM PA'I PHYIR DES NA 'DZIN PA DE YANG MNGON SUM LA 'KHRUL BAR MI RUNG STE, DE LTAR TSANG MA GANG GIS KYANG MTHONG BAR MI NUS PA'I PHYIR, DES NA 'DZIN PA MA 'KHRUL PA DANG, GZUNG BA PHYI ROL GYIS BSDUS PA RNAMS KYANG CUNG ZAD MED DO, ,RJES DPAG GIS MI 'GRIB PA NI, 'BRAS BU RNAMS SEMS LDOG PA'I RTAGS LAS KYANG PHYI ROL GYIS DON YOD PAR MI 'GRUB STE, PHYI ROL DON DANG SHES PA BDAG GCIG DANG DE BYUNG GI 'BREL PA GANG DU YANG MTHONG BA MED PA'I PHYIR, BDE BA LA SOGS PAS KYANG PHYI ROL YONGS SU 'DZIN PA MA YIN TE, GZUGS SOGS DANG SHES PA DUS CIG CAR DU MNGON SUM GYIS GSAL BAR SHES PA'I PHYIR, ,TSOGS PA GCIG PA'I GZUGS SOGS BZHI NI RIGS PA DES SHES PA LA LTOS PA'I 'DZIN PA PO MA 'KHRUL PA MED DO, ,GNYIS PA NI DKAR LA SOGS TE, DKAR SOGS SNANG BA'I SHES PA'I RGYUN YANG GCIG TU BDEN PA MA YIN TE, SNGAR MTHONG BA'I DKAR SOGS DE NYID PHYIS DUS GZHAN DU MTHONG BAR MA GYUR PA'I PHYIR TE, GZHI GCIG LA SNGAR YOD PA DE NYID PHYIS YOD PA 'GAL BA'I PHYIR RO, ,DPER NA BDE SDUG DANG MTSUNGS SO, ,GZUGS LA SOGS PA NI RIGS PA

, ,YAN LAG CAN GCIG TU BDEN PA MA YIN TE, THOG MTHA' DE STENG 'OG BAR GSUM GYI CHA DU MA DANG BCAS PAR MNGON SUM LA SNANG BA'I PHYIR, RDUL PHRAN CHA MED DU MA BSAGS PA'I RGYUN YANG BDEN PAR MA GRUB STE, CHA BCAS KHO NAR SNANG GI PHRA RABS RNAMS MNGON SUM LA SNANG BA MA YIN PA'I PHYIR, RDUL PHRAN CHA MED MI SRID PAR THAL, PHRA RAB DU MA 'DUS PA'I PHYOGS GCIG GIS PHRAD NA CHA BCAS SU 'GYUR LA, CHA THAMS CAD KYIS PHRAD NA RDUL THAMS CAD GOS GCIG TU THIM PAS SA'I DKYIL 'KHOR LA SOGS PA'I RDUL PHRAN BA SOGS PA 'GA' YANG MED DO, ,GSUM PA NI DE LAS TE, GZUNG 'DZIN BDEN PA BA DANG BRAL BA DRI ZA'I GRONG KHYER DANG MTSUNGS PA YIN LA, DE NYID DKYIL 'KHOR GYI 'KHOR LO'I RNAM PA CAN DU SHAR BAR BSGOM PAR BYA'O, ,SKABS 'DIR STONG NYID STON PA'I RGYU MTSAN LA, DPAL 'BRAS RDO RJES SPYIR STON PA MA GTOGS GONG 'OG DANG 'BRAL TSUL MI 'CHAD PA, THA GA NA'I BZHED PA NI, SNGAR THEG CHEN PA'I RNAL 'BYOR MDOR BSTAN DU BSHAD PA LTAR SEMS CAN THAMS CAD SANGS RGYAS SU BKOD PA YI GE GCIG GIS NANG DU CHUD PAR MI RIGS TE, GZUGS BRNYAN RGYA CHE BA CHUNG BA'I NANG DU CHUD PAR MI RIGS SO SNYAM DU DOGS PA LA, PHYI ROL DON GYIS STONG PA'I SEMS KYI SNANG BA TZAM DU ZAD PAS 'GAL BA MED PA'I LAN DU 'CHAD LA, 'OG NAS 'CHAD PA'I LHA'I RNAM DAG 'CHAD PA LA 'BREL BAR BYAS KYANG MI RUNG BA MED DO, ,SPYIR BSKYED RIM SGOM PA'I SKABS SU STONG NYID SGOM PA'I TSUL LEGS PAR MA SHES NA, LAM 'DI SRID PA'I DNGOS KYI MNYEN PO BSGOM PA MIN PAR 'GYUR

RO, ,'KHOR 'DAS KYI RNAM DBYE MI 'THAD PA'I RTZOD PA SPANG BA NI, BDAG DANG BDAG GI ZHES PA NAS DES NA RNAM PAR DBYE BA THAMS CAD MIN ZHES PA'I BAR RO, ,GZUNG 'DZIN BDEN PA MED NA 'KHOR BA DANG MYA NGAN LAS 'DAS PA'I DBYE BA MI 'THAD PAR 'GYUR RO, ZHE NA, BDAG DANG BDAG GIR 'DZIN PA'I RNAM PAR RTOG PA 'BRAS BU DANG BCAS PA YIN LA, PHYIN CI LOG DE DAG DGAG CING BRAL BA NI MYA NGAN LAS 'DAS PAR SHES PAR BYA'O, ,DON DAM PAR NA SRID PA DANG ZHI BA LA DBYE BA CUNG ZAD MED DE RGYU MTSAN GANG GI PHYIR NA GZUNG 'DZIN BDEN PA BA DANG RTAG TU BRAL BAR 'GRUB PA'I PHYIR RO, ,DES NA SEMS LA RAB TU BRTAGS PA YIN TE, SEMS LAS GZHAN PA'I BDAG TU BRTAGS PA'I GZHI MED PA'I PHYIR TE, DON DU SNANG BA'I KUN RTOG LAS LOGS SU PHYI ROL GCIG KYANG MED PA'I PHYIR RO, ,DES NA GANG ZHIG SO SO SKYE BO RNAMS LA GZUGS SOGS SO SOR ZHUGS SHING SNANG BA DE NYID RANG BZHIN MTHA' DAG STONG PA LA SOGS PAR RTOGS PA RNAMS KYIS GZIGS PA NI DON DAM PA'I BDEN PA YIN NO, ,DE BAS NA BSKYED DOR GCIG TU RTOGS PA'I BLOS DON DAM DU KHYAD PAR 'GA' YANG MED PAR RTOG PAR BYA STE, YUL DU SDANG BA KUN RTOG PA'I GNAS SU GYUR PA RNAMS GZUNG 'DZIN BDEN PA BAR SBYOR BA DANG BRAL BAS DON DAM PAR DBYE BA THAMS CAD MED DO, ,DAG PA DRAN PA NI, DAD DANG ZHES SOGS TE, DAD PA LA SOGS PA'I STOBS DANG PO BZHI, RNAM PAR DAG PA NI GO RIMS BZHIN DU GSHIN RJE GSHED MTHAR BYED LA SOGS PA'I SGO BA BZHI YIN LA, GZUGS LA SOGS PA'I YUL DU SNANG BA DRUG RNAM PAR DAG PA NI GZUGS RDO RJE MA LA SOGS PA'I SHES RAB MA DRUG GI RNAM DAG YIN LA, MTSAN MA MED PA STONG PA LA SOGS PA'I KHAMS BZHI

, ,DANG, THABS DANG SMON LAM DANG STOBS DANG YE SHES KYI PHAR PHYIN RNAM PAR DAG PA RNAMS NI RIM PA BZHIN DU SPYAN SOGS BZHI YIN LA, MIG LA SOGS PA'I DBANG POS BSDUS PA SEMS CAN DU SNANG BA DANG, GZUGS SOGS DON DU SNANG BA'I KUN GZH'I GZUNG CHAS BSDUS PA, DRI MA MED PA NI ME LONG LTA BU'I YE SHES KYI DON TO, ,BDAG TU SNANG BA NYON YID RNAM PAR DAG PA NI MNYAM NYID YE SHES TE, DE GNYIS NI RIM PA BZHIN DU RNAM SNANG DANG RIN 'BYUNG DANG, DRUG PA YID KYI RNAM RTOG RNAM PAR DAG PA NI SO SOR RTOG PA'I YE SHES TE, 'OD DPAG MED DANG, 'JUG SHAS LNGA DAG PA NI BYA GRUB YE SHES TE, DON GRUB BO, ,DE THAMS CAD KYI DE BZHIN NYID RNAM PAR DAG PA NI CHOS DBYINGS YE SHES TE MI BSKYOD PA'O, ,GZUGS LA SOGS PA'I ZAG BCAS KYI PHUNG PO LA 'KHRUL PA DANG BRAL BA NI SANGS RGYAS KYI ZAG PA MED PA'I PHUNG POR 'GYUR LA, SER SNA LA SOGS RNAM PAR DAG PA NI, ,DKAR CHOS KYI RANG BZHIN PHA ROL TU PHYIN PA BCU'O, ,RNAM RTOG MED BZHIN DU DON GNYIS 'BYUNG BA'I RGYUR GYUR PA'I SHES RAB DANG THABS KYIS BSDUS PA'I ZAB PA LA DMIGS PA STONG PA NYID RTOGS PA'I YE SHES DANG, RGYA CHE BA DKYIL 'KHOR GYI 'KHOR LO BSDUS PA YE SHES KYI SNANG BA TZAM YIN LA, DAM PA'I DON DU GCIG THA DAD KYI DBYE BA CUNG ZAD KYANG MI 'DOD DE, GZUNG 'DZIN BDEN PA BA LAS LDOG PA'I PHYIR DANG, BYE BRAG SNA TSOGS SU DBYER MED PA'I PHYIR RO, ,GSUM PA RGYAS PAR BSHAD PA NI, DES NA SLOB DPON SH'AN-TE PAS BSHAD PA LTAR, LHA BSGOM KYI LHA'I DE KHO NA NYID MI SGOM NA, LAM DE SRID PA'I GNYEN PO MA YIN PAR 'GYUR BA

BA DANG, PHYI MA BSGOM GYI SNGA MA MI SGOM NA, PHA ROL TU PHYIN PA'I THEG PA LAS KHYAD PAR DU 'PHAGS PAR MI 'GYUR BAS SEMS DANG PO'I DE KHO NA NYID RTOGS PA'I YE SHES DE NYID GZUNG CHA LHA'I 'KHOR LO'I RNAM PA CAN DU SHAR BAR BSGOM PAR BYA BA YIN NO, ,DE LTAR BDEN PA MED PAR RANG DANG 'DRA BA'I YE SHES SEMS DPA'I THUGS KA'I RAL GRI 'CHAD BZUNGS LA, ZLA BA LA GNAS PA'I MAm YIG DE NYID THIG LE YUNGS 'BRU'I TSAD TZAM 'OD ZER SNA TSOGS 'PHRO BA RIMS KYIS SPROS NAS, SKU GSUNG THUGS RDO RJE'I LHA GNAS DANG BCAS PA GSAL BAR BYAS NAS, SLAR YANG THIG LE NYID LA THIM PAR GYUR PA LA, SEMS GZUNG ZHING DE LA YE SHES KYI BDUD RTZI 'BAB PAR BSAM PAR BYA'O, ,DE NAS YANG 'OD 'PHROS NAS RANG DAM TSIG PA DANG BCAS PA'I GNAS BRTAN PA DANG BCAS PAR GSAL BAR BYAS NAS, DE NAS BA SPU'I BU GA RE RE NAS 'OD ZER SPROS NAS NAM MKHA' THAMS CAD KHYAB PAR BYAS, SEMS CAN THAMS CAD SANGS RGYAS LA BKOD SLAR YANG THIG LE LA BSDUS NAS SEMS GZUNG BAR BYA'O, ,PHYAG MTSAN PHRA MO BSGOM PA NI, YANG NA RANG GI MTSAN PA ZHES SOGS TE, RANG GI YE SHES SEMS DPA'I THUGS KA'I SA BON LAS 'OD ZER 'PHROS SANGS RGYAS RNAMS SPYAN DRANGS, RANG GI ZHAL DU ZHUGS NAS ZHU BA YUM GYI GSANG BA'I SNA RTZER THIG LE YUNGS 'BRU TZAM DU GYUR PA'I NANG DU CHOS 'BYUNG YANG CHAD KYI RTEN BRTEN PA YONGS SU RDZOGS PA BSNYEN SGRUB YAN LAG BZHI CHUNG NGU 'BRING CHEN PO GSUM GYI SGO NAS BSKYED PAR BYA'O, ,RGYU RDO RJE 'DZIN PA'I SKABS SU SPRO BSDU GZHAN MI DGOS LA NAM MKHA'I BAR SRID YAB KYI ZHAL NAS ZHUGS PA'I

, ,YAB YUM ZHU BA'I THIG LE GNYIS SU GYUR, DE GTZO BO'I PHYAG MTSAN GNYIS SU GYUR PA LAS BSKYED PA'I TSIG GI, ZHU BA GLUS BSKUL BA YANG MI DGOS SO, ,DE BZHIN DU THIG LE'I NANG DU LHA BSKYED PA DANG, BZLAS PA'I SKABS SU BSKYED PA LA YANG SHES PAR BYA'O, ,PHRA MO'I RNAL 'BYOR BSGOMS NAS MTSAN MA BRTAN PO MTHONG BA DANG, SPRO BSDU LA BSLAB PAR BYA'O, ,DE NAS BZLAS PA BYA BA NI, YANG NA BZLAS PA ZHES SOGS TE, RANG GI SEMS NYID RTEN BRTEN PA'I DKYIL 'KHOR DU SNANG BAR SHES PAR BYAS NAS DBUGS 'BYUNG 'JUG GI SROG RTZOL HA CANG BSDAMS PA MA YIN PAR, GTZO BO LA SOGS PA'I 'BYIN SNGAGS YI GE GSUM GYI BAR DU CHUD PA 'OD ZER SNA TSOGS 'PHRO BA GSAL BAR BZLAS PAR BYA'O, ,SKU RDO RJE LA SOGS PA'I RIGS GANG YIN DE NYID KYIS DKYIL 'KHOR RGYAL MCHOG GI GTZO BO BYAS NAS SPRO BSDU BYA'O, ,DE YANG NAM MKHA'I KHAMS KUN KHYAB PAR SPRO ZHING, SNGA MA RAGS PA'I DKYIL 'KHOR RGYAL MCHOG GI SKABS BZHIN DU MCHOD BSTOD BDUD RTZI MYANG BA'I BAR DU BYA'O, ,MCHOD PA NI, RANG GI BA SPU'I BU GA NAS GZUGS SOGS ZHU BA'I MCHOD LHA RNAMS SPROS NAS MCHOD PAR BYA'O, , THIG LE DANG PHRA MO'I NANG DU RTEN BRTEN PA YONGS RDZOGS BSGOM PAR MNGON RTOGS KYI SKABS 'DIR BSHAD KYANG, SGOM PA'I DUS NI, DKYIL 'KHOR LHA RAGS PA LA GSAL SNANG MA THOB TSUN CHAD LAS DANG PO BA'I SKABS DANG, DE THOB NAS SKYE MCHED BYIN RLABS KYI LHA SOGS LA GSAL SNANG MA THOB TSUN CHAD, YE SHES CUNG ZAD BABS PA'I SKABS SU BSGOM PA YIN GYI, LHA DE DAG LA GSAL SNANG BRTAN PO THEB PA'I YIS LA CUNG ZAD DBANG THOB PA'I SKABS SU BSGOM PA MA YIN NO, ,DE NAS PHYOGS BCU'I GZUGS LA SOGS PA BKUG NAS, RANG GI ZHAL NAS ZHUGS RDO RJE'I LAM NAS YU GYI

ZHU BA YUM GYI LUS LAS GZUGS RDO RJE MA LA SOGS SPROS NAS MCHOD PAR BYA'O, ,DE NAS GSANG BA'I MCHOD PA BYAS NAS DKYIL 'KHOR PA'I LHA RNAMS RANG GI LUS LA GZHUG PAR BYA'O, ,SNGAR BSHAD PA'I THIG LE LA PHYAG MTSAN PHRA MO SPRO BA'I DUS SU NI, DU BA LA SOGS PA'I RTAGS LNGA BRTAN PAR BYUNG BA NA, LHA LAS LHA GNYIS PA DANG, PHYAG MTSAN LAS PHYAG MTSAN GNYIS PA SOGS RNAMS, NAM MKHA'I KHAMS KHYAB PAR SPRO BA DANG, SLAR YANG BSDU BA SOGS BYA'O, ,RTAGS 'DI DAG RGYAS PAR, RDZOGS RIM GYI SKABS SU 'BYUNG YANG SKABS 'DI NAS KYANG 'BYUNG BA YIN NO, ,BZLAS PAS SEMS DUB NA SKYOB BSAL BA NI, RANG GI SNYING PO ZHES SOGS TE, THUGS KA'I MAm YIG RTEN BRTEN PA'I DKYIL 'KHOR YONGS SU RDZOGS PA LA GSAL SNANG RNYED PA NI, DE NYID DES RTAGS TE, DE LTAR BSGOMS PAS SKYO ZHING DUB NA, ZHU BA GLUS BSKUL GYI SKABS SU BSHAD PA LTAR SPYAN MA SOGS KYIS GLU BLANGS PAS GTZO BO YAB YUM BSKUL NAS DKYIL 'KHOR GYI 'KHOR LOR MCHOD PAR BYA'O, ,LUS BRTAS PA'I CHO GA NI, SEMS BZANG PO'I ZHES SOGS TE, RANG GI SPYI BOR MTHO GANG TZAM GYIS 'PHAGS PAR ZLA BA'I STENG DU BDUD RTZI LNGA'I SA BON AA YIG DKAR PO 'OD ZER LNGA 'PHRO BA DANG BCAS PA, CHO GA BZHIN DU BSAMS NAS, DE LAS 'OD 'PHROS PAS DE BZHIN GSHEGS PA RNAMS KYI THUGS KA NAS YE SHES KYI BDUD RTZI BKUG NAS DE LA THIM ZHING, DE LAS 'BYUNG 'JUG GI 'OD ZER GYIS LCAGS KYUS BYANG CHUB KYI SEMS BZANG PO'I BDUD RTZI'I CHU RGYUN SPYAN DRANGS NAS, RANG GI SPYI BO NAS BRTZAMS TE, SKU RDO RJE LA SOGS LA DBAB PAS TSIMS PAR BYA

, ,STE SKYO BA BSAL BAR BYA'O, ,DE LTAR DU BA NA THUN PAR MA BTANG BA'I SKABS SU, NGAL BSOS NAS YANG SNGAR BSHAD PA'I SPRO BSDU'I CHOGS GSANG SNGAGS BZLAS PA BYA ZHING 'KHOR GSUM DU BDAN PAR MI RTOG PA'I SGO NAS KUN TU CHAGS PA MED PAR SGOM PAR BYA'O, ,GSUM PA THUN GYI MTHAR JI LTAR BYA BA NI, BSTOD DANG ZHES SOGS TE, SNGAR BSHAD PA'I RIGS LNGA'I BSTOD PA DANG, NYER SPYOD 'DOD YON LA SOGS PA'I MCHOD PA DANG, GSHEGS SU GSOL BA LA SNGAGS PAS 'BAD PAR BYA'O, , GSHEGS GSOL JI LTA BU ZHE NA, YE SHES PA RANG GNAS SU GSHEGS PA MA YIN GYI, SKU GSUNG THUGS KYI RIGS SU GYUR PA'I DKYIL 'KHOR PA'I LHA THAMS CAD RIM PA BZHIN DU, SPYI BO'I AOm DANG, MGRIN PA'I A'A: DANG, THUGS KA'I H'Um LA BSDUS NAS GSAL BAR BYA'O, ,DE LTAR ZAB GSAL GNYIS SU MED PA'I DE KHO NA MTHONG BA'I RNAL 'BYOR PAS, SEMS CAN THAMS CAD LA DMIGS NAS 'JAM PA'I RDO RJE'I GO 'PHANGS LA 'GOD PA'I SMON LAM DANG, BZANG PO SPYOD PA'I SMON LAM SOGS BYA'O, ,GNYIS PA THUN PAR DU JI LTAR BYA BA LA LONGS SPYOD DAG PA'I RNAL 'BYOR DANG, MA DAG PA'I RNAL 'BYOR DANG, DAM TSIG NYAMS NA JI LTAR BYA BA'I TSUL LO, ,DANG PO LA RNAM DAG DRAN PA DANG, KHA ZAS KYI RNAL 'BYOR DANG, SBYIN SREG GI CHO GA'O, ,DANG PO LA SO SO'I RNAM GZHAG NA, LANGS NAS ZHES TE, THA MAL PA'I RNAM RTOG DAG PA'I SGO NAS RANG GI SEMS LHA'I NGA RGYAL DANG LDAN PA'I SGO NAS, THUN DNGES GZHI BTANG BA'I GNAS SKABS SU, DBANG POS YUL MTHONG BA'I TSE YUL LNGA RDO RJE MA LNGA DANG, RIGS LNGA'I NGO BOR DRAN PAR BYAS NAS YUM GYIS

YAB LA MCHOD PAR BSAM PAR BYA'O, ,SPYI'I RNAM DAG NI, DPAL LDAN ZHES TE, 'JAM PA'I RDO RJE NYID YUL YUL CAN GYI RNAM PAR SHAR NAS YUM GYIS MCHOD PA 'BUL BAR BSAM PA NI MCHOD PA'I MCHOG GO ,GNYIS PA NI ZAS ZA BA'I TSE NAS ZHES TE, SNYING GAR ZLA BA LA RANG GI SNGAGS SAM GTZO BO'I SNGAGS KYIS DKYIL 'KHOR YONGS RDZOGS BSKYED NAS BYANG CHUB KYI SEMS KYI BDUD RTZI'I NGO BO 'OD SNA TSOGS DANG LDAN PAR BSAMS LA, YI GE GSUM GYIS KHA ZAS BYIN GYIS BRLABS SHING, SNGAR BSHAD PA LTAR LCE BYIN GYIS BRLABS NAS, STONG PA NYID KYI LTA BA DRAN BZHIN DU ZAS LA LONGS SPYAD PAS, SKU RDO RJE LA SOGS PA'I LHA RNAMS TSIMS PAR MOS PA BYA'O, ,GSUM PA NI, PHYI'I SBYIN SREG CES TE, SNYING GAR RAm LAS THABS BSKYED NAS, DE'I DBUS SU LHA RDZOGS PAR BSKYED NAS, LAG PA DGANG GZAR BLUGS GZAR DANG, KHA ZAS BSREG RDZAS SU BSKYED NAS SBYIN SREG 'BUL BA'I TSUL GYIS LONGS SPYAD PAR BYA'O, ,'OD SNYE NAS BSHAD PA LTAR, YIG KYI SBYIN SREG KYANG BYA ZHING, STONG NYID RTOGS PA'I YE SHES KYI MES PHUNG PO'I BUD SHING BSREG PAR BYED PA NI BLA NA MED PA'I SBYIN SREG GO ,DE LTAR 'DOD YON MA LUS PA LHAR DRAN PAR BYAS NAS BDAG NYID GZHAN DAG MCHOD PA'I TSE YANG LHAR BSKYED NAS MCHOD PA DE NI 'DA' BAR MI BYA BAS NA, DAM TSIG GI STE BDE GSHEGS RNAMS KYIS GNANG BA'O, ,GNYIS PA NI, RJES SU MTHUN PAR CHOS BSTAN PA'I LAS DANG, ME TOG LA SOGS PAS DE BZHIN GSHEGS PA MCHOD PA'I LUS NGAG GI LAS RNAMS SNGAR BSHAD PA LTAR MA YENGS PAR BYA'O, ,DE LTAR BYAS NA LUS KYI SGUL SKYOD GANG YIN PHYAG RGYA DANG, NGAG SMRA BRJOD GANG YIN SNGAGS SU 'GYUR

, ,BAR SANGS RGYAS RNAMS KYIS GSUNGS SO, ,DE'I RGYU MTSEN GANG GI PHYIR NA, SLOB DPON THA GA NAS DE BZHIN GSHEGS PA GANG RUNG GCIG LA YANG, RANG RANG GI BSAM PA'I DBANG GIS BDE SDUG DANG GROL BA SKYED MCHOD DU 'GYUR BA BZHIN ZHES ZER RO, ,SLOB DPON SH'AN-TE PAS DAD PA LTA BU GCIG KYANG GZHAN LA SDUG BSNGAL SKYED PA'I RGYU DANG, BDE BA BSKYED PA DANG, THAR PA'I RGYUR BSNGOS NAS DE LTAR 'GYUR BAS, SEMS LA RAGS LUS PAR GSUNGS SO, ,DE LTAR THA MAL GYI SNANG ZHEN MA LUS PA SPANGS NAS SEMS NAG PO'I LAS SU MI 'GYUR BAR BYA'O, ,DE LTAR BYAS NAS LAS DANG PO PA RNAMS KYANG LUNG MA BSTAN DU 'GYUR RGYU RNAMS DGE BAR BSGYUR NUS PA YIN NO, ,GSUM PA NI DAM TSIG GI ZHES TE, DAM TSIG NYAMS NA DON YOD GRUB PA'I RNAL 'BYOR PAR BYA'O, ,JI LTAR ZHE NA, DON YOD GRUB PAR GTZO BOR 'PHOS NAS DKYIL 'KHOR YONGS SU RDZOGS PAR BSKYED DO, ,GTZO BO'I THUGS KAR SNA TSOGS PAD-MA'I DBUS SU ZLA BA LA KHAm LAS SNA TSOGS RDO RJE KHAm GIS MTSAN PA LAS 'OD ZER 'PHROS DBANG LHA SPYAN DRANGS, LHA MO RNAMS KYIS DBANG BSKUR NAS STONG PA NYID DRAN BZHIN PA'I SGO NAS NYES PA DAG PAR MOS PA BYA'O, ,KHRUS BYED PA'I TSE YANG DBANG BSKUR BA'I TSUL LTAR BYA'O, ,GNYIS PA THUN GZHAN LA JI LTAR BYA BA'I TSUL NI THUN MTSAMS SU YANG ZHES TE SNGAR BSHAD PA LTAR THUN GZHAN RNAMS LA YANG TSEGS ZHING MCHOD PA NAS BZLAS BRJOD LA SOGS PA'I BAR SNGAR BZHIN DU YONGS SU RDZOGS PAR BYA'O, ,GAL TE BREL NA THUN GZHAN GSUM LA GZHAL YAS KHANG DANG GTZO BO DKRONGS BSKYED BYAS NAS THUGS GNAS DKYIL 'KHOR RGYAL

MCHOG GI LHA RNAMS SPROS NAS, SKYE MCHED BYIN GYIS BRLABS PA LA SOGS PAR BYAS PAS KYANG RUNG NGO, ,NYAL BA'I TSE NA RANG GI SNYING GA'I NANG DU DKYIL 'KHOR GYI 'KHOR LO CHUD PAR BYAS LA, THABS SHES GNYIS DANG LDAN PAR NYAL ZHING, SANG LDANG BA'I DUS SU LHA MO RNAMS KYIS, SEMS CAN KHAMS NA GNAS KYI ZHES SOGS TE, GLUS BSKUL NAS LDANG BAR MOS PA BYA'O, ,BSNYEN PA NYIN ZHAG GZHAN LA JI LTAR BYA BA NI THUB PAS ZHES TE, RNAL 'BYOR PA RANG GI BZLAS BRJOD LA SOGS PA MTHAR THUG PA'I BAR NYIN ZHAG SNGA MA LA JI LTAR BYA BA'I CHO GA BZHIN DU BYA'O, ,GNYIS PA SKYES NAS DNGOS GRUB BSGRUB CING BGEGS BZLOG PA'I TSUL NI, DNGOS GRUB CES TE, DE LTAR BSKYED RIM LEGS PAR BSGOMS NAS RMI LAM LA SOGS PA MTSAN MA RGYUD LAS BSHAD PA LTAR MTHONG NAS SKU RDO RJE LA SOGS PA GSUM MCHOD NAS, RANG GI SEMS SNGAR BSHAD PA LTAR, DKYIL 'KHOR GYI 'KHOR LOR GNAS SHING, MDUN DU YANG DKYIL 'KHOR BRIS NAS, ZHI SOGS KYI DNGOS GRUB BSGRUB PAR BYA'O, ,DE LTA BU'I SKYED PA'I TSE ZHU BA GLUS BSKUL LA SOGS PA MI DOGS SO, ,DE LTA BU'I TSE 'JAM RDOR DE'I THUGS KAR BZHUGS SU GSOL, ,DBUS SU GTZO BO GANG 'PHOS PA'I DKYIL 'KHOR DER LHA DE'I 'KHOR LO ZHES BYA'O, ,GSUM PA LAM DE GZHAN PAS KHYAD PAR DU 'PHAGS PAR BSGRUB PA NI, THA MAL RNAM RTOG CES SOGS TE, LAM 'DI LA SRID PA'I GNYEN PO BSGOM PA MED PA MIN TE, RNAM RTOG THA MAL PA, BDAG DANG BDAG GI BAR 'DZIN PA LAS RGYU 'BRAS GZHAN PA'I 'KHOR BA GZHAN MED LA, RNAM RTOG DE DANG BDAG MED RTOGS PA'I SHES RAB GNYIS, 'DZIN STANGS 'GAL

, ,BAR MNGON SUM DU RTOGS PA'I PHYIR RO, ,DE'I RGYU MTSAN NI, ZAB PA BDAG MED PA RTOGS MED PA'I GZUNG CHA, RGYA CHE BA LHA'I RNAM PA CAN DU SHAR BA'I BLO DE NYID YOD PA'I TSE DE'I GNOD BYA PHYIN CI LOG GI KUN RTOG DE DAG MI SNANG BA'I PHYIR RO, ,DE LTAR NA NAM MKHA'I MTHA' YAS SKYE MCHED KYIS KYANG BDAG MED RTOGS PA LA GNOD PAR 'GYUR TE, DE GNYIS LHAN CIG TU MED PA'I PHYIR RO ZHE NA, DE GNYIS NI 'DZIN STANGS 'GAL BAS MA YIN GYI, BDAG MED PA'I DON LA BLO KHA MA PHYOGS PAS LHAN CIG TU MI GNAS PA YIN NO, ,SEMS LAS GZHAN PA'I PHYI ROL GYI DON MED PAR NI, SNGAR SGRUB ZIN PAS RANG GI SEMS 'KHOR LO'I RNAM PA CAN DU SHAR BA LAS, GZHAN MED PA MI 'GAL LO, ,GNYEN PO GANG ZHIG GIS SPANG BYA GANG DANG GNOD BYA GNOD BYED LAN CIG MTHONG BA DE LA NI, GNYEN PO GOMS PAR BYAS PA LAS GONG NAS GONG DU 'PHEL ZHING GOMS PA MTHAR THUG PA NA, SPANG BYA ZAD PA MTHONG BA DANG, BDAG MED RTOGS PA'I SHES RAB BSGOM PA, PHA ROL TU PHYIN PA'I THEG PA LA'ANG YOD PAS LAM 'DI DE LAS KHYAD PAR DU 'PHAGS PAR JI LTAR 'GRUB CI NA, DE LA SBYIN SOGS THABS KYIS BRGYAN PA'I SGO NAS BDAG MED BSGOM PA YOD KYANG, GZUGS SKU DANG RNAM PA RJES SU MTHUN PA'I LAM BSGOM PA MED PAS, THA MAL PA'I SNANG ZHEN LAS LDOG PAR MI 'GYUR BAS, PHAR PHYIN THEG PA 'DIR BDAG MED BSGOM PA YOD KYANG, THA MAL PA'I SNANG ZHAN DANG MI MTHUN PA'I LAM BSGOM PAR 'GYUR BA MA YIN NO, ,GSUM PA DES NA LAM DE NGES PAR SGOM DGOS PAR GDAMS PA NI, DE LTAR ZHES SOGS TE, DE LTAR YUL DUS TSAD CAN 'JOMS PA'I GNYEN PO, ,

ZAB GSAL GNYIS SU MED PA'I YE SHES LAM 'DI LA YOD PAR RTOGS NAS SNYING RJE CHEN PO DANG LDAN PA DAG ,GNYIS SU MED PA'I YE SHES TSE 'DI LA SKAD CIG GIS BSGRUB NUS PA'I KUN TU BZANG PO'I SGRUB THABS 'DI NGES PAR BSGOM PAR BYA'O YUL DUS TSAD CAN 'DZOMS PA'I TSUL NI, DKYIL CHO KHOR BZHI BRGYA LNGA BCU PA RTZA 'GREL LAS RTOGS PAR BYA'O, ,GSUM PA BSHAD PA MTHAR PHYIN PA'I BYA BA LA, KHENGS SKYUNG BA NI DRI MED CES TE, DRI MA MED PA'I BLO'I 'OD ZER GYIS, MA RIG PA'I MUN PA SEL BAR BYED PA SANGS RGYAS RNAMS KYIS RGYUD LAS RGYAS PAR BSTAN PA 'DIS CHOG GI YE SHES ZHABS BDAG GIS PHYIN CI MA LOG PAR RTZOM NUS PA'I GO SKABS GA LA YOD, 'ON KYANG RTZOM PAR SPRO NA NI BLA MA ZHES TE BLA MA DAM PA'I MAN NGA PHYIN CI MA LOG PA CUNG ZAD GZUNG BA DANG, LAM 'DI YANG TSE 'DI NYID LA SRID PA'I 'CHING BA LHOD PAR BYED PAR GRAGS PAS 'DI RTZOM PA LA 'BAD PA YIN NO, ,RTZOM PA'I DGE BA BSNGO BA NI, ,DE LTAR ZHES TE, DE LTAR SBYAR BA LAS BYUNG BA'I DGE BA DRI MA MED PA DES SANGS GYIS YE SHES TE, 'JAM PA'I DBYANGS KYI GO 'PHANG LA YID GZHOL BAR GYUR PAS, DE'I LAM RTAG TU BSGOM PAR SHOG CIG PA'O, ,GSUM PA GANG GIS MDZAD PA DANG BSGYUR BA'I TSUL NI, DPAL GSANG BA ZHES SOGS SO, ,SGRUB THABS KUN TU BZANG PO'I TSIG GI DON CUNG ZAD BKOD PA 'DI, GZHUNG LUGS 'DI YI MNGA' BDAG LHA RIN PO CHE'I BKAS BSKUL NAS, DPAL LDAN BLA MA RJE BTZUN CHEN PO THAMS CAD MKHYEN PA'I GSUNG MI NYAMS PA'I PHYIR TU, DANG? MA RIN CHEN GYIS BRJED BYANG DU

, ,BKOD PA'O, ,DGE BA 'DI YIS SEMS CAN THAMS CAD 'JAM PA'I DBYANGS KYIS GO 'PHANG THOB PAR GYUR GCIG ,DGE'O, ,