*, ,DPAL GSANG BA 'DUS PA'I MNGON RTOGS DANG BSAM GTAN GYI SGRUB MCHOD NGAG TU 'DON PA'I LHAN THABS BZHUGS SO, ,
, ,BLA MA DAM PA RNAMS LA PHYAG 'TSAL LO, ,DPAL GSANG BA 'DUS PA'I MNGON RTOGS DANG BSAM GTAN GYI SGRUB MCHOD KYI NGAG TU 'DON PA'I LHAN THABS NI, RANG ZHE SDANG RDO RJE MTHING NAG NAG DKAR DMAR BA'I ZHAL GSUM, PHYAG DRUG GI GA-YAS RDO RJE 'KHOR LO PADMA, GA-YON DRIL BU RIN CHEN RAL GRI 'DZIN PA, RANG 'DRA BA'I REG BYA RDO RJE MAS 'KHYUD PA, GNYIS KA'ANG RIN PO CHE'I RGYAN BRGYAD KYIS BRGYAN PA, SKU STOD LHA RDZAS KYI GOS KYIS GA SHAL BYAS ZHING, SKU SMAD LHA RDZAS KYI DAR GYI SHAM THABS 'PHYAR BAR BSAMS LA, NANG MCHOD GTOR MA LTAR BYIN GYIS BRLABS, DE NAS SNGON 'GRO GTOR MA'I MCHOD YON NAS ROL MO'I BAR RNAMS 'OG NAS 'BYUNG BA LTAR BSKYED PA'I RJES SU, SNGON 'GRO GTOR MA 'OG NAS 'BYUNG BA LTAR BYIN GYIS BRLABS LA, RANG GI THUGS KA'I H'Um SNGON PO'I 'OD ZER LCAGS KYU'I RNAM PA CAN GYIS PHYOGS SKYONG BCO LNGA 'KHOR DANG BCAS PA BKUG NAS PHYOGS MTSAMS RNAMS SU GNAS PA NI, SHAR DU RDO RJE MTSON BYA SER PO ZHES PA NAS 'DUS PA'I LHA SHES
, ,RAB MA DANG BCAS PA'I SKUR BZHENGS PA'I MGRON RNAMS KYI LJAGS RNAMS H'Um LAS BYUNG BA'I RDO RJE RTZE GCIG PA DMAR PO 'OD KYI SBU GU CAN DU GYUR, AOm A'A: HR'I: ZHES SOGS KYIS CHU BZHI PHUL NAS, AOm A'A: DUS GSUM SKYES PA KUN DANG PHYOGS BCU YI ZHES PA NAS, ZHI BA DANG NI BSRUNG BAR MDZAD DU GSOL, H'Um ZHES BYA BA'I BAR GYIS GTOR MA PHUL NAS, ZHAL BSIL DANG, PHYAG BKRU BA'I PHYIR MCHOD YON DANG, SO RTZI PHUL LA, AOm DA SHA DI KA LO KA P'A LA SA PA RI W'A RA PU shBE PRA T'I TZTSA H'Um, ZHES ME TOG DANG, DE BZHIN DU PUshPE'I GNAS SU DH'U PE NAS SHAPTA'I BAR BCUG LA NYER SPYOD LNGA DANG, AOm DA SHA DI KA ZHES SOGS KYI GSHAM DU, AOm A'A: H'Um ZHES NANG MCHOD DBUL, MA RNYED YONGS SU MA SHES DANG, ZHES PA NAS, DE KUN KHYED KYIS BZOD MDZAD RIGS, ZHES PA'I BAR GYIS BZOD PAR GSOL, YI GE BRGYA PA BRJOD, AOm A'A: H'Um BADZRA MU: ZHES GSHEGS SU GSOL, DE NAS BDAG BSKYED KYI MCHOD PA, AOm A'A: BIGHN'A NTA KRITA H'Um, ZHES PAS BSANG, SH'U N+YA TAS SBYANGS, STONG PA'I NGANG LAS, AA LAS
BYUNG BA'I THOD PA YANGS SHING RGYA CHE BA RNAMS KYI NANG DU, AOm AOm P'Am PUm LA SOGS PA SO SO'I MING YIG DANG PO THIG LES BRGYAN PA ZHU BA LAS BYUNG BA'I MCHOD YON ZHES PA NAS ROL MO LA SOGS PA RNAMS, RANG BZHIN STONG PA, RNAM PA MCHOD RDZAS, BYED LAS DBANG PO DRUG GI SPYOD YUL DU, ZAG PA MED PA'I BDE BA KHYAD PAR CAN BSKYED PAR GYUR, AOm AA RGHAm A'A: H'Um, ZHES SBYAR, DE BZHIN DU, AARGHAm GYI GNAS SU, P'A DYAm DANG, BADZRA PUshPE NAS SPARSHA BADZRA RNAMS BCUG STE BYIN GYIS BRLABS, DE NAS MAndAL DBUL ZHING GSAL BA GDAB PA NI, PHYAG GSUM BYAS TE SPYIR MAndAL BSHAMS, PHYAG BYAS TE SO SO'I PHYAG TU ME TOG DBUL, PHYAG BYAS TE ME TOG DANG BCAS PA'I THAL MO SBYAR NAS SNYING PO RGYAN LAS, SEMS CAN DON DU SEMS DGE BAS, ,RNAL 'BYOR PA YI TSOGS RNAMS KUN, ,CHUL GZHIN CHO GA LDAN PA YIS, ,RNAL 'BYOR LA NI NYER GNAS MDZOD, ,CES PA GSUM GYIS GSOL BA GDABS, PHYAG BYAS TE BLA MA MA GTOGS PA'I ME TOG BSDU, PHYAG BYAS TE MAndAL BSHAM, PHYAG BYAS TE GZHAN RNAMS KYIS ME TOG BLA MA LA DBUL BA'I PHYIR, MAndAL BLA MA LA DBUL, BLA MAS KYANG GZHAN RNAMS KYIS PHUL BA'I MAndAL DANG, RANG GI ME TOG BLA MA GONG MA LA 'BUL BA'I PHYIR, ME TOG MAndAL GYI DBUS SU SPUNGS LA RTEN GYI DRUNG DU BZHAG ,PHYAG BYAS TE RANG GNAS SU 'KHOD DO, ,DE NAS BLA MA'AM GTZO BOS, BSHAGS PA DANG BSDAMS PA SNGON DU 'GRO BA CAN GYIS LHA'I RNAL 'BYOR LA GNAS PAR ZHU ZHES BRJOD LA, THAMS
, ,CAD KYIS SEMS CAN LA SNYING RJE CHEN POS DMIGS TE, YID KYI ROL PA DRI MED ZLA 'DRAS BSGRUBS ZHES PA NAS, SEMS NI BYANG CHUB DAM PAR BSKYED PAR BGYI, ZHES PA'I BAR GYIS SKYABS SU 'GRO BA SOGS BYA, DE NAS YI GE BRGYA PA'I BSGOM BZLAS BYA BA NI, RANG GI SPYI BOR PAm LAS PADMA AA LAS ZLA BA'I STENG DU, H'Um LAS RDO RJE RTZE LNGA PA DKAR PO LTE BA LA H'Um GIS MTSAN PA, DE LAS 'OD 'PHROS, TSUR 'DUS YONGS SU GYUR PA LAS, RDO RJE SEMS DPA' DKAR PO RDO RJE DANG DRIL BU 'DZIN PA, YUM RDO RJE SNYEMS MA DKAR MO RDO RJE DANG DRIL BU 'DZIN PAS 'KHYUD PA, RIN PO CHE'I RGYAN SNA TSOGS PAS SPAS PA, RDO RJE'I SKYIL KRUNG GIS BZHUGS PA, DE'I THUGS KAR ZLA BA'I STENG DU H'Um DKAR PO DE LAS 'OD 'PHROS, RANG 'DRA'I YE SHES PA SPYAN DRANGS PA LA MCHOD, DZA: H'Um BAm HO: ZHES BSTIMS, YANG H'Um LAS 'OD 'PHROS, DBANG GI LHA RNAMS SPYAN DRANGS PA LA MCHOD, DE BZHIN GSHEGS PA THAMS CAD KYIS MNGON PAR DBANG BSKUR DU GSOL, ZHES GSOL BA BTAB PAS DE RNAMS KYIS YE SHES KYI BDUD RTZIS GANG BA'I BUM PA THOGS NAS, AOm SARBA TA TH'A GA TA AA BHI shE KA TA SA MA YA SHRI YE H'Um ZHES DBANG BSKUR, LUS YE SHES KYI BDUD RTZIS GANG, MI BSKYOD PAS DBU BRGYAN PAR GYUR, BCOM LDAN 'DAS RDO RJE SEMS DPA' BDAG GZHAN THAMS CAD KYI SDIG SGRIB DANG DAM TSIG NYAMS CHAGS THAMS CAD DAG PAR MDZAD DU GSOL, ZHES GSOL BA BTAB PAS, THUGS KA'I H'Um LAS 'OD 'PHROS,
SEMS CAN THAMS CAD KYI SDIG SGRIB DAG ,SANGS RGYAS SRAS BCAS LA MCHOD PA PHUL, DE RNAMS KYI YON TAN THAMS CAD 'OD KYI RNAM PAR BSDUS NAS THUGS KA'I H'Um LA THIMS PAS GZI BRJID DANG MTHU STOBS PHUN SUM TSOGS PAR GYUR, H'Um GI MTHA' MAR, AOm BADZRA SATVA SA MA YA, MA NU P'A LA YA, BADZRA SATVA TVE NO PRA TIshthA dI dHO ME BH'A WA, SU TO shYO ME BH'A WA, SU PO shYO ME BH'A WA, AA NU RAKTO ME BH'A WA, SARBA SIDDHI MME PRA YATZTSA, SARBA KARMA SU CE ME TZITTA SHRI YAm, KU RU H'Um, HA HA HA HA HO: BHA GA WAN SARBA TA TH'A GA TA BADZRA MA ME MU NYTZA BADZRI BH'A WA MAH'A SA MA YA SA TVA A'A: ZHES PAS BSKOR BA LA DMIGS TE, BZLAS PAS YIG 'BRU LAS 'OD 'PHROS, SEMS CAN GYI SDIG SGRIB SBYANGS, SANGS RGYAS SRAS BCAS LA MCHOD PA PHUL, DE RNAMS KYI SKU GSUNG THUGS KYI BYIN RLABS RNAMS BSDUS NAS YIG 'BRU LA THIMS PAS DE LAS BDUD RTZI'I RGYUN DKAR PO BABS PA YAB YUM GYI SBYOR MTSAMS NAS BABS RANG GI TSANGS BUG NAS ZHUGS TE SGO GSUM GYI SDIG SGRIB THAMS CAD DBANG PO'I SGO DANG BA SPU'I BU GA NAS BYUNG NAG PHUNG GIS 'THON SDIG SGRIB THAMS CAD SANGS KYIS DAG ,LUS THAMS CAD YE SHES KYI BDUD RTZI'I RGYUN GYIS DKAR MER GYIS GANG RTOGS PA DANG YON TAN BDAG GZHAN THAMS CAD LA SKYES PAR BSAMS SHING BZLA'O, ,MJUG TU MNGON BRJOD BLA MA LAS, BDAG NI MI SHES RMONGS PA YIS, ,DAM TSIG LAS NI 'GAL ZHING NYAMS, ,BLA MA MGON POS SKYABS MDZOD CIG ,GTZO BO RDO RJE 'DZIN PA STE, ,THUGS RJE CHEN PO'I BDAG NYID CAN, ,'GRO
, ,BA'I GTZOL BDAG SKYABS MCHI, ZHES BRJOD PAS, SDIG SGRIB KYI 'KHOR GSUM MI DMIGS PAR BSGOMS PAS, RDO RJE SEMS DPA'I ZHAL NAS RIGS KYI BU KHYOD KYI SDIG SGRIB DANG DAM TSIG NYAMS CHAGS THAMS CAD DAG GO ZHES GSUNGS NAS RANG LA THIMS PAS, RANG GI SGO GSUM DANG RDO RJE SEMS DPA'I SKU GSUNG THUGS DBYER MED DU GYUR PAR BSAM PA RNAMS MNGON RTOGS KYI THOG MAR SBYAR RO, ,TSOGS ZHING GI SKABS SU, RANG BZHIN GYI GNAS NAS BLA MA DANG GNYIS SU MED PA'I MI BSKYOD PA'I DKYIL 'KHOR SPYAN DRANGS, AOm SARBA TA TH'A GA TA AARGHA ZHES DANG, BSRUNG 'KHOR GYI SKABS SU, AOm SVA BH'A WA ZHES PA NAS, CHOS RNAMS KYI NGO BO RGYU 'BRAS GSUM ZHES DANG GA-YON DRIL BU RIN CHEN RAL GRI 'DZIN PA, MTSAN SUM CU RTZA GNYIS DANG, DPE BYAD BRGYAD CUS BRGYAN PA, RDO RJE DBYINGS KYI DBANG PHYUG MA DKAR MO ZHES PA NAS, RAL GRI 'DZIN PA, YAB YUM GNYIS KA'I PHYAG DANG PO GNYIS KYIS PHAN TSUN DU 'KHYUD PA GNYIS KA'ANG 'OD KYI DKYIL 'KHOR GYIS RNAM PAR MDZES PA, RIN PO CHE'I RGYAN DANG DAR SNA TSOGS KYI NA BZA' CAN, RANG GI THUGS KAR SNA TSOGS PADMA DANG ZLA BA'I GDAN LA YE SHES SEMS DPA' SKU MDOG DMAR PO ZHES PA NAS RANG SNANG GI SHES RAB MA LA 'KHYUD PA DE'I THUGS KAR ZLA BA'I GDAN LA RDO RJE SNGON PO'I LTA BA'I NANG DU TING NGE 'DZIN SEMS DPA' H'Um YIG SNGON PO, RANG GI SPYI BOR SKU RDO RJE'I NGO BO AOm DKAR PO, MGRIN PAR GSUNG RDO RJE'I NGO BO A'A: DMAR PO, THUGS KAR THUGS RDO RJE'I NGO BO H'Um SNGON PO, YAB YUM SNYOMS
PAR ZHUGS, SNYING KHA'I TING NGE 'DZIN SEMS DPA'I 'OD ZER GYIS MI BSKYOD PA LA ZHES PA NAS YE SHES PA DANG DBYER MED DU 'DRES NAS RANG LA RJES SU ZHUGS PAS RANG NYID ZHE SDANG RDO RJE ZHES DANG, PHYAG DRUG GI GA-YAS RDO RJE RTZE DGU PA, 'KHOR LO PADMA, GA-YON DRIL BU RIN CHEN RAL GRI 'DZIN PA, DBU SKRA RAL PA'I THOR TSUGS CAN, MTSAN BZANG PO SO GNYIS DANG, DPE BYAD BZANG PO BRGYAD CUS BRGYAN PA, RDO RJE DBYINGS KYI DBANG PHYUG MA REG BYA RDO RJE MA SNGON MOR GYUR PA NI, SNGO DKAR DMAR BA'I ZHAL GSUM ZHES PA NAS RAL GRI 'DZIN PA, DBU SKRA RAL PA PHYED BCINGS SU BYAS PA, SHIN TU SGEG CING ZHES PA NAS, 'DOD PA'I YON TAN LNGA'I DGA' BAS ROL PA, YAB YUM GNYIS KA'I PHYAG DANG PO GNYIS KYIS PHAN TSUN DU 'KHYUD PA, GNYIS KA'ANG RIN PO CHE'I DBU RGYAN GSOL BA ZHES PA NAS SHAM THABS 'PHYAR BA 'OD DMAR PO 'BAR ZHING 'KHRUG PA'I DBUS NA SNYOMS PAR 'JUG PA'I TSUL GYIS BZHUGS PA, SEMS DPA' GSUM GYI BDAG NYID CAN DU GYUR, GSHIN RJE'I GSHED NAG PO RNAM SNANG GI DBU RGYAN CAN CES PA NAS DRIL BU DGRA STA 'DZIN PA RANG GI THUGS KAR DRANGS, YA M'ANTA KRITA THUGS KA NAS PHYIR PHYUNG, SHAR GYI RTZIBS STENG GI GDAN LA GA-YON BRKYANGS KYIS 'KHOD, CES DANG, 'KHOR LO SGYUR RGYAL LA, STENG GI RTZIBS KYI NANG GI GDAN LA ZHES DANG, GNOD MDZES LA 'OG GI RTZIBS KYI NANG GI GDAN LA ZHES DANG, BYANG GI ZHES PA NAS BDUD RTZI 'KHYIL PA GNYIS PA DE YONGS SU GYUR PA LAS KHRO BO BDUD RTZI 'KHYIL PA SNGON PO SNGO DKAR DMAR BA'I ZHAL GSUM, ZHES SOGS DANG, PHUR BU
, ,ME DPUNG RAB TU 'BAR BA BCUR GYUR TE PHYOGS SKYONG 'KHOR DANG BCAS PA'I MGO BOR ZUG ,AOm GHA ZHES DANG, GNOD MDZES KYI PHYAG MTSAN RDO RJE LCAGS KYU DE RDO RJE THO BA ME 'BAR BAR GYUR PAS, SHAR NAS BRTZAMS PHYOGS BZHI DANG, ME NAS BRTZAMS TE MTSAMS BZHI LA SOGS PA'I PHUR BU'I SPYI BO NAS BRDUNGS PAS ZHES DANG, t'IKKA H'Um DZA: KHRO BO RNAMS KYI PHYI RU, LCAGS KYI RDO RJE'I RA BA, t'IKKA H'Um DZA: DE'I PHYI RU CHU'I RA BA ZHES SOGS DANG, GZHAL YAS KHANG BSKYED PA'I SKABS SU, BHRUm DKAR PO SANGS RGYAS KYI SPRIN GYI 'OD ZER 'PHRO BA YONGS SU GYUR PA LAS, GZHAL YAS KHANG GRU BZHI PA ZHES PA DANG, LHAG MOS KYI LHA BSKYED PA'I SKABS SU, BYANG PHYOGS PA RNAMS LA SNA TSOGS RDO RJE'I GDAN, GDAN DE RNAMS KYI STENG DU SKAD CIG GIS LHAG PAR MOS PA TZAM GYIS LHA SUM CU SO GNYIS RDZOGS PA NI, DBUS KYI GDAN LA RANG NYID RDO RJE 'CHANG SNGON PO ZHES PA NAS 'OD KYI DKYIL 'KHOR GYIS BSKOR BA'I DBUS NA YAB SEMS DPA'I SKYIL MO KRUNG GIS BZHUGS PA ZHES DANG, RO RDO RJE MA'I PHYAG MTSAN RDZOGS PA'I RJES SU, LHA MA BRGYAD PO THAMS CAD KYANG, DBU SKRA RAL PA PHYED BCINGS SU BYAS PA, RIN PO CHE'I DBU RGYAN GSOL BA ZHES PA NAS, SKU SMAD LA LHA RDZAS KYI DAR GYI SHAM THABS CAN, SHIN TU SGEG CING ZHES PA NAS, 'DOD PA'I YON TAN LNGA'I DGA' BAS ROL PA, 'OD KYI DKYIL 'KHOR RAB TU 'BAR BA'I DBUS NA, RANG RANG GI GDAN LA RDO RJE'I SKYIL MO KRUNG GIS BZHUGS PA, ZHES PA DANG, KUN BZANG GI PHYAG MTSAN RDZOGS PA'I 'OG TU RNAM SNANG NAS
KUN BZANG GI BAR LHA LHAG MA RNAMS KYANG, DBU SKRA RAL PA'I THOR TSUGS CAN, CES PA NAS, DPE BYAD BZANG PO BRGYAD CUS BRGYAN PA, ZHI BA 'OD KYI DKYIL 'KHOR RAB TU 'BAR BA'I DBUS NA, RANG RANG GI GDAN LA RDO RJE'I SKYIL MO KRUNG GIS BZHUGS PA ZHES DANG, LHAG MOS KYI MDZAD PA'I SKABS SU, RANG GI THUGS KA'I H'Um LAS 'OD ZER 'PHROS PAS SEMS CAN THAMS CAD BKUG NAS ZHES DANG, LHAG MOS LUS LA BSDU BA'I SKABS SU, RANG GI THUGS KA'I H'Um LAS 'OD 'PHROS PAS, RNAM SNANG NAS GNOD MDZES KYI BAR RNAMS SPYAN DRANGS TE, SPYI BO LA SOGS PA'I GNAS SU 'KHOD NAS GZUGS KYI PHUNG PO LA SOGS PA DANG NGO BO DBYER MED DU GYUR PA NI, SPYI BOR RNAM SNANG ZHES PA NAS, RKANG MTHIL GNYIS SU GNOD MDZES RGYAL PO ZHES DANG, DANG PO'I MGON PO DANG SPRUL SKU RDOR SEMS GNYIS KYI SKABS SU, GA-YON DRIL BU RIN CHEN RAL GRI 'DZIN PA RIN PO CHE'I RGYAN DANG DAR SNA TSOGS KYI NA BZA' CAN CES DANG, LUS DKYIL GYI SKABS SU MIG GNYIS SU MIG GI DBANG PO'I NGO BO thL'Im YONGS SU GYUR PA LAS SA SNYING DKAR PO ZHES PA NAS, RAL GRI 'DZIN PA MIG GI SGOR LUS KYI GZUGS KYI RANG BZHIN DZA: YONGS SU GYUR PA LAS GZUGS RDO RJE MA ZHES PA NAS, RAL GRI 'DZIN PA YAB YUM GNYIS KA'I PHYAG DANG PO GNYIS KYIS PHAN TSUN DU 'KHYUD PA ZHES DANG, BYAMS PA'I PHYAG MTSAN RDZOGS PA'I SKABS SU, RNAM SNANG NAS BYAMS PA'I BAR LHA THAMS CAD KYANG RIN PO CHE'I RGYAN DANG, DAR SNA TSOGS KYI NA BZA' CAN CES DANG, KHRO BO BCU'I PHYAG MTSAN RDZOGS PA'I SKABS SU, KHRO BO BCU PO THAMS
, ,CAD KYANG DBU SKRA DMAR SER GYEN DU BRDZES PA LA SOGS PA KHRO BO'I NYAMS THAMS CAD YONGS SU RDZOGS PA'O ZHES DANG, 'OG TU YUM GYI LUS LA LHA 'GOD PA'I TSE, LHA THAMS CAD KYI PHYAG MTSAN NGAG TU RDZOGS PAR BRJOD PA YIN, RNAM SNANG SOGS ZHI BA RNAMS KYI PHYAG MTSAN RDZOGS PA NA, RIN PO CHE'I RGYAN DANG, DAR SNA TSOGS KYI NA BZA' CAN, CES DANG, KHRO MO BCU'I PHYAG MTSAN RDZOGS PA'I SKABS SU, KHRO MO BCU PO THAMS CAD KYANG DBU SKRA DMAR SER GYEN DU BRDZES PA LA SOGS PA KHRO MO'I NYAMS THAMS CAD YONGS SU RDZOGS PA'O ZHES SBYOR, SKU GSUNG THUGS BYIN GYIS BRLAB PA'I SKABS SU, RNAM SNANG SPYAN MA DANG SBYOR BA'I MDUN NA RANG NYID GSAL CES DANG, RDO RJE SKUS NI MDZAD DU GSOL, CES RNAM SNANG GTZO 'KHOR LA GSOL BA BTAB PAS, SPROS PA'I SPYAN MA DANG ZHES PA NAS, BDAG KYANG DE DANG 'DRA BAR SHOG, AOm SARBA ZHES SOGS DANG, RIGS BDAG GI SKABS SU RDO RJE 'CHANG CHEN PO SKU MDOG DKAR PO ZHAL GCIG PHYAG GNYIS KYIS RDO RJE DANG DRIL BU 'DZIN PA, RDO RJE DBYINGS KYI DBANG PHYUG MA DANG ZHES PA NAS, LUS THAMS CAD TSIM PAR BYED PAR GYUR CES DANG, YUM GYI LUS LA LHA 'GOD TSUL BSDUS PA NI, RIGS LNGA'I PHYAG MTSAN SOGS RDZOGS PA BRJOD PA'I 'OG TU LTE BAR LAM LAS SPYAN MA ZHES PA NAS, MIG GNYIS SU DZA: LAS GZUGS RDO RJE MA LAS SNYING GIS 'KHYUD PA ZHES DANG, RKANG MTHIL GNYIS SU H'Um LAS SA 'DZIN LHA MO ZHES SBYAR, RJES CHAGS KYI SKABS SU, PADMA DMAR PO 'DAB MA BRGYAD PA, BU GA YI GE
PHAt KYIS BKAG PA, RDO RJE DANG PADMA'I NANG 'OD ZER LNGAS GANG, RANG NYID RIN 'BYUNG DU GYUR, AOm SARBA ZHES SOGS DANG, RANG NYID RDO RJE 'CHANG DU GYUR, H'Um SNYOMS PAR 'JUG PA'I LAS LA GNAS PAR BYAS PAS MCHOG TU DGA' BA'I BDE BA THOB RANG NYID DON GRUB TU GYUR, PHAt, AOm SARBA ZHES SOGS DANG, DKYIL 'KHOR RGYAL MCHOG GI SKABS SU, THIG LE CHA GCIG BHR'Um DANG, DE YONGS SU GYUR PA LAS, GZHAL YAS KHANG GRU BZHI SGO BZHI LA SOGS PA MTSAN NYID THAMS CAD YONGS SU RDZOGS PA GDAN DANG BCAS BAR GYUR CES DANG, THIG LE CHA GCIG GDAN RNAMS KYI STENG DU ZHES PA NAS, AOm A'A: H'Um H'Um, AOm A'A: KHAm H'Um NAS, AOm A'A: SAm H'Um, AOm A'A: H'Um H'Um, BCUR GYUR, DE RNAMS YONGS SU GYUR PA LAS, RDO RJE GNYIS, 'KHOR LO ZHES PA NAS, RDO RJE DANG RDO RJE, DE RNAMS YONGS SU GYUR PA LAS, LHA SUM CU SO GNYIS SU RIM GYIS GYUR PA NI, GDAN DBUS MA'I STENG DU, RANG NYID MI BSKYOD PA MTHING NAG MI BSKYOD PA'I DBU RGYAN CAN CES DANG, LHA GZHAN RNAMS KYI MTSAN GYI THOG MAR YANG RANG NYID CES SBYOR, KHYAD PAR DU SEMS DPA' BRGYAD LA, RANG NYID SHAR SGO'I GA-YAS SU BYAMS PA DANG GA-YON DU SA SNYING DKAR PO ZHES PA NAS, PHYAG DRUG GI GA-YAS 'KHOR LO PADMA DKAR PO GA-YON DRIL BU RIN CHEN RAL GRI 'DZIN PA, BYAMS PA'I PHYAG GA-YAS DANG POS KLU SHING GI ME TOG SDONG BU DANG BCAS PA 'KHOR LOS MTSAN PA 'DZIN PA ZHES DANG, MI BSKYOD PA RANG GI THUGS KAR DRANGS, BADZRA DHRIKA THUGS KA NAS PHYIR PHYUNG, ZHES PA NAS, RANG RDO RJE 'CHANG ZHI BA DE ZHE SDANG RDO RJE SKU MDOG MTHING NAG
, ,CES SOGS DANG, PHYAG DRUG GI GA-YAS RDO RJE 'KHOR LO PADMA ZHES PA NAS 'OD DMAR PO 'BAR ZHING 'KHRUG PA'I DBUS NA RDO RJE'I SKYIL MO KRUNG GIS BZHUGS PA ZHES DANG, RNAM SNANG YE SHES PA DANG DBYER MED DU 'DRES, RANG GI RIGS BDAG YAB YUM GYI BYANG CHUB KYI SEMS KYIS DBANG BSKUR SLAR BYON NAS RIM PA DANG PO'I SHAR DU 'KHOD, CES SBYOR, PHYAG MTSAN NI, DON GRUB LA SNA TSOGS RDO RJE, 'DOD RGYAL DANG 'KHOR LOS SGYUR RGYAL LA RDO RJE, GZHAN RNAMS LA RANG RANG GI GA-YAS DANG PO'I 'O, ,BZLAS PA'I SKABS SU BZLAS BYA'I SNGAGS KYIS BSKOR BA'I LHA RNAMS KYI THUGS KA'I RANG RANG GI SA BON LAS DKYIL 'KHOR GYI LHA TSOGS SPROS TE, 'GRO BA'I DON BYAS NAS SNGAGS DANG LHAN GCIG TU 'JUG PA'I RLUNG GIS SNYING KHA'I SA BON LA 'JUG PA'I SPRO BA DANG BSDU BA CAN DU GYUR, AOm A'A: H'Um ZHES DANG, MCHOD PA'I SKABS SU NANG MCHOD 'BUL BA NI, GTOR MA LTAR BYIN GYIS BRLABS NAS LAG PA GA-YAS PAR THOD PA, BDAG BSKYED LA MCHOD PA'I SKABS SU, DPRAL BA RANG LA BSTAN, MDUN BSKYED KYI TSE DPRAL BA PHA ROL LA BSTAN LA, RDO RJE GDAN BZHI LAS 'BYUNG BA LTAR, CHANG GI DBUS SU BDUD RTZI'I SNYING PO SOGS BSAM, LAG PA GA-YON PA'I MTHE BONG DU KshAm LAS SA GZHI MING MED SUm LAS RI RAB TU BSAM, DE GNYIS RTZE SPRAD NAS GA-YAS SKOR DU LAN GSUM DKRUGS NAS, SNGON LHA MIN STOBS LDAN GYIS RGYA MTSO BSRUBS PA LAS BDUD RTZI BYUNG BA LTAR, BDUD RTZI'I SNYING PO BLANGS TE, BLA MA RNAMS RANG GI SPYI GTZUG NA YAR, KHROM TSOGS SAM MTHO RTZEGS SU BSAMS LA, MNGON RTOGS
LTAR DBUL, DE NAS SA LA GA-YON PA'I SRIN LAG GIS CHANG GI CHOS 'BYUNG GRU GSUM, RTZE MO RANG LA BSTAN PA DE'I DBUS SU ZLUM POR BSKOR BA BRIS LA, SNYING KHA'I 'OD KYI DKYIL 'KHOR GYIS 'KHOR LO DER SPYAN DRANGS TE, ME LONG GI GZUGS BRNYAN BZHIN DU GSAL BAR LTAS LA DKYIL 'KHOR GYI LHA RNAMS LA MNGON RTOGS LTAR DBUL, DE NAS MGRIN PAR LHA THAMS CAD 'DUS PA'I BDAG NYID KYI MCHOD RTEN BSAMS LA DE LA DBUL, DE NAS LCE RTZE SMIN MTSAMS SPYI GTZUG GSUM DU CHANG GI THIG LE BYAS LA, SRID PA GSUM NA GNAS PA'I SNGON GRUB PA RNAMS DANG, DE NAS RANG GI SGOS KYI CHOS SKYONG LA SOGS PA RNAMS DANG, GZHAN YANG DUR KHROD CHEN PO BRGYAD NA GNAS PA'I PHYOGS SKYONG ZHING SKYONG KLU DANG BCAS PA, RGYA GAR DANG, BOD KYI GTZUG LAG KHANG GI BSRUNG MA LA SOGS PA BSTAN PA DANG BSTAN PA 'DZIN PA SRUNG ZHING SKYONG BAR BYED PA THAMS CAD DANG, GZHI BDAG GNYUG MAR GNAS PA THAMS CAD DANG, KHAMS GSUM GYI SEMS CAN THAMS CAD KYANG LHAR BSKYED PA LA DBUL, DE YANG LAG PA MTHEB SRIN SBYAR BA KHA GYEN DU BSTAN NAS BLA MA LA DBUL BA'I TSE SPYI BO'I STENG YAN CHAD DANG, DKYIL 'KHOR LA DBUL BA'I TSE, RANG GI KHA'I THAD TZAM DANG, PHYOGS SKYONG SOGS LA DBUL BA'I TSE, MCHOD SBYIN GYI LAG PA'I TSUL GYIS LTA BA'I THAD DU DBUL LO, ,DE NAS SANGS RGYAS DANG BYANG CHUB SEMS DPA' THAMS CAD RANG GI LUS LA BCUG STE BDUD RTZI MYANGS PAS, RTZA STONG PHRAG BDUN CU RTZA GNYIS PO THAMS CAD BDUD RTZIS GANG, LUS DKYIL GYI LHA DANG SANGS RGYAS
, ,DANG BYANG CHUB SEMS DPA' THAMS CAD BDUD RTZIS MNYES SHING TSIMS NAS BDE BA CHEN PO SKU NYAMS SU BRTAS PAR BSGOMS NAS, AOm SARBA TA TH'A GA TA AA MRi TA SVA DA NA PRA BH'A WA A'ADMA KONYHAm ZHES BRJOD DE, NYER BSDU'I SKABS SU, THUGS KA'I H'Um GI 'OD ZER GYIS 'KHOR GYI LHA RNAMS SPYAN DRANGS TE, SPYI BO LA SOGS PA'I GNAS RNAMS SU 'KHOD PA NI, SPYI BOR RNAM SNANG ZHES PA NAS RKANG MTHIL GNYIS SU GNOD MDZES RGYAL PO, GZHAL YAS KHANG GI CHA RNAMS KYANG RANG GI LUS KYI CHA RNAMS LA THIMS, YAB YUM GNYIS SNYOMS PAR ZHUGS PA'I SBYOR MTSAMS NAS ZHES PA NAS, RDO RJE 'CHANG DU GYUR PA RNAMS RANG GI 'OD ZER GYIS DRANGS NAS RANG LA THIMS PAR GYUR, CES DANG, GTOR MA'I SKABS SU, H'Um YAm H'Um GI YAm SNGO SKYA LAS BYUNG BA'I RLUNG GI DKYIL 'KHOR LJANG SNGON ZLA KHAM, NGOS GNYIS SU H'Um GNYIS LAS BYUNG BA'I RDO RJE GNYIS KYIS BRGYAN PA ZHES DANG, RANG GI THUGS KA'I H'Um SNGON PO'I 'OD ZER LCAGS KYU'I RNAM PA CAN GYIS, ,KHRO BO BCU DANG BCAS PA'I BSRUNG BA'I 'KHOR LO RTZIBS BCU PA'I LTE BA'I NANG DU 'DUS PA'I DKYIL 'KHOR RTEN DANG BRTEN PAR BCAS PA SPYAN DRANGS SHING, BSRUNG 'KHOR GYI PHYI ROL TU ZHES PA NAS SEMS CAN THAMS CAD BKUG PA'I GZHAL YAS KHANG GI DBUS SU, MI BSKYOD PA YAB YUM, SHAR DU RNAM SNANG, NAS, 'OG TU GNOD MDZES RGYAL PO, PHYI'I SHAR DU RDO RJE MTSON CHA SER PO ZHES DANG, 'DUS PA'I LHA SHES RAB MA DANG, BCAS PA'I SKUR BZHENGS PA'I MGRON RNAMS KYI LJAGS RNAMS H'Um LAS BYUNG BA'I RDO RJE RTZE GCIG PA DMAR
PO 'OD KYI SBU GU CAN DU GYUR, AOm A'A: HR'I: ZHES DANG, SO RTZI PHUL BA'I RJES SU, AOm SARBA TA TH'A GA T'A SA PA RI W'A RA PUshPE P'U DZA ME GHA ZHES DANG, NYER SPYOD KYI RJES SU, BADZRA DHRI KA AOm A'A: H'Um, ZHES PA NAS, SUm BHA R'A DZA AOm A'A: H'Um, AOm DA SHA DI KA LO KA P'A LA SA PA RI W'A RA AOm A'A: H'Um, ZHES SBYAR RO, ,NGAG TU MDZAD TSUL GCIG LA SMOS PA RNAMS GZHAN RNAMS LA'ANG JI LTAR RIGS PAR SBYAR RO, ,BSAM GTAN GYI MDUN BSKYED SGRUB TSUL NI, BDAG BSKYED DKYIL 'KHOR RGYAL MCHOG YAN CHAD RDZOGS PAR BSGOMS PA'I RJES SU MCHOD BSTOD BYAS TE, RTEN BRTEN PA'I DKYIL 'KHOR LUS LA BSDUS LA, DPAL RDO RJE 'JIGS BYED KYI SBYIN SREG LAS 'BYUNG BA LTAR, RDO RJE NI THABS DANG, DRIL BU NI SHES RAB STE, ZHES PA NAS, AOm BADZRA DHA RMA RA ni TA ZHES SOGS KYIS RDOR DRIL BZUNGS, SH'U nA-YA T'AS STONG PAR SBYANGS, STONG PA'I NGANG LAS BSRUNG BA'I 'KHOR LO 'AM YANG NA SKAD CIG GIS RDO RJE'I SA GZHI RA BA GUR BLA RE ME RA DANG BCAS PA RDZOGS PA'I DBUS SU ZHES PA NAS, BYANG PHYOGS PA RNAMS LA SNA TSOGS RDO RJE'I GDAN ZHES PA'I BAR GYIS GZHAL YAS KHANG SKYED LA GDAN DE RNAMS KYI STENG DU, AOm A'A: H'Um H'Um, AOm A'A: AOm H'Um, ZHES PA NAS, AOm A'A: H'Um H'Um BCUR GYUR, DE RNAMS YONGS SU GYUR PA LAS, RDO RJE, 'KHOR LO, RIN PO CHE, PADMA, SNA TSOGS RDO RJE, 'KHOR LO, RDO RJE, AUDPA LA, SNA TSOGS RDO RJE, ME LONG DMAR PO, PI WANG SNGON PO, DRI'I DUNG CHES, RO'I SNOD, KLU SHING GI ME TOG SDONG BU DANG BCAS PA 'KHOR LOS MTSAN PA, 'KHOR LO, RIN PO CHE GNYIS, PADMA GNYIS, RAL GRI GNYIS, DBYUG PA, RDO RJE, PADMA, SNA TSOGS RDO RJE, RAL GRI, RDO RJE, RDO RJES MTSAN PA'I DBYUG PA SNGON PO, RDO RJES MTSAN PA'I DBYUG PA NAG PO, RDO
, ,DANG RDO RJE DE YONGS SU GYUR PA LAS, RIM GYIS LHA SUM CU SO GNYIS SU GYUR PA NI, GDAN DBUS MA'I STENG DU RANG MI BSKYOD PA ZHI BA MTHING NAG, MI BSKYOD PA'I DBU RGYAN CAN CES PA NAS, RAL GRI 'DZIN PA, DBU SKRA RAL PA'I THOR TSUGS CAN, MTSAN BZANG PO SO GNYIS DANG, DPE BYAD BZANG PO BRGYAD CUS BRGYAN PA, RANG GI THUGS KA NAS RANG RIGS KYI RIG MA PHYUNG, STONG PAR GYUR, STONG PA'I NGANG LAS AOm A'A: KHAm H'Um LAS RDO RJE, DE RNAMS YONGS SU GYUR PA LAS REG BYA RDO RJE MA SNGON MO MI BSKYOD PA'I DBU RGYAN CAN ZHES DANG, 'OD KYI DKYIL 'KHOR RAB TU 'BAR BA'I DBUS NA YAB RDO RJE'I SKYIL MO KRUNG GIS BZHUGS PA ZHES PA NAS, GNOD MDZES KYI BAR RNAMS SGRUB THABS BZHIN BSKYED PA'I RJES SU, YUM GYI SPYI GTZUG NAS SKRA MTSAMS KYI BAR DU AOm DKAR PO LAS RNAM SNANG DKAR PO MI BSKYOD PA'I DBU RGYAN CAN, CES PA NAS, LTE BA NAS, BRLA'I RTZA BA'I BAR DU, HA LJANG KHU LAS DON GRUB LJANG KHU ZHES PA'I BAR GYIS RIGS LNGA BSKYED NAS, RANG GI GSANG GNAS MI DMIGS PA'I NGANG LAS H'Um LAS BYUNG BA'I RDO RJE SNGON PO RTZE LNGA PA'I ZHES PA NAS, A'A: LAS BYUNG BA'I PADMA DMAR PO 'DAB MA BRGYAD PA BU GA YI GE PHAt KYIS BKAG PA, RDO RJE DANG PADMA'I NANG 'OD ZER LNGAS GANG H'Um SNYOMS PAR 'JUG PA'I LAS LA GNAS PAR BYAS PAS, BYANG CHUB KYI SEMS ZHU BA, RDO RJE'I LAM NAS YUM GYI PADMAR ZHUGS PA'I THIG LE CHA SUM CU SO GNYIS SU GYUR, DE RNAMS YONGS SU GYUR PA LAS, AOm A'A: H'Um H'Um NAS, AOm A'A: H'Um H'Um BCUR GYUR, DE RNAMS YONGS SU GYUR PA LAS, RDO RJE GNYIS ZHES PA NAS, RDO RJE
DANG, RDO RJE DE RNAMS YONGS SU GYUR PA LAS, RIM GYIS LHA SUM CU SO GNYIS SU GYUR PA NI, DBUS SU MI BSKYOD PA MTHING NAG CES PA NAS, GNOD MDZES KYI BAR SGRUB THABS BZHIN BSKYED LA, MI BSKYOD PA RANG GI THUGS KAR DRANGS, BADZRA DHRI KA THUGS KA NAS PHYIR PHYUNG PHYOGS BCUR 'PHROS, CHOS KYI 'KHOR LO BSKOR BA LA SOGS PA SANGS RGYAS KYI MDZAD PA THAMS CAD MDZAD, KHYAD PAR DU ZHE SDANG CAN RNAMS KYI ZHE SDANG SBYANGS NAS MI BSKYOD PA'I GO 'PHANG LA BKOD SPRUL PA RNAMS GCIG TU 'DUS ZHES PA NAS, GNOD MDZES RGYAL PO, RANG GI THUGS KAR DRANGS, SUM BHA R'A DZA, THUGS KA NAS PHYIR PHYUNG, PHYOGS BCUR 'PHROS, BRTAN PA DANG, GA-YO BA'I DUG DANG, KLU DANG SA BDAG GI GDON BCOM SPRUL PA RNAMS GCIG TU 'DUS, DE RNAMS RANG RANG GI SANGS RGYAS KYI ZHING DU GSHEGS TE, RANG RANG GI YE SHES PA DANG GCIG TU GYUR NAS, MCHOG TU DGA' BA'I SKU DANG LDAN PAS, SLAR 'BYON PAR BZHED PA'I SGO NAS BZHUGS PAR GYUR, RANG DANG, RANG 'DRA BA'I YE SHES PA'I THUGS KAR, SNA TSOGS PADMA DANG ZLA BA'I GDAN LA, YE SHES SEMS DPA' SKU MDOG DMAR PO ZHES PA NAS RANG SNANG GI SHES RAB MAS 'KHYUD PA DE'I THUGS KAR ZLA BA'I GDAN, RDO RJE SNGON PO'I LTE BA'I NANG DU TING NGE 'DZIN SEMS DPA' H'Um YIG SNGON PO, DAM TSIG PA DANG YE SHES PA'I LHA GZHAN RNAMS KYI THUGS KAR ZLA BA'I GDAN LA RANG 'DRA'I YE SHES SEMS DPA' ZHAL GCIG PHYAG GNYIS PA RE RE, YE SHES SEMS DPA' RNAMS KYI THUGS KAR ZLA BA'I GDAN LA, RDO RJE 'KHOR LO ZHES PA NAS, RDO RJE DANG, RDO RJE, DE RNAMS KYI DBUS SU, TING NGE 'DZIN SEMS DPA' KHAm AOm NAS
, ,H'Um BCU RNAMS 'OD ZER GYI PHUNG PO DANG BCAS PAR GYUR, RANG DANG DAM TSIG SEMS DPA' RNAMS KYI TING NGE 'DZIN SEMS DPA'I 'OD ZER LCAGS KYU LTA BU 'PHROS PA RNAMS GCIG TU GYUR PAS, YE SHES PA SEMS DPA' SUM RTZEGS CAN RNAMS KYI THUGS KAR BABS PAS BSKUL BA'I 'OG TU RANG GI THUGS KA'I H'Um LAS 'OD ZER 'PHROS PAS GNOD MDZES BKUG NAS MDUN DU BKA' NOD PA LA, RGYAL BA RNAMS 'BYON PAR BSKUL CIG CES BSGOS PAS, DES RANG RANG DANG 'DRA BA'I YE SHES PA RNAMS SPYAN DRANGS SHING, DE RNAMS KYANG RANG RANG DANG 'DRA BA'I DAM TSIG PA SO SO LA THIMS, RANG MI BSKYOD PA ZHI BA DE YONGS SU GYUR NAS ZHE SDANG RDO RJE SKU MDOG MTHING NAG CES SOGS DANG, AE HYA HI BHA GA LDAN SAM YA MA NU SMA RA TIshthA TIshthA MA NU SMA RA SMA RA, AOm A'A: H'Um SV'A H'A, ZHES LAN GSUM BRJOD CING, RANG GI THUGS KA'I H'Um SNGON PO'I 'OD ZER LCAGS KYU'I RNAM PA CAN GYIS 'OG MIN NAS RGYAL BA THAMS CAD SPYAN DRANGS TE MDUN GYI NAM MKHA' LA BZHUGS, AOm SARBA TA TH'A GA TA R'U PA P'U DZA ME GHA ZHES SOGS DANG, ,'DOD YON LNGAS MCHOD, MA LUS 'GRO BA'I RANG BZHIN MNGON DU MDZAD, ,MI BZAD BDUD KYI DPUNG GIS PHYAG BYAS PA, ,RANG BYUNG MTHA' YAS 'GRO BA'I RANG BZHIN TE, ,SEMS CAN SNYING PO GCIG GYUR 'DIR GSHEGS SHIG, LAG PA GA-YAS GONG DU BYAS TE LAG NGAR GNYIS BSNOL, MDZUB MO GNYIS DPUNG MGO'I THAD DU LCAGS KYU LTAR BYAS, ,MTHE BO DANG GUNG MO GNYIS KYIS SE GOL BRDAB SLAR YANG GA-YAS PA 'OG TU BYAS NAS SA GOL DE LTAR
GTOG CING, AOm BADZRA SA M'A YA DZA: DZA: DZA: DZA: DZA: H'Um BAm HO: YE SHES PA RNAMS KYANG RANG RANG SO SO'I DAM TSIG PA DANG GNYIS SU MED PAR GYUR, LHA SO SO'I RIGS BDAG ZHAL GCIG PHYAG GNYIS PA YANG YUM GYI BYANG CHUB SEMS KYI CHU RGYUN GYIS LHA SO SO LA DBANG BSKUR BAR GYUR, DE NAS MCHOD PA RNAMS BSANGS SBYANG SOGS SNGAR LTAR BYAS LA, CHU BZHI SGRUB THABS BZHIN DBUL, LHA YI ME TOG DAM PA 'DIS, ,DKYIL 'KHOR MCHOD PA BGYID PAR 'TSAL, ,THUGS NI BRTZE BAS NYER DGONGS TE, ,MGON PO MCHOD PA 'DI BZHAS SHIG ,AOm A'A: BADZRA DHRI KA, SPARSHA BADZRA, PUshPE PRA T'I TZTSA H'Um, ZHES ME TOG DBUL, DE BZHIN DU ME TOG GI GNAS SU BDUG SPOS NAS ROL MO'I BAR DANG, PUshPA'I GNAS SU DH'U PE NAS SHAPTA'I BAR BCUG LA NYAR SPYOD GZHAN RNAMS DBUL LO, , GONG GI CHU BZHI TSIGS BCAD KYIS DBUL NA YANG, LHA YI ME TOG CES PA'I ME TOG GI GNAS SU MCHOD YON ZHABS BSIL, BSANG GTOR ZHES PA RANG RANG GI SNGAGS KYI GONG DU BCUG LA DBUL LO, ,PHYAG RGYA'I RNAM PA SNGON PO SOGS, ZHES PA NAS, LHA RNAMS LUS LA DBUL BAR BYA, ZHES PA'I BAR DANG, AOm A'A: BADZRA DHRI KA, SPARSHA BADZRA R'U PA PRA T'I TZTSA H'Um, ZHES, 'DOD YON LNGAS MCHOD, DE NAS NANG MCHOD SGRUB THABS LTAR DBUL, BDUD RTZI LNGA YI BZA' BA NI, ,DNGOS GRUB KUN BYED DE NYID MCHOG ,DKYIL 'KHOR MCHOD PA ZHES SOGS DANG, AOm A'A: BADZRA DHRI KA, SPAR shA BADZRA, PANYTZA AA MRI TA PRA T'I TZTSA H'Um, ZHES BDUD RTZI LNGA THOD PAR BLUG PA LAG PA GA-YAS PAR THOGS, GA-YON PA'I MTHEB SRIN GYIS DBUL, GSANG BA'I 'KHOR LO AINDRA N'I LA LTAR, ZHES PA NAS, A'A LI K'A LI'I GDANGS SU
, ,SHAR BA RNAMS, ,MI BSKYOD RDO RJE'I LHA TSOGS MNYES PHYIR 'BUL, ,ZHES PA'I BAR DANG, AOm A'A: BADZRA DHRI KA SPARSHA BADZRA PUshPE PRA T'I TZTSA H'Um, ZHES SOGS KYIS GSANG BA'I NYER SPYOD LNGA DBUL ZHING, GSANG BA SNYOMS 'JUG GI MCHOD PA SGRUB THABS BZHIN BYA'O, ,DE NAS, BDAG MING 'DI ZHES BGYI BAS 'DIR, ,CHOS KYI DBYINGS KYI RANG BZHIN GRONG, ,YO BYAD CI 'BYOR PA YIS NI, ,DKYIL 'KHOR MCHOD PA ZHES SOGS KYI MTHAR, AOm SARBA TA TH'A GA TA P'U DZA AU PASTHA N'A YA A'ADMA NA NI RY'A TA Y'A MI, AOm A'A: H'Um ZHES BDAG NYID DBUL, DE NAS, AOm SARBA TA TH'A GA TA P'U DZA BADZRA SVA BH'A WA A'DMA KONYHAm, ZHES MCHOD PA'I NGA RGYAL BZUNGS, DE NAS DAD PA CHEN PO SNGON DU 'GRO BAS, NA BZA' DANG, RIN PO CHE'I RGYAN CI 'BYOR DANG YID KYIS KYANG RGYA CHER SPRUL TE, SNA TSOGS DBANG PO'I GZHU LTAR RAB BKRA ZHING, ,GANG LA REG NA BDE BA'I RGYUR 'GYUR BA'I, ,GOS BZANG RIN CHEN BDAG BLO SBYANG PHYIR DBUL, ,BZOD PA DAM PA'I GOS KYIS BRGYAN PAR SHOG ,AOm AA NU TTAR SARBA P'U JA ME GHA SA MUNGGA TE SPHA RA nA HI MAm GA GA NA KHAm H'Um PHAt SV'A H'A, ZHES GLU GAR ROL MO DANG BCAS PA DBUL LO, ,RGYAL BA MTSAN DPE'I RANG BZHIN RGYAN LDAN PHYIR, ,RGYAN GZHAN DAG GIS BRGYAN PAR MI 'TSAL YANG, ,RIN CHEN RGYAN MCHOG PHUL BAS 'GRO KUN GYIS, ,MTSAN DPES BRGYAN PA'I SKU LUS THOB PAR SHOG ,AOm BADZRA AA LAm KA RA WA PU shA NI A'A: H'Um SV'A H'A, ZHES RGYAN DBUL, BRTZE BA'I KHOR YUG SNYAN PA'I BA DAN DANG, ,TING 'DZIN BLA BRE SPOBS PA'I 'OD GSAL BA, ,MCHOG RKYEN 'OS PA'I NYER MKHO 'DI DAG 'BUL, ,SKYE BOS RNAM DAG YE SHES THOB PAR SHOG ,
AOm BADZRA MAH'A P'U JE ME GHA A'A: H'Um SV'A H'A, ZHES GDUGS, BA DAN, BLA BRE, ROL MO LA SOGS PA DBUL, RIN CHEN MDZES PA'I BKRA SHIS BUM PA 'DI, ,SNA TSOGS BCUD KYIS BKANG STE PHUL BA YIS, ,LAS DANG NYON MONGS SGRIB PA KUN DAG STE, ,BYANG CHUB SEMS KYI RLAN GYIS BRLAN PAR SHOG ,AOm BADZRA KA LA SHA A'A: H'Um SV'A H'A, ZHES GANG BUM DBUL, DE NAS DRIL BU DKROL ZHING, MI BSKYOD RDO RJE ZHES SOGS SAM, GANG ZHIG GZUGS DANG TSOR BA ZHES SOGS KYIS BSTOD, GANG ZHIG THOG MED SRID PA'I CHU KLUNG DU ZHES PA NAS, SEMS CAN MYA NGAN 'DAS LA 'GOD, CES PA'I BAR GYIS SDOM PA BZUNGS, DE NAS GTZO BO'I SNGAGS BRGYA RTZA BRGYAD, 'KHOR RNAMS KYI NYER GCIG RE, BRTAN BYED DU YI GE BRGYA PA BZLAS LA, 'JIG RTEN DANG 'JIG RTEN LAS 'DAS PA'I GTOR MA BTANG, NANG GI SBYIN SREG TSOGS KYI MCHOD PA BYA, SLAR YANG MCHOD BSTOD RGYAS BSDUS GANG RUNG BYA, DE'I RJES SU, DE LTAR SGYU MA JI BZHIN RMI LAM BZHIN, CES SOGS, BSNGO BA SMON LAM BYA, DE NAS LHAG CHAD KYI NYES PA ZHI BA'I PHYIR, YI GE BRGYA PA LAN GSUM BRJOD, ME TOG DANG BCAS PA'I THAL MO SNYING KHAR SBYAR LA, GANG YANG BDAG BLO RMONGS PA YIS, ,ZHES SOGS KYIS BZOD PAR GSOL NAS, BSTAN PA RGYAS PA LA SOGS PA'I DON DU GSOL BA GDAB BO, ,DE NAS BDAG LA DNGOS GRUB MCHOG STZOL LAGS, ,TING 'DZIN KUN GYI 'BRAS BU STZAL, ,SEMS CAN KUN LA CI 'DOD PAR, ,DNGOS GRUB BLA NA MED PA STZAL, ,SLAR YANG GSHEGS PAR MDZAD PA'I PHYIR, ,RANG GI GNAS GSHEGS BADZRA MU: ZHES YE SHES PA GSHEGS, THUGS KA'I H'Um GYI 'OD ZER GYIS LHA RNAMS SPYAN DRANGS TE, SPYI BO LA SOGS PA'I GNAS RNAMS SU 'KHOD PA
, ,NI, SPYI BOR RNAM SNANG ZHES PA NAS, RKANG MTHIL GNYIS SU GNOD MDZES RGYAL PO ZHES PA NAS DAM TSIG PA RNAMS RANG GI LUS LA GZHUG CING, SNOD THAMS CAD GZHAL YAS KHANG DANG BCUD THAMS CAD RDO RJE 'CHANG DU GYUR, CES BRJOD CING DE LTAR BSAM MO, ,DE NAS RAB YANGS NAM MKHA' TIL GYI GANG BU BZHIN, ,ZHES PA NAS, PHYOGS BCU'I RAB 'BYAMS ZHING NA BZHUGS PA YI, ,DPAL LDAN 'DUS PA'I DGE 'DUN DKON MCHOG NI, ,RGYUD KYI RGYAL PO'I LUNG RTOGS DAM CHOS KYI, ,PHYOGS GCIG 'DZIN PA YAN CHAD THAMS CAD LA, ,LEGS TSOGS JI SNYED MCHIS PA'I BKRA SHIS DES, ,ZHES SOGS NAS, PHUN TSOGS DPAL LA ROL PA'I BKRA SHIS SHOG ,CES PA'I BAR LA SOGS PA RNAMS KYIS SHIS PA BRJOD PAR BYA'O, ,BDAG BSKYED RDO RJE SNGAGS KYIS SBYANGS, ,GNYIS BSKYED SUM RTZEGS BSKUL BSGO BSTIM, ,SPYAN DRANGS MCHOD GSOL BSKUL BSTIM DBANG, ,MCHOD BSKYED CHU BZHI NYER SPYAD DANG, ,'DOD YON NANG MCHOD BDUD RTZI STOB, ,GSANG MCHOD BDAG DBUL NGA RGYAL BZUNGS, ,NA BZA' RGYAN GDUGS BUM PA DBUL, ,BSTOD DANG SDOM BZUNG BZLAS GTOR TSOGS, ,MCHOD DANG BSTOD PA BSNGO YIG BRGYA, ,BZOD GSOL GSOL BTAB GSHEGS SU GSOL, ,LUS LA BSDU DANG SNOD BCUD BSKYED, ,MTHAR NI SHIS PA BRJOD PA STE, ,BSAM GTAN SGRUB MCHOD SDOMS BSDUS PA'O, ,BKRA SHIS PAR GYUR CIG, CHOS RJE RIN PO CHE BLO BZANG GRAGS PA'I DPAL GYIS, JI LTAR GSUNGS PA LTAR, TSIG PHYED KYANG MA 'KHRUL BAR 'BRI GUNG 'DUL ZIN PAS ZIN BRIS SU BTAB PA'O,, MANGGALAm, ,,