*, ,RDO RJE DBYINGS KYI SA CHOG GI ZIN BRIS RJE NYID KYIS GNANG BA BZHUGS, ,
, ,ZHI BA'I GSOL GDAB SO SOR BYED PA LA RGYAS PA LA SHAR NAS BRTZAMS TE, CIG CAR DU MCHOD PA BSANG SBYANG BYIN DBAB, DE NAS PHYOGS BZHI NAS RIM BZHIN STONG GSUM MA, PHYI SGEG , NANG SGEG ,MTSAN BRGYAS BSTOD PA NA, DBYANGS SO SOR BYA, PHYAG RGYA DANG DRIL STABS THUN MONG DU BYA, DE MA GRUB NA SHAR NAS NYER SPYOD DANG SGEG SOGS BRGYAD BYA, ,BSTOD PA ZIN PA DANG MAndAL BSHAM, DE NAS LANGS TE DBUL, BDAG GZHAN NAS BZHES SU GSOL GYI BAR BRJOD, RIGS BSDUS GNYIS YIN NA SGO SO SO NAS RIM PA BZHIN GSOL GDAB BYA, GZHAN LA SGO NA GNAS PA RNAMS KYIS DUS GCIG TU LANGS NAS, DBYANGS RKANG PA GNYIS GNYIS BYAS NAS MTHAR TSIGS BCAD THA MA LA LAN GNYIS BYED, DE RNAMS LA DBYANGS KYI TSE RIGS LNGA'I DRIL STABS DANG, TSIGS BCAD KYI TSE RDZOGS MTSAMS SU DRIL GSIL RE, DBYANGS KYI THOG MA BRTZAMS PA LA DRIL GSIL RE, MTHAR GA-YAS SNGON 'GRO'I GZHI BCA' 'JAM PO LA DRIL GSIL RE DANG BCAS PAS PUS MO GA-YON BTZUGS NAS, GU RU SOGS BRJOD NAS BZHI GNAS DUS GCIG TU DBUL,
, ,BLA MAS SKOR PHYOGS NAS RIM PAS LEN, DE NAS LANGS NAS SHAR DU PHYOGS PAR LHO BYANG DU BSGRIGS TE, GA-YAS SNGON 'GRO'I GZHI BCA' 'JAM PO GAR SKOR DANG BCAS PA'I MTHAR MNYAM PA BYAS NAS PHYAG 'TSAL, DE NAS NGA RGYAL BZUNG BA LA RKANG PA GNYIS GNYIS PHYOGS RE RER BYED PA LA, DANG PO RNAMS LA DRIL STABS, GNYIS PA RNAMS LA, RDOR SEMS RIN CHEN CHOS RAB LAS RAB KYI PHYAG CHEN 'CHA' ZHES BLA MA BZHED, RKANG PA DANG PO GNYIS LA GA-YAS ROL DANG LAG PA RNAM SNANG DANG, RDOR SEMS KYI PHYAG CHEN 'CHA' STA SHAR DU'O, ,GSUM PA GA-YAS ROL DANG, RDOR SEMS KYI PHYAG CHEN, BZHI PA LA GA-YON BRKYANG DANG LAG PA H'Um MDZAD DE LHO RU'O, ,LNGA PA LA SA GA DANG CHOS RAB KYI PHYAG CHEN TE NUB TU'O, ,DRUG PA LA ZLUM PO DANG, RIN CHEN GYI PHYAG CHEN TE BYANG DU'O, ,BDUN PA NI GNYIS PA LTAR DANG, BRGYAD PA LA GA-YON BRKYANG DANG, LAG PA RDOR SEMS KYI PHYAG TSAN TE SHAR DU BLTAS LA BYA'O, ,ZHES GZHAN DAG ZER RO, ,DE NAS MIG RKANG BYIN GYIS BRLAB, DKYIL 'KHOR 'DEGS, GNAS GZHI BYIN GYIS BRLAB, RDOR SEMS KYI PHYAG CHEN LA GNAS PAS BLTA, DE NAS RKANG PA BYIN GYIS BRLAB PA PHRENG BA LTAR BYAS NAS, H'Um BZHI PA'I SNGAGS DANG, SNA TSOGS RDO RJE'I 'GROS KYIS BSKOR LA, RI RAB KYI RTZE MO NAS RLUNG GI BAR SNA TSOGS RDO RJE'I RANG BZHIN DU GYUR, ZHES BRJOD, DE NI RGYAS
PA LA'ANG DGOS LA, 'BRING PO LTAR NA, DE NAS ME LTAR 'BAR BAR BSKYED, KHRO BO SPYAN 'DREN DANG, BSTOD PA LA, DKYIL 'KHOR SA GZHI MA'I DBYANGS NAS, RIM BZHIN SPYAN 'DREN DANG, RIGS LNGA'I DRIL GSIL BYA, BSKAL PA ME LTAR LA, GDUG PA SGRAGS CAN GYI 'GROS BYA, DKYIL 'KHOR SA GZHI MA LA, RANG GI DBYANGS LTAR NA, SA CHOG GAR BYA, NYI ZLA 'OD STONG MA BYED NA, H'Um LA DRIL GSIL DANG, TSIG MGO LA'ANG DE BYA, DE NAS 'DEG 'JOG GI MTSAMS DANG BSTUN LA, RIGS LNGA'I DRIL GSIL BYAS NAS MTHAR H'Um DANG PO GSUM LA, GA-YAS SU 'GRO BA DANG, PHYI MA BZHI LA GA-YON DU 'GRO BA BYA, SA CHOG LTAR GAR BYED NA, DANG POR H'Um MDZAD, DE NAS MDA' GZHU, DE NAS RAL LCAGS, DE NAS RDOR ZHAGS BYA, RKANG PA RE RE'I TSIG BAR SNGA MA LA MI 'DEGS PAR DBYANGS KYI 'DEGS MTSAMS LA GA-YAS GA-YON DU GDAB BO, ,DE NAS BKA' BSGO DANG PO'I TSIG BGEGS SKROD DANG BCAS PA BYA, DE NAS BSNUN BSREGS BCINGS GSUM NAS, GUR GYI BAR BYA, DE NAS DKYIL 'KHOR CHO GA'I RIM PA LTAR BSANG CHU'I BAR DU BYA STE SA CHOG GO ,BSDUS PA NI, SPYAN 'DREN SOGS DBYANGS DANG BRAL BA'O, ,RGYAS PA NI, 'GROS KYI 'PHRO NAS, STONG GSUM MA'I NYER SPYOD, GZHI BCA' MED PA GZHAN SGEG SOGS DANG 'DRA BA GCIG DANG, SGEG SOGS, DE NAS RDO RJE RIGS KYI MTSAN BRGYA RTZA LA, SEMS DPA'I PHYI 'GROS DANG DBYANGS BYAS NAS BSTOD, 'DIR MCHOD SBYIN MI BYED, GRUB NA SGO DANG DBUS KYI SLOB DPON RNAMS PHYOGS MDOG GI GOS GYON TE, SLOB DPON RNAMS SNGA NAS KYANG DE LTAR RUNG NGO, ,DE NAS GSOL
, ,GDAB LA, PHYOGS SO SO NAS DBYANGS RE DANG, TSIGS BCAD MA GNYIS GNYIS BYA, DBYANGS KYI RKANG PA DANG PO GSUM LA RIGS LNGA'I DRIL STABS, THA MA LA GAR BSKOR NAS RNAM SNANG GI PHYAG CHEN BCA', 'DIR MAndAL 'BUL BA MED, GSOL GDAB 'OG MA LA DBYANGS 'BA' ZHIG BYED, PHYAG RGYA SO SO DE MIN PA MI BYED, ,KHRO BO BCAS NAS ZIL GNON GYI 'GROS ZIN PA DANG, MA RUNGS PA RNAMS ZHES PA BRJOD DO, ,H'Um BTEG PA'I TSE SNGON LA GZHI BCA' DRAG PO DRIL GSIL DANG BCAS PAS GA-YON BRKYANG BYAS NAS, 'PHAR THEBS RE LA SNGAGS GNYIS KUN BZANG LA GAR BSKOR NAS PHYAG CHEN 'CHA', ZHAL BZHI PA LA SNGON LA DRIL GSIL GCIG ,RIGS LNGA'I PHYAG RGYA 'CHA' BA'I TSIG RKANG GNYIS CHEN RNAMS LA DE NYID DU BLTAS NAS, DANG PO LA RIGS LNGA'I DRIL STABS, GNYIS PA LA GAR BSKOR NAS PHYAG CHEN BYED DO, ,GNAS GZHI BYIN RLABS ZIN PA DANG, RKANG PA BYIN RLABS DANG 'GROS SNGAR LTAR BYAS NAS, GZHI BCA' DRAG PO H'Um DANG, DRIL GSIL DANG BCAS PA'I GA-YON BRKYANG DANG H'Um MDZAD KYI PHYAG RGYA BCAS NAS KHRO BO'I LTA BAS BLTA, KHRO BO NYER DRUG LA SNGON LA DRIL GSIL RE, ,SNGAGS DBYANGS LA DRIL GSIL MED, ME TOG 'BUL BA'I RKANG PA THA MA LA GAR BSKOR NAS ME TOG NAS GZHI BCA' 'JAM POS GA-YAS ROL BYA, KHRO BO'I BSTOD PA LA SEMS DPA'I SPYI 'GROS LTAR BYED NA RNGA MI BRDUNG, RNGA BRDUNG BYED NA, DANG PO BSTOD TZAM NA CHE BA GSUM, ZHAN PA GSUM YANG CHE BA GSUM STE GSUM BRDEG BYA, DE NAS GAR MA'I 'GROS KYIS 'GRO BA NA, JE CHUNG LA SONG BA NA, GSUM MAM LNGA SOGS BRDUNG ZHING, RNGA BRDUNG BA RNAMS
RKANG PA BSNOL ZHING, 'GRO'ANG PHYOGS SU SLEB PA NA DBYANGS DANG, RIGS LNGA'I DRIL STABS BYA, YANG GSUM BRDEG ,DE NAS 'GRO BSRE BYA'O, ,DE NAS PHYAG RGYA LA MGO BOR DRIL GSIL MED, SNGAGS DBYANGS LA GA-YAS GA-YON DU 'KHYER BA RNAMS LA, GA-YAS SU BCAS NAS GA-YON DU 'KHYER BA NAS DREL GSIL RE BYAD, SU KHA DE GSHAR BAR BYED, RDO RJE 'JIGS BYED LA SNGAGS DBYANGS KYI TSE GA-YAS SKOR DU BSKOR NAS LUS BSGYUR BA NA'ANG GA-YAS SKOR DU BSGYUR BAS KHA NANG DU BLTA, LHO NAS NUB TU 'GRO BA NA, GA-YON SNGON 'GRO THOG MAR BYED DE, DE BYED PA NA, KHA PHYIR BLTA GA-YAS SNGON 'GROS 'GRO BA NA, SNGON LA KHA NANG DU STE, GNYIS LA MTHAR DANG PO'I KHA BLTA LUGS LAS LOG PA RE DGOS SO LO, PHYAG RGYA'I SNGAGS DBYANGS LA, DANG PO MDUN MAS PHAR LA 'THEN PHYAG RGYA ZIN PA DANG SLOB DPON DBUS SU PHUR BU BSGRUB, SLOB MA RNAMS KYIS MTHA' BSKOR ZHING 'DZAB BGRANGS, BSKUL LO YAN CHAD KYI RDO RJE GA-YON NAS GA-YAS SU 'KHYER BAR BYED DE, SNGAGS DBYANGS KYI TSE RKANG PA BSNOL ZHING 'GRO, DE NAS DBUS SU GA-YAS SNGON 'GRO'I GZHI BCA', DRAG POS H'Um DANG DRIL GSIL RE'ANG BYAS, H'Um H'Um ZHES BRJOD PA DANG, RKANG PA GA-YAS PA MDUN DU NUD NUD GDABS NAS, BUS MO GA-YON PA BTZUGS NAS PHUR BU GDAB, DE NAS SA CHOG BZHIN NAM, YANG NA PHUR BU RNAMS DKYUS GCIG LA GDAB BO, ,BKRA SHIS,, ,,