*, ,DPAL 'KHOR LO SDOM PA'I PHYI ROL MCHOD PA'I CHO GA LAG MCHOD DANG DPYID KYI RGYAL MO'I GLU DANG BCAS PA BZHUGS SO, ,
, ,BLA MA DANG DPAL 'KHOR LO SDOM PA'I LHA TSOGS RNAMS LA GUS PAS PHYAG 'TSAL LO, ,DPAL 'KHOR LO SDOM PA'I DKYIL 'KHOR GYI LHA TSOGS LA MCHOD PA'I CHO GA'I RIM PA NI, (DANG POR GDAN BZHI LAS,) SANGS RGYAS CHOS DANG DGE 'DUN LA, ,RTAG TU BDAG NI SKYABS SU MCHI, ,THEG PA GSUM PO THAMS CAD DANG, ,RNAL 'BYOR GSANG SNGAGS MKHA' 'GRO MA, ,DPA' BO DPA' MO DBANG LHA MO, ,BYANG CHUB SEMS DPA' BDAG NYID CHE, ,KHYAD PAR DU YANG SLOB DPON LA, ,RTAG TU SKYABS SU MCHI BAR BGYI, ,(MNGON BRJOD LAS,) SEMS CAN KUN GYI DON GYI PHYIR, ,BDAG NI HE RU KAR GYUR NAS, ,SEMS CAN THAMS CAD HE RU KA'I, ,GO 'PHANG MCHOG LA DGOD PAR BGYI, (ZHES LAN GSUM GYIS SKYABS SU 'GRO ZHING SEMS BSKYED DE,) SHR'I HE RU KA, HA NI KUN GYI 'BYUNG GNAS SU GYUR PA'I SEMS TE, RGYU'I BDAG NYID DU BRTAG PAR BYA BAS STONG PA'I CHOS KYI BDAG MED PA DANG, RU NI GANG ZAG GI BDAG TU 'DZIN PA'I RNAM RTOG GI DRA BAS BKOD PA'I BDAG DANG BRAL BA'I GANG ZAG GI BDAG MED PA DANG, KA NI DE KHO NA NYID KYI YUL YUL CAN GNYIS MI MTHUN PAR SO SOR GNYIS SU MI GNAS PA DANG, SHR'I NI YUL STONG PA NYID JI 'DRA BA DE BZHIN DU RJES SU ZHUGS PA'I GNYIS SU MED PA'I YE SHES AE WAm GYI DON NO, (,SNYAM DU DRAN PA NI YID DAG PAR BYED PA'O,) ,STONG PA'I NGANG LAS RANG NYID SKAD CIG GIS HE RU KA SNGON PO, ZHAL GCIG PHYAG
, ,GNYIS KYIS RDO RJE DANG DRIL BU 'DZIN PA GA-YAS BRKYANG GIS BZHUGS PA LA, YUM RDO RJE PHAG MO DMAR MO ZHAL GCIG PHYAG GNYIS KYIS RDO RJE DANG THOD PA 'DZIN PAS 'KHYUD PA, SHR'I HE RU KONYA HAm, (ZHES LAN GSUM BRJOD DE SKU'I NGA RGYAL GZUNG BA NI LUS DAG PAR BYED PA'O,) ,AOm AA A'A: AI A'I: AU A'U, Ri R'i, Li L'i, AE AEE, AO AOO, AAm A'A: KA KHA GA GHA NGA, TZA TSA DZA DZHA NYA, tA thA dA dHA nA, TA THA DA DHA NA, PA PHA BA BHA MA, YA RA LA WA, SHA shA SA HA KshA, H'Um H'Um PHAt, (CES LAN GSUM BRJOD NAS,) RANG GI LTE BA'I PHYOGS SU SNGAGS PHRENG 'OD ZER LNGA DANG BCAS PA GA-YON SKOR GYIS LAN GSUM DU BSKOR NAS GNAS PA LAS, 'KHOR LO GSUM GYI LHA TSOGS 'PHROS PA SNA BUG GA-YAS NAS 'THON TE, PHYOGS BCUR 'PHROS PAS BGEGS THAMS CAD BSKRAD DE, SLAR BYON RANG GI SNA BUG GA-YON PA NAS ZHUGS TE, LTE BA'I SNGAGS PHRENG LA THIM PAR GYUR, (PAR BSAM PA NI NGAG DAG PAR BYED PA'O, ,'DI BDAG BSKYED BSDUS PA YIN LA, GRUB NA LO NAG DRIL GSUM GYI MNGON RTOGS RGYAS PA BSGOM MO, DE SGOM PA'I THUN PAR YIN NA, GTZO BO PHYAG GNYIS PA YUM BCAS KYI RNAL 'BYOR DE NYID GSAL BTAB PAS KYANG RUNG NGO, ,DE NAS NANG MCHOD GTOR MA LTAR BYIN GYIS BRLABS LA, GA-YON PA'I MTHEB SRIN GYIS BLANGS TE,) AOm SUMBHA NI SUMBHA, (ZHES SOGS ZHAL BZHI PA'I SNGAGS BRJOD CING PHYOGS BZHI DANG RANG LA GTOR NAS GA-YON PA'I MTHEB MDZUB KYIS SE GOL GA-YON SKOR DU GTOGS LA,) AOm SUMBHA,
ZHES SOGS KYI SNGAGS TSAN BZHI PO SHAR LA SOGS PA'I PHYOGS BZHIR RIM PA BZHIN BRJOD PA'I RJES SU,) 'OG THAMS CAD RDO RJE'I SA GZHI KHOR YUG THAMS CAD RDO RJE'I RA BA, STENG RDO RJE'I GUR, GUR GYI 'OG RA BA'I STENG DU RDO RJE'I BLA RE STE, THAMS CAD KYANG RDO RJE 'BAR BA'I RANG BZHIN BAR MTSAMS MED PAR DUM BU GCIG TU GYUR PA'I PHYIR ROL DU, RDO RJE'I ME 'JIG DUS KYI ME LTA BUS BSKOR BAR GYUR, (ZHES DANG,) RANG GI SNYING KHAR ZLA GDAN LA RDO RJE SEMS DPA'I NGO BO AOm HA DKAR PO, (ZHES SOGS GO CHA DRUG BKOD NAS, LAG PA GA-YAS PA'I MTHEB SRIN GYIS NANG MCHOD,) AOm A'A: H'Um, (ZHES BRJOD CING, GA-YON PA LA BSANG GTOR BYAS LA LAG PA NYA BAR BYA'O, ,DE NAS GA-YON PA'I SOR MO LNGA LA ME TOG BZHAG PA'AM, YANG NA NANG MCHOD KYI THIG LE RE BYAS LA,) GA-YON PA'I SOR MO RNAMS BSDUS PA'I MTHE BONG LA ZLA GDAN, GZHAN BZHI DANG SOR MO LNGA BSDUS PA'I SEN MO RNAMS LA NYI MA'I GDAN RE RE, GDAN DE RNAMS KYI STENG DU MTHE BONG LA RDOR SEMS KYI NGO BO AOm HA DKAR PO, MDZUB MO LA RNAM SNANG GI NGO BO NA MA HI SER PO, GUNG MO LA PADMA GAR DBANG GI NGO BO SV'AH'A HU DMAR PO, SRIN LAG LA DPAL HE RU KA'I NGO BO shA tA HE NAG PO, MTHE'U CHUNG LA RDO RJE NYI MA'I NGO BO H'Um H'Um HO DMAR SER, SEN MO RNAMS LA RTA MCHOG GI NGO BO PHAt HAm LJANG GU (RNAMS BSAMS LA,) GA-YON PA'I MTHIL DU PADMA DMAR PO 'DAB MA LNGA PA'I LTE BAR, NYI MA LA RDO RJE PHAG MO'I NGO BO AOm BAm DMAR PO, SHAR GYI 'DAB MAR NYI MA LA GSHIN RJE MA'I NGO BO HAm YOm SNGON PO, DBANG LDAN DU ZLA BA LA RMONGS BYED MA'I NGO BO HRIm MOm DKAR PO, BYANG DU NYI MA LA BSKYOD
, ,BYED MA'I NGO BO HRIm HRIm SER PO, NUB TU NYI MA LA SKRAG BYED MA'I NGO BO H'Um H'Um LJANG GU ,LHO'I 'DAB MAR NYI MA LA GTUM BYED MA'I NGO BO PHAt PHAt DUD KHA RNAMS KYIS MTSAN PAR GYUR (BAR BSAM PA'AM, YANG NA SNGAGS DE RNAMS LAS LHA SO SOR BSGOM PA'AM, SNGAGS DE RNAMS LAS RDO RJE SOGS PHYAG MTSAN BCU GNYIS YONGS SU GYUR PA LAS LHA RNAMS CHO GA GSUM GYIS BSKYED PA'AM, YANG NA GNAS SO SOR LHA RNAMS DKRONG BSKYED BYA'O, ,DE YANG YAB RNAMS LA YUM GYIS 'KHYUD PA DANG, YUM RNAMS LA RANG RANG GI YAB KYIS 'KHYUD PA'AM, YANG NA YAB YUM RKYANG PA BSKYED PA RNAMS GANG RUNG BYA'O, ,GO CHA DGOD PA LA YANG DA BZHIN DU BYA'O,) ,LAG PA'I BOL LA ME LONG LA GZUGS BRNYAN SHAR BA LTAR, GO CHA'I SNGAGS SAM LHA BCU GNYIS GSAL BAR GYUR, (YANG NA 'KHOR LO GSUM GYI LHA TSOGS BSAM MO,) LHAG PA'I SA'I KHAMS NI LTUNG BYED MA, CHU'I KHAMS NI GSOD BYED MA, ME'I KHAMS NI 'GUGS BYED MA, RLUNG GI KHAMS NI GAR GYI DBANG PHYUG MA, NAM MKHA'I KHAMS NI PADMA'I DRA BA CAN GYI NGO BO GYUR, (PAR BSAMS NAS LAG PAR GNAS PA'I SA BON GYI YI GE RNAMS LA LAG PA GA-YAS PAS KHU BA'I RDZAS BYIN GYIS BRLABS PA BLANGS NAS LAG PA GA-YEN PA'I PHYI NANG KUN TU,) AOm A'A: H'Um, (BRJOD CING LAN GSUM DU PHYUGS LA, DE BZHIN DU CHANG GIS KYANG BYUGS TE,) LAG PA DPA' BO DANG RNAL 'BYOR MA RNAMS KYIS BYIN GYIS BRLABS PA'I 'KHOR LO GSUM GYI NGO BOR GYUR, (PAR BSAM PA'AM, YANG NA 'KHOR LO LNGA'I LHA TSOGS SU MES PAR BYA'O, ,DE NAS PHYOGS GTZANG MAR KHRU GANG LA SOGS PA JI TZAM 'TSAMS PA'I RGYA LA PHYI DOR LEGS PAR BYAS NAS, DER LAG PA GA-YON PA GTAD PA'AM BZHAG LA, ZHAL
BZHI PA'I SNGAGS BRJOD, DE NAS BDUD RTZI RIL BU DRI ZHIM PO DANG SBYAR BA'AM, BDUD RTZI LNGA GANG RNYED PA RNAMS NANG MCHOD DANG BA BYUNG LNGA DANG SBYAR LA GA-YON SKOR DU KHYE MA MED PAR GRU BZHI'I RNAM PAR BYUGS LA, DE'I DBUS SU LAG PA GA-YON PA BZHAG STE,) P'U DZE, AO AA, GO RA, DE MA, K'A AO, T'I KO, KA LA, KA HI, PRE GRi, SOm SU, NA SI, MA KU, AOm P'I TH'A, AU PA P'I TH'A, KshE TRA, AU PA KshE TRA, TZTSAN DO HA, AU PA TZTSAN DO HA, ME LA KA, AU PA ME LA KA, SHMA SH'A NE, AU PA SHMA SH'A NE, (ZHES BRJOD NAS,) SA GZHI BDE STONG DBYER MED KYI NGO BOR GYUR PA'I GNAS DANG, NYE BA'I GNAS LA SOGS PA SA DANG PO LA SOGS PA'I RANG BZHIN DU GYUR (PAR MOS LA, DE NAS LHA GNAS MI 'CHOL BA'I PHYIR DU, RTZA THIG TSUN CHAD JI TZAM 'TSAM PA'I THIG BTAB LA, GTZO BO YAB YUM DANG SNYING PO'I RNAL 'BYOR MA BZHI'I GNAS SU, DRI BZANG POS THAG LE GRU BZHI PAR DANG, LHA GZHAN RNAMS KYI GNAS SU ZLUM PO RE BYA STE,) AOm A'A: H'Um, (BRJOD CING,) MA TOG GI TSOM BU RE YANG DGOD DO, ,TSOM BU DE DAG LHAR SGOM PA MA YIN GYI, PHYIS LHA LA ME TOG 'BUL BA'I CHE GNAS NGES PAR BYA BA'I PHYIR YIN NO, ,DE NAS THOD PA LA SOGS PA'I NANG DU, NAS DANG, 'O MA DANG, ME TOG DKAR PO DANG, RTZVA KU SHA DANG, TIL DANG, BDUD RTZI LNGA DANG, 'BRAS YOS DANG, DRI BZANG BTAB PA'I CHU BZHI DANG, NYER SPYOD ROL MO DANG BCAS PA LA SOGS PA'I MCHOD RDZAS RNAMS, 'BRU GSUM DANG, YIG BDUN PA DANG LAS THAMS CAD PA BRGYA RTZA BRGYAD DAM LAN BDUN GYIS BSNGAGS LA, RANG GI GA-YON NGAS SNOD GSUM DU CHU BZHI, DE'I MDUN DU BZED ZHAL GSUM DANG BCAS PA BZHAG ,ME TOG LA SOGS PA MDUN BSKYED KYI GA-YON NAS 'BUL BA'I RIM PA BZHIN DU
, ,BSHAM, RANG GI MDUN DU RDOR DRIL, GA-YAS SU CANG TE'U, GA-YON DU THOD PA CHANG GIS BKANG PA RNAMS BSHAM MO, ,GTOR MA 'BYOR NA, SHA DANG NYA SHA DANG SGOG PA DANG, TZONG LA SOGS PA DANG BCAS PA'AM, MA 'BYOR NA JI LTAR RNYED PA LA SOGS PA YANG BSHAM MO, ,DE NAS 'BRU GSUM DANG,) AOm SUMBHA (ZHES SOGS BRJOD CING NANG MCHOD GTOR LA, MCHOD RDZAS LA GNAS PA'I BGEGS BSKRAD,) AOm SVA BH'A WA, (ZHES SOGS KYI STONG PAR SPYAD,) STONG PA'I NGANG LAS KAm RAm A'A LAS BYUNG BA'I THOD PA YANGS SHING RGYA CHE BA RNAMS KYI NANG DU H'Um H'Um LAS BYUNG BA'I MCHOD YON, ZHABS BSIL, ZHAL BSIL, BSANG GTOR, ME TOG ,BDUG SPOS, SNANG GSAL, DRI MCHOG ,ZHAL ZAS ROL MO LA SOGS PA RNAMS RANG BZHIN STONG NYID RNAM PA MCHOD RDZAS SO SO'I RNAM PA CAN, BYED LAS DBANG PO DRUG GI SPYOD YUL DU ZAG PA MED PA'I BDE BA KHYAD PAR CAN STER BAR GYUR, (PAR BSAMS LA,) AOm A'A: AARGHAm A'A: H'Um, (DE BZHIN DU,) P'A DYAm, A'ANYTZA MA nAm, PROKshA nAm, (ZHES DANG, BADZRA NI RDO RJE STE BDE STONG DBYER MED DANG, PUshPE ME TOG STE NGO BO BDE STONG DBYER MED LA RNAM PA ME TOG H'Um GIS YE SHES LNGA'I RANG BZHIN DU BYIN GYIS RLOB PA STE, GZHAN LA'ANG DE BZHIN DU SHES PAR BYA'O,) ,AOm BADZRA PUshPE A'A: H'Um, (ZHES PA NAS,) AOm R'U PA BADZRI A'A: H'Um, (ZHES SOGS RANG RANG GI SNGAGS PHYAG RGYA DANG BCAS PAS BYIN GYIS BRLAB, DE NAS MDUN BSKYED KYI DKYIL 'KHOR DNGOS NI, SNGA MA BZHIN DU BSANGS SHING SBYANGS LA,) STONG PA'I NGANG LAS SKAD CIG GIS RLUNG GI DKYIL 'KHOR SNGON PO GZHU LTA BU GA-YAS GA-YON GNYIS SU RGYAL MTSAN GYIS MTSAN PA, DE'I STENG DU ME, (DE BZHIN DU CHU DANGS DANG RI RAB DANG DE'I STENG DU SNA TSOGS PADMA RNAMS
SGRUB THABS BZHIN BSKYED LA,) DE'I STENG DU DBYANGS GSAL GYI YI GE RNAMS ME LONG LA GZUGS BRNYAN SHAR BA BZHIN DU SNANG BA'I ZLA BA'I DKYIL 'KHOR DKAR LA DMAR BA'I MDANGS CAN, RANG GI SNYING KHA NAS H'Um YIG DKAR LA DMAR BA'I MDANGS CAN 'PHROS PA SNA BUG GA-YAS PA NAS 'THON TE, ZLA BA'I DKYIL 'KHOR GYI STENG DU GNAS PAR GYUR (PAR BSAMS LA,) H'Um YIG LAS 'OD ZER 'PHROS PAS DPAL 'KHOR LO BDE MCHOG GI YE SHES PA'I DKYIL 'KHOR RTEN DANG BRTEN PAR BCAS PA SPYAN DRANGS H'Um LA THIM, AOm A'A: H'Um, AOm SARBA B'I RA YO GI N'I, K'A YA W'A KA TZITTA BADZRA SVA BH'A WA A'ATMA KONYA HAm, AOm BADZRA SHUD DHA: SARBA DHARM'A: BADZRA SHUDDHO NYA HAm, (ZHES SKAD CIG MA'I SNGAGS GSUM BRJOD NAS,) H'Um ZLA BA DANG BCAS PA YONGS SU GYUR PA LAS, DPAL 'KHOR LO SDOM PA'I RTEN DANG BRTEN PAR BCAS PA'I DKYIL 'KHOR DUS GCIG TU GRUB PA NI, (ZHES PA NI MNGON BYANG LNGA BSKYED BSDUS PA STE, ZLA BA'I KHA DOG DKAR BA DANG DBYANGS YIG ME LONG LTA BU DANG, ZLA BA'I KHA DOG DMAR BA DANG K'A LI NI MNYAM NYID DANG, H'Um YIG SOR RTOG DANG, SPRO BSDU SOGS NI BYA BA SGRUB PA DANG, DKYIL 'KHOR YONGS SU RDZOGS PA NI CHOS DBYINGS YE SHES LAS BYANG CHUB PA'O,) ,DE YANG KHANG PA BRTZEGS PA'I GZHAL YAS KHANG GRU BZHI PA SGO BZHI PA, (ZHES SOGS SGRUB THABS BZHIN GZHAL YAS KHANG, BSRUNG 'KHOR DU KHROD BRTEN PA LHA DRUG CU RTZA GNYIS DANG BCAS PA GSAL GDAB, ,GO CHA DGOD, YE SHES PA GZHUG ,DBANG BSKUR RGYAS GDAB PA'I BAR RNAMS BYA'O, ,YANG NA GO CHA DANG, DBU RGYAN RANG CHAS SU GRUB PAR BSAMS LA GSAL GDAB BO, ,DE NAS MCHOD PA NI,) RANG GI THUGS KA'I H'Um LAS BYUNG BA'I MCHOD PA'I LHA MO RNAMS
, ,KYIS MCHOD PAR GYUR (PAR BSAMS LA,) DAG CING DRI MED YID 'ONG BA'I, ,SNGAGS KYI YON CHAB MCHOG 'DI DAG ,BDAG GIS DAD PAS 'BUL LAGS NA, ,BZHES TE BDAG LA BKA' DRIN STZOL, , AOm A'A: HR'I: PRA WA RA SAD KA RAm AARGHAm PRA T'I TZTSA H'Um SV'AH'A, (ZHES RDO RJE THAL MO KHA PHYE NAS MCHOD YON GYI SNOD BZUNG STE BZED ZHAL GYI SNOD DANG POR LAN GSUM DBUL, DE BZHIN DU TSIGS BCAD DANG SNGAGS SNGA MA BZHIN DU BRJOD LA, YON CHAB DANG) AARGHAm (ZHES PA'I GNAS SU CHU GZHAN GSUM LA RIM PA BZHIN,) P'A DYAm, (ZHES) ZHABS BSIL (DANG GA-YAS PA'I KHU TSUR BCANGS NAS MTHEB MDZUB KYIS, SNOD GNYIS PA NAS ME TOG CHU DANG BCAS PA BLANGS TE KHA GYEN DU BSTAN LA, 'GYING BA DANG BCAS PAS LAN GSUM BSKOR NAS MDZUB MO NAS RIM GYIS DGROL BA'I PHYAG RGYAS BZED ZHAL GNYIS PAR PHUL TE, LHA RNAMS KYI ZHABS BKRUS PAR BSAMS,) ZHAL BSIL, (DANG CHU SNOD GSUM PA NAS GA-YAS PA'I KHU TSUR GYI, MTHEB MDZUB KYIS ME TOG CHU DANG BCAS PA BLANGS TE KHU TSUR KHA 'OG TU BSTAN LA MTHE'U CHUNG NAS RIM GYIS DGROL BA'I PHYAG RGYA DANG,) A'ANYTZA MA nAm (ZHES BZED ZHAL GSUM PAR LAN GSUM PHUL TE, ZHAL BSHAL ZHING BKRUS PAR BSAM,) BSANG GTOR (DANG SLAR YANG SNOD GSUM PA NAS GA-YAS PA'I KU SHA'I CHUN POS CHU BLANGS NAS, BZED ZHAL GSUM PAR LAN GSUM BSANG GTOR BYAS TE,) PRO KshA nAm (ZHES SKU THAMS CAD LA GTOR BAS DAG PAR BSAMS LA CHU BZHI DBUL,) TING 'DZIN PIR GYIS BRIS PA'I SMIN LEGS GZUGS, ,'KHRI SHING GZHON NU BZHIN DU LUS PHRA ZHING, ,BZHIN RAS RGYAS PAS ZLA BA'I
MDZES PA 'PHROG ,AUTPALA SNGON PO'I MIG CAN MCHU SGROS DMAR, ,SPEL LEGS ME TOG PHRENG BA 'DZIN MDZAD MA, ,'DOD PA'I BDE LA CHAGS PA MANG SPRUL TE, ,DKYIL 'KHOR PA RNAMS DGYES PA BSKYED PA'I PHYIR, ,NYER SPYOD LHA MO'I BDE BAS MCHOD PAR BYA, (,RDO RJE KHU TSUR GNYIS KHA GYEN DU BSTAN NAS GTOR BA'I PHYAG RGYA DANG,) AOm BADZRA PUshPE PRA T'I TZTSA A'A: H'Um (ZHES ME TOG DANG DE BZHIN DU BDUG SPOS NAS ZHAL ZAS KYI BAR LA TSIGS BCAD DANG SNGAGS SNGA MA BZHIN DU BRJOD LA, KHYAD PAR NI SPEL LEGS ME TOG PHRENG BA 'DZIN MDZAD MA ZHES DANG, PUshPE ZHES PA'I GNAS SU RIM PA BZHIN,) DRI ZHIM BDUG PA'I SPOS SNOD 'DZIN MDZAD MA, (ZHES DANG, RDO RJE KHU TSUR GNYIS KHA THUR DU BSTAN NAS SPOS 'BUL BA'I PHYAG RGYA DANG,) DH'U PE, (ZHES PAS BDUG SPOS DANG,) RIN CHEN 'OD 'BAR SNANG GSAL 'DZIN MDZAD MA, (RDO RJE KHU TSUR GNYIS KYI MTHE BONG GSHIBS TE BSGRENG BA'I PHYAG RGYA DANG,) D'I PE (ZHES MAR ME DANG,) STONG GSUM NGAD LDANG DRI MCHOG 'DZIN MDZAD MA, (RDO RJE KHU TSUR BRKYANGS PA'I THAL MOS DRI BYUNG PA'I PHYAG RGYA DANG,) GANDHE (ZHES DRI DANG,) RO BRGYA LDAN PA'I ZHAL ZAS 'DZIN MDZAD MA, (RDO RJE KHU TSUR GNYIS KHA GYEN DU BSTAN NAS THAL MO BRKYANG BA'I PHYAG RGYA DANG,) NEE WI D+YA (ZHES PA RNAMS BCUG LA ZHAL ZAS KYI BAR DBUL,) YID 'ONG ROL MO'I CHA BYAD MTHA' YAS LAS, ,BYUNG BA'I GDANGS SNYAN MI 'DRA DU MA CAN, ,THOS PAS LUS SEMS GDUNG BA ZHI BYED PA, ,SNA TSOGS ROL MO'I SGRA YIS MCHOD PAR BYA, ,AOm BADZRA SHABTA PRA T'I TZTSA A'A : H'Um SV'AH'A, (ZHES ROL MO DBUL,) PHUL BYUNG GZUGS MDZES YID 'PHROG
, ,RGYAN GYIS SPUD, ,LANG TSO RAB RGYAS GLU DANG GAR LA MKHAS, ,DBANG PO DRUG LA RMAD BYUNG BDE BA STER, ,KUN GYI DGA' BSKYED MCHOD PA'I LHA MO NI, ,PI WANG GLING BU RNGA ZLUM RDZA RNGA MAS, ,GDANGS SNYAN SGRA YIS RNA BA'I DGA' STON 'GYED, ,RAB 'BYAMS MCHOD PA'I SPRIN GYIS BDAG MCHOD NA, ,DGYES BZHIN BZHES TE MCHOG RNAMS STZAL DU GSOL, ,(RDO RJE KHU TSUR GNYIS KYIS PI WANG BRDUNG BA'I TSUL DANG,) AOm BADZRA B'I nI H'Um H'Um PHAt, (GLING BU BSGYUR BA'I TSUL DANG,) AOm BADZRA BAm SHE H'Um H'Um PHAt, (SOR MOS MTSAN KHUNG GI THAD DU RNGA SMRI TAm GE BRDUNG BA'I TSUL DANG,) AOm BADZRA SMRI TAm GE H'Um H'Um PHAt, (SOR MOS 'OG TU RDZA RNGA CHEN PO BRDUNG BA'I TSUL DANG,) AOm BADZRA MU RA DZE H'Um H'Um PHAt, (PI WANG ZHES PA NAS DGA' STON 'GYED CES PA'I TSIG RKANG GNYIS KYI GNAS SU,) BZHIN MDZES 'DZUM DANG LDEM PA'I 'GYING BAG CAN, ,SNYAN PA'I GLU LEN MDZES PA'I GAR BSGYUR MA, (ZHES BCUG LA, GONG GI TSIG RKANG BZHI DANG, MTHA'I TSIG RKANG GNYIS SNGA MA BZHIN DU SBYAR BA'I RJES SU, RDO RJE KHU TSUR GNYIS KHA PHYIR BSTAN TE KHA 'GRAM GNYIS SU BZHAG PA BZHAD PA'I TSUL DANG,) AOm BADZRA H'A SYA H'Um H'Um PHAt, (RDO RJE KHU TSUR GNYIS DKUR BZHAG STE BSNYEMS PA'I TSUL DANG,) AOm BADZRA L'A SYA H'Um H'Um PHAt, (TING SHAGS DKROL BA'I TSUL DANG,) AOm BADZRA G'I RTI H'Um H'Um PHAt, (GAR BSKOR BA'I TSUL DANG,) AOm BADZRA NRi TYA H'Um H'Um PHAt, (CES BRJOD DE, DE BZHIN DU 'OG MA GNYIS LA'ANG SBYAR LA KHYAD PAR NI,) ME TOG KON BU DRI ZHIM BDUG SPOS DANG, ,MAR ME'I SDONG PO DRI YI DUNG CHOS 'DZIN, ,(SNGAR GYI ME TOG GI NAS DRI'I BAR GYI PHYAG RGYA
BZHI RIM PA BZHIN BYAS LA,) AOm BADZRA PUshEPA H'Um H'Um PHAt, AOm BADZRA DH'U PE H'Um H'Um PHAt, AOm BADZRA D'I PE H'Um H'Um PHAt, AOm BADZRA GANDHE H'Um H'Um PHAt, DRI MED ME LONG SBRAN CHANG SNOD DANG NI, ,SNA TSOGS GOS DANG CHOS KYI 'BYUNG GNAS 'DZIN, ,(GA-YON RDO RJE KHU TSUR KHA NANG DU BSTAN PA'I STENG DU GA-YAS PA'I LAG MTHIL PHYIR BSTAN TE BZHAG PA ME LONG GI PHYAG RGYA DANG,) AOm R'U PA BADZRI H'Um H'Um PHAt, (SNGAR GYI ZHAL ZAS KYI PHYAG RGYA'AM YANG NA RDO RJE THAL MO KHA GYEN DU PHYE BA RO'I PHYAG RGYA DANG,) AOm RA SA BADZRI H'Um H'Um PHAt, (RDO RJE KHU TSUR GNYIS KYIS GOS 'BUL BA'I PHYAG RGYA DANG,) AOm SPARSHA BADZRI H'Um H'Um PHAt, (RDO RJE BSDAMS PA LAS MTHE'U CHUNG RTZE SPRAD LA BRKYANG MDZUB MO GNYIS DANG MTHE BONG GNYIS BRKYANG STE BSKYED PA CHOS 'BYUNG GI PHYAG RGYA DANG,) AOm DHARM'A: DH'A TU BADZRI H'Um H'Um PHAt, (CES RIG MA BCU DRUG GIS MCHOD,) RAB 'BYAMS ZHING NA JI SNYED GZUGS MCHIS PA, ,YONGS SU GYUR PA LAS BYUNG LHA MO NI, ,BZHIN RAS 'DZUM ZHING SKU YI MDZES PA STON, ,GZUGS KYI RDO RJE MA YI MCHOD PA YIS, ,GANG SHAR GZUGS KYI SNANG BA THAMS CAD NI, ,GZUGS KYI RDO RJE MAR NI SHAR BA'I MTHUS, ,MI 'GYUR BDE BA CHEN PO RAB STZAL TE, ,BDE STONG MCHOG GI TING 'DZIN RDZOGS PAR SHOG ,(SNGAR GYI ME LONG GI PHYAG RGYA DANG,) AOm R'U PA BADZRI H'Um H'Um PHAt, (CES GZUGS DANG, DE BZHIN DU TSIGS BCAD GZHAN RNAMS SNGA MA BZHIN DU BRJOD LA KHYAD PAR NI GZUGS ZHES PA 'OG MA BZHI PA RIM PA BZHIN, SGRA DANG DRI DANG RO DANG REG BYA ZHES PAS BRJES NAS, BZHIN RAS 'DZUM ZHING SKU YI MDZES PA STON, ZHES PA'I GNAS SU,) SNYAN PA'I PI WANG BRDUNG ZHING GLU LEN MA, ,(ZHES PA BCUG PA'I
, ,RJES SU, SNGAR GYI PI WANG BRDUNG BA'I TSUL DANG,) AOm SHAPTA BADZRI H'Um H'Um PHAt, (CES BRJOD DE, DE BZHIN DU 'OG MA GSUM LA'ANG SHES PAR BYA'O,) ,BZANG PO'I DRI YIS PHYOGS KUN RAB 'GENGS MA, ,AOm GANDHE BADZRE H'Um H'Um PHAt, (CES DANG,) BDUD RTZIS GANG BA'I RIN CHEN SNOD 'DZIN MA, ,AOm RA SA BADZRI H'Um H'Um PHAt, (CES DANG,) 'JAM MNYEN REG BYA MCHOG GIS YID 'PHROG MA, ,AOm SPARSHA BADZRI H'Um H'Um PHAt, (CES 'DOD YON LNGAS MCHOD DO,) ,DRI MED GSER GYI RTZIBS STONG 'OD 'BAR BA, ,RIN CHEN AINDRA N'I LA'I TOG GIS MDZES, ,SNA TSOGS PHRA BKOD MU TIG CHUN 'PHYANG GIS, ,KHOR YUG BRGYAN PA'I GDUGS KYIS MCHOD PAR BYA, ,(GA-YON DE BZHIN GSHEGS PA'I KHU TSUR BYAS PA'I MTHE BO'I STENG DU GA-YAS PA KHA THUR DU BSTAN PA BRKYANG LA,) AOm BADZRA TZTSA T'Am GA PRA T'I TZTSA H'Um SV'A H'A, (ZHES GDUGS DANG,) DRANG ZHING LDEM PA'I RIN CHEN YU BA NI, ,ZLA PHYED RDO RJE RIN CHEN RTZE MO CAN, ,DAR LCE GSUM PA RLUNG GIS BSKYOD PA NA, ,SIL SIL 'KHROL BA'I DRIL CHUNG SGRA SGREG CING, ,SUM KHUG 'KHYOG GI 'GYENG DANG RAB TU LDAN, ,MDZES PA'I SROG CHAGS MTSAN MA YOD MED KYI, ,MI MTHUN PHYOGS LAS RGYAL BA'I RGYAL MTSAN DANG, RAB MDZES BA DAN RNAMS KYIS MCHOD PAR BYA, , (GA-YON PA'I RDO RJE KHU TSUR GYI STENG DU GA-YAS PA'I GRU MO BTZUGS PA'I RDO RJE KHU TSUR PHRAG PA GA-YON PHYOGS SU KHYER BA DANG, LAG PA GNYIS BRKYANG PA'I SRIN LAG GI TSIG DBUS MA BKUG NAS, BA DAN RTZE GSUM PA'I TSUL DU BSGRENGS TE LAG PA GNYIS BRKYANG NAS
STENG DU BTEG PA LTAR BZHAG LA,) AOm BADZRA KE TU PRA TANGKE PRA T'I TZTSA H'Um SV'A H'A, (ZHES RGYAL MTSAN DANG BA DAN,) NAM MKHA'I RGYAN GYUR RIN THANG MED PA'I GOS, ,SNA TSOGS DAR GYI SHAM BU GA-YO BA CAN, ,TZANDAN SBRUL GYI SNYING PO'I DRIS BSGOS PA, ,RAB 'BYAMS BLA RA'I SPRIN GYIS MCHOD PAR BYA, ,(RDO RJE KHU TSUR GNYIS KYIS NAM MKHA' LA BLA RE 'DEGS PA'I TSUL LAM, YANG NA GA-YON PANG PAR MNYAM GZHAG BYAS, GA-YAS KHA THUR DU BSTAN TE BLA RE BSKYED PA'I BSAM PAS NAM MKHA' LA YONGS SU BSKOR LA,) AOm BADZRA BI T'A NA PRA T'I TZTSA H'Um SV'A H'A, (ZHES BLA RE DBUL,) 'DZAM BU CHU BO'I GSER LAS LEGS BYAS SHING, ,RTZIBS STONG LDAN PA'I DPAG TSAD LNGA BRGYA PA, ,NYI MA GNYIS PA LTA BUR MKHAR 'PHAGS TE, ,DPAG TSAD 'BUM LAM NYI MA GCIG GIS GCOD, ,DE'I MTHUS NAM MKHA'I LAM NAS DPUNG TSOGS BZHI, ,GLING BZHI LHA GNAS DANG POR BGROD BYED PA'I, ,'KHOR LO RIN CHEN PHUL BAS 'GRO BA KUN, ,CHOS KYI SRID LA DBANG SGYUR THOB PAR SHOG , (LAG PA'I MKHRIG MA GNYIS BSNAL TE, RGYAB SBYAR LA SOR MO RNAMS GCIG LA GCIG 'KHYUD DE, MTHE BONG GNYIS LAG PA'I MTHIL DU BKUG LA,) AOm BADZRA TZA KRA RATNA PRA T'I TZTSA H'Um SV'A H'A, (ZHES 'KHOR LO,) RIN CHEN BEEd'URYA YI ZUR BRGYAD LAS, ,SPROS PA'I 'OD KYIS DPAG TSAD BRGYA YI BAR, ,MTSAN MO'ANG NYIN MO BZHIN DU SNANG BYED CING, ,TSA BAS GDUNGS TSE 'OD KYIS BSIL BA STER, ,DER NI DUS MIN 'CHI DANG NAD RNAMS SEL, ,YID LA GANG BSAM PHAL CHER 'BYUNG 'GYUR PA'I, ,NOR BU RIN CHEN PHUL BAS 'GRO KUN GYI, ,CHOS LDAN RE BA YID BZHIN 'GRUB PAR SHOG ,(KHU TSUR GNYIS KYI MDZUB MO GNYIS TSIGS BCAG STE MTHE
, ,BONG GNYIS RTZE SPRAD LA TZA KRA RATNA'I GNAS SU,) MA nI RATNA (ZHES NOR BU DANG,) YID 'ONG BLTA NA SDUG PA'I BUD MED NI, ,LUS DANG KHA NAS DRI ZHIM RAB TU 'BYUNG, ,GANG GIS REG NA BDE BA'I MCHOG STER ZHING, ,GLING DER BKRES SKOM MYA NGAN SEL BAR BYED, ,BUD MED SKYON LNGA SPANGS SHING YON TAN NI, ,RNAM PA BRGYAD DANG RAB TU LDAN GYUR PA'I, ,BTZUN MO RIN CHEN PHUL BAS 'GRO BA KUN, ,ZAG MED BDE BA CHE LA SPYOD PAR SHOG ,(RDO RJE 'BYUNG BA LAS, RDO RJE THAL MO SBYAR BA LAS, ,MDZUB MO'I RTZE MO BKUG NAS NI, ,GUNG MO MNYAM PA'I TSIGS SU SBYAR, ,RDO RJE DBYINGS KYI DBANG MOR BSHAD, ,CES PA'I PHYAG RGYA DANG,) STR'I RATNA, (ZHES BTZUN MO,) GZHAN LA MI 'TSE CHOS MA YIN PA SPANGS, ,YANG DAG THA SNYAD LAS LA SKYO BA MED, ,SA YI BDAG PO'I YID LA BSAMS PA RNAMS, ,MA SMRAS PAR YANG SHES NAS SGRUB PAR BYED, ,DPUNG RNAMS 'GRO DANG GNAS DANG LDOG PA YI, ,BYA BA KUN LA RAB TU MKHAS GYUR PA'I, ,BLON PO RIN CHEN PHUL BAS 'GRO BA KUN, ,RGYAL BA'I DGONGS PA JI BZHIN SKONG BAR SHOG ,(RDO RJE BSDAMS PA LAS, GUNG MO GNYIS DANG THA MA BZHI GSHIBS TE BSGRENG BA'I PHYAG RGYA DANG,) PA RI n'A YA KA RATNA, (ZHES BLON PO DANG,) YAN LAG BDUN GNAS GANGS KYI RI BO 'DRA, ,RANG BZHIN GLANG PO STONG GI STOBS DANG LDAN, ,NYI MA GCIG GIS 'DZAM GLING LAN GSUM 'KHOR, ,CANG SHES SKUD PA YIS KYANG BKRI BAR NUS, ,GZHAN LA MI GNOD MI 'KHRUG DAL GYIS 'GRO, ,PHA ROL SDE LAS RGYAL BAR BYED PA YI, ,GLANG PO RIN CHEN PHUL BAS 'GRO BA KUN, ,THEG PA MCHOG
GI BZHON PAS 'GRO BAR SHOG ,(LAG PA GA-YON PA'I MTHIL DU GA-YAS PA'I GRU MO BZHAG STE BSGRENGS LA, GA-YAS PA'I KHU TSUR 'OG TU GLANG PO'I SNA LTAR BYAS TE,) GA DZA RATNA, (ZHES GLANG PO,) ME TOG KU MU DA BZHIN RAB TU DKAR, ,LHA YI GTZUG RGYAN NOR BU SOGS KYIS BRGYAN, ,MDOG DANG DBYIBS DANG BONGS TSOD PHUN SUM TSOGS, ,BSGO NA NYIN GCIG 'DZAM GLING LAN GSUM 'KHOR, ,LUS LA NAD MED GZI BRJID CHEN PO CAN, ,YONGS SU NGAL BA MED PA'I BZHON PA NI, ,RTA MCHOG RIN CHEN PHUL BAS 'GRO BA KUN,, RDZU 'PHRUL MCHOG GI SHUGS DANG LDAN PAR SHOG ,(RDO RJE KHU TSUR BCER BA'I GUNG MO GNYIS DANG SRIN LAG GNYIS BRKYANGS, MTHE BONG GNYIS RNA BA LTAR BYAS LA,) AA SHVA RATNA, (ZHES RTA MCHOG) ,RDO RJE RIN CHEN MTHON KA MAR GAD DANG, ,GSER DANG DNGUL DANG SPUG LA SOGS PA NI, ,ZAD PA MED PAS SA PHYOGS RAB 'GENGS PA, ,DE YI 'BYOR PA SHIN TU BRTAN PA STE, ,GA-YO DANG SGYU MED GZHAN LA GNOD PA MED, ,SKYE BO THAMS CAD RAB TU DGA' 'GYUR BA'I, ,KHYIM BDAG RIN CHEN PHUL BAS 'GRO BA KUN, ,GSUNG RAB RIN CHEN MDZOD KUN 'DZIN PAR SHOG ,(THAL MO GNYIS BKAN LA SNYIM PA'I TSUL DU BYAS PA NAM MKHA' MDZOD KYI PHYAG RGYA DPRAL BAR BZHAG LA,) GRi HA PA TI RATNA, (ZHES KHYIM BDAG STE RIN CHEN SNA BDUN GYIS MCHOD, 'KHOR LO'I SKABS KYI SNGAGS KYI THOG MTHA' PHYI MA BDUN LA'ANG SBYAR RO, ,RIN CHEN SNA BDUN 'BUL BA'I TSIGS BCAD RNAMS NI MDO DRAN PA NYER GZHAG LAS GSUNGS PA'I DON BSDUS PA'O, ,MCHOD PA DE RNAMS NI BUM DBANG DANG 'BREL BA'I MCHOD PA'O, ,DE NAS NANG MCHOD GTOR MA LTAR BYIN GYIS BRLABS LA, DE YANG BDAG BSKYED LA MCHOD
, ,PA'I TSE, THOD PA'I MDUN RANG DANG, MDUN BSKYED LA MCHOD PA'I CHE PHYIR BSTAN LA GA-YON PA'I MTHEB SRIN SBYAR NAS GA-YON BSKOR DU LAN GSUM DKRUGS TE, DBUS SU SNYING PO BYUNG BAR BSAMS NAS MTHEB SRIN GYIS DBUS NAS BLANGS LA, SMIN MTSAMS YAN GYI GYEN DU GTOR ZHING,) MGRON RNAMS KYI LJAGS LA H'Um DKAR PO LAS BYUNG BA'I RDO RJE RTZE GSUM PA DKAR PO NAS 'BRU TZAM 'KHOD, AOm AA MRi TA AU DA KA H'Um H'Um thA thA TRAm A'A: KHAm H'Um, AOm A'A: H'Um, (ZHES BYIN GYIS BRLABS TE,) RDO RJE'I 'OD ZER GYI SBU GUS DRANGS NAS GSOL BAR GYUR (PAR BSAMS LA,) MCHOD DO PHYOGS BCU DUS GSUM GYI DE BZHIN GSHEGS PA THAMS CAD KYI SKU GSUNG THUGS YON TAN 'PHRIN LAS THAMS CAD KYI NGO BO CHOS KYI PHUNG PO STONG PHRAG BRGYAD CU RTZA BZHI'I 'BYUNG GNAS, 'PHAGS PA'I DGE 'DUN THAMS CAD KYI MNGA' BDAG DPAL LDAN BLA MA DAM PA'I ZHAL DU AOm A'A: H'Um, (ZHES RTZA BA'I BLA MA DANG, DE BZHIN DU BRGYUD PA'I BLA MA RNAMS KYI MTSAN GYI MTHAR,) AOm A'A: H'Um (BTAGS LA DBUL, DE NAS LHA DRUG CU RTZA GNYIS KYI SNGAGS DANG, BLA MED KYI LHA GZHAN RNAMS KYI SNGAGS KYI MTHAR,) AOm A'A: H'Um, (BRJOD LA SNYING KHA'I THANG DU GYEN DU 'THOR ZHING DBUL, DE NAS LCE RTZE SMIN MTSAMS SPYI GTZUG GSUM DU CHANG GI THIG LE BYAS NAS, CHOS SKYONG GI SNGAGS KYI MTHAR,) AOm A'A: H'Um, (BTAGS LA DBUL, DA NAS,) DUR KHROD CHEN PO BRGYAD NA GNAS PA'I PHYOGS SKYONG DANG ZHING SKYONG DANG KLU LA SOGS PA THAMS CAD KYI ZHAL DU AOm A'A: H'Um, GZHI BDAG GNYUG MAR GNAS PA RNAMS DANG SEMS CAN THAMS CAD LHAR GYUR PA RNAMS KYI ZHAL DU AOm A'A: H'Um, (ZHES LTE
BA'I THAD NAS 'THOR ZHING MCHOG SBYIN PA'I PHYAG RGYAS PHUL NAS, RANG GI LCE LA BZHAG LA,) AOm AA MRi TA SVA DA NA SVA BH'A WA A'ATMA KONYA HAm, (ZHES BRJOD LA,) MGRON THAMS CAD YE SHES KYI BDUD RTZIS MNYES PAR GYUR, SNYING KHA'I H'Um LAS BYUNG BA'I SNYING PO'I RNAL 'BYOR MA BZHI DANG, SGO MTSAMS MA BRGYAD KYIS THOD PA NA GNAS PA'I BDUD RTZI LNGAS MCHOD (PAR BSAMS LA), AOm SARBA BADZRA K'A MI NI SARBA BHAKshAm, SHO DHE YA GU HYA BADZRI nI SV'A H'A, (MNYES SHING TSIM STE LHA THAMS CAD KYI ZHAL NAS,) AOm HR'I: HA HA H'Um H'Um PHAt, (CES GSUNG BAR BSAMS, DE DAG NI GSANG DBANG DANG 'BREL BA'I MCHOD PA'O,) ,YAB KYI GSANG GNAS MI DMIGS PA LAS, H'Um DKAR PO LAS BYUNG BA'I RDO RJE DKAR PO RTZE LNGA PA BY'A DMAR PO LAS BYUNG BA'I NOR BU DMAR PO RTZE MO LA BYA SER POS MTSAN PA, YUM GYI GSANG GNAS MI DMIGS PA LAS, AA LAS BYUNG BA'I PADMA DMAR PO 'DAB MA GSUM PA DY'A DKAR PO LAS BYUNG BA'I BYANG CHUB KYI SEMS MTSON PA'I LTE BA DKAR PO RTZE MOR DY'A SER POS MTSAN PA, YAB KYI LTE BAR ZLA GDAN LA, AOm BADZRA BEE RO TZA N'I YE H'Um H'Um PHAt SV'A H'A, THUGS KAR ZLA GDAN LA, AOm SARBA BUD DHA d'A KI N'I YE BADZRA WARnA N'I YE HUm H'Um PHAt SV'A H'A, MGRIN PAR NYI GDAN LA, AOm SHR'I BADZRA HE HE RU RU KAm HUm H'Um PHAt, d'A KI NI DZ'A LA SHAm BA RAm SV'A H'A, YUM GYI LTE BAR NYI GDAN LA AOm SHR'I BADZRA HE HE, (ZHES PA NAS,) SHAm BA RAm SV'A H'A, THUGS KAR NYI GDAN LA, AOm HR'I: HA HA HUm H'Um PHAt, MGRIN PAR ZLA GDAN LA, AOm BADZRA BEE RO TZA N'I YE HUm H'Um PHAt SV'A H'A, DPRAL BAR ZLA GDAN LA, AOm SARBA BUDDHA, (ZHES PA NAS,) SV'A H'A'I SNGAGS RNAMS KHA DOG DMAR PO 'OD ZER 'PHRO BA
, ,GA-YON SKOR DU GNAS PA, PHAN TSUN DU ZHAL SBYOR ZHING 'OD ZER 'KHYUD PA'I RNAM PA CAN DU GYUR, AOm A'A: H'Um YAB YUM SNYOMS PAR ZHUGS PAS BYANG SEMS ZHU BA SPYI BO NAS MGRIN PAR SLEB PA NA DGA' BA, MGRIN PA NAS SNYING KHAR SLEB PA NA MCHOG DGA', SNYING KHA NAS LTE BAR SLEB PA NA KHYAD PAR GYI DGA' BA, LTE BA NAS NOR BU'I RTZER SLEB PA NA LHAN CIG SKYES DGA'I YE SHES SKYES PAS, LHA THAMS CAD KYIS KYANG BDE BA CHEN PO NYAMS SU MYONG BAR GYUR (PAR BSAM PA NI GSANG MCHOD DE, DE DAG NI DBANG GSUM PA DANG 'BREL BA'I MCHOD PA'O,) ,DKYIL 'KHOR PA'I LHA RNAMS LHAN SKYES KYI BDE BA DANG, DE KHO NA NYID DBYER MED PA'I TING NGE 'DZIN LA SNYOMNS PAR ZHUGS PAS DE KHO NA NYID KYI MCHOD PAS DGYES (PAR BSAM PA NI DE KHO NA NYID KYI MCHO DPA STE, DBANG BZHI PA DANG 'BREL BA'I MCHOD PA'O, ,DE NAS LAG PA GA-YON PAS DKYIL 'KHOR GYI DBUS SU,) AOm A'A: H'Um, (ZHES GTZO BO YAB YUM GNYIS LA ME TOG DBUL, KHA CIG SPYIR ME TOG DBUL ZHES GSUNGS SO, ,DE NAS GTZO BO YAB YUM GYI SNYING PO DANG, NYE SNYING GIS ME TOG DBUL LO, ,DE NAS MKHA' 'GRO MA NAS BZUNG STE, GSHIN RJE 'JOMS MA'I BAR LA PHYOGS GA-YON SKOR DANG MTSAMS GA-YAS SKOR GYIS LHA RANG RANG GI GNAS SU,) AOm d'A KI N'I YE HUm H'Um PHAt, (CES PA NAS), AOm YA MA MA TH'A NI HUm H'Um PHAt, (CES PA'I BAR LHA RANG RANG GI SNGAGS KYIS ME TOG DBUL LO, ,DE NAS LAG PA LA BKOD PA'I LHA RNAMS LA) AOm HA (ZHES SOGS BRJOD CING LHA RANG RANG GI GNAS SU LAG PA GA-YAS PAS ME TOG DBUL LO, ,LAG PA'I BOL LA LHA RDZOGS PAR BKOD PA YIN NA,) AOm H'Um BAm RIm R'Im Lim L'Im KAm KHAm, (ZHES PA NAS
SHAm shAm SAm HAm H'Um H'Um PHAt, (CES PA'I BAR GYI MA YIG DOR BA RNAMS BRJOD LA ME TOG DBUL, DE NAS LAG PA GA-YON PAS ME TOG BZUNG RKANG BRGYAD KYI SNGAGS BRJOD PA SNGON DU 'GRO BAS DKYIL 'KHOR GYI DBUS SU ME TOG DOR LA, GA-YON PA'I DKUR PHYAG RGYA BCAS NAS GA-YAS GA-YON GYI DPUNG MGOR PAD KOR BYAS TE, MGO BOR THAL MO SBYAR NAS 'DUD PA'I TSUL BYAS PAS, LAG PA'I LHA'I 'KHOR LO BDAG NYID LA GZHUG PAR BYA'O, ,DE NAS BSTOD PA NI, LHA RANG RANG GI SNYING PO LA SOGS PA'I SNGAGS RDZOGS PAR BRJOD NAS, AOm NA MO BHA GA WA TE B'I RE SH'A YA H'Um H'Um PHAt, AOm MAH'A KA LPA KR'I ? SAm NI BH'A YA H'Um H'Um PHAt, AOm DZA t'A MU KU tO TKA t'A YA H'Um H'Um PHAt, AOm DAshA KA R'A LO GRA BH'I shA nA MU KH'A YA H'Um H'Um PHAt, AOm SA HA SRA BH'U DZA BH'A SU R'A YA H'Um H'Um PHAt, AOm PA RA SHU PA SHO DE TA SH'U LA KHA tV'Am GA DH'A RI nE H'Um H'Um PHAt, AOm BY'A GHA DZI N'A MBA R'A DHA R'A YA H'Um H'Um PHAt, AOm MAH'A DH'U MB'ANDHA K'A RA WA PU sh'A YA H'Um H'Um PHAt, AOm (BCOM LDAN DPA' BO'I DBANG PHYUG LA PHYAG 'TSAL H'Um H'Um PHAt, AOm KALPA CHEN PO'I ME DANG MNYAM PA'I 'OD H'Um H'Um PHAt, AOm RAL PA'I COD PAN MI BZAD PA DANG LDAN H'Um H'Um PHAt, AOm MCHE BA RNAM PAR GTZIGS PA 'JIGS PA 'JIGS PA'I ZHAL H'Um H'Um PHAt, AOm STONG PHRAG PHYAG NI 'BAR BA'I 'OD ZER CAN H'Um H'Um PHAt, AOm DGRA STA ZHAGS GDENGS MDUNG DANG KHA tV'Am 'DZIN H'Um H'Um PHAt, AOm STAG GI PAGS PA'I SHAM THABS 'DZIN PA CAN H'Um H'Um PHAt, AOm SKU CHEN DUD KHA BGEGS MTHAR MDZAD LA 'DUD H'Um H'Um PHAt, CES YAB KYI RKANG BRGYAD DANG,) AOm NA MO BHA GA WA TE BADZRA W'A R'A H'I PAm H'Um H'Um PHAt, AOm NA MO A'A R+YA AA PA R'A JI TE TREE LOKYA M'A TE B'IDYA SHVA R'I H'Um H'Um PHAt, AOm NA MO SARBA BH'U TA BHA Y'A BA HE MAH'A BADZRE H'Um H'Um PHAt, AOm NA MO BADZRAS NE AA DZI TE ;AA PA R'A DZI TE BA SHYAm KA RI NI TRA H'Um H'Um PHAt,
, ,AOm NA MO PRAHMA nI SHO shA nI RO shA nI KRO DHE KA R'A LI NE H'Um H'Um PHAt, AOm NA MO TR'A SA NI M'A RA nI PRA BHEE DA N'I PA R'A DZA YE H'Um H'Um PHAt, AOm NA MO BE DZA YE DZA MBHA NI STA MBHA NI MO HA NI H'Um H'Um PHAt, AOm NA MO BADZRA P'A R'A HI MAH'A YO GI NI K'A ME SHVA RI KHA GE H'Um H'Um PHAt, AOm BCOM LDAN 'DAS MA RDO RJE PHAG MO LA PHYAG 'TSAL H'Um H'Um PHAt, AOm 'PHAGS MA RIG PA'I DBANG PHYUG KHAMS GSUM GYIS MI THUB H'Um H'Um PHAt, AOM 'BYUNG PO'I 'JIGS PA THAMS CAD RDO RJE CHEN POS 'JOMS H'Um H'Um PHAt, AOm RDO RJE GDAN BZHUGS BGZHAN GYIS MI THUB DBANG BYED SPYAN H'Um H'Um PHAt, AOm GTUM MO KHRO MO'I GZUGS KYIS TSANGS PA SKEM MDZAD MA H'Um H'Um PHAt, AOm BDUD RNAMS SKRAG CING SKEM PAS GZHAN GYI PHYOGS LAS RGYAL H'Um H'Um PHAt, AOm RMUGS BYED RENGS BYED RMONGS BYED KUN LAS RNAM PAR RGYAL H'Um H'Um PHAt, AOm RDO RJE PHAG MO SBYOR CHEN 'DOD DBANG MA LA 'DUD H'Um H'Um PHAt, CES YAB YUM GYI RKANG BRGYAD GNYIS PO SNGAGS DANG TSIGS BCAD GANG YANG RUNG BAS BSTOD DO, ,RGYAS PA LA SPRO NA, DPAL CHOS KYI GRAGS PAS MDZAD PA'I BSTOD PA RGYUN CHAGS DANG, D'A RI KA PAS MDZAD PA DANG, RIN CHEN RDO RJES MDZAD PA'I BSTOD PA CHE CHUNG GNYIS LA SOGS PAS KYANG BSTOD DO, ,DE NAS), BDAG GI LUS DANG NGAG DANG YID KYIS KYANG, ZHES PA NAS, 'KHOR 'DAS MA LUS 'DREN PA'I DPAL DU GYUR, (CES PA'I BAR BHU RI PA'I RGYUN BSHAGS KYI DON YID LA DRAN PA'I SGO NAS SDIG BSHAGS SOGS BYA'O; ;DE TZAM MI NUS NA), THOG MA MED NAS 'KHOR BA NA, ,CHAGS SOGS RTOGS PA'I RANG BZHIN GYIS, ,SDIG BGYIS MGON PO'I SPYAN SNGA RU, ,MA LUS SOOR BSHAGS PAR BGYI, ,RGYU DANG LAM DANG 'BRAS BU YIS, ,NYER BSDUS 'GRO BA THAMS
CAD KYI, ,BSOD RNAMS TSOGS NI MA LUS LA, ,RTAG PAR BDAG NI YI RANG NGE, ,RDO RJE YE SHES THUGS CHUD NAS, ,SHING DBANG DRUNG NA BZHUGS GYUR PA'I, ,'GRO LA NYER BRTZE THUB DBANG RNAMS, ,CHOS KYI 'KHOR LO BSKOR DU GSOL, ,RGYAL BA'I MDZAD PA RDZOGS GYUR TE, ,MGON PO DBYINGS SU GSHEGS BZHED LA, ,SEMS CAN SDUG BSNGAL BRAL BAR DU, ,MYA NGAN MI 'DA' BDAG GSOL 'DEBS, ,BDAG NI THUB DBANG MA GYUR BAR, ,SANGS RGYAS LA SOGS CHOS RNAMS DANG, ,DPA' BO RNAL 'BYOR MA TSOGS BCAS, ,DKON MCHOG GSUM LA SKYABS SU MCHI, ,RNAL 'BYOR LAM LA GNAS BGYI ZHING, ,DAM TSIG THAMS CAD BSKYANG BA DANG, ,SEMS CAN THAMS CAD SDUG BSNGAL LAS, ,GROL BAR BDAG GIS BSGRUB PAR BGYI, ,BSTEN SOGS DGE BA DE DAG GIS, ,RNAM PA'I MCHOG RNAMS KUN LDAN PA'I, ,SANGS RGYAS NYID DU BDAG GYUR NAS, ,'GRO BA YONGS SU SGROL BYED SHOG ,(CES SDIG BSHAGS SOGS BYA'O, ,DE NAS), DKON MCHOG GSUM LA BDAG SKYABS MCHI, ,SDIG PA THAMS CAD SO SOR BSHAGS, ,'GRO BA'I DGE LA RJES YI RANG, ,SANGS RGYAS BYANG CHUB YID KYIS GZUNG, ,(ZHES THUN MONG GI SDOM BZUNG DANG), SANGS RGYAS BYANG CHUB SEMS DPA' KUN, ,(ZHES PA NAS), SEMS CAN MYA NGAN 'DAS LA DGOD, ,(CES PA'I BAR GYIS THUN MONG MA YIN PA'I SDOM GZUNG YANG BYA'O, ,GTOR MA GNYIS LAS MED NA, DANG PO BDE MCHOG GI LHA TSOGS DANG, GNYIS PA DUR KHROD NA GNAS PA'I PHYOGS SKYONG SOGS LA DBUL ZHING GSUM PA LA SOGS PA YOD NA RANG GI CHOS SKYONG DANG GZHI BDAG SOGS JI LTAR RIGS PA LA DBUL LO, ,DE YANG TSOGS DANG MA
, ,'BREL NA SDIG BSHAGS KYI GONG DANG 'BREL NA BZLAS PA'I GONG DU PHUL LA, TSOGS MCHOD NAS LHAG GTOR GYI BAR BYA'O, ,YANG NA BZLAS PA DANG DNGOS GRUB ZHU BA'I RJES SU DBUL LO, ,DE NAS DKYIL 'KHOR GYI LHA RNAMS ME LONG GI GZUGS BRNYAN BZHIN GSAL BAR DMIGS LA, LHA THAMS CAD KYI SNGAGS BZLA, KHYAD PAR DU YAB YUM, GNYIS KYI RTZA SNGAGS GNYIS, SNYING PO GNYIS, NYE SNYING GNYIS, GO CHA GNYIS TE RIN CHEN RNAM BZHI GTZO BOR BZLA'O, ,BZLAS PA'I MTHAR TING NGE 'DZIN LAS LANGS TE DKYIL 'KHOR GYI LHA THAMS CAD LA DNGOS GRUB ZHU BA'I PHYIR GSOL BA GDAB PA NI, H'Um,) DE BZHIN GSHEGS PA THAMS CAD DANG, ,DPA' BO DANG NI RNAL 'BYOR MA, ,MKHA' 'GRO DANG NI MKHA' 'GRO MA, ,KUN LA BDAG NI GSOL BA 'DEBS, ,BDE BA CHE LA DGYES PA'I HE RU KAS, ,BDE BAS RAB MYOS MA LA BSNYEN BYAS NAS, ,CHO GA BZHIN DU LONGS SPYOD PA YIS NI, ,LHAN SKYES BDE BA'I SBYOR BA LA ZHUGS SO, ,AA LA LA LA LA HO: AA AI AA AA RA LI HO: DRI MED MKHA' 'GRO'I TSOGS RNAMS KYIS, ,BRTZI BAS GZIGS LA LAS KUN MJOD, ,BDE BA CHEN POS YID NI RAB BSKYOD PAS, ,LUS NI KUN TU GA-YO BA'I GAR GYIS NI, ,PHYAG RGYA'I PADMAR ROL PA'I BDE BA CHES, ,RNAL 'BYOR MA MCHOG RNAMS LA MCHOD PAR MDZOD, ,YID 'ONG ZHI BA'I NYAMS KYIS GAR MDZAD PA, ,RAB DGYES MGON PO KHYOD DANG MKHA' 'GRO'I TSEGS, ,BDAG GI MDUN DU BZHUGS TE BYIN RLOB LA, ,LHAN SKYES BDE CHEN BDAG LA STZAL DU GSOL, ,BDE CHEN THAR PA'I MTSAN NYID LDAN PA KHYOD, ,BDE CHEN SPANGS PA'I DKA' THUB DU MA YIS, ,TSE GCIG GROL BAR MI BZHED BDE CHEN KYANG, ,CHU SKYES MCHOG GI DBUS NA GNAS PA YIN, ,'DAM GYI DBUS SU SKYES PA'I PADMA BZHIN, ,
CHAGS LAS SKYES KYANG CHAGS PA'I SKYON MGOS, ,RNAL 'BYOR MA MCHOG PADMA'I BDE BA YIS, ,SRID PA'I 'CHING BA MYUR DU GROL BAR MDZOD, ,SBRANG RTZI'I 'BYUNG GNAS RNAMS KYI SBRANG RTZI'I BCUD, ,BUNG BA'I CHOGS KYI MDUN NAS 'THUNGS PA LTAR, ,MTSAN NYID DUG LDAN MCHO SKYES RGYAS PA YIS, ,BCUD BCINGS PA YI RO YIS TSIM PAR MDZOD, ,CES DPYID KYI RGYAL MO'I GLU BYA'O, ,DE YANG 'OG MA RNAMS KYI SHO LO KA RE'I THOG MAR, ,H'Um DE BZHIN GSHEGS PA THAMS CAD DANG, ZHES PA NAS, KUN LA BDAG NI GSOL BA 'DEBS, ,ZHES PA'I BAR SBYAR, SHO LO KA RE RDZOGS PA'I MTHAR, AA LA LA, ZHES PA NAS, BRTZE BAS GZIGS LA LAS KUN MDZOD, ,(CES PA'I BAR SBYAR LA GDON PAR BYA'O, ,DE NAS) AOm BADZRA HE RU KA SA MA YA, MA NU P'A LA YA, HE RU KA TVE NO PA TIshthA, dI dDO ME BHA WA, SU TO SHYO ME BHA WA, AA NU RA KTO ME BHA WA, SU BHO SHYO ME BHA WA, SARBA SIDDHI MME PRA YATZTSA, SARBA KARMA SU TZA ME, TZE TTAm SHR'I YI, KU RU H'Um HA HA HA HA HO: BHA GA W'A NA, BADZRA HE RU KA MA ME MU NYTZA, HE RU KO BHA WA, MAH'A SA MA YA STVA A'A: H'Um PHAt, (CES LHAG CHAD KYI NYES PA RNAMS ZHI BA'I PHYIR DU MANG DU BZLA, DE NAS ME TOG DANG BCAS PA'I THAL MO SBYAR) TE, GANG YANG BDAG BLA RMONGS PA YIS, ,NYES BYAS CUNG ZAD GANG BGYIS PA, ,GANG PHYIR LUS CAN SKYABS YIN PHYIR, ,MGON KHYOD DE KUN BZOD PAR MDZOD, ,MA RNYED YONGS SU MSHAS DANG, ,GANG YANG NUS PA MA MCHIS PAS, ,'DIR NI BYA BA GANG BGYIS PA, , DE KUN GTZO BES BZOD BDZAD RIGS, ,(ZHES PAS BZOD PAR GSOL, BSTAN PA RGYAS PA LA SOGS PA'I DON DU GSOL BA BTAB LA), SRID PA GSUM 'BAR SKU NI RJES CHAGS DUL BAR LDAN, ,'OD ZER SNGON PO STONG LDAN NYI MA BRGYA STONG LDAN, ,RNAM MANG SKU DANG CHA LUGS
, ,RJES CHAGS SEMS DPAR LDAN, ,HE RU KA DPAL DE DANG LHAN CEG GAR BYED SHOG, LHA MO TSAD MA, ZHES SOGS DANG, SEMS CAN KUN GYI DON GYI PHYIR, ,BDAG NI HE RU KAR GYUR NAS, ,SEMS CAN THAMS CAD HE RU KA'I, ,GON 'PHANG MCHOG LA 'GOD PAR SHOG, CES DANG, DGE BA CUNG ZAD TZAM YANG RGYAL SRAS KYI, ,THABS MKHAS SMON LAM MCHOG GIS ZIN GYUR NA, ,(ZHES PA NAS), RNAL 'BYOR DBANG PHYUG BYE BAS BGROD GYUR PA'I, ,BDE MCHOG BSHAD SGRUB SHIN TU NYAMS PA 'DI, , CHES CHER RGYAS SHING THAR 'DOD 'JUG DOGS SU, ,NAM YANG MI NUB RING DU GNAS GYUR CIG ,TSUL DE BSGRUB LA THOGS MED MTHU LDAN PA, ,'DZAM GLING GNAS MCHOG NYI SHU RTZA BZHI YI, ,DPA' BO RNAL 'BYOR MA NI 'KHOR BCAS KYIS, ,GA-YEL BA MOD PAR RTAG TU GROGS MDZAD SHOG ,(CES SMON LAM GDAB PAR BYA'O, ,DE NAS GSHEGS SU GSOL BA NI), AOm YO GA SH'U DDH'A: SARBA DHA RM'A YO GA SHUD DHO NYAHAm, (ZHES BRJOD CING RNAM LNGA 'DOD PA'I PHYOGS SU BSKOR BA BYAS LA, MTHAR 'KHYUD PA'I TSUL BYAS NAS), AOm BADZRA MU: (ZHES SE GOL GDAB CING, SRIN LAG GIS MAndAL GYI TSOM BU LA REG LA), DKYIL 'KHOR GYI LHA RNAMS ZHU NAS H'Um DU GYUR TE RANG GI SNA BUG GA-YON NAS ZHUGS, SNYING GA'I H'Um YIG LA THIM PAR GYUR, (PAR BSAMS, DE LAS DKYIL 'KHOR KYI TSOM BU RNAMS DBUS SU BSDUS NAS), AOm A'A: H'Um (ZHES BZLAS PA'I CHU GTZANG MAS RI MO RNAMS BSUBS LA RJES MI MNGON PAR BYA'O, ,DE NAS SHIS BRJOD BYA TSUL NI, RAB YANGS NAM MKHA' TIL GYI GANG BU BZHIN, ,YONGS SU GANG BA'I BDE MCHOG LHA TSOG SNI, ,ZHES PA NIS, ZHING GI 'BYOR PA PHUL DU BYUNG BA YIS, ,DGE LEGS RGYUN MI
'CHAD PA'I BKRA SHIS SHOG, CES PA'I BAR BRJOD CING ME TOG GI CHAR DBAB PAR BYA'O, ,ZAS LA LONGHS SPYOD PA'I TSE SPYI DANG, KHYAD PAR DU TSOG SKYI 'KHOR LO SOGS DANG, YAR NGO DANG MAR NGO'I TSES BCU LA LAG MCHED BYED PAR GSUNGS PAS DE'I TSUL NI, DPAL 'KHOR LO SDOM PA'I RNAL 'BYOR DANG LDAN PAS ME TOG LA SOGS PA'I PHYI MCHOD DANG, SHA TSANG SOGS GONG BU DANG, KHU BA'I RDZAS CI 'BYOR PA RNAMS BSANGS SBYANGS BYIN GYIS BRLAB, KHYAD PAR SHA CHANG SOGS KYI BZA' BTUNG RNAMS GTOR MA LTAR BYIN GYIS BRLABS TE MDUN DU BZHAG LA, LAG PA GA-YAS PA'I MTHEB SRIN GYIS NANG MCHOD), AOm A'A: H'Um (ZHES BRJOD CING, GA-YON PA LA BSANG GTOR BYAS LA, LAG PA MNYE BAR BYA'O, ,ZHES PA NAS), LAG PA DPA' BO DANG RNAL 'BYOR MA RNAMS KYIS BYIN GYIS BRLABS PA'I 'KHOR LO GSUM GYI LHA'I NGO BOR GYUR, (PAR BSAM, YANG NA 'KHOR LO LNGA'I LHA TSOGS SU MOS PAR BYA'O, ,ZHES PA'I BAR SNGAR LAG PA SBYANG BA'I SKABS LTAR BYAS PA'I RJES SU), AOm A'A: H'Um (ZHES DANG, RKANG BRGYAD KYI SNGAGS BRJOD CING, KHU BA'I RDZAS THUG PA DANG, ZHO LA SOGS PA LAG PA GA-YAS PAS GA-YON PA'I STENG DU BZHAG LA DBUL, DE BZHIN DU SHA DANG ZAN LA SOGS PA GONG BU'I RDZAS RNAMS KYANG, LAG PA'I LHA LA DBUL, DE NAS,) AOm HA AOm A'A: H'Um, (ZHES SOGS GO CHA'I SNGAGS LA 'BRU GSUM BTAGS PA BRJOD LA CHANG GIS KYANG MCHOD DE), ,DE NAS YAB KYI GO CHA LA GA-YAS SKOR DANG YUM GYI GO CHA LA GA-YON SKOR DANG, ('KHOR LO'I LHA LA PHYOGS GA-YON DANG, MTSAMS GA-YAS SKOR GYIS PHUL NAS, NYAR SPYOD LNGA DANG RIG MA BCU DRUG GAS KYANG MCHOD LA, RKANG PA BRGYAD PA SOGS KYIS BSTOD NAS LHAG CHAD KYI NYES PA ZHI BA'I PHYIR DU HE RU KA'I YIG BRGYA BRJOD LA, TSOGS DANG 'BREL NA DE BYIN GYIS BRLAB PA'I DON DANG, SKABS GZHAN YIN NA SKABS DANG MTHUN PAR 'DAD DON LA GSOL BA GDAB BO, ,LAG PA LA MCHAD PA'I RDZAS DE RNAMS PHYED NI TSOGS KYI BZA' BTUNG NGAM, RANG BZA'
, ,BA'I BZA' BTUNG LA BSRE ZHING, PHYED NI SNOD GZHAN ZHIG TU BCUG STE GZHAG PAR BYA'O, ,PHYI MA 'DI LTAR BYAS NA LONGS SPYOD 'PHEL BA'I RTEN 'BREL YOD PAR BLA MA KHA CIG BZHED DO, ,DE NAS LAG PA GA-YON PA LA GOS PA'I RDZAS RNAMS GA-YAS PAS BSDUS TE GA-YON PA'I LAG MTHIL DU BZHAG ,DE NAS GA-YON PA'I MTHEB SRIN GYIS BZUNG NAS, AOm A'A: H'Um ZHES RIM PA BZHIN SNYING GA DANG, LCE DANG, MGO BOR BYUGS TE PAD KOR BYAS NAS MGO BOR BZHAG LA, AOm YO GA SHUD DH'A: ZHES SOGS BRJOD PAS LAG PA'I LHA RNAMS SPYI BO NAS ZHUGS TE, BDAG NYID LA GZHUG PAR BYA'O, ,LAG PA LA GOS PA'I RDZAS LHAG MA RNAMS LAG PA PHAN TSUN MNYES LA MGO DANG, YAN LAG RNAMS LA BYUGS NA BSRUNG BA'I MCHOG TU 'GYUR RO ZHES GSUNG NGO), ,DPAL 'KHOR LO SDOM PA'I PHYI ROL MCHOD PA'I CHO GA LAG MCHOD DANG BCAS PA 'DI SNYIGS DUS KYI RGYAL BA GNYIS PA CHOS KYI RJE THAMS CAD MKHEN PA BLO BZANG GRAGS PA'I DPAL GYI ZHAL SNGA NS KYI PHYAG BZHES BZHIN DU ('BUL BA 'DZIN PA GRAGS PA RGYAL MTSAN GYIS), YI GER BKOD PA YIN ZHING, ,'DI'I MCHOD PHRENG SMON LAM SHIS PA BRJOD PA RNAMS NI, CHOS RJE NYID KYIS MDZAD PA YIN NO, ,'DIS KYANG RGYAL BA'I BSTAN PA SPYID DANG, KHAYD PAR DU DPAL 'KHOR LO SDOM PA'I BSHAD SGRUB MTHA' DAG, PHYOGS DUS GNAS SKABS THAMS CAD DU DAR ZHING RGYAS LA YUN RING DU GNAS PAR GYUR CIG, (CHOG ? 'DIR RJE RIN PO CHES MDZAD PA'I CHOS PHRED SMON LAM SHES BRJOD RNAMS TSANG BAR 'GOD PAR MDZAD KYANG, SMON LAM DANG SHIS BRJOD GNYIS BLA BRGYUD GSOL 'DEBS DANG, BSTOD PA'I 'JUG TU YOD PAS PAR 'DIR MA BKOD, ,DGE'O,