*, ,SANGS RGYAS SO LNGA'I MNGON RTOGS DANG, LHA SKU'I PHYAG TSAD BZHUGS SO,,
, ,SANGS RGYAS SO LNGA'I SKU BRI BAR BRTZAM PA NA, LHA BZOS SKU MDOG JI LTAR 'DRI BA MA SHES NAS, RJE LA ZHUS NA GSOL BA BTAB PAS JI LTAR BRI BA'I GO RIM DANG MTHUN PAR SKU'I SNANG BA DNGOS SU BSTAN PA LTAR 'DIR BCUG PAS PHYI NAS KYANG GZIGS PA, MDO DANG MTHUN PA'I BKOD PA'O, ,KLU DBANG RGYAL PO MGUL PHYIN MTHING GA ,MGUL YAN DKAR PO, NA BZA' GOS 'KHYUD PA, PHYAG GNYIS THUGS KAR RDO RJE NANG BSDAMS KYIS MDZUB MO GNYIS BSGENG BA'I RTZE CUNG ZAD MA REG PA'I BAR DU MTHE BONG GSHIBS PA, SH'AKYA THUB PA SER PO GA-YAS SA GNON, GA-YON MNYAM GZHAG ,RDO RJE SNYING POS RAB TU 'JOMS PA SER PO, PHYAG GNYIS CHOS 'CHAD, RIN CHEN 'OD 'PHRO DMAR PO PHYAG GNYIS MNYAM GZHAG ,DPA' BO'I SDE SER PO, GA-YAS SKYABS SBYIN, GA-YON THUGS KAR THAL MO CUNG ZAD GZUR BA LAS MTHE BONG DANG MTHIL PHYIR BSTAN PA, DPAL DGYES SER PO PHYAG GNYIS CHOS 'CHAD, RIN CHEN ME DMAR PO THUB PA 'DRA, ,RIN CHEN ZLA 'OD DKAR PO THUB PA 'DRA, MTHONG BA DON YOD LJANG GU DPA' BO'I SDE DANG 'DRA, RIN CHEN ZLA BA DKAR PO CHOS 'CHAD, DRI MA MED PA MTHING KHA MNYAM GZHAG ,DPAL
, ,SBYIN SER PO CHOS 'CHAD, TSANGS PA SER PO THUB PA 'DRA, TSANGS PAS BYIN DMAR PO CHOS 'CHAD, CHU LHA DKAR PO MNYAM GZHAG ,CHU LHA'I LHA DKAR PO CHOS 'CHAD, DPAL BZANG SER PO DPA' BO'I SDE DANG 'DRA, TZANDAN DPAL DKAR PO THUB PA 'DRA, GZI BRJID MTHA' YAS DMAR PO CHOS 'CHAD, 'OD DPAL MTHING KHA CHOS 'CHAD, MYA NGAN MED PA'I DPAL DMAR SKYA MNYAM GZHAG ,SED MED KYI BU SER PO CHOS 'CHAD, ME TOG DPAL SER PO DPA' BO'I SDE DANG 'DRA, TSANGS PA'I 'OD ZER SER PO THUB PA 'DRA, PADMA 'I 'OD ZER DMAR PO THUB PA 'DRA, NOR DPAL MTHING KHA MNYAM GZHAG ,DRAN PA'I DPAL SER PO MNYAM GZHAG , MTSAN DPAL SHIN TU YONGS GRAGS DKAR PO GA-YAS CHOS 'CHAD, GA-YON MNYAM GZHAG ,DBANG PO'I TOG GI RGYAL MTSAN MTHING KHA GA-YAS RGYAL MTSAN PHRAG PA GA-YON PHYOGS SU BSGRENG BA, GA-YON PA MNYAM GZHAG ,SHIN TU RNAM PAR GNON PA MTHING KHA, GA-YAS RAL GRI THUGS KAR 'DZIN PA, GA-YON MNYAM GZHAG ,GA-YUL LAS SHIN TU RNAM PAR RGYAL BA MTHING KHA ,PHYAG GNYIS GO KHRAB SER PO 'DZIN PA, RNAM PAR GNON PAS GSHEGS PA MTHING KHA ,PHYAG GNYIS SA GNON, KUN NAS SNANG BA BKOD PA DMAR BA, ,RIN CHEN PADMAS RNAM PAR GNON PA DMAR SER, GNYIS KA GA-YAS SKYABS SBYIN, GA-YON MNYAM GZHAG ,RI DBANG GI RGYAL PO SER PO PHYAG
GNYIS MNYAM GZHAG GI STENG NA RE BO 'DZIN PA'O,, ` ,,NA MO GU RU MANYDZU GHO sh'A YA, LHA SKU'I PHYAG CHED RGYAL BA'I GZUGS BRNYAN LEGS PAR BLTA BA'I ME LONG ZHES BYA BA, BLA MA DANG RJE BTZUN GSUNG GI DBANG PHYUG LA GUS PA CHEN POS PHYAG 'TSAL LO, ,RAB MDZES MTSAN DPE'I NYIN BYED SKAL LDAN MIG GI PADMOR BDUD RTZIR BKOD MDZAD CING, ,TSANGS DBYANGS NAM MKHA'I RDA GSANG SGROG BAS CHAR 'DOD SRID ZHI'I SNYING GI GDUNG BA SEL, ,GANG THUGS MKHA' LTAR SPROS PAS DBEN KYANG SHES BYA'I RGYU SKAR MTHA' DAG GSAL MDZAD PA'I, ,RJE BTZUN 'JAM DBYANGS MKHYEN BRTZE'I SPYAN RAS KUN TU GA-YO BAS DGE LEGS STZOL GYUR CIG ,GANG GIS MDZAD PA'I RNAM SPRUL PA, ,'PHAGS YUL BI SHVA KARMA DANG, ,GANGS CAN BSOD NAMS RGYAL MTSAN SOGS, ,SKYE DGU'I PHUN TSOGS ZHING GYUR PA'I, ,MKHAS MCHOG RNAMS LA GUS PHYAG 'TSAL, ,BLO GSAL REG PA 'DZIN PA YI, ,DON GNYER BUNG BA'I GLUS BSKUL BAS, ,GZUGS SKU'I MTSAN NYID PADMO'I NAGS, ,BDAG BLO'I ZER GYIS 'BYED PAR BYA, ,DE'ANG THOG MAR SKU GZUGS KYI PHAN YON BSTAN PA'I SGO NAS RANG RGYUD LA DAD PA 'DREN NUS PA ZHIG GAL CHE BAR SNANG BAS, RGYUD DANG MDO YI PHAN YON BSHAD PA DANG, ,BDE GSHEGS SKU GZUGS MCHOD PA'I BSOD NAMS DANG, ,THAL MO BCU DANG THAL MO DGU PA DANG, ,GDOD PA BRGYAD PA'I TSAD KYI MTSAN NYID DE, ,TSAD DANG MI LDAN NYES PA'I SKYON RNAMS DANG, ,LHA BZO SBYIN BDAG MTSAN NYID 'DI DRUG BSHAD, ,DPAL GSANG BA 'DUS PA LAS, MCHOD
, ,RTEN SANGS RGYAS THAMS CAD KYI, ,BZHUGS GNAS, PHO BRANG YIN PAR BSHAD CES PA DANG, BDE MCHOG SDOM PA 'BYUNG BA'I RGYUD LAS, SNGAGS PA LAS NI DANG PO PAS, ,GZUGS BSNYAN LA SOGS BYA BA STE, ,BRIS SKU BSGRUBS NA MYUR BAR NI, ,DNGOS GRUB RGYA CHEN THOB PAR 'GYUR, ,ZHES DANG, 'JAM DPAL RTZA BA'I RTOG PAR YANG, LUS SBYANG BA BYAS LA, RANG GI LAG GIS MCHOD RTAN BYAS NA MTSAMS MED PA LNGA BYAS PAS KYANG 'GRUB BO, ,MCHOD RTEN 'BUM GYIS NA RIG PA 'DZIN PA'I 'KHOR LOS BSGYUR BAR 'GYUR TE, BSTAN BCOS THAMS CAD MNGON PAR SHES PA LA THAMS CAD SHES PA DANG LDAN ZHING, BSKAL PAR GNAS LA, SHI NAS KYANG SKYE BA RNAMS SU RGYAL PO BYED CING NGAN SONG DU MI 'GRO ,YUL DBUS SU NYI MA SHAR BA LTA BU'I DBANG PO THAMS CAD DANG LDAN PAR 'GYUR, THOS PA 'DZIN PA DANG SKYE BA DRAN PAR 'GYUR RO, ,YANG, BSKAL PA BYE BAR BYAS PA'I SDIG ,SHIN TU MI BZAD GANG YIN PA, ,SA STENG RI MO MTHONG PA YIS, , DE YI MOD LA BYANG BAR BYED, ,CES DANG, 'JIG RTEN DON DU SKYOB PA YI, ,SKU GDUNG RNAMS LA MCHOD BYED NA, ,DES NI BDE BA MYONG 'GYUR TE, ,MI NYUNG LHA YI 'JIG RTEN DU, ,RGYAL PO'AM YANG NA LONGS SPYOD DANG, ,RNYED DKA' SNGAGS KYI DNGOS GRUB RNAMS, ,RNAM PA SNA TSOGS RNYED PA DANG, ,'GRO DANG SPYOD PA SNA TSOGS DANG, ,'JIG RTEN PHUN SUM TSOGS PA'I MCHOG ,GDUGS DANG THAR PA RNAM GSUM RGYAN, ,SKU GDUNG RNAMS NI MCHOD BYAS NA, ,DNGOS GRUB RNAMS NI THOB
BAR 'GYUR, ZHES GSUNGS SHING, 'PHAGS PA DON DAM MNGON PAR NGES PA'I MDOR, RGYAL BA'I DBANG POS BKA' STZAL PA, DE BZHIN GSHEGS PA'I SKU SRED MED KYI BU CHEN PO LTA BUR KUN TU MDZES PA 'DI NI SNGON DE BZHIN GSHEGS PA'I SKU GZUGS BYAS PA DANG, MCHOD RTEN ZHIG PA BCOS PA DANG, GZHAN DAG 'JIGS PA LA DBUGS DBYUNG BA BYAS PAS 'GRUB CES GSUNGS SHING, DE BZHIN GSHEGS PA'I GZUGS BRNYAN BZHENGS PA'I PHAN YON YANG DAG PAR BRJOD PA'I MDO LAS KYANG, DGE SLONG DAG ,DE BZHIN GSHEGS PA'I GZUGS BRNYAN BYED PA'I GANG ZAG SBYIN PA PO LA, PHAN YON LNGA YOD DO, LNGA GANG ZHE NA, GZHAL MED KHANG CHEN POR GNAS PA DANG, BONG TSOD BZANG BAR GRAGS PA DANG, SPRO BA MANG BA DANG, TSE RING BA DANG, GRAGS PA DANG LDAN PA DANG, BDE BA MANG BA STE, DGE SLONG DAG 'DI NI DE BZHIN GSHEGS PA'I GZUGS BRNYAN BYED PA'I GANG ZAG SBYIN PA PO'I PHAN YON DANG PO YIN NO, ,GZHAN YANG, PHYUG PA DANG, NOR MANG BA DANG, LONGS SPYOD CHE BA DANG, YO BYAD MANG BA DANG, BDAG DBANG BA DANG, BDAG GIR BYA BA MANG BA DANG, NOR DANG, 'BRU DANG, DBYIG DANG, GSER DANG, MDZOD DANG, BANG BA'I TSOGS MANG BA DANG, RTA DANG, GLANG PO CHE DANG, BA LANG DANG, LUG DANG, BRAN PHO DANG, BRAN MO DANG, LAS BYED PA DANG, ZHE SHAS 'TSO BA MANG BA DANG, BLON PO DANG, MDZA' BSHES DANG, GNYEN DANG, SNAG GI GNYEN MTSAMS MANG POR 'GYUR TE, DGE SLONG DAG ,'DI NI PHAN YON GNYIS PA YIN NO, ,DGE SLONG
, ,DAG GZHAN YANG, GZUGS BZANG BA DANG, LTA NA SDUG PA DANG, MDZES PA DANG, MDOG GSER LTAR BZANG BA DANG, MGO GDUGS LTAR BZLUM PA DANG, LAG PA RING BA DANG, DPAL BA'I DBYES TSA BA DANG, SMIN MTSAMS BAR MA CHAD PA DANG, YAN LAG DANG NYID LAG THAMS CAD DANG LDAN PA DANG, RGYAN THAMS CAD KYIS BRGYAN PAR 'GYUR TE, DGE SLONG DAG 'DI NI PHAN YON GSUM PA YIN NO, ,DGE SLONG DAG GZHAN YANG, 'KHOR LOS SGYUR BA'I RGYAL PO 'KHOR BZANG PO, RIN PO CHE SNA BDUN DANG LDAN PA, BU STONG GIS BSKOR BAR 'GYUR TE, DE'I BU'AM, CHUNG MA'AM, BRAN NAM NYE BAR 'TSO BA GANG YIN PA DE DAG THAMS CAD DE LA GUS PAR NYAN PA DANG, BKA' NYAN PAR BYED DE, DGE SLONG DAG 'DI NI PHAN YON BZHI PA'O,, DGE SLONG DAG GZHAN YANG, DE LUS DANG BRAL NA, BDE 'GRO MTHO RIS KYI 'JIG RTEN LHA RNAMS SU SKYE BAR 'GYUR TE, DER SKYES NAS, LHA'I RGYAL PO KHYAD PAR CAN, LHA DANG LHA'I BU DANG, LHA'I BU MO RNAMS KYI RTEN DU 'GYUR LA, GNAS BCU PO LHA'I TSE DANG LHA'I MDOG DANG, LHA'I STOBS DANG, LHA'I BDE BA DANG, LHA'I DBANG PHYUG LA DBANG BYED PA DANG, LHA'I GZUGS DANG, SGRA DANG, DRI DANG, RO DANG, REG BYA RNAMS KYIS DGA' BAR BYED DE, DGE SLONG DAG 'DI NI DE BZHIN GSHEGS PA'I GZUGS BRNYAN BYED PA'I GANG ZAG SBYIN PA PO'I PHAN YON LNGA PA YIN NO, ,ZHES BKA' STZAL TO, ,'PHAGS PA SA'I SNYING PO 'KHOR LO BCU PA LAS KYANG, RIGS KYI BU, GZHAN YANG 'DI LTA STE, GAL TE PHA ROL TU PHYIN PA THOB PA RNAM PAR GROL BA BRGYAD DANG
LDAN PA, BSAM GTAN LA SNYOMS PAR ZHUGS PA'I DGRA BCOM PA CHEN PO SHA STAG GIS, STONG GSUM GYI STONG CHEN PO'I 'JIG RTEN GYI KHAMS 'DI YONGS SU GANG BA NI, 'DI LTA STE, 'BRAS KYI LJANG BU'AM, TIL LAM, 'OD MA'AM, 'DAM BU'AM, BU RAM SHING GI TSAL LTA BUR GYUR LA, DE DAG THAMS CAD BCING BA LNGAS BCINGS NAS LO BRGYA STONG SNYED LON PA LAS, MTHU CHEN PO DANG LDAN PA'I GANG ZAG GCIG 'JIG RTEN DU MNGON PAR BYUNG STE, BSOD NAMS 'DOD PA'I PHYIR DE DAG GI BCING PA THAMS CAD DKROL NAS, DGRA BCOM PA DE DAG THAMS CAD SPOS CHUS BKRUS TE, CHOS GOS DANG LHUNG BZED LO BRGYA STONG GI BAR DU PHUL NAS, GNAS KHANG DANG, KHRI STAN DANG, GOS DAR, BSOD SNYOMS DANG, NAD KYI GSOS SMAN DANG, 'TSO BA'I YO BYAD RNAM PA SNA TSOGS KYANG YID BZHIN DU BYED LA, DGRA BCOM PA DE DAG MYA NGAN LAS 'DAS NAS KYANG, MCHOD PA BYAS TE BSREGS NAS DE DAG GI RING BSREL BSDUS NAS RIN PO CHE SNA BDUN GYIS MCHOD DAM MCHOD RTEN GYI NANG DU BCUG GO ,GZHAN YANG, RIN PO CHE'I RGYAL MTSAN DANG, BA DAN DANG, GDUGS DANG, SNGOS DANG, ME TOG DANG, ROL MO RNAM PA SNA TSOGS KYIS MCHOD PA'I BSOD NAMS KYI PHUNG PO BAS SANGS RGYAS KYI RING BSREL GYI PHYIR MCHOD RTEN BRTZIGS PA'I BSOD NAMS KYI PHUNG PO MANG STE, DGRA BCOM PA BCINGS PA BKROL TE MCHOD PA BYAS PA'I BSOD NAMS KYIS BRGYA'I CHAR YANG NYE BAR MI 'GRO ,STONG GI CHA DANG, BRGYA STONG GI CHA DANG, BYE BA'I CHA DANG, KHRAG KHRIG GI CHAR YANG NYE BAR
, ,MI 'GRO BAS NA, ,RTZIS KYI CHA DANG, GRANGS KYI CHA DANG, DPE'I CHA'AM, RGYU'I CHAR YANG NYE BAR MI 'GRO'O, ,ZHES GSUNGS SO, ,'PHAGS PA RMAD DU BYUNG BA'I MDOR YANG, DZAMBU'I GLING DPAG CHAD BDUN STONG DANG, LUS 'PHAGS KYI GLING DPAG TSAD BRGYAD STONG PA DANG, BA LANG SPYOD KYI GLING DPAG TSAD DGU STONG PA DANG, SGRA MI SNYAN GYI GLING DPAG TSAD STONG PHRAG BCU PA DANG, LHA'I DBANG PO'I KHANG BZANG RNAM PAR RGYAL BYED RNAMS RIN PO CHE SNA BDUN GYI RANG BZHIN DU BYAS TE, DANG PA'I RIGS KYI BU'AM RIGS KYI BU MO GANG LA LA ZHIG GIS RGYUN DU ZHUGS PA RNAMS DANG, LAN CIG PHYIR 'ONG BA RNAMS DANG, PHYIR MI 'ONG BA RNAMS DANG, DGRA BCOM PA RNAMS DANG, RANG SANGS RGYAS RNAMS DANG, PHYOGS BZHI'I DGE SLONG GI DGE 'DUN LA PHUL BA LAS, GANG GIS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS YONGS SU MYA NGAN LAS 'DAS PA'I MCHOD RTEN 'JIM PA LAS SKYU RU RA'I 'BRAS BU TZAM LA, KHAB TZAM GYI SROG SHING BTZUGS TE, RGYA SHUG GI LO MA TZAM GYI GDUGS GSOL NAS, NAS KYI 'BRU TZAM GYI SKU GZUGS BYAS LA, YUNGS 'BRU TZAM GYIS RING BSREL BCUG NA, DE NI DE BAS BSOD NAMS CHE'O ZHES NGA SMRA'O, ,KUN DGA' BO DZAMBU'I GLING YANG LTA ZHOG ,SHAR GYI LUS 'PHAGS GLING YANG LTA ZHOG ,NUB KYI BA LANG SPYOD KYANG LTA ZHOG ,BYANG GI SGRA MI SNYAN YANG LTA ZHOG ,LHA'I DBANG PO BRGYA BYIN GYI KHANG BZANG RNAM PAR RGYAL BYED CES BYA BA'ANG LTA ZHOG ,KUN DGA' BO STONG GSUM GYI STONG CHEN PO'I 'JIG RTEN GYI KHAMS YOD DE, DE RIGS
KYI BU'AM, RIGS KYI BU MO DAD PA GANG LA LA ZHIG GIS, RIN PO CHE SNA BDUN GYI RANG BZHIN DU BYAS TE, RGYUN DU ZHUGS PA RNAMS DANG, LAN CIG PHYIR 'ONG BA RNAMS DANG, PHYIR MI 'ONG BA RNAMS DANG, DGRA BCOM PA RNAMS DANG, RANG SANGS RGYAS RNAMS DANG, PHYOGS BZHI'I DGE SLONG GI DGE 'DUN LA PHUL PA BAS, GANG GIS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS YONGS SU MYA NGAN LAS 'DAS PA'I MCHOD RTEN 'JIM PA LAS SKYU RU RA'I 'BRU TZAM DU BYAS LA, KHAB TZAM GYI SROG SHING BTZUGS TE, RGYA SHUG GI LO MA TZAM GYI GDUGS GSOL NAS, NAS KYI 'BRU TZAM GYI SKU GZUGS BYAS LA, YUNGS 'BRU TZAM GYI RING BSREL BCUG NA, DE NI DE BAS CHES BSOD NAMS CHE'O, ,ZHES BA SMRA'O, ,DE CI'I PHYIR ZHE NA, KUN DGA' PO, DE BZHIN GSHEGS PA NI YE SHES DPAG TU MED PA'O, ,TSUL KHRIM DPAG TU MED PA'O, ,BZOD PA DPAG TU MED PA, BRTZON 'GRUS DPAG TU MED PA, BSAM GTAN DPAG TU MED PA, SHES RAB DPAG TU MED PA, BYAMS PA DPAG TU MED PA, SNYING RJE DPAG TU MED PA, DGA' BA DPAG TU MED PA, BTANG SNYOMS DPAG TU MED PA, SANGS RGYAS KYI CHOS MA 'DRES PA BCO BRGYAD DANG, STOBS BCU DANG, MI 'JIGS PA BZHI DANG, SANGS RGYAS KYI CHOS MA 'DRES PA DRAN PA NYE BAR BZHAG PA BZHI DANG, SNYING RJE CHEN PO MA 'DRES PA STE, KUN DGA' BO, ,DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS NI, YON TAN DPAG TU MED PA'I PHYIR RO, ,ZHES GSUNGS SO, ,LAS RNAM PAR 'BYED PA'I MDOR YANG, BRAM ZE'I KHYE'U NI TZO LA BKA'
, ,STZAL PA, DE BZHIN GSHEGS PA'I MCHOD RTEN BZHENGS PA'I PHAN YON BCO BRGYAD DE, BCO BRGYAD PO GANG ZHE NA, RGYAL PO CHEN PO'I KHYIM DU SKYE BA DANG, GZUGS BZANG BA DANG, MDZES SHING MIG TU SDUG PAR 'GYUR BA DANG, DBANG PO RNO BAR 'GYUR BA DANG, LUS RDO RJE'I TSOGS LTAR 'GYUR BA STE, GA-YOG 'KHOR CHEN POR 'GYUR BA DANG, GA-YOG 'KHOR MI PHYED PA DANG, LONGS SPYOD CHEN POR 'GYUR BA DANG, MNGON DU 'GRO BAR BYA BAR 'GYUR BA DANG, BRTAN DU 'GYUR BA DANG, PHYOGS BCUR BRJOD PA DANG, SGRA DANG, TSIGS SU BCAD PA RGYA CHEN PO MNGON DU 'BYUNG BAR 'DOD PA DANG, LHA DANG MIS MCHOD PAR 'GYUR BA DANG, NOR MANG PO DANG LDAN PAR 'GYUR BA DANG, 'KHOR LOS SGYUR BA'I RGYAL SRID THOB PAR 'GYUR BA DANG, TSE DANG LDAN PAR 'GYUR BA DANG, LUS RDO RJE'I TSOGS LTAR 'GYUR BA DANG, LUS MTSAN DANG DPE BYAD KYIS BRGYAN PAR 'GYUR BA DANG, MTHO RIS SU SKYE BAR 'GYUR BA DANG, MYUR DU YONGS SU MYA NGAN LAS 'DA' BA STE, BCO BRGYAD PO 'DI DAG NI DE BZHIN GSHEGS PA'I SKU BZHENGS PA'I PHAN YON NO, ,ZHES GSUNGS SO, ,GSAL RGYAL GYIS ZHUS PA'I MDOR YANG, THUB PA'I DBANG PO'I MCHOD RTEN BZHENGS PA YIS, ,MYA NGAN RNAMS BSAL LUS KUN RGYAS PA YI, ,GTZO BOR GYUR PA'I RIN CHEN MDZOD MANG DANG, ,SA STENG DGRA YI TSOGS LAS RGYAL BAR 'GYUR, ,ZHES 'BYUNG NGO, ,YONGS SU MYA NGAN LAS 'DAS PA CHEN PO'I MDOR, RTAG TU DGA' BA'I SEMS BSKYED DE, ,SANGS RGYAS GZUGS SAM RTEN YANG RUNG
MTHE BONG TZAM ZHIG GANG BYAS PA, ,MI GA-YO ZHING DER SKYE BAR 'GYUR, ,ZHES BKA' STZAL TO, ,BU MO RNAM DAG GIS ZHUS PA LAS GSUNGS PA, GZHAN YANG BU MO, BYANG CHUB SEMS DPA' NI CHOS RNAM PA BRGYAD DANG LDAN SA'I PHYIR SANGS RGYAS RNAMS KYI SPYAN SNGAR PADMA LAS BRDZUS TE SKYE BAR 'GYUR RO, ,BRGYAD GANG ZHE NA, SROG LA BAB PAR GYUR KYANG, GZHAN GYI NYES PA MI BRJOD PA DANG, SEMS CAN RNAMS DKON MCHOG GSUM LA SKYABS SU 'GRO BAR BSKUL BA DANG, THAMS CAD BYANG CHUB KYI SEMS LA 'GOD PA DANG, TSANGS PAR SPYOD PA LA GOS PA MED PA DANG, DE BZHIN GSHEGS PA'I SKU GZUGS DAG BYAS NAS PADMA'I GDAN LA 'JOG PA DANG, SEMS CAN MYA NGAN BYED PA DAG GI MYA NGAN SEL BAR BYED PA DANG, KHENGS SHING NGA RGYAL BYED PA DAG GI MDUN DU RTAG PAR BDAG NYID DMAN PAR BYED PA DANG GZHAN LA 'TSE BAR MI BYED PA GANG YIN PA'O, ,DE NAS BCOM LDAN 'DAS KYIS TSIGS SU BCAD DE BKA' STZAL PA, GAL TE SDUG BSNGAL GZIR GYUR KYANG, ,NAM YANG GZHAN GYI SKYON MI SMRA, ,RTAG PAR DKON MCHOG GANG BSNGAGS PA, ,SANGS RGYAS SPYAN SNGAR BRDZUS TE SKYE, , BYANG CHUB SEMS NI BSKYED PA DANG, ,THAMS CAD MKHYEN PAR NYER BSKUL NAS, ,RTAG TU TSANGS PAR GANG SPYOD PA, ,SANGS RGYAS SPYAN SNGAR BRDZUS TE SKYE, ,GSER GYIS SANGS RGYAS GZUGS BRGYAN TE, ,RIN CHEN PADMA'I GDAN LA BZHAG ,SEMS CAN MYA NGAN GANG SEL BA, , SANGS RGYAS SPYAN SNGAR RDZUS TE SKYE, ,NGA RGYAL BYED PA DE DAG LA, ,SLOB MA BZHIN DU BDAG DMAN ZHING, ,GZHAN LA GANG ZHIG MI 'TSE BA, ,SANGS RGYAS SPYAN SNGAR BRDZUS TE SKYE, ,ZHES SO, ,BU MO RIN CHEN GYIS ZHUS PA LAS, DE BZHIN GSHEGS PA'I SKYES BU CHEN
, ,PO'I MTSAN THU BO CHE CHEN PO'I LUS KUN NAS MDZES PA 'DI NI, SNGON DE BZHIN GSHEGS PA'I SKU GZUGS BZHENGS PA DANG, MCHOD RTEN ZHIG PA BCOS PA DANG, GZHAN 'JIGS PA DAG DBUGS PHYUNG BA DANG, SEMS CAN MI MTHUN PA SDUM BYAS PAS 'GRUB STE, BU MO SNGON DGE BA'I RTZA BA'I CHOS TSAD MED GRANGS MED PA 'DI DAG SPYAD PAS, DE BZHIN GSHEGS PA'I SKU LA SKYES BU CHEN PO'I MTSAN SUM CU RTZA GNYIS MNGON PAR 'GRUB BO, ,ZHES DANG, 'PHAGS PA DKON MCHOG SPRIN LAS KYANG, RIGS KYI BU, BYANG CHUB SEMS DPA'I CHOS BCU DANG LDAN NA MNGAL GYI DRI MAS MA GOS PAR SKYE'O, ,BCU GANG ZHE NA, 'DI LTA STE, DE BZHIN GSHEGS PA'I SKU GZUGS BZHANGS PA DANG, MCHOD RTEN ZHIG PA GSO BA DANG, DE BZHIN GSHEGS PA'I MCHOD RTEN LA SPOS KYI BYUG PA 'BUL BA DANG, KHRUS KYI SPOS CHU 'BUL BA DANG, PHYAG BDAR BYA BA DANG, SKYANG NUL BYA BA 'BUL BA DANG, PHA MA LA LUS KYI RIM GRO BYED PA DANG, MKHAN PO DANG SLOB DPON LA LUS KYI RIM GRO BYED PA DANG, CHANGS PA MTSUNGS PAR SPYOD PA RNAMS LA LUS KYI RIM GRO BYED PA DANG, DE DAG KYANG ZANG ZING MED PA'I SEMS KYIS TE, ZANG ZING DANG BCAS PA'I SEMS KYIS MA YIN PA DANG, DAG PA'I RTZA BA DE'ANG 'DI LTAR DGE BA'I RTZA BA 'DIS SEMS CAN THAMS CAD MNGAL GYI DRI MAS MA GOS PAR SKYA BAR GYUR CIG ,CES YONGS SU BSNGO ZHING, DE'ANG BSAM PA THAG PA NAS SEMS PA STE, RIGS KYI BU, CHOS BCU PO DE DAG DANG LDAN NA MNGAL GYI DRI MAS MA GOS PAR SKYE'O, ,PADMA DKAR PO'I MDOR YANG BKA' STZAL PA,
RGYAL BA MYA NGAN 'DAS PA DE DAG GI ,RGYAL BA'I RING BSREL DAG LA SU MCHOD CING, ,RING BSREL MCHOD RTEN STONG PHRAG DU MA DAG ,GSER DANG DNGUL DANG 'ON TA SHEL GYI'AM, ,RDO YI SNYING PO'I MCHOD RTEN GANG GIS BYAS, ,BEE d'UR-YA MCHOG DE BZHIN AANDA RNYIL, ,LA LAS MU TIG KE KE RU LAS BYAS, ,DE DAG GIS KYANG BYANG CHUB THOB PAR 'GYUR, ,GANG GIS MCHOD RTEN RDO LAS BYAS PA DANG, ,GANG GIS AA KA RU'AM TZANDAN NAM, ,GANG GIS THANG SHING MCHOD RTEN BYAS PA DANG, ,LA LAS SHING DAM GZHAN LAS BYAS PA DANG, ,SA'AM SO PHAG LA NI BRTZIGS PA YI, ,RGYAL BA'I MCHOD RTEN DGA' BZHIN BYAS PA DANG, ,DE PHYIR SA RDUL PHUNG PO DAG LAS KYANG, ,MYA NGAN DGON PA DAG TU BYAS PA DANG, ,BYIS PA RTZED MO'I PHYIR DANG DE DAG TU,, GANG GIS RGYAL BA DE PHYIR MCHOD RTEN DAG ,BYE MA LAS NI PHUNG POR BYAS PA YANG, ,DE RNAMS KYIS KYANG BYANG CHUB THOB PAR 'GYUR, ,LA LAS DE BZHIN RIN CHEN GZUGS BYAS PA, ,SUM CU RTZA GNYIS MTSAN DANG LDAN PA'I GZUGS, ,GANG GIS DE PHYIR BYAS PA DE DAG KYANG, ,DE DAG THAMS CAD BYANG CHUB THOB PAR 'GYUR, ,LA LAS DER NI RIN CHEN SNA BDUN DANG, ,LA LAS DE BZHIN ZANGS DANG 'KHOR BA LA, ,BDE BAR GSHEGS PA RNAMS KYI GZUGS BYAS PA, ,DE DAG THAMS CAD BYANG CHUB THOB PAR 'GYUR ZHA NYE DANG NI LCAGS SAM SA YANG RUNG, ,BDE BAR GSHEGS PA RNAMS KYI GZUGS BYAS TE, ,LTA NA SDUG PA'I 'JIM PA'I LAS BYED BCUG ,DE DAG THAMS CAD BYANG CHUB THOB PAR 'GYUR, ,GANG GIS RTZIG NGOS GZUGS KYI RI MO DAG ,BSOD NAMS RGYAL
, ,MTSAN YONGS SU RDZOGS PA'I SKU, ,BDAG GIS BRIS SAM 'DRI RU BCUG KYANG RUNG, ,DE DAG THAMS CAD BYANG CHUB THOB PAR 'GYUR, ,SKYES BU DAG GAM 'ON TE GZHON NU'ANG RUNG, ,GANG DAG LA LA DE NA SLOB PA'I TSE, , RTZED MO DAG DANG GSAR PA BYED PA NA, ,RTZIG NGOS SEN MO SHING BUS GZUGS BRIS PA, ,DE DAG THAMS CAD BYANG CHUB THOB 'GYUR TE, ,DE DAG THAMS CAD SNYING PO CAN DU 'GYUR, ,THAMS CAD KYANG NI SROG CHAGS BYE BA SGROL, ,BYANG CHUB SEMS DPA' MANG PO YANG DAG 'DZUD, ,DE BZHIN GSHEGS PA RNAMS KYI RING BSREL DANG, ,'JIM PA'I GZUGS DANG MCHOD RTEN DAG LA'ANG RUNG, ,RTZIG NGOS BRIS DANG RDUL PHUNG MCHOD RTEN LA, ,DE LA ME TOG DANG NI SPOS GSOL TE, ,DER NI GANG GIS RAB SNYAN CANG TE'U DANG,, DUNG DANG RNGA CHEN ROL MO'I SGRA BYED BCUG ,BYANG CHUB MCHOG RAB MCHOD PAR BYA BA'I PHYIR, ,GANG DAG RNGA RNAMS RAB TU RDUNG BYED CING, ,PI WANG DANG NI PHEG DANG 'KHAR BA'I RNGA, ,RDZA RNGA RGYUD GCIG GLING BU YID 'ONG DANG, ,AA KO NA DA RAB TU SNYAN BYIN PA, ,DE DAG THAMS CAD BYANG CHUB 'THOB PAR 'GYUR, ,BDE BAR GSHEGS PA RNAMS LA MCHOD PA'I PHYIR, ,GANG DAG LCAGS KYI SIL KHROL BRDUNG BCUG DANG, ,CHU LA BTAB DANG THAL MO BRDABS PA DANG, ,YID DU 'ONG ZHING SNYAN PA'I GLU DBYANGS DANG, ,RING BSREL DE DAG RNAM MANG MCHOD BYAS PA, ,DE DAG THAMS CAD 'JIG RTEN SANGS RGYAS 'GYUR, ,BDE GSHEGS RING BSREL LA NI CUNG ZAD KYANG, ,SIL SNYAN GCIG BRDUNGS PA YI SGRA BYUNG BA, ,ME TOG GCIG TZAM GYIS NI MCHOD PA DANG, ,BDE GSHEGS GZUGS NI RTZIG NGOS BRIS PA LA,,
'KHRUGS BZHIN PA YI SEMS KYIS MTSAD NA YANG, ,DE DAG RIM GYIS SANGS RGYAS BYE BA MTHONG, ,MCHOD RTEN DE LA GANG GIS THAL MO SBYAR, ,YONGS SU TSANG BA'I THAL MO YA GCIG GAM, ,YANG NA MGO BO SKAD CIG BTUD PA DANG, ,DE BZHIN LUS KYANG LAN CIG BTUD PA DANG, ,GANG GI RING BSREL GNAS PA DE DAG LA, ,YENGS PA'I SEMS KYIS SANGS RGYAS PHYAG 'TSAL ZHES, ,TSIG GCIG LAN 'GA' BRJOD PAR BYAS PA YANG, ,DE DAG KUN GYIS BYANG CHUB MCHOG 'DI 'THOB, ,CES PA SOGS RGYAS PAR GSUNGS SO, ,DGE BA'I RTZA BA YONGS SU BSNGO BA'I MNGAR YANG GSUNGS PA, BRTAN PA'I BLO GROS GZHAN YANG MNGON PAR SHES PA MYUR BA NYID DU BYA BA'I PHYIR, DE BZHIN GSHEGS PA'I MCHOD RTEN MCHOD PA DANG, PHYIR BCOS PA DANG, GYI DOR BYA BA LHUR BLANG BAR BYA STE, BRTAN PA'I BLO GROS, DE LA RIGS KYI BU'AM, RIGS KYI BU MO GANG LA LA ZHIG ,DE BZHIN GSHEGS PA'I MCHOD RTEN BYI DOR BYED PA DE NI SMON LAM GYI MCHOG RNAM PAR DAG PA BZHI RJES SU 'THOB BO, ,BZHI GANG ZHE NA, GZUGS KYI SMON LAM GYI MCHOG RNAM PAR DAG PA DANG, NGAL BA PHUN SUM TSOGS PA, YANG DAG PAR BLANG BA BRTAN PA, DE BZHIN GSHEGS PA LTA BA'I SMON LAM GYI MCHOG RNAM PAR DAG PA'O, ,ZHES DANG, DE BZHIN GSHEGS PA'I SKU GZUGS KYI LE'UR YANG GSUNGS PA, SA'AM, RDO THAL LAM, SHING NGAM, RDO'AM, RUS PA'AM, LCAGS SAM, GSER RAM, DNGUL LAM, BEEd'U R-YA'AM, SHEL LAM, MU TIG DMAR PO'AM, RDO'I SNYING PO'AM, SPUG GAM, DUNG NGAM, MAN SHEL LAM, SPOS SAM, RAS SAM, SHING LEB BAM, RTZIG NGOS LA DE BZHIN
, ,GSHEGS PA'I SKU GZUGS BZHENG BAR BYA'O, ,RAL BA GSO BAR BYA'O, ,GRUMS PA 'CHOS PAR BYA STE, DE BZHIN GSHEGS PA'I SKU GZUGS BYAS NA, RIGS DMA' BA RNAMS DANG, SDIG PA BYED PA'I RIGS RNAMS DANG LOG PAR LTA BA'I RIGS SU MI SKYE, ,YAN LAG GANG YANG MA TSANG BAR MI 'GYUR RO, ,GAL TE MTSAMS MED PA LNGA BYAS SU ZIN KYANG DE BZHIN GSHEGS PA LA DANG BA RNYED DE SKU GZUGS BYAS NA, LAS DES SEMS CAN DMYAL BA CHUNG NGU MYONG STE, THEG PA GSUM GANG YANG RUNG BAS NGES PAR 'BYUNG BAR 'GYUR RO, ,DPER NA MI ZHIG MI GTZANG BAS REG PA LA, RAB TU DAG PAR BKRUS TE, SPOS KYIS BYUGS NA, DRI MI ZHIM PA DE MED PAR 'GYUR RO, ,DE BZHIN DU MTSAMS MED PA BYAS PA DE'I SDIG PA'ANG MED PAR 'GYUR RO, ,MI DGE BA BCU'I LAS KYI LAM DANG LDAN PA'ANG DE BZHIN GSHEGS PA LA DAD PA RNYED DE, DE'I SKU GZUGS BYAS NA, DE'I SDIG PA DE JI LTAR ME'I PHUNG POS MAR TSIG STE, DU BA'ANG MI MNGON PA BZHIN DU DE'I SDIG PA DE'ANG MI SNANG BAR 'GYUR RO, ,ZHES GSUNGS PAS, ,SKU GZUGS BZHENGS PA'I PHAN YON GYI MTSAN NYID DE DANG PO'O, ,GZHAN YANG MCHOD PA'I PHAN YON NI, RGYAL BA DNGOS SU MCHOD PA DANG, YONGS SU MYA NGAN LAS 'DAS NAS MCHOD PA LA BSOD NAMS KHYAD PAR MED DAm, ME TOG BRTZEGS PA'I MDO LAS, SENG GE RNAM PAR BRTZE BA GANG GIS DE BZHIN GSHEGS PA MTHONG STE, SEMS DANG BAS MCHOD PA DANG, GANG GIS DE BZHIN GSHEGS PA YONGS SU MYA NGAN LAS 'DAS NAS RING BSEL YONGS 'BRU TZAM LA MCHOD
PA BYED PA NI RNAM PAR SMIN PA MNYAM PAR BYA STE, BYE BRAG GAM THA DANG DU BYA BA MED DO, ,ZHES DANG, 'PHAGS PA DKON MCHOG BRTZEGS PAR, DRANG SRONG RGYAS PAS ZHUS PA LAS KYANG, DRANG SRONG CHEN PO, GANG LA LA ZHIG BCOM LDAN 'DAS YONGS MYA NGAN LAS 'DAS PA DANG, DA LTAR BZHUGS PA LA MCHOD PA BYED PA DE'I RNAM PAR SMIN PA NI MTSUNGS PA DANG MNYAM ZHING 'DRA'O, ,ZHES NGA 'CHAD DO, ,DE CI'I PHYIR ZHE NA, DE BZHIN GSHEGS PA RNAMS NI CHOS KYI SKUS RAB TU CHE BA YIN GYI, GZUGS KYI SKUS RAB TU CHE BA MA YIN PA'I PHYIR RO, ,GANG LA LA ZHIG ,NGA 'DUG PA'AM, YONGS SU MYA NGAN LAS 'DAS PA LA MCHOD NA BSOD NAMS MTSUNGS PA'I PHYIR, 'DI GNYIS LA BSOD NAMS KYI KHYAD PAR CUNG ZAD KYANG MED DO, ,ZHES PA LA SOGS DU MA ZHIG GSUNGS SHING, MCHOD PA'I BYE BRAG NI, SANGS RGYAS BCOM LDAN 'DAS NI, 'JIG RTEN THAMS CAD LAS MNGON PAR 'PHAGS SHING, BSOD NAMS DANG YE SHES KYI TSOGS NAM MKHA' LTA BUR DPAG TU MED PA'I PHA ROL TU SON PAS, YON GNAS DAM PA, BLA NA MED PA, MNYAM PA MED PA, MTSUNGS PA MED PA NYID KYI PHYIR, DE'I SKU GZUGS DANG, MCHOD RTEN MCHOD PA DANG, BSKOR BA LA SOGS PA'I DGE BA'I RTZA BA YANG DPAG TU MED CING, MTHAR YONGS SU MYA NGAN LAS 'DAS PA'I CHOS SU GSUNGS TE, JI SKAD DU, LAS RNAM PAR 'BYED PA'I MDOR, BRAM ZE'I KHYE'U NI TZOL BKA' STZAL PA, BRAM ZE'I KHYE'U, DE BZHIN GSHEGS PA'I MCHOD RTEN LA THAL MO SBYAR BA'I PHAN YON NI, BCU PO 'DI DAG STE, BCU GANG ZHE NA, RGYAL PO CHEN PO'I KHYIM DU SKYE BA 'THOB PA DANG, RGYA CHE BA'I GZUGS DANG,
, ,RGYA CHE BA'I GA-YOG 'KHOR DANG, RGYA CHE BA'I MCHOD PA DANG, BKUR STI DANG, RGYA CHE BA'I NOR DANG, RGYA CHE BA'I THOS PA DANG, RGYA CHE BA'I DAD PA DANG, RGYA CHE BA'I DRAN PA DANG, RGYA CHE BA'I SHES RAB DANG, RGYA CHE BA'I RTOGS PA 'THOB STE, DE DAG NI, DE BZHIN GSHEGS PA'I MCHOD RTEN LA THAL MO SBYAR BA'I PHAN YON NO, ,PHYAG BCAL BA'I PHAN YON BCU STE, BCU GANG ZHE NA, GZUGS BZANG STE, MDOG GSER GYI KHA DOG LTA BUR 'GYUR BA DANG, MDZES TE MIG TU SDUG PAR 'GYUR BA DANG, SKAD SNYAN ZHING BZUNG PA'I TSIG TU 'GYUR BA DANG, BAG TSA BA MED PAR 'KHOR GYI NANG DU 'GO BA DANG, LHA DANG MI RNAMS DGA' BAR 'GYUR BA DANG, GZI BRJID CHEN PAR 'GYUR BA DANG, GZI BRJID CHEN PO'I GANG ZAG 'DI LTA STE, SANGS RGYAS BCOM LDAN 'DAS RNAMS DANG, BYANG CHUB SEMS DPA' RNAMS DANG, SANGS RGYAS KYI NYAN THOS RNAMS DANG 'GROGS PAR 'GYUR BA DANG, LONGS SPYOD CHE BAR 'GYUR BA DANG, MTHO RIS SU SKYE BAR 'GYUR BA DANG, MYUR DU YONGS SU MYA NGAN LAS 'DA' BA STE, DE DAG NI, DE BZHIN GSHEGS PA'I MCHOD RTEN LA PHYAG BTZAL BA'I PHAN YON NO, ,PHYAG BDAR BYAS PA'I PHAN YON BCU STE, BCU GANG ZHE NA, GZUGS BZANG BA DANG, LTA NA SDUG PA DANG, MDZES PAR 'GYUR BA DANG, SKAD SNYAN PAR 'GYUR BA DANG, DE'I 'DOD CHAGS DANG, ZHE SDANG DANG, GTI MUG BSKYABS PAR 'GYUR BA DANG, LAM DU 'GRO NA, GSEG MA DANG, RTZVA DANG, GYO MO RNAMS MED PAR 'GYUR BA DANG, BTZUN PA'I RIGS SU SKYE BAR 'GYUR BA DANG, LONGS SPYOD CHE BAR 'GYUR BA DANG, MTHO RIS SU SKYE BAR 'GYUR BA DANG, MYUR DU YONGS SU MYA NGAN LAS 'DA' BA STE,
BCU PO DE DAG NI, DE BZHIN GSHEGS PA'I MCHOD RTEN LA PHYAG BDAR BYAS PA'I PHAN YON NO, ,GDUGS PHUL BA'I PHAN YON LA BCU STE, BCU GANG ZHE NA, 'JIG RTEN NA GDUGS LTA BUR 'GYUR BA DANG, LUS LA GDUNG BA MED PAR 'GYUR BA DANG, SEMS LA GDUNG BA MED PAR 'GYUR BA DANG, 'JIG RTEN GYI RTEN DU 'GYUR BA DANG, BDAG PO'I LAS BYED CING GSOG PA DANG, 'KHOR LOS SGYUR BA'I RGYAL SRID YANG DANG YANG DU 'THOB PA DANG, DBANG CHE BAR GRAGS PAR 'GYUR BA DANG, LONGS SPYOD CHE BAR 'GYUR BA DANG, MTHO RIS SU SKYE BAR 'GYUR BA DANG, MYUR DU YONGS SU MYA NGAN LAS 'DA' BA STE, DE DAG NI, DE BZHIN GSHEGS PA'I MCHOD RTEN LA GDUGS PHUL BA'I PHAN YON YIN NO, ,DRIL BU PHUL BA'I PHAN YON BCU STE, BCU GANG ZHE NA, GZUGS BZANG BAR 'GYUR BA DANG, SGRA SNYAN PAR 'GYUR BA DANG, YID DU 'ONG BA DANG SMRA BA DANG LDAN PAR 'GYUR BA DANG, KA LA PING KA'I SGRA LTA BUR SMRA BA DANG LDAN PAR 'GYUR BA DANG, BZUNG BA'I TSIG TU 'GYUR BA DANG, RAB TU DGA' BAR 'GYUR BA DANG, KUN TU DGA' BA RGYA CHEN PO'I SGRA THOS PA DANG, LONGS SPYOD CHE BAR 'GYUR BA DANG, MTHO RIS SU SKYE BAR 'GYUR BA DANG, MYUR DU YONGS SU MYA NGAN LAS 'DA' BA STE, DE DAG NI DE BZHIN GSHEGS PA'I MCHOD RTAN LA DRIL BU PHUL BA'I PHAN YON NO, ,BA DAN PHUL BA'I PHAN YON BCU STE, BCU GANG ZHE NA, 'JIG RTEN NA RGYAL MTSAN LTA BUR 'GYUR BA DANG, MJA' BSHES DANG, BLON PO DANG, NYE DU DANG, SNAG GI GNYEN MTSAMS RNAMS KYIS BSTI STANG DU BYED BLA MAR BYED RE MOR BYAD MCHOD PAR BYED PA DANG, PHYOGS DANG PHYOGS MTSAMS RNAMS SU DE'I GRAGS
, ,PA DANG, BRJOD PA DANG, SGRA DANG, TSIGS SU BCAD PA MNGON DU 'BYUNG BA DANG, GZUGS BZANG ZHING LTA NA SDUG LA MDZES PAR 'GYUR BA DANG, SKYE BA GZHAN RNAMS SU TSE RING ZHING RING DU GNAS PAR 'GYUR BA DANG, DBANG CHE BAR GRAGS PAR 'GYUR BA DANG, RIGS BTZUN PAR SKYE BAR 'GYUR BA DANG, LONGS SPYOD CHEN POR 'GYUR BA DANG, MTHO RIS SU SKYE BAR 'GYUR BA DANG, MYUR DU YONGS SU MYA NGAN LAS 'DA' BA STE, DE DAG NI, DE BZHIN GSHEGS PA'I MCHOD RTEN LA BDAN PHUL BA'I PHAN YON NO, ,GOS PHUL BA'I PHAN YON BCU GNYIS TE, BCU GNYIS GANG ZHE NA, MDZES SHING LTA NA SDUG PAR 'GYUR BA DANG, PAGS PA 'JAM PA DANG, PAGS PA SNUM PA DANG, PAGS PA SRAB PA DANG, DE'I LUS LA RDUL DANG DRI MA MI 'CHAGS PA DANG, DE'I GOS BZANG PO BZANG POR 'GYUR BA DANG, GDING BA DANG, BGO BA PHRA MO RNYED PAR 'GYUR BA DANG, NGO TSA SHES PA DANG, KHREL YOD PA, PHUN SUM TSOGS PAR 'GYUR BA DANG, MTHONG NA DGA' BAR 'GYUR BA DANG, LONGS SPYOD CHE BAR 'GYUR PA DANG, MTHO RIS SU SKYE BAR 'GYUR BA DANG, MYUR DU YONGS SU MYA NGAN LAS 'DA' BA STE, BCU GNYIS PO DE DAG NI, DE BZHIN GSHEGS PA'I MCHOD RTEN LA GOS PHUL BA'I PHAN YON NO, ,ME TOG PHUL BA'I PHAN YON BCU STE, BCU GANG ZHE NA, 'JIG RTEN NA ME TOG LTA BUR 'GYUR PA DANG, DE'I SNA'I DBANG PO NAM YANG NYAMS PAR MI 'GYUR PA DANG, LUS KYI DRI NGA BA RNAM PAR DAG PAR 'GYUR BA DANG, DI ZHIM PO 'BYUNG BAR 'GYUR BA DANG, PHYOGS DANG PHYOGS MTSAMS SU DE'I TSUL KHRIMS KYI DRI NGAD LDANG BAR 'GYUR BA DANG, 'JIG RTEN GYI MNGON DU 'GRO
BAR BYA BAR 'GYUR BA DANG, SDUG PA'I CHOS RNAMS 'THOB PAR 'GYUR BA DANG, LONGS SPYOD CHE BAR 'GYUR BA DANG, MTHO RIS SU SKYE BAR 'GYUR PA DANG, MYUR DU YONGS SU MYA NGAN LAS 'DA' BA STE, DE DAG NI DE BZHIN GSHEGS PA'I MCHOD RTEN LA ME TOG PHUL BA'I PHAN YON NO, ,PHRENG BA PHUL BA'I PHAN YON BCU STE, BCU GANG ZHE NA, 'JIG RTEN NA PHRENG BA LTA BUR 'GYUR BA DANG, LUS KYI DRI NGA BA RNAM PAR DAG PAR 'GYUR BA DANG, PHYOGS DANG PHYOGS MTSAMS SU TSUL KHRIMS KYI DRI ZHIM PO'I DRI DANG LDANG BA DANG, RTAG TU DRI ZHIM PAR 'GYUR BA DANG, BRGYAN PAR 'GYUR BA DANG, GA-YOG 'KHOR MI PHYED PAR 'GYUR BA DANG, SKYES PA DANG BUD MED RNAMS KYI YID DU 'ONG BAR 'GYUR BA DANG, LONGS SPYOD CHE BAR 'GYUR BA DANG, MTHO RIS SU SKYE BAR 'GYUR BA DANG, MYUR DU YONGS SU MYA NGAN LAS 'DA' BA STE, DE DAG NI DE BZHIN GSHEGS PA'I MCHOD RTEN LA PHRENG BA PHUL BA'I PHAN YON NO, ,MAR ME PHUL BA'I PHAN YON BCU STE, BCU GANG ZHE NA, 'JIG RTEN NA MAR ME LTA BUR 'GYUR BA DANG, DE'I MIG GI DBANG PO NAM YANG 'GAG PAR MI 'GYUR BA DANG, SHA'I MIG RNAM PAR DAG PAR 'GYUR BA DANG, LHA'I MIG RNAM PAR DAG PA THOB PAR 'GYUR BA DANG, DGE BA DANG MI DGE BA'I CHOS RNAMS LA SHES RAB 'PHYUG PAR 'GYUR BA DANG, MA RIG PA DANG GTI MUG GI MUN PA SEL BA DANG SHES RAB KYI SNANG BA THOB PAR 'GYUR BA DANG, DE 'KHOR BA NA 'KHOR BA'I TSE NAM DU'ANG BUN PA NA GNAS PAR MI 'GYUR BA DANG, MONGS SPYOD CHE BAR 'GYUR BA DANG, MTHO RIS SU SKYE BAR 'GYUR BA DANG, MYUR DU YONGS SU MYA NGAN LAS 'DA' BA STE, DE DAG NI DE BZHIN GSHEGS PA'I MCHOD RTEN LA MAR ME PHUL BA'I PHAN YON NO, ,SPOS PHUL
, ,BA'I PHAN YON BCU STE, BCU GANG ZHE NA, 'JIG RTEN NA SPOS LTA BUR 'GYUR BA DANG, SNA'I DBANG PO RNAM PAR DAG PAR 'GYUR BA DANG, LUS KYI DRI MI ZHIM PA RNAM PAR DAG PAR 'GYUR BA DANG, RTAG TU DRI ZHIM PAR 'GYUR BA DANG, GZUGS BZANG BAR 'GYUR BA DANG, 'JIG RTEN GYI MNGON DU 'GRO BAR BYA BAR 'GYUR BA DANG, SDUG PA'I CHOS RNAMS THOB PAR 'GYUR BA DANG, LONGS SPYOD CHE BAR 'GYUR BA DANG, MTHO RIS SU SKYE BAR 'GYUR BA DANG, MYUR DU YONGS SU MYA NGAN LAS 'DA' BA STE, DE DAG NI DE BZHIN GSHEGS PA'I MCHOD RTEN LA SPOS PHUL BA'I PHAN YON NO, ,ROL MO SIL SNYAN PHUL BA'I PHAN YON BCU STE, BCU GANG ZHE NA, GZUGS BZANG ZHING LTA NA SDUG PAR 'GYUR BA DANG, SKAD SNYAN PAR 'GYUR BA DANG, YID DU 'ONG BA SMRA BA DANG LDAN PAR 'GYUR BA DANG, GRAGS PA DANG LDAN PAR 'GYUR BA DANG, BZUNG BA'I TSIG TU 'GYUR BA DANG, RTAG TU DGA' BAR 'GYUR BA DANG, KUN DGA' BA'I SGRA RGYA CHEN PO RTAG TU THOB PAR 'GYUR BA DANG, LONGS SPYOD CHE BAR 'GYUR BA DANG, MTHO RIS SU SKYE BAR 'GYUR BA DANG, MYUR DU YONGS SU MYA NGAN LAS 'DA' BA STE, DE DAG NI DE BZHIN GSHEGS PA'I MCHOD RTEN LA ROL MO SIL SNYAN PHUL BA'I PHAN YON NO, ,'PHAGS PA SPYAN RAS GZIGS KYI MDOR YANG BKA' STZAL PA, RGYAL BA'I MCHOD RTEN SPOS BYUG PHUL BYAS NA, ,BCOM LDAN 'DAS KYI BSTAN PA 'JIG 'GYUR TSE, ,DZAMBU'I GLING DU SKYE BAR MI 'GYUR ZHING, ,DE NI DE TSE MTHO RIS BDAG POR 'GYUR, ,RGYAL BA'I MCHOD RTEN SPOS BYUG PHUL BYAS NA, ,DRI MI ZHIM DANG MI GTZANG SMAD PA RNAMS, ,RTAG TU SPONG ZHING TSUL KHRIMS PHUNG POR GNAS, ,DE NI RTAG TU TSANGS
SPYOD MCHOG 'DI SPYAD, ,'DI NAS SHI 'PHOS MTHO RIS LHA DBANG 'GYUR, ,RING POR MI THOGS DON MTHONG RNAMS LA RTAG ,LHA RNAMS LA NI RGYA CHE DON KYANG BYED, ,BCOM LDAN RGYAL BA MCHOD RTEN GSAL BYAS NA, ,DE NI MI KHOM BRGYAD PO KUN SPONG ZHING, ,DE NI DAL 'GYUR DE BZHIN KHYAD PAR 'PHAGS, ,DE NI SANGS RGYAS MTSUNGS MED MCHOD PA BYED, ,BAG YOD BLO GROS BRTAN LA DPA' BOR 'GYUR, ,'DOD PA'I YON TAN DAG LA DGA' MI BSKYED, ,MI DMAN SEMS KYIS MNGON PAR 'BYUNG BAR 'GYUR, ,DE NI NAM YANG BYANG CHUB SEMS MI 'DOR, ,TSUL KHRIMS SKYON MED SHIN TU SDOM PAR 'GYUR, ,RNAM DAG 'DOD CHAGS BRAL BA'I CHOS KYANG 'THOB, ,DE NI MDOG NGAN DUS RNAMS KUN TU SPONG, ,'CHAL BA'I SHES RAB MA LUS RNAM PAR SPONG, ,SHES RAB RGYA CHEN GYUR NAS SPYOD LA GNAS, ,KHA ZAS GTZANG MA DAG KYANG RNYED 'GYUR ZHING, ,KHYAD 'PHAGS KHA DOG LDAN ZHING LTA SDUG LA, ,REG DANG LDAN ZHING RAB MDZES GOS RNAMS 'THOB, ,DAD PA'I SHUGS BSKYED BCOM LDAN MCHOD RTEN LA, ,ME TOG SKAM PO NYAL NYIL 'PHYAG BYAS NA, ,'DOD PA DMAN PA SDUG BSNGAL BYED PO SPONG, ,STOBS BCU MNGA' BA'I DED DPON BRNYES PAR BYED, ,DA NI MDZES SHING RNAM DAG LUS SU 'GYUR, ,SKYE BO MANG POS MCHOD 'OS BLTA 'OS 'GYUR, ,DE LA RGYAL PO GNOD PAR SEMS MI 'GYUR, ,NGAN SONG SA YI LAM NGAN THAMS CAD GCOD, ,BYANG CHUB SEMS DPA'I TSUL KHRIMS PHUNG POR GNAS, ,BAG YOD MYA NGAN RNAMS DANG SKYON RNAMS SPONG, ,NAD RNAMS DU MA MA LUS RNAM PAR SPONG, ,BSKAL PA MTHA' YAS RNAMS SU DBUGS 'BYIN 'THOB, ,SPYIN GNAS
, ,MTSUNGS MED SANGS RGYAS THOB PAR 'ONG, ,MTSUNGS MED THOB CING LHA MIS MCHOD 'OS 'GYUR, ,RNAM DAG LUS LDAN RGYAN GYIS BRGYAN PAR 'GYUR, ,LHA YI ME TOG RAB MDZES MANDA RA, ,MTSUNGS MED PA TA LA YANGS SU 'BUL DANG, MCHOD RTEN ME TOG NYAL NYIL SUS 'PHYAG PA, ,DE DAG RNAM SMIN 'DRA STE MCHOG TU 'GYUR, ,ZHES PA LA SOGS DU MA GSUNGS SO, ,KHANG BU BRTZEGS PA'I MDO LAS, BCOM LDAN 'DAS KYIS BKA' STZAL PA, KUN DGA' BO, 'PHYAG BDAR BYAS PA'I PHAN YON NI LNGAR 'GYUR TE, GANG ZHE NA, BDAG GI SEMS DANG BAR 'GYUR BA DANG, GZHAN GYI SEMS DANG BAR 'GYUR BA DANG, LHA RNAMS YID DGA' BAR 'GYUR BA DANG, MDZES PA'I LAS BYAS SHING GSAGS PA DANG, LUS ZHIG NAS BDE 'GRO MTHO RIS KYI 'JIG RTEN GYI LHA RNAMS SU SKYE BAR 'GYUR RO, ,SNYING RJE PADMA DKAR PO'I MDOR YANG, PHAN YON BSAM GYIS MI KHYAB PA GSUNGS PA LAS RGYU 'BRAS KYI DPE 'DI LTAR BSTAN TE, KUN DGA' BA, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS DE LTAR BZHUGS PA LA GANG BSTI STANG DU BYED PA LTA ZHOG ,YONGS SU MYA NGAN LAS 'DAS PA'I SKU GDUNG LA MCHOD PA BYED PA'ANG LTA ZHOG ,KUN DGA' BO, GANG DAG KHA CIG ,THA NA RMI LAM DU DE BZHIN GSHEGS PA'I MCHOD RTEN MTHONG NAS, SEMS DANG BAR BYED NA, KUN DGA' PO, DGE BA'I RTZA BA DE'I 'BRAS BU MYA NGAN LAS 'DA' BA YIN TE, MYA NGAN LAS 'DAS PA KLAS SHING MYA NGAN LAS 'DAS PA'I MTHAS GTUGS PAR 'GYUR BA RANG SMRA'O ZHES DANG, NYA MTSO NANG NAS 'DREN PA'I DPER MDZAD NAS BKA' STZAL BA, DES NA RIGS KYI BU DAG DE
BZHIN GSHEGS PA LA YON PHUL BA'I DGE BA'I RTZA BA NI 'BRAS BU CHEN PO DANG, RNYED PA CHEN PO DANG LDAN PA DAG STE, RIGS KYI BU DAG ,DE BZHIN GSHEGS PA LA YON PHUL BA'I DGE BA'I RTZA BA NI, DA LTA BU DAG LA GZHAG PA, BSOD NAMS KYI ZHING CHEN PO LA BTAB PA DE DAG LA NI, THA MA YUN RING PO JI SRID BSKAL PA BYE BA KHRAG KHRIG BRGYA STONG DU'ANG CHUD ZA BAR MI 'GYUR RO, ,DGE BA'I RTZA BA DE DAG THAMS CAD KYI 'BRAS BU NI MYA NGAN LAS 'DAS PA YIN TE, MYA NGAN LAS 'DA' BAR 'GYUR RO, ,KUN DGA' BO, DON SHES PAR BYA BA'I PHYIR, NGAS DPE 'DI BYAS PA LA DON DU LTA BA GANG ZHE NA, KUN DGA' BO, NYA ZHES BYA BA DE NI SO SO SKYE BO'I TSIG BLA DVAGS SO, ,MCHAL PA ZHES BYA BA NI DE BZHIN GSHEGS PA LA DGE BA'I RTZA BA BSKYED PA'I CHEG BLA DVAGS SO, ,SRAD BU ZHES BYA BA DE NI BSDU PA'I DNGOS PO BZHI'I TSIG BLA DVAGS SO, ,NYA ZHES BYA BA DE NI DE BZHIN GSHAGS PA'I TSIG BLA DVAGS SO, ,NYA GSON PO ZHES BYA BA DE NI SEMS CAN MYA NGAN LAS 'DAS PA'I 'BRAS BU LA 'GOD PA'I TSIG BLA DVAGS SO, ,KUN DGA' BO, RNAM GRANGS 'DIS KYANG KHYOD KYIS 'DI LTAR RIG PAR BYA STE, GANG SANGS RGYAS LA YON PHUL BA NI JI SRID MYA NGAN LAS 'DAS PAR 'GYUR BA MA GTOGS PAR JI SRID YUN RING POR YANG 'JIG PA MED, YONGS SU ZAD PA MED MTHAR THUG PA MED DO, ,ZHES SOGS RGYAS PAR GSUNGS SHING, CHOS RGYAL SRONG BTZAN SGAM POS MDZAD PA'I RGYAL RABS KA KHOL MAR YANG, 'JAM DPAL GYIS, BCOM LDAN 'DAS DA LTA SEMS CAN RNAMS KYI MCHOD PA'I RTEN SANGS RGYAS NYID LAGS TE,
, ,YONGS SU MYA NGAN LAS 'DAS NAS JI LTAR BGYI BA BKA' STZAL DU GSOL, ZHES ZHUS PAS, BCOM LDAN 'DAS KYIS BKA' STZAL PA, NGA YI 'KHOR NI RNAM BZHI YIS, ,DA LTAR DE LA MCHOD BYAS DANG, ,MA 'ONGS PA NA DAD PA YIS, , GZUGS BRNYAN RNAMS LA MCHOD PA LA, ,KHYAD PAR CUNG ZAD YOD MA YIN, ,BSOD NAMS MNYAM ZHING RNAM SMIN MNYAM, ,CI DE SANGS RGYAS BYIN RLABS TE, ,SO SO SKYE BOS SHES MI 'GYUR, ,DE PHYIR SANGS RGYAS MA BYON PA'I, ,ZHING NA SKU GZUGS YOD MIN ZHING, ,MTHA' 'KHOB KLA GLO RNAMS NA MED, ,BSTAN PA NUB NA YOD MIN ZHING, ,MU STEGS BYOL SONG SOGS MI MTHANG, ,DE PHYIR SKU GZUGS SPRUL PA YIN, ,ZHES GSUNGS SHING, DE TSE LHA TSANGS PA DANG, BRGYA BYIN DANG, KHYAB 'JUG RNAMS KYIS, SANGS RGYAS KYI CHOS SKU MTSON BYED MCHOD RTEN DANG, LONGS SKU SPRUL PA'I SKU RNAMS BZHENGS SHING, DE DAG DANG TSUL MTSUNGS PAR RGYAL PO NYID KYIS KYANG, MTHA' 'DUL YANG 'DUL LA SOGS PA'I GTZUG LAG KHANG BRGYA RTZA BRGYAD SKYE RGU'I BSOD NAMS KYI ZHING BLA NA MED PA RNAMS BZHENGS SO, ,'DI LTA BU'I PHAN YON 'BYUNG BA'ANG SHIN TU RIGS TE, THUB PA'I DBANG PO 'DIS MU MTHA' MED PA'I 'GRO BA RNAMS KYI DON DU SNYING RJE CHEN PO'I GZHAN DBANG DU NI GYUR PAS, DPAG PAR DKA' BA'I SNYING STOBS KYI RNAM PAR THAR PA PHYOGS TZAM ZHIG GIS KYANG YID CHES SHING, DE DAG BLTA BAR BYA'O, ,RNAM GRANGS 'DI DAG GIS NI RGYAL BA SRAS DANG BCAS PA THAMS CAD MTSON PAR BYED DE, BSOD NAMS KYI ZHING SKU GZUGS MCHOD PA'I PHAN YON GYI LE'U STE GNYIS PA'O,, ,,
` GZUGS SKU'I CHU GTER PHAN YON NOR BU YIS, ,LEGS PAR GANG BA SRED LDAN BDAG GIS MTHONG, ,SPRO DGA'I DED DPON LHAG BSAM GRU RDZINGS CAN, ,LEGS BSHAD DBANG GI RGYAL PO 'DIR BLANGS SO, ,DE'ANG 'DI LTA STE, SKU GZUGS CHE CHUNG GANG BYED KYI, , SHING TSAD THOG MAR BLANGS NAS NI, ,BZHENGS SKU 'GYING NI MED PA LA, ,CHA NI BCU GNYIS SNYOMS PAR BGO ,'GYING CAN ZHAL GANG BZLUMS PA YIS, ,CHA NI BCU GCIG SHES PAR BYA, ,BZHUGS SKU BDUN DU BGO BA YIN, ,DE YI CHA GCIG DAG LA NI, ,CHA CHEN GDONG DANG THAL MO DANG, ,MTHO DANG ZHAL TSAD CES PA RNAMS, ,MING GI GRANGS SU RIG PAR BYA, ,DE NI PHYED BCAS BCU GNYIS SU, ,SHIN TU SNYOMS PAR BGOS PA NI, ,SOR DANG CHA PHRAN DAG TU BRJOD, ,DE LTAR GYUR PA'I BRGYAD KYI CHA, ,NAS ZHES MING GI RNAM GRANGS RNAMS, ,SO SOR MA 'DRES SHES PAR BYA, ,DE LTA'I TSAD KYIS GZHAL BYA'I YUL, ,MCHOG GI SPRUL SKU LONGS SKU BCAS, ,DPAL LDAN GSANG BA 'DUS PA DANG, ,BDE DGYES DUS KYI 'KHOR LO SOGS, ,DRANG SRONG KHROS PA'I SKU RNAMS SO, ,SKU YI SRID DANG ZHENG MNYAM LAS, NYA GRO TA LTAR CHU ZHENG GAB, ,SRID ZHANG SO SOR ZHAL NI BCU, ,GTZUG TOR NANG DU BYAS PA YI, ,RAL PA'I COD PAN THAL MO'I TSAD, ,'JIGS BYED DUS MTSAN CHA PHRAN BRGYAD, ,NYI MA SOR GCIG PADMA GSUM, ,DRIL BAS GDAN NI ZHAL GANG NGO, ,DE NI BCU GNYIS CHA RU BRJOD, , BZHUGS SKU ZHAL CHED BDUN ZHES PA, ,SKU YI PHYED TSAD GSANG GNAS YIN, ,ZHAL LNGA NOR BU CHA PHRAN GNYIS, ,GSANG BA'I 'OG NAS SPYI BOR BZHI, ,PADMA CHA CHEN PHYED DANG GNYIS, ,DE RNAMS LA NI ZHAL BDUN NO, ,DE MIN NGA TSAN DBYE BA LA, ,GTZUG TOR SOR BZHI
, ,THOD PA'I DPANGS, ,PHYED BCAS SOR MO BZHI RU BYA, ,SKRA MTSAMS DAG NAS MDZOD SPU DANG, ,DE NAS SHANGS KYI RTZE YI BAR, ,SO SOR CHA PHRAN BZHI YI TSAD, ,LKOS KO PHYED BCAS CHA PHRAN BZHI, ,MGRIN PA SOR BZHI THUGS KA DANG, ,LTE BA GSANG BA'I CHU SKYES BAR, ,SO SOR THAL MO'I TSAD YIN TE, ,CHU SKYES STENG NAS GTZUG TOR BAR, ,PHYED BCAS DRUG CU RE GSUM GYI, ,SOR MO DAG DANG LDAN PA'O, ,DE NAS DPYI NI SOR BZHI DANG, ,BRLA NI CHA CHEN GNYIS SU BYA, ,PUS MO SOR BZHI RJE NGAR LA, ,THAL MO GNYIS SU BSHAD PA YIN, ,BOL NI PHYED BCAS CHA PHRAN BZHI, ,GSANG BA'I GNAS NAS ZHABS KYI MTHAR, ,PHYED BCAS DRUG CU RE GSUM GYI, ,CHA PHRAN DAG DANG LDAN PAR BYA, ,DA NI ZHENG GI TSAD BSHAD PA, ,THUGS KA'I TSANGS PA'I RI MO NAS, ,MCHE NA KHUNG RTZE BAR ZHAL GYI TSAD, ,DPUNG BA SOR MO NYI SHU LA, ,PHYAG NGAR CHA PHRAN BCU DRUG YIN, ,PHYAG MGO BCU GNYIS SOR MO'I TSAD, ,MKHRIG MGRU MO'I TSIGS GNYIS LA, ,CHA PHRAN RE RE SBYIN PA YIS, ,BSDOMS PAS PHYED BCAS RE GSUM 'GYUR, , DE NI CIG SHOS DAG LA'ANG SBYAR, ,DE LTAR SRID ZHENG ZHAL BCU PA, ,SOR MO BRGYA DANG NYI SHU LNGA'I, ,TSAD NI MKHAS PAS SHES PAR BYA, ,SRID ZHENG TSAD LA MA GTAGS PA'I, ,DBYE BA 'DI LTAR BSHAD BYA YIN, ,NOR BU'I DPANGS SU SOR MO GNYIS, ,ZLUM POR BSKOR BA SOR MO BZHI, ,GTZUG TOR BSGOR BA BCU GNYIS SO, ,THOD KHYIM ZLUM RGYAS GDUGS LTA BU, ,BZHI BCU ZHE LNGA'I SOR GYIS BSKOR, ,GTZUG TOR RTZE NAS SKRA MTSAMS BAR, ,TSANGS THIG THAD SOR CHA PHRAN BRGYAD, ,DE NAS DPAL BA SOR BZHI'I
MTSAMS, ,SMIN PHRAG MDZOD SPU SOR MO GCIG ,SPU NI GA-YAS 'KHYIL KUN DA'I MDOG ,DE YI 'OG ZUR SMIN MA'I BAR, ,RKANG PA GNYIS KYIS DMAN PA YI, ,SOR GNYIS DOR NAS SMIN MA'I DKYUS, ,CHA PHRAN BZHI DANG SO SOR LDAN, ,RE KHA'I SPOMS SU RKANG PA GCIG ,ZLA BA TSES LTAR MJES PAR 'DRI, ,MDZOD SPU'I THAD NAS CHA CHUNG GNYIS, ,'OG TU GZHAL BA'I 'PHRED THIG STENG, ,SPYAN GYI DBYE BA 'DI LTAR BYA, ,SANGS RGYAS BSAM GTAN LA BZHUGS PA'I, ,SPYAN GYI ZHENG LA NAS GNYIS DANG, , DKYUS SU NAS DRUG SOR MO GNYIS, ,GZHU YI DBYIBS CAN ZHI BA'I TSUL, ,BYANG CHUB SEMS DPA' RNAMS KYI NI, ,SPYAN GYI ZHENG LA SOR MO PHYED, ,DKYUS SU NAS BZHI CHA PHRAN GNYIS, ,AUTPALA 'DAB LTAR SHIN TU MDZES, ,BDE MCHOG RTZA ZHAL SPYAN GYI ZHENG, ,NAS BCU SRID DU BCU BZHI NAS, ,DRANG SRONG KHROS PA GZHAN LA'ANG SBYAR, ,GA-YAS GA-YON SPYAN ZHENG SOR MO GCIG ,SRID DU CHA PHRAN GNYIS BYAS TE, ,PADMA'I 'DAB LTAR RAB TU MDZES, ,RGYA BZHAL SPYAN ZHENG NAS DRUG YIN, ,DKYUS SU PHYED BCAS SOR MO BZHI, ,NYA YI LTO 'DRA MDZES PA NI, ,LHA MO SGEG NYAMS CAN LA'ANG SBYAR, ,MIG DKYUS SOR MO BZHI DAG LA, ,RKYANG PA BZHI �PA'I ZHENG GIS MDZES, ,KUN GYI YID 'PHROG MDZES PA'I SPYAN, ,MIG DBUS SUM CHA'I 'BRAS BU NAG ,DE DBUS MTHONG MIG PHYED BCOS NAS, ,RDZI MA RKANG PA PHYED KYI TSAD, ,MIG 'BRAS DKAR NAG CHA MNYAM ZHING, ,SO SOR MA 'DRES MDZES PAR BYA, ,MIG LPAGS SOR GYI LNGA CHA'I DPANGS, ,SPYAN GNYIS BAR DU SOR MO ZUNG, ,DE DBUS SHANGS NI SOR GCIG DPANGS, ,MNGON PAR
, ,MTHO ZHING YID TZAM GZUR, ,DRANGS SHING MDZES PA'I SHANGS RTZE'I DPANGS, ,PHYED BCAS SOR GCIG RNAM RIG BYA, ,SHANGS DKYUS SOR GCIG SNGAR BSHAD PA, ,SHANGS KYI RTZA BA DAG LA SBYAR, ,SHANGS RTZE 'CHAD PAS SOR PHYED BSNAN, ,SNA YI KA BA SOR PHYAD ZHANG, ,SNA BUG RGYAR YANG DE BZHIN NO, ,SNA GSHOG RGYAS PA NAS GNYIS SO, ,BSDOMS PAS SHANGS ZHENG SOR GNYIS RGYAS, ,SNA BUG ZAB SU SOR GYI TSED, ,SHANGS KYI 'OG NAS MCHU SGRAS BAR, ,YA MCHU'I PADMA ZHES BYA BA, ,DKYUS SU SOR BZHI ZHENG LA NI, ,RKANG PAS DMAN PA'I SOR MO'I DBUS, ,CUNG ZHIG DMA' BA NAS GCIG GO ,GUTZTSI ZHES KYANG RNAM PAR GRAGS, ,DGE DANG MI DGE 'JUG LDOG GI ,LEGS GSUNG BDUD RTZI SPRO BA'I SGO, ,'DZUM ZHAL DKYUS SU CHA PHRAN BZHI, ,YA MCHU'I PAD SGROS DBUS DAG NA, ,NEE TZO KHRA YI GDONG 'DRA BA, ,'PHYAR BA'I NGOS LA RKANG PA GCIG ,MA MCHU DAG KYANG DE BZHIN LA, ,DPANGS SU NAS DRUG 'DZUM PA DANG, ,RGOD DANG ZHAL NI GDANGS PA RNAMS, ,MKHAS PAS NYAMS DANG LDAN PAR BYA, ,LKOS KO'I RTZE MO ZLUM ZHING RGYAS, ,RGYA DPANGS SOR MO GNYIS SU BYA, ,LKOG MA 'PHYAR BA SOR MO BZHI, ,MGRIN PHA BUM PA LTAR MDZES PA, ,ZLUM RGYAS RI MO GSUM LDAN PA, ,DANG PO SOR GCIG RKANG PAS DMAN, ,GNYIS PA SOR GCIG RKANG PA GCIG ,LHAG MA CHA PHRAN GNYIS SU BSHAD, ,RI MO RNAMS KYI RTZE MO YANG, ,RIM GYIS PHRA ZHING GYEN DU PHYOGS, ,SOR MO NYI SHU RTZA BZHI YIS, ,MGRIN PAR BSKOR BA'I TSAD DU BSHAD, ,ZHAL GYI DBYIBS NI RNAM BZHI STE, ,BYA NAG SGO NGA TIL DANG
NI, ,GRU BZHI PA DANG ZLUM PO'O, ,SKYES CHEN LHA DANG LHA MO NI, ,BYA NAG SGO NGA TIL GYI DBYIBS, ,MDZES SHING BLTA NA SDUG PA YI, ,ZHAL NI RNAM GNYIS NYID DU BYA, ,YI DVAGS 'BYUNG PO SHA ZA DANG, ,KHRO RNAMS MI SDUG RNAM PA STE, ,GRU BZHI PA DANG ZLUM POR GSUNGS, ,ZHAL GANG GRU BZHI'I THIG GI NANG, ,DPRAL DKYUS SOR MO BRGYAD DAM BCU'I, ,MTSAMS NAS DPRAL BA GZHU LTAR GUG ,ZHAL DPANGS 'GRAM PA'I ZUR KHUGS NAS, ,GCIG GNYIS GSUM DANG PHYED DANG GSUM, ,SOR MOS PHRI BAS PA YIG DANG, , AA 'BRAS TIL DANG BYA SGONG DBYIBS, ,DPAL LDAN 'KHOR LO SDOM PA YI, ,ZHAL BZHI LA YANG SBYAR BYA STE, ,GA-YAS ZHAL SGO NGA'I DBYIBS 'DRA ZHING, ,RTZA ZHAL AA 'BRAS RGYAB ZHAL TIL, ,GA-YON ZHAL GRU BZHI PA YIG STE, ,MKHAS PAS LHA YI GDONG PA BRGYAN, ,SHANGS KYI RTZA BA'I THAD ZUR GYI, ,'GRAM PA DAG NAS LEGS SKYES PA'I, ,SNYAN DKYUS SOR MO PHYED DANG LNGA, ,SMIN MA'I RTZE DANG SNYAN RTZE MNYAM, ,MIG GI THAD ZUR 'GRAM PA LAS, ,THON PA'I RNA BA'I 'KHYIL PA ZHES, ,LOGS SU 'PHYAR BA SOR PHYED KYIS, , SHANGS 'BUR ME TOG SGANG BU'I DBYIBS, ,SRID DU SOR GCIG LDAN PA'I 'OG ,RNA BA'I KHUNG BU RGYA DANG DPANGS, ,CHA PHRAN GCIG GIS NYE BAR MDZES, ,DE DANG 'BREL BA'I 'OG GI KHUNG, ,RGYA DPANGS SOR MO PHYED DU BYA, ,DE GNYIS PHYA MTHA' BSKOR BA YI, ,PAd PA 'BUR DANG DMA' BA GNYIS, ,SO SOR RKANG PA GNYIS KYI ZHENG, ,DE YI PHYI MTHA' RNA BA'I RGYUN, ,ZHENG DU SOR PHYED DPANGS SOR GCIG ,BSDOMS PAS SNYAN ZHENG SOR MO GNYIS, ,RGYAB TU SOR NI PHYED DANG GNYIS, ,'GRAM PA DAG LAS MNGON PAR 'PHAGS, ,
, ,SNYAN SHAL SOR BZHI LNGA YANG RUNG, ,ZHENG DU CHA PHRAN PHYED DANG GNYIS, ,MDUN DU PHYOGS SHING MDZES PAR BYA, ,SNYAN BAR MDUN LOGS BCO BRGYAD SOR, ,RGYAB LOGS SOR MO BCU BZHIR BYA, ,BSDOMS PAS SUM CU SO DRUG BSKOR, ,MGRIN DKYUS SOR BRGYAD PHYI ZUR NAS, ,PHRAG PA ZHAL GANG SOR MO GNYIS, ,DPUNG MGO ZLUM ZHING PHRAG GONG RGYAS, ,DPUNG PA'I MGO NAS MCHAN KHUNG RTZER, ,SOR DRUG NU MA'I BAR YANG NGO, ,MCHAN KHUNG RTZE NAS PHRAG PA'I STANG, ,SOR DGU NYI SHU RTZA BZHIS BSKOR, ,DPUNG LHU SOR MO NYI SHU DANG, ,PHYAG NGAR BCU DRUG TSAD DAG GIS, ,RANG RANG SPOMS SU RNAM PAR BSKOR, ,MKHRIG MA BSKOR BA CHA CHEN GCIG ,DPUNG LHU PHYAG NGAR MKHRIG MA RNAMS, ,BSKOR BA'I SUM CHA BRI BYA LA'O, ,PHYAG MTHIL SRID ZHONG SOR MO BDUN, ,GUNG MO SOR LNGA TSIGS PHYAD KYIS, ,PHRI BAS MDZUB MO SRIN MTHEB NI, ,GUNG MO DAG LAS SOR PHYED DMAN, ,SRIN MTHEB DAG GI TSIGS GCIG GI ,MTHEB CHUNG DMA' ZHING SOR MO RNAMS, ,CHA MNYAM TSIGS PA GSUM DANG LDAN, ,TSIGS PHYED MTSAMS NAS SEN MO NI, ,MDOG DMAR SKAL NI MTHO BAR BYA, ,SOR MO'I DKYUS KYI SUM CHA NI, ,TSAD PAS RANG RANG RTZA BA BSKOR, ,RTZA BA'I SUM CHA CHAD PA RNAMS, ,DE YI GSUM CHA PHRI BA YIS, ,SOR MO'I RTZE MO BSKOR BAR BYA, ,RIM GYIS PHRA ZHING MNYEN ZHING MDZES, ,MKHRIG MA DAG NAS SOR BZHI'I MTSAMS, ,LEGS SKYES MTHE BONG SOR BZHI PA, ,TSIGS PA GNYIS LDAN SOR MO NI, ,RTZA BA'I TSIGS KYI PHYED DU SLEB, ,MTHE BONG SPOMS SU SOR BZHIS BSKOR, ,MTHE BO DAG GI RTZA BA NAS, ,MDZUB MO'I RTZA BAR SOR MO
GNYIS, ,MTHE'U CHUNG GI RTZA BA NAS, ,MKHRIG MA'I BAR DU SOR LNGA YIN, ,PHAG MTHIL DUNG DANG 'KHOR LO DANG, ,DPAL GYI BE'U LA SOGS PA'I, ,RI MO DAG GIS LEGS PAR SPRAS, ,MCHAN KHUNG RTZE NAS RTZE YI BAR, ,NYI SHU RTZA LNGA'I SOR MO NI, ,RGYAB MDUN GNYIS SU SO SOR GNAS, ,MCHAN KHUNG 'OG GI LOGS GNYIS LA, ,CHA PHRAN BRGYAD BRGYAD KUN DRIL BAS, ,DRUG CU RE DRUG SOR MOS BSKOR, ,NU TOG NAS BZHI RNAM PAR BRGYAN, ,NAS GNYIS 'OD KYIS KUN TU BSKOR, ,NU MA'I BAR DU MTHO YI TSAD, ,NU MA'I THAD KYI MDUN RGYAB RGYAR, , SOR MO NYI SHU PHYED DANG GSUM, ,LOGS GNYIS SO SOR BCUS GNYIS SOR, ,DRIL BAS DRUG CU RE DGUS BSKOR, ,NU MA'I 'OG NAS SOR GNYIS THAD, ,SKU YI MDUN RGYAB NYI SHU SOR, ,RTZIBS LOGS SO SOR CHA PHRAN BCU, ,BSDOMS PAS CHA PHRAN DRUG CUS BSKOR, ,LTE BA NU MA'I BAR DAG LA, ,CHA PHRAN DAG NI BCU DRUG DANG, ,NU MA PHRAG PAR ZHAL GANG NGO, ,LTE BA'I THAD SOR ZHENG DRUG CU, ,ZLUM POR BSKOR BAS SUM 'GYUR RO, ,LTE GONG SOR MO GCIG GI MTSAMS, ,ZHENG NI SOR MO BCO LNGA LA, ,SUM 'GYUR TSAD KYIS BSKOR BA YIN, ,RKED PA PHRA ZHING SKABS PHYED BYA, ,LTE KHUNG RGYA DPANGS SOR GCIG PA, ,ZAB DANG GA-YAS SU 'KHYIL BA YIN, ,LTE BA'I 'OG NAS SOR BRGYAD MTHAR, ,STA ZUR BAR DU BCO BRGYAD SOR, ,BCU DGU DAG KYANG LEGS PAR BSHAD, ,DE DAG SUM 'GYUR BSKOR BAR BYA, ,GSANG BA'I CHU SKYES YU BA LA, ,SOR BZHI NOR BU CHA PHRAN GNYIS, ,CHA PHRAN DRUG GIS SPOMS SU BSKOR, ,'OG TU 'PHYANG BA'I 'BRAS BU'I DKYUS, ,SOR LNGA ZHENG DU CHA CHUNG BZHI, ,GNYIS PO YID KYIS SPRUL PAR GSUNGS, ,'PHONGS TSOS ZLUM PO CHA PHRAN BRGYAD, ,'BUR BA LA NI CHA PHRAN GSUM, ,
, ,BRLA YI RTZA BA BSKOR BA LA, ,CHA PHRAN SUM CU SO DRUG GO ,DE 'OG SPOMS SU SUM CU GNYIS, ,PUS MO'I THAD SOR NYI SHU BRGYAD, ,RJE NGAR DBUS SU NYI SHU GCIG ,LONG BU'I THAD SOR BCU BZHI RNAMS, ,SOR MO'I TSAD KYIS BSKOR BA YI, ,RIM GYIS PHRA ZHIB MDZES PA'O, ,DE DAG RNAMS KYI SUM CHA NI, ,BRIS SKU DAG LA BKOD PAR BYA, ,ZHABS MTHIL SOR MO BCUS GNYIS TE, ,MTHE BONG MDZUB MO SOR MO GSUM, ,MDZUB MO'I BCU DRUG CHA YIS NI, ,DMAN PA'I GUNG MO RIM PA BZHIN, ,SO SOR BRGYAD CHA BRGYAD CHAS DMAN, ,MTHE BONG SPOMS SU SOR LNGAS BSKOR, ,LHAG MA RANG RANG DKYUS KYIS BSKOR, ,SOR MO THAMS CAD TSIGS GNYIS PA, ,SEN MO RNAMS NI TSIGS PHYED DO, ,ZHABS MTHIL SER MOR BCAS PA'I DKYUS, ,SOR NI BCO LNGA DAG DANG LDAN, ,BCU YI TSAD KYANG LEGS PAR BSHAD, , SOR MO RNAMS KYI RTZA BA YI, ,ZHABS MTHIL ZHENG DU SOR MO DRUG ,DBUS SU SOR LNGA RTING PAR BZHI, ,RTING PA 'BUR BA SOR MO GNYIS, ,MTHE BO'I RTZA BA ZHABS KYI DPANGS, ,SOR MO GNYIS SU RIG PAR BYA, ,MTHE'U CHUNG NAS RTING PA'I BAR, ,DBANGS SU CHA PHRAN GCIG YIN NO, ,ZHABS MTHIL MNYAM ZHING 'KHOR LO SOGS, ,DGE MTSAN RI MO 'DRI BAR BYA, ,DES NI RDZOGS PA'I SANGS RGYAS KYI, ,TSAD KYI DBYE BA MDO TZAM BSHAD, ,SANGS RGYAS RNAMS KYI ZHAL GYI TSANG, ,PHYED BCAS SOR MO BCUS GNYIS KYI, ,PHYED KYI CHA RNAMS PHRI BA YIS, ,SOR MO BCUS GNYIS ZHAL TSAD KYI, ,BYANG CHUB SEMS DPA' RNAMS KYI TSAD, ,SRID DANG ZHENG DU ZHAL NI BCU, ,SOR MO BRGYA DANG NYI SHUR 'GYUR, ,RAL PA'I COD PAN SOR MO NI, ,BCU 'AM BRGYAD DU LEGS PAR BSHAD, ,GZHAN NI SNGAR BZHIN SHES PAR BYA, ,GDONG PA DGU PA'I TSAD BSHAD PA, ,SRID ZHENG ZHAL
DGU SOR MO NI, ,BRGYA DANG BRGYAD DU RIG PAR BYA, ,ZHAL RAS THUGS KA LTE BA DANG, ,GSANG BA'I GNAS PAR CHA CHEN RE, ,SO SOR MA 'DRES SHES PAR BYA, ,THOD DPANGS SOR GSUM MGRIN PA YANG, ,DE DAG CHAD DANG MTHUN PA YI, ,GSANG BA'I GNAS NAS SPYI BO'I BAR, ,ZHAL NI PHYED DANG LNGA RU 'GYUR, ,BRLA DANG BYIN PA ZHAL DO RE, ,BOL GYI DPANGS DANG PUS MO'I DPANGS, ,SO SOR CHA PHRAN GSUM DAG GIS, ,GSANG BA'I GNAS NAS ZHABS KYI MTHAR, ,ZHAL NI PHYED BCAS LNGA RU 'GYUR, ,DES NI SRID TSAD RTOGS PAR BYA, ,THUGS KA'I TSANGS PA'I RI MO NAS, ,MTSAN KHUNG RTZE BAR SOR MO BCU, ,DPUNG LHU CHA PHRAN BCO BRGYAD DANG, ,PHYAG NGAR BCU BZHI'I SOR MO YIN, ,PHYAG MGO SOR MO BCU GNYIS RNAMS, ,BSDOMS PAS SOR MO LNGA BCU BZHI, ,ZHAL NI PHYED BCAS LNGA RU 'GYUR, ,DE BZHIN GA-YAS GA-YON MTSUNGS PA YI, ,ZHENG GI TSAD NI RIG PAR BYA, ,NU MA RGYA DPANGS NA PHRAN BZHI, ,MKHREGS SHING ZLUM RGYAS NYID DU BYA, ,RAL PA PHYED BCINGS SKRA YI TSANG, ,SOR DRUG LHA MO RNAMS LA MDZES, ,DE DAG LHA MO SGROL MA SOGS, ,DKYIL 'KHOR SA YI LHA MO DANG, ,CHU LHA BDEN BRAL NOR LHA DANG, ,ZHI BA'I GZA' DANG 'DOD LHA DANG, ,NYAN THOS RNAMS KYI TSAD DU BSHAD, ,DE LTAR THAL MO BCU PA DANG, ,THAL MO DGU ZHES BSHAD PA YIS, ,MTSAN NYID GSUM PA RIG PAR BYA, ,KHRO BO BCU DANG GNOD SBYIN DANG, ,THAGS BZANG BDEN BRAL GSHIN RJE DANG, ,ME LHA DRAG PO'I GZA' LA SOGS, ,SRID ZHENG THAL MO BRGYAD DU GSUNGS, ,ZHAL DANG THUGS KA LTE BA DANG, ,GSANG BA'I GNAS RNAMS CHA CHEN RE, ,BRLA DANG BYIN PA SO SOR NI, ,SOR MO BCO BRGYAD DAG TU BYA, ,KHRO BO'I MGRIN TSAD DOR BA YIN, ,BOL DANG PUS MO THOD PA'I DPANGS, ,SO SOR CHA PHRAN BZHI YIS NI, ,SRID KYI TSAD NI RTOGS PAR BYA, ,BRANG ZHENG PHYED LA SOR MO BCU, ,
, ,DPUNG LHU SOR MA BCU BZHI DANG, ,PHYAG NGAR PHYAG MGO ZHAL GYI TSAD, ,CHA SHAS GZHAN LA'ANG SBYAR BA YIS, ,ZHENG GI TSAD NI LEGS PAR SHES, ,SKU YI SBOM PHRA YAN LAG RNAMS, ,RAGS DANG GRIMS DANG ROL PA SOGS, ,MKHAS PAS NYAMS DANG RJES SU BSTUN, ,SPRUL SKU'I DBU SKRA BUNG BA NI, ,TSAD YIG RNAMS SU MI GSAL BAS, ,'DUL BA DAG NAS LEGS GSUNGS PA, ,DGON PA BA DANG GRONG MTHA' PA'I, ,RAB TU BYUNG BA'I SKRA YI TSAD, ,SOR MO GNYIS SAM PHYAD BCAS BYA, ,'KHOR LO SDOM PA LA SOGS DANG, ,KHRO BO'I ZHABS NI BGRAD PA RNAMS, ,MTHO LNGA RU NI GSUNGS PA YIN, ,ZLA GDAN RGYAR YANG DE BZHIN NO, ,THAL MO BCU PA'I LHA RNAMS KYI, ,BZHUGS PA'I BRLA YI RTZA BA'I DPANGS, ,CHA CHEN GCIG TU RIG PAR BYA, ,PUS MO'I DPANGS SU SOR MO BDUN, ,SKYIL KRUNG SNOL MTSAMS DPANGS SOR BRGYAD, ,PUS MO GNYIS KYI BAR DU NI, ,SKYIL KRUNG ZHAL BZHI SOR MO BZHI, ,RTING GNYIS BAR DU SOR MO BZHI, ,SKYIL KRUNG BYAS PA'I PHYI MTHA' NAS, ,GSANG GNAS BAR DU SOR BRGYAD DAM, ,SOR MO BCU YI BAR DU BYA, ,DE RNAMS TSAD DANG MTHUN PA YI, ,BZO THIG CUNG ZHIG BRJOD PA YIN, ,GZHAN YANG YAN LAG NYID LAG SOGS, ,BRKYANG BSKUMS SKYE 'BRI SNA TSOGS PA, ,MKHAS PA RNAMS KYIS SHES BYA YIN, ,DE LTAR RMAD BYUNG PHYAG TSAD KYI, ,GDONG PA BRGYAD PA ZHES PA YIS, ,MTSAN NYID BZHI PA LEGS PAR BRJOD, , SKU GZUGS MTSAN NYID MI LDAN PA'I, ,NYES DMIGS 'DI DAG RIG PAR BYA, ,BDE MCHOG SDOM PA 'BYUNG BA LAS, ,RID PA GSUM NI SKYON CHEN TE, ,LKOS KO MGRIN PA BYIN PA'O, ,NGES PAR BDAG NYID SNGAGS PA YI, ,GNAS LAS NYAMS SHING SKROD PAR BYED, ,'GRAM PA BRANG
DANG RTZIB LOGS TE, ,GSUM PO ZHOM NA SKYON CHEN PO, ,DON RNAMS NYAMS PAR 'GYUR BA DANG, ,'DIR NI BGEGS 'BYUNG THE TSOM MED, ,NU MA SHANGS DANG 'BRAL BA STE, ,GSUM PO YON SKYON CHEN PO, ,SGRUB PO DA DAG MYUR BAR NI, ,DGRA YIS RTZED PAS GDUNG BAR 'GYUR, ,BRLA DANG DGU DANG NAM TSOM STE, ,GSUM PO NYAMS NA SKYON CHEN YIN, ,CHOM RKUN SOGS KYIS 'JOMS PA'AM, ,'CHI BAR 'GYUR PAR THE TSOM MED, ,SNYAN DANG MCHU DANG DPRAL BA DANG, ,SHANGS NYAMS SPYAN NI YO BA'I SKYON, ,NGES PAR SNGAGS PA BDAG NYID LA, ,SNA TSOGS BGAGS 'BYUNG 'CHI BAR 'GYUR, ,GYEN DU GZIGS SHING DBUGS BSKYOD TSUL, ,GDAN LAS YO ZHING BSKYOD LTA BU, ,RANG GI GNAS NAS NGAS 'PHO ZHING, ,DON RNAMS 'JOMS PA NYID DU 'GYUR, ,MGRIN PAN MTSOM LA SOGS PA'I, ,SKYON NI GRANGS MAD ZHIG TU GNAS, ,'DIR NI SPYAN SOGS YO BA DANG, ,PHYAG RGYA PHYAG MTSAN NOR GYUR NA, ,MYA NGAN SDUG BSNGAL GYIS RAB GZUNG, ,DE PHYIR SKYON BRTAGS DPYOD PAR BYA, ,RGYAB YAL GDUGS DANG GDAN RNAMS TE, ,GSUM PO CHUNG ZHING DOG PA'I SKYON, ,MDZA' BOS MI SNYAN BRJOD PA DANG, ,DPAL NYAMS 'CHI BAR 'GYUR BA YIN, ,SKYON 'DI DAG NI SKYON CHEN PO, ,MKHAS PAS LEGS PAR BRTAG PAR BYA, ,ZHES GSUNGS SHING, AIN DRA'I BUS ZHUS PA'I TSAD YIG LAS, SKU GZUGS LHAG DANG CHAD PA YI, ,YON TAN SKYON RNAMS BRJOD BYA ZHING, ,RING ZHING YANGS DANG LDAN GYUR NA, ,GNAS RNAMS LEGS PAR BRTAN PA STE, ,DBU NI GDUGS KYI DBYIBS LTA BU, ,NOR BU 'BRU NI LEGS 'PHEL TE, ,DPRAL BA SMIN MA'I DBYIBS LEGS PAS, ,RTAG TU DPAL NI STER BAR 'GYUR, 'DRA BAS, ,LO LEGS DANG NI STOBS 'PHEL 'GYUR, ,PHYAG NA GLANG
, ,RGYAL BAR 'GYUR, ,SKU YI MGRIN PA DUNG 'DRA NA, ,DNGOS GRUB THAMS CAD RTAG TU BYED, ,SKU STOD SENGGE'I DBYINGS 'DRA BAS, ,LO LEGS DANG NI STOBS 'PHEL 'GYUR, ,PHYAG NA GLANG CHEN LAG 'DRA BAS, ,'DOD PA'I DON KUN SGRUB PAR BYED, ,PHYAL LEGS 'BRAS BU PHUN SUM TSOGS, ,RTAG TU LO LEGS RNAMS SU BYED, ,BRLA YI CHA LEGS RA BA 'PHEL, ,PHYIN PA'I DBYIBS LEGS GRONG RNAMS 'PHEL, ,SKU YI ZHABS NI LEGS GYUR PAS, ,TSUL KHRIMS RIG PA RAB TU 'GRUB, , DE RNAMS SKU YI BSNGAGS BRJOD DO, ,DMAN PAS YUL PHYOGS NOR RNAMS 'JOMS, ,ZHENG DANG SRID DU DMAN PA YIS, ,MU GE DANG NI YUL 'JOMS 'GYUR, ,LUS DMAN GYUR PAS SGUR PO DANG, ,SHANGS DMAN PA YIS KHRO BA DANG, ,GA-YON MIG PHYUGS RNAMS ZAD BYED CING, ,STENG MIG NOR NI 'JAD PAR BYED, ,MIG CHUNG MIG NI ZLUM PO DANG, ,DE BZHIN DU NI MIG YON DANG, ,MIG DMAN PA DANG 'OG MIG RNAMS, ,RING DU RNAM PAR SPANG BAR BYA, ,SKU YI PHYAG NI DMAN GYUR NA, ,'BRU RNAMS RTAG TU NYAMS PAR BYED, ,SKU YI BRLA NI DMAN GYUR NA, ,MNGAL NAS DMAN PA LHUNG BAR 'GYUR, ,SHANGS DANG SPYAN DANG PHYAG SOR GSUM, ,THUNG BA RNAMS NI NYES PA CHE, ,MGRIN PA LKOS KO RJE NGAR GSUM, ,RING BA RNAMS NI NYES PA CHE, ,DBU DANG SNYAN DANG SHANGS DANG GSUM, ,PHRA BA RNAMS NI NYES PA CHE, ,DE PHYIR SKYON YON SHES BYAS NAS, ,SKU GZUGS RNAM PAR SPRO BAR BYA, ,YANG DE NYID LAS, SKU NI TSAD MI STER BA DANG, ,YANG NA NOR RNAMS ZAD PAR BYED, ,SKU NI CHAG PAS RIGS NYAMS SHING, ,
GAS PAS PHYOGS RNAMS 'KHRUG PAR BYED, ,SKU'AM GAL TE LING GA DANG, ,LHA MO MA MO'I TSOGS DE BZHIN, CHO GA'I LAS NI BLTA BYAS NAS, ,MYUR DU DE RNAMS GSHEGS PAR BYA, ,ME TOG MCHOD RTEN DE BZHIN DU, ,SPOS DANG ZHAL ZAS GTOR MA DANG, ,GOS LA SOGS PA 'BUL BYA ZHING, ,DE BZHIN SBYIN SREG LAS SBYANGS NAS, ,DGE DANG ZHI BA'I CHU BO LA, ,LHA YI SNGAGS NI BZLAS BYAS NAS, ,SKRA DANG THAG PA MUN DZA DANG, ,ZAR MA DU KU LA DE BZHIN, ,CHO GA BZHIN DU BYAS NAS NI, ,THAG PA YIS NI BCING BAR GSUNGS, ,KHYU MCHOG STENG DU BCINGS NAS NI, ,LHA RNAMS RNYING PA SPYAN DRANGS LA, ,GOS KYI RANG BZHIN SKU GZUGS NI, ,CHU BA CHEN PO'I 'GRAM DAG DANG, ,DE BZHIN GTZANG PO 'DUS RNAMS LA, ,DE RU DE BZHIN 'PHANG BAR BYA, ,GSER DANG DNGUL DANG DE BZHIN DU, ,ZANGS DANG RA GAN RANG BZHIN YANG, ,GAL TE BDAG NYID DPAL 'DOD NA, ,DE KUN ME LA ZHU BAR BYA, ,SHING GI RANG BZHIN LAS GYUR SKU, ,DE BZHIN GOS KYIS YONGS GRIL NAS, ,SNUM DANG SPRANG GIS BRLAN BYAS LA, ,SGRON ME GCIG NI SBAR BAR BYA, ,SA RDO RANG BZHIN LAS BYUNG SKU, ,RI PO'I PHYOGS GYUR GANG ZHIG TU, ,SA NI MI GANG TZAM BRKOS NAS, ,SKU GZUGS SBAS TE DGANG BAR BYA, ,SKU GZUGS RNYENG PA GSHEGS BYA BA, ,GZHAN GYIS BYAS NA NYES DMIGS 'BYUNG, ,BDAG NYID CHEN PO RNAMS KYIS BYA, ,DUS NI BYA BA STONG RNAMS SU, ,LHA YI 'JIG RTEN RNAMS KYIS MCHOD, ,CES GSUNGS SO, ,DE LTAR MTSAN NYID MI LDAN PA'I, ,NYES SKYAN BSHAGS SHING SDOM PA DANG, ,CHAD LDAN 'BAD PAS SGRUB BYED PA, ,DE YI �PHAN YON BDAG GIS MTHONG, ,SKU GZUGS CHE CHUNG NAM MKHA'I RGYU SKAR RNAMS, ,'BAD MED SEMS KYI CHU MTSOR ZHUGS SAM SNYAM, ,MTSAN
, ,NYID LANG TSO RDZOGS PA'I MDZES SKU DES, ,DAD LDAN THAR PA'I BDE BA 'DREN NAM SNYAM, ,RANG NYID SPRO DGA'I ZLOS GAR RNAM BSKYOD PAS, ,SNGON BYAS DGE BA GONG DU 'PHEL LAM SNYAM, ,MKHAS MCHOG RI DVAGS RGYU BA'I NAGS NANG DU, ,RIG GNAS GDONG LNGA PA YANG BDE BAR RGYU, ,'CHI BDAG GSHIN RJE'I 'JIGS PAS GTZAS GYUR KYANG, ,'GYOD PA MED PA'I SEMS DE BDE BAR GNAS, ,BDAG LA GLO BA NYE BA'I BLO GSAL RNAMS, ,TSAD LDAN SKU GZUGS SGRUB LA BRTZON PAR MDZOD, ,PHYAG TSAD LDAN DANG MI LDAN PA'I, ,SKYON YON MTSAN NYID LNGA PA'O, ,MDZES PA'I MTHAR SON BDE GSHEGS SKU, ,SKYE DGU'I DAD PA'I ZHING GYUR PA, ,LEGS PAR BSGRUB PA'I LHA BZO YI, ,MTSAN NYID MDO TZAM BRJOD PAR BYA, ,BDE MCHOG SDOM PA 'BYUNG BA LAS, ,DUL ZHING BZO RNAMS KUN SHES LA, ,CHO GA MTHONG ZHING MNYAM GZHAG PAS, ,ZHES SOGS GZHAN YANG GSUNGS PAS NA, ,DAD BRTZON BLO DANG LDAN PA YIS, ,SDOM GSUM DGE BSNYEN BSNYEN GNAS KYI, ,RAB 'BRING SDOM PAR LDAN PA YIS, ,SKU GZUGS PHAN YON BSTAN BYAS TE, ,RAB DKAR DGE BA'I LAM 'DI LA, ,'JUG PA DAL 'BYOR DON YOD SNYAM, ,SPRO DGA'I BSAM PAS LHUR LEN CING, ,RNYED DANG BKUR STIR MI LTA ZHING, ,BYANG CHUB SGRUB PHYIR SEMS BSKYED DO, ,DE LTA'I BLO NI MA SMIN NA'ANG, ,SBYIN BDAG SUN NI MA PHYUNG ZHING, ,RANG GZHAN BSOD NAMS MI NYAMS PA'I, ,SEMS NI YANG DAG BSRUNG BA DANG, ,'BYOR PAS DBEN PA'I DAD LDAN GYIS, ,DGE BA'I GROGS SU 'GYUR BAR BYA, ,PHYAG TSAD LDAN PA'I PHAN YON DANG, ,NYES DMIGS DAG KYANG YANG YANG BSAM, ,BYA BA BSGRUB PA'I SKABS RNAMS SU, ,SKU LA BRNYAS SEMS 'BYUNG
NYE BAS, ,BZO 'PHRO TZAM YANG BKUR STI YIS, ,GUS PA'I TSUL GYIS MCHOD PAR BYA, ,KHYAD PAR BLA NA MED PA'I SKU, ,BZHENGS NA DBANG BSKUR MCHOG THOB CING, ,DAM TSIG LHA YI RNAL 'BYOR DANG, ,LEGS PAR LDAN PA'I BLO LDAN GYIS, ,LAG CHA LAS KYI LHAR BSKYED NAS, ,GSANG BA'I TSUL GYIS BSGRUB PA DANG, ,THA NA'ANG DKYIL 'KHOR 'JUG PA TZAM, ,MED MI RUNG DU BLANG BAR BYA, ,DE LTAR NYAMS SU LEN PA NI, ,YON GNAS MCHOG TU DE 'GYUR ZHING, ,JI LTAR GSUNGS PA'I PHAN YON RNAMS, ,BDE BLAG NYID DU 'GRUB PAR NGES, ,DE LAS BZLOG PA'I BAG MED NI, ,RANG NYID 'TSO BA'I PHYIR DANG NI, ,CHANG LA SOGS PAS BLO MYOS SHING, ,'DOD CHEN RANG BZOS SGRUB BYED PA, ,DE NI MI BZAD NGAN 'GRO'I RGYU, ,MKHAS PAS BLANG DOR SHES PAR BYA, ,SBYIN BDAG LHAG BSAM MI LDAN PA, ,PHRAG DOG 'GRAN SEMS KUN SLONG GIS THEG PA CHUNG ZHING 'GYOD SEMS CAN, ,NGANG THUNG BZON BSRAN SHIN TU CHUNG, ,NOR GYI THA SHAL GA-YO SGYUS SLUS, ,DPA' BO BZHIN DU GZENGS MTHO BA, ,DGE BA'I LAM SROL SNUB BYED NI, ,RANG GZHAN PHUN TSOGS NYAMS PA'I RGYU, ,BLO DANG LDAN PAS THOG MAR NI, LEGS PAR BRTAG PA SHIN TU GCES, ,BSOD NAMS TSOGS NI MI NYAMS SHING, ,LEGS PAR SDUD PA'I SBYIN BDAG NI, ,DAD LDAN BYAS PA SHES PA YIS, ,LHA DANG LHA BZO DBYER MED DU, ,DGE BA'I LAM LA DAD PA'I BLOS, ,GTONG PA'I GOM PA 'GOD PAR BYED, ,THEG PA CHE ZHING SNYING STOBS LDAN, ,PHAN YON MTHA' DAG SDUD PAR BYED, ,SBYIN BDAG MCHOG GI MTSAN NYID YIN, ,DE LTAR LHA BZO SBYIN BDAG GI ,MTSAN NYID DRUG PA MDO TZAM BSHAD, ,LEGS BSHAD MKHAS PA'I SRAD BU YIS, ,LEGS PAR
, ,BRGYUD PA PADMO'I PHRENG, ,LEGS PAR 'DRIS SHING NYAMS SU BLANGS, ,LEGS PAR 'DONG PA'I DO SHAL 'DI, ,TSUL KHRIMS DPAG BSAM RKANG 'THUNG NI, ,LUNG RIGS 'BRAS BU BZANG PO YIS, ,LEGS PAR GANG BA'I DRI BSUNG DANG, ,DON GNYER MANG POS BSKUL PHYIR BRIS, ,SRID PA'I 'JIGS PAS SEMS GA-YOS SHING, ,THAR PA'I BDE BAS YID PHROGS PA'I, ,BLO GSAL RIG GNAS 'DZIN PA YI, ,SOR MO'I PHRENG BA RNAMS BSKYOD PAS, ,RIN THANG MED PA RGYAL BA'I SKU, ,DPAG YAS TSOGS GNYIS BSKRUN GYUR CIG ,MDZES SKU'I MTSAN NYID 'DIR BSHAD PAS, ,CHOS SKU MNGON DU MTHONG 'GYUR ZHING, ,RGYAL SRAS SPYOD PA RLABS CHEN LA, ,BDAG GZHAN MYUR DU 'JUG GYUR CIG ,SNYING RJE CHEN PO'I GZHAN DBANG GIS, ,NYAM DA'I 'GRO BA MA ZAD PAR, ,SEMS CAN GCIG GI PHYIR DU YANG, ,DKA' BA DPAG MED LHUR BLANGS NAS, ,SRID PA'I SDUG BSNGAL MYUR SEL SHOG ,PHYAG CHEN GYI DBYE BA 'DI NI SNYIGS DUS KYI RGYAL BA DPAL LDAN BLA MA DAM PA BLO BZANG GRAGS PA'I DPAL GYI ZHAL SNGA NAS KYIS DPAL RI BO DGE LDAN DU GSANG BA BLA NA MED PA'I DKYIL 'KHOR BSLANG MA RNAMS DANG ,THUB PA CHEN PO'I SKU, JO BO'I SKU CHED SOGS YI DAM ZHI KHRO DU MA BZHENGS PA'I DUS SU RGYAL BA'I SKU GZUGS KYI SGO NAS KYANG BSTAN PA DANG SEMS CAN LA PHAN PAR DGONGS NAS TSAD YIG GI RNAM GRANGS DU MA ZHIG LAS BDE MCHOG SNGOM 'BYUNG GI DKA' 'GREL RGYA GAR GYI GRUB CHEN RAKshI TAS MDZAD PA'I LE'U SUM CU PA LAS PHYAG TSAD GYI DE NYID RGYAS PAR GSUNGS PA LAS LEGS PAR GTAN LA PHAB CING, GANGS CAN GYI RIG BYED 'DZIN PA RNAMS KYI GTZUG RGYAN SDOM PA
GSUM LA SOGS PA'I LUNG RTOGS KYI YON TAN DU MAS THUGS RGYUD LEGS PAR GANG BA KHYAD PAR BLA MA DE NYID KYI BYIN RLABS ZHUGS PAS 'PHRIN LAS DANG 'GRO DON BSAM GYIS MI KHYAB PA'I BSHES GNYEN MKHAS PA'I DBANG PO BSOD NAMS RGYAL MTSAN DANG, SHES RAB RGYAL MTSAN ZHES YONGS SU GRAGS PA GNYIS KYIS RJE BKA' BZHIN DU THIG DANG GO RIM RNAMS MA 'KHRUGS PAR RI MO DANG 'BUR DU DOD PA LA GTAN LA PHAB CING DGONGS PA YANG DAG PAR BLANGS PA RNAMS LA 'DRIS SHING LEGS PAR SBYANGS PA DPAL LDAN BLA MA TZONG KHA PA YAB SRAS SOGS BSHES GNYEN DAM PA RNAMS KYI ZHABS RDUL SPYI BOR NOD PA'I BTZUN PA MANGGA LA SH'I LAS PHYAG CHEN GYI SRID ZHENG DUS 'KHOR 'GREL CHEN DANG BSTUN NANG TSAN GYI DBYE BA SDOM 'BYUNG DANG MTHUN PAR RANG BZO SPANGS TE GTZANG RONG GI BYAMS TSAN DU YI GAR BKOD PA'O; ;YI GE BA NI BLA MA'I MING CAN BDAG GIS BRIS,, SARBA MANGGA LAm,, ,