@001 *, ,RDO RJE DBYINGS KYI 'KHOR SGYUR GYI BSNYEN PA'I RIM PA SOGS RJE NYID KYIS ZIN BRIS SU GNANG BA BZHUGS SO,,
, ,RDOR DBYINGS KYI LHAG PA'I LHA'I BSNYEN PA NI, DKYIL CHOG LTAR YIN LA, 'KHOR SGYUR GYI BSNYEN PA'I RIM PA NI, DANG POR DKYIL 'KHOR BYED PA'I SAR SLOB DPON SHAR NAS DKYIL 'KHOR LA PHYOGS PAR BYAS NAS, CHA GSUM 'BRING PO BTANG STE, DE'ANG RNAL 'BYOR GSUM GANG RUNG LA GNAS SO, ,DE LA KHRO BO'I RNAL 'BYOR NI, NANG KHRUS NAS GO BGO BA'I BAR RO, ,RNAL 'BYOR GCIG LDAN NI, SNYING GA'I BDAG 'JUG DANG POR GZHI LUS LA RDOR SEMS GCIG PU BSGRUBS, DE LA SGRUB CHEN BCUG NAS GZHI BYIN RLOB PA LA SOGS DANG, RDOR SEMS DANG SGRUB CHEN LA RANG RANG GI PHYAG RGYA BZHIS 'DEBS PA TZAM BYED, GZHAN RNAL 'BYOR CHEN PO DANG 'DRA BA'O, ,RNAL 'BYOR CHEN PO NI DKYIL CHOG JI LTA BA BZHIN YIN LA, GZHI LUS DANG, LCE LAG BYIN RLAB KYI GONG DU RDOR SEMS SU BSKYED PA NI KHYAD PAR DER 'DIS LHA BSNYEN LA'ANG RNAL 'BYOR GSUM SHES PAR BYA'O, ,DE DAG MA GRUB KYANG RUNG STE, DKYIL 'KHOR GYI DBUS SU DRI'I THIG LE ME TOG DANG BCAS PA DGOD, DE'I MDUN DU TSOM BU'I GA-YAS NAS BRTZAMS PA'I NYER SPYOD TSAR GCIG BSHAM, DE'I PHYIR GTOR CHUNG GCIG BSHAM, TSOM BU'I
, ,GA-YON NAS MGO BZUNG STE, YUNGS KAR SOGS LNGA BSHAM MO, ,DE NAS MCHOD PA BSANG SBYANG BYIN RLAB BYAS NAS SKYABS 'GRO SOGS SNGON DU BTANG STE, KHRO BO'I RNAL 'BYOR TZAM BYAS LA, GTOR MA BSANGS SBYANGS BYIN GYIS BRLABS, BYIN GYIS BRLAB PA'I SNGAGS RGYAS MCHOD, SPYAN 'DREN GYI DRIL GSIL LTAR BYAS NAS, SA LA RGYU BA SOGS LAN GSUM BYA, DE NAS LANGS TE, YUNGS KAR SOGS LNGA GA-YAS PAS BLANGS NAS DBANG LDAN NAS BRTZAMS PA'I GA-YAS SKOR BYA ZHING GDON 'BYIN GYI SNGAGS BRJOD LA DKYIL 'KHOR LA GTOR, NGA BYUNG DANG DRI BZANG GIS GTOR, RJES SU STAGS BU LA PHYE MA MED PAR BYUG ,DE NAS DBUS DANG DBANG LDAN SOGS GRVA BZHIR RIN PO CHE BRDAR TES SBYANG PA'O, ,SA BZUNG BA LA DPAL DANG BSOD NAMS 'PHEL BA DANG, SA BYIN RLAB DANG, LHA 'BYON PA DANG SA RDO RJER BYA BA'I PHYIR RGYAN DANG RTEN DANG MCHOD RDZAS KYIS SA BZUNG BA DANG, DBANG LDAN NAS BRTZAMS PA'I BA'I CHUS CHAG CHAG GDAB PAR BYA, DE NAS RDOR DRIL THOGS, DKYIL 'KHOR GYI DBUS SU SONG, KHA SHAR DU PHYOGS, TZOG PUR 'DUG STE, GA-YON DKUR BRTEN, GA-YAS THUGS KAR BZHAG PA'I PHYAG CHEN BCA', DE'I SPAGS GCIG BZLA, GA-YAS BA RDO RJE RTZE GSUM PA'I PHYAG RGYA BYAS PA SA LA GTUGS NAS SNGAGS DANG YIG BRGYA LAN BDUN BZLAS NAS, SA PHYOGS 'DIR RDOR DBYINGS KYI DKYIL 'KHOR 'DRI BAR BYA'O, ,ZHES BRJOD DES BZUNG
BA'O, ,DE NAS NYI MA DE NYID DAM, ZHAG GIS CHOD NA SANG SNGA PAR STEGS BU'I DBUS DANG, SGO SO SOR SGO'I SLOB DPON DANG BCAS PA'I GDAN BSHAM, DE DAG RE RE'I MDUN DU'ANG NYER SPYOD CHANG BA RDOR DRIL DANG BCAS PA DANG, SLOB DPON GYI MDUN DU DUNG CHOS SU DRI ZHIM PA'I BSANG CHU 'THOR YAB DANG BCAS PA BSHAMS, ,MAL NAS LANGS PA NA, B'A DA SOGS KYIS SHAR PHYOGS LA PHYAG BYA, SGRUB KHANG GI PHYIR SONG STE, KHRUS CHUS GNOD SBYIN GYI SNGAGS RGYAS BSANGS, DA NYID BRJOD CING KHRUS BYA, DE TSE GU GUL GYI DUD PAS MTHA' SKOR NAS BDUG CING ROL MO DRAG PO BYA, DE NAS TZOG BUR RTING PA GNYIS LA 'PHONG TSOS BZHAG LA BSDAD, GA-YON RDO RJE KHU TSUR DU CHU BLUG LA GA-YAS PAS DE NAS BLANGS TE, KHA SNA, MIG RNA, KHA LAG MGO LTE BA RU BYABS NAS GA-YON PA'I CHU LA HUB GSUM BYAS TE, KHU TSUR DE'I MA MTHA' GA-YON PA DANG, YA MTHA' GA-YAS PA'I KHA'I GRVA, PHYI DE NAS SMRA BA BCAD, SGRUB GROGS DANG BCAS PA SPOS DUD KYI SNA DRANGS TE NANG DU 'ONGS PA DANG, RANG RANG GI GDAN GYI MDUN DU MNYAM PA'I STABS KYIS LANGS NAS, KHRO BO'I KHU TSUR GYIS GA-YON GA-YAS SU LUS BSKOR NAS DBANG LDAN MTHONG BA'I BAR BLTA'O, ,DE NAS KHANG PA STAN GOS RGYAN DANG BCAS PA BSANGS NAS GOS SOGS BGO ,SA MA YA STVA ZHES PAS GDAN LA BSDANG BSANG CHU LA GNOD SBYIN GYI LAS RGYAS GTUGS NAS DE'I SNGAGS BDUN DANG, RTZE MO'I SNGAGS RGYAS GTUGS NAS BDUN BZLA'O, ,DE NYID KYI TSE SLOB MA RENG BU'I DUD PAS BDUG ,DE NAS CHU GTOR LA SHAR NAS DBYANGS BYA BA'AM, MED NA RANG GI BRJOD NAS, AOm SARBA SA SHO DHA NE SV'A H'A DANG, GNOD SBYIN RTZE MO'I
, ,SNGAGS KYIS BSANG BA NAS SPRUL PA'I BAR BYA, DE NAS LHO NAS MCHOD PA BYIN RLABS KYI DBYANGS, RANG RANG GI SO SO'I SNGAGS RGYAS LAN GSUM GSUM DU BYIN DBAB, DE NAS GAR BSKOR TE RDOR DRIL LA ME TOG DBUL LA, GA-YON STENG GA-YAS 'OG TU BSNOL TE BLANGS NAS, GA-YON DKUR BRTEN, GA-YAS PAS GSOR BA SOGS BYAS LA H'Um LAS RDOR SEMS SU BSKYED, ZHU BA LAS RDO RJER BLTA, RDO RJE BYIN RLABS KYI DBYANGS NUB NAS BYA, DE NAS DRIL BU LAG PA GA-YON PA'I MTHIL DU BZHAG NAS, AA LAS RDO RJE BSNYEMS MAR BSKYED PA SOGS BYAS NAS BYIN GYIS BRLAB PA'I DBYANGS NAS BYA, DHARM'A: SOGS KYI SNGAGS BRJOD PA NA CUNG ZAD DGROL, SRID PA NAS ZHE NA'I BAR DU, RDO RJE LTA BA DANG DRIL BU'I ZHAL SBYAR BA BZUNG, 'DI LTAR NAS GAR BSKOR TSIG THA MA'I TSE RDOR SEMS KYI PHYAG CHEN BYAS NAS CUNG ZAD DKROL TE, LEN PA'I LAG STANGS KYIS BZHAG GO ,DE NAS SKYABS SU 'GRO BA SOGS NAS GO BGO BA'I BAR BYA'O, ,AOm BADZRA MAH'A KRO DHA R'A DZA SA PA RI W'A RA BADZRA SA M'A DZA: ZHES PA GCIG LA RDO RJE BSDU BA'I PHYAG RGYA BYAS NAS SA GO LA GSUM GTOG ,SPYAN DRANGS PA DANG, AOm BADZRA MAT'A KRE DHA R'A DZA SA BA RI W'A RA AE HYE HI, PADMA TZANDRA A'A SA NA TIshthA TU SV'A H'A, ZHES PA DANG, LAG PA GNYIS KYI MTHE BONG DANG, MTHE'U CHUNG SO SOR SBYAR TE, PAD 'DAB LTAR BYAS LA GDAN DBUL, NYER SPYOD KYIS MCHOD, BSTOD PA LA REGS LNGA'I DRIL STABS BYA, DKYIL 'KHOR SA GZHI MA'ANG BRJOD, RDOR DRIL DANG BCAS PAS GNAS GZHI DANG PHYOGS MTSAMS BZHI BSRUNG, DE NAS GA-YON DRIL BU BZHAG PA'AM BCAS PA GANG RUNG GIS RDO RJE KHU TSUR SNYING GAR
BZHAG NAS BSNUN BSREG NAS LUS BCING BA'I BAR BYA'O, ,HU LU'I PHYAG RGYA LA PHYI LA BSKOR BA'I PHYAG LEN SNANG NGO, ,DE NAS MCHOD PA BSANG BA SOGS DKYIL CHOG BZHIN BYA, DMIGS BSAL MED PA'I MCHOD PA LA RANG GI LHA ZHES PA ME TOG PHOG PA LA BYED GSUNGS BADZRA MU: GCIG LA NANG PHYE THAD KAR SE GOL GSUM BYED PA DANG, BADZRA BANDHA BA DANG DBAB PA BSDU BA RNAMS DANG, LTUNG BA SLONG BA SDIG PA DRAL BA LA GSUM GSUM BYED PA PHYAG LEN NO, ,TSOGS RTEN GYI SNGAGS TSAR BA DANG, YANG RDO RJE BSDU BA GCIG BYED, PHYAG RGYA CHEN PO NAM MKHA'I PHYOGS NAS BAB CES PAR, DER DUS NAS MCHOG YIN PA'I BAR LA PHYAG CHEN GYI DRIL GSIL LTAR BYAS NAS BLA DA SOGS KYIS PHYAG BYED, DE NAS YANG DRIL GSIL SNGAR LTAR DANG, MA LUS PA NAS GSOL GYI BAR LAN GSUM BYED DE, BSAM GTAN GYI RIM BSGOM NAS BYA, DKYIL 'KHOR RGYAL MCHOG BSKYED DE BZHIN GSHEGS PA GANG YIN GYI PHYAG CHEN BCINGS NAS, GZHAN YI GE JI LTA BA BZHIN BRJOD, BSDU BA DANG PO'I DUS SU DAM TSIG PA'I RNAM SNANG GI THUGS KAR RIGS LNGA RE GZHI MA LA 'JOG ,PHYAG RGYA BZHIS RGYAS 'DEBS PA RTZA BA'I LHA NYID DE 'OG MA LA'ANG NGO, ,SGO DBYE BA NA, H'Um MDZAD KYI PHYAG RGYA BCAS NAS, H'Um ZHES BRJOD NAS, BDAG NYID SKAD CIG GIS H'Um MDZAD DU GYUR ZHES BRJOD, PHYAG RGYA DGROL BA NA, GNAS DE DANG DER SE GOL GSUM GSUM BYA ZHING, SNGAGS SAM SNYING PO'ANG GSUM GSUM BRJOD, 'DI'I TSE PHYAG RGYA BKROL PA TZAM YIN, SEMS MA RDO RJE MA SPYI BOR BKROL BA NA GSHEGS PA YIN, PHYAG RGYA BKROL BA NA BZHI GA DANG, LAS
, ,RGYAS 'GROL BA YOD KYANG 'DI DAM RGYAS BYED, LHA BSNYEN GYI TSE, LUS DANG DKYIL 'KHOR GNYIS KAR, 'GOL BAS SEMS MA BZHI'ANG 'GROL, 'KHOR SGYUR GYI BSNYEN PA'I TSE, DKYIL 'KHOR GYI LHA NAM MKHAR BZHAG DGOS PAS SEMS MA BZHI MI DGROL, AOm LAGS AE ZHES SOGS RDO RJE SRUNG PA SOGS BZHI BSKYED PA'I GNAS BZHI BSRUNG BKRA SHIS BSDUS PA ZHIG BYAS NAS, MAndAL 'BUL BA SOGS LA 'JUG PA'I TSE YIN NO, ,'DI LHA BSNYEN LA YIN GYI, BSNYEN PA GZHAN LA DKYIL CHOG GI MJUG NAS 'BYUNG BA LTAR BYA'O, ,BSNYEN PA GSUM GYI DANG PO GNYIS LA GZHI LUS GANG YIN DANG, THA MA LA LHA RE RE NAS BSNYEN PA BYA ZHING 'KHOR SGYUR GYI BSNYEN PA LA, RDOR SEMS KYI DBANG DU BYAS NAS BZLA'O, ,GSOL GDAB KYI SNGON DA MCHOD PA BSANG SBYANG BYAS NAS BSTOD MCHOD, BSTOD PA BYED PA DANG, MAndAL BSHAMS ZIN PA BLANGS TE, LANGS NAS RIGS LNGA'I DRIL STABS BYED DE NAS GA-YAS SNGON 'GRO'I GZHI BCA' 'JAM PO DRIL GSIL DANG BCAS PA BYAS LA, MAndAL DBUL, SLOB DPON GYIS SHAR NAS GA-YAS SU BRTZAM STE BLANGS, DE NAS LANGS TE LHO BYANG DU BSGRIGS, GA-YAS SNGON 'GRO'I GZHI BCA' 'JAM PO'I GAR BSKOR BA'I MTHAR MNYAM PA BYAS LA, NGA RGYAL BZUNG, DE NAS GZHUNG t'IKA DANG DKYIL CHOG LTAR NA, DBUS SU BSDAD NAS GNAS GZHI BYIN RLABS KYI BAR BYA, DE NAS LANGS NAS DBANG LDAN NAS GA-YON GA-YAS SU BSKOR BA NA, RKANG PA MNYAM PA DANG LUS BSKOR BYA, 'GROS BYED, BSDUS PA LAS MI BYED NA, 'DIR KHRO BO BSGOM PA NAS BYIN GYIS BRLABS PA'I BAR
LA, KHA SHAR DU PHYOGS NA LANGS TE BYA, LANGS NAS BYA BA NI CHO GA RGYAS PA LA'ANG STE, KHYAD PAR NI DER KHRO BO BSGOM PA MI DGOS SO, ,DE NAS SLOB DPON DBUS SU BSDAD, PHUR BU RNAMS MDUN DU SNOD DU NAS BLUG PA'I DBUS DANG MTSAMS SU MA NOR BAR BTZUGS LA, BSANGS SBYANGS NAS BSKYED DE, MTHA' YAS NI SER PO ZHAL GSUM PHYAG GNYIS TING NGE 'DZIN GYI PHYAG RGYA MDZAD PA'O, ,RNAM RGYAL NI SNGON PO ZHAL GCIG PHYAG BRGYAD PA, DANG PO GNYIS KHAMS GSUM RNAM RGYAL GYI PHYAG RGYAS RDOR DRIL THUGS KA DANG, DE 'OG GNYIS MDA' GZHU, DE 'OG GNYIS RDO RJE PADMA BSNAMS PA, GA-YON BRKYANG GI STABS KYIS DRAG PO DANG GA-YAS BSKUM PAS DBU MA MNAN PA, 'BAR BA'I PHRENG BA'I 'OD MNGA' BA, ,RIGS LNGA DANG, RIN CHEN DANG, PADMA DANG, RDO RJE DANG DAR DPYANGS KYI DBANG BSKUR BA DANG LDAN PA, RGYAN THAMS CAD KYIS BRGYAN PA'O, ,SPRIN SGRA NI NAG PO ZHAL BZHI PHYAG BZHI ZHABS DRUG ,GA-YAS GNYIS NA RAL GRI DANG, DGRA STA, GA-YON GNYIS NA ZHAGS PA DANG GTUN SHING BSNAMS PA'O, ,GSUS PO CHE NI SNGON PO ZHAL GSUM GYI DBUS MA BZHAD PA, GA-YAS GDANGS PA, GA-YON TSEMS KYIS MA MCHU MNAN PA, MI BSKYOD PA'I DBU RGYAN CAN, PHYAG DRUG GI GA-YAS RDO RJE BE CON, RAL GRI MDA', GA-YON SDIGS MDZUB ZHAGS PA DANG BCAS PAS NU MA THA BA, GZHU 'DZIN PA'O, ,RGYAL BA DMAR PO ZHAL GSUM GYI DBUS MA BZHAD, GA-YAS LJAGS 'DRIL, GA-YON TSEMS KYIS MA MCHU MNAN PAS PHYAG BRGYAD KYI GA-YAS RDO RJE DBYUG THO, LCAGS KYU, MDA', GA-YON SDIGS MDZUB, NU MA, PADMA ZHAGS PA GZHU 'DZIN PA'O, ,'DI LA YE SHES PA DGUG GZHUG ,
, ,SOGS BZHI BYED PA'ANG YOD, DE NAS SLOB DPON DBUS SU K'I L'A YANG BGRANG ZHING BSDAD, SGRUB GROGS RNAMS KYIS RDOR DRIL THOGS, RDO RJE LA PHUR PA 'DRIL BA LTAR BYA ZHING DBYANGS BYAS LA BSKOR BA BYA, BZLAS PA ZIN PA DANG, DBUS SU PHUR BU 'DEBS STANGS BYAS NAS DBANG LDAN GYI 'KHRIS SU GDAB, DE NAS DBANG LDAN NAS ME SOGS SU GDAB STE, DE'ANG GNAS DE DANG DER PHUR 'GROS KYIS PHYIN NAS, GA-YON SNGON 'GRO'I GZHI BCA' DRAG PO DRIL GSIL DANG BCAS PA RE BYAS NAS, ,'DI RNAMS DMIGS PA TZAM LAS 'DEBS RGYU MED NA'ANG BYA, PHUR BU MCHOD PA 'DI PA LA MED DO, ,BSANG CHU'I BUM PA LAS MA ZIN NA, SNGAR LTAR PHYAG RGYA DGROL, SANG NAS RNAL 'BYOR CHEN PO BYA STE, DE'ANG 'DI MAN CHAD DU, SA BLA'I MCHOD GTOR DANG, SPYANG GZUNG GI CHO GA DAG BSANG CHU BSGRUB PA RNAMS LAN CIG GIS CHOG PAS MCHOD PA BSANG SBYANG BYIN RLABS DAM TSIG GSUM BZUNG BA'I BAR BDAG RDZOGS BYA'O, ,LHA STA GON LA BSANG SBYANG SNGON DU BTANG STE, DANG SPYIR LTAR GZHAL YAS KHANG GDAN BCAS BSKYED, DE NAS LHA DANG RANG RANG GI MDUN GYI DBANG LDAN NAS GA-YAS SU BRTZAMS PA'I DRI'I THIG LE ME TOG DANG BCAS PA SNGAGS KYIS BKOD NAS LHA RE RE ZHING BSKYED, DE ZIN PA DANG MTHA' MCHOD PAS GRU BZHIR BSKOR, SHOG SKOR BTANG, GDAN LA 'KHOD NAS DGUG PA SOGS BYA'O, ,GSUM PA BSANG SBYANG NAS PAm LAS PADMA DANG, AA LAS ZLA GDAN GYI STENG DU BUM PA MTSAN NYID DANG LDAN PAR BSKYED, LHA GSUM DBUS SU RDOR SEMS, GA-YAS SU GNOD SBYIN,
GA-YON DU ME LTAR 'BAR BA RNAMS CHO GA GSUM LAS BSKYED, GA-YON PA'I DAM RGYA NI, RDO RJE'I PHYAG RGYA DANG, SNGAGS KYANG THUN MONG BA'O, ,DE LA DRIL SNGAGS GDAGS LA SGRUB CHOS DANG PHYAG CHEN RDOR SEMS LTAR DANG, CHOS KYI YI GE NI GSUM GA LA RANG RANG GI BSTOD PA RE'ANG BYA, SLOB MAS GZUNGS THAG GTONG BA NA ME TOG DANG BCAS PAS GAR BSKOR NAS BTANG, SLOB DPON GYIS KYANG GAR BSKOR BA DANG BCAS PAS BLANGS NAS ME TOG DU MA ZHIG BZUNG, GZHAN MDUN DU BZHAG STE, DE NAS SGRUB GROGS RNAMS LA'ANG GZUNGS THAG GTAD, SDUD PA NA MAS RIM GYIS BSDUS NAS YANG GAR BSKOR TE, SLOB DPON GYIS ME TOG DANG BCAS PAS SLOB MA LA GTAD, DES KYANG GAR BSKOR NAS BLANGS, DE NAS BUM PAR DUNG CHOS KYI CHUS MCHOD YON DBUL, ME TOG RE GZHUGS RENG BUS BDUG GO ,DE NAS GRUB NA SBYIN SREG STA GON DANG, MA GRUB NA PHYI ROL PA BTANG, DE NAS NANG DU 'ONG BA DANG, SKOR BA BYED PA PHYAG LEN LA SNANG, BSHAD PA MI 'DUG ,SGRUB CHOS RKYANG PA YIN NA, BSTOD PA NAS MCHOD YON 'BUL BA'I BAR BYAS NAS SNYAN GSAN DBAB PA LA 'JUG ,DBANG BSKUR YIN NA 'DI NAS SLOB MA STA GON LA 'JUG STE, DE'ANG GSOL GDAB DANG, MNYAM PAR GDAMS PA'I BAR DU DKON MCHOG GSUM LA BDAG SKYABS MCHI SOGS KYIS SDOM PA BZUNG, RNAL 'BYOR GYI SEMS BSKYED PA'I TSE DNGOS GZHI LTAR MA BRJOD KYANG CHOG ,GNAS GZHI BYIN RLABS KYI TSE SEMS MA BZHI'I PHYAG RGYAS GTUG PA DANG, RDO RJE DANG BCAS PA'I GA-YAS PAS GANG RUNG BYED, MCHOD PA BZHI LAS MA BSHAD KYANG, DUNG CHOS SU MCHOD YON LAG PA GCIG
, ,GIS DANG, GCIG GIS BZAD ZHAL BZUNG NAS, RANG GI SNGAGS KYIS RE RE ZHING DANG, ME TOG DBU DANG, DRI SNYING GAR DBUL, SPOS ZHAL ZAS MAR MA RNAMS LAG TU SNGAGS BRJOD CING GTAD DO, ,MTHAR ROL MO THUN MONG DU DBUL, SO SHING SRUNG SKUD KU SHA RNAMS LA GNOD SBYIN GYI SNGAGS KYIS BSANG, RANG RANG GI SNGAGS KYANG BZLA'O, ,SRUNG SKUD MDUD MTSAMS SU GA-YON PA'I MTHEB SRIN GYIS MNAN NAS GA-YAS PA LAS CHUS DER REG PA ZHIG BYA'O, ,KYE BZHIN BZANG ZHES SOGS SU DKYIL 'KHOR GYI SHAR SGO NAS PHYAG BYED BCUG NAS NANG PAR ZHES SOGS BRJOD DGOS PAR MNGON NO, ,PHYAG RGYA DKROL BA'I MTHANG, BKRA SHIS RE BYED PA PHYAG LEN NO, ,DKYIL 'KHOR 'DEGS PA'I SNGON DU MCHOD BSTOD BSDUS PA ZHIG BYA GRUB NA NYE REG NAS KYANG NGO, ,DE BAR DU TSOM BU'I DKYIL 'KHOR MI BSHIG STE, DE NAS BSDU'O, ,DE NAS THIG SKUD RNAMS BSANGS SBYANGS NAS, CHO GA GSUM MAM SA BON LAS BSKYED STA GON GYI LHA'I THUGS KA NAS BYUNG BA MA GTOGS, GZHAN YE SHES PA 'JUG PA DANG DBANG BSKUR BA SOGS MI DGOS SO, ,THIG SKUD RNAMS KYANG PHYAG LEN LA DBUS DANG PHYOGS BZHIR SNOD SO SOR 'GOD KYANG, RANG GI LAG TU RIM PA BZHIN BZUNG NAS BSKYED NA 'THAD PAR SNANG, DE NAS BSGRIL BA'I TSE SNOD DU BZHAG NA RIM PA BZHIN LAG SDOGS BYAS NAS, DE RE RE NAS GCIG GIS KHYER TE, SLOB MA'I LAG TU BTANG, SLOB DPON BSDAD NAS SNGAGS GSUM SGRUB GROGS DANG BCAS PAS BRJOD LA LAN GSUM DANG, DE NAS 'KHOR SGYUR GYI SNGAGS BRJOD CING, MNYAM
POR SONG SONG BAR DU BSGRIMS NAS GCIG BYA, GA-YAS PAS DRI BZANG LA SPAGS PA'I RAS KYIS THIG SKUD LA BYUG CING, SATVA H'Um BRJOD CING LAG SDOGS BYA, RIN PO CHE'I SNOD DRI BZANG BYUGS PA'I NANG DU BZHAG NAS MCHOD, 'DZIN PA'I RDO RJE BSDAMS PA NANG BSDAM LA 'DOD PA YOD KYANG, PHYI BSDAM YIN, DKYIL 'KHOR LA BSANG GTOR BYA BA NAS LANGS TE, RDOR DRIL SKUD PA DANG BCAS PA THOGS NAS GRVA GNYIS SU SONG NAS, RNAM SNANG GI PHYAG CHEN BCAS NAS BSGRUB, SGRUB GROGS SPRUL TE, THIG SNA GTAD ZIN PA DANG, SHAR NUB DRANG POR PHYIN, RDOR SEMS SU BSGYUR, STA GON GYI LHA LA MCHOD PA LNGAS SHAR NAS, LHO NAS BRGYAD KYIS, NUB NAS DBYANGS DANG BCAS PA'I GAR GYIS MCHOD, SGRUB GROGS SPRUL PA'I TSIGS BCAD LA'ANG GRUB NA DBYANGS BYA, DE NAS YID KYIS PHYAG SNGAGS BRJOD NAS BYA STE, MIG NYI ZLAR BSKYED NAS THIG 'DEBS PA PHYAG LEN LA SNANG ZHING, CHO GA DANG MA MTHUN PAS DPYAD DO, ,'DEBS PA'I TSE GA-YAS RDO RJE DANG BCAS PA'I MTHEB GUNG GNYIS KYIS STENG NAS BZUNG, DE NAS 'OG NAS KHA GYEN DU BSTAN LA STENG DU GSUM GDAB, 'OG TU BSTAN NAS TSANGS THIG GNYIS DANG ZUR THIG GNYIS LA RE RE'AM GSUM GSUM RTZA THIG RNAMS SGO GNYIS KYI DRUG GDAB, THIG SKOR GA-YAS NAS BYA, GNYIS KA DUS GCIG TU MI 'GRO ,SLOB DPON LA RGYAB BSTAN NA SA MI 'GRO BA LA BSLAB BO, ,GNAS SNGA MA RNAMS SLOB DPON GYI SA'O, ,PHUR BU DBYUNG BA DANG PHYUNG NAS GNYIS KA 'OG TU BYED, RDOR DRIL DANG BCAS NAS RDO RJE SHUGS KYIS 'JUG PAS NUB NAS ZHUGS, DKYIL 'KHOR NANG MA'I SHAR GYI SGO DRUNG SAR
, ,SONG GA-YON BRKYANG DANG H'Um MDZAD KYI PHYAG RGYA DANG SA BON BRJOD NAS KHRO BO RDO RJE PHUR ZHES BRJOD NAS MIG SOGS BSKYED PA BYAS LA GA-YAS PAS DRI BZANG BLANGS NAS SNGAGS BRJOD CING SHAR SGO PHYI NANG GNYIS SU DBYI, DE NAS LHO SOGS RIM PA BZHIN DBYI'O, ,DE NAS DBUS DER BSDAD NAS, LING TSE LNGA LA TSON BGOD, SA BON BRIS PA BSANG SBYANGS NAS SNGAR LTAR BSKYED, BSKYED PA'I RIM PA NI YI GE JI LTA BA'O, ,SNGAGS GONG MA BZLA BA NA, RDOR DRIL DANG BCAS PA'I PHYAG RGYAS SA BON BSUB TSON 'DRES NA SKYON YOD PAS RE RE ZHING MDZUB RTZES PHYI, DBUS MA RTING NAS BYA, SBYOR BA'I DUS SU BDEN PA GANG GIS SOGS BRJOD LA, H'I BRJOD CING PHYAG RGYA TSON RNAMS KYI STENG DU BCA'O, ,DE NAS RDOR DRIL DANG BCAS NAS 'DOD RGYAL GYI PHYAG RGYA LAS MDZUB MO GNYIS KA SKAM PA'I PHYAG RGYAS PHUR BU DNGOS MED NA'ANG DBYUNG BA'I TSUL BYA, DE NAS RTZIG PA'I PHYI NAS BRTZAMS PA'I RIM PA BZHIN DGANG NGO, ,KHA CIG 'DI NI CHOS DBYINGS DAG PA STE, ZHES SOGS YE SHES LNGA'I TSIGS BCAD RE BTON DRIL GSIL RE BYAS NAS 'GENG BA'ANG YOD, 'DI YANG PHUR BU MA BTAB KYANG BYED PA PHYAG LEN LA SNANG NGO, ,RDO RJE SHUGS KYIS 'JUG PA NI, SNGAGS BRJOD RI MO BTEG PA'I 'OG NAS 'DZUL BAR MOS PA TZAM YIN GYI 'DI LA PHYAG RGYA MED DO, , THIG SKUD SGRUB GROGS LA GTONG BA NA, DKYIL 'KHOR GYI STENG DU 'GRO DGOS BYUNG NA'ANG BYED DGOS PAR MNGON NO, ,DKYIL 'KHOR BRIS ZIN PA DANG YE THIG RTING MA BTAB ZIN PA'I TSE MCHOD NAS YE SHES PA GSHEGS PA SOGS BYA, THIG SKUD SDOGS NAS RDO RJE
LA DKRI'O, ,BRI BZIN NAS MTHA' RNAMS DRIS BYUG ,ME TOG BKRAM, DE NAS GNOD SBYIN DANG RTZE MO'I SNGAGS KYIS BSANGS NAS DANG SBYOR LTAR 'BYUNG BA RIM RTZEGS GZHAL YAS KHANG GDAN DANG BCAS PA BSKYED, DE NAS LHA RE RE NAS CHO GA RE RE NAS BSAM, YANG NA BRIS PA'I THIG LE DE THAMS CAD LAS 'OD ZER 'PHROS, 'PHAGS PA MCHOD SEMS CAN GYI DON BYAS 'DUS YONGS SU GYUR PA LAS RANG RANG GI SA BON DU GYUR DE LAS 'OD 'PHROS SOGS LAS RANG RANG GI PHYAG CHEN SA BON GYIS MTSAN PAR GYUR, DE LAS 'OD 'PHROS SOGS LAS RANG RANG GI SKU'I CHA SHAS YONGS SU RDZOGS PAR GYUR PA NI ZHES BYAS NAS RIM PA BZHIN GSAL GDAB, 'DI LA SO SO'I SNYING PO BRJOD PA'AM, MIN PA GANG RUNG BYA, DE NAS BSKAL BZANG GI BAR LA DAM RGYAS BTAB NAS STA GON GYI DKYIL 'KHOR DGUG SOGS BYAS LA, RANG RANG GI SNYING POS BRTAN PAR BYAS NAS PHYAG RYGA PHYI MA GSUM GYIS RGYAS GDAB BO, ,DE NAS ME TOG SOGS BLANGS NAS SKOR BA SOGS BYAS TE, ME TOG 'BUL BA NA SPRO NA DBYANGS DANG BCAS PAS BYA'O, ,SGO DBYE BA NA SGRUB GROGS DANG BCAS PAS BYAS NA RANG RANG GI CHO GA TSANG BAS, DE'ANG GZHI BCA' 'JAM PO DRIL GSIL DANG BCAS PAS MTHAR GA-YON BRKYANG BYAS LA NUB DANG BYANG SHAR LHO SHAR NAS SHAR DANG LHO NUB BYANG GIS SGO DBYE, DE NAS BSKOR LA GDAN LA 'KHOD PA'AM, SHAR SGO NAS PHYAG GCIG BYA'O, ,DE NAS GRUB NA LHA SO BDUN GYI LHA BUM GANG BUM GNYIS GNYIS TE DON BZHI, BSANG CHU 'JUG SGO BSKAL BZANG GSUM BSNAN PAS DON BDUN, DE'ANG BSKAL BZANG LA SPYI'I RIG PA TZAM BZLA BA MA GTOGS LHA MI BSKYED ZER, MA GRUB NA BUM PA BCU
, ,BYAS PAS PHYOGS PHYOGS SAM, SHAR PHYOGS SAM, GANG BDE BAR BZHAG ,SNGAR LHAR BSANGS SBYANGS NAS MTSAN NYID DANG LDAN PAR BSKYED PA'I STA GON GYI RNAM RGYAL GYI NANG DU, RIGS LNGA RDOR SEMS DANG DRUG RANG RANG GI GDAN GYI STENG DU CHO GA GSUM GYIS BSKYED, YE SHES PA GZHAG ,PHYAG RGYA BZHIS RGYAS GDAB, MCHOD BSTOD 'OG TU THUN MONG DU BYA, PHYOGS SO SOR BUM LHA SPRUL PA NI RIGS SO SO'I PHYAG CHEN LA GNAS, LHA BRGYAD BRGYAD KYI MING SMOS NAS SPRUL, PHYOGS RE RE'AM, THUN MONG DU MTHAR SNYING POS BRTAN PAR BYA'O, ,MCHOD BSTOD ZIN NAS RIM PA BZHIN BZLAS PA BYA, MTHAR STA GON GYI LHA GSUM LA'ANG BZLA, DE'I GONG DU BSANGS CHU DANG 'JUG SGO BSKAL BZANG LA'ANG DMIGS NAS BZLA'O, ,DE DAG GI MTHAR DBUS MA LA GNAS NAS, AU DA KA STONG TZAM YANG BZLA, 'DI BZLAS NAS RNAM RGYAL MI 'DEGS PAR BSHAD, RNAM RGYAL GYI STENG DU DUNG CHOS GZUNGS THAG GIS BUM PA RNAMS SPRAS NAS BZLAS TE GZHAN SNGAR LTAR RO, ,BDAG 'JUG LEN PA NA SNGON LA DKYIL 'KHOR LA BSANG SBYANG DANG BRAL BA'I MCHOD PA ZHIG BYA, DE NAS BUM PA THAMS CAD NAS CHU BSDUS LA BSANG CHU'I BUM PAR BLUG LA MDUN DU BZHAG STE, MAndAL DANG COD PAN YANG NGO, ,JI LTAR BLTAMS PAS KHRUS BYAS NAS MAndAL 'BUL, DGA' CHEN SOGS KYIS GSAL BA GDAB BO, ,GNOD SBYIN DANG SGO BZHI'I SNGAGS BRJOD LA GDONG GA-YOGS 'CHING TSUL DANG RDO RJE SRUNG BA'I SNGAGS BZLAS TE, STOD SMAD KYI GA-YOGS BGOS PAR BSAM, AA KHAm B'I RA H'Um GIS ME TOG PHRENG BA BZUNG, SDOM PA BZUNG BA NI, JI LTAR
DUS GSUM NAS 'GOD KYI BAR RO, ,MCHOD PA LNGAS MCHOD CES PA GONG DU BLANGS TE, DE'ANG RNAL 'BYOR GYI SEMS BSKYED PA NAS MCHOD PA'I BAR BYAS NAS 'JUG SGOS DBANG BSKUR, SEMS MA RDO RJE MA 'CHING BA'I TSE DE NYID LA BYAS NAS SNGAGS LNGA BRJOD DE, DAM GZHAG SNGAR LTAR BYA, YE SHES DBAB BA DANG PO DANG GNYIS PA DANG 'BEBS PA'I DAM RGYA DANG AA RKYANG DANG BADZRA AA BE SHA BRJOD, KHRO BO'I KHU TSUR GYIS BRIL BA NI, DE'I SKABS KYI SNGAGS BRJOD, ME TOG DOR BA NAS DBAB PA BSDU BA'I BAR SNYING GA'I BDAG 'JUG BZHIN NO, ,SLOB DPON DU DBANG BSKUR BA'I DKYIL 'KHOR GYI SHAR SGO'I THAD DU DBANG STEGS GRU BZHI SGO GCIG PA'I DBUS SU DBANG STEGS PADMA 'DAB MA BRGYAD KYI LTA BAR RDO RJE DMAR PO RTZE LNGA PA DE'I STENG DU SENG GE'I KHRI'I STENG DU PAD ZLA'I GDAN, RDOR SEMS KYI SNGAGS DANG, DE'I PHYAG CHEN GYI DBANG STEGS KYI STENG DU 'KHOD PAR GYUR CES BRJOD NAS, DE'I DAM RGYA RANG LA GTUGS LA, RDOR SEMS SU BSKYED PA NAS BYIN RLABS KYI BAR BYAS TE, SA MA YA AA, ZLA GDAN RNAMS GSAL GDAB, DE NAS LHA NYAR BRGYAD KYI SNGAGS BRJOD LA, LHA GSAL GDAB, RDO RJE BSDU BA'I PHYAG RGYAS SGRUB CHEN GZHUG ,SEMS MA BZHI DANG DBYINGS PHYUG MA'I SNGAGS RGYAS GNAS GZHI BYIN GYIS BRLAB, NYER SPYOD DANG, SGEG SOGS KYIS MCHOD, RDOR SEMS KYI SKU DNGOS SAM MED NA DAM RGYA SPYI BOR BZHAG ,BKRA SHIS RING MO BYED PA NA ME TOG RE BDAG LA GTOR, BSTOD PA NA DRIL GSIL BYA COD PAN GYI TSE DAR DBYANGS DANG, DE'ANG SNGAGS RGYA SNGON LA BYAS NAS DBU RGYAN BCING ,GZHAN SNGAGS KYI RJES GNANG GI BAR GONG BZHIN NO, ,
, ,LHA THAMS CAD GSAL BAR BSGOM ZHES PA'I DON, RNAM SNANG SOGS KYI SNYING PO BRJOD LA GSAL GDAB BO, ,BDAG 'JUG BLANG RGYU 'DIR DMIGS KYIS BSAL BA DANG, CHO GA'I SDOMS NYID TZAM ZHIG GO ,MI BSKYOD PA LA SOGS PA BZHI DANG, YUM BZHI'I RDO RJE'I SGRUB LUGS NA, RANG RANG GI SNYING PO LA AA BTAGS LA PHYAG MTSAN DBAB, PHYAG MTSAN DANG MI BSKYOD PA'I NGA RGYAL NI, BADZRO HAm DANG, AAKshO BHYA HAm NGO, ,DE BZHIN DU BADZRA RATNA AA RATNA MAH'A RATNA SAm BHO HA, BADZRA PADMO HAm, AA MI T'A BHA BA HAm BI SHVA BADZRO HAm, AA MO GHA SIDDHI RA HAm RNAMS RIGS GSUM GYI'O, ,SATVA BADZRI DANG, BADZRO DANG, SATVA BADZRI, RATNA BADZRI, DHARMA BADZRI, PADMO, DHARMA BADZRI, KARMA BADZRI, BI SHVA BADZRI, KARMA BADZRI RNAMS KYI DANG PO'I MTHAR AA DANG PHYI MA GNYIS LA HAm SBYAR BA NI YUM BZHI'O, ,PHYI ROL RGYAS PA GTONG BA NA, SHAR DU SHAR BA DANG STENG PA GNYIS, NUB TU NUB PA DANG 'OG PA GNYIS, DBANG LDAN DU DE BZHIN GSHEGS PA DANG, SDE BRGYAD DANG BGEGS GNYIS RNAMS BTANG, GATZTSA ZHES PA'I TSE ROL MO DRAG PO RE BYA'O, ,MCHOD PA BZHI BSHAM ZER YANG, NYER SPYOD TSANG PAR BSHAM, BSDUS PA GTONG BA NA RANG GI MDUN DU STEGS KYI STENG DU GTOR MA GNYIS, DE'I NANG DU GA-YON NAS BRTZAMS PA'I NYER SPYOD LNGA BSHAM, LHA NAS SPYON ZHIG GI BAR LA PHYAG CHEN GYI DRIL GSIL DANG, 'BYUNG PO NAS MCHIS MDZOD 'OG MA'I BAR LA RGYUN LDAN DU DRIL BU GSIL, DE NAS RDOR DRIL DANG BCAS PAS GTOR SNGAGS KYIS DBUL, 'DIR 'BYUNG PO LA MA BSHAD KYANG SPYAN DRANGS SHING GTOR MA YOD PAS DE RNAMS KYI SNGAGS KYIS DBUL, MCHOD SBYIN
GTOR MA ZHES PA'I DUS SU, NYER SPYOD RNAMS MAS RIM NAS GONG MA GONG MAR DRIL NAS, GTOR MAR BLUG ,DE NAS MCHOD YON BZUNG NAS GTOR MA LA GA-YAS BSKOR GSUM RE RE LA GTOR MAR DUM PA RE BLUG ,MTHAR MCHOD SBYIN GYI LAM PHYE BA NA, GTOR MA SKYEL, ROL MO DRAG PO BYA'O, ,DE NAS NANG DU 'ONG BA'I SGOR DKYIL 'KHOR BSRUNG MKHAN GYIS BSANG CHUS GTOR, GU GUL GYIS BDUG ,'DIR DKYIL 'KHOR LA BSKOR BA YOD KYANG MA BSHAD DO, ,DE NAS SLOB MA 'JUG NA, DKYIL 'KHOR GYI SHAR SGOR LANGS NAS MCHOD YON 'BUL, MTSAN BRGYAS BSTOD LA DRIL GSIL DANG BCAS PA BYAS NAS, PHYAG BYAS LA GNANG BA NOD PA LAN GSUM BYA'O, ,DE'I RGYUN LA'AM MIN NA SGO DER DRIL BU LAN GCIG GSIL, THAL MO SBYAR NAS GSOL BA GDAB, PHYAG LEN LA SLOB MA 'TSOG PA NA BYED DO, ,DE NAS MAndAL PHUL NAS GSOL BA GDAB PA SOGS BYA, PHYAG BZHI MA GRUB NA SGO DE DANG DER PHYIN PA LA DMIGS PA PHYAG LEN LA BYAS NA LEGS, LHA LA GSOL BA GDAB PA'I TSE, SLOB DPON SHAR SGOR SONG NAS DRIL GSIL DANG BCAS PAS BYED DO, ,RDOR SEMS SU BSKYED PA NA PHYOGS GCIG TU DAM RGYAS REG NAS DMIGS PA SPOD, NYER SPYOD LHAS MCHOD PA NA STA GON LTAR RO, ,SLOB MAS YON GYI MCHOG PHUL ZHES PAR MAndAL RE BYED, DAM GZHAG DANG PO DANG, THA MA LA GNAS GYUR PA RNAMS SEMS MA RDO RJE MA'I DAM RGYA SPYI BOR 'JOG ,'DI PA RDO RJE SPYI BOR 'JOG ,'DI NI SOGS LA KHA THUR BSTAN SNYING GA DANG, TSIG RDZOGS MTSAMS SU GYEN BSTAN SPYI BOR 'GROL BA BYED, GAL TE'I TSE GYEN BSTAN
, ,SNYING GAR 'JOG ,DAM GZHAG LA, RDOR DRIL DANG BCAS KYANG DRIL BU MI GSIL BA 'DI PA'I LUGS SO, ,YE SHES DBAB PA GNYIS KA LA PHYAG RGYA SLOB DPON GYIS BCA', SNGAGS GNYIS KAS BRJOD, GAR GAR LEN GYI PHYAG RGYA GNYIS KA DAM RGYA RE RE NAS LHA GANG DU BSGOM PA'I GNAS DER DGROL, BZHI BZHI'I BAR DU GO BGO BA GNYIS BYA BA NI SLOB MA RE RE NAS SO, ,PAD 'DAB 'DRA BA'I PHYAG RGYA NI, MTHE BONG DANG MTHE'U CHUNG GNYIS THAD KAR SBYAR NAS SOR MO LHAG MA RNAMS GDANGS NAS PAD 'DAB LTAR BYAS PA'O, ,ME TOG 'DOR BA NA SPRO NA, AOm MCHOG SOGS LA DBYANGS BYA, LHA STON PA NA PHYOGS GCIG TU RTEN DANG BRTEN PA RNAMS BSTAN NO, ,SLOB MA DANG SLOB DPON GYI DBANG LA MAndAL LA RE 'BUL, DBANG STEGS NI SHAR SGO'I PHYOGS SU RE RE LA RE RE BRI, CHE RGYAS DBANG STEGS LA BZHAG PA GONG DU BLANGS, MCHOD 'BUL STA GON LTAR RO, ,BKRA SHIS RGYAS BSDUS DANG DBYANGS DANG BCAS PA CI RIGS SU BYA, DE'I TSE ROL MO MED PAR ME TOG RE LANGS NAS GTOR, LHA BUM DANG GANG BUM GNYIS NI BUM PA RGYAS NA ME TOG GANG PHOG GI DE GNYIS KYIS BYA LA, BSDUS PA YIN NA, ME TOG GANG PHOG GI PHYOGS DE'I BUM PA GNYIS SO, ,ME TOG GANG PHOG GI DAM RGYAS GNAS BZHI BYIN RLABS BYED PA NA, RANG RANG GI SNYING PO LA A'A DHI TIshthA SVA MAm BTAGS PA'I BDAG RDZOGS LTAR RO, ,STOD GA-YOGS SMAD GA-YOGS NI BYUNG NA DMAR PO DANG, DE MIN GANG RUNG NGO, ,RIN PO CHE'I COD PAN NI BROG ZHU LTA BU'O, ,GSHEGS PA LA ME TOG PHOG NA DE'I KHU TSUR GYIS SA DANG, GZHAN LA PHOG
NA, RDO RJE KHU TSUR GYIS SBYIN PA DANG BLANG BA BYAS TE, SLOB MAS NI LEN PA'I GONG DU RDO RJE THAL MO BSKOR BAR BYA'O, ,'DI'I TER SPYOD DANG SGEG SOGS LA MCHOD PA GSAR DU BSHAM PA'AM SNGA MAS BYA LA SPRO NA DBYANGS, ,SLOB DPON DU DBANG BSKUR BA'I STEGS NI, RTA BABS DANG BRAL BA MDA' YAB BAR TSANG BA ZHIG 'DRI, DE'I STENG DU KHRI'AM, GDUNG LA PAD ZLA BRIS PA GOS SAM STAN GYIS GA-YOGS PA LA PHYAG CHEN RGYAS BZHAG NAS, BSKYED PA SOGS BYA, SGRUB CHEN 'GOD PA NA, ,RE RE'I GNAS NYER BRGYAD DU RANG RANG GI SNGAGS BRJOD CING DAM RGYAS GTUGS, RJES SU DMIGS PA THAMS CAD PHYOGS GCIG TU SPONG, NYER SPYOD DANG BGEGS SOGS LA DBYANGS BYA ZHING, PHYI MA LA GAR YANG BYA, BKRA SHIS LA'ANG DBYANGS BYA'O, ,MTSAN BRGYA RTZAS BSTOD PA NA, SKOR SA YOD NA SEMS DPA'I PHYI 'GROS BYA ZHING BSKOR, MED NA DRIL STABS BYA ZHING BRJOD, DE NAS LHA RE RE ZHING BUM PA GNYIS GNYIS KYIS DBANG BSKUR NAS DBANG DON DE BSHAD, RNAM RGYAL GYIS BSKUR BA NA 'BYUNG GZHUG ,CHU DBANG BRTAN BYED KYI PHYAG RGYA SLOB MA RANG RANG GIS BCAS NAS SPYI BOR 'JOG PA'ANG YOD, SNGAGS BRGYA RTZA GNYIS KA BZLA, COD PAN MA GTOGS PA'I CHOS 'JUG RNAMS SNGAR DBANG STEGS LA BZHAG PA NA BYED, GZHAN RNAMS 'DIR RE RE NAS BYA'O, ,TSIGS BCAD BRJOD PA NA MIG THUR GYIS PHAR LA 'KHYER, SNGAGS KYI TSE TSUR LA 'KHYER BA RE BYED, ME LONG STON PA NA REG PAR BYAS LA BLTA, DRIL BU LAG NA YOD PA NYID BLANGS NAS GTOD, ME LONG GNYIS PA STON PA NA RDO RJE DE'I STENG DU BLANGS NAS STON, 'KHOR LO LA BDAG 'JUG GI TSE PHYAG
, ,RGYA RE DANG SNGAGS TZAM BYED, DUNG LA SNGAGS TZAM DANG PO TI LA TSIGS BCAD TZAM BRJOD RDO RJE 'KHOR LO SOGS LA SPYAN NAM BRIS PA STER, MED NA KHRO BO'I 'KHOR LO LA H'Um MDZAD KYI PHYAG RGYA 'CHAR DU GZHUG ,GZHAN SLA, LUNG BSTAN GYI TSE SNAM SBYAR GYON NAS BYED DE RE RE NAS SO, ,GZENGS BSTOD DE DAG GI MDUN DU PHYOGS GCIG TU'O, ,GSANG DBANG BSKUR BA'I GONG DU SEMS MA RDO RJE MA'I DAM RGYA 'CHING DU BCUG NAS SA MA YA H'Um ZHES BRJOD DU BCUG ,ZHUGS NAS LHA RNAMS LA GNAS PA LA, LHA RNAMS LAS 'OD 'PHROS NAS PHOG ,SDIG SGRIB DAG PAR SEMS ZHES PA'I DMIGS PA SPOD PA'ANG YOD, DE NAS RDO RJE BYIN RLABS NI ZHES SOGS KYI TSIGS BCAD DANG SNGAGS RNAMS SHAR TE, KLOG PA'ANG LAN RE MDZAD, GTZO BOR SNYING PO LA SOGS BLANG BA NAS MDZAD, 'DIR GSOL GDAB GNYIS KA YID KYIS YIN, SLOB DPON GYIS SNYING PO CI RIGS SHIG BZLAS NAS ME TOG BLANGS TE, 'DI NI ZHES SOGS BRJOD PA'I TSE SPYI BOR BZUNG NAS BSTED, MDZOD CIG GI BAR RJES ZLOS TSAR BA DANG, RANG RANG GI LAG TU SBYIN PA NI RE RE NAS BYA LA, DE NAS RANG RANG GI SPYI BOR BZUNG NAS RDOR SEMS KYI SNGAGS 'DI NAS BZLA'O, ,PHYAG RGYA BZHI YE SHES LA BSLAB PA DANG, 'DAS PA DANG, SEMS ZHES PA NAS BSGRUB PAR BYA BA'I BAR GYI TSIGS BCAD BRJOD PA TZAM BYED, DE NAS KHYOD NAS 'GYUR RO'I BAR BRJOD DO, ,DE NAS RANG DANG SLOB MAS MCHOD PA NAS 'DI'I BAR BSDAD NAS BYA, BCOM LDAN 'DAS ZHES SOGS KYI TSE'ANG BSDAD NAS DKYIL 'KHOR LA KHA PHYOGS PAR THAL MO SBYAR LA BYA'O, ,DE'I RJES NYID LA DNGOS GRUB KYI BRTUL ZHUGS
SNGAR BZHIN SBYIN ZHING DE'I SNGAGS SLOB MA KYANG SLOB DPON GYIS BRJOD PA'I TSE BRJOD DE, CHO GNAS GCIG GI BAR LAN CIG BYA LA, TSIGS BCAD 'GYUR TE RE'I BAR RE RE NAS BRJOD, TSIGS BCAD KYI TSE SEMS MA RDO RJE MA'I DAM RGYA DANG RDO RJE SNYING GAR GTUGS PA GANG RUNG BYA, DE NAS SBYIN SRAG GRUB NA CHO GA LTAR DANG, MA GRUB NA DE'I 'PHRO NAS RDO RJE GNOD SBYIN BZLAS PA'I CHUS SPYI BOR ZHES PA NAS SRUNG BA'I BAR BYAS TE, DE'ANG SRUNG SKUD 'CHING BA NA, RDO RJE SRUNG BA'I SNGAGS BZLA ZHING, SLOB MA'I MING NAS SMOS TE, BGEGS SOGS ZHI BA'I SMON LAM BYA, DE NAS SLOB MA RNAMS PHYAG BYED DU BCUG LA RANG GNAS SU BTANG NGO, ,PHYI ROL PA GTONG BA BSDUS PAS BYA STE, GTONG TSUL SNGA MA JI LTA BA'O, ,MCHOD YON PHUL BA'I 'OG TU GSHAD DMAR NAS BYUNG BA LTAR GSOL GDAB CHEN MO BYA'O, ,KHYOD KYI ZHES PA NAS MCHOD YON PHUL BA'I BAR KHA CIG NI BSDAD NAS BYED KHA CIG LANGS NAS SHAR SGOR PHYIN TE BYED ZER, SEMS MA RDO RJE MA BCINGS PA NAS LDANG DGOS LA, DE'ANG RDOR DRIL DANG BCAS PA YIN ZHING, SHAR SGOR LANGS PA DE LA GNAS NAS SATVA DANG YIG BRGYA BGRANG ZHING SKOR BA BYA, DE'I TSE ROL MO'ANG BYA, MTHAR SHAR SKOR PHYIN AOm KHYED KYIS SOGS LA DBYANGS BYAS NAS, AOm BADZRA MU: ZHES BRJOD, DE NAS RDOR SEMS KYI PHYAG CHEN BCA', SHAR RAB NUB NAS SHAR DU BLTAS LA, BCOM LDAN 'DAS NAS MDZOD KYI BAR BRJOD, DA NAS RNAM SNANG GI PHYAG CHEN BCAS LA, BCOM LDAN 'DAS BZHUGS SHIG GI BAR BRJOD DO, ,DE NAS RDOR SEMS KYI PHYAG CHEN BYAS LA, MDOR NA NAS BSAM PAR BYA'E'I BAR BRJOD, DE NAS GA-YON DRIL BU DANG BCAS PA'I ME LONG, GA-YAS SVA
, ,RDO RJE DANG BCAS PAS MTSAN MA BSDUS TE, DE NAS LAG PAS MA SNYOGS NA PHYAGS MAS RTZIG PA LA THO YE MI YONG BAR BYAS NAS KHOR YUG SOGS LA SGO BA LCAGS KYU, DE PHYOGS KYI BSKAL BZANG, BDUG PA MA, SGEG MO, MI BSKYOD PA, GTZO 'KHOR LNGA SEMS MA RDO RJE MA'I RTAGS KYI MTSAN MA RNAMS ME LONG GI STENG DU BSDU, DE NAS GA-YAS SKOR DU PHYOGS GZHAN GSUM YANG DE BZHIN DU BSDU'O, ,MTHER GTZO BO'I MTSAN MA BSDUS LA DU MA ZHIG RANG DANG 'DOD PA'I SPYI BOR BKOD, DE NAS DBYUG PA'I SNE MO LA RDO RJE BTAGS PAS, SHAR NAS NUB BAR DU DRANG POR SGO'I DBUS NAS RI MO BYA, DE BZHIN DU LHO NAS BYANG DU, ME NAS RLUNG DU, BDEN BRAL NAS DBANG LDAN DU BSHIG ,MTSAN MA BSDU BA DANG, RDUL TSON BSHIG PA'I TSE AA K'A RO BZLA, DE NAS RDUL TSON RNAMS PHYOGS DE BAR DU GZHAN GYIS BSHIG TU MI RUNG, MTSAN MA RNAMS BU MA SMAN LA RDOR DRIL DANG BCAS TE PHUR BU BTON LA, MTHEB SRIN GYIS PHUR BA'I DPAL LA 'O MAS BYUG ,KHUNG BUR YANG BLUG GO ,DE NAS DBUS SU GDAN STENG DU KU SHA GTING BA LA SLOB DPON BSDAD, SGO'I SLOB DPON RNAMS KYANG SGO SO SOR RDOR DRIL DANG BCAS PAS 'KHOD NAS, RI RAB KYE ZHES PA NAS KHAS BLANGS ZHES PA'I BAR LA SLOB DPON DANG SLOB MAS DRIS LAN DU BRJOD, SLOB DPON NI RDOR SEMS KYI PHYAG CHEN LA GNAS NAS SO, ,DE NAS RDO RJE SEMS DPA' ZHES SOGS LA DBYANGS DANG, SEMS DPA'I PHYI 'GROS BYAS NAS SLOB DPON LA SKOR BA BYA'O, ,RDO RJE THEG PA ZHES SOGS KYIS RANG RANG GI SGO'I THAD KA NAS SLOB DPON DBUS NA YOD PA'I SAR RDOR DRIL DANG BCAS PA'I LEGS SO'I PHYAG RGYA BCAS NAS, PHUR
BSNYEN GYI DUS KYI 'GRO LUGS BZHIN BYAS NAS SLAR YANG PHYIR LA PHYAG RGYA DANG 'GROS DES RANG GNAS SU PHYI 'GROS BYA'O, ,DE NAS SLOB DPON THAMS CAD KYIS DRIL BU GSIL ZHING, STVA DANG YIG BRGYA BZLA ZHING SKOR BA BYA, BKRA SHIS PAR BYA'O, ,SGRUB MCHOD SBREL NAS BYED NA, DANG PO'I BYED LUGS SNGAR LTAR DANG, SANG NAS MCHOD PA BSANG SBYANG, DAM TSIG PA GSUM BZUNG BA, SKYABS 'GRO SOGS NAS BDAG RDZOGS BZLAS PA DANG BCAS PA TSAR BA DANG, MDUN BSKYED LA NYER SPYOD GCIG GIS MCHOD NAS RDOR SEMS KYI DAM RGYA DANG, SNGAGS KYIS NAM MKHAR BTEG LA BZHAG ,DE NAS GNOD SBYIN RTZE MOS GSANGS, AA K'A ROS SBYANGS NAS, 'BYUNG BA RIM BRTZEGS NAS GZHAL YAS KHANG GDAN BCAS BSKYED NAS LHA SNGAR BZHIN BSKYED PA SOGS BYA, DE LA PHYAG RGYA BZHIS BTAB NAS ME TOG BZUNG BA NAS SGO DBYE BA'I BAR BYA,, MANGGA LAm,, ,,