/RGYA/ *, ,RJE'I GSUNG SBYOR DRUG GI ZIN BRIS SHAR KHA BA RIN CHEN CHOS RGYAL GYIS GNANG BA ZHUS NAS BKOD PA BZHUGS, ,
, ,SHRI K'A LA TZA KRA YE, DPAL LDAN BLA MA DMIGS PA MED PA'I THUGS RJE CHEN PO DANG LDAN PA RNAMS KYI ZHABS LA YID GUS PA CHEN POS NYE BAR BTUD DE PHYAG 'TSAL ZHING SKYABS SU MCHI'O, ,LUS RNAM SNANG GI CHOS DANG LDAN PA'I SMIN MA'I DBUS DBU MA'I RTZA NANG DU SEMS DANG MIG 'BRAS GNYIS SNA'I PHYOGS SU HRIL BYAS LA PHYED MIG GYEN DU PHYOGS PA'I LTA STANGS KYI RTZE GNYIS DBU MA'I NANG DU 'PHRAD PA SGOM PA YIN PAS RTZA 'KHOR NAS THAD KAR SOR BZHIN YOD NA MI 'GAL LO, ,DE LTAR MTSAN MO DANG NYIN MO'I RNAL 'BYOR GNYIS BSGOMS PAS, RTAGS BCU GO RIMS NGES CAN DU RDZOGS PA STE, BSAM GTAN GYI YAN LAG LNGA'I SGO NAS BRTAN PAR BYED DGOS SO, ,DE LTAR YIN YANG DA LTA GO RIMS NGES PA'I SGOM PA MIN PAS, RTAGS BCU GO RIMS NGES PA CAN RDZOGS PAR 'CHAR BA, GSAL BA, SRA BA, RANG GI LUS LA 'OD KOR GYIS 'KHOR BA SOGS 'BYUNG YANG, RTAGS BCU GCIG PA, DUS KYI RTZA LA MTHONG BA CUNG DKA' LA, DE MTHONG BAR BYED PA DANG, KHYAD PAR GSANG 'DUS SOGS SU, GNYID KYI 'OD GSAL RLUNG STOBS KYIS ZIN PAS BLA MA'I MAN NGAG GIS LUS KYI NANG RTZA 'KHOR GYI DBUS NAS PHYI ROL TU LOGS SU MTSON BYED KYI SGYU LUS SU LDANG NUS PA YOD PA BZHIN DU, 'DIR YANG, DGA' BZHI'I MTHAR LUS KYI NANG RTZA 'KHOR GYI DBUS DE NYID DU RJES DRAN RJES MTHUN PAR LDANG BA YOD LA,
, ,DE'I RGYUR DA LTAR GYI STONG GZUGS RNAMS LA RANG GI SEMS KYIS DBANG THOB NAS 'DUN PA TZAM GYIS RJES SU BYED PA SGRUB PA YIN NO, ,DE DAG NI SNOD BCUD RNAMS MTHA' NAS RIM GYIS BSDUS TE RNAL 'BYOR PA RANG GI LUS KYI NANG DU 'JUG PA DANG, SMIN MA'I DBUS DBU MA'I RTZA 'KHOR GYI DBUS SU BSDUS LA SNGAR BSHAD PA'I SEMS DANG, LTA STANGS DANG GSUM GCIG TU BYAS NAS DMIGS RNAM SKYONG BA DANG, RES 'GA' STONG GZUGS RNAMS LA SGOS SU DE LTAR BYA BA'O, ,RTAGS KYI STONG GZUGS DBU MA'I RTZA 'KHAR GYI THAD NAM MKHAR 'DUG PA RNAMS KYI NANG NAS GANG 'DOD PA ZHIG RTZA 'KHOR GYI DBUS SU 'DUG PAR BSGOMS LA BZUNG NAS SNGAR LTAR BSKYANGS PAS GANG BZUNG BA DE MA GTOGS GZHAN KUN DAG NAS 'GRO'O, ,BSAM GTAN GYIS BRTAN PAR BYED PA LA'ANG, YAN LAG LNGA'I STENG DU 'DI MDZAD DO, ,RDOR BZLAS SOGS SROG THUR GANG RUNG RE RE LA DMIGS PA DANG BUM PA CAN SOGS GNYIS KA LA DMIGS PA'I SROG THUR DBU MAR BSRE BA SROG RTZOL DANG, SROG THUR 'DRES PA RTZA 'KHOR LO DRUG GI LTE BAR SEMS RTEN GYI THIG LE DANG GCIG TU BYAS DMIGS PAS 'DZIN PA NI 'DZIN PA'O, ,DE LTA NA, GTUM MO 'BAR KYANG SLAL GEGS MED PAS 'DZIN PA 'DI MDZAD DO, ,RLUNG DBU MAR ZHUGS PA'I RTAGS SNA BUG GI SGOR NGES CAN MNYAM POR GYUR TE SROG RANG GI RLUNG KUN GCIG TU BSDUS PA BONG TSOD SRAD
MA'AM, YUNGS KAR GYI TSOD TZAM, KHA DOG SNGO LA DMAR BA'I MDANGS CAN LTE BA'I RTZA 'KHOR GYI DBUS SU BZHAG LA SEMS BCUG ,'GRO 'ONG BKAG NAS MI BDE BA MED TZAM DU GA-YO MED DU GZUNG BAR BYA'O, ,'DI LA GNAS CHA RNYED NA GO RIMS NGES PA'I 'DZIN PA LTA BU KHAMS GSUM PA'I STONG GZUGS MI 'CHAR YANG, SOR BSAM GYIS GZUGS RNYEN NAS ZHUGS PA YIN PAS, STONG GZUGS DU MA 'CHAR DGOS KYANG DGOS LA 'CHAR, DE LTAR BYAS KYANG SROG MA CHINGS PA'AM, 'DZIN PA MTHAR PHYIN KYANG DBU MA NAS GTUM MO BSKUL BA'I STOBS KYIS BYUNG BA'I ZHU BDE MTSAN NYID TSANG BA MED PA'I DBANG PO'I RIGS YOD STE, SO SOR SDUD PA LA SOGS PAS SNGAGS PA RNAMS KYI 'DOD PA ZHES PA LHAN SKYES KYI BDE BA MTSAN NYID TSANG BA MA GRUB NA NOR BUR N'A DA SGOM PA GSUNGS PAS, LUS KYI 'DUG STANGS RKANG PA GA-YON PA'I RTING PAS RDO RJE'I RTZA BA GNON PA GNAD, GA-YAS PA'I SOR MO'I RTZE MO GA-YON PA'I PUS MO'I 'OG TU CHUG TZAM BYA, LAG PA RDO RJE KHU TSUR GA-YON NANG DU 'ONG BA BYAS NAS SNYING GAR BSNOL, N'A DA RLUNG H'Um GI SGRA CAN BYA BA LA BSHAD KYANG, RDO RJE NOR BU'I DBUS NA RTZA DBU MA'I MAR SNA YOD PAS, DE'I NANG DU H'Um YIG NAS 'BRU TZAM MGO THUR DU BLTA BA, RTZE MO PHYIN TUG TZAM ZHIG DANG, LTE BA MAN GYI RO RKYANG DBU MA GSUM GSAL BTAB, MGO MDUN DU SGUR TZAM BYAS TE, SNA NAS H'Um ZHES PA RLUNG GI SGRA DRAG PO GCIG BYA BA DANG LHAN DU NOR BU'I NANG GI H'Um DE RO RKYANG LA DMIGS PAS YE MA SHOR BA BYAS BSGRIMS TE, RGYU MA PHYI NANG LOG PA LTAR HRIL BYAS LA MGO GYEN DU BLTAS PA DBU MA'I NANG NA YAR 'THEN TE LTE BA'I RTZA 'KHOR GYI DBUS SU SEMS
, ,DANG LHAN CIG BZHAG ,RKANG SOR RNAMS BSKUM PAR BYA ZHING MIG GI LTA STANGS SOR SDUD DANG 'DRA BAR BYA'O, ,'DI LA LUS KYI 'DUG STANGS DANG H'Um YIG GI SGRA DRAG PO BYA BA GTZO BO YIN PAS YUN RING NA DRAG TU MI 'BYUNG GSUNG NGO, , 'DI DANG LONGS SPYOD KYI RLABS 'TSIR BA'I BTZAN THABS GNYIS KA LA RLUNG MNYAM RGYUR SONG NAS MA GTOGS MI NYAN NO, ,DE LTAR BYAS PAS DBU MA NAS GTUM MO TSUL BZHIN DU SBAR TE DGA' BA BZHI PA LHAN SKYES KYI BDE BA CHEN POS STONG PA NYID KYI DON NGES PAR BYAS PA'I MTHAR PHYAG RGYA CHEN MO DRAN PA TZAM GYIS LUS MA BRTAGS PA'I STONG GZUGS YAB YUM DU SHAR BA NI RJES DRAN NO, ,SROG 'DZIN GYI TING NGE 'DZIN MTSAN NYID TSANG BA MA THOB KYANG DGA' BZHI RIM CAN DU NGES PA'I MTHAR STONG GZUGS RJES MTHUN PA 'DOD LHA'I RNAM PA CAN DANG, RDUL PHRA RAB KYI RNAM PA CAN LA SOGS PAS 'KHYUD DE MI 'GYUR BA'I BDE BA CHA MTHUN TZAM ZHIG STER BA 'ONG BAS NGA DRAN PAS LDANG BA LA NI KYI RNAM PA CAN LA SOGS PAS 'KHYUD DE MI 'GYUR BA'I BDE BA CHA MTHUN TZAM ZHIG STER BA 'ONG PAS NGA DRAN PAS LDANG BA LA NI 'DZIN PA'I SKABS SU STONG GZUGS DU MA SHAR BA NA 'DIR RJES DRAN DU LDANG SNYAM DU 'DUN PA DRAG PO DANG, BSAM GTAN GYI SKABS SU SEMS KYI DBANG SGYUR THOB PAR SGRUB PA DE LA 'DI DAG MTHUN PA TZAM GYI RJES SU BYED PA YIN PAS DGA' BZHI'I MTHAR DRAN PAR BYAS LA LDANG SNYAM PA'I 'DUN PA DRAG PO BYA BA'O, ,'DZIN PA'I SKABS SU DE LTAR BYED PA'ANG GTUM MO MA 'BAR GONG DU SEMS RTEN LA GNAS CHA RNYED, STONG GZUGS SHAR BA'I DUS NA YIN NO, ,YAN LAG BZHI PA'I RJES DRAN MTSAN NYID TSANG BAR LDANG THUB KYANG LHA MO DES BDE BA
MI STER BA'I GANG ZAG 'ONG STE, GZUGS RNAMS KYIS MGU BAR MA GYUR NA ZHES PA, STONG GZUGS KYI MCHOG MI 'GYUR GYI BDE BA STER MA NYAN NA ZHES PA YIN PAS, LAS RGYA DANG SNYOMS PAR 'JUG PAR BYA'O, ,'DI SROG RTZOL DU 'GRO BA LA DON 'DI RNAMS TSANG DGOS TE, MTSAN LDAN GYI YUL NGOS BZUNG, DBANG GIS SNOD RUNG DU BYAS PA, DAM TSIG DANG SDOM PA DAG PA, SNGAGS DANG RGYUD SHES PA, STONG NYID LTA BA PHU THAG CHOD PAR GO BA LNGA DGOS SO, ,ZHES 'BYUNG YANG, YUL NI RTOG SHES PAS BRTAGS NA MANG BAR 'DUG GSUNG, DBANG MTSAN NYID TSANG BA THOB PA DANG, RTZA LTUNG GIS MA GOS PA NGES PAR DGOS SO, ,BZHI PA RGYUD DON MTHA' DAG SHES PA MA RNYED KYANG, MKHA' GSANG BYIN GYIS RLOB PA DANG, LHA'I RNAL 'BYOR LA BYANG BA, DGA' BZHI BSKYED PA'I SA TSOGS LA MKHAS SHING, DMIGS PHYED PA MA MTHA' DGOS, YAB YUM GNYIS KA'I DBU MA'I MAR SNA'I RTZA 'TSOL BA DANG, SPROD 'CHING LA MKHAS PA 'DI GTZO BO YIN NO, ,SKYA GNAS AA LAS PADMAR BSKYED PA DE'I DBUS NA, DH'U T'I H'Um LAS RDO RJER BSKYED PA DE, SOR MOS DRUD PAS RNYED PA DANG, SAD NUS KYANG, KHU RDUL SOGS KYI DRI MAS KHA 'BYAR YOD PA DE LCE RTZE LA HRI BKOD DE, CHOS 'BYUNG DU BCUG NAS DRUD PAS SAD DE, LAS SU RUNG NAS KHAB LA REG PA LTAR LCE RTZE LA HRAD DE MA BYUNG GI BAR LA MYU LA LO, ,DE LTAR SAD NA, YAB KYI RDO RJE LAS SU RUNG BAS YUM GYI PADMA 'BYED NUS PA LTAR, RDO RJE'I DBUS NA AA LAS PADMAR BSKYED PA'ANG YUM GYI NGES 'BYED NUS TE, 'DI NI CHOS NYID DO, ,DE LTAR GYUR PA DANG, PHAN TSUN
, ,BCUG LA NOR BU'I DBUS ZHES PA MGRIN PA MGO SGYER GYI MTSAMS NA RTZA 'KHOR YOD PAS DER YUM GYI RTZAS SLEB PA NGES PAR DGOS TE RIGS BRTAG PA'I TSE CHOS 'BYUNG GI NANG RTZA PHRA'ANG RING PO 'BRING DU GSUNGS PA'ANG DE YIN NO, ,LNGA PA NI, DE DUS YID SHES BDE BA CHEN PO'I NGO BOR SKYES YOD PAS DON DRAN PA TZAM GYIS BDE STONG SBYOR NUS SO, ,DRAN RGYU'I LTA BA NI GCIG DANG DU BRAL SOGS GTAN TSIGS GANG RUNG ZHIG GIS LEGS PAR GTAN LA 'BEBS NUS PA ZHIG DGOS SO, ,DE LTAR YIN NA LAG TU BLANG DU YOD DO, ,'DI RJES DRAN SGRUB BYED DU GSUNGS PAS DE LTAR YANG SHES DGOS SO, ,GONG DU BSHAD PA'I STONG GZUGS KYI PHYAG CHEN DANG SNYOMS PAR ZHUGS PAS MCHOG TU MI 'GYUR BA'I BDE BA NYAMS SU MYONG BA NI YAN LAG DRUG PA'I TING NGE 'DZIN YIN NO, ,BDE BA DE RANG BZHIN MED PA'I DON LA MNYAM PAR BZHAG PAS BDE BA STER BA NI STONG PHYOGS KYI PHYAG RGYA CHEN MO DRIL BU ZHABS KYIS LHAN SKYES KYI GTUM MOR BSHAD PA'ANG 'DI NYID DO, ,'DI GNYIS SPEL MAR NYAMS SU BLANGS PAS 'BRAS BU MYUR DU 'THOB CES GSUNGS SO, ,GZHAN YANG 'DI LTAR SA RA HA SA, KHYIM DANG KHYIM NA DE YI GTAM SMRA YANG, ,BDE CHEN GNAD NI YONGS SU SHES PA MED, ,CES GSUNGS SO, ,RGYUD SDE SO SOR 'BYUNG BA RNAMS TSIG MI MTHUN YANG, DON LAG RJES, RLUNG GNYIS DH'U T'IR THIM PA'I 'BRAS BU DGA' BA BZHI 'DREN LA, DES DE KHO NA NYID PHYIN CI MA LOG PAR NGES NAS BSGOMS PA'I LHAN SKYES DANG, 'OD GSAL GYI RGYUN SKYONG BA LAM GYI SNYING
POR MDZAD PA ZHIG SHES NA, GDAMS NGAG GI 'GAG MI 'PHYUGS PA'I GZER THEBS, RGYUD KYI DON LA MI 'JIGS PA'I SPOBS PA THOB, TSUL DE LA DGONGS NAS, SA RA HAS, ZA ZHING 'THUNG LA GNYIS SPROD KYIS DGA' ZHING, ,RTAG TU YANG DANG YANG DU 'KHOR LO 'GENG, ,CHOS 'DI LTA BUS 'JIG RTEN PHA ROL 'GRUB 'GYUR TE, ,RMONGS PA'I 'JIG RTEN MGO BOR RDOG PAS MNAN NAS SONG, ,GANG DU RLUNG DANG SEMS NI MI RGYU ZHING, ,NYI MA ZLA BA 'JUG PA MED GYUR PA, ,MI SHES PA DAG GNAS DER SEMS NI DBUGS PHYUNGS SHIG ,MDA' BSNUN GYIS NI MAN NGAG THAMS CAD BSTAN NAS SONG, ,ZHES RMONGS PA RTZAD NAS GCOD PA GDAMS NGAG THAMS CAD KYI GNAD BSDUS PAR GSUNGS SO, ,'DI LTAR MTSAN NYID TSANG BA LA NI, MAN SNYE LAS, SHES RAB DANG BCAS PA'I THABS DAG SNYOMS PAR 'JUG PA NA, LA LA NA DANG, RA SA NA'I RLUNG DAG DH'U T'IR 'JUG PA NA GTUM MO 'BAR RO, ,DE'ANG PHUNG PO LA SOGS PA BSREG CING, ZLA BA 'JU BAR BYED DO, ,ZHES DE DANG SBYAR BAS BYANG SEMS 'JU BAR BSHAD LA, DE BZHIN GSHEGS PA'I RDO RJES, DE'I TSE SNA BUG GNYIS KYI RLUNG RGYU BA LDOG PAR BSHAD PAS DH'U T'IR THIM PA YIN NO, ,DE NI PHYI'I SROG RTZOL LO, ,TEE LO PAS, GZUGS SGRA DRI RO'I 'DOD YON LA, ,SEMS LA ZHEN PA BYUNG BA'I TSE, ,SBRANG MA RTZI LA SBYAR DANG MTSUNGS, ,ZHEN PA THONG ZHIG N'A RO PA, ,ZHES SPYIR GSUNGS PA LTAR YIN LA, KHYAD PAR RIG MA'I 'DOD YON LA MA ZHEN ZHING, DON DAM PA'I YUL LA CHAGS PAS SEMS 'PHROG PA DANG, PHYI NANG GI RTEN 'BREL KUN SGYU MAR SHES PA SHIN TU GAL
, ,CHE'O, ,ZHES GSUNGS SO, ,GZHAN DU NA HE RU KA MNGON 'BYUNG LAS GSUNGS PA'I NYES DMIGS RNAMS 'BYUNG LA, KHYE CHE SA NA NYEN YANG CHE BA DANG, BLA MAS ZHIB TU BSTAN DGOS PA'ANG YOD PAS, RNAM DPYOD CAN GYIS TSIM PAR MA SLA BAR NYIN MTSAN DU BRTAG PAR RIGS SO, ,ZHES THEG PA BLA NA MED PA'I LAM GYI SROG ,GSANG BA LAS KYANG CHES GSANG BA'I MAN NGAG GNAD KYI NYING KHU 'DI NI, BLA MA RDO RJE 'CHANG CHEN PO DANG MI GNYIS PA DE NYID SGO GSUM GYI SGO NAS GUS PAS YUN RING DU MNYES PAR BYAS LA, RIN PO CHE'I MAndAL DANG BCAS TE, GSOL BA BTAB PA LAS DGYES BZHIN DU GNANG BA LA, SNGAGS KYI TSUL LA NYAMS SU LEN PA'I TSUL GYIS NAN TAN YUN RING DU 'GRUS PAR BYAS LA, SHAR KHA BA RIN CHEN CHOS RGYAL GYIS YI GER 'DRI BA'I GNANG BA MNOS NAS, RI BO DGE LDAN GYI GZIMS KHANG DU BRJED BYANG DU BYAS SO, ,DPE MI LA MI STON PA'I BKA' RGYAS BTAB BO,, ,,AOm SVASTI, PHAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCHOG 'BRAS BZANG LA, ,SPYOD PHYIR RI BO DGE LDAN CHOS GRVA CHER, ,CHOS SBYIN 'DZAD MED DAL 'GRO'I RGYUN 'DI SPEL,, MANGGA LAm,,