*, ,DPAL RDO RJE 'JIGS BYED SER PO LA BRTEN PA'I SHIN TU ZAB PA'I MAN NGAG BZHUGS SO,,
, ,NA MO BADZRA BHEER W'A YA, RANG NYID RDO RJE 'JIGS BYED DU GSAL BA'I MDUN DU, CHOS 'BYUNG PHYI DKAR LA NANG DMAR BA'I NANG DU, SNA TSOGS PADMA 'DAB MA BRGYAD PA'I STENG DU, SNA TSOGS RDO RJE'I LTE BAR GZHAL YAS KHANG GRU BZHI SGO BZHI LA SOGS PA MTSAN NYID THAMS CAD YONGS SU RDZOGS PA'I LTE BAR, PADMA ZLA BA NYI MA'I STENG DU, H'Um LAS RDO RJE RIN PO CHE H'Um GIS MTSAN PA, DE YONGS SU GYUR PA LAS, DPAL RDO RJE 'JIGS BYED SKU MDOG SER PO MA HE'I ZHAL CAN PHYAG GNYIS PA, PHYAG GA-YAS PA NOR BU DBANG GI RGYAL BO NAM MKHA' LA 'PHYAR BA, GA-YON MTSAN LDAN GYI THOD PA BDUD RTZIS GANG BA DANG, RTZVA DUR BA'I SDONG PO SPRAGS NAS 'DZIN PA, SKU STOD LA DAR SER PO SNA TSOGS KYI NA BZA' GSOL ZHING, RIN PO CHE SER PO SNA TSOGS KYIS BRGYAN PA, SPYI BOR 'JAM DPAL GYI ZHAL SER PO YID TZAM 'DZUM PA, GZHON NU'I RGYAN GYIS BRGYAN PA, ZHABS GA-YAS BSKUM ZHING GA-YON BRKYANG PA'I STABS KYIS BZHUGS PA, DE'I THUGS KAR YE SHES SEMS DPA' 'JAM DPAL GZHON NUR GYUR PA SKU MDOG SER PO ZHAL GCIG PHYAG GNYIS,
, ,PHYAG GA-YAS NOR BU DBANG GI RGYAL PO DANG RAL GRI SBRAGS NAS NAM MKHA' LA 'PHYAR BA, PHYAG GA-YON RTZVA DUR BA'I SDONG PO DANG GLEGS BAM THUGS KAR BSNAMS PA, DAR SER PO'I NA BZA' GSOL BA, RIN PO CHE'I RGYAN SNA TSOGS KYIS BRGYAN PA, RDO RJE SKYIL MO KRUNG GIS BZHUGS PA, DE'I THUGS KAR TING NGE 'DZIN SEMS DPA' H'Um YIG SER PO, MIG GNYIS SU SA SNYING GI RANG BZHIN KshIm KshIm DKAR PO LAS RDO RJE'I MIG DKAR PO, RNA BA GNYIS SU PHYAG RDOR GYI RANG BZHIN DZRIm NAG PO LAS RDO RJE'I RNA BA NAG PO, SNA GNYIS SU NAM SNYING GI NGO BO KHAm SER PO LAS RDO RJE'I SNA SER PO, LCE'I RTZA BAR 'JIG RTEN DBANG PHYUG GI NGO BO GAm LAS RDO RJE'I LCE DMAR PO, DPRAL BAR SGRIB SEL GYI NGO BO KAm LAS RDO RJE'I LUS LJANG KHU, LTE BAR KUN BZANG GI NGO BO SAm LAS RDO RJE'I YID DKAR PO, SPYI BOR SKU RDO RJE'I NGO BO AOm DKAR PO, MGRIN PAR GSUNG RDO RJE'I NGO BO A'A: DMAR PO, THUGS KAR THUGS RDO RJE'I NGO BO H'Um SNGON PO, THUGS KA'I H'Um LAS 'OD ZER 'PHROS PAS BSGOMS PA DANG 'DRA BA'I YE SHES PA SPYAN DRANGS, DZA: H'Um BAm HO: SLAR YANG THUGS KA'I H'Um LAS 'OD ZER 'PHROS PAS, DBANG GI LHA RNAMS
SPYAN DRANGS, AARGHAm SOGS KYIS MCHOD NAS, DBANG BSKUR BA LAS MI BSKYOD BAS DBU BRGYAN PAR GYUR, BYIN GYIS BRLABS PA'I MCHOD RDZAS NAM MKHA' GANG BA RNAMS KYIS MCHOD PAR BSAMS LA, AOm YA M'ANTA KA SNGON DU 'GRO BA'I AARGHAm SOGS CHU GNYIS ROL MO NANG MCHOD DANG BCAS PAS MCHOD, GNYIS MED THUN MONG SOGS KYIS BSTOD LA, MDUN BSKYED KYI THUGS KA'I TING NGE 'DZIN SEMS DPA'I MTHA' SKOR LA SNGAGS 'KHOR BA LAS MDUN GYI RTZA ZHAL GYI SHANGS BUG GA-YAS NAS 'THON RANG GI RTZA ZHAL GYI SHANGS BUG GA-YON NAS ZHUGS SNYING KHA'I H'Um LA THIM DE LAS 'THON RANG GI RTZA ZHAL GYI SNA BUG GA-YAS NAS 'THON, MDUN GYI SHANGS BUG GA-YON NAS ZHUGS PA'I SNGAGS PHRENG 'OD ZER SER PO LAS DON GNYIS BYAS, RANG GZHAN GYI LUS SEMS LA KHYAB PAS SDIG SGRIB ZHI ZHING, CHE DANG BSOD NAMS YE SHES SOGS YON TAN THAMS CAD RGYAS PAR BSAMS LA, AOm HR'I: shtRI: WI KRI T'A NA NA H'Um PHAt, AOm PU n+YE PU n+YE MAH'A PU n+YE AA PA RI MI TA A'A YUR PU n+YA DZNY'A NA SAm BHA RO PA AU PA TZA YA KA RI NI SV'AH'A, ZHES BZLAS PA'I RJES SU AARGHAm SOGS KYIS MCHOD, NONGS PA BZOD PAR GSOL, YIG BRGYA BZLAS, MDUN BSKYED RANG LA BSDU BA'AM GSHEGS PA GANG RUNG BYAS LA, BSNGO BA SMON LAM BKRA SHIS DANG BCAS PA BYA'O, ,SHIN TU ZAB PA'I MAN NGAG GU HYA AiITHA, ,ZHES PA 'DI RJE BTZUN TZONG KHA PA CHEN PO'I GSUNG GI BDUD RTZI BLA NA MED PA'O, ,BKRA SHIS, ,DGE'O,,