*, ,DKYIL 'KHOR KUN GYI SA CHOG GI SKABS KYI GAR PHRENG BA'I DGONGS PA BZHIN RJE'I ZHAL SNGA NAS GSUNGS PA DKA' BZHI PA GRAGS PA RGYAL MTSAN GYIS BKOD PA BZHUGS SO, ,
, ,BLA MA DAM PA RNAMS LA PHYAG 'TSAL LO, ,DKYIL 'KHOR KUN GYI SA CHOG GI SKABS NGA RGYAL BZUNGS PA'I RJES SU, RKANG PA GNYIS MNYAM PAR BYAS LA, RKANG MTHIL GNYIS SU H'Um H'Um LAS BYUNG BA'I RDO RJE 'BAR BA RE RE, ZHES NGAG TU BRJOD CING DE LTAR BSAMS LA, RDOR DRIL PHRAG PA'I PHYOGS SU CUNG ZAD BSTOD DO, ,RDO RJE GSOR DRIL BU GSIL, DE NAS NGAG TU H'Um RING PO DBYANGS DANG BCAS PA BRJOD, LUS 'GYING BA DANG BCAS PAS GAR BSKOR BA STE, PAD KOR CHEN POR BYED CING, RKANG PA GA-YAS MDUN DU GA-YON PHYOGS SU BZHAG DE NAS GA-YON PHYIR SPOS TE GA-YAS BRKYANG BYA, DE NAS GA-YAS GA-YON PA'I RGYAB TU SPOS TE, RKANG PA GNYIS BSNOL, DE NAS GA-YON PHYIR SPOS TE MDUN DU LAG PA CUNG ZAD SMAD, RDO RJE GSOR DRIL BU GSIL ZHING, DBANG LDAN DU PHYIN LA, SLOB MA DANG LHAN CIG 'GROS DE LTA BU, DKYIL 'KHOR GYI SA GZHI GA-YAS SKOR DU LAN CIG BSKOR LA, DBANG LDAN DU PHYIN TE KHA NANG DU BLTAS LA BKA' BSGO BYA, YANG NA RDO RJE RTZE GCIG PA LTA BU'I 'GROS KYIS DBUS NAS DBANG LDAN DU 'GRO BA DANG, DKYIL 'KHOR LA GA-YAS SKOR LAN CIG BYAS
, ,LA; BKA' BSGO BYA, DE NAS RDO RJE'I 'GROS BYA BA NI, DKYIL CHOG RDO RJE 'PHRENG BA LAS, MIG GNYIS LAG GNYIS DE BZHIN DKUR, ,RKANG PA GZHOGS SU GA-YAS SKOR DU, ,PHEG RDOB SBYOR BAS BSKOR BAR BYA, ,SLAR YANG GA-YON DU DE BZHIN NO, ,DE NAS RGYUG PA'I GAR BYAS NAS, ,DE NAS GA-YO ZHING GAR BYA'O, ,MYUR DU PHEG RDOB DE BZHIN DU, ,GAR BYAS 'KHOR LO RAB BSKOR ZHING, ZHES DANG, DPANG LO'I 'GYUR LAS, GAR BYAS 'KHOR LO 'DRAR BSKOR ZHING, ZHES DANG, BZANG PO YONGS GZUNG LAS, 'KHOR LO LTA BUR 'KHOR BAS BYA, ZHES GSUNGS PA'I RDO RJE RTZE GCIG PA'I 'GROS KYI TSUL NI, RKANG PA GNYIS MNYAM DU GSHIBS LA, RKANG MTHIL GNYIS SU, H'Um H'Um LAS BYUNG BA'I RDO RJE RTZE GCIG PA 'BAR BA RE RE, ZHES BRJOD CING, DE LTAR BSAMS LA, NGAG TU H'Um RING PO DBYANGS DANG BCAS PA BRJOD CING LUS 'GYING BA DANG BCAS PAS PAD KOR BYAS LA, RKANG PA GA-YAS CUNG ZAD BTEG LA, 'GYING BA DANG BCAS PAS BZHAG ,DE BZHIN DU, GA-YON DU CUNG ZAD BTEG LA RKANG PA GNYIS MNYAM POR GSHIBS, DE NAS RKANG PA GA-YAS
GA-YON PHYOGS NAS GA-YAS SU MDUN DU BSKOR LA GSHIBS TE, RDO'I LTE BA BRI, DE NAS MIG RGYAB TU BLTA ZHING RKANG PA GA-YAS RGYAB PHYOGS SU BZHAG STE, RGYAB KYI RVA BRI, DE NAS MIG MDUN DU BLTA ZHING, RKANG PA GA-YAS MDUN DU BZHAG STE, MDUN GYI RVA BRI, DE NAS RDO RJE GSOR DRIL BU GSIL ZHING RKANG PA GNYIS MNYAM POR BYA, DE NAS RDO RJE KHU TSUR GNYIS DGU STE STA ZUR GYI PHYOGS SU KHA NANG DU BSTAN TE BZHAG LA, NGAG TU DBYANGS MED PA'I H'Um BRJOD CING, RKANG PA GA-YAS BTEG TE RGYAB TU GA-YAS SKOR DU BSKOR LA, DRIL BU GA-YAS PHYOGS SU LAG PA GA-YAS PA'I STENG DU GSIL NAS, LAG PA GA-YAS STENG DU BYAS NAS THAL MO'I SGRA BYA, SLAR YANG GA-YON STENG DU BYAS NAS THAL MO'I SGRA BYA'O, ,DE BZHIN DU RKANG PA GA-YON CUNG ZAD BTEG STE H'Um ZHES BRJOD CING, RGYAB TU GA-YON PHYOGS SU BSKOR LA, SNGAR BZHIN DRIL BU GA-YON PHYOGS SU GSIL NAS SNGAR BZHIN PHEG RDOB BO, ,DE DAG NI, MIG GNYIS LAG GNYIS DE BZHIN DKUR, ZHES PA NAS, SLAR YANG GA-YON DU DE BZHIN NO, ,ZHES PA'I BAR GYI DON TE, ,DE NAS SNGAR LTAR NGAG GI H'Um RING PO DBYANGS DANG BCAS PA DANG, LUS 'GYING PA DANG BCAS PAS PAD KOR CHEN PO BYAS LA, RKANG PA GA-YON CUNG ZAD 'DEGS PA DANG, DE NAS GA-YAS CUNG ZAD BTEG LA MDUN DU RDO RJE GSOR DRIL BU GSIL ZHING MNYAM POR BYA, DE NAS SNGAR BZHIN LAG PA GNYIS RDO RJE KHU TSUR STA ZUR DU BZHAG LA, RKANG PA GA-YAS MDUN DU BTEG STE, NGAG TU DBYANGS MED PA'I H'Um ZHES BRJOD CING, RKANG PA GNYIS MNYAM DU MDUN DU CUNG ZAD LAN CIG MCHONG ZHING, SLAR YANG GA-YON CUNG ZAD MDUN DU BTEG STE, SNGAR BZHIN
, ,LAN CIG CUNG ZAD MCHONG BA NI RGYUG PA'I GAR TE, DE NAS RGYUG PA'I GAR BYAS NAS, ZHES PA'I DON TO, ,DE NAS SNGAR BZHIN H'Um RING PO DBYANGS DANG BCAS PA PAD KOR CHEN PO BYAS LA, RKANG PA GA-YAS CUNG ZAD 'DEGS PA DANG, DE NAS GA-YON CUNG ZAD BTEG STE, MDUN DU RDO RJE GSOR DRIL BU GSIL ZHING MNYAM POR BYA BA NI GA-YO BA'I GAR TE, DE NAS GA-YO ZHING GAR BYA'O, ,ZHES PA'I DON TO, ,DE DAG NI GA-YAS KYIS RDO RJE RTZE GCIG PA BRI BA'I TSUL LO, ,GA-YON PAS BRI BA NI, GA-YON MDUN GYI GA-YAS PHYOGS NAS GA-YON DU BSKOR ZHING, MNYAM POR BYAS LA RDO RJE'I LTE BA BRI ZHING, MIG PHRAG GONG GA-YON GA-YON PHYOGS NAS RGYAB TU BLTAS LA, RKANG PA GA-YON SNGAR BZHIN RGYAB TU BZHAG ,DE NAS MIG MDUN DU BLTA ZHING, GA-YON MDUN DU BZHAG STE, RGYAB MDUN GYI RVA BRI ZHING, DE LTAR BSAMS LA RKANG PA GNYIS MNYAM POR BYA, SKOR BA'I TSE GA-YON DANG POR BTEG STE GA-YON DU BSKOR, GA-YAS BTEG STE RJES SU BSKOR, RGYUG PA'I TSE YANG GA-YON MDUN DU BTEG STE MCHONGS PA'I RJES SU GA-YAS CUNG ZAD BTEG STE MCHONG BAR BYA'O, ,GZHAN THAMS CAD NI GA-YAS KYIS BRI BA'I SKABS BZHIN BYA, RKANG PA BTEG STE GA-YAS GA-YON DU 'KHOR LO LTAR BSKOR NAS, MYUR DU PHEG RDOB PA DANG BCAS PA'I RDO RJE'I 'GROS KYI GAR DANG POR BYAS PA DE BZHIN DU DKYIL 'KHOR GYI MTHA' JI SRID BSKOR BA'I BAR DU BYA STE, MYUR DU PHEG RDOB DE BZHIN DU, ZHES SOGS KYI DON TO, ,DE YANG GA-YAS GA-YON GYI RDO RJE'I 'GROS SPEL MAR BYA'O, ,RDO RJE RTZE GSUM PA'I 'GROS GYI TSUL NI, RKANG
MTHIL GNYIS SU H'Um H'Um LAS BYUNG BA'I RDO RJE RTZE GSUM PA 'BAR BA RE RE, ZHES BRJOD CING DE LTAR BSAMS LA, RKANG PA GA-YAS KYIS DANG POR RGYAB KYI RVA DBUS MA, DE NAS RANG GI GA-YON PHYOGS KYI RVA, DE NAS GA-YAS KYI RA BRIS LA, DE NAS MDUN GYI DBUS RVA; DE NAS RANG GI GA-YON PHYOGS KYI RVA, DE NAS GA-YAS PHYOGS KYI RVA BRI'O, ,GA-YON PAS BRI TSUL NI, RGYAB MDUN GYI DBUS RVA BRIS PA'I RJES SU, DANG POR RANG GI GA-YAS DANG DE NAS GA-YON PHYOGS KYI RVA BRI'O, ,RDO RJE RTZE LNGA PA'I 'GROS KYI TSUL NI, RKANG MTHIL GNYIS SU H'Um H'Um LAS BYUNG BA'I RDO RJE RTZE LNGA PA 'BAR BA RE RE, ZHES BRJOD CING DE LTAR BSAMS LA, GA-YAS PAS RGYAB KYI DBUS RVA BRIS PA'I RJES SU, RANG GI RGYAB PHYOGS KYI GA-YON DANG GA-YAS KYI PHYI RVA RIM PA BZHIN BRIS LA, DE NAS GA-YON DANG GA-YAS KYI NANG RVA GNYIS BRI'O; ;MDUN GYI YANG GA-YAS PAS DBUS RVA BRIS PA'I RJES SU, RANG GI MDUN PHYOGS KYI GA-YON DANG GA-YAS KYI PHYI RVA BRIS LA, DE NAS DE GNYIS KYI NANG DU GA-YON DANG GA-YAS KYI NANG RVA BRI'O, ,GA-YON PAS BRI BA'I TSE, RGYAB MDUN GYI DBUS RVA BRIS PA'I RJES SU, RANG GI RGYAB MDUN GYI GA-YAS RVA DANG POR BRIS LA, GA-YON RVA RJES SU BRI'O, ,SNA TSOGS RDO RJE BRI BA'I TSUL NI, RKANG MTHIL GNYIS SU H'Um H'Um LAS BYUNG BA'I SNA TSOGS RDO RJE 'BAR BA RE RE, ZHES BRJOD CING, DE LTAR BSAMS LA, RKANG PA GA-YAS PAS RGYAB KYI DBUS RVA BRIS PA'I RJES SU, GA-YON DANG GA-YAS KYI RGYAB RVA BRI, DE NAS RKANG PA GA-YAS PAS GA-YAS KYI DBUS RVA BRIS PA'I RJES SU, GA-YAS DANG GA-YON PHYOGS KYI RVA BRI'O, ,DE NAS RKANG PA GA-YON PAS GA-YON GYI DBUS RVA BRIS PA'I RJES SU,
, ,GA-YON DANG GA-YAS KYI RVA BRI, DE NAS GA-YON PAS MDUN GYI DBUS RVA BRIS PA'I RJES SU, RANG GI GA-YAS DANG GA-YON PHYOGS KYI RVA GNYIS BRI'O, ,DE NAS GA-YON PAS SNA TSOGS RDO RJE BRI BA'I TSE, RKANG PA GA-YON PAS RGYAB DANG GA-YON GYI RVA GSUM RIM BZHIN BRIS LA, DE NAS GA-YAS PAS GA-YAS PHYOGS DANG MDUN GYI RVA GSUM BRI'O, ,KHYAD PAR NI RGYAB DANG MDUN GYI DBUS RVA BRIS PA'I RJES SU RGYAB KYI GA-YAS PHYOGS KYI RVA DANG, MDUN GYI GA-YON PHYOGS KYI RVA DANG POR BRI'O, , RDO RJE'I 'GROS PHYI MA GSUM GYI SKABS SU RVA BRI BA'I KHYAD PAR RNAMS MA GTOGS PA GZHAN SNGA PHYI THAMS CAD NI RDO RJE RTZE GCIG PA'I 'GROS KYI SKABS JI LTA BA BZHIN BYA'O, ,RDO RJE'I 'GROS RE RES KYANG DBANG LDAN NAS BRTZAMS TE GA-YAS SKOR DU SKOR BA RE RE'AM GSUM GSUM MAM, YANG NA SKOR BA GCIG LA 'GROS BZHI GA RDZOGS PAR BYA'O, ,DE LA RGYA MTSO'I RLABS 'GROS NI, RKANG PA GA-YON SNGON LA BRTEG PA'I GA-YO BA'I GAR SNGAR LTAR BYAS LA, RKANG PA GA-YON MDUN PHYOGS SU SPO ZHING LAG PA GNYIS SDIGS MDZUB GYEN DU BSTAN PA RKANG PA GA-YON BSKUMS PA'I PUS MO'I THAD KYI STENG DU KHYER LA, SDIGS MDZUB KHA PHYIR BSTAN LA, GA-YAS PHYOGS SU KHYER TE CUNG ZAD STOD LA GA-YON BRKYANGS, DE NAS SDIGS MDZUB KHA GYEN DU BSTAN LA, RKANG PA GA-YAS BTEG PA DANG LHAN CIG GA-YON PHYOGS SU KHYER LA, SLAR SDIGS MDZUB GNYIS KHA PHYIR BSGYUR LA GA-YAS SU KHYER CING, RKANG PA GA-YAS GA-YAS PHYOGS SU KHYER LA GA-YON BRKYANGS DANG, DE NAS SDIGS MDZUB GNYIS KHA PHYIR BSGYUR LA
GA-YON DU KHYER CING, GA-YAS BRKYANG BYA ZHING DRIL BU GSIL, GA-YON PAS BYED PA'I TSE, RKANG PA GA-YAS SNGAR 'DEGS PA SOGS SNGA MA LAS BZLOG STE BYA'O, ,RI BO 'DEGS PA NI RKANG PA GA-YAS SNGAR 'DEGS PA'I GA-YO BA'I GAR BYAS LA, THAL MO GA-YON PA'I STENG DU GA-YAS PA MDUN PHYOGS SU SMAD LA BZHAG CING, RKANG PA GA-YAS MDUN DU GA-YON DANG NYE BAR BZHAG LA, RKANG PA GNYIS GA-YON DU CUNG ZAD DRUD LA LUS SMAD CUNG ZAD GA-YON DU BSKOR ZHING, LAG PA GNYIS THAD KAR THAL MO BRKYANGS TE PHRAG PA'I PHYOGS SU KHYER LA; RI BO 'DEGS PA'I TSUL BYA'O, DE NAS PAD KOR CHEN PA BYAS LA, LAG PA GNYIS SNGAR BZHIN THAL MO BRKYANGS, RKANG PA GA-YAS GA-YAS SKOR DU 'GRO BA'I PHYOGS SU SPOS TE, GA-YON BRKYANGS, DE NAS GA-YAS BRKYANGS TE, PHAG GONG DU THAL MO BSKYANGS PA RI BO 'DEGS PA'I TSUL BYA'O, ,GA-YON GYIS SGRUB PA'I TSE, RKANG STABS DANG LUS CUNG ZAD SKOR BA SOGS SNGA MA LAS BZLOG STE BYA'O, ,ROL PA'I BSKYOD PA NI, SNGA MA LTAR GA-YO BA'I GAR BYAS LA, RKANG PA GA-YAS MDUN DU SPOS SHING, LAG PA GNYIS SDIGS MDZUB PHYIR BSGYUR LA GA-YON PHYOGS SU KHYER CING, RKANG PA GA-YON PA'I MTHIL, GA-YAS PA'I LENG BU'I GONG DU SBYAR, YANG GA-YON PA MDUN DU SPOS TE SDIGS MDZUB PHYIR BSGYUR LA GA-YAS SU KHYER CING, RKANG PA GA-YAS PA'I MTHIL GA-YON PA'I LONG BU'I GONG DU SBYAR, DE NAS RKANG PA GA-YAS SKOR DU 'GRO BA'I PHYOGS SU SPO ZHING, SDIGS MDZUB PHYIR BSGYUR LA GA-YAS SU KHYER CING, GA-YON BRKYANGS DANG, YANG SDIGS MDZUB PHYIR BSGYUR ZHING GA-YON DU KHYER LA GA-YAS BRKYANG BYA ZHING DRIL BU GSIL
, ,LO, ,GA-YON PAS SGRUB PA'I TSE SNGA MA LAS BZLOG STE BYA'O, ,KHRO BO'I BSKYOD PA NI, GA-YO BA'I GAR SNGA MA LTAR BYAS LA, RKANG PA GA-YAS RGYAB TU CUNG ZAD SPO ZHING, PAD KOR BYAS PA'I LAG PA GA-YAS PHRAG PA GA-YAS PHYOGS DANG GA-YON CUNG ZAD SMAD PA MDUN DU KHYER, DE NAS SDIGS MDZUB PHYIR BSGYUR LA GA-YON DU KHYER CING, RKANG PA GA-YAS SNGAR BTEG LA RKANG PA GNYIS KYIS DRAG TU MDUN DU CUNG ZAD GA-YON DU NYE BAR MCHONG ZHING, SLAR GA-YON SNGAR BTEG STE, SDIGS MDZUB GNYIS PHYIR BSGYUR BA GA-YAS SU KHYER CING, MDUN DU GA-YAS DANG NYE BAR CUNG ZAD MCHONGS LA, DE NAS SDIGS MDZUB PHYIR BSGYUR LA GA-YAS SU KHYER CING, RKANG PA GA-YAS GA-YAS SKOR DU 'GRO BA'I PHYOGS SU SPO STE, GA-YON BRKYANGS DANG, DE NAS SDIGS MDZUB GNYIS PHYIR BSGYUR ZHING, GA-YON DU KHYER LA, GA-YAS BRKYANG BYA ZHING DRIL BU DKROL LO, ,GA-YON PAS SGRUB TSUL NI, SNGA MA LAS BZLOG STE BYA'O, ,DE YANG RGYA MTSO'I RLABS 'GROS GTZO BOR GA-YAS KYIS SGRUB PA'I TSE, DKYIL 'KHOR LA MDUN BSTAN PA'I GA-YON BRKYANGS DANG, GA-YAS BRKYANGS MTHAR 'ONG LA, RI BO 'DEGS PA SOGS GSUM GA-YAS PAS SGRUB PA'I TSE, DKYIL 'KHOR LA RGYAB BSTAN PA'I GA-YON BRKYANGS DANG, GA-YAS BRKYANGS MTHAR 'ONG NGO, ,RGYA MTSO'I RLABS MA GTOGS PA RDO RJE'I 'GROS BZHI DANG, RI BO 'DEGS PA SOGS GSUM LA RKANG PA GA-YAS PAS GTZO BOR SGRUB PA'I TSE, DANG POR GA-YAS 'DEGS LA GA-YON PAS GTZO BOR SGRUB PA'I TSE, GA-YON DANG POR BTEG LA BYA'O, ,DANG POR GA-YO BA'I GAR BYED PA MA GTOGS
BSKOR ZHING PHEG BRDABS PA'I RJES SU DANG, MTHAR GA-YO BA'I GAR BYED PA DANG, RGYA MTSO'I RLABS 'GROS BZHI LA YANG, BAR SKABS SU RKANG PA 'DEGS PA DANG 'GRO BA'I PHYOGS SU RKANG PA SPO BA LA RJES LA LUS PA SNGAR 'DEGS SHING SPO BAR BYA LA, ROL PA'I BSKYOD PA LA NI, LONG BU'I GONG DU RKANG MTHIL SBYAR BA'I RKANG PA SNGAR 'GRO BA'I PHYOGS SU SPO BAR BYA'O, ,RDO RJE'I 'GROS BZHI LA BSKOR NAS PHEG RDEB PA DANG, RGYUG PA'I GAR BYED PA GNYIS MA GTOGS, DANG POR RKANG PA 'DEGS PA GA-YO BA'I GAR BYED PA NAS MTHAR GA-YO BA'I GAR BYED PA'I BAR GZHAN THAMS CAD LA NGAG TU H'Um RING PO DBYANGS DANG BCAS PA BYA LA, RGYA MTSO'I RLABS LA SOGS PA BZHI LA NI, THOG MA NAS THA MA'I BAR THAMS CAD LA H'Um RING PO DBYANGS DANG BCAS PAS BSGRUB PAR BYA'O, ,RDO RJE'I 'GROS BZHI DANG, RGYA MTSO'I RLABS LA SOGS PA BZHI PO THAMS CAD LA THOG MAR RKANG PA 'DEGS PA'I SNGA ROL DU RDOR DRIL PHRAG PA'I PHYOGS SU CUNG ZAD BSTOD DE, RDO RJE GSOR ZHING DRIL BU GSIL BA'I RJES SU H'Um BRJOD CING GAR BYA'O, ,RGYA MTSO'I RLABS LA SOGS PA RA RES KYANG DKYIL 'KHOR LA DBANG LDAN NAS BRTZAMS TE GA-YAS BSKOR DU BSKOR BA RE RE'AM YANG NA BSKOR BA GCIG LA 'GROS BZHI TSANG BAR BYA'O, ,RGYA MTSO'I RLABS LA SOGS PA BZHI'I SKABS SU KHA SBYAR BYA TSUL NI, RLABS 'GROS KYI RJES SU, SHAR SGO'I THAD DU SLOB DPON KHA NANG DU BLTA BA'AM, YANG NA KHA PHYIR BLTA ZHING GA-YAS BRKYANGS, SLOB DPON GYI GA-YON NA GNAS PA'I SLOB MAS GA-YON BRKYANGS BYAS LA, SLOB MA'I DRIL BU'I NANG DU, SLOB DPON GYI RDO RJE
, ,DANG; DE'I RDO RJE YANG SLOB DPON GYI DRIL BU'I NANG DU BCUG LA GNYIS KAS NGAG TU, AOm KHA BADZRA DHRIKA BADZRA H'Um KA RA BADZRA H'Um PHAt, CES DBYANGS DANG BCAS PA'AM DBYANGS MED PAR NGAG TU BRJOD CING KHA SBYOR BYA'O, ,DE NAS SLOB DPON GYI MDUN DANG, DE NAS GA-YAS SU DANG, DE NAS RGYAB TU PHYIN LA SNGAR LTAR KHA SBYOR BYA STE, PHYOGS RE RER KHA SBYOR BZHI BZHI BYA'O, ,RI BO 'DEGS PA'I 'GROS KYI RJES SU SGRO SLOB DPON GA-YON BRKYANGS DANG, SLOB MA GA-YAS BRKYANGS DANG, ROL PA'I 'GROS KYI RJES SU NUB SGOR DPON SLOB GNYIS KAS SA GA DANG, KHRO BO'I BSKYOD PAS PHYIN PA'I RJES SU BYANG SGOR DPON SLOB GNYIS KAS RKANG STABS ZLUM PO BYA STE, KHA SBYOR BYAS PA'I RJES SU, SLOB DPON GYIS SNGAR NGA RGYAL BZUNGS BA'I 'OG TU, DBUS NAS DBANG LDAN DU PHYIN TE, DKYIL 'KHOR LAN CIG BSKOR BA'I 'GROS GANG BYAS PA DE NYID KYIS DBANG LDAN NAS DBUS SU PHYIN LA, SHAR DU PHYOGS TE MNYAM PA'I RKANG STABS BYA'O, ,DE YANG GA-YAS BRKYANGS NI, RKANG PA GA-YON PA'I BYIN PA BSKUMS NAS MTHO LNGA'I BAR DU, RKANG PA GA-YAS 'GYING BA DANG BCAS PAS DRANG POR BRKYANGS PA'O, ,GA-YON BRKYANGS NI, DE LAS BZLOG PA'O, ,SA GA NI, RKANG PA GNYIS KYI BAR DU SOR NYER DRUG YOD PA BYAS NAS RKANG SOR RNAMS LOGS SU BSTAN CING PUS MO GNYIS DRANG POR BYAS PA'O, ,ZLUM PO NI, SA GA'I 'DUG STANGS NYID DU KHRU DO PA NGANG PA'I GSHOG PA LTAR PUS MO GNYIS SMAD PA'O, ,MNYAM PA NI, RKANG PA GNYIS KYI SOR MO PHAN TSUN SBYAR BA STE, RKANG PA'I MTHE BONG DANG RTING PA GNYIS BCER
BA'O; ;GA-YAS BRKYANGS NAS MNYAM PA'I BAR GYI RKANG STABS LNGA LA GZHI BCA' SNGON DU BTANG NAS BYED TSUL NI, GA-YAS BRKYANGS KYI TSE, LAG PA GA-YAS PAS RDO RJE GYEN DU MDUN DU BZUNGS PA'I STENG DU GA-YON PAS DRIL BU GSIL, NGAG TU H'Um ZHES BRJOD CING; RKANG PA GA-YON 'GYING BA DANG BCAS PAS GA-YAS PA'I MDUN DU 'PHRED LA BZHAG ,DE NAS DE BZHIN DU RKANG PA GA-YAS PAS GA-YON PA'I MDUN BSKOR TE RGYAB TU BZHAG ,DE NAS GA-YON PAS GA-YAS PA'I MDUN BSKOR TE RGYAB TU BZHAG ,DE NAS GA-YAS PAS GA-YON PA'I MDUN BSKOR TE GA-YAS BRKYANG BYA'O, ,GA-YON BRKYANGS LA SOGS PA GSUM LA, DANG POR GA-YAS PA GA-YON PA'I MDUN DU BZHAG LA, GA-YAS GA-YON RE MOS SU BZHAG PA'I BZHI PA LA RANG RANG GI RTZA BA'I RKANG STABS BSGRUB PAR BYA'O, ,YANG NA GZHI BCA' NAS GA-YAS BRKYANGS LA SOGS PA LNGA RDZOGS PA'I BAR LA PAD SKOR BYAS NAS BSGRUB PAR BYA'O, ,KHA SBYOR NI NGA RGYAL BZUNGS PA'I RJES SU, DBUS NAS DBANG LDAN DU SONG STE, DKYIL 'KHOR LA GA-YAS SKOR DU LAN CIG BSKOR BA'I SKABS SU BYAS KYANG RUNG NGO, ,DKYIL CHOG RDO RJE 'PHRENG BA LAS, GA-YAS BRKYANGS LA SOGS PA BCU GSUM PO 'DI DAG BYED PA NA, JI LTAR RIGS PAR RGYA MTSO'I RLABS DANG, RI BO 'DEGS PA DANG, ROL PA'I BSKYOD PA DANG, KHRO BO'I BSKYOD PA STE, GOM PA 'GROS PA'I TSUL BZHI DANG, BSNUN PA LA SOGS PA KUN TU BSKYOD PA DGU DANG, RDO RJE BSGRENG PA LA SOGS PA DRUG DANG, RAL GRI LA SOGS PA'I TSUL BCU GSUM BYA'O, ,ZHES RGYA MTSO'I RLABS 'GROS NAS KHRO
, ,BO'I BSKYOD PA'I BAR BZHI BYA BAR GSUNGS SO, ,DE NAS SHES SHING SPRO NA, GA-YAS BRKYANGS SOGS RKANG STABS LNGA'I LHAG MA SKYES PA DANG SKYES ZLA LA SOGS PA BRGYAD DANG, KUN TU BSKYED PA DGU DANG, TSUL RNAMS DANG, RDO RJE'I GDAN LA SOGS PA RNAMS KYANG BYA'O, ,RDO RJE'I 'GROS BZHI'I SKABS SU RDO RJE MKHA' 'GRO DANG, KHA SBYOR DANG, SGYU DRA DANG, DKYIL CHOG MANG POS KYANG H'Um YIG BRJOD PAR GSUNGS LA, DKYIL CHOG RDO RJE 'PHRENG BA LAS KYANG H'Um YIG BRJOD PA SNGON DU 'GRO BAS ZHES GDAN BCU'I SKABS SU BSHAD PA MA GTOGS PA SNGAGS GZHAN 'DON PA MA BSHAD DO, ,AOm AE KA PU TZI KA LA SOGS PA'I SNGAGS NGAG TU BRJOD NAS RDO RJE'I 'GROS BZHI BYED PA RDO RJE GUR GYI 'GREL BA LAS BSHAD DO, ,GAR 'DI RNAMS BYED PA'I TSE 'DRI BAR 'GYUR BA'I DKYIL 'KHOR GYI GTZO BO LA SOGS PA'I RANG LHA DE NYID DO SNYAM PA'I LHA'I NGA RGYAL BRTAN CING, RNAM PA YANG YANG GSAL GDAB PAR BYA'O, ,DKYIL 'KHOR KUN GYI SA CHOG GI SKABS KYI GAR, DKYIL CHOG RDO RJE 'PHRENG BA'I DGONGS PA BZHIN, CHOS KYI RJE THAMS CAD MKHYEN PA BLO BZANG GRAGS PA'I DPAL GYI ZHAL SNGA NAS GSUNGS PA DKA' BZHI 'DZIN PA GRAGS PA RGYAL MTSAN GYIS YI GER BKOD PA'O, ,MANGGA LAm,