\\RGYA\\ *, ,'JAM DBYANGS ZHI KHRO SBRAGS SGRUB THUN MONG MA YIN PA BZHUGS SO, ,
, ,LHAG PA'I LHA RJE BTZUN 'JAM DPAL DBYANGS LA PHYAG 'TSAL LO, ,'JAM DBYANGS ZHI KHRO SBRAGS SGRUB LA GSUM, YAB KYI ZHI KHRO SBRAGS SGRUB YUM GYI ZHI KHRO SBRAGS SGRUB, YAB YUM GNYIS KA'I ZHI KHRO SBRAGS SGRUB BO, ,YAB LA SKU'I ZHI KHRO SBRAGS SGRUB, GSUNG GI ZHI KHRO SBRAGS SGRUB, THUGS KYI ZHI KHRO SBRAGS SGRUB, DANG PO NI, RANG DAM TSIG SEMS DPA' RDO RJE 'JIGS BYED KYI THUGS KAR YE SHES SEMS DPA' 'JAM DPAL AA RA PA TZA NA, DE'I THUGS KAR TING NGE 'DZIN SEMS DPA' RAL GRI BKOD NAS SGOM PA NI 'CHAD PA GTZO BOR BYED PA'I SKABS YIN LA, ` ,DAM TSIG SEMS DPA' YI DAM GYI THUGS KAR YE SHES SEMS DPA' 'JAM DPAL YE SHES SEMS DPA', DE'I THUGS KAR TING NGE 'DZIN SEMS DPA' RAL GRI BKOD NAS SGOM PA NI RTZOD PA GTZO BOR BYED PA'I SKABS YIN, DAM TSIG SEMS DPA' YI DAM GYI THUGS KAR YE SHES SEMS DPA' 'JAM DPAL GZHON NUR GYUR PA, DE'I THUGS KAR TING NGE 'DZIN SEMS DPA' RAL GRI BKOD NAS SGOM PA NI RTZOM PA GTZO BOR BYED PA'I SKABS YIN NO, ,GSUNG GI ZHI KHRO SBRAGS SGRUB NI RAL GRI LA YA MA R'A DZ'AS BSKOR BA'I PHYI ROL DU AA RA PA TZA NAS BSKOR BA'O, ,THUGS KYI ZHI KHRO SBRAGS SGRUB NI RAL GRI'I DBUS SU H'Um YIG DANG, DE'I DBUS SU RAL GRI BKOD PA'O, ,YUM GYI ZHI KHRO SBRAGS SGRUB LA SKU GSUNG, THUGS LAS, DANG PO NI, RO
, ,LANGS MA'I THUGS KAR DBYANGS CAN MA, DE'I THUGS KAR PI WANG NGO, ,GSUNG GI ZHI KHRO SBRAGS SGRUB NI, PI WANG LA RO LANGS MA'I SNGAGS KYIS BSKOR BA'I PHYI ROL DU DBYANGS CAN MA'I SNGAGS KYIS BSKOR BA'O, ,THUGS KYI ZHI KHRO SBRAGS SGRUB NI PI WANG GI DBUS SU GRI GUG DANG, DE'I DBUS SU PI WANG BKOD PA'O, ,YAB YUM GNYIS KA'I ZHI KHRO SBRAGS SGRUB NI, RDO RJE 'JIGS BYED KYI THUGS KAR RO LANGS MA, DE'I THUGS KAR RAL GRI LA YA MA R'A DZ'AS BSKOR BA'I PHYI ROL DU AA RA PA TZA NAS BSKOR BA'O, ,RO LANGS MA'I THUGS KAR 'JAM DBYANGS, DE'I THUGS KAR GRI GUG ,DE LA DBYANGS CAN MA'I SNGAGS DANG, DE'I PHYI ROL DU RO LANGS MA'I SNGAGS KYIS BSKOR BA'O, ,YAB YUM GNYIS KA'I DAM TSIG SEMS DPA', YE SHES SEMS DPA', TING NGE 'DZIN SEMS DPA'I SNGAGS THAMS CAD ZHAL SBYOR ZHING 'OD ZER RNAMS PHAN TSUN 'KHYUD PAR BSGOM PA'O, ,DE YANG GSUNG RAB KYI GO BA KHYAD PAR CAN RGYUD LA SKYE BA GTZO BOR BYED NA 'JAM DBYANGS AA RA PA TZA NA LA GTZO BOR BYED, LTA BA RNAM DAG GTZO BOR BYED NA 'JAM DPAL GZHON NUR GYUR BA LA GTZO BOR BYED, SPYOD PA SNYING RJE KHYAD PAR CAN DANG, BLO CHOS SU 'GRO BA DANG, BYANG CHUB KYI SEMS LA GTZO BOR BYED NA 'JAM DBYANGS DKAR PO LA GTZO BOR BYED, RDZOGS RIM GYI RTOGS PA ZAB MO GTZO BOR BYED NA 'JAM DBYANGS NANG SGRUB LA GTZO BOR BYED, SGRA DANG SNYAN NGA DGAG DANG, STOBS SBYOR
SOGS LA GTZO BOR BYED NA 'JAM DPAL YE SHES SEMS DPA' DANG DBYANGS CAN MA LA GTZO BOR BYED, NOR SGRUB DANG, TSE SGRUB DANG, BDE CHEN 'BAR BA LA GTZO BOR BYED NA 'JAM DBYANGS GSANG SGRUB LA GTZO BO 'BYED, 'JAM DBYANGS AA RA PA TZA NA NI GTZO BO RIGS BDAG YIN PAS 'DI SPRUL GZHI YIN NO, ,DAM TSIG SEMS DPA' 'JIGS BYED KYI THUGS KAR YE SHES SEMS DPA' 'JAM DBYANGS MA RA PA TZA NA, DE'I THUGS KAR TING NGE 'DZIN SEMS DPA' RAL GRI YU BA DH'I: SA MTSAN PA BKOD, DE'I MTHAR GRI GUG GI PHRENG BA YA MA R'A DZ'AS MTSAN PAS BSKOR BA DE'I MTHAR RAL GRI DRUG GIS BSKOR BA'I CHANG ZUNG RNAMS NANG DU BSTAN PA 'OD ZER RNAM LNGAS SBREL BA'I CHANG ZUNG LA AA RA PA TZA NA DH'I: DRUG GIS MTSAN PA KHA DOG DMAR SER YOD PA, RAL GRI KHA DOG SNGON POR YOD PA, RTZE MO PHYIR BSTAN PA LAS ME RAB TU 'BAR ZHING MGYOGS PAR 'KHOR BA, RAL GRI'I 'KHOR LO DE'I DBUS KYI RAL GRI'I RTZE MO GYEN DU BSTAN PA LA RGYAB BRTEN PA'I 'JAM DBYANGS RDO RJE DANG RAL GRI 'DZIN PAS YUM DBYANGS CAN MA RDO RJE DANG DRIL BU 'DZIN PA LA 'KHYUD PA, GNYIS KA'ANG SKU MDOG DMAR SER RUS PA DANG RIN PO CHE'I RGYAN SNA TSOGS PAS BRGYAN PA, YAB RDO RJE SKYIL KRUNG GIS BZHUGS PA'I YAB KYI THUGS KAR H'Um YIG SNGON PO 'OD ZER KHA DOG LNGA 'PHRO BA, RO LANGS MA'I THUGS KAR DBYANGS CAN MA DKAR MO, DE'I THUGS KAR GRI GUG GI MTHAR DBYANGS CAN MA'I SNGAGS, DE'I MTHAR RO LANGS MA'I SNGAGS KYIS BSKOR BA'O, ,GRI GUG LA RGYAB BRTEN PA'I DBYANGS CAN MA GRI GUG DANG THOD PA 'DZIN PAS 'JAM DBYANGS GRI GUG DANG THOD PA 'DZIN PA 'KHYUD
, ,PA GNYIS KA'ANG SKU MDOG DMAR SER RUS PA DANG RIN PO CHE'I RGYAN GYIS BRGYAN PA'O, ,NOR SGRUB DANG TSE SGRUB LA, YI DAM, RO LANGS MA, 'JAM DBYANGS, DBYANGS CAN MA THAMS CAD DMAR PO LA RAL GRI'I CHAB TU NOR BU DANG, RGYAL MTSAN NOR BUS MTSAN PA 'GOD CING, SNGAGS DE NYID SPEL TSIG DANG BCAS PA'O, ,ZHI RGYAS DBANG DRAG GI LAS GZHAN RNAMS KYANG 'DIS GO NAS ZHES GSUNGS, 'DI NI CHES SHIN TU GNYAN CING, THUN MONG MA YIN PA'I GSANG BA'I GSANG BAR 'DUG PAS GZHAN LA BSTAN BYA MIN LA, GANG ZAG THA MAL PAS DA LTA'I 'DI BZHIN BSGRUBS NA SROG RLUNG GI RGYUR 'GYUR NYEN CHE BAS 'CHUN DKA', 'DI LA DMIGS PA GSAL ZHING BRTAN PAR GYUR NA PHUL DU PHYIN MOD, BSHAR SGOM GYI MOS BLO RE TZAM BYAS PA LA YANG 'JAM DBYANGS SGRUB TSUL GZHAN DANG GTAN NAS MI 'DRA BAR SHES RAB 'PHEL BA LA CHOS MCHOG TU 'GYUR ZHING, BAR CHAD KYI MTSAN MA MI 'BYUNG ZHES GSUNGS, DA LTA'I ZHI KHRO SBRAGS SGRUB LA NYI GDAN ZLA GDAN DU BSGYUR BA DANG NYI GDAN 'KHOR LO RTZIBS DRUG PAR BSGYUR BA DANG, RDO RJE 'JIGS BYED RANG YANG ZHI KHRO SBRAGS SGRUB YIN MOD KYI, 'DI DANG PHYOGS GTAN NAS MI GCIG GO ,BCOM LDAN 'DAS RDO RJE 'JIGS BYED LA RGYU RDO RJE 'DZIN PA 'JAM DPAL DBYANGS DANG, YE SHES SEMS DPA' 'JAM DPAL DBYANGS DANG, 'BRAS BU RDO RJE 'DZIN PA DPAL RDO RJE 'JIGS BYED KYI SKABS SU YANG 'JAM DPAL GYI ZHAL DNGOS SU YOD PAS KHYAD CHOS GSUM PO 'DIS BCOM LDAN 'DAS RDO RJE 'JIGS BYED GSHIN RJE GSHED GZHAN RNAMS LAS KHYAD
PAR DU 'PHAGS PA'O ZHES GSUNGS, 'DI LTA BU'I ZHI KHRO SBRAGS SGRUB NI LAM THUN MONG BAS RGYUD SBYANGS PA'I GANG ZAG KHYAD PAR CAN KHYED LTA BU LA GSUNGS PAS, SPYIR 'JAM DBYANGS SGRUB TSUL DANG KHYAD PAR ZHI KHRO SBRAGS SGRUB 'DI LTA BU SHES RAB SPEL BA RNAMS KYI NANG NAS 'GRAN ZLA DANG BRAL ZHING MCHOG TU GYUR PA RJE BTZUN RANG NYID KYIS ZHAL DNGOS SU BSTAN NAS YANG YANG GSUNGS PAS THUGS CHES PA MDZAD NAS LHAG PA'I LHA LA SGRUB PA SNYING POR MDZOD, ,RJE BTZUN NYID KYIS DNGOS SU 'DOMS PAR GDON MI ZA'O, ,'DI CUNG ZAD 'KHRUG CING GO DKA' BAS ZHAG SHAS TSAGS MDZAD NAS RGYA DAM DU MDZAD DE SNGAS 'OG TU SBED PA MDZOD LA, THUGS SU CHUD PA DANG ME LHA LA 'BUL BA MDZAD PA GAL CHE, GANG ZAG GZHAN LA GTAN NAS BSTAN BYA MIN ZHING BLOR SHONG DKA', RJE BTZUN GYIS GNANG BA BYUNG YANG BRI BA LA 'TSUB 'GYUR CHE BAR BYUNG BAS DE DGONGS, MDOR NA RJE BTZUN GYIS JI LTAR GNANG BA LTAR LHAG CHAD MED PAR CHANG MAR PHUL BA LAGS, GSUNG SHOG RJE BTZUN LA ZHUS NAS BSKUR GSUNG BA RTING DU MJAL NAS RGYU MTSAN 'BUL BAS DGONGS, SANGS RGYAS KYIS CHOS 'KHOR BSKOR BA'I DUS KHYAD PAR CAN LA 'BROG RI BO CHE DGE LDAN RNAM PAR RGYAL BA'I GLING NAS BLO BZANG GRAGS PA'I DPAL GYIS GRUB PA'I DBANG PHYUG RJE BTZUN RED MDA' BA'I DRUNG DU PHUL, NANG NA 'DUG PA 'DI RNAMS ZHU YIG GI RTEN LAGS, NYIN MO BDE LEGS YUG TSANG BA KHA TSAR DANG BCAS PA GCIG DANG, NYA HA KHRA'I JA SER PO ZHO GSUM LA RGYA 'DI 'BYAR BA 'BUL DU BTANG BA DGE LEGS 'PHEL,, MANG+GA LAm,,