*, ,STONG PHRAG BCU GNYIS PA DRI MA MED PA'I 'OD KYI DKA' BA'I GNAS RNAM PAR 'BYED PA BRJED BYANG GI YI GE MKHAS GRUB CHOS RJES RJE LA GSAN DUS MDZAD PA BZHUGS SO,,
, ,BSDUS PA'I RGYUD KYI RGYAL PO DUS KYI 'KHOR LO'I 'GREL BSHAD RTZA BA'I RGYUD KYI RJES SU 'JUG PA STONG PHRAG BCU GNYIS PA DRI MA MED PA'I 'OD KYI DKA' BA'I GNAS RNAM PAR 'BYED PA BRJED BYANG GI YI GE GSUNG GI ZLA ZER ZHES BYA BA, BCOM LDAN 'DAS DPAL DUS KYI 'KHOR LO MCHOG GI DANG PO'I SANGS RGYAS DANG GNYIS SU MA MCHIS PA'I RJE BTZUN BLA MA DMIGS PA MED PA'I THUGS RJE CHEN PO DANG LDAN PA'I ZHABS LA GUS PAS PHYAG 'TSAL LO, ,GANG ZHIG DRI MED MKHA' LA DBANG PO'I GZHU, ,RNAM PAR BKRA BA'I ROL PAS 'KHYUD PA BZHIN, ,AUTPAL SNGON PO'I LUS CAN RDUL LAS 'DAS, ,RNAM KUN SGYU MA'I ROL PAS RNAM ROL ZHING, ,RTAG TU MI 'GYUR BDE BA'I ROS GANG BA, ,MGON PO LHAN SKYES DGA' BA'I GAR MKHAN MCHOG ,MCHOG GI DANG PO'I SANGS RGYAS DPA' BO CHE, ,DPAL LDAN DUS KYI 'KHOR LO LA PHYAG 'TSAL, ,RDO RJE 'CHANG DBANG CHOS KYI RGYAL SRID
, ,GSUM KHYAD GZHI DANG, SKYE 'JIG MED PA KHYAD CHOS SU SBYAR BAR BYA BA MA YIN GYI, ,SRID PA KHAMS GSUM DU NYID MTSAMS SBYOR BA'I SKYE BA 'KHOR BA'I MTHA' DANG, SRID PA GSUM GYI LAS DANG NYON MONGS PA 'JIGS PA 'AM ZAD PA TZAM GYI ZHI BA PHYOGS GCIG PA MYANG 'DAS KYI MTHA' GNYIS MED PA'I DPAL LDAN DUS 'KHOR LA PHYAG 'TSAL, ZHES SBREL BAR BYA BA LA, BSHAD SBYAR GYIS KYANG DE LTAR BSHAD DO, ,SRID GSUM ZHES PA KHAMS GSUM YONGS GRAGS LA BSHAD PA DANG, SGRUB PA PO'I LUS NGAG YID GSUM LA BSHAD PA SOGS KYI SKABS MI 'DRA BA DU MA 'BYUNG YANG, 'DI NI LUS NGAG YID GSUM TZAM MA YIN GYI, KHAMS GSUM LA BSHAD DGOS TE, SRID ZHI'I MTHAR MA LHUNG BA STON PA'I SKABS YIN PA'I PHYIR RO, ,KHA CIG MDOR BSDUS LNGA PA LAS, ME SHING DANG GTZUB STAN SOGS LA MI GNAS PA DPER BYAS NAS, 'DOD PA'I SRID PA DANG, GZUGS KYI SRID PA DANG, GZUGS MED PA'I SRID PA LA MI GNAS PA DANG, 'DOD PA'I MYANG 'DAS LA MI GNAS PA SOGS SU GSUNGS PA DE DANG, 'DI DON GCIG TU 'CHAD PA NI MI 'THAD DE, DE NI DON DAM PAR DE DAG LA GNAS PA 'GOG PA YIN ZHING, 'DIR NI THA SNYAD DU'ANG SRID ZHI LA MI GNAS PA BCOM LDAN 'DAS DUS KYI 'KHOR LO'I YON TAN DU BSTOD DGOS KYI, DON DAM PAR NI CHOS THAMS CAD KYANG SRID ZHI LA MI GNAS PA YIN PAS, DE DUS KYI 'KHOR LO'I GZHAN LAS KHYAD PAR DU 'PHAGS PA'I YON TAN DU MI 'GYUR BA'I PHYIR RO, ,DE'ANG THEG PA CHEN PO PA THAMS CAD KYI 'DOD BYA MTHAR THUG PA NI
MI GNAS PA'I MYA NGAN LAS 'DAS PA YIN LA, 'BRAS BU SRID ZHI LA MI GNAS PA 'THOB PA NI LAM GYI SKABS SU SRID PA'I MTHA' 'GOG PA DANG ZHI BA'I MTHA' 'GOG PA GNYIS KA CHA TSANG BAR NYAMS SU LEN PA LA RAG LUS SHING, DE LA PHAR PHYIN GYI THEG CHEN PA LTAR NA, RJE BTZUN BYAMS MGON GYIS, SHES PAS SRID LA MI GNAS SHING, ,SNYING RJES ZHI LA MI GNAS DANG, ZHES GSUNGS PA LTAR, DE KHO NA NYID RTOGS PA'I SHES RAB KYIS SRID PA'I MTHA' 'GOG CING, SNYING RJE CHEN PO SOGS BSOD NAMS KYI TSOGS RGYA CHEN POS ZHI BA'I MTHA' 'GOG LA, RGYUD SDE 'OG MA DAG GI LUGS LA'ANG, SRID PA'I MTHA' 'GOG PA NI, DE KHO NA NYID RTOGS PA'I SHES RAB TZAM DANG, ZHI BA'I MTHA' 'GOG PA NI LHA'I RNAL 'BYOR DANG 'BREL BA'I BSOD NAMS KYI TSOGS RMAD DU BYUNG BA DAG GO ,'DIR NI 'BRAS BU'I SKABS SU, THUGS MCHOG TU MI 'GYUR BA'I BDE CHEN GYI YE SHES LA RTAG TU GNAS PAS SRID PA'I MTHA' SPANGS LA, SKU STONG GZUGS KYI BCOM LDAN 'DAS YAB YUM GYI RNAM PAR SHAR BAS, 'KHOR BA JI SRID BAR 'GRO BA'I DON MDZAD PA NYID KYIS ZHI BA'I MTHA' SPANGS PA YIN TE, DBANG MDOR BSTAN LAS, MYA NGAN 'DAS PA BRAL BA GZUGS, ,'KHOR BA LAS 'DAS MI 'GYUR BA, ,RTAG DANG CHAD LAS NGES PAR GROL,, DE DAG SBYOR BA GNYIS MAD MCHOG ,CES GSUNGS PAS SO, ,DE LA RKANG PA DANG POS NI, STONG GZUGS KYI SKUS MYA NGAN LAS 'DAS PA'I MTHA' DANG BRAL BAR BSTAN LA, RKANG PA GNYIS PAS MI 'GYUR BA'I BDE CHAN LA GNAS PAS 'KHOR BA
, ,LAS 'DAS PAR BSTAN CING, RKANG PA THA MA GNYIS KYI DON NI, DE LTAR RTAG PA 'KHOR BA DANG, CHAD PA MYANG 'DAS KYI MTHA' LAS NGES PAR GROL BA BDE BA DANG STONG GZUGS KYI SKU DE NYID BDAG NYID GCIG TU SBYOR BA NI MTHA' GNYIS MED PA'I GO 'PHANG MCHOG GO ,ZHES BYA BA'O, ,'O NA BZHIN LAG GI RNAM PA CAN GYI SKYES BU'I LUS BLANGS PA NI SRID PA YIN PAS STONG GZUGS KYI SKU YAB YUM GYI RNAM PA CAN GRUB PA SRID PA'I MTHAR MI 'GYUR RAM ZHE NA, MI 'GYUR TE, RANG DANG NGO BO GCIG TU SKYES PA'I MCHOG TU MI 'GYUR BA'I YE SHES DES YONGS SU BZUNG BA'I PHYIR RO, ,THUGS RTAG TU BDE CHEN GYI YE SHES LA GNAS KYANG ZHI BA'I MTHAR MI 'GYUR TE, DE DANG NGO BO GCIG PA'I STONG GZUGS KYI SKUS YONGS SU BZUNG BA'I PHYIR RO, ,DE LTAR YANG, DBANG MDOR BSTAN LAS, GZUGS NI SRID PAR MI 'GRO STE, ,'GYUR MED MYA NGAN 'DAS MI 'GRO, ,PHAN TSUN 'KHYUD PAS ZHI BA NI, ,MA NING GI NI GO 'PHANG MCHOG ,CES GSUNGS SO, ,DE LA PHAN TSUN 'KHYUD PAS, ZHES PA YAN CHAD KYI DON NI SNGAR BSHAD PAS SHES LA, LHAG MA NI DE LTAR MTHA' GNYIS LA MI GNAS PA'I ZHI BA'AM MYANG 'DAS NI THABS SHES GNYIS KA TSOGS PAS THABS RKYANG PA'ANG MA YIN ZHING, SHES RAB RKYANG PA'ANG MA YIN PA'I MA NING GI GO 'PHANG MCHOG GO ,ZHES BYA BA STE, 'JIG RTEN NA MTSAN GNYIS KA RTEN GCIG LA MNYAM DU TSOGS PA NI MA NING DU BRJOD PA BZHIN NO, ,DE LTAR SRID ZHI LA MI GNAS PA'I GO 'PHANG DE NYID 'THOB PA'ANG LAM GYI SKABS
SU STONG GZUGS KHYAD PAR BA 'GRO BA'I DON RGYUN MI 'CHAD PAR MDZAD PA'I GZUGS SKU'I RIGS 'DRA'I RGYUR 'GYUR BA BSGRUBS PAS SRID PA'I MTHA' 'GOG PA DANG, 'BRAS BU'I SKABS KYI LHAN CIG SKYES PA'I YE SHES KYI SKU'I RIGS 'DRA'I RGYU MI 'GYUR BA'I BDE BA STONG PA NYID DANG SBYAR BA'I YE SHES BSGRUBS PAS SRID PA'I MTHA' 'GOG PA STE, DE LTAR MTHA' GNYIS 'GOG PA'I LAM YONGS SU RDZOGS PAR NYAMS SU LEN PA LA RAG LUS SO, KHYAD CHOS GSUM PA NI, SHES DANG SHES BYA, ZHES BA, SHES PA DANG SHES BYA TZAM NI MA YIN TE, DE GNYIS NGO BO GCIG PA DUS KYI 'KHOR LO'I THUN MONG MA YIN PA'I YON TAN DU MI 'GYUR BA'I PHYIR RO, ,SHES PA 'DZIN PA'I SEMS DANG, SHES BYA GZUNG BA'I SEMS GNYIS RO MNYAM DU GYUR PA'O, ,ZHES PADMA CAN SOGS KYIS 'CHAD PA'ANG MI 'THAD DE, 'DIR GZUNG 'DZIN RDZAS GZHAN KHEGS PA TZAM PHUL DU BYUNG BA'I YON TAN DU STON 'DOD PA MA YIN PAS SO, ,SHES PA MI 'GYUR BA'I SKAD CIG MA DANG, SHES BYA KHAMS GSUM PA'I DNGOS PO MA LUS PA MTHONG BA GNYIS DE KHO NAR RGYU 'BRAS SU DBYER MED PA NYID SHES DANG SHES BYA GCIG PA'I DON DU 'CHAD PA'ANG MI 'THAD DE, CHOS THAMS CAD DE KHO NAR RGYU 'BRAS SU DBYER MED PAS DE NYID DUS KYI 'KHOR LO'I PHUL DU BYUNG BA'I YON TAN DU MI 'GYUR BA'I PHYIR RO, ,DES NA RANG LUGS NI, DBANG MDOR BSTAN GYI 'GREL PAR, SGRIB PA THAMS CAD DANG BRAL BA'I SHES BYA ZHES GSUNGS PA LTAR, SHES PA MI 'GYUR BA'I BDE BA DANG, SHES BYA SGRIB PA THAMS CAD DANG BRAL BA'I
, ,GZUGS GNYIS BDAG NYID GCIG TU GYUR PA'I SKU CAN DPAL LDAN DUS KYI 'KHOR LO LA PHYAG 'TSAL ZHES SBYAR RO, ,TSIGS SU BCAD PA GNYIS PA SNGAR SMOS PA'I STONG NYID SNYING RJE DE NYID RGYAS PAR SHAD PA'I SGO NAS PHYAG 'TSAL BA NI PHYAG 'TSAL, ZHES DRANG NGO, ,GANG LA NA, KUN MKHYEN MCHOG GI DANG PO'I SANGS RGYAS BCOM LDAN GNYIS MED DE NYID LA'O, ,DGOS PA DANG 'TSAL BA PO NI SNGAR BZHIN NO, ,NYID CES PA DNGOS PO'I RKYEN MA YIN GYI BSHAD SBYAR LAS NGES BZUNG GI TSIG TU BSHAD PA LTAR KHO NA'I DON TO, ,'O NA 'OG MA DAG GI PHYAG YUL BKAG PAR MI 'GYUR RAM SNYAM NA SKYON MED DE, 'OG MA RNAMS KYI TSUL GYI PHYAG YUL YANG 'DI DAG NYID YIN PA'I PHYIR RO, ,DE LA GNYIS SU MED TSUL BSHAD PA'I SGO NAS YON TAN BRJOD PA NI, RNAM PAR BCAS PA'I BCOM LDAN 'DAS MA SHES RAB MA STE STONG GZUGS KYI PHYAG RGYA SNA TSOGS YUM DE YIS 'KHYUD DO, ,GANG LA NA STONG GZUGS KYI THABS KYI RNAM PA CAN GYI BCOM LDAN 'DAS DUS KYI 'KHOR LO LA'O, ,JI LTAR NA, RGYUD THA DAD PA'I THABS SHES MA YIN PAR NGO BO GCIG PA'I TSUL GYIS DBYER MED PAR RO, ,YANG RNAM PA GZUGS SOGS SU SNANG BA DE NYID BDEN PAR MED PA TZAM GYI BCOM LDAN 'DAS MA SHES RAB MA STE DE KHO NA NYID DE YIS 'KHYUD DO, ,GANG LA NA YUL CAN BDE BA CHEN PO'I YE SHES LA'O, ,JI LTAR NA GNYIS SNANG GI BAG CHAGS THAMS CAD SPANGS PAS CHU LA CHU BZHAG PA BZHIN DU RO GCIG TU GYUR PA'O, ,KYANG ZHES PA NI KUN RDZOB TU RNAM BCAS YIN KYANG,
DON DAM PAR RNAM MED YIN ZHES PA'I DON TO, ,CHOS NYID KYI SHES RAB MA'ANG 'DIR BSHAD DGOS PA NI, BSHAD SBYAR MKHAN PO'ANG BZHED DE, PHYAG CHEN THIG LER, JI LTAR TIL SON TIL MAR DANG, JI LTAR SHING LA SON PA'I ME, ,DE BZHIN CHOS RNAMS THAMS CAD LA, ,YANG DAG GNAS KYANG MI MTHONG BA, ,CHOS KYI DBYINGS NI BHA GAR BSHAD, ,BHA GA RIN CHEN ZA MA TOG ,GANG PHYIR DBANG PHYUG SOGS YON TAN, ,LDAN PAS DE PHYIR BHA GAR BSHAD, ,CES BSHAD SBYAR DU DRANGS NAS, BCOM LDAN 'DAS KYI SKAD DOD, BHA GA W'AN CES PA'I BHA GA'I DON DE LTAR BSHAD LA, JI LTAR TIL LA TIL MAR GYI KHAMS DANG, SHING LA ME'I KHAMS YOD KYANG MI MTHONG BA LTAR, CHOS THAMS CAD LA YANG DAG PAR GNAS KYANG, 'GRO BA RNAMS KYIS MI MTHONG BA'I CHOS KYI DBYINGS NI STONG GZUGS LA BYAR MI RUNG GI ,CHOS RNAMS KYI GNAS LUGS SU SONG BA'I STONG PA NYID LA BYA DGOS PA'I PHYIR RO, ,'O NA LDAN PA'I DON SKAL BA DRUG DANG LDAN PA LA BYA DGOS PA LA CHOS DBYINGS TZAM LA JI LTAR RUNG SNYAM NA, SKAL BA DRUG PO DE NYID SANGS RGYAS KYI CHOS NYID KYI YON TAN YIN PA'I PHYIR NA, SPYIR CHOS DBYINGS LA'ANG YOD PA'I SGO NAS LDAN PAR 'GYUR RO, ,BSHAD SBYAR DU, RGYA CHE BA RNAM BCAS KYI SHES RAB MA DANG ZAB PA RNAM MED KYI SHES RAB MA ZHES BSHAD DE DON GCIG GO ?, ,'GYUR MED BDE BA DANG LDAN, ZHES PA LA, SPYIR MI 'GYUR BA'I BDE BA TZAM DANG KHYAD PAR BA GNYIS YOD DE 'DI LTAR, 'GYUR BA'I DON 'DZAG PA DANG 'PHO BA GNYIS KA LA 'JUG PAS, BYANG SEMS RDO NOR BU'I RTZER BABS PA PHYIR MA ZAGS PA LA MI 'GYUR BAR BYAS NAS, DE NAS SKYES PA'I BDE BA LA MI 'GYUR BA'I BDE
, ,BAR BYAS PA DANG, BYANG SEMS RDO NOR BU'I RTZER BABS PA PHYIR MI 'DZAG PA TZAm DU MA ZAD RANG GI GNAS DE LAS RANG GI LUS KYI CHA GANG DU'ANG MI 'PHO BAR GNAS PA'I THIG LE DE NYID LA MI 'GYUR BAR BYAS NAS, RTEN DE LAS SKYES PA'I BDE BA LA MI 'GYUR BA'I BDE BAR BYAS PA GNYIS SO, ,DANG PO NI, RLUNG AA PA DH'U T'I'I NANG DU ZHUGS GNAS THIM GSUM NUS PA'I MTSAMS NAS, LAS DANG YE SHES KYI PHYAG RGYA LA BRTEN PA'I DGA' BZHI SKYES PA THAMS CAD KYI TSE 'ONG LA, GNYIS PA NI, TING NGE 'DZIN GYI YAN LAG THOB NAS STONG GZUGS KYI PHYAG RGYA CHEN PO LA BRTEN TE, MI 'GYUR BA'I BDE BA NYI KHRI CHIG STONG DRUG BCU RIM BZHIN THOB PA'I MGO BRTZAMS PA NAS BZUNG NAS SLOB LAM GYI SKABS SU'ANG 'ONG ZHING, MI 'GYUR BA'I BDE BA'I SKAD CIG MA DE THAMS CAD YONGS SU RDZOGS PA NI 'BRAS BU'I SKABS KHO NA'O, ,DE DAG LAS 'DIR NI 'BRAS BU'I SKABS KYI MI 'GYUR BA'I BDE BA NYID GZUNG BAR BYA BA'I PHYIR DU SKYE 'JIG SPANGS PA'I ZHES BYA BA'I KHYAD PAR SMOS SO, ,DE LA SKYE 'JIG SPANGS PA'I DON, RANG RGYU LAS SKYE BA DANG, DUS GNYIS PAR MI GNAS PA'I 'JIG PA TZAM SPANGS BA LA MI BZUNG STE, DE LTAR NA MI 'GYUR BA'I BDE BA PHYAG RGYA CHEN PO LA BRTEN NAS SKYES PA 'GAL BA'I PHYIR RO, ,'O NA CI ZHE NA, BSHAD SBYAR DU RTZA RGYUD DRANGS NAS BSHAD PA DE NYID LEGS PAS 'DIR YANG DE LTAR BSHAD PAR BYA'O, ,DE'ANG RTZA RGYUD LAS, SKYE DANG 'JIG PA DKAR PHYOGS DANG, ,NAG PO'I PHYOGS SU RAB GNAS PA'O, ,DE GNYIS DBUS SU GANG BA GANG, ,GANG BA DE NI MI GNAS NYID,
CES GSUNGS SHING, DE'I DON NI, KHAMS DKAR PO GTZUG TOR NAS RDO RJE NOR BU'I BAR DU SKYE BA'I 'PHEL BA'I CHA BCO LNGA DANG, DE NYID JI LTAR 'ONGS PA BZHIN MAS RIM GYIS GTZUG TOR BAR DU KHAMS DMAR PO RDUL LAM NYI MAS, KHAMS DKAR PO DE NYID 'JIG PA 'AM ZAD PAR BYED PA'I CHA BCO LNGA NI SKABS 'DIR SKYE 'JIG GI DON YIN LA, DE GNYIS KYI DBUS SU STE DE GNYIS GANG GI'ANG PHYOGS SU MA LHUNG BAR BYANG CHUB KYI SEMS KYI CHA THAMS CAD YONGS SU RDZOGS SHING GANG BA CHA BCU DRUG GI GNAS SKABS 'BA' ZHIG LA RTAG TU GNAS PA GANG YIN PA'I GANG BA DE NI 'PHEL ZAD KYI BAG CHAGS MA LUS PAR SPANGS PAS SKYE 'JIG GNYIS KA LA MI GNAS PA'O, ,ZHES BYA BA'I DON TO, ,DE LTAR NA SKABS 'DI'I MI 'GYUR BA'I BDE BA NI, 'PHO BA'I BAG CHAGS MA LUS PA SPANGS PA'I PHYIR 'BRAS BU'I SKABS KHO NA LA BSHAD DGOS SO, ,BZHAD PA'AM RGOD PA LA SOGS PA BLTA BA DANG, LAG BCANGS DANG, 'KHYUD PA DANG, DBANG PO GNYIS SBYOR GYI BDE BA SPANGS ZHES PAS NI, LAS DANG YE SHES KYI PHYAG RGYA LA RGOD PA SOGS BYAS PA LAS SKYES PA'I BDE BA LAS, PHYAG RGYA CHEN MO LAS SKYES PA MI 'GYUR BA'I BDE BA KHYAD PAR DU BSTAN PA'I PHYIR SMOS SO, ,BSHAD SBYAR NI DBANG PO GNYIS SBYOR GYI BDE BA DE KHO NA NYID DU SMRA BA DGAG PA'I PHYIR DU GRUB ZIN SLAR YANG BSNAN NAS BZHAD PA LA SOGS BDE BA SPANGS ZHES SMOS PA BZHIN NO, ,ZHES 'CHAD DO, ,'GYUR MED BDE BA ZHES PA LA BSHAD SBYAR DU, NOR BU DANG PADMA LAS 'GYUR BA MED PA ZHES 'BYUNG BA'I DON, 'GYUR DE LTAR NA NOR BU DANG PADMA MNYAM PAR SBYAR BAR BYAS PA LAS KYANG KHAMS
, ,'GYUR BA MED PA ZHES 'CHAD DGOS KYANG, 'OG TU NOR BU'I PADMA LAS 'GYUR BA MED PA ZHES 'BYUNG BA LTAR 'DOR YANG BSHAD RGYU YIN CING DE LTAR BSHAD NA, DBANG MDOR BSTAN LAS, LTE GSANG NOR BU'I PADMA LA, ZHES GSUNGS PA LTAR, NOR BU'I DBUS NA'ANG RTZA'I PADMA YOD PAS DE LAS GZHAN DU MA 'PHOS PA'I DON TO, ,MCHOG TU MI 'GYUR BA'I BDE BA DE'I BYED LAS NI, SANGS RGYAS TE PHUNG PO LNGA PO RNAMS SGRIB BRAL DU BSKYED PAR MDZAD PA CHOS DANG LONGS SPYOD RDZOGS PA DANG SPRUL PA'I SKU GSUM DAG DANG LDAN ZHING DUS GSUM YANG DAG RIG PA'O, ,SKU BZHI YOD MOD CI'I PHYIR GSUM SMOS SHE NA, GSUM BPO DE GANG LA LDAN PA'I RTEN BDE BA CHEN PO D NYID LHAN CIG SKYES PA'I SKU YIN PAS SKYON MED DO, ,DUS GSUM RIG PA'I DON NI, RTZA RGYUD LAS, RANG GI SEMS DANG GZHAN SEMS KYI, ,GZHAN BDAG SKYE MCHED GANG GI PHYIR, ,PHA ROL SEMS KYI RNAM RTOG GANG, ,SKYE MCHED DRUG GI MTSAN NYID CAN, ,BDAG GI SEMS KYI RNAM RTOG GANG, ,SKYE MCHED DRUG GI MTSAN NYID DO, ,KUN MKHYEN SHES PA 'DZIN BYED DE, ,'BYUNG DANG 'BYUNG 'OS BSGRIBS PA'O, ,ZHES GSUNGS PA DE'I DON NI 'DI YIN TE, CHOS THAMS CAD SKYE MCHED BCU GNYIS SU BSDUM SHING, DE LA'ANG DRUG NI NANG GI SKYE MCHED DANG, DRUG NI PHYI'I SKYE MCHED YIN PAS, NANG GI SKYE MCHED RNAMS NI, GANG ZAG GANG YANG RUNG BA ZHAG GZHIR BZHAG NA, GANG ZAG DE RANG GI SEMS KYI RNAM PAR RTOG PA STE RANG RGYUD KYIS BSDUS PA DANG, PHYI'I SKYE MCHED
DRUG NI GANG ZAG DE LAS GZHAN GYI SEMS KYI RNAM PAR RTOG PA STE, GZHAN RGYUD KYIS BSDUS PA DANG, GTAN NAS RGYUD KYIS MA BSDUS PA RNAMS SO, ,DE LTAR SKYE MCHED BCU GNYIS KYIS BSDUS PA'I CHOS BYUNG ZIN PA'I 'DAS PA DANG, 'BYUNG 'OS KYI MA 'DAS PA DANG, DE LTAR BA MA BSGRIBS PA SO SKYES KYANG RIG PAS BSGRIBS PA'I LKOG TU GYUR PA THAMS CAD YANG DAG PAR RIG PA NI DUS GSUM LA GNAS PA'I CHOS YANG DAG RIG PA'I DON TO, ,ZHES BYA BA'O, ,KUN MKHYEN NI MUN PA GNYID 'THUG GI GNAS SKABS BSKYED PA'I THIG LE SGRIB BRAL DU GYUR PA DANG, SANGS RGYAS NI SAD PA'I GNAS SKABS BSKYED PA'I THIG LE SGRIB BRAL DU SONG BAS RNAM BCAS RGYA CHE BA DANG, RNAM MED ZAB PA'I CHOS THAMS CAD RTOGS PA STE, RTZA RGYUD LAS, SAD PA'I SKABS SOGS SANGS RGYAS TE, ,THAMS CAD MKHYEN PA ZHES BSGRAGS LA, ,THAMS CAD RIG CING NGES GROL BA, MUN PA'I SKABS SOGS MED PA'O, ,ZHES GSUNGS PA LTAR RO, ,MCHOG GI DANG PO'I SANGS RGYAS ZHES PA NI, MCHOG TU MI 'GYUR BA'I BDE BA DANG PO'I RGYUR BYAS PA LAS BYUNG BA'I SANGS RGYAS ZHES PA STE, THOG MTHA' DBUS GSUM GYI SANGS RGYAS GANG YIN KYANG DE NYID LAS BYUNG BAR KHYAD PAR MED DO, ,BCOM LDAN NI DBANG PHYUG LA SOGS PA'I SKAL BA DRUG DANG LDAN PA'O, ,GNYIS MED NI BSHAD ZIN TO, ,TSIGS SU BCAD PA GSUM PA, DE NYID BCU DRUG RIG PA DANG, BDEN DON BCU GNYIS KYI SGO NAS PHYAG 'TSAL BA NI PHYAG 'TSAL, ZHES DRANG NGO, ,GANG LA NA, SANGS RGYAS DUS KYI 'KHOR LO LA'O,,
, ,ZHES SBYAR RO, ,DE LA DUS KYI 'KHOR LO'I DON YANG, RTZA RGYUD LAS, DUS CHEN PO NI SROG CHEN PO, ,'BRAS BU'I DBUGS DROD ZAD PA LAS, ,STONG PHRAG NYI SHU RTZA GCIG DANG, ,BRGYA PHRAG DRUG GI DBUGS RNAMS TE, ,SRID PA GSUM DU DBUGS 'KHOR RO, ,'DI NI DUS KYI 'KHOR LOR BSHAD, ,CES GSUNGS PA LTAR TE, DE'I DON NI 'DI LTAR, DUS KYI 'KHOR LO ZHES PA'I DUS CHEN PO NI, 'BRAS BU'I SKABS SU GZHI DUS KYI NYIN ZHAG RE RE LA'ANG SRID GSUM STE RTZA GSUM LA STONG PHRAG NYI SHU RTZA GCIG DANG, ,BRGYA PHRAG DRUG GI DBUGS RNAMS 'BYUNG 'JUG BYED PA'I RGYU BA RNAMS 'GAG PA'I SROG CHEN PO'O, ,'KHOR LO ZHES PA NI, GZHI DUS SU DBUGS KYI 'PHO BA BCU GNYIS KYI 'KHOR LO 'KHOR BA LAS, SA BCU GNYIS KYI BGROD PA'I RIM PAS DBUGS STONG BRGYAD BRGYA RE 'GAGS SHING, DBUGS KYI 'PHO BA ZAD PA LAS 'JOG GO, ZHES BYA BA'O, ,DES NA NGO BO GCIG NYID LAS, DBUGS NYI KHRI CHIG STONG DRUG BRGYA 'GAGS PA'I LDOG PA NAS DUS DANG, 'PHO BA BCU GNYIS 'GAGS PA'I LDOG PA NAS 'KHOR LO BZHAG PA YIN LA, SANGS RGYAS NI MI 'GYUR BA'I BDE BA NYI KHRI CHIG STONG DRUG BRGYA RDZOGS PAR THOB PA'I LDOG PA NAS 'JOG GO, PHYAG YUL GNYIS PO DE LAS SANGS RGYAS NI DE NYID BCU DRUG DANG, DUS KYI 'KHOR LO NI BDEN DON BCU GNYIS DANG SBYAR NAS BSHAD PAR BYA BA YIN PA LAS, DANG PO NI, SANGS RGYAS KYI DON CI ZHE NA, BZHUGS ZHES DRANG NGO, ,GANG LA NA, NYON MONGS PA'I RI DVAGS GSOD PAS SENG GI ZHES BRJOD PA'I KHRI'AM RTEN RNAM BCAS KYI PHYAG RGYA
LA'O, ,GANG BZHUGS NA 'PHO BA'I BAG CHAGS RNAM PAR DAG PA'I BDE BA CHEN PO'O, ,DE NYID LA RDO RJE'I SBYOR BA ZHES KYANG BYA STE, DE'ANG SPYI BO LA SOGS PA'I 'KHOR LO BZHIR LUS NGAG YID YE SHES KYI THIG LE BZHI RIM BZHIN SBYAR TE BKAG PAS DBYER MI PHYED PA'I BDE BA CHEN POR 'GYUR BA'O, ,YI GE RNAL 'BYOR LA'ANG 'JUG MOD KYI, 'DIR NI YO GA SBYOR BA LA 'JUG PA'I DBANG DU BYAS NAS AA RTZA LAS BSHAD PA LTAR RO, ,DE NYID SRID PA GSUM GYIS MCHOD PA'I DON NI, ,SRID PA GSUM STE, SGRUB PA PO'I LUS NGAG YID GSUM GYIS BYANG SEMS RDO RJE NOR BU'I RTZE NAS RIM BZHIN GONG DU DRANGS TE, GTZUG TOR DU BCINGS PA NYID MCHOD PA'I DON TO, ,RTEN GZUGS DANG BRTEN PA BDE BA GNYIS GCIG PU STE DBYER MI PHYED PAR GYUR PA DE NYID SKU BZHI'I RAB TU DBYE BAS RNAM PA BCU DRUG TU 'GYUR ZHING, JI LTAR 'GYUR BA'I TSUL NI 'OG TU 'CHAD DO, ,SRID MED SRID PAR GNAS ZHES PA 'GYUR MA LEGS PAS SRID MED SRID SONG BA ZHES GA TA SONG BA LA'ANG 'JUG PA LTAR DPANG LOS BSGYUR BA NYID KYI THOG NAS BSHAD NA SRID MED MYANG 'DAS KYI MTHA' DANG, SRID PA 'KHOR BA'I MTHA' GNYIS 'DI LAS GZHAN DU SONG ZHING, 'DI MTHA' DE GNYIS DANG BRAL BA ZHES BYA BA'I DON TO, ,'KHOR 'DAS KYI MTHA' LAS BRGAL BA DE'I PHYIR, SHES PA BDE BA DANG SHES BYA SGRIB BRAL GYI GZUGS GNYIS NGO BO GCIG TU GYUR PA YIN LA, SNGAR SHES DANG SHES BYA GCIG PA'I SKU, ,ZHES PA'I SKABS SU MTHA' GNYIS LAS 'DAS PA DANG, RGYU MTSAN DANG RGYU MTSAN CAN GYI SGO NAS MA BSHAD CING, 'DIR DE LTAR BSHAD PAS MI ZLOS SO, ,DAM TSIG GI
, ,SKAD DED SA MA YA ZHES PA 'DUS PA LA'ANG 'JUG PAS, RGYAL BA MCHOG GI 'DUS PA ZHES DPANG GI BSGYUR BA NYID LEGS PAS DE LTAR BSHAD NA, DE'I PHYIR SGRIB BRAL GYI PHUNG KHAMS SKYE MCHED KYI TSOGS PA NI RIGS THAMS CAD KYI BDAG PO RGYAL BA MCHOG GI 'DUS PA'O, ,GNYIS PA NI, MI BSLU BAS BDEN PA'I DON CAN DGA' BA RGYAS PAR BYED PA'I BYANG CHUB KYI SEMS RIN PO CHE NI, DUS GSUM GYI RGYAL BA'I BDE BA CHEN PO'I YE SHES DE NYID RNAM RTOG GIS MI PHYED PAS RDO RJE ZHES BYA ZHING DE'I GNAS SAM GZHIR GYUR PA YIN LA, DE'ANG 'PHO BA BCU GNYIS 'GAGS PA'I DBYE BAS YAN LAG RNAM PA BCU GNYIS SO, ,RDO RJE'I TSIG CES BSGYUR BA LAS P'A DA GNAS LA'ANG 'JUG PA'I DBANG DU BYAS TE, RDO RJE'I GNAS ZHES DPANG GIS BSGYUR BA NYID LEGS SO, ,TSIGS SU BCAD PA BZHI PA, SKU BZHI DANG, RNAM THAR BZHI DANG, RDO RJE BZHI DANG, THABS SHES DBYER MED KYI SGO NAS PHYAG 'TSAL BA NI, GANG ZHIG DANG PO'I SANGS RGYAS DE LA 'DUD CES DRANG NGO, ,DE'I YON TAN NI KUN MKHYEN RGYAL BA'I BDAG PO LHAN CIG SKYES PA'I SKU DANG, DE BZHIN DU YE SHES SKU NI CHOS KYI SKU DANG, LONGS SPYOD RDZOGS PA'I SKU NI NYIN MOR BYED PA'I SKU DANG, DER MA ZAD SPRUL PA'I SKU'ANG PADMA'I 'DAB MA RGYAS PA'I SPYAN NO, ,ZHES SBYAR TE, 'DI DAG GI DON NI 'OG TU ZHIB PAR 'CHAD DO, ,DE LTAR SKU BZHI DANG SGRIB BRAL GYI RNAM PAR THAR PA BZHI DANG SKU GSUNG THUGS RDO RJE DANG, CHAGS PA STE BDE BA'AM YE SHES KYI RDO RJE BZHI DANG, SRID 'DAS 'BYOR PA, ZHES PA LAS, GA TA BHA BA BI BHA BE: ZHES PA RIM BZHIN 'BYUNG BA SONG BA DANG
'JIG PA SONG BA LA 'JUG PA'I DBANG DU BYAS TE, 'BYUNG DANG 'JIG SONG ZHES DBANG GIS BSGYUR BA NYID LEGS PAS DE LTAR BSHAD NA, KHAMS GSUM DU 'BYUNG BA 'KHOR BA'I MTHA' DANG, 'JIG PA MYANG 'DAS KYI MTHA' GNYIS 'DI LAS GZHAN DU SONG ZHING RDO RJE'I RNAL 'BYOR RNAM PAR DAG PA SHES RAB DANG THABS NI GNYIS SU MED PA LHA DANG LHA MIN GYIS BSTOD PA'O, ,SKU BZHI DANG TSANGS PA'I GNAS BZHI DANG RNAM THAR BZHI LA SOGS PA RO MNYAM DU GYUR PA'I SGO NAS BSTOD PA NI, YE SHES STONG NYID YE SHES KYIS, ZHES PA LA SOGS PA TSIGS SU BCAD PA BZHI'O, ,DE LA GSANG SNGAGS BLA NA MED PA'I RGYUD SO SO LA RANG RANG GIS RTZAL DU BTON NAS 'CHAD PA'I LAM GYI GTZO BO RE RE YOD CING, RGYUD 'DI LA'ANG RGYUD GZHAN DANG MI 'DRA BA'I KHYAD PAR MANG DU YOD KYANG, GTZO BO NI DBANG BZHI PA'I LAM NYID YIN PAR 'DI NYID LAS YANG DANG YANG DU GSUNGS SO, ,DE'ANG RGYUD GZHAN NAS DBANG BZHI PA'I LAM MA BSTAN CING 'DIR BSTAN PAS KHYAD PAR DU 'PHAGS ZHES BSHAD NA, 'DI NYID PHUL DU BYUNG BAR BSGRUB 'DOD NAS RGYUD GZHAN MTHA' DAG LA SKUR PA 'DEBS PA'I CHOS SPONG BAR 'GYUR BAS DE LTAR MI BZUNG GI ,BZHI PA DE YANG DE BZHIN NO, ,ZHES SOGS KYIS RGYUD GZHAN DU SBAS PA DANG MI GSAL BA'I TSUL GYIS GSUNGS KYANG, 'DI NYID DU CHES GSAL BA DANG, MA SBAS PAR BSTAN PAS KHYAD PAR DU 'PHAGS PA YIN NO, ,DE LTAR GSAL BAR BSHAD PA'I DBANG BZHI PA'I LAM GYI GTZO BO'ANG STONG GZUGS KYI PHYAG RGYA CHEN MO LA BRTEN NAS MCHOG TU MI 'GYUR BA'I BDE CHEN 'DREN PA THABS
, ,SHES DBYER MED DU SBYOR BA'I LAM 'DI NYID YIN PAS DE'I PHYIR DE LA RTZAL DU BTON NAS 'CHAD PA YIN LA, DE'ANG MTSAN 'DZIN GYI SPROS PA GCOD PA'I DON TO, ,YANG DAG PA'I LTA BAS GTAN LA DBAB PAR BYA BA'I STONG NYID NI 'PHAGS PA KLU SGRUB YAB SRAS KYI DGONGS PA DPAL LDAN ZLA BAS GTAN LA PHAB PA 'DI NYID THEG PA GONG 'OG DANG RGYUD SDE BZHI GA'I THUN MONG BA YIN ZHING, MI 'GYUR BA'I BDE CHEN 'DREN PA'I THABS SU BSGRUB PAR BYA BA RNAM PA THAMS CAD PA'I GZUGS KYI STONG PA NYID NI 'DI'I THUN MONG MA YIN PA'I KHYAD CHOS YIN PAS DE GNYIS KYI NANG NAS MTSAN 'DZIN 'JIG PA'I STONG PA LAS BDE CHEN 'DREN PA'I STONG PA RTZAL DU BTOD NAS 'CHAD MOD, 'ON KYANG MTSAN 'DZIN 'JIG PA'I STONG NYID DPAL LDAN ZLA BAS BSHAD PA LTAR 'CHAD PA'ANG RGYUD SDE GZHAN LAS 'DI NYID SHIN TU RGYAS SO, ,DE'I PHYIR DE LTAR STONG NYID GNYIS YOD PAR SHES PAR BYAS NAS GCIG KHO NAR MI BZUNG ZHING, MTSAN 'DZIN 'JIG PA'I STONG NYID 'DI LAS GSUNGS TSUL GZHAN NI 'OG TU RANG RANG GI THAD DU BSHAD PAR BYA LA, 'DIR SKABS SU BAB PA RNAM THAR BZHI'I DON RGYUD 'DI NYID LAS GSUNGS PA LTAR BSHAD PAR BYA'O, ,DE'ANG SGRUB THABS LE'U LAS, STONG PA DNGOS PO'I NGO BO'I RANG BZHIN MTHA' DAG 'GRO BA 'DI NI DNGOS PO DAG GIS RNAM PAR DMAN, ZHES GSUNGS PAS STONG PA NYID DANG, DE LAS SANGS RGYAS BYANG CHUB MED CING GZHAN PHAN SNYING RJE DAG DANG MTSAN MA'I DAM BCA' MED PA STE, ZHES PAS MTSAN MED SMON MED
GNYIS BSTAN TO, ,DE'ANG DNGOS PO RNAMS KYI NGO BO'I RANG BZHIN NAM GNAS LUGS SU GYUR PA'I STONG PA NYID DE GANG ZHE NA, MTHA' DAG 'GRO BA 'DI NI, ZHES PAS STONG GZHI CHOS CAN BSTAN TE, RGYUD BLA MA LAS, 'GRO BA ZHI BA'I CHOS NYID DU, ,ZHES PAS 'GREL PAR CHOS DANG GANG ZAG GI 'GRO BA 'DI DAG ,CES GSUNGS PA LTAR, BLO YUL DU 'GRO BA TZAM LA 'GRO BA'I DON DU BYAS PA'I CHOS DANG GANG ZAG 'DI MTHA' DAG GO ,DGAG BYA GANG GIS STONG NA DNGOS PO MTHA' DAG GIS ZHES PA'O, ,DE'ANG DON BYED PA'I DNGOS PO TZAM LA MI BZUNG STE, 'GRO BA MTHA' DAG DON BYED NUS STONG DANG, DNGOS MED DE KHO NA NYID DU THAL BA'I PHYIR RO, ,DES NA DNGOS PO'I SKAD DOD DE, ,DNGOS PO DANG RANG BZHIN GNYIS KA LA 'JUG PA LAS, 'DIR RANG BZHIN DU BSGYUR NAS RANG BZHIN GYIS GRUB PAS DMAN ZHES RANG BZHIN GYIS GRUB PA DGAG BYAR BYA'O, ,DON 'DI NI DBANG MDOR BSTAN LAS GSAL BAR BSHAD DE, ,JI SKAD DU, 'BYUNG RNAMS 'JIG PAR MI 'GYUR TE, ,RANG BZHIN NYID KYIS SKYE BA MED, ,DNGOS PO RANG BZHIN MED RNAMS KYI, ,'BYUNG 'JIG SGYU MA DE BZHIN NO, , DNGOS DANG DNGOS MED MTSAN NYID GCIG ,SNA TSOGS 'DI NI RANG BZHIN MED, ,CES GSUNGS PAS SO, ,DE LA SNA TSOGS 'DI NI ZHES PA DANG, MTHA' DAG 'GRO BA 'DI NI ZHES PA DON GCIG LA, RANG BZHIN MED CES PA DANG, DNGOS PO DAG GIS RNAM PAR DMAN, ZHES PA DON GCIG GO ,DES NA DBANG MDOR BSTAN GYI LUNG 'DIS, DNGOS PO'I 'BYUNG 'JIG SGYU MA LTA BU RANG LUGS LA 'THAD LDAN DU KHAS LEN PA DANG, 'BYUNG 'JIG THAMS CAD RANG BZHIN GYIS GRUB PAS STONG PA GNYIS 'GAL MED DU CHOS GSAL
, ,BAR BSHAD DO, ,DES NA CHOS DANG GANG ZAG THAMS CAD RANG BZHIN GYIS GRUB PAS STONG PA'I BDAG MED GNYIS PO DE 'DIR STONG PA NYID DU SHES PAR BYA'O, ,SLOB DPON N'A RO PAS DBANG MDOR BSTAN GYI RNAM THAR BZHI STON PA'I THAD KYI 'GREL PAR, CHOS CAN STONG GZUGS RANG BZHIN GYIS GRUB PAS STONG PA NYID RNAM THAR DANG PO'I DON DU BSHAD CING, KHA CIG DNGOS PO DAG GIS DMAN, ,ZHES PA CHOS NYID 'DUS BYAS KYIS STONG PA'I DON DU 'CHAD PA NI, MTHA' DAG 'GRO BA ZHES KUN RDZOB STONG GZHIR DNGOS SU SMOS PA DANG 'GAL LO, ,GNYIS PA SMON MED NI, SANGS RGYAS BYANG CHUB NI THOB BYA'I 'BRAS BU MCHOG YIN PAS, DES MTSON PA'I 'BRAS BU GANG YANG DON DAM PAR THOB PAR SMON CING DAM BCA' BAR BYAR MED DE, CHOS THAMS CAD RANG BZHIN GYIS STONG PA DE LAS TE DE'I PHYIR RO, ,ZHES PA'O, ,GSUM PA MTSAN MED NI, SPYIR MTSAN MA'I SGRA CHOS RNAMS KYI RANG RANG GI THUN MONG MA YIN PA'I KHYAD PAR DANG, RTAGS DANG, RGYU LA SOGS PA LA'ANG 'JUG PA LAS 'DIR THA MA YIN LA, DE'ANG GZHAN LA PHAN PA'I SNYING RJE NI RGYU'I GTZO BO YIN PAS, DES MTSON PA'I RGYU'I MTSAN MA GANG YANG DON DAM PAR MED DE, ,CHOS THAMS CAD RANG BZHIN GYIS GRUB PAS STONG PA DE LAS TE DE'I PHYIR RO, ,ZHES PA'O, ,SLOB DPON N'A RO PAS, 'DI SANGS RGYAS SO, ,'DI BYANG CHUB BO ZHES SOGS KYIS SPU RIS 'BYED PA'I RGYUR GYUR PA'I RNAM RTOG LA MTSAN MAR BSHAD DO, ,MNGON PAR 'DU BYED PA NI, KHAMS DKAR DMAR GYI DBUS SU RNAM SHES NYID
MTSAMS SBYOR BA'I 'DU BYED LA GSUNGS PAS MTSON NAS RGYUS 'BRAS BU MNGON PAR 'DU BYED PA THAMS CAD RANG BZHIN GYIS STONG PA'O, ,TSANGS PA'I GNAS BZHI LA'ANG THUN MONG BA DANG THUN MONG MA YIN PA GNYIS LAS 'DIR THA MA STE, SNGAR SNYING RJE LA BSHAD PA LTAR BYAMS SOGS LA'ANG SHES PAR BYA ZHING, MDOR NA BDE CHEN GYI YE SHES NYID LA BZHIR PHYE BA'O, ,DES NA PHYAG 'TSAL ZHES DRANG NGO, ,GANG LA NA GNAS SKABS BZHI'I SGRIB PA DAG PA'I YE SHES TSANGS PA'I GNAS BZHI DANG DBYER MED PA'I RNAL 'BYOR BZHI DANG, SEMS DPA' BZHI PO DE LA'O, ,DE DAG KYANG GANG ZHE NA, RNAL 'BYOR BZHI DANG, SEMS DPA' BZHI BSHAD PA GNYIS LAS, DANG PO NI, GZHI DUS KYI DPRAL BA NA SAD PA'I GNAS SKABS SNA TSOGS BSKYED PA'I THIG LE YOD PA DE NYID 'DIR THABS MKHAS KYIS BSGYUR NA 'BRAS DUS KYI SPRUL PA'I SKU GDUL BYA DANG 'TSAM PAR SNA TSOGS PA NYID DU STON PA 'BYUNG NGO, ,MGRIN PA NA RMI LAM GYI GNAS SKABS DANG NGAG BSKYED PA'I THIG LE YOD PA DE NYID THABS MKHAS KYIS BSGYUR NA LONGS SPYOD RDZOGS PA'I SKU GSUNG RNAM PA THAMS CAD PA 'BYUNG BAR 'GYUR RO, ,GZHI DUS KYI SEMS KYI GNAS SKABS LA GNYIS LAS, SNYING GA NA GNYID 'THUG DANG MUN PA'I GNAS SKABS SKYED PA'I THIG LE YOD PA DE NYID THABS MKHAS KYIS BSGYUR NA CHOS KYI SKU RNAM PAR MI RTOG PA'I YE SHES 'BYUNG BAR 'GYUR RO, ,LTE BA NA BZHI PA'I GNAS SKABS SAM GZHI DUS KYI BDE BA'I GNAS SKABS BZHI PA DE NYID THABS MKHAS KYIS SGRIB BRAL DU BYAS PA'I BDE BA CHEN PO LHAN
, ,CIG SKYES PA'I SKU 'BYUNG NGO, ,DE LA YE SHES TE BZHI PA'I GNAS SKABS DE NYID STONG PA NYID RTOGS PA'I YE SHES KYIS LEGS PAR DAG PAR BYAS PA'I SHES RAB DANG 'GYUR BA MED PA'I SNYING RJE CHEN PO THABS KYI BDAG NYID GNYIS DBYER MED PAR SBYOR BA DE NI LHAN CIG SKYES PA'I SKU'I NGO BOR GYUR PA RNAM PAR DAG PA'I RNAL 'BYOR RO, ,SHES RAB THABS KYI BDAG NYID SBYOR, ZHES PA 'DI GONG MA GSUM GA LA SBYAR BAR BYA BA YIN PAS DE LTAR SBYAR RO, ,SEMS GNYID 'THUG GI GNAS SKABS NI MTSAN MA MED PA RTOGS PA'I YE SHES KYIS LEGS PAR DAG PA'I SHES RAB DANG GNYIS SU MED PA'I BYAMS PA CHEN PO THABS KYI BDAG NYID DBYER MED PAR SBYOR BA DE NI CHOS SKU'I NGO BOR GYUR PA CHOS KYI BDAG NYID KYI RNAL 'BYOR RO, ,NGAG DANG RMI LAM BSKYED PA'I GNAS SKABS NI SMON MED RTOGS PA'I YE SHES KYIS DAG PA'I SHES RAB DANG, DGA' BA CHED MED PA'I BDE BA CHEN PO THABS KYI BDAG NYID DBYER MED PAR SBYOR BA, MI ZAD PA'AM GZHOM DU MED PA'I SGRA GSUNG RNAM PA THAMS CAD PA'I MTSAN NYID CAN GYI LONGS SKU STON PAR BYED PA NI YID SKYOB PAS GSANG SNGAGS KYI RNAL 'BYOR RO, ,SNGA MA GSUM LA TSANGS PA'I GNAS DANG, RNAM THAR DANG, SKU LA SOGS PA SO SOR SBYAR BA DE BZHIN DU SKU STE LUS SAM SAD PA'I GNAS SKABS DE NYID MNGON PAR 'DUS MA BYAS PA RTOGS PA'I YE SHES KYIS DAG PA DANG, DRI MA MED PA'I BDE BA CHEN PO BTANG SNYOMS TSAD MED PA'I THABS KYI
BDAG NYID GNYIS DBYER MED PAR SBYOR BA RDZU 'PHRUL MTHA' YAS PAS GDUL BYA GANG NA YOD PA'I GNAS THAMS CAD DU BGROD PA CAN GYI SPRUL PA'I SKU STON PA DE NI MTSAN DANG DPE BYAD KYIS BRGYAN PA'I DBYIBS KYI RNAL 'BYOR RO, ,'DIR SPRUL SKU THOGS MED YIN NA LHAS BYIN GYIS SGYOGS 'PHANGS PAS ZHABS LA TSOR BA SDUG BSNGAL BSKYED PA 'GAL LO ZHE NA, ZHES PA'I DOGS PA BKOD NAS, DE'I LAN DU KHA CIG NA RE, DE NI SPRUL PA'I SKU MA YIN GYI, SPRUL PA'I SKU DES SPRUL PA YIN PAS SKYON MED DE, ZHES 'CHAD DO, ,DE LTAR NA ZAS GTZANG GI SRAS SU SKU BLTAMS PA'I TSUL BSTAN PA'I STON PA SH'AKYA'I RGYAL PO LTA BU SPRUL PA'I SKUS SPRUL PA YIN GYI SPRUL SKU DNGOS MA YIN NO, ,ZHES 'DOD DGOS PAR 'GYUR LA, DE LTAR NA DE NYID SKU GZHAN GANG DU'ANG KHAS BLANG DU MI RUNG BAS SANGS RGYAS MA YIN PA NYID DU 'GYUR RO, ,RANG GI LUGS NI, STONG PA NYID KYI GZUGS LAS GRUB PA RTZA BA'I SPRUL SKU NI THOGS PA MED PA'I SKU YIN LA, 'ON KYANG DE NYID GDUL BYA MA DAG PA RNAMS LA THUN MONG DU SNANG BA'I SGO NAS CHOS STON PA DANG MYA NGAN LAS 'DAS PA'I RJES SU'ANG SKU GDUNG RING BSEL BZHAG PA LA SOGS PAS GDUL BYA LA PHAN GDAGS PAR BYAR MED PAS DGOS PA DE DAG GI DON DU SLAR YANG KHAMS RAGS PA BZUNG BA'I SPRUL SKU RGYAL BA SH'AKYA THUB PA LTA BU'I SKU NI THOGS PA DANG BCAS PA'O, ,ZHES GNYIS SU DBYE BAR BYA LA, DE NYID SPYIR THOGS BCAS YIN KYANG SGYOGS KYIS SNANG BA LA SOGS PA NI LAS 'BRAS LA YID CHES PA BSKYED PA'I DON DU GZHAN NGOR DE LTA BU'I SNANG BA BSTAN PA TZAM MO,
, ,DE BZHIN DU LONGS SKU'ANG GZHUNG 'DI'I GONG 'OG DU MAR GSUNG RNAM PA THAMS CAD PA LA BSHAD PA MANG DU BYUNG YANG, MTSAN DPES SPRAS PA'I LONGS SKU MI BZHED PA MA YIN TE, MNGON RTOGS RGYAN LAS, NGO BO NYID LONGS RDZOGS BCAS DANG, ,ZHES SHES BYED DU DRANGS NAS SKU'I RNAM GZHAG MDZAD PAS, MTSAN NI SUM CU RTZA GNYIS DANG, ,DPE BYED BRGYAD CU'I BDAG NYID 'DI, ,THEG CHEN NYE BAR LONGS SPYOD PHYIR, ,THUB PA'I LONGS SPYOD RDZOGS SKUR BZHED, ,CES PA LTAR YANG ZHAL GYIS BZHED DGOS LA, MDOR BSDUS 'OG MA DAG TU MTSAN DPES BRGYAN PA'I LONGS SKU DNGOS SU'ANG GSUNGS PA'I TSUL SKABS DE DAG TU 'CHAD PAR 'GYUR RO, ,DES NA THEG PA CHEN PO'I CHOS LA LONGS SPYOD PA'I BYED PA NI GSUNG YIN PAS, LONGS SPYOD KYI SGRA LONGS SPYOD PA'I BYED PA LA SBYAR NAS GSUNG LA LONGS SKUR BSHAD LA, LONGS SPYOD PAR BYED PA PO LA SBYAR BA NI MTSAN DPES BRGYAN PA'I LONGS SKU'O, ,DE'I PHYIR SPRUL SKU BZHIN DU LONGS SKU LA'ANG GNYIS SHES PAR BYA'O, ,GNYIS PA SEMS DPA' BZHI'I SGO NAS BSTOD PA NI, SKU GSUNG THUGS KYI RDO RJE BDE BA CHEN PO DANG SEMS DPA' STE, SRID PA GSUM GYI RNAM PA THAMS CAD PA'I GZUGS GNYIS DBYER MI PHYED PA NI RDO RJE SEMS DPA'O, ,BYANG CHUB STONG PA NYID DANG SNYING RJE'I BDAG NYID LA RNAM PAR GNAS PA'I SEMS DPA' NI BYANG CHUB SEMS DPA' 'O, ,MCHOG TU MI 'GYUR BA'I BDE BA CHEN PO DE NYID SEMS DPA' STE SA BCU GNYIS KYIS YONGS SU RDZOGS PA NI SEMS DPA' CHEN PO'O, ,DAM TSIG CES PA KHAMS DKAR PO DE NYID SEMS DPA'
STE 'DZAG MED DU BCINGS PA NI DAM TSIG SEMS DPA' 'O, ,BYANG SEMS GTZUG TOR NAS GSANG BAR 'ONGS PA DE NYID, SNGAR JI LTAR 'ONGS PA DE BZHIN DU NOR BU NAS GTZUG TOR DU GSHEGS SHING 'GYUR MED DU BCINGS PAS DE LTAR GSUNGS PA GANG YIN PA DE NI DNGOS PO STE RTAG PA'I MTHA' DANG, DNGOS MED CHAD PA'I MTHA' ZAD PA'I GTZO BO STE RIGS THAMS CAD LA KHYAB PA'I BDAG PO YIN LA, DE LTAR THOG MA SRID PAR SKYE BA DANG, MTHA' MA 'CHI BA MED CING, RNAM RTOG THAMS CAD NYE BAR ZHI BA YI BYANG CHUB KYI SEMS DE LA PHYAG 'TSAL LO, ,ZHES BYA BA'O, ,DE NI TSIGS SU BCAD PA DRUG GIS SKU BZHI DANG, RNAM PA BCU DRUG GCIG TU 'DRES PAR GYUR PA, SAD PA LA SOGS PA'I GNAS SKABS 'GOG PA'I CHOS CAN, PHYAG RGYA CHEN PO LAS YANG DAG PAR SKYES PA, AE WAm GYI YI GE'I NGES DON GYI SGO NAS BSTOD PA GSUNGS PA BSHAD PAR BYA'O, ,DE LA SPYIR GZHI DUS DANG, LAM BSKYED RDZOGS GNYIS KYI SKABS KYI DGA' BA BCU DRUG GI RNAM GZHAG KYANG YOD KYANG, 'DIR NI 'BRAS BU'I SKABS KYI DE NYID RNAM PA BCU DRUG YIN LA, DE'ANG LONGS SPRUL NI RTEN DANG, THUGS CHOS SKU DANG, YE SHES LHAN SKYES KYI SKU GNYIS NI DE LA BRTEN PA YIN CING, STON PA SH'AKYA'I RGYAL PO LTA BU ZHIG GIS 'DOD KHAMS SU KHAMS RAGS PA BZUNG BA'I SPRUL SKU DANG, KHAMS PHRA BA STONG GZUGS LAS GRUB PA'I SPRUL SKU GNYIS DANG, DE GNYIS KYI GSUNG THUGS YE SHES DANG, 'OG MIN NA MTSAN DPES SPRAS PA'I LONGS SKU DANG, DE'I GSUNG RNAM PA THAMS CAD PA LA LONGS SKUR BZHAG PA DANG, DE'I THUGS
, ,CHOS SKU DANG, YE SHES LHAN CIG SKYES PA'I SKU DANG, RTEN THUGS DANG YE SHES DE GNYIS LA BRTEN PA'I LONGS SPRUL GYI SKU GSUNG THUGS YE SHES TE, DE LTAR BCU DRUG YOD KYANG, LHAN SKYES KYI YE SHES GCIG NYID KYI GZUNG BYA LONGS SPRUL GYI SKU DANG GSUNG GI SNANG BA SNA TSOGS PAR SHAR BA YIN PAS DE THAMS CAD YE SHES GCIG PU DE'I NGO BOR SBYOR BA YIN LA, THAMS CAD KYANG RGYUD GCIG TU BSDOMS PA DANG TSOGS PA YIN GYI RGYUD SO SO BA MA YIN ZHES BYA BA NI, SPRUL PA YI NI ZHES SOGS TSIGS SU BCAD PA GSUM GYI DON TO, ,BSHAD SBYAR DU, SPRUL PAS DAD PAR BYAS SHING, GSUNG GI CHOS BSTAN TA, GDUL BYA RNAMS CHOS SKU DANG LHAN CIG SKYES PA'I YE SHES LA 'GOD PA YIN PAS GZHAN GYI DON LA BLTOS NAS KYANG SKU BZHI LA BRTEN DGOS MOD, ,RNAM PA BCU DRUG TU 'GYUR BA JI LTAR ZHE NA BDEN MOD, KUN 'BYUNG GI BDEN PA LA BRTEN NAS BRJOD PA STE, GANG NA GCIG YOD PA DER BZHI RNAMS SO, ,ZHES BYA BAS SKYON MED DO ZHES 'CHAD CING, GZHAN DAG GCIG SBYOR NI THABS SHES GCIG TU SBYOR BA DANG, SDOM PA NI RE RE LA'ANG BZHI BZHI 'DUS PA LA 'CHAD DO, ,'O NA SEMS CAN RNAMS LA'ANG DBANG PO GNYIS SBYOR GYI DGA' BA YOD PAS, LHAN SKYES KYI BDE BA DE DAG DANG YANG THUN MONG BA YIN NAM ZHE NA, 'KHOR BA PA'I SAD RMI GNYID 'THUG BZHI PA'I GNAS SKABS KYI DBANG PO GNYIS SBYOR GYI BDE BA RNAMS LHAN CIG SKYES PA'I YE SHES MIN ZHING 'BRAS BU'I LHAN SKYES KYI BDE CHEN DE NI YE SHES TE 'GYUR
PA'I BDE BA DANG, SEMS GNYID 'THUG DANG, DAG DANG LUS BSKYED PA'I GNAS SKABS KYI GNAS BZHIR YANG DAG MI GNAS TE RGYU MTSAN RIM BZHIN RLUNG DBU MAR RGYU BA MAD PA'I PHYIR DANG, DKYIL 'KHOR LNGA 'GOG PA'I BDAG NYID YE SHES LNGA SKYES PA'I PHYIR DANG, 'PHO BA BCU GNYIS 'GAGS PA'I PHYIR DANG, DGA' BA'I CHA BCU DRUG SGRIB BRAL DU GYUR PA'I PHYIR RO, ,'O NA MCHOG TU MI 'GYUR BA'I LHAN CIG SKYES PA'I YE SHES DE 'KHOR BA PA'I SEMS CAN THAMS CAD DANG THUN MONG BA MA YIN MOD, LAS DANG YE SHES KYI PHYAG RGYA LA BRTEN NAS SKYE BA'AM ZHEN, 'DI NI NU MA DANG SKRAR LDAN PA'I MTSAN NYID CAN GYI LAS KYI PHYAG RGYA YONGS SU DOR ZHING RTOG PAS BTAGS PA'I YE SHES KYI PHYAG RGYA RNAM PAR SPANGS TE STONG PA NYID GZUGS KYI PHYAG RGYA CHEN MO LAS YANG DAG PAR SKYES PA YIN LA, DE'I PHYIR LHAN SKYES KYI BDE CHEN DE PHYAG RGYA CHEN MO LAS GZHAN PA'I PHYAG RGYA DANG 'GROGS PA MIN NO, ,DE'ANG RGYUD 'DI NYID RTZA 'GREL GYI SKABS GZHAN DU LAS DANG YE SHES KYI PHYAG RGYA LA BRTEN DGOS PAR YANG BSHAD LA, YANG 'DI LTAR DE GNYIS DOR NAS PHYAG RGYA CHEN MO NYID LA BRTEN DGOS PAR YANG BSHAD PA CI ZHE NA, KHAMS DKAR PO RDO RJE NOR BU NAS RIM GYIS RANG GNAS BZUNG STE YAR BRTAN PA MCHOG TU MI 'GYUR BA'I BDE BA DNGOS SU BSKYED PA'I TSE LAS DANG YE SHES KYI PHYAG RGYA TZAM LA BRTEN PA SPANGS NAS PHYAG RGYA CHEN MO LA BRTEN DGOS PAR BSHAD CING, 'ON KYANG YAS BABS DANG MAS BRTAN GYI DGA' BZHI SOGS BSKYED PA LAS SAM YE SHES KYI PHYAG RGYA LA BRTEN DGOS PAR BSHAD PA YIN PAS MI
, ,'GAL LO, ,'DIR BSHAD SBYAR DU, 'O NA PHYAG RGYA CHEN MO LAS SKYES PA NYID KYI PHYIR LHAN CIG SKYES PA RGYU DANG BCAS PA NYID LA, PHYAG RGYA CHEN PO'ANG RGYU NYID DE, DE LTA NA NI GNYIS KA'ANG RGYU DANG 'BRAS BU LAS MA 'DAS SO, ,DE'I PHYIR LAS KYI PHYAG RGYA DANG, YE SHES KYI PHYAG RGYAR 'GYUR MOD, PHYAG RGYA CHEN MO YANG NGO ZHES PAS KHYAD PAR CI ZHE NA, ZHES PA'I DGOS PA BKOD CING, DBANG MDOR BSTAN GYI 'GREL PAR YANG 'DI DANG MTHUN PAR BKOD DO, ,DE'I DON DU BSAMS NAS, KHA CIG GAL TE LAS DANG YE SHES KYI PHYAG RGYA LA BRTEN NAS SKYES PA'I BDE BA DANG, PHYAG RGYA CHEN MO LAS SKYES PA'I LHAN SKYES KYI BDE BA THAMS CAD KYANG RGYU 'BRAS LAS MA 'DAS PA'I PHYIR, ,KHYAD PAR MED PAR 'GYUR RO ZHE NA, ZHES PA'I DOGS PA 'GOD PA NI MI 'THAD DE, RGYU 'BRAS SU 'DRA NA KHYAD MED DU 'GYUR DGOS SNYAM PA'I DOGS PA RTOGS LDAN LA SKYE BA'I GNAS MED PA'I PHYIR RO, ,DES NA DOGS PA BKOD PA'I DON NI, GAL TE LHAN SKYES KYI BDE BA LAS DANG YE SHES KYI PHYAG RGYA LA BRTEN NAS KYANG SKYE ZHING, PHYAG RGYA CHEN MO LAS KYANG LHAN SKYES KYI BDE BA BSKYED PA LAS DGOS PA GZHAN MI SNANG BAS PHYAG RGYA CHEN MO BSGRUB PA LA 'BAD PAS DGOS PA KHYAD PAR BA CI YOD CE NA, ZHES BYA BA'O, ,DE'I LAN LA BSHAD SBYAR DU, DBANG MDOR BSTAN LAS, SHES RAB RGYU LAS MA BYUNG ZHING, ,SHES RAB RGYU LAS BYUNG BA 'BRAS, ,SHES RAB RGYU LAS MA SKYES PHYIR, ,SHES RAB LAS SKYES RGYU SKYES MIN, ,ZHES PA DRANGS PA DRANGS NAS LAN DU BSHAD DO, ,DE'I DON NI DE LTAR NA'ANG KHYAD MED DU MI 'GYUR
TE, LHAN SKYES PHYAG CHEN LAS SKYES KYANG PHYAG CHEN RGYU LAS MA SKYES PA'I PHYIR RO, ,ZHES BYA BAR 'CHAD PA NI LUNG DE'I DON MA YIN TE, DON DAM PAR LAS RGYA'ANG RGYU LAS MA SKYES SHING, KUN RDZOB TU PHYAG CHEN RGYU LAS MA SKYES NA NI LHAN SKYES KYI BDE CHEN RTAG PA'I RGYU LAS GSAR DU SKYES PAR 'GYUR BA'I PHYIR RO, ,DES NA DON NI 'DI YIN TE, RKANG PA GNYIS KYIS DON DAM PAR PHYAG RGYA CHEN MO'I SHES RAB RGYU LAS MA BYUNG ZHING, KUN RDZOB TU SHES RAB KYI RGYU LAS BYUNG BA'I BDE CHEN DE NYID DE'I 'BRAS BU YIN NO, ,ZHES BSTAN LA, RKANG PA PHYI MA GNYIS KYI DON NI, PHYAG RGYA CHEN MO'I SHES RAB LAS SKYES PA'I BDE CHEN DE DON DAM PAR RGYU LAS SKYES PA MIN TE, SHES RAB DE NYID DON DAM PAR RGYU LAS MA SKYES PA'I PHYIR ZHES BYA BA'O, ,DE LTAR BSHAD PAS DOGS PA DE'I LAN DU JI LTAR 'BREL ZHE NA, 'DI LTAR 'BREL TE, PHYAG RGYA GSUM PO DE LAS SKYES PA'I LHAN SKYES KYI BDE BA RNAMS LHAN SKYES TZAM DU 'DRA'ANG PHYAG CHEN LA DGOS PA KHYAD PAR BA MED PA'I SKYON MED DE, LAS RGYA DANG YE RGYA LA BRTEN NAS SROG DBU MAR ZHUGS PA'I BDE CHEN DREN NUS PA LAS, SPYIR STONG NYID LTA BAS GTAN LA PHEBS KYANG, DE'I TSE BDE CHEN DANG STONG NYID SBYOR NUS PAS MA KHYAB LA, PHYAG RGYA CHEN MO LA BRTEN NAS BDE CHEN DRANGS NA SBYOR NUS PA'I KHYAB PA'I PHYIR RO, ,DE'I RGYU MTSAN YANG DBANG PO BRTUL PO LAS RGYA LA BRTEN NAS BDE BA DRANG DGOS PA NI JI SRID DBANG PO BRTUL PO RNON POR MA 'PHOS KYI BAR DU LAS RGYA LAS LHAN SKYES KYI BDE BA DRANGS
, ,DE'I TSE STONG NYID DANG SBYOR MI NUS LA DBANG 'BRING YE RGYA LA BRTEN NAS LHAN SKYES KYI BDE BA DRANG DGOS PA'ANG JI SRID DBANG PO RNON POR MA 'PHOS KYI BAR DU BDE STONG DNGOS SU SBYOR MI NUS PA'I PHYIR RO, ,DE LA LUNG DES NI GANG DANG SBYAR RGYU'I STONG NYID DNGOS SU BSTAN NAS, DE DANG DNGOS SU SBYOR NUS MI NUS KYI KHYAD PAR YOD CES SHUGS LA 'PHANGS PA YIN NO, ,SLOB DPON N'A RO PAS KYANG, RGYU DE 'DRA BA LAS MA BYUNG ZHING MA SKYES PA STE, DON DAM PAR RANG BZHIN GYIS MA BYAS PA NYID KYI PHYIR RO, ,ZHES DANG SHES RAB RGYU LAS SKYES PA SNGAR BSAL ZIN, CES 'BYUNG 'JIG THAMS CAD RANG BZHIN GYIS MA GRUB PAR GONG DU BSHAD PA'I SKABS LA KHA 'PHANGS TE, DON DAM PAR SKYES PA 'GOG PA LA GSAL BAR SBYAR RO, , GAL TE LHAN SKYES KYI BDE CHEN DE PHYAG RGYA CHEN MO LAS SKYE DGOS SU CHUG MOD, PHYAG RGYA CHEN MO DE'I RGYUR DKYIL 'KHOR GYI 'KHOR LO BSGOM PA LA SOGS PA'ANG 'GYUR RAM ZHE NA, RNAM RTOG GIS BTAGS PA'I BSKYED RIM BSGOM PA LAS 'DAS PA STE DE TZAM LAS DNGOS SU MA SKYES SHING, PHYAG RGYA CHEN PO MI 'GYUR BA'I BDE BA'I SHES RAB YE SHES DE NI RDUL PHRA RAB KYI CHOS NYID LAS 'DAS PA'I PHYIR NA GZUNG BA PHYI ROL GYI SHES BYA DANG, DE LA BLTOS PA'I 'DZIN PA RNAM PAR SPANGS LA, MTSAN DPES BRGYAN PA SOGS KYI DBYIBS KYI SGOM PA DAG DANG, RTOG PA DANG BRJOD PA'I BYA BA TZAM GYI YUL DU GYUR PA RNAM PAR SPANGS PA YIN NO, ,'O NA DPE CI DANG 'DRA ZHE NA, PHYI ROL GYI DON SPANGS SHING RANG
BZHIN MED BZHIN DU'ANG RNAM PA THAMS CAD PA'I GZUGS KYI SNANG CHA MA DOR BAS DRI ZA'I GRONG KHYER GYI RNAM PA DANG, GZHON NU MAS ME LONG LA PRA PHAB PA'I RANG BZHIN CAN DU GYUR PA'O, ,DE LTAR PHYAG RGYA CHEN MO DANG MCHOG TU MI 'GYUR BA'I BDE STONG GI YE SHES THABS DANG SHES RAB KYI NGO BO DBYER MED PA'I BDAG NYID DU SBYOR BA'I AE WAm GYI YI GE DE LA 'DUD DO, ,DE LTAR THABS SHES GNYIS SU MED PA'I SGO NAS PHYAG 'TSAL BA BSHAD NAS, DA NI THABS SHES SO SOR PHYAG 'TSAL BA BRJOD PAR 'DOD NAS, DANG POR SHES RAB KYI YUM LA PHYAG 'TSAL BA NI, PHRA RAB RDUL GYI CHOS NYID 'DAS, ,ZHES SOGS TSIGS SU BCAD PA GNYIS TE, DE LA LAS DANG NYON MONGS LAS SKYE BA LAS KYI PHYAG RGYA DANG NI 'JIG PA ZHES PA 'DOGS PA PO'I YID GZHAN DU GYUR PA NA DES BTAGS PA'I PHYAG RGYA'ANG MED PAR 'GYUR BA YE SHES KYI PHYAG RGYA STE DE GNYIS RNAM PAR SPANGS PA, 'JIG RTEN GSUM GYI SPYOD PA LAS GROL BAS THOG MTHA' BAR DU DGE BA'I PHYIR KUN TU BZANG PO'I SPYOD PA CAN NO, , ZHES BYA BA STE, GZHAN RNAMS SNGAR BSHAD ZIN TO, ,THABS YAB LA PHYAG 'TSAL BA NI, A'A LI K'A LIS MTSAN PA'I ZLA NYI SNYOMS PAR 'JUG PA STE KHA SBYAR BA DANG H'Um PHAt STE SA BON DANG SOGS KYIS BSTAN PA'I PHYAG MTSAN SOGS SPANGS PA STE, DE DAG LAS BLOS BSKYED PA MA YIN KYANG, 'GYUR MED LAS 'KHRUNGS SHING BDE STONG GI YE SHES KYI GZUNG CHA SNA TSOGS PA'I STONG PA'I SKUR SHAR BA'I DUS KYI 'KHOR LO DE LA 'DUD CES PA'O, ,DE LTA BU'I BCOM LDAN 'DAS DE SKU BZHI'I BDAG
, ,NYID KYI RGYUD STON PA POR GYUR PAS BSTOD CING PHYAG 'TSAL BA NI, KUN MKHYEN ZHES SOGS TSIGS SU BCAD PA GCIG DANG, DE'I 'OG TU SNGAR BSHAD YON TAN THAMS CAD BSDUS PAS PHYAG 'TSAL BA NI, DAG DANG ZHES SOGS TSIGS SU BCAD PA GCIG STE, DON NI SNGAR BSHAD PAS SHES SLA LA, SRID 'DAS 'BYOR PA ZHES PA'ANG SNGAR LTAR BSHAD PAR BYA'O, ,DE LA KHA CIG DAG DANG ZHES PA NAS, SPYI BOS PHYAG 'TSAL TE ZHES PA'I BAR GYI TSIGS SU BCAD PA GSUM RIM BZHIN PHYI NANG GZHAN GSUM LA SBYAR NAS 'CHAD LA, KHA CIG RLUNG ME CHU DANG, ZHES SOGS SHLOO KA THA MA PHYI DANG, SHLOO KA BAR PA NANG DANG, DANG PO GZHAN LA SBYOR MOD KYI, 'DI GSUM GYI DON LA PHYI NANG GZHAN GSUM GYI KHYAD PAR DBYE DKA' 'O, ,DES NA TSIGS SU BCAD PA 'OG MA GNYIS NI GTZO BOR DAM PA'I LAM NGES PAR BYED PA'I SGO NAS PHYAG 'TSAL BA YIN TE, DE'ANG 'DI LTAR SGRUB PA PO RTEN GYI GANG ZAG ,DES BSGRUB PAR BYA BA'I 'BRAS BU, THABS GANG GIS BSGRUB PA'I THUN MONG MA YIN PA'I LAM DANG GSUM LAS, DANG PO NI, RLUNG ME CHU DANG SA YI DKYIL 'KHOR LHUN PO PADMA DANG, ZHES PAS BCOM LDAN 'DAS DUS KYI 'KHOR LO'I GDAN GYI RTEN 'BYUNG BZHI, LHUN PO PADMA RNAMS BSTAN PAS MTSON NAS LAM 'DI NYAMS SU LEN PA'I RTEN GYI GANG ZAG KHAMS DRUG LDAN NYID BSTAN PA YIN NO, ,GNYIS PA THOB BYA'I 'BRAS BU NI, TSIGS SU BCAD PA SNGA MAS STON LA, DE'ANG SPYI BOS 'DUD CES DRANG NGO, ,GANG LA NA 'JIG RTEN GSUM GYIS MCHOD
PA'I GTZO BO LA'O, ,RNAM PA JI 'DRA BA CAN ZHE NA, ZHABS GCIG CES SOGS TE, DE'ANG DBANG MDOR BSTAN LAS, LUS CAN RNAMS NI 'CHI BA NA, ,ZLA BA BDUD RTZI 'OG TU 'GRO ,STENG DU NYI MA RDUL SGRA GCAN, ,RNAM SHES SRID PA'I MTSAN NYID LA, ,ZHES GSUNGS PA LTAR, MNGAL SKYES KHAMS DRUG LDAN GYI SKYES BU RNAMS 'CHI BA'I TSE, KHU RDUL RNAM SHES GSUM GYI TSOGS PA ZHIG NAS ZLA BA'I MING CAN BDUD RTZI 'AM KHU BA NI THUR DU 'GRO ZHING, NYI MA'I MING CAN RDUL LAM KHRAG NI STENG DU 'GRO LA, SGRA GCAN GYI MING CAN RNAM SHES PAR NGOR SONG STE SRID PAR NYID MTSAMS SBYAR NAS, SLAR YANG DE LTA BU'I TSUL GYIS 'KHOR BAR 'GYUR BA YIN NO, ,GZHI DUS KYI RIM PA DE RNAL 'BYOR PAS THABS MKHAS KYIS DE LAS BZLOG PAR BSGYUR NA 'KHOR BA 'GAG CING, BDE BA CHEN PO'I GO 'PHANG THOB PAR 'GYUR TE, DBANG MDOR BSTAN LAS, DE PHYIR ZLA BA BDUD RTZI NI, ,STENG DU BGROD BYA MI YI BDAG ,'OG TU NYI MA RDUL SGRA GCAN, ,RNAM SHES MCHOG GI BDE BA LA, ZHES GSUNGS PA LTAR TE, THABS MKHAS KYI LAM GYIS, KHU BA NOR BU NAS STENG DU RIM BZHIN DRANGS TE GTZUG TOR DU BRTAN PAR BYAS SHING, RDUL GTZUG TOR NAS RIM BZHIN THUR DU SONG STE RDO RJE NOR BUR BRTAN PAR BYAS NA DE'I DBANG GIS RNAM SHES MCHOG TU MI 'GYUR BA'I BDE BA'I NGO BOR SKYE BAR 'GYUR RO, ,ZHES BYA BA'O, ,DE LA BCOM LDAN 'DAS DUS KYI 'KHOR LO'I SKU'I RNAM PA ZHABS GCIG GA-YAS PA DMAR PO BRKYANG BAS NI, RDUL THUR DU DRANGS NAS RDO RJE NOR BUR BRTAN PAR BYAS PA MTSON LA, ZHABS GNYIS PA'AM GA-YON PA DKAR PO BSKUM PAS NI KHU BA
, ,GYEN DU DRANGS SHING GTZUG TOR DU BRTAN PAR BYAS PA MTSON NO, ,NYI MA RI BONG CAN LA NI ZHABS DAG BKOD CES PA LA, NYI MAS NANG GI NAGS PHYOGS MYA NGAN LAS 'DAS PA'I MTHA' DANG, ZLA BAS NANG GI DKAR PHYOGS 'KHOR BA'I MTHA' MTSON ZHING, DE GNYIS ZHABS KYIS MNAN PA'I DON SRID ZHI'I MTHA' LAS 'DAS PA'O, ,KHA CIG ZHABS GA-YAS PA NYI GDAN DANG, GA-YON PA ZLA BA'I GDAN LA BKOD CES 'CHAD PA MI 'THAD DE, DE LTAR NA ZLA NYI BRTZEGS PA'I GDAN LA ZHABS GNYIS KA BKOD PAR 'OG NAS BSHAD PA DANG 'GAL BA'I PHYIR RO, ,TSUL JI LTAR BKOD NA DUS RTAG TU BDE BA DANG STONG PA'I YE SHES KYIS KYANG GZHIG TU MED PA'I PHYIR, RIG PA DANG SHES PA'I GRI GUG GIS MI CHOD CING, GNYIS SNANG THAMS CAD DANG BRAL BAS GZUNG 'DZIN GYI GRI GUG GIS DBYER MED LA, BDE BA CHEN PO'I RGYU YIN PAS 'DOD PAR RO, ,'JIG RTEN GSUM GYIS MCHOD PA'I DON NI SNGAR LTAR RO, ,'ON SGRUB PA PO DES DE LTA BU'I GO 'PHANGS THOB PA THABS GANG GIS YIN SNYAM NA, BCOM LDAN 'DAS KYI ZHABS 'OG GI GDAN DNGOS SU BSTAN PAS MTSON NAS THUN MONG MA YIN PA'I LAM GYI GTZO BO NGAS PAR BYED DE, 'DI LTAR ZLA BA DANG NYI MAS NI 'OG GI BSHAD GCI 'BAB PA'I RTZA GNYIS MTSON LA, DUS MES NI DUNG CAN MA MTSON ZHING, ZLA NYI BRTZEGS PA'I STENG DU DUS ME'AM SGRA GCAN ZHABS KYIS MNAN PAS BSHAD GCI'I RTZA LA RGYU BA'I THUR SEL GYI RLUNG DUNG CAN MAR BKAG PA MTSON NO, ,ZHABS GA-YAS KYI 'OG GI BDUD DMAR POS NI GA-YAS RO MA DMAR MO DANG, GA-YON GYI
'OG GI DBANG PHYUG DKAR POS GA-YON RKYANG MA DKAR PO MTSON LA, SGRA GCAN GYI DKYIL 'KHOR GYI STENG DU DE GNYIS KYI MGOR ZHABS BKOD PAR GYUR PA'AM ZHABS KYIS MNAN PA NI, RO RKYANG GI RLUNG DBU MAR BKAG PA MTSON NO, ,DE'ANG SRID PA PHUNG SOGS THAMS CAD SGRIB BRAL DU SKYED PAR BYED PA'I PHYAG RGYA CHAN MO SNA TSOGS YUM GYI ZHABS DANG LHAN CIG TU BKOD CES PAS NI, DE LTAR STENG 'OG GI RLUNG DBU MAR BCUG PA LAS, STONG GZUGS KYI PHYAG RGYA CHEN MOS 'KHYUD PA'I MCHOG TU ME 'GYUR BA'I BDE CHEN 'DRAN PA MTSON NO, ,DES NA DNGOS SU PHYAG YUL BCOM LDAN 'DAS KYI SKU'I BKOD PA BSHAD NAS, DE'I RNAM PAR BSGOM PA'I BSKYED RIM STON LA, SKU'I BKOD PA DE NYID KYIS MTSON PA'I DON NI, THUN MONG MA YIN PA'I RDZOGS RIM GYI LAM YIN NO, ,DE'I PHYIR 'DI LTAR SHES NA, DA LTA NYID NAS BCOM LDAN 'DAS KYI SKU'I BKOD PA GDAN DANG BCAS PA'I RNAM PA BLO LA SHAR PA TZAM GYIS THUN MONG MA YIN PA'I LAM GYI GNAD THAMS CAD DRAN PAR NUS PAS SKU'I RNAM PA RE DRAN RES KYIS KYANG THUN MONG MA YIN PA'I LAM GYI SEMS CAN DE RNAMS LA BAG CHAGS 'JOG PAR 'GYUR LA, 'DI LTA BU'I RNAM PA CAN GYI BSKYED RIM BSGOM PA'I DGOS PA NI, SKU'I RNAM PA DE DANG DES MTSON PA'I RDZOGS RIM KHYAD PAR CAN DE DAG SKYE BA'I SMIN BYED DU BSGOM PA YIN PAR SHES NAS BSKYED RIM MCHOG GI DNGOS GRUB KYI RGYUR SPANG DGOS PA'I LOG RTOG KYANG LDOG PAR 'GYUR RO, ,DE BAS NA DE LTA BU'I RNAM PA CAN GYI BCOM LDAN 'DAS LHA YI DBANG POS BTUD PA'I GTZO BO LA SPYI BOS PHYAG 'TSAL LO, ,ZHES BYA BA STE, STE NI 'OG GI BRTZAM PAR DAM
, ,BCA' BA 'DREN PA'I TSIG GO ,DES NA MCHOG GI DAM PA'I LAM NI GTZO BOR MCHOD BRJOD KYIS NGES PAR BYED PA YIN TE, DE'ANG TSIGS SU BCAD PA GNYIS PO 'DIS LAM GYI GTZO BO 'DI LTAR NGOS BZUNG ZHING, STONG NYID SNYING RJE'I BDAG NYID CAN, ZHES SOGS GONG DU BSHAD PA THAMS CAD KYIS NI, LAM DE'I KHYAD PAR BSTAN PA YIN TE, SROG AA WA DHU T'IR BCUG NAS STONG GZUGS KYI PHYAG RGYA DANG SBYAR TE, KHAMS DKAR PO NOR BU'I RTZE NAS YAR BSTAN PA DANG, KHAMS DMAR PO GTZUG TOR NAS MAR BRTAN PAR BYED PAS RNAM SHES MCHOG TU MI 'GYUR BA'I NGO BOR SKYES PA DE LA NI, STONG NYID SNYING RJE DBYER MED PA DANG, SHES DANG SHES BYA GCIG PA LA SOGS PA THAMS CAD 'BRAS BU'I GNAS SKABS DANG RJES SU MTHUN PA RE LAM GYI SKABS SU'ANG YOD PA'I PHYIR RO, ,BDUD DANG BGEGS MTHA' DAG NYAMS PAR BYED PA NI GTZO BOR 'OG TU 'JIGS PA BCU DRUG GI NYER 'TSE ZHI BA'I THABS BSTAN PA NYID KYIS NGES PAR BYED DO, ,DA NI RANG NYID 'GREL BSHAD RTZOM PAR DAM BCA' BA BRJOD PAR BYA STE, BRJOD PAR 'DOD CES DRANG NGO, ,GANG LA NA DE LTAR BSHAD MA THAG PA'I RDO RJE'I RNAL 'BYOR GANG ZHIG GO ,DE JI 'DRA BA ZHIG CE NA, DPAG MED BDE GSHEGS RNAMS KYIS RANG GIS BSTEN CING SKAL BA DANG LDAN PA GZHAN LA BSTAN PA DANG, BYANG CHUB SEMS DPA' NGES DON GYI RDO RJE MCHOG STONG PA LNGA 'DZIN PA YID SKYOB PA'I DON GYIS MI 'GYUR BA'I BDE BA NI GSANG SNGAGS TE, DE NYID MYONG BA'I TSUL GYIS RIG PA KUN GYIS YANG DAG PAR BRJOD PA'AM
BSHAD PAR GYUR PA'I 'GYUR MED MCHOG GI BDE BA THABS SHES ZUNG 'JUG GI RNAL 'BYOR DE NI'O, ,GANG DU NA, DUS KYI 'KHOR LO STE DE'I RGYA CHER 'GREL DU'O, ,SU ZHIG GIS NA PAD DKAR BDAG GIS SO, ,BLUN PO ZHES PA NI KHENGS BSKYUNG BA'I TSIG STE, RJES 'JUG DAG LA NGA RGYAL GYIS KHENGS PA DOR BAR BYA'O, ,ZHES SLOB PAR MDZAD PA'O, ,'O NA SANGS RGYAS DANG, BYANG SEMS CHEN PO RNAMS KYI YUL DE BLUN POS BRJOD PA LA 'BAD PAR MI RIGS SO ZHE NA SKYON MED DE, MKHA' LDING NAM MKHA' LA 'GRO BA'I RJES SU BYA GZHAN YANG 'GRO BA BZHIN NO, ,ZHES PA NI MKHA' LA ZHES SOGS SO, ,'O NA 'BAD PA BYAS KYANG RGYUD DON CHES ZAB PAS RTOGS PAR MI NUS PA MA YIN NAM ZHE NA, RGYUD KYI RGYAL PO GANG DU SGRUB PA PO RANG GI LUS LA SRID PA PHUNG SOGS MTHA' DAG DANG, DER MA ZAD DON DAM PA DANG KUN RDZOB KYI BRDA CAN GYI SNGAGS DANG BCAS PA RNAMS SGRIB BRAL DU BYED PA'I THABS MA SBAS SHING CHES CHER GSAL BAR A'A LI BYANG CHUB KYI SEMS KYI THIG LE MI 'GYUR BAR 'DZIN PA RGYAL BA'I DBANG POS GSUNGS SHING, DE'I PHYIR RGYUD KYI CHU GTER CHEN PO DER NI BRKYAL BA'AM BRGAL BA'I SLAD DU RAB TU ZHUGS PA DE LA GAL TE BDAG PHA ROL TU PHYIN PA NI RGYAL BA'I MTHUS YIN GYI RANG DBANG DU MA YIN NO, ,DE'I 'OG TU RGYAL BAS GSANG BDAG ZLA BZANG LA RTZA RGYUD GSUNGS PA'I TSE BSDUS RGYUD 'BYUNG BAR LUNG BSTAN PA LTAR 'JAM DPAL GRAGS PAS BSDUS SHING, ZLA BZANG GIS RTZA RGYUD LA 'GREL BSHAD STONG PHRAG DRUG CU PA THEG PA KUN DON GSAL BAR BYED PA MDZAD PA LTAR, PAD DKAR
, ,BDAG GIS BSDUS RGYUD LA 'GREL BSHAD STONG PHRAG BCU GNYIS PA RGYUD KYI RDO RJE'I TSIG GSAL BAR BYED PA 'DRI ZHES DAM BCA' PA NI, GANG PHYIR ZHES PA NAS, BRI BAR BYA ZHES PA'I BAR RO, ,DE'ANG THUB PA MTHA' DAG CES PA NI, MTHA' DAG THUB PA RNAMS LA, ZHES DBANG GIS BSGYUR BA LTAR TE, DON NI SHMBHA LA'I GRONG KA PA L'A PAR 'JAM DPAL GYIS RGYUD DON MTHA' DAG THUB PA DRANG SRONG RNAMS LA BSTAN, CES BYA BA'O, ,DA NI BRTZAMS PA'I 'GREL BSHAD 'DI NYID NYAN PAR GDAMS PA BSHAD PAR BYA STE, MNYAN PAR BYA'O, ZHES DRANG NGO, ,GANG NA RGYUD KYI GTZO BO DUS KYI 'KHOR LO'I 'GREL BSHAD GZHAN LA PHAN PA'I SPYOD PA STON PA'O, ,TSUL JI LTA BUS NA RGYAL BAS GSUNGS PA'I CHO GAS 'JIG RTEN PA'I DBANG SNGON DU 'GRO BA'I 'JIG RTEN LAS 'DAS PA'I DBANG BLANGS NAS, DE'I 'OG TU NGA RGYAL GYI KHENGS PA DANG LONGS SPYOD RNAM PAR 'JIG PA'I CHOS CAN DU MA BTANG BA BYAS NAS SO, ,GANG GI DON DU NA SEMS NI SANGS RGYAS NYID KYI SLAD DU GTAD PAR BYAS TE DE THOB PA'I CHED DU'O, ,GANG LAS NA BLA MA LAS SO, ,SU ZHIG GIS NA, BYIS PA'I MKHAS PA KHYIM NA GNAS PA LA SOGS PAS MNYAN PAR BYA BA 'BA' ZHIG TU MA ZAD KYI, RGYUD 'DI'AM SNGA MA NI BSDUS PA'I RGYUD KYI RGYAL PO GZHAN MA LUS THOS NAS YANG DAG YE SHES LAM LA GNAS PA'I RNAL 'BYOR PAS KYANG MNYAN PAR BYA'O, ,'DI NI NYAN PA PO RNAL 'BYOR PA'I KHYAD PAR YIN GYI, RGYUD KYI 'GREL PA 'DI NYAN PA'I SNGON DU RGYUD 'DI'AM GZHAN THOS SHING
YANG DAG PA'I LAM LA GNAS PAR BYAS NAS NYAN DGOS ZHES PA MA YIN NO, ,'DI NI BSHAD SBYAR GYI GZHUNG GI 'DON TSUL 'DI LTANG BSHAD CING, DBANG GIS KYANG DE LTAR BSGYUR BA DANG MTHUN PAR BSHAD PA'O, ,DA NI PHYIN CI LOG DANG YANG DAG PA'I 'GREL BSHAD KYI RNAM DBYE 'CHAD PAR 'DOD NAS, DANG POR PHYIN CI LOG GI 'GREL PA'I NYES PA 'CHAD PA'I DON DU, MNGON SHES MED GANG, ZHES PA LA SOGS PA GSUNGS SO, ,DE'ANG 'DI DANG DBANG MDOR BSTAN GNYIS KA RU MNGON SHES MED PAS RGYUD KYI 'GREL PA BYED PA DKAG PA'I DON NI, RDZU 'PHRUL DANG LHA'I RNA BA'I MNGON SHES LA SOGS PA THEG PA GONG 'OG THAMS CAD LA THUN MONG DU GRAGS PA'I MNGON SHES LNGA PO 'DI'I DBANG DU BYAS PA NI MA YIN TE, DE LTA BU NI BSAM GTAN DANG PO'I NYER BSDOGS TZAM YAN CHAD KYI SEMS GANG YANG RUNG BA THOB PA'I PHYI ROL PA DAG LA'ANG YOD CING, NYAN RANG LA'ANG YOD PAS, DE YOD KYANG RGYUD DON SHES PA LA PHAN PA CI'ANG MI BYED PA'I PHYIR DANG, RGYUD KYI NGES DON ZAB MO DAG DE 'DRA BA'I MNGON SHES KYI YUL DU BYA MI NUS PA'I PHYIR RO, ,BLA MED KYI'ANG BSKYED RIM DANG, RDZOGS RIM GYI RDO RJE BZLAS PA DANG, YAN LAG DRUG GI BSAM GTAN LA BRTEN NAS MNGON SHES LNGA 'GRUB PAR RGYUD SDE RNAMS LAS GSUNGS PA'I MNGON SHES LNGA PO DE DAG KYANG RGYUD DON MTHA' DAG LA MI 'KHRUL PA'I NGES PA MED PAS DE TZAM GYI DBANG DU BYAS PA MA YIN GYI, 'O NA CI ZHE NA, MDO SDE RGYAN LAS, JI LTAR RNAM GNAS YID LA BYED PA
, ,LAS, ZHES GSUNGS PA LTAR, THUN MONG GI MNGON SHES LNGA PO THAMS CAD LA RANG RANG GI RNAM GNAS YID BYED MI 'DRA BA RE RES BSGRUB DGOS KYANG, SNGAGS BLA MED KYI THUN MONG MA YIN PA'I BDE BA CHEN POS STONG NYID MNGON SUM DU RTOGS PA'I 'PHAGS PA'I YE SHES GSAR DU SKYES PA NA, MNGON SHES SO SO'I RNAM GNAS YID LA MA BYAS KYANG, BDE STONG GI YE SHES DE'I STOBS KYIS DRANGS PA'I MNGON PAR SHES PA LNGA SKYE BAR 'GYUR BA CHOS NYID YIN NO, ,TSUL 'DI NI SLOB DPON RDO RJE DRIL BU PA'I RIM LNGA LAS, SLOB MA GUS LA KUN MKHYEN GYI, ,SPYOD YUL YE SHES GANG ZHIG NI, ,SKYES PA TZAM GYIS MCHOG TU NI, ,DGA' BA DANG NI LDAN 'GYUR ZHING, ,MNGON PAR SHES PA LNGA DANG LDAN, ,CES DANG, SLOB DPON dOM BHI HE RU KA'I LHAN CIG SKYES GRUB LAS, DE PHYIR BDE LDAN 'THOB 'GYUR ZHING, ,DPA' BO BDE CHEN GRUB PA YIS, ,DON CHEN BDE BA LA BRTEN NAS, ,RNAM PA KUN TU DNGOS GRUB DAG ,NYE BAR RAB TU GNAS 'GYUR ZHING, ,MNGON SHES LNGA YANG 'BYUNG BAR 'GYUR,, ZHES GSAL BAR BSHAD CING, 'DIR YANG MNGON SHES LNGA NI DE 'DRA'I BDE STONG GI YE SHES KYIS DRANGS PA'I MNGON PAR SHES PA LNGA'O, ,DE'ANG SNGAR GZHAN GYIS RGYUD DE'I DGONGS 'GREL GYI SROL MA PHYE BA'I SNGON DU RGYUD DE'I DGONGS 'GREL GYI LAM SROL DANG POR 'BYED PA'I 'GREL PA RTZOM PA LA NI DE 'DRA'I MNGON SHES LNGA THOB DGOS SO, ,ZHES BYA BA'I DON YIN TE, ,SLOB DPON 'PHAGS PA KLU SGRUB DANG, L'U AI PA LA SOGS PA LTA BU'O, ,DE LTA BU'I GO 'PHANG THOB PA'I GRUB CHEN GYIS
SROL PHYE BA'I RJES SA ZHUGS NAS, RGYUD DON 'GREL BA LA MNGON SHES THOB PA DGOS PA MA YIN NO, ,ZHES RGYUD 'DI'I SKABS SU'ANG BZHED DE, PHYAG RDOR BSTOD 'GREL LAS RGYUD SHIN TU RGYAS PA NYAN PA'I SKAL BA DANG MI LDAN PA'I DON DU RGYUD RGYAS PA LAS BSDUS NAS, BSTAN PA'I RGYUD RNAMS KYI RDO RJE'I TSIG ZAB MO RNAMS BSDUS PA'I RGYUD GZHAN, BYANG CHUB SEMS DPA'I 'GREL PA 'DI LTA BU'AM, BLA MA DAM PA'I MAN NGAG GI RJES SU 'BRANGS NAS RTOGS PAR BYA BAR GSUNGS PA LTAR RO, ,BSDUS PA'I RGYUD GZHAN GYI RJES SU 'BRANGS NAS RTOGS PAR BYED TSUL NI, BSHAD RGYUD KYI RJES SU 'BRANGS NAS RTZA RGYUD KYI DON RTOGS PAR BYED PA'O, ,MNGON SHES MED PAR RGYUD KYI 'GREL PA GTAN NAS BYAR MI RUNG BAR SMRAS NA NI, SMRA BA PO RANG NYID KYIS KYANG RGYUD KYI DON MANG DU BSHAD PA BYED PA DAG DANG DNGOS SU 'GAL BA 'DU BAR 'GYUR RO, ,DE LTAR MTHA' DPYAD NAS TSIG DON NI, DE LTA'I MNGON SHES MED PAR RGYUD DON ZAB MO 'GREL PA'I LAM SROL RANG GAR 'BYED PA DANG, GZHAN YANG RANG GZHAN GYI RTOG PAS BTAGS PA'I BSTAN BCOS SNA TSOGS KYI RJES SU 'BRANGS TE MI MKHAS KYANG MKHAS PA'I MNGON PA'I NGA RGYAL GYIS DREGS NAS RANG GAR RGYUD KYI RGYAS 'GREL BYED PA DAG NI, GLANG CHEN LONG BA CHANG GIS MYOS PA'I SNA LA RAL GRI'I 'KHOR LO 'PHYANG BA GA-YUL DU ZHUGS PA LTAR, RANG RGYUD NYAMS SHING BDUD KYI GROGS BYAS NAS RANG GZHAN GNYIS KA DMYAL BAR LTUNG BA DANG, SGRIB PA LNGA DANG MI DGE BA BCU SOGS RGYAS PAR BYED CING, BUD MED
, ,KYI 'JIG BDE LA SRED PAS MI 'GYUR BA'I BDE BA LAS NYAMS NAS RDO RJE'I TSIG BCOM PA STE SGRAS JI BZHIN PA LA MNGON PAR ZHEN PA DE NI 'DOD YON LA SRED PAS ZIL GYIS NON PA'O, ,ZHES STON PAR BYED PA ZIL MNAN PA'O, , ZHES PA'I BAR RO, ,DA NI YANG DAG PA'I 'GREL PA'I YON TAN BRJOD PA 'CHAD DE, DE LA'ANG DANG PO'I 'GREL BSHAD BYED PA PO'I MTSAN NYID RDZOGS PAR BRJOD PA NI, GANG ZHIG CES SOGS RKANG PA GSUM YIN LA, GANG DAG MNGON SHAS LNGA MED CES PA RKANG PA GCIG NI DE'I ZHAR LAS BYUNG BA STE GO SLA'O, ,DE'I 'OG TU DE 'DRA'I BYED PA POS BYAS PA'I 'GREL BSHAD KYI YON TAN 'CHAD PA LA RGYUD DON MA BSHAD PA DANG LOG PAR BSHAD PA'I SKYON 'JOMS PA'I BYED LAS DANG, RGYUD DON RTOd NAS NYON MONGS BAG CHAGS DANG BCAS PA 'JOMS PA'I BYED LAS SO, ,DANG PO NI, MA 'ONGS PA'I DUS NA PHYI ROL PAR MA ZAD SANGS RGYAS PA'ANG RTAG TU RTOG GE DANG SGRA LA SOGS PA'I BSTAN BCOS LA YID GTAD PA'I BLOS LTA BA MI MTHUN PA SNA TSOGS PAR 'GYUR ZHING, DER MA ZAD PHYI ROL PA SOGS GZHAN GYI RTOG GE DANG YANG 'PHRAD PA'I DBANG GIS LTA BA LOG PAR BYUNG BAR 'GYUR TE, DE LTAR LOG PA'I RTOG GE LA YID GTAD PA DE YIS 'DOD PA'I YUL RDO RJE THEG PA LA PHYAG RGYA CHEN MO'I LAM NI RANG GAR STON PAR BYED PA GANG YIN PA DE DAG NYID KYI BLO GROS NGAN PAS BYAS PA'I MA BSHAD PA DANG LOG PAR BSHAD PA'I SKYON NI 'JOMS PAR BYED PA'I 'GREL BSHAD DAM RGYAS 'GREL PAD DKAR BDAG GIS BRI BAR BYA, ZHES BYA BA'O, RTOG
GE NI, RGYU MED RTOG GE NGA YIS BRTAGS, ZHES PA LTA BU PHYI ROL PA'I GZHUNG TZAM LA RTOG GER BYAS PA DANG, RTOG GE RTEN CING MA NGES LA, ZHES PA LTA BU DNGOS PO'I GNAS LUGS DON SPYI'I SGO NAS RTAGS LA BRTEN NAS RTOGS DGOS PA LA RTOG GER BYAS PA DANG, GLING SKYES LA SOGS DE DAG NI, ,GZHAN GYIS GANG SMRAS SMRA BAR BGYID, CAS PA LTA BU GZHAN GYI TSIG TZAM LA BRTEN PA LA RTOG GER BYAS PA RNAMS LAS 'DIR NI RTOG GI LTAR SNANG BA DAG GO ,KHA CIG 'DI SHES SGRIB SPONG BA DANG, 'OG MA NYON SGRIB SPONG BA LA 'CHAD MOD KYANG, RGYUD DON LA LOG PAR RTOG PA'I BLO NGAN GYI SKYON NI NYON MONGS KUN BRTAGS KYANG SHIN TU MANG BAS 'GRIG PAR MI SEMS SO, ,GNYIS PA NYON MONGS BAG CHAGS DANG BCAS PA 'JOMS PA'I BYED LAS 'CHAD PA NI, CHAGS BRAL MED PA'I ZHES PA LA SOGS TSIGS SU BCAD PA GNYIS TE, DE'I DON NI, ,SRI PA NYID 'DOD CHAGS KYI CHU MANG ZHING, ZHE LDANG GE SBRUL GNAS PA DANG, GTI MUG GI GLONG LA SOGS KYIS RGYA MTSO DANG CHOS MTHUN PAS CHU GTER GYI NGO BOR BKOD CING, CHU GTER DE LA BRGAL NAS 'GRO BA'I CHU'I SKYON DANG, DE'I PHA ROL MI GNAS PA'I MYAN 'DAS KYI GLING DU PHYIN PA DON DU GNYER BA RNAMS, NYON MONGS DANG BDUD KYI DPUNG TSOGS 'JOMS PA LA MKHAS PA'I YANG DAG PA'I YE SHES KYI YID BZHIN GYI NOR BU, 'JIG RTEN GSUM STE LUS NGAG YID GSUM SGRIB BRAL DU GYUR PA'I RGYAL BA'I BDAG PO KUN TU STON PAR BYED CING, SRID MTSO BRGAL BA'I CHU ROL GYI SKAM SAR MYUR DU BGROD PA'I LAM 'DREN PA STE STON PAR BYED PAS 'GREL BSHAD 'DI NI MNYAN PA'AM DED DPON MKHAS PA'I GZUGS SU BKOD PA'O, ,MYUR LAm JI LTA BU ZHE
, ,NA, SHES RAB STONG GZUGS PHYAG RGYA CHEN MO'I RLUNG DAR DANG, MCHOG TU MI 'GYUR BA'I DAM PA'I BDE BA'O, ,ZHES BYA BA'I DON TO, ,DE 'OG TU LAM LAS MI GOL BA'I THABS BSHAD PA LA, GANG ZHIG CES PA RKANG PA GNYIS KYIS NI, ,GANG LAS GOL BAR MI BYA BO, STONG GZUGS PHYAG RGYA CHEN MO'I LAM NGES BZUNG BA'O, ,DE LAS GOL BA'I RGYU NI GNYIS TE, 'DZAG BAD LAM DU 'DZIN PA LAM GYI DON LA RMONGS PA DANG, PHYAG CHEN LAS SKYES PA'I MI 'GYUR BA'I YE SHES LAM DU 'DZIN YANG DON DE NYID BRJOD PA LA SGRA'ANG LEGS SBYAR GYI SKAD KHO NA DGOS KYI SKAD NGAN PAS STON PA MI RUNG NGO SNYAM DU RJOD BYED LA RMONGS PA'O, ,DBANG PO SPONG BAR GDAMS PA NI PHYAG CHEN LA BRTEN NAS MI 'GYUR BA'I BDE CHEN BSGRUB PA'I LAM DE POR BA STE DE LA MI 'JUG PAR NOR LA CHAGS SHING 'KHYOG PO'I SNYING LDAN LAS KYI PHYAG RGYA DANG, YID KYIS BRTAGS PA TZAM GYI SHES RAB MA YE SHES KYI PHYAG RGYA DAG KHO NA SANGS RGYAS NYID KYI SLAD DU GANG GIS BSTEN PAR BYED PA DE NI RNAM PAR BRTAGS PA'I BLO CAN LAS DANG YE SHES KYI PHYAG RGYA DE YIS BSGRUB ? PA DE'ANG KHAMS PHYIR 'PHO BA THOB PAR BYED KYI BDE BA CHEN PO'I GO 'PHANG 'THOB PAR MI 'GYUR RO, ,DE MI 'THOB PA TZAM DU ZAD DAM SNYAM NA, BLA NA MED PA'I SNGAGS KYI SGRUB PA POS KHAMS PHYIR 'DZAG PA'I BDE BA LA CHAGS PA LAS NI BDE CHEN MI 'THOB PA TZAM DU MA ZAD SDIG PAR 'GYUR TE GANG GI PHYIR NA, THUN MONG MA YIN PA'I TSAD MED PA BZHI ZAD PAR BYED PA'I PHYIR RO, ,'DI LTAR 'DZAG PA'I SGO NAS 'DOD CHAGS NYAMS PAR BYAS PA LAS, SNYING RJE ZAD PAR 'GYUR LA, SHIN
TU SDUG MANG STE SRID PA LA SOGS DANG LDAN PA'I PHYAG RGYA DE LA NI ZHE SDANG SKYE PAS BYAMS PA ZAD PAR BYED CING, SDANG BA LAS GTI MUG SKYES PAS BDE CHEN DANG MI 'BRAL BA'I DGA' BA ZAD PAR BYED LA, GTI MUG 'DI LAS RANG GI RDO RJE'I BYANG SEMS PADMAR LHUNGS PAR BYAS PA LAS SEMS NI RTAG TU RMONGS TE BTANG SNYOMS ZAD PAR 'GYUR RO, ,TSANGS PA'I GNAS BZHI PO 'DI BDE CHEN GCIG PU LDOG PA'I SGO NAS PHYE BA STE, BDE CHEN NYID LA TSANGS PA'I GNAS BZHI 'JOG PA, SANGS RGYAS THOD PA'I RGYUD LAS KYANG BSHAD DO, ,GZHAN YANG MCHOG MIN TE STON PAS BKAG PA'I BZA' DANG BTUNG BA LA SOGS MA LUS PA DGONGS PA'I DON MA SHES PAR BRTEN CING, 'DOD PA'I YUL GZHAN DAG LA 'DZAM MED DU RAB TU 'JUG PA DE YIS RANG GI SEMS LA TZO 'DRE BA STE YANG DANG YANG DU 'TSE BAR BYAS PAS BDE BA NYAMS SHING LAS NGAN PA'I DBANG GIS SKYE BA DRUG TU 'KHOR BAR 'GYUR RO, ,ZHES BYA BA'O, ,GNYIS PA SGRA NYI TSE BA LA ZHEN PA DGAG PA NI, KHA CIG KUN MKHYEN LAM DON ZHES SOGS KYIS TSIG LA RTON PA BKAG NAS DON LA RTON DGOS PAR BSGRUB CING, BRJOD PA DE NYID YE SHES MA YIN ZHING, ZHES SOGS KYIS RNAM SHES LA RTON PA BKAG NAS YE SHES LA RTON PA DANG, 'KHOR BA YI NI BDE BA MI RTAG PA, ,ZHES SOGS KYIS DRANG DON LA MI RTON PAR BSTAN PA YIN NO, ,ZHES SBYOR YANG GZHUNG DE DANG DE LA RTON PA DE DANG DE'I TSUL 'CHAD PA'I LDOG PA CI'ANG MI SNANG NGO, ,DES NA RGYUD PHAL CHE BA LEGS SBYAR GYI SKAD KYIS GSUNGS PAR MTHOD PAS 'KHRUL GZHI BYAS TE, BRJOD BYA LHAN SKYES KYI
, ,YE SHES STON NA RJOD BYED KYANG LEGS SBYAR GYI SKAD KHO NA YIN DGOS KYI SGRA NYAMS PA'AM ZUR CHAG GI SGRA LA LHAN SKYES KYI YE SHES LTA BU'I DON ZAB MO MI SRID DO SNYAM DU 'DZIN PA 'GOG PA YIN TE, 'DI LTAR KUN MKHYEN GYI LAM GTZO BOR DON DU GNYER BA RNAMS LA LEGS SBYAR GYI SGRA DANG SGRA MIN TA SGRA NYAMS PA GANG ZHIG GI BRJOD BYA YIN CES RNAM PAR DPYAD PA LA DGOS PA CHEN PO MED DE, SNA TSOGS PA'I YUL SKAD NGAN PA BOD KYI SKAD LA SOGS PA YIS KYANG PHYAG RGYA CHEN PO DON DU GNYER BA CHEN PO RNAMS KYI LAM ZAB MO LA RTAG TU 'JUG NUS PA'I PHYIR RO, ,DE'I RGYU MTSAN YANG THAMS CAD MKHYEN PA'I GSUNG NI SEMS CAN RNAMS KYI MOS PA'I SEMS KYI DBANG GIS RANG RANG GI SKAD DANG MTHUN PA'I GSUNG GIS ZAB MO'I DON STON PAS GZHAN LAS MCHOG TU GYUR PA YIN LA, BRDA SPROD PA DAG LA GRAGS PA LHAS BKOD PA'I AINDRA BYA KA RA nA LTA BU'AM, KLUS BKOD PA MAH'A BH'A shA LTA BU'I SGRA DANG SOGS KYIS BSDUS PA RNAM DBYE DANG TSIG SOGS NYI TSE BA LA LHAG PAR ZHEN PA NA RTZOD PA DON GNYER RNAMS KYI CHOS LUGS GZHAN YIN PA'I PHYIR RO, ,LUNG STON CES PA DPANG GIS BRDA SPROD DU BSGYUR CING BSHAD SBYAR GYIS KYANG DE LTAR BSHAD DO, ,'O NA YUL SKAD NGAN PA LAS KYANG LAM ZAB MO RTOGS TSUL JI LTA BU ZHE NA, PHYAG RGYA CHEN PO DON DU GNYER BA'I RNAL 'BYOR LDAN PAS SGRA BZANG POR MA ZAD YUL GYI SKAD THA MAL PA DANG ZUR CHAG GI SGRA LAS KYANG ZAB DON KHONG DU CHUD PAR 'GYUR ZHING DE NYID LAS RJOD BYED NGAN PA MI 'DZIN PAR BRJOD BYA'I DON
BZANG PO NI 'DZIN PAR BYED DE, DPER NA CHU LA 'O MA 'DRES NAS NGES PAR ZHUGS PA DE LA NGANG PAS CHU BZHAG STE 'O MA RAB TU PHYUNGS NAS 'THUNG BAR BYED PA BZHIN NO, ,DES NA DON DAM PA STE MI 'GYUR BA'I YE SHES DE NYID KYI YUL LA SPYOD PA NI RTAG TU NI STE DUS NAM YANG PHYAG RGYA CHEN MO DON DU GNYER BA'I SKYES BU CHEN PO RNAM DAG DON DE BRJOD PA'I TSIG BZANG PO LEGS SBYAR KHO NA LA STON PA'I CHED CHER 'DZIN PA MIN TE, YUL GYI BRDA MI 'DRA BA'I DBANG GIS DON RE RE LA'ANG MI 'DRA BA SNA TSOGS PA YOD PAS DON DE LA BRDA BYAS PA'I SO SO'I YUL GYI MING RNAMS KYIS NI DON DE SHES PAR BYED NUS PA LA NGES PAR BSTAN BCOS LA GRAGS PA'I LEGS SBYAR GYI SGRA DAG GIS NI NGES GZUNG DU CI ZHIG BYA STE DGOS PA MED PA'I PHYIR RO, ,DES NA DON GANG ZHIG LHAN CIG SKYES PA'I YE SHES MA YIN ZHING DMAN PA'I DON BRJOD PA DE NYID ZUR CHAG GI SGRA DANG, LHAN SKYES KYI YE SHES LTA BU BRJOD PA DE NYID LEGS SBYAR GYI SGRAR GYUR PAS YIN NO, ,ZHES SOGS SU GZUNG BAR BYA BA MA YIN TE, DE LTAR NA SANGS RGYAS KYI GSUNG NI LEGS SBYAR GYI SKAD KHO NAR NGES DGOS SHING, DE LTA NA LEGS SBYAR LAS GZHAN PA'I SKAD KYIS CHOS STON DGOS PA'I GDUL BYA RNAMS LA CHOS STON MI NUS PAR GDUL BYA'I 'GRO BA NYI TSE BAR 'GYUR LA, GANG ZHIG 'GRO BA BYE BRAG PA DAG LA RIS SU CHAD PA NYI TSE BA'I SKAD DE NI THAMS CAD MKHYEN PA'I GSUNG MA YIN PA'I PHYIR RO, ,GANG ZHIG ZUR CHAG SGRA DANG SGRAR GYUR PAS, BRJOD PA DE NYID LHAN CIG SKYES PA'I YE SHES MA YIN NO, ,ZHES PA JI LTA BA NYID DU BSHAD NA ZUR CHAG
, ,GI SGRAS BRJOD NA YANG DAG PA'I YE SHES MA YIN PA PHYOGS SNGA MA YIN PAS PHYOGS SNGA MA'I LAN DU MA 'BREL ZHING RANG LA 'GAL BAR 'GYUR RO, ,'O NA YUL SKAD NGAN PA YIS KYANG CHEN PO RNAMS KYI LAM LA RTAG TU 'JUG CES PA'I LAM DANG, RNAL 'BYOR LDAN PAS DON NI 'DZIN BYED DE, ZHES SMOS PA'I DON KUN MKHYEN DON DU GNYER BA DAG GIS YUL GYI SKAD PHAL PA LA BRTEN NAS KYANG RTOGS PAR BYA BA GSUNGS PA'I PHYAG RGYA CHEN MO DE GANG ZHE NA, MCHOG TU MI 'GYUR BA'I BDE BA CHEN PO DON GYI DBANG BZHI PA DE NYID NI SANGS RGYAS RNAMS KYI SHES RAB MA PRA PHAB PA'I RANG BZHIN CAN GYI GZUGS LAS SKYES PA'I YE SHES TE, GANG ZHIG DBANG BZHI PA DE NI, RGYUD GZHAN DU SLAR YANG DE BZHIN 'DI STE, BZHI PA DE'ANG DE BZHIN NO, ZHES MI GSAL ZHING SBAS PAS BSTAN LA, RGYUD 'DI NYID DU RANG GI PHYAG RGYA CHEN MOR CHES GSAL BAR RGYAL BAS GSUNGS SO, ,BSHAD SBYAR LAS, BZHI PA NI, LHAN CIG SKYES PA'I DGA' BA'I THIG LE 'GOG PA ZHES BSHAD DO, ,'O NA PHYAG RGYA CHEN MO LAS GZHAN PA'I SHES RAB MA LA 'DZAG PA'I BDE BAS LHAN SKYES BSKYED PAR MI NUS SAM ZHE NA, SHES RAB MA BUD MED DANG 'GROGS PA LAS GANG GI KHAMS DKAR PO PHYIR 'DZAG PA DE YI LHAN CIG SKYES PA'I BDE BA THABS CI YIS 'PHEL, 'GYUR NAS MI 'PHEL TE RTEN NYAMS PA'I PHYIR RO, ,DPER NA DPYID KYI DUS DANG 'GROGS PA LA ME TOG MA RGYAS PA KHA 'BUS PA TZAM NAS LHUNG BA'I SHING TZU TA'I 'BRAS BU CI YIS 'BYUNG STE, MI 'BYUNG BA BZHIN NO, ,'O NA SKYE BO
THAMS CAD 'GYUR BA'I BDE BA 'TSOL BA CI ZHE NA, SKYE BO GANG GIS BDE BA NI 'DOD LA 'GYUR MED MI THOB PA DE NI 'GYUR BA DANG BCAS PA'I BDE BA 'TSOL ZHING DE LAS SDUG BSNGAL BA CAN DU 'GYUR TE, DE DPER NA BYA GZHAN THAMS CAD SKOM PA'I TSE SA LA 'BAB PA'I CHU NI 'TSOL BAR BYED CING, DE'ANG BA TSVA DANG BCAS PAS SLAR YANG SKOM PA 'PHEL BAR 'GYUR LA, BYA TZA TA KA GCIG PU SKOMS PAR GYUR KYANG SA LA GNAS PA'I CHU 'THUNG BA MIN PA BZHIN NO, ,'O NA SDUG BSNGAL BSKYED PA DE BDE BA'I DON DU 'TSOL BAR MI RIGS SHE NA, BYIS PA RNAMS 'KHOR BA YI NI BDE BA MI RTAG PA 'JIG PA'I CHOS CAN DE DAG KYANG JI LTAR BTZAL BA BZHIN DU 'THOB PA MIN YANG RMONGS PA CHEN PO'I DBANG DU SONG BAS 'BAD NAS 'TSOL BAR BYED CING, DE LAS SDUG BSNGAL BAR 'GYUR LA, MKHAS PA NI YANG DAG PA 'KHOR LOS SGYUR PA'I RGYAL SRID KYI BDE BA THOB PA'ANG 'KHOR BA'I SDUG BSNGAL LAS THAR BA'I DON DU 'DOR BAR BYED DO, ,KHA CIG 'DIR PHYAG CHEN LAS MI 'GYUR BA'I BDE BA CHEN PO'ANG MI GNAS PA'I MYANG 'DAS KYI DON DU 'DOR BAR BYED CES PA NI NGES DON GYI BSHAD PA BYED DO, ,'O NA 'GYUR BA MED PA'I BDE BA DE DKA' THUB PA'I TSANGS PAR SPYOD PA'I BDE BA DANG MTSUNGS SAM ZHE NA MI MTSUNGS PAR STON PA NI, JI LTAR ZHES PA NAS, 'DZAG PHYIR RO ZHES PA'I BAR GYIS RI DVAGS ZA BA SENG GE LO'I MTSAMS SU LAN RE 'KHRIG CING, PHUG RON RGYUN DU BYED PA GNYIS KA LA MCHOG GI BDE BA MED PAR MTSUNGS PA BZHIN DU, DKA' THUB PA RMI LAM NA LAN RE 'DZAG PA DANG, KHYIM PA RTAG
, ,TU 'DZAG PA GNYIS KA LA'ANG MCHOG TU MI 'GYUR BA'I BDE BA MED PAR MTSUNGS SO ZHES BSTAN TO, ,'O NA RMI LAM DU 'DZAG PA DANG SAD DUS SU 'DZAG PA GNYIS MI 'GYUR BA'I BDE BA LA GEGS BYED PAR 'DRA'AM ZHE NA, 'DRA STE DUG SBRUL GYIS GNYID LOG MA LOG LA SOS BTAB PA GNYIS KA'ANG SROG MI 'TSO BA'I RGYUR 'DRA BA BZHIN NO, ,ZHES PA NI, JI LTAR ZHES PA RKANG PA BZHI'O, ,'O NA PHYAG RGYA LAS SKYES PA'I BDE BA DE MCHOG GI LAM YIN NA DES SEMS KYI DRI MA DAG PAR BYED DGOS PA LA, BDE BA DE NYID KYIS SLAR SEMS 'CHING BAR MI 'GYUR RAM ZHE NA, JI LTAR RDO DREG BSKUS PA'I GOS DRI MA CAN DAG NI ME YIS BSREG PA NYID KYIS GOS MI 'TSIG CING DRI MA DAG PAR 'GYUR BA DE BZHIN DU SKYES BU RNAMS KYI DAG PA'I SEMS NI PHYAG RGYA'I SHES RAB DANG SNYOMS PAR ZHUGS PA'I CHAGS PA CHEN PO'I YE SHES KYI ME DAG GIS DRI MA MED PAR BYED DO, ,'DI LA BSHAD SBYAR DU, 'O NA SAD PA DANG RMI LAM DANG GNYID 'THUG PO'I GNAS SKABS KYI BDE BA DE KHO NA NYID MA YIN NA MI 'GYUR BA'I BDE BA DE MA NING GI BDE BA BZHIN DU MI 'GYUR RA MA ZHE NA ZHES PA'I MTSAMS SBYOR MDZAD DO, ,GAL TE PHYAG RGYA'I PADMA DANG RDO RJE SBYAR BAS KHAMS GA-YO BAR 'GYUR BA MA YIN NAM, JI LTAR NA DE LAS MI 'GYUR BA'I BDE CHEN SKYE ZHE NA, THABS KYIS MA ZIN PA'I DNGUL CHU ME DANG 'PHRAD NA 'BROS KYANG SMAN SOGS KYI THABS KYIS ZIN NA ME DNGUL CHU 'CHING BA'I RGYUR 'GYUR BA LTAR THABS KYIS MA ZIN NA RDO RJE PADMA SBYAR BA KHAMS
GA-YO BA'I RGYUR 'GYUR YANG SROGS DMAR SDUD PA'I SHIN TU RNAL 'BYOR GYI THABS KYIS ZIN NA SHES RAB MA DANG SBYAR BA NYID KHAMS MI GA-YO BAR 'CHING BA'I GROGS SU 'GYUR RO, ,ZHES STON PA NI JI LTAR ZHES SOGS TSIGS SU BCAD PA GNYIS SO,, 'O NA PHYAG RGYA CHEN MO DE THABS GANG GIS MTHAR BAR 'GYUR ZHE NA, JI LTAR ME'I KHAMS NI SHING RTA LA RTAG TU GNAS KYANG SHING STA RES BCAD PA DANG, SHING GRI CHUNG DUS SO SOR DBYE BA'I THABS KYIS DE MI MTHONG STE, 'ON KYANG GTZUB SHING DANG, GTZUB STAN GNYIS LAG PAS BSRUBS PA LAS SHING DE LA GNAS PA'I ME'I KHAMS DAG KYANG MTHONG BAR 'GYUR BA DE BZHIN DU SEMS KYI 'OD GSAL PHYAG RGYA CHEN MO DE'ANG DKYIL 'KHOR SOGS RTOG PA YIS SGOM PA'I THABS RNAM DAG GIS DNGOS SU MI MTHONG STE, 'ON KYANG RANG GI SEMS DE NYID DU STE LA 'OD GSAL STONG PA'I GZUGS 'DI RKYANG MA DAG DANG NI RO MA LA RGYU BA'I RLUNG GNYIS DBU MAR GCIG TU SBYOR BA'I THABS LAS MTHONG BAR 'GYUR BA'I PHYAG RGYA CHEN MO YIN GYI STONG GZUGS TZAM MA YIN NO, ,RTOG PA'I SGOM PA'I THABS JI LTA BUS MI 'THOB PA 'CHAD PA NI, RTEN DANG BRTEN PA SNA TSOGS PA'I RNAM RTOG LA SOGS PA'I BSGOM PA BSKYED RIM GYI LAM GYIS NI PHYAG RGYA CHEN MO'I DNGOS GRUB DE 'THOB PA MA YIN NO ZHES SBYAR RO,, 'O NA RNAM PA KUN TU BSKYED RIM MCHOG GI RGYUR MI 'GYUR RAM ZHE NA, DE BZHIN GSHEGS PAS GANG GSUNGS PA DE NYID BCU DRUG ,DGA' BA BZHI YI RAB TU DBYE BA CAN GYI RDZOGS RIM GYI LAM DANG BRAL BA BSKYED RIM RKYANG PAS, MI THOB PA YIN
, ,GYI RDZOGS RIM LA BLTOS NAS BSKYED RIM YANG RGYUR 'GYUR RO, ,'O NA GANG DANG BRAL BAS THOB PAR MI NUS PA PHYAG CHEN GYI RGYU'I GTZO BO DE'ANG GANG ZHE NA, PHYAG RGYA CHEN MO DE MTHONG BA'I DNGOS KYI RGYU'I GTZO BO NI BSKYED RIM LAS 'DAS PA'I RDZOGS RIM RDO RJE'I RNAL 'BYOR RO, ,ZHES STON PA BSKYED PA'I RIM PAR ZHES SOGS RKANG PA BZHI'O, ,RDO RJE'I RNAL 'BYOR JI LTA BU ZHE NA, SROG DBU MAR BCUG PAS DU BA LA SOGS PA'I MTSAN MA DAG SGRUB PAR BYED PA SOR BSAM DANG NI, SROG RTZOL DAG GIS RLUNG DBU MAR 'BAB PA DANG, DE BZHIN DU 'DZIN PAS RLUNG DBU MAR 'CHING ZHING THIM PAR BYED PA DANG, RJES DRAN GYI SKABS KYI RIG MA'I BRTUL ZHUGS DAG GIS RDO RJE NOR BU'I BYANG SEMS NI PHYIR LTUNG BA MIN ZHING DE BZHIN DU GTZUG TOR GYI BAR GYI STENG DU RIM BZHIN KHU BA BRTZEGS TE MI 'GYUR BAR BYED BA'I PHYAG RGYA CHEN PO'I LAM 'DI DAG GIS SANGS RGYAS RNAMS KYI NI, BDE BA MCHOG TU 'GYUR BA MED PA ZHES RGYUD 'DI LAS MNGON PAR BRJOD PA'AM, RTZA STONG PHRAG BDUN CU RTZA GNYIS 'GAGS PA'I RANG BZHIN GYI PHO NYA MO STE MKHA' 'GRO MA KUN GYI LHAN CIG SKYES PA BDE MCHOG SOGS LAS MKHA' 'GRO MA'I DRA BA SDOM PA ZHES PA'I MING GIS GSUNGS PA DE NYID RNAL 'BYOR BAS THOB PAR 'GYUR RO, ,LAM DANG BRAL BAS THOB PA MA YIN NO, ,ZHES SOGS KYIS RDZOGS RIM DANG BRAL BA'I BSKYED RIM RKYANG PAS MCHOG MI 'GRUB PAR BSHAD PA LA, 'O NA BSKYED RIM 'BA' ZHIG BSGOMS PAS 'BRAS BU CI 'GRUB CE NA, LHA'I
GZUGS LA SOGS PAR BRTAG PA DKYIL 'KHOR GYI 'KHOR LO BSGOMS PA 'GA' ZHIG GOMS PAR GYUR PAS NI RIL BU MIG SMAN LA SOGS PA GRUB PA 'JIG RTEN PA DAG 'GRUB PAR 'GYUR TE, 'ON KYANG DE TZAM GYIS 'DOD PA'I DNGOS GRUB CHEN PO MCHOG TU MI 'GYUR BA'I BDE BA DANG, ZUNG DU 'JUG PA'I PHYAG RGYA CHEN MO GA LA ZHIG 'THOB STE MI 'THOB BO, ,'ON KYANG LA ZAB MO DE SANGS RGYAS 'DOD BA KUN LA 'BYUNG NGAM, 'ON TE DAG PA 'GA' ZHIG LA 'BYUNG ZHE NA, 'GA' ZHIG SEMS CAN RNAMS LA BRTZE BA YIS, ,GZHAN DON DGE BA STE GZHAN LA PHAN PA'I BYA BA LA RTAG TU BRTZON PA YIS SLOB MA DBANG BSKUR SOGS KYIS RGYUD DAG PAR BYAS PA RNAMS LA LAM 'DI DAG NI BLA MA DAM PA'I ZHAL GYI DRIN LAS 'BYUNG BA YIN NO, ,DA NI LAM BZANG 'PHROG PA'I RGYU SPANGS NAS YANG DAG PA'I LAM SBA BAR BSHAD PA BRJOD PAR BYA'O, ,DE LA DANG POR LAM BZANG 'PHROG PA'I RGYU SPANG BA NI, 'O NA LAM 'DI SLOB MA DAG PA DE LTA BU MA YIN PA GANG YANG RUNG BA LA BYIN NA CIR 'GYUR ZHE NA, LAM BZANG RIN CHEN 'DI NI BAG MED PA'I SEMS CAN GZHAN PA DAG LA BYIN PA NA, RANG GI KHYIM STE CHUNG MA MA RUNGS PA'I GNAS 'BROG DGON PA DANG 'DRA BA DAG TU RAB TU ZHUGS PA LA BYIN PA'I LAM BZANG RIN CHEN DE'ANG YUL NGAN PA LA CHAGS PA'I CHOM RKUN RNAMS KYIS 'PHROG PAR BYED DO, ,DER MA ZAD LAM BZANG LA SOM NYI ZA BA'I THE TSOM DANG, LAS NGAN PA BYAS PA YID LA GCAGS PA'I 'GYOD PAS DA NI LAM MI 'GRUB BO SNYAM NAS LAM BSGRUB PA 'JOG PA DAG DANG,
, ,DUS MIN PA'I GNYID DANG NI, DGE BA LA MI SPRO BA'I LE LO DANG ,SEMS RNAM PAR GA-YENG BA'I RGOD PA STE SGRIB PA LNGA LA SOGS PA'I CHOM RKUN RNAMS KYIS KYANG SOGS SO, ,DER MA ZAD SROG GCOD SOGS BCU'I CHOM RKUN DANG ,GZHAN LA 'CHE BA RDZUN 'DOD LOG, MA BYIN LEN CHANG STE YOD PA'I SDIG PA LNGA DANG ,RGYAN PO 'AM CHO LO 'GYED PA DANG ,KHA NA MA THO BA DANG BCAS PA'I SHA ZA BA DANG ,DMAG LA SOGS PA'I GTAM BRJOD PA TSIG NGAN KLOG PA DANG ,PHA MES DANG MCHOD SBYIN GYI DON DU MTSUN 'THOR SOGS BYED PAS GROL BAR BLTA BA YI DVAGS SAM 'BYUNG PO'I CHOS DANG ,SROG GI MCHOD SBYIN BYED PA SOGS KLA KLO'AM LHA MIN DBANG PO'I CHOS TE NYE BA'I SDIG PA LNGA DANG ,BA LANG BYIS PA, BUD MED, SKYES PA GSOD PA DANG ,'GRO BA'I BLA MA STE SKU GZUGS 'JIG PA STE GSOD PA LNGA DANG ,GROGS PO, RJE BO, SANGS RGYAS, DGE 'DUN YID BRTAN PA'I BLA MA LA 'KHU BA STE, 'KHU BA LNGA DANG ,YUL LNGA LA DBANG PO LNGA MNGON PAR ZHEN PA STE, CHOM RKUN LNGA PA'AM LNGA TSAN LNGA PO 'DI DAG GIS KYANG LAM BZANG RIN PO CHE NI RTAG TU 'PHROG PAR BYED DO, ,GZHAN YANG SHIN TU ZHES SOGS RKANG PA BZHI GO SLA'O, ,RANG NYID KYIS NI, ZHES SOGS RKANG PA BRGYAD KYI DON NI, RANG GIS LAM BZANG NGAN 'BYED MA SHES PA, GA-YO CAN GZHAN LA DRIS NAS YID BRTAN BCAS NA DE'I TSIG GIS LAM BZANG PO 'DOR DU 'JUG TU 'ONG BAS, DE LTAR MI BYA BAR LAM BZANG NGAN RTOG PA LA MKHAS PA'I BSHES GNYEN GYI TSIG LAS NGES PAR BYA ZHES
BYA BA'I DON TO, ,DES NA BDUD NI RDZOGS SANGS RGYAS DANG CHUNG MA'I BAR GYI GZUGS RNAMS SU SPRUL PA DAG GIS LAM BZANG NGAN PHYIN CI LOG TU BSTAN TE, LAM LA GEGS BYED DO, ,DE'I PHYIR BDUD LAS YONGS SU SHES PAR BYAS LA, BLA MA DAM PAS GNANG BA YI ZHES SOGS NAS, SBA BAR BYA'O ZHES BYA BA'I BAR SHES SLA'O, ,DA NI DPA' BO'I RIM PA DANG BDAG BYIN RLABS KYI RIM PA'I DRANG NGES KYI DON BSHAD PAR BYA STE, GAL TE DPA' BO'I RIM PA LA SOGS PA MCHOG 'GRUB PA'I LAM GZHAN YANG YOD PA MA YIN NAM, JI LTAR NA PHYAG RGYA CHEN MO'I LAM LA DE TZAM DU GUS PAR BYED CE NA, LHA DRAG PO'I RNAM PA BSGOM PA DPA' BO'I RIM PA DANG ,LHA ZHI BA'I RNAM PA BSGOM PA BDAG BYIN GYIS BRLAB PA'I RIM PA DAG KYANG RDZOGS RIM LAM BLTOS PAR DE 'BA' ZHIG GIS THAR PA STE MCHOG 'GRUB PA'I LAM MA YIN GYI, SHIN TU RNAM PAR DAG PA RDZOGS PA'I RIM PA GCIG BU NI MCHOG GI THAR PA'I SLAD DU DE'I RGYU'I GTZO BOR SANGS RGYAS RNAMS KYIS BSTAN TO, ,DE'I RGYU MTSAN YANG THABS DANG SHES RAB KYI BDAG NYID KYI BLA MED KYI RGYUD DAG LAS RGYAL BA'I DBANG POS MTSAMS MED LNGA PO DAG NI BYAS PA RNAMS KYANG TSE DE LA MCHOG 'GRUB PA'I GDUL BYAR YANG DAG BZUNG BAR 'GYUR LA, DE NI DBANG BZHI PA'I LAM GYI DON STONG PA NYID DANG DBYER MED PA'I BDE BA NYID NI GANG ZHIG GIS DE 'DRA BA'I LAS SGRIB RNAMS KYANG CHES MYUR BAR ZAD PAR BYED NUS PA'I RGYU MTSAN GYIS YIN
, ,GYI, BSKYED RIM 'BA' ZHIG GIS DE LTAR BYED PA MA YIN PAS SO, ,DES NA BCOM LDAN 'DAS KYIS DPA' BO'I RIM PA ZHES GSUNGS PA NI, PHYI ROL DRAG PO'I LHA BSGOM PA KHO NA LA DGONGS PA MIN TE, 'O NA CI ZHE NA, RDZOGS RIM GYIS LUS LA SROG RLUNG NYI KHRI CHIG STONG ZAD PAR BYED PA NYID LA DGONGS NAS 'DI GSUNGS SO, ,DE BZHIN DU BDAG BYIN GYIS BRLAB PA DGE NI LHA ZHI BA BSGOM PA 'BA' ZHIG MA YIN GYI, STONG PA LA KHAMS GSUM PO NI, PRA PHAB PA LTAR MTHONG BAR 'GYUR BA'I MTSAN MA PHYAG RGYA CHEN MO LA DGONGS NAS KYANG DE NYID GSUNGS SO, ,DE'ANG 'DIS BSKYED RIM GYI LHA DRAG PO DANG ZHI BA BSGOM PA DPA' BO DANG BDAG BYIN RLABS KYI RIM PA MA YIN PAR STON PAR MA YIN LA, BSKYED RIM GTAN NAS THAR PA'I RGYU MA YIN PAR STON PA'ANG MA YIN GYI, LHA ZHI DRAG BSGOM PA SGRA JI BZHIN PA'I DON YIN LA, RLUNG 'GOG PA DANG ,STONG PA'I GZUGS NI DE'I NGES DON YIN CING, RDZOGS RIM MCHOG 'GRUB PA'I RGYU'I GTZO BO YIN PAS DE LA MA BLTOS PAR BSKYED RIM 'BA' ZHIG GIS MCHOG MI 'GRUB PAR STON PA YIN TE, 'DI NI SNGAR LAM DANG BRAL BAS 'THOB PA MA YIN NO ZHES BSKYED RIM GYIS MCHOG MI 'THOB PA LA, RDZOGS RIM GYI LAM DANG BRAL BA KHYAD CHOS SU SBYAR BA NYID KYIS SHIN TU GSAL BAR BSHAD DO, ,BSHAD SBYAR LAS, 'O NA KHAMS GSUM PA'I RNAM PA CAN GYI GZUGS MTHONG BA DE LAS JI LTAR KHAMS GSUM PO NYID LOG PA'I SANGS RGYAS 'THOB PAR 'GYUR ZHE NA, ZHES MTSAMS SBYOR BYED MOD KYANG SGRUB PA PO'I PHUNG KHAMS
SKYE MCHED THAMS CAD 'KHOR BA PA YI CHOS YIN PA LA, DE ZAD PAS JI LTAR MYANG 'DAS 'THOB CE NA, ZHES MTSAMS SBYAR NA 'OG GI SHING SRIN GYI DPE DANG 'GRIG GO, PHYAG RGYA CHEN MO'I LAM DE'I STOBS KYIS 'KHOR BA SNYING PO MED PA DE ZAD PAR GYUR BA DE LAS BAR MA CHAD PAR SKYES BU'I LAM BSGOMS PA'I 'BRAS BU SANGS RGYAS NYID 'BYUNG STE, DPER NA SNYING PO MED PA'I CHU SHING GI NI 'BRAS BU SMIN PA DAG NA CHU SHING NYAMS PAS CHU SHING DE'I RTZA BA NAS YANG DAG 'BYUNG BA BZHIN NO, , 'O NA MI 'GYUR BA'I BDE BA DE MA RIG PA'I DBANG GIS BYUNG BA'I LUS 'DI LA BRTEN NAS SKYES NAS, SLAR YANG MA RIG PA DE NYID LA LUS PA ZAD PAR BYED PA 'GAL LO ZHE NA, MI 'GAL TE, JI LTAR SDIG PA STE SRIN BU SHU KA DANG NI, SHING SRIN KARKA tA'I RIGS LA SOGS PA'I SEMS CAN RNAMS SHING GANG LAS BYUNG BA DE DAG SRIN BU DE NYID KYIS NYAMS PAR BYED PA DE BZHIN DU THABS SHES GNYIS SU MED PA'I RNAL 'BYOR DAG GIS SEMS MCHOG TU MI 'GYUR BA'I YE SHES DE NI DANG POR MA RIG PAS BSKYED PA'I LUS LAS SKYES KYANG, SGYU MA STE MA RIG PA'I BAG CHAGS RNAM PAR NYAMS PAR BYED PA YIN NO, ,'DIR BSHAD SBYAR LAS, 'O NA BYANG CHUB KYI SEMS NI BEM PO'I KHAMS SU 'DIR BRJOD LA, DE'ANG BEMS PO MA YIN PA MCHOG TU MI 'GYUR BA'I YE SHES SANGS RGYAS NYID KYI SGRUB PAR BYED PAR JI LTAR BRJOD CE NA, KHU BA 'GYUR BA MED PA'I RANG BZHIN GYIS MCHOG TU MI 'GYUR BA SGRUB PAR BYED CES PA'I GSUNG GI PHYIR RO, ,ZHES BSHAD LA, ,BYANG
, ,CHUB KYI SEMS NI KUN DA LTA BU'O, ,DE LTAR STONG PA NYID DANG DBYER MED PA'I RNAL 'BYOR GYI SEMS MCHOG TU MI 'GYUR BA'I BDE BA CHEN PO DE LA DGA' BA BZHI DANG BCU DRUG GI LDOG PAS PHYE BA'I RAB TU DBYE BA GSUNGS PA NI, 'KHOR 'DAS KYI MTHA' GNYIS MED PA DANG ,BYANG SEMS RDO RJE NOR BU'I PADMA LAS GA-YO BA MED PA DANG ,THABS SHES PHYOGS RE BA'I RIS SU CHAD PA MED PA DANG ,BLA NA MED PA'I BDE BA RAB TU SBYIN PAR BYED PAS 'DOD PA STE, BZHI PO DE NA RNAL 'BYOR BZHI PA RNAL 'BYOR CHEN PO'I TING NGE 'DZIN LA LDOG PAS PHYE BA'O, ,DBUGS NYI KHRI CHIG STONG DRUG BRGYA 'GOG PA'I PHYIR MCHOG TU MI 'GYUR BA DANG ,CHAGS PA NANG GI DKAR PHYOGS DANG ,CHAGS BRAL NANG GI NAG PHYOGS KYI GNAS PA DANG ,BGROD PA DANG BRAL BA'I PHYIR 'DOD CHAGS CHEN PO DANG DNGOS PO STE RTAG PA DANG ,DNGOS PO MED PA STE CHAD PA'I MTHA' GNYIS MED PA DANG ,SHES BYA MA LUS PA MTHONG BA'I PHYIR NA YE SHES TE RNAL 'BYOR GSUM PA SHIN TU RNAL 'BYOR NYID LA LDOG PAS PHYE BA'O, ,'GRO BA DGA' BAR BYED PA SNGON DU 'GRO BAS SEMS CAN GYI DON LA ZHEN PAS SEMS DPA' DANG ,THOG MTHA' BAR GSUM DU DGE BAS KUN TU BZANG PO DANG ,SDUG BSNGAL DANG BRAL BAS NA NYON MONGS MED PA DANG ,DUS THAMS CAD DU SEMS CAN THAMS CAD KYI NYON MONGS PA 'PHROG PAR BYED PAS NA NYON MONGS CHEN PO ZHES DKA' 'GREL PADMA CAN LAS 'CHAD LA, BSHAD SBYAR DANG ,NYI MA DPAL YE SHES KYI 'GREL PA LTAR NA, SGRA MED PA DANG SGRA CHEN PO, ZHES BTON NAS BDUD DANG NYON MONGS PA DANG RNAM RTOG MED PA'I
PHYIR, PHYI NANG GI SGRIB BCAS KYI SGRA MED PA DANG ,GZHOM DU MED PA'I SGRA'I NGO BO NYID YIN PA'I PHYIR SGRA CHEN PO ZHES 'CHAD DE, RNAL 'BYOR GNYIS PA RJES SU RNAL 'BYOR RO, ,'JIG RTEN GYI SPYOD PA RNAM PAR SPANGS PA'I PHYIR LHAN CIG SKYES PA DANG ,SKU BZHI'I SGRIB PA ZAD PAS DPAL LDAN BYANG CHUB SEMS KYI THIG LE 'DZIN PA DANG ,STONG NYID SNYING RJE DBYER MED PAS DPAL LDAN DUS KYI 'KHOR LO RDO RJE DANG 'JIG PA MED PA'I TSUL KHRIMS KYI TSOGS YANG DAG PAR RDZOGS PAS THABS DANG SHES RAB BDAG NYID RNAL 'BYOR TE RNAL 'BYOR DANG PO'O, ,DA NI GNYIS MED LA SOGS PA BCU DRUG BZHI'I RAB TU DBYE BA CAN RDO RJE'I RNAL 'BYOR DUS KYI 'KHOR LO'I GO 'PHANG 'THOB PA'I SLAD DU PHYI NANG GI 'JIGS PA BCU DRUG NYE BAR ZHI BAR BYA BA'I THABS GSUNGS PA NI, DMIGS PA MED PA'I SNYING RJE DANG NI STONG PA NYID DBYER MED PA'I SKU DUS NI KUN RDZOB STONG GZUGS KYI GZUGS BRNYAN TE NGO BO PHYAG RGYA CHEN MO DANG ,PHUNG SOGS THAMS CAD SGRIB BRAL DU GYUR PA'I STONG NYID NI 'KHOR LO ZHES BRJOD DE, DE LTAR NA DUS KYI 'KHOR LO THABS SHES GNYIS MED KYI BDAG NYID DU 'DOD LA, 'DI YI DPAL NI MYUR DU THOB PA'I SLAD DU RTAG TU PHYI NANG GI RNAL 'BYOR MA RNAMS KYI ZHABS NI RNAL 'BYOR PA GANG ZHIG BSGOM PA DE'I PHYI NANG GI BGEGS NI RTAG TU NYAMS PAR 'GYUR RO, ,PHYI NANG GI NYER 'TSE JI LTA BU ZHE NA, PHYI'I 'JIGS PA BCU DRUG NI DGRA DANG ZHES PA NAS, RDO RJE THEG LTUNG BA DANG NOR NYAMS PA'I BCU DRUG YIN LA, NANG DU NI THIG LE BCU DRUG GI SGRIB PA'O, ,DE LA SGRUB PA PO GANG ZHIG PHYI'I RNAL 'BYOR MA RDO RJE DBYINGS KYI DBANG PHYUG MA SOGS DANG NANG ,
, ,NGES DON GYI RNAL 'BYOR MA 'OG NAS 'CHAD PA RNAMS KYI ZHABS NI NYIN MTSAN DU DRAN PAR BYED PA DE LA GSAL BAR TE NGES PAR RAB TU NYAMS PAR 'GYUR RO, ,TSUL JI LTAR NA DE DAG RGYAS PAR BSHAD PA NI, PHYI ROL TU GLANG PO CHE PA'I TSOGS DANG ,SHING RTA PA'I TSOGS DANG RTA PA'I TSOGS DANG ,RAB TU MANG BA'I MI MCHOG NI RKANG THANG DPUNG BU CHUNG GI TSOGS TE, MI THAMS CAD LUS LA GO BGOS SHING, DE DAG GI NANG NAS GTZO CHER GLANG PO LA ZHON PA RNAMS KYI LAG NA MDUNG DANG ,SHING RTA LA GNAS PAS 'KHOR LO DANG ,RTA LA ZHON PA RNAMS KYIS RAL GYI DANG ,RANG THANG RNAMS KYI MDA' GZHU THOGS TE, DE LTA BU'I DGRA STA MTSON CHA RNAMS KYI NI GA-YUL DU PHA ROL 'JOMS PAR BYED PA, GSHIN RJE LTA BUR 'CHI BA STER BA KHROS SHING DRAG PO'I GZUGS CAN, PHYOGS DANG MTSAMS THAMS CAD DU SON PA STE, KHYAB PAR GNAS PA'I DGRA BO'I DPUNG TSOGS DE THAMS CAD KYANG GANG ZHIG PHYI NANG GI RNAL 'BYOR MA RNAMS KYI ZHABS BRTAN PAR BYED PAS NI, DE'I BYIN RLABS KYIS DGRA BO DAG RANG GI LAG GI MTSON GYIS NI PHAN TSUN BCOM STE, RGYAL BA'I GRAGS PA'I DPAL KUN NAS TE YANG DAG PAR 'THOB BO, ,NANG DU NI 'DI NYID YE SHES KYI LHAN CIG SKYES DGA'I THIG LE'I SGRIB PA NYAMS PA'O, , GZHAN DAG SGRIB PA DE DANG ,PHYI ROL DMAG GI DPUNG KHYAD PAR PHRA MO RE RE NAS CHOS MTHUN SBYOR YANG, DE LTAR SBYOR DGOS PA RGYU MTSAN RNYED DKA' ZHING, DE TZAM DU MA SBYAR YANG SKYON MED PAR SNANG NGO, ,GNYIS PA PHYI'I RNAL 'BYOR MA'I
ZHABS BRTAN PAS PHYI ROL TU SENG GE'I 'JIGS PA DANG ,NGES DON GYI RNAL 'BYOR MA'I ZHABS BRTAN PAS NANG DU SENG GES MTSON PA SEMS KYI LHAN CIG SKYES DGA'I THIG LE'I SGRIB PA NYAMS PAR BYED PA NI, KUN NAS SENG GE'I ZHES SOGS TE, DE LA BRTEN PAS ZHES PA NI, SRA BAS ZHES PA'I DON DANG ,RO 'DZIN RAL GRI GA-YO BA'I ZHES PA NI, LCE RAL GRI LTA BU GA-YO BA'I DON YIN LA, LHAG MA GO SLA'O, GSUM PA PHYI ROL TU GLANG PO CHE'I 'JIGS PA DANG ,NANG DU GLANG PO CHES MTSON PA, NGAG GI LHAN CIG SKYES DGA'I THIG LE'I SGRIB PA NYAMS PAR 'GYUR BAR STON PA NI, MDOG SNGON ZHES SOGS TE, LAG PAS BCING PA ZHES SNA YIS SKYES BU 'CHING BA DANG ,'BYED BYED CES PA, DUM BUR BYED PA'I DON TO, ,BZHI PA PHYI ROL TU MA'I 'JIGS PA DANG ,NANG DU MES MTSON PA LUS KYI LHAN CIG SKYES PA DANG THIG LE'I SGRIB PA NYAMS PAR 'GYUR BA STON PA NI, KUN NAS ME LCE ZHES SOGS TE GO SLA'O, ,LNGA PA PHYI ROL TU GDENGS CAN NAM KLU'I DBANG PO'I 'JIGS PA DANG ,NANG DU DES MTSON PA YE SHES KYI KHYAD DGA'I THIG LE'I SGRIB PA NYAMS PAR 'GYUR BA STON PA NI, KHROS SHING ZHES SOGS SO, ,KHRUG PA PHYI RO LA TU CHOM RKUN DANG ,NANG DU SEMS KYI KHYAD DGA'I THIG LE'I SGRIB PA NYAMS PAR 'GYUR BA STON PA NI, SDANG BA'I SEMS LDAN ZHES SOGS SO, ,BDUN PA PHYI ROL TU ZHAGS PAS 'CHING BA DANG ,NANG DU NGAG GI KHYAD DGA'I THIG LE NYAMS PAR 'GYUR BA STON PA NI, LAG PA DAG NA ZHES SOGS SO, ,BRGYAD PA PHYI RU CHU GTER 'KHRUGS PA DANG ,NANG DU LUS KYI KHYAD DGA'I THIG LE NYAMS PAR 'GYUR BA STON PA
, ,NI, CHU GTER ZHES SOGS TE, SKYE BO GANG DAG CHU GTER GYI BZHON PA, GRU BO CHE LA ZHON NAS RGYA MTSO CHEN POR SONG BA NA, DPAG TU MED PAS MTHA' YAS SHING SHIN TU SHUGS DRAG PO DANG LDAN PA'I RLUNG GIS CHU'I GTER RGYA MTSO NI 'KHRUG PAR BYED CING, PHYOGS KUN TU CHU BO RNAMS KHOR MOR 'KHOR BAR BYED LA, CHU GTER GYI LAM KUN CHOM RKUN PA CHU SRIN NYA YI RIGS KYIS BKAG PAR GYUR TE, KLU GDUG PA KHROS PAS ME 'BAR BA'I TIL MAR GYI KHU BA 'PHANGS PAS ME'I CHAR CHEN PHYOGS KUN NAS RGYUN DU 'BAB PA LA ZHES SOGS SO, ,DGU PA PHYI RU SHA ZA'AM RO LANGS KYI 'JIGS PA DANG ,NANG DU YE SHES KYI MCHOG DGA'I THIG LE'I SGRIB PA NYAMS PAR 'GYUR BA STON PA NI, PHAt CES SOGS SO, ,BCU PA PHYI RU MDZE NAD DANG; NANG DU SEMS KYI MCHOG DGA'I THIG LE NYAMS PAR 'GYUR BA STON PA NI, NYIN BZHIN ZHES SOGS SO, ,BCU GCIG PA PHYI RU LHA'I DBANG PO'I PHO NYA BA'I 'JIGS PA DANG ,NANG DU NGAG GI MCHOG DGA'I THIG LE NYAMS PAR STON PA NI, LHA'I DBANG PO'I PHO NYA GANG, ME 'BAR ZHING RAB TU GTZIGS PA DANG ,CES PA'I MCHE BA RNON PO DANG BCAS PA GDENGS CAN SPRUL GYI GDONG PA DANG LDAN ZHING, LAG NA 'KHOR LO THOGS PA DANG ,'PHROG BYED SENG GE'I GDONG CAN LAG NA RAL GRI THOGS PA DANG RI DVAGS SHA RA BHA'I GDONG CAN MDA' GZHU THOGS PA DANG ,STAG GI GDONG CAN RTZE GSUM THOGS PA DANG ,GLANG CHEN GYI GDONG CAN LCAGS KYU DANG ,RDO RJE THOGS PA ZHES SOGS SO, ,'GREL PAS DE LTAR SBYAR YANG NGES MED DU SBYAR YANG
RUNG NGO, ,BCU GNYIS PA PHYI RU DBUL BA'I 'JIGS PA DANG ,NANG DU LUS KYI MCHOG DGA'I THIG LE NYAMS PAR 'GYUR BA STON PA NI, DBYAR NI ZHES SOGS SO, ,BCU GSUM PA PHYI RU BUD MED DANG BRAL BA'I 'JIGS PA DANG ,NANG DU YE SHES KYI DGA' BA'I THIG LE'I SGRIB PA NYAMS PAR STON PA NI, MTSAN KHUNG ZHES SOGS SO, ,BCU BZHI PA PHYI RU MI BDAG 'KHRUGS PA'I 'JIGS PA DANG ,NANG DU SEMS KYI DGA' BA'I THIG LE NYAMS PAR 'GYUR BA STON PA NI, 'KHUS PHYIR ZHES SOGS SO, ,BCO LNGA PA PHYI RI THOG LHUNG BA DANG ,NANG DU NGAG GI DGA' BA'I THIG LE NYAMS PAR 'GYUR BA STON PA NI, GANG DAG CES SOGS TE, GANG DAG LA 'GA' ZHIG TU NI MKHA' LAS RDO RJE RAB TU LTUNG BA DANG ,BUD MED DANG 'GROGS PA LAS RTAG PAR YANG KHU BA 'DZAG CING SKYE BA 'DIR 'CHI BA DANG ,KHU BA 'PHOS PAS SEMS BRGYAL BA DANG ,CHAGS YUL LA CHAGS PA DANG BRAL BAR 'GYUR ZHING, SKYE BA GZHAN SLAD DE TSE RABS GZHAN DU'ANG SLAR YANG DE BZHIN BYED PAS SDUG BSNGAL BAR 'GYUR BA GANG GIS NGES DON GYI RNAL 'BYOR MA LAS DANG YE SHES DANG MCHOG GI SHES RAB MA'I RDO RJE'I ZHABS CHU SKYES SAM PADMA BDE BA CHEN PO'I DPAL DANG LDAN PA DAG BSGOMS PA YIS, SGRUB PA PO DE DAG RNAMS KYI PHYI NANG GI RDO RJE LTUNG BA'I 'JIGS PA DE'ANG RAB TU ZHI ZHING NYAMS PA NYID DU 'GYUR LA, SLAR YANG SRID PAR SKYE BA DANG LDAN PA MIN NA, 'DI SHONG 'GYUR LA, 'CHI BA NYID GYUR, CES 'BYUNG YANG, 'BROG 'GYUR LA, NYAMS PA NYID 'GYUR, ZHES 'BYUNG BA LEGS SO, ,YANG NA DPANG GI 'GYUR LA, DE DAG RNAMS KYI DE'ANG
, ,RAB ZHIR 'GYUR RO, ,SLAR YANG 'CHI DANG SKYE BA LDAN PAR 'GRO BA MIN, ZHES 'BYUNG BA LTAR BSHAD PAR BYAS NA SHIN TU LEGS SO, ,SNGA MA BCU BZHI PHYI 'BA' ZHIG LA DNGOS SU SBYAR YANG, 'DI DANG 'OG MA PHYI NANG GNYIS KA LA DNGOS SU SBYAR BA NI, BCU BZHI PO'ANG PHYI NANG GNYIS KA LA SBYAR DGOS PAR SHES PA'I CHED DO, ,BCU DRUG PA PHYI RU NOR NYAMS PA DANG, NANG DU LUS KYI MCHOG DGA'I THIG LE NYAMS PA'I 'JIGS PA 'PHROG PAR STON PA NI, BAG MED PAR SPYOD PA'I SKYE BO GANG DAG NYIN DANG MTSAN MOR BUD MED DANG 'GROGS PA'I BDE BA LA RNAM PAR CHAGS PAS NOR KUN NYAMS PAR 'GYUR ZHING, SKYE BA GZHAN GYI 'DZAG PA'I BAG CHAGS BSGOS PA'I SEMS LAS NANG GI NOR NYAMS PA 'DZAG PA DE NI SLAR YANG MANG PO RAB TU 'BYUNG BAS GONG DU BSHAD PA'I SHES RAB RNAL 'BYOR MA RNAM DAG GI MI MNYAM PA ZLA BA DANG, DE'I ZHABS SAM GNAS NI NOR BU DANG, MNYAM PA RDUL LAM NYI MA, DE'I ZHABS TE GNAS NI PADMA YIN LA, SNA TSOGS PA'I STONG PA NYID KYI GZUGS CAN GANG, RGYAL BA MCHOG GI YE SHES LA, GTZUG TOR GYI LTE BAR BZUNG BAS MCHOD CING, 'GYUR PA MED PA'I BDE BAR DRANGS PAS BSTOD PAR GYUR PA DE NYID BSGOMS PAS SGOM PA PO DE NI PHYI NANG GI NOR KUN NYAMS PAR MI 'GYUR RO, ,'DIR LUS KYI DGA' BA MCHOG DGA', ZHES SOGS KYI RIM PAS MI STON PAR RIM PA 'DI LTAR 'CHAD PA CI ZHE NA, YE SHES KYI THIG LE 'GOG PA LAS LUS NGAG YID KYI THIG LE 'GOG CING, 'BRAS BUS
SU'ANG NGO BO NYID SKU LA BRTEN NAS SKU GZHAN GSUM SPRO BA YIN PAS, DE'I PHYIR GO RIM 'DI LTAR BSHAD DO, ,ZHES BSHAD SBYAR MKHAN PO GSUNG NGO, ,'O NA GANG DRAN PAS PHYI NANG GI 'JIGS PA BCU DRUG 'PHROG PAR 'GYUR BA NGES DON GYI RNAL 'BYOR MA DANG, DE'I ZHABS NI GANG YIN DE NYID TSUL JI LTAR DRAN PAS 'JIGS PA 'PHROG PAR 'GYUR ZHE NA, SER SKYA STE DMAR SER NI RTZA RO MA STE, DE NYID NYI MA'AM ME'I KHAMS KYI RANG BZHIN YIN LA, LUG STE RKYANG MA NI ZLA BA'AM CHU'I KHAMS KYI RANG BZHIN YIN ZHING, KUN 'DAR MA AA WA DH'U T'I SGRA GCAN TE NAM MKHA'I KHAMS KYI RANG BZHIN YIN LA, RTZA'I LAM GSUM PO DE LA BGROD PA'I RLUNG RNAMS 'GAGS PAR GYUR PA NI, DBUGS 'GAGS PA MI GA-YO BA'I RNAL 'BYOR DANG LDAN PAS RNAL 'BYOR MA YIN NO, ,DBANG GI 'GYUR LA, BGROD PA ZHES PA SONG DU BSGYUR CING, SONG BA NI 'GAGS PA'I DON MA YIN TE, 'DI NYID LEGS SO, ,DE'I ZHABS NI, DNGOS PO SKYE RIM GYI RLUNG GI DKYIL 'KHOR LNGA DANG, DNGOS MED SDUD RIM GYI RLUNG GI DKYIL 'KHOR LNGA RNAMS KYI RGYU BA RAB TU NYAMS SHING, MNYAM BGROD CES PA DBU MAR SROG BCUG NAS 'GAGS PAR BYAS PA DE LTA BU'I ZHABS DE DAG LAS, ZHABS GCIG NI RNAL 'BYOR MA DE DAG RNAMS KYI YE SHES KYI SKU PRA PHAB PA'I RANG BZHIN YIN LA, ZHABS GCIG NI DE'I LHAN SKYES BDE BA'I GO 'PHANG 'GYUR BA MED PA'O, ,KHA CIG ZHABS GCIG GA-YAS DANG, GCIG GA-YON LA 'CHAD PA NI, NGES DON GYI ZHABS 'CHAD PA'I SKABS 'DIR MI 'GRIG GO ,BSHAD SBYAR MKHAN PO NI,
, ,NYI MA ME KHAMS KYI RANG BZHIN SHES RAB KYI GSUNG RDO RJER MGRIN PA'I 'KHOR LO, ,ZLA BA CHU KHAMS KYI RANG BZHIN DPRAL BA'I 'KHOR LOR THABS KYI SKU RDO RJE, SGRA GCAN NAM MKHA'I KHAMS KYI RANG BZHIN, GTZUG TOR GYI 'KHOR LOR THABS KYI THUGS RDO RJE, DE DAG GI LAM LA BGROD PA'I DBUGS 'GAGS PA RNAL 'BYOR MA'O, ,'OG GI RTZA GSUM MI STON PA NI, STENG GI GSUM LA'ANG 'BAB PA'I RLUNG 'GAGS NA 'OG GI GSUM YANG 'GAGS PAS SO ZHES 'CHAD DO,, DE LTA BU'I ZHABS DE DAG NYID SGRUB PA PO GANG GIS RDO RJE'I RNAL 'BYOR GYIS DRAN PA DE YIS SKYE BA 'DI LA RGYUD 'DIR BRJOD PA'I RNAL 'BYOR MA'I ZHABS DRAN PA'I 'BRAS BU'AM PHAN YON PHYI NANG GI 'JIGS PA BCU DRUG PO MA LUS PA 'PHROG PA MYUR DU 'BYUNG BAR 'GYUR RO, ,'O NA PHYI RU RNAL 'BYOR MA RNAMS KYI GNAS NAM MKHA' DANG SA LA SOGS PA YIN NA NANG DU RNAL 'BYOR MA RNAMS KYI GNAS GANG YIN ZHE NA, BSHAD MA THAG PA'I DPAL LDAN RNAL 'BYOR MA RNAM DAG GI GNAS NI, DBUGS 'GAGS SHING RNAM RTOG GIS MI PHYED PAS RDO RJE, DGA' BA MCHOG TU RGYAS PAR BYED PAS, NOR BU RIN PO CHE'I ZA MA TOG GAM KHYIM DU GYUR PA GANG YIN PA DE NYID YIN TE, DER 'JUG PA'I CHED DU RGYAL BAS GSUNGS PA'I LAM NYON MONGS PA'I BAG CHAGS MED CING, BDUD RNAMS NYAMS PAR BYED PA DE'I SGO NAS YON TAN BRJOD PA SNGON DU BTANG STE, TSUL 'DIS BSTOD PA PADMA DKAR PO BDAG GIS RGYUD LA 'JUG PA'I THOG MAR 'DIR BRJOD DO, ,DE'ANG DPANG 'GYUR LA, BSTOD PA SNGON
MA CAN 'DI BDAG GIS BRJOD, CES 'BYUNG BA NYID LEGS SO, ,'DIR RNAL 'BYOR MA NI BSHAD SBYAR LAS, AA WA DH'U T'IR SOGS LA 'CHAD DO, ,DE LTAR BRJOD PA'I BSOD NAMS KYI TSOGS BSNGO BA NI, SKYES BU GANG DAG BDUD KYI GROGS KYIS ZIN PAS RTAG TU MI BDEN PA'I MUN PAR SONG ZHING PHYAG RGYA CHEN MO'I LAM NYAMS PA DE DAG RNAMS KYIS RDO RJE'I RNAL 'BYOR GYI LAM 'DI THOB NAS RDO RJE NOR BU'I KHYIM DANG RING BA MIN PA STE NYE BAR SONG BAR GYUR CIG ,RDO RJE NOR BU'I KHYIM DER ZHUGS NA 'BRAS BU CIR 'GYUR ZHE NA, DU BA LA SOGS PA'I LAM GYIS PHYAG RGYA CHEN MO'I GZUGS BSGRUBS TE, DE LA BRTEN NAS LHAN SKYES BDE BA'I GO 'PHANG BSGOMS NA SGRUB PA PO DE NI MYUR DU DUS KYI 'KHOR LO MTSAN GYI YAN LAG GSUM CU RTZA GNYIS DANG DPE BYAS BRGYAD CUS BRGYAN PA'I SKU CAN KHAMS GSUM GYI 'GRO BA'I BLA MA, YAN LAG BCU GNYIS KYI CHOS KYI 'KHOR LO 'DI BSKOR BA LA GNAS PA LHA RNAMS NAS MA RIG PA'I MUN PA THAMS CAD 'JOMS PA'I GO 'PHANG THOB PAR 'GYUR RO, ,DE NI SLAR YANG RTZOM PAR DAM BCA' BA'I TSUL GZHAN BSTAN PA BSHAD PAR BYA'O, ,DE'ANG BRI ZHES DRANG NGO, ,GANG NA DUS KYI 'KHOR LO'I 'GREL BSHAD DE RGYAS 'GREL LO, ,RGYU GANG GI DBANG GIS NA DPAL LDAN SH'AKYA SENG GE DE YIS RTAG TU 'GREL BRTZE BA'I THUGS KYIS BSKUL BA DANG BRTZE BA TZAM NI PHAN BDE PHUN SUM TSOGS PA'I RGYUR 'GYUR BA'I NGES PA MED KYANG, BRTZE BA DER MA ZAD THUB PA DE YI ZAB PA DANG RGYA CHE BA'I YE SHES RAB KYIS BSKUL CING BYIN GYIS DRANGS ? PA'I DBANG GIS SO, ,BSKUL
, ,BA PO DE'I YON TAN GYI KHYAD PAR NI, YANG DAG PA'I YE SHES ZHES SOGS SO, ,CI'I PHYIR SENG GE ZHES BYA BA ZHE NA, BDUD DANG ZHES SOGS SO, ,'O NA RGYA CHER 'GREL 'DI'I BRJOD PAR BYA BA DUS KYI 'KHOR LO DE JI LTA BU ZHE NA, K'A LA TZAKRA, ZHES PA'I KA YIG LA NI K'A RA nA SH'ANTI, ZHES PA'I K'A RA nA RGYU, SH'ANTE ZHE BA STE, DE LA RGYU NI BYANG SEMS LUS KYI THIG LE YIN LA, ZHI BA NI SAD PA'I GNAS SKABS ZAD PA STE, MDOR NA DPRAL BAR LUS KYI THIG LE 'GAGS PA SPRUL PA'I SKU'O, ,LA YIG LA, LA YO TRA WE, ZHES PA LTE, LUS KYI THIG LE 'GAGS PA NA, RMI LAM GYI GNAS SKABS SKYED PAR BYED PA'I SROG 'DI LA THIM PA NYID DE, MGRIN PAR NGAG GI THIG LE 'GAGS PA LONGS SKU'O, ,DE LAS TZA YIG GI TZA LA TZATTI NI GA-YO BA'I SEMS TE DE'ANG SAD RMI'I SKABS SU SGRA SOGS YUL LA GA-YO BA DE NYID MUN PAS ZIL GYIS MNAN PA'I SEMS GNYID 'THUG GI GNAS SKABS ZAD PAR SNYING GAR SEMS KYI THIG LE 'GAGS PA CHOS KYI SKU'O, ,DE RGYU CI LAS 'GYUR ZHE NA, KRA YIG LAS KRA MA BANDHA ZHES PA NI, RIM PA BCINGS LAS SO, ,ZHES PA STE, RIM PA NI THIG LE 'PHO BA YIN LA, BCINGS PA NI, LHAN CIG SKYES PA'I BDE BA STE, ZHI BA'I GNAS SKABS ZAD PAS LTE BAR YE SHES KYI THIG LE 'GAGS PA LHAN CIG SKYES PA'I SKU'O, ,'DI NI N'A RO PA DANG, AA TZA LA'I LUGS SO, ,DE LTAR YI GE RE RE BAR BSHAD NAS, YANG NA DUS NI 'GYUR BA MED PA'I BDE BA'I YE SHES THABS STONG
PA NYID DANG, DBYER MED PA'I SNYING RJE'I BDAG NYID DE, ,'KHOR LO NI KHAMS GSUM PA'I 'GRO BA MTHA' YAS PA'I SHES BYA'I RNAM PA CAN GYI RNAM BCAS KYI SHES RAB STONG PA NYID DE 'DI DAG NGO BO GCIG PA NYID NI, DPAL DUS KYI 'KHOR LO'O, ,DE LTAR YI GE SO SOS BSHAD PA'I DPAL LDAN DUS KYI 'KHOR LO 'DI NI STE 'DI DANG, RDO RJE'I RNAL 'BYOR RNAM PA THAMS CAD DU BDEN PA GNYIS LA GNAS PA 'DI BRJOD BYA YIN ZHING, BSDUS PA'I RGYUD KYI RGYAL PO 'DI DE YI MNGON PAR BRJOD PAR BYED PA'I RJOD BYED DU 'GYUR RO, ,THAMS CAD NAS ZHES PA 'GYUR MANGS SU THAMS CAD DU, ZHES 'BYUNG BA LEGS SO, ,DES NA BDE BAR GSHEGS PAS RTZA RGYUD DU 'GREL PA BYED PAR LUNG BSTAN CING, BSDUS RGYUD SDUD PA PO 'JAM DPAL GYIS NI BSKUL BAR GYUR PA 'JIG RTEN MGON PO BDAG GIS NI BSDUS PA'I RGYUD 'DI'I 'GREL BSHAD DE RGYAS 'GREL BRI BAR BYA'O, ,'GREL BSHAD JI LTA BU ZHE NA, RGYUD KYI RDO RJE'I TSIG GSANG BA STE SBAS PA'I DON RNAMS RAB TU GSAL BAR BYED PA'O, ,'ON TE RGYUD 'DIR RDO RJE'I TSIG GSAL BAR GSUNGS PA MA YIN NAM ZHE NA, GSUNGS MOD KYI 'ON KYANG 'JIG RTEN LAS 'DAS PA'I DON ZAB MO RNAMS NI 'KHOR BA'I BDE BA LA CHAGS SHING, BDEN PA MA MTHONG BA'I BYIS PA SO SO'I SKYE BO BSTAN BCOS GZHAN SHES PA'I MKHAS PA RNAMS DANG, BSTAN BCOS MI SHES PA'I RMONGS PA RNAMS KYIS RTOGS MI NUS PAS DE RNAMS LA GSAL BAR BSTAN PA'I CHED DU STE, DPER NA GSANG
, ,ZHING SBAS PA'I NOR GDUG PA'I BU YI 'JIGS PAS 'JIGS NAS PHAS BSRUNGS PA DANG, MA YIS BU RNAMS LA PHAN PA'I DON DU GSAL BAR STON PA BZHIN DU, GDUG PA'I SLOB DPON GYIS 'JIGS TE, BCOM LDAN 'DAS KYIS MTHA' DRUG GIS SBAS PA'I DON ZAB MO'ANG LUS CAN THAMS CAD KYI BDE BA CHEN PO THOB PA'I DON DU RAB TU GSAL BAR STON PAR BYED DO, ,DES NA RDO RJE SEMS DPA' DUS KYI 'KHOR LO'I LAM MCHOG NI, RGYAS 'GREL GANG GIS RNAL 'BYOR PAS RIG PAR BYED PA DE'I PHYIR DRI MA MED PA'I 'OD CES BYA BA'I 'GREL BSHAD DE RGYAS 'GREL 'DI NI MYUR DU STE MA 'GOR BAR BRI BAR BYA'O, ,ZHES BYA BA'O, ,MDOR BSDUS KYI MTSAN BSTAN PA NI, BSDUS PA'I RGYUD KYI RGYAL PO'I 'GREL BSHAD, CES PAS MDOR BSTAN CHEN PO'I MTSAN NYID CAN GYI NGES PA DANG, RTZA BA'I RGYUD KYI RJES SU 'JUG PA ZHES PAS SNYING PO'I DON LA MI 'KHRUL BA'I NGES PA DANG, STONG PHRAG BCU GNYIS PA, ZHES PAS GZHUNG TSAD KYI NGES PA DANG, DRI MA MED PA'I 'OD CES BYA BA LAS ZHES PAS MTSAN GYI NGES PA DANG, BDUD DANG BGEGS MTHA' DAG NYAMS PAR BYED PA, MCHOG GI 'DOD PA'I LHA DAM PA'I LAM NGES PA, ZHES PAS MDOR BSDUS 'DI NYID KYI BRJOD BYA DANG, DGOS PA'I NGES PA DANG, MDOR BSDUS CHEN PO STE, ZHES PA 'DIS BSDUS RGYUD 'DI LA RGYA CHER 'GREL DU MA YOD PA'I NGES PA'O, ,DANG PO NI, 'OG MA RNAMS LA BLTOS NAS SO, ,'O ZHES BYA BA NI NGAG RDZOGS PA'O, ,MDOR BSDUS
DANG PO'I DKA' BA'I GNAS RNAM PAR BSHAD PA'O,, ,,DA NI MDOR BSDUS GNYIS PA BSHAD PAR BYA'O, ,DE LA'ANG BSHAD PAR DAM BCA' BA DANG, MDOR BSTAN PA DANG, RGYAS PAR BSHAD PA GSUM MO, ,DANG PO NI, RGYA CHER 'GREL PA DRI MA MED PA'I 'OD 'DI RGYUD KYI TSIG DON BSHAD PA'I DANG POR RE ZHIG RTZA BA'I RGYUD KYI RJES SU 'BRANGS TE RTZA RGYUD DE'I BRJOD BYA DANG, RJOD BYED DANG, 'GREL PA LA SOGS PA DANG, BSDUS PA'I RGYUD DANG DE'I 'GREL PA LA SOGS PA LUNG BSTAN PA BRJOD PAR BYA STE, DE DAG BSHAD PA'I PHYI NAS TSIG DON 'CHAD PA'I SKABS SU BSDUS PA'I RGYUD LA DGOS PA DANG DGOS PA'I YANG DGOS PA LA SOGS PA'ANG BRJOD PAR BYA'O, ,MDOR BSTAN PA LA, 'DI LA DANG POR ZHES PA LA SOGS PA NI RTZA RGYUD KYI DGOS SOGS MDOR BSTAN PA STE, DE'ANG YANG DAG PAR BSTAN TO ZHES DRANG NGO, ,RGYU MTSAN GANG GIS NA, BRJOD BYA SOGS CHOS LNGA MNGON PAR GZIGS NAS SO, ,GANG LA NA GDUL BYA SOGS SO, ,TSUL JI LTAR NA RANG GI SOGS SO, ,CHOS JI 'DRA BA ZHIG NA BYED LAS SKYE BA 'DI LA SANGS RGYAS NYID KYI 'BRAS BU RAB TU STER BA RGYUD KYI RGYAL PO YIN LA, DE'I STON PA PO PHUN SUM TSOGS PA LNGA DANG LDAN PA STE, DE'ANG BDE BA ZHES SOGS KYIS GNAS DANG, SANGS RGYAS DANG BYANG CHUB SEMS DPA' DANG ZHES SOGS KYIS 'KHOR DANG, KHAMS GSUM GYI 'KHOR LOS SGYUR BA ZHES PAS MDZAD PA DANG, MCHOG GI DANG PO'I ZHES SOGS KYIS CHOS DANG, ZLA BA BZANG POS ZHES SOGS KYIS ZHU BA PO PHUN SUM TSOGS PA STE DE LTAR LNGA DANG LDAN PA
, ,DANG, RJOD BYED MCHOG GI DANG PO'I SANGS RGYAS STONG PHRAG BCU GNYIS PA STE, DE'I KHYAD PAR NI, RIS MED PA NAS, BRTAG PA LNGA'I BDAG NYID NI'I BAR RO, ,DGOS PA GANG GI CHED DU BSTAN NA, MI LA SOGS NAS PHYIR GYI PAR RO, ,DE'I 'OG TU DE LAS ZHES PA NAS, LUNG BSTAN TO ZHES PA'I BAR RO, ,RTZA RGYUD DE LAS BSDUS RGYUD SOGS LUNG BSTAN TSUL MDOR BSTAN PA'O, ,MDOR BSTAN PA DE NYID RGYAS PAR 'CHAD PA LA, THOG MAR RTZA RGYUD GSUNGS TSUL RGYAS PAR BSHAD PA NI, MDOR BSTAN GYI RIM PA JI LTA BA BZHIN DU 'CHAD PA YIN PAS, DANG POR RGYUD KYI BRJOD BYA BSHAD PAR BYA'O, ,DE LA LE'U'I SKAD DOD, PA RI TZTSE DA, ZHES YONGS SU BCAD PA LA 'JUG PAS, DON TSAN YONGS SU BCAD PA DANG, RJOD BYED KYI TSIG CHEN POR YONGS SU BCAD PA GNYIS KA LA'ANG LE'U'I SGRA 'JUG GO ,DE BAS NA 'DIR YANG RTZA RGYUD KYI BRJOD BYA RIGS PAR BSDUS NA LE'U'AM BRTAG PA LNGA DANG, ZHIB PAR PHYEN GNAS PA BRGYAD CU RTZA GCIG TU 'GYUR RO, ,DE LA BRJOD BYA LE'U LNGA'I GO RIM NI, 'DIR RDUL PHRA RAB CES PA NAS, LE'U LNGA'I BDAG NYID DO ZHES PA'I BAR TE, DE'I DON NI RDUL PHRA RAB 'DUS PA DANG, SNOD KYI 'JIG RTEN DANG, BCUD KYI SEMS CAN RNAMS SNGA MA SNGA MA PHYI MA PHYI MA'I RTEN DU NGES PAR SNGON DU 'GRO DGOS LA, DBANG BSKUR BA LA BSKUR BYA SEMS CAN SNGON DU 'GRO DGOS SHING, BSKYED RIM GYIS BSOD NAMS KYI TSOGS BSAGS TE 'JIG RTEN PA'I DNGOS GRUB BSGRUB PA LA DBANG SNGON DU 'GRO DGOS LA, RDZOGS RIM GYIS MCHOG BSGRUB PA LA NGES PAR BSKYED RIM MTHAR PHYIN PA SNGON DU 'GRO DGOS PAS DE'I
PHYIR DANG POR 'JIG RTEN KHAMS LA SOGS KYI RIM PAS BSTAN TO ZHES BYA BA'O, ,DE LA RGYUD SDE 'OG MA RNAMS LTAR NA, DANG POR LHA'I RNAL 'BYOR DANG SNGAGS LA SOGS PAS 'JIG RTEN PA'I DNGOS GRUB BSGRUBS NAS, DE LA BRTEN TE MCHOG BSGRUB PA YIN KYANG, BLA MED KYI SKABS SU DE LTAR 'JIG RTEN PA'I DNGOS GRUB LA RAG MA LUS PAR BSKYED RIM LA GSAL SNANG BA RTAN PO GRUB PA TZAM 'JIG RTEN PA'I DNGOS GRUB MA BSGRUBS PAR RDZOGS RIM LA 'BAD PA NYID KYIS MCHOG 'GRUB PA YIN NO, ,DE'I PHYIR 'JIG RTEN PA'I DNGOS GRUB SNGON DU 'GRO BA ZHES GSUNGS PA'ANG, 'JIG RTEN PA'I DNGOS GRUB STER BA'I BSKYED RIM STE SNGON DU 'GRO BA ZHES PA'I DON YIN NA, ,SKYE BA SNGA MA'I ZHES PA NAS, BAG CHAGS KYI STOBS KYIS ZHES SOGS KYI DON NI, SNGAGS BLA MED KYI RDZOGS RIM LA BRTEN NAS MCHOG TSE DE NYID LA 'GRUB PA DANG, GAL TE DE LA MA GRUB PAR RDO RJE'I RNAL 'BYOR GYI LAM BSGRUB PA'I NGANG NAS CHO'I DUS BYAS NA, SNGA MA'I LAM LA GOMS PAR BYAS PA DE'I BAG CHAGS KYI STOBS KYIS LAM GOMS PAR BYAS PAS MCHOG 'GRUB PAR 'GYUR BA GNYIS YOD PAR GSUNGS PA'I PHYI MA'ANG BSDU BA'I CHED DO, ,DKYIL 'KHOR LA SOGS PA RNAM PAR RTOG PA'I SGOM PA DANG BRAL ZHES PA NI, SPYIR BLA MED KYI LHA'I RNAL 'BYOR YIN NA, BSKYED RIM YIN PAS KHYAB PAR 'DOD PA NI YE SHES KYI SKU SGRUB TSUL MA SHES PA YIN ZHING DES NA RTEN DANG BRTEN PAR BCAS PA'I DKYIL 'KHOR GYI RNAM PAR SHAR BA'I LHA'I RNAL 'BYOR LA, BSKYED RIM DANG RDZOGS RIM GYI RNAL 'BYOR GNYIS YOD LA, DE'I DANG PO NI BLOS BTAGS
, ,PA TZAM YIN CING, PHYI MA LA NI GTZO CHE SHOS, RTEN DANG BRTEN PAR BCAS PA'I DKYIL 'KHOR GYI 'KHOR LO DNGOS PO LA'ANG GRUB PA ZHIG DGOS SO, ,BSKYED RIM GYI RNAL 'BYOR DE MCHOG MA GRUB PA'I SNGA ROL DU SMIN BYED KYI LAM DU BSGOM DGOS KYANG, RDZOGS RIM PA'I YE SHES KYI SKU GRUB PA NAS RNAL 'BYOR SNGA MA DE BSGOM PA DOR BA YIN PAS, DE 'DRA'I SGOM PA DANG BRAL BA ZHES GSUNGS SO, ,DE LTAR BRJOD BYA RAGS PAR PHYE NA LE'U LNGA DANG, DE'ANG BSDUS NA GTZO BOR MCHOG GI DANG PO'I SANGS RGYAS DUS KYI 'KHOR LO ZHES STON PA NI, 'DIR THABS DANG SHES RAB KYI BDAG NYID CES SOGS SO, ,LE'U LNGA PO DE NYID LAS, DANG PO PHYI DANG GNYIS PA NANG DANG, PHYI MA GSUM GZHAN STON PA LA, DBANG LES GZHAN DNGOS KYI SMIN BYED KYI DBANG DANG, THA MA GNYIS KYIS GZHAN DNGOS BSKYED RDZOGS STON CING, DE'ANG GTZO BOR BYAS TE 'CHAD MI 'CHAD KYI KHYAD PAR MA GTOGS, LE'U RE RES KYANG PHYI NANG GZHAN GSUM GA 'CHAD DO, ,DE LTAR LE'U LNGA PO DE NYID ZHIB PAR PHYE NA, 'JIG RTEN KHAMS LA LA GNAS PA NYER BZHI, NANG LE LA BCO BRGYAD, DBANG LE LA BCU GNYIS, SGRUB LE LA BDUN, YE SHES LE'U LA NYI SHU STE, DE LTAR GNAS PA BRGYAD CU RTZA GCIG TU PHYI NAS 'CHAD PA NI, DE'ANG LE'U LNGA PO 'DI'I NGO BO NYID KYIS GNAS TE ZHES PA NAS, YE SHES KYI LE'U LA'O, ,ZHES PA'I BAR RO, ,DES NA ZHES SOGS NI BRJOD BYA BSTAN PA'I DON BSDU BA'O, ,RJOD BYED 'CHAD PA NI, 'DI STON PAR BYED PA'I ZHES SOGS
TE, RJOD BYED TSIG GI LE'U LNGA'O, ,'BREL PA 'CHAD PA NI, BRJOD BYA RJOD BYED 'DI DAG CES PA NAS, 'BREL PA'O ZHES PA'I BAR TE, DE'ANG GZHUNG GZHAN DAG TU BRJOD BYA RTOGS PA RJOD BYED LA BRTEN NAS SKYE ZHING, DGOS PA BRJOD BYA RTOGS PA'I 'BRAS BU DANG, NYID DGOS DGOS PA'I 'BRAS BU YIN PA'I TSUL GYIS 'BREL ZHES PA DANG DON GCIG LA, SKABS 'DIR THABS SHES KYI BDAG NYID RDO RJE'I RNAL 'BYOR MCHOG GI DANG PO'I SANGS RGYAS BCOM LDAN 'DAS DUS KYI 'KHOR LO LA SOGS PA LAM DANG, 'BRAS BU'I ZAB DON THAMS CAD RGYUD 'DI'I BRJOD BYA DANG RGYUD 'DI'I RJOD BYED KYI MTSAN NYID KYIS 'BREL PAR NAN TAN CHEN POS GSUNGS LA, GONG 'OG DU MAR DE LTA BU'I LAM DANG 'BRAS BU'I ZAB DON RNAMS SGRA RTOG GI YUL LAS 'DAS PA DANG, BRJOD MI NUS PA DANG, BSAM PA LAS 'DAS PA SOGS SU YANG YANG GSUNGS PA DAG MI 'GAL BA'I TSUL JI LTAR ZHE NA, DE LA SPYIR GZHUNG GONG 'OG DU MA NAS SGRA RTOG GI YUL LAS 'DAS PAR GSUNGS PA'I TSUL DU MA YOD DE, TSAD MA SDE BDUN SOGS NAS, DNGOS PO BUM SNAM SOGS SPYIR SGRAS BRJOD NUS SHING RTOG PAS NGES NUS KYANG, DE DAG SGRA'I BRJOD BYA YIN PA DON DAM PAR MA GRUB PA LA DGONGS NAS, RANG BZHIN THAMS CAD SGRA RTOG GI YUL LAS 'DAS PAR GSUNGS PA LTA BU DANG, 'PHAGS PA DGONGS PA NGES 'GREL LAS, DON DAM BDEN PA SGRA RTOG GI YUL LAS 'DAS PAR GSUNGS PA DANG, THEG PA CHEN PO RGYUD BLA MA LAS BDE BAR GSHEGS PA'I SNYING
, ,PO SGRA RTOG GI YUL LAS 'DAS PAR GSUNGS PA DANG, GZHAN YANG DBU MA'I GZHUNG LUGS DAG LAS CHOS NYID SGRA RTOG GI YUL MIN PAR GSUNGS PA LTA BU RNAMS NI, 'PHAGS PA'I MNYAM GZHAG YE SHES KYIS CHOS NYID MNGON SUM DU RTOGS PA'I TSE CHU LA CHU BZHAG PA LTAR GNYIS SNANG PHRA MO'ANG MED PAR RO GCIG TU GYUR PA'I SGO NAS RTOGS PA ZHIG YOD LA, DON DAM BDEN PA SGRAS BRJOD PA LA BRTEN NAS RTOG PAS DON DAM BDEN PA'I MTSAN NYID JI LTAR GNAS PA BZHIN GO'ANG, DE'I TSE CHOS NYID LA GNYIS SNANG LOG PA MI SRID PAS, DES NA 'PHAGS PA'I YE SHES KYI RTOGS TSUL LTAR GNYIS SNANG LOG PA'I SGO NAS RTOGS PA SGRA LA BRTEN NAS RTOG PAS NGES PA LA BYAR MED PAS, DE'I PHYIR TSES NYID SGRA RTOG GI YUL LAS 'DAS PAR GSUNGS PA YIN CING, 'DIR NI MCHOG TU MI 'GYUR BA'I BDE BA LA SOGS PA'I LAM DANG 'BRAS BU DE DANG DE RGYUD LA SKYES PA'I RNAL 'BYOR PA'I TING NGE 'DZIN DE DANG, DES JI LTAR MYONG BA LTAR DU DE DAG 'CHAD PA'I SGRA LA BRTEN NAS GO BA'I RGYUD LA MYONG BAR BYAR MED PAS, DE'I PHYIR SGRA RTOG DANG BRJOD PA RNAM PAR SPANGS PA SOGS SU GSUNGS PA YIN NO, ,DE LTA MIN PAR GTAN NAS SGRA RTOG GI YUL DU BYAR MI RUNG NA, DON DE DAG RGYUD BSHAD PA DANG NYAN PA LA BRTEN NAS SLOB MAS NGES PAR BYAR MED PAS, DE'I DON DU RGYUD 'CHAD PA DANG NYAN PA SOGS THAMS CAD DON MED DU 'GYUR ZHING, DON GYI DBANG BZHI PA TSIG GIS BRDA SPRAD MI NUS PAR 'GYUR BAS 'JIG RTEN LAS 'DAS PA'I DBANG BZHI
PA, SMIN BYED KYI DBANG BSKUR BA'I TSE, THABS GANG GIS KYANG DBANG BSKUR DU MI RUNG BAR 'GYUR LA, LAM BSGOM PA'I SNGON DU LAM DANG LAM MIN PA SO SOR NGES PAR BYAR MED PAR 'GYUR RO, ,DE LTAR 'BREL PA BSTAN NAS, BSKYED RIM MTHAR PHYIN PA LA BRTEN NAS BSOD NAMS KYI TSOGS BSAGS PA DGOS PA DANG, RDZOGS RIM GYI MCHOG GRUB PA NYID DGOS SU STON PA NI, DE NAS DKYIL 'KHOR DU ZHES SOGS DANG, SHES RAB CHEN PO ZHES SOGS RIM PA BZHIN NO, ,DE LTAR BRJOD BYA LA SOGS PA'I MTSAN NYID 'DI DAG NYID MNGON PAR GZIGS NAS, RTZA BA'I RGYUD YANG DAG PAR BSTAN TO ZHES SBYAR RO, ,GANG LA NA GDUL BYA'I SKYE BO NGES PA DANG BRAL BA RNAMS LA RANG GI SEMS KYI BSAM PAS ZHES BYA BA SNGAR BSHAD PA LA NGES PA NI, 'DOD PA LNGA LA NYE BAR LONGS SPYOD PA NYES DMIGS SU BLTAS NAS MTHA' GCIG TU DE DANG BRAL BA'I TSUL KHRIMS KYI SDOM PA STE, DE NI THEG PA DMAN PA NYAN THOS PA'I MCHOG GI SDOM PA STE SDOM PA MCHOG YIN CING, 'DOD YON LA LONGS SPYOD PA LAS RGYAB KYIS PHYOGS PA DE DANG BRAL BA NI NGES PA DANG BRAL BA'O, ,KHA CIG MCHOG DANG BYE BA SKAD DOD GCIG PAS BSLAB PA'I GNAS BYE BA'AM SHIN TU MANG PO BSRUNG BA DGE SLONG DANG, GNAS BCU BSRUNG BA DAG TSUL ? DANG, GNAS LNGA BSRUNG BA DGE BSNYEN GYI SDOM PA STE, DE DAG JI SRID 'TSO'I BAR DU BSRUNG BA'I NGES PA DANG BRAL BA ZHES 'CHAD PA NI MI LEGS TE, DGE SLONG BYANG CHUB SEMS DPA' DANG, DGE SLONG RDO RJE 'DZIN PA SOGS KYANG SHIN TU MANG BAS SO SO THAR PA'I SDOM PA LA NYAN THOS PA'I SDOM PAR MA NGES PA'I PHYIR
, ,RO, ,DES NA 'DIR NI NYAN THOS PA'I SDOM PA NYID LA BYA'I SO SO THAR PA'I SDOM PA SPYI LA MI BZUNG NGO, ,DES NA MCHOG BYE BAR BSGYUR BA MA LEGS SO, ,DE 'DRA'I NGES PA DANG BRAL BA DE DAG GI RANG GI SEMS KYI BSAM PA NI SPYIR 'DOD PA LNGA LA NYA BAR LONGS SPYOD PAR 'DOD PA'O, ,DE BZHIN DU 'DOD YON GYI REG BYA KHYAD PAR BA DBANG PO GNYIS KYI BDE BA CHEN PO 'DOD PA NA NGES PA DANG BRAL BA RNAMS KYI RANG GI SEMS KYI BSAM PA STE, RANG GI SEMS KYI BSAM PA 'DIS ZHES PA 'DI DANG MTHUN PA 'DOD YON DE DAG MA SLANGS SHING, DE DAG LA LONGS SPYOD PA MA BKAG PA'I SGO NAS STON TO, ,GANG STON NA MDOR BSTAN DU, SKYE BA 'DI LA SANGS RGYAS NYID KYI 'BRAS BU RAB TU STER BA ZHES GSUNGS PA'I DON NI, LAM 'DI DANG POR GANG LA NYAMS SU BLANGS PA'I SKYE BA STE TSE 'DI LA SANGS RGYAS NYID KYI 'BRAS BU RAB TU STER BA RGYUD KYI RGYAL PO'O, ,'GRO BA GANG YANG RUNG BA'I TSE GCIG LA STER RAM ZHE NA, MI'I DBANG DU BYAS KYI LHA LA SOGS PA 'GRO BA GZHAN LNGA'I TSE DE NYID KYI SKYE BA LA NI MA YIN NO, ,DE CI'I PHYIR ZHE NA, DE DAG LAS KYI SA PA MIN PAR SKYES PA'I PHYIR RO, ,DE LA LAS KYI SA PA NI SKABS 'DIR 'DZAM GLING CHUNG NGU'O, ,DES NA SKYE BA 'DI'I ZHES PA TSE 'DI DANG, RTEN MI'I RTEN 'DI LA ZHES PA GNYIS KA LA BSHAD DGOS SO, ,'O NA LHA LA SOGS PA LA NAM YANG 'BRAS BU MI STER RAM ZHE NA, 'DIR ZHES SOGS TE GO SLA'O, ,DE LA SKYE BA 'DI ZHES PA TSE GCIG LA MA BYAS NA, 'OG GI RTZOD
LAN 'BREL MED DU 'GYUR ZHING, SPYIR MI'I SKYE BA LA SANGS RGYAS STER TZAM RGYUD 'DI'I ZAB KHYAD DU MI 'GYUR RO, ,'DIR KHA CIG MI'I SKYE BA KHO NA LA 'TSANG RGYA BAR BSHAD PAS BAR DOR 'TSANG RGYA BAR BSHAD PA DGONGS PA CAN YIN LA, DE'ANG NYAN THOS BAR DOR 'DA' BA LTA BU LA DGONGS ZHES ZER BA NI, SNGAGS BLA MED KYI LAM LA BRTEN NAS BAR DOR 'TSANG RGYA BA'I DGONGS GZHI NYAN THOS KYI MYANG 'DAS LA BYED PA 'BREL MED SMRA BA'O, ,YANG 'DIR KHA CIG MI KHO NA'I RTEN LA 'TSANG RGYA BAR BSHAD PA SPRUL SKU'I 'TSANG RGYA BA'I DBANG DU BYAS LA, BAR DO DANG 'OG MIN GYI LHA'I RTEN LA 'TSANG RGYA BA SOGS SU BSHAD PA LONGS SKU'I DBANG DU BYAS PAS MI 'GAL LO ZHES GSUNG PA'ANG MI 'THAD DE, BCOM LDAN 'DAS SH'AKYA THUB PA 'DOD KHAMS SU 'TSANG RGYA BA'I TSUL BSTAN PA LTA BU NI, SNGON DU LONGS SKU BRNYES SHING SANGS RGYAS ZIN NAS, DE'I RJES SU 'TSANG RGYA BA'I TSUL BSTAN PA TZAM YIN GYI GSAR DU SANGS RGYAS PA MIN PAS, 'OG GI RTZOD LAN THAMS CAD 'BREL MED DU 'GYUR ZHING SNGAGS LA BRTEN NAS TSE GCIG LA LONGS SKUR 'TSANG RGYA BA MIN GYI, 'TSANG RGYA BA'I TSUL STON PA TZAM YIN NO, ,ZHES KHAS BLANGS DGOS PAR 'GYUR RO, ,DES NA SPYIR SNGAGS BLA MED KYI GDUL BYA LA, BRTZON 'GRUS CAN TSE 'DIR 'TSANG RGYA BA GCIG DANG, TSE 'DIR SPYOD PA BYED PA MA BYUNG BA SOGS KYIS MCHOG MA GRUB PA, SHI BA'I RJES SU THA MAL PA LA BAR DO 'ONG BA'I DOD LA, LONGS SKU GRUB NAS 'TSANG RGYA BA, LE LO CAN BAR DOR 'TSANG RGYA BA ZHES THA SNYAD BYAS PA DANG, DE
, ,BAS KYANG DBANG PO DMAN PA SKYE BA BRGYUD NAS 'TSANG RGYA BA GSUM LAS DANG PO NI, SNGAGS BLA MED KYI THUN MONG MIN PA'I LAM THOG MAR SGOM PA'I MGO GANG LA BRTZAMS PA'I SKYE BA DE LA 'TSANG RGYA BAS TE, DE YIN NA MI'I RTEN CAN YIN PAS KHYAB PA YIN LA, 'DIR YANG DE LTA BU'I DBANG DU BYAS PA YIN CING, DE LTA BU LA NI LONGS SKU'ANG 'DOD PA'I MI'I RTEN LA 'THOB PA YIN LA, LAM GZHAN LA BRTEN PA MTHON POR BGROD DE LAM GYI MTHAR SNGAGS BLA MED KYI THUN MONG MIN PA'I LAM GYI SNON PA BTAB NAS 'TSANG RGYA BA LTA BU NI 'OG MIN GYI LHA'I RTEN LA'ANG YOD CING, TSE 'DIR SNGAGS KYI LAM BSGOMS PA'I 'BRAS BU BAR DOR MNGON DU BYED PA'ANG YOD PAS, DOGS PA DE DAG SPANGS DGOS PA'I GZHI CHEN PO MED DO, ,'O NA MI'I SKYE BA YIN NO COG LA 'BRAS BU DE STER RAM ZHE NA, BSOD NAMS ZHES PA NAS, NGES PA'O ZHES PA'I BAR TE, SKYE BA SNGA MA RNAMS SU LAM THUN MONG BAS RGYUD SBYANGS PA'I SKAL LDAN LA YIN GYI, LAS NGAN PA DANG LDAN PA LA MI BYIN NO, ,ZHES BYA BA'O, ,DE LA DOGS PA SPANG PA LA, DOGS PA DGOD PA NI, CI STE ZHES SOGS TE, GAL TE LAS NGAN PA DANG LDAN PA LA MA YIN NA, 'DUS PA LAS, TSE DIR MTSAMS MED LNGA BYAS PAS KYANG 'GRUB PAR BSHAD PA DANG 'GAL ZHES PA'O, ,DE'I LAN NI, BCOM LDAN 'DAS KYI GSUNG 'DI NI BDEN TE ZHES PA NAS, NGES PA MA YIN NO ZHES PA'I BAR TE, DE'ANG TSE DER SNGAGS LA MI 'JUG PA'I GONG DU SHIN TU LCI BA'I MTSAMS MED LNGA
SOGS BYAS KYANG SNGAGS KYI DKYIL 'KHOR DU ZHUGS SHING DBANG BSKUR TE RIM PA GNYIS BSGOMS PAS SNGAR BSAGS PA'I LAS SBYANGS NAS, PHYIN CHAD KHA NA MA THO BA'I SGO BSDAMS TE, PHYAG RGYA CHEN PO'I LAM BSGOMS NA MCHOG 'GRUB PAR GSUNGS PA YIN GYI, SNGAGS LA ZHUGS NAS KYANG MTSAMS MED LA SOGS PA MI DGE BA'I LAS MI SDOM ZHING, KHYAD PAR RTZA BA DANG YAN LAG GI DAM TSIG DANG SDOM PA LA SROG DANG 'DRA BAR MI 'DZIN NA, DE'I TSE DE LA MCHOG 'GRUB PAR SANGS RGYAS MI BZHED DE, SANGS RGYAS KYI LUNG RTOGS KYI CHOS NI THOG MTHA' BAR GSUM DU DGE BA YIN PA'I PHYIR ZHES BYA BA'I DON TO, ,DPER NA BYANG SEMS RGYAL SRAS KYI SDOM PA'I RTZA LTUNG MA BYUNG NA, ,TSE DE LA SA DANG PO 'THOB RGYU YIN PA LA RTZA LTUNG BYUNG NA DE NAS SDOM PA SOR CHUD KYANG, TSE DE LA SA DANG PO THOB MI SRID PAR BYANG SA LAS GSUNGS PA BZHIN NO, ,DE LA TSAD MED BZHI NI SNGAR BSHAD PA LTAR THUN MONG MIN PA'I DBANG DU BYAS PA DANG, BYANG CHUB KYI PHYOGS KYI CHOS KYANG, BDE MCHOG LAS, BDE STONG GI YE SHES NYID LA, LDOG PA'I SGO NAS DRAN PA NYE BAR BZHAG PA SOGS SU PHYE NAS BSHAD PA LTAR RO, ,DE LTAR KHA NA MA THOB DANG BCAS PA'I LAS RNAMS SNGAGS LAS BKAG PAR BSHAD PA LA RTZOD PA NI, 'O NA ZHES SOGS TE GO SLA'O, ,DE'I LAN NI DE NI BDEN TE ZHES PA NAS, ZHES PA'O ZHES PA'I BAR TE, DON NI SHA LNGA BZA' BAR GSUNGS KYANG, DE'I SHA LNGA NI PHYUGS KYI MCHOD SBYIN SOGS KYI DON DU GSAD PAR BYA BA'I MTSAN MA BTAB PA DANG, ZAB PO DE LAS RIN THOB PA'I CHED DU BSAD PA KHA NA MA THO BA DANG BCAS PA'I SHA
, ,MIN GYI, ZAS KYI DON DU NYO BTZONG MED PAR KHYI'I SHA LA SOGS PA DANG, CHOM RKUN PAS BSAD PA'I MI'I SHA LA SOGS PA BYIN GYIS BRLABS SHING BDUD RTZI RIL BUR BYAS PA LONGS SPYOD PAR GSUNGS PA TZAM YIN PAS SKYON MED DO, ,ZHES BYA BA'O, ,DE LA ZA BA PO MED NA GSOD PA PO MI 'BYUNG BAS, ZA BA PO LA SDIG TU 'GYUR RO, ,ZHES 'DIR PHYOGS SNGA MAR BKOD PA 'DI NYID, DBU MA SNYING POR YANG, PHYI ROL PA'I 'DOD PAR BKOD CING, DE LTA NA BRE SRANG LOG PA BYED PA PO'ANG BRE SRANG DE LA NYO 'TSONG BYED MKHAN MED NA MI 'BYUNG BAS NYO 'TSONG BYED PA PO LA BRE LOG SRANG LOG BYAS PA'I SDIG 'BYUNG BAR 'GYUR ZHING, GSAD BYA MED NA GSOD PA PO MI 'BYUNG BAS GSAD BYA LA'ANG DE'I SDIG 'BYUNG BAR 'GYUR ZHES BSHAD DO, ,TSE DE NYID LA SANGS RGYAS STER BAR BSHAD PA RNAMS KYI DON BSDU BA NI, DE LTAR ZHES SOGS SO, ,'O NA STER RGYU'I SANGS RGYAS DE GANG ZHE NA, SANGS RGYAS NYID NI ZHES PA NAS, RAB TU STER BA'O ZHES PA'I BAR TE, DE LA THAMS CAD MKHYEN PA NYID LA SOGS PA BZHI NI RIM BZHIN NGO BO NYID SKU DANG, SPRUL SKU DANG, LONGS SKU DANG, CHOS SKU'O, ,'DIS SNGAGS BLA MED KYI LAM GYIS TSE DE NYID LA SANGS RGYAS 'GRUB PAR GSUNGS PA'I SANGS RGYAS NI SA DANG PO LTA BU LA DGONGS SO ZHES ZER BA'ANG BKAG GO ,DA NI PHUN SUM TSOGS PA LNGA LDAN RGYAS PAR 'CHAD PA LA, STON PA PO'I GNAS PHUN SUM TSOGS PA NI, KHA CIG BDE BA CHAN PO'I GNAS NI SA PHYOGS LTA BU DANG, RDO RJE DBYINGS KYI DKYIL 'KHOR LTA BU KHANG BZANG LTA BU DANG, RDO RJE SENG
GE'I KHRI NI DE'I NANG GI GDAN LTA BU'O, ,ZHES 'CHAD KYANG SNGA MA GNYIS KA PHYAG RGYA CHEN MO NYID GCIG PU LA SBYAR NAS BSHAD PAS DE 'DRA BA'I KHYAD PAR MED DO, ,DES NA GNAS NI BDE BA CHEN PO ZHES PA NAS, GNAS SO ZHES PA'I BAR GYIS PHYAG RGYA CHEN MO'I CHOS 'BYUNG NYID BDE BA CHEN PO'I GNAS SU BSTAN LA, CHOG GI DANG PO'I ZHES PA NAS, DER RO ZHES PA'I BAR GYIS STONG GZUGS PHYAG RGYA CHEN MO PRA PHAB PA DANG MTSUNGS PA NYID RDO RJE DBYINGS KYI DKYIL 'KHOR GYI DON DU BSHAD DE, DE GNYIS KYIS GNAS PHUN SUM TSOGS PA BSHAD DO, ,RDO RJE SENG GE'I KHRI LA BZHUGS PA NI, SGRA ZIN LTAR BSHAD NA SENG GE'I KHRI GDAN DANG BCAS PA STE, 'AM ZHES PA'I BAR RO, ,SGRA ZIN PA LTAR MA YIN PAR BSHAD NA AE YIG CES PA NAS, DE YIS SO ZHES PA'I BAR TE, AA WAm GYI NGES DON BDE STONG GNYIS MED KYI YE SHES NYID LA BZHUGS PA'O, ,ZHES PA'I DON TE, ,'KHOR PHUN SUM TSOGS PA NI, SANGS RGYAS DANG ZHES PA NAS, PHYAG BYAS PA DE YIS SO ZHES PA'I BAR TE, DE'ANG GZUGS MED KHAMS KYI PHYIR MI 'ONG LTA BUS NI ZHABS LA BTUD PA YIN LA, GZHAN RNAMS KYIS NI 'DUD PAR BYA BA'I GNAS YIN CING GZHAN GO SLA'O, ,MDZAD PA PHUN SUM TSOGS PA NI, KHAMS GSUM GYI ZHES SOGS SO, ,DE'ANG GZUGS MED KHAMS SU LUNG GI CHOS 'KHOR BSKOR BA MED KYANG, DER SKYES PA'I 'PHAGS PA'I RGYUD LA RTOGS PA'I CHOS 'KHOR YOD DO, ,CHOS PHUN SUM TSOGS PA NI, MCHOG GI ZHES SOGS TE, DE'ANG SKAD CIG GCIG LA SOGS PA'I MTSAN NYID CAN, 'GYUR BA MED PA'I BDE BA NI MCHOG
, ,YIN LA, BDE BA DE YIS DANG POR TE, MI 'GYUR BA'I BDE BA MCHOG SNGON DU BSKYED PA LA BRTAN NAS, SANGS RGYAS PA NI MCHOG GI DANG PO'I SANGS RGYAS DE YIS SO, ,RIS MED PA ZHES PA LA, RIS NI SHES RAB THABS KYI BDAG NYID RA RE BA GCIG STE, DE'I PHYOGS SU MA CHAD PA DANG, YANG GZUNG BA STONG GZUGS KYI PHYAG RGYA DANG, 'DZIN PA BDE BA CHEN PO GNYIS SO SOR RGYANGS CHAD PA'O, ,MTSAN NYID KYI CHOS NI, RIS TE DE 'DRA BA'I RIS SU CHAD PA DE GANG GIS SPANGS PA DE NI RIS MED PA STE, DE 'DRA BA'I RIS MED PA DE YIS SO, ,BCOM LDAN 'DAS NAS, DE YIS SO ZHES PA'I BAR NI SNGAR BSHAD PAS SHES SO, ,ZHU BA PO PHUN SUM TSOGS PA NI, ZLA BA BZANG PO ZHES SOGS TE, DE LA ZLA BA BZANG PO'I MING DON NI 'OD DO ZHES PA'I BAR TE, 'DIR NYAN PA PO ZHES PA RNA BAR BSGYUR BA MI LEGS SO, ,ZLA BZANG DE NYID RGYUD THAMS CAD KYI SDUD PA PO GSANG BA'I BDAG PO PHYAG NA RDO RJE YIN LA, ,GSANG BA'I BDAG PO'I DON THEG DMAN PA SOGS LA'ANG GSANG BAR BYA BA'I RGYUD THAMS CAD KYI SDUD PA PO YIN PAS GSANG BA'I BDAG PO ZHES BYA'O, ,ZHES 'CHAD PA NI, SEMS CAN THAMS CAD KYI ZHES PA NAS, DE'I YANG DAG PAR SDUD PA PO YIN PAS NA BDAG PO STE, GSANG BA'I BDAG PO'O, ,ZHES PA'I BAR RO, ,YANG GSANG BDAG GI DON, PHYI ROL 'JIG RTEN GYI THA SNYAD KYIS BSHAD NA, GSANG BA PA NI DUR KHROD KYI GNAD SBYIN RNAMS YIN LA, DE DAG 'JOMS PAS BDAG PO STE, SENG GE RI DVAGS GSOD PA LA DE'I BDAG POR BRJOD PA BZHIN NO, ,ZHES PA NI DE BZHIN DU ZHES SOGS SO, ,NANG LA SBYAR NAS BSHAD NA, NANG DU NI ZHES
PA NAS, DE YIS SO ZHES PA'I BAR TE GO SLA'O, ,DE LTAR STON PA PHUN TSOGS LNGA LDAN BSHAD NAS, RJOD BYED KYI MTSAN GYI KHYAD PAR NI, MCHOG GI DANG PO'I ZHES PA NAS, RJOD PAR BYED PA'I PHYIR RO, ,ZHES PA'I BAR GO SLA LA, 'DIR RIGS NI ZHES PA NAS, GSUNGS SO ZHES PA'I BAR GYIS RNAL 'BYOR BLA MED KYI RGYUD LA RNAL 'BYOR GYI RGYUD CES PA'I DON NI, SHES RAB STONG PA NYID DANG THABS BDE BA CHEN PO GNYIS RE RE BA 'BA' ZHIG TU MA SONG BAR GNYIS SU MED PAR SBYOR BA'I RGYUD YIN PA'I PHYIR RNAL 'BYOR RGYUD CES BYA'O, ,ZHES BSHAD PA'O, , DE 'DRA'I THABS SHES GANG RUNG ZHIG MI STON NA, BLA MED KYI RGYUD DU MI 'GYUR ZHING, RGYUD DE LAS BSHAD PA'I LAM SANGS RGYAS KYI LAM GYI GNAD YONGS SU RDZOGS PAR MI 'GYUR BA SOGS KYI GNOD PA STON PA NI, BRJOD PAR BYA BA ZHES PA NAS, ZHES SO ZHES PA'I BAR RO, , RNAL 'BYOR CHEN PO'I RGYUD YIN NA BDE STONG GI YE SHES GNYIS KA GTZO BOR STON DGOS PA DE'I PHYIR RGYUD GANG LA THABS BDE BA CHEN PO DANG, SHES RAB STONG NYID KYI BDAG NYID KYI BRJOD PAR BYA BA GNYIS KA YOD PA'I RGYUD DE NI DON DAM PAR TE, DON DAM STONG PA NYID BDE CHEN GYI YUL DU BYAS PA'I DBANG DU BYAS NA SHES RAB 'BA' ZHIG GI RGYUD KYANG MIN LA, THABS 'BA' ZHIG GI RGYUD KYANG MIN NO, ,DES NA DON DAM PAR ZHES PA NI GNYIS MED DON DAM PAR GRUB CES PA'AM, DON DAM PAR GNYIS MED KYI RGYUD YIN CES PA MIN ZHING, GNYIS SU MED PA RGYU'I THABS SHES DANG, PHA RGYUD MA RGYUD DU 'JOG PA'I THABS SHES KHYAD MED DU BYAS NAS KUN RDZOB TU PHA RGYUD MA RGYUD SO SOR 'JOG GO ZHES BYA BA NI MIN TE, DE LTA NA DON DAM PAR THABS SHES GNYIS MED KYI RGYUD DU BZHAG PA DE'ANG DBANG PO
, ,BRTUL PO'I BSAM NGO LA BLTOS NAS BZHAG PAR THAL LO, ,YANG NGES DON LA THABS SHES SO SO BA'I RGYUD DU MI 'THAD, DRANG DON LA PHA RGYUD MA RGYUD GNYIS SU BZHAG CES PA 'DI'I DON DU SMRAS NAS, YANG PHA RGYUD MA RGYUD GNYIS MED KYI RGYUD GSUM LA DON THOG 'GAL BA THA DAD PA SO SOR 'JOG PA'ANG KHAS BLANGS 'GAL LA, NGES DON DANG DRANG DON YANG SGRA JI BZHIN PA YIN MIN LA BYED PAR SNANG BAS, DON GYIS PHA RGYUD MA RGYUD GNYIS GZHI MA GRUB PAR KHAS BLANGS PA YIN NO, ,DE'I PHYIR DON DAM PAR ZHES PA NI DON DAM 'JAL BA LA LTOS PA'I THABS SHES KYI DBANG DU BYAS NAS THABS RGYUD DANG SHES RAB KYI RGYUD SO SOR DBYER MED CES PA'O, ,DES NA 'DIR DON DAM ZHES PA NI, DE KHO NA NYID RTOGS PA'I BDE BA CHEN PO LAM GYI DON DAM GYI DBANG DU BYAS PA YIN NO, ,'O NA THABS RGYUD DANG SHES RAB KYI RGYUD SO SOR GANG GIS 'JOG CE NA, 'JIG RTEN GYI THA SNYAD LA BLTOS NAS GDUL BYA DBANG RTUL 'GA' ZHIG GI NGOR, YE SHES LNGA'I DBYE BAS PHUNG PO LNGA RNAM PAR DAG PA LHA PHOR STON ZHING, DE NYID YE SHES PA DGUG GZHUG SOGS KYI BYA BA LA GTZO BOR GYUR PA'I RGYUD NI RNAL 'BYOR PHA'I RGYUD DAM THABS RGYUD DU 'JOG LA, YANG YE SHES LNGA'I DBYE BAS KHAMS LNGA DAG PA LHA MOR STON ZHING, DE NYID YE SHES PA DGUG PA SOGS BYA BA LA GTZO BOR RGYU BA NI, RNAL 'BYOR MA'I RGYUD YIN LA, RNAL 'BYOR CHEN PO'I RGYUD CES PA'I RNAL 'BYOR GYI DON GYI THABS SHES NI RGYUD SDE GNYIS KA LA RJES SU 'GRO BA'O, ,ZHES 'CHAD PA NI 'JIG RTEN ZHES PA NAS, RGYUD DU'ANG 'GYUR RO ZHES PA'I BAR YAN LA,
'ON KYANG 'DI NI DBANG RTUL GYI NGO LA BLTOS PA'I PHA RGYUD MA RGYUD DU SO SOR 'JOG TSUL PHYOGS GCIG BSTAN PA TZAM YIN GYI, SPYIR PHA RGYUD MA RGYUD KYI 'JOG BYED 'DIR NGES PA MA YIN ZHING, 'ON KYANG LHA PHO MO'I DGUG GZHUG SOGS BYED PA 'DE'ANG RGYUD GNYIS NGES PA CAN MIN PAR 'OG TU STON PAR 'GYUR RO, ,DE DAG GI DON BSDU BA NI, DES NA ZHES SOGS SO, ,RDO RJE 'DZIN PA'I ZHES SOGS KYI DON NI, PHYAG RGYA CHEN MO DANG ZUNG DU CHUD PA'I BDE BA CHEN PO'I YE SHES KYI SKU DANG PO'I SANGS RGYAS DE NYID, MTSAN YANG DAG PAR BRJOD PA LAS GSAL BAR BSHAD PA JI LTA BAR 'DIR YANG 'CHAD PAS, DE'I PHYIR MTSAN YANG DAG PAR BRJOD PAS 'KHYUD PA ZHES BYA'O ZHES PA'O, ,'DIR JI LTAR ZHES SOGS GO SLA'O, ,DE LA DOGS PA SPANG BA NI, 'DIR 'DUS PA LAS, ZHES PA NAS BYED PA PO YIN NO ZHES PA'I BAR TE, 'DUS PA LAS, MAR ME MDZAD NAS RGYAL BA SH'AKYA THUB PA'I BAR GYI SANGS RGYAS RNAMS KYIS SNGAGS MA BSTAN PAR GSUNGS PA NI, YUL NYI TSE BA GANGS CAN NAS 'BIGS BYED KYI BAR GYI 'PHAGS PA'I YUL NA DUS DE'I TSE SNGAGS STON PA'I DNGOS KYI GDUL BYA MED PAS YUL DUS DER MA BSTAN PAR GSUNGS PA YIN GYI SPYIR SANGS RGYAS DE DAG GIS KYANG YUL DUS GZHAN DU GDUL BYA GZHAN LA'ANG MA BSTAN PA NI MIN TE, THEG PA THAMS CAD KYI GTZO BOR GYUR PA DE NYID NAM YANG MI STON NA THAMS CAD MKHYEN PA MIN PAR 'GYUR RO, ,ZHES BYA BA'O, ,DE DAG GI DON BSDU BA NI, DE'I PHYIR ZHES SOGS SO, ,RGYUD KYI RGYAL PO ZHES PA NAS, SBAS PA YIN NO ZHES PA'I BAR GYI DON NI RGYUD GZHAN DU BZHI PA DE YANG DE BZHIN NO, ,ZHES PA
, ,'DIS BZHI PA ZHES PAS GSUM PA LAS GZHAN DU'ANG BSTAN LA, DE BZHIN NO ZHES PAS GSUM PA DANG KHYAD PAR YANG BSTAN PAS SBAS PA YIN NO ZHES BYA BA'O, ,RGYUD KYI RGYAL PO THAMS CAD LA ZHES SOGS KYI DON NI RDO RJE'I TSIG SBAS PA DE'I DON NI BSHAD RGYUD KYI RJES SU 'BRANGS NAS RTZA RGYUD KYI DON 'BYED PA LA MKHAS PA'I BLA MA'I MAN NGAG GIS RTOGS PAR BYA'O ZHES PA'O, ,DES NA RGYUD NI RGYUD GZHAN DAG GIS RTOGS PAR BYA ZHES PA'I DON DE LTAR YIN GYI, BSDUS RGYUD GZHAN THAMS CAD KYI DON RGYUD 'DIS BSHAD PAR BYA ZHES PA MIN NO, ,RDO RJE'I TSIG GIS SBAS PA DE'ANG KUN RDZOB DANG, DON DAM BDEN PA'I BYE BRAG GIS TSUL GNYIS SU 'GYUR TSUL NI, SNGAGS KYI TSUL 'DI LA ZHES SOGS SO, ,RGYUD 'DIR DON DE DAG MA SBAS PAR GSAL BAR BSHAD PA YIN NO, ,ZHES PA NI DANG PO'I SANGS RGYAS 'DI LA ZHES SOGS SO, ,'DI NYID BSGRUB PA LA ZHES PA NI, RGYUD 'DI LAS DE GSAL BAR BSTAN PAR BSGRUB PA LA, DU SOGS KYI MTSAN MA 'BYUNG BA RTAGS SU BKOD PA NAS BSGRUB CES PA MIN GYI, 'O NA CI ZHE NA, RGYUD 'DI LAS BZHI PA'I LAM GSAL BAR BSTAN TSUL NI, MCHOG TU MI 'GYUR BA'I BDE BA DE NYID BSGRUB PA LA DE'I RGYUR STONG GZUGS KYI PHYAG RGYA CHEN PO'I BSGOM PA DU BA LA SOGS PA'I MTSAN MA'I LAM MA SBAS PAR RAB TU GSAL BAR MDZAD DE, TSIG JI LTA BUS NA, RTZA RGYUD LAS, STONG PAR ZHES PAS SO, ,DES NA BZHI PA'I LAM BLA MA'I GSUNG 'BA' ZHIG LA BLTOS MI DGOS PAR GSAL BAR BSTAN PA YIN NO ZHES PA NI, BCOM LDAN 'DAS
KYI ZHES SOGS SO, ,BZHI PA'I LAM 'DI LA'ANG NYIN DANG MTSAN MOR JI LTAR BSHAD PA BZHIN DU, MTSAN NYID LDAN PA'I GDUL BYAS BSGOMS NA STONG GZUGS KYI PHYAG RGYA CHEN MO 'BYUNG BAR YID CHES PA'I MTSAN MA YOD DE, NYI MA GCIG NI YONGS SU BRTAGS, CES DE LTAR BSGOMS NA NYIN GCIG LA DU SOGS KYI MTSAN MA 'CHAR BAR BCOM LDAN 'DAS KYIS GSUNGS PA'I PHYIR RO, ,DE 'DRA'I MTSAN MA MYUR BA SGRUB THABS GZHAN LA DKA' 'O ZHES PA NI, 'DIR ZHES SOGS SO, ,DU SOGS KYI MTSAN MA'I DBYE BA NI, MTSAN MA YANG ZHES PA NAS, DNGOS GRUB THOB PA'O ZHES PA'I BAR TE, DE'ANG STONG GZUGS KYI PHYAG RGYA CHEN MO BSGRUB PA'I DGOS PA NI, MCHOG TU MI 'GYUR BA'I BDE BA PHYAG RGYA LA BRTEN NAS BSGRUB PA'I CHED 'BA' ZHIG YIN LA, BDE BA DE BSGRUB PA'I DGOS PA'ANG YUL CAN BDE BA KHYAD PAR BA DE YUL CHOS NYID STONG PA NYID DANG SBYAR NAS BSGOMS NA, STONG NYID BSGOM PA PO'I BLO'I KHYAD PAR GYIS SHES SGRIB SPONG BA LA NUS PA MTHU CAN DU GYUR TE MYUR DU RDO RJE 'CHANG GI GO 'PHANG 'THOB PAR BYA BA'I CHED YIN NO, ,DE LA SBYOR BA YAN LAG DRUG GI YAN LAG DANG PO BZHI NI GTZO BOR GZUGS BSGRUB PA YIN LA, DES BSGRUBS PA'I STONG GZUGS KHYAD PAR BA'I PHYAG RGYA CHEN MO DE NI RJES DRAN GYI SKABS SU 'GRUB LA, DE GRUB PA NA PHYAG RGYA DE LA BRTEN NAS MCHOG TU MI 'GYUR BA'I BDE BA SKAD CIG MA NYI KHRI CHIG STONG RIM BZHIN THOB NAS, LAS RLUNG NYI KHRI CHIG STONG DRUG BRGYA RIM BZHIN 'GAGS PA'I MGO TING NGE 'DZIN GYI YAN LAG NAS RTZOM PA YIN NO, ,DE LA
, ,MI 'GYUR BA'I BDE BA KHYAD PAR BA DE SKAD CIG DANG PO THOB PA NAS DBUGS STONG BRGYAD BRGYA 'GAGS PA'I BAR NI MES PA SPYOD PA'I SA STE, DE DAG GI SKABS KYI STONG GZUGS KHYAD PAR BA NI MTSAN MA DANG PO'O, ,DE NAS SA BCU GCIG LA, SA RE RER YANG DBUGS STONG BRGYAD BRGYA RE 'GAGS PA'I SKABS KYI STONG GZUGS KHYAD PAR BA NI MTSAN MA BAR PA'O, ,MI 'GYUR BA'I BDE BA SKAD CIG MA GSUM GYIS CHIG STONG DRUG BRGYA RDZOGS PA SA BCU GNYIS PA'I SKABS KYI STONG GZUGS KYI SNA TSOGS YUM LTA BU NI MTSAN MA THA MA'O, ,ZHES BYA BA'O, ,'DIR MTSAN MA NI MTSON BYED KYI RTAGS LA BYA'O, ,RDO RJE'I TSIG CES PA NAS, MNGON DU GYUR PA'O ZHES PA'I BAR NI, DE DAG GI DON BSDU BA'O, ,SANGS RGYAS RIN CHEN ZHES SOGS LA, RDO RJE DANG PADMA AE WAm GYI DAN LA 'CHAD PA NI, ZA MA TOG GI MING CAN GYI SNOD DANG, DE'I NANG GI RIN CHEN KHYAD MED DU 'GYUR BAS, STONG GZUGS PHYAG RGYA DANG MNYAM PAR SBYAR BA'I GSANG BA'I RDO RJE PADMA LA BYA'O, ,DA NI BRJOD BYA'I KHYAD PAR RNAMS LAM BSGOM PA'I SNOD RUNG DU BYED PA'I DBANG DANG, SNOD DU GYUR NAS BSGOM PAR BYA BA'I LAM RIM PA GNYIS DANG, LAM DE GNYIS BSGOMS PAS THOB PAR BYA BA'I 'BRAS BU DNGOS GRUB GNYIS RNAMS SU BSDUS NAS 'CHAD DO, ,DE LA 'JUG PA'I RIM PA THOG MAR DBANG NAS YIN KYANG, 'DIR BSHAD PA'I RIM PAS THOG MAR BSGOM BYA'I LAM GNYIS 'CHAD PA NI, 'JIG RTEN DANG ZHES PA NAS, BSTAN PA'I PHYIR RO ZHES PA'I BAR TE, DE'ANG RDZOGS RIM GYI SKABS SU
'DOD LHA YAB YUM GYI RNAM PAR RTOG PAS BTAGS NAS BSGOM PA TZAM MIN PAR DNGOS PO LA'ANG DER SHAR BA ZHIG 'ONG DGOS PAS RDZOGS RIM GYI DE 'DRA'I SKABS SU LHA'I ZHAL PHYAG DANG KHA DOG DBYIBS SOGS SU RTOG PAS BTAGS NAS BSGOM PA DGAG PA'I PHYIR DU, KHA DOG DANG DBYIBS KYI RTOG PA DANG BRAL BA ZHES RTOG PA SMOS SO, ,MNGON PAR RDZOGS PAR BYANG CHUB PA ZHES SOGS KYI DON NI, GZHI DUS KYI PHUNG SOGS RNAMS BSKYED RIM DANG RDZOGS RIM PA'I RIM PAS BYANG CHUB LNGA PO 'DI RNAMS KYI SGO NAS SGRIB BRAL DU YONGS SU DAG PAR BYED DO, ,ZHES BYA BA'O, ,SKU BZHI DANG ZHES SOGS NI BSHAD BYA DGOD PA'O, ,DE 'CHAD PA LA SKU BZHI NI ZHES SOGS KYI DON NI, SKU BZHI LA GZHI DUS DANG 'BRAS DUS GNYIS LAS, BZHI DUS KYI SKU BZHI NI, GNAS SKABS BZHI BSKYED PA'I THIG LE BZHI LA SKU BZHIR THA SNYAD BYED CING, 'BRAS DUS SU THIG LE BZHI PO SGRIB BRAL DU GYUR PA LA SKU BZHIR 'JOG GO ZHES BYA BA'O, ,RIGS DRUG NI GZHI DUS KYI SGRIB BCAS KYI KHAMS DRUG DANG, 'BRAS DUS KYI SGRIB BRAL GYI KHAMS DRUG GO , BDAN PA RNAM PA BCU GNYIS NI, YAN LAG BCU GNYIS YIN LA, DE LA'ANG GNYIS LAS, GZHI DUS KYI YAN LAG BCU GNYIS NI, MA RIG PA LA SOGS BCU GNYIS DANG, RLUNG 'PHO BA BCU GNYIS YIN LA, 'BRAS DUS KYI YAN LAG BCU GNYIS NI, MA RIG PA 'GAGS PA SOGS BCU GNYIS DANG, 'PHO BA BCU GNYIS 'GAGS PA'O, ,ZHES BYA BA YIN GYI, 'BRAS BU'I SKABS SU SGRIB BRAL GYI MA RIG PA DANG ZHES SOGS SU SBYAR BYA MIN TE, SGRIB PA DANG BRAL BA'I SGRIB PA MI SRID PA'I PHYIR DANG, YAN
, ,LAG BCU GNYIS 'GAGS PA'I PHYIR, SANGS RGYAS RNAMS KYI NI SGRIB PA DANG BRAL BA'O, ,ZHES GSUNGS PAS SO, ,DE KHO NA NYID BCU DRUG NI, LHAN CIG SKYES PA'I DBYE BAS, ZHES PA'I BAR TE, MDOR NA DGA' BA BCU DRUG YIN LA, DE'ANG MNGAL SKYES RNAMS KYI GZHI DUS KYI DE KHO NA NYID NI, SGRIB PA DANG BCAS PA YIN TE, BCU DRUG PHYED PHYED CES PA DGA' BA BZHI PO RE RE LA'ANG KHAMS 'BAB PA'I GNAS KYI DBYE BAS, SKU'I DGA' BA GSUNG GI DGA' BA, ZHES SOGS BZHI BZHIR PHYE BA'I SKABS SU THIG LE 'DOR BA'AM 'DZAG PA'I PHYIR RO, ,SANGS RGYAS RNAMS NI SGRIB PA DANG BRAL BA YIN TE, BCU DRUG PHYED PHYED THIG LE 'DZIN PA STE, DGA' BA BCU DRUG GI 'DZAG PA'I DRI MA SPANGS PA NYID KYI PHYIR RO, ,STONG PA NYID BCU DRUG PO RNAMS NI ZHIB PAR 'OG TU BSHAD PAR BYA'O, ,SNYING RJE BCU DRUG BSHAD PA NI, STONG PA NYID LNGA TSAN GSUM RE RE'ANG RIM PA BZHIN PHUNG PO LNGA, KHAMS LNGA, DBANG PO LNGA DANG SBYAR BA, DE BZHIN DU SNYING RJE'ANG DE LTAR SBYAR BA LNGA TSAN RNAM PA GSUM STE, SEMS CAN LA DMIGS PA LNGA DANG, CHOS LA DMIGS PA LNGA DANG, DMIGS PA MED PA LNGA'O, ,DE LA ZHES SOGS LNGA TSAN GSUM PO DE RIM BZHIN DKAR PHYOGS KYI TSES BCO LNGA DANG SBYAR BA'O, ,DE LA KHA CIG ,SEMS CAN LA DMIGS PA NI, LAS RGYA LA BRTEN PA DANG, CHOS LA DMIGS PA YE RGYA DANG, DMIGS MED NI PHYAG CHEN LA BRTEN PA'I BDE BA'O, ,ZHES 'CHAD KYANG, PHYAG RGYA CHEN MO NYID KYI BDE BA LA'ANG SNYING RJE BCU DRUG TU DBYER YOD PAS MI 'THAD DO, ,RANG LUGS NI, THUN MONG GI SNYING RJE LA PHYE
BA'I SEMS CAN LA DMIGS PA LA SOGS GSUM NI, RIM BZHIN SNYING RJE CHUNG 'BRING CHE GSUM YIN CING, 'DIR YANG LNGA TSAN GSUM RIM BZHIN BDE BA CHUNG 'BRING CHE GSUM YIN PAS, DE TZAM ZHIG 'DRA BA'I CHA NAS DE LTAR THA SNYAD BYAS PA'O, ,DE'ANG PHYI ROL NA DKAR PHYOGS KYI TSES BCO LNGA PA DANG, NAG PHYOGS KYI TSES GCIG GI BAR NA BCU DRUG PA'I CHA GZHAN MED LA, DE BZHIN DU NAG PHYOGS KYI BCO LNGA PA GNAM STONG RDZOGS NAS, DKAR PHYOGS KYI TSES GCIG MA ZHUGS PA'I BAR NA BCU DRUG PA'I CHA GZHAN MED DE, DE 'DRA YOD NA ZLA BA GCIG LA TSES ZHAG SO GNYIS YOD PAR 'GYUR RO, ,'ON KYANG NANG GI DKAR PHYOGS KYI CHA BCO LNGA PA DANG, NAG PHYOGS KYI CHA DANG PO'I BAR NA, CHA BCU DRUG PA DNGOS GNAS LA'ANG YOD CING, DE BZHIN DU NANG GI NAG PO'I CHA BCO LNGA PA DANG, DKAR PO'I TSES GCIG GI BAR NA'ANG CHA BCU DRUG PA DNGOS GNAS LA YOD PAS, NANG GI DE MTSON BYED DU PHYI'I LA'ANG CHA BCU DRUG PA'I THA SNYAD BYAS PA TZAM YIN NO, ,DE LTAR YIN PA LA, 'DIR STONG NYID DANG SNYING RJE BCU DRUG PA NI, NANG GI CHA BCU DRUG PA GNYIS DANG RIM BZHIN SBYAR ZHING, PHYI'I TSES KYI CHA BCU DRUG PA GNYIS SU THA SNYAD BYAS PA DAG DANG SBYAR BA'O, ,DE LTA BU'I STONG NYID SNYING RJE DBYER MED PA NYID BRJOD BYA YIN NO, ,ZHES PA NI, 'DI DAG CES SOGS SO, ,LAM DE BSGOM PA'I SNOD RUNG DU BYED PA'I DBANG BSKUR BA NI, 'JIG RTEN PA DANG ZHES PA NAS, SBYONG BAR BYED PA'O ZHES PA'I BAR DE 'OG TU 'CHAD DO, ,DBANG THOB NAS LAM RIM GNYIS BSGOMS PA'I 'BRAS BU DNGOS GRUB GNYIS NI, LAS
, ,DANG ZHES PA NAS, SANGS RGYAS SO ZHES PA'I BAR TE, DE LA 'DOD PA NA SPYOD PA NI, LAS KYI PHYAG RGYA'I DNGOS GRUB THOB CES PA'I DON 'JIG PA'I BDE BA NYID 'DOD PA NA SPYOD PA'I DNGOS GRUB TU BYED PA MI 'THAD DE, 'DI NI LAS RGYA LA BRTEN NAS KYANG, KHAMS PHYIR MI 'DZAG PAR SONG BA NA, LAS RGYA LA BRTEN NAS THUN MONG GI DNGOS GRUB BSGRUB PA LA'ANG BSHAD DGOS PA'I PHYIR RO, ,DES NA PHYAG RGYA LA BRTEN NAS BSGRUB PAR BYA BA'I THUN MONG GI DNGOS GRUB LA GNYIS LAS, 'DOD PA'I SAS BSDUS PA NI LAS RGYA LA BRTEN NAS 'GRUB LA, GZUGS KYI SAS BSDUS PA YE RGYA LA BRTEN NAS 'GRUB CES BYA BA'I DON TO, ,DE LTAR BRJOD PA'I RIM PAS ZHES PA NAS, MA YIN NO ZHES PA'I BAR NI SNGAR BSHAD RNAMS KYI DON BSDUS PA'O; ;GNYIS PA BSDUS PA'I RGYUD DANG, DE'I 'GREL PA DANG, DE 'CHAD PA PO LA SOGS PA LUNG BSTAN PA'I TSUL RGYAS PAR 'CHAD PA NI, MCHOG GI DANG PO'I ZHES PA LA SOGS PA STE GO SLA'O, ,MDOR BSDUS KYI MTSAN BSTAN PA NI, BSDUS PA'I RGYUD KYI RGYAL PO ZHES PA LA SOGS PA'O, ,MDOR BSDUS GNYIS PA'I DKA' BA'I GNAS RNAM PAR BSHAD PA'O,, ,,DA NI MDOR BSDUS GSUM PA BSHAD PAR BYA STE, DE LA BSHAD PAR DAM BCA' BA BRJOD PA NI, DA NI 'DIR ZHES PA LA SOGS PA'O, ,DE'I 'OG TU MDOR BSDUS DNGOS BSHAD PA LA, LNGA MA DANG PHYI MA 'GAL BA MED PA'I PHYIR RO, ,ZHES PA YAN CHAD KYIS RGYUD STON PA PO DANG GSOL BA 'DEBS PA PO'I 'BREL PA LA RTZOD PA SPANGS NAS, DE GNYIS JI LTAR
'BREL BA'I TSUL 'CHAD PAR BYED LA, PHYAG NA RDO RJE'I SPRUL PA'I SKU ZHES PA MAN CHAD KYIS RTZA RGYUD JI LTAR GSUNGS PA'I TSUL DANG, RTZA RGYUD LAS SPRUL PA'I CHOS RGYAL RNAMS JI LTAR LUNG BSTAN CING LUNG BSTAN PA LTAR MDZAD TSUL RNAMS 'CHAD PAR BYED DO, ,DE LAS RE ZHIG RTZA RGYUD STON PA PO DANG GSOL BA 'DEBS PA PO'I 'GREL PA LA RTZOD PA SPANG BA DANG POR 'CHAD PA LA, RTZOD PA DGOD PA NI, GAL TE ZHES PA NAS, ZHE NA ZHES PA'I BAR RO, ,DE LA SNGA MA DANG PHYI MA ZHES PA'I DON, SNGA MA DPAL LDAN 'DUS PA'I RTZA RGYUD LTA BU DANG, PHYI MA DUS 'KHOR GYI RTZA RGYUD GNYIS 'GAL ZHES PA LA KHA CIG 'CHAD MOD KYANG, RGYUD DE GNYIS SNGA PHYI DE LTAR GSUNGS PA LA SHES BYED MED CING, SKABS SUM BAB BO, ,DES NA RANG LUGS NI, STON PA PO LA BZHAG PA'I SNGA PHYI, RTZA RGYUD STON PA PO SPRUL SKU SH'AKYA THUB PA NI PHYI MA DANG DE SPRUL PA PO NI SNGA MA YIN LA, 'ON KYANG DE GNYIS 'GAL BAR RTZOD PA MIN ZHING, SH'AKYA THUB RGYUD STON PA POR 'GREL PA PHA ROL POS KHAS BLANGS NAS RGOL BA YIN PAS, 'DIR DE 'DRA'I SNGA PHYI LA'ANG MI BYA'I, RGYUD ZHU BA PO LA BZHAG PA'I SNGA PHYI, SPRUL PA PO PHYAG RDOR SNGA MA DANG, DES SPRUL PA'I ZLA BZANG PHYI MA YIN LA, 'DI'I SNGA PHYI NI DE NYID LA BYA ZHING, DE'ANG DON LA DE LTAR YIN KYANG, PHA ROL POS PHYAG RDOR SPRUL PA PO DANG, ZLA BZANG DES SPRUL PA YIN PAR MA NGES PAR RTZOD PA MA YIN GYI, DES NA PHYAG RDOR RGYUD ZHU BA POR 'THAD PA PHA ROL PO DANG YANG KHAS LEN PA RTZOD DON MED DO, ,DE'I PHYIR DE GNYIS SNGA PHYI DE LTAR MA SHES
, ,PA'I RTZOD PA 'BYUNG STE ZHES PA NI, SNGA MA DANG PHYI MAR RGYUD KYI 'GREL BSHAD MA THOS PA'I TSIG 'BYUNG BAR 'GYUR TE, ZHES PA'O, ,RTZOD PA JI LTA BU ZHE NA, RGYAL PO ZLA BZANG RGYUD ZHU BA PAR MI RIGS TE, LHA MO RNAM PAR RGYAL MA'I MNGAL NAS BYUNG BA'I MNGAL SKYES YIN PA'I PHYIR, DES NA PHYAG NA RDO RJE NI RGYUD PHAL CHE BA SDUD PA PO DANG, GSOL BA 'DEBS PA PO YIN PA BZHIN DU 'DIR YANG RIGS KYI, ZLA BA BZANG PO NI RGYUD GZHAN GANG DU'ANG GSOL BA 'DEBS PA POR MA THOS SHING, RGYUD KYI GSOL BA 'DEBS PA POR 'GYUR BAR LUNG BSTAN PA'ANG MED PAS DE'I PHYIR YANG ZHU BA POR MI RIGS SO, ,ZHES PA NI, RDO RJE THEG PA 'DI LA ZHES SOGS SO, ,GNYIS PA DE'I LAN NI, 'ON MNGAL SKYES YIN PAS SNGAGS KYI THEG PA LA RGYUD ZHU BA POR MI RIGS NA, BCOM LDAN 'DAS SH'AKYA THUB PA'ANG RGYUD GSUNG PA POR MI RIGS PAR THAL, LHA MO SGYU 'PHRUL GYI MNGAL NAS BYUNG BA'I MNGAL SKYES YIN PA'I PHYIR, ZHES PA NI DE'I PHYIR BRJOD PAR BYA STE, ZHES PA NAS, GANG GI PHYIR BCOM LDAN 'DAS KYANG MNGAL NAS BYUNG BA NYID YIN PA'I PHYIR, ZHES PA'I BAR GYIS MDOR BSTAN CING, DE'I 'OG GI MNGAL NAS BYUNG BA NYID YIN PA'I PHYIR RO, ,ZHES PA'I BAR GYIS RGYAS PAR BSHAD DO, ,DE LA PHA ROL POS MI MTSUNGS PA'I LAN SMRA BA'I TSUL NI, YANG 'GA' ZHIG CES PA NAS, ZHES PA'I BAR TE, DE'ANG DE GNYIS MI MTSUNGS TE, BCOM LDAN 'DAS MNGAL NAS BYUNG YANG, DE'I RJES SU BDUD BCOM PA SNGON DU BTANG STE, BYANG CHUB BRNYES PAR BYAS NAS GDOD CHOS
'KHOR BSKOR BA YIN LA, ZLA BZANG GIS MNGAL NAS BYUNG NAS, RGYUD SDUD PA'I GONG DU BDUD BCOM PA MED PAS SO, ,ZHES BYA BA'O, ,DE'ANG PHA ROL PO'I BSAM TSOD NI, STON PA SH'AKYA THUB PAS BDUD BCOM PA NI, 'PHAd YUL DU MDZAD PA BCU GNYIS BSTAN PA'I YA GYAL GYI BDUD BCOM PA DE NYID YIN GYI DE GONG DU BDUD MA BCOM LA, 'TSANG RGYA BA'ANG DE'I RJES SU THO RANGS SANGS RGYAS PA'I MDZAD PA BSTAN PA DE NYID SNGAR SANGS MA RGYAS PA GSAR DU SANGS RGYAS PA YIN PAR KHAS BLANGS LA, DES NA BDUD BCOM PA NI GZHAN 'PHRUL DBANG BYED KYI BDAG PO'I DMAG LA SOGS PHYI ROL GYI BDUD BCOM PA NYI TSE BA LA BZUNG BA'O, ,DE DGAG PA NI, MI MTSUNGS PA'I SGRUB BYED DU STON PAS BDUD BCOM NAS SANGS RGYAS PA'I PHYIR, ZHES SMRAS PA'I TSIG LAS NI, BDUD BCOM PA DANG DE'I RJES SU SANGS RGYAS PA GNYIS SHIN TU 'GAL BA STE, DES DE MI MTSUNGS PA'I SGRUB BYED DU MI 'THAD DE, RTAGS RANG NYID MA GRUB PA YIN PAS BSGRUB BYA GZHAN GYI SGRUB BYED YANG DAG MIN PA'I PHYIR RO, ,KHA CIG RANG NYID SANGS RGYAS SU MA GRUB PAR GZHAN SHES BYA THAMS CAD MKHYEN TE CHOS STON PA PO SOGS KYI SGRUB BYED MA YIN PA'I PHYIR, ZHES 'CHAD PA NI, TSIG DON LA MA ZHUGS SHING, 'OG GI 'DIR ZHES SOGS DANG MA 'BREL LO, ,BDUD BCOM PA DANG DE'I RJES SU SANGS RGYAS PA GNYIS 'GAL BA'I RGYU MTSAN CI ZHE NA, DE 'CHAD PA NI, 'DIR NAS MI PHYED DO'I BAR TE, DE GNYIS NI 'GAL PAR THAL, SANGS RGYAS MIN PA'I BDUD MA LUS PAR BCOM PA'I GANG ZAG LHA LA SOGS PA'I RIGS GANG YANG MI SRID PA'I PHYIR ZHES PA'O, ,KHO NA RE, 'O NA DE LTAR MI SMRA'I, SANGS RGYAS
, ,NAS BDUD BCOM PAR SMRA'O ZHE NA, DANG POR NAS, PHYIR RO ZHES PA'I BAR TE, SANGS RGYAS NAS DE'I RJES SU BDUD BCOM PA'ANG MI RIGS PAR THAL, SANGS RGYAS NAS SGRIB PA MED PA'AM SPANGS PAS KHYAB PA'I PHYIR, DE GDOD BDUD 'JOMS DGOS NA SGRIB PA'ANG DA GDOD SANGS RGYAS ZIN PA'I RJES SU SPANG DGOS PAR 'GYUR LA, DE LTA NA SGRIB PA MA SPANGS SHING SANGS RGYAS YIN PA YOD PAR 'GYUR RO, ,ZHES BYA BA'O, ,GAL TE SANGS RGYAS PA DANG BDUD 'JOMS PA'I BYA BA BYED PA DUS MNYAM PA YIN NO ZHE NA, SANGS RGYAS PA DANG BDUD 'JOMS PA'I BYA BA CIG CAR YANG MI BYED DE, GANG GI TSE BDUD BCOM PAR BYA BA'I BDUD YOD PA DE'I TSE SANGS RGYAS NYID MIN TE, BDUD YOD NA SEMS SGRIB PA DANG BCAS PA YIN DGOS PA'I PHYIR RO, ,GANG GI TSE SANGS RGYAS NYID YIN PA DE'I TSE, DA DUNG BCOM DGOS PA'I BDUD MED DE, SANGS RGYAS YIN NA SEMS SGRIB PA DANG BRAL ZIN PAS KHYAB PA'I PHYIR RO, ,ZHES PA'I PHYOGS SAM BRTAG PA GSUM PO 'DI LAS GZHAN DU 'GYUR BCI ZHIG YOD, DES NA BCOM LDAN 'DAS NI LHA MO SGYU 'PHRUL GYI MNGAL NAS 'BYUNG BA'I TSE, SANGS RGYAS ZIN PA YIN GYI, DE'I PHYIS DA GDOD SANGS RGYAS PA MIN TE, MNGAL NAS 'BYUNG BA'I DUS NYID NAS 'KHOR LOS SGYUR RGYAL LAS KYANG CHES GSAL ZHING RDZOGS PA'I MTSAN DPE DANG MNGON SHES DRUG KA DANG LDAN ZHING, SANGS RGYAS MA GTOGS GZHAN DU'ANG DE LTA BU 'DZAM GLING LAS KYIS 'DIR YANG MI SRID NA GZHAN DU SRID PA LTA SMOS KYANG CI DGOS PA'I PHYIR, ZHES STON PA NI, LAS KYIS
'DIR ZHES SOGS SO, ,'ON BDUD 'JOMS PA'I TSUL KHYOD RANG JI LTAR 'DOD CE NA, MDZAD PA BCU GNYIS BSTAN PA'I DUS KYI LHA'I BU'I DMAG LTA BU PHYI ROL GYI BDUD BCOM PA KHO NA BDUD BCOM PA'I DON DU KHAS BLANGS NA, GONG DU BSHAD PA'I BRTAG PA GSUM PO DE GANG RUNG ZHIG LAS KHAS BLANGS PA MED CING, GSUM PO GANG YANG MI 'THAD PA DE'I PHYIR, BDUD CES BYA BA NI PHYI ROL GYI MIN GYI SEMS CAN GYI 'KHOR BA'I BAG CHAGS KYI SEMS KYI DRI MA'O, ,SANGS RGYAS NYID CES BYA BA NI, 'KHOR BA'I BAG CHAGS DANG BRAL BA'I SEMS SO, ,'O NA PHYI ROL GYI BDUD BCOM PA KHO NA BDUD 'JOMS PA'I DON DU BYAS NA GONG GI BRTAG PA GSUM PO DER KHA TSON CHOD NAS BDUD 'JOMS TSUL GZHAN BYA SA MED LA, SEMS KYI DRI MA LA BDUD DU BYAS NA BDUD 'JOMS TSUL GONG GI GSUM PO DE LAS GZHAN BYAS YOD PA'I KHYAD PAR JI LTA BU ZHE NA, MNGON PA KUN LAS BTUS LAS, GNAS NGAN LEN GYI RNAM PA GANG GI GNYEN PO'I RNAM PA DE SKYE BA DANG, GNAS NGAN LEN GYI RNAM PA DE 'GAG PA NI MNYAM PAS MNYAM PA STE, DPER NA SNANG BA DANG MUN PA 'BYUNG BA DANG 'GAG PA BZHIN NO, ,ZHES GSUNGS PA LTAR SPANG BYA SEMS KYI DRI MA GANG 'GAG PA LA MNGON DU PHYOGS PA DANG, DE'I GNYEN PO BAR CHAD MED LAM SKYE BA LA MNGON DU PHYOGS PA GNYIS DUS MNYAM LA, SEMS KYI DRI MA GANG ZHIG 'GAG PA DANG, DE'I GNYEN POR BAR CHAD MED LAM SKYES PA DUS MNYAM PAR GSUNGS PA LTAR, NANG GI BDUD SEMS KYI DRI MA'I BAG CHAGS MA LUS PAR 'GAG PA LA MNGON DU PHYOGS PA DANG, 'TSANG RGYA BA LA MNGON DU PHYOGS PA DUS
, ,MNYAM LA, SANGS RGYAS PA DANG BDUD BCOM PA DUS MNYAM PA YIN CING, TSUL 'DI NANG LA RUNG YANG PHYI'I BDUD KHO NA LA BYAS NA MI RUNG STE, SROD LA LHA'I DMAG TSOGS KYI BDUD 'DUL PA'I MDZAD PA BSTAN PA DE KHO NA LA BDUD 'DUL PA'I DON DU BYAS NA, DE'I THO RANGS SANGS RGYAS PA'I MDZAD PA BSTAN PA NYID SANGS RGYAS PA'I DON DU BYED DGOS PAS SO, ,GNAS NGAN LEN DMIGS RNAM MI 'DZIN PAS, DE LAM DE LTAR BA DANG RGYUD GCIG LA MNYAM DU 'JUG PA KUN LAS BTUS KYI GZHUNG DE'I DON DU SMRA BA NI, SNANG MUN GYI DPE LA MA BRTAGS PA YIN ZHING, SPANG GNYEN 'BYUNG BA DANG 'GAG PA DUS MNYAM PAR DNGOS SU GSUNGS PAS GNOD DO, ,SANGS RGYAS PA'I SEMS DRI MA THAMS CAD DANG BRAL PA DE LTAR YANG, SHES RAB KYI PHA ROL TU PHYIN PA LAS, SANGS RGYAS PA'I SEMS GANG ZHIG 'OD GSAL BAR YOD PA'I SEMS DE NI DRI MA DANG BCAS PA'I SEMS MA YIN NO, ,ZHES RANG BZHIN GYIS 'OD GSAL BAR GSUNGS TE, DE LTAR GSUNGS PA'I 'OD GSAL BA DE NYID NI RANG BZHIN RNAM DAG TZAM MIN GYI GLO BUR GYI 'KHOR BA'I BAG CHAGS DANG BRAL BA'I SEMS SO, ,DE DAG GI DON BSDU BA NI, DE'I PHYIR ZHES SOGS SO, ,'O NA BDUD DE'I GONG DU BCOM ZIN NA MDZAD PA BCU GNYIS KYI YA GYAL GYI PHYI ROL GYI BDUD BCOM PA JI LTA BU ZHIG YIN ZHE NA, 'DIR PHYI ROL TU SANGS RGYAS KYIS BDUD BCOM PA GANG YIN PA DE NI, GDUL BYA'I NGOR TSUL BSTAN PA TZAM YIN PAS RMI LAM BZHIN DU GDUL BYA'I SEMS CAN RNAMS KYI RANG GI SEMS KYI SNANG BA TZAM YIN NO, ,DON DAM
PAR TE, GDUL BYA'I NGOR TSUL BSTAN PA TZAM MIN PA'I DNGOS PO LA DE BZHIN GSHEGS PA'I THUGS DRI MA THAMS CAD DANG BRAL BA'I YE SHES NI RGYAS PAR LE'U LNGA PAR BRJOD PAR BYA'O, ,'O NA SNGON DU SANGS RGYAS ZIN NAS SLAR YANG 'KHOR BAR MNGAL DU 'JUG PA LA SOGS PA STON PA CI ZHE NA, SANGS RGYAS BYANG SEMS SEMS CAN GYI DON DU 'KHOR BAR 'JUG PA'I TSUL BSAM GYIS MI KHYAB PAR STON PA NI, 'DIR SEMS CAN GYI DON DU ZHES PA NAS, SRID PA GSUM DU SEMS CAN GYI DON MDZAD PA'O,, ZHES PA'I BAR TE, DE LA DU MA NI MIN NO ZHES PA SANGS RGYAS BYANG SEMS RE RES MTHA' YAS PA'I SPRUL PA BSTAN PA RNAMS RGYUD DU MA YIN NO ZHES BYA BA STE, DE NYID SGYUR MA'I DPES STON LA, GZHAN RNAMS GO SLA'O, ,DE'I PHYIR GDUL BYA'I DON DU BCOM LDAN 'DAS KYANG SNGON SANGS RGYAS ZIN PA LHA MO SGYU 'PHRUL GYI SRAS SU SPRUL ZHING SA BCU'I DBANG PHYUG PHYAG NA RDO RJE'ANG ZLA BZANG DU SPRUL PA YIN NO ZHES PA NI, DES NA SEMS CAN THAMS CAD LA ZHE SPA NAS, ZLA BA BZANG POR GYUR TO ZHES PA'I BAR RO, ,DE NAS LAN BSTAN PA'I DON BSDU BA NI, SANG RGYAS SH'AKYA THUB PA DANG, BYANG CHUB SEMS DPA'I ZLA BA BZANG PO 'DI GNYIS SPRUL PA'I SKU DAG GIS RGYUD STON PA PO DANG GSOL BA 'DEBS PA POR 'BREL LA, RGYAL BA SH'AKYA THUB SPRUL PA PO DANG PO'I SANGS RGYAS DANG, BYANG CHUB SEMS DPA' PHYAG NA RDO RJE 'DI GNYIS LONGS SPYOD RDZOGS PA'I SKU DAG GIS STON PA PO DANG GSOL BA 'DEBS PA POR 'BREL BA YIN TE, DE'I PHYIR SNGA MA PHYAG RDOR SDUD PA PO YIN PA DANG, PHYIR MA ZLA BZANG SDUD PA PO YIN PA
, ,'GAL BA MED PA'I PHYIR, DE LTAR RTZOD PA 'JUG PA'I SKYON MED DO, ,'DIS RGYAL BA SH'AKYA THUB PA SPRUL PA PO DANG RGYUD STON PA PO'I GANG ZAG LONG SKU MTSAN DPE'I RNAM PA CAN GSAL BAR BSHAD DO, ,DE LTAR RTZOD PA SPANGS NAS, DA NI ZLA BA BZANG POS RTZA RGYUD STON PAR GSOL BA BTAB PA'I CHUL 'CHAD DE, PHYAG NA RDO RJE'I NAS, GSOL BA BTAB BO ZHES PA'I BAR RO, ,STON PAS RTZA RGYUD GSUNGS TSUL NI, DE BZHIN GSHEGS PAS ZHES PA NAS, YANG DAG PAR BSTAN TO ZHES PA'I BAR RO, ,RTZA RGYUD DE LAS BSDUS RGYUD SDUD PA PO DANG 'GREL PA BYED PA PO DANG, RGYUD STON CING 'CHAD PA PO LA SOGS PA LUNG BSTAN PA'I TSUL 'CHAD PA LA, MA 'ONGS PA'I DUS ZHES PA NAS, LA SOGS PA RNAMS LUNG BSTAN TO, ,ZHES PA'I BAR GYIS 'JAM DPAL GRAGS PAS BSDUS RGYUD BSDUS SHING, RTZA RGYUD BSTAN NAS DBANG BSKUR TE, MI RIGS BZHI'I GDUL BYA RNAMS RDO RJE'I RIGS GCIG TU RIGS MTHUN PAR BYED PA DANG, PAD DKAR GYIS BSDUS RGYUD DE LA 'GREL PA BYED PA DANG, DE'I PHYI NAS GSHIN RJE MTHAR BYED SOGS KYI SPRUL PA RNAMS LUNG BSTAN TO ZHES BYA BA'O, ,RTZA RGYUD KYI TSIG JI LTA BUS LUNG BSTAN CHE NA, LUNG BSTAN GYI TSIG RGYAS PAR DRANGS NAS LUNG BSTAN TSUL BSHAD PA NI, 'DIR BCOM LDAN 'DAS KYIS ZHES SOGS TE, DE LA THUB PAS CHOS BSTAN PA'I LO 'DI NAS NI DRUG BRGYA'I LOS BRAM ZA'I DRANG SRONG NYI MA'I SHING RTA LA SOGS PA RNAMS NI SMIN PA'I DON DU 'JAM DBYANGS KYI SPRUL PA MI BDAG GRAGS PA NI SHAMBHA LA ZHES BYA BAR 'BYUNG
BDE'I BTZUN MO SGROL MA'I SPRUL PA LHA MO CHEN MOR 'GYUR RO, ,SRAS NI PAD DKAR 'DZIN PA 'JIG RTEN DBANG PHYUG GI SPRUL PA STE, THUB PA BDAG GI SH'AKYA'I RIGS RGYAL PO GO'U TA MA ZHES BYA BA'I RGYUD LAS BYUNG BA ZLA BZANG KHYOD KYI RIGS BRGYUD LA 'BYUNG BA'O, DE LA 'JAM DPAL GYI SPRUL PA YIN PAS SMRA MKHAS PA RDO RJE'I RIGS KYI DBANG BSKUR BA DANG LDAN PA'I RGYAL PO GRAGS PA DE NYID RDO RJE'I RIGS KYI DBANG BSKUR BA LAS NI, GDUL BYA MI RId BZHI THAMS CAD RDO RJE'I RIGS SU RIGS GCIG PAR BYAS PA GANG YIN PA STE, DE'I RGYU MTSAN GYIS RGYAL PO GRAGS PA LA RIGS LDAN ZHES BRJOD PA YIN GYI, TSANG PA'AM BRAM ZE'I RIGS YIN PA NYID KYIS RIGS BZHI DANG LDAN ZHES BRJOD PA MIN NO, ,DBANG 'DI SKAD BDAG GIS THOS PA ZHES PA'I TSIG 'DIS DRANG SRONG RNAMS LA CHOS BSTAN NA, GZHAN LAS THOS PA'I DBANG GIS 'CHAD PA'I PHYIR NA, 'DI KUN MKHYEN MIN NO ZHES PA'I RTZOD PA 'BYUNG BAR 'GYUR BAS, DE'I PHYIR RGYUD 'DIR RGYUD GZHAN LAS 'DI SKAD BDAG GIS THOS PA ZHES SOGS KYI TSIG GIS BSTAN PA'I DON DE NYID SANGS RGYAS SENGGE'I KHRI'I ZHES SOGS TSIG GI RNAM PA GZHAN GYIS CHOS BSTAN TE, DE'I RGYU MTSAN YANG, TSIG GI RNAM PA GANG DANG GANG DAG GIS ZHES SOGS TE, 'DI NAS BDAG 'DOD DO, ,ZHES PA'I BAR NI 'OG NAS MDOR BSDUS BZHI PAR RGYAS PAR 'CHAD PA DANG DON 'DRA BAS 'DIR MA BSHAD DO, ,'O NA SNYING PO'I DON BSDUS 'DI ZHES SMOS PA, BSDUS PA'I RGYUD DE'I GZHUNG TSAD JI TZAM ZHIG CE NA, 'PHRENG BA 'DZIN PA'I SDEB SBYOR GYIS BCINGS PA'I TSIGS BCAD RKANG PA BZHI
, ,PA SUM CU NI LHAG PA'I PHYOGS BRGYA STE STONG PHRAG GCIG GO ,DE LA 'PHRENG BA 'DZIN PA'I SDEB SBYOR NI, SDEB SBYOR RIN CHEN 'BYUNG GNAS LAS, MA RA WA NA NGAG WA RA DAG WA, BDUN PA GSUM GYI NGAL BSO 'PHRENG 'DZIN 'GYUR, ,GAL TE RKANG PA SO SO LA MA RA WA, NA NA WA, RA RA WA DANG, DE BZHIN DU BDUN PA GSUM GYI NGAL BSO BA DE'I TSE 'PHRENG BA 'DZIN PAR 'GYUR RO, ,ZHES GSUNGS PA LTAR, YI GE LCI BA GSUM BSGRIGS PA LA, MA ZHES PA'I MING GI THA SNYAD BYAS LA, DE BZHIN DU YI GE LCI BA GNYIS KYI BAR DU YANG BA GCIG BCUG PA'I GSUM BSGRIGS LA, RA ZHES THA SNYAD BYA ZHING, YANG BA GSUM BSGRIGS PA LA NI, NA ZHES THA SNYAD BYA'O, ,NGAL BSO'I YI GE LCI BA LA NI, WA ZHES THA SNYAD BYA LA, DES NA YI GE NYER GCIG RKANG PA GCIG LA TSANG BA'I RKANG PA DE LA, YI GE BDUN TSAN GSUM GYI BDUN TSAN DANG PO'I YI GE DANG PO GSUM, LCI BA GSUM BSGRIGS LA DE'I RJES KYI YI GE GSUM, LCI BA GNYIS KYI BAR DU YANG BA GCIG BCUG PA, DE'I RJES KYI YI GE BDUN PA DE NGAL BSO'I YI GE LCI BA NI, MA RA WA'O, ,YANG BDUN TSAN BAR PA'I YI GE DANG PO GSUM YANG BA GSUM BSGRIGS, DE'I RJES KYI YI GE GSUM YANG YANG BA GSUM BSGRIGS, DE'I RJES KYI YI GE GCIG PO DE NGAL BSO LCI BA NI, NA NA WA'O, ,BDUN TSAN THA MA' YI GE DANG PO GSUM, LCI BA GNYIS KYI BAR DU YANG BA GCIG BCUG PA, DE'I RJES KYI YI GE GSUM YANG LCI BA GNYIS KYI BAR DU YANG BA GCIG BCUG PA, DE'I RJES KYI YI GE GCIG NGAL BSO LCI BA
NI, RA RA WA'O, ,DE LTAR BSDEBS PA'I YI GE NYER GCIG PAR MTSUNGS PA'I TSIGS SU BCAD PA LA 'PHRENG BA 'DZIN PA'I SDEBS SBYOR ZHES BYA'O, ,YI GE LCI YANG NI, SBYAR BA DAG GI THOG MA DANG, TSIG DRAG CAN DANG THIG LE CAN, TSIG MTHA' RING PO'I YI GE NI, LCI BA'I YI GE ZHES SU GRAGS, ZHES SGRA PA DAG 'DON PA LTAR RO, ,DE NYID, THAMS CAD MKHYEN PA YE SHES SKU DANG NYIN MOR BYED PA'I SKU STE PADMA'I 'DAB MA RGYAS PA'I SPYAN, CES PA'I RKANG PA GCIG PO 'DI'I LEGS SBYAR GYI SKAD LA MTSON NAS PRA STA RAR BKOD NA 'DI YIN TE, ,{ (MA) SAm PAm DZNY'Am DZNY'Am NAm (RA) K'Am YIm (WA), DE NI (NA) KE RE WE (NA) BU shAm (WA), PAmDMAm (WA) PAm TTR'm YE TAm KshAm, (LA) } ZHES PA LTA BU'O, , LCI BA LA RI MO 'KHYOG PO DANG, YANG BA LA DRANG PO DANG, LCI BA NGAL BSO LA 'KHYOG PO THIG LE CAN NO,, RKANG PA 'DI DANG RGYUD KYI GZHUNG LHAG MA THAMS CAD LCI YANG SPEL TSUL JI LTA BAR 'DRA'O, ,DE NAS PAD DKAR RIM PAS SO, ,ZHES PA'I BAR GO SLA LA, ZLA BZANG GI SNGON DU 'DAS PA'I RGYAL PO NYI MA'I 'OD CES PA, ZLA BZANG GI YAB DE NI KHRO BO BGEGS DGRA ZHES PA BGEGS MTHAR BYED KYI SPRUL PA STE, PHYAG NA RDO RJE NI ZLA BZANG KHYOD NYID YIN LA, DE NAS GONG GI LHA DBANG ZHES SOGS RGYAL PO BRGYAD RIM PAS 'OG GI SA SNYING SOGS BRGYAD KYI SPRUL PAR RIM PAS TE, GO RIM BZHIN
, ,SBYAR RO, ,DE NAS GSHIN RJE GSHED SOGS KHRO BO BZHI'I SPRUL PA BCU DANG KHRO BO DE DAG GI BAR BAR DU BYANG CHUB SEMS DPA' 'JAM DBYANGS DANG, SPYAN RAS GZIGS GNYIS LAS GZHAN SA SNYING SOGS SNGAR BSTAN PA BZHI'I SPRUL PA BCU GSUM STE, RGYAL PO DE DAG RIM PA YIS RIGS LDAN GRAGS PA'I RIGS LAS 'BYUNG BAR 'GYUR RO, ,TSUL JI LTAR NA, RIGS LDAN RNAMS KYI THOG MAR, GRAGS PA RIGS LDAN GYI RIGS KYANG 'BYUNG STE, DE NAS RIGS LDAN GNYIS PA PADMA DKAR PO DANG, GSHIN RJE MTHAR BYED KYI SPRUL PA BZANG PO RIGS LDAN GSUM PA STE, DE BZHIN DU RIGS LDAN BZHI PAS SNYING GI SPRUL PA RNAM RGYAL LO, ,DE NAS RIGS LDAN LNGA PA RMUGS BYED KYI SPRUL PA BSHES GNYEN BZANG PO DANG, DRUG PA SGRIB SEL GYI SPRUL PA PHYAG DMAR DANG, BDUN PA KHENGS BYED KYI SPRUL PA KHYAB 'JUG SBAS PA'O, ,BRGYAD PA NAM SNYING GI SPRUL PA NYI MA GRAGS DANG, DGU PA BGEGS DGRA'I SPRUL PA SHIN TU BZANG DANG, BCU PA PHYAG RDOR GYI SPRUL PA RGYA MTSO RNAM RGYAL TE, 'DI GNYIS SU BGRANG BA NI NYI MA RIGS LDAN BCU GNYIS PAR BSHAD PA DANG 'GAL LO, ,BCU GCIG PA GSHIN RJE MTHAR BYED KYI SPRUL PA RGYAL DKA' DANG, SA SNYING GI SPRUL PA NYI MA RIGS LDAN BCU GNYIS PA DANG, BCU GSUM PA RMUGS BYED KYI SPRUL PA SNA TSOGS GZUGS DANG, BCU BZHI PA SGRIB SEL GYI SPRUL PA ZLA BA'I 'OD DANG, BCO LNGA PA KHENGS BYED KYI SPRUL PA MTHA' YAS DANG, BCU DRUG PA NAM SNYING GI SPRUL PA
SA SKYONG DANG, BCU BDUN PA BGEGS DGRA'I SPRUL PA DPAL SKYONG DANG, BCO BRGYAD PA PHYAG RDOR GYI SPRUL PA SENG GE DANG, BCU DGU PA GSHIN RJE MTHAR BYED KYI SPRUL PA RNAM PAR GNON PA DANG, NYI SHU PAS SNYING GI SPRUL PA STOBS PO CHE DANG, NYER GCIG PA RMUGS BYED KYI SPRUL PA MA 'GAGS PA DANG, NYER GNYIS PA SGRIB SEL GYI SPRUL PA MI'I SENG GE DANG, NYER GSUM PA MKHA' SNYING GI SPRUL PA DBANG PHYUG CHEN PO DANG, NYER BZHI PA PHYAG RDOR GYI SPRUL PA MTHA' YAS DANG, SA SNYING GI SPRUL PA RNAM RGYAL NI RIGS LDAN NYER LNGA PA STE, DE LA DPAL SKYONG SENG GE GCIG TU BGRANG BA NI RIGS LDAN KHRO BO DANG BYANG SEMS KYI SPRUL PA BCU GSUM 'ONG BAR BSHAD PA MI TSANG BAS MI 'THAD LA, SPRUL PA RNAMS KYI GO RIM DE LTAR 'BYUNG BA'ANG GONG DU BDAG GI PHYI NAS GSHIN RJE MTHAR BYED LA SOGS PA RNAMS LUNG BSTAN TO ZHES DANG, MDOR BSDUS GNYIS PAR RIM PA JI LTA BAR GSHIN RJE MTHAR BYED LA SOGS PA'I KHRO BO'I RGYAL PO BCU DANG, SA'I SNYING PO LA SOGS PA'I BYANG CHUB SEMS DPA' BCU GSUM PO RNAMS TE, GSHIN RJE MTHAR BYED LA SOGS PA KHRO BO'I RGYAL PO DE RNAMS KYI BAR BAR DU BYANG CHUB SEMS DPA' BCU GSUM PO RNAMS LUNG BSTAN TO ZHES PAS GRUB BO, ,ZHES CHOS RJE DAM PA GSUNG NGO, , RIGS LDAN NYER LNGA PA DE NAS SLAR YANG RNAM RGYAL DE'I SRAS SU GRAGS PA RIGS LDAN DE NYID DU GYUR BA'I MTSAN 'KHOR LO CHEN PO CAN ZHES BYA BA'I RIGS LDAN DRAG PO 'BYUNG BAR 'GYUR TE, DE NI SMRA MKHAS PA 'JAM DBYANGS KYI SPRUL PA YIN
, ,CING, RTAG MCHOG MTHA' YAS PA SPRO BA'I TING NGE 'DZIN GYIS ZHES SOGS GO SLA'O, ,RTZA BA'I RGYUD LAS TSUL DE LTA BU'I SGO NAS LUNG BSTAN TO, ,ZHES DON BSDUS PA NI, RTZA BA'I RGYUD LAS NAS, LUNG BSTAN TO'I BAR RO, ,DE'I RJES SU JI LTAR LUNG BSTAN PA LTAR RGYAL PO RNAMS KYIS MDZAD PA'I TSUL 'CHAD DO, ,DE LA ZLA BZANG GIS RTZA RGYUD BSTAN CING, DE'I LO GNYIS PA LA SPRUL SKU BSDUS PAR BSTAN PA NI, DE BZHIN GSHEGS PA'I NAS, GSHEGS SO'I BAR RO, ,DE'I 'OG TU LHA DBANG SOGS KYIS BSTAN TSUL LA, DE NAS ZHES PA NAS, CHOS BSTAN TO ZHES PA'I BAR GO SLA'O, ,DE'I RJES SU RGYAL PO GRAGS PAS BSDUS RGYUD BSDUS TSUL LA, DE NAS ZHES PA NAS, BOS PAR GYUR TO ZHES PA'I BAR GYIS RGYAL PO GRAGS PAS, NYI MA'I SHING RTA LA SOGS PA'I DRANG SRONG RNAMS LA JI LTAR BYA BA'I NGES PA STER BAR BZHED NAS, 'KHOR DU BOS PAR BSTAN TO, ,GNAS JI LTA BU ZHIG TU NGES PA STER BAR BZHED NAS BOS SHE NA, KA L'A PA'I GRONG GE ZHES PA NAS, DKYIL 'KHOR GSUM GYI BDAG NYID KYI DKYIL 'KHOR GYI KHANG PA DER ZHES PA'I BAR RO, ,'DIR MA LA YA'I SKYED MOS TSAL GYI DBUS NA, ZLA BZANG GIS MDZAD PA'I SKU GSUNG THUGS YONGS SU RDZOGS PA'I DKYIL 'KHOR BLOS BSLANG YOD PA DE'I TSAD LA, NANG GI DKYIL 'KHOR LA SKU'I RTZA THIG NAS, RTZA THIG GI BAR LA KHRU BZHI RGYA DANG, PHYI'I TSAD RTZE THIG NAS, SHAR GYI RDO RJE 'PHRENG BA TSUN CHOD LA KHRU BZHI BRGYA, DE BZHIN DU NUB LA'ANG BZHI BRGYA STE,
SHAR NUB BSDOMS PAS KHRU BRGYAD BRGYA YOD CING, RTZA THIG NAS RTZA THIG GI BAR BSNAN PAS STONG NYIS BRGYA'O, ,DE'I DBANG DU BYAS NA 'DIR YANG SGO NI 'KHOR LO'I BRGYAD CHA YIN PAS, RTZA THIG NAS RTZA THIG GI BAR LA SGO TSAD BRGYAD YOD PA'I PHYIR SGO TSAD RE LA KHRU LNGA BCU RE RER 'GYUR RO, ,DE'ANG RGYUD 'DIR PHYIR ZLA BA'I CHA BCU DRUG DANG, NANG DU DGA' BA BCU DRUG GIS DAG PA'I DBANG GIS THIG SKUD NI CHA CHEN BCU DRUG PAR GSUNGS PAS, TSANGS THIG NI, RTZA THIG NAS PHYIR, SHAR DU CHA CHEN BZHI DANG, NUB TU CHA CHEN BZHI LAS DE PHAN CHAD DU MI 'GRO'O, ,DE LTAR BYAS PAS MA LA YA'I GZHAL YAS KHANG 'DI LA, SHAR DU RTZA THIG NAS SGO'I SGO KHYUD DANG 'GRAM LOGS ZAD MTSAMS BAR LA CHA CHEN GNYIS YIN PAS KHRU BRGYA, DE NAS TSANGS THIG ZAD MTSAMS PAR LA, CHA CHEN GNYIS KHRU BRGYA, DE NAS SA'I KHOR YUG DANG, PHYI'I RDO RJE 'PHRENG BA'I ZHENG TSANG LA, CHA CHEN PHYED PHYED DE DRIL BAS GCIG ,DE GNYIS KYI BAR GYI CHU ME RLUNG GSUM GYI KHOR YUG LA CHA CHEN RE RE STE, DE LTAR NA KHOR YUG LNGA PHE LA CHA CHEN BZHI, KHRU NYIS BRGYA YOD PAS, RTZA THIG NAS RDO RJE 'PHRENG BA'I BAR LA BZHI BRGYAR 'GYUR LA, DBANG LER, KA BA'I STENG DU RTA BABS NI SGO LAS GSUM 'GYUR RO, ,ZHES GSUNGS PAS, RTA BABS SGO TSAD GSUM YIN LA, GZHAL YAS KHANG BSLANG BA DANG BRIS PA LA RTA BABS BSLANG MA BSLANG GI KHYAD YOD KYANG, KHOR YUG GI ZLUM THIG GANG NAS 'ONG BA LA KHYAD MED PAS, DE'I PHYIR BRI BYA LA SA'I KHOR YUG GI ZLUM THIG NANG MA NI RTA BABS KYI SGO TSAD GNYIS SONG BA'I
, ,MTSAMS SU 'ONG DGOS TE, BRI BYA LA DE LTAR MI 'ONG BAR RTA BABS KYI RTZE MO ZANG MTSAMS NAS 'ONG NA BSLANG BA LA'ANG RTA BABS SA LA BSNYAL NA GANG DU RTZE MO SLEB 'ONG BA'I MTSAMS NAS 'ONG DGOS PAS, MA LA YA'I GZHAL YAS KHANG GI RTZA THAG NAS RDO RJE 'PHRENG BA'I BAR LA KHRU PHYED DANG LNGA BRGYA PAR 'GYUR BA'I PHYIR, 'DIR KHRU BZHI BRGYA RER BSHAD PA DANG DNGOS SU 'GAL LO, ,DER MA ZAD, RTA BABS DANG THIG SKUD KYI TSAD 'DI LTAR BYAS PA'I DBANG DU BYAS PA'I BRI BYA LA'ANG TSANGS THIG YANG NA ZLUM THIG THOG MA DANG PHRAD TZAM DANG, YANG NA ZLUM THIG 'GA' ZHIG 'DAS KYI BAR DU 'GRO DGOS LA, DER MI 'GRO BAR BAR SKABS SU 'JOG NA, TSANGS THIG ZAD MTSAMS RANG NAS ZLUM THIG 'ONG DGOS KYI, TSANGS THIG DANG ZLUM THIG MA PHRAD PA'I BAR SKABS SU THIG GANG GIS KYANG MNON PA'I SA STONGS SGO TSAD GCIG 'ONG DON MED LA, THIG SKUD CHA CHEN BCU DRUG PA YIN PAS, RTA BABS KYI SGO TSAD GNYIS KYI MTSAMS SU ZAD PA'I PHYIR RO, ,DES NA SLOB DPON CHEN PO AA BHA Y'A KA RAS KYANG, RDO RJE PHRENG BAR DUS KYI 'KHOR LO'I THIG GI BSHAD PA'I SKABS SU ZLUM THIG NANG MA RTA BABS KYI SGO TSAD GNYIS SONG BA'I MTSAMS NAS BSKOR BAR BSHAD PA NYID SHIN TU LEGS PA YIN NO, ,KHA CIG DBANG LE'U DGONGS PAR BYAS NAS, ZLUM THIG RTA BABS KYI RTZE MO ZAD MTSAMS NAS BSKOR ZHING, DE LTA NA 'DIR MA LA YA'I TSAL GYI GZHAL YAS KHANG GI TSAD BSHAD PA DANG 'GAL ZHES PA'I 'GAL SPONG DU BSLANG BA DANG BRI BYA'I KHYAD PAR YIN PAS MI
'GAL LO, ,ZHES ZER BA MI 'THAD DE, GONG DU BSHAD PA LTAR RTA BABS BSLANG MA BSLANG GIS, KHOR YUG GI ZLUM PO PHYI NANG DU 'TSUG PA LA 'BREL GANG YANG MED PA'I PHYIR RO, ,YANG KHA CIG ,RTZA RGYUD DANG BSDUS RGYUD KYI KHYAD PAR YIN NO ZHES PA'ANG MI 'THAD DE, 'OG TU DBANG LER YANG, RTZA RGYUD DRANGS NAS DE'I LUGS BZHIN DU THIG GDAB TSUL BYAS SHING BSDUS RGYUD DU'ANG THIG SKUD CHA CHEN BCU DRUG PAR BSHAD PAS SO, ,'O NA DBANG LER, 'DIR SKU'I DKYIL 'KHOR GYI RTA BABS KYI MTHAR, SA'I DKYIL 'KHOR KHA DOG SER PO STE, ZHES GSUNGS PA 'DI DANG JI LTAR MI 'GAL ZHE NA, DE LA HA RMI NI BUM GDAN YIN CING, BUM PA NI RTA BABS KYI COG YIN PAS DE GNYIS RTA BABS KYI YAN LAG GAM BRGYAN LTA BU YIN GYI RTA BABS KYI SNAM BU DNGOS MIN LA, RTA BABS KYI SNAM BU DNGOS KYI MTHA' DANG, RTA BABS KYI BAR RIM GSUM PA'I MTHA' LAS PHYIR SA'I KHOR YUG GI PHYI THIG DA DUNG 'GRO DGOS PAS, DE'I PHYIR RTA BABS KYI MTHAR SA'I DKYIL 'KHOR ZHES GSUNGS KYI, RTA BABS ZAD MTSAMS NAS SA'I NANG THIG BSKOR BA'I DON MIN LA, BRI BYA LA, RTA BABS KYI HA RMI LAS CHA PHRAN GCIG DANG, BUM PA CHA PHRAN GNYIS CHU'I KHOR YUG GI STENG DU 'ONG STE, DE LTAR NA CHA PHRAN DRUG LA SGO TSAD YIN PAS, RDO RJE PHRENG BAR, BUM PA'I RTZE MOS CHU'I KHOR YUG GI PHYED BAR DU NON PAR BSHAD PA YIN NO, ,RTA BABS SGO TSAD GSUM DU BSHAD PA NI RTA BABS 'KHOR DANG BCAS PA'I DBANG DU BYIS PA YIN NO, ,DE'I PHYIR DE DAG DANG 'GAL BA CUNG ZAD KYANG MED DO, ,DE'I 'OG TU DUS GANG GI
, ,TSE DRANG SRONG RNAMS LA NGES PA BYIN PA DANG, NGES PA JI LTA BU BYIN PA DANG, NGES PA DE NYID RANG GI RIGS KYI CHOS LUGS DANG 'GAL BAR MTHONG BAS, BRGYAL ZHING DANG DU MA BLANGS PA DANG, DE LA RGYAL POS BKA'I CHAD LAS KYIS TSAR BCAD PA DANG, DE LA SLAR YANG DAD PAR GYUR PA NA, RJES SU GZUNG BA DANG, DE NAS DRANG SRONG NYI MA'I SHING RTA LA SOGS PAS GSER GYI ME TOG SOGS DANG BCAS PA'I MAndAL SOGS SNGON DU 'GRO BAS DBANG BSKUR BAR GSOL BA BTAB CING, RGYUD RGYAS PA LAS YANG DAG PAR BSDUS PA'I RGYUD STON PAR GSOL BA BTAB PA'I BAR NI, DBO'I ZLA BA LA ZHES PA NAS, BSTAN DU GSOL ZHES SO ZHES PA'I BAR RO, ,DE LTAR GSOL BA BTAB PA BZHIN, BSDUS RGYUD PHRENG 'DZIN GYI SDEBS SBYOR GYIS BSDUS PA YANG DAG PAR STON PAR MDZAD DO, ,ZHES PA NI, DE NAS, ZHES PA NAS, MDZAD DO ZHES PA'I BAR RO, ,DE'ANG LEGS SBYAR GYI SGRA BZANG PO SMRA BA DE DAG RNAMS KYI SGRA BZANG PO LA ZHEN PA SPANGS PA'I SLAD DU DON LA GTZO BOR STON PA NYID LA BRTEN TE TSIGS SU BCAD PA KHA CIG TU, S'I TA ZHES PA LA SH'I TA ZHES PA'AM, YA MA ZHES PA LA, DZA MA ZHES PA LTA BU SAm SKRi TA LAS GZHAN ZUR CHAG GI SGRA DANG, THUR SEL GYIS NI 'OG TU 'DREN TE, ZHES PAR, 'DREN NO, ZHES RDZOGS TSIG 'THOB PAS, NA YA TI, ZHES 'THOB PA LA, NI TI ZHES LHAG MA CAN DU BYAS PA LTA BU TSIGS SU BCAD PA KHA CIG TU SDEB SBYOR GYI NGAL BSO'I GCOD MTSAMS NYAMS PA DANG, TSIGS SU BCAD PA KHA CIG TU, ZLA BZANG ZHES PA LA, SU TZANDRA TTRA: ZHES DANG PO'I RNAM DBYE THOB PA LA, SU TZANDRA
ZHES RNAM DBYE MED PA'I TSIG DANG, SGYU MA SBRIN TE ZHES PA'I SGYU MA LA, AANTRAm ZHES THOB PA LA AANTRAm ZHES PA LTA BUR BYAS PA NA AAm PHYIS PA LTA BU KHA CIG TU DBYANGS BZHAG PAR 'OS PA PHYIS PA DANG, RTZA NI ZUNG DAG NGES PAR 'JOMS ZHES PA'I 'JOMS PA LA GH'A NTA ZHES THOB PA LA, HANTA ZHES PAR BYAS PA LTA BU GSAL BYED BZHAG PAR 'OS PA PHYIS PA DANG, TSIGS BCAD KHA CIG TU, SA'I MING, MA H'I ZHES RING PO THOB PA LA, MA HI ZHES THUNG NGUR BYAS PA DANG, DE BZHIN DU THUNG NGU LA'ANG RING POR BYAS PA DANG, SA LAS DRI, CHU LAS GZUGS, ZHES THOB PA LA, SA LA DRI, CHU LA GZUGS, ZHES SBYAR BA LTA BU, KHA CIG TU, RNAM DBYE LNGA PA'I DON 'BYUNG KHUNGS KYI TSIG THOB PA LA, RNAM DBYE BDUN PA GNAS GZHI'I TSIG SBYAR BA DANG, SANGS RGYAS THAMS CAD KYI PHYIR DANG BLA MA RNAMS KYI PHYIR DU 'BUL BA LA, SANGS RGYAS THAMS CAD KYI BLA MA RNAMS KYI ZHES SBYAR BA LTA BU, RNAM DBYE BZHI PA RAB TU SBYIN PA'I DON LA, RNAM DBYE DRUG PA 'BREL PA'I TSIG SBYAR BA DANG, KHA CIG TU GZHAN GYI DON GYI TSIG THOB PA CAN GYI BYINGS LA BDAG NYID GYI DON CAN GYI TSIG DANG, BDAG NYID KYI DON GYI TSIG THOB PA CAN LA GZHAN GYI TSIG CAN SBYAR BA, DPER NA 'CHED PA LTA BUR RANG GZHAN GANG GIS 'TSED MA NGES PAR THUN MONG DU STON NA, 'TSED PA'I BYINGS PA TZA LA TI SBYAR NAS STON LA, GZHAN GYIS 'TSED PA ZHIG STON NA, SI SBYAR NAS PA CA SE ZHES PA LTA BU DANG, BDAG NYID KYIS 'TSED PA ZHIG STON NA, AATMA NE'I TSIG AE SBYAR NAS, PA CE ZHES PA LTA BU
, ,'THOB PA LA, RANG GIS 'TSED PA LA PA TZE SI, GZHAN GYIS 'TSED PA LA PA TZE ZHES SBYAR BA LA BU DANG, KHA CIG TU GCIG GI TSIG LA MANG PO'I TSIG SBYAR BA BTZUN MO GCIG LA BTZUN MO RNAMS ZHES SBYAR BA LTA BU DANG, MANG PO'I TSIG LA GCIG GI TSIG ,SHING GI TSOGS PA LA SHING ZHES SBYAR BA LTA BU DANG, TSIGS SU BCAD PA KHA CIG TU PHO'I RTAGS LA MA NING GI RTAGS DANG MA NING GI RTAGS LA PHO'I RTAGS SU SBYAR BA, DPER NA THAMS CAD CES PA LA, PHO STON NA RTAGS AE SBYAR NAS SARBBE ZHES PA DANG, MO STON NA A'A SBYAR NAS SARB'A ZHES DANG, MA NING STON NA RTAGS AAm SBYAR NAS SARBAm ZHES STON PA YIN PA LA, PHO STON PA LA SARBAm, MA NING STON PA LA SARBAm ZHES SBYAR BA LTA BU DANG, KHA CIG TU RKAN LAS BYUNG BA SHA YIG LA SO LAS BYUNG BA SA YIG TU BYAS PA SHA RA LA SA RA ZHES PA LTA BU DANG, YANG DE LA SPYI BO LAS BYUNG BA SA TA LA shA tAR BYAS PA LTA BU DANG, KHA CIG TU SPYI BO LAS BYUNG BA LA, SO DANG RKAN LAS 'BYUNG BAR BYAS PA shA RA LA, SA RAR BYAS PA DANG, SHA RA ZHES BYAS PA LTA BU'O, ,KHA CIG TU SO LAS 'BYUNG BA SA LA RKAN LAS BYUNG BA SHA YIG TU BYAS NAS SAm BHA RA LA SHAm BHA RA ZHES SBYAR BA LTA BU DANG, DE NYID LA SPYI BO LAS BYUNG BAR BYAS PA, SA TA LA shA dAR BYAS PA LTA BU STE, THA SNYAD KYI GTZUG LAG DANG MI MTHUN PA DE LTA BU DANG GZHAN YANG RGYUD STON PA PO'I MAN NGAG GI RJES SU 'BRANGS NAS SHES PAR BYA'O, ,DPER BRJOD 'DI DAG CHOS RJE DAM PA'I BZHED PA NYID BRIS PA'O, ,BRTAG
PAR BYA BA'I GNAS 'GA' ZHIG SNANG NGO, ,BSDUS RGYUD LTAR, RTZA RGYUD LAS KYANG BSTAN PAR BSHAD PA NI, DE BZHIN DU, ZHES PA NAS, RTOGS PAR BYA'O ZHES PA'I BAR RO, ,DE LTAR 'GREL PA MKHAN POS KYANG SGRA BZANG PO SOGS LA ZHEN PA DGAG PA'I CHED DU, SGRA ZUR CHAG PA SOGS KYIS BSTAN PAR BYA BA RGYU MTSAN DANG BCAS PA NI, DE BZHIN DU ZHES PA NAS, CHOS STON TO ZHES PA'I BAR RO, ,MDOR BSDUS KYI MTSAN NYID BSTAN PA NI, BSDUS PA'I RGYUD KYI RGYAL PO ZHES SOGS SO, ,MDOR BSDUS GSUM PA'I DKA' BA'I GNAS BSHAD PA'O,, ,,DA NI MDOR BSDUS PA BZHI PA BSHAD PAR BYA'O, ,DE LA SNGAR BSHAD PA'I MDOR BSDUS GSUM NI RGYUD KYI BSHAD PA LA 'JUG PA'I YAN LAG YIN LA, DE'I RJES SU RGYUD KYI BSHAD PA DNGOS LA 'JUG PA LA, MDOR BSDUS BZHI PA 'DIS, RGYUD KYI GLENG BZHI'I DOGS GCOD DANG BSDUS PA'I DON GTZO BOR 'CHAD CING, MDOR BSDUS LNGA PAS GLENG GZHI'I TSIG DON DANG RGYUD KYI BRJOD BYA'I GTZO BO'I RDO RJE'I RNAL 'BYOR BSDU BA 'CHAD LA, MDOR BSDUS DRUG PAS, RGYUD LA ZHU BA POS GSOL BA BTAB PA NYID 'CHAD PAS, MDOR BSDUS GSUM PO 'DI RGYUD KYI LE'U LNGA'I THUN MONG BA YIN LA, DE NAS LE'U SO SO'I DON STON PA YIN NO, ,DE LA DA NI ZHES PA NAS, RGYAS PAR BYA STE ZHES PA'I BAR, MDOR BSDUS 'DI NYID BSHAD PAR DAM BCA' BA'O, ,'DIR ZHES PA NAS, NYON CIG CES SO, ,ZHES PA'I BAR GYIS BSDUS RGYUD SDUD PA PO PHUN SUM TSOGS PA LNGA LDAN GYIS, RGYUD STON PAR
, ,ZHU BA PO LA SKABS PHYE ZHING, STON PAR ZHAL GYIS BZHES NAS NYAN PAR BSKUL BA 'CHAD DE, DE LA BZHUGS PA ZHES PA'I BAR GYIS GNAS DANG, PHYAG BYAS PA ZHES PA'I BAR GYIS 'KHOR DANG, SHES RAB KYI SKU ZHES PA'I BAR GYIS NGO BO DANG, NYI MA'I SHING RTAS GSOL BA BTAB PA, ZHES PAS ZHU BA PO'I KHYAD PAR DANG, MI'I DBANG PO GRAGS PAS, ZHES PAS MTSAN GYI KHYAD PAR TE PHUN SUM TSOGS PA LNGA BSHAD LA, BSTAN PAR BYA'O ZHES PA'I BAR GYIS ZHUS PA LA LEGS SOGS GNANG ZHING STON PAR ZHAL GYIS BZHES PA'O, ,DE NAS NYON CIG ,CES SO, ZHES PA'I BAR GYIS LEGS PAR NYAN PAR BSKUL BA YIN NO, ,DE NAS ZHES PA NAS, GSUNGS PA ZHES PA'I BAR GYIS GLENG GZHI'I TSIG GI MTSAMS SBYAR BA'O, ,THAMS CAD CES SOGS NI BSHAD PAR BYA BA GLENG GZHI'I TSIG DGOD PA'O, ,DE 'CHAD PA LA, RGYUD KYI RGYAL PO 'DIR, ZHES PA NAS, BSDU BA MDZAD DO, ZHES PA'I BAR GYIS GLENG GZHI BSDUS DON BSTAN TE, DE LA, PA LHA MCHOG RNAMS KYIS BTUD LA ZHES PA NI, PA MAR LA DRANGS NAS, BTUD PA LA ZHES SBYAR RGYU YIN PAS, KHRI LA BZHUGS PA, ZHES GONG DU DRANGS NAS MA GSUNGS PA YIN NO, ,GZHAN NI GO SLA'O, ,MDOR BSDUS BZHI PA SOGS GSUM DON GYI CHA NAS LE'U LNGA GA'I THUN MONG BA YIN KYANG, GZHUNG LE'U DANG PO DANG TSAN GCIG TU BZHUGS PA LA DGONGS NAS, MDOR BSDUS 'DI DAG GI GNAS PA RNAMS LE'U DANG PO'I GNAS PAR BGRANGS SO, ,DE'I RJES SU GLENG GZHI'I TSIG LA RTZOD PA SPANG BA
'CHAD DE, DE'ANG 'DIR BRJOD PAR 'OS PA'I TSIG AE WAm MA SMOS PA'I RTZOD PA SPANG BA DANG, DNGOS SU SMOS PA RGYUD STON PA PO'I MTSAN GYI KHYAD PAR LNGA BRJOD PA'I TSIG LA ZLOS PA LA SOGS PA'I RTZOD PA SPANG BA GNYIS LAS, DANG PO NI, YANG DAG PAR BSTAN TO ZHES PA YAN CHAD DANG, 'DIR 'GA' ZHIG LA ZHES PA NAS, NGES PAR GROL BA'O, ,ZHES PA'I BAR YIN LA, DE NAS, DE'I PHYIR RGYUD STON PA PO DANG SDUD PA PO GZHAN LAS KHYAD PAR DU 'PHAGS PAR BSTAN PA NI, DE NAS KHYAB 'JUG DANG ZHES PA NAS, DE LA GZHAN DON CI ZHIG GTAM ZHES PA'I BAR RO, ,DE'I PHYIR ZHES SOGS NI DE DAG THAMS CAD KYI DON BSDU BA'O, ,DE LA RTZOD PA DANG PO SPANG BA LA, RTZOD PA DGOD PA NI, RGYUD KYI RGYAL PO ZHES PA NAS, 'BYUNG BAR 'GYUR TE ZHES PA'I BAR TE, DE'I DON NI, RGYUD 'DI THAMS CAD MKHYEN PAS GSUNGS PA MIN TE, RTZA RGYUD RGYAS BSDUS GZHAN THAMS CAD DU, BZHUGS PA'I GNAS STON PA'I AE WAm GYI TSIG YOD LA, 'DIR DE MED PA'I PHYIR ZHES PA STE, BZHUGS PA'I GNAS STON PA'I AE WAm GYI TSIG MED PAR RTZOD PA YIN GYI, RDO RJE BTZUN MO'I BHA GA LA BZHUGS SO, ,ZHES PA LTA BU LA BZHUGS PA'I GNAS STON PA'I TSIG TU BYAS NAS DE MED PA'I PHYIR ZHES RTZOD PA MIN NO, ,DE'I LAN LA AE WAm ZHES PA LTA BU LEGS SBYAR GYI SKAD KHO NA NGES BZUNG DU SMOS MI DGOS PA'I SGRUB BYED DANG, SMOS DGOS PA LA GNOD BYED DANG, SMOS MI DGOS PA'I SGRUB BYED GZHAN BSTAN PA DPE DANG BCAS PA DANG, LEGS SBYAR GYI SKAD KYIS BSDUS PA'I RGYUD SDE RNAMS LA'ANG BZHUGS PA'I GNAS STON
, ,TSUL GCIG TU MA NGES SHING, RGYUD ZHU BA PO'ANG RIGS GCIG TU MA NGES PAR BSTAN PA DANG, AE WAm GYIS MTSON PA'I DON GYI MING GI RNAM GRANGS BSHAD PA DANG, RGYUD GZHAN DU GSUNGS PA'I AE WAm GYI NGES DON BSHAD PA DANG, DE NYID BLA MA'I MAN NGAG LAS YID CES GSUM GYI SGO NAS RTOGS PAR BYA BAR BSTAN PA DANG YID CHES GSUM LDAN GYI RGYUD KYI DON BSDUS PA BSHAD PA DANG, RGYUD GZHAN LAS BSTAN PA'I AE WAm GYI DON DE NYID 'DI'I GLENG GZHI'I TSIG GI DON DU JI LTAR YOD TSUL DANG, DE'I PHYIR TSIG TZAM LA BRTEN NAS SMAD PAR MI BYA BA DON BSDU DANG BCAS PA STE, BSDUS PA'I DON BCUS RIG PAR BYA'O, ,DANG PO NI, DE'I PHYIR LAN BRJOD PA ZHES MTSAMS SBYAR NAS, DE'I RJES SU, 'DIR ZHES PA NAS, DE NI MA YIN TE, ZHES PA'I BAR GYIS DAM BCA' STON TE, DE BZHIN GSHEGS PAS GSUNGS PA'I RGYUD YIN NA AE WAm ZHES PA'I LEGS SBYAR GYI TSIG KHO NAS BZHUGS PA'I GNAS BSTAN DGOS PA MIN, ZHES BYA BA'O, ,DE'I RGYU MTSAN GANG GI PHYIR NA, CHOS STON PA PO SANGS RGYAS RNAMS KYANG, DON LA GTZO BOR BRTON PA LA BRTEN NAS GDUL BYA RANG RANG GI SKAD DANG MTHUN PAR SKAD SNA TSOGS PAS CHOS STON PA NYID KYI PHYIR DANG, SDUD PAR BYED PA PO RNAMS KYANG YUL SNA TSOGS KYI SKAD LEGS SBYAR LAS GZHAN GYIS KYANG YANG DAG PAR SDUD PAR BYED PA NYID KYI PHYIR RO, ,DANG ZHES PA NI, 'DI GNYIS GANG RUNG RES KYANG DAM BCA' DE NYID 'GRUB PA'I RTAGS RNAMS GRANGS STON PA YIN NO, ,GNYIS PA DAM BCA' DE LAS
BZLOG PA LA GNOD PA STON PA NI, 'DIR GAL TE ZHES PA NAS, YIN PA'I PHYIR RO ZHES PA'I BAR TE, SANGS RGYAS KYIS CHOS PHUNG BRGYAD KHRI BZHI STONG DUS DU MAR GDUL BYA RIGS THA DAD DU MA LA BSTAN MI NUS PAR THAL, LEGS SBYAR GYI SKAD KHO NAS STON DGOS PA'I PHYIR, SDUD PA POS KYANG GDUL BYA RANG RANG GI SKAD DANG MTHUN PAR SDUD MI NUS PAR THAL, SKAD NYI TSE BA LEGS SBYAR KHO NAS SDUD DGOS PA'I PHYIR ZHES PA'O, ,GZHAN YANG GSUNG NYI TSE BA DE KHO NAR NGES NAS RANG RANG GI SKAD DANG MTHUN PAR CHOS MI STON NA, SKU'ANG NYI TSE BA KHO NAR 'GYUR BAS, CIG CAR ZHING MTHA' YAS PAR GDUL BYA MTHA' YAS PA LA SKU DANG GSUNG GI RNAM PAS DON MDZAD PA MED PAR 'GYUR LA, DE LTA NA THAMS CAD MKHYEN PA MIN PAR 'GYUR RO, ,ZHES PA NI, 'DIR ZHES PA NAS, DE LTAR YANG MIN NO ZHES PA'I BAR RO, ,GSUM PA LEGS SBYAR KHO NA BSTAN MI DGOS PA'I SGRUB BYED GZHAN YANG BSHAD PA NI, 'DIR ZHES PA NAS, DU MA YIN NO ZHES PA'I BAR TE, DE'ANG BCOM LDAN 'DAS KYI CHOS STON PA'I GSUNG LEGS SBYAR KHO NAR NGES NA SKU'ANG LHA'I GZUGS GCIG PUR NGES DGOS PA LA, THAMS CAD MKHYEN PA'I SKU'I LHA'I GZUGS GCIG PUR NGES PA MIN NO, ,DE'I RGYU MTSAN, STON PA PO SANGS RGYAS, DES BSTAN PA'I CHOS, ZHU BA PO DAG 'DUN RNAMS RNAM PA NYI TSE BA MA YIN PAR TSAD MED PA'I PHYIR RO, ,ZHES PA'O, ,DE'I PHYIR NAS, BSTAN PA MIN NO ZHES PA'I BAR DE'I DON BSDU'O, ,DE LTAR BCOM LDAN 'DAS KYIS YUL SO SOR GDUL BYA SO SO LA DON GCIG NYID SKAD RIGS
, ,SO SOS BSTAN PA MDO SDE LAS 'BYUNG BA'I DPES BSTAN PA NI, 'DIR DANG POR ZHES PA NAS, CHOS BSTAN TO ZHES PA GSUM PA'I BAR TE, SKAD RIGS GSUM PO DE'I DON NI, BOD SKAD DU BSGYUR NA, 'DI LTAR YANG BCOM LDAN 'DAS DE NI YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, BLA NA MED PA, ZHES PA 'DI NYID YIN TE, DE'ANG YUL SKAD DANG PO DE'I DON NI 'DI NYID YIN LA, SKAD GZHAN GNYIS DA LTA BSGYUR RGYU MED KYANG, SNGA MA'I 'GROS KYIS DON 'DIR GSAL LO ZHES BLA MA SNGA MA DAG GSUNG NGO, ,DE LTAR NAS MIN NO'I BAR NI DPE DES GRUB PA'I DON TO, ,BZHI PA LEGS SBYAR GYI SKAD KYIS BSDUS PA'I RGYUD SDE RNAMS LA'ANG BZHUGS PA'I GNAS STON TSUL GCIG TU MA NGES PAR BSTAN PA NI, DE NAS SDUD PAR BYED PA PO RNAMS KYIS, ZHES PA NAS, MAN NGAG LAS RTOGS PAR BYA'O ZHES PA'I BAR RO, ,DE BZHIN DU RGYUD STON PAR GSOL BA 'DEBS PA PO'ANG GCIG TU MA NGES PAR BSTAN PA NI, DE BZHIN DU ZHES PA NAS, GSOL BA 'DEBS PA RNAL 'BYOR PAS SHES PAR BYA'O ZHES PA'I BAR TE, DGE 'DUN TSAD MED PAR GSUNGS PA'I DON NO, ,DE NAS LNGA PA AE WAm GYIS MTSON PA'I DON GYI MING GI RNAM GRANGS BSHAD PA NI, BCOM LDAN 'DAS ZHES PA NAS, CHOS STON PA PO YIN PA'I PHYIR RO, ,ZHES PA'I BAR GYIS, BCOM LDAN 'DAS THAMS CAD MKHYEN PA NI KHYAB 'JUG DANG TSANGS PA LA SOGS PA BZHIN DU LHA'I SKU NYI TSE BA'I SKU DANG, LEGS SBYAR GYI GSUNG NYE TSE BAR NGES PA MIN GYI
GDUL BYA DANG MTHUN PAR SKU SNA TSOGS PA DANG GSUNG SNA TSOGS PAS CHOS STON CING, SDUD PAR BYED PA POS KYANG DE LTAR SDUD PA YIN PAS, BZHUGS PA'I GNAS STON PA NA'ANG, AE WAm GCIG PU MIN PAR, MING SNA TSOGS PAS BSTAN PA YIN NO, ,ZHES BYA BA'O,, 'O NA AE WAm GYIS MTSON PA'I DON DE NYID MING SNA TSOGS PA JI LTA BUS BSTAN ZHE NA, SNGAGS KYI TSUL 'DI LA ZHES PA NAS, SMIN PAR BYA BA'I SLAD DU'O ZHES PA'I BAR GYIS, DON GCIG MING DU MAS GO BAR BYED PA'I DPE SNGON DU SMOS TE, DE'I RJES SU GO RIM BZHIN DU, AE'I MTSON DON, RNAM PA THAMS CAD PA'I STONG PA'I MING GI RNAM GRANGS DANG, WAm YIG GI MTSON DON BDE BA CHEN PO'I MING GI RNAM GRANGS DANG, GNYIS KA'I MTSON DON THABS SHES GNYIS SU MED PA'I RNAL 'BYOR GYI MING GI RNAM GRANGS DANG, DE DAG GI DON BSDU BA DANG BCAS PAR 'CHAD DO, ,'DIR GSANG BA GNYIS SMOS PA'I SNGA MA'I SKAD DOD LA RA HA SE, PHYI MA'I SKAD DOD LA GU HYA, ZHES PA YOD PAS, SNGA MA GSANG CHEN, PHYI MA GSANG BA YIN NO ZHES GSUNGS PA NYID LEGS SO,, DE'I 'OG TU DRUG PA RGYUD GZHAN DU AE WAm GYI SGRAS BSTAN PA'I NGES DON BSHAD PA NI, DPAL LDAN 'DUS PA LA SOGS PAR LHA'I SKAD KYIS CHOS BSTAN PAS YONGS SU SMIN PAR BYA BA'I GDUL BYA'I DON DU BZHUGS PA'I GNAS BSTAN PA NA, AE WAm ZHES SOGS LEGS SBYAR GYI SKAD KYIS BSTAN PA YIN PA DE'I PHYIR, 'DUS PA LA SOGS PA'I RGYUD KYI RGYAL PO LA GLENG GZHI'I THOG MAR AE WAm GYI YI GE GNYIS PO 'DI DBYI BAR MI 'DOD DE DE'I RGYU MTSAN STON PAS KYANG SGRA DES GSUNGS SHING, SDUD
, ,PA POS KYANG SGRA DE THOS NAS BSDUS PA YIN PA'I PHYIR, ZHES PA NI, YI GE GNYIS PO 'DI SOGS SO, ,'O NA AE WAm ZHES PA'I YI GE GNYIS PO 'DI BSGRUB PA'I TSUL JI LTAR BYAS NAS, NGES PA'I DON GANG MTSON PAR BYED CE NA, DE'I PHYIR YI GE GNYIS PO 'DI'I BSGRUB PA'I TSUL DANG, NGES PA'I DON BRJOD PAR BYA STE, DE LA DANG POR, ZHES PA YI GE 'GOD PA'I RIM PA STON PA'I TSIG GO , AA YIG CES PA NAS, KHU BA'O ZHES PA'I BAR NI, DANG PO AA, DE NAS RNAM BCAD TSEG DRAG , DE NAS YANG AA, DE NAS RJES SU NGA RO THIG LE DGOD PAR BYA, ZHES PA'I DON TE, AA AA: ZHES PA LTA BU'O, ,'DIR KHA CIG ,AA YIG NAM MKHA'I KHAMS DANG, GSANG BA'I PADMA ZHES PA'I, NAM MKHA' PHYI PADMA NANG AA YIG GZHAN YIN NO ZHES ZER BA MI 'THAD DE, 'DIR YI GE 'DI DAG BKOD PA NI AE WAm GYI YI GE BSGRUB PA'I PHYIR DU BKOD PA YIN LA DES BSGRUB PA'I AE WAm GYI YI GE DES MTSON PA'I DON LA PHYI NANG GZHAN GSUM DU DBYE RGYU YIN GYI, BSGRUBS ZIN NAS KYANG AE WAm GYI YI GE NYID, GZHAN DU BYED PA MIN PAS SO, ,DE LTAR BKOD PA NA AA YIG LAS PHYI ROL GYI RNAM PAR BCAD PA NI, AU YIG TU 'GYUR TE, ZHES 'BYUNG BA LTAR NYI MA DANG RDUL TSON PA'I RNAM PAR BCAD PA TSEG DRAG NI, NAM MKHA'I KHAMS MTSON BYED AA YIG SNGA MA DANG, SGRA GCAN RNAM SHES KYI KHAMS MTSON BYED AA YIG PHYI MA 'DI GNYIS KYI BAR DU CHUD PA'I DBANG GIS, AU NYID DU 'GYUR NAS 'GRO BA 'THOB STE, DE'I PHYIR TSEG DRAG PHYIS NAS AU BRI'O, ,DE LTAR RNAM PAR BCAD PA NYI MA DANG RDUL
MTSON BYED DE NYID AU NYID DU BSGYUR BA THOB PAR GYUR PA NA, 'GA' ZHIG GIS BSAMS PAS, AU YIG DE NYID DE'I GONG GI AA MTHONG BAS AO YIG TU 'GYUR DGOS TE, AU DANG AA LAS AO NYID DU 'GYUR BAR SGRA'I MDO LAS BSHAD PAS SO SNYAM NA, SPYIR DE LTAR 'GYUR BA YOD KYANG SKABS 'DIR, AU YIG DE, DE'I GONG GI AAS MTHONG BAS, LUGS 'DIR YON TAN GYI YI GER BYAS PA'I AO NYID DU 'GYUR BA DE MED DO, ,DE'I RGYU MTSAN, AU YIG GI GONG GI AA DE NI, DON DAM PA'I BDEN PA STONG PA NYID MTSON BYED KYI AE YIG BSGRUB PA'I GZHIR BKOD PA YIN CING, AO YIG TU BSGYUR NA, AE BSKUG TU MI RUNG BA DE LAS TE DE'I PHYIR RO, ,DES NA YON TAN ZHES PA NI, 'OG NAS 'BYUNG BA LTAR, YON TAN GYI YI GE, AE AO SOGS THUNG DU DANG, 'PHEL BA'I YI GE AEE AOO SOGS RING PO LA BSHAD PA DE NYID YIN GYI, DON DAM PAR YON TAN MED KUN RDZOB TU YON TAN YOD CES BSHAD NA NOR BA'O, ,'O NA AU YIG DE GANG DU BSGYUR CE NA, DE NYID SKABS 'DIR YON TAN GYI YI GER 'GYUR BA MED PA'I PHYIR NA, SGRA'I MDO LAS, AI KA NI AA CA LA YA nA'O, ,ZHES PA LTAR BSGYUR BAR BYA'O, ,DA'I TSUL NI AI Ri AU Li KA, ZHES PA 'DI NYID THOG MTHA' BSDUS NAS AI KA'I YI GE ZHES BYA LA, AA AI Ri AU Li AE AO AEE AOO TZA RNAMS LA THOG MTHA' BSDUS NAS AA TZA'I YI GE ZHES THA SNYAD BYA ZHING, YA RA LA WA nA LA'ANG, DE BZHIN DU YA nA'I YI GE ZHES BYA'O, ,DE LA KA TZA nA ZHES PA MTHA'I YI GE GSUM MA GTOGS, GZHAN AI KA'I YI GE BZHI PO DE DAG GIS, RANG GI PHA ROL YI GE GZHAN GYIS BAR MA CHOD PAR, AA TZA'I YI GE DGU
, ,PO DE DAG GANG YANG RUNG BA, AIS AI MTHONG BA LTA BU MIN PAR RANG DANG RIGS MI MTHUN ZHIG MTHONG NA, AI KA'I YI GE DE 'GYUR NAS 'GRO'O, ,GANG DU NA, YA NA'I YI GE BZHI PO GANG YANG RUNG BA ZHIG TU'O, , TSUL JI LTAR NA, AI YIS RANG GI PHA ROL TU RANG DANG RIGS MI MTHUN PA'I AA TZA'I YI GE ZHIG MTHONG NA, AI DE YA nING YI GE RNAMS KYI NANG NAS YA RU 'GYUR 'GRO LA, DE BZHIN DU Ri RA DANG, AU WA DANG, Li LA RU 'GYUR RO, ,DE'I PHYIR 'DIR YANG, AU YIS RANG DANG RIGS MI MTHUN PA'I AA TZA'I YI GE, RANG GI GONG GI AA DE MTHONG BA YIN PAS AU DE WA RU 'GYUR RO, ,DE'ANG SPRA ? PA DAG GI LUGS KYIS, DBYANGS MED PA'AM SROG MED NI, RANG GI 'GRAM NA GNAS PA'I DBYANGS YIG DANG SBYAR ZHING, DBYANGS YIG DE DE LA BCU GNAS SROG CAN DU BYED PA YIN PAS, 'DIR YANG WA SROG MED DE NYID, BYE BA'I AA ? YIG SGRA GCAN DANG, RNAM PAR SHES PA MTSON BYED DE DANG LHAN CIG YANG DAG PAR SBYAR ZHING AA DE WA LA BCUG PAS SNGAR GYI WA DE SROG DANG LDAN PA NYID DO, ,DE NYID MTHA'I RJES SU NGA RO ZLA BA DANG KHU BA MTSON BYED DE DANG YANG DAG PAR SBYAR TE DE'I PHYIR WAm YIG GO ,DE BZHIN DU DANG POR BKOD PA'I AA YIG NAM MKHA'I KHAMS DANG GSANG BA'I PADMA MTSON BYED NI AE BSGRUB PA'I CHED DU BDUN PA'I MTHA' CAN TE, RNAM DBYE BRGYAD KYI NANG NAS BDUN PA GNAS BZHI'I TSIG DE LA BYIN NO, ,DE'I RGYA MTSAN YANG AA NI RTEN NAM GNAS KYI MTSON BYED YIN PAS SO, ,BDUN PA'I RNAM DBYE LA'ANG, GCIG TSIG ,GNYIS
TSIG ,MANG TSIG GSUM YOD PA LAS, 'DIR NI RTEN NAM GNAS KYI NGO BO GCIG GI MTSON BYED DU, AE BSGRUB PA YIN PAS, GCIG TSIG DI DE NYID BKOD NAS, DE'I RJES SU, NGA LA ZHUGS PA'I AI DE ZUR DU BKOD, NGA DE NYID RTAGS KYI DON TZAM YIN PAS PHYIS TE, AI YIG DE NYID AA LA GZHUG PAR BYA'O, ,BCUG PAS CIR 'GYUR ZHE NA, AA YIG PHA ROL GYI AI YIG DANG LHAN CIG YON TAN DANG LDAN PAR 'GYUR TE, ZHES PA SOGS YON TAN GYI YI GE AER 'GYUR ZHES PA'I DON YIN PAS, DE'I PHYIR AI DANG AA DE GNYIS SBYAR BAS AE YIG GO ,DE LTAR BSGRUBS PA'I AA WAm GYI YI GES MTSAN PA'I DON NI, AE SA RTEN DANG, WAm GYIS DE LA BRTEN PA DAG MTSON ZHING DE'ANG, AE YIG CES PA NAS, RTOGS PAR BYA'O ZHES PA'I BAR GYIS STON LA, DE'I DON NI; AA YIG LA, WAm YIG BRTEN PA DES, PHYIR NAM MKHA' LA ZLA NYI SGRA GSAN GSUM BRTEN PA DANG, NANG DU MA'I GSANG BA'I PADMAR KHU RDUL RNAM SHES GSUM 'DUS PA DANG, GZHAN BSKYED RIM LA, NAM MKHA'I KHAMS KYI NANG DU CHUD PA'I GZHAL YAS KHANG DANG, LHA GNAS DANG, GZHAN RDZOGS RIM DANG ? BU LA, RNAM PA THAMS CAD PA'I GZUGS KYI STONG PA LA BRTEN NAS MI 'GYUR PA'I BDE CHEN GNAS PA DANG, RNAM MED KYI SHES RAB, SPROS BRAL DE KHO NA NYID KYI STONG PA DMIGS PA'I GZHIR BYAS PA LA YUL CAN BDE CHEN GYI YE SHES DBYER MED DU GNAS PA GNYIS KA MTSON PAR BYED DO, ZHES BYA BA'O, ,DON DE DAG RTZA RGYUD KYI LUNG DANG SBYAR BA NI, 'DIR RTZA BA'I RGYUD LAS ZHES SOGS SO DE DAG GI DON BSDU BA NI, RGYUD 'DIS
, ,NAS GSUNGS SO BAR RO, ,'DUS PAR AE WAm GYI SGRAS BSTAN PA DE NYID, GZHAN DU SKAD GZHAN GYIS GSUNGS PA'I MTSON PA'I DPE NI, DNGOS PO GANG ZHIG NAS, BSTAN TO'I BAR RO, ,BDUN PA, DON DE NYID BLA MA'I MAN NGAG LAS YID CHES GSUM GYI SGO NAS RTOGS PAR BYA BAR BSTAN PA NI, AE WAm GYI NGES DON SOGS DE'ANG RGYUD DANG RGYUD GZHAN DU DGONGS PA'I SKAD SNA TSOGS KYIS GSUNGS PAR RTOGS PAR BYA'O, ,CHUL JI LTA BUS NA, 'DIR RTZA BA'I RGYUD LAS BCOM LDAN 'DAS KYIS GSUNGS PA DGONGS PA DANG NI ZHES SOGS TE, DE LTAR RGYUD NI, 'PHAGS LUGS PA'I BLA MA SNGA MA DAG ,DON GYI MTHA' LA BRTEN PA GNYIS, SGRA MTHA' LA BRTEN PA GNYIS, SGRA DON GNYIS KA'I MTHA' LA BRTEN PA GNYIS SU GSUNGS PA LTAR GYI RJOD BYED MTHA' DRUG GI MTSAN NYID DO, ,ZHES GSUNGS PA'I BCOM LDAN 'DAS KYI GSUNGS 'DI'I PHYIR RGYUD RNAMS SU DON STON PA LA MING GCIG NI GTZO BO MA YIN NO, ,MTHA' DRUG GI NGOS 'DZIN NI SGRON GSAL LAS SHES PAR BYA'O, ,'O NA SNGAGS KYI SKABS SU, NGES PA'I DON LA SOGS PA DE DANG DER THABS GANG GIS RTOGS PAR BYA ZHE NA, SNGAGS KYI ZHES PA NAS, 'BRAS BUR 'GYUR RO ZHES PA'I BAR GYIS YID CHES PA GSUM STON TE, DE'ANG BLA MAS BSHAD PA LTAR RGYUD DON LUNG RIGS KYIS JI LTA BAR NGES PA NA, RGYUD LA YID CHES PAR 'GYUR ZHING, DE LA BRTEN NAS RGYUD DON DE TSUL BZHIN DU STON PA'I BLA MA LA YID CHES PAR 'GYUR LA, BSTAN PA LTAR BSGOMS PAS MYONG BA SKYES PA NA BDAG
NYID LA YID CHES PAR 'GYUR ZHING, YID CHES GSUM DANG MI LDAN PA'I SLOB MAS LAM BSGOMS KYANG THUN MONG GI DNGOS GRUB 'JIG RTEN PA 'GA' ZHIG THOB SRID KYANG, YID CHES KYI DAD PA DMAN PAS DNGOS GRUB MCHOG THOB MI SRID DO, ,ZHES BYA BA'I DON TO, , DE'ANG MYUR DU YID CHES PA'I MTSAN MA 'BYUNG BA'I TSUL NI, 'DIR RGYUD GZHAN DANG GZHAN DU ZHES PA NAS, GSUNGS SO ZHES BYA BA'I BAR TE, BDE MCHOG STOD 'GREL DU RTZA RGYUD KYI LUNG DRANGS PA, BSAM PA THAMS CAD YONGS SPANGS TE, ,NYI MA GCIG NI YONGS SU BRTAG ,GAL TE RTAGS NI MA BYUNG NA, ,DE CHE NGA YI RDZUN TSIG YIN, ,CES PA DE'I DON 'CHAD PA YIN LA, DE'ANG SNGAR BSHAD ZIN PAS SHES SO, ,DE'I RJES SU BRGYAD PA, YID CHES GSUM LDAN GYI DON BSDUS PA 'CHAD PA NI, 'O NA YID CHES GSUM DANG LDAN PA'I SNGAGS KYI THEG PA 'DI'I BRJOD BYA JI LTA BU ZHE NA, RIGS GSUM DANG RIGS BZHI DANG RIGS LNGA DANG RIGS DRUG LA SOGS PA'I BDAG NYID DU STON PA'I LHA ZHAL GSUM PA LA SOGS PA BRJOD BYAR STON PA NI, 'DIR RIGS GSUM GYI ZHES PA NAS, GCIG TU SBYOR BA'O, ,ZHES PA'I BAR RO, ,DE MTSAN BRJOD KYI LUNG DANG SBYAR BA NI, 'DIR ZHES SOGS TE, 'DI LA SOGS PA GONG 'OG RNAMS SU MTSAN BRJOD KYI LUNG DRANGS PA DAG LA NYI MA DPAL GYI BSHAD PA LTAR BYAS NA, RGYUD 'GREL NYID KYIS DON GANG LA DRANGS PA'I SKABS DON DANG MI 'GRIG PA 'GA' RE SNANG BAS DPYAD PA'I GZHIR 'DUG PAS 'DIR 'DI DAG GI BSHAD PA MA BRIS LA LOGS SU DPYAD PAR BYA'O, ,DE LTAR NA RIGS BZHI'I BDAG NYID
, ,RGYUD 'DI'I BRJOD BYAR BSTAN PA NI, BCOM LDAN 'DAS NAS, 'KHOR LO'O ZHES PA'I BAR TE RNAL 'BYOR BZHI NI SNGAR BSHAD ZIN TO, ,DE LTAR PHUNG PO LNGA DANG KHAMS LNGA DAG PA'I RIGS LNGA'ANG, 'DI'I BRJOD BYAR YOD PAR BSTAN PA MTSAN BRJOD KYI LUNG DANG SBYAR BA NI, DE LTAR ZHES SOGS SO, ,DE'I DON BSDU BA NI, BCOM LDAN 'DAS NAS, RTOGS PAR BYA'O'I BAR RO, ,DE LTAR YID CHES GSUM LDAN GYI RGYUD SPYI'I DON BSDUS NAS BSTAN PA RNAMS KYI DON BSDU BA NI, 'DIR 'DUS PA ZHES PA NAS, BRJOD PAR BYA BA YIN NO ZHES PA'I BAR RO, ,DE'ANG PHYOGS 'DI DAG LAS, AE WAm SOGS YI GE BZHI BCU'I NANG NAS SHRI DA YA, MED PA'I YI GE SO BDUN LAS MI 'BYUNG LA, 'DUS PA'I GLENG GZHI'I YI GE LA NI BZHI BCU YOD CING, DE NYID 'GREL PA MKHAN POS BZHI BCUR BSHAD PA MA DAG PA YIN GYI, BYANG CHUB SEMS DPA'I 'GREL PA LAS 'BYUNG BA LTAR SO BDUN KHO NA'O, ,ZHES PA NI BRJOD PAR MI BYA STE, BSHAD RGYUD RDO RJE PHRENG BA LAS, YI GE RE RE'I DON 'CHAD PA LA SHLOO KA REE GSUNGS PA'I SHLOO KA BZHI BCUS YI GE BZHI BCUR BYAS NAS BSNYON DU MED PAR GSUNGS PA'I PHYIR RO, ,DES NA SO BDUN DU BSHAD PA NI SHRI DA YA'I DEN SNYING PO NYID RDO RJE GSUM DU 'DU RUNG BA LA DGONGS NAS, LHA SO DRUG DANG, DE DAG GI KHYAB BDAG LHAN CIG SKYES PA'I SKU DANG SO BDUN LA DAG PA SBYOR BA'I CHED DU YI GE SO BDUN DU BSDUS TE GSUNGS PA'O, ,'DIR GONG 'OG RNAMS SU 'DI SKAD BDAG GIS THOS PA LA SOGS PA LEGS PAR SBYAR BA'I SKAD KYIS
ZHES 'BYUNG BA RNAMS NI HA CANG 'GYUR DRAGS PA YIN PAS, AE WAm LA SOGS PA ZHES BSHAD DGOS SO, ,DA NI DGU PA RGYUD GZHAN LAS BSTAN PA'I AE WAm GYI DON DE NYID, RGYUD 'DI'I GLENG BZHI'I TSIG GI DON DU'ANG JI LTAR YOD PA'I TSUL 'CHAD DE, DE LA THAMS CAD MKHYEN PA ZHES PA NAS, YI GE DRUG CES SA, ZHES PA'I BAR RO, ,BCU PA DES NA TSIG TZAM LA BRTEN PA'I SGO NAS 'DI LA SMAD PAR MI BYA BAR BSTAN PA NI, DES NA ZHES SOGS YIN LA, DE LTAR BRJOD PA'I ZHES PA NAS, BSTAN TO ZHES PA'I BAR SNGAR BSHAD THAMS CAD KYI DON BSDU BA'O, ,DA NI RGYUD 'DI'I GLENG GZHIR DNGOS SU SMOS PA STON PA'I MTSAN NYID KYI KHYAD PAR LNGA BRJOD PA'I TSIG LA ZLOS PA LA SOGS PA'I SKYON SPANGS PA GSUNGS PA, 'DIR 'GA' ZHIG LA, ZHES BYA BA LA SOGS PA STE, DE LA RTZOD PA'I TSUL DANG LAN BTAB PA'I TSUL MDOR BSDUS PA NI 'DI YIN TE, THAMS CAD MKHYEN PA DANG SANGS RGYAS ZHES PA'I TSIG GNYIS LA ZLOS SKYON YOD DO ZHES PA LA, DE GNYIS DON GCIG KYANG 'DIR GNYIS KA SMOS PA NI LOG RTOG LA BLTOS PA'I DGOS PA'I DBANG GIS YIN TE PHYI ROL LA SOGS 'GA' ZHIG ,KHYAB 'JUG SOGS KYANG THAMS CAD MKHYEN PAR BRJOD CING, SKYE BO MANG PO LA DE LTAR GRAGS SHING, DE DAG SANGS RGYAS SU MA GRAGS PAS, DE'I PHYIR NA SANGS RGYAS KHO NA THAMS CAD MKHYEN PA YIN GYI THAMS CAD MKHYEN PA GZHAN MED DO, ,ZHES BSTAN PA'I DON DU DE GNYIS KA SMOS PAS SKYON MED DO ZHES PA ZLOS SPONG DANG PO'O, ,DE NAS DON THAMS CAD MKHYEN PA DANG YE SHES KYI SKU LA'ANG
, ,ZLOS SKYON YOD DO ZHE NA, DE GNYIS DON GCIG KYANG 'GA' ZHIG GIS NYAN RANG DGRA BCOM PA DAG GI YID KYI RANG BZHIN GYI LUS KYANG YE SHES KYI SKU YIN NAM SNYAM DU DOGS PA LA THAMS CAD MKHYEN PA'I SKU KHO NA YE SHES KYI SKU YIN GYI NYAN RANG DGRA BCOM PAS SHES SGRIB KYI LHAG MA MA SPANGS PA'I PHYIR YE SHES KYI SKU MED DO, ,ZHES BSTAN PA'I DON DU GNYIS KA SMOS PAS SKYON MED DO, ,ZHES PA ZLOS SPONG GNYIS PA'I DON TO, ,DE LTA NA'ANG YE SHES KYI SKU DANG NYIN MOR BYED PA'I SKU GNYIS KA SMOS PAS ZLOS ZHES PA LA, DE GNYIS DON GCIG KYANG, 'GA' ZHIG SHES SGRIB KYI LHAG MA GANG SPANGS PAS YE SHES KYI SKU 'THOB PA'I SHES SGRIB DE LA, GZUNG 'DZIN RDZAS THA DAD DU 'DZIN PA MA LUS PAR SPANGS PA TZAM GYIS CHOG GAM SNYAM PA LA DES MI CHOG GI ,RNAM SHES LA'ANG BDEN 'DZIN GYI BAG CHAGS MA LUS PAR SPANGS PA'I NYIN MOR BYED PA'I SKU MA THOB PAR YE SHES KYI SKUR MI 'GYUR, ZHES PA'I DON DU GNYIS KAS SMOS SO, ,ZHES PA ZLOS SPONG GSUM PA'I DON TO, ,DE NYID TSIG DON DU CUNG ZAD RGYAS PAR BSHAD NA, ZLOS SPONG DANG PO LA, RTZOD PA DGOD PA NI, 'DIR ZHES PA NAS, BRJOD PAR BYA'O ZHES PA'I BAR RO, ,LAN DNGOS NI, 'DIR THAMS CAD CES PA NAS, GZHAN NI MED DO ZHES PA'I BAR RO, ,'O NA KHYAB 'JUG DANG DRAG PO SOGS THAMS CAD MKHYEN PA MIN ZHING, SANGS RGYAS THAMS CAD MKHYEN PA'I KHYAD PAR GANG GIS YIN CE NA, DE 'DRA'I KHYAD PAR YOD DE, KHYAB
'JUG SOGS NI 'GRO BA DRUG GI NANG MTSAN GYI LHAR LAS KYI DBANG GIS SKYE BA BLANGS SHING, LEN PA YIN CING, SANGS RGYAS 'KHOR BA'I BAG CHAGS MA LUS PAR SPANGS PA YIN PA'I PHYIR, ZHES STON PA NI, 'DIR DE DAG GI NANG ZHES PA NAS NYID KYI PHYIR RO ZHES PA'I BOR, , DE'ANG THEG DMAN DGRA BCOM LA 'KHOR BA'I BAG CHAGS MA LUS PAR SPANGS PA NI MED DE, DE YOD NA SHES SGRIB SPANGS DGOS SO, ,'KHOR BA LAS BRGAL BA TZAM LA NI NYON MONGS MA LUS PAR SPANGS PAS CHOG GI, 'KHOR BA'I BAG CHAGS MA LUS PAR SPANG MI DGOS PAS, DE'I PHYIR 'KHOR BA'I BAG CHAGS MA LUS PAR SPANGS PA NYID RDZOGS PA'I SANGS RGYAS KHO NA'I KHYAD CHOS SU RGYUD 'GREL 'DIR MANG DU 'BYUNG BA YIN NO, ,DE NYID MTSAN BRJOD KYI LUNG DANG SBYAR BA NI, 'DIR DE BZHIN GSHEGS PAS ZHES PA NAS, ZHES SO ZHES PA'I BAR RO, ,DE'I PHYIR ZHES SOGS NI DON BSDU BA'O, ,ZLOS SPONG GNYIS PA LA, RTZOD PA DGOD PA NI, THAMS CAD CES PA NAS, GSUNGS SHI NA ZHES PA'I BAR RO, ,DE'I LAN NI, DE NYID CES PA NAS, GSUNGS SO ZHES PA'I BAR TE, DE'ANG NYAN RANG DGRA BCOM PA RNAMS LA'ANG, YID KYI RANG BZHIN GYI LUS ZAG PA MED PA'I LAS KYI DBANG GIS 'BYUNG BA YOD PAR, DPAL PHRENG GI MDO LAS GSUNGS PAS, DE LTA BU YE SHES KYI SKUR DOGS PA SKYE BA BCAD PA'I PHYIR DU, THAMS CAD MKHYEN PA'I SKU KHO NA YE SHES KYI SKU YIN GYI, GZHAN NI MED DO ZHES BSTAN PAR BZHED NAS GNYIS KA SMOS ZHES PA STE, SNGAR ZLOS PA'I TSIG TU MI 'GYUR RO, ,ZHES PA GSUNGS PA NI ZLOS PA'I TSIG GI SKYON DU MI 'GYUR RO, ,ZHES PA DANG,
, ,'DIR ZLOS PA GSUNGS SO ZHES PA NI, DGOS PA DE 'DRA'I DBANG GIS ZLOS PA GSUNGS SO ZHES PA STE, MDOR NA DGOS PA MED PAR ZLOS PA'I TSIG SMOS PA SKYON DU 'GYUR PA YIN GYI DGOS PA'I DBANG GIS ZLOS PA'I TSIG GSUNGS PA LA SKYON MED DO ZHES BYA BA'O, ,NYAN RANG DGRA BCOM DANG RDZOGS PA'I SANGS RGYAS LA YE SHES KYI SKU YOD MED NI KHYAD PAR GANG GIS YIN NA, NYON MONGS KYI BAG CHAGS KYI LHAG MA SHES SGRIB DANG BCAS MA BCAS KYI KHYAD PAR YOD PA'I PHYIR ZHES STON PA NI, 'DIR NYAN THOS DANG ZHES PA NAS, GROL BA'I PHYIR RO ZHES PA'I BAR RO, ,DE NYID MTSAN BRJOD KYI LUNG DANG SBYAR BA NI, DE LTAR YANG NAS, CES SO'I BAR RO, ,DE'I PHYIR NAS, GSUNGS SO'I BAR NI DON BSDU BA'O, ,ZLOS SPONG GSUM PA LA; RTZOD PA DGOD PA NI, GANG YE SHES ZHES PA NAS, BRJOD PAR BYA STE ZHES PA'I BAR RO, ,LAN DNGOS NI, 'DIR GANG ZHES PA NAS, 'GA' YANG MED DO ZHES PA'I BAR TE, 'O NA SHES SGRIB KYI LHAG MA SPANG RGYU DE, RNAM PAR SHES PA SMRA BA SEMS TZAM PA DAG 'DOD PA LTAR GYI GZUNG 'DZIN RDZAS GZHAN DU 'DZIN PA LA SHES SGRIB TU BYAS PA DE TZAM ZHIG SPANGS PAS KYANG YE SHES KYI SKU 'THOB PAR 'GYUR RAM SNYAM PA LA, DE TZAM ZHIG GIS YE SHES KYI SKU 'THOB PAR 'GYUR BA MED DO ZHES BYA BAR SHES PA'I PHYIR DU, NYIN MOR BYED PA'I SKU DANG YE SHES KYI SKU GNYIS KA SMOS SO, ,ZHES BYA BA'O, ,'O NA RNAM RIG PA'I LUGS KYI SHES SGRIB DE TZAM ZHIG SPANGS PAS YANG DAG PAR RDZOGS PA'I SANGS RGYAS KYI YE SHES KYI SKU NYIN MOR BYED PA'I SKU MI 'THOB PA'I RGYU MTSAN CI
ZHE NA, RNAM RIG PA'I LUGS DE LA, GZUNG 'DZIN RDZAS GZHAN DU 'DZIN PA KHEGS KYANG, DA DUNG RNAM PAR SHES PA'I CHOS LA BDEN 'DZIN KYIS GNAS PA MA SPANGS SHING, RDZOGS PA'I SANGS RGYAS NI RNAM PAR SHES PA BDEN 'DZIN GYI CHOS NYID LAS 'DAS PA'I PHYIR, ZHES STON PA'O, ,'DIR CI'I PHYIR ZHES PA NAS, 'DAS PA'I PHYIR RO ZHES PA'I BAR TE, KUN GZHI'I RNAM PAR SHES PA'I CHOS LAS 'DAS MA 'DAS DANG, RNAM SHES YE SHES GNYIS KYI NANG NAS, RNAM SHES LAS 'DAS SHING YE SHES LA GNAS, ZHES SOGS SU 'CHAD PA NI DON MIN TE, RDZOGS PA'I SANGS RGYAS LA KUN GZHI GNAS 'GYUR DGOS PAR RNAM RIG PA'ANG 'DOD CING, RNAM SHES YE SHES GNYIS SU PHYE BA'I RNAM SHES DE DE KHO NA NYID MA RTOGS PA'I BLO LA ZER NA, DE LAS 'DR NAS RDZOGS PA'I SANGS RGYAS 'THOB DGOS PAR RNAM RIG PA'ANG 'DOD CING, SHES PA TZAM LA ZER NA, RDZOGS PA'I SANGS RGYAS KYI YE SHES SHES PA MIN PAR THAL LO, ,DE NYID MTSAN BRJOD KYI LUNG DANG SBYAR BA NI, DE LTAR YANG NAS, ZHES SO ZHES PA'I BAR RO, ,DE'I PHYIR NAS, GSUNGS SO'I BAR NI DON BSDU BA'O, ,DE LTAR ZLOS PA'I SKYON SPANGS NAS, PADMA'I 'DAB MA RGYAS PA'I SPYAN, ZHES PA'I TSIG LA RTZOD PA SPANG BA 'CHAD PA LA, RTZOD PA DGOD PA NI, 'DIR ZHES PA NAS, 'BYUNG BAR 'GYUR TE ZHES PA'I BAR TE, DE'ANG RTZOD PA'I DON NI, PADMA'I 'DAB MA RGYAS PA'I SPYAN NI GZUGS CAN DU 'GRO DGOS PAS DE DANG 'DIR YE SHES NYID SPYAN DU BSHAD PA 'GAL TE, YE SHES NI GZUGS CAN MIN PAS SO, ,ZHES BYA BA'O, ,DE'ANG YE SHES YIN NA PADMA RGYAS
, ,PA 'DRA BA'I SPYAN MNGA' BAR 'GAL BA'I DOGS PA RTOG LDAN LA MI SKYE'ANG, 'DIR RNAM PAR MI RTOG PA'I LDOG PA NAS BZHAG PA'I YE SHES NYID SPYAN YIN PAR BSHAD PAS RTZED PA YIN NO, ,DE'I LAN NI, DE'I PHYIR ZHES PA NAS, SPYAN NO ZHES PA'I BAR TE, DE'ANG 'DIR PADMA ZHES PA'I SGRAS NAM MKHA'I KHAMS MTSON NAS BSTAN CING ,DE'I 'DAB MA'I SGRAS NAM MKHA'I KHAMS KYIS GAR KHYAB TU GNAS PA'I RIGS BRGYA LA SOGS PA'I DBYE BAS MTHA' YAS PA'I SEMS CAN RNAMS BSTAN CING ,DE DAG THAMS CAD LA MKHYEN PA RGYAS PA'I YE SHES KYI SPYAN LA PADMA'I 'DAB MA RGYAS PA'I SPYAN ZHES BRJOD PA YIN GYI, PADMA'I 'DAB MA RGYAS PA DANG DBYIBS LA SOGS PA MTSUNGS PA'I SPYAN LA, DE LTAR BRJOD PA MIN PAS YE SHES NYID SPYAN DU BSHAD PA MI 'GAL LO ZHES BYA BA'O, ,DE'ANG GZUGS SU GRUB NA YE SHES RNAM GRANGS PA RANG DU MI 'GRO BAS 'GAL SPONG DE LTAR MDZAD LA, SPYIR GZUGS YIN NA YE SHES DANG ,DON GZHAN DU 'GYUR BAS NI MA KHYAB STE, 'DI LTAR, DA LTA GZHI DUS SU LUS SEMS NGO BO GCIG TU MED KYANG ,LAM GYIS MA DAG PA'I PHUNG SOGS SBYANGS NAS, YE SHES KYI SKU GRUB PHYIN CHAD, YE SHES NYID KYI GZUNG CHA LHA'I SKU 'CHAR BA YIN PAS, SANGS RGYAS KYI SA NA BEM PO'I SKU MED KYI, LHAN CIG SKYES PA'I YE SHES NYID GZUGS KYI SKUR SHAR BA YIN PAS, SKU MTSAN DPES BRGYAN PA'I GZUGS DANG ,THUGS BDE BA CHEN PO'I YE SHES GNYIS NGO BO GCIG LA LDOG PA THA DAD PA TZAM YIN NO, ,DE NYID MTSAN BRJOD KYI LUNG DANG SBYAR
BA NI, 'DIR ZHES PA NAS, CES SO'I BAR RO, ,BCOM LDAN 'DAS ZHES PA NAS, YIN NO'I BAR DON BSDU BA STE, DE'ANG YE SHES KYI SKU NYID GZUGS SU MA GRUB PAS GZUGS DANG BRAL BA YIN NO ZHES GSUNGS KYI, DE DANG NGO BO GCIG PA'I GZUGS MED PAR STEN PA MIN TE, DE YIN NA SNGAR SPRUL PA YI NI SKU GSUNG THUGS, ,YE SHES GCIG SBYOR SDOM PA DANG ,ZHES SOGS SU SKU LONGS SPRUL DANG ,THUGS LHAN CIG SKYES PA'I YE SHES NGO BO GCIG TU SDOM PAR BSHAD PA DANG DNGOS SU 'GAL BAR 'GYUR RO, ,DE LTAR, THAMS CAD MKHYEN PA ZHES PA NAS, SANGS RGYAS ZHES PA'I BAR MTSAN GYI RNAM GRANGS LNGAS BSTAN PA'I RGYUD STON PA PO DE NYID GNAS GANG LA BZHUGS NA SENG GE'I KHRI, ZHES PA'I SGRA ZIN LTAR DANG ,SGRA ZIN LTAR MIN PA'I GNAS GNYIS LA BZHUGS PAR STON PA RTZA RGYUD KYI LUNG DANG SBYAR PA NI, SANGS RGYAS DE ZHES PA NAS, STON PA PO ZHES SO, ZHES PA'I BAR RO, ,DE'I PHYIR RGYUD STON PA PO DANG SDUD PA PO DAG KYANG STON PA PO GZHAN DANG SDUD PA PO GZHAN LAS KHYAD PAR DU 'PHAGS PAR STON PA NI, DE'I PHYIR ZHES PA NAS, 'GA' YANG MED DE ZHES PA'I BAR GYIS STON PA 'DI NYID KHYAB 'JUG LA SOGS PA'I YANG STON PAR GYUR PA, SEMS CAN THAMS CAD LA RIS SU MA CHAD PAR PHAN PA'I CHOS RANG RANG GI SKAL PA DANG MTHUN PAR STON PA'I THAMS CAD MKHYEN PA YIN GYI, KHYAB 'JUG DANG TSANGS PA LA SOGS PA NI, DE LTA BU MA YIN NO, ZHES BSTAN TO, KHYAB 'JUG LA SOGS PA DE LTA BU MA YIN PA'I RGYU MTSAN 'CHAD PA
, ,DE; GANG GI PHYIR ZHES PA NAS, RJES SU YI RANG BAR MI BYA'O ZHES PA'I BAR TE, TSANGS PA DANG KHYAB 'JUG LA SOGS PA DE DAG NI, RANG NYID KYANG LHA'I 'GRO BA NYI TSE BAR SKYES NAS, LEGS SBYAR GYI SKAD NYE TSE 'BA' ZHIG GIS SNGON RABS GRUB MTHA' LA SOGS PA DANG RIG BYED LA SOGS PA'I CHOS KYANG NYI CHE BA KHO NA STON CING ,GDUL BYA'ANG, MI RIGS BZHI'I NANG NAS DMANGS RIGS SOGS KYIS RIG BYED KLOG PA 'GOG PA SOGS SEMS CAN GYI RIGS NYI TSE BA 'GA' ZHIG GI RIGS KHO NA LA RIS SU CHAD PAR STON CING ,DE LAS GZHAN LA MI STON LA SDUD PA PO DRANG SRONG RNAMS KYIS KYANG ,DMANGS RIGS TSUN CHOD KYIS RIG BYED 'DON SHES NA SU ZHIG BRAM ZE LA GUS PAR 'GYUR SNYAM NAS, RIGS GZHAN LA MA BSTAN CING BLO LA GNAS PA NA, PHYIS BLO'I MTHU CHUNG BA'I BRAM ZE RNAMS KYIS BLO LA BZUNG MA NUS NAS SKAD NYI TSE BA KHO NAS DE DAG GLEGS BAM LA BRIS TE, DE'I PHYIR MKHAS PA RNAMS KYIS DE LTA BU LA GUS PAR BYA BA MIN NO, ,ZHES BYA BA'I DON TO, ,THAMS CAD MKHYEN PA DANG DE'I CHOS SDUD PA PO RNAMS NI DE LTA BU MIN PA'I TSUL 'CHAD PA, KHAMS GSUM PO 'DIR ZHES PA NAS, NUB PAR MA GYUR TO ZHES PA'I BAR GYIS STON PA KHYAD PAR DU 'PHAGS PA DANG , DES BSTAN PA'I CHOS KHYAD PAR DU 'PHAGS PA GNYIS 'CHAD LA, RE ZHIG CES PA NAS, GDUL BYAR BYA BA'I DON DU'O ZHES PA'I BAR GYIS SDUD PA PO KHYAD PAR DU 'PHAGS PA'I TSUL 'CHAD DE, ,DE LA RANG SANGS RGYAS RNAMS KYIS RANG SANGS RGYAS
KYI THEG PA BSDUS ZHES PA NI, NYAN THOS KYI SDE SNOD LAS RANG SANGS RGYAS KYI SDE SNOD LA SOGS PA BSDU RGYU MED KYANG THEG PA LOGS PA YIN PAS, RTOGS PA'I BSTAN PA NYAN THOS KYIS BSDUS PA LAS LOGS PA RANG SANGS RGYAS LA BSDU RGYU YOD CING ,DE'I DBANG DU BYAS PA YIN NO, ,DE'I DON BSDU BA NI, SDUD PAR BYED PA ZHES PA NAS, GZHAN NI MIN NO ZHES PA'I BAR RO, ,DE LTAR KHYAB 'JUG SOGS LA STON PAR MI 'DZIN PA'ANG, YON TAN DE DAG MA MTHONG BAS YIN GYI, PHYOGS SU LHUNG BA'I DBANG GIS MIN TE, GAL TE DE DAG LA'ANG YON TAN DE LTA BU MTHONG NA NI KHYAD PAR MED PAR STON PAR 'DZIN NO, ,ZHES STON PA NI, CI STE ZHES SOGS SO, ,SNGAR BSHAD THAMS CAD KYI THUN MONG GI DON BSDU BA NI, DE'I PHYIR ZHES SOGS SO, ,MDOR BA SDUS KYI MTSAN BSTAN PA NI, BSDUS PA'I RGYUD KYI ZHES SOGS SO, ,MDOR BSDUS BZHI PA'I DKA' BA'I GNAS RNAM PAR BSHAD PA'O,, ,,DA NI MDOR BSDUS PA LNGA PA BSHAD PAR BYA'O, ,DE LA THOG MAR GZHUNG SPYI'I BSDU BA NI 'DI YIN TE, DE NI ZHES PA NAS, LA SOGS PA STE ZHES PA'I BAR NI MTSAMS SBYAR BA'O, ,DE NAS NGES PA'I DON TO, ,ZHES PA'I BAR NI RDO RJE'I RNAL 'BYOR GYI NGO BO BSDUS NAS BSTAN PA'O, ,DE NAS, DE KHO NA NYID CES GSUNGS SO, ,ZHES PA'I BAR NI, RDO RJE'I RNAL 'BYOR LA MTHA' GNYIS KYI PHYOGS SU LHUNG BA 'GOG PA'O, ,DE NAS MDOR BSTAN PA TZAM ZHIG BSTAN TO, ,ZHES PA'I BAR GYIS, LHAN CIG SKYES PA DE NYID LAS, DE NYID BCU DRUG PA LA SOGS PA DANG ,
, ,SKU BZHI LA SOGS PA 'BYED PA'I TSUL 'CHAD DO, ,DE NAS MDOR BSDUS DE NYID KYI GZHUNG LHAG MAS RDO RJE'I RNAL 'BYOR DE LTA BU DE RJOD BYED KYI RGYUD JI LTA BU ZHIG TU DGOS PA DANG NYID DGOS GANG GI PHYIR STON PAR ZLA BZANG GIS GSOL BA BTAB PA'I DON 'CHAD DO, ,DE LA RDO RJE'I RNAL 'BYOR GYI NGO BO NGOS BZUNG BA LA, SNGAGS KYI TSUL 'DI LA ZHES PA NAS, DBYIBS DANG BRAL BA'O ZHES PA'I BAR GYIS BLA MED KYI RGYUD 'DI DANG GZHAN GYI'ANG BRJOD BYA NI, RIM PA GNYIS SU NGES PAR BSTAN PA YIN TE, DE'ANG 'JIG RTEN KUN RDZOB KYI BDEN PA NI BSKYED RIM DANG ,DON DAM PA'I BDEN PA NI RDZOGS RIM LA GSUNGS PA YIN CING ,BSKYED RIM LA DRANG DON DU GSUNGS PA NI, DA DUNG DE LAS GONG DU DRANGS NAS BSTAN DGOS PA'I DON GZHAN YOD PA LA DRANG DON DU BYAS PA DE NYID YIN GYI, SGRA JI BZHIN PAR BZUNG DU MI RUNG BA KHO NA DRANG DON GYI DON DU MI BZUNG NGO, ,RIM PA DE GNYIS DGOS PA'I 'BRAS BU GANG GI RGYUR GSUNGS NA, BSKYED RIM KHO NAS 'JIG RTEN PA'I DNGOS GRUB TZAM STER BAR NUS LA, RDZOGS RIM GYIS NI, STONG PA NYID KYI GZUGS KYI PHYAG RGYA CHEN MO DANG ,'GYUR BA MED PA'I BDE CHEN ZUNG DU 'JUG PA'I PHYAG RGYA CHEN PO 'JIG RTEN LAS 'DAS PA'I DNGOS GRUB KYANG STER BAR BYED DO, ,ZHES PA 'DI DAG LAS ZHES PA NAS, YE SHES KYI SEMS SO ZHES PA'I BAR RO, ,RANG GI SEMS KYI SNANG BA STONG PA'I GZUGS KYI PHYAG RGYA DANG ,RANG GI SEMS BDE BA CHEN PO GNYIS NAM YANG DBYER MI PHYED PA
NYID DU GYUR PA NI, 'BRAS BU MCHOG RDO RJE SEMS DPA'O, ,ZHES PA NI, SEMS 'DI GNYIS ZHES PA NAS, RAB TU GRAGS SO ZHES PA'I BAR RO, ,BCOM LDAN 'DAS DE NYID CES PA NAS, NGES PA'I DON TO ZHES PA'I BAR GYIS, THABS SHES DBYER MI PHYED PA'I RDO RJE SEMS DPA' BDE STONG GI YE SHES MTHAR THUG PA DE NYID, MTSAN NYID KYI THEG PAR NGO BO NYID KYI SKU ZHES PA'I MING GIS GSUNGS PA'I SKU DE'ANG YIN LA, SNGAGS KYI THEG PAR LHAN CIG SKYES PA'I SKU ZHES BSTAN PA DE'ANG 'DI NYID YIN NO, , ZHES BSTAN GYI MTSAN NYID KYI THEG PAR BDE CHEN GYI YE SHES BSTAN TO ZHES PA NI MI BYA'O, ,DE'ANG MNGON RTOGS RGYAN DANG ,RGYUD BLA MA SOGS NAS NGO BO NYID KYI SKU 'DUS MA BYAS CHOS NYID LA BSHAD PA DE NI NGO BO NYID SKU'I CHA GCIG BSTAN PA YIN LA, 'DIR LHAN CIG SKYES PA'I SKU YE SHES LA BSHAD PA'ANG, CHA GCIG YIN CING ,PHAN TSUN GCIG GI DON DE GCIG MIN KYANG ,GNYIS KA NGO BO NYID SKU YIN PAR 'DRA BAS, DE'I PHYIR PHYOGS MTHUN GYI LUNG DANG SBYAR BA YIN GYI 'DI NAS BSHAD PA'I NGO BO NYID SKU LHAN SKYES KYI YE SHES DE, RGYAN GYI DE DAG RANG BZHIN MTSAN NYID CAN ZHES PA'I BRJOD BYAR STON PA MA YIN TE, DPER NA 'DIR GSUNG LA LONGS SKUR BSHAD PA DANG ,RGYAN DU MTSAN DPES BRGYAN PA'I SKU LA LONGS SKUR BSHAD PA BZHIN NO, ,DES NA NGO BO NYID SKU LA'ANG 'DUS BYAS DANG 'DUS MA BYAS KYI CHA GNYIS YOD DO ZHES 'DIR KHAS BLANG DGOS SO, ,DA NI RDO RJE'I RNAL 'BYOR LA PHYOGS SU 'DZIN PA DGAG PA GSUNGS TE, DE LA DANG POR GZHI GANG GI STENG DU PHYOGS
, ,'DZIN 'GOG PA NI, 'DIR RNAL 'BYOR PA RNAMS KYIS ZHES SOGS YIN LA, DE'ANG RIS MED PA DANG ,RTAG CHAD SPANGS PA SOGS 'OG TU 'CHAD LA, GZHON NU MA'I SOGS 'GA' ZHIG SNGAR YANG BSHAD CING ,DBANG PO THAMS CAD PA, ZHES PA NI STONG PA NYID KYI GZUGS LA, DBANG PO LNGA'I YUL GZUGS SGRA SOGS THAMS CAD KYI SNANG BA YID SHES LA MNGON SUM DU 'CHAR BAS DBANG PO THAMS CAD PA ZHES BYA'I, DE'I TSE DBANG SHES THAMS CAD KYIS YUL 'DZIN PA NI 'BRAS BU'I SKABS SU RUNG YANG, RDZOGS RIM 'OG MA RNAMS KYI SKABS NAS KYANG 'ONG BA MIN NO, ,SEMS CAN THAMS CAD KYI BDAG NYID DU GNAS PA, ZHES PA NI, STONG GZUGS KYI PHYAG RGYA CHEN MO MI 'GYUR BA'I BDE BA DANG ZUNG DU 'BREL BA DE DA LTA NYID NAS YONGS SU RDZOGS PAR SEMS CAN THAMS CAD KYI BDAG NYID DU KHYAB NAS YOD PAR STON PA MIN TE, DE NYID SEMS CAN THAMS CAD KYI SEMS KYI BDAG NYID DU YOD PA'I TSUL STON PA NA, SNGAR DRANGS PA LTAR, JI LTAR TIL SON TIL MAR LTAR, ,JI LTAR SHING LA SON PA'I ME, ,ZHES DPE DE DANG MTSUNGS PAR BSTAN CING ,TIL LA MA BTZIR BA'I DUS NYID NAS TIL MAR DNGOS DANG ,SHING LA DANG PO NAS ME DNGOS YOD PA GA LA YIN, DES NA DPE DE DAG DANG MTSUNGS PAR, RKYEN DANG PHRAD NA 'BYUNG RUNG GI NUS PA'AM KHAMS GNAS PA TZAM LA DGONGS PA YIN LA, DON 'DI NI, DON DAM BSNYEN PA LAS KYANG GSAL BAR BSHAD DE, SHING LAS ME DANG CHU YI SHEL LAS CHU DANG NI, ,
ZHO LAS MAR DANG RDO BA RNAMS LAS LCAGS KYI RIGS, ,BUD MED SKYE GNAS 'GROGS PAS MI NYAMS BDE BA NI, ,SKAL LDAN RNAMS KYIS DE THABS SBYAR BAS BLANG BAR GYIS, ZHES ZHO LA MAR 'BYUNG RUNG DU YOD PA DE BSRUB PA'I THABS KYI SBYOR BAS, MAR LEN PA BZHIN DU, SKAL LDAN GYIS KYANG ,THABS KYI SBYOR BAS MI 'GYUR BA'I BDE BA BLANG BAR BYA BA SOGS GSUNGS LA, ZHO LA MAR DNGOS SU YOD PA SNGAR MA MTHONG BA, BSRUBS NAS MTHONG BAR BYAS PA NYID ZHO LAS MAR BLANG PA'I DON MIN PA BZHIN NO, ,DE'I PHYIR DPE DON SBYOR SHES DGOS SO, ,LHAN CIG SKYES PA'I DGA' BA NI BDE BA CHEN PO'O, ,DE LTAR NA 'DI GANG LA PHYOGS SU LHUNG BA'I MTHA' DGAG PAR BYA BA'I RDO RJE'I RNAL 'BYOR NI STONG GZUGS PHYAG RGYA CHEN PO DANG BDE BA CHEN PO'O, ,DE DAG PHYOGS GNYIS KYI MTHA' THAMS CAD DANG BRAL BA'I TSUL DPES STON PA NI, GTAN TSIGS DANG ZHES SOGS YIN LA, MTHA' 'GOG PA'I RIGS PA NI, 'DIR YANG STONG PA NYID CES SOGS SO, ,BKAG PAR BYA BA'I MTHA'I NGOS 'DZIN, DE DAG MTHAR 'GYUR BA'I RGYU MTSAN DANG BCAS PA NI, PHYOGS ZHES BYA BA NI ZHES SOGS SO, ,DE LA DANG POR DPES MTSAN PA'I TSUL NI, GZHAN DAG NA RE, STONG PA NYID KYI GZUGS DANG ,LHAN SKYES KYI BDE BA CHEN PO 'DI DAG LA, SGRUB BYED KYI GTAN TSIGS DANG ,MTSON BYED KYI DPE CUNG ZAD KYANG MED DE, SGRA RTOG GI YUL LAS 'DAS SHING, DPES MTSON DU MED PAS SO, ,DE'I PHYIR 'DI LA DPE MED PA'I DBANG DU BYAS NAS BUM PA DANG ,NAM MKHA'I ME TOG GCIG PA SRID NA DE NYID 'DI'I DPER STON
, ,RIGS NA'ANG, DE LTA BU MI SRID CING ,DPE GZHAN GANG GIS KYANG MTSON MI NUS PAS 'DI DAG DPE LAS 'DAS PA YIN NO, ,ZHES GZHUNG 'DIS BSTEN PA YIN NO, ,ZHES ZER BA NI MI 'THAD DE, 'DIR YANG CHOS MI MTHUN PA GCIG TU GYUR PA NYID, 'JIG RTEN PA'I DPER MI RUNG YANG, 'JIG RTEN LAS 'DAS PA'I DPER RUNG BAR GSUNGS KYI, CHOS MI MTHUN PA GCIG PA'I DPE 'JIG RTEN LAS 'DAS PA LA'ANG MI SRID PAR MA GSUNGS PA'I PHYIR DANG ,DPE GTAN NAS MI SRID NA, SNGAR GZHON NU MA'I PRA PHAB PA SOGS 'DI'I DPER LAN CIG MIN PAR SMRAS PA DANG KHAS BLANGS 'GAL ZHING, GTAN TSIGS MI SRID NA DA LTA RANG CAG RNAMS KYIS DANG PO NAS MNGON SUM DU RTOGS PAR MI NUS PAS LHAN CIG SKYES PA'I YE SHES YOD PAR DAM 'CHA' MI NUS PAR 'GYUR ZHING, LHAN SKYES KYI YE SHES NGAG TU SMRAS NAS, DE NYID SGRAS BRJOD MI NUS PA RANG TSIG 'GAL BA YIN NO, ,DES NA GZHUNG 'DI NYID DU 'JIG RTEN PA'I DPER BYAS PA LAS 'DAS ZHES 'JIG RTEN PA LA DMIGS KYIS BKAR BAS KYANG SPYIR DPE MI SRID PAR STON PA MIN PAR GRUB BO, ,KUN RDZOB KYI BUM PA DANG NAM MKHA'I ME TOG GCIG PA MI SRID PAR DPER MI RUNG YANG, DON DAM PA'I BUM PA DANG NAM MKHA' ME TOG GCIG YIN PAS, DE NYID 'DI'I DPER STON PA YIN NO ZHES ZER BA'ANG NI, DON DAM PA'I BUM PA DANG NAM MKHA'I ME TOG ,STONG GZUGS PHYAG RGYA CHEN MO DANG YANG GCIG YIN PAR KHAS LEN DGOS SHING BLANGS PAS, DPE DON GCIG YIN PA'I PHYIR DPE DON MIN PAR 'GYUR LA, 'DI NYID MI 'THAD PAR
RJES THOGS NYID DU 'CHAD PAR YANG 'GYUR RO, ,DES NA 'THAD PA'I PHYOGS NI 'DI YIN TE, 'DI LTAR RDO RJE'I RNAL 'BYOR LA PHYOGS SU LHUNG BA 'GOG PA NA, RDO RJE'I RNAL 'BYOR GYI RTOGS BYA GZHI'I GNAS LUGS LA RTAG CHAD KYI MTHA' GNYIS SU 'DZIN PA DGAG PA DANG ,RTOGS BYED RDO RJE'I RNAL 'BYOR GYI LAM SRID ZHI'I MTHAR LHUNG PA DGAG PA'O, ,DANG PO NI GZHI'I LTA BA GTAN LA 'BEBS PA NAS, RTAG CHAD KYI MTHAR MA LHUNG BA LA NI, DNGOS PO THAMS CAD THA SNYAD DU'ANG RANG BZHIN GYIS GRUB PAS STONG PA DANG, 'O NA KYANG RANG RANG GI 'BRAS BU BSKYED PA SOGS KYI BYA BA BYED NUS SU GNAS PA 'GAL MED DU 'DUR RUNG BA ZHIG BYUNG NA, THA SNYAD DU'ANG RTAG CHAD KYI MTHA' DANG BRAL BA'I LTA BA RNAM PAR DAG PA RNYED PAR 'GYUR GYI, RANG BZHIN GYIS GRUB PA BKAG PA NA, GTAN MED DU SONG NAS, DNGOS PO'I BYA BYED THAMS CAD THAG PA LA SPRUL DU 'KHRUL BA'I SHES NGOR THAG PA SPRUL DU 'JOG PA LTAR, MED BZHIN DU SNANG BA'I 'KHRUL NGO LA BLTOS NAS THA SNYAD DU YOD CES GZHAN NGOR SMRA BA MA GTOGS RANG LUGS LA LAS 'BRAS SOGS GANG YANG BZHAGS GTAN MED DU SONG NAS CHAD LTA CHEN PO'I GA-YANG DU LHUNG BAR 'GYUR LA, DNGOS PO'I BYA BYED 'THAD LDAN DU BZHAG PA NA, RANG BZHIN GYIS GRUB PA TSUR LOG NAS, THA SNYAD DU BDEN PAR GRUB CES KHAS LEN DGOS PA BYUNG NA'ANG, RTAG PA'I MTHAR LHUNG BAR 'GYUR TE, MDOR NA, DE GNYIS GCIG BZHAG NA GCIG BZHAGS MED PAR 'GRO BA 'DI SNANG STONG ZUNG DU 'JUG PA'I TSUL GYIS LTA BA MTHAR THUG PA GO BA'I GEGS KYI GTZO BO YIN CING ,THA SNYAD DU DE GNYIS
, ,GZHI GCIG LA 'DU RUNG BA TZAM DU MA ZAD, THA SNYAD DU'ANG RANG BZHIN GYIS GRUB PA MA KHEGS NA, BYA BYED BZHAG SA MED PA DANG, BYA BYED BZHAG SA BYUNG NA DE NYID GYI RANG BZHIN MED PAR GRUB 'ONG BA'I TSUL MA SHES NA YANG DAG PA'I LTA BA'I MTHAR THUG RNYED PA'I THABS MED LA, DON 'DI NYID, MGON PO KLU SGRUB YAB SRAS KYIS SHIN TU ZHIB CING, RGYAS PAR RIGS PA'I TSOGS KYIS GTAN LA PHAB PA LTAR 'DIR YANG GSAL BAR GSUNGS SHING, SKABS 'DIR YANG TSUL DE LTA BU'I MTHA' GNYIS SPONG TSUL, DPE DANG RIGS PAS STON PA YIN TE, DE LA GTAN TSIGS DANG DPE SPANGS PA ZHES PA NI, 'JIG RTEN PA'I GTAN TSIGS DANG DPE SPANGS PA'I DON YIN TE, 'OG TU 'JIG RTEN LAS 'DAS PA'I DPER 'GRO TSUL GSUNGS PAS SHES SO, ,'JIG RTEN PA LA DPE MED PA'I SGRUB BYED DU, CHOS MI MTHUN PA PHAN TSUN 'GAL BA'I PHYIR ZHES GSUNGS PAS, 'DIR 'JIG RTEN LAS 'DAS PA'I DPE STON PA'I SKABS SU CHOS MI MTHUN PA'I PHYIR RO ZHES PA NI, CHOS MI MTHUN PA MI 'GAL BA'I PHYIR RO ZHES DON GYIS THOB BO, ,DE LA 'JIG RTEN PA NI 'JIG RTEN LAS 'DAS PA DON DAM PA'I BDEN PA'I RANG BZHIN KHONG DU MA CHUD PA LTA BA MA GO BA'I GANG ZAG DANG, 'JIG RTEN LAS 'DAS PA NI KHONG DU CHUD PA LTA BA MTHAR THUG PA GO BA'I GANG ZAG GO ,DE LTAR SHES PAR BYAS NAS TSIG GI DON 'DI LTAR BSHAD PAR BYA STE, STONG GZUGS PHYAG RGYA CHEN MO DANG, DBYER MED PA'I LHAN SKYES KYI
YE SHES DE NYID, RTAG CHAD KYI MTHA' DANG JI LTAR BRAL BA'I TSUL MTSON PA LA LTA BA MA GO BA'I 'JIG RTEN PA'I SHES DE LA BLTOS NAS GTAN TSIGS DANG, DPE SPANGS PA 'DI'I DPER, 'JIG RTEN LAS 'DAS PA LTA BA GO BA'I SHES NGO LA BLTOS NAS, BYA BA BYED NUS SU YOD PA'I YOD TSUL BUM PA LA SOGS PA'I DNGOS PO LTA BU DANG, DON DAM DU MED PA'I MED TSUL NAM MKHA'I ME TOG LTA BU'I DNGOS PO MED PA DAG GCIG PA'I GZHI MTHUN NYID DU 'GYUR TE, 'JIG RTEN LAS 'DAS PA DE 'DRA BA'I NGO LA BLTOS NAS, CHOS MI MTHUN PA DE GNYIS GZHI GCIG LA 'DU BA MI 'GAL BA'I PHYIR RO, ,'JIG RTEN PA LA NI DE GNYIS GZHI GCIG LA 'DU BA MI SRID DE, DPER NA 'JIG RTEN PA'I SHES NGO LA BLTOS NAS, DPE BUM PA DANG NAM MKHA'I ME TOG 'DI GNYIS DNGOS SU PHAN TSUN SPANGS NAS CHOS MI MTHUN PA'I PHYIR, BYA BA BYANG NUS SU YOD TSUL BUM PA LTA BU DANG, DON DAM DU MED PA'I MED TSUL NAM MKHA'I ME TOG LTAR SONG BA, GZHI GCIG LA 'DU MI SRID PA'I DPER 'GYUR RO, ,CHOS MI MTHUN PA'I RGYU MTSAN, NAM MKHA'I ME TOG NI CHA 'GA' ZHIG GIS YOD LA 'GA' ZHIG GIS MED PA'I KHYAD PAR MED PAR CHA GANG GI SGO NAS KYANG MED PA THAMS CAD KYIS MED PA YIN LA, BUM PA NI DON BYED KYI SGO NAS RANG GI CHA 'GA' ZHIG DNGOS POR YOD LA 'GA' ZHIG MED PA'I KHYAD PAR MED PAR RANG GI DNGOS PO'I CHA THAMS CAD KYIS YOD DO, ,DE LTAR NAM MKHA'I ME TOG NI BDAG NYID THAMS CAD KYIS BUM PA DANG CHOS MI MTHUN ZHING DE BZHIN DU BUM PA'ANG BDAG NYID THAMS CAD KYI NAM MKHA'I ME TOG
, ,DANG CHOS MI MTHUN PA'I PHYIR RO, ,DES NA 'JIG RTEN PA LA BYA BA BYED NUS SU BDAG NYID THAMS CAD KYIS YOD TSUL BUM PA LTA BU DANG, DON DAM PAR BDAG NYID THAMS CAD KYIS MED TSUL NAM MKHA'I ME TOG BZHIN SONG BA GZHI GCIG LA 'DU MI SRID LA, 'JIG RTEN LAS 'DAS PA LA BLTOS NAS NI SRID DE, DNGOS PO THAMS CAD BYA BA BYED PA'I SGO NAS YOD TSUL BUM PA DANG 'DRA BAR BDAG NYID THAMS CAD KYIS YOD PA DANG, RANG BZHIN GYIS MED PA'I MED TSUL DE, CHA 'GA' ZHIG RANG BZHIN GYIS YOD, 'GA' ZHIG RANG BZHIN GYIS MED PA'I KHYAD PAR MED PAR CHA THAMS CAD KYI RANG BZHIN MED PA NAM MKHA'I ME TOG GI MED TSUL LTAR DU SONG BA DE GNYIS GZHI GCIG LA 'DU BA TZAM DU MA ZAD, DNGOS PO THAMS CAD, BYA BA BYED TSUL BUM PA LTAR SONG BA'I SGO NAS CHA THAMS CAD KYIS YOD PA DANG, RANG BZHIN MED TSUL CHA THAMS CAD NAS MED PA NAM MKHA'I ME TOG GI MED PA LTAR SONG BA GNYIS PHAN TSUN DBYER MED DU GNAS PA ZHIG 'ONG BA YIN PAS; 'JIG RTEN PA LA BLTOS NAS DPE MI SRID PA DANG, 'JIG RTEN LAS 'DAS PA LA BLTOS NAS SRID PA'I DON NI DE YIN LA, DON 'DI GNYIS DBANG MDOR BSTAN LAS SHIN TU GSAL BAR BSHAD DE, DE'ANG GONG DU, PHYAG RGYA CHEN MO GCIG SBYOR BAS, 'PHEL BAR 'GYUR BA MI 'GYUR BA'O, ,ZHES STONG GZUGS PHYAG RGYA CHEN MO LA BRTEN NAS MI 'GYUR BA'I BDE BA 'PHEL BAR GSUNGS NAS, DE'I RJES SU DE 'DRA'I 'PHEL ZAD, DON DAM PAR RANG GI NGO BOS STONG PAR, 'PHEL BA LA NI
'PHEL BA MED, CES SOGS KYIS GSUNGS PAS, 'O NA 'PHEL ZAD GTAN NAS MED PA'I PHYIR JI LTAR LAM LA SOGS PA BSGOMS PA 'BRAS BU MED PAR MI 'GYUR RO, ,ZHES PA'I LAN DU, RANG BZHIN MED KYANG 'BYUNG 'JIG BYED PA SGYU MA DANG 'DRA BAS 'BYUNG 'JIG BYED PA'I DNGOS PO DANG, RANG BZHIN MED PA'I DNGOS MED MTSAN NYID GCIG PAR GSUNGS TE, CHOS RNAMS RANG BZHIN MED PA NI, 'BYUNG 'JIG SGYU MA DE BZHIN NO, ,'BYUNG RNAMS 'JIG PAR MI 'GYUR TE, ,RANG BZHIN NYID KYIS SKYE MI 'GYUR, , SNA TSOGS 'DI NI RANG BZHIN MED, ,DNGOS DANG DNGOS MED MTSAN NYID GCIG ,CES SO, ,DE'I 'GREL PAR N'A RO PAS, KUN RDZOB TU DON DAM BYA BA BYED PA'I PHYIR DNGOS PO'I NGO BO DE KHO NAR RANG BZHIN STONG PA NYID KYI PHYIR, DNGOS PO MED PA'I MTSAN NYID DO; ;ZHES BYA BA BYED PA'I DNGOS PO DANG, RANG BZHIN GYIS DNGOS POR MED PA NGO BO GCIG PA NYID, DNGOS PO DANG DNGOS MED GCIG PAR GSUNGS PA'I DON DU GSAL BAR BSHAD DO, ,DE LTAR GZHI RTAG CHAD KYI MTHA' DANG BRAL BA'I DPE MDOR BSTAN NAS; LAM 'KHOR 'DAS KYI MTHA' DANG BRAL BA'I TSUL 'CHAD PA NI, 'JIG RTEN PA LA, RANG BZHIN GYIS MED TSUL CHA THAMS CAD NAS RANG BZHIN MED PA NAM MKHA'I ME TOG GI DPE MED TSUL LTA BU DANG, DON BYED NUS SU YOD TSUL CHA THAMS CAD NAS YOD PA BUM PA LTA BU GNYIS GZHI GCIG LA NGUR MI RUNG YANG, 'JIG RTEN LAS 'DAS PA LA RUNG BA DE BZHIN DU, THEG PA DMAN PA MAN CHAD KYI GANG ZAG GIS ZAG BCAS KYI PHUNG SOGS THAMS CAD MED PA'I CHAD PA MYANG 'DAS
, ,KYI MTHAR MA LHUNG BA BYAS NAS, ZAG BCAS DU: KHA'I PHUNG SOGS YOD PA THAMS CAD KYIS YOD PA'I SRID PAR GNAS DGOS LA, DE 'DRA'I SRID PAR MI GNAS NA, CHAD PA MYANG 'DAS LA GNAS DGOS KYI DE GNYIS GANG LA'ANG MI GNAS PA'I GNYIS MIN GYI PHUNG PO GSUM PA BYAR MI RUNG YANG THEG PA CHEN PO'I LAM LA GNAS PA'I GANG ZAG GIS DE LTAR GNYIS KA LA MI GNAS PA RUNG BAR STON PA NI, CHAD PA MYANG 'DAS DANG CHOS MI MTHUN PA'I PHYIR SRID PA NI NYON MONGS PA'I ZAG BCAS KYI DNGOS PO YOD PA THAMS CAD KYIS YOD DO, ,SRID PA DANG CHOS MI MTHUN PA'I PHYIR CHAD PA MYANG 'DAS NI DE 'DRA BA'I DNGOS PO MED PA THAMS CAD KYIS MED DO, ,DE'I PHYIR, THEG PA DMAN PA SOGS THABS MKHAS PA DANG BRAL BA'I LAM GYIS DE GNYIS KA LA MI GNAS PA'I PHUNG GSUM BYED MI NUS KYANG, THEG PA CHEN PO PAS NI DE GNYIS KA LA MI GNAS PAR BYED LA, DE'ANG PHA ROL TU PHYIN PA DANG, RGYUD SDE 'OG MA RNAMS LA'ANG LAM GYIS 'KHOR 'DAS KYI MTHA' DE GNYIS 'GOG PA, PHUL DU BYUNG BA YOD KYANG 'DIR DE DAG LAS KHYAD PAR DU GYUR PA'I MTHA' DE GNYIS 'GOG TSUL NI, RDO RJE'I RNAL 'BYOR GYIS STONG GZUGS KHYAD PAR BA 'DOD LHA YAB YUM GYI SKUR SHAR BA BSGRUBS PAS CHAD PA MYANG 'DAS KYI MTHA' DANG, DE KHO NA NYID RANG BZHIN MED PA'I STONG PA DANG DBYER MI PHYED PA'I BDE BA CHEN PO BSGRUBS PAS SRID PA'I MTHA' 'GOG CING, LAM GYIS DE LTAR MTHA' GNYIS MNAN PAS, 'BRAS
BU 'KHOR 'DAS KYI MTHA' GNYIS KA LAS 'DAS PA, RNAM PA THAMS CAD PA'I GZUGS KYI SKU DANG, BDE STONG LHAN CIG SKYES PA'I YE SHES RTEN DANG BRTEN PAR ZUNG DU 'BREL BA GRUB PA YIN NO, ,DE GNYIS KYI SGO NAS 'KHOR 'DAS LA MI GNAS PA'I TSUL DBANG MDOR BSTAN LAS BSHAD PA'I DON NI, DBANG MDOR BSTAN GYI LUNG DRANGS NAS BSHAD ZIN TO, ,DE LTAR BYA BA BYED NUS SU YOD TSUL BUM PA LTA BU DANG, RANG BZHIN GYI MED TSUL NAM MKHA'I ME TOG LTAR SONG BA GZHI GCIG LA 'DU BA 'JIG RTEN LAS 'DAS PA LA RUNG ZHING, 'JIG RTEN PA LA MI RUNG BA RGYAS PAR 'CHAD PA NI, DE BZHIN DU ZHES PA NAS, 'GAL BA'I PHYIR RO, ,ZHES PA'I BAR SNGAR BSHAD PAS SHES LA, GANG GIS ZHES SOGS KYI DON NI, 'JIG RTEN PA LA KUN RDZOB TU DON BYED PA'I RGYU MTSAN GANG GIS DNGOS PO GANG YOD PA DE NI KUN RDZOB DE LA BLTOS NAS CHA GANG GIS KYANG MED PAR MI 'GYUR ZHING, GANG DON DAM PAR MED PAR MI 'GYUR ZHING, GANG DON DAM PAR MED PA DE NI, DON DAM DE LA BLTAS NAS CHA GANG GIS KYANG YOD PAR MI 'GYUR TE, BYA BA BYED PA'I DNGOS PO DANG, BDEN PA'I DNGOS PO MED PA'I RANG BZHIN DU GNAS PA LAS SO, ,ZHES PA 'JIG RTEN LAS 'DAS PA LA CHOS MI MTHUN PA MI 'GAL BA'I DON BSDU BA'O, ,DES NA LTA BA MA GO BA'I GANG ZAG NI CHOS DE BYA BA BYED PA GANG GIS YOD PA'I MTSAN NYID DU 'DZIN PA'I SEMS SU 'GYUR BA DES, CHOS DE BDEN PAR MED PA'I MTSAN NYID DU 'DZIN PAR MI 'GYUR RO, ,RGYU MTSAN GANG GIS BDEN PAR MED PA'I MTSAN NYID DU 'DZIN PA'I SEMS SU 'GYUR BA DES BYED NUS SU YOD PA'I
, ,MTSAN NYID DU MI 'GYUR TE, DE'I DOR BYA BA BYED PA DANG RANG BZHIN GYIS STONG PA PHAN TSUN 'GAL BA'I PHYIR RO, ,DES NA BYA BA BYED NUS BDEN GRUB DANG BDEN PAR MA GRUB NA BYA BA'ANG BYED MI NUS PAR 'DZIN PAS, GANG ZAG DE 'DRA'I NGO LA BLTOS NAS DE GNYIS GZHI MTHUN DU 'DU MI SRID DO, ,ZHES BYA BA 'JIG RTEN PA LA CHOS MI MTHUN PA 'GAL BA'I DON BSDU BA'O, ,DE LTAR 'JIG RTEN PA'I DPE SPANGS SHING 'JIG RTEN LAS 'DAS PA'I DPES MTSON PA'I TSUL BSHAD NAS; DA NI STONG GZUGS PHYAG RGYA CHEN PO DE DE KHO NA NYID GTAN LA 'BEBS PA'I GZHIR BYAS NAS, RANG BZHIN MED PAR RIGS PAS BSGRUB PA NI, DNGOS PO THAMS CAD LA BYA BA BYED PA DANG, RANG BZHIN GYIS STONG PA MI 'GAL BA'I PHYIR NA, SKABS 'DIR YANG STONG PA NYID DANG SNYING RJE'I BDAG NYID KYI GZUGS RNAM PAR DAG PA'I SEMS KYI SNANG BA GZHON NU MA'I PRA PHAB PA LTA BU NI BDEN PAR GRUB PA'I GZUGS KYI MTSAN NYID MIN TE, JI LTAR SNANG BA LTAR GYI GZUGS SU MA GRUB PA'I PHYIR, DER THAL, PHYI ROL GYI GZUGS LTA BUR SNANG ZHING, RDUL PHRA RAB BSAGS PA'I GZUGS SU MED PA'I PHYIR RO, ,SNGA MA LA KHYAB PA YOD DE, GNAS TSUL GZHAN DU GNAS NAS SNANG TSUL GZHAN DU SNANG BA NI BDEN PAR 'GAL BA'I PHYIR RO, ,YANG DE NYID GTAN NAS GZUGS MED PA'I MTSAN NYID MIN TE, STONG PA STE NAM MKHA'I PHYOGS LA RNAL 'BYOR PAS MNGON SUM DU MTHONG BAR YOD PA'I PHYIR RO, ,DE'I PHYIR KUN RDZOB STONG GZUGS KYI PHYAG RGYA
DE; RANG BZHIN GYIS GRUB PAS STONG PA NYID KYI GZUGS CAN TE NGO BO CAN DANG, RANG BZHIN GYIS GRUB PAS STONG PA NYID DE'ANG KUN RDZOB STONG GZUGS KYI PHYAG RGYA CHEN MO'I GZUGS CAN TE NGO BO CAN YIN TE, GONG GI RIGS PAS BYA BA BYED PA DANG RANG BZHIN GYIS STONG PA'I TSOGS PA, CHOS MI MTHUN PA MI 'GAL BA'I RANG BZHIN YIN PAS, 'JIG RTEN PA'I DPE LAS 'DAS PA NYID KYI PHYIR RO, ,DES NA SEMS GANG BYA BA BYED NUS SU YOD PA'I GZUGS STONG PA NYID KYI GZUGS DE NI, RANG BZHIN GYIS SEMS MED PA YIN LA, DE'I PHYIR RTAG PA DANG CHAD PA'I CHOS KYI MTSAN NYID DANG BRAL BA YIN LA, RNAM PA THAMS CAD PA'I GZUGS KYI DE KHO NA NYID, RANG BZHIN GYIS GRUB PAS STONG PA NYID DANG, DE'I YUL CAN BDE BA CHEN PO DMIGS PA MED PA'I SNYING RJE CHEN PO DBYER MED PA'O, ,DES NA DON DAM PA'I BDEN PA RTOGS PA 'JIG RTEN LAS 'DAS PA'I BLO LA BLTOS NAS, BDE BA CHEN PO DANG RNAM PA THAMS CAD PA'I GZUGS GNYIS KA'I SEMS DAG ,BYA BA BYED PA DANG RANG BZHIN GYIS STONG PA'I CHOS MI MTHUN PA MI 'GAL BA'I PHYIR, YOD PA DANG MED PA'I MTHA' LAS 'DAS PA DNGOS PO 'KHOR BA DANG, DNGOS PO MED PA MYA NGAN LAS 'DAS PA'I MTHA' ZAD PA, RDO RJE'I RNAL 'BYOR GNYIS SU MED PA STE, DE'I RJOD BYED, DE BZHIN GSHEGS PA'I GSUNG THABS SHES PHYOGS RE BA'I RIS SU CHAD PA MED PA NYID KYI PHYIR RO, ,DE LA CHOS MI MTHUN PA NI 'JIG RTEN PA'I BLO LA BLTOS PA DANG, DE NYID 'JIG RTEN
, ,LAS 'DAS PA'I BLO LA BLTOS NAS MI 'GAL BA YIN GYI BLO GCI GLA BLOS NAS GNYIS KA 'JOG PA MIN PA NI, SNGAR BSHAD PA THAMS CAD DU SHES PAR BYA'O, ,DE NYID RTZA RGYUD KYI LUNG DANG SBYAR BA NI, 'DIR ZHES SOGS SO, ,'DI'I MTHA' DPYAD PA NI, CI RNAM PA THAMS CAD PA'I GZUGS DE DE KHO NA NYID KYI STONG PA NYID DU GSUNGS PA MIN NAM, JI LTAR NA DE KUN RDZOB BDEN PA YIN ZHE NA, DE LA LE'U LNGA PA'I 'GREL CHEN DU, STONG GZUGS KYI PHYAG CHEN LAS MI 'GYUR BA'I BDE BA 'BYUNG BA MI RIGS TE, DE LA RDUL PHRAN TSOGS PA'I LUS MED PA'I PHYIR ZHES PA'I RTZOD PA LA, RMI LAM GYI DPES, BDE BA MYONG BA LA RDUL PHRAN TSOGS PA'I LUS MI DGOS PA SOGS 'BAD PA DU MAS BSGRUBS PA'I DGOS PA NI, 'BRAS BU'I SKABS SU BEMS PO'I KHAMS MA LUS PAR ZAD KYANG MCHOG MI 'GYUR GYI BDE BA MYONG BA'I RTEN NI, STONG GZUGS KYI SKUS BYED PA 'GRUB PA'I DON YIN LA, SKABS DER STONG GZUGS KYANG RMI LAM GYI SNANG BA DANG 'DRA BAR RANG GI SEMS KYI SNANG BA TZAM DU GSUNGS PAS SEMS LAS DON GZHAN PA'I RTAG PA BDEN PA BAR 'DOD PA NI MUN SPRUL TE, DE LTAR YANG, RGYUD KYI LE'U LNGA PA LAS, LUS NI DVANGS SHING RDUL PHRAN NYAMS PA NAM MKHA' DANG MTSUNGS MTSAN LA SOGS PA RNAMS KYIS RAB RDZOGS 'GYUR, ZHES PA NAS, SEMS NI DAM PA'I BDE BAS GANG ZHIG MI GA-YO THAMS CAD DUS SU LHAN CIG SKYES PAS 'KHYUD PA'O, ,ZHES SKU GSUNG THUGS NGOS BZUNG BA NA, RDUL PHRA
RANG TSOGS PA'I LUS NYAMS SHING ZAD PA DVANGS SHING THOGS PA MED PAS NAM MKHA' DANG 'DRA BA'I STONG GZUGS MTSAN DPES SPRAS PA SKU DANG, MI 'GYUR BA'I BDE BA THUGS SU BSHAD DO, ,DES NA DU BA LA SOGS PA'I STONG GZUGS GZHAN RNAMS KYANG GONG NAS GONG DU GNAS GYUR TE, MTHAR YE SHES KYI SKU DE BSGRUB PAR YANG, LE'U LNGA PA LAS, SA NI CHU LA RAB TU 'JUG CING CHU YANG 'BAR BYED LA STE GTZANG BAR BYED PA RLUNG LA'O, ,RLUNG NI STONG PA LA STE STONG BA NGES PAR MTSAN MA RNAM PA BCU RU 'GYUR ZHING MTSAN MA NI, ,RNAM PA THAMS CAD PA RU 'GYUR TE MI ZAD MCHOG GI BDE BA GZHOM DU MED PA'I YE SHES SKU, ,YE SHES LAS NI RDZU 'PHRUL DNGOS GRUB TU 'GYUR MI BDAG SKYES BU RNAMS KYI SKYE BA 'DI NYID LA'O, ,ZHES GSUNGS SO, ,DES NA GSANG 'DUS 'PHAGS LUGS PAS, BDAG BYIN RLABS DANG, SGYU LUS DANG, KUN RDZOBS BDEN PA ZHES PA RNAMS ZUNG 'JUG GI 'JA' LUS KYI SKU'I RGYU THUN MONG MIN PAR 'DOD CING ,DE LA BSANGS PA CHE BA BZHIN DU 'GREL PA SKOR GSUM NAS STONG GZUGS LA BSNGAGS PA'ANG DE'I DOD YIN TE, BDE MCHOG BSTOD 'GREL LAS, SLAR YANG RANG BYIN BRLAB PA STE, ,RJES MTHUN CHO GA'I RIM PA YIS, ,PHYI NAS MTSAN MA MTSON PAR BYA, ,ZHES GUR LAS GSUNGS PA'I DON BKRAL BA NA, 'DIR RANG BYIN GYIS BRLAB PA ZHES BYA BA NI SO SOR SDUD PAS KUN RDZOB KYI BDEN PA MTHONG BA'O, ,MTSAN MA ZHES BYA BA NI SPRIN DANG DU BA LA SOGS PA LTAR RAB TU SNANG BA STE, DE'ANG SGRON MA'I MTHAR THUG PAR DANG PO MTHONG BA'O, ,ZHES RANG BYIN RLABS DANG KUN RDZOB BDEN PAR
, ,GSUNGS LA, N'A RO PAS KYANG GANG ZAG GI BSGOM BYA NI SO SOR SDUD PA DANG, BSAM GTAN GYI YAN LAG GIS BSTAN PAR BYAS PA KHAMS GSUM PA RAB TU GSAL BA'I BDAG NYID KUN RDZOB KYI BDEN PA STE, RJES SU DRAN PAS DE'I RNAL 'BYOR YANG DAG SPRO, ,DE'I RNAL 'BYOR NI KUN RDZOB KYI BDEN PA'I RNAL 'BYOR TE, YANG DAG SPRO NI NAM MKHA'I MTHIL MTHA' DAG KHYAB PAR BLTA BAR BYA'O, ,ZHES DANG, GZHAN YANG SGYU MA DANG, RMI LAM DANG, DRI ZA'I GRONG KHYER DANG, PRA PHAB PA LA SOGS PA BZHIN DU MA BRTAGS PA'I PHUNG PO DANG, KHAMS DANG, SKYE MCHED LA SOGS PA MA LUS PA MTHONG BA KUN RDZOB KYI BDEN PA MTHONG PA STE, RANG BYIN GYIS BRLABS PAR YANG BRJOD DO, ,ZHES GSUNGS LA, RDO RJE SNYING 'GREL LAS KYANG, 'DIR NAM MKHA' LA DNGOS PO BSGOM BYA NI RMI LAM LTA BU STE RDUL PHRA RAB KYI CHOS NYID LAS 'DAS PA'O, ,DE YONGS SHES PA NI, DNGOS PO MED PAR BSGOM PAR BYA STE RNAM PAR RTOG PA DANG BRAL BA'I SEMS KYI SNANG BRNYAN MTHONG BA DE'O, ,ZHES DNGOS PO STENG GZUGS DE NYID DNGOS PO MED PA YONGS SU SHES PAR BYA BAR GSUNGS NAS, TSUL JI LTA BUS DNGOS PO MED PAR SHES PAR 'CHAD PA NA, DE NYID LAS, SNANG BRNYAN DE NYID DPE DGU RNAMS KYIS BSGRUBS TE, 'DI LTA STE, MIG YOR DANG, SPRUL PA'I GRONG KHYER DANG, SGRA BRNYAN DANG, RMI LAM DANG, SGYU MA'I 'KHRUL 'KHOR DANG, SMIG RGYU DANG, ME LONG GI GZUGS BRNYAN DANG, CHU ZLA DANG, NAM MKHA' ZHES PA'O, ,DE NYID SHES RAB AE YIG TU 'GYUR RO, ,ZHES STONG GZUGS KYI PHYAG RGYA CHEN MO
NYID, RMI LAM DANG, SGYU MA SOGS DANG MTSUNGS PA'I DNGOS PO DANG, BDEN PA'I DNGOS PO MED PAR GSAL BAR GSUNGS PAS, DE'I PHYIR STONG GZUGS KYI RANG BZHIN MED PA'I STONG PA DON DAM BDEN PA YIN KYANG, STONG GZUGS NI KUN RDZOB KYI BDEN PA NYID YIN PA'I PHYIR, STONG GZUGS SGRUB PA RANG DBANG BA'I RTAG PAR SMRA BA NI STONG GZUGS SGRUB PAS CI ZHIG BYED PA MA SHES PA'I BAB CHOL LO, ,DE'ANG SNGAR BSHAD PA LTAR DU BA LA SOGS PA'I STONG GZUGS RNAMS GONG NAS GONG DU GNAS GYUR TE YAN LAG DRUG PA'I SKABS KYI 'DOD LHA YAB YUM DU SNANG BA NI, 'BRAS BU'I RDO RJE'I SKU'I THUN MONG MA YIN PA'I NYE RGYU YIN LA, YAN LAG DRUG PA DE'I TSE NA, DE LTAR SNANG BA TZAM YIN GYI LUS DNGOS PO LA STONG GZUGS KYI SKUR SONG BA MED DE, BEMS PO'I KHAMS RNAMS MA ZAD PA'I PHYIR RO, ,DES NA SKU DE 'GRUB PA LA, ,RDUL PHRA RAB TSOGS PA'I LUS NYAMS PAR BYA DGOS PAS, DE NI GSER 'GYUR RTZIS LCAGS GSER DU BSGYUR BA BZHIN DU, LUS LA BYANG SEMS 'DZAG MED DU BCINGS PAS, BEMS PO'I KHAMS RNAMS ZAD PAR BYED PA'I TSUL RGYAS PAR LE'U LNGA PAR 'CHAD PAR 'GYUR RO, ,DE LTAR MI 'GYUR BA'I BDE BA KHYAD PAR BA BSGRUB PA'I CHED DU STONG GZUGS KHYAD PAR BA THABS DU MAS 'BAD NAS BSGRUB PA DANG, STONG GZUGS KYI PHYAG RGYA RGYU DANG, MI 'GYUR BA'I BDE BA 'BRAS BU YIN PAR DBANG MDOR BSTAN RTZA 'GREL DANG, 'GREL PA SKOR GSUM DU LAN CIG MIN PAR 'BAD PA DU MAS BSGRUBS PA LA STONG GZUGS RGYUS BSKYED DU MI RUNG ZHING, 'BRAS BU MI
, ,'BYIN PA'I RTAG PA BDEN PA BA GZHUNG 'DI DAG GI DGONGS PA'O ZHES ZLOG STE MA SMRA ZHIG ,DE LA MI 'GYUR BA'I BDE BA ZHES GSUNGS PA'I MI 'GYUR BA'I DON YANG, SKYE 'JIG MI BYED PA'I RTAG PA NI MIN TE, MI 'GYUR BA'I BZLOG PHYOGS KYI 'GYUR BA NI, RGYU LAS SKYES PA DANG, SKAD CIG GNYIS PA'I DUS SU SKAD CIG DANG PO MI GNAS PA LA MA GSUNGS KYI KHAMS PHYI ROL TU 'PHO BA'I 'GYUR BA LA LAN DU MAR GSUNGS PA'I PHYIR RO, ,DES NA KHAMS 'DZAG MED DU BCINGS PA NYID MI 'GYUR BA'I DON YIN LA, DE NYID LA KHAMS RDO RJE NOR BU'I RTZE NAS PHYIR MI 'PHO BA TZAM LA MI 'GYUR BAR BYAS PA DANG, RANG GI GNAS NAS LUS KYI GNAS GZHAN GANG DU'ANG MI 'PHO BA LA BZHAG PA'I MI 'PHO BA KHYAD PAR BA GNYIS YOD DO, ,DES LHAN CIG BYED PA'I RKYEN DANG, CHOS RNAMS RANG BZHIN MED PAR PHU THAG CHOD PA'I LTA BAS NYER LEN GYI RGYU BYAS PA LA BRTEN NAS SKYES PA'I BDE CHEN GYI YUL DE KHO NA NYID KYI DON RTOGS PA YIN PAS 'DIR BDE BA LA DMIGS MED DU GSUNGS SHING, DE'I TSE BDE BA 'DREN BYED KYI STONG GZUGS KUN RDZOB PA YUL CAN LAS LOGS SU GRUB PA LTA BUR SHAR BA LA DGONGS NAS STONG PA DMIGS BCAS SU GSUNGS LA, LE'U LNGA PA'I 'GREL CHEN LAS KYANG, STONG PA NI CHOS RNAMS SKYE BA DANG 'GAG PA MED PA'I RANG GI SEMS KYI SNANG BA'O, ,YE SHES NI DE RAB TU RTOGS PA MI 'GYUR BA'I BDE BA'O, ,ZHES STONG GZUGS DE KHO NAR SKYE 'GAG RANG BZHIN GYIS GRUB PAS STONG PA'I CHOS NYID RTOGS PA LA MI 'GYUR PA'I BDE BAR GSUNGS SO, ,
GZHAN YANG SHING RTA CHEN PO DAG GI LUGS GANG LA'ANG, DON GANG RTOGS NAS GOMS PAR BYAS PAS, 'KHOR BAR 'CHING BA'I RTZA BA, BAG CHAGS DANG BCAS PA MA LUS PAR DAG PAR BYED NUS PA'I RTOGS BYA'I DON LA DE KHO NA NYID CES BYA ZHING DE RTOGS PA LA ZAB DON RTOGS PA DANG DMIGS MED KYI DON RTOGS PAR 'JOG PA YIN LA, 'DI PA'I LUGS KYIS KYANG 'KHOR BAR 'CHING BA'I RTZA BA BDAG 'DZIN DU BZHED PAS, DES GZUNG BA'I BDAG MED PA'I DON RTOGS PA NYID KYIS 'KHOR BA'I 'CHING BA BAG CHAGS DANG BCAS PA DAG PAR BYA DGOS PA YIN TE, LE'U LNGA PA'I 'GREL CHEN LAS, 'DOD CHAGS KYI 'PHO BA'I BAG CHAGS KYI DBANG GIS 'KHOR BAR 'KHOR BA NA MA RIG PA'I BAG CHAGS KYIS 'KHOR BAR GSUNGS PA 'GAL LO, ,ZHES PA'I LAN DU, MA RIG PA NI 'DIR SEMS CAN RNAMS KYI THOG MA MED PA'I 'DOD CHAGS KYI BAG CHAGS SO, ,ZHES GSUNG RAB GZHAN NAS MA RIG PA DANG, RGYUD 'DIR 'PHO BA'I BAG CHAGS 'KHOR BA'I RTZA BAR BSHAD PA GNYIS DON GCIG TU GSUNGS LA, LE'U GNYIS PAR, SGYU MAS RMONGS PAR BYAS PA'I MTHA' DAG 'GRO BA 'DI NI SDUG BSNGAL DAG LAS SDUG BSNGAL 'DZIN PAR BYED, CES GSUNGS PA'I 'GREL CHEN LAS 'DIR 'KHOR BA'I RGYU NGAR 'DZIN PA DANG NGA YIR 'DZIN PA'I BDAG NYID CAN GYIS RMONGS PAR BYAS PA NI DMYAL BA DANG, YI DVAGS DANG DUD 'GRO'I SDUG BSNGAL DAG LAS SDUG BSNGAL 'DZIN PAR BYED PA'O, ,ZHES BDAG DANG BDAG GIR 'DZIN PA RMONGS PAR BYAS PAR GSUNGS PAS, MA RIG PA 'KHOR BA'I RTZA BAR GSUNGS PA'ANG 'JIG LTA LA BZHED
, ,PA YIN LA, DE BAS NA LE'U BZHI PA'I 'GREL CHEN LAS, ,DE NAS RTZA BA GSUM DRAN PAR BYAS TE, DE NYID SRID PA'I SA BON YIN PAS 'DOD CHAGS KYI BAG CHAGS SU 'ANG 'GYUR RO, ,DES NA 'KHOR BA'I RTZA BA BDAG 'DZIN YIN PA 'DI, THEG PA CHE CHUNG SNGAGS MTSAN NYID THAMS CAD KYI LUGS YIN PAS BDAG MED RTOGS PA'I SHES RAB NI 'KHOR BAR 'CHING BA'I RTZA BA GCOD BYED DU BZHED PA YIN LA, DE BAS NA LE'U GNYIS PA'I 'GREL CHEN LAS, DE NAS RTZA BA GSUM DRAN PAR BYAS TE, BYANG CHUB TU SEMS BSKYED PA DANG, BSAM PA RNAM PAR DAG PA DANG, BDAG TU 'DZIN PA DANG, BDAG GIR 'DZIN PA YONGS SU SPONG BA'O, ,ZHES BDAG 'DZIN SPONG BA'I BDAG MED RTOGS PA'I SHES RAB NYID LAM GYI RTZA BAR GSUNGS LA, DBU MA PA RNAMS KYI 'GYUR BA MED PA'I BDE BA CHEN PO GNYIS SU MED PA'I YEES BSGOM PA NA'ANG, BDAG MED PA GNYIS KYI SGO NAS BSGOM PAR YANG GSUNGS TE LE'U LNGA PA'I 'GREL CHEN LAS DBU MA PA RNAMS LA RMI LAM LTA BUR 'GYUR BA MED CING GNYIS SU MED PA'I YE SHES BSGOM PAS TE, DE LTAR GANG ZAG LA BDAG MED PA DANG CHOS LA BDAG MED PA'O, ,ZHES GSUNGS SO, ,DE LTA MIN PAR GANG RTOGS PAS 'KHOR BA'I RTZA BA GCOD PA'I DE KHO NA NYID STONG GZUGS YIN NA, 'KHOR BA'I SEMS CAN THAMS CAD KYI BDAG 'DZIN LHAN SKYES LA, STONG GZUGS KYI DNGOS KYI 'GAL ZLA 'DZIN PA'I 'DZIN STANGS YOD PAR 'GYUR RO, ,DE LA GANG ZAG GI BDAG 'GOG PA NI LE'U GNYIS PA LAS GSUNGS SHING, CHOS BDAG 'GOG PA'I RIGS PA'ANG, LE'U GNYIS PA'I 'GREL CHEN LAS, DE'I PHYIR DBU MA PAS SMRAS PA, RNAM PAR SHES PA DON DAM YOD, ,DE YANG MKHAS RNAMS MI 'DOD DE, ,GCIG DANG DU MA'I RANG BZHIN DANG, ,BRAL BAS NAM MKHA'I PADMO BZHIN, ,YOD MED MED MIN YOD MED
MIN, ,GNYIS KA'I BDAG NYID MIN PA'ANG MIN, ,MTHA' BZHI RNAM PAR GROL BA YI, ,DE NYID DBU MA PA YI RIG ,CES GCIG DANG DU BRAL GYI RIGS PA DANG, 'GREL CHEN 'DIR, DE'I PHYIR 'BRAS BU NI RANG LAS MA YIN, GZHAN LAS MIN, GNYIS KA LAS MIN, RGYU MED PA CAN YANG MIN NO, ,ZHES RDO RJE GZEGS MA LA SOGS PA DBU MA'I RIGS PA JI LTA BA BZHIN DU GSUNGS LA, RDO RJE SNYING 'GREL LAS KYANG, SA BON LAS NI MYU GU BZHIN, ,DE MED PAR NI DE MI 'BYUNG, ,'BRAS BU'I RGYU YI RANG BZHIN LAS, , BDAG LAS MA YIN GZHAN LAS MIN, ,GNYIS LAS MA YIN RGYU MED MIN, ,DNGOS PO GANG RNAMS 'GA' NA YANG, ,SKYE BA NAM YANG YOD MA YIN, ,ZHES SA BON LAS MYU GU BLTOS NAS SKYE BA DANG, 'ON KYANG RGYU LAS 'BRAS BU RANG BZHIN GYIS SKYE BA MTHA' BZHI PO GANG DU'ANG MA GRUB PA, 'PHAGS PA KLU SGRUB KYIS, RTZA SHE LAS GSUNGS PA'I DON, DPAL LDAN ZLA BA'I ZHABS KYIS JI LTAR BSHAD PA DANG MTHUN PAR GSAL BAR BSHAD LA, 'GREL CHEN LAS 'DI NI MDOR BSDUS PAS GSUNGS PA STE, RGYAS PAR LUNG RGYA CHEN PO LAS SHES PAR BYA'O, ,ZHES DBU MA PA SOGS KYI GZHUNG LUGS LAS SHES DGOS PAR YANG GSUNGS SO, ,DE'I PHYIR 'DIR YANG STONG PA NYID NI 'PHAGS PA KLU SGRUB KYI RIGS PA'I TSOGS KYIS RGYAS PAR GTAN LA PHAB PA LTAR SHES PAR BYA BA YIN GYI, GZHUNG DE DAG GIS BSTAN PA'I STONG PA NYID NI CHAD PA'I STONG PA NYID DO, ,ZHES SKUR BA 'DEBS PA'I KHA NA MA THO BA CHEN PO GZUNG BAR MI BYA LA, 'PHAGS PA KLU SGRUB NI, RIGS LDAN 'JAM DPAL GRAGS PAS BSDUS
, ,PA'I RGYUD PHYI MA LAS KYANG KHUNGS SU DRANGS TE, DE LAS SKU RNAMS KYI NI MTSAN NYID GANG DE 'DIR NI BDE BAR GSHEGS DANG 'PHAGS PA KLU SGRUB 'OD KYIS KYANG, ,GANG ZHIG GCIG MIN DU MA MA YIN RANG DANG GZHAN LA PHAN PA PHUN TSOGS CHEN PO'I GZHIR GYUR PA, ZHES SOGS SKU GSUM LA BSTOD PA'I LUNG DRANGS SO, ,DE'ANG RGYAL BAS 'PHAGS PA KLU SGRUB LUNG BSTAN PA NA'ANG, YOD DANG MED PA'I PHYOGS 'JIG BYED, CES SOGS KYIS, MTHA' THAMS CAD DANG BRAL BA'I DE KHO NA NYID BSTAN NAS BSTAN PA'I SNYING PO GSAL BAR BYED PAR GSUNGS PA'ANG, DBU MA RIGS PA'I TSOGS KYIS STONG NYID TSUL 'DI LTAR GTAN LA PHAB PA LA DGONGS PA YIN GYI ,DE DAG NAS BSTAN PA CHAD STONG YIN NA, GZHAN DE LTAR GSUNGS PA'I RGYU MTSAN MED DO, ,GZHAN YANG 'GREL CHEN LAS, RDO RJE NI MI PHYED PA DANG MI CHOD PA CHEN PO YIN LA, DE NYID THEG PA YIN PA NI RDO RJE THEG PA STE, SNGAGS KYI TSUL DANG PHA ROL TU PHYIN PA'I TSUL 'BRAS BU DANG RGYU'I BDAG NYID GCIG TU 'DRES PAR GYUR PA'O, ,ZHES PHA ROL TU PHYIN PA'I TSUL SNANG LA RANG BZHIN MED PA NGES PA'I STONG PA DANG, SNGAGS KYI TSUL BDE CHEN DBYER MED DU SBYOR DGOS PAR GSUNGS SHING, RDO RJE SNYING 'GREL LAS KYANG, RIGS PAS RNAM PAR DPYAD NAS SEMS CAN DANG SANGS RGYAS LA SOGS PA'I CHOS THAMS CAD RANG BZHIN MED PA'I STONG PA NYID LA SOGS PA RNAM PAR THAR PA BZHI BSGOM DGOS PAR GSUNGS TE, DE NYID LAS STONG PA NYID LA DMIGS DON CHE, ,SLAR YANG 'DI LTAR RNAM DPYAD BYA, ,RANG BZHIN MED PAS STONG PA STE, ,
RGYU MED PA LAS MTSAN MA MED, ,RTAG TU MED LAS SMON MED NYID, ,MNGON PAR 'DU BYED SPANGS PA'O, ,SKYE DANG 'GAG PA MED PA'I PHYIR, ,SMON PA'I DON NI MED PA'O, ,SANGS RGYAS NYID MED SEMS CAN MED, ,CHOS DANG CHOS MIN DE NYID MED, ,JI LTAR SGYU MA RMI LAM DANG, ,DRI ZA'I GRONG KHYER JI LTA BAR, ,DE LTAR SANGS RGYAS SEMS CAN RNAMS, ,DE KHO NA NYID SGOM PAS BLTA, ,ZHES GSUNGS SHING CHOS THAMS CAD RANG BZHIN MED PA'I STONG PA DE, ,DE KHO NA NYID DU GSAL BAR GSUNGS SO, ,DE'I PHYIR DUS 'KHOR BA'I LUGS KYI RIGS PAS GTAN LA PHAB PA'I STONG NYID MI 'DOD DO, ,ZHES SMRA BA NI 'GREL PA SKOR GSUM GYI DON LOG PAR 'CHAD PA YIN LA, RANG GI LTA BA'I 'DOD PA MDOR BSTAN PA LAS, PHUNG PO RNAM DPYAD STONG PA NYID, ,CHU SHING BZHIN DU SNYING PO MED, , RNAM PA KUN GYI MCHOG LDAN PA'I, ,STONG NYID DE LTAR 'GYUR MA YIN, ,ZHES DANG, 'DIR YANG, RNAM PAR DPYAD PA'I STONG PA CHAD PA'I STONG PA LAS RING DU BYAS PA ZHES GSUNGS PA NI, PHUNG SOGS GCIG DU BRAL GYI RIGS PAS DPYAD NAS BDEN MED GTAN LA PHAB PA'I STONG NYID TSUN CHOD CHAD STONG DU STON PA MA YIN GYI ,PHUNG SOGS RIGS PAS GTAN MED DU DPYAD CING GTAN LA PHAB PA'I STONG PA NYID CHAD STONG DU GSUNGS PA YIN PAS, PHUNG PO RNAM DPYAD NYID KYI STONG PA'I DON NI DE LTAR SHES PAR BYA LA, PHUNG SOGS GTAN NAS MED PA DANG, ,BDEN PAR MED PA'I KHYAD PAR PHYED PAR GYIS SHIG ,GZHAN YANG RDO RJE SNYING 'GREL LAS, GZHAN DU NA RGYUD GZHAN BLTAS NAS, GANG RIGS PAS 'THAD PA RGYUD MANG POR RTOGS PAR BYAS PA'I BCOM LDAN
, ,'DAS KYI NGAG DE GZUNG BAR BYA'I, BLUN PO'I DAD PA NYID KYIS NI MA YIN NO, ,ZHES RGYUD DON MTHA' DAG LA RIGS PAS DPYAD NAS GANG RIGS PAS GRUB PA'I DON BZUNG DGOS PAR GSUNGS PA LA RGYUD DON GYI GTZO BO DE KHO NA NYID RIGS PAS DPYOD PA 'GOG PA NI RNAM PAR MA BRTAGS PA'O, ,DE'I PHYIR BDAG MED PA'I GO BA BTZAL NAS, LTA BAS GTAN LA PHAB PA'I NGES SHES KYI RGYUN SKYONG RGYU MED PAR GANG DU BZUNG YANG RTOG PA'I 'DZIN STANGS YIN PAS CIR YANG MI BSAM PA NI DUS 'KHOR BA'I LUGS YIN NO ZHES SMRA BA NI RGYUD 'GREL GYI DON LOG PAR 'CHAD PA YIN TE, LE'U LNGA PA'I 'GREL CHEN LAS, 'DIR GAL TE BSAM PA MED PA'I YE SHES SANGS RGYAS NYID STER BAR BYED PA NYID YIN NA DE'I TSE SEMS CAN THAMS CAD SANGS RGYAS SU CI'I PHYIR MI 'GYUR, DE RNAMS KYIS GNYID 'THUG PO LA BSAM PA MED PA'I YE SHES RAB TU 'JUG CING, 'DOD PA'I DNGOS PO RNAMS LA CHAGS PA MED LA MI 'DOD PA'I DNGOS PO RNAMS LA CHAGS PA DANG BRAL BA MED DO, ZHES SOGS KYIS PHYOGS DE LA DMIGS KYIS BKAR BA'I DGAG PA RGYAS PAR MDZAD PA'I PHYIR RO, ,'DI'I TSUL NI SKABS DE NYID DU RGYAS PAR BSHAD PAR BYA'O, ,DES NA STONG GZUGS KUN RDZOB YIN PAS, STONG GZUGS KYI DE KHO NA NYID RANG BZHIN MED PA MNGON SUM DU RTOGS PA'I BDE CHEN LA MNYAM PAR BZHAG PA'I SLOB LAM PA'I SHES NGOR, DE'I TSE GNYIS SNANG MA LUS PAR NUB PAS STONG GZUGS KYI PHYAG RGYA'I SNANG BA MI 'CHAR YANG, DE'I TSE STONG GZUGS KYI PHYAG RGYA MED MI DGOS TE, SGRUB PA PO RANG GI RKANG LAG LA SOGS
PA BZHIN NO, ,GAL TE STONG GZUGS KUN RDZOB YIN NA, YANG DAG PA'AM LOG PA'I KUN RDZOB GANG DU 'DOD CE NA, DBU MA RANG RGYUD PA DAG ,THA SNYAD DU RANG BZHIN GYIS GRUB PA'I DON ZHAL GYIS BZHES SHING, KUN RDZOB LA'ANG, YUL CAN THAMS CAD YANG DAG KUN RDZOB DANG, DE'I YUL LA YANG DAG DANG LOG PA'I KUN RDZOB GNYIS KYI RNAM GZHAG MDZAD LA, 'JIG RTEN GYI SHES NGOR NI SKRA SHAD KYI SNANG BA LTA BU'I YUL DANG, DE'I YUL CAN SKRAR SNANG GI MIG SHES LTA BU GNYIS KA'ANG LOG PA DANG, YUL ZLA GCIG DANG, DE'I YUL CAN GYI MIG SHES GNYIS KA'ANG, YANG DAG PAR THA SNYAD BYED DO, 'ON KYANG 'PHAGS PA'I DGONGS PA, 'PHAGS PA LHA DANG, SANGS RGYAS BSKYANGS DANG, DPAL LDAN ZLA BA LA SOGS PAS RNAM PAR BKRAL BA'I DBU MA'I SROL 'DI NYID KYI LUGS LA, THA SNYAD DU'ANG, CHOS THAMS CAD RANG BZHIN GYIS MA GRUB PAS, KUN RDZOB LA GNYIS SU PHYE NA, PHYIN CI LOG GI ZLAS DRANGS PA NI PHYIN CI MA LOG PAR 'GYUR DGOS PA LA, KUN RDZOB THAMS CAD THA SNYAD DU'ANG, GNAS TSUL GZHAN DU GNAS NAS SNANG TSUL GZHAN DU SNANG BA'I PHYIN CI LOG PAR MTSUNGS PA'I PHYIR, YANG DAG DANG LOG PA'I KUN RDZOB GNYIS SU MI 'BYED DO, ,DE LA STONG GZUGS LA DMIGS BCAS KYI STONG PA NYID DU GSUNGS PA NI, DGAG BYA BDEN PAS STONG PA'I CHA NAS BZHAG PA'I STONG NYID MIN GYI ,DGAG BYA RDUL PHRA RAB KYI TSOGS PA'I BEMS PO'I CHOS KYIS STONG PA'I CHA NAS STONG NYID DU GSUNGS PA YIN TE, DE LTAR YANG PHRA RAB RDUL GYI CHOS NYID 'DAS, ZHES SOGS KYIS LAN MANG DU BSTAN LA, N'A RO PAS KYANG, DNGOS PO RDUL PHRA RAB KYI
, ,TSOGS PA'I BDAG NYID KYIS STONG PA RNAM PAR BRAL BAS TE, ZHES SOGS MANG DU GSUNGS SO, ,DES NA STONG GZUGS LA BDEN PAR ZHEN PA DGAG PA'I SLAD DU, GZHUNG 'DI DAG GIS KYANG STONG GZUGS NYID GZHIR BYAS TE, RANG BZHIN GYIS GRUB PA'I GZUGS SU YOD PA DANG, GTAN NAS GZUGS SU MED PA GNYIS KA DGAG PAR MDZAD LA, DBANG MDOR BSTAN LAS KYANG, DE'I CHED DU, GAL TE YOD PA'I GZUGS MTHONG NA, ,RANG GI GDONG PA CIS MI MTHONG, ,GAL TE MED PA'I GZUGS MTHONG NA, ,RI BONG RVA YANG CI LTAR MIN, ,ZHES GSUNGS TE, DE'I DON NI, GAL TE RDO RJE'I RNAL 'BYOR GYIS STONG PA'I GZUGS DU BA LA SOGS PA MTHONG BA DE RANG BZHIN GYIS YOD PA'I GZUGS MTHONG BA YIN NA, SU LA'ANG MA BLTOS PAR MTHONG BAR 'GYUR LA, BLTOS MED DU MTHONG BA LA, GCIG MTHONG ZHING GZHAN MI MTHONG BA'I KHYAD PAR MI 'THAD PAS RANG GI GDONG PA LA SOGS GZUGS KUN MTHONG BAR 'GYUR RO, ,GAL TE GTAN NAS MED PA'I GZUGS MTHONG NA, RI BONG GI RVA'ANG CIS MI MTHONG STE MTHONG BAR THAL LO, ,ZHES PA STE, 'O NA DE'I MTHONG TSUL JI LTAR YIN NA, RANG BZHIN GYIS MA SKYES PA'I DON MTHONG BA, RMI LAM GYI BU DANG 'DRA BAR GSUNGS PA NI, SKYE BA MED PA MTHONG BA NI, ,GZHON NU MA YI BU JI BZHIN, ,ZHES GSUNGS LA, DE'I 'GREL PAR N'A RO PAS, TING NGE 'DZIN RGYAL PO LAS, JI LTAR BU MO GZHON NU'I RMI LAM NA, ,BU PHO BYUNG ZHING SHI BA DE MTHONG NA, ,BYUNG NA DGA' ZHING SHI NA MI DGA' LTAR, ,CHOS RNAMS THAMS CAD DE BZHIN SHES PAR GYIS, ZHES PA DRANGS
NAS, GZHON NU MAS SKYE BA MED PA SKYES PAR MTHONG BA DANG LDAN PA GANG YIN PA DE JI LTAR SKYES PA BZHIN DU DE'I SKYED PAR BYED PA'O, ,ZHES RMI LAM GYI SNANG BA DANG, STONG GZUGS KYI SNANG BA GNYIS RANG BZHIN GYIS MED BZHIN DU SKYES PA 'DRA BAR GSUNGS SO,, GAL TE YOD PA'I GZUGS MTHONG NA, ZHES SOGS KYI RIGS PA 'DI NI, DBU MA LA 'JUG PA LAS, GZHAN LAS GZHAN SKYE NA, ME LCE LAS KYANG MUN PA SKYE BAR THAL BAR GSUNGS PA LTA BU RNAMS DANG RIGS PA'I TSUL 'DRA LA, KHA CIG ,DNGOS POR YOD PA'I GZUGS MTHONG NA, RANG GI GDONG PA'ANG JI LTAR MI MTHONG, ZHES 'CHAD MOD, DE LTA NA, DNGOS POR GRUB PA'I GZUGS MTHONG BA'I SKYE BO'I MIG SHES MI SRID PA'ANG, SRID NA DES GZUGS KYI GSAL BA THAMS CAD MTHONG BAS KHYAB PA GANG RUNG DU 'GYUR DGOS LA, DNGOS POR GRUB PA'I GZUGS MI SRID NA, RANG LUGS LA, YOD PA'I DON CUNG ZAD KYANG KHAS BLANG DU MED PA'I CHAD PA CHEN POR 'GYUR RO, ,SPROS PAS CHOG GO ,JI SKAD BSHAD PA LTAR RTAG CHAD DANG, 'KHOR 'DAS KYI MTHA' DANG BRAL BA'I RDO RJE'I RNAL 'BYOR PHYAG RGYA CHEN PO'I DNGOS GRUB KYI RGYUR RGYUD 'DI LAS GZHAN DU'ANG BSTAN PAR GSUNGS PA NI, DE BZHIN DU, ZHES SOGS SO, ,RDO RJE'I RNAL 'BYOR RIGS PAS DPYAD NA, SRID ZHI GANG LA'ANG MI GNAS PA RGYAS PAR BSHAD PA NI, RDO RJE'I RNAL 'BYOR, 'PHO BA'I BAG CHAGS RNAM PAR DAG PA MI 'GYUR BA'I SKAD CIG GCIG GIS MNGON PAR RDZOGS PAR SANGS RGYAS PA SANGS RGYAS KYI YON TAN KUN STER BAS DAM PA'I DON CHEN PO MCHOG TU MI 'GYUR BA LHAN CIG SKYES PA'I
, ,DGA' BA 'DI NI, DE KHO NA NYID DU, 'DOD PA'I SRID PA LA MI GNAS, GZUGS KYI SRID PA LA MI GNAS, GZUGS MED PA'I SRID PA LA MI GNAS, 'DOD PA'I KHAMS SPANGS PA'I MYA NGAN LAS 'DAS PA LA MI GNAS, GZUGS KYI KHAMS ZAD PA TZAM GYI MYA NGAN LAS 'DAS PA LA MI GNAS, GZUGS MED PA'I KHAMS ZAD PA TZAM GYI MYA NGAN LAS 'DAS PA LA MI GNAS TE, SRID PA DANG MYA NGAN LAS 'DAS PA GANG LA'ANG MI GNAS PA NYID KYI PHYIR RO, ,'KHOR 'DAS GNYIS KA LA'ANG MI GNAS TE, DE GNYIS PHAN TSUN SPANGS NAS 'GAL BA'I PHYIR RO, ,DE'I PHYIR SRID PA DANG MYA NGAN LAS 'DAS PA NI GCIG PA NYID SRID PA MIN TE, GRIB MA DANG NYI MA BZHIN NO, ,DPER NA ME NI, DE KHO NA NYID DU GTZUB STAN LA MI GNAS, GTZUB SHING LA MI GNAS, SKYES BU'I LAG PA'I STZOL BA LA MI GNAS PA YIN KYANG THA SNYAD TZAM DU DE DAG TSOGS PA LAS SKYE BA DE BZHIN DU, RDO RJE'I RNAL 'BYOR YANG, DE KHO NA NYID DU NA PHYI 'JIG RTEN DANG, NANG LUS DANG, GZHAN LAM DANG 'BRAS BU'I CHOS THAMS CAD LA MI GNAS SHING THA SNYAD TZAM DU RANG GI RGYU RKYEN TSOGS PA LAS SKYES SHING BYA BA BYED PAR RNAL 'BYOR PAS RTOGS PAR BYA'O, ,DA NI MNGON PAR RDZOGS PAR SANGS RGYAS PHYIN CHAD, SANGS RGYAS KYI JI LTA BA MKHYEN PA'I YE SHES GANG LA BLTOS NAS DE KHO NA NYID 'JAL BYED DU SONG BA'I YUL DU SKYE 'GAG LA SOGS PA'I SNANG BA NAM YANG MI SRID PAR RTAG TU DE KHO NA NYID LA BZHUGS PA'I TSUL 'CHAD DO, ,DE LA THOG MAR 'DI SHES PAR BYAS TE, 'OG TU
MNGON PAR RDZOGS PAR SANGS RGYAS PA DE NAS SKYE BA DANG 'JIG PA MED CES PA DANG, SANGS RGYAS PA DE'I RJES LA SKAD CIG THAMS CAD MED PA ZHES GSUNGS PA RNAMS KYI DON NI, ,SANGS RGYAS MA THOB PA'I GONG DU BDE BA SKYE 'GAG BYED PA'I SKAD CIG MA RIM CAN DU YOD PA LA, SANGS RGYAS NAS SKYE 'GAG MI BYED PA'I RTAG PAR SONG ZHES PA NI MA YIN TE, RGYU MI RTAG PA LA 'BRAS BU MI RTAG PA RIM CAN DU SKYE BA'I 'PHRO LA 'BRAS BU THA MA DE RGYU LAS RTAG PAR SKYES PA DE 'DRA MI SRID PA'I PHYIR RO, ,DE NAS SLOB LAM DU, MNYAM GZHAG GI TSE SKYE 'GAG SOGS KYI SNANG BA NUB KYANG, DE LAS LANGS PA'I RJES THOB KYI SKABS SU KUN RDZOB KYI SNANG BA SKYE 'GAG SOGS SNA TSOGS 'CHAR BA SPEL MAR 'BYUNG GI DUS GCIG TU GANG ZAG GCIG LA 'BYUNG MI SRID LA, SANGS RGYAS PA'I TSE NA MNYAM GZHAG LAS LANGS PA'I RJES THOB MED KYANG, MNYAM GZHAG JI LTA BA MKHYEN PA'I YE SHES DANG, RJES THOB JI SNYED PA MKHYEN PA'I YE SHES GNYIS RGYUD GCIG LA NGO BO GCIG TU CIG CAR DUS THAMS CAD DU 'BYUNG BA YIN LA, DE'I JI LTA BA MKHYEN PA'I YE SHES DE NYID GANG LA DE KHO NA NYID DPYOD BYED DU SONG BA'I YUL DU KUN RDZOB KYI SNANG BA NAM YANG 'CHAR MI SRID LA, DE SLOB LAM DU RES DGA' BA YIN KYANG SANGS RGYAS NAS DUS THAMS CAD PA YIN PAS DE'I PHYIR, SANGS RGYAS PA DE NAS ZHES DANG, DE'I RJES LA ZHES SMOS SO, ,DE 'DRA'I YE SHES DE LA 'JIG RTEN LAS 'DAS PA ZHES BYA ZHING, RJES THOB KYI JI SNYED PA MKHYEN PA'I YE SHES LA NI
, ,'JIG RTEN PA ZHES BYA'O, ,DE'I PHYIR 'DIR YANG, JI SRID 'JIG RTEN PA'I SEMS YOD PA DE SRID DU, ZHES SOGS KYIS, 'JIG RTEN PA'I SEMS GANG YOD 'DZIN PA MIN GYI, SKYE 'GAG BYED PA'I DNGOS PO SKAD CIG MA RNAMS, SANGS RGYAS KYI YE SHES SNGA MA DE GANG LA DE KHO NA NYID DPYOD BYED DU SONG BA'I DON MED KYANG 'JIG RTEN PA RJES THOB KYI YE SHES, JI SNYED PA MKHYEN PA'I DON YOD PAR STON PA YIN LA, TSUL 'DI NI THEG PA CHEN PO RGYUD BLA MA LAS, SHES RAB YE SHES RNAM GROL RNAMS, ,GSAL DANG 'PHRO DANG DAG PHYIR DANG, ,THA DAD MED PHYIR 'OD DANG ZER, ,NYI MA'I DKYIL 'KHOR DAG DANG MTSUNGS, ,ZHES PA'I 'GREL PAR, SLOB DPON 'PHAGS PA THOGS MED KYIS, ,SHES RAB RNAM PAR MI RTOG PA 'JIG RTEN 'DAS PA'I YE SHES, ZHES MNYAM GZHAG JI LTA BA MKHYEN PA 'JIG RTEN LAS 'DAS PA'I KHYAD PAR DANG BCAS NAS SMOS SHING, DE NYID RANG BZHIN RNAM DAG GI DE KHO NA NYID RTOGS PA'I CHA NAS NYI MA'I 'OD GSAL BA'I CHA LTA BU DANG, YE SHES SNA TSOGS PA MKHYEN PA'I JI SNYED PA'I YE SHES NI, NYI MA'I ZER GZUGS PHRA RAGS THAMS CAD LA SO SOR 'PHRO BA'I BYA BA BYED PA LTAR, CHOS CAN SNA TSOGS PA THAMS CAD RE RE NAS MA 'DRES PAR 'BYED PA'I LDOG PA NAS NYI MA'I ZER DANG 'DRA ZHING, NYI MA'I 'OD GSAL BA'I CHA DANG ZER 'PHRO BA GNYIS, NGO BO THA DAD MED PA LTAR YE SHES DE GNYIS KYANG NGO BO THA DAD MED PAR GSUNGS PA, DE NYID LAS KYANG CHES GSAL BAR SHES SO, ,DE YANG YE SHES DE GNYIS
KYI NGO BO LA 'JIG RTEN LAS 'DAS MA 'DAS KYI KHYAD PAR MED KYANG YUL 'JIG RTEN KUN RDZOB PA DANG, 'JIG RTEN LAS 'DAS PA DON DAM YONGS SU DPYOD PA'I LDOG PA NAS THA SNYAD DE LTAR SBYAR BA'O, ,DE NI TSIG DON BSHAD PAR BYA STE, 'DIR ZHES PA NAS, SANGS RGYAS SO, ,ZHES PA'I BAR NI, MI 'GYUR BA'I BDE BA NYI KHRI CHIG STONG DRUG BRGYA RDZOGS PA'I SKAD CIG DE NYID NAS MNGON PAR RDZOGS PAR SANGS RGYAS PAR 'JOG ,CES PA'O, ,'DIR MI 'GYUR BA'I BDE BA NYI KHRI CHIG STONG DRUG BRGYA RDZOGS PA'I SKAD CIG GANG LA DE BZHIN GSHEGS PA THAMS CAD MNGON PAR RDZOGS PAR SANGS RGYAS PA'I SKAD CIG DE NAS TE DE PHYIN CHAD DUS NAM YANG, BDE BA CHEN PO'I YAS DE GANG LA DE KHO NA NYID 'JAL BAR SONG BA'I NGOR CHOS THAMS CAD SKYE BA MED PA GNAS PA MED PA 'JIG PA MED PA STE, DE'I NGOR SPROS PA'I RIS GANG GI 'ANG SNANG BA MED PA'I PHYIR RO, ,DE'I RGYU MTSAN YANG, SKYE 'GAG DON DAM PAR GRUB NA DE'I NGOR SNANG DGOS RKYANG, DE DAG DON DAM PAR MA GRUB PA'I PHYIR RO, ,DON DAM PAR MA GRUB PA'I RGYU MTSAN CI ZHE NA, DE DAG DON DAM PAR GRUB PA 'GOG PA'I RIGS PA STON PA NI 'DIR SKAD CIG GANG LA ZHES SOGS TE, DE'ANG SKYE BA SOGS 'GOG PA LA DON DAM GYI KHYAD PAR 'GREL PA NYID KYIS 'OG TU, 'DI NYID DON DAM PA'I RIGS PAS MI 'THAD DE, ZHES SOGS DNGOS SU SBYAR RO, ,DE'ANG, 'DUS BYAS KYI MTSAN NYID SKYE 'JIG GNAS PA GSUM NI 'DUS BYAS THAMS CAD LA, SANGS RGYAS PA THAMS CAD KYIS KHAS LEN NO, ,DE'I PHYIR, KUN RDZOB TU 'DUS BYAS THAMS CAD SKYE GNAS 'JIG PA YOD KYANG, DON DAM PAR MI 'THAD DE, 'DI LTAR DON DAM PAR 'DUS BYAS RNAMS LA SKYE GNAS 'JIG PA YOD NA RIM GYI YOD DAM, DUS CIG CAR YOD,
, ,DANG PO LTAR NA, DE 'GOG PA NI, 'DIR SKAD CIG GANG LA, ZHES PA NAS, 'JIG PAR MI 'GYUR RO, ,ZHES PA'I BAR TE, DE'I DON NI, DNGOS PO GCIG NYID DON DAM PAR RIM GYIS SKYE GNAS 'JIG PAR 'GYUR BA MI 'THAD DE, SKAD CIG GANG RANG BZHIN GYIS SKYEN DUS THAMS CAD DU SKYE DGOS PAS DE'I RJES SU GNAS PA DANG 'JIG PA RIM GYIS 'BYUNG BA'I GO SKABS MI RNYED CING, DE BZHIN DU, DE RANG BZHIN GYIS GNAS NA DUS THAMS CAD DU GNAS DGOS PAS DE'I SNGON DU SKYE BA DANG RJES SU 'JIG PA 'BYUNG BA'I SKABS MI RNYED LA, DE RANG BZHIN GYIS 'JIG NA, DUS THAMS CAD DU 'JIG DGOS PAS, DE'I SNGON DU SKYE BA DANG GNAS PA 'GRO BA'I GO SKABS MI RNYED PAS SO, ZHES BYA BA'O, ,'DUS BYAS GCIG LA MTSAN NYID GSUM CIG CAR TSOGS PA DON DAM PAR GRUB PA 'GOG PA NI, DNGOS PO RNAMS LA SKYE GNAS 'JIG GSUM RANG BZHIN GYIS CIG CAR YANG MI SRID DE, SKYE GNAS 'JIG PA CHOS THAMS CAD RANG BZHIN GYIS DUS GCIG TU YOD PA LA NI, SKYES BU GCIG GIS SKYE BA DANG RGA BA DANG SHI BA'ANG CIG CAR GYIS YOD DGOS PAR 'GYUR LA, GANG ZAG GCIG GI SKYE BA DANG GNAS PA STE RGA BA DANG, 'JIG PA STE SHI BA'I SKAD CIG RNAMS DUS GCIG PA NYID MIN PA'I PHYIR RO, ,'DI NI NANG GI LE'U LAS, GAL TE DUS GCIG LA YIN NA, SKYE BA DANG, RGA BA DANG, 'CHI BA RNAMS GCIG PA NYID DO, ,ZHES PA LAS GZHAN PA CI, ,ZHES GSUNGS PA LTAR SKYE GNAS 'JIG PA KHYAD PAR BA NYID LA SBYAR NA LEGS SO, ,GAL TE SKAD CIG SNGA MA'I SKYE GNAS 'JIG PA LAS, PHYI MA'I SKYE GNAS 'JIG PA RIM GYIS SKYE BA YIN NO
ZHES SMRA'I, ,SKAD CIG GCIG NYID, RIM GYIS DE GSUM DU 'GYUR BA DANG CIG CAR DE GSUM DU 'GYUR BA'I PHYIR NI MI SMRA'O ZHES NA, ZHES PA NI, CI STE NAS, ZHE NA'I BAR RO, ,DES NA PHYOGS SNGA MA 'DI, SKYE GNAS 'JIG PA GSUM SKAD CIG LA SBYOR BA MIN PAR, SKAD CIG SNGA MA'I RANG DUS KYI SKYE BA'I LAS GNYIS PA'I RANG DUS KYI GNYIS PA DANG, SKAD CIG GNYIS PA'I DUS KYI GNAS PA LAS SKAD CIG GSUM PA'I DUS KYI 'JIG PA 'BYUNG BA 'DIR 'GOG PA YIN TE, GZHAN DU NA 'OG GI DGAG PA MA 'BREL ZHING, SNGAR RIM CAN BKAG PA DANG PHYOGS SNGA MA KHYAD MED DU 'GYUR RO, ,DE'I LAN NI, 'DI NYID, KUN RDZOB TZAM DU KHAS LEN PA LA MI RIGS PA MED KYANG, DON DAM PA'I RIGS PAS DPYAD NA'ANG DE LTAR GRUB PAR KHAS LEN PA MI 'THAD DE, ,'DIR DON DAM PAR SKAD CIG SNGA MA MA 'GAGS PA LAS SKAD CIG PHYI MA GZHAN MI 'BYUNG ZHING, DE BZHIN DU SNGA MA 'GAGS PA LAS PHYI MA MI 'BYUNG BA'I PHYIR TE, DPER NA, DON DAM PAR, SA BON MA NYAMS PA LAS KYANG MYU GU MI 'BYUNG ZHING NYAMS PA LAS KYANG MI 'BYUNG BA BZHIN NO, ,ZHES PA STE, DE'ANG THA SNYAD DU RANG LUGS LA'ANG, MYU GU DE MYU GU RANG GI DUS NA 'GAGS PA'I SA BON LAS SKYE BA YIN KYANG, DON DAM PAR NI DE MI RUNG STE 'DI LTAR, LE'U GNYIS PAR MAR ME'I DPE LA SBYAR NAS GSUNGS PA LTAR, SA BON 'GAGS PA LAS KYANG RANG BZHIN GYIS MYU GU SKYE NA, MAR ME SHI BA LAS KYANG MAR ME GNYIS PA SKYE BAR 'GYUR LA, SA BON MA 'GAGS PAR RANG BZHIN GYIS MYU GU SKYE NA, SA BON SKYE BA CUNG ZAD KYANG MA NYAMS PA'I DUS NYID NAS MYU GU SNGON PO SKYE BAR 'GYUR ZHING, MAR ME GCIG LA GCIG SBAR
, ,BA'I PHRENG BA BZHIN DU SA BON DANG MYU GU LA'ANG GNAS PAR 'GYUR LA, DE LTAR SKYE GNAS 'JIG PA'I SKAD CIG SNGA PHYI RNAMS LA'ANG 'GYUR RO, ,DE LTAR SKYE GNAS 'JIG PA SKAD CIG SNGA PHYI SO SO BA DANG DUS GCIG PA DAG LA BTAGS NAS RANG BZHIN GYIS GRUB PA 'GOG PA'I TSUL 'DI NI, RTZA SHE LAS, SKYE BA LA SOGS GSUM PO YIS, ,'DUS BYAS MTSAN NYID BYA BAR NI, ,NUS MIN GCIG LA DUS GCIG TU, ,'DUS PA YANG NI JI LTAR RUNG, ,ZHES GSUNGS PA'I RIGS PA'O, ,DE LTAR BTAGS PAS GRUB PA'I DON BSDU BA NI, SHOD 'GYUR GYI 'GYUR 'DI CUNG ZAD 'KHRUGS PAS 'DI LTAR BSHAD PAR BYA STE, JI SKAD BSHAD PA'I TSUL DE LTAR NA, DON DAM PAR YOD PA'I DNGOS PO MED DE, RANG BZHIN GYIS GRUB PA'I SKAD CIG GCIG DANG DU MA GANG YANG MED PA'I PHYIR, KHYAB PA YOD DE, GCIG DANG DU MA DNGOS SU PHAN TSUN SPANGS NAS 'GAL BA'I PHYIR RO, ,DE LTAR SKYE 'JIG SOGS DON DAM PAR MA GRUB PAR BSTAN NAS, DE'I PHYIR SANGS RGYAS KYI JI LTA BA MKHYEN PA'I YE SHES DE NYID, GANG LA DON DAM 'JAL BYED DU SONG BA'I NGO LA BLTOS NAS YE SHES DE LA NAM YANG SKYE 'JIG SOGS DE DAG SNANG MI SRID PA SNGAR BSHAD DE NYID RGYAS PAR BSHAD PA NI, 'DIR SKAD CIG THAMS CAD, CES PA NAS, SANGS RGYAS TE ZHES PA'I BAR GYIS MI 'GYUR BA'I BDE BA NYI KHRI CHIG STONG DRUG BRGYA RDZOGS PA'I SKAD CIG DE NYID, THOG MAR MNGON PAR RDZOGS PAR SANGS RGYAS PA'I DUS SU STON PA'O, ,DE LTAR SANGS RGYAS PA DE'I RJES LA, DE PHYIN CHAD, DUS NAM YANG, SANGS RGYAS RNAMS KYI JI LTA BA MKHYEN
PA'I RNAL 'BYOR DE GANG LA DE KHO NA NYID DPYOD BYED DU SONG BA'I NGO NA, SKYE GNAS 'JOG PA'I SKAD CIG THAMS CAD MED PA, GCIG DANG DU MA DANG BRAL BA, GNYIS SU SNANG BA MED PA'I MCHOG STE, YOD PA DANG MED PA GANG YANG DON DAM PAR GRUB PA DANG BRAL BA NYID KYI PHYIR RO, ,'DIR MCHOG GNYIS SU MED PA ZHES PA 'GYUR CUNG MA BDE BAS, GNYIS SU MED PA'I MCHOG CES BSHAD DGOS PO, ,'O NA SKAD CIG DANG DU MA DE DAG YE SHES GANG LA SNANG ZHE NA, JI SRID DU 'JIG RTEN PA'I SEMS JI SNYED PA MKHYEN PA'I YE SHES 'JAL BYED DU YOD PA DE SRID DU, YE SHES DES CHOS RNAMS JI LTAR GNAS PA BZHIN GCIG DANG DU MAS MA 'DRES PAR RNAM PAR DPYOD DE, YE SHES DE LA SKAD CIG MA'I SEMS SNGA PHYI THAMS CAD CIG CAR SNANG BA'I PHYIR RO, ,DES NA GANG GI CHE SANGS RGYAS KYI JI LTA BA'I YE SHES RNAM PAR MI RTOG PA'I SEMS DE KHO NA NYID 'JAL BYED DU SONG BA'I NGO LA BLTOS NAS SKAD CIG GI CHOS THAMS CAD KYI SNANG BA DANG BRAL BA DE'I TSE YE SHES DAS RANG BZHIN MED PA RTOGS PA ZHES BRJOD DO, ,DE DAG GI DON BSDU BA NI,, GANG LA DE KHO NA NYID 'JAL BYED DU SONG BA'I YE SHES NI DE LA BLTOS NAS RANG BZHIN MED PA RTOGS PA YIN PA DE'I PHYIR RANG BZHIN MED PA'I PHYOGS KYI NI BCOM LDAN 'DAS KYIS PHYOGS KYI MTHA' THAMS CAD MED PAR GSUNGS SO, ,DE LTAR RDO RJE'I RNAL 'BYOR LA PHYOGS SU 'DZIN PA NYAMS PAR BYA BA'I SLAD DU RIGS PA RGYAS PAR BSTAN PA DE DAG GIS DGAG PAR BYA BA'I PHYOGS KYI MTHA' NGOS BZUNG BA NI, GANG DU BZUNG NA MTHAR LTUNG BAR 'GYUR BA'I PHYOGS ZHES BYA BA NI, DNGOS POR BDEN PA DANG, DNGOS PO ME
, ,PAR BDEN PA DANG, YOD PAR BDEN PA DANG, MED PAR BDEN PA DANG, ZHES BYA BA NAS, GTI MUG MIN PAR BDEN PA ZHES PA DE LTA BU LA SOGS PA RNAMS NI, GANG DU BZUNG NAS MTHAR LTUNG BA'I PHYOGS ZHES BYA STE, DNGOS PO DANG DNGOS PO MED PA NAS GTI MUG DANG GTI MUG MIN PA'I BAR GYI CHOS DE DAG THAMS CAD PHAN TSUN BLTOS PA DANG BCAS PA NYID KYIS RTEN CING 'BREL BAR 'BYUNG BA YIN PA'I PHYIR RO, ,KHYAB STE RANG BZHIN GYIS GRUB NA BLTOS MED DU GRUB DGOS PA'I PHYIR TE, GZHAN LA BLTOS NA BCOS MAR 'GYUR BA'I PHYIR RO, ,DE LTAR RDO RJE'I RNAL 'BYOR LA PHYOGS SU 'DZIN PA NYAMS PAR BYA BA'I SLAD DU BSTAN PA RNAMS KYIS DON BSDU BA NI, YE SHES GANG GI DON JI SKAD BSHAD PA'I PHYOGS 'DI DAG DANG BRAL BA NI SANGS RGYAS RNAMS KYI MI GNAS PA'I MYA NGAN LAS 'DAS PA RANG BZHIN MED PA'I STONG PA NYID DANG RO GCIG PA'I SGO NAS RTOGS PA STE, GANG LA DE KHO NA NYID 'JAL BYED DU SONG BA'I NGO LA BLTOS NAS SKAD CIG GCIG DANG DU MA'I SNANG BA DANG BRAL BA'I YE SHES RNAM PAR MI RTOG PA DE NI RGYAL BA RNAMS KYIS DE KHO NA NYID GZIGS PA'I YE SHES ZHES GSUNGS SO, ,DA NI LHAN CIG SKYES PA'I YE SHES GCIG PU NYID GDUL BYA'I BSAM NGO LA BLTOS NAS, LDOG PA'I SGO NAS, GZHI'I DGA' BA BCU DRUG GI KHAMS 'PHO BA'I SGRIB PA DANG BRAL BA'I DE NYID BCU DRUG TU JI LTAR 'BYED PA'I TSUL STON PA NI, DE NYID SEMS CAN RNAMS KYI ZHES PA NAS, LHAG PAR MOS DBANG GIS RAB TU SNANG STE, ZHES PA'I BAR RO, ,DE NYID DE KHO NA LA LHAN CIG SKYES PA'I
SKU ZHES BRJOD DE, ZHES PA NI, DE NYID BCU DRUG THAMS CAD GDUL BYA'I BSAM NGO LA BLTOS PA MIN PA'I DE KHO NA STE DNGOS PO LA LHAN CIG SKYES PA'I YE SHES GCIG PU'I NGO BO YIN ZHES PA'I DON TO, ,DE NAS MDOR BSDUS 'DIR THAMS CAD MKHYEN PA ZHES SOGS SO, ,GLENG GZHI'I TSIGS BCAD DANG PO NYID KYI, ,RKANG PA DANG POS CHOS STON PA PO'I NGO BO NYID KYI GNAS PA GNAS PA DANG PO DANG, RKANG PA THA MAS, GNAS PA LNGA PA DANG DRUG PA BSTAN PAR BYA BA'I CHOS KYI BRJOD BYA DANG RJOD BYED BSDU BA'I NGO BO NYID KYI GNAS PA DANG, DGOS PA DANG NYID DGOS BSDU BA'I NGO BO NYID KYI GNAS PA BSTAN PA DAG GI TSIG DON 'CHAD PA LA DANG PO'I TSIG DON 'CHAD PA NI, DE NYID LHAN CIG SKYES PA'I SKU ZHES PA NAS, PHYAG NA RDO RJES ZHUS SO, ,ZHES PA'I BAR GYIS, THAMS CAD MKHYEN PA'I SKU LA SOGS PA BZHI, RNAM PAR DAG PA'I RNAL 'BYOR LA SOGS PA SNGAR BSHAD PA'I RNAL 'BYOR BZHI DANG SBYAR BA'O, ,STONG PA NYID KYI RNAM PAR THAR PAS, ZHES PA NAS, RDZU 'PHRUL SPRO BA'I PHYIR RO, ,ZHES PA'I BAR GYIS, THAMS CAD MKHYEN PA'I SKU LA SOGS PA BZHI PO DE NYID, RIM BZHIN MKHYEN PA BZHI DANG SBYAR BA STE, DE'ANG SANGS RGYAS KYI YE SHES NGO BO GCIG NYID LA LDOG PA'I SGO NAS BZHIR 'BYED PA NI, SHES BYA THAMS CAD GZIGS PA'I LDOG PA NAS THAMS CAD MKHYEN PA, MI 'GYUR BA'I BDE BA'I NGO BOR GNAS PA'I LDOG PA NAS LAM GYI RNAM PA MKHYEN PA, MTHA' YAS PA'I SEMS CAN LA RANG RANG GI SKAD DANG MTHUN PAR 'JIG RTEN DANG 'JIG RTEN LAS 'DAS PA'I LAM JI LTAR 'TSAM PA BZHIN CIG CAR STON PA'I LDOG PA NAS LAM
, ,MKHYEN PA, GDUL BYA GDUL BA'I DON DU SKU'I RNAM PA MTHA' YAS PA THAMS CAD CIG CAR STON PA MKHYEN PA'I LDOG PA NAS RNAM PA THAMS CAD MKHYEN PAR BZHAG LA, BZHI PO DE NYID RIM BZHIN LHAN CIG SKYES PA'I SKU, CHOS SKU, LONGS SKU, SPRUL SKU, BZHI DANG, YANG YE SHES RDO RJE, THUGS RDO RJE, GSUNG RDO RJE, SKU RDO RJE BZHI DANG, YANG, STONG PA NYID NAS, MNGON PAR 'DUS MA BYAS PA'I BAR GYI RNAM THAR BZHIS RNAM PAR DAG PA DANG SBYAR BA'O, ,DE NAS YE SHES RDO RJE SOGS BZHI'I GO RIM JI LTA BA BZHIN DU, MNGON PAR BYANG CHUB PA BZHI DANG SBYAR BA NI, DE BZHIN DU, ZHES PA NAS, SPROS PA'I SKU'O ZHES PA'I BAR TE, DE LA SKAD CIG GCIG GIS MNGON PAR RDZOGS PAR BYANG CHUB PA NI, GANG GI TSE DON THAMS CAD MNGON SUM DU MKHYEN PA'I SKAD CIG MAS BYANG CHUB PA'O, ,RNAM PA LNGAS MNGON PAR RDZOGS PAR BYANG CHUB PA NI, KHAMS LNGA'I PHUNG PO LNGA SGRIB BRAL DU GYUR CING, DKYIL 'KHOR LNGA'I RLUNG 'GOG PAS, YE SHES LNGA THUGS SU CHUD PA'I SGO NAS BYANG CHUB PA'O, ,RNAM PA NYI SHUS BYANG CHUB PA NI, DBANG PO LNGA, YUL LNGA, LAS DBANG LNGA, LAS DBANG GI BYA BA LNGA RNAMS SGRIB BRAL DU GYUR PAS MNGON PAR BYANG CHUB PA'O, ,SGYU 'PHRUL DRA BAS MNGON PAR BYANG CHUB PA NI, DGA' BA BCU DRUG SGRIB BRAL DU GYUR PAS SGYU MA LTA BU'I SPRUL PA'I DRA BA MTHA' YAS PA STON PA'I TSUL GYIS MNGON PAR RDZOGS PAR SANGS RGYAS PA'O, ,YANG, BZHI PA, GNYID 'THUG GI RMI LAM, SAD PA'I GNAS SKABS KYI SGRIB PA BZHI DAG PAS, RIM
BZHIN NGO BO NYID SKU, CHOS SKU, LONGS SKU, SPRUL SKU BZHI DANG, DE DAG RIM BZHIN, THAMS CAD MKHYEN PA'I SKU LA SOGS PA BZHIR 'JOG TSUL STON PA NI, 'DIR SEMS KYI RDO RJE ZHES PA NAS, SPYAN ZHES PA'O ZHES PA'I BOR, ,DE LTAR RDO RJE'I RNAL 'BYOR MDO TZAM DU BSTAN GYI RGYAS PAR 'OG TU 'CHAD DO, ,ZHES PA NI, RDO RJE'I RNAL 'BYOR 'DI ZHES SOGS SO, ,RKANG PA THA MA'I DON, GNAS PA LNGA PA 'CHAD PA NI, DE LTAR NAS, ZHUS TE'O, ,GANG DU NA, DPAL LDAN DUS 'KHOR RGYUD KYI RGYAL PO LA'O, ,RGYUD KYI RGYAL PO JI LTA BUR GYUR PA LA ZHUS SHE NA, KA PHRENG LDAN PA'I ZHES PA NAS, ,CHOS BSTAN PA BSDUS PA'O ZHES PA'I BAR TE, 'DIR, KA PHRENG LDAN PA'I AA 'DUS LA STE, ZHES PA'I SKABS KYI SKAD DOD LA, K'A LI YUG SA MA YE ZHES PAR YOD PA LA, 'GRO SHES RAB GRAGS, KHER GAD 'KHOR LO GRAGS, DING RI CHOS GRAGS, TZA MI SANGS RGYAS GRAGS, GYI CO ZLA BA'I 'OD ZER LA SOGS, 'GYUR MDZAD SNGA MA MANG PO ? ZHIG GIS, K'A LI'I RTZOD PA, YU GA LDAN PA, SA MA YE DUS SU BSGYUR NAS, RTZOD LDAN DUS SU MI RNAMS ZHES PAR BYAS KYANG, 'GREL PAR KA PHRENG DANG AA 'DUS KYI BSHAD PA BYAS KYI, RTZOD LDAN DUS KYI BSHAD PA ZUR TZAM YANG MA BYAS PAS SHIN TU MI 'THAD DO, ,DES NA SPYIR K'A LI RTZOD PA DANG, SA MA YE DUS LA 'JUG PA'I SKABS YOD KYANG, 'DIR DON DANG MI 'BYOR BAS, SHONG GIS, K'A LI KA PHRENG DANG, YU GA LDAN PA DANG, GA'I KHONG NA YOD PA'I AA PHYUNG NAS, AA SA MA YE ZHES PA AA 'DUS SU BSGYUR BA SHIN TU LEGS ZHES BU STON RIN PO CHES GSUNGS PA LTAR YIN LA, DE'ANG RGYUD KYI
, ,RJOD BYED KYI TSOGS KYI YI GE THAMS CAD DBYANGS GSAL GNYIS SU 'DUS SHING, GSAL BYED KYI PHRENG BA'I GTZO BO, KA YIG YIN PAS KA PHRENG ZHES GSUNGS LA GTZO BO YIN PA'I RGYU MTSAN NI, GSAL BYED RNAMS KYI DANG POR BSTAN PA'AM NANG DU MNGAL 'DZIN PA NA, RDUL LA KHU BA 'JUG DGOS PAS DANG POR RDUL GYI NGO BO NYID 'GRUB PA YIN LA, MNGAL DU THOG MAR KHU BA GANG DU ZHUGS PA'I RDUL DE, SKYES BU'I LUS KYI RDUL DE THAMS CAD KYI THOG MAR 'GRUB PAR SHES PA'I CHED DU'ANG, KA YIG GSAL BYED THAMS CAD KYI THOG MA DE NYID KYI SGO NAS KA PHRENG ZHES BSTAN PA'I PHYIR RO, ,DE BZHIN DU ZHES SOGS LA'ANG, AA YIG DANG POR BSTAN PA NI DBYANGS KYI TSOGS PA'I GTZO BOR RTOGS PA'I DON TE, MNGAL DU RDUL LA KHU BA 'JUG PA BZHIN DU GSAL BYED LA DBYANGS PHYI NAS SROG TU 'JUG DGOS PAS SO, ,DE LA SHAS CHER KA PHRENG GSAL BYED TSOGS KYI LUS BYAS SHING, DE DAG LA, AA SOGS DBYANGS RNAMS SROG DANG YAN LAG CI RIGS PAR 'DUS PAS RGYUD KYI RJOD BYED RTZOM PA YIN LA, TSUL DE LTAR BRTZAMS PA'I RJOD BYED LA, RDO RJE'I RNAL 'BYOR BRJOD BYAR 'DUS PA DE NYID, SANGS RGYAS LA ZLA BZANG GIS ZHUS PA NI CHOS BSTAN PA BSDUS PA'I GNAS PA'O, ,ZHES BYA BA'O, ,GNAS PA DRUG PA, BSDUS PA'I RGYUD 'DI NYID KYI DGOS PA DANG NYID DGOS BSDUS PA 'CHAD PA NI, DA NI ZHES PA NAS, BSDUS PA'O ZHES PA'I BAR TE, DE LA, DKYIL 'KHOR GYI 'KHOR LO'I GZUGS BSGOM PA'I STOBS NI, DKYIL 'KHOR RGYAL
MCHOG DANG, BYIN GYIS BRLAB PA BSGOM PA'I STOBS NI PHRA THIG GI RNAL 'BYOR DANG, DPA' BO'I RIM PA LHA DRAG PO BSGOM PA DANG, BYIN GYIS BRLABS PA'I RIM PA NI LHA ZHI BA BSGOM PA YIN CING, GZHAN RNAMS SNGAR BSHAD PAS SHES SO, ,RDO RJE'I RNAL 'BYOR 'DI NYID BSTAN PA LA DGOS PA DANG NYID DGOS DE LTA BU YOD PA'I PHYIR, 'DI NYID SANGS RGYAS THAMS CAD KYIS DUS GSUM DU BSTAN CING STON LA STON PAR 'GYUR RO ZHES BYA BA NI, MCHOG GI DANG PO'I ZHES SOGS SO, ,MDOR BSDUS KYI MTSAN BSTAN PA NI, BSDUS PA'I RGYUD KYI RGYAL PO ZHES SOGS SO, ,MDOR BSDUS LNGA PA'I DKA' BA'I GNAS BSHAD PA'O,, ,,DA NI MDOR BSDUS DRUG PA BSHAD PAR BYA'O, ,DE'ANG, DE LTAR RGYUD STON PA PO DANG, GSOL BA 'DEBS PA SGRUB PA LA SOGS DANG, GNAS PA LNGA PA RDO RJE'I RNAL 'BYOR BSDU BA'I NGO BO NYID KYI GNAS PA BSHAD PA BYAS ZIN NAS, DE'I 'OG TU DA NI GNAS PA DRUG PA ZLA BZANG GIS RTZA RGYUD DU, STONG CHEN YIG LNGA SOGS ZHUS PA'I NGO BO NYID KYIS GNAS PA DE, MI DBANG GRAGS PAS BSDUS PA'I RGYUD KYI TSIGS SU BSHAD PA GNYIS STON PA NI, ZHES MTSAMS SBYAR BA, GSUNGS PA ZHES PA'I BAR RO, ,BSHAD BYA'I RTZA BA DGOD PA NI, STONG PA ZHES SOGS SO, ,DE NYID 'GREL PAS 'CHAD PA LA, , RGYUD RTZA BA'I TSIGS SU BSHAD PA DE NYID BDAG GIS BSHAD PAR BYA'O, ZHES DAM BCA' BA BRJOD PA, 'DIR ZHES PA NAS, DGROL BAR BYA'O ZHES PA'I BAR RO, ,DE LA BSHAD PA BYED PA'I RGYU MTSAN NI, DANG POR GSOL BA 'DEBS PA'I
, ,SKABS KYI RDO RJE'I TSIG GI BRDA BYAS PA'I SBAS PA'I DON RNAMS GSAL BAR BKROL NA 'OG NAS 'CHAD PA'I DE'I LAN RGYAS PAR 'CHAD PA RNAMS RTOGS SLA BA'I DGOS PA YOD PAS SO ZHES PA NI, 'DIR DANG POR ZHES PA NAS, SLA BAR 'GYUR RO ZHES PA'I BAR RO, DES NA ZHES SOGS DE'I DON BSDU BA'O, ,DE NAS GSOL BA BTAB PA'I TSIG GI DON 'CHAD PA, 'DIR STONG PA ZHES PA NAS, YANG DAG PAR BSHAD DU GSOL ZHES PA'I BAR RO, ,DE LTAR GSOL BA 'DEBS PA'I RGYU MTSAN STON PA NI, DE CI'I PHYIR ZHE NA ZHES PA NAS, GLEGS BAM LA BRIS PA'O ZHES PA'I BAR RO, ,GSOL BA BTAB PA'I DON DE RNAMS MTSAN BRJOD DANG MTHUN PAR BSHAD PA NI, MTSAN YANG DAG PAR BRJOD PA ZHES PA NAS, YANG DAG PAR BSTAN TO ZHES PA'I BAR RO, ,MTSAN BRJOD DANG RGYUD 'DI'I CHE BA BRJOD NAS MNYAN PAR GDAMS PA NI, DE'I PHYIR GANG GIS ZHES PA NAS, MNYAN PAR BYA'O ZHES PA'I BAR RO, ,DE LTAR BSDUS PA'I DON BSHAD NAS, DA NI YAN LAG GI DON BSHAD PAR BYA STE, DE LA GSOL BA BTAB PA'I TSIG 'DIR STONG PA ZHES PA LA SOGS PA'I MING RNAMS KYIS MI MTHONG BA'I DNGOS PO NYI TSE BA'I YUL LA 'JUG PA'I DBANG PO'I SPYOD YUL MIN PA DANG, MTHONG BA'I DNGOS PO NYI TSE BA'I DBANG PO'I SPYOD YUL RNAMS RAB TU STON NO, ,DNGOS PO DE DAG STONG PA LA SOGS PA'I MING GIS STON PA CI ZHE NA, SPYIR GRUB MTHA' LA ZHUGS MA ZHUGS THAMS CAD KYANG DON THAMS CAD LA MING SO SO'I SGO NAS
THA SNYAD BYED DGOS PA DPE DANG BCAS PA NI, MED PA DANG ZHES SOGS SO, ,DE LA 'JIG RTEN DANG BSTAN BCOS GONG 'OG THAMS CAD LA THUN MONG DU GRAGS PA'I RANG MING GI THA SNYAD BYED TSUL NI DPER NA, 'DIR NAM MKHA'I ZHES SOGS SO, , DE LA 'JIG RTEN PA LA SOGS PA RNAMS DON RNAMS LA RANG RANG GI MING THUN MONG BAS BRDA BYED PA DE BZHIN DU RGYUD DANG RGYUD GZHAN RNAMS SU GRUB MTHA' LA MA ZHUGS PA RNAMS LA MA GRAGS SHING, BSTAN BCOS KYI NANG DU GRAGS PA'I MING SPANGS RTOGS KYI THA SNYAD BSTAN BCOS SPYI DANG, THUN MONG PA DU MA DANG, DER MA ZAD GRUB MTHA' LA MA ZHUGS PA RNAMS LA'ANG GRAGS PA'I YUL YUL CAN BRDA SBYAR BA'I MING DANG, 'JIG RTEN PAR MA ZAD BSTAN BCOS GZHAN NGES PAR BSTAN CING NAS, RTOGS PAR BYA'O, ,DES NA 'DIR GCIG DANG ZHES SOGS LA, DPANG LO'I 'GYUR LA, 'DIR DNGOS PO DANG DNGOS PO MED PA GCIG LA'ANG MING SNA TSOGS TE, DE'I PHYIR, MING SNA TSOGS KYIS BSTAN PA LA ZHES 'BYUNG BA NYID SHIN TU LEGS LA, DES NA 'DI LTAR BSHAD PAR BYA STE, DE LTAR DNGOS PO'AM DNGOS MED GCIG KYANG MING SNA TSOGS PAS BSTAN PA LA, RNAL 'BYOR PA RNAMS KYIS MING GI RJES SU 'BRANGS NAS DON YANG DU MA NYID DU RNAM PAR
, ,RTOG PAR MI BYA STE, BLA MA DAM PA SANGS RGYAS BCOM LDAN 'DAS KYIS NYE BAR BSTAN PA, BSREGS BCAD BRDAR PAS GSER BZHIN DU YONGS SU BRTAGS PA NI DON LA GTZO BOR STON PA LA BRTEN PA NYID KYI PHYIR RO, ,DE LTAR SANGS RGYAS KYIS NGES TSIG GIS BSHAD DU MED PA DON GCIG LA'ANG MING DU MA BRDA MDZAD PA'I RJES SU 'BRANGS TE RDO RJE'I TSIG GI DON RTOGS DGOS PAR BSHAD NAS, DA NI GSOL BA BTAB PA'I TSIG GI DON 'CHAD DE, DE'ANG STONG PA ZHES SOGS KYI TSIG GIS SKYES BU'I KHAMS DRUG PA SGRUB PA PO'I KHAMS DANG PHUNG SOGS SGRIB BRAL DU GYUR PA'I STONG CHEN YIG LNGA YIG DRUG RNAMS BSTAN TO, ,ZHES PA NI, 'DI LTA STE'I BAR RO, ,JI LTAR NA, DE RGYAS PAR 'CHAD PA NI, YE SHES KYI ZHES SOGS TE 'DI DAG GI DON GO BDE BAR PHYOGS GCIG TU BSHAD NA 'DI YIN TE, DE'ANG GZHI DUS KYI SGRUB PA PO KHAMS DRUG LDAN LTA BU ZHIG GIS, SA CHU ME RLUNG NAM MKHA' YE SHES, SDUD BYED KYI KHAMS DRUG PO DE RE RE LA'ANG DE DAG GIS BSDUS PA'I KHAMS DRUG DRUG TU PHYE BAS, DRUG TSAD DRUG GI KHAMS SO DRUG YOD LA, DRUG TSAN SO SOR BSHAD NA, 'PHO BA'I BDE BA YE SHES KYI KHAMS LAS GRUB PA'I SROG RLUNG YE SHES KYI PHUNG PO DANG, THIG LE 'PHO BA YE SHES KYI KHAMS DANG, YE SHES KYI KHAMS LAS BYUNG BA YID KYI DBANG PO DANG SGRA DANG KHU BA 'DOR BA'I BYA BA BYED PA BDE BA'I GNAS SKABS LAS BYUNG BAS YE SHES KYI KHAMS LAS GYUR
PA MCHOG GI DBANG PO DUD CAN MA DANG, GCI PA'I DBANG PO'I BYA BA YE SHES KYI KHAMS LAS BYUNG BA DRI CHU 'DZAG PA STE, YE SHES KYI KHAMS KYI DRUG TSAN NO, ,RNAM PAR SHES PA'I PHUNG PO DANG, NAM MKHA'I KHAMS DANG, RNA BA DANG, CHOS KYI DBYINGS DANG, DRI CHU 'DZAG PA'I BYA BA BYED PA NAM MKHA'I KHAMS LAS BYUNG BA SKYES PA'I RDO RJE'AM, BUD MED KYI BHA GA'I DBANG PO DANG, MCHOG GI DBANG PO'I BYA BA NI NAM MKHA'I KHAMS LAS BYUNG BA, KHU BA 'PHO BA'I BYA BA STE, NAM MKHA'I KHAMS SAM RNAM SHES KYI KHAMS KYI DRUG TSAN NO, ,TSOR BA'I PHUNG PO DANG, ME'I KHAMS DANG, MIG DANG, RO DANG, LAG PA DANG, 'GRO BA'I BYA BA STE, TSOR BA'AM ME'I KHAMS KYI DRUG TSAN NO, ,'DU SHES KYI PHUNG PO DANG, CHU'I KHAMS DANG, LCE DBANG DANG, GZUGS DANG, RKANG PA DANG, LEN PA'I BYA BA RNAMS NI, 'DU SHES SAM CHU'I KHAMS KYI DRUG TSAN NO, ,'DU BYED KYI PHUNG PO DANG, RLUNG GI KHAMS DANG, SNA DANG, REG BYA DANG, NGAG GI AADBANG PO DANG, BSHAD PA 'DZAG PA'I BYA BA STE, RLUNG GI KHAMS KYI DRUG TSAN NO, ,GZUGS KYI PHUNG PO DANG, SA'I KHAMS DANG, LUS KYI DBANG PO DANG, DRI DANG BSHAD LAM DANG, TSIG BRJOD PA'I BYA BA STE, SA'I KHAMS KYI DRUG TSAN NO, ,DE'ANG 'GREL PAR 'DI DAG LA, YID DE'ANG DANG SGRA ZHES PA NAS, SNA DANG REG BYA'I BAR DU 'DI LTAR PHAN TSUN YUL YUL CAN RIGS MI MTHUN PHYOGS GCIG TU SBYAR NAS BSTAN PA RNAMS NI, THABS SHES LA RANG RIGS MA YIN PA DGOS PA'I DON TO, ,DE LTAR DRUG TSAN DRUG
, ,PO 'DI DAG LAM GYIS SBYANGS TE SGRIB BRAL DU BYED PA NA BSHAD GCI 'DZAG PA LTA BU 'GA' ZHIG RIGS 'DRA RGYUN BCAD PA'I SGO NAS, SGRIB BRAL DU BYED DGOS KYI, 'DI DAG GI RIGS 'DRA SANGS RGYAS KYI SAR MI SRID LA, DE 'DRA'I DMIGS BSAL MA GTOGS GZHAN RNAMS NI DRI MA'I CHA LAM GYIS SBYANGS NAS RIGS 'DRA'I RGYUN SANGS RGYAS KYI SAR YANG RNAM PAR DAG PA'I RANG BZHIN DU SKYE BA YIN NO, ,DE LTAR LAM GYI YE SHES DANG NAM MKHA'I KHAMS KYI DRUG TSAN GNYIS SGRIB BRAL DU BYAS NAS RO MNYAM PA DANG GCIG TU 'DRES PAR GYUR PA NYID LA, 'DIR STONG PA ZHES PA'I MING GIS BSTAN TO, ,DES NA KHAMS NAM MKHA'I KHAMS KYANG YE SHES KYI KHAMS SU BSDUS NAS DRUG TSAN DE GNYIS SDE TSAN GCIG TU BSDUS TE MING GCIG GIS BSTAN PA'O, ,DE NI STONG CHEN YI GE LNGAR BYED PA'I DBANG DU BYAS PA'O, ,DE LA THA MAL PA'I DUS SU, SGRA DANG YID LA SOGS PA 'DI DAG DON GZHAN DU YOD KYANG, SANGS RGYAS NAS SGRIB BRAL DU GYUR PA'I TSE, DE DAG THAMS CAD KYANG NGO BO GCIG TU GYUR PAS RO MNYAM PA ZHES BYA LA, DE'ANG BDE STONG GI YE SHES KYI RANG BZHIN DU 'DRES PA ZHES BYA'O, ,STONG PA DE LA NI GZHON DU MED PA'AM, GZHIG TU MED PA ZHES BYA LA, AE WAm GYI GZUGS BSGRUB PA NA, THOG MAR WAm BSGRUB PA YIN LA, DE BSGRUB PA'I TSUL YANG, THOG MAR DBUS SU, GONG DU BSHAD PA'I GZHOM MED KYI STONG PA DE'I MING GI MTSAN MA, GRI GUG GI RNAM PA'I RI MO
BRI'O, ,KHAMS DRUG TSAN GSUM PA DE NYID SGRIB BRAL SOGS SU GYUR PA NI STONG CHEN YI GE GSUM PA YIN CING, DE'I MING GI MTSAN MA'AM MTSON BYED DBUS KYI MTSAN MA'I LHOR THIG LE GNYIS BRI'O, ,STONG PA GSUM PA 'DI, RGYUD KYI YE SHES ZHES PA'I MING GIS BSTAN TO, ,DRUG TSAN BZHI PA CHU KHAMS KYI DRUG TSAN DE NYID SGRIB BRAL SOGS SU GYUR PA NI STONG CHEN YI GE BZHI PA YIN CING, DE NYID THIG LE ZHES PAS BSTAN LA, DE'I MTSAN MAR DBUS KYI MTSAN MA'I BYANG DU THIG LE GCIG BRI'O, ,KHAMS DRUG TSAN LNGA PA RLUNG GI KHAMS KYI DRUG TSAN DE NYID SGRIB BRAL SOGS SU GYUR PA NI STONG CHEN YI GE GNYIS PA YIN LA, DE NYID BSDUS RGYUD KYI MCHOG DANG POS BSTAN CING, DE'I MTSAN MAR DBUS KYI MTSAN MA'I SHAR MDUN DU DBYIG PA'I RNAM PA RI MO NAR BA ZHIG BRI'O, ,'DI'I THAD DU 'GREL PAR GCIG 'DAS DBYE BA'I PHYIR RO, ,ZHES GSUNGS PA'I PHYIR RO, ,RTZA RGYUD DU, MCHOG DANG RDO RJE 'DZIN PA CHE, ,ZHES MCHOG GCIG LAS MED PA LA, 'DIR MCHOG MCHOG CES GNYIS SMOS PA 'GAL ZHE NA, MI 'GAL TE, RTZA RGYUD KYI MCHOG DANG ZHES PA'I, DANG ZHES PA DE NYID BZLAS DBYE BA'I BSDU BA YIN PAS, DES MCHOG CES PA PHYI MA BSDUS PA'I PHYIR RO, ,ZHES PA'I KHAMS DRUG TSAN DRUG PA SA'I KHAMS KYI DRUG TSAN DE NYID SGRIB BRAL SOGS SU GYUR PA NI STONG CHEN YI GE LNGA PA YIN LA, DE NYID MCHOG CES PA PHYI MAS BSTAN CING, DE'I MTSAN MA NI, DBUS KYI MTSAN MA'I NUB RGYAB TU, THONG GUG GI RNAM PA BRI'O, ,KHAMS SDE
, ,TSAN DRUG PO DE DAG THAMS CAD SGRIB BRAL DU GYUR PA RNAMS GANG GI RANG BZHIN GCIG TU 'DRES PAR GYUR PA NI BDE BA CHEN PO STE, WAm YIG GIS MTSON PA'I DON YIN PAS, WAm YIG KYANG MTSAN MA DE DAG GCIG TU 'DRES PAS BSGRUB PAR BYA STE, TSUL JI LTAR NA, DBUS KYI MTSAN MA GRI GUG GI RNAM PA LUS, DBYUG PA'I RNAM PA NI DE'I RKANG PA, THONG PA'I RNAM PA MGO ,THIG LE GNYIS NAR MOR BRKYANG NAS STENG 'OG TU GSHIBS TE ZLA TSES, BYANG GI THIG LE GCIG PO DE, ZLA TSES KYI STENG DU BZHAG PAS, THIG LE 'DIR 'GREL PAR, RE RE LA'ANG BRJOD DU MED PA STE, ZHES GSUNGS PA'I DON, A'A LI SOGS RANG BRIS NA BRJOD BCAS SU 'GYUR BAS DE RNAMS BRJOD MED MTSON PA'I BRDAR GRI GUG GI RNAM PA SOGS LNGA BRIS PA YIN NO, ,ZHES KHA CIG 'CHAD PA NI MI 'THAD DE, DE LTAR NA, MTSAN MA DE DAG LAS WAm YIG BSGRUBS PA NA'ANG BRJOD BCAS SU 'GYUR TE, AA SOGS DANG WAm LA BRJOD BCAS YIN MIN GYI KHYAD PAR MED PA'I PHYIR RO, ,DER MA ZAD MTSAN MA LNGA PO DE'ANG, WAm GYI MGO BO DANG ZLA TSES SOGS YIN PAS YI GE'I CHA SHAS RE RE YIN PA'I PHYIR BRJOD BCAS SU 'GYUR RO, ,DES NA 'DIR DE DAG BKOD PA'I DGOS PA NI, WAm YIG BSGRUB PA'I PHYIR BKOD PA YIN PA LA, AA YIG SOGS RANG BRIS NA, DE DAG TSOGS PA LAS, WAm GYI GZUGS 'ONG BA BYAS PA MED PAS, DE'I PHYIR MA BKOD PA YIN GYI BRJOD BCAS SU
SONG DOGS PA MA YIN LA, BRJOD DU MED PA ZHES GSUNGS PA NI, YE SHES DANG RNAM SHES KYI DRUG TSAN GNYIS PO DE MTSON BYED KYI MING GI DBYANGS SU AA YIG DE NYID BCOM LDAN 'DAS KYIS BRDA MDZAD PA TZAM MA GTOGS, BUM PAS LTO LDIR PA GO BAR BYED PA LTAR, AA YIG GI PHUNG PO DRUG TSAN DE GNYIS RANG GI DNGOS KYI BRJOD BYAR BYAS NAS, THUN MONG MIN PAR GO BAR BYED PAS DE'I PHYIR BRJOD DU MED PA GSUNGS TE, GZHAN RNAMS KYANG DES RIGS 'GRE'O, ,BOD SNGA MA 'GA' ZHIG GIS BOD YIG LA AE WAm BSGRUBS NAS GRI GUG LA AA'I LAG PA BYAS PA SOGS NI, 'DIR DBUS KYI MTSAN MA WAm 'GRUB PA'I GZHIR DNGOS SU BSHAD PA DAD 'GAL ZHING, DE LTAR BYAS NAS AAm BSGRUB TU MI RUNG BAS, SNGA MA DAG GIS RGYAS PAR BKAG PA LTAR RO, ,DE LA SDUD BYED KYI KHAMS YE SHES, NAM MKHA' SOGS LNGA'I MING GI DBYANGS NI, AA Ri AU AI LI RNAMS YIN LA, DE'ANG YE SHES DANG NAM MKHA'I KHAMS GCIG TU BSDUS PA'O, ,BSDU BYA'I KHAMS DRUG TSAN DRUG GI MING GI DBYANGS YIG NI, YE SHES KYI PHUNG PO AAm ZHES PA NAS BRJOD PA LA ZHES PA'I BAR RO, ,'DI DAG NI SUM CU RTZA DRUG GI DBYE BAS THA DAD PA, DBYANGS DANG, YON TAN DANG, 'PHEL BA DANG, YA nAR BSGYUR BA'I RNAM PAR 'GYUR BA'O, ,ZHES PA NI, DBYANGS 'DI DAG KYANG KHAMS SO DRUG GI DBYE BAS, DE DAG GI MING GI DBYANGS THA DAD SO DRUG STE, RANG BZHIN GYI YI GE LAS YON TAN GYI YI GE DANG 'PHEL BA'I YI GE DANG, YA nA'I YI GE CI RIGS PAR BSGYUR BA'I RNAM 'GYUR GYI YI GE YIN NO, ,ZHES D
, ,BYA'O, ,GONG DU PHUNG PO RNAMS ZHES SOGS KYI DON NI, PHUNG PO DRUG DRUG SO DRUG TU 'BYED NA KHAMS KYANG SO DRUG TU 'BYED DGOS PAS, DE'I 'BYED TSUL SNGAR GYI SO DRUG PO DE LA, PHUNG PO DRUG GI DOD LA, RO DRUG BZUNG BAR BYA ZHING, DE DAG GI MING GI DBYANGS NI, AAm AA SOGS DRUG YIN NO, ,ZHES BYA BA'O, ,DES NA DBYANGS SO DRUG GI MING GI YI GES MTSON PA'I KHAMS SO DRUG SGRIB BRAL DU GYUR PA'I BDE CHEN THAMS CAD KYANG, AA SOGS MING GI DBYANGS LNGAS MTSON PA'I DAG PA'I KHAMS LNGAR 'DUS LA, LNGA PO DE'ANG WAm YIG GIS MTSON DON, BDE BA CHEN PO GCIG NYID KYI NGO BOR RO GCIG CING, DE LA NI NGES DON GYI RDO RJE ZHES BYA LA, DE 'DZIN PA'I PHYIR RDO RJE 'DZIN PA ZHES BYA'O, , ZHES PA'O, ,AE BSGRUBS PAS MTSON PA'I DON NI, 'DI'ANG RNAM PA THAMS CAD PA'I STONG GZUGS KYI PHYAG RGYA CHEN PO DMIGS BCAS DANG, DMIGS MED BDAG MED PA'I DE KHO NA NYID GNYIS KA YIN LA, DE'ANG MTHAR THUG PA NI, PHUNG SOGS SGRIB BRAL DU GYUR PA NYID KYI SKABS LA BZHAG DGOS SO, ,DE NYID MTSON BYED KYI AE YIG DE STONG CHEN, YI GE DRUG LAS JI LTAR BSGRUB PA'I TSUL NI, 'DI LTA STE RNAM PAR SHES PA'I PHUNG PO DANG, ZHES SOGS KYIS STON LA DE DAG GI DON YANG, PHUNG PO DRUG TSAN DRUG SGRIB BRAL DU GYUR PA'I STONG PA SO DRUG THAMS CAD KYI RE RE NAS MTSON PA'I MING GI YI GE NI, GSAL BYED KYI YI GE SO DRUG YIN LA, SO DRUG PO THAMS CAD KYANG, PHUNG PO SO DRUG SGRIB BRAL DU GYUR PA'I STONG PA
DRUG TU 'DUS SHING, DRUG PO DE'I MING GI YI GE NI, KA TZA tA PA TA SA, ZHES PA'I GSAL BYED KYI YI GE DRUG YIN LA, DRUG PO DE'I MTSAN MAR, THIG LE STONG PA DRUG ,SNGAR GYI WAm YIG BSGRUB PA'I MTSAN MA RNAMS KYIS PHYOGS PHYOGS SU 'GOD TSUL DNGOS SU GSAL BAR GSUNGS PA LTAR BKOD NAS, DE NAS THIG LE DE DAG BRKYANG NAS SBREL BA NA CHOS 'BYUNG GRU GSUM PA'I RNAM PA'I AA YIG GI GZUGS SU 'GRUB BO, ,DE LA AE YIG GI NANG DU WAm YIG CHUD PAR BSGRUBS PAS NI, SHES RAB STONG PA DMIGS BCAS, PHYAG RGYA CHEN MO LA, THABS BDE BA CHEN PO BRTEN PA MTSON NO, ,DE LTAR BSGRUBS PA'I GZHI, GONG DU BSHAD PA'I KHAMS SO DRUG DANG, 'DIR BSHAD PA'I PHUNG PO SO DRUG ,GZHI DUS SU'ANG, DON GZHAN SO SO BA MED KYANG, SNGA MA KHAMS KYI LDOG PA NAS BSTAN PAS, MING GI YI GE'ANG DBYANGS SU GSUNGS LA, PHYI MA PHUNG PO'I LDOG PA NAS BSTAN PAS MING GI YI GE'ANG GSAL BYED DU GSUNGS SHING, DBYANGS DANG GSAL BYED 'DI DAG KYANG THUNG DU DANG RING PO'I DBYE BAS, ZHES SOGS KYI DON Ni PHUNG PO DANG DBANG PO'I CHA RNAMS NI THABS KYI CHA YIN PAS, DE'I MING GI YI GE DBYANGS GSAL THUNG DU DANG, KHAMS DANG YUL GYI CHOS NI SHES RAB KYI CHA YIN PAS DE'I MING GI RNAM GRANGS NI DBYANGS GSAL RING PO, ZHES BYA BA'O, ,'O NA KHAMS DANG DE'I MING GI YI GE DBYANGS KYI YI GE DE DAG LAS, GSAL BYED KYI YI GE WAm YIG BSGRUB CING, PHUNG PO DANG, DE DAG GI MING GI YI GE GSAL BYED KYI YI GE DE DAG LAS SHES RAB STONG PA MTSON PA'I AE DBYANGS KYI YI GE BSGRUB PA CI ZHE NA, SGRUB TSUL
, ,DE LTAR BYAS PAS KYANG, THABS SHES BDE STONG DE GNYIS NGO BO DON GZHAN GYI RTEN DANG BRTEN PA MIN PAR, NGO BO DBYER MED YIN PA MTSON NO, ,ZHES BLA MA SNGA MA DAG GSUNG MOD KYANG, 'DIR WAm YIG DBYANGS SU BSHAD CING, AA'I GZUGS SGRUBS PA NA'ANG, DBYANGS KYI YA RA LA WA BZHI'ANG BSHAD SNANG NGO, ,RO DRUG DANG KHAMS KYI RNAM PAR 'GYUR BAS KHAMS SO DRUG DANG, PHUNG PO DRUG DANG DBANG PO'I DBYE BAS PHUNG PO SO DRUG TU 'BYED TSUL STON PA NI, RO DRUG DANG KHAMS KYI RNAM PAR DBYE BAS ZHES SOGS TE, KHAMS KYIS 'BYED TSUL SNGA MA 'DRA BAS SHES SLA LA, PHUNG PO DANG DBANG POS 'BYED TSUL NI, RNA BA'I RNAM PAR SHES PA ZHES PA LA SOGS PA STE, DE'I DON YANG RNAM SHES DRUG DANG, RNAM SHES DRUG PO YUL DRUG LA 'JUG PAR BYED PA'I 'DU BYED DRUG DANG, GZUGS SOGS YUL DRUG MYONG BA'I TSOR BA DRUG DANG, MGRIN RKAN SPYI BO MCHU DANG SO DANG SNA STE THA SNYAD DRUG GI YOD MED KYI DON GSAL BAR BYED PA'I 'DU SHES DRUG DANG, GZUGS SOGS YUL DRUG MYONG BA'I TSOR BA DRUG DANG, STENG 'OG GI RTZA GSUM GSUM LA BRGYU BA'I SROG THUR GYI RLUNG YE SHES KYI PHUNG PO DRUG STE, DE LTAR RDO RJE SNYING 'GREL LAS BSHAD PA LTAR RO ZHES RIN PO CHE PA DANG, CHOS RJE PA BZHED PA LTAR BYA'O, GZHAN DU MIG GI YE SHES SOGS LA 'CHAD PA DON MIN NO, ,'DIR DRUG TSAN DRUG DRUG GIS THABS SHES KYI DBYE BA BSTAN NA, DE DAG THABS SHES
SU 'GYUR TSUL JI LTAR ZHE NA, THABS SHES DBYER MED PA RDO RJE SEMS DPA'I DON DU 'GYUR TSUL 'CHAD PA NI, 'DIR STONG PA CHEN PO YI GE LNGA NI DBYANGS KYI TSOGS TE, ZHES SOGS TE DE DAG GI TSIG DON NI, 'DIR STONG PA CHEN PO YI GE LNGA NI, DBYANGS GSAL GNYIS SU PHYE BA'I DBYANGS KYI TSOGS TE, DE NYID LA KHU BA DANG ZLA BA ZHES BRJOD DO, ,THIG LE STONG PA YI GE DRUG NI, SHES RAB GSAL BYED KYI TSOGS TE, DE NYID LA RDUL DANG NYI MA ZHES BRJOD DO, ,DE LTAR GNYIS LAS 'DIR KHU BA DANG ZLA BA NI WAm YIG GI NGES DON BDE BA CHEN PO STE, DE NYID RDO RJE'O, ,RDUL DANG NYI MA NI AE YIG GI NGES DON SHES RAB STE STENG GZUGS PHYAG RGYA CHEN MO'I PADMA'O, ,RDO RJE DANG PADMA 'DI GNYIS NGO BO DBYER MED PAR RO GCIG TU GYUR PA NYID NI RDO RJE SEMS DPA'O, ,'DIR SHONG 'GYUR GYI 'GYUR CUNG MA BDE BA LA, MKHAS PA KHA CIG RDO RJE NI MCHOG GI DON DANG ZHES SOGS KYIS RDO RJE LA DON GSUM TZAM LAS MA BSHAD LA, SEMS DPA' LA DON DGU TZAM BSHAD PAS, 'DI DANG 'DRA BA'I RIGS CAN LA BZLAS DBYE'I BSHAD PA KHA BKANG NAS 'GRIG PAR BYA DGOS GSUNG NAS, RDO RJE'I DON DRUG TZAM ZUR NAS KHA BSKANG STE 'CHAD MOD, DBANG LO'I 'GYUR LA, RDO RJE NI MCHOG GI BDE BA DANG, SHES PA DANG, KHU BA DANG, SEMS DPA' NI RNAM PA THAMS CAD PA'I SHES RAB KYI GZUGS DANG, SHES BYA DANG, NYI MA STE, ZHES 'GYUR BA LTAR, RDO RJE'I DON
, ,GSUM DANG, SEMS DPA'I DON GSUM RIM BZHIN SBYOR ZHING, DE MAN CHAD GNYIS GNYIS, RIM BZHIN RDO RJE DANG SEMS DPAR SBYAR RO, ,DE'ANG DANG POR AE WAm GYI DON GNYIS LA THOG MAR SBYAR BA DES SBYOR TSUL GZHAN YANG MTSON PAS, RDO RJE NI MCHOG GI BDE BA DANG, SEMS DPA' NI RNAM PA THAMS CAD PA'I SHES RAB KYI GZUGS TE, 'DI GNYIS GCIG PA NYID NI RDO RJE SEMS DPA'O, ,ZHES PA NAS, RDO RJE NI DE NYID DANG, SEMS DPA' NI 'GRO BA'I DON BYED PA PO YIN NO, ,'DI GNYIS GCIG PA NYID NI RDO RJE SEMS DPA'O, ,ZHES PA'I BAR DU SBYAR RO, ,DE LTA BU'I RDO RJE SEMS DPA' SKU DANG GSUNG DANG THUGS DANG YE SHES GCIG TU SBYAR BA 'DI NYID, BCOM LDAN 'DAS DUS KYI 'KHOR LO'I, ZHAL BZHI'I RNAM PAR STON PA'I RGYUR 'GYUR TE, DE LA YE SHES KYI KHAMS RNAM PAR DAG PA NI NUB KYI ZHAL SER PO'I RNAM PAR BSTAN PA'O, ,RNAM PAR SHES PA RNAM PAR DAG PA NI SHAR GYI ZHAL ZHES SOGS SO, ,DE BZHIN DU GZHI DUS KYI KHAMS DRUG DANG, LUS NGAG YID GSUM DANG, GNAS SKABS BZHI LA SOGS RNAM PAR DAG PA'I DBYE BAS 'BRAS DUS KYI RIGS LNGA DANG, DRUG DANG, SKU GSUM DANG BZHI LA SOGS PAR 'BYED PA SHES PA'I DON DU, GZHI DUS KYI DE DAG GI DBYE BA SOGS 'BYED TSUL STON PA NI, ZLA BA DANG NYI MA 'DI DAG NI ZHES SOGS TE, DE'ANG GZHU DUS
SU MNGAL SKYES KYI CHU RLUNG NAM MKHA'I KHAMS GSUM, GTZO BOR KHU BA LAS BYUNG ZHING RDUL LAS BYUNG BA MA YIN LA, SA ME YE SHES KYI KHAMS GSUM RDUL LAS GTZO BOR BYUNG ZHING KHU BA LAS GTZO BOR BYUNG BA MIN LA, KHU BA 'AM ZLA BA LAS GTZO BOR BYUNG BA GSUM NI GTZO BOR MNGAL SKYES PHO RNAMS KYI LUS NGAG YID GSUM DU 'GYUR ZHING, RDUL LAM NYI MA LAS GTZO BOR BYUNG BA GSUM NI, GTZO BOR MNGAL SKYES MO RNAMS KYI LUS NGAG YID GSUM DU 'GYUR LA, KHAMS DRUG PO 'DI NI, DBANG PO DRUG ,YUL DRUG ,LAS DBANG DRUG ,LAS DBANG GI BYA BA DRUG RNAMS KYI KHYAB BYED KYI RIGS YIN CING, DE DAG NI DRUG PO 'DIR KHYAB BYA RIGS CAN YIN NO, ,ZHES PA, KHAMS 'DI DAG NI DBANG PO DRUG LA SOGS PA RNAMS KYI RIGS DRUG GO ,ZHES PA'I BAR RO, ,PHO MO GANG LA'ANG, KHU RDUL PHYIR 'PHO MI NUS KYI BAR DU, GZHI DUS KYI YE SHES BDE BA MA SKYES PAS LUS NGAG YID KYI RIGS GSUM DANG, GZHI DUS KYI SKU GSUM DANG, GNAS SKABS GSUM DANG, SA CHU ME RLUNG NAM MKHA'I KHAMS LNGA'I RIGS LNGA DANG, GANG GI TSE KHU RDUL 'PHO BA NAS, YE SHES DANG LHAN CIG ,RIGS BZHI, SKU BZHI, GNAS SKABS BZHI, GZHU DUS KYI RIGS DRUG TU 'GYUR LA, KHU RDUL 'PHO BA'I DUS NI, BUD MED LA LO BCU GNYIS DANG, SKYES PA LA LO BCU DRUG LON PA'I DUS NAS TE, TSUL GDE RTZA RGYUD KYI LUNG DANG SBYAR BA DANG BCAS PA NI, DE BZHIN DU SKU DANG ZHES PA NAS, ZHES SO'I BAR
, ,RO, ,DE LTAR GZHI DUS KYI KHAMS DRUG RIGS DANG, DBANG YUL SOGS DE'I RIGS CAN YIN PA BZHIN DU, 'BRAS DUS SU'ANG, GZHI'I CHOS DE DAG RNAM PAR DAG PA'I SANGS RGYAS DRUG RIGS YIN LA, DE'I KHYAB BYA RIGS CAN NI, SEMS DPA' DRUG LA SOGS PA STE, DE DAG 'CHAD PA NI, DA NI RIGS KYI RIGS CAN BRJOD PA ZHES PA NAS, RNAMS SO'I BAR RO, ,DE DAG NI THUGS BDE STONG GNYIS SU MED PA'I STONG CHEN YIG LNGA YIG DRUG DANG, DE NYID SKU LHA'I 'KHOR LO NYID DU SHAR BA'I DKYIL 'KHOR ZHUS PA STE, LAM DANG 'BRAS BU'I GNAS SKABS GNYIS KA'O, ,DE NAS PHYI DANG LUS DANG GZHAN LA YANG STE RANG BZHIN RNAMS LA SKYES BU NYI SHU LNGA PA'I BDAG NYID DANG, ZHES PA'I TSIG DON 'CHAD PA NI, DA NI ZHES PA LA SOGS PA STE, DE'ANG RANG BZHIN DANG SKYES BU LA SOGS PA'I THA SNYAD NI GRANGS CAN LA SOGS PA'I MU STEGS GZHUG PA'I DON DU YIN TE, DPER NA MAH'A M'A YA LA SOGS PA'I RGYUD GZHAN DU'ANG, DON DAM PAR GANG GIS BRTAN GA-YO'I 'JIG RTEN BYED PA PO'I SKYES BU MED KYANG, BRDZUN PA'AM DGONGS PA CAN GYIS YOD PAR GSUNGS PA LTA BU'O, ,ZHES BYA BA NI, MU STEGS PA RNAMS ZHES PA NAS, GZHAN YANG NGO ZHES PA'I BAR RO, ,DE'ANG GRANGS CAN NI RTZA BA'I RANG BZHIN GTZO BO DE NYID, GTAN NAS RNAM 'GYUR MIN LA, CHEN PO SOGS BDUN RANG BZHIN DANG RNAM 'GYUR GNYIS KA YIN, SKYE
BU'AM, BDAG SHES RIG NI RANG BZHIN DANG RNAM 'GYUR GNYIS KA MIN PAR 'DOD LA, DE DANG RANG BZHIN RNAM 'GYUR SKYES BU ZHES SOGS KYI THA SNYAD TZAM GZHUNG GZHAN NAS 'BYUNG BA DANG 'DRA'ANG, DON MI 'DRA STE, 'DIR NI RTZA BA'I RANG BZHIN NAM MKHA'I KHAMS DANG, SA CHU ME RLUNG YID KYI KHAMS BLO, NGAR 'DZIN RNAMS NI CHEN PO SOGS BDUN DANG, DBANG PO LNGA SOGS NI RNAM 'GYUR BCU DRUG DANG, DE DAG THAMS CAD LA BRTEN NAS BTAGS PA'I SKYES BU TZAM NI SKYES BUR GSUNGS SO, ,DE LA RANG BZHIN GYI DON NI, SEMS CAN RNAMS KYI BZHI PA'I GNAS SKABS BSKYED PA'I DON YIN LA, SKYES BU RANG BZHIN DANG RNAM 'GYUR GNYIS GA MIN PA'ANG, MU STEGS 'DOD PA LTAR DU RGYU 'BRAS GANG YANG MIN PA'I DON MIN GYI, GONG DU BSHAD PA'I RANG BZHIN DANG RNAM 'GYUR DE DAG NI, SKYES BU'I GDAGS GZHI SO SO BA YIN LA, SKYES BU NI KHYAB BYED DAM, DE THAMS CAD LA BRTEN NAS BTAGS PA YIN PAS, DE'I PHYIR GNYIS KA MIN ZHES BSHAD PA'O, , DE LTA BU RTZA LNGA LA'ANG, PHYI NANG GZHAN GSUM DU YOD PA'I NANG NI BSHAD PA LTAR DANG, GZHAN NI DE DAG SGRIB BRAL DU GYUR PA DANG, PHYI NI PHYI ROL TU KHAMS LNGA DANG, ZHES SOGS SO, ,MU STEGS ZAD BYED PA SOGS KHA CIG NI, DBANG PO LNGA DANG, YUL LNGA DANG, SA CHU ME RLUNG, NAGS KYI BDAG PO, 'BRAS BU STE 'TSO BA'I LUS DRUG DANG BCAS PA'I RNAM 'GYUR BCU GCIG TU 'DOD PA'ANG YOD DO, ,ZHES ZHAR BYUNG LA BSHAD PA DANG BCAS PA NI, 'DI MU STEGS PA RNAMS
, ,KYI ZHES PA NAS, LUS DRUG CES SO, ,ZHES PA'I BAR RO, ,DE BZHIN DU, LUS LA SNA TSOGS TSAD CES PA NAS, THAMS CAD YANG DAG BSHAD DU GSOL, ZHES PA'I BAR NI GO SLA STE, DE DAG GIS GSOL BA BTAB PA'I TSIG DON BSHAD ZIN TO, ,DE LTAR GSOL BA 'DEBS PA'I RGYU MTSAN, DE CI'I PHYIR ZHE NA SOGS DANG, ZHUS PA'I DON RNAMS MTSAN BRJOD DANG MTHUN PAR GSUNGS PA'I RGYU MTSAN STON PA, MTSAN YANG DAG PAR BRJOD PA TSAD MAR BYAS NAS ZHES SOGS NI CUNG ZAD GO SLA LA, DE'I PHYIR GANG GIS ZHES SOGS KYIS MTSAN BRJOD DANG RGYAD 'DI'I YON TAN BRJOD NAS MNYAN PAR BSKUL BA STON PA LA, RJE BTZUN RGA LO'I GSUNG LAS, GANG GIS MCHOG GI DANG PO'I SANGS RGYAS ZHES PA NAS, RDO RJE 'DZIN PA'I LAM DANG BRAL BA'O, ,ZHES PA'I BAR 'DI DAG GIS DNGOS SU LDOG KHYAB BSTAN SHUGS LA RJES KHYAB STON TE, RDO RJE 'DZIN PA'I LAM DANG LDAN PA DES, SNGAGS KYI THEG PA SHES ZHES SOGS SU 'CHAD LA, DE LA NI SU'ANG DOGS PA MED CING, RGYUD 'DI SHES NA RDO RJE 'CHANG GI LAM SHES PAR 'CHAD DGOS PA LA, RDO RJE 'CHANG GI LAM ZAB MO SHES NA 'DI SHES ZHES BSHAD PAS 'BREL MED DO, ,BLA MA SHES RAB SENG GE NA RE, RJES 'GRO DE LTAR MI BYED DE, DANG PO'I SANGS RGYAS SHES PA DES MTSAN BRJOD SHES, ZHES SOGS SU 'CHAD LA, MKHAS PA DAG KYANG DE LEGS SO ZHES GSUNGS KYANG, DE LA KHYAB
PA'I RJES SU 'GRO LDOG GI NI RNAM PAR MA SHAR RO, ,'DI DAG THAMS CAD KYIS RTAGS KYI RJES SU 'GRO LDOG LA KHA 'CHAM BYED PAR SNANG LA, DE YIN NA SNGA MA LTAR BYED DGOS KYI, PHYI MA 'DI 'ONG DON MED LA, DES NA RTAGS KYIS MIN GYI, MCHOG GI DANG PO'I SANGS RGYAS MI SHES NA MTSAN YANG DAG PAR BRJOD PA'I DON MI SHES PAS KHYAB, CES DNGOS SU BSTAN PA'I SHUGS KYIS, MTSAN BRJOD KYI DON SHES PA LA MCHOG GI DANG PO'I SANGS RGYAS RGYUD 'DI'I DON SHES DGOS SO, ,ZHES SOGS SU SBYAR ZHING, GANG GIS SNGAGS KYI THEG PA MI SHES PA DE DAG THAMS CAD NI 'KHOR BA PA STE, ZHES PA'ANG, 'KHOR BA'I BAG CHAGS MA LUS PAR SPONG BA, SNGAGS KYI THEG PA LA RAGS LUS PA'I DON YIN GYI, 'KHOR BA SPANGS PA'I THAR PA TZAM 'THOB PA'ANG, SNGAGS LA RAG LUS PA NI MA YIN TE, DE LTA YIN NA NI, NYAN THOS DGRA BCOM KYANG 'KHOR BA LAS MA GROL BAR THAL LO, ,'KHOR BA'I BAG CHAGS NI SHES SGRIB YIN PAS SKYON DE MI 'BYUNG NGO, ,MDOR BSDUS KYI MTSAN BSTAN PA NI, BSDUS PA'I RGYUD KYI RGYAL PO SOGS SO, ,MDOR BSDUS DRUG PA'I DKA' BA'I GNAS BSHAD PA'O,, ,,DA NI MDOR BSDUS BDUN PA BSHAD PAR BYA'O, ,DE LA GZHUNG GI MTSAN SO SOR BSHAD PA NI, MDOR BSDUS 'DI LA 'GREL PA NYID KYIS DNGOS SU MDZAD PAS DE NYID KYIS SHES LA, DE'ANG GNAS PA BDUN PA, ZLA BZANG GIS ZHUS PA'I LAN GYI TSIG ,RTZA RGYUD LAS
, ,GSUNGS PA, GRAGS PAS BSDUS RGYUD DU BSDUS PA DE, BDAG GIS DGROL BAR BYA'O, ,ZHES MTSAMS SBYAR BA NI, DA NI ZHES PA LA SOGS PA'O, ,LAN GYI TSIG DON DGROL BA DNGOS LA, ZLA BA BZANG PO KHYOD LA BDAG MGU'O ZHES BYA BA NI, DAM BCA' DGOD PA'O, ,RGYU MTSAN GANG LAS DON CI'I PHYIR ZHE NA, GANG ZAG GI ZHES SOGS TE, DE LA KUN DGA' BO NI, SGRON GSAL DU GNYIS MED RNAM RGYAL GYI LUNG DRANGS PA LAS, KUN TU BZANG PO NI GNAS BRTAN KUN DGA' BOR GYUR TO, ,ZHES GSUNGS PA LTAR YIN KYANG, 'DIR RGYUD DON MI SHES PA'I CHAGS BRAL GYI DPER SMOS PA NI, CHAGS BRAL GYI SPYOD PA DANG, RGYA CHEN PO'I SPYOD PA DANG, CHAGS CAN GYI SPYOD PA GSUM GYI NANG NAS, KUN DGA' BO DANG PO LA SPYOD PA'I TSUL BZUNG BA NYID KYI CHA NAS,, SARBA MANGGA LAm, ,