/RGYA/ *, ,YI GE BZHI PA'I BSRUNG BA MAN NGAG RTZA GSUM DANG GSHIN RJE SBYOR TSUL RNAMS DANG RTZA DANG GSHIN RJE SBYOR TSUL BZHUGS SO, ,
, ,NA MO BADZRA BHEE RA W'A YA, BLA MA DANG DPAL RDO RJE 'JIGS BYED CHEN PO DBYER MA MCHIS PA'I ZHABS LA GUS PA CHEN POS PHYAG 'TSAL ZHING SKYABS SU MCHI'O, ,YI GE BZHI PA'I BSRUNG BA NI, THOG MAR LDANG BA'I RNAL 'BYOR GYIS LANGS NAS, DE RJES 'DI LTAR BYA'O, ,MDUN GYI NAM MKHA'I GNAS SU PADMA DANG NYI MA DANG, MA HE'I GDAN GYI STENG DU, H'Um LAS GRI GUG H'Um GIS MTSAN PA DE YONGS SU GYUR PA LAS, DPAL RDO RJE 'JIGS BYED CHEN PO SKU MDOG DMAR PO, ZHAL GCIG PHYAG GNYIS PA, GA-YAS RAL GRI NAM MKHA' LA 'PHYAR BA, GA-YON SDIGS MDZUB THUGS KAR MDZAD PA, MA HE'I GDONG PA CAN, DMAR ZHING ZLUM PA'I SPYAN GSUM DANG LDAN PA, ZHABS GA-YAS BSKUM ZHING GA-YON BRKYANG PA'I STABS KYIS BZHUGS PA, RUS PA'I RGYAN RNAMS KYIS BRGYAN PA, DBU SKRA KHAM PA GYEN DU BRDZES PA, LINGGA DMAR PO GYEN DU LANGS PA ZHIG BSGOM, DE'I THUGS KAR PADMA DKAR PO 'DAB MA BZHI PA BSGOM, PADMA'I LTE BAR RNAM SNANG, SHAR GYI 'DAB MA LA MI BSKYOD PA SOGS BSGOM, RANG THA MAL DU GNAS PA DE YI DAM GYIS,
, ,SHANGS BUG NAS RNGUBS TE SKU'I DBYIBS BRGYUD NAS RNAM SNANG GI THUGS KAR GNAS BAR BSAMS LA, AE SA BHYO BZLOG SRUNGS ZHES DNGOS SU RANG GIS BRJOD, BSGOM DON LA YI DAM GYIS BSRUNG BAR MOS,, ,,NA MO BADZRA BHEE RA W'A YA, BLA MA DANG DPAL RDO RJE 'JIGS BYED KYI LHA TSOGS LA PHYAG 'TSAL LO, ,RJE BLA MA CHOS KYI RGYAL PO TZONG KHA PA CHEN PO LA YI DAM RANG NYID KYIS GSUNGS PA'I MAN NGAG CHES ZAB PA, GDON BGEGS KYI GNOD PA DRAG PO BYUNG BA'AM, KHYAD PAR DU PHA ROL GYI RBOD GTONG DANG, BYAD KHA DRAG PO BYUNG NA, DE NYID BZLOG PAR BYED PA'I GDAMS PA THUN MONG MA YIN PA NI, RANG NYID GSHIN RJE GSHED KYI RNAL 'BYOR BSGOM, NGA RGYAL SHIN TU BRTAN PA'I GDENG DANG LDAN PAR BYAS LA, KHA LHO NUB TU BSTAN TE, GOS PHYI MA MGO GSHAM LDOG NAS GYON, LHAM GNYIS PHRAG PA GA-YAS GA-YON LA BKAL BA'I, LHAM GYI MTHIL MDUN PHYOGS DANG, YU BA RGYAB PHYOGS LA BSTAN, ZHVA MO GDAN DU BTING, RKANG PA'I MTHE BONG GIS MDUN DU 'BRUB KHUNG ZUR GSUM RTZE MO PHAR LA BSTAN PA BRI, DA NAS RANG NYID ZHVA MO BTING BA'I STENG
DU SKYIL KRUNG GRU GSUM BCAS TE 'DUG NAS, MDUN GYI HOM KHUNG GRU GSUM DE NYID YANGS SHING RGYA CHE BA, GTING SHIN TU RING BA, DBANG CHEN GSER GYI SA GZHI LA THUG PAR BSGOMS NAS, HOM KHUNG DE'I NANG DU 'DOD CHAGS KYI CHU 'KHRUGS, ZHE SDANG GI ME 'BAR, GTI MUG GI DU BA 'KHRIGS, NAD KYI NA BUN 'THIBS, DE'I NANG DU CHUD PA TZAM GYIS DGRA BGEGS SEMS MYOS SHING DRAN PA NYAMS, LUS 'BRAL BAR BYED NUS PA DE LTA BUR BSGOM PAR BYA'O, ,DE 'DRA BA'I HOM KHUD DE'I NANG NA, CHOS KYI RGYAL PO LA SOGS PA'I ZA BYED GSHIN RJE'I TSOGS, 'JIGS SU RUNG BA KHA GDANGS PA, RAB TU KHROS PA DPAG TU MED PA RANG LA MDUN BSTAN NAS YOD PAR BSAMS LA, DE NAS RANG GSHIN RJE GSHED KYI NGA RGYAL SHIN TU BRTAN PAS KHROS PA'I SEMS LA GNAS PAR BYAS SHING, RANG GI SNYING GA'I SA BON LAS SPROS PA'I KHRO BO GSHIN RJE GSHED ZHAGS PA DANG LCAGS KYU 'DZIN PA DPAG TU MED PA SPROS TE, DGRA BGEGS BYAD MA LA DMIGS PA'I BYAD GZUGS JI LTA BA BZHIN DU SNYING GNAS LCAGS KYUS BKUG CING, MGRIN PA NAS ZHAGS PAS BCINGS TE, RLUNG GI DKYIL 'KHRO LA BSKYON NAS, GSHIN RJE'I KHRO BOS RGYAB NAS BRDEG CING, 'JIGS PA'I SGRA SGROGS PAS BKUG PAR BSAMS LA, LAG PA LCAGS KYU'I PHYAG RGYA BCINGS TE, DGRA BGEGS BYAD MA AAm KU SHA DZA: ZHES BRJOD PA LAN GSUM MAM, BDUN LA SOGS PAS DGUG GZHUG DRAG PO YANG YANG BYA'O, ,DE LTAR DGUG GZHUG DRAG TU BYAS PAS DNGOS SU KHUGS PA'I MOS PA BRTAN PO BYAS TE, DGRA BGEGS BYAD MA CI YIN KYANG, DE'I
, ,GZUGS DGUG THEBS RIM PA KHA YAR DU BYAS PA RNAMS RIM PA BZHIN, HOM KHUNG GI GSHIN RJE'I ZHAL DU STOB PA DANG, RANG GI PHRENG BA LA BSTIM PA DANG, HOM KHUNG GI NANG DU BCUG CING BSTIM PA GSUM BYA'O, ,DE NAS RANG GI LAG PA GA-YAS PA'I GUNG MDZUB DNGUL GYI BRTAN PA, MTHE BONG GSER GYI STA RER BSGOMS NAS DGRA BGEGS BYAD MA GANG LA DMIGS PA THAMS CAD KYI SKE STA RES RBAD RBAD BCAD NAS, HOM KHUNG GI NANG DU BSKYUR BAS, HOM KHUNG GI NANG GI GSHIN RJE RNAMS KYI ZHAL DU KHYUR KHYUR SONG BAR BSAMS LA, PHRENG BA LAG PA GA-YAS PA'I GUNG MDZUB LA BKAL NAS, MTHE BONG GIS PHRENG RDOG PHYIR BCAD CING, AE SA BHYO BZLOG ,CES BZLAS PAR BYA STE, PHRENG RDOG RE PHYIR BSKYUR BA DANG, SNGAGS RE DANG DMIGS PA RE, DUS MNYAM DU 'ONG BAR BYA'O, ,DE'ANG RANG GI KHAD PA'I NANG DU THOG MAR RANG GI GDONG GA-YAS DKAR, GA-YON DMAR, DBUS NAG PO'I RNAM PAR BSGYUR BA'AM, YANG NA BONG NGA NAG PO CHUNG NGU ZHIG ,GU GUL RDOG PO ZHIG ,MGAR GYI SOL RDOG CIG RNAMS CHU NANG DU BSKYUR BA LA, HR'I: shtR'I: SOGS MANG DU BSNGAGS PA'I SNGAGS CHU BYAS LA, DES RANG GI KHA GDONG DANG RKANG LAG BKRU, DE NAS THEG KHA'AM, SA PHUG SOGS DBEN PAR SONG STE, CHAS 'JUG DANG, HOM KHUNG DGUG GZHUG BZAS PA RNAMS GONG DU BSHAD PA'I RIM PA LTAR BYA'O, ,BZLAS PA RDZOGS PA DANG, GOS KYI THA MA NAS BZUNG STE, LAN GSUM HOM KHUNG BRIS PA DE LA BRDABS NAS, HOM KHUNG BSUB PA DANG DUS MNYAM
DU, ZA BYED GSHIN RJE'I TSOGS RNAMS KYIS ZAS SKAL 'THUNG SKAL DGRA BO BYANG MA 'DI LA GYIS LA SONG ZHIG ,RGYUG CIG ,CES BRJOD PAS SONG BAR BSAMS LA, BDEN STOBS BRJOD DO, ,DE NAS LHAM MGO GSHAM BSGYUR LA GYON, GOS GZHAN RNAMS DRANG POR GYON NAS NANG DU 'ONGS NAS, SNGAGS CHUS GDONG DANG RKANG LAG BKRUS TE, SRUNG 'KHOR BSGOMS TE, LHA'I RNAL 'BYOR LA GNAS PAR BYA'O, ,YAR NGO MA YIN MAR NGO STE, ,BCU BDUN BCU DGU NYER GCIG GAM, ,NYER GSUM NYER LNGA NYER BDUN DANG, ,NYER DGU KHO NAR BYED KYANG RUNG, ,HA CANG MTHAR THUG NUB RE BZHIN, ,SNGA DRO MA YIN PHYI DRO STE, ,NYI MA RGAS DANG MNYAM DU BYA, ,KHA NI LHO NUB DAG TU BLTA, ,YUN RING DRAGS NA BZLOG NYEN CHE, ,SO NAM MA BSNYEN BAR CHAD 'BYUNG, , DAM TSIG MI GTZANG NA MI BYA, ,'DI NI RANG GI BZLOG PA YIN, ,YOD PAS CHOG PA'I GDAMS PA 'DI, ,SNOD LDAN MIN PA KUN LA GSANG, ,SNOD LDAN RE RE TZAM LA YANG, ,LUNG NOD BKA' RGYAS BTAB LA BYIN, ,CES GSUNGS SO, ,'DI NI GSHIN RJE BA GZHAN LA'ANG, AE SA BHYO BZLOG ,CES PA'I MAN NGAG YOD PA DANG SNGAGS DE 'DRA'ANG GDAMS NGAG GI GNAD GZHAN YE MI 'DRA BA'I KHYAD PAR CHE ZHING, MANG PO LA 'PHEL NA RANG LA 'KHOR BA'I DGRA'I LAG CHAR SONG DOGS YOD PAS GSHIN TU GSANG ZHING SBYIN PA'I YUL BRTAG PA SHIN TU GAL CHE'O, ,GSUNG GSAL BAR BKOD PA YIN PAS DPE GZHAN GYIS MTHONG DOGS SHIN TU GAL CHE'O, ,GU HYA SA MA YA AiTHI, (,BCOM LDAN 'DAS RDO RJE 'JIGS BYED, RJE BTZUN TZONG KHA PA CHEN PO, MKHAS
, ,GRUB CHOS RJE,,) ` ,,PAndI TA DARPAN A'A TZA RYA'I DPAL GSHIN RJE GSHED KYI MAN NGAG LAS 'BYUNG BA NI, PHYI DANG NANG DANG GZHAN RNAMS KYI, ,DUS DGRA'I TSUL 'DI SHES BYA STE, ,'DI LA DUS ZHES PA GSHIN RJE YIN LA, DE LA PHYI NANG GZHAN GSUM LAS, PHYI'I GSHIN RJE NI, LHO PHYOGS ZHES PA NAS GSHIN RJE STE ZHES PAS BSTAN LA, DE'I GSHED NI, BRGYAD GNYIS GRUB PA ZHES PA NAS 'JAM PA'I DBYANGS GANG DE'I GSHED, LHAR BCAS 'JIG RTEN KUN GYI SKYABS, ,ZHES PAS BSTAN NANG GI GSHIN RJE NI, BDUD DANG NAS GSHIN RJE YIN LA, ZHES PAS BSTAN, SNYING RJE NAS GSHED YIN NO, ,ZHES PAS DE'I GSHED BSTAN, PHAS MTSON PA K'A LI'I RLUNG GA-YAS RO MA NAS RGYU BA DANG, MAS MTSON PA A'A LI'I RLUNG GA-YON RKYANG MA NAS RGYU BA NI GSHIN RJE YIN LA, RO RKYANG GI RLUNG DE GNYIS KUN 'DAR MA, DBU MA'I NANG DU ZHUGS GNAS THIM GSUM BYAS PA NI DE'I GSHED YIN NO, ,NYI MA RO MA DANG ZLA BA RKYANG MA'I LAM GNYIS POR KUN RTOG GI RNAM SHES 'PHO ZHING 'GRO BA GANG YIN PA GSHIN RJE YIN LA, DE NYID DBU MA'I NANG DU ZHUGS PA'I YE SHES DE NI GSHED YIN NO, ,SNYING GA'I RTZA 'KHOR GYI DBUS KYI MDUD PA'I NANG GI SHIN TU PHRA BA'I RLUNG SEMS KYI GNYUG LUS DE NI THA MAL BA BLA MA DAM PA'I MAN NGAG DANG MI LDAN PA RNAMS LA, NYON MONGS BSKYED PA'I RTEN GYI NGO BO DANG SRID PA'I RTZA BA GSHIN RJE YIN, RNAL 'BYOR PA LA TSUL DE NYID YANG DAG PA'I 'OD GSAL GYI YE SHES DANG NGO BO GCIG TU
GYUR PA'I SGYU MA'I SKU DE NI DE'I GSHED YIN NO, ,YA M'AN GYI MA'I KHONG GI A'A RING POS GDOD NAS SKYE BA MED PA'I STONG NYID BSTAN LA, TA KRITA KYI KA'I RA LA ZHABS KYU GDAGS LA KA LA KLAD KOR BYAS PAS KAm RU NA ZHES PAS SNYING RJER GYUR LA, STONG NYID SNYING RJE DBYER MED DU SBYAR BA DE GSHED YIN NO, ,KUN RTOG BRGYAD CU'I TSOGS KYI RTEN DU GYUR BA'I SRID PA'I PHUNG PO NI GSHIN RJE YIN LA, SKU GSUNG THUGS TE SNANG MCHED THOB GSUM RIM GYIS THIM PA LAS RDO RJE 'DZIN PA SGYU MA'I SKU GSHIN RJE GSHED KYI SKUR BZHENGS PA NI DE'I GSHED YIN NO, ,LTE BA SNYING GA MGRIN PA SPYI BO'I RTZA 'KHOR BZHI PO BDUD DE MDUD PA BZHIS BCINGS PA GSHIN RJE YIN LA, RTZA MDUD GROL BA'I NANG GI DE KHO NA MTHAR BYED BZHI STE DGA' BA BZHI NI DE'I GSHED YIN NO, ,YA SOGS YI GE BZHIS MTSON PA'I SA CHU ME RLUNG GI RLUNG BZHE STE SNYING GA MGRIN PA SPYI BO'I MDUD PA BCINGS PA NI MA DAG LAS KYI GSHIN RJES GZIR BA YIN LA, DE LAS KUN RTOG GI GA-YO BA 'BYUNG, DE'I DBANG GIS NGA RGYAL LA SOGS PA'I BDUD BZHI PO RNAM PAR BCINGS PA DANG, BDEN PA BZHI LA RMONGS PA'I BDAG NYID, SRID PA'I SKYE GNAS BZHIR MTSAMS SBYOR BA 'BYUNG NGO, ,SROG STE RLUNG RO RKYANG NAS RGYU BA BKAG PA'I SBYOR BA YIS DBU MA'I NANG DU DAG PAS DPAL LDAN DUS KYI DGRA BZHI'I 'CHING BA LAS GROL BA'I YE SHES SKYE BAR 'GYUR RO, ,YE SHES DE NYID AE WAm YI GE BZHIS MTSON PA SOGS SU 'GYUR RO,, ,,(RTZA DANG GSHIN RJE SBYOR TSUL BZHUGS SO,) , *, ,NA MO BADZRA BHEE RA W'A YA, GRUB CHEN DPAL 'DZIN GYI DNGOS KYI SLOB MA MCHOG GRUB CHEN MA TI
, ,PA ZHES BYA BAS RJES SU BZUNG NAS DNGOS GRUB BRNYES PA'I RGYA GAR SHAR PHYOGS KYI PAndI TA DARPAN A'A TZARYA ZHES BYA BAS MDZAD PA'I DPAL GSHIN RJE GSHED KYI MAN NGAG LAS 'BYUNG BA NI, DPAL GSHIN RJE GSHED KYI RGYUD LAS, SPAS PA BLA MA'I LUNG GIS BSHAD, ,PHYI DANG NANG DANG GZHAN RNAMS KYI, ,DUS DGRA'I TSUL NI SHES BYA STE, ,LHO PHYOGS SA 'OG RIM PA BDUN, ,SGO MED MUN KHANG BCU DRUG NA, ,CHOS KYI RGYAL PO LAS KYI 'KHOR, ,BYA BA 'BUM BCAS GSHIN RJE STE, ,BRGYAD GNYIS GRUB PA PHUN SUM TSOGS, ,GDUL DKA' 'DUL PHYIR MI SDUG GZUGS, ,'JAM DPAL DBYANGS GANG DE YI GSHED, ,LHAR BCAS 'JIG RTEN KUN GYI SKYABS, ,BDUD DANG DE YI RIGS GYUR GANG, ,LOG PAR LTUNG BA GSHIN RJE YIN, ,SNYING RJE CHEN PO KHRO TSUL GYIS, ,TSAR GCOD PA NI GSHED YIN NO, ,K'A LI PHA STE A'A LI MA, ,GA-YAS DANG GA-YON PA GSHIN RJE STE, ,KUN 'DAR MA NI DBUS GNAS SU, ,GANG ZHIG GNYIS SU MED DE BSHAD, ,NYI MA ZLA BA'I LAM GNYIS POR, ,'GRO BA GANG YIN GSHIN RJE STE, ,DE YANG DBUS SU GANG GNAS PA, ,YE SHES DE NI GSHED YIN NO, ,THA MAL SNYING GI DBUS SONG RTZA, ,NYON MONGS NGO BO NYID YIN TE, ,SRID PA'I RTZA BA GSHIN RJER BSHAD, ,RNAL 'BYOR PA LA TSUL DE NYID, ,YANG DAG YE SHES NYID DU 'GYUR, ,DE NI DE DE YI GSHED YIN NO, ,AA NI GDOD NAS SKYE BA MED, ,RGYU NI GANG YIN SNYING RJE STE, ,DBYER MED GYUR PA DE YI GSHED, ,SRID PA'I PHUNG PO DE YI TSOGS, ,GANG YIN GSHIN RJER BRJOD PA STE, ,SKU GSUNG THUGS KYI YE SHES LAS, ,RDO RJE 'DZIN PAR GYUR TE
GSHED, ,LTE SNYING MGRIN PA SPYI BO STE, ,BDUD BZHIS BCINGS PA GSHIN RJE STE, ,GROL BA NANG GI DE KHO NA, ,MTHAR BYED BZHI NI GSHED YIN NO, ,YA LA SOGS PA'I YI GE NI, ,MA DAG LAS KYI GSHIN RJES GZIR, ,SROG GI DE NYID SBYOR BA YIS, ,DAG PAS DPAL LDAN DUS KYI DGRA, BDUD BZHI'I 'CHING BA LAS GROL ZHING, ,DNGOS GRUB BDE CHEN MCHOG STER YIN, ,YA MA GNYIS SU 'DZIN PA STE, ,SPROS MED 'OD GSAL AANTAR BRJOD, ,KA YIG BLA MAS BSTAN PA NYID, ,GSHIN RJE MTHAR BYED CES SU GRAGS, , ZHES DANG, LTE SNYING MGRIN PA SPYI BO BZHI, ,SA CHU ME RLUNG ZHES BYA BA, ,NGA RGYAL ZHE SDANG CHAGS DANG RMONGS, ,BDUD BZHI PO YIS RNAM PAR BCINGS, ,SDUG BSNGAL KUN 'BYUNG LAM DANG 'GOG ,BDEN PA BZHI LA RMONGS BDAG NYID, ,SRID PA'I SKYE GNAS BZHI MTSAMS SBYOR, ,AE WAm YI GE BZHI PA NYID, ,DE BZHIN YAKshE MA ME BZHI, ,MTHAR BYED CHEN PO BZHI PO NYID, ,DE BZHIN DZA SA DO RU BZHI, ,SPYAN DANG M'A MA GOS DKAR SGROL, ,TZA RTZI KA SOGS RNAM PA STE, ,DGA' BA BZHI DANG SKAD CIG BZHI, ,RGYU MTHUN RNAM SMIN 'BRAS BU CAN, , DRI MA MED PA'I 'BRAS BU BZHI, ,DAM TSIG LAS CHOS PHYAG RGYA CHE, ,PHYAG RGYA BZHI YIS RGYAS GDAB BO, ,RIGS BZHI YE SHES BZHI YI DNGOS, ,SKU BZHI'I BDAG NYID YE SHES SKU, ,RDO RJE 'DZIN PAR BDAG NYID 'GYUR, ,ZHES DANG, SANGS RGYAS THAMS CAD GCIG BSDUS PA, ,BLA MA'I THUGS SU SHES BYA STE, ,MI PHYED BRTAN PAS GUS PA YIS, ,BLTOS PA MED PA'I BSNYEN BKUR BYA, ,DE NYID ZHAL GYI BKA' DRIN LAS, ,'BAD PAS SBAS PA'I DE NYID BTZAL, ZHES GSUNGS SO,, SARBA MANGGA LAm,, ,,