Notes, Granted by Je Tsongkapa Himself, on the Commentary to the Secret Teaching of 'The Abbreviation of the Essential Practice'

*, ,DE NYID BSDUS PA'I 'GREL PA'I ZIN BRIS RJES GNANG BA BZHUGS SO, ,

, ,DE NYID BSDUS PA'I 'GREL PA KO SA LA'I RGYAN GYI LE'U DANG PO LAS, DE'ANG ZHI GNAS DANG LHAG MTHONG ZUNG DU 'BREL BAR 'JUG PA'I LAM YIN TE, ZHI GNAS NI TING NGE 'DZIN LA SEMS PA'I MTSAN NYID DE SEMS GANG DMIGS PAR BYA BA GCIG LA RAB TU 'JUG PA'O, ,LHAG MTHONG NI SHES RAB STE, DE'ANG SEMS LAS BYUNG BA CHES RAB TU RNAM PAR 'BYED PA'I MTSAN NYID CAN DE MNYAM PAR 'JOG PA'I SEMS KYIS 'DI NI ZAG PA DANG BCAS PA'O, ,'DI NI ZAG PA MED PA'O, ,'DI NI KUN NAS NYON MONGS PA'O, ,'DI NI RNAM PAR BYANG BA'O, ,ZHES 'BYED PA'I RNAM PA'O, ,ZHI GNAS SHAS CHE NA NI SEMS RMUGS PA'I NYE BAR GA-YENG BAR 'GYUR LA, LHAG MTHONG SHAS CHE NA NI RGOD PA'I NYE BAR GA-YENG BAR 'GYUR RO, ,DE BAS NA RIM BZHIN DU SNANG BA YID LA BYED PA DANG, MI RTOG PA YID LA BYED PAS KYANG NYE BAR GA-YENG BA'I DNGOS PO NYID BZLOS NAS BSAM PAR BYA BA'I DNGOS PO DE LA ZUNG DU 'JUG PAR GNAS LA, DRAN PA'I THAG PAS GANG DANG GANG DU ZHI GNAS DANG LHAG MTHONG GI TSUL DE LTA BU GANG LAS NYAMS PA LAS BLO ZLOG STE, YANG DAG PA LA SBYAR BA NI ZUNG DU 'JUG PA'O, ,ZUNG DU 'JUG PA NYID KYIS NA

, ,RNAM PA 'DIS 'JUG PA'I NGANG TSUL CAN NI MNGON PAR 'DU BYED PA MED PAR 'JUG GO ,ZHES BYA BA'I DON TO, ,THABS DES NA MYA NGAN LAS 'DAS PA'I LAM DU GYUR PAS NA ZUNG DU 'JUG PA'I LAM MO ZHES BSHAD DO;; ;;YANG DE NYID LAS RANG GI SEMS LA RTOG CIG MNYAM PAR ZHOG LA ZHES BYA BA SMOS PA LA RANG GI SEMS YIN PAS RANG GI SEMS TE, YID KYI RNAM PAR SHES PA'O, ,DE'I SO SOR RTOG PA NI SO SOR RIG PA STE, DON LA SO SOR RTOG PAS SO SOR RTOG PA'O, ,DE'ANG GZUGS LA SOGS PA'I PHUNG PO RNAMS KYI MTSAN NYID LA SO SOR RNAM PAR DPYAD NA, DE NI GCIG CHA'ANG YUL MIN PA, ,PHRA RAB RDUL DU DU MA'ANG MIN, ,DE DAG 'DUS PA'ANG MA YIN TE, ,'DI LTAR RDUL PHRAN MI 'GRUB PHYIR, ,DRUG GIS GCIG CHAR SBYAR BAS NA, ,PHRA RAB RDUL CHA DRUG TU 'GYUR, ,DRUG PO DAG NI GO GCIG NA, ,GONG BU'ANG RDUL PHRAN TZAM DU 'GYUR, ,ZHES BYA BA STE, DE DAG LA SOGS PA'I TSUL GYIS NA DMIGS PA DANG MI LDAN PAS NA, 'DI DAG NI SEMS TZAM YIN NO ZHES NGES PA YIN LA, SO SOR RTOG PA NI NGES PA'I DON 'DI NYID YIN LA, BSGOM PA NA, SEMS RTZE GCIG PA THOB PA NI SEMS LA SO SOR RTOG CING MNYAM PAR 'JOG PA'O,, ,,YANG KO SA LA'I RGYAN LAS, 'DI SKAD STON TE MTSAN MA DER SEMS KYI RGYUN MI 'CHAD PAR BSKYED PAR BYA BA STE, NYIN RE BZHIN TING NGE 'DZIN MI DMIGS LA LEGS PAR RTOG PAR BYAS NAS, RTOG PA NGAN PA DANG,

KHYIM PA DANG, RAB TU BYUNG BA DANG, 'DRA BA LA SOGS PA RNAM PAR RTOG PA'I MTSAN MA RNAMS SPANG BAR BYA'O, ,DE'ANG JI SRID DU, YID KYI GLANG SMYON LAM LOG SPYOD, ,DRAN PA'I THAG PAS DMIGS PA YI, ,KA BA LA GDAGS RIM GYIS NI, ,SHES RAB LCAGS KYUS DBANG DU BYAS, ,ZHES BSHAD PA LTA BU STE, DE LTAR NA SNA'I RTZE MOR BSAM PA YIN NO, ,RDO RJE PHRA MO NI SNA'I RTZE MOR BSGOM PA BRTAN PAR GYUR NA BDE BA'I REG PA'I MTSAN MA SKYE STE, BDE BA'I RGYU'I REG PA YIN PAS NA BDI BA'I REG PA'O, ,RDO RJE PHRA MO YOD NA BDE BA LA REG PAS NA RDO RJE PHRA MO BDE BA LA REG PA STE, RDO RJE PHRA MO NI BDE BA'I REG PA DE LAS SEMS NI MNYAM PAR GZHAG PAR 'GYUR CES BYA BA STE, TING NGE 'DZIN THOB PAR 'GYUR RO ZHES BYA BA'I DON TO, ,'DI SKAD STON TE RDO RJE PHRA MO BSGOMS PAR GYUR NA, SNA'I RTZE MO'AM DE MA YIN PA'I PHYOGS GZHAN DU BDE BA'I REG PA'I MTSAN MO'I KHYAD PAR GANG GIS LUS KYI GNAS NGAN LEN LA SOGS PA'I NYES PA SEL BAR NUS PA'I LUS SHIN TU SBYANGS PA ZHES BYA BA SKYE BAR 'GYUR RO, ,LUS KYI GNAS NGAN LEN DANG BRAL BAR GYUR NA LUS LAS SU RUNG BAR 'GYUR TE, MI MNGON PAR BYED NUS PAR 'GYUR RO, ,LUS SHIN TU SBYANGS PAS NI BDE BA MYONG BAR 'GYUR LA BDE BA DANG LDAN PAS NI SEMS RTZE GCIG PAR 'GYUR RO, ,ZHES JI SKAD GSUNGS PA LTA BU'O, ,RDO RJE PHRA MO BDE REG PA'I, ,MTSAN MA GANG TSE BYUNG BA NA, ,ZHES BYA BA NI RDO RJE PHRA MO BSGOMS PAR GYUR PA LAS GANG GI TSE, LUS KYI'AM SEMS KYI BDE BA'I REG PA SKYES PAR GYUR PA DE'I TSE, MTSAN MA DE NI KHYAB BYA BA STE RNAM PAR SPRO ZHING RGYA CHER GYIS SHIG PA'O, ,SEMS DE ZHES BYA BA NI GANG GI

, ,PHYIR PHYI ROL GYI GZUGS KYI MTSAMS DKAR PO'AM SER PO LA SOGS PA SEMS SO SOR SNANG BA'I RANG BZHIN DE LA SEMS DE ZHES BYA'O, ,KUN TU KHYAB PAR BYA ZHES BYA BA NI PHYOGS BCU RNAMS SU'ANG BTANG BAR BYA'O ZHES BYA BA'I DON TO, ,NANG GI MTSAN MA NI BDE BA'I TSOR BA'I RGYU'I REG PA'I KHYAD PAR TE, DE LA'ANG SEMS ZHES BYA'O, ,KUN TU KHYAB PAR BYA ZHES BYA BA NI RANG GI LUS THAMS CAD DU BDE BA'I REG PA'I MTSAN MA DES KHYAB PAR BYA'O ZHES PA'I DON TO, ,JI TZAM 'DOD PAR SEMS KHYAB NAS, ,KHAMS GSUM DU YANG KHYAB PAR 'GYUR, CES BYA BA LA JI TZAM 'DOD PAR KHYAB PAR BYA BA NI, GNAS KHANG DANG KUN DGA' RA BA DANG YUL LA SOGS PAR SPRO BA NI JI TZAM 'DOD PAR BYA BA'O, ,DE LTAR CI 'DOD PA KHYAB PAR BYAS PAS SEMS ZHES BYA BA MNYAM PAR BZHAG PA'I SEMS GZUGS SU SNANG BA'O, ,KHAMS GSUM DU YANG ZHES BYA BA LA, YANG ZHES BYA BA'I SGRAS NI RNAL 'BYOR LA DBANG THOB PAS NAM MKHA'I KHAMS RNAMS SU'ANG DBANG BYA BA'O, ,DE NAS DE'ANG BSDU BA NI ZHES BYA BA LA DE ZHES BYA BA NI SEMS SO, ,YANG ZHES BYA BA'I SGRAS NI KHYAB PA LAS BLTOS PA'O, ,BSDU BA NI ZHES BYA BA NI BRTUL BA'O, ,JI TZAM GYI BAR DU BSDU BAR BYA ZHE NA, DE'I PHYIR SNA'I RTZE MO'I BAR DU GNAS ZHES GSUNGS PA STE KHRU GANG DANG KHRU DO DANG KHRU GSUM LA SOGS PAR 'DOD CING JI SRID SNA'I RTZE MOR PHYIN PA DE SRID KYI BAR DU BSDU BAR BYA'O,, ,,SARBA MANGGA LAm,, ,,